Siddipet District Latest News

ప్రారంభమైన వరి కోతలు ● పలుచోట్ల వానలు ● జిల్లాలో 3.20 ఎకరాల్లో వరి సాగు దుబ్బాక: మూలిగే నక్కపై తాటిపండు పడ్డట్లుగా తయారైంది రైతుల పరిస్థితి. అసలే ఎలినినో ప్రభావంతో వర్షాలు అంతంత మాత్రంగా పడటంతో వానకాలంలో వేసిన వరిపంటలు చాలా వరకు ఎండిపోయాయి. కరెంట్‌ కష్టాలను ఎదుర్కొంటూ రాత్రింబవళ్లు కంట్లో ఒత్తులు వేసుకొని పంటలు పండిస్తే తీరా కోత దశలో ఈ వానలు ఆగం జేస్తున్నాయి. రెండు రోజులుగా తుపాన్‌ ప్రభావంతో వాతావరణంలో మార్పులు సంభవించి పలుచోట్ల చిరు జల్లులు పడుతుండడంతో కోతకొచ్చిన వరిచేన్ల పరిస్థితి అగమ్యగోచరంగా తయారైంది. కరెంట్‌ కోతలతో ఎండిపోగా మిగిలిన పంటలన్నా చేతికొస్తాయనుకుంటే నోటికాడికొచ్చే సమయంలో మళ్లీ వానలు రైతులను పరేషాన్‌ చేస్తున్నాయి. వానలతో హైరానా.. జిల్లాలో పలుచోట్ల శనివారం వానలు కురిశాయి. దీంతో వరికోతలకు చాలా ఇబ్బందిగా తయారైంది. కోసిన వరి ధాన్యం సైతం చాలా ప్రాంతాల్లో తడిసిపోవడంతో రైతులు ఆందోళన చెందుతున్నారు. ఇప్పటి వరకు 20 శాతమే వరికోతలు.. జిల్లా వ్యాప్తంగా వానాకాలంలో 3.20 లక్షల ఎకరాల్లో వరి సాగైంది. దీంట్లో చాలా వరకు కరెంట్‌ కోతలతో ఎండిపోగా మిగిలిన పంటలను కోసుకుందామంటే వానలతో రైతులు తీవ్ర ఆందోళన చెందుతున్నారు. ఇప్పటి వరకు కేవలం 20 శాతం మాత్రమే వరికోతలు పూర్తి కాగా ఇంకా 80 శాతం వరకు పంటలు అలానే ఉన్నాయి. వానల భయంతో పూర్తిగా వరిగొలుసులు కాకముందే పచ్చి చేలనే కోయిస్తున్నారు. ధాన్యం ఆగమే... వరికోసిన రైతులు రోడ్లపై, కొనుగోలు కేంద్రాల వద్ద ధాన్యాన్ని ఆరబెట్టారు. ఈ క్రమంలోనే శనివారం సాయంత్రం తొగుట, కొండపాక, కుకునూరుపల్లి, మిరుదొడ్డి, దుబ్బాకతో పాటు పలు మండలాల్లో చిరుజల్లులు కురిశాయి. దీంతో ధాన్యం ఆరబోసుకున్న రైతులు చాలా ఇబ్బందులు పడ్డారు.

గజ్వేల్‌: జిల్లాలోని అన్ని మండలాలను కరువు జాబితాలో చేర్చాలని రైతు బంధు సమితి రాష్ట్ర మాజీ కో–ఆర్డినేటర్‌ దేవీ రవీందర్‌ డిమాండ్‌ చేశారు. శనివారం గజ్వేల్‌లో ఏర్పాటుచేసిన విలేకరుల సమావేశంలో ఆయన మాట్లాడుతూ ప్రభుత్వం తీరుపై మండిపడ్డారు. సరైన ప్రతిపాదిక లేకుండా కరువు మండలాలను ఎంపిక చేశారని ఆరోపించారు. రాష్ట్రంలో మంత్రులు ప్రాతినిథ్యం వహిస్తున్న నియోజకవర్గాల్లోని మండలాలను ఎక్కువగా కరువు మండలాల జాబితాలో చేర్చి, మిగతా మండలాలను విస్మరించారని తెలిపారు. ఇది ఎంతవరకు సమంజసమని ప్రశ్నించారు. సమావేంలో ఎంపీటీసీల ఫోరం జిల్లా మాజీ అధ్యక్షుడు అశోక్‌, రాయవరం సర్పంచ్‌ రమేశ్‌గౌడ్‌, నెంటూర్‌ సర్పంచ్‌ నాగరాజు, ధర్మారెడ్డిపల్లి సర్పంచ్‌ శ్రీనివాస్‌ పాల్గొన్నారు.

మండలంలో శనివారం మధ్యాహ్నం భారీ వర్షం కురిసింది. దీంతో కొనుగోలు కేంద్రాల్లోని ధాన్యం తడిసి ముద్దయ్యింది. వారం రోజుల నుంచి వరి కోతలు మొదలయ్యాయి. రైతులు ధాన్యాన్ని ఆయా గ్రామాల్లోని కొనుగోలు కేంద్రాల్లో ఆరబెట్టారు. ఈ క్రమంలో ఒక్కసారిగా కురిసిన వర్షానికి స్థానిక వ్యవసాయ మార్కెట్‌లో ధాన్యం కొట్టుకుపోయింది. ధాన్యాన్ని కాపాడుకునేందుకు రైతులు తీవ్రంగా శ్రమించాల్సి వచ్చింది. ధాన్యాన్ని వెంటనే కొనుగోలు ప్రారంభించాలని రైతులు ప్రభుత్వాన్ని డిమాండ్‌ చేశారు. తొగుట(దుబ్బాక):

అది మెదక్‌ జిల్లాలోని ఒక చిన్న గ్రామీణ ప్రాంతం. అక్కడి నేల కథ విశ్వవ్యాప్తమైంది.. అక్కడ పుట్టి పెరిగిన ఓ కుర్రాడి పట్టుదలే ప్రపంచానికి వినిపించేలా చేసింది. పరిమిత వనరులు, చిన్న సాధనాలున్నా.. గుండె నిండా కొండంత ఆత్మవిశ్వాసమే ముందుకు నడిపించింది. ఆ నమ్మకమే నేడు అంతర్జాతీయ చలనచిత్ర వేదికకు చేరడమే కాకుండా ప్రత్యేక గుర్తింపు తీసుకువచ్చింది. అదే ‘అల్లో నేరెడల్లో..’ ఈ లఘు చిత్రంపై ఈ వారం ప్రత్యేక కథనం 8లో.. ఆదివారం శ్రీ 1 శ్రీ నవంబర్‌ శ్రీ 2026నంగునూరు(సిద్దిపేట): కొనుగోలు కేంద్రాల్లో జరిగే అక్రమాలకు కేంద్ర ప్రభుత్వం ఏఐ (ఆర్టిఫిషియల్‌ ఇంటెలిజెన్స్‌)తో చెక్‌ పెట్టనుంది. వడ్ల కొనుగోలు కేంద్రాలను ఏర్పాటు చేసేందుకు 16 అంశాలను పొందుపరిచి వాటి ఫొటోలు తీసి యాప్‌లో అప్‌లోడ్‌ చేయాలని కేంద్ర ప్రభుత్వం తెచ్చిన కొత్త నిబంధనలు అధికారులకు తలనొప్పిగా మారింది. ప్రొక్యూర్‌మెంట్‌ సెంటర్‌ సెల్ఫ్‌ అసిస్‌మెంట్‌ పోర్టర్‌ (పీసీఎస్‌ఏపీ) యాప్‌లో నమోదైన వివరాల ఆధారంగా సెంటర్‌కు గ్రేడింగ్‌ ఇస్తారు. కొనుగోలు కేంద్రాల్లో కల్పిస్తున్న వసతుల ఆధారంగా ఎల్‌–1, ఎల్‌–2, ఎల్‌–3, ఎల్‌–4, ఎల్‌–5 గ్రేడింగ్‌ ఇచ్చే విధానాన్ని కొత్తగా అమలు చేస్తున్నారు. ఎల్‌–3, ఆపై గ్రేడింగ్‌ పొందిన సెంటర్లలో వడ్ల కొనుగోలుకు కేంద్ర ప్రభుత్వం అనుమతులు ఇస్తుంది. కేటాయించిన లొకేషన్‌లో ధాన్యాన్ని కొంటున్నారా? ఎంత ధాన్యం కొనుగోలు చేశారు? వడ్లను అమ్ముతున్నది నిజమైన రైతా? దళారులా?. అనే విషయాలను ఏఐ టెక్నాలజీతో సరి చూస్తారని అధికారుల పేర్కొంటున్నారు. కొనుగోలు కేంద్రాల ఏర్పాటులో జాప్యం గత ఏడాది అక్టోబర్‌ మాసంలో జిల్లా వ్యాప్తంగా వడ్ల కొనుగోలు కేంద్రాలు ప్రారంభం కాగా కేంద్ర ప్రభుత్వం తెచ్చిన యాప్‌తో జాప్యం జరుగుతోందని అధికారులు పేర్కొంటున్నారు. వరి కోతలు ప్రారంభం కాగా ఇప్పటి వరకు గ్రామాల్లో వడ్ల కొనుగోలు కేంద్రాలు, గన్ని బ్యాగులు, టార్పాలిన్‌ కవర్లు, లారీలో, మిల్లుల అలాట్‌మెంట్‌ కాలేదు. దీంతో కళ్లాల వద్దే క్వింటాలుకు రూ 1,900 నుంచి 2,100 వరకు ధాన్యాన్ని అమ్ముకోవాల్సి వస్తోందని అన్నదాతలు ఆవేదన వ్యక్తం చేస్తున్నారు. జిల్లా వ్యాప్తంగా 424 కేంద్రాల గుర్తింపు జిల్లా వ్యాప్తంగా 93,602 హెక్టార్ల దొడ్డు రకం వడ్లు, 28,398 హెక్టార్ల సన్న రకం వడ్లు సాగు చేశారు. అందులో విత్తనాల కోసం 1,50 లక్షల మెట్రిక్‌ టన్నులు విత్తనాల కోసం పోగా మార్కెట్‌కు 4,81,612 టన్నుల దొడ్డు రకం, 86,189 టన్నుల సన్న రకం వడ్లు మార్కెట్‌కు వస్తాయని అధికారులు అంచనా వేస్తున్నారు. ఈలెక్కన జిల్లా వ్యాప్తంగా ఐకేపీ ద్వారా 216, పీఏసీఎస్‌లు 200, మెప్మా 6, రైతు ఉత్పత్తిదారుల సంస్థ ఆధ్వర్యంలో 2 కేంద్రాలు కలిపి జిల్లా వ్యాప్తంగా 424 కేంద్రాలను ఏర్పాటు చేసేందుకు చర్యలు చేపట్టారు. యాప్‌లో అప్‌లోడ్‌ చేయాల్సిన వివరాలివే.. ట్యాబ్‌, ఐరీష్‌ లేదా బయోమెట్రిక్‌ మిషన్‌ సేకరణ కేంద్రం, బోర్డు, బ్యానర్‌ తాగునీటి సౌకర్యం ప్రథమ చికిత్స పెట్టె టెంట్‌, తాత్కాలిక నిర్మాణం ఫ్యాన్‌ లేదా కూలర్‌ సీసీ నేల, లేదా మట్టి నేలపై టార్పాలిన్‌ పరవాలి స్టాంపింగ్‌తో ఎలక్ట్రానిక్‌ వేయింగ్‌ స్కేల్‌ విద్యుత్‌ కనెక్షన్‌ రిజిష్టర్లు, బుక్కులు ఇంటర్‌నెట్‌ స్పీడ్‌ అగ్నిమాపక ఏర్పాట్లు తేమ చూపే మేషిన్‌, గ్రైయిన్‌ కాలిపర్స్‌ ప్యాడీ క్లీనర్‌

కొండపాక(గజ్వేల్‌): మల్లన్న సాగర్‌ ప్రాజెక్టుకు ముప్పు వాటిళ్లకుండా గోదావరి తాగునీటి సరఫరా పథకం పంప్‌ హౌస్‌ నిర్మాణ పనులు జరుగుతున్నాయని జలమండలి ప్రాజెక్టు డైరెక్టర్‌ మహేశ్‌కుమార్‌, నీటిపారుదల శాఖ చీఫ్‌ ఇంజనీర్‌ శివధర్మతేజ స్పష్టం చేశారు. కుకునూరుపల్లి మండలం తిప్పారం గ్రామ శివారులో మల్లన్న సాగర్‌ ప్రాజెక్టుకు దగ్గర్లో కాంట్రాక్టరు నిబంధనలను ఉల్లంగిస్తూ అక్రమంగా బ్లాసింగ్‌లు చేస్తున్న ప్రదేశాన్ని మూడు రోజుల కిందట మాజీ మంత్రి హరీశ్‌రావు సందర్శించారు. అక్రమ పేలుళ్ల వల్ల ప్రాజెక్టు నుంచి నీరు లీకేజీ అవుతుండటంతో పాటు కిలోమీటరు దూరంలో ఉన్న తిప్పారం గ్రామస్తుల ఇళ్ల గోడలు పగుళ్లు వస్తున్న విషయమై ఆందోళన వ్యక్తం చేసిన విషయం పాఠకులకు తెలిసిందే. స్పందించిన ఇరిగేషన్‌ శాఖ, జలమండలి శాఖల ఉన్నతాధికారులు శనివారం మల్లన్న సాగర్‌ ప్రాజెక్టు వద్ద నిర్మాణం జరుగుతున్న పంప్‌ హౌస్‌ పనులను పరిశీలించారు. ఈసందర్భంగా వారు విలేకరుల సమావేశంలో మాట్లాడుతూ పంప్‌హౌస్‌ నిర్మాణ పనులతో మల్లన్న సాగర్‌ ప్రాజెక్టుకు భవిష్యత్తులో ఎలాంటి ముప్పు రాకుండా చూసేలా సుమారు 293 మీటర్ల దూరంలో పనులు చేపట్టామన్నారు. పనుల నిర్మాణ సమయంలో పెద్ద ఎత్తున బ్లాసింగ్‌లు చేయడంతో మల్లన్న సాగర్‌ నుంచి నీరు లీకేజీ అవుతుందన్న మాటలు సత్యదూరమన్నారు. 50 టీఎంసీల సామర్థ్యం ఉన్న మల్లన్న సాగర్‌ ప్రాజెక్టు నుంచి సంవత్సరానికి 20 టీఎంసీల నీటిని తీసుకునేందుకు పంప్‌ హౌస్‌ పనులను ప్రభుత్వం చేపట్టిందన్నారు. ఇందుకోసం రూ.7,360 కోట్లను కేటాయించారన్నారు. డిసెంబర్‌ 27 వరకు పనులు పూర్తి అయ్యేలా పనులు జరుగుతున్నాయన్నారు. మల్లన్న సాగర్‌ వద్ద నిర్మిస్తున్న పంప్‌హౌస్‌ నుంచి 50 కిలోమీటర్ల దూరంలో శామీర్‌పేట మండలంలోని ఘన్‌పూర్‌ వద్ద ఉన్న రిజర్వాయర్‌లోకి కాలువ ద్వారా తరలిస్తామన్నారు. 5 టీఎంసీల రా వాటర్‌ను హిమాన్‌ సాగర్‌, ఉస్మాన్‌ సాగర్‌లోకి పంపింగ్‌ చేసి 15 ఎంజీడీ, 25 ఎంజీడీ కెపాసిటీ సామర్థ్యంలో నీటిని ఫిల్టర్‌ చేసి జంటనగర వాసులకు తాగునీటిని అందించడం జరుగతుందన్నారు. ప్రభుత్వం ఎంతో ప్రతిష్టాత్మకంగా చేపట్టిన గోదావరీ తాగు నీటి సరఫరా పథకం నిర్మాణ పనుల వల్ల ఎలాంటి నష్టాలు తలెత్తవన్న విషయాన్ని స్పష్టం చేశారు. కార్యక్రమంలో అధికారులు కవిత, లక్ష్మణ్‌, ఉమాపతి తదితరులు పాల్గొన్నారు. సుమారు 293 మీటర్ల దూరంలో పనులు గోదావరి తాగునీటి సరఫరా పనులు నిర్వహిస్తున్నాం జలమండలి ప్రాజెక్టు డైరెక్టర్‌ మహేశ్‌ కుమార్‌

● పాల్గొన్న హైకోర్టు న్యాయమూర్తి కె.శరత్‌ ● సిద్దిపేట కోర్టు కాంప్లెక్స్‌లో మెడికల్‌ డిస్పెన్సరీ సిద్దిపేటకమాన్‌: జిల్లా కేంద్రం సిద్దిపేటలో జువైనల్‌ జస్టిస్‌ బోర్డును రాష్ట్ర హైకోర్టు న్యాయమూర్తి కె.శరత్‌ శనివారం ప్రారంభించారు. వేదపండితులు అతడికి పూర్ణకుంభంతో స్వాగతం పలికారు. అనంతరం జిల్లా కోర్టు కాంప్లెక్స్‌లో ఏర్పాటు చేసిన మెడికల్‌ డిస్పెన్సరినీ హైకోర్టు న్యాయమూర్తి ప్రారంభించారు. అంతకుముందు పోలీసు గౌరవ వందనం స్వీకరించారు. అనంతరం న్యాయమూర్తులు, న్యాయవాధులతో హైకోర్టు న్యాయమూర్తి సమావేశం నిర్వహించారు. కార్యక్రమంలో జిల్లా ప్రధాన న్యాయమూర్తి సుదర్శన్‌, న్యాయమూర్తులు జయప్రసాద్‌, సంతోష్‌కుమార్‌, తరణి, సౌజన్య, జిల్లా కలెక్టర్‌ హైమావతి, పోలీసు కమిషనర్‌ రష్మీ పెరుమాళ్‌, ఏసీపీలు రవిందర్‌రెడ్డి, సుమన్‌కుమార్‌, డీఎంహెచ్‌ఓ డాక్టర్‌ ధనరాజ్‌, సీఐలు మహేందర్‌రెడ్డి, మురళి, లక్ష్మీబాబు, ముత్యంరాజు, ఎస్‌ఐలు రాజేష్‌, ఉమేష్‌, గోపాల్‌రెడ్డి, విజయ్‌భాస్కర్‌, బార్‌ అసోసియేషన్‌ అధ్యక్షుడు రమేష్‌బాబు, సీనియర్‌ న్యాయవాదులు జనార్థన్‌రెడ్డి, దేవునూరి రవీందర్‌రెడ్డి, పత్రి ప్రకాష్‌, రాజలింగం, తదితరులు పాల్గొన్నారు.

కొమురవెల్లి(సిద్దిపేట): మల్లికార్జున స్వామిని శనివారం హైకోర్టు న్యాయమూర్తి జస్టిస్‌ కె. శరత్‌ కుటుంబ సమేతంగా దర్శించుకున్నారు. ఈ సందర్భంగా ఆలయ అధికారులు, అర్చకులు పూర్ణకుంభంతో స్వాగతం పలికి ప్రత్యేక పూజాలు నిర్వహించారు. అనంతరం పట్టు వస్త్రాలతో సత్కరించి, తీర్థ ప్రసాదాన్ని, స్వామి వారి చిత్ర పటాన్ని అందించారు. కార్యక్రమంలో ఆలయ ఈఓ సుధాకర్‌రెడ్డి, జిల్లా ప్రధాన న్యాయమూర్తి సుదర్శన్‌, అదనపు జిల్లా న్యాయమూర్తి జయప్రసాద్‌, చేర్యాల జూనియర్‌ జడ్జి శ్రీరామ్‌ ఆలయ ప్రధానార్చకులు తదితరులు పాల్గొన్నారు.

● ప్రతిపక్షాలవి అసత్య ప్రచారాలు ● ఎంపీ రఘునందన్‌రావు దుబ్బాక: దేశం సర్వతో ముఖాభివృద్ధికి సర్‌ దోహదపడుతుందని ఎంపీ మాధవనేని రఘునందన్‌రావు అన్నారు. సర్‌పై కాంగ్రెస్‌తో పాటు కొన్ని పార్టీలు కావాలనే అసత్య ప్రచారాలు చేస్తూ ప్రజలను తప్పుదోవ పట్టిస్తున్నాయని అన్నారు. శనివారం దుబ్బాక పట్టణంలోని ఓ ప్రైవేట్‌ జూనియర్‌ కళాశాలలో సర్‌పై విద్యార్థులతో ముఖాముఖీ కార్యక్రమం నిర్వహించారు. ఈ సందర్భంగా సర్‌ ప్రక్రియ పై అవగాహన కల్పించారు. బోగస్‌ ఓట్లు, రెండు చోట్ల ఓటు హక్కు ఉన్న వారికి సర్‌లో ఒకే చోట ఓటు హక్కు ఉంటుందని, ఇందులో ఏమాత్రం అర్హుల ఓట్లు పోవన్నారు. ఓటు చోరీ అంటూ కాంగ్రెస్‌ ప్రజలను తప్పుదోవ పట్టిస్తోందన్నారు. కార్యక్రమంలో బీజేపీ జిల్లా అధ్యక్షుడు బైరి శంకర్‌, రాష్ట్ర, జిల్లా నాయకులు అంబటి బాలేష్‌గౌడ్‌, పల్లె వంశీకృష్ణాగౌడ్‌, సుంకు ప్రవీణ్‌, శ్రీకాంత్‌యాదవ్‌, రమేష్‌రెడ్డి, వెంకట్‌గౌడ్‌, రమణారెడ్డి తదితరులు ఉన్నారు. కలెక్టర్‌ హైమావతి చిన్నకోడూరు(సిద్దిపేట): భూ రీ సర్వేలో పొరపాట్లు జరగకుండా పారదర్శకంగా, ప్రత్యేక కార్యాచరణతో సర్వే చేయాలని కలెక్టర్‌ హైమావతి అధికారులను ఆదేశించారు. శనివారం మండల పరిధిలోని రామునిపట్లలో జరుగుతున్న భూభారతి భూముల రీ సర్వే ప్రక్రియను కలెక్టర్‌ క్షేత్రస్థాయిలో పరిశీలించారు. ఆమె మాట్లాడుతూ భూమి విస్తీర్ణం, సర్వే నంబర్లు, హద్దులు, పట్టా వివరాలను రికార్డులతో సరిచూసి యజమానులకు తెలపాలన్నారు. కార్యక్రమంలో తహసీల్దార్‌ సలీమ్‌, సర్పంచ్‌ భాగ్యలక్ష్మి, సర్వే అధికారులు ఉన్నారు. ఎమ్మెల్యే కొత్త ప్రభాకర్‌రెడ్డి దుబ్బాక: రాబోయే ఎంపీటీసీ, జెడ్పీటీసీ ఎన్నికల్లో అధికార పార్టీకి ఒక్కసీటు కూడా దక్కకుండా అన్ని స్థానాల్లో బీఆర్‌ఎస్‌ జెండాను ఎగురవేద్దామని ఎమ్మెల్యే కొత్త ప్రభాకర్‌రెడ్డి అన్నారు. శనివారం రాయపోల్‌ మండల కేంద్రంలో బీఆర్‌ఎస్‌ ఆధ్వర్యంలో అలయ్‌.. బలయ్‌ కార్యక్రమం నిర్వహించారు. ఈ సందర్భంగా పెద్ద ఎత్తున హాజరైన బీఆర్‌ఎస్‌ శ్రేణులతో కలిసి ఎమ్మెల్యే వేడుక నిర్వహించారు. ఆయన మాట్లాడుతూ.. తనపై నమ్మకంతో రెండు సార్లు ఎంపీ, ఎమ్మెల్యేగా గెలిపించిన దుబ్బాక నియోజకవర్గం ప్రజలను, బీఆర్‌ఎస్‌ శ్రేణులకు జీవితాంతం రుణపడి ఉంటానన్నారు. కార్యకర్తల కష్ట సుఖాల్లో అండగా ఉంటానన్నారు.

చిన్నకోడూరు(సిద్దిపేట): బాలబాలికల రక్షణ ప్రతి ఒక్కరి బాధ్యత అని, వారిపై లైంగిక నేరాలు జరగకుండా సమాజంలోని ప్రతి ఒక్కరూ అప్రమత్తంగా ఉండాలని జిల్లా న్యాయ సేవాధికార సంస్థ కార్యదర్శి సౌజన్య అన్నారు. గురువారం మండల పరిధిలోని గోనెపల్లి ఉన్నత పాఠశాల, ఇబ్రహీంనగర్‌ మోడల్‌ స్కూల్‌లో సురక్షిత్‌ బచ్‌పన్‌ అభియాన్‌ కార్యక్రమంలో పాల్గొని మాట్లాడారు. విద్యార్థులు బాలల హక్కులు, చట్టాలపై అవగాహన కలిగి ఉండాలన్నారు. ఎవరైనా అనుచితంగా వ్యవహరిస్తే తల్లిదండ్రులకు, ఉపాధ్యాయు లకు చెప్పాలన్నారు. కార్యక్రమంలో మోడల్‌ స్కూల్‌ హెచ్‌ఎం సతీశ్‌కుమార్‌, ఉపాధ్యాయులు, విద్యార్థులు పాల్గొన్నారు. విద్యార్థులు వ్యసనాలకు దూరంగా ఉండాలి సీపీ రష్మీపెరుమాళ్‌ గజ్వేల్‌: విద్యార్థులు ఉన్నతమైన లక్ష్యాలతో ముందుకుసాగాలని సీపీ రష్మీపెరుమాళ్‌ అన్నారు. గురువారం గజ్వేల్‌లోని మహతి ఆడిటోరియంలో ‘షీ టీమ్‌’ అవగాహన కార్యక్రమానికి ముఖ్యఅతిథిగా హాజరయ్యారు. ఈ సందర్భంగా ఆమె మాట్లాడుతూ చెడు అలవాట్లకు దూరంగా ఉండి, నైపుణ్యాలను పెంపొందించుకోవడంపైనే దృష్టి పెట్టాలన్నారు. విద్యార్థుల్లో నేరప్రవృత్తిని నివారించడం, రహదారి భద్రత, సైబర్‌ నేరాల నివారణ, మాదకద్రవ్యా ల వల్ల కలిగే అనర్థాలపై అవగాహన పెంచడానికే సదస్సులను నిర్వహిస్తున్నట్లు చెప్పారు. మైనర్లు వాహనాలు నడపటం నేరమని చెప్పా రు. ఆన్‌లైన్‌ మోసాల పట్ల అప్రమత్తంగా ఉండాలన్నారు. సదస్సులో ఏసీసీ నర్సింహులు, సీఐ రవికుమార్‌, గౌరారం సీఐ రవిరాజు, ఇన్‌స్పెక్టర్‌ లతీఫ్‌, మహిళా పోలీస్‌ స్టేషన్‌ ఎస్‌హెచ్‌ఓ దుర్గ తదితరులు పాల్గొన్నారు. ఉద్యోగుల సమస్యలు పరిష్కరించండి సిద్దిపేటజోన్‌: ప్రభుత్వ ఉద్యోగుల సమస్యలను ప్రభుత్వం త్వరితగతిన పరిష్కరించాలని జిల్లా టీఎన్జీవో అధ్యక్షుడు పరమేశ్వర్‌, ప్రధాన కార్యదర్శి విక్రమ్‌ రెడ్డి డిమాండ్‌ చేశారు. గురువారం జిల్లా కార్యవర్గ సమావేశంలో వారు మాట్లాడుతూ.. ఉద్యోగులకు 40 శాతం వేతన స్థిరీకరణ ఫిట్మెంట్‌ ప్రకటించాలని, ప్రభుత్వ ఉద్యోగులకు నెట్‌వర్క్‌ ఆస్పత్రులలో ఆరోగ్య బీమా పథకం అమలు చేయాలన్నారు. సీపీఎస్‌ విధానాన్ని రద్దు చేసి పాత పెన్షన్‌ విధానం అమలు చేయాలని, జిల్లాలో ఆయా శాఖల్లో ఖాళీగా ఉన్న పోస్టులను పదోన్నతుల ద్వారా భర్తీ చేయాలని డిమాండ్‌ చేశారు. సిద్దిపేట జిల్లాను చార్మినార్‌ జోన్‌ పరిధిలో కలపాలని, జీఓ 190 అమలు చేస్తూ 317జీఓ ఉద్యోగులకు న్యాయం చేయాలని, తదితర అంశాలపై కార్యవర్గ సమావేశంలో ఏకగ్రీవంగా తీర్మానం చేశా రు. కార్యక్రమంలో ఆయా యూనిట్‌ ప్రతినిధులు పాల్గొన్నారు. బాల సదనాన్ని సందర్శించిన ఢిల్లీ బృందం సిద్దిపేటజోన్‌: భారత మహిళా శిశు సంక్షేమ శాఖ న్యూఢిల్లీకి చెందిన బృందం జిల్లా కేంద్రంలోని బాలసదనాన్ని సందర్శించింది. సెంట్రల్‌ అడప్షన్‌ రిసోర్స్‌ అథారిటీ(సీఏఆర్‌ఏ) ప్రతినిధి దివ్య మిరియం పాల్‌ ఆధ్వర్యంలో అధికారులు పిల్లలకు అందిస్తున్న వసతి, భోజనం విద్య, ఆరోగ్య పరిరక్షణ, తదితర సదుపాయాల గూర్చి అరా తీశారు. దత్తత ప్రక్రియ వివరాలు అమలు తీరు అడిగి తెలుసుకున్నారు. రికార్డులను పరిశీలించారు. కార్యక్రమంలో రాష్ట్ర కో ఆర్డినేటర్‌ సునీత, మహిళా శిశు సంక్షేమ శాఖ అధికారి శారద, జిల్లా బాలల సంరక్షణ అధికారి రాము, సిబ్బంది రాజారాం, రాజు తదితరులు పాల్గొన్నారు.

● ఇందిరా గాంధీ జయంతికి విగ్రహాన్ని పునఃప్రతిష్ఠిస్తాం ● కాంగ్రెస్‌ రాష్ట్ర నాయకుడు రఘువర్ధన్‌రెడ్డి దుబ్బాకటౌన్‌: కాంగ్రెస్‌ ఎదుగుదలను చూసి ఓర్వలేకే బీఆర్‌ఎస్‌ నాయకుల విధ్వంసకర రాజకీయాలకు పాల్పడుతున్నారని కాంగ్రెస్‌ రాష్ట్ర నాయకుడు గాడిపల్లి రఘువర్ధన్‌రెడ్డి అన్నారు. పట్టణంలోని తెలంగాణ తల్లి కూడలిలో ఇందిరాగాంధీ విగ్రహాన్ని ఏర్పాటు చేసేందుకు రఘువర్ధన్‌ రెడ్డి ఇటీవల జంక్షన్‌లో పిల్లర్‌ నిర్మాణం చేపట్టారు. అనుమతి లేకుండా విగ్రహాన్ని పెడుతున్నారంటూ బుధవారం అర్ధరాత్రి కొంత మంది బీఆర్‌ఎస్‌ నాయకులు గద్దెకు ఉన్న పిల్లర్‌ బాక్సులను తొలగించి, ధ్వంసం చేశారు. దీంతో బీఆర్‌ఎస్‌, కాంగ్రెస్‌ నాయకుల మధ్య గొడవ చోటు చేసుకుంది. సమాచారం అందుకున్న పోలీసులు ఇరు వర్గాల నాయకులను అక్కడినుంచి పంపించేశారు. రాత్రంతా కూడలి వద్ద పోలీసు సిబ్బంది పహారా కాశారు. రఘువర్ధన్‌ రెడ్డి తన అనుచరులతో శుక్రవారం పట్టణంలోని జంక్షన్‌ వద్దకు చేరుకుని, ధ్వంసమైన పిల్లర్‌ గద్దెను పరిశీలించారు. ఈ సందర్భంగా ఆయన మాట్లాడుతూ గతంలో తెలంగాణ కూడలిని నిర్మించక ముందు అక్కడ ఇందిరాగాంధీ విగ్రహాం ఉండేదని, తెలంగాణ ఉద్యమ సమయంలో ఇందిరాగాంధీ విగ్రహాన్ని ధ్వంసం చేశారన్నారు. అందుకే కూడలి వద్ద నూతనంగా ఇందిరాగాంధీ విగ్రహాన్ని తెచ్చిపెట్టామన్నారు. కొంత మంది బీఆర్‌ఎస్‌ నాయకులు కావాలనే గద్దె పిల్లర్‌ను ధ్వంసం చేశారని ఆరోపించారు. దుబ్బాకలో కాంగ్రెస్‌ పార్టీ ఎదుగుదలను ఓర్వలేకే బీఆర్‌ఎస్‌ నాయకులు ఇలాంటి విధ్వంసకర రాజకీయాలకు పాల్పడుతున్నారన్నారు. ఇందిరా గాంధీ జయంతికి అందరి అనుమతితో అక్కడే విగ్రహాన్ని పునఃప్రతిష్ఠ చేస్తామని తెలిపారు. విగ్రహా గద్దె కూల్చివేతకు పాల్పడిన ఏడుగురు బీఆర్‌ఎస్‌ నాయకులపై దుబ్బాక సీఐ రాజేష్‌కు ఫిర్యాదు చేశారు. అనంతరం మున్సిపల్‌ కార్యాలయంలో విగ్రహ పునఃప్రతిష్టకు అనుమతి ఇవ్వాలని కోరుతూ.. మేనేజర్‌ శ్రీనివాస్‌కు వినతి పత్రం సమర్పించారు.

ములుగు ఉద్యాన విశ్వవిద్యాలయ వీసీ రాజిరెడ్డి ములుగు(గజ్వేల్‌): ఎల్‌నినో నేపథ్యంలో రైతులు ముందస్తు జాగ్రత్తలు తీసుకోవా లని ములుగు ఉద్యాన విశ్వవిద్యాలయం వీసీ డాక్టర్‌ రాజిరెడ్డి సూచించారు. గురువారం ఆయన విలేకరులతో మాట్లాడారు. నీటి లభ్యత మేరకు పంటల సాగు ప్రణాళిక రూపొందించుకోవాలని, తక్కువ నీటితో సాగు చేయగల ఆరుతడి పంటలకు ప్రాధాన్యత ఇవ్వాలని తెలిపా రు. ప్రతి నీటిబొట్టును సమర్థవంతంగా వినియోగించుకుంటూ నీటి సంరక్షణ చేపట్టాలన్నారు. అందుబాటులో ఉన్న నీటి వనరులకు అనుగుణంగా పంటలను ఎంపిక చేసుకోవాలని సూచించారు. వాతావరణ పరిస్థితులకు అనుగుణంగా సాగు చేస్తే పంట నష్టాలను తగ్గించుకోవచ్చన్నారు. అలాగే మెరుగైన ఆదాయం పొందేందుకు అవకాశం ఉంటుందని తెలిపారు.

గజ్వేల్‌/కొండపాక: మల్లన్నసాగర్‌ నుంచి మూసీ సుందరీకరణకు నీటిని తరలించే పనుల కోసం చేపడుతున్న బ్లాస్టింగ్‌లతో భయం భయంగా కాలం గడుపుతున్నామని కుకునూర్‌పల్లి మండలం తిప్పారం గ్రామస్తులు మాజీ మంత్రి హరీశ్‌రావు వద్ద ఆవేదన వ్యక్తం చేశారు. గురువారం బ్లాస్టింగ్‌లను హరీశ్‌రావు దుబ్బాక ఎమ్మెల్యే కొత్త ప్రభాకర్‌రెడ్డి, ఎమ్మెల్సీ డాక్టర్‌ యాదవరెడ్డి, అటవీ అభివృద్ధి సంస్థ మాజీ చైర్మన్‌ వంటేరు ప్రతాప్‌రెడ్డి, ఎస్సీ, ఎస్టీ కమిషన్‌ మాజీ చైర్మన్‌లు బక్కి వెంకటయ్య, డాక్టర్‌ ఎర్రోళ్ల శ్రీనివాస్‌లతో కలిసి క్షేత్రస్థాయిలో పరిశీలించారు. ఈ సందర్భంగా గ్రామస్తులు సాయిలు, శంభులింగం, బాలయ్యతోపాటు పలువురు అభిప్రాయాలను తెలుసుకున్నారు. బ్లాస్టింగ్‌ల వల్ల మల్లన్నసాగర్‌ కట్ట క్రమంగా దెబ్బతింటున్నదని, లీకేజీలు ఏర్పడుతున్నాయని ఆందోళన వ్యక్తం చేశారు. ఈ సందర్భంగా స్పందించిన హరీశ్‌రావు మాట్లాడుతూ తిప్పారం గ్రామంలో దెబ్బతిన్న ఇళ్లకు నష్టపరిహారం అందించి కొత్త ఇళ్లను నిర్మించి ఇవ్వాలన్నారు. అనుమతుల్లేకుండా బ్లాస్టింగ్‌లా? ఇరిగేషన్‌, రెవెన్యూ, పోలీసు అధికారులేకాకుండా, గ్రామపంచాయతీ అనుమతి లేకుండా బ్లాస్టింగ్‌లను ఎలా చేపడతారని కాంట్రాక్ట్‌ ఏజెన్సీకు చెందిన సైట్‌ ఇంజినీర్‌ను హరీశ్‌రావు ప్రశ్నించారు. 40 మీటర్ల ఎత్తులో మల్లన్నసాగర్‌ కట్టకు 400మీటర్ల దూరంలో బ్లాస్టింగ్‌లు చేపట్టాలని తెలియదా? అంటూ ప్రశ్నించారు. ఇష్టానుసారంగా పనులు చేస్తే ఊరుకునేదిలేదని హెచ్చరించారు. మల్లన్నసాగర్‌ భద్రత చర్యలు చేపట్టే వరకు పోరాటం చేస్తామన్నారు. ఇకపోతే పైప్‌లైన్‌ నిర్మాణ పనుల కోసం రైతుల వద్ద సేకరించి భూములకు సైతం అతి తక్కువ పరిహారం అందించి అన్యాయం చేశారని, ఈ అంశంపైనా కలెక్టర్‌ స్పందించాలని డిమాండ్‌ చేశారు. కార్యక్రమంలో తిప్పారం సర్పంచ్‌ భద్రప్ప, గజ్వేల్‌ మార్కెట్‌ మాజీ చైర్మన్‌ మాదాసు శ్రీనివాస్‌, బీఆర్‌ఎస్‌ నాయకులు నూనె కుమార్‌, ప్రశాంత్‌, దుర్గయ్య తదితరులు పాల్గొన్నారు.

టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి ప్రశాంత్‌నగర్‌(సిద్దిపేట): పాఠశాలల్లో పనిచేస్తున్న స్కావెంజర్ల వేతనాలు వెంటనే చెల్లించాలని టీపీటీఎఫ్‌ రాష్ట్ర అసోసియేట్‌ అధ్యక్షుడు గాడిపల్లి తిరుపతి రెడ్డి డిమాండ్‌ చేశారు. స్కావెంజర్లకు వేతనాలు చెల్లించాలంటూ గురువారం జిల్లా విద్యా శాఖ ఏడీకి వినతి పత్రం అందించారు. ఈ సందర్భంగా ఆయన మాట్లాడుతూ డీఎస్సీ 2024 ఉపాధ్యాయులకు సంబంధించిన ప్రొబేషన్‌ పీరియడ్‌ ను డిక్లేర్‌ చేస్తూ ఉత్తర్వులు విడుదల చేయాలన్నారు. జిల్లాలో వర్క్‌ అడ్జస్ట్‌ మెంట్‌ అలాట్మెంట్‌ విషయంలో దివ్యాంగ, ఒంటరి మహిళా ఉపాధ్యాయులను మినహాయించాలన్నారు. పెండింగ్‌ లో ఉన్న ఉపాధ్యాయుల సర్వీస్‌ క్రమబద్ధీకరణ ఉత్తర్వులను వెంటనే విడుదల చేయాలన్నారు. జనాభా గణన–2026 విధులలో రిజర్వులో ఉన్న ఉపాధ్యాయులు అటెండెన్స్‌ సర్టిఫికెట్‌లు పొందడానికి అవసరమైన చర్యలు తీసుకోవాలన్నారు. కార్యక్రమంలో టీపీటీఎఫ్‌ జిల్లా అధ్యక్షులు చిట్యాల విజేందర్‌ రెడ్డి, ప్రధాన కార్యదర్శి సుంచు నరేందర్‌, జిల్లా కార్యదర్శి రాంరెడ్డి, తదితరులు పాల్గొన్నారు.

హోదా మాటున అహంకారం ● ‘నువ్వింకా బతికే ఉన్నావా?’: మొన్న గజ్వేల్‌ తహసీల్దార్‌ ● ‘మంగనీ పెట్టి తిప్పితే అన్నీ సెట్‌ అవుతాయి’: నిన్న సిద్దిపేట రూరల్‌ అధికారి ● అధికారుల దురుసు ప్రవర్తనపై సర్వత్రా దుమారం ● ప్రజాసంఘాల ఆగ్రహం బాధ్యతాయుత స్థానాల్లో ఉన్న కొందరు అధికారులు.. బాధ్యతను విస్మరించి ఇష్టానుసారంగా వ్యవహరిస్తున్నారు. న్యాయం కోసం రెవెన్యూ కార్యాలయాల చుట్టూ తిరుగుతున్న సామాన్యులకు అండగా నిలవాల్సిందిపోయి, వారిని కించపరిచేలా, మానసిక వేదనకు గురిచేసేలా మాట్లాడుతున్న ఘటనలు జిల్లాలో తీవ్ర కలకలం రేపుతున్నాయి. మొన్న గజ్వేల్‌, నిన్న సిద్దిపేట రూరల్‌ తహసీల్దార్ల వ్యవహారశైలిపై వస్తున్న విమర్శలు అధికార వర్గాల్లోనూ, ప్రజల్లోనూ తీవ్ర చర్చనీయాంశంగా మారాయి. – సాక్షి, సిద్దిపేట భూ సమస్యల పరిష్కారం కోసం గజ్వేల్‌ తహసీల్దార్‌ కార్యాలయానికి వెళ్లిన ఒక వ్యక్తిని ఉద్దేశించి.. ఏకంగా ‘నువ్వింకా బతికే ఉన్నావా? ఇంకా పురుగుల మందు తాగలేదా?’ అని రైతును ఉద్దేశించి గజ్వేల్‌ తహసీల్దార్‌ స్వామి వ్యాఖ్యానించారు. దీంతో ఈ నెల 11న తహసీల్దార్‌ స్వామిని కలెక్టర్‌ సస్పెండ్‌ చేశారు. ఇంటి నిర్మాణానికి అనుమతుల కోసం ప్రశ్నించిన రంజిత్‌కుమార్‌ను సిద్దిపేట రూరల్‌ తహసీల్దార్‌ అబ్దుల్‌ రహమాన్‌ నోరుపారేసుకున్నారు. ‘మంగనీలో పెట్టి తిప్పితే అన్నీ సెట్‌ అవుతాయి’ అంటూ వ్యాఖ్యానించారు. దీనిపై సిద్దిపేట ఆర్‌డీఓ సదానందం పూర్తి స్థాయిలో విచారణ చేసి రిపోర్టును కలెక్టర్‌కు గురువారం అందించారు. ఇలా జిల్లాలో పలు చోట్ల ప్రజలపై దుర్బాషలాడిన సంఘటనలు నెలకొన్నాయి. బాధ్యత మరిచి.. భూమి రికార్డుల్లో తప్పుల సవరణ, వారసత్వ హక్కుల నమోదు, పట్టాదారు పాసుపుస్తకాల జారీ, వివిధ భూసమస్యల పరిష్కారం కోసం సామాన్యులు పడుతున్న పాట్లు అన్నీఇన్నీ కావు. రోజు కూలి పనులు, వ్యవసాయ పనులు పక్కనపెట్టి, ఎంతో ప్రయాసతో రెవెన్యూ కార్యాలయాల చుట్టూ ప్రదక్షిణలు చేస్తుంటారు. రోజుల తరబడి కార్యాలయాల చుట్టూ తిరిగే వారికి కనీసం సమస్య ఏమిటో ఓపికగా విని, నిబంధనల ప్రకారం ఏం చేయాలో వివరించి భరోసా ఇవ్వాల్సిన బాధ్యత అధికారులపై ఉంది. కానీ, ప్రజా సమస్యలను పరిష్కరించాల్సిన వారే విచక్షణ కోల్పోయి అభ్యంతరకర వ్యాఖ్యలు చేయడం ఆందోళనకరమైన విషయం. హోదా ఎంత పెద్దదైనా, ప్రజల ఆత్మగౌరవం కంటే ఎప్పటికీ గొప్పది కాదనే కనీస స్పృహను కొందరు అధికారులు గాలికొదిలేస్తున్నారనే విమర్శలు వ్యక్తమవుతున్నాయి. నువ్వింకా చనిపోలేదా అంటున్న గజ్వేల్‌ తహసీల్దార్‌ స్వామి (ఫైల్‌)దురుసుగా మాట్లాడుతున్న సిద్దిపేట రూరల్‌ తహసీల్దార్‌ రహమాన్‌ (ఫైల్‌)ప్రజాసేవ ఇదేనా? తహసీల్దార్‌ స్థాయి పరిధిలోని నిర్ణయాలు అనేక కుటుంబాల జీవనోపాధి, భూములు, ఆస్తులతో ముడిపడి ఉంటాయి. ఆ పదవిలో ఉన్నవారు మరింత సంయమనంతో, బాధ్యతాయుతంగా వ్యవహరించాలి. ప్రజలు తమ సమస్యల పరిష్కారం కోసం అధికారులను ఆశ్రయిస్తారు కానీ, కార్యాలయాల చుట్టూ తిరిగి అవమానాలు ఎదుర్కోవడానికి కాదని ప్రజలు ఆగ్రహం వ్యక్తం చేస్తున్నారు. అధికారుల మాటతీరు, స్పందన, నిర్ణయాల్లో పారదర్శకతే ప్రభుత్వ పాలనకు అసలైన గీటురాయి కావాలి. ప్రజలతో మర్యాదగా మాట్లాడటం అధికారులకు ఏదో అదనపు బాధ్యత కాదు.. వారి విధి నిర్వహణలో అత్యంత ముఖ్యమైన భాగంగా భావించాలని ప్రజలు అభిప్రాయపడుతున్నారు.. సమగ్ర విచారణ చేపట్టాలని ప్రజలు కోరుతున్నారు. జవాబుదారీగా ఉండాలి ప్రజలకు జవాబుదారీగా ఉండాల్సిన అధికారి అహంకార పూరితంగా వ్యవహరించడం ఎంత వరకు సబబు. అధికారులు ఏ హోదాలో ఉన్నా కార్యాలయాలకు వచ్చే ప్రజలకు మర్యాద ఇవ్వడంతోపాటు సమస్యలకు పరిష్కారం చూపాలి. అధికారుల పనితీరు పై ఎప్పటికప్పుడు నిఘా ఉండే విధంగా పౌరసమాజాన్ని భాగస్వామ్యం చేయాలి. – పోచబోయిన శ్రీహరి యాదవ్‌, సామాజిక ఉద్యమ నాయకులు చర్యలు తీసుకోవాలి ప్రభుత్వ అధికారులు ప్రజల పట్ల మర్యాదపూర్వకంగా, బాధ్యతాయుతంగా వ్యవహరించాలి. అధికార దర్పంతో దురుసుగా మాట్లాడడం సరికాదు. రాజ్యాంగం పౌరులకు కల్పించిన ప్రాథమిక హక్కులను కాలరాయడమే. ఇలాంటి ఘటనలపై సమగ్ర విచారణ జరిపి, బాధ్యులపై చర్యలు తీసుకోవాలి. – వరుకోలు రాజలింగం, సీనియర్‌ న్యాయవాది, సిద్దిపేట

సిద్దిపేటరూరల్‌: పీఎంశ్రీ పాఠశాలల జిల్లా స్థాయి ఎస్‌జీఎఫ్‌ క్రీడలను చిన్నగుండవెల్లి శివారు ఎల్లంకి కళాశాల మైదానంలో అట్టహాసంగా గురువారం ప్రారంభమయాయ్యి. ఈ క్రీడలు రెండు రోజుల పాటు జరగనున్నాయి. ఎస్‌జీఎఫ్‌ సెక్రటరి భాస్కర్‌రెడ్డి, ప్రధానోపాధ్యాయులు క్రీడలను ప్రారంభించారు. అండర్‌ 17 విభాగంలో బాలికలకు కబడ్డీ, ఖోఖో, వాలీబాల్‌, అథ్లెటిక్స్‌ క్రీడా పోటీలను నిర్వహించారు. కబడ్డీ పోటీల్లో ప్రథమస్థానం జెడ్పీహెచ్‌ఎస్‌ కుకునూర్‌పల్లి, ద్వితీయస్థానంలో జెడ్పీహెచ్‌ఎస్‌ సింగన్నగూడ, తృతీయస్థానంలో సోషల్‌వెల్ఫేర్‌ రామక్కపేట నిలిచాయి. అలాగే ఖోఖో పోటీల్లో జెడ్పీహెచ్‌ఎస్‌ రాయపోల్‌ ప్రథమస్థానం, బాలికల ఉన్నత పాఠశాల సిద్దిపేట ద్వితీయస్థానం, వాలీబాల్‌ క్రీడల్లో జెడ్పీహెచ్‌ఎస్‌ కుకునూర్‌పల్లి ప్రథమస్థానం, జెడ్పీహెచ్‌ఎస్‌ రాయపోల్‌ ద్వితీయస్థానం, మోడల్‌స్కూల్‌ అక్కెనపల్లి తృతీయస్థానం సాధించాయి. జిల్లా వ్యాప్తంగా 27 పీఎంశ్రీ పాఠశాలల క్రీడాకారులు పాల్గొన్నారు. అనంతరం క్రీడల్లో గెలుపొందిన జట్లకు బహుమతులను ప్రధానం చేశారు.

మా బావిలో 8 మీటర్ల లోతులో ఉండే నీళ్లు 18 మీటర్లకు పడిపోయాయి. వానా కాలంలో వేసిన వరి ఇంకా కోయలేదు. యాసంగికి నీళ్లు కష్టమే. మరోవైపు కరెంట్‌ కోతలతో తిప్పలు పడుతున్నాం. ఈ పరిస్థితుల్లో మెట్ట ప్రాంతాన్ని కరువు మండలంగా గుర్తించి రైతులను ఆదుకోవాలి. సహాయం అందించాలి. – రాంగోపాల్‌రావు, రైతు గాంధీనగర్‌ కరువుతో మెట్ట రైతులకు కష్టాలు వానలు లేక పూర్తిస్థాయిలో పంటలు వెయ్యలేదు. వేసిన అరకొర పంటలు కూడా నీరు అందక ఎండిపోయాయి. ఊర్లలో తాగునీటికి సైతం తిప్పలు పడుతున్నాం. నీరు లేక సాగు భూములను బీడుగానే వదిలేస్తున్నాం. ఇలాంటి పరిస్థితుల్లో హుస్నాబాద్‌లో కరువు లేదంటే ఏట్లా?. – పచ్చిమట్ల రవీందర్‌, రైతు హుస్నాబాద్‌

● అడుగంటిన ఊట బావులు.. ఆగిన బోర్లు ● బీడువారిన సాగు భూములు ● నీటి కొరతతో యాసంగి సాగు గగనమే ● హుస్నాబాద్‌ను కరువు ప్రాంతంగా గుర్తించకపోవడంతో రైతుల్లో ఆవేదన హుస్నాబాద్‌రూరల్‌: హుస్నాబాద్‌ మెట్ట ప్రాంతంలో ప్రాజెక్టులు లేవు. కెనాల్‌ కాల్వల్లో నీరు రాదు. వానలు పడితేనే పంటలు. ఊట బావులు, బోరు బావుల ఆధారంతోనే రైతులు పంటలు సాగు చేస్తారు. మెట్ట ప్రాంతంలో వరద కాల్వల కోసం ఉద్యమాలు చేస్తే 2004లో వైఎస్సార్‌ అధికారం చేపట్టిన తర్వాత 2007లో గౌరవెల్లి, గండిపెల్లి రిజర్వాయర్లకు పునాదులు వేశారు. చకచక పనులు జరుగుతున్న క్రమంలో మహానేత మరణం తర్వాత అక్కడే అగిపోయాయి. 70 ఏళ్ల సాగు నీటి కష్టాలు కలలుగానే మిగిలిపోయాయి. 2012 వరకు పంటల సాగులో నష్టాలను చూసిన రైతులు ప్రత్యేక రాష్ట్రంలో వర్షాలు సమృద్ధిగా పడటంతో సాగు నీరుకు కొరత లేకుండా వ్యవసాయం సాగిపోయింది. 1.25 లక్షల ఎకరాల్లో సాగు.. హుస్నాబాద్‌ డివిజన్‌లో 1.25 లక్షల ఎకరాల్లో రైతులు పంటలు సాగు చేస్తారు. 2026 వానాకాలంలో వానలు లేక రైతులు పంటలు సాగు చేయడానికి వెనుకడుగు వేశారు. సెప్టెంబరు నెలలో 372.4 మి.మీటర్ల వర్షం కురువడంతో రైతులు ఆలస్యంగా పంటలు సాగు చేసినా నీళ్లు లేక ఎండిపోయాయి. హుస్నాబాద్‌ మెట్ట ప్రాంతాన్ని కరువు ప్రాంతంగా గుర్తించకపోవడంతో రైతులు ఆవేదన వ్యక్తం చేస్తున్నారు. అడుగంటిన బావులు.. యాసంగి సీజన్‌ ప్రారంభంలో మీటరు లోతులో ఉండే భూగర్భ జలాలు ఇప్పుడే 18 మీటర్ల అడుగున చేరడంతో రైతులు ఆందోళన చెందుతున్నారు. యాసంగి పంట వేస్తే మొదటి మడికే నీరు అందే పరిస్థితి లేకపోవడంతో సాగు పై ఆశలు వదులుకున్నారు. నీటి కష్టాలు, కరెంట్‌ కోతలతో వ్యవసాయం చేయలేమని రైతులు చెబుతున్నారు. మరోవైపు పశువులకు మేత దొరకని పరిస్థితులు వస్తాయని భయపడుతున్నారు.

కొమురవెల్లి(సిద్దిపేట): భూ భారతి రీ సర్వేకు సహకరించాలని కలెక్టర్‌ హైమావతి రైతులను కోరారు. మండలంలోని తపాస్‌పల్లిలో నిర్వహిస్తున్న భూ భారతి రీ సర్వేను క్షేత్ర స్థాయిలో బుధవారం పరిశీలించారు. ఈ సందర్భంగా ఆమె మాట్లాడుతూ స్వాతంత్య్రానికి పూర్వం చేసిన భూముల సర్వే తిరిగి మళ్లీ ఇప్పుడు చేస్తున్నట్లు తెలిపారు. జనాభా పెరగడంతో భూ కమతాలు చిన్నగా మారి సమస్యలు పెరిగాయాని, దీనికి శాశ్వత పరిష్కారం అందించడం కోసమే ప్రభుత్వం భూ రీ సర్వేను చేపడుతున్నట్లు వెల్లడించారు. గ్రామ విస్తీర్ణం ఎంత? ఇప్పటి వరకు ఎంత సర్వే నిర్వహించారు? అనే విషయాలపై సర్వే చేస్తున్న అధికారులను అడిగి తెలుసుకున్నారు. అదే విధంగా రోజూ 40 ఎకరాలకు పైగా సర్వే చేయాలని, సర్వే ప్రకియ పారదర్శకంగా, కచ్చితత్వంతో ఎలాంటి పొరపాట్లు లేకుండా నిర్వహించాలని అధికారులను ఆదేశించారు. సర్వే చేసిన ప్రతి అంశం రికార్డులలో నమోదు చేసి రైతులకు తెలపాలని సూచించారు. కార్యక్రమంలో ఆమె వెంట తహసీల్దార్‌ దివ్య, సర్పంచ్‌ పుట్ట కనుకరాజు, రైతులు సర్వే అధికారులు తదితరులు పాల్గొన్నారు. రైతులతో కలెక్టర్‌ హైమావతి

వర్గల్‌(గజ్వేల్‌): ప్రసిద్ధ వర్గల్‌ విద్యాధరి క్షేత్రంలోని సుబ్రహ్మణ్యేశ్వరాలయంలో కృత్తిక మహోత్సవ వేడుకలు వైభవంగా జరిగాయి. బుధవారం ఉదయం బ్రహ్మశ్రీ చంద్రశేఖర సిద్ధాంతి పర్యవేక్షణలో వేదపండితులు స్వామివారి మూలవిరాట్‌కు అభిషేకం జరిపారు. పట్టు వస్త్రాలు, ఆభరణాలు, పూలమాలికలతో అలంకరించారు. సామూహిక లక్షపుష్పార్చన చేశారు. కనుల పండువగా సాగిన ఈ మహోత్సవంలో భక్తులు పాల్గొని తరించారు. తీర్థప్రసాదాలు స్వీకరించారు. కొండపైన విద్యాసరస్వతి అమ్మవారిని, వివిధ దేవతామూర్తులను దర్శించుకున్నారు. చిన్నకోడూరు(సిద్దిపేట): జాతీయ స్థాయి బాలల కథల పోటీల్లో మండల పరిధిలోని అనంతసాగర్‌ ఉన్నత పాఠశాల విద్యార్థి అఖిల మొదటి స్థానంలో నిలిచింది. 9వ తరగతి విద్యార్థి అఖిల రాసిన మట్టి గణపతి అనే కథకు బహుమతి వచ్చింది. బాల చెలిమి పత్రిక హైదరాబాద్‌ వారు నిర్వహించిన పోటీల్లో రెండు తెలుగు రాష్ట్రాల నుంచి 252 మంది విద్యార్థులు పాల్గొన్నారు. అందులో విజేతగా నిలిచిన అఖిలను పాఠశాల హెచ్‌ఎం జ్యోతి, ఉపాధ్యాయులు అభినందించారు. అదనపు సీనియర్‌ సివిల్‌ జడ్జి కుమారస్వామి ప్రశాంత్‌నగర్‌(సిద్దిపేట): పిల్లలను లైంగిక వేధింపుల నుంచి రక్షించేందుకు ప్రభుత్వం పోక్సో చట్టం తీసుకొచ్చిందని అదనపు సీనియర్‌ సివిల్‌ జడ్జి కుమారస్వామి అన్నారు. బుధవారం జిల్లా కేంద్రంలోని ప్రభుత్వ నూతన ఉన్నత పాఠశాలలో పోక్సో చట్టంపై విద్యార్థులకు అవగాహన కల్పించారు. ఈ సందర్భంగా జడ్జి కుమారస్వామి మాట్లాడుతు విద్యార్థులు తమకు తెలియని వ్యక్తులతో తమ విలువైన సమాచారం పంచుకోవద్దన్నారు. విద్యార్థులతో ఎవరైనా అసౌకర్యంగా ప్రవర్తిస్తే తల్లిదండ్రులకు, ఉపాధ్యాయులకు తెలియజేయాలన్నారు. కార్యక్రమంలో ప్రధానోపాధ్యాయులు వెంకటరమణ, ఉపాధ్యాయులు, విద్యార్థులు తదితరులు పాల్గొన్నారు.

జిల్లాలో గతేడాది అక్టోబర్‌లో భూగర్భ జలాలు సగటున 6.43మీటర్ల లోతులో ఉండగా ఈ ఏడాది అక్టోబర్‌లో 9.75మీటర్లకు చేరింది. అంటే గతేడాదితో పోలిస్తే 3.32మీటర్ల కిందకు భూగర్భజలాలు పడిపోయాయి. గత నెలలో సగటు 9.68మీటర్లు ఉండగా ఈ నెల 9.75మీటర్లకు చేరింది. నెల వ్యవధిలోనూ 0.07మీటర్ల తగ్గుదల నమోదైంది. భూగర్భ జలాలు మరింత లోతుకు పడిపోవడంతో నీటిపై ఆధారపడే ప్రాంతాల్లో నీటిని పొదుపుగా వినియోగించుకోవాల్సిన అవసరం ఉంది. జిల్లాలోని 26 మండలాల్లో 18 మండలాలు సాధారణ స్థితిలో ఉన్నాయి. మధ్యస్థంగా సిద్దిపేట అర్బన్‌, మద్దూరు. దూల్మిట్ట మండలాలు, తేలికపాటి స్థితిలో చేర్యాల, కొండపాక, మర్కూక్‌, నంగునూరు, వర్గల్‌ మండలాలు ఉన్నాయి. పదేళ్ల సగటును మించి కిందికి.. జిల్లాలో పదేళ్ల సగటును మించి 14 మండలాల్లో భూగర్భ జలాలు కిందకు పడిపోయాయి. సిద్దిపేట అర్బన్‌లో గత అక్టోబర్‌ నెల సగటు భూ గర్భ జలాలు 7.71మీటర్లు మాత్రమే ఉండేది. కానీ ప్రస్తుత అక్టోబర్‌ చివరి నాటికి ఏకంగా 12.62 మీటర్ల లోతుకు పడిపోయింది. అంటే పదేళ్ల సగటు పోలిస్తే 4.91 మీటర్ల లోతుకు పడిపోయాయి. దూల్మిట్ట మండలంలో పదేళ్ల సగటు 10.26 మీటర్లు ఉండగా ప్రస్తుతం 15.65 మీటర్ల కనిష్ట స్థాయికి పడిపోయి 5.39మీటర్ల లోతుకు చేరాయి. మర్కూక్‌ మండలంలో దశాబ్దపు సగటు 15.86మీటర్లు ఉండగా ఏకంగా 21.72 మీటర్ల లోతుకు చేరాయి. దీంతో 5.86మీటర్ల లోతుకు భూగర్భజలాలు పడిపోయాయి. నంగునూరు, దుబ్బాక, తొగుట, మిరుదొడ్డి, అక్బర్‌పేట–భూంపల్లి, జగదేవ్‌పూర్‌, కొండపాక, వర్గల్‌, చేర్యాల, కొమురవెల్లి, మద్దూరు మండలాల్లో సైతం జలాలు పడిపోయాయి. ఇంకుడు గుంతలు అవసరం ప్రతి ఒక్కరూ నీటిని పొదుపుగా వినియోగించడంతో పాటు నీటిని భూమిలోకి ఇంకించే నిర్మాణాలు చేయడం అవసరం. ఇంకుడు గుంతలు, ఫాంపండ్‌ల నిర్మాణాలు చేయడం వల్ల గ్రౌండ్‌ వాటర్‌ను పెంచుకునే అవకాశం ఉంది. భూగర్భ జలాలపై ఎల్‌నినో పంజా విసురుతోంది. పదేళ్లలో సగటుతో పోలిస్తే పలు ప్రాంతాల్లో భూగర్భ జలాలు పడిపోయాయి. ఎండలు మండుతుండటం.. వానలు ముఖం చాటేయడం.. బోర్ల వినియోగం పెరగడంతో భూమి పొరల్లో ఉన్న నీళ్లు కిందకు వెళ్తున్నాయి. నెలనెలా పడిపోతున్న నీటిమట్టంతో జనాల్లో భవిష్యత్తుపై బెంగ పెరుగుతోంది. చెరువులు, రిజర్వాయర్లలో ఉన్న నీళ్లు ఎండ తీవ్రతకు ఆవిరవుతున్నాయి. నీటిని పొదుపుగా వినియోగించుకోకపోతే రానున్న రోజుల్లో సాగు, తాగు నీటికి తీవ్ర ఇబ్బందులు ఏర్పడే అవకాశాలున్నాయి. – సాక్షి, సిద్దిపేట భూగర్భ జలాలపై ఎల్‌నినో ఎఫెక్ట్‌ పదేళ్ల సగటుతో పోలిస్తే మరింత లోతుకు.. 14 మండలాల్లో తీవ్రం గతేడాది కంటే 3.32 మీటర్లకు పడిపోయిన జలాలు నీటి పొదుపు తప్పనిసరి జిల్లాలో జలాలు (మీటర్ల లోతులో..) మండలం అక్టోబర్‌ అక్టోబర్‌ చిన్నకోడూరు 4.51 9.42 సిద్దిపేట రూరల్‌ 7.71 10.48 సిద్దిపేట అర్బన్‌ 6.69 12.62 నంగునూరు 4.17 7.39 నారాయణరావుపేట 9.73 12.22 దౌల్తాబాద్‌ 17.51 18.29 దుబ్బాక 13.34 17.61 రాయపోల్‌ 5.13 8.05 మిరుదొడ్డి 11.16 12.94 అక్బర్‌పేట–భూంపల్లి 13.33 17.65 గజ్వేల్‌ 6.48 9.44 జగదేవ్‌పూర్‌ 5.10 9.78 ములుగు 14.22 16.65 కుకునూరుపల్లి 9.48 12.02 మర్కూక్‌ 6.74 21.72 అక్కన్నపేట 7.26 8.03 చేర్యాల 4.06 8.33 మద్దూరు 5.65 10.72 దూల్మిట్ట 7.92 15.65ప్రత్యామ్నాయ పంటలే మేలు యాసంగిలో వరి కాకుండా ప్రత్యామ్నాయ పంటలు ఎంచుకోవాలి. ఉన్న నీటి వనరులను పొదుపుగా వినియోగించుకోవాలి. రైతులు ఫాంపండ్‌లు, ఇంకుడు గుంతలు, బోర్‌ రీచార్జ్‌లు నిర్మించుకోవాలి. బోర్లు వేసుకునేవారు తప్పనిసరిగా భూగర్భ జలశాఖ అనుమతులు తీసుకోవాలి. అనుమతి లేకుండా బోర్‌లు వస్తే జరిమానాలు తప్పవు. – నాగరాజు, ఏడీ, గ్రౌండ్‌ వాటర్‌

● ‘చిన్న’బోతున్న పోషకాహార పంపిణీ లక్ష్యం ● పట్టించుకోని అధికారులు సిద్దిపేటరూరల్‌: జిల్లాలోని అంగన్‌వాడీ కేంద్రాల్లో కోడి గుడ్డు చిన్నబోతోంది. బాలింతలు, పసికందులకు పౌష్టికాహారం అందించాలనే ఉద్దేశంతో ప్రభుత్వం అంగన్‌వాడీ కేంద్రాల ద్వారా పంపిణీ చేస్తున్న కోడి గుడ్లు చిన్న సైజులో దర్శనమిస్తుండటం గమనార్హం. గుత్తేదారు ఇష్టారీతిగా సరాఫరా చేయడంతో పూర్తిగా పిట్టగుడ్లను తలపించేలా పరిస్థితి నెలకొంది. ప్రభుత్వ నిబంధనల మేరకు గుడ్లను సరాఫరా చేయాల్సిన గుత్తేదారు తక్కువ పరిమాణం, బరువు కలిగిన గుడ్లను సరాఫరా చేస్తూ ప్రభుత్వ ఖజానాకు గండి కొడుతున్నారు. ఎప్పటికప్పడు పర్యవేక్షించాల్సిన అధికారులు సైతం నిమ్మకు నీరెత్తినట్లు వ్యవహరించడంతో గుత్తేదారుల ఆగడాలకు అడ్డుఅదుపు లేకుండా పోతోంది. అంగన్వాడీ కేంద్రాలకు వస్తున్న లబ్ధిదారులు చేసేదేమి లేక విచారం వ్యక్తం చేస్తూ నిర్వాహకులు ఇచ్చిన గుడ్లను తీసుకుంటున్నారు. గుత్తేదారు ఇష్టారాజ్యం గుత్తేదారు వివిధ పరిమాణాల్లో గుడ్లు పంపిణీ చేస్తూ ఇష్టారాజ్యంగా వ్యవహరిస్తున్నా ఎవరూ పట్టించుకోవడం లేదు. అంగన్వాడీ కేంద్రాలకే కాదు పాఠశాలలకు కూడా ఇలాంటి గుడ్లనే అందజేస్తున్నారనే ఆరోపణలు వస్తున్నాయి. దీంతో గర్భిణులు, బాలింతలు, చిన్నారులు, విద్యార్థులకు పోషకాహారం అందించడంలో ప్రభుత్వ లక్ష్యం నెరవేరడం లేదు. సాధారణంగా మార్కెట్‌లో బరువు, పరిమాణం తక్కువగా ఉన్నవాటిని ఎవరూ తీసుకోరు. అలా వేరు చేసిన గుడ్లను తక్కువధర కు కొనుగోలు చేసి వాటిని అంగన్‌వాడీ కేంద్రాలకు అంటగడుతున్నారు. పలుమార్లు అంగన్‌వాడీ కేంద్రాలకు సరాఫరా చేసిన గుడ్లు కుళ్లిపోయిన ఘటనలు ఉన్నాయి. లక్ష్యానికి తూట్లు.. అంగన్వాడీ కేంద్రాలకు వచ్చే విద్యార్థులకు పోషకాహారం అందజేయాలనే ఉద్దేశంతో ప్రభుత్వం గుడ్లు పంపిణీ చేస్తోంది. పంపిణీలో అక్రమాలు, అధికారుల పర్యవేక్షణ లేమితో పూర్తి స్థాయిలో పౌష్టికాహారం అందడంలేదు. అంగన్వాడీ కేంద్రాలకు వచ్చే గుడ్లను టీచర్‌తో పాటుగా, సూపర్‌వైజర్‌ పరిశీలించి దిగుమతి చేసుకోవాలి. ప్రభుత్వ నిబంధనల ప్రకారం ఒక్కోటి కచ్చితంగా 45 గ్రాములు ఉండాలి. ఒక ట్రేలో సుమారు 30 గుడ్లు ఉంటాయి. ట్రే బరువు మినహాయిస్తే కిలోన్నర బరువు రావాలి. కాని ఒక్కో గుడ్డు 30 నుంచి 40 గ్రాములు మాత్రమే ఉంటున్నాయి. నెలకు రెండు నుంచి మూడు సార్లు గుత్తేదారు వీటిని పంపిణీ చేస్తున్నారు.

వీధుల్లో కుక్కలు విచ్చల విడిగా తిరుగుతూ జనాలను బెంబేలెత్తిస్తున్నాయి. ఇళ్లపై కోతులు సంచరిస్తూ భయభ్రాంతులకు గురిచేస్తున్నాయి. ఇళ్లను పీకి పందిరేస్తున్న కోతులు.. వీధుల్లో వీరవిహారం చేస్తున్న కుక్కలతో జనం బయటకు రావాలంటేనే జంకుతున్నారు. అయినా అధికారులు పట్టనట్లు వ్యవహరిస్తుండటంతో అసహనం వ్యక్తం చేస్తున్నారు. మిరుదొడ్డిలో వీధుల్లో తిరుగుతున్న శునకాలను, ఇళ్లపై సంచరిస్తున్న కోతులను బుధవారం ‘సాక్షి’ కెమెరా ఇలా క్లిక్‌ మనిపించింది. – మిరుదొడ్డి(దుబ్బాక) ఇంటిపై సంచరిస్తున్న కోతులు

● సీపీ రష్మీ పెరుమాళ్‌ ● పోలీసు కమిషనరేట్‌లో రక్తదాన శిబిరం సిద్దిపేటకమాన్‌: రక్తదానం ప్రాణదానంతో సమానమని పోలీసు కమిషనర్‌ రష్మీ పెరుమాళ్‌ తెలిపారు. పోలీసు అమరవీరుల సంస్మరణ వారోత్సవాల్లో భాగంగా పోలీసు కమిషనరేట్‌లో బుధవారం రక్తదాన శిబిరం నిర్వహించారు. ఈ సందర్భంగా ఆమె మాట్లాడుతూ.. దేశ రక్షణ, ప్రజల భద్రత కోసం ప్రాణాలను సైతం లెక్కచేయకుండా విధులు నిర్వర్తించి అమరులైన పోలీసు సిబ్బంది త్యాగాలు ప్రతి ఒక్కరికీ స్ఫూర్తిదాయకమన్నారు. అత్యవసర సమయాల్లో రక్తదానం చేయడం వల్ల విలువైన ప్రాణాలు కాపాడే అవకాశం ఉంటుందన్నారు. ప్రతి ఒక్కరూ సామాజిక బాధ్యతగా భావించి రక్తదానం చేయడానికి స్వచ్చందంగా ముందుకు రావాలని పిలుపునిచ్చారు. 186యూనిట్లు సేకరించినట్లు బ్లడ్‌ బ్యాంక్‌ మెడికల్‌ ఆఫీసర్‌, ఆర్‌ఎంఓ డాక్టర్‌ శ్రావణి తెలిపారు. ఆస్పత్రి సూపరింటెండెంట్‌ డాక్టర్‌ సంగీత, పాథాలజీ విభాగ హెచ్‌ఓడీ డాక్టర్‌ స్మితారెడ్డి, బ్లడ్‌ బ్యాంక్‌ మెడికల్‌ ఆఫీసర్‌ డాక్టర్‌ శ్రావణి సమన్వయంతో బ్లడ్‌ బ్యాంక్‌ నిర్వహించినట్లు తెలిపారు. కార్యక్రమంలో అదనపు డీసీపీలు కుశాల్కర్‌, సుభాష్‌చంద్రబోస్‌, ఏసీపీ రవిందర్‌రెడ్డి, మహిళా పోలీసు స్టేషన్‌ సీఐ దుర్గ, పోలీసు అధికారులు, సిబ్బంది, బ్లడ్‌ బ్యాంకు సిబ్బంది పాల్గొన్నారు. కమిషనరేట్‌ పరిధిలో స్పెషల్‌ డ్రైవ్‌ సిద్దిపేట పోలీసు కమిషనరేట్‌ పరిధిలో స్పెషల్‌ ఎన్‌ఫోర్స్‌మెంట్‌ డ్రైవ్‌ నిర్వహించినట్లు సీపీ రష్మీ పెరుమాళ్‌ తెలిపారు. ఆమె మాట్లాడుతూ.. తమ సిబ్బందితో కలిసి మంగళవారం రాత్రి వాహనాల తనిఖీ నిర్వహించినట్లు తెలిపారు. నిబంధనలు ఉల్లంఘింస్తూ వాహనాలు నడుపుతూ పట్టుబడిన వారిపై 500కు పైగా కేసులు నమోదు చేశామన్నారు. మద్యం తాగి వాహనాలు నడపుతూ పట్టుబడిన వారిపై 77, అతివేగం 91, డ్రైవింగ్‌ లైసెన్స్‌ లేకుండా వాహనాలు నడిపిన వారిపై 205, నెంబర్‌ ఫ్లేట్‌ లేకపోవడం 42, హెల్మెట్‌ లేకుండా వాహనాలు నడిపిన వారిపై 35, వాహన పత్రాలు లేని వారిపై 28తో పాటు ఇతర నిబంధనలు ఉల్లంఘించిన వాహనదారులపై కేసులు నమోదు చేసినట్లు తెలిపారు. రోడ్డు ప్రమాదాలు నివారించి, ప్రజల భద్రతను కాపాడమే లక్ష్యంగా ఈ ప్రత్యేక తనిఖీలు నిర్వహిస్తున్నామన్నారు.

● 150మందికి ముగ్గురే హాజరు ● ప్రభుత్వ గిరిజన బాలుర ఆశ్రమ పాఠశాల దుస్థితి ● సెలవుల అనంతరం మరమ్మతులు చేపడుతుండటమే కారణం హుస్నాబాద్‌: విద్యార్థులతో సందడిగా ఉండాల్సిన గిరిజన ఆశ్రమ పాఠశాల బోసిపోయి కనిపిస్తోంది. పాఠశాలలో టాయిలెట్ల మరమ్మతులు చేపడుతుండటంతో విద్యార్థులు పాఠశాలకు రావడం లేదు. దసరా సెలవుల నుంచి ఇప్పటి వరకు ఇంటిపట్టునే ఉంటున్న దుస్థితి. హుస్నాబాద్‌ పట్టణంలోని ప్రభుత్వ గిరిజన బాలుర ఆశ్రమ పాఠశాలలో 150 విద్యార్థులు ఉన్నారు. దసరా సెలవుల అనంతరం ఈ నెల 23 నుంచి పాఠశాలలను పునఃప్రారంభించారు. అయినా విద్యార్థులు ఎవరూ హాస్టల్‌కు రాలేదు. హాస్టల్‌లో ఉన్న 11 టాయిలెట్లు పని చేయకపోగా వాటి మరమ్మతుల కారణంతో విద్యార్థులు రావడం లేదని ఉపాధ్యాయులు చెబుతున్నారు. బుధవారం కేవలం ముగ్గురు మాత్రమే హాజరయ్యారు. మొత్తం 12 మంది ఉపాధ్యాయులకు గాను ఇద్దరు డిప్యూటేషన్‌ పై వెళ్లగా, మరొకరు ఇటీవలనే ఉద్యోగ విరమణ చేశారు. ప్రస్తుతం ఏడుగురు ఉపాధ్యాయులు విధులకు హాజరుకాగా, ఇద్దరు ఉపాధ్యాయులు లీవ్‌లో ఉన్నారు. బోసిపోయిన హాస్టల్‌ ప్రస్తుతం హాస్టల్‌ బోసిపోయింది. దసరా సెలవుల అనంతరం టాయిలెట్ల మరమ్మతులు ప్రారంభించారు. టాయిలెట్ల మరమ్మతులు జరుగుతున్నాయని, పూర్తి అయ్యే వరకు ఎవరూ హాస్టల్‌కు రావద్దని హుకుం జారీ చేసినట్లు తెలుస్తోంది. మరమ్మతులు దసరా సెలవుల్లోనే పూర్తి చేయాల్సి ఉండగా, పాఠశాల పునః ప్రారంభం రోజు నుంచి ప్రారంభించడంతో విద్యార్థులు హాజరుకాని పరిస్థితి. విద్యార్థులకు మెనూ ప్రకారం అందించే ఫుడ్‌ ఇచ్చినట్లు రాస్తున్నారా? లేదా? అనేది అనుమానమే. సకాలంలో టాయిలెట్లను పూర్తి చేయకపోవడం కాంట్రాక్టర్‌ నిర్లక్ష్యమా? ప్రభుత్వ వైఫల్యమా? అనేది ప్రశ్నార్థకంగా మారింది. ఈ విషయంపై ఫోన్‌ ద్వారా పాఠశాల ప్రిన్సిపాల్‌ శ్రీనాఽఽథ్‌ను వివరణ కోరగా టాయిలెట్లు మరమ్మతుల కారణంగా విద్యార్థులు పాఠశాలకు రావడం లేదన్నారు. అందరికీ ఫోన్లు చేసి రప్పిస్తున్నామని తెలిపారు. బుధవారం నుంచి ఒక్కొక్కరుగా వస్తున్నారని. గైర్హాజరైన రోజుల్లో విద్యార్థుల సంఖ్యను జీరోగానే చూపిస్తున్నామని చెప్పారు.

సిద్దిపేటజోన్‌: సిద్దిపేట నియోజకవర్గ పరిధిలో మూడేళ్లలో ఒక్క అభివృద్ధి పనిచేసింది లేదని, పంచాయతీ రాజ్‌ శాఖ కింద రూ.300 కోట్ల పనులు పెండింగ్‌లో ఉన్నాయని మాజీ మంత్రి హరీశ్‌రావు అన్నారు. బుధవారం ఎమ్మెల్యే క్యాంపు కార్యాలయంలో వివిధ శాఖల అధికారులతో సమీక్ష నిర్వహించారు. ఈ సందర్భంగా పంచాయతీ రాజ్‌ శాఖ పనితీరుపై ఆరా తీశారు. బీఆర్‌ఎస్‌ హయాంలో మంజూరైన పనులను రద్దు చేశారన్నారు. వాటిని రద్దు చేసిన ప్రభుత్వం మూడేళ్లలో ఒక్క కొత్త రోడ్డు వేసింది లేదని ఆవేదన వ్యక్తంచేశారు. పెండింగ్‌లో ఉన్న పనులను త్వరితగతిన పూర్తి చేయాలని అధికారులను ఆదేశించారు. ఆయా గ్రామాల్లో అంగన్వాడీ, మహిళా భవనాలు, పంచాయతీ కార్యాలయ భవన పనులను, సీసీ రోడ్డు పనుల్లో వేగవంతం చేయాలని సూచించారు. అదేవిధంగా హ్యామ్‌ రోడ్డు పనులను వెంటనే ప్రారంభించాలని సూచించారు. నియోజకవర్గ పరిధిలో రూ.50కోట్ల పనులు పూర్తి చేయాలన్నారు. సమైక్య రాష్ట్ర పరిస్థితి పునరావృతం సంక్షేమ హాస్టళ్లు దయనీయంగా మారాయని, ఒకప్పటి సమైక్య రాష్ట్ర పరిస్థితి పునరావృతం అవుతోందని హరీశ్‌రావు విమర్శించారు. బీఆర్‌ఎస్‌ ప్రభుత్వ హయాంలో సంక్షేమ హాస్టళ్లు క్షేమంగా ఉండగా, నేడు సంక్షోభంలో పడ్డాయని విమర్శించారు. ఆరు నెలలు గడుస్తున్నా విద్యార్థులకు యూనిఫామ్స్‌ లేవని ఆవేదన వ్యక్తంచేశారు. ఒక్క జత మాత్రమే ఇవ్వడం పట్ల ఆయన ఆగ్రహం వ్యక్తంచేశారు. వెంటనే మిగతా మూడు జతలు ఇవ్వాలని సూచించారు. నేటివరకు కాంట్రాక్టర్ల టెండర్‌ ఫైనల్‌ కాకపోవడంతో నిత్యావసర సరుకుల పరిస్థితి అగమ్యగోచరంగా మారిందన్నారు. కాస్మొటిక్‌ చార్జీలు వెంటనే మంజూరు చేయాలని డిమాండ్‌ చేశారు. జిల్లాలో హుస్నాబాద్‌ నియోజకవర్గ పరిధిలో బ్రేక్‌ ఫాస్ట్‌ పథకం ఎలా అమలు అవుతుందో.. అలాగే మిగతా ప్రాంతాల్లో ఎందుకు అమలు కావడం లేదని ప్రశ్నించారు. సిద్దిపేట జిల్లా విద్యార్థుల పట్ల ప్రభుత్వం వివక్ష చూపుతుందని ఆరోపించారు. నియోజకవర్గ పరిధిలోని హాస్టళ్ల మరమ్మతుల కోసం ప్రతిపాదనలు సిద్ధం చేయాలన్నారు. డిగ్రీ కళాశాలలో సీట్లు వచ్చి హాస్టళ్లలో సీటు రాక 600మంది విద్యార్థులు టీసీ తీసుకొని వెళ్లినట్లు పేర్కొన్నారు. హాస్టల్‌ను వినియోగంలోకి తేవాలని సూచించారు. సమావేశంలో పంచాయతీ రాజ్‌, సాంఘిక సంక్షేమ శాఖ అధికారులు, పాల్గొన్నారు. సమీక్ష లో మాజీ మంత్రి హరీశ్‌రావు రోడ్లను బాగుచేసింది లేదు.. సంక్షోభంలో సంక్షేమ హాస్టళ్లు బ్రేక్‌ పాస్ట్‌ పథకంలో సిద్దిపేటపై నిర్లక్ష్యం అధికారులతో మాజీ మంత్రి హరీశ్‌రావు సమీక్ష

● కొమురవెల్లిలో తీవ్రం ● మరో ఏడు మండలాల్లో మధ్యస్థంసాక్షి, సిద్దిపేట: జిల్లాపై కరవు ఛాయలు కమ్ముకున్నాయి. వర్షాభావ పరిస్థితులు, వ్యవసాయ రంగంపై వాటి ప్రభావాన్ని పరిగణనలోకి తీసుకున్న రాష్ట్ర ప్రభుత్వం జిల్లాలోని ఎనిమిది మండలాలను కరవు ప్రభావిత ప్రాంతాలుగా గుర్తించింది. ఈ మేరకు రెవెన్యూ (విపత్తుల నిర్వహణ) శాఖ ఉత్తర్వులు జారీ చేసింది. ఇందులో కొమురవెల్లి మండలాన్ని తీవ్ర కరవు ప్రభావిత ప్రాంతంగా, మరో ఏడు మండలాలైన బెజ్జంకి, వర్గల్‌, ములుగు, మార్కుక్‌, చేర్యాల, నారాయణరావుపేట, దూల్మిట్ట లను మధ్యస్థ కరవు ప్రభావిత ప్రాంతాలుగా ప్రకటించారు. ఈ కరువు పరిస్థితుల్లో రైతులను ఆదుకునేందుకు ప్రభుత్వం చర్యలు చేపట్టింది. కరువు ప్రభావిత మండలాల్లోని రైతులకు ఇన్‌పుట్‌ సబ్సిడీ అందించడంతో పాటు ,వ్యవసాయ పెట్టుబడి సాయాన్ని డీబీటీ(డైరెక్ట్‌ బెన్‌ఫిట్‌ ట్రాన్స్‌ఫర్‌) ద్వారా రైతుల ఖాతాల్లో జమచేసేందుకు ప్రణాళికలు రూపొందించనున్నారు. అంతేకాకుండా తాగునీరు, పశుగ్రాసం కొరత తలెత్తకుండా ప్రత్యేక చర్యలు చేపట్టడంతో పాటు, ఉపాధి పనులు కింద మరో 50రోజులు పని కల్పించనున్నారు.

సుదీర్ఘ చర్చ.. ఆసక్తికరంగా ఉమ్మడి మెదక్‌ జిల్లా సమీక్షసమావేశంలో పాల్గొన్న వివిధ శాఖల అధికారులు, ప్రజాప్రతినిధులు కొందరు తహసీల్దార్లు అవినీతి అక్రమాలకు పాల్పడుతున్నట్లు ఇంటెలిజెన్స్‌ రిపోర్టులు ఉన్నాయని, వీరు తమ తీరు మార్చుకోకపోతే సస్పెండ్‌తో సరిపెట్టకుండా ఏకంగా టెర్మినేట్‌ చేస్తామని పొంగులేటీ హెచ్చరించారు. 22ఏ, ప్రభుత్వ భూముల అన్యాక్రాంతం, భూముల రీసర్వే తదితర రెవెన్యూ అంశాలపై సమీక్ష సందర్భంగా రెవెన్యూ అధికారుల పనితీరుపై తీవ్ర స్థాయిలో మండిపడ్డారు. తక్షణం తీరు మార్చుకోవాలని హెచ్చరించారు. సాక్షిప్రతినిధి, సంగారెడ్డి: ప్రతిపక్ష బీఆర్‌ఎస్‌ ఎమ్మెల్యేల విమర్శలు.. అధికార కాంగ్రెస్‌ పార్టీ ప్రజాప్రతినిధుల వివరణలతో ఉమ్మడి మెదక్‌ జిల్లా సమీక్షా సమావేశం ఆసక్తికరంగా సాగింది. రెవెన్యూ, రిజిస్ట్రేషన్‌, హౌసింగ్‌ తదితర శాఖల అంశాలపై మంగళవారం సంగారెడ్డి జెడ్పీ సమావేశం హాలులో కీలక సమావేశం జరిగింది. మంత్రులు దామోదర రాజనర్సింహ, వివేక్‌తో కలిసి రెవెన్యూశాఖ మంత్రి పొంగులేటి శ్రీనివాస్‌రెడ్డి సుమారు ఐదు గంటల పాటు సుదీర్ఘంగా సమీక్షించారు. భూములు సర్వే.. ఇందిరమ్మ ఇళ్ల ప్రగతి.. భూసమస్యల పరిష్కారం.. ఎల్‌నినో ప్రభావంతో తలెత్తే నీటి సమస్యలు వంటి అంశాలను చర్చించారు. సీసీఎల్‌ఏ కమిషనర్‌ లోకేశ్‌కుమార్‌, రిజిస్ట్రేషన్లశాఖ స్పెషల్‌ సెక్రటరీ రాజీవ్‌గాంధీ హన్మంతు, హౌసింగ్‌ ఎండీ గౌతమ్‌, ఎంపీలు సురేష్‌షెట్కార్‌, రఘునందన్‌రావు, ఎమ్మెల్సీ చిన్నమైల్‌ అంజిరెడ్డి, ఎమ్మెల్యేలు సునీతారెడ్డి, కొత్త ప్రభాకర్‌రెడ్డి, చింతప్రభాకర్‌, మాణిక్‌రావు, సంజీవరెడ్డి, మూడు జిల్లాల కలెక్టర్లు, ఆయా శాఖల రాష్ట్ర, జిల్లా ఉన్నతాధికారులు పాల్గొన్నారు. ఇందిరమ్మ ఇళ్ల కోటాపైనా.. ఇందిరమ్మ ఇళ్ల లబ్ధిదారుల ఎంపిక చేసే అధికారాన్ని ప్రతిపక్ష ఎమ్మెల్యేలకు కూడా కోటా కేటాయించాలని బీఆర్‌ఎస్‌ ఎమ్మెల్యేలు సమీక్షలో డిమాండ్‌ చేశారు. కనీసం 40 శాతం ప్రతిపక్ష ఎమ్మెల్యేలకు ఇవ్వాలన్నారు. ఇందుకు మంత్రులు సానుకూలంగా స్పందించినట్లు సమాచారం. ప్రతి భూ యజమానికి భూధార్‌: పొంగులేటి ప్రతి భూ యజమానికి భూదార్‌ ప్రత్యేక గుర్తింపు సంఖ్యను కేటాయిస్తున్నామని రాష్ట్ర రెవెన్యూశాఖ మంత్రి పొంగులేటి శ్రీనివాస్‌రెడ్డి పేర్కొన్నారు. క్యూఆర్‌ కోడ్‌లతో కూడిన ఉపగ్రహ చిత్రాలతో పట్టాదారు పాసుపుస్తకాలు ఇస్తామన్నారు. ఒక్కో జిల్లాలో 70 రెవెన్యూ గ్రామాల్లో భూసర్వే చేపట్టామన్నారు. పక్షం రోజుల్లో డబుల్‌బెడ్‌రూం ఇండ్ల కేటాయింపులు పూర్తి చేయాలని డిమాండ్‌ చేశారు. ల్యాండ్‌ సీలింగ్‌ యాక్టును పకడ్బందీగా అమలు చేయాలి: ఎమ్మెల్సీ ల్యాండ్‌ సీలింగ్‌ యాక్టును పకడ్బందీగా అమలు చేయాలని బీజేపీ ఎమ్మెల్సీ అంజిరెడ్డి సమీక్షలో డిమాండ్‌ చేశారు. డబుల్‌బెడ్రూం గృహాలను స్థానికంగా నివాసం ఉండే వారికే కేటాయించాలని మంత్రుల దృష్టికి తెచ్చారు. వెయ్యి ఎకరాలు లాక్కున్నారు: ఎమ్మెల్యే చింతా ప్రభాకర్‌ జిల్లాలో టీజీఐఐసీ పేరుతో నిరుపేదలకు చెందిన సుమారు వెయ్యి ఎకరాలు లాక్కున్నారని సంగారెడ్డి ఎమ్మెల్యే చింతాప్రభాకర్‌ సమీక్ష సమావేశంలో విమర్శించారు. అసైన్డ్‌ భూములకు పట్టాలిస్తామని ఇచ్చిన హామీని వెంటనే అమలు చేయాలని డిమాండ్‌ చేశారు. ముంబై హైవే పనులను వేగవంతం చేయాలని వాహనదారులు ఇబ్బందులు పడుతున్నారని పేర్కొన్నారు. హాజరైన మంత్రులు పొంగులేటి, దామోదర, వివేక్‌ సర్కార్‌ వైఫల్యాలను ప్రశ్నించిన బీఆర్‌ఎస్‌ ఎమ్మెల్యేలు ప్రతి విమర్శలు చేసిన మంత్రులు, కాంగ్రెస్‌ ప్రజాప్రతినిధులు పాల్గొన్న వివిధ శాఖల ఉన్నతాధికారులుమూడు జిల్లాల ఉన్నతాధికారులతో నిర్వహించిన ఈ కీలక సమీక్షా సమావేశానికి మీడియాను అనుమతించకపోవడం గమనార్హం. కాంగ్రెస్‌ కార్యకర్తలు, చోటామోటా నేతలను, అధికారిక వ్యక్తులు కూడా సమీక్ష హాలులోకి అనుమతించడం గమనార్హం. సర్కారు వైఫల్యాలు వెలుగులోకి వస్తాయనే అంతర్గత సమీక్ష నిర్వహించారని బీఆర్‌ఎస్‌, బీజేపీ ప్రజాప్రతినిధులు విమర్శించారు. ఎల్‌నినోపై చర్చకు విపక్షాలు పట్టు.. సమీక్షలో బీఆర్‌ఎస్‌ ఎమ్మెల్యేలు ఎల్‌నినో కరువు అంశాన్ని చర్చించాలని డిమాండ్‌ చేశారు. తీవ్ర కరువు పరిస్థితులు నెలకొన్నప్పటికీ.. రివీట్‌మెంట్‌ పనుల పేరుతో సింగూరు ప్రాజెక్టు నుంచి ఎనిమిది టీఎంసీల నీటిని నదిలోకి వృఽథాగా వదిలేశారని విమర్శించారు. ఇప్పటికే తాగునీటి సమస్య షురువైందని పలువురు ఎమ్మెల్యేలు సమావేశం దృష్టికి తెచ్చారు.

● సమస్యల పరిష్కారానికి పోరాటం ● మాజీ మంత్రి హరీశ్‌రావు గజ్వేల్‌: రేషన్‌ డీలర్ల సమస్యలు పరిష్కారమయ్యేంత వరకు వారి పక్షాన పోరాటం చేస్తామని మాజీ మంత్రి హరీశ్‌రావు అన్నారు. మంగళవారం గజ్వేల్‌–ప్రజ్ఞాపూర్‌ మున్సిపాలిటీ పరిధిలోని బింగి ఎల్లయ్య గార్డెన్స్‌లో నిర్వహించిన రేషన్‌ డీలర్ల రాష్ట్రస్థాయి గౌరవ వేతన సాధన సభకు ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ బీఆర్‌ఎస్‌ హయాంలో రేషన్‌ డీలర్ల ఇబ్బందులను గుర్తించి కమీషన్‌ను క్వింటాలుకు రూ.70నుంచి రూ.140కి పెంచామని గుర్తు చేశారు. అధికారంలోకి వస్తే రూ.300 కమీషన్‌తోపాటు రూ.5వేల గౌరవ వేతనం ఇస్తామని హామీ ఇచ్చిన కాంగ్రెస్‌ నేడు మాట తప్పిందన్నారు. అందాల పోటీలు, మూసీ ప్రక్షాళన, ఫ్యూచర్‌ సిటీకి డబ్బులుంటాయి గానీ.. రేషన్‌ డీలర్లకు గౌరవ వేతనం, కమీషన్‌ పెంపునకు డబ్బుల్లేవా? అంటూ ప్రశ్నించారు. జడ్చర్ల ఎమ్మెల్యే, రాష్ట్ర రేషన్‌ డీలర్ల సంఘం గౌరవ అధ్యక్షుడు అనిరుధ్‌రెడ్డి మాట్లాడుతూ రేషన్‌ డీలర్ల సమస్యల పరిష్కారానికి ప్రభుత్వంతో మాట్లాడతానని హామీ ఇచ్చారు. డిమాండ్ల తీరే వరకు అండగా ఉంటానని అన్నారు. పటాన్‌చెరు ఎమ్మెల్యే, రేషన్‌ డీలర్ల సంఘం మరో గౌరవ అధ్యక్షుడు గూడెం మహిపాల్‌రెడ్డి మాట్లాడుతూ డీలర్ల సమస్యల పరిష్కారానికి ప్రభుత్వంపై ఒత్తిడి పెంచేందుకు త్వరలోనే హైదరాబాద్‌లో భారీ సభను నిర్వహిస్తామన్నారు. ప్రభుత్వం నుంచి స్పష్టమైన హామీ వచ్చేంతవరకు పోరాటం ఆగదన్నారు. రేషన్‌ డీలర్ల సంక్షేమ సంఘం రాష్ట్ర అధ్యక్షుడు నాయికోటి రాజు మాట్లాడుతూ సమస్యల పరిష్కారానికి పోరాట కార్యాచరణ చేయనున్నామన్నారు. అవసరమైతే తానూ ఆమరణ దీక్షకు సిద్ధంగా ఉన్నానని స్పష్టం చేశారు. సభలో ఎమ్మెల్సీ యాదవరెడ్డి, అటవీ అభివృద్ధి సంస్థ మాజీ చైర్మన్‌ వంటేరు ప్రతాప్‌రెడ్డి, రేషన్‌ డీలర్ల సంఘం రాష్ట్ర ప్రధాన కార్యదర్శి శ్రీకాంత్‌, నాయకులు తదితరులు పాల్గొన్నారు.

స్పందించిన ఆర్టీసీ అధికారులు సిద్దిపేటకమాన్‌: సిద్దిపేట ఆర్టీసీ అధికారులు బస్టాండ్‌ షాపింగ్‌ కాంప్లెక్స్‌లోని గదుల అద్దైపె విచారణ చేపట్టారు. ‘సాక్షి’ కథనానికి ఆర్టీసీ అధికారులు స్పందించారు. బస్టాండ్‌ షాపింగ్‌ కాంప్లెక్స్‌లో గదుల అద్దె దందాపై ‘రికార్డులో ఒకరు.. షాపులో మరొకరు’ పేరుతో ‘సాక్షి’లో మంగళవారం కథనం ప్రచురితమైంది. ఈ కథనం జిల్లా వ్యాప్తంగా చర్చనీయాంశమైంది. కథనానికి ఆర్టీసీ అధికారులు స్పందించి విచారణ జరిపి దుకాణానికి ఏర్పాటు చేసిన టూలెట్‌ ఫ్లెక్సీని మంగళవారం తొలగించారు. ఈ సందర్భంగా ఆర్టీసీ డిపో సీఐ కనకలక్ష్మి మాట్లాడుతూ నిబంధనలకు అనుగుణంగా దుకాణాలను నిర్వహించాలని, విరుద్దంగా నిర్వహించినా, షాపులు ఎవరికై నా అద్దెకు ఇచ్చినా విచారణ జరిపి చర్యలు తీసుకుంటామన్నారు. సిద్దిపేటజోన్‌: జిల్లా కేంద్రంలోని స్వచ్ఛబడిని మంగళవారం ట్రైనీ ఐఏఎస్‌ అధికారులు సందర్శించారు. యూపీఎస్‌సీకి ఎంపికై న ఏడుగురు అధికారులు క్షేత్ర స్థాయిలో పరిశీలించారు. కోమటిచెరువు, స్వచ్ఛబడి, అభయ జ్యోతి మానసిక కేంద్రం తదితర ప్రాంతాల్లో పర్యటించారు. తడి పొడి చెత్త ద్వారా ఆదాయ వనరుల, పునర్వినియోగం, కోమటి చెరువు సుందరీకరణ తదితర అంశాలపై అరా తీశారు. కార్యక్రమంలో ట్రైనీ ఐఏఎస్‌ అధికారులు భాగ్యశ్రీ, ఆదిత్య తివారీ, తుషాల్‌, శావేజ్‌, అభిషేక్‌, హిమాన్స్‌ ఉన్నారు.

హుస్నాబాద్‌: బాలల హక్కులను కాపాడటానికి, సురక్షితమైన వాతావరణాన్ని కల్పించడానికి పోక్సో చట్టం రక్షణ కవచమని ప్రిన్సిపాల్‌ జూనియర్‌ సివిల్‌ జడ్జి రేవతి అన్నారు. సోమవారం మండల న్యాయ సేవల కమిటీ ఆధ్వర్యంలో ప్రభుత్వ బాలుర, బాలికల ఉన్నత పాఠశాలల్లో చట్టాలపై అవగాహన కార్యక్రమం నిర్వహించారు. బాలుర ఉన్నత పాఠశాలలో జడ్జి రేవతి, బాలికల ఉన్నత పాఠశాలలో మొదటి అదనపు జూనియర్‌ సివిల్‌ జడ్జి ప్రమీద హాజరయ్యారు. ఈ సందర్భంగా జడ్జిలు మాట్లాడుతూ బాలలపై జరిగే లైంగిక వేధింపులు, అనుచిత ప్రవర్తన వంటి చర్యలను ఎట్టి పరిస్థితుల్లో ఉపేక్షించకూడదన్నారు. కార్యక్రమంలో న్యాయవాది కన్నోజు రామకృష్ణ, పాఠశాల హెచ్‌ఎంలు వాసుదేవ రెడ్డి, గంగిశెట్టి మహేందర్‌, ఉపాధ్యాయులు పాల్గోన్నారు. గజ్వేల్‌: వార్డుల్లో మౌలిక వసతుల కల్పనపై ప్రత్యేక దృష్టి సారించినట్లు మున్సిపల్‌ చైర్‌పర్సన్‌ గంగిశెట్టి చందన అన్నారు. సోమవారం అయిదో వార్డులో ఎస్సీ, ఎస్టీ సబ్‌ప్లాన్‌ కింద చేపట్టనున్న అంబేడ్కర్‌ భవన్‌ పనులకు మున్సిపల్‌ కమిషనర్‌ గణేశ్‌రెడ్డితో కలిసి శంకుస్థాపన చేశారు. ఈ సందర్భంగా ఆమె మాట్లాడుతూ వార్డుల వారీగా సమస్యలపై అధ్యయనం చేస్తున్నామని, దశలవారీగా వాటి పరిష్కారానికి ప్రత్యేక కార్యాచరణ రూపొందిస్తున్నట్లు చెప్పారు. కార్యక్రమంలో మున్సిపల్‌ వైస్‌ చైర్‌పర్సన్‌ పద్మబాయి, కౌన్సిలర్‌ మన్నె రూప తదితరులు పాల్గొన్నారు. రేపు జాబ్‌మేళా సిద్దిపేటరూరల్‌: దివ్యాంగ యువత, విద్యార్థులకు ప్రైవేట్‌ సంస్థల్లో ఉద్యోగ అవకాశం కల్పించేందుకు ఈనెల 28న జాబ్‌మేళా నిర్వహించనున్నట్లు జిల్లా ఉపాధికల్పన అధికారి ప్రియాంక సోమవారం ఒక ప్రకటనలో పేర్కొన్నారు. ఇర్కోడ్‌లోని ప్రభుత్వ ఐటీఐలో నిర్వహించనున్న ఈ జాబ్‌మేళాను యువత సద్వినియోగం చేసుకోవాలన్నారు. జాబ్‌మేళాలో 5 కంపెనీలు పాల్గొననున్నాయని, పదోతరగతి, ఇంటర్‌, ఐటీఐ, ఏదైనా డిగ్రీ చదివిన వారు అర్హులన్నారు. సిద్దిపేట రూరల్‌: బీసీ–ఏ జాబితాలో ఇతర కులాలను చేర్చవద్దని, తమ రిజర్వేషన్‌ ప్రయోజనాలు దెబ్బతినే అవకాశం ఉందని జిల్లా బీసీ–ఏ కుల సంఘాల నాయకులు కోరారు. సోమవారం కలెక్టరేట్‌లో నిర్వహించిన ప్రజావాణిలో కలెక్టర్‌కు వినతిపత్రం అందజేశారు. ఈ సందర్భంగా నాయకులు మాట్లాడుతూ.. బీసీ–ఏ జాబితాలో ఉన్న 57 కులాల హక్కులను పరిరక్షించాల్సిన బాధ్యత ప్రభుత్వంపై ఉందన్నారు. ముదిరాజ్‌లను బీసీ–ఏ జాబితాలో చేర్చే అంశంపై ప్రభుత్వం పునరాలోచన చేయాలన్నారు. వెనుకబడిన కులాలకు అన్యాయం చేయవద్దని కోరారు.

● దళారులకు ధాన్యం విక్రయించి మోసపోవద్దు ● మంత్రి పొన్నం ప్రభాకర్‌ హుస్నాబాద్‌: రైతులు పండించిన ధాన్యం, పత్తిని కొనుగోలు చేసేందుకు ప్రభుత్వం అన్ని చర్యలు తీసుకుంటుందని, కొనుగోలు కేంద్రాల్లోనే మద్దతు ధర లభిస్తుందని మంత్రి పొన్నం ప్రభాకర్‌ అన్నారు. సోమవారం హుస్నాబాద్‌ వ్యవసాయ మార్కెట్‌ యార్డులో ధాన్యం, పత్తి కొనుగోలు కేంద్రాలను మంత్రి ప్రారంభించారు. అనంతరం మంత్రి విలేకరుల సమావేశంలో మాట్లాడారు. హుస్నాబాద్‌ నియోజకవర్గంలో 136 కొనుగోలు కేంద్రాలను ప్రారంభిస్తున్నట్లు వెల్లడించారు. ఉత్పత్తులను దళారులకు విక్రయించి మోసపోవద్దని కోరారు. సన్న ధాన్యానికి బోనస్‌ రైతుల ఖాతాలో జమ చేసే బాధ్యత ప్రభుత్వానిదేనన్నారు. 28న అఖిల పక్ష సమావేశం.. ఎల్‌నినో ప్రభావంపై ఈ నెల 28న అన్ని రాజకీయ పార్టీలతో అఖిల పక్ష సమావేశం నిర్వహించనున్నట్లు మంత్రి వెల్లడించారు. తాగునీరు, విద్యుత్‌, వ్యవసాయ రంగాలకు సంబంధించి తీసుకోవాల్సిన చర్యలపై చర్చిస్తామన్నారు. హుస్నాబాద్‌లోనూ అన్ని రాజకీయ పార్టీలతో ప్రత్యేక సమావేశం ఏర్పాటు చేసి ఎల్‌నినో ప్రభావాన్ని ఎదుర్కోనేందుకు అవసరమైన కార్యచరణ పై చర్చిస్తామని తెలిపారు. సమావేశంలో ఆర్డీఓ రామ్మూర్తి, మున్సిపల్‌ చైర్‌ పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, మార్కెట్‌ కమిటి చైర్మన్లు తిరుపతి రెడ్డి, సుధాకర్‌, కౌన్సిలర్లు, సర్పంచ్‌లు, రైతులు పాల్గొన్నారు. లోక కల్యాణం కోసమే చండీయాగం లోక కల్యాణం కోసం, ఎల్‌నినో ప్రభావంతో వర్షాభావ పరిస్థితుల్లో ప్రజలకు ఇబ్బందులు రాకుండా చూడాలని చండీయాగం నిర్వహించినట్లు మంత్రి పొన్నం ప్రభాకర్‌ తెలిపారు. సోమవారం హుస్నాబాద్‌ పట్టణంలోని ఎల్లమ్మ దేవాలయంలో 18వ చండీయాగంలో మంత్రి పాల్గొని పూజలు చేశారు. ఈ సందర్భంగా మంత్రి పొన్నం మాట్లాడుతూ ప్రతి పౌర్ణమి రోజున హుస్నాబాద్‌లోని రేణుకా ఎల్లమ్మ దేవాలయంలో మహా చండీయాగం, ప్రతి అమావాస్య రోజున కొత్తకొండలోని భద్రకాళీ సమేత వీరభద్రస్వామికి ప్రత్యేక పూజలు నిర్వహిస్తున్నట్లు తెలిపారు. గ్రామ దేవతల ఆశీస్సులతో రాష్ట్ర ప్రజలంతా ఆయురారోగ్యాలతో, సుఖ సంతోషాలతో ఉండాలన్నారు. ముఖ్యమంత్రి రేవంత్‌ రెడ్డి కూడా నాగార్జునసాగర్‌లో పూజలు చేశారని తెలిపారు.

● కలెక్టర్‌ కె. హైమావతి ● వచ్చిన అర్జీలు 103 సిద్దిపేటరూరల్‌: ప్రజావాణిలో భాగంగా ప్రజలు అందించిన అర్జీలను వేగంగా పరిష్కరించి మళ్లీ పునరావృతం కాకుండా చూడాలని కలెక్టర్‌ హైమావతి అధికారులను ఆదేశించారు. సోమవారం కలెక్టరేట్‌లోని మీటింగ్‌ హాల్‌లో నిర్వహించిన ప్రజావాణి కార్యక్రమంలో అర్జీలను స్వీకరించారు. ఈ సందర్భంగా కలెక్టర్‌ మాట్లాడుతూ ప్రజలు ఎంతో నమ్మకంతో అర్జీలు అందిస్తారని, వాటి పరిష్కారానికి చర్యలు తీసుకోవాలన్నారు. కార్యక్రమంలో డీఆర్‌ఓ నాగరాజమ్మ, ప్రత్యేక డిప్యూటీ కలెక్టర్లు సుదర్శన్‌రెడ్డి, విజయలక్ష్మి, ట్రైనీ డిప్యూటీ కలెక్టర్‌ భవ్య, జిల్లా అధికారులు తదితరులు పాల్గొన్నారు. తాగునీటి వృథాపై అవగాహన కల్పించాలి ప్రజావాణి కార్యక్రమానికి ముందు వేసవిలో ఇంటింటికీ తాగునీరు అందించే కార్యాచరణపై అధికారులతో కలెక్టర్‌ సమీక్షా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ నవంబర్‌ మొదటి, రెండవ వారాల్లో వేసవిలో తాగునీరు అందించే ప్రక్రియపై స్పెషల్‌డ్రైవ్‌ నిర్వహించనున్నట్లు తెలిపారు. ప్రజాపాలన – ప్రగతి ప్రణాళికలో మిషన్‌ భగీరథలో చేసిన పనులు ట్యాంకులు శుభ్రం చేయడం, లీకేజీలు లేకుండా చూడడం, రికార్డుల నిర్వహణ, తాగునీరు వృథా చేయకుండా ప్రజల్లో అవగాహన కల్పించడం వంటి చర్యలు చేపట్టాలన్నారు. అనంతరం శాఖల వారీగా ప్రజావాణి పెండింగ్‌ దరఖాస్తుల వివరాలు, పరిష్కారం వంటివాటిపై ఆరా తీశారు. మండలాల వారీగా నిర్వహిస్తున్న ప్రజావాణిలో దరఖాస్తులు సైతం పరిష్కరించాలని అధికారులను ఆదేశించారు. రైతు ఆత్మహత్య కుటుంబాలకు న్యాయం చేయండి జిల్లాలో ఆత్మహత్య చేసుకున్న రైతు కుటుంబాలకు న్యాయం చేయాలని కోరుతూ రైతు స్వరాజ్య వేధిక ఆధ్వర్యంలో సోమవారం బాధిత కుటుంబాలతో కలసి ప్రజావాణిలో కలెక్టర్‌కు వినతిపత్రాన్ని అందజేశారు. ఈ సందర్భంగా వారు మాట్లాడుతూ రైతులు ఆత్మహత్యతో కుటుంబ పెద్దను కోల్పోయిన కుటుంబాలు ఇప్పటికే తీవ్ర ఆర్థిక ఇబ్బందులు ఎదుర్కోంటున్నాయన్నారు. పిల్లల చదువులు, కుటుంబ పోషణ వంటి కనీస అవసరాలను తీర్చువడం కష్టంగా మారిందన్నారు. రెవెన్యూ, వ్యవసాయ అధికారులు బాధిత కుటుంబాలను సంప్రదించి క్షేత్రస్థాయిలో విచారణ పూర్తి చేయాలన్నారు.

ఈ ఫొటోలో కనిపిస్తున్న రైతు పేరు సంగాపురం యాదగిరి. ఈయనది గజ్వేల్‌. తన అర ఎకరానికిపైగా వరి పొలం పొట్ట దశలో ఉంది. లో–ఓల్టేజీ కారణంగా బోరుబావి నడవక, వరి ఎండిపోయే పరిస్థితి వచ్చింది. ఈ క్రమంలోనే సోమవారం ఆరు ట్యాంకర్లు తెప్పించుకొని నీరు పారబెట్టుకున్నాడు. ఒక్కో ట్యాంకర్‌కు రూ.600పైగా ఖర్చు అయ్యిందని రైతు చెబుతున్నారు. ఎల్‌నినో తీవ్రరూపం దాల్చిన వేళ.. ప్రస్తుత యాసంగిలో ‘వరి’ సాగును కట్టడి చేయడానికి ఏం చేయాలనే అంశంపై వ్యవసాయశాఖ సీరియస్‌గా దృష్టి సారించింది. గ్రామాల్లో ఇప్పటికే ‘ఖేత్‌ బచావో అభియాన్‌’ పేరిట కార్యక్రమాలకు శ్రీకారం చుట్టింది. ఆరుతడి పంటలు వేసుకోవాలని రైతులను చైతన్యపరుస్తున్నది. మరోవైపు వరి సాగును తగ్గించాలంటే విత్తనాల విక్రయాలపై నిఘా పెట్టాలనే అంశాన్ని పరిశీలిస్తున్నట్లు తెలుస్తోంది. –గజ్వేల్‌జిల్లాలో ఏటా యాసంగిలో 3లక్షల ఎకరాలకుపైగా వివిధ రకాల పంటలు సాగులోకి వస్తుంటాయి. ఇందులో సుమారు 2లక్షల ఎకరాలకుపైగా వరి సాగులోకి వస్తుంది. కానీ ఈసారి ఆ పరిస్థితి కనిపించడం లేదు. అన్ని రకాల పంటలు కలుపుకొని కనీసం 1.50లక్షల ఎకరాల్లో పంటలు సాగులోకి రావడమే గగనంగా మారబోతుంది. ఎల్‌నినో ప్రభావం వల్ల వానాకాలంలో వర్షపాతం గణనీయంగా పడిపోయింది. వానాకాలం సీజన్‌లో జూన్‌ 1నుంచి సెప్టెంబర్‌ 30వరకు 614.8మి.మీల సాధారణ వర్షపాతానికి చేరువలో వర్షపాతం కురిసిందని అధికారులు చెబుతున్నా.. చెరువులు, కుంటలు వెలవెలబోతున్నాయి. ప్రత్యేకించి రంగనాయకసాగర్‌, మల్లన్నసాగర్‌, కొండపోచమ్మసాగర్‌ రిజర్వాయర్లలో నీటి నిల్వలు డెడ్‌స్టోరేజీకి చేరుకోవడంవల్ల ఈసారి చుక్కనీరు కూడా కాల్వల్లోకి వదల్లేదు. ఫలితంగా 5.50లక్షల ఎకరాల్లో పంటలు సాగులోకి వసాయనుకుంటే కేవలం 4.47లక్షల ఎకరాలకు సాగు పరిమితమైంది. సాధారణంగా వరి ఏటా 3.85లక్షల ఎకరాల్లో సాగులోకి వస్తుండేది. కానీ 3లక్షల ఎకరాలకే పరిమితమైంది. తీవ్రవర్షాభావం, ఎక్కువ రోజులు డ్రై స్పెల్‌ కొనసాగటంతో వరి, పత్తి, మొక్కజొన్న ఇతర పంటలు ఎండిపోయాయి. మరో విషయమేమిటంటే భూగర్భజలాలు పాతాళానికి పడిపోయాయి. ఇలాంటి పరిస్థితుల్లో యాసంగిలో వరి సాగుచేస్తే నీరందే పరిస్థితులు కనిపించడం లేదు. ఈనేపథ్యంలోనే వ్యవసాయశాఖ ప్రస్తుత సీజన్‌లో గ్రామాల్లో ‘ఖేత్‌ బచావో అభియాన్‌’ పేరిట కార్యక్రమాలను చేపడుతోంది. యాసంగికి సంబంధించి ఆరుతడి పంటలైన పొద్దుతిరుగుడు, ఆయిల్‌ఫామ్‌, మొక్కజొన్న, కందులు, పెసర్లు, జొన్న, రాగులు, పప్పుధాన్యాలు, కూరగాయల సాగువైపు మళ్లాలని సూచనలు చేస్తోంది. వరి విత్తనాల విక్రయంపై నిఘా...? వరి విత్తనాల అమ్మకాలపై నిఘా పెడితేనే సాగును కట్టడి చేయొచ్చుననే ఆలోచనతో వ్యవసాయశాఖ ముందుకుసాగుతోంది. ఇందుకోసం ప్రత్యేక కార్యాచరణ రూపొందిస్తున్నట్ల తెలుస్తోంది. విత్తన డీలర్లతో రైతులకు అవగాహన కల్పించడానికి ప్రయత్నిస్తున్నారు. ఎవరైనా రైతు తన పొలంలో వరి తప్ప.. ఇతర పంటలు సాగుచేయనని, తనకు కచ్చితంగా వరి విత్తనాలే కావాలని అడిగితే... ‘సెల్ఫ్‌ డిక్లరేషన్‌’ ఫారమ్‌ నింపి విత్తనాలు తీసుకెళ్లేలా కార్యాచరణ ఉండబోతుందనే ప్రచారం జరుగుతోంది. ఈ విషయంపై వ్యవసాయశాఖ అధికారికంగా ఎలాంటి ప్రకటన చేయకపోయినా, అంతర్గతంగా విత్తన డీలర్లకు సమాచారం ఇచ్చినట్లు తెలిసింది. యాసంగి కార్యాచరణకు సిద్ధమవుతున్న వ్యవసాయశాఖ విత్తనాల విక్రయాలపై నిఘా ఎల్‌నినో నేపథ్యంలో నిర్ణయం ఆరుతడి పంటలవైపు మళ్లించే ప్రయత్నం

సిద్దిపేట డిపో పరిధిలో మొత్తం 45 షాపింగ్‌ గదులు ఉండగా, అవన్నీ కేవలం ఐదుగురు వ్యాపారులు, దళారుల గుప్పిట్లోనే ఉన్నాయి. ఒక్కొక్కరు 5 నుంచి 20ఏళ్ల వరకు లీజుతో కొనసాగుతున్నారు. టెండర్లు పడిన ప్రతిసారీ ఈ ఐదుగురు సిండికేట్‌గా మారి, వేలం పాటల్లో కొత్తవారెవరూ రాకుండా అడ్డుకుంటున్నట్లు సమాచారం. తమలో తామే రింగ్‌ అయి తక్కువ ధరకే ఆర్టీసీ గదులను చేజిక్కించుకుంటున్నట్లు విశ్వసనీయ సమాచారం. ఆ తర్వాత వాటిని విడివిడిగా విభజించి లేదా ఎక్కువ ధరకు బయటి వ్యక్తులకు అద్దెకు ఇచ్చి రూ.లక్షలు ఆర్జిస్తున్నారు. దీనివల్ల స్వయం ఉపాధి పొందాలనుకునే నిరుద్యోగ యువతకు, చిన్న వ్యాపారులకు తీరని అన్యాయం జరుగుతోంది.

మద్దూరు(హుప్నాబాద్‌): ప్రతి పేదవాడి సొంతింటి కల కాంగ్రెస్‌ ప్రభుత్వంలోనే సాధ్యమవుతుందని భువనగిరి ఎంపీ చామల కిరణ్‌కుమార్‌రెడ్డి అన్నారు. సోమవారం దూల్మిట్ట మండలం జాలపల్లిలోని డబుల్‌బెడ్రూం ఇళ్ల పట్టాలను కలెక్టర్‌ హైమావతితో కలిసి ఆయన పంపిణీ చేశారు. ఈ సందర్భంగా ఆయన మాట్లాడుతూ ప్రభుత్వం పేదల సంక్షేమానికి కట్టుబడి ఉందన్నారు. అర్హులైన ప్రతి ఒక్కరూ ప్రభుత్వం అందించే సంక్షేమ ఫలాలు అందుతాయని అన్నారు. కార్యక్రమంలో సర్పంచ్‌ల ఫోరం స్టేట్‌ వర్కిగ్‌ ప్రెసిడెంట్‌ చెట్కూరి కమాలకర్‌యావద్‌, మాజీ జెడ్పీటీసీ గిరి కొండల్‌రెడ్డి, కాంగ్రెస్‌ మండల అధ్యక్షుడు బండి శ్రీనివాస్‌గౌడ్‌, సర్పంచ్‌లు కరుణాకర్‌, కొమ్ము రవి పాల్గొన్నారు. ఎంపీ చామల కిరణ్‌కుమార్‌రెడ్డి

చేర్యాల(సిద్దిపేట): విద్యుత్‌ రంగాన్ని ప్రైవేటీకరణ చేయాలన్న కేంద్ర ప్రభుత్వ నిర్ణయాన్ని వెంటనే వెనక్కి తీసుకోవాలని తెలంగాణ స్టేట్‌ యునైటెడ్‌ ఎలక్ట్రిసిటీ ఎంప్లాయీస్‌ యూనియన్‌ (టీజీయూఈఈయూ) రాష్ట్ర ప్రధాన కార్యదర్శి నలవాల స్వామి డిమాండ్‌ చేశారు. పట్టణ కేంద్రంలో ఆదివారం నిర్వహించిన సమావేశంలో లైన్‌మెన్‌, అసిస్టెంట్‌ లైన్‌మెన్‌, జూనియర్‌ లైన్‌మెన్‌, ఆర్టిజన్‌ కార్మికులు తదితరులు యూనియన్‌లో చేరగా వారికి కండువాలు కప్పి సభ్యత్వం అందించారు. అనంతరం స్వామి మాట్లాడుతూ...విద్యుత్‌ రంగాన్ని ప్రైవేటీకరించే నిర్ణయాలను కేంద్ర ప్రభుత్వం తక్షణమే ఉపసంహరించుకోవాలన్నారు. విద్యుత్‌ రంగం ప్రైవేటీకరణ వల్ల సామాన్య ప్రజలు, రైతులపై ఆర్థిక భారం పెరిగే ప్రమాదముందన్నారు. విద్యుత్‌ రంగాన్ని పరిరక్షించడంతోపాటు అందులో పనిచేసే కార్మికుల హక్కులు, ఉద్యోగ భద్రతను కాపాడాల్సిన బాధ్యత ప్రభుత్వాలపై ఉందని స్పష్టం చేశారు. విద్యుత్‌ కార్మికుల దీర్ఘకాలిక సమస్యలను వెంటనే పరిష్కరించి, 2026 పీఆర్‌సీని తక్షణమే అమలు చేయాలన్నారు. కార్మికుల న్యాయమైన డిమాండ్లు పరిష్కరించడంలో నిర్లక్ష్యం వహిస్తే భవిష్యత్తులో పోరాటాలు చేస్తామని హెచ్చరించారు. కార్యక్రమంలో యూనియన్‌ రాష్ట్ర ఉపాధ్యక్షుడు గుంటుపల్లి సుధాకర్‌, కాటం మధు, ఎన్‌పీడీసీఎల్‌ కంపెనీ ఉపాధ్యక్షుడు డాక్టర్‌ అనిల్‌, జిల్లా అధ్యక్షుడు అశోక్‌, జిల్లా ఆఫీస్‌ బేరర్స్‌ కనకరాజు తదితరులు పాల్గొన్నారు. టీజీయూఈఈయూ రాష్ట్ర ప్రధాన కార్యదర్శి స్వామి

పట్నాలు వేసి మొక్కులు చెల్లించిన భక్తులు కొమురవెల్లి(సిద్దిపేట): కొమురవెల్లి మల్లన్న ఆలయం ఆదివారం భక్తులరాకతో సందడిగా మారింది. రాష్ట్రంలోని వివిధ ప్రాంతాలనుంచి భక్తులు తరలి వచ్చి మొక్కులు తీర్చుకున్నారు. శనివారం సాయత్రం నుంచి క్షేత్రానికి చేరుకున్న భక్తులు ఆదివారం స్వామి వారిని దర్శించుకోవడంతో పాటు అభిషేకాలు, పట్నాలు, అర్చన, ప్రత్యేక పూజలు, ఒడిబియ్యం, కేశఖండన, గంగిరేణి చెట్టు వద్ద ముడుపులు కట్టి మొక్కులు చెల్లించుకున్నారు. భక్తులకు కావాల్సిన ఏర్పాట్లను ఆలయాధికారులు ఆలయ ప్రధానార్చకులు మహాదేవుని మల్లికార్జున్‌లు పర్యవేక్షించారు.

బెజ్జంకి(సిద్దిపేట): ఐకమత్యంగా ఉంటేనే సంఘం అభివృద్ధి సాధ్యమవుతుందని మానకొండూర్‌ మాజీ ఎమ్మెల్యే రసమయి బాలకిషన్‌ పేర్కొన్నారు. నూతనంగా ఎన్నికై న యాదవ సంఘం మండల అధ్యక్షుడు స్వామి ఆధ్వర్యంలో కమిటీ సభ్యులు ఆదివారం మండలంలోని గుండారంలోని మాజీ ఎమ్మెల్యే ఇంట్లో ఆయనను కలిశారు. ఈ సందర్భంగా వారిని శాలువాలతో సన్మానించారు. అనంతరం రసమయి మాట్లాడుతూ...సభ్యుల సమస్యలను పరిష్కరించి వారికి అండగా నిలవాలన్నారు. కార్యక్రమంలో బీఆర్‌ఎస్‌ మండల అధ్యక్షుడు మహిపాల్‌రెడ్డి, యాదవ సంఘం, బీఆర్‌ఎస్‌ నాయకులు, లక్ష్మణ్‌, తిరుపతి, రమేశ్‌, శ్రీకాంత్‌, రవి, తదితరులు పాల్గొన్నారు. హుస్నాబాద్‌: ఆప్యాయతకు దూరమై, ఆదరించే వారు లేక ఒంటరి జీవితాన్ని గడుపుతున్న అనాథ వృద్ధులకు అండగా నిలవడమే బాల వికాస వాటర్‌ ప్లాంట్‌ ఫెడరేషన్‌ లక్ష్యమని ఆ సంఘం రాష్ట్ర అధ్యక్షుడు కేడం లింగమూర్తి స్పష్టం చేశారు. పట్టణంలో బాల వికాస ఆధ్వర్యంలో ఆదివారం అనాథ వృద్ధుల దినోత్సవాన్ని నిర్వహించారు. సుమారు 40 మంది అనాథ వృద్ధులకు నిత్యావసర సరుకులు, దుస్తులు, బియ్యం పంపిణీ చేయడంతోపాటు ఉచిత వైద్య పరీక్షలు నిర్వహించారు. ఈ సందర్భంగా లింగమూర్తి మాట్లాడుతూ...మానవత్వమే నిజమైన సేవ అన్నారు. నిరాదరణకు గురైన వృద్ధులకు భరోసా కల్పించడం ప్రతీ ఒక్కరి సామాజిక బాధ్యతని చెప్పారు. కార్యక్రమంలో మున్సిపల్‌ చైర్‌పర్సన్‌ దండి లక్ష్మి, వైస్‌ చైర్‌పర్సన్‌ చిత్తారి పద్మ, కౌన్సిలర్లు వాల సుప్రజ, పిల్లి తిరుపతి, దాతలు రిటైర్డ్‌ ఉపాధ్యాయురాలు సంధ్యావళి, సత్యం తదితరులు పాల్గొన్నారు. తెలంగాణ ఉద్యమకారుల ఫోరం రాష్ట్ర కన్వీనర్‌ పోశెట్టి హుస్నాబాద్‌రూరల్‌: ప్రభుత్వం కళాకారులకిచ్చిన హామీలను నెరవేర్చాలని తెలంగాణ ఉద్యమకారుల ఫోరం రాష్ట్ర కన్వీనర్‌ పోశెట్టి డిమాండ్‌ చేశారు. పొట్లపల్లి స్వయంభూ రాజేశ్వరస్వామిని ఆయన ఆదివారం దర్శించుకున్నారు. ఈ సందర్భంగా పోశెట్టి మాట్లాడుతూ.. ప్రత్యేక రాష్ట్ర ఉద్యమంలో పాల్గొన్న కళాకారులకు ఎన్నికల ముందు కాంగ్రెస్‌పార్టీ ఇచ్చిన హామీలను అమలు చేయడం లేదన్నారు. నవంబర్‌ 18న కరీంనగర్‌లో జేఏసీ ఆధ్వర్యంలో సైకిల్‌ ర్యాలీ చేపడతామని కళాకారులు అధిక సంఖ్యలో పాల్గొని జయప్రదం చేయాలని విజ్ఞప్తి చేశారు. అనంతరం సర్పంచ్‌ శ్రీనివాస్‌ పొశెట్టిని శాలువాతో సన్మానించారు. వీరి వెంట సుభాష్‌, శ్యామ్‌సుందర్‌, శ్రీనివాస్‌, సంతోశ్‌కుమార్‌, కరుణాకర్‌, మల్లారెడ్డి తదితరులున్నారు. సిద్దిపేట ఎకై ్సజ్‌ సీఐ రవి సిద్దిపేటకమాన్‌: దాబాల్లో మద్యం సిట్టింగ్‌లకు, మద్యం విక్రయించడానికి, తాగడానికి అనుమతులు లేవని సిద్దిపేట ఎకై ్సజ్‌ సీఐ రవి స్పష్టం చేశారు. ఈ మేరకు ఆ ప్రాంతంలోని దాబాల వద్ద సిబ్బందితో కలసి పోస్టర్లు వేశారు. సిద్దిపేట పట్టణం, పరిసర ప్రాంతాల్లోని దాబాల్లో ఎకై ్సజ్‌ సీఐ రవి ఆధ్వర్యంలో ఎస్‌ఐ మౌనిక సిబ్బందితో కలిసి తనిఖీలు నిర్వహించారు. ఈ సందర్భంగా సీఐ మాట్లాడుతూ..దాబాల్లో కస్టమర్లకి మద్యం సేవించడానికి అనుమతిస్తున్నట్లు తమకు సమాచారం వచ్చిందని తెలిపారు. నిబంధనలు అతిక్రమించి మద్యం సిట్టింగ్‌లు ఏర్పాటు చేసే దాబా నిర్వాహకులపై చర్యలు తీసుకుంటామని హెచ్చరించారు.

జాతీయ ఏక్తా దివస్‌ అభియాన్‌ రాష్ట్ర కన్వీనర్‌ డాక్టర్‌ పరికిపండ్ల అశోక్‌ ప్రశాంత్‌నగర్‌(సిద్దిపేట): జాతీయ ఏక్తా దివాస్‌ వారోత్సవాలు ప్రారంభం అయ్యాయని ఈ నెల 31 వరకు వాటిని నిర్వహించనున్నట్లు ఆ సంస్థ రాష్ట్ర కన్వీనర్‌ డాక్టర్‌ పరికిపండ్ల అశోక్‌ తెలిపారు. జిల్లా కేంద్రంలో జాతీయ ఏక్తా దివాస్‌ వారోత్సవాలకు సంబంధించిన వాల్‌పోస్టర్‌లు, కరపత్రాలను అశోక్‌ ఆదివారం ఆవిష్కరించారు. ఈ సందర్భంగా ఆయన మాట్లాడుతూ.. వల్లభాయ్‌ పటేల్‌, మహాత్మా గాంధీ ఆశయానికి ఒక కార్యాచరణ విధానాన్ని రూపొందించారన్నారు. శతాబ్దాలుగా బానిసత్వంలో మగ్గుతున్న 544 సంస్థానాల ప్రజలను స్వతంత్ర భారత్‌లో విలీనం చేసి వారికి విముక్తిని ప్రసాదించడం పటేల్‌ జీవితానికి మణికిరీటంగా అభివర్ణించారు. రాష్ట్రవ్యాప్తంగా ఈ నెల 24 నుంచి 31 వరకు వివిధ జిల్లాల్లో వారం పాటు విద్యార్థులు, యువత, సీ్త్రలు, వయోవృద్ధులకు ఏక్తా అభియాన్‌ గురించి చర్చలు, సదస్సులు నిర్వహిస్తున్నట్లు తెలిపారు. విద్యార్థులకు వ్యాసరచన పోటీలు నిర్వహించి బహుమతులు, ప్రశంసాపత్రాలు అందజేయనున్నట్లు వెల్లడించారు. కార్యక్రమంలో ముదిగొండ శ్రీనివాస్‌, డాక్టర్‌ సతీశ్‌, ప్రముఖ హోమియోపతి వైద్యులు దేవేందర్‌, శ్రీనివాస్‌, తదితరులు పాల్గొన్నారు.

పశు సంపదపై ఎల్‌నినో పడగ పద .. పేదెట్లా? వాతావరణ పరిస్థితులతో పొంచి ఉన్న వ్యాధులు తాగునీటి సమస్య ఎదురయ్యే అవకాశం పెరగనున్న ఎండు గడ్డి, దాణా ఖర్చులు మూగజీవాల పై తీవ్ర ప్రభావం ఇన్నాళ్లూ పశుపోషణతో ఉపాధి పొందుతున్న రైతులు ప్రస్తుతం వాటిని అమ్ముకునే పరిస్థితులు దాపురించాయి. వర్షాలు కురువకపోవడం, భూగర్భజలాలు అడుగంటడంతో ఇప్పటికే జిల్లాలోని చాలా గ్రామాల్లో వరి ఎండుముఖం పట్టింది. యాసంగి సాగుపై అనిశ్చితి నెలకొనడంతో పశుపోషణ ప్రశ్నార్థకంగా మారింది. దీంతో ఎండు గడ్డి లభించడం గగనంగా మారింది. గతంలో రూ. 100కు గడ్డి మోపు చొప్పున లభించిన ఎండుగడ్డి, నేడు రూ.175 పెట్టినా దొరకడం లేదని రైతులు వాపోతున్నారు. తక్కువ వర్షపాతం నమోదు, పెరుగుతున్న ఉష్ణోగ్రతలు, పశువుల ఆరోగ్యం, దాణా లభ్యత, పాల ఉత్పత్తిపై తీవ్ర ప్రభావం చూపే అవకాశం ఉందని వ్యవసాయ నిపుణులు హెచ్చరిస్తున్నారు. పశువుల్లో పోషకాహారలోపం తతెత్తకుండా ముందస్తు చర్యలు తీసుకోవాల్సి ఉంటుందని పశువైద్యలు హెచ్చరిస్తున్నారు. సంప్రదాయ గడ్డి లభించని పక్షంలో పప్పుజాతి మేతలు, జొన్న, సజ్జ చొప్పను వాడాలని వారు సూచిస్తున్నారు. ఎండు గడ్డిపై యూరియా ద్రావణాన్ని చల్లి మాగబెడితే దాంతో పోషక విలువలు పెరుగుతాయని, పశుగ్రాసం తగ్గితే వాటిలో రోగ నిరోధకశక్తి తగ్గుతుందని హెచ్చరిస్తున్నారు. ఇలా చేస్తే మేలు ● పశుపోషణ నిమిత్తం ప్రభుత్వం పశుగ్రాస విత్తనాలను రైతులకు ఉచితంగా అందజేయాలి. ● అధిక దిగుబడిని ఇచ్చే శ్రేష్టమైన పశుగ్రాసం విత్తనాలను రైతులకు అందజేయనున్నట్లు ఇప్పటికే ప్రభుత్వం చెప్పింది. ● నీటి లభ్యత ఉన్న ప్రాంతాల్లో శిఖం భూముల్లో ఉపాధి పథకం కింద పశుగ్రాసం పెంచాలి. ● పశువులు ఎండ వేడికి కాకుండా నీడలో ఉంచడానికి వీలుగా ఉపాధి నిధులతో షెడ్లు నిర్మించాలి. ● వేసవిలో పశువులు హీట్‌ స్ట్రెస్‌కు గురికాకుండా పశు వైద్యశాలల్లో ఎలక్ట్రోరల్‌ పొడులతో పాటు వ్యాధి నిరోధక టీకాలు అందుబాటులో ఉంచాలి. ● పశువులకు తాగు నీటి లభ్యత కోసం ఉపాధి నిధులతో ప్రతి గ్రామంలో పశువుల తొట్లు నిర్మించాల్సి ఉంటుంది. నేడు ధాన్యం, పత్తి కొనుగొలు కేంద్రాలు ప్రారంభంహుస్నాబాద్‌: వ్యవసాయ మార్కెట్‌ యార్డులో సోమవారం ధాన్యం, పత్తి కొనుగొలు కేంద్రాలను మంత్రి పొన్నం ప్రభాకర్‌ ప్రారంభించనున్నారు. వ్యవసాయ సహకార పరపతి సంఘం ఆధ్వర్యంలో ధాన్యం, సీసీఐ ఆధ్వర్యంలో పత్తి కొనుగొళ్లు ప్రారంభం కానున్నాయి. వరి ధాన్యం కనీస మద్దతు ధర గ్రేడ్‌ ఏ రకం క్వింటాల్‌కు రూ.2,461, గ్రేడ్‌ బి రకం క్వింటాల్‌కు రూ.2,441 ధర నిర్ణయించినట్లు అధికారులు తెలిపారు. అలాగే పత్తి క్వింటాల్‌కు అధిక ధర రూ.8,667, తక్కువ ధర రూ.8,267 ప్రభుత్వం ప్రకటించినట్లు అధికారులు పేర్కొన్నారు. ఎల్‌నినోతో పాడి రైతుకు ఆపద వచ్చింది. తీవ్ర వర్షాభావ పరిస్థితులతో పాటు పశుపోషణ రంగం తీవ్ర సంక్షోభాన్ని ఎదుర్కొంటుంది. ఎండు గడ్డితో పాటు దాణా ధరలు అమాంతం పెరగనున్నాయి. ఫలితంగా పోషకాహార లోపంతో పాటు ఎండ దెబ్బతో పశువులకు వ్యాధులు సంక్రమించే అవకాశాలున్నాయని వైద్యులు హెచ్చరిస్తున్నారు. భూగర్భజలాలు అడుగంటడంతో పాటు చెరువులు ఎండిపోయే పరిస్థితుల్లో తాగునీరు దొరకడం కష్టతరంగా మారింది. – రామాయంపేట(మెదక్‌)/సాక్షి, సిద్దిపేట జిల్లాలో ఇలా..

● ప్రత్యేక అనుమతితో గురుకులంలో ప్రవేశం ● మానవత్వాన్ని చాటిన గౌరారం ఎస్‌ఐ ఆరోగ్యం వర్గల్‌(గజ్వేల్‌): అసలే పేదకుటుంబం. తండ్రి ప్రమాదవశాత్తూ చనిపోయాడు. దీంతో తనతోపాటు పన్నెండేళ్ల లోపున్న తోడబుట్టిన ఇద్దరి పోషణ దినసరి కూలీపని చేసే తల్లికి కష్టమైంది. పెద్దకూతురు దివ్య విద్యాభ్యాసం తలకుమించిన భారంగా పరిణమించింది. విషయం తెలిసిన ఎస్‌ఐ ఆరోగ్యం మానవత్వంతో స్పందించి బాలిక విద్యాభ్యాసానికి బాసటగా నిలిచారు. ఈ ఘటనకు సంబంధించిన వివరాలిలా ఉన్నాయి. వర్గల్‌ మండలం వేలూరుకు చెందిన ఘనపురం రాజు–కవిత దంపతులకు దివ్య, దీప్తి, భార్గవ్‌ ముగ్గురు పిల్లలు. మేసీ్త్ర పనిచేసే రాజు ఐదేళ్లక్రితం స్లాబ్‌పై నుంచి పడి మృతిచెందాడు. దీంతో కవిత కూలీపని చేస్తూ తన కుటుంబాన్ని నెట్టుకొస్తోంది. పెద్దకూతురు దివ్య ఆరోతరగతితోనే చదువు ఆపే పరిస్థితి ఏర్పడింది. విషయం తెలుసుకున్న గౌరారం ఎస్‌ఐ ఆరోగ్యం చదువు ప్రాధాన్యతను తల్లికి వివరించారు. జ్యోతిబాపూలే బీసీ సంక్షేమ గురుకులాల సొసైటీ రాష్ట్ర కార్యదర్శికి లేఖ ద్వారా బాలిక పరిస్థితిని తెలియజేసి గౌరారం సమీప పూలే గురుకులంలో సీటు కోసం కోరారు. వారు అంగీకరించడంతో బాలికకు అవసరమైన దుస్తులు, వస్తు తదితరసామగ్రిని ఎస్‌ఐనే ఇప్పించి బాలికను గురుకులంలో చేర్పించారు. దివ్య చదువుకు భరోసాగా నిలిచి సమాజ సేవలోనూ ముందుండాలనే సందేశాన్ని చాటారు.

అసలే నియోజకవర్గంలో అంతంతమాత్రంగానే ఉన్న కాంగ్రెస్‌ ఇలా మళ్లీ గ్రూపుల విభేదాలతో రచ్చకెక్కడంపై పీసీసీ అధ్యక్షుడు మహేశ్‌కుమార్‌గౌడ్‌ తీవ్రం ఆగ్రహం వ్యక్తం చేసినట్లు తెలుస్తోంది. దీనిపై అధిష్టానం ప్రత్యేక దృష్టి సారించి శ్రీనివాస్‌రెడ్డి, రఘువర్ధన్‌రెడ్డిలతో మాట్లాడటంతోపాటు అన్ని కోణాల్లో పూర్తి సమాచారాన్ని సేకరించినట్లు తెలిసింది. విగ్రహాల లొల్లితో దుబ్బాక కాంగ్రెస్‌లో గ్రూపు విభేదాలు జిల్లాలో తీవ్ర చర్చనీయాంశంగా మారింది. దుబ్బాక: కాంగ్రెస్‌పార్టీలో గ్రూపుల విభేదాలకు కేరాఫ్‌ అడ్రస్‌గా రాష్ట్రంలోనే దుబ్బాక పేరుగాంచింది. గ్రూపు విభేదాలతోనే అసెంబ్లీ ఎన్నికల్లో దుబ్బాక నియోజకవర్గంలో కాంగ్రెస్‌ పార్టీ ఎమ్మెల్యేగా గెలవడం కాదుకదా కనీసం డిపాజిట్‌ కూడా రాని పరిస్థితి నెలకొంది. గతంలో నియోజకవర్గ ఇన్‌చార్జి చెరుకు శ్రీనివాస్‌రెడ్డి, పీసీసీ రాష్ట్ర ఉపాధ్యక్షుడు పన్యాల శ్రావణ్‌కుమార్‌రెడ్డి, పీసీసీ నాయకులు మద్దుల సోమేశ్వర్‌రెడ్డి తనయుడు రాష్ట్ర నాయకుడు గాల్‌రెడ్డి మధ్య గ్రూపు విభేదాలు పచ్చగడ్డి వేస్తే భగ్గుమనేస్థాయిలో ఉండేవి. ఎమ్మెల్యే టికెట్‌ శ్రీనివాస్‌రెడ్డికి ఇస్తే శ్రావణ్‌కుమార్‌రెడ్డి వ్యతిరేకంగా పనిచేయడమూ తెలిసిందే. కాంగ్రెస్‌ అధిష్టానం నియోజకవర్గంలో నెలకొన్న గ్రూపుల విభేదాలపై దృష్టి సారించి నియోజకవర్గ బాధ్యతలు పూర్తిగా చెరుకు శ్రీనివాస్‌రెడ్డికి అప్పగించడంతో శ్రావణ్‌కుమార్‌రెడ్డి నియోజకవర్గంలో కార్యకలాపాలకు దూరంగానే ఉంటున్నారు. ఈ క్రమంలోనే ఏడాదిన్నరగా కొత్తగా నియోజకవర్గంలోని తొగుట మండలానికి చెందిన ఎన్‌ఆర్‌ఐ గాడిపల్లి రఘువర్ధన్‌రెడ్డి ఎంట్రీ ఇవ్వడంతో నియోజకవర్గంలో మళ్లీ శ్రీనివాస్‌రెడ్డి, రఘువర్ధన్‌రెడ్డి గ్రూపుల లొల్లి మొదలైంది. రచ్చకెక్కిన లొల్లి దుబ్బాకలో తెలంగాణ ఉద్యమకాలంలో మాజీ ప్రధానమంత్రులు, కాంగ్రెస్‌ జాతీయ నేతలైన ఇందిరా, రాజీవ్‌గాంధీల విగ్రహాలను ధ్వంసం చేశారు. దీంతో ధ్వంసమైన విగ్రహాలను రఘువర్ధన్‌రెడ్డి తిరిగి ప్రతిష్ఠించేందకు కొత్తవిగ్రహాలను సిద్ధం చేయించారు. ఈ క్రమంలో శనివారం రఘువర్ధన్‌రెడ్డి తెచ్చిపెట్టిన రాజీవ్‌గాంధీ విగ్రహాన్ని శ్రీనివాస్‌రెడ్డి అనుచరులు ఆవిష్కరించడం అలాగే తెలంగాణ తల్లి చౌరస్తాలో తాళ్లతో కట్టించిన ఇందిరాగాంధీ విగ్రహాన్ని అక్కడి నుంచి తరలించడం రెండు వర్గాల మధ్యన తీవ్ర వివాదానికి తెరలేపింది. తమకు తెలియకుండా ఇందిరాగాంధీ విగ్రహాన్ని ఎత్తుకుపోయారంటూ రఘువర్ధన్‌రెడ్డి శనివారం పోలీస్‌స్టేషన్‌లో శ్రీనివాస్‌రెడ్డితోపాటు పలువురు నేతలపై ఫిర్యాదు చేశారు. విగ్రహాన్ని తమకు సమాచారం లేకుండా ఎత్తుకెళ్లిన వారిపై కేసు నమోదు చేయాలంటూ రఘువర్ధన్‌రెడ్డి రాత్రి 10.30 గంటల వరకు అక్కడే ఉండటంతో పోలీస్‌లకు తలనొప్పిగా మారింది. పోలీసుల జోక్యంతో ఇందిరాగాంధీ విగ్రహాన్ని యథావిధిగా తెలంగాణ తల్లి చౌరస్తాకు శ్రీనివాస్‌రెడ్డి వర్గం తీసుకొచ్చి పెట్టారు. పోలీస్‌స్టేషన్‌కు చేరుకున్న కాంగ్రెస్‌ పంచాయితీ నియోజకవర్గ ఇన్‌చార్జి శ్రీనివాస్‌రెడ్డి వర్గంపై రఘువర్ధన్‌రెడ్డి ఫిర్యాదు చర్చనీయాంశంగా మారిన గ్రూపు తగాదాలు.. అధిష్టానం సీరియస్‌

తెలంగాణ తల్లి చౌరస్తాలో ఇందిరాగాంధీ విగ్రహం ఏర్పాటుకు అనుమతి ఇవ్వొద్దని ఆదివారం మున్సిపల్‌ కమిషనర్‌ మహేశ్‌కుమార్‌, ఎస్‌ఐ కీర్తిరాజులకు బీఆర్‌ఎస్‌ దుబ్బాక మున్సిపల్‌ అధ్యక్షుడు ఇల్లందుల శ్రీనివాస్‌, యూత్‌ అధ్యక్షుడు దొమ్మాట భూపాల్‌, పడాల నరేశ్‌ వినతి పత్రాలు సమర్పించారు. ఈ సందర్భంగా వారు విలేకర్లతో మాట్లాడారు. దుబ్బాకలో తెలంగాణతల్లి–బీజేఆర్‌ చౌరస్తాలో ఇప్పటికే బాబు జగ్జీవన్‌రామ్‌, తెలంగాణ తల్లి విగ్రహాలు ఉన్నాయని వీటి మధ్యలో ఇందిరాగాంధీ విగ్రహం ఏర్పాటుకు కాంగ్రెస్‌ నేతలు ప్రయత్నించడం సరైంది కాదన్నారు. దుబ్బాక ప్రశాంతతను, సామరస్యాన్ని దెబ్బతీయాలని చూస్తే కాంగ్రెస్‌ నాయకులకు తగిన గుణపాఠం తప్పదని హెచ్చరించారు.

● వచ్చేనెల 1న రామ్‌లీలా మైదానంలో నిరసన ● ఏఐసీసీ అధికార ప్రతినిధి సరళ్‌పటేల్‌ గజ్వేల్‌: ఓటు హక్కు పరిరక్షణకు ఎంతటి పోరాటికై నా కాంగ్రెస్‌ సిద్ధంగా ఉందని ఏఐసీసీ అధికార ప్రతినిధి, ఉమ్మడి మెదక్‌ జిల్లా పరిశీలకుడు సరళ్‌ పటేల్‌ స్పష్టం చేశారు. ఆదివారం గజ్వేల్‌లోని మాజీ ఎమ్మెల్యే తూంకుంట నర్సారెడ్డి నివాసంలో విలేకరుల సమావేశంలో ఆయన మాట్లాడారు. బీజేపీ ‘ఎస్‌ఐఆర్‌’ పేరిట ప్రజల ఓట్లను చోరీ చేస్తున్నదని మండిపడ్డారు. ఇప్పటికే ఈ అంశంపై తమ పార్టీ అగ్రనేత రాహుల్‌గాంధీ పోరాడుతున్నారని ఇదే క్రమంలో నవంబర్‌ 1న న్యూఢిల్లీలోని రామ్‌లీలా మైదానంలో లక్షలాదిమందితో నిరసన కార్యక్రమాన్ని చేపడుతున్నట్లు తెలిపారు. ఉమ్మడి మెదక్‌ జిల్లా కాంగ్రెస్‌ పార్టీ ఇన్‌చార్జి ప్రీతమ్‌ మాట్లాడుతూ ‘సర్‌’ వల్ల ఓట్ల చోరీ జరుగుతున్న అంశంపై బీఆర్‌ఎస్‌ నోరుమెదపకపోవడం సిగ్గచేటన్నారు. సిద్దిపేట డీసీసీ అధ్యక్షురాలు ఆంక్షారెడ్డి మాట్లాడుతూ బీజేపీ అవలంభిస్తున్న అప్రజాస్వామిక విధానాలకు వ్యతిరేకంగా పోరాడుతున్న కాంగ్రెస్‌తో కలిసిరావాలని పిలుపునిచ్చారు.

● సిద్దిపేట పోలీసు కమిషనర్‌ రష్మీ పెరుమాళ్‌ ● పోలీస్‌ ఫ్లాగ్‌ డే వారోత్సవాల్లో భాగంగా విద్యార్థులకు అవగాహన సిద్దిపేటకమాన్‌: ప్రజల రక్షణ, శాంతిభద్రతల పరిరక్షణ కోసం పోలీసు శాఖ నిరంతరం పనిచేస్తుందని సీపీ రష్మీ పెరుమాళ్‌ పేర్కొన్నారు. పోలీస్‌ ఫ్లాగ్‌ డే వారోత్సవాల్లో భాగంగా సిద్దిపేట పోలీసు కమిషనరేట్‌లో ‘ఓపెన్‌ హౌస్‌’కార్యక్రమాన్ని శనివారం నిర్వహించారు. ఈ సందర్భంగా సీపీ మాట్లాడుతూ..పోలీస్‌ శాఖ నిర్వహించే విధులు, శాంతిభద్రతల పరిరక్షణలో సాంకేతిక పరిజ్ఞానం ప్రాధాన్యతపై అవగాహన కల్పించామన్నారు. సీసీ కెమెరాల ప్రాధాన్యం, షీటీమ్స్‌, డాగ్‌, బాంబు స్క్వాడ్‌ పనితీరును ప్రత్యక్షంగా విద్యార్థులకు వివరించినట్లు తెలిపారు. పోలీసు అమరవీరుల త్యాగాలను స్మరించుకుంటూ, వారి సేవా స్ఫూర్తిని ఆదర్శంగా తీసుకోవాలని పిలుపునిచ్చారు. అత్యవసర పోలీస్‌ సహాయం కోసం డయల్‌ 112కు ఫోన్‌ చేయాలని సూచించారు. పోలీసులు ప్రదర్శించిన పరికరాల పరిశీలనలో విద్యార్థులు అడిగిన సందేహాలను పోలీసులు నివృతి చేశారు. నేడు మాక్‌ టెస్ట్‌ ఎస్‌ఐ, కానిస్టేబుల్‌ ప్రిలిమ్స్‌ పరీక్షలకు సిద్ధమవుతున్న అభ్యర్థుల ప్రయోజనార్థం సిద్దిపేట పోలీసు కమిషనరేట్‌ ఆధ్వర్యంలో ఉచిత మాక్‌ టెస్ట్‌ను నిర్వహిస్తున్నట్లు సీపీ రష్మీ పెరుమాళ్‌ తెలిపారు. ఈ సందర్భంగా ఆమె మాట్లాడుతూ...ఈ నెల 25న (ఆదివారం) ఉదయం 9గంటల నుంచి మధ్యాహ్నం ఒంటి గంట వరకు ఇందూర్‌ ఇంజనీరింగ్‌ కళాశాలలో ఉచితంగా పరీక్ష నిర్వహించనున్నట్లు తెలిపారు. ఆన్‌లైన్‌ విధానంలో ఓఏంఆర్‌ షీట్‌ ద్వారా పరీక్ష నిర్వహించనున్నట్లు వెల్లడించారు.

నంగునూరు(సిద్దిపేట): ఉన్నత స్థానంలో ఉన్నవారిని మార్గదర్శకంగా తీసుకుని విద్యార్థి దశ నుంచే లక్ష్యాలను నిర్దేశించుకోవాలని ఇన్‌చార్జి డీఈఓ, జెడ్పీ సీఈఓ రమేశ్‌ పిలుపునిచ్చారు. నర్మేట ఉన్నత పాఠశాలలో శనివారం గ్రాడ్యూయేషన్‌ డే నిర్వహించారు. జిల్లాటాపర్‌గా నిలిచిన అమూల్యకు నగదు బహుమతిని అందజేసి, పదవ తరగతిలో మంచి మార్కులు సాధించిన 74 మంది విద్యార్థులకు పట్టాలు అందజేశారు. రూ.2.25 లక్షలతో దివ్యాంగుల కోసం సుచిర్‌ ఇండియా సౌజన్యంతో నిర్మించిన టాయిలెట్లను ఆ సంస్థ చైర్మన్‌ కిరణ్‌తో కలసి డీఈఓ ప్రారంభించారు. అనంతరం మాట్లాడుతూ..ఎన్నో కష్టాలకు ఓర్చి చదివిస్తున్న తల్లిదండ్రులు, గురువులను గౌరవించి ఉన్నత స్థానంలో నిలిచేలా చక్కగా చదువు కోవాలన్నారు. కార్యక్రమంలో ఎంఈఓ దేశిరెడ్డి, సర్పంచ్‌ స్వాతి, భాస్కర్‌రెడ్డి, ఎంపీడీఓ శ్రీనివాస్‌, బాబు, అజీత్‌, రాజిరెడ్డి, రవీందర్‌రెడ్డి, శ్రీనివాస్‌, వెంకన్న తదితరులు పాల్గొన్నారు. ఇన్‌చార్జ్‌ డీఈవో రమేశ్‌

కొత్తగా ఓటు కోసం 6,113 18 ఏళ్లు నిండి, ఇప్పటివరకు ఓటరు జాబితాలో పేరు నమోదు కానీ వారికి ఫార్మ్‌ 06ద్వారా కొత్తగా ఓటర్లుగా అవకాశం ఉంటుంది. అందుకు అనుగుణంగా జిల్లావ్యాప్తంగా 6,113దరఖాస్తులు ఫార్మ్‌06 ద్వారా వచ్చాయి. వీటిలో అత్యధికంగా సిద్దిపేట నియోజకవర్గంలో 2,035 రాగా అత్యల్పంగా దుబ్బాక నియోజకవర్గంలో 865 దరఖాస్తులు వచ్చాయి. అదేవిధంగా హుస్నాబాద్‌ లో 1521, గజ్వేల్‌లో 1,692 దరఖాస్తులు వచ్చాయి. విదేశీ ఓటర్ల నమోదు అంతంతే వివిధ దేశాల్లో ఉన్న ప్రవాస ఓటర్ల నమోదు అంతంతే..జిల్లా వ్యాప్తంగా 06 ఫార్మ్‌ ద్వారా కేవలం 24 దరఖాస్తులు వచ్చాయి. వాటిలో అత్యధికంగా సిద్దిపేట నియోజకవర్గంలో 18 రాగా దుబ్బాకలో 01, గజ్వేల్‌లో 05 వచ్చాయి. హుస్నాబాద్‌ నియోజకవర్గంలో ఎవరూ దరఖాస్తు చేసుకోలేదు. తొలగింపు కోసం 501 ఓటర్‌ జాబితాలో పేరు తొలగించాలని జిల్లావ్యాప్తంగా 501 దరఖాస్తులు వచ్చాయి. చనిపోయిన, ఇతర ప్రాంతాలకు శాశ్వతంగా వలస, అనర్హులైన ఓటర్ల తొలగింపు కోసం ఫార్మ్‌ 07ద్వారా దరఖాస్తులు స్వీకరించారు. ఈ కేటగిరీలో అత్యధికంగా గజ్వేల్‌లో 183 దరఖాస్తులు రాగా అత్యల్పంగా సిద్దిపేటలో 77 దరఖాస్తులు వచ్చాయి. అదేవిధంగా దుబ్బాకలో 159, హుస్నాబాద్‌లో 82 దరఖాస్తులు రాగా వీటిలో మొత్తంగా 464 దరఖాస్తులను అప్‌డేట్‌ చేశారు. సవరణలకు 7,035.. ఓటరు జాబితాలో మార్పులు, సవరణల కోసం నాలుగు నియోజకవర్గాల్లో 7,035 దరఖాస్తులు వచ్చాయి. వీటిలో 635 దరఖాస్తులను అప్‌ డేట్‌ చేశారు. అత్యధికంగా సిద్దిపేట నియోజకవర్గంలో 2,343, అత్యల్పంగా దుబ్బాకలో 1,268 దరఖాస్తులు రాగా గజ్వేల్‌లో 2,080, హుస్నాబాద్‌లో 1,344 దరఖాస్తులు వచ్చాయి. జిల్లాలో ఫార్మ్‌ 08 నామమాత్రంగా స్పందన 7,035 సవరణ దరఖాస్తులు అదేతీరుగా విదేశీ ఓటర్ల దరఖాస్తులు కొత్తగా నమోదైన దరఖాస్తులు 6,113 నియోజకవర్గం ఫార్మ్‌ 06 06ఏ 07 08 సిద్దిపేట 2,035 18 77 2,343 దుబ్బాక 865 01 159 1,268 గజ్వేల్‌ 1,692 05 183 2,080 హుస్నాబాద్‌ 1,521 00 82 1,344 మొత్తం 6,113 24 501 7,035

● అంగడి వీరన్నగుడి, బురుజు పునరుద్ధరణకు చర్యలు ● హెరిటేజ్‌ తెలంగాణశాఖ సంచాలకుడు అర్జున్‌రావు మద్దూరు (హుస్నాబాద్‌): తెలంగాణ సాయుధ పోరాట చరిత్రకు ప్రతీకగా నిలిచిన బైరాన్‌పల్లిని చారిత్రక పర్యాటక కేంద్రంగా అభివృద్ధి చేస్తామని హెరిటేజ్‌ తెలంగాణశాఖ సంచాలకుడు ప్రొఫెసర్‌ అర్జున్‌రావు కుతాడి తెలిపారు. గ్రామంలోని చరిత్రాత్మకమైన కట్టడాలు, పురాతన దేవాలయాలను సాంకేతిక బృందంతో కలిసి శనివారం ఆయన పరిశీలించారు. ఈ సందర్భంగా ఆయన మాట్లా డుతూ...గ్రామంలో సుమారు 11వ శతాబ్దానికి చెందిన అంగడి వీరన్న గుడి శిథిలావస్థకు చేరడంతో పరిరక్షణ, పునరుద్ధరణ పనులకు ఇంజినీరింగ్‌ అధికారులు అంచనాలు రూపొందించాలన్నారు. 17– 18వ శతాబ్దాలకు చెందినదిగా భావిస్తున్న చరిత్రాత్మకమైన బురుజు మరమ్మతులకు కూడా ప్రతిపాదనలు సిద్ధం చేస్తున్నామని తెలిపారు. భైరవ దేవాలయంలోని పురాతన శిల్పాలను శాసీ్త్రయ పద్ధతిలో భద్రపరిచేందుకు చర్యలు తీసుకుంటున్నామన్నారు. తెలంగాణ సాయుధ పోరాటంలో బైరాన్‌పల్లి ప్రజల త్యాగాలు, పోరాట స్ఫూర్తిని భావితరాలకు తెలియజేసేందుకు గ్రామంలో ఇంటర్‌ప్రిటేషన్‌ సెంటర్‌ ఏర్పాటు చేసే ప్రతిపాదనలు పరిశీలిస్తున్నామని వెల్లడించారు. గ్రామానికి వీర బైరాన్‌పల్లిగా గుర్తింపు కల్పించాలన్న గ్రామస్తుల విజ్ఞప్తిని ప్రభుత్వానికి నివేదిస్తామని తెలిపారు. కార్యక్రమంలో సర్పంచ్‌ బర్మ రాజమల్లయ్య, హెరిటేజ్‌ తెలంగాణ ఉపసంచాలకులు పాల్గొన్నారు.

దుబ్బాకటౌన్‌: రైతులు విద్యుత్‌ కష్టాలతో అల్లాడుతుంటే ప్రభుత్వం ఏం చేస్తోందని మెదక్‌ ఎంపీ రఘునందరావు ప్రశ్నించారు. ఎల్‌నినో ప్రభావంతో రాబోయే రోజుల్లో విద్యుత్‌, సాగునీరు, తాగునీటి సమస్యలు తీవ్రతరమయ్యే అవకాశమున్నందున కార్యాలయాల్లో ఏసీ గదుల్లో సమీక్షలు చేయడంమాని, గ్రామాల్లో పర్యటించి క్షేత్రస్థాయి పరిస్థితులను పరిశీలించాలని ప్రభుత్వానికి సూచించారు. కాంగ్రెస్‌, బీఆర్‌ఎస్‌ పార్టీలు పరస్పర విమర్శలు పక్కనపెట్టి ప్రజా సమస్యల పరిష్కారంపై దృష్టి సారించాలన్నారు. శనివారం రాయపోల్‌ మండలం ఎల్కల్‌, వడ్డేపల్లి, వీరారెడ్డిపల్లి, వీరానగర్‌, కొత్తపల్లి, కృష్ణసాగర్‌, ఆరెపల్లి గ్రామాల్లో పర్యటించిన ఎంపీ సుమారు రూ.1.40 కోట్ల నిధులతో అభివృద్ధి పనులకు శంకుస్థాపనలు చేశారు. ఈ సందర్భంగా ఆయన మాట్లాడుతూ...దసరాలోపు కొత్త పింఛన్లు ఇస్తామని హామీ ఇచ్చిన కాంగ్రెస్‌ ప్రభుత్వం ఇప్పటికీ అమలు చేయలేదన్నారు. ఎల్‌నినో ప్రభావాన్ని దృష్టిలో ఉంచుకుని ముందస్తు ప్రణాళికలు రూపొందించాలని సూచించారు. కార్యక్రమంలో బీజేపీ జిల్లా అధ్యక్షుడు శంకర్‌, మండల అధ్యక్షుడు మంకిడి స్వామి, ఆయా గ్రామాల సర్పంచులు వెంకటయ్య, రేణుక తదితరులు పాల్గొన్నారు. ఎంపీ రఘునందన్‌రావు

ముదిరాజ్‌ సంఘం రాష్ట్ర అధ్యక్షుడు శ్రీనివాస్‌ చిన్నకోడూరు(సిద్దిపేట): రాష్ట్ర ప్రభుత్వం చేప పిల్లల పంపిణీ కోసం కేటాయించిన రూ.116 కోట్ల ఏమయ్యాయని, వాటిపై స్పష్టత ఇవ్వాలని ముదిరాజ్‌ సంక్షేమ సంఘం రాష్ట్ర అధ్యక్షుడు జంగిటి శ్రీనివాస్‌ డిమాండ్‌ చేశారు. శనివారం రంగనాయక సాగర్‌ రిజర్వాయర్‌ వద్ద సంఘం సభ్యులతో కలిసి మాట్లాడారు. వర్షాకాలం ముగిసినా మత్స్యసొసైటీలకు ఉచిత చేప పిల్లలు పంపిణీ చేయలేదన్నారు. చేప పిల్లల పంపిణీలో ప్రభుత్వం నిర్లక్ష్యంగా వ్యవహరిస్తోందని ఆరోపించారు. అర్హత కలిగిన సొసైటీల ఖాతాల్లో నగదు జమ చేయాలన్నారు. సమావేశంలో నాయకులు కీసరి పాపయ్య, వెంకటేశం, యాట యాదగిరి, సంతోష్‌, దేవయ్య తదితరులున్నారు. సిద్దిపేటఅర్బన్‌: ఇందూర్‌ ఇంజనీరింగ్‌ కళాశాలలో శనివారం టీజీపీఎస్సీ ఆధ్వర్యంలో నిర్వహించిన అసిస్టెంట్‌ సైంటిస్ట్‌ అనలిస్ట్‌ (గ్రేడ్‌–3) పరీక్ష ప్రశాంతంగా ముగిసింది. పరీక్షా కేంద్రం వద్ద పోలీసులు పటిష్ట బందోబస్తు ఏర్పాటు చేసి అభ్యర్థులను క్షుణ్ణంగా తనిఖీ చేసి పరీక్ష కేంద్రంలో లోపలికి అనుమతించారు. ఉదయం 10 గంటల నుంచి 12:30 గంటల వరకు పేపర్‌ 1, మధ్యాహ్నం 2:30 నుంచి 5 గంటల వరకు పేపర్‌ 2 పరీక్ష నిర్వహించారు. పరీక్షకు 50 మందికి గాను 28 మంది హాజరయ్యారు. 22 మంది గైర్హాజరయ్యారు. పరీక్షలను చీఫ్‌ సూపరింటెండెంట్‌ బొడ్డు రఘు, టీజీపీఎస్సీ సెక్షన్‌ ఆఫీసర్‌, అబ్జర్వర్‌ జునైద్‌ అహ్మద్‌, ఫ్లయింగ్‌ స్క్వాడ్‌, డీఐఈఓ రవీందర్‌రెడ్డి, అర్బన్‌ డిప్యూటీ తహసీల్దార్‌ ఉదయశ్రీ, టీసీఎస్‌ ఆఫీసర్‌ మహేశ్‌బాబు, సిస్టం అడ్మిన్‌ షాదుల్లా తదితరులు పర్యవేక్షించారు. బెజ్జంకి(సిద్దిపేట): రాజ్యాంగబద్ధమైన రిజర్వేషన్‌ ఫలాలు పొందేందుకు సమష్టిగా కృషి చేయాలని రజక రిజర్వేషన్‌ సమితి రాష్ట్ర వర్కింగ్‌ ప్రెసిడెంట్‌ విజయ్‌గణేశ్‌ పిలుపునిచ్చారు. బెజ్జంకి మండల నూతన కార్యవర్గాన్ని శనివారం జిల్లా సంఘం అధ్యక్షుడు ఐలయ్య సమక్షంలో ఏకగ్రీవంగా ఎన్నుకున్నారు. కార్యక్రమంలో ముఖ్య అతిథిగా హాజరైన విజయ్‌గణేశ్‌ మాట్లాడుతూ...సంక్షేమ పథకాల అమలులో అర్హులకు అందేలా చూస్తామన్నారు. నవంబర్‌లో జరిగే రాష్ట్ర 4వ మహాసభలకు అధిక సంఖ్యలో హాజరై విజయవంతం చేయాలని పిలుపునిచ్చారు. అనంతరం అధ్యక్షుడిగా వడ్లూరి సాయిలు, జిల్లా ఉపాద్యక్షునిగా నేరెల్ల రాజయ్య, యూత్‌ జిల్లా ఉపాధ్యక్షుడిగా దొంతి నాగరాజుతోపాటు కార్యవర్గాన్ని ఎన్నుకున్నారు. కాంగ్రెస్‌ పార్టీ పట్టణ అధ్యక్షుడు అత్తు ఇమామ్‌ ప్రశాంత్‌నగర్‌(సిద్దిపేట): మార్కెటింగ్‌ శాఖలో నియామకాలు చేపట్టకుండానే ఏజెన్సీలు అవుట్‌సోర్సింగ్‌ ఉద్యోగాల పేరుతో కోట్లల్లో డబ్బులు వసూళ్లు చేస్తున్నాయని కాంగ్రెస్‌ పార్టీ పట్టణ అధ్యక్షుడు అత్తు ఇమామ్‌ ఆరోపించారు. పార్టీ పట్టణ కార్యాలయంలో శనివారం నిర్వహించిన సమావేశంలో అత్తు ఇమామ్‌ మాట్లాడుతూ..ఐదేళ్లుగా ఏజెన్సీ ముసుగులో ఔట్‌సోర్సింగ్‌ ఉద్యోగులను నియమించకుండానే, ప్రతీ నెల రూ.2లక్షలు మార్కెటింగ్‌శాఖ నుంచి వసూళ్లు చేస్తున్నారన్నారు. ఆర్థిక మోసానికి పాల్పడిన వారిపై మార్కెటింగ్‌శాఖ అధికారులు క్రిమినల్‌ కేసు నమోదు చేసి విచారణ చేపట్టాలని డిమాండ్‌ చేశారు. కార్యక్రమంలో గ్యాదారి మధు, అర్షద్‌, హుస్సేన్‌, గయాజుద్దీన్‌, విజయ్‌, డానియల్‌, నజ్జు, బాబా తదితరులు పాల్గొన్నారు.

సిద్దిపేటరూరల్‌: వరి ధాన్యం కొనుగోళ్లలో అక్రమాలు లేకుండా సాఫీగా జరగాలని మండల ప్రత్యేక అధికారి ప్రియాంక స్పష్టం చేశారు. ఎంపిడిఓ మధుసూదన్‌ అధ్యక్షతన రూరల్‌ మండల పరిషత్‌ కార్యాలయంలో శనివారం నిర్వహించిన అభివృద్ధి పనుల సమీక్షలో ఆమె పాల్గొని మాట్లాడారు. ఈ సందర్భంగా మండల స్థాయి అధికారులు వారి శాఖల వారీగా ప్రగతి నివేదికలను వివరించారు. పాఠశాలలో ఎలాంటి సమావేశం, కార్యక్రమాలు జరిగినా సర్పంచులకు ఆహ్వానం ఇవ్వడం లేదని ఎంఈఓను అడిగారు. దీంతో జోక్యం చేసుకున్న మండల ప్రత్యేక అధికారి ప్రియాంక...ఇటీవల రాఘవపూర్‌ గ్రామంలో జరిగిన మండలస్థాయి ఎస్‌జీఎఫ్‌ క్రీడలకు హాజరైన తనకు చేదు అనుభవం ఎదురైందని తనను కనీస గౌరవం లేకుండా సభ వేదికపై ఆహ్వానించలేదని, పేరు కూడా ప్రస్తావించకుండా సభను నడిపిస్తున్న ఓ పీఈటీ వ్యంగ్యంగా మాట్లాడాడని ఆమె కంటతడి పెట్టారు. కార్యక్రమంలో తహసీల్దార్‌ రెహమాన్‌, ఇన్‌చార్జి ఎంపీ ఓ రామరాజు, సర్పంచ్‌ల ఫోరం అధ్యక్షుడు బట్టు భాస్కర్‌రెడ్డి, సర్పంచులు తదితరులు పాల్గొన్నారు.

ప్రశాంత్‌నగర్‌(సిద్దిపేట): రాష్ట్రంలో కాంగ్రెస్‌ అరాచక పాలన సాగుతోందని, రైతులకు తీవ్ర అన్యాయం జరుగుతుందని బీజేపీ జిల్లా అధ్యక్షుడు బైరి శంకర్‌ ముదిరాజ్‌ విమర్శించారు. న్యాయం కోసం గజ్వేల్‌ పోలీస్‌ స్టేషన్‌కి వెళ్లిన రైతు భీమరి రవి పైన ఎస్సై అకారణంగా దాడి చేయడాన్ని శనివారం ఆయన తీవ్రంగా ఖండించారు. ఘటనపై ఉన్నతాధికారులు స్పందించి ఎస్‌ఐపై చర్యలు తీసుకోవాలని డిమాండ్‌ చేశారు. కాంగ్రెస్‌ పాలనలో రైతులకు తీవ్రంగా అన్యాయం జరుగుతుందని మండిపడ్డారు. ఇటీవల భూ వివాదం పరిష్కారం కోసం ఎమ్మార్వో కార్యాలయానికి వచ్చిన రైతుతో ఇంకా బతికే ఉన్నావా...పురుగుల మందు తాగలేదా? అని ఎమ్మార్వో హేళనగా మాట్లాడినా ప్రభుత్వం పెద్దగా పట్టించుకోలేదని వాపోయారు. కాంగ్రెస్‌ ప్రభుత్వం వచ్చాక రైతాంగం వ్యవసాయం చేయడంలో ఇబ్బంది పడుతుందని ఆవేదన వ్యక్తం చేశారు. సాగునీరు ఇవ్వకుండా, విద్యుత్‌ ఇవ్వకుండా కాంగ్రెస్‌ సర్కార్‌ పంటలను ఎండబెట్టి రైతులను నట్టేట ముంచుతుందని విమర్శించారు. బీజేపీ జిల్లా అధ్యక్షుడు బైరి శంకర్‌ ముదిరాజ్‌

మిరుదొడ్డి(దుబ్బాక): మండల పరిధిలోని పలు గ్రామాల్లో సిద్దిపేట జిల్లా ఎకై ్సజ్‌ అధికారులు శుక్రవారం విస్తృతంగా తనిఖీలు చేపట్టారు. దుకాణాల్లో అమ్ముతున్న కల్లులో డైజోఫాం, క్లోరో ఫాం వంటి మత్తు పదార్థాలేమైనా వాడుతున్నారా అన్న కోణంలో తనిఖీలను ముమ్మరం చేశారు. లైసెన్స్‌ ఉన్న దుకాణాల్లో కల్లు శాంపిల్స్‌ను సేకరించారు. ఈ సందర్భంగా ఎకై ్సజ్‌ అధికారి భిక్షాలు మాట్లాడుతూ లైసెన్స్‌ లేకుండా కల్లు దుకాణాలు నడిపితే చట్టపరమైన చర్యలు తీసుకుంటామన్నారు. కల్తీ కల్లు విక్రయిస్తున్నట్లు తమ దృష్టికి వస్తే లైసెన్స్‌లు రద్దు చేసి, దుకాణాలను సీజ్‌ చేస్తామని హెచ్చరించారు. కల్లు శాంపిల్స్‌ను పరీక్షల కోసం ల్యాబ్‌లకు తరలించి తుది నివేదికల ఆధారంగా చర్యలు తీసుకుంటామని తెలిపారు.

సిద్దిపేటకమాన్‌: జిల్లాలో అర్హులైన పిల్లలు, గర్భిణీలకు వందశాతం వ్యాధి నిరోధక టీకాలు వేయాలని డీఎంహెచ్‌ఓ డాక్టర్‌ ధనరాజ్‌ తెలిపారు. సిద్దిపేట అంబేడ్కర్‌ నగర్‌ అర్బన్‌ హెల్త్‌ సెంటర్‌ను డీఎంహెచ్‌ఓ శుక్రవారం ఆకస్మికంగా తనిఖీ చేశారు. వ్యాధి నిరోధక టీకాల పంపిణీ కార్యక్రమాన్ని టీకాల వివరాల రికార్డులను పరిశీలించారు. ఈ సందర్భంగా ఆయన మాట్లాడుతూ..జిల్లాలో ఈనెల 23 నుంచి 31 వరకు ప్రత్యేక వ్యాధి నిరోధక టీకాల పంపిణీ నిర్వహించనున్నామన్నారు. అన్ని ప్రాథమిక ఆరోగ్య కేంద్రాల పరిధిలోని పిల్లలకు అవసరమైన వ్యాధి నిరోధక టీకాలు వేయనున్నట్లు తెలిపారు. జిల్లాలో అమలుచేస్తున్న అన్ని ఆరోగ్య కార్యక్రమాల్లో వంద శాతం లక్ష్యాలను సాధించేలా సిబ్బంది సమర్థవంతంగా పనిచేయాలని సూచించారు. హెల్త్‌ సెంటర్‌లో ఓపీ, ఐపీ సేవలను పెంచడంతోపాటు, ఎన్‌సీడీ స్క్రీనింగ్‌, రక్తనమూనాల సేకరణ, ఇతర ఆరోగ్య పరీక్షలను విస్తృతంగా నిర్వహించాలన్నారు. అన్ని రకాల మందులు అందుబాటులో ఉండేలా చూసుకోవాలని సూచించారు. కార్యక్రమంలో డిప్యూటీ డీఎంహెచ్‌ఓ డాక్టర్‌ శ్రీకాంత్‌యాదవ్‌, డాక్టర్‌ హర్షిణి, ఏఎన్‌ఎంలు సరిత, సిబ్బంది తదితరులు పాల్గొన్నారు.డీఎంహెచ్‌ఓ డాక్టర్‌ ధనరాజ్‌

హుస్నాబాద్‌: నియోజకవర్గంలో పూర్తిగా ఇళ్లు లేని నిరుపేదలకు, గుడిసెల్లో నివసిస్తున్న వారికి ఇందిరమ్మ ఇళ్ల కేటాయింపులో మొదటి ప్రాధాన్యతనిస్తున్నట్లు మంత్రి పొన్నం ప్రభాకర్‌ తెలిపారు. నియోజకవర్గంలో ఇందిరమ్మ ఇళ్ల కోసం అర్హుల నుంచి డిమాండ్‌ ఎక్కువగా ఉన్న నేపథ్యంలో ప్రభుత్వం ప్రాధాన్యత క్రమంలో ఇళ్లను కేటాయిస్తోందన్నారు. గౌరవెల్లి, గండిపెల్లి ప్రాజెక్టుల నిర్మాణం కారణంగా ఇప్పటివరకు ఎలాంటి ఇల్లు పొందని నిర్వాసితులకు భూమి ఉండి నిబంధనల ప్రకారం అర్హత కలిగిన వారికి కూడా ఇళ్లు మంజూరు చేయాలని నిర్ణయించినట్లు వెల్లడించారు. కొత్తపల్లి నుంచి హుస్నాబాద్‌ వరకు నాలుగు వరుసల రహదారి విస్తరణలో ఇళ్లు కోల్పోయిన వారికి కూడా ఇళ్లు కేటాయించేలా చర్యలు తీసుకుంటామని తెలిపారు. హుస్నాబాద్‌ పట్టణంలోని మల్లెచెట్టు చౌరస్తా నుంచి జనగామ మార్గంలో అక్కన్నపేట మీదుగా రహదారి విస్తరణలో ఇళ్లు కోల్పోయిన వారికి ఇళ్లు మంజూరు చేస్తామని తెలిపారు. అలాగే చౌటపల్లి వద్ద ఇండస్ట్రియల్‌ పార్క్‌ కోసం భూములిచ్చిన వారికి అర్హత ఉండి ఇల్లు లేని వారికి ఇందిరమ్మ ఇళ్లు కేటాయించేలా చర్యలు తీసుకుంటామని మంత్రి పొన్నం ప్రభాకర్‌ తెలిపారు. మంత్రి పొన్నంకు కేంద్రమంత్రి లేఖ..హుస్నాబాద్‌ నియోజకవర్గంలో సింగిల్‌ యూజ్‌ ప్లాస్టిక్‌ వస్తువుల వాడకాన్ని తగ్గించేందుకు స్టీల్‌ బ్యాంక్‌ను ఏర్పాటు చేయాలనే మంత్రి పొన్నం ప్రభాకర్‌ చొరవను కేంద్ర పర్యావరణ, అటవీ, వాతావరణ మార్పుల శాఖ మంత్రి భూపేందర్‌ యాదవ్‌ ప్రశంసించారు. ఈ మేరకు శుక్రవారం భూపేందర్‌ యాదవ్‌ మంత్రి పొన్నంకు లేఖ రాశారు. గ్రామాల్లో జరిగే శుభకార్యాలు, ఇతర వేడుకల్లో వినియోగించుకునేందు కు స్టెయిన్‌ లెస్‌ స్టీల్‌ పాత్రల పూర్తి సెట్లతో స్టీల్‌ బ్యాంక్‌ ఏర్పాటు ఆలోచన ప్లాస్టిక్‌ వినియోగం, ప్లాస్టిక్‌ వ్యర్థాలను క్షేత్రస్థాయిలో తగ్గించేందుకు దోహదపడుతుందని ఆ లేఖలో పేర్కొన్నారు. కేంద్ర, రాష్ట్ర ప్రభుత్వాలు, స్థానిక సంస్థలతోపాటు సమాజంలోని అన్ని వర్గాలు సమన్వయంతో ప్లాస్టిక్‌ నియంత్రణకు కృషి చేయాలన్నారు.మంత్రి పొన్నం ప్రభాకర్‌

హుస్నాబాద్‌రూరల్‌: ఇప్పటికే పలు గ్రామాల్లో చేపట్టని పలు అభివృద్ధి పనులకు సంబంధించిన బిల్లులను వెంటనే చెల్లించాలని మండలానికి చెందిన పలువురు సర్పంచ్‌లు డిమాండ్‌ చేశారు. మండల పరిషత్‌ కార్యాలయంలో ప్రత్యేక అధికారి కొండల్‌రెడ్డి అధ్యక్షత శుక్రవారం జరిగిన మండల అభివృద్ధి పనుల పై సమీక్షలో సర్పంచ్‌లు పాల్గొన్నారు. ఈ సందర్భంగా మహిళల సంక్షేమం కోసం మంజూరు చేసిన మహిళా భవనాల నిర్మాణం పూర్తి చేయాలని మండల ప్రత్యేక అధికారి కొండల్‌రెడ్డి అనడంతో సర్పంచ్‌లు చేసిన పనులకు ఇప్పటివరకు బిల్లులు రావడం లేదని మళ్లీ పనులు చేయాలంటే ఏం పెట్టి చేయమంటారని పలువురు సర్పంచ్‌లు ప్రశ్నించారు. పొట్లపల్లి, భల్లునాయక్‌ తండాలో భవన నిర్మాణాలకు రెవెన్యూ అధికారులు స్థలాలు చూపించడం లేదన్నారు. గ్రామాల్లో బెల్టు షాపులు విచ్చలవిడిగా నడుస్తున్నా ఎకై ్సజ్‌ అధికారులు స్పందించడం లేదన్నారు. యువత బాగు పడాలని గ్రామాల్లో మద్యం అమ్మకాలను అరికట్టాలని మేం ప్రయత్నం చేస్తే ఎకై ్సజ్‌ అధికారులు పట్టించుకోవడం లేదని ఆరోపించారు. ఈ సందర్భంగా మార్కెట్‌ చైర్మన్‌ తిరుపతిరెడ్డి మాట్లాడుతూ..గ్రామాల అభివృద్ధి కోసం ప్రభుత్వం నుంచి మంత్రి పొన్నం ప్రభాకర్‌ నిధులు తెస్తున్నారని, పనులు చేయాల్సిన బాధ్యత మనపై ఉందన్నారు. సమావేశంలో ఆత్మ కమిటీ చైర్మన్‌ జంగపెల్లి అయిలయ్య, ఎంపీడీఓ సురేశ్‌, వివిధశాఖల అధికారులు పాల్గొన్నారు.మండల సభలో సర్పంచ్‌ల ఆవేదన

మద్దూరు(హుస్నాబాద్‌): కేంద్ర ఎన్నికల అధికారి జ్ఞానేశ్‌కుమార్‌ను వెంటనే పదవి నుంచి తొలగించాలని సీపీఎం జిల్లా కమిటీ సభ్యుడు ఆలేటి యాదగిరి డిమాండ్‌ చేశారు. మద్దూరు మండల కేంద్రంలో సీఐటీయూ, గొర్రెల మేకల పెంపకదారుల సంఘం, ప్రజానాట్యమండలి సంఘాల ఆధ్వర్యంలో జ్ఞానేశ్‌కుమార్‌ దిష్టిబొమ్మను దగ్ధం చేశారు. ఈ సందర్భంగా ఆయన మాట్లాడుతూ..కేంద్ర ప్రభుత్వం ఎస్‌ఐఆర్‌ పేరుతో జ్ఞానేశ్‌కుమార్‌ నాయకత్వంలో ప్రతిపక్షం, ప్రశ్నించే వారి ఓట్లను పెద్ద ఎత్తున తొలగిస్తున్నారన్నారు. ఈ ప్రక్రియను వెంటనే నిలిపివేయాలని బాధ్యులైన ఎన్నికల అధికారి జ్ఞానేశ్‌ను వెంటనే అరెస్టు చేయాలని డిమాండ్‌ చేశారు. కార్యక్రమంలో సీఐటీయూ మండల కన్వీనర్‌ ఎండీ షఫీ, ప్రజానాట్యమండలి జిల్లా కార్యదర్శి వేల్పుల విజయ్‌కుమార్‌ పాల్గొన్నారు.

బీఆర్‌ఎస్‌ మాజీ ఎమ్మెల్యే సతీశ్‌ కుమార్‌ హుస్నాబాద్‌: బీఆర్‌ఎస్‌ పార్టీ బలోపేతానికి కార్యకర్తలు సమిష్టిగా కృషి చేయాలని మాజీ ఎమ్మెల్యే సతీశ్‌ కుమార్‌ పిలుపునిచ్చారు. పట్టణంలోని బీఆర్‌ఎస్‌ కార్యాలయంలో శుక్రవారం నిర్వహించిన హుస్నాబాద్‌ మండల స్థాయి పార్టీ విస్తృతస్థాయి కార్యకర్తల సమావేశంలో ఆయన పాల్గొని మాట్లాడారు. బీఆర్‌ఎస్‌ ప్రభుత్వ హయాంలో చేపట్టిన అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లాలన్నారు. కాంగ్రెస్‌ ప్రభుత్వ వైఫల్యాలను ఎండగడుతూ ప్రజా సమస్యల పరిష్కారం కోసం నిరంతరం ప్రజలకు అందుబాటులో ఉండాలని సూచించారు. పార్టీ నాయకులు, ప్రజాప్రతినిధులు, గ్రామ శాఖల అధ్యక్షులు, కార్యకర్తలు సమన్వయంతో పని చేయాలని చెప్పారు.గజ్వేల్‌రూరల్‌: దసరా ఆత్మీయ సమ్మేళనంలో భాగంగా పట్టణంలోని లక్ష్మణ్‌ గార్డెన్స్‌లో ఈ నెల 25న జరగనున్న ఆలయ్‌ బలయ్‌ కార్యక్రమాన్ని విజయవంతం చేయాలని కమిటీ సభ్యులు పొన్నాల కుమార్‌, నీరుడి స్వామి, బాకి స్వామి, కన్నాయాదవ్‌, నర్సింహులు పిలుపునిచ్చారు. అలయ్‌ బలయ్‌కి సంబంధించిన కరపత్రాలను శుక్రవారం పట్టణంలోని అంబేడ్కర్‌ చౌరస్తావద్ద ఆవిష్కరించారు. ములుగు(గజ్వేల్‌): నీట్‌ పరీక్షలో అర్హత సాధించి, ఎంబీబీఎస్‌ సీటు పొందలేకపోయిన విద్యార్థులు నిరాశ చెందవద్దని సిద్దిపేట జిల్లా ములుగు మండలం క్షీరసాగర్‌ గ్రామ హంస హోమియోపతి మెడికల్‌ కళాశాల డైరెక్టర్‌ డాక్టర్‌ ఉమేశ్‌ అక్కలదేవి సూచించారు. హోమియోపతి వైద్య విద్యలో బీహెచ్‌ఎంఎస్‌ కోర్సు ద్వారా వైద్య రంగంలో స్థిరపడేందుకు అవకాశం ఉందని తెలిపారు. కాళోజీ నారాయణరావు ఆరోగ్య విశ్వవిద్యాలయం పరిధిలోని ప్రైవేట్‌ హోమియోపతి వైద్య కళాశాలల్లో 2026–27 విద్యా సంవత్సరానికి మేనేజ్‌మెంట్‌ కోటా (బీ,సీ ఎన్‌ఆర్‌ఐ కేటగిరీలు)సీట్ల భర్తీకి నోటిఫికేషన్‌ విడుదలైనట్లు పేర్కొన్నారు. క్షీరసాగర్‌ హంస హోమియోపతి మెడికల్‌ కళాశాలలోబి కేటగిరీలో 35, సీఎన్‌ఆర్‌ఐ కేటగిరీలో15 సీట్లు అందుబాటులో ఉన్నాయని వెల్లడించారు. దరఖాస్తు సమర్పణకు అక్టోబర్‌ 25వ తేదీ సాయంత్రం 5 గంటల వరకు గడువు ఉందన్నారు. బెజ్జంకి(సిద్దిపేట): బెజ్జంకి లయన్స్‌ క్లబ్‌ ఆధ్వర్యంలో రేకుర్తి కంటి ఆస్పత్రి సౌజన్యంతో శుక్రవారం బెజ్జంకిలో నిర్వహించిన ఉచిత నేత్ర వైద్య శిబిరానికి అపూర్వ స్పందన లభించింది. వివిధ గ్రామాల నుంచి వచ్చిన 80 మందికి పరీక్షలు నిర్వహించారు. శస్త్ర చికిత్సలు అవసరమైన 27 మందిని గుర్తించి రేకుర్తి ఆస్పత్రికి తరలించారు. మిగతా వారికి మందులు పంపిణీ చేశారు. గజ్వేల్‌: కుకునూర్‌పల్లి మండలం లకుడారం గ్రామంలో ఎంపీటీసీల ఫోరం మాజీ రాష్ట్ర వర్కింగ్‌ ప్రెసిడెంట్‌ దేవీ రవీందర్‌పై దసరా రోజు దాడి చేసిన కాంగ్రెస్‌ నేతలపై చట్టప్రకారం చర్యలు తీసుకోవాలని ఆ ఫోరం రాష్ట్ర మాజీ అధ్యక్షుడు గడీల కుమార్‌గౌడ్‌ డిమాండ్‌ చేశారు. గజ్వేల్‌లో శుక్రవారం విలేకరుల సమావేశంలో ఆయన మాట్లాడుతూ...దేవీ రవీందర్‌ రాజకీయ ఎదుగుదలను చూసి ఓర్వలేక ఇలాంటి దాడులు చేస్తున్నారన్నారు. గజ్వేల్‌ మాజీ ఎమ్మెల్యే నర్సారెడ్డి ఇలాంటి దాడులను ప్రోత్సహిస్తున్నారని ఆరోపించారు. ప్రశ్నించే గొంతులను అణిచివేయాలని చూస్తే సహించేదిలేదన్నారు. సిద్దిపేటరూరల్‌: ఎల్‌నినో వాతావరణ పరిస్థితిని అధిగమించేందుకు రైతులు యాసంగిలో ఆరుతడి పంటలనే సాగు చేయాలని సిద్దిపేట ఆత్మకమిటీ చైర్మన్‌ పూజల గోపీకృష్ణ సూచించారు. మండల పరిధిలోని చిన్నగుండవెళ్లి గ్రామంలో శుక్రవారం ఖేత్‌బచావో అభియాన్‌ కార్యక్రమాన్ని వ్యవసాయ శాఖ ఆధ్వర్యంలో నిర్వహించారు. ఈ సందర్భంగా గోపీకృష్ణ మాట్లాడుతూ...ఎల్‌నినో పరిస్థితుల కారణంగా రైతులు యాసంగిలో వరికి బదులుగా ఆరుతడి పంటలైన మొక్కజొన్న, పొద్దుతిరుగుడు, పెసర్లు, నువ్వులు సాగు చేయాలన్నారు.

సిద్దిపేటఅర్బన్‌: మండల సర్వసభ్య సమావేశానికి గైర్హాజరైన సుడా, రెవెన్యూ, అటవీ అధికారులపై చర్యలు తీసుకోవాలని అర్బన్‌ మండల ప్రత్యేకాధికారి ఏడీఏ పద్మ స్పష్టం చేశారు. ఎంపీపీ కార్యాలయంలో ఎంపీడీవో మార్టిన్‌ లూథర్‌ అధ్యక్షతన శుక్రవారం జరిగిన అర్బన్‌ మండల సర్వసభ్య సమావేశానికి ఆమె హాజరై మాట్లాడారు. ప్రతీ సమావేశానికి హాజరుకావాలని సమాచారం ఇచ్చినప్పటికీ హాజరు కాకుండా నిర్లక్ష్యంగా వ్యవహరిస్తున్న సుడా, రెవెన్యూ, ఫారెస్ట్‌ అధికారులపై చర్యలు ఉంటాయన్నారు. హాజరుకాని వివరాలను కలెక్టర్‌ కార్యాలయానికి పంపించాలని సూచించారు. ప్రతీ శాఖ పరిధిలోని సమస్యలను నోట్‌ చేసుకొని 45 రోజుల్లోగా పరిష్కరించాలన్నారు. ఎల్‌నినోను ఎదుర్కొనేందుకు అందరూ కలిసికట్టుగా పని చేయాలని సూచించారు. అర్బన్‌ మండల సర్వసభ్య సమావేశానికి పలువురు డుమ్మా అర్బన్‌ మండల ప్రత్యేకాధికారి పద్మ ఆగ్రహం

ఇంకుడుగుంతల నిర్మాణం ● జిల్లాలో 505 డ్రైయిన్‌ అండ్‌ సోక్‌పిట్‌లకు శ్రీకారంప్రభుత్వం జిల్లాల వారీగా ఇంకుడు గుంతల లక్ష్యాలను నిర్దేశించింది. సిద్దిపేట జిల్లాలో 508 గ్రామ పంచాయతీలకు 506 గుంతలు లక్ష్యంగా పెట్టారు. గ్రామాల్లో వీటిని ఎక్కడ ఏర్పాటు చేయాలన్న అంశంపై గతంలోనే అధికారులు సర్వే నిర్వహించారు. గ్రామంలో ఏ కాలనీ నుంచి మురుగునీరు ఎక్కువగా వస్తోంది? ఆ నీరు ఎక్కడ మిగులుతుంది? అని పరిశీలించారు. కాలువ ముగిసే చోట ఇంకుడు గుంత నిర్మాణానికి స్థలం అందుబాటులో ఉందా అన్న వివరాలను సేకరించారు. పారిశుద్ధ్య సమస్యలకు చెక్‌ గ్రామాల్లో కాల్వల ద్వారా వచ్చే మురుగునీరు ఎక్కడో ఒకచోట పొర్లి పొలాల్లోకి చేరుతోంది. దీనివల్ల పంట దిగుబడితో పాటు నాణ్యత కూడా తగ్గిపోతుందని బాధిత రైతులు ఆవేదన వ్యక్తం చేస్తున్నారు. డ్రైయిన్‌ అండ్‌ సోక్‌పిట్‌ నిర్మాణంతో పారిశుద్ధ్య సమస్య, దోమల బెడద తగ్గుతుందని అధికారులు సూచిస్తున్నారు. ఎల్‌నినో వల్ల వర్షాలు తగ్గినా ఉన్న కొద్దిపాటి మురుగు నీటిని కూడా వృథా చేయకుండా భూమిలోకి పంపితే భూగర్భ జలమట్టం పెరుగుతుంది. నీరు వివిధ దశల్లో ఫిల్టర్‌ అయి భూమిలోకి ఇంకడం వల్ల భూగర్భ జలాలు కలుషితం కాకుండా, నీటి భద్రత ఉంటుంది. ఇదే ఎల్‌నినోను ఎదుర్కొనే అస్త్రం అని అధికారులు భావిస్తున్నారు. ఒక్కో దానికి రూ.96 వేల ఖర్చు డ్రైయిన్‌ అండ్‌ సోక్‌పిట్‌ నిర్మాణానికి దాదాపు రూ.96 వేలు ఖర్చు పెట్టనున్నారు. దీని సామర్థ్యం 3 లక్షల లీటర్ల వరకు ఉంటుందని అధికారులు చెబుతున్నారు. ఇందులోకి చెత్త చేరకుండా నీరు మాత్రమే చేరేలా ఫిల్టర్లు ఏర్పాటు చేస్తారు. సిద్దిపేట జిల్లాలో 505 డ్రైయిన్‌ అండ్‌ సోక్‌పిట్‌ నిర్మాణానికి ప్రభుత్వం నిధులను కేటాయించింది. పంచాయతీ పాలకవర్గం చొరవ చూపితే పనులు త్వరగా పూర్తవుతాయి. ఇటీవల జిల్లాలో నిర్మించిన డ్రైయిన్‌ అండ్‌ సోక్‌ పిట్‌లు ఇప్పటికే సత్ఫలితాలు ఇస్తున్నాయని అధికారులు తెలిపారు.ఎల్‌నినోకు చెక్‌పెట్టడంతోపాటుగా జిల్లావ్యాప్తంగా పారిశుద్ధ్య సమస్యకు భూగర్భ జలాల పెంపుదలకు ప్రభుత్వం బృహత్తర కార్యక్రమానికి శ్రీకారం చుట్టింది. జిల్లాలోని పలు గ్రామాల్లో మురికి కాలువల గుండా నీరు పొలాల్లోకి చేరి పంట దిగుబడిని దెబ్బతీస్తుండటంతో ఈ సమస్యకు పరిష్కారం చూపాలన్న లక్ష్యంతోపాటు, భూగర్భ జలాలు అడుగంటే ప్రమాదాన్ని ముందే ఊహించిన ప్రభుత్వం ‘డ్రైయిన్‌ అండ్‌ కమ్యూనిటీ సోక్‌ పిట్‌’ల పేరుతో ఇంకుడు గుంతలను నిర్మించనుంది. – దుబ్బాకటౌన్‌ మంచి సత్ఫలితాలుడ్రైయిన్‌ అండ్‌ సోక్‌పిట్‌ల నిర్మాణంతో మురుగునీరు నిల్వ కాకుండా ఉంటుంది. దీంతో రోగాలు దరి చేరకుండా ఉంటాయి. ఊరి చివరన రైతులు పొలాలకి మురుగు నీరుతో ఇబ్బందులు పడుతున్న సమస్య తీరుతుంది. భూగర్భ జలాలను పెంచడానికి డ్రైయిన్‌ అండ్‌ సోక్‌పిట్‌లు ఎంతగానో ఉపయోగపడతాయి.

సిద్దిపేటరూరల్‌: కార్మికులు పని చేయడంతోపాటుగా వారి హక్కులపై కూడా అవగాహన కలిగి ఉండాలని అదనపు కలెక్టర్‌ లక్ష్మికిరణ్‌ సూచించారు. కలెక్టరేట్‌లో కార్మికుల హక్కులకు సంబంధించిన ‘మీ పని..మీ జీతం..మీ స్వేచ్ఛ’పోస్టర్‌ను శుక్రవారం ఆవిష్కరించి ప్రచార రథాన్ని అదనపు కలెక్టర్‌ ప్రారంభించారు. ఈ సందర్భంగా ఆమె మాట్లాడుతూ...జిల్లాలో ఈ నెల 8 నుంచి 28 వరకు కార్మికుల హక్కులపై అవగాహన కల్పించడం జరుగుతోందన్నారు. కార్మికులు వారు పనిచేసే ప్రాంతాల్లో వేధింపులు, బెదిరింపులు, అన్యాయం ఎదురైనా సంబంధిత అధికారులకు ఫిర్యాదు చేయాలని సూచించారు. ఎక్కడైనా అన్యాయం, వేధింపులకు గురైనా 080–69434343 నంబర్‌ను సంప్రదించాలన్నారు. కార్యక్రమంలో ఏఓ రాజ్‌కుమార్‌, జిల్లా అసిస్టెంట్‌ కమిషనర్‌ శ్రీనివాస్‌, లేబర్‌ ఆఫీసర్‌ జ్యోతి, తదితరులు పాల్గొన్నారు.అదనపు కలెక్టర్‌ లక్ష్మికిరణ్‌

ప్రశాంత్‌నగర్‌(సిద్దిపేట): చెకుముకి పోటీలతో విద్యార్థుల నైపుణ్యాలు వెలుగులోకి వస్తాయని, జన విజ్ఞాన వేదిక రాష్ట్ర కమిటీ సభ్యులు మహేంద్రం పేర్కొన్నారు. జిల్లా కేంద్రంలో శుక్రవారం నిర్వహించిన చెకుముకి జిల్లా కార్యవర్గ సమావేశంలో మహేంద్రం పాల్గొని మాట్లాడారు. ప్రతీ ఏటా నిర్వహించే చెకుముకి సైన్స్‌ సంబరాలు విద్యార్థులకు లబ్ధి చేకూర్చనున్నట్లు తెలిపారు. ఇలాంటి పోటీలతో విద్యార్థులలో పరిశీలనా నైపుణ్యాలను, తార్కికతను, శాసీ్త్రయ దృక్పథాలు పెంపొందుతాయన్నారు. చెకుముకి పోటీలు పాఠశాలస్థాయి నవంబర్‌ 7న, మండలస్థాయి నవంబర్‌ 21న, జిల్లా స్థాయి నవంబర్‌ 28న నిర్వహించనున్నట్లు తెలిపారు. కార్యక్రమంలో జిల్లా అధ్యక్షుడు అజీజ్‌, గౌరవ అధ్యక్షుడు మెలుగు బాలరాజు, ప్రధాన కార్యదర్శి తుమ్మ సత్యం, ఉపాధ్యక్షుడు రామచంద్రంగారు, జిల్లా కార్యదర్శి సుధాకర్‌ పాల్గొన్నారు.జన విజ్ఞాన వేదిక రాష్ట్ర కమిటీ సభ్యుడు మహేంద్రం

విద్యుత్‌ శాఖలో సిబ్బంది కొరత సాకుతో బయటివారికి అవకాశం ● తరచూ ప్రమాదాలు.. చోద్యం చూస్తున్న అధికారులుసరైన శిక్షణ, భద్రతా పరికరాలు, అధికారిక పర్యవేక్షణ లేకుండా ప్రమాదకరమైన విద్యుత్‌ పనులు చేపడుతుండటంతో ప్రాణాలకే ముప్పు వాటిల్లుతోంది. నంగునూరు మండలం సిద్దన్నపేటలో ఈ నెల 21న జరిగిన ప్రమాదం ఈ వ్యవహారానికి అద్దం పడుతోంది. విద్యుత్‌ మరమ్మతులు ప్రైవేటు వ్యక్తుల చేతుల్లోకి వెళ్లకుండా కట్టడి చేయడంతోపాటు అధికారిక సిబ్బందితోనే పనులు చేపట్టేలా విద్యుత్‌ శాఖ ఉన్నతాధికారులు చర్యలు తీసుకోవాల్సిన అవసరం ఉంది. సిద్దన్నపేట ఘటనతోనైనా మేల్కొంటారా? నంగునూరు మండలం సిద్దన్నపేటలోని కుర్మసంఘం భవనం సమీపంలో ఈ నెల 21న ట్రాన్స్‌ఫార్మర్‌లో సమస్య తలెత్తి విద్యుత్‌ సరఫరాకు అంతరాయం ఏర్పడింది. దీంతో స్థానికంగా ఉండే ఓ ప్రైవేటు వ్యక్తి (హెల్పర్‌గా పిలుస్తారు) లక్ష్మయ్య ఎల్‌సీ తీసుకుని మరమ్మతులు చేస్తుండగా విద్యుత్‌ సరఫరా కావడంతో తీవ్రంగా గాయపడ్డాడు. విద్యుత్‌ పనుల్లో అధికారులు ఎంత నిర్లక్ష్యంగా ఉన్నారో ఈ ఘటన స్పష్టం చేస్తోంది. ఈ ఘటనకు దారితీసిన పరిస్థితులపై అధికారులు సమగ్రంగా విచారించి బాధ్యులపై చర్యలు తీసుకోవాల్సిన అవసరం ఉంది. నాలుగైదు గ్రామాలకు ఒక్కరే! విద్యుత్‌ శాఖలో సిబ్బంది కొరత క్షేత్రస్థాయిలో సమస్యగా మారింది. ఒక్కో లైన్‌మెన్‌, జూనియర్‌ లైన్‌మెన్‌కు నాలుగు నుంచి ఐదు గ్రామాల బాధ్యతలు అప్పగించారు. దీంతో ఒక్కో గ్రామంలో ఒకరు నుంచి ఇద్దరు వరకు హెల్పర్లను ఆయా లైన్‌మెన్‌లే నియమించుకుంటున్నారు. వారిచే మరమ్మతులు, కొత్త విద్యుత్‌ కనెక్షన్లు ఇప్పిస్తున్నారు. కొత్త విద్యుత్‌ కనెక్షన్లు, చిన్నచిన్న మరమ్మతులు, ఇతర పనులను బట్టి రూ.300 నుంచి రూ.1,000 వరకు వసూలు చేస్తున్నట్లు సమాచారం. కేటాయించిన గ్రామాల్లో లేదా సమీపంలో అందుబాటులో ఉండాల్సిన సిబ్బంది 15 నుంచి 30 కిలోమీటర్ల దూరంలో ఉంటున్నారనే ఆరోపణలూ వినిపిస్తున్నాయి. ప్రైవేటు మరమ్మతులకు అడ్డుకట్ట వేయాలి! సిద్దన్నపేట ఘటనను హెచ్చరికగా తీసుకుని విద్యుత్‌ శాఖ ఉన్నతాధికారులు క్షేత్రస్థాయి పరిస్థితులపై సమీక్ష నిర్వహించాలి. ఇలా ఒక్క సిద్దన్నపేటలోనే కాదు చాలా గ్రామాల్లో ప్రైవేట్‌ వ్యక్తులతో లైన్‌మెన్‌లు పనులు చేయిస్తుండగా విద్యుత్‌ షాక్‌కు గురైన ఘటనలున్నాయి. గ్రామాలవారీగా సిబ్బంది కొరతను గుర్తించి అవసరమైన నియామకాలు చేపట్టాలి. కేటాయించిన ప్రాంతాల్లో లైన్‌మెన్లు, జూనియర్‌ లైన్‌మెన్లు అందుబాటులో ఉండేలా చర్యలు తీసుకోవాలి.విద్యుత్‌ స్తంభాలెక్కేది ప్రైవేటు వ్యక్తులు..ట్రాన్స్‌ఫార్మర్ల వద్ద మరమ్మతులు చేసేదీ వారే! ఎక్కడైనా విద్యుత్‌ అంతరాయమేర్పడితే వినియోగదారులు ఆశ్రయించేది వారినే! విద్యుత్‌ శాఖలో లైన్‌మెన్‌లు సిబ్బంది కొరతను సాకుగా చూపుతూ గ్రామాల్లో ప్రైవేటు వ్యక్తులతో మరమ్మతులు చేయిస్తున్నారనే ఆరోపణలు వెల్లువెత్తుతున్నాయి. మరోవైపు పనిని బట్టి రూ.300 నుంచి రూ.1,000 వరకు వసూలు చేస్తున్నట్లు సమాచారం. – సాక్షి, సిద్దిపేటవిద్యుత్‌ సరఫరాలో అంతరాయం ఏర్పడితే ఆ శాఖలో పని చేస్తున్న సిబ్బంది మాత్రమే మరమ్మతులు చేపట్టాలి. ప్రైవేట్‌ వ్యక్తులతో పనులు చేయించవద్దు. ప్రైవేట్‌ వ్యక్తులు డబ్బులు వసూలు చేస్తున్నారని నా దృష్టికి రాలేదు. క్షేత్రస్థాయిలో లైన్‌మెన్లు, జూనియర్‌ లైన్‌మెన్ల కొరత ఉంది. – చంద్రశేఖర్‌, ఎస్‌ఈ, టీజీ ఎస్పీడీసీఎల్‌

పచ్చి వడ్లకు మార్కెట్‌లో మంచి డిమాండ్‌ కొనసాగుతోంది. ఎల్‌నినో ప్రభావంతో వానా కాలంలో అరకొర పంటలే సాగయ్యాయి. దిగుబడి సైతం అంతంత మాత్రంగా వచ్చే అవకాశాలున్నాయి. దీంతో పంట కోతలు ప్రారంభం కాగానే వ్యాపారులు వాలిపోతున్నారు. క్వింటాల్‌కు రూ.2,600 నుంచి రూ. 3,200 వరకు కొనుగోలు చేస్తుండటం గమనార్హం. మద్దతు ధరకు మించి కొనుగోళ్లు చేస్తుండటంతో పలువురు రైతులు సంతోషం వ్యక్తం చేస్తున్నారు. – సాక్షి, సిద్దిపేట జిల్లా వ్యాప్తంగా 1.22లక్షల హెక్టార్లలో వరి సాగైంది. అందులో దొడ్డు రకం 93,602హెక్టార్లు, సన్నాలు 28,398 హెక్టార్లు సాగు చేశారు. 5,67,801 మెట్రిక్‌ టన్నుల ధాన్యం దిగుబడి వస్తుందని వ్యవసాయ శాఖ అంచనా వేశారు. అందులో ప్రైవేట్‌ వ్యాపారులు 2,17,601 మెట్రిక్‌ టన్నులు, ప్రభుత్వ కొనుగోలు కేంద్రాలకు 3.50లక్షల మెట్రిక్‌ టన్నుల ధాన్యం వస్తుందని మార్కెటింగ్‌ శాఖ అంచనా వేసింది. జిల్లా వ్యాప్తంగా 424 కొనుగోలు కేంద్రాలను ఏర్పాటు చేయాలని జిల్లా యంత్రాంగం నిర్ణయించింది. ఇంకా ప్రభుత్వ ఆధ్వర్యంలో కొనుగోలు కేంద్రాలు ప్రారంభం కాలేదు. కొనుగోలు కేంద్రాల్లో దొడ్డు రకం ఏగ్రేడ్‌ ధాన్యం క్వింటాల్‌కు రూ.2,461, బీ గ్రేడ్‌ రూ.2,441, సన్న రకం వడ్లకు రూ. 2,461తో పాటు ప్రభుత్వం మరో రూ.500 బోనస్‌గా ఇస్తోంది. సన్నాలు రూ.3,200కు కొనుగోలు జిల్లాలో ముందుగా హుస్నాబాద్‌, అక్కన్నపేట, కోహెడలలో వరి కోతలు మొదలయ్యాయి. కల్లాల వద్దే వడ్లను కాంటాలు పెట్టి కొనుగోలు చేస్తున్నారు. ప్రస్తుతం సన్న బియ్యం ధరలు పెరగడం, భవిష్యత్‌లో కొరత ఏర్పడే ప్రమాదం ఉందని ముందే గుర్తించిన వ్యాపారులు సన్నధాన్యం ప్రధానంగా సాంబమసూరి, జైశ్రీరామ్‌, చింట్లు వంటి రకాల వడ్లు పచ్చిగా ఉన్నప్పుడే క్వింటాల్‌కు రూ.2,900 నుంచి రూ.3,200 వరకు కొంటున్నారు. దొడ్డు ధాన్యాన్ని క్వింటాల్‌కు రూ. 2,600 నుంచి రూ.2,800 కొనుగోలు చేస్తున్నారు. ఇప్పుడే ఇలా కొంటే ఎండితే 30 శాతం మేరకు బరువు తగ్గుతుంది. ఈ విషయం తెలిసినా.. ఎల్‌నినో వల్ల వచ్చే యాసంగిలో వరి సాగు మరింత తగ్గే అవకాశం ఉంది. దీంతో పచ్చి వడ్లు అయినా కొనుగోళ్లు చేసేందుకు ప్రైవేట్‌ వ్యాపారులు మొగ్గుచూపుతున్నారు. కొనుగోలు చేసి నిల్వ ఉంచుకుని రెట్టింపు ధరకు బియ్యం అమ్ముకోవచ్చని వ్యాపారులు ఉత్సాహం చూపుతున్నట్లు తెలుస్తోంది. లోటును పూడ్చుకునేందుకే.. యాసంగిలో వరికి బదులు ఇతర పంటలను సాగు చేయాలని ప్రభుత్వం విజ్ఞప్తి చేస్తుండటంతో ధాన్యం లభించే అవకాశాలు తక్కువ కానున్నాయి. పచ్చి వడ్లతో అటుకులు, పేలాలు, మద్యం తయారీలో ఉపయోగిస్తారని, కొరత ఏర్పడే అవకాశం ఉండటంతో ఇతర రాష్ట్రాలకు చెందిన వ్యాపారులు పోటీ పడి పచ్చి ధాన్యాన్ని కొనుగోళ్లు చేస్తున్నారు. జిల్లాలోని కొంత మంది మిల్లర్లు లోటు పూడ్చుకునేందుకు కొనుగోళ్లు జరుపుతున్నారు. కల్లాల వద్దే కాంటాలు

విద్యుత్‌ కార్యాలయం ఎదుట సీపీఎం ధర్నాచేర్యాల(సిద్దిపేట): నిరంతరాయంగా రైతులకు నాణ్యమైన త్రీఫేస్‌ విద్యుత్‌ సరఫరా చేయాలని సీపీఎం జిల్లా కార్యదర్శి ఆముదాల మల్లారెడ్డి డిమాండ్‌ చేశాడు. గురువారం స్థానిక సీపీఎం కార్యాలయం నుంచి విద్యుత్‌ ఏడీఈ కార్యాలయం వరకు పట్టణ, చేర్యాల, కొమురవెల్లి, మద్దూరు, దూల్మిట్ట మండలాల నాయకులు బైక్‌ ర్యాలీ నిర్వహించి కార్యాలయం ఎదుట ధర్నా చేశారు. అనంతరం ఏడీఈ వెంకట్‌గౌడ్‌కి వినతిపత్రం అందించారు. ఈ సందర్భంగా మల్లారెడ్డి మాట్లాడుతూ ఎన్నికల ముందు రైతాంగానికి నాణ్యమైన 24 గంటల కరెంటు ఇస్తామని చెప్పిన కాంగ్రెస్‌ ప్రభుత్వం నేడు రోజుకు ఏడు ఎనిమిది గంటలు కూడా ఇవ్వకుండా రైతులను మోసం చేస్తోందని మండిపడ్డారు. పంట చేతికి వచ్చే సమయంలో కరెంటు సరిగా రాకపోవడంతో పంటలు ఎండిపోయి రైతులు దిక్కు తోచని స్థితిలో ఉన్నారని, రైతుకు కనీసం పెట్టుబడి డబ్బులు కూడా వచ్చే పరిస్థితి లేదన్నారు. ఇప్పటికై నా రాష్ట్ర ప్రభుత్వం స్పందించి రైతులకు నిరంతరాయంగా నాణ్యమైన త్రీ ఫేస్‌ కరెంటును సరఫరా చేయాలన్నారు. ఎండిన పంటపొలాలను వ్యవసాయ అధికారులతో సర్వే చేయించి వరి, పత్తి, మొక్కజొన్న ఇతర పంటలకు ఎకరాకు రూ.20వేల చొప్పున నష్టపరిహారం చెల్లించాలని డిమాండ్‌ చేశాడు. కార్యక్రమంలో సీపీఎం నాయకులు సత్తిరెడ్డి, వెంకట్‌ మావో, యాదగిరి, కృష్ణారెడ్డి, అరుణ్‌, నాగరాజు, రవీందర్‌, షఫీ, శ్రీనివాస్‌, శోభ, కనకవ్వ, శ్రీహరి, మల్లేశ్‌, ప్రభాకర్‌, కనకయ్య, ఇస్తారి, సాయిలు, శ్రీకాంత్‌, విజయ్‌, ఆగంరెడ్డి, నర్సింహారెడ్డి, బ్రహ్మయ్య తదితరులు పాల్గొన్నారు. దుబ్బాక ఏడీఈ ఆఫీస్‌ ఎదుట.. దుబ్బాక: వ్యవసాయరంగానికి నిరంతరం విద్యుత్‌ అందిచాలని సీపీఎం జిల్లా కార్యదర్శివర్గ సభ్యుడు భాస్కర్‌ డిమాండ్‌ చేశారు. గురువారం దుబ్బాక విద్యుత్‌ ఏడీఈ కార్యాలయం ఎదుట సీసీఎం ఆధ్వర్యంలో ధర్నా నిర్వహించి సబ్‌ ఇంజనీర్‌ రవళికి వినతి పత్రం అందించారు. ఈ సందర్భంగా ఆయన మాట్లాడుతూ విద్యుత్‌ కోతల వల్ల చివరి దశలో ఉన్న వరిపంటలకు నిరందక ఎండిపోతున్నాయన్నారు. ఎన్నికల ముందు 24 గంటల కరెంట్‌ ఇస్తామని చెప్పి కనీసం 7 గంటలు కూడా సరిగ్గా ఇవ్వడం లేదన్నారు. చివరి దశలోఉన్న పంటలకు కరెంట్‌ సక్రమంగా సరఫరా చేసి రైతులను ఆదుకోవాలన్నారు. కార్యక్రమంలో నాయకులు సాజిద్‌, కొంపల్లి భాస్కర్‌, రేణుక, శ్యామవ్వ, మహేశ్‌, లక్ష్మీనర్సయ్య, రవీందర్‌, దేవయ్య, రాజు తదితరులు ఉన్నారు.

● నామినేటెడ్‌ పోస్టులు భర్తీ చేయండి ● మంత్రులు వివేక్‌, పొన్నంను కలిసిన నర్సారెడ్డిగజ్వేల్‌: నియోజకవర్గంలో పెండింగ్‌లో ఉన్న అభివృద్ధి పనులను పూర్తి చేయడానికి నిధులు ఇవ్వాలని, అదేవిధంగా ఖాళీగా ఉన్న నామినేటెడ్‌ పోస్టుల భర్తీకి చర్యలు చేపట్టాలని మాజీ ఎమ్మెల్యే, కాంగ్రెస్‌ నియోజకవర్గ ఇన్‌చార్జి తూంకుంట నర్సారెడ్డి కోరారు. గురువారం నియోజకవర్గానికి చెందిన కాంగ్రెస్‌ నేతలతో జిల్లా ఇన్‌చార్జి మంత్రి వివేక్‌, జిల్లాకు చెందిన మంత్రి పొన్నం ప్రభాకర్‌ను కలిసి వినతిపత్రం అందజేశారు. ఈ సందర్భంగా నియోజకవర్గంలో గజ్వేల్‌ రింగు రోడ్డు, ఇతర రోడ్ల విస్తరణ పనులు పెండింగ్‌లో ఉన్నాయని, ప్రభుత్వ కార్యాలయాలకు మరమ్మత్తులు, నూతన భవనాలు మంజూరు చేయాల్సి ఉందని మంత్రులకు వివరించారు. ప్రభుత్వ పథకాల్లో గజ్వేల్‌కు ప్రాధాన్యతనివ్వాలని కోరారు. అదేవిధంగా ఖాళీగా ఉన్న నామినేటెడ్‌ పదవులను భర్తీ చేయాలని విజ్ఞప్తి చేశారు. తన విజ్ఞప్తి మంత్రులు సానుకూలంగా స్పందించినట్లు నర్సారెడ్డి తెలిపారు. కార్యక్రమంలో టీపీసీసీ రాష్ట్ర కార్యదర్శి నాయిని యాదగిరి, వంటిమామిడి మార్కెట్‌ కమిటీ చైర్‌పర్సన్‌ విజయామెహన్‌, వైస్‌ చైర్మన్‌ ప్రభాకర్‌ గుప్త, మార్కెట్‌ కమిటీ మాజీ చైర్మన్‌ నరేందర్‌రెడ్డి, మాజీ వైస్‌ చైర్మన్‌ సర్ధార్‌ఖాన్‌, లీగల్‌ సెల్‌ నాయకుడు సాజిద్‌బేగ్‌, గజ్వేల్‌ మండల సర్పంచ్‌ల ఫోరం అధ్యక్షుడు ఆశోక్‌రెడ్డి, జిల్లా మైనార్టీ సెల్‌ మాజీ అధ్యక్షుడు సమీర్‌ తదితరులు పాల్గొన్నారు.

మిరుదొడ్డి(దుబ్బాక): ఐకమత్యంతోనే సమాజాభివృద్ధి సాధ్యపడుతుందని సమాజిక సమరసత వేదిక రాష్ట్ర కన్వీనర్‌ అప్పాల ప్రసాద్‌ అన్నారు. గురువారం మండల పరిధిలోని ధర్మారంలో గ్రామ పెద్దల ఆత్మీయ సమ్మేళనం నిర్వహించారు. ఆయన మట్లాడుతూ విదేశీ పాలకుల స్వార్థం కోసం విభజించు పాలించు విధానాల వల్ల సమాజంలో అంతరాలు ఏర్పడ్డాయని ఆవేదన వ్యక్తం చేశారు. కులాల మధ్య భేద భావాలను తొలగించి సమానత్వాన్ని పెంపొందించాల్సిన అవసరం ఉందన్నారు. కార్యక్రమంలో సామాజిక సమరసత వేదిక రాష్ట్ర అధ్యక్షుడు ఆకుల నరేష్‌ బాబు, సర్పంచ్‌ చెప్యాల శ్రీనివాస్‌, ఉప సర్సంచ్‌ బాలరాజు, సామాజిక సమరసత వేదిక జిల్లా అధ్యక్షుడు డాక్టర్‌ అరవింద్‌ కుమార్‌, మెదక్‌ విభాగ్‌ కో కన్వీనర్‌ మాలె రమేష్‌, ఉపాధ్యక్షుడు రాజశేఖర్‌ రెడ్డి, మనోహర్‌ తదితరులు పాల్గొన్నారు.

సిద్దిపేటరూరల్‌: ఎంపిక చేసిన గ్రామాల్లో భూ భారతి రీసర్వే ప్రక్రియను పారదర్శకంగా చేపట్టా లని అదనపు కలెక్టర్‌ లక్ష్మీకిరణ్‌ అధికారులను ఆదేశించారు. గురువారం కలెక్టరేట్‌లోని కాన్ఫరెన్స్‌ హాల్‌లో రెవెన్యూ అధికారులతో వివిధ అంశాలపై అదనపు కలెక్టర్‌ సమీక్ష నిర్వహించారు. ఈ సంద ర్భంగా ఆమె మాట్లాడుతూ రీసర్వేకు సంబంధించి న రోజువారి వివరాలను అప్‌లోడ్‌ చేయాలన్నారు. ముందుగా గ్రామ సరిహద్దులు సర్వే చేయాలని, సర్వే చేసిన వెంటనే ఎల్‌ఆర్‌ ఇవ్వాలన్నారు. ప్రతి మండలంలో ఆయా గ్రామాల్లో ప్రభుత్వ భూము లు ఎక్కడెక్కడ ఉన్నాయి? రికార్డు ప్రకారం ఎంత? వంటి వివరాలను ప్రతి తహసీల్దార్‌ సేకరించాలన్నారు. జిల్లాలో దేవాదుల, గౌరవెల్లి ప్రాజెక్టుల కాలువల భూ సేకరణ వేగవంతం చేయాలన్నారు. కార్యక్రమంలో డీఆర్‌ఓ నాగరాజమ్మ, ఆర్డీవోలు సదానందం, చంద్రకళ, రామ్మూర్తి, ఏడీ సర్వేలను సుదర్శన్‌, ట్రైనీ డిప్యూటీ కలెక్టర్‌ భవ్య, ఆయా మండలాల తహసీల్దార్లు పాల్గొన్నారు.

● లక్షణాలుంటే గుర్తించి, చికిత్స తీసుకోవాలి ● డీఎంహెచ్‌ఓ డాక్టర్‌ ధనరాజ్‌సిద్దిపేటకమాన్‌: చికిత్స అందిస్తే కుష్ఠు వ్యాధి పూర్తిగా నయమవుతుందని, వ్యాధి లక్షణాలు ఉంటే వెంటనే గుర్తించి చికిత్స పొందాలని డీఎంహెచ్‌ఓ డాక్టర్‌ ధనరాజ్‌ తెలిపారు. జిల్లాలో కుష్ఠు వ్యాధి కేసుల గుర్తింపు కార్యక్రమాన్ని గురువారం ప్రారంభించారు. సిద్దిపేటలో వైద్య సిబ్బంది నిర్వహిస్తున్న ఇంటింటి సర్వేను డీఎంహెచ్‌ఓ ఆకస్మికంగా సందర్శించి, సర్వే నిర్వహణ తీరు, ప్రజలకు అందిస్తున్న అవగాహనను పరిశీలించారు. ఈ సందర్భంగా ఆయన మాట్లాడుతూ.. ఈనెల 22నుంచి నవంబర్‌ 4వ తేదీ వరకు 14రోజుల పాటు కుష్ఠు వ్యాధి కేసుల గుర్తింపు సర్వే నిర్వహించనున్నట్లు తెలిపారు. ఆరోగ్య, వైద్య సిబ్బంది, ఆశా కార్యకర్తలు ఇంటింటికీ వెళ్లి వ్యాధి లక్షణాలపై అవగాహన కల్పిస్తూ, అనుమానిత లక్షణాలు ఉన్నవారిని గుర్తించి వారి వివరాలు నమోదు చేస్తారని తెలిపారు. అనుమానితులను సమీప ఆరోగ్య కేంద్రానికి పంపించి వైద్య పరీక్షల అనంతరం అవసరమైన చికిత్స అందిస్తారని తెలిపారు. వ్యాధి ప్రారంభ లక్షణాల్లో చర్మంపై స్మర్శజ్ఞానం తగ్గిన మచ్చలు, చేతులు, కాళ్లలో తిమ్మిరి వంటి లక్షణాలు ఉంటే నిర్లక్ష్యం చేయకుండా వెంటనే వైద్యులను సంప్రదించాలని సూచించారు. జిల్లాలోని అన్ని ఆరోగ్య కేంద్రాల్లో కుష్ఠు వ్యాధి చికిత్సకు అవసరమైన మందులు అందుబాటులో ఉన్నాయని అన్నారు.

దుబ్బాకటౌన్‌: పట్టణంలోని తెలంగాణ తల్లి చౌరస్తా వద్ద దివంగత మాజీ ప్రధాని ఇందిరా గాంధీ విగ్రహానికి ముసుగు వేసి, తాళ్లతో కట్టి ఉంచడం సర్వత్రా చర్చనీయాంశంగా మారింది. గతంలో ఈ చౌరస్తాలో ఇందిరాగాంధీ విగ్రహం ఉన్న విషయం విదితమే. ఇటీవల చౌరస్తాలోని దిమ్మెను చిన్నదిగా చేయడం, నూతన విగ్రహాన్ని తాళ్లతో బంధించడంపై పలువురు చర్చించుకుంటున్నారు. కాంగ్రెస్‌ పాలనలోనే ఇందిరాగాంధీ విగ్రహానికి ఈ దుస్థితి ఏమిటని పలువురు మండిపడుతున్నారు. దాదాపు నెల రోజులుగా ఈ విగ్రహం ఇలా ఉండటం గమనార్హం. టాస్క్‌ ఫోర్స్‌ అధికారుల తనిఖీలు! మిరుదొడ్డి(దుబ్బాక): అక్బర్‌పేట–భూంపల్లి మండల పరిధిలోని మోతె శివారులో ఉన్న భారతీ ఇండస్ట్రీ రైస్‌ మిల్లులో స్టేట్‌ టాస్క్‌ ఫోర్స్‌ అధికారులు గురువారం రాత్రి ఆకస్మిక తనిఖీలు చేపట్టినట్లు సమాచారం. తనిఖీలో భాగంగా రైస్‌ మిల్లులో పీడీఎఫ్‌ బియ్యం నిలువలపై ఆరా తీసినట్లు తెలిసింది. ఈ విషయంపై భూంపల్లి ఎస్‌ఐ రాజశేఖర్‌ను వివరణ కోరగా తమకు ఎలాంటి సమాచారం, ఫిర్యాదు రాలేదని స్పష్టం చేశారు. బీజేపీ అధికార ప్రతినిధులుగా వంశీకృష్ణ, శ్రీనివాస్‌ ప్రశాంత్‌నగర్‌(సిద్దిపేట): బీజేపీ జిల్లా అధికార ప్రతినిధులుగా పల్లె వంశీకృష్ణ గౌడ్‌, పొన్నం శ్రీనివాస్‌ ముదిరాజ్‌లను నియమించినట్లు జిల్లా అధ్యక్షుడు భైరిశంకర్‌ గురువారం తెలిపారు. ఈ సందర్భంగా నూతనంగా నియమితులైన అధికార ప్రతినిధులు మాట్లాడుతూ తమపై నమ్మకంతో బాధ్యతలు అప్పగించిన ఎంపీ రఘునందన్‌ రావు, జిల్లా అధ్యక్షుడు బైరి శంకర్‌, రాష్ట్ర నాయకత్వానికి ధన్యవాదాలు తెలిపారు. ఇన్నోవేషన్‌ ఛాలెంజ్‌లో విద్యార్థులు పాల్గొనాలి ప్రశాంత్‌నగర్‌(సిద్దిపేట): సేవా సంకల్ప్‌ అభియాన్‌లో భాగంగా 6వ తరగతి నుంచి 12వ తరగతి విద్యార్థులకు నిర్వహిస్తున్న జాతీయ స్థాయి సేవా ఫస్ట్‌ ఇన్నోవేషన్‌ ఛాలెంజ్‌–2026లో ప్రతి పాఠశాల విద్యార్థులు పాల్గొని వినూత్న ప్రాజెక్టులు సమర్పించాలని జిల్లా ఇన్‌చార్జి విద్యాశాఖ అధికారి రమేశ్‌ ఒక ప్రకటనలో పేర్కొన్నారు. ఈ నెల 24లోగా ప్రతి పాఠశాల నుంచి కనీసం ఒక ప్రాజెక్టును తప్పనిసరిగా అప్‌లోడ్‌ చేయాలని ఆదేశించారు. పర్యావరణం, వ్యవసాయం, ఆరోగ్యం, విద్య, నైపుణ్యాలు, భద్రత తదితర అంశాలపై ప్రాజెక్టులు సమర్పించాలన్నారు. ఎంపికైన ప్రాజెక్టులు జాతీయ స్థాయి ప్రదర్శనలో పాల్గొనే అవకాశం ఉంటుందన్నారు. వంశీకృష్ణ గౌడ్‌ పొన్నం శ్రీనివాస్‌

రోహిణి కార్తెలో వేసిన వరి కోతకు వచ్చింది. హార్వెస్టర్‌తో కోస్తే 5 ట్రాక్టర్ల ధాన్యం అయ్యా యి. దొడ్డు వడ్లు పచ్చివే మిల్లుకు అమ్మేశాను. ఎండకు పోసుడు లేదు... వడ్లు జల్లి పట్టుడు లేదు. వడ్లను ఏ కష్టం లేకుండా అమ్మేశాను. –పోలు శ్రీకాంత్‌, హుస్నాబాద్‌ ప్రారంభించేందుకు అన్నీ సిద్ధం జిల్లావ్యాప్తంగా ధాన్యం సేకరణకు 424 కొనుగోలు కేంద్రాలను ఏర్పాటు చేయనున్నాం. ఇందుకు అన్నీ సిద్ధం చేశాం. గన్నీ బ్యాగులు ఏర్పాటు చేయడమేకాకుండా మిల్లర్లను ఎంపిక చేశాం. –గోపికృష్ణ, డీఎం, సివిల్‌ సప్లయ్‌ కార్పొరేషన్‌

● డీఆర్‌ఓ నాగరాజమ్మ ● కలెక్టరేట్‌లో జయంతి వేడుకలుసిద్దిపేటరూరల్‌: బహుజనుల వీరుడు పండుగ సాయన్న అని, వారి అభ్యున్నతికి, విద్యాభివృద్ధికి విశేష కృషి చేశారని జిల్లా రెవెన్యూ అధికారి నాగరాజుమ్మ అన్నారు. గురువారం కలెక్టరేట్‌లోని మీటింగ్‌ హాల్‌లో జిల్లా వెనుకబడిన తరగతుల అభివృద్ధి శాఖ ఆధ్వర్యంలో నిర్వహించిన పండుగ సాయన్న జయంతి వేడుకలకు ఆమె ముఖ్య అతిథిగా హాజరై మాట్లాడారు. నిజాం కాలంలో జరిగిన తిరుగుబాట్లు, ఉద్యమాలు ఒక చరిత్రఅని, ఆధిపత్య శక్తులపై యుద్ధం చేసే క్రమంలో ప్రజల ను చైతన్యపరిచారన్నారు. ముదిరాజ్‌ ప్రముఖులు మాట్లాడుతూ ఆయన చేసిన సేవలను కొనియా డారు. కార్యక్రమంలో జిల్లా బీసీసంక్షేమ శాఖ అధికారి సయ్యద్‌ రఫిక్‌, డీఆర్డీఓ జయదేవ్‌ ఆర్య, ఏవో రాజ్‌ కుమార్‌ తదితరులు పాల్గొన్నారు. అన్యాయాలను ఎదురించిన ధీరుడు చిన్నకోడూరు(సిద్దిపేట): ప్రజా పోరాట యోధుడు పండుగ సాయన్న జయంతిని గురువారం చిన్నకోడూరులో ఘనంగా నిర్వహించారు. ఆయన చిత్ర పటానికి పూలమాలలు వేసి నివాళ్లు అర్పించారు. ముదిరాజ్‌ సంఘం రాష్ట్ర అధ్యక్షుడు జంగిటి శ్రీనివాస్‌ మాట్లాడుతూ పేద ప్రజల పక్షాన నిలబడి అన్యాయాలను ఎదురించిన ప్రజా వీరుడని కొనియాడారు. నాయకులు వెంకటేశం, పాపయ్య, యాట యాదగిరి, దేవయ్య, బాలయ్య తదితరులు ఉన్నారు. అధికారికంగా నిర్వహించడం అభినందనీయం గజ్వేల్‌రూరల్‌: పండుగ సాయన్న జయంతిని అధికారికంగా నిర్వహించడం అభినందనీయమని హైకోర్టు న్యాయవాది కొట్టాల యాదగిరి అన్నారు. గజ్వేల్‌–ప్రజ్ఞాపూర్‌ మున్సిపల్‌ పరిధిలోని ఆర్‌అండ్‌ఆర్‌ కాలనీ(పల్లెపహాడ్‌)లో పండుగ సాయన్న జయంతి సందర్భంగా గురువారం ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడుతూ సాయన్న అన్ని వర్గాల ప్రజల అభ్యున్నతికి ఊపిరి పోశాడని కొనియాడారు. ఆయన జయంతి వేడుకలను ప్రభుత్వం అధికారికంగా నిర్వహించడం హర్షణీయమన్నారు. కార్యక్రమంలో పల్లెపహాడ్‌ ముదిరాజ్‌ సంఘం నాయకులు పాల్గొన్నారు.

గజ్వేల్‌: ‘మూడెకరాల్లో వరి సాగు చేశా.. కరెంట్‌ వస్తలేదని, మూడు రోజుల కోసం జనరేటర్‌ను రోజుకు రూ.4వేల చొప్పున కిరాయికి రూ.12వేలు, డీజిల్‌కు రూ. 9వేలు మొత్తంగా రూ.21వేలు ఖర్చుచేశా.. అయినా పొలం పారలే, ఖర్చు పెరిగిపోయింది. భారంగా మారి ఆపేసిన. మూడెకరాల్లో కేవలం అర ఎకరమే చేతికొచ్చింది..’ అంటూ గజ్వేల్‌ మండలం బూర్గుపల్లికి చెందిన రైతు అరవింద్‌రెడ్డి మాజీ మంత్రి హరీశ్‌రావు ఎదుట వాపోయారు. గురువారం ఎండిపోయిన వరి పొలాల పరిశీలనకు హరీశ్‌రావు.. సంగారెడ్డి ఎమ్మెల్యే చింత ప్రభాకర్‌, ఎమ్మెల్సీ డాక్టర్‌ యాదవరెడ్డి, ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డిలతో కలిసి వచ్చారు. ఈ సందర్భంలో రైతులు ఒక్కొక్కరుగా తమ ఆవేదనను మాజీ మంత్రికి వివరించారు. సత్యనారాయణ అనే రైతు మాట్లాడుతూ ఆరు ఎకరాల్లో వరి సాగుచేస్తే.. లో–ఓల్టేజీ కారణంగా మోటారు, ట్రాన్స్‌ఫార్మర్‌ కాలిపోయి నీరందక మూడెకరాల్లో పంట ఎండిపోయిందన్నారు. రిమ్మనగూడ గ్రామానికి చెందిన దయ్యాల యాదయ్య అనే రైతు మాట్లాడుతూ మల్లన్నసాగర్‌–సంగారెడ్డి కాల్వను నమ్ముకొని పదెకరాల్లో వరిని సాగుచేస్తే కాల్వలోకి నీరు రాక పంట ఎండిపోయే పరిస్థితి వచ్చిందన్నారు. వారి ఇబ్బందులను ప్రత్యక్షంగా పరిశీలించిన హరీశ్‌రావు మాట్లాడుతూ కాంగ్రెస్‌ ప్రభుత్వ వైఫల్యం వల్లే కరువు పరిస్థిలు నెలకొన్నాయని ఆరోపించారు. కన్నెపల్లి వద్ద మోటార్లను ఆన్‌ చేసి జిల్లాలోని రంగనాయకసాగర్‌, మల్లన్నసాగర్‌, కొండపోచమ్మసాగర్‌ రిజర్వాయర్లను నింపి ఉంటే ఈ పరిస్థితి ఉండేదా? అంటూ ప్రశ్నించారు. కార్యక్రమంలో గజ్వేల్‌–ప్రజ్ఞాపూర్‌ మున్సిపల్‌ చైర్‌పర్సన్‌ గంగిశెట్టి చందన, నాయకులు బెండ మధు, కళ్యన్‌కర్‌ నర్సింగరావు, మాజీ జెడ్పీటీసీ మల్లేశం తదితరులు పాల్గొన్నారు.

కొండపాక(గజ్వేల్‌): ఉద్యోగులు, ప్రజలు పట్నం బాట పట్టడంతో బుధవారం టోల్‌ ప్లాజా వద్ద భారీగా వాహనాల రద్దీ పెరిగింది. దీంతో ప్రయాణికులు తీవ్ర ఇబ్బందులు ఎదుర్కొన్నారు. దుద్దెడ శివారులో రాజీవ్‌ రహదారిపై ఉన్న టోల్‌ ప్లాజా వద్ద బుధవారం మధ్యాహ్నం నుంచి రాత్రి వరకు తీవ్ర ట్రాఫిక్‌ జామ్‌ కొనసాగింది. అత్యంత వైభవంగా జరుపుకొనే బతుకమ్మ, దసరా పండుగల నేపథ్యంలో మూడు నాలుగు రోజుల కిందట హైదరాబాద్‌ తదితర పట్టణాల నుంచి ప్రజలు గ్రామాల బాట పట్టారు. పండుగలను జరుపుకొని తిరిగి వాహనాల్లో బయలు దేరి వెళ్తున్నారు. టోల్‌ ప్లాజా నిర్వాహకులు హైదారాబాద్‌ వైపు వెళ్లే వాహనాలకు ప్రత్యామ్నాయ ఏర్పాట్లు చేసి రద్దీ పెరగకుండా చర్యలు చేపట్టారు.

● రాజరాజేశ్వరిదేవిగా వర్గల్‌ అమ్మవారు ● ముగిసిన దసరా శరన్నవరాత్రోత్సవాలు వర్గల్‌(గజ్వేల్‌): విద్యాధరిమాత కొలువైన వర్గల్‌ క్షేత్రంలో శరన్నవరాత్రోత్సవాలు మంగళవారం విజయదశమి వేడుకలతో ముగిశాయి. పర్వదిన వేళ అమ్మవారు జయములిచ్చే జగన్మాత రాజరాజేశ్వరిదేవిగా దర్శనమిచ్చారు. ఉదయం విశేషాభిషేకం, అమ్మవారి అలంకారం, అర్చనలు జరిగాయి. శమీపూజ అనంతరం ఉదయం 8.30 గంటల నుంచి అమ్మవారి దర్శనం లభించింది. శ్రవణ నక్షత్రం సందర్భంగా వేంకటేశ్వరునికి లక్ష తులసి దళార్చన నిర్వహించారు. పెద్ద సంఖ్యలో భక్తులు ఉత్సవ వేడుకలలో పాల్గొని తరించారు. తీర్థప్రసాదాలు స్వీకరించారు. గజ్వేల్‌: దసరా సందర్భంగా మాజీ సీఎం కేసీఆర్‌ను మంగళవారం ఎర్రవల్లిలోని ఫామ్‌హౌస్‌లో ఎఫ్‌డీసీ మాజీ చైర్మన్‌, బీఆర్‌ఎస్‌ గజ్వేల్‌ నియోజకవర్గ ఇన్‌చార్జి వంటేరు ప్రతాప్‌రెడ్డి కలిశారు. ఈ సందర్భంగా జమ్మి పెట్టి ఆశీర్వాదం తీసుకున్నారు. ఆ తర్వాత శాలువాతో కేసీఆర్‌ను సన్మానించారు. ఆశ్రమ పీఠాధిపతి విశ్వాత్మానందగిరి స్వామి మిరుదొడ్డి(దుబ్బాక): సనాతన ధర్మ పరిరక్షణలో ప్రతి ఒక్కరూ భాగస్వాములు కావాలని భద్రాచలం గీత ఆశ్రమ పీఠాధిపతి విశ్వాత్మానంద గిరి స్వామిజీ పిలుపునిచ్చారు. దేవీ శరన్నవరాత్రోత్సవాలల్లో భాగంగా బుధవారం మండల కేంద్రమైన మిరుదొడ్డిలో సుహాసినీ పూజా కార్యక్రమాలు నిర్వహించారు. ఈ సందర్భంగా స్వామీజీ స్వయంగా దళిత మహిళల పాదాలను కడిగి నూతన వస్త్రాలను అందజేశారు. ఈ సందర్భంగా భక్తులకు అయన అనుగ్రహభాషణం చేశారు. ఆస్తులు అంతస్తుల కంటే ధర్మానికి అధికంగా ప్రాధాన్యత ఇవ్వాలని సూచించారు. ధర్మాన్ని కాపాడాల్సిన భాధ్యత అందరిపై ఉందన్నారు. కార్యక్రమంలో బీఆర్‌ఎస్‌ రాష్ట్ర నాయకుడు తోట కమలాకర్‌రెడ్డి, సామాజిక సమరసత అభియాన్‌ రాష్ట్ర కన్వీనర్‌ ధనుంజయ, నైపుణ్య ఆర్గనైజేషన్‌ చైర్మన్‌ డాక్టర్‌ మొగుళ్ళ ఐలయ్య, నాయకులు పాల్గొన్నారు. ముగిసిన త్రిరాత్రోత్సవాలు కొమురవెల్లి(సిద్దిపేట): మల్లికార్జున స్వామి ఆలయంలో దేవి త్రిరాత్రోత్సవాలు బుధవారం ముగిశాయి. ఈ సందర్భంగా అమ్మవారి శోభాయాత్రగా వైభవంగా జరిగింది. అనంతరం స్వామి పుష్కరిణి(ధర్మగుండం)లో త్రిశూల స్నానం చేయించి పరిసమాప్తి గావించారు. కార్యక్రమంలో ఆలయ ప్రధానార్చకులు మహాదేవుని మల్లికార్జున్‌, రవి, భాస్కర్‌, మనోహర్‌ తదితరులు పాల్గొన్నారు.

సాక్షి, సిద్దిపేట: కుష్ఠు వ్యాధి నిర్మూలనే లక్ష్యంగా ప్రభుత్వం సమరం చేస్తోంది. ఇది ప్రాణాంతకమైనది కానప్పటికీ నిర్లక్ష్యం చేస్తే శాశ్వత వైకల్యాన్ని కల్గించగల మహమ్మారి. గతంలో అంతంత మాత్రంగానే ఉన్న ఈ వ్యాధి తీవ్రత ఇటీవల కాలంలో పెరుగుతున్నట్లు వైద్యశాఖ అంచనా వేస్తోంది. దీంతో అప్రమత్తమైన జాతీయ ఆరోగ్య మిషన్‌ కుష్ఠు వ్యాధి లక్షణాలు కల్గిన వారి వివరాలను సేకరించేందుకు సంకల్పించింది. 2030 వరకు వ్యాధి కేసులను జీరోకు తగ్గించాలని ఏటా ఇంటింటి సర్వే చేస్తోంది. ఇందులో భాగంగా 14 రోజుల పాటు ఇంటింటా లెప్రసీ(కుష్ఠు) సర్వేను చేపట్టాలని నిర్ణయించింది. గురువారం నుంచి 4 నవంబర్‌ వరకు జిల్లా వ్యాప్తంగా వైద్య బృందాలు సర్వే చేసేలా ప్రణాళిక రూపొందించారు. సర్వే అనంతరం లక్షణాలు ఉన్న వారికి మందులు ఇస్తూ తరుచుగా వారిని పరీక్షించేలా ఏర్పాట్లు చేశారు. ఈ సర్వేలో ఆరోగ్య పర్యవేక్షకులు 273 మంది పర్యవేక్షణలో 822 ఆశా కార్యకర్తలు ఇంటింటి సర్వేను నిర్వహించనున్నారు. జిల్లా వ్యాప్తంగా ప్రస్తుతానికి కుష్ఠు వ్యాధిగ్రస్తులు 51 మంది ఉన్నారు. అరికట్టడం సులువే.. కుష్ఠు వ్యాధిని సకాలంలో గుర్తించి మందులు వాడితే దానిని అరికట్టడం చాలా సులువు. కుష్టువ్యాధి లక్షణాలు ఉన్నాయని తెలిసినప్పటికీ బయటివారు ఏమకుంటున్నారో అనే న్యూనతాభావంతో బయట కు చెప్పుకోవడం లేదు. దీంతో వ్యాధి తీవ్రత పెరుగుతోంది. తీవ్రత పెరిగితే నాడీ వ్యవస్థపై ప్రభావం చూపుతుంది. దీంతో కాళ్లు, చేతుల వేళ్లు ముడుచుకుపోవడం, కుచించుకుపోవడం, చేతులు, కాళ్లలో సత్తువ కోల్పోయి వాలిపోవడం జరుగుతుంది. ఇది శాశ్వత వైకల్యానికి దారి తీస్తుంది. వ్యాధిని గుర్తించి మందులు వాడితే 6 నెలల నుంచి ఏడాది వరకు పూర్తిగా నయం చేయవచ్చని వైద్యులు చెబుతున్నారు. మచ్చలుంటే చెప్పాలి శరీరం పై స్పర్శలేని మచ్చలు లేదా కాళ్లు చేతులలో తిమ్మిర్లు, మొద్దుబారడం వంటి లక్షణాలు ఉంటే ఆరోగ్య సిబ్బందికి చెప్పాలి. ఆశ్రద్ధ చేస్తే అంగవైకల్యం సైతం ఏర్పడవచ్చు. ఎలాంటి అపోహలకు గురికావద్దు ఈ సర్వేకు ప్రజలు అందరూ సహకరించాలి. ఈ సర్వే 14 రోజుల పాటు కొనసాగనుంది. –డాక్టర్‌ ధనరాజ్‌, డీఎంహెచ్‌ఓ నిర్మూలనే లక్ష్యంగా నేటి నుంచి ఇంటింటి సర్వే వ్యాధిగ్రస్తులను గుర్తించి మందుల పంపిణీ సర్వేలో 822 ఆశాకార్యకర్తలు

హుస్నాబాద్‌: విజయదశమి స్ఫూర్తితో నియోజకవర్గాన్ని అన్ని రంగాల్లో అభివృద్ధి చేస్తామని మంత్రి పొన్నం ప్రభాకర్‌ అన్నారు. మంగళవారం రాత్రి పట్టణంలోని ఎల్లమ్మ చెరువు వద్ద రాంలీలా కార్యక్రమంలో పాల్గొని రావణ దహనం కార్యక్రమాన్ని వీక్షించారు. ఈ సందర్భంగా మంత్రి మాట్లాడుతూ ఎస్‌ఆర్‌ఎస్‌పీ ఇందిరమ్మ వరద కాలువ ప్యాకేజీ –3 పనులకు ప్రభుత్వం రూ.211 కోట్లతో పరిపాలన ఆమోదం తెలిపిందన్నారు. కాలువల పటిష్టత, సీసీ లైనింగ్‌ పనులకు అదనంగా రూ.40 కోట్లతో కొత్త టెండర్లకు అనుమతి ఇచ్చిందన్నారు. దీని ద్వారా హుస్నాబాద్‌ నియోజకవర్గంలో 38 బ్రిడ్జిల నిర్మాణం, 22 గ్రామాల్లో 24,398 ఎకరాల ఆయకట్టుకు ప్రయోజనం చేకూరుతుందన్నారు. హుస్నాబాద్‌ ప్రాంతంలో వైద్య, మౌలిక వసతుల అభివృద్ధికి అత్యంత ప్రాధాన్యం ఇస్తున్నామన్నారు. ఎల్లమ్మ చెరువు సుందరీకరణ, అర్బన్‌ ఫారెస్ట్‌ పార్క్‌, అవసరమైన అభివృద్ది పనులు పూర్తి చేసి ఆకర్షణీయమైన పర్యాటక కేంద్రంగా తీర్చిదిద్దేందుకు కృషి చేస్తున్నామని తెలిపారు. నియోజకవర్గానికి అన్ని రంగాల్లో మరిన్ని అవకాశాలు తీసుకురావడమే లక్ష్యమని మంత్రి స్పష్టం చేశారు. ఇంటింటా ఆనందం వెల్లివిరియాలి విజయ దశమి సందర్భంగా ప్రతి కుటుంబంలో సుఖసంతోషాలు వెల్లివిరియాలని మంత్రి పొన్నం ఆకాంక్షించారు. ఎమ్మెల్యే క్యాంప్‌ కార్యాలయంలో మంగళవారం మంత్రి పొన్నం ప్రభాకర్‌, సతీమణి మంజుల సంప్రదాయబద్దంగా శమీ పూజలు నిర్వహించారు. శమీ వృక్షానికి ప్రత్యేక పూజలు నిర్వహించారు. ఆయుధ పూజలు, కాన్వాయ్‌ వాహనాలకు పూజలు నిర్వహించారు. ఎల్లమ్మ దేవాలయం, శివాలయంలో ప్రత్యేక పూజలు నిర్వహించారు. ఈ సందర్భంగా మంత్రి మాట్లాడుతూ రాష్ట్రం అన్ని రంగాల్లో అభివృద్ధి సాధించాలని ప్రార్థించనట్లు తెలిపారు. అన్ని రంగాల అభివృద్ధే లక్ష్యం మంత్రి పొన్నం ప్రభాకర్‌ వైభవంగా దసరా వేడుకలు

పెరుగుతున్న విద్యుత్‌ వినియోగం ● తగ్గిపోతున్న లబ్ధిదారుల సంఖ్య ● సెప్టెంబర్‌లో జీరో బిల్లుకు 10వేల కుటుంబాలు దూరం సాక్షి, సిద్దిపేట: ఎల్‌నినో ప్రభావంతో ఎండల తీవ్రత.. ఉక్కపోత ఉక్కిరిబిక్కిరి చేస్తోంది. వర్షాకాలం ముగింపు దశలోనూ వాతావరణంలో వేడి తగ్గకపోవడంతో ప్రజలు ఉక్కపోతతో అల్లాడుతున్నారు. పగలు, రాత్రి తేడా లేకుండా ఫ్యాన్లు, కూలర్లు వినియోగించాల్సి వస్తోంది. ఫలితంగా ఇళ్లలో విద్యుత్‌ వినియోగం పెరిగి గృహజ్యోతి పథకం కుటుంబాలకు అదనపు భారం తప్పడం లేదు. నెలకు 200 యూనిట్ల వరకు ఉచిత విద్యుత్‌ అందించే ఈ పథకంలో.. వినియోగం పరిమితి దాటితే జీరో బిల్లు అందకపోవడంతో వినియోగదారులు ఆందోళన చెందుతున్నారు. సిద్దిపేట జిల్లాలో సెప్టెంబరు నెలలో ఏకంగా 10,889 కుటుంబాలు జీరో బిల్లుకు దూరమైనట్లు గణాంకాలు వెల్లడిస్తున్నాయి. సాధారణంగా వర్షాకాలంలో ఉష్ణోగ్రతలు తగ్గడంతో విద్యుత్‌ వినియోగం కొంతమేర తగ్గుతుంది. అయితే ఈసారి వర్షాభావ పరిస్థితులు, వాతావరణ మార్పుల నేపథ్యంలో ఉక్కపోత తీవ్రత ప్రజలను ఇబ్బందులకు గురిచేస్తోంది. అక్టోబరు రెండో వారంలోనూ వేడి తగ్గకపోవడంతో ఫ్యాన్లు, కూలర్లు నిరంతరం వినియోగించాల్సిన పరిస్థితి ఏర్పడుతోంది. దీంతో ఇళ్లలో విద్యుత్‌ వినియోగం పెరుగుతోంది. నెలవారీ వినియోగం 200 యూనిట్ల పరిమితిని దాటిన కుటుంబాలు గృహజ్యోతి పథకం కింద జీరో బిల్లు పొందలేకపోతున్నాయి. సెప్టెంబర్‌ నెలలో.. జిల్లాలో గృహజ్యోతి పథకం మార్చి–2024 నుంచి ప్రారంభమైంది. అప్పటి నుంచి సెప్టెంబరు నెలలో జీరో బిల్లులు పొందిన వారి సంఖ్యలో తగ్గుదల కనిపించింది. ఆ నెలలో మొత్తం 2,06,468 విద్యుత్‌ కనెక్షన్లు ఉండగా.. 1,95,589 మంది మాత్రమే జీరో బిల్లులు పొందారు. మిగిలిన 10,879 కనెక్షన్లకు జీరో బిల్లులు జారీ కాలేదు. అయితే,10,889 కుటుంబాలు జీరో బిల్లుకు దూరమయ్యారు. సబ్సిడీ వ్యయంలోనూ రికార్డు! గృహజ్యోతి పథకం కింద ప్రభుత్వం అందిస్తున్న విద్యుత్‌ సబ్సిడీ వ్యయంలోనూ సెప్టెంబరు నెలలో గణనీయమైన పెరుగుదల నమోదైంది. గణాంకాల ప్రకారం.. ఆ నెలలో సుమారు రూ.7.98 కోట్ల సబ్సిడీ వినియోగదారులకు అందింది. జిల్లాలో ఇప్పటివరకు నమోదైన నెలవారీ గణాంకాల్లో ఇదే అత్యధికం. ఇలా చేస్తే మేలు...ప్రజలు పాతకాలం నాటి ఫ్లోరోసెంట్‌ బల్బులు వాడటంతో కరెంట్‌ వినియోగం పెరుగుతుంది. వీటికి బదులు ఎల్‌ఈడీ బల్బులు, ట్యూబ్‌లైట్లను వినియోగించడం మేలు. సీజన్‌ మేరకు ఫ్రీజ్‌లో ఫ్రీజర్‌ దశలు మారుస్తూ ఉండాలి. ఏసీలు, కూలర్లు, ఫ్యాన్లు, ఎల్‌ఈడీ బల్లులు, రిఫ్రిజిరేటర్లు లు బీఈఈ రేటింగ్‌ 1 నుంచి 5 స్టార్లతో విక్రయిస్తున్నారు. వీటిలో 5స్టార్‌ ఉంటే విద్యుత్తు వినియోగం తగ్గడంతో బిల్లు ఆదా అవుతుంది. విద్యుత్‌ను పొదుపుగా వాడుకోవాలి గృహజ్యోతి లబ్ధిదారులు 200 యూనిట్ల లోపు విద్యుత్‌ను వినియోగించిన వారే జీరో బిల్లుకు అర్హులు. 200 యూనిట్ల వినియోగం దాటితే ఆ నెల మాత్రమే జీరో బిల్లు వర్తించదు. వచ్చే నెల 200 యూనిట్ల లోపు వినియోగిస్తే మళ్లీ జీరో బిల్లు వర్తిస్తుంది. అందరూ విద్యుత్‌ను పొదుపుగా వాడుకోవాలి. – చంద్రశేఖర్‌, ఎస్‌ఈ, టీజీ ఎస్పీడీసీఎల్‌

● పోలీసు కమిషనర్‌ రష్మీ పెరుమాళ్‌ ● కమిషనరేట్‌ పరేడ్‌ గ్రౌండ్‌లో అమరవీరుల సంస్మరణ దినోత్సవం సిద్దిపేటకమాన్‌: పోలీస్‌ అమరవీరుల త్యాగాలు చిరస్మరణీయమని పోలీస్‌ కమిషనర్‌ రష్మీ పెరుమాళ్‌ తెలిపారు. పోలీస్‌ అమరవీరుల సంస్మరణ దినోత్సవం సందర్భంగా సిద్దిపేట పోలీస్‌ కమిషనర్‌ కార్యాలయ పరేడ్‌ గ్రౌండ్‌లో అమరవీరుల స్తూపానికి సీపీ బుధవారం పూలమాలలు వేసి నివాళులర్పించారు. అంతకుముందు గౌరవ వందనం స్వీకరించారు. ఈ సందర్భంగా సీపీ మాట్లాడుతూ.. పోలీస్‌ శాఖ రోజూ 24 గంటలు పని చేసే విభాగమని, పండుగలు సెలవులు అనే తేడా లేకుండా సిబ్బంది నిరంతరం ఆన్‌ డ్యూటీ లో ఉంటూ ప్రజల రక్షణ కోసం శ్రమిస్తున్నారని కొనియాడారు. విధి నిర్వహణలో ప్రాణాలు కోల్పోయిన అమరవీరుల కుటుంబాలు ఎదుర్కొంటున్న కష్టాలు, వారి త్యాగాలను డిపార్ట్‌మెంట్‌ ఎప్పటికీ మర్చిపోదన్నారు. పోలీస్‌ కుటుంబాలకు ఎలాంటి సమస్యలు వచ్చినా నేరుగా సంప్రదించవచ్చని పోలీస్‌ శాఖ ఎల్లప్పుడూ అండగా ఉంటుందని తెలిపారు. అమరవీరుల కుటుంబ సభ్యులతో సీపీ ప్రత్యేకంగా మాట్లాడి కుటుంబ పరిస్థితిలు, వారు ఎదుర్కొంటున్న సమస్యలను అడిగి తెలుసుకున్నారు. అమరవీరుల కుటుంబ సభ్యులను గౌరవించి జ్ఞాపికలను అందజేశారు. అదనపు డీసీపీ అడ్మిన్‌ కుశాల్కర్‌ మాట్లాడుతూ.. కమిషనరేట్‌ పరిధిలో విధి నిర్వహణలో ఇప్పటివరకు ఏడు మంది పోలీసు అధికారులు, సిబ్బంది అమరులయ్యారని తెలిపారు. కార్యక్రమంలో అదనపు డీసీపీ సుభాష్‌ చంద్రబోస్‌, ఏసీపీ రవీందర్‌ రెడ్డి, సీఐలు, పోలీసు సిబ్బంది తదితరులు పాల్గొన్నారు.

నాకున్న రెండు ఎకరాలతో పాటు, మరో మూడు ఎకరాలు కౌలుకు తీసుకుని పత్తి పంట వేసుకున్న. మొదట్లో బాగానే ఉంది. ఆగస్టు తర్వాత వర్షాల జాడ లేకపోవడంతో కాత రాలిపోయింది. ఎకరానికి నాలుగు క్వింటాళ్లు మాత్రమే వచ్చింది. –జైరాంలు, పత్తిరైతు. కన్సాన్‌పల్లి, సంగారెడ్డి పెట్టుబడి కూడా వచ్చేలా లేదు గతంలో ఎకరానికి ఎనిమిది క్వింటాళ్ల పత్తి వచ్చేది. ఈసారి సమయానికి వర్షాలు కురియకపోవడంతో దిగుబడి తగ్గింది. ఎకరానికి మూడు క్వింటాళ్లు కూడా రావడం లేదు. ఒక్కో ఎకరానికి రూ.30 వేల వరకు పంట పెట్టుబడి అయింది. పంట అమ్మితే వచ్చే డబ్బులు ఖర్చులకు కూడా సరిపోవు. – పోచారం మల్లేశం, దాదాయపల్లి, మెదక్‌

వర్గల్‌(గజ్వేల్‌): ‘జమ్మి’.. పూజనీయ వృక్షం. దసరా పర్వదినంతో పెనవేసుకుపోయిన బంధం. ఈ రోజున జమ్మి వృక్షాన్ని పూజిస్తారు. విజయాలు సిద్ధింపజేయాలని ప్రార్థిస్తారు. జమ్మి ఆకులను(శమీ పత్రాలను) బంగారంగా భావిస్తూ బంధు, మిత్రులకు పంచుతారు. అలాంటి ప్రాధాన్య జమ్మి వృక్షాలు వర్గల్‌ మండలం తున్కిఖాల్సాలో ఒకే చోట కొలువుదీరాయి. ‘పల్లె ప్రకృతి వనం’లో కేంద్రంగా మారాయి. దసరా వేడుకలను స్వాగతిస్తున్నాయి. గ్రామానికి అర కిలోమీటర్‌ దూరంలో ఒకే చోట 5 జమ్మి వృక్షాలు సహజసిద్ధంగా పెరిగాయి. తాతల కాలం నుంచి అక్కడే దసరా రోజు జమ్మి పూజ జరుగుతుంది. ఏడేళ్ల క్రితం సరికొత్త ఆలోచనతో ‘జమ్మి చెట్లు’ మధ్యలో ఉండేలా, చుట్టూరా వృత్తాకార గద్దెను నిర్మించి, రెండెకరాల విస్తీర్ణంలో పల్లెప్రకృతి వనంగా తీర్చిదిద్దారు. ఏళ్ల చరిత్ర చాటే జమ్మి వృక్ష సముదాయంతో రూపుదిద్దుకున్న పల్లెప్రకృతి వనం, సౌకర్యాల సమాహారంగా, ఆధ్యాత్మికత, ఆహ్లాదాల నెలవుగా రూపాంతరం చెందింది. దసరా జమ్మిపూజకు, సంబురాలకు స్వాగతం పలుకుతున్నది. స్వాగతిస్తున్న ‘పల్లె ప్రకృతి’

●మహిషాసుర మర్దినిగా వర్గల్‌ అమ్మవారు ●నేత్రపర్వంగా అష్టోత్తరశత కలశాభిషేకం వర్గల్‌(గజ్వేల్‌): సుప్రసిద్ధ వర్గల్‌ విద్యాధరి క్షేత్రం మహర్నవమి వేడుకలతో శోభిల్లింది. అష్టోత్తర శతకలశాభిషేకం నేత్రపర్వం చేసింది. ఉత్సవాల్లో తొమ్మిదోరోజు సోమవారం శ్రీవిద్యా సరస్వతి అమ్మవారు సింహవాహిని, మహిషాసుర మర్దినిగా భక్తజనావళికి దర్శనమిచ్చారు. బ్రహ్మశ్రీ చంద్రశేఖర సిద్ధాంతి నేతృత్వంలో వేదపండితులు ఆలయ మహామండపంలో అష్టోత్తర శత కలశాలు, శంఖువులు స్థాపన చేసి కలశ పూజ నిర్వహించారు. అనంతరం పూర్ణ కలశంతో అమ్మవారి మూలవిరాట్టుకు మహా కలశాభిషేకం నిర్వహించారు. అభిషేకం అనంతరం విశేషాభరణాలు, పట్టువస్త్రాలు, పూలమాలలతో సర్వాలంకార శోభితులైన అమ్మవారు మహిషాసుర మర్దినిగా దివ్యదర్శనమిచ్చారు. మాజీ ఎమ్మెల్యే నర్సారెడ్డి కుటుంబసమేతంగా అమ్మవారిని దర్శించుకున్నారు. ఎఫ్‌డీసీ మాజీ చైర్మెన్‌ ప్రతాప్‌రెడ్డి కలశపూజలో పాల్గొన్నారు. భారీగా తరలివచ్చిన భక్తులు అమ్మవారి వైభవం తిలకించి తరించారు. నేడు దసరామహోత్సవం మంగళవారం దసరా మహోత్సవం సందర్భంగా ఉదయం విశేషాభిషేకాలు, 8 గంటలకు శమీపూజ, అమ్మవారి విజయ దర్శనం ఉంటుంది. మహిషాసుర మర్దినిగా విజయదుర్గమ్మ కొండపాక(గజ్వేల్‌): మర్పడ్గలో గల విజయదుర్గ సమేత సంతాన మల్లికార్జున స్వామి క్షేత్రంలో అమ్మవారు మహిషాసుర మర్దినిగా దివ్య దర్శనమిచ్చారు. ఈ సందర్భంగా కలశ స్థాపన, చతుషష్ట్య ఉపచార, తదితర విశేష పూజలు నిర్వహించారు. అధిక సంఖ్యలో భక్తులు హాజరై అమ్మవారిని దర్శించుకున్నారు.

● సగటున 34 నుంచి 55 శాతం తగ్గిన దిగుబడి ● ఎకరానికి ఐదు క్వింటాళ్లు కూడా రావడం లేదంటున్న రైతులు ● ఈ మేరకు ప్రభుత్వానికి నివేదిక ఇచ్చిన వ్యవసాయశాఖ ● షురూ అయిన పత్తి తీత సాక్షిప్రతినిధి, సంగారెడ్డి: ఎల్‌నినో ప్రభావంతో ఏర్పడిన వర్షాభావ పరిస్థితుల కారణంగా ఈసారి పత్తి దిగుబడులు భారీగా పడిపోయాయి. సారవంతమైన నల్లరేగడి భూములో ఎకరానికి 12 క్వింటాళ్ల వరకు వచ్చే పంట ఆరేడు క్వింటాళ్లకే పరిమితమైంది. వ్యవసాయ శాఖ మాత్రం కనిష్టంగా 34 శాతం నుంచి గరిష్టంగా 55 శాతం వరకు తగ్గినట్లు ప్రాథమికంగా నిర్ధారించింది. సాధారంగా వచ్చే దిగుబడి కంటే గరిష్టంగా 4.5 క్వింటాళ్లు దిగుబడి తగ్గినట్లు తేల్చింది. ఎకరానికి సగటున తొమ్మిది క్వింటాళ్లు రావాల్సిన చోట కేవలం నాలుగైదు క్వింటాళ్లకే పరిమితమైందని చెప్పింది. ఎల్‌నినో ప్రభావంతో ఏర్పడిన పంట నష్టంపై ప్రభుత్వం అన్ని జిల్లాల నుంచి నివేదికలు తెప్పించుకుంది. ఆయా మండలాల్లో నమోదైన వర్షపాతం.. వాతావరణ పరిస్థితులను పరిశీలించి ఈ మేరకు దిగుబడులపై ప్రభుత్వానికి నివేదిక ఇచ్చింది. ఈసారి ఎల్‌నినో ప్రభావంతో ఆశించిన మేరకు వర్షాలు సరిగ్గా కురియలేదు. ఎండల తీవ్రతకు పత్తి కాయలు రాలిపోయి దిగుబడులపై ప్రభావం చూపింది. కాగా గత ఏడాది అధిక వర్షాలతో పత్తి రైతులు నష్ట పోగా.. ఈసారి తీవ్ర వర్షాభావ పరిస్థితులతో నష్టాలను మూటగట్టుకోవాల్సిన పరిస్థితి ఏర్పడింది. పత్తి తీత ముమ్మరం రాష్ట్ర వ్యాప్తంగా పత్తిని ఏరడాన్ని రైతులు ముమ్మరం చేస్తున్నారు. వారం రోజులుగా పత్తిని తీస్తున్నారు. గతంలో రెండు పర్యాయాలు పత్తిని తీసే వారు. కొన్ని సంవత్సరాలుగా ఒకేసారికి పరిమితమైంది. పత్తి ఏరేందుకు కూలీలు సరిగా రావడం లేదు. కిలో పత్తి తీస్తే కూలీలకు రూ.12 చొప్పున చెల్లిస్తున్నారు. కూలీల కొరత తీవ్రంగా ఉన్న చోట కిలోకు రూ.20 వరకు చెల్లించాల్సి వస్తోందని రైతులు వాపోతున్నారు. కేవలం పత్తి తీయడానికి క్వింటాల్‌కు రూ.1200 నుంచి రూ.రెండు వేల వరకు ఖర్చు చేయాల్సి వస్తోందని రైతులు వాపోతున్నారు.

కొమురవెల్లి(సిద్దిపేట): మల్లికార్జున స్వామి ఆలయంలో దేవి త్రిరాత్రోత్సవాల్లో భాగంగా ఆలయ అధికారులు, అర్చకులు సొమవారం పూర్ణాహుతి నిర్వహించారు. ఈ సందర్భంగా రుద్రాభిషేకం, క్షేత్రపాలక భైరవ ఆరాధన, గణపతి పూజా, దీప పూజ, జగద్గురు పంచాచార్య ఆరాధన, నవగ్రహ దేవతారాధన తదితర ప్రత్యేక పూజలు చేశారు. కార్యక్రమంలో ప్రధానార్చకులు మహాదేవుని మల్లికార్జున్‌, ఏఈఓ బుద్ది శ్రీనివాస్‌, పర్యవేక్షకులు తదితరులు పాల్గొన్నారు. ఫారెస్ట్‌ రేంజ్‌ ఆఫీసర్‌ సందీప్‌కుమార్‌ దుబ్బాకటౌన్‌: రాష్ట్ర పక్షి పాలపిట్టను బంధించడం, ప్రదర్శించడం చట్టరీత్యా నేరమని దుబ్బాక ఫారెస్ట్‌ రేంజ్‌ ఆఫీసర్‌ సందీప్‌ కుమార్‌ అన్నారు. సోమవారం ఆయన మాట్లాడుతూ దసరా పండుగ నేపథ్యంలో పాలపిట్టలను పట్టుకుని ప్రదర్శించే వారిపై ప్రత్యేక నిఘా పెట్టామన్నారు. రాష్ట్ర అటవీ శాఖ నుంచి వచ్చిన ఆదేశాల మేరకు అన్ని బీట్లలో సిబ్బందిని అప్రమత్తం చేశామని తెలిపారు. పాలపిట్ట వన్యప్రాణి సంరక్షణ చట్టం కింద రక్షిత పక్షి అని పట్టుకోవడం, కొనడం, అమ్మడం, బోనులో బంధించి ప్రదర్శించడం నిషేధమన్నారు. ఎవరైనా నిబంధనలు అతిక్రమిస్తే 3 నుంచి 7 ఏళ్ల జైలు శిక్ష, జరిమానా విధిస్తారని హెచ్చరించారు. ఎవరైనా పాలపిట్టలను బంధించినట్లు ప్రజలకు తెలిస్తే వెంటనే తమ దృష్టికి తీసుకురావాలని కోరారు. ప్రశాంత్‌నగర్‌(సిద్దిపేట): ప్రముఖ బాలసాహితీ వేత్త గరిపెల్లి అశోక్‌ రచించిన ‘తాత– మనవరాళ్లు’, ‘బల్లూకం తాత’ బాలసాహిత్య పుస్తకాలను సోమవారం జిల్లా కేంద్రంలో బాలసాహితీవేత్తలు ఆవిష్కరించారు. ఈ సందర్భంగా వారు మాట్లాడుతూ జాతీయస్థాయిలో బాలసాహిత్యంలో విశేష కృషి చేస్తున్న గరిపెల్లి అశోక్‌ సేవలు మరువలేనివని తెలిపారు. తెలంగాణ యాస, భాషలో బాలల కథలు రాయడమే కాకుండా పుస్తక రూపంలో అందజేయడం అభినందనీయమన్నారు. కార్యక్రమంలో బాల సాహితీవేత్తలు ఉండ్రాళ్ళ రాజేశం, పెందోట వెంకటేశ్వర్లు, బైతి దుర్గయ్య, వర్కోలు లక్ష్మయ్య, జెగ్గారి నిర్మల, సురేష్‌ పాల్గొన్నారు. పంచాయతీ కార్మికులకు అండగా పాలకవర్గం సిద్దిపేటఅర్బన్‌: గ్రామ పంచాయతీలో నిత్యం పారిశుద్ధ్య పనులు చేస్తూ గ్రామ అభివృద్ధిలో పాలుపంచుకుంటున్న పంచాయతీ కార్మికులకు పాలకవర్గం అండగా నిలిచింది. సిద్దిపేట అర్బన్‌ మండలం మందపల్లిలో సోమవారం గ్రామపంచాయతీ కార్మికులకు నిత్యావసర వస్తువులతో పాటు రూ.15లక్షల విలువ చేసే ఇన్సూరెన్స్‌ బాండ్లను పంపిణీ చేశారు. ఈ సందర్భంగా ఉప సర్పంచ్‌ కిష్టయ్య మాట్లాడుతూ కార్మికుల సేవలను గుర్తించి వారికి పండుగ బహుమతిగా ఇన్సూరెన్స్‌ బాండ్స్‌, నిత్యావసర వస్తువులు అందించేందుకు పాలకవర్గం అంగీకరించడం అభినందనీయన్నారు. కార్యక్రమంలో పంచాయతీ కార్యదర్శి కుమారస్వామి, పాలకవర్గ సభ్యులు పాల్గొన్నారు. కౌడిపల్లి(నర్సాపూర్‌): రైతులను ఆదుకునేలా కాంగ్రెస్‌ ప్రభుత్వానికి మంచి బుద్ధి ప్రసాదించాలని ఎమ్మెల్యే సునీతారెడ్డి అమ్మవార్లును కోరారు. సోమవారం మండలంలోని తునికి నల్లపోచమ్మదేవిని దర్శించుకున్నారు. అలాగే కౌడిపల్లిలోని దుర్గామాత శరన్నవరాత్రి ఉత్సవాల్లో పాల్గొని ప్రత్యేక పూజలు చేశారు. ఈసందర్భంగా ఎమ్మెల్యే మాట్లాడుతూ.. ప్రజలకు బతుకమ్మ, దసరా పండుగ శుభాకాంక్షలు తెలిపారు.

మర్పడ్గలో దుర్గాదేవి స్వరూపిణిగా..దుర్గాదేవి అలంకారంలో వర్గల్‌ అమ్మవారు వర్గల్‌(గజ్వేల్‌): సుప్రసిద్ధ వర్గల్‌ విద్యాధరి క్షేత్రంలో దసరాశరన్నవరాత్రోత్సవాలు వైభవంగా జరుగుతున్నాయి. ఆదివారం విద్యాసరస్వతి అమ్మవారు సకల సద్గతులు కలిగించే దుర్గాదేవిగా దివ్యదర్శనమిచ్చారు. ఉదయం అమ్మవారికి విశేషాభిషేకం జరిపి సర్వాభరణాలతో అలంకరించారు. చతుషష్ట్యుపచార, రాజోపచార పూజలు, పారాయణాలు, చండీహవనం నిర్వహించారు. గిరిప్రదక్షిణ చేశారు. మాజీమంత్రి, ఎమ్మెల్యే హరీశ్‌రావు దంపతులు, కంటోన్మెంట్‌ ఎమ్మెల్యే శ్రీగణేశ్‌ దంపతులు, ఎఫ్‌డీసీ మాజీ చైర్మన్‌ ప్రతాప్‌రెడ్డి తదితరులు అమ్మవారికి ప్రత్యేకపూజలు జరిపించారు. అర్చకులు వారికి శేషవస్త్రం, అమ్మవారి ఆశీస్సులు, తీర్థప్రసాదాలు అందజేశారు. వివిధ ప్రాంతాల భక్తులు అధిక సంఖ్యలో పాల్గొని అమ్మవారిని దర్శించుకుని తరించారు. దుర్గాదేవి స్వరూపిణిగా విజయదుర్గమ్మ కొండపాక(గజ్వేల్‌): మర్పడ్గలో గల విజయదుర్గ సమేత సంతాన మల్లికార్జున స్వామి క్షేత్రంలో దేవీ శరన్నవరాత్రోత్సవాల్లో భాగంగా ఆదివారం అమ్మవారు దుర్గాదేవి స్వరూపిణిగా దర్శనమిచ్చారు. కలశ స్థాపన, చతుషష్ట్య ఉపచార పూజ, విశేష ఫలరస అభిషేకం, నవావరణ హోమం నిర్వహించారు. అధిక సంఖ్యలో హాజరైన భక్తులు అమ్మవారిని దర్శించుకుని చల్లంగా చూడాలంటూ వేడుకున్నారు. దుర్గా మాతగా అమ్మవారు

దుబ్బాకటౌన్‌: చిన్నారుల చేతుల్లో రూపుదిద్దుకున్న కళాఖండం అందరినీ ఆకట్టుకుంది. దారాలతో ఎంతో ఓపికగా, నైపుణ్యంతో రూపొందించిన చిత్రపటాన్ని ఆదివారం దుబ్బాక ఎమ్మెల్యే కొత్త ప్రభాకర్‌రెడ్డికి బహూకరించి దౌల్తాబాద్‌ మండలంలోని ముబారాస్‌ పూర్‌ గ్రామానికి చెందిన చిన్నారులు హాసిని, నవదీప్‌ తమ అభిమానాన్ని చాటుకున్నారు. తమ సృజనాత్మకతకు పదును పెట్టి, దారాలతో ఎమ్మెల్యే చిత్రపటాన్ని అద్భుతంగా తీర్చిదిద్దడం విశేషంగా నిలిచింది. చిత్రపటాన్ని చూసి ఎమ్మెల్యే ముగ్ధులై చిన్నారులను అభినందించారు. కార్యక్రమంలో బీఆర్‌ఎస్‌ సీనియర్‌ నాయకులు రుణం శ్రీ నివాస్‌గౌడ్‌, మండల బీఆర్‌ఎస్‌ నాయకులు తదితరులు పాల్గొన్నారు.

ప్రగతి బాట..● డివైడర్‌ మధ్యలో మొక్కలు ● క్రీడాకారులు, సూర్య నమస్కార విగ్రహాల ఏర్పాటు హుస్నాబాద్‌: ప్రతి మనిషి ఆరోగ్యవంతమైన జీవితం గడపాలని, ప్రతి ఒక్కరిలో మార్పు రావాలనే సందేశాలతో హుస్నాబాద్‌ పట్టణం స్ఫూర్తిదాయకంగా నిలుస్తోంది. డివైడర్ల మధ్య విగ్రహాలు, పచ్చని తోరణాలతో ఆహ్వానం పలికేలా చెట్లు అందరిని కనువిందు చేస్తున్నాయి. జాతీయ రహదారి నిర్మాణంలో భాగంగా దాదాపు రెండు కిలోమీటర్ల పొడవున డివైడర్లు నిర్మించారు. డివైడర్ల మధ్య దాదాపు 300 వరకు కాకినాడ నుంచి తెప్పించిన కాక్‌టాయిల్‌ పొడవాటి చెట్లు ఏర్పాటు చేశారు. వాటి మధ్య వివిధ రకాల పూల మొక్కలు నాటారు. హుస్నాబాద్‌ పట్టణంలోని మెయిన్‌ రోడ్‌లో ఒక్క చెట్టు కూడా కనిపించని పరిస్థితి గతంలో ఉండేది. ప్రస్తుతం ఏర్పాటు చేసిన పొడవాటి చెట్లతో పచ్చదనం వెల్లివిరుస్తుంది. ప్రతి రోజు వందలాది వాహనాలు రాకపోకలు సాగిస్తుంటాయి. పట్టణంలో జాతీయ రహదారి నిర్మించడంతో దుకాణాలు, ఇండ్ల ముందు ఉన్న చెట్లను తొలగించడంతో కాలుష్యం పెరిగింది. దీంతో డివైడర్ల మధ్య ఏర్పాటు చేసిన చెట్లతో వాతావరణ కాలుష్య నివారణను కొంతలో కొంతైనా అరికట్టవచ్చని ప్రజలు పేర్కొంటున్నారు. అందమైన చెట్లు, పలు రకాలు విగ్రహాలతో పట్టణం కొత్త శోభను సంతరించుకుంది. సందేశం ఇచ్చేలా.. ప్రజలకు మంచి సందేశం ఇచ్చేలా డివైడర్లను తీర్చిదిద్దారు. డివైడర్ల మధ్య క్రీడాకారులు, సూర్య నమస్కారం చేసే విగ్రహాలు, పచ్చని చెట్లు ఏర్పాటు చేశారు. క్రీడలు, ఆరోగ్యం, పచ్చదనం.. నిత్య జీవితంలో పాటించేలా డివైడర్లను అందంగా తీర్చిదిద్దారు. ఇప్పటికే సిద్దిపేట రోడ్డు నుంచి పట్టణ ప్రవేశం.. డివైడర్ల మధ్య క్రీడాకారుల విగ్రహాలు, హన్మకొండ రోడ్డు నుంచి పట్టణ ప్రవేశం వరకు డివైడర్ల మధ్య సూర్య నమస్కారం విగ్రహాలను ఏర్పాటు చేశారు. ఈ రెండు రోడ్ల డివైడర్ల మధ్య పొడవాటి చెట్లను ఏర్పాటు చేశారు.

వర్గల్‌(గజ్వేల్‌): నాచగిరి లక్ష్మీనృసింహక్షేత్రాన్ని ఆదివారం సిద్దిపేట పోలీస్‌కమిషనర్‌ రష్మీపెరుమాళ్‌ సందర్శించారు. అర్చకులు ఆలయ మర్యాదలతో సాదర స్వాగతం పలికారు. అనంతరం స్వామివారిని దర్శించుకుని అర్చన జరిపించారు. శ్రీవారి ఆశీస్సులు పొందారు. అర్చకులు మహదాశీర్వచనం చేసి, తీర్థప్రసాదాలు అందజేశారు. ఆమె వెంట ఏసీపీ నర్సింహులు, రూరల్‌ సీఐ రవిరాజు, గౌరారం ఎస్‌ఐ ఆరోగ్యం ఉన్నారు. నాచారం అవుట్‌పోస్టు తనిఖీ నాచగిరి క్షేత్రంలో శాంతి భద్రతల పరిరక్షణ, అసాంఘిక శక్తుల కట్టడి ధ్యేయంగా ఏర్పాటైన నాచారం పోలీసు అవుట్‌పోస్టును సీపీ తనిఖీచేశారు. సిబ్బంది పనితీరు, విధుల నిర్వహణను పరిశీలించారు. క్రైమ్‌తీరు, క్షేత్రానికి భక్తుల ఫ్లోటింగ్‌ తదితర వివరాలను ఏసీపీ, సీఐలతో వాకబుచేశారు. ప్రజలకు నిరంతరం పోలీస్‌ సేవలు అందుబాటులో ఉండాలని ఆదేశించారు. చివరికి పశువులకు మేతగా.. అక్కన్నపేట(హుస్నాబాద్‌): కోటి ఆశలతో సాగు చేసిన వరి పంట ఎండిపోతోంది. కుందనవానిపల్లిలో మోసర్ల తిరుపతిరెడ్డికి చెందిన రెండెకరాల వరి పంట పూర్తిగా ఎండిపోయింది. దీంతో పశువులకు మేతగా వదిలేశారు. గ్రామ శివారులోని సేవ్యనాయక్‌తండా సమీపంలో 20మంది రైతులు సైతం పంటలు ఎండిపోవడంతో చేసేదిలేక పశువులను మేపుతున్నారు. బోరుబావుల్లో నీళ్లు ఉన్నప్పటికీ కరెంట్‌ కోతలు...లోఓల్టేజీతో ట్రాన్స్‌ఫార్మర్లు, మోటా ర్లు కాలిపోతున్నాయని వారు వాపోతున్నారు. కొల్చారం(నర్సాపూర్‌): విద్యుత్‌ సమస్యలతో రైతుల పంటలు ఎండిపోకుండా తక్షణ చర్యలు చేపడుతున్నామని విద్యుత్‌ శాఖ ఎస్‌ఈ నారాయణ నాయక్‌ తెలిపారు. ఆదివారం మండలంలో ఆయన పర్యటించారు. చిన్నఘనాపూర్‌ 33/11కేవీ సబ్‌స్టేషన్‌ను సందర్శించి క్షేత్రస్థాయిలో సిబ్బందితో కలిసి తనిఖీ చేశారు. వ్యవసాయానికి విద్యుత్‌ సరఫరా పరిస్థితులను అంచనా వేసేందుకు వరి గుంతం క్రిటికల్‌ ఫీడర్‌లోని ట్రాన్స్‌ఫార్మర్‌, బోర్‌వెల్‌ స్టార్టర్‌ పాయింట్ల వద్ద ఓల్టేజీలు తనిఖీ చేశారు. ఈసందర్భంగా రైతులతో మాట్లాడి విద్యుత్‌ సమస్యలను అడిగి తెలుసుకున్నారు. రైతుల బోర్లు వాటి సామర్థ్యంపై ఆరా తీశారు. వ్యవసాయానికి నిరంతరాయంగా, నాణ్యమైన విద్యుత్‌ సరఫరా ఉండేలా చర్యలు చేపట్టాలని క్షేత్ర సిబ్బందిని ఆదేశించారు. ఆయన వెంట ఏఈలు, లైన్‌మెన్‌లు ఉన్నారు. మెదక్‌ కలెక్టరేట్‌: ఆర్టీసీని ప్రభుత్వంలో విలీనం చేయడమే మా ధ్యేయమని మన్సిపల్‌ చైర్‌పర్సన్‌ రాధిక, టీడబ్ల్యూయూ రీజియన్‌ ఇన్‌చార్జి ఎంఆర్‌రావు అన్నారు. ఆదివారం మెదక్‌ డిపో ఎదుట సంబురాలు నిర్వహించారు. ఈసందర్భంగా వారు మాట్లాడుతూ.. ఉమ్మడి మెదక్‌ జిల్లా ఆర్టీసీ డిపోలలో కాంగ్రెస్‌ బలపరిచిన తెలంగాణ ఆర్టీసీ వర్కర్స్‌ యూనియన్‌కు గుర్తింపు లభించడం హర్షనీయమన్నారు. ఈనెల 17న శనివారం సాయంత్రం వెలువడిన గుర్తింపు ఎన్నికల ఫలితాల్లో 8 డిపోలలో ఆరింటిలో విజయం సాధించి గుర్తింపును దక్కించుకుందన్నారు. కాంగ్రెస్‌ ఎల్లప్పుడూ కార్మికుల పక్షాన నిలబడుతుందని తెలిపారు. కార్యక్రమంలో సంఘం రాష్ట్ర కార్యదర్శి శాఖయ్య, డిపో ఆర్టీసీ గౌరవ అధ్యక్షుడు గంగాధర్‌, శ్రీనివాస్‌రెడ్డి, సుబ్బారావు, సిబ్బంది పాల్గొన్నారు. నారాయణఖేడ్‌: కార్మికులకు వ్యతిరేకంగా ఉన్న లేబర్‌ కోడ్‌లను రద్దు చేయాలని సీఐటీయూ రాష్ట్ర కార్య నిర్వాహక కమిటీ సభ్యుడు అతిమెల మాణిక్‌ డిమాండ్‌ చేశారు. పట్టణంలోని సీఐటీయూ కార్యాలయంలో ఆదివారం సంఘం డివిజన్‌ స్థాయి సమావేశంలో పాల్గొని మాట్లాడారు. కేంద్రంలోని బీజేపీ ప్రభుత్వం కార్మిక వ్యతిరేక విధానాలకు పాల్పడుతోందని ఆరోపించారు. 29 కార్మిక చట్టాలను రద్దు చేసి నాలుగు లేబర్‌ కోడ్‌లను తెచ్చి కార్మికులకు నష్టం చేసిందన్నారు. స్కీం వర్కర్లను ప్రభుత్వ ఉద్యోగులుగా గుర్తించాలని, కనీస వేతనంగా రూ.42 వేలు చెల్లించాలన్నారు. ఆయా డిమాండ్లతో ఈనెల 25, 26 తేదీల్లో హైదరాబాద్‌లో మహాధర్నా నిర్వహించనున్నట్లు తెలిపారు.

మాజీ మంత్రి, ఎమ్మెల్యే హరీశ్‌రావు ప్రశాంత్‌నగర్‌(సిద్దిపేట): ప్రజల మధ్య ఐక్యత, అనుబంధం, ఆత్మీయతకు ప్రతీక సద్దుల బతుకమ్మని మాజీమంత్రి, ఎమ్మెల్యే హరీశ్‌రావు తెలిపారు. జిల్లా ప్రజలకు సద్దుల బతుకమ్మ పండుగ శుభాకాంక్షలు తెలిపారు. తొమ్మిది రోజుల పాటు తీరొక్క పూలతో ప్రకృతిని ఆరాధిస్తూ, ఆడబిడ్డల ఆనందోత్సాహాల నడుమ జరుపుకునే బతుకమ్మ పండుగ మన తెలంగాణ సంస్కృతికి, సంప్రదాయాలకు, ఆత్మగౌరవానికి నిలువెత్తు నిదర్శనమన్నారు. బతుకమ్మ అంటే కేవలం పూల పండుగ మాత్రమే కాదని మన ప్రకృతి ఆరాధనకు, కుటుంబ అనుబంధాలకు, సామాజిక ఐక్యతకు ప్రతీక అని చెప్పారు. బతుకమ్మ పండుగను కేసీఆర్‌ రాష్ట్ర పండుగగా గుర్తించారన్నారు. ఒకప్పుడు తెలంగాణ పల్లెల్లో, జరుపుకునే బతుకమ్మ పండుగ నేడు దేశ విదేశాల్లో ఘనంగా జరుపుకునేస్థాయికి చేరుకుందన్నారు. గౌరమ్మ ఆశీస్సులతో ప్రతీ ఇంటా సుఖసంతోషాలు వెల్లివిరియాలని, ప్రతీ కుటుంబం ఆనందంగా ఉండాలని మనస్ఫూర్తిగా ఆకాంక్షిస్తున్నానన్నారు. రైతులను ఆదుకోవడంలో విఫలంబీజేపీ కరీంనగర్‌ జిల్లా ఉపాధ్యక్షుడు సంపత్‌రావు బెజ్జంకి(సిద్దిపేట): అన్నదాతలను ఆదుకోవడంలో రాష్ట్ర ప్రభుత్వం పూర్తిగా విఫలమైందని బీజేపీ కరీంనగర్‌ జిల్లా ఉపాధ్యక్షుడు సంపత్‌రావు ఆరోపించారు. బెజ్జంకిలో శనివారం మండల పార్టీ అధ్యక్షుడు రాజు అధ్యక్షతన నిర్వహించిన సమావేశంలో ఆయన పాల్గొని మాట్లాడుతూ..రైతుల సంక్షేమాన్ని కేవలం మాటల్లో చూపిస్తున్నారన్నారు. రైతుల పట్ల ప్రభుత్వ వైఖరికి నిరసనగా ఈ నెల 23న జిల్లా కలెక్టరేట్‌ల వద్ద నిర్వహించనున్న ఆందోళన కార్యక్రమాన్ని రైతులు, పార్టీ శ్రేణులు విజయవంతం చేయాలని కోరారు. సమావేశంలో మండల ప్రధాన కార్యదర్శులు మల్లేశంగౌడ్‌, సంగ రవి, పాల్గొన్నారు. బతుకమ్మ సంబురాల్లో జడ్జీ స్వాతిగజ్వేల్‌రూరల్‌: పట్టణంలోని ఐవోసీ(ఇంటిగ్రేటెడ్‌ ఆఫీస్‌ కాంప్లెక్స్‌)లోని కోర్టు ఆవరణ ముందు బతుకమ్మ సంబురాలను నిర్వహించారు. ఈ సందర్భంగా శుక్రవారం రాత్రి జరిగిన బతుకమ్మ సంబురాల్లో గజ్వేల్‌ ప్రిన్సిపల్‌ జూనియర్‌ సివిల్‌ జడ్జి ఎం.స్వాతి మహిళలతో కలిసి బతుకమ్మ ఆడారు. దూల్మిట్ట చెక్‌డ్యాం మరమ్మతులుమద్దూరు(హుస్నాబాద్‌): దూల్మిట్ట మండల కేంద్రంలోని చెక్‌డ్యామ్‌ మరమ్మత్తులకు చర్యలు తీసుకుంటున్నట్లు ఇరిగేషన్‌ డీఈ శ్యామ్‌ తెలిపారు. శనివారం చెక్‌డ్యామ్‌ను ఇరిగేషన్‌ అధికారులు సందర్శించి మరమ్మతుల కోసం సర్వే నిర్వహించారు. ఈ సందర్భంగా డీఈ మాట్లాడుతూ వర్షాలకు చెక్‌డ్యామ్‌తోపాటు కాజ్‌వే దెబ్బతిందన్నారు. దెబ్బతిన్న కాజ్‌వే, డ్యామ్‌ మరమ్మతుల కోసం క్షేత్రస్థాయిలో సర్వే నిర్వహించి, డిజైన్‌ రూపొందించనున్నామని తెలిపారు. ప్రభుత్వం నిధులు మంజూరు చేసిన వెంటనే దూల్మిట్ట,లింగాపూర్‌ చెక్‌డ్యామ్‌లకు మరమ్మతులు చేపట్టనున్నట్లు తెలిపారు. బాధ్యతలను గుర్తిస్తేనే మార్పు సాధ్యంబీఆర్‌ఎస్‌ నేత తోట కమలాకర్‌రెడ్డి మిరుదొడ్డి(దుబ్బాక): యువత బాధ్యతలను గుర్తించి సత్ప్రవర్తనతో మెలిగితేనే సమాజంలో మంచి మార్పు లభిస్తుందని బీఆర్‌ఎస్‌ రాష్ట్ర నాయకుడు తోట కమలాకర్‌రెడ్డి వ్యాఖ్యానించారు. మిరుదొడ్డిలో యువజన వ్యవహారాలు, క్రీడల మంత్రిత్వ శాఖ, మై భారత్‌ ఆధ్వర్యంలో శనివారం నిర్వహించిన డ్రగ్స్‌ నియంత్రణపై అవగాహన కార్యక్రమంలో ఆయన పాల్గొని మాట్లాడారు. యువత చెడు మార్గం పట్టకుండా ఎప్పటికప్పుడు మార్గనిర్ధేశం చేస్తున్న అడ్వొకేట్‌ నేరండ్ల వెంకట్‌గౌడ్‌ను సన్మానించారు. ఈ సందర్భంగా ఆయన మాట్లాడుతూ.. యువత మద్యానికి, డ్రగ్స్‌కు దూరంగా ఉండాలన్నారు. భవిష్యత్తును చక్కదిద్దుకోవడానికి పుస్తక పఠనం, క్రీడలు, నైపుణ్యాలపై దృష్టి సారించాలని సూచించారు.

ఎల్‌నినో నుంచి పశు సంపదను కాపాడేందుకు కార్యాచరణప్రస్తుత ఖరీఫ్‌లో సాగవుతున్న వరి పంటతో గడ్డి, మొక్కజొన్న, జొన్న పంటల నుంచి వచ్చే చొప్ప పశువులకు ఈ ఏడాది డిసెంబర్‌ నెలాఖరు వరకు సరిపోతుంది. ఒకవేళ తీవ్ర కరువు పరిస్థితులు తలెత్తి రబీ పంటలు సాగు కాని పక్షంలో 2027 జనవరి నుంచి పశుగ్రాసం కొరత తీవ్రం అవుతుందని అంచనా వేస్తున్నారు. దీంతో మూగజీవాలను కాపాడుకోవడం రైతులకు కష్టంగా మారుతుంది. ఈ సమస్యను అధిగమించడానికి కార్యాచరణ ప్రణాళికను అమలు చేయాలని ఆ శాఖ భావిస్తోంది. కార్యాచరణ ప్రణాళిక ఇలా.. పాడి రైతులకు సబ్సిడీపై గడ్డి విత్తనాలు సరఫరా చేయడం. ఎకరానికి 20 కేజీల గడ్డి విత్తనాలు అవసరం ఉంటుంది. ఒక్కో పశువుకు రోజుకు ఐదు కేజీల గడ్డి చొప్పున రాష్ట్రంలో ఉన్న పశువుల సంఖ్యను సరిపడా ఈ విత్తనాలు సరఫరా చేయడం, చెరువులు, కుంటల శిఖం భూముల్లో ఉండే తేమతో ఈ పశుగ్రాసం పెరుగుతుంది. ఈ గ్రాసం పెంచడం ద్వారా పశువులకు గ్రాసం కొరతను అధిగమించవచ్చని రైతులకు అవగాహన కల్పించనున్నారు. పకడ్బందీగా అమలు కరువు కారణంగా సరైన పశుగ్రాసం దొరక్కపోవడం.. పశువుల్లో వ్యాధి నిరోధక శక్తి తగ్గి వ్యాధుల భారిన పడటంతో పశువులను విక్రయించాల్సిన పరిస్థితి ఏర్పడుతుంది. దీంతో అల్లాన.. అల్‌కబీర్‌ వంటి పశు వధశాలలకు ఎక్కువ పశువులు వెళుతుంటాయి. దీన్ని డిస్‌స్ట్రెస్‌ సేల్‌గా భావిస్తారు. కరువుకు ప్రత్యామ్నాయ కార్యాచరణ ప్రణాళికను పకడ్బందీగా అమలు చేయడం ద్వారా ఈ సమస్యను అధిగమించవచ్చని పశుసంవర్థకశాఖ భావిస్తోంది.ఆవులు, ఎద్దులు 42.32 లక్షలు గేదెలు 42.26 లక్షలు గొర్రెలు 1.90 కోట్లు మేకలు 49.34 లక్షలు ప్రణాళిక సిద్ధం చేస్తున్న పశుసంవర్థకశాఖ 2027 జనవరి నుంచి జూన్‌ వరకు అమలు వధశాలలకు తరలకుండా నివారణ చర్యలు చాప్‌కట్టర్ల యంత్రాలపై రాయితీలు ఇవ్వడం. పరిమితమైన గ్రాసాన్ని చాప్‌ కట్టర్‌లతో కోయడం ద్వారా గ్రాసం వృధాను 50 శాతం నుంచి 95 శాతానికి తగ్గించవచ్చని భవిస్తున్నారు. ఎండల తీవ్రతకు పశువులకు పౌష్టికాహార లోపానికి గురికాకుండా.. మినరల్‌ మిక్చర్‌ సబ్సిడీపై అందజేయడం, రోగ నిరోధక శక్తి తగ్గి పశువులు మృత్యువాత పడకుండా పశువులకు టీకాలు వేయడం, పశువులకు హెల్తా క్యాంపులు నిర్వహించడం. రాష్ట్రంలో పశు సంపద ఇలా..ఎల్‌నినో ప్రభావంతో వచ్చే కరువు నుంచి పశు సంపదను కాపాడేందుకు అవసరమైన ముందస్తు చర్యలపై పశు సంవర్థక శాఖ దృష్టి సారించింది. 2027 జనవరి నుంచి జూన్‌ నెలాఖరు వరకు అమలు చేయనున్న కార్యాచరణ ప్రణాళికలను తయారు చేయాలని ప్రభుత్వం నుంచి ఆదేశాలు అందాయి. దీంతో అధికారులు ఈ అంశంపై కసరత్తు ప్రారంభించారు. – సాక్షిప్రతినిధి, సంగారెడ్డి

పీఆర్‌ డీసీ శైలజారెడ్డి గాగిళ్లాపూర్‌లో ఆకస్మిక పర్యటనబెజ్జంకి(సిద్దిపేట): మండలంలోని అన్ని గ్రామాల్లో జలసిరి పనులకు ప్రాధాన్యతనివ్వాలని పంచాయతీరాజ్‌ డిప్యూటీ కమిషనర్‌ శైలజారెడ్డి సూచించారు. మండలంలోని గాగిళ్లాపూర్‌లో శనివారం ఆమె ఆకస్మికంగా పర్యటించారు. గ్రామ పంచాయతీలో సమీక్ష నిర్వహించి గ్రామంలో జరుగుతున్న పనుల వివరాలు తెలుసుకున్నారు. ఎల్‌నినో ప్రభావంతో నెలకొంటున్న పరిస్థితులను వివరించారు. వీటి వలన భూగర్భ జలాలు పెరగడంతోపాటు కూలీలకు ఉపాధి లభిస్తుందన్నారు. తీవ్రమైన కరువు పరిస్థితుల వలన వచ్చే ప్రభావాన్ని వివరించారు. వీబీజీ రాంజీలో నిర్వహిస్తున్న పనులను పరిశీలించారు. పనుల రికార్డులు, కూలీల వివరాలు తెలుసుకున్నారు. పనులలో జాప్యం లేకుండా పారదర్శకంగా నిర్వహించాలని ఆదేశించారు. పారిశుద్ధ్య పనులు, ఇందిరమ్మ ఇళ్ల నిర్మాణాలపై ఆరా తీశారు. కార్యక్రమంలో ఏపీడీ విజిలెన్సు అధికారి శ్రీనివాస్‌గౌడ్‌, ఎంపీడీఓ ప్రవీణ్‌, ఏపీఓ, పీఆర్‌ ఏఈ తిరుపతిరెడ్డి, సర్పంచ్‌ ఎర్రల జానకి, ఉపసర్పంచ్‌ పద్మ, కార్యదర్శి రాజేంద్ర ప్రసాద్‌ వీఏఓలు, సీఏ, పాల్గొన్నారు.

వర్గల్‌(గజ్వేల్‌): సుప్రసిద్ధ వర్గల్‌ శ్రీ విద్యాసరస్వతి క్షేత్రంలో శరన్నవరాత్రోత్సవాలు ఆధ్యాత్మిక పరిమళాలు వెదజల్లుతున్నాయి. ఉత్సవాల ఏడోరోజు శనివారం సరస్వతి అమ్మవారు ఐశ్వర్య ప్రదాయిని శ్రీమహాలక్ష్మిదేవిగా దివ్యదర్శనమిచ్చారు. ఉదయం బ్రహ్మశ్రీ చంద్రశేఖరశర్మ సిద్ధాంతి నేతృత్వంలో మూలవిరాట్టుకు పంచామృతాలతో మహాభిషేకం నిర్వహించారు. పట్టువస్త్రాలు, సకల ఆభరణాలు, పూలమాలలతో అమ్మవారిని శ్రీమహాలక్ష్మిదేవిగా అలంకరించారు. చతుషష్ట్యుపచార, రాజోపచార పూజలు, చండీహవనం నిర్వహించారు. సప్తశతి పారాయణం చేశారు. వివిధ ప్రాంతాల భక్తులు అమ్మవారిని దర్శించుకున్నారు. క్షేత్రంలో 400 వరకు చిన్నారుల అక్షరాభ్యాసాలు జరిగాయి.

● హుస్నాబాద్‌ను అన్ని రంగాల్లో అభివృద్ధి చేస్తాం ● మంత్రి పొన్నం ప్రభాకర్‌ హుస్నాబాద్‌: ఎల్‌నినో ప్రకృతి వైపరీత్యమేనని ఇదేదో కాంగ్రెస్‌ తెచ్చిన కరువు కాదని మంత్రి పొన్నం ప్రభాకర్‌ వ్యాఖ్యానించారు. పట్టణంలోని ఎల్లమ్మ చెరువు సుందరీకరణ పనులు, బతుకమ్మ పండుగ ఏర్పాట్లు, మైసమ్మ ఆలయ పనులను మంత్రి శనివారం పరిశీలించారు. అనంతరం విలేకరుల సమావేశంలో ఆయన మాట్లాడుతూ..ప్రస్తుత వాతావరణ నేపథ్యంలో రైతులు అప్రమత్తంగా ఉండాలని సూచించారు. పంట పూర్తయ్యే వరకు రాత్రి వేళల్లో కూడా విద్యుత్‌ సరఫరా అందించేందుకు చర్యలు చేపడుతున్నామని తెలిపారు. వ్యవసాయ శాస్త్రవేత్తల సూచనల మేరకు రైతులు పంటలు సాగు చేయాలని, ఈ సీజనల్‌లో వరి సాగును వాయిదా వేసే అంశాన్ని పరిశీలించాలని రైతులను కోరారు. హుస్నాబాద్‌ ఎల్లమ్మ చెరువు, గ్లాస్‌ బ్రిడ్జి, కప్పగుట్టను పర్యాటక కేంద్రంగా అభివృద్ధి చేస్తున్నామని తెలిపారు. బతుకమ్మ ఘాట్‌ మెట్ల వద్ద మాత్రమే కాకుండా చెరువు వైపు ఇతర ప్రాంతాల్లో అవసరమైన బారికేడ్లు, లైటింగ్‌ ఏర్పాటు చేయాలని అధికారులకు సూచించారు. త్వరలో హుస్నాబాద్‌కు స్విమ్మింగ్‌ పూల్‌ జీవో వస్తుందన్నారు. అక్కన్నపేట, ఎల్కతుర్తి మండలాలకు తహసీల్దార్‌ కార్యాలయాలు మంజూరయ్యాయని, పబ్లిక్‌ స్కూల్‌ కోసం ప్రతిపాదన పంపించామని తెలిపారు. గుడిసెలకు మొదటి ప్రాధాన్యతనిస్తూ నియోజకవర్గంలో 3,500 ఇందిరమ్మ ఇళ్లు ఇచ్చామన్నారు. హుస్నాబాద్‌లో ఎక్కడ భూమి కబ్జా అయినా ఊరుకునేది లేదని, ప్రభుత్వ భూములు కాపాడే బాధ్యత మాది అని అన్నారు. గౌరవెల్లి ప్రాజెక్టుకు సంబంధించి కాలువల భూ సేకరణ పనులు వేగంగా జరుగుతున్నాయని, భూ సేకరణ తర్వాత కాలువ పనులు ప్రారంభిస్తామని తెలిపారు. కార్యక్రమంలో సీపీ రష్మీపెరుమాళ్‌, మున్సిపల్‌ చైర్‌పర్సన్‌ దండి లక్ష్మి, వైస్‌ చైర్‌పర్సన్‌ చిత్తారి పద్మ, ఆర్డీఓ రామ్మూర్తి, సింగిల్‌ విండో చైర్మన్‌ బొలిశెట్టి శివయ్య, మాజీ ఎంపీపీ ఆకుల వెంకట్‌, మాజీ గ్రంథాలయ సంస్ధ చైర్మన్‌ కేడం లింగమూర్తి తదితరులు పాల్గొన్నారు.

గజ్వేల్‌: సమగ్ర సస్యరక్షణచర్యలతో పంటలను కాపాడుకోవచ్చునని జిల్లా వ్యవసాయాధికారి స్వరూపరాణి పేర్కొన్నారు. శనివారం గజ్వేల్‌ మండలం పిడిచెడ్‌ గ్రామంలో విద్యుత్‌ సరఫరా సక్రమంగా అందక పంటలు ఎండిపోతున్నాయని తెలుసుకొని క్షేత్రస్థాయి పరిశీలన జరిపారు. ఈ సందర్భంగా విద్యుత్‌ సరఫరా తీరుపై ఏఈ, ఏడీఈలతో మాట్లాడారు. రైతుల పంటలు ఎండిపోకుండా సరఫరా పెంచాలని కోరగా...అధికారులు సానుకూలంగా స్పందించినట్లు చెప్పారు. కాగా వరిలో కాండం తొలిచే పురుగు సోకిందని గుర్తించారు. నివారణకు సంబంధించి రైతులకు సలహాలు, సూచనలు అందించారు. అదేవిధంగా పత్తి బెట్ట పరిస్థితులను తట్టుకునే చర్యలను కూడా వివరించారు. రైతులు తమ పంటలను క్రమతప్పకుండా పరిశీలిస్తూ, చీడపీడలను బెట్ట పరిస్థితులను ప్రారంభ దశలోనే గుర్తించి తగిన చర్యలు తీసుకోవాలన్నారు. కార్యక్రమంలో గజ్వేల్‌ ఏడీఏ బాబునాయక్‌, పిడిచెడ్‌ సర్పంచ్‌ అశోక్‌రెడ్డి తదితరులు పాల్గొన్నారు.

రామా రామా రామా... ఉయ్యాలో.. రామనే శ్రీ రామ ఉయ్యాలో... అంటూ తెలంగాణ సంస్కృతి సంప్రదయాలకు అద్దం పట్టే మహిళల సద్దుల బతుకమ్మ వేడుకలకు సర్వసిద్ధమైంది. జిల్లాలో ఆదివారం సద్దుల బతుకమ్మ సంబరాలను ఆడబిడ్డలు జరుపుకోనున్నారు. తీరొక్క పూలతో అందంగా అలంకరించిన రంగురంగుల బతుకమ్మలను తీర్చదిద్దనున్నారు. కొనుగోళ్లతో కూడళ్లు రద్దీగా మారాయి. పెత్ర అమావాస్య నుంచి తొమ్మిది రోజులపాటు జరుపుకుంటారు. చివరి రోజున సద్దుల బతుకమ్మ పండగను నిర్వహిస్తారు. తెలంగాణ సంస్కృతి, సంప్రదాయాలకు ప్రతీక బతుకమ్మ పండుగ నిర్వహణకు ఏర్పాట్లు పూర్తయ్యాయి. సాక్షి, సిద్దిపేట: బొడ్డెమ్మతో మొదలు ఎంగిలిపువ్వు బతుకమ్మ, సద్దుల బతుకమ్మ, ఇలా దేని ప్రత్యేకత దానిదే. తొమ్మిది రోజులపాటు కొనసాగే బతుకమ్మలను చెరువులు, నీటి ప్రవాహంలో నిమజ్జనం చేస్తారు. బతుకమ్మ పాటల్లో మహిళల తమ కష్టసుఖాలు, ప్రేమ, స్నేహం, బంధుత్వం, ఆప్యాయతలు ఉంటాయి. ఈ పండుగ వర్షాకాలపు చివరిలో, శీతకాలపు తొలి రోజుల్లో వస్తుంది. ఆడపడుచులు ప్రకృతి సౌందర్యాన్ని రంగురంగుల పువ్వులతో కీర్తిస్తూ బతుకమ్మ పండుగను జరుపుకుంటారు. ఉమ్మడి జిల్లాలో అన్ని గ్రామాలు, పట్టణాల్లో బతుకమ్మ వేడుకలకు అన్ని ఏర్పాట్లు చేశారు. కిటకిటలాడిన మార్కెట్లు ఉమ్మడి జిల్లాలో సంగారెడ్డి, మెదక్‌, సిద్దిపేట జిల్లా కేంద్రాలతో పాటు పట్టణాల్లో మార్కెట్లు కిటకిటలాడుతున్నాయి. బతుకమ్మ, దసరా పండుగలకు కుటుంబ సమేతంగా నూతన వస్త్రాలు కొనుగోలు చేస్తుంటారు. బతుకమ్మ కోసం పూలను జోరుగా విక్రయిస్తున్నారు. తంగేడు, గునుగు, సీతజడ పలూ ఇలా పలు రకాల పూలు వివిధ ప్రాంతాల నుంచి తీసుకొచ్చి పట్టణాల్లో విక్రయిస్తున్నారు.పెద్ద ఎత్తున పూలను ఆటోలు, వ్యాన్లలు, ట్రాక్టర్లలో తీసుకొచ్చారు. పేపర్లతో తయారు చేసిన బతుకమ్మలను సైతం పలువురు కొనుగోలు చేశారు.నేడు సద్దుల బతుకమ్మ బతుకమ్మంటే ఇష్టం సిద్దిపేటకు వచ్చినప్పటి నుంచి తోటి ఉద్యోగులతో ఎంతో ఆనందంగా జరుపుకుంటున్నాం. ప్రకృతిని, మనల్ని అనుసంధానం చేసే బతుకమ్మ పండుగంటే నాకు చాలా ఇష్టం. నవరాత్రులు ప్రత్యేకంగా పూజలు నిర్వహిస్తూ అమ్మవారు ఇచ్చే శక్తిని మనం తీసుకుంటాం. అందరికీ సద్దుల బతుకమ్మ పండుగ శుభాకాంక్షలు. –హైమావతి, జిల్లా కలెక్టర్‌

అక్కన్నపేట(హుస్నాబాద్‌): గ్రామాల్లో భూ వివాదాల పరిష్కారానికే రీ సర్వే చేపట్టినట్లు హుస్నాబాద్‌ ఆర్డీవో రామ్మూర్తి అన్నారు. అక్కన్నపేట మండలం చౌటపల్లి గ్రామంలో శుక్రవారం భూ రీసర్వేపై అవగాహన గ్రామసభను నిర్వహించారు. ఈ సందర్భంగా ఆయన మాట్లాడుతూ రీ సర్వే వల్ల భూ యాజమానులకు మేలు చేకూరుతుందన్నారు. అలాగే భూముల హద్దులు సృష్టంగా నమోదవడంతో భూ వివాదాలు పూర్తిగా తొలగిపోతాయన్నారు. రెవెన్యూ అధికారులు భూ కొలతలు నిర్వహించేటప్పుడు సంబంధిత భూ యజమానులు హాజరై హద్దుల ఏర్పాటుకు సహకరించాలన్నారు. కార్యక్రమంలో తహాసీల్దార్‌ సింహాచలం మధుసూదన్‌, గ్రామ సర్పంచ్‌ పత్తిపాక లావణ్య, పులికాశీ రమేష్‌, ఆర్‌ఐ యాదగిరి, గ్రామస్తులు, రైతులు తదితరులు పాల్గొన్నారు. హుస్నాబాద్‌ ఆర్డీవో రామ్మూర్తి

గజ్వేల్‌రూరల్‌: ఆహారాన్ని అవసరానికి తగినంత మాత్రమే వండుకోవాలని, మిగిలిన ఆహారాన్ని వృథా చేయకుండా సద్వినియోగం చేసుకోవాలని నేలమ్మ మహిళా రైతుల పరస్పర సహకార సంఘం సభ్యులు అన్నారు. గజ్వేల్‌–ప్రజ్ఞాపూర్‌ మున్సిపాలిటీ పరిధిలోని ఆర్‌అండ్‌ఆర్‌ కాలనీ(పల్లెపహాడ్‌)లో శుక్రవారం అంతర్జాతీయ గ్రామీణ మహిళా రైతుల దినోత్సవం, ప్రపంచ ఆహార దినోత్సవాన్ని నిర్వహించారు. ఈ సందర్భంగా ఏర్పాటు చేసిన కార్యక్రమంలో వారు మాట్లాడుతూ ఓ వైపు ప్రజలు ఆహారం లేక ఇబ్బందులు పడుతుండగా, మరోవైపు ఆహారాన్ని వృథా చేస్తున్నారని ఆవేదన వ్యక్తం చేశారు. రైతులను ప్రోత్సహిస్తూ, ప్రకృతికి అనుకూలమైన సుస్థిర వ్యవసాయ పద్దతులను అనుసరించడం వల్ల భవిష్యత్‌ తరాలకు సరిపడ ఆహారాన్ని ఉత్పత్తి చేయవచ్చన్నారు. ఇంకా ఈ కార్యక్రమంలో మహిళలు పాల్గొన్నారు.

దుబ్బాక: పీఆర్టీయూ రాష్ట్ర కమిటీలో దుబ్బాక మండలానికి పెద్ద పీటవేశారు. నల్గొండలో రెండు రోజుల పాటు జరిగిన రాష్ట్ర కౌన్సిల్‌ సమావేశంలో పీఆర్టీయూ రాష్ట్ర కొత్త కార్యవర్గాన్ని ఎన్నుకున్నారు. ఇందులో రాష్ట్ర అసోసియేట్‌ అధ్యక్షులుగా మద్దుల లక్ష్మారెడ్డి, సింగీతం నర్సింహారావు, రాష్ట్ర సెక్రటరీగా లచ్చపేట మాడల్‌ స్కూల్‌ ప్రిన్సిపాల్‌ సామిలేటి బుచ్చిబాబులను ఎన్నుకున్నారు. మండలంనుంచి ముగ్గురు ఎన్నిక కావడంపై దుబ్బాక పట్టణ శాఖ అధ్యక్షుడు పల్లె శ్రీనివాస్‌గౌడ్‌, రాంచంద్రారెడ్డి హర్షం వ్యక్తం చేశారు. మండలం నుంచి ముగ్గురికి చోటు

దుబ్బాకరూరల్‌: మండలంలోని చీకోడ్‌ గ్రామంలో ఫాంపాండ్‌ను ఉద్యాన శాఖ ఏడీ శ్యామ్‌రాజ్‌రాథోడ్‌, అధికారి రమేశ్‌ పరిశీలించారు. ఈసందర్భంగా వారు మాట్లాడుతూ ఆయిల్‌ ఫామ్‌, ఇతర పండ్ల తోటలకు నీళ్లు వాడడానికి రైతులు తమ భూముల్లో ఫాంపాండ్‌ను నిర్మించుకోవాలన్నారు. 20 మీటర్ల పొడవు, వెడల్పు 20మీటర్లు, 3 మీటర్ల లోతుగా తీయలన్నారు. ఉద్యాన శాఖ ద్వారా రూ.90వేలు సబ్సిడీ అందిస్తుందన్నారు. రైతులు ఈ అవకాశాన్ని సద్వినియోగం చేసుకోవాలన్నారు. ములుగు(గజ్వేల్‌): గ్రామభివృద్ధి కోసం నిరంతరం శ్రమిస్తానని ములుగు మండలం గంగాధర్‌పల్లి సర్పంచ్‌ పూరెల్లి శ్రీకాంత్‌రెడ్డి అన్నారు. గ్రామంలో రూ.10 లక్షల నిధులతో నిర్మించనున్న మహిళా భవనానికి శుక్రవారం భూమిపూజ చేశారు. ఈ సందర్భంగా ఆయన మాట్లాడుతూ గ్రామాభివృద్ధిలో భాగంగా మహిళా సంక్షేమానికి ప్రాధాన్యతనిస్తున్నామని తెలిపారు. అవృద్ధికి ప్రజల సహకారం ఎంతో అవసరమని అన్నారు. కార్యక్రమంలో ఉపసర్పంచ్‌ సుదర్శన్‌, వార్డుసభ్యులు, మహిళా సంఘాల సభ్యులు పాల్గొన్నారు. కోహెడరూరల్‌(హుస్నాబాద్‌): మండల కేంద్రంలోని జిల్లా పరిషత్‌ హై స్కూల్‌ మైదానంలో జిల్లా స్థాయి వాలీబాల్‌ టోర్నమెంట్‌ ను ఘనంగా ప్రారంభమయ్యాయి. గవ్వ కమలమ్మ చారిటబుల్‌ ట్రస్ట్‌ అధ్యక్షుడు గవ్వ వంశీధర్‌ రెడ్డి సర్పంచ్‌ బందేల సుజాత తో కలసి పోటీలను ప్రారంభించారు.ఈ సందర్బంగా అయన మాట్లాడుతూ క్రీడలు మానసిక ఉల్లాసాన్ని కలిగిస్తాయన్నారు. యువత గంజాయి, ఆన్‌లైన్‌ గేమ్స్‌ వంటి వ్యవసనాలకు దూరంగా ఉండి క్రీడల్లో రాణించాలని పిలుపునిచ్చారు. విజేతలకు ప్రథమ బహుమతి రూ.10వేలు, ద్వితీయ బహుమతి రూ.5వేలతో పాటు ట్రోఫీలు అందజేస్తామన్నారు. కోహెడరూరల్‌(హుస్నాబాద్‌): మండలంలోని రాంచంద్రపూర్‌లో హనుమాన్‌ ఆలయ పునఃనిర్మాణం పనులకు శ్రీకారం చుట్టారు. గ్రామస్తుల సమక్షంలో దాత బొబ్బల మోహన్‌రెడ్డి ఆలయ నిర్మాణ పనులకు భూమి పూజ చేసి ప్రారంభించారు. ఈ సందర్భంగా బొబ్బల మోహన్‌రెడ్డి రూ.5లక్షల విరాళాన్ని కమిటీ సభ్యులకు అందజేశారు. అనంతరం ఆలయ కమిటీ సభ్యులు మాట్లాడుతూ మోహన్‌రెడ్డి చొరవను అభినందించారు. ఆయన స్పూర్తితో గ్రామానికి చెందిన పలువురు తమ వంతుగా ఆర్థిక సహయం అందజేయాలన్నారు. కొండపాక(గజ్వేల్‌): పారిశుద్ధ్య కార్మికుల సేవలు వెలకట్టలేనివని, అలాంటి వారిని సన్మానించడం ఎంతో తృప్తి నిచ్చిందని సర్పంచ్‌ల ఫోరం మండల అధ్యక్షుడు ఆలు భద్రప్ప అన్నారు. కుకునూరుపల్లిలోని తిప్పారంలో శుక్రవారం గ్రామ పంచాయతీ సఫాయి కార్మికులకు బతుకమ్మ, దసరా పండుగల నేపథ్యంలో వస్త్రాలతో పాటు పండుగ సరుకులను పంపిణీ చేసి సత్కరించారు. ఈసందర్భంగా భద్రప్ప మాట్లాడుతూ గ్రామాల్లో మురికి కాలువలు, రోడ్లపై చెత్తా చెదారం లేకుండా శుభ్రపరుస్తున్నారన్నారు. కార్యక్రమంలో ఉపసర్పంచ్‌ శ్రీశాల నవీన్‌, వార్డు సభ్యులు తదితరులు పాల్గొన్నారు.

తొగుట(దుబ్బాక): మండలంలో పర్యటించిన మెదక్‌ ఎంపీ మాదవనేని రఘునందన్‌రావు ప్రజల సమస్యల పరిష్కారానికి చొరవచూపారు. మండలంలోని బంజేరుపల్లి, చందాపూర్‌, వర్దరాజుపల్లి గ్రామాల్లో పర్యటించారు. ఈ సందర్భంగా ప్రజలు తాము ఎదుర్కుంటున్న సమస్యలు ఎంపీ దృష్టికి తీసుకెళ్లారు. దీంతో స్పందించిన ఎంపీ వెంటనే సంబంధిత జిల్లా అధికారులకు ఫోన్‌ ద్వారా సమస్యలు వివరించి పరిష్కరించాలని ఆదేశించారు. ఇలా ప్రధాన సమస్యలను అక్కడికక్కడే పరిష్కారానికి చొరవచూపారు. ఇళ్లులేని పేదలకు సుమారు 25ఇందిరమ్మ ఇళ్లు మంజూరుచేయాలని డీఆర్‌డీఏ పీడీ జయదేవ్‌ఆర్యాను ఎంపీ ఆదేశించారు. చందాపూర్‌లో కేంద్ర ప్రభుత్వం ద్వారా వీబీరాంజీ పథకంలో రూ. 30లక్షలతో మీనీ గోదాం నిర్మించుకునేందుకు నిధులు మంజూరు చేస్తానని ప్రకటించారు. పలు సమస్యలు పరిష్కారం దిశగా చర్యలు తీసుకోవడంతో ఆయా గ్రామాల ప్రజలు హర్షం వ్యక్తంచేశారు.

నంగునూరు(సిద్దిపేట): భర్త మృతి చెంది పుటెట్డు దుఖంలో ఉన్న నిరుపేద కుటుంబానికి గ్రామస్తులు ఆర్థిక సహాయం అందించి అండగా నిలిచారు. సిద్దన్నపేటకు చెందిన కాచగోని రాములు కల్లుగీత కార్మికునిగా పని చేస్తూ ముగ్గురు కూతుళ్ల పెళ్లిళ్లు జరిపించారు. ఇటీవల అనారోగ్యానికి గురైన రాములు చికిత్స చేయించుకునే ఆర్థిక స్తోమత లేక మూడు రోజుల కిందట మృతి చెందారు. అతని కుటుంబ పరిస్థితి తెలుసుకున్న గ్రామస్తులు చందాలు వేసి చేసి భార్య కళావతికి రూ. 38 వేలు అందజేశారు. కార్యక్రమంలో నారాయణరెడ్డి, తిరుపతి, రాజయ్య, భాస్కర్‌, మహిపాల్‌, తిరుపతి ఇర్షాన్‌ తదితరులు పాల్గొన్నారు.

గజ్వేల్‌రూరల్‌: పరిశ్రమల్లో పనిచేసే ప్రతీ కార్మికుడికి బోనస్‌ ఇవ్వాలని సీఐటీయూ రాష్ట్ర ఉపాధ్యక్షుడు మల్లిఖార్జున్‌ డిమాండ్‌ చేశారు. శుక్రవారం గజ్వేల్‌ మున్సిపాలిటీ పరిధిలోని ప్రజ్ఞాపూర్‌ శివారులోగల రాణే పరిశ్రమ వద్ద జీవో 6 అమలు చేయాలని కోరుతూ కరపత్రాలను ఆవిష్కరించారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడుతూ రోజురోజుకు పెరుగుతున్న ఖర్చులకునుగుణంగా రూ.42వేల కనీస వేతనం అమలు చేయాలన్నారు. జిల్లాలోని గజ్వేల్‌, కర్కపట్ల, ములుగు, వర్గల్‌ మండలాల పరిధిలోని కాంట్రాక్టు, క్యాజువల్‌ కార్మికులతో పనులు చేయించుకుంటూ బోనస్‌ ఇవ్వడం లేదని ఆరోపించారు. కార్మికుల సమస్యల పరిష్కారం కోసం ఈనెల 25, 26 తేదీల్లో ఇందిరాపార్కు వద్ద జరిగే ధర్నాకు జిల్లాలోని పరిశ్రమలు, గ్రామపంచాయతీ, మున్సిపల్‌, అంగన్‌వాడీ, ఆశ, మధ్యాహ్న భోజన, స్వచ్ఛ, భవన నిర్మాణం, హమాలీ, బీడీ, రవాణ తదితర కార్మికవర్గం తరలిరావాలని పిలుపునిచ్చారు.

నంగునూరు(సిద్దిపేట): వార్డు సభ్యులు తమ హక్కులు, బాధ్యతలో తెలుసుకొని సర్పంచ్‌లతో సమన్వయంతో పని చేసి గ్రామాభివృద్దికి సహకరించాలని ఎంపీడీఓ శ్రీనివాస్‌ అన్నారు. ఎంపీడీఓ కార్యాలయంలో పది రోజులుగా జరుగుతున్న వార్డు సభ్యుల శిక్షణా కార్యక్రమంలో శుక్రవారం ముగిసింది. శిక్షణ పొందిన సభ్యులకు సర్టిఫికేట్లు అందజేశారు. అనంతరం ఎంపీడీఓ మాట్లాడుతూ సభ్యులు తప్పనిసరిగా గ్రామసభలో పాల్గొని గ్రామాల్లో నెలకొన్న సమస్యలను గుర్తించి తీర్మానం ద్వారా పనులు చేపట్టాలన్నారు. కార్యక్రమంలో సూపరిడెంట్‌ ప్రభాకర్‌రావు తదితరులు పాల్గొన్నారు.

మంత్రి వివేక్‌ హామీ దుబ్బాక: స్థానిక బస్‌డిపోకు శాశ్వత డిపో మేనేజర్‌తో పాటు అదనపు బస్సులు ఏర్పాటుకు కృషి చేస్తానని మంత్రి వివేక్‌ వెంకటస్వామి హామీ ఇచ్చారు. శుక్రవారం దుబ్బాక ఆర్టీసీ డిపో గౌరవ అధ్యక్షుడిగా ఇటీవల ఎన్నికై న మచ్చ శ్రీనివాస్‌ను నియోజకవర్గ కాంగ్రెస్‌ ఇన్‌చార్జి చెరుకు శ్రీనివాస్‌రెడ్డితో కలిసి మంత్రి సన్మానించారు. దుబ్బాక బస్సుడిపోకు డీఎం లేకపోవడం, బస్సుల సంఖ్య తక్కువగా ఉండడంతో పాటు పలు సమస్యలను మంత్రికి వివరించారు. దీంతో స్పందించిన మంత్రి తప్పకుండా డిపో అభివృద్ధికి కృషి చేస్తానన్నారు. కార్యక్రమంలో కాంగ్రెస్‌ నాయకులు, కౌన్సిలర్లు తునికి సురేశ్‌, కాల్వ నరేష్‌, శ్రీరాం నరేందర్‌, భరత్‌ తదితరులు ఉన్నారు. వర్గల్‌(గజ్వేల్‌): రైతులు ఎదుర్కొంటున్న విద్యుత్‌ సమస్యల పరిష్కారానికి ప్రత్యేక చర్యలు తీసుకుంటున్నట్లు గజ్వేల్‌ విద్యుత్‌ డీఈ స్వామి అన్నారు. శుక్రవారం వర్గల్‌లోని బుచ్చిరోనికుంట ట్రానన్స్‌ఫార్మర్‌, సమీప వ్యవసాయ పొలాలను సంబంధిత అధికారులతో కలిసి పరిశీలించారు. ఈ సందర్భంగా రైతులతో మాట్లాడి విద్యుత్‌ సమస్యలను తెలుసుకున్నారు. ట్రాన్స్‌ఫార్మర్‌పై ఓవర్‌లోడ్‌ లేకుండా 25 కేవీఏ ట్రాన్స్‌ఫార్మర్‌ను వెంటనే ఏర్పాటు చేశారు. నాణ్యమైన విద్యుత్‌, మెరుగైన విద్యుత్‌ సరఫరా తమ లక్ష్యమన్నారు. ఆయన వెంట ఏడీఈ శ్రీనివాస్‌, ఏఈ వెంకటేష్‌ ఉన్నారు. నేడు సామూహిక నిరాహార దీక్ష ప్రశాంత్‌నగర్‌(సిద్దిపేట): కేంద్ర, రాష్ట్ర ప్రభుత్వాల విద్యా వ్యతిరేక విధానాలను నిరసిస్తూ శనివారం హైదరాబాద్‌ లోని ఇందిరా పార్క్‌ ధర్నా చౌక్‌లో ఉపాధ్యాయుల సామూహిక నిరాహార దీక్ష నిర్వహించనున్నట్లు రాష్ట్ర ఐక్య ఉపాధ్యాయ ఫెడరేషన్‌ (టీఎస్‌ యూటీఎఫ్‌) జిల్లా ప్రధాన కార్యదర్శి తప్పెట్ల యాదగిరి తెలిపారు. శుక్రవారం జిల్లా కేంద్రంలో నిర్వహించిన సమావేశంలో ఆయన పాల్గొని మాట్లాడారు. స్కూల్‌ టీచర్స్‌ ఫెడరేషన్‌ ఆఫ్‌ ఇండియా పిలుపు(ఎస్టీఎఫ్‌ఐ )మేరకు టీఎస్‌ యూటీఎఫ్‌ రాష్ట్ర కమిటీ ఆధ్వర్యంలో ఈ నిరసన కార్యక్రమం చేపడుతున్నట్లు తెలిపారు. ఈ సామూహిక నిరాహారదీక్షను విజయవంతం చేయాలన్నారు. ఈ కార్యక్రమంలో జిల్లా కార్యదర్శి శివలింగం, జిల్లా కమిటీ సభ్యులు నర్సింలు, గిరిబాబు, యాదయ్య, రమణాచారి, రాజేంద్ర ప్రసాద్‌ తదితరులు పాల్గొన్నారు.

దుర్గాదేవి నవరాత్రి ఉత్సవాలలో భాగంగా హైదరాబాద్‌లో దాండియా ఈవెంట్లు జరుగుతాయని తెలుసు. ఇప్పుడు సిద్దిపేటలో జరుగుతుండటంతో మేమూ వెళ్తున్నాం. దాండియా ఇక్కడ ఏర్పాటు చేయడం చాలా సంతోషంగా ఉంది. హైదారాబాద్‌ నుంచి మా దోస్త్‌ బిందును తీసుకుని వచ్చా. – వెన్నెల, శ్రీనగర్‌ కాలనీఒకప్పుడు హైదరాబాద్‌ కే పరిమితమైన దాండియాను.. సిద్దిపేటకు తీసుకవచ్చి ప్రత్యేకంగా ఈవెంట్‌ను నవరాత్రి ఉత్సవాల్లో నాలుగు రోజుల పాటు నిర్వహిస్తున్నాం. అక్కచెల్లెలు కిట్టి పార్టీలు నిర్వహిస్తుంటారు. ఫ్యామిలీతో దాండియా నృత్యం వేయవచ్చు. యువత, మహిళలు బాగా ఆదరిస్తున్నారు. డిజే, కలర్‌ లైట్స్‌, షాపింగ్‌ను సైతం ఏర్పాటు చేశాం. – నవీన్‌ రెడ్డి, ఈవెంట్‌ ఇన్‌చార్జి

హుస్నాబాద్‌: అనుమతి లేకుండా విద్యుత్‌ను వాడుకున్న విషయంలో మున్సిపల్‌ కమిషనర్‌కు గురువారం విద్యుత్‌ శాఖ అధికారులు నోటీసులు జారీ చేశారు. చిన్న బతుకమ్మ వేడుకలకు సంబంధించి దాదాపు 200 ఫ్లడ్‌ లైట్ల ఏర్పాటుకు విద్యుత్‌ను అక్రమంగా వాడుకున్నందుకు నోటీసులు జారీ చేశారు. సంబంధిత కాంట్రాక్టర్‌ రూ.20 వేలు చెల్లించాలని నోటీస్‌లో పేర్కొన్నారు. అక్రమ విద్యుత్‌ వినియోగం పై విచారణ జరిపి తదుపరి చర్యలు తీసుకుంటామని అధికారులు తెలిపారు.ప్రశాంత్‌నగర్‌(సిద్దిపేట): దేవీ నవరాత్రుల సందర్భంగా జిల్లా కేంద్రంలోని లలిత చంద్రమౌళీశ్వర దేవాలయంలో గురువారం కవి సమ్మేళనం ఘనంగా జరిగింది. ఈ సమ్మేళనంలో కవులు పండరి రాధాకృష్ణ, ఉండ్రాళ్ళ రాజేశం, వరుకోలు లక్ష్మయ్య, పెందోట వెంకటేశ్వర్లు, కాల్వ రాజయ్య, బస్వ రాజ్‌ కుమార్‌, బత్తిని మౌనస్వామి, డాక్టర్‌ శైలజ, పద్మలు దేవీ నవరాత్రులపై కవితలు చదివి అలరించారు. అలాగే అవధానంతో పృచ్చకులుగా వరుకోలు లక్ష్మయ్య, డాక్టర్‌ శైలజ, కాల్వ రాజయ్యలు వ్యవహరించారు. అనంతరం పృచ్చకులకు తెలుగు బుక్‌ ఆఫ్‌ రికార్డ్‌ ప్రశంసాపత్రాలు అందజేశారు. దుబ్బాకటౌన్‌: భారత ప్రధాని నరేంద్ర మోదీ నేతృత్వంలో భారత్‌ ప్రపంచంలోనే శక్తివంతమైన దేశంగా ఎదుగుతోందని జిల్లా ఓబీసీ మోర్చా అధ్యక్షుడు మల్లన్నగారి భిక్షపతి అన్నారు. మోదీ జన్మదినాన్ని పురస్కరించుకొని సేవా సంకల్ప అభియాన్‌ కార్యక్రమంలో భాగంగా గురువారం దుబ్బాక పట్టణంలో వికలాంగులకు పండ్ల పంపిణీ చేశారు. కార్యక్రమంలో ఓబీసీ మోర్చా జిల్లా కార్యదర్శి ఉపేందర్‌, దుబ్బాక పట్టణ అధ్యక్షుడు శ్రీకాంత్‌ యాదవ్‌, జిల్లా కార్యవర్గ సభ్యులు రాజశేఖర్‌, దిశా బోర్డు మెంబర్‌ సుంకోజి ప్రవీణ్‌ కుమార్‌, తదితరులు పాల్గొన్నారు. వర్గల్‌(గజ్వేల్‌): జిల్లా గ్రంథాలయ చైర్మన్‌ దరిపల్లి చంద్రం గురువారం వర్గల్‌ గ్రంథాలయం సందర్శించారు. రికార్డులు పరిశీలించారు. లైబ్రేరియన్‌ శ్రీనివాస్‌కు పలు సూచనలు చేశారు. అసంపూర్తి దశలో ఉన్న గ్రంథాలయ నూతన భవనం పరిశీలించారు. ఆయా పనులు పూర్తయ్యేలా కృషి చేస్తానని, బుక్స్‌రాక్స్‌ తదితర ఫర్నిచర్‌ ఏర్పాటు చేస్తానని హామీ ఇచ్చారు. ఆయన వెంట వంటిమామిడి మార్కెట్‌ కమిటీ చైర్మన్‌ విజయమోహన్‌, ఉపసర్పంచ్‌ గోవర్ధన్‌రెడ్డి, అరవింద్‌రెడ్డి, కృష్ణ, శ్రీనివాస్‌రెడ్డి, దుర్గయ్య ఉన్నారు.

హుస్నాబాద్‌: గ్రామాల్లో బతుకమ్మ వేడుకలకు పకడ్బందీ ఏర్పాట్లు, అర్హులైన దివ్యాంగులకు, వృద్ధులకు సహాయ పరికరాలు అందించేందుకు చేపట్టాల్సిన చర్యల పై మంత్రి పొన్నం ప్రభాకర్‌ అధికారులకు దిశానిర్దేశం చేశారు. గురువారం సచివాలయం నుంచి కరీంనగర్‌, హనుమకొండ, సిద్దిపేట జిల్లాల అధికారులతో మంత్రి టెలికాన్ఫరెన్స్‌ నిర్వహించారు. ఈ సందర్భంగా మంత్రి పొన్నం ప్రభాకర్‌ మాట్లాడుతూ గ్రామాల్లో బతుకమ్మ వేడుకలకు వచ్చే మహిళలు, ప్రజలకు ఎలాంట ఇబ్బందులు పడకుండా సమన్వయంతో సౌకర్యాలు కల్పించాలని ఆదేశించారు. ప్రతి గ్రామంలో ఉపాధి హామీ పథకం కింద బతుకమ్మ ఘాట్ల వద్ద శుభ్రత, మట్టి పనులు, ఇతర ఏర్పాట్లు చేయాలన్నారు. ఏర్పాట్లు విషయంలో ఎక్కడైనా ఇబ్బందులు తలెత్తితే సంబందిత గ్రామ పంచాయతీ కార్యదర్శులే బాధ్యత వహించాల్సి ఉంటుందని స్పష్టం చేశారు. హుస్నాబాద్‌ నియోజకవర్గంలో ఏఎల్‌ఐఎంసీఓ ఆధ్వర్యంలో ఏడీఐపీ పథకం కింద సహాయ పరికరాల పంపిణీ కోసం అర్హులైన వృద్ధులు, దివ్యాంగులను గుర్తించాలన్నారు. గ్రామాల్లో డప్పు చాటింపుల ద్వారా విస్తృత ప్రచారం నిర్వహించి అవగాహన కల్పించాలన్నారు. సిద్దిపేట జిల్లాలో మూడు మండలాలకు రెండు రోజుల పాటు ప్రత్యేక శిబిరాలు నిర్వహించేలా ప్రణాళికలు రూపొందించాలని సూచించారు. శిబిరాల నిర్వహణకు ముందుగానే అర్హులైన లబ్ధిదారులను గుర్తించి జాబితా సిద్ధం చేయాలన్నారు. డీఆర్డీఓ, పీడీ, డీడబ్ల్యూఓలతో పాటు జిల్లా, డివిజన్‌ స్థాయి అధికారులు నిరంతరం పర్యవేక్షించాలని ఆదేశించారు. మంత్రి పొన్నం ప్రభాకర్‌ మూడు జిల్లాల అధికారులతో టెలికాన్ఫరెన్స్‌

మాజీ మంత్రి హరీశ్‌రావు సిద్దిపేటజోన్‌: ఒకప్పుడూ వినోద కార్యక్రమాలను వీక్షించేందుకు, పాల్గొనేందుకు హైదరాబాద్‌, బెంగళూరుకు వెళ్లిన ఈ ప్రాంత వాసులకు చెంతనే నయా ట్రెండ్‌ వచ్చిందని మాజీ మంత్రి హరీశ్‌రావు అన్నారు. గురువారం రాత్రి జిల్లా కేంద్రంలో జరిగిన వేడుకల్లో పాల్గొన్నారు. ఈ సందర్భంగా దండియా ఆటను వీక్షించారు. అనంతరం మాట్లాడుతూ.. జిల్లాకేంద్రంలో అద్భుతమైన కోమటి చెరువు ఏర్పాటు చేసినట్లు, దాన్ని సద్వినియోగం చేసుకోవాలని సూచించారు. ఈవెంట్‌లకు మంచి వేదికగా అభివర్ణించారు. జాతీయ స్థాయిలో గాన ప్రతిభతో సిద్దిపేట పేరును ఇనుమడింప చేసిన లాస్యను ఆయన సన్మానించారు. కార్యక్రమంలో పట్టణ అధ్యక్షుడు సంపత్‌రెడ్డి తదితరులు పాల్గొన్నారు.

సిద్ధిపేటకమాన్‌: మల్టీజోన్‌–1లో విధులు నిర్వహిస్తున్న పలువురు సీఐలకు స్థానచలనం కల్పిస్తూ ఐజీ చంద్రశేఖర్‌రెడ్డి ఉత్తర్వులు జారీ చేశారు. పీసీఆర్‌ విభాగంలో పని చేస్తున్న మల్లేశ్‌గౌడ్‌ను నిర్మల్‌ జిల్లా డీసీఆర్బీకి బదిలీ చేశారు. సీఎస్బీ సీఐ బి.శ్రీధర్‌ను రామగుండం పీసీఆర్‌కు, మల్టీజోన్‌–1లో వెయిటింగ్‌లో ఉన్న ఎస్‌.కె.లతీఫ్‌ను సిద్దిపేట సీఎస్బీకి, జె.మోహన్‌బాబును పీసీఆర్‌ సిద్దిపేటకు, గోదావరిఖని వన్‌ టౌన్‌ సీఐ సయ్యద్‌ అఫ్టలుద్దీన్‌ను గజ్వేల్‌ పోలీసే స్టేషన్‌ డీఐగా బదిలీ చేశారు.

సిద్దిపేటజోన్‌: ‘తెలంగాణ సంప్రదాయాలకు ప్రతీక బతుకమ్మ.. అలాంటి బతుకమ్మ వెనుక కూడా సైనన్స్‌ ఉంది. తంగేడు, గునుగు పువ్వుల వెనుక ఒక సైన్టిఫిక్‌ రీజన్‌ ఉంది’ అని మాజీ మంత్రి హరీశ్‌ రావు అన్నారు. గురువారం స్థానిక ప్రతిభ డిగ్రీ కళాశాల ఆధ్వర్యంలో పద్మనాయక మండపంలో బతుకమ్మ సంబరాలు నిర్వహించారు. ఈ సందర్భంగా ఆయన మాట్లాడుతూ.. ఎన్ని మార్పులు వచ్చిన బతుకమ్మ మారలేదని, రోజు రోజుకు ఇంకా పెరుగుతుందన్నారు. పూలకు నీళ్లను శుభ్రం చేసే గుణాలు ఉన్నాయన్నారు. అందుకే మన పూర్వీకులు బతుకమ్మ పేర్చి చెరువుల్లో నిమజ్జనం చేసే అలవాటు తెచ్చినట్టు పేర్కొన్నారు. ఢిల్లీలో పోరాటం దేశ రాజధాని ఢిల్లీలో యువత పోరాటం చేస్తోందని, యువత పోరాటానికి కేంద్ర మంత్రి రాజీనామా చేశారని, అదేవిధంగా ఎన్నికల కమిషనర్‌ దిగిపోవాలని కొత్త ఉద్యమం జరుగుతోందన్నారు. యువత కరెంట్‌ ఎఫైర్స్‌ ఫాలో కావాల్సిన అవసరం ఎంతైనా ఉందన్నారు. కొంత మంది రీల్స్‌ చూసి గుర్తు తెలియని వ్యక్తులతో పరిచయం ఏర్పడి లవ్‌ ఎఫైర్స్‌లో పడుతున్నారని, దీని వల్ల జీవితం అంతా నాశనం అవుతుందని, జరుగుతున్న సంఘటనలను ఆయన వివరించారు. తల్లిదండ్రులకు మించిన శ్రేయోభిలాషులు ఎవ్వరూ లేరన్నారు. వారిని గౌరవించి వారి మాటలు వినాలని సూచించారు. రీల్స్‌, సోషల్‌ మీడియా ట్రాప్‌లో పడొద్దని సూచించారు. ఒక్కసారి జీవితం కోల్పోయిన తర్వాత మళ్లీ తిరిగి రాదన్నారు. మంచిగా చదివి ఉద్యోగాలు సాధించాలని సూచించారు. కార్యక్రమంలో మాజీ చైర్మన్‌ రాజనర్స్‌. మాజీ మార్కెట్‌ కమిటీ చైర్మన్‌ వేణుగోపాల్‌ రెడ్డి, పట్టణ అధ్యక్షుడు సంపత్‌ రెడ్డి, నాయకులు చిన్న, భూపేష్‌, ప్రభాకర్‌ రెడ్డి, ప్రిన్సిపాల్‌ సూర్యప్రకాష్‌ పాల్గొన్నారు. రీల్స్‌కు బానిస కావొద్దు మాజీ మంత్రి హరీశ్‌రావు

సెల్ఫీ ఫొటోలు పంపించాల్సిన ఫోన్‌ నంబర్లుసమీకృత మార్కెట్‌లో సమస్యల తిష్ట అధునిక వసతులతో రూ. 22.87కోట్లతో రాష్ట్రానికి తలమాణికంగా నిర్మించిన ఇంటిగ్రేటెడ్‌ వెజ్‌ అండ్‌ మార్కెట్‌ 2019 డిసెంబర్‌ లో అందుబాటులోకి వచ్చింది. మొదట్లో ఈ మార్కెట్‌ను ఆదర్శంగా నడిపారు. ఈ క్రమంలోనే పరిశుభ్రమైన వాతావరణంలో నాణ్యతతో కూడిన కూరగాయలు, పండ్లు, మాంసం అందించడం వల్ల 2024 నవంబర్‌లో ఎఫ్‌ఎస్‌ఎస్‌ఏఐ (ఫుడ్‌ సేఫ్టీ అండ్‌ స్టాండర్డ్స్‌ ఆథారిటీ ఆఫ్‌ ఇండియా) సర్టిఫికెట్‌ కూడా వచ్చింది. కానీ రానురానూ మార్కెట్‌ ప్రాభవం తగ్గపోతోంది. ప్రత్యేకించి ఆగస్టు 31న పాలకవర్గం పదవీకాలం ముగిసిన తర్వాత పరిస్థితి మరింత అధాన్నంగా మారింది. ప్రత్యేకించి పారిశుద్ద్య నిర్వహణ కరువై తరుచూ ఈ మార్కెట్‌ కంపుకొడుతున్నది. వేతనాలు చెల్లించడం లేదని ఇక్కడ పనిచేస్తున్న 14మంది పారిశుద్ద్య కార్మికులు తరుచూ సమ్మెకు దిగుతున్నారు. ఫలితంగా రోజుల తరబడి ఈ మార్కెట్‌ కంపుకొడుతోంది. మార్కెట్‌ను సందర్శించిన నేతలు.. తాజాగా గురువారం ఈ మార్కెట్‌ను ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి, గజ్వేల్‌–ప్రజ్ఞాపూర్‌ మున్సిపల్‌ చైర్‌పర్సన్‌ గంగిశెట్టి చందన తదితరులు సందర్శించారు. ఎక్కడ పడితే వ్యర్థాల పారబోత వల్ల కంపుకొడుతున్న పరిస్థితిని ప్రత్యక్షంగా పరిశీలించారు. ఈ సందర్భంగా మార్కెట్‌ కమిటీ కార్యదర్శి ఉషాతో మాట్లాడారు. నాలుగునెలలుగా పెండింగ్‌లో ఉన్న వేతనాలు ఇవ్వాలని సూచించగా.. రెండు నెలల వేతనాల చెల్లింపునకు చర్యలు తీసుకుంటామని హామీ ఇవ్వడంతో మార్కెట్‌ను కార్మికులు శుభ్రం చేశారు. పాలకవర్గం రావాలి.. కొత్త పాలవర్గాన్ని నియమిస్తేనే సమస్యల పరిష్కారానికి బాటలు పడే అవకాశం ఉంది. ప్రస్తుతం ఈ మార్కెట్‌ చైర్మన్‌ పదవిని బీసీ(మహిళ)కు కేటాయించారు. త్వరగా పాలకవర్గ నియామకానికి చర్యలు తీసుకోవాల్సి ఉంది. ● మార్కెట్‌కు ప్రస్తుతం వస్తున్న ఆదాయానికి, నిర్వహణకు పొంతన లేకుండా తయారయ్యింది. ఈ మార్కెట్‌లో నిర్మించిన స్టాళ్లు, దుకాణసముదాయాల ద్వారా నిజానికి ఈ వనరుల ద్వారా నెలకు రూ.6.50లక్షల ఆదాయం రావాల్సి ఉన్నది. కేవలం 3లక్షల లోపే ఆదాయం వస్తున్నది. మార్కెట్‌ నిర్వాహణ ఖర్చులు, ఆదాయానికి పొంతన లేక రూ.1.60లక్షల వరకు ఇతర నిధుల నుంచి పూడ్చుకోవాల్సిన దుస్థితి ఏర్పడుతోందని అధికారులు చెబుతున్నారు. కానీ నెలవారీగా నిర్వహణ ఖర్చులపేరిట రూ.1.60లక్షలకుపైగా భారం పడుతుందని ఏడాదికి వచ్చే సరికి సుమారుగా రూ.20లక్షల భారం మోయాల్సి వస్తున్నది. ఈ పరిస్థితిని అధిగమించడానికి ఈ ముందుభాగం(మార్కెట్‌ రోడ్డు), ఉత్తర రోడ్డు వైపున షాపింగ్‌ కాంప్లెక్స్‌ నిర్మాణానికి రూ.3కోట్లతో పనులు సాగుతున్నాయి. నాడు పరిశుభ్రత, నాణ్యతలో మేటి రెండేళ్ల కిందట ఎఫ్‌ఎస్‌ఎస్‌ఏఐ సర్టిఫికెట్‌ పారిశుద్ధ్యలోపంతో కంపుకొడుతున్న మార్కెట్‌ కొనుగోలుదారులు, వ్యాపారులకు తప్పని తిప్పలు గతంలో పరిశుభ్రత, నాణ్యతలో మేటిగా వర్థిల్లి.. రెండేళ్ల కిందట ఎఫ్‌ఎస్‌ఎస్‌ఏఐ(ఫుడ్‌ సేప్టీ అండ్‌ స్టాండర్డ్స్‌ అథారిటీ ఆఫ్‌ ఇండియా) సర్టిఫికెట్‌ పొందిన గజ్వేల్‌ ఇంటిగ్రేటెడ్‌ వెజ్‌ అండ్‌ నాన్‌ వెజ్‌ మార్కెట్‌ నేడు పారిశుద్ధ్యలోపంతో కంపుకొడుతోంది. మార్కెట్‌ కమిటీ పాలకవర్గం పదవీకాలం ముగియడంతో సమస్యలపై పట్టింపులేక ఈ దుస్థితి నెలకొన్నది. – గజ్వేల్‌

వర్గల్‌(గజ్వేల్‌): విద్యాధరి క్షేత్రంలో దసరా శరన్నవరాత్రోత్సవాలు ఆధ్యాత్మిక పరిమళాలు వెదజల్లుతున్నాయి. గురువారం విద్యాసరస్వతి అమ్మవారు సకల శుభకరి గౌరీదేవిగా దివ్యదర్శనమిచ్చారు. ఉదయం ఆలయ వ్యవస్థాపక చైర్మన్‌ బ్రహ్మశ్రీ చంద్రశేఖరశర్మ సిద్ధాంతి నేతృత్వంలో అమ్మవారి మూలవిరాట్‌కు పంచామృతాలతో మహాభిషేకం నిర్వహించారు. హైదరాబాద్‌ తదితర ప్రాంతాల నుంచి క్షేత్రానికి భక్తులు తరలివచ్చారు. అమ్మవారిని దర్శించుకుని తరించారు. లలితా త్రిపుర సుందరి స్వరూపిణిగా.. కొండపాక(గజ్వేల్‌): మర్పడ్గలో గల విజయదుర్గ సమేత సంతాన మల్లికార్జున స్వామి క్షేత్రంలో అమ్మవారు లలితా త్రిపుర సుందరి స్వరూపిణిగా దర్శనమిచ్చారు. హైదరాబాద్‌, గజ్వేల్‌ తదితర పట్టణాలతో పాటు చుట్టు ప్రక్కల గ్రామాల నుంచి మహిళలు భారీగా తరలిరావడంతో క్షేత్రం భక్తులతో కిటకిటలాడింది. ఈ సందర్భంగా మహిళలు అమ్మవారికి ఒడి బియ్యాన్ని సమర్పించుకొని మొక్కులు తీర్చుకున్నారు. 108 కిలోల ఒడిబియ్యం సమర్పణ చేర్యాల(సిద్దిపేట): పట్టణకేంద్రంలో దేవి స్నేహ యూత్‌ ఆధ్వర్యంలో ఏర్పాటు చేసిన మండపంలో గురువారం అమ్మవారికి 108 మంది మహిళలు 108 కిలోల ఒడిబియ్యాన్ని భక్తిశ్రద్ధలతో సమర్పించారు. కార్యక్రమంలో మహిళలు పెద్ద సంఖ్యలో పాల్గొని ప్రత్యేక పూజలు నిర్వహించారు. అమ్మవారి ఆశీస్సులు అందరిపై ఉండాలని ప్రార్థించారు.దాండియా జోష్‌ జోరుగా, హుషారుగా డ్యాన్సులు ● నవరాత్రి వేళ యువత, మహిళల ఉత్సాహం

కొమురవెల్లి(సిద్దిపేట): మల్లికార్జున స్వామిని శాసన మండలి సభ్యుడు ప్రొఫెసర్‌ కోదండరాం కుటుంబ సమేతంగా బుధవారం దర్శించుకున్నారు. ఈ సందర్భంగా ఆలయంలో ప్రత్యేక పూజలు నిర్వహించారు. అనంతరం అర్చకులు స్వామి వారి శేష వస్త్రాలు, తీర్థప్రసాదం, చిత్రపటం అందించారు. కార్యక్రంమలో ఆలయ ఏఈఓ బుద్ధి శ్రీనివాస్‌, ప్రధానార్చకులు మహదేవుని శ్రీనివాస్‌, పర్యవేక్షకులు నీల శేఖర్‌ తదితరులు పాల్గొన్నారు. మల్లన్న సేవలోనే ఒగ్గు పూజారులు మల్లికార్జున స్వామి సేవలోనే ఒగ్గుపూజారులు ఉన్నారని, నిత్యం స్వామి వారికి పూజలు చేస్తున్నామని ఒగ్గు పూజారుల యాదవ సంఘం అధ్యక్షుడు బొద్దుల కనకయ్య వెల్లడించారు. బుధవారం ‘సాక్షి’లో ప్రచురితమైన ‘మల్లన్న పట్నం.. మళ్లీ బేరం’ కథనంపై ఆయన వివరణ ఇచ్చారు. మల్లన్న ఆలయంలో నూతన ఒగ్గుపూజారుల నియామకంలో డబ్బు వసూళ్ల పై సంఘానికి ఎలాంటి సంబంధం లేదన్నా రు. కొంత మంది బయటి వ్యక్తులు వసూలు చేస్తున్నట్లు ఆరోపణలున్నాయని అన్నారు. టెన్త్‌ విద్యార్థినికి జాతీయ అవార్డు దుబ్బాక: పట్టణంలోని పీఎంశ్రీ బాలికల ఉన్నత పాఠశాల టెన్త్‌ విద్యార్థిని కాల్వ రేణుశ్రీ ఉత్తమ బ్యూరో ఆఫ్‌ ఇండియన్‌ స్టాండర్డ్స్‌ జాతీయ అవార్డును మంత్రి వివేక్‌ చేతుల మీదుగా అందుకున్నారు. బుధవారం హైదరాబాద్‌లోని బేగంపేటలో మానక్‌ మహోత్సవ ప్రపంచ ప్రమాణాల దినోత్సవం వేడుకలు నిర్వహించారు. ఈ సందర్భంగా జాతీయస్థాయిలో ప్రతినెలా నిర్వహించే క్విజ్‌ పోటీలలో రేణుశ్రీ బహుమతులు గెలుచుకున్నారు. ఇందుకు గాను రేణుశ్రీకి ఉత్తమ అవార్డును మంత్రి వివేక్‌ అందజేశారు. రేణుశ్రీ అవార్డు అందుకోవడంపై హెచ్‌ఎం పట్నం భూపాల్‌, ఉపాధ్యాయురాలు సంతోషం వ్యక్తం చేశారు. ఉన్నత లక్ష్యాలు సాధించాలిన్యాయమూర్తి తరణి సిద్దిపేటజోన్‌: విద్య ద్వారా ఆత్మ విశ్వాసం పెంపొందించుకొని ఉన్నత లక్ష్యాలు సాధించాలని అదనపు జూనియర్‌ సివిల్‌ జడ్జి తరణి సూచించారు. బుధవారం జిల్లా కేంద్రంలోని బాల సదనాన్ని సందర్శించారు. అంతర్జాతీయ బాలిక దినోత్సవం సందర్భంగా న్యాయ అవగాహన కార్యక్రమాన్ని నిర్వహించారు. బాల సదనంలోని పిల్లలతో ముచ్చటించారు. వారి యోగక్షేమాలు అడిగి తెలుసుకున్నారు. హక్కులు, విద్య ప్రాముఖ్యత, బాలికల భద్రత, చట్టపరమైన రక్షణల గురించి వివరించారు. కార్యక్రమంలో అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ రవికుమార్‌, న్యాయవాది నాగపూజ, సూపరింటెండెంట్‌ ప్రతిభ, సిబ్బంది తదితరులు పాల్గొన్నారు.

కోతుల బారి నుంచి మమ్ములను రక్షించాలని మున్సిపల్‌ కార్యాలయానికి వెళ్లి మొరపెట్టుకున్న పిల్లల పరిస్థితిని చూస్తే కోతుల తీవ్రత ఎంతగా ఉందో అర్థం చేసుకోవచ్చు. విద్యార్థుల స్కూల్‌ బ్యాగు కనబడితే చాలు కోతులు వెంటబడి దాడులు చేస్తున్న పరిస్ధితి నిత్యకృత్యంగా మారింది. అసలే దసరా సెలవులు. ప్రతి ఇంటిలో పండుగ వాతావరణంతో పాటు పిల్లల సందడి నెలకొంటుంది. ఇంటి ఆవరణలో ఆడుకుంటూ పండుగ సెలవులను ఎంజాయి చేస్తారు. ఈ సమయంలో కోతుల బెడద పిల్లలను ఆందోళనకు గురి చేస్తోంది. ఓ వైపు ఎంజాయ్‌ చేయాలనే ఆతృత, మరోవైపు కోతులు దాడి చేస్తాయనే భయంతో ఇంటి నుంచి బయటకు రావాలంటేనే పిల్లలు జంకుతున్నారు. ఈ క్రమంలో కోతుల బారి నుంచి తమ పిల్లలను కాపాడుకునేందుకు ఇంటి ఎదుట, రోడ్డు పైన మహిళలు కర్రలు పట్టుకొని కాపలా కాస్తుండటం గమనార్హం.

ప్రశాంత్‌నగర్‌(సిద్దిపేట): జిల్లాలోని 28 ప్రభుత్వ పాఠశాలల్లో గ్రంథాలయాల ఏర్పాటుకు రూ.7.56 లక్షల నిధులు విడుదలైనట్లు జిల్లా గ్రంథాలయ సంస్థ చైర్మన్‌ దరిపల్లి చంద్రం తెలిపారు. బుధవారం జిల్లా గ్రంథాలయంలో నిర్వహించిన సమావేశంలో ఆయన మాట్లాడారు. విద్యార్థులు, యువతకు గ్రంథాలయాలను చేరువ చేయడానికి ముఖ్యమంత్రి రేవంత్‌రెడ్డి కృషి చేస్తున్నారని తెలిపారు. పైలెట్‌ ప్రాజెక్ట్‌లో భాగంగా జిల్లాలోని 28 ప్రభుత్వ పాఠశాలల్లో గ్రంథాలయాల ఏర్పాటుకు నిధులు కేటాయించారన్నారు. నిధులు ఆయా పాఠశాలల బ్యాంక్‌ ఖాతాల్లో జమ అయ్యాయన్నారు. విద్యార్థుల్లో పఠనాసక్తి పెరగడంతో పాటు, విజ్ఞానం, పోటీ పరీక్షల సన్నద్ధతకు గ్రంథాలయాలు దోహదపడతాయన్నారు. కార్యక్రమంలో ఉద్యోగులు పాల్గొన్నారు.

వాళ్లు నాటుడు.. వీళ్లు నరుకుడుపెద్దకోడూరులో రోడ్డుకు ఇరువైపులా పెద్ద పెద్ద వృక్షాలు (నాడు)చెట్లు నరకడంతో బోసిపోయిన రోడ్డు (నేడు) చిన్నకోడూరు(సిద్దిపేట): పచ్చదనాన్ని పెంపొందించేందుకు ప్రభుత్వం ప్రతిష్టాత్మకంగా చేపట్టిన హరితహారం అభాసుపాలవుతోంది. మొక్కలు నాటి వాటిని సంరక్షించిన అధికారులు. మరోవైపు విద్యుత్‌ అధికారులు ఏపుగా పెరిగిన చెట్లను నరికివేస్తున్నారు. లక్షలాది రూపాయలు ఖర్చు చేసి మొక్కలను సంరక్షించినా విద్యుత్‌ తీగలకు అడ్డంగా ఉన్నాయని అధికారులు నరికేస్తున్నారు. పెద్దకోడూరు శివారులో ఏళ్ల నాటి పచ్చని చెట్లు నరికి వేయడంతో బోసి పోయి కనిపిస్తోంది .

విజిలెన్స్‌ పిలుపుతో అధికారుల్లో గుబులు రంగనాయకసాగర్‌ నిర్మాణంలో అవకతవకలపై ఫిర్యాదులుసాక్షి, సిద్దిపేట: ఇరిగేషన్‌ అధికారుల్లో గుబులు మొదలైంది. కాళేశ్వరం ఎత్తిపోతల పథకంలో భాగంగా రంగనాయకసాగర్‌ నిర్మించిన సమయంలో పనిచేసిన అధికారులపై ఆరోపణలు వెల్లువెత్తాయి. చిన్నకోడూరు మండలం చంద్లపూర్‌లో 3టీఎంసీల సామర్థ్యంతో 2019– 20లో రంగనాయకసాగర్‌ను నిర్మించారు. రిజర్వాయర్‌ నిర్మాణంతోపాటు భూసేకరణలో అవకతవకలు జరిగాయని వచ్చిన ఫిర్యాదులపై లోతుగా దర్యాప్తు చేస్తున్నారు. దీనికి సంబంధించి వచ్చిన ఆరోపణల పై దర్యాప్తును ఈ ఏడాది ఏప్రిల్‌లో ప్రారంభించిన విషయం తెలిసిందే. ఇందులో భాగంగా ఇంజనీర్‌ ఇన్‌ చీఫ్‌(ఈఎన్సీ), సూపరింటెండెంట్‌ ఇంజనీర్‌గా పని చేసి పదవీవిరమణ చేసిన హరిరాం, ఆనంద్‌లను గురువారం విచారణకు పిలిచారు. ఇప్పటికే వివరాల సేకరణ రిజర్వాయర్‌ ఇన్వెస్టిగేషన్‌, సర్వే, ప్రాజెక్టు సమగ్ర నివేదిక (డీపీఆర్‌), ఫిజిబిలిటీ రిపోర్టు, అంచనాలు, ఒప్పందాలకు సంబంధించి పరిపాలన, సాంకేతిక అనుమతులు, మట్టి కట్ట నిర్మాణానికి అమోదించిన డిజైన్స్‌, డ్రాయింగ్స్‌, జియాలాజికల్‌ ఇన్వెస్టిగేషన్‌ వివరాలను తెప్పించుకున్నారు. నీటి లభ్యత వివరాలు, ఒరిజినల్‌ ఎలైన్‌మెంట్‌, మార్పు చేసి ఉంటే ఇందుకు సంబంధించిన వివరాలను సేకరించింది. భూ సేకరణ, అటవీ భూమి మళ్లింపు, భూసేకరణ చేసిన వారికి చేసిన చెల్లింపుల వివరాలను ఇప్పటికే సేకరించినట్లు విశ్వసనీయ సమాచారం. విచారణకు పిలవడంతో.. రంగనాయకసాగర్‌ నిర్మాణంలో పై విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు దర్యాప్తు చేపట్టారు. ఆరు నెలలుగా విజిలెన్స్‌ విచారణ చేస్తున్నారు. ఇద్దరు అధికారులను విచారణకు పిలవడంతో గతంలో పని చేసిన ఇరిగేషన్‌ అధికారులు ఆందోళన చెందుతున్నారు. రంగనాయకసాగర్‌ రిజర్వాయర్‌ నిర్మాణం సమయంలో పనిచేసిన ఏఈ, డీఈఈ, ఈఈలు తమ మేడకు ఎక్కడ చుట్టూకుంటుందో అని తలలు పట్టుకుంటున్నారు. భూసేకరణ సమయంలో ఏఈ, డీఈఈలు సైతం తమ చేతి వాటం ప్రదర్శించినట్లు చర్చసాగుతోంది.

సిద్దిపేటజోన్‌: బతుకమ్మ వేడుకలను అంగరంగ వైభవంగా నిర్వహించాలని, బతుకమ్మ నిమజ్జన ఏర్పాట్లలో రాజీ పడొద్దని కలెక్టర్‌ హైమావతి ఆదేశించారు. బుధవారం జిల్లా కేంద్రంలోని కోమటిచెరువు, ఎర్ర చెరువు, నర్సాపురం, రంగధాంపల్లి చెరువు, మచ్చవాని కుంట తదితర ప్రాంతాల్లో కలెక్టర్‌ ఆకస్మికంగా తనిఖీ చేశారు. ఆయా చెరువుల వద్ద జరుగుతున్న ఏర్పాట్లు పరిశీలించారు. బతుక మ్మ పండుగను ప్రశాంత వాతావరణంలో జరిగేలా అవసరమైన ఏర్పాట్లు పూర్తి చేయాలని సూచించారు. కోమటి చెరువు వద్ద పారిశుద్ధ్య నిర్వహణ లోపాలు ఉండడంతో కలెక్టర్‌ ఆగ్రహం వ్యక్తంచేశారు. నిర్వహణ ఇన్‌చార్జి, పర్యాటక శాఖ అధికారుల తీరుపై మండిపడ్డారు. సద్దుల బతుకమ్మ వరకు పూర్తి స్థాయిలో ఏర్పాట్లు పూర్తి చేయాలన్నారు. చెరువుల వద్ద ప్రమాదాల నియంత్రణకు హెచ్చరిక బోర్డులు ఏర్పాటు చేయాలన్నారు. చెరువుల్లో రోజువారీ బతుకమ్మ పూలను తొలగించి పారిశుద్ధ్య నిర్వహణ సక్రమంగా అమలు చేయాలని సూచించారు. నిమజ్జన ప్రాంతాల్లో అవసరమైన చోట బారికేడ్లు, లైటింగ్‌, వైద్యసదుపాయాలు, అత్యవసర సేవలు అందుబాటులో ఉండాలన్నారు. ఓటరు నమోదుకు మరో అవకాశం సిద్దిపేటరూరల్‌: వలసవెళ్లిన వారు, 18 ఏళ్లు పైబడిన వారికి ఓటరు నమోదు చేసుకునేందుకు మరో అవకాశం కల్పించింది. ఈనెల 15, 16వ తేదీల్లో ప్రత్యేక ఓటరు నమోదు కార్యక్రమాన్ని నిర్వహించనున్నారు. ఈ అవకాశాన్ని ప్రజలు సద్వి నియోగం చేసుకోవాలని కలెక్టర్‌ హైమావతి ఒక ప్రకటనలో పేర్కొన్నారు. నమోదు చేసుకున్న వారి వివరాలను నవంబర్‌ 9న ప్రచురించే ఓటరు ముసాయిదాలో చేర్చనున్నట్లు తెలిపారు. బీఎల్‌ఓలు అందుబాటులో ఉంటారన్నారు.

బీఆర్‌ఎస్‌ శ్రేణులకు కేటీఆర్‌ భరోసాగజ్వేల్‌: గజ్వేల్‌కు మరోసారి వచ్చి రోజంతా మీతోనే ఉంటానని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ శ్రేణులకు భరోసా ఇచ్చారు.బుధవారం గోదావరిఖనిలోని సింగరేణి కార్మిక గర్జన బహిరంగ సభకు వెళ్తున్న కేటీఆర్‌ గజ్వేల్‌ మండలం రిమ్మనగూడ వద్ద ఆగారు. ఈ సందర్భంగా ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి ఆధ్వర్యంలో బీఆర్‌ఎస్‌ నాయకులు, ప్రజా ప్రతినిధులు పెద్ద సంఖ్యలో అక్కడికి చేరుకొని కేటీఆర్‌కు ఘనస్వాగతం పలికారు. అనంతరం స్థానిక నాయకులు, కార్యకర్తలతో కేటీఆర్‌ ఆప్యాయంగా మాట్లాడుతూ మరోసారి గజ్వేల్‌కు వస్తానని, ఆ రోజంతా మీతోనే ఉంటానని బీఆర్‌ఎస్‌ శ్రేణులకు హామీ ఇచ్చి గోదావరిఖనిలో జరుగనున్న బహిరంగ సభకు వెళ్ళారు. కేటీఆర్‌ వ్యాఖ్యలతో పార్టీ శ్రేణుల్లో ఉత్సాహం నెలకొంది. కార్యక్రమంలో మున్సిపల్‌ చైర్‌పర్సన్‌ గంగిశెట్టి చందనతో పాటు బీఆర్‌ఎస్‌ నాయకులు, కార్యకర్తలు పాల్గొన్నారు.

హుస్నాబాద్‌: అడవిలో ఉండాల్సిన కోతులు.. జనావాసాల్లో బీభత్సం సృష్టిస్తున్నాయి. నడిచి వెళ్తున్న బాటసారులు, చిన్నారులపై, వృద్ధులు, మహిళలపై వానరాలు దాడులు చేస్తూ తీవ్ర భయాందోళనను కలిగిస్తున్నాయి. హుస్నాబాద్‌ పట్టణంలో ఏ వీధి చూసినా కోతుల గుంపులు స్వైర విహారం చేస్తున్నాయి. ఇంట్లో ఉన్న సామానులను చిందరవందర చేస్తూ తినే ఆహారాన్ని సైతం ఎత్తుకెళ్తున్న దుస్థితి. ద్విచక్ర వాహనాలపై వెళ్తున్న వారిని వెంటాడుతున్నాయి. కోతుల దాడులతో గాయాలపాలై ఆస్పత్రులకు వెళ్లి చికిత్స పొందుతున్న వారి సంఖ్య రోజురోజుకు పెరుగుతోంది. గుడి, బడిని సైతం.. ఎక్కడ చూసినా మేమే అన్నట్లుగా ప్రతి చోట వానర సైన్యం కాపు కాస్తోంది. దైవ కార్యం కోసం గుడులకు వెళ్లిన భక్తులపై కోతులు దాడులు చేస్తున్నాయి. పూజా సామగ్రి, నైవేద్యాన్ని చూసి దాడులకు తెగబడతున్నాయి. కోతుల భయంలో ఆచితూచి జాగ్రత్తలు తీసుకొని దర్శనం చేస్తుకుంటున్నారు. నివారణకు చర్యలేవి... హుస్నాబాద్‌ పట్టణంలో కోతులు, పందులు, కుక్కల నివారణకు ఎలాంటి చర్యలు తీసుకోవడం లేదని స్థానికుల నుంచి విమర్శలు వెల్లువెత్తుతున్నాయి. ఐదు నెలల క్రితం మున్సిపల్‌ ఆధ్వర్యంలో కోతుల పట్టేవారిని పిలిచి రెండు, మూడు రోజులు పట్టే ప్రయత్నం చేశారు. వారు వెళ్లిపోవడంతో మళ్లీ కోతుల గురించి పట్టించుకోవడం మానేశారు. మున్సిపల్‌ పాలకవర్గ సమావేశంలో కోతులను నివారించాలని, అందుకు తగు చర్యలు తీసుకోవాలని తీర్మానం చేస్తున్నారు. తీర్మానాలకే పరిమితం తప్ప ఆచరణలో శూన్యం. పేట్రేగుతున్న కోతులు

వర్గల్‌(గజ్వేల్‌): ఆధ్యాత్మికత నెలవు వర్గల్‌ విద్యా సరస్వతి క్షేత్రం దసరాశరన్నవరాత్రోత్సవ శోభతో అలరారుతోంది. ఉత్సవాల్లో నాలుగోరోజు బుధవారం అమ్మవారు సృష్టి, స్థితి లయకారిణి లలితాపరమేశ్వరిదేవిగా భక్తులకు దివ్యదర్శనమిచ్చారు. ఆదిశక్తిని స్మరిస్తూ చతుషష్ట్యుపచార, రాజోపచార పూజలు, సప్తశతి పారాయణం, చండీ హవనం నిర్వహించారు. వివిధ ప్రాంతాల భక్తులు అమ్మవారిని దర్శించుకుని తరించారు.కొండపాక(గజ్వేల్‌): మర్పడ్గలో గల విజయదుర్గ సమేత సంతాన మల్లికార్జున స్వామి క్షేత్రంలో దేవీ శరన్నవరాత్రోత్సవాలు వైభవంగా జరుగుతున్నాయి. నాల్గవ రోజు బుధవారం అమ్మవారు శాకాంబరీ స్వరూపిణీ మాతగా దర్శనమిచ్చారు. క్షేత్రం నిర్వాహకుడు చెప్పెల హరినాథ శర్మ ఆధ్వర్యంలో పూజా కార్యక్రమాలను నిర్వహించారు.

ప్రశాంత్‌నగర్‌(సిద్దిపేట): దేశంలోని అనేక రాష్ట్రాలలో జరిగిన ఎన్నికల్లో ఎన్‌డీఏ అధికార పక్షం ఓట్ల చోరీతో అధికారంలోకి వస్తోందని, ఇకనుంచి ఓట్ల చోరీ చెల్లదని బీఎన్‌ఆర్‌కేఎస్‌ రాష్ట్ర అధ్యక్షుడు దరిపల్లి చంద్రం అన్నారు. మంగళవారం జిల్లా కేంద్రంలో ఏర్పాటు చేసిన రాష్ట్ర భవన నిర్మాణ రంగాల కార్మిక సంఘం సమావేశానికి ముఖ్య అతిథిగా దరిపల్లి చంద్రం హాజరయ్యారు. ఈ సందర్భంగా ఆయన మాట్లాడుతూ కేంద్రంలో అధికారంలో ఉన్న బీజేపీ ప్రభుత్వం ఎన్నికల కమిషన్‌ను తమ జేబు సంస్థగా మార్చుకుందన్నారు. సీఈసీ జ్ఞానేశ్‌కుమార్‌ అవకతవకలకు బాధ్యత వహిస్తూ తక్షణం రాజీనామా చేయాలన్నారు. అక్షరాస్యత లేని వారు తమ వివరాలను పూర్తి స్థాయిలో తెలపకపోతే ఓట్లను తొలగించడం సరికాదన్నారు. రాష్ట్రవ్యాప్తంగా అనేక మంది కార్మికులు తమ ఓటు హక్కును కోల్పోయారన్నారు. వెంటనే సర్‌ ప్రక్రియను నిలిపివేయాలన్నారు. రాష్ట్రంలో బీజేపీ ఎమ్మెల్యేలు, ఎంపీల ఇళ్లను ముట్టడిస్తామన్నారు. కార్యక్రమంలో మల్లేశం, వేణు, మల్లేశం, పర్శరాములు, మహేందర్‌, ఎల్లం, ప్రసాద్‌, పాల్గొన్నారు.

సాక్షి, సిద్దిపేట: గ్రామీణ ప్రాంతాల్లో వ్యవసాయ కూలీలకు ఉపాధి పనులు భరోసా ఇస్తున్నాయి. ఎల్‌నినో ఎఫెక్ట్‌తో పంటల సాగు ఆశించిన స్థాయిలో లేకపోవడంతో వ్యవసాయ కూలీలు, ఇతరులు ఇబ్బందులు పడవద్దన్న ఉద్దేశంతో వీబీ జీ రామ్‌జీలో భాగాంగా ప్రత్యేక ప్రణాళికలను రూపొందించారు. జిల్లా వ్యాప్తంగా రోజుకు సగటున 9వేల మంది కార్మికులు ఒక్కో గ్రామంలో సగటున 19 మంది కార్మికులు పనులకు హాజరవుతున్నారు. కనీసం ఒక్కో గ్రామంలో 50మంది కూలీలకు ఉపాధి కల్పించడమే లక్ష్యంగా నిర్ణయించారు. కూలీల సమీకరణలో .. కూలీల సమీకరణలో సర్పంచ్‌లు, వార్డు సభ్యులు, పంచాయతీ కార్యదర్శులను భాగస్వాములను చేయాలని ప్రభుత్వం ఆదేశించింది. కార్యదర్శులు క్షేత్రస్థాయిలో సిబ్బందితో సమన్వయం చేసుకుంటూ పనులకు డిమాండ్‌ పెంచాలి. ప్రతి గ్రామ పంచాయతీలో అవసరమైన పనులను గుర్తించి, నిరంతరాయంగా ఉపాధి కల్పించేలా కార్యాచరణ ప్రణాళికలు రూపొందించాలి. పనుల నిర్వహణ, కొలతలు పని విభజన సక్రమంగా ఉండేలా పర్యవేక్షణ పటిష్టం చేశారు. వచ్చే వారం నుంచి కార్మికుల హాజరు పురోగతి ఉండేలా ప్రణాళికలను రూపొందించారు. కూలీలకు అవగాహన.. ఎంపీడీఓ, ఎంపీఓ, టీఏలు బృందాలు ఏర్పాటు చేసి ప్రతీ గ్రామంలో సభలను నిర్వహిస్తున్నారు. గ్రామసభల్లో వీబీజీ రామ్‌జీ ద్వారా కల్పించే పనులపై కూలీలకు అవగాహన కల్పించడంతో పాటు వివిధ శాఖల అధికారులు అందరూ విధిగా హాజరై తమ శాఖకు అవసరమైన పనులను గుర్తించి ప్రణాళికలో చేర్చాలి. ఆయా పనులను జీపీఎస్‌ లోకేషన్‌ ఆధారంగా పరిశీలించాలి. గుర్తించిన పనులను ప్రాధాన్య క్రమంలో సూచిస్తూ వికసిత్‌ గ్రామ పంచాయతీ ప్రణాళికలు ఆమోదం చేపట్టాలి. కూలీల వివరాలు (లక్షల్లో) మొత్తం జాబ్‌ కార్డులు: 1.97 కూలీల సంఖ్య: 3.88 యాక్టివ్‌ ఉన్న జాబ్‌ కార్డులు: 1.19 యాక్టిక్‌ ఉన్న కూలీల సంఖ్య: 1.97ఎల్‌నినో ఎఫెక్ట్‌ వేళ..

హుస్నాబాద్‌: కోతుల బారి నుంచి రక్షించాలంటూ పిల్లలు మొరపెట్టుకున్నారు. ఈ మేరకు మంగళవారం పట్టణంలోని టీచర్స్‌ కాలనీకి చెందిన చిన్న పిల్లలు మున్సిపల్‌ కార్యాలయానికి వెళ్లి వినతిపత్రం అందించారు. తాము ఇంట్లో నుంచి బయటికి వెళ్దామంటే కోతులు దాడి చేస్తున్నాయని ఆవేదన వ్యక్తం చేశారు. దసరా సెలవుల్లో కూడా ఇంటి బయటకు వచ్చి ఆడుకోలేక పోతున్నామని వాపోయారు. చాలా సార్లు కోతుల దాడులకు గురయ్యామని తెలిపారు. కార్యక్రమంలో టీచర్స్‌ కాలనీ పిల్లలు తదితరులు ఉన్నారు. గజ్వేల్‌ వైద్యవిద్యార్థినికి బంగారు పతకం గజ్వేల్‌: కాళోజీ నారాయణరావు వైద్య విశ్వవిద్యాలయం ప్రకటించిన పీజీ వైద్యుల ఉత్తీర్ణత ఫలితాల్లో గజ్వేల్‌కు చెందిన డాక్టర్‌ గుడ్డోజు సునంద ఎంఎస్‌–ఈఎన్‌టీ విభాగంలో తెలంగాణలోనే అత్యధిక మార్కులతో డిస్టింక్షన్‌లో మొదటి ర్యాంకు సాధించి బంగారు పతకాన్ని కై వసం చేసుకున్నది. పట్టణానికి చెందిన గుడ్డోజు కృష్ణమూర్తి–సునీత దంపతుల కుమార్తె సునంద ఎంబీబీఎస్‌ ఎల్బీనగర్‌లోని కామినేని మెడికల్‌ పూర్తి చేశారు. అ తర్వాత పీజీ(ఎంఎస్‌–ఈఎన్‌టీ)ని కాళోజి నారాయణరావు వైద్య విశ్వవిద్యాలయం పరిధిలోని మెయినాబాద్‌ భాస్కర మెడికల్‌ కళాశాలలో పూర్తి చేశారు. ఆ విద్యార్థిని ప్రతిభపై పట్టణంలో అభినందనలు వెల్లువెత్తాయి. సమస్యలు పరిష్కరించండి ఎన్‌హెచ్‌ఎం ఉద్యోగుల డిమాండ్‌ సిద్దిపేటరూరల్‌: నేషనల్‌ హెల్త్‌ మిషన్‌(ఎన్‌హెచ్‌ఎం) ఉద్యోగుల రెగ్యులరైజేషన్‌, ఉద్యోగ భద్రత, వేతన సంబంధిత సమస్యలు ప్రభుత్వం వెంటనే పరిష్కరించాలని డిమాండ్‌ చేశారు. ఈ మేరకు మంగళవారం కలెక్టరేట్‌ ఎదుట ఎన్‌హెచ్‌ఎం ఉద్యోగులు నిరసన చేపట్టారు. ఈ సందర్భంగా వారు మాట్లాడుతూ ఎన్‌హెచ్‌ఎం ఉద్యోగుల సమస్యల పరిష్కారం కోరుతూ ఎన్నోసార్లు ప్రజాప్రతినిధులకు వినతి పత్రాలను అందజేసినప్పటికీ ఎలాంటి ఫలితం లేదన్నారు. ప్రభుత్వంపై ఒత్తిడి చేసేందుకే శాంతియుతంగా తమ నిరసనను వ్యక్తం చేయనున్నట్లు తెలిపారు. కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు కాల్వ చక్రధ ర్‌, ప్రధాన కార్యదర్శి శ్రీనివాస్‌రెడ్డి, అసోసియే ట్‌ ప్రెసిడెంట్‌ భాస్కర్‌, రాష్ట్ర ఆర్గనైజింగ్‌ కార్యదర్శి రాజు గౌడ్‌, ఎన్‌ హెచ్‌ఎం జిల్లా కోఆర్డినే టర్‌ రాజు, మహిళా వింగ్‌ అధ్యక్షురాలు శోభ, ఉపాధ్యక్షులు నాగేందర్‌ రెడ్డి పాల్గొన్నారు. ప్రిన్సిపాల్‌పై చర్యలు తీసుకోండి దుబ్బాక: నిబంధనలకు విరుద్ధంగా పాత సామగ్రి విక్రయించిన దుబ్బాక ప్రభుత్వ జూనియర్‌ కళాశాల ప్రిన్సిపాల్‌పై చర్యలు తీసుకో వాలని మంగళవారం తహసీల్దార్‌ కు సీపీఎం నాయకులు వినతిపత్రం అందించారు. దీనిపై విచారణ జరిపించి చర్యలు తీసుకోవాలని కోరారు. కార్యక్రమంలో సీపీఎం నాయకులు గొడ్డుబర్ల భాస్కర్‌, సాజిద్‌, కొంపల్లి భాస్కర్‌, ఎల్లయ్య, మహేష్‌ తదితరులు ఉన్నారు. స్వచ్ఛతను మరిచిన పాలకులు హుస్నాబాద్‌రూరల్‌: పల్లెల్లో చెత్త కుప్పలే దర్శనమిస్తున్నాయి. గ్రామాలను స్వచ్ఛతగా ఉంచాలని ప్రభుత్వం డంపింగ్‌ యార్డులను నిర్మించినా అధికారుల పర్యవేక్షణ లోపంతో పారిశుద్ధ్యం లోపిస్తోంది. పందిల్ల ఎస్సీ కాలనీలో పేదల నివాసల సమీపంలోనే చెత్త కుప్పలే దర్శనమిస్తున్నాయి. పాలకులకు ఇది కన్పించడం లేదా అని గ్రామస్తులు ప్రశ్నిస్తున్నారు. చెత్తను తొలగించి పేదల వాడలను స్వచ్ఛతగా మార్చాలని డిమాండ్‌ చేస్తున్నారు.

● ఎండుతున్న పంటలు.. ● ట్యాంకర్‌తో నీళ్లు పారిస్తున్న రైతులు దుబ్బాకటౌన్‌: ఫొటోలో కనిపిస్తున్న కౌలు రైతు పేరు బాలమల్లు. దుబ్బాక మున్సిపల్‌ పరిధి లోని ధర్మాజీపేట వార్డుకు చెందిన ఆయన.. గ్రామంలో 4 ఎకరాల భూమిని కౌలుకు తీసుకొని వరి వేశారు. వరి పొలం ఎండిపోతోందని ఆవేదనతో, చేసేదేమీ లేక డబ్బులు పెట్టి వాటర్‌ ట్యాంకర్‌ తెప్పించి పొలానికి నీళ్లు పెడుతున్నారు. ఇలా చాలా మంది రైతులు జిల్లా వ్యాప్తంగా వ్యవసాయానికి సకాలంలో కరెంట్‌ రాక తీవ్ర ఇబ్బందులు పడుతున్నారు. పంట చేతికి వచ్చే దశలో కరెంట్‌ సరిగా రాక, నీరు పారక పొలాలు ఎండుతున్నాయి. బోరుబావులు, మోటార్లు ఉన్నా.. కరెంట్‌ లేకపోవడంతో నీళ్లు పారడం లేదని రైతులు వాపోతున్నారు. చేతికొచ్చే దశలో పొలం వాడిపోతోంది. పంటను కాపాడుకోవడానికి రైతులు తప్పనిసరి పరిస్థితిలో ట్యాంకర్‌ ద్వారా నీళ్లు పోస్తున్నారు. ఒక ట్యాంకర్‌ నీటికి రూ.వెయ్యి నుంచి రూ.1200 వరకు ఖర్చు అవుతుందని, ఇలా రోజూ ట్యాంకర్లతో నీళ్లు పోస్తే పెట్టుబడి కూడా రాదని రైతులు ఆవేదన వ్యక్తం చేస్తున్నారు. కష్టాన్ని నమ్ముకుని కౌలుకు తీసుకొని వరి వేస్తే నోటికాడి బువ్వను తన్నుకుపోయినట్లు కరెంట్‌ కోతలు పొట్ట మీద కొడుతున్నాయని వాపోయారు. వ్యవసాయానికి అవసరమయ్యే విద్యుత్‌ ఇచ్చి ఎండుతున్న పంటలను కాపాడాలని పలువురు రైతులు కోరుతున్నారు.

విచారణ జరుపుతాంఆలయంలో ఒగ్గు పూజారుల సంఖ్య పెంపు వ్యవహారంపై సమగ్ర విచారణ జరపడానికి దేవాదాయ శాఖ అధికారులు కమిటీ ఏర్పాటు చేశారు. ఒగ్గు పూజారుల నియామకానికి కొంత మంది దళారులు వసూలు చేస్తున్న డబ్బులతో నాకు ఎలాంటి సంబంధం లేదు. కమిటీ సభ్యులు సమగ్ర విచారణ జరిపి అధికారులకు నివేదిక అందిస్తారు. – సుధాకర్‌ రెడ్డి, ఆలయ ఈఓకొమురవెల్లి(సిద్దిపేట): కొమురవెల్లి మల్లికార్జున స్వామి ఆలయంలో ఒగ్గు పూజారుల సంఖ్య పెంచేందుకు దళారులు డబ్బుల వసూలు దందాను మళ్లీ మొదలుపెట్టారు. ఈ దందాను గత జనవరిలో దేవాదాయ శాఖ కార్యాలయంలో పని చేసే అధికారి తిరస్కరించారు. అతను బదిలీ కావడంతో దందాను మళ్లీ ప్రారంభించారు. ఆలయంలో రెండు రకాల పూజలు నిర్వహిస్తారు. స్వామి గర్భగుడిలో వీరశైవ అర్చకులు పూజలు నిర్వహిస్తే, ఆలయం బయట జానపద రీతిలో స్వామి వారికి ఒగ్గు పూజారులు పట్నం వేసి పూజలు నిర్వహిస్తారు. వీరశైవ అర్చకులకు దేవాదాయ శాఖ వేతనాలు చెల్లిస్తుంది. ఒగ్గు పూజారులకు పట్నాల టికెట్ల నుంచి వచ్చే ఆదాయంలో 50 శాతం చెల్లిస్తారు. ఇప్పటి వరకు ఆలయంలో 163 మంది ఒగ్గు పూజారులున్నారు. అదనంగా మరో 56 మందిని నియమించాలని కొంత మంది గుట్టు చప్పుడు కాకుండా దేవాదాయ శాఖకు నివేదించారు. అంతేకాకుండా నియామకమవుతున్న వారి నుంచి రూ.3లక్షల చొప్పున బేరం కుదుర్చుకున్నారు. ప్రస్తుతం ఒక్కొక్కరి నుంచి రూ.2 లక్షలు వసూలు చేసినట్లు సమాచారం. మిగతా రూ.లక్ష పని పూర్తయిన తర్వాత ఇచ్చేలా ఒప్పందం చేసుకు న్నారు. ఈ అక్రమాలపై సమగ్ర విచారణ జరిపి వీలైనంత త్వరలో నివేదిక అందించాలని ముఖ్య కార్యదర్శి శైలజ రామయ్యర్‌, దేవాదాయ శాఖ కమిషనర్‌ హన్మంతరావును ఆదేశించారు. వెంటనే ఆయన అదనపు కమిషనర్‌, జాయింట్‌ కమిషనర్‌, డిప్యూటీ కమిషనర్‌, అసిస్టెంట్‌ కమిషనర్‌, ఆలయ ఈఓ, ఒగ్గుపూజారుల ప్రతినిధితో కమిటీ ఏర్పాటు చేశారు. దీంతో కొంత కాలం పాటు గుట్టు చప్పుడు కాకుండా వ్యవహరించిన దళారులు ప్రస్తుతం ఓ మంత్రి ద్వారా రూ.70 లక్షల ఒప్పందం కుదుర్చుకుని ఫైల్‌ను కదుపుతున్నట్లు సమాచారం.

● ‘గౌరవెల్లి’కి నిధులు మంజూరు చేయాలి ● మాజీ ఎమ్మెల్యే చాడ వెంకట్‌ రెడ్డి హుస్నాబాద్‌: కాంగ్రెస్‌ ప్రభుత్వం ఎన్నికల్లో ఇచ్చిన హామీ మేరకు హుస్నాబాద్‌ను కరీంనగర్‌ జిల్లాలో కలపాలని మాజీ ఎమ్మెల్యే చాడ వెంకట్‌రెడ్డి డిమాండ్‌ చేశారు. మంగళవారం పట్టణంలోని అనబేరి సింగిరెడ్డి అమరుల భవన్‌లో ఆయన విలేకరులతో మాట్లాడారు. సిద్దిపేట జిల్లాలో హుస్నాబాద్‌ నియోజకవర్గాన్ని విలీనం చేయవద్దని ఆనాడే వ్యతిరేకించామన్నారు. కాంగ్రెస్‌ ప్రభుత్వం అధికారంలోకి వచ్చి మూడేళ్లు గడుస్తున్నా నేటికి విలీన ప్రక్రియను ప్రారంభించలేదన్నారు. కేసీఆర్‌ ప్రభుత్వ హయాంలో గౌరవెల్లి ప్రాజెక్టును పూర్తి చేయకుండా వివక్ష చూపారన్నారు. కాంగ్రెస్‌ ప్రభుత్వం గౌరవెల్లి ప్రాజెక్టు పూర్తి చేసేందుకు కావల్సిన నిధులను విడుదల చేయాలన్నారు. సాగు నీరు లేక, కరెంట్‌ సరిగా రాక వేసిన పంటలు ఎండిపోతున్నాయని తెలిపారు. ప్రభుత్వం వెంటనే కరువు మండలాలను ప్రకటించి కరువు సహాయక చర్యలు చేపట్టాలని డిమాండ్‌ చేశారు. ఆర్టీసీ ఎన్నికల్లో విజయం సాధించిన టీఎంయూ, ఈయూ కూటమి ఆర్టీసీని ప్రభుత్వంలో విలీనం, పలు డిమాండ్ల సాధనకై పోరాటాలు చేయాలన్నారు. సర్‌ పేరుతో ఓట్లను తొలగించి ఓట్‌ చోరీకి పాల్పడ్డారని ఆరోపించారు. సమావేశంలో సీపీఐ జిల్లా సహాయ కార్యదర్శి గడిపె మల్లేశ్‌, నియోజకవర్గ కన్వీనర్‌ జాగీర్‌ సత్యనారాయణ, నాయకులు కొయ్యడ కొమురయ్య, లక్ష్మీనారాయణ తదితరులు ఉన్నారు.

దుబ్బాకటౌన్‌: గ్రామీణ పాలనలో పారదర్శకత పెంచేందుకు ప్రభుత్వం కీలక నిర్ణయం తీసుకుంది. రాష్ట్ర వ్యాప్తంగా అన్ని గ్రామపంచాయతీలకు చెందిన పారిశుద్ధ్య ట్రాక్టర్లకు జీపీఎస్‌ సిస్టమ్‌ అమర్చే ప్రక్రియ మొదలైంది. ఇందులో భాగంగా జిల్లాలోని 493 గ్రామపంచాయతీలలో ఈ పనులు వేగంగా జరుగుతున్నాయి. కొన్నేళ్లుగా గ్రామపంచాయతీలకు చెందిన ట్రాక్టర్లు, వాటర్‌ ట్యాంకర్లు నిర్వహణలో అక్రమాలు జరుగుతున్నాయనే ఫిర్యాదులు వెల్లువెత్తాయి. కొందరు పంచాయతీ ట్రాక్టర్లను తమ సొంత వ్యవసాయ పనులకు, ఇటుక బట్టీలకు, ఇతర వాణిజ్య అవసరాలకు వాడుకుంటున్నారని, వచ్చిన ఆదాయాన్ని సొంత జేబులో వేసుకుంటూ, డీజిల్‌ ఖర్చు మాత్రం పంచాయతీ నిధుల నుంచి చూపిస్తున్నారనే ఆరోపణలు వచ్చాయి. చెత్త సేకరణకు వెళ్లాల్సిన ట్రాక్టర్‌ వెళ్లకపోవడం వల్ల పల్లెల్లో పారిశుద్ధ్యం లోపిస్తోందని ఆరోపణ. ఈ అక్రమాలకు అడ్డుకట్ట వేసేందుకే ప్రభుత్వం జీపీఎస్‌ విధానాన్ని అమలులోకి తెచ్చింది. పైలెట్‌ ప్రాజెక్టు విజయవంతం కావడంతో.. జగదేవపూర్‌ మండలంలో పైలెట్‌ ప్రాజెక్టుగా జీపీఎస్‌ బిగించి విజయవంతం కావడంతో ఇప్పుడు జిల్లా మొత్తం పనులు మొదలయ్యాయి. ప్రతి ట్రాక్టర్‌ కు ఒక చిన్న జీపీఎస్‌ చిప్‌ అమర్చుతారు. దీని ద్వారా లైవ్‌ లొకేషన్‌, ట్రాక్టర్‌ ప్రస్తుతం ఎక్కడ ఉంది, రూట్‌ హిస్టరీ, ఉదయం నుంచి సాయంత్రం వరకు ఎక్కడెక్కడ తిరిగింది, ఎన్ని కిలోమీటర్లు నడిచింది అనే సమాచారం నిక్షిప్తమై ఉంటుంది. జియో ఫెన్సింగ్‌ ఒక వేళ పంచాయతీ పరిధి దాటి ట్రాక్టర్‌ బయటకు వెళ్తే వెంటనే ఉన్నతాధికారులకు అలర్ట్‌ వెళ్తుంది. ఎన్ని గంటలు పనిచేసింది? ఎక్కడ ఎక్కువసేపు ఆగింది? అనేది రికార్డ్‌ అవుతుంది. ఈ డేటా మొత్తం మండల పంచాయతీ అధికారి, జిల్లా పంచాయతీ అధికారి మొబైల్‌ యాప్‌లో ప్రత్యక్షంగా కనిపిస్తుంది. 493 గ్రామ పంచాయతీల్లో.. జిల్లాలో 508 పంచాయతీలు ఉన్నాయి. దాదాపు ప్రతి పంచాయతీకి ఒక ట్రాక్టర్‌, ఒక ట్రాలీ, ఒక వాటర్‌ ట్యాంకర్‌ ఉంది. ప్రస్తుతం ఉన్న 493 వాహనాలకు ఈ జీపీఎస్‌లు అమర్చాల్సి ఉంది. దీని వల్ల రోజూ చెత్త సేకరణ 100 శాతం జరుగుతుంది. నెలకు ఒక్కో పంచాయతీలో రూ.5 వేల నుంచి 8 వేల వరకు డీజిల్‌ ఖర్చు ఆదా అవుతుందని అంచనా. దీంతో ప్రభుత్వ నిధులు దుర్వినియోగం కాకుండా ఉంటాయి.

● అదనపు కలెక్టర్‌ లక్ష్మీకిరణ్‌ ● అధికారులకు దిశానిర్దేశం సిద్దిపేటరూరల్‌: దసరా పండుగ తర్వాత జిల్లాలో పత్తి పంట కొనుగోళ్లు చేపట్టాలని అదనపు కలెక్టర్‌ లక్ష్మీ కిరణ్‌ అధికారులను ఆదేశించారు. మంగళవారం కలెక్టరేట్‌లోని మీటింగ్‌ హాల్‌లో పత్తి కొనుగోలు సంబంధిత శాఖల అధికారులతో సమావేశం నిర్వహించి కొనుగోలు కేంద్రాల ఏర్పాటుపై అదనపు సమీక్షించారు. ఈ సందర్భంగా ఆమె మాట్లాడుతూ జిల్లాలోని 9 వ్యవసాయ మార్కెట్‌ కమిటీల పరిధిలో 23 సీసీఐ కొనుగోలు కేంద్రాల ద్వారా పత్తి కొనుగోలు చేయాలన్నారు. కొనుగోలు కేంద్రాలలో తూకం యంత్రాలు, తేమ శాతం తెలిపే యంత్రాలు సిద్ధం చేయాలన్నారు. రైతులకు ఎలాంటి ఇబ్బందులు కలగకుండా కొనుగోలు కేంద్రాల వద్ద తాగునీరు, తదితర సౌకర్యాలు కల్పించాలన్నారు. కార్యక్రమంలో జిల్లా మార్కెటింగ్‌ అధికారి దుర్గం ప్రకాష్‌, జిల్లా వ్యవసాయ అధికారి, జిల్లా తూనికలు, కొలతల అధికారి శివరంజని, సీసీఐ అధికారులు, పత్తి మిల్లర్లు, మార్కెటింగ్‌ శాఖ సిబ్బంది తదితరులు పాల్గొన్నారు.

ప్రజావాణిలో ఫిర్యాదు చేసిన రైతులు హుస్నాబాద్‌: శ్రీకర్‌ సీడ్స్‌ కంపెనీ ప్రతినిధులు చెప్పిన మాటలు విని వరి సాగు చేసి తీవ్రంగా నష్టపోయామని సోమవారం ప్రజావాణిలో రైతులు ఫిర్యాదు చేశారు. కంపెనీ ప్రతినిధులు తమ బావుల వద్దకు వచ్చి శ్రీకర్‌ సీడ్స్‌ వరి విత్తనాలు సాగు చేస్తే ఎకరానికి రూ.70వేలు ఇస్తామని హామీ ఇచ్చినట్లు తెలిపారు. గత యాసంగి సీజన్‌లో 50 ఎకరాల్లో 15 మంది రైతులు వరి సాగు చేయగా, ఎకరానికి రెండు నుంచి మూడు క్వింటాళ్ల దిగుబడి మాత్రమే వచ్చిందని వారు ఆవేదన వ్యక్తం చేశారు. పండిన ధాన్యాన్ని తీసుకువెళ్లినప్పటికి తమకు చెల్లించాల్సిన డబ్బులు ఇవ్వలేదన్నారు. సంబంధిత కంపెనీ ప్రతినిధులపై చట్టపరమైన చర్యలు తీసుకోవాలని ఆర్డీఓకు విజ్ఞప్తి చేశారు. గజ్వేల్‌: ఓటు చోరీ జరిగిందంటూ ఆరోపణలు చేస్తున్న కాంగ్రెస్‌ నేతలు ఆధారాలుంటే బయటపెట్టాలని బీజేపీ రాష్ట్ర అధికార ప్రతినిధి కప్పర ప్రసాదరావు సవాల్‌ చేశారు. సోమవారం గజ్వేల్‌లో ఆయన విలేకరులతో మాట్లాడుతూ ఏ పోలింగ్‌ బూత్‌లో ఎంతమంది ఓట్లు తొలగించారు? ఎవరికి సంబంధించిన ఓట్లను తొలగించారో స్పష్టంగా వెల్లడించాలని ఆయన డిమాండ్‌ చేశారు. హుస్నాబాద్‌లో అర్హులైన ఓట్లను తొలగించారన్న అంశంపై మంత్రి పొన్నం ప్రభాకర్‌ బహిరంగ చర్చకు సిద్దమా? అంటూ ప్రశ్నించారు. ప్రజాస్వామ్యంలో ఓటు అత్యంత కీలకమైన హక్కు అని అన్నారు. అర్హులకు ఓటు దూరమైతే సమగ్ర విచారణ జరగాల్సిందేనని అభిప్రాయపడ్డారు. విలేకరుల సమావేశంలో మున్సిపల్‌ మాజీ చైర్మన్‌ గాడిపల్లి భాస్కర్‌, పార్టీ పట్టణ శాఖ అధ్యక్షుడు మనోహర్‌యాదవ్‌, నాయకులు లక్ష్మణ్‌గౌడ్‌, వెంకట్‌రెడ్డి, రాజేశ్వర్‌చారి తదితరులు పాల్గొన్నారు. గజ్వేల్‌రూరల్‌: భూనిర్వాసితులకు పెండింగ్‌లో ఉన్న సమస్యలను వెంటనే పరిష్కరించాలని సీపీఐ గజ్వేల్‌ నియోజకవర్గ కార్యదర్శి శివలింగ కృష్ణ డిమాండ్‌ చేశారు. ఈ సందర్భంగా మల్లన్నసాగర్‌ ముంపు గ్రామాల ప్రజలతో కలిసి సోమవారం పట్టణంలోని అంబేడ్కర్‌ చౌరస్తా వద్ద నిరసన తెలిపిన అనంతరం ఐవోసీలోని ప్రజావాణిలో ఆర్డీవోకు వినతిపత్రం అందజేశారు. ఆయన మాట్లాడుతూ సర్వం త్యాగం చేసిన ముంపు గ్రామాల ప్రజలకు ప్రభుత్వం ఇస్తామన్న పరిహారం ఇంకా పెండింగ్‌లోనే ఉందన్నారు. ప్రాజెక్టులను నిర్మించి ఏళ్లు గడుస్తున్నా పరిహారం చెల్లించడంలో పాలకులు, అధికారుల నిర్లక్ష్యం తగదన్నారు. కార్యక్రమంలో సీపీఐ నాయకులు వెంకటచారి, వెంకటేశం, భూనిర్వాసితులు పాల్గొన్నారు. సీపీ రష్మీ పెరుమాళ్‌ సిద్దిపేటకమాన్‌: సైబర్‌ నేరాలపై ప్రజలు అప్రమత్తంగా ఉండాలని సీపీ రష్మీ పెరుమాళ్‌ తెలిపారు. సిద్దిపేట ప్రభుత్వ మెడికల్‌ కళాశాలలో వైద్య విద్యార్థులకు సైబర్‌ నేరాలపై అవగహన సదస్సు నిర్వహించారు. కార్యక్రమానికి ముఖ్య అతిథిగా హాజరైన సీపీ రష్మీ పెరుమాళ్‌ మాట్లాడుతూ.. ఆన్‌లైన్‌ ఆర్డర్‌ వస్తువుల డెలివరీ సమయంలో అప్రమత్తంగా ఉండాలన్నారు. గుర్తు తెలియని వ్యక్తుల నుంచి వచ్చే లింకులు ఓపెన్‌ చేయకూడదని తెలిపారు. గుర్తు తెలియని వ్యక్తులకు ఏటీఎం పిన్‌, క్రెడిట్‌ కార్డు వివరాలు, ఫోన్‌లకు వచ్చే ఓటీపీ వివరాలు తెలపకూడదన్నారు. సైబర్‌ నేరాల భారిన పడితే వెంటనే 1930 హెల్ప్‌లైన్‌కు ఫోన్‌ చేయాలని సూచించారు.

● కలెక్టర్‌ హైమావతి ● వచ్చిన దరఖాస్తులు 91 సిద్దిపేటరూరల్‌: ప్రజావాణి కార్యక్రమంలో అందించిన అర్జీలను నిర్లక్ష్యం చేయవద్దని కలెక్టర్‌ హైమావతి అధికారులను హెచ్చరించారు. సోమవారం కలెక్టరేట్‌లోని మీటింగ్‌ హాల్లో నిర్వహించిన ప్రజావాణి కార్యక్రమంలో ప్రజల నుంచి అర్జీలను స్వీకరించారు. దరఖాస్తులను సంబంధిత శాఖల అధికారులకు అందజేసి సత్వర పరిష్కారానికి చర్యలు తీసుకోవాలన్నారు. ప్రజావాణి ఫిర్యాదుల పరిష్కారంపై నిర్లక్ష్యం వహించే అధికారులపై చర్యలు తీసుకుంటామన్నారు. మండల స్థాయిలో జరిగే ప్రజావాణి కార్యక్రమంలో స్వీకరించిన దరఖాస్తులను శాఖల వారీగా పర్యవేక్షించి పరిష్కారానికి చర్యలు తీసుకొని నివేదికలు అందజేయాలని ఆదేశించారు. కార్యక్రమంలో అదనపు కలెక్టర్‌ లక్ష్మీకిరణ్‌, డీఆర్‌ఓ నాగరాజమ్మ, స్పెషల్‌ డిప్యూటీ కలెక్టర్‌, వివిధ శాఖల జిల్లా అధికారులు తదితరులు పాల్గొన్నారు. నిమజ్జనానికి పకడ్బందీ ఏర్పాట్లు హుస్నాబాద్‌: బతుకమ్మ నిమజ్జనానికి అవసరమైన అన్ని సదుపాయాలు కల్పించాలని కలెక్టర్‌ హైమావతి అధికారులను ఆదేశించారు. సోమవారం బతుకమ్మ పండుగను పురస్కరించుకొని హుస్నాబాద్‌ ఎల్లమ్మ చెరువు కట్టపై చేపడుతున్న ఏర్పాట్లను పరిశీలించారు. ఈ సందర్భంగా కలెక్టర్‌ మాట్లాడుతూ బతుకమ్మ పండుగకు వచ్చే మహిళలు, ప్రజలకు ఎలాంటి అసౌకర్యం కలగకుండా అన్ని శాఖల అధికారులు సమన్వయంతో పని చేయాలని సూచించారు. చెరువు కట్ట పరిసరాల్లో పారిశుద్ధ్య నిర్వాహణ, తాగునీటి సరఫరా, విద్యుత్‌ దీపాల ఏర్పాటు చేయాలన్నారు. ప్రజల రద్దీని దృష్టిలో ఉంచుకొని ట్రాఫిక్‌ నియంత్రణ, మహిళల భద్రతకు ప్రత్యేక చర్యలు చేపట్టాలని సూచించారు. అత్యవసర వైద్య సేవలు అందుబాటులో ఉంచాలన్నారు. కార్యక్రమంలో మున్సిపల్‌ చైర్‌పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, కౌన్సిలర్లు, తహసీల్దార్‌, ఆయా శాఖల అధికారులు పాల్గొన్నారు. ఈవీఎంల గోదాం పరిశీలన సిద్దిపేటరూరల్‌: ఈవీఎంల గోదాం వద్ద నిరంతర పర్యవేక్షణ ఉండేలా చర్యలు తీసుకోవాలని కలెక్టర్‌ హైమావతి అధికారులను ఆదేశించారు. సోమవారం కలెక్టరేట్‌ పక్కన గల ఎలక్ట్రానిక్‌ ఓటింగ్‌ యంత్రాల గోదాంను కలెక్టర్‌ క్షేత్రస్థాయిలో పరిశీలించారు. ఈ సందర్భంగా గోదాంలో ఈవీఎంల భద్రత, సీసీ కెమెరాల పనితీరు, భద్రతా సిబ్బంది విధులు, రికార్డుల నిర్వహణ తదితర అంశాలపై ఆరాతీశారు. ఎన్నికల నిర్వహణకు సంబంధించిన అన్ని ఏర్పాట్లలో అప్రమత్తంగా ఉండాలని సూచించారు.

సిద్దిపేటజోన్‌: జిల్లా దశాబ్ది సందర్భంగా నిర్వహించిన పదేళ్ల పండుగ పది తరాలకు గుర్తు ఉండేలా జరిగిందని, ఈ వేడుకల్లో పాల్గొన్న ప్రతి ఒక్కరికీ కృతజ్ఞతలు అంటూ మాజీ మంత్రి హరీశ్‌రావు తెలిపారు. ముగింపు సభకు తరలివచ్చిన ప్రజానీకానికి, కృషి చేసిన పార్టీ నాయకులు, శ్రేణులకు ఆయన ప్రత్యేక కృతజ్ఞతలు తెలియజేశారు. పదేళ్ల పండుగలో అన్ని వర్గాలు స్వచ్ఛందంగా ఎవరికి వారు అనేక కార్యక్రమాలు నిర్వహించారన్నారు. కవులు, కళాకారులు, జర్నలిస్టులు, వైద్యులు, న్యాయవాదులు, ప్రజా సంఘాలు, వ్యాపార వర్గాలు, విద్యావేత్తలు, రిటైర్డ్‌ ఉద్యోగులు, ఉద్యోగ, ఉపాధ్యాయ సంఘాలు, ప్రొఫెసర్లు తదితర సంఘాల ప్రతినిధులకు ఆయన ధన్యవాదాలు తెలిపారు.

నాచగిరి ప్రదక్షిణలో భక్తజన సందోహం వర్గల్‌(గజ్వేల్‌): నాచగిరి లక్ష్మీనృసింహుని సన్నిధానం స్వాతి నక్షత్ర మహోత్సవంతో అలరారింది. గిరి ప్రదక్షిణ సంరంభంతో హరిద్రాతీరం పరవశించింది. శ్రీవారి జన్మనక్షత్రం సందర్భంగా సోమవారం పీఠాధిపతి మాధవానంద సరస్వతిస్వామి స్వీయ పర్యవేక్షణలో ఉదయం ఉత్తరద్వారం వద్ద గిరిప్రదక్షిణ ప్రారంభమైంది. మాజీ ఎమ్మెల్యే నర్సారెడ్డి, వేలాది భక్తులు ‘శ్రీనారసింహ జై’ అంటూ పీఠాధిపతిని అనుసరిస్తూ గిరిప్రదక్షిణ చేశారు. నాచగిరి కొండలు చుడుతూ, హరిద్రా తీరం మీదుగా గిరి ప్రదక్షిణ ఆద్యంతం ఆధ్యాత్మికత వెల్లివిరిసింది. మరోవైపు క్షేత్రంలో సుదర్శన మహాయాగం నిర్వహించి పూర్ణాహుతి చేశారు. రాత్రి సింహవాహనసేవ నిర్వహించారు. భక్తజనులు వేడుకలో పాల్గొని గర్భగుడిలో స్వామివారిని దర్శించుకుని తరించారు.

అమృత్‌ 2.0లో భాగంగా రూ.3.14కోట్ల వ్యయంతో చేపడుతున్న బరిచెరువు సుందరీకరణ పనుల తీరుపై విమర్శలు వెల్లువెత్తుతున్నాయి. ఒక చెరువును మురుగురహితంగా మార్చడానికి మరో కుంటను కలుషితం చేయబోతున్నారు. అంతేకాకుండా ఆ కుంట నుంచి మురుగు బయటకు వెళ్లే కాల్వలు లేక, పట్టణంలోని కాలనీల్లోకి ముంచెత్తనున్నది. ఈ పరిణామం ప్రజారోగ్యానికి ముప్పుగా మారబోతున్నది. – గజ్వేల్‌ రాష్ట్రంలోని 70మున్సిపాలిటీల్లో కేంద్రం అమృత్‌ 2.0 కింద రిజువనేషన్‌ ఆఫ్‌ వాటర్‌ బాడీస్‌ పేరిట పనులను చేపడుతున్నది. ఇందులోభాగంగానే గజ్వేల్‌–ప్రజ్ఞాపూర్‌ మున్సిపాలిటీ పరిధిలోని ముట్రాజ్‌పల్లిలోగల బరిచెరువును సుందరీకరించడానికి ఎంపిక చేశారు. ఇందుకోసం రూ.3.14కోట్ల నిధులు వచ్చాయి. ఈ పనులను ప్రజారోగ్యశాఖ(పబ్లిక్‌ హెల్త్‌) ఇంజినీరింగ్‌ విభాగం చేపడుతున్నది. కానీ పనుల తీరుపై విమర్శలు వెల్లువెత్తుతున్నాయి. బరి చెరువులోకి మున్సిపాలిటీ పరిధిలోని ఆర్‌అండ్‌ఆర్‌ కాలనీ నుంచి నిత్యం మురుగునీరు భారీగా వచ్చి చేరుతోంది. ప్రస్తుతం చేపడుతున్న పనుల్లో భాగంగా ఈ మురుగు బరి చెరువులోకి రాకుండా డైవర్ట్‌ చేయడంతోపాటు, చెరువు వెడల్పు, కట్టను పటిష్టం చేయడం, అందమైన మొక్కలను పెంచి సుందరంగా తీర్చిదిద్దనున్నారు. పనుల లక్ష్యం మహత్తరమైనదే అయినప్పటికీ, ఇక్కడి అధికారులు పనులు చేపడుతున్న తీరు లోపభూయిష్టంగా మారింది. ఆర్‌అండ్‌ఆర్‌ కాలనీకి చెందిన మురుగు బరి చెరువులోకి రాకుండా...మురుగు కాల్వను డైవర్ట్‌ చేసి పైప్‌లైన్‌ ద్వారా ముట్రాజ్‌పల్లిలోని మొండికుంటలోకి తీసుకురాబోతున్నారు. ఇందుకోసం కిలోమీటర్‌ మేర పైప్‌లైన్‌ నిర్మాణం జరుగుతోంది. మీటర్‌ వైశాల్యం కలిగిన సిమెంట్‌ పైప్‌లను ఇందుకోసం వాడుతున్నారు. మొండి కుంట కలుషితం మురుగును డైవర్ట్‌ చేయడానికి సాగుతున్న పైప్‌లైన్‌ నిర్మాణం వల్ల ఇక మొండికుంట కలుషితం కాబోతోంది. అధికారులు చెబుతున్న మాటమేటంటే మొండి కుంట మురుగుతో నిండితే కాల్వల ద్వారా లక్ష్మీప్రసన్న కాలనీ, సిరిఎన్‌క్లేవ్‌, బాలాజీ ఎన్‌క్లేవ్‌ల మీదుగా రాజిరెడ్డిపల్లి, క్యాసారం చెరువుల్లోకి వెళ్తోంది.. ఇలా నిరంతరం పారడం వల్ల మురుగు వాసన ఉండదని. కానీ అధికారులు చెబుతున్నట్లుగా.. మొండికుంట నుంచి మురుగు సాఫీగా వెళ్లడానికి కాల్వల వ్యవస్థ లేదు. వర్షాకాలం వస్తే వరద నీరే ఏటా కాలనీలను ముంచెత్తుతోంది. ప్రస్తుతం మురుగు నీరు అదే తరహాలో ప్రవాహిస్తే కాలనీల్లో జనం దుర్వాసన మధ్య కాలమెళ్లదీయాల్సిన పరిస్థితి రాబోతుంది. ఈ పరిస్థితి ప్రజారోగ్యానికి ముప్పుగా మారబోతుందనడంలో సందేహం లేదు. ఎస్‌టీపీ నిర్మాణంతోనే సమస్యకు పరిష్కారం ఎస్‌టీపీ(సీవరేజ్‌ ట్రీట్‌మెంట్‌ ప్లాంట్‌) నిర్మాణంతో ఈ సమస్యకు చెక్‌ పడనున్నది. మురుగును మొండికుంటలోకి అక్కడి నుంచి కాలనీలమీదుగా తరలించే ఆలోచనను అధికారులు వెంటనే విరమించుకోవాల్సి ఉంది. మురుగు తరలింపు కోసం నిర్మిస్తున్న పైప్‌లైన్‌ను డైరెక్ట్‌గా ఎస్‌టీపీలో కలిపేందుకు.. చర్యలు తీసుకోవాలి. లేదంటే పట్టణంలో రాబోవు రోజుల్లో ముంచెత్తే మురుగుతో జనం అవస్థలు పడటం ఖాయంగా కనిపిస్తున్నది. రూ.3.14కోట్ల వ్యయం బరి చెరువు సుందరీకరణ కోసం... మురుగు మొండి కుంటలోకి తరలింపు ప్రజారోగ్యానికి పొంచివున్న ముప్పు గజ్వేల్‌–ప్రజ్ఞాపూర్‌ మున్సిపాలిటీ దుస్థితి పరిశీలన చేస్తాంమొండికుంటలోకి మురుగు తరలింపు ఆలోచన నిజమే. కానీ అక్కడి నుంచి కాల్వల ద్వారా మురుగు సాఫీగా వెళ్లిపోతుందని అనుకొని పనులు చేపడుతున్నాం. దీనిపై మరోసారి క్షేత్రస్థాయి పరిశీలన జరుపుతాం. ప్రజలకు ఇబ్బంది కలుగుతుందనుకుంటే ప్రత్యామ్నాయ మార్గాలపై దృష్టి పెడతాం. –మహేశ్‌, ఏఈ, ప్రజారోగ్య శాఖ

● రేపటి బంగారు సిద్దిపేటే లక్ష్యం కావాలి ● మాజీ మంత్రి హరీశ్‌రావు సిద్దిపేటజోన్‌: ‘సిద్దిపేట జిల్లా అనే ఆకాంక్ష ఇప్పటిది కాదు. కొన్ని దశాబ్దాల కల ఒకప్పుడు ఎన్నికలు వస్తే జిల్లా నినాదం గోడల మీద రాతలుగా ఉండేది. దాన్ని నిజం చేసిన ఘనత మాజీ సీఎం కేసీఆర్‌ కు దక్కింది’ అని మాజీ మంత్రి హరీశ్‌ రావు అన్నారు. జిల్లా దశాబ్ది ఉత్సవాల్లో భాగంగా శుక్రవారం జిల్లా కేంద్రంలోని డిగ్రీ కళాశాల వద్ద 10కే రన్‌ నిర్వహించారు. హరీశ్‌రావు జెండా ఊపి ప్రారంభించారు. ఆయన మాట్లాడుతూ 10కే రన్‌ స్ఫూర్తితో అంతే వేగంగా జిల్లా మరింత అభివృద్ధి చేసుకుందమన్నారు. ఇదే స్ఫూర్తితో భవిష్యత్తు లో బంగారు సిద్దిపేట సాధన దిశగా సమష్టిగా కృషి చేయాలని పిలుపునిచ్చారు. సిద్దిపేట సమగ్రాభివద్ధి జరిగిందన్నారు. రేపటి సిద్దిపేట జిల్లాలో యూనివర్సిటీ రావాలని, ఇదొక్కటే మిగిలిపోయిందన్నారు. ఆ దిశగా అడుగులు వేద్దామని పిలుపునిచ్చారు. ఈ సందర్భంగా నిర్వహించిన10కే రన్‌ లో హరీశ్‌రావు సైతం పాల్గొన్నారు. కార్యక్రమంలో వేలాదిమంది యువకులు, మహిళలు పాల్గొన్నారు.

● విద్యుత్‌ సబ్‌స్టేషన్‌ ముట్టడి ● అధికారుల నిలదీత అక్కన్నపేట(హుస్నాబాద్‌): అప్రకటిత విద్యుత్‌ కోతలను నిరసిస్తూ అక్కన్నపేట మండల కేంద్రంలోని విద్యుత్‌ సబ్‌స్టేషన్‌ను బీఆర్‌ఎస్‌, బీజేపీ నాయకులు ముట్టడించారు. పెద్ద ఎత్తున్న ర్యాలీగా వెళ్లి రోడ్డుపై బైఠాయించారు. ప్రభుత్వానికి వ్యతిరేకంగా నినాదాలు చేశారు. ఈ క్రమంలో విద్యుత్‌ శాఖ ఏడీ ఉపేందర్‌, ఏఈ బద్దం హరీశ్‌రెడ్డి అక్కడికి రాగా.. విద్యుత్‌ కోతలపై నిలదీశారు. ఈ సందర్భంగా పలువురు నాయకులు మాట్లాడుతూ వ్యవసాయ రంగానికి నిరంతర త్రీఫేజ్‌ విద్యుత్‌ సరఫరా చేస్తున్నామని ప్రభుత్వం చెబుతున్నా.. కనీసం ఐదు గంటలు కూడా ఇవ్వడంలేదని ఆరోపించారు. ఈ ఒక్క నెల కరెంట్‌ సక్కగా ఇస్తే పంటలు చేతికొస్తాయని అన్నారు. కార్యక్రమంలో బీఆర్‌ఎస్‌, బీజెపీ పార్టీ నాయకులు, సర్పంచులు భూక్య కృష్ణనాయక్‌, కొడముంజ బాలరాజు, నాయకులు పాల్గొన్నారు. విద్యుత్‌ కోతలపై నిరసన గజ్వేల్‌: విద్యుత్‌ కోతలను నిరసిస్తూ గజ్వేల్‌ మండలం కొడకండ్ల 33/11కేవీ సబ్‌స్టేషన్‌ ఎదుట శుక్రవారం రైతులు ధర్నా చేపట్టారు. మాజీ ఎంపీటీసీ అశోక్‌ ఆధ్వర్యంలో నిరసన చేపట్టారు. కాంగ్రెస్‌ ప్రభుత్వం వ్యవసాయానికి ఆరేడు గంటలకు మించి కరెంట్‌ సరఫరా ఇవ్వడం లేదని, అదీ కూడా ఓ–ఓల్టేజీతో వస్తుండటంతో తరుచూ ట్రాన్స్‌ఫార్మర్లు కాలిపోతున్నాయని బీఆర్‌ఎస్‌ నాయకులు, రైతులు ఆందోళన వ్యక్తం చేశారు. కరెంట్‌ సరఫరా తీరు మారకపోతే రాజీవ్‌ రహదారిని దిగ్బంధిస్తామని హెచ్చరించారు. కార్యక్రమంలో బీఆర్‌ఎస్‌ నాయకులు భాస్కర్‌, నర్సింహులు, కర్ణాకర్‌ తదితరులు పాల్గొన్నారు.రైతులతో కలిసి రోడ్డుపై బైఠాయించిన ఎమ్మెల్యే ప్రభాకర్‌రెడ్డి మిరుదొడ్డి(దుబ్బాక): రైతాంగాన్ని కాంగ్రెస్‌ ప్రభుత్వం పూర్తిగా విస్మరిస్తోందని ఎమ్మెల్యే కొత్త ప్రభాకర్‌రెడ్డి ఆగ్రహం వ్యక్తం చేశారు. కరెంట్‌ కోతలను నిరసిస్తూ అక్బర్‌పేట–భూంపల్లి మండల కేంద్రంలో శుక్రవారం రైతులతో కలిసి జాతీయ రహదారిపై రాస్తారోకో నిర్వహించారు. వ్యవసాయానికి నిరంతరంగా విద్యుత్‌ను సరాఫరా చేయాలని కోరుతూ ప్రభుత్వానికి వ్యతిరేకంగా నినాదాలు చేశారు. ఆయన మాట్లాడుతూ పంటలు చేతికి వచ్చే కీలక సమయంలో కరెంటు కోతలు విధిస్తుండటంతో రైతులు నష్టాల బాట పడుతున్నారని ఆవేదన వ్యక్తం చేశారు. విషయం తెలుసుకున్న విద్యుత్‌ శాఖ డీఈ రామచంద్రయ్య ఆందోళనకారుల వద్దకు చేరుకుని ఎమ్మెల్యేతో పాటు, రైతులతో మాట్లాడారు. రైతాంగానికి 18 గంటలు నిరంతరం కరెంటు సరఫరా చేయాలని, లేదంటే ఆందోళన కార్యక్రమాలను ఉధృతం చేస్తామని హెచ్చరిస్తూ ఆందోళనను విరమించారు. కార్యక్రమంలో ఎస్సీ, ఎస్టీ, కమిషన్‌ మాజీ చైర్మన్‌ బక్కి వెంకటయ్య, బీఆర్‌ఎస్‌ నాయకులు పాల్గొన్నారు. సుమారు గంట పాటు సాగిన ఆందోళనతో సిద్దిపేట–మెదక్‌ రహదారికిరువైపులా భారీగా వాహనాలు ఎక్కడిక్కడ నిలిచి పోయాయి. దీంతో ప్రయాణికులు తీవ్ర ఇబ్బందులకు గురయ్యారు. ఎమ్మెల్యే కొత్త ప్రభాకర్‌రెడ్డి

జిల్లా ఆవిర్భావంతో పాలన చేరువైంది.. అధికారుల పర్యవేక్షణ పెరిగింది. జిల్లా ఏర్పాటై రేపటికి పదేళ్లు పూర్తవుతోంది. ప్రత్యేక రాష్ట్రం తర్వాత నాటి నినాదాలు.. నేడు నిజమయ్యాయి. జిల్లా అవతరణ.. గోదావరి నీళ్లు.. చుక్‌ చుక్‌ రైలు వచ్చింది. మెదక్‌, వరంగల్‌, కరీంనగర్‌ జిల్లాల నుంచి విడిపోయి 23 మండలాలతో సిద్దిపేట జిల్లా అవతరించింది. పాలన, ప్రగతితో పాటు వివిధ రంగాల్లో గణనీయమైన మార్పు వచ్చింది. తిప్పలు లేని రవాణా సౌకర్యం, చేరువలోనే పాలన, పథకాల అమల్లో పారదర్శకత సిద్ధించాయి. పర్యాటక రంగం సైతం ఎంతో అభివృద్ధి చెందింది. జిల్లా పదేళ్ల పండుగను ఈ నెల 9నుంచి 11వ తేదీవరకు నిర్వహిస్తున్నారు. – సాక్షి, సిద్దిపేట సిద్దిపేట, గజ్వేల్‌, దుబ్బాక ప్రాంతాలు, కరీంనగర్‌ జిల్లాలోని హుస్నాబాద్‌, బెజ్జంకి, కోహెడ మండలాలతోపాటు ఉమ్మడి వరంగల్‌ జిల్లాలో భాగమైన చేర్యాల, మద్దూరు మండలాలను కలిపి కొత్త జిల్లాగా రూపాంతరం చెందింది. అక్టోబర్‌ 11, 2016లో దసరా పండుగ నాడు 23 మండలాలతో జిల్లా ఆవిర్భవించింది. తరువాత దుల్మిట్టను మండలంగా ప్రకటించారు. జిల్లాలో 298 గ్రామ పంచాయతీలు ఉండగా 508 గ్రామ పంచాయతీలుగా పెంచారు. గతంలో ఒక మున్సిపాలిటీ, రెండు నగర పంచాయతీలుండేవి. ప్రస్తుతం సిద్దిపేట, గజ్వేల్‌, హుస్నాబాద్‌, దుబ్బాక, చేర్యాల మున్సిపాలిటీలుగా ఏర్పాటయ్యాయి. తర్వాత ప్రజలకు మరింత చేరువ చేసేందుకు అక్కన్నపేట, కుకునూరుపల్లి, అక్బర్‌పేట–భూంపల్లి మండలాలను ఏర్పాటు చేసుకుంటూవచ్చారు. దీంతో ప్రస్తుతం జిల్లాలో 26 మండలాలున్నాయి. రైలు కూత సిద్దిపేటకు రైలు తీసుకురావాలని గతంలో నినాదాలు ఉండేవి.. ఇప్పుడు ఆ కల నేరవేరింది. రూ.1,200 కోట్ల వ్యయంతో మనోహరాబాద్‌ నుంచి సిద్దిపేటకు రైల్వే ట్రాక్‌ను నిర్మించారు. సిద్దిపేట నుంచి సికింద్రాబాద్‌కు 3 అక్టోబర్‌ 2023న రైలు ప్రారంభమైంది. జిల్లా ప్రజలు రాకపోకలు సాగిస్తున్నారు. రైలు రాకతో జిల్లా మరింత పారిశ్రామికంగా అభివృద్ధి దిశలో ముందుకు సాగుతోంది. రైలు సౌకర్యంలో మరిన్ని పరిశ్రమలు వచ్చే అవకాశాలున్నాయి. సిద్దిపేటలో ఐటీ టవర్‌ నిర్మాణంతో సాఫ్ట్‌వేర్‌ రంగం సిద్దిపేట వైపు మళ్లింది. విద్యాకేంద్రంగా జిల్లా మారింది. జిల్లా ఏర్పాటయ్యాక మెడికల్‌, నర్సింగ్‌ కళాశాలు, కొండా లక్ష్మణ్‌ బాపూజీ ఉద్యాన యూనివర్సిటీ, అటవీ కళాశాల, పాలిటెక్నిక్‌లు, అగ్రికల్చర్‌ కళాశాల, ప్రభుత్వ డిగ్రీ కళాశాలలో పలు నూతన కోర్సులు, కేంద్రీయ విద్యాలయాలు ప్రారంభమయ్యాయి. దీంతో ఇతర ప్రాంతాలకు ఉన్నత చదువుల కోసం వెళ్లకుండా జిల్లాలోనే విద్యను అభ్యసిస్తున్నారు. రిజర్వాయర్ల ఖిల్లాగా జిల్లా మారింది. రంగనాయకసాగర్‌, కొమురవెల్లి మల్లన్నసాగర్‌, కొండ పోచమ్మ, అనంతగిరి రిజర్వాయర్లను నిర్మించారు. దీంతో గోదావరి నీళ్లు సిద్దిపేటకు చేరాయి. ఈ రిజర్వాయర్లు జిల్లాలో లక్షలాది ఎకరాలను సస్యశ్యామలం చేస్తున్నాయి. జిల్లా ఏర్పాటు కావడంతో అభివృద్ధి పథంలో జిల్లా ముందుకు సాగుతోంది. సిద్దిపేట శివారులోని దుద్దెడలో సమీకృత కలెక్టరేట్‌, పోలీస్‌ కమిషనరేట్‌ కార్యాలయాలను నిర్మించారు. జూన్‌ 20, 2021న సీఎం కేసీఆర్‌ చేతుల మీదుగా ఈ రెండు కార్యాలయాలు ప్రారంభమయ్యాయి. రాష్ట్రంలోనే మొదటి సమీకృత కలెక్టరేట్‌ ప్రారంభించారు.. గతంలో ఒక్కో దగ్గర ఒక్కో ప్రభుత్వ కార్యాలయం ఉండేది. ప్రస్తుతం జిల్లాకు చెందిన 40 శాఖలకు చెందిన ప్రభుత్వం కార్యాలయాలు అన్ని సమీకృత కలెక్టరేట్‌లోనే ఉన్నాయి.

● పూల కొనుగోళ్లతో మార్కెట్లలో సందడి ● పాఠశాలల్లో ముందస్తు సంబురాలు బతుకమ్మ, మహాలయ అమావాస్య, దేవి శరన్నవరాత్రి ఉత్సవాల వేళ జిల్లా అంతటా కోలాహలంగా మారింది. చిన్న బతుకమ్మను శనివారం నిర్వహించుకునేందుకు జిల్లా ప్రజలు సిద్ధమయ్యారు. పితృదేవతలకు పూజలు నిర్వహించి, బతుకమ్మను పేర్చేందుకు జిల్లా ప్రజలు అన్ని ఏర్పాట్లు చేసుకున్నారు. జిల్లా కేంద్రంలోని ప్రధాన మార్కెట్లన్నీ గునుగు, తంగెడు, పట్టు, చామంతి, బంతి, గడ్డి, తదితర పూల విక్రయాలతో కళకళలాడాయి. ఇదిలా ఉంటే.. జిల్లా కేంద్రంలో పాఠశాలల్లో ముందస్తు బతుకమ్మ వేడుకలను నిర్వహించారు. మరోవైపు దేవి శరన్నవరాత్రోత్సవాలు నిర్వహించుకునేందుకు ఏర్పాట్లు చేస్తున్నారు. అందుకు గాను వాడవాడల అమ్మవారి మండపాలను అందంగా అలంకరిస్తున్నారు. ఉత్సవాలు అంగరంగ వైభవంగా నిర్వహించేందుకు సర్వంసిద్ధం చేస్తున్నారు. – ప్రశాంత్‌నగర్‌(సిద్దిపేట)

సిద్దిపేటకమాన్‌/దుబ్బాక/హుస్నాబాద్‌/గజ్వేల్‌రూరల్‌: జిల్లాలోని ఆర్టీసీ డిపోల్లో ఆర్టీసీ గుర్తింపు సంఘం ఎన్నికలు శుక్రవారం ప్రశాంతంగా జరిగాయి. సిద్దిపేట, దుబ్బాక, గజ్వేల్‌ ప్రజ్ఞాపూర్‌, హుస్నాబాద్‌ ఆర్టీసీ డిపోల్లో శుక్రవారం ఉదయం 5 నుంచి సాయంత్రం 6గంటల వరకు ఓటింగ్‌ ప్రక్రియ ప్రశాంతంగా జరిగింది. కాగా.. దుబ్బాక, గజ్వేల్‌– ప్రజ్ఞాపూర్‌, హుస్నాబాద్‌ డిపోల్లో కాంగ్రెస్‌ మద్దతుతో పోటీచేసిన తెలంగాణ వర్కర్స్‌ యూనియన్‌ విజయం సాధించింది. ఎన్నికలు నిర్వహించిన ఆర్టీసీ డిపోల్లో లేబర్‌ డిపార్ట్‌మెంట్‌ అధికారులు ఎన్నికల నిర్వహణ అధికారులుగా వ్యవహరించారు. డిపో మేనేజర్లు ఏర్పాట్లను పర్యవేక్షించారు. ● దుబ్బాక డిపోలో మొత్తం 126 ఓట్లు ఉండగ వందశాతం పోల్‌ అయ్యాయి. టీడబ్ల్యూయూకు 66 ఓట్లు, ఈయూకు 60 ఓట్లు రాగా 6 ఓట్ల మెజార్టీతో టీడబ్ల్యూయూ గెలుపొందింది. తెలంగాణ వర్కర్స్‌ యూనియన్‌ దుబ్బాక డిపో ప్రెసిడెంట్‌గా దొడ్ల శ్రీనివాస్‌,సెక్రటరిగా మహేందర్‌రెడ్డి విజయం సాధించారు. ● హుస్నాబాద్‌ డిపోలో మొత్తం 207 ఓట్లకు 205 ఓట్లు పోలయ్యాయి. ఇందులో టీడబ్ల్యూయూ కూటమికి 113 ఓట్లు, టీఎంయూ కూటమికి 92 ఓట్లు వచ్చాయి. 21 ఓట్ల తేడాతో టీడబ్ల్యూయూ కూటమి విజయం సాధించింది. గెలుపుతో కూటమి నాయకులు టపాసులు కాల్చి సంబరాలు జరుపుకొన్నారు. ● సిద్దిపేట ఆర్టీసీ డిపోలో జరిగిన కార్మిక సంఘం ఎన్నికల్లో ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌, తెలంగాణ మజ్దూర్‌ యూనియన్‌ జేఏసీ కూటమి 203ఓట్లతో విజ యం సాధించింది. ఈయూ, ఎన్‌ఎంయూ, టీఎంయూ కూటమి నాయకులు, మద్దతుదారులు సంబరాలు నిర్వహించారు. ● జీపీపీ(గజ్వేల్‌–ప్రజ్ఞాఫూర్‌) ఆర్టీసీ డిపోలో మొత్తం 224 ఓట్లు ఉండగా, 223 ఓట్లు పోలయ్యాయి. టీడబ్ల్యూయూ స్టేట్‌కు 118 ఓట్లు, లోకల్‌కు 125, ఎంప్లాయీస్‌ యూనియన్‌ స్టేట్‌కు 88, లోకల్‌కు 72, బీఎంఎస్‌ స్టేట్‌కు 14, లోకల్‌కు 24 ఓట్లు వచ్చాయి. ఈ సందర్భంగా తెలంగాణ వర్కర్స్‌ యూనియన్‌ డిపో అధ్యక్ష, కార్యదర్శులు రామచంద్రారెడ్డి, నర్సింహులు మాట్లాడుతూ టీడబ్ల్యూయూ గెలుపు కార్మికుల విజయమని అన్నారు. ప్రశాంతంగా ఆర్టీసీ గుర్తింపు సంఘం ఎన్నికలు దుబ్బాక, గజ్వేల్‌– ప్రజ్ఞాపూర్‌, హుస్నాబాద్‌ డిపోల్లో నేతల సంబరాలు ఈనెల 17న అధికారికంగా ఫలితాల ప్రకటన

● మంత్రి తుమ్మల నాగేశ్వరరావు ● మంత్రిని కలిసిన ఏఎంసీ చైర్మన్లు దుబ్బాక: రైతులకు మెరుగైన సౌకర్యాలు అందించడమే లక్ష్యంగా వ్యవసాయ మార్కెట్‌ కమిటీల అభివృద్ధిపై ప్రభుత్వం ప్రత్యేక దృష్టి సారించిందని మంత్రి తుమ్మల నాగేశ్వరరావు తెలిపారు. శుక్రవారం దుబ్బాక నియోజకవర్గ కాంగ్రెస్‌ ఇన్‌చార్జి చెరుకు శ్రీనివాస్‌రెడ్డి ఆధ్వర్యంలో మార్కెట్‌ కమిటీల చైర్మన్లు మంత్రిని కలిసి మార్కెట్లలో నెలకొన్న సమస్యలను విన్నవించారు. ఈ సందర్భంగా వారి సమస్యలను విన్న మంత్రి తప్పకుండా పరిశీలించి అవసరమైన చర్యలు తీసుకుంటామని హామీ ఇచ్చారని ఏఎంసీ చైర్మన్లు తెలిపారు. కార్యక్రమంలో దుబ్బాక, తొగుట, మిరుదొడ్డి, దౌల్తాబాద్‌, చేగుంట ఏఎంసీ చైర్మన్లు కొంగరి రవి, అమర్‌రెడ్డి, శ్రీధర్‌, కనకయ్య, తాడెం వెంగళ్‌రావు, కాంగ్రెస్‌ నాయకులు ఉన్నారు. గజ్వేల్‌: నియోజకవర్గ సమస్యలను కేసీఆర్‌ పట్టించుకోవాలని తెలంగాణ రక్షణ సేన(టీఆర్‌ఎస్‌) రాష్ట్ర ఉపాధ్యక్షుడు కొట్టాల యాదగిరి డిమాండ్‌ చేశారు. శుక్రవారం గజ్వేల్‌లో ఆయన విలేకరులతో మాట్లాడుతూ ఓట్లేసి గెలిపించిన నియోజకవర్గ ప్రజలను కేసీఆర్‌ ఏ ఒక్కరోజూ కలవకపోవడం దారుణమన్నారు. నియోజకవర్గంలో కల్యాణలక్ష్మి, షాదీముబారక్‌ లాంటి పథకాలు అందక ప్రజలు ఇబ్బందిపడుతున్నారని వాపోయారు. మరోవైపు రింగు రోడ్డు పనుల పెండింగ్‌, మల్లన్నసాగర్‌, కొండపోచమ్మసాగర్‌ నిర్వాసితుల ఇబ్బందులను పట్టించుకునే నాథుడే కరువయ్యారని చెప్పారు. కేసీఆర్‌ ఇప్పటికై నా సమస్యలపై స్పందించాలన్నారు. కార్యక్రమంలో నాయకులు ఎడ్ల నర్సింహులు, లింగని రాజు తదితరులు పాల్గొన్నారు. దుబ్బాకటౌన్‌: బీసీల రాజ్యాధికారమే లక్ష్యంగా ముందుకు సాగాలని రాష్ట్ర బీసీ ఇంటలెక్చువల్స్‌ ఫోరమ్‌ చైర్మన్‌, విశ్రాంత ఐఏఎస్‌ చిరంజీవులు అన్నారు. శుక్రవారం దుబ్బాక పట్టణంలోని పద్మశాలిభవన్‌లో నిర్వహించిన బీసీ హక్కుల పోరాట సభకు ఆయన ముఖ్య అతిథిగా హాజరై, మాట్లాడారు. బీసీలకు 42 శాతం రిజర్వేషన్లు వెంటనే అమలు చేయాలని డిమాండ్‌ చేశారు. బీసీ హక్కుల పరిరక్షణ కోసం ప్రత్యేక చట్టాన్ని తీసుకురావాలన్నారు. కామారెడ్డి డిక్లరేషన్‌లో కాంగ్రెస్‌ పార్టీ బీసీలకు ఇచ్చిన హామీలను అమలు చేయాలని కోరారు. కార్యక్రమంలో బీసీ సంఘాల రాష్ట్ర నాయకులు కూరపాటి బంగారయ్య, శ్రీరాం నరేందర్‌, మచ్చ శ్రీనివాస్‌, ఆకుల దేవేందర్‌, రణం శ్రీనివాస్‌, సిద్ధిరాములుగౌడ్‌ తదితరులు పాల్గొన్నారు.

సంగారెడ్డి జోన్‌/సంగారెడ్డి టౌన్‌: ఆర్టీసీ గుర్తింపు సంఘం ఎన్నికలకు సర్వం సిద్ధం అయింది. శుక్రవారం ఉదయం 5 గంటల నుంచి సాయంత్రం 6 గంటల వరకు పోలింగ్‌ జరగనుంది. డిపోల వారీగా పోలింగ్‌ నిర్వహణకు కార్మిక శాఖ అధికారులు పూర్తి ఏర్పాట్లు చేశారు. గత నెల 26 నుంచి మెదక్‌ రీజియన్‌ పరిధిలో బరిలో ఉన్న కార్మిక సంఘాల నేతలు పోటాపోటీగా ప్రచారం నిర్వహించారు. దశాబ్ద కాలం తర్వాత ఎన్నికలు జరుగుతుండటంతో గెలుపు, ఓటములపై తీవ్ర ఉత్కంఠ నెలకొంది. సజావుగా ఎన్నికలు నిర్వహించేందుకు డిపోల వారీగా 5 నుంచి 8 మంది సిబ్బందిని నియమించారు. పోలింగ్‌ స్టేషన్‌ల పర్యవేక్షకులుగా కార్మిక శాఖ అసిస్టెంట్‌ లేబర్‌ ఆఫీసర్లను నియమించారు. ప్రతి ఓటరు రెండు ఓట్లు ఆర్టీసీ గుర్తింపు సంఘం ఎన్నికల్లో ప్రతి ఓటరు రెండు ఓట్లు వేయనున్నారు. రాష్ట్రస్థాయిలో ఒక ఓటు, రీజియన్‌ స్థాయిలో మరో ఓటు వేయాల్సి ఉంటుంది. పోలింగ్‌ ముగిసిన వెంటనే ఓట్ల లెక్కింపు నిర్వహిస్తారు. ఫలితాల ప్రకటన మాత్రం ఉండదు. పోలింగ్‌ రోజు విధి నిర్వహణలో ఉండి ఓటు వేయని వారు 14, 15 తేదీల్లో ఓటు వేసేందుకు అవకాశం కల్పించారు. ఈనెల 17న కౌంటింగ్‌ ప్రక్రియ నిర్వహించి ఫలితాలు ప్రకటిస్తారు. 8 డిపోలు.. 1,805 మంది కార్మికులు మెదక్‌ రీజియన్‌ పరిధిలో 8 డిపోలు ఉండగా.. ఒకటి రీజనల్‌ కార్యాలయం ఉంది. అందులో 1,805 మంది కార్మికులు విధులు నిర్వర్తిస్తున్నారు. మెదక్‌ 244, నారాయణఖేడ్‌ 200, సంగారెడ్డి 331, సిద్దిపేట 263, జహీరాబాద్‌ 272, గజ్వేల్‌– ప్రజ్ఞాపూర్‌ 224, దుబ్బాక 126, నర్సాపూర్‌ డిపోలో 109 మంది కార్మికులు ఉండగా, రీజనల్‌ కార్యాలయంలో 36 మంది విధులు నిర్వర్తిస్తున్నారు. వీరందరికీ ఓటు వేసేందుకు ఆయా డిపోలలో పోలింగ్‌ కేంద్రాలు ఏర్పాటు చేశారు. గెలుపుపై ఎవరి ధీమా వారిదే గుర్తింపు సంఘం ఎన్నికల్లో గెలుపుపై ఎవరికివా రు ధీమా వ్యక్తం చేస్తున్నారు. ఆర్టీసీలో నెలకొన్న సమస్యలు పరిష్కరించే దిశగా చర్యలు తీసుకుంటామని హామీ ఇస్తూ ఓట్లను అభ్యర్థించారు. కాగా, ఆర్టీసీ గుర్తింపు సంఘం ఎన్నికల్లో 12 యూనియన్లు బరిలో ఉన్నాయి. ఇందులో టీజేఎంయూ, టీడబ్ల్యూయూ, ఎంప్లాయూస్‌ యూనియన్‌ మధ్య తీవ్ర పోటీ నెలకొంది. ఆర్టీసీని ప్రభుత్వంలో విలీనం చేసే ప్రక్రియ, బకాయి ఉన్న పే రివిజన్‌, అలవెన్స్‌ల చెల్లింపు, ఉద్యోగుల కొరతను అధిగమించడం, పని ఒత్తిడి తగ్గించడం తదితర డిమాండ్లు ఉన్నాయి. ఉదయం 5 నుంచి సాయంత్రం 6 గంటల వరకు పోలింగ్‌ హోరాహోరీగా సాగిన ప్రచారం సుమారు పదేళ్ల తర్వాత ఆర్టీసీలో గుర్తింపు సంఘం ఎన్నికలు జరుగుతున్నాయి. బరిలో ఉన్న వారందరూ ప్రతిష్టాత్మకంగా తీసుకోవడంతో రాజకీయం వేడెక్కింది. ప్రభుత్వ మద్దతుతో కార్మిక సంఘాలు పోటీ చేస్తున్నాయి. 2018 ఆగస్టుతో పదవీకాలం ముగిసినా, అప్పటి ప్రభుత్వం ఎన్నికలు నిర్వహించలేదు.

● అదనంగా 50 శాతం చార్జీలు! ● ఏర్పాట్లు పూర్తి చేసిన అధికారులు సంగారెడ్డి టౌన్‌: బతుకమ్మ, దసరా పండుగ నేపథ్యంలో సొంతూళ్లకు వెళ్లే వారిని క్షేమంగా గమ్యస్థానాలకు చేరవేసేందుకు ఆర్టీసీ సిద్ధమైంది. అందులో భాగంగా ఉమ్మడి మెదక్‌ జిల్లావ్యాప్తంగా 415 ప్రత్యేక బస్సులు ఏర్పాటు చేసింది. ఈనెల 10 నుంచి 22వ తేదీ వరకు సర్వీసులు అందుబాటులో ఉండనున్నాయి. శనివారం నుంచి పాఠశాలలకు సెలవులు ఉండడంతో ప్రజలు సొంతూరు బాట పట్టనున్నారు. బస్సుల సంఖ్య పెంచడంతో కొంత మేర ప్రయాణికులకు ఇబ్బందులు తప్పనున్నాయి. ప్రతి రోజు 606 బస్సులు తిరుగుతుండగా.. దసరా నేపథ్యంలో అదనంగా 13 రోజుల పాటు ప్రత్యేక బస్సులు ఏర్పాటు చేశారు. అదనపు బస్సులకు 50 శాతం చార్జీలు పెంచే అవకాశాలు ఉన్నాయి.ఉమ్మడి మెదక్‌ జిల్లావ్యాప్తంగా బతుకమ్మ, దసరా సందర్భంగా 415 ప్రత్యేక బస్సులు ఏర్పాటు చేశాం. ప్రతి బస్టాండులో అదనపు సిబ్బందితో పర్యవేక్షిస్తాం. అవసరాన్ని బట్టి బస్సులు పెంచుతాం. ప్రత్యేక బస్సులలో అదనపు చార్జీలు ఉంటాయి. గ్రామాలకు వెళ్లడానికి ప్రత్యేకంగా బస్సులు అవసరం ఉన్నా కూడా ఏర్పాటు చేస్తాం. ఈ అవకాశాన్ని ప్రయాణికులు సద్వినియోగం చేసుకోవాలి. – విజయ్‌భాస్కర్‌, ఆర్‌ఎం

తొలిసారిగా 9వ తరగతి జవాబు పత్రాలకు ‘క్రాస్‌ వాల్యుయేషన్‌’ ● మండలానికి ఒక మూల్యాంకన కేంద్రం ● 208 మంది ఉపాధ్యాయుల నియామకం ● ‘మా పిల్లల పేపర్లు కాస్త చూడండి’.. అంటూ ఫోన్లు ప్రభుత్వ పాఠశాలల్లో విద్యార్థుల విద్యా ప్రమాణాలను వెలికితీసేందుకు విద్యాశాఖ చేపట్టిన కొత్త ప్రయోగం ఇప్పుడు ఉపాధ్యాయుల్లో తీవ్ర ఆందోళన రేపుతోంది. ఇప్పటివరకు తమ పాఠశాల విద్యార్థుల జవాబు పత్రాలను ఉపాధ్యాయులే దిద్దుకునే సౌలభ్యం ఉండగా.. ఇకపై ఆ విధానానికి విద్యాశాఖ స్వస్తి పలికింది. నిష్పక్షపాతంగా మార్కుల అంచనా, ఉపాధ్యాయుల్లో జవాబుదారీతనం పెంచడమే లక్ష్యంగా ‘క్రాస్‌ వాల్యుయేషన్‌’ (ఇతర పాఠశాలల ఉపాధ్యాయులతో మూల్యాంకనం) విధానాన్ని విద్యాశాఖ తెరపైకి తెచ్చింది. ఈ విద్యా సంవత్సరం నుంచి పైలట్‌ ప్రాజెక్టులో భాగంగా ప్రస్తుతం జరుగుతున్న సమ్మేటివ్‌ అసెస్మెంట్‌–1 ( ఎస్‌ఏ–1) పరీక్షల్లో 9వ తరగతి జవాబు పత్రాలను మండల కేంద్రాల్లో ఏర్పాటు చేసిన ప్రత్యేక కేంద్రాల్లోనే మూల్యాంకనం చేస్తున్నారు. – సాక్షి, సిద్దిపేట జిల్లాలో 261 ప్రభుత్వ పాఠశాలలో 9వ తరగతిలో 8,916 మంది విద్యార్థులు అభ్యసిస్తున్నారు. ఎస్‌ఏ–1 పరీక్షలు ఈ నెల 1 నుంచి ప్రారంభం కాగా 9వ తేదీ వరకు జరగనున్నాయి. జిల్లాలోని 26 మండలాల్లో 26 మూల్యాంకన కేంద్రాలు ఏర్పాటు చేయగా పరీక్ష పేపర్ల మూల్యాంకనం ఈ నెల 5వ తేదీన ప్రారంభమయ్యాయి. ఇందు కోసం 208 మంది ఉపాధ్యాయులను, 43 మంది డీటీపీ ఆపరేటర్లను నియమించారు. మార్కులపై ఆందోళన.. పరీక్షలు రాసిన విద్యార్థులు తమకు ఎన్ని మార్కు లు వస్తాయోనని ఆందోళన చెందడం సహజం. కానీ ఈసారి పరిస్థితి భిన్నంగా ఉంది. తమ బోధనకు విద్యార్థులు సాధించిన మార్కులు ఎలా ఉంటాయోనని సంబంధిత సబ్జెక్టు ఉపాధ్యాయుల్లోనూ ఉత్కంఠ నెలకొంది. ఇతర పాఠశాలల ఉపాధ్యాయులు జవాబు పత్రాలను దిద్దుతుండటంతో విద్యార్థుల ప్రతిభతోపాటు తమ బోధనా ఫలితాలపైనా స్పష్టత వస్తుందనే చర్చ జరుగుతోంది. పాఠశాలలో పరీక్ష రాసే సమయంలో బాగా రాయాలని విద్యార్థులను ఆయా సబ్జెక్ట్‌ ఉపాధ్యాయులు ప్రోత్సహిస్తున్నట్లు విశ్వసనీయ సమాచారం. విద్యార్థులకు ఎక్కువ మార్కులు రావాలని ఉద్దేశంతో కొన్ని చోట్ల కాపియింగ్‌ను సైతం ప్రోత్సహిస్తున్నట్లు ఉపాధ్యాయ వర్గాలో చర్చ సాగుతోంది. కాస్త చూడండి.. అంటూ.. మూల్యాంకనం ప్రారంభమైన నేపథ్యంలో కొందరు ఉపాధ్యాయులు తమ విద్యార్థుల జవాబు పత్రాలను దిద్దుతున్న ఇతర పాఠశాలల ఉపాధ్యాయులకు ఫోన్లు చేస్తున్నట్లు విశ్వసనీయ సమాచారం. తమ విద్యార్థులకు మార్కులు ఎలా వస్తున్నాయో ఆరా తీయడంతోపాటు.. కాస్త చూసి మార్కులు వేయాలని కోరుతున్నట్లు తెలుస్తోంది. దీంతో క్రాస్‌ వాల్యుయేషన్‌ ఉద్దేశం నెరవేరాలంటే ఎలాంటి ఒత్తిళ్లకు తావులేకుండా నిబంధనల ప్రకారం మూల్యాంకనం జరగాల్సిన అవసరం ఉందనే అభిప్రాయాలు వ్యక్తమవుతున్నాయి.

● పకడ్బందీగా సంక్షేమ పథకాల అమలు ● ఎల్‌నినోను సమర్థంగా ఎదుర్కొందాం ● మంత్రి వివేక్‌ ప్రశాంత్‌నగర్‌(సిద్దిపేట): మహిళా సంక్షేమానికి అధిక ప్రాధాన్యం ఇస్తున్నట్లు రాష్ట్ర కార్మిక, ఉపాధి కల్పన, గనులశాఖ మంత్రి వివేక్‌ అన్నారు. గురువారం జిల్లా కేంద్రంలోని వైశ్య సంక్షేమ సంఘ భవనంలో సిద్దిపేట నియోజకవర్గ పరిధిలో గల 140 మంది లబ్ధిదారులకు కల్యాణ లక్ష్మి, షాదీ ముబారక్‌ చెక్కులను, సిద్దిపేట మున్సిపాలిటీ పరిధిలో ఇందిరమ్మ చీరలను మంత్రి పంపిణీ చేశారు. ఈ సందర్భంగా వివేక్‌ మాట్లాడుతూ అభివృద్ధి పథకాల రూపకల్పనలో మహిళలకు పెద్దపీట వేసి అమలు చేస్తున్నామన్నారు. మహిళా సంఘాలకు వడ్డీలేని ఋణాలు, కుట్టుమిషన్ల పంపిణీ కార్యక్రమాలతోపాటు, మహిళల వ్యాపారవేత్తలుగా ఎదిగేందుకు పెట్రోల్‌ బంక్‌ లను కేటాయించి ప్రభుత్వం ప్రోత్సహిస్తుందన్నారు. రాష్ట్రంలోని మిగతా జిల్లాల కన్నా సిద్దిపేట జిల్లాలో ఇందిరమ్మ ఇళ్ల పథకం ముందు వరుసలో ఉందన్నారు. ఒక్క సిద్దిపేట నియోజకవర్గంలోనే 3500 ఇళ్లకు 2,500 ఇళ్ల నిర్మాణాలు పూర్తయ్యాయన్నారు. పేదలు కడుపునిండా భోజనం చేయాలనే ఉద్దేశంతో ఉచిత సన్న బియ్యం పథకం, కొత్త రేషన్‌ కార్డులు పంపిణీ కార్యక్రమాలు చేపట్టామన్నారు. రాష్ట్రంలో నెలకొన్న ఎల్‌నినో పరిస్థితులను సమర్థంగా ఎదుర్కొందామని మంత్రి అన్నారు. కార్యక్రమంలో కలెక్టర్‌ హైమావతి, పద్మశాలి రాష్ట్ర కార్పొరేషన్‌ చైర్మన్‌ శ్రీనివాస్‌, జిల్లా గ్రంథాలయ సంస్థ చైర్మన్‌ దరిపల్లి చంద్రం, సిద్దిపేట ఆర్డీవో సదానందం, సిద్దిపేట నియోజకవర్గ ఆత్మ చైర్మన్‌ పూజల గోపికృష్ణ, మార్కెట్‌ కమిటీ చైర్మన్‌లు, ప్రజాప్రతినిధులు, అధికారులు, తదితరులు పాల్గొన్నారు.ప్రజాస్వామ్యాన్ని అపహాస్యం చేస్తున్న బీజేపీ

జిల్లాలో 12 గ్రామాలకు ప్రశంసా పత్రాలు సిద్దిపేటకమాన్‌: జిల్లాలో 12 గ్రామ పంచాయతీలు టీబీ కేసులు లేని గ్రామాలుగా గుర్తించినట్లు డీఎంహెచ్‌ఓ డాక్టర్‌ ధనరాజ్‌ తెలిపారు. ఈ మేరకు ఆయా సర్పంచ్‌లకు భారత ప్రభుత్వ ఆరోగ్య కుటుంబ సంక్షేమ శాఖ ద్వారా జారీ చేసిన ప్రశంసా పత్రాలను గురువారం జిల్లా వైద్యారోగ్యశాఖ కార్యాలయంలో జిల్లా ప్రోగ్రాం ఆఫీసర్‌ డాక్టర్‌ వినోద్‌బాబ్జితో కలిసి డీఎంహెచ్‌ఓ అందజేసి, అభినందించారు. ఈ సందర్భంగా ఆయన మాట్లాడుతూ.. ప్రతి గ్రామంలో అంటువ్యాధుల నియంత్రణకు గ్రామ పంచాయతీ సర్పంచ్‌లు వైద్యారోగ్యశాఖతో సమన్వయంతో పనిచేయాలన్నారు. టీబీ రహిత గ్రామ పంచాయతీలుగా గుర్తింపు పొందేందుకు కృషి చేసిన వారిని ప్రత్యేకంగా అభినందించారు. కార్యక్రమంలో టీబీ సూపర్‌వైజర్లు రాజు, మల్లయ్య, సిబ్బంది తదితరులు పాల్గొన్నారు. మార్కెట్‌ కమిటీ కార్యదర్శిగా పరమేశ్వర్‌ దుబ్బాకటౌన్‌: దుబ్బాక వ్యవసాయ మార్కెట్‌ కమిటీ కార్యదర్శిగా గ్యాదరి పరమేశ్వర్‌ గురువారం పదవీ బాధ్యత స్వీకరించారు. ఇటీవల కార్యదర్శిగా పనిచేసిన సురేశ్‌ కుమార్‌ గుండెపోటుతో ఆకస్మికంగా మృతి చెందండం తెలిసిందే. దీంతో పరమేశ్వర్‌కి అదనపు బాధ్యత లు అప్పగించారు. ఈ సందర్భంగా మార్కెట్‌ కమిటీ కార్యాలయంలో టీఎన్‌జీఓ జిల్లా కార్యదర్శి విక్రమ్‌ రెడ్డి, దుబ్బాక యూనిట్‌ అధ్యక్షుడు మురళి, పలువురు ఉద్యోగులు ఆయనను శాలువాతో సత్కరించారు. భూములు గుంజుకుంటే ఊరుకోం సర్వే అధికారులను అడ్డుకున్న రైతులు హుస్నాబాద్‌: కాలువల కోసం బలవంతంగా మా భూములను గుంజుకుంటే ఊరుకునేది లేదని రైతులు హెచ్చరించారు. గురువారం హుస్నాబాద్‌ పట్టణంలోని సబ్‌స్టేషన్‌ సమీపంలో గౌరవెల్లి ఉప కాలువ భూసేకరణ సర్వేకు వచ్చిన ఇరిగేషన్‌, రెవెన్యూ అధికారులను అడ్డుకున్నారు. రైతులు హుస్నాబాద్‌– కరీంనగర్‌ రహదారిపై ఆందోళన చేసే ప్రయత్నంలో పోలీస్‌లు వచ్చి అడ్డుకుని అదుపులోకి తీసుకున్నారు. ఈ సందర్భంగా రైతులు మాట్లాడుతూ హుస్నాబాద్‌ నుంచి కొత్తపల్లి వరకు ఫోర్‌ వే లైన్‌ నిర్మాణం కోసం ఎకరాల కొద్ది భూమిని కోల్పోయామని రైతులు ఆవేదన వ్యక్తం చేశారు. ఎన్ని సార్లు మా భూములను ఇవ్వాలని, ఉన్నదంతా తీసుకుంటే మేమెట్ల బతికేదని వాపోయారు. బలవంతంగా లాక్కుంటే పోరా డేందుకు సిద్ధంగా ఉన్నామని తేల్చి చెప్పారు. రైతుల ధర్నా దుబ్బాకరూరల్‌: పంటల సాగుకు నిరంతర కరెంట్‌ ఇవ్వాలంటూ పెద్దగుండవెల్లి సబ్‌ స్టేషన్‌ ఎదుట గురువారం రైతులు ధర్నా చేశారు. ఒక వైపు వర్షాలు లేక.. మరో వైపు కరెంట్‌ కోతలతో పంటలు ఎండిపోయె దశకు చేరాయని రైతులు ఆవేదన వ్యక్తం చేశారు. పంటల సాగుకు నిరంతర కరెంట్‌ ఇవ్వాలని డిమాండ్‌ చేశారు. తొగుట సీఐగా శ్రీను తొగుట(దుబ్బాక): సర్కిల్‌ ఇన్‌స్పెక్టర్‌గా ఎం.శ్రీను గురువారం బాధ్యతలు చేపట్టారు. ఇప్పటి వరకు ఇక్కడ సీఐగా పనిచేసిన ఎస్‌కే లతీఫ్‌ బదిలీపై వెళ్లారు. దీంతో కరీంనగర్‌ జిల్లా నుంచి శ్రీను ఇక్కడికి బదిలీపై వచ్చారు. ఈ సందర్భంగా ఆయన మాట్లాడుతూ శాంతి భద్రతలే లక్ష్యంగా పనిచేస్తామన్నారు. కాగా ఏఎంసీ చైర్మన్‌ చెరుకు విజయ్‌రెడ్డి సీఐని మర్యాదపూర్వకంగా కలిసి సన్మానించారు.

ఈ నెల 10న (శనివారం) సాయంత్రం 4 గంటల లోపు పై నంబర్లుకు వాట్సాప్‌ చేయండి శుక్రవారం శ్రీ 9 శ్రీ అక్టోబర్‌ శ్రీ 2026జిల్లా ఏర్పాటుతో దశాబ్దాల కల సాకారం ● పదేళ్లలో విద్య, వైద్యం, మౌలిక వసతుల్లో గణనీయ మార్పులు ● నేటి నుంచి మూడు రోజుల పాటు దశాబ్ది వేడుకలు ● ‘సాక్షి’తో ఎమ్మెల్యే తన్నీరు హరీశ్‌రావు సాక్షి, సిద్దిపేట: ‘ఒకప్పుడు సిద్దిపేటలో ఎన్నికల నినాదాలుగా వినిపించిన మాటలు.. నేడు ప్రజల కళ్లెదుట సాకారమైన వాస్తవాలు. ‘సిద్దిపేట జిల్లా కావాలి.. గోదావరి జలాలు రావాలి.. రైలు పరుగులు పెట్టాలి’ అంటూ ఏళ్ల తరబడి సాగిన ఆకాంక్షలు ప్రత్యేక రాష్ట్రం ఏర్పడిన తర్వాత కేసీఆర్‌ ఒక్కొక్కటిగా నిజం చేశారు’ అని బీఆర్‌ఎస్‌ శాసనసభాపక్ష డిప్యూటీ ఫ్లోర్‌లీడర్‌, సిద్దిపేట ఎమ్మెల్యే హరీశ్‌రావు తెలిపారు. 2016 అక్టోబర్‌ 11న సిద్దిపేట జిల్లాగా అవతరించింది. జిల్లా ఏర్పాటై పదేళ్లవుతున్న సందర్భంగా హరీశ్‌ రావును గురువారం ‘సాక్షి’ పలకరించగా వెల్లడించిన అంశాలు ఆయన మాటల్లోనే.. నాటి కల.. నేటి జిల్లా 1983లోనే సిద్దిపేటను జిల్లాగా ఏర్పాటు చేయాలని అప్పటి ముఖ్యమంత్రి ఎన్టీఆర్‌కు కేసీఆర్‌ వినతిపత్రం ఇచ్చారు. అదే చేతులతో జిల్లాను కేసీఆర్‌ ఏర్పాటు చేశారు. కేసీఆర్‌ ముఖ్యమంత్రిగా నిర్ణయం తీసుకుని 2016లో సాకారం చేశారు. జిల్లా ఏర్పాటు కేవలం భౌగోళిక మార్పు కాదు.. సిద్దిపేట అభివృద్ధికి కొత్త అధ్యాయం. జిల్లా ఏర్పాటుతో అనేక ఇబ్బందులకు తెరపడింది. గతంలో ఎన్నికలు వచ్చిన ప్రతిసారీ సిద్దిపేట జిల్లా ఏర్పాటు ప్రధాన నినాదంగా ఉండేది. సిద్దిపేటకు గోదావరి జలాలు, రైలు తీసుకురావాలన్నది ప్రజల చిరకాల కోరిక. రాష్ట్రం ఏర్పడిన తర్వాత కేసీఆర్‌ ముఖ్యమంత్రి కావడంతో ఇక్కడి ప్రజల ఈ మూడు ప్రధాన ఆకాంక్షలు సాకారమయ్యాయి. జిల్లా ఏర్పడింది.. గోదావరి జలాలు సిద్దిపేటను ముద్దాడాయి.. రైలు సైతం సిద్దిపేట గడ్డపై పరుగులు పెట్టింది. విద్యకు.. వైద్యానికి కొత్త బలం జిల్లా ఏర్పాటుతో విద్య, వైద్య రంగాల్లో సిద్దిపేటలో విప్లవాత్మక మార్పులు వచ్చాయి. వైద్య కళాశాలతో వైద్య విద్య అందుబాటులోకి వచ్చింది. పేదలకు మెరుగైన వైద్యం అందించే వసతులు పెరిగాయి. అభివృద్ధి పనులకు ప్రస్తుత సర్కారు బ్రేకులు బీఆర్‌ఎస్‌ ప్రభుత్వ హయాంలో జిల్లాలో రహదారుల నిర్మాణానికి ఆర్‌అండ్‌బీ ద్వారా రూ.552 కోట్లు మంజూరు కాగా.. గతంలోనే రూ.200 కోట్ల పనులు పూర్తయ్యాయి. కాంగ్రెస్‌ ప్రభుత్వం అధికారంలోకి వచ్చిన తర్వాత మిగిలిన రూ.352 కోట్ల పనులు నిలిచిపోయాయి. మూడు రోజులు.. దశాబ్ది సంబరం జిల్లా ఆవిర్భావానికి పదేళ్లు పూర్తవుతున్న సందర్భంగా ఈ నెల 9, 10, 11 తేదీల్లో దశాబ్ది వేడుకలను ఘనంగా నిర్వహిస్తున్నాం. 9న 10కే రన్‌, విద్యార్థి–యువజన సదస్సు, ఉపాధ్యాయులు–ఉద్యోగులు–రిటైర్డ్‌ ఉద్యోగుల సదస్సులు జరగనున్నాయి. 10న కవిసమ్మేళనం, కోమటిచెరువు–రూబీ నెక్లెస్‌ రోడ్డులో ఫుడ్‌ ఫెస్టివల్‌, లేజర్‌ షో జరగనుంది.మాట్లాడుతున్న హరీశ్‌రావు

గజ్వేల్‌: తెలంగాణ కోసం త్యాగాలు చేసిన అమరవీరుల కుటుంబాలకు, ఉద్యమకారులకు ఎర్రవల్లిలోని కేసీఆర్‌ ఫామ్‌హౌస్‌ పరిసరాల్లో కాదు.. హైదరాబాద్‌లోని గచ్చిబౌలిలో సకల సౌకర్యాలతో ఇళ్లు నిర్మించి ఇస్తే బాగుంటుందని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి డిమాండ్‌ చేశారు. బుధవారం గజ్వేల్‌లోని ఎమ్మెల్యే క్యాంపు కార్యాలయంలో ఏర్పాటుచేసిన విలేకరుల సమావేశంలో ఆయన మాట్లాడుతూ ముఖ్యమంత్రి రేవంత్‌రెడ్డి ప్రకటనపై నిప్పులు చెరిగారు. ఎర్రవల్లిలోని 325 సర్వేనెంబర్‌లో ఓవర్‌ల్యాప్‌ పేరిట డ్రామాలాడుతున్నారని మండిపడ్డారు. ఈ భూమికి 1970నుంచి మ్యాపు ఉందని, 388 ఎకరాలు ఉన్నట్లు స్పష్టంగా ఉందని చెప్పారు. ఇక్కడ మిగిలిపోయిన భూమిలో అమరవీరుల కుటుంబాలకు కాలనీ నిర్మించాలని నిర్ణయించినట్లు సీఎం చెప్పడం విడ్డూరంగా ఉందన్నారు. నిజంగానే వారిపై చిత్తశుద్ధి ఉంటే...హైద్రాబాద్‌లోని గచ్చిబౌలిలో ఇళ్లు నిర్మించి ఇవ్వాలన్నారు. సమావేశంలో గజ్వేల్‌ మార్కెట్‌ కమీటీ మాజీ చైర్మన్‌ మాదాసు శ్రీనివాస్‌, బీఆర్‌ఎస్‌ గజ్వేల్‌ పట్టణ శాఖ అధ్యక్షుడు నవాజ్‌మీరా, నాయకులు కళ్యాన్‌కర్‌ నర్సింగరావు, ఊడెం క్రిష్ణారెడ్డి తదితరులు పాల్గొన్నారు.

● బీజేపీ అనుబంధ సంస్థగా ఎన్నికల సంఘం ● మంత్రి పొన్నం ప్రభాకర్‌ హుస్నాబాద్‌: ఎన్నికల సంఘం బీజేపీ అనుబంధ సంస్థగా వ్యవహరిస్తూ లక్షల ఓట్లను తొలగిస్తోందని మంత్రి పొన్నం ప్రభాకర్‌ అన్నారు. కాంగ్రెస్‌ అధినేత రాహుల్‌ గాంధీ, ప్రియాంక గాంధీ, ఇండియా కూటమి ఎంపీల అరెస్ట్‌కు నిరసనగా బుధవారం కాంగ్రెస్‌ పార్టీ ఆధ్వర్యంలో ఆందోళన చేపట్టారు. హుస్నాబాద్‌ పట్టణంలోని గాంధీ విగ్రహం ఎదుట ఽమంత్రి బైఠాయించి నిరసన తెలిపారు. ఈ సందర్భంగా మంత్రి పొన్నం ప్రభాకర్‌ మాట్లాడుతూ ఎంపీలను, ప్రతిపక్ష నాయకులను అరెస్ట్‌ చేసి వారి గొంతును అణచివేయడం నియంతృత్వ వైఖరికి నిదర్శనమన్నారు. ఓటరు సవరణ ప్రక్రియ పేరుతో ఎన్నికలను అపహాస్యం చేస్తున్న సీఈసీ జ్ఞానేశ్వర్‌ కుమార్‌ రాజీనామా చేయాలని డిమాండ్‌ చేశారు. దేశంలో ఓట్ల దొంగతనం జరుగుతుందన్నారు. ఓట్లనే ఎన్నికల కమిషన్‌ దొంగిలిస్తే ఎవరికి చెప్పుకోవాలో అర్థం కాని పరిస్థితి నెలకొందన్నారు. ఓటు హక్కును తొలగించే హక్కు జ్ఞానేశ్వర్‌ కుమార్‌కు లేదన్నారు. మరోసారి రాజ్యాంగం, ప్రజాస్వామ్యం ప్రమాదంలో పడుతున్న పరిస్ధితుల్లో వాటిని కాపాడుకోవాల్సిన బాధ్యత అందరి పై ఉందన్నారు. ముఖ్యంగా ఎస్సీ, ఎస్టీ, బీసీ, మైనార్టీ వర్గాల ఓట్లను లక్ష్యంగా చేసుకొని ఓట్లను తొలగిస్తున్నారని ఆరోపించారు. కాంగ్రెస్‌ పార్టీ జాతీయ నాయకులు ఓటు బచావో, దేశ్‌ బచావో అనే నినాదంతో ప్రజల్లో చైతన్యం తీసుకువస్తున్నారని తెలిపారు. ఓటు హక్కు ప్రతి భారతీయుడి ప్రజాస్వామ్య గుర్తింపు అని అన్నారు. కార్యక్రమంలో మాజీ ఎమ్మెల్యే నర్సారెడ్డి, మున్సిపల్‌ చైర్‌ పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, మార్కెట్‌ కమిటీ చైర్మన్‌ తిరుపతి రెడ్డి, సింగిల్‌ విండో చైర్మన్‌ బొలిశెట్టి శివయ్య, మాజీ గ్రంథాలయ చైర్మన్‌ కేడం లింగమూర్తి, మాజీ ఎంపీపీ ఆకుల వెంకట్‌, కాంగ్రెస్‌ పట్టణ అద్యక్షుడు వెంకట రమణ, కౌన్సిలర్లు, నాయకులు పాల్గొన్నారు.

ఎంపీ రఘునందన్‌రావు దుబ్బాక: ప్రభుత్వం విద్యారంగంపై పూర్తిగా నిర్లక్ష్య వైఖరిని అవలంబిస్తోందని ఎంపీ రఘునందన్‌రావు ఆవేదన వ్యక్తం చేశారు. బుధవారం సాయంత్రం భూంపల్లి–అక్బర్‌పేట మండలం చిన్ననిజాంపేట గ్రామంలో ప్రీ ప్రైమరీ స్కూల్‌ను ప్రారంభించారు. అలాగే విద్యార్థులకు స్పోర్ట్స్‌ యూనిఫామ్స్‌ అందించారు. ఈ సందర్భంగా ఆయన మాట్లాడుతూ రాష్ట్రంలో ప్రభుత్వ పాఠశాలలు, కళాశాలల్లో మౌలిక సదుపాయాలు, ఉపాధ్యాయులు సరిగ్గా లేక విద్యవ్యవస్థ కుంటుపడుతుందన్నారు. విద్యారంగాన్ని పటిష్టపరుస్తామంటూ గొప్పలు చెప్పడం తప్పా ఆచరణలో చేసిందేంలేదన్నారు. ప్రజలకిచ్చిన హామీలను నెరవేర్చాలని డిమాండ్‌ చేశారు. ఇదిలా ఉంటే.. గ్రామంలో పర్యటించిన ఎంపీ ప్రజల సమస్యలు ఓపిగ్గా విన్నారు. ఈ సందర్భంగా నూతనంగా వేసిన బోర్‌ మోటార్‌ను ప్రారంభించారు. కార్యక్రమంలో సర్పంచ్‌ పీరాల మహేష్‌, ఎంఈఓ అంజాగౌడ్‌, ఉపాధ్యాయులు, ప్రజలు తదితరులు ఉన్నారు.ట్రాక్టర్‌కు ట్రాకింగ్‌ సిస్టమ్‌ నంగునూరు(సిద్దిపేట): గ్రామ పంచాయతీ ట్రాక్టర్లను ఇతర పనులకు వినియోగించకుండా ట్రాకింగ్‌ సిస్టమ్‌ బిగించామని ఎంపీడీఓ శ్రీనివాస్‌ అన్నారు. బుధవారం మండలంలోని అన్ని గ్రామ పంచాయతీల ట్రాక్టర్లు, వాటర్‌ ట్యాంకర్లకు జీపీఆర్‌ఎస్‌ ట్రాకింగ్‌ కిట్టును బిగించారు. అనంతరం ఎంపీడీఓ మాట్లాడు తూ పంచాయతీ వాహనాల వినియోగాన్ని ఆన్‌లైన్‌ ద్వారా తెలుసుకునేందుకు జిల్లా కలెక్టర్‌ ఆదేశాల మేరుకు జీపీఆర్‌ఎస్‌ ఏర్పాటు చేశామన్నారు. జిల్లా అధికారులు ట్రాకింగ్‌ సిస్టమ్‌ ద్వారా వాహనాలు ఎక్కడ తిరుగుతున్నాయో పర్యవేక్షిస్తారన్నారు. కార్యక్రమంలో సూపరింటెండెంట్‌ ప్రభాకర్‌రావు, ఉపసర్పంచ్‌ల ఫోరం రాష్ట్ర ప్రధాన కార్యదర్శి శ్రీధర్‌గౌడ్‌, కనకరాజు, పంచాయతీ కార్యదర్శులు, ఉప సర్పంచ్‌లు పాల్గొన్నారు. కాంగ్రెస్‌ ఎస్సీ జనరల్‌ సెక్రటరీగా మల్లేశందుబ్బాకరూరల్‌: కాంగ్రెస్‌ పార్టీ జిల్లా ఎస్సీ డిపార్ట్‌మెంట్‌ జనరల్‌ సెక్రటరీగా దుబ్బాకకు చెందిన ఇస్తారిగల్ల మల్లేశం నియమితులయ్యారు. బుధవారం జిల్లా ఎస్సీ డిపార్ట్‌మెంట్‌ చైర్మన్‌ తప్పెట శంకర్‌ చేతుల మీదుగా నియామక పత్రం అందుకున్నారు. కార్యక్రమంలో కాంగ్రెస్‌ పార్టీ నాయకులు రఘువర్ధన్‌రెడ్డి, వైస్‌ చైర్మన్‌ తిరుపతి తదితరులు పాల్గొన్నారు. సేవా జ్యోతి కలశ యాత్ర హుస్నాబాద్‌ నుంచి సిద్దిపేట వరకు బైక్‌ ర్యాలీ హుస్నాబాద్‌: ప్రధాన మంత్రి నరేంద్ర మోదీ 25 ఏళ్ల ప్రజాసేవకు కృతజ్ఞతగా బుధవారం హుస్నాబాద్‌లో బీజేపీ ఆధ్వర్యంలో సేవా జ్యోతి కలశ యాత్రను ఘనంగా నిర్వహించారు. కార్యక్రమ బాధ్యులు కోమటిరెడ్డి రాంగోపాల్‌ రెడ్డి అంబేడ్కర్‌ విగ్రహానికి పూల మాలలు వేసి సేవా జ్యోతి కలశ యాత్ర, బైక్‌ ర్యాలీని ప్రారంభించారు. హుస్నాబాద్‌ నుంచి సిద్దిపేట వరకు కార్యకర్తలు బైక్‌ ర్యాలీగా వెళ్లారు. ఈ సందర్బంగా రాంగోపాల్‌ రెడ్డి మాట్లాడుతూ సేవా జ్యోతి కేవలం ఒక కార్యక్రమం కాదని, సేవ, త్యాగం, అంకితభావం, నిబద్దతకు ప్రతీకగా నిలిచే జాతీయ సంకల్పం అని అన్నారు. కార్యక్రమంలో బీజేపీ జిల్లా ప్రధాన కార్యదర్శి ఖమ్మం వెంకటేశం, అసెంబ్లీ కన్వీనర్‌ గుర్రాల లక్ష్మారెడ్డి, కుమారస్వామి, పృథ్వీరాజ్‌, లక్కిరెడ్డి తిరుమల, స్వరూప, వివిధ మండలాల అధ్యక్షులు పాల్గొన్నారు.

రైతన్నకు వరిగోస ● పొట్టదశలోనే ఎండుతున్న పంటలు ● తీవ్రరూపం దాల్చిన కరెంట్‌ కోతలు ● ఎల్‌నినోతో తీవ్ర వర్షాభావం ● జిల్లాలో 3.50 లక్షల ఎకరాల్లో వరిసాగు ● పంటలు కాపాడాలంటూ రోడ్డెక్కుతున్న రైతులు దుబ్బాక: రైతుల పరిస్థితి ముందు నుయ్యి వెనుక గొయ్యిలా తయారైంది. ఎల్‌నినో ప్రభావంతో ఈ వానాకాలంలో అంతంత మాత్రంగానే వానలు పడటంతో చెరువులు, కుంటల్లో పెద్దగా నీరు చేరలేదు. వరిపంటలన్నా పండుతాయనుకుంటే పుండుమీద కారం చల్లినట్లుగా కరెంట్‌ కోతలు తీవ్రంగా మారాయి. కనీసం 8 గంటలు కూడా కరెంట్‌ సరఫరా లేకపోవడంతో నీళ్లు అందక పంటలు ఎండిపోతుండడంతో తీవ్ర ఇబ్బందులు పడుతున్నారు. సరిగ్గా పొట్ట దశలో 80 శాతం వరిచేలు ఉండగా ఇంకా 20 శాతం వరకు ఈని వరిగొలుసులు పాలు పోసుకుంటున్నాయి.ఈ క్రమంలో వరి పంటలకు నీళ్లు ఎక్కువగా అవసరం. దంచికొడుతున్న ఎండలు.. ఎల్‌నినో ప్రభావంతో వానల జాడలేక పోగా ఎండలు దంచి కొడుతున్నాయి. ఇటు కరెంట్‌ సరిగ్గా రాక నీళ్లు పారక ఎండలతో వరిచేలు చాలా వరకు నెర్రలు బారాయి. ఈ సీజన్‌లో జిల్లాలో 3.50 లక్షలకు పైగా ఎకరాల్లో వరిపంట సాగైంది. సరిగ్గా ఇంకో నెలరోజులైతే పంట చేతికొస్తుందని ఆశపడిన రైతులకు కరెంట్‌ కోతలు కంటిమీద కునుకులేకుండా చేస్తున్నాయి. రైతుల నిరసనలు కరెంట్‌ సక్రమంగా ఇచ్చి ఎండుతున్న తమ పంటలను కాపాడాలంటూ రైతులు రోడ్డెక్కి ఆందోళనలు చేస్తున్నారు. ఇప్పటికై నా సంబంధిత విద్యుత్‌ అధికారులు స్పందించి నెలరోజులైనా కరెంట్‌ కనీసం 12 గంటలు ఇచ్చి పంటలు కాపాడాలంటూ రైతులు డిమాండ్‌ చేస్తున్నారు. ప్రజాపాలన అంటే ఇదేనా? కాంగ్రెస్‌ ప్రభుత్వం రైతులకు కరెంట్‌ కూడా సక్రమంగా ఇవ్వడంలేదు. ప్రజాపాలన అంటే పంటలను ఎండగొట్టడమేనా? రైతులు ఆందోళనలు చేస్తున్నా ప్రభుత్వంలో చలనం లేదు. కరెంట్‌ సక్రమంగా సరఫరా చేసి పంటలను కాపాడాలి. – కొత్త ప్రభాకర్‌రెడ్డి, ఎమ్మెల్యే దుబ్బాక