రోహిత్‌ శర్మ టెస్ట్‌లకు రిటైర్మెంట్‌ ప్రకటించిన తర్వాత టీమిండియా కెప్టెన్సీ రేసులో శుభ్‌మన్‌ గిల్‌ ముందున్నాడు. భారత సెలెక్టర్లు, బీసీసీఐ గిల్‌కు భారత టెస్ట్‌ జట్టు పగ్గాలు అప్పజెప్పేందుకు సుముఖంగా ఉన్నట్లు తెలుస్తుంది. టెస్ట్‌ల్లో గిల్‌కు అంత మంచి ట్రాక్‌ రికార్డు లేనప్పటికీ.. బీసీసీఐ పెద్దలు అతనివైపే మొగ్గుచూపుతున్నారు. బుమ్రా, కేఎల్‌ రాహుల్‌, శ్రేయస్‌ అయ్యర్‌ లాంటి ఆప్షన్స్‌ ఉన్నా ఆల్‌ ఫార్మాట్‌ ఆటగాడని గిల్‌ను వెనకేసుకొస్తున్నారు. ప్రస్తుత పరిస్థితులను బట్టి చూస్తే.. గిల్‌ సారథ్యంలోనే భారత్‌ కఠినమైన ఇంగ్లండ్‌ పర్యటనకు వెళ్లనుందన్న విషయం స్పష్టమవుతుంది. మరో రెండు రోజుల్లో గిల్‌ బీసీసీఐ చీఫ్‌ సెలెక్టర్‌ అజిత్‌ అగార్కర్‌, టీమిండియా హెడ్‌ కోచ్‌ గౌతమ్‌ గంభీర్‌తో భేటి కానున్నాడని తెలుస్తుంది.ఇంగ్లండ్‌ పర్యటన కోసం ఎంపిక చేసే భారత టెస్ట్‌ జట్టుకు గిల్ సారధిగా నియమితుడైతే టీమిండియా దిగ్గజ కెప్టెన్‌ ఎంఎస్ ధోనితో కలిసి ఓ చెత్త రికార్డును షేర్‌ చేసుకుంటాడు. గడిచిన 30 సంవత్సరాల్లో 30 కంటే తక్కువ బ్యాటింగ్ సగటుతో సేనా దేశాల్లో (దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా) టీమిండియాకు నాయకత్వం వహించిన కెప్టెన్‌గా అపప్రదను మూటగట్టుకుంటాడు. ఈ జాబితాలో ధోనితో పాటు కేఎల్‌ రాహుల్‌ కూడా ఉన్నాడు.సేనా దేశాల్లో ధోని బ్యాటింగ్‌ సగటు 28.37 కాగా.. రాహుల్‌ బ్యాటంగ్‌ సగటు 29.60గా ఉంది. గిల్‌ విషయానికొస్తే.. సేనా దేశాల్లో అతని బ్యాటింగ్‌ సగటు ధోని, రాహుల్‌ కంటే అధ్వానంగా 25.70గా ఉంది. గిల్‌ టీమిండియా నయా టెస్ట్‌ కెప్టెన్‌గా నియమితుడైతే ధోని, రాహుల్‌తో పాటు పైన పేర్కొన్న చెత్త రికార్డును షేర్‌ చేసుకుంటాడు. టెస్ట్‌లకు గుడ్‌బై చెప్పిన విరాట్‌టెస్ట్‌ క్రికెట్‌కు టీమిండియా కెప్టెన్‌ రోహిత్‌ శర్మ రిటైర్మెంట్‌ ప్రకటించిన వారంలోపే విరాట్‌ కోహ్లి కూడా టెస్ట్‌లకు గుడ్‌బై చెబుతున్నట్లు ప్రకటించాడు. ఇవాళ (మే 12) ఉదయం కోహ్లి టెస్ట్‌ రిటైర్మెంట్‌ ప్రకటనను చేశాడు. బీసీసీఐలోని కొందరు పెద్దలు కోహ్లిని రిటైర్మెంట్‌ విషయంలో వెనక్కు తగ్గాలని కోరినా వినలేదని తెలుస్తుంది. గతేడాది టీ20 వరల్డ్‌కప్‌ తర్వాత పొట్టి క్రికెట్‌కు గుడ్‌బై చెప్పిన కోహ్లి.. తాజాగా టెస్ట్‌లకు కూడా వీడ్కోలు పలికాడు.

ఇంగ్లండ్‌తో టెస్టు సిరీస్‌కు టీమిండియా కొత్త కెప్టెన్‌ నియామకం దాదాపుగా ఖరారైనట్లు తెలుస్తోంది. రోహిత్‌ శర్మ (Rohit Sharma) నిష్క్రమణ నేపథ్యంలో యువ ఓపెనర్‌ శుబ్‌మన్‌ గిల్‌ (Shubman Gill)కు పగ్గాలు అప్పగించేందుకు బోర్డు సుముఖంగా ఉన్నట్లు తెలుస్తోంది. అదే విధంగా.. అతడికి డిప్యూటీగా మరో యువ ఆటగాడినే ఎంపిక చేయాలని సెలక్టర్లు భావిస్తున్నట్లు సమాచారం.ఈసారి కనీసం ఫైనల్‌ చేరకుండానేగతేడాది టెస్టుల్లో పరాభవాల పాలైన టీమిండియా ప్రపంచ టెస్టు చాంపియన్‌షిప్‌ (WTC)-2025 ఫైనల్‌కు దూరమైన విషయం తెలిసిందే. వరుసగా రెండుసార్లు డబ్ల్యూటీసీ ఫైనల్‌కు చేరినప్పటికీ టైటిల్‌కు అడుగుదూరంలో నిలిచిపోయిన భారత్‌.. ఈసారి ఆలోటు తీర్చుకుంటుందనుకుంటే ఇలా మొత్తానికే మోసం వచ్చింది.స్వదేశంలో న్యూజిలాండ్‌తో మూడు టెస్టుల్లో 3-0తో వైట్‌వాష్‌ కావడం.. ఆస్ట్రేలియాతో బోర్డర్‌- గావస్కర్‌ ట్రోఫీ (BGT)-2025లో 3-1తో ఓడటం ఇందుకు ప్రధాన కారణాలు. ఈ రెండు సందర్భాల్లోనూ కెప్టెన్‌గా, బ్యాటర్‌గా విఫలమైన రోహిత్‌ శర్మ బుధవారమే సంప్రదాయ ఫార్మాట్‌కు వీడ్కోలు పలికాడు.విరాట్‌ కోహ్లి కూడా రోహిత్‌ బాటలోనే!ఈ క్రమంలో మరో సీనియర్‌ బ్యాటర్‌, దిగ్గజ ఆటగాడు విరాట్‌ కోహ్లి కూడా రోహిత్‌ బాటలోనే నడుస్తాడనే వార్తలు వినిపించాయి. కోహ్లి ఇంగ్లండ్‌తో సిరీస్‌లో కెప్టెన్‌గా వ్యవహరించేందుకు సిద్ధంగా ఉన్నా.. బోర్డు అందుకు సమ్మతించలేదని.. అందుకే అతడు ఈ మేర తీవ్ర నిర్ణయానికి వచ్చినట్లు వదంతులు వ్యాపించాయి.వైస్‌ కెప్టెన్‌గా పంత్‌డబ్ల్యూటీసీ 2025-27 కొత్త సీజన్‌లో యువ రక్తంతో నిండిన జట్టును ఇప్పటి నుంచే సిద్ధం చేయాలనే యోచనలో ఉన్న బోర్డు.. కోహ్లికి నో చెప్పిందన్నది వాటి సారాంశం. తాజా సమాచారం ప్రకారం.. శుబ్‌మన్‌ గిల్‌ను కెప్టెన్‌గా నియమించాలని బీసీసీఐ నిర్ణయించింది. మే ఆఖరి వారంలో ఇందుకు సంబంధించి అధికారిక ప్రకటన విడుదల చేయనున్నట్లు తెలుస్తోంది.అదే విధంగా.. వికెట్‌ కీపర్‌ బ్యాటర్‌ రిషభ్‌ పంత్‌ను వైస్‌ కెప్టెన్‌గా నియమించాలని సెలక్టర్లు నిర్ణయించినట్లు వార్తలు వస్తున్నాయి. నిజానికి గిల్‌ కంటే పంత్‌ సీనియర్‌. అంతేకాదు ఆస్ట్రేలియా, ఇంగ్లండ్‌ వంటి విదేశీ గడ్డలపై సమర్థవంతంగా ఆడిన అనుభవం అతడికి ఉంది.అయితే, ఇటీవల ఆసీస్‌ పర్యటనలో పంత్‌ పూర్తిగా విఫలమయ్యాడు. షాట్ల ఎంపిక విషయంలో పదే పదే తప్పులు చేస్తూ విమర్శల పాలయ్యాడు. ఇలాంటి తరుణంలో గిల్‌ వైపు మొగ్గు చూపిన యాజమాన్యం.. అతడి చుట్టూ భవిష్యత్‌ జట్టును నిర్మించాలని యోచిస్తున్నట్లు తెలుస్తోంది. వికెట్‌ కీపర్‌గా బాధ్యతలు నిర్వర్తించే పంత్‌పై అదనపు భారం మోపకుండా.. బ్యాటింగ్‌పైనే ప్రధానంగా దృష్టి పెట్టేలా బోర్డు ఈ మేరకు నిర్ణయం తీసుకున్నట్లు తెలుస్తోంది.కాగా టీమిండియా- ఇంగ్లండ్‌ మధ్య టెస్టులతో డబ్ల్యూటీసీ 2025-27 సీజన్‌ ఆరంభం కానుంది. జూన్‌ 20 నుంచి ఇరుజట్ల మధ్య ఇంగ్లండ్‌ వేదికగా ఐదు మ్యాచ్‌ల టెస్టు సిరీస్‌ జరుగుతుంది. చదవండి: SRH: బ్యాటర్ల వైఫల్యం... బౌలర్ల నిస్సహాయత

ఐపీఎల్‌-2025 సీజ‌న్ నిరావ‌ధికంగా వాయిదా ప‌డ‌డంతో భార‌త జ‌ట్టు ఇక ఇంగ్లండ్‌తో టెస్టు సిరీస్‌కు స‌న్న‌ద్దం కానుంది. ఈ ఏడాది జూన్‌లో ఇంగ్లండ్ ప‌ర్య‌ట‌న‌కు టీమిండియా వెళ్ల‌నుంది. ఈ ప‌ర్య‌ట‌న‌లో భాగంగా ఆతిథ్య జ‌ట్టు భార‌త్ ఐదు మ్యాచ్‌ల టెస్టు సిరీస్‌లో త‌ల‌ప‌డ‌నుంది.ఈ క్ర‌మంలో ఇంగ్లండ్‌ టెస్టు సిరీస్ కోసం భార‌త జ‌ట్టు ప్ర‌క‌ట‌నకు బీసీసీఐ సెల‌క్ష‌న్ క‌మిటీ ముహార్తం ఖారారు చేసింది. క్రిక్‌బ‌జ్ రిపోర్ట్ ప్ర‌కారం.. మే 23న బీసీసీఐ విలేక‌రుల స‌మావేశం నిర్వ‌హించి, ఇంగ్లండ్ ప‌ర్య‌ట‌న‌కు వెళ్లే జ‌ట్టుతో పాటు భారత టెస్ట్ కెప్టెన్‌ను కూడా ప్ర‌క‌టించ‌ననున్న‌ట్లు స‌మాచారం. రోహిత్ శ‌ర్మ టెస్టుల‌కు రిటైర్మెంట్ ప్ర‌క‌టించ‌డంతో కొత్త కెప్టెన్ ఎంపిక ఇప్పుడు అనివార్య‌మైంది. తొలుత‌ ఇంగ్లండ్ టెస్ట్ సిరీస్ కోసం భారత జట్టును మే 20న ప్ర‌క‌టిస్తామ‌ని బీసీసీఐ కార్యదర్శి దేవజిత్ సైకియా పేర్కొన్నారు. కానీ స్టార్ బ్యాట‌ర్ విరాట్ కోహ్లి టెస్ట్ క్రికెట్ నుంచి రిటైర్ కావ‌ల‌నుకుంటున్న‌ట్లు బీసీసీఐకి చెప్ప‌డంతో జ‌ట్టు ప్ర‌క‌ట‌న‌ను రెండు రోజుల పాటు వాయిదా వేసిన‌ట్లు వినికిడి. కోహ్లిని త‌న నిర్ణ‌యాన్ని మార్చుకోవాల‌ని బీసీసీఐ సూచించిన‌ట్లు ప‌లు రిపోర్ట్‌లు పేర్కొంటున్నాయి. మ‌రి కోహ్లి యూ-టర్న్ తీసుకుంటాడా? లేదా అన్న‌ది మ‌రో కొన్ని రోజుల్లో తేలిపోనుంది. ఇక భార‌త టెస్టు కెప్టెన్సీ రేసులో శుభ్‌మ‌న్ గిల్ ముందుంజ‌లో ఉన్నాడు.ప్ర‌స్తుతం టీమిండియా టెస్టు వైస్ కెప్టెన్‌గా జ‌స్ప్రీత్ బుమ్రా కొన‌సాగుతున్నాడు. కానీ గాయాల బెడద, వర్క్‌లోడ్‌ మేనేజ్‌మెంట్‌లో భాగంగా అత‌డికి కెప్టెన్సీ ప‌గ్గాలు అప్ప‌గించ‌కూడ‌ద‌ని బీసీసీఐ భావిస్తుందంట‌. దాదాపు శుబ్‌మ‌న్ గిల్ పేరును బీసీసీఐ ఖారారు చేసిన‌ట్లు వినికిడి.

టీమిండియా దిగ్గజ బ్యాటర్‌ విరాట్‌ కోహ్లి (Virat Kohli) టెస్టులకు వీడ్కోలు పలకబోతున్నాడన్న వార్తల నడుమ.. తాజాగా మరో ప్రచారం తెరమీదకు వచ్చింది. భారత క్రికెట్‌ నియంత్రణ మండలి (BCCI) తన అభ్యర్థనను తిరస్కరించిన కారణంగానే కోహ్లి ఈ నిర్ణయం తీసుకునేందుకు సిద్ధపడ్డాడనే వార్తలు వినిపిస్తున్నాయి.ఈసారి ఫైనల్‌ చేరకుండానేకాగా ప్రపంచ టెస్టు చాంపియన్‌షిప్‌ (WTC) 2023-25 సీజన్‌ ఆరంభంలో అదరగొట్టిన రోహిత్‌ సేన.. అసలు సమయానికి చేతులెత్తేసిన విషయం తెలిసిందే. స్వదేశంలో న్యూజిలాండ్‌ చేతిలో 3-0తో వైట్‌వాష్‌కు గురైన టీమిండియా.. ఆ తర్వాత ఆస్ట్రేలియా పర్యటనలోనూ వైఫల్యాలను కొనసాగించింది.బోర్డర్‌- గావస్కర్‌ ట్రోఫీ-2025లో భాగంగా ఐదు మ్యాచ్‌ల టెస్టు సిరీస్‌లోనూ 3-1తో ఓటమిపాలైంది. తద్వారా ఈసారి ఫైనల్‌ చేరకుండానే ఇంటి బాట పట్టింది. రెండు సిరీస్‌లలో ఇంతటి ఘోర పరాభవానికి కారణం కెప్టెన్‌ రోహిత్‌ శర్మ, విరాట్‌ కోహ్లిల బ్యాటింగ్‌ వైఫల్యమే.అయితే, కోహ్లి ఆసీస్‌ గడ్డపై ఓ శతకంతో మెరిసి టచ్‌లోకి వచ్చినట్లు కనిపించినా.. రోహిత్‌ మాత్రం పూర్తిగా తేలిపోయాడు. అనంతరం ఈ ఇద్దరూ రంజీ ట్రోఫీ బరిలో దిగి అక్కడా విఫలమయ్యారు. ఈ నేపథ్యంలో రోహిత్‌ శర్మ టెస్టుకు వీడ్కోలు పలకాలనే డిమాండ్లు రాగా.. బుధవారం ఇందుకు సంబంధించి అతడు అధికారిక ప్రకటన విడుదల చేశాడు.సోషల్‌ మీడియా వేదికగాతాను టెస్టు ఫార్మాట్‌ నుంచి రిటైర్‌ అవుతున్నట్లు రోహిత్‌ శర్మ సోషల్‌ మీడియా వేదికగా వెల్లడించాడు. ఇంగ్లండ్‌తో జూన్‌ 20 నుంచి మొదలుకానున్న డబ్ల్యూటీసీ 2025-27 సైకిల్‌ ఆరంభానికి ముందే ఈ నిర్ణయం తీసుకున్నాడు. ఇక కోహ్లి కూడా అదే బాటలో నడిచేందుకు సిద్ధమయ్యాడని తాజాగా వార్తలు వస్తున్నాయి.జట్టుకు బలం అతడుఅయితే, బీసీసీఐ మాత్రం కోహ్లిని ఇంగ్లండ్‌తో సిరీస్‌ వరకైనా ఆడాలని కోరినట్లు తెలుస్తోంది. ఎన్డీటీవీతో బీసీసీఐ వర్గాలు ఈ విషయం గురించి మాట్లాడుతూ.. ‘‘కోహ్లి ఇంకా పరుగుల దాహంతోనే ఉన్నాడు. అతడు డ్రెసింగ్‌రూమ్‌లో ఉంటే జట్టుకు బలం.ఇప్పట్లో టెస్టులకు గుడ్‌బై చెప్పాలనే నిర్ణయాన్ని పునరాలోచించుకోవాలని కోరాం’’ అని పేర్కొన్నాయి.కెప్టెన్సీ అడిగాడు.. బీసీసీఐ కుదరదు అంది?అయితే, టైమ్స్‌ ఆఫ్‌ ఇండియా కథనం ప్రకారం.. రోహిత్‌ శర్మ వీడ్కోలు నేపథ్యంలో విరాట్‌ కోహ్లి తనకు కెప్టెన్సీ కావాలని అడిగినట్లు తెలుస్తోంది. అయితే, బీసీసీఐ మాత్రం ఇందుకు విముఖత వ్యక్తం చేసినట్లు సమాచారం. శుబ్‌మన్‌ గిల్‌ వంటి యువ ఆటగాడికి పగ్గాలు అప్పగించాలని బోర్డు సహా ప్రధాన కోచ్‌ గౌతం గంభీర్‌ భావిస్తున్నట్లు తెలుస్తోంది.ఈ విషయం గురించి బీసీసీఐ వర్గాలు టైమ్స్‌ ఆఫ్‌ ఇండియాతో మాట్లాడుతూ.. ‘‘డబ్ల్యూటీసీ కొత్త సైకిల్‌ మొదలుకానుంది. దీర్ఘకాల ప్రయోజనాలను దృష్టిలో పెట్టుకుని భవిష్యత్తు కెప్టెన్‌ నియమించాలని బోర్డు భావిస్తోంది.హెడ్‌కోచ్‌ గంభీర్‌ కూడా ఇలాగే ఆలోచిస్తున్నారు. కొత్తతరం ఆటగాళ్లతో పటిష్ట జట్టు తయారు చేసుకోవాలనే ఉద్దేశంతో ఉన్నారు. ఇంగ్లండ్‌ వంటి మేటి జట్టుతో సిరీస్‌ నుంచే ఈ పని మొదలుపెట్టాలని భావిస్తున్నారు. అందుకే కొత్త నాయకుడి వైపే యాజమాన్యం మొగ్గు చూపుతోంది’’ అని పేర్కొన్నాయి.కెప్టెన్‌గానూ హిట్‌కాగా గతంలో కెప్టెన్‌గా ఆస్ట్రేలియా గడ్డపై బోర్డర్‌- గావస్కర్‌ ట్రోఫీ గెలవడంతో పాటు టెస్టుల్లో భారత్‌ను అగ్రస్థానంలో నిలిపిన ఘనత కోహ్లికి ఉంది. టెస్టుల్లో అతడి రికార్డులు అమోఘం. అయితే, వన్డే కెప్టెన్సీ నుంచి తనను తొలగించిన తర్వాత... సౌతాఫ్రికా పర్యటనలో ఓటమి అనంతరం టెస్టు పగ్గాలు కూడా వదిలేశాడు.కోహ్లి సారథ్యంలో డబ్ల్యూటీసీ 2019-21లో టీమిండియా ఫైనల్‌కు చేరింది. అయితే, ఆ తర్వాత రోహిత్‌ గైర్హాజరీలో కూడా కోహ్లి ఎప్పుడూ కెప్టెన్‌గా ‍వ్యవహరించలేదు. బ్యాటర్‌గా కొనసాగేందుకే ఇష్టపడ్డాడు. అలాంటిది ఇప్పుడు కోహ్లి కెప్టెన్సీ అడిగాడని.. అందుకు బోర్డు నిరాకరించిందనే వార్తలు కల్పితాలే అని విశ్లేషకులు భావిస్తున్నారు.చదవండి: IPL 2025: మిగిలిన మ్యాచ్‌లు మేము నిర్వహిస్తాం: బీసీసీఐకి ఆఫర్‌!

ఇంగ్లండ్ ప‌ర్య‌ట‌న‌కు ముందు టీమిండియా కెప్టెన్ రోహిత్ శ‌ర్మ టెస్టు క్రికెట్‌కు రిటైర్మెంట్ ప్ర‌క‌టించిన సంగ‌తి తెలిసిందే. రోహిత్ శ‌ర్మ బుధ‌వారం త‌న నిర్ణ‌యాన్ని వెల్ల‌డించి అంద‌రికి షాకిచ్చాడు. ఇక‌పై కేవ‌లం వ‌న్డే ఫార్మాట్‌లో మాత్ర‌మే కొన‌సాగ‌నున్న‌ట్లు హిట్‌మ్యాన్ తెలిపాడు. ఈ క్ర‌మంలో ఇంగ్లండ్ టూర్‌కు కేవ‌లం నెల రోజుల స‌మయం మాత్ర‌మే ఉండ‌డంతో కొత్త టెస్టు కెప్టెన్‌ను ఎంపిక చేసే ప‌నిలో బీసీసీఐ సెల‌క్ష‌న్ క‌మిటీ ప‌డింది.కెప్టెన్సీ రేసులో స్టార్ ప్లేయ‌ర్లు శుబ్‌మ‌న్ గిల్‌, రిష‌బ్ పంత్, జ‌స్ప్రీత్ బుమ్రా ఉన్నారు. ప్రస్తుతం బుమ్రా.. టీమిండియా టెస్ట్ వైస్ కెప్టెన్‌గా కొనసాగుతున్నాడు. కానీ గాయాల బెడద, వర్క్‌లోడ్‌ మేనేజ్‌మెంట్‌లో భాగంగా అతన్ని ఈ కెప్టెన్స్ రేసు నుంచి గ్రూప్‌ నుంచి తప్పించే యోచనలో బీసీసీఐ ఉన్న‌ట్లు వినికిడి. తాజాగా ఈ జాబితాలోకి కేఎల్ రాహుల్ చేరిన‌ట్లు స‌మాచారం. కెప్టెన్‌గా తక్కువ అనుభవం ఉన్న గిల్‌, పంత్ కంటే సీనియ‌ర్ ప్లేయ‌ర్ అయిన రాహుల్‌కు ప‌గ్గాలు అప్ప‌గిస్తే బెటర్ అని సెల‌క్ట‌ర్లు భావిస్తున్న‌ట్లు అజిత్ అగార్కర్ అండ్ కో భావిస్తున్న‌ట్లు తెలుస్తోంది. అంతేకాకుండా ఇంగ్లండ్ సిరీస్ త‌ర్వాత పూర్తి స్ధాయి కెప్టెన్‌ను నియ‌మించ‌నున్న‌ట్లు వార్త‌లు వినిపిస్తున్నాయి.కెప్టెన్‌గా రాహుల్‌..టెస్టు కెప్టెన్సీ ప‌రంగా కేఎల్ రాహుల్‌కు అనుభ‌వం ఉంది. గ‌తంలో మూడు సార్లు టీమిండియాకు రాయ‌ల్ నాయ‌క‌త్వం వ‌హించాడు. 2022లో అత‌డి సార‌థ్యంలోనే బంగ్లాదేశ్‌తో రెండు మ్యాచ్‌ల టెస్టు సిరీస్‌ను భార‌త్ సొంతం చేసుకుంది. అదేవిధంగా ద‌క్షిణాఫ్రికాతో జ‌రిగిన ఓ టెస్టు మ్యాచ్‌లో కూడా రాహుల్ కెప్టెన్‌గా వ్య‌వ‌హరించాడు.అయితే ఆ మ్యాచ్‌లో టీమిండియా 7 వికెట్ల తేడాతో ఓట‌మి పాలైంది. ఇంగ్లండ్‌లో వ్య‌క్తిగ‌త గ‌ణాంకాల ప‌రంగా కూడా రాహుల్‌కు మంచి రికార్డు ఉంది. ఇంగ్లండ్ గ‌డ్డ‌పై ఈ వికెట్ కీప‌ర్ ఈ కీపర్-బ్యాటర్ 9 మ్యాచ్‌ల్లో 614 పరుగులు చేశాడు. ఈ టెస్టు ప‌ర్య‌ట‌న‌కు బీసీసీఐ భార‌త జ‌ట్టును మే రెండో వారంలో ప్ర‌క‌టించే అవ‌కాశ‌ముంది.చ‌ద‌వండి: పీసీబీకి చావు దెబ్బ!.. రావల్పిండి స్టేడియంపై డ్రోన్‌ దాడి?.. PSLపై నీలినీడలు!

ఐపీఎల్‌-2025 (IPL 2025)లో గుజరాత్‌ టైటాన్స్‌ ప్లే ఆఫ్స్‌ రేసులో మరో ముందడుగు వేసింది. ముంబై ఇండియన్స్‌ (MI vs GT)తో మంగళవారం నాటి మ్యాచ్‌లో మూడు వికెట్ల తేడాతో గెలిచి.. పాయింట్ల పట్టికలో అగ్రస్థానానికి దూసుకువచ్చింది. అయితే, ఈ గెలుపు గుజరాత్‌కు అంత సులువుగా ఏమీ దక్కలేదు.వర్షం కారణంగా పదే పదే వాయిదా పడిన మ్యాచ్‌ ఎట్టకేలకు పూర్తి కావడంతో గిల్‌ సేనకు ఊరట దక్కింది. ఒకవేళ వాన వల్ల మ్యాచ్‌ రద్దయిపోతే ఇరు జట్లకు చెరో పాయింట్‌ వచ్చేది. అప్పుడు గుజరాత్‌ ప్లే ఆఫ్స్‌ అవకాశాలు కాస్త క్లిష్టంగా మారేవి. మరోవైపు.. బ్యాటింగ్‌ పరంగా విఫలమైన ముంబై పాలిట వర్షం వరంగా మారేది. టైమింగ్‌ను మార్చడంతోఅందుకే, మధ్యలో వాన తెరిపినిచ్చినా మ్యాచ్‌ టైమింగ్‌ను పదే పదే మార్చడంపై గుజరాత్‌ టైటాన్స్‌ హెడ్‌కోచ్‌ ఆశిష్‌ నెహ్రా తీవ్ర ఆగ్రహం వ్యక్తం చేశాడు. అనేక అవాంతరాల అనంతరం.. అర్ధరాత్రి దాటిన తర్వాత 12:09 AM నుంచి మ్యాచ్‌ను 12:25 AMకు మార్చిన అంపైర్లు.. ఆ తర్వాత మ్యాచ్‌ పునఃప్రారంభాన్ని 12:30 AMకు వాయిదా వేశారు.వర్షమా?.. ఎక్కడ?ఈ నేపథ్యంలో మైదానంలోకి వచ్చిన ఆశిష్‌ నెహ్రా అంపైర్లతో వాదనకు దిగినట్లు కనిపించింది. మరోవైపు.. టైటాన్స్‌ బ్యాటర్‌ రాహుల్‌ తెవాటియా కూడా.. ‘‘వర్షం ఎక్కడ పడుతోంది’’ అన్నట్లుగా అంపైర్లతో వాదించాడు. ఇందుకు సంబంధించిన దృశ్యాలు నెట్టింట వైరల్‌గా మారాయి. కీలకమైన మ్యాచ్‌లో గెలుపునకు దగ్గరైన వేళ వరుణుడితో పాటు అంపైర్లు కూడా తమతో దోబూచులాడటం నచ్చకే వీళ్లిద్దరూ ఇలా ఫైర్‌ అయ్యారంటూ అభిమానులు తమదైన శైలిలో కామెంట్లు చేస్తున్నారు.Rahul Tewatia saying where is rain.- Ashish Nehra is furious.Rain go 🤣#MIvGT #MIvsGT pic.twitter.com/oEiO7q1Qpf— its cinema (@iitscinema) May 6, 2025రాణించిన గుజరాత్‌ బౌలర్లుకాగా ముంబైలోని వాంఖడేలో జరిగిన ఈ మ్యాచ్‌లో టాస్‌ గెలిచిన గుజరాత్‌ తొలుత బౌలింగ్‌ చేసింది. బౌలర్లు సమిష్టిగా రాణించడంతో ముంబైని 155 పరుగులకు కట్టడి చేయగలిగింది. సాయి కిషోర్‌ రెండు వికెట్లు తీయగా.. సిరాజ్‌, అర్షద్‌ ఖాన్‌, రషీద్‌ ఖాన్‌, గెరాల్డ్‌ కోయెట్జి ఒక్కో వికెట్‌ తమ ఖాతాలో వేసుకున్నారు.ఇక ముంబై బ్యాటర్లలో ఓపెనర్లు రియాన్‌ రికెల్టన్‌ (2), రోహిత్‌ శర్మ (7) పూర్తిగా విఫలమయ్యారు. ఇలాంటి దశలో వన్‌డౌన్‌ బ్యాటర్‌ విల్‌జాక్స్‌ (53), సూర్యకుమార్‌ యాదవ్‌ (35) కలిసి ఇన్నింగ్స్‌ చక్కదిద్దారు. ఆఖర్లో కార్బిన్‌ బాష్‌ (27) కూడా రాణించడంతో ముంబై ఎనిమిది వికెట్లు నష్టపోయి 155 పరుగులు చేసింది.డక్‌వర్త్‌ లూయిస్‌ పద్ధతి ప్రకారంఇక లక్ష్య ఛేదనలో టైటాన్స్‌కు పదే పదే వర్షం ఆటంకం కలిగించింది. అయితే, కెప్టెన్‌ శుబ్‌మన్‌ గిల్‌ (43), వికెట్‌ కీపర్‌ బ్యాటర్‌ జోస్‌ బట్లర్‌ (30), షెర్ఫానే రూథర్‌ఫర్డ్‌ (28) రాణించారు. అయితే, ఆఖర్లో వర్షం వల్ల డక్‌వర్త్‌ లూయిస్‌ పద్ధతి ప్రకారం 19 ఓవర్లలో గుజరాత్‌ లక్ష్యాన్ని 147గా నిర్ణయించారు.ఈ క్రమంలో ఆఖరి ఓవర్లో అనేక నాటకీయ పరిణామాల నడుమ గుజరాత్‌ 19 ఓవర్లలో ఏడు వికెట్ల నష్టానికి సరిగ్గా 147 పరుగులు చేసి జయభేరి మోగించింది. చివరి ఓవర్లో ముంబై పేసర్‌ దీపక్‌ చహర్‌ బౌలింగ్‌లో (4,1, 6, N1, 1, W, 1) తెవాటియా కొట్టిన ఫోర్‌, కోయెట్జి బాదిన సిక్సర్‌ గుజరాత్‌ను విజయతీరాలకు చేర్చడంలో కీలక పాత్ర పోషించాయి.ఇక ఈ సీజన్‌లో ఇప్పటికి పదకొండు మ్యాచ్‌లు పూర్తి చేసుకున్న గుజరాత్‌కు ఇది ఎనిమిదో విజయం. ఫలితంగా గిల్‌ సేన ఖాతాలో ఇప్పుడు 16 పాయింట్లు ఉన్నాయి. నెట్‌ రన్‌రేటు (0.793) పరంగానూ మెరుగ్గా ఉండటంతో పాయింట్ల పట్టికలో మొదటి స్థానానికి దూసుకువచ్చింది.చదవండి: టీ20 క్రికెట్లో అది నేరం లాంటిదే!.. ఏదేమైనా క్రెడిట్‌ మా బౌలర్లకే: ఓటమిపై హార్దిక్‌Rain delays, wickets falling, and nerves running high 📈...@gujarat_titans edge past everything to seal a thrilling win over #MI that had fans on the edge of their seats! 🥳Scorecard ▶ https://t.co/DdKG6Zn78k #TATAIPL | #MIvGT pic.twitter.com/NLYj3ZlI3w— IndianPremierLeague (@IPL) May 6, 2025

గుజరాత్‌ టైటాన్స్‌ చేతిలో ఓటమిపై ముంబై ఇండియన్స్‌ కెప్టెన్‌ హార్దిక్‌ పాండ్యా (Hardik Pandya) స్పందించాడు. ఆఖరి వరకు తమ జట్టు పోరాడిన తీరు అద్భుతమని కొనియాడాడు. అయితే, నో బాల్స్‌ వేయడం ప్రభావం చూపిందన్న హార్దిక్‌.. టీ20లలో ఇలా చేయడం నేరంతో సమానమని పేర్కొన్నాడు.ఐపీఎల్‌-2025 (IPL 2025) ప్లే ఆఫ్స్‌ అవకాశాలను మెరుగుపరచుకునే క్రమంలో ముంబై మంగళవారం గుజరాత్‌ టైటాన్స్‌తో తలపడింది. సొంత మైదానం వాంఖడేలో టాస్‌ ఓడిన ముంబై తొలుత బ్యాటింగ్‌కు దిగింది. గుజరాత్‌ బౌలర్ల ధాటికి నిర్ణీత 20 ఓవర్లలో ఎనిమిది వికెట్ల నష్టానికి 155 పరుగులు మాత్రమే చేయగలిగింది.వాన వల్ల పదే పదే ఆగిన ఆటఇక లక్ష్య ఛేదనలో గుజరాత్‌ ఆరంభంలోనే ఓపెనర్‌ సాయి సుదర్శన్‌(5) వికెట్‌ కోల్పోయినా.. మరో ఓపెనర్‌ శుబ్‌మన్‌ గిల్‌ (43) ఇన్నింగ్స్‌ చక్కదిద్దాడు. జోస్‌ బట్లర్‌ (30), షెర్ఫానే రూథర్‌ఫర్డ్‌ (28) అతడికి సహకరించారు.ఈ క్రమంలో 14 ఓవర్లలో రెండు వికెట్ల నష్టానికి 107 పరుగులు చేసి విజయం దిశగా గుజరాత్‌ పయనిస్తున్న వేళ వర్షం వల్ల చాలా సేపు మ్యాచ్‌ నిలిచిపోయింది. అయితే, వాన తెరిపినిచ్చిన తర్వాత ముంబై బౌలర్లు ఒక్కసారిగా విజృంభించారు. జస్‌ప్రీత్‌ బుమ్రా, ట్రెంట్‌ బౌల్ట్‌ ధాటికి పదహారు బంతుల వ్యవధిలో నాలుగు వికెట్లు నష్టపోయింది.ఈ క్రమంలో మిగిలిన రెండు ఓవర్లలో గుజరాత్‌ విజయానికి 24 పరుగులు అవసరమైన వేళ... భారీ వర్షం వల్ల ఆట మళ్లీ ఆగిపోయింది. ఫలితంగా డక్‌వర్త్‌ లూయిస్‌ పద్ధతి ప్రకారం గుజరాత్‌ లక్ష్యం 19 ఓవర్లలో 147గా మారగా.. ఆరు బంతుల్లో 15 పరుగులు చేయాల్సిన పరిస్థితి.ఆఖరి ఓవర్లో దీపక్‌ చహర్‌ నో బాల్‌ఈ నేపథ్యంలో తమ పేసర్‌ దీపక్‌ చహర్‌ను ముంబై బరిలోకి దించింది. అయితే, తొలి బంతికే రాహుల్‌ తెవాటియా ఫోర్‌ బాదగా.. మరుసటి బంతికి ఒక రన్‌ వచ్చింది. ఆ తర్వాత గెరాల్డ్‌ కోయెట్జి సిక్సర్‌ బాదాడు. దీంతో మూడు బంతుల్లో విజయ సమీకరణం నాలుగు పరుగులుగా మారింది.ఇలాంటి కీలక సమయంలో చహర్‌ నోబాల్‌ వేశాడు. అయితే, ఆ తర్వాత అతడు వేసిన లో ఫుల్‌ టాస్‌కు తెవాటియా ఒక్క పరుగే రాబట్టాడు. దీంతో రెండు బంతుల్లో ఒక్క పరుగు అవసరం కాగా.. చహర్‌ కోయెట్జిని పెవిలియన్‌కు పంపాడు. అయితే, ఆఖరి బంతికి అర్షద్‌ ఖాన్‌ పరుగు తీయడంతో గుజరాత్‌ విజయం ఖరారైంది.అది నేరం లాంటిదే!.. ఏదేమైనా క్రెడిట్‌ మా బౌలర్లకేఈ నేపథ్యంలో మ్యాచ్‌ అనంతరం ముంబై సారథి హార్దిక్‌ పాండ్యా మాట్లాడుతూ.. ‘‘మా వాళ్లు ఆఖరి వరకు పట్టుదలగా పోరాడారు. జట్టుగా మేము సమిష్టిగా ముందుకు సాగాము. అయితే, ఇంకో 25 పరుగులు చేసి ఉంటే పరిస్థితి వేరేలా ఉండేది.ఏదేమైనా మా బౌలర్లకు క్రెడిట్‌ ఇవ్వాల్సిందే. ఇక క్యాచ్‌ డ్రాప్‌ల వల్ల మూల్యం చెల్లించాల్సి వచ్చిందని నేను అస్సలు అనుకోను. మా వాళ్లు ఈరోజు వందకు 120 శాతం కష్టపడ్డారు.ఏదేమైనా నో బాల్స్‌ వేయడం సరికాదు. నేను కూడా అదే పని చేశాను. నిజానికి నా దృష్టిలో టీ20 మ్యాచ్‌లో నో బాల్స్‌ వేయడం నేరం లాంటిది. ఇవే మన కొంప ముంచుతాయి. అయితే, మా వాళ్ల ప్రదర్శన పట్ల నేనైతే సంతోషంగానే ఉన్నాను’’ అని చెప్పుకొచ్చాడు.కాగా గుజరాత్‌ ఇన్నింగ్స్‌ పదకొండో ఓవర్లో హార్దిక్‌ కూడా నో బాల్‌ వేశాడు. ఇక 12వ ఓవర్లో ముంబై శుబ్‌మన్‌ గిల్‌ ఇచ్చిన క్యాచ్‌ను కూడా జారవిడిచింది. కాగా ముంబైపై మూడు వికెట్ల తేడాతో గెలిచిన గుజరాత్‌ 16 పాయింట్లతో పట్టికలో అగ్రస్థానానికి దూసుకెళ్లింది.చదవండి: IPL 2025: చరిత్ర సృష్టించిన సూర్య భాయ్‌ Rain delays, wickets falling, and nerves running high 📈...@gujarat_titans edge past everything to seal a thrilling win over #MI that had fans on the edge of their seats! 🥳Scorecard ▶ https://t.co/DdKG6Zn78k #TATAIPL | #MIvGT pic.twitter.com/NLYj3ZlI3w— IndianPremierLeague (@IPL) May 6, 2025

గత కొంతకాలంగా టెస్టుల్లో పేలవ ప్రదర్శన కనబరిచిన టీమిండియా.. ఇంగ్లండ్‌లో సత్తా చాటి పూర్వ వైభవం పొందాలని పట్టుదలగా ఉంది. ఇంగ్లండ్‌తో సిరీస్‌లో నేపథ్యంలో భారత క్రికెట్‌ నియంత్రణ మండలి (BCCI) సెలక్టర్లు సీనియర్‌ టీమ్, భారత ‘ఎ’ జట్టు కోసం కలిపి ఇప్పటికే ప్రాథమికంగా 35 మంది ప్రాబబుల్స్‌ను ఎంపిక చేశారు. ఇందులో కెప్టెన్‌గా రోహిత్‌ శర్మ (Rohit Sharma)పేరు దాదాపుగా ఖరారు కాగా.. వైస్‌ కెప్టెన్‌ ఎవరన్న అంశంపై సందిగ్దం నెలకొంది.నిజానికి స్వదేశంలో న్యూజిలాండ్‌తో 3-0తో క్లీన్‌స్వీప్‌, ఆస్ట్రేలియా పర్యటనలో 3-1తో బోర్డర్‌ గావస్కర్‌ ట్రోఫీ (BGT)ని చేజార్చుకున్న తర్వాత రోహిత్‌ టెస్టు భవితవ్యంపై సందేహాలు నెలకొన్నాయి. కెప్టెన్‌గానే కాకుండా బ్యాటర్‌గానూ అతడు విఫలం కావడంతో ఇక సంప్రదాయ ఫార్మాట్‌కు వీడ్కోలు పలుకుతాడనే అభిప్రాయాలు వ్యక్తమయ్యాయి. కెప్టెన్‌గానే కాదు.. వైస్‌ కెప్టెన్‌గానూ బుమ్రా అవుట్‌!ఈ నేపథ్యంలో రోహిత్‌ స్థానాన్ని పేస్‌ దళ నాయకుడు, టెస్టు జట్టు వైస్‌ కెప్టెన్‌ జస్‌ప్రీత్‌ బుమ్రా (Jasprit Bumrah)తో భర్తీ చేస్తారనే వార్తలు వచ్చాయి. అయితే, తాజా సమాచారం రోహిత్‌నే కెప్టెన్‌గా కొనసాగించేందుకు మొగ్గు చూపిన బోర్డు.. బుమ్రా పేరును కనీసం వైస్‌ కెప్టెన్సీ రేసులోనూ పరిగణనలోకి తీసుకోవడం లేదు. ఈ విషయం గురించి బీసీసీఐ సన్నిహిత వర్గాలు ఇండియన్‌ ఎక్స్‌ప్రెస్‌తో మాట్లాడుతూ.. ‘‘ఐదు టెస్టులకూ అందుబాటులో ఉండే ఆటగాడికే వైస్‌ కెప్టెన్‌ ఇవ్వాలని భావిస్తున్నాం.నిజానికి బుమ్రా ఈ పర్యటనలో అన్ని మ్యాచ్‌లు ఆడడు. కాబట్టి కెప్టెన్‌కు డిప్యూటీగా వేర్వేరు మ్యాచ్‌లలో వేర్వేరు ఆటగాళ్లను నియమించలేము. అందుకే ఐదు టెస్టులు ఆడే ఆటగాడినే వైస్‌ కెప్టెన్‌గా ఎంపిక చేస్తాం’’ అని పేర్కొన్నాయి.గాయం తిరగబెట్టే అవకాశం!కాగా ఆస్ట్రేలియా పర్యటనలో ఐదింట రెండు టెస్టులకు కెప్టెన్‌గా వ్యవహరించడంతో పాటు.. పేస్‌ దళం భారం మొత్తాన్ని బుమ్రానే మోశాడు. ప్రతిష్టాత్మక బోర్డర్‌- గావస్కర్‌ ట్రోఫీ 2023-25 సీజన్‌లో ముప్పై రెండు వికెట్లు కూల్చి సత్తా చాటాడు. కానీ ఈ సిరీస్‌లో భారత్‌ ఓడిపోయింది. మరోవైపు.. ఆఖరిదైన సిడ్నీ టెస్టులో బుమ్రా గాయపడ్డాడు.వెన్నునొప్పి తిరగబెట్టడంతో ఐసీసీ చాంపియన్స్‌ ట్రోఫీ-2025 మొత్తానికి బుమ్రా అందుబాటులో లేకుండా పోయాడు. ఐపీఎల్‌-2025లో ముంబై ఇండియన్స్‌ ఆరంభ మ్యాచ్‌లకూ అతడు దూరమయ్యాడు. దాదాపు మూడు నెలల పాటు ఆటకు దూరంగానే న్నాడు.ఈ క్రమంలో బుమ్రా ఫిట్‌నెస్‌ దృష్ట్యా ఇంగ్లండ్‌లోనూ అతడిని వరుస మ్యాచ్‌లలో ఆడిస్తే మళ్లీ గాయం తిరగబెట్టే అవకాశం ఉందని పలువురు మాజీ క్రికెటర్లు హెచ్చరిస్తున్నారు.బుమ్రా వంటి విలువైన ఫాస్ట్‌ బౌలర్‌ను కాపాడుకోవాలంటే.. ఒక టెస్టు ముగిసిన తర్వాత రెండో టెస్టు కోసం అతడికి విశ్రాంతినివ్వాలని సూచిస్తున్నారు. ఈ నేపథ్యంలో బుమ్రాపై పనిభారం తగ్గించే విషయంలో సెలక్టర్లు కూడా ఓ నిర్ణయానికి వచ్చారని.. అందుకే వైస్‌ కెప్టెన్సీ రూపంలో అదనపు బాధ్యతల నుంచి కూడా తప్పించాలనే యోచనలో ఉన్నట్లు తెలుస్తోంది.రేసులో ఆ మూడు పేర్లుఒకవేళ బుమ్రాను వైస్‌ కెప్టెన్సీ నుంచి తప్పిస్తే.. అతడి స్థానాన్ని భర్తీ చేయగల ఆటగాళ్ల ఎవరన్న చర్చ ఇప్పటికే మొదలైంది. రిషభ్‌ పంత్‌ లేదంటే.. శుబ్‌మన్‌ గిల్‌, యశస్వి జైస్వాల్‌ల పేర్లు ఈ రేసులో ప్రముఖంగా వినిపిస్తున్నాయి. అయితే, అసలే ఇంగ్లండ్‌తో టెస్టులు కాబట్టి యువ ఆటగాళ్ల వైపు మొగ్గుచూపకుండా.. విరాట్‌ కోహ్లి, కేఎల్‌ రాహుల్‌లకు బోర్డు బాధ్యతలు అప్పగించే అవకాశం లేకపోలేదు. కాగా టీమిండియా ఆటగాళ్లంతా ప్రస్తుతం ఐపీఎల్‌-2025తో బిజీగా ఉన్నారు. మే 25న క్యాష్‌ రిచ్‌ లీగ్‌ ఫైనల్‌ జరుగనుండగా.. ఆ తర్వాత భారత జట్టు ఇంగ్లండ్‌ పర్యటనకు వెళ్తుంది. జూన్‌ 20 నుంచి ఇరుజట్ల మధ్య ఐదు మ్యాచ్‌ల టెస్టు సిరీస్‌ మొదలుకానుంది.చదవండి: PBKS VS LSG: అప్పుడే అంతా అయిపోలేదు: లక్నో కెప్టెన్‌ పంత్‌

సన్‌రైజర్స్‌ హైదరాబాద్‌తో మ్యాచ్‌ సందర్భంగా తాను ప్రవర్తించిన తీరును గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ సమర్థించుకున్నాడు. వందకు నూటా పది శాతం కష్టపడుతున్నపుడు ఇలాంటివి జరుగుతాయని.. ఒక్కోసారి భావోద్వేగాలను అదుపు చేసుకోలేమని పేర్కొన్నాడు.ఐపీఎల్‌-2025 (IPL 2025)లో భాగంగా టైటాన్స్‌ శుక్రవారం సన్‌రైజర్స్‌తో తలపడింది. నరేంద్ర మోదీ స్టేడియంలో జరిగిన ఈ మ్యాచ్‌లో గిల్‌ కెప్టెన్‌ ఇన్నింగ్స్‌తో మెరిశాడు. ఈ ఓపెనింగ్‌ బ్యాటర్‌ 38 బంతుల్లో పది ఫోర్లు, రెండు సిక్సర్ల సాయంతో 76 పరుగులు సాధించాడు.అంపైర్లతో వాదనతనకు అచ్చొచ్చిన మైదానంలో గిల్‌ శతకం దిశగా పయనిస్తున్న వేళ అనూహ్య రీతిలో రనౌట్‌ అయ్యాడు. జీషన్‌ అన్సారీ బౌలింగ్‌లో జోస్‌ బట్లర్‌ పరుగుకు యత్నించగా.. గిల్‌ రన్‌ పూర్తి చేసేందుకు సిద్ధమయ్యాడు. అయితే, ఇంతలో ఫీల్డర్‌ హర్షల్‌ పటేల్‌ విసిరిన బంతిని వికెట్‌ కీపర్‌ హెన్రిచ్‌ క్లాసెన్‌ అందుకుని వికెట్లకు గిరాటేశాడు.అయితే, బంతి క్లాసెన్‌ గ్లోవ్స్‌ను తాకి స్టంప్స్‌ పక్కగా వెళ్లింది. అప్పుడు క్లాసెన్‌ గ్లవ్‌ తాకి స్టంప్స్‌ పైకి ఎగిరినట్లు కనిపించింది. అయితే, కీపర్‌ చేతిలో ఉండగానే బంతి స్టంప్‌ను తాకిందా లేదా అన్నది స్పష్టంగా తెలియరాలేదు. అయినప్పటికీ టీవీ అంపైర్‌ మాత్రం గిల్‌ను అవుట్‌గానే ప్రకటించాడు.మరోసారి వాగ్వాదంఈ నేపథ్యంలో తీవ్ర అసంతృప్తికి లోనైన శుబ్‌మన్‌ గిల్‌ అంపైర్లతో వాగ్వాదానికి దిగాడు. అదే విధంగా.. లక్ష్య ఛేదనలో సన్‌రైజర్స్‌ బ్యాటర్‌ అభిషేక్‌ శర్మ విషయంలో ఎల్బీడబ్ల్యూ అప్పీలు అంశంలో ప్రతికూల నిర్ణయం రావడంతో కోపోద్రిక్తుడయ్యాడు.మళ్లీ అప్పుడు కూడా గిల్‌ అంపైర్‌తో వాదనకు దిగాడు. ఈ పరిణామాల గురించి విజయానంతరం గిల్‌ స్పందించాడు. ‘‘నాకు, అంపైర్‌కు మధ్య చర్చ జరిగింది. ఒక్కోసారి భావోద్వేగాలను అదుపుచేసుకోలేము.తప్పేముంది?.. తగ్గేదేలేగెలిచేందుకు వందకు 110 శాతం కృషి చేస్తున్నపుడు ఇలాంటివి జరుగుతూ ఉంటాయి. జరిగిన విషయం గురించే మాట్లాడాను. ఈ వైఖరి తప్పని నేను అనుకోను’’ అని గిల్‌ స్పష్టం చేశాడు. స్కోరు బోర్డును ఎలా పరుగులు తీయించాలో తమకు తెలుసునని.. ఏదేమైనా ప్లే ఆఫ్స్‌కు చేరువ కావడం సంతోషంగా ఉందని పేర్కొన్నాడు.కాగా ఈ సీజన్‌లో ఇప్పటికి పది మ్యాచ్‌లు ఆడిన గుజరాత్‌కు ఇది ఏడో గెలుపు. తద్వారా పద్నాలుగు పాయిం ట్లతో పట్టికలో రెండోస్థానంలోకి దూసుకు వచ్చింది. మరోవైపు.. ఏడో పరాజయం నమోదు చేసిన సన్‌రైజర్స్‌ ప్లే ఆఫ్స్‌ అవకాశాలను దాదాపు కోల్పోయింది. ఐపీఎల్‌-2025: టైటాన్స్‌ వర్సెస్‌ సన్‌రైజర్స్‌👉టాస్‌: సన్‌రైజర్స్‌.. తొలుత బౌలింగ్‌👉టైటాన్స్‌ స్కోరు: 224/6 (20)👉సన్‌రైజర్స్‌ స్కోరు: 186/6 (20)👉ఫలితం: 38 పరుగుల తేడాతో సన్‌రైజర్స్‌పై టైటాన్స్‌ విజయం👉ప్లేయర్‌ ఆఫ్‌ ది మ్యాచ్‌: ప్రసిద్‌ కృష్ణ (టైటాన్స్‌ పేసర్‌- నాలుగు ఓవర్ల బౌలింగ్‌లో కేవలం 19 పరుగులు ఇచ్చి రెండు వికెట్లు).చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! What's your take? 👇✍🏻#ShubmanGill seen having a word with the umpire after being given out by the third umpire on a tight call! 👀Watch the LIVE action ➡ https://t.co/RucOdyBVUf#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/TPiALXJu8O— Star Sports (@StarSportsIndia) May 2, 2025

గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill) ప్రవర్తన విమర్శలకు దారితీసింది. సారథిగా సంయమనంతో వ్యవహరించాల్సిన ఆటగాడే ఇలా సహనం కోల్పోవడం సరికాదంటూ క్రికెట్‌ ప్రేమికులు అతడిని విమర్శిస్తున్నారు. గిల్‌ నుంచి ఇలాంటివి అస్సలు ఊహించలేదని.. స్నేహపూర్వకంగా చేసే పనులకు కూడా ఓ హద్దు ఉంటుందని సోషల్‌ మీడియా వేదికగా హితవు పలుకుతున్నారు.అసలు విషయమేమిటంటే.. ఐపీఎల్‌-2025 (IPL 2025)లో భాగంగా గుజరాత్‌ టైటాన్స్‌ అహ్మదాబాద్‌ వేదికగా శుక్రవారం సన్‌రైజర్స్‌ హైదరాబాద్‌ జట్టు (GT vs SRH)తో తలపడింది. సొంత మైదానం నరేంద్ర మోదీ స్టేడియంలో టాస్‌ ఓడిన టైటాన్స్‌ తొలుత బ్యాటింగ్‌ చేసింది.సాయి, గిల్‌ మెరుపు ఇన్నింగ్స్‌ఓపెనర్లు సాయి సుదర్శన్‌ (23 బంతుల్లో 48), శుబ్‌మన్‌ గిల్‌ (38 బంతుల్లో 76) మెరుపు ఇన్నింగ్స్‌ ఆడగా.. వన్‌డౌన్‌ బ్యాటర్‌ జోస్‌ బట్లర్‌ (37 బంతుల్లో 64) కూడా అదరగొట్టాడు. వీరికి తోడు వాషింగ్టన్‌ సుందర్‌ (16 బంతుల్లో 21) కూడా రాణించాడు.ఫలితంగా నిర్ణీత 20 ఓవర్లలో టైటాన్స్‌ ఆరు వికెట్లు నష్టపోయి ఏకంగా 224 పరుగులు చేసింది. అయితే, గిల్‌ రనౌట్‌ అయిన తీరు విమర్శలకు దారితీయగా.. అతడు మైదానాన్ని వీడే ముందు అంపైర్‌తో వాదించాడు.38 పరుగుల తేడాతో ఇదిలా ఉంటే.. లక్ష్య ఛేదనలో తడబడ్డ సన్‌రైజర్స్‌ 20 ఓవర్లలో ఆరు వికెట్లు కోల్పోయి కేవలం 186 పరుగులే చేసింది. తద్వారా 38 పరుగుల తేడాతో ఓటమి పాలై ప్లే ఆఫ్స్‌ ఆశలను దాదాపు వదిలేసుకుంది.ఇక రైజర్స్‌ ఇన్నింగ్స్‌లో ఓపెనర్‌ అభిషేక్‌ శర్మ ఒక్కడే మెరుగ్గా ఆడాడు. మొత్తంగా 41 బంతుల్లో నాలుగు ఫోర్లు, ఆరు సిక్సర్ల సాయంతో 74 పరుగులు సాధించాడు. అయితే, పద్నాలుగో ఓవర్లో టైటాన్స్‌ పేసర్‌ ప్రసిద్‌ కృష్ణ వేసిన యార్కర్‌ను ఆడే క్రమంలో అభిషేక్‌ విఫలమయ్యాడు.అంపైర్‌తో గొడవపడి.. అభిషేక్‌ను కాలితో తన్ని!అయితే, బంతి దిశను మార్చుకుని అతడి ప్యాడ్‌ను తాకినట్లు కనిపించింది. కానీ ఫీల్డ్‌ అంపైర్‌ మాత్రం స్పందించకపోవడంతో.. టైటాన్స్‌ రివ్యూకు వెళ్లింది. అందులో బంతి వికెట్లను హిట్‌ చేసినట్లుగా కనిపించినప్పటికీ.. అంపైర్స్‌ కాల్‌ ద్వారా అభిషేక్‌ నాటౌట్‌గా నిలిచాడు.దీంతో సహనం కోల్పోయిన శుబ్‌మన్‌ గిల్‌ ఫీల్డ్‌ అంపైర్‌తో వాదనకు దిగాడు. కోపంతో అతడి పైపైకి వస్తూ వాగ్వాదం పెట్టుకున్నాడు. ఇంతలో అభిషేక్‌ శర్మ జోక్యం చేసుకుని గిల్‌ను కూల్‌ చేసేందుకు ప్రయత్నించాడు.అయితే, అప్పటికి అభిషేక్‌ క్రీజులో ఉండి చాలా సేపు కావడంతో బహుశా కండరాలు పట్టేయడంతో.. ఫిజియోను పిలిపించుకుని ట్రీట్‌మెంట్‌ తీసుకుంటున్నాడు. ఈ క్రమంలో అభిషేక్‌ కింద కూర్చుని ఉండగా.. గిల్‌ వెనక్కి వచ్చి అతడి కాలిని తన్నాడు. సమయం వృథా చేస్తున్నాడన్న కారణంతో ఇలా చేసి ఉంటాడు.PC: BCCI/JioHotstarయాంగ్రీ యంగ్‌ మ్యాన్‌.. సరదాగా చేసినా..కాగా గిల్‌- అభిషేక్‌.. ఇద్దరూ దేశవాళీ క్రికెట్‌లో పంజాబ్‌ జట్టుకు ఆడతారన్న విషయం తెలిసిందే. ఈ ఓపెనింగ్‌ జోడీ మధ్య గాఢమైన స్నేహం ఉంది. అయితే, ఈ మ్యాచ్‌లో మాత్రం అభిషేక్‌ గిల్‌ను సముదాయించేందుకు ప్రయత్నిస్తే.. అతడు మాత్రం ఇలా కాలితో తన్నడం గమనార్హం.అభిషేక్‌తో తనకున్న చనువుతో సరదాగానే గిల్‌ ఈ పని చేసినా.. లైవ్‌లో ఇలాంటి చర్యలు ఎంతమాత్రం సరికాదనే విమర్శలు వెల్లువెత్తుతున్నాయి. కాగా రైజర్స్‌పై గెలుపుతో ఈ సీజన్‌లో టైటాన్స్‌ ఏడో విజయం నమోదు చేయగా.. కమిన్స్‌ సేనకు ఇది ఏడో ఓటమి.చదవండి: IPL 2025: శుబ్‌మ‌న్ గిల్‌ది ఔటా? నాటౌటా? Chaos at the centre! 😳#ShubmanGill and #AbhishekSharma in discussion with the umpires!A review going #SRH’s way has sparked some serious drama! 🧐Watch the LIVE action ➡ https://t.co/RucOdyBo4H#IPLonJioStar 👉 #GTvSRH | LIVE NOW on Star Sports 1, Star Sports 1 Hindi, &… pic.twitter.com/KX68eec2ZB— Star Sports (@StarSportsIndia) May 2, 2025

ఐపీఎల్‌-2025లో గుజరాత్ టైటాన్స్ కెప్టెన్ శుబ్‌మన్ గిల్ అద్భుతమైన ఫామ్‌ను కొనసాగిస్తున్నాడు. ఈ క్యాష్ రిచ్ లీగ్‌లో భాగంగా శుక్రవారం అహ్మదాబాద్ వేదికగా సన్‌రైజర్స్ హైదరాబాద్‌తో జరిగిన మ్యాచ్‌లో గిల్ ఆకాశమే హద్దుగా చెలరేగాడు. తొలి ఓవర్ నుంచే ఎస్‌ఆర్‌హెచ్ బౌలర్లను ఊతికారేశాడు.మహ్మద్ షమీ, కమ్మిన్స్ వంటి వరల్డ్ క్లాస్ బౌలర్లను సైతం గిల్ వదలేదు. ఈ క్రమంలో కేవలం 25 బంతుల్లోనే తన హాఫ్ సెంచరీ మార్క్‌ను అందుకున్నాడు. ఆ తర్వాత కూడా గిల్ ఎక్కడ తగ్గలేదు. దీంతో అతడు దూకుడు చూసి మూడెంకల స్కోర్‌ను అందుకుంటాడని అంతా భావించారు. సరిగ్గా ఇదే సమయంలో గిల్‌ను దురదృష్టం వెంటాడింది. అనుహ్యంగా గిల్ రనౌట్ రూపంలో పెవిలియన్‌కు చేరాడు. దీంతో కేవ‌లం 38 బంతుల్లోనే 10 ఫోర్లు, 2 సిక్స్‌ల‌తో 76 ప‌రుగులు చేసిన గిల్‌.. తీవ్ర నిరాశ‌తో డగౌట్‌కు చేరాల్సి వ‌చ్చింది. అయితే గిల్ ఔటైన తీరు వివాదస్పదమైంది.ఏమి జరిగిందంటే?గుజ‌రాత్ ఇన్నింగ్స్ 13 ఓవ‌ర్ వేసిన జీష‌న్ అన్సారీ బౌలింగ్‌లో ఆఖ‌రి బంతికి జోష్ బ‌ట్ల‌ర్‌.. షార్ట్ ఫైన్ లెగ్ దిశ‌గా ఆడాడు. ఆ బంతికి బ‌ట్ల‌ర్‌, గిల్ క్విక్ సింగిల్ తీసేందుకు ప్ర‌య‌త్నించారు. నాన్‌స్ట్రైక్ నుంచి గిల్ వికెట్ కీప‌ర్ వైపు వ‌చ్చేట‌ప్ప‌టికి బంతిని హ‌ర్ష‌ల్ పటేల్ త్రో చేశాడు. అయితే గిల్ క్రీజులోకి వచ్చేట‌ప్పుడు వికెట్ కీప‌ర్ క్లాసెన్‌ స్టంప్ట్స్ ను ప‌డ‌గొట్టాడు. అయితే క్లాసెన్ బంతితో కాకుండా త‌న గ్లౌవ్స్‌తో స్టంప్స్‌ను ప‌డగొట్లు అన్పించింది. దీంతో సన్‌రైజర్స్ హైదరాబాద్ ఆట‌గాళ్లు అంత ఉత్సాహంగా అప్పీల్ చేయ‌లేదు. ఏదేమైన‌ప్ప‌టికి ఫీల్డ్ అంపైర్‌లు థ‌ర్డ్ అంపైర్‌కు రిఫ‌ర్ చేశారు. రీప్లేలు గిల్ క్రీజుకు షార్ట్‌గా ఉన్నప్పటికీ, క్లాసెన్ తన గ్లోవ్స్‌తో బెయిల్స్‌ను ప‌డ‌గొట్టిన‌ట్లు క‌న్పించింది. కానీ ప‌లు కోణాల్లో రిప్లేల‌ను ప‌రిశీలించిన థ‌ర్డ్ అంపైర్ త‌న నిర్ణ‌యాన్ని ఔట్‌గా ప్ర‌క‌టించి అంద‌రికి షాకిచ్చాడు. థ‌ర్డ్ అంపైర్ నిర్ణ‌యంపై గిల్ కూడా అస‌హ‌నం వ్య‌క్తం చేస్తూ మైదానాన్ని వీడాడు. Shubman Gill robbed of a century here due to a terrible decision by the Umpire 💔The bails are clearly dislodged by the gloves !#ShubmanGill #IPL2025 #GTvSRH pic.twitter.com/aTXAA7Gr4Q— Prateek (@prateek_295) May 2, 2025

ఐపీఎల్‌ 2025లో ఇవాళ (మే 2) గుజరాత్‌ టైటాన్స్‌, సన్‌రైజర్స్‌ హైదరాబాద్‌ తలపడనున్నాయి. గుజరాత్‌ హోం గ్రౌండ్‌ అహ్మదాబాద్‌లో ఈ మ్యాచ్‌ జరుగనుంది. ఈ మ్యాచ్‌ సన్‌రైజర్స్‌కు అత్యంత​ కీలకంగా పరిగణించబడుతుంది. ఈ మ్యాచ్‌లో ఓడితే ఆ జట్టు ప్లే ఆఫ్స్‌ అవకాశాలు గల్లంతైరనట్లే. ఈ సీజన్‌లో ఇప్పటికే సీఎస్‌కే, రాజస్థాన్‌ రాయల్స్‌ ప్లే ఆఫ్స్‌ రేసు నుంచి నిష్క్రమించాయి.సన్‌రైజర్స్‌ ఇప్పటివరకు ఆడిన 9 మ్యాచ్‌ల్లో మూడు విజయాలు సాధించి, పాయింట్ల పట్టికలో చివరి నుంచి రెండో స్థానంలో ఉంది. గుజరాత్‌ విషయానికొస్తే.. 9 మ్యాచ్‌ల్లో ఆరు విజయాలతో నాలుగో స్థానంలో కొనసాగుతూ, ప్లే ఆఫ్స్‌ బెర్త్‌కు ప్రధాన పోటీదారుగా ఉంది. ప్రస్తుత​ పాయింట్ల పట్టికలో ముంబై, ఆర్సీబీ, పంజాబ్‌ టాప్‌-3లో ఉన్నాయి. ఢిల్లీ, లక్నో, కేకేఆర్‌ ఐదు నుంచి ఏడు స్థానాల్లో ఉన్నాయి.గిల్‌ గాయంపై అప్‌డేట్‌గుజరాత్‌ కెప్టెన్‌ శుభ్‌మన్‌ గిల్‌ రాజస్థాన్‌ రాయల్స్‌తో జరిగిన మ్యాచ్‌ సందర్భంగా గాయపడిన విషయం తెలిసిందే. గిల్‌ ఆ మ్యాచ్‌లో వెన్ను సమస్య కారణంగా ఫీల్డింగ్‌కు (బ్యాటింగ్‌ చేశాడు) దిగలేదు. అతడి గైర్హాజరీలో రషీద్‌ ఖాన్‌ గుజరాత్‌కు కెప్టెన్‌గా వ్యవహరించాడు. గిల్‌ గాయంపై గుజరాత్‌ డైరెక్టర్‌ ఆఫ్‌ క్రికెట్‌ విక్రమ్‌ సోలంకి తాజాగా అప్‌డేట్‌ ఇచ్చాడు. గిల్‌ ఇవాళ సన్‌రైజర్స్‌తో జరుగబోయే ​మ్యాచ్‌లో బరిలోకి దిగుతాడని స్పష్టం చేశాడు.గిల్‌ గాయంపై సానుకూల అప్‌డేట్‌ రావడంతో గుజరాత్‌ అభిమానులు ఊపిరి పీల్చుకున్నారు. లీగ్‌ కీలక దశలో గిల్‌ అందుబాటులో ఉండకపోతే అది గుజరాత్‌ ప్లే ఆఫ్స్‌ అవకాశాలను భారీగా ప్రభావితం చేస్తుంది. ఈ సీజన్‌లో గిల్‌ వ్యక్తిగతంగా అద్భుతమై ఫామ్‌లో కొనసాగుతూ (9 మ్యాచ్‌ల్లో 4 హాఫ్‌ సెంచరీల సాయంతో 389 పరుగులు చేసి ఈ సీజన్‌ లీడింగ్‌ రన్‌ స్కోరర్ల జాబితలో ఏడో స్థానంలో ఉన్నాడు), తన జట్టును కూడా విజయవంతంగా నడిపిస్తున్నాడు. రాజస్థాన్‌ మ్యాచ్‌లో గిల్‌ లేని లోటు స్పష్టంగా కనిపించింది. ఆ మ్యాచ్‌లో రషీద్‌ అనుభవారాహిత్యం కారణంగా గుజరాత్‌ ఓటమిపాలైంది. రషీద్‌ కీలక సమయంలో సరైన నిర్ణయాలు తీసుకోవడంలో విఫలం కావడంతో పాటు బౌలర్లను సరిగ్గా మేనేజ్‌ చేయలేకపోయాడు.నేటి మ్యాచ్‌కు గిల్‌ అందుబాటులోకి రావడం గుజరాత్‌లో జోష్‌ నింపనుంది. ఈ మ్యాచ్‌ గెలిస్తే ఆ జట్టు పాయింట్ల పట్టికలో రెండో స్థానానికి ఎగబాకడంతో పాటు ప్లే ఆఫ్స్‌ బెర్త్‌ను దాదాపుగా ఖరారు చేసుకుంటుంది. ఈ సీజన్‌లో గుజరాత్‌ నేటి మ్యాచ్‌తో కలుపుకుని మరో ఐదు మ్యాచ్‌లు ఆడాల్సి ఉంది. మే 6న ముంబై ఇండియన్స్‌తో, మే 11న ఢిల్లీ క్యాపిటల్స్‌తో, మే 14న లక్నోతో, మే 18న సీఎస్‌కేతో తలపడనుంది.నేటి మ్యాచ్‌కు తుది జట్లు (అంచనా)గుజరాత్‌: శుభ్‌మన్ గిల్ (C), సాయి సుదర్శన్, జోస్ బట్లర్ (WK), షెర్ఫాన్ రూథర్‌ఫోర్డ్, షారుక్ ఖాన్, వాషింగ్టన్ సుందర్, రాహుల్ తెవాటియా, రషీద్ ఖాన్, సాయి కిషోర్, మహమ్మద్ సిరాజ్, ప్రసిద్ధ్ కృష్ణ, ఇషాంత్ శర్మసన్‌రైజర్స్‌: ట్రావిస్ హెడ్, అభిషేక్ శర్మ, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్ (WK), అనికేత్ వర్మ, కమిందు మెండిస్, పాట్ కమిన్స్ (C), హర్షల్ పటేల్, సిమర్జీత్ సింగ్, జీషన్ అన్సారీ, మహమ్మద్ షమీ

ఐపీఎల్‌లో రికార్డు సెంచరీతో చెల‌రేగిన‌ 'సిక్స‌ర పిడుగు' వైభవ్‌ సూర్యవంశీపై శుబ్‌మన్ గిల్ చేసిన వ్యాఖ్య‌ల ప‌ట్ల మాజీ క్రికెట‌ర్ అజ‌య్ జడేజా అసంతృప్తి వ్య‌క్తం చేశాడు. అత‌డు అలా మాట్లాడి ఉండాల్సి కాద‌ని పరోక్షంగా కౌంట‌ర్ ఇచ్చాడు. జైపూర్‌లోని స‌వాయ్‌ మాన్‌సింగ్ స్టేడియంలో సోమ‌వారం రాత్రి గుజరాత్ టైటాన్స్‌తో జ‌రిగిన మ్యాచ్‌లో టీనేజీ సంచ‌ల‌నం సూర్యవంశీ (14) సూప‌ర్ సెంచ‌రీతో రాజ‌స్తాన్ రాయ‌ల్స్‌కు ఘ‌న విజ‌యం అందించాడు. దీంతో క్రికెట్ ప్ర‌పంచంలో అత‌డి పేరు మార్మోగిపోతోంది. ఈ రోజు ఆ 14 ఏళ్ల ఈ కుర్రాడి గురించే అంతా మాట్లాడుకుంటున్నారు.మ్యాచ్ ముగిసిన త‌ర్వాత శుబ్‌మన్ గిల్ (Shubman Gill) మాట్లాడుతూ.. సూర్యవంశీకి అదృష్టం క‌లిసి వ‌చ్చింద‌న్న‌ట్టుగా వ్యాఖ్యానించాడు. త‌న‌కు వ‌చ్చిన అవ‌కాశాల‌ను స‌ద్వినియోగం చేసుకున్నాడ‌ని కామెంట్ చేశాడు. "ఇది అతడి (అదృష్ట) రోజు. అద్భుతంగా హిట్టింగ్ చేశాడు. అతడు తన రోజును పూర్తిగా ఉపయోగించుకున్నాడ"ని గిల్ అన్నాడు. ఈ వ్యాఖ్య‌ల‌పై అజ‌య్ జ‌డేజా త‌న‌దైన శైలిలో స్పందించాడు. "14 ఏళ్ల పిల్లవాడు తనపై తాను పూర్తి విశ్వాసం ఉంచాడు. ఎంత‌గా అంటే తాను న‌మ్మిన‌దాన్ని ఉన్న‌త శిఖ‌రాల‌కు చేర్చాల‌నుకున్నాడు. చేసి చూపించాడు. ఎవరో ఆటగాడు చెప్పినట్లుగా ఇది అతడి అదృష్ట దినం" అని కౌంట‌ర్ ఇచ్చాడు.చిన్న వ‌య‌సులోనే రికార్డు సెంచ‌రీతో చెల‌రేగిన సూర్యవంశీపై అజ‌య్ జ‌డేజా (Ajay Jadeja) ప్ర‌శంసలు కురిపించాడు. "క్రికెట్ ఆడే మనమందరం.. డ్రాయింగ్ రూమ్‌లలో లేదా స్నేహితులతో ఆడుతున్నప్పుడో ఒక నిర్దిష్ట మార్గంలో మ‌న ఆట‌ గురించి కలలు కన్నాం. మ‌నం ఇష్ట‌ప‌డేది సాధించాల‌ని 14 మరియు 15 సంవత్సరాల వయస్సులో మ‌నమంతా స్వ‌ప్నించాం. కానీ సూర్యవంశీ తన క‌ల‌ను నిజం చేసుకోవాల‌ని జీవించాడు. అదే అత‌డి శ‌క్తి. ఇక అత‌డి ఆట‌ను వంద సార్లు విశ్లేషిస్తార"ని జ‌డేజా పేర్కొన్నాడు.వైభవ్‌ సూర్యవంశీ స‌క్సెస్‌లో రాజ‌స్తాన్ రాయ‌ల్స్ హెచ్ కోచ్ రాహుల్ ద్ర‌విడ్‌, బ్యాటింగ్ కోచ్ విక్ర‌మ్ రాథోడ్ (Vikram Rathour) కీలంగా వ్యహ‌రించార‌ని జ‌డేజా వెల్ల‌డించాడు. సూర్యవంశీని స్వేచ్ఛగా ఆడేలా ప్రోత్స‌హించార‌ని ప్ర‌శంసించాడు. కాగా, రాజ‌స్తాన్ త‌న త‌ర్వాతి మ్యాచ్ మే 1న జైపూర్‌లో ముంబై ఇండియ‌న్స్‌తో ఆడుతుంది. మే 12న చెన్నై సూప‌ర్ కింగ్స్‌తో ఆర్‌ఆర్ త‌ల‌ప‌డ‌నుంది. చ‌ద‌వండి: తండ్రి త్యాగం, ప‌ట్టుద‌ల‌తో ఎదిగిన వైభవ్‌ సూర్యవంశీ

టీమిండియా స్టార్ ప్లేయ‌ర్ శుబ్‌మ‌న్ గిల్ వ్య‌క్తిగ‌త జీవితం గురుంచి గ‌త కొంత‌కాలంగా పుకార్లు షికారు చేస్తున్న సంగ‌తి తెలిసిందే. తొలుత భార‌త క్రికెట్ దిగ్గ‌జం స‌చిన్ టెండూల్క‌ర్‌ కుమార్తె సారా టెండూల్కర్‌తో గిల్ ప్రేమాయ‌ణం సాగించిన‌ట్లు ప్ర‌చారం జ‌రిగింది. మ‌ళ్లీ కొంత‌కాలం త‌ర్వాత వీళ్లిద్దరికి బ్రేకప్ అయిందని వార్త‌లు వినిపించాయి.అయితే ఈ వార్త‌ల‌పై గిల్ కానీ సారా కానీ ఎప్పుడు స్పందించలేదు. ఆ త‌ర్వాత బాలీవుడ్ బ్యూటీ సారా అలీ ఖాన్‌తో గిల్ డేటింగ్‌లో ఉన్న‌ట్లు సోష‌ల్ మీడియాలో జోరుగా ప్ర‌చారం సాగింది. కానీ గిల్‌తో తాను డేటింగ్ చేయ‌డం లేద‌ని సారా అలీ ఖాన్ స్పష్టం చేసింది. వీరిద్ద‌రి త‌ర్వాత మ‌రో బాలీవుడ్ హీరోయిన్ అనన్య పాండేతో గిల్ పీకల్లోతు ప్రేమలో ఉన్న‌ట్లు వార్త‌లు వ‌చ్చాయి. అయితే ఈ వార్త‌ల‌ను అన‌న్య మాత్రం ఖండించింది. అవ‌న్నీ వ‌ట్టి రూమ‌ర్సే అని కొట్టిపారేసింది. తాజాగా త‌న రిలేష‌న్‌షిప్‌పై వ‌స్తున్న వార్త‌ల‌పై గిల్‌ స్పందించాడు. గ‌త మూడేళ్ల నుంచి తాను ఒంట‌రిగా ఉన్నాన‌ని గిల్ చెప్పుకొచ్చాడు."నేను ప్ర‌స్తుతం ఎవ‌రితోనూ ప్రేమ‌లో లేను. గ‌త మూడేళ్ల నుంచి నేను ఒంట‌రిగా ఉన్నాను. ఇటీవ‌ల కాలంలో చాలా మందితో న‌న్ను ముడిపెట్టారు. నా వ్య‌క్తిగ‌త జీవితంపై చాలా ఊహాగానాలు, పుకార్లు ప్ర‌చారం చేశారు. నేను ఎప్పుడూ చూడని, కలవని వ్యక్తితో కూడా లింకులు పెడుతున్నారు. నిజంగా ఇది చాలా హాస్యాస్పదం. ప్రస్తుతం నేను నా ప్రొఫెషనల్ కెరీర్‌పై దృష్టి పెట్టాను. ప్ర‌స్తుతం ఒక‌రితో ప్రేమాయ‌ణం న‌డిపే అంత స‌మ‌యం నా ద‌గ్గ‌ర లేదు. మేము ఎక్కడ‌క్క‌డికో ప్రయాణిస్తుంటాము. ప్రొఫెషనల్ కెరీర్‌తో బీజీగా ఉన్నాను" అని ఓ ఛాన‌ల్‌కు ఇచ్చిన ఇంట‌ర్వ్యూలో గిల్ పేర్కొన్నాడు. కాగా ఐపీఎల్‌-2025లో గుజ‌రాత్ టైటాన్స్ కెప్టెన్‌గా శుబ్‌మ‌న్ గిల్ వ్య‌వ‌హ‌రిస్తున్నాడు.చ‌ద‌వండి: బీసీసీఐ పొమ్మంది.. క‌ట్ చేస్తే! అభిషేక్ నాయ‌ర్‌కు మ‌రో ఆఫ‌ర్‌?

ఐపీఎల్‌లో గుజరాత్‌ టైటాన్స్‌ ఓపెనింగ్‌ జోడీ శుభ్‌మన్‌ గిల్‌, సాయి సుదర్శన్‌ రికార్డు నెలకొల్పింది. నిన్న (ఏప్రిల్‌ 21) కేకేఆర్‌తో జరిగిన మ్యాచ్‌లో సెంచరీ భాగస్వామ్యం (114 పరుగులు) నమోదు చేసిన ఈ జోడీ.. క్యాష్‌ రిచ్‌ లీగ్‌లో అత్యధిక ఓపెనింగ్‌ శతక భాగస్వామ్యాలు (6) నెలకొల్పిన భారత జోడీగా చరిత్ర సృష్టించింది. ఈ మ్యాచ్‌కు ముందు ఈ రికార్డు గిల్‌-సాయి సుదర్శన్‌.. కేఎల్‌ రాహుల్‌-మయాంక్‌ అగర్వాల్‌.. గౌతమ్‌ గంభీర్‌-రాబిన్‌ ఉతప్ప జోడీల పేరిట సంయుక్తంగా ఉండేది. ఓవరాల్‌గా ఐపీఎల్‌లో అత్యధిక ఓపెనింగ్‌ శతక భాగస్వామ్యాలు నమోదు చేసిన జోడీగా విరాట్‌ కోహ్లి-ఏబీ డివిలియర్స్‌ ద్వయం ఉంది. ఈ జోడీ ఐపీఎల్‌లో 10 సెంచరీ పార్ట్‌నర్‌షిప్స్‌ నమోదు చేసింది. విరాట్‌-ఏబీడీ జోడీ తర్వాత అత్యధిక ఓపెనింగ్‌ శతక భాగస్వామ్యాలు నమోదు చేసిన జోడీగా క్రిస్‌ గేల్‌-విరాట్‌ ద్వయం ఉంది. ఈ జోడీ 9 సెంచరీ పార్ట్‌నర్‌షిప్స్‌ నమోదు చేసింది. వీరి తర్వాత గిల్‌-సాయి సుదర్శన్‌, శిఖర్‌ ధవన్‌-డేవిడ్‌ వార్నర్‌, డుప్లెసిస్‌-విరాట్‌ ద్వయాలు తలో 6 ఓపెనింగ్‌ శతక భాగస్వామ్యాలు నమోదు చేసి ఈ జాబితాలో సంయుక్తంగా మూడో స్థానంలో ఉన్నాయి. ప్రస్తుత ఐపీఎల్‌ సీజన్‌లోనే గిల్‌-సాయి సుదర్శన్‌ జోడీ రెండు శతక భాగస్వామ్యాలు నమోదు చేయడం విశేషం.ఐపీఎల్‌లో తొలి వికెట్‌కు అత్యధిక సెంచరీ భాగస్వామ్యాలు నమోదు చేసిన భారత జోడీలుసాయి సుదర్శన్‌-శుభ్‌మన్‌ గిల్‌ (గుజరాత్‌)- 6కేఎల్‌ రాహుల్‌-మయాంక్‌ అగర్వాల్‌ (పంజాబ్‌)-5గౌతమ్‌ గంభీర్‌-రాబిన్‌ ఉతప్ప (కేకేఆర్‌)-5ఓవరాల్‌గా ఐపీఎల్‌లో తొలి వికెట్‌కు అత్యధిక సెంచరీ భాగస్వామ్యాలు నమోదు చేసిన జోడీలువిరాట్‌ కోహ్లి-ఏబీ డివిలియర్స్‌ (ఆర్సీబీ)- 10విరాట్‌ కోహ్లి-క్రిస్‌ గేల్‌ (ఆర్సీబీ)- 9విరాట్‌ కోహ్లి- ఫాఫ్‌ డుప్లెసిస్‌ (ఆర్సీబీ)-6శుభ్‌మన్‌ గిల్‌- సాయి సుదర్శన్‌ (గుజరాత్‌)- 6శిఖర్‌ ధవన్‌- డేవిడ్‌ వార్నర్‌ (సన్‌రైజర్స్‌)- 6మ్యాచ్‌ విషయానికొస్తే.. ఈ మ్యాచ్‌లో గుజరాత్‌ కేకేఆర్‌ను 39 పరుగుల తేడాతో చిత్తు చేసింది. తద్వారా గుజరాత్‌ పాయింట్ల పట్టికలో అగ్రస్థానాన్ని పదిలం​ చేసుకుంది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గుజరాత్‌.. గిల్‌ (90), సాయి సుదర్శన్‌ (52), బట్లర్‌ (41 నాటౌట్‌) సత్తా చాటడంతో నిర్ణీత ఓవర్లలో 3 వికెట్ల నష్టానికి 198 పరుగులు చేసింది. అనంతరం ఛేదనలో గుజరాత్‌ బౌలర్లు కలిసికట్టుగా రాణించి కేకేఆర్‌ను 158 పరుగులకే పరిమితం చేశారు. ప్రసిద్ద్‌, రషీద్‌ ఖాన్‌ చెరో 2, సిరాజ్‌, ఇషాంత్‌, సుందర్‌, సాయికిషోర్‌ తలో వికెట్‌ తీశారు. కేకేఆర్‌ ఇన్నింగ్స్‌లో రహానే ఒక్కడే హాఫ్‌ సెంచరీతో (50) రాణించాడు. గుజరాత్‌ ఏప్రిల్‌ 28న జరిగే తమ తదుపరి మ్యాచ్‌లో రాజస్థాన్‌ రాయల్స్‌తో తలపడుతుంది.

ప్రస్తుత ఐపీఎల్‌ సీజన్‌లో గుజరాత్‌ టైటాన్స్‌ అంచనాలకు తలకిందులు చేస్తూ వరుస విజయాలతో దూసుకుపోతుంది. ఇప్పటివరకు ఆడిన 8 మ్యాచ్‌ల్లో 6 విజయాలతో టేబుల్‌ టాపర్‌గా కొనసాగుతుంది. మరో ఆరు మ్యాచ్‌లు ఆడాల్సి ఉన్నా ప్లే ఆఫ్స్‌ బెర్త్‌ను దాదాపుగా ఖరారు చేసుకుంది.ప్రస్తుతం ఆరెంజ్‌, పర్పుల్‌ క్యాప్‌లు కూడా గుజరాత్‌ ఆటగాళ్ల చేతుల్లోనే ఉన్నాయి. సాయి సుదర్శన్‌ 8 మ్యాచ్‌ల్లో 417 పరుగులు చేసి అత్యధిక పరుగులు చేసిన ఆటగాడిగా కొనసాగుతున్నాడు. 8 మ్యాచ్‌ల్లో 16 వికెట్లు తీసిన ప్రసిద్ద్‌ కృష్ణ అత్యధిక వికెట్లు తీసిన బౌలర్‌గా చలామణి అవుతున్నాడు. బ్యాటింగ్‌లో అత్యధిక పరుగులు చేసిన ఆటగాళ్ల టాప్‌-10 జాబితాలో సాయి సుదర్శన్‌తో పాటు జోస్‌ బట్లర్‌, కెప్టెన్‌ శుభ్‌మన్‌ గిల్‌ ఉన్నారు. ఈ ముగ్గురు గుజరాత్‌ టాపార్డర్‌లో అంచనాలకు మించి రాణిస్తున్నారు. ప్రతి మ్యాచ్‌లో ఈ ముగ్గురిలో ఒకరిద్దరు సత్తా చాటుతున్నారు. బౌలింగ్‌లోనూ అత్యధిక వికెట్లు తీసిన టాప్‌-10 బౌలర్ల జాబితాలో ప్రసిద్ద్‌ సహా ముగ్గురు గుజరాత్‌ బౌలర్లు ఉన్నారు. ఈ సీజన్‌లో రవిశ్రీనివాస్‌ సాయికిషోర్‌ ఊహలకందని విధంగా సత్తా చాటుతూ అత్యధిక వికెట్లు తీసిన బౌలర్ల జాబితాలో నాలుగో స్థానంలో ఉన్నాడు. ఈ ఏడాదే కొత్తగా గుజరాత్‌లో చేరిన సిరాజ్‌ సైతం ఈ సీజన్‌లో అదరగొడుతున్నాడు. అత్యధిక వికెట్లు తీసిన బౌలర్ల జాబితాలో ఆరో స్థానంలో ఉన్నాడు. గుజరాత్‌ విజయాల్లో మిడిలార్డర్‌ బ్యాటర్లు షెర్ఫాన్‌ రూథర్‌ఫోర్డ్‌, రాహుల్‌ తెవాతియా, షారుఖ్‌ ఖాన్‌, వాషింగ్టన్‌ సుందర్‌ కీలకపాత్ర పోషిస్తున్నారు. వెటరన్‌ బౌలర్‌ ఇషాంత్‌ శర్మ కూడా ఈ సీజన్‌లో అదరగొడుతున్నాడు. స్టార్‌ స్పిన్నర్‌ రషీద్‌ ఖాన్‌ ఫామ్‌ ఒక్కటే ఈ సీజన్‌లో గుజరాత్‌ను కలవరపెడుతుంది. అతను కూడా నిన్న (ఏప్రిల్‌ 21) కేకేఆర్‌తో జరిగిన మ్యాచ్‌లో ఫామ్‌లోకి వచ్చాడు. నిన్నటి మ్యాచ్‌లో రషీద్‌ 4 ఓవర్లలో కేవలం 25 పరుగులకే ఇచ్చి 2 కీలక వికెట్లు (నరైన్‌, రసెల్‌) తీశాడు. ఈ సీజన్‌లో గుజరాత్‌కు ప్రతి ఒక్కరు మ్యాచ్‌ విన్నర్లుగా నిలిచారు. ప్రతి మ్యాచ్‌లో ఎవరో ఒకరు సత్తా చాటుతూ విజయాన్నందిస్తున్నారు. బ్యాటింగ్‌లో సాయి సుదర్శన్‌ నిలకడకు మారు పేరు అన్నట్లుగా మారిపోయాడు. గిల్‌ సామర్థ్యం మేరకు రాణిస్తుండగా.. బట్లర్‌ అంచనాలకు మించి సత్తా చాటుతున్నాడు. ఈ సీజన్‌ ప్రారంభానికి ముందు పేస్‌ త్రయం ప్రసిద్ద్‌, సిరాజ్‌, ఇషాంత్‌పై ఎవరికీ అంచనాలు లేవు. సాయికిషోర్‌ నుంచి అయితే ఈ స్థాయి అత్యుత్తమ ప్రదర్శన అస్సలు ఊహించలేదు. సాయికిషోర్‌ ఎప్పుడు బంతిని పట్టుకున్నా వికెట్లు తీయడమే కాకుండా అత్యంత పొదుపుగా బౌలింగ్‌ చేస్తున్నాడు. ఇతను ప్రత్యర్థి బ్యాటర్ల పాలిట కొరకరాని కొయ్యగా మారాడు. ఈ సీజన్‌లో గుజరాత్‌ ఇదే జోరును కొనసాగిస్తే రెండో టైటిల్‌ ఖాతాలో వేసుకోవడం గ్యారెంటీ​. అందరూ ఈ సీజన్‌లో ఆర్సీబీ, ఢిల్లీ, పంజాబ్‌, లక్నో జట్లలో ఏదో ఒకటి టైటిల్‌ గెలుస్తుందని అనుకుంటున్నారు. అయితే గుజరాత్‌ అందరి అంచనాలకు తలకిందులు చేస్తూ టైటిల్‌ దిశగా దూసుకుపోతుంది.కాగా, కేకేఆర్‌తో నిన్న జరిగిన మ్యాచ్‌లో గుజరాత్‌ 39 పరుగుల తేడాతో ఘన విజయం సాధించింది. ఈ మ్యాచ్‌లో గుజరాత్‌ ఎప్పటిలాగే టీమ్‌ ఎఫర్ట్‌ను చూపించి మరో విజయాన్ని సొంతం చేసుకుంది. తొలుత బ్యాటింగ్‌ చేసిన గుజరాత్‌.. గిల్‌ (90), సాయి సుదర్శన్‌ (52), బట్లర్‌ (41 నాటౌట్‌) సత్తా చాటడంతో నిర్ణీత ఓవర్లలో 3 వికెట్ల నష్టానికి 198 పరుగులు చేసింది. అనంతరం ఛేదనలో గుజరాత్‌ బౌలర్లు కలిసికట్టుగా రాణించి కేకేఆర్‌ను 158 పరుగులకే పరిమితం చేశారు. ప్రసిద్ద్‌, రషీద్‌ ఖాన్‌ చెరో 2, సిరాజ్‌, ఇషాంత్‌, సుందర్‌, సాయికిషోర్‌ తలో వికెట్‌ తీశారు. కేకేఆర్‌ ఇన్నింగ్స్‌లో రహానే ఒక్కడే హాఫ్‌ సెంచరీతో (50) రాణించాడు. గుజరాత్‌ ఏప్రిల్‌ 28న జరిగే తమ తదుపరి మ్యాచ్‌లో రాజస్థాన్‌ రాయల్స్‌తో తలపడుతుంది.

కోల్‌కతా: గుజరాత్‌ టైటాన్స్‌ ఆల్‌రౌండ్‌ ప్రదర్శనకు డిఫెండింగ్‌ చాంపియన్‌ కోల్‌కతా నైట్‌రైడర్స్‌ చేతులెత్తేసింది. దీంతో సోమవారం జరిగిన ఐపీఎల్‌ మ్యాచ్‌లో టైటాన్స్‌ 39 పరుగుల తేడాతో జయభేరి మోగించింది. మొదట బ్యాటింగ్‌కు దిగిన గుజరాత్‌ నిరీ్ణత 20 ఓవర్లలో 3 వికెట్ల నష్టానికి 198 పరుగులు చేసింది. కెప్టెన్‌ శుబ్‌మన్‌ గిల్‌ (55 బంతుల్లో 90; 10 ఫోర్లు, 3 సిక్స్‌లు), సాయి సుదర్శన్‌ (36 బంతుల్లో 52; 6 ఫోర్లు, 1 సిక్స్‌) మెరిపించారు. బట్లర్‌ (23 బంతుల్లో 41 నాటౌట్‌; 8 ఫోర్లు) ధాటిగా ఆడాడు. కోల్‌కతా బౌలర్లలో రసెల్, వైభవ్, హర్షిత్‌ తలా ఒక వికెట్‌ తీశారు. అనంతరం లక్ష్యఛేదనకు దిగిన కోల్‌కతా 20 ఓవర్లలో 8 వికెట్లకు 159 పరుగులు చేసి ఓడింది. కెప్టెన్‌ అజింక్య రహానే (36 బంతుల్లో 50; 5 ఫోర్లు, 1 సిక్స్‌) ఒక్కడే రాణించాడు. గుజరాత్‌ బౌలర్లలో ప్రసిధ్‌ కృష్ణ, రషీద్‌ ఖాన్‌ చెరో 2 వికెట్లు తీశారు. ఆ ఇద్దరు బాదేశారిలా... గుజరాత్‌ ఇన్నింగ్స్‌ రెండో ఓవర్‌లో ముందుగా సాయి సుదర్శన్‌ బౌండరీతో బాదుడు మొదలు పెట్టాడు. మూడో ఓవర్లో మరో రెండు ఫోర్లు కొట్టాడు. కాస్త ఆలస్యమైనా... గిల్‌ ఐదో ఓవర్లో రెండు వరుస బౌండరీలతో దూకుడు షురూ చేశాడు. టైటాన్స్‌ పవర్‌ప్లే స్కోరు 45/0. అలీ వేసిన ఏడో ఓవర్లో గిల్‌ 6, 4, 4లతో ఒక్కసారిగా విరుచుకుపడ్డాడు. క్రమం తప్పకుండా ఫోర్లు బాదేయడంతో సగం ఓవర్లు ముగిసేసరికి గుజరాత్‌ 89/0 స్కోరు చేసింది. తర్వాతి ఓవర్లోనే గిల్‌ 34 బంతుల్లో, సుదర్శన్‌ 33 బంతుల్లో ఫిఫ్టీలు పూర్తి చేసుకున్నారు. జట్టు స్కోరు 100 దాటింది. ఎట్టకేలకు సుదర్శన్‌ను అవుట్‌ చేసిన రసెల్‌ కోల్‌కతాకు ఊరటనిచ్చాడు. అయితే బట్లర్‌ రాకతో దంచుడులో ఏ మార్పులేకపోయింది. ఆఖర్లో గిల్, రాహుల్‌ తెవాటియా (0) వికెట్లు పడినా కూడా భారీస్కోరు సాధ్యమైంది. కెప్టెన్‌ ఒంటరి పోరాటం పెద్ద లక్ష్యాన్ని ఛేదించేందుకు దిగిన నైట్‌రైడర్స్‌ పవర్‌ప్లేలోనే ఓపెనర్లను కోల్పోయింది. సిరాజ్‌ తొలి ఓవర్లోనే రహా్మనుల్లా గుర్బాజ్‌ (1) పెవిలియన్‌ చేరగా, కెప్టెన్‌ రహానేతో అడపాదడపా షాట్లతో స్కోరును నడిపిస్తున్న సునీల్‌ నరైన్‌ (17)ను రషీద్‌ ఖాన్‌ బోల్తా కొట్టించాడు. వెంకటేశ్‌ అయ్యర్‌ (14) మెప్పించలేకపోయాడు. బాధ్యతగా ఆడిన రహానే 36 బంతుల్లో అర్ధసెంచరీ సాధించగా, అదేస్కోరు వద్ద వాషింగ్టన్‌ సుందర్‌ అతన్ని అవుట్‌ చేశాడు. ధాటిగా ఆడే ప్రయత్నం చేసిన రసెల్‌ (15 బంతుత్లో 21; 3 ఫోర్లు, 1 సిక్స్‌) స్టంపౌట్‌ కావడంతో కోల్‌కతా లక్ష్యానికి దూరమైంది. రఘువంశీ (13 బంతుల్లో 27 నాటౌట్‌; 3 ఫోర్లు, 1 సిక్స్‌) కాసేపు అలరించాడు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) గుర్బాజ్‌ (బి) రసెల్‌ 52; శుబ్‌మన్‌ గిల్‌ (సి) రింకూ సింగ్‌ (బి) వైభవ్‌ 90; బట్లర్‌ (నాటౌట్‌) 41; తెవాటియా (సి) రమణ్‌దీప్‌ (బి) హర్షిత్‌ రాణా 0; షారుఖ్‌ ఖాన్‌ (నాటౌట్‌) 11; ఎక్స్‌ట్రాలు 4; మొత్తం (20 ఓవర్లలో 3 వికెట్లకు) 198. వికెట్ల పతనం: 1–114, 2–172, 3–177. బౌలింగ్‌: వైభవ్‌ అరోరా 4–0–44–1, మొయిన్‌ అలీ 3–0–27–0, హర్షిత్‌ రాణా 4–0–45–1, వరుణ్‌ చక్రవర్తి 4–0–33–0, నరైన్‌ 4–0–36–0, రసెల్‌ 1–0–13–1. కోల్‌కతా నైట్‌రైడర్స్‌ ఇన్నింగ్స్‌: గుర్బాజ్‌ (ఎల్బీడబ్ల్యూ) (బి) సిరాజ్‌ 1; నరైన్‌ (సి) తెవాటియా (బి) రషీద్‌ 17; రహానే (స్టంప్డ్‌) బట్లర్‌ (బి) సుందర్‌ 50; వెంకటేశ్‌ (సి) సుందర్‌ (బి) సాయి కిషోర్‌ 14; రింకూ సింగ్‌ (సి) గిల్‌ (బి) ఇషాంత్‌ 17; రసెల్‌ (స్టంప్డ్‌) బట్లర్‌ (బి) రషీద్‌ 21; రమణ్‌దీప్‌ (సి అండ్‌ బి) ప్రసిధ్‌ కృష్ణ 1; మొయిన్‌ అలీ (సి) షారుఖ్‌ (బి) ప్రసిధ్‌ కృష్ణ 0; రఘువంశీ (నాటౌట్‌) 27; హర్షిత్‌ (నాటౌట్‌) 1; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 159. వికెట్ల పతనం: 1–2, 2–43, 3–84, 4–91, 5–118, 6–119, 7–119, 8–151. బౌలింగ్‌: సిరాజ్‌ 4–0–32–1, ఇషాంత్‌ 2–0–18–1, ప్రసిధ్‌ కృష్ణ 4–0–25–2, రషీద్‌ ఖాన్‌ 4–0–25–2, సుందర్‌ 3–0–36–1, సాయి కిషోర్‌ 3–0–19–1.

ఐపీఎల్‌-2025లో గుజరాత్ టైటాన్స్ తమ జైత్ర యాత్రను కొనసాగిస్తోంది. ఈ ​మెగా ఈవెంట్‌లో భాగంగా ఈడెన్ గార్డెన్స్ వేదికగా కోల్‌కతా నైట్‌రైడర్స్‌తో జరిగిన మ్యాచ్‌లో 39 పరుగుల తేడాతో ఘన విజయాన్ని గుజరాత్ అందుకుంది. 199 పరుగుల భారీ లక్ష్యంతో బరిలోకి దిగిన కోల్‌కతా జట్టు నిర్ణీత 20 ఓవర్లలో 8 వికెట్లు కోల్పోయి 159 పరుగులు మాత్రమే చేయగల్గింది.కేకేఆర్ బ్యాటర్లలో కెప్టెన్ అజింక్య రహానే(50)టాప్ స్కోర‌ర్‌గా నిల‌వ‌గా.. ఆఖ‌రిలో ర‌ఘువ‌న్షి(27) ప‌ర్వాలేద‌న్పించాడు. మిగితా ప్లేయర్లంతా దారుణంగా విఫలమయ్యారు. గుజరాత్ బౌలర్లలో రషీద్ ఖాన్‌, ప్రసిద్ద్ కృష్ట తలా రెండు వికెట్లు పడగొట్టగా.. సిరాజ్‌, సుందర్‌, ఇషాంత్ శ‌ర్మ‌ సాయికిషోర్ చెరో వికెట్ పడగొట్టారు.చితక్కొట్టిన శుబ్‌మన్‌..ఇక ఈ మ్యాచ్‌లో టాస్ గెలిచి తొలుత బ్యాటింగ్ చేసిన గుజరాత్ టైటాన్స్ నిర్ణీత 20 ఓవర్లలో మూడు వికెట్ల న‌ష్టానికి 198 ప‌రుగులు చేసింది. గుజ‌రాత్ బ్యాట‌ర్ల‌లో కెప్టెన్ శుబ్‌మ‌న్ గిల్ విధ్వంసం సృష్టించాడు. తన సూపర్ బ్యాటింగ్‌తో ఈడెన్‌లో బౌండరీలు వర్షం కురిపించాడు. 55 బంతులు ఎదుర్కొన్న గిల్‌.. 10 ఫోర్లు, మూడు సిక్స్‌ల‌తో 90 ప‌రుగులు చేశాడు. గిల్‌తో పాటు సాయిసుద‌ర్శ‌న్‌(52), బ‌ట్ల‌ర్‌(41) మెరుపు ఇన్నింగ్స్‌లు ఆడారు. కేకేఆర్ బౌల‌ర్ల‌లో వైభ‌వ్ ఆరోరా, హ‌ర్షిత్ రాణా, ర‌స్సెల్ త‌లా వికెట్ సాధించారు. ఇప్పటివరకు 8 మ్యాచ్‌లు ఆడిన గుజరాత్ 6 విజయాలతో పాయింట్ల పట్టికలో అగ్రస్ధానంలో కొనసాగుతోంది.

ఐపీఎల్‌-2025లో ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌, గుజ‌రాత్ టైటాన్స్ జ‌ట్లు తల‌ప‌డ‌తున్నాయి. అయితే ఈ మ్యాచ్ టాస్ సంద‌ర్బంగా ఓ ఆస‌క్తిక‌ర స‌న్నివేశం చోటు చేసుకుంది. టాస్ స‌మ‌యంలో న్యూజిలాండ్ మాజీ క్రికెట‌ర్‌, ప్రముఖ క్రికెట్ వ్యాఖ్యాత డానీ మోరిసన్ న‌వ్వులు పూయించాడు.ఏ సాధార‌ణంగా వ్యాఖ్యాత అయినా టాస్ సంద‌ర్భంగా కెప్టెన్‌లను జ‌ట్టు మార్పులు, మ్యాచ్ ప్లాన్స్ గురుంచి అడుగుతారు. కానీ మోరిస‌న్ మాత్రం గుజ‌రాత్ కెప్టెన్ శుబ్‌మ‌న్ గిల్‌ను త‌న‌ వివాహ ప్రణాళికల గురించి అడిగాడు. ఈ కివీస్ మాజీ క్రికెట‌ర్ గిల్‌ను త్వరలో పెళ్లి చేసుకుంటున్నారా? అని ప్ర‌శ్నించాడు. ఆ ప్రశ్నతో ఆశ్చర్యపోయిన గిల్‌.. అటువంటి ప్లాన్స్ ఏమీ లేవంటూ న‌వ్వుతూ స‌మధాన‌మిచ్చాడు. వీరిద్ద‌రి సంభాష‌ణ‌కు సంబంధించిన వీడియో ప్రస్తుతం సోష‌ల్ మీడియాలో వైర‌ల‌వుతోంది. ఇక ఈ మ్యాచ్‌లో టాస్ గెలిచిన కేకేఆర్ తొలుత బౌలింగ్ ఎంచుకుంది.కోల్‌క‌తా రెండు మార్పుల‌తో బ‌రిలోకి దిగింది. వ‌రుస మ్యాచ్‌ల్లో విఫ‌ల‌మ‌వ‌తున్న స్టార్ ఓపెన‌ర్ క్వింట‌న్ డికాక్‌ను కేకేఆర్‌ మెనెజ్‌మెంట్ ప‌క్క‌న పెట్టింది. అత‌డి స్ధానంలో అఫ్గాన్ స్టార్ ప్లేయ‌ర్ గుర్బాజ్ తుది జ‌ట్టులోకి వ‌చ్చాడు. తుది జ‌ట్లుగుజరాత్ టైటాన్స్ (ప్లేయింగ్ XI): సాయి సుదర్శన్, శుభ్‌మన్ గిల్ (కెప్టెన్‌), జోస్ బట్లర్ (వికెట్ కీప‌ర్‌), షెర్ఫాన్ రూథర్‌ఫోర్డ్, రాహుల్ తెవాటియా, వాషింగ్టన్ సుందర్, షారుక్ ఖాన్, రషీద్ ఖాన్, రవిశ్రీనివాసన్ సాయి కిషోర్, ప్రసిద్ధ్ కృష్ణ, మహ్మద్ సిరాజ్కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(వికెట్ కీప‌ర్‌), సునీల్ నరైన్, అజింక్యా రహానే(కెప్టెన్‌), వెంకటేష్ అయ్యర్, రింకూ సింగ్, మొయిన్ అలీ, ఆండ్రీ రస్సెల్, రమణదీప్ సింగ్, హర్షిత్ రాణా, వైభవ్ అరోరా, వరుణ్ చ‌క్ర‌వ‌ర్తి

గుజరాత్‌ టైటాన్స్‌ బౌలర్‌ ఇషాంత్‌ శర్మ (Ishant Sharma) సహనం కోల్పోయాడు. ఢిల్లీ క్యాపిటల్స్‌ బ్యాటర్‌ అశుతోష్‌ శర్మ (Ashuthosh Sharma)కు వేలు చూపిస్తూ మైదానంలోనే వార్నింగ్‌ ఇచ్చాడు. ఫీల్డ్‌ అంపైర్‌తో పాటు.. టైటాన్స్‌ కెప్టెన్‌ శుబ్‌మన్‌ గిల్‌ జోక్యం చేసుకోవడంతో వివాదం సద్దుమణిగింది. అసలేం జరిగిందంటే..ఐపీఎల్‌-2025 (IPL 2025)లో భాగంగా గుజరాత్‌ టైటాన్స్‌- ఢిల్లీ క్యాపిటల్స్‌ (GT vs DC) మధ్య శనివారం మ్యాచ్‌ జరిగింది. అహ్మదాబాద్‌లోని నరేంద్ర మోదీ స్టేడియంలో టాస్‌ గెలిచిన టైటాన్స్‌.. ఢిల్లీని తొలుత బ్యాటింగ్‌కు ఆహ్వానించింది.అశుతోష్‌ శర్మ ధనాధన్‌ఈ క్రమంలో నిర్ణీత 20 ఓవర్లలో ఢిల్లీ ఎనిమిది వికెట్ల నష్టానికి 203 పరుగులు సాధించింది. ఓపెనర్లు అభిషేక్‌ పోరెల్‌ (9 బంతుల్లో 18), కరుణ్‌ నాయర్‌ (18 బంతుల్లో 31) వేగంగా ఆడగా.. కేఎల్‌ రాహుల్‌ (14 బంతుల్లో 28) కాసేపు మెరుపులు మెరిపించాడు.ఇక అక్షర్‌ పటేల్‌ కెప్టెన్‌ ఇన్నింగ్స్‌ (21 బంతుల్లో 31)తో మెరవగా.. ఢిల్లీ నయా ఫినిషర్‌ అశుతోష్‌ శర్మ (19 బంతుల్లో 37) ధనాధన్‌ బ్యాటింగ్‌తో దంచికొట్టాడు. అయితే, ఢిల్లీ ఇన్నింగ్స్‌లో పందొమ్మిదో ఓవర్‌లో గుజరాత్‌ పేసర్‌ ఇషాంత్‌ శర్మ బంతితో బరిలోకి దిగాడు.అప్పటికి డొనొవన్‌ ఫెరీరా, అశుతోష్‌ క్రీజులో ఉన్నారు. ఇషాంత్‌ బౌలింగ్‌లో తొలి బంతిని ఎదుర్కొన్న అశుతోష్‌ సింగిల్‌ తీయగా.. మరుసటి బంతికి ఫెరీరా రన్‌ పూర్తి చేశాడు. మూడో బంతికి మళ్లీ అశుతోష్‌ సింగిల్‌ తీయగా.. నాలుగో బంతికి ఫెరీరా సాయి కిషోర్‌కు క్యాచ్‌ ఇచ్చి ఏడో వికెట్‌గా పెవిలియన్‌కు చేరాడు.వేలు చూపిస్తూ వార్నింగ్‌ఫెరీరా స్థానంలో వచ్చిన మిచెల్‌ స్టార్క్‌ సింగిల్‌ తీయగా.. అశుతోష్‌ మళ్లీ స్ట్రైక్‌లోకి వచ్చాడు. అయితే, ఆఖరి బంతిని ఇషాంత్‌ వైడ్‌గా వేయగా.. అశుతోష్‌కు మరో బంతి ఆడే అవకాశం వచ్చింది. ఈ క్రమంలో ఇషాంత్‌ సంధించిన బౌన్సర్‌ను అశుతోష్‌ ఎదుర్కోలేకపోయాడు.ఇక బంతి వెళ్లి వికెట్‌ కీపర్‌ జోస్‌ బట్లర్‌ చేతుల్లో పడింది. ఈ క్రమంలో బంతి అశుతోష్‌ గ్లోవ్స్‌ను తాకిందని భావించిన గుజరాత్‌ ఆటగాళ్లు బిగ్గరగా అవుట్‌కి అప్పీలు చేశారు. అయితే, అంపైర్‌ నుంచి మాత్రం ఎటువంటి స్పందనా రాలేదు. ఇంతలో అశుతోష్‌ బంతి భుజాన్ని రాసుకుని వెళ్లిందన్నట్లుగా సైగ చేశాడు. అశుతోష్‌ శర్మ చర్యను సహించలేకపోయిన ఇషాంత్‌ శర్మ అతడి దగ్గరికి వెళ్లి వేలు చూపిస్తూ వార్నింగ్‌ ఇచ్చినట్లు కనిపించింది. తర్వాత అశుతోష్‌ తన షర్టును పైకెత్తి బంతి భుజానికి తాకిందని అంపైర్‌కు చెప్పే ప్రయత్నం చేశాడు.Battle b/w ishant sharma vs ashutosh Sharma 🤣 pic.twitter.com/EMd12Z2o7V— Daigo18 (@daigo2637391027) April 19, 2025ఇరగదీసిన బట్లర్‌ఇంతలో అంపైర్‌తో పాటు గిల్‌ జోక్యం చేసుకుని ఇషాంత్‌ను పక్కకు తీసుకువెళ్లారు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.ఇక మ్యాచ్‌ విషయానికొస్తే.. ఢిల్లీ విధించిన 204 పరుగుల లక్ష్యాన్ని గుజరాత్‌ 19.2 ఓవర్లలో ఛేదించింది. ‘ప్లేయర్‌ ఆఫ్‌ ది మ్యాచ్‌’ జోస్‌ బట్లర్‌ (54 బంతుల్లో 97 నాటౌట్‌), షెర్ఫానే రూథర్‌ఫర్డ్‌ (34 బంతుల్లో 43), రాహుల్‌ తెవాటియా (3 బంతుల్లో 11 నాటౌట్‌) అద్భుత ఇన్నింగ్స్‌తో గుజరాత్‌ విజయంలో కీలక పాత్ర పోషించారు.చదవండి: IPL 2025: శుబ్‌మన్‌ గిల్‌కు భారీ షాక్‌! Right off the middle! 💥#AshutoshSharma hits the accelerator and launches a stunning SIX over the square boundary!Watch the LIVE action ➡ https://t.co/6YcPaJPTHV#IPLonJioStar 👉 #GTvDC | LIVE NOW on Star Sports 2, Star Sports 2 Hindi & JioHotstar! pic.twitter.com/TpSfdehCwX— Star Sports (@StarSportsIndia) April 19, 2025

గెలుపు సంబరంలో ఉన్న గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill)కు ఎదురుదెబ్బ తగిలింది. భారత క్రికెట్‌ నియంత్రణ మండలి (BCCI) అతడికి రూ. 12 లక్షల జరిమానా విధించింది. ఢిల్లీ క్యాపిటల్స్‌ (Delhi Capitals)తో శనివారం నాటి మ్యాచ్‌ సందర్భంగా.. నిర్ణీత సమయంలో ఓవర్ల కోటా పూర్తి చేయనందున ఈ మేరకు శిక్ష విధించింది.ఇందుకు సంబంధించి ఐపీఎల్‌ పాలక మండలి అధికారిక ప్రకటన విడుదల చేసింది. ఐపీఎల్‌ నిబంధనల్లోని ఆర్టికల్‌ 2.22 ప్రకారం.. స్లో ఓవర్‌ రేటు మెయింటెన్‌ చేసినందుకు గానూ గిల్‌కు జరిమానా విధించినట్లు తెలిపింది. ఐపీఎల్‌-2025 (IPL 2025) సీజన్‌లో అతడు మొదటిసారి ఈ తప్పిదానికి పాల్పడినందుకు రూ. 12 లక్షలతో సరిపెట్టినట్లు పేర్కొంది.ఢిల్లీ భారీ స్కోరుకాగా ఐపీఎల్‌-2025లో భాగంగా గుజరాత్‌ టైటాన్స్‌ అహ్మదాబాద్‌ వేదికగా శనివారం ఢిల్లీ క్యాపిటల్స్‌తో తలపడింది. టాస్‌ ఓడి తొలుత బ్యాటింగ్‌ చేపట్టిన ఢిల్లీ నిర్ణీత 20 ఓవర్లలో 8 వికెట్ల నష్టానికి 203 పరుగుల భారీస్కోరు చేసింది. కెప్టెన్‌ అక్షర్‌ పటేల్‌ (32 బంతుల్లో 39; 1 ఫోర్, 2 సిక్స్‌లు), అశుతోష్‌ శర్మ (19 బంతుల్లో 37; 2 ఫోర్లు, 3 సిక్స్‌లు), కరుణ్‌ నాయర్‌ (18 బంతుల్లో 31; 2 ఫోర్లు, 2 సిక్స్‌లు) ధాటిగా ఆడారు. జోస్‌ ది బాస్‌.. దంచేశాడులక్ష్య ఛేదనలో జోస్‌ బట్లర్‌ దంచికొట్టాడు. వన్‌డౌన్‌లో బ్యాటింగ్‌కు వచ్చిన ఈ వికెట్‌ కీపర్‌ బ్యాటర్‌.. కేవలం 54 బంతుల్లోనే 97 పరుగులతో అజేయంగా నిలిచాడు. అతడి ఇన్నింగ్స్‌లో ఏకంగా 11 ఫోర్లు, 4 సిక్సర్లు ఉండటం విశేషం. అయితే, దురదృష్టవశాత్తూ సెంచరీకి మూడు పరుగుల దూరంలో నిలిచిపోయాడు.మరోవైపు.. బట్లర్‌కు తోడుగా షెర్ఫానే రూథర్‌ఫర్డ్‌ (34 బంతుల్లో 43; 1 ఫోర్, 3 సిక్స్‌లు) కూడా రాణించాడు. ఆఖర్లో తెవాటియా మూడు బంతుల్లో 11 పరుగులతో అజేయంగా నిలిచి బట్లర్‌తో కలిసి గుజరాత్‌ను గెలుపుతీరాలకు చేర్చాడు. THE CELEBRATION FROM JOS BUTTLER. - Buttler was on 97*, but the happiness after Tewatia finished the match. 👏❤️ pic.twitter.com/31z4tWPJmL— Mufaddal Vohra (@mufaddal_vohra) April 19, 2025 ఢిల్లీ విధించిన 204 పరుగుల భారీ లక్ష్యాన్ని గుజరాత్‌ కేవలం మూడు వికెట్లు కోల్పోయి 19.2 ఓవర్లలోనే ఛేదించింది. తద్వారా ఈ సీజన్‌లో ఐదో గెలుపు నమోదు చేసి పాయింట్ల పట్టికలో అగ్రస్థానానికి దూసుకువచ్చింది.ఐపీఎల్‌-2025: గుజరాత్‌ వర్సెస్‌ ఢిల్లీ👉వేదిక: నరేంద్ర మోదీ స్టేడియం, అహ్మదాబాద్‌👉టాస్‌: గుజరాత్‌.. మొదట బౌలింగ్‌👉ఢిల్లీ స్కోరు: 203/8 (20)👉గుజరాత్‌ స్కోరు: 204/3 (19.2)👉ఫలితం: ఏడు వికెట్ల తేడాతో ఢిల్లీపై గుజరాత్‌ విజయం👉ప్లేయర్‌ ఆఫ్‌ ది మ్యాచ్‌: జోస్‌ బట్లర్‌ (గుజరాత్‌- 54 బంతుల్లో 97 నాటౌట్‌).చదవండి: IPL 2025: గెలుపు వాకిట బోర్లా పడిన రాయల్స్‌.. ఉత్కంఠ పోరులో లక్నోను గెలిపించిన ఆవేశ్‌ ఖాన్‌

ఢిల్లీపై గుజరాత్‌ విజయంఐపీఎల్‌ 2025 సీజన్‌లో భాగంగా అహ్మదాబాద్‌లోని నరేంద్ర మోదీ స్టేడియం వేదికగా ఇవాళ (ఏప్రిల్‌ 19) మధ్యాహ్నం జరిగిన మ్యాచ్‌లో ఢిల్లీ క్యాపిటల్స్‌పై గుజరాత్‌ టైటాన్స్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఢిల్లీ నిర్ణీత 20 ఓవర్లలో 8 వికెట్ల నష్టానికి 203 పరుగులు చేసింది. ఢిల్లీ బ్యాటర్లలో అక్షర్‌ 39, అశుతోష్‌ శర్మ 37, కరుణ్‌ నాయర్‌, ట్రిస్టన్‌ స్టబ్స్‌ తలో 31, కేఎల్‌ రాహుల్‌ 28, అభిషేక్‌ పోరెల్‌ 18, విప్రాజ్‌ నిగమ్‌ 0, డొనోవన్‌ ఫెరియెరా 1, స్టార్క్‌ 2 (నాటౌట్‌), కుల్దీప్‌ 4 (నాటౌట్‌) పరుగులు చేశారు. గుజరాత్‌ బౌలర్లలో ప్రసిద్ద్‌ కృష్ణ 4 వికెట్లు తీయగా.. సిరాజ్‌, అర్షద్‌ ఖాన్‌, ఇషాంత్‌ శర్మ, సాయికిషోర్‌ తలో వికెట్‌ పడగొట్టారు.అనంతరం​ భారీ లక్ష్య ఛేదనకు దిగిన గుజరాత్‌ ఆదిలోనే శుభ్‌మన్‌ గిల్‌ (7) వికెట్‌ కోల్పోయినప్పటికీ.. జోస్‌ బట్లర్‌ వీరోచిత ఇన్నింగ్స్‌ (97 నాటౌట్‌) కారణంగా 19.2 ఓవర్లలో (3 వికెట్ల నష్టానికి) లక్ష్యాన్ని చేరుకుంది. గుజరాత్‌ బ్యాటర్లలో సాయి సుదర్శన్‌ 36, రూథర్‌ఫోర్డ్‌ 43, తెవాతియా 11 పరుగులు (నాటౌట్‌) చేశారు. ఆఖర్లో బట్లర్‌కు సెంచరీ చేసే అవకాశం ఉన్నా తెవాతియా చివరి ఓవర్‌లో వరుసగా సిక్సర్‌, బౌండరీ కొట్టి గుజరాత్‌ను విజయతీరాలకు చేర్చాడు. ఢిల్లీ బౌలర్లలో ముకేశ్‌ కుమార్‌, కుల్దీప్‌ యాదవ్‌ తలో వికెట్‌ పడగొట్టారు. ఈ గెలుపుతో గుజరాత్‌ ఢిల్లీని వెనక్కు నెట్టి పాయింట్ల పట్టికలో అగ్రస్థానానికి ఎగబాకింది. ప్రస్తుతం గుజరాత్‌, ఢిల్లీ, పంజాబ్‌ తలో 10 పాయింట్లతో తొలి మూడు స్థానాల్లో ఉన్నాయి.హాఫ్‌ సెంచరీ పూర్తి చేసిన బట్లర్‌12.5వ ఓవర్‌- మోహిత్‌ శర్మ బౌలింగ్‌లో బౌండరీ బాది బట్లర్‌ హాఫ్‌ సెంచరీ పూర్తి చేశాడు. బట్లర్‌ ఇన్నింగ్స్‌లో 3 ఫోర్లు, 3 సిక్సర్లు ఉన్నాయి. బట్లర్‌కు జతగా రూథర్‌ఫోర్డ్‌ క్రీజ్‌లో ఉన్నాడు. ఇదే ఓవర్‌లో రూథర్‌ఫోర్డ్‌ తొలి రెండు బంతులకు రెండు సిక్సర్లు బాదాడు. 13 ఓవర్ల తర్వాత గుజరాత్‌ స్కోర్‌ 129/2గా ఉంది. బట్లర్‌ 52, రూథర్‌ఫోర్డ్‌ 31 పరుగులతో క్రీజ్‌లో ఉన్నారు. రెండో వికెట్‌ కోల్పోయిన గుజరాత్‌7.3వ ఓవర్‌- 74 పరుగుల వద్ద గుజరాత్‌ రెండో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో స్టబ్స్‌కు క్యాచ్‌ ఇచ్చి సాయి సుదర్శన్‌ (36) ఔటయ్యాడు. 9 ఓవర్ల తర్వాత గుజరాత్‌ స్కోర్‌ 85/2గా ఉంది. బట్లర్‌ (38), రూథర్‌ఫోర్డ్‌ (3) క్రీజ్‌లో ఉన్నారు. తొలి వికెట్‌ కోల్పోయిన గుజరాత్‌1.4వ ఓవర్‌- 204 పరుగుల లక్ష్య ఛేదనలో గుజరాత్‌ 14 పరుగుల వద్ద తొలి వికెట్‌ కోల్పోయింది. కరుణ్‌ నాయర్‌ అద్బుతమైన త్రోతో శుభ్‌మన్‌ గిల్‌ను (7) రనౌట్‌ చేశాడు. 3 ఓవర్ల తర్వాత గుజరాత్‌ స్కోర్‌ 29/1గా ఉంది. సాయి సుదర్శన్‌ (16), బట్లర్‌ (6) క్రీజ్‌లో ఉన్నారు. భారీ స్కోర్‌ చేసిన ఢిల్లీటాస్‌ ఓడి తొలుత బ్యాటింగ్‌ చేసిన ఢిల్లీ నిర్ణీత ఓవర్లలో 8 వికెట్ల నష్టానికి 203 పరుగులు చేసింది. ఢిల్లీ బ్యాటర్లలో అక్షర్‌ 39, అశుతోష్‌ శర్మ 37, కరుణ్‌ నాయర్‌, ట్రిస్టన్‌ స్టబ్స్‌ తలో 31, కేఎల్‌ రాహుల్‌ 28, అభిషేక్‌ పోరెల్‌ 18, విప్రాజ్‌ నిగమ్‌ 0, డొనోవన్‌ ఫెరియెరా 1, స్టార్క్‌ 2 (నాటౌట్‌), కుల్దీప్‌ 4 (నాటౌట్‌) పరుగులు చేశారు. గుజరాత్‌ బౌలర్లలో ప్రసిద్ద్‌ కృష్ణ 4 వికెట్లు తీయగా.. సిరాజ్‌, అర్షద్‌ ఖాన్‌, ఇషాంత్‌ శర్మ, సాయికిషోర్‌ తలో వికెట్‌ పడగొట్టారు. 18 ఓవర్లలో ఢిల్లీ స్కోరు: 188/6 (18) అశుతోష్‌ 12 బంతుల్లో 32 పరుగులతో క్రీజులో ఉండగా.. ఫెరీరా ఇంకా ఖాతా తెరవలేదు.ఒకే ఓవర్లో రెండు వికెట్లు17.1: ప్రసిద్‌ కృష్ణ బౌలింగ్‌లో బట్లర్‌కు క్యాచ్‌ ఇచ్చి వెనుదిరిగిన అక్షఱ్‌ పటేల్‌ (38). ఆ వెంటనే విప్రాజ్‌ నిగమ్‌ను అవుట్‌ చేసిన ప్రసిద్‌. 18వ ఓవర్లో వరుస బంతుల్లో గుజరాత్‌కు రెండు వికెట్లు. ఢిల్లీ స్కోరు: 173/6 (17.2)అక్షర్‌ పటేల్‌కు గాయం?15.3: అర్షద్‌ ఖాన్‌ బౌలింగ్‌లో డీప్‌ స్క్వేర్‌ లెగ్‌ మీదుగా బంతిని తరలించిన అక్షర్‌.. సింగిల్‌ తీసే ప్రయత్నం చేశాడు. ఈ క్రమంలో అతడు చీలమండ నొప్పితో విలవిల్లాడగా.. ఫిజియో వచ్చి పరీక్షించాడు.15 ఓవర్లలో ఢిల్లీ స్కోరు: 150/4అక్షర్‌ 33, అశుతోష్‌ 2 పరుగులతో క్రీజులో ఉన్నారు.నాలుగో వికెట్‌ కోల్పోయిన ఢిల్లీ14.2: సిరాజ్‌ బౌలింగ్లో స్టబ్స్‌ (31) అవుట్‌. అక్షర్‌ 32 పరుగులతో ఉన్నాడు. స్కోరు: 146/4 (14.2). అశుతోష్‌ శర్మ క్రీజులోకి వచ్చాడు.ఢిల్లీ ధనాధన్‌14 ఓవర్లు పూర్తయ్యే సరికి ఢిల్లీ స్కోరు: 146/3స్టబ్స్‌ 19 బంతుల్లో 31, అక్షర్‌ పటేల్‌ 24 బంతుల్లో 32 పరుగులతో జోరుమీదున్నారు.పది ఓవర్లలో ఢిల్లీ స్కోరు: 105-3స్టబ్స్‌ 8, అక్షర్‌ పటేల్‌ 15 పరుగులతో ఉన్నారు.మూడో వికెట్‌ డౌన్‌8.1: ప్రసిద్‌ కృష్ణ బౌలింగ్‌ మూడో వికెట్‌గా వెనుదిరిగిన కరుణ్‌ నాయర్‌ (31). స్కోరు: 93/3 (8.2). అక్షర్‌ పటేల్‌ 12 పరుగులతో ఆడుతుండగా.. ట్రిస్టన్‌ స్టబ్స్‌క్రీజులోకి వచ్చాడు. పవర్‌ ప్లేలో ఢిల్లీ స్కోరు: 73/2 (6)కరుణ్‌ నాయర్‌ 19, అక్షర్‌ 4 పరుగులతో క్రీజులో ఉన్నారు. కేఎల్‌ రాహుల్‌ అవుట్‌4.4: ప్రసిద్‌ కృష్ణ బౌలింగ్లో లెగ్‌ బిఫోర్‌ వికెట్‌గా వెనుదిరిగిన కేఎల్‌ రాహుల్‌ (28). దీంతో ఢిల్లీ రెండో వికెట్‌ కోల్పోయింది. అక్షర్‌ పటేల్‌ క్రీజులోకి వచ్చాడు. స్కోరు: 58/2 (4.4)నాలుగు ఓవర్లలో ఢిల్లీ స్కోరు: 52/1రాహుల్‌ 22, కరుణ్‌ నాయర్‌ 8 పరుగులతో క్రీజులో ఉన్నారు.తొలి వికెట్‌ కోల్పోయిన ఢిల్లీ1.4: అర్షద్‌ ఖాన్‌ బౌలింగ్‌లో అభిషేక్‌ పోరెల్‌ సిరాజ్‌కు క్యాచ్‌ ఇచ్చి 18 పరుగుల వ్యక్తిగత స్కోరు వద్ద నిష్క్రమించాడు. కేఎల్‌ రాహుల్‌ క్రీజులోకి వచ్చాడు. స్కోరు: 23/1 (1.4)తొలి ఓవర్లోనే 16 పరుగులుగుజరాత్‌ బౌలింగ్‌ ఎటాక్‌ను సిరాజ్‌ పేలవంగా ఆరంభించాడు. తొలి రెండు బంతులను వైడ్‌గా వేసిన ఈ రైటార్మ్‌ పేసర్‌ బౌలింగ్‌లో.. తర్వాతి రెండు బంతుల్లో అభిషేక్‌ పోరెల్‌ వరుసగా 4, 6 బాదాడు. ఐదో బంతిని కూడా బౌండరీకి తరలించాడు. అభిషేక్‌ పోరెల్‌ 14, కరుణ్‌ నాయర్‌ సున్నా పరుగులతో క్రీజులో ఉన్నారు.ఐపీఎల్‌-2025లో మరో ఆసక్తికర పోరు... వరుస విజయాలతో జోరు మీదున్న ఢిల్లీ ‍క్యాపిటల్స్‌ శనివారం మధ్యాహ్నం నాటి మ్యాచ్‌లో గుజరాత్‌ టైటాన్స్‌తో తలపడుతోంది. అహ్మదాబాద్‌లోని నరేంద్ర మోదీ స్టేడియం ఇందుకు వేదిక. టాస్‌ గెలిచిన గుజరాత్‌ తొలుత బౌలింగ్‌ ఎంచుకోగా.. ఢిల్లీ బ్యాటింగ్‌ చేస్తోంది.తుదిజట్లుగుజరాత్‌ టైటాన్స్‌సాయి సుదర్శన్, శుబ్‌మన్‌ గిల్(కెప్టెన్‌), జోస్ బట్లర్(వికెట్‌ కీపర్‌), షారుక్ ఖాన్, రాహుల్ తెవాటియా, రషీద్ ఖాన్, అర్షద్ ఖాన్, రవిశ్రీనివాసన్ సాయి కిషోర్, ప్రసిద్ధ్ కృష్ణ, మహ్మద్ సిరాజ్, ఇషాంత్ శర్మ.ఇంపాక్ట్‌ సబ్‌స్టిట్యూట్స్‌: షెర్ఫానే రూథర్‌ఫర్డ్‌, మహిపాల్‌ లామ్రోర్‌, అనూజ్‌ రావత్‌, వాషింగ్టన్‌ సుందర్‌, కరీం జనత్‌.ఢిల్లీ క్యాపిటల్స్‌అభిషేక్ పోరెల్, కరుణ్ నాయర్, కేఎల్ రాహుల్(వికెట్‌ కీపర్‌), ట్రిస్టన్ స్టబ్స్, అక్షర్ పటేల్(కెప్టెన్‌), అశుతోష్ శర్మ, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముకేష్ కుమార్.ఇంపాక్ట్‌ సబ్‌స్టిట్యూట్స్‌: జేక్‌ ఫ్రేజర్‌-మెగర్క్‌, దర్శన్‌ నల్కాండే, సమీర్‌ రిజ్వీ, డొనొవన్‌ ఫెరీరా, దుష్మంత చమీర.కాగా ఢిల్లీ ఇప్పటి వరకు ఆడిన ఆరు మ్యాచ్‌లలో ఐదు గెలిచి పాయింట్ల పట్టికలో అగ్రస్థానంలో ఉండగా.. గుజరాత్‌ ఆరింట నాలుగు గెలిచి మూడో స్థానంలో కొనసాగుతోంది.చదవండి: సంజూతో విభేదాలు!.. స్పందించిన రాహుల్‌ ద్రవిడ్‌

భార‌త పురుషుల‌ క్రికెట్ జ‌ట్టు బంగ్లాదేశ్ పర్యటన ఖారరైంది. ఈ ఏడాది ఆగ‌స్టులో మూడు వ‌న్డేలు, మూడు టీ20 సిరీస్‌లలో త‌ల‌ప‌డేందుకు బంగ్లాదేశ్‌కు టీమిండియా వెళ్ల‌నుంది. ఇందుకు సంబంధించిన షెడ్యూల్‌ను బంగ్లాదేశ్ క్రికెట్ బోర్డు (BCB) మంగ‌ళ‌వారం విడుద‌ల చేసింది.ఆగ‌స్టు 17న మిర్పూర్ వేదిక‌గా జ‌ర‌గ‌నున్న తొలి వ‌న్డేతో టీమిండియా ప‌ర్య‌ట‌న ప్రారంభం కానుంది. ఇంగ్లండ్‌తో సుదీర్ఘ టెస్ట్ సిరీస్ ముగిసిన రెండు వారాల‌కే భార‌త జ‌ట్టు బంగ్లాకు ప‌య‌నం కానుంది. ఈ క్ర‌మంలో బంగ్లాతో వ‌న్డే సిరీస్‌కు కెప్టెన్ రోహిత్ శ‌ర్మ‌తో స‌హా సీనియ‌ర్‌ ప్లేయ‌ర్లు విరాట్ కోహ్లి, ర‌వీంద్ర జ‌డేజా, జస్ప్రీత్ బుమ్రాలు గైర్హాజరు అయ్యే అవకాశం ఉంది.ఒక‌వేళ రోహిత్ శ‌ర్మ దూర‌మైతే బంగ్లాతో వ‌న్డే సిరీస్‌కు భార‌త జ‌ట్టు కెప్టెన్‌గా శుబ్‌మ‌న్ గిల్ వ్య‌వ‌హ‌రించనున్నాడు. ఈ సిరీస్‌లో గిల్‌తో పాటు జైశ్వాల్‌, కేఎల్ రాహుల్ వంటి స్టార్ ప్లేయ‌ర్ ఆడే ఛాన్స్ ఉంది. కాగా వీరు ముగ్గురు ఇంగ్లండ్‌తో టెస్టు సిరీస్‌లో ఆడ‌నునున్నారు.కానీ సెల‌క్ట‌ర్లు మాత్రం బంగ్లా సిరీస్‌కు ఈ త్ర‌యానికి విశ్రాంతి ఇవ్వ‌క‌పోవ‌చ్చు. అదేవిధంగా స్టార్ పేస‌ర్ జ‌స్ప్రీత్ బుమ్రాను బంగ్లాతో టీ20 సిరీస్‌లో మాత్రం ఆడేంచే అవ‌కాశ‌మున్న‌ట్లు క్రికెట్ నిపుణులు అభిప్రాయ‌ప‌డుతున్నారు. ఈ ఏడాది సెప్టెంబ‌ర్‌లో టీ20 ఆసియా కప్-2025 జ‌ర‌గ‌నుండ‌డంతో బంగ్లా సిరీస్‌లో బుమ్రా ఆడ‌డం దాదాపుగా ఖాయం. బుమ్రా ఇటీవ‌లే గాయం నుంచి కోలుకుని ఐపీఎల్‌లో ఆడుతున్నాడు.మ‌రోవైపు ఐపీఎల్‌లో దుమ్ములేపుతున్న గుజ‌రాత్ టైటాన్స్ స్టార్ ఓపెన‌ర్ సాయిసుద‌ర్శ‌న్ తిరిగి వ‌న్డే, టీ20 జ‌ట్టులోకి రానున్న‌ట్లు తెలుస్తోంది.

ప్రస్తుత ఐపీఎల్‌ సీజన్‌లో గుజరాత్‌ టైటాన్స్‌ వరుస విజయాలతో దూసుకుపోతూ పాయింట్ల పట్టికలో అగ్ర స్థానంలో ఉంది. ఆ జట్టు విజయాల్లో ఓపెనర్లు సాయి సుదర్శన్‌, శుభ్‌మన్‌ గిల్‌ పాత్ర చాలా కీలకం​. ఈ ఇద్దరు దాదాపుగా ప్రతి మ్యాచ్‌లో నిలకడైన ఆటతీరు ప్రదర్శిస్తూ జట్టు విజయానికి పటిష్టమైన పునాది వేస్తున్నారు.ఈ సీజన్‌లో సాయి ఆడిన ఆరు మ్యాచ్‌ల్లో నాలుగు హాఫ్‌ సెంచరీలు చేసి లీడింగ్‌ రన్‌ స్కోరర్‌గా కొనసాగుతుండగా.. గిల్‌ చివరి మూడు మ్యాచ్‌ల్లో రెండు హాఫ్‌ సెంచరీలు చేసి లీడింగ్‌ రన్‌ స్కోరర్ల జాబితాలో ఆరో స్థానంలో నిలిచాడు.ఈ సీజన్‌లో అత్యుత్తమ ఓపెనింగ్‌ జోడీగా పేరు తెచ్చుకున్న సాయి-గిల్‌ ద్వయం.. ఇవాళ (ఏప్రిల్‌ 12) లక్నోతో జరుగుతున్న మ్యాచ్‌లో రెండు రికార్డులు నెలకొల్పింది. ఈ మ్యాచ్‌లో 120 పరుగులు జోడించిన సాయి-గిల్‌ జోడీ.. ప్రస్తుత ఐపీఎల్‌ సీజన్‌లో తొలి వికెట్‌కు 100కు పైగా పరుగులు జోడించిన తొలి జోడీగా రికార్డు నెలకొల్పింది. అలాగే ఈ సీజన్‌లో ఏ వికెట్‌కైనా అత్యధిక పరుగులు జోడించిన జోడీగానూ రికార్డుల్లోకెక్కింది.ప్రస్తుత ఐపీఎల్‌ సీజన్‌లో అత్యధిక భాగస్వామ్యాలుగిల్‌-సాయి సుదర్శన్‌- 120 (తొలి వికెట్‌కు)పూరన్‌-మార్ష్‌- 116 (రెండో వికెట్‌కు)స్టబ్స్‌-కేఎల్‌ రాహుల్‌- 111* (ఐదో వికెట్‌కు)శాంసన్‌-జురెల్‌- 111 (నాలుగో వికెట్‌కు)రహానే-నరైన్‌- 103 (రెండో వికెట్‌కు)ఈ మ్యాచ్‌లో గిల్‌ 60, సాయి సుదర్శన్‌ 56 పరుగులు చేసి ఔటయ్యారు. వీరిద్దరు క్రీజ్‌లో ఉన్నంతవరకు గుజరాత్‌ జట్టు భారీ స్కోర్‌ దిశగా సాగింది. అయితే 2 పరుగుల వ్యవధిలో ఈ ఇద్దరు ఔట్‌ కావడంతో గుజరాత్‌ స్కోర్‌ ఒక్కసారిగా నెమ్మదించింది.13వ ఓవర్‌ తొలి బంతికి సాయి ఔటయ్యే సమయానికి గుజరాత్‌ స్కోర్‌ 120 పరుగులుగా ఉండగా.. 17వ ఓవర్‌ ముగిసే సమయానికి ఆ జట్టు నాలుగు వికెట్లు కోల్పోయి కేవలం 147 పరుగులు మాత్రమే చేయగలిగింది. రూథర్‌ఫోర్డ్‌ (6), షారుక్‌ ఖాన్‌ (1) గుజరాత్‌కు గౌరవప్రదమైన స్కోర్‌ అందించేందుకు ప్రయత్నిస్తున్నారు. గుజరాత్‌ ఇన్నింగ్స్‌లో బట్లర్‌ 16, సుందర్‌ 2 పరుగులకు ఔటయ్యారు. లక్నో బౌలర్లలో బిష్ణోయ్‌ 2, దిగ్వేశ్‌ రాఠీ, ఆవేశ్‌ ఖాన్‌ తలో వికెట్‌ పడగొట్టారు. ఈ మ్యాచ్‌లో గుజరాత్‌ టాస్‌ ఓడి లక్నో ఆహ్వానం మేరకు తొలుత బ్యాటింగ్‌ చేస్తుంది.తుది జట్లు..లక్నో: ఎయిడెన్ మార్క్రమ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), హిమ్మత్ సింగ్, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, దిగ్వేష్ సింగ్ రాఠీ, అవేష్ ఖాన్, రవి బిష్ణోయ్గుజరాత్‌ టైటాన్స్‌: సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట్‌కీపర్‌), వాషింగ్టన్ సుందర్, షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్

ఐపీఎల్‌-2025లో భాగంగా ఏక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రుగుతున్న మ్యాచ్‌లో గుజ‌రాత్ టైటాన్స్ కెప్టెన్ శుబ్‌మ‌న్ గిల్ అద్బుత‌మైన హాఫ్ సెంచ‌రీతో మెరిశాడు. తొలుత కాస్త ఆచితూచి ఆడిన గిల్‌.. క్రీజులో కుదురుకున్నాక ఆకాశ‌మే హ‌ద్దుగా చెల‌రేగిపోయాడు. మ‌రో ఓపెన‌ర్ సాయిసుద‌ర్శ‌న్‌తో క‌లిసి స్కోర్ బోర్డును ప‌రుగులు పెట్టించాడు. త‌నదైన శైలిలో బౌండ‌రీలు బాదుతూ అభిమానుల‌ను ప్రిన్స్ అలరించాడు. ఈ క్ర‌మంలో గిల్ కేవ‌లం 31 బంతుల్లోనే ఆర్ధ శత‌కాన్ని అందుకున్నాడు. ఓవ‌రాల్‌గా 38 బంతులు ఎదుర్కొన్న గిల్‌.. 6 ఫోర్లు, ఒక సిక్స‌ర్‌తో 60 ప‌రుగులు చేసి ఔట‌య్యాడు. ఈ మ్యాచ్‌లో హాఫ్ సెంచ‌రీతో చెల‌రేగిన గిల్ ఓ అరుదైన ఘ‌న‌తను త‌న పేరిట లిఖించుకున్నాడు. ఐపీఎల్‌లో గుజ‌రాత్ త‌ర‌పున 2000 ప‌రుగులు పూర్తి చేసుకున్న తొలి బ్యాట‌ర్‌గా గిల్ రికార్డుల‌కెక్కాడు. శుబ్‌మ‌న్ 53 ప‌రుగుల వ్య‌క్తిగ‌త స్కోర్ వ‌ద్ద ఈ ఫీట్‌ను అందుకున్నాడు. ఓవరాల్‌గా ఐపీఎల్‌లో ఇప్పటివరకు 109 మ్యాచ్‌లు ఆడిన గిల్ 3424 పరుగులు చేశాడు. అతడి ఇన్నింగ్స్‌లలో 22 హాఫ్ సెంచరీలు, నాలుగు శతకాలు ఉన్నాయి. ఇక ఈ మ్యాచ్‌లో టాస్ ఓడి మొద‌ట బ్యాటింగ్ చేసిన గుజ‌రాత్ టైటాన్స్ నిర్ణీత 20 ఓవ‌ర్ల‌లో 6 వికెట్ల న‌ష్టానికి 180 ప‌రుగులు చేసింది. గుజరాత్ బ్యాట‌ర్ల‌లో గిల్‌తో పాటు సాయిసుద‌ర్శ‌న్‌(56), ష‌ర్ఫెన్ రూథ‌ర్ ఫ‌ర్డ్‌(22) ప‌రుగుల‌తో రాణించారు. ల‌క్నో బౌల‌ర్ల‌లో శార్ధూల్ ఠాకూర్‌, బిష్ణోయ్ త‌లా రెండు వికెట్లు సాధించ‌గా.. దిగ్వేష్ సింగ్‌, అవేష్ ఖాన్ చెరో వికెట్ సాధించారు.చ‌ద‌వండి: LSG VS GT: మిచెల్‌ మార్ష్‌ ఎందుకు ఆడటం లేదు.. ఈ హిమ్మత్‌ సింగ్‌ ఎవరు..?

గుజరాత్‌పై లక్నో విజయంఐపీఎల్‌ 2025 సీజన్‌లో భాగంగా ఇవాళ (ఏప్రిల్‌ 12) మధ్యాహ్నం జరిగిన మ్యాచ్‌లో గుజరాత్‌ టైటాన్స్‌పై లక్నో సూపర్‌ జెయింట్స్ 6 వికెట్ల తేడాతో ఘన విజయం సాధించింది. టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 180 పరుగులు చేసింది. గిల్‌ (38 బంతుల్లో 60; 6 ఫోర్లు, సిక్స్‌), సాయి సుదర్శన్‌ (37 బంతుల్లో 56; 7 ఫోర్లు, సిక్స్‌) అర్ద సెంచరీతో రాణించారు.అనంతరం ఛేదనకు దిగిన లక్నో..మార్క్రమ్‌ (31 బంతుల్లో 58; 9 ఫోర్లు, సిక్స్‌), పూరన్‌ (34 బంతుల్లో 61; ఫోర్‌, 7 సిక్సర్లు) విధ్వంసకర ఇన్నింగ్స్‌లతో రెచ్చిపోవడంతో 19.3 ఓవర్లలో 4 వికెట్లు కోల్పోయి లక్ష్యాన్ని చేరుకుంది. బదోని సిక్సర్‌తో మ్యాచ్‌ను ముగించాడు. గుజరాత్‌ బౌలర్లలో ప్రసిద్ద్‌ కృష్ణ 2, రషీద్‌ ఖాన్‌, వాషింగ్టన్‌ సందర్‌ తలో వికెట్‌ తీశారు.పూరన్‌ ఔట్‌15.2వ ఓవర్‌- 155 పరుగుల వద్ద లక్నో మూడో వికెట్‌ కోల్పోయింది. రషీద్‌ ఖాన్‌ బౌలింగ్‌లో షారుక్‌ ఖాన్‌కు క్యాచ్‌ ఇచ్చి పూరన్‌ (61) ఔటయ్యాడు.23 బంతుల్లో హాఫ్‌ సెంచరీ పూర్తి చేసిన పూరన్‌23 బంతుల్లో 6 సిక్సర్లు, బౌండరీ సాయంతో పూరన్‌ హాఫ్‌ సెంచరీ పూర్తి చేశాడు. ఈ మ్యాచ్‌లో లక్నో గెలవాలంటే 42 బంతుల్లో మరో 41 పరుగులు మాత్రమే చేయాలి. పూరన్‌ 51, బదోని 4 పరుగులతో క్రీజ్‌లో ఉన్నారు. రెండో వికెట్‌ కోల్పోయిన లక్నో11.1వ ఓవర్‌- 123 పరుగుల వద్ద లక్నో రెండో వికెట్‌ కోల్పోయింది. ప్రస్దిద్‌ కృష్ణ బౌలింగ్‌లో శుభ్‌మన్‌ గిల్‌కు క్యాచ్‌ ఇచ్చి మార్క్రమ్‌ (58) ఔటయ్యాడు. 26 బంతుల్లోనే హాఫ్‌ సెంచరీ పూర్తి చేసిన మార్క్రమ్‌181 పరుగుల లక్ష్య ఛేదనలో లక్నో ఓపెనర్‌ మార్క్రమ్‌ ధాటిగా ఇన్నింగ్స్‌ను ప్రారంభించాడు. మార్క్రమ్‌ కేవలం 26 బంతుల్లోనే హాఫ్‌ సెంచరీ (8 ఫోర్లు, సిక్స్‌) పూర్తి చేశాడు. పంత్‌ ఔటయ్యాక క్రీజ్‌లోకి వచ్చిన పూరన్‌ ఆకాశమే హద్దుగా చెలరేగుతున్నాడు. పూరన్‌ కేవలం 16 బంతుల్లో 5 సిక్సర్ల సాయంతో 37 పరుగులు చేశాడు. 10 ఓవర్లలో లక్నో స్కోర్‌ 114/1గా ఉంది. తొలి వికెట్‌ కోల్పోయిన లక్నో.. పంత్‌ ఔట్‌6.2వ ఓవర్‌- 65 పరుగుల వద్ద లక్నో తొలి వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో సుందర్‌కు క్యాచ్‌ ఇచ్చి రిషబ్‌ పంత్‌ (21) ఔటయ్యాడు.టార్గెట్‌ 181.. 6 ఓవర్లలో 61 పరుగులు చేసిన లక్నో181 పరుగుల లక్ష్య ఛేదనలో లక్నో ధాటిగా ఆడుతుంది. ఓపెనర్లు పంత్‌ (17), మార్క్రమ్‌ (38) వేగంగా పరుగులు సాధిస్తున్నారు. 6 ఓవర్ల తర్వాత లక్నో స్కోర్‌ 61/0గా ఉంది. టార్గెట్‌ 181.. ఓపెనర్‌గా పంత్‌.. రెచ్చిపోయి ఆడుతున్న మార్క్రమ్‌181 పరుగుల లక్ష్య ఛేదనలో లక్నో ఓపెనర్‌గా రిషబ్‌ పంత్‌ బరిలోకి దిగాడు. మార్క్రమ్‌కు జతగా పంత్‌ క్రీజ్‌లో ఉన్నాడు. పంత్‌ 11 బంతుల్లో 2 ఫోర్ల సాయంతో 10 పరుగులు చేసి క్రీజ్‌లో ఉన్నాడు. అతనికి జతగా ఉన్న మార్క్రమ్‌ 18 బంతుల్లో 5 ఫోర్లు, సిక్సర్‌ సాయంతో 33 పరుగులు చేసి ఇన్నింగ్స్‌ను కొనసాగిస్తున్నాడు. ఈ మ్యాచ్‌లో మిచెల్‌ మార్ష్‌ గైర్హాజరీలో పంత్‌ ఓపెనర్‌గా బరిలోకి దిగాడు. 5 ఓవర్ల తర్వాత లక్నో స్కోర్‌ 49/0గా ఉంది.లక్నో బౌలర్ల అద్బుత ప్రదర్శన.. ఓ మోస్తరు స్కోర్‌కే పరిమితమైన గుజరాత్‌టాస్‌ ఓడి లక్నో ఆహ్వానం మేరకు తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 180 పరుగులు చేసింది. గిల్‌ 60, సాయి సుదర్శన్‌ 56 పరుగులతో రాణించారు. వాస్తవానికి ఈ మ్యాచ్‌లో గుజరాత్‌ భారీ స్కోర్‌ సాధించాల్సి ఉండింది. ఓపెనర్లు సాయి సుదర్శన్‌, శుభ్‌మన్‌ గిల్‌ క్రీజ్‌లో ఉండగా గుజరాత్‌ స్కోర్‌ 12 ఓవర్లలో 120గా ఉండింది. అయితే వీరిద్దరు రెండు పరుగుల వ్యవధిలో ఔట్‌ కావడంతో గుజరాత్‌ స్కోర్‌ ఒక్కసారిగా నమ్మదించింది. ఈ దశలో లక్నో బౌలర్లు అద్భుతంగా బౌలింగ్‌ చేసి గుజరాత్‌ను ఓ మోస్తరు స్కోర్‌కే పరిమితం చేశారు. రూథర్‌ఫోర్డ్‌ 22, బట్లర్‌ 16, షారుక్‌ ఖాన్‌ 11 (నాటౌట్‌), సుందర్‌ 2, తెవాటియా డకౌటయ్యారు. లక్నో బౌలర్లలో బిష్ణోయ్‌, శార్దూల్‌ ఠాకూర్‌ తలో 2 వికెట్లు తీయగా.. దిగ్వేశ్‌ రాఠీ, ఆవేశ్‌ ఖాన్‌ చెరో వికెట్‌ పడగొట్టారు. నాలుగో వికెట్‌ కోల్పోయిన గుజరాత్‌16.4వ ఓవర్‌- 145 పరుగుల వద్ద గుజరాత్‌ నాలుగో వికెట్‌ కోల్పోయింది. దిగ్వేశ్‌ రాఠీ బౌలింగ్‌లో శార్దూల్‌ ఠాకూర్‌కు క్యాచ్ ఇచ్చి జోస్‌ బట్లర్‌ (16) ఔటయ్యాడు. రూథర్‌ఫోర్డ్‌కు (6) జతగా షారుక్‌ ఖాన్‌ క్రీజ్‌లోకి వచ్చాడు. ఒకే ఓవర్‌లో రెండు వికెట్లు కోల్పోయిన గుజరాత్‌ఇన్నింగ్స్‌ 14వ ఓవర్‌లో గుజరాత్‌ రెండు వికెట్లు కోల్పోయింది. తొలి బంతికి సాయి సుదర్శన్‌ (56), ఆఖరి బంతికి వాషింగ్టన్‌ సుందర్‌ను (2) రవి బిష్ణోయ్‌ ఔట్‌ చేశారు. 14 ఓవర్ల తర్వాత గుజరాత్‌ స్కోర్‌ 127/3గా ఉంది. బట్లర్‌ (3), రూథర్‌ఫోర్డ్‌ క్రీజ్‌లో ఉన్నారు. తొలి వికెట్‌ కోల్పోయిన గుజరాత్‌12.1వ ఓవర్‌- 120 పరుగుల వద్ద గుజరాత్‌ తొలి వికెట్‌ కోల్పోయింది. ఆవేశ్‌ ఖాన్‌ బౌలింగ్లో మార్క్రమ్‌ బౌండరీ లైన్‌ వద్ద అద్బుతమైన క్యాచ్‌ పట్టడంతో శుభ్‌మన్‌ గిల్‌ (38 బంతుల్లో 60; 6 ఫోర్లు, సిక్స్‌) ఔటయ్యాడు. సాయి సుదర్శన్‌కు (55) జతగా జోస్‌ బట్లర్‌ క్రీజ్‌లోకి వచ్చాడు. హాఫ్‌ సెంచరీలు పూర్తి చేసిన గిల్‌, సుదర్శన్‌.. 11 ఓవర్ల తర్వాత గుజరాత్‌ స్కోర్‌ ఎంతంటే..?11 ఓవర్ల తర్వాత గుజరాత్‌ స్కోర్‌ 109/0గా ఉంది. గిల్‌ (53), సాయి సుదర్శన్‌ (51) హాఫ్‌ సెంచరీలు పూర్తి చేసుకున్నారు. నిలకడగా ఆడుతున్న గిల్‌, సాయి సుదర్శన్‌.. 7 ఓవర్ల తర్వాత స్కోర్‌ ఎంతంటే..?7 ఓవర్ల తర్వాత గుజరాత్‌ స్కోర్‌ 66/0గా ఉంది. ఓపెనర్లు సాయి సుదర్శన్‌ (30), శుభ్‌మన్‌ గిల్‌ (34) నిలకడగా ఆడుతున్నారు. ఆచితూచి ఆడుతున్న గుజరాత్‌ ఓపెనర్లుటాస్‌ ఓడి బ్యాటింగ్‌కు దిగిన గుజరాత్‌ 3 ఓవర్లలో వికెట్‌ నష్టపోకుండా 26 పరుగులు చేసింది. ఓపెనర్లు శుభ్‌మన్‌ గిల్‌ (15), సాయి సుదర్శన్‌ (11) ఆచితూచి ఆడుతున్నారు. ఐపీఎల్‌ 2025లో భాగంగా ఇవాళ (ఏప్రిల్‌ 12) లక్నో సూపర్‌ జెయింట్స్‌, గుజరాత్‌ టైటాన్స్‌ తలపడుతున్నాయి. లక్నోలోని అటల్‌ బిహారి స్టేడియంలో ఈ మ్యాచ్‌ జరుగనుంది. ఈ మ్యాచ్‌ మధ్యాహ్నం 3:30 గంటలకు ప్రారంభమవుతుంది. ఈ మ్యాచ్‌లో లక్నో కెప్టెన్‌ పంత్‌ టాస్‌ గెలిచి ఫీల్డింగ్‌ ఎంచుకున్నాడు. ఈ మ్యాచ్‌లో లక్నో ఓ కీలక మార్పుతో బరిలోకి దిగుతుంది. స్టార్‌ ఆటగాడు, ఇన్‌ ఫామ్‌ ప్లేయర్‌ మిచెల్‌ మార్ష్‌ ఈ మ్యాచ్‌లో ఆడటం లేదు. వ్యక్తిగత కారణాల చేత మార్ష్‌ ఈ మ్యాచ్‌కు దూరంగా ఉన్నాడు. అతని స్థానాన్ని హిమ్మత్‌ సింగ్‌ భర్తీ చేయనున్నాడు. గుజరాత్‌ కూడా ఓ మార్పుతో బరిలోకి దిగుతుంది. కుల్వంత్‌ కేజ్రోలియా స్థానంలో వాషింగ్టన్‌ సుందర్‌ జట్టులోకి వచ్చాడు.ప్రస్తుత సీజన్‌లో గుజరాత్‌ ఇప్పటివరకు ఆడిన 5 మ్యాచ్‌ల్లో నాలుగింట గెలిచి పాయింట్ల పట్టికలో అగ్రస్థానంలో కొనసాగుతుంది. లక్నో ఐదింట మూడు గెలిచి ఆరో స్థానంలో ఉంది.తుది జట్లు..లక్నో: ఎయిడెన్ మార్క్రమ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), హిమ్మత్ సింగ్, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, దిగ్వేష్ సింగ్ రాఠీ, అవేష్ ఖాన్, రవి బిష్ణోయ్గుజరాత్‌ టైటాన్స్‌: సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట్‌కీపర్‌), వాషింగ్టన్ సుందర్, షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్

వరుస విజయాలతో జోరు మీదున్న గుజరాత్‌ టైటాన్స్‌ జట్టుకు ఎదురుదెబ్బ తగిలింది. ఆ జట్టు డైనమిక్‌ ఆల్‌రౌండర్‌ గ్లెన్‌ ఫిలిప్స్‌ (Glenn Phillips) ఐపీఎల్‌-2025లో మిగిలిన మ్యాచ్‌లకు దూరమయ్యాడు. గాయం కారణంగా ఈ న్యూజిలాండ్‌ క్రికెటర్‌ స్వదేశానికి తిరుగుపయనమయ్యాడు. కాగా ఐసీసీ చాంపియన్స్‌ ట్రోఫీ-2025 (ICC Champions Trophy)లో సత్తా చాటిన గ్లెన్‌ ఫిలిఫ్స్‌ మెగా వేలంలోకి రాగా.. గుజరాత్‌ రూ. 2 కోట్లకు కొనుగోలు చేసింది. అయితే, ఇంత వరకు ఈ సీజన్‌లో అతడికి ఒక్క మ్యాచ్‌లోనూ ఆడే అవకాశం రాలేదు.గాయపడిన ఫిలిప్స్‌ఈ క్రమంలో గత ఆదివారం సన్‌రైజర్స్‌ హైదరాబాద్‌ (GT vs SRH)తో మ్యాచ్‌ సందర్భంగా మాత్రం సబ్‌స్టిట్యూట్‌ ప్లేయర్‌గా బరిలోకి దిగాడు ఫిలిప్స్‌. కానీ దురదృష్టవశాత్తూ అతడు గాయపడ్డాడు. ప్రసిద్‌ కృష్ణ బౌలింగ్‌లో రైజర్స్‌ బ్యాటర్‌ ఇషాన్‌ కిషన్‌ బంతిని పాయింట్‌ వైపు తరలించగా.. అక్కడే ఫీల్డింగ్‌ చేస్తున్న ఫిలిప్స్‌ బాల్‌ను ఆపబోయి గాయపడ్డాడు.ఈ క్రమంలో ఫిజియో వచ్చి అతడిని బయటకు తీసుకువెళ్లాడు. అయితే, గజ్జల్లో నొప్పి తీవ్రం కావడంతో సీజన్‌ మొత్తానికి ఫిలిప్స్‌ దూరమయ్యాడు. ఇందుకు సంబంధించి టైటాన్స్‌ శనివారం అధికారిక ప్రకటన విడుదల చేసింది.సీజన్‌ మొత్తానికి దూరం‘‘ఏప్రిల్‌ 6న సన్‌రైజర్స్‌ హైదరాబాద్‌తో మ్యాచ్‌ సందర్భంగా గ్లెన్‌ ఫిలిప్స్‌ గాయపడ్డాడు. గజ్జల్లో గాయం కారణంగా అతడు తిరిగి న్యూజిలాండ్‌కు వెళ్లిపోయాడు. గ్లెన్‌ త్వరగా కోలుకోలుకోవాలని గుజరాత్‌ టైటాన్స్‌ ఆకాంక్షిస్తోంది’’ అని టైటాన్స్‌ యాజమాన్యం పేర్కొంది. కాగా 28 ఏళ్ల గ్లెన్‌ ఫిలిఫ్స్‌ ప్రపంచంలోని ఉత్తమ ఫీ ల్డ ర్లలో ఒకడు. తనదైన రోజున లోయర్‌ ఆర్డర్లో బ్యాటింగ్‌తోనూ చెలరేగగలడు. అతడు దూరం కావడం టైటాన్స్‌కు ఓ రకంగా ఎదురుదెబ్బ లాంటిదే.కాగా రైటార్మ్‌ ఆఫ్‌ బ్రేక్‌ స్పిన్నర్‌ అయిన గ్లెన్‌ ఫిలిప్స్‌.. కుడిచేతి వాటం బ్యాటర్‌. ఐపీఎల్‌లో ఇప్పటి వరకు ఎనిమిది మ్యాచ్‌లు ఆడి 65 పరుగులు చేయడంతో పాటు రెండు వికెట్లు తీశాడు. క్యాష్‌రిచ్‌ లీగ్‌లో చివరగా 2023లో సన్‌రైజర్స్‌ హైదరాబాద్‌ తరఫున అతడు బరిలోకి దిగాడు.జోరు మీదున్న గిల్‌ సేనఇదిలా ఉంటే.. ఐపీఎల్‌-2025లో గుజరాత్‌ టైటాన్స్‌ అద్భుత ప్రదర్శన కనబరుస్తోంది. సీజన్‌లో తమ ఆరంభ మ్యాచ్‌లో పంజాబ్‌ కింగ్స్‌ చేతిలో ఓడిన శుబ్‌మన్‌ గిల్‌ సేన.. ఆ తర్వాత ఊహించని విధంగా పుంజుకుంది. వరుసగా నాలుగు మ్యాచ్‌లలో గెలిచి ప్రస్తుతం పాయింట్ల పట్టికలో అగ్రస్థానంలో కొనసాగుతోంది. ఇప్పటి వరకు ఐదు మ్యాచ్‌లు పూర్తి చేసుకున్న టైటాన్స్‌.. ముంబై ఇండియన్స్‌, రాయల్‌ చాలెంజర్స్‌ బెంగళూరు, సన్‌రైజర్స్‌ హైదరాబాద్‌, రాజస్తాన్‌ రాయల్స్‌పై గెలుపొందింది. ఇక శనివారం (ఏప్రిల్‌ 12) నాటి మ్యాచ్‌లో టైటాన్స్‌ లక్నో సూపర్‌ జెయింట్స్‌తో తలపడుతుంది. ఇందుకు లక్నోలోని ఏకనా స్టేడియం వేదిక.చదవండి: KKR Vs CSK: అతడిని ఎనిమిదో ఓవర్లో పంపిస్తారా? ఇంతకీ మెదడు పనిచేస్తోందా?!

గుజరాత్‌ టైటాన్స్‌ చేతిలో ఓటమిపై రాజస్తాన్‌ రాయల్స్‌ కెప్టెన్‌ సంజూ శాంసన్‌ (Sanju Samson) స్పందించాడు. డెత్‌ ఓవర్లలో సరిగ్గా బౌలింగ్‌ చేయకపోవడమే తన పరాజయానికి ప్రధాన కారణం అని పేర్కొన్నాడు. తమకు శుభారంభం లభించినప్పటికీ దానిని కొనసాగించలేకపోయామని విచారం వ్యక్తం చేశాడు. ఐపీఎల్‌-2025 (IPL 2025)లో భాగంగా బుధవారం గుజరాత్‌- రాజస్తాన్‌ మధ్య మ్యాచ్‌ జరిగింది.సాయి సుదర్శన్‌ ధనాధన్‌అహ్మదాబాద్‌లో జరిగిన ఈ పోరులో టాస్‌ గెలిచిన రాజస్తాన్‌ రాయల్స్‌.. ఆతిథ్య గుజరాత్‌ను తొలుత బ్యాటింగ్‌కు ఆహ్వానించింది. ఈ క్రమంలో రాయల్స్‌ పేసర్‌ జోఫ్రా ఆర్చర్‌ ఆరంభంలోనే టైటాన్స్‌ కెప్టెన్‌, ఓపెనర్‌ శుబ్‌మన్‌ గిల్‌ (2) వికెట్‌ తీసి జోష్‌ నింపాడు. అయితే, మరో ఓపెనర్‌ సాయి సుదర్శన్‌ ఆ ఆనందాన్ని ఎంతో సేపు నిలవనీయలేదు.సాయి మొత్తంగా 53 బంతులు ఎదుర్కొని 8 ఫోర్లు, 3 సిక్సర్ల సాయంతో 82 పరుగులు సాధించి.. భారీ స్కోరకు పునాది వేశాడు. అతడికి తోడుగా జోస్‌ బట్లర్‌ (25 బంతుల్లో 36), షారుఖ్‌ ఖాన్‌ (20 బంతుల్లో 36), రాహుల్‌ తెవాటియా (12 బంతుల్లో 24 నాటౌట్‌) రాణించారు. ఫలితంగా నిర్ణీత 20 ఓవర్లలో ఆరు వికెట్ల నష్టానికి గుజరాత్‌ 217 పరుగులు చేసింది.రాజస్తాన్‌ బౌలర్లలో తుషార్‌ దేశ్‌పాండే, మహీశ్‌ తీక్షణ రెండేసి వికెట్లు తీయగా.. జోఫ్రా ఆర్చర్‌, సందీప్‌ శర్మ ఒక్కో వికెట్‌ తమ ఖాతాలో వేసుకున్నారు. ఇక లక్ష్య ఛేదనకు దిగిన రాజస్తాన్‌ ఆరంభంలోనే యశస్వి జైస్వాల్‌ (6) వికెట్‌ కోల్పోయింది. ఆ వెంటనే వన్‌డౌన్‌ బ్యాటర్‌ నితీశ్‌ రాణా (1) కూడా పెవిలియన్‌ చేరాడు.సంజూ, హెట్‌మెయిర్‌ పోరాటం సరిపోలేదుఈ క్రమంలో కెప్టెన్‌, ఓపెనర్‌ సంజూ శాంసన్‌ ఇన్నింగ్స్‌ చక్కదిద్దే ప్రయత్నం చేశాడు. 28 బంతుల్లో 41 పరుగులతో ధాటిగా ఆడుతున్న సమయంలో ‍ప్రసిద్‌ కృష్ణ సంజూను అవుట్‌ చేసి రాజస్తాన్‌ను దెబ్బకొట్టాడు. మిగతా వాళ్లలో రియాన్‌ పరాగ్‌ (14 బంతుల్లో 26) ఫర్వాలేదనిపించగా.. ధ్రువ్‌ జురెల్‌ (5) పూర్తిగా నిరాశపరిచాడు. అయితే, షిమ్రన్‌ హెట్‌మెయిర్‌ (32 బంతుల్లో 52) మాత్రం కాస్త వేగంగా ఆడి స్కోరును 150 దాటించగలిగాడు.అయితే, అప్పటికే సమయం దాటిపోయింది. లోయర్‌ ఆర్డర్‌ బ్యాటర్లంతా కలిసి కనీసం ఇరవై పరుగులు కూడా చేయలేకపోయారు. దీంతో 19.2 ఓవర్లలో రాజస్తాన్‌ 159 పరుగులు చేసి ఆలౌట్‌ అయింది. ఫలితంగా 58 పరుగుల తేడాతో ఓటమిపాలైంది. గుజరాత్‌ బౌలర్లలో ప్రసిద్‌ కృష్ణ మూడు, రషీద్‌ ఖాన్‌, సాయి కిషోర్‌ రెండేసి వికెట్లు తీయగా.. మహ్మద్‌ సిరాజ్‌, అర్షద్‌ ఖాన్‌, కుల్వంత్‌ ఖెజ్రోలియా ఒక్కో వికెట్‌ దక్కించుకున్నారు.అనుకున్నది ఒకటి.. మా వాళ్లు చేసింది మరొకటిఈ నేపథ్యంలో ఓటమి అనంతం రాయల్స్‌ కెప్టెన్‌ సంజూ శాంసన్‌ మాట్లాడుతూ.. ‘‘వికెట్‌ బాగానే ఉంది. జోఫ్రా ఆర్చర్‌ ఆరంభంలోనే శుబ్‌మన్‌ గిల్‌ వికెట్‌ తీసి శుభారంభం అందించాడు. పవర్‌ ప్లేలోనే వీలైనన్ని ఎక్కువ వికెట్లు తీయాలన్నది మా ప్లాన్‌. అయితే, డెత్‌ ఓవర్లలో మాత్రం అనుకున్న విధంగా రాణించలేకపోయాం.నిజానికి మేము ప్రిపేర్‌ అయింది ఒకటి.. అక్కడ అయిందొకటి.. మా ఆలోచనలు ఓ రకంగా ఉంటే... మా బౌలర్లు అమలు చేసింది మరొకటి’’ అని ఈఎస్‌పీఎన్‌క్రిక్‌ ఇన్ఫోతో పేర్కొన్నాడు. ఇక లక్ష్య ఛేదనలో తాను, హెట్‌మెయిర్‌ అవుటైన తర్వాత పరిస్థితి చేయిదాటి పోయిందని.. పొరపాట్లపై సమీక్ష నిర్వహించి.. సరికొత్త ఉత్సాహంతో ముందుకు వస్తామని సంజూ అన్నాడు.చదవండి: సంజూ శాంసన్‌కు భారీ షాక్‌!🔝 of their Game. 🔝 of the Table. 💙#GT roar to the top of the points table with another strong display of cricket 💪Scorecard ▶ https://t.co/raxxjzYH5F#TATAIPL | #GTvRR | @gujarat_titans pic.twitter.com/ZDRsDqoMAT— IndianPremierLeague (@IPL) April 9, 2025

ఐసీసీ తాజాగా విడుదల చేసిన వన్డే ర్యాంకింగ్స్‌లో పెద్దగా మార్పులేమీ చోటు చేసుకోలేదు. ప్రపంచవాప్తంగా ఉన్న ఆటగాళ్లంతా ఐపీఎల్‌తో బిజీగా ఉండగా.. పాకిస్తాన్‌, న్యూజిలాండ్‌ మాత్రమే వన్డే సిరీస్‌ ఆడాయి. ఈ నేపథ్యంలో ఆ రెండు జట్లకు చెందిన కొందరు ఆటగాళ్ల ర్యాంక్‌లు మాత్రమే మారాయి. బ్యాటింగ్‌లో టీమిండియా ప్రిన్స్‌ శుభ్‌మన్‌ గిల్‌ టాప్‌ ర్యాంక్‌లో కొనసాగుతుండగా.. పాకిస్తాన్‌ ఆటగాడు బాబర్‌ ఆజమ్‌, టీమిండియా కెప్టెన్‌ రోహిత్‌ శర్మ రెండు, మూడు స్థానాల్లో ఉన్నారు. భారత్‌ నుంచి విరాట్‌ (5), శ్రేయస్‌ అయ్యర్‌ (8) టాప్‌-10లో కొనసాగుతున్నారు. న్యూజిలాండ్‌తో జరిగిన మూడు మ్యాచ్‌ల సిరీస్‌లో 72 పరుగులు చేసిన పాక్‌ కెప్టెన్‌ మహ్మద్‌ రిజ్వాన్‌ రెండు స్థానాలు మెరుగుపర్చుకుని 21వ స్థానానికి చేరగా.. న్యూజిలాండ్‌ కెప్టెన్‌ మైఖేల్‌ బ్రేస్‌వెల్‌ ఏకంగా 12 స్థానాలు మెరుగుపర్చుకుని 89 స్థానానికి చేరాడు.బౌలర్ల ర్యాంకింగ్స్‌లో శ్రీలంక స్పిన్నర్‌ మహీశ్‌ తీక్షణ​ టాప్‌లో కొనసాగుతుండగా.. భారత్‌ రిస్ట్‌ స్పిన్నర్‌ కుల్దీప్‌ యాదవ్‌, సౌతాఫ్రికా స్పిన్నర్‌ కేశవ్‌ మహారాజ్‌ రెండు, మూడు స్థానాల్లో ఉన్నారు. భారత్‌ నుంచి కుల్దీప్‌తో పాటు రవీంద్ర జడేజా (9) ఒక్కడే టాప్‌-10లో ఉన్నాడు. పాక్‌తో సిరీస్‌లో 3 మ్యాచ్‌ల్లో ఓ ఐదు వికెట్ల ప్రదర్శన సహా 10 వికెట్లు తీసిన న్యూజిలాండ్‌ పేసర్‌ బెన్‌ సియర్స్‌ ఏకంగా 64 స్థానాలు మెరుగపర్చుకుని 100వ స్థానానికి చేరాడు. పాక్‌ పేసర్‌ నసీం​ షా ఐదు స్థానాలు మెరుగుపర్చుకుని 43వ స్థానానికి ఎగబాకాడు.ఆల్‌రౌండర్ల ర్యాంకింగ్స్‌ విషయానికొస్తే.. ఆఫ్ఘనిస్తాన్‌ స్టార్‌ ఆల్‌రౌండర్‌ అజ్మతుల్లా ఒమర్‌జాయ్‌ టాప్‌ ప్లేస్‌లో కొనసాగుతుండగా.. మరో ఆఫ్ఘనిస్తాన్‌ ఆటగాడు మహ్మద్‌ నబీ రెండో స్థానంలో నిలిచాడు. జింబాబ్వే ఆటగాడు సికందర్‌ రజా మూడో స్థానంలో కొనసాగుతున్నాడు. భారత్‌ నుంచి టాప్‌-10లో రవీంద్ర జడేజా (9) ఒక్కడే ఉన్నాడు. జడ్డూ ఓ స్థానం మెరుగుపర్చుకుని 10 నుంచి 9కి చేరాడు. పాక్‌తో జరిగిన సిరీస్‌లో 85 పరుగులు చేసి 2 వికెట్లు తీసిన మైఖేల్‌ బ్రేస్‌వెల్‌ (5) రెండు స్థానాలు మెరుగుపర్చుకుని టాప్‌-5లోకి వచ్చాడు.

రాజస్థాన్‌ రాయల్స్‌పై గుజరాత్‌ ఘన విజయంఐపీఎల్‌ 2025లో భాగంగా ఇవాళ (ఏప్రిల్‌ 9) జరిగిన మ్యాచ్‌లో రాజస్థాన్‌ రాయల్స్‌పై గుజరాత్‌ టైటాన్స్‌ 58 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత ఓవర్లలో 6 వికెట్ల నష్టానికి 217 పరుగులు చేయగా.. ఛేదనలో చేతులెత్తేసిన రాయల్స్‌ 19.2 ఓవర్లలో 159 ఆలౌటైంది. ఆరో వికెట్‌ కోల్పోయిన రాయల్స్‌13.2వ ఓవర్‌- 119 పరుగుల వద్ద రాయల్స్‌ ఆరో వికెట్‌ కోల్పోయింది. రషీద్‌ ఖాన్‌ బౌలింగ్‌లో శుభమ్‌ దూబే (1) ఎల్బీడబ్ల్యూ అయ్యాడు.ఐదో వికెట్‌ కోల్పోయిన రాయల్స్‌12.2వ ఓవర్‌- 116 పరుగుల వద్ద రాయల్స్‌ ఐదో వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో సాయి కిషోర్‌కు క్యాచ్‌ ఇచ్చి సంజూ శాంసన్‌ (41) ఔటయ్యాడు. పీకల్లోతు కష్టాల్లో రాయల్స్‌7.4వ ఓవర్‌- 218 పరుగుల భారీ ఛేదనలో రాయల్స్‌ 68 పరుగులకే నాలుగు వికెట్లు కోల్పోయి పీకల్లోతు​ కష్టాల్లో కూరుకుపోయింది. రషీద్‌ ఖాన్‌ బౌలింగ్‌లో సాయి సుదర్శన్‌కు క్యాచ్‌ ఇచ్చి దృవ్‌ జురెల్‌ (5) ఔటయ్యాడు. మూడో వికెట్‌ కోల్పోయిన రాయల్స్‌.. రియాన్‌ ఔట్‌6.4వ ఓవర్‌- 60 పరుగుల వద్ద రాయల్స్‌ మూడో వికెట్‌ కోల్పోయింది. ఇంపాక్ట్‌ ప్లేయర్‌ కేజ్రోలియా బౌలింగ్‌లో వికెట్‌ కీపర్‌ బట్లర్‌కు క్యాచ్‌ ఇచ్చి రియాన్‌ పరాగ్‌ (26) ఔటయ్యాడు. 6 ఓవర్లలో 57 పరుగులు.. ధాటిగా ఆడుతున్న శాంసన్‌, రియాన్‌11 పరుగులకే 2 వికెట్లు కోల్పోయినా రాయల్స్‌ ఏమాత్రం తగ్గడం లేదు. 6 ఓవర్ల తర్వాత ఆ జట్టు స్కోర్‌ 57/2గా ఉంది. శాంసన్‌ (21), రియాన్‌ (25) ధాటిగా ఆడుతున్నారు. 12 పరుగులకే రెండు వికెట్లు కోలోయిన రాయల్స్‌2.2వ ఓవర్‌- భారీ లక్ష్య ఛేదనలో రాయల్స్‌ 12 పరుగులకే 2 వికెట్లు కోల్పోయింది. అర్షద్‌ ఖాన్‌ బౌలింగ్‌లో తొలుత జైస్వాల్‌ ఔట్‌ కాగా.. తాజాగా సిరాజ్‌ బౌలింగ్‌లో నితీశ్‌ రాణా (1) ఔటయ్యాడు. టార్గెట్‌ 218.. 11 పరుగులకే తొలి వికెట్‌ కోల్పోయిన రాజస్థాన్‌218 పరుగుల భారీ ఛేదనలో రాజస్థాన్‌ రాయల్స్‌ 11 పరుగుల వద్దనే తొలి వికెట్‌ కోల్పోయింది. అర్షద్‌ ఖాన్‌ బౌలింగ్‌లో రషీద్‌ ఖాన్‌కు క్యాచ్‌ ఇచ్చి యశస్వి జైస్వాల్‌ (6) ఔటయ్యాడు. సంజూ శాంసన్‌కు జతగా నితీశ్‌ రాణా క్రీజ్‌లోకి వచ్చాడు.చెలరేగిన సాయి సుదర్శన్‌.. గుజరాత్‌ భారీ స్కోర్‌రాజస్థాన్‌ రాయల్స్‌తో ఇవాళ జరుగుతున్న మ్యాచ్‌లో గుజరాత్‌ భారీ స్కోర్‌ చేసింది. టాస్‌ ఓడి తొలుత బ్యాటింగ్‌కు దిగిన ఆ జట్టు సాయి సుదర్శన్‌ (53 బంతుల్లో 82; 8 ఫోర్లు, 3 సిక్సర్లు) చెలరేగడంతో నిర్ణీత ఓవర్లలో 6 వికెట్ల నష్టానికి 217 పరుగులు చేసింది. గుజరాత్‌ ఇన్నింగ్స్‌లో జోస్‌ బట్లర్‌, షారుక్‌ ఖాన్‌ తలో 36 పరుగులు చేయగా.. రాహుత్‌ తెవాతియా 24 (నాటౌట్‌), రషీద్‌ ఖాన్‌ 12, రూథర్‌ఫోర్డ్‌ 7, గిల్‌ 2 పరుగులు చేసి ఔటయ్యారు. రాయల్స్‌ బౌలర్లలో తుషార్‌ దేశ్‌పాండే, తీక్షణ తలో రెండు వికెట్లు తీయగా.. ఆర్చర్‌, సందీప్‌ శర్మ చెరో వికెట్‌ తీశారు.82 పరుగుల వద్ద సాయి సుదర్శన్‌ ఔట్‌82 పరుగుల వద్ద సాయి సుదర్శన్‌ ఔటయ్యాడు. తుషార్‌ దేశ్‌పాండే బౌలింగ్‌లో సంజూ శాంసన్‌కు క్యాచ్‌ ఇచ్చి పెవిలియన్‌కు చేరాడు. 18.2 ఓవర్ల తర్వాత గుజరాత్‌ స్కోర్‌ 187/5గా ఉంది. తెవాతియా (10), రషీద్‌ ఖాన్‌ క్రీజ్‌లో ఉన్నారు. నాలుగో వికెట్‌ కోల్పోయిన గుజరాత్‌16.1వ ఓవర్‌- 163 పరుగుల వద్ద సందీప్‌ శర్మ బౌలింగ్‌లో వికెట్‌కీపర్‌ శాంసన్‌కు క్యాచ్‌ ఇచ్చి రూథర్‌ఫోర్డ్‌ (7) ఔటయ్యాడు. మూడో వికెట్‌ కోల్పోయిన గుజరాత్‌15.4వ ఓవర్‌- 156 పరుగుల వద్ద గుజరాత్‌ మూడో వికెట్‌ కోల్పోయింది. తీక్షణ బౌలింగ్‌లో షారుక్‌ ఖాన్‌ (36) స్టంపౌట్‌ అయ్యాడు. సాయి సుదర్శన్‌కు (69) జతగా రూథర్‌ఫోర్డ్‌ క్రీజ్‌లోకి వచ్చాడు. రూథర్‌ఫోర్డ్‌ వచ్చీ రాగానే సిక్సర్‌తో విరుచుకుపడ్డాడు. 16 ఓవర్ల తర్వాత గుజరాత్‌ స్కోర్‌ 163/3గా ఉంది.భారీ స్కోర్‌ దిశగా గుజరాత్‌ఈ మ్యాచ్‌లో గుజరాత్‌ భారీ స్కోర్‌ దిశగా సాగుతుంది. 13 ఓవర్ల తర్వాత ఆ జట్టు స్కోర్‌ 124/2గా ఉంది. సాయి సుదర్శన్‌ 59, షారుక్‌ ఖాన్‌ 18 పరుగులతో క్రీజ్‌లో ఉన్నారు.రెండో వికెట్‌ కోల్పోయిన గుజరాత్‌.. బట్లర్‌ ఔట్‌9.6వ బంతి- 94 పరుగుల వద్ద గుజరాత్‌ రెండో వికెట్‌ కోల్పోయింది. తీక్షణ బౌలింగ్‌లో జోస్‌ బట్లర్‌ (36) ఎల్బీడబ్ల్యూ అయ్యాడు. సాయి సుదర్శన్‌ (50) హాఫ్‌ సెంచరీ పూర్తి చేసుకుని ఇన్నింగ్స్‌ను కొనసాగిస్తున్నాడు. అతనికి జతగా షారుక్‌ ఖాన్‌ క్రీజ్‌లోకి వచ్చాడు. లైన్‌లోకి వచ్చిన బట్లర్‌.. 8 బంతుల్లో 4 బౌండరీలుఆరంభంలో నిదానంగా ఆడిన బట్లర్‌ ఇన్నింగ్స్ ఏడో ఓవర్‌లో లైన్‌లోకి వచ్చాడు. ఆ ఓవర్‌ ఆఖరి రెండు బంతులను బౌండరీలకు తరలించిన బట్లర్‌, ఆతర్వాతి ఓవర్‌లో కూడా మరో రెండు బౌండరీలు బాదాడు. సాయి సుదర్శన్‌తో (26 బంతుల్లో 43; 4 ఫోర్లు, 2 సిక్సర్లు) పాటు బట్లర్‌ (19 బంతుల్లో 31; 5 ఫోర్లు) కూడా టచ్‌లోకి రావడంతో గుజరాత్‌ స్కోర్‌ 8 ఓవర్లలోనే 81 పరుగులకే చేరింది. ధాటిగా ఆడుతున్న సాయి సుదర్శన్‌శుభ్‌మన్‌ గిల్‌ త్వరగానే ఔటైనా మరో ఓపెనర్‌ సాయి సుదర్శన్‌ ధాటిగా ఆడుతున్నాడు. సాయి 22 బంతుల్లో 4 ఫోర్లు, 2 సిక్సర్ల సాయంతో 39 పరుగులు చేసి క్రీజ్‌లో ఉన్నాడు. సాయికి జతగా బట్లర్‌ (11) ఉన్నాడు. 6 ఓవర్ల తర్వాత గుజరాత్‌ స్కోర్‌ 56/1గా ఉంది. తొలి వికెట్‌ కోల్పోయిన గుజరాత్‌.. కెప్టెన్‌ ఔట్‌2.1వ ఓవర్‌- 14 పరుగులకే గుజరాత్‌ తొలి వికెట్‌ కోల్పోయింది. కెప్టెన్‌ శుభ్‌మన్‌ గిల్‌ (2) జోఫ్రా ఆర్చర్‌ బౌలింగ్‌లో క్లీన్‌ బౌల్డ్‌ అయ్యాడు. సాయి సుదర్శన్‌కు (11) జతగా జోస్‌ బట్లర్‌ క్రీజ్‌లోకి వచ్చాడు. ఐపీఎల్‌ 2025లో ఇవాళ (ఏప్రిల్‌ 9) గుజరాత్‌ టైటాన్స్‌, రాజస్థాన్‌ రాయల్స్‌ తలపడుతున్నాయి. ఈ మ్యాచ్‌లో రాయల్స్‌ టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌కు రాయల్స్‌ స్టార్‌ బౌలర్‌ వనిందు హసరంగ దూరమయ్యాడు (వ్యక్తిగత కారణాల చేత). అతని స్థానంలో ఫజల్‌హక్‌ ఫారూకీ తుది జట్టులోకి వచ్చాడు. గుజరాత్‌ గత మ్యాచ్‌లో ఆడిన జట్టునే యధాతథంగా బరిలోకి దించుతుంది.ఈ సీజన్‌లో గుజరాత్‌ తొలి మ్యాచ్‌లో ఓడి (పంజాబ్‌), ఆతర్వాత హ్యాట్రిక్‌ విజయాలు (ముంబై, ఆర్సీబీ, సన్‌రైజర్స్‌) సాధించి పాయింట్ల పట్టికలో రెండో స్థానానికి దూసుకొచ్చింది. రాయల్స్‌ విషయానికొస్తే.. ఈ జట్టు తొలి రెండు మ్యాచ్‌ల్లో (సన్‌రైజర్స్‌, కేకేఆర్‌) ఓడి, ఆతర్వాత వరుసగా సీఎస్‌కే, పంజాబ్‌లపై గెలుపొంది పాయింట్ల పట్టికలో ఏడో స్థానంలో కొనసాగుతుంది.తుది జట్లు..గుజరాత్‌: సాయి సుదర్శన్, శుభమన్ గిల్ (కెప్టెన్‌), జోస్ బట్లర్ (వికెట్‌కీపర్‌), షెర్ఫాన్‌ రూథర్‌ఫోర్డ్, షారుక్ ఖాన్, రాహుల్ తెవాటియా, రషీద్ ఖాన్, సాయి కిషోర్, మహమ్మద్ సిరాజ్, ప్రసిద్ధ్ కృష్ణ, ఇషాంత్ శర్మరాజస్థాన్‌ రాయల్స్‌: యశస్వి జైస్వాల్, సంజు శాంసన్ (కెప్టెన్‌ & వికెట్‌కీపర్‌), నితీష్ రాణా, రియాన్ పరాగ్, ధ్రువ్ జురెల్, షిమ్రాన్ హెట్మెయర్, ఫజల్‌ హక్‌ ఫారూకీ, జోఫ్రా ఆర్చర్, మహేశ్ తీక్షణ, యుధ్వీర్ సింగ్ చరక్, సందీప్ శర్మ, తుషార్ దేశ్‌పాండే

టీమిండియా మొట్టమొదటి ప్రపంచకప్‌ అందించిన కెప్టెన్‌ కపిల్‌ దేవ్‌ (Kapil Dev). ఈ దిగ్గజ ఆల్‌రౌండర్‌ సారథ్యంలో 1983 నాటి వన్డే వరల్డ్‌కప్‌ ఫైనల్లో వెస్టిండీస్‌ను ఓడించి ట్రోఫీని ముద్దాడింది. ఆ తర్వాత మహేంద్ర సింగ్‌ ధోని (MS Doni) నాయకత్వంలో 2007 టీ20 ప్రపంచకప్‌, 2011 వన్డే వరల్డ్‌కప్‌, 2013 చాంపియన్స్‌ ట్రోఫీని భారత్‌ సొంతం చేసుకుంది.ఈ క్రమంలో సుదీర్ఘ విరామం తర్వాత గత రెండేళ్ల కాలంలో మరో రెండు ప్రపంచకప్‌ టైటిళ్లను టీమిండియా తన ఖాతాలో వేసుకుంది. రోహిత్‌ శర్మ (Rohit Sharma) కెప్టెన్సీలో టీ20 ప్రపంచకప్‌-2024.. ఇటీవల ఐసీసీ చాంపియన్స్‌ ట్రోఫీ-2025 ట్రోఫీలను కైవసం చేసుకుంది.సూర్యకుమార్‌ యాదవ్‌కు పగ్గాలుఇక పొట్టి ప్రపంచకప్‌లో భారత్‌ను విజేతగా నిలిపిన తర్వాత రోహిత్‌ శర్మ అంతర్జాతీయ టీ20 ఫార్మాట్‌కు వీడ్కోలు పలికిన విషయం తెలిసిందే. ఈ నేపథ్యంలో రోహిత్‌ వారసుడిగా భారత క్రికెట్‌ నియంత్రణ మండలి (BCCI) హార్దిక్‌ పాండ్యా పేరును ప్రకటిస్తుందనుకుంటే.. సూర్యకుమార్‌ యాదవ్‌కు పగ్గాలు అప్పగించింది.మరోవైపు.. వన్డేలకు, టెస్టులకు రోహిత్‌ శర్మ కెప్టెన్‌గా కొనసాగుతుండగా.. ఆయా ఫార్మాట్లలో శుబ్‌మన్‌ గిల్‌, జస్‌ప్రీత్‌ బుమ్రా అతడికి డిప్యూటీలుగా వ్యవహరిస్తున్నారు. ఇక వచ్చే ఏడాది టీ20 ప్రపంచకప్‌ జరుగనుండగా.. వన్డే వరల్డ్‌కప్‌ 2027లో జరుగనుంది.నా ఎంపిక మాత్రం హార్దిక్‌ పాండ్యానేఈ నేపథ్యంలో పరిమిత ఓవర్ల క్రికెట్‌ టీమిండియాకు సరైన కెప్టెన్‌ ఎవరన్న అంశంపై దిగ్గజ కెప్టెన్‌ కపిల్‌ దేవ్‌ స్పందించాడు. ‘‘నా వరకు హార్దిక్‌ పాండ్యానే టీమిండియా వైట్‌బాల్‌ కెప్టెన్‌గా ఉండాలి. ఈ పదవికి చాలా మంది పోటీలో ఉన్నారని తెలుసు.అయితే, నా ఎంపిక మాత్రం హార్దిక్‌ పాండ్యానే. అతడు యువకుడు. వచ్చే రెండు ఐసీసీ ఈవెంట్ల కోసం అతడి చుట్టూ జట్టు నిర్మిస్తే బాగుంటుంది. నిజానికి పాండ్యా టెస్టు క్రికెట్‌ కూడా ఆడితే బాగుంటుంది. కానీ అతడు చాలా కాలంగా రెడ్‌ బాల్‌ క్రికెట్‌కు దూరంగా ఉన్నాడు. అందుకే టీమిండియాకు మూడు ఫార్మాట్లకు వేర్వేరు కెప్టెన్ల అవసరం ఏర్పడింది’’ అని కపిల్‌ దేవ్‌ అన్నాడు. ‘మైఖేల్‌’తో మాట్లాడుతూ ఈ మేరకు తన అభిప్రాయాలు పంచుకున్నాడు.గాయాల బెడద ఎక్కువని పక్కన పెట్టారుఅయితే, హార్దిక్‌ను కాదని సూర్యను టీ20 కెప్టెన్‌గా నియమించిన సమయంలో బీసీసీఐ చీఫ్‌ సెలక్టర్‌ అజిత్‌ అగార్కర్‌ ఇందుకు గల కారణాన్ని వెల్లడించాడు. పేస్‌బౌలింగ్‌ ఆల్‌రౌండర్‌ అయిన హార్దిక్‌కు గాయాల బెడద ఎక్కువని.. అతడి లాంటి అరుదైన ఆటగాడిని కాపాడుకోవాలనే ఉద్దేశంతోనే కెప్టెన్సీ భారం మోపలేదని స్పష్టం చేశాడు.కపిల్‌ దేవ్‌ మాత్రం ఇలాకానీ.. కపిల్‌ దేవ్‌ మాత్రం పరిమిత ఓవర్ల క్రికెట్‌లో సూర్య, శుబ్‌మన్‌లను కాదని హార్దిక్‌ పాండ్యా పేరును మరోసారి కెప్టెన్సీ ఆప్షన్‌గా తెరమీదకు తీసుకురావడం విశేషం. కాగా టీమిండియా ఆటగాళ్లు ప్రస్తుతం ఐపీఎల్‌-2025తో బిజీగా ఉన్నారు. తదుపరి జూన్‌లో ఇంగ్లండ్‌ పర్యటన నేపథ్యంలో జాతీయ జట్టు తరఫున విధుల్లో చేరనున్నారు.ఇక క్యాష్‌ రిచ్‌ లీగ్‌లో ముంబై ఇండియన్స్‌ కెప్టెన్‌గా గతేడాది నియమితుడైన హార్దిక్‌ పాండ్యా.. వరుస వైఫల్యాలతో సతమతమవుతున్నాడు. ఐపీఎల్‌-2024లో పద్నాలుగు మ్యాచ్‌లకు హార్దిక్‌ సేన కేవలం నాలుగే గెలిచి.. పాయింట్ల పట్టికలో అట్టడుగున నిలిచింది. ఈ ఏడాది ఇప్పటి వరకు ఆడిన నాలుగు మ్యాచ్‌లలో మూడు ఓడిపోయింది. చదవండి: ట్రిపుల్‌ సెంచరీతో చెలరేగిన ఇంగ్లండ్‌ ఆటగాడు

గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill)పై విమర్శలు వెల్లువెత్తుతున్నాయి. ఓవైపు తమ ఫీల్డర్‌ నొప్పితో విలవిల్లాడుతుంటే... అతడు మాత్రం ప్రత్యర్థి జట్టు బ్యాటర్‌తో కలిసి నవ్వులు చిందించడం ఇందుకు కారణం. అసలేం జరిగిందంటే.. ఐపీఎల్‌-2025 (IPL 2025)లో భాగంగా గుజరాత్‌ ఆదివారం సన్‌రైజర్స్‌ హైదరాబాద్‌ జట్టుతో తలపడింది.ఆరంభంలోనే షాకులుఉప్పల్‌ మైదానంలో జరిగిన ఈ మ్యాచ్‌లో టాస్‌ గెలిచిన గుజరాత్‌ కెప్టెన్‌ గిల్‌ తొలుత బౌలింగ్‌ ఎంచుకోగా.. బౌలర్లు అతడి నమ్మకాన్ని వమ్ముకానీయలేదు. రెండో ఓవర్‌ మొదటి బంతికే ఓపెనర్‌ ట్రవిస్‌ హెడ్‌ (8)ను పెవిలియన్‌కు పంపిన టైటాన్స్‌ పేసర్‌ మహ్మద్‌ సిరాజ్‌.. తదుపరి ఐదో ఓవర్‌ నాలుగో బంతికి మరో ఓపెనర్‌ అభిషేక్‌ శర్మ (18)ను కూడా అవుట్‌ చేశాడు.ఈ క్రమంలో వన్‌డౌన్‌ బ్యాటర్‌ ఇషాన్‌ కిషన్‌ (Ishan Kishan) నిలదొక్కుకునే ప్రయత్నం చేసి విఫలమయ్యాడు. ఎనిమిదో ఓవర్‌ రెండో బంతికి టైటాన్స్‌ మరో పేసర్‌ ప్రసిద్‌ కృష్ణ బౌలింగ్‌లో 17 పరుగుల వ్యక్తిగత స్కోరు వద్ద నిష్క్రమించాడు. అయితే, అంతకంటే ముందు.. అంటే ఆరో ఓవర్‌లో ప్రసిద్‌ కృష్ణ బౌలింగ్‌లో నాలుగో బంతిని ఇషాన్‌ ఎదుర్కొన్నాడు.గ్లెన్‌ ఫిలిప్స్‌నకు గాయంఅవుట్‌ సైడ్‌ ఆఫ్‌ దిశగా ప్రసిద్‌ వేసిన షార్ట్‌ బాల్‌ను పాయింట్‌ వైపు తరలించగా.. అక్కడ ఫీల్డింగ్‌ చేస్తున్న టైటాన్స్‌ స్టార్‌ గ్లెన్‌ ఫిలిప్స్‌ బంతిని ఆపే క్రమంలో గాయపడ్డాడు. మైదానంలో కుప్పకూలి నొప్పితో విలవిల్లాడగా.. వాషింగ్టన్‌ సుందర్‌ అతడికి దగ్గరికి పరిగెత్తుకు వచ్చాడు. ఇంతలో ఫిజియో కూడా వచ్చి ఫిలిప్స్‌ను పరీక్షించి.. మైదానం బయటకు తీసుకువెళ్లాడు.ఇషాన్‌- గిల్‌ నవ్వులుఅయితే, ఆ సమయంలో నితీశ్‌ రెడ్డితో కలిసి సింగిల్‌ పూర్తి చేసుకున్న ఇషాన్‌ కిషన్‌ దగ్గరికి వెళ్లిన గిల్‌.. అతడితో నవ్వుతూ ముచ్చటించాడు. ఇషాన్‌ తన భుజంపై చేయి వేయగా.. గిల్‌ కూడా నవ్వులు చిందిస్తూ సరదాగా సంభాషిస్తున్నట్లుగా ఉన్న దృశ్యాలు సోషల్‌ మీడియాలో వైరల్‌ అయ్యాయి. ఈ క్రమంలో గిల్‌ తీరుపై నెటిజన్లు తీవ్ర స్థాయిలో ఆగ్రహం వ్యక్తం చేస్తున్నారు.glenn phillips is lying in pain and these two buddies are gossiping like they're in some college park 😭😭😭#SRHvGT pic.twitter.com/172aqoAtM4— 🍂 (@jaaniyeeex) April 6, 2025మీకసలు మానవత్వం ఉందా?‘‘సొంత జట్టు ఆటగాడు గాయపడి.. నొప్పితో బాధపడుతుంటే.. కెప్టెన్‌ మాత్రం ఇలా ప్రత్యర్థి జట్టు ఆటగాడితో ముచ్చట్లు పెడుతున్నాడు. ఆటగాళ్ల మధ్య స్నేహం తప్పు కాదు. కానీ పరిస్థితికి తగ్గట్లుగా హుందాగా , కాస్త మానవత్వంతో వ్యవహరించాలి. మ్యాచ్‌ అయిపోయిన తర్వాత కావాల్సినంత సేపు జోకులు వేసుకోవచ్చు’’ అంటూ గిల్‌కు చురకలు అంటిస్తున్నారు.కాగా ఇషాన్‌- శుబ్‌మన్‌ గిల్‌ అండర్‌-19 స్థాయి నుంచి అంతర్జాతీయ స్థాయిలోనూ ఓపెనింగ్‌ జోడీగా రాణించారు. వీరిద్దరి మధ్య గాఢమైన స్నేహబంధం ఉంది. అయితే, టైటాన్స్‌- రైజర్స్‌ మ్యాచ్‌ సందర్భంగా ఓ ఆటగాడు గాయపడిన వేళ.. ఇలా నవ్వులు చిందిస్తూ మాట్లాడుకోవడం వీరిపై విమర్శలకు దారితీసింది.Left national team to chase IPL money. Got injured without playing a ball.- Glenn Phillips proving once again, greed has its own price. 🥲 #GTvSRH pic.twitter.com/S0urYUhW7q— MUHAMMAD SAMI (@mrsalaar96) April 6, 2025 కానీ ఓ ట్విస్ట్‌!అయితే, అప్పటికి ఫిలిప్స్‌ పరిస్థితిని గిల్‌ చూడకపోవడం గమనార్హం. విషయం తెలిసిన వెంటనే అతడు తమ ఫీల్డర్‌ దగ్గరికి వెళ్లినట్లు కనిపించింది. దీంతో.. ‘‘తెలిసీ తెలియక మాట్లాడవద్దు’’ అంటూ ట్రోలర్స్‌కు గిల్‌ ఫ్యాన్స్‌ కౌంటర్లు ఇస్తున్నారు.ఇదిలా ఉంటే.. సన్‌రైజర్స్‌ టాపార్డర్‌ అభిషేక్‌ శర్మ(18), ట్రవిస్‌ హెడ్‌ (8), ఇషాన్‌ కిషన్‌ (17) మరోసారి విఫలం కాగా.. నితీశ్‌ రెడ్డి 34 బంతుల్లో 31 పరుగులు చేశాడు. ఇతరులలో హెన్రిచ్‌ క్లాసెన్‌ (19 బంతుల్లో 27), కెప్టెన్‌ ప్యాట్‌ కమిన్స్‌ (9 బంతుల్లో 22 నాటౌట్‌) కాస్త వేగంగా ఆడారు. ఫలితంగా సన్‌రైజర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 152 పరుగులు చేసింది.గిల్‌ సూపర్‌ బ్యాటింగ్‌టైటాన్స్‌ పేసర్లు మహ్మద్‌ సిరాజ్‌ నాలుగు వికెట్లతో రైజర్స్‌ బ్యాటింగ్‌ ఆర్డర్‌ పతనాన్ని శాసించగా.. ప్రసిద్ కృష్ణ, సాయి కిషోర్‌ రెండేసి వికెట్లు తమ ఖాతాలో వేసుకున్నారు. ఇక రైజర్స్‌ విధించిన నామమాత్రపు లక్ష్యాన్ని టైటాన్స్‌ 16.4 ఓవర్లలోనే ఛేదించింది.ఓపెనర్‌ శుబ్‌మన్‌ గిల్‌ (43 బంతుల్లో 61 నాటౌట్‌) అద్భుత అర్థ శతకం సాధించగా.. వాషింగ్టన్‌ సుందర్‌ (29 బంతుల్లో 49), షెర్ఫానే రూథర్‌ఫర్డ్‌ (16 బంతుల్లో 35 నాటౌట్‌) అదరగొట్టారు. ఫలితంగా ఏడు వికెట్ల తేడాతో గుజరాత్‌ టైటాన్స్‌ గెలుపొందింది. రైజర్స్‌ బౌలర్లలో మహ్మద్‌ షమీకి రెండు, కమిన్స్‌కు ఒక వికెట్‌ దక్కాయి.3️⃣ wins on the trot 💙A commanding 7️⃣-wicket win over #SRH takes #GT to the second spot in the #TATAIPL 2025 points table 🆙Scorecard ▶ https://t.co/Y5Jzfr6Vv4#SRHvGT | @gujarat_titans pic.twitter.com/tYB1Dt5mdd— IndianPremierLeague (@IPL) April 6, 2025 చదవండి: ఇలా వచ్చి.. అలా వెళ్లారు.. అసలేం చేస్తున్నారు? కావ్యా మారన్‌ రియాక్షన్‌ వైరల్‌

ఐపీఎల్‌ 2025 సీజన్‌లో భాగంగా నిన్న (ఏప్రిల్‌ 6) జరిగిన మ్యాచ్‌లో సన్‌రైజర్స్‌ను గుజరాత్‌ టైటాన్స్‌ 7 వికెట్ల తేడాతో చిత్తు చేసింది. ఈ మ్యాచ్‌లో గుజరాత్‌ ఆల్‌రౌండ్‌ షోతో అదరగొట్టి సీజన్‌లో వరుసగా మూడో విజయం నమోదు చేసింది. తద్వారా పాయింట్ల పట్టికలో రెండో స్థానానికి ఎగబాకింది. బ్యాటింగ్‌లో దారుణంగా విఫలమైన సన్‌రైజర్స్‌ వరుసగా నాలుగో ఓటమిని మూటగట్టుకుని పాయింట్ల పట్టికలో చిట్ట చివరి స్థానాని​కి పడిపోయింది.టాస్‌ ఓడి తొలుత బ్యాటింగ్‌ చేసిన సన్‌రైజర్స్‌.. లోకల్‌ బాయ్‌ సిరాజ్‌ (4-0-17-4) చెలరేగడంతో అతి కష్టం మీద 152 పరుగులు చేయగలిగింది. సిరాజ్‌తో పాటు ప్రసిద్ద్‌ కృష్ణ (4-0-25-2), సాయి కిషోర్‌ (4-0-24-2) కూడా సత్తా చాటడంతో సన్‌రైజర్స్‌ ఒక్కో పరుగు చేసేందుకు కూడా చాలా ఇబ్బంది పడింది. సన్‌రైజర్స్‌ ఇన్నింగ్స్‌లో అభిషేక్‌ శర్మ 18, ట్రవిస్‌ హెడ్‌ 8, ఇషాన్‌ కిషన్‌ 17, నితీశ్‌ రెడ్డి 31, క్లాసెన్‌ 27, అనికేత్‌ వర్మ 18, కమిందు 1, సిమర్‌జీత్‌ డకౌటయ్యారు. ఆఖర్లో కమిన్స్‌ (9 బంతుల్లో 22 నాటౌట్‌) బ్యాట్‌ ఝులిపించడంతో సన్‌రైజర్స్‌ గౌరవప్రదమైన స్కోర్‌ చేయగలిగింది.అనంతరం స్వల్ప లక్ష్య ఛేదనకు దిగిన గుజరాత్‌ కూడా ఆదిలో తడబడింది. పవర్‌ ప్లేలోనే ఆ జట్టు ఇన్‌ ఫామ్‌ బ్యాటర్లు సాయి సుదర్శన్‌ (5), జోస్‌ బట్లర్‌ (0) వికెట్లు కోల్పోయింది. అయితే శుభ్‌మన్‌ గిల్‌ (43 బంతుల్లో 61 నాటౌట్‌; 9 ఫోర్లు).. వాషింగ్టన్‌ సుందర్‌ (29 బంతుల్లో 49; 5 ఫోర్లు, 2 సిక్సర్లు), షెర్ఫాన్‌ రూథర్‌ఫోర్డ్‌ (16 బంతుల్లో 35 నాటౌట్‌; 6 ఫోర్లు, సిక్స్‌) సహకారంతో గుజరాత్‌ను మరో 20 బంతులు మిగిలుండగానే విజయతీరాలకు చేర్చాడు. సన్‌రైజర్స్‌ బౌలర్లలో షమీ 2, కమిన్స్‌ ఓ వికెట్‌ తీశారు.​మ్యాచ్‌ అనంతరం గుజరాత్‌ కెప్టెన్‌ శుభ్‌మన్‌ గిల్‌ మాట్లాడుతూ ఇలా అన్నాడు. టీ20 ఫార్మాట్‌లో బౌలర్లే గేమ్‌ ఛేంజర్లు. చాలా మంది భారీ హిట్టర్ల గురించి మాట్లాడుకుంటారు కానీ, బౌలర్లే మ్యాచ్‌లు గెలిపిస్తారు. నేటి మ్యాచ్‌లో మేము మైదానం అంతటా షాట్లు ఆడాలనుకున్నాము. అదే నేను, సుందర్‌ డిస్కస్‌ చేసుకున్నాము.సుందర్ ముంబై ఇండియన్స్‌తో జరిగిన మ్యాచ్‌లోనే బరిలోకి దిగి ఉండాల్సింది. కానీ ఇంపాక్ట్ ప్లేయర్ నియమం వల్ల ప్రణాళికలు మార్చుకోవాల్సి వచ్చింది. ఈ రోజు అతను బ్యాటింగ్ చేసిన విధానం అద్భుతంగా ఉంది. మేము మంచి క్రికెటింగ్‌ షాట్లు ఆడాలనుకున్నాము. ఓసారి 30-40 పరుగుల భాగస్వామ్యం నెలకొల్పితే, అదే మనల్ని ఆటలోకి తీసుకెళ్తుంది. బౌలింగ్, ఫీల్డింగ్ సమయంలో సిరాజ్ ఇచ్చే ఊపు అంటువ్యాధి లాంటిది. అది జట్టు మొత్తానికి పాకుతుంది. ఫీల్డ్‌లో అతనిలోని ఎనర్జీ వేరే లెవెల్లో ఉంటుంది. ఈ రోజు అతను బౌలింగ్‌ చేసిన విధానం అద్భుతంగా ఉంది.

ఐపీఎల్‌-2025లో స‌న్‌రైజ‌ర్స్ హైద‌రాబాద్ ఓట‌ముల ప‌రంప‌ర కొన‌సాగుతోంది. ఈ మెగా టోర్నీలో భాగంగా ఉప్ప‌ల్ వేదిక‌గా గుజ‌రాత్ టైటాన్స్‌తో జ‌రిగిన మ్యాచ్‌లో 7 వికెట్ల తేడాతో ఎస్ఆర్‌హెచ్ ఘోర పరాజయాన్ని చ‌విచూసింది. ఈ మ్యాచ్‌లో బౌలింగ్‌, బ్యాటింగ్ రెండింటిలోనూ స‌న్‌రైజ‌ర్స్ విఫ‌ల‌మైంది.తొలుత బ్యాటింగ్ చేసిన ఎస్ఆర్‌హెచ్ నిర్ణీత 20 ఓవ‌ర్ల‌లో 8 వికెట్ల న‌ష్టానికి 152 ప‌రుగులు చేసింది. గుజ‌రాత్ బౌల‌ర్ల దాటికి ఎస్ఆర్‌హెచ్ బ్యాట‌ర్లు విల్ల‌విల్లాడారు. మ‌హ్మ‌ద్ సిరాజ్ ఆదిలోనే హెడ్‌, అభిషేక్‌ను ఔట్ చేసి స‌న్‌రైజ‌ర్స్‌ను దెబ్బ‌తీశాడు. సిరాజ్‌ తన నాలుగు ఓవర్ల కోటాలో కేవలం 17 పరుగులు మాత్రమే ఇచ్చి 4 వికెట్లు పడగొట్టాడు. అత‌డితో పాటు ప్ర‌సిద్ద్ కృష్ణ, సాయికిషోర్ తలా రెండు వికెట్లు సాధించారు. ఎస్ఆర్‌హెచ్ బ్యాట‌ర్ల‌లో నితీష్ కుమార్ రెడ్డి(31) టాప్ స్కోర‌ర్‌గా నిల‌వ‌గా.. క్లాసెన్‌(27),కమ్మిన్స్‌(22) రాణించారు.గిల్ కెప్టెన్ ఇన్నింగ్స్‌.. అనంత‌రం 153 ప‌రుగుల ల‌క్ష్యాన్ని గుజ‌రాత్ కేవ‌లం మూడు వికెట్లు మాత్ర‌మే కోల్పోయి 16.4 ఓవ‌ర్ల‌లో ఊదిప‌డేసింది. గుజ‌రాత్ కెప్టెన్ శుబ్‌మ‌న్ గిల్ అద్బుతమైన ఇన్నింగ్స్ ఆడాడు. ఆఖ‌రి వ‌ర‌కు ఆజేయంగా నిలిచి మ్యాచ్‌ను ఫినిష్ చేశాడు. గిల్ (43 బంతుల్లో 9 ఫోర్ల‌తో 61 నాటౌట్‌) టాప్ స్కోర‌ర్‌గా నిల‌వ‌గా.. వాషింగ్ట‌న్ సుంద‌ర్‌(49), రూథ‌ర్ ఫ‌ర్డ్‌(35 నాటౌట్‌) కీల‌క ఇన్నింగ్స్ ఆడాడు. ఎస్ఆర్‌హెచ్ బౌల‌ర్ల‌లో ష‌మీ రెండ‌ వికెట్లు ప‌డ‌గొట్ట‌గా.. క‌మ్మిన్స్ ఓ వికెట్ సాధించారు. ఈ ఓట‌మితో ఎస్ఆర్‌హెచ్ పాయింట్ల ప‌ట్టిక‌లో ఆఖ‌రి స్ధానానికి ప‌డిపోయింది.

ఆర్సీబీ బౌలర్‌ భువనేశ్వర్‌ కుమార్‌ చరిత్ర సృష్టించాడు. గుజరాత్‌ టైటాన్స్‌తో నిన్న (ఏప్రిల్‌ 2) జరిగిన మ్యాచ్‌లో శుభ్‌మన్‌ గిల్‌ను ఔట్‌ చేయడం ద్వారా ఐపీఎల్‌లో అత్యధిక వికెట్లు తీసిన పేసర్‌గా డ్వేన్‌ బ్రావో రికార్డును సమం చేశాడు. బ్రావో 158 ఇన్నింగ్స్‌ల్లో 183 వికెట్లు తీయగా.. ఈ మార్కు తాకడానికి భువీకి 178 ఇన్నింగ్స్‌లు అవసరమయ్యాయి. ఓవరాల్‌గా ఐపీఎల్‌లో అత్యధిక వికెట్లు తీసిన రికార్డు యుజ్వేంద్ర చహల్‌ పేరిట ఉంది. చహల్‌ 161 ఇన్నింగ్స్‌ల్లో 206 వికెట్లు తీశాడు. చహల్‌ తర్వాత అత్యధిక వికెట్లు తీసిన ఘనత పియూశ్‌ చావ్లాకు దక్కుతుంది. చావ్లా 191 ఇన్నింగ్స్‌ల్లో 912 వికెట్లు తీశాడు. ఐపీఎల్‌లో అత్యధిక వికెట్లు తీసిన బౌలర్ల జాబితాలో చహల్‌ , చావ్లా తర్వాత భువీ, బ్రావో ఉన్నారు. వీరిద్దరితో సమానంగా అశ్విన్‌ కూడా 183 వికెట్లు తన ఖాతాలో కలిగి ఉన్నాడు. యాష్‌కు 183 వికెట్ల మార్కును తాకడానికి 211 ఇన్నింగ్స్‌లు అవసరమయ్యాయి.కాగా, నిన్న సొంత మైదానంలో (చిన్నస్వామి స్టేడియం) గుజరాత్‌తో జరిగిన మ్యాచ్‌లో ఆర్సీబీ 8 వికెట్ల తేడాతో పరాజయం పాలైంది. ఈ సీజన్‌లో ఆ జట్టుకు ఇదే తొలి ఓటమి. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఆర్సీబీ ఆదిలోనే వికెట్లు కోల్పోయి నామమాత్రపు స్కోర్‌కు (169/8) పరిమితమైంది. లివింగ్‌స్టోన్‌ (40 బంతుల్లో 54; ఫోర్‌, 5 సిక్సర్లు), టిమ్‌ డేవిడ్‌ (18 బంతుల్లో 32; 3 ఫోర్లు, 2 సిక్సర్లు), జితేశ్‌ శర్మ (21 బంతుల్లో 33; 5 ఫోర్లు, సిక్స్‌) పోరాడటంతో ఆర్సీబీ ఈ మాత్రం స్కోరైనా చేయగలిగింది.గుజరాత్‌ బౌలర్లలో సిరాజ్‌ 3 వికెట్లు తీసి ఆర్సీబీకి దెబ్బకొట్టాడు. సిరాజ్‌ తన మాజీ జట్టుపై మ్యాచ్‌ విన్నింగ్‌ పెర్ఫార్మెన్స్‌ ఇచ్చి ప్లేయర్‌ ఆఫ్‌ ద మ్యాచ్‌గా నిలిచాడు. సిరాజ్‌తో పాటు సాయికిషోర్‌ (2), అర్షద్‌ ఖాన్‌ (1), ప్రసిద్ద్‌ కృష్ణ (1), ఇషాంత్‌ శర్మ (1) కూడా వికెట్లు తీశారు. సిరాజ్‌ తన కోటా 4 ఓవర్లలో కేవలం​ 19 పరుగులు మాత్రమే ఇచ్చాడు.అనంతరం 170 పరుగుల లక్ష్యాన్ని ఛేదించేందుకు బరిలోకి దిగిన గుజరాత్‌ 17.5 ఓవర్లలో కేవలం 2 వికెట్లు మాత్రమే కోల్పోయి విజయతీరాలకు చేరింది. జోస్‌ బట్లర్‌ (39 బంతుల్లో 73 నాటౌట్‌; 5 ఫోర్లు, 6 సిక్సర్లు), సాయి సుదర్శన్‌ (36 బంతుల్లో 49; 7 ఫోర్లు, సిక్స్‌), షెర్ఫాన్‌ రూథర్‌ఫోర్డ్‌ (18 బంతుల్లో 30 నాటౌట్‌; ఫోర్‌, 3 సిక్సర్లు) నిలకడగా ఆడి గుజరాత్‌ను గెలిపించారు. ఆఖర్లో బట్లర్‌, రూథర్‌ఫోర్డ్‌ బ్యాట్‌ను ఝులిపించారు. ఆర్సీబీ బౌలర్లలో హాజిల్‌వుడ్‌, భువనేశ్వర్‌ కుమార్‌ తలో వికెట్‌ తీశారు. ఈ గెలుపుతో గుజరాత్‌ పాయింట్ల పట్టికలో నాలుగో స్థానానికి ఎగబాకి​ంది. ఈ మ్యాచ్‌కు ముందు టాప్‌ ప్లేస్‌లో ఉండిన ఆర్సీబీ మూడో స్థానానికి పడిపోయింది.

ఆర్సీబీపై గుజరాత్‌ ఘన విజయం170 పరుగుల నామ మాత్రపు లక్ష్యాన్ని ఛేదించేందుకు బరిలోకి దిగిన గుజరాత్‌ 17.5 ఓవర్లలో కేవలం 2 వికెట్లు మాత్రమే కోల్పోయి విజయతీరాలకు చేరింది. జోస్‌ బట్లర్‌ (39 బంతుల్లో 73 నాటౌట్‌; 5 ఫోర్లు, 6 సిక్సర్లు), సాయి సుదర్శన్‌ (36 బంతుల్లో 49; 7 ఫోర్లు, సిక్స్‌), షెర్ఫాన్‌ రూథర్‌ఫోర్డ్‌ (18 బంతుల్లో 30 నాటౌట్‌; ఫోర్‌, 3 సిక్సర్లు) గుజరాత్‌ను గెలిపించారు. ఆర్సీబీ బౌలర్లలో హాజిల్‌వుడ్‌, భువనేశ్వర్‌ కుమార్‌ తలో వికెట్‌ తీశారు. అంతకుముందు టాస్‌ ఓడి తొలుత బ్యాటింగ్‌ చేసిన ఆర్సీబీ.. లివింగ్‌స్టోన్‌ (40 బంతుల్లో 54; ఫోర్‌, 5 సిక్సర్లు), టిమ్‌ డేవిడ్‌ (18 బంతుల్లో 32; 3 ఫోర్లు, 2 సిక్సర్లు), జితేశ్‌ శర్మ (21 బంతుల్లో 33; 5 ఫోర్లు, సిక్స్‌) రాణించడంతో నిర్ణీత ఓవర్లలో 8 వికెట్ల నష్టానికి 169 పరుగులు చేసింది. గుజరాత్‌ బౌలర్లలో సిరాజ్‌ 3 వికెట్లు తీయగా.. సాయికిషోర్‌ 2, అర్షద్‌ ఖాన్‌, ప్రసిద్ద్‌ కృష్ణ, ఇషాంత్‌ శర్మ తలో వికెట్‌ పడగొట్టారు. రెండో వికెట్‌ కోల్పోయిన గుజరాత్‌12.3వ ఓవర్‌: 107 పరుగుల వద్ద గుజరాత్‌ రెండో వికెట్‌ కోల్పోయింది. సాయి సుదర్శన్‌ 49 పరుగులు చేసి హాజిల్‌వుడ్‌ బౌలింగ్‌లో జితేశ్‌ శర్మకు క్యాచ్ ఇచ్చి ఔటయ్యాడు. లక్ష్యం దిశగా సాగుతున్న గుజరాత్‌ఛేదనను నిదానంగా ప్రారంభించిన గుజరాత్‌ ఆతర్వాత గేర్‌ మార్చి లక్ష్యం దిశగా అడుగులు వేస్తుంది. 11.5 ఓవర్ల తర్వాత ఆ జట్టు వికెట్‌ నష్టానికి 104 పరుగులు చేసింది. సాయి సుదర్శన్‌ (47), జోస్‌ బట్లర్‌ (39) ఇన్నింగ్స్‌లు కొనసాగిస్తున్నారు. గేర్‌ మార్చిన బట్లర్‌అప్పటివరకు నిదానంగా ఆడిన బట్లర్‌ రసిక్‌ సలామ్‌ వేసిన ఇన్నింగ్స్‌ 9వ ఓవర్‌లో గేర్‌ మార్చాడు. ఆ ఓవర్‌లో బట్లర్‌ 2 సిక్సర్లు, ఓ ఫోర్‌ బాదాడు. 9 ఓవర్ల తర్వాత గుజరాత్‌ స్కోర్‌ 75/1గా ఉంది. బట్లర్‌ 26, సాయి సుదర్శన్‌ 32 పరుగులతో ఇన్నింగ్స్‌లను కొనసాగిస్తున్నారు. ఈ మ్యాచ్‌లో గుజరాత్‌ గెలవాలంటే 66 బంతుల్లో 95 పరుగులు చేయాలి. తొలి వికెట్‌ కోల్పోయిన గుజరాత్‌4.4వ ఓవర్‌: 170 పరుగుల ఛేదనలో గుజరాత్‌ 32 పరుగుల వద్ద తొలి వికెట్‌ కోల్పోయింది. భువనేశ్వర్‌ కుమార్‌ బౌలింగ్‌లో లివింగ్‌స్టోన్‌కు క్యాచ్‌ ఇచ్చి శుభ్‌మన్‌ గిల్‌ (14) ఔటయ్యాడు. సాయి సుదర్శన్‌ (15), జోస్‌ బట్లర్‌ క్రీజ్‌లో ఉన్నారు. టార్గెట్‌ 170.. నిదానంగా ఆడుతున్న గుజరాత్‌170 పరుగుల లక్ష్య ఛేదనకు దిగిన గుజరాత్‌ నిదానంగా ఆడుతుంది. మూడు ఓవర్ల తర్వాత ఆ జట్టు వికెట్‌ నష్టపోకుండా 15 పరుగులు మాత్రమే చేసింది. శుభ​్‌మన్‌ గిల్‌ 7, సాయి సుదర్శన్‌ 5 పరుగులతో క్రీజ్‌లో ఉన్నారు. లివింగ్‌స్టోన్‌ హాఫ్‌ సెంచరీ.. గుజరాత్‌ టార్గెట్‌ ఎంతంటే..?టాస్‌ ఓడి గుజరాత్‌ ఆహ్వానం మేరకు తొలుత బ్యాటింగ్‌ చేసిన ఆర్సీబీ.. లివింగ్‌స్టోన్‌ (40 బంతుల్లో 54; ఫోర్‌, 5 సిక్సర్లు), టిమ్‌ డేవిడ్‌ (18 బంతుల్లో 32; 3 ఫోర్లు, 2 సిక్సర్లు) పోరాడటంతో నిర్ణీత ఓవర్లలో 8 వికెట్ల నష్టానికి 169 పరుగులు చేసింది. మధ్యలో జితేశ్‌ శర్మ (21 బంతుల్లో 33; 5 ఫోర్లు, సిక్స్‌) కూడా ఓ మోస్తరుగా బ్యాట్‌ ఝులిపించాడు. ఆర్సీబీ ఇన్నింగ్స్‌లో వీరు మినహా ఎవరూ రాణించలేదు. సాల్ట్‌ 14, విరాట్‌ కోహ్లి 7, పడిక్కల్‌ 4, పాటిదార్‌ 12, కృనాల్‌ పాండ్యా 5 పరుగులు చేసి ఔటయ్యారు. గుజరాత్‌ బౌలర్లలో సిరాజ్‌ 3 వికెట్లు తీయగా.. సాయికిషోర్‌ 2, అర్షద్‌ ఖాన్‌, ప్రసిద్ద్‌ కృష్ణ, ఇషాంత్‌ శర్మ తలో వికెట్‌ పడగొట్టారు. చివరి ఓవర్‌లో 2 ఫోర్లు, ఓ సిక్సర్‌ బాది చివరి బంతికి ఔటైన టిమ్‌ డేవిడ్‌ఏడో వికెట్‌ కోల్పోయిన ఆర్సీబీసిరాజ్‌ బౌలింగ్‌లో బట్లర్‌ క్యాచ్‌ పట్టడంతో లివింగ్‌స్టోన్‌ (54) ఔటయ్యాడు.లివింగ్‌స్టోన్‌ హాఫ్‌ సెంచరీరషీద్‌ ఖాన్‌ బౌలింగ్‌లో రెండు వరుస సిక్సర్లు బాది లివింగ్‌స్టోన్‌ హాఫ్‌ సెంచరీ పూర్తి చేసుకున్నాడు. ఆరో వికెట్‌ డౌన్‌14.2వ ఓవర్‌: 104 పరుగుల వద్ద ఆర్సీబీ ఆరో వికెట్‌ కోల్పోయింది. సాయి కిషోర్‌ బౌలింగ్‌లో అతనికే క్యాచ్‌ ఇచ్చి కృనాల్‌ పాండ్యా (5) ఔటయ్యాడు. లివింగ్‌స్టోన్‌ (24), టిమ్‌ డేవిడ్‌ (1) క్రీజ్‌లో ఉన్నారు. ఐదో వికెట్‌ కోల్పోయిన ఆర్సీబీ12.4వ ఓవర్‌: 94 పరుగుల వద్ద ఆర్సీబీ ఐదో వికెట్‌ కోల్పోయింది. సాయి కిషోర్‌ బౌలింగ్‌లో తెవాటియాకు క్యాచ్‌ ఇచ్చి జితేశ్‌ శర్మ (33) ఔటయ్యాడు. లివింగ్‌స్టోన్‌కు (19) జతగా కృనాల్‌ పాండ్యా క్రీజ్‌లోకి వచ్చాడు. 10 ఓవర్ల తర్వాత ఆర్సీబీ స్కోర్‌ 73/410 ఓవర్ల తర్వాత ఆర్సీబీ స్కోర్‌ 73/4గా ఉంది. లివింగ్‌స్టోన్‌ (8), జితేశ్‌ శర్మ (23) క్రీజ్‌లో ఉన్నారు.నాలుగో వికెట్‌ కోల్పోయిన ఆర్సీబీ 6.2వ ఓవర్‌: ఆర్సీబీ కష్టాలు మరింత తీవ్రతరమయ్యాయి. ఆ జట్టు 42 పరుగుల వద్ద నాలుగో వికెట్‌ కోల్పోయింది. ఇషాంత్‌ శర్మ బౌలింగ్‌లో కెప్టెన్‌ రజత్‌ పాటిదార్‌ (12) ఎల్బీడబ్ల్యూ అయ్యాడు. లివింగ్‌స్టోన్‌, జితేశ్‌ శర్మ క్రీజ్‌లో ఉన్నారు. పీకల్లోతు కష్టాల్లో ఆర్సీబీ.. 35 పరుగులకే 3 వికెట్లు డౌన్‌4.4వ ఓవర్‌: టాస్‌ ఓడి తొలుత బ్యాటింగ్‌కు దిగిన ఆర్సీబీ పీకల్లోతు కష్టాల్లో కూరుకుపోయింది. ఆ జట్టు 35 పరుగులకే 3 వికెట్లు కోల్పోయింది. సిరాజ్‌ బౌలింగ్‌లో భారీ సిక్సర్‌ కొట్టిన అనంతరం ఫిల్‌ సాల్ట్‌ (14) క్లీన్‌ బౌల్డ్‌ అయ్యాడు. రజత్‌ పాటిదార్‌కు (6) జతగా లివింగ్‌స్టోన్‌ క్రీజ్‌లోకి వచ్చాడు. 13 పరుగులకే 2 వికెట్లు కోల్పోయిన ఆర్సీబీఆర్సీబీ 13 పరుగులకే 2 వికెట్లు కోల్పోయి కష్టాల్లో పడింది. రెండో ఓవర్‌లో విరాట్‌ను ఆర్షద్‌‌ ఖాన్‌​ ఔట్‌ చేయగా.. మూడో ఓవర్‌లో సిరాజ్‌ అద్భుతమైన బంతితో పడిక్కల్‌ను (4) క్లీన్‌ బౌల్డ్‌ చేశాడు. ఆర్సీబీ​కి షాక్‌.. రెండో ఓవర్‌లోనే విరాట్‌ ఔట్‌ఆర్సీబీకి రెండో ఓవర్‌లోనే షాక్‌ తగిలింది. స్టార్‌ బ్యాటర్‌ విరాట్‌ కోహ్లి (7) అర్షద్‌ ఖాన్‌ బౌలింగ్‌లో ప్రసిద్ద్‌ కృష్ణకు క్యాచ్‌ ఇచ్చి ఔటయ్యాడు. 2 ఓ‍వర్ల తర్వాత ఆర్సీబీ స్కోర్‌ 12/1గా ఉంది. పడిక్కల్‌ (4), సాల్ట్‌ (1) క్రీజ్‌లో ఉన్నారు. తొలి ఓవర్‌లోనే సాల్ట్‌ బతికిపోయాడు..!సాల్ట్‌కు తొలి ఓవర్‌లోనే లైఫ్‌ లభించింది. సిరాజ్‌ బౌలింగ్‌లో వికెట్‌కీపర్‌ జోస్‌ బట్లర్‌ చేతిలోకి వచ్చిన క్యాచ్‌ను వదిలేశాడు. అంతకుముందు తొలి బంతికే సాల్ట్‌ ఔట్‌ కావాల్సింది. అయితే బంతి ఫీల్డర్లు లేని చోట ల్యాండైంది.ఐపీఎల్‌ 2025 సీజన్‌లో భాగంగా ఇవాళ (ఏప్రిల్‌ 2) గుజరాత్‌ టైటాన్స్‌, ఆర్సీబీ తలపడనున్నాయి. ఆర్సీబీ హోం గ్రౌండ్‌ చిన్నస్వామి స్టేడియంలో జరుగుతున్న ఈ మ్యాచ్‌లో గుజరాత్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం గుజరాత్‌ ఓ మార్పు చేయగా.. ఆర్సీబీ గత మ్యాచ్‌లో ఆడిన జట్టునే కొనసాగిస్తుంది. గుజరాత్‌ తరఫున రబాడ స్థానంలో అర్షద్‌ ఖాన్‌ జట్టులోకి వచ్చాడు. రబాడ వ్యక్తిగత కారణాల చేత ఈ మ్యాచ్‌కు దూరమయ్యాడు.రాయల్ ఛాలెంజర్స్ బెంగళూరు (ప్లేయింగ్ XI): ఫిలిప్ సాల్ట్, విరాట్ కోహ్లీ, దేవదత్ పడిక్కల్, రజత్ పటీదార్(కెప్టెన్‌), లియామ్ లివింగ్‌స్టోన్, జితేష్ శర్మ(వికెట్‌కీపర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హాజిల్‌వుడ్, యశ్ దయాల్గుజరాత్ టైటాన్స్ (ప్లేయింగ్ XI): సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట​్‌కీపర్‌), షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్, ప్రసిద్ధ్ కృష్ణ, ఇషాంత్ శర్మగుజరాత్ టైటాన్స్ ఇంపాక్ట్ సబ్స్: షెర్ఫేన్ రూథర్‌ఫోర్డ్, గ్లెన్ ఫిలిప్స్, అనుజ్ రావత్, మహిపాల్ లోమ్రోర్, వాషింగ్టన్ సుందర్రాయల్ ఛాలెంజర్స్ బెంగళూరు ఇంపాక్ట్ సబ్స్: సుయాష్ శర్మ, రసిఖ్ సలామ్, మనోజ్ భాండాగే, జాకబ్ బెథెల్, స్వప్నిల్ సింగ్.కాగా, ఈ సీజన్‌లో ఆర్సీబీ ఇప్పటివరకు ఆడిన రెండు మ్యాచ్‌ల్లో రెండింట గెలిచి టేబుల్‌ టాపర్‌గా కొనసాగుతుంది. గుజరాత్‌ రెండింట ఓ మ్యాచ్‌ గెలిచి పాయింట్ల పట్టికలో నాలుగో స్థానంలో ఉంది. ఆర్సీబీ.. కేకేఆర్‌, సీఎస్‌కేపై విజయాలు సాధించగా.. గుజరాత్‌.. పంజాబ్‌ చేతిలో ఓడి, ముంబై ఇండియన్స్‌పై గెలుపొందింది.

ఐపీఎల్‌ 2025లో భాగంగా ముంబై ఇండియన్స్‌తో నిన్న (మార్చి 29) జరిగిన మ్యాచ్‌లో గుజరాత్‌ టైటాన్స్‌ అద్భుత విజయం సాధించింది. ఈ మ్యాచ్‌లో గుజరాత్‌ అన్ని విభాగాల్లో సత్తా చాటింది. తొలుత బ్యాటింగ్‌కు దిగి భారీ స్కోర్‌ (196/8) చేసిన ఆ జట్టు.. ఆతర్వాత లక్ష్యాన్ని విజయవంతంగా కాపాడుకుంది. ఈ మ్యాచ్‌లో గుజరాత్‌ టాప్‌-3 బ్యాటర్లు అద్భుతంగా బ్యాటింగ్‌ చేశారు. ముఖ్యంగా సాయి సుదర్శన్‌ (41 బంతుల్లో 63; 4 ఫోర్లు, 2 సిక్సర్లు) తన క్లాస్‌ను ప్రదర్శించాడు. శుభ్‌మన్‌ గిల్‌ (27 బంతుల్లో 38; 4 ఫోర్లు, సిక్స్‌), జోస్‌ బట్లర్‌ (24 బంతుల్లో 39; 5 ఫోర్లు, సిక్స్‌) భారీ స్కోర్లు చేయకపోయిన బాగా ఆడారు. స్లోగా ఉన్న పిచ్‌పై ఈ ముగ్గురు సూపర్‌గా బ్యాటింగ్‌ చేశారు. ముంబై బౌలర్లలో హార్దిక్‌ పాండ్యా (4-0-29-2) అద్భుతంగా బౌలింగ్‌ చేశాడు. బౌల్ట్‌ (4-0-34-1), దీపక్‌ చాహర్‌ (4-0-39-1), సాంట్నర్‌ (3-0-25-0) పర్వాలేదనిపించగా.. ముజీబ్‌ రెహ్మాన్‌ (2-0-28-1), యువ పేసర్‌ సత్యనారాయణ రాజు (3-0-40-1) భారీగా పరుగులు సమర్పించుకున్నారు.అనంతరం భారీ లక్ష్య ఛేదనకు దిగిన ముంబై ఆదిలోనే తడబడింది. సిరాజ్‌ తొలి ఓవర్‌లోనే ముంబైని దెబ్బకొట్టాడు. రెండు బౌండరీలు బాది జోరుమీదున్న రోహిత్‌ శర్మను (8) క్లీన్‌ బౌల్డ్‌ చేశాడు. అనంతరం​ ఐదో ఓవర్‌లో సిరాజ్‌ మరోసారి చెలరేగాడు. ఈసారి మరో ఓపెనర్‌ రికెల్టన్‌ను (6) రోహిత్‌ తరహాలోనే క్లీన్‌ బౌల్డ్‌ చేశాడు. ఆతర్వాత క్రీజ్‌లోకి వచ్చిన తిలక్‌ వర్మ (36 బంతుల్లో 39; 3 ఫోర్లు, సిక్స్‌), సూర్యకుమార్‌ యాదవ్‌ (28 బంతుల్లో 48; ఫోర్‌, 4 సిక్సర్లు) ఇన్నింగ్స్‌ను చక్కదిద్దే ప్రయత్నం చేశారు. ఈ దశలో గుజరాత్‌ ప్రస్దిద్ద్‌ కృష్ణను బరిలోకి దించింది. ప్రసిద్ద్‌ అద్భుతంగా బౌలింగ్‌ చేసి క్రీజ్‌లో కుదురుకున్న తిలక్‌, స్కైలను ఔట్‌ చేశాడు. ఇక్కడే ప్రసిద్ద్‌ ముంబై చేతుల్లో నుంచి మ్యాచ్‌ను లాగేసుకున్నాడు.ప్రసిద్ద్‌ అద్భుతమైన స్లో బాల్స్‌తో ముంబై బ్యాటర్లను ఇరుకునపెట్టాడు. తిలక్‌, స్కై ఔటయ్యాక హార్దిక్‌ బ్యాటింగ్‌కు దిగకుండా రాబిన్‌ మింజ్‌ను పంపి తప్పు చేశాడు. మింజ్‌ (6 బంతుల్లో 3), హార్దిక్‌ (17 బంతుల్లో 11) బంతులు వృధా చేసి ముంబై ఓటమిని ఖరారు చేశారు. ఆఖర్లో నమన్‌ ధీర్‌ (11 బంతుల్లో 18 నాటౌట్‌), సాంట్నర్‌ (9 బంతుల్లో 18 నాటౌట్‌) భారీ షాట్లు ఆడినా అప్పటికే ముంబై ఓటమి ఖరారైపోయింది. ఆ జట్టు నిర్ణీత ఓవర్లలో 160 పరుగులు మాత్రమే చేయగలిగింది. పొదుపుగా బౌలింగ్‌ చేసి 2 వికెట్లు తీసిన ప్రసిద్ద్‌ కృష్ణకు ప్లేయర్‌ ఆఫ్‌ ద మ్యాచ్‌ అవార్డు లభించింది. గుజరాత్‌ బౌలరల్లో ప్రసిద్ద్‌, సిరాజ్‌ చెరో 2, రబాడ, సాయికిషోర్‌ తలో వికెట్‌ పడగొట్టారు. ఈ గెలుపుతో గుజరాత్‌ ఈ సీజన్‌లో బోణీ కొట్టింది. ముంబై వరుసగా తమ రెండో మ్యాచ్‌లో కూడా పరాజయంపాలైంది.మ్యాచ్‌ అనంతరం విన్నింగ్‌ కెప్టెన్‌ శుభ్‌మన్‌ గిల్‌ మాట్లాడుతూ ఇలా అన్నాడు. ఈ మ్యాచ్‌ను బ్లాక్‌ సాయిల్‌ పిచ్‌పై ఆడాము. ఇది మాకు కలిసొచ్చింది. మొదటి మ్యాచ్‌కు ముందే ఈ పిచ్‌పై ఆడాలని నిర్ణయించుకున్నాము. ఈ వికెట్ మాకు సూటైంది. బంతి పాతబడిన తర్వాత ఈ పిచ్‌పై బ్యాటింగ్ చేయడం కష్టం. అందుకే పవర్‌ ప్లేలోపే వీలైనన్ని పరుగులు సాధించేందుకు ప్రయత్నించాము. మనందరం ప్రణాళికలు వేసుకుంటాము. కొన్ని వర్కౌట్‌ అవుతాయి. మరికొన్ని కావు. రషీద్‌ ఖాన్‌ను తన కోటా నాలుగు ఓవర్లు వేయించకపోవడం బహుశా ఇదే మొదటిసారి కావచ్చు. వాస్తవానికి రషీద్‌ను ఆఖర్లో బౌలింగ్‌ చేయిద్దామనే అనుకున్నాను. కానీ పేసర్లు బాగా బౌలింగ్ చేస్తుండటంతో అతన్ని బరిలోకి దించలేదు. ప్రసిద్ద్‌ అద్భుతంగా బౌలింగ్ చేశాడు.

ఐపీఎల్‌-2025లో అహ్మ‌దాబాద్ వేదిక‌గా గుజ‌రాత్ టైటాన్స్, ముంబై ఇండియ‌న్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో గుజ‌రాత్ టైటాన్స్ కెప్టెన్ శుబ్‌మ‌న్ గిల్ అరుదైన ఘ‌న‌త సాధించాడు. ఐపీఎల్‌లో ఒకే వేదిక‌లో అతి త‌క్కువ ఇన్నింగ్స్‌ల‌లో 1000 ప‌రుగులు మైలు రాయిని అందుకున్న రెండో ప్లేయ‌ర్‌గా గిల్ నిలిచాడు. అహ్మ‌దాబాద్‌లోని న‌రేంద్ర మోడీ స్టేడియంలో గిల్ వెయ్యి ఐపీఎల్ ప‌రుగులను పూర్తి చేసుకున్నాడు.త‌ద్వారా ఈ ఫీట్‌ను గిల్ త‌న ఖాతాలో వేసుకున్నాడు. ఇప్ప‌టివ‌ర‌కు ఈ రికార్డు ఆస్ట్రేలియా మాజీ ఓపెన‌ర్‌, స‌న్‌రైజ‌ర్స్ మాజీ సార‌థి డేవిడ్ వార్న‌ర్ పేరిట ఉండేది. వార్న‌ర్ హైద‌రాబాద్‌లోని రాజీవ్ గాంధీ మైదానంలో 22 ఇన్నింగ్స్‌లలో 1000 ప‌రుగులు మైలు రాయిని అందుకున్నాడు.తాజా మ్యాచ్‌తో వార్న‌ర్ రికార్డును గిల్ బ్రేక్ చేశాడు. ఇక అరుదైన ఫీట్ సాధించిన జాబితాలో వెస్టిండీస్ క్రికెట్ దిగ్గ‌జం క్రిస్ గేల్ అగ్ర‌స్ధానంలో ఉన్నాడు. గేల్ బెంగ‌ళూరులోని చిన్న‌స్వామి స్టేడియంలో 19 ఇన్నింగ్స్‌ల‌లోనే ఈ ఫీట్‌ను అందుకున్నాడు. ఇక శుబ్‌మ‌న్ గిల్ ఓవ‌రాల్‌గా త‌న ఐపీఎల్ కెరీర్‌లో ఇప్ప‌టివ‌ర‌కు 105 మ్యాచ్‌లు ఆడి 3287 ప‌రుగులు చేశాడు. అత‌డి ఇన్నింగ్స్‌ల‌లో 4 సెంచ‌రీలు ఉన్నాయి. ఇక ఈ మ్యాచ్‌లో గిల్ 38 ప‌రుగులు చేసి ఔట‌య్యాడు. 11 ఓవ‌ర్లు ముగిసే స‌రికి గుజ‌రాత్ వికెట్ న‌ష్టానికి 101 ప‌రుగులు చేసింది.తుది జ‌ట్లుముంబై ఇండియన్స్ ప్లేయింగ్ XI: రోహిత్ శర్మ, ర్యాన్ రికెల్టన్ (వికెట్ కీప‌ర్‌), సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), నమన్ ధీర్, మిచెల్ సాంట్నర్, దీపక్ చాహర్, సత్యనారాయణ రాజు, ముజీబ్ ఉర్ రెహమాన్, ట్రెంట్ బౌల్ట్గుజరాత్ టైటాన్స్ ప్లేయింగ్ XI: శుభమన్ గిల్ (కెప్టెన్‌), B సాయి సుదర్శన్, జోస్ బట్లర్ (వికెట్ కీప‌ర్‌), షెర్ఫానే రూథర్‌ఫోర్డ్, షారుఖ్ ఖాన్, రాహుల్ తెవాటియా, రషీద్ ఖాన్, రవిశ్రీనివాసన్ సాయి కిషోర్, కగిసో రబడ, మహ్మద్ సిరాజ్, ప్రసిద్ కృష్ణచ‌ద‌వండి: IND vs ENG: టీమిండియా కెప్టెన్‌గా శుబ్‌మ‌న్ గిల్‌..!?

ఐపీఎల్‌-2025 సీజ‌న్ ముగిసిన తర్వాత భార‌త‌ క్రికెట్ జ‌ట్టు ఐదు మ్యాచ్‌ల టెస్టు సిరీస్‌లో తల‌ప‌డేందుకు ఇంగ్లండ్ ప‌ర్య‌ట‌న‌కు వెళ్ల‌నుంది. అయితే ఈ టూర్‌కు టీమిండియా కెప్టెన్ రోహిత్ శ‌ర్మ అందుబాటులో ఉంటాడా లేదా అన్నది ఇంకా క్లారిటీ లేదు. పేల‌వ ఫామ్ కార‌ణంగా ఇంగ్లండ్‌తో సిరీస్‌కు దూరంగా ఉండాల‌ని రోహిత్ శ‌ర్మ నిర్ణ‌యించుకున్న‌ట్లు ప‌లు రిపోర్టులు పేర్కొంటున్నాయి.రోహిత్ ఇప్ప‌టికే త‌న నిర్ణ‌యాన్ని బీసీసీఐ తెలియ‌జేసిన‌ట్లు వార్త‌లు వినిపిస్తున్నాయి. మరోవైపు టీమిండియా పేస్ గుర్రం జ‌స్ప్రీత్ బుమ్రా ఇంకా గాయం నుంచి కోలుకోలేదు. అత‌డు ఇంకా బెంగ‌ళూరులోని సెంట‌ర్ ఆఫ్ ఎక్స్‌లెన్స్‌లో ఉన్నాడు. ఐపీఎల్‌-2025లో బుమ్రా ఆడేది అనుమాన‌మే మారింది.బుమ్రా పూర్తి ఫిట్‌నెస్ సాధించ‌డానికి మ‌రింత స‌మ‌యం ప‌ట్టే అవ‌కాశ‌ముంది. ఒక‌వేళ రోహిత్‌, బుమ్రా దూర‌మైతే.. ఇంగ్లండ్ ప‌ర్య‌ట‌న‌లో భార‌త కెప్టెన్‌గా ఎవ‌రు బాధ్య‌తలు చేప‌డాత‌రన్న ప్ర‌శ్న అంద‌రి మెద‌డ‌ల‌ను తొలుస్తున్న ప్ర‌శ్న‌. ఈ క్ర‌మంలో రోహిత్‌, బుమ్రా బ్యాక‌ప్‌గా శుబ్‌మ‌న్ గిల్ పేరును సెల‌క్ట‌ర్లు ప‌రిశీలిస్తున్న‌ట్లు బీసీసీఐ వ‌ర్గాలు వెల్ల‌డించాయి.కాగా గిల్ ప్ర‌స్తుతం వ‌న్డేల్లో భార‌త జ‌ట్టు వైస్ కెప్టెన్‌గా ఉన్నాడు. అదేవిధంగా ఐపీఎల్‌లో గుజ‌రాత్ టైటాన్స్ కెప్టెన్‌గా వ్య‌వ‌హ‌రిస్తున్నాడు. ఇక భార‌త క్రికెట్ జ‌ట్టు ఏడాది జూన్ 20న ఇంగ్లాండ్ పర్యటనను ప్రారంభిస్తుంది. మొదటి టెస్ట్ మ్యాచ్ హెడింగ్లీలోని లీడ్స్ వేదికగా జరుగనుంది.తదుపరి నాలుగు టెస్ట్‌లు ఎడ్జ్‌బాస్టన్, లార్డ్స్, ఓల్డ్ ట్రాఫోర్డ్, కెన్నింగ్టన్ ఓవల్ వేదికలపై జరగనున్నాయి. అంత‌కంటే ముందు భార‌త‌-ఎ జ‌ట్టు రెండు అనాధికారిక టెస్టు మ్యాచ్‌లు ఆడ‌నుంది. ఐపీఎల్‌-2025 చివ‌రి వారంలో ఇంగ్లండ్ టూర్‌కు భార‌త జ‌ట్టును బీసీసీఐ ప్ర‌క‌టించే అవ‌కాశ‌ముంది.చ‌ద‌వండి: సీఎస్‌కే బౌలర్‌ ‘ఓవరాక్షన్‌’.. ఇచ్చిపడేసిన కోహ్లి! నవ్వేసిన జడ్డూ

ఐపీఎల్‌ 2025లో భాగంగా ఇవాళ (మార్చి 29) ముంబై ఇండియన్స్‌, గుజరాత్‌ టైటాన్స్‌ తలపడనున్నాయి. ఈ మ్యాచ్‌ గుజరాత్‌ హోం గ్రౌండ్‌ నరేంద్ర మోదీ స్టేడియంలో (అహ్మదాబాద్‌) జరుగనుంది. రాత్రి 7:30 గంటలకు ప్రారంభమయ్యే ఈ మ్యాచ్‌లో ఇరు జట్లు అమీతుమీ తేల్చుకునేందుకు సిద్దంగా ఉన్నాయి.ఈ సీజన్‌లో ఇరు జట్లు తమ తొలి మ్యాచ్‌ల్లో ఓటమిపాలై నిరాశగా ఉన్నాయి. ముంబై సీఎస్‌కే చేతిలో.. గుజరాత్‌ పంజాబ్‌ చేతిలో పరాజయం పాలయ్యాయి. సీఎస్‌కేతో జరిగిన మ్యాచ్‌లో ముంబై బ్యాటింగ్‌లో దారుణంగా విఫలమైంది. జట్టు నిండా స్టార్లు ఉన్నా ఒక్కరు కూడా సామర్థ్యం ​మేరకు రాణించలేకపోయారు. రోహిత్‌ శర్మ డకౌట్‌ కాగా.. విదేశీ విధ్వంసకర ఆటగాళ్లు రికెల్టన్‌ (13), విల్‌ జాక్స్‌ (11) తక్కువ స్కోర్లకే ఔటయ్యారు. స్కై (29), తిలక్‌ వర్మ (31) పర్వాలేదనిపించినా అవి వారి స్థాయికి తగ్గ ఇన్నింగ్స్‌లు కావు. ఈ మ్యాచ్‌కు హార్దిక్‌ పాండ్యా దూరంగా ఉన్నాడు. గత సీజన్‌లో స్లో ఓవర్‌ రేట్‌ కారణంగా హార్దిక్‌ ఈ సీజన్‌ తొలి మ్యాచ్‌లో నిషేధం ఎదుర్కొన్నాడు. గుజరాత్‌తో నేటి మ్యాచ్‌కు హార్దిక్‌ అందుబాటులో ఉంటాడు. హార్దిక్‌ ఎంట్రీతో రాబిన్‌ మింజ్‌ తప్పుకోవాల్సి ఉంటుంది. సీఎస్‌కేతో మ్యాచ్‌ ద్వారా ముంబై ఇండియన్స్‌కు ఓ అణిముత్యం దొరికాడు. 24 ఏళ్ల స్పిన్నర్‌ విజ్ఞేశ్‌ పుతుర్‌ సీఎస్‌కేతో మ్యాచ్‌లో మ్యాజిక్‌ చేశాడు. కేరళకు చెందిన పుతుర్‌ జాతీయ స్థాయిలో ఎలాంటి మ్యాచ్‌లు ఆడకుండా నేరుగా ఐపీఎల్‌ ఎంట్రీ ఇచ్చి తన తొలి మ్యాచ్‌లో 3 వికెట్లు తీశాడు. సీఎస్‌కేతో మ్యాచ్‌లో ముంబైకు పుతుర్‌ అద్భుతమైన బౌలింగ్‌ మినహా ఎలాంటి ఊరట లభించలేదు. పుతుర్‌ రాణించినా స్వల్ప లక్ష్యాన్ని కాపాడుకోవడంలో ముంబై బౌలర్లు చేతులెత్తేశారు. ట్రెంట్‌ బౌల్ట్‌, మిచెల్‌ సాంట్నర్‌ సామర్థ్యం​ మేరకు రాణించలేదు. ఈ మ్యాచ్‌లో దీపక్‌ చాహర్‌ ఆల్‌రౌండ్‌ ప్రదర్శనతో ఆకట్టుకున్నాడు. తొలుత బ్యాటింగ్‌లో మెరుపు ఇన్నింగ్స్‌ ఆడిన చాహర్‌.. ఆతర్వాత బౌలింగ్‌లో ఓ వికెట్‌ తీశాడు. నేటి మ్యాచ్‌లో ముంబై ఇండియన్స్‌ జట్టు ఇలా ఉండే అవకాశం ఉంది.ర్యాన్ రికెల్టన్ (వికెట్‌కీపర్‌), రోహిత్ శర్మ, విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, సత్యనారాయణ రాజు, విఘ్నేశ్‌ పుతుర్గుజరాత్‌ టైటాన్స్‌ విషయానికొస్తే.. ఈ జట్టు సీజన్‌ తొలి మ్యాచ్‌లో పంజాబ్‌ చేతిలో పరాజయంపాలైనప్పటికీ.. బ్యాటింగ్‌లో అదరగొట్టింది. భారీ లక్ష్య ఛేదనలో ఆ జట్టు టాపార్డర్‌ బ్యాటర్లు సాయి సుదర్శన్‌ (74), శుభ్‌మన్‌ గిల్‌ (33), బట్లర్‌ (54), రూథర్‌ఫోర్డ్‌ (46) మెరుపు ఇన్నింగ్స్‌లు ఆడారు. మధ్య ఓవర్లలో గుజరాత్‌ బ్యాటర్లు కాస్త వేగంగా ఆడి ఉంటే ఈ మ్యాచ్‌లో ఆ జట్టు గెలిచేదే. ఈ మ్యాచ్‌లో ఆ జట్టు ప్రధాన బౌలర్లందరూ నిరాశపరిచారు. భారీ అంచనాల మధ్య బరిలోకి దిగిన సిరాజ్‌, రబాడ.. గుజరాత్‌ తురుపుముక్క రషీద్‌ ఖాన్‌ ధారాళంగా పరుగులు సమర్పించుకున్నారు. ప్రసిద్ద్‌ కృష్ణ అదే స్థాయిలో పరుగులు ఇచ్చాడు. ఈ మ్యాచ్‌లో సాయి కిషోర్‌ ఒక్కడే రాణించాడు. అతను 4 ఓవర్లలో కేవలం 30 పరుగులిచ్చి 3 వికెట్లు తీశాడు. ముంబైతో జరుగబోయే నేటి మ్యాచ్‌లో గుజరాత్‌ జట్టు ఇలా ఉండే అవకాశం ఉంది.శుభ్‌మన్ గిల్ (కెప్టెన్‌), జోస్ బట్లర్, సాయి సుదర్శన్, షారుక్ ఖాన్, షెర్ఫేన్ రూథర్‌ఫోర్డ్, వాషింగ్టన్ సుందర్, రాహుల్ తెవాటియా, రషీద్ ఖాన్, సాయి కిషోర్, కగిసో రబడ, ప్రసిద్ధ్ కృష్ణ, మహ్మద్ సిరాజ్హెడ్‌ టు హెడ్‌ రికార్డులు..ఐపీఎల్‌లో గుజరాత్‌, ముంబై ఇప్పటివరకు ఐదు సార్లు తలపడ్డాయి. ఇందులో గుజరాత్‌ 3, ముంబై రెండు మ్యాచ్‌ల్లో గెలుపొందాయి. గుజరాత్‌కు ముంబైపై సొంత మైదానంలో ఘనమైన రికార్డు ఉంది. ఆ జట్టు ముంబైపై సాధించిన మూడు విజయాలు అహ్మదాబాద్‌లో వచ్చినవే. ఇరు జట్ల మధ్య జరిగిన ఐదు మ్యాచ్‌ల్లో తొలుత బ్యాటింగ్‌ చేసిన జట్లే గెలుపొందాయి. అహ్మదాబాద్‌ పిచ్‌పై మరోసారి పరుగుల వరద పారడం ఖాయం. ఈ పిచ్‌పై గత మ్యాచ్‌లో పంజాబ్‌ 243 పరుగులు చేయగా.. ఛేదనలో గుజరాత్‌ 232 పరుగులు చేసింది.

ఇండియన్‌ ప్రీమియర్‌ లీగ్‌ (IPL) -2025 సీజన్‌ను గుజరాత్‌ టైటాన్స్‌ పరాజయంతో ప్రారంభించింది. తమ తొలి మ్యాచ్‌లో పంజాబ్‌ కింగ్స్‌తో తలపడి పదకొండు పరుగుల తేడాతో ఓటమి పాలైంది. ఫలితంగా పంజాబ్‌ కెప్టెన్‌గా శ్రేయస్‌ అయ్యర్‌ (Shreyas Iyer) తొలి విజయం అందుకోగా.. గుజరాత్‌ సారథిగా శుబ్‌మన్‌ గిల్‌ (Shubman Gill)కు మరోసారి చేదు అనుభవమే ఎదురైంది.శ్రేయస్‌ అటు బ్యాటర్‌గా.. ఇటు కెప్టెన్‌గా తనదైన ముద్ర వేయగా.. గిల్‌ మాత్రం రెండు పాత్రల్లోనూ తేలిపోయాడు. ఈ నేపథ్యంలో భారత మాజీ క్రికెటర్‌ వీరేంద్ర సెహ్వాగ్‌ గిల్‌ను ఉద్దేశించి కీలక వ్యాఖ్యలు చేశాడు. పంజాబ్‌ కింగ్స్‌తో మ్యాచ్‌లో గిల్‌ కెప్టెన్సీ తప్పిదాలే ఓటమికి పరోక్ష కారణాలంటూ విమర్శించాడు.పవర్‌ ప్లేలో బౌలర్ల మార్పులుముఖ్యంగా బౌలర్ల సేవలను వినియోగించుకోవడంలో గుజరాత్‌ సారథి విఫలమయ్యాడని వీరూ భాయ్‌ అభిప్రాయపడ్డాడు. ‘‘ఈ మ్యాచ్‌లో శుబ్‌మన్‌ గిల్‌ కెప్టెన్సీ అతడి స్థాయికి తగినట్లుగా లేదు. అసలు తను మైదానంలో చురుగ్గా ఉన్నట్లే కనిపించలేదు. సిరాజ్‌ బాగానే బౌలింగ్‌ చేస్తున్నాడులే అనుకునే సరికి.. అర్షద్‌ ఖాన్‌ను తీసుకువచ్చాడు.ఏమీ పట్టనట్టే ఉన్నావు ఎందుకు?అతడేమో పవర్‌ ప్లేలోనే ఏకంగా 21 పరుగులు ఇచ్చాడనుకుంటా! అదే పంజాబ్‌కు మొమెంటమ్‌ను ఇచ్చింది. ఒకవేళ సిరాజ్‌ గనుక కొత్త బంతితో రాణిస్తే.. అతడిని డెత్‌ ఓవర్ల వరకు వేచి ఉంచాల్సిన పనిలేదు. నిజం చెప్పాలంటే ఆఖర్లోనూ సిరాజ్‌ బౌలింగ్‌లో పంజాబ్‌ బ్యాటర్లు భారీగానే పరుగులు పిండుకున్నారు’’ అని వీరేంద్ర సెహ్వాగ్‌ క్రిక్‌బజ్‌ షోలో పేర్కొన్నాడు.కెప్టెన్‌గా పరిస్థితులకు తగ్గట్లు మార్పులు చేయాలని.. కానీ శుబ్‌మన్‌ గిల్‌ మాత్రం తనకేమీ పట్టదన్నట్లుగా ఉండిపోయాడని సెహ్వాగ్‌ ఈ సందర్భంగా విమర్శించాడు. ఓ బౌలర్‌ మెరుగ్గా రాణిస్తున్న వేళ.. అతడిని తప్పించి మరొకరిని తీసుకురావడం సరికాదని పేర్కొన్నాడు. గిల్‌ ఇకనైనా తన ప్రణాళికలు, వ్యూహాల అమలులలో పరిస్థితికి తగ్గట్లుగా నిర్ణయాలు తీసుకోవాలని.. లేదంటే మున్ముందు గుజరాత్‌కు కష్టాలు తప్పవని పేర్కొన్నాడు.సిరాజ్‌ ధారాళంగాకాగా గుజరాత్‌ టైటాన్స్‌ తమ సొంతమైదానం అహ్మదాబాద్‌ వేదికగా పంజాబ్‌ కింగ్స్‌తో మంగళవారం మ్యాచ్‌ ఆడింది. నరేంద్ర మోదీ స్టేడియంలో టాస్‌ గెలిచిన టైటాన్స్‌.. పంజాబ్‌ను తొలుత బ్యాటింగ్‌కు ఆహ్వానించింది. ఈ క్రమంలో టైటాన్స్‌ బౌలింగ్‌ ఎటాక్‌ ఆరంభించిన టీమిండియా పేసర్‌ సిరాజ్‌.. తొలి ఓవర్లో కేవలం ఎనిమిది పరుగులే ఇచ్చాడు.మరుసటి ఓవర్లో సౌతాఫ్రికా స్పీడ్‌స్టర్‌ కగిసో రబడను గిల్‌ బరిలోకి దించగా.. అతడు 8 పరుగులు మాత్రమే ఇచ్చుకున్నాడు. ఆ తర్వాత మళ్లీ సిరాజ్‌ రంగంలోకి దిగి.. 12 పరుగులు ఇచ్చాడు. ఆ తర్వాత రబడ ఓవర్లో తొలి వికెట్‌ దక్కించుకుంది టైటాన్స్‌.అయితే, వీరిద్దరిని పక్కనపెట్టిన గిల్‌.. ఐదో ఓవర్లో అర్షద్‌ ఖాన్‌ను తీసుకురాగా.. అతడు ఏకంగా 21 పరుగులు సమర్పించుకున్నాడు. ఇక మళ్లీ పదిహేనో ఓవర్‌ దాకా గిల్‌ సిరాజ్‌ చేతికి బంతినివ్వలేదు. మళ్లీ ఆఖరి ఓవర్లో సిరాజ్‌ను రంగంలోకి దించగా.. ఈసారి ఏకంగా 23 పరుగులు ఇచ్చేశాడు. మొత్తంగా నాలుగు ఓవర్ల కోటాలో 54 పరుగులు ఇచ్చి ఒక్క వికెట్‌ కూడా తీయలేకపోయాడు.శ్రేయస్‌ ధనాధన్‌ఈ నేపథ్యంలో సెహ్వాగ్‌ గిల్‌ కెప్టెన్సీ తీరుపై పైవిధంగా స్పందించాడు. ఇదిలా ఉంటే.. గుజరాత్‌ టైటాన్స్‌తో మ్యాచ్‌లో పంజాబ్‌ కింగ్స్‌ బ్యాటర్లు ఆకాశమే హద్దుగా చెలరేగారు. అరంగేట్ర ఓపెనర్‌ ప్రియాన్ష్‌ ఆర్య(23 బంతుల్లో 47) మెరుపులు మెరిపించగా.. వన్‌డౌన్‌లో వచ్చిన కెప్టెన్‌ శ్రేయస్‌ 42 బంతుల్లో 97 పరుగులతో అజేయంగా నిలిచాడు.ఇక మార్కస్‌ స్టొయినిస్‌ (15 బంతుల్లో 20) ఫర్వాలేదనిపించగా.. ఆఖర్లో శశాంక్‌ సింగ్‌ మెరుపులు(16 బంతుల్లోనే 44 నాటౌట్‌) మెరిపించాడు. దీంతో నిర్ణీత 20 ఓవర్లలో పంజాబ్‌ కేవలం ఐదు వికెట్లు నష్టపోయి 243 పరుగులు నమోదు చేసింది. లక్ష్య ఛేదనను ఘనంగా ఆరంభించిన గుజరాత్‌.. ఆఖరి వరకు పోరాడి ఓడిపోయింది.టైటాన్స్‌ బ్యాటర్లలో ఓపెనర్‌ సాయి సుదర్శన్‌ (41 బంతుల్లో 74), జోస్‌ బట్లర్‌ (33 బంతుల్లో 54) అర్ధ శతకాలతో రాణించగా.. శుబ్‌మన్‌ గిల్‌(14 బంతుల్లో 33), షెర్ఫానే రూథర్‌ఫర్డ్‌(28 బంతుల్లో 46) వేగంగా ఆడే క్రమంలో వికెట్లు కోల్పోయారు. ఈ నేపథ్యంలో 232 పరుగులకే పరిమితమైన టైటాన్స్‌కు ఓటమి తప్పలేదు.చదవండి: అస్సలు జీర్ణించుకోలేకపోయా.. అయినా భాయ్‌కు అంతా తెలుసు: సిరాజ్‌Punjab Kings hold their nerves in the end to clinch a splendid win against Gujarat Titans ❤️Scorecard ▶ https://t.co/PYWUriwSzY#TATAIPL | #GTvPBKS | @PunjabKingsIPL pic.twitter.com/0wy29ODStQ— IndianPremierLeague (@IPL) March 25, 2025

ఐపీఎల్‌ 2025లో భాగంగా నిన్న (మార్చి 25) జరిగిన మ్యాచ్‌లో గుజరాత్‌పై పంజాబ్‌ 11 పరుగుల తేడాతో గెలుపొందింది. ఈ మ్యాచ్‌లో శ్రేయస్‌ అయ్యర్‌ (97 నాటౌట్‌) సెంచరీ చేసే అవకాశం ఉన్నా, వదలుకుని తన జట్టు విజయంలో కీలకపాత్ర పోషించాడు. ఆరంభంలో ప్రియాంశ్‌ ఆర్య, ఆఖర్లో శశాంక్‌ సింగ్‌ మెరుపు ఇన్నింగ్స్‌లు ఆడి పంజాబ్‌ భారీ స్కోర్‌ చేసేందుకు దోహద పడ్డారు.భారీ లక్ష్య ఛేదనలో గుజరాత్‌ కూడా అద్భుతంగా పోరాడింది. అయితే మధ్య ఓవర్లలో పంజాబ్‌ బౌలర్లు వారిని దెబ్బకొట్టారు. ఇన్నింగ్స్‌ 15, 16, 17 ఓవర్లలో గుజరాత్‌ కేవలం 18 పరుగులే చేయగలిగింది. ఇక్కడే ఆ జట్టు మ్యాచ్‌ను కోల్పోయింది. పంజాబ్‌ బౌలర్లలో విజయ్‌కుమార్‌ వైశాక్‌, అర్షదీప్‌ సింగ్‌ అద్భుతంగా బౌలింగ్‌ చేశారు. కీలక సమయంలో వరుస యార్కర్లతో విరుచుకుపడి గుజరాత్‌ బ్యాటర్లను కట్టడి చేశారు. గుజరాత్‌ తరఫున సాయి సుదర్శన్‌, రూథర్‌ఫోర్డ్‌ మెరుపు ఇన్నింగ్స్‌లతో విరుచుకుపడ్డారు. అయినా వారి మెరుపులు సరిపోలేదు. ఇన్నింగ్స్‌ మధ్యలో పరుగులు రాబట్టలేకపోవడమే గుజరాత్‌ కొంపముంచింది.టాస్‌ ఓడి తొలుత బ్యాటింగ్‌ చేసిన పంజాబ్‌.. నిర్ణీత ఓవర్లలో 5 వికెట్ల నష్టానికి 243 పరుగులు చేసింది. శ్రేయస్‌ 42 బంతుల్లో 5 ఫోర్లు, 9 సిక్సర్ల సాయంతో 97 పరుగులు (నాటౌట్‌), శశాంక్‌ 16 బంతుల్లో 6 ఫోర్లు, 2 సిక్సర్ల సాయంతో 44 పరుగులు (నాటౌట్‌), ప్రియాంశ్‌ ఆర్య 23 బంతుల్లో 7 ఫోర్లు, 2 సిక్సర్ల సాయంతో 47 పరుగులు చేశారు. మ్యాక్స్‌వెల్‌ డకౌట్‌ కాగా.. ఒమర్‌జాయ్‌ 16, స్టోయినిస్‌ 20 పరుగులు చేశారు. గుజరాత్‌ బౌలర్లలో సాయికిషోర్‌ అద్భుతంగా బౌలింగ్‌ చేసి 4 ఓవర్లలో కేవల​ం 30 పరుగులే ఇచ్చి 3 వికెట్లు తీయగా.. రబాడ, రషీద్‌ ఖాన్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన గుజరాత్‌ నిర్ణీత ఓవర్లలో 5 వికెట్ల నష్టానికి 232 పరుగులు మాత్రమే చేయగలిగింది. గుజరాత్‌ ఆటగాళ్లలో సాయి సుదర్శన్‌ (41 బంతుల్లో 74; 5 ఫోర్లు, 6 సిక్సర్లు), శుభ్‌మన్‌ గిల్‌ (14 బంతుల్లో 33; 2 ఫోర్లు, 3 సిక్సర్లు), జోస్‌ బట్లర్‌ (33 బంతుల్లో 54; 4 ఫోర్లు, 2 సిక్సర్లు), రూథర్‌ఫోర్డ్‌ (28 బంతుల్లో 46; 4 ఫోర్లు, 3 సిక్సర్లు) సత్తా చాటారు. పంజాబ్‌ బౌలర్లలో అర్షదీప్‌ 2, జన్సెన్‌, మ్యాక్స్‌వెల్‌ తలో వికెట్‌ పడగొట్టారు.మ్యాచ్‌ అనంతరం గుజరాత్‌ కెప్టెన్‌ శుభ్‌న్‌ గిల్‌ మాట్లాడుతూ ఇలా అన్నాడు. బౌలింగ్, బ్యాటింగ్ చేస్తున్నప్పుడు మంచి అవకాశాలు లభించాయి. అయితే మేము వాటిని సద్వినియోగం చేసుకోలేకపోయాం​. చాలా పరుగులు ఇచ్చామని అనుకుంటున్నాను. మా విజయావకాశాలను చేజేతులా వదులుకున్నాం. 15, 16, 17 ఓవర్లలో కేవలం 18 పరుగులే చేసాము. మొదటి మూడు ఓవర్లు కూడా ఎక్కువ పరుగులు చేయలేకపోయాము. ఇక్కడే మేము ఆటను కోల్పోయాము. చాలా సానుకూల అంశాలు కూడా ఉన్నాయి. సీజన్‌కు మంచి ప్రారంభం లభించిందని అనుకుంటున్నాను.విజయ్‌ కుమార్‌ వైశాక్ అద్భుతంగా బౌలింగ్‌ చేశాడు. 15 ఓవర్లు బెంచ్‌పై కూర్చొని, ఇంపాక్ట్ ప్లేయర్‌గా వచ్చి యార్కర్లు వేయడం అంత సులభం కాదు. వరుసగా యార్కర్లు వేయగలిగినందుకు వారికి (పంజాబ్‌ బౌలర్లు) క్రెడిట్ ఇవ్వాలి. ఈ వికెట్‌ బ్యాటింగ్‌ చేసేందుకు చాలా అద్భుతంగా ఉంది. ఇక్కడ ఈజీగా 240-250 పరుగులు స్కోర్ చేయవచ్చు. అయితే ఆ స్కోర్‌ను కాపాడుకోవాల్సి ఉంటుంది.

GT vs PBKS Live Updates And highlights: గుజరాత్‌పై పంజాబ్‌ విజయంఐపీఎల్‌-2025ను గుజరాత్‌ విజయంతో ఆరంభించింది. ఈ మెగా ఈవెంట్‌లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన హై స్కోరింగ్ థ్రిల్ల‌ర్‌లో 11 ప‌రుగుల తేడాతో పంజాబ్ విజ‌యం సాధించింది. 244 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్ టీమ్ నిర్ణీత ఓవ‌ర్ల‌లో 5 వికెట్లు కోల్పోయి 232 ప‌రుగులు చేసింది. గుజ‌రాత్ బ్యాట‌ర్ల‌లో సాయిసుద‌ర్శ‌న్‌(74), జోస్ బ‌ట్ల‌ర్‌(54) రూథ‌ర్ ఫ‌ర్డ్‌(46) పోరాడిన‌ప్ప‌ట‌కి త‌మ జ‌ట్టును విజ‌యతీరాల‌కు చేర్చ‌లేక‌పోయారు. కెప్టెన్ శుబ్‌మ‌న్ గిల్‌(33) త‌న వంతు ప్ర‌య‌త్నం చేశాడు. కానీ కొండంత ల‌క్ష్యాన్ని క‌రిగించ‌లేక‌పోయారు. పంజాబ్ బౌల‌ర్ల‌లో అర్ష్‌దీప్ సింగ్‌ రెండు, జానెస‌న్‌, మాక్స్‌వెల్ త‌లా వికెట్ సాధించారు.17 ఓవ‌ర్ల‌కు గుజ‌రాత్ స్కోర్‌: 187/217 ఓవ‌ర్లు ముగిసే స‌రికి గుజ‌రాత్ టైటాన్స్ రెండు వికెట్ల న‌ష్టానికి 187 ప‌రుగులు చేసింది. క్రీజులో జోస్ బ‌ట్ల‌ర్‌(47), రూథ‌ర్ ఫ‌ర్డ్‌(23) ప‌రుగుల‌తో ఉన్నారు.15 ఓవ‌ర్ల‌కు గుజ‌రాత్ స్కోర్‌: 174/215 ఓవ‌ర్లు ముగిసే స‌రికి గుజ‌రాత్ టైటాన్స్ రెండు వికెట్ల న‌ష్టానికి 174 ప‌రుగులు చేసింది. క్రీజులో జోస్ బ‌ట్ల‌ర్‌(40), రూథ‌ర్ ఫ‌ర్డ్‌(20) ప‌రుగుల‌తో ఉన్నారు.సుద‌ర్శ‌న్ ఆన్ ఫైర్‌..12 ఓవ‌ర్లు ముగిసే స‌రికి గుజ‌రాత్ టైటాన్స్ వికెట్ న‌ష్టానికి 134 ప‌రుగులు చేసింది. క్రీజులో సాయిసుద‌ర్శ‌న్‌(74), జోస్ బ‌ట్ల‌ర్‌(25) ఉన్నారు. గుజ‌రాత్ విజ‌యానికి 46 బంతుల్లో 106 ప‌రుగులు కావాలి.తొలి వికెట్ డౌన్‌..శుబ్‌మ‌న్ గిల్ రూపంలో గుజ‌రాత్ టైటాన్స్ తొలి వికెట్ కోల్పోయింది. 33 ప‌రుగులు చేసిన గిల్‌.. మాక్స్‌వెల్ బౌలింగ్‌లో ఔట‌య్యాడు. క్రీజులోకి జోస్ బ‌ట్ల‌ర్ వ‌చ్చాడు. 7 ఓవ‌ర్ల‌కు గుజ‌రాత్ స్కోర్‌: 75/1దూకుడుగా ఆడుతున్న గుజ‌రాత్ ఓపెన‌ర్లు..245 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్ టైటాన్స్ దూకుడుగా ఆడుతోంది. 5 ఓవ‌ర్లు ముగిసే స‌రికి గుజ‌రాత్ వికెట్ న‌ష్ట‌పోకుండా 51 ప‌రుగులు చేసింది. క్రీజులో కెప్టెన్ శుబ్‌మ‌న్ గిల్‌(27), సాయిసుద‌ర్శ‌న్(23) ఉన్నారు.శ్రేయ‌స్‌, శశాంక్ విధ్వంసం.. గుజ‌రాత్ ముందు భారీ టార్గెట్అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రుగుతున్న మ్యాచ్‌లో పంజాబ్ బ్యాట‌ర్లు ఆకాశ‌మే హ‌ద్దుగా చెల‌రేగారు. టాస్ ఓడి తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. పంజాబ్ బ్యాట‌ర్ల‌లో కెప్టెన్ శ్రేయ‌స్ అయ్య‌ర్‌( 42 బంతుల్లో 5 ఫోర్లు, 9 సిక్స్‌ల‌తో 97) అద్భుత‌మైన ఇన్నింగ్స్ ఆడాడు. పంజాబ్ ఐదో వికెట్ డౌన్‌.. స్టోయినిష్ ఔట్‌మార్క‌స్ స్టోయినిష్ రూపంలో పంజాబ్ కింగ్స్ ఐదో వికెట్ కోల్పోయింది. 20 ప‌రుగులు చేసిన స్టోయినిష్‌.. సాయికిషోర్ బౌలింగ్‌లో పెవిలియ‌న్‌కు చేరాడు. 16 ఓవర్లకు పంజాబ్‌ స్కోర్‌: 165/5. క్రీజులో కెప్టెన్ శ్రేయ‌స్ అయ్య‌ర్‌(66) ప‌రుగుల‌తో ఉన్నాడు.కిషోర్ ఆన్ ఫైర్‌.. ఒకే ఓవ‌ర్‌లో రెండు వికెట్లుపంజాబ్ కింగ్స్ వ‌రుస క్ర‌మంలో రెండు వికెట్లు కోల్పోయింది. 11 ఓవ‌ర్ వేసిన సాయికిషోర్ బౌలింగ్‌లో మూడో బంతికి ఒమ‌ర్జాయ్‌(16), నాలుగో బంతికి గ్లెన్ మాక్స్‌వెల్‌(0) ఔట‌య్యాడు. 12 ఓవర్లకు పంజాబ్‌ స్కోర్‌: 108/4పంజాబ్ రెండో వికెట్ డౌన్‌..ప్రియాంష్ ఆర్య రూపంలో పంజాబ్ కింగ్స్ రెండో వికెట్ కోల్పోయింది. కేవ‌లం 20 బంతుల్లో 42 ప‌రుగులు చేసిన ప్రియాంష్‌.. రషీద్ ఖాన్ బౌలింగ్‌లో ఔట‌య్యాడు. 6 ఓవ‌ర్లు ముగిసే స‌రికి పంజాబ్ కింగ్స్ రెండు వికెట్ల‌ న‌ష్టానికి 73 ప‌రుగులు చేసింది. క్రీజులో శ్రేయ‌స్ అయ్య‌ర్‌(14), ఒమ‌ర్జాయ్‌(6) ప‌రుగుల‌తో ఉన్నారు.తొలి వికెట్ కోల్పోయిన పంజాబ్‌..టాస్ ఓడి బ్యాటింగ్‌కు దిగిన పంజాబ్ కింగ్స్ తొలి వికెట్ కోల్పోయింది. 5 ప‌రుగులు చేసిన ప్ర‌భుసిమ్రాన్.. ర‌బాడ బౌలింగ్‌లో ఔట‌య్యాడు. 4 ఓవ‌ర్లు ముగిసే స‌రికి పంజాబ్ కింగ్స్ వికెట్ న‌ష్టానికి 42 ప‌రుగులు చేసింది. క్రీజులో ప్రియాంష్ ఆర్య(17), శ్రేయ‌స్ అయ్య‌ర్‌(14) ప‌రుగుల‌తో ఉన్నారు.ఐపీఎల్‌-2025లో అహ్మ‌దాబాద్ వేదిక‌గా గుజ‌రాత్ టైటాన్స్‌, పంజాబ్ కింగ్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన గుజ‌రాత్ టైటాన్స్ తొలుత బౌలింగ్ ఎంచుకుంది. టీమిండియా స్టార్ పేస‌ర్ మ‌హ్మ‌ద్ సిరాజ్ గుజ‌రాత్ త‌ర‌పున అరంగేట్రం చేశాడు.తుది జట్లుపంజాబ్ కింగ్స్ (ప్లేయింగ్ XI): ప్రభ్‌సిమ్రాన్ సింగ్ (వికెట్ కీపర్‌), ప్రియాంష్ ఆర్య, శ్రేయాస్ అయ్యర్ (కెప్టెన్‌), శశాంక్ సింగ్, మార్కస్ స్టోయినిస్, గ్లెన్ మాక్స్‌వెల్, సూర్యాంశ్ షెడ్జ్, అజ్మతుల్లా ఒమర్జాయ్, మార్కో జాన్సెన్, అర్ష్‌దీప్ సింగ్, యుజ్వేంద్ర చాహల్గుజరాత్ టైటాన్స్ (ప్లేయింగ్ XI): శుభమన్ గిల్(కెప్టెన్‌), జోస్ బట్లర్(వికెట్ కీపర్‌), సాయి సుదర్శన్, షారుక్ ఖాన్, రాహుల్ తెవాటియా, రవిశ్రీనివాసన్ సాయి కిషోర్, అర్షద్ ఖాన్, రషీద్ ఖాన్, కగిసో రబడ, మహ్మద్ సిరాజ్, ప్రసిద్ధ్ కృష్ణ

ఇండియన్‌ ప్రీమియర్‌ లీగ్‌ (IPL)-2025లో కొత్త ఫ్రాంఛైజీ తరఫున ఆడబోతున్నాడు టీమిండియా స్టార్‌ పేసర్‌ మహ్మద్‌ సిరాజ్‌. దాదాపు ఏడేళ్ల పాటు రాయల్‌ చాలెంజర్స్‌ బెంగళూరు (RCB)కి ఆడిన ఈ హైదరాబాదీని.. మెగా వేలానికి ముందు ఆ ఫ్రాంఛైజీ వదిలేసింది. ఈ క్రమంలో రూ. 12.25 కోట్లకు గుజరాత్‌ టైటాన్స్‌ సిరాజ్‌ను కొనుగోలు చేసింది.బౌలర్ల కెప్టెన్‌ఇక ఐపీఎల్‌-2025లో తమ తొలి మ్యాచ్‌లో భాగంగా గుజరాత్‌ మంగళవారం పంజాబ్‌ కింగ్స్‌తో తలపడనుంది. ఈ నేపథ్యంలో ‘బోరియా సీజన్‌ సిక్స్‌’తో ముచ్చటించిన సిరాజ్‌ ఆసక్తికర వ్యాఖ్యలు చేశాడు. ‘‘శుబ్‌మన్‌ గిల్‌ (Shubman Gill) బౌలర్ల కెప్టెన్‌. గొప్ప సారథి.బౌలర్లు ఏది అడిగినా.. కాదనడు. వాళ్లకు కావాల్సిన సదుపాయాలన్నీ ఏర్పాటు చేస్తాడు. స్వేచ్ఛనిస్తాడు. మా ఇద్దరి మధ్య మంచి అనుబంధం ఉంది. నేను, రిషభ్‌ పంత్‌, శుబ్‌మన్‌, అక్షర్‌ పటేల్‌.. కలిసి తరచుగా డిన్నర్లకు వెళ్తూ ఉంటాం. గిల్‌, నేను ఒకేసారి టెస్టుల్లో అడుగుపెట్టాము. అందుకే మా బంధం ఇంతగా బలపడి ఉంటుంది’’ అని గిల్‌తో తనకున్న స్నేహం గురించి చెప్పుకొచ్చాడు.ఆయనొక లెజెండ్‌ఇక గుజరాత్‌ కోచ్‌ ఆశిష్‌ నెహ్రా గురించి మాట్లాడుతూ.. ‘‘ఆయనొక లెజెండ్‌. నెహ్రా భాయ్‌ నుంచి చాలా విషయాలు నేర్చుకున్నా. ముఖ్యంగా క్లిష్ట పరిస్థితుల్లోనూ సంయమనం కోల్పోకుండా ఎలా ఉండాలో ఆయనను చూసే తెలుసుకున్నా. గతంలో షమీ భాయ్‌ ఈ ఫ్రాంఛైజీకి ఆడాడు.నేను కూడా తనలా అద్భుతంగా ఆడి వికెట్లు తీయడం మీద మాత్రమే దృష్టి పెట్టాను. జట్టు విజయాల కోసం నా శాయశక్తులా కృషి చేస్తా’’ అని సిరాజ్‌ పేర్కొన్నాడు. ఇక ఈ సందర్భంగా చాంపియన్స్‌ ట్రోఫీ-2025 జట్టులో చోటు దక్కకపోవడం గురించి ప్రస్తావన రాగా.. ఈ హైదరాబాదీ పేసర్‌ హుందాగా స్పందించాడు.అస్సలు జీర్ణించుకోలేకపోయా.. ‘‘జట్టు గురించి ప్రకటన రాగానే తొలుత ఈ విషయాన్ని జీర్ణించుకోలేకపోయాను. ఐసీసీ ఈవెంట్‌ ఆడే జట్టులో నాకు చోటు లేదే అని బాధపడ్డాను. అయితే, జట్టు ప్రయోజనాల గురించే రోహిత్‌ భాయ్‌ ఆలోచిస్తాడని నాకు తెలుసు.దుబాయ్‌లో పేసర్లకు పెద్దగా పని ఉండదని భాయ్‌కు తెలుసు. ఆయన ఎంతో అనుభవజ్ఞుడైన కెప్టెన్‌. అక్కడి పిచ్‌లు స్పిన్నర్లకు అనుకూలంగా ఉంటాయని ఆయనకు తెలుసు. అందుకే నన్ను పక్కనపెట్టాలని వాళ్లు నిర్ణయించుకున్నారు’’ అని సిరాజ్‌ పేర్కొన్నాడు.విశ్రాంతి దొరికిందిఏదేమైనా దేశం కోసం ఆడేటప్పుడు ఆటగాళ్లలో ఆత్మవిశ్వాసం మరింతగా పెరుగుతుందని.. ముఖ్యంగా ఐసీసీ టోర్నీల్లో ఆడాలని ప్రతి ఒక్క క్రికెటర్‌ కోరుకుంటాడని సిరాజ్‌ అన్నాడు. ఇక చాంపియన్స్‌ట్రోఫీ జట్టులో లేనందు వల్ల తనకు చాలాకాలం పాటు విశ్రాంతి లభించిందని.. ఆ సమయాన్ని ఫిట్‌నెస్‌ మెరుగుపరచుకునేందుకు ఉపయోగించుకున్నానని తెలిపాడు.కాగా పాకిస్తాన్‌ చాంపియన్స్‌ ట్రోఫీ-2025కి ఆతిథ్యం ఇవ్వగా.. టీమిండియా మాత్రం తమ మ్యాచ్‌లన్నీ దుబాయ్‌లో ఆడింది. ఇక ఈ మెగా వన్డే టోర్నమెంట్లో గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌లను ఓడించిన రోహిత్‌ సేన.. సెమీస్‌లో ఆస్ట్రేలియాపై గెలిచింది. ఫైనల్లో న్యూజిలాండ్‌ను చిత్తు చేసి ట్రోఫీని ముద్దాడింది.ఇక సిరాజ్‌ చివరగా ఆస్ట్రేలియా పర్యటనలో బోర్డర్‌- గావస్కర్‌ ట్రోఫీ టెస్టు సిరీస్‌ ఆడాడు. తదుపరి జూన్‌లో ఇంగ్లండ్‌ టూర్‌కు వెళ్లే జట్టుకు అతడు ఎంపికయ్యే అవకాశం ఉంది. ఇక మళ్లీ పరిమిత ఓవర్ల జట్టులో తిరిగి స్థానం సంపాదించాలంటే సిరాజ్‌ మియా.. ఐపీఎల్‌-2025లో సత్తా చాటాల్సి ఉంటుంది.చదవండి: ‘గిల్‌ ఒక్కడే ఏమీ చేయలేడు.. మేమంతా ఉంటేనే ఏదైనా సాధ్యం’

న్యూజిలాండ్‌ ఆల్‌రౌండర్‌ గ్లెన్‌ ఫిలిప్స్‌ (Glenn Phillips) గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill)ను ఉద్దేశించి ఆసక్తికర వ్యాఖ్యలు చేశాడు. గతేడాది టైటాన్స్‌ వైఫల్యాలకు అతడు ఏమాత్రం కారణం కాదని పేర్కొన్నాడు. కెప్టెన్‌ ఒక్కడి ప్రదర్శన మీద జట్టు జయాపజయాలు ఆధారపడి ఉండవని.. ఆటగాళ్లంతా సమిష్టిగా రాణిస్తేనే గెలుపు వరిస్తుందని ఫిలిప్స్‌ అన్నాడు.అరంగేట్ర సీజన్‌లోనే చాంపియన్‌గాకాగా 2022లో గుజరాత్‌ టైటాన్స్‌ ఇండియన్‌ ప్రీమియర్‌ లీగ్‌ (IPL)లో అడుగుపెట్టిన విషయం తెలిసిందే. హార్దిక్‌ పాండ్యా సారథ్యంలో.. తమ అరంగేట్ర సీజన్‌లోనే చాంపియన్‌గా నిలిచి చరిత్ర సృష్టించింది. ఆ తర్వాతి ఏడాది ఫైనల్‌ చేరింది. అయితే, 2024లో పాండ్యా టైటాన్స్‌ను వీడి తన సొంతజట్టు ముంబై ఇండియన్స్‌లో చేరాడు. ఫలితంగా టైటాన్స్‌ పగ్గాలను యాజమాన్యం భారత యువ తార గిల్‌కు అప్పగించింది.పేలవ ప్రదర్శన అయితే, గతేడాది తొలిసారిగా గిల్‌ కెప్టెన్సీలో బరిలోకి దిగిన గుజరాత్‌ టైటాన్స్‌ పేలవ ప్రదర్శన కనబరిచింది. పద్నాలుగు మ్యాచ్‌లకు గానూ కేవలం ఐదే గెలిచి.. పది పాయింట్లతో పట్టికలో ఎనిమిదో స్థానానికి పరిమితమైంది. పాండ్యా జట్టును వీడటంతో పాటు మహ్మద్‌ షమీ (అప్పుడు టైటాన్స్‌ జట్టులో) గాయం వల్ల సీజన్‌ మొత్తానికి దూరం కావడం టైటాన్స్‌ ప్రదర్శనపై ప్రభావం చూపింది.అయితే, ఈసారి తాము ఆ ప్రతికూలతలు అధిగమించి అనుకున్న ఫలితాలు రాబడతామని గిల్‌ స్పష్టం చేశాడు. తమ జట్టు ప్రస్తుతం అన్ని విభాగాల్లో పటిష్టంగా ఉందని ధీమా వ్యక్తం చేశాడు. ఈ నేపథ్యంలో గ్లెన్‌ ఫిలిప్స్‌ హిందుస్తాన్‌ టైమ్స్‌తో మాట్లాడుతూ.. ‘‘క్రికెట్‌ జట్టుగా ఆడాల్సిన ఆట.గిల్‌ ఒక్కడే ఏమీ చేయలేడు.. మేమంతా ఉంటేనే ఏదైనా సాధ్యంఒక్క ఆటగాడు లేదా కెప్టెన్‌ జట్టు మొత్తాన్ని గెలిపించలేదు. కాబట్టి శుబ్‌మన్‌ గిల్‌ కెప్టెన్సీ వల్లే గతేడాది గుజరాత్‌ ప్రదర్శన బాలేదని చెప్పడం సరికాదు. టీ20 క్రికెట్‌ స్వరూపమే వేరు. మ్యాచ్‌ రోజు ఎవరు ఫామ్‌లో ఉంటారో వారిదే పైచేయి అవుతుంది. గతేడాది సన్‌రైజర్స్‌, కేకేఆర్‌ సీజన్‌ ఆసాంతం ఒకే లయను కొనసాగించి ఫైనల్‌ వరకు చేరాయి.ఏదేమైనా తమ తొలి రెండు సీజన్లలో గుజరాత్‌ అద్భుతంగా ఆడింది. మంచి ఫామ్‌ కనబరిచింది. ఈ ఏడాది అదే ఫలితాన్ని పునరావృతం చేయగలమని నమ్ముతున్నా. శుబ్‌మన్‌ గిల్‌ కెప్టెన్సీ విషయంలో ఒత్తిడికి గురవుతాడని నేను అస్సలు అనుకోను. అతడు టీమిండియా ప్రధాన ప్లేయర్‌. జాతీయ జట్టుకు ఆడటం కంటే లీగ్‌ క్రికెట్‌లో ఆడటం తేలికే’’ అని గిల్‌కు ఫిలిప్స్‌ మద్దతు ప్రకటించాడు.రూ. 2 కోట్లకు కొనుగోలుకాగా 2021లో గ్లెన్‌ ఫిలిప్స్‌ను రాజస్తాన్‌ రాయల్స్‌ కొనుక్కోగా.. ఆ మరుసటి ఏడాది సన్‌రైజర్స్‌ హైదరాబాద్‌ రూ. 1.5 కోట్లకు అతడిని సొంతం చేసుకుంది. కానీ తుదిజట్టులో మాత్రం ఎక్కువగా అవకాశాలు ఇవ్వలేదు. ఈ క్రమంలో మెగా వేలం-2025కి ముందు రైజర్స్‌ అతడిని విడిచిపెట్టింది. దీంతో గుజరాత్‌ టైటాన్స్‌ రూ. 2 కోట్లకు అతడిని వేలంపాటలో కొనుక్కుంది.ఇక ఇప్పటి వరకు ఐపీఎల్‌లో కేవలం ఎనిమిది మ్యాచ్‌లు ఆడిన ఫిలిప్స్‌ 65 పరుగులు చేశాడు. ఇందులో మూడు ఫోర్లు, ఆరు సిక్సర్లు ఉన్నాయి. ఇదిలా ఉంటే.. ఐపీఎల్‌-2025లో భాగంగా గుజరాత్‌ టైటాన్స్‌ మంగళవారం తమ తొలి మ్యాచ్‌లో భాగంగా పంజాబ్‌ కింగ్స్‌ను ఢీకొట్టనుంది. అహ్మదాబాద్‌లోని నరేంద్ర మోదీ స్టేడియం ఇందుకు వేదిక.చదవండి: అలా అయితే.. నేను జట్టులో ఉండటం వేస్ట్‌: ధోని

ఇండియన్ ప్రీమియర్ లీగ్ (IPL) లోకి అడుగుపెట్టిన తొలి సీజన్లోనే (2022)లో టైటిల్ సాధించి తనదైన ముద్రవేసింది గుజరాత్ టైటాన్స్ (Gujarat Titans). ఆ తర్వాత సీజన్లో మళ్ళీ ఫైనల్లోకి ప్రవేశించింది. కానీ టైటిల్‌ పోరులో చెన్నై సూపర్ కింగ్స్ చేతిలో ఓటమితో రన్నర్ అప్ తో సరిపెట్టుకుంది. అయితే, గతేడాది గుజరాత్‌కు గట్టి ఎదురుదెబ్బ తగిలింది. ఆ జట్టుకి స్ఫూర్తిదాయకంగా నిలిచి ముందుండి నడిపించిన భారత్ అల్ రౌండర్, జట్టు కెప్టెన్ హార్దిక్ పాండ్యాను ముంబై ఇండియన్స్‌కు బదిలీ అయ్యాడు.ఈ మార్పుతో భారత్ యువ ఓపెనర్ శుబ్‌మన్ గిల్‌ (Shubman Gill)కు కెప్టెన్‌గా పగ్గాలు అప్పగించారు. కానీ గత సీజన్ గుజరాత్ కి పెద్దగా కలిసిరాలేదు. కేవలం 5 విజయాలు, 7 ఓటములతో గుజరాత్ 8వ స్థానంతో సరిపెట్టుకోవాల్సి వచ్చింది. దీనితో కొత్త సీజన్‌ కోసం గుజరాత్ కొన్ని సాహసోపేతమైన నిర్ణయాలు తీసుకుంది.భారత్ సీనియర్ పేసర్ మహమ్మద్ షమీ, నూర్ అహ్మద్, దక్షిణాఫ్రికాకి చెందిన డేవిడ్ మిల్లర్ వంటి సీనియర్ ఆటగాళ్ళని పక్కకుపెట్టాలని నిర్ణయించారు. ఇందుకు బదులుగా కొత్త తరహా జట్టుని నిర్మించాలని నిర్ణయించారు. ప్రపంచ క్రికెట్‌లో నిలకడగా రాణిస్తున్న ఆటగాళ్ల కోసం పెద్ద మొత్తంలో ఖర్చు చేయాలని నిర్ణయించుకుంది.మాజీ ఆరెంజ్ క్యాప్ విజేత జోస్ బట్లర్, దక్షిణాఫ్రికా పేస్ స్పియర్‌హెడ్ కగిసో రబాడను దక్కించుకోవడానికి గుజరాత్ పెద్ద మొత్తంలో ఖర్చు చేసింది. ఛాంపియన్స్ ట్రోఫీ లో తన వీరోచిత ప్రదర్శనలతో అందరినీ ఆశ్చర్యపరిచిన గ్లెన్ ఫిలిప్స్‌ను కూడా తీసుకున్నారు.వేలంలో గుజరాత్ ఎలా రాణించింది?ఐపీఎల్ 2025 మెగా వేలంలో గుజరాత్ చాలా సమయస్ఫూర్తితో వ్యవహరించింది. గిల్, రాహుల్ తెవాటియా, సాయి సుదర్శన్ మరియు షారుఖ్ ఖాన్‌లతో పాటు రషీద్ ఖాన్‌ను వేలానికి ముందు రెటైన్ చేసింది. వేలంలో ఇంగ్లాండ్ కెప్టెన్ జోస్ బట్లర్ ని రూ 15.75 కోట్లు కు కనుగోలు చేసారు.ఇంకా భారత్ పేసర్ మహమ్మద్ సిరాజ్ ( (రూ12.25 కోట్లు), రబాడ (రూ 10.75 కోట్లు) మరియు ప్రసిధ్ కృష్ణ (రూ 9.5 కోట్లు) ముగ్గురితో పేస్ బౌలింగ్ ని బలోపేతం చేశారు. గత సీజన్‌లో వారికి సమస్యగా ఉన్న రంగాల కోసం భారీగా ఖర్చు చేశారు. ఇక మిల్లర్ స్థానంలో జిటి ఫిలిప్స్ మరియు షెర్ఫేన్ రూథర్‌ఫోర్డ్‌లను జట్టులోకి తీసుకువచ్చారుగుజరాత్ టైటాన్స్ జట్టులో ప్రధాన ఆటగాళ్లుశుబ్‌మన్ గిల్ఒకప్పుడు భారత టీ20ఐ జట్టులో ప్రధాన ఆటగాళ్లలో ఒకడైన గిల్ ఇప్పుడు మునుపటి రీతిలో రాణించలేక పోతున్నాడన్నది వాస్తవం. 2023 ఐపీఎల్ లో చెలరేగిపోయిన గిల్ దాదాపు 900 పరుగులు సాధించాడు.గత సీజన్‌ను ఆశాజనకంగా ప్రారంభించినప్పటికీ ఆ తర్వాత అతని ఫామ్ తగ్గింది . 2024లో తన మొదటి ఆరు మ్యాచ్‌ల్లో 151.78 స్ట్రైక్ రేట్‌తో 255 పరుగులు చేశాడు, కానీ ఆ తర్వాత 147.40 సగటుతో 426 పరుగులు చేశాడు. ఈ సీజన్లో గిల్ మళ్ళీ మునుపటి ఫామ్ ని ప్రదర్శించాలని, జట్టుని విజయ బాటలో నడిపించాలని కృత నిశ్చయంతో ఉన్నాడు.జోస్ బట్లర్జట్టులో అత్యంత ఖరీదైన ఆటగాడు కావడంతో, బట్లర్ పై అందరి దృష్టి ఉంటుందనడంలో సందేహం లేదు. 2022 ఐపిఎల్ లో ఏకంగా 863 పరుగులు చేసిన తర్వాత, బట్లర్ 2023 మరియు 2024 సీజన్లలో 400 కి మించి పరుగులు చేయలేకపోయాడు. అయితే గత సంవత్సరం ఈడెన్ గార్డెన్స్‌లో కోల్కతా పై జరిగిన ఫైనల్లో 224 పరుగుల లక్ష్యం సాధించడంలో బట్లర్ చేసిన సెంచరీ లీగ్‌లో అత్యంత ప్రజాదరణ పొందిన ఇన్నింగ్స్‌లలో ఒకటిగా నిలిచింది. బట్లర్ ఈ సీజన్ లో గిల్ తో కలిసి గుజరాత్ ఇన్నింగ్స్ ప్రారంభించే అవకాశముంది. లేదా గత సీజన్‌లో లేని ఫైర్‌పవర్‌ను అందించడానికి 3వ స్థానంలోకి వస్తాడని భావిస్తున్నారు. అదనంగా అతన్ని స్టంప్స్ వెనుక కూడా చూడవచ్చు.రషీద్ ఖాన్గాయం నుంచి ఇప్పుడు పూర్తిగా కోలుకున్న ఆఫ్ఘన్ స్పిన్నర్ రషీద్ ఖాన్ మరోసారి గుజరాత్‌కు ట్రంప్ కార్డ్ గా భావించవచ్చు. గత సీజన్‌లో, రషీద్ శస్త్రచికిత్స నుండి కోలుకుంటున్నందున తన పూర్తి స్థాయిలో ఆడలేక పోయాడు. ఈసారి మాత్రం గుజరాత్ టైటిల్ సాధించాలన్న ఆశయాన్ని సాధించడంలో రషీద్ పెద్ద పాత్ర పోషిస్తాడని భావిస్తున్నారు.కగిసో రబాడపంజాబ్ కింగ్స్‌ తరుపున ఆది కాస్త నిరాశబరిచిన కగిసో రబాడ ఇప్పుడు గుజరాత్ జట్టులో చేరడంతో కోచ్ ఆశిష్ నెహ్రా ఆధ్వర్యంలో మళ్ళీ పుంజుకోగలడని భావిస్తున్నారు.మహ్మద్‌ సిరాజ్ఇటీవలి కాలంలో పెద్దగా రాణించలేక పోతున్న హైదరాబాద్ పేసర్ మొహమ్మద్ సిరాజ్ కి మళ్ళీ మునుపటి వైభవం సాధించడానికి ఐపీఎల్ మంచి అవకాశం కల్పిస్తోంది. భారత్ ఛాంపియన్స్ ట్రోఫీ జట్టు లో స్థానం పొందలేకపోయిన సిరాజ్ తన విమర్శకులను సమాధానము చెప్పాలని, తన కెరీర్‌ను తిరిగి ట్రాక్‌లోకి తీసుకురావాలని పట్టుదలతో ఉన్నాడు.గుజరాత్ టైటాన్స్ జట్టురషీద్ ఖాన్, శుబ్మాన్ గిల్, సాయి సుదర్శన్, రాహుల్ తెవాటియా, షారుఖ్ ఖాన్, కగిసో రబాడ, జోస్ బట్లర్. మహమ్మద్ సిరాజ్, ప్రసిద్ధ్ కృష్ణ, నిషాంత్ సింధు, మహిపాల్ లోమ్రోర్, కుమార్ కుషాగ్ర, అనుజ్ రావత్, మానవ్ సుతార్, వాషింగ్టన్ సుందర్, జెరాల్డ్ కోట్జీ, అర్షద్ ఖాన్, గుర్నూర్ బ్రార్, షెర్ఫాన్ రూథర్‌ఫోర్డ్, సాయి కిషోర్, ఇషాంత్ శర్మ, జయంత్ యాదవ్, గ్లెన్ ఫిలిప్స్, కరీం జనత్, కుల్వంత్ ఖేజ్రోలియా. చదవండి: విధ్వంసకర వీరులు.. పంత్‌కు పగ్గాలు.. లక్నో ఫైనల్‌ చేరుతుందా?

ఐపీఎల్‌-2025 ప్రారంభానికి ముందు గుజరాత్‌ కెప్టెన్‌ శుభ్‌మన్‌ గిల్‌ ఆసక్తికర వ్యాఖ్యలు చేశాడు. సారథ్యాన్ని, బ్యాటింగ్‌ను విడివిడిగా చూడగలిగితేనే విజయవంతమవుతామని అభిప్రాయపడ్డాడు. ఈ నెల 22 నుంచి ప్రారంభం కానున్న ఐపీఎల్‌ 18వ సీజన్‌లో గిల్‌ గుజరాత్‌ టైటాన్స్‌కు కెప్టెన్‌గా వ్యవహరించనున్నాడు. ఈ నేపథ్యంలో అతడు మాట్లాడుతూ... ‘కెప్టెన్సీని, బ్యాటింగ్‌ను వేర్వేరుగా ఉంచాలి. అప్పుడే విజయవంతం కాగలం. క్రీజులో అడుగుపెట్టినప్పుడు కేవలం బ్యాటింగ్‌పైనే దృష్టి పెడతా. నా అనుభవంలో ఇదే నేర్చుకున్నా. ఫీల్డ్‌లో ఉన్నప్పుడు మాత్రం కెప్టెన్‌గా మరింత బాధ్యతగా వ్యవహరిస్తా’ అని అన్నాడు.2023 సీజన్‌లో టైటాన్స్‌ తరఫున హార్దిక్‌ పాండ్యా సారథ్యంలో బరిలోకి దిగిన గిల్‌ 890 పరుగులతో సత్తా చాటాడు. ఇక గత ఏడాది సారథిగా బాధ్యతలు తీసుకున్న గిల్‌ 426 పరుగులు చేశాడు. అంతకుముందు ఏడాదితో పోల్చుకుంటే అతడి స్ట్రయిక్‌రేట్‌ 10 శాతం తగ్గింది. ‘సారథిగా ప్రతి రోజు నేర్చుకుంటూనే ఉంటా. అదే ఒక ఆటగాడిగా, కెప్టెన్‌గా నన్ను మరింత మెరుగు పరుస్తుందని నమ్ముతున్నా. కోచ్‌ ఆశిష్‌ నెహ్రా, విక్రమ్‌ సోలంకి సూచనలతో ముందుకు సాగుతున్నా. ఇంటా బయట అనే తేడా ఏమీ లేదు. మంచి లయలో ఉంటే వేదికతో సంబంధం ఉండదు. గత మూడేళ్ల ఫలితాలు పరిశీలిస్తే లీగ్‌లో అత్యధిక విజయాల శాతం మా జట్టుదే. దాన్నే కొనసాగిస్తే ఈ సీజన్‌ను కూడా చిరస్మరణీయం చేసుకోగలం’ అని వివరించాడు. మ్యాచ్‌లు గెలవాలంటే భారీ స్కోర్లు చేయడం మాత్రమే కాదని... పిచ్, పరిస్థితులకు తగ్గట్లు ఆడటం ముఖ్యమని పేర్కొన్నాడు. కాగా, ఈ సీజన్‌లో గుజరాత్‌ తమ తొలి మ్యాచ్‌లో (మార్చి 25) పంజాబ్‌ కింగ్స్‌ను ఢీకొట్టనుంది. 2022లో ఐపీఎల్‌ అరంగేట్రం చేసిన గుజరాత్‌.. ఈ సీజన్‌లో కొత్తగా కనిపిస్తుంది. జోస్‌ బట్లర్‌, గ్లెన్‌ ఫిలిప్స్‌ లాంటి విధ్వంసకర బ్యాటర్ల చేరికతో ఆ జట్టు బ్యాటింగ్‌ విభాగం ‍ప్రమాదకరంగా కనిపిస్తుంది. శుభ్‌మన్‌ గిల్‌ నేతృత్వంలో ఆ జట్టు టైటిల్‌ గెలిచేందుకు ఉరకలేస్తుంది. గుజరాత్‌ బౌలింగ్‌ విభాగం కూడా పటిష్టంగా కనిపిస్తుంది. రబాడ, సిరాజ్‌, ఇషాంత్‌ శర్మ, ప్రసిద్ద్‌ కృష్ణ, గెరాల్డ్‌ కొయెట్జీ లాంటి అంతర్జాతీయ స్థాయి పేసర్లతో కళ​‍కళలాడుతుంది. ప్రపంచ మేటి స్పిన్నర్‌ రషీద్‌ ఖాన్‌ జట్టులో ఉండనే ఉన్నాడు. అతనితో పాటు కొత్తగా వాషింగ్టన్‌ సుందర్‌ చేరాడు. దేశీయ ఆటగాళ్లు సాయి సుదర్శన్‌, రాహుల్‌ తెవాతియా, షారుఖ్‌ ఖాన్‌, మహిపాల్‌ లోమ్రార్‌ గుజరాత్‌కు అదనపు బలాన్ని ఇస్తున్నారు.గుజరాత్‌ టైటాన్స్‌శుభ్‌మన్‌ గిల్‌ (కెప్టెన్‌), సాయి సుదర్శన్‌, గ్లెన్‌ ఫిలిప్స్‌, రాహుల్‌ తెవాతియా, షెర్ఫాన్‌ రూథర్‌ఫోర్డ్‌, రషీద్‌ ఖాన్‌, మహిపాల్‌ లోమ్రార్‌, రవిశ్రీనివాసన్‌ సాయి కిషోర్‌, షారుఖ్ ఖాన్‌, నిషాంత్‌ సింధు, అర్షద్‌ ఖాన్‌, కరీమ్‌ జనత్‌, వాషింగ్టన్‌ సుందర్‌, జయంత్‌ యాదవ్‌, జోస్‌ బట్లర్‌, కుమార్‌ కుషాగ్రా, అనూజ్‌ రావత్‌, గెరాల్డ్‌ కొయెట్జీ, మానవ్‌ సుతార్‌, గుర్నూర్‌ బ్రార్‌, ఇషాంత్‌ శర్మ, కగిసో రబాడ, కుల్వంత్‌ కేజ్రోలియా, మహ్మద్‌ సిరాజ్‌, ప్రసిద్ద్‌ కృష్ణ

టీమిండియా వైస్‌ కెప్టెన్‌ శుబ్‌మన్‌ గిల్‌ (Shubman Gill) ప్రస్తుతం ఇండియన్‌ ప్రీమియర్‌ లీగ్‌ (IPL) సన్నాహకాలతో బిజీగా ఉన్నాడు. గతేడాది గుజరాత్‌ టైటాన్స్‌ (Gujarat Titans) కెప్టెన్‌గా పగ్గాలు చేపట్టిన ఈ పంజాబీ బ్యాటర్‌.. ఈసారి కూడా జట్టును ముందుండి నడిపించనున్నాడు. ఈ నేపథ్యంలో ఐపీఎల్‌-2025 ఆరంభానికి ముందు గిల్‌ ఆసక్తికర వ్యాఖ్యలు చేశాడు.మరింత వినోదాత్మకంగాఇంపాక్ట్‌ ప్లేయర్‌ నిబంధన వల్ల జట్లకు అదనపు ప్రయోజనం కలుగుతుందని శుబ్‌మన్‌ గిల్‌ అభిప్రాయపడ్డాడు. ఈ రూల్‌ కారణంగా అదనపు బ్యాటర్‌ లేదంటే బౌలర్‌ సేవలను ఉపయోగించుకునేందుకు వీలుగా ఉంటుందని.. ఈసారి స్కోర్లు 300 దాటినా ఆశ్చర్యపోనక్కర్లేదని పేర్కొన్నాడు. ఈ నిబంధన ఐపీఎల్‌ను మరింత వినోదాత్మకంగా మార్చిందని గిల్‌ జియోహాట్‌స్టార్‌ షోలో వ్యాఖ్యానించాడు. అదే విధంగా.. ఐపీఎల్‌తో ముడిపడిన తన చిన్ననాటి జ్ఞాపకాలను ఈ సందర్భంగా గిల్‌ గుర్తు చేసుకున్నాడు. ‘‘పంచకులలోని తౌ దేవి లాల్‌ స్టేడియానికి మా నాన్నతో కలిసి మూడు, నాలుగు మ్యాచ్‌లకు వెళ్లాను. నాకు తెలిసి అప్పటికి ఐపీఎల్‌ మొదలై మూడేళ్లు గడిచి ఉంటాయి.నేను క్రికెటర్‌ అవడానికి కారణం సచిన్‌ సర్‌అప్పట్లో ముంబై ఇండియన్స్‌ జట్టు అక్కడ ప్రాక్టీస్‌ చేసేందుకు వచ్చింది. నాకప్పుడు తొమ్మిదేళ్లు ఉంటాయనుకుంటా.. సచిన్‌ సర్‌తో గ్లెన్‌ మాక్స్‌వెల్‌తో నేను ఫొటో తీసుకున్నా.వాళ్లు ప్రాక్టీస్‌ చేస్తున్నపుడు బాల్స్‌ త్రో చేసేవాడిని. ఐపీఎల్‌తో నాకున్న తొలి జ్ఞాపకం అదే. సచిన్‌ సర్‌ గురించి నాకు ముందు నుంచే తెలుసు. ఆయనను చూసే నేను క్రికెట్‌ ఆడటం మొదలుపెట్టాను.మా నాన్న ఆయనకు వీరాభిమానిఇక మా నాన్న అయితే.. సచిన్‌ సర్‌కి వీరాభిమాని. మా గ్రామంలో ఎక్కడ చూసినా ఆయన పోస్టర్లే కనిపించేవి’’ అని శుబ్‌మన్‌ గిల్‌ తెలిపాడు. ఇక కెప్టెన్సీ అనేది ఓ నిరంతర ప్రయాణమన్న ఈ కుడిచేతి వాటం బ్యాటర్‌.. నాయకుడిగా భిన్న అనుభవాలు ఎదుర్కోక తప్పదని పేర్కొన్నాడు.జట్టులోని ప్రతి ఒక్క సభ్యుడి నైపుణ్యాలపై అవగాహన పెంచుకుని.. వారి నుంచి అత్యుత్తమ ప్రదర్శన రాబట్టుకున్న వారే నాయకులుగా రాణిస్తారని గిల్‌ అన్నాడు. ప్రతి మ్యాచ్‌ సరికొత్తగా ఉంటుందని.. ఆటగాళ్ల బలాలు, బలహీనతలు అర్థం చేసుకుంటే.. వారి సేవలు ఎలా వినియోగించుకోవాలో తెలుస్తుందని పేర్కొన్నాడు. కెప్టెన్‌గా అనుభవం గడించినపుడే..ఇక సారథిగా చేసే ప్రయాణంలో అనుభవం గడిస్తున్న కొద్దీ మరింత రాటుదేలతామని.. అయితే, ఒక్కోసారి కఠిన సవాళ్లు ఎదుర్కోవాల్సి ఉంటుందని పేర్కొన్నాడు. అలాంటపుడు సంయమనంతో ముందుకు సాగితే ప్రతికూల ప్రభావం పడదని గిల్‌ చెప్పుకొచ్చాడు. టైటాన్స్‌ పగ్గాలు చేపట్టిన కొత్తల్లో తాను సహచర ఆటగాళ్లతో ఎక్కువగా మమేకం కాలేకపోయానన్న.. అయితే, నాయకుడిగా తన కర్తవ్యాన్ని నెరవేర్చే క్రమంలో తనకు తెలియకుండానే ఎంతో మారిపోయానని పేర్కొన్నాడు. ప్రతి ఒక్క ఆటగాడితో వ్యక్తిగతంగా మాట్లాడటం.. వారి మైండ్‌సెట్‌ను అర్థం చేసుకోవడం అలవాటు చేసుకున్నానని గిల్‌ తెలిపాడు.చదవండి: BCCI: విరాట్‌ కోహ్లి ఘాటు విమర్శలు.. స్పందించిన బీసీసీఐ

టీమిండియా స్టార్‌ క్రికెటర్‌ శుబ్‌మన్‌ గిల్‌ ‘ఐసీసీ ప్లేయర్‌ ఆఫ్‌ ది మంత్‌’(ICC Player of the Month) అవార్డు గెలుచుకున్నాడు. ఫిబ్రవరి నెలకు గానూ ఈ పురస్కారానికి అతడు ఎంపికయ్యాడు. తద్వారా ఇప్పటి వరకు అత్యధికసార్లు ఈ ప్రతిష్టాత్మక అవార్డు గెలిచిన తొలి భారత క్రికెటర్‌గా గిల్‌ నిలిచాడు.ట్రోఫీ గెలిచిన టీమిండియా..కాగా ఐసీసీ చాంపియన్స్‌ ట్రోఫీ-2025(ICC Champions Trophy)లో భారత యువ ఓపెనర్‌ శుబ్‌మన్‌ గిల్‌ అదరగొట్టిన విషయం తెలిసిందే. గత నెల 19న పాకిస్తాన్‌లో మొదలైన ఈ మెగా వన్డే టోర్నమెంట్‌.. దుబాయ్‌లో మార్చి 9న టీమిండియా- న్యూజిలాండ్‌ మధ్య ఫైనల్‌తో ముగిసింది. ఇక ఈ ఈవెంట్లో రోహిత్‌ సేన తమ మ్యాచ్‌లన్నీ దుబాయ్‌లోనే ఆడింది.గిల్‌ అదరగొట్టాడుగ్రూప్‌ దశలో వరుసగా మూడు గెలిచి సెమీస్‌ చేరిన భారత్‌.. అనంతరం సెమీ ఫైనల్లో ఆస్ట్రేలియాను ఓడించి టైటిల్‌ పోరుకు అర్హత సాధించింది. ఫైనల్లో కివీస్‌ జట్టును నాలుగు వికెట్ల తేడాతో ఓడించి చాంపియన్‌గా నిలిచింది. ఐదు మ్యాచ్‌లలోనూ అజేయంగా నిలిచి ట్రోఫీని ముద్దాడింది.భారత్‌ ఈ ఘనత సాధించడంలో గిల్‌ది కూడా కీలక పాత్ర. ఈ టోర్నీలో బంగ్లాదేశ్‌పై 101 పరుగులు సాధించిన గిల్‌.. పాకిస్తాన్‌తో మ్యాచ్‌లో 46 పరుగులు చేశాడు. అంతకు ముందు ఇంగ్లండ్‌తో వన్డే సిరీస్‌(India vs England)లోనూ గిల్‌ అదరగొట్టాడు. మూడు మ్యాచ్‌లలో వరుసగా 87, 60, 112 పరుగులు సాధించాడు.వారిని ఓడించిఈ క్రమంలో ప్లేయర్‌ ఆఫ్‌ ది మంత్‌ ఫిబ్రవరి నెలకు నామినేట్‌ అయ్యాడు గిల్‌. ఆస్ట్రేలియా దిగ్గజ బ్యాటర్‌ స్టీవ్‌ స్మిత్‌, న్యూజిలాండ్‌ స్టార్‌ గ్లెన్‌ ఫిలిప్స్‌ కూడా ఈ అవార్డు కోసం పోటీపడ్డారు. వారిద్దరిని ఓడించి అత్యధిక ఓట్లతో గిల్‌ విజేతగా నిలిచాడు.బుమ్రా రికార్డు బ్రేక్‌ఇక గిల్‌ ఈ అవార్డు గెలవడం ఇది మూడోసారి. 2023 జనవరి, సెప్టెంబర్‌ నెలలకు గానూ గిల్‌ గతంలో ప్లేయర్‌ ఆఫ్‌ ది మంత్‌గా నిలిచాడు. అంతకు ముందు భారత ప్రధాన పేసర్‌ జస్‌ప్రీత్‌ బుమ్రా రెండుసార్లు ఈ పురస్కారం పొందాడు. అయితే, గిల్‌ ఇప్పుడు బుమ్రాను అధిగమించి ఈ జాబితాలో అగ్రస్థానానికి చేరుకున్నాడు.ఐసీసీ ప్లేయర్‌ ఆఫ్‌ ది మంత్‌ అవార్డులు అందుకున్న భారత క్రికెటర్లు వీరే👉శుబ్‌మన్‌ గిల్‌- మూడుసార్లు👉జస్‌ప్రీత్‌ బుమ్రా- రెండుసార్లు👉రిషభ్‌ పంత్‌- ఒకసారి👉రవిచంద్రన్‌ అశ్విన్‌- ఒకసారి👉భువనేశ్వర్‌ కుమార్‌- ఒకసారి👉శ్రేయస్‌ అయ్యర్‌- ఒకసారి👉విరాట్‌ కోహ్లి- ఒకసారి👉యశస్వి జైస్వాల్‌- ఒకసారి.టాప్‌లోనే గిల్‌మరోవైపు.. ఐసీసీ తాజాగా విడుదల చేసిన వన్డే బ్యాటింగ్‌ ర్యాంకింగ్స్‌లో గిల్‌ తన అగ్రస్థానాన్ని నిలబెట్టుకున్నాడు. ఇక కెప్టెన్‌ రోహిత్‌ శర్మ మూడో ర్యాంకు సాధించాడు. మరోవైపు.. విరాట్‌ కోహ్లి ఐదో స్థానంలో నిలిచాడు.చదవండి: IND vs ENG: గంభీర్‌ మాస్టర్‌ ప్లాన్‌.. ఇంత వరకు ఏ కోచ్‌ చేయని విధంగా..

టీమిండియా ఛాంపియన్స్ ట్రోఫీని మరోసారి సగర్వంగా ముద్దాడింది. దాదాపు 12 ఏళ్ల తర్వాత ఛాంపియన్స్‌గా నిలిచింది. దుబాయ్ వేదికగా జరిగిన తుదిపోరులో న్యూజిలాండ్‌పై ఘనవిజయం సాధించిన. కివీస్ నిర్దేశించిన లక్ష్యాన్ని ఆరు వికెట్లు కోల్పోయి ఛేదించింది. ఈ ఫైనల్ ‍మ్యాచ్‌లో నువ్వా నేనా అన్నట్లు సాగిన ‍మ్యాచ్‌లో విజయం భారత్‌ను వరించింది. దీంతో టీమిండియా ఖాతాలో మరో ఐసీసీ ట్రోఫీ వచ్చి చేరింది. దుబాయ్‌లో జరిగిన పలువురు బాలీవుడ్ సినీ తారలు సైతం ఈ మ్యాచ్‌ను వీక్షించారు.అయితే ఈ మ్యాచ్‌ తర్వాత భారత ఓపెనర్ బ్యాట్స్‌మన్‌ శుభ్‌మన్‌ గిల్‌కు సంబంధించిన ఓ వార్త నెట్టింట వైరల్‌గా మారింది. ప్రముఖ బాలీవుడ్ హీరోయిన్ అవనీత్‌ కౌర్‌తో శుభ్‌మన్‌ గిల్‌ డేటింగ్‌లో ఉన్నారంటూ రూమర్స్ వినిపిస్తున్నాయి. దుబాయ్ ఇంటర్నేషనల్ క్రికెట్ స్టేడియంలో మ్యాచ్ చూసిన ఫోటోలను అవనీత్ కౌర్‌ ఇన్‌స్టాలో పంచుకుంది. అయితే ఆ ఫోటోలు భారత్- ఆస్ట్రేలియా సెమీస్ మ్యాచ్‌ సందర్బంగా అవనీత్ కౌర్‌ తన ఇన్‌స్టాలో పోస్ట్ చేసింది.తాజాగా టీమిండియా కప్ గెలవడంతో మరోసారి ఆ ఫోటోలు సోషల్ మీడియాలో వైరలయ్యాయి. అంతేకాకుండా గతేడాది శుభ్‌మన్ బర్త్‌ డే సందర్భంగా అవనీత్‌ సోషల్ మీడియా వేదికగా విషెస్ తెలిపింది. గిల్‌తో దిగిన ఫోటోలను షేర్ చేసింది. దీంతో వీరిద్దరిపై మరోసారి డేటింగ్‌పై చర్చ మొదలైంది. ఈ రూమర్స్ నేపథ్యంలో ఆమె రాఘవ్ శర్మ అనే నిర్మాతతో డేటింగ్ చేస్తున్నట్లు కొందరు అభిమానులు పోస్టులు పెడుతున్నారు. కాగా.. క్రికెటర్‌ గిల్‌పై గతంలో కూడా సారా అలీ ఖాన్‌తో పాటు దిగ్గజ క్రికెటర్ సచిన్ టెండూల్కర్ కుమార్తె సారా టెండూల్కర్‌తో రిలేషన్‌లో ఉన్నారంటూ వార్తలొచ్చిన సంగతి తెలిసిందే.కాగా.. 26 ఏళ్ల అవనీత్‌ కౌర్ ‍బాలీవుడ్‌లో పలు సినిమాలతో పాటు వెబ్‌ సిరీస్‌ల్లోనూ కనిపించింది. ఎనిమిదేళ్ల వయసులో సినీ ఇండస్ట్రీలో అడుగుపెట్టింది. అవనీత్ కౌర్ మొదటిసారిగా 2010లో 'డ్యాన్స్ ఇండియా డ్యాన్స్ లిటిల్ మాస్టర్స్ షోలో కనిపించింది. ఆ తర్వాత ఆమె 'డ్యాన్స్ కే సూపర్‌స్టార్స్'లో పాల్గొంది. ఆ తర్వాత 2012లో 'మేరీ మా' టీవీ షోతో తన నటనా జీవితాన్ని ప్రారంభించింది. ఝలక్ దిఖ్లా జా (2012), మసావిత్రిక్, ఏక్ ముత్తి ఆస్మాన్ లాంటి సీరియల్స్‌లో నటించింది. ఆ తర్వాత 'మర్దానీ' మూవీతో బిగ్ స్క్రీన్‌లోకి అడుగుపెట్టింది. 2023లో కంగనా రనౌత్ నిర్మించిన టికు వెడ్స్ షేరు చిత్రంలో నవాజుద్దీన్ సిద్ధిఖీ సరసన రొమాంటిక్ పాత్రలో కనిపించింది. కౌర్ చివరిసారిగా 2024లో వచ్చిన 'పార్టీ టిల్ ఐ డై'అనే మర్డర్ మిస్టరీలో నటించింది. View this post on Instagram A post shared by Avneet Kaur (@avneetkaur_13)

క్రికెట్‌ చరిత్రలోనే అత్యుత్తమమైన క్యాచ్‌ నమోదైంది. న్యూజిలాండ్‌తో జరుగుతున్న ఛాంపియన్స్‌ ట్రోఫీ-2025 ఫైనల్లో గ్లెన్‌ ఫిలిప్స్‌ ఈ క్యాచ్‌ను అందుకున్నాడు. మిచెల్‌ సాంట్నర్‌ బౌలింగ్‌లో శుభ్‌మన్‌ గిల్‌ ఆడిన షాట్‌ను (కవర్స్‌ దిశగా) ఫిలిప్స్‌ అమాంతం గాల్లోకి ఎగిరి పట్టేసుకున్నాడు. ఈ క్యాచ్‌ను ఫిలిప్స్‌ సైతం నమ్మలేకపోయాడు. క్యాచ్‌ పట్టిన తర్వాత కింద కూర్చుని క్యాచ్‌ పట్టానా అన్నట్లు ఎక్స్‌ప్రెషన్‌ పెట్టాడు. What a magnificent catch by GLENN PHILLIPS 🤯👏👏👏#INDvsNZ #ChampionsTrophyFinal pic.twitter.com/1CxjG3QYiw— INNOCENT EVIL ⁶𓅓 (@raju_innocentev) March 9, 2025ఈ క్యాచ్‌ను చూసి గిల్‌ నోరెళ్లపెట్టాడు. ఈ క్యాచ్‌ తర్వాత దుబాయ్‌ స్టేడియంలో నిశ్శబ్దం ఆవహించింది. అప్పటిదాకా భారత్‌కు సపోర్ట్‌ చేసిన ప్రేక్షకులు ఫిలిప్స్‌ క్యాచ్‌ చూసి షాక్‌లో ఉండిపోయారు. అస్సలు సాధ్యంకాని క్యాచ్‌ను పట్టడంతో అభిమానులు ఫిలిప్స్‌కు జేజేలు పలుకుతున్నారు. ఈ క్యాచ్‌ను సంబంధించిన వీడియో సోషల్‌మీడియాను షేక్‌ చేస్తుంది. ఫిలిప్స్‌ మనిషా లేక పక్షా అని నెటిజన్లు చర్చించుకుంటున్నారు. ఫిలిప్స్‌ ఇదే టోర్నీలో విరాట్‌ కోహ్లి క్యాచ్‌ను (గ్రూప్‌ దశ మ్యాచ్‌లో) కూడా ఇలాగే నమ్మశక్యంకాని రీతిలో పట్టుకున్నాడు. ఆ క్యాచ్‌ను ఇది తలదన్నేలా ఉంది. క్యాచెస్‌ విన్‌ మ్యాచెస్‌ అన్న నానుడుని ఫిలిప్స్‌ నిజం చేస్తాడేమో చూడాలి.ఫిలిప్స్‌​ పట్టుకున్న క్యాచ్‌ ఆషామాషీ వ్యక్తిది కాదు. గిల్‌ మ్యాచ్‌ ఫలితాన్ని డిసైడ్‌ చేసే సత్తా ఉన్న ఆటగాడు. అదీ కాక భారత్‌ అప్పటిదాకా బాగా స్కోర్‌ చేసి విజయం దిశగా దూసుకుపోతుండుంది. ఫిలిప్స్‌ క్యాచ్‌తో భారత్‌ డిఫెన్స్‌లో పడింది. పుండుపై కారం చల్లినట్లు గిల్‌ (31) ఔటైన పరుగు వ్యవధిలోనే భారత్‌ అత్యంత కీలకమైన విరాట్‌ కోహ్లి (1) వికెట్‌ కూడా కోల్పోయింది. మరో 17 పరుగుల తర్వాత క్రీజ్‌లో కుదురుకుపోయిన రోహిత్‌ శర్మ (76) కూడా ఔటయ్యాడు. దీంతో భారత్‌ ఒక్కసారిగా కష్టాల్లో కూరుకుపోయినట్లైంది. శ్రేయస్‌ అయ్యర్‌ (35), అక్షర్‌ పటేల్‌ (13) భారత ఇన్నింగ్స్‌ను చక్కద్దిద్దే ప్రయత్నం చేస్తున్నారు. 35 ఓవర్ల తర్వాత భారత్‌ స్కోర్‌ 161/3గా ఉంది. ఈ మ్యాచ్‌లో భారత్‌ గెలవాలంటే 90 బంతుల్లో 91 పరుగులు చేయాలి. చేతిలో మరో 7 వికెట్లు ఉన్నాయి.అంతకుముందు టాస్‌ గెలిచి తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. స్పిన్‌కు అనుకూలిస్తున్న పిచ్‌పై డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అద్భుతమైన అర్ద సెంచరీలు చేసి న్యూజిలాండ్‌కు గౌరవప్రదమైన స్కోర్‌ అందించారు. న్యూజిలాండ్‌ ఇన్నింగ్స్‌లో విల్‌ యంగ్‌ 15, రచిన్‌ రవీంద్ర 37, కేన్‌ విలియమ్సన్‌ 11, టామ్‌ లాథమ్‌ 14, గ్లెన్‌ ఫిలిప్స్‌ 34, మిచెల్‌ సాంట్నర్‌ 8 పరుగులు చేసి ఔటయ్యారు. భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో రెండు.. షమీ, జడేజా చెరో వికెట్‌ పడగొట్టారు. భారత బౌలర్లలో షమీ, హార్దిక్‌ ధారాళంగా పరుగులు సమర్పించుకున్నారు. ఈ మ్యాచ్‌లో భారత స్పిన్నర్లు అద్భుతంగా బౌలింగ్‌ చేసినా న్యూజిలాండ్‌ మంచి స్కోర్‌ చేసింది.

భార‌త క్రికెట్ బోర్డు(బీసీసీఐ) 2025-26 ఏడాదికి గాను ఆటగాళ్ల సెంట్రల్ కాంట్రాక్ట్ జాబితాను ప్ర‌క‌టించేందుకు సిద్ద‌మైంది. ఐసీసీ ఛాంపియ‌న్స్ ట్రోఫీ ఫైనల్ ముగిసిన తర్వాత ఈ లిస్ట్‌ను రిలీజ్ చేయనున్నట్లు తెలుస్తోంది. గతేడాది సెంట్రల్ కాంట్రాక్ట్‌ను కోల్పోయిన మిడిలార్డర్ బ్యాటర్ శ్రేయస్ అయ్యర్‌కు ప్రమోషన్ దక్కనున్నట్లు సమాచారం.అతని సెంట్రల్ కాంట్రాక్ట్‌ను పునరుద్దరించేందుకు బీసీసీఐ సిద్దమైనట్లు వార్తలు వినిపిస్తున్నాయి. దేశీవాళీ క్రికెట్‌లో ఆడాలన్న తమ ఆదేశాలను ధిక్కరించడంతో బీసీసీఐ అయ్యర్‌పై వేటు వేసింది. ఆ తర్వాత తన నిర్ణయాన్ని మార్చుకుని రంజీల్లో ఆడిన శ్రేయస్ తిరిగి జాతీయ జట్టులోకి వచ్చాడు.జట్టులోకి రీఎంట్రీ ఇచ్చిన అయ్యర్‌.. తన అద్బుతప్రదర్శనతో అందరిని ఆకట్టుకుంటున్నాడు. ప్రస్తుతం జరుగుతున్న ఛాంపియన్స్ ట్రోఫీలోనూ శ్రేయస్ దుమ్ములేపుతున్నాడు. ఈ క్రమంలోనే అతడికి తిరిగి మళ్లీ కాంట్రాక్ట్ ఇవ్వాలని బీసీసీఐ నిర్ణయించుకుంది.గిల్‌కు ప్రమోషన్‌.. కోహ్లి, రోహిత్‌కు డిమోషన్‌మరోవైపు అద్బుతమైన ఫామ్‌లో ఉన్న టీమిండియా వైస్ కెప్టెన్ శుబ్‌మన్ గిల్‌(Shubman Gill)కు సైతం ప్రమోషన్ ఇవ్వాలని బీసీసీఐ భావిస్తున్నట్లు వార్తలు వినిపిస్తున్నాయి. గిల్ ప్రస్తుతం బీసీసీఐ వార్షిక కాంట్రాక్ట్‌ల్లో ఏ కేటగిరిలో ఉన్నాడు. ఇప్పుడు అతడిని టాప్ గ్రేడ్‌(ఏ ప్లస్‌)కు ప్రమోట్ చేయాలని బీసీసీఐ పెద్దలు నిర్ణయించుకున్నారంట. కాగా ప్రస్తుతం ఏ ప్లస్ కేటగిరిలో విరాట్ కోహ్లి, రోహిత్ శర్మ, రవీంద్ర జడేజా, జస్‌ప్రీత్ బుమ్రా‌లు మాత్రమే ఉన్నారు. అయితే అంతర్జాతీయ టీ20లకు విడ్కోలు పలికిన కోహ్లి, రోహిత్ శర్మ, జడేజా కాంట్రాక్‌లు మారనున్నట్లు బీసీసీఐ వర్గాలు వెల్లడించాయి. ఈ సీనియర్ త్రయాన్ని ఏ ప్లస్ నుంచి ఏ గ్రేడ్‌కు డిమోట్ చేసే అవకాశముంది. వీరిస్ధానాల్లో గిల్‌తో పాటు వికెట్ ​కీపర్ బ్యాటర్ కేఎల్ రాహుల్ ఏ ప్లస్ కేటగిరిలో చోటు దక్కే సూచనలు కన్పిస్తున్నాయి.కేటగిరి వారీగా ఆటగాళ్లకు ద‌క్కే మొత్తం ఎంతంటే?ఏ ప్లస్‌ కేటగిరిలో ఉన్న ఆటగాళ్లకు వార్షిక వేతనం కింద యేటా రూ. 7 కోట్లు దక్కనున్నాయి. ‘ఏ’ కేటగిరీలోని క్రికెటర్లకు రూ. 5 కోట్లు..‘బి’ కేటగిరిలో ఉన్న వారికి రూ. 3 కోట్లు.. ‘సి’ కేటగిరిలో ఉన్న క్రికెటర్లకు కోటి రూపాయల వార్షిక వేతనం లభించనుంది.కివీస్‌తో ఫైనల్‌ పోరు..ఇక ఈ ఛాంపియన్స్‌ ట్రోఫీలో భాగంగా ఆదివారం దుబాయ్‌​ వేదికగా జరగనున్న ఫైనల్‌ పోరులో న్యూజిలాండ్‌తో భారత్‌ తలపడనుంది. ఈ మ్యాచ్‌లో ఎలాగైనా గెలిచి మూడోసారి ఛాంపియన్స్‌ ట్రోఫీ టైటిల్‌ను సొంతం చేసుకోవాలని టీమిండియా భావిస్తోంది. మరోవైపు కివీస్‌ కూడా భారత్‌ను ఓడించి రెండోసారి ఈ మెగా టోర్నీ టైటిల్‌ను ముద్దాడాలని పట్టుదలతో ఉంది.చదవండి: CT 2025: భార‌త్-న్యూజిలాండ్ ఫైన‌ల్ పోరు.. బ్యాట‌ర్ల‌కు చుక్క‌లే! ఎందుకంటే?

ఫిబ్రవరి నెల ప్లేయర్‌ ఆఫ్‌ ద మంత్‌ నామినీల వివరాలను ఐసీసీ ఇవాళ (మార్చి 7) ప్రకటించింది. పురుషుల విభాగంలో టీమిండియా యువ ఆటగాడు శుభ​్‌మన్‌ గిల్‌, న్యూజిలాండ్‌ ఆల్‌రౌండర్‌ గ్లెన్‌ ఫిలిప్స్‌, ఆస్ట్రేలియా స్టార్‌ ప్లేయర్‌ స్టీవ్‌ స్మిత్‌ నామినేట్‌ అయ్యారు. మహిళల విభాగంలో అలానా కింగ్‌ (ఆస్ట్రేలియా లెగ్‌ స్పిన్నర్‌), అన్నాబెల్‌ సదర్‌ల్యాండ​్ (ఆసీస్‌ బ్యాటర్‌)‌, తిసాట్చా పుత్తవోంగ్‌ (థాయ్‌ల్యాండ్‌ బౌలర్‌) నామినీస్‌గా నిలిచారు. ఫిబ్రవరిలో ఆయా ఫార్మాట్లలో అత్యుత్తమ ప్రదర్శనలు కనబర్చిన వారిని ఐసీసీ నామినీస్‌గా ఎంపిక చేసింది. ఓటింగ్‌ ఆధారంగా ప్లేయర్‌ ఆఫ్‌ ద మంత్‌ విజేతలను ప్రకటిస్తారు.శుభ్‌మన్‌ గిల్‌: ఫిబ్రవరి నెలలో గిల్‌ ఆకాశమే హద్దుగా చెలరేగాడు. ఈ నెలలో అతను 100కుపైగా సగటుతో 406 పరుగులు చేశాడు. ఇంగ్లండ్‌తో జరిగిన మూడు వన్డేల సిరీస్‌లో గిల్‌ వరుసగా 87, 60, 112 పరుగులు చేశాడు. అనంతరం ఛాంపియన్స్‌ ట్రోఫీలో బంగ్లాదేశ్‌పై మరో సెంచరీ బాదాడు. ఇదే నెలలో గిల్‌ ఐసీసీ వన్డే ర్యాంకింగ్స్‌లో నంబర్‌ వన్‌ స్థానానికి ఎగబాకాడు.గ్లెన్‌ ఫిలిప్స్‌: ఫిబ్రవరి నెలలో ఫిలిప్స్‌ అద్భుత ప్రదర్శనలు చేశాడు. ఛాంపియన్స్‌ ట్రోఫీకి ముందు పాకిస్తాన్‌లో జరిగిన వన్డే సిరీస్‌లో కీలక ఇన్నింగ్స్‌లు ఆడాడు. ఈ సిరీస్‌లో ఫిలిప్స్‌ వరుసగా 28 నాటౌట్‌, 20 నాటౌట్‌, 106 (74 బంతుల్లో 7 సిక్సర్లు) స్కోర్లు చేశాడు. ఛాంపియన్స్‌ ట్రోఫీలో పాకిస్తాన్‌తో జరిగిన మ్యాచ్‌లోనూ ఫిలిప్స్‌ విజృంభించాడు. ఈ మ్యాచ్‌లో ఫిలిప్స్‌ మెరుపు అర్ద సెంచరీ (39 బంతుల్లో 61) సాధించాడు. ఇదే మ్యాచ్‌లో ఫిలిప్స్‌ పాక్‌ కెప్టెన్‌ మహ్మద్‌ రిజ్వాన్‌ క్యాచ్‌ను నమ్మశక్యంకాని రీతిలో అందుకున్నాడు.స్టీవ్‌ స్మిత్‌: ఫిబ్రవరి నెలలో స్మిత్‌ టెస్ట్‌ల్లో అద్భుతంగా రాణించాడు. ఈ నెలలో శ్రీలంకతో జరిగిన రెండు టెస్ట్‌ల్లో స్మిత్‌ రెండు సెంచరీలు బాదాడు. ఫలితంగా ఈ సిరీస్‌లో స్మిత్‌ ప్లేయర్‌ ఆఫ్‌ ద సిరీస్‌ అవార్డు గెలుచుకున్నాడు. ఈ ప్రదర్శనలతో స్మిత్‌ ఐసీసీ టెస్ట్‌ ర్యాంకింగ్స్‌లో టాప్‌-5లోకి చేరుకున్నాడు.

ఐసీసీ చాంపియన్స్‌ ట్రోఫీ-2025 (ICC Champions Trophy)ఫైనల్‌లో టీమిండియా- న్యూజిలాండ్‌(India vs New Zealand) అమీతుమీ తేల్చుకోనున్నాయి. పాతికేళ్ల తర్వాత మరోసారి ఈ రెండు జట్లు ఈ మెగా వన్డే టోర్నీ టైటిల్‌ పోరులో తలపడనుండటంతో సర్వత్రా ఆసక్తి నెలకొంది. నాడు కివీస్‌ టీమిండియాపై పైచేయి సాధించి ఐసీసీ నాకౌట్‌ ట్రోఫీ గెలవగా.. ప్రస్తుత పరిస్థితుల్లో మాత్రం అన్ని విభాగాల్లోనూ భారత్‌ పటిష్టంగా కనిపిస్తోంది.ఈ నేపథ్యంలో ఈసారి ఫైనల్‌ మామూలుగా ఉండబోదని ఇరుజట్ల అభిమానులు ఈ రసవత్తర పోరు కోసం ఎదురుచూస్తున్నారు. దుబాయ్‌ వేదికగా ఆదివారం భారత్‌- కివీస్‌ తలపడబోతున్నాయి. ఈ నేపథ్యంలో భారత మాజీ క్రికెటర్‌ ఆకాశ్‌ చోప్రా(Aakash Chopra) ఆసక్తికర వ్యాఖ్యలు చేశాడు. ‘ఎక్స్‌’ ఫ్యాక్టర్‌ అతడేటైటిల్‌ సమరంలో టీమిండియా తరఫున మిడిలార్డర్‌ శ్రేయస్‌ అయ్యర్‌ ‘ఎక్స్‌’ ఫ్యాక్టర్‌ అవుతాడని అంచనా వేసిన ఈ మాజీ ఓపెనర్‌.. శుబ్‌మన్‌ గిల్‌ కూడా కీలకం కాబోతున్నాడని పేర్కొన్నాడు. ఏదేమైనా ఈసారి కివీస్‌ బౌలర్లు ప్రధానంగా శ్రేయస్‌ అయ్యర్‌నే టార్గెట్‌ చేస్తారని ఆకాశ్‌ చోప్రా అభిప్రాయపడ్డాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘న్యూజిలాండ్‌పై వన్డేల్లో శ్రేయస్‌ అయ్యర్‌ ఒక్కసారి మాత్రమే 30 కంటే తక్కువ పరుగులు చేశాడనుకుంటా. అదొక్కటి మినహా ప్రతిసారీ అతడు కివీస్‌పై బాగానే రన్స్‌ రాబట్టాడు. కాబట్టి ఈసారి అతడినే ఎక్కువగా టార్గెట్‌ చేస్తారనిపిస్తోంది.మిడిల్‌ ఓవర్లలో వాళ్లు బాగా బౌలింగ్‌ చేస్తున్నారు. మిచెల్‌ సాంట్నర్‌, బ్రాస్‌వెల్‌ లేదంటే రచిన్‌ రవీంద్ర, గ్లెన్‌ ఫిలిప్స్‌.. ఈ నలుగురే ఎక్కువగా బరిలోకి దిగవచ్చు. ఎందుకంటే శ్రేయస్‌ అయ్యర్‌ స్పిన్‌ బాగా ఆడతాడు కదా! అందుకే అతడిని త్వరగా పెవిలియన్‌కు పంపేందుకు ఈ స్పిన్‌ బౌలర్లు ప్రయత్ని​స్తారు. అతడిపైనే దృష్టి పెడతారు’’ అని ఆకాశ్‌ చోప్రా అభిప్రాయపడ్డాడు.కివీస్‌తో ఆటంటే శ్రేయస్‌కు మజాకాగా న్యూజిలాండ్‌తో వన్డేల్లో ఇప్పటి వరకు ఎనిమిది ఇన్నింగ్స్‌ ఆడిన శ్రేయస్‌ అయ్యర్‌.. సగటున 70.38తో 563 పరుగులు సాధించాడు. ఇందులో రెండు శతకాలు, నాలుగు హాఫ్‌ సెంచరీలు ఉండటం విశేషం. ఇక కివీస్‌పై శ్రేయస్‌ అత్యల్ప స్కోరు 33. ఈ నేపథ్యంలో ఆకాశ్‌ చోప్రా పైవిధంగా స్పందించాడు.ఇక ఓపెనింగ్‌ బ్యాటర్‌ శుబ్‌మన్‌ గిల్‌ గురించి ప్రస్తావిస్తూ.. ‘‘బంగ్లాదేశ్‌పై సెంచరీ చేయడం ద్వారా ఈ ఐసీసీ టోర్నీలో గిల్‌ బిగ్‌బ్యాంగ్‌తో ముందుకు వచ్చాడు. పాకిస్తాన్‌పై కూడా మెరుగ్గా ఆడాడు. అయితే, ఆ తర్వాత అతడు కాస్త వెనుకబడ్డాడు. ఫైనల్లో బ్యాట్‌ ఝులిపిస్తేనే జట్టుకు, అతడికి ప్రయోజనకరంగా ఉంటుంది. మరో విరాట్‌ కావాలంటే గిల్‌ ఫైనల్లో తన ముద్రను వేయాలి. శ్రేయస్‌ అయ్యర్‌, శుబ్‌మన్‌ గిల్‌ గనుక రాణిస్తే చాంపియన్స్‌ ట్రోఫీ మనదే అని రాసిపెట్టుకోవచ్చు’’ అని ఆకాశ్‌ చోప్రా పేర్కొన్నాడు. డబుల్‌ సెంచరీ వీరుడుకాగా కివీస్‌పై గిల్‌కు కూడా గొప్ప రికార్డు ఉంది. ఇప్పటి వరకు కివీస్‌పై పదకొండు ఇన్నింగ్స్‌లో అతడు 592 పరుగులు సాధించాడు. ఇందులో రెండు సెంచరీలు ఉండగా.. హైదరాబాద్‌లో 2023లో డబుల్‌ సెంచరీ(208) కూడా కివీస్‌పైనే సాధించాడు. చదవండి: కెప్టెన్సీకి రోహిత్‌ శర్మ గుడ్‌బై? ఆటగాడిగా కొనసాగింపు? బీసీసీఐ నిర్ణయం?

ఐసీసీ చాంపియన్స్‌ ట్రోఫీ-2025(ICC Champions Trophy)లో భారత జట్టు అజేయంగా ఫైనల్‌కు చేరుకుంది. ఆస్ట్రేలియా(India vs Australia)తో మంగళవారం నాటి సెమీస్‌లో సమిష్టి ప్రదర్శనతో అదరగొట్టి.. టైటిల్‌ పోరుకు అర్హత సాధించింది. అయితే, ఈ మ్యాచ్‌కు ముందు భారత మాజీ క్రికెటర్లలో అత్యధిక మంది టీమిండియాకు చేసిన ప్రధాన సూచన.. ఆసీస్‌ విధ్వంసకర వీరుడు ట్రవిస్‌ హెడ్‌ను వీలైనంత త్వరగా అవుట్‌ చేయాలనే!!...ఎందుకంటే.. రోహిత్‌ సేన సొంతగడ్డపై వన్డే వరల్డ్‌కప్‌-2023(ODI World Cup) గెలవకుండా అడ్డుపడి.. ఆస్ట్రేలియాను ఒంటిచేత్తో గెలిపించిన ఘనత అతడి సొంతం. అందుకే ‘తలనొప్పి’ తెచ్చిపెట్టే ఈ బ్యాటర్‌పైనే ముందుగా దృష్టి సారించాలని సంజయ్‌ మంజ్రేకర్‌, హర్భజన్‌ సింగ్‌, దినేశ్‌ కార్తిక్‌ తదితరులు భారత బౌలర్లకు సూచించారు. అందుకు తగ్గట్లుగానే మంగళవారం హెడ్‌ను టీమిండియా తక్కువ స్కోరుకే పెవిలియన్‌కు పంపించింది.టీమిండియా మిస్టరీ స్పిన్నర్‌ వరుణ్‌ చక్రవర్తి బౌలింగ్‌లో శుబ్‌మన్‌ గిల్‌కు క్యాచ్‌ ఇచ్చి హెడ్‌ అవుటయ్యాడు. మొత్తంగా 33 బంతులు ఎదుర్కొని ఐదు ఫోర్లు, రెండు సిక్సర్ల సాయంతో 39 పరుగులు చేసి నిష్క్రమించాడు. ‘అతి’ ఆనందంఅయితే, హెడ్‌ ఇచ్చిన క్యాచ్‌ పట్టిన తర్వాత గిల్‌ చేసిన తప్పిదం టీమిండియా కొంపముంచేది. హెడ్‌ క్యాచ్‌ పట్టినప్పుడు శుబ్‌మన్‌ గిల్‌ ప్రదర్శించిన ‘అతి’ ఆనందం అంపైర్‌ నుంచి హెచ్చరికకు గురయ్యేలా చేసింది. క్యాచ్‌ అందుకోగానే కొద్ది సేపయినా తన చేతిలో ఉంచకుండా గిల్‌ బంతిని గాల్లోకి విసిరేశాడు.నిజానికి క్యాచ్‌ పట్టడంలో అతడు ఎక్కడా తడబడలేదు. అయితే బాల్‌ను ఎంతసేపు చేతిలో ఉంచుకోవాలనే విషయంలో నిబంధనలు సరిగ్గా లేకపోయినా... కనీసం 2–3 సెకన్ల పాటు ఫీల్డర్‌ బంతిని తన నియంత్రణలో ఉంచుకోవాలి.క్లీన్‌’గా ఉన్నా.. వార్నింగ్‌ ఎందుకు?ఇదే విషయాన్ని అంపైర్‌ ఇల్లింగ్‌వర్త్‌ ప్రత్యేకంగా గిల్‌కు వివరించాడు. ఇలాంటి సందర్భాల్లో అవుట్‌/నాటౌట్‌ ఇచ్చే విషయంలో అంపైర్‌కు విచక్షణాధికారం ఉంటుంది. ఒకవేళ ఇల్లింగ్‌వర్త్‌ గనుక గిల్‌ వెనువెంటనే బంతిని విసిరేయడాన్ని సీరియస్‌గా తీసుకుని నాటౌట్‌ ఇచ్చి ఉంటే పరిస్థితి వేరేలా ఉండేది. ఒక్కసారి లైఫ్‌ లభిస్తే హెడ్‌ను ఆపటం అంత తేలికేమీ కాదు. అందుకే గిల్‌ చర్య విమర్శలకు దారి తీసింది.ఇదిలా ఉంటే.. ఓపెనర్‌ హెడ్‌ అవుటైన తర్వాత కెప్టెన్‌ , వన్‌డౌన్‌ బ్యాటర్‌ స్టీవ్‌ స్మిత్‌ ఇన్నింగ్స్‌ చక్కదిద్దే బాధ్యతను తీసుకున్నాడు. మార్నస్‌ లబుషేన్‌(29) మరో ఎండ్‌ నుంచి సహకారం అందించగా అర్ధ శతకం పూర్తి చేసుకున్నాడు.నిజానికి అక్షర్‌ పటేల్‌ వేసిన ఇన్నింగ్స్‌ 14వ ఓవర్లో అనూహ్యం చోటు చేసుకుంది. స్మిత్‌ డ్రైవ్‌ చేయగా బంతి అతడి ప్యాడ్‌ల మీదుగా స్టంప్స్‌ను తాకింది. అయితే బెయిల్స్‌ పడకపోవడంతో స్మిత్‌ బతికిపోయాడు. ఆపే ప్రయత్నం చేస్తే తన కాలితోనే స్టంప్స్‌ పడిపోతాయని భావనతో కావచ్చు స్మిత్‌ అలా కూడా చేయలేదు. ఆ సమయంలో అతని స్కోరు 23 పరుగులు. అతని స్కోరు 36 వద్ద ఉన్నప్పుడు షమీ బౌలింగ్‌లో బలంగా షాట్‌ కొట్టగా... తన ఎడమ చేత్తో క్యాచ్‌ పట్టే ప్రయత్నం చేసిన షమీ విఫలమయ్యాడు. అయితే ఇది చాలా కఠినమైన క్యాచ్‌. ఏదేమైనా స్మిత్‌ 73 పరుగుల చేసి షమీ బౌలింగ్‌లో బౌల్డ్‌ కాగా.. అలెక్స్‌ క్యారీ అర్ధ శతకం(61) కారణంగా ఆసీస్‌ 264 పరుగులు చేయగలిగింది.వరల్డ్‌ చాంపియన్స్‌ను నాలుగు వికెట్ల తేడాతో ఓడించిఅయితే, లక్ష్య ఛేదనలో దూకుడుగా ఆరంభించిన టీమిండియా ఆ తర్వాత తడబడ్డప్పటికీ విరాట్‌ కోహ్లి(98 బంతుల్లో 84) అద్భుతం చేశాడు. అతడికి తోడుగా శ్రేయస్‌ అయ్యర్‌(45), వికెట్‌ కీపర్‌ కేఎల్‌ రాహుల్‌(34 బంతుల్లో 42) రాణించారు. గ్లెన్‌ మాక్స్‌వెల్‌ బౌలింగ్‌లో రాహుల్‌ కొట్టిన సిక్సర్‌తో టీమిండియా విజయం ఖరారైంది. ఫలితంగా వరల్డ్‌ చాంపియన్స్‌ను నాలుగు వికెట్ల తేడాతో ఓడించి రోహిత్‌ సేన ఫైనల్‌కూ దూసుకెళ్లింది.చదవండి: #Steve Smith: భార‌త్ చేతిలో ఓట‌మి.. స్టీవ్ స్మిత్ సంచ‌ల‌న నిర్ణ‌యం

చాంపియన్స్‌ ట్రోఫీ-2025(ICC Champions Trophy)లో టీమిండియా ఆఖరి లీగ్‌ మ్యాచ్‌కు సన్నద్ధమవుతోంది. ఈ ఐసీసీ వన్డే టోర్నమెంట్లో ఇప్పటికే సెమీ ఫైనల్‌ చేరుకున్న రోహిత్‌ సేన.. న్యూజిలాండ్‌తో ఆదివారం నామమాత్రపు మ్యాచ్‌ ఆడనుంది. అయితే, ఈ మ్యాచ్‌కు కెప్టెన్‌ రోహిత్‌ శర్మ(Rohit Sharma) దూరం కానున్నట్లు వార్తలు వినిపిస్తున్నాయి.రోహిత్‌కు రెస్ట్‌ ఇవ్వడమే మంచిదిపాకిస్తాన్‌తో మ్యాచ్‌ సందర్భంగా హిట్‌మ్యాన్‌ పిక్కల నొప్పితో బాధపడిన విషయం తెలిసిందే. ఈ క్రమంలో మైదానం వీడి కాసేపు విశ్రాంతి తీసుకున్న తర్వాత మళ్లీ ఫీల్డింగ్‌కు వచ్చాడు. అయితే, నొప్పి ఇంకా పూర్తిగా తగ్గలేదని తెలుస్తోంది. దుబాయ్‌లో జరిగిన ప్రాక్టీస్‌ సెషన్‌లోనూ అతడు బ్యాటింగ్‌ చేయలేకపోయాడు. దీంతో కివీస్‌తో మ్యాచ్‌కు దూరంగా ఉండాలని రోహిత్‌ శర్మ నిర్ణయించుకున్నట్లు తెలుస్తోంది.సెమీస్‌ మ్యాచ్‌ మార్చి 4, 5 తేదీల్లోనే జరుగనున్న తరుణంలో రోహిత్‌కు విశ్రాంతిన్విడమే మంచిదని యాజమాన్యం కూడా భావిస్తున్నట్లు ఇండియన్‌ ఎక్స్‌ప్రెస్‌ కథనం పేర్కొంది. ఈ నేపథ్యంలో వైస్‌ కెప్టెన్‌ శుబ్‌మన్‌ గిల్‌(Shubman Gill) తాత్కాలిక సారథిగా బాధ్యతలు చేపట్టే అవకాశం ఉంది. గిల్‌తో పాటు ఓపెనర్‌గా రాహుల్‌అయితే, గిల్‌ జ్వరంతో బాధపడుతున్నాడని వార్తలు రాగా.. ఆప్షనల్‌ నెట్‌ సెషన్‌లో అతడు గంటలపాటు బ్యాటింగ్‌ ప్రాక్టీస్‌ చేయడంతో వాటికి చెక్‌ పడింది.ఇదిలా ఉంటే.. రోహిత్‌ శర్మ గనుక దూరమైతే గిల్‌కు ఓపెనింగ్‌ జోడీగా కేఎల్‌ రాహుల్‌ వచ్చే అవకాశం ఉంది. అదే జరిగితే మరో వికెట్‌ కీపర్‌ బ్యాటర్‌ రిషభ్‌ పంత్‌కు తుదిజట్టులో చోటు దక్కే అవకాశం ఉంది. ఇక గ్రూప్‌-‘ఎ’ నుంచి కివీస్‌ కూడా భారత్‌తో పాటు సెమీస్‌ చేరిన విషయం తెలిసిందే. ఈ నేపథ్యంలో మార్చి 2 నాటి మ్యాచ్‌లో గెలిచి రెట్టించిన ఆత్మవిశ్వాసంతో సెమీ ఫైనల్‌ బరిలో దిగాలని ఇరుజట్లు భావిస్తున్నాయి. అంతేకాదు.. ఈ మ్యాచ్‌లో గెలుపు ఆధారంగానే గ్రూప్‌-‘ఎ’ విజేతతో పాటు సెమీస్‌ ప్రత్యర్థి ఎవరన్నది తేలనుంది.కాగా ఫిబ్రవరి 19న పాకిస్తాన్‌ వేదికగా చాంపియన్స్‌ ట్రోఫీ-2025 మొదలైంది. గ్రూప్‌-‘ఎ’ నుంచి భారత్‌, న్యూజిలాండ్‌, బంగ్లాదేశ్‌, పాకిస్తాన్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ బరిలో నిలిచాయి. అయితే, గ్రూప్‌-‘ఎ’లో వరుసగా రెండు మ్యాచ్‌లో ఓడటంతో పాటు.. తమ మధ్య ఆఖరి మ్యాచ్‌ వర్షం వల్ల రద్దు కావడంతో పాక్‌- బంగ్లా కనీసం ఒక్క విజయం లేకుండానే నిష్క్రమించాయి. ఇక గ్రూప్‌-బి నుంచి ఇంగ్లండ్‌ ఇంటిబాటపట్టింది. ఇక ఈ టోర్నీలో టీమిండియా తమ మ్యాచ్‌లు అన్నీ దుబాయ్‌లో ఆడుతోంది.చదవండి: అఫ్గన్‌ చేతిలో ఓటమి.. బట్లర్‌ సంచలన నిర్ణయం?!

అందివచ్చిన ప్రతి అవకాశాన్ని సద్వినియోగం చేసుకుంటూ ఒక్కో మెట్టు అధిరోహిస్తున్న 25 ఏళ్ల శుభ్‌మన్‌ గిల్‌(Shubman Gill) ప్రస్తుతం వన్డే ఫార్మాట్‌లో వరల్డ్‌ నంబర్‌వన్‌ ర్యాంకర్‌గా కొనసాగుతున్నాడు. అంతేకాకుండా ప్రతిష్టాత్మక ఐసీసీ చాంపియన్స్‌ ట్రోఫీ(ICC Champions Trophy)లో భారత జట్టుకు వైస్‌ కెప్టెన్‌గా ఎంపికైన అతడు బ్యాటర్‌గానూ ఇరగదీస్తున్నాడు. అంతా కలిసొస్తే భవిష్యత్‌లో భారత భావి కెప్టెన్‌గా గిల్‌ను చూడవచ్చు.... పంజాబ్‌ యువ ఓపెనర్‌ స్థాయి నుంచి అంచెలంచెలుగా ఎదిగిన గిల్‌ ప్రస్థానం వర్దమాన ఆటగాళ్లకు ఆదర్శం.బ్యాట్‌ పట్టగానే ఆ కుర్రాడు తన పరుగుల వేట ఎలా ఉంటుందో ప్రపంచానికి చూపెట్టాడు. అంతర్‌ జిల్లా అండర్‌–16 క్రికెట్‌ టోర్నీ మ్యాచ్‌లో 351 పరుగులు చేసి ప్రకంపనలు రేపాడు. అదే ఊపులో విజయ్‌ మర్చంట్‌ ట్రోఫీ అరంగేట్రంలోనే అజేయ డబుల్‌ సెంచరీతో చెలరేగాడు. అండర్‌–19 జాతీయ జట్టుకు సులువుగానే ఎంపికయ్యాడు. అప్పటికే ఓపెనర్‌గా రాటుదేలిన ఆ కుర్రాడు 2018లో జరిగిన అండర్‌–19 ప్రపంచకప్‌ టోర్నీలో విశ్వరూపం ప్రదర్శించాడు.న్యూజిలాండ్‌ వేదికగా జరిగిన ఆ టోర్నీలో 372 పరుగులు చేసి టాప్‌ స్కోరర్‌గా నిలవడంతో పాటు ’ప్లేయర్‌ ఆఫ్‌ ద సిరీస్‌’ అవార్డు దక్కించుకొని యువభారత జట్టు ట్రోఫీ చేజిక్కించుకోవడంలో కీలక పాత్ర పోషించాడు. తదనంతరం అండర్‌–19 ప్రదర్శనతో అనతి కాలంలోనే జాతీయ సీనియర్‌ జట్టుకు ఎంపికయ్యాడు. మనం చెప్పుకున్న ఈ విశేషాలన్నీ పంజాబ్‌ యువ క్రికెటర్‌ శుభ్‌మన్‌ గిల్‌ గురించే. సీనియర్‌ ప్లేయర్లు ఉన్న జట్టుకు వైస్‌ కెప్టెన్‌విరాట్‌ కోహ్లి, శ్రేయస్‌ అయ్యర్, అక్షర్‌ పటేల్, కేఎల్‌ రాహుల్, హార్దిక్‌ పాండ్యా, రవీంద్ర జడేజా, షమీ వంటి సీనియర్‌ ప్లేయర్లు ఉన్న జట్టుకు గిల్‌ వైస్‌ కెప్టెన్‌గా ఎంపికయ్యాడంటే అతడి ప్రతిభ ఏ పాటిదో అర్థం చేసుకోవచ్చు. మూడు ఫార్మాట్లలోనూ జట్టులో కీలక ఆటగాడిగా ఎదిగిన గిల్‌ ముఖ్యంగా వన్డేల్లో తన అసాధారణ ఆటతీరుతో ఆకట్టుకుంటున్నాడు.2019లో న్యూజిలాండ్‌పై అంతర్జాతీయ వన్డే అరంగేట్రం చేసిన గిల్‌ ఇప్పటి వరకు 52 మ్యాచ్‌లు ఆడి 62.13 సగటుతో 2734 పరుగులు సాధించాడు. క్రీజులో నిలదొక్కుకుంటే చాలు భారీ ఇన్నింగ్స్‌లు ఆడతాడనే గుర్తింపు తెచ్చుకున్న గిల్‌ ఇప్పటికే ఒక డబుల్‌ సెంచరీ, 8 సెంచరీలు ఖాతాలో వేసుకున్నాడు.మూడు ఫార్మాటల్లో సెంచరీలు చేసిన అతికొద్దిమంది ఆటగాళ్లలో ఒకడైన గిల్‌ ఇటీవల ఇంగ్లండ్‌తో వన్డే సిరీస్‌లో వీరవిహారం చేశాడు. మూడు మ్యాచ్‌లలో ఒక సెంచరీ రెండు హాఫ్‌ సెంచరీలు నమోదు చేసుకొని ఐసీసీ వన్డే బ్యాటింగ్‌ ర్యాంకింగ్స్‌లో తిరిగి అగ్రస్థానం దక్కించుకున్నాడు.అండర్‌–19 స్థాయిలోనే గిల్‌ కంటే మెరుగైన నైపుణ్యం ఉన్న ఆటగాడిగా గుర్తింపు తెచ్చుకోవడంతో పాటు ప్రపంచకప్‌ అందించిన పృథ్వీ షా ఇప్పుడు టీమిండియా సెలక్షన్‌ దరిదాపుల్లో కూడా లేకుండా పోగా ప్రతిభకు క్రమశిక్షణ జోడించిన శుభ్‌మన్‌ గిల్‌ ‘ఎదిగే కొద్దీ ఒదిగి ఉండాలి’ అనే ప్రాథమిక సూత్రాన్ని పాటిస్తున్నాడు. 2023 ఐపీఎల్‌ సీజన్‌ గుజరాత్‌ టైటాన్స్‌ తరఫున 890 పరుగులు చేసి ఆరెంజ్‌ క్యాప్‌ అందుకున్న గిల్‌ ప్రస్తుతం ఆ ఫ్రాంచైజీ సారథిగా కొనసాగుతున్నాడు. – ఇంతియాజ్‌ మొహమ్మద్‌చదవండి: CT 2025 Aus Vs Afg: వరుణుడు కరుణిస్తే...

న్యూజిలాండ్‌(India vs New Zealand)తో వన్డే నేపథ్యంలో భారత తుదిజట్టు కూర్పు గురించి టీమిండియా మాజీ క్రికెటర్‌ ఆకాశ్‌ చోప్రా(Aakash Chopra) ఆసక్తికర వ్యాఖ్యలు చేశాడు. ఓపెనింగ్‌ జోడీ మారవచ్చని.. అదే విధంగా.. కొత్తగా ఇద్దరు ఆటగాళ్లకు జట్టులో దక్కవచ్చని అంచనా వేశాడు. అయితే, తాను మాత్రం ఇలాంటి మార్పులు వద్దనే సూచిస్తానని పేర్కొన్నాడు.సెమీస్‌లో భారత్‌, కివీస్‌ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా భారత్‌.. పాకిస్తాన్‌, న్యూజిలాండ్‌, బంగ్లాదేశ్‌లతో కలిసి గ్రూప్‌-‘ఎ’లో ఉంది. ఈ క్రమంలో లీగ్‌ దశలో భాగంగా తొలుత బంగ్లాదేశ్‌ను ఓడించిన రోహిత్‌ సేన.. అనంతరం చిరకాల ప్రత్యర్థి పాకిస్తాన్‌పై కూడా జయభేరి మోగించింది. మరోవైపు.. న్యూజిలాండ్‌ కూడా ఈ రెండు జట్లపై గెలిచి భారత్‌తో పాటు సెమీస్‌ చేరింది.రోహిత్‌ శర్మ దూరం?ఈ క్రమంలో లీగ్‌ దశలో చివరగా నామమాత్రపు మ్యాచ్‌లో భారత్‌- కివీస్‌ ఆదివారం తలపడనున్నాయి. ఈ మ్యాచ్‌ ఇరుజట్లకు సెమీస్‌కు సన్నాహకంగా మారనుంది. ఇందులో గెలిచి రెట్టించిన ఆత్మవిశ్వాసంతో ముందుకు వెళ్లాలని భారత్‌- న్యూజిలాండ్‌ పట్టుదలగా ఉన్నాయి. ఇదిలా ఉంటే.. పాక్‌తో మ్యాచ్‌ సందర్భంగా పిక్కల్లో నొప్పితో బాధపడిన టీమిండియా కెప్టెన్‌ రోహిత్‌ శర్మ.. పూర్తిస్థాయిలో కోలుకోలేదని సమాచారం.అదే విధంగా.. మరో ఓపెనర్‌ శుబ్‌మన్‌ గిల్‌ కూడా జ్వరంతో బాధపడుతున్నట్లు తెలుస్తోంది. ఈ నేపథ్యంలో మాజీ ఓ‍పెనర్‌ ఆకాశ్‌ చోప్రా మాట్లాడుతూ.. ‘‘న్యూజిలాండ్‌తో మ్యాచ్‌లో టీమిండియా మార్పులు చేయబోతోందా? రోహిత్‌ శర్మ ఇందులో ఆడకపోవచ్చు. మహ్మద్‌ షమీ కూడా విశ్రాంతి తీసుకునే అవకాశం ఉంది.రిషభ్‌ పంత్‌, అర్ష్‌దీప్‌ సింగ్‌లకు అవకాశంకేఎల్‌ రాహుల్‌ ఓపెనర్‌గా రాబోతున్నాడు. రిషభ్‌ పంత్‌, అర్ష్‌దీప్‌ సింగ్‌లకు ఈసారి తుదిజట్టులో చోటు దక్కుతుందనే వార్తలు వస్తున్నాయి. ఇలా జరగొచ్చు. లేదంటే జరగకపోవచ్చు. కానీ నా అభిప్రాయం ప్రకారం భారత్‌ గత రెండు మ్యాచ్‌లలో ఆడిన జట్టుతోనే ముందుకు వెళ్లాలి.గెలుపు మనకు ఓ అలవాటుగా మారినప్పుడు.. అదే జట్టును కొనసాగిస్తే ఇంకా మెరుగైన ఫలితాలు ఉంటాయి. చాంపియన్స్‌ ట్రోఫీలో జడ్డూ గత మ్యాచ్‌లలో పెద్దగా వికెట్లు తీయలేదు. అయినా సరే అతడిని కొనసాగించాల్సిందే. జడ్డూను కాదని వరుణ్‌ చక్రవర్తిని తీసుకువచ్చే ఆలోచన కూడా యాజమాన్యానికి ఉండి ఉండవచ్చు.జడ్డూనే ఆడించాలిలేదా.. కివీస్‌ జట్టులో ఎడమచేతి వాటం ఆటగాళ్లు ఎక్కువ కాబట్టి వాషింగ్టన్‌ సుందర్‌ను ఆడించే యోచనలో ఉండొచ్చు. కానీ జడ్డూనే ఆడించాలని నేను కోరుకుంటాను. ఎందుకంటే.. అతడు తదుపరి సెమీస్‌ మ్యాచ్‌ ఆడాల్సి ఉంది. ఇలాంటి సమయంలో విశ్రాంతి పేరిట పక్కనపెట్టకూడదు’’ అని అభిప్రాయపడ్డాడు.ఒకవేళ తుదిజట్టులో మార్పు చేయాలని భావిస్తే షమీని తప్పించి అర్ష్‌దీప్‌ను ఆడిస్తే ప్రయోజనకరంగానే ఉంటుందని ఆకాశ్‌ చోప్రా ఈ సందర్భంగా పేర్కొన్నాడు. కాగా బంగ్లాదేశ్‌తో మ్యాచ్‌లో తొమ్మిది ఓవర్ల కోటా వేసిన స్పిన్‌ బౌలింగ్‌ ఆల్‌రౌండర్‌ రవీంద్ర జడేజా 37 పరుగులు ఇచ్చి వికెట్‌ తీయలేకపోయాడు. ఇక పాకిస్తాన్‌తో మ్యాచ్‌లో మాత్రం ఏడు ఓవర్లలోనే 40 రన్స్‌ ఇచ్చిన జడ్డూ ఒక వికెట్‌ తీయగలిగాడు. ఇదిలా ఉంటే.. చాంపియన్స్‌ ట్రోఫీ జట్టులో కేఎల్‌ రాహుల్‌తో కలిసి వికెట్‌ కీపర్‌ కోటాలో అవకాశం దక్కించుకున్న రిషభ్‌ పంత్‌కు మాత్రం తుదిజట్టులో ఆడే ఛాన్స్‌ రావడం లేదు. అయితే, కివీస్‌తో మ్యాచ్‌కు రోహిత్‌ దూరంగా ఉంటే మాత్రం.. రాహుల్‌ ఓపెనర్‌గా వస్తే.. పంత్‌కు చోటు దక్కవచ్చు.బంగ్లాదేశ్‌, పాకిస్తాన్‌లతో మ్యాచ్‌లలో ఆడిన భారత జట్టురోహిత్ శర్మ (కెప్టెన్‌), శుబ్‌‌మన్ గిల్, విరాట్ కోహ్లి, శ్రేయస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, హర్షిత్ రాణా, మహ్మద్‌ షమీ, కుల్దీప్ యాదవ్.బెంచ్‌: రిషభ్‌ పంత్‌(వికెట్‌ కీపర్‌), వాషింగ్టన్‌ సుందర్‌, వరుణ్‌ చక్రవర్తి, అర్ష్‌దీప్‌ సింగ్‌.చదవండి: అతడొక అద్భుతం.. క్రెడిట్‌ తనకే.. బాధగా ఉంది: బట్లర్‌

ఐసీసీ ఛాంపియ‌న్స్ ట్రోఫీ-2025లో టీమిండియా త‌మ ఆఖ‌రి లీగ్ మ్యాచ్‌కు స‌న్న‌ద్ద‌మవుతోంది. ఈ టోర్నీలో భాగంగా మార్చి 2న న్యూజిలాండ్‌తో భార‌త్ త‌ల‌ప‌డ‌నుంది. ఇప్ప‌టికే సెమీస్ బెర్త్‌ను ఖారారు చేసుకున్న భార‌త జట్టు.. కివీస్‌పై కూడా గెలిచి గ్రూపు స్టేజిని విజ‌యంతో ముగించాల‌ని ప‌ట్టుద‌ల‌తో ఉంది. ఈ మ్యాచ్ కోసం దుబాయ్‌లోని ఐసీసీ ఆకాడ‌మీ గ్రౌండ్‌లో మెన్ ఇన్ బ్లూ తీవ్రంగా శ్ర‌మిస్తోంది.అయితే ఈ మ్యాచ్‌కు ముందు భార‌త్‌కు భారీ షాక్ త‌గిలే అవ‌కాశం ఉంది. టీమిండియా కెప్టెన్ రోహిత్ శ‌ర్మ తొడ కండరాల గాయంతో భాద‌ప‌డుతున్న‌ట్లు తెలుస్తోంది. హిట్‌మ్యాన్‌తో పాటు స్టార్ ప్లేయ‌ర్ శుబ్‌మ‌న్ గిల్‌కు అస్వస్థతకు గురైన‌ట్లు స‌మాచారం. దీంతో వీరిద్ద‌రూ బుధ‌వారం జ‌రిగిన టీమ్ నెట్ ప్రాక్టీస్‌కు దూర‌మైన‌ట్లు వార్త‌లు వినిపిస్తున్నాయి. అస్వస్థత కార‌ణంగా గిల్ హోట‌ల్ రూమ్‌కే ప‌రిమితం కాగా.. రోహిత్ శ‌ర్మ మైదానంకు వ‌చ్చిన‌ప్ప‌టికి ప్రాక్టీస్‌లో మాత్రం పాల్గోలేద‌ని క్రిక్‌బ‌జ్ త‌మ క‌థ‌నంలో పేర్కొంది. గాయం తీవ్ర‌త‌రం కాకుండా ఉండేందుకు ముందు జాగ్రత్తగా ప్రాక్టీస్‌ను రోహిత్ స్కిప్ చేశాడ‌ని క్రికెట్ వ‌ర్గాలు వెల్ల‌డించాయి.కాగా పాకిస్తాన్‌తో జ‌రిగిన మ్యాచ్‌లో రోహిత్ శ‌ర్మ తొడ కండరాల గాయంతో బాధ‌ప‌డ్డాడు. కొన్ని ఓవ‌ర్ల పాటు ఆట‌కు కూడా దూరంగా ఉన్నాడు. ఆ త‌ర్వాత తిరిగి మైదానంలో వ‌చ్చాడు. అయిన‌ప్ప‌టికి రోహిత్ అంత ఫిట్‌నెస్‌గా క‌న్పించ‌లేదు. అయితే రోహిత్‌, గిల్ ప్రాక్టీస్‌కు దూరంగా ఉండ‌డంపై బీసీసీఐ నుంచి ఎటుంటి అధికారిక ప్రకటన వెలువడలేదు.సూపర్‌ ఫామ్‌లో గిల్‌..కాగా శుబ్‌మన్ గిల్‌ ప్రస్తుతం అద్భుతమైన ఫామ్‌లో ఉన్నాడు. బంగ్లాదేశ్‌తో జరిగిన తొలి మ్యాచ్‌లో 101 పరుగులు చేసిన గిల్‌.. పాకిస్తాన్‌పై 46 పరుగులతో కీలక ఇన్నింగ్స్‌ ఆడాడు. రోహిత్‌ కూడా తొలి రెండు మ్యాచ్‌ల్లో తన బ్యాట్‌ను ఝలిపించాడు. ఒకవేళ వీరిద్దరూ న్యూజిలాండ్‌తో మ్యాచ్‌కు దూరమైతే భారత్‌కు గట్టి ఎదురు దెబ్బే అనే చెప్పాలి. మరోవైపు గాయం నుంచి కోలుకున్న స్టార్‌ వికెట్‌ కీపర్‌ బ్యాటర్‌ రిషబ్‌ పంత్‌ తన ప్రాక్టీస్‌ను మొదలు పెట్టాడు. రోహిత్‌, గిల్‌​ కివీస్‌తో మ్యాచ్‌కు దూరమైతే వారి స్ధానాల్లో వాషింగ్టన్ సుందర్‌, రిషబ్‌ పంత​​ తుది జట్టులోకి వచ్చే ఛాన్స్‌ ఉంది.చదవండి: అతడొక అద్భుతం.. క్రెడిట్‌ తనకే.. బాధగా ఉంది: బట్లర్‌

అంతర్జాతీయ క్రికెట్‌ కౌన్సిల్‌ (ఐసీసీ) వన్డే బ్యాటింగ్‌ ర్యాంకింగ్స్‌లో భారత ఆటగాడు శుబ్‌మన్‌ గిల్‌ తన నంబర్‌వన్‌ ర్యాంక్‌ను మరింత పటిష్టం చేసుకున్నాడు. బుధవారం విడుదల చేసిన తాజా ర్యాంకింగ్స్‌లో గిల్‌ 817 రేటింగ్‌ పాయింట్లతో ‘టాప్‌’ ర్యాంక్‌లో కొనసాగుతున్నాడు. చాంపియన్స్‌ ట్రోఫీలో ఆడిన రెండు మ్యాచ్‌ల్లోనూ గిల్‌ ఆకట్టుకున్నాడు. బంగ్లాదేశ్‌పై అజేయ సెంచరీ (101 నాటౌట్‌) చేసిన ఈ పంజాబ్‌ బ్యాటర్‌ పాకిస్తాన్‌తో జరిగిన పోరులో 46 పరుగులు సాధించాడు. దాంతో గిల్‌ ఖాతాలో 21 రేటింగ్‌ పాయింట్లు చేరాయి. పాకిస్తాన్‌ బ్యాటర్‌ బాబర్‌ ఆజమ్‌ 770 రేటింగ్‌ పాయింట్లతో రెండో స్థానంలో కొనసాగుతున్నాడు. గిల్, బాబర్‌ ఆజమ్‌ మధ్య 47 పాయింట్ల వ్యత్యాసం ఉంది. భారత కెపె్టన్‌ రోహిత్‌ శర్మ (757 పాయింట్లు) మూడో ర్యాంక్‌లో ఎలాంటి మార్పు లేదు. చాంపియన్స్‌ ట్రోఫీలో పాకిస్తాన్‌పై అజేయ సెంచరీ చేసిన భారత స్టార్‌ విరాట్‌ కోహ్లి ఒక స్థానం మెరుగుపర్చుకొని ఐదో ర్యాంక్‌లో నిలిచాడు. భారత్‌కే చెందిన శ్రేయస్‌ అయ్యర్‌ తొమ్మిదో ర్యాంక్‌లో, కేఎల్‌ రాహుల్‌ 15వ ర్యాంక్‌లో ఉన్నారు. బౌలింగ్‌ ర్యాంకింగ్స్‌లో భారత స్పిన్నర్‌ కుల్దీప్‌ యాదవ్‌ మూడో ర్యాంక్‌లో నిలిచాడు.

ఐసీసీ తాజాగా విడుదల చేసిన వన్డే ర్యాంకింగ్స్‌లో (ICC ODI Rankings) భారత బ్యాటర్ల హవా కొనసాగింది. టాప్‌-10లో ఏకంగా నలుగురు భారత బ్యాటర్లు చోటు దక్కించుకున్నారు. శుభ్‌మన్‌ గిల్‌ (Shubman Gill) అగ్రస్థానంలో కొనసాగుతుండగా.. రోహిత్‌ (Rohit Sharma) మూడు, విరాట్‌ (virat Kohli) ఐదు, శ్రేయస్‌ అయ్యర్‌ (Shreyas Iyer) తొమ్మిది స్థానాల్లో ఉన్నారు. ఛాంపియన్స్‌ ట్రోఫీలో పాక్‌పై సెంచరీ చేయడంతో విరాట్‌‌ ఓ స్థానాన్ని మెరుగుపర్చుకుని ఐదో స్థానానికి చేరాడు. తాజా ర్యాంకింగ్స్‌లో ఛాంపియన్స్‌ ట్రోఫీ సెంచరీ హీరోలు గణనీయంగా లబ్ది పొందారు. విల్‌ యంగ్‌ 8 స్థానాలు మెరుగుపర్చుకుని 14వ స్థానానికి.. బెన్‌ డకెట్‌ 27 స్థానాలు మెరుగుపర్చుకుని 17వ స్థానానికి.. రచిన్‌ రవీంద్ర 18 స్థానాలు మెరుగుపర్చుకుని 24వ స్థానానికి.. టామ్‌ లాథమ్‌ 11 స్థానాలు మెరుగుపర్చుకుని 31వ స్థానానికి.. జోస్‌ ఇంగ్లిస్‌ 18 స్థానాలు మెరుగుపర్చుకుని 88వ స్థానానికి చేరారు. టాప్‌-10లో భారత బ్యాటర్లతో పాటు బాబర్‌ ఆజమ్‌ (2), హెన్రిచ్‌ క్లాసెన్‌ (4), డారిల్‌ మిచెల్‌ (6), హ్యారీ టెక్టార్‌ (7), చరిత్‌ అసలంక (8), షాయ్‌ హోప్‌ (10) ఉన్నారు.బౌలర్ల ర్యాంకింగ్స్‌ విషయానికొస్తే.. టాప్‌-10లో కుల్దీప్‌ (3వ స్థానం​) మినహా భారత్‌కు ప్రాతినిథ్యం లేదు. లంక స్పిన్నర్‌ మహీశ్‌ తీక్షణ టాప్‌లో కొనసాగుతుండగా.. రషీద్‌ ఖాన్‌ రెండో స్థానంలో ఉన్నాడు. కేశవ్‌ మహారాజ్‌, బెర్నాల్డ్‌ స్కోల్జ్‌, మ్యాట్‌ హెన్రీ, మిచెల్‌ సాంట్నర్‌, గుడకేశ్‌ మోటీ, షాహీన్‌ అఫ్రిది, ఆడమ్‌ జంపా టాప్‌-10లో ఉన్నారు. ఆల్‌రౌండర్ల ర్యాంకింగ్స్‌ విషయానికొస్తే.. టాప్‌-10లో ఎలాంటి మార్పులు లేవు. మొహమ్మద్‌ నబీ, సికందర్‌ రజా, అజ్మతుల్లా ఒమర్‌జాయ్‌, మెహిది హసన్‌ మిరాజ్‌, రషీద్‌ ఖాన్‌, మిచెల్‌ సాంట్నర్‌, మ్యాక్స్‌వెల్‌, బ్రాండన్‌ మెక్‌ముల్లెన్‌, రవీంద్ర జడేజా, గెర్హార్డ్‌ ఎరాస్మస్‌ టాప్‌-10లో కొనసాగుతున్నారు. ఈ వారం​ ఆల్‌రౌండర్ల ర్యాంకింగ్స్‌లో ఒకే ఒక చెప్పుకోదగ్గ మార్పు జరిగింది. న్యూజిలాండ్‌ ఆటగాడు మైఖేల్‌ బ్రేస్‌వెల్‌ ఏకంగా 26 స్థానాలు మెరుగుపర్చుకుని 11వ స్థానానికి చేరాడు.జట్ల ర్యాంకింగ్స్‌ విషయానికొస్తే.. టీమిండియా ఎవరికీ అందనంత ఎత్తులో టాప్‌ ప్లేస్‌లో కొనసాగుతుంది. ఆసీస్‌, పాకిస్తాన్‌ రెండు, మూడు స్థానాల్లో ఉన్నాయి. న్యూజిలాండ్‌, సౌతాఫ్రికా, శ్రీలంక, ఇంగ్లండ్‌, ఆఫ్ఘనిస్తాన్‌, బంగ్లాదేశ్‌, వెస్టిండీస్‌ ఆతర్వాతి స్థానాల్లో నిలిచాయి.

టీమిండియా స్టార్ ప్లేయ‌ర్ శుబ్‌మ‌న్ గిల్(Shubman Gill) త‌న సూప‌ర్ ఫామ్‌ను కొనసాగిస్తున్నాడు. ఐసీసీ ఛాంపియ‌న్స్ ట్రోఫీ-2025 తొలి మ్యాచ్‌లో సెంచ‌రీతో మెరిసిన గిల్‌.. ఆదివారం పాకిస్తాన్‌తో జ‌రిగిన కీల‌క మ్యాచ్‌లోనూ స‌త్తాచాటాడు. 52 బంతుల్లో 7 ఫోర్ల సాయంతో 46 పరుగులు చేసి ఔటయ్యాడు.గిల్‌ క్రీజులో ఉన్నంతసేపు తన ట్రేడ్ మార్క్ షాట్లతో అభిమానులను అలరించాడు. ఈ క్ర‌మంలో గిల్‌పై భార‌త మాజీ క్రికెట‌ర్లు సంజయ్ బంగర్, నవజ్యోత్ సింగ్ సిద్దూ ప్ర‌శంస‌ల వ‌ర్షం కురిపించారు. రాబోయే రోజుల్లో భార‌త జ‌ట్టు బ్యాటింగ్ ఎటాక్‌ను గిల్ లీడ్ చేస్తాడ‌ని వారిద్ద‌రూ కొనియాడారు."శుబ్‌మ‌న్ గిల్ ఒక అద్బుతం. త‌న కెరీర్ ఆరంభం నుంచే అత్యుత్త‌మ ప్ర‌ద‌ర్శ‌న క‌న‌బ‌రుస్తున్నాడు. త‌న రెండున్నర ఏళ్ల వ‌న్డే క్రికెట్ కెరీర్‌లో ఎన్నో మైలు రాయిల‌ను సాధించాడు. ప్ర‌పంచ నంబ‌ర్‌-1 బ్యాట‌ర్‌గా కొన‌సాగుతున్నాడు. అత‌డి బ్యాటింగ్ టెక్నిక్ కూడా చాలా బాగుంది.స్ట్రెయిట్ డ్రైవ్, ఆన్-డ్రైవ్ షాట్ల‌ను అద్బుతంగా ఆడుతున్నాడు. మిడ్-ఆఫ్, మిడ్ ఆన్ ఫీల్డ‌ర్లు 30 యార్డ్ స‌ర్కిల్ ఉన్న‌ప్ప‌టికి వారి మ‌ధ్య నుంచి బంతిని బౌండ‌రీకు త‌ర‌లిస్తున్నాడు. అత‌డు క‌చ్చితంగా రాబోయే రోజుల్లో భారత బ్యాటింగ్ యూనిట్‌కు వెన్న‌ముకగా నిలుస్తాడని" బంగ‌ర్ జియో హాట్‌స్టార్‌కు ఇచ్చిన ఇంట‌ర్వ్యూలో పేర్కొన్నాడు. గిల్ షాట్ ఆడే టైమింగ్ అద్బుతంగా ఉంది. భార‌త జ‌ట్టులో విరాట్‌ కోహ్లి, రోహిత్‌ మర్రిచెట్టు లాంటి వాళ్లు. సాధ‌ర‌ణంగా మర్రి చెట్టు కింద ఎటువంటి మెక్క‌లు పెర‌గ‌వు. కానీ గిల్ మాత్రం.. రోహిత్‌, విరాట్ వంటి మర్రిచెట్టు నీడల్లోంచి గొప్ప క్రికెట‌ర్‌గా ఎదుగుతున్నాడు. ఈ మ్యాచ్‌లో గిల్ కొట్టిన రెండు స్ట్రెయిట్ డ్రైవ్‌లు, క‌వ‌ర్ డ్రైవ్ షాట్ల‌ను చూడ‌టానికి రెండు క‌ళ్లు స‌రిపోలేదు. ఆ షాట్లు చూసి ప్ర‌త్య‌ర్ధి జ‌ట్టు ఆట‌గాళ్లు సైతం షాక్ అయిపోయారు" అని సిద్దూ చెప్పుకొచ్చాడు.చదవండి: చాలా అలసిపోయాను.. అది నా బలహీనత.. కానీ అదే బలం: కోహ్లి

పాకిస్తాన్‌ యువ బౌలర్‌ అబ్రార్‌ అహ్మద్‌ వ్యవహారశైలిపై ఆ దేశ దిగ్గజ పేసర్‌ వసీం అక్రం ఆగ్రహం వ్యక్తం చేశాడు. ఎంత ఎత్తుకు ఎదిగినా ఒదిగి ఉండాలని.. అంతేతప్ప అతి చేయకూడదంటూ చీవాట్లు పెట్టాడు. కాగా చాంపియన్స్‌ ట్రోఫీ-2025లో భాగంగా పాకిస్తాన్‌ ఆదివారం టీమిండియాతో తలపడింది.దుబాయ్‌లో జరిగిన ఈ మ్యాచ్‌లో టాస్‌ గెలిచిన పాక్‌ కెప్టెన్‌ మహ్మద్‌ రిజ్వాన్‌ తొలుత బ్యాటింగ్‌ ఎంచుకున్నాడు. అయితే, భారత బౌలర్ల ధాటికి పాకిస్తాన్‌ 241 పరుగులకే కుప్పకూలింది. స్పిన్నర్లలో కుల్దీప్‌ యాదవ్‌ మూడు, అక్షర్‌ పటేల్‌, రవీంద్ర జడేజా తలా ఒక వికెట్‌ తీయగా.. పేసర్లలో హార్దిక్‌ పాండ్యా రెండు, హర్షిత్‌ రాణా ఒక వికెట్‌ దక్కించుకున్నారు.పాకిస్తాన్‌ ఇన్నింగ్స్‌లో వన్‌డౌన్‌ బ్యాటర్‌ సౌద్‌ షకీల్‌(62) టాప్‌ స్కోరర్‌గా నిలవగా.. రిజ్వాన్‌(46) ఫర్వాలేదనిపించాడు. ఈ క్రమంలో లక్ష్య ఛేదనకు దిగిన టీమిండియా ఆరంభం నుంచే ప్రత్యర్థి జట్టు బౌలర్లపై ఎదురుదాడికి దిగింది. కెప్టెన్‌ రోహిత్‌ శర్మ 15 బంతుల్లోనే 20 పరుగులు చేయగా.. మరో ఓపెనర్‌ శుబ్‌మన్‌ గిల్‌ ఆదిలో దూకుడుగా ఆడినా వీలు చిక్కినప్పుడల్లా బంతిని బౌండరీకి తరలించాడు.చక్కటి షాట్లతో అలరిస్తూ అర్ధ శతకానికి చేరువైన సమయంలో అనూహ్య రీతిలో గిల్‌ పెవిలియన్‌ చేరాడు. మొత్తంగా 52 బంతులు ఎదుర్కొన్న ఈ 25 ఏళ్ల కుడిచేతి వాటం బ్యాటర్‌.. పాక్‌ స్పిన్నర్‌ అబ్రార్‌ అహ్మద్‌ వేసిన అద్భుత బంతికి బౌల్డ్‌ అయ్యాడు. దీంతో 46 పరుగుల వ్యక్తిగత స్కోరు వద్ద నిష్క్రమించాడు.అయితే, ఆ సమయంలో అబ్రార్‌ అహ్మద్‌ కాస్త అతిగా స్పందించాడు. రెండు చేతులు కట్టుకుని నిలబడి.. ‘‘ఇక వెళ్లు’’.. అన్నట్లుగా కళ్లతోనే సైగలు చేయగా సహచర ఆటగాళ్లు కూడా వచ్చి అతడితో ఆనందం పంచుకున్నారు. అప్పుడు మరో ఎండ్‌లో ఉన్న విరాట్‌ కోహ్లి కాస్త సంయమనం పాటించాడు. ఇందుకు సంబంధించిన దృశ్యాలు నెట్టింట వైరల్‌ కాగా.. అబ్రార్‌ తీరుపై తీవ్ర స్థాయిలో విమర్శలు వచ్చాయి.‘‘ప్రిన్స్‌తో పెట్టుకున్నందుకు.. కింగ్‌ మీకు చుక్కలు చూపించాడు. మిమ్మల్ని ఓడించాడు. అందుకే అతి చేయొద్దు’’ అంటూ టీమిండియా అభిమానులు కోహ్లి శతకంతోనే పాక్‌ జట్టుకు బదులిచ్చాడంటూ ట్రోల్‌ చేస్తున్నారు. ఇక ఈ గిల్‌ వికెట్‌ తీసిన తర్వాత అబ్రార్‌ అహ్మద్‌ వ్యవహరించిన తీరుపై పాకిస్తాన్‌ మాజీ ఫాస్ట్‌బౌలర్‌ వసీం అక్రం కూడా స్పందించాడు.‘‘అబ్రార్‌ బంతి వేసిన తీరు నన్ను ఆకట్టుకుంది. కానీ అతడి చర్య ఎంతమాత్రం ఆమోదయోగ్యనీయం కాదు. సెలబ్రేట్‌ చేసుకునేందుకు ఎన్నో మార్గాలు ఉన్నాయి. వికెట్‌ తీసిన ఆనందాన్ని వ్యక్తపరచడంలో తప్పులేదు. కానీ.. మ్యాచ్‌లో మనం ఇబ్బందులు ఎదుర్కొంటున్న సమయంలో ఇలాంటివి పనికిరావు. ఎంత హుందాగా ఉంటే అంత మంచిది. అయితే, ఈరోజు అబ్రార్‌ అతి చేశాడు. అతడిని వారించేందుకు అక్కడ ఒక్కరూ ముందుకు రాలేదు. ఇలాంటి ప్రవర్తన టీవీల్లో చూడటానికి కూడా అస్సలు బాగాలేదు’’ అని వసీం అక్రం అబ్రార్‌కు చురకలు అంటించాడు. కాగా చిరకాల ప్రత్యర్థి పాకిస్తాన్‌ను ఆరు వికెట్ల తేడాతో చిత్తు చేసిన భారత్‌.. గ్రూప్‌-ఎ నుంచి సెమీస్‌ బెర్తును దాదాపుగా ఖాయం చేసుకుంది. ఇక మెగా వన్డే టోర్నమెంట్లో భారత్‌, పాకిస్తాన్‌, న్యూజిలాండ్‌, బంగ్లాదేశ్‌లతో పాటు గ్రూప్‌-బి నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ టైటిల్‌ కోసం పోటీపడుతున్నాయి.

భారత్‌, పాకిస్తాన్‌ క్రికెట్‌ మ్యాచ్‌ల్లో ఆటగాళ్లు ఒకరినొకరు కవ్వించుకోవడం, మాటల యుద్దానికి దిగడం సర్వ సాధారణం. అయితే ఇటీవలికాలంలో ఇలాంటి వాతావరణంలో బాగా మార్పు వచ్చింది. ఇరు జట్ల ఆటగాళ్లు ఒకరినొకరు గౌరవించుకుంటున్నారు. స్నేహపూర్వకంగా మెలుగుతున్నారు. మైదానంలో హుందాగా ప్రవర్తిస్తున్నారు. కోహ్లి, రోహిత్‌ జమానా మొదలయ్యాక భారత్‌, పాకిస్తాన్‌ మ్యాచ్‌ల్లో స్లెడ్జింగ్‌ అనేదే కనిపించడం లేదు. జూనియర్లు సీనియర్లను గౌరవిస్తున్నారు. వీలైతే సలహాలు తీసుకుంటున్నారు. ఇటీవలి కాలంలో చాలామంది పాక్‌ ఆటగాళ్లు విరాట్‌ కోహ్లి దగ్గర చిట్కాలు తీసుకోవడం చూశాం​.Virat Kohli to Abrar Ahmed pic.twitter.com/4BrIhnw6vb— Sagar (@sagarcasm) February 23, 2025అయితే తాజాగా జరిగిన భారత్‌, పాకిస్తాన్‌ మ్యాచ్‌లో పాక్‌ యువ స్పిన్నర్‌ అబ్రార్‌ అహ్మద్‌ ఈ మంచి సంప్రదాయానికి తూట్లు పొడిచాడు. ఛాంపియన్స్‌ ట్రోఫీ-2025లో భాగంగా జరిగిన ఈ మ్యాచ్‌లో అబ్రార్‌ చాలా ఓవరాక్షన్‌ చేశాడు. ఫలితంగా భారత క్రికెట్‌ అభిమానుల నుంచి తిట్ల దండకాన్ని అందుకుంటున్నాడు. Look at audacity of Abrar 🤬Beta Karachi airport ke liye flight pakdo, hold this elimination ✌🏽 pic.twitter.com/J6c3ax7LDS— 🥹 shim8u (@veerjatt007) February 23, 2025అసలేం జరిగిందంటే.. భారత్‌, పాకిస్తాన్‌ జట్లు నిన్న (ఫిబ్రవరి 23) దుబాయ్‌లో తలపడ్డాయి. ఈ మ్యాచ్‌లో భారత్‌ బ్యాటింగ్‌ చేస్తున్న సమయంలో అబ్రార్‌ అహ్మద్‌ అతి చేశాడు. పాక్‌ నిర్దేశించిన లక్ష్యాన్ని భారత్‌ సాఫీగా ఛేదిస్తుండగా.. శుభ్‌మన్‌ గిల్‌ రెండో వికెట్‌గా వెనుదిరిగాడు. గిల్‌ను అబ్రార్‌ క్లీన్‌ బౌల్డ్‌ చేశాడు. గిల్‌ను ఔట్‌ చేశాక అబ్రార్‌ ఓవరాక్షన్‌ అంతాఇంతా కాదు. Batao, ye Abrar Ahmed ne utne matches nahi khele jitney ki Centuries Gill ki hai, lekin send-off dekho lukkhe ka https://t.co/3C8Sd4TLNz pic.twitter.com/dhtHqbPUPG— Mihir Jha (@MihirkJha) February 23, 2025చేతులు కట్టుకుని నిలబడి 'వెళ్లు.. ఇక వెళ్లు.. వెళ్లి బ్యాగ్ సర్దుకో' అన్నట్టు సైగలు చేశాడు. దీంతో భారత అభిమానులకు చిర్రెత్తుకొచ్చింది. అబ్రార్‌ను సోషల్‌ మీడియా వేదికగా ఓ రేంజ్‌లో ఆడుకుంటున్నారు. బ్యాగ్‌ సర్దుకోవాల్సింది గిల్‌ కాదు, మీరే అంటూ కామెంట్లు చేస్తున్నారు. Watch it before it get remove Abrar reaction to Gill One word for abrar 👇🏼👇🏼 #indvspak #viratkohli pic.twitter.com/coEQydD2qy— Vodka triceps (@vodkatriceps) February 24, 2025కొందరు గిల్‌ హార్డ్‌ కోర్‌ అభిమానులు వాడకూడని భాషలో అబ్రార్‌ను దూషిస్తున్నారు. ఇంకొందరేమో నీకు సరిగ్గా బుద్ది చెప్పే విరాట్‌ కోహ్లి ఇంకా క్రీజ్‌లోనే ఉన్నాడంటూ కామెంట్స్‌ చేశారు. మొత్తానికి అబ్రార్‌ చేసిన ఓవరాక్షన్‌తో పాక్‌ జట్టు మొత్తం ట్రోలింగ్‌కు గురైంది.మ్యాచ్‌ విషయానికొస్తే.. విరాట్‌ సూపర్‌ సెంచరీతో కదంతొక్కడంతో పాక్‌పై భారత్‌ 6 వికెట్ల తేడాతో ఘన విజయం సాధించింది. విరాట్‌ అజేయ సెంచరీతో భారత్‌ను విజయతీరాలకు చేర్చాడు. తొలుత బ్యాటింగ్‌ చేసిన పాక్‌.. 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర​్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు.అనంతరం బరిలోకి దిగిన భారత్‌.. కోహ్లి శతక్కొట్టడంతో (111 బంతుల్లో 100 నాటౌట్‌; 7 ఫోర్లు) 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. శ్రేయస్‌ అయ్యర్‌ (56).. విరాట్‌తో కలిసి కీలకమైన భాగస్వామ్యాన్ని నెలకొల్పి భారత విజయాన్ని ఖరారు చేయగా.. ఓపెనర్లు రోహిత్‌ శర్మ (20), శుభ్‌మన్‌ గిల్‌ (46) కీలక ఇన్నింగ్స్‌లు ఆడారు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారు చేసుకుంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.

టీమిండియా స్టార్‌ బ్యాటర్‌ విరాట్‌ కోహ్లి(Virat Kohli) తీరుపై భారత క్రికెట్‌ దిగ్గజం సునిల్‌ గావస్కర్‌(Sunil Gavaskar) అసహనం వ్యక్తం చేశాడు. పాకిస్తాన్‌(India vs Pakistan)తో మ్యాచ్‌లో అనవసర చర్య ద్వారా వికెట్‌ కోల్పోయే ప్రమాదం తెచ్చుకున్నాడని.. అయితే, అదృష్టవశాత్తూ బయటపడటంతో తాము ఊపిరి పీల్చుకున్నామన్నాడు. కాగా చాంపియన్స్‌ ట్రోఫీ-2025లో భాగంగా భారత్‌ ఆదివారం పాకిస్తాన్‌తో తలపడింది.దుబాయ్‌ వేదికగా జరిగిన ఈ మ్యాచ్‌లో టాస్‌ ఓడిన రోహిత్‌ సేన తొలుత ఫీల్డింగ్‌ చేసింది. బౌలర్ల విజృంభణ కారణంగా దాయాదిని 241 పరుగులకే ఆలౌట్‌ చేసింది. అనంతరం లక్ష్య ఛేదనను దూకుడుగా ఆరంభించిన టీమిండియా.. మిడిల్‌ ఓవర్లలో మాత్రం ఆచితూచి నిలకడగా ఆడింది. సెంచరీ మార్కు.. విన్నింగ్‌ షాట్‌ముఖ్యంగా ఓపెనర్‌ శుబ్‌మన్‌ గిల్‌(46), నాలుగో నంబర్‌ బ్యాటర్‌ శ్రేయస్‌ అయ్యర్‌(56)లతో కలిసి విరాట్‌ కోహ్లి అద్భుత భాగస్వామ్యాలు నెలకొల్పాడు.ఏ దశలో నిర్లక్ష్యపు షాట్లకు యత్నించకుండా.. సహచర బ్యాటర్లతో చక్కగా సమన్వయం చేసుకుంటూ ఇన్నింగ్స్‌ నిర్మించాడు. ఈ క్రమంలో అర్ధ శతకం పూర్తి చేసుకున్న కోహ్లి.. దానిని శతకంగా మలిచాడు. అంతేకాదు బౌండరీ బాది సెంచరీ మార్కు అందుకున్న ఈ రన్‌మెషీన్‌.. టీమిండియాను గెలుపుతీరాలకు చేర్చాడు. ఈ క్రమంలో విరాట్‌ కోహ్లిపై భారత్‌తో పాటు పాకిస్తాన్‌ మాజీ క్రికెటర్లు, అభిమానులు ప్రశంసల వర్షం కురిపిస్తున్నారు.అయితే, బ్యాటింగ్‌ చేస్తున్న సమయంలో కోహ్లి చేసిన ఓ పని మాత్రం సునిల్‌ గావస్కర్‌కు ఆగ్రహం తెప్పించింది. భారత ఇన్నింగ్స్‌లో 21 ఓవర్‌ను పాక్‌ బౌలర్‌ హ్యారిస్‌ రవూఫ్‌ వేయగా.. ఐదో బంతికి కోహ్లి సింగిల్‌ తీశాడు. ఈ క్రమంలో సురక్షితంగానే క్రీజులోకి చేరుకున్న కోహ్లి.. ఆ తర్వాత ఓవర్‌ త్రో కాబోతున్న బంతిని తన చేతితో ఆపేశాడు.నిజానికి అక్కడ దగ్గర్లో పాకిస్తాన్‌ ఫీల్డర్లు ఎవరూ లేరు. ఒకవేళ ఓవర్‌ త్రో అయినా ఓ అదనపు పరుగు వచ్చేది. అయినా, ఎంసీసీ నిబంధనల ప్రకారం ఓ బ్యాటర్‌ బంతి లైవ్‌లో ఉన్నపుడు దానిని తన మాటలు, చేతల ద్వారా అడ్డుకునే ప్రయత్నం చేయకూడదు. ఒకవేళ ఉద్దేశపూర్వకంగా అతడు అలా చేసినట్లు భావించి ఫీల్డింగ్‌ చేస్తున్న జట్టు అప్పీలు చేస్తే.. సదరు బ్యాటర్‌ను అవుట్‌గా ప్రకటించవచ్చు.అబ్‌స్ట్రక్ట్‌ ఫీల్డ్‌ నిబంధన కింద..కోహ్లి విషయంలో ఒకవేళ పాక్‌ జట్టు ఈ విషయంలో అప్పీలుకు వెళ్లి ఉంటే పరిస్థితి చేజారిపోయేదని గావస్కర్‌ అన్నాడు. కామెంట్రీ సమయంలో.. ‘‘అతడు తన చేతితో బంతిని ఆపాడు. ఒకవేళ పాకిస్తాన్‌ గనుక అప్పీలు చేస్తే ఏమయ్యేది?.. అబ్‌స్ట్రక్ట్‌ ఫీల్డ్‌ నిబంధన కింద అతడు అవుటయ్యేవాడేమో?!.. కానీ వాళ్లు అలా చేయలేదు. ఎందుకంటే.. అక్కడ దగ్గర్లో ఫీల్డర్‌ లేడు.అంతేకాదు ఓవర్‌ త్రో ద్వారా అదనపు పరుగు రాకుండా ఉండిపోయిందని భావించి ఉండవచ్చు. నిజానికి మిడ్‌వికెట్‌ వద్ద ఫీల్డింగ్‌ చేస్తున్న ఆటగాడు డైవ్‌ చేస్తే బాగుండేది. కానీ ముందుకు వెళ్లిపోతున్న బంతిని కోహ్లి జోక్యం చేసుకుని మరీ ఆపడం సరికాదు. అదృష్టవశాత్తూ ఎవరూ అప్పీలు చేయలేదు కాబట్టి సరిపోయింది’’ అని గావస్కర్‌ అసహనం వ్యక్తం చేశాడు. కాగా 21వ ఓవర్‌ ముగిసే సరికి కోహ్లి కేవలం 41 పరుగుల వద్ద ఉండటం గమనార్హం. ఇక ఈ మ్యాచ్‌లో 111 బంతులు ఎదుర్కొన్న కోహ్లి సరిగ్గా 100 పరుగులు చేసి అజేయంగా నిలిచాడు. వన్డేల్లో అతడికి ఇది 51వ సెంచరీ కాగా.. అంతర్జాతీయ కెరీర్‌లో 82వది కావడం విశేషం. సచిన్‌ టెండ్కులర్‌ వంద సెంచరీల రికార్డుకు కోహ్లి ఇంకా 18 శతకాల దూరంలో ఉన్నాడు.చాంపియన్స్‌ ట్రోఫీ-2025: భారత్‌ వర్సెస్‌ పాకిస్తాన్ స్కోర్లు👉పాకిస్తాన్‌- 241(49.4) ఆలౌట్‌👉భారత్‌- 244/4 (42.3)👉ఫలితం: పాక్‌ను ఆరు వికెట్ల తేడాతో ఓడించిన భారత్‌.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

ఛాంపియన్స్‌ ట్రోఫీలో భాగంగా బంగ్లాదేశ్‌తో నిన్న జరిగిన మ్యాచ్‌లో టీమిండియా 6 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌.. తౌహిద్‌ హృదయ్‌ వీరోచిత శతకంతో (100) పోరాడటంతో 49.4 ఓవర్లలో 228 పరుగులు చేసింది. హృదయ్‌కు జాకిర్‌ అలీ (68) సహకరించాడు. 35 పరుగులకే సగం వికెట్లు కోల్పోయి పీకల్లోతు కష్టాల్లో ఉండిన బంగ్లాదేశ్‌కు ఈ ఇద్దరు గౌరవప్రదమైన స్కోర్‌ను అందించారు. భారత బౌలర్లలో షమీ ఐదు వికెట్లు తీసి బంగ్లా పతనాన్ని శాశించాడు.అనంతరం శుభ్‌మన్‌ గిల్‌ (101) అజేయ శతకంతో చెలరేగడంతో భారత్‌ మరో 3.3 ఓవర్లు మిగిలుండగానే లక్ష్యాన్ని చేరుకుంది. రోహిత్‌ శర్మ (41) తన సహజ శైలిలో బ్యాట్‌ను ఝులింపించగా.. కేఎల్‌ రాహుల్‌ (41 నాటౌట్‌) సిక్సర్‌ కొట్టి భారత్‌ను గెలిపించాడు.కాగా, నిన్నటి మ్యాచ్‌లో గిల్‌ సెంచరీ అనంతరం సోషల్‌మీడియాలో ఓ టాపిక్‌ హైలైట్‌గా మారింది. ఈ మ్యాచ్‌లో గిల్‌ సెంచరీ పూర్తి చేసుకునేందుకు కేఎల్‌ రాహుల్‌ తన హాఫ్‌ సెంచరీని త్యాగం చేశాడు. గిల్‌ సెంచరీ కోసం రాహుల్‌ చేసిన త్యాగాన్ని నెటిజన్లు ప్రశంశిస్తున్నారు. రాహుల్‌ స్వలాభం కోసం ఆడే ఆటగాడు కాదని కితాబునిస్తున్నారు. రాహుల్‌ గతంలో కూడా ఓ సందర్భంలో విరాట్‌ కోహ్లి సెంచరీ కోసం తన హాఫ్‌ సెంచరీని త్యాగం చేశాడని గుర్తు చేసుకున్నారు. ఈ క్రమంలో కొందరు నెటిజన్లు హార్దిక్‌ పాండ్యాను విమర్శిస్తున్నారు. రాహుల్‌ స్థానంలో హార్దిక్‌ ఉంటే గిల్‌ సెంచరీ పూర్తయ్యేది కాదని అంటున్నారు. హార్దిక్‌ చాలా సెల్ఫిష్‌ ఆటగాడని.. మ్యాచ్‌ పూర్తి చేసేందుకు అతను తోటి వారి మైలురాళ్ల గురించి పట్టించుకోడని కామెంట్స్‌ చేస్తున్నారు. రెండేళ్ల క్రితం వెస్టిండీస్‌లో తిలక్‌ వర్మ (49) హాఫ్‌ సెంచరీని పట్టించుకోకుండా హార్దిక్‌ సిక్సర్స్‌తో మ్యాచ్‌ను మిగించిన వైనాన్ని ఈ సందర్భంగా గుర్తు చేసుకుంటున్నారు. ఈ మ్యాచ్‌లో గిల్‌ సెంచరీకి ముందు రాహుల్‌ ఎక్కడ ఔటవుతాడో, హార్దిక్‌ ఎ‍క్కడ క్రీజ్‌లో వస్తాడో అని అని టెన్షన్‌ పడినట్లు చెబుతున్నారు. మొత్తానికి గిల్‌ అభిమానులు హార్దిక్‌ను ఏకి పారేసి, రాహుల్‌ను ప్రశంసలతో ముంచెత్తారు.కాగా, నిన్నటి మ్యాచ్‌లో గిల్‌ సెంచరీకి సహకరించే క్రమంలో రాహుల్‌ చాలా కీలకమైన ఇన్నింగ్స్‌ ఆడాడు. రాహుల్‌.. గిల్‌తో కలిసి ఐదో వికెట్‌కు అజేయమైన 87 పరుగులు జోడించి భారత్‌ను విజయతీరాలకు చేర్చాడు. ఈ మ్యాచ్‌లో రాహుల్‌ ఏమాత్రం తేడాగా ఆడిన ఫలితం వేరేలా ఉండేది. అప్పటికే భారత్‌.. రోహిత్‌, కోహ్లి, శ్రేయస్‌, అక్షర్‌ వికెట్లు కోల్పోయి కష్టాల్లో ఉండింది. పిచ్‌ నుంచి కూడా బ్యాటర్లకు ఎలాంటి సహకారం లేదు. ఇలాంటి తరుణంలో రాహుల్‌ చాలా జాగ్రత్తగా ఆడి జట్టును విజయతీరాలకు చేర్చాడు. వ్యక్తిగత ప్రయోజనాన్ని పక్కన పెట్టి గిల్‌ సెంచరీకి కూడా సహకరించాడు. రాహుల్‌ సహకారంతో గిల్‌ వన్డేల్లో తన ఎనిమిదో సెంచరీని పూర్తి చేసుకున్నాడు. ఈ మ్యాచ్‌లో గిల్‌ కూడా చాలా బాధ్యతాయుతంగా ఆడాడు. గిల్‌ చివరి వరకు క్రీజ్‌లో నిలదొక్కుకోకపోయినా ఫలితం వేరేలా ఉండేది. బంగ్లాదేశ్‌ బౌలర్లు పిచ్‌ స్వభావానికి తగట్టుగా బౌలింగ్‌ చేసి భారత బ్యాటర్లను ఇబ్బంది పెట్టారు. ఏదిఏమైనా గిల్‌, రాహుల్‌ భాగస్వామ్యం భారత్‌ను గెలిపించింది. అంతకుముందు రాహుల్‌ కీపింగ్‌లోనూ అదరగొట్టాడు. మూడు అద్భుతమైన క్యాచ్‌లు పట్టుకుని బెస్ట్‌ ఫీల్డర్‌ అవార్డు కూడా గెలుచుకున్నాడు. ఈ టోర్నీలో భారత్‌ తమ తదుపరి మ్యాచ్‌లో పాకిస్తాన్‌ను ఎదుర్కొంటుంది. ఈ మ్యాచ్‌ దుబాయ్‌ వేదికగా ఫిబ్రవరి 23న జరుగనుంది.

229 పరుగుల స్వల్ప విజయలక్ష్యం...భారత్‌లాంటి బలమైన జట్టు ఆడుతూపాడుతూ దీనిని ఛేదిస్తుందని ఎవరైనా భావిస్తారు... కానీ పిచ్‌ ఒక్కసారిగా నెమ్మదించింది... పరుగులు రావడం కష్టంగా మారిపోయింది. ఈ స్థితిలో శుబ్‌మన్‌ గిల్‌ పట్టుదలగా నిలబడ్డాడు... కీలక భాగస్వామ్యాలతో జట్టును గెలుపుతీరం చేర్చడంతో పాటు వరుసగా రెండో సెంచరీ పూర్తి చేసుకున్నాడు. అంతకుముందు భారత్‌ పదునైన బౌలింగ్‌కు ఒకదశలో 35/5 వద్ద కుప్పకూలే స్థితిలో నిలిచిన బంగ్లాదేశ్‌... తౌహీద్, జాకీర్‌ ఆటతో 200 పరుగులు దాటగలిగింది. మరో ఐసీసీ మ్యాచ్‌లో ఐదు వికెట్ల ప్రదర్శనతో షమీ తన పునరాగమాన్ని ఘనంగా ప్రదర్శించాడు. శుభారంభం తర్వాత ఆదివారం అసలు పోరులో పాకిస్తాన్‌తో భారత్‌ అమీతుమీ తేల్చుకోనుంది. దుబాయ్‌: చాంపియన్స్‌ ట్రోఫీలో భారత్‌ గెలుపు బోణీ చేసింది. గ్రూప్‌ ‘ఎ’లో భాగంగా గురువారం జరిగిన తొలి మ్యాచ్‌లో భారత్‌ 6 వికెట్ల తేడాతో బంగ్లాదేశ్‌ను ఓడించింది. టాస్‌ గెలిచి ముందుగా బ్యాటింగ్‌కు దిగిన బంగ్లాదేశ్‌ 49.4 ఓవర్లలో 228 పరుగులకు ఆలౌటైంది. తౌహీద్‌ హృదయ్‌ (118 బంతుల్లో 100; 6 ఫోర్లు, 2 సిక్స్‌లు) కెరీర్‌లో తొలి సెంచరీ సాధించగా... జాకీర్‌ అలీ (114 బంతుల్లో 68; 4 ఫోర్లు) రాణించాడు. వీరిద్దరు ఆరో వికెట్‌కు 34.2 ఓవర్లలో 154 పరుగులు జోడించారు. మొహమ్మద్‌ షమీ (5/53) ఐదు వికెట్లతో చెలరేగగా... హర్షిత్‌ రాణా 3, అక్షర్‌ 2 వికెట్లు తీశారు. అనంతరం భారత్‌ 46.3 ఓవర్లలో 4 వికెట్లకు 231 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (129 బంతుల్లో 101 నాటౌట్‌; 9 ఫోర్లు, 2 సిక్స్‌లు) అజేయ శతకం నమోదు చేయగా... కెప్టెన్‌ రోహిత్‌ శర్మ (36 బంతుల్లో 41; 7 ఫోర్లు), కేఎల్‌ రాహుల్‌ (47 బంతుల్లో 41 నాటౌట్‌; 1 ఫోర్, 2 సిక్స్‌లు) రాణించారు. భారీ భాగస్వామ్యం... తొలి 5 వికెట్లకు 35 పరుగులు... చివరి 5 వికెట్లకు 39 పరుగులు... మధ్యలో తౌహీద్, జాకీర్‌ భారీ భాగస్వామ్యం! బంగ్లాదేశ్‌ ఇన్నింగ్స్‌ సాగిన తీరిది. షమీ, రాణా దెబ్బకు టపటపా 3 వికెట్లు కోల్పోయిన బంగ్లాను అక్షర్‌ తన తొలి ఓవర్లోనే దెబ్బ కొట్టాడు. వరుస బంతుల్లో తన్‌జీద్‌ (25 బంతుల్లో 25; 4 ఫోర్లు), ముష్ఫికర్‌ (0)ను అవుట్‌ చేసిన అతను త్రుటిలో హ్యాట్రిక్‌ కోల్పోయాడు. 35/5 నుంచి తౌహీద్, జాకీర్‌ జట్టును ఆదుకున్నారు. భారత ఆటగాళ్ల పేలవ ఫీల్డింగ్‌ కూడా వారికి కలిసొచ్చింది. సుదీర్ఘ ప్రయత్నం తర్వాత ఎట్టకేలకు 206 బంతుల ఈ భాగస్వామ్యాన్ని షమీ విడగొట్టాడు. ఆ తర్వాత 49వ ఓవర్‌ తొలి బంతికి సింగిల్‌తో తౌహీద్‌ 114 బంతుల్లో కెరీర్‌లో తొలి సెంచరీని పూర్తి చేసుకున్నాడు. రాణించిన రాహుల్‌... స్వల్ప లక్ష్యమే అయినా భారత్‌ ఛేదన సులువుగా సాగలేదు. ముస్తఫిజుర్‌ ఓవర్లో 3 ఫోర్లు సహా కొన్ని చక్కటి షాట్లు ఆడిన రోహిత్‌ పదో ఓవర్లో వెనుదిరగ్గా, గిల్‌ తన బ్యాటింగ్‌తో ఆకట్టుకున్నాడు. ఆ తర్వాత పిచ్‌ ఒక్కసారిగా మందగించడంతో పరుగుల రాక గగనమైంది. గిల్, విరాట్‌ కోహ్లి (38 బంతుల్లో 22; 1 ఫోర్‌) కలిసి 12.5 ఓవర్లలో 43 పరుగులే జోడించగలిగారు. అనంతరం 11 పరుగుల వ్యవధిలో శ్రేయస్‌ అయ్యర్‌ (15), అక్షర్‌ పటేల్‌ (8) అవుటయ్యారు. అయితే గిల్‌కు రాహుల్‌ అండగా నిలిచాడు. బంగ్లా బౌలర్లు మధ్యలో కొద్ది సేపు ఆధిపత్యం ప్రదర్శించినట్లు కనిపించినా... నిలదొక్కుకున్న తర్వాత వీరిద్దరు స్వేచ్ఛగా ఆడారు. గిల్, రాహుల్‌ 16.2 ఓవర్లలో అభేద్యంగా 87 పరుగులు జోడించి మ్యాచ్‌ను ముగించారు. ఈ క్రమంలో 46వ ఓవర్లో సింగిల్‌తో 125 బంతుల్లో గిల్‌ వన్డేల్లో ఎనిమిదో సెంచరీని పూర్తి చేసుకున్నాడు. స్కోరు వివరాలు బంగ్లాదేశ్‌ ఇన్నింగ్స్‌: తన్‌జీద్‌ (సి) రాహుల్‌ (బి) అక్షర్‌ 25; సౌమ్య సర్కార్‌ (సి) రాహుల్‌ (బి) షమీ 0; నజు్మల్‌ (సి) కోహ్లి (బి) రాణా 0; మిరాజ్‌ (సి) గిల్‌ (బి) షమీ 5; తౌహీద్‌ (సి) షమీ (బి) రాణా 100; ముష్ఫికర్‌ (సి) రాహుల్‌ (బి) అక్షర్‌ 0; జాకీర్‌ (సి) కోహ్లి (బి) షమీ 68; రిషాద్‌ (సి) పాండ్యా (బి) రాణా 18; తన్‌జీమ్‌ (బి) షమీ 0; తస్కీన్‌ (సి) అయ్యర్‌ (బి) షమీ 3; ముస్తఫిజుర్‌ (నాటౌట్‌) 0; ఎక్స్‌ట్రాలు 9; మొత్తం (49.4 ఓవర్లలో ఆలౌట్‌) 228. వికెట్ల పతనం: 1–1, 2–2, 3–26, 4–35, 5–35, 6–189, 7–214, 8–215, 9–228, 10–228. బౌలింగ్‌: షమీ 10–0–53–5, హర్షిత్‌ రాణా 7.4–0–31–3, అక్షర్‌ 9–1–43–2, పాండ్యా 4–0–20–0, జడేజా 9–0–37–0, కుల్దీప్‌ 10–0–43–0. భారత్‌ ఇన్నింగ్స్‌: రోహిత్‌ (సి) రిషాద్‌ (బి) తస్కీన్‌ 41; గిల్‌ (నాటౌట్‌) 101; కోహ్లి (సి) సర్కార్‌ (బి) రిషాద్‌ 22; అయ్యర్‌ (సి) నజ్ముల్‌ (బి) ముస్తఫిజుర్‌ 15; అక్షర్‌ (సి అండ్‌ బి) రిషాద్‌ 8; రాహుల్‌ (నాటౌట్‌) 41; ఎక్స్‌ట్రాలు 3; మొత్తం (46.3 ఓవర్లలో 4 వికెట్లకు) 231. వికెట్ల పతనం: 1–69, 2–112, 3–133, 4–144. బౌలింగ్‌: తస్కీన్‌ 9–0–36–1, ముస్తఫిజుర్‌ 9–0–62–1, తన్‌జీమ్‌ 8.3–0–58–0, మిరాజ్‌ 10–0–37–0, రిషాద్‌ 10–0–38–2. అక్షర్‌ ‘హ్యాట్రిక్‌’ మిస్‌ మ్యాచ్‌లో బంగ్లాను తక్కువ స్కోరుకే పరిమితం చేయగలిగినా భారత్‌ ఫీల్డింగ్‌ స్థాయికి తగినట్లుగా లేకపోయింది. అక్షర్‌ తొలి ఓవర్లో వరుసగా రెండు వికెట్ల తర్వాత జాకీర్‌ (0 వద్ద) ఇచ్చిన అతి సునాయాస క్యాచ్‌ను స్లిప్‌లో రోహిత్‌ వదిలేశాడు. దాంతో అక్షర్‌ ‘హ్యాట్రిక్‌’ అవకాశం చేజారింది. రోహిత్‌ ఆ క్యాచ్‌ పట్టి ఉంటే స్కోరు 35/6తో ఇక కోలుకునే అవకాశం లేకపోయేది. ఆ తర్వాత జాకీర్‌ 24 వద్ద ఉన్నప్పుడు జడేజా బౌలింగ్‌లో స్టంప్‌ చేసే అవకాశాన్ని రాహుల్‌ చేజార్చాడు. చివరకు బ్యాటర్‌ 68 పరుగులు సాధించగలిగాడు. తౌహీద్‌ స్కోరు 23 వద్ద కుల్దీప్‌ బౌలింగ్‌లో మిడాఫ్‌లో పాండ్యా సునాయాస క్యాచ్‌ వదిలేయగా చివరకు అతను సెంచరీ పూర్తి చేసుకోగలిగాడు. ఇన్నింగ్స్‌ ఆరంభంలో 12 వద్ద తన్‌జీద్‌ను రనౌట్‌ చేసే అవకాశం వచ్చినా...అయ్యర్‌ త్రో స్టంప్స్‌కు చాలా దూరంగా వెళ్లింది. భారత్‌ ఇన్నింగ్స్‌లో రాహుల్‌ 9 వద్ద ఉన్నప్పుడు జాకీర్‌ సులువైన క్యాచ్‌ వదిలేసి మేలు చేశాడు.200 వన్డేల్లో షమీ 200 వికెట్ల మైలురాయిని అందుకున్నాడు. బంతుల పరంగా చూస్తే అందరికంటే వేగంగా (5126 బంతుల్లో) ఈ ఘనత సాధించిన బౌలర్‌గా అతను రికార్డు సాధించాడు. ఇందు కోసం మిచెల్‌ స్టార్క్‌కు (ఆ్రస్టేలియా) 5240 బంతులు పట్టాయి. తక్కువ ఇన్నింగ్స్‌లో ఈ ఘనత సాధించిన భారత బౌలర్‌గానూ షమీ గుర్తింపు పొందాడు. గతంలో అజిత్‌ అగార్కర్‌ 133 ఇన్నింగ్స్‌లో ఈ మైలురాయి అందుకోగా... షమీ 103 ఇన్నింగ్స్‌లు తీసుకున్నాడు.60 ఐసీసీ టోర్నీల్లో అత్యధిక (60) వికెట్లు తీసిన భారత బౌలర్‌గా షమీ నిలిచాడు. జహీర్‌ ఖాన్‌ (32 ఇన్నింగ్స్‌లలో 59) రికార్డును షమీ (19 ఇన్నింగ్స్‌లలో 60) సవరించాడు.11000 వన్డేల్లో రోహిత్‌ 11 వేల పరుగులు పూర్తి చేసుకొని ఈ ఘనత సాధించిన 10వ ఆటగాడిగా నిలిచాడు.156 వన్డేల్లో కోహ్లి క్యాచ్‌ల సంఖ్య. భారత్‌ తరఫున అత్యధిక క్యాచ్‌లు పట్టిన ఫీల్డర్‌గా అజహరుద్దీన్‌ (156) రికార్డును సమం చేయగా... జయవర్ధనే (218), పాంటింగ్‌ (160) వీరికంటే ముందున్నారు. చాంపియన్స్‌ ట్రోఫీలో నేడు దక్షిణాఫ్రికా X అఫ్గానిస్తాన్‌ వేదిక: కరాచీ మధ్యాహ్నం గం. 2:30 నుంచి స్టార్‌ స్పోర్ట్స్, స్పోర్ట్స్‌ 18, జియోహాట్‌స్టార్‌లో ప్రత్యక్ష ప్రసారం

ఐసీసీ ఛాంపియ‌న్స్ ట్రోఫీ-2025లో భారత్ శుభారంభం చేసింది. ఈ మెగా టోర్నీలో భాగంగా దుబాయ్ వేదికగా బంగ్లాదేశ్‌తో జరిగిన మ్యాచ్‌లో 6 వికెట్ల తేడాతో ఘన విజయాన్ని అందుకుంది. 229 పరుగుల లక్ష్యాన్ని టీమిండియా 4 వికెట్లు కోల్పోయి 46.3 ఓవర్లలో చేధించింది. భారత యువ ఓపెనర్‌, వైస్ ‍కెప్టెన్ శుబ్‌మన్ గిల్(Shubman Gill) అద్బుతమైన సెంచరీతో చెలరేగాడు. ఆఖరి వరకు క్రీజులో నిలబడి మ్యాచ్‌ను గిల్ ఫినిష్ చేశాడు.తొలుత దూకుడుగా ఆడిన గిల్‌.. వరుసగా వికెట్ల పడడంతో కాస్త ఆచితూచి ఆడాడు. ఎప్పుడైతే లక్ష్యానికి జట్టు చేరువైందో గిల్‌​ తన బ్యాటింగ్‌లో జోరును పెంచాడు. ఈ క్రమంలో 125 బంతుల్లో గిల్ తన ఎనిమిదవ సెంచరీ మార్క్‌ను అందుకున్నాడు. ఓవరాల్‌గా 129 బంతులు ఎదుర్కొన్న గిల్‌..9 ఫోర్లు, 2 సిక్స్‌లతో 101 పరుగులు చేసి ఆజేయంగా నిలిచాడు. అతడితో పాటు కెప్టెన్‌ రోహిత్‌ శర్మ(41), కేఎల్‌ రాహుల్‌(41) రాణించారు. బంగ్లా బౌలర్లలో రిషాద్ హొస్సేన్ రెండు వికెట్లు పడగొట్టగా.. ముస్తఫిజుర్‌ రెహ్మన్‌, టాస్కిన్‌ ఆహ్మద్‌ తలా వికెట్‌​ సాధించారు.హృదయ్‌ సూపర్‌ సెంచరీ..ఇక ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన బంగ్లాదేశ్‌ 49.4 ఓవర్లలో 228 పరుగులకు ఆలౌటైంది. బంగ్లా బ్యాటర్లలో తౌహిద్‌ హ్రిదయ్‌(118 బంతుల్లో 4 ఫోర్లు, 6 సిక్స్‌లతో 100) సూపర్‌ సెంచరీతో కదం తొక్కగా.. జాకర్ అలీ(68) ఆర్ధ శతకంతో రాణించాడు. భారత బౌలర్లలో మహ్మద్ షమీ ఫైవ్ వికెట్ హాల్‌తో మెరిశాడు. తన 10 ఓవర్ల కోటాలో షమీ 53 పరుగులిచ్చి 5 వికెట్లు సాధించాడు. అతడితో పాటు హర్షిత్ రాణా మూడు వికెట్లు పడగొట్టాడు. కాగా భారత్‌ తమ తదుపరి మ్యాచ్‌లో ఫిబ్రవరి 23న దాయాది పాకిస్తాన్‌తో దుబాయ్‌ వేదికగా తలపడనుంది.

ఐసీసీ తాజాగా విడుదల చేసిన వన్డే ర్యాంకింగ్స్‌లో టీమిండియా వైస్‌ కెప్టెన్‌ శుభ్‌మన్‌ గిల్‌ నంబర్‌ వన్‌ స్థానానికి ఎగబాకాడు. గత వారం ర్యాంకింగ్స్‌లో రెండో స్థానంలో ఉండిన గిల్‌.. ఓ స్థానం మెరుగుపర్చుకుని టాప్‌ ర్యాంక్‌కు చేరాడు. నంబర్‌ వన్‌ స్థానానికి చేరే క్రమంలో గిల్‌ పాక్‌ స్టార్‌ ఆటగాడు బాబర్‌ ఆజమ్‌ను వెనక్కు నెట్టాడు. ప్రస్తుత ర్యాంకింగ్స్‌లో బాబర్‌ 773 రేటింగ్‌ పాయింట్లతో రెండో స్థానంలో ఉన్నాడు. సచిన్‌, విరాట్‌, ధోని తర్వాత ఐసీసీ వన్డే ర్యాంకింగ్స్‌లో నంబర్‌ వన్‌ స్థానానికి చేరిన నాలుగో భారత బ్యాటర్‌గా గిల్‌ రికార్డుల్లోకెక్కాడు. వన్డే ర్యాంకింగ్స్‌లో గిల్‌ నంబర్‌ స్థానానికి చేరడం ఇది తొలిసారి కాదు. 2023 వన్డే ప్రపంచకప్‌ సమయంలోనూ గిల్‌ టాప్‌ ర్యాంక్‌లో ఉన్నాడు. ప్రస్తుతం గిల్‌ ఖాతాలో 796 రేటింగ్‌ పాయింట్లు ఉన్నాయి. గిల్‌కు రెండో స్థానంలో ఉన్న బాబర్‌కు మధ్య 23 పాయింట్ల వ్యత్యాసం ఉంది.ఈ వారం ర్యాంకింగ్స్‌లో గిల్‌తో కలుపుకుని భారత్‌ నుంచి నలుగురు ఆటగాళ్లు టాప్‌-10లో ఉన్నారు. టీమిండియా కెప్టెన్‌ రోహిత్‌ శర్మ మూడో స్థానంలో.. విరాట్‌ కోహ్లి ఆరులో.. శ్రేయస్‌ అయ్యర్‌ 9వ స్థానంలో నిలిచారు. గత వారంతో పోలిస్తే శ్రేయస్‌ ఓ ర్యాంక్‌ మెరుగుపర్చుకుని తొమ్మిదో స్థానానికి చేరాడు. తాజా ర్యాంకింగ్స్‌లో సౌతాఫ్రికా ఆటగాడు హెన్రిచ్‌ క్లాసెన్‌ నాలుగులో, న్యూజిలాండ్‌ ప్లేయర్‌ డారిల్‌ మిచెల్‌ ఐదులో.. ఐర్లాండ్‌ ఆటగాడు హ్యారీ టెక్టార్‌ ఏడులో.. లంక కెప్టెన్‌ అసలంక ఎనిమిదిలో.. షాయ్‌ హోప్‌ పదో స్థానంలో ఉన్నారు.బౌలర్ల ర్యాంకింగ్స్‌ విషయానికొస్తే.. ఆఫ్ఘనిస్తాన్‌ స్టార్‌ బౌలర్‌ రషీద్‌ ఖాన్‌ను కిందకు దించి లంక స్పిన్నర్‌ మహీశ్‌ తీక్షణ టాప్‌ ర్యాంక్‌కు చేరుకున్నాడు. భారత బౌలర్‌ కుల్దీప్‌ యాదవ్‌ ఓ స్థానం మెరుగుపర్చుకుని నాలుగో స్థానానికి చేరాడు. భారత్‌ నుంచి టాప్‌-10లో కుల్దీప్‌తో పాటు సిరాజ్‌ (10వ ర్యాంక్‌) మాత్రమే ఉన్నాడు. నమీబియా బౌలర్‌ బెర్నాల్డ్‌ స్కోల్జ్‌ మూడులో.. షాహీన్‌ అఫ్రిది ఐదులో.. కేశవ్‌ మహారాజ్‌ ఆరులో.. మిచెల్‌ సాంట్నర్‌ ఏడులో .. మ్యాట్‌ హెన్రీ ఎనిమిదిలో.. గుడకేశ్‌ మోటీ తొమ్మిది స్థానాల్లో ఉన్నారు.ఆల్‌రౌండర్ల ర్యాంకింగ్స్‌ విషయానికొస్తే.. ఆఫ్ఘనిస్తాన్‌ వెటరన్‌ మొహమ్మద్‌ నబీ టాప్‌ ర్యాంక్‌లో కొనసాగుతున్నాడు. జింబాబ్వే ఆటగాడు సికందర్‌ రజా రెండో స్థానంలో నిలిచాడు. భారత్‌ నుంచి రవీంద్ర జడేజా ఒక్కడే టాప్‌-10లో ఉన్నాడు. జడ్డూ 217 రేటింగ్‌ పాయింట్లతో పదో స్థానంలో నిలిచాడు. జట్ల ర్యాంకింగ్స్‌ విషయానికొస్తే.. టీమిండియా టాప్‌ ర్యాంక్‌లో కొనసాగుతుంది. భారత్‌.. రెండో స్థానంలో ఉన్న ఆస్ట్రేలియాకు అందనంత ఎత్తులో ఉంది. ఇరు జట్లకు మధ్య దాదాపు 800 రేటింగ్‌ పాయింట్ల వ్యత్యాసం ఉంది.

టీమిండియా వైస్ కెప్టెన్‌ శుభ్‌మన్‌ గిల్‌ (Shubman Gill) ఐసీసీ వన్డే ర్యాంకింగ్స్‌లో (ICC ODI Rankings) అగ్రపీఠాన్ని అధిరోహించనున్నాడు. ఈ వారం ర్యాంకింగ్స్‌లో రెండో స్థానంలో ఉన్న గిల్‌ (781 రేటింగ్‌ పాయింట్లు).. వచ్చే బుధవారం వెలువడే ర్యాంకింగ్స్‌లో టాప్‌ ర్యాంక్‌కు చేరుకోనున్నాడు. ఇప్పటిదాకా టాప్‌ ర్యాంక్‌లో ఉన్న పాక్‌ ఆటగాడు బాబర్‌ ఆజమ్‌ (Babar Azam) (786).. ఇవాళ (ఫిబ్రవరి 14) న్యూజిలాండ్‌తో జరుగుతున్న ట్రై సిరీస్‌ ఫైనల్లో విఫలమయ్యాడు. బాబర్‌కు గిల్‌కు మధ్య కేవలం ఐదు పాయింట్ల వ్యత్యాసం మాత్రమే ఉంది. ఈ బుధవారం ఇంగ్లండ్‌తో జరిగిన మూడో వన్డేలో గిల్‌ సెంచరీ చేశాడు. ఈ వారం ర్యాంకింగ్స్‌లో ఇది పరిగణలోకి రాలేదు. కాబట్టి వచ్చే వారం ర్యాంకింగ్స్‌లో ఈ సెంచరీ తాలుకా పాయింట్లు గిల్‌కు యాడ్‌ అవుతాయి. దీంతో ఛాంపియన్స్‌ ట్రోఫీ తొలి మ్యాచ్‌కు (బంగ్లాదేశ్‌తో) ముందే గిల్‌ ఐసీసీ వన్డే ర్యాంకింగ్స్‌లో బాబర్‌ను కిందకు దించి టాప్‌ ర్యాంక్‌కు చేరుకుంటాడు.రేసులో రోహిత్‌ కూడా..!వన్డే ర్యాంకింగ్స్‌ టాప్‌ ర్యాంక్‌ రేసులో టీమిండియా కెప్టెన్‌ రోహిత్‌ శర్మ (Rohit Sharma) కూడా ఉన్నాడు. ఈ వారం ర్యాంకింగ్స్‌లో మూడో స్థానంలో ఉన్న రోహిత్‌.. ఛాంపియన్స్‌ ట్రోఫీ తొలి మ్యాచ్‌లో మంచి ఇన్నింగ్స్‌ ఆడితే గిల్‌ను సైతం వెనక్కునెట్టి టాప్‌ ర్యాంక్‌కు చేరుకుంటాడు. ప్రస్తుతం టాప్‌ ర్యాంక్‌లో ఉన్న బాబర్‌కు రోహిత్‌కు మధ్య కేవలం 13 పాయింట్ల వ్యత్యాసం మాత్రమే ఉంది. బాబర్‌ ఖాతాలో 786 పాయింట్లు ఉండగా.. రోహిత్‌ ఖాతాలో 773 పాయింట్లు ఉన్నాయి.చరిత్ర సృష్టించిన బాబర్‌న్యూజిలాండ్‌తో జరుగుతున్న ట్రై సిరీస్‌ ఫైనల్లో విఫలమైనా పాక్‌ మాజీ కెప్టెన్‌ బాబర్‌ ఆజమ్‌ చరిత్ర సృష్టించాడు. వన్డేల్లో అత్యంత వేగంగా 6000 పరుగులు పూర్తి చేసిన ఆటగాడిగా దక్షిణాఫ్రికా మాజీ ఆటగాడు హాషిమ్‌ ఆమ్లాతో కలిసి రికార్డు షేర్‌ చేసుకున్నాడు. ఆమ్లా, బాబర్‌కు తలో 123 ఇన్నింగ్స్‌ల్లో 6000 పరుగులు పూర్తి చేశారు. వన్డేల్లో అత్యంత వేగంగా 6000 పరుగులు పూర్తి చేసిన టాప్‌-5 ఆటగాళ్ల జాబితాలో బాబర్‌, ఆమ్లా తర్వాతి స్థానాల్లో విరాట్‌ కోహ్లి, కేన్‌ విలియమ్సన్‌, డేవిడ్‌ వార్నర్‌ ఉన్నారు. విరాట్‌ 136 ఇన్నింగ్స్‌ల్లో ఈ మైలురాయిని తాకితే.. కేన్‌ మామ, వార్నర్‌ భాయ్‌ తలో 139 ఇన్నింగ్స్‌ల్లో 6000 పరుగుల క్లబ్‌లో చేరారు.ట్రై సిరీస్‌ ఫైనల్‌ విషయానికొస్తే.. ఈ మ్యాచ్‌లో పాకిస్తాన్‌ టాస్‌ గెలిచి తొలుత బ్యాటింగ్‌ చేస్తుంది. 41.5 ఓవర్ల అనంతరం ఆ జట్టు 6 వికెట్లు కోల్పోయి 195 పరుగులు చేసింది. పాక్‌ ఇన్నింగ్స్‌లో ఇప్పటివరకు ఒక్క హాఫ్‌ సెంచరీ కూడా నమోదు కాలేదు. రిజ్వాన్‌ 46, సల్మాన్‌ అఘా 45, తయ్యబ్‌ తాహిర్‌ 38, బాబర్‌ ఆజమ్‌ 29 పరుగులు చేశారు. ఖుష్దిల్‌ షా (6), ఫమీమ్‌ అష్రఫ్‌ (1) క్రీజ్‌లో ఉన్నారు. న్యూజిలాండ్‌ బౌలర్లలో విలియమ్‌ ఓరూర్కీ, మైఖేల్‌ బ్రేస్‌వెల్‌ తలో 2 వికెట్లు పడగొట్టగా.. నాథన్‌ స్మిత్‌, జేకబ్‌ డఫీ చెరో వికెట్‌ దక్కించుకున్నారు.

ఐసీసీ తాజాగా విడుదల చేసిన వన్డే ర్యాంకింగ్స్‌లో (ICC ODI Rankings) టీమిండియా వైస్‌ కెప్టెన్‌ శుభ్‌మన్‌ గిల్‌ (Shubman Gill) రెండో స్థానానికి ఎగబాకాడు. పాక్‌ మాజీ కెప్టెన్‌ బాబర్‌ ఆజమ్‌ (Babar Azam) టాప్‌ ర్యాంక్‌ను నిలబెట్టుకున్నాడు. బాబర్‌కు గిల్‌కు మధ్య రేటింగ్‌ పాయింట్ల వ్యత్యాసం చాలా తక్కువగా ఉంది. గిల్‌ మరో 6 పాయింట్లు సాధిస్తే బాబర్‌ ఆజమ్‌కు కిందకు దించి టాప్‌ ర్యాంక్‌కు చేరుకుంటాడు. గిల్‌ రెండో స్థానానికి చేరడంతో అప్పటివరకు ఆ స్థానంలో ఉన్న టీమిండియా కెప్టెన్‌ రోహిత్‌ శర్మ (Rohit Sharma) మూడో స్థానానికి పడిపోయాడు. వచ్చే వారం ప్రకటించే ర్యాంకింగ్స్‌లో రోహిత్‌కు కూడా అగ్రస్థానానికి చేరుకునే అవకాశం ఉంది. మూడో స్థానంలో ఉన్న రోహిత్‌కు టాప్‌ ప్లేస్‌లో ఉన్న బాబర్‌కు మధ్య కేవలం 13 పాయింట్ల వ్యత్యాసం మాత్రమే ఉంది. ప్రస్తుతం బాబర్‌ ఖాతాలో 786 పాయింట్లు, గిల్‌ ఖాతాలో 781, రోహిత్‌ ఖాతాలో 773 పాయింట్లు ఉన్నాయి.ఈ వారం ర్యాంకింగ్స్‌లో టీమిండియా స్టార్‌ ఆటగాడు విరాట్‌ కోహ్లి రెండు స్థానాలు కోల్పోయాడు. గత వారం నాలుగో ప్లేస్‌లో ఉన్న కోహ్లి.. ఇంగ్లండ్‌తో రెండో వన్డేలో విఫలం కావడంతో ఆరో స్థానానికి పడిపోయాడు. ఇంగ్లండ్‌తో తొలి రెండు వన్డేల్లో రాణించిన భారత మిడిలార్డర్‌ బ్యాటర్‌ శ్రేయస్‌ ఓ స్థానం మెరుగుపర్చుకుని 10వ స్థానానికి చేరుకున్నాడు. ఈ వారం టాప్‌-10 బ్యాటర్ల ర్యాంకింగ్స్‌లో నలుగురు భారత బ్యాటర్లు ఉన్నారు. ఐర్లాండ్‌ ఆటగాడు హ్యారీ టెక్టార్‌ నాలుగో స్థానంలో, హెన్రిచ్‌ క్లాసెన్‌ ఐదులో, డారిల్‌ మిచెల్‌ ఏడులో, షాయ్‌ హోప్‌, రహ్మానుల్లా గుర్భాజ్‌ ఎనిమిది, తొమ్మిది స్థానాల్లో ఉన్నారు. ఇంగ్లండ్‌తో నిన్న జరిగిన మూడో వన్డే తాజా ర్యాంకింగ్స్‌ పరిగణలోకి రాలేదు.వన్డే బౌలర్ల ర్యాంకింగ్స్‌ విషయానికొస్తే.. రషీద్‌ ఖాన్‌ అగ్రస్థానానికి నిలబెట్టుకున్నాడు. మహీశ్‌ తీక్షణ ఓ స్థానం మెరుగుపర్చుకుని రెండో స్థానానికి ఎగబాకాడు. నమీబియా బౌలర్‌ బెర్నార్డ్‌ స్కోల్జ్‌ రెండు స్థానాలు మెరుగుపర్చుకుని మూడో ప్లేస్‌కు చేరాడు. పాక్‌ పేసర్‌ షాహీన్‌ అఫ్రిది నాలుగో స్థానాన్ని కాపాడుకోగా.. భారత స్పిన్నర్‌ కుల్దీప్‌ యాదవ్‌ మూడు స్థానాలు కోల్పోయి ఐదో ప్లేస్‌కు పడిపోయాడు. ఇంగ్లండ్‌తో తాజాగా జరిగిన సిరీస్‌కు దూరంగా ఉన్న మొహమ్మద్‌ సిరాజ్‌ నాలుగు స్థానాలు కోల్పోయి 10వ ప్లేస్‌కు పడిపోయాడు. తాజా ర్యాంకింగ్స్‌లో భారత్‌ నుంచి కేవలం ఇద్దరు మాత్రమే టాప్‌-10లో ఉన్నారు. ఆల్‌రౌండర్ల ర్యాంకింగ్స్‌లో మొహమ్మద్‌ నబీ టాప్‌ ప్లేస్‌లో కొనసాగుతుండగా.. రవీంద్ర జడేజా 10వ స్థానాన్ని నిలబెట్టుకున్నాడు.

వన్డేల్లో భారత జట్టు మరోసారి తమ బలాన్ని ప్రదర్శించింది. సొంతగడ్డపై తమ స్థాయిని చూపిస్తూ ఇంగ్లండ్‌ను క్లీన్‌స్వీప్‌ చేసింది. గత రెండు మ్యాచ్‌ల తరహాలో సంపూర్ణ ఆధిపత్యం కనబర్చిన టీమిండియా చివరి పోరులోనూ ఘన విజయాన్ని అందుకుంది. కెరీర్‌లో 50వ వన్డే ఆడిన శుబ్‌మన్‌ గిల్‌ శతకానికి తోడు శ్రేయస్‌ అయ్యర్, విరాట్‌ కోహ్లి రాణించడంతో భారీ స్కోరు సాధించిన టీమిండియా ఆ తర్వాత బలమైన బౌలింగ్‌తో ప్రత్యర్థిని కట్టి పడేసింది.‘బజ్‌బాల్‌‘ మాయలో ‘బ్యాడ్‌బాల్‌’గా మారిపోయిన ఆటతో ఇంగ్లండ్‌ మరో భారీ ఓటమిని మూటగట్టుకుంది. మరోవైపు కోహ్లి సహా ప్రధాన బ్యాటర్లంతా ఫామ్‌లోకి వచ్చిన సానుకూలతతో ఇక చాంపియన్స్‌ ట్రోఫీ సమరానికి రోహిత్‌ బృందం సన్నద్ధమైంది. అహ్మదాబాద్‌: ఇంగ్లండ్‌పై టి20 సిరీస్‌ను 4–1తో గెలుచుకున్న భారత్‌ జట్టు ఇప్పుడు వన్డే సిరీస్‌ను 3–0తో క్లీన్‌స్వీప్‌ చేసింది. బుధవారం నరేంద్ర మోదీ స్టేడియంలో జరిగిన చివరిదైన మూడో మ్యాచ్‌లో భారత్‌ 142 పరుగుల తేడాతో ఇంగ్లండ్‌పై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన భారత్‌ 50 ఓవర్లలో 356 పరుగులకు ఆలౌటైంది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (102 బంతుల్లో 112; 14 ఫోర్లు, 3 సిక్స్‌లు) సెంచరీతో చెలరేగగా... శ్రేయస్‌ అయ్యర్‌ (64 బంతుల్లో 78; 8 ఫోర్లు, 2 సిక్స్‌లు), కోహ్లి (55 బంతుల్లో 52; 7 ఫోర్లు, 1 సిక్స్‌) అర్ధసెంచరీలు చేశారు. కోహ్లితో 116 పరుగులు జోడించిన గిల్, అయ్యర్‌తో 104 పరుగులు జత చేశాడు. అనంతరం ఇంగ్లండ్‌ 34.2 ఓవర్లలో 214 పరుగులకే ఆలౌటైంది. అట్కిన్సన్‌ (19 బంతుల్లో 38; 6 ఫోర్లు, 1 సిక్స్‌), బాంటన్‌ (41 బంతుల్లో 38; 4 ఫోర్లు, 2 సిక్స్‌లు) టాప్‌ స్కోరర్లుగా నిలిచారు. సిరీస్‌లో 259 పరుగులు చేసిన గిల్‌కే ‘ప్లేయర్‌ ఆఫ్‌ ద సిరీస్‌’ అవార్డు దక్కింది. శతక భాగస్వామ్యాలు... గత మ్యాచ్‌లో సెంచరీతో చెలరేగిన రోహిత్‌ శర్మ (1) ఈసారి రెండో బంతికే వెనుదిరిగాడు. అయితే గిల్, కోహ్లి భాగస్వామ్యంలో భారత్‌ ఇన్నింగ్స్‌ సరైన దిశలో సాగింది. 7 పరుగుల వద్ద సమన్వయ లోపంతో కోహ్లి రనౌట్‌ ప్రమాదంలో పడినా వుడ్‌ త్రో నేరుగా వికెట్లను తగలకపోవడంతో బతికిపోయాడు. తొలి 10 ఓవర్లలో భారత్‌ 52 పరుగులు చేసింది. ఆ తర్వాత వీరిద్దరు కొన్ని చక్కటి షాట్లతో అలరించారు. ఐదు బంతుల వ్యవధిలో గిల్‌ (51 బంతుల్లో), కోహ్లి (50 బంతుల్లో) అర్ధ సెంచరీలు పూర్తయ్యాయి. అయితే తర్వాతి ఓవర్లో రషీద్‌ వేసిన చక్కటి బంతిని ఆడలేక కోహ్లి వెనుదిరిగాడు. అనంతరం ఫామ్‌లో ఉన్న అయ్యర్‌...గిల్‌తో జత కలిశాడు. ఈ జోడీ కూడా పదునైన బ్యాటింగ్‌తో అలవోకగా పరుగులు సాధించింది. వుడ్‌ ఓవర్లో డీప్‌ మిడ్‌వికెట్‌ మీదుగా ఫోర్‌ కొట్టి 95 బంతుల్లోనే గిల్‌ సెంచరీ మార్క్‌ను చేరుకున్నాడు. ఆ వెంటనే 43 బంతుల్లో అయ్యర్‌ హాఫ్‌ సెంచరీ సాధించాడు. అయితే తక్కువ వ్యవధిలో వీరిద్దరిని ఆదిల్‌ రషీద్‌ వెనక్కి పంపించాడు. గత రెండు వన్డేల్లో విఫలమైన కేఎల్‌ రాహుల్‌ (29 బంతుల్లో 40; 3 ఫోర్లు, 1 సిక్స్‌) ఈసారి మెరుగ్గా ఆడగా... రషీద్‌ ఓవర్లో వరుసగా 6, 6 బాది తర్వాతి బంతికి హార్దిక్‌ పాండ్యా (9 బంతుల్లో 17) అవుటయ్యాడు.తర్వాత వచ్చిన బ్యాటర్లందరూ దూకుడుగా ఆడే ప్రయత్నం చేశారు. ఈ క్రమంలో వరుసగా వికెట్లు కోల్పోయినా... భారత్‌ 350 పరుగుల స్కోరును దాటగలిగింది. ఆఖరి 7 బంతుల్లో 3 వికెట్లు కోల్పోయి ఆలౌటైంది. భారత తుది జట్టులో వరుణ్‌ చక్రవర్తి, షమీ, రవీంద్ర జడేజా స్థానాల్లో కుల్దీప్, వాషింగ్టన్‌ సుందర్, అర్ష్ దీప్ తుది జట్టులోకి వచ్చారు. సమష్టి వైఫల్యం... భారీ లక్ష్యాన్ని ఛేదించే క్రమంలో ఇంగ్లండ్‌ ఓపెనర్లు ఫిల్‌ సాల్ట్‌ (21 బంతుల్లో 23; 4 ఫోర్లు), బెన్‌ డకెట్‌ (22 బంతుల్లో 34; 8 ఫోర్లు) సరైన ఆరంభాన్ని అందించారు. వీరిద్దరు తొలి వికెట్‌కు 6.2 ఓవర్లలోనే 60 పరుగులు జోడించారు. రాణా తన తొలి 2 ఓవర్లలో 5 ఫోర్లతో 22 పరుగులు ఇవ్వగా... అర్ష్ దీప్ ఓవర్లో డకెట్‌ వరుసగా 4 బంతుల్లో 4 ఫోర్లు కొట్టాడు. అయితే ఈ భాగస్వామ్యం విడిపోయిన తర్వాత ఇంగ్లండ్‌ తడబడింది. బాంటన్, రూట్‌ (29 బంతుల్లో 24; 2 ఫోర్లు) కొద్దిసేపు నిలబడినా వీరిద్దరు ఎనిమిది పరుగుల వ్యవధిలో వెనుదిరిగారు. ఆ తర్వాత జట్టు కోలుకోలేకపోయింది. టపటపా వికెట్లను కోల్పోయి ఓటమి దిశగా పయనించింది. రాణా వరుసగా రెండు ఓవర్లలో బట్లర్‌ (6), బ్రూక్‌ (26 బంతుల్లో 19; 1 ఫోర్, 1 సిక్స్‌)లను బౌల్డ్‌ చేయడంతో జట్టు ఆశలు కోల్పోయింది. మిగతా లాంఛనం ముగిసేందుకు ఎక్కువ సమయం పట్టలేదు. మరో 15.4 ఓవర్లు మిగిలి ఉండగానే జట్టు కుప్పకూలింది. స్కోరు వివరాలు భారత్‌ ఇన్నింగ్స్‌: రోహిత్‌ (సి) సాల్ట్‌ (బి) వుడ్‌ 1; గిల్‌ (బి) రషీద్‌ 112; కోహ్లి (సి) సాల్ట్‌ (బి) రషీద్‌ 52; అయ్యర్‌ (సి) సాల్ట్‌ (బి) రషీద్‌ 78; రాహుల్‌ (ఎల్బీ) (బి) మహమూద్‌ 40; పాండ్యా (బి) రషీద్‌ 17; అక్షర్‌ (సి) బాంటన్‌ (బి) రూట్‌ 13; సుందర్‌ (సి) బ్రూక్‌ (బి) వుడ్‌ 14; రాణా (సి) బట్లర్‌ (బి) అట్కిన్సన్‌ 13; అర్ష్ దీప్ (రనౌట్‌) 2; కుల్దీప్‌ (నాటౌట్‌) 1; ఎక్స్‌ట్రాలు 13; మొత్తం (50 ఓవర్లలో ఆలౌట్‌) 356. వికెట్ల పతనం: 1–6, 2–122, 3–226, 4–259, 5–289, 6–307, 7–333, 8–353, 9–353, 10–356. బౌలింగ్‌: సాఖిబ్‌ మహమూద్‌ 10–0–68–1, మార్క్‌ వుడ్‌ 9–1–45–2, అట్కిన్సన్‌ 8–0–74–1, రూట్‌ 5–0–47–1, ఆదిల్‌ రషీద్‌ 10–0–64–4, లివింగ్‌స్టోన్‌ 8–0–57–0. ఇంగ్లండ్‌ ఇన్నింగ్స్‌: సాల్ట్‌ (సి) అక్షర్‌ (బి) అర్ష్ దీప్ 23; డకెట్‌ (సి) రోహిత్‌ (బి) అర్ష్ దీప్ 34; బాంటన్‌ (సి) రాహుల్‌ (బి) కుల్దీప్‌ 38; రూట్‌ (బి) అక్షర్‌ 24; బ్రూక్‌ (బి) రాణా 19; బట్లర్‌ (బి) రాణా 6; లివింగ్‌స్టోన్‌ (స్టంప్డ్‌) రాహుల్‌ (బి) సుందర్‌ 9; అట్కిన్సన్‌ (బి) అక్షర్‌ 38; రషీద్‌ (బి) పాండ్యా 0; వుడ్‌ (సి) అయ్యర్‌ (బి) పాండ్యా 9; మహమూద్‌ (నాటౌట్‌) 2; ఎక్స్‌ట్రాలు 12; మొత్తం (34.2 ఓవర్లలో ఆలౌట్‌) 214. వికెట్ల పతనం: 1–60, 2–80, 3–126, 4–134, 5–154, 6–161, 7–174, 8–175, 9–193, 10–214. బౌలింగ్‌: అర్ష్ దీప్ 5–0–33–2, హర్షిత్‌ రాణా 5–1–31–2, వాషింగ్టన్‌ సుందర్‌ 5–0–43–1, అక్షర్‌ పటేల్‌ 6.2–1–22–2, పాండ్యా 5–0–38–2, కుల్దీప్‌ యాదవ్‌ 8–0–38–1. ప్రాక్టీస్‌ మ్యాచ్‌లు ఆడకుండానే..చాంపియన్స్‌ ట్రోఫీ బరిలో టీమిండియా దుబాయ్‌: చాంపియన్స్‌ ట్రోఫీకి ముందు సన్నాహకంగా భారత జట్టు ఎలాంటి ప్రాక్టీస్‌ మ్యాచ్‌లు ఆడటం లేదు. బుధవారం వరకు స్వదేశంలో ఇంగ్లండ్‌తో మూడు వన్డేల సిరీస్‌ ఆడిన టీమిండియా... తమకు ప్రాక్టీస్‌ మ్యాచ్‌ల అవసరం లేదని తేల్చేసింది. టోర్నీలో ప్రాక్టీస్‌ మ్యాచ్‌లు ఫిబ్రవరి 14–17 మధ్య జరుగుతాయి. 19న టోర్నీ ప్రారంభం కానుండగా, భారత జట్టు 15న దుబాయ్‌ చేరుకుంటుంది. మరోవైపు అఫ్గానిస్తాన్, దక్షిణాఫ్రికా, బంగ్లాదేశ్‌ టీమ్‌లు మాత్రం పాక్‌ గడ్డపైనే ప్రాక్టీస్‌ మ్యాచ్‌లు ఆడబోతున్నాయి. ఈ మూడు మ్యాచ్‌లలో తలపడేందుకు ప్రత్యర్థులుగా పాకిస్తాన్‌ మూడు వేర్వేరు జట్లను ఎంపిక చేసింది. మరో ప్రాక్టీస్‌ పోరులో న్యూజిలాండ్, అఫ్గానిస్తాన్‌ తలపడతాయి. 1ఒకే మైదానంలో మూడు ఫార్మాట్‌లలోనూ (టెస్టు, వన్డే, టి20) సెంచరీలు చేసిన తొలి భారతీయ క్రికెటర్‌గా శుబ్‌మన్‌ గిల్‌ గుర్తింపు పొందాడు. నరేంద్ర మోదీ స్టేడియంలో గిల్‌ టి20ల్లో (న్యూజిలాండ్‌పై 126 నాటౌట్‌; 2023లో), టెస్టుల్లో (ఆ్రస్టేలియాపై 128; 2023లో), వన్డేల్లో (ఇంగ్లండ్‌పై 112; 2025లో) ఒక్కో సెంచరీ సాధించాడు.

ఇంగ్లండ్‌తో మూడో వన్డే(India vs England)లో భారత బ్యాటర్లు అదరగొట్టారు. ఫలితంగా అహ్మదాబాద్‌లో టీమిండియా భారీ స్కోరు సాధించింది. తద్వారా నరేంద్ర మోదీ స్టేడియంలో భారత్‌ ఖాతాలో అతిపెద్ద స్కోరు(Highest ODI total) నమోదైంది. కాగా రోహిత్‌ సేన ప్రస్తుతం స్వదేశంలో ఇంగ్లండ్‌తో మూడు మ్యాచ్‌ల వన్డే సిరీస్‌ ఆడుతున్న విషయం తెలిసిందే.ఇందులో భాగంగా నాగ్‌పూర్‌, కటక్‌ వన్డేల్లో ఇంగ్లండ్‌ను నాలుగేసి వికెట్ల తేడాతో ఓడించిన టీమిండియా.. మరో మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. ఈ క్రమంలో ఇరుజట్ల మధ్య బుధవారం మూడో వన్డేలోనూ గెలిచి వైట్‌వాష్‌ చేయాలనే లక్ష్యంతో బరిలోకి దిగింది.అయితే, ఈ మ్యాచ్‌లో టాస్‌ ఓడిన భారత్‌ తొలుత బ్యాటింగ్‌ చేయాల్సి వచ్చింది. ఈ క్రమంలో ఆరంభంలోనే కెప్టెన్‌, ఓపెనర్‌ రోహిత్‌ శర్మ(Rohit Sharma) వికెట్‌ రూపంలో టీమిండియాకు గట్టి షాక్‌ తగిలింది. గత వన్డేలో సెంచరీ(119)తో చెలరేగిన హిట్‌మ్యాన్‌ మూడో వన్డేలో మాత్రం ఒక్క పరుగే చేసి మార్క్‌వుడ్‌ బౌలింగ్‌లో వెనుదిరిగాడు.ఎట్టకేలకు ఫామ్‌లోకిఈ నేపథ్యంలో మరో ఓపెనర్‌ శుబ్‌మన్‌ గిల్‌కు జతైన వన్‌డౌన్‌ బ్యాటర్‌ విరాట్‌ కోహ్లి ఎట్టకేలకు ఫామ్‌లోకి వచ్చాడు. మూడుసార్లు అవుటయ్యే ప్రమాదం నుంచి తప్పించుకున్న ఈ కుడిచేతి వాటం బ్యాటర్‌ 55 బంతుల్లో ఏడు ఫోర్లు, ఒక సిక్స్‌ సాయంతో 52 పరుగులు చేశాడు. అప్పటికే, హాఫ్‌ సెంచరీ పూర్తి చేసుకున్న గిల్‌.. దానిని శతకంగా మార్చుకున్నాడు.గిల్‌ శతకంమొత్తంగా 102 బంతులు ఎదుర్కొన్న శుబ్‌మన్‌ గిల్‌ 14 ఫోర్లు, 3 సిక్స్‌లు బాది.. 112 పరుగులు సాధించాడు. అతడికి తోడుగా నాలుగో నంబర్‌ బ్యాటర్‌ శ్రేయస్‌ అయ్యర్(64 బంతుల్లో 78 రన్స్‌) అద్భుత అర్ధ శతకంతో మెరిశాడు. మరోవైపు.. తన రెగ్యులర్‌ స్థానమైన ఐదో నంబర్‌లో వచ్చిన కేఎల్‌ రాహుల్‌ మెరుపు ఇన్నింగ్స్‌ ఆడాడు.కేవలం 29 బంతుల్లోనే మూడు ఫోర్లు, ఒక సిక్సర్‌ కొట్టి 40 పరుగులు సాధించాడు ఈ వికెట్‌ కీపర్‌ బ్యాటర్‌. మిగతా వాళ్లలో ఎవరూ పెద్దగా రాణించలేదు. ఆల్‌రౌండర్లు హార్దిక్‌ పాండ్యా(17), అక్షర్‌ పటేల్‌(13), వాషింగ్టన్‌ సుందర్‌(14).. పేసర్లు హర్షిత్‌ రాణా(13), అర్ష్‌దీప్‌ సింగ్‌(2), కుల్దీప్‌ యాదవ్‌(1*) నామమాత్రపు స్కోర్లకే పరిమితమయ్యారు.అవయవ దానం గురించిఈ క్రమంలో నిర్ణీత 50 ఓవర్లలో టీమిండియా 356 పరుగులు చేసి ఆలౌట్‌ అయింది. ఇంగ్లండ్‌ బౌలర్లలో రైటార్మ్‌ లెగ్‌బ్రేక్‌ స్పిన్నర్‌ ఆదిల్‌ రషీద్‌ అత్యధికంగా నాలుగు వికెట్లు తీయగా.. పేసర్లు మార్క్‌ వుడ్‌ రెండు, గస్‌ అట్కిన్సన్‌ ఒకటి, పార్ట్‌ టైమ్‌ స్పిన్నర్‌ జో రూట్‌ ఒక వికెట్‌ తీశారు. ఇక ఈ మ్యాచ్‌ సందర్భంగా టీమిండియా- ఇంగ్లండ్‌ క్రికెటర్లు అవయవ దానం గురించి అవగాహన కల్పించే చేసే క్రమంలో గ్రీన్‌ ఆర్మ్‌ బ్యాండ్‌తో బరిలోకి దిగడం విశేషం.అహ్మదాబాద్‌లో వన్డేల్లో అత్యధిక స్కోర్లుసౌతాఫ్రికా వర్సెస్‌ ఇండియా- 2010లో 365/2ఇండియా వర్సెస్‌ ఇంగ్లండ్‌- 2025లో 356ఇండియా వర్సెస్‌ వెస్టిండీస్‌- 2002లో 325/5వెస్టిండీస్‌ వర్సెస్‌ ఇండియా- 2002లో 324/4 పాకిస్తాన్‌ వర్సెస్‌ ఇండియా- 2007లో 319/7.చదవండి: చరిత్ర సృష్టించిన కోహ్లి.. భారత తొలి బ్యాటర్‌గా అరుదైన రికార్డువారెవ్వా!.. శుబ్‌మన్‌ గిల్‌ ప్రపంచ రికార్డు

టీమిండియా యువ ఓపెనర్‌, వైస్‌ కెప్టెన్‌ శుబ్‌మన్‌ గిల్‌(Shubman Gill) సూపర్‌ సరికొత్త చరిత్ర లిఖించాడు. వన్డేల్లో సౌతాఫ్రికా బ్యాటర్‌ హషీం ఆమ్లా(Hashim Amla) పేరిట ఉన్న ప్రపంచ రికార్డును బద్దలు కొట్టాడు. ఇంగ్లండ్‌తో మూడో వన్డే(India vs England) సందర్భంగా శతకం బాదిన ‘ప్రిన్స్‌’ ఈ ఘనత సాధించాడు.కాగా ఐసీసీ చాంపియన్స్‌ ట్రోఫీ-2025కి ముందు టీమిండియా స్వదేశంలో ఇంగ్లండ్‌తో మూడు వన్డేల సిరీస్‌ ఆడుతోంది. ఇందులో భాగంగా తొలుత నాగ్‌పూర్‌లో నాలుగు వికెట్ల తేడాతో పర్యాటక జట్టును ఓడించిన రోహిత్‌ సేన.. కటక్‌లో జరిగిన రెండో వన్డేలోనూ అదే ఫలితాన్ని పునరావృతం చేసింది. తద్వారా సిరీస్‌ను 2-0తో కైవసం చేసుకుంది.గిల్‌ సూపర్‌ సెంచరీఈ క్రమంలో ఇరుజట్ల మధ్య అహ్మదాబాద్‌ వేదికగా నామామాత్రపు మూడో వన్డేలోనూ గెలిచి క్లీన్‌స్వీప్‌ చేయాలనే లక్ష్యంతో ఉంది. నరేంద్ర మోదీ స్టేడియంలో బుధవారం నాటి ఈ మ్యాచ్‌లో టాస్ ఓడిన భారత జట్టు తొలుత బ్యాటింగ్‌కు దిగింది. అయితే, గత మ్యాచ్‌లో శతకం(119) బాదిన కెప్టెన్‌, ఓపెనర్‌ రోహిత్‌ శర్మ(1) ఈసారి విఫలం కాగా.. మరో ఓపెనర్‌ శుబ్‌మన్‌ గిల్‌ మాత్రం సెంచరీతో మెరిశాడు.తొలి యాభై ఇన్నింగ్స్‌లోమొత్తంగా 102 బంతులు ఎదుర్కొని 112 పరుగులు సాధించాడు. గిల్‌ ఇన్నింగ్స్‌లో ఏకంగా పద్నాలుగు ఫోర్లతో పాటు మూడు సిక్సర్లు ఉన్నాయి. ఈ క్రమంలోనే గిల్‌ హషీం ఆమ్లాను అధిగమించాడు. వన్డేల్లో ఆడిన తొలి యాభై ఇన్నింగ్స్‌లో అత్యధిక పరుగులు చేసిన బ్యాటర్‌గా ప్రపంచ రికార్డు సృష్టించాడు.అంతేకాదు.. ఒకే వేదికపై మూడు ఫార్మాట్లలో శతకం బాదిన ఐదో బ్యాటర్‌గానూ శుబ్‌మన్‌ గిల్‌ చరిత్రకెక్కాడు. ఇక ఇంగ్లండ్‌ స్పిన్నర్‌ ఆదిల్‌ రషీద్‌ బౌలింగ్‌లో బౌల్డ్‌ కావడంతో మూడో వన్డేలో గిల్‌ సెంచరీ ఇన్నింగ్స్‌కు తెరపడింది.కోహ్లి కూడా ఫామ్‌లోకిఇక ఈ మ్యాచ్‌తో మరో స్టార్‌ బ్యాటర్‌ విరాట్‌ కోహ్లి కూడా ఫామ్‌లోకి వచ్చాడు. అహ్మదాబాద్‌లో 55 బంతులు ఎదుర్కొని ఏడు ఫోర్లు, ఒక సిక్సర్‌ సాయంతో 52 పరుగులు సాధించాడు. మరోవైపు.. నాలుగో నంబర్‌ బ్యాటర్‌ శ్రేయస్‌ అయ్యర్‌ కూడా అద్భుత హాఫ్‌ సెంచరీ(64 బంతుల్లో 78)తో మెరిశాడు.ఇదిలా ఉంటే.. 2019లో టీమిండియా తరఫున అరంగేట్రం చేసిన శుబ్‌మన్‌ గిల్‌ ఇప్పటి వరకు 50 వన్డేలు, 32 టెస్టులు, 21 టీ20లు ఆడాడు. వరుసగా ఆయా ఫార్మాట్లలో 2587, 1893, 578 పరుగులు చేశాడు.అంతర్జాతీయ స్థాయిలో వన్డేల్లో తొలి యాభై ఇన్నింగ్స్‌లో అత్యధిక పరుగులు చేసిన క్రికెటర్లు👉శుబ్‌మన్‌ గిల్‌(ఇండియా)- 2587 పరుగులు👉హషీం ఆమ్లా(సౌతాఫ్రికా)- 2486 పరుగులు👉ఇమామ్‌ ఉల్‌ హక్‌(పాకిస్తాన్‌)- 2386 పరుగులు👉ఫఖర్‌ జమాన్‌(పాకిస్తాన్‌)- 2262 పరుగులు👉షాయీ హోప్‌(వెస్టిండీస్‌)- 2247 పరుగులుఒకే వేదికపై వన్డే, టెస్టు, టీ20 ఫార్మాట్లలో శతకం బాదిన క్రికెటర్లు👉ఫాఫ్‌ డుప్లెసిస్‌(సౌతాఫ్రికా)- వాండరర్స్‌ స్టేడియం, జొహన్నస్‌బర్గ్‌👉డేవిడ్‌ వార్నర్‌(ఆస్ట్రేలియా)- అడిలైడ్‌ ఓవల్‌, అడిలైడ్‌👉బాబర్‌ ఆజం(పాకిస్తాన్‌)- నేషనల్‌ స్టేడియం, కరాచి👉క్వింటన్‌ డికాక్‌(సౌతాఫ్రికా)- సూపర్‌స్పోర్ట్‌ పార్క్‌, సెంచూరియన్‌👉శుబ్‌మన్‌ గిల్‌(ఇండియా)- నరేంద్ర మోదీ స్టేడియం(మొతేరా), అహ్మదాబాద్‌.చదవండి: చరిత్ర సృష్టించిన కోహ్లి.. భారత తొలి బ్యాటర్‌గా అరుదైన రికార్డుJubilation as @ShubmanGill gets to a fine CENTURY!Keep at it, young man 🙌🙌Live - https://t.co/S88KfhFzri… #INDvENG@IDFCFIRSTBank pic.twitter.com/Xbcy6uaO6J— BCCI (@BCCI) February 12, 2025

ఐసీసీ ఛాంపియన్స్ ట్రోఫీ-2025కు ముందు టీమిండియా స్టార్ ఓపెనర్ శుబ్‌మన్ గిల్(Shubman Gill) అద్భుతమైన ఫామ్‌లో ఉన్నాడు. ఈ మెగా టోర్నీ సన్నహాకాల్లో భాగంగా స్వదేశంలో ఇంగ్లండ్‌తో జరుగుతున్న మూడు వన్డేల సిరీస్‌లో గిల్ దుమ్ములేపుతున్నాడు. తొలి రెండు వన్డేల్లో హాఫ్ సెంచరీలతో సత్తాచాటిన గిల్‌.. ఇప్పుడు అహ్మదాబాద్ వేదికగా జరుగుతున్న మూడో వన్డేలో అద్బుతమైన శతకంతో మెరిశాడు.టాస్ ఓడి బ్యాటింగ్‌కు దిగిన భారత్‌కు గిల్‌ మరోసారి అద్బుతమైన ఆరంభాన్ని ఇచ్చాడు. కెప్టెన్ రోహిత్ శర్మ ఆదిలోనే ఔటైనప్పటికి గిల్ మాత్రం కోహ్లితో కలిసి స్కోర్ బోర్డును పరుగులు పెట్టించాడు. ఈ క్రమంలో గిల్‌ 92 బంతుల్లో 13 ఫోర్లు, 2 సిక్స్‌లతో సాయంతో తన సెంచరీ మార్క్‌ను అందుకున్నాడు. గిల్‌కు ఇది ఏడో వన్డే సెంచరీ కావడం విశేషం. ప్రస్తుతం 104 పరుగులతో గిల్‌ తన బ్యాటింగ్‌ను కొనసాగిస్తున్నాడు. ఇక ఈ మ్యాచ్‌లో శుబ్‌మన్ గిల్‌ పలు అరుదైన రికార్డులను తన పేరిట లిఖించుకున్నాడు.చరిత్ర సృష్టించిన గిల్‌..వన్డే క్రికెట్‌లో అత్యంత వేగంగా 2,500 పరుగుల మైలు రాయిని అందుకున్న భారత క్రికెటర్‌గా గిల్‌ నిలిచాడు. గిల్ కేవలం 50 ఇన్నింగ్స్‌లలో ఈ రికార్డును అందుకున్నాడు. ఇప్పటివరకు ఈ రికార్డు టీమిండియా మిడిలార్డర్‌ ప్లేయర్‌ శ్రేయస్‌ అయ్యర్‌ పేరిట ఉండేది.అయ్యర్‌ 59 ఇన్నింగ్స్‌లలో ఈ ఫీట్‌ను సాధించాడు. తాజా మ్యాచ్‌తో అయ్యర్‌ అల్‌​టైమ్‌ రికార్డును గిల్‌ బ్రేక్‌ చేశాడు. అదే విధంగా 50వ వన్డే మ్యాచ్‌లో సెంచరీ చేసిన తొలి భారత ఆటగాడిగా గిల్ చరిత్ర సృష్టించాడు. కాగా శుబ్‌మన్‌ గిల్‌ ఇప్పటివరకు 50 వన్డేలు ఆడి 60.83 సగటుతో 2535 పరుగులు చేశాడు. అతడి ఇననింగ్స్‌లలో 7 సెంచరీలు, ఒక డబుల్‌ సెంచరీ, 16 ఆర్ధశతకాలు ఉన్నాయి.- Look at Rohit Sharma's reaction - Look at the crowd's reaction "They all know how aesthetically pleasing Shubman Gill is..."🔥💯• The Most Talented Youngster Everpic.twitter.com/UUJS2Ot6Vw— Gillfied⁷ (@Was_gill) February 12, 2025వన్డేల్లో అత్యంతవేగంగా 2500 పరుగులు చేసిన భారత ప్లేయర్లు వీరే..శుబ్‌మన్ గిల్- 50 ఇన్నింగ్స్‌లుశ్రేయాస్ అయ్యర్- 59 ఇన్నింగ్స్‌లుశిఖర్ ధావన్ -59 ఇన్నింగ్స్‌లుకేఎల్‌ రాహుల్-63 ఇన్నింగ్స్‌లువిరాట్ కోహ్లీ/నవ్‌జోత్ సిద్ధూ- 64 ఇన్నింగ్స్‌లుచదవండి: చరిత్ర సృష్టించిన కోహ్లి.. భారత తొలి బ్యాటర్‌గా అరుదైన రికార్డు

ఇండియన్‌ ప్రీమియర్‌ లీగ్‌(IPL) ఫ్రాంఛైజీ గుజరాత్‌ టైటాన్స్‌(Gujarat Titans) యాజమాన్యంలో మార్పులు చోటుచేసుకోనున్నాయి. భారత్‌కు చెందిన టొరంట్‌ గ్రూపు(Torrent Group) ఈ ఫ్రాంఛైజీలో అరవై ఏడు శాతం వాటా కొనుగోలు చేసేందుకు సిద్ధమైంది. కాగా అంతర్జాతీయ ఈక్విటీ సంస్థ సీవీసీ క్యాపిటల్‌ (ఐరిలియా కంపెనీ లిమిటెడ్‌) 2021లో ఐపీఎల్‌లో అడుగుపెట్టిన విషయం తెలిసిందే.నాడు రూ. 5,625 కోట్లతోభారీ స్థాయిలో ఏకంగా రూ. 5,625 కోట్లతో గుజరాత్‌ ఫ్రాంఛైజీని సొంతం చేసుకుంది. అయితే, తమ వాటలో మెజారిటీ మొత్తాన్ని అమ్మేందుకు సీవీసీ క్యాపిటల్‌ తాజాగా నిర్ణయం తీసుకుంది. ఈ విషయం గురించి సంస్థ సన్నిహిత వర్గాలు వార్తా సంస్థ పీటీఐకి వెల్లడించాయి.‘‘టొరంట్‌ గ్రూపుతో చర్చలు కొలిక్కివచ్చినట్లే. మూడింట రెండు వంతుల వాటాను అమ్మేందుకు నిర్ణయం జరిగింది. యజమానులుగా సీవీసీ గ్రూప్‌ లాక్‌- ఇన్‌ పీరియడ్‌ ఫిబ్రవరి 2025తో ముగుస్తుంది. కాబట్టి అప్పుడు వారు తమ వాటాలను అమ్ముకునేందుకు స్వేచ్ఛ లభిస్తుంది.బీసీసీఐ అనుమతి తప్పనిసరిటొరంట్ గ్రూపు భారత ఫార్మాసుటికల్‌ రంగంలో కీలకమైనది. బీసీసీఐ 2021లో రెండు కొత్త ఫ్రాంఛైజీల నిర్వహణకు బిడ్లను ఆహ్వానించినపుడు ఈ గ్రూపు ఆసక్తి కనబరిచింది. ఈసారి తన ఆకాంక్షను నెరవేర్చుకోనుంది. అయితే, ఐపీఎల్‌ ఫ్రాంఛైజీ యాజమాన్య మార్పు జరగాలంటే బీసీసీఐ నుంచి అనుమతి తప్పనిసరి. త్వరలోనే ఇది జరుగుతుంది’’ అని పేర్కొన్నాయి.కాగా ఐపీఎల్‌ పాలక మండలి నుంచి అనుమతి లభించిన తర్వాత గుజరాత్‌ టైటాన్స్‌ పగ్గాలు చేతులు మారనున్నాయి. ఐపీఎల్‌-2025 సీజన్‌ నుంచే యాజమాన్యంలో మార్పులు అమలులోకి రానున్నట్లు తెలుస్తోంది. ఇక 2021లో క్యాష్‌ రిచ్‌ లీగ్‌లో ఎంట్రీ ఇచ్చిన గుజరాత్‌ టైటాన్స్‌.. తమ అరంగేట్ర ఎడిషన్‌లోనే చాంపియన్‌గా నిలిచింది.హార్దిక్‌ పాండ్యా కెప్టెన్సీలో చాంపియన్‌గాటీమిండియా స్టార్‌ ఆల్‌రౌండర్‌ హార్దిక్‌ పాండ్యా కెప్టెన్సీలో టైటిల్‌ గెలిచింది. ఆ మరుసటి ఏడాది పాండ్యా సారథ్యంలోనే ఫైనల్‌కు చేరింది. అయితే, ఐపీఎల్‌-2024 ఆరంభానికి ముందే హార్దిక్‌ పాండ్యా గుజరాత్‌ టైటాన్స్‌ను వీడి.. తన సొంతగూటికి చేరాడు. అతడు ముంబై ఇండియన్స్‌ సారథిగా బాధ్యతలు చేపట్టగా.. మరో టీమిండియా స్టార్‌, భవిష్య కెప్టెన్‌ శుబ్‌మన్‌ గిల్‌ టైటాన్స్‌ పగ్గాలు చేపట్టాడు. గిల్‌ సారథ్యంలో ఇలాఅయితే, గిల్‌ సారథ్యంలో గతేడాది టైటాన్స్‌ పెద్దగా ఆకట్టుకోలేకపోయింది. పద్నాలుగు మ్యాచ్‌లకు గానూ కేవలం ఐదే గెలిచి పాయింట్ల పట్టికలో ఎనిమిదో స్థానంలో నిలిచింది. ఇదిలా ఉంటే.. టొరంట్‌ గ్రూపు విలువ దాదాపుగా 41 వేల కోట్ల రూపాయలు ఉంటుందని అంచనా. ఇక టొరంట్‌ స్పోర్ట్స్‌ వెంచర్స్‌ ప్రైవేట్‌ లిమిటెడ్‌ ద్వారా 2021లో అహ్మదాబాద్‌ కోసం రూ. 4653 కోట్లు, లక్నో ఫ్రాంఛైజీ కోసం రూ. 4356 కోట్లతో బిడ్‌ వేసింది. ఆ తర్వాత వుమెన్స్‌ ప్రీమియర్‌ లీగ్‌ బరిలోకి వచ్చిన టొరంట్‌ గ్రూప్‌ ఫ్రాంఛైజీ కొనుగోలు విషయంలో సఫలం కాలేకపోయింది. ఇప్పుడు ఏకంగా ఐపీఎల్‌లో విజయవంతమైన జట్టుగా మార్కులు కొట్టేసిన టైటాన్స్‌కు యజమానిగా మారనుంది.కాగా ఐపీఎల్‌లో ముంబై ఇండియన్స్‌, చెన్నై సూపర్‌ కింగ్స్‌, రాయల్‌ చాలెంజర్స్‌ బెంగళూరు, సన్‌రైజర్స్‌ హైదరాబాద్‌, కోల్‌కతా నైట్‌ రైడర్స్‌, లక్నో సూపర్‌ జెయింట్స్‌, పంజాబ్‌ కింగ్స్‌, ఢిల్లీ క్యాపిటల్స్‌, గుజరాత్‌ టైటాన్స్‌, రాజస్తాన్‌ రాయల్స్‌ పేరిట మొత్తం పదిజట్లు ఉన్నాయి.చదవండి: తప్పు చేస్తున్నావ్‌ గంభీర్‌.. అతడిని బలి చేయడం అన్యాయం: మాజీ క్రికెటర్‌ ఫైర్‌

టీమిండియా కెప్టెన్‌ రోహిత్‌ శర్మ(Rohit Sharma) ఫామ్‌లోకి వచ్చేశాడు. ఇంగ్లండ్‌(India vs England)తో రెండో వన్డేలో విధ్వంసకర బ్యాటింగ్‌తో శతక్కొట్టి తన ఆటను విమర్శిస్తున్న వాళ్లకు బ్యాట్‌తోనే సమాధానం చెప్పాడు. కో..డితే బంతి బౌండరీ దాటడమే అన్నట్లుగా తనదైన శైలిలో హిట్టింగ్‌ ఆడి.. క్రికెట్‌ ప్రేమికులకు కనులవిందు చేశాడు. అద్భుతమైన ఇన్నింగ్స్‌తో చెలరేగి.. జట్టును గెలిపించాడు.నా గేమ్‌ప్లాన్‌ అదేఈ నేపథ్యంలో విజయానంతరం రోహిత్‌ శర్మ మాట్లాడుతూ... సెంచరీ చేయడం పట్ల హర్షం వ్యక్తం చేశాడు. ‘‘ఈరోజు ఆటను పూర్తిగా ఆస్వాదించాను. జట్టు కోసం పరుగులు చేయడం ఎల్లప్పుడూ సంతృప్తిని ఇస్తుంది. ముఖ్యంగా సిరీస్‌ గెలవాలంటే మాకు ఈ మ్యాచ్‌ ఎంతో కీలకం.నిజానికి టీ20 ఫార్మాట్‌ కంటే కాస్త సుదీర్ఘమైన.. టెస్టుల కంటే చిన్నదైన ఫార్మాట్‌ ఇది. అందుకే పరిస్థితులకు తగ్గట్లుగా ఎప్పుటికప్పుడు ప్రణాళికలు మార్చుకుంటూ వెళ్లాలి. ఈరోజు నా వ్యూహాలను పక్కాగా అమలు చేయగలిగాను.నల్లరేగడి మట్టి పిచ్‌ ఇది. జారుతూ ఉంటుంది. ఏమాత్రం అజాగ్రత్తగా ఉన్నా మూల్యం చెల్లించాల్సి వస్తుంది. వికెట్‌ మీదకు కాకుండా.. శరీరం మీదకు బంతులు సంధిస్తున్న ఇంగ్లండ్‌ బౌలర్ల వ్యూహాన్ని పసిగట్టి నేను పూర్తిస్థాయిలో సన్నద్ధమయ్యాను.గిల్‌ క్లాసీ ప్లేయర్‌గ్యాప్‌ దొరికినప్పుడల్లా బంతిని బౌండరీకి తరలించాను’’ అని రోహిత్‌ శర్మ తన ఆటతీరుపై సంతృప్తి వ్యక్తం చేశాడు. అదే విధంగా.. శుబ్‌మన్‌ గిల్‌(Shubman Gill), శ్రేయస్‌ అయ్యర్‌ నుంచి తనకు మద్దతు లభించించదన్న హిట్‌మ్యాన్‌.. ‘‘ఇద్దరూ చక్కగా సహకరించారు. వాళ్లతో కలిసి బ్యాటింగ్‌ చేయడాన్ని ఆస్వాదించాను. గిల్‌​ చాలా చాలా క్లాసీ ప్లేయర్‌. అతడి ఆటను నేను దగ్గరగా గమనించాను. పరిస్థితి ఎలా ఉన్న తలవంచని స్వభావం. అతడి బ్యాటింగ్‌ గణాంకాలే ఇందుకు నిదర్శనం’’ అని రోహిత్‌ శర్మ గిల్‌పై ప్రశంసలు కురిపించాడు.మిడిల్‌ ఓవర్లే ముఖ్యంఇక టీమిండియా ఇన్నింగ్స్‌ గురించి మాట్లాడుతూ.. ‘‘ఏదేమైనా మిడిల్‌ ఓవర్లలో వికెట్లు కాపాడుకోవడం అత్యంత ముఖ్యం. మధ్య ఓవర్లలో ఆట తీరును బట్టే ఫలితం నిర్ణయించబడుతుంది. ఒకవేళ అప్పుడే మనం జాగ్రత్తపడితే డెత్‌ ఓవర్లలో పెద్దగా భయపడాల్సిన అవసరం ఉండదు.నాగ్‌పూర్‌లో కూడా మేము ఇదే విధంగా మిడిల్‌ ఓవర్లలో చక్కగా రాణించాం. తద్వారా ప్రత్యర్థిపై ఒత్తిడి పెంచి అనుకున్న ఫలితాన్ని రాబట్టగలిగాం. రోజురోజుకూ మరింత గొప్పగా మారేలా మా జట్టు సానుకూల దృక్పథంతో ముందుకు సాగుతోంది. జట్టులోని ప్రతి సభ్యుడికి తన పాత్ర ఏమిటో తెలుసు. కెప్టెన్‌, కోచ్‌ వాళ్ల నుంచి ఎలాంటి ఆట తీరును ఆశిస్తున్నారో ప్రతి ఒక్కరికి అవగాహన ఉంది. కాబట్టి ముందుకు అనుకున్న వ్యూహాలను పక్కాగా అమలు చేస్తే దేని గురించి ఆందోళన చెందాల్సిన పని ఉండదు’’ అని రోహిత్‌ శర్మ చెప్పుకొచ్చాడు.సిరీస్‌ కైవసంకాగా ఇంగ్లండ్‌తో రెండో వన్డేలో టీమిండియా నాలుగు వికెట్ల తేడాతో విజయం సాధించింది. ఒడిశాలోని కటక్‌లో ఆదివారం జరిగిన ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. 49.5 ఓవర్లలో 204 పరుగులు చేసి ఆలౌట్‌ అయింది. ఓపెనర్‌ బెన్‌ డకెట్‌(65), జో రూట్‌(69) అర్ధ శతకాలతో రాణించారు.భారత బౌలర్లలో రవీంద్ర జడేజా మూడు వికెట్లు తీయగా.. మహ్మద్‌ షమీ, హర్షిత్‌ రాణా, హార్దిక్‌ పాండ్యా, వరుణ్‌ చక్రవర్తి ఒక్కో వికెట్‌ తీశారు. ఇక లక్ష్య ఛేదనలో ఓపెనర్‌, కెప్టెన్‌ రోహిత్‌ శర్మ(90 బంతుల్లో 12 ఫోర్లు, 7 సిక్స్‌లు- 119) సెంచరీతో చెలరేగి జట్టు విజయానికి బాటలు చేశాడు.మరో ఓపెనర్‌ శుబ్‌మన్‌ గిల్‌(60) అర్ధ శతకంతో రాణించగా.. శ్రేయస్‌ అయ్యర్‌(44), అక్షర్‌ పటేల్‌(41 నాటౌట్‌) లక్ష్యాన్ని పూర్తి చేయడంలో తమ వంతు పాత్ర పోషించారు. రో‘హిట్‌’ శర్మకు ‘ప్లేయర్‌ ఆఫ్‌ ది మ్యాచ్‌’ అవార్డు లభించింది. ఇక ఈ విజయంతో టీమిండియా ఇంగ్లండ్‌తో మూడు వన్డేల సిరీస్‌ను 2-0తో సొంతం చేసుకుంది. ఇరుజట్ల మధ్య బుధవారం నామమాత్రపు మూడో వన్డే జరుగుతుంది.చదవండి: SA T20: ఫైనల్లో సన్‌రైజర్స్‌ చిత్తు.. ఛాంపియన్స్‌గా ముంబై టీమ్‌What a way to get to the HUNDRED! 🤩A treat for the fans in Cuttack to witness Captain Rohit Sharma at his best 👌👌Follow The Match ▶️ https://t.co/NReW1eEQtF#TeamIndia | #INDvENG | @IDFCFIRSTBank | @ImRo45 pic.twitter.com/oQIlX7fY1T— BCCI (@BCCI) February 9, 2025𝗔 𝘀𝘂𝗽𝗲𝗿 𝘀𝗵𝗼𝘄 𝘁𝗼 𝘀𝗲𝗮𝗹 𝗮 𝘄𝗶𝗻 𝗶𝗻 𝗖𝘂𝘁𝘁𝗮𝗰𝗸! ✅The Rohit Sharma-led #TeamIndia beat England by 4⃣ wickets in the 2nd ODI & take an unassailable lead in the ODI series! 👏 👏Scorecard ▶️ https://t.co/NReW1eEQtF#INDvENG | @IDFCFIRSTBank pic.twitter.com/G63vdfozd5— BCCI (@BCCI) February 9, 2025

టీమిండియా క్రికెటర్‌ కేఎల్‌ రాహుల్‌(KL Rahul) తీరుపై భారత దిగ్గజం సునిల్‌ గావస్కర్‌(Sunil Gavaskar) ఆగ్రహం వ్యక్తం చేశాడు. ఏ ఆటగాడైనా జట్టు ప్రయోజనాల గురించి మాత్రమే ఆలోచించాలని హితవు పలికాడు. అలా కాకుండా ప్రతి ఒక్కరు స్వప్రయోజనాలకే పెద్దపీట వేస్తే ఒక్కోసారి భారీ మూల్యం చెల్లించాల్సి వస్తుందంటూ చురకలు అంటించాడు.కాగా టీమిండియా ప్రస్తుతం స్వదేశంలో ఇంగ్లండ్‌తో వన్డే సిరీస్‌(India vs England ODIs)తో బిజీగా ఉన్న విషయం తెలిసిందే. ఇరుజట్ల మధ్య గురువారం నాగ్‌పూర్‌ వేదికగా తొలి వన్డే జరిగింది. 248 పరుగులుఇందులో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. ఓపెనర్లు ఫిల్‌ సాల్ట్‌(26 బంతుల్లో 43), బెన్‌ డకెట్‌(29 బంతుల్లో 32)లు శుభారంభం అందించగా.. కెప్టెన్‌ జోస్‌ బట్లర్‌(67 బంతుల్లో 52), జాకొబ్‌ బెతెల్‌(64 బంతుల్లో 51) అర్ధ శతకాలతో మెరిశారు.అయితే, భారత బౌలర్ల విజృంభణ కారణంగా మరెవరూ రాణించలేకపోయారు. ఫలితంగా 47.4 ఓవర్లలో 248 పరుగులు చేసి ఇంగ్లండ్‌ ఆలౌట్‌ అయింది. టీమిండియా బౌలర్లలో అరంగేట్ర పేసర్‌ హర్షిత్‌ రాణాతో పాటు రవీంద్ర జడేజా మూడు వికెట్లు పడగొట్టగా.. మహ్మద్‌ షమీ, అక్షర్‌ పటేల్‌, కుల్దీప్‌ యాదవ్‌ తలా ఒక వికెట్‌ తీశారు.అయ్యర్‌ మెరుపు అర్ధ శతకంఈ క్రమంలో లక్ష్య ఛేదనకు దిగిన టీమిండియా ఆదిలోనే ఓపెనర్లు యశస్వి జైస్వాల్‌(15), కెప్టెన్‌ రోహిత్‌ శర్మ(2) వికెట్లు కోల్పోగా.. శుబ్‌మన్‌ గిల్‌, శ్రేయస్‌ అయ్యర్‌ భారత ఇన్నింగ్స్‌ చక్కదిద్దారు. గిల్‌ పట్టుదలగా క్రీజులో నిలబడి కాస్త నెమ్మదిగానే ఆడగా.. అయ్యర్‌ మెరుపు అర్ధ శతకం(36 బంతుల్లో 59), అక్షర్‌ పటేల్‌(52) విలువైన హాఫ్‌ సెంచరీ చేసి నిష్క్రమించారు.ఈ దశలో వికెట్‌ కీపర్‌ బ్యాటర్‌ కేఎల్‌ రాహుల్‌ శుబ్‌మన్‌ గిల్‌కు తోడయ్యాడు. అప్పటికి గిల్‌ సెంచరీకి 19 పరుగులు, టీమిండియా విజయానికి 28 పరుగులు కావాల్సి ఉంది. ఇలాంటి తరుణంలో స్ట్రైక్‌లో ఉన్న రాహుల్‌ ఆదిల్‌ రషీద్‌ బౌలింగ్‌లో అతడికే క్యాచ్‌ ఇచ్చి 2 పరుగుల వ్యక్తిగత స్కోరు వద్ద అవుటయ్యాడు.సెంచరీకి చేరువలో ఉన్నాడని.. ఇలా చేస్తావా?ఈ నేపథ్యంలో సునిల్‌ గావస్కర్‌ కేఎల్‌ రాహుల్‌ వ్యవహారశైలిని ఉద్దేశించి ఘాటు విమర్శలు చేశాడు. గిల్‌ సెంచరీ పూర్తి చేసుకునేందుకు సహకరించే క్రమంలో రాహుల్‌ తన ఆటపై శ్రద్ధ పెట్టలేక నిర్లక్ష్యంగా వికెట్‌ పారేసుకున్నాడని మండిపడ్డాడు. హిందుస్తాన్‌ టైమ్స్‌తో మాట్లాడుతూ.. ‘‘అతడు తన సహజశైలిలో ఆడాల్సింది.కానీ తన బ్యాటింగ్‌ పార్ట్‌నర్‌ సెంచరీ పూర్తి చేసుకునేందుకు వీలు కల్పించే క్రమంలో అజాగ్రత్తగా వ్యవహరించాడు. అందుకు ఫలితంగా ఏం జరిగిందో చూడండి. ఇది టీమ్‌ గేమ్‌. కాబట్టి ఏ ఆటగాడు కూడా ఇలా చేయకూడదు. స్ట్రైక్‌ రొటేట్‌ చేసేందుకు ఏదో కొత్తగా ప్రయత్నించి వికెట్‌ పారేసుకున్నాడు. ఇది పూర్తిగా అతడు అనాసక్తితో ఆడిన షాట్‌’’ అని గావస్కర్‌ కేఎల్‌ రాహుల్‌ తీరును విమర్శించాడు. కాగా ఈ మ్యాచ్‌లో గిల్‌ 96 బంతుల్లో 87 పరుగులతో రాణించి జట్టు విజయంలో కీలక పాత్ర పోషించాడు. తద్వారా ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్నాడు.చదవండి: తుదిజట్టులో నాకసలు స్థానమే లేదు.. రోహిత్‌ కాల్‌ తర్వాత..: శ్రేయస్‌ అయ్యర్‌

ఐసీసీ ఛాంపియ‌న్స్ ట్రోఫీ-2025 కోసం భార‌త క్రికెట్ జ‌ట్టు త‌మ స‌న్నాహాకాల‌ను ప్రారంభించింది. ఈ మెగా టోర్నీ ప్రిపేరేష‌న్‌లో భాగంగా టీమిండియా స్వ‌దేశంలో ఇంగ్లండ్‌తో మూడు వ‌న్డేల సిరీస్‌లో త‌ల‌ప‌డుతోంది. ఇప్ప‌టికే తొలి వ‌న్డేలో ప‌ర్యాట‌క ఇంగ్లండ్‌ను చిత్తు చేసిన భార‌త్‌.. మిగిలిన రెండు వ‌న్డేల‌కు సిద్దమ‌వుతోంది.ఈ సిరీస్ ముగిసిన వెంట‌నే ఫిబ్ర‌వ‌రి 15న రోహిత్ శర్మ(Rohit Sharma) సార‌థ్యంలోని భార‌త జ‌ట్టు దుబాయ్ ప‌యనం కానుంది. ఈ మెగా టోర్నీలో భారత్ తమ తొలి మ్యాచ్‌లో ఫిబ్రవరి 20న బంగ్లాదేశ్‌తో తలపడనుంది. ఈ మ్యాచ్ కంటే ముందు టీమిండియా.. యూఏఈ లేదా బంగ్లాదేశ్‌తో వామాప్ మ్యాచ్ ఆడనుంది. కాగా ఈ మెగా ఈవెంట్ కోసం 15 మంది సభ్యులతో కూడిన పటిష్టమైన జట్టును అజిత్ అగర్కార్ నేతృత్వంలోని బీసీసీఐ సెలక్షన్ కమిటీ ఎంపిక చేసింది. అయితే వెన్ను గాయంతో బాధ‌ప‌డుతున్న‌ స్టార్ పేసర్ జస్ప్రీత్ బుమ్రా అందుబాటుపై మాత్రం ఇంకా సందిగ్ధం కొన‌సాగుతోంది.కెప్టెన్‌గా హార్దిక్..!ఇక ఇది ఇలా ఉండ‌గా.. 2025 ఛాంపియన్స్ ట్రోఫీని గెలవడంలో భారత్ విఫలమైతే రోహిత్ శర్మ స్ధానంలో వన్డే కెప్టెన్‌గా స్టార్ ఆల్‌రౌండ‌ర్‌ హార్దిక్ పాండ్యా బాధ్య‌త‌లు చేప‌ట్ట‌నున్న‌ట్లు తెలుస్తోంది. కాగా ప్రస్తుతం వన్డేల్లో రోహిత్‌ శర్మ డిప్యూటీగా స్టార్‌ ప్లేయర్‌ శుబ్‌మన్‌ గిల్‌(Shubman Gill) ఉన్నాడు. అయితే గిల్‌ను వైస్‌ కెప్టెన్‌గానే కొనసాగించి జట్టు పగ్గాలను మాత్రం హార్దిక్‌కు అప్పగించాలని బీసీసీఐ సెలక్షన్‌ కమిటీ భావిస్తున్నట్లు సమాచారం. కాగా గతేడాది వరకు టీ20ల్లో టీమిండియా వైస్‌ కెప్టెన్‌గా హార్దిక్‌ పాండ్యా కొనసాగాడు.రోహిత్‌ శర్మ గైర్హజారీలో చాలా మ్యాచ్‌ల్లో భారత కెప్టెన్‌గా పాండ్యా వ్యవహరించాడు. టీ20 వరల్డ్‌కప్‌-2024లో కూడా రోహిత్‌ శర్మ డిప్యూటీగా ఈ బరోడా ఆల్‌రౌండర్‌ ఉన్నాడు. కానీ రోహిత్‌ శర్మ రిటైరయ్యాక భారత టీ20 కెప్టెన్‌గా హార్దిక్‌ను కాదని సూర్యకుమార్‌ యాదవ్‌ను ఎంపిక చేసి సెలక్షన్‌ కమిటీ అందరికి షాకిచ్చింది. అయితే సూర్య కెప్టెన్‌గా రాణిస్తున్నప్పటికి వ్యక్తిగత ప్రదర్శన పరంగా మాత్రం విఫలమవుతున్నాడు.రోహిత్‌ రిటైర్మెంట్‌..!కాగా ఈ మెగా టోర్నీ అనంత‌రం రోహిత్ శ‌ర్మ కూడా వ‌న్డేలకు రిటైర్మెంట్ ప్ర‌క‌టించ‌నున్న‌ట్లు వార్త‌లు వినిపిస్తున్నాయి. కానీ ఈ వార్త‌ల‌పై రోహిత్ శ‌ర్మ మాత్రం ఎటువంటి క్లారిటీ ఇవ్వ‌లేదు. ఇంగ్లండ్‌తో తొలి వ‌న్డేకు ముందు నిర్వహించిన ప్రెస్ కాన్ఫరెన్స్‌లో రోహిత్‌కు ఇదే ప్ర‌శ్న ఎదురైంది. "నా ప్యూచర్‌ ప్లాన్స్ గురించి మాట్లాడటానికి ఇది సందర్భం కాదు. ప్ర‌స్తుతం నా దృష్టి అంతా ఇంగ్లండ్ సిరీస్‌, ఛాంపియన్స్ ట్రోఫీ పైనే ఉంది. ఆ తర్వాత ఏం జరుగుతుందో చూద్దాం" అంటూ హిట్‌మ్యాన్ బదులిచ్చాడు. దీంతో రిటైర్మెంట్ పై క్లారిటీ ఇవ్వకుండా దాటవేసేలా రోహిత్ మాట్లాడటం అనేక అనుమానాలకు తావిస్తోంది. రోహిత్‌ భవితవ్యం తేలాలంటే మరో నెల రోజులు అగాల్సిందే.చదవండి: IND vs ENG: శ్రేయస్‌ అయ్యర్‌ వరల్డ్‌​ రికార్డు..

నాగ్‌పూర్ వేదిక‌గా ఇంగ్లండ్‌(England)తో జ‌రిగిన తొలి వ‌న్డేలో టీమిండియా వైస్ కెప్టెన్ శుబ్‌మ‌న్ గిల్(Shubman Gill) అద్భుత‌మైన ప్ర‌ద‌ర్శ‌న క‌న‌బ‌రిచాడు. 249 ప‌రుగుల ల‌క్ష్య చేధ‌న‌లో గిల్ కీల‌క ఇన్నింగ్స్ ఆడాడు. ఈ మ్యాచ్‌లో మూడో స్ధానంలో బ్యాటింగ్ వ‌చ్చిన గిల్ తొలుత ఆచితూచి ఆడాడు. ఆ త‌ర్వాత ఇంగ్లండ్ బౌల‌ర్ల‌ను ఊతికారేశాడు. శ్రేయ‌స్ అయ్య‌ర్‌తో క‌లిసి భార‌త స్కోర్ బోర్డును ప‌రుగులు పెట్టించాడు. 96 బంతుల్లో 87 పరుగులు చేసి భార‌త్ విజ‌యంలో కీల‌క పాత్ర పోషించాడు. ఈ నేప‌థ్యంలో శుబ్‌మ‌న్ గిల్‌పై భార‌త మాజీ క్రికెట‌ర్ సంజయ్ మంజ్రేకర్ ప్ర‌శంస‌ల వ‌ర్షం కురిపించాడు. గిల్ ఒక అద్బుత‌మైన ఆట‌గాడ‌ని, చాలా కాలం పాటు భార‌త క్రికెట్ జ‌ట్టులో కొన‌సాగుతాడ‌ని మంజ్రేకర్ కొనియాడాడు."భారత క్రికెట్‌లో ఎక్కువ కాలం కొనసాగగల క్రికెటర్లకు మేము ఓ పదాన్ని ఉపయోగిస్తాం. ‘లంబీ రేస్‌ కా ఘోడా’(సుదీర్ఘ దూరం పరిగెత్తగల గుర్రం). శుబ్‌మన్‌ గిల్‌ కూడా అలాంటివాడే! అంటూ ఎక్స్‌లో మంజ్రేక‌ర్ రాసుకొచ్చాడు.ఓపెనింగ్ స్లాట్ త్యాగం..కాగా ఈ మ్యాచ్‌లో అరంగేట్ర ఆట‌గాడు య‌శ‌స్వి జైశ్వాల్ కోసం గిల్ త‌న ఓపెనింగ్ స్ధానాన్ని త్యాగం చేశాడు. విరాట్ కోహ్లి జ‌ట్టులో లేక‌పోవ‌డంతో మూడో స్ధానంలో గిల్ బ్యాటింగ్‌కు వ‌చ్చాడు. త‌న బ్యాటింగ్ పొజిషేన్ అది కాన‌ప్ప‌టికి గిల్ మాత్రం ప్రశాంతంగా ఉండి క్రీజులో ఇన్నింగ్స్‌ను ముందుకు న‌డ్పించాడు. శ్రేయ‌స్ అయ్య‌ర్‌, అక్ష‌ర్ పటేల్‌తో క‌లిసి విలువైన భాగ‌స్వామ్యాల‌ను నెల‌కొల్పాడు. ఒకవేళ రెండో వన్డేకు విరాట్‌ కోహ్లి అందుబాటులోకి వస్తే.. గిల్‌ మళ్లీ ఓపెనర్‌గానే బరిలోకి దిగే ఛాన్స్‌ ఉంది.ఇక ఈ మ్యాచ్ అనంత‌రం త‌న ఇన్నింగ్స్‌పై గిల్ స్పందించాడు. "వైస్ కెప్టెన్సీ బాధ్య‌త‌లు చేప‌ట్టాక నాపై ఎటువంటి ఒత్తిడి లేదు. నా బ్యాటింగ్‌లో కూడా ఎటువంటి మార్పు రాదు. కానీ మైదానంలో నా ఆలోచ‌న‌ల‌ను రోహిత్ భాయ్‌కు షేర్ చేస్తాను. అదే విధంగా రోహిత్ ప్ర‌ణాళ‌కల‌ను కూడా నేను అడిగి తెలుసుకుంటాను.నా వ్యూహాలను కూడా అతడితో పంచుకుంటున్నాను. మ్యాచ్ గురించి ఏదైనా స‌ల‌హా ఇవ్వాల‌న‌కుంటే, సంకోచించ‌కుండా త‌న‌తో చెప్ప‌మ‌ని రోహిత్ నాతో అన్నాడని" పోస్ట్ మ్యాచ్ ప్రెజేంటేష‌న్‌లో గిల్ పేర్కొన్నాడు.చదవండి: IND vs ENG: కింగ్ వ‌చ్చేస్తున్నాడు.. పాపం అత‌డు! ఒక్క మ్యాచ్‌కే వేటు

భారత్‌లో ఇంగ్లండ్‌ పరాజయాల పరంపర కొనసాగుతోంది. తొలుత ఐదు మ్యాచ్‌ల టీ20 సిరీస్‌ను 4-1తో కోల్పోయిన బట్లర్‌ బృందం.. వన్డే సిరీస్‌(India vs England ODIs)నూ ఓటమితోనే ఆరంభించింది. నాగ్‌పూర్‌లో గురువారం జరిగిన మ్యాచ్‌లో నాలుగు వికెట్ల తేడాతో టీమిండియా చేతిలో ఓడిపోయింది. ఈ నేపథ్యంలో కెప్టెన్‌ జోస్‌ బట్లర్‌(Jos Buttler) విచారం వ్యక్తం చేశాడు.క్రెడిట్‌ మొత్తం అతడికేశుభారంభం అందుకున్నా దానిని కొనసాగించలేకపోవడమే తమ పరాజయానికి కారణమని బట్లర్‌ అన్నాడు. అదే విధంగా.. టీమిండియా విజయంలో క్రెడిట్‌ మొత్తం శ్రేయస్‌ అయ్యర్‌(Shreyas Iyer)కు దక్కుతుందంటూ అతడి బ్యాటింగ్‌ తీరును ప్రశంసించాడు. కాగా విదర్భ క్రికెట్‌ అసోసియేషన్‌ స్టేడియంలో జరిగిన తొలి వన్డేలో టాస్‌ గెలిచిన బట్లర్‌ తొలుత బ్యాటింగ్‌ వైపు మొగ్గుచూపాడు.అతడి రనౌట్‌లో అయ్యర్‌ కీలక పాత్రఈ క్రమంలో టీమిండియా సీనియర్‌ పేసర్‌ భారత బౌలింగ్‌ అటాక్‌ ఆరంభించి.. తొలి ఓవర్లో పరుగులేమీ ఇవ్వలేదు. అనంతరం వన్డే అరంగేట్ర ఆటగాడు, మరో పేసర్‌ హర్షిత్‌ రాణా సైతం మెయిడిన్‌ వేసి సత్తా చాటాడు. అయితే, ఆ తర్వాత ఇంగ్లండ్‌ ఓపెనర్‌ ఫిల్‌ సాల్ట్‌ ధనాధన్‌ ఇన్నింగ్స్‌తో హర్షిత్‌ రాణాకు చుక్కలు చూపించాడు.ఒకే ఓవర్లో ఏకంగా ఇరవై ఆరు పరుగులు పిండుకుని రాణాను పనిష్‌ చేశాడు. కానీ మంచి జోరు మీదున్న సమయంలో అనవసరపు పరుగు కోసం యత్నించి రనౌట్‌ అయ్యాడు. భారత స్టార్‌ బ్యాటర్‌ శ్రేయస్‌ అయ్యర్‌ అద్భుత ఫీల్డింగ్‌ కారణంగా సాల్ట్‌(26 బంతుల్లో 5 ఫోర్లు, 3 సిక్సర్లు- 43 రన్స్‌) వెనుదిరిగాడు.A moment of brilliance on the field by #ShreyasIyer and #PhilSalt is RUNOUT! 🙌🏻Start watching FREE on Disney+ Hotstar ➡️ https://t.co/gzTQA0IDnU#INDvENGOnJioStar 1st ODI 👉 LIVE NOW on Disney+ Hotstar, Star Sports 2, Star Sports 3, Sports 18 1 & Colors Cineplex! pic.twitter.com/n9hvFfJQpE— Star Sports (@StarSportsIndia) February 6, 2025 ఇక మరో ఓపెనర్‌ బెన్‌ డకెట్‌ సైతం 29 బంతుల్లో ఆరు ఫోర్ల సాయంతో 32 పరుగులతో రాణించగా.. వన్‌డౌన్‌లో వచ్చిన రీఎంట్రీ స్టార్‌ జో రూట్‌(19) నిరాశపరిచాడు. ఇక హ్యారీ బ్రూక్‌ హర్షిత్‌ రాణా దెబ్బకు పరుగుల ఖాతా తెరవకుండానే వెనుదిరిగాడు. ఇలాంటి తరుణంలో బట్లర్‌, జాకొబ్‌ బెతెల్‌తో కలిసి ఇన్నింగ్స్‌ చక్కదిద్దే ప్రయత్నం చేశాడు.బట్లర్‌ 67 బంతుల్లో 52 పరుగులు చేయగా.. బెతెల్‌ 64 బాల్స్‌ ఎదుర్కొని 51 రన్స్‌ సాధించాడు. కానీ మిగతా వాళ్లు మాత్రం చేతులెత్తేశారు. లియామ్‌ లివింగ్‌స్టోన్‌(5), బ్రైడన్‌ కార్సే(10), ఆదిల్‌ రషీద్‌(8) త్వరత్వరగా పెవిలియన్‌ చేరగా.. టెయిలెండర్‌ జోఫ్రా ఆర్చర్‌ 18 బంతుల్లో 21 పరుగులతో అజేయంగా నిలిచాడు. 38.4 ఓవర్లలోనే..ఫలితంగా ఇంగ్లండ్‌ 47.4 ఓవర్లలో 248 పరుగులు చేయగలిగింది. భారత బౌలర్లలో హర్షిత్‌ రాణా, రవీంద్ర జడేజా మూడేసి వికెట్లతో చెలరేగగా.. మహ్మద్‌ షమీ, అక్షర్‌ పటేల్‌, కుల్దీప్‌ యాదవ్‌ ఒక్కో వికెట్‌ దక్కించుకున్నారు.ఇక నామమాత్రపు లక్ష్యంతో బరిలోకి దిగిన టీమిండియా 38.4 ఓవర్లలో ఆరు వికెట్లు నష్టపోయి పని పూర్తి చేసింది. ఓపెనర్లు యశస్వి జైస్వాల్‌(15), కెప్టెన్‌ రోహిత్‌ శర్మ(2) విఫలమైనా.. శుబ్‌మన్‌ గిల్‌ (87) అద్భుత అర్థ శతకంతో మెరిశాడు. అతడికి తోడుగా నాలుగో నంబర్‌ బ్యాటర్‌ శ్రేయస్‌ అయ్యర్‌ టీ20 తరహా మాదిరి 36 బంతుల్లోనే 59 పరుగులతో దుమ్ములేపాడు. ఇక ఆల్‌రౌండర్‌ అక్షర్‌ పటేల్‌(47 బంతుల్లోనే 52) కూడా హాఫ్‌ సెంచరీ సాధించాడు.మా ఓటమికి కారణం అదేఈ నేపథ్యంలో ఓటమి అనంతరం ఇంగ్లండ్‌ కెప్టెన్‌ జోస్‌ బట్లర్‌ మాట్లాడుతూ.. ‘‘గెలవలేకపోయినందుకు బాధగా ఉంది. పవర్‌ ప్లేలో మేము అద్భుతంగా రాణించాం. కానీ త్వరత్వరగా వికెట్లు కోల్పోవడం ప్రభావం చూపింది. ఇంకో 40- 50 పరుగులు చేసేందుకు వికెట్‌ అనుకూలంగానే ఉంది. కానీ మేము ఆఖరిదాకా నిలవలేకపోయాం.ఏదేమైనా మా వాళ్లు శుభారంభం అందించారనేది వాస్తవం. ఆ సమయంలో మ్యాచ్‌ మాకు అనుకూలంగానే ఉంది. ఇక టీమిండియా విజయంలో శ్రేయస్‌ అయ్యర్‌కు క్రెడిట్‌ ఇవ్వాల్సి ఉంటుంది. అతడి అద్భుత ఇన్నింగ్స్‌ వల్ల భారత్‌కు మెరుగైన భాగస్వామ్యం లభించింది. ఏదేమైనా.. ఇకపై మేము ఇన్నింగ్స్‌ ఆసాంతం ఇంకాస్త మెరుగ్గా ఆడాల్సి ఉంది’’ అని పరాజయానికి గల కారణాలను విశ్లేషించాడు. చదవండి: IND vs ENG: శ్రేయస్‌ అయ్యర్‌ వరల్డ్‌​ రికార్డు

స్వదేశంలో జరుగుతున్న పోరులో ఇంగ్లండ్‌పై భారత్‌ సంపూర్ణ ఆధిపత్యం కొనసాగుతోంది. టి20 సిరీస్‌లో ఘన విజయం సాధించిన టీమిండియా ఇప్పుడు వన్డేల్లో గెలుపుతో బోణీ చేసింది. బౌలింగ్‌లో జడేజా, రాణా రాణించడంతో ముందుగా ప్రత్యర్థిని తక్కువ స్కోరుకే కట్టడి చేసిన జట్టు...ఆపై గిల్, శ్రేయస్, అక్షర్‌ బ్యాటింగ్‌తో 11.2 ఓవర్లు మిగిలి ఉండగానే లక్ష్యాన్ని చేరింది. పేలవ బ్యాటింగ్‌తో ఇంగ్లండ్‌ మరోసారి పరాజయానికే పరిమితమైంది. నాగ్‌పూర్‌: ఇంగ్లండ్‌తో వన్డే సిరీస్‌లో భారత్‌ 1–0తో ముందంజ వేసింది. గురువారం జరిగిన తొలి మ్యాచ్‌లో భారత్‌ 4 వికెట్ల తేడాతో ఇంగ్లండ్‌ను ఓడించింది. టాస్‌ గెలిచి ముందుగా బ్యాటింగ్‌ ఎంచుకున్న ఇంగ్లండ్‌ 47.4 ఓవర్లలో 248 పరుగులకే ఆలౌటైంది. కెప్టెన్ జోస్‌ బట్లర్‌ (67 బంతుల్లో 52; 4 ఫోర్లు), జాకబ్‌ బెతెల్‌ (64 బంతుల్లో 51; 3 ఫోర్లు, 1 సిక్స్‌) అర్ధ సెంచరీలు చేయగా...ఫిల్‌ సాల్ట్‌ (26 బంతుల్లో 43; 5 ఫోర్లు, 3 సిక్స్‌లు) ధాటిగా ఆడాడు.భారత బౌలర్లలో రవీంద్ర జడేజా, హర్షిత్‌ రాణా చెరో 3 వికెట్లు పడగొట్టారు. అనంతరం భారత్‌ 38.4 ఓవర్లలో 6 వికెట్లకు 251 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (96 బంతుల్లో 87; 14 ఫోర్లు), శ్రేయస్‌ అయ్యర్‌ (36 బంతుల్లో 59; 9 ఫోర్లు, 2 సిక్స్‌లు), అక్షర్‌ పటేల్‌ (47 బంతుల్లో 52; 6 ఫోర్లు, 1 సిక్స్‌) ఆకట్టుకున్నారు. రెండో వన్డే ఆదివారం కటక్‌లో జరుగుతుంది. కీలక భాగస్వామ్యాలు... ఓపెనర్లు సాల్ట్, బెన్‌ డకెట్‌ (29 బంతుల్లో 32; 6 ఫోర్లు) ఇంగ్లండ్‌కు శుభారంభం అందించారు. వీరిద్దరు దూకుడుగా ఆడుతూ తొలి వికెట్‌కు 8.5 ఓవర్లలోనే 75 పరుగులు జోడించారు. ఓపెనర్లను నిలువరించడంలో భారత బౌలర్లు విఫలమవుతున్న స్థితిలో ఇంగ్లండ్‌ స్వయంకృతం ఇన్నింగ్స్‌ను మలుపు తిప్పింది. లేని మూడో పరుగు కోసం ప్రయత్నించిన సాల్ట్‌ను చక్కటి ఫీల్డింగ్‌తో శ్రేయస్‌ రనౌట్‌ చేయడంతో జట్టు తొలి వికెట్‌ కోల్పోయింది. ఆ తర్వాత రెండు పరుగుల వ్యవధిలో మరో 2 వికెట్లు కోల్పోయి జట్టు కష్టాల్లో పడింది. సుదీర్ఘ విరామం తర్వాత వన్డే ఆడిన జో రూట్‌ (19) కూడా ఎక్కువ సేపు నిలవలేకపోయాడు. ఈ దశలో బట్లర్, బెతెల్‌ కలిసి ఇంగ్లండ్‌ను ఆదుకున్నారు. వీరిద్దరు భారీ షాట్లకు పోకుండా జాగ్రత్తగా ఆడారు. 58 బంతుల్లో అర్ధ సెంచరీ పూర్తయిన వెంటనే బట్లర్‌ నిష్క్రమించాడు. బెతెల్‌తో కలిసి ఐదో వికెట్‌కు అతను 14.3 ఓవర్లలో 59 పరుగులు జత చేశాడు. 62 బంతుల్లో బెతెల్‌ హాఫ్‌ సెంచరీ మార్క్‌ను చేరుకోగా...తర్వాతి బ్యాటర్లెవరూ నిలవలేకపోవడంతో మరో 16 బంతులు మిగిలి ఉండగానే ఇంగ్లండ్‌ ఆట ముగిసింది. రాణించిన అక్షర్‌... ఛేదనలో ఆరంభంలో భారత్‌ తడబడింది. 19 పరుగుల వద్దే యశస్వి జైస్వాల్‌ (15), రోహిత్‌ శర్మ (2) వెనుదిరిగారు. అయితే గిల్, శ్రేయస్‌ భాగస్వామ్యంలో జట్టు దూసుకుపోయింది. ముఖ్యంగా శ్రేయస్‌ మెరుపు బ్యాటింగ్‌తో అలరించాడు. ఆర్చర్‌ ఓవర్లో వరుసగా 2 సిక్స్‌లు బాదిన అతను, కార్స్‌ ఓవర్లో మూడు ఫోర్లు కొట్టాడు. ఈ జోరులో 30 బంతుల్లోనే అతని అర్ధసెంచరీ పూర్తయింది. గిల్‌తో కలిసి మూడో వికెట్‌కు 94 పరుగులు (10.4 ఓవర్లలో) జోడించిన తర్వాత శ్రేయస్‌ వెనుదిరిగాడు. బ్యాటింగ్‌ ఆర్డర్‌లో ప్రమోట్‌ అయిన అక్షర్‌ పటేల్‌ కూడా గిల్‌కు తగిన విధంగా సహకరించడంతో జట్టు లక్ష్యం దిశగా సాగింది. ఈ క్రమంలో గిల్‌ 60 బంతుల్లో, అక్షర్‌ 46 బంతుల్లోనే హాఫ్‌ సెంచరీలను అందుకున్నారు. నాలుగో వికెట్‌కు 17.5 ఓవర్లలో 108 పరుగులు జత చేసిన అనంతరం అక్షర్‌ అవుటయ్యాడు. ఈ దశలో భారత్‌ విజయానికి 28 పరుగులు, గిల్‌ సెంచరీకి 19 పరుగులు అవసరమయ్యాయి. అయితే గిల్‌ సెంచరీ చేజార్చుకోగా, రాహుల్‌ (2) కూడా నిలబడలేదు. కానీ పాండ్యా (9 నాటౌట్‌), జడేజా (12 నాటౌట్‌) కలిసి మ్యాచ్‌ను ముగించారు.26 పరుగులు సమర్పించుకున్నా... కెరీర్‌లో తొలి వన్డే ఆడుతున్న రాణా బౌలింగ్‌ ఆరంభంలో తడబడ్డాడు. ముఖ్యంగా అతని మూడో ఓవర్లో సాల్ట్‌ 3 సిక్స్‌లు, 2 ఫోర్లతో చెలరేగిపోయాడు. ఈ ఓవర్లో సాల్ట్‌ వరుసగా 6, 4, 6, 4, 0, 6 బాదడంతో మొత్తం 26 పరుగులు వచ్చాయి. అయితే తన నాలుగో ఓవర్లో అతను సత్తా చాటి పరిస్థితిని మార్చాడు. మూడో బంతికి డకెట్‌ను అవుట్‌ చేసిన రాణా చివరి బంతికి బ్రూక్‌ను డకౌట్‌ చేశాడు. ఆ తర్వాత కీలకమైన లివింగ్‌స్టోన్‌ వికెట్‌ కూడా రాణా ఖాతాలోనే చేరింది. ఇంగ్లండ్‌ ఇన్నింగ్స్‌: సాల్ట్‌ (రనౌట్‌) 43; డకెట్‌ (సి) జైస్వాల్‌ (బి) రాణా 32; రూట్‌ (ఎల్బీ) (బి) జడేజా 19; బ్రూక్‌ (సి) రాహుల్‌ (బి) రాణా 0; బట్లర్‌ (సి) పాండ్యా (బి) అక్షర్‌ 52; బెతెల్‌ (ఎల్బీ) (బి) జడేజా 51; లివింగ్‌స్టోన్‌ (సి) రాహుల్‌ (బి) రాణా 5; కార్స్‌ (బి) షమీ 10; రషీద్‌ (బి) జడేజా 8; ఆర్చర్‌ (నాటౌట్‌) 21; మహమూద్‌ (స్టంప్డ్‌) రాహుల్‌ (బి) కుల్దీప్‌ 2; ఎక్స్‌ట్రాలు 5; మొత్తం (47.4 ఓవర్లలో ఆలౌట్‌) 248. వికెట్ల పతనం: 1–75, 2–77, 3–77, 4–111, 5–170, 6–183, 7–206, 8–220, 9–241, 10–248. బౌలింగ్‌: షమీ 8–1–38–1, రాణా 7–1–53–3, అక్షర్‌ 7–0–38–1, పాండ్యా 7–1–37–0, కుల్దీప్‌ 9.4–0–53–1, జడేజా 9–1–26–3. భారత్‌ ఇన్నింగ్స్‌: జైస్వాల్‌ (సి) సాల్ట్‌ (బి) ఆర్చర్‌ 15; రోహిత్‌ శర్మ (సి) లివింగ్‌స్టోన్‌ (బి) మహమూద్‌ 2; గిల్‌ (సి) బట్లర్‌ (బి) మహమూద్‌ 86; శ్రేయస్‌ (ఎల్బీ) (బి) బెతెల్‌ 59; అక్షర్‌ (బి) రషీద్‌ 52; రాహుల్‌ (సి) అండ్‌ (బి) రషీద్‌ 2; పాండ్యా (నాటౌట్‌) 9; జడేజా (నాటౌట్‌) 12; ఎక్స్‌ట్రాలు 13; మొత్తం (38.4 ఓవర్లలో 6 వికెట్లకు) 251. వికెట్ల పతనం: 1–19, 2–19, 3–113, 4–221, 5–225, 6–235. బౌలింగ్‌: ఆర్చర్‌ 7–1–39–1, మహమూద్‌ 6.4–0–47–2, కార్స్‌ 5–0–52–0, రషీద్‌ 10–1–49–2, బెతెల్‌ 3–0–18–1, లివింగ్‌స్టోన్‌ 5–0–28–0, రూట్‌ 2–0–10–0. సినిమా చూస్తుండగా... ‘నేను ఈ మ్యాచ్‌ ఆడతానని అనుకోలేదు. కాస్త ఎక్కువ సేపు మెలకువతో ఉండవచ్చు అనుకొని రాత్రి సినిమా చూస్తూ కూర్చున్నాను. అయితే కోహ్లి మోకాలికి గాయం అయిందని నువ్వు ఆడాల్సి ఉంటుందని కెప్టెన్ రోహిత్‌నుంచి ఫోన్‌ వచ్చింది. వెంటనే సినిమాను సగంలోనే ఆపేసి వెంటనే వెళ్లి పడుకున్నాను’ –శ్రేయస్‌ అయ్యర్‌ జైస్వాల్‌ను ఆడించాలని టీమ్‌ మేనేజ్‌మెంట్‌ ముందే సిద్ధమైందని శ్రేయస్‌ వ్యాఖ్యలను బట్టి తెలుస్తోంది. గత కొంత కాలంగా వన్డేల్లో ఘనమైన రికార్డు ఉన్నా సరే... శ్రేయస్‌కు తుది జట్టులో చోటు లేకపోవడం ఆశ్చర్యకరం.గాయంతో దూరమైన కోహ్లి టాప్‌ బ్యాటర్‌ విరాట్‌ కోహ్లి లేకుండానే భారత జట్టు తొలి వన్డేలో బరిలోకి దిగింది. కుడి మోకాలికి గాయం కారణంగా కోహ్లి ఈ మ్యాచ్‌కు దూరమయ్యాడు. బుధవారం ప్రాక్టీస్‌ సమయంలోనే అతనికి ఈ గాయమైందని టాస్‌ సమయంలో కెప్టెన్ రోహిత్‌ వెల్లడించాడు. అయితే మ్యాచ్‌ ముందు రోజు టీమ్‌ మేనేజ్‌మెంట్‌ ఈ విషయాన్ని చెప్పలేదు. గురువారం జట్టు సభ్యులందరితో కలిసి మైదానానికి వచ్చిన కోహ్లి స్వల్పంగా డ్రిల్స్‌లో పాల్గొన్నాడు. అయితే ఈ సమయంలో అతను కాలికి ప్లాస్టర్‌తో కనిపించాడు. యశస్వి జైస్వాల్, రాణా అరంగేట్రం పేస్‌ బౌలర్‌ హర్షిత్‌ రాణా, ఓపెనర్‌ యశస్వి జైస్వాల్‌ ఈ మ్యాచ్‌తో వన్డే క్రికెట్‌లోకి అడుగు పెట్టారు. భారత్‌ తరఫున వన్డేలు ఆడిన 257, 258వ ఆటగాళ్లుగా వీరిద్దరు గుర్తింపు పొందారు. భారత్‌ తరఫున ఇప్పటికే 19 టెస్టులు, 23 టి20లు ఆడిన 23 ఏళ్ల ముంబై ఆటగాడు జైస్వాల్‌ తనకంటూ ప్రత్యేక గుర్తింపు తెచ్చుకోగా... ఢిల్లీకి చెందిన రాణా ఆ్రస్టేలియా గడ్డపై తొలి రెండు టెస్టులు ఆడాడు. ఆపై ఇంగ్లండ్‌తో గత శుక్రవారం జరిగిన చివరి మ్యాచ్‌తో అంతర్జాతీయ టి20ల్లోకి అడుగు పెట్టాడు.

ఇంగ్లండ్‌తో (England) మూడు మ్యాచ్‌ల టీ20 సిరీస్‌ను టీమిండియా (Team India) ఘనంగా ప్రారంభించింది. నాగ్‌పూర్‌ వేదికగా జరిగిన తొలి వన్డేలో భారత్‌ 4 వికెట్ల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. టీమిండియా బౌలర్లు చెలరేగడంతో 248 పరుగులకే (47.4 ఓవర్లలో) ఆలౌటైంది. రవీంద్ర జడేజా, హర్షిత్‌ రాణా తలో మూడు వికెట్లు తీసి ఇంగ్లండ్‌ను దెబ్బ కొట్టారు. షమీ, అక్షర్‌, కుల్దీప్‌ తలో వికెట్‌ తీశారు.ఇంగ్లండ్‌ బ్యాటర్లలో జోస్‌ బట్లర్‌ (52), జేకబ్‌ బేతెల్‌ (51) హాఫ్‌ సెంచరీలతో రాణించగా.. ఓపెనర్లు బెన్‌ డకెట్‌ (32), ఫిలిప్‌ సాల్ట్‌ (43) ఓ మోస్తరు స్కోర్లు చేశారు. రూట్‌ 19, బ్రూక్‌ 0, లివింగ్‌స్టోన్‌ 5, కార్స్‌ 10, ఆదిల్‌ రషీద్‌ 8, సాకిబ్‌ మహమూద్‌ 2 పరుగులు చేసి ఔటయ్యారు. ఆఖర్లో జోఫ్రా ఆర్చర్‌ (21 నాటౌట్‌) బ్యాట్‌ ఝులిపించడంతో ఇంగ్లండ్‌ ఈ మాత్రం స్కోరైనా చేయగలిగింది.అనంతరం బ్యాటింగ్‌కు దిగిన భారత్‌.. 38.4 ఓవర్లలో 6 వికెట్లు కోల్పోయి లక్ష్యాన్ని ఛేదించింది. ఛేదనలో ఓపెనర్లు రోహిత్‌ శర్మ (2), యశస్వి జైస్వాల్‌ (15) త్వరగా ఔటైనా.. మిడిలార్డర్‌ బ్యాటర్లు శ్రేయస్‌ అయ్యర్‌ (59), శుభ్‌మన్‌ గిల్‌ (87), అక్షర్‌ పటేల్‌ (52) అద్భుతంగా ఆడారు. ముఖ్యంగా శ్రేయస్‌ మెరుపు ఇన్నింగ్స్‌ ఆడి మధ్యలోనే భారత్‌ గెలుపు ఖరారు చేశాడు. లక్ష్యానికి చేరువైన తరుణంలో భారత్‌ వరుసగా వికెట్లు కోల్పోయింది. హార్దిక్‌ పాండ్యా (9 నాటౌట్‌), రవీంద్ర జడేజా (12 నాటౌట్‌) భారత్‌ను విజయతీరాలకు చేర్చారు. ఇంగ్లండ్‌ బౌలర్లలో సాకిబ్‌ మహమూద్‌, ఆదిల్‌ రషీద్‌ తలో రెండు వికెట్లు పడగొట్టగా.. ఆర్చర్‌, జేకబ్‌ బేతెల్‌ చెరో వికెట్‌ దక్కించుకున్నారు. రెండో వన్డే కటక్‌ వేదికగా ఫిబ్రవరి 9న జరుగనుంది.జడేజా@600ఈ మ్యాచ్‌లో టీమిండియా లెఫ్ట్‌ ఆర్మ్‌ స్పిన్నర్‌ రవీంద్ర జడేజా ఓ అరుదైన మైలురాయిని తాకాడు. ఈ మ్యాచ్‌లో మూడు వికెట్లు తీసిన జడేజా.. అంతర్జాతీయ క్రికెట్‌లో 600 వికెట్లు పూర్తి చేసుకున్నాడు. తద్వారా భారత్‌ తరఫున ఈ ఘనత సాధించిన ఐదో బౌలర్‌గా రికార్డు నెలకొల్పాడు. జడ్డూకు ముందు అనిల్‌ కుంబ్లే (953), అశ్విన్‌ (765), హర్భజన్‌ సింగ్‌ (707), కపిల్‌ దేవ్‌ (687) మాత్రమే 600 అంతర్జాతీయ వికెట్లు పడగొట్టారు. భారత్‌ తరఫున 600 వికెట్లు పడగొట్టిన తొలి లెఫ్ట్‌ ఆర్మ్‌ స్పిన్నర్‌, అలాగే అంతర్జాతీయ క్రికెట్‌లో 600 వికెట్లతో పాటు 6000 పరుగులు చేసిన ఏకైక భారత స్పిన్నర్‌ జడేజానే.అరంగ్రేటంలోనే మెరిసిన రాణా.. నిరాశపరిచిన జైస్వాల్‌ఈ మ్యాచ్‌తో వన్డే క్రికెట్‌లోకి ఎంట్రీ ఇచ్చిన హర్షిత్‌ రాణా తనపై పెట్టుకున్న అంచనాలకు న్యాయం చేశాడు. ఈ మ్యాచ్‌లో తొలుత ధారాళంగా పరుగులు సమర్పించుకున్న ఆతను.. ఆతర్వాత కోలుకుని మూడు వికెట్లు తీశాడు. ఇంగ్లండ్‌ ఇన్నింగ్స్‌ ఆరంభంలో ఫిల్‌ సాల్ట్‌ రాణాకు చుక్కలు చూపించాడు. ఇదే మ్యాచ్‌తో వన్డే అరంగేట్రం చేసిన మరో భారత ఆటగాడు యశస్వి జైస్వాల్‌ నిరాశపరిచాడు. ఈ మ్యాచ్‌లో జైస్వాల్‌ 22 బంతుల్లో 15 పరుగులు చేసి ఔటయ్యాడు.కొనసాగిన రోహిత్‌ వైఫల్యాల పరంపరఅంతర్జాతీయ క్రికెట్‌లో రోహిత్‌ వైఫల్యాల పరంపర కొనసాగింది. ఈ మ్యాచ్‌లో అతను 7 బంతులు ఎదుర్కొని 2 పరుగులకే ఔటయ్యాడు. ఇటీవలికాలంలో ఫార్మాట్లకతీతంగా రోహిత్‌ ప్రదర్శనలు చాలా దారుణంగా ఉన్నాయి.గత 16 ఇన్నింగ్స్‌ల్లో రోహిత్‌ కేవలం ఒకే అర్ద సెంచరీ చేశాడు. గత ఏడాదంతా కలుపుకుని రోహిత్‌ చేసింది కేవలం 166 పరుగులే. విరాట్‌ దూరం.. పంత్‌కు నో ప్లేస్‌ఈ మ్యాచ్‌కు టీమిండియా స్టార్‌ బ్యాటర్‌ విరాట్‌ కోహ్లి దూరంగా ఉన్నాడు. మోకాలి గాయం కారణంగా కోహ్లి ఈ మ్యాచ్‌లో ఆడలేదు. గాయాల కారణంగా కోహ్లి మ్యాచ్‌లకు దూరం కావడం చాలా అరుదు. ఈ మ్యాచ్‌లో మరో భారత స్టార్‌ ఆటగాడికి కూడా చోటు దక్కలేదు. వికెట్‌కీపర్‌, బ్యాటర్‌ రిషబ్‌ పంత్‌ బెంచ్‌కే పరిమితమయ్యాడు. కేఎల్‌ రాహుల్‌ అదనంగా వికెట్‌కీపింగ్‌ బాధ్యతలు మోశాడు.

జట్టు విజయానికి కారణమైన ప్రతి ఒక్కరిని తాను అభినందిస్తానని టీమిండియా వన్డే వైస్‌ కెప్టెన్‌ శుబ్‌మన్‌ గిల్(Shubman Gill) అన్నాడు. తనకు ఎవరిపట్లా ద్వేషభావన లేదని స్పష్టం చేశాడు. దేశం కోసం ఆడేటపుడు ఆటగాళ్లంతా జట్టు ప్రయోజనాల గురించి మాత్రమే ఆలోచిస్తారని.. తాను కూడా అంతేనని పేర్కొన్నాడు.కాగా వన్డే, టీ20, టెస్టు.. ఇలా మూడు ఫార్మాట్లలో కెప్టెన్‌ రోహిత్‌ శర్మ(Rohit Sharma)కు ఓపెనింగ్‌ జోడీగా ఒకప్పుడు శుబ్‌మన్‌ గిల్‌కు ప్రాధాన్యం దక్కిన విషయం తెలిసిందే. అయితే, యశస్వి జైస్వాల్‌(Yashasvi Jaiswal) రాకతో టెస్టుల్లో ఓపెనర్‌గా గిల్‌ స్థానం గల్లంతైంది. ఇక అంతర్జాతీయ టీ20లకు రోహిత్‌ శర్మ వీడ్కోలు పలికిన తర్వాత.. కొత్త హెడ్‌కోచ్‌ గౌతం గంభీర్‌ కొత్త ఓపెనింగ్‌ జోడీని రంగంలోకి దింపిన విషయం తెలిసిందే.టీ20లలో కొత్త జోడీకేరళ వికెట్‌ కీపర్‌ బ్యాటర్‌ సంజూ శాంసన్‌తో పాటు పంజాబ్‌ కెప్టెన్‌ అభిషేక్‌ శర్మ టీ20లలో భారత ఇన్నింగ్స్‌ ఆరంభిస్తున్నారు. సౌతాఫ్రికా గడ్డపై రెండు శతకాలతో సంజూ.. ఇంగ్లండ్‌తో స్వదేశంలో తాజా సిరీస్‌లో అద్భుత ప్రదర్శనతో అభిషేక్‌ ఓపెనర్లుగా తమ స్థానాలను పటిష్టం చేసుకున్నారు.ఇంగ్లండ్‌తో టీ20 సిరీస్‌లో సంజూ విఫలమైనా అతడికి మరో ఛాన్స్‌ ఇచ్చేందుకు యాజమాన్యం సిద్ధంగానే ఉందనే వార్తలు వస్తున్నాయి. మరోవైపు.. అభిషేక్‌ ఈ సిరీస్‌లో రికార్డు శతకం(54 బంతుల్లో 135)తో సత్తా చాటి ఓపెనర్‌గా పాతుకుపోయేందుకు మార్గం సుగమం చేసుకున్నాడు.‘టాక్సిక్‌’ కాంపిటిషన్‌?ఈ నేపథ్యంలో ఓపెనింగ్‌ స్థానం విషయంలో శుబ్‌మన్‌ గిల్‌కు అభిషేక్‌ శర్మ, యశస్వి జైస్వాల్‌ పోటీగా తయారయ్యారని.. దీంతో అతడు ఇబ్బందులు పడుతున్నాడనే అభిప్రాయాలు వ్యక్తమయ్యాయి. ఈ విషయం గురించి మంగళవారం మీడియా గిల్‌ను ప్రశ్నించగా.. హుందాగా స్పందించాడు.‘‘అభిషేక్‌ నాకు చిన్ననాటి నుంచే స్నేహితుడు. అదే విధంగా జైస్వాల్‌ కూడా నాకు ఫ్రెండే. మా మధ్య అనారోగ్యకరమైన పోటీ ఉందని నేను అనుకోను. దేశం కోసం ఆడుతున్నప్పుడు ప్రతి ఒక్క ఆటగాడు తాను గొప్పగా రాణించాలని కోరుకుంటాడు.అతడు బాగా ఆడకూడదనుకోనుప్రతి మ్యాచ్‌లోనూ అద్బుతంగా ఆడాలనే అనుకుంటాడు. అంతేకానీ.. ‘అతడు బాగా ఆడకూడదు. అలాగైతేనే నేను బాగుంటాను’ అనుకునే వాళ్లు ఎవరూ ఉండరు. జట్టు కోసం ఎవరైతే కష్టపడి ఆడి.. అద్భుత ప్రదర్శనతో ఆకట్టుకుంటారో వారిని తప్పక అభినందించాలి’’ అని శుబ్‌మన్‌ గిల్‌ సమాధానం ఇచ్చాడు.ఇక ఇంగ్లండ్‌తో వన్డే సిరీస్‌ నేపథ్యంలో రోహిత్‌ శర్మ ఫామ్‌ గురించి ప్రస్తావిస్తూ.. ‘‘వన్డేల్లో గత ఏడాదిన్నర కాలంగా రోహిత్‌ భాయ్‌ అద్భుతంగా ఆడుతున్నాడు. మాకు అదొక గేమ్‌ చేంజింగ్‌ మూమెంట్‌. ఇక ముందు కూడా అదే జోరును కొనసాగిస్తాడు’’ అని శుబ్‌మన్‌ గిల్‌ ధీమా వ్యక్తం చేశాడు. కాగా వన్డే వరల్డ్‌కప్‌-2023లో గిల్‌తో కలిసి ఓపెనింగ్‌ చేసిన రోహిత్‌ శర్మ.. జట్టు ఫైనల్‌ చేరడంలో కీలకప్రాత పోషించాడు. అంతేకాదు.. శ్రీలంకతో గతేడాది వన్డే సిరీస్‌లోనూ రెండు అర్ధ శతకాలు బాదాడు. ఇక టీమిండియా- ఇంగ్లండ్‌ మధ్య గురువారం(ఫిబ్రవరి 6) నుంచి వన్డే సిరీస్‌ మొదలుకానుంది. ఇందులో రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా బరిలోకి దిగనున్నారు.చదవండి: ఐసీసీ టోర్నీ తర్వాత రోహిత్‌ గుడ్‌బై? కోహ్లికి మాత్రం బీసీసీఐ గ్రీన్‌సిగ్నల్‌!

నాగ్‌పూర్‌: ఆ్రస్టేలియాతో ఇటీవల జరిగిన బోర్డర్‌–గావస్కర్‌ ట్రోఫీ టెస్టు సిరీస్‌లో భారత్‌ 1–3 తేడాతో పరాజయం పాలైంది. దాంతో జట్టులో ప్రధాన ఆటగాళ్ల ప్రదర్శనపై పలు రకాల విశ్లేషణలు సాగాయి. సీనియర్ల ఆటపై పలు విమర్శలు కూడా వచ్చాయి. అయితే ఈ తరహా విమర్శలను వన్డే టీమ్‌ వైస్‌ కెప్టెన్ శుబ్‌మన్‌ గిల్‌ తప్పు పట్టాడు. నిజానికి తాము ఆసీస్‌ గడ్డపై కూడా మెరుగ్గానే ఆడామని, కొద్దిలో ఓటమి పాలయ్యామని అతను వివరించాడు. ‘ఒక్క సిరీస్‌ ఫలితం మా జట్టు ఫామ్‌ను చూపించదు. జట్టులోని కీలక ఆటగాళ్లంతా గతంలో ఎన్నో టోర్నీల్లో నిలకడగా రాణించారు. ఆ్రస్టేలియాతో సిరీస్‌లో మేం అంచనాలకు తగినట్లుగా ఆడలేదనేది వాస్తవం. అయితే మరీ ఘోరంగా విఫలమేమీ కాలేదు. చివరి రోజు బుమ్రా లేకపోవడం దురదృష్టకరం. అతను ఆడితే మేం మ్యాచ్‌ గెలిచి సిరీస్‌ సమం చేసేవాళ్లం. ఒక మ్యాచ్‌ లేదా ఒక రోజు మా ఆటేంటో చెప్పదు. గతంలో అక్కడ రెండుసార్లు సిరీస్‌ సాధించాం. వన్డే వరల్డ్‌ కప్‌లో ఫైనల్‌ వెళ్లడంతో పాటు టి20 వరల్డ్‌ కప్‌ కూడా గెలిచామని మరచి పోవద్దు’ అని గిల్‌ సమాధానమిచ్చాడు. కెప్టెన్‌ రోహిత్‌ శర్మ వన్డేల్లో అద్భుతమైన ఫామ్‌లో ఉన్నాడన్న గిల్‌... టీమ్‌లో వరుసగా మార్పులు చేర్పులు సరైంది కాదన్నాడు. ‘విజయ్‌ హజారే వన్డే ట్రోఫీలో కరుణ్‌ నాయర్‌ చాలా గొప్పగా ఆడాడు. అందరూ ఇది అంగీకరించాలి. కానీ ఎవరి స్థానంలో తీసుకుంటారు. మేమంతా కూడా ఇక్కడికి రావడానికి ఎంతో కష్టపడ్డాం. ఇప్పుడు జట్టులో ఉన్నవాళ్లంతా చాలా బాగా ఆడుతున్నారు. మేం వరల్డ్‌ కప్‌లో ఒక్కటే మ్యాచ్‌ ఓడాం. కాబట్టి టీమ్‌లో అనవసరపు మార్పులు చేయవద్దు. కొంతకాలం ఒకే టీమ్‌ను కొనసాగించకపోతే జట్టు బలహీనంగా మారుతుంది’ అని గిల్‌ విశ్లేషించాడు. వైస్‌ కెప్టెన్ గా తనపై అదనపు బాధ్యత ఉందని... జట్టుకు అవసరమైనప్పుడల్లా రోహిత్‌కు తన సూచనలు అందిస్తానని గిల్‌ చెప్పాడు. టి20ల్లో చిత్తుగా ఓడినా... వన్డేల్లో ఇంగ్లండ్‌ బలమైన జట్టు కాబట్టి గట్టి పోటీ తప్పదని అతను అభిప్రాయపడ్డాడు.

టీమిండియా స్టార్‌ క్రికెటర్‌, పంజాబ్‌ కెప్టెన్‌ శుబ్‌మన్‌ గిల్‌(Shubman Gill) ఎట్టకేలకు ఫామ్‌లోకి వచ్చాడు. రంజీ మ్యాచ్‌లో శతకంతో చెలరేగి తనను తాను నిరూపించుకున్నాడు. ఆస్ట్రేలియాతో జరిగిన బోర్డర్‌- గావస్కర్‌ ట్రోఫీ(Border Gavaskar Trophy)లో గిల్‌ విఫలమైన సంగతి తెలిసిందే. వరుస వైఫల్యాలుగాయం కారణంగా పెర్త్‌లో జరిగిన తొలి టెస్టుకు దూరమైన ఈ పంజాబీ బ్యాటర్‌.. రెండో టెస్టు నుంచి అందుబాటులోకి వచ్చినా పెద్దగా రాణించలేకపోయాడు. అడిలైడ్‌లో జరిగిన ఈ పింక్‌ బాల్‌ టెస్టులో రెండు ఇన్నింగ్స్‌లో కలిపి 59(31, 28) పరుగులు చేశాడు. అయితే, గబ్బాలో జరిగిన మూడో టెస్టులో గిల్‌ తీవ్రంగా నిరాశపరిచాడు. కేవలం ఒక్క పరుగు మాత్రమే చేసి పెవిలియన్‌ చేరాడు. అయితే, నాలుగో టెస్టు జట్టులో మాత్రం అతడికి చోటు దక్కలేదు. దీంతో బాక్సింగ్‌ డే టెస్టుకు దూరమైన గిల్‌.. ఆ తర్వాత సిడ్నీ టెస్టు ఆడినా అందులోనూ విఫలమయ్యాడు. రెండు ఇన్నింగ్స్‌లో వరుసగా 20, 13 పరుగులు సాధించాడు.రంజీ బరిలో పంజాబ్‌ సారథిగాకాగా కంగారూ గడ్డపై ఐదు టెస్టుల సిరీస్‌లో ఓవరాల్‌గా 93 పరుగులు మాత్రమే చేయగలిగాడు. ఈ నేపథ్యంలో శుబ్‌మన్‌ గిల్‌ ఆట తీరుపై తీవ్ర స్థాయిలో విమర్శలు వెల్లువెత్తాయి. ఈ క్రమంలో బోర్డు నిబంధనలకు అనుగుణంగా రంజీ ట్రోఫీ బరిలో దిగాడు. తాజా ఎడిషన్‌ రెండో దశ పోటీల్లో భాగంగా కర్ణాటకతో మ్యాచ్‌ సందర్భంగా ఈ పంజాబ్‌ ఓపెనర్‌ రంగంలోకి దిగాడు.మొదటి ప్రయత్నంలో విఫలంఅయితే, మొదటి ప్రయత్నంలో గిల్‌కు మరోసారి నిరాశే ఎదురైంది. తొలి ఇన్నింగ్స్‌లో ఎనిమిది బంతులు ఎదుర్కొని కేవలం నాలుగు పరుగులే చేసి.. అవుటయ్యాడు. కర్ణాటక పేసర్‌ అభిలాష్‌ శెట్టి బౌలింగ్‌లో క్రిష్ణన్‌ శ్రీజిత్‌కు క్యాచ్‌ ఇచ్చి పెవిలియన్‌ చేరాడు. గిల్‌తో పాటు పంజాబ్‌ మిగతా బ్యాటర్లు కూడా దారుణంగా విఫలం కావడంతో తొలి ఇన్నింగ్స్‌లో 55 పరుగులకే ఆలౌట్‌ అయింది.స్మరణ్‌ డబుల్‌ సెంచరీఈ క్రమంలో కర్ణాటక స్టార్‌ రవిచంద్రన్‌ స్మరణ్‌ (277 బంతుల్లో 203; 25 ఫోర్లు, 3 సిక్స్‌లు) డబుల్‌ సెంచరీతో విజృంభించగా.. జట్టు భారీ స్కోరు సాధించింది. మొదటి ఇన్నింగ్స్‌లో ఏకంగా 475 పరుగులు చేసింది. మయాంక్‌ అగర్వాల్‌ (20), దేవదత్‌ పడిక్కల్‌ (27) ఎక్కువసేపు నిలవలేకపోయిన చోట స్మరణ్‌ చక్కటి ఇన్నింగ్స్‌తో జట్టుకు భారీ స్కోరు అందించాడు. తొలి ఇన్నింగ్స్‌లో 55 పరుగులకు ఆలౌటైన పంజాబ్‌... శుక్రవారం రెండో రోజు ఆట ముగిసే సమయానికి రెండో ఇన్నింగ్స్‌లో 2 వికెట్ల నష్టానికి 24 పరుగులు చేసింది. ప్రభ్‌సిమ్రన్‌ సింగ్‌ (1), అన్‌మోల్‌ప్రీత్‌ సింగ్‌ (14) అవుట్‌ అయ్యారు.గిల్‌ సూపర్‌ ఇన్నింగ్స్‌.. కానీఈ నేపథ్యంలో ఇన్నింగ్స్‌ చక్కదిద్దే బాధ్యత తీసుకున్న శుబ్‌మన్‌ గిల్‌ మూడో రోజు ఆటలో భాగంగా సెంచరీతో చెలరేగాడు. చిన్నస్వామి స్టేడియంలో శనివారం 159 బంతుల్లో వంద పరుగుల మార్కు అందుకున్నాడు. అతడి ఇన్నింగ్స్‌లో పద్నాలుగు ఫోర్లు, మూడు సిక్స్‌లు ఉన్నాయి. గిల్‌ ఓవరాల్‌గా 171 బంతుల్లో 102 పరుగులు సాధించగా.. మిగతా వాళ్ల నుంచి మాత్రం సహకారం అందలేదు. ఈ క్రమంలో 213 పరుగులకు ఆలౌట్‌ అయిన పంజాబ్‌.. కర్ణాటక చేతిలో ఇన్నింగ్స్‌ 207 పరుగుల భారీ తేడాతో పరాజయం పాలైంది.​చదవండి: అతడిని తప్పించి మంచి పనిచేశారు.. ఇదొక విన్నింగ్‌ టీమ్‌: డివిలియర్స్‌Shubman Gill gets his century.. a fine & confident innings #RanjiTrophy #KarvsPun pic.twitter.com/iA1gm6I1Ib— Manuja (@manujaveerappa) January 25, 2025Shubman Gill Celebration after One of best Hundred under pressure in Ranji trophy match against Karnataka 💥📹📷 @Sebashiyun pic.twitter.com/7IMnWegWSy— JassPreet (@JassPreet96) January 25, 2025

టీమిండియా చీఫ్‌ సెలక్టర్‌ పదవిపై భారత దిగ్గజ స్పిన్నర్‌ రవిచంద్రన్‌ అశ్విన్‌(Ravichandran Ashwin) ఆసక్తికర వ్యాఖ్యలు చేశాడు. తనకు సెలక్షన్‌ కమిటీ చైర్మన్‌ అయ్యే అవకాశం వచ్చినా.. ఎట్టి పరిస్థితుల్లోనూ ఆ బాధ్యతలు చేపట్టబోనని తెలిపాడు. ప్రస్తుత పరిస్థితుల్లో టీమిండియా చీఫ్‌ సెలక్టర్‌గా ఉండటం తలనొప్పితో కూడిన పని అని అశూ వ్యాఖ్యానించాడు.ఆచితూచి...భారత్‌లో ప్రతిభ ఉన్న క్రికెటర్లు ఎంతో మంది ఉన్నారని.. అయితే, వారిలో ఎవరిని జట్టుకు ఎంపిక చేయాలనేది ఎల్లప్పుడూ క్లిష్టతరంగానే ఉంటుందని అశ్విన్‌ పేర్కొన్నాడు. ఏదేమైనా ఓ ఆటగాడి వైపు మొగ్గు చూపేటపుడు ప్రదర్శన, ప్రత్యేక నైపుణ్యాల ఆధారంగానే ఆచితూచి నిర్ణయం తీసుకోవాలని అభిప్రాయపడ్డాడు.కాగా ఇంగ్లండ్‌తో టీ20, వన్డే సిరీస్‌లు.. ఐసీసీ చాంపియన్స్‌ ట్రోఫీ-2025కి జట్లను ప్రకటించిన సమయంలో బీసీసీఐ చీఫ్‌ సెలక్టర్‌ అజిత్‌ అగార్కర్‌పై విమర్శలు వచ్చిన విషయం తెలిసిందే. అతడి గురించే ఎక్కువగా చర్చముఖ్యంగా చాంపియన్స్‌ ట్రోఫీలో చోటు దక్కని సీనియర్‌ పేసర్‌ మహ్మద్‌ సిరాజ్‌కు ఇంగ్లండ్‌తో వన్డేల్లోనైనా అవకాశం ఇవ్వాల్సిందని కొంతమంది అభిప్రాయపడగా.. సంజూ శాంసన్‌కు ఈసారీ అన్యాయం జరిగిందంటూ సునిల్‌ గావస్కర్‌, మహ్మద్‌ కైఫ్‌ వంటి మాజీ క్రికెటర్లు పేర్కొన్నారు.వన్డేల్లో రిషభ్‌ పంత్‌ కంటే మెరుగ్గా ఉన్న సంజూ శాంసన్‌ను వికెట్‌ కీపర్‌ కోటాలో చాంపియన్స్‌ ట్రోఫీకి ఎంపిక చేసి ఉంటే బాగుండేదని అభిప్రాయపడ్డారు. ఇదిలా ఉంటే.. యశస్వి జైస్వాల్‌, శుబ్‌మన్‌ గిల్‌ అంతర్జాతీయ టీ20లకి తిరిగి వస్తే.. అభిషేక్‌ శర్మ- సంజూ శాంసన్‌ పరిస్థితి ఏమిటి?వీరే కాకుండా ఓపెనింగ్‌ కోటాలో రుతురాజ్‌ గైక్వాడ్‌కు దక్కుతున్న ప్రాధాన్యం ఎంత? దేశవాళీ క్రికెట్‌ వన్డే ఫార్మాట్లో పరుగుల వరద పారించిన కరుణ్‌ నాయర్‌ను సెలక్టర్లు కనికరించకపోవడానికి కారణం? .. ఇలాంటి చర్చలు భారత క్రికెట్‌ వర్గాల్లో జరుగుతున్నాయి.జైస్వాల్‌ టీ20 జట్టులో ఉండాలి.. గైక్వాడ్‌ సంగతేంటి?ఈ నేపథ్యంలో రవిచంద్రన్‌ అశ్విన్‌ తన యూట్యూబ్‌ చానెల్‌ వేదికగా ఆసక్తికర వ్యాఖ్యలు చేశాడు. ‘‘అంతర్జాతీయ టీ20లలోకి యశస్వి జైస్వాల్‌ తప్పక తిరిగి రావాలి. అతడు వరల్డ్‌ కప్‌ జట్టులో ఉన్న వ్యక్తి. మొదటి ప్రాధాన్యం కలిగిన ఓపెనర్‌.ఒకవేళ వచ్చే ఐపీఎల్‌ సీజన్‌లో శుబ్‌మన్‌ గిల్‌, రుతురాజ్‌ గైక్వాడ్‌ భారీగా పరుగులు చేస్తే.. సెలక్టర్లకు తలనొప్పి మరింత ఎక్కువవుతుంది. ఇలాంటి పరిస్థితుల్లో టీమిండియా సెలక్షన్‌ కమిటీ చైర్మన్‌గా లేదంటే.. టీమ్‌ మేనేజర్‌గా.. అదీ కాదంటే నిర్ణయాలు తీసుకునే నాయకత్వ బృందంలో ఉండే అవకాశం వస్తే మాత్రం నేను అస్సలు తీసుకోను.ప్రతిభ ఉన్న క్రికెటర్లకు కొదువలేకపోవడం అభిమానులకు ఉత్సాహాన్ని ఇస్తుంది. అయితే, సెలక్టర్లకు మాత్రం ఇది ఒక సమస్య. ఏదేమైనా.. పోటీలో ఉన్న ఆటగాళ్లందరి ప్రదర్శన, ప్రధాన టోర్నమెంట్లో ఒత్తిడిని ఏమేరకు జయించగలరన్న అంశాల ఆధారంగా ఎంపిక చేస్తే బాగుంటుంది.క్లిష్ట పరిస్థితుల్లోనూ రాణించగలిగే వాళ్లకే పెద్దపీట వేయాలి. ఎవరు గొప్ప ఆటగాడు అన్న ప్రశ్నలకు సమాధానమిచ్చే కొలమానాలు ఏవీ లేవు’’ అని అశ్విన్‌ పేర్కొన్నాడు. అయితే, అరుదైన నైపుణ్యాలు, ఫామ్‌ తదితర అంశాలను పరిగణనలోకి తీసుకోవాలని ఈ మాజీ క్రికెటర్‌ సూచించాడు. చదవండి: భారత్‌తో రెండో టీ20: ఇంగ్లండ్‌ తుదిజట్టు ప్రకటన.. అతడిపై వేటు

రంజీ ట్రోఫీలో ఇవాళ (జనవరి 23) టీమిండియా స్టార్‌ బ్యాటర్లకు గడ్డు పరిస్థితులు ఎదురయ్యాయి. రోహిత్‌ శర్మ మొదలుకుని.. వెటరన్లు రహానే, పుజారా, హనుమ విహారి వరకు అంతా దారుణంగా విఫలమయ్యారు. ప్రస్తుత భారత టెస్ట్‌ జట్టు సభ్యులు రోహిత్‌ (3), జైస్వాల్‌ (4), శుభ్‌మన్‌ గిల్‌ (4), రిషబ్‌ పంత్‌ (1) సింగిల్‌ డిజిట్‌ స్కోర్లకే ఔట్‌ కాగా.. భారత వన్డే జట్టు సభ్యుడు శ్రేయస్‌ అయ్యర్‌ (11), టీమిండియా భవిష్యత్తు తార రుతురాజ్‌ గైక్వాడ్‌ (10) స్వల్ప స్కోర్లకే నిష్క్రమించారు. గతంలో బోర్డర్‌ గవాస్కర్‌ ట్రోఫీలో అద్భుతమైన ఇన్నింగ్స్‌లు ఆడిన భారత క్లాసికల్‌ బ్యాటర్లు రహానే (12), పుజారా (6), హనుమ విహారి (6) కూడా తక్కువ స్కోర్లకే ఔటై నిరాశపరిచారు. విధ్వంసకర ఆటగాళ్లు రజత్‌ పాటిదార్‌ (0), శివమ్‌ దూబేకు (0) కూడా ఇవాళ బ్యాడ్‌ డేనే.టీమిండియా ఆటగాళ్లలో ఇవాళ ఎవరైనా సత్తా చాటారా అంటే అది రవీంద్ర జడేజా మాత్రమే. ఢిల్లీతో జరిగిన మ్యాచ్‌లో జడ్డూ ఐదు వికెట్ల ప్రదర్శన నమోదు చేశాడు. జమ్మూ అండ్‌ కశ్మీర్‌తో జరిగిన మ్యాచ్‌లో శార్దూల్‌ ఠాకూర్‌ (51) మెరుపు అర్ద సెంచరీ చేసి తన జట్టు (ముంబై) పరువు నిలబెట్టాడు.ఇవాల్టి నుంచి ప్రారంభంరంజీ ట్రోఫీ 2024-25లో ఇవాల్టి నుంచి (జనవరి 23) సెకెండ్‌ లెగ్‌ మ్యాచ్‌లు ప్రారంభమయ్యాయి. తొలి రోజు టీమిండియా ఆటగాళ్లంతా దాదాపుగా తేలిపోయారు. రవీంద్ర జడేజా మినహాయించి చెప్పుకోదగ్గ ప్రదర్శనలేమీ లేవు.రంజీ ట్రోఫీలో ఇవాల్టి హైలైట్స్‌- ఢిల్లీపై రవీంద్ర జడేజా (సౌరాష్ట్ర) ఐదు వికెట్ల ప్రదర్శన- ఉత్తరాఖండ్‌తో జరిగిన మ్యాచ్‌లో ఏకంగా 9 వికెట్లు పడగొట్టిన గుజరాత్‌ బౌలర్‌ సిద్దార్థ్‌ దేశాయ్‌- మేఘాలయతో జరిగిన మ్యాచ్‌లో ఒడిషా బౌలర్‌ తపస్‌ దాస్‌ 6 వికెట్ల ప్రదర్శన- ఉత్తర్‌ప్రదేశ్‌తో జరిగిన మ్యాచ్‌లో సెంచరీ చేసిన బీహార్‌ ఆటగాడు ఆయుష్‌ లోహారుకా (101)- జార్ఖండ్‌తో జరిగిన మ్యాచ్‌లో పరుగు తేడాతో సెంచరీ చేజార్చుకున్న చత్తీస్‌ఘడ్‌ ఆటగాడు అనుజ్‌ తివారి- ఇదే మ్యాచ్‌లో 5 వికెట్ల ప్రదర్శన నమోదు చేసిన జా​ర్ఖండ్‌ బౌలర్‌ ఉత్కర్ష్‌ సింగ్‌- హర్యానాతో జరిగిన మ్యాచ్‌లో 6 వికెట్ల ప్రదర్శన నమోదు చేసిన బెంగాల్‌ బౌలర్‌ సూరజ్‌ సింధు జైస్వాల్‌- చండీఘడ్‌తో జరిగిన మ్యాచ్‌లో సెంచరీ చేసిన తమిళనాడు ఆటగాడు ఆండ్రీ సిద్దార్థ్‌ (106)- ఇదే మ్యాచ్‌లో ఐదు వికెట్ల ప్రదర్శన నమోదు చేసిన చండీఘడ్‌ బౌలర్‌ విషు కశ్యప్‌ - మధ్యప్రదేశ్‌తో మ్యాచ్‌లో 5 వికెట్లు తీసిన కేరళ బౌలర్‌ నిధీశ్‌- హిమాచల్‌ ప్రదేశ్‌తో జరిగిన మ్యాచ్‌లో అజేయ శతకం బాదిన హైదరాబాద్‌ ఓపెనర్‌ తన్మయ్‌ అగర్వాల్‌ (137)- పుదుచ్ఛేరిపై సెంచరీ చేసిన ఆంధ్ర ఓపెనర్‌ షేక్‌ రషీద్‌ (105)- విదర్భపై 5 వికెట్ల ప్రదర్శన నమోదు చేసిన రాజస్థాన్‌ బౌలర్‌ ఖలీల్‌ అహ్మద్‌

రంజీ ట్రోఫీ 2024-25 సెకెండ్‌ లెగ్‌ మ్యాచ్‌లు ఇవాల్టి నుంచి (జనవరి 23) ప్రారంభమయ్యాయి. ఖాళీగా ఉన్న టీమిండియా ఆటగాళ్లంతా రంజీల్లో తప్పక ఆడాలని బీసీసీఐ కండీషన్‌ పెట్టిన నేపథ్యంలో హేమాహేమీలంతా బరిలోకి దిగారు. ముంబై తరఫున రోహిత్‌ శర్మ, యశస్వి జైస్వాల్‌, శ్రేయస్‌ అయ్యర్‌.. పంజాబ్‌ తరఫున శుభ్‌మన్‌ గిల్‌.. ఢిల్లీ తరఫున రిషబ్‌ పంత్‌.. సౌరాష్ట్ర తరఫున రవీంద్ర జడేజా తమ అదృష్టాన్ని పరీక్షించుకుంటున్నారు.తేలిపోయిన పంత్‌.. ఐదేసిన జడేజాఎలైట్‌ గ్రూప్‌ డిలో భాగంగా ఇవాళ ఢిల్లీ, సౌరాష్ట్ర జట్లు తలపడుతున్నాయి. ఈ మ్యాచ్‌లో తొలుత బ్యాటింగ్‌ చేసిన ఢిల్లీ 188 పరుగులకే ఆలౌటైంది. ఢిల్లీ తరఫున బరిలోకి దిగిన టీమిండియా స్టార్‌ రిషబ్‌ పంత్‌ దారుణంగా విఫలమయ్యాడు. పంత్‌ 10 బంతులు ఎదుర్కొని ఒక్క పరుగు మాత్రమే చేసి వెనుదిరిగాడు. ఆయుశ్‌ బదోని (60), యశ్‌ ధుల్‌ (44), మయాంక్‌ గుసెయిన్‌ (38 నాటౌట్‌) ఓ మోస్తరు ఇన్నింగ్స్‌లు ఆడటంతో ఢిల్లీ ఈ మాత్రం స్కోరైనా చేయగలిగింది. ఢిల్లీ బ్యాటింగ్‌ లైనప్‌ను టీమిండియా స్టార్‌ ఆల్‌రౌండర్‌ రవీంద్ర జడేజా కకావికలం చేశాడు. జడ్డూ 17.4 ఓవర్లలో 66 పరుగులిచ్చి ఐదు వికెట్లు తీశాడు. జడేజాకు మరో జడేజా (ధర్మేంద్రసిన్హ్‌) తోడయ్యాడు. ఈ జడేజా 19 ఓవర్లలో 63 పరుగులిచ్చి 3 వికెట్లు పడగొట్టాడు. సౌరాష్ట్ర కెప్టెన్‌ జయదేవ్‌ ఉనద్కత్‌, యువరాజ్‌ సింగ్‌ దోడియా తలో వికెట్‌ దక్కించుకున్నారు. ఢిల్లీ ఇన్నింగ్స్‌ చివరి రెండు బంతులకు వికెట్లు తీసిన రవీంద్ర జడేజాకు సెకెండ్‌ ఇన్నింగ్స్‌లో హ్యాట్రిక్‌ తీసే అవకాశం ఉంటుంది. 36 ఏళ్ల జడ్డూకు ఫస్ట్‌ క్లాస్‌ కెరీర్‌లో ఇది 35వ ఐదు వికెట్ల ఘనత.పేలవ ఫామ్‌ను కొనసాగించిన రోహిత్‌.. నిరాశపరిచిన జైస్వాల్‌, శ్రేయస్‌, దూబేఎలైట్‌ గ్రూప్‌-ఏలో భాగంగా రోహిత్‌ శర్మ, జైస్వాల్‌ ప్రాతినిథ్యం వహిస్తున్న ముంబై.. జమ్మూ అండ్‌ కశ్మీర్‌తో తలపడుతుంది. ఈ మ్యాచ్‌లో పటిష్టమైన బ్యాటింగ్‌ లైనప్‌ కలిగిన ముంబై.. జమ్మూ అండ్‌ కశ్మీర్‌ బౌలర్ల ధాటికి విలవిలలాడిపోయింది. ముంబై తొలి ఇన్నింగ్స్‌లో 33.2 ఓవర్లలో 120 పరుగులకే కుప్పకూలింది. టీమిండియా కెప్టెన్‌ రోహిత్‌ శర్మ పేలవ ప్రదర్శన రంజీల్లోనూ కొనసాగింది. హిట్‌మ్యాన్‌ కేవలం​ 3 పరుగులకే వెనుదిరిగాడు. మరో టీమిండియా స్టార్‌ యశస్వి జైస్వాల్‌ 4 పరుగులకే ఔటయ్యాడు. టీమిండియా పరిమిత ఓవర్ల స్పెషలిస్ట్‌లు శ్రేయస్‌ అయ్యర్‌ (11), శివమ్‌ దూబే (0) నిరాశపరిచారు. ముంబై కెప్టెన్‌, టీమిండియా ఆటగాడు అజింక్య రహానే (12) కూడా తేలిపోయాడు. పీకల్లోతు కష్టాల్లో ఉన్న ముంబైను మరో టీమిండియా ఆటగాడు శార్దూల్‌ ఠాకూర్‌ (51) గట్టెక్కించే ప్రయత్నం చేశాడు. శార్దూల్‌ హాఫ్‌ సెంచరీ పుణ్యమా అని ముంబై 100 పరుగుల మార్కును దాటగలిగింది. శార్దూల్‌కు తనుశ్‌ కోటియన్‌ (26) కాసేపు సహకరించాడు. జమ్మూ అండ్‌ కశ్మీర్‌ బౌలర్లు యుద్‌వీర్‌ సింగ్‌ చరక్‌ (8.2-2-31-4), ఉమర్‌ నజీర్‌ మిర్‌ (11-2-41-4), ఆకిబ్‌ నబీ దార్‌ (13-3-36-2) స్టార్లతో నిండిన ముంబై బ్యాటింగ్‌ లైనప్‌కు బెంబేలెత్తించారు.తీరు మార్చుకోని గిల్‌గిల్‌ వైఫల్యాల పరంపర రంజీల్లోనూ కొనసాగుతుంది. బీజీటీ వచ్చిన అవకాశాలను సద్వినియోగం చేసుకోలేకపోయిన గిల్‌.. కర్ణాటకతో జరుగుతున్న రంజీ మ్యాచ్‌లోనూ నిరాశపరిచాడు. ఈ మ్యాచ్‌లో తొలుత బ్యాటింగ్‌ చేసిన పంజాబ్‌ 55 పరుగులకే కుప్పకూలింది. కర్ణాటక బౌలర్లు ఆకాశమే హద్దుగా చెలరేగి పంజాబ్‌ ఇన్నింగ్స్‌ను మట్టుబెట్టారు. వి కౌశిక్‌ 4, అభిలాశ్‌ షెట్టి 3, ప్రసిద్ద్‌ కృష్ణ 2, యశోవర్దన్‌ పరంతాప్‌ ఓ వికెట్‌ పడగొట్టారు. ఈ మ్యాచ్‌లో పంజాబ్‌ సారధిగా వ్యవహరిస్తున్న గిల్‌ కేవలం 4 పరుగులకే ఔటయ్యాడు. పంజాబ్ ఇన్నింగ్స్‌లో రమన్‌దీప్‌సింగ్‌ (16), మార్కండే (12) మాత్రమే రెండంకెల స్కోర్‌ చేయగలిగారు.

దేశవాళీ క్రికెట్‌ పునరాగమనంలో టీమిండియా స్టార్‌ శుబ్‌మన్‌ గిల్‌(Shubman Gill) పూర్తిగా నిరాశపరిచాడు. పంజాబ్‌(Punjab) తరఫున బరిలోకి దిగిన ఈ ఓపెనింగ్‌ బ్యాటర్‌ సింగిల్‌ డిజిట్‌కే పరిమితమయ్యాడు. కాగా గత కొంతకాలంగా భారత ప్రధాన ఆటగాళ్లు కెప్టెన్‌ రోహిత్‌ శర్మ, విరాట్‌ కోహ్లి, శుబ్‌మన్‌ గిల్‌ తదితరులు టెస్టుల్లో విఫలమవుతున్న విషయం తెలిసిందే.తారలు దిగి వచ్చారుఈ క్రమంలో భారత క్రికెట్‌ నియంత్రణ మండలి(బీసీసీఐ) కీలక ఆదేశాలు జారీ చేసింది. జాతీయ జట్టు తరఫున విధుల్లో లేనపుడు ప్రతి ఒక్కరు దేశవాళీ క్రికెట్‌ ఆడాలన్న నిబంధనలు కఠినతరం చేసింది. ఈ నేపథ్యంలో రోహిత్‌ శర్మ, యశస్వి జైస్వాల్‌ ముంబై తరఫున.. రిషభ్‌ పంత్‌ ఢిల్లీ తరఫున.. శుబ్‌మన్‌ గిల్‌ పంజాబ్‌ తరఫున రంజీ ట్రోఫీ(Ranji Trophy) సెకండ్‌ లెగ్‌ బరిలో దిగారు. కోహ్లి మాత్రం మెడనొప్పి వల్ల ఢిల్లీ జట్టుకు దూరంగా ఉన్నాడుపంజాబ్‌ ఓపెనర్‌గా గిల్‌ విఫలంఇక బెంగళూరు వేదికగా కర్ణాటక- పంజాబ్‌ మధ్య గురువారం మొదలైన మ్యాచ్‌లో టాస్‌ గెలిచిన కర్ణాటక.. తొలుత బౌలింగ్‌ ఎంచుకుంది. ఈ క్రమంలో ప్రభ్‌సిమ్రన్‌ సింగ్‌తో కలిసి శుబ్‌మన్‌ గిల్‌ పంజాబ్‌ ఇన్నింగ్స్‌ ఆరంభించాడు. అయితే, కర్ణాటక బౌలర్‌ అభిలాష్‌ శెట్టి వరుస ఓవర్లలో ఓపెనింగ్‌ జోడీని విడగొట్టాడు. ఈ లెఫ్టార్మ్‌ పేసర్‌ బౌలింగ్‌లో తొలి వికెట్‌గా గిల్‌ వెనుదిరిగాడు.కర్ణాటక పేసర్ల జోరుమొత్తంగా ఎనిమిది బంతులు ఎదుర్కొన్న గిల్‌.. ఒకే ఒక్క ఫోర్‌ కొట్టి నిష్క్రమించాడు. క్రిష్ణన్‌ శ్రీజిత్‌కు క్యాచ్‌ ఇచ్చి పెవిలియన్‌ చేరాడు. మరోవైపు.. ప్రభ్‌సిమ్రన్‌ సింగ్‌ 28 బంతుల్లో ఒక ఫోర్‌ సాయంతో ఆరు పరుగులు చేసి.. అభిలాష్‌ శెట్టి బౌలింగ్‌లో అనీశ్‌ కేవీకి క్యాచ్‌ ఇచ్చి అవుటయ్యాడు. ఇక మరో పేసర్‌ వాసుకి కౌశిక్‌ కూడాపంజాబ్‌ బ్యాటర్లకు చుక్కలు చూపించాడు.వన్‌డౌన్‌ బ్యాటర్‌ బ్యాటర్‌ ఫుఖ్రాజ్‌ మన్‌(1)తో పాటు.. నాలుగో స్థానంలో వచ్చిన అన్మోల్‌ప్రీత్‌ సింగ్‌(0)ను సింగిల్‌ డిజిట్‌ స్కోర్లకే పెవిలియన్‌ చేర్చాడు. ఈ క్రమంలో ఆరంభంలోనే నాలుగు వికెట్లు కోల్పోయిన 10 ఓవర్లలో కేవలం 19 పరుగులు మాత్రమే చేసి.. కష్టాల్లో కూరుకుపోయింది.బోర్డర్‌ - గావస్కర్‌ ట్రోఫీలో గిల్‌ ఫ్లాఫ్‌ షోకాగా ఇటీవల ఆస్ట్రేలియాతో జరిగిన బోర్డర్‌ - గావస్కర్‌ ట్రోఫీలో శుబ్‌మన్‌ గిల్‌ విఫలమైన విషయం తెలిసిందే. గాయం వల్ల తొలి టెస్టుకు దూరమైన ఈ కుడిచేతి వాటం బ్యాటర్‌.. రెండో టెస్టు నుంచి అందుబాటులోకి వచ్చాడు. అడిలైడ్‌లో జరిగిన ఈ మ్యాచ్‌లో గిల్‌ రెండు ఇన్నింగ్స్‌లో వరుసగా 31, 28 పరుగులతో ఫర్వాలేదనిపించాడు.అయితే, గబ్బా మైదానంలో జరిగిన మూడో టెస్టులో మాత్రం ఒక్క పరుగుకే పరిమితమయ్యాడు. ఈ క్రమంలో మెల్‌బోర్న్‌ బాక్సింగ్‌ డే టెస్టుకు దూరంగా ఉన్న ఈ వన్‌డౌన్‌ బ్యాటర్‌.. ఆఖరిదైన సిడ్నీ టెస్టులో 20, 13 పరుగులు చేశాడు. మొత్తంగా ఆస్ట్రేలియాతో ఈ ఐదు టెస్టుల సిరీస్‌లో శుబ్‌మన్‌ గిల్‌ కేవలం 93 పరుగులు మాత్రమే చేశాడు. రోహిత్‌- జైస్వాల్‌ కూడా ఫెయిల్‌ఇందులో ఒక్క అర్ధ శతకం కూడా లేకపోవడం గమనార్హం. ఈ నేపథ్యంలో రంజీ బరిలో దిగి ఫామ్‌లోకి రావాలని ఆశించిన గిల్‌కు మొదటి ప్రయత్నంలోనే చుక్కెదురైంది. కర్ణాటకతో మ్యాచ్‌లో రెండో ఇన్నింగ్స్‌లోనైనా అతడు రాణిస్తాడేమో చూడాలి! మరోవైపు.. జమ్మూ- కశ్మీర్‌తో మ్యాచ్‌లో ముంబై ఓపెనర్లు యశస్వి జైస్వాల్‌- రోహిత్‌ శర్మ కూడా ఫెయిలయ్యారు. జైస్వాల్‌ నాలుగు, రోహిత్‌ మూడు పరుగులు మాత్రమే చేసి అవుటయ్యారు. చదవండి: NADA: బుమ్రా, సూర్య, పంత్‌, సంజూ శాంసన్‌.. ఇంకా..

టీమిండియా స్టార్‌ శుబ్‌మన్‌ గిల్‌ను ఉద్దేశించి పాకిస్తాన్‌ మాజీ క్రికెటర్‌ బసిత్‌ అలీ(Basit Ali) ఆసక్తికర వ్యాఖ్యలు చేశాడు. అతడిపై భారీ అంచనాలు పెట్టుకోవడం సరికాదని.. పాకిస్తాన్‌పై శతకం బాదినప్పుడు మాత్రమే గిల్‌ ప్రశంసలకు అర్హుడని పేర్కొన్నాడు. నిజానికి గిల్‌ కంటే.. యశస్వి జైస్వాల్‌ బ్యాటింగ్‌ టెక్నిక్‌ బాగుంటుందన్నాడు. అదే విధంగా.. భారత జట్టు భవిష్య కెప్టెన్‌(India Future Captain) ఎవరైతే బెటర్‌ అన్న అంశం గురించి కూడా బసిత్‌ అలీ ఈ సందర్భంగా కామెంట్‌ చేశాడు. పాకిస్తాన్‌ వేదికగా ఫిబ్రవరి 19 నుంచి చాంపియన్స్‌ ట్రోఫీ-2025 టోర్నమెంట్‌ మొదలుకానున్న విషయం తెలిసిందే. ఇందులో భాగంగా దుబాయ్‌ స్టేడియంలో బంగ్లాదేశ్‌తో మ్యాచ్‌తో రోహిత్‌ సేన ఫిబ్రవరి 20న తమ వేట మొదలుపెట్టనుంది. ఈ క్రమంలో.. ఈ ఐసీసీ వన్డే ఫార్మాట్ ఈవెంట్‌కు భారత క్రికెట్‌ నియంత్రణ మండలి(బీసీసీఐ) ఇప్పటికే తమ జట్టును ప్రకటించింది. రోహిత్‌ శర్మ కెప్టెన్సీలోని ఈ టీమ్‌కు శుబ్‌మన్‌ గిల్‌ను వైస్‌ కెప్టెన్‌గా ఎంపిక చేసింది.గిల్‌ కంటే జైస్వాల్‌ బెటర్‌అంతేకాదు.. మరో ఓపెనర్‌ యశస్వి జైస్వాల్‌ను తొలిసారిగా వన్డే జట్టులోకి తీసుకుంది. ఇక వికెట్‌ కీపర్ల కోటాలో కేఎల్‌ రాహుల్‌తో పాటు రిషభ్‌ పంత్‌కు కూడా బీసీసీఐ చోటిచ్చింది. ఈ నేపథ్యంలో గిల్‌, జైస్వాల్‌, పంత్‌ పేర్లను ప్రస్తావిస్తూ.. చాంపియన్స్‌ ట్రోఫీలో తుదిజట్టు కూర్పు గురించి బసిత్‌ అలీ తన అభిప్రాయాలు పంచుకున్నాడు.‘‘గిల్‌ కంటే జైస్వాల్‌ బిగ్‌ ప్లేయర్‌. గిల్‌ ఓవర్‌రేటెడ్‌. ఒకవేళ అతడు పాకిస్తాన్‌ మీద సెంచరీ కొడితే అప్పుడు అతడిని మనం ప్రశంసించవచ్చు. అయినా సరే.. నా దృష్టిలో గిల్‌ కంటే.. జైస్వాల్‌ మెరుగైన ఆటగాడు. అతడి టెక్నిక్‌ బాగుంటుంది. ప్రతి విషయంలోనూ జైస్వాలే బెటర్‌.టీమిండియా భవిష్య కెప్టెన్‌గా అతడికే నా ఓటుఇక టీమిండియా భవిష్య కెప్టెన్‌గా నా ఆప్షన్‌ రిషభ్‌ పంత్‌(Rishabh Pant). అతడికే నా ఓటు. కెప్టెన్‌గా శుబ్‌మన్‌ గిల్‌కు అవకాశాలు ఉండవచ్చు. అయితే, రిషభ్‌ పంత్‌ నాణ్యమైన నైపుణ్యాలున్న ఆటగాడు. అతడిని కెప్టెన్‌ను చేస్తే వ్యక్తిగత ప్రదర్శనతో పాటు.. సారథిగానూ అదరగొట్టగలడు. టీమిండియాకు అతడికి అవసరం ఉంది’’ అని బసిత్‌ అలీ పేర్కొన్నాడు.ఓపెనర్‌గా జైసూ, మిడిల్‌ ఆర్డర్‌లో పంత్‌ఇక చాంపియన్స్‌ ట్రోఫీలో భారత తుదిజట్టు గురించి మాట్లాడుతూ.. ‘‘ఈసారి టీమిండియా ఇద్దరు ఎడమచేతి వాటం బ్యాటర్లతో బరిలోకి దిగితే మంచిది. ఒకరు ఓపెనర్‌(జైస్వాల్‌)గా.. మరొకరు మిడిలార్డర్‌(పంత్‌)లో రావాలి. ఏదేమైనా జైస్వాల్‌ లేకుండా ప్లేయింగ్‌ ఎలెవన్‌ ఉండదనే అనుకుంటున్నా.అదే విధంగా.. రిషభ్‌ పంత్‌ కూడా తుదిజట్టులో ఉంటాడు. మైదానం నలుమూలలా షాట్లు బాదగల సత్తా అతడి సొంతం. కేఎల్‌ రాహుల్‌కు అలాంటి నైపుణ్యాలు లేవు’’ అని బసిత్‌ అలీ అభిప్రాయపడ్డాడు. కాగా టెస్టు, టీ20లో టీమిండియా తరఫున రోహిత్‌ శర్మకు ఓపెనింగ్‌ జోడీగా యశస్వి జైస్వాల్‌ బరిలోకి దిగుతున్న విషయం తెలిసిందే.అతడి వన్డే గణాంకాలు మాత్రం అంతంత మాత్రమేఅయితే, వన్డేల్లో మాత్రం రోహిత్‌- గిల్‌ భారత జట్టు ఇన్నింగ్స్‌ ఆరంభిస్తున్నారు. మరి.. చాంపియన్స్‌ ట్రోఫీలో కెప్టెన్‌-వైస్‌ కెప్టెన్‌ జోడీని విడదీసి.. జైస్వాల్‌ను ఓపెనర్‌గా పంపుతారా? అన్నది ఆసక్తికరంగా మారింది. ఈ నేపథ్యంలో బసిత్‌ అలీ మాత్రం గిల్‌ను కాదని.. ఇంత వరకు వన్డేల్లో అరంగేట్రం చేయని జైసూకు ఓటేయడం గమనార్హం.ఇక వన్డేల్లో గిల్‌కు మంచి రికార్డే ఉంది. ఇప్పటి వరకు టీమిండియా తరఫున 47 మ్యాచ్‌లు ఆడిన ఈ కుడిచేతి వాటం బ్యాటర్‌.. 2328 పరుగులు చేశాడు. ఇందులో ఆరు శతకాలతో పాటు ఓ డబుల్‌ సెంచరీ ఉండటం విశేషం. మరోవైపు.. పంత్‌ వన్డే గణాంకాలు మాత్రం అంతంత మాత్రమే. 31 వన్డేల్లో ఈ వికెట్‌ కీపర్‌ బ్యాటర్‌ 871 రన్స్‌ మాత్రమే చేశాడు.చదవండి: CT 2025: భారత జట్టు ప్రకటన.. సిరాజ్‌కు దక్కని చోటు.. నితీశ్‌ రెడ్డికి ఛాన్స్‌!

విజయ్‌ హజారే ట్రోఫీలో దుమ్ములేపుతున్న కరుణ్‌ నాయర్‌(Karun Nair)ను టీమిండియా సెలక్టర్లు పట్టించుకోలేదు. దేశవాళీ వన్డే టోర్నమెంట్‌లో సత్తా చాటుతున్నప్పటికీ అతడిని కనికరించలేదు. కాగా విదర్భ కెప్టెన్‌గా బరిలోకి దిగిన కరుణ్‌ నాయర్‌ సూపర్‌ ఫామ్‌లో ఉన్న విషయం తెలిసిందే.ఇప్పటి వరకు ఎనిమిది మ్యాచ్‌లు ఆడి ఐదు శతకాల సాయంతో కరుణ్‌ నాయర్‌ ఏకంగా 752 పరుగులు సాధించాడు. ఈ నేపథ్యంలో అతడిపై మాజీ క్రికెటర్లు ప్రశంసలు కురిపించారు. ఇదొక అసాధారణ ప్రదర్శన అంటూ టీమిండియా దిగ్గజం సచిన్‌ టెండుల్కర్‌(sachin Tendulkar) కూడా కరుణ్‌ నాయర్‌ను అభినందించాడు.ఇక స్పిన్‌ దిగ్గజం హర్భజన్‌ సింగ్‌ ఓ అడుగు ముందుకేసి అతడికి ఇంగ్లండ్‌తో వన్డే సిరీస్‌లో పాటు... చాంపియన్స్‌ ట్రోఫీ జట్టు(Champions Trophy Squad)లోనూ చోటివ్వాలని సెలక్టర్లకు విజ్ఞప్తి చేశాడు. ఈ క్రమంలో బీసీసీఐ సెలక్షన్‌ కమిటీ అజిత్‌ అగార్కర్‌ టీమిండియా కెప్టెన్‌ రోహిత్‌ శర్మతో కలిసి ప్రకటించిన జట్టులో కరుణ్‌ నాయర్‌కు మాత్రం చోటు దక్కలేదు.కరుణ్‌ నాయర్‌ను ఎలా సెలక్ట్‌ చేయగలం?ఈ విషయం గురించి అగార్కర్‌కు మీడియా ప్రతినిధుల నుంచి ప్రశ్న ఎదురైంది. ఇందుకు బదులిస్తూ.. ‘‘కొన్నిసార్లు కఠిన నిర్ణయాలు తీసుకోకతప్పదు. నిజంగానే అదొక ప్రత్యేకమైన, అద్భుతమైన ప్రదర్శన. దాని గురించి మా మధ్య చర్చ జరిగింది.అయితే, ప్రస్తుత పరిస్థితుల్లో అతడికి జట్టులో చోటు ఇవ్వడం కష్టం. నలభైలకు దగ్గరపడుతున్న వాళ్లను మళ్లీ తీసుకోలేం. అయినా.. జట్టులో పదిహేను మంది సభ్యులకు మాత్రమే చోటు ఉంది. అలాంటపుడు ప్రతి ఒక్కరిని ఇందులో ఇరికించలేము.అయితే, అలాంటి ప్రదర్శనలకు ప్రత్యేక స్థానం ఉంటుంది. సదరు ఆటగాడి గురించి చర్చ జరుగుతుంది. కొంతమంది ఫామ్‌లేమి, గాయాల వల్ల కూడా చర్చనీయాంశంగా మారతారు’’ అని అజిత్‌ అగార్కర్‌ పేర్కొన్నాడు. కాగా 33 ఏళ్ల కరుణ్‌ నాయర్‌ 2016లో టీమిండియా తరఫున అరంగేట్రం చేశాడు. ఆ మరుసటి ఏడాదే తన చివరి అంతర్జాతీయ మ్యాచ్‌ ఆడేశాడు. ఇంత వరకు మళ్లీ భారత జట్టులో పునరాగమనం చేయలేకపోయాడు.ఇక రాజస్తాన్‌లో జన్మించిన కరుణ్‌ నాయర్‌.. దేశవాళీ క్రికెట్‌లో గతంలో కర్ణాటకకు ఆడాడు. గతేడాది నుంచి విదర్భకు ప్రాతినిథ్యం వహిస్తున్నాడు. ఈ క్రమంలో సారథిగా, బ్యాటర్‌గా ఆకట్టుకుంటూ విజయ్‌ హజారే ట్రోఫీలో విదర్భ తొలిసారి ఫైనల్‌కు చేరేలా చేశాడు. అందుకే వాళ్లకు వైస్‌ కెప్టెన్లుగా అవకాశంఇంగ్లండ్‌తో టీ20 సిరీస్‌కు అక్షర్‌ పటేల్‌, వన్డే సిరీస్‌కు శుబ్‌మన్‌ గిల్‌ వైస్‌ కెప్టెన్లుగా ఎంపికైన విషయం తెలిసిందే. ఈ విషయంపై శనివారం అగార్కర్‌ స్పందిస్తూ.. ‘‘డ్రెస్సింగ్‌ రూమ్‌ నుంచి మేము ఫీడ్‌బ్యాక్‌ తీసుకుంటాం. అయినా ప్రతి ఒక్కరూ కెప్టెన్‌ లేదంటే వైస్‌ కెప్టెన్‌ ఆప్షన్‌ కాబోరు. కొద్ది మందికి మాత్రమే నాయకత్వ లక్షణాలు ఉంటాయి. అలాంటి వారిపైనే మేము దృష్టి సారిస్తాం’’ అని పేర్కొన్నాడు.కాగా భారత్‌- ఇంగ్లండ్‌ మధ్య జనవరి 22- ఫిబ్రవరి 12 వరకు ఐదు టీ20, మూడు వన్డేలు జరుగుతాయి. అనంతరం.. చాంపియన్స్‌ ట్రోఫీతో టీమిండియా బిజీ కానుంది. పాకిస్తాన్‌- యూఏఈ వేదికగా ఈ మెగా టోర్నీ జరుగుతుంది.చదవండి: Ind vs Eng: టీ20, వన్డే సిరీస్‌లకు భారత్‌, ఇంగ్లండ్‌ జట్లు ఇవే

ఐసీసీ చాంపియన్స్‌ ట్రోఫీ-2025 నేపథ్యంలో టీమిండియా మాజీ ఓపెనర్‌ వీరేంద్ర సెహ్వాగ్‌(Virender Sehwag) ఆసక్తికర వ్యాఖ్యలు చేశాడు. ఈ వన్డే ఫార్మాట్‌ టోర్నీలో భారత జట్టు కెప్టెన్‌ రోహిత్‌ శర్మకు ఓపెనింగ్‌ జోడీగా ఓ ‘అన్‌క్యాప్డ్‌’ ప్లేయర్‌ను పంపించాలని సూచించాడు. తద్వారా శుబ్‌మన్‌ గిల్‌పై వేటు వేయాలని పరోక్షంగా సెలక్టర్లకు సలహా ఇచ్చాడు.దుబాయ్‌ వేదికగాపాకిస్తాన్‌ వేదికగా ఫిబ్రవరి 19 నుంచి చాంపియన్స్‌ ట్రోఫీ(ICC Champions Trophy) మొదలుకానుంది. అయితే, భద్రతా కారణాల దృష్ట్యా టీమిండియాను అక్కడికి పంపేందుకు భారత క్రికెట్‌ నియంత్రణ మండలి(బీసీసీఐ) నిరాకరించిన విషయం తెలిసిందే. ఈ నేపథ్యంలో తటస్థ వేదికైన దుబాయ్‌(Dubai)లో భారత జట్టు తమ మ్యాచ్‌లు ఆడనుంది.ఈ క్రమంలో ఈ మెగా ఈవెంట్‌లో టీమిండియా ఫిబ్రవరి 20న తమ తొలి మ్యాచ్‌లో బంగ్లాదేశ్‌తో తలపడనుంది. ఇదిలా ఉంటే.. చాంపియన్స్‌ ట్రోఫీకి జట్టును ప్రకటించేందుకు ఐసీసీ జనవరి 13 డెడ్‌లైన్‌ విధించగా.. బీసీసీఐ మాత్రం మినహాయింపు కోరింది. జనవరి 17 నాటికి తమ జట్టును ప్రకటిస్తామని పేర్కొన్నప్పటికీ.. ఇంత వరకు ఆ వివరాలు వెల్లడించలేదు.అతడిని సెలక్ట్‌ చేయండిఈ నేపథ్యంలో వీరేంద్ర సెహ్వాగ్‌ హిందుస్తాన్‌ టైమ్స్‌తో ఈ విషయం గురించి మాట్లాడాడు. ‘‘సెలక్టర్లకు నాదో సలహా. యశస్వి జైస్వాల్‌ను 50 ఓవర్ల ఫార్మాట్లో కూడా ఆడించండి. అంతర్జాతీయ టీ20, వన్డేల్లో అతడు బ్యాటింగ్‌ చేసే విధానం అద్బుతం. వన్డే ఫార్మాట్‌కు కూడా అతడు సరిగ్గా సరిపోతాడు. కచ్చితంగా అతడిని టీమిండియా వన్డే జట్టులోకి తీసుకోవాలి’’ అని వీరూ భాయ్‌ పేర్కొన్నాడు.పంత్‌ వద్దు: భజ్జీమరోవైపు.. టీమిండియా మాజీ ఆఫ్‌ స్పిన్నర్‌ హర్భజన్‌ సింగ్‌ కూడా చాంపియన్స్‌ ట్రోఫీ ఆడే భారత జట్టుపై తన అభిప్రాయాలు పంచుకున్నాడు. వికెట్‌ కీపర్‌ బ్యాటర్‌గా తన మొదటి ఓటు సంజూ శాంసన్‌కే వేస్తానని కుండబద్దలు కొట్టాడు. కాగా ఓపెనింగ్‌ జోడీగా సెహ్వాగ్‌ రోహిత్‌- జైస్వాల్‌ల పేర్లను సూచించగా.. భజ్జీ రిషభ్‌ పంత్‌ను కాదని సంజూ శాంసన్‌కే మొదటి ప్రాధాన్యం ఇవ్వాలని సూచించడం విశేషం.కాగా ముంబై బ్యాటర్‌ యశస్వి జైస్వాల్‌ టెస్టు, టీ20లలో టీమిండియా ఓపెనర్‌గా పాతుకుపోయాడు. అరంగేట్రంలోనే టెస్టుల్లో భారీ శతకం(171)తో మెరిసిన జైసూ ఖాతాలో రెండు డబుల్‌ సెంచరీలు కూడా ఉన్నాయి.ఇక ఇప్పటి వరకు ఓవరాల్‌గా భారత్‌ తరఫున 19 టెస్టులు, 23 టీ20 మ్యాచ్‌లు ఆడిన ఈ ఎడమచేతి వాటం బ్యాటర్‌.. ఆయా ఫార్మాట్లలో 1798, 723 పరుగులు చేశాడు. అయితే, జైస్వాల్‌కు ఇంత వరకు వన్డేల్లో ఆడే అవకాశం మాత్రం రాలేదు. రోహిత్‌ శర్మతో కలిసి శుబ్‌మన్‌ గిల్‌ యాభై ఓవర్ల ఫార్మాట్లో ఓపెనర్‌గా బరిలోకి దిగుతున్నాడు.జైసూ భేష్‌అయితే, ఇటీవలి కాలంలో గిల్‌ పెద్దగా ఆకట్టుకోలేకపోతున్నాడు. ఈ నేపథ్యంలో వీరేంద్ర సెహ్వాగ్‌ యశస్వి జైస్వాల్‌ పేరు చెప్పడం గమనార్హం. కాగా లిస్ట్‌-‘ఎ’ క్రికెట్‌లో జైసూ గణాంకాలు మెరుగ్గానే ఉన్నాయి. కేవలం 32 మ్యాచ్‌లలోనే అతడు ఐదు సెంచరీలు, ఏడు అర్ధ శతకాలు, ఓ డబుల్‌ సెంచరీ సాయంతో 1511 పరుగులు సాధించాడు. చదవండి: ILT20 2025: చరిత్రపుటల్లోకెక్కిన పోలార్డ్‌

ఆస్ట్రేలియాతో జ‌రిగిన టెస్టు సిరీస్‌ను 3-1 తేడాతో టీమిండియా కోల్పోయిన సంగ‌తి తెలిసిందే. ప్ర‌ధానంగా బ్యాటింగ్ వైఫ‌ల్యం కార‌ణంగానే ప‌దేళ్ల త‌ర్వాత బోర్డ‌ర్‌-గ‌వాస్క‌ర్ ట్రోఫీని ఆస్ట్రేలియాకు భార‌త్ స‌మ‌ర్పించుకుంది. ఈ సిరీస్‌లో టీమిండియా యువ ఆట‌గాడు శుబ్‌మ‌న్ గిల్ సైతం తీవ్ర నిరాశ‌పరిచాడు. ఐదు ఇన్నింగ్స్‌ల్లో 18.60 సగటుతో కేవ‌లం 93 పరుగులు మాత్ర‌మే చేశాడు.అందులో 31 ప‌రుగులు అత‌డి అత్య‌ధిక స్కోర్‌గా ఉంది. సొంత‌గ‌డ్డ‌పై బ్యాట్ ఝూలిపించే శ‌బ్‌మ‌న్‌.. విదేశాల్లో మాత్రం త‌న మార్క్‌ను చూపించ‌లేక‌పోతున్నాడు. 2021లో అరంగేట్రం చేసిన‌ప్ప‌టి నుంచి దక్షిణాఫ్రికా, ఆస్ట్రేలియా, ఇంగ్లండ్, వెస్టిండీస్‌ల‌లో 18 ఇన్నింగ్స్‌లు ఆడాడు. అయితే ఈ ఇన్నింగ్స్‌లలో అత‌డి అత్య‌ధిక స్కోర్ కేవ‌లం 36 ప‌రుగులు మాత్ర‌మే కావ‌డం గమాన‌ర్హం.ఈ క్రమంలో గిల్‌పై భార‌త మాజీ క్రికెట‌ర్ కృష్ణమాచారి శ్రీకాంత్ విమ‌ర్శ‌లు గుప్పించాడు. గిల్ ఒక ఓవర్‌రేటెడ్ క్రికెటర్ అని శ్రీకాంత్ ఫైరయ్యాడు."శుబ్‌మన్ గిల్ ఒక ఓవర్‌రేటెడ్ క్రికెటర్. అతడిపై ఎక్కువగా అంచనాలు పెట్టుకోవద్దని నేను ముందు నుంచి చెబుతునే ఉన్నా. కానీ ఎవరూ నా మాట వినలేదు. అతడిని ఆకాశానికెత్తేశారు. గిల్‌కు చాలా అవకాశాలు లభిస్తున్నాయి.పది ఛాన్స్‌లలో వరుసగా తొమ్మిది మ్యాచ్‌ల్లో విఫలమై ఆఖరి మ్యాచ్‌లో పరుగులు సాధిస్తున్నాడు. దీంతో అతడు జట్టులో తన స్ధానాన్ని పదిలం చేసుకుంటున్నాడు. అంతే తప్ప స్పెషల్‌ టాలెంట్‌ ఏమీ లేదు.భారత పిచ్‌లపై ఎవరైనా పరుగులు సాధిస్తారు. సేనా దేశాల్లో పరుగులు సాధించడం గొప్ప విషయం. ఈ విషయంలో కేఎల్ రాహుల్ వంటి ఆటగాళ్లు తమను తాము నిరూపించుకున్నారు అని ఓ ఇంటర్వ్యూలో శ్రీకాంత్ పేర్కొన్నాడు.చదవండి: ఆసీస్‌ గడ్డపై ఎంతో నేర్చుకున్నాను.. మళ్లీ బలంగా పైకి లేస్తాం: జైస్వాల్‌

బోర్డర్‌- గావస్కర్‌ ట్రోఫీ(Border Gavaskar Trophy) సిరీస్‌లో చెత్త ప్రదర్శనతో విమర్శలు మూటగట్టుకుంటోంది టీమిండియా. ముఖ్యంగా బ్యాటింగ్‌ వైఫల్యం కారణంగా దాదాపు దశాబ్దం తర్వాత ఈ టెస్టు సిరీస్‌ను ఆస్ట్రేలియాకు సమర్పించుకుంది. కంగారూ గడ్డపై 3-1తో ఓడి రిక్తహస్తాలతో స్వదేశానికి పయనమైంది.బౌలర్‌గా, కెప్టెన్‌గా రాణించిఇక ఆసీస్‌తో ఈ ప్రతిష్టాత్మక సిరీస్‌లో టీమిండియా కనీసం ఒక్క మ్యాచ్‌లోనైనా గెలిచిందంటే అందుకు కారణం జస్‌ప్రీత్‌ బుమ్రా(Jasprit Bumrah)నే. పెర్త్‌లో జరిగిన తొలి టెస్టులో కెప్టెన్‌ రోహిత్‌ శర్మ(Rohit Sharma) గైర్హాజరీలో ఈ ఫాస్ట్‌బౌలర్‌ భారత జట్టును ముందుకు నడిపించాడు. పేసర్‌గా, కెప్టెన్‌గా రాణించి ఆసీస్‌ గడ్డపై టీమిండియాకు అతిపెద్ద టెస్టు విజయం(295 పరుగుల తేడాతో) అందించాడు.వెన్నునొప్పి వేధించినాఅయితే, ఆ తర్వాత రోహిత్‌ శర్మ తిరిగి వచ్చినా టీమిండియా ఇదే జోరును కొనసాగించలేకపోయింది. బ్యాటర్‌గా, సారథిగా రోహిత్‌ విఫలం కావడం తీవ్ర ప్రభావం చూపింది. ఈ నేపథ్యంలో ఆఖరిదైన ఐదో టెస్టు నుంచి అతడు స్వచ్చందంగా తప్పుకోగా.. బుమ్రా మరోసారి పగ్గాలు చేపట్టాడు. వెన్నునొప్పి వేధించినా జట్టును గెలిపించేందుకు శక్తివంచన లేకుండా కృషి చేశాడు.కానీ సిడ్నీ వేదికగా జరిగిన ఐదో టెస్టులో టీమిండియాకు భంగపాటు తప్పలేదు. మ్యాచ్‌తో పాటు సిరీస్‌లోనూ ఓటమిని చవిచూసింది. బుమ్రా లేకపోయి ఉంటే.. టీమిండియా ఆసీస్‌ చేతిలో 5-0తో వైట్‌వాష్‌కు గురయ్యేదని మాజీ క్రికెటర్‌ హర్భజన్‌ సింగ్‌ వ్యాఖ్యానించాడంటే.. ఈ సిరీస్‌లో అతడి ప్రాధాన్యం ఎంతటితో అర్థం చేసుకోవచ్చు.పూర్తిస్థాయి టెస్టు కెప్టెన్‌గా?ఈ నేపథ్యంలో ఇప్పటికే పేస్‌ దళ నాయకుడిగా ఉన్న బుమ్రా.. త్వరలోనే పూర్తిస్థాయి టెస్టు కెప్టెన్‌గా పగ్గాలు చేపట్టనున్నాడనే అభిప్రాయాలు వ్యక్తమవుతున్నాయి. ఈ క్రమంలో మరో ఆసక్తికర వార్త తెరమీదకు వచ్చింది. వన్డేల్లోనూ రోహిత్‌ వారసుడిగా బుమ్రా ఎంపికయ్యే అవకాశం ఉన్నట్లు తెలుస్తోంది.గిల్‌పై వేటు.. బుమ్రాకు ప్రమోషన్‌?ఐసీసీ చాంపియన్స్‌ ట్రోఫీ-2025 సందర్భంగా రోహిత్‌ శర్మకు బుమ్రా డిప్యూటీగా వ్యవహరించనున్నట్లు సమాచారం. కాగా శ్రీలంక పర్యటన 2024 సందర్భంగా వన్డే, టీ20లలో యువ బ్యాటర్‌ శుబ్‌మన్‌ గిల్‌ను వైస్‌ కెప్టెన్‌గా ఎంపిక చేసింది భారత క్రికెట్‌ నియంత్రణ మండలి(బీసీసీఐ). అయితే, ఏదేని కారణాల వల్ల రోహిత్‌ దూరమైతే.. గిల్‌ ఇప్పటికప్పుడు కెప్టెన్‌గా వ్యవహరించే పరిణతి సాధించలేదని మేనేజ్‌మెంట్‌ భావిస్తున్నట్లు వార్తలు వినిపిస్తున్నాయి.అందుకే బుమ్రాను వైస్‌ కెప్టెన్‌గా ఎంపిక చేయాలనే యోచనలో యాజమాన్యం ఉన్నట్లు టైమ్స్‌ ఆఫ్‌ ఇండియా కథనం పేర్కొంది. ఇదిలా ఉంటే.. సిడ్నీ టెస్టు నుంచి రోహిత్‌ శర్మ తప్పుకొన్న తర్వాత.. వన్డే కెప్టెన్సీకి అతడు దూరం కానున్నాడనే వదంతులు వచ్చాయి. అతడి స్థానంలో హార్దిక్‌ పాండ్యాకు పగ్గాలు అప్పగించనున్నారనే ఊహాగానాలు వినిపించాయి.ఇంగ్లండ్‌తో టీ20, వన్డే సిరీస్‌లుకాగా చాంపియన్స్‌ ట్రోఫీ కంటే ముందు టీమిండియా సొంతగడ్డపై ఇంగ్లండ్‌తో పరిమిత ఓవర్ల సిరీస్‌లు ఆడనుంది. ఇందులో భాగంగా ఐదు టీ20లు, మూడు వన్డేల్లో ఇంగ్లండ్‌తో తలపడనుంది. అయితే, ఇంగ్లండ్‌తో టీ20 సిరీస్‌కు బుమ్రా దూరంగా ఉండనున్నట్లు సమాచారం. వెన్నునొప్పి కారణంగా అతడు విశ్రాంతి తీసుకోనున్నట్లు తెలుస్తోంది. ఇదిలా ఉంటే.. ఫిబ్రవరి 19 నుంచి చాంపియన్స్‌ ట్రోఫీ-2025 మొదలుకానుంది. పాకిస్తాన్‌ ఈ మెగా వన్డే టోర్నీకి ఆతిథ్యం ఇస్తుండగా.. టీమిండియా మ్యాచ్‌లు మాత్రం తటస్థ వేదికైన దుబాయ్‌లో జరుగుతాయి. హైవోల్టేజీ పోరు భారత్‌ వర్సెస్‌ పాకిస్తాన్‌ మ్యాచ్‌ ఫిబ్రవరి 23న జరుగనుంది.చదవండి: 13 నిమిషాల్లోనే ఖేల్‌ ఖతం.. రషీద్‌ ఖాన్‌ మాయాజాలం.. అఫ్గన్‌ సరికొత్త చరిత్ర

సిడ్నీ టెస్టులోనూ టీమిండియా బ్యాటింగ్‌ కష్టాలు కొనసాగుతున్నాయి. ఆస్ట్రేలియా బౌలర్ల దూకుడు కారణంగా భారత ఓపెనర్లు ఎక్కువ సేపు క్రీజులో నిలబడలేకపోయారు. కేఎల్‌ రాహుల్‌ 14 బంతులు ఎదుర్కొని కేవలం 4 పరుగులు చేసి మిచెల్‌ స్టార్క్‌ బౌలింగ్‌లో నిష్క్రమించాడు.పట్టుదలగా నిలబడ్డ గిల్‌, కోహ్లిఇక మరో ఓపెనర్‌ యశస్వి జైస్వాల్‌ 26 బంతుల్లో పది పరుగులు చేసి స్కాట్‌ బోలాండ్‌కు వికెట్‌ సమర్పించుకున్నాడు. ఈ క్రమంలో వన్‌డౌన్‌ బ్యాటర్‌ శుబ్‌మన్‌ గిల్‌(Shubman Gill).. నాలుగో స్థానంలో వచ్చిన విరాట్‌ కోహ్లి(Virat Kohli)తో కలిసి ఆసీస్‌ బౌలర్లను సమర్థవంతంగా ఎదుర్కొనే ప్రయత్నం చేశాడు. అయితే, కంగారూ జట్టు స్పిన్నర్‌ నాథన్‌ లియాన్‌ ఈ జోడీని విడదీశాడు. మొత్తంగా 64 బంతులు ఎదుర్కొన్న గిల్‌ రెండు ఫోర్ల సాయంతో 20 పరుగులు చేసి బోలాండ్‌ బౌలింగ్‌లో స్టీవ్‌ స్మిత్‌కు క్యాచ్‌ ఇచ్చి అవుటయ్యాడు.నిజానికి తన ఏకాగ్రతను దెబ్బతీసేందుకు ఆస్ట్రేలియా ఆటగాళ్లు పన్నిన వ్యూహంలో చిక్కిన గిల్‌.. ఒత్తిడిలోనే వికెట్‌ కోల్పోయాడని చెప్పవచ్చు. భారత తొలి ఇన్నింగ్స్‌ 25వ ఓవర్‌ను బోలాండ్‌ వేశాడు. ఐదో బంతికి షాట్‌ ఆడేందుకు ప్రయత్నించి గిల్‌ విఫలమయ్యాడు. గిల్‌ను స్లెడ్జ్‌ చేసిన స్మిత్‌, లబుషేన్‌అనంతరం గిల్‌ పిచ్‌ మధ్యలోకి వచ్చి బ్యాట్‌ను టాప్‌ చేస్తూ కాస్త అసహనం ప్రదర్శించాడు. ఈ క్రమంలో మార్నస్‌ లబుషేన్‌.. ఈజీ.. ఈజీగానే క్యాచ్‌ పట్టేయవచ్చు అని పేర్కొన్నాడు. ఇందుకు స్టీవ్‌ స్మిత్‌ స్పందిస్తూ.. ‘బుల్‌షిట్‌.. ఆట మొదలుపెడితే మంచిది’ అని గిల్‌ను ఉద్దేశించి అన్నాడు. ఇచ్చి పడేసిన గిల్‌!ఇందుకు బదులిస్తూ.. ‘‘నీ టైమ్‌ వచ్చినపుడు చూసుకో స్మితీ.. నీ గురించి ఇప్పుడు ఎవరూ ఏమీ మాట్లాడలేదే’’ అని గిల్‌ పేర్కొనగా.. ‘‘నువ్వైతే ఆడు’’ అని స్మిత్‌ గిల్‌తో అన్నాడు.కానీ మనోడికే భంగపాటుదీంతో 25వ ఓవర్లో ఆఖరి బంతిని ఎదుర్కొనేందుకు గిల్‌ సిద్ధం కాగా.. అప్పటికే మాటలు మొదలుపెట్టిన లబుషేన్‌.. ‘‘స్మిత్‌.. నీ టైమ్‌ వచ్చింది చూడు’’ అని అరిచాడు. ‘‘నేను అలాగే చేస్తాను చూడు’’ అని చెప్పిన స్మిత్‌.. గిల్‌ ఇచ్చిన క్యాచ్‌ను ఒడిసిపట్టాడు. అలా శుబ్‌మన్‌ గిల్‌ ఇన్నింగ్స్‌కు తెరపడింది.ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. కాగా గిల్‌ అవుటైన కాసేపటికే కోహ్లి(69 బంతుల్లో 17) కూడా నిష్క్రమించగా.. రిషభ్‌ పంత్‌(40), రవీంద్ర జడేజా(26) కాసేపు పోరాటం చేశారు. బుమ్రా మెరుపులుఆఖర్లో కెప్టెన్‌ జస్‌ప్రీత్‌ బుమ్రా మెరుపు ఇన్నింగ్స్‌(17 బంతుల్లో 3 ఫోర్లు, ఒక సిక్సర్‌) కారణంగా టీమిండియా గౌరవప్రదమైన స్కోరు సాధించింది. తొలి ఇన్నింగ్స్‌లో 185 పరుగులకు ఆలౌట్‌ అయింది. ఆసీస్‌ బౌలర్లలో పేసర్లు బోలాండ్‌ నాలుగు, స్టార్క్‌ మూడు, కమిన్స్‌ రెండు వికెట్లు దక్కించుకోగా.. స్పిన్నర్‌ నాథన్‌ లియాన్‌ ఒక వికెట్‌ తీశాడు. ఇదిలా ఉంటే.. వరుస వైఫల్యాల నేపథ్యంలో రెగ్యులర్‌ కెప్టెన్‌ రోహిత్‌ శర్మ ఆసీస్‌తో ఆఖరిదైన ఐదో టెస్టుకు దూరంగా ఉన్నాడు. అతడి స్థానంలో బుమ్రా సారథిగా బాధ్యతలు నిర్వర్తిస్తున్నాడు.చదవండి: CT 2025: వన్డే కెప్టెన్‌గా రోహిత్‌ అవుట్‌!.. టీమిండియా కొత్త సారథిగా అతడే! View this post on Instagram A post shared by Fox Cricket (@foxcricket)

ఆస్ట్రేలియాతో సిడ్నీ టెస్టుకు రోహిత్‌ శర్మ(Rohit Sharma) దూరమయ్యాడు. విశ్రాంతి పేరిట తనంత తానే తుదిజట్టు నుంచి తప్పుకొన్నాడు. ఈ నేపథ్యంలో రవిశాస్త్రి వంటి మాజీ క్రికెటర్లు రోహిత్‌ నిర్ణయం గొప్పదని కొనియాడుతున్నారు. జట్టు ప్రయోజనాల దృష్ట్యా కెప్టెన్‌ బెంచ్‌కే పరిమితం కావడం అతడి పరిణతికి నిదర్శమని పేర్కొంటున్నారు.ఇదిలా ఉంటే.. ఇప్పటికే రోహిత్‌ శర్మ టెస్టు రిటైర్మెంట్‌పై క్రికెట్‌ వర్గాల్లో పెద్ద ఎత్తున చర్చ జరుగుతున్న విషయం తెలిసిందే. సిడ్నీ టెస్టు తర్వాత అతడు తన నిర్ణయాన్ని అధికారికంగా వెల్లడిస్తాడనే అభిప్రాయాలు వ్యక్తమవుతున్నాయి. ఈ నేపథ్యంలో మరో ఆసక్తికర వార్త తెర మీదకు వచ్చింది. టెస్టులకు వీడ్కోలు పలికిన తర్వాత రోహిత్‌ శర్మ వన్డే కెప్టెన్సీ(ODI Captaincy) నుంచి వైదొలగనున్నాడనే వదంతులు వస్తున్నాయి.చివరగా లంక పర్యటనలో.. పరాభవంతో ఇంటికికాగా గతేడాది టీమిండియా ఒకే ఒక్క ద్వైపాక్షిక వన్డే సిరీస్‌ ఆడింది. శ్రీలంక పర్యటనలో భాగంగా రోహిత్‌ సేన ఆతిథ్య జట్టుతో మూడు వన్డేలు ఆడి.. 0-2తో సిరీస్‌ను కోల్పోయింది. తద్వారా రెండున్నర దశాబ్దాల తర్వాత లంకకు వన్డే సిరీస్‌ సమర్పించుకున్న తొలి భారత జట్టుగా నిలిచింది. అంతేకాదు.. 45 ఏళ్ల తర్వాత ఒక క్యాలెండర్‌ ఇయర్‌లో ఒక్క వన్డే కూడా గెలవని జట్టుగానూ అపఖ్యాతి మూటగట్టుకుంది రోహిత్‌ సేన.రోహిత్‌పై వేటు.. చాంపియన్స్‌ ట్రోఫీ నాటికి కొత్త సారథిఇదిలా ఉంటే.. ఫిబ్రవరి 19 నుంచి పాకిస్తాన్‌ వేదికగా ఐసీసీ చాంపియన్స్‌ ట్రోఫీ-2025(ICC Champions Trophy 2025) మొదలుకానుంది. ఈ మెగా వన్డే టోర్నీలో టీమిండియా మ్యాచ్‌లు తటస్థ వేదికైన దుబాయ్‌లో జరుగనున్నాయి. అయితే, ఈ ఐసీసీ ఈవెంట్‌ కంటే ముందు భారత్‌ ఒకే ఒక్క ద్వైపాక్షిక వన్డే సిరీస్‌ ఆడనుంది. స్వదేశంలో ఇంగ్లండ్‌తో మూడు మ్యాచ్‌లలో తలపడనుంది.ఈ నేపథ్యంలో భారత క్రికెట్‌ నియంత్రణ మండలి(బీసీసీఐ) నాయకత్వం వన్డే కెప్టెన్సీ మార్పు అంశంపై దృష్టి సారించినట్లు తెలుస్తోంది. ఇప్పటికే టెస్టుల్లో గడ్డు పరిస్థితులు ఎదుర్కొంటూ బలవంతపు రిటైర్మెంట్‌కు చేరువైన రోహిత్‌.. ఇలాంటి మానసిక స్థితిలో ఇక జట్టును ముందుకు నడిపించేందుకు సిద్ధంగా లేడని బీసీసీఐ భావిస్తున్నట్లు సమాచారం.రేసులో ముందుంది అతడేశ్రీలంక పర్యటన తాలూకూ చేదు అనుభవాన్ని కూడా దృష్టిలో పెట్టుకుని.. వన్డే పగ్గాలను వేరొకరికి అప్పగించేందుకు సిద్ధమైనట్లు తెలుస్తోంది. వన్డే కెప్టెన్సీ రేసులో ప్రధానంగా హార్దిక్‌ పాండ్యా(Hardik Pandya), శుబ్‌మన్‌ గిల్‌, రిషభ్‌ పంత్‌ పేర్లు కూడా ఉన్నట్లు సమాచారం. అయితే, పాండ్యా వైపే మేనేజ్‌మెంట్‌ మొగ్గుచూపుతున్నట్లు బీసీసీఐ వర్గాలు తెలిపినట్లు మైఖేల్‌ సైట్‌ పేర్కొంది.‘‘గిల్‌ ఇంకా పూర్తి స్థాయిలో పరిణతి చెందలేదు. అతడు నాయకుడిగా ఎదగడానికి ఇంకాస్త సమయం పడుతుంది. ఇక సూర్యకుమార్‌ యాదవ్‌ వన్డే గణాంకాలు అంత గొప్పగా లేవు.. ఈ టీ20 కెప్టెన్‌ పేరును పరిగణనలోకి తీసుకోవడం లేదు. ప్రస్తుత పరిస్థితుల్లో పంత్‌ కంటే కూడా హార్దిక్‌ పాండ్యానే సరైన కెప్టెన్‌ అనే భావన నాయకత్వంలో ఉంది’’ అని సదరు వర్గాలు పేర్కొన్నట్లు తెలిపింది.వరుస వైఫల్యాలతో సతమతంకాగా టెస్టుల్లో గత కొంతకాలంగా రోహిత్‌ శర్మ కెప్టెన్‌గా, బ్యాటర్‌గా విఫలమవుతున్న విషయం తెలిసిందే. న్యూజిలాండ్‌తో సొంతగడ్డపై 3-0తో రోహిత్‌ సేన వైట్‌వాష్‌ కాగా.. ఆస్ట్రేలియాతో బోర్డర్‌- గావస్కర్‌ ట్రోఫీలోనూ నిరాశపరుస్తోంది. పెర్త్‌లో బుమ్రా సారథ్యంలో గెలిచిన భారత జట్టు.. రెండో టెస్టు నుంచి రోహిత్‌ కెప్టెన్సీలో విఫలమైంది.అడిలైడ్‌లో పింక్‌ బాల్‌ టెస్టులో ఓడి.. బ్రిస్బేన్‌లో వర్షం వల్ల డ్రాతో గట్టెక్కింది. మెల్‌బోర్న్‌ వేదికగా బాక్సింగ్‌ డే టెస్టులో 184 పరుగుల భారీ తేడాతో ఆసీస్‌ చేతిలో టీమిండియా చిత్తుగా ఓడింది. ఈ సిరీస్‌లో రోహిత్‌ ఐదు ఇన్నింగ్స్‌ ఆడి మొత్తంగా కేవలం 31 పరుగులే చేశాడు. దీంతో సర్వత్రా విమర్శలు వెల్లువెత్తగా ఆసీస్‌తో ఆఖరిదైన సిడ్నీ టెస్టు నుంచి విశ్రాంతి పేరిట తనంతట తానే స్వయంగా తప్పుకొన్నాడు. చదవండి: IND vs AUS: మ‌ళ్లీ అదే త‌ప్పు చేసిన విరాట్‌ కోహ్లి.. వీడియో వైర‌ల్‌

ఆస్ట్రేలియాతో ఐదో టెస్టు నేపథ్యంలో భారత తుదిజట్టులో రెండు మార్పులు చేటుచేసుకున్నట్లు సమాచారం. కెప్టెన్‌ రోహిత్‌ శర్మ(Rohit Sharma) విశ్రాంతి పేరిట ఈ మ్యాచ్‌కు దూరంగా ఉండాలని భావించగా.. శుబ్‌మన్‌ గిల్‌కు మార్గం సుగమమైనట్లు తెలుస్తోంది. ఆకాశ్‌ దీప్‌ స్థానంలో యువ పేసర్‌మరోవైపు.. ఆకాశ్‌ దీప్‌ గాయం కారణంగా జట్టుకు దూరం కాగా.. ఓ యువ పేసర్‌ ఏడాది కాలం తర్వాత పునరాగమనం చేయనున్నట్లు సమాచారం. అదే విధంగా రోహిత్‌ శర్మ గైర్హాజరీలో ప్రధాన పేసర్‌, వైస్‌ కెప్టెన్‌ జస్‌‍ప్రీత్‌ బుమ్రా మరోసారి సారథ్య బాధ్యతలు నిర్వర్తించనున్నట్లు వార్తలు వినిపిస్తున్నాయి. గత నాలుగు పర్యాయాలుగా బోర్డర్‌- గావస్కర్‌ ట్రోఫీని కైవసం చేసుకున్న భారత జట్టు.. ఈసారి మాత్రం అనుకున్న ఫలితాలు రాబట్టలేకపోతోంది. కెప్టెన్‌ రోహిత్‌ శర్మతో పాటు స్టార్‌ బ్యాటర్‌ విరాట్‌ కోహ్లి(Virat Kohli) విఫలం కావడం తీవ్ర ప్రభావం చూపుతోంది. కోహ్లి, రోహిత్‌ విఫలంఆసీస్‌తో ఐదు టెస్టుల్లో భాగంగా ఇప్పటికి నాలుగు పూర్తి కాగా.. తొలి మ్యాచ్‌లో శతకం సాధించడం మినహా కోహ్లి పెద్దగా రాణించలేకపోతున్నాడు. ముఖ్యంగా ఆఫ్‌ సైడ్‌ బంతుల్ని ఎదుర్కొనే క్రమంలో పదే పదే తప్పుల్ని పునరావృతం చేస్తూ వికెట్‌ పారేసుకుంటున్నాడు.మరోవైపు.. రోహిత్‌ సారథిగా, బ్యాటర్‌గా విఫలమవుతున్నాడు. అడిలైడ్‌లో జరిగిన రెండో టెస్టుతో జట్టులోకి వచ్చిన ఈ కుడిచేతి వాటం బ్యాటర్‌ ఐదు ఇన్నింగ్స్‌లో కలిపి మరీ దారుణంగా31 పరుగులే చేశాడు. ఇక అతడి సారథ్యంలో రెండో టెస్టులో ఓడిన భారత్‌, బ్రిస్బేన్‌ టెస్టును డ్రాగా ముగించగలిగింది. అయితే, మెల్‌బోర్న్‌లో జరిగిన నాలుగో టెస్టులో మాత్రం 184 పరుగుల తేడాతో ఘోర ఓటమిని చవిచూసింది.సిడ్నీ టెస్టు నుంచి వైదొలిగిన రోహిత్‌!ఈ నేపథ్యంలో రోహిత్‌ శర్మ టెస్టులకు రిటైర్మెంట్‌ ప్రకటించే సమయం ఆసన్నమైందని.. అతడు వెంటనే తప్పుకొని యువకులకు అవకాశం ఇవ్వాలనే డిమాండ్లు పెరుగుతున్నాయి. ఆసీస్‌తో ఆఖరి టెస్టు ముగిసిన తర్వాత రోహిత్‌ తన నిర్ణయాన్ని వెల్లడిస్తాడనే వార్తలు వస్తున్నాయి. ఈ క్రమంలో తనకు తానుగా సిడ్నీ టెస్టు నుంచి వైదొలగాలని అతడు నిర్ణయించుకున్నట్లు తెలుస్తోంది.ఈ క్రమంలో యశస్వి జైస్వాల్‌తో ఓపెనింగ్‌ జోడీగా కేఎల్‌ రాహుల్‌ మరోసారి బరిలోకి దిగనుండగా.. శుబ్‌మన్‌ గిల్‌(Shubhman Gill) మూడో స్థానంలో ఆడనున్నట్లు సమాచారం. అదే విధంగా గాయపడిన పేసర్‌ ఆకాశ్‌ దీప్‌ స్థానంలో ప్రసిద్‌ కృష్ణ తుదిజట్టుకు ఎంపికైనట్లు తెలుస్తోంది. రెండే మార్పులుఈ రెండు మార్పులు మినహా.. పాత జట్టుతోనే భారత్‌ సిడ్నీ టెస్టుకు సన్నద్ధమైనట్లు సమాచారం. కాగా శుక్రవారం నుంచి మంగళవారం(జనవరి 3-7) వరకు ఆసీస్‌- భారత్‌ మధ్య ఐదో టెస్టుకు షెడ్యూల్‌ ఖరారైంది. ఇందులో గెలిస్తేనే టీమిండియా బోర్డర్‌- గావస్కర్‌ ట్రోఫీ సిరీస్‌ను 2-2తో డ్రా చేసుకోగలుగుతుంది. అదే విధంగా ప్రపంచ టెస్టు చాంపియన్‌షిప్‌ 2025 అవకాశాలు కూడా సజీవంగా ఉంటాయి.ఆస్ట్రేలియాతో సిడ్నీ టెస్టుకు భారత తుదిజట్టు(అంచనా)యశస్వి జైస్వాల్‌, కేఎల్‌ రాహుల్‌, శుబ్‌మన్‌ గిల్‌, విరాట్‌ కోహ్లి, రిషభ్‌ పంత్‌, రవీంద్ర జడేజా, వాషింగ్టన్‌ సుందర్‌, నితీశ్‌ కుమార్‌ రెడ్డి, జస్‌ప్రీత్‌ బుమ్రా(కెప్టెన్‌), మహ్మద్‌ సిరాజ్‌, ప్రసిద్‌ కృష్ణ.చదవండి: కెప్టెన్‌ కంటే బెటర్‌.. అతడిని మాత్రం తప్పించకండి: భారత మాజీ క్రికెటర్‌

ఆస్ట్రేలియాతో టీమిండియా ఆఖరి టెస్టుకు సమయం ఆసన్నమైంది. సిడ్నీ క్రికెట్‌ గ్రౌండ్‌లో శుక్రవారం ఈ మ్యాచ్‌ మొదలుకానుంది. ఇందుకోసం ఇరుజట్లు ఇప్పటికే పూర్తిస్థాయిలో సన్నద్ధమయ్యాయి. సిడ్నీలో గెలిచి ఐదు మ్యాచ్‌ల టెస్టు సిరీస్‌ను 2-2తో డ్రా చేసుకోవాలని భారత్‌ భావిస్తోంది.మరోవైపు.. ప్రత్యర్థికి అవకాశం ఇవ్వకుండా బోర్డర్‌- గావస్కర్‌ ట్రోఫీ(Border Gavaskar Trophy)ని తామే కైవసం చేసుకోవాలని ఆసీస్‌ పట్టుదలగా ఉన్నాయి. ఫలితంగా భారత్‌- ఆస్ట్రేలియా మధ్య ఐదో టెస్టు మరింత రసవత్తరంగా మారనుంది. అయితే, ఈ కీలక టెస్టుకు ముందు టీమిండియా డ్రెసింగ్‌రూమ్‌లో విభేదాలు తలెత్తాయనే వార్తలు అభిమానులను కలవరపెడుతున్నాయి.హెడ్‌కోచ్‌ గౌతం గంభీర్‌తో కెప్టెన్‌ రోహిత్‌ శర్మ(Rohit Sharma)కు సమన్వయం కుదరడం లేదని.. అదే విధంగా ఆటగాళ్ల తీరు పట్ల కోచ్‌ అసంతృప్తితో ఉన్నాడనే వదంతులు వచ్చాయి. అయితే, గౌతీ మాత్రం ఇవన్నీ అబద్దాలేనని కొట్టిపారేశాడు. అయినప్పటికీ, టీమిండియా కెప్టెన్‌ మార్పు అంశం మీద మాత్రం ఊహాగానాలు ఆగటం లేదు.బోర్డర్‌- గావస్కర్‌ ట్రోఫీలో భాగంగా ఐదో టెస్టుకు ముందు కెప్టెన్‌గా రోహిత్‌పై వేటు పడనుందనే వార్తలు వినిపిస్తున్నాయి. అతడి గైర్హాజరీలో పెర్త్‌లో టీమిండియాను గెలిపించిన జస్‌ప్రీత్‌ బుమ్రా(Jasprit Bumrah) పగ్గాలు చేపట్టడం లాంఛనమేనని జాతీయ మీడియాలో కథనాలు వస్తున్నాయి. అయితే, బెంగాల్‌ మాజీ క్రికెటర్‌, ఐపీఎల్‌లో రాయల్‌ చాలెంజర్స్‌ బెంగళూరు జట్టుకు ఆడిన శ్రీవత్స్‌ గోస్వామి మాత్రం భిన్నంగా స్పందించాడు.సిడ్నీ టెస్టులో టీమిండియా కెప్టెన్‌ అతడే!‘‘టీమిండియాలో జరుగుతున్న పరిణామాలు గమనిస్తుంటే.. సిడ్నీ టెస్టులో గిల్‌ కెప్టెన్‌గా వ్యవహరించునున్నాడని అనిపిస్తోంది. తదుపరి ప్రపంచ టెస్టు చాంపియన్‌షిప్‌ సైకిల్‌ కోసం మేనేజ్‌మెంట్‌ ఇప్పటి నుంచే సిద్ధమవుతున్నట్లు తెలుస్తోంది. ఇదెంతో ఆసక్తికరంగా ఉంది’’ అని శ్రీవత్స్‌ ఎక్స్‌ వేదికగా తన అభిప్రాయాన్ని పంచుకున్నాడు.సరైన నాయకుడు బుమ్రానేఅయితే, మెజారిటీ మంది నెటిజన్లు మాత్రం శ్రీవత్స్‌ అభిప్రాయంతో విభేదిస్తున్నారు. గిల్‌కు తుదిజట్టులోనే చోటు దక్కనపుడు కెప్టెన్‌ ఎలా అవుతాడని ప్రశ్నిస్తున్నారు. భవిష్యత్తులో గిల్‌కు పగ్గాలు ఇచ్చే అవకాశం ఉందని.. ఇప్పుడు మాత్రం బుమ్రాకు సారథ్య బాధ్యతలు అప్పగిస్తారని ధీమా వ్యక్తం చేస్తున్నారు. టీమిండియాకు ప్రస్తుత పరిస్థితుల్లో బుమ్రానే సరైన నాయకుడు అని పేర్కొంటున్నారు. ఏదేమైనా శుక్రవారం సిడ్నీ టెస్టు మొదలైన తర్వాతే ఈ ఊహాగానాలకు చెక్‌ పడుతుంది.ఇదిలా ఉంటే.. ఐదు టెస్టులు ఆడేందుకు ఆస్ట్రేలియాలో పర్యటిస్తున్న టీమిండియాకు సానుకూల ఫలితాలు రావడం లేదు. పెర్త్‌లో గెలిచిన భారత జట్టు.. అడిలైడ్‌ పింక్‌ బాల్‌ టెస్టులో ఆసీస్‌ చేతిలో ఓటమిపాలైంది. బ్రిస్బేన్‌లో జరిగిన మూడో టెస్టులో వర్షం వల్ల డ్రాతో గట్టెక్కగలిగింది. అయితే, మెల్‌బోర్న్‌ వేదికగా నాలుగో టెస్టులో మాత్రం ఓటమి నుంచి తప్పించుకోలేకపోయింది.రోహిత్‌ వైఫల్యాల వల్లే ఇలాఈ బాక్సింగ్‌ డే టెస్టులో ఆతిథ్య ఆసీస్‌ చేతిలో 184 పరుగుల తేడాతో చిత్తుగా ఓడి.. సిరీస్‌లో 1-2తో వెనుకబడింది. ఈ సిరీస్‌లో రోహిత్‌ శర్మ సారథిగా, బ్యాటర్‌గా విఫలం అవుతుండటంతో అతడు వెంటనే రాజీనామా చేసి.. రిటైర్మెంట్‌ ప్రకటించాలనే డిమాండ్లు పెరుగుతున్నాయి. ఈ నేపథ్యంలోనే కొత్త కెప్టెన్‌ అంశం తెరమీదకు వచ్చింది.చదవండి: లవ్‌ యూ కాంబ్లీ.. త్వరలోనే వచ్చి కలుస్తా: టీమిండియా దిగ్గజం భరోసా

టీమిండియా కెప్టెన్‌ రోహిత్‌ శర్మ(Rohit Sharma)ను ఉద్దేశించి మాజీ హెడ్‌కోచ్‌ రవిశాస్త్రి(Ravi Shastri) కీలక వ్యాఖ్యలు చేశాడు. సిడ్నీ టెస్టు ముగిసిన వెంటనే హిట్‌మ్యాన్‌ టెస్టులకు రిటైర్మెంట్‌ ప్రకటించే అవకాశం ఉందన్నాడు. రోజురోజుకీ రోహిత్‌ వయసు పెరుగుతోందని.. కాబట్టి తనకు తానుగా రెడ్‌ బాల్‌ క్రికెట్‌ నుంచి తప్పుకొనేందుకు సిద్ధంగానే ఉన్నాడని అభిప్రాయపడ్డాడు.బ్యాటర్‌గా.. కెప్టెన్‌గా వైఫల్యాలుకాగా గత కొంతకాలంగా రోహిత్‌ శర్మ టెస్టు ఫార్మాట్లో గడ్డు పరిస్థితులు ఎదుర్కొంటున్న విషయం తెలిసిందే. ఇటు బ్యాటర్‌గా.. అటు కెప్టెన్‌గా ఘోర పరాభవాలు చవిచూస్తున్నాడు. స్వదేశంలో న్యూజిలాండ్‌తో టెస్టుల్లో 3-0తో క్లీన్‌స్వీప్‌.. తాజాగా ఆస్ట్రేలియాతో బోర్డర్‌- గావస్కర్‌ ట్రోఫీలోనూ వైఫల్యాలు రోహిత్‌ను వేధిస్తున్నాయి.ఆసీస్‌ పర్యటనలో రెండో టెస్టు నుంచి జట్టుతో చేరిన రోహిత్‌ శర్మ అనుకున్న ఫలితాలు రాబట్టలేకపోతున్నాడు. ఇప్పటి వరకు కంగారూ జట్టుతో ముగిసిన మూడు టెస్టుల్లో ఐదు ఇన్నింగ్స్‌ ఆడిన అతడు.. కేవలం 31 పరుగులు మాత్రమే చేశాడు. రోహిత్‌ సారథ్యంలో ఈ మూడు మ్యాచ్‌లలో రెండింటిలో ఓడిన టీమిండియా.. ఒకటి మాత్రం డ్రా చేసుకోగలిగింది.ఈ నేపథ్యంలో రోహిత్‌ శర్మ బ్యాటింగ్‌ శైలి, కెప్టెన్సీ తీరుపై తీవ్ర స్థాయిలో విమర్శలు వెల్లువెత్తుతున్నాయి. త్వరగా అతడు సారథ్య బాధ్యతల నుంచి తప్పుకోవడంతో పాటు.. టెస్టులకు రిటైర్మెంట్‌ ప్రకటిస్తే బాగుంటుందనే అభిప్రాయాలు వ్యక్తమవుతున్నాయి. రోహిత్‌ శర్మ అందుకు సిద్ధంగానే ఉన్నాడుఈ నేపథ్యంలో రవిశాస్త్రి మాట్లాడుతూ.. ‘‘రోహిత్‌ శర్మ తన కెరీర్‌ గురించి త్వరలోనే నిర్ణయం తీసుకుంటాడనిపిస్తోంది. సిడ్నీ టెస్టు తర్వాత అతడు రిటైర్మెంట్‌ ప్రకటించినా ఆశ్చర్యం అక్కర్లేదు. ఎందుకంటే.. రోజురోజుకీ అతడేమీ యువకుడు కావడం లేదు కదా! శుబ్‌మన్‌ గిల్‌ (Shubman Gill)వంటి ఎంతో మంది యువ ఆటగాళ్లు జట్టులో సుస్థిర స్థానం కోసం ఎదురుచూస్తున్నారు. గతేడాది సగటున 40 పరుగులు చేసిన గిల్‌ వంటి ఆటగాళ్లను పక్కనపెట్టడం సరికాదు. ప్రతిభ ఉన్న యువకులను బెంచ్‌కే పరిమితం చేయడం తెలివైన నిర్ణయం అనిపించుకోదు. కాబట్టి రోహిత్‌ వైదొలుగుతాడనే అనిపిస్తోంది. ఒకవేళ సిడ్నీలో టీమిండియా గెలిచి.. ప్రపంచ టెస్టు చాంపియన్‌షిప్‌(డబ్ల్యూటీసీ) ఫైనల్‌ చేరినా.. చేరకపోయినా రోహిత్‌ మాత్రం తుది నిర్ణయం వెల్లడిస్తాడని.. అందుకు ఇదే సరైన సమయమని భావిస్తున్నా’’ అని పేర్కొన్నాడు. 37 ఏళ్ల రోహిత్‌ శర్మ టెస్టు ఫార్మాట్‌కు వీడ్కోలు పలికితే యువకులకు మార్గం సుగమమవుతుందని రవిశాస్త్రి పేర్కొన్నాడు.సిడ్నీలో గెలిస్తేనేకాగా బోర్డర్‌- గావస్కర్‌ ట్రోఫీలో భాగంగా ఆసీస్‌తో ఐదు టెస్టులు ఆడుతున్న టీమిండియా.. ఆతిథ్య జట్టు చేతిలో 2-1తో వెనుకబడి ఉంది. పెర్త్‌లో గెలిచిన భారత్‌.. అడిలైడ్‌లో ఓడి.. బ్రిస్బేన్‌ టెస్టును డ్రా చేసుకుంది. అయితే, మెల్‌బోర్న్‌లో జరిగిన బాక్సింగ్‌ డే టెస్టులో మాత్రం 184 పరుగుల తేడాతో చిత్తుగా ఓడింది. ఇరుజట్ల మధ్య జనవరి 3-7 మధ్య సిడ్నీ వేదికగా ఆఖరిదైన ఐదో టెస్టు జరుగుతుంది. ఇందులో గెలిస్తేనే టీమిండియా డబ్ల్యూటీసీ ఫైనల్‌ చేరే అవకాశాలు సజీవంగా ఉంటాయి.చదవండి: లవ్‌ యూ కాంబ్లీ.. త్వరలోనే వచ్చి కలుస్తా: టీమిండియా దిగ్గజం భరోసా

బీజడ్‌ ఫైనాన్షియల్ సర్వీసెస్ కుంభకోణం కేసులో నలుగురు భార‌త క్రికెట‌ర్లకు గుజరాత్ క్రైమ్ ఇన్వెస్టిగేషన్ డిపార్ట్‌మెంట్ (సీఐడీ) స‌మ‌న్లు పంపింది. వారిలో టీమిండియా ప్లేయ‌ర్లు శుబ్‌మ‌న్ గిల్‌, సాయిసుదర్శ‌న్‌, మొహిత్ శ‌ర్మ‌, రాహుల్‌ తెవాటియా ఉన్నారు. వీరు న‌లుగురూ ఆ సంస్థ‌లో పెట్టుబ‌డులు పెట్టినందుకు గుజ‌రాత్ సిఐడి స‌మ‌న్లు పంపింది. త్వరలోనే విచారణకు హాజరు కావాలని అందులో పేర్కొంది.అహ్మదాబాద్ మిర్రర్ కథనం ప్రకారం.. ఆ కంపెనీలో గిల్‌ రూ.1.95 కోట్లు పెట్టుబడి పెట్టిన‌ట్లు తెలుస్తోంది. మిగతా ముగ్గురు గుజ‌రాత్ టైటాన్స్ ప్లేయర్లు రూ. 10 ల‌క్ష‌ల నుంచి కోటి మ‌ధ్య ఇన్వెస్ట్ చేసిన‌ట్లు స‌మాచారం. కాగా శుబ్‌మ‌న్ గిల్ ప్ర‌స్తుతం ఆస్ట్రేలియా ప‌ర్య‌ట‌న‌లో ఉన్నాడు. బోర్డ‌ర్ గ‌వాస్క‌ర్ ట్రోఫీ 2024-25 ముగిసిన అనంత‌రం గిల్ విచార‌ణ‌కు హాజ‌రు కానున్నాడు. అయితే మిగితా ముగ్గురు ఆట‌గాళ్లు భార‌త్‌లోనే ఉండ‌డంతో గిల్‌ కంటే ముందు విచార‌ణ‌కు హాజ‌రు అయ్యే అవ‌కాశ‌ముంది.ఏంటీ బీజ‌డ్ గ్రూపు స్కామ్‌?గుజ‌రాత్‌లోని హిమ్మత్‌నగర్ చెందిన భూపేంద్రసిన్హ్ జాలా.. బీజడ్‌ ఫైనాన్షియల్ సర్వీసెస్, బీజ‌డ్ ట్రేడర్స్ కంపెనీల‌ను స్దాపించాడు. ఈ సంస్థ‌ల‌కు సంబంధించిన కార్యాల‌యాల‌ను గుజ‌రాత్‌లోని ప‌లు జిల్లాల్లో విస్తరించాడు. ఈ కంపెనీల‌లో పెట్టుబ‌డి పెడితే బ్యాంకుల కంటే మెరుగైన వడ్డీ రేటును చెల్లిస్తామని ప్ర‌జ‌ల‌ను న‌మ్మించారు.అంతేకాకుండా బహుమతులను ప్ర‌క‌టించి పెట్టుబడిదారులను భారీగా ఆకర్షించారు. ఉదాహరణకు వారి కంపెనీలో రూ. 5 లక్షల పెట్టుబడి పెడితే 32 ఇంచ్‌ టీవీ, రూ.10 లక్షల పెట్టుబడి పెడితే గోవా ట్రిప్స్‌ వంటి గిప్ట్‌ ప్యాకేజిలను బీజడ్‌ ఫైనాన్షియల్ సర్వీసెస్ ఆఫ‌ర్ చేసింది. దీంతో ప్ర‌జ‌లు భారీగా పెట్టుబ‌డులు పెట్టారు. అయితే వారు ఇచ్చిన హామీలు అన్ని బూటకమని, మోసపోయాయని తెలుసుకున్న ప్రజలు పోలీసులను ఆశ్రయించారు. దీంతో ఫోర్జరీ కేసు నమోదు చేసిన పోలీసులు బీజడ్‌ ఫైనాన్షియల్ సర్వీసెస్ సీఈవో భూపేంద్రసిన్హ్ జాలాను అరెస్ట్ చేశారు. ఆ తర్వాత ఆ కేసును సిఐడీ అప్పగించారు.తొలుత భూపేంద్రసిన్హ్ రూ. 6000 కోట్ల చిట్-ఫండ్ మోసానికి పాల్పడ్డారని నివేదించిన గుజ‌రాత్ సీఐడీ.. ఆ త‌ర్వాత ఆ మొత్తాన్ని రూ. 450 కోట్లగా ఖారారు చేసింది. అయితే పోలీసుల విచారణలో గిల్‌, సాయిసుదర్శ‌న్‌, మొహిత్ శ‌ర్మ‌, తెవాటియా సైతం పెట్టుబడులు పెట్టినట్లు తేలింది. ఈ క్రమంలోనే ఈ నలుగురుకు సిఐడి సమన్లు పంపింది.

బోర్డ‌ర్‌-గ‌వాస్క‌ర్ ట్రోఫీలో భాగంగా నాలుగో టెస్టులో త‌ల‌ప‌డేందుకు ఆస్ట్రేలియా, భార‌త్ జ‌ట్లు సిద్ద‌మ‌య్యాయి. డిసెంబ‌ర్ 26 నుంచి ప్రారంభ‌మయ్యే ఈ బాక్సింగ్ డే టెస్టు కోసం ఇరు జ‌ట్లు తీవ్రంగా శ్ర‌మించాయి. ఈ మ్యాచ్‌లో ఎలాగైనా గెలిచి సిరీస్‌లో ఆధిక్యం సంపాదించాల‌ని అటు ఆస్ట్రేలియా, ఇటు భార‌త్ రెండూ భావిస్తున్నాయి. అయితే ఈ నాలుగో టెస్టులో టీమిండియా భారీ మార్పుల‌తో బ‌రిలోకి దిగ‌నున్న‌ట్లు తెలుస్తోంది.ఓపెన‌ర్‌గా రోహిత్‌.. ఈ మ్యాచ్‌లో కెప్టెన్‌ రోహిత్ శ‌ర్మ తిరిగి భార‌త ఇన్నింగ్స్‌ను ప్రారంభించ‌నున్న‌ట్లు స‌మాచారం. కేఎల్ రాహుల్ ఓపెన‌ర్‌గా రాణిస్తుండ‌డంతో గ‌త రెండు మ్యాచ్‌ల్లో రోహిత్ ఆరో స్ధానంలో బ్యాటింగ్‌కు వ‌చ్చాడు. ఈ రెండు మ్యాచ్‌ల్లోనూ హిట్‌మ్యాన్ దారుణ ప్ర‌ద‌ర్శ‌న క‌న‌బ‌రిచాడు. ఈ క్ర‌మంలోనే అత‌డిని త‌న రెగ్యూల‌ర్ బ్యాటింగ్ పొజిషేన్‌లోనే పంపాల‌ని జ‌ట్టు మెనెజ్‌మెంట్ నిర్ణ‌యించుకున్న‌ట్లు వినికిడి. కాగా కేఎల్ రాహుల్ మూడో స్ధానంలో బ్యాటింగ్‌కు రానున్న‌ట్లు ప‌లు రిపోర్ట్‌లు పేర్కొంటున్నాయి.ఈ నేపథ్యంలో ఫ‌స్ట్ డౌన్ బ్యాట‌ర్‌ శుబ్‌మ‌న్ గిల్‌పై వేటు ప‌డే అవ‌కాశం ఉంది.. ఎందుకంటే రోహిత్ ఓపెన‌ర్‌గా, రాహుల్ ఫ‌స్ట్ డౌన్‌లో బ్యాటింగ్ వ‌స్తే.. గిల్ ఆరో స్ధానంలో బ్యాటింగ్‌కు రాక త‌ప్ప‌దు. అత‌డు ఎప్పుడూ టాప‌ర్డర్‌లో త‌ప్ప లోయార్డ‌ర్‌లో బ్యాటింగ్ చేసిన అనుభ‌వం లేదు. దీంతో గిల్ స్దానంలో ధ్రువ్ జురెల్‌కు చోటు ఇవ్వాల‌ని భార‌త జ‌ట్టు మెనెజ్‌మెంట్ యోచిస్తున్న‌ట్లు క్రికెట్ వ‌ర్గాలు వెల్ల‌డించాయి. మ‌రోవైపు టైమ్స్ ఇండియా క‌థ‌నం ప్ర‌కారం.. బ్యాక్సింగ్ డే టెస్టులో భార‌త్ ఇద్ద‌రు స్పిన్న‌ర్ల‌తో బ‌రిలోకి దిగ‌నున్న‌ట్లు తెలుస్తోంది.రవీంద్ర జడేజా, వాషింగ్టన్‌ సందర్‌లు బ్యాక్సింగ్‌ డే టెస్టులో స్పిన్నర్లగా ఆడున్నట్లు సమాచారం. యువ ఆల్‌రౌండ‌ర్ నితీశ్ కుమార్ రెడ్డిని ప‌క్క‌న పెట్టాల‌ని రోహిత్ శ‌ర్మ‌, హెడ్ కోచ్ గంభీర్ భావిస్తున్నరంట. నితీశ్‌ బ్యాటింగ్‌ పరంగా అద్బుతంగా రాణిస్తున్నప్పటికి, బౌలింగ్‌లో మాత్రం పెద్దగా ఆకట్టుకోలేకపోయాడు. ఈ క్రమంలోనే అతడి స్ధానంలో స్పిన్‌ ఆల్‌రౌండర్‌ సుందర్‌కు అవకాశమివ్వనున్నారంట.భారత తుది జట్టు(అంచనా)యశస్వి జైస్వాల్, రోహిత్ శర్మ (కెప్టెన్‌), KL రాహుల్, విరాట్ కోహ్లీ, రిషబ్ పంత్ (వికెట్ కీప‌ర్‌), ధృవ్ జురెల్‌, వాషింగ్టన్ సుందర్, రవీంద్ర జడేజా, జస్ప్రీత్ బుమ్రా (వైస్ కెప్టెన్‌), మహ్మద్ సిరాజ్, ఆకాష్ దీప్చదవండి: IND vs AUS: భారత్‌తో నాలుగో టెస్టు.. ఆసీస్‌ తుది జట్టు ప్రకటన! 19 ఏళ్ల కుర్రాడికి చోటు

బోర్డర్ గవాస్కర్ ట్రోఫీ 2024-25లో టీమిండియా యువ ఆటగాడు శుబ్‌మన్ గిల్ తన స్ధాయికి తగ్గ ప్రదర్శన చేయలేకపోతున్న సంగతి తెలిసిందే. పెర్త్ వేదికగా జరిగిన తొలి టెస్టుకు గాయం కారణంగా దూరమైన గిల్ రెండో టెస్టు నుంచి అందుబాటులో వచ్చాడు.ఇప్పటివరకు ఈ సిరీస్‌లో మూడు ఇన్నింగ్స్‌లు ఆడిన గిల్‌.. వరుసగా 31, 28, 1 పరుగులు చేశాడు. ఈ నేపథ్యంలో గిల్‌పై భారత మాజీ క్రికెటర్ దినేష్ కార్తీక్ కీలక వ్యాఖ్యలు చేశాడు. గిల్ తన బ్యాటింగ్ టెక్నిక్‌లో స్వల్ప మార్పులు చేయాలని చేయాలని కార్తీక్ సూచించాడు."శుబ్‌మన్ గిల్ బ్యాటింగ్‌లో చిన్న సాంకేతిక లోపం ఉంది. అత‌డు బంతిని బ‌లంగా కొట్టడానికి ప్ర‌య‌త్నించి త‌న వికెట్‌ను కోల్పోతున్నాడు. మీరు వైట్‌బాల్‌ క్రికెట్‌ ఎక్కువగా ఆడే సమయంలో ఇది స‌హ‌జంగా జ‌రుగుతోంది. ట్రావిస్ హెడ్ కూడా అలానే ఆడేవాడు.కానీ ఇప్పుడు అత‌డు త‌న స‌మ‌స్య‌కు ప‌రిష్క‌రం క‌నుగొన్నాడు. శుబ్‌మ‌న్ గిల్ వంటి ఆట‌గాళ్లు భార‌త కండీష‌న్స్‌కు ఎక్కువగా అలవాటు ప‌డ‌డంతోనే.. విదేశీ పిచ్‌ల‌లో ఇటువంటి స‌మ‌స్య‌ల‌ను ఎదుర్కొంటున్నారు. బౌల‌ర్ బంతిని రిలీజ్ చేసిన వెంట‌నే మీ మనసు దానిని ఫుల్‌బాల్‌గా అంచనావేసి.. ఫ్రంట్ ఫుట్‌కు వెళ్లి ఆడమని చెబుతుంది.కానీ ఆస్ట్రేలియా, ఇంగ్లండ్‌, ద‌క్షిణాఫ్రికా వంటి విదేశీ టార్‌లకు వెళ్లే ఆట‌గాళ్లు కొత్త బంతిని ఎలా ఆడాలో ముందే ప్రాక్టీస్ చేస్తారు. కొత్త బాల్‌ను ఆడేందుకు రెండు రకాలుగా ప్రయత్నిస్తారు. ఒక‌టి షాప్ట్ హ్యాండ్స్‌తో ఆడుతారు లేదా శరీరానికి దగ్గరగా బంతిని ఆడటం లేదా వదిలేయడం చేస్తారు. శుబ్‌మ‌న్ గిల్ భార‌త్‌లో ఆడిన‌ట్లే ఆస్ట్రేలియాలో ఆడుతున్నాడు.స్వ‌దేశంలో ప‌రిస్థితుల‌కు ఆసీస్ కండీష‌న్స్‌కు చాలా తేడా ఉంది. బంతిని గ‌ట్టిగా హిట్ చేయ‌డాన‌కి వెళ్లి ఔట్ అవుతున్నాడు. గబ్బా వంటి స్టేడియాల్లో ఫ్రంట్ ఫుట్ ఆడటం కొంచెం కష్టం. ఇన్నింగ్స్‌ ఆరంభంలోనే మీ మనస్సును నియంత్రించుకుని అలాంటి బంతులను వదిలేస్తాని నిర్ణయించుకోవాలి.టెస్టుల్లో చాలా కాలం నుంచి నంబర్‌3లో ఆడుతున్నావు. అటువంటి అప్పుడు అంత సులువగా ఔట్‌ అవ్వడం సరైనది కాదు. నిజం చెప్పాలంటే గిల్ ఒక్కడే కాదు, భారత బ్యాటింగ్‌ సమష్టిగానే విఫలమవుతోంది. ప్రతీ ఇన్నింగ్స్‌లో వారు ఒత్తిడిని ఎదుర్కొంటున్నట్లు అన్పిస్తోందని క్రిక్‌బజ్‌కు ఇచ్చిన ఇంటర్వ్యూలో కార్తీక్‌ పేర్కొన్నాడు.

ఆస్ట్రేలియాతో బాక్సింగ్‌ డే టెస్టు(Boxing Day Test)కు ముందు టీమిండియా కెప్టెన్‌ రోహిత్‌ శర్మ తన గాయం గురించి కీలక అప్‌డేట్‌ అందించాడు. తన మోకాలు బాగానే ఉందని.. ఈ విషయం గురించి ఆందోళన చెందాల్సిన అవసరం లేదన్నాడు. అదే విధంగా.. జట్టు ప్రయోజనాలకు అనుగుణంగానే బ్యాటింగ్‌ ఆర్డర్‌ కూర్పు ఉంటుందని మరోసారి స్పష్టం చేశాడు.కాగా బోర్డర్‌- గావస్కర్‌ ట్రోఫీ(Border-Gavaskar Trophy) ఆడేందుకు టీమిండియా ఆస్ట్రేలియాలో పర్యటిస్తున్న విషయం తెలిసిందే. ఇందులో భాగంగా పెర్త్‌లో భారత్‌, అడిలైడ్‌లో ఆసీస్‌ గెలవగా.. బ్రిస్బేన్‌లో జరిగిన మూడో టెస్టు వర్షం వల్ల డ్రా అయింది. ఫలితంగా ఇరుజట్లు సిరీస్‌లో ప్రస్తుతం 1-1తో సమంగా ఉన్నాయి.నేను బాగానే ఉన్నానుఈ క్రమంలో మెల్‌బోర్న్‌ క్రికెట్‌ గ్రౌండ్‌లో డిసెంబరు 26(బాక్సింగ్‌ డే) నుంచి నాలుగో టెస్టు మొదలుకానుంది. ఈ నేపథ్యంలో భారత జట్టు కెప్టెన్‌ రోహిత్‌ శర్మ(Rohit Sharma PC) మంగళవారం మీడియాతో మాట్లాడాడు. ప్రాక్టీస్‌లో తనకు తీవ్ర గాయమైందన్న వార్తలను ఖండించిన హిట్‌మ్యాన్‌.. తన మోకాలు బాగానే ఉందని పేర్కొన్నాడు.అతడిపై ఒత్తిడి లేదుఅదే విధంగా.. టీమిండియా యువ ఆటగాళ్ల వైఫల్యాల గురించి విలేకరులు ప్రస్తావించగా.. ‘‘రిషభ్‌ పంత్‌పై ఎలాంటి ఒత్తిడి లేదు. అతడు గత కొంతకాలంగా ఫామ్‌లోనే ఉన్నాడు. అయితే, రెండు, మూడో టెస్టులో మాత్రం రాణించలేకపోయాడు.వాళ్లు తిరిగి పుంజుకుంటారుఅంతమాత్రాన ఏకపక్షంగా అతడి గురించి తీర్పులు ఇచ్చేయడం సరికాదు. ఎలా ఆడాలన్న అంశంపై అతడికి పూర్తి స్పష్టత ఉంది. శుబ్‌మన్‌ గిల్‌, యశస్వి జైస్వాల్‌ కూడా తిరిగి పుంజుకుంటారు. జట్టులో వారి పాత్ర ఏమిటో వారికి బాగా తెలుసు’’ అని రోహిత్‌ శర్మ పేర్కొన్నాడు.కాగా ఆస్ట్రేలియాతో ఇప్పటి వరకు పూర్తయిన మూడు టెస్టుల్లో యశస్వి జైస్వాల్‌ 193, రిషభ్‌ పంత్‌ 96 పరుగులు చేశారు. ఇక రెండో టెస్టు నుంచి అందుబాటులోకి వచ్చిన శుబ్‌మన్‌ గిల్‌ 60 పరుగులు చేశాడు. మరోవైపు.. వ్యక్తిగత కారణాల వల్ల తొలి టెస్టుకు దూరంగా ఉన్న రోహిత్‌ శర్మ.. రెండు(3, 6), మూడు టెస్టు(10)ల్లో పూర్తిగా విఫలమయ్యాడు. అయితే, ఈ సిరీస్‌లో కేఎల్‌ రాహుల్‌ కోసం ఓపెనింగ్‌ స్థానాన్ని త్యాగం చేసిన రోహిత్‌.. ఆరో స్థానంలో బరిలోకి దిగుతున్నాడు.చదవండి: BGT: అశ్విన్‌ స్థానంలో ఆస్ట్రేలియాకు.. ఎవరీ తనుశ్‌?

టీమిండియా స్టార్‌ బ్యాటర్‌ శుబ్‌మన్‌ గిల్‌ ఆట తీరును భారత క్రికెట్‌ దిగ్గజం సునిల్‌ గావస్కర్‌ విమర్శించాడు. ఆస్ట్రేలియాతో మూడో టెస్టులో గిల్‌ షాట్‌ సెలక్షన్‌ను సన్నీ తప్పుబట్టాడు. బ్యాటింగ్‌కు వచ్చే ముందు డ్రెస్సింగ్‌ రూమ్‌లోనే ఇమేజ్‌ను వదిలేస్తే ఇలాంటి పొరపాట్లు జరగవంటూ చురకలు అంటించాడు.అడిలైడ్‌లో అలాబోర్డర్‌- గావస్కర్‌ ట్రోఫీలో భాగంగా ఆస్ట్రేలియా పర్యటనలో టీమిండియా ఐదు టెస్టులు ఆడుతోంది. పెర్త్‌లో జరిగిన తొలి టెస్టుకు గాయం కారణంగా గిల్‌ దూరమయ్యాడు. అయితే, రెండో టెస్టు నాటికి అతడు అందుబాటులోకి వచ్చాడు. అడిలైడ్‌లో జరిగిన ఈ పింక్‌బాల్‌ మ్యాచ్‌లో గిల్‌ ఫర్వాలేదనిపించాడు. రెండు ఇన్నింగ్స్‌లో వరుసగా 31, 28 పరుగులు చేశాడు.అయితే, బ్రిస్బేన్‌ టెస్టులో మాత్రం గిల్‌ పూర్తిగా నిరాశపరిచాడు. మూడు బంతులు ఎదుర్కొని కేవలం ఒకే ఒక్క పరుగు చేసి నిష్క్రమించాడు. ఆసీస్‌ స్టార్‌ పేసర్‌ మిచెల్‌ స్టార్క్‌ బౌలింగ్‌లో ఆఫ్‌ స్టంప్‌ వెలుపలా వెళ్తున్న బంతిని షాట్‌ ఆడేందుకు ప్రయత్నించాడు. నీ ఇమేజ్‌ను డ్రెస్సింగ్‌ రూమ్‌లోనే వదిలెయ్‌అయితే, షాట్‌ సరిగ్గా కనెక్ట్‌ కాలేదు. ఈ క్రమంలో బ్యాట్‌ ఎడ్జ్‌ను తాకిన బంతి గల్లీ పాయింట్‌లో ఉన్న మిచెల్‌ మార్ష్‌ చేతిలో పడింది. దీంతో గిల్‌ పెవిలియన్‌ చేరాడు. ఈ నేపథ్యంలో సునిల్‌ గావస్కర్‌ మాట్లాడుతూ.. ‘‘నీ ఇమేజ్‌ను డ్రెస్సింగ్‌ రూమ్‌లోనే వదిలెయ్‌. ఇన్నింగ్స్‌ ఆరంభంలోనే ఇలాంటి షాట్లు ఆడటం ప్రమాదకరమని తెలిసినా.. నువ్వు జాగ్రత్త పడలేదు.చెత్త షాట్‌ సెలక్షన్‌కాస్త కుదురుకున్న తర్వాత ఇలాంటివి ప్రయత్నించవచ్చు. 30- 40- 50 పరుగులు సాధించిన తర్వాత రిస్క్‌ తీసుకోవచ్చు. కానీ ఆరంభంలోనే ఇలాంటి చెత్త షాట్‌ సెలక్షన్‌ ఏమిటి? నిజానికి మార్ష్‌ క్యాచ్‌ పట్టిన తీరు అద్భుతం. ఈ విషయంలో గిల్‌కు కాస్త దురదృష్టం ఎదురైందని చెప్పవచ్చు.ఏదేమైనా.. ఆ బంతిని ఆడకుండా.. అలా వదిలేసి ఉంటే బాగుండేది. అనవసరపు షాట్‌కు యత్నించినందుకు గిల్‌ డగౌట్లో కూర్చోవాల్సి వచ్చింది’’ అని పేర్కొన్నాడు. స్టార్‌ స్పోర్ట్స్‌ షోలో భాగంగా గావస్కర్‌ ఈ మేరకు తన అభిప్రాయాలు పంచుకున్నాడు.కష్టాల్లో టీమిండియాకాగా బ్రిస్బేన్‌లోని గబ్బా మైదానంలో జరుగుతున్న మూడో టెస్టులో టీమిండియా కష్టాల్లో కూరుకుపోయింది. తొలి ఇన్నింగ్స్‌లో ఆస్ట్రేలియా 445 పరుగులు చేయగా.. భారత్‌ కనీసం మూడు వందల పరుగుల మార్కును కూడా చేరుకునేలా కనిపించడం లేదు. గాబ్బాలో మంగళవారం నాటి నాలుగో రోజు ఆటలో టీ బ్రేక్‌ సమయానికి రోహిత్‌ సేన ఏడు వికెట్ల నష్టానికి 201 పరుగులు చేసింది. ఇక ఈ సిరీస్‌లో పెర్త్‌లో టీమిండియా, అడిలైడ్‌లో ఆసీస్‌ గెలిచి ప్రస్తుతానికి 1-1తో సమంగా ఉన్నాయి.చదవండి: కెప్టెన్‌గా రింకూ సింగ్‌

బోర్డర్‌- గావస్కర్‌ ట్రోఫీలో భాగంగా ఆస్ట్రేలియాతో మూడో టెస్టుకు టీమిండియా సిద్ధమవుతోంది. బ్రిస్బేన్‌ వేదికగా ఇరుజట్ల మధ్య శనివారం ఈ మ్యాచ్‌ ఆరంభం కానుంది. ఈ నేపథ్యంలో భారత స్టార్‌ బ్యాటర్‌ శుబ్‌మన్‌ గిల్‌ చేసిన వ్యాఖ్యలు నెట్టింట వైరల్‌ అవుతున్నాయి.చెరో గెలుపుతో సమంగాకాగా ఐదు మ్యాచ్‌ల సిరీస్‌లో భాగంగా పెర్త్‌లో జరిగిన తొలి టెస్టులో టీమిండియా 295 పరుగుల భారీ తేడాతో గెలిచిన విషయం తెలిసిందే. ఇందుకు ధీటుగా బదులిచ్చిన కంగారూ జట్టు అడిలైడ్‌లో భారత్‌ను పది వికెట్ల తేడాతో ఓడించింది. ఇ‍క ఈ పింక్‌ బాల్‌ మ్యాచ్‌లో తాము షార్ట్‌ బాల్స్‌తో టీమిండియాను కట్టడి చేశామని ఆసీస్‌ కెప్టెన్‌ ప్యాట్‌ కమిన్స్‌ పేర్కొన్నాడు.అవునా.. నాకైతే తెలియదే!అడిలైడ్‌ ఓవల్‌ మైదానంలో షార్ట్‌ బాల్‌ వ్యూహాన్ని పక్కాగా అమలు చేసి.. టీమిండియా బ్యాటర్ల పనిపట్టామని కమిన్స్‌ పేర్కొన్నాడు. ఈ విషయాన్ని శుబ్‌మన్‌ గిల్‌ దగ్గర విలేకరులు ప్రస్తావించగా.. ‘‘అవునా.. నాకైతే తెలియదే!.. షార్ట్‌ బాల్‌తో బహుశా వాళ్లు ఒక టెయిలెండర్‌ను లేదంటే లోయర్‌ ఆర్డర్‌ బ్యాటర్‌ను మాత్రమే అవుట్‌ చేశారు.కానీ.. అతడు ఏ షార్ట్‌బాల్‌ను ఉపయోగించి విజయం సాధించామని చెప్తున్నాడో నాకైతే తెలియదు’’ అంటూ కమిన్స్‌కు గట్టి కౌంటర్‌ ఇచ్చాడు. కాగా గాయం వల్ల పెర్త్‌ టెస్టుకు దూరమైన గిల్‌.. అడిలైడ్‌లో పింక్‌ బాల్‌ మ్యాచ్‌కు అందుబాటులోకి వచ్చాడు.ఇక రెండో టెస్టు తొలి ఇన్నింగ్స్‌లో 31 పరుగులు చేసిన శుబ్‌మన్‌ గిల్‌ స్కాట్‌ బోలాండ్‌ బౌలింగ్‌లో బౌల్డ్‌ అయ్యాడు. రెండో ఇన్నింగ్స్‌లో 28 పరుగుల వ్యక్తిగత స్కోరు వద్ద ఉండగా మిచెల్‌ స్టార్క్‌ గిల్‌ను బౌల్డ్‌ చేశాడు. ఇక మూడో టెస్టు జరుగనున్న బ్రిస్బేన్‌ స్టేడియంతో ఈ కుడిచేతి వాటం బ్యాటర్‌కు మధురానుభవం ఉంది.నాడు 91 పరుగులతో చెలరేగిన గిల్‌2021 నాటి టెస్టులో గిల్‌ 91 పరుగులు చేసిన గిల్‌.. టీమిండియా విజయంలో కీలక పాత్ర పోషించాడు. ఈసారి కూడా గతంలో మాదిరి ప్రదర్శనను పునరావృతం చేయాలని పట్టుదలగా ఉన్నాడు. మూడో టెస్టునే ఫైనల్‌ మ్యాచ్‌గా భావించి బరిలోకి దిగుతామన్న గిల్‌.. గాబాలో గెలిస్తే.. మెల్‌బోర్న్‌, సిడ్నీ టెస్టుల్లో మరింత ఆత్మవిశ్వాసంతో ఆడగలమని పేర్కొన్నాడు. కాగా మూడో టెస్టు కోసం ఇప్పటికే బ్రిస్బేన్‌ చేరుకున్న టీమిండియా ప్రాక్టీస్‌ సెషన్లలో తీవ్రంగా శ్రమించింది.చదవండి: IND vs AUS: మూడో టెస్టుకు ఆసీస్ తుది జ‌ట్టు ప్ర‌క‌ట‌న‌.. వికెట్ల వీరుడు వ‌చ్చేశాడుShots fired already? 👀While @patcummins30 claims Australia have succeeded in their short ball ploy, look what @ShubmanGill has to say about it! 😁😅1️⃣ DAY TO GO for #AUSvINDOnStar 3rd Test 👉 SAT 14 DEC, 5.20 AM onwards! #ToughestRivalry pic.twitter.com/vS55v5Qgwz— Star Sports (@StarSportsIndia) December 13, 2024

టీమిండియా- ఆస్ట్రేలియా మధ్య రెండో టెస్టు నేపథ్యంలో భారత మాజీ స్పిన్నర్‌ హర్భజన్‌ సింగ్‌ కీలక వ్యాఖ్యలు చేశాడు. స్టార్‌ బ్యాటర్‌ శుబ్‌మన్‌ గిల్‌ను మరికొన్నాళ్లపాటు బెంచ్‌కే పరిమితం చేయాలని భారత జట్టు యాజమాన్యానికి సూచించాడు. యువ ఆటగాడు ధ్రువ్‌ జురెల్‌కు మరొక్క అవకాశం ఇవ్వాలని బీసీసీఐకి విజ్ఞప్తి చేశాడు.గాయం వల్ల జట్టుకు దూరంకాగా బోర్డర్‌- గావస్కర్‌ ట్రోఫీలో భాగంగా భారత్‌ ఆస్ట్రేలియాతో ఐదు టెస్టులు ఆడుతోంది. ఈ క్రమంలో పెర్త్‌లో జరిగిన తొలి మ్యాచ్‌కు రెగ్యులర్‌ కెప్టెన్‌ రోహిత్‌ శర్మ వ్యక్తిగత కారణాల వల్ల దూరంగా ఉండగా.. టెస్టుల్లో వన్‌డౌన్‌లో ఆడుతున్న గిల్‌ గాయం వల్ల జట్టుకు దూరమయ్యాడు.రిషభ్‌ పంత్‌ ఉన్నప్పటికీఈ నేపథ్యంలో రోహిత్‌ గైర్హాజరీలో యశస్వి జైస్వాల్‌తో కలిసి కేఎల్‌ రాహుల్‌ భారత ఇన్నింగ్స్‌ ఆరంభించాడు. మరోవైపు.. గిల్‌ లేకపోవడంతో.. రిషభ్‌ పంత్‌ ఉన్నప్పటికీ మరో వికెట్‌ కీపర్‌ ధ్రువ్‌ జురెల్‌కు తుదిజట్టులో చోటు దక్కింది. అయితే, రెండో టెస్టుకు రోహిత్‌ శర్మ, గిల్‌ అందుబాటులోకి రావడంతో ఎవరిపై వేటు పడుతుందనే చర్చ నడుస్తోంది.ఈ నేపథ్యంలో భారత దిగ్గజ స్పిన్నర్‌ హర్భజన్‌ సింగ్‌ ఇండియా టుడేతో మాట్లాడాడు. ‘‘కేఎల్‌ రాహుల్‌- యశస్వి జైస్వాల్‌లను ఓపెనింగ్‌ జోడీగా కొనసాగించాలి. కెప్టెన్‌ రోహిత్‌ శర్మ కోసం శుబ్‌మన్‌ గిల్‌ తన మూడోస్థానాన్ని త్యాగం చేయాల్సి ఉంటుంది. ఇక విరాట్‌ కోహ్లి నాలుగో స్థానంలో రాగా.. మిగతా స్థానాల్లో యథావిధిగా అందరూ కొనసాగాలి.గిల్‌ను బెంచ్‌కే పరిమితం చేయండి.. అతడికి మరొక్క ఛాన్స్‌ ఇవ్వాలిగిల్‌ మరికొన్నాళ్లు వేచి చూడాలి. నిజానికి జురెల్‌కు తొలి టెస్టులో అవకాశం ఇచ్చారు. కానీ అతడు పరుగులేమీ రాబట్టలేకపోయాడు. కాబట్టి అతడిని బెంచ్‌కే పరిమితం చేసే అవకాశం ఉంటుంది. అయినప్పటికీ.. గిల్‌ను ఓపెనింగ్‌ నుంచి ఐదో స్థానం వరకు ఎక్కడా ఆడించలేము కదా!ఇలాంటి క్లిష్ట పరిస్థితులు ఎదురవడం మంచిదే. బెంచ్‌ ఎంత పటిష్టంగా ఉందో తెలియజేస్తుంది. మేనేజ్‌మెంట్‌ గిల్‌ వైపు మొగ్గు చూపి జురెల్‌ను తప్పించవచ్చు. అయితే, నా అభిప్రాయం ప్రకారం జురెల్‌కు మరొక్క అవకాశం ఇవ్వాలి’’ అని భజ్జీ పేర్కొన్నాడు. ప్రాక్టీస్‌ మ్యాచ్‌లో గిల్‌ ఫిఫ్టీకాగా ఆసీస్‌-‘ఎ’ జట్టుతో రాణించిన జురెల్‌.. తొలి టెస్టులో మాత్రం నిరాశపరిచారడు. తొలి టెస్టులో రెండు ఇన్నింగ్స్‌లో వరుసగా 11, 1 పరుగులు చేశాడు. మరోవైపు.. ప్రైమ్‌ మినిస్టర్స్‌ ఎలెవన్‌తో పింక్‌ బాల్‌తో ప్రాక్టీస్‌ మ్యాచ్‌లో గిల్‌ ఫిఫ్టీ(రిటైర్డ్‌ హర్ట్‌) సాధించాడు.ఇక భారత్‌- ఆసీస్‌ మధ్య అడిలైడ్‌ వేదికగా డిసెంబరు 6 నుంచి రెండో టెస్టు జరుగనుంది. దీనిని పింక్‌ బాల్‌తో నిర్వహించనున్నారు. ఇక పెర్త్‌లో జరిగిన తొలి టెస్టులో ప్రధాన పేసర్‌ జస్‌ప్రీత్‌ బుమ్రా కెప్టెన్సీలో టీమిండియా అదరగొట్టింది. ఆస్ట్రేలియాను ఏకంగా 295 పరుగుల తేడాతో చిత్తుగా ఓడించి సిరీస్‌లో 1-0తో ఆధిక్యంలో నిలిచింది. చదవండి: ప్రపంచంలోనే బెస్ట్‌ బౌలర్‌ బుమ్రా.. నా మనుమలకూ చెబుతా: సన్‌రైజర్స్‌ విధ్వంసకర వీరుడు

ఆడిలైడ్ వేదిక‌గా ఆస్ట్రేలియాతో ప్రారంభం కానున్న రెండో టెస్టుకు ముందు టీమిండియాకు ఓ గుడ్‌న్యూస్ అందిన‌ట్లు తెలుస్తోంది. చేతి వేలి గాయం కార‌ణంగా తొలి టెస్టుకు దూర‌మైన టీమిండియా యువ ఆట‌గాడు శుబ్‌మ‌న్ గిల్ తిరిగి ఫిట్‌నెస్ సాధించిన‌ట్లు స‌మాచారం.శుక్ర‌వారం(నవంబ‌ర్ 29) మొద‌టిసారి గిల్ బ్యాటింగ్‌ ప్రాక్టీస్ చేయ‌నున్న‌ట్లు ప‌లు రిపోర్ట్‌లు పేర్కొంటున్నాయి. ఒక‌వేళ ప్రాక్టీస్‌లో అత‌డికి ఎటువంటి స‌మ‌స్య‌లు త‌లెత్త‌క‌పోతే సెకెండ్ టెస్టుకు జ‌ట్టు సెల‌క్ష‌న్‌కు అందుబాటులో ఉండ‌నున్న‌ట్లు వార్త‌లు వినిపిస్తున్నాయి.ఈ పింక్ బాల్ టెస్టుకు ముందు భార‌త జ‌ట్టు ప్రైమ్ మినిస్టర్స్ ఎలెవ‌న్‌తో రెండు రోజుల ప్రాక్టీస్ మ్యాచ్ ఆడ‌నుంది. ఈ మ్యాచ్‌లో గిల్ బ‌రిలోకి దిగ‌నున్న‌ట్లు క్రికెట్ వ‌ర్గాలు వెల్ల‌డించాయి. కాగా తొలి టెస్టుకు ముందు ఇంట్రాస్వ్కాడ్ మ్యాచ్‌లో ఫీల్డింగ్ చేస్తుండ‌గా గిల్ బొట‌న వేలికి గాయ‌మైంది. దీంతో ఆఖ‌రి నిమిషంలో పెర్త్ టెస్టుకు దూర‌మ‌య్యాడు.అత‌డి స్ధానంలో దేవ్‌ద‌త్త్ ప‌డిక్క‌ల్ తుది జ‌ట్టులోకి వ‌చ్చాడు. కానీ అత‌డు త‌న‌కు వ‌చ్చిన అవ‌కాశాన్ని స‌ద్వినియోగ‌ప‌రుచుకోలేక‌పోయాడు. మ‌రోవైపు రెండో టెస్టుకు కెప్టెన్ రోహిత్ శ‌ర్మ కూడా అందుబాటులోకి వ‌చ్చాడు.వీరిద్ద‌రూ జ‌ట్టులోకి వ‌స్తే ప‌డిక్క‌ల్‌, ధ్రువ్ జురెల్ బెంచ్‌కే ప‌రిమితం కానున్నారు. ఇక ఈ రెండో టెస్టు డిసెంబ‌ర్ 6 నుంచి ఆడిలైడ్ వేదిక‌గా మొద‌లు కానుంది. కాగా తొలి టెస్టులో భార‌త్ 295 ప‌రుగుల తేడాతో ఘ‌న విజ‌యం సాధించిన సంగ‌తి తెలిసిందే.ఆస్ట్రేలియాతో టెస్టులకు భారత జట్టురోహిత్ శర్మ(కెప్టెన్‌), జస్ప్రీత్ బుమ్రా (వైస్ కెప్టెన్‌), శుభమన్ గిల్, యశస్వి జైస్వాల్, అభిమన్యు ఈశ్వరన్, దేవదత్ పడిక్కల్, విరాట్ కోహ్లి, కెఎల్ రాహుల్, రిషబ్ పంత్ (వికెట్), సర్ఫరాజ్ ఖాన్, ధ్రువ్ జురెల్ (వికెట్ కీప‌ర్‌), రవిచంద్రన్ అశ్విన్, రవీంద్ర జడేజా, మొహమ్మద్ జడేజా, ఆకాష్ దీప్, ప్రసిద్ధ్ కృష్ణ, హర్షిత్ రానా, నితీష్ కుమార్ రెడ్డి, వాషింగ్టన్ సుందర్చదవండి: వేలంలో ఎవ‌రూ కొన‌లేదు..! రిటైర్మెంట్ ప్రక‌టించిన టీమిండియా క్రికెట‌ర్‌

ఆస్ట్రేలియాతో తొలి టెస్ట్‌కు ముందు టీమిండియా స్టార్‌ బ్యాటర్‌ శుభ్‌మన్‌ గిల్‌ గాయపడిన విషయం తెలిసిందే. ప్రాక్టీస్‌ సందర్భంగా గిల్‌ ఎడమ చేతి బొటన వేలు ప్రాక్చర్‌ అయ్యింది. ఈ కారణంగా అతను పెర్త్‌ టెస్ట్‌కు (తొలి టెస్ట్‌) దూరమయ్యాడు. డాక్టర్లు గిల్‌కు రెండు వారాల విశ్రాంతి అవసరమని చెప్పారు. అయితే తాజాగా అందుతున్న సమాచారం ప్రకారం గిల్‌ రెండో టెస్ట్‌కు కూడా దూరం అవుతాడని తెలుస్తుంది. గిల్‌ గాయం నుంచి పూర్తిగా కోలుకున్నా రెండో టెస్ట్‌కు తగినంత ప్రాక్టీస్‌ అవసరమని టీమిండియా మేనేజ్‌మెంట్‌ భావిస్తుందట. అందుకు అతన్ని పరిగణలోకి తీసుకోవడం​ లేదని సమాచారం. గిల్‌ రెండో టెస్ట్‌కు ముందు జరిగే రెండు రోజుల ప్రాక్టీస్‌ మ్యాచ్‌లో కూడా పాల్గొనడని తెలుస్తుంది. పింక్‌ బాల్‌తో జరిగే ఈ ప్రాక్టీస్‌ మ్యాచ్‌ నవంబర్‌ 30, డిసెంబర్‌ 1 తేదీల్లో జరుగనుంది. ఒకవేళ రెండో టెస్ట్‌కు గిల్‌ దూరమైతే తొలి టెస్ట్‌లో ఓపెనింగ్‌ చేసిన కేఎల్‌ రాహుల్‌ వన్‌ డౌన్‌లో బరిలోకి దిగుతాడు. తొలి టెస్ట్‌లో దారుణంగా విఫలమైన దేవ్‌దత్‌ పడిక్కల్‌ జట్టు నుంచి తప్పించబడతాడు. టీమిండియా రెగ్యులర్‌ కెప్టెన్‌ రోహిత్‌ శర్మ రెండో టెస్ట్‌లో యశస్వి జైస్వాల్‌తో కలిసి ఓపెనర్‌గా బరిలోకి దిగుతాడు.గిల్‌ అందుబాటులోకి వస్తే..గిల్‌ గాయం నుంచి కోలుకునే సమయం డిసెంబర్‌ 1తో ముగుస్తుంది. ఒకవేళ టీమిండియా మేనేజ్‌మెంట్‌ ఎలాంటి ప్రాక్టీస్‌ లేకపోయినా గిల్‌ను బరిలోకి దించాలని భావిస్తే, రెండో టెస్ట్‌లో అతను పడిక్కల్‌ స్థానంలో వన్‌డౌన్‌లో బరిలోకి దిగుతాడు. యశస్వికి జతగా రోహిత్‌ అందుబాటులో ఉంటాడు కాబట్టి రాహుల్‌ మిడిలార్డర్‌లో బ్యాటింగ్‌కు దిగుతాడు. గిల్‌ రెండో టెస్ట్‌లో బరిలో​​కి దిగితే అడిలైడ్‌ ఓవల్‌ మైదానంలో అతనికి మొదటి టెస్ట్‌ అవుతుంది. గిల్‌ గత పర్యటనలో మెల్‌బోర్న్‌, సిడ్నీ, బ్రిస్బేన్‌లలో టెస్ట్‌ మ్యాచ్‌లు ఆడాడు. అడిలైడ్‌ వేదికగా జరిగే రెండో టెస్ట్‌ పింక్‌ బాల్‌తో జరుగనున్న విషయం తెలిసిందే.తొలి టెస్ట్‌లో టీమిండియా ఘన విజయంబోర్డర్‌ గవాస్కర్‌ ట్రోఫీలో భాగంగా పెర్త్‌ వేదికగా జరిగిన తొలి టెస్ట్‌లో టీమిండియా ఘన విజయం సాధించింది. ఈ మ్యాచ్‌లో టీమిండియా 295 పరుగుల భారీ తేడాతో ఆసీస్‌ను చిత్తు చేసింది. తొలి ఇన్నింగ్స్‌లో 150 పరుగులకే పరిమితమైన భారత్‌.. రెండో ఇన్నింగ్స్‌లో అనూహ్యంగా పుంజుకుని ఆసీస్‌ ముందు భారీ లక్ష్యాన్ని ఉంచింది. తొలి ఇన్నింగ్స్‌లో సత్తా చాటిన టీమిండియా బౌలర్లు రెండో ఇన్నింగ్స్‌లోనూ సమిష్టిగా రాణించి ఆసీస్‌ను గెలుపు దరిదాపుల్లోకి కూడా చేరనివ్వలేదు. ఈ మ్యాచ్‌ బుమ్రా 8 వికెట్లు పడగొట్టగా.. సెకెండ్‌ ఇన్నింగ్స్‌లో యశస్వి జైస్వాల్‌, విరాట్‌ కోహ్లి సూపర్‌ సెంచరీలతో మెరిశారు.

ప్రాక్టీస్‌ మ్యాచ్‌ సందర్భంగా గాయపడ్డ యువ ఆటగాడు శుబ్‌మన్‌ గిల్‌ రోజురోజుకు మెరుగు అవుతున్నాడని టీమిండియా బౌలింగ్‌ కోచ్‌ మోర్నీ మోర్కెల్‌ తెలిపాడు. పెర్త్‌ టెస్టుకు అతడు అందుబాటులోకి వచ్చే అవకాశం ఉందంటూ అభిమానులకు శుభవార్త అందించాడు.​కాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టులు ఆడనుంది. శుక్రవారం నుంచి ఈ మెగా సిరీస్‌ మొదలుకానుంది. ఇందుకోసం ఇప్పటికే ఆసీస్‌కు చేరుకున్న భారత జట్టు ప్రాక్టీస్‌లో బిజీబిజీగా గడుపుతోంది.ఈ క్రమంలో ఫీల్డింగ్‌ చేస్తున్న సమయంలో గిల్‌ ఎడమ బొటన వేలికి గాయం అయింది. అయితే, బౌలింగ్‌ కోచ్‌ మోర్కెల్‌ అందించిన సమాచారం ప్రకారం.. గిల్‌ వేగంగా కోలుకుంటున్నట్లు తెలుస్తోంది. బలహీనంగా టాపార్డర్‌ఇదిలా ఉంటే.. ఇప్పటికే వ్యక్తిగత కారణాల వల్ల రెగ్యులర్‌ కెప్టెన్‌ రోహిత్‌ శర్మ ఆస్ట్రేలియాతో తొలి టెస్టుకు దూరం కావడంతో... టాపార్డర్‌ కాస్త బలహీనంగా కనిపిస్తోంది. ఇలాంటి సమయంలో గిల్‌ కూడా మ్యాచ్‌ ఆడకపోతే జట్టుకు ఇబ్బందులు తప్పకపోవచ్చు.మ్యాచ్‌ ప్రారంభానికి ముందుఈ నేపథ్యంలో చివరి వరకు వేచి చూసే ధోరణి అవలభించాలని టీమ్‌ మేనేజ్‌మెంట్‌ భావిస్తోంది. మ్యాచ్‌ రోజు వరకు గిల్‌ ఫిట్‌నెస్‌ సాధించాలని కోరుకుంటోంది. ఈ నేపథ్యంలో బుధవారం మీడియా సమావేశంలో పాల్గొన్న ‘గిల్‌ రోజు రోజుకు మెరుగవుతున్నాడు. టెస్టు మ్యాచ్‌ ప్రారంభానికి ముందు అతడిపై నిర్ణయం తీసుకుంటాం’ అని పేర్కొన్నాడు.ఇక రోహిత్‌ శర్మ గైర్హాజరీలో కెప్టెన్సీ చేయబోతున్న బుమ్రా గురించి మోర్కెల్‌ మాట్లాడుతూ.. ‘ఆస్ట్రేలియా పిచ్‌లపై బుమ్రాకు మంచి అనుభవం ఉంది. నాయకత్వ బృందంలో బుమ్రా కూడా భాగం. అతడు గతంలో ఇక్కడ చాలా మంచి ప్రదర్శనలు చేశాడు. జట్టును ముందుండి నడిపించడాన్ని ఇష్టపడే బౌలర్‌ అతడు. మిగిలిన వాళ్లు అతడిని అనుసరిస్తారు’ అని తెలిపాడు.ఒత్తిడిని దరిచేరనివ్వం... ఇక స్వదేశంలో న్యూజిలాండ్‌ చేతిలో 0–3తో టెస్టు సిరీస్‌ కోల్పోయిన నేపథ్యంలో భారత జట్టు ఒత్తిడిలో ఉందని అంతా అనుకుంటున్నారని... అయితే దాన్ని మార్చి వేసుకునేందుకు ఆస్ట్రేలియా పర్యటనకు మించింది లేదని మోర్కెల్‌ అన్నాడు. ప్రపంచ క్రికెట్‌లో ఆస్ట్రేలియాలో రాణిస్తే వచ్చే పేరు ప్రఖ్యాతులు వేరని పేర్కొన్నాడు. ‘ప్రతి ఒక్కరు ఒత్తిడిని ఎలా ఎదుర్కొంటారు అని అడుగుతున్నారు. మా వరకు దాన్ని పక్కన పెట్టేసి మెరుగైన ప్రదర్శనపైనే దృష్టి పెట్టాం’ అని మోర్కెల్‌ అన్నాడు. చదవండి: సంజూ శాంసన్‌ తండ్రి క్షమాపణ చెప్పాల్సిందే.. లేదంటే!

ప్రతిష్టాత్మక ‘బోర్డర్‌–గావస్కర్‌’(బీజీటీ) సిరీస్‌కు ముందు టీమిండియాకు శుభవార్త. ప్రాక్టీస్‌ మ్యాచ్‌లో గాయపడ్డ మిడిలార్డర్‌ బ్యాటర్‌ కేఎల్‌ రాహుల్‌ కోలుకున్నాడు. తిరిగి మైదానంలో అడుగుపెట్టి భారత బౌలర్లను సమర్థవంతంగా ఎదుర్కొన్నాడు. పేసర్లు జస్‌ప్రీత్‌ బుమ్రా, మహ్మద్‌ సిరాజ్‌లతో పాటు మిగతా ఆటగాళ్ల బౌలింగ్‌లో దాదాపు గంటసేపు క్రీజులో నిలబడినట్లు సమాచారం.నెట్స్‌లోనూఅనంతరం.. కేఎల్‌ రాహుల్‌ నెట్స్‌లోనూ తీవ్రంగా చెమటోడ్చాడు. కొత్త, పాత బంతులతో సైడ్‌ ఆర్మ్‌ త్రోయర్స్‌ బౌలింగ్‌ చేస్తుండగా.. రాహుల్‌ బ్యాటింగ్‌ ప్రాక్టీస్‌ చేశాడు. కాగా బీజీటీలో భాగంగా టీమిండియా ఆస్ట్రేలియాతో ఐదు మ్యాచ్‌ల టెస్టు సిరీస్‌ ఆడనున్న విషయం తెలిసిందే. ఈ క్రమంలో ఇరుజట్ల మధ్య పెర్త్‌ వేదికగా నవంబరు 22న తొలి టెస్టు ఆరంభం కానుంది.ఇందుకోసం.. భారత జట్టు పూర్తి స్థాయిలో సన్నద్ధమవుతోంది. ఆసీస్‌తో సిరీస్‌ సన్నాహకాల్లో భాగంగా ఇండియా-‘ఎ’ జట్టుతో కలిసి మూడు రోజుల ప్రాక్టీస్‌ మ్యాచ్‌ ఆడుతోంది. శుక్రవారం మొదలైన ఈ మ్యాచ్‌లో కేఎల్‌ రాహుల్‌ మోచేతికి గాయమైంది. దీంతో ఒకరోజు మొత్తం ప్రాక్టీస్‌కు దూరంగా ఉన్న ఈ సీనియర్‌ బ్యాటర్‌.. ఆదివారం తిరిగి మైదానంలో అడుగుపెట్టాడు.శుబ్‌మన్‌ గిల్‌కు గాయంఇదిలా ఉంటే.. టీమిండియా మరో స్టార్‌ క్రికెటర్‌ శుబ్‌మన్‌ గిల్‌ గాయపడిన విషయం తెలిసిందే. టెస్టు మ్యాచ్‌ను పోలిన పరిస్థితుల మధ్య (సిమ్యులేషన్‌) ‘వాకా’ మైదానంలో ప్రాక్టీస్‌ మ్యాచ్‌లో ఫీల్డింగ్‌ చేస్తుండగా... బంతిని ఆపే క్రమంలో గిల్‌ ఎడమ బొటన వేలికి తీవ్రగాయమైంది. బాధతో విలవిల్లాడి గిల్‌ వెంటనే గ్రౌండ్‌ను వీడాడు.పరీక్షల అనంతరం గిల్‌ వేలు ఫ్యాక్చర్‌ అయినట్లు బీసీసీఐ వర్గాలు తెలిపాయి. తొలి టెస్టుకు గిల్‌ అందుబాటులో ఉండటం అనుమానంగా మారింది. సాధారణంగా ఇలాంటి గాయాల నుంచి కోలుకునేందుకు కనీసం రెండు వారాల సమయం అవసరం కావడంతో... గిల్‌ తొలి మ్యాచ్‌ ఆడటం దాదాపు అసాధ్యమే. అయితే తొలి టెస్టుకు రెండో టెస్టుకు మధ్య వ్యవధి ఎక్కువ ఉండటంతో అడిలైడ్‌ వేదికగా డిసెంబర్‌ 6 నుంచి ప్రారంభం కానున్న రెండో మ్యాచ్‌ వరకు అతడు కోలుకోవచ్చని టీమ్‌ మేనేజ్‌మెంట్‌ అంచనా వేస్తోంది. గత ఆసీస్‌ పర్యటనలో మెరుగైన ప్రదర్శన కనబర్చిన గిల్‌... ‘బోర్డర్‌–గావస్కర్‌’ ట్రోఫీని నిలబెట్టుకోవడంలో కీలకపాత్ర పోషించాడు. టాపార్డర్‌ బలహీనం! టీమిండియా కెప్టెన్‌ రోహిత్‌ శర్మ ఆస్ట్రేలియాతో తొలి టెస్టుకు దూరమవుతాడనే వార్తలు వస్తున్న నేపథ్యంలో... గిల్‌ కూడా అందుబాటులో లేకపోతే భారత టాపార్డర్‌ బలహీనపడే అవకాశాలున్నాయి. రోహిత్‌ శర్మ భార్య శుక్రవారం పండంటి బాబుకు జన్మనివ్వగా... టెస్టు సిరీస్‌ ప్రారంభానికి ఇంకా గడువు ఉండటంతో అతడు జట్టుతో చేరితే ఓపెనింగ్‌ విషయంలో ఎలాంటి సమస్య ఉండదు.లేదంటే ఇప్పటి వరకు అంతర్జాతీయ అరంగేట్రం చేయని అభిమన్యు ఈశ్వరన్‌ ఇన్నింగ్స్‌ ఆరంభిస్తాడు. ఇలాంటి తరుణంలో కేఎల్‌ రాహుల్‌ కోలుకోవడం నిజంగా టీమిండియాకు సానుకూలాంశం. ఇక ఆదివారంతో ప్రాక్టీస్‌ మ్యాచ్‌ ముగియనుండగా... మంగళవారం నుంచి మూడు రోజుల పాటు భారత జట్టు ప్రాక్టీస్‌ సెషన్స్‌లో పాల్గొననుంది.మరోవైపు గాయం నుంచి కోలుకొని రంజీ ట్రోఫీలో సత్తా చాటిన మహ్మద్‌ షమీ... ఆసీస్‌తో రెండో టెస్టుకు ముందు జట్టులో చేరే చాన్స్‌ ఉంది. రంజీ ట్రోఫీలో మధ్యప్రదేశ్‌తో మ్యాచ్‌లో బెంగాల్‌ తరఫున బరిలోకి దిగిన షమీ 43.2 ఓవర్ల పాటు బౌలింగ్‌ చేసి 7 వికెట్లు పడగొట్టడంతో పాటు 37 పరుగులు చేసి ఆకట్టుకున్నాడు. చదవండి: నాకు కాదు.. వాళ్లకు థాంక్యూ చెప్పు: తిలక్‌ వర్మతో సూర్య

ఆసీస్‌తో తొలి టెస్ట్‌కు (బోర్డర్‌ గవాస్కర్‌ ట్రోఫీ) ముందు టీమిండియాకు భారీ షాక్‌ తగిలింది. ఇండియా-ఏతో ప్రాక్టీస్‌ మ్యాచ్‌ సందర్భంగా స్టార్‌ ఆటగాడు శుభ్‌మన్‌ గిల్‌ గాయపడ్డాడు. గిల్‌ స్లిప్‌లో ఫీల్డింగ్‌ చేస్తూ చేతి వేలిని గాయపర్చుకున్నాడు. గాయం తీవ్రతపై అధికారిక సమాచారం రావాల్సి ఉంది. మెడికల్‌ టీమ్‌ గిల్‌కు తగిలిన గాయాన్ని దగ్గరి నుంచి పర్యవేక్షిస్తున్నట్లు తెలుస్తుంది. గిల్‌ గాయం నేపథ్యంలో అతను తొలి టెస్ట్‌ ఆడేది లేదన్నది సందిగ్దంలో పడింది.కాగా, గిల్‌ గాయానికి ముందు టీమిండియా ఆటగాళ్లు కేఎల్‌ రాహుల్‌, విరాట్‌ కోహ్లి, సర్ఫరాజ్‌ ఖాన్‌ కూడా ప్రాక్టీస్‌ సందర్భంగా గాయపడ్డారు. ఈ ముగ్గురిలో రాహుల్‌ గాయం కాస్త తీవ్రమైందిగా తెలుస్తుంది. విరాట్‌ తనకు తగిలిన స్వల్ప గాయం నుంచి పూర్తిగా కోలుకుని ప్రాక్టీస్‌ మ్యాచ్‌లో చురుకుగా పాల్గొన్నాడు. సర్ఫరాజ్‌ సైతం మోచేతి గాయం నుంచి పూర్తిగా కోలుకున్నాడని తెలుస్తుంది. శుభ్‌మన్‌ గిల్‌ గాయమే ప్రస్తుతం టీమిండియా మేనేజ్‌మెంట్‌కు ఆందోళన కలిగిస్తుంది.ఇదిలా ఉంటే, తొలి టెస్ట్‌లో కెప్టెన్‌ రోహిత్‌ శర్మ గైర్హాజరీలో కేఎల్‌ రాహుల్‌ భారత ఇన్నింగ్స్‌ను (యశస్వి జైస్వాల్‌తో కలిసి) ప్రారంభిస్తాడని తెలుస్తుంది. శుభ్‌మన్‌ గిల్‌ పూర్తి ఫిట్‌నెస్‌ సాధిస్తే వన్‌డౌన్‌లో వస్తాడు. ఆతర్వాత విరాట్‌ కోహ్లి, రిషబ్‌ పంత్‌ బ్యాటింగ్‌కు దిగుతారు. ధృవ్‌ జురెల్‌, సర్ఫరాజ్‌ ఖాన్‌లలో ఎవరో ఒకరికి తుది జట్టులో చోటు దక్కవచ్చు. ఆల్‌రౌండర్‌ కోటాలో రవీంద్ర జడేజా బరిలో ఉంటాడు. అశ్విన్‌ స్థానంలో నితీశ్‌ కుమార్‌ రెడ్డి టెస్ట్‌ అరంగేట్రం చేయడం ఖాయమని తెలుస్తుంది. స్పెషలిస్ట్‌ పేసర్లుగా బుమ్రా, సిరాజ్‌, ఆకాశ్‌దీప్‌ బరిలోకి దిగడం దాదాపుగా ఖయమైపోయింది. తొలి టెస్ట్‌ పెర్త్‌ వేదికగా నవంబర్‌ 22 నుంచి ప్రారంభంకానున్న విషయం తెలిసిందే.

టెస్టు సిరీస్‌ ఆడేందుకు టీమిండియా ఆస్ట్రేలియా పర్యటనకు వెళ్లనుంది. నవంబరు 22 నుంచి బోర్డర్‌- గావస్కర్‌ ట్రోఫీలో భాగంగా ఆసీస్‌తో మ్యాచ్‌లు ఆడనుంది. వీటిలో కనీసం నాలుగు గెలిస్తేనే రోహిత్‌ సేన ప్రపంచ టెస్టు చాంపియన్‌షిప్‌ 2023-25 ఫైనల్‌కు చేరే అవకాశం ఉంటుంది.ఇదే తొలిసారి..కాగా ఇటీవలే సొంతగడ్డపై టీమిండియాకు ఘోర పరాభవం ఎదురైన విషయం తెలిసిందే. న్యూజిలాండ్‌తో ఆడిన మూడు టెస్టుల్లో ఓడి 0-3తో క్లీన్‌స్వీప్‌నకు గురైంది. స్వదేశంలో భారత జట్టు ఇలా మూడు మ్యాచ్‌ల టెస్టు సిరీస్‌లో అన్ని మ్యాచ్‌లలో ఓడిపోవడం ఇదే తొలిసారి.ఈ నేపథ్యంలో రోహిత్‌ సేన ఆట తీరుపై విమర్శలు వెల్లువెత్తుతున్నాయి. సొంతగడ్డపైనే రాణించలేనివాళ్లు.. ఆసీస్‌ పిచ్‌లపై ఆడటం కష్టమేననే అభిప్రాయాలు వ్యక్తమవుతున్నాయి. ఈ క్రమంలో పాకిస్తాన్‌ మాజీ స్పిన్నర్‌ డానిష్‌ కనేరియా ఆసక్తికర వ్యాఖ్యలు చేశాడు.రోహిత్‌ ఓపెనర్‌గా వద్దుఆస్ట్రేలియాతో టెస్టుల్లో కెప్టెన్‌ రోహిత్‌ శర్మ ఓపెనర్‌గా కాకుండా వన్‌డౌన్‌లో బరిలోకి దిగాలని సూచించాడు. కివీస్‌తో సిరీస్‌లో పేసర్‌ టిమ్‌ సౌతీని ఎదుర్కొనేందుకు రోహిత్‌ ఇబ్బందిపడ్డాడన్న కనేరియా.. ఆస్ట్రేలియాలో బంతి మరింత స్వింగ్‌ అవుతుంది కాబట్టి.. వన్‌డౌన్‌లో వస్తే బాగుంటుందని అభిప్రాయపడ్డాడు.ఈ మేరకు టైమ్స్‌ ఆఫ్‌ ఇండియాతో మాట్లాడుతూ.. ‘‘ఇండియలో సౌతీ బౌలింగ్‌లో ఆడేందుకు రోహిత్‌ ఇబ్బందిపడ్డాడు. రెండుసార్లు అతడి బౌలింగ్‌లోనే అవుటయ్యాడు. కాబట్టి అతడి బ్యాటింగ్‌ ఆర్డర్‌ మారిస్తే బాగుంటుంది.జైస్వాల్‌కు జోడీగా అతడు రావాలిటాపార్డర్‌లో యశస్వి జైస్వాల్‌తో కలిసి శుబ్‌మన్‌ గిల్‌ ఓపెనర్‌గా రావాలి. రోహిత్‌ వన్‌డౌన్‌లో, కోహ్లి నాలుగో స్థానంలో బ్యాటింగ్‌ చేయాలి. బ్యాటింగ్‌ లైనప్‌ విషయంలో గౌతం గంభీర్‌ తప్పక మార్పులు చేయాలి. రవిచంద్రన్‌ అశ్విన్‌, రవీంద్ర జడేజా కూడా బ్యాట్‌తో వీలైనంత ఎక్కువగా రాణిస్తేనే ఫలితం ఉంటుంది’’ అని డానిష్‌ కనేరియా పేర్కొన్నాడు. కాగా ఆసీస్‌- టీమిండియా మధ్య నవంబరు 22 నుంచి జనవరి 3 వరకు మూడు టెస్టుల నిర్వహణకు షెడ్యూల్‌ ఖరారైంది.చదవండి: BCCI- Pant: ప్రపంచంలోనే సంపన్న బోర్డు.. మరి ఆ టెక్నాలజీ ఎందుకు వాడదంటే?

న్యూజిలాండ్‌ స్పిన్నర్‌ అజాజ్‌ పటేల్‌ సరికొత్త చరిత్ర సృష్టించాడు. భారత్‌లో ఒకే వేదికపై అత్యధిక వికెట్లు తీసిన రెండో బౌలర్‌గా రికార్డు సాధించాడు. ఈ ఘనత సాధించిన తొలి కివీస్‌ క్రికెటర్‌ కూడా అతడే! అంతేకాదు.. మాతృదేశంలో.. విదేశీ జట్టుకు ఆడుతూ ఈ ఫీట్‌ నమోదు చేసిన అరుదైన రికార్డునూ అజాజ్‌ పటేల్‌ సొంతం చేసుకున్నాడు.కాగా ముంబైలో జన్మించాడు అజాజ్‌ పటేల్‌. ఆ తర్వాత అతడి కుటుంబం న్యూజిలాండ్‌కు మకాం మార్చింది. అయితే, బాల్యం నుంచే క్రికెట్‌పై మక్కువ పెంచుకున్న అజాజ్‌ అంచెలంచెలుగా ఎదిగి కివీస్‌ ప్రధాన స్పిన్నర్లలో ఒకడిగా మారాడు. ఈ క్రమంలో 2021లో టీమిండియా- న్యూజిలాండ్‌ మధ్య జరిగిన టెస్టు సిరీస్‌తో ఒక్కసారిగా అతడు భారత్‌లో ఫేమస్‌ అయ్యాడు.నాడు 10 వికెట్ల హాల్‌ముంబైలోని వాంఖడే స్టేడియంలో నాడు టీమిండియాతో జరిగిన రెండో టెస్టులో తొలి ఇన్నింగ్స్‌లో ఏకంగా 10 వికెట్లు కూల్చాడు. జన్మనిచ్చిన గడ్డపై ఆకాశమే హద్దుగా చెలరేగి ఈ అరుదైన ఘనత సాధించాడు. ఇక రెండో ఇన్నింగ్స్‌లోనూ నాలుగు వికెట్లు అజాజ్‌ తన ఖాతాలో వేసుకున్నాడు. కానీ తన జట్టును గెలిపించలేకపోయాడు.ఈసారి ఐదేసిన అజాజ్‌ఇక తాజాగా టీమిండియాతో మ్యాచ్‌లో మరోసారి అజాజ్‌ పటేల్‌ అద్భుత ప్రదర్శనతో ఆకట్టుకున్నాడు. ముంబై వేదికగా జరుగుతున్న మూడో టెస్టులో ఐదు వికెట్లతో మెరిశాడు. ఓపెనర్‌ యశస్వి జైస్వాల్‌(30)తో పాటు శుబ్‌మన్‌ గిల్‌(90), మహ్మద్‌ సిరాజ్‌(0), సర్ఫరాజ్‌ ఖాన్‌(0), రవిచంద్రన్‌ అశ్విన్‌(6)ల వికెట్లు తన ఖాతాలో వేసుకున్నాడు.ఈ నేపథ్యంలో భారత్‌ ఒకే వేదికపై అత్యధిక వికెట్లు తీసిన పర్యాటక జట్టు బౌలర్ల జాబితాలో అజాజ్‌ పటేల్‌ చోటు సంపాదించాడు. వాంఖడే స్టేడియంలో ఇప్పటి వరకు అజాజ్‌ 19 వికెట్లు(10+4+5) పడగొట్టాడు.భారత్‌లో ఒకే వేదికపై అత్యధిక వికెట్లు తీసిన పర్యాటక జట్టు బౌలర్లుఇయాన్‌ బోతమ్‌(ఇంగ్లండ్‌)- వాంఖడేలో 22 వికెట్లుఅజాజ్‌ పటేల్‌(న్యూజిలాండ్‌)- వాంఖడేలో 19 వికెట్లురిచీ బెనాడ్‌(ఆస్ట్రేలియా)- ఈడెన్‌ గార్డెన్స్‌లో 18 వికెట్లుకర్ట్‌నీ వాల్ష్‌(వెస్టిండీస్‌)- వాంఖడేలో 17 వికెట్లు.భారత్‌ 263 ఆలౌట్‌ఇక మ్యాచ్‌ విషయానికొస్తే.. టీమిండియా- న్యూజిలాండ్‌ మధ్య శుక్రవారం మొదలైన మూడో టెస్టులో ఇరుజట్ల బౌలర్లు రాణిస్తున్నారు. టాస్‌ గెలిచి తొలుత బ్యాటింగ్‌ చేసిన న్యూజిలాండ్‌ను భారత్‌ 235 పరుగులకు తొలిరోజే ఆలౌట్‌ చేసింది. టీమిండియా స్పిన్నర్లు రవీంద్ర జడేజా ఐదు, వాషింగ్టన్‌ సుందర్‌ నాలుగు, పేసర్‌ ఆకాశ్‌ దీప్‌ ఒక వికెట్‌ దక్కించుకున్నారు. తర్వాత భారత్‌ బ్యాటింగ్‌ చేసింది.ఈ క్రమంలో 86/4 ఓవర్‌నైట్‌ స్కోరుతో రెండో రోజు ఆట మొదలుపెట్టిన టీమిండియా 263 పరుగులకు ఆలౌట్‌ అయింది. కివీస్‌ బౌలర్లలో అజాజ్‌ పటేల్‌ ఐదు వికెట్లు పడగొట్టగా.. గ్లెన్‌ ఫిలిప్స్‌, ఇష్‌ సోధి, మ్యాట్‌ హెన్రీ ఒక్కో వికెట్‌ తమ ఖాతాలో వేసుకున్నారు.చదవండి: విధ్వంసకర ఇన్నింగ్స్‌.. భారత తొలి క్రికెటర్‌గా పంత్‌ రికార్డు

టీమిండియా స్టార్‌ క్రికెటర్‌ రిషభ్‌ పంత్‌ చరిత్ర సృష్టించాడు. న్యూజిలాండ్‌తో టెస్టుల్లో వేగవంతమైన అర్ధ శతకం నమోదు చేసిన భారత బ్యాటర్‌గా రికార్డు సాధించాడు. కాగా రోహిత్‌ సేన స్వదేశంలో కివీస్‌ జట్టుతో టెస్టు సిరీస్‌ ఆడుతోంది.ఇందులో భాగంగా తొలి రెండు టెస్టుల్లో ఓడిన టీమిండియా సిరీస్‌ను 0-2తో కోల్పోయింది. ఈ క్రమంలో శుక్రవారం ముంబై వేదికగా మూడో టెస్టులోనైనా గెలిచి పరువు నిలుపుకోవాలని రోహిత్‌ సేన భావిస్తోంది. వాంఖడే మైదానంలో టాస్‌ ఓడిన భారత్‌ తొలుత బౌలింగ్‌ చేసింది.పాత కథను పునరావృతం చేస్తూతొలిరోజే బౌలర్లు రాణించడంతో కివీస్‌ను 235 పరుగులకు ఆలౌట్‌ చేసింది. అయితే, పాత కథను పునరావృతం చేస్తూ బ్యాటింగ్‌లో మళ్లీ విఫలమైంది. దీంతో మొదటి రోజు ఆట ముగిసేసరికి నాలుగు వికెట్లు నష్టపోయి కేవలం 86 పరుగులు చేసింది. ఈ క్రమంలో శనివారం నాటి రెండో రోజు ఆరంభం నుంచి నైట్‌వాచ్‌మెన్లు శుబ్‌మన్‌ గిల్‌, రిషభ​ పంత్‌ దూకుడుగా ఆడారు.యశస్వి జైస్వాల్‌ రికార్డు బద్దలు గిల్‌ 66 బంతుల్లో హాఫ్‌ సెంచరీ పూర్తి చేసుకోగా.. పంత్‌ 36 బంతుల్లోనే యాభై పరుగులు సాధించాడు. ఈ క్రమంలో కివీస్‌పై తక్కువ బంతుల్లోనే అర్ధ శతకం చేసిన భారత బ్యాటర్‌గా చరిత్రకెక్కాడు. ఈ క్రమంలో భారత యువ ఓపెనర్‌ యశస్వి జైస్వాల్‌ పేరిట ఉన్న రికార్డు బద్దలు కొట్టాడు.కాగా కివీస్‌తో తాజా సిరీస్‌లో భాగంగా పుణెలో జరిగిన రెండో టెస్టులో 41 బంతుల్లో హాఫ్‌ సెంచరీ సాధించాడు. తద్వారా న్యూజిలాండ్‌పై టెస్టుల్లో ఫాస్టెస్ట్‌ ఫిఫ్టీ సాధించిన తొలి భారత బ్యాటర్‌గా నిలిచాడు. అయితే, పంత్‌ ఇప్పుడు ఆ రికార్డును సవరించి.. జైస్వాల్‌ను వెనక్కినెట్టి నంబర్‌ వన్‌గా అవతరించాడు. గిల్‌ సెంచరీ మిస్‌ ఇదిలా ఉంటే.. ముంబైలో జరుగుతున్న మూడో టెస్టు తొలిరోజు యశస్వి జైస్వాల్‌(30) ఫర్వాలేదనిపించగా.. రోహిత్‌ శర్మ(18), మహ్మద్‌ సిరాజ్‌(0), విరాట్‌ కోహ్లి(4) పూర్తిగా నిరాశపరిచారు. అయితే, రెండో రోజు గిల్‌, పంత్‌ అర్ధ శతకాల వల్ల టీమిండియా ఆధిక్యంలోకి రాగలిగింది.దురదృష్టవశాత్తూ గిల్‌ సెంచరీ(90) మిస్‌ కాగా.. పంత్‌ 59 బంతుల్లో 60 పరుగులు రాబట్టాడు. రవీంద్ర జడేజా 14 పరుగులకే నిష్క్రమించగా.. సర్ఫరాజ్‌ ఖాన్‌ డకౌట్‌గా వెనుదిరిగాడు. రవిచంద్రన్‌ అశ్విన్‌ తొమ్మిదో వికెట్‌గా పెవిలియన్‌ చేరాడు. ఇక వాషింగ్టన్‌ సుందర్‌(36 బంతుల్లో 38 నాటౌట్‌) నిలకడగా ఆడినా.. ఆకాశ్‌ దీప్‌ రనౌట్‌ కావడంతో భారత తొలి 263 పరుగుల వద్ద తొలి ఇన్నింగ్స్‌ ముగిసింది. కివీస్‌ కంటే కేవలం 28 పరుగుల ఆధిక్యంలో నిలిచింది. కాగా న్యూజిలాండ్‌ బౌలర్లలో స్పిన్నర్‌ అజాజ్‌ పటేల్‌ 5 వికెట్లతో చెలరేగగా.. గ్లెన్‌ ఫిలిప్స్‌, ఇష్‌ సోధి, మ్యాట్‌ హెన్రీ ఒక్కో వికెట్‌ తీశారు.చదవండి: IND vs NZ: 'అదొక చెత్త నిర్ణయం.. రోహిత్‌, గంభీర్‌కు కొంచెం కూడా తెలివి లేదు'

న్యూజిలాండ్‌తో మూడో టెస్టులో టీమిండియా మెరుగైన స్కోరు దిశగా పయనిస్తోంది. శనివారం నాటి మూడో రోజు ఆటలో భోజన విరామ సమయానికి ఐదు వికెట్ల నష్టానికి 195 పరుగుల వద్ద నిలిచింది. కాగా కివీస్‌తో స్వదేశంలో జరుగుతున్న మూడు మ్యాచ్‌ల టెస్టు సిరీస్‌ను రోహిత్‌ సేన ఇప్పటికే 0-2తో చేజార్చుకుంది.ఈ క్రమంలో ముంబై వేదికగా శుక్రవారం మొదలైన మూడో టెస్టు టీమిండియాకు కీలకంగా మారింది. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరాలన్నా.. కివీస్‌ చేతిలో వైట్‌వాష్‌ నుంచి తప్పించుకోవాలన్నా భారత్‌ ఈ మ్యాచ్‌లో తప్పక గెలవాలి.తొలిరోజు కివీస్‌ 235 పరుగులకు ఆలౌట్‌ ఇక వాంఖడే వేదికగా టాస్‌ ఓడి తొలుత బౌలింగ్‌ చేసిన టీమిండియా.. న్యూజిలాండ్‌ జట్టును నామమాత్రపు స్కోరుకు పరిమితం చేయగలిగింది. స్పిన్‌కు అనుకూలిస్తున్న వాంఖడే పిచ్‌పై రవీంద్ర జడేజా ఐదు, వాషింగ్టన్‌ సుందర్‌ నాలుగు వికెట్లు తీయగా.. పేసర్‌ ఆకాశ్‌ దీప్‌ ఒక వికెట్‌ పడగొట్టాడు. ఈ క్రమంలో కివీస్‌ జట్టు తొలి రోజే.. తొలి ఇన్నింగ్స్‌లో 235 పరుగులకు ఆలౌట్‌ అయింది.రోహిత్‌, కోహ్లి ఫెయిల్‌ఈ క్రమంలో బ్యాటింగ్‌ మొదలుపెట్టిన టీమిండియాకు శుభారంభం లభించలేదు. ఓపెనర్లలో యశస్వి జైస్వాల్‌(30) ఫర్వాలేదనిపించగా.. కెప్టెన్‌ రోహిత్‌ శర్మ(18) మరోసారి విఫలమయ్యాడు. ఇక జైస్వాల్‌ వచ్చిన మహ్మద్‌ సిరాజ్‌ డకౌట్‌ కాగా.. విరాట్‌ కోహ్లి(4) రనౌట్‌ రూపంలో టీమిండియా నాలుగో వికెట్‌ కోల్పోయింది.ఫలితంగా శుక్రవారం నాటి ఆట ముగిసే సరికి టీమిండియా నాలుగు వికెట్ల నష్టానికి 86 పరుగులే చేసింది. ఈ క్రమంలో శుబ్‌మన్‌ గిల్‌ 31, రిషభ్‌ పంత్‌ ఒక పరుగుతో శనివారం నాటి ఆట మొదలుపెట్టి.. ఆది నుంచే దూకుడు ప్రదర్శించారు. కివీస్‌ బౌలర్లపై అటాక్‌ చేస్తూ ఇద్దరూ అర్ధ శతకాలు సాధించారు.గిల్‌కు టెస్టుల్లో ఏడో ఫిఫ్టీగిల్‌ 66 బంతుల్లో యాభై పరుగులు పూర్తి చేసుకోగా.. పంత్‌ 36 బంతుల్లో హాఫ్‌ సెంచరీ సాధించాడు. అయితే, ఇష్‌ సోధి బౌలింగ్‌లో పంత్‌(60) లెగ్‌ బిఫోర్‌ వికెట్‌గా వెనుదిరగగా.. భారత్‌ ఐదో వికెట్‌ కోల్పోయింది. అతడి స్థానంలో రవీంద్ర జడేజా క్రీజులోకి వచ్చాడు. 𝐒𝐡𝐚𝐚𝐧𝐝𝐚𝐫 𝐉𝐚𝐛𝐚𝐫𝐝𝐚𝐬𝐭 𝐙𝐢𝐧𝐝𝐚𝐛𝐚𝐝 🙌 #INDvNZ #IDFCFirstBankTestTrophy #JioCinemaSports #ShubmanGill pic.twitter.com/SujiHXhlOw— JioCinema (@JioCinema) November 2, 2024 ఇక శనివారం భోజన విరామ సమయానికి టీమిండియా 43 ఓవర్లలో ఐదు వికెట్ల నష్టానికి 195 పరుగులు చేసింది. శుబ్‌మన్‌ గిల్‌ 70, జడేజా 10 పరుగులతో ఆడుతున్నారు. కాగా కివీస్‌ తొలి ఇన్నింగ్స్‌ కంటే టీమిండియా ఇంకా 40 పరుగులు వెనుకబడి ఉంది. గిల్‌ సెంచరీ మిస్‌అయితే, లంచ్‌ తర్వాత గిల్‌ 90 పరుగుల వ్యక్తిగతస్కోరు వద్ద అవుయ్యాడు. అంతకంటే ముందు రవీంద్ర జడేజా(14), సర్ఫరాజ్‌ ఖాన్‌(0) వికెట్లను భారత్‌ కోల్పోయింది. 53.2 ఓవర్లలో ఎనిమిది వికెట్ల నష్టానికి టీమిండియా 227 పరుగులు చేసింది.టీమిండియా-న్యూజిలాండ్‌ మూడో టెస్టుప్లేయింగ్‌ ఎలెవన్‌ టీమిండియారోహిత్‌ శర్మ, యశస్వి జైస్వాల్‌, శుబ్‌మన్‌ గిల్‌, విరాట్‌ కోహ్లి, రిషభ్‌ పంత్‌, సర్ఫరాజ్‌ ఖాన్‌, రవీంద్ర జడేజా, వాషింగ్టన్‌ సుందర్‌, రవిచంద్రన్‌ అశ్విన్‌, ఆకాశ్‌దీప్‌, మహ్మద్‌ సిరాజ్‌న్యూజిలాండ్‌ టామ్‌ లాథమ్‌, డెవాన్‌ కాన్వే, విల్‌ యంగ్‌, రచిన్‌ రవీంద్ర, డారిల్‌ మిచెల్‌, టామ్‌ బ్లండెల్‌, గ్లెన్‌ ఫిలిప్స్‌, ఇష్‌ సోధి, మ్యాట్‌ హెన్రీ, అజాజ్‌ పటేల్‌, విలియమ్‌ ఓ రూర్కీ. చదవండి: IPL 2025: మన లీడర్‌.. మన కెప్టెన్‌.. రీటైన్‌ను సంపూర్ణంగా వాడుకుంది ఎవరు?

టీమిండియా- న్యూజిలాండ్‌ మధ్య ముంబై వేదికగా మూడో టెస్టు రెండో రోజు ఆట మొదలైంది. ఓవర్‌నైట్‌ స్కోరు 86/4తో శనివారం ఆట మొదలుపెట్టిన భారత్‌ పటిష్ట స్థితిలో నిలవాలంటే కీలక భాగస్వామ్యాలు నమోదు చేయడం తప్పనిసరి. ఈ క్రమంలో రిషభ్‌ పంత్‌, శుబ్‌మన్‌ గిల్‌ దూకుడుగా ఇన్నింగ్స్‌ ఆరంభించారు.గేర్‌ మార్చిన గిల్‌, పంత్‌శుక్రవారం ఆట పూర్తయ్యేసరికి ఒక బంతి ఎదుర్కొని ఒక పరుగు మాత్రమే చేసిన పంత్‌.. 31 పరుగులతో ఉన్న గిల్‌ శనివారం గేర్‌ మార్చారు. కివీస్‌ బౌలింగ్‌పై ఆది నుంచే అటాక్‌ చేయడం మొదలుపెట్టారు. ఈ క్రమంలో గిల్‌ 66 బంతుల్లో అర్ధ శతకం పూర్తి చేసుకున్నాడు. అయితే గిల్‌ 46 పరుగుల వద్ద ఉండగా.. గ్లెన్‌ ఫిలిప్స్‌ బౌలింగ్‌లో అవుటయ్యే ప్రమాదం నుంచి తప్పించుకున్నాడు. ఫిలిప్స్‌ వేసిన బంతిని గిల్‌ లాంగాన్‌ మీదుగా తరలించగా.. ఫీల్డర్‌ చాప్‌మన్‌ క్యాచ్‌ పట్టేందుకు వచ్చి విఫలమయ్యాడు. దీంతో గిల్‌కు లైఫ్‌ లభించింది. పంత్‌ మెరుపు హాఫ్‌ సెంచరీఇక రిషభ్‌ పంత్‌ ధనాధన్‌ ఇన్నింగ్స్‌తో చెలరేగి మెరుపు హాఫ్‌ సెంచరీ సాధించాడు. కేవలం 36 బంతుల్లోనే యాభై పరుగుల మైలురాయి చేరుకున్నాడు. ఈ క్రమంలో 31 ఓవర్లు పూర్తయ్యేసరికి టీమిండియా నాలుగు వికెట్ల నష్టానికి 161 పరుగులు చేసింది. కివీస్‌ తొలి ఇన్నింగ్స్‌ కంటే ఇంకా 74 పరుగులు వెనుకబడి ఉంది.ఇప్పటికే సిరీస్‌ కోల్పోయిన టీమిండియాకాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25లో భాగంగా భారత్‌ సొంతగడ్డపై న్యూజిలాండ్‌తో మూడు మ్యాచ్‌లు ఆడుతోంది. ఈ మూడూ గెలవడం ఖాయమని.. రోహిత్‌ సేన సులువుగానే ఫైనల్‌కు చేరుతుందని సిరీస్‌ ఆరంభంలో అంతా అనుకున్నారు. కానీ అంచనాలు తలకిందులయ్యాయి.బెంగళూరు, పుణెలో జరిగిన తొలి రెండు టెస్టుల్లో భారత బౌలర్లు రాణించినా.. బ్యాటర్లు చేతులెత్తేశారు. దీంతో రెండింటిలో ఓటమి తప్పలేదు. ఫలితంగా పన్నెండేళ్ల తర్వాత భారత్‌ తొలిసారిగా స్వదేశంలో టెస్టు సిరీస్‌ కోల్పోయింది. దీంతో ముంబై వేదికగా జరుగుతున్న మూడో టెస్టు టీమిండియాకు మరింత ప్రతిష్టాత్మకంగా మారింది.తొలిరోజు ఆటలో రాణించిన జడ్డూ, వాషీ..కానీ.. ఇక్కడా టీమిండియా తడ‘బ్యాటు’కు గురైంది. తొలిరోజు బౌలర్లు శుభారంభం అందించినా.. బ్యాటర్లు దానిని నిలబెట్టలేకపోయారు. కాగా వాంఖడే స్టేడియంలో టాస్‌ గెలిచిన న్యూజిలాండ్‌ తొలుత బ్యాటింగ్‌ చేసింది. ఈ క్రమంలో భారత స్పిన్నర్లు రవీంద్ర జడేజా, వాషింగ్టన్‌ సుందర్‌ అద్బుత రీతిలో రాణించి కివీస్‌ బ్యాటర్లను కట్టడి చేశారు.జడ్డూ ఐదు, వాషీ నాలుగు వికెట్లు తీయగా.. పేసర్‌ ఆకాశ్‌ దీప్‌(ఒక వికెట్‌) కూడా తన వంతు సహకారం అందించాడు. ఈ క్రమంలో న్యూజిలాండ్‌ తమ తొలి ఇన్నింగ్స్‌లో 235 పరుగులకే ఆలౌట్‌ అయింది. దీంతో టీమిండియా అభిమానులు సంబరాలు చేసుకున్నారు. అయితే, ఆ ఆనందం ఎంతో సేపు నిలవలేదు.ఆ ఆనందం కాసేపట్లోనే ఆవిరిభారత్‌ తొలి ఇన్నింగ్స్‌ మొదలుపెట్టిన కాసేపటికే కెప్టెన్‌, రోహిత్‌ శర్మ(18 బంతుల్లో 18)పెవిలియన్‌ చేరాడు. ఆది నుంచే దూకుడుకనబరిచిన అతడు.. కివీస్‌ ఫీల్డర్ల తప్పిదాల వల్ల రెండుసార్లు అవుటయ్యే ప్రమాదం నుంచి తప్పించుకున్నాడు. అయినప్పటికీ అగ్రెసివ్‌గా ఆడి పేసర్‌ మ్యాట్‌ హెన్రీ బౌలింగ్‌లో టామ్‌ లాథమ్‌కు క్యాచ్‌ ఇచ్చి వెనుదిరిగాడు.ఇక వన్‌డౌన్‌ బ్యాటర్‌ శుబ్‌మన్‌ గిల్‌తో కలిసి మరో ఓపెనర్‌ యశస్వి జైస్వాల్‌ భాగస్వామ్యం నెలకొల్పే ప్రయత్నం చేశాడు. కానీ కివీస్‌ స్పిన్నర్‌ అజాజ్‌ పటేల్‌ జైస్వాల్‌(30)ను బౌల్డ్‌ చేసి.. ఈ జోడీని విడదీశాడు. అయితే, ఇక్కడే టీమిండియా మేనేజ్‌మెంట్‌ ఓ ప్రయోగం చేసింది. నాలుగో నంబర్‌లో నైట్‌వాచ్‌మన్‌గా పేసర్‌ మహ్మద్‌ సిరాజ్‌ను పంపించింది.ఆఖరి 15 నిమిషాల్లో అంతా తలకిందులుజైస్వాల్‌ స్థానంలో సిరాజ్‌ క్రీజులోకి వచ్చీ రాగానే.. అజాజ్‌ పటేల్‌ అతడిని వికెట్ల ముందు దొరకబుచ్చుకున్నాడు. దీంతో ఎదుర్కొన్న తొలి బంతికే సిరాజ్‌ డకౌట్‌గా వెనుదిరిగాడు. ఆ తర్వాత విరాట్‌ కోహ్లి(4).. రనౌట్‌ అయి వికెట్‌ సమర్పించుకున్నాడు. ఫలితంగా టీమిండియా 86 పరుగులకే నాలుగు వికెట్లు కోల్పోయి పీకల్లోతు కష్టాల్లో పడింది.ఇక తొలి రోజు ఆట ముగిసే సరికి.. తొలి ఇన్నింగ్స్‌లో న్యూజిలాండ్‌ కంటే 149 పరుగులు వెనుకబడి ఉంది. రిషభ్‌ పంత్‌ ఒకటి, శుబ్‌మన్‌ గిల్‌ 31 పరుగులతో క్రీజులో ఉన్నారు. నిజానికి శుక్రవారం 4. 45 నిమిషాల వరకు టీమిండియాదే పైచేయి. కానీ పదిహేను నిమిషాల్లోనే అంతా తారుమారైంది. జైస్వాల్‌, సిరాజ్‌, కోహ్లి అవుటైన తర్వాత కివీస్‌ పటిష్ట స్థితికి చేరుకుంది.భారత్‌ వర్సెస్‌ న్యూజిలాండ్‌ మూడో టెస్టు(నవంబరు 1- 5)👉వేదిక: వాంఖడే స్టేడియం, ముంబై👉టాస్‌: న్యూజిలాండ్‌.. తొలుత బ్యాటింగ్‌👉కివీస్‌ మొదటి ఇన్నింగ్స్‌ స్కోరు: 235 రన్స్‌.. ఆలౌట్‌👉తొలిరోజు ఆట ముగిసే సరికి భారత్‌ మొదటి ఇన్నింగ్స్‌ స్కోరు: 86/4 (19)తుది జట్లుభారత్‌: రోహిత్‌ శర్మ, యశస్వి జైస్వాల్‌, శుబ్‌మన్‌ గిల్‌, విరాట్‌ కోహ్లి, రిషభ్‌ పంత్‌, సర్ఫరాజ్‌ ఖాన్‌, రవీంద్ర జడేజా, వాషింగ్టన్‌ సుందర్‌, రవిచంద్రన్‌ అశ్విన్‌, ఆకాశ్‌దీప్‌, మహ్మద్‌ సిరాజ్‌న్యూజిలాండ్‌ టామ్‌ లాథమ్‌, డెవాన్‌ కాన్వే, విల్‌ యంగ్‌, రచిన్‌ రవీంద్ర, డారిల్‌ మిచెల్‌, టామ్‌ బ్లండెల్‌, గ్లెన్‌ ఫిలిప్స్‌, ఇష్‌ సోధి, మ్యాట్‌ హెన్రీ, అజాజ్‌ పటేల్‌, విలియమ్‌ ఓ రూర్కీ. చదవండి: Ind vs Pak: భారత బ్యాటర్ల విధ్వంసం.. అయినా పాక్‌ చేతిలో తప్పని ఓటమిInd vs NZ: చెప్పినా వినని సర్ఫరాజ్‌ ఖాన్‌.. రోహిత్‌కు వార్నింగ్‌.. ఆఖరికి!

ఐపీఎల్‌-2025 మెగా వేలానికి సమయం ఆసన్నమవుతోంది. నవంబరు చివరి వారంలో ఆక్షన్‌ నిర్వహించేందుకు భారత క్రికెట్‌ నియంత్రణ మండలి ప్రణాళికలు సిద్ధం చేసినట్లు సమాచారం. అదే విధంగా.. వేలానికి ముందు పది ఫ్రాంఛైజీలు తాము అట్టిపెట్టుకునే ఆటగాళ్ల జాబితాను అక్టోబరు 31లోపు సమర్పించాలని డెడ్‌లైన్‌ విధించినట్లు తెలుస్తోంది.ఈ నేపథ్యంలో గుజరాత్‌ టైటాన్స్‌కు సంబంధించిన ఆసక్తికర వార్తలు తెరమీదకు వచ్చాయి. టీమిండియా సీనియర్‌ పేసర్‌ మహ్మద్‌ షమీని విడిచిపెట్టాలని ఫ్రాంఛైజీ నిర్ణయించుకున్నట్లు సమాచారం. ఇక కెప్టెన్‌గా శుబ్‌మన్‌ గిల్‌ను కొనసాగించడంతో పాటు అఫ్గనిస్తాన్‌ స్టార్‌ స్పిన్నర్‌ రషీద్‌ ఖాన్‌ను కూడా టైటాన్స్‌ రిటైన్‌ చేసుకోనుందట!పాయింట్ల పట్టికలో ఎనిమిదో స్థానంకాగా 2022లో ఐపీఎల్‌లో అరంగేట్రం చేసిన గుజరాత్‌ టైటాన్స్‌ తొలి సీజన్‌లోనే చాంపియన్‌గా నిలిచింది. మరుసటి ఏడాది రన్నరప్‌గా నిలిచి సత్తా చాటింది. అయితే, ఆ రెండు దఫాల్లో కెప్టెన్‌గా వ్యవహరించిన టీమిండియా స్టార్‌ ఆల్‌రౌండర్‌ హార్దిక్‌ పాండ్యా ఈ ఏడాది జట్టును వీడి.. ముంబై ఇండియన్స్‌లో చేరాడు. ఈ క్రమంలో హార్దిక్‌ స్థానంలో శుబ్‌మన్‌ గిల్‌కు ఫ్రాంఛైజీ సారథ్య బాధ్యతలు అప్పగించింది.అయితే, ఐపీఎల్‌-2024లో గిల్‌ సేన స్థాయికి తగ్గట్లు రాణించలేకపోయింది. గాయం కారణంగా షమీ సీజన్‌ మొత్తానికి దూరం కావడం.. కొన్ని మ్యాచ్‌లలో ఆఖరి వరకు పోరాడినా ఒత్తిడిలో చిత్తు కావడం ప్రభావం చూపింది. దీంతో పద్నాలుగు మ్యాచ్‌లకు గానూ కేవలం ఐదే గెలిచిన గుజరాత్‌ పాయింట్ల పట్టికలో ఎనిమిదో స్థానంలో నిలిచింది.అతడికి రూ. 18 కోట్లుఅయినప్పటికీ.. టీమిండియా భవిష్య కెప్టెన్‌గా గుర్తింపు పొందిన శుబ్‌మన్‌ గిల్‌పై నమ్మకం ఉంచిన ఫ్రాంఛైజీ యాజమాన్యం అతడికి రూ. 18 కోట్ల మేర చెల్లించి తమ జట్టు నాయకుడిగా కొనసాగించనున్నట్లు తెలుస్తోంది. ఇక వరల్డ్‌క్లాస్‌ స్పిన్నర్‌ అయిన రషీద్‌ ఖాన్‌ సైతం ఈ సీజన్‌లో నిరాశపరిచాడు. 12 మ్యాచ్‌లు ఆడి కేవలం పది వికెట్లే తీశాడు. అయినప్పటికీ రషీద్‌ నైపుణ్యాలపై నమ్మకంతో అతడిని కూడా రిటైన్‌ చేసుకోనున్నారట.సాయి కిషోర్‌ను కూడా...అదే విధంగా.. ఐపీఎల్‌-2024లో శతకం బాది.. ఓవరాల్‌గా 527 పరుగులతో సత్తా చాటిన సాయి కిషోర్‌ను కూడా టైటాన్స్‌ అట్టిపెట్టుకోనుందట. ఇక అన్‌క్యాప్డ్‌ ప్లేయర్లు షారుఖ్‌ ఖాన్‌,రాహుల్‌ తేవటియాలను కూడా కొనసాగించనున్నట్లు సమాచారం. కాగా షమీ వన్డే వరల్డ్‌కప్‌-2023లో సత్తా చాటిన అనంతరం చీలమండకు సర్జరీ చేయించుకున్నాడు. ఈ క్రమంలో ఆటకు దూరమైన అతడు ఇంతవరకు పునరాగమనం చేయలేదు. అందుకే టైటాన్స్‌ షమీని వదిలేయనున్నట్లు సమాచారం.చదవండి: Ranji Trophy: 68 బంతుల్లోనే సెంచరీ.. ఆర్సీబీకి స్ట్రాంగ్‌ మెసేజ్‌!

పూణే వేదికగా జరుగుతున్న రెండో టెస్ట్‌ మ్యాచ్‌లో న్యూజిలాండ్‌.. టీమిండియా ముందు 359 పరుగుల భారీ లక్ష్యాన్ని ఉంచింది. ఛేదనలో భారత్‌ లంచ్‌ సమయానికి వికెట్‌ నష్టానికి 81 పరుగులు చేసింది. 34 పరుగుల వద్దే కెప్టెన్‌ రోహిత్‌ శర్మ (8) వికెట్‌ కోల్పోయినప్పటికీ.. టీమిండియా దూకుడు తగ్గలేదు. యశస్వి జైస్వాల్‌ (36 బంతుల్లో 46; 3 ఫోర్లు, 3 సిక్సర్లు) టీ20 తరహాలో రెచ్చిపోతుండగా.. శుభ్‌మన్‌ గిల్‌ (20 బంతుల్లో 22; 4 ఫోర్లు) అడపాదడపా షాట్లతో అలరిస్తున్నాడు. టీమిండియా లక్ష్యానికి మరో 278 పరుగుల దూరంలో ఉంది. రోహిత్‌ శర్మ వికెట్‌ మిచెల్‌ సాంట్నర్‌కు దక్కింది.అంతకుముందు న్యూజిలాండ్‌ సెకెండ్‌ ఇన్నింగ్స్‌లో 255 పరుగులకు ఆలౌటైంది. 198/5 వద్ద మూడో రోజు ఆటను ప్రారంభించిన న్యూజిలాండ్ ఓవర్‌నైట్‌ స్కోర్‌కు మరో 57 పరుగులు జోడించి మిగతా ఐదు వికెట్లు కోల్పోయింది. భారత బౌలర్లలో వాషింగ్టన్‌ సుందర్‌ 4, రవీంద్ర జడేజా 3, అశ్విన్‌ 2 వికెట్లు పడగొట్టారు. న్యూజిలాండ్‌ ఇన్నింగ్స్‌లో (సెకెండ్‌) టామ్‌ లాథమ్‌ అర్ద సెంచరీతో (86) రాణించగా.. టామ్‌ బ్లండెల్‌ (41), గ్లెన్‌ ఫిలిప్స్‌ (48 నాటౌట్‌) ఓ మోస్తరు స్కోర్లు చేశారు.దీనికి ముందు భారత్‌ తొలి ఇన్నింగ్స్‌లో 156 పరుగులకు ఆలౌటైంది. మిచెల్‌ సాంట్నర్‌ ఏడు వికెట్లు తీసి టీమిండియా పతనాన్ని శాశించాడు. గ్లెన్‌ ఫిలిప్స్‌ 2, సౌతీ ఓ వికెట్‌ పడగొట్టారు. భారత ఇన్నింగ్స్‌లో రవీంద్ర జడేజా (38) టాప్‌ స్కోరర్‌గా నిలిచాడు. యశస్వి, గిల్‌ చెరో 30 పరుగులు చేశారు.ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ తొలి ఇన్నింగ్స్‌లో 259 పరుగులకు ఆలౌటైంది. వాషింగ్టన్‌ సుందర్‌ ఏడు వికెట్లతో చెలరేగి కివీస్‌ ఇన్నింగ్స్‌ను కుప్పకూల్చాడు. అశ్విన్‌ మూడు వికెట్లు పడగొట్టాడు. కివీస్‌ ఇన్నింగ్స్‌లో కాన్వే (76), రచిన్‌ రవీంద్ర (65) అర్ద సెంచరీలతో రాణించారు.

పుణే: గాయం కారణంగా తొలి టెస్టుకు దూరమైన శుబ్‌మన్‌ గిల్‌తో పాటు... మోకాలి వాపుతో కీపింగ్‌ చేసేందుకు ఇబ్బంది పడిన రిషబ్‌ పంత్‌ రెండో టెస్టు వరకు అందుబాటులో ఉంటారని భారత అసిస్టెంట్‌ కోచ్‌ ర్యాన్‌ టెన్‌ డస్కటే వెల్లడించాడు. మూడు మ్యాచ్‌ల సిరీస్‌లో భాగంగా... భారత్, న్యూజిలాండ్‌ మధ్య గురువారం నుంచి పుణేలో రెండో టెస్టు ప్రారంభం కానుండగా.. మంగళవారం టీమిండియా ప్రాక్టీస్‌ సెషన్‌లో పాల్గొంది. అనంతరం డస్కటే మీడియాతో మాట్లాడాడు. బెంగళూరు టెస్టులో న్యూజిలాండ్‌ బ్యాటింగ్‌ చేస్తున్న సమయంలో కాన్వేను స్టంపౌట్‌ చేసే ప్రయత్నంలో పంత్‌ మోకాలికి గాయమైంది. గతంలో జరిగిన ఘోర రోడ్డు ప్రమాదంలో అదే కాలికి శస్త్రచికిత్స జరగడంతో జట్టు మొత్తం ఆందోళనకు గురైంది. గాయం తీవ్రత ఎక్కువ ఉండటంతో వెంటనే పంత్‌ మైదానాన్ని వీడగా... అతడి స్థానంలో ధ్రువ్‌ జురెల్‌ వికెట్‌ కీపింగ్‌ బాధ్యతలు చేపట్టాడు. అనంతరం అత్యవసర పరిస్థితుల్లో రెండో ఇన్నింగ్స్‌లో బ్యాటింగ్‌కు వచ్చిన పంత్‌... పరిగెత్తడానికి ఇబ్బంది పడుతూనే విలువైన ఇన్నింగ్స్‌ ఆడాడు. అయితే మ్యాచ్‌ అనంతరం ‘పంత్‌ను జాగ్రత్తగా చూసుకోవాల్సిన అవసరముంది’ అని టీమిండియా కెప్టెన్‌ రోహిత్‌ శర్మ పేర్కొనడంతో అతడు రెండో టెస్టులో ఆడతాడా లేదా అనే సంశయం నెలకొంది. అయితే తాజాగా డస్కటే ఈ అంశంపై స్పష్టత ఇచ్చాడు. ‘పంత్‌ పూర్తిగా కోలుకున్నాడు. పుణే టెస్టుకు అతడు అందుబాటులో ఉంటాడు. గిల్‌ ఆరోగ్యం కూడా కుదుట పడింది. అతడు నెట్‌ ప్రాక్టీస్‌ కూడా చేశాడు. మ్యాచ్‌ వరకు అంతా సవ్యంగా ఉంటుంది అనుకుంటున్నాం’ అని డస్కటే పేర్కొన్నాడు. ఆ ఇద్దరి మధ్యే పోటీ భారత తుది జట్టులో చోటు కోసం ఇద్దరు ఆటగాళ్ల మధ్య పోటీ ఉందని డస్కటే అన్నాడు. తొలి టెస్టులో భారీ సెంచరీతో రాణించిన సర్ఫరాజ్‌ ఖాన్, కేఎల్‌ రాహుల్‌ మధ్య పోటీ ఉందని అన్నాడు. ‘ఇందులో దాయడానికి ఏమీ లేదు. తుది జట్టులో ఓ బెర్త్‌ కోసం పోటీ ఉంది. బెంగళూరు టెస్టులో సర్ఫరాజ్‌ చక్కటి ఇన్నింగ్స్‌ ఆడాడు. రాహుల్‌ కూడా సంసిద్ధంగా ఉన్నాడు. పిచ్, పరిస్థితులను బట్టి తుది జట్టు ఎంపిక ఉంటుంది. రాహుల్‌ ఆటతీరును కోచ్‌ గౌతమ్‌ గంభీర్‌ నిశితంగా పరిశీలిస్తున్నాడు. రాహుల్‌పై టీమ్‌ మేనేజ్‌మెంట్‌కు నమ్మకముంది. అదే సమయంలో దేశవాళీలతో పాటు అవకాశం వచ్చిన ప్రతిసారీ జాతీయ జట్టు తరఫున నిలకడైన ప్రదర్శనతో ఆకట్టుకుంటున్న సర్ఫరాజ్‌ను కూడా పక్కన పెట్టలేం. అందుకే అందరు ఆటగాళ్లకు అండగా నిలుస్తాం. న్యూజిలాండ్‌ జట్టులో ఎక్కువ మంది ఎడంచేతి వాటం ఆటగాళ్లు ఉండటం వల్లే ఆఫ్‌ స్పిన్నర్‌ వాషింగ్టన్‌ సుందర్‌ను జట్టుకు ఎంపిక చేశారు. ఇటీవల రంజీ ట్రోఫీలో అతడి ప్రదర్శన బాగుంది. తమిళనాడు తరఫున మూడో స్థానంలో బ్యాటింగ్‌కు దిగి భారీ సెంచరీ బాదడంతో పాటు... బౌలింగ్‌లోనూ రాణించాడు’ అని డస్కటే గుర్తు చేశాడు. ఇక స్వదేశంలో జరిగిన టెస్టుల్లో పెద్దగా ఆకట్టుకోలేకపోతున్నాడని విమర్శలు ఎదుర్కొంటున్న హైదరాబాదీ పేసర్‌ మొహమ్మద్‌ సిరాజ్‌ను కూడా డస్కటే వెనకేసుకొచ్చాడు. ‘బెంగళూరు టెస్టు ఆఖరి రోజు తొలి గంటలో సిరాజ్‌ చక్కటి బౌలింగ్‌ చేశాడు. దురదృష్టవశాత్తు వికెట్‌ దక్కక పోయినా... అతడి బౌలింగ్‌లో ఎలాంటి లోపం లేదు. నాణ్యమైన బంతులతో ప్రత్యర్థిని ఇబ్బంది పెట్టే ప్రయత్నం చేశాడు. పుణేలో పరిస్థితులను బట్టే జట్టు ఎంపిక ఉంటుంది’ అని డస్కటే వివరించాడు. తొలి టెస్టు రెండో ఇన్నింగ్స్‌లో రెండు ఓవర్లు మాత్రమే వేసిన సీనియర్‌ ఆఫ్‌స్పిన్నర్‌ రవిచంద్రన్‌ అశ్విన్‌కు ఎలాంటి సమస్యలు లేవని అతడు అన్నాడు. మ్యాచ్‌ పరిస్థితులను బట్టే అతడు తక్కువ బౌలింగ్‌ చేశాడని తెలిపాడు. టీమిండియా ముమ్మర సాధన తొలి టెస్టులో పరాజయం పాలై సిరీస్‌లో వెనుకబడిన టీమిండియా... రెండో టెస్టు కోసం కసరత్తులు చేస్తోంది. మంగళవారం జరిగిన ప్రాక్టీస్‌ సెషన్‌లో భారత ఆటగాళ్లు చెమటోడ్చారు. పంత్‌ గాయం నేపథ్యంలో మరో వికెట్‌ కీపర్‌ ధ్రువ్‌ జురెల్‌... కీపింగ్‌ ప్రాక్టీస్‌ చేస్తూ కనిపించాడు. కాసేపటికి మైదానంలోకి వచ్చిన పంత్‌ బ్యాటింగ్‌ ప్రాక్టీస్‌ చేయడంతో పాటు చివర్లో కీపింగ్‌ సాధన కూడా చేయడంతో అతడి ఫిట్‌నెస్‌పై ఉన్న అనుమానాలు పటాపంచలయ్యాయి. మరోవైపు శుభ్‌మన్‌ గిల్, రోహిత్‌ శర్మ, విరాట్‌ కోహ్లి, యశస్వి జైస్వాల్‌ కూడా ప్రాక్టీస్‌లో పాల్గొన్నారు. ఇక కొత్తగా జట్టుతో కలిసి వాషింగ్టన్‌ సుందర్‌ నెట్స్‌లో బౌలింగ్‌ ప్రాక్టీస్‌ సాగించాడు. ఈ మ్యాచ్‌ కోసం రూపొందించిన పిచ్‌ను హెడ్‌ కోచ్‌ గౌతమ్‌ గంభీర్, కెపె్టన్‌ రోహిత్‌ శర్మ, బౌలర్లు జడేజా తదితరులు నిశితంగా పరిశీలించారు. రెండో టెస్టు కోసం స్పిన్నర్లకు అనుకూలించే పిచ్‌ను తయారు చేసినట్లు సమాచారం.

IND vs NZ 1st Test Day 2 Updates And Highlights: టీమిండియాతో తొలి టెస్టులో న్యూజిలాండ్‌ పటిష్ట స్థితిలో నిలిచింది. తొలి ఇన్నింగ్స్‌లో భారత్‌ను 46 పరుగులకే ఆలౌట్‌ చేసిన కివీస్‌ జట్టు.. బ్యాటింగ్‌లోనూ అదరగొట్టింది. డెవాన్‌ కాన్వే అద్భుత ఇన్నింగ్స్‌ వల్ల.. రెండో రోజు ఆట ముగిసే సరికి 50 ఓవర్లలో మూడు వికెట్ల నష్టానికి 180 పరుగులు సాధించింది. గురువారం నాటి ఆటలో ఓపెనర్‌, కెప్టెన్‌ టామ్‌ లాథమ్‌(15) విఫలం కాగా.. మరో ఓపెనర్‌ డెవాన్‌ కాన్వే 91 పరుగులతో దుమ్ములేపాడు. విల్‌ యంగ్‌ 33 పరుగులు చేయగా.. రచిన్‌ రవీంద్ర 22, డారిల్‌ మిచెల్‌ 14 పరుగులతో క్రీజులో ఉన్నారు. 39.1: కాన్వే అవుట్‌టీమిండియాకు కీలక వికెట్‌ దక్కింది. సెంచరీకి చేరువగా వచ్చిన కివీస్‌ ఓపెనర్‌ డెవాన్‌ కాన్వే అవుటయ్యాడు. 91 పరుగుల వ్యక్తిగత స్కోరు వద్ద అశ్విన్‌ బౌలింగ్‌లో బౌల్డ్‌ అయ్యాడు. దీంతో కివీస్‌ మూడో వికెట్‌ కోల్పోయింది. రచిన్‌ 10 పరుగులతో ఆడుతుండగా.. డారిల్‌ మిచెల్‌ క్రీజులోకి వచ్చాడు. స్కోరు: 154/3 (39.1). 36.3: రెండో వికెట్‌ కోల్పోయిన కివీస్‌రవీంద్ర జడేజా బౌలింగ్‌లో విల్‌ యంగ్‌(33) కుల్దీప్‌ యాదవ్‌కు క్యాచ్‌ ఇచ్చి అవుటయ్యాడు. కాన్వే 89 పరుగులతో ఆడుతున్నాడు. రచిన్‌ రవీంద్ర క్రీజులోకి వచ్చాడు. స్కోరు: 143-2(37 ఓవర్లలో)తొలి వికెట్‌ డౌన్‌కుల్దీప్‌ యాదవ్‌ బౌలింగ్‌లో టామ్‌ లాథమ్‌(15) లెగ్‌ బిఫోర్‌ వికెట్‌గా వెనుదిరిగాడు. దీంతో న్యూజిలాండ్‌ తొలి వికెట్‌ కోల్పోయింది. కాన్వే 51 పరుగులతో ఆడుతున్నాడు. 17.1 ఓవర్లలో కివీస్‌ స్కోరు: 67-1. విల్‌ యంగ్‌ క్రీజులోకి వచ్చాడు.నిలకడగా ఆడుతున్న కివీస్‌ ఓపెనర్లు..న్యూజిలాండ్‌ నిలకడగా ఆడుతోంది. 7 ఓవర్లు ముగిసే సరికి న్యూజిలాండ్‌ తమ తొలి ఇన్నింగ్స్‌లో వికెట్‌ నష్టపోకుండా 27 పరుగులు చేసింది. క్రీజులో ఓపెనర్లు టామ్‌ లాథమ్‌(6), కాన్వే(21) ఉన్నారు.3 ఓవర్లకు కివీస్‌ స్కోర్‌: 10/03 ఓవర్లు ముగిసే సరికి న్యూజిలాండ్‌ తమ తొలి ఇన్నింగ్స్‌లో వికెట్‌ నష్టపోకుండా 10 పరుగులు చేసింది. క్రీజులో ఓపెనర్లు టామ్‌ లాథమ్‌(6), కాన్వే(4) ఉన్నారు.46 పరుగులకే టీమిండియా ఆలౌట్‌..తొలి ఇన్నింగ్స్‌లో భారత బ్యాటర్లు ఘోర ప్రదర్శన కనబరిచారు. న్యూజిలాండ్ పేసర్ల దాటికి భారత్ కేవలం 46 పరుగులకే కుప్పకూలింది. కివీస్ బౌలర్లలో మాట్ హెన్రీ 5 వికెట్లతో నిప్పులు చేరిగాడు. అత‌డితో పాటు యువ పేస‌ర్ విలియం ఓ రూర్క్ 4 వికెట్లు, సౌథీ త‌లా వికెట్‌తో భార‌త ప‌త‌నాన్ని శాసించారు.టీమిండియా ఇన్నింగ్స్‌లో ఏకంగా ఐదుగురు బ్యాటర్లు డకౌట్‌గా వెనుదిరిగారు. విరాట్ కోహ్లి, సర్ఫరాజ్‌ఖాన్‌, కేఎల్ రాహుల్‌, జడేజా, అశ్విన్‌లు ఖాతా తెరవకుండానే పెవిలియన్‌కు చేరారు. కెప్టెన్ రోహిత్ శర్మ(2), జైశ్వాల్‌(13) పరుగులు మాత్రమే చేశారు. కాగా భార‌త్‌కు ఇది టెస్టుల్లో మూడో అత్య‌ల్ప స్కోర్ కావ‌డం గ‌మ‌నార్హం.ఆలౌట్‌కు చేరువలో భారత్‌తొలి ఇన్నింగ్స్‌లో టీమిండియా ఆలౌట్‌కు చేరువైంది. 39 పరుగులకే 8 వికెట్లు కోల్పోయింది. లంచ్‌ విరామం తర్వాత మాట్‌ హెన్రీ వరుస క్రమంలో అశ్విన్‌,పంత్‌ను పెవిలియన్‌కు పంపాడు.34 పరుగులకే 6 వికెట్లుబెంగళూరు వేదికగా న్యూజిలాండ్‌తో జరుగుతున్న తొలి టెస్టులో భారత్‌ పీకల్లోతు కష్టాల్లో పడింది. మొదటి ఇన్నింగ్స్‌లో కేవలం 34 పరుగులకే 6 వికెట్లు కోల్పోయి పీకల్లోతు కష్టాల్లో పడింది. ఐదో వికెట్‌గా కేఎల్‌ రాహుల్‌(0), ఆరో వికెట్‌గా జడేజా ఖాతా తెరవకుండానే పెవిలియన్‌కు చేరాడు.భారత్‌ నాలుగో వికెట్‌ డౌన్‌..భారత్‌ నాలుగో వికెట్‌ కోల్పోయింది. 13 పరుగులు చేసిన జైశ్వాల్‌.. ఓ రూర్క్‌ బౌలింగ్‌లో ఔటయ్యాడు. కివీస్‌ స్పిన్నర్‌ అజాజ్‌ పటేల్‌.. సంచలన క్యాచ్‌ను అందుకున్నాడు. క్రీజులోకి కేఎల్‌ రాహుల్‌ వచ్చాడు.వర్షం అంతరాయం..బెంగళూరు వేదికగా భారత్‌-న్యూజిలాండ్‌ మధ్య జరుగుతున్న తొలి టెస్టుకు వర్షం అంతరాయం కలిగించింది. వర్షం కారణంగా మ్యాచ్‌ నిలిపోయో సమయానికి భారత్‌ తమ మొదటి ఇన్నింగ్స్‌లో 3 వికెట్లు కోల్పోయి కేవలం 13 పరుగులు మాత్రమే చేసింది.కష్టాల్లో భారత్‌..టాస్ గెలిచి బ్యాటింగ్‌కు దిగిన టీమిండియాకు కివీస్ పేసర్లు చుక్కలు చూపిస్తున్నారు. 12 పరుగులకే భారత్ 3 వికెట్లు కోల్పోయి కష్టాల్లో పడింది. రోహిత్ శర్మ(2) సింగిల్ డిజిట్ స్కోర్‌కే పరిమితం కాగా.. విరాట్ కోహ్లి, సర్ఫరాజ్ ఖాన్ ఖాతా తెరవకుండానే పెవిలియన్‌కు చేరాడు. ప్రస్తుతం క్రీజులో యశస్వీ జైశ్వాల్‌(8), రిషబ్‌(3) ఉన్నారు.భారత్‌ తొలి వికెట్‌ డౌన్‌..9 పరుగుల వద్ద టీమిండియా తొలి వికెట్‌ కోల్పోయింది. 2 పరుగులు చేసిన రోహిత్‌ శర్మ.. టిమ్‌ సౌథీ బౌలింగ్‌లో క్లీన్‌ బౌల్డయ్యాడు. క్రీజులోకి కోహ్లి వచ్చాడు.6 ఓవర్లకు భారత స్కోర్‌: 9/06 ఓవర్లు ముగిసే సరికి భారత్‌ వికెట్ నష్టపోకుండా 9 పరుగులు చేసింది. క్రీజులో జైశ్వాల్‌(7), రోహిత్‌ శర్మ(2) పరుగులతో ఉన్నారు. తొలి సెషన్‌లో బంతి అద్భుతంగా స్వింగ్‌ అవుతోంది. దీంతో కివీస్‌ పేసర్లు భారత ఓపెనర్లను ముప్పుతిప్పలు పెడుతున్నారు.తొలుత బ్యాటింగ్‌ భారత్‌దే..బెంగళూరు వేదికగా భారత్‌-న్యూజిలాండ్‌ మధ్య తొలి టెస్టు ప్రారంభమైంది. వర్షం కారణంగా తొలి రోజు ఆట మొత్తం తుడిచిపెట్టుకు పోయింది. దీంతో రెండో రోజు టాస్‌ వేశారు. ఈ మ్యాచ్‌లో టాస్‌ గెలిచిన టీమిండియా కెప్టెన్‌ రోహిత్‌ శర్మ తొలుత బ్యాటింగ్‌ ఎంచుకున్నాడు. ఈ మ్యాచ్‌కు భారత స్టార్‌ ప్లేయర్‌ శుబ్‌మన్‌ గిల్‌ దూరమయ్యాడు. అతడి స్ధానంలో సర్ఫరాజ్‌ ఖాన్‌ తుది జట్టులోకి వచ్చాడు.తుది జట్లున్యూజిలాండ్: టామ్ లాథమ్(కెప్టెన్‌), డెవాన్ కాన్వే, విల్ యంగ్, రచిన్ రవీంద్ర, డారిల్ మిచెల్, టామ్ బ్లండెల్(వికెట్ కీప‌ర్‌), గ్లెన్ ఫిలిప్స్, మాట్ హెన్రీ, టిమ్ సౌతీ, అజాజ్ పటేల్, విలియం ఒరూర్కేభారత్: రోహిత్ శర్మ(కెప్టెన్‌), యశస్వి జైస్వాల్, విరాట్ కోహ్లి, కెఎల్ రాహుల్, సర్ఫరాజ్ ఖాన్, రిషబ్ పంత్(వికెట్ కీప‌ర్‌), రవీంద్ర జడేజా, రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్చదవండి: LLC 2024: యూసఫ్‌ పఠాన్‌ ఊచకోత.. అయినా పాపం?(వీడియో)

న్యూజిలాండ్‌తో రేపటి నుంచి ప్రారంభంకాబోయే తొలి టెస్ట్‌కు ముందు టీమిండియాకు బ్యాడ్‌ న్యూస్‌ అందింది. గాయం బారిన పడిన స్టార్‌ బ్యాటర్‌ శుభ్‌మన్‌ గిల్‌ రెండో టెస్ట్‌ ఆడటం అనుమానంగా మారింది. గిల్‌కు మెడ పట్టేసినట్లు తెలుస్తుంది. ఈ విషయంపై ప్రీ మ్యాచ్‌ ప్రెస్‌ కాన్ఫరెన్స్‌లో కెప్టెన్‌ రోహిత్‌ శర్మ ఎలాంటి కామెంట్లు చేయలేదు. గిల్‌ విషయంలో భారత్‌ మేనేజ్‌మెంట్‌ చివరి నిమిషం వరకు వేచి చూడాలని భావిస్తున్నట్లు తెలుస్తుంది.మ్యాచ్‌ సమయానికి గిల్‌ పూర్తిగా కోలుకోకపోతే సర్ఫరాజ్‌ ఖాన్‌ అతని స్థానాన్ని భర్తీ చేయవచ్చు. సర్ఫరాజ్‌ ఇటీవల జరిగిన ఇరానీ కప్‌లో మ్యాచ్‌ విన్నింగ్‌ డబుల్‌ సెంచరీతో విరుచుకుపడిన విషయం తెలిసిందే.ఇదిలా ఉంటే, బెంగళూరులోని చిన్నస్వామి స్టేడియం వేదికగా రేపటి నుంచి ప్రారంభం కాబోయే తొలి టెస్ట్‌ మ్యాచ్‌కు (భారత్‌, న్యూజిలాండ్‌) వరుణ గండం పొంచి ఉన్నట్లు తెలుస్తుంది. మ్యాచ్‌ జరిగే ఐదు రోజులు భారీ వర్షం కురిసే అవకాశం ఉందని వాతావరణ శాఖ హెచ్చరించింది. బెంగళూరులో ఇప్పటికే పలు ప్రాంతాల్లో భారీ వర్షం కురుస్తుంది. వర్షం కారణంగా ఇవాళ జరగాల్సిన ప్రాక్టీస్‌ సెషన్‌ కూడా రద్దైంది. కాగా, మూడు మ్యాచ్‌ల టెస్ట్‌ సిరీస్‌ కోసం న్యూజిలాండ్‌ జట్టు భారత్‌లో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌ బెంగళూరులోని చిన్నస్వామి స్టేడియం వేదికగా జరుగనుంది. రెండో టెస్ట్‌ పూణేలోని మహారాష్ట్ర క్రికెట్‌ అసోసియేషన్‌ స్టేడియంలో.. మూడో మ్యాచ్‌ ముంబైలోని వాంఖడే స్టేడియంలో జరుగనున్నాయి.న్యూజిలాండ్‌తో టెస్టులకు భారత జట్టురోహిత్ శర్మ (కెప్టెన్), జస్‌ప్రీత్ బుమ్రా (వైస్ కెప్టెన్), యశస్వి జైస్వాల్, శుబ్‌మన్‌ గిల్, విరాట్ కోహ్లి, కేఎల్ రాహుల్, సర్ఫరాజ్ ఖాన్, రిషభ్‌ పంత్ (వికెట్ కీపర్), ధృవ్ జురెల్ (వికెట్ కీపర్), రవిచంద్రన్ అశ్విన్, రవీంద్ర జడేజా, అక్షర్ పటేల్, కుల్దీప్ యాదవ్, మహ్మద్ సిరాజ్, ఆకాశ్ దీప్.రిజర్వ్ ఆటగాళ్లు: హర్షిత్ రాణా, నితీశ్ కుమార్ రెడ్డి, మయాంక్ యాదవ్, ప్రసిద్ధ్ కృష్ణ.భారత్‌తో టెస్టు సిరీస్‌కు న్యూజిలాండ్‌ టీమ్‌డెవాన్ కాన్వే, కేన్ విలియమ్సన్, మార్క్ చాప్‌మన్‌, విల్ యంగ్, డారిల్ మిచెల్, టామ్ లాథమ్(కెప్టెన్‌), గ్లెన్ ఫిలిప్స్, మైఖేల్ బ్రాస్‌వెల్‌, మిచెల్ సాంట్నర్, రచిన్ రవీంద్ర, టామ్ బ్లండెల్, అజాజ్ పటేల్, బెన్ సియర్స్, మాట్ హెన్రీ, టిమ్ సౌథీ, విలియం ఓ రూర్కే.చదవండి: షమీ ఫిట్‌గా ఉన్నా.. ఆస్ట్రేలియాకు తీసుకువెళ్లం: రోహిత్‌ శర్మ

టెస్టు సిరీస్‌ అనంతరం టీమిండియా బంగ్లాదేశ్‌తో టీ20 సిరీస్‌ ఆడనుంది. ఇందులో భాగంగా వచ్చే నెల 6, 9, 12వ తేదీల్లో మూడు మ్యాచ్‌లు నిర్వహించేందుకు షెడ్యూల్‌ ఖరారైంది. ఈ మూడు మ్యాచ్‌ల సిరీస్‌కు భారత క్రికెట్‌ నియంత్రణ మండలి త్వరలోనే జట్టును ప్రకటించనుంది.ఈ నేపథ్యంలో ఆసక్తికర వార్తలు తెరమీదకు వచ్చాయి. ఈ పొట్టి సిరీస్‌కు శుబ్‌మన్‌ గిల్‌తో పాటు యశస్వి జైస్వాల్‌కు విశ్రాంతినివ్వాలని సెలక్టర్లు భావిస్తున్నట్లు సమాచారం. కాగా సొంతగడ్డపై నవంబరులో టీమిండియా న్యూజిలాండ్‌తో టెస్టు సిరీస్‌ ఆడాల్సి ఉంది. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరాలంటే భారత్‌కు ఈ సిరీస్‌ కీలకం.గిల్‌, జైస్వాల్‌పై పనిభారం పడకుండాఈ నేపథ్యంలో గిల్‌, జైస్వాల్‌పై పనిభారం పడకుండా చూసుకునేందుకు.. మేనేజ్‌మెంట్‌ ఈ యోచన చేస్తున్నట్లు తెలుస్తోంది. నిజానికి రోహిత్‌ శర్మ, విరాట్‌ కోహ్లి అంతర్జాతీయ టీ20లకు వీడ్కోలు పలికిన తర్వాత.. గిల్‌- జైస్వాల్‌ పొట్టి ఫార్మాట్లో టీమిండియా ప్రధాన ఓపెనింగ్‌ జోడీగా మారారు.వాళ్లిద్దరికి లక్కీ ఛాన్స్‌!అయితే, కివీస్‌తో సిరీస్‌ కారణంగా వీరిద్దరు గనుక దూరమైతే.. రుతురాజ్‌ గైక్వాడ్‌, అభిషేక్‌ శర్మలకు లక్కీ ఛాన్స్‌ వచ్చినట్లే! వీరిద్దరు బంగ్లాదేశ్‌తో టీ20 సిరీస్‌ ఆడేందుకు మార్గం సుగమమవుతుంది. అయితే, రుతురాజ్‌ ఇరానీ కప్‌-2024 మ్యాచ్‌ కారణంగా తొలి టీ20కి దూరం కానున్నాడని.. అందుకే జైస్వాల్‌ ఆ ఒక్కమ్యాచ్‌కి అందుబాటులో ఉంటాడనే మరో ప్రచారం కూడా జరుగుతోంది.కాగా ఇటీవల దులిప్‌ ట్రోఫీ-2024లో ఇండియా-‘సి’ కెప్టెన్‌గా ఉన్న రుతురాజ్‌.. ఇరానీ కప్‌లో రెస్టాఫ్‌ ఇండియా జట్టుకు సారథ్యం వహించనున్నాడు. ఈ మ్యాచ్‌ అక్టోబరు 1-5 వరకు జరుగనుంది. ఇదిలా ఉంటే.. బంగ్లాదేశ్‌తో టీ20 సిరీస్‌లో సంజూ శాంసన్‌ ప్రధాన వికెట్‌ కీపర్‌గా ఎంపిక కానుండగా.. జితేశ్‌ శర్మను అతడికి బ్యాకప్‌గా సెలక్ట్‌ చేయనున్నట్లు తెలుస్తోంది.విధ్వంసకర సెంచరీ హీరో అభిషేక్‌ శర్మటీ20 ప్రపంచకప్‌-2024లో టీమిండియా విజేతగా నిలిచిన తర్వాత ద్వితీయ శ్రేణి జట్టు జింబాబ్వే పర్యటనకు వెళ్లిన విషయం తెలిసిందే. శుబ్‌మన్‌ గిల్‌ సారథ్యంలోని ఈ జట్టులో స్థానం దక్కించుకున్న పంజాబీ బ్యాటర్‌ అభిషేక్‌ శర్మ.. తొలిటీ20 సందర్భంగా అరంగేట్రం చేశాడు.అయితే, తొలి మ్యాచ్‌లోనే డకౌట్‌ అయి విమర్శపాలైన ఈ లెఫ్టాండర్‌ బ్యాటర్‌.. రెండో టీ20లో శతకంతో చెలరేగాడు. కేవలం 47 బంతుల్లోనే 7 ఫోర్లు, 8 సిక్సర్ల సాయంతో వంద పరుగుల మార్కు అందుకుని.. ఆ తర్వాత అవుటయ్యాడు. ఇక అప్పటి నుంచి మళ్లీ ఇంత వరకు అతడికి టీమిండియా సెలక్టర్ల నుంచి పిలుపు రాలేదు. ఇక టీమిండియా విషయానిస్తే.. బంగ్లాతో తొలి టెస్టు గెలిచి.. శుక్రవారం నుంచి ఆఖరిదైన రెండో టెస్టు ఆడనుంది.చదవండి: ICC CT 2025: పాకిస్తాన్‌ కాదు.. సెమీస్‌ చేరే జట్లు ఇవే: అఫ్గన్‌ కెప్టెన్

టీమిండియా వికెట్ కీప‌ర్ బ్యాట‌ర్ రిష‌బ్ పంత్ త‌న రీ ఎంట్రీలో స‌త్తాచాటుతున్నాడు. దాదాపు 600 రోజుల త‌ర్వాత టెస్టు క్రికెట్‌లో పునరాగ‌మ‌నం చేసిన రిష‌బ్‌.. త‌న తొలి మ్యాచ్‌లోనే అద‌ర‌గొట్టాడు. చెపాక్ వేదిక‌గా బంగ్లాదేశ్‌తో జ‌రిగిన తొలి టెస్టులో అద్భుత‌మైన‌ సెంచ‌రీతో మెరిశాడు.టెస్టుల్లో 6వ సెంచ‌రీని త‌న ఖాతాలో వేసుకున్నాడు. కాగా రిష‌బ్ పంత్ 2022 డిసెంబర్‌లో ఘోరమైన కారు ప్ర‌మాదానికి గుర‌య్యాడు. దాదాపు ప్రాణాలు పోగొట్టుకునే స్థితి నుంచి అత‌ను కోలుకున్న తీరు న‌మ్మ‌లేనిది. కేవ‌లం రెండేళ్ల‌లోనే పూర్తి ఫిట్‌నెస్ సాధించి దుమ్ములేపుతున్న పంత్‌పై సర్వాత్ర ప్ర‌శంస‌ల వ‌ర్షం కురుస్తోంది.వసీం అక్రమ్ వంటి దిగ్గజాలు సైతం ఈ ఢిల్లీ ఆటగాడిని పొగడ్తలతో ముంచెత్తాడు. పంత్‌ను మిరాకిల్ కిడ్ అని వసీం కొనియాడాడు. తాజాగా ఈ జాబితాలోకి మరో పాక్ మాజీ క్రికెటర్ డానిష్ కనేరియా చేరాడు. భారత జట్టులో వరల్డ్‌క్లాస్ ప్లేయర్లు ఉన్నారని, భవిష్యత్తులో భారత టెస్టు జట్టును పంత్ లీడ్ చేస్తాడని కనేరియా జోస్యం చెప్పాడు."ప్రస్తుత భారత జట్టును చూస్తుంటే ముచ్చటేస్తోంది. జట్టు విజయాల్లో ప్రతీ ప్లేయర్ తమ వంతు పాత్ర పోషిస్తున్నారు. శుభ్‌మన్ గిల్, రిషబ్ పంత్, రవిచంద్రన్ అశ్విన్ వంటి అద్భతమైన ప్రదర్శన కనబరుస్తున్నారు. అందుకే భారత్ ప్రపంచ స్థాయి జట్టుగా నిలిచింది. రిషబ్ పంత్ భవిష్యత్తులో టెస్టుల్లో భారత జట్టుకు కచ్చితంగా సారథ్యం వహిస్తాడు. అతడు పునరాగమనం తర్వాత చాలా బాగా రాణిస్తున్నాడు. వికెట్ కీపర్‌గా అతడు ఎప్పుడూ బౌలర్లు, ఫీల్డర్‌లతో ఏదో ఒకటి మాట్లాడుతూ ఉంటాడు. అలా చేయడంతో మైదానంలో అందరూ చురుగ్గా ఉంటారు. నిజంగా భారత క్రికెట్ నుంచి బుల్లెట్ వంటి చురుకైన ఆటగాళ్లు పుట్టుకొస్తున్నారు" అని ఐఎఎన్‌స్‌కు ఇచ్చిన ఇంటర్వ్యూలో కనేరియా పేర్కొన్నాడు.

దాదాపు రెండేళ్ల తర్వాత టెస్టు మ్యాచ్‌ ఆడిన రిషభ్‌ పంత్‌ అంచనాలను అందుకుంటూ తనదైన శైలిలో సాధించిన శతకం... శుబ్‌మన్‌ గిల్‌ ఎప్పటిలాగే ప్రశాంతంగా ఆడుతూ పూర్తి చేసుకున్న సెంచరీ...ఆపై చెపాక్‌ బాయ్‌ అశి్వన్‌ మూడు కీలక వికెట్లతో ప్రత్యర్థి పని పట్టిన తీరు... చెన్నై టెస్టులో మూడో రోజు భారత్‌ హవానే కొనసాగింది. ముందుగా పంత్, గిల్‌ సెంచరీల తర్వాత తమ ఇన్నింగ్స్‌ను డిక్లేర్‌ చేసి భారీ లక్ష్యంతో బంగ్లాదేశ్‌కు భారత్‌ సవాల్‌ విసరగా... తడబడుతూ ఆడిన బంగ్లా కుప్పకూలిపోకుండా కాస్త నిలవగలిగింది. వెలుతురులేమితో బంగ్లా ఓటమి ఆలస్యమైనట్లు కనిపించినా... ఆదివారం మిగిలిన ఆరు వికెట్లు తీయడం భారత్‌కు కష్టం కాకపోవచ్చు. చెన్నై: బంగ్లాదేశ్‌తో జరుగుతున్న తొలి టెస్టులో భారత జట్టు విజయంపై గురి పెట్టింది. భారత్‌ విధించిన 515 పరుగుల భారీ లక్ష్యాన్ని ఛేదించే క్రమంలో రెండో ఇన్నింగ్స్‌ బరిలోకి దిగిన బంగ్లా శనివారం ఆట ముగిసే సమయానికి 37.2 ఓవర్లలో 158 పరుగులు చేసింది. కెపె్టన్‌ నజ్ముల్‌ హసన్‌ (60 బంతుల్లో 51; 4 ఫోర్లు, 3 సిక్స్‌లు), షకీబ్‌ అల్‌ హసన్‌ (5 బ్యాటింగ్‌) క్రీజ్‌లో ఉన్నారు. భారత బౌలర్లలో అశి్వన్‌కు మూడు వికెట్లు దక్కాయి. మరో రెండు రోజుల ఆట మిగిలి ఉండగా బంగ్లా మరో 357 పరుగులు చేయాల్సి ఉంది. వెలుతురులేమి కారణంగా ఆటను అంపైర్లు కాస్త ముందుగా నిలిపివేశారు. అంతకు ముందు ఓవర్‌నైట్‌ స్కోరు 81/3తో మూడో రోజు ఆట కొనసాగించిన భారత్‌ తమ రెండో ఇన్నింగ్స్‌ను 64 ఓవర్లలో 4 వికెట్లకు 287 పరుగుల వద్ద డిక్లేర్‌ చేసింది. శుబ్‌మన్‌ గిల్‌ (176 బంతుల్లో 119 నాటౌట్‌; 10 ఫోర్లు, 4 సిక్స్‌లు) కెరీర్‌లో ఐదో సెంచరీ... రిషభ్‌ పంత్‌ (128 బంతుల్లో 109; 13 ఫోర్లు, 4 సిక్స్‌లు) కెరీర్‌లో ఆరో సెంచరీ సాధించారు. వీరిద్దరు నాలుగో వికెట్‌కు 167 పరుగులు జోడించారు. శనివారం భారత్‌ మొత్తం 41 ఓవర్లు ఆడి 206 పరుగులు జత చేసింది. శతకాల జోరు... మూడో రోజు ఆటలో పంత్, గిల్‌ను బంగ్లా బౌలర్లు ఏమాత్రం ఇబ్బంది పెట్టలేకపోయారు. ప్రత్యర్థి పేలవ బౌలింగ్‌ను సొమ్ము చేసుకున్న భారత బ్యాటర్లిద్దరూ దూకుడుగా ఆడారు. మిరాజ్‌ ఓవర్లో రెండు సిక్స్‌లు బాది గిల్‌ ముందుగా అర్ధసెంచరీ పూర్తి చేసుకోగా, ఆ తర్వాత పంత్‌ కూడా హాఫ్‌ సెంచరీని అందుకున్నాడు. 72 పరుగుల వద్ద పంత్‌ ఇచ్చిన క్యాచ్‌ను కెప్టెన్‌ నజ్ముల్‌ వదిలేశాడు. షకీబ్‌ ఓవర్లో పంత్‌ రెండు వరుస ఫోర్లు కొట్టడంతో తొలి సెషన్‌ ముగిసింది. లంచ్‌ తర్వాత కూడా షకీబ్‌ ఓవర్లో సిక్స్, ఫోర్‌ బాది పంత్‌ దూసుకుపోయాడు. ఎట్టకేలకు అభిమానులు ఎదురు చూసిన క్షణం వచి్చంది. షకీబ్‌ ఓవర్లో లాంగాఫ్‌ దిశగా దిశగా ఆడి రెండు పరుగులు తీయడంతో 124 బంతుల్లో పంత్‌ సెంచరీ పూర్తి కాగా...భారత శిబిరం మొత్తం తమ సహచరుడిని చప్పట్లతో అభినందించింది. తర్వాతి ఓవర్లోనే అతను వెనుదిరిగాడు. ఆ తర్వాత కొద్ది సేపటికే గిల్‌ కూడా 161 బంతుల్లో శతకాన్ని అందుకున్నాడు. మరో నాలుగు ఓవర్లకు రోహిత్‌ ఇన్నింగ్స్‌ను డిక్లేర్‌ చేశాడు. నజ్ముల్‌ హాఫ్‌ సెంచరీ... భారీ లక్ష్యం ముందుండగా బంగ్లా ఇన్నింగ్స్‌ను ఓపెనర్లు జాకీర్‌ హసన్‌ (47 బంతుల్లో 33; 5 ఫోర్లు, 1 సిక్స్‌), షాద్‌మన్‌ ఇస్లామ్‌ (68 బంతుల్లో 35; 3 ఫోర్లు) దూకుడుగా ఆరంభించారు. సిరాజ్‌ ఓవర్లో జాకీర్‌ 2 ఫోర్లు, సిక్స్‌తో 14 పరుగులు రాబట్టాడు. దాంతో స్కోరు 62/0కు చేరింది. అయితే టీ విరామం తర్వాత బుమ్రా చక్కటి బంతితో జాకీర్‌ను అవుట్‌ చేసి తొలి దెబ్బ కొట్టాడు. షాద్‌మన్‌ వికెట్‌ అశి్వన్‌ ఖాతాలో చేరింది. మరో వైపు నజు్మల్‌ ధాటిగా ఆడాడు. ఈ క్రమంలో అశ్వి న్‌ కూడా నాలుగు సిక్స్‌లు సమరి్పంచుకున్నాడు. ఆ తర్వాత అశ్విన్‌ మరో రెండు వికెట్లు తీయడంతో స్కోరు 86/1 నుంచి 146/4కు చేరింది. స్కోరు వివరాలు భారత్‌ తొలి ఇన్నింగ్స్‌ 376; బంగ్లాదేశ్‌ తొలి ఇన్నింగ్స్‌ 149; భారత్‌ రెండో ఇన్నింగ్స్‌: యశస్వి (సి) దాస్‌ (బి) నాహిద్‌ 10; రోహిత్‌ (సి) జాకీర్‌ (బి) తస్కీన్‌ 5; గిల్‌ (నాటౌట్‌) 119; కోహ్లి (ఎల్బీ) (బి) మిరాజ్‌ 17; పంత్‌ (సి) అండ్‌ (బి) మిరాజ్‌ 109; రాహుల్‌ (నాటౌట్‌) 22; ఎక్స్‌ట్రాలు 5; మొత్తం (64 ఓవర్లలో 4 వికెట్లకు డిక్లేర్డ్‌) 287. వికెట్ల పతనం: 1–15, 2–28, 3–67, 4–234.బౌలింగ్‌: తస్కీన్‌ 7–1–22–1, హసన్‌ మహమూద్‌ 11–1–43–0, నాహిద్‌ రాణా 6–0–21–1, షకీబ్‌ 13–0–79–0, మెహదీ హసన్‌ మిరాజ్‌ 25–3–10–3–2, మోమినుల్‌ 2–0–15–0. బంగ్లాదేశ్‌ రెండో ఇన్నింగ్స్‌: జాకీర్‌ (సి) యశస్వి (బి) బుమ్రా 33; షాద్‌మన్‌ (సి) గిల్‌ (బి) అశ్విన్‌ 35; నజు్మల్‌ (బ్యాటింగ్‌) 51; మోమినుల్‌ (బి) అశ్విన్‌ 13; ముషి్ఫకర్‌ (సి) రాహుల్‌ (బి) అశి్వన్‌ 13; షకీబ్‌ (బ్యాటింగ్‌) 5; ఎక్స్‌ట్రాలు 8; మొత్తం (37.2 ఓవర్లలో 4 వికెట్లకు) 158. వికెట్ల పతనం: 1–62, 2–86, 3–124, 4–146.బౌలింగ్‌: బుమ్రా 7–2–18–1, సిరాజ్‌ 3.2–1–20–0, ఆకాశ్‌ దీప్‌ 6–0–20–0, అశ్విన్‌ 15–0–63–3, జడేజా 6–0–29–0.

పాకిస్తాన్‌ను సొంతగడ్డపై మట్టికరిపించి 2-0తో టెస్టు సిరీస్‌ను క్లీన్‌స్వీప్‌ చేసిన బంగ్లాదేశ్‌ జట్టు.. అదే జోరులో భారత్‌లో అడుగుపెట్టింది. పటిష్ట టీమిండియాను పడగొట్టడం తేలికేమీ కాదని తెలిసినా.. గెలుపే లక్ష్యంగా ముందుకు సాగుతామని పేర్కొంది. అయితే, తొలి టెస్టు తొలి రోజు ఆరంభంలో కాస్త పైచేయి సాధించినా.. తర్వాత సీన్‌ మొత్తం రివర్స్‌ అయ్యింది.భారీ లక్ష్యం.. బంగ్లాదేశ్‌ ఒక్కటీ గెలవలేదు!.గెలుపు సంగతి దేవుడెరుగు.. బంగ్లాదేశ్‌ ప్రస్తుతం భారీ ఓటమి నుంచి ఎలా తప్పించుకోవాలో తెలియని స్థితిలో నిలిచింది. అవును.. రెండు రోజుల ఆట మిగిలి ఉండవచ్చ. కానీ 515 పరుగులు సాధించడమైతే షాంటో బృందానికి అంత తేలికేమీ కాదు. గత రికార్డులు కూడా ఇదే విషయాన్ని చెబుతున్నాయి.ఇప్పటి వరకు టెస్టుల్లో 400 పరుగులకు పైగా లక్ష్యాన్ని(ఫోర్త్‌ ఇన్నింగ్స్‌) బంగ్లాదేశ్‌ ఇప్పటి వరకు ఎప్పుడూ ఛేదించనే లేదు. 20 సార్లు ఇంతంటి భారీ లక్ష్యం ముందు నిలిచిన బంగ్లా.. ఒక్కసారి మాత్రం మ్యాచ్‌ను డ్రా చేసుకోగలిగింది. అయితే.. పందొమ్మిదిసార్లూ ఓటమినే చవిచూసింది. టీమిండియా బౌలర్ల జోరు చూస్తూ ఉంటే.. బంగ్లాదేశ్‌ ఖాతాలో 20వ పరాజయం కూడా చేరడం ఖాయంగా కనిపిస్తోంది.అప్పుడు అశ్విన్‌ సెంచరీ.. ప్రపంచ టెస్టు చాంపియన్‌షిప్‌ 2023-25 సీజన్‌లో భాగంగా టీమిండియా- బంగ్లాదేశ్‌ మధ్య రెండు మ్యాచ్‌ల సిరీస్‌ జరుగుతోంది. ఈ క్రమంలో చెన్నైలోని చెపాక్‌ వేదికగా గురువారం తొలి టెస్టు మొదలైంది. టాస్‌ గెలిచిన బంగ్లాదేశ్‌ భారత్‌ను బ్యాటింగ్‌కు ఆహ్వానించింది. అయితే, ఆరంభంలో బంగ్లా పేసర్‌ హసన్‌ మహమూద్‌ ధాటి(5/83)కి ఇబ్బంది పడ్డ టీమిండియా.. రవిచంద్రన్‌ అశ్విన్‌(113) సూపర్‌ సెంచరీతో కోలుకుంది.అశూతో పాటు ఓపెనర్‌ యశస్వి జైస్వాల్‌ 56, మరో స్పిన్‌ బౌలింగ్‌ ఆల్‌రౌండర్‌ రవీంద్ర జడేజా 86 పరుగులతో రాణించారు. ఫలితంగా టీమిండియా తమ తొలి ఇన్నింగ్స్‌లో 376 పరుగులు స్కోరు చేసింది. అనంతరం.. బంగ్లాదేశ్‌ 149 పరుగులకే ఆలౌట్‌ అయింది. టీమిండియా పేసర్లు జస్‌ప్రీత్‌ బుమ్రా 4, సిరాజ్‌ రెండు, ఆకాశ్‌ దీప్‌ రెండు వికెట్లు తీయగా.. స్పిన్నర్‌ జడ్డూ రెండు వికెట్లు పడగొట్టాడు.ఇపుడు గిల్‌, పంత్‌ శతకాలుఈ క్రమంలో 227 పరుగుల ఆధిక్యంతో రెండో ఇన్నింగ్స్‌ మొదలుపెట్టిన టీమిండియాను శుబ్‌మన్‌ గిల్‌, రిషభ్‌ పంత్‌ మరింత పటిష్ట స్థితిలో నిలిపారు. గిల్‌(119 నాటౌట్‌), పంత్‌(109) అద్భుత శతకాలతో దుమ్ములేపారు. ఈ క్రమంలో 64 ఓవర్లలో నాలుగు వికెట్ల నష్టానికి 287 పరుగుల వద్ద ఉండగా కెప్టెన్‌ రోహిత్‌ శర్మ టీమిండియా ఇన్నింగ్స్‌ డిక్లేర్‌ చేశాడు. దీంతో ఓవరాల్‌గా 514 పరుగుల లీడ్‌లో ఉన్న భారత్‌.. బంగ్లాదేశ్‌కు 515 పరుగుల టార్గెట్‌ విధించింది. అయితే, ఇంతటి లక్ష్యాన్ని ఛేదించాలంటే బంగ్లాదేశ్‌కు ఈజీ కాదు. ఏమో గుర్రం ఎగరావచ్చు అంటారా?! చూద్దాం.. ఇప్పటికైతే టీమిండియా విజయం ఖాయమని అభిమానులు ధీమా వ్యక్తం చేస్తున్నారు.టీమిండియా వర్సెస్‌ బంగ్లాదేశ్‌ తొలి టెస్టు (సెప్టెంబరు 19- 23)టీమిండియా తొలి ఇన్నింగ్స్‌ స్కోరు: 376బంగ్లాదేశ్‌ తొలి ఇన్నింగ్స్‌ స్కోరు: 149టీమిండియా రెండో ఇన్నింగ్స్‌- 287/4 డిక్లేర్డ్‌బంగ్లాదేశ్‌ లక్ష్యం- 515 పరుగులుచదవండి: AFG vs SA: వన్డేల్లో అఫ్గన్‌ సంచలన విజయం.. సౌతాఫ్రికాపై సిరీస్‌ గెలుపు Aaj ka toh din hi 𝙎𝙝𝙪𝙗𝙝 hai! 🤌🏻Shubman Gill joins the centurion party with a stylish 💯#INDvBAN #IDFCFirstBankTestSeries #JioCinemaSports pic.twitter.com/ZpcuwZyjxQ— JioCinema (@JioCinema) September 21, 2024WELCOME BACK TO TEST CRICKET, RISHABH PANT! 🙌🏻💯#RishabhPant #INDvBAN #IDFCFirstBankTestSeries #JioCinemaSports pic.twitter.com/C4gJuv29Y1— JioCinema (@JioCinema) September 21, 2024

బంగ్లాదేశ్‌తో తొలి టెస్టులో టీమిండియా బ్యాటర్‌ శుబ్‌మన్‌ గిల్‌ అదరగొట్టాడు. తొలి ఇన్నింగ్స్‌లో డకౌట్‌ అయిన ఈ కుడిచేతి వాటం బ్యాటర్‌.. రెండో ఇన్నింగ్స్‌లో మాత్రం దుమ్ములేపాడు. శనివారం నాటి మూడో రోజు ఆట భోజన విరామ సమయానికి 137 బంతులు ఎదుర్కొన్న గిల్‌.. 86 పరుగులు సాధించాడు.రెండో ఇన్నింగ్స్‌లోనే ఇలాబ్రేక్‌ తర్వాత తిరిగొచ్చి సెంచరీ పూర్తి చేసుకున్నాడు. కాగా ఈ వన్‌డౌన్‌ బ్యాటర్‌ గత నాలుగు టెస్టుల్లో సెకండ్‌ ఇన్నింగ్స్‌లో మూడు అర్ధ శతకాలతో పాటు.. ఒక సెంచరీ సాధించాడు. తాజాగా మరోసారి రెండో ఇన్నింగ్స్‌లోనే శతకంతో సత్తా చాటడం విశేషం. కాగా ప్రపంచ టెస్టు చాంపియన్‌షిప్‌ 2023-25 సీజన్‌లో భాగంగా టీమిండియా బంగ్లాదేశ్‌తో రెండు మ్యాచ్‌ల సిరీస్‌ ఆడుతోంది.ఈ క్రమంలో ఇరుజట్ల మధ్య చెన్నై వేదికగా గురువారం మొదటి టెస్టు ఆరంభమైంది. టాస్‌ గెలిచిన బంగ్లాదేశ్‌ తొలుత బౌలింగ్‌ ఎంచుకుని రోహిత్‌ సేనను బ్యాటింగ్‌కు ఆహ్వానించింది. ఈ నేపథ్యంలో భారత జట్టు తమ తొలి ఇన్నింగ్స్‌లో 376 పరుగులకు ఆలౌట్‌ కాగా.. బంగ్లాదేశ్‌ 149 పరుగులకే కుప్పకూలింది. పంత్‌ కూడా శతకం బాదాడుఈ క్రమంలో 83/3 ఓవర్‌నైట్‌ స్కోరుతో శనివారం నాటి మూడో రోజు ఆట మొదలుపెట్టిన టీమిండియాకు గిల్‌, పంత్‌ శుభారంభం అందించారు. వీరిద్దరి శతకాల కారణంగా టీమిండియాకు ఏకంగా 514 పరుగుల ఆధిక్యం లభించింది. ఈ క్రమంలో గిల్‌.. 119 పరుగుల వద్ద ఉండగా.. కెప్టెన్‌ రోహిత్‌ శర్మ టీమిండియా‌ రెండో ఇన్నింగ్స్‌ డిక్లేర్‌ చేశాడు. దీంతో బంగ్లాదేశ్‌కు భారత్‌ 515 పరుగుల లక్ష్యాన్ని విధించింది.టీమిండియా వర్సెస్‌ బంగ్లాదేశ్‌ తొలి టెస్టు (సెప్టెంబరు 19- 23)టీమిండియా తొలి ఇన్నింగ్స్‌ స్కోరు: 376బంగ్లాదేశ్‌ తొలి ఇన్నింగ్స్‌ స్కోరు: 149టీమిండియా రెండో ఇన్నింగ్స్‌- 287/4 డిక్లేర్డ్‌బంగ్లాదేశ్‌ లక్ష్యం- 515 పరుగులుతుదిజట్లు:టీమిండియారోహిత్ శర్మ(కెప్టెన్), యశస్వి జైస్వాల్, శుబ్‌మన్ గిల్, విరాట్ కోహ్లీ, కేఎల్ రాహుల్, రిషభ్‌ పంత్, రవీంద్ర జడేజా, రవిచంద్రన్ అశ్విన్, జస్ప్రీత్ బుమ్రా, ఆకాశ్ దీప్, మహ్మద్ సిరాజ్.బంగ్లాదేశ్‌షాద్మాన్ ఇస్లాం, జకీర్ హసన్, నజ్ముల్ హుస్సేన్ శాంటో(కెప్టెన్), మొమినుల్ హక్, ముష్ఫికర్ రహీం, షకీబ్ అల్ హసన్, లిటన్ దాస్(వికెట్ కీపర్), మెహిదీ హసన్ మిరాజ్, తస్కిన్ అహ్మద్, హసన్ మహమూద్, నహీద్ రాణా.చదవండి: చరిత్ర సృష్టించిన జైస్వాల్‌.. గావస్కర్‌ ఆల్‌టైమ్‌ రికార్డు బ్రేక్‌

బంగ్లాదేశ్‌తో తొలి టెస్టులో టీమిండియా స్టార్‌ రిషభ్‌ పంత్‌ శతక్కొట్టాడు. 631 రోజుల తర్వాత టెస్టు బరిలో దిగిన ఈ వికెట్‌ కీపర్‌ బ్యాటర్‌ 109 పరుగులు సాధించాడు. తన అద్భుత ఇన్నింగ్స్‌తో భారత్ బంగ్లాదేశ్‌ ముందు భారీ లక్ష్యం విధించడంలో సహాయపడ్డాడు.88 బంతుల్లోనేకాగా తొలి ఇన్నింగ్స్‌లో పంత్‌ 39 పరుగులకే పరిమితమయ్యాడు. అయితే, రెండో ఇన్నింగ్స్‌లో ఆది నుంచే దూకుడుగా ఆడిన పంత్‌.. 88 బంతుల్లోనే యాభై పరుగుల మార్కు అందుకున్నాడు. ఆ తర్వాత శుబ్‌మన్‌ గిల్‌తో కలిసి స్కోరు బోర్డు పరిగెత్తించడమే పనిగా పెట్టుకున్నాడు. 13 ఫోర్లు, నాలుగు సిక్సర్ల సాయంతోమొత్తంగా 128 బంతులు ఎదుర్కొని 109 పరుగులు చేశాడు. ఈ లెఫ్టాండర్‌ 13 ఫోర్లు, నాలుగు సిక్సర్ల సాయంతో ఈ మేర స్కోరు సాధించాడు. అయితే, సెంచరీ కొట్టిన కాసేపటికే పంత్‌ బౌల్డ్‌ కావడం గమనార్హం. మెహదీ హసన్‌ మిరాజ్‌ బౌలింగ్‌లో పంత్‌ వెనుదిరిగాడు. బంగ్లాదేశ్‌ ముందు కొండంత లక్ష్యంమరోవైపు శుబ్‌మన్‌ గిల్‌ శతకం పూర్తి చేసుకున్నాడు. అయితే, అతడు 119 పరుగుల వద్ద ఉండగా.. కెప్టెన్‌ రోహిత్‌ శర్మ భారత్‌ రెండో ఇన్నింగ్స్‌ డిక్లేర్‌ చేశాడు. పంత్‌, గిల్‌ సెంచరీల కారణంగా టీమిండియాకు 514 పరుగుల భారీ ఆధిక్యం లభించడంతో ఈ నిర్ణయం తీసుకున్నాడు. ఫలితంగా బంగ్లాదేశ్‌కు 515 పరుగుల రూపంలో కొండంత లక్ష్యం ముందుంది. చదవండి: DT 2024: ఆవేశ్‌ఖాన్‌ టీ20 తరహా బ్యాటింగ్‌.. రుతు, ఇషాన్‌ విఫలంWELCOME BACK TO TEST CRICKET, RISHABH PANT! 🙌🏻💯#RishabhPant #INDvBAN #IDFCFirstBankTestSeries #JioCinemaSports pic.twitter.com/C4gJuv29Y1— JioCinema (@JioCinema) September 21, 2024

India vs Bangladesh, 1st Test Chennai Day 3 Updates: వెలుతురులేమి కారణంగా శనివారం అరగంట ముందుగానే ఆటను ముగించారు. అప్పటికి 37.2 ఓవర్లలో నాలుగు వికెట్ల నష్టానికి 158 పరుగులు చేసిన బంగ్లాదేశ్‌.. విజయానికి 357 పరుగుల దూరంలో ఉంది. బంగ్లా కెప్టెన్‌ నజ్ముల్‌ షాంటో 51 పరుగులతో క్రీజులో ఉన్నాడు. టీమిండియా బౌలర్లలో జస్‌ప్రీత్‌ బుమ్రాకు ఒకటి, రవిచంద్రన్‌ అశ్విన్‌కు మూడు వికెట్లు దక్కాయి. అంతకు ముందు 287/4 వద్ద రెండో ఇన్నింగ్స్‌ డిక్లేర్‌ చేసిన టీమిండియా.. బంగ్లాకు 515 పరుగుల టార్గెట్‌ విధించింది. శుబ్‌మన్‌ గిల్‌(119 నాటౌట్‌), రిషభ్‌ పంత్‌(109) శతకాలతో అదరగొట్టారు.టీమిండియా వర్సెస్‌ బంగ్లాదేశ్‌ తొలి టెస్టు (సెప్టెంబరు 19- 23)టీమిండియా తొలి ఇన్నింగ్స్‌ స్కోరు: 376బంగ్లాదేశ్‌ తొలి ఇన్నింగ్స్‌ స్కోరు: 149టీమిండియా రెండో ఇన్నింగ్స్‌- 287/4 డిక్లేర్డ్‌బంగ్లాదేశ్‌ లక్ష్యం- 515 పరుగులు33.4:నాలుగో వికెట్‌ డౌన్‌ముష్ఫికర్‌ రహీం రూపంలో బంగ్లాదేశ్‌ నాలుగో వికెట్‌ కోల్పోయింది. అశ్విన్‌ బౌలింగ్‌లో 13 పరుగుల వ్యక్తిగత స్కోరు వద్ద ముష్ఫికర్‌ పెవిలియన్‌చేరాడు. బంగ్లా స్కోరు: 146/4 (33.4) . లక్ష్యానికి ఇంకా 369 పరుగుల దూరంలో ఉంది.29.6: మూడో వికెట్‌ కోల్పోయిన బంగ్లాదేశ్‌అశ్విన్‌ బౌలింగ్‌లో మూడో వికెట్‌గా మొమినుల్‌ హక్‌(13) వెనుదిరిగాడు. క్లీన్‌ బౌల్డ్‌ అయి పెవిలియన్‌ చేరాడు. ముష్ఫికర్‌ హీం క్రీజులోకి వచ్చాడు. షాంటో 36 పరుగులతో ఆడుతున్నాడు. రెండో వికెట్‌ కోల్పోయిన బంగ్లాదేశ్‌అశ్విన్‌ బౌలింగ్‌లో షాద్మన్‌ ఇస్లాం(35) గిల్‌కు క్యాచ్‌ ఇచ్చి పెవిలియన్‌ చేరాడు. మొమినుల్‌ హక్‌ క్రీజులోకి వచ్చాడు. నజ్ముల్‌ షాంటో 14 పరుగులతో ఆడుతున్నాడు. స్కోరు: 86-2.16.2: తొలి వికెట్‌ కోల్పోయిన బంగ్లాదేశ్‌బుమ్రా బౌలింగ్‌లో జకీర్‌ హసన్‌ 33 పరుగుల వద్ద నిష్క్రమించాడు. షాద్మన్‌ ఇస్లాం 26 పరుగులతో ఆడుతున్నాడు. బంగ్లాదేశ్‌ స్కోరు: 62/1 (16.2) బంగ్లా స్కోరు @ టీ బ్రేక్‌ 56/0(13)భారీ లక్ష్యంతో రెండో ఇన్నింగ్స్‌ మొదలుపెట్టిన బంగ్లాదేశ్‌ టీ బ్రేక్‌ సమయానికి 13 ఓవర్లలో వికెట్‌ నష్టపోకుండా 56 పరుగులు చేసింది. ఓపెనర్లు షాద్మాన్‌ ఇస్లాం 21, జకీర్‌ హసన్‌ 32 పరుగులతో క్రీజులో ఉన్నారు.బంగ్లాదేశ్‌ లక్ష్యం 515భారీ ఆధిక్యంలో ఉన్న టీమిండియా 287/4 స్కోరు వద్ద తమ రెండో ఇన్నింగ్స్‌ డిక్లేర్‌ చేసింది. మొత్తంగా 514 పరుగుల లీడ్‌లో ఉన్న భారత్‌.. బంగ్లాదేశ్‌కు 515 పరుగుల భారీ లక్ష్యాన్ని విధించింది.భారత్‌కు 502 పరుగుల ఆధిక్యంగిల్‌, పంత్‌ సెంచరీల కారణంగా 63 ఓవర్లు ముగిసే సరికి భారత్‌ 506 పరుగుల భారీ ఆధిక్యంలో కొనసాగుతోంది.గిల్‌ శతకం59.4: మెహదీ హసన్‌ మిరాజ్‌ బౌలింగ్‌లో సింగిల్‌ తీసి సెంచరీ పూర్తి చేసుకున్న గిల్‌. తొలి ఇన్నింగ్స్‌లో డకౌట్‌ అయిన గిల్‌.. ఇప్పుడిలా శతక్కొట్టడం విశేషం. రాహుల్‌ 10, గిల్‌ 100 పరుగులతో క్రీజులో ఉన్నారు. సెంచరీ పూర్తి చేసుకున్న పంత్‌.. వికెట్‌ డౌన్‌54.4: గిల్‌తో కలిసి బజ్‌బాల్‌ తరహాలో దూకుడు పెంచిన రిషభ్‌పంత్‌ సెంచరీ పూర్తి చేసుకున్నాడు. లంచ్‌ విరామం తర్వాత.. షకీబ్‌ అల్‌ హసన్‌ బౌలింగ్‌లో రెండు రన్స్‌ తీసి వంద పరుగుల మార్కు అందుకున్నాడు.అయితే ఆమరుసటి ఓవర్‌ మూడో బంతికే మెహదీ హసన్‌ మిరాజ్‌ బౌలింగ్‌లో పంత్‌ బౌల్డ్‌ అయ్యాడు. దీంతో టీమిండియా నాలుగో వికెట్‌ కోల్పోయింది. కేఎల్‌ రాహుల్‌ క్రీజులోకి వచ్చాడు. టీమిండియా స్కోరు: 234-4(56). 461 పరుగుల ఆధిక్యం.లంచ్‌ బ్రేక్‌ సమయానికి టీమిండియా స్కోరు: 205/3 (51)శుబ్‌మన్‌ గిల్‌ 86, రిషభ్‌ పంత్‌ 82 పరుగులతో ఆడుతున్నారు. బంగ్లాదేశ్‌ కంటే టీమిండియా 432 పరుగుల ఆధిక్యం(తొలి ఇన్నింగ్స్‌ కలుపుకొని)లో ఉంది. సెంచరీకి చేరువైన గిల్‌శుబ్‌మన్‌ గిల్‌ శతకానికి చేరువయ్యాడు. 50 ఓవర్లు ముగిసే సరికి 136 బంతులు ఎదుర్కొన్న అతడు 85 పరుగులతో క్రీజులో ఉన్నాడు. మరోవైపు పంత్‌ 73 పరుగులతో ఆడుతున్నాడు. టీమిండియా 422 పరుగుల ఆధిక్యంలో ఉంది.దంచి కొడుతున్న గిల్‌, పంత్‌గిల్‌ 75, పంత్‌ 72 పరుగులతో నిలకడగా ఆడుతున్నారు. 48 ఓవర్లలో టీమిండియా స్కోరు: 184/3.పంత్‌ హాఫ్‌ సెంచరీ43.3: మెహదీ హసన్‌ మిరాజ్‌ బౌలింగ్‌లో సింగిల్‌ తీసి పంత్‌ యాభై పరుగుల మార్కు అందుకున్నాడు. గిల్‌, పంత్‌ నిలకడగా ఆడుతుండటంతో టీమిండియా భారీ ఆధిక్యం దిశగా పయనిస్తోంది. 44 ఓవర్లు ముగిసే సరికి టీమిండియా స్కోరు: 151-3. బంగ్లాదేశ్‌పై 378 పరుగుల ఆధిక్యం.గిల్‌ హాఫ్‌ సెంచరీ29.5వ ఓవర్‌: మెహదీ హసన్‌ మిరాజ్‌ బౌలింగ్‌లో సిక్సర్‌ బాది శుబ్‌మన్‌ గిల్‌ అర్ధ శతకం పూర్తి చేసుకున్నాడు. ఇదే ఓవర్‌లో రెండో బంతికి సైతం గిల్‌ సిక్స్‌ కొట్టడం విశేషం. టీమిండియా స్కోరు: 114-3(30).సెంచరీ పూర్తి చేసుకున్న టీమిండియా28.5వ ఓవర్‌: బంగ్లా పేసర్‌ హసన్‌ మహమూద్‌ బౌలింగ్‌లో పంత్‌ ఫోర్‌ బాదడంతో టీమిండియా రెండో ఇన్నింగ్స్‌లో వంద పరుగుల మార్కు అందుకుంది. 29 ఓవర్లు ముగిసే సరికి భారత్‌ స్కోరు 100-3. పంత్‌ 25, గిల్‌ 39 పరుగులతో ఆడుతున్నారు.టీమిండియా రెండో ఇన్నింగ్స్‌- ఓవర్‌ నైట్‌ స్కోరుశుక్రవారం నాటి రెండో రోజు ఆట ముగిసే సరికి భారత జట్టు 23.3 ఓవర్లలో మూడు వికెట్ల నష్టానికి 83 పరుగులు చేసింది. 308 పరుగుల ఆధిక్యం సంపాదించింది. కాగా ఓపెనర్లు యశస్వి జైస్వాల్‌ 10, రోహిత్‌ శర్మ 5 పరుగులతో నిరాశపరచగా.. విరాట్‌ కోహ్లి సైతం 17 పరుగులకే నిష్క్రమించాడు. శుబ్‌మన్‌ గిల్‌ 34, రిషభ్‌ పంత్‌ 13 పరుగులతో క్రీజులో ఉన్నారు.టీమిండియా వర్సెస్‌ బంగ్లాదేశ్‌ తొలి టెస్టు సెప్టెంబరు 19- 23వేదిక: చెపాక్‌ స్టేడియం, చెన్నైటాస్‌: బంగ్లాదేశ్‌.. తొలుత బౌలింగ్‌టీమిండియా తొలి ఇన్నింగ్స్‌ స్కోరు: 376బంగ్లాదేశ్‌ తొలి ఇన్నింగ్స్‌ స్కోరు: 149తుదిజట్లు:టీమిండియారోహిత్ శర్మ(కెప్టెన్), యశస్వి జైస్వాల్, శుబ్‌మన్ గిల్, విరాట్ కోహ్లీ, కేఎల్ రాహుల్, రిషభ్‌ పంత్, రవీంద్ర జడేజా, రవిచంద్రన్ అశ్విన్, జస్ప్రీత్ బుమ్రా, ఆకాశ్ దీప్, మహ్మద్ సిరాజ్.బంగ్లాదేశ్‌షాద్మాన్ ఇస్లాం, జకీర్ హసన్, నజ్ముల్ హుస్సేన్ శాంటో(కెప్టెన్), మొమినుల్ హక్, ముష్ఫికర్ రహీం, షకీబ్ అల్ హసన్, లిటన్ దాస్(వికెట్ కీపర్), మెహిదీ హసన్ మిరాజ్, తస్కిన్ అహ్మద్, హసన్ మహమూద్, నహీద్ రాణా.

చెన్నై వేదిక‌గా బంగ్లాదేశ్‌తో జ‌రుగుతున్న తొలి టెస్టులో టీమిండియా ఓపెన‌ర్ శుబ్‌మ‌న్ గిల్ తీవ్ర నిరాశ‌ప‌రిచాడు. మొద‌టి ఇన్నింగ్స్‌లో గిల్ డ‌కౌట్‌గా వెనుదిరిగాడు. 8 బంతులు ఎదుర్కొన్న గిల్‌.. ఖాతా తెర‌వ‌కుండానే పెవిలియ‌న్‌కు చేరాడు.క్రీజులోకి వ‌చ్చిన‌ప్ప‌టి నుంచే బంగ్లా పేస‌ర్లు ఎదుర్కొవ‌డానికి ఇబ్బంది ప‌డ్డ శుబ్‌మన్.. ఆఖ‌రికి హసన్ మహమూద్ బౌలింగ్‌లో ఔట‌య్యాడు. భార‌త ఇన్నింగ్స్ 8 ఓవ‌ర్‌ వేసిన మహ్మద్ బౌలింగ్‌లో ఫుల్ డెలివరీని డౌన్‌ది లెగ్ సైడ్ ఆడ‌టానికి ప్ర‌య‌త్నించాడు.కానీ బంతి ఎడ్జ్ తీసుకుని వికెట్ కీప‌ర్ లిట్ట‌న్ దాస్ చేతికి వెళ్లింది. దీంతో గిల్ నిరాశ‌తో పెవిలియ‌న్‌కు చేరాడు.గిల్ చెత్త రికార్డు..ఇక ఈ మ్యాచ్‌లో డ‌కౌటైన గిల్ ఓ చెత్త రికార్డును త‌న పేరిట లిఖించుకున్నాడు. ఒక క్యాలెండర్ ఈయ‌ర్‌లో మూడు లేదా అంత‌కంటే ఎక్కువ సార్లు డ‌కౌటైన ఆరో భార‌త‌ ఆట‌గాడిగా గిల్ నిలిచాడు. ఈ చెత్త రికార్డు సాధించిన‌ జాబితాలో భార‌త మాజీ క్రికెట‌ర్ మొహిందర్ అమర్‌నాథ్ ఉన్నాడు. 1983లో అమర్‌నాథ్ ఏకంగా 5 సార్లు డ‌కౌట‌య్యాడు. అత‌డి త‌ర్వాత మన్సూర్ అలీ ఖాన్ పటౌడీ (1969), దిలీప్ వెంగ్‌సర్కార్ (1979), వినోద్ కాంబ్లీ (1994), విరాట్ కోహ్లి(2021), గిల్‌(2024) ఉన్నారు. వీరింద‌రూ మూడు సార్లు ఓ క్యాలెండ‌ర్ ఈయ‌ర్‌లో డ‌కౌట‌య్యారు. ఇక తొలి ఇన్నింగ్స్‌లో మొద‌టి రోజు టీబ్రేక్ స‌మయానికి భార‌త్ 6 వికెట్లు కోల్పోయి 176 ప‌రుగులు చేసింది. భార‌త బ్యాట‌ర్ల‌లో ఓపెన‌ర్ య‌శ‌స్వీ జైశ్వాల్‌(56) హాఫ్ సెంచ‌రీతో మెరిశాడు.చదవండి: 147 ఏళ్ల చరిత్రలో ఇది రెండోసారి.. గావస్కర్‌ను అధిగమించి..

ఆస్ట్రేలియా ఆటగాళ్లకు టీమిండియా భవిష్యత్తు సూపర్‌ స్టార్స్‌ ఎవరనే ప్రశ్న ఎదురైనప్పుడు ఆసక్తికర సమాధానలు చెప్పారు. ఆసీస్‌ స్టార్‌ ప్లేయర్లంతా ముక్తకంఠంతో ఇద్దరు యువ ఆటగాళ్లకు ఓటు వేశారు. స్టీవ్‌ స్మిత్‌, మిచెల్‌ స్టార్క్‌, జోష్‌ హాజిల్‌వుడ్‌, మార్నస్‌ లబూషేన్‌, నాథన్‌ లయోన్‌ యశస్వి జైస్వాల్‌కు ఓటు వేయగా.. కెమరూన్‌ గ్రీన్‌, ట్రవిస్‌ హెడ్‌ శుభ్‌మన్‌ గిల్‌వైపు మొగ్గు చూపారు.Australian players picking the future Superstars of Indian Cricket. 🇮🇳- Gill 🤝 Jaiswal...!!!!! pic.twitter.com/RSOzYQOA2k— Johns. (@CricCrazyJohns) September 16, 2024కాగా, టీమిండియా త్వరలో (నవంబర్‌ 22 నుంచి) బోర్డర్‌ గవాస్కర్‌ ట్రోఫీ కోసం ఆస్ట్రేలియాలో పర్యటించనున్న విషయం తెలిసిందే. ఈ సిరీస్‌లో మొత్తం ఐదు మ్యాచ్‌లు జరుగనున్నాయి. టీమిండియా గత రెండు పర్యాయాలు ఆస్ట్రేలియాలో పర్యటించినప్పుడు ఆ జట్టును చిత్తుగా ఓడించింది. దీంతో ఈసారి ఎలాగైనా టీమిండియాకు ఓటమి రుచి చూపించాలని ఆసీస్‌ ఆటగాళ్లు పట్టుదలగా ఉన్నారు. మరోవైపు భారత్‌ జట్టు గతంలో కంటే ప్రస్తుతం చాలా పటిష్టంగా ఉంది. ఈసారి టీమిండియాను ఓడించడం అంత సులువైన పని కాదు. సీనియర్లు, జూనియర్లంతా సూపర్‌ ఫామ్‌లో ఉన్నారు.ఇదిలా ఉంటే, ప్రస్తుతం ఆస్ట్రేలియా, టీమిండియా వేర్వేరు జట్లతో సిరీస్‌లలో బిజీగా ఉన్నాయి. త్వరలో భారత్‌.. బంగ్లాదేశ్‌ను ఎదుర్కోనుండగా.. ఆసీస్‌ ప్రస్తుతం ఇంగ్లండ్‌తో పరిమిత ఓవర్ల సిరీస్‌లు ఆడుతుంది. బంగ్లాదేశ్‌తో తొలి టెస్ట్‌ చెన్నై వేదికగా సెప్టెంబర్‌ 19 నుంచి ప్రారంభం కానుంది. రెండో టెస్ట్‌ కాన్పూర్‌ వేదికగా సెప్టెంబర్‌ 27న మొదలవుతుంది. మూడు టీ20లు గ్వాలియర్‌, ఢిల్లీ, హైదరాబాద్‌ వేదికలుగా అక్టోబర్‌ 6, 9, 12 తేదీల్లో జరుగనున్నాయి.తొలి టెస్ట్‌కు భారత జట్టు..రోహిత్‌ శర్మ (కెప్టెన్‌), యశస్వి జైస్వాల్‌, శుభ్‌మన్‌ గిల్‌, విరాట్‌ కోహ్లి, సర్ఫరాజ్‌ ఖాన్‌, రవిచంద్రన్‌ అశ్విన్‌, రవీంద్ర జడేజా, అక్షర్‌ పటేల్‌, కేఎల్‌ రాహుల్‌, ధృవ్‌ జురెల్‌, రిషబ్‌ పంత్‌, మొహమ్మద్‌ సిరాజ్‌, కుల్దీప్‌ యాదవ్‌, ఆకాశ్‌దీప్‌, యశ్‌ దయాల్‌, జస్ప్రీత్‌ బుమ్రాచదవండి: గిల్‌, పంత్‌, బుమ్రాలకు విశ్రాంతి..?

దులీప్ ట్రోఫీ-2024ను ఇండియా-డి టీమ్ ఓపెన‌ర్ ప్రథమ్ సింగ్‌ ఘ‌నంగా ఆరంభించాడు. ఈ టోర్నీలో భాగంగా అనంత‌పూర్ వేదిక‌గా ఇండియా-డితో జ‌రుగుతున్న మ్యాచ్‌లో ప్రథమ్ సింగ్ అద్భుత‌మైన సెంచ‌రీతో చెల‌రేగాడు. కెప్టెన్ శుబ్‌మ‌న్ గిల్ స్ధానంలో భార‌త-ఎ జట్టులోకి ఎంట్రీ ఇచ్చిన ప్ర‌థ‌మ్‌.. ప్ర‌త్య‌ర్ధి బౌల‌ర్ల‌ను ఊతికారేశాడు. లెఫ్ట్‌హ్యాండ‌ర్ అయిన ప్ర‌థ‌మ్ సింగ్‌ త‌న క్లాసిక్ షాట్‌ల‌తో ఆల‌రించాడు. హ‌ర్షిత్ రానా, అర్ష్‌దీప్ సింగ్ వంటి బౌల‌ర్ల‌ను సైతం టార్గెట్ చేశాడు. ఈ మ్యాచ్ తొలి ఇన్నింగ్స్‌లో 189 బంతులు ఎదుర్కొన్న అత‌డు 12 ఫోర్లు, ఒక సిక్స‌ర్‌తో 122 ప‌రుగులు చేసి ఔట‌య్యాడు. ఈ క్ర‌మంలో ఎవ‌రీ ప్ర‌థ‌మ్ సింగ్ నెటిజ‌న్లు తెగ‌వెతికేస్తున్నారు.ఎవరీ ప్ర‌థ‌మ్ సింగ్‌?31 ఏళ్ల ప్ర‌థ‌మ్ సింగ్ ఆగస్టు 31, 1992లో ఢిల్లీలో జన్మించాడు. అత‌డు ఫ‌స్ట్‌క్లాస్ క్రికెట్ రైల్వేస్‌కు ఆడుతున్నాడు. 2017లో మహారాష్ట్ర‌పై ప్ర‌థ‌మ్ ఫ‌స్ట్‌క్లాస్ అరంగేట్రం చేశాడు. సీనియర్ రైల్వేస్ జట్టు త‌ర‌పున ఆడేమందు.. రైల్వేస్ అండ‌ర్‌-19 జ‌ట్టుకు ప్రాతినిధ్యం వహించాడు. ఫ‌స్ట్‌క్లాస్ క్రికెట్‌లో ఇప్ప‌టివ‌ర‌కు 29 మ్యాచ్‌లు ఆడిన ప్ర‌థ‌మ్ సింగ్‌.. 35.63 స‌గ‌టుతో 169 ప‌రుగులు చేశాడు. అత‌డి కెరీర్‌లో ఇప్ప‌టివ‌ర‌కు రెండు సెంచ‌రీలు, 10 హాఫ్ సెంచ‌రీలు ఉన్నాయి. ప్ర‌థ‌మ్ ఐపీఎల్‌లో కూడా భాగ‌మ‌య్యాడు. 2017లో గుజ‌రాత్ టైటాన్స్ త‌రపున క్యాష్‌రిచ్ లీగ్‌లో అరంగేట్రం చేశాడు. ఆ త‌ర్వాత ఐపీఎల్‌-2022 మెగా వేలంలో రూ.20ల‌క్ష‌ల క‌నీస ధ‌ర‌కు కోల్‌క‌తా నైట్‌రైడ‌ర్స్ కొనుగోలు చేసింది. 2024 సీజ‌న్ ఛాంపియ‌న్‌గా నిలిచిన కేకేఆర్ జ‌ట్టులో ప్ర‌థ‌మ్ స‌భ్యుడిగా ఉన్నాడు. కానీ అత‌డికి కేకేఆర్ త‌ర‌పున ఒక్క మ్యాచ్ కూడా అవ‌కాశం రాలేదు.చదవండి: భార‌త మాజీ క్రికెట‌ర్‌కు షాక్‌.. నెల రోజులకే హెడ్‌కోచ్ పోస్ట్ ఊస్ట్‌?Century for Pratham Singh 💯6⃣, 4⃣, 4⃣What a way to get your maiden Duleep Trophy hundred 👏#DuleepTrophy | @IDFCFIRSTBankFollow the match ▶️: https://t.co/m9YW0Hu10f pic.twitter.com/EmmpwDJX1Q— BCCI Domestic (@BCCIdomestic) September 14, 2024

సాక్షి, అనంతపురం: దేశవాళీ క్రికెట్‌ టోర్నీ దులీప్‌ ట్రోఫీలో నేడు రెండో దశ మ్యాచ్‌లు ప్రారంభం కానున్నాయి. అనంతపురం వేదికగా జరగనున్న ఈ మ్యచ్‌ల్లో భారత్‌ ‘ఎ’ జట్టుతో భారత్‌ ‘డి’... భారత్‌ ‘బి’ జట్టుతో భారత్‌ ‘సి’ తలపడనున్నాయి. తొలి రౌండ్‌ మ్యాచ్‌ల్లో భారత్‌ ‘బి’, ‘సి’ జట్లు విజయాలు సాధించాయి. ఈ నెల 19 నుంచి భారత్, బంగ్లాదేశ్‌ మధ్య తొలి టెస్టు ప్రారంభం కానున్న నేపథ్యంలో సర్ఫరాజ్‌ ఖాన్‌ మినహా టీమిండియా ప్లేయర్లెవరూ రెండో రౌండ్‌ దులీప్‌ ట్రోఫీ మ్యాచ్‌లో పాల్గొనడం లేదు. తొలి మ్యాచ్‌లో ఆడిన శుబ్‌మన్‌ గిల్, కేఎల్‌ రాహుల్, ధ్రువ్‌ జురేల్, కుల్దీప్‌ యాదవ్, ఆకాశ్‌దీప్, యశస్వి జైస్వాల్, రిషబ్‌ పంత్, యశ్‌ దయాళ్, అక్షర్‌ పటేల్‌... తమతమ జట్లను వీడి టీమిండియాతో జట్టు కట్టారు. దీంతో భారత్‌ ‘సి’ జట్టులో మినహా మిగిలిన టీమ్‌లలో మార్పులు చోటు చేసుకున్నాయి. భారత ‘ఎ’ జట్టుకు మయాంక్‌ అగర్వాల్‌ సారథ్యం వహించనుండగా.. ‘బి’ టీమ్‌కు అభిమన్యు ఈశ్వరన్‌ కెపె్టన్‌గా వ్యవహరించనున్నాడు. ‘సి’ టీమ్‌కు రుతురాజ్‌ గైక్వాడ్, ‘డి’ జట్టుకు శ్రేయస్‌ అయ్యర్‌ సారథ్యం వహించనున్నారు. ప్రధాన ఆటగాళ్ల గైర్హాజరీలో దేశవాళీల్లో నిలకడ కొనసాగిస్తున్న యువ ఆటగాళ్లకు ఈ మ్యాచ్‌లు మంచి అవకాశం కానున్నాయి. రింకూ సింగ్, రుతురాజ్‌ గైక్వాడ్, శ్రేయస్‌ అయ్యర్, మయాంక్‌ అగర్వాల్, వాషింగ్టన్‌ సుందర్‌ వంటి వాళ్లు మెరుగైన ప్రదర్శన చేసి జాతీయ జట్టులో చోటు దక్కించుకోవాలని భావిస్తున్నారు. గత మ్యాచ్‌లో భారత్‌ ‘ఎ’ జట్టుకు సారథిగా వ్యవహరించిన శుబ్‌మన్‌ గిల్‌ అందుబాటులో లేకపోవడంతో మయాంక్‌కు జట్టు పగ్గాలు దక్కాయి. రెండేళ్ల క్రితం జాతీయ జట్టు తరఫున చివరి టెస్టు ఆడిన మయాంక్‌ తిరిగి సెలెక్టర్ల దృష్టిలో పడాలంటే భారీగా పరుగులు చేయాల్సిన అవసరముంది. బంగ్లాదేశ్‌తో రెండు మ్యాచ్‌ల సిరీస్‌లో తొలి టెస్టు కోసమే భారత జట్టును ఎంపిక చేయగా... దులీప్‌ ట్రోఫీలో మెరుగైన ప్రదర్శన చేస్తే బంగ్లాతో రెండో టెస్టు కోసం ప్రకటించనున్న జట్టులో చోటు దక్కించుకునే అవకాశం లేకపోలేదు.ఈ ఏడాది ఆరంభంలో ఇంగ్లండ్‌తో స్వదేశంలో జరిగిన టెస్టు సిరీస్‌ ద్వారా అంతర్జాతీయ అరంగేట్రం చేసిన మిడిలార్డర్‌ బ్యాటర్‌ సర్ఫరాజ్‌ ఖాన్‌ చక్కటి ప్రదర్శనతో ఆకట్టుకున్నాడు. ప్రస్తుతం బంగ్లాదేశ్‌తో తొలి టెస్టు కోసం ప్రకటించిన టీమిండియాలో సభ్యుడైన సర్ఫరాజ్‌... ఈ మ్యాచ్‌ అనంతరం నేరుగా చెన్నైలో జట్టుతో చేరనున్నాడు. భారత్‌ ‘బి’ జట్టు తరఫున బరిలోకి దిగనున్న సర్ఫరాజ్‌ ఖాన్‌... మరో మంచి ఇన్నింగ్స్‌తో రాణించి టీమిండియాలో చేరాలనుకుంటున్నాడు. ఇక గత మ్యాచ్‌లో భారీ సెంచరీతో చెలరేగిన సర్ఫరాజ్‌ సోదరుడు ముషీర్‌ ఖాన్‌ అదే జోరు కొనసాగించాలనుకుంటున్నాడు. అటు బ్యాట్‌తో ఇటు బంతితో సత్తాచాటగల స్పిన్‌ ఆల్‌రౌండర్‌ వాషింగ్టన్‌ సుందర్‌ భారత్‌ ‘బి’ జట్టుకు ప్రాతినిధ్యం వహిస్తున్నాడు. ఇంగ్లండ్‌తో సిరీస్‌లో ఆకట్టుకోలేకపోయిన రజత్‌ పాటిదార్‌తో పాటు శ్రేయస్‌ అయ్యర్‌ తిరిగి సత్తాచాటి సెలెక్టర్ల దృష్టిలో పడాలని చూస్తున్నారు. గత మ్యాచ్‌ ప్లెయింగ్‌ ఎలెవన్‌లో చోటు దక్కించుకోలేకపోయిన దేవదత్‌ పడిక్కల్, సంజూ సామ్సన్‌ భారత్‌ ‘డి’ జట్టు తరఫున ఈ మ్యాచ్‌లోనైనా అవకాశం దక్కించుకుంటారా చూడాలి. ఇక పేస్‌ బౌలర్లు ముఖేశ్‌ కుమార్, ప్రసిద్ధ్‌ కృష్ణ, అర్ష్‌దీప్‌ సుదీర్ఘ టెస్టు సీజన్‌కు ముందు లయ అందుకునేందుకు ఇది చక్కటి అవకాశం. వచ్చే ఏడాది జరగనున్న ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌కు ముందు భారత్‌ మొత్తం 10 టెస్టులు ఆడనుండగా... పేస్‌ బౌలర్లకు విరివిగా అవకాశాలు వచ్చే చాన్స్‌ ఉంది. ఈ నేపథ్యంలో దులీప్‌ ట్రోఫీలో రాణించిన వారిపై సెలెక్టర్ల దృష్టి ఉండనుంది. ఇక గత మ్యాచ్‌లో ఎనిమిది వికెట్లతో సత్తాచాటిన లెఫ్టార్మ్‌ స్పిన్నర్‌ మానవ్‌ సుతార్‌ అదే జోరు కొనసాగించాలని చూస్తున్నాడు.దులీప్‌ ట్రోఫీలో తెలుగు రాష్ట్రాల ఆటగాళ్లుతిలక్‌ వర్మ (భారత్‌ ‘ఎ’) షేక్‌ రషీద్‌ (భారత్‌ ‘ఎ’) నితీశ్‌ కుమార్‌ రెడ్డి (భారత్‌ ‘బి’) రికీ భుయ్‌ (భారత్‌ ‘డి’) శ్రీకర్‌ భరత్‌ (భారత్‌ ‘డి’)

దులిప్‌ ట్రోఫీ-2024లో ఇండియా-‘ఎ’ జట్టు కెప్టెన్‌గా మయాంక్‌ అగర్వాల్‌గా ఎంపికయ్యాడు. శుబ్‌మన్‌ గిల్‌ స్థానంలో అతడికి ఈ జట్టు పగ్గాలు అప్పగించినట్లు బీసీసీఐ సోమవారం వెల్లడించింది. ఈ రెడ్‌బాల్‌ టోర్నీలో మిగిలిన మ్యాచ్‌లలో ఇండియా-‘ఎ’ జట్టుకు మయాంక్‌ సారథ్యం వహించనున్నట్లు తెలిపింది.కాగా బంగ్లాదేశ్‌తో టెస్టు సిరీస్‌ నేపథ్యంలో టీమిండియా స్టార్‌ క్రికెటర్లంతా దులిప్‌ ట్రోఫీ బరిలో దిగిన విషయం తెలిసిందే. ఈ క్రమంలో పంజాబీ బ్యాటర్‌ శుబ్‌మన్‌ గిల్‌ ఇండియా-‘ఎ’ జట్టుకు కెప్టెన్‌గా నియమితుడయ్యాడు. అయితే, ఇటు సారథిగా.. అటు బ్యాటర్‌గా అనుకున్న ఫలితం రాబట్టలేకపోయాడు.టీమిండియాలోకి గిల్‌బెంగళూరు వేదికగా ఇండియా-‘బి’తో జరిగిన తొలి మ్యాచ్‌లో కేవలం 46 పరుగులు చేసిన గిల్‌.. జట్టును విజేతగా నిలపడంలో విఫలమయ్యాడు. ఇండియా-‘బి’ చేతిలో ఇండియా-‘ఎ’ జట్టు 76 పరుగుల తేడాతో ఓటమిపాలైంది. ఇదిలా ఉంటే.. సెప్టెంబరు 19 నుంచి బంగ్లాదేశ్‌తో టీమిండియా రెండు మ్యాచ్‌ల టెస్టు సిరీస్‌ మొదలుకానుంది.ఈ నేపథ్యంలో తొలి టెస్టుకు సంబంధించిన జట్టును బీసీసీఐ ఆదివారమే ప్రకటించింది. ఇందులో గిల్‌కు చోటు దక్కింది. ఈ క్రమంలో అతడు ఇండియా-‘ఎ’ జట్టును వీడనున్నాడు. ఫలితంగా గిల్‌ స్థానంలో మయాంక్‌ కెప్టెన్‌గా బాధ్యతలు నెరవేర్చనున్నాడు.కాగా గిల్‌తో పాటు స్పిన్నర్‌ కుల్దీప్‌ యాదవ్‌, కేఎల్‌ రాహుల్‌ సైతం బంగ్లాతో టెస్టుకు ఎంపికైన నేపథ్యంలో ఇండియా-‘ఎ’ జట్టు నుంచి వైదొలిగారు.ఇక అనంతపురంలోఇక ఇండియా-‘ఎ’ జట్టు తదుపరి అనంతపురం వేదికగా ఇండియా-‘డి’తో సెప్టెంబరు 12 నుంచి మ్యాచ్‌ ఆడనుంది. కాగా కర్ణాటక ఓపెనింగ్‌ బ్యాటర్‌ మయాంక్‌ అగర్వాల్‌ రంజీ ట్రోఫీ 2024లోనూ సారథిగా వ్యవహరించనున్నాడు. అంతకంటే ముందుగా ఇలా దులిప్‌ ట్రోఫీలోనూ కెప్టెన్‌గా పనిచేసే అవకాశం దక్కింది. ఇక ఇండియా-‘ఎ’ తొలి మ్యాచ్‌లో మయాంక్‌ వరుసగా 36, 3 పరుగులు చేశాడు.శుబ్‌మన్‌ గిల్‌ నిష్క్రమణ తర్వాత ఇండియా-‘ఎ’ జట్టు(అప్‌డేటెడ్‌):మయాంక్ అగర్వాల్ (కెప్టెన్), రియాన్ పరాగ్, అక్షయ్ నారంగ్, ఎస్‌కే రషీద్, తిలక్ వర్మ, శివమ్ దూబే, తనుష్ కొటియన్, షామ్స్ ములానీ, ప్రసిద్ధ్ కృష్ణ, ఖలీల్ అహ్మద్, ఆవేశ్‌ ఖాన్. చదవండి: మహారాష్ట్ర శాంసన్‌లా అతడి పరిస్థితి.. బీసీసీఐపై ఫ్యాన్స్‌ ట్రోల్స్‌

రుతురాజ్‌ గైక్వాడ్‌.. దేశవాళీ క్రికెట్‌లో మహారాష్ట్ర కెప్టెన్‌గా సత్తా చాటుతున్న ఈ కుడిచేతి వాటం బ్యాటర్‌ 2021లో టీమిండియా తరఫున అరంగేట్రం చేశాడు. తొలుత అంతర్జాతీయ టీ20లలో అడుగుపెట్టిన అతడు.. ఆ మరుసటి ఏడాది వన్డేల్లోనూ ఎంట్రీ ఇచ్చాడు. ఇప్పటి వరకు మొత్తంగా ఆరు వన్డేలు, 23 టీ20లు ఆడాడు.వన్డేల్లో 73.25 స్టైక్‌రేటుతో 115 పరుగులు సాధించిన ఈ ఓపెనింగ్‌ బ్యాటర్‌.. పొట్టి ఫార్మాట్లో 143.54 స్టైక్‌రేటుతో 633 రన్స్‌ చేశాడు. ఇక ఫస్ట్‌క్లాస్‌ క్రికెట్‌లో రుతురాజ్‌ గైక్వాడ్‌ బ్యాటింగ్‌ సగటు 42.69. ఇప్పటి వరకు 29 ఇన్నింగ్స్‌ ఆడి 2092 పరుగులు సాధించాడు. ఇందులో ఆరు సెంచరీలు ఉన్నాయి.అయితే, రుతురాజ్‌ గైక్వాడ్‌కు మాత్రం ఇంతవరకు టెస్టుల్లో అవకాశం రాలేదు. ఇటీవల దులిప్‌ ట్రోఫీ-2024లో ఇండియా-సి జట్టుకు కెప్టెన్‌గా అతడి పేరును ప్రకటించగానే.. త్వరలోనే రుతు టెస్టు అరంగేట్రం ఖాయమని అభిమానులు సంతోషపడిపోయారు. బ్యాటర్‌గా ఇప్పటికే తనను తాను నిరూపించుకున్న ఈ మహారాష్ట్ర ఆటగాడిని బంగ్లాదేశ్‌తో టెస్టులకు ఎంపిక చేస్తారని ఆశించారు.ఎందుకు అవకాశాలు ఇవ్వరు?కానీ.. తొలి టెస్టుకు ప్రకటించిన జట్టులో రుతుకు స్థానం దక్కలేదు. ఈ నేపథ్యంలో బీసీసీఐ సెలక్టర్లను ట్రోల్‌ చేస్తూ నెట్టింట విమర్శలకు దిగాను రుతు ఫ్యాన్స్‌. వన్డే, టీ20 వైస్‌ కెప్టెన్‌ శుబ్‌మన్‌ గిల్‌తో పోలుస్తూ రుతురాజ్‌కు తీరని అన్యాయం జరుగుతోందంటూ మండిపడుతున్నారు. ఇరవై ఐదేళ్ల గిల్‌కు లెక్కలేనన్ని అవకాశాలు ఇచ్చారని.. అదే 27 ఏళ్ల రుతు విషయంలో మాత్రం ఎందుకు వివక్ష చూపిస్తున్నారని మండిపడుతున్నారు. టెస్టుల్లో కెప్టెన్‌ రోహిత్‌ శర్మకు జోడీగా యశస్వి జైస్వాల్‌ ఓపెనర్‌గా పాతుకుపోగా.. గిల్‌ను మూడో స్థానంలో ఆడిస్తున్న విషయాన్ని ఈ సందర్భంగా ప్రస్తావిస్తున్నారు.మహారాష్ట్ర శాంసన్‌లా అతడి పరిస్థితివన్‌డౌన్‌లో గిల్‌ విఫలమవుతున్నా అతడికి ఛాన్సులు ఇస్తున్న మేనేజ్‌మెంట్‌.. కనీసం బ్యాకప్‌ ఓపెనర్‌గా అయినా రుతురాజ్‌ను ఎందుకు ఎంపికచేయడం లేదని ప్రశ్నిస్తున్నారు. కేరళ బ్యాటర్‌ సంజూ శాంసన్‌ మాదిరే.. రుతుపై వివక్ష చూపుతున్నారని.. మహారాష్ట్ర శాంసన్‌ అంటూ రుతు పేరును ట్రెండ్‌ చేస్తున్నారు. కాగా దులిప్‌ ట్రోఫీ-2024లో ఇండియా-సి కెప్టెన్‌గా వ్యవహరించిన రుతురాజ్‌ గైక్వాడ్‌ ఇండియా-డితో మ్యాచ్‌లో 5, 46 పరుగులు చేశాడు. మరోవైపు.. ఇండియా- ఎ కెప్టెన్‌ శుబ్‌మన్‌ గిల్‌ 25, 21 పరుగులు సాధించాడు. ఇదిలా ఉంటే.. బంగ్లాతో తొలి టెస్టుకు 16 మంది సభ్యులతో కూడిన జట్టును బీసీసీఐ ఆదివారం రాత్రి ప్రకటించింది. రోహిత్‌ శర్మ సారథ్యంలోని ఈ టీమ్‌లో రుతురాజ్‌కు చోటు దక్కలేదు.చదవండి: Ind vs Ban: అందుకే వాళ్లిద్దరికి టీమిండియాలో చోటు దక్కలేదు!Squad is out. Shubman Gill makes the cut, but Ruturaj Gaikwad doesn't! Honestly, isn't this BCCI politics at play!? No matter how well guy performs and wins, he can never find a place in Rohit Sharma's team!What partiality, Mann.#INDvBAN #RuturajGaikwad #BCCI— Sharon Solomon (@BSharan_6) September 8, 2024

టీమిండియా వైస్‌ కెప్టెన్‌ శుబ్‌మన్‌ గిల్‌ దులిప్‌ ట్రోఫీ-2024లో శుభారంభం అందుకోలేకపోయాడు. ఇండియా-‘ఏ’ జట్టుకు కెప్టెన్‌గా వ్యవహరిస్తున్న ఈ ఓపెనింగ్‌ బ్యాటర్‌.. ఇండియా- ‘బి’తో మ్యాచ్‌ తొలి ఇన్నింగ్స్‌లో తేలిపోయాడు. కేవలం 25 పరుగులు మాత్రమే చేసి పెవిలియన్‌ చేరాడు.నిరాశపరిచిన గిల్‌క్రీజులో నిలదొక్కుకుని భారీ స్కోరు సాధిస్తాడనుకున్న అభిమానులను పూర్తిగా నిరాశపరిచాడు. ఇండియా-‘బి’ పేసర్‌ నవదీప్‌ సైనీ సంధించిన ‘జఫ్ఫా(పర్ఫెక్ట్‌ బాల్‌)’ ధాటికి బౌల్డ్‌ అయ్యాడు. దులిప్‌ ట్రోఫీ తొలి రౌండ్‌లో భాగంగా ఇండియా-ఏ, ఇండియా-బి జట్ల మధ్య గురువారం తొలి మ్యాచ్‌ ఆరంభమైంది. బెంగళూరులోని చిన్నస్వామి స్టేడియంలో టాస్‌ గెలిచిన శుబ్‌మన్‌ గిల్‌ తొలుత బౌలింగ్‌ ఎంచుకున్నాడు.ముషీర్‌ ఖాన్‌ శతకం కారణంగా ఇండియా-బి మెరుగైన స్కోరుఈ క్రమంలో ఇండియా-బి తరఫున అరంగేట్ర బ్యాటర్‌ ముషీర్‌ ఖాన్‌ అద్భుత శతకం(181)తో ఆకట్టుకోగా.. పేసర్‌ నవదీప్‌ సైనీ సైతం సంచలన ఇన్నింగ్స్‌(56) ఆడాడు. వీరిద్దరు రాణించిన కారణంగా 321 పరుగుల వద్ద రెండోరోజు ఇండియా-బి తొలి ఇన్నింగ్స్‌ ముగిసింది. అనంతరం బ్యాటింగ్‌కు దిగిన ఇండియా-ఏ జట్టుకు ఓపెనర్‌ మయాంక్‌ అగర్వాల్‌ శుభారంభం అందించాడు.సైనీ జఫ్ఫా.. గిల్‌ బౌల్డ్‌ఈ కర్ణాటక బ్యాటర్‌ 45 బంతుల్లో 8 ఫోర్ల సాయంతో 36 పరుగులతో ఫర్వాలేదనిపించాడు. నఅయితే, మరో ఓపెనర్‌ శుబ్‌మన్‌ గిల్‌ 43 బంతులు ఎదుర్కొని మూడు ఫోర్ల సాయంతో 25 పరుగులు మాత్రమే చేయగలిగాడు. ఇండియా-ఏ తొలి ఇన్నింగ్స్‌ 14వ ఓవర్లో నవదీస్‌ సైనీ అవుట్‌సైడ్‌ ఆఫ్‌ దిశగా వేసిన బంతిని అంచనా వేయడంలో విఫలమయ్యాడు. ఫలితంగా బంతి స్టంప్‌ను ఎగురగొట్టడంతో గిల్‌ తొలి వికెట్‌గా వెనుదిరిగాడు.వీడియో వైరల్‌అనంతరం నవదీప్‌ సైనీ బౌలింగ్‌లో వికెట్‌ కీపర్‌ రిషభ్‌ పంత్‌కు క్యాచ్‌ ఇవ్వడంతో మయాంక్‌ ఇన్నింగ్స్‌కు తెరపడింది. దీంతో రెండో రోజు ఆటలో ఇండియా-ఏ రెండో వికెట్‌ కోల్పోయింది. ఆట పూర్తయ్యే సరికి రియాన్‌ పరాగ్‌ 27, కేఎల్‌ రాహుల్‌ 23 పరుగులతో క్రీజులో ఉన్నారు. కాగా గిల్‌ అవుటైన దృశ్యాలకు సంబంధించిన వీడియో వైరల్‌ అవుతోంది. ఇదిలా ఉంటే.. ఇటీవలే టీమిండియా పరిమిత ఓవర్ల క్రికెట్‌ వైస్‌ కెప్టెన్‌గా ఎంపికైన గిల్‌.. తదుపరి బంగ్లాదేశ్‌తో స్వదేశంలో టెస్టు సిరీస్‌ ఆడే లక్ష్యంతో ముందుకు సాగుతున్నాడు. దులిప్‌ ట్రోఫీ ప్రదర్శన ఆధారంగా భారత జట్టు ఎంపిక నేపథ్యంలో గిల్‌ తనను తాను మరోసారి నిరూపించుకోవాల్సిన ఆవశ్యకత ఏర్పడింది. చదవండి: బ్యాట్‌ ఝులిపించిన శ్రేయస్‌ అయ్యర్‌.. ఎట్టకేలకు..Terrific delivery 🔥Excellent catch 👌Navdeep Saini bowled a peach to dismiss Shubman Gill and Rishabh Pant pulled off a superb diving catch to remove Mayank Agarwal.#DuleepTrophy | @IDFCFIRSTBankFollow the match ▶️ https://t.co/eQyu38Erb1 pic.twitter.com/z1cCHONjCI— BCCI Domestic (@BCCIdomestic) September 6, 2024

దేశీవాళీ క్రికెట్‌లో ముంబై యువ బ్యాట‌ర్‌, భార‌త క్రికెట‌ర్ సర్ఫరాజ్ సోదరుడు ముషీర్ ఖాన్ త‌న సూప‌ర్ ఫామ్‌ను కొన‌సాగిస్తున్నాడు. దులీప్ ట్రోఫీ-2024లో ఇండియా బి జ‌ట్టుకు ప్రాత‌నిథ్యం వ‌హిస్తున్న ముషీర్.. భార‌త బి జ‌ట్టుతో జ‌రుగుతున్న మ్యాచ్‌లో అద్భుత‌మైన సెంచ‌రీతో చెల‌రేగాడు. చిన్నస్వామి స్టేడియంలో జ‌రుగుతున్న ఈ మ్యాచ్‌లో భారత్‌ ‘బి’ 94 పరుగులకే 7 వికెట్లు కోల్పోయి పీకల్లోతు కష్టాల్లో పడింది. ఈ స‌మ‌యంలో ముషీర్ ఒంట‌రి పోరాటం చేశాడు. త‌న విరోచిత పోరాటంతో జ‌ట్టును అదుకున్నాడు. నవ్‌దీప్‌ సైనీ అండతో ముషీర్‌ ఇన్నింగ్స్‌ను చక్కదిద్దాడు. దీంతో తొలి రోజు ఆట‌ముగిసే స‌మ‌యానికి మొదటి ఇన్నింగ్స్‌లో భారత్‌ ‘బి’ జట్టు 79 ఓవర్లలో 7 వికెట్ల నష్టానికి 202 పరుగులు చేసింది. ముషీర్‌ ఖాన్‌ (227 బంతుల్లో 105; 10 ఫోర్లు, 2 సిక్సర్లు) క్రీజులో ఉన్నాడు. అత‌డితో పాటు సైనీ (74 బంతుల్లో 29 ; 4 ఫోర్లు, ఒక సిక్సర్‌) నాటౌట్‌గా నిలిచాడు.ఇక తొలి రోజు ఆట త‌ర్వాత విలేకరుల స‌మావేశంలో మాట్లాడిన ముషీర్‌.. త‌న సెంచ‌రీ క్రెడిట్‌ను భార‌త ఆట‌గాళ్లు రిష‌బ్ పంత్‌, శుబ్‌మ‌న్ గిల్‌కు ఇచ్చాడు. "నేను కుల్దీప్ యాద‌వ్‌కు ప్ర‌త్య‌ర్ధిగా ఆడ‌టం ఇదే రెండో సారి. అత‌డొక వ‌ర‌ల్డ్‌క్లాస్ బౌల‌ర్ అని మ‌న‌కు తెలుసు. కుల్దీప్ భాయ్‌ను ఎదుర్కోవ‌డం అంత ఈజీ కాదు. కానీ మా జ‌ట్టులో రిష‌బ్ పంత్ వంటి అనుభవజ్ఞులైన ఆటగాళ్లు ఉన్నారు. రిషబ్ భాయ్‌తో పాటు శుబ్‌మన్ గిల్ ఈ మ్యాచ్ కంటే ముందు నాకు కొన్ని సూచనలు చేశారు. కుల్దీప్ భాయ్ వేసిన బంతుల్లో ఏది అత్యంత ప్రభావవంతంగా ఉంటుందో వారు నాకు చెప్పారు. అతడి బౌలింగ్‌లో ఏ బంతులను ఎటాక్ చేయాలో నాకు వారిద్దరూ వివరించారు. దీంతో నేను క్రీజులో సెట్ అయ్యాక అతడిని సులభంగా ఎదుర్కొన్నాను" అని ముషీర్ ఖాన్ పేర్కొన్నాడు.

దులీప్‌ ట్రోఫీ-2024లో భాగంగా బెంగళూరు వేదికగా ఇండియా-బితో జరుగుతున్న మ్యాచ్‌లో ఇండియా-ఏ ఆటగాడు శుభ్‌మన్‌ గిల్‌ కళ్లు చెదిరే క్యాచ్‌ పట్టాడు. లాంగ్‌ ఆఫ్‌ దిశగా ఇండియా-బి ఆటగాడు రిషబ్‌ పంత్‌ ఆడిన షాట్‌ను గిల్‌ పక్షిలా గాల్లోకి ఎగిరి ఒడిసిపట్టుకున్నాడు. గిల్‌ స్టన్నింగ్‌ క్యాచ్‌కు సంబంధించిన వీడియో సోషల్‌మీడియాలో వైరలవుతుంది. ఈ మ్యాచ్‌లో పంత్‌ కేవలం ఏడు పరుగులు చేసి ఆకాశ్‌దీప్‌ బౌలింగ్‌లో శుభ్‌మన్‌ గిల్‌కు క్యాచ్‌ ఇచ్చి ఔటయ్యాడు.SHUBMAN GILL - THE STAR. ⭐- What a brilliant catch by Shubman Gill. 🔥pic.twitter.com/cKHuLPvG0k— Tanuj Singh (@ImTanujSingh) September 5, 2024మ్యాచ్‌ విషయానికొస్తే.. తొలుత బ్యాటింగ్‌ చేస్తున్న ఇండియా-బి 94 పరుగులకే 7 వికెట్లు కోల్పోయి కష్టాల్లో పడగా ముషీర్‌ ఖాన్‌ (97), నవ్‌దీప్‌ సైనీ (21) ఆదుకున్నారు. మూడో సెషన్‌ సమయానికి ఆ జట్టు 7 వికెట్ల నష్టానికి 186 పరుగులు చేసింది. ముషీర్‌ ఖాన్‌ సెంచరీకి చేరువయ్యాడు. నవ్‌దీప్‌.. ముషీర్‌కు సరైన సహకారం అందిస్తున్నాడు. వీరిద్దరూ ఈ రోజంతా ఆడగలిగితే ఇండియా-బి గౌరవప్రదమైన స్కోర్‌ చేయగలుగుతుంది.ఇండియా-బి ఇన్నింగ్స్‌లో యశస్వి జైస్వాల్‌ 30, అభిమన్యు ఈశ్వరన్‌ 13, సర్ఫరాజ్‌ ఖాన్‌ 9, రిషబ్‌ పంత్‌ 7, నితీశ్‌ రెడ్డి 0, వాషింగ్టన్‌ సుందర్‌ 0, సాయికిషోర్‌ 1 పరుగు చేసి ఔటయ్యారు. ఇండియా-ఏ బౌలర్లలో ఖలీల్‌ అహ్మద్‌, ఆకాశ్‌దీప్‌, ఆవేశ్‌ ఖాన్‌ తలో రెండు వికెట్లు తీశారు.ఇవాళే మొదలైన మరో మ్యాచ్‌లో ఇండియా-సి, ఇండియా-డి జట్లు తలపడుతున్నాయి. ఇండియా-డి తొలి ఇన్నింగ్స్‌లో 164 పరుగులకే ఆలౌటైంది. అక్షర్‌ పటేల్‌ 86 పరుగులు చేసి ఇండియా-డిని ఆదుకున్నాడు. 76 పరుగులకే 8 వికెట్లు కోల్పోయిన దశలో అక్షర్‌.. అర్ష్‌దీప్‌ సింగ్‌తో (13) కలిసి తొమ్మిదో వికెట్‌కు 84 పరుగులు జోడించాడు.అక్షర్‌ మినహా ఇండియా-డిలో ఎవ్వరూ రాణించలేదు. అథర్వ తైడే 4, యశ్‌ దూబే 10, శ్రేయస్‌ అయ్యర్‌ 9, దేవ్‌దత్‌ పడిక్కల్ 0, రికీ భుయ్‌ 4, శ్రీకర్‌ భరత్‌ 13,సరాన్ష్‌ జైన్‌ 13, హర్షిత్‌ రాణా 0, అర్ష్‌దీప్‌ సింగ్‌ 13 పరుగులు చేశారు. ఇండియా-సి బౌలర్లలో విజయ్‌కుమార్‌ వైశాఖ్‌ 3, అన్షుల్‌ కంబోజ్‌, హిమాన్షు చౌహన్‌ చెరో 2, మానవ్‌ సుతార్‌, హృతిక్‌ షొకీన్‌ తలో వికెట్‌ పడగొట్టారు.అనంతరం తొలి ఇన్నింగ్స్‌ ప్రారంభించిన ఇండియా-సి 28 ఓవర్లలో 4 వికెట్ల నష్టానికి 75 పరుగులు చేసింది. రుతురాజ్‌ గైక్వాడ్‌ (5), సాయి సుదర్శన్‌ (7), ఆర్యన్‌ జుయెల్‌ (12), రజత్‌ పాటిదార్‌ (13) ఔట్‌ కాగా.. బాబా ఇంద్రజిత్‌ (13), అభిషేక్‌ పోరెల్‌ (19) క్రీజ్‌లో ఉన్నారు.

టీమిండియా యువ ఓపెన‌ర్ శుబ్‌మ‌న్ గిల్‌ త‌న కెప్టెన్సీ స్కిల్స్‌ను మెరుగుప‌రుచుకునేందుకు మ‌రో అవ‌కాశం ద‌క్కింది. ప‌రిమిత ఓవ‌ర్లలో భార‌త వైస్ కెప్టెన్‌గా బాధ్య‌తలు చేప‌ట్టిన గిల్‌.. ఇప్పుడు రెడ్‌బాల్ క్రికెట్‌పై దృష్టి సారించాడు.బంగ్లాదేశ్‌తో టెస్టులకు టీమిండియా వైస్ కెప్టెన్‌గా గిల్ ఎంపికయ్యే అవకాశముంది. అంతకంటే ముందు దేశీవాళీ టోర్నీ దులీప్‌​ ట్రోఫీ రూపంలో గిల్‌కు ఛాలెంజ్ ఎదురుకానుంది. దులీప్ ట్రోఫీ-2024 ఇండియా ‘ఎ’ జట్టుకు గిల్ సారథ్యం వహిస్తున్నాడు. ఈ టోర్నీ తొలి రౌండ్‌లో భాగంగా బెంగ‌ళూరు వేదిక‌గా ఇండియా-బితో భారత ఎ జట్టు తలపడుతోంది. ఈ మ్యాచ్‌లో టాస్ గెలిచిన శుబ్‌మన్ గిల్‌.. బి జట్టును తొలుత బ్యాటింగ్ ఆహ్హనించాడు. అయితే ఈ మ్యాచ్ కంటే ముందు కెప్టెన్ శుబ్‌మ‌న్ గిల్ మీడియా సమావేశంలో మాట్లాడాడు. ఈ సంద‌ర్భంగా త‌న ఆట‌కు సంబంధించిన ప‌లు ఆస‌క్తిక‌ర విష‌యాల‌ను వెల్ల‌డించాడు. "డిఫెన్స్‌ను మరింత బలోపేతం చేసుకునేందుకు సాధన చేశా. ట్రాక్‌పై స్పిన్నర్లను సమర్థవంతంగా ఎదుర్కొనే ప్రయత్నం చేస్తా. టి20లు ఎక్కువ ఆడటం వల్ల బ్యాటింగ్‌ పిచ్‌లపై డిఫెన్స్‌లో కాస్త వెనుకబడతాం. ఇంగ్లండ్‌ సిరీస్‌కు ముందు దానిపైనే దృష్టి సారించా. టెస్టు క్రికెట్‌లో ఇప్పటి వరకు అనుకున్న స్థాయి ప్రదర్శన కనబర్చలేకపోయా. ఈ సీజన్‌లో 10 టెస్టు మ్యాచ్‌లు ఆడాల్సి ఉన్న నేపథ్యంలో ఆటతీరు మరింత మెరుగు పరుచుకునేందుకు ప్రయత్నిస్తా" అని గిల్ పేర్కొన్నాడు.

బెంగళూరు: భారత జట్టు అంతర్జాతీయ సీజన్‌ ప్రారంభానికి రెండు వారాల ముందుగానే 2024–2025 దేశవాళీ క్రికెట్‌ సీజన్‌కు తెర లేవనుంది. ఇందులో భాగంగా గురువారం దులీప్‌ ట్రోఫీ తొలి రౌండ్‌ మ్యాచ్‌లు మొదలుకానున్నాయి. బెంగళూరులోని చిన్నస్వామి స్టేడియం వేదికగా జరగనున్న మ్యాచ్‌లో భారత్‌ ‘ఎ’ జట్టుతో భారత్‌ ‘బి’ జట్టు... అనంతపురంలో నిర్వహించనున్న మరో మ్యాచ్‌లో భారత్‌ ‘సి’ జట్టుతో భారత ‘డి’ జట్టు తలపడనున్నాయి. వచ్చే ఏడాది జరగనున్న ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌కు ముందు టీమిండియా మరో 10 టెస్టు మ్యాచ్‌లు ఆడాల్సి ఉండగా... ఈ టోరీ్నలో మెరుగైన ప్రదర్శన కనబర్చిన ఆటగాళ్లు జాతీయ జట్టుకు ఎంపికయ్యే అవకాశాలున్నాయి. భారత కెపె్టన్‌ రోహిత్‌ శర్మ, విరాట్‌ కోహ్లీ, జస్‌ప్రీత్‌ బుమ్రా, రవీంద్ర జడేజాకు ఈ టోర్నీ నుంచి విశ్రాంతినివ్వగా... మిగిలిన యువ ఆటగాళ్లందరూ బరిలోకి దిగేందుకు సిద్ధమవుతున్నారు. రిషభ్‌ పంత్‌... చాన్నాళ్ల తర్వాత సుదీర్ఘ ఫార్మాట్‌ ఆడనున్నాడు. టెస్టు జట్టులో స్థానం సుస్థిరం చేసుకోవాలనుకుంటున్న శుభ్‌మన్‌ గిల్‌ భారత ‘ఎ’ జట్టుకు సారథ్యం వహిస్తుండగా... మరో యువ ఆటగాడు యశస్వి జైస్వాల్‌ భారత్‌ ‘బి’ నుంచి బరిలోకి దిగనున్నాడు. ఈ టోర్నీని జాతీయ సెలెక్టర్లు నిశితంగా పరిశీలించనున్న నేపథ్యంలో ఆటగాళ్లంతా తమ అత్యుత్తమ ప్రదర్శన కనబర్చాలని ఉవి్వళ్లూరుతున్నారు. మిడిలార్డర్‌ ప్లేయర్లు కేఎల్‌ రాహుల్, శ్రేయస్‌ అయ్యర్, సర్ఫరాజ్‌ ఖాన్, ధ్రువ్‌ జురెల్‌పై ప్రధానంగా దృష్టి ఉంటుంది. సీనియర్‌ పేసర్‌ షమీ శస్త్రచికిత్స అనంతరం కోలుకుంటుండగా... సిరాజ్‌ అనారోగ్యంతో టోరీ్నకి దూరమయ్యాడు. బుమ్రా కూడా అందుబాటులో లేకపోవడంతో మెరుగైన ప్రదర్శన కనబర్చిన పేసర్లకు ప్రత్యేక గుర్తింపు దక్కడం ఖాయమే. దీంతో ముకేశ్‌ కుమార్, ఆకాశ్‌దీప్, అర్‌‡్షదీప్‌ సింగ్, అవేశ్‌ ఖాన్, ఖలీల్‌ అహ్మద్, విద్వత్‌ కావేరప్ప, విజయ్‌ కుమార్, హర్షిత్‌ రాణాలపై సెలెక్టర్లు దృష్టి సారించనున్నారు. స్పిన్‌ విభాగంలో సత్తా చాటేందుకు అక్షర్‌ పటేల్, కుల్దీప్‌ యాదవ్, వాషింగ్టన్‌ సుందర్, సాయికిశోర్, సౌరభ్‌ కుమార్, మానవ్‌ సుతార్‌ సిద్ధంగా ఉన్నారు. ఇషాన్‌ కిషన్‌ అవుట్‌ దేశవాళీ టోర్నీల్లో ఆడని కారణంగా బీసీసీఐ సెంట్రల్‌ కాంట్రాక్టు కోల్పోయిన యువ వికెట్‌ కీపర్‌ ఇషాన్‌ కిషన్‌... దులీప్‌ ట్రోఫీ తొలి రౌండ్‌ మ్యాచ్‌ల్లో ఆడటం లేదు. కండరాల నొప్పితో బాధపడుతున్న ఇషాన్‌... భారత ‘డి’ జట్టులో సభ్యుడిగా ఉన్నాడు. అనంతపురం వేదికగా జరగనున్న తొలి మ్యాచ్‌లో భారత్‌ ‘సి’తో భారత్‌ ‘డి’ ఆడుతుంది. దీంతో గురువారం ప్రారంభం కానున్న పోరులో భారత్‌ ‘డి’ తరఫున ఆంధ్ర ఆటగాడు శ్రీకర్‌ భరత్‌ వికెట్‌ కీపర్‌గా వ్యవహరించే అవకాశాలున్నాయి. మరోవైపు భారత్‌ ‘ఎ’ జట్టుకు ప్రాతినిధ్యం వహిస్తున్న పేసర్‌ ప్రసిధ్‌ కృష్ణ కూడా శస్త్ర చికిత్స నుంచి పూర్తిగా కోలుకోలేదు. దీంతో అతడు కూడా తొలి రౌండ్‌ మ్యాచ్‌కు అందుబాటులో లేకుండా పోయాడు. ఇషాన్‌ స్థానంలో సంజూ సామ్సన్‌ను జట్టులోకి తీసుకున్నారు.జట్లు భారత్‌ ‘ఎ’: శుబ్‌మన్‌ గిల్‌ (కెప్టెన్‌), మయాంక్‌ అగర్వాల్, రియాన్‌ పరాగ్, ధ్రువ్‌ జురెల్, కేఎల్‌ రాహుల్, తిలక్‌ వర్మ, శివమ్‌ దూబే, తనుశ్‌ కొటియాన్, కుల్దీప్‌ యాదవ్, ఆకాశ్‌దీప్, ఖలీల్‌ అహ్మద్, అవేశ్‌ ఖాన్, విద్వత్‌ కావేరప్ప, కుమార్‌ కుశాగ్ర, శాశ్వత్‌. భారత్‌ ‘బి’: అభిమన్యు ఈశ్వరన్‌ (కెప్టెన్‌), యశస్వి జైస్వాల్, సర్ఫరాజ్‌ ఖాన్, రిషభ్‌ పంత్, ముషీర్‌ ఖాన్, నితీశ్‌ కుమార్‌ రెడ్డి (ఫిట్‌నెస్‌ సాధిస్తేనే), వాషింగ్టన్‌ సుందర్, నవ్‌దీప్‌ సైనీ, యశ్‌ దయాల్, ముకేశ్‌ కుమార్, రాహుల్‌ చహర్, సాయి కిశోర్, మోహిత్‌ అవస్తి, జగదీశన్‌. భారత్‌ ‘సి’: రుతురాజ్‌ గైక్వాడ్‌ (కెప్టెన్‌), సాయి సుదర్శన్, రజత్‌ పటిదార్, అభిషేక్‌ పొరెల్, ఇంద్రజీత్, హృతిక్‌ షోకీన్, మానవ్‌ సుతార్, గౌరవ్‌ యాదవ్, విజయ్‌కుమార్, అన్షుల్, హిమాన్షు చౌహాన్, మయాంక్‌ మార్కండే, అర్యాన్‌ జుయల్, సందీప్‌ వారియర్‌. భారత్‌ ‘డి’: శ్రేయస్‌ అయ్యర్‌ (కెప్టెన్‌), అథర్వ తైడె, యశ్‌ దూబే, దేవదత్‌ పడిక్కల్, సంజూ సామ్సన్, రికీ భుయ్, సారాంశ్‌ జైన్, అక్షర్‌ పటేల్, అర్‌షదీప్, ఆదిత్య థాక్రే, హర్షిత్‌ రాణా, తుషార్, ఆకాశ్‌ సేన్‌ గుప్తా, శ్రీకర్‌ భరత్, సౌరభ్‌ కుమార్‌.

బ్యాటుతో రప్ఫాడేస్తారు. పరుగులతో హోరెత్తిస్తారు. కళ్లు చెదిరే సిక్సులు, ఫోర్లతో అలరించేస్తారు. ఎప్పుడూ టీవీలో కనిపించే అలాంటి తారలు మన నగరానికే వస్తున్నారు. వినోదం పంచనున్నారు. అనంతపురంలోని ఆర్డీటీ క్రీడా గ్రామం దేశవాళీ క్రీడా సంరంభానికి సిద్ధమవుతుండగా, తమ అభిమాన క్రికెటర్ల రాక కోసం క్రికెట్‌ ప్రేమి కులు వేయికళ్లతో ఎదురుచూస్తున్నారు.అనంతపురం: దేశవాళీ క్రికెట్‌లో అత్యంత ప్రతిష్టాత్మకంగా భావించే దులీప్‌ ట్రోఫీ క్రికెట్‌ పోటీలు అనంతపురంలో జరగనున్నాయి. వచ్చే నెల 5న టోర్నీ ప్రారంభం కానుండగా, అనంతపురం ఆర్డీటీ క్రీడా గ్రామంలో ఐదు మ్యాచ్‌లు జరుగుతాయి. ఒక మ్యాచ్‌ నాలుగు రోజుల పాటు (మల్టీడే మ్యాచ్‌) నిర్వహిస్తారు. అంతర్జాతీయ స్థాయిలో అయితే టెస్ట్‌ మ్యాచ్‌గా పరిగణిస్తారు. ఒక మ్యాచ్‌ ఐదు రోజుల పాటు సాగుతుంది. క్రీడా గ్రామం ఖ్యాతి.. దులీప్‌ ట్రోఫీ మ్యాచ్‌లు తొలిసారిగా అనంతపురం ఆర్డీటీ స్టేడియంలో నిర్వహిస్తుండడంతో జిల్లా పేరు దేశస్థాయిలో మార్మోగనుంది. 2003లో ప్రారంభించిన ఆర్డీటీ క్రీడా గ్రామం అనతి కాలంలోనే తన కీర్తిని ఇనుమడింపజేసుకుంది. స్టేడియంలో అంతర్జాతీయ స్థాయి క్రీడా ప్రమాణాలు పాటిస్తుండడంతో దులీప్‌ ట్రోఫీ నిర్వహణకు అవకాశం దక్కింది. పేద, మధ్య తరగతి క్రీడాకారులకు దన్నుగా నిలుస్తూ ఎంతో మంది ప్రతిభావంతులను క్రీడల వైపు ఆసక్తి పెరిగేలా కృషి చేసిన ఫాదర్‌ ఫెర్రర్‌ ఆశయం నెరవేరుతోందని క్రీడాకారులు ఆనందం వ్యక్తం చేస్తున్నారు. అభిమానులకు పండగే.. టోర్నీ సందర్భంగా సూర్యకుమార్‌ యాదవ్, శుభ్‌మన్‌ గిల్, పంత్‌ తదితర క్రికెట్‌ స్టార్లు నగరానికి రానున్నారు. తమ ఆటతో అభిమానులను మురిపించనున్నారు. భారత జట్టు క్రికెటర్లలో ముగ్గురు మినహా అందరూ దులీప్‌ ట్రోఫీలోని జట్లలో ప్రాతినిధ్యం వహిస్తున్నారు. ఈ క్రమంలో తమ అభిమాన క్రికెటర్ల రాక కోసం యువత ఆసక్తిగా ఎదురుచూస్తున్నారు. నగరంలోని రెండు త్రీ స్టార్‌ హోటళ్లలో భారత క్రికెటర్లకు బస ఏర్పాట్లు చేస్తున్నారు.గర్వకారణం ఇలాంటి పెద్ద ఈవెంట్‌ జరగడం అనంతపురం జిల్లా చరిత్రలోనే తొలిసారి. ఇటువంటి మ్యాచ్‌లు జరుగుతాయని ఊహించలేదు. ఇంత మంది స్టార్‌ క్రికెటర్లు వస్తారని కలలో కూడా అనుకోలేదు. దులీప్‌ ట్రోఫీ వంటి వాటి నిర్వహణకు కేవలం గ్రౌండ్‌ ఒక్కటే సరిపోదు. క్రికెటర్లకు అధునాతన సౌకర్యాలు కల్పించాలి. ఇటువంటి టోర్నీల వల్ల జిల్లా క్రికెటర్లకు స్ఫూర్తి కలుగుతుంది. ఆర్డీటీ క్రీడా గ్రామంలో రెండు గ్రౌండ్లు ఉన్నాయి. ఒకే సమయంలో రెండు మ్యాచ్‌లు జరుగుతాయి. చాలా పెద్ద పని. చాలా ఏర్పాట్లు చేయాల్సి ఉంటుంది. అందరి సహకారంతో ఈ టోర్నమెంట్‌ను విజయవంతం చేస్తాం. సెపె్టంబర్‌ 5 నుంచి 22 వరకూ టోర్నీ జరుగుతుంది. భారత జట్టులోని ముగ్గురు క్రీడాకారులు మినహా తక్కిన వారందరూ ఈ టోర్నీలో ప్రాతినిధ్యం వహిస్తున్నారు. – మాంఛో ఫెర్రర్, ఆర్డీటీ ప్రోగ్రాం డైరెక్టర్, ఆంధ్రా క్రికెట్‌ అసోసియేషన్‌ త్రీమెన్‌ కమిటీ మెంబర్‌ దులీప్‌ ట్రోఫీలో ప్రాతినిధ్యం వహించే జట్లు ఇవే..టీమ్‌–ఏ: శుభమన్‌ గిల్‌ (కెప్టెన్), మయాంక్‌ అగర్వాల్, రియాన్‌ పరాగ్, ధ్రువ్‌ జురెల్, కేఎల్‌ రాహుల్, తిలక్‌ వర్మ, శివమ్‌ ధూబే, తనుస్‌ కోటియన్, కులదీప్‌ యాదవ్, ఆకాష్‌ దీప్, ప్రసిద్‌్ధకృష్ణ, ఖలీల్‌ అహమ్మద్, అవేశ్‌ ఖాన్, విద్వత్‌ కావేరప్ప, కుమార్‌ కుషగ్ర, షస్వత్‌ రావత్‌. టీమ్‌–బీ: అభిమన్యు ఈశ్వరన్‌ (కెప్టెన్‌), యశస్వి జైస్వాల్, సర్ఫరాజ్‌ ఖాన్, రిషబ్‌ పంత్, ముషీర్‌ ఖాన్, నితీష్‌ కుమార్‌ రెడ్డి, వాషింగ్టన్‌ సుందర్, రవీంద్ర జడేజా, సిరాజ్, యశ్‌ దయాల్, ముకేష్‌ కుమార్, రాహుల్‌ చహార్, ఆర్‌ సాయి కిశోర్, మోహిత్‌ అశ్విత్, ఎన్‌. జగదీషన్‌ (వికెట్‌ కీపర్‌) టీమ్‌–సీ: రుతురాజ్‌ గైక్వాడ్‌ (కెప్టెన్‌), సాయి సుదర్శన్, రజత్‌ పటిదార్, అభిష్క్‌‌ పోరెల్‌ (వికెట్‌ కీపర్‌), సూర్యకుమార్‌ యాదవ్, బి. ఇంద్రజిత్, హార్ధిక్‌ షోకీన్, మనవ్‌ సుతార్, ఉమ్రాన్‌ మాలిక్, వైశాఖ్‌ విజయ్‌కుమార్, అన్సుల్‌ కాంబోజ్, హిమాన్షు చౌహాన్, మయాంక్‌ మార్ఖండే, ఆర్యన్‌ జుయాల్‌ (వికెట్‌ కీపర్‌), సందీప్‌ వారియర్‌ టీమ్‌ –డీ: శ్రేయస్‌ అయ్యర్‌ (కెప్టెన్‌), అతర్వ టైడ్, యష్‌ దూబే, దేవదత్‌ పడిక్కల్, ఇషాన్‌ కిషన్‌ (వికెట్‌ కీపర్‌), రికీ భూయి, షరాన్స్‌ జైన్, ఆక్షర్‌ పటేల్, అర్షదీప్‌ సింగ్, ఆదిత్య థాక్రే, హర్షిత్‌ రాణా, తుషార్‌దేశ్‌పాండే, ఆకాష్‌ సేన్‌గుప్తా, కేఎస్‌. భరత్‌ (వికెట్‌ కీపర్‌), సౌరభ్‌ కుమార్‌.

టీ20 ప్రపంచకప్‌-2024 తర్వాత టీమిండియాలో పలు కీలక మార్పులు చోటు చేసుకున్నాయి. అంతర్జాతీయ పొట్టి ఫార్మాట్‌కు కెప్టెన్‌ రోహిత్‌ శర్మతో పాటు, స్టార్‌ బ్యాటర్‌ విరాట్‌ కోహ్లి, కీలక ఆల్‌రౌండర్‌ రవీంద్ర జడేజా వీడ్కోలు పలకగా.. హెడ్‌కోచ్‌గా రాహుల్‌ ద్రవిడ్‌ ప్రస్థానం కూడా ముగిసిపోయింది. ఈ క్రమంలో టీ20 జట్టు పూర్తిస్థాయి కెప్టెన్‌గా సూర్యకుమార్‌ యాదవ్‌ నియమితుడు కాగా.. గౌతం గంభీర్‌ కోచ్‌గా ద్రవిడ్‌ బాధ్యతలను స్వీకరించాడు.భవిష్య కెప్టెన్‌గా శుబ్‌మన్‌ గిల్‌మరోవైపు.. 37 ఏళ్ల రోహిత్‌ శర్మకు డిప్యూటీగా స్టార్‌ ఓపెనర్‌ శుబ్‌మన్‌ గిల్‌ను నియమించింది బీసీసీఐ. పరిమిత ఓవర్ల క్రికెట్‌లో ఈ పంజాబీ బ్యాటర్‌కు వైస్‌ కెప్టెన్‌గా బాధ్యతలు అప్పగించింది. అంతేకాదు.. రోహిత్‌, సూర్య గైర్హాజరీలో జింబాబ్వే టీ20 సిరీస్‌కు కెప్టెన్‌గానూ ఎంపిక చేసింది. తద్వారా భవిష్య కెప్టెన్‌గా శుబ్‌మన్‌ గిల్‌ ఉండబోతున్నాడని సంకేతాలు ఇచ్చింది.ఈ నేపథ్యంలో మరో స్టార్‌ బ్యాటర్‌ రిషభ్‌ పంత్‌ గురించి భారత మాజీ క్రికెటర్‌ ఆకాశ్‌ చోప్రా ఆసక్తికర వ్యాఖ్యలు చేశాడు. టెస్టుల్లో అద్భుతమైన రికార్డు ఉన్న పంత్‌ను కెప్టెన్‌గా నియమిస్తే బాగుంటుందని అభిప్రాయపడ్డాడు. అయితే, దులిప్‌ ట్రోఫీ-2024 జట్ల ప్రకటన తర్వాత ఈ ఉత్తరాఖండ్‌ బ్యాటర్‌ పేరును బీసీసీఐ భవిష్య కెప్టెన్‌గా పరిగణనలోకి తీసుకోవడం లేదని తెలుస్తోందన్నాడు.ఆ నలుగురికి ఛాన్స్‌కాగా సెప్టెంబరు 5 నుంచి మొదలుకానున్న ఈ రెడ్‌బాల్‌ టోర్నీకి సంబంధించిన నాలుగు జట్లను బీసీసీఐ బుధవారం ప్రకటించింది. టీమిండియా స్టార్లు శుబ్‌మన్‌ గిల్‌(టీమ్‌-ఎ), రుతురాజ్‌ గైక్వాడ్‌(టీమ్‌-సి), శ్రేయస్‌ అయ్యర్‌(టీమ్‌-డి)లకు సారథులుగా అవకాశం ఇచ్చిన బీసీసీఐ.. టీమ్‌-బి కెప్టెన్‌గా బెంగాల్‌ స్టార్‌ అభిమన్యు ఈశ్వరన్‌ను నియమించింది. ఈ జట్టులోనే రిషభ్‌ పంత్‌కూ చోటిచ్చింది.ఈ విషయంపై స్పందించిన ఆకాశ్‌ చోప్రా.. ‘‘రిషభ్‌ పంత్‌ కెప్టెన్‌ కాదా!.. అభిమన్యు ఈశ్వరన్‌ సారథ్యంలో అతడు ఆడాలా? మరేం పర్లేదు. అయితే, టీమిండియా భవిష్య కెప్టెన్‌గా భావిస్తున్న పంత్‌ను.. ఈ టోర్నీలో సారథిగా ఎంపిక చేయకపోవడం ఆశ్చర్యం కలిగించింది.ఏకైక వికెట్‌ కీపర్‌ బ్యాటర్‌గా చరిత్రవ్యక్తిగతంగా నేనేమీ పంత్‌ను సమర్థించడం లేదు. టెస్టు క్రికెటర్‌గా అతడి గణాంకాల ఆధారంగానే మాట్లాడుతున్నా. సౌతాఫ్రికా, ఇంగ్లండ్‌, ఆస్ట్రేలియా గడ్డపై శతకాలు బాదిన భారత ఏకైక వికెట్‌ కీపర్‌ బ్యాటర్‌గా చరిత్ర సృష్టించాడు పంత్‌. కెప్టెన్‌గా తనకంటే గొప్ప ఆటగాడు మరెవరు ఉంటారు? అయినా.. సరే తనను పక్కనపెట్టారు. దీనిని బట్టి టీమిండియా పగ్గాలు అప్పజెప్పే సూచనలూ కనిపించడం లేదు’’ అని ఆకాశ్‌ చోప్రా తన అభిప్రాయాలు పంచుకున్నాడు. కాగా 2022 డిసెంబరులో రోడ్డు ప్రమాదంలో తీవ్ర గాయాలపాలైన పంత్‌.. దాదాపు ఏడాదిన్నరపాటు జట్టుకు దూరమయ్యాడు. ఐపీఎల్‌-2024 ద్వారా పునరాగమనం చేసిన ఈ వికెట్‌ కీపర్‌.. టీ20 ప్రపంచకప్‌-2024లోనూ సత్తా చాటాడు.చదవండి: గంభీర్‌ ప్లాన్‌ అదుర్స్‌: బౌలింగ్‌ కోచ్‌గా మోర్కెల్‌ ఎంపికకు కారణం ఇదే!

సెప్టెంబర్‌ 5 నుంచి ప్రారంభంకాబోయే దులీప్‌ ట్రోఫీ కోసం నాలుగు జట్లను (టీమ్‌ ఏ, బి, సి, డి) ఇవాళ (ఆగస్ట్‌ 14) ప్రకటించారు. ఈ జట్లకు శుభ్‌మన్‌ గిల్‌, అభిమన్యు ఈశ్వరన్‌, రుతురాజ్‌ గైక్వాడ్‌, శ్రేయస్‌ అయ్యర్‌ నాయకత్వం వహించనున్నారు. ఈ టోర్నీలో చాలామంది టీమిండియా స్టార్లు పాల్గొననున్నారు. సీనియర్లు రోహిత్‌ శర్మ, విరాట్‌ కోహ్లి, జస్ప్రీత్‌ బుమ్రా, హార్దిక్‌ పాండ్యా, రవిచంద్రన్‌ అశ్విన్‌, మహ్మద్‌ షమీ మినహా టీమిండియా మొత్తం ఈ టోర్నీలో పాల్గొంటుంది. ఈ టోర్నీలో ప్రదర్శన ఆధారంగానే బంగ్లాదేశ్‌ టెస్ట్‌ సిరీస్‌కు జట్టు ఎంపిక ఉంటుందని తెలుస్తుంది.టీమ్‌ ఏ: శుభమన్ గిల్ (కెప్టెన్‌), మయాంక్ అగర్వాల్, రియాన్ పరాగ్, ధృవ్ జురెల్, కేఎల్ రాహుల్, తిలక్ వర్మ, శివమ్ దూబే, తనుష్ కోటియన్, కుల్దీప్ యాదవ్, ఆకాశ్ దీప్, ప్రసిద్ధ్ కృష్ణ, ఖలీల్ అహ్మద్, అవేష్ ఖాన్, విద్వత్ కావేరప్ప, కుమార్ కుశాగ్రా , శాశ్వత్ రావత్.టీమ్ బి: అభిమన్యు ఈశ్వరన్ (కెప్టెన్‌), యశస్వి జైస్వాల్, సర్ఫరాజ్ ఖాన్, రిషబ్ పంత్, ముషీర్ ఖాన్, నితీష్ కుమార్ రెడ్డి, వాషింగ్టన్ సుందర్, రవీంద్ర జడేజా, మొహమ్మద్ సిరాజ్, యశ్ దయాల్, ముఖేష్ కుమార్, రాహుల్ చాహర్, ఆర్ సాయి కిషోర్, మోహిత్ అవస్తి , ఎన్‌ జగదీసన్ (వికెట్‌కీపర్‌).టీమ్ సి: రుతురాజ్ గైక్వాడ్ (కెప్టెన్‌), సాయి సుదర్శన్, రజత్ పాటిదార్, అభిషేక్ పోరెల్ (వికెట్‌కీపర్‌), సూర్యకుమార్ యాదవ్, బాబా ఇంద్రజిత్, హృతిక్ షోకీన్, మానవ్ సుతార్, ఉమ్రాన్ మాలిక్, వైషాక్ విజయ్‌కుమార్, అన్షుల్ ఖంబోజ్, హిమాన్షు చౌహాన్, మయాంక్ మర్కండే, ఆర్యన్‌ జుయల్‌ (వికెట్‌కీపర్‌), సందీప్ వారియర్.టీమ్‌ డి: శ్రేయస్ అయ్యర్ (కెప్టెన్‌), అథర్వ తైడే, యశ్ దూబే, దేవదత్ పడిక్కల్, ఇషాన్ కిషన్ (వికెట్‌కీపర్‌), రికీ భుయ్, సరాంశ్ జైన్, అక్షర్ పటేల్, అర్ష్‌దీప్ సింగ్, ఆదిత్య ఠాకరే, హర్షిత్ రాణా, తుషార్ దేశ్‌పాండే, ఆకాష్ సేన్‌ గుప్తా, కేఎస్‌ భరత్‌ (వికెట్‌కీపర్‌), సౌరభ్ కుమార్.షెడ్యూల్‌..సెప్టెంబర్‌ 5-8: తొలి మ్యాచ్‌- టీమ్‌ ఏ వర్సెస్‌ టీమ్‌ బిరెండో మ్యాచ్‌- టీమ్‌ సి వర్సెస్‌ టీమ్‌ డిసెప్టెంబర్‌ 12-15: మూడో మ్యాచ్‌- టీమ్‌ ఏ వర్సెస్‌ టీమ్‌ డినాలుగో మ్యాచ్‌- టీమ్‌ బి వర్సెస్‌ టీమ్‌ సిసెప్టెంబర్‌ 19-22: ఐదో మ్యాచ్‌- టీమ్‌ బి వర్సెస్‌ టీమ్‌ డిఆరో మ్యాచ్‌- టీమ్‌ ఏ వర్సెస్‌ టీమ్‌ సి

టీమిండియా యువ ఓపెన‌ర్ శుబ్‌మ‌న్ గిల్‌పై భార‌త మాజీ ఫీల్డింగ్ కోచ్ ఆర్ శ్రీధర్ ప్ర‌శంస‌ల వ‌ర్షం కురిపించాడు. రోహిత్ శర్మ త‌ర్వాత మూడు ఫార్మాట్ల‌లోనూ భార‌త జ‌ట్టు కెప్టెన్‌గా గిల్ బాధ్య‌త‌లు చేప‌డ‌తాడ‌ని శ్రీధర్ జోస్యం చెప్పాడు. కాగా గిల్ ప్ర‌స్తుతం శ్రీలంక ప‌ర్య‌ట‌న‌లో ఉన్న భార‌త జ‌ట్టు వైస్ కెప్టెన్‌గా వ్య‌వ‌హ‌రిస్తున్నాడు.ఈ లంక టూర్ కోసం టీమిండియా వైస్ కెప్టెన్‌గా స్టార్ ఆట‌గాళ్లు హార్దిక్ పాండ్యా, కేఎల్ రాహుల్‌ను కాద‌ని మ‌రి గిల్‌ను బీసీసీఐ నియ‌మించింది. అంత‌కుముందు జింబాబ్వే ప‌ర్య‌ట‌న‌తో కెప్టెన్‌గా అరంగేట్రం చేసిన గిల్‌.. త‌న నాయ‌క‌త్వ ల‌క్ష‌ణాల‌తో అంద‌ర‌ని ఆక‌ట్టుకున్నాడు. జింబాబ్వేతో ఐదు మ్యాచ్‌ల టీ20 సిరీస్‌ను 4-1తో భార‌త్ సొంతం చేసుకుంది. టెస్టుల్లో కూడా రోహిత్ డిప్యూటీగా గిల్‌ను నియ‌మించాల‌ని బీసీసీఐ భావిస్తున్న‌ట్లు తెలుస్తోంది."యశ‌స్వీ జైశ్వాల్‌, శుబ్‌మ‌న్ గిల్ ఇద్ద‌రూ ప్ర‌స్తుతం అద్భుత‌మైన ఫామ్‌లో ఉన్నారు. అంత‌కుముందు ఇంగ్లండ్‌తో టెస్టు సిరీస్‌లో కూడా వీరిద్ద‌రూ అత్యుత్త‌మ ప్ర‌ద‌ర్శ‌న క‌న‌బ‌రిచారు. వ‌న్డేల్లో కూడా అద‌ర‌గొడుతున్నారు. ముఖ్యంగా శుబ్‌మ‌న్ గిల్ ఎంత చెప్పుకున్న త‌క్కువే. అతడొక ఆల్ ఫార్మాట్ ప్లేయ‌ర్‌. అత‌డు ప్ర‌స్తుతం రోహిత్ శ‌ర్మ వ‌ద్ద‌ కెప్టెన్సీ పాఠాలు నేర్చుకుంటున్నాడు. గిల్‌లో కూడా నాయ‌క‌త్వ ల‌క్ష‌ణాలు ఉన్నాయి. జింబాబ్వే టూర్‌లో కెప్టెన్‌గా గిల్ విజ‌య‌వంత‌మ‌య్యాడు. 2027 వ‌న్డే ప్ర‌పంచకప్‌ తర్వాత అన్ని ఫార్మాట్లలో భారత కెప్టెన్‌గా గిల్‌ ఎంపికవుతాడని" శ్రీధర్ పేర్కొన్నాడు.చదవండి: టీ20 వ‌ర‌ల్డ్‌క‌ప్‌-2024పై నీలినీడ‌లు! భారత్‌ వేదికగా?