Rajanna Sircilla District Latest News

సాక్షి, రాజన్న సిరిసిల్ల: వేములవాడలో హృదయవిదారక ఘటన చోటుచేసుకుంది. అనారోగ్యంతో చావుబతుకుల మధ్య కొట్టుమిట్టాడుతున్న మర్రిపల్లి రాకేష్‌ను కుటుంబ సభ్యులు వేములవాడ వైకుంఠధామానికి తరలించారు. చనిపోకముందే స్మశానానికి తీసుకెళ్లాల్సిన పరిస్థితి రావడంతో ఈ ఘటన స్థానికంగా కంటతడి పెట్టిస్తోంది.వివరాల్లోకి వెళ్తే.. చందుర్తి మండలం కిష్టంపేటకు చెందిన అమృత కుటుంబం కొన్నేళ్లుగా వేములవాడలో అద్దె ఇంట్లో నివసిస్తోంది. రాకేష్ కొంతకాలంగా జాండీస్‌, శ్వాస సంబంధిత సమస్యలతో బాధపడుతున్నాడు. ఎన్ని ఆస్పత్రులు తిరిగినా ఆరోగ్యం మెరుగుపడకపోవడంతో పరిస్థితి విషమించింది. ఈ క్రమంలో రాకేష్ పరిస్థితి చూసి ఇంటి యజమాని అద్దె ఇంట్లోకి కూడా అనుమతించలేని దుస్థితి ఏర్పడిందంటూ కుటుంబ సభ్యులు వాపోయారు.దీంతో దిక్కుతోచని స్థితిలో రాకేష్‌ను వైకుంఠధామానికి తీసుకెళ్లినట్లు, చివరికి చావే పరిష్కారం అన్నట్లుగా.. కుటుంబ సభ్యులు ఆవేదన వ్యక్తం చేస్తున్నారు. మానవత్వం మంటగలిసిందని కన్నీరుమున్నీరవుతున్నారు. తమ కుటుంబాన్ని ఆదుకోవాలని, రాకేష్‌కు తగిన సహాయం అందించాలని స్థానిక ఎమ్మెల్యే ఆది శ్రీనివాస్‌ను వేడుకుంటున్నారు.ఇదీ చదవండి: ఏం కష్టమొచ్చింది తల్లులూ!

ఎల్లారెడ్డిపేట: మండల కేంద్రంలోని ఎల్లమ్మ ఆలయ ప్రతిష్ఠతోపాటు సిద్ధోగం వేడుకలను పురస్కరించుకొని ఏఎంసీ వైస్‌ చైర్మన్‌ నంది కిషన్‌–ఉమ దంపతులు రూ.51వేల విరాళం గురువారం అందించారు. ఎల్లమ్మ గడపావనం ఇంటికి వచ్చిన సందర్భంగా ప్రత్యేక పూజలు చేశారు. కాలేజీ బస్సు ఢీకొని యువకుడి దుర్మరణంకరీంనగర్‌క్రైం: కాలేజీ బస్సు ఢీకొని ద్విచక్ర వాహనంపై వెళ్తున్న ఓ యువకుడు దుర్మరణం చెందాడు. త్రీ టౌన్‌ పోలీసుల వివరాల ప్రకారం.. కరీంనగర్‌లోని కిసాన్‌నగర్‌కు చెందిన రంగుల వినయ్‌ (21) గురువారం సాయంత్రం సుభాష్‌నగర్‌ రోడ్‌ నంబర్‌ 1 మీదుగా ద్విచక్ర వాహనంపై వెళ్తున్నాడు. వెనుక నుంచి వచ్చిన ఓ కాలేజీ బస్సు డ్రైవర్‌ వేగంగా, అజాగ్రత్తగా నడుపుతూ మరో వాహనాన్ని ఓవర్‌టేక్‌ చేసే క్రమంలో వినయ్‌ ద్విచక్ర వాహనాన్ని ఢీకొట్టాడు. వినయ్‌ రోడ్డుపై పడిపోగా తలకు తీవ్ర గాయమై అక్కడికక్కడే మృతిచెందాడు. కరీంనగర్‌ త్రీ టౌన్‌ సీఐ సంఘటనా స్థలాన్ని పరిశీలించారు. ఇద్దరు సబ్‌ ట్రెజరీ ఉద్యోగులపై బదిలీ వేటున్యూశాయంపేట: నర్సంపేట డివిజనల్‌ సబ్‌ ట్రెజరీలో లంచం డిమాండ్‌, ఉద్యోగుల వేధింపులపై గ్రీవెన్స్‌లో ఫిర్యాదులు వచ్చాయి. ఈ నేపథ్యంలో ఇద్దరు ఉద్యోగులపై చర్యలకు కలెక్టర్‌ డాక్టర్‌ సత్యశారద ఉన్నతాధికారులకు సిఫారసు చేశారు. సంబంధిత శాఖ ఉన్నతాధికారులు విచారణ చేపట్టారు. విచారణ నివేదిక ఆధారంగా నర్సంపేట డివిజనల్‌ సబ్‌ ట్రెజరీ అసిస్టెంట్‌ ట్రెజరీ ఆఫీసర్‌ (ఏటీఓ) బి.చంద్రకళను కరీంనగర్‌కు, సీనియర్‌ అకౌంటెంట్‌ అలేఖ్యను భద్రాద్రి కొత్తగూడం జిల్లాకు బదిలీ చేస్తూ డైరెక్టర్‌ ఆప్‌ ట్రెజరీస్‌ అండ్‌ అకౌంట్స్‌ కె.పార్వతీదేవి గురువారం ఉత్తర్వులు జారీ చేశారు. మహబూబాబాద్‌ జిల్లా గూడూరు సబ్‌ ట్రెజరీ ఆఫీసర్‌ మహ్మద్‌ రఫీని నర్సంపేట ఏటీవోగా పూర్తి అదనపు బాధ్యతలు నిర్వర్తించాలని ఉత్తర్వుల్లో పేర్కొన్నారు. కరీంనగర్‌ కలెక్టరేట్‌లో టీఎస్‌జీఎల్‌ఐ ఆఫీస్‌సిరిసిల్ల: తెలంగాణ రాష్ట్ర ప్రభుత్వ జీవిత బీమా(టీఎస్‌జీఎల్‌ఐ) జిల్లా ఆఫీస్‌ను కరీంనగర్‌ కలెక్టరేట్‌లోని 201 గదికి మార్చినట్లు ఆఫీస్‌ వర్గాలు గురువారం తెలిపాయి. టీఎస్‌జీఎల్‌ఐకి సంబంధించిన డెత్‌ క్లెయిమ్స్‌, మెచ్యూరిటీ క్లెయిమ్స్‌, పాలసీలు, పాలసీల వివరాలు, లోన్స్‌, ఇతర సేవల కోసం వచ్చే ఉమ్మడి కరీంనగర్‌ జిల్లాలోని ఉద్యోగులు, పాలసీదారులు నేరుగా కరీంనగర్‌ కలెక్టరేట్‌ భవనంలోని 201కి రావాలని కోరారు. స్వగ్రామానికి వలసజీవి మృతదేహం సిరిసిల్ల అర్బన్‌: బతుకుదెరువు కోసం పది నెలల క్రితం బహ్రెయిన్‌ వెళ్లిన సిరిసిల్ల పట్టణ పరిధిలోని చంద్రంపేట జ్యోతినగర్‌కు చెందిన అల్లెపు మల్లయ్య(55) మృతదేహం గురువారం స్వగ్రామానికి చేరింది. కుటుంబీకులు రోదనలు మిన్నంటాయి. పని చేసుకుంటూ కుటుంబానికి అండగా నిలవాలనుకున్న ఆయన అనారోగ్యానికి గురై చికిత్స పొందుతూ మృతిచెందాడు. కూతుళ్ల వివాహాల కోసం రూ.17లక్షల వరకు లోన్‌ తీసుకున్నాడని తెలిపారు. తమను ప్రభుత్వం ఆదుకోవాలని మృతుని భార్య దేవవ్వ, కుటుంబ సభ్యులు కోరారు. మృతునికి భార్య దేవవ్వ, కూతుళ్లు రజిత, సుమలత, కుమారుడు వినోద్‌ ఉన్నారు.

● ఎస్పీ మహేశ్‌ బీ గీతేసిరిసిల్ల: సైబర్‌ నేరాలపై జిల్లా ప్రజలను అప్రమత్తం చేసేందుకు నవంబర్‌ నెలను ‘యువర్‌ మనీ, యువర్‌ క్లిక్‌, యువర్‌ చాయిస్‌’ అనే ఇతివృత్తంతో ప్రత్యేక అవగాహన కార్యక్రమాలు నిర్వహిస్తున్నామని ఎస్పీ మహేశ్‌ బీ గీతే తెలిపారు. జిల్లా పోలీస్‌ ఆఫీస్‌లో గురువారం సైబర్‌ నేరాల నివారణకు సంబంధించిన అవగాహన పోస్టర్లను ఆవిష్కరించి మాట్లాడారు. ఆన్‌లైన్‌ లావాదేవీల విషయంలో అ ప్రమత్తంగా ఉండాలని సూచించారు. ఆన్‌లైన్‌లో డబ్బులు చెల్లించే ముందు క్షణం ఆగి, డబ్బులు స్వీకరించే వ్యక్తి, సంస్థ వివరాలు పూర్తిగా ధ్రువీకరించుకోవాలన్నారు. ఆన్‌లైన్‌ ప్రకటనలను నమ్మవద్దని కోరారు. గూగుల్‌, సోషల్‌మీడియాలో కనిపించే ప్రతీ కస్టమర్‌ కేర్‌ నంబర్‌ నిజమైందని భావించొద్దని ఎస్పీ వివరించారు. ఎవరైనా సైబర్‌ ఆర్థిక మోసానికి గురైతే ఏమాత్రం ఆలస్యం చేయకుండా వెంటనే 1930 సైబర్‌ క్రైమ్‌ హెల్ప్‌లైన్‌ నంబర్‌కు ఫోన్‌ చేయాలని కోరారు. సైబ ర్‌ ఆర్‌ఎస్సై జునైద్‌, సైబర్‌ సిబ్బంది పాల్గొన్నారు.

పబ్లిక్‌ టాయిలెట్స్‌ వివరాలుపురుషుల టాయిలెట్‌ సీట్లు 39మహిళల టాయిలెట్‌ సీట్లు 29పురుషుల బాత్రూమ్స్‌ 06మహిళల బాత్రూమ్స్‌ 04పురుషుల యూరినల్స్‌ 33సిరిసిల్లటౌన్‌: జిల్లా కేంద్రంలో అత్యవసర పరిస్థితుల్లో ఉగ్గపట్టుకోవాల్సిందే. పబ్లిక్‌ టాయిలెట్స్‌ లేక వివిధ పనులపై వచ్చిన జనం ఒంటికి.. రెంటికి ఇబ్బంది పడుతున్నారు. మరీ మహిళల పరిస్థితి దారుణంగా మారింది. పాత బస్టాండులో ఆరు నెలల క్రితం కూల్చేసిన టాయిలెట్స్‌ పునర్నిర్మాణానికి నోచుకోవడం లేదు. సుదూర ప్రాంతాల నుంచి వచ్చి పోయే ప్రయాణికులు, ముఖ్యంగా మహిళలు, విద్యార్థులు చెప్పుకోలేని నరకం అనుభవిస్తున్నారు. పబ్లిక్‌ డిమాండ్‌పై పాలకులు, అధికారుల నిర్లక్ష్యంపై ‘సాక్షి’ ఫోకస్‌.

జగిత్యాలక్రైం/కొడిమ్యాల: నేరాలు జరిగినప్పుడు సత్వరమే స్పందిస్తే నిందితులను సకాలంలో గుర్తించవచ్చని జగిత్యాల ఎస్పీ అశోక్‌కుమార్‌ అన్నారు. కొడిమ్యాల పోలీస్‌స్టేషన్‌ పరిధిలో మహిళ మెడలో నుంచి పుస్తెలతాడు లాక్కొని పరారైన నిందితులను 24 గంటల్లోపు పట్టుకోవడంలో కృషిచేసిన మల్యాల సీఐ రాజ్‌కుమార్‌, కొడిమ్యాల ఎస్సై నరేశ్‌, ఐడీ పార్టీ కానిస్టేబుళ్లను గురువారం అభినందించి బహుమతులు అందజేశారు. నేరం జరిగిన వెంటనే స్పందించి ఆధునిక పరిజ్ఞానంతో క్షేత్రస్థాయిలో పోలీసులు సమన్వయంతో పనిచేయడం వల్ల ఈ కేసును తొందరగా ఛేదించడం జరిగిందన్నారు. డీఎస్పీ పురుషోత్తంరెడ్డి తదితరులు పాల్గొన్నారు.

షుగర్‌ రోగులు అర్జెంట్‌గా మూత్ర విసర్జనకు వెళ్లాల్సి వస్తే పాతబస్టాండ్‌లో చోటు లేదు. తాత్కాలిక టాయిలెట్‌ బండి చూస్తే మురికిగా ఉంటుంది. ఊరి బయటకు వెళ్లి మూత్ర విసర్జన చేస్తున్నారు. లక్ష జనాభా పట్టణ ప్రధాన బస్టాండులోనే టాయిలెట్‌ లేకపోవడం ఇబ్బందిగా ఉంది. – గుజ్జె నవీన్‌, వ్యాపారి ఆడవాళ్లను పట్టించుకునే వారు లేరు మహిళ ప్రయాణికులు పాత బస్టాండుకొస్తే ఒంటికి వెళ్లడానికి సరైన టాయిలెట్‌ లేదు. అక్కడ ఉన్న తాత్కాలిక బండి కంపు కొడుతోంది, లోపలికి అడుగుపెట్టలేం. ఆడవాళ్లం ఆ బాధను బయటకు చెప్పుకోలేక, ఉగ్గపట్టుకుని కడుపునొప్పితో అల్లాడిపోతున్నారు. – జవ్వాజి విమల, ఐద్వా మహిళ కార్యదర్శి నెలాఖరులోగా పూర్తవుతాయి పాతబస్టాంండులో మోడర్న్‌ టాయిలెట్స్‌ నిర్మాణం ఇసుక, ముడిసరుకుల కొరతతో ఆలస్యమైంది. ప్రపంచస్థాయి ప్రమాణాలతో నిర్మిస్తున్నాం. ఈనెలాఖరులోగా పూర్తవుతుంది. ప్రస్తుతం ప్రయాణికుల కోసం తాత్కాలిక టాయిలెట్స్‌ నిర్వహిస్తున్నాం. పారిశుధ్య విభాగం వాటి నిర్వహణపై ప్రత్యేక శ్రద్ధ పెట్టారు. – ఎం.ఎ.ఖదీర్‌పాషా, మున్సిపల్‌ కమిషనర్‌

సిరిసిల్ల: జిల్లాలో రౌడీషీటర్లు, హిస్టరీషీటర్లపై నిఘా ఉంచాలని ఎస్పీ మహేశ్‌ బీ గీతే ఆదేశించారు. ఎస్పీ ఆదేశాలతో జిల్లాలోని రౌడీషీటర్లు, హిస్టరీ షీటర్ల ఇళ్లకు బుధవారం రాత్రి వెళ్లి తనిఖీ చేశారు. నేర ప్ర వృత్తికి దూరంగా జీవించాలని కౌన్సెలింగ్‌ చేశారు. ఎస్పీ మాట్లాడుతూ ప్రజలను భయభ్రాంతులకు గురిచేస్తూ.. అసాంఘిక కార్యకలాపాలకు పాల్ప డుతూ ప్రజాజీవనానికి, శాంతి భద్రతలకు విఘా తం కలిగించే వారిపై కఠిన చర్యలు తీసుకుంటా మని హెచ్చరించారు. నిబంధనలు ఉల్లంఘిస్తే బైండోవర్‌ చేస్తామన్నారు. డీఎస్పీ శ్రీనివాసులు, సీఐలు శ్రీనివాస్‌, వీరప్రసాద్‌, రవీందర్‌ ఉన్నారు.

● ‘సమాజానికి రంపపు కోత వద్దు’పై అవగాహన పాలకుర్తి: పెద్దపల్లి జిల్లా పాలకుర్తి మండలం కన్నాల ప్రభుత్వ ప్రాథమిక పాఠశాలలో గురువారం నిర్వహించిన పేరెంట్స్‌, టీచర్స్‌ మీటింగ్‌(పీటీఎం)లో ఉపాధ్యాయులు ‘సాక్షి’ ఫ్యామిలీ పేజీని ఓ సాధనంగా వినియోగించారు. బుధవారం సాక్షి దినపత్రికలో ‘సమాజానికి రంపపు కోత వద్దు’ శీర్షికన ప్రచురితమైన కథనం గురించి తొలుత చర్చించారు. ఉపాధ్యాయులు, తల్లిదండ్రులు తీసుకోవాల్సిన జాగ్రత్తలపై 18 సూత్రాల్లో వివరించిన దినపత్రికను అందజేశారు. కథనాన్ని పాఠశాల ఆవరణలో ప్రదర్శించారు. పిల్లల పెంపకంపై తల్లిదండ్రులకు అవగాహన కల్పించారు. ప్రదర్శనకు ఉంచిన సాక్షి ఫ్యామిలీ పేజీని తల్లిదండ్రులు ఆసక్తిగా తిలకించారు. ఈకార్యక్రమంలో ఉపాధ్యాయులు అంజనీదేవి, సుజాత, సీహెచ్‌ కుమార్‌ తదితరులు పాల్గొన్నారు.

వీర్నపల్లి: భూముల రీసర్వేలో భాగంగా క్షేత్రస్థాయిలో సరిహద్దుల వివరాలు పకడ్బందీగా నమోదు చేయాలని అదనపు కలెక్టర్‌ గడ్డం నగేశ్‌ సంబంధిత అధికారులను ఆదేశించారు. మండలంలోని గర్జనపల్లి పరిధిలోని జవహర్‌లాల్‌నాయక్‌ తండాలో గురువారం భూముల రీసర్వేను పరిశీలించారు. ఏడీ సర్వే అండ్‌ ల్యాండ్‌ రికార్డ్స్‌ శ్రీనివాస్‌, తహసీల్దార్‌ నారాయణరెడ్డి, ఆర్‌ఐ ఉమర్‌, వీర్నపల్లి ల్యాండ్‌ సర్వేయర్‌ విశ్వనాథం పాల్గొన్నారు. మానసిక సమస్యలను నిర్లక్ష్యం చేయొద్దు తంగళ్లపల్లి: శారీరక ఆరోగ్యంతోపాటు మానసిక ఆరోగ్యానికి ప్రాధాన్యత ఇవ్వాలని సైకా లజిస్ట్‌ పున్నంచందర్‌ సూచించారు. మండలంలోని ఇందిరమ్మకాలనీలోని పద్మశాలి సంఘంలో గురువారం మనోవికాస సదస్సు నిర్వహించారు. మానసిక సమస్యలను ప్రా రంభ దశలోనే గుర్తించి చికిత్స తీసుకోవాలన్నారు. పని ఒత్తిడిని జయించేందుకు మద్యపానాన్ని ఆశ్రయించొద్దని, ఆత్మహత్యలు స మస్యకూ పరిష్కారం కావని స్పష్టం చేశా రు. కమ్యూనిటీ ఫెసిలిటేటర్‌ వేముల మార్కండేయులు, సర్పంచ్‌ గడ్డం రచన, పద్మశాలీ సంఘం అధ్యక్షుడు బల్ల లక్ష్మీపతి, కార్యదర్శి మా దాసు సత్యనారాయణ, గౌడ రాజమహేందర్‌, మాసం రాజేందర్‌, భోగ రంగయ్య, జెల్ల సదానందం, కొండి సంపత్‌ పాల్గొన్నారు. కర్ణాటకలో పర్యటిస్తున్న ఉపాధ్యాయులు ఇల్లంతకుంట: జిల్లాలోని పీఎంశ్రీ పాఠశాలల ప్రధానోపాధ్యాయులు, డీఈవో, మానిటరింగ్‌ అధికారులు కర్ణాటకలోని పీఎంశ్రీ పాఠశాలలు సందర్శిస్తున్నారు. అక్కడ అమలు చేస్తు న్న బోధన విధానాలు తెలుసుకోనున్నారు. వీరు ఈనెల 5 నుంచి 7 వరకు మైసూర్‌, బెంగళూర్‌ ప్రాంతాలలో పర్యటించనున్నారు. జిల్లాలోని 16 పీఎంశ్రీ పాఠశాలల హెచ్‌ఎంలు, డీఈవో విద్యాసాగర్‌, ఏఎంవో అశోక్‌ వెళ్లారు. గురువారం రీజినల్‌ ఇనిస్టిట్యూట్‌ ఆఫ్‌ ఇంగ్లిష్‌ పీఎంశ్రీ పాఠశాలను సందర్శించారు. హెచ్‌ఎంలు సందీప్‌, బన్నాజీ, శ్రీకాంత్‌రావు, వెంకటరెడ్డి, మదన్‌లాల్‌ ఉన్నారు. నిబంధనలు పాటించాలి ఎల్లారెడ్డిపేట: దీపావళి పండుగ నేపథ్యంలో ఏర్పాటు చేసే తాత్కాలిక టపాసుల దుకాణదారులు నిబంధనలు పాటించాలని జిల్లా ఫైర్‌ ఆఫీసర్‌ నరేందర్‌, ఎస్సై రమేశ్‌గౌడ్‌ సూచించారు. మండల కేంద్రంతోపాటు వెంకటాపూర్‌, రాచర్లగొల్లపల్లిలోని టపాసుల దుకాణాలు ఏర్పాటు చేసే స్థలాలను గురువారం పరిశీలించారు. గొల్లపల్లి సర్పంచ్‌ కొండ రమేశ్‌గౌడ్‌ ఉన్నారు. ఉద్యమకారుల హక్కులు సాధిస్తాం సిరిసిల్లటౌన్‌: ఉద్యమకారుల హక్కులను సాధిస్తామని తెలంగాణ ఉద్యమకారుల జేఏసీ సంఘాల జిల్లా చైర్మన్‌ గజ్జెల దేవరాజు పేర్కొన్నారు. జిల్లా కేంద్రంలోని శివనగర్‌లో గురువారం కార్యాలయాన్ని ప్రారంభించారు. ఉద్యమకారుల జేఏసీ గౌరవాధ్యక్షుడు బుస్స వేణు, నాయకులు కుసుమ విష్ణు, కర్నె లక్ష్మి, తెలంగాణ వికాస సమితి జిల్లా కోఆర్డినేటర్‌ నడిమెట్ల శ్రీనివాస్‌, బొంపల్లి రవీందర్‌రావు, మాజీ కౌన్సిలర్‌ పత్తిపాక పద్మ, వింద్యారాణి, బండి దేవదాస్‌, ట్రస్మ జిల్లా అధ్యక్షుడు నాగుల శ్రీనివాస్‌, మామిడాల రమణ, గుజ్జె దత్తు, చాంద్‌పాషా పాల్గొన్నారు.

సిరిసిల్ల: జిల్లాలో హైరిస్క్‌ గర్భిణులను ముందుగా గుర్తించి, మెరుగైన వైద్యసేవలు అందించాలని జిల్లా వైద్యాధికారి ఏంజెలా ఆల్ఫ్రెడ్‌ కోరారు. జిల్లా వైద్య, ఆరోగ్యశాఖ ఆఫీస్‌లో గురువారం ఏఎన్‌ఎంలతో సమావేశమయ్యారు. జిల్లా వైద్యాధికారి మాట్లాడుతూ గర్భిణుల ఆరోగ్య పరిస్థితిని ఎప్పటికప్పుడు పర్యవేక్షించాలన్నారు. హైరిస్క్‌ గర్భిణులకు సంబంధిత వైద్యాధికారుల పర్యవేక్షణలో అవసరమైన చికిత్స అందేలా చూడాలని సూచించారు. డిప్యూటీ జిల్లా వైద్యాధికారి, మాతా శిశు ఆరోగ్య కార్యక్రమ అధికారి డాక్టర్‌ నాగేందర్‌బాబు, జిల్లా ఎన్‌సీడీ అధికారి డాక్టర్‌ రామకృష్ణ, జిల్లా ఇమ్యూనైజేషన్‌ అధికారి డాక్టర్‌ సంపత్‌ పాల్గొన్నారు.

సిరిసిల్ల అర్బన్‌: రాజన్నసిరిసిల్ల జిల్లా జిల్లా కేంద్రం పరిధిలోని చంద్రంపేట బైపాస్‌ చౌరస్తాలో గురువారం బ్లేడ్‌ ట్రాక్టర్‌ను ఢీకొని ఒకరు మృతి చెందగా మరో యువకుడికి తీవ్రగాయాలయ్యాయి. స్థానికులు తెలిపిన వివరాలు. కామారెడ్డి నుంచి ద్విచక్రవాహనంపై వేములవాడ మీదుగా కాళేశ్వరం వెళ్లేందుకు ఇద్దరు యువకులు బైక్‌పై వస్తున్నారు. అదే సమయంలో చంద్రంపేట బైపాస్‌ చౌరస్తా వద్ద యూ టర్న్‌ తీసుకుంటున్న ట్రాక్టర్‌ను ఢీకొట్టారు. ఈ ప్రమాదంలో తీవ్రంగా గాయపడ్డ విజయ్‌ వంజా తలండి(30) ఆస్పత్రికి తరలిస్తుండగా మృతిచెందగా, మరొకరు విజయ్‌ లచ్చా వీరడి గాయపడ్డాడు. వీరిది మహారాష్ట్రలోని గడ్చిరోలి జిల్లా పత్తి గ్రామంగా గుర్తించారు. కేసు నమోదు చేసి, దర్యాప్తు చేస్తున్నట్లు పోలీసులు తెలిపారు. వివాహిత అదృశ్యంగంభీరావుపేట: మండలంలలోని గోరింటాలకు చెందిన వివాహిత బందెల నవిత(29) అదృశ్యమైంది. ఈమేరకు భర్త ప్రశాంత్‌ ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు. సదరు మహిళ తన భర్తతో గొడవపడి 15 నెలల కుమారుడిని తీసుకొని ఈనెల 4న ఇంటి నుంచి వెళ్లిందని ఫిర్యాదులో పేర్కొన్నారు. కుటుంబ సభ్యులు ఎంత గాలించినా ఆచూకీ లభించలేదు. దీంతో పోలీసులను ఆశ్రయించారు.

సాక్షిప్రతినిధి,కరీంనగర్‌: ‘అమ్మా.. నాకు భయమేస్తోంది..రాత్రిపూట ఒక్కడినే పడుకోలేకపోతున్నా.. నన్ను తీసుకుపో’ అంటూ మూడేళ్ల చిన్నారి దిక్కులు పిక్కటిల్లేలా చేసిన రోదనలు సోషల్‌ మీడియాను కుదిపేశాయి. ప్రపంచవ్యాప్తంగా ఉన్న తెలుగువారు బాలుడికి మద్దతుగా నిలిచారు. పిల్లాడి విడుదలను పరిశీలించాలంటూ కోర్టు ఇచ్చిన ఆదేశాలు అమలు కాలేదు. చివరికి మంత్రులు జోక్యంతో ఆ పసివాడు తల్లి ఒడి చేరాడు. కానీ, ఆ ఆనందం వారికి ఎన్నో రోజులు నిలిచేలా లేదు. బాబును తీసుకెళ్లడాన్ని జిల్లా సీ్త్ర శిశు సంక్షేమ అధికారులు సవాలు చేస్తూ హైకోర్టును ఆశ్రయించారు. దీంతో కథ మరో మలుపు తిరిగింది. ఇప్పటికే ఒళ్లంతా గాయాలతో, ఎలర్జీతో బాధపడుతున్న బాలుడు.. శారీరకంగా, మానసికంగా చా లా కుంగిపోయాడు. ఈ నెలాఖరున చిన్నారి మూ డో పుట్టినరోజు సమీపిస్తున్న వేళ.. మళ్లీ తల్లి ఒడికి దూరమైతే.. అతని మానసిక పరిస్థితి మరింత దిగజారుతుందని సర్వత్రా ఆందోళన వ్యక్తమవుతోంది. అసలేం జరిగింది? జగిత్యాలకు చెందిన క్యాసరపు శ్రీనివాస్‌ దంపతులకు సంతానం లేదు. దీంతో నిజామాబాద్‌కు చెందిన లక్ష్మణ్‌–సుమలత దంపతుల కుమారుడిని దత్తత తీసుకున్నారు. ఇటీవల గుర్తుతెలియని వ్యక్తులు 1098 టోల్‌ఫ్రీ నంబరు ద్వారా జిల్లా సీ్త్రశిశు సంక్షేమశాఖకు ఫిర్యాదు చేశారు. దత్తత చెల్లదంటూ ఆగస్టు 26న అధికారులు పిల్లాడిని హోంకు తరలించారు. దత్తతలో అక్రమాలు జరిగాయంటూ శ్రీనివాస్‌గౌడ్‌, సరిత, లక్ష్మణ్‌– సుమలతపై జిల్లా సంక్షేమ అధికారుల ఫిర్యాదుతో జగిత్యాల పీఎస్‌ లో ఎఫ్‌ఐఆర్‌ నమోదు చేశారు. దీంతో శ్రీనివాస్‌ దంపతులు న్యాయపోరాటానికి దిగారు. పిల్లాడి అప్పగింతను పరిశీలించాలని జిల్లా అధికారులకు హైకోర్టు మధ్యంతర ఉత్తర్వులిచ్చింది. అయినా వారు పిల్లాడిని తల్లికి అప్పగించలేదు. ఈ ఉత్తర్వులను సస్పెండ్‌ చేయాలంటూ హైకోర్టులో రిట్‌ దాఖలు చేశారు. ఈ పరిణామంపై తల్లిదండ్రులతోపాటు సర్వత్రా ఆందోళన వ్యక్తమవుతోంది. క్షీణించిన పిల్లాడి ఆరోగ్యం

జిల్లా అధికారులు అసలు పిల్లాడు లక్ష్మణ్‌– సుమలతలకు జన్మించలేదని అనుమానం వ్యక్తం చేస్తున్నారు. దీన్ని శ్రీనివాస్‌ లాయర్‌ రఘునందన్‌రెడ్డి ఖండిస్తున్నారు. ఈ కేసులో కలెక్టర్‌ను జిల్లా అధికారులు తప్పుదోవ పట్టిస్తున్నారని ఆరోపిస్తున్నారు. అదే సమయంలో 2023 నవంబరులో పిల్లాడు జగిత్యాల ప్రభుత్వాస్పత్రిలో జన్మించినట్లుగా బర్త్‌ సర్టిఫికెట్‌ వెలుగులోకి రావడం బాబు బంధువుల్లో చర్చకు దారితీసింది. ఒకవేళ జిల్లా అధికారుల అనుమానం నిజమైతే.. పిల్లాడికి జగిత్యాల మున్సిపల్‌ అధికారులు బర్త్‌ సర్టిఫికెట్‌ ఎలా జారీ చేస్తారు? అందులో అతని తల్లిదండ్రులుగా లక్ష్మణ్‌–సుమలత పేర్లు ఎలా పొందుపరుస్తారు? అన్న ప్రశ్నను బాబు తరఫు బంధువులు లేవనెత్తుతున్నారు.

● ప్రభుత్వ విప్‌ ఆది శ్రీనివాస్‌ కోనరావుపేట: ప్రభుత్వ విద్యాలయాల్లో సకల సౌకర్యాలు కల్పిస్తున్నట్లు ప్రభుత్వ విప్‌ ఆది శ్రీనివాస్‌ తెలిపారు. కోనరావుపేట కేజీబీవీలో రూ.56 లక్షలతో నూతన వసతి గృహం, టాయిలెట్స్‌, రూ.9.50 లక్షలతో భవిత కేంద్ర నిర్మాణానికి, రూ.30లక్షలతో ఐకేపీ గోడౌన్‌ నిర్మాణానికి గురువారం కలెక్టర్‌ గరీమా అగ్రవాల్‌తో కలిసి భూమి పూజ చేశారు. విప్‌ ఆది శ్రీనివాస్‌ మాట్లాడుతూ ప్రజా ప్రభుత్వం విద్యాభివృద్ధికి అనేక చర్యలు తీసుకుంటుందన్నా రు. యంగ్‌ ఇండియా ఇంటర్నేషనల్‌ రెసిడెన్షియల్‌ స్కూల్స్‌ నిర్మాణానికి శ్రీకారం చుట్టిందని, తెలంగాణ పబ్లిక్‌ స్కూళ్లను నిర్మించనుందని తెలిపారు. త్వరగా పూర్తి చేయాలి కేజీబీవీ, భవిత సెంటర్‌, ఐకేపీ గోడౌన్‌ పనులను త్వరగా మొదలుపెట్టి గడువులోగా పూర్తి చేయాలని కలెక్టర్‌ గరీమా అగ్రవాల్‌ ఆదేశించారు. ఏఎంసీ చైర్మన్‌ కచ్చకాయల ఎల్లయ్య, ప్యాక్స్‌ చైర్మన్లు చేపూరి గంగాధర్‌, బొమ్మెన భాస్కర్‌రావు, ఆర్డీవో కేఎస్‌బీ కుమారి, డీఆర్డీవో లక్ష్మీనారాయణ, సర్పంచులు కాశీరామ్‌, బోయిని దేవరాజు, తహసీల్దార్‌ వరలక్ష్మి, ఎంపీడీవో స్నిగ్ద, జీసీడీవో పద్మజ పాల్గొన్నారు. పాఠ్యాంశాలు నిత్యం సాధన చేయాలి విద్యార్థులు అన్ని పాఠ్యాంశాలను నిత్యం సాధన చేయాలని కలెక్టర్‌ సూచించారు. కోనరావుపేట కేజీబీవీలో విద్యార్థులతో మాట్లాడారు. వంటగదిని పరిశీలించి నాణ్యమైన భోజనం తయారు చేయాలన్నారు. కూరగాయలు, బియ్యం, పప్పుల నాణ్యత పరిశీలించారు. ప్రత్యేకాధికారి ఇందిర, సిబ్బంది ఉన్నారు.

సిరిసిల్లటౌన్‌: మున్సిపల్‌ కార్మికుల సమస్యలు పరి ష్కరించే దాకా పోరాటాలు చేస్తామని సీఐటీయూ జిల్లా కార్యదర్శి కోడం రమణ, ఉపాధ్యక్షుడు మూశం రమేశ్‌ పేర్కొన్నారు. గురువారం నుంచి కార్మికులు నిరవధిక సమ్మెకు దిగిన నేపథ్యంలో ఆఫీస్‌ ఎదుట ధర్నా చేపట్టి మాట్లాడారు. విధులు నిర్వహిస్తూ చనిపోయిన, రిటైర్మెంట్‌ పొందిన కా ర్మికుల స్థానాల్లో వారి కుటుంబ సభ్యులను పనిలో పెట్టుకోవాలని, పీఎఫ్‌ సమస్య పరిష్కరించాలని కోరారు. కాసారపు శంకర్‌, బాబా కిషన్‌, అర్జున్‌, ఉమ, లక్ష్మి, విజయ, దేవరాజు, శ్రీనివాస్‌ ఉన్నారు.

ఎల్లారెడ్డిపేట: మండల కేంద్రంలో ఈనెల 18న గౌడ సంఘం ఆధ్వర్యంలో నిర్వహించే ఎల్లమ్మ సిద్ధోగానికి రావాలని కోరుతూ బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, మంత్రి పొన్నం ప్రభాకర్‌గౌడ్‌లకు ఆహ్వానపత్రికలు అందించారు. హైదరాబాద్‌లోని వారి నివా సాల్లో బుధవారం కలిశారు. కేటీఆర్‌ను శాలు వాతో సత్కరించి, ఎల్లమ్మగడను అందించా రు. బీఆర్‌ఎస్‌ జిల్లా అధ్యక్షుడు తోట ఆగయ్య, నాఫ్స్‌కాబ్‌ చైర్మన్‌ కొండూరి రవీందర్‌రావు, ప్యాక్స్‌ చైర్మన్‌ గుండారపు కృష్ణారెడ్డి, సర్పంచ్‌ నర్సింలు, గౌడ సంఘం అధ్యక్షుడు ఎర్ర దేవ య్య, నాయకులు పందిళ్ల లింగంగౌడ్‌, బాలా గౌడ్‌, పందిళ్ల పర్శరాములుగౌడ్‌, తిరుపతి గౌ డ్‌, దేవయ్యగౌడ్‌, వెంకట్‌గౌడ్‌, ప్రదీప్‌గౌడ్‌, బ లరాంగౌడ్‌, గంట రమేశ్‌, రాజాగౌడ్‌ ఉన్నారు. 17వ పోలీస్‌ బెటాలియన్‌లో నూతన గెస్ట్‌హౌస్‌ సిరిసిల్ల అర్బన్‌: జిల్లాలోని 17వ(ఐఆర్‌) పోలీస్‌ బెటాలియన్‌లో నూతనంగా నిర్మించిన గెస్ట్‌హౌస్‌ను తెలంగాణ స్పెషల్‌ పోలీస్‌ బెటాలియన్ల అదనపు డీజీపీ సంజయ్‌కుమార్‌ జైన్‌ బుధవారం వర్చువల్‌గా ప్రారంభించారు. అనంతరం బెటాలియన్‌ ప్రాంగణంలో నూతన ఎస్‌డీఆర్‌ఎఫ్‌ కార్యాలయం నిర్మాణానికి భూమిపూజ నిర్వహించారు. అసిస్టెంట్‌ కమాండెంట్లు రాందాస్‌, రాజు, సంజీవరెడ్డి తదితరులు పాల్గొన్నారు. టపాసుల వ్యాపారులు నిబంధనలు పాటించాలి సిరిసిల్ల/సిరిసిల్లటౌన్‌: దీపావళి పండుగకు టపాసుల షాపులు ఏర్పాటు చేసే వ్యాపారులు నిబంధనలను పాటించాలని సిరిసిల్ల ఆర్డీవో డి.శ్రీధర్‌బాబు కోరారు. సిరిసిల్ల ఆర్డీవో ఆఫీస్‌లో బుధవారం టపాసుల వ్యాపారులతో సమావేశం నిర్వహించారు. ఆర్డీవో మాట్లాడుతూ టపాసుల షాపుల మధ్య గ్యాప్‌ ఉండాలని, అగ్ని ప్రమాదాల నివారణకు ఇసుక, వాటర్‌ డ్రమ్ములను అందుబాటులో ఉంచుకోవాలని సూచించారు. విద్యుత్‌ వైరింగ్‌ సరిగ్గా ఉండేలా చూసుకోవాలని, షాపుల చుట్టూరా రోడ్డు ఉండాలని అగ్నిమాపక అధికారుల నిబంధనలు పాటించాలని ఆర్డీవో తెలిపారు. ప్రభుత్వ నిబంధనల మేరకు వ్యాపారులు చట్టపరిధిలో వ్యవహరించాలని, షాపులకు కేటాయించే స్థలాల విషయంలో గొడవలు పడకుండా.. జాగ్రత్తలు తీసుకోవాలని సూచించారు. సిరిసిల్ల అగ్నిమాపక అధికారి ఎన్‌.నరేందర్‌, జీఎస్టీ అధికారి కిరణ్‌, సెక్షన్‌ అధికారి లింగం, టపాసుల వ్యాపారులు పాల్గొన్నారు. జిల్లా ఆస్పత్రి లిఫ్ట్‌ బాగైందిసిరిసిల్ల: జిల్లా కేంద్రంలోని ప్రభుత్వ జనరల్‌ ఆస్పత్రిలో లిఫ్ట్‌ను బాగుచేశారు. ఇటీవల లిఫ్ట్‌ పాడయి రోగులు రెండో అంతస్తులోకి వెళ్లేందుకు ఇబ్బందులు పడుతున్నారంటూ ‘సాక్షి’లో అక్టోబరు 31న ‘పని చేయని లిఫ్ట్‌’ అని కథనం ప్రచురితమైంది. స్పందించిన అధికారులు లిఫ్ట్‌ మెకానిక్‌ను పిలిపించి రిపేరు చేయించారు. రెండు రోజులపాటు రోగులు ఇబ్బందులు పడ్డారు. ఇప్పుడు లిఫ్ట్‌ బాగవడంతో మొదటి, రెండో అంతస్తుకు రోగులు లిఫ్ట్‌లో వెళ్తున్నారు.

కరీంనగర్‌: కరీంనగర్‌ పార్లమెంట్‌ నియోజకవర్గ పరిధిలోని ప్రభుత్వ పాఠశాలల్లో పదోతరగతి చదువుతున్న విద్యార్థులందరికీ ఈ ఏడాది కూడా పరీక్ష ఫీజును తానే చెల్లిస్తానని కేంద్ర హోం శాఖ సహాయ మంత్రి బండి సంజయ్‌కుమార్‌ హామీ ఇచ్చారు. ఈ నిర్ణయంతో 5 జిల్లాలకు చెందిన 10,959 మంది విద్యార్థులకు ప్రయోజనం చేకూరనుంది. తెలంగాణ ప్రాంత ప్రభుత్వ ఉపాధ్యాయ సంఘం(తపస్‌) కరీంనగర్‌ జిల్లా అధ్యక్షుడు అన్నపునేని తిరుపతిరావు, ప్రధాన కార్యదర్శి జారతి నర్సయ్య 5 రోజుల క్రితం కేంద్ర మంత్రిని కలిసి వినతిపత్రం అందజేశారు. ప్రభుత్వ పాఠశాలల్లో చదువుతున్న పేద విద్యార్థులు పరీక్ష ఫీజు చెల్లించేందుకు ఇబ్బందులు పడుతున్నారని, గతేడాది మాదిరిగానే ఈసా రి కూడా ఫీజులు చెల్లించి ఆదుకోవాలని కోరారు. దీనిపై సానుకూలంగా స్పందించిన బండి సంజ య్‌.. తన పార్లమెంట్‌ నియోజకవర్గ పరిధిలోని ప్రభుత్వ పాఠశాలల్లో పదోతరగతి చదువుతున్న విద్యార్థులందరి పరీక్ష ఫీజును చెల్లిస్తానని హామీ ఇ చ్చారు. ఈ మేరకు సంబంధిత జిల్లాల డీఈవోలకు సమాచారమందించారు. విద్యార్థుల ఫీజుకు సంబంధించిన పూర్తి వివరాలను సేకరించి రెండు, మూడు రోజుల్లో చెక్కు రూపంలో చెల్లించాలని నిర్ణయించారు. నియోజకవర్గ పరిధిలో రాజన్న సిరిసిల్ల జిల్లాలో 3,920 మంది, కరీంనగర్‌ జిల్లాలో 4,356 మంది, జగి త్యాల జిల్లాలో 1,087 మంది, సిద్దిపేట జిల్లాలో 1,133 మంది, హన్మకొండ జిల్లాలో 463 మంది విద్యార్థులు పదోతరగతి చదువుతున్నారు. ఇప్పటికే ప్రభుత్వ పాఠశాలల విద్యార్థులకు ఉచితంగా బ్రాండెడ్‌ సైకిళ్లను పంపిణీ చేసిన బండి సంజయ్‌.. సీఎస్‌ఆర్‌ నిధులు, దాతల సహకారంతో పాఠశాలల్లో అదనపు తరగతి గదులు, మరుగుదొడ్ల నిర్మాణానికి కూడా చర్యలు చేపట్టారు. ప్రభుత్వ పాఠశాలల్లో మౌలిక సదుపాయాల కల్పనతోపాటు పేద విద్యార్థులపై ఆర్థిక భారం తగ్గించే దిశగా ఈ కార్యక్రమాలు చేపడుతున్నారు.

సిరిసిల్ల: జిల్లా వ్యాప్తంగా ప్రభుత్వ కొనుగోలు కేంద్రాల్లో ఇప్పటి వరకు ఒక్క గింజను కూడా కొనుగోలు చేయలేదు. ప్రైవేట్‌ వ్యాపారులు పచ్చివడ్లనే కొంటుండడంతో రైతులు కొనుగోలు కేంద్రాలకు ధాన్యాన్ని తేవడం లేదు. అయితే మొదట్లో మురిపించిన మిల్లర్లు.. ఇప్పుడు అందరూ ఒక్కటై వడ్ల ధర తగ్గించేశారు. దసరా పండుగకు ముందు పంట చేతికొచ్చిన రైతులకు దండిగా డబ్బులు రాగా.. ఇప్పుడు పంట కోస్తున్న రైతులు కొంత నష్టపోతున్నారు. 1.47 లక్షల ఎకరాల్లో వరి జిల్లా వ్యాప్తంగా ఈ ఏడాది వానాకాలంలో 1.47 లక్షల ఎకరాల్లో వరి సాగుచేశారు. దీని ప్రకారం జిల్లాలో 3.67 లక్షల టన్నుల దిగుబడి వస్తుందని అంచనా వేశారు. అక్టోబరులో 55వేలు మెట్రిక్‌ టన్నులు, నవంబరులో 1.50 లక్షల మెట్రిక్‌ టన్నులు, డిసెంబరులో 1.60 లక్షల మెట్రిక్‌ టన్నుల దిగుబడి వస్తుందని భావిస్తున్నారు. ముందుగా వరినాట్లు వేసి పంట కోసిన రైతుల పంట పండింది. ఆరంభంలో మంచి ధర పెట్టిన రైస్‌మిల్లర్లు, వ్యాపారులు ఇప్పుడు భారీ ఎత్తున కోతలు పూర్తయి వడ్లు రైతుల చేతికి రావడంతో ఒక్కసారిగా ధరలు దించారు. మిల్లర్లు, వ్యాపారులు సిండికేట్‌గా మారి ధరలు తగ్గిస్తున్నారని రైతులు ఆందోళన చేశారు. సన్న పచ్చివడ్లకు ఇప్పుడు క్వింటాలుకు రూ.2,400 ధర ఉండగా.. మొన్నటి వరకు రూ.3,100 ఉండేది. దొడ్డు వడ్లు మొన్నటి వరకు క్వింటాలుకు రూ.2,400 ఉండగా.. ఇప్పుడు రూ.1,900లకు పడిపోయింది. వరి కోతలు మొదలైన ప్రారంభంలో ఊరించిన వ్యాపారులు ఇప్పుడు ధరలు దించి రైతులను ముంచుతున్నారు. ప్రభుత్వం ధాన్యం కొనుగోలు కేంద్రాల్లో వడ్లకు మద్దతు ధరను క్వింటాలుకు ‘ఏ’ గ్రేడ్‌కు రూ.2,461, కామన్‌ రకానికి రూ.2,441 నిర్ణయించింది. కానీ వడ్లను ఆరబెట్టి తేమశాతం 17 ఉంటేనే కొనుగోలు కేంద్రాల్లో ధాన్యం కొంటారు. సన్నవడ్లకు క్వింటాలుకు రూ.500 బోనస్‌ ఇస్తామని ఏడు రకాల వడ్లను ప్రభుత్వం గుర్తించింది. ‘ఇది ఎల్లారెడ్డిపేట మండలం రాచర్లబొప్పాపూర్‌లో అక్టోబరు 26న ఏఎంసీ చైర్మన్‌ మేడిపల్లి దేవానందం, స్థానిక సర్పంచ్‌ గీతాంజలి, ఏఎంసీ వైస్‌ చైర్మన్‌ నంది కిషన్‌లు కొనుగోలు కేంద్రాన్ని ప్రారంభించారు. కానీ ఈ కేంద్రంలో ఇప్పటి వరకు ఒక్క గింజ కూడా కొనుగోలు చేయలేదు. రైతులు పంట కోసి నేరుగా వ్యాపారులకే అమ్ముకుంటున్నారు. దీంతో ఇక్కడ ప్రారంభించిన కొనుగోలు కేంద్రం వెలవెలబోతుంది.’ ‘ఇది తంగళ్లపల్లి మండలం చిన్నలింగాపూర్‌. ఇక్కడ రైతులు పండించిన వడ్లను రైస్‌మిల్లర్లు, వ్యాపారులు కొనుగోలు చేస్తున్నారు. పక్షం రోజులు కిందట సన్నవడ్లు పచ్చివి రూ.3100 క్వింటాలు కొనుగోలు చేయగా.. దొడ్డు వడ్లు పచ్చివి రూ.2400 కొనుగోలు చేశారు. ఇదే వ్యాపారులు ఇప్పుడు సన్న వడ్లను క్వింటాలుకు రూ.2400, దొడ్డు వడ్లను రూ.1900 కొనుగోలు చేస్తున్నారు. మార్కెట్‌లో వడ్లను డిమాండ్‌ ఉందని రైతులు ఆశిస్తుండగా.. రైస్‌మిల్లర్లు సిండికేట్‌గా మారి ధరలు తగ్గించారు.’

● సీపీఐ జాతీయ నాయకుడు చాడ వెంకటరెడ్డి ఇల్లంతకుంట: కరువు మండలాల్లో ప్రభుత్వం సహా యక చర్యలు చేపట్టాలని సీపీఐ జాతీయ నాయకుడు, మాజీ ఎమ్మెల్యే చాడ వెంకటరెడ్డి కోరారు. కరువు మండలంగా ప్రకటించిన ఇల్లంతకుంట లోని కందికట్కూర్‌లో ఎండిన పొలాలను బుధవా రం పరిశీలించారు. మెట్టప్రాంతమైన జిల్లాను కరువు ప్రాంతంగా ప్రకటించాలని కోరారు. కేంద్ర ప్రభుత్వం సర్వే బృందాలను పంపి విచారణ చేపట్టి జాతీయ విపత్తుగా గుర్తించాలని కోరారు. ఎండిన వరి పొలాలకు రూ.30వేలు నష్టపరిహారం చెల్లించాలని, పత్తి పంటకు రూ.50వేలు నష్టపరిహారం చెల్లించాలని డిమాండ్‌ చేశారు. సీపీఐ జిల్లా కార్యదర్శి మంద సుదర్శన్‌, జిల్లా కార్యవర్గసభ్యులు కడారి రాములు, ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠరెడ్డి, మండల కార్యదర్శి తీపిరెడ్డి తిరుపతిరెడ్డి, మంద అనిల్‌ పాల్గొన్నారు. సరిహద్దు సమస్య పరిష్కరించాలి ఇల్లంతకుంట మండలంలోని వెంకట్రావుపల్లి, గొల్లపల్లి గ్రామపంచాయతీల మధ్య 2018లో ఏర్పడ్డ సరిహద్దు సమస్యను పరిష్కరించాలని కోరారు. ఈ విషయంపై వెంకట్రావుపల్లి సర్పంచ్‌ చల్ల నవీన్‌కుమార్‌, మంద అనిల్‌, యాదగిరి తదితరులు వినతిపత్రం అందజేశారు.

● సీఐటీయూ జిల్లా కార్యదర్శి రమణ సిరిసిల్లటౌన్‌: మున్సిపల్‌ కార్మికుల సమస్యలు పరిష్కరించాలని సీఐటీయూ జిల్లా కార్యదర్శి కోడం రమణ డిమాండ్‌ చేశారు. జిల్లా కేంద్రంలోని బీవై నగర్‌ కార్యాలయంలో బుధవారం విలేకరులతో మాట్లాడారు. సిరిసిల్ల పట్టణాన్ని పరిశుభ్రంగా ఉంచేందుకు అహర్నిశలు కష్టపడి పనిచేస్తున్న మున్సిపల్‌ కార్మికుల సమస్యలు పరిష్కరించాలని కోరారు. ఇప్పటికే అక్టోబర్‌ 29న మున్సిపల్‌ కమిషనర్‌కు వినతిపత్రం ఇచ్చామని.. అయినా స్పందన లేదన్నారు. గురువారం నుంచి విధులు బహిష్కరించి, సమ్మెకు వెళ్తున్నట్లు ప్రకటించారు. యూనియన్‌ జిల్లా అధ్యక్షుడు కాసారపు శంకర్‌, నర్మెట బాబా, కిషన్‌, బత్తుల దేవరాజు, మారుపాక లక్ష్మి, బడుగు శ్రీనివాస్‌, అర్జున్‌, మల్లేశం, దేవవ్వ తదితరులు పాల్గొన్నారు.

● అడవుల్లో చెరువుల నిర్మాణం ● కలెక్టర్‌ గరీమా అగ్రవాల్‌సిరిసిల్ల: అటవీ భూముల రక్షణకు స్పెషల్‌ ఇన్వెస్టిగేషన్‌ టీమ్‌(సిట్‌)ను నియమిస్తామని, ఆక్రమణలపై కఠిన చర్యలు తీసుకోవాలని కలెక్టర్‌ గరీమా అగ్రవాల్‌ ఆదేశించారు. అటవీ భూముల రక్షణ, నీటివనరుల అభివృద్ధిపై కలెక్టరేట్‌లో బుధవారం ఎస్పీ మహేశ్‌ బీ గీతే, అదనపు కలెక్టర్‌ గడ్డం నగేశ్‌, డీఎఫ్‌వో సత్యనారాయణతో కలిసి సమీక్షించారు. కలెక్టర్‌ మాట్లాడుతూ అటవీ భూములు, ప్రభుత్వ భూముల రికార్డులు పరిశీలించాలని, క్షేత్రస్థాయిలో వాస్తవ పరిస్థితులను గుర్తించాలన్నారు. రెవెన్యూ, ఫారెస్ట్‌ అధికారులు సంయుక్తంగా సరిహద్దులను నిర్ణయించాలని ఆదేశించారు. వన్యప్రాణుల సంరక్షణకు ప్రాధాన్యతనివ్వాలని, జంతువులను వేటాడే వారిపై కఠిన చర్యలు తీసుకోవాలని సూచించారు. భూగర్భ జలాల పెంపునకు నీటికుంటలు, చెరువులు నిర్మించాలన్నారు. జిల్లాలో గుర్తించిన 157 వెట్‌ ల్యాండ్స్‌ హద్దులు, విస్తీర్ణం, ఎఫ్‌టీఎల్‌ను సర్వే, మ్యాపింగ్‌ ప్రక్రియ పూర్తి చేయాలని ఆదేశించారు. అటవీశాఖ భూముల్లో మొక్కలు నాటే కార్యక్రమా ల నిర్వహణపై తమకు ముందస్తుగా సమాచారం ఇవ్వాలని ఎస్పీ మహేశ్‌ బీ గీతే కోరారు. అటవీ భూముల ఆక్రమణలపై చట్ట ప్రకారం చర్యలు తీసుకుంటామని తెలిపారు. జిల్లా రెవెన్యూ అధికారి జయశ్రీ, ఆర్డీవో కేఎస్‌బీ కుమారి, జిల్లా మత్స్యశాఖ అధికారి సౌజన్య, నీటిపారుదల శాఖ అధికారి దయాకర్‌రెడ్డి, జిల్లా వ్యవసాయశాఖ అధికారి అఫ్జల్‌బేగం, ఎఫ్‌ఆర్వోలు నాగేశ్వర్‌రావు, శీతల్‌, మున్సిపల్‌ కమిషనర్లు లోకేష్‌, ఖదీర్‌పాషా పాల్గొన్నారు. బాధితులకు సత్వర న్యాయం చేకూర్చాలి ఎస్సీ, ఎస్టీ అట్రాసిటీ కేసుల్లో బాధితులకు సత్వర న్యాయం చేకూర్చాలని కలెక్టర్‌ గరీమా అగ్రవాల్‌ ఆదేశించారు. జిల్లా స్థాయి విజిలెన్స్‌ అండ్‌ మానిటరింగ్‌ కమిటీ సమావేశంలో మాట్లాడారు. ఇటీవల నియామకమైన నూతన కమిటీ సభ్యులను సన్మానించారు. కలెక్టర్‌ మాట్లాడుతూ ఎస్సీ, ఎస్టీ అట్రాసిటీ కేసుల్లో విచారణ వేగంగా పూర్తి చేయాలన్నారు. అట్రాసిటీ కేసుల కింద ఇప్పటి వరకు రూ.1.81 కోట్లు పరిహారంగా అందించామని తెలిపారు. ఎస్పీ మహేశ్‌ బీ గీతే మాట్లాడుతూ.. ఎస్సీ, ఎస్టీ అట్రాసిటీ కేసుల్లో విచారణ వేగంగా పూర్తి చేస్తున్నామని తెలిపారు. డీఆర్వో జయశ్రీ, ఆర్డీవోలు శ్రీధర్‌బాబు, కేఎస్‌బీ కుమారి, డీఎస్పీ శ్రీనివాసులు, జిల్లా మత్స్యశాఖ అధికారి సౌజన్య, పరిశ్రమలశాఖ జీఎం హనుమంతు, జిల్లా స్థాయి విజిలెన్స్‌ అండ్‌ మానిటరింగ్‌ కమిటీ సభ్యులు బి.నరేశ్‌నాయక్‌, బీపేట రాజు, భూక్య రమేశ్‌, బడుగు లింగయ్య, జోగు రవీందర్‌, స్వచ్ఛంద సంస్థల ప్రతినిధులు తోట లహరి, వీర రమణయ్య, చింతోజు భాస్కర్‌ తదితరులు పాల్గొన్నారు.

వేములవాడఅర్బన్‌: దక్షిణకాశీగా ప్రసిద్ధి చెందిన వేములవాడలో శ్రీరాజరాజేశ్వరస్వామి పూజలో వాడే పూలు, పత్రాల కోసం ప్రత్యేక తోటను పెంచుతున్నారు. ఇక్కడి నుంచే వచ్చే పూలు, పత్రాలను స్వామి వారి పూజలో వినియోగిస్తుంటారు. భక్తులు సమర్పించే కోడెలు, కోడెమొక్కులు చెల్లించేందుకు కోడెల పెంపకానికి ప్రత్యేక గోశాలలు, పూలు, పత్రాల కోసం మహాబిల్వం తోటను ఆలయం ఆధ్వర్యంలో నిర్వహిస్తున్నారు. మహాలింగావరణంలో మొక్కలు వేములవాడ మున్సిపల్‌ పరిధిలోని నాంపల్లి శివారులోని గురువయ్యనగర్‌ కాలనీ సమీపంలో రాజన్న ఆలయానికి చెందిన ఐదు ఎకరాల విస్తీర్ణంలో మహాబిల్వం మొక్కలు నాటారు. వీటితోపాటు పూలు, పండ్ల చెట్లనూ పెంచుతున్నారు. కానీ సంరక్షణ సక్రమంగా లేక పూల చెట్లు ఎండిపోయాయి. స్వామివారి పూజకు ప్రత్యేకమైన మహాబిల్వం చెట్టు కొమ్మలోని రెమ్మలకు తొమ్మిది ఆకులు ఉంటాయి. లింగాకారంలో మహాబిల్వం మొక్కలు నా టినప్పటి కీ అవి కొన్ని ఎండిపోయాయి. మళ్లీ వాటి స్థానంలో కొత్తవి నాటేందుకు అధికారులు ప్రణాళికలు చేస్తున్నట్లు తెలుస్తోంది. ఈ ప్రత్యేకమైన మ హాలింగావరణంలో సిబ్బందిని కేటాయించి, మరి న్ని మహాబిల్వం మొక్కలు, పూలు, పండ్ల మొక్కలు నాటి, సంరక్షించాలని భక్తులు, స్థానికులు కోరుతున్నారు. బాలానగర్‌లో ప్రత్యేక పూలతోట వేములవాడ మున్సిపల్‌ పరిధిలోని బాలానగర్‌లోని ఆలయానికి సంబంధించిన రెండు ఎకరాల విస్తీర్ణంలో ప్రత్యేక పూలతోట పెంచుతున్నారు. తోటలోని పూలుగన్నేరు, మల్లె, గులాబీ పూలను స్వామివారికి ఉదయం, సాయంత్రం జరిగే పూజ లకు వినియోగిస్తారు. ఈ తోటలో స్వామివారికి ప్రీ తిపాత్రమైన బిల్వపత్రి మొక్కలు సైతం ఉన్నాయి.

ఎల్లారెడ్డిపేట: జిల్లాలో ఆలయాలు.. శివారుకాలనీలోని ఇళ్లు లక్ష్యంగా ఇటీవల దొంగతనాలు పెరిగిపోయాయి. మత్తులో ఉంటున్న కొందరు వలసకూలీలు రచ్చరచ్చ చేస్తున్నారు. ఇతర రాష్ట్రాల కూలీల రాక పెరిగిపోవడంతో పల్లెల్లో రాత్రి వేళల్లో ఉద్రిక్త పరిస్థితులు నెలకొంటున్నాయి. వారి ఆగడాలతో జనం ఇబ్బంది పడుతున్నారు. శివారు కాలనీల్లో కొత్తముఖాలు జిల్లాలోని పలు మండల కేంద్రాలకు చెందిన పలువురు కాంట్రాక్టర్లు తాము చేయించే భవన నిర్మాణ పనుల కోసం ఉత్తరప్రదేశ్‌, బీహార్‌, ఒడిశా, రాజస్థాన్‌, ఉత్తరఖాండ్‌ రాష్ట్రాలకు చెందిన కూలీలను కాంట్రాక్ట్‌ మీద తీసుకొస్తున్నారు. వారంతా మద్యానికి బానిసైన వారు కావడంతో సాయంత్రం వేళ ఆయా ప్రాంతాల్లో అంత రచ్చరచ్చగా పరిస్థితులు మారిపోతున్నాయి. తాగిన మైకంలో వారిలో వారే దాడులు చేసుకుంటున్నారు. అవి హత్యలకు దారితీయడంతో స్థానికులు భయాందోళన చెందుతున్నారు. నిఘా కరువు జిల్లాలోని ఎల్లారెడ్డిపేట, ముస్తాబాద్‌, గంభీరావుపేట, తంగళ్లపల్లి, చందుర్తి మండలాల్లో పలువురు భవన నిర్మాణ పనులపై ఇతర రాష్ట్రాలకు చెందిన కూలీలను కాంట్రాక్ట్‌పై తీసుకొస్తున్నారు. ఆయా గ్రామాల్లోని శివారుకాలనీల్లో గదులు అద్దెకు తీసుకుని ఉంచుతున్నారు. వీరి వివరాలు కాంట్రాక్టర్లు, ఇంటి యజమానుల వద్ద ఉండడం లేదు. ఏదైనా అనుకోని సంఘటన జరిగితే ఎవరు బాధ్యత వహించాల్సి వస్తుందో తెలియడం లేదు. నిఘా పెట్టాం ఇతర రాష్ట్రాల నుంచి వస్తున్న కూలీల సంఖ్య పెరిగింది. వారి వివరాలు కాంట్రాక్టర్ల వద్ద ఉంచుకోవాలి. ఇళ్లు అద్దెకు ఇచ్చే సమయంలో యజమానులు వలసకూలీల ఆధార్‌కార్డులు, ఇతర వివరాలు తెలుసుకోవాలి. ఈమేరకు కాంట్రాక్టర్లకు అవగాహన కల్పిస్తున్నాం. వలసకూలీలు, శివారు ప్రాంతాలపై నిఘా పెట్టాం. – ఓదెల వెంకటేశ్‌, సీఐ, ఎల్లారెడ్డిపేట

రుద్రంగి(వేములవాడ): ఎల్‌నినో ప్రభావం నేపథ్యంలో రైతులు వరి సాగు చేయవద్దని, ప్రత్యామ్నాయ ఆరుతడి పంటలు సాగు చేయాలని కలెక్టర్‌ గరీమా అగ్రవాల్‌ అన్నారు. మంగళవారం రుద్రంగి మండలం మానాలలో నిర్వహించిన ఖేత్‌ బచావో అభియాన్‌, రైతు నేస్తం కార్యక్రమాలకు ముఖ్య అతిథిగా హాజరై మాట్లాడారు. ఎల్‌నినో నేపథ్యంలో భూగర్భజలాలు గతేడాదితో పోలిస్తే ఇంకా లోతులోకి పడిపోయాయని అన్నారు. రైతులు, ప్రజలు నీటిని పొదుపుగా వాడాలని సూచించారు. వరిసాగు చేస్తే నీరు భారీగా అవసరమని, విద్యుత్‌ వినియోగం ఎక్కువగా ఉంటుందని తెలిపారు. మానాల రైతులు సాగులో ఆదర్శంగా నిలుస్తున్నారని, గత సీజన్‌లో ప్రత్యామ్నాయ పంటల సాగులో ముందున్నారని అభినందించారు. మానాల పాఠశాలలో మధ్యాహ్న భోజనాన్ని పరిశీలించారు. చిన్నారులకు మెనూ ప్రకారం రుచికరమైన భోజనం అందించాలని ఆదేశించారు. అనంతరం మానాలలో ఎకరం 20 గుంటల వ్యవసాయ భూమిలో ఉన్న కొద్ది పాటి నీటిని సద్వినియోగం చేసుకొని ఐదు రకాల పంటలు సాగు చేస్తున్న రైతు తూము గంగాధర్‌ పంట చేనును పరిశీలించి అభినందించారు. కార్యక్రమంలో రుద్రంగి మార్కెట్‌ కమిటీ చైర్మన్‌ చెలుకల తిరుపతి, మండల ప్రత్యేక అధికారి, జిల్లా ప్రణాళిక శాఖ అధికారి సంపత్‌ కుమార్‌, జిల్లా వ్యవసాయ అధికారి అఫ్జల్‌ బేగం, జిల్లా ఉద్యానవన శాఖ అధికారి శరత్‌ బాబు, రుద్రంగి తహసీల్దార్‌ పుష్పలత, తదితరులు పాల్గొన్నారు. భూముల రీసర్వే ప్రక్రియలో వేగం పెంచాలి సిరిసిల్ల: జిల్లాలో భూముల రీసర్వే ప్రక్రియలో వేగం పెంచాలని కలెక్టర్‌ గరీమా అగ్రవాల్‌ అధికారులను ఆదేశించారు. కలెక్టరేట్‌లో మంగళవారం అదనపు కలెక్టర్‌ గడ్డం నగేశ్‌తో కలిసి భూముల రీసర్వే ప్రక్రియ పురోగతి, భూ భారతి దరఖాస్తులపై సమీక్షించారు. గ్రామాల సరిహద్దు సర్వే సర్వే అండ్‌ ల్యాండ్‌ రికార్డ్స్‌, రెవెన్యూ, అటవీ శాఖ, ఇతర ప్రభుత్వ శాఖలు సంయుక్తంగా చేపట్టాలని, భూములకు సంబంధించిన సమాచారం పక్కాగా సేకరించి, నమోదు చేయాలని అన్నారు. సంబంధిత జిల్లా అధికారి, డీఐలు, తహసీల్దార్లు భూముల రీసర్వే చేపడుతున్న గ్రామాలలో పర్యటించి, ప్రక్రియను క్షేత్ర స్థాయిలో పరిశీలించాలని సూచించారు. సిరిసిల్ల ఆర్డీవో శ్రీధర్‌ బాబు, ఏడీ సర్వే అండ్‌ ల్యాండ్‌ రికార్డ్స్‌ శ్రీనివాస్‌, తహసీల్దార్లు, డీఐలు, సర్వేయర్లు తదితరులు పాల్గొన్నారు.

చందుర్తి(వేములవాడ): భూ రీసర్వేలో లోపాలు లేకుండా పకడ్బందీగా చేపట్టాలని అదనపు కలెక్టర్‌ గడ్డం నగేశ్‌ అన్నారు. చందుర్తి మండలం ఎన్గల్‌ గ్రామంలో కొనసాగుతున్న భూ రీ సర్వే మంగళవారం తనిఖీ చేశారు. రైతులకు ఎలాంటి ఇబ్బందులు తలెత్తకుండా భూముల సరిహద్దులు, విస్తీర్ణాల వివరాలను క్షేత్రస్థాయిలో పరిశీలించాలని తెలిపారు. ఎలాంటి పొరపాట్లకు తావు నిబంధనల ప్రకారం పూర్తి చేయాలని సూచించారు. వీరి వెంట ఏడీ సర్వే అండ్‌ ల్యాండ్‌ రికార్డ్స్‌ శ్రీనివాస్‌, తహశీల్దార్‌ భూపతి, సర్వేయర్‌లు ఉన్నారు. ఆరోగ్య కార్యక్రమాల అమలులో నిర్లక్ష్యం వహించొద్దురుద్రంగి/చందుర్తి: జాతీయ ఆరోగ్య కార్యక్రమాల అమలులో నిర్లక్ష్యం వహించొద్దని జిల్లా వైద్య ఆరోగ్య శాఖ అధికారి డాక్టర్‌ ఏంజెలా ఆల్ప్రెడ్‌ అన్నారు. మంగళవారం రుద్రంగి సబ్‌ సెంటర్‌, మానాల బడితండా ప్రభుత్వ ఆస్పత్రి, చందుర్తి పీహెచ్‌సీలను తనిఖీ చేశారు. ఆస్పత్రిలోని రికార్డులు, రిజిస్టర్లు, రోగులకు అందుతున్న వైద్య సేవలను పరిశీలించారు. ప్రభుత్వ ఆస్పత్రుల్లో ప్రసవాల సంఖ్య పెంపుపై ప్రత్యేక దృష్టి సారించాలని సూచించారు. క్షయవ్యాధి లక్షణాలున్న వారిని మందుగా గుర్తించి పరీక్షలు నిర్వహించాలన్నారు. ప్రభుత్వం అమలు చేస్తున్న అన్ని జాతీయ ఆరోగ్య కార్యక్రమాలను నిర్దేశించిన లక్ష్యాల మేరకు నాణ్యతతో అమలు చేయాలని తెలిపారు. చందుర్తి వైద్యాధికారి జీవన జ్యోతి, సంబంధిత వైద్య సిబ్బంది, ఇతర ఆరోగ్యశాఖ సిబ్బంది పాల్గొన్నారు. కుష్ఠు వ్యాధి గుర్తింపు సర్వే పరిశీలనతంగళ్లపల్లి(సిరిసిల్ల): పకడ్బందీగా కుష్ఠువ్యాధి గుర్తింపు సర్వే నిర్వహించాలని రాష్ట్ర పరిశీలకులు డాక్టర్‌ లత అన్నారు. తంగళ్లపల్లి పీహెచ్‌సీ పరిధిలో నిర్వహిస్తున్న ఇంటింటి కుష్ఠువ్యాధి గుర్తింపు (ఎల్‌సీడీసీ) సర్వేను జిల్లా ప్రోగ్రాం ఆఫీసర్‌ రాంరెడ్డితో కలిసి మంగళవారం పర్యవేక్షించారు. వ్యాధిగ్రస్తులను గుర్తిస్తున్న విధానాన్ని అడిగి తెలుసుకున్నారు. సర్వేలో ఎలాంటి నిర్లక్ష్యానికి తావులేకుండా ప్రతీ ఇంటిని సందర్శించి క్షుణ్ణంగా పరీక్షించాలని సిబ్బందిని ఆదేశించారు. కుష్ఠు వ్యాధిని ప్రారంభ దశలోనే గుర్తిస్తే అంగవైకల్యాన్ని పూర్తిగా నివారించవచ్చని అన్నారు. డీపీఎంవో దేవ్‌సింగ్‌, వైద్య సిబ్బంది, ఆశా కార్యకర్తలు పాల్గొన్నారు. వన్యప్రాణుల సంరక్షణకు చర్యలుకోనరావుపేట: అటవీ ప్రాంతాల్లోని వన్యప్రాణుల సంరక్షణ కోసం ప్రత్యేక చర్యలు తీసుకుంటున్నట్లు డీఎఫ్‌వో సత్యనారాయణ అన్నారు. మంగళవారం మండలంలోని నిమ్మపల్లి, కోనరావుపేట శివారు అటవీ ప్రాంతాల్లో నిర్మించే నీటి నిల్వ కుంటల ఏర్పాటు కోసం ప్రాంతాలను పరిశీలించారు. వర్షాభావ పరిస్థితుల కారణంగా అటవీ ప్రాంతాల్లోని నీటి నిల్వలు తగ్గిపోతున్నాయని, అటవీ ప్రాంతాల్లో ఉండే వన్యప్రాణులు, పక్షులు, ఇతర జంతువులు నీటి కోసం ఇబ్బంది పడే అవకాశం ఉందన్నారు. నీటి ఇబ్బందులను నివా రించేందుకు నిమ్మపల్లి బీట్‌ పరిధిలో నాలుగు నీటి నిల్వ కుంటలు, కోనరావుపేట బీట్‌ పరిధిలో మూడు నీటి నిల్వ కుంటలు నిర్మించతలపెట్టామని తెలిపారు. ఆయన వెంట ఎఫ్‌ఆర్వో షీతల్‌, ఎఫ్‌ఎస్‌వో బీర్బల్‌నాయక్‌, బీట్‌ అధికారి సుదర్శన్‌, బేస్‌క్యాంప్‌ సభ్యులు పాల్గొన్నారు.

● ఎస్పీ మహేశ్‌ బీ గీతే ● కానిస్టేబుల్‌, హోంగార్డులకు అభినందనలుసిరిసిల్ల: ప్రజల రక్షణే లక్ష్యంగా విధులు నిర్వహించడంతోపాటు ఆపదలో ఉన్న వారికి ఆపన్నహస్తం అందించడం కూడా పోలీసుల ప్రధాన కర్తవ్యమని ఎస్పీ మహేశ్‌ బీ గీతే పేర్కొన్నారు. ఎల్లారెడ్డిపేట మండల కేంద్రంలోని మొదటి బైపాస్‌ రోడ్డుపై ఫిట్స్‌ వచ్చి అపస్మారక స్థితిలో పడిపోయిన మహిళకు తక్షణ సహాయం అందించిన బ్లూకోల్ట్స్‌ కానిస్టేబుల్‌ ప్రశాంత్‌, హోంగార్డు శ్రీనివాస్‌చారీలను సోమవారం ఎస్పీ అభినందించారు. ప్రోత్సహకాలు, ప్రశంసాపత్రాలు అందించారు. పోలీస్‌శాఖ ప్రతిష్టను పెంచేలా ప్రతి ఒక్కరూ పనిచేయాలని కోరారు. సమస్యల పరిష్కారమే లక్ష్యం బాధితుల సమస్యల పరిష్కారమే లక్ష్యంగా గ్రీవెన్స్‌ డే నిర్వహిస్తున్నామని ఎస్పీ మహేశ్‌ బీ గీతే పేర్కొన్నారు. గ్రీవెన్స్‌ డేకు 19 ఫిర్యాదులు రాగా.. బాధితులతో మాట్లాడారు. ఫిర్యాదులపై ఆయా ఠాణాల అధికారులకు ఫోన్‌ చేసి సమస్యలను చట్ట పరిధిలో పరిష్కరించాలని ఆదేశించారు. ఎస్పీ మాట్లాడుతూ పోలీస్‌ అధికారులు, సిబ్బంది పోలీస్‌స్టేషన్‌కు వచ్చిన ఫిర్యాదుదారులతో మర్యాదగా ప్రవర్తించాలన్నారు. గ్రీవెన్స్‌ డేలో వచ్చిన ఫిర్యాదులు ఆన్‌లైన్‌లో నమోదు చేస్తూ.. సమీక్షిస్తున్నామని తెలిపారు. పోలీస్‌యాక్ట్‌ అమలు జిల్లాలో శాంతి భద్రతలను దృష్టిలో ఉంచుకొని ఈనెల 30 వరకు పోలీస్‌ యాక్ట్‌ అమలులో ఉంటుందని ఎస్పీ తెలిపారు. పోలీసు అధికారుల అనుమతి లేకుండా ధర్నాలు, రాస్తారోకోలు, ర్యాలీలు, పబ్లిక్‌ మీటింగ్స్‌ నిర్వహించరదాని స్పష్టం చేశారు.

● వివిధ సమస్యలపై 165 విన్నపాలు ● అర్జీలు స్వీకరించిన కలెక్టర్‌ గరీమా అగ్రవాల్‌సిరిసిల్ల అర్బన్‌: కలెక్టరేట్‌లో సోమవారం నిర్వహించిన ప్రజావాణికి దరఖాస్తులు వెల్లువలా వచ్చాయి. జిల్లా నలుమూలల నుంచి వచ్చిన బాధితులు తమ సమస్యలను కలెక్టర్‌ గరీమా అగ్రవాల్‌ దృష్టికి తీసుకెళ్లారు. వివిధ సమస్యలపై 165 దరఖాస్తులు వచ్చాయి. ఈ సందర్భంగా కలెక్టర్‌ మాట్లాడుతూ ప్రజావాణి దరఖాస్తులను త్వరగా పరిష్కరించాలని సూచించారు. సిరిసిల్ల, వేములవాడ ఆర్డీవో కార్యాలయాల్లో 12 అర్జీలు, మండల పరిషత్‌లలో 37 దరఖాస్తులు వచ్చాయి.జిల్లా కేంద్రంలోని శాంతినగర్‌ బైపాస్‌రోడ్డు పక్కన నిర్మించిన డబుల్‌ బెడ్‌రూమ్‌ ఇళ్లు అసాంఘిక కార్యక్రమాలకు అడ్డాగా మారుతున్నాయి. ప్రభుత్వం పట్టాలు ఇచ్చిన 202 దళిత కుటుంబాలకు డబుల్‌ బెడ్‌రూమ్స్‌ కేటాయించాలి. మిగిలినవి ఎంపిక చేసిన నిరుపేదలకు వెంటనే అందజేయాలి. – అన్నారం సాయికుమార్‌, సిరిసిల్లఎల్లారెడ్డిపేట మండలం సింగారం శివారులో 34 గుంటల భూమిని కొనుగోలు చేశాను. అందులో నుంచి 13 గుంటలు మాత్రమే ఆన్‌లైన్‌లో కనిపిస్తుంది. ఇంకా 21 గుంటల భూమి ధరణి పాస్‌బుక్‌లో ఆన్‌లైన్‌ నమోదు కాలేదు. ఇప్పటికై నా నా భూమిని ఆన్‌లైన్‌లో నమోదు చేయించండి. – పాశం లలిత, సిరిసిల్లమాది కొత్తగా ఏర్పాటైన గ్రామ పంచాయతీ గొల్లపల్లె(కొలనూరు). గ్రామ పంచాయతీలో డబ్బులు లేనందున తాగునీటికి ఉపయోగించే బోరు మోటార్‌, పైపులు బావిలోనే పడిపోయాయి. తాగునీటికి ఇబ్బంది అవుతుంది. బోరు, మోటార్‌, పైపులు ఇప్పించండి. – బొజ్జం మల్లేశం, గొల్లపల్లె(కొలనూరు) సర్పంచ్‌సిరిసిల్ల మండలం సర్ధాపూర్‌లో గీతా పారిశ్రామిక సంఘానికి 4.27 ఎకరాలు కేటాయించారు. సల్లూరి బాలేల్లు అనే వ్యక్తి తన భూమిలో కాకుండా, పక్కనే ఉన్న గీతా పారిశ్రామిక సంఘం భూమిలోకి అక్రమంగా ప్రవేశించాడు. ఈ విషయంపై విచారణ చేపట్టి మాకు న్యాయం చేయండి. – గీతా పారిశ్రామిక సంఘం, సర్దాపూర్‌

● ఎఫ్‌పీవోలుగా పీఏసీఎస్‌లు ● జిల్లాలో ఆరు సొసైటీలు ఎంపిక ● 50 మంది రైతులతో సభ్యత్వాలు ● కొనసాగుతున్న సభ్యత్వాల సేకరణగంభీరావుపేట: రైతులను ఆర్థికంగా అభివృద్ధి చేయడం.. వ్యాపారులుగా తీర్చిదిద్దడమే లక్ష్యంగా ప్రభుత్వం అడుగులు వేస్తోంది. ఇందులో భాగంగా ప్రాథమిక వ్యవసాయ సహకార సంఘాల(పీఎసీఎస్‌)ను రైతు ఉత్పత్తి సంస్థ(ఎఫ్‌పీవో)లుగా మార్చేందుకు ప్రభుత్వం చర్యలు తీసుకుంటోంది. ఈక్రమంలోనే జిల్లాలోని ఆరు సొసైటీలను ఎఫ్‌పీవోలుగా ఎంపిక చేసింది. గంభీరావుపేట, ఇల్లంతకుంట, వేములవాడ, అల్మాస్‌పూర్‌, సనుగుల, నాంపల్లి సొసైటీలను మొదటి విడతగా ఎఫ్‌పీవోలుగా మార్చనున్నారు. రైతులు స్వయంగా వ్యాపారం చేసుకోవడం, ఎక్విప్‌మెంట్‌లు కొనుగోలు చేసుకొని వ్యాపారాలు నిర్వహించుకొని ఆదాయాన్ని పెంపొందించుకునేందుకు ఫార్మర్‌ ప్రొడ్యూసింగ్‌ ఆర్గనైజేషన్స్‌(ఎఫ్‌పీవో)ను ఏర్పాటు చేస్తున్నారు. రైతు ఉత్పత్తిదారుల సంస్థకు ఏర్పాటైన ఒక్కో సొసైటీలో 750 మంది రైతులకు సభ్యత్వం ఇవ్వనున్నారు. సభ్యత్వం పొందే రైతులు రూ.2వేలు చెల్లించాల్సి ఉంటుంది. ఇలా చెల్లించిన ప్రతీ సభ్యునికి కేంద్ర ప్రభుత్వం రూ.2వేలు చెల్లిస్తుంది. జిల్లాలో ఎంపికై న సొసైటీల పరిధిలో సభ్యత్వాల సేకరణ కొనసాగుతోంది. ఇలా రైతులు రూ.15లక్షలు సమకూర్చుకుంటే.. కేంద్ర ప్రభుత్వం రూ.15లక్షలు వాటా జమచేయనుంది. వీటితోపాటు రూ.2కోట్ల వరకు రూ.30లక్షలతో చేసిన వ్యాపారంలో వచ్చిన లాభాలను 750 మంది రైతులు అందుకోనున్నారు. ఇలా రైతుల ఆర్థికాభివృద్ధికి తోడ్పడనుంది. ఎఫ్‌పీవోలుగా మారిన ప్రతీ సొసైటీకి జాతీయ సహకార అభివృద్ధి సంస్థ, నాబార్డు సంస్థల నుంచి రుణ సౌకర్యం అందనుంది. పంట ఉత్పత్తులను కొనుగోలు చేయడమే కాకుండా గ్రేడింగ్‌, ప్రాసెసింగ్‌ యూనిట్లు, కోల్డ్‌ స్టోరేజీలు, మినీ రైస్‌మిల్లులు, ప్యాకింగ్‌ కేంద్రాలు ఏర్పాటు చేయనున్నారు. ఈ కేంద్రాల నిర్వహణ ద్వారా వచ్చే ఆదాయంతో రైతులు ఆర్థికాభివృద్ధి సాధించేందుకు వీలుంది. కొనుగోలు కేంద్రాలతోపాటు ఎరువుల విక్రయాల కు మొదట ఎఫ్‌పీవోలు ప్రాధాన్యం ఇవ్వనున్నా యి. దళారుల ప్రమేయం లేకుండా రైతుల నుంచి నేరుగా పంట ఉత్పత్తులు కొనుగోలు చేయనున్నా రు. వివిధ రకాల కంపెనీల నుంచి నేరుగా ఎరువులు, విత్తనాలు, రసాయనిక మందులను కొనుగో లు చేసి రైతులకు హోల్‌సేల్‌ ధరలకే విక్రయించనున్నారు. ఎఫ్‌పీవోలుగా మారితే సొసైటీల ద్వారా రై తులకు మరింత మెరుగైన సేవలు అందనున్నాయి.మా సొసైటీ అధికారులు, సిబ్బంది, పాలకవర్గ సభ్యులు రైతులతో సభ్యత్వాలు నమోదు చేయించే ప్రక్రియలో నిమగ్నమయ్యాం. సంఘ పరిధిలో సీడ్‌ ప్రాసెసింగ్‌ యూనిట్‌ ఏర్పాటు చేయాలని నిర్ణయించుకున్నాం. రైతులకు అవగాహన కల్పిస్తున్నాం. 750 మంది సభ్యత్వాలకు 600లకు పైగా సభ్యత్వాలు చేయించాం. త్వరలోనే సభ్యత్వాలు పూర్తి చేస్తాం. – వేశాల వెంకటి, సింగిల్‌విండో చైర్మన్‌, గంభీరావుపేట

వేములవాడ: మట్టిని నమ్ముకుని బతుకు బండి లాగిస్తున్న ఆ చేతులకు ఇప్పుడు పని కరువైంది. మార్కెట్‌లోకి వస్తున్న విద్యుత్‌ దీపాలు.. సరికొత్త దీపాంతలతో స్థానిక కుమ్మరుల చేసే మట్టి ప్రమిదల వ్యాపారం కాస్త మందగించింది. ఒకప్పుడు దీపావళి వస్తుందంటే వేములవాడ, సిరిసిల్ల పట్టణాల్లోని కుమ్మరులకు తిందామంటే తీరక లేకుండా పని ఉండేది. మట్టితో వివిధ ఆకారాల్లో ప్రమిదలు తయారు చేసి అమ్మేవారు. కానీ నేడు పరిస్థితులు మారిపోయాయి. మార్కెట్‌ను ముంచెత్తుతున్న రెడీమేడ్‌, చైనా దీపాలతో మట్టి ప్రమిదల వ్యాపారం పడిపోయింది. పెరిగిన ఖర్చులు వేములవాడలో సుమారు 35 కుమ్మరి కుటుంబాలు నివసిస్తున్నాయి. స్థానికంగా మట్టి దొరక్కపోవడంతో చందుర్తి మండలం మల్యాల, సిరిసిల్ల మండలం చిన్నబోనాల నుంచి ట్రాక్టర్ల ద్వారా మట్టిని కొనుగోలు చేసి తెచ్చుకోవాల్సి వస్తోంది. ఒక్కో ట్రాక్టర్‌ ట్రిప్పు రూ.6 వేలు వెచ్చించాల్సి వస్తుండటంతో పెట్టుబడి కూడా గిట్టుబాటు కావడంలేదని వాపోతున్నారు. దీనికి తోడు హైదరాబాద్‌ వంటి ప్రాంతాల నుంచి యంత్రాలపై తయారై వస్తున్న రంగురంగుల రెడీమేడ్‌ దీపాలను వ్యాపారులు రిక్షాలపై గల్లీగల్లీకి తెచ్చి అమ్ముతున్నారు. దీంతో ఇక్కడి కుమ్మరులు తయారు చేసే మట్టి ప్రమిదలను పట్టించుకునేవారే కరువయ్యారు. దీపోత్సవాలున్నా స్థానిక కుమ్మరులకు ఉపాధి కరువు రెడీమేడ్‌ దీపాలతో మట్టి ప్రమిదలకు తగ్గిన గిరాకీ ప్రభుత్వం ఆదుకోవాలంటున్న వృత్తిదారులు

వేములవాడఅర్బన్‌: భీమేశ్వరస్వామిని ఎస్పీ మహేశ్‌ బీ గీతే కుటుంబ సమేతంగా సోమవారం దర్శించుకున్నారు. స్వామి వారికి కోడెమొక్కులు చెల్లించుకున్నారు. ఆలయ అర్చకులు ప్రసాదం అందజేశారు. ఈవో రమాదేవి, వేములవాడ టౌన్‌ సీఐ వీరప్రసాద్‌ ఉన్నారు. సిరిసిల్లటౌన్‌: రెండో బైపాస్‌ రోడ్డు, కోనరావుపేట ప్రధాన రహదారి కలిసే చంద్రంపేట ట్రాఫిక్‌ సిగ్నల్‌ చౌరస్తా వద్ద ప్రమాదాల నివా రణకు చర్యలు చేపడతామని మున్సిపల్‌ చైర్‌పర్సన్‌ జిందం కళ పేర్కొన్నారు. స్థానిక కౌన్సి లర్లు మొగిలి నాగరాజు, బూర బాలు విజ్ఞప్తితో సోమవారం చౌరస్తాను పరిశీలించారు. రో డ్డు డివైడర్‌పై దారికి అడ్డంగా పెరిగిన చెట్లను తొలగిస్తామన్నారు. వాహనదారులూ నిబంధనలు పాటించాలని కోరారు. బీఆర్‌ఎస్‌ పట్టణ అధ్యక్షుడు జిందం చక్రపాణి, పాతూరి రాజిరెడ్డి, భాస్కర్‌రెడ్డి, శ్రీనివాస్‌ పాల్గొన్నారు. ఎల్లారెడ్డిపేట: మండలంలోని హరిదాస్‌నగర్‌లో కమ్యూనిటీ పోలీసింగ్‌లో భాగంగా గ్రామపంచాయతీ సహకారంతో ఏర్పాటు చేసిన ఎనిమిది సీసీ కెమెరాలను సిరిసిల్ల డీఎస్పీ నాగేంద్రచారి సోమవారం ప్రారంభించారు. డీఎస్పీ మాట్లాడుతూ.. కమ్యూనిటీ, నేను సైతం పోలీసింగ్‌లో భాగంగా ప్రజల భాగస్వామ్యంతో జిల్లాలో నిరంతరంగా కొత్త సీసీ కెమెరాలను ఏర్పాటు చేస్తున్నట్లు తెలిపారు. సీఐ వెంకటేశ్‌, ఎస్సై రమేశ్‌, సర్పంచుల ఫోరం మండల అధ్యక్షుడు దొమ్మాటి నర్సయ్య, ఏఎంసీ చైర్మన్‌ దేవానందం, వైస్‌చైర్మన్‌ నంది కిషన్‌ తదితరులు పాల్గొన్నారు. రైతు కొడుకు..గోల్డ్‌ మెడలిస్ట్‌వేములవాడరూరల్‌: వేములవా డ రూరల్‌ మండలం పోచెట్టిపల్లికి చెందిన రైతు బొడ్డు మల్లేశం కొడుకు వినయ్‌ ఎంబీబీఎస్‌లో గోల్డ్‌ మె డల్‌ సాధించా డు. చైన్నెలో ఎంబీబీఎస్‌ చదువుతున్న వినయ్‌కి యూనివర్సిటీ తరఫున గోల్డ్‌ మెడల్‌తో పాటు డిస్టింక్షన్‌ లభించినట్లు తెలిపారు. తన తండ్రి చేతుల మీదుగా మెడల్‌ అందుకోవడం ఆనందంగా ఉందని వినయ్‌ పేర్కొన్నారు. సిరిసిల్ల: వేములవాడ ఐసీడీఎస్‌ ప్రాజెక్టు పరిధిలోని 12 అంగన్‌వాడీ కేంద్రాల్లో టీచర్ల భర్తీకి మంగళవారం ఇంటర్వ్యూలు నిర్వహిస్తున్నట్లు జిల్లా సంక్షేమాధికారి లక్ష్మీరాజం సోమవారం తెలిపారు. 12 అంగన్‌వాడీ కేంద్రాలకు 350 దరఖాస్తులు వచ్చాయని పేర్కొన్నారు. విద్యార్హతలు, స్థానికత, రిజర్వేషన్‌ల ఆధారంగా 9 కేంద్రాలలో 143 మంది అర్హత సాధించారని వివరించారు. మరో మూడు కేంద్రాల్లో అర్హులు లేరని పేర్కొన్నారు. కలెక్టరేట్‌లో జరిగే ఈ ఇంటర్వ్యూలకు 143 మంది అభ్యర్థులు ఉదయం 10 గంటలకు ఒరిజినల్‌ సర్టిఫి కెట్లు, గుర్తింపు పత్రాలతో హాజరుకావాలని సూచించారు. మెరిట్‌ ఆధారంగా, పారదర్శకంగా ఎంపిక ఉంటుందని తెలిపారు. సిరిసిల్ల: నాణ్యమైన సన్న బియ్యం నిబంధనల మేరకు విక్రయించాలని జిల్లా పౌరసరఫరాల అధికారి తనూజ కోరారు. అధిక ధరలకు విక్రయిస్తే చర్యలు తీసుకుంటామని సోమవారం ప్రకటనలో హెచ్చరించారు. బీపీటీ బియ్యం కిలో రూ.66, ఆర్‌ఎన్‌ఆర్‌, తెలంగాణ సోనా రకం రూ.74, హెచ్‌ఎంటీ, జైశ్రీరాం రూ.79 కిలో చొప్పున విక్రయించాలని సూచించారు.

మంగళవారం శ్రీ 3 శ్రీ నవంబర్‌ శ్రీ 20267బోయినపల్లి: కరువు మండలంగా ప్రకటించాలని కోరుతూ ఎమ్మార్పీఎస్‌ మండల అధ్యక్షుడు కొంకటి రమేశ్‌ ఆధ్వర్యంలో తహసీల్దార్‌ షరీఫ్‌ మోహియొద్దిన్‌కు సోమవారం వినతిపత్రం అందించారు.వేములవాడఅర్బన్‌: రాజన్న అనుబంధ భీమేశ్వరస్వామి ఆలయంలో సోమవారం భక్తుల రద్దీ నెలకొంది. భక్తులు కోడెమొక్కులు చెల్లించుకుని స్వామివారిని దర్శించుకున్నారు. ఆకాశం మేఘావృతమవుతుంది. జిల్లాలో స్వల్పంగా వర్షం కురిసే అవకాశం ఉంది. గాలిలో తేమ అధికంగా ఉంటుంది. ఈదురుగాలులు వీచే అవకాశం ఉంది.

వేములవాడఅర్బన్‌/తంగళ్లపల్లి/ఇల్లంతకుంట/ ముస్తాబాద్‌/గంభీరావుపేట/చందుర్తి: జిల్లాలో సోమవారం అకాల వర్షంతో అన్నదాతలు ఆగమయ్యారు. కల్లాల్లో పోసిన ధాన్యం కుప్పలు తడిసిపోగా.. పొలాల్లోని వరిపంట నేలవాలింది. తంగళ్లపల్లి మండలం అంకుసాపూర్‌, ఇల్లంతకుంట మండలం రహీంఖాన్‌పేట, అనంతారం, వెల్జీపురం గ్రామాల్లో ఆరబోసిన ధాన్యం ముద్దయ్యింది. ప్రారంభంలో దళారులు పచ్చి వడ్లనే అధిక ధరకు కొని ఇప్పుడు ప్రభుత్వ మద్దతు ధర కంటే తక్కువ రేటుకు కొంటుండడంతో రైతులు అయోమయానికి గురవుతున్నారు. ● ముస్తాబాద్‌ మండల కేంద్రంతోపాటు సేవాలాల్‌తండా, పోతుగల్‌, ఆవునూర్‌, గూడెం గ్రామాల్లో కురిసిన వానకు ధాన్యం తడిసిపోయింది. టార్పాలిన్లు కప్పకపోవడంతో రైతులు ఆగమయ్యారు. ● వేములవాడ పట్టణం, వేములవాడ అర్బన్‌ మండలాల్లో కురిసిన వర్షానికి పంటపొలాల్లోని వడ్లు నేలవాలాయి. గంభీరావుపేట మండల కేంద్రంతోపాటు లింగన్నపేట, కొత్తపల్లి, రాజుపేట, శ్రీగాధ, దేశాయిపేట, నర్మాల గ్రామాల్లో మోస్తరు వర్షం కురిసింది. ● చందుర్తి మండలంలోని పలు గ్రామాల్లో అకాల వర్షానికి కల్లాల్లోని ధాన్యం తడిసి ముద్దయింది. మల్యాల, కట్టలింగంపేట, లింగంపేట, చందుర్తి, బండపల్లి గ్రామాల్లో ధాన్యం కుప్పలు తడిసిపోయాయి. టార్ఫాలిన్‌ కవర్లు కప్పినా ధాన్యం తడిసిపోయింది. కోతలు ప్రారంభమై 20 రోజులు గడుస్తున్నా కొనుగోలు కేంద్రాలను ఏర్పాటు చేయకపోవడంతో పలువురు రైతులు ప్రైవేట్‌ వ్యాపారులకు విక్రయించారు. తంగళ్లపల్లి మండలం అంకుసాపూర్‌లో తడిసిన ధాన్యాన్ని డీఎస్‌వో తనూజ, ఇతర అధికారులు పరిశీలించారు. కొనుగోళ్లపై ఆరా తీశారు. పాక్స్‌ చైర్మన్‌ బండి దేవదాస్‌, వైస్‌ చైర్మన్‌ వెంకట రమణారెడ్డి, బీఆర్‌ఎస్‌ మండల అధ్యక్షుడు గజభీంకార్‌ రాజన్న, మాజీ జెడ్పీటీసీ కోడి అంతయ్య రైతులను పరామర్శించారు. జిల్లాలో ఐకేపీ, పీఏసీఎస్‌ ఆధ్వర్యంలో పలు మండలాల్లో కొనుగోలు కేంద్రాలను ఏర్పాటు చేసినా.. తూకం మాత్రం ప్రారంభంకాలేదు. దీంతో పలు వురు రైతులు కేంద్రాల్లోనే ధాన్యం ఆరబోశారు. ఈ ధాన్యం అకాల వర్షానికి తడిసిపోయింది.

వేములవాడ: వేములవాడ పట్టణ శివారులోని మూలవాగును ఆనుకుని అక్రమ నిర్మాణాలు మళ్లీ చర్చనీయాంశంగా మారాయి. వాగు పరివాహక ప్రాంతమైన బఫర్‌జోన్‌ నిబంధనలు పట్టించుకోకుండా దాదాపు 30కి పైగా భవనాలు నిర్మించారు. మున్సిపల్‌ అధికారులు చేపట్టిన సర్వేలో 25 ఇళ్లు బఫర్‌జోన్‌ పరిధిలోకి వస్తున్నట్లు గుర్తించారు. గతంలో కూల్చివేతలు చేపట్టిన అధికారులు ఐదు ఇళ్లను పూర్తిగా నేలమట్టం చేయగా, మరో మూడు ఇళ్లను పాక్షికంగా కూల్చివేశారు. మిగతా భవనాల యజమానులు హైకోర్టును ఆశ్రయించడంతో స్టే ఉత్తర్వులు వచ్చాయి. దీంతో కూల్చివేత చర్యలు నిలిచిపోయాయి. మళ్లీ మొదలైన కలవరం ప్రస్తుతం ఒకవైపు భారీ వర్షాలు, మరోవైపు ఎల్‌నినో ప్రభావం ముప్పు పొంచి ఉందన్న వాతావరణశాఖ హెచ్చరికల నేపథ్యంలో వాగు పొంగిపొర్లే ప్రమాదం ఉంది. ఈ నేపథ్యంలో బఫర్‌జోన్‌లో నిర్మించిన భవనాల భద్రత, వాగు సహజ ప్రవాహానికి ఏర్పడుతున్న ఆటంకాలపై స్థానికంగా చర్చ సాగుతోంది. ముంపు ముప్పు పొంచి ఉన్నందున అధికారులు తక్షణమే చర్యలు తీసుకోవాలనే డిమాండ్‌ వ్యక్తమవుతోంది.

సిరిసిల్ల: ఉమ్మడి తెలుగు రాష్ట్రాల స్థాయిలో కడప జిల్లా కేంద్రంలో ఆదివారం నిర్వహించిన చిన్మయ గీతా పఠన పోటీలు–2026లో సిరిసిల్ల చిన్నారి ప్రతిభ కనబరిచింది. జిల్లా కేంద్రానికి చెందిన చిన్మయ బాలవిహార్‌ విద్యార్థిని మేర్గు మేధస్విత ఉమ్మడి తెలుగు రాష్ట్రాల స్థాయిలో తృతీయ బహుమతి సాధించింది. భగవద్గీత పఠనంలో మేధస్వితి ప్రతిభ చూపడంపై చిన్మయ మిషన్‌ సిరిసిల్ల అధ్యక్షుడు సజ్జనం శ్రీనివాస్‌, వర్కింగ్‌ ప్రెసిడెంట్‌ లకావత్‌ మోతిలాల్‌, ప్రధాన కార్యదర్శి నల్ల సత్యనారాయణ, కోశాధికారి మేరుగు మల్లేశం, కార్యవర్గ సభ్యులు కమలాకర్‌, రమేశ్‌, బుచ్చయ్య, శంకర్‌ అభినందనలు తెలిపారు. విద్యార్థిని తల్లిదండ్రులకు బాలవిహార్‌ ఆచార్యులు సత్యనారాయణకు ధన్యవాదాలు తెలిపారు.

జిల్లా కేంద్రంలోని ఓ ప్రభుత్వ ఆఫీస్‌కు దక్షిణ తెలంగాణ ప్రాంతానికి చెందిన ఓ జిల్లా నుంచి మహిళా అధికారి వచ్చారు. ఆమె భర్త స్థానికంగా లేకపోవడంతో ఆఫీస్‌లో పనిచేసే ఓ ఉద్యోగి కన్నుపడింది. ఆమె ఆఫీస్‌ పని ఏది చెప్పినా సదరు పురుష ఉద్యోగి ఏదో వంక చెబుతూ చేయడం లేదు. ఇదేమిటని ఉన్నతాధికారులకు ఫిర్యాదు చేసింది. కానీ అతనిపై చర్యలేమీ లేవు. సదరు ఉద్యోగి మరింత కోపం పెంచుకుని ఆమెను లైంగికంగా, మానసికంగా వేధించడం మొదలుపెట్టాడు. విసిగిపోయిన సదరు అధికారి సిరిసిల్ల పోలీసులకు ఫిర్యాదు చేశారు. పోలీసులు తమదైన శైలిలో కౌన్సెలింగ్‌ చేశారు.సహకార విద్యుత్‌ సరఫరా సంఘం(సెస్‌) పరిధిలో పనిచేసే ఓ మహిళా ఉద్యోగిని అదే ఆఫీస్‌లో పనిచేసే రవి అనే జూనియర్‌ అకౌంట్స్‌ ఆఫీసర్‌ లైంగిక వేధింపులకు గురిచేశాడు. ఆ వేధింపులు భరించలేక ఉన్నతాధికారులకు ఫిర్యాదు చేయగా అధికారులు విచారణ చేపట్టారు. సదరు ఉద్యోగి రవిని అక్టోబర్‌ 1న సస్పెండ్‌ చేశారు.రాజన్నసిరిసిల్ల జిల్లా కేంద్రంలోని ప్రభుత్వ జనరల్‌ ఆస్పత్రిలో చాలా కాలంగా ఓ మహిళా డాక్టర్‌ పనిచేస్తున్నారు. ఆమె భర్త హైదరాబాద్‌లో వైద్యుడిగా సేవలందిస్తున్నారు. ప్రభుత్వ ఆస్పత్రిలోని ఓ కీలక అధికారి తన చాంబర్‌లోనే, తన వద్దనే ఉండాలని, బయట ఎందుకు కూర్చుంటున్నారని సదరు మహిళా డాక్టర్‌ను వేధిస్తున్నారు. అధికారి చాంబర్‌లో కూర్చోవడం ఇష్టం లేని ఆ మహిళా డాక్టర్‌ వేరే చాంబర్‌లో కూర్చుంటున్నారు. దీన్ని దృష్టిలో ఉంచుకుని సదరు డాక్టరమ్మకు మెమోలు ఇవ్వడం, వేతనం ఆపేస్తాను.. సరెండర్‌ చేస్తానంటూ వేధిస్తున్నాడు. అతని వేధింపులు భరించలేని ఆ మహిళా డాక్టర్‌ నేరుగా కలెక్టర్‌ను కలిసి వేధింపులపై గోడు వెల్లబోసుకున్నట్లు సమాచారం. కలెక్టర్‌కు ఫిర్యాదు చేసిన పది రోజులకు మళ్లీ ఆ మహిళా డాక్టర్‌కు సదరు ఆస్పత్రి ముఖ్య అధికారి మెమో జారీ చేసి వేధిస్తున్నాడు.

● కేటీఆర్‌తో కలిసి ప్రాజెక్టుల సందర్శనకు బస్సుయాత్ర ● 29న అలుగునూర్‌లో 50వేల మందితో దీక్షా దివస్‌కరీంనగర్‌ టౌన్‌: రైతుల సాగునీటి సమస్యలపై ప్రభుత్వాన్ని నిలదీస్తూ, ప్రజాక్షేత్రంలో పోరాటం సాగిస్తామని కరీంనగర్‌ ఎమ్మెల్యే గంగుల కమలాకర్‌, మాజీ ఎంపీ బోయినపల్లి వినోద్‌ కుమార్‌ స్పష్టం చేశారు. నగరంలోని ఓ హోటల్‌లో ఆదివారం కమలాకర్‌ అధ్యక్షతన ఉమ్మడి జిల్లా బీఆర్‌ఎస్‌ ముఖ్య నాయకులు సమావేశమయ్యారు. రైతులకు సాగునీరు అందించడంలో ప్రస్తుతం నెలకొన్న పరిస్థితులను ప్రజలకు వివరించేందుకు కేటీఆర్‌ నేతృత్వంలో నవంబర్‌ 11 నుంచి 14 మధ్య రెండు రోజులపాటు బస్సుయాత్ర చేపట్టనున్నట్లు వెల్లడించారు. మేడిగడ్డ నుంచి ప్రారంభమయ్యే బస్సుయాత్ర గోదావరి పరివాహక ప్రాంతంలోని ప్రధాన సాగునీటి ప్రాజెక్టుల మీదుగా సాగుతుందన్నారు. తెలంగాణ ఉద్యమ చరిత్రకు ప్రతీకగా నిలిచిన దీక్షా దివస్‌ను పురస్కరించుకొని నవంబర్‌ 29న అలుగునూర్‌ లేదా నుస్తులాపూర్‌లో 50వేల మందితో భారీ బహిరంగ సభ నిర్వహించేందుకు సన్నాహాలు చేస్తున్నట్లు తెలిపారు. మాజీ మంత్రులు కొప్పుల ఈశ్వర్‌, జీవన్‌ రెడ్డి, ఎమ్మెల్సీ ఎల్‌.రమణ, మాజీ ఎమ్మెల్సీ నారదాసు లక్ష్మణరావు, మాజీ ఎమ్మెల్యేలు దాసరి మనోహర్‌రెడ్డి, విద్యాసాగర్‌ రావు, పుట్ట మధు, కోరుకంటి చందర్‌, రసమయి బాలకిషన్‌, సుంకె రవిశంకర్‌, దేవేందర్‌రెడ్డి, కోలేటి దామోదర్‌, జీవీ.రామకృష్ణారావు, తోట ఆగయ్య, కొండూరు రవీందర్‌ రావు, దావ వసంత, సిద్ధంవేణు, చల్ల హరిశంకర్‌ పాల్గొన్నారు.

ఎల్లారెడ్డిపేట: మండల కేంద్రంలో ప్రధాన రహదారిపై అనుమతులు లేకుండా ఏర్పాటు చేసిన టేలాలు, మిర్చిబండ్లు, పూలదుకాణాలు, పండ్ల దుకాణాలను ఆదివారం తొలగించారు. మిర్చిబండ్లు, టేలాలు, ఇతర బోర్డులను పంచాయతీ అనుమతులు లేకుండా రోడ్లపై పెట్టారు. ఇటీవల గ్రామపంచాయతీ అధికారులు నోటీసులు జారీ చేశారు. అయినా తొలగించకపోవడంతో సర్పంచ్‌ ఎలగందుల నర్సింలు, ఈవో కృష్ణ, ఉపసర్పంచ్‌ బందారపు బాల్‌రెడ్డి ఆధ్వర్యంలో పంచాయతీ సిబ్బంది టేలాలు, మిర్చి, పండ్ల బండ్లు, రోడ్లపై ఉంచిన దుకాణాల బోర్డులను తొలగించారు. దీన్‌ దయాల్‌ స్పర్ష్‌ యోజన స్కాలర్‌షిప్‌ పరీక్ష సిరిసిల్ల టౌన్‌: భారత తపాలాశాఖ ఆధ్వర్యంలో కేంద్రం దీన్‌దయాల్‌ స్పర్ష్‌ యోజన స్కాలర్‌షిప్‌ పరీక్షను ఆదివారం సిరిసిల్లలో నిర్వహించారు. ప్రతీ సంవత్సరం 6, 7, 8, 9 తరగతుల విద్యార్థులకు స్కాలర్‌షిప్‌ అందించేందుకు ఈ పరీక్షను నిర్వహిస్తున్నారు. ప్రతీ సర్కిల్‌కు 40 మంది చొప్పున 23 తపాలా సర్కిళ్ల వ్యాప్తంగా 920 మందికి రూ.6వేల చొప్పున ఉపకార వేతనం అందజేయ నున్నారు. తపాలాశాఖ సిరిసిల్ల సబ్‌ డివిజన్‌ ఇన్‌స్పెక్టర్‌ ఆఫ్‌ పోస్ట్స్‌ వేణు పరిశీలించారు. సూర్య నమస్కారాల సాధన సిరిసిల్ల అర్బన్‌: కోటి సూర్య నమస్కార ప్రపంచ రికార్డు సాధనలో భాగంగా ఆది వారం సిరిసిల్లలోని కొత్తచెరువు పార్కులో యోగాభ్యాసనాలు నిర్వహించారు. యోగా శిక్షకుడు గూడూరి భాస్కర్‌, రాయిని ప్రతాప్‌, ఠాకూర్‌ రాజాసింగ్‌ ఆధ్వర్యంలో సూర్య నమస్కారాలు చేశారు. 2027 రథసప్తమి నాటికి ప్రతి ఒక్కరూ 116 సూర్య నమస్కారాలు చేసే స్థాయికి చేరుకోవాలన్నారు. యోగాను జీవితంలో భాగం చేసుకోవాలని జిల్లా యోగా ప్రచారక్‌ ఎలిగేటి కృష్ణ కోరారు. నేడు అంగన్‌వాడీల కలెక్టరేట్‌ ముట్టడి గంభీరావుపేట: డిమాండ్‌ల సాధనకు అంగన్‌వాడీలు పోరుబాట పడుతున్నారు. జిల్లా అంగన్‌వాడీ టీచర్స్‌ అండ్‌ హెల్పర్స్‌ అసోసియేషన్‌(ఏఐటీయూసీ) ఆధ్వర్యంలో సోమవా రం కలెక్టరేట్‌ ముట్టడికి పిలుపునిచ్చారు. జిల్లా వ్యాప్తంగా ఉన్న అంగన్‌వాడీ టీచర్లు, హెల్పర్లు తరలిరావాలని యూనియన్‌ నాయకులు కోరుతున్నారు. ఎన్నికల హామీలు ప్రతీ నెల రూ.26వేల వేతనం, బీమా రూ.25లక్షల సౌకర్యం, రూ.10వేల పెన్షన్‌, ఉద్యోగ విరమణ అనంతరం బెనిఫిట్స్‌ అందేలా చూడాలని కోరుతున్నారు. అసోసియేషన్‌ జిల్లా అధ్యక్షురాలు ఎదురుగట్ల మమత మాట్లాడుతూ మూడేళ్ల క్రితం సమ్మె చేసిన సమయంలో ఇ చ్చిన హామీలు ఇప్పటికీ అమలు కావడం లేదన్నారు. ప్రభుత్వం స్పందించి ఇప్పటికై నా తమ డిమాండ్లు నెరవేర్చాలని కోరారు. జిల్లా కేంద్రంలో నిర్వహించే మహాధర్నాకు అంగన్‌వాడీ ఉద్యోగులు తరలిరావాలని కోరారు. రైతుల సంక్షేమమే లక్ష్యం ఎల్లారెడ్డిపేట: రైతుల సంక్షేమమే లక్ష్యంగా ప్రభుత్వం పనిచేస్తుందని రాచర్లబొప్పాపూర్‌ మార్కెట్‌ కమిటీ చైర్మన్‌ మేడిపల్లి దేవానందం పేర్కొన్నారు. మండలంలోని దుమాల, అక్కపల్లి గ్రామాల్లో ఏర్పాటు చేసిన ధాన్యం కొనుగోలు కేంద్రాలను ఆదివారం ప్రారంభించారు. దేవానందం మాట్లాడుతూ.. రైతులు కొనుగోలు కేంద్రాల్లోనే ధాన్యం విక్రయించి మద్దతు ధర పొందాలన్నారు. కార్యక్రమంలో వైస్‌ చైర్మన్‌ నంది కిషన్‌, మండల సర్పంచుల ఫోరం కన్వీనర్‌ దొమ్మాటి నర్సయ్య, సర్పంచులు సోమారం శరవింద్‌, మాదాసు స్రవంతి, డైరెక్టర్లు, సర్పంచ్‌ బాపురెడ్డి, నాయకులు సద్ది లక్ష్మారెడ్డి, గుండాడి రాంరెడ్డి తదితరులు పాల్గొన్నారు.

● కానిస్టేబుళ్ల స్పందనకు ఉన్నతాధికారుల అభినందనలుఎల్లారెడ్డిపేట(సిరిసిల్ల): ప్రజల రక్షణే కాదు.. ఆపదలో ఉన్న వారికి ఆపన్నహస్తం అందించడం కూడా పోలీసుల బాధ్యత అని చాటిచెప్పిన ఎల్లారెడ్డిపేట పోలీసులు ఉన్నతాధికారుల ప్రశంసలు అందుకున్నారు. మండలంలోని మొదటి బైపాస్‌రోడ్డుపై ఫిట్స్‌తో కుప్పకూలిన మహిళను గమనించిన కానిస్టేబుల్‌ ప్రశాంత్‌, హోంగార్డు శ్రీనివాస్‌ వెంటనే స్పందించి ఆమెకు ప్రథమ చికిత్స అందించారు. సకాలంలో స్పందించి మహిళకు సహాయం అందించడంపై పలువురు అభినందించారు. ఈ ఘటనకు సంబంధించిన జిల్లా పోలీస్‌ శాఖ అధికారిక సోషల్‌ మీడియా పోస్టును పరిశీలించిన రాష్ట్ర డీజీపీ సీవీ ఆనంద్‌ స్పందిస్తూ.. విధి నిర్వహణలో మానవత్వాన్ని చాటుకున్న పోలీసులను అభినందించారు. వారి సేవలను గుర్తించి తగిన విధంగా ప్రశంసించి, రివార్డులు అందించాలని సూచించారు. డీజీపీ స్పందనపై సీఐ ఓదేల వెంకటేశ్‌, ఎస్సై రమేశ్‌గౌడ్‌ కృతజ్ఞతలు తెలిపారు.

సిరిసిల్ల: జిల్లా కేంద్రంలో పిల్లల ఆటలకు.. పెద్దల వ్యాయామానికి కేరాఫ్‌ జూనియర్‌ కాలేజీ గ్రౌండ్‌. కానీ సెప్టెంబర్‌ 30న జిల్లాలో సీఎం రేవంత్‌రెడ్డి బహిరంగ సభ నిర్వహించారు. ఏర్పాట్లతో భాగంగా అదే నెల 29వ తేదీన రోడ్లు, భవనాల శాఖ అధికారులు హెలీప్యాడ్‌ను జూనియర్‌ కాలేజీ గ్రౌండ్‌లో నిర్మించారు. పర్యటన ముగిసిన తర్వాత హెలీ ప్యాడ్‌ను తొలగించకపోవడంతో పిల్లల ఆటలకు అడ్డంకిగా మారింది. ఈ విషయమై ఆర్‌అండ్‌బీ అధికారులను ‘సాక్షి’ సంప్రదించగా కాంట్రాక్టర్‌కు బిల్లు రాలేదని, బిల్లు మంజూరైతేనే.. హెలీప్యాడ్‌ను తొలగించే అవకాశం ఉందన్నారు. ఇప్పటికై నా జిల్లా కలెక్టర్‌ గరీమా అగ్రవాల్‌ చొరవ చూపి.. ఆర్‌అండ్‌బీ అధికారులతో చర్చించి హెలీప్యాడ్‌ను తొలగింపజేయాలని క్రీడాభిమానులు కోరుతున్నారు.

ప్రభుత్వ, ప్రైవేటు ఆఫీస్‌లు, ఇతర పనిచేసే చోట మహిళా ఉద్యోగులకు, వర్కర్లపై ఎవరైనా అసభ్యంగా ప్రవర్తిస్తే నాకు ఫిర్యాదు చేయండి. నేను విచారణ చేపట్టి చర్యలు తీసుకుంటాను. వాస్తవాలపై కలెక్టర్‌కు నివేదించి సదరు ఉద్యోగులపై చర్యలు తీసుకుంటాం. జిల్లాలో మహిళల భద్రతకు అత్యంత ప్రాధాన్యతనిస్తున్నాం. కాలేజీ స్థా యిలోనూ ‘గుడ్‌ టచ్‌.. బ్యాడ్‌ టచ్‌’పై అవగా హన కల్పిస్తున్నాం. జిల్లాలో షీ టీమ్‌ పనిచేస్తుంది. ఎవరైనా లైంగికంగా వేధిస్తే వెంటనే పోలీసులకు ఫిర్యాదు చేయండి. – మహేశ్‌ బీ గీతే, ఎస్పీ

గంభీరావుపేట/ముస్తాబాద్‌: ఎల్‌నినో ఎఫెక్ట్‌ స్పష్టంగా కనిపిస్తోంది. లోటు వర్షపాతంతో వరి, పత్తి పంటల్లో దిగుబడి పడిపోగా.. అడవిలో సహజసిద్ధంగా లభించే సీతాఫలాలకు సైతం కరువు ఏర్పడింది. సీతాఫలాలు మార్కెట్‌లోకి పెద్ద ఎత్తున రావడం లేదు. వరి పంట కోసిన రైతులు గడ్డిని తమ పశువుల కోసం ఇప్పటి నుంచే నిల్వ చేసుకుంటున్నారు. యాసంగి సీజన్‌లో పంటల సాగుపై సందిగ్ధం నెలకొనడంతో పలువురు పశువుల కాపరుల పశుగ్రాసం కొనుగోలు చేసుకుంటున్నారు. ఇప్పటికే చాలా గ్రామాల్లో భూగర్భ జలాలు పడిపోయాయి. వ్యాపారులకు ఉపాధి కరువు సీతాఫలాల సీజన్‌ కోసం ఎదురుచూసే చిరువ్యాపారుల పరిస్థితి దయనీయంగా మారింది. అడవులు, పొలాల గట్ల వద్ద లభించే సీతాఫలాలను సేకరించి మార్కెట్లలో విక్రయిస్తూ జీవనోపాధి పొందే వారికి ఈసారి పండ్ల కొరత సమస్యగా మారింది. గతంలో సీజన్‌ వచ్చిందంటే మార్కెట్లలో సీతాఫలాలు గుట్టలుగా కనిపించేవి. ప్రస్తుతం బుట్టల్లో పెట్టి విక్రయించేందుకు సరిపడా కాయలు కూడా దొరకని పరిస్థితి నెలకొంది. ఫలితంగా సీజనల్‌ వ్యాపారుల ఆదాయానికి గండి పడింది. పశుగ్రాసానికి డిమాండ్‌ ఎల్‌నినో ఎఫెక్టు మూగజీవాలపై పడకుండా రైతులు జాగ్రత్తలు తీసుకుంటున్నారు. ప్రభుత్వ హెచ్చరికలతో రానున్న ఆరు నెలలపాటు గడ్డికి ఇబ్బందులు కాకుండా ముందస్తు జాగ్రత్తలు తీసుకుంటున్నారు. ప్రస్తుతం వానాకాలం వరి కోతలు కొనసాగుతుండడంతో పశుగ్రాసాన్ని పెద్ద ఎత్తున సేకరిస్తున్నారు. ఎల్‌నినో ప్రభావంతో యాసంగి సాగుతో పాటు, వచ్చే వానాకాలం పంటల వరకు పశువులకు పశుగ్రాసం కాపాడుకోవాల్సిన అవసరం ఏర్పడింది. ఈ నేపథ్యంలో గడ్డిని సేకరించే పనిలో రైతులు ఉన్నారు. జిల్లా వ్యాప్తంగా 1.40లక్షల ఎకరాలలో వరి సాగైంది. దీంతో పొరుగు జిల్లాల నుంచి కూడా రైతులు వచ్చి పశుగ్రాసం తీసుకెళ్తున్నారు. కొయ్యకాళ్లు దహనం చేయకుండా.. వరికోతలు కాగానే రైతులు సాధారణంగా కొయ్యకాళ్లతోపాటు హార్వెస్టర్‌తో పంటను కోయించడం ద్వారా అందులోనే పడిపోయే గడ్డిని దహనం చేస్తారు. ఎల్‌నినో ప్రభావంతో ఇప్పుడు గడ్డిని తగలబెట్టవద్దని వ్యవసాయాధికారులు సూచిస్తున్నారు. పశుగ్రాసం దగ్ధం చేయడం ద్వారా నేలకు నష్టం కలగడంతోపాటు పశుగ్రాసం కొరత ఏర్పడుతుందని చెబుతున్నారు. గడ్డిని కట్టకట్టే యంత్రానికి ఒక కట్టకు రూ.30, కూలీకి కట్టకు రూ.15, ట్రాన్స్‌పోర్టుకు ట్రాక్టర్‌కు రూ.వెయ్యి ఖర్చు అవుతుంది. ఒక ట్రాక్టర్‌లో 70 కట్టల పశుగ్రాసం తరలించుకుపోతున్నారు. గడ్డిని నిల్వ చేసుకోవాలి పాడి రైతులు గడ్డిని ఇప్పుడే నిల్వ చేసుకోవాలని అధికారులు సూచిస్తున్నారు. భవిష్యత్‌లో సంభవించే కరవును ఎదుర్కొనేందుకు, పశువులను రక్షించుకునేందుకు ఇదే మార్గమని స్పష్టం చేస్తున్నారు. పొలాల వద్ద పశుగ్రాసం కట్టలువరిగడ్డి మేస్తున్న ఎడ్లు

సిరిసిల్లటౌన్‌: బీఆర్‌ఎస్‌ నేతలు ఆది శ్రీనివాస్‌పై అసత్య ఆరోపణలు చేయడం మానుకోవాలని కాంగ్రెస్‌ పట్టణ అధ్యక్షుడు సూర దేవరాజు హితవు పలికారు. శనివారం డీసీసీ కార్యాలయంలో నిర్వహించిన ప్రెస్‌మీట్లో ఆయన మాట్లాడారు. కేటీఆర్‌ను సిరిసిల్ల ప్రజలు ఐదుసార్లు ఎమ్మెల్యేగా గెలిపిస్తే వారి సమస్యలు పట్టించుకోకుండా హైదరాబాద్‌కే పరిమితమయ్యారని ఎద్దేవా చేశారు. కార్యక్రమంలో ఎస్సీసెల్‌ రాష్ట్ర కార్యదర్శి ఆకునూరి బాలరాజు, గోలి వెంకటరమణ, నీలి రవీందర్‌, నేదురి లక్ష్మణ్‌, శ్రీరాముల వెంకటేశం, గోనె ఎల్లప్ప, రాగుల జగన్‌, బూట్ల నవీన్‌, కంసాల మల్లేశం తదితరులు పాల్గొన్నారు. 120 నాటుకోళ్లు మృతి– రూ.లక్ష పెట్టుబడి నష్టం వీర్నపల్లి: రాజన్నసిరిసిల్ల జిల్లా వీర్నపల్లి మండల కేంద్రానికి చెందిన రైతు తౌటు అశోక్‌కు చెందిన నాటుకోళ్లు జంగపిల్లి దాడిలో చనిపోయాయి. ఈ ఘటనతో రైతుకు రూ.లక్ష వరకు నష్టం జరిగింది. బాధితుడు తెలిపిన వివరాలు. వీర్నపల్లికి చెందిన రైతు అశోక్‌ తనకున్న 1.20 ఎకరాల్లో పంటలు సాగుచేస్తూ కుటుంబాన్ని పోషించుకుంటున్న అశోక్‌ అదనపు ఆదాయం కోసం కోళ్ల పెంపకం చేపట్టాడు. పది నెలల క్రితం రూ.67వేలు పెట్టి 120 డేగ జాతి నాటుకోళ్లను కొనుగోలు చేశాడు. వాటి కోసం షెడ్డు, ఇతర సదుపాయాలకు మరో రూ.33 వేలకు పైగా వెచ్చించాడు. అప్పటి నుంచి కంటికి రెప్పలా కాపాడుకుంటూ వస్తున్నాడు. ప్రస్తుతం కోళ్లు గుడ్లు పెట్టే దశకు చేరుకున్నాయి. శనివారం ఉదయం షెడ్డు వద్దకు వెళ్లి చూడగా కోళ్లు చనిపోయి కనిపించాయి. జంగపిల్లి దాడి చేయడంతోనే తాను పెంచుతున్న 120 కోళ్లు చనిపోయాయని రోదిస్తూ తెలిపాడు. దాదాపు రూ.లక్షకు పైగా నష్టపోయానని ప్రభుత్వం ఆదుకోవాలని కోరాడు.

● చందుర్తి సీఐ రవీందర్‌ చందుర్తి: అనుమానాస్పదంగా కనిపించిన ముగ్గురిని అదుపులోకి తీసుకుని యూరిన్‌ కిట్ల ద్వారా గంజాయి పరీక్షలు నిర్వహించగా పాటిజిట్‌ రావడంతో కేసు నమోదు చేసినట్లు చందుర్తి సీఐ రవీందర్‌ తెలిపారు. చందుర్తి సర్కిల్‌ కార్యాలయంలో శనివారం విలేకరుల సమావేశంలో వివరాలు వెల్ల డించారు. చందుర్తి మండలం సనుగుల గ్రామానికి చెందిన యువకుడు, వేములవాడ మండలం మారుపాకకు చెందిన ఇద్దరు యువకులు గంజాయి సేవించారు. మండలంలోని సనుగుల శివారులో తిరుగుతుండగా ముగ్గురిని అదుపులోకి తీసుకుని గంజాయి పరీక్షలు నిర్వహించగా పాజిటివ్‌ వచ్చింది. ముగ్గురు యువకులపై కేసు నమోదు చేసి రిమాండ్‌కు తరలించినట్లు సీఐ రవీందర్‌ వివరించారు.

● ఆదర్శ ఇంటర్‌ విద్యార్థులకు జాతీయస్థాయి శిక్షణ ● ఉమ్మడి కరీంనగర్‌ జిల్లా నుంచి 4 పాఠశాలలు ఎంపిక పెగడపల్లి: ఆదర్శ మోడల్‌ స్కూల్లో చదువుతున్న ఇంటర్‌ విద్యార్థుల భవిష్యత్‌కు బంగారు బాట వేసేందుకు ప్రభుత్వం కీలక నిర్ణయం తీసుకుంది. నీట్‌, ఐఐటీ, జేఈఈ, క్లాట్‌ వంటి ప్రవేశాలకు జాతీయస్థాయి పోటీ పరీక్షలకు విద్యార్థులను సంసిద్ధం చేసే కార్యక్రమానికి శ్రీకారం చుట్టింది. ఈ మేరకు ఉమ్మడి కరీంనగర్‌ జిల్లా నుంచి జిల్లాకు ఒక్కటి చొప్పున నాలుగింటిని యంగ్‌ ఇండియా ఇన్‌స్టిట్యూట్‌ ఆఫ్‌ ఎక్స్‌లెన్స్‌ పాఠశాలలుగా ఎంపిక చేశారు. జగిత్యాల నుంచి మేడిపల్లి పాఠశాలను కామన్‌ లా అడ్మిషన్‌ టెస్టు(క్లాట్‌)కు ఎంపిక చేయగా.. రాజన్న సిరిసిల్ల నుంచి మండెపల్లి, పెద్దపల్లి జిల్లా నుంచి జూలపల్లి మండలం పెద్దపూర్‌, కరీంనగర్‌ జిల్లా నుంచి గంగాధర మండలం కొండాయపల్లి పాఠశాలలను జేఈఈ, నీట్‌ ఐఐటీ శిక్షణ కోసం ఎంపిక చేశారు. ఇంటర్‌ చదువుతున్న సుమారు 160 మంది విద్యార్థులకు ఈ శిక్షణ ఇవ్వనున్నారు. దీంతో కార్పొరేట్‌ స్థాయిలో ఆంగ్ల మాధ్యమంలో ఉచిత విద్యనందిస్తున్న ఆదర్శ పాఠశాలలు మరింత బలపేతం కానున్నాయి. మోడల్‌ స్కూళ్లలో 6 నుంచి ఇంటర్‌ వరకు ఉచితంగా విద్యనందిస్తున్నారు. విద్యార్థులు నీట్‌, జేఈఈ, ఐఐటీ, క్లాట్‌ వంటి పరీక్షలకు సన్నద్ధమయ్యేందుకు ఆసక్తి చూపుతున్నా.. అందుకుదగ్గ బోధన లేక ఇక్కడి విద్యార్థులు జాతీయస్థాయి పోటీ పరీక్షల్లో రాణించలేకపోతున్నారు. దీన్ని దృష్టిలో పెట్టుకొని ప్రభుత్వం జాతీయస్థాయి పరీక్షల్లో విద్యార్థులు రాణించేలా నిపుణులతో శిక్షణ ఇవ్వనున్నారు. ఎంపిక చేసిన ఒక్కో పాఠశాల నుంచి 160 మంది విద్యార్థులు ఈ శిక్షణ పొందనున్నారు. ఇందుకుగానూ జేఈఈ, నీట్‌, ఐఐటీ శిక్షణ కోసం విద్యార్థులకు కావాల్సిన స్టడీ మెటీరియల్‌ కోసం రూ.1,92,000, అతిథి అధ్యాపకుల వేతనాల కోసం రూ.11,85,000 చొప్పున మొత్తం రూ.13,77,600 ఒక్కో పాఠశాలకు నిధులు మంజూరు చేశారు. క్లాట్‌కు ఎంపిక చేసిన మేడిపల్లి పాఠశాలకు అధ్యాపకుల వేతనం రూ.9,88,000, స్టడీ మెటీరియల్‌కు రూ.96,000 కేటాయించారు. ప్రత్యేక తరగతుల బోధన కోసం ఆరుగురు అతిథి అధ్యాపకులను నియమించనున్నారు. 152 రోజులపాటు నిత్యం 2 గంటలు బోధన చేస్తారు. పరీక్షలకు సంబంధించిన స్టడీ మెటీరియల్‌ను ప్రభుత్వం సమకూర్చనుంది. ప్రభుత్వ నిర్ణయంపై విద్యార్థుల తల్లిదండ్రులు హర్షం వ్యక్తం చేస్తున్నారు. పైలట్‌ ప్రాజెక్టు విజయవంతమైతే రాష్ట్రవ్యాప్తంగా అన్ని ఆదర్శ పాఠశాలలకు విస్తరిస్తామని అధికారులు చెబుతున్నారు. జాతీయస్థాయిలో రాణిస్తారు ఇప్పటి వరకు కార్పొరేట్‌ కాలేజీల విద్యార్థులే నీట్‌, జేఈఈల్లో సీట్లు కొడుతున్నారు. ఆర్థికంగా వెనకబడిన మా విద్యార్థుల్లో ప్రతిభ ఉంది. వారికి సరైన గైడెన్స్‌, కోచింగ్‌ ఇస్తే జాతీయస్థాయిలో రాణిస్తారు. అందుకే ప్రభుత్వం ఈ నిర్ణయం తీసుకుంది. ఎంపికై న పాఠశాలలకు నిపుణులైన అధ్యాపకులను నియమిస్తాం. – రామ్‌, జిల్లా విద్యాధికారి ఎంపికై న పాఠశాలలు జగిత్యాల: మేడిపల్లి రాజన్న సిరిసిల్ల: మండెపల్లి పెద్దపల్లి: జూలపల్లి మండలం పెద్దాపూర్‌ కరీంనగర్‌: గంగాధర మండలం కొండాయపల్లి

హుజూరాబాద్‌: శాకాహారం తీసుకుంటే అన్ని పోషకాలు అందుతున్నాయని భావించకూడదు. రోజువారీ ఆహారంలో పప్పులు, ఆకుకూరలు, చిరుధాన్యాలు ఉండాలి. శరీరానికి అవసరమైన ప్రొటీన్లు, ఐరన్‌, కాల్షియం, విటమిన్‌ బి12 అందేలా చూసుకోవాలి. పూర్తిగా జంతు సంబంధిత ఆహారం మానేసినవారు విటమిన్‌ బి12 విషయంలో శ్రద్ధ వహించాలి. అవసరమైతే వైద్యుల సలహాతో పరీక్షలు, సప్లిమెంట్లు తీసుకోవాలి. – రావుల సుజాత, డైటీషియన్‌, ప్రభుత్వ ఆస్పత్రి, హుజూరాబాద్‌

సిరిసిల్లటౌన్‌: తమపై చేసిన తప్పుడు ఫిర్యాదుపై విచారణ చేపట్టి న్యాయం చేయాలని కోరుతూ సిరిసిల్లలోని మూడో వార్డుకు చెందిన రాగిపెల్లి విజయ, కుటుంబ సభ్యులు మున్సిపల్‌ కమిషనర్‌ ఖదీర్‌పాషాను కోరారు. ఈమేరకు శనివారం కలిసి వినతిపత్రం అందజేశారు. విజయ మాట్లాడుతూ విద్యానగర్‌లో తనకు ఉన్న ఖాళీస్థలంలో ఇల్లు నిర్మించుకోవడం కోసం దరఖాస్తు చేసుకోగా ఇందిరమ్మ ఇల్లు కేటాయించారని పేర్కొంది. ఈక్రమంలో ఇందిరమ్మ ఇండ్ల కమిటీ సభ్యులు ఒకరు తనకు మూడు ఇల్లు ఉన్నాయని చేసిన ఫిర్యాదుతో అధికారులు ఇల్లు మంజూరు చేయడం లేదని ఆవేదన వ్యక్తం చేశారు. అధికారులు క్షేత్రస్థాయిలో విచారణ చేపట్టి తనకు న్యాయం చేయాలని వేడుకుంది. విచారణ చేపట్టండి.. మున్సిపల్‌ చైర్‌పర్సన్‌ తప్పుడు ఫిర్యాదులను లెక్కలోకి తీసుకొని బాధితులకు అన్యాయం చేయడం ఏంటని మున్సిపల్‌ కమిషనర్‌ను చైర్‌పర్సన్‌ జిందం కళ శనివారం నిలదీశారు. తన చాంబర్‌లో కమిషనర్‌తో కౌన్సిలర్ల సమక్షంలో మాట్లాడారు. తన వార్డుకు చెందిన రాగిపెల్లి విజయ ఇందిరమ్మ ఇంటికి అన్ని విధాలా అర్హురాలుగా పేర్కొంది. ఆమైపె గిట్టని వారు మూడు బంగ్లాలున్నాయని ఫిర్యాదు చేస్తే ఇందిరమ్మ ఇల్లును ఎలా నిలిపేస్తారని ప్రశ్నించారు. కమిషనర్‌ స్పందిస్తూ..ఎవరి ఇండ్ల మంజూరిని ఆపలేదని తమకు వచ్చిన ఫిర్యాదులపై హౌసింగ్‌ ఏఈతో విచారణ చేపిస్తున్నట్లు వివరించారు.

కోల్‌సిటీ: ఎనిమిదేళ్లుగా నేను, నా భార్య రమాదేవి నాన్‌వెజ్‌కు దూరంగా ఉంటున్నాం. ఆకుకూరలు, కూరగాయలతో కూడిన ఆహారం తీసుకుంటున్నాం. గతంలో ఎన్టీపీసీలో పనిచేస్తున్న సమయంలో జరిగిన ప్రమాదం తర్వాత ఆరోగ్యంపై మరింత శ్రద్ధ పెట్టాను. నాన్‌వెజ్‌ తీసుకున్నప్పుడు ఏసీడీటీ, శరీర నొప్పులలు వంటి సమస్యలు ఎదురయ్యేవి. శాకాహారాన్ని అలవాటు చేసుకున్న తర్వాత ఆరోగ్యంలో మంచి మార్పులు వచ్చాయి. శాకాహారం ఆరోగ్యకరమైన జీవనశైలికి దోహదపడుతుందని నా అనుభవం చెబుతోంది. – జొంగోని శ్రీనివాస్‌, ప్రైవేట్‌ ఉద్యోగి, గోదావరిఖని

నిజామాబాద్‌అర్బన్‌: దంపతులపై దాడి చేసిన కేసులో ఇద్దరు నిందితులను నిజామాబాద్‌ ఒకటో టౌన్‌ పోలీసులు శనివారం అరెస్టు చేసి రిమాండ్‌కు తరలించారు. ఎస్‌హెచ్‌వో శ్రీనివాస్‌ తెలిపిన వివరాలు. నిజామాబాద్‌ నగరానికి చెందిన దంపతులు రెండు రోజుల క్రితం బోధన్‌రోడ్‌లోని ఫిష్‌ మార్కెట్‌ వద్ద నిలబడి ఉన్నారు. అదే సమయంలో ఓ ఆటో వేగంగా రావడంతో నెమ్మదిగా వెళ్లాలని సూచించారు. దీంతో ఆటోలో ఉన్న డ్రైవర్‌ కమ్మరి రాజు, రామంచ విష్ణు రాడ్‌తో దాడి చేసి పారిపోయారు. దంపతుల ఫిర్యాదుతో కేసు నమోదు చేసుకున్న పోలీసులు విచారణ చేపట్టారు. నిందితులను మోపాల్‌ మండలం మంచిప్పకు చెందిన కమ్మరి రాజు, కామారెడ్డికి చెందిన రామంచ విష్ణుగా గుర్తించి శనివారం అరెస్ట్‌ చేశారు. కమ్మరి రాజుపై గతంలో కరీంనగర్‌ టూ టౌన్‌, గంగాధర, కొత్తపల్లి, కరీంనగర్‌ రూరల్‌, జగిత్యాల జిల్లా మెట్‌పల్లి, కమ్మర్‌పల్లి, కామారెడ్డి, ఆర్మూర్‌, మోపాల్‌ నిజామాబాద్‌ వన్‌ టౌన్‌ పరిధిలో వాహనాల చోరీ కేసులు ఉన్నాయి. రామంచ విష్ణుపై నిజామాబాద్‌ వన్‌ టౌన్‌, రాజన్న సిరిసిల్ల జిల్లా ముస్తాబాద్‌, నిజామాబాద్‌ రూరల్‌, నిజామాబాద్‌ నాలుగో టౌన్‌, కామారెడ్డి జిల్లా సదాశివనగర్‌ పోలీస్‌ స్టేషన్‌లో చోరీ కేసులు నమోదైనట్లు పేర్కొన్నారు. నిందితులు ఉపయోగించిన ఆటో సైతం అపహరించినదేనని తెలిపారు. మానవత్వం చాటుకున్న పోలీసులుఎల్లారెడ్డిపేట: మండలంలోని మొదటి బైపాస్‌ రోడ్డుపై ఓ మహిళకు ఫిట్స్‌ రావడంతో రోడ్డుపై కుప్పకూలింది. విధి నిర్వహణలో ఉన్న బ్లూకోల్ట్స్‌ పోలీస్‌ కానిస్టేబుల్‌ ప్రశాంత్‌, హోంగార్డు శ్రీనివాస్‌చారి గమనించి ప్రథమ చికిత్స అందించారు. పోలీస్‌ సిబ్బందిని ప్రెస్‌క్లబ్‌ ఆధ్వర్యంలో సన్మానించారు. కార్యక్రమంలో ఎస్సై రమేశ్‌గౌడ్‌, ప్రెస్‌క్లబ్‌ అధ్యక్షుడు నిమ్మ బాల్‌రెడ్డి, ప్రధాన కార్యదర్శి బుర్క బాబ్జీ, సభ్యులు ఎదురుగట్ల ముత్తయ్య, కొండ్లేప్‌ జగదీష్‌, కందుకూరి రవి, పోలీస్‌ సిబ్బంది పాల్గొన్నారు.

● ఒంటరితనం భరించలేక వివాహిత ఆత్మహత్య ● కుటుంబంలో తీరని విషాదం సిరిసిల్ల అర్బన్‌: కొత్త ఆశలు.. ఎన్నో కలలతో కొత్త జీవితంలోకి అడుగుపెట్టిన యువతి.. ఒంటరితనం భరించలేక ఆత్మహత్యకు పాల్పడింది. పెళ్లయిన రెండు నెలలకే తనువు చాలించింది. పోలీసులు, కుటుంబ సభ్యులు తెలిపిన వివరాలు. రాజన్నసిరిసిల్ల జిల్లా చంద్రంపేటకు చెందిన కటకం సుదర్శన్‌–లావణ్య దంపతులకు ఇద్దరు కూతుళ్లు, ఒక కుమారుడు. పెద్ద కూతురు గాజుల(కటకం) అశ్రిత(24)ను రెండు నెలల కిత్రం వేములవాడ మండలం జోగాపురం గ్రామానికి చెందిన గాజుల రాజశేఖర్‌కు ఇచ్చి పెళ్లి చేశారు. రాజశేఖర్‌ 20 రోజుల క్రితం గల్ఫ్‌ బాట పట్టడంతో అశ్రిత బతుకమ్మ పండుగ కోసం చంద్రంపేటలోని తల్లిగారింటికి వచ్చింది. భర్త ఉపాధి కోసం కువైట్‌ వెళ్లడంతో ఒంటరితనం భరించలేక తీవ్ర మనస్థాపానికి గురై ఇంట్లో ఎవరూ లేని సమయంలో శనివారం ఆత్మహత్య చేసుకుంది. ఈ సంఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు. వ్యక్తి ఆత్మహత్యముస్తాబాద్‌: రాజన్నసిరిసిల్ల జిల్లా ముస్తాబాద్‌ మండలం మోహినికుంటకు చెందిన పయ్యావుల రాయమల్లు(52) శనివారం ఆత్మహత్యకు పాల్పడ్డాడు. పోలీసులు తెలిపిన వివరాలు. వ్యవసాయం, హమాలీ పనులు చేసే రాయమల్లుకు భార్య పద్మ, ఇద్దరు కూతుళ్లు, కుమారుడు ఉన్నారు. ఇద్దరు కూతుళ్లకు వివాహలు జరిగాయి. కుమారుడు వెంకటేశ్‌ ఉపాధి నిమిత్తం దుబాయ్‌కు వెళ్లాడు. భార్య పద్మ కూతురు వద్దకు వెళ్లగా ఇంట్లో ఒంటరిగా ఉన్న రాయమల్లు ఉరివేసుకున్నాడు. చుట్టుపక్కల వారు గమనించి కుటుంబ సభ్యులు, పోలీసులకు సమాచారం అందించారు. రాయమల్లు ఆత్మహత్యకు గల కారణాలు తెలియరాలేదని, ఫిర్యాదు అనంతరం విచారణ చేపడతామని ఎస్సై జ్యోతి తెలిపారు. ఉపాధ్యాయుల సేవలు మరువలేనివి బోయినపల్లి: ఉపాధ్యాయుల సేవలు మరువలేనివని ఎంఈవో శ్రవణ్‌కుమార్‌ పేర్కొన్నారు. మండలంలోని స్తంభంపల్లి హైస్కూల్‌లో స్కూల్‌ అసిస్టెంట్‌ (సోషల్‌)గా విధులు నిర్వహించిన గుండెల్లి చంద్రమౌళి ఉద్యోగ విరమణ సభ శనివారం నిర్వహించారు. ఈ సందర్భంగా ఉపాధ్యాయుడు చంద్రమౌళి దంపతులను సన్మానించారు. కార్యక్రమంలో సర్పంచ్‌ బొంగాని అశోక్‌గౌడ్‌, హెచ్‌ఎం ఉమారాణి, ఉపాధ్యాయులు పాల్గొన్నారు. మాక్‌ పార్లమెంట్‌లో విద్యార్థినికి అవార్డువేములవాడరూరల్‌: వేములవాడ రూరల్‌ మండలం హన్మాజిపేట పీఎంశ్రీ జిల్లా పరిషత్‌ హైస్కూల్‌ విద్యార్థిని బుర్ర తపస్వినిగౌడ్‌ మాక్‌ పార్లమెంట్‌లో పాల్గొని స్పెషల్‌ అవార్డు పొందింది. హైదరాబాద్‌లో నిర్వహించి కార్యక్రమంలో పాల్గొంది.

సిరిసిల్లటౌన్‌/వేములవాడ: కేసీఆర్‌ మళ్లీ సీఎం కావాలని కోరుతూ బీఆర్‌ఎస్వీ రాష్ట్ర నాయకుడు కంచర్ల రవిగౌడ్‌ శనివారం సిరిసిల్ల నుంచి వేములవాడకు పాదయాత్ర చేపట్టారు. వేములవాడ భీమేశ్వరస్వామి ఆలయంలో ప్రత్యేక పూజలు చేసి, కేసీఆర్‌ ఆయురారోగ్యాలతో ఉండాలని, తిరిగి ముఖ్యమంత్రి కావాలని మొక్కుకున్నట్లు చెప్పారు. పాదయాత్రలో బీఆర్‌ఎస్వీ నాయకులు మట్టి శ్రీనివాస్‌, సదుల శేఖర్‌, కల్యాడపు వినయ్‌, గజుల రిష్విత్‌, బసాని అనీశ్‌కుమార్‌, కసర్ల మణిశర్మ, కోయేటి జశ్వంత్‌, కంకనాల సాయితేజ, తన్నీరు నవనీత్‌, కంభోజి హర్షిత్‌, అన్నాడి సాత్విక్‌, చిలువేరి రాంచరణ్‌ పాల్గొన్నారు. రాజన్న గుడి ముందుకు చేరుకున్న పాదయాత్రకు స్థానిక బీఆర్‌ఎస్‌ నాయకులు నిమ్మశెట్టి విజయ్‌, మారంకుమార్‌, మంత సందీప్‌, బొల్లం దేవరాజు, మామిండ్ల కనకయ్య, నిమ్మశెట్టి రాజు, మిర్యాల సంతోష్‌, అంజాత్‌పాషా, నరాల దేవేందర్‌, సాయి, గోపు మధు, ఆసద్‌, చి ట్యాల విజయ్‌, పర్వేజ్‌లు సంఘీభావం తెలిపారు.

సిరిసిల్ల: జిల్లా కేంద్రంలోని ప్రభుత్వ జనరల్‌ ఆస్పత్రిలోని లిఫ్ట్‌ రెండు రోజులుగా పని చేయడం లేదు. దీంతో రెండో అంతస్తులో చికిత్స పొందుతున్న రోగులు, వారి బంధువులు ఇబ్బందులు పడుతున్నారు. లిఫ్ట్‌ను బాగు చేయించాల్సిన ఆస్పత్రి అధికారులు పట్టించుకోవడం లేదు. రెండో అంతస్తులో ఎక్కువ మంది రోగులు ఉండడంతో మెట్లు, ర్యాంపు ద్వారా వచ్చిపోయేందుకు ఇబ్బందిపడుతున్నారు. సిరిసిల్లటౌన్‌: పురపాలక సంఘం సాధారణ సమావేశం శనివారం నిర్వహిస్తున్నట్లు కమిషనర్‌ ఎం.ఏ.ఖదీర్‌పాషా శుక్రవారం తెలిపారు. చైర్‌పర్సన్‌ జిందం కళ అధ్యక్షతన సమావేశం జరుగుతుందని పేర్కొన్నారు. అనంతరం సమావేశంలో చర్చించిన అంశాలను ప్రెస్‌మీట్‌లో వివరిస్తారని తెలిపారు.

● సీఈసీ జ్ఞానేశ్‌కుమార్‌ను తొలగించాలి ● ప్రభుత్వ విప్‌ ఆది శ్రీనివాస్‌ ● చలో ఢిల్లీకి తరలిన నాయకులువేములవాడరూరల్‌/సిరిసిల్లటౌన్‌: ఓటుహక్కు కా పాడటమే లక్ష్యంగా కేంద్రంపై పోరాటానికి కాంగ్రెస్‌ సిద్ధమైందని ప్రభుత్వ విప్‌ ఆది శ్రీనివాస్‌ పేర్కొన్నారు. వేములవాడ రూరల్‌ మండలం నూకలమర్రిలో శుక్రవారం విలేకరులతో మాట్లాడారు. కేంద్ర ఎన్నికల కమిషనర్‌ (సీఈసీ) జ్ఞానేశ్‌ కుమార్‌ను పదవి నుంచి తొలగించాలని డిమాండ్‌ చేశారు. నవంబర్‌ 1న ఢిల్లీలో చేపట్టే నిరసన కార్యక్రమానికి మద్దతుగా ఢిల్లీకి వెళ్తున్నట్లు తెలిపారు. ఢిల్లీకి వెళ్తున్న కాంగ్రెస్‌ శ్రేణులను అడ్డుకునే ప్రయత్నాలు జరుగుతున్నాయన్నారు. గతంలో బిహార్‌, ప్రస్తుతం పశ్చిమబెంగాల్‌లో ఓటర్ల జాబితా సవరణ పేరుతో పెద్ద సంఖ్యలో ఓట్లు తొలగించినట్లు ఆరోపించారు. కాంగ్రెస్‌ నేతల చలో ఢిల్లీ ఢిల్లీలో కాంగ్రెస్‌ పార్టీ అధిష్టానం తలపెట్టిన ‘చలో ఢిల్లీ’ నిరసన కార్యక్రమానికి జిల్లా నుంచి ఆ పార్టీ నాయకులు, కార్యకర్తలు శుక్రవారం భారీ సంఖ్యలో తరలివెళ్లారు. జిల్లా కాంగ్రెస్‌ కమిటీ అధ్యక్షుడు సంగీతం శ్రీనివాస్‌ ఈ వాహనాలను జెండా ఊపి ప్రారంభించారు.

● కలెక్టర్‌ గరీమా అగ్రవాల్‌సిరిసిల్ల: జిల్లాలో నూతన ఆస్పత్రుల భవన పనులను త్వరగా పూర్తి చేయాలని కలెక్టర్‌ గరీమా అగ్రవాల్‌ ఆదేశించారు. 15వ ఆర్థిక సంఘం నిధులతో జిల్లాలో ప్రాథమిక ఆరోగ్య కేంద్రాలు, సబ్‌సెంటర్ల నిర్మాణం, జిల్లా కేంద్రంలోని జీజీహెచ్‌, ఏరియా ఆసుపత్రి, సీహెచ్‌సీల్లో వసతుల కల్పనపై శుక్రవారం ఆయా శాఖల అధికారులతో సమీక్షించారు. జిల్లా వ్యాప్తంగా 16 సబ్‌సెంటర్లలో ఇప్పటికే 7 పూర్తి అయ్యాయని, మిగతావి ప్రగతిలో ఉన్నాయని, రుద్రంగిలో పీహెచ్‌సీ, ఇల్లంతకుంటలో సీహెచ్‌సీ పనులు కొనసాగుతున్నాయని అధికారులు వివరించారు. కలెక్టర్‌ మాట్లాడుతూ జిల్లా కేంద్రంలోని జీజీహెచ్‌, వేములవాడ ఏరియా ఆస్పత్రి, ఎల్లారెడ్డిపేట, గంభీరావుపేట సీహెచ్‌సీల్లో వైద్య పరికరాలు, సామగ్రిని సమకూర్చాలన్నారు. జిల్లా వైద్యాధికారి ఏంజెలా ఆల్ఫ్రెడ్‌, ఈఈ పీఆర్‌ సుదర్శన్‌రెడ్డి, వైద్య కళాశాల ప్రిన్సిపాల్‌ రాజేశ్వరి, వేములవాడ ఏరియా ఆస్పత్రి సూపరింటెండెంట్‌ సుభాషిణి, వైద్యులు సంతోష్‌కుమార్‌ పాల్గొన్నారు. విద్యార్థులకు అభినందనలు ఆర్టులో రాణిస్తున్న బోయినపల్లిలోని గురుకుల విద్యాలయానికి చెందిన పదో తరగతి విద్యార్థులు కె.వెంకటేశ్‌బాబు, కె.కార్తీక్‌ కె.శ్రీవాస్తవ్‌, యు.రాణా ప్రతాప్‌లను కలెక్టర్‌ అభినందించారు. బోయినపల్లి మండల ప్రత్యేకాధికారి, జిల్లా ఉద్యానవన శాఖ అధికారి శరత్‌బాబు, కళాశాల ప్రిన్సిపాల్‌ విశ్వనాథం, ఆర్ట్‌ టీచర్‌ వీణాదేవి పాల్గొన్నారు. తాగునీటి ఇబ్బందులు రానీయొద్దు జిల్లాలో తాగునీటి ఇబ్బందులు రానీయొద్దని కలెక్టర్‌ ఆదేశించారు. ఎల్‌నినో ప్రభావం.. వేసవి కాల ప్రణాళికపై మిషన్‌ భగీరథ అధికారులతో సమీక్షించారు. అగ్రహారం, రుద్రవరం పంప్‌హౌస్‌లలోని పంపుసెట్లను ఎప్పుడూ సిద్ధంగా ఉంచాలన్నారు. మిషన్‌ భగీరథ ఎస్‌ఈ రాములు, ఈఈలు ముజాహిద్‌ అన్వర్‌, సుమలత, డిప్యూటీ ఎగ్జిక్యూటీవ్‌ ఇంజినీర్లు రాము, విశ్వన్‌ పాల్గొన్నారు. ఆలయ అభివృద్ధి పనులపై సమీక్ష వేములవాడ శ్రీరాజరాజేశ్వరస్వామి ఆలయ విస్తరణ, అభివృద్ధి పనులపై రాష్ట్ర దేవాదాయ శాఖ ప్రిన్సిపల్‌ సెక్రటరీ శైలజా రామయ్యర్‌ వీడియో కాన్ఫరెన్స్‌లో హైదరాబాద్‌ నుంచి సమీక్షించారు. కలెక్టర్‌తోపాటు ఆర్‌అండ్‌బీ సీఈ రాజేశ్వర్‌రెడ్డి, దేవాదాయశాఖ ధార్మిక సలహాదారు గోవిందహరి పాల్గొన్నారు.

తంగళ్లపల్లి: ప్రజలకు పారదర్శకమైన, మెరుగైన పోలీస్‌ సేవలందించాలని ఎస్పీ మహేశ్‌ బీ గీతే సూచించారు. తంగళ్లపల్లి పోలీస్‌స్టేషన్‌ ను శుక్రవారం తనిఖీ చేశారు. స్టేషన్‌ పరిధిలో నమోదైన కేసులు, పెండింగ్‌ కేసుల పురోగతి, రికార్డుల నిర్వహణను పరిశీలించారు. రౌడీషీటర్లు, పాత నేరస్తులపై నిఘా, పెట్రోలింగ్‌ వ్యవస్థ అమలు తదితర అంశాలపై అధికారులతో సమీక్షించారు. విజిబుల్‌ పోలీసింగ్‌ ద్వారానే ప్రజల్లో పూర్తిస్థాయి భద్రతాభావం కలుగుతుందన్నారు. గ్రామాల్లో రాత్రి వేళల్లో పెట్రోలింగ్‌ ముమ్మరం చేయాలని ఆదేశించారు. యువత మాదకద్రవ్యాలు, సైబర్‌ నేరాల బారిన పడకుండా ముందస్తు జాగ్రత్తగా విద్యాసంస్థల్లో అవగాహన కార్యక్రమాలు చేపట్టాలని సూచించారు. సిరిసిల్ల డీఎస్పీ నాగేంద్రచారి, రూరల్‌ సీఐ నాగేశ్వరరావు, తంగళ్లపల్లి ఎస్సై సిరిసిల్ల అశోక్‌ పాల్గొన్నారు.సిరిసిల్ల: బాలల భద్రత ప్రతి ఒక్కరి బాధ్యత అని పోక్సో కోర్టు ప్రత్యేక జిల్లా న్యాయమూర్తి రాధిక జైస్వాల్‌ పేర్కొన్నారు. స్థానిక అంబేడ్కర్‌నగర్‌ హైస్కూల్‌లో శుక్రవారం ‘సురక్షిత్‌ బచ్పన్‌ అభియాన్‌’ అవగాహన సదస్సు నిర్వహించారు. రాధికా జైస్వాల్‌ మాట్లాడుతూ పిల్లల రక్షణ, హక్కులు, వ్యక్తిగత భద్రతపై అవగాహన ఉండాలన్నారు. వేధింపులు, అనుచిత ప్రవర్తన ఎదురైతే భయపడకుండా సంబంధిత అధికారులకు తెలియజేయాలని సూచించారు. మంచి స్పర్శ, చెడు స్పర్శ మధ్య తేడాను గుర్తించడం గురించి వివరించారు. పిల్లలు తమకు ఎదురయ్యే వేధింపులపై నిర్భయంగా స్కూళ్లలో ఏర్పాటు చేసిన ఫిర్యాదుల పెట్టె ద్వారా తెలియజేయాలని కోరారు. రాష్ట్ర న్యాయ సేవాధికార సంస్థ రూపొందించిన అవగాహన కరపత్రాలను పంపిణీ చేశారు. హెచ్‌ఎం ఎన్‌.రమాదేవి, ప్రభుత్వ న్యాయవాది కల్యాణ్‌ చక్రవర్తి, లోక్‌ అదాలత్‌ సభ్యుడు చింతోజు భాస్కర్‌, న్యాయవాదులు ఆడెపు వేణు, పెంట శ్రీనివాస్‌, కుంట శ్రీనివాస్‌, కళ్యాణి, జైశ్వర్య పాల్గొన్నారు. సిరిసిల్లటౌన్‌: ఓటరు జాబితా సవరణపై కాంగ్రెస్‌ పార్టీ దుష్ప్రచారం చేస్తోందని బీజేపీ జిల్లా అధ్యక్షుడు రెడ్డబోయిన గోపి పేర్కొన్నా రు. సిరిసిల్లలోని తన నివాసంలో శుక్రవారం ప్రెస్‌మీట్‌లో మాట్లాడారు. దేశానికి స్వాతంత్య్రం వచ్చినప్పటి నుంచే ఎన్నికల వ్యవస్థలో భాగంగా ఓటరు జాబితా సవరణ ప్రక్రియ నిరంతరం కొనసాగుతోందన్నారు. దీనిని తమ సొంత కార్యక్రమంగా ప్రచారం చేస్తూ ప్రజలను తప్పుదోవ పట్టించే ప్రయత్నాన్ని తప్పుబట్టారు. చనిపోయిన వ్యక్తుల పేర్లు జాబితాలో కొనసాగడం, ఒకే వ్యక్తికి రెండు లేదా అంతకంటే ఎక్కువ చోట్ల ఓట్లు నమోదు కావడం వంటి లోపాలను గుర్తించి సరిచేయ డం ఎన్నికల ప్రక్రియలో అత్యంత కీలకమన్నా రు. ఓటర్ల జాబితా సవరణ అనేది రాజ్యాంగబద్ధమైన ఎన్నికల ప్రక్రియలో భాగమన్నారు. నిబంధనలకు లోబడే ఓటర్ల వివరాలను పరిశీలించి, అవసరమైన మార్పులు, చేర్పులు, తొలగింపులు చేపడుతున్నారని వివరించారు. కొండ నరేశ్‌, శ్రీధర్‌రెడ్డి పాల్గొన్నారు. వేములవాడఅర్బన్‌: భూముల రీసర్వేలో ప్రభుత్వ భూములు, పట్టా భూములకు సంబంధించిన సరిహద్దులు పక్కాగా నమోదు చేయాలని అదనపు కలెక్టర్‌ గడ్డం నగేశ్‌ అధికారులను ఆదేశించారు. వేములవాడ మండలం రుద్రవరంలో చేపడుతున్న భూముల రీసర్వే ప్రక్రియను శుక్రవారం పరిశీలించారు. డీఐ రాజేంద్రప్రసాద్‌, నాయబ్‌ తహసీల్దార్‌ లీలారాణి, నీటి పారుదల శాఖ అధికారులు పాల్గొన్నారు.

● మురికి నీరు.. పచ్చని నాచు ● కలుషితమైన వాగు జలాలు ● దోమలకు ఆవాసం.. రోగాలకు నిలయంవేములవాడ: ఆధ్యాత్మిక పట్టణాన్ని ఆనుకుని ప్రవహించే మూలవాగు కంపుకొడుతుంది. పట్టణం నుంచి వచ్చే మురికినీరు వాగులోనే చేరుతుండడంతో జలాలు కలుషితమవుతున్నాయి. స్వచ్ఛమైన నీటితో పారాల్సిన మూలవాగులో మురికినీరు ప్రవహిస్తోంది. నాచు పెరిగి, చెత్తాచెదారం నిండి, పిచ్చిమొక్కలతో దర్శనమిస్తోంది. వాగు పరిసరా ల్లోకి వెళ్తే ముక్కుపటాలు అదిరేంత వాసన వస్తున్నా అధికారులు మాత్రం పట్టించుకోవడం లేదు. పర్యావరణానికి ముప్పు.. ప్రజారోగ్యానికి ప్రమాదం మూలవాగులో మురుగునీరు నిలిచిపోవడం పర్యావరణానికి ఆందోళనకరంగా మారింది. నిల్వ ఉన్న నీటిలో దోమలు వృద్ధి చెందుతున్నాయి. దుర్వాసనతోపాటు దోమల బెడద పెరిగి పరిసర ప్రాంతాల ప్రజలు రోగాల బారిన పడుతున్నారు. నీటిలో ఆక్సిజన్‌ స్థాయిలు తగ్గి జలచరాల మనుగడకు కూడా ముప్పు వాటిల్లుతుంది. మూలవాగు ప్రక్షాళనపై శ్రద్ధ పెట్టాలని పట్టణ ప్రజలు కోరుతున్నారు.

సిరిసిల్ల: ఒక్క ఎకరం వరి సాగుచేయాలంటే 35 నుంచి 40 లక్షల లీటర్ల నీరు అవసరమవుతుంది. అదే నీటితో ఆరు ఎకరాల్లో మక్క, పది ఎకరాల్లో జొన్న సాగు చేయొచ్చు. కూరగాయలు అయితే ఆరు ఎకరాల్లో రకరకాల పంటలు పండించవచ్చని జిల్లా వ్యవసాయాధికారి అఫ్జల్‌బేగం తెలిపారు. ఎల్‌నినో నేపథ్యంలో జిల్లాలో యాసంగి సాగు ప్రణాళిక.. రైతులు పాటించాల్సిన జాగ్రత్తలను శుక్రవారం ‘సాక్షి’కి వివరించారు. ఆమె మాటల్లోనే... ఎల్‌నినో పరిస్థితులు జిల్లాలోనూ స్పష్టంగా కనిపిస్తున్నాయి. గతంతో పోల్చితే ఈ ఏడాది వర్షపాతం తక్కువగా ఉండడంతో జిల్లాలో ఇప్పటికే భూగర్భ జలాలు అడుగంటిపోయాయి. వేములవాడ అర్బన్‌ మండలంలో ఏకంగా 15.39 మీటర్ల లోతుల్లోకి భూగర్భ నీటి మట్టం పడిపోయింది. సిరిసిల్ల మండల పరిధిలో 14.62 మీటర్ల లోతులోకి వెళ్లాయి. ఇలాంటి పరిస్థితుల్లో రైతులు ఇప్పుడు నీరున్నా ఫిబ్రవరి, మార్చి నాటికి నీటి లభ్యత తగ్గుతుంది. దాన్ని దృస్టిలో ఉంచుకుని ఆరుతడి పంటలు వేసుకుంటే మంచిది. మేం ఎంత వద్దన్నా కొందరు రైతులు వరిపంట వేస్తారు. నీరు ఉన్న రైతులు నార్లు పోసుకుంటా రు. తమ ఇంటి పోషణకై నా సన్నవడ్లు పండించుకుంటామంటూ విత్తనాలు కొని, వరి సాగుచేస్తారు. రైతులు తమకు ఇష్టమొచ్చిన పంటలు సాగు చేసుకోవచ్చు. వారిపై ఎలాంటి ఆంక్షలు లేవు. డిక్లరేషన్‌ ఇవ్వాలని నిబంధనలూ లేవు. రైతులు దుకాణాల్లో ఏది కొనుగోలు చేసినా బిల్లు పొందాలి. ఎల్‌నినో నేపథ్యంలో మా వ్యవసాయశాఖ వద్ద ఉన్న రైతుల ఫోన్లకు వరి వద్దంటూ మెసేజ్‌లు ఇస్తున్నాం. జిల్లాలోని 1.30 లక్షల మంది రైతులు టెక్ట్స్‌ మెసేజ్‌లు పంపిస్తున్నాం. ప్రతీ వారం రైతులకు మెసేజ్‌ ఇస్తూ అప్రమత్తం చేస్తున్నాం. గతేడాది యాసంగిలో 1.90 లక్షల ఎకరాల్లో వరిపంట వేశారు. ఈసారి ఎల్‌నినో ప్రభావం నేపథ్యంలో 60వేల ఎకరాలకు పరిమితం అవుతుందని అంచనా వేశాం. జిల్లాలో రైతులకు అవసరమైన అన్ని రకాల విత్తనాలు అందుబాటులో ఉన్నాయి. కంది, మొక్కజొన్న, సెనగ, పొద్దుతిరుగుడు వంటి పంటలు సాగు చేసుకోవాలని మా అధికారులు రైతులకు చెబుతున్నారు. రైతులు వారి భూసారాన్ని, భూమి రకాన్ని బట్టి విత్తుకుంటారు. ఆరుతడి పంటల విస్తీర్ణం పెరుగుతుంది. గతం కంటే రెండింతలు ఆరుతడి పంటలు వేస్తారు. మరోవైపు కూరగాయల సాగు ప్రోత్సహిస్తున్నాం. ఆయిల్‌పామ్‌ వేసుకోవాలని చెబుతున్నారు. గతంలో కంటే రైతుల్లో ఆయిల్‌పామ్‌ సాగుపై అవగాహన పెరిగింది. జిల్లాలో 3,018 ఎకరాల్లో ఆయిల్‌పామ్‌ సాగైంది. ఈ ఏడాది లక్ష్యం మేరకు మొక్కలు సరఫరా చేస్తున్నారు. ఆయిల్‌పామ్‌తోపాటు అంతరపంటల సాగుతో అదనపు దిగుబడి వస్తుంది. మొక్కలు నాటిన క్షేత్రాల్లో డ్రిప్‌ ద్వారా నీటి వసతి కల్పిస్తున్నాం. జిల్లాలో కూరగాయలను సాగు చేసే రైతులకు సబ్సిడీపై డ్రిప్‌, స్ప్రింక్లర్లను అందిస్తున్నాం. కలెక్టర్‌ గరీమా అగ్రవాల్‌ ప్రతీ మంగళవారం క్షేత్రస్థాయిలో కూరగాయల సాగు పరిశీలిస్తున్నారు. తక్కువ నీటి వినియోగంతో ఎక్కువ విస్తీర్ణంలో కూరగాయలను పండిస్తున్న రైతుల అనుభవాలను తెలుసుకుంటున్నారు. ఆసక్తి గల రైతులకు సబ్సిడీపై డ్రిప్‌, స్ప్రింక్లర్లను అంది స్తాం. ఎల్‌నినో నేపథ్యంలో జిల్లాలో రైతులు కరువు పరిస్థితులను, విద్యుత్‌ సరఫరా అంచనా వేసుకుంటూ.. ఏ పంటనైనా సాగు చేసుకోవా లి. ఇప్పుడు నీరుందని పంటలు వేసి రేపు ఎండిపోతే బాధపడొద్దు. రైతులు ఆరుతడి పంటలు వేస్తే.. బహుముఖ ప్రయోజనాలు ఉంటాయి. యాసంగి సీజన్‌కు సరిపోయేన్ని విత్తనాలు, ఎరువులను అందుబాటులో ఉంచుతున్నాం.

● సిరిసిల్లలో వెలగని వీధిదీపాలు ● దొంగలు, విషపురుగుల భయం ● విలీన గ్రామాల్లో పట్టించుకోని అధికారులుసిరిసిల్ల పరిధిలో లైట్ల వివరాలు18 వాట్స్‌ 6,68635 వాట్స్‌ 1,00070 వాట్స్‌ 250110 వాట్స్‌ 461190 వాట్స్‌ 50సిరిసిల్లటౌన్‌: కార్మికక్షేత్రంలోని కాలనీల్లో కారుచీకట్లు కమ్ముకున్నాయి. ఒకప్పుడు వందశాతం ఎల్‌ఈడీ లైట్లు వినియోగించి ఆదర్శంగా నిలిచిన సిరిసిల్లలోని పలు కాలనీల్లో నేడు అంధకారం అలుముకుంది. విలీన గ్రామాల్లో పరిస్థితి మరీ అధ్వానంగా తయారైంది. రోడ్లపై స్తంభాలు కనిపిస్తున్నా, వాటిపై లైట్లు వెలగడం లేదు. రాత్రి అంతర్గత కాలనీల్లో చీకట్లు కమ్ముకుని ప్రమాదాలు సైతం జరుగుతున్నాయి. వెన్నెల వెలుగుల నుంచి కారుచీకట్లు గతంలో ఎల్‌ఈడీ వెలుగులతో నిండిపోయిన సిరిసిల్లలోని పలు అంతర్గత కాలనీల్లో నేడు అంధకారం నెలకొంది. ఇటీవల సీఎం రేవంత్‌రెడ్డి పర్యటన నేపథ్యంలో డివైడర్ల మధ్య, రగుడు జంక్షన్‌లో లైట్లు పెట్టించినా.. కాలనీలు, ఇతర ప్రాంతాల్లో చీకట్లు కమ్ముకోవడం విమర్శలకు తావిస్తోంది. పెద్దూరు డబుల్‌బెడ్రూం కాలనీలో స్తంభాలు ఉన్నా లైట్లు అమర్చలేదు. అంబికానగర్‌లో నిర్వహణ లోపం కనిపిస్తోంది. చీకటిని ఆసరాగా చేసుకుని దొంగతనాలు పెరిగిపోతున్నాయి. మార్కెట్‌పల్లి, బల్యాలనగర్‌, గణేశ్‌నగర్‌, తారకరామానగర్‌, బీవైనగర్‌, ఇందిరానగర్‌, విద్యానగర్‌, నెహ్రూనగర్‌, జేపీనగర్‌, పద్మనగర్‌, వెంకంపేట, ఆసిఫ్‌పుర, అశోక్‌నగర్‌, సాయినగర్‌, సర్దాపూర్‌, బోనాల, పెద్దబోనాల, రాజీవ్‌నగర్‌, చంద్రంపేటల్లో లైట్లు వెలగడం లేదు.

సిరిసిల్ల: కుష్ఠును ప్రారంభ దశలోనే గుర్తించి చికిత్స అందించడం ద్వారా అంగవైకల్యాన్ని నివారించవచ్చని జిల్లా వైద్యాధికారి ఏంజెలా ఆల్ఫ్రెడ్‌ పేర్కొన్నారు. జిల్లాలో నిర్వహిస్తున్న ఎల్‌సీడీసీ(లెప్రసీ కేస్‌ డిటెక్షన్‌ క్యాంపెయిన్‌) సర్వేను రాష్ట్ర పరిశీలకులు డాక్టర్‌ రాజు, డీపీఎంవో వెంకటేశ్వరాచారి శుక్రవారం పరిశీలించారు. జిల్లా వైద్యాధికారి మాట్లాడుతూ జిల్లాలో నిర్వహిస్తున్న సర్వేకు ప్రజలు ఆరోగ్య సిబ్బందికి సహకరించాలన్నారు. పట్టణంలోని సుందరయ్యనగర్‌, అంబేడ్కర్‌నగర్‌ అర్బన్‌ హెల్త్‌ సెంటర్ల పరిధిలో నిర్వహిస్తున్న ఇంటింటి కుష్ఠు గుర్తింపు సర్వేను పర్యవేక్షించారు. సర్వేలో నిర్లక్ష్యం లేకుండా ప్రతీ ఇంటిని సందర్శించాలని సూచించారు. కుష్ఠు లక్షణాలు ఉన్నవారికి పరీక్షలు నిర్వహించాలన్నారు. ప్రోగ్రాం ఆఫీసర్‌ డాక్టర్‌ రామ్‌రెడ్డి, వైద్యాధికారులు సాహితి, రేఖ, డీపీఎంవో దేవ్‌సింగ్‌ పాల్గొన్నారు.

వేములవాడ: ఆధ్యాత్మిక పట్టణం.. దక్షిణకాశీ.. అభివృద్ధికి జాడగా నిలుస్తోంది. ఇటీవల చేపట్టిన పనులతో వేములవాడ రూపురేఖలు మారిపోతున్నాయి. మూలవాగు బ్రిడ్జి నుంచి ప్రధాన ఆలయం వరకు 80 ఫీట్ల రోడ్డు, రాజన్న ఆలయ అభివృద్ధి, విస్తరణ పనులు, బద్దిపోచమ్మ గడి అభివృద్ధి పనులతో ఆధ్యాత్మికాభివృద్ధి చెందుతోంది. రూ.47 కోట్లతో భూసేకరణ రోడ్డు విస్తరణకు ప్రభుత్వం రూ.47 కోట్ల భారీ మొ త్తాన్ని కేటాయించి భూసేకరణ పూర్తి చేసింది. రాజన్న గుడి నుంచి మూలవాగు బ్రిడ్జి వరకు రూ.6.50 కోట్లతో డబుల్‌ రోడ్డు పనులను వేగవంతంగా చేపట్టింది. గతంలో ట్రాఫిక్‌ జామ్‌లతో నిత్యం ఇబ్బందులు పడ్డ భక్తులు, స్థానికులకు ఇ ప్పుడు విశాలమైన రోడ్డు స్వాగతం పలుకుతుంది. రూ.2.50 కోట్లతో ఆధ్యాత్మిక వెలుగులు 80 ఫీట్ల రోడ్డుకు మరింత అందం అద్దేందుకు రూ.2.50 కోట్లతో అత్యాధునిక సెంట్రల్‌ లైటింగ్‌, విద్యుత్‌ స్తంభాలపై నంది, త్రిశూలం, ఢమరుకం ఆకారాల్లో లైట్లను బిగించనున్నారు. త్వరలోనే ఈ రోడ్డును ప్రారంభించేందుకు అధికారులు ఏర్పాట్లు చేస్తున్నారు.

సిరిసిల్లటౌన్‌: సమస్యలు పరిష్కరించాలని కోరుతూ మున్సిపల్‌ కార్మికులు గురువారం ధర్నా చేపట్టారు. సీఐటీయూ ఆధ్వర్యంలో కార్మికులు ఆఫీస్‌ ఎదుట బైఠాయించారు. నవంబర్‌ 5 నుంచి పనులు బంద్‌ చేసి సమ్మె చేస్తామని హెచ్చరించారు. మున్సిపల్‌లో పనిచేస్తూ చనిపోయిన, 60 ఏళ్లు పైబడి రిటైర్మెంట్‌ పొందిన కార్మికుల స్థానాల్లో వారి కుటుంబ సభ్యులను వెంటనే పనిలో పెట్టుకోవాలని కోరారు. 2009 నుంచి 2012 వరకు పెండింగ్‌లో ఉన్న ఈపీఎఫ్‌ సమస్య పరిష్కరించాలని డిమాండ్‌ చేశారు. ఈమేరకు కమిషనర్‌ ఎం.ఎ.ఖదీర్‌పాషాకు వినతిపత్రం అందజేశారు. నాయకులు కోడం రమణ, మూశం రమేశ్‌, సూరం పద్మ, కోల శ్రీనివాస్‌, కాసర్ల శంకర్‌, దేవరాజు, బాబా కిషన్‌, విజయ, ఉమ, లక్ష్మి, భారతి, ఏసవ్వ, శ్రీనివాస్‌, మల్లేశం పాల్గొన్నారు.

సిరిసిల్ల: జిల్లాలో వాల్టా చట్టం ప్రకారం కొత్త బోర్లు వేసేందుకు తహసీల్దార్‌ వద్ద అనుమతి తీసుకోవాలని బోర్‌వెల్‌ యజమానులను కలెక్టర్‌ గరీమా అగ్రవాల్‌ సూచించారు. కలెక్టరేట్‌లో గురువారం భూగర్భ జలశాఖ ఆధ్వర్యంలో బోర్‌వెల్‌ యజమానులతో సమావేశం నిర్వహించారు. కలెక్టర్‌ మాట్లాడుతూ సూపర్‌ ఎల్‌నినో నేపథ్యంలో భూగర్భ జలాలు తగ్గిపోతున్న నేపథ్యంలో తాగునీటి అవసరాలకే బోర్లు వేయాలన్నారు. బోర్‌వెల్‌ యజమానులు భూగర్భ జలశాఖ వద్ద రిజిస్ట్రేషన్‌ చేసుకోవాలని ఆదేశించారు. భూగర్భ జల శాఖ డీడీ నాగరాజు, డీఏవో అఫ్జల్‌బేగం, కలెక్టరేట్‌ పర్యవేక్షకులు వైశాలి పాల్గొన్నారు. ఇందిరమ్మ ఇళ్లు వేగంగా పూర్తి చేయండి జిల్లాలో ఇందిరమ్మ ఇళ్ల నిర్మాణాలు వేగంగా పూర్తి చేయించాలని కలెక్టర్‌ గరీమా అగ్రవాల్‌ ఆదేశించారు. కలెక్టరేట్‌ నుంచి మండల ప్రత్యేక అధికారులు, ఎంపీడీవోలు, హౌసింగ్‌ ఏఈలతో వీడియో కాన్ఫరెన్స్‌ ద్వారా సమీక్షించారు. జిల్లాలో ఇప్పటి వరకు 6,465 ఇళ్లకు ముగ్గు పోశామని, 5,479 ఇళ్లు బేస్మెంట్‌ లెవెల్‌, 4,858 ఇళ్లు గోడల లెవెల్‌, 4,585 స్లాబ్‌, 3,934 పూర్తయ్యాయని వివరించారు. ఉత్తమ పనితీరు ప్రదర్శించిన బోయినపల్లి, ఇల్లంతకుంట మండలాల అధికారులను కలెక్టర్‌ అభినందించారు. ఇన్‌చార్జి హౌసింగ్‌ ప్రాజెక్ట్‌ డైరెక్టర్‌ ఖాజా ముజాఫరొద్దీన్‌, ఇన్‌చార్జి డీపీవో వీరభద్రయ్య పాల్గొన్నారు. ఆయిల్‌పామ్‌తో దీర్ఘకాలిక ఆదాయం ఆయిల్‌పామ్‌ సాగు ద్వారా రైతులకు దీర్ఘకాలిక ఆదాయం వస్తుందని కలెక్టర్‌ గరీమా అగ్రవాల్‌ పేర్కొన్నారు. ఉద్యానశాఖ, ప్రి–యూనిక్‌ కంపెనీ, డ్రిప్‌ కంపెనీల ప్రతినిధులతో ఆయిల్‌పామ్‌ సాగుపై కలెక్టర్‌ సమీక్షించారు. జిల్లాలో 3,018 ఎకరాల్లో ఆయిల్‌పామ్‌ సాగైందని, 1,076 ఎకరాల్లో 1,743 టన్నుల పంట దిగుబడితో రైతులకు రూ. 3.78 లక్షల ఆదాయం సమకూరిందని అధికా రులు వివరించారు. జిల్లా ఉద్యానవన శాఖ అధి కారి ఆర్‌.శరత్‌బాబు, డీఏవో అఫ్జల్‌బేగం పాల్గొన్నారు.

ఎల్లారెడ్డిపేట: ఈ సీజన్‌లో రైతులకు ఇబ్బందుల్లేకుండా ధాన్యం కొనుగోళ్లు చేపట్టాలని జిల్లా సహకార అధికారి టి.రామకృష్ణ, సింగిల్‌విండో చైర్మన్‌ గుండారపు కృష్ణారెడ్డి కోరారు. మండల కేంద్రంలోని పీఏసీఎస్‌ కార్యాలయంలో మూడు సహకార సంఘాల పరిధిలోని కేంద్రాల ఇన్‌చార్జీలు, ట్యాబ్‌ ఆపరేటర్లు, సిబ్బందికి గురువారం అవగాహన కల్పించారు. కృత్రిమ మేథస్సుపై అవగాహనగంభీరావుపేట: ప్రభుత్వ డిగ్రీ, పీజీ కళాశాలలో గురువారం విద్యార్థులకు కృత్రిమ మేథస్సుపై అవగాహన కల్పించారు. ఏఐ వినియోగం, డిజిటల్‌ నైపుణ్యాలు, భవిష్యత్‌లో ఉపాధి అవకాశాల గురించి అవగాహన కల్పించారు. ఏఐఎస్‌ఈసీటీ ప్రతి నిధి సంపత్‌కుమార్‌, వైస్‌ ప్రిన్సిపాల్‌ ప్రభాకర్‌, కెరీ ర్‌ గైడెన్స్‌ సెల్‌ కన్వీనర్‌ శ్రావణ్‌కుమార్‌ ఉన్నారు.

కోనరావుపేట: తమ గ్రామంలో ఇసుకరీచ్‌ రద్దు చేయాలని మామిడిపల్లి రైతులు గురువారం ఆందోళన చేపట్టారు. వీరి ఆందోళనతో వందలాది ట్రాక్టర్లు నిలిచిపోయాయి. మాజీ సర్పంచ్‌ బడుగు లక్ష్మణ్‌ మాట్లాడుతూ కనగర్తి రీచ్‌ పేరిట డీడీలు చె ల్లించి మామిడిపల్లి శివారులోని బావుల వద్ద ఇసుక తవ్వుతున్నారన్నారు. మామిడిపల్లి, కనగర్తి గ్రామాల సరిహద్దు ఏర్పాటు చేయాలని కోరుతు న్నా అధికారులు పరిష్కరించడం లేదన్నారు. తహసీల్దార్‌ వరలక్ష్మి, డిప్యూటీ తహసీల్దార్‌ ప్రవీణ్‌కుమార్‌, ఎస్సై రామ్మోహన్‌, ఆర్‌ఐ సంతోష్‌ చేరుకుని రైతులతో మాట్లాడడంతో శాంతించారు. ఎల్లయ్య, సుదర్శన్‌రెడ్డి, మల్లేశం, బాపురావు, బాబు, శంకర్‌, గంగయ్య, లింబయ్య పాల్గొన్నారు.

సిరిసిల్ల: విద్యార్థులు ఉన్నత లక్ష్యాలతో పట్టుదలగా చదవాలని సిరిసిల్ల రెండో అదనపు జూనియర్‌ సివిల్‌ జడ్జి గడ్డం మేఘన కోరారు. స్థానిక గీతానగర్‌ బాలికల జెడ్పీ హైస్కూల్‌లో బాలల హక్కులపై అవగాహన కల్పించేందుకు గురువారం ‘సురక్షిత్‌ బచ్‌పన్‌ అభియాన్‌’ నిర్వహించారు. మేఘన మాట్లాడుతూ విద్యార్థులు పట్టుదల, క్రమశిక్షణతో నిరంతరం కృషిచేయాలన్నారు. పోక్సో చట్టం ప్రకా రం పిల్లలపై లైంగిక వేధింపులు, అనుచిత ప్రవర్తనకు సంబంధించిన సంఘటనలు జరిగినప్పుడు వాటిని నిర్భయంగా సంబంధిత అధికారుల దృష్టికి తీసుకురావాలని సూ చించారు. బాధితు ల వ్యక్తిగత వివరాల గోప్యతను కాపాడాలన్నారు. స్కూల్‌ ఇన్‌చార్జి హెడ్‌ మాస్టర్‌ ఎం.తిరుపతి, లోక్‌ అదాలత్‌ స భ్యులు చింతోజు భాస్కర్‌, న్యాయవాదులు ఆడెపు వేణు, కళ్యాణి, కుంట శ్రీనివాస్‌ పాల్గొన్నారు. ప్రమాద బాధితులకు నగదు రహిత వైద్యసేవలుసిరిసిల్ల: జిల్లాలో రోడ్డు ప్రమాదాల బాధితులకు నగదు రహిత వైద్యసేవలు అందుబాటులో ఉన్నాయని, ఏడు ఆస్పత్రుల్లో వైద్యసేవలు అందిస్తారని ఎస్పీ మహేశ్‌ బీ గీతే గురువారం తెలిపారు. జిల్లాలో ఎక్కడైనా.. ఎప్పుడైనా.. రోడ్డు ప్రమాదాలు జరిగితే.. గాయపడిన బాధితులకు సకాలంలో వైద్యచికిత్స అందించి, వారి ప్రాణాలను కాపాడే లక్ష్యంతో కేంద్ర ప్రభుత్వం అమలు చేస్తున్న పీఎం రహత్‌(పీఎం ఆర్‌ఏహెచ్‌టీ) పథకంపై ప్రజలు అవగాహన కలిగి ఉండాలన్నారు. జిల్లా పరిధిలో ఏడు ఆస్పత్రుల్లో ఈ పథకం అమలులో ఉందన్నారు. రోడ్డు ప్రమాద బాధితులకు అర్హతలు, నిబంధనలకు అనుగుణంగా రూ.1.50 లక్షల వరకు ఏడు రోజులపాటు నగదు రహిత వైద్యం పొందవచ్చని స్పష్టం చేశారు. రోడ్డు ప్రమాదం జరిగిన వెంటనే క్షతగాత్రులను సమీపంలోని ఆస్పత్రికి తరలించి, అత్యవసర చికిత్స అందేలా సహకరించాలని కోరారు. రోడ్డు ప్రమాద బాధితులకు సహాయం చేయడానికి ప్రజలు ముందుకు రావాలని కోరారు. అత్యవసర పరిస్థితుల్లో 112కు కాల్‌ చేసి పోలీసుల సహాయం పొందాలని తెలిపారు. శ్రీవారి ఆదాయం రూ.10.69 లక్షలు సిరిసిల్లటౌన్‌: శ్రీశాల శ్రీలక్ష్మీవేంకటేశ్వరస్వామి బ్రహ్మోత్సవాల సందర్భంగా భక్తుల ద్వారా వచ్చిన ఆదాయాన్ని గురువారం దేవాదాయ శాఖ అధికారులు లెక్కించారు. ఈ ఏడాది బ్రహ్మోత్సవాల ఆదాయం రూ.10,69,437 వచ్చిందని ఆలయ ఈవో మారుతిరావు ప్రకటించారు. ఈవో మాట్లాడుతూ గతేడాది కంటే ఈ యేడు ఆదాయం అధికంగా వచ్చిందన్నారు. హుండీ ద్వారా రూ.4,31,287, రథంపై దర్శనం టికెట్లు రూ.3,45,710, కొబ్బరి ముక్కలు రూ.33వేలు, లడ్డూ, పులిహోర ప్రసాదాలు రూ.2,59,440 వచ్చినట్లు వివరించారు. గతేడాది రూ.8,17,608 రాగా ఈ సంవత్సరం రూ.2,51,829 అధికంగా వచ్చిందని తెలిపా రు. డీసీసీ అధ్యక్షుడు సంగీతం శ్రీనివాస్‌, ఏఈవోలు పీసరి రవీందర్‌, కూనబోయిన సత్యం, ఆలయ మాజీ చైర్మన్లు ఉప్పుల విఠల్‌రెడ్డి, చేపూరి నాగరాజు పాల్గొన్నారు.

ఇరుకుబాటకు కాలం చెల్లింది. విశాల వేములవాడగా మారుతుంది. రాజన్న ఆలయ మెయిన్‌ రోడ్డుకు మహర్దశ కలిగింది. 80 ఫీట్ల రోడ్డుతో సరికొత్త కాంతులు వస్తున్నాయి. ఇందుకు నిర్వాసితుల త్యాగాలు వెలకట్టలేనివి. ప్రభుత్వ పరంగా వారిని అన్ని విధాలుగా ఆదుకుంటాం. వేములవాడను టెంపుల్‌సిటీగా మార్చేందుకు సీఎం రేవంత్‌రెడ్డి, మంత్రులు పొన్నం ప్రభాకర్‌, శ్రీధర్‌బాబు, అడ్లూరి లక్ష్మణ్‌ సహకరిస్తున్నారు. వేములవాడను వెన్నెలవాడగా చేయడమే లక్ష్యంగా ముందుకు సాగుతున్నాం. – ఆది శ్రీనివాస్‌, ప్రభుత్వ విప్‌, వేములవాడ ఎమ్మెల్యే

బోయినపల్లి(చొప్పదండి): అతి వేగం.. ఓవర్‌ లోడ్‌తో రోడ్లు ధ్వంసమవుతున్నాయి. గ్రానైట్‌ బండలతో వస్తున్న లారీలను చూస్తేనే మండల ప్రజలు భయంతో పక్కకు తప్పుకుంటున్నారు. లారీల అతివేగానికి దుమ్ము లేచి ప్రజలు ఇబ్బంది పడుతున్నారు. రోడ్డును ఆనుకుని ఉన్న దుకాణదారులు నిత్యం ఉదయం, మధ్యాహ్నం, సాయంత్రం మూడు పూటల షాపుల ముందు దుమ్ము లేవకుండా నీళ్లు పట్టాల్సిన పరిస్థితులు ఉన్నాయి. పెద్ద..పెద్ద బండలు గంగాధర మండలంలోని పలు గ్రానైట్‌ క్వారీల నుంచి నుంచి బోయినపల్లి, కొదురుపాక గ్రామాల మీదుగా బావుపేట గ్రానైట్‌ ఫ్యాక్టరీలకు నిత్యం పెద్ద మొత్తంలో గ్రానైట్‌ బండలారీలు వెళ్తుంటాయి. నర్సింగాపూర్‌ క్వారీల నుంచి సైతం పెద్ద స్లాబ్‌లను కరీంనగర్‌, బావుపేటలకు తరలిస్తారు. గతంలో కొదురుపాక నుంచి బోయినపల్లి వస్తున్న ఓ గ్రానైట్‌ లారీ బోయినపల్లి పెట్రోల్‌బంక్‌ సమీపంలోని కల్వర్టు వద్ద బోల్తాపడింది. అదృష్టవశాత్తు డ్రైవర్‌కు ఎలాంటి ప్రమాదం జరుగలేదు. మరోసారి కొదురుపాక వద్ద ఓ గ్రానైట్‌ బండ లారీ ఆర్టీసీ బస్సును వెనక నుంచి ఢీకొట్టింది. నర్సింగాపూర్‌, వెంకట్రావుపల్లి రోడ్లపై గతంలో హెవీ లోడ్‌తో ఉన్న లారీలు దిగబడి ట్రాఫిక్‌ జామ్‌ ఏర్పడింది. గంగాధర నుంచి వచ్చే బండ లారీలు బోయినపల్లి బస్టాండ్‌ ప్రాంతంలో విపరీతమైన వేగంతో వెళ్తుండడంతో ప్రయాణికులు భయాందోళన చెందుతున్నారు. గంగాధర– కొదురుపాక–బావుపేట గంగాధర మండలంలోని పలు గ్రామాల నుంచి బోయినపల్లి మండలం కొదురుపాక, వెంకట్రావుపల్లి మీదుగా కొత్తపల్లి మండలం బావుపేట స్లాబ్‌ కటింగ్‌ ఫ్యాక్టరీలకు నిత్యం 15 నుంచి 20 వరకు లారీలలో స్లాబ్‌లు తరలుతున్నాయి. బోయినపల్లి మండలం నర్సింగాపూర్‌ క్వారీల నుంచి సైతం గ్రానైట్‌ లారీలు హెవీలోడ్‌తో వెళ్తున్నాయి. బావుపేట ఫ్యాక్టరీల్లో బండరాళ్లతో స్లాబ్స్‌ కట్‌ చేస్తారు. గంగాధర నుంచి బోయినపల్లి, కొదురుపాక వరకు డబుల్‌ రోడ్డు ఉండడంతో పదుల సంఖ్యలో బండ లారీలు గంగాధర మండలం నుంచి బావుపేటకు వెళ్తుంటాయి. గంగాధర మండలం మీదుగా బోయినపల్లి మండలం కొదురుపాక మీదుగా వెళ్లే బండలారీలు అతివేగంగా వెళ్తుంటాయని ఆరోపణలు ఉన్నాయి. అధిక లోడ్‌ లారీలతో బోయినపల్లి, దేశాయిపల్లి వద్ద రోడ్లు, వంతెనలు పాడవుతున్నాయంటున్నారు. రోడ్లు పాడైతే మట్టి పోసి చేతులు దులుపుకుంటున్నారు. బోయినపల్లిలో దుమ్ము లేవకుండా నీళ్లు పడుతున్న వ్యాపారిదేశాయిపల్లి రోడ్డులో హెవీ లోడ్‌ గ్రానైట్‌ లారీఆర్టీఏ తనిఖీలు శూన్యం.. జాడలేని రోడ్డు భద్రత గంగాధర–కొదురుపాక డబుల్‌ రోడ్డుపై హెవీ లోడ్‌తో వెళ్లే బండ లారీల ఫిట్‌నెస్‌పై ఆర్టీఏ అధికారులు తనఖీలు మరిచారనే ఆరోపణలు ఉన్నాయి. లారీ ఫిట్‌నెస్‌ ఎలా ఉంది..? ఎన్ని టన్నుల్లో స్లాబ్స్‌ తీసుకెళ్లవచ్చు, ఆ లోడ్‌తో రోడ్డుకు ఏమి కాదా అనే అంశాలు పట్టించుకోవడం లేదనే విమర్శలు ఉన్నాయి. కొన్ని చోట్ల లీజ్‌ అగ్రిమెంట్‌లు ముగిసినా యథేచ్ఛగా తవ్వకాలు చేపడుతున్నారని, రాయల్టీ చెల్లించడం లేదనే ఆరోపణలు వినిపిస్తున్నాయి. లీజ్‌ అగ్రిమెంట్ల గురించి అధికారులను అడిగితే తెలియదని దాటవేస్తున్నారు. నర్సింగాపూర్‌, కొత్తపేట క్వారీల్లో అనుమతులకు మించి మైనింగ్‌ చేస్తున్నారని ఆరోపణలు ఉన్నాయి. గ్రానెట్‌ వ్యాపారులు తమ వాహనాలకు ఇబ్బంది కలుగకుండా చూసుకుంటున్నారని వినిపిస్తోంది. గ్రానైట్‌ లారీల వేగానికి కళ్లెం వేసి, రోడ్డు భద్రత చర్యలు చేపట్టేలా చర్యలు తీసుకోవాలని ప్రజలు కోరుతున్నారు.

సిరిసిల్ల: ఒక్క యూనిట్‌ విద్యుత్‌ను పొదుపు చేస్తే.. రెండు యూనిట్లు ఉత్పత్తి చేసినట్లేనని ఎన్పీడీసీఎల్‌ సర్కిల్‌ సూపరింటెండెంట్‌ ఇంజినీర్‌ ఎం.శ్రీనివాస్‌రావు పేర్కొన్నారు. ఎల్‌నినో పరిస్థితుల నేపథ్యంలో ప్రతి ఒక్కరూ విద్యుత్‌ను పొదుపు చేయాల్సిన అవసరం ఉందన్నారు. జిల్లాలో వరి పంట వేయొద్దని, ఆరుతడి పంటలు వేసుకోవాలన్నారు. ఇప్పటికే భూగర్భ జలాలు పాతాళానికి చేరిన నేపథ్యంలో బోరు, మోటార్లు నడిచేందుకు విద్యుత్‌ వినియోగం మరింత పెరిగే అవకాశం ఉందని గురువారం ‘సాక్షి’కి తెలిపారు. ఎల్‌నినో పరిస్థితులను అధిగమించేందుకు జిల్లాలో విద్యుత్‌ పంపిణీ పరంగా తీసుకుంటున్న చర్యలను వివరించారు. ఆయన మాటల్లోనే..

● సీనియర్‌ సివిల్‌ జడ్జి అజయ్‌కుమార్‌ జాదవ్‌ వేములవాడ: విద్యార్థులు చట్టాలపై అవగాహన పెంచుకోవాలని సీనియర్‌ సివిల్‌ జడ్జి అజయ్‌కుమార్‌ జాదవ్‌ అన్నారు. సురక్షిత్‌ బచ్‌పన్‌ అభయాన్‌లో భాగంగా పట్టణంలోని ప్రభుత్వ బాలికల ఉన్నత పాఠశాలలో బుధవారం అవగాహన కార్యక్రమం నిర్వహించా రు. ఆయన మాట్లాడుతూ పద్దెనిమిదేళ్ల పిల్లల కు గుడ్‌ టచ్‌, బ్యాడ్‌ టచ్‌ గురించి అవగాహన కల్పించాలని సూచించారు. డీఎస్పీ శ్రీనివాసులు మాట్లాడుతూ చిన్నపిల్లలపై అఘాయిత్యాలకి పాల్పడేవారిని వదిలిపెట్టేది లేదన్నారు. ఏపీపీ బొడ్డు ప్రశాంత్‌, బార్‌ అసోసియేషన్‌ ఉపాధ్యక్షుడు గొంటి శంకర్‌, జాయింట్‌ సెక్రెటరీ కనికరపు శ్రీనివాస్‌, అడ్వకేట్లు కుంట శ్రీనివాస్‌, శ్రీకాంత్‌, నాయిమ నాసారి, రేగుల రాజకుమార్‌, భీమ మహేష్‌ పాల్గొన్నారు. సిరిసిల్లటౌన్‌/సిరిసిల్ల అర్బన్‌: జిల్లాలో కరువు పరిస్థితులను పరిశీలించి, అర్హత గల మండలాలను కరువు ప్రభావిత మండలాల జాబితాలో చేర్చాలని బీజేపీ జిల్లా అధ్యక్షుడు రెడ్డబోయిన గోపి కోరారు. ఈమేరకు కలెక్టర్‌ గరీమా అగ్రవాల్‌కు బుధవారం వినతిపత్రం అందించారు. జిల్లాలోని పలు మండలాల్లో వర్షాభావం, సాగునీటి కొరతతో రైతులు ఇబ్బంది పడుతున్నారన్నారు. వ్యవసాయ, రెవెన్యూశాఖల ఆధ్వర్యంలో శాసీ్త్రయ సర్వే చేయించాలని కోరారు. నాయకులు లింగంపల్లి శంకర్‌, పొన్నాల తిరుపతిరెడ్డి, ఆసాని రామలింగారెడ్డి, దుమాల శ్రీకాంత్‌ పాల్గొన్నారు. సిరిసిల్ల అర్బన్‌/సిరిసిల్లటౌన్‌: రక్తదానం ప్రాణదానంతో సమానమని, అత్యవసర పరిస్థితుల్లో సహాయపడేందుకు ముందుకురావాలని 17వ బెటాలియన్‌ కమాండెంట్‌ పీజేపీసీ ఛటర్జీ కోరారు. పోలీస్‌ అమరవీరుల సంస్మరణ వారోత్సవాల్లో భాగంగా 17వ(ఐఆర్‌) పోలీస్‌ బెటాలియన్‌లో బుధవారం వాత్సల్య ఫౌండేషన్‌, మిత్రబ్లడ్‌ బ్యాంక్‌ ఆధ్వర్యంలో మెగా రక్తదాన శిబిరం నిర్వహించారు. ఫౌండేషన్‌ అధ్యక్షుడు లింగంపెల్లి ప్రేమ్‌కుమార్‌, తదితరులు పాల్గొన్నారు. ఇల్లంతకుంట: మండలంలోని గాలిపెల్లి హైస్కూల్‌ పదో తరగతి విద్యార్థి మల్లుగారి నిఖిల్‌రెడ్డి జాతీయస్థాయి త్రోబాల్‌ పోటీలకు ఎంపికై నట్లు హెచ్‌ఎం పావని, వ్యాయామ ఉపాధ్యాయుడు సానబాబు తెలిపారు. ఈనెల 30 నుంచి నవంబర్‌ 1 వరకు కోల్‌కతలో జరిగే పోటీల్లో పాల్గొననున్నట్లు వివరించారు. మెడికల్‌ కాలేజీలో 49 అవుట్‌ సోర్సింగ్‌ ఉద్యోగాలుసిరిసిల్ల: జిల్లా మెడికల్‌ కాలేజీ, ప్రభుత్వ జనరల్‌ ఆస్పత్రిలో 49 అవుట్‌ సోర్సింగ్‌ ఉద్యోగాల భర్తీకి దరఖాస్తులు ఆహ్వానిస్తున్నామని మెడికల్‌ కాలేజీ ప్రిన్సిపాల్‌ జే.రాజేశ్వరీ బుధవారం ప్రకటనలో తెలిపారు. నర్సింగ్‌ ఆఫీసర్లు(స్టాప్‌నర్సు బ్లడ్‌ బ్యాంకు) 2, నర్సింగ్‌ ఆఫీసర్లు(స్టాప్‌నర్సు ఐసీయూ) 4, అనస్థీషియా టెక్నీషియన్లు 5, బ్లడ్‌ బ్యాంకు టెక్నీషియన్లు 3, సిటీ, డెంటల్‌ టెక్నీషియన్‌ ఒక్కో పోస్టు, ఈసీజీ టెక్నీషియషన్‌ 2, రేడియోగ్రాఫిక్‌ టెక్నీషియన్‌ 5, కార్పెంటర్‌ 1, ఎలక్ట్రీషియన్‌ 5, టేలర్‌ 1, కటలోగుర్‌(సెంట్రల్‌ రికార్డు) 1, థియేటర్‌ అసిస్టెంట్‌ 1, గ్యాస్‌ ఆపరేటర్‌ 3, ల్యాబ్‌ అటెండర్‌ 2, మేల్‌/ఫీమేల్‌ నర్సింగ్‌ 1, బార్బర్‌ 3, అటెండెంట్‌ 4, వార్డు బాయ్‌ ఒక్క పోస్టు ఖాళీగా ఉందని వివరించారు. అర్హతలున్న అభ్యర్థులు ఈనెల 30 నుంచి నవంబరు 5లోగా దరఖాస్తు చేసుకోవాలని సూచించారు.

సిరిసిల్ల: ప్రజాసంక్షేమమే పోలీసుల కర్తవ్యమని, ప్రజల రక్షణలో అసువులు బాసిన పోలీసు అమరవీరులను స్మరించుకోవడం ప్రతి ఒక్కరి బాధ్యత అని ఎస్పీ మహేశ్‌ బీ గీతే పేర్కొన్నారు. జిల్లా కేంద్రంలో బుధవారం పోలీసు అమరవీరుల సంస్మరణ వారోత్సవాల్లో భాగంగా అంబేడ్కర్‌ సర్కిల్‌ నుంచి మానేరువాగు తీరంలోని బతుకమ్మ ఘాట్‌ వరకు 2కే రన్‌ నిర్వహించారు. ఈ 2కే రన్‌ను ఎస్పీ జెండా ఊపి ప్రారంభించారు. సిరిసిల్ల, వేములవాడ డీఎస్పీలు నాగేంద్రచారి, శ్రీనివాసులు, ఎస్బీ డీఎస్పీ జి.వెంకటేశ్వర్లు, సీఐలు శ్రీనివాస్‌, నాగేశ్వరరావు, వెంకటేశ్‌, ఆర్‌ఐ మధుకర్‌ తదితరులు పాల్గొన్నారు.

● ప్రభుత్వ విప్‌ ఆది శ్రీనివాస్‌రుద్రంగి/కోనరావుపేట : అడవుల్లో సహజసిద్ధంగా ప్రవహిస్తూ వృథాగా పోతున్న నీటిని ఒడిసిపట్టి వన్యప్రాణులతోపాటు సమీప గ్రామాల ప్రజలకు నీటి భద్రత కల్పించేలా చర్యలు చేపడతామని రాష్ట్ర ప్రభుత్వ విప్‌, వేములవాడ ఎమ్మెల్యే ఆది శ్రీనివాస్‌ పేర్కొన్నారు. అటవీ ప్రాంతాల్లోని సహజ నీటి వనరులను సంరక్షించడం, చెక్‌డ్యామ్స్‌, కుంటలు, చిన్న చెరువులను పునరుద్ధరించడం ద్వారా నీటిని నిల్వ చేసేందుకు ప్రత్యేక కార్యాచరణ రూపొందిస్తున్నట్లు పేర్కొన్నారు. రుద్రంగి మండల పరిధిలోని సీమర్లు, రెండు గట్ల వాగు, సూరమ్మ బుగ్గ కుంట, బుగ్గరాజు రాజేశ్వర చెక్‌డ్యామ్‌ను బుధవారం పరిశీలించారు. మరిమడ్ల అటవీ ప్రాంతంలోని జలవాగు, కొండెం చెరువు, ఊర చెరువు తదితర ప్రాంతాల్లో నీటిని నిల్వ చేసే అవకాశాలను పరిశీలించారు. మరిమడ్ల–మానాల మధ్య దెబ్బతిన్న చెక్‌డ్యామ్‌ల మరమ్మతులకు అంచనాలు రూపొందించాలని అధికారులకు సూచించారు. డీఎఫ్‌వో సత్యనారాయణ, ఎఫ్‌ఆర్వో మాధవి, రుద్రంగి ఏఎంసీ చైర్మన్‌ చెలుకల తిరుపతి, కాంగ్రెస్‌ మండల అధ్యక్షుడు ఎర్రం గంగనర్సయ్య పాల్గొన్నారు.

ముస్తాబాద్‌/వీర్నపల్లి: ముస్తాబా ద్‌ మండలం పోత్గల్‌, వీర్నపల్లి వ్యవసాయ మార్కెట్‌ కమిటీలకు పాలకవర్గాలను ప్రభుత్వం బుధ వారం నియమించింది. పోతుగల్‌ వ్యవసాయ మార్కెట్‌ కమిటీ చైర్మన్‌గా మండల కేంద్రానికి చెందిన అరుట్ల మహేశ్‌కుమార్‌రెడ్డిని నియమిస్తూ ప్రభుత్వం జీవో జారీచేసింది. మహేశ్‌కుమార్‌రెడ్డి కాంగ్రెస్‌లో సీనియర్‌ నాయకుడు. వైస్‌చైర్మన్‌గా గూడెంకు చెందిన సడిమెల బాలయ్య, డైరెక్టర్లుగా గూడ సిద్ధారెడ్డి, అనమేని రాజు, గోవర్ధన్‌, పోచమ్మల వనిత, సద్ది మధు, గంత రాజు, ముక్క నర్సింలు, బత్తుల నవీన్‌, ఊరడి ప్రశాంత్‌, డాకూరి మహేందర్‌, కుంబాల యాదగిరిరెడ్డి, చేపూరి రమేశ్‌లను నియమించారు. వీర్నపల్లి చైర్‌పర్సన్‌గా మమత వీర్నపల్లి వ్యవసాయ మార్కెట్‌ కమిటీ మూడో పాలకవర్గాన్ని ప్రభుత్వం ప్రకటించింది. మార్కెట్‌ కమిటీ చైర్మన్‌ పదవిని మహిళలకు కేటాయించగా, బంజేరుకు చెందిన అర్రోళ్ల మమతను చైర్‌పర్సన్‌గా, అడవిపదిరకు చెందిన పని శివరామకృష్ణను వైస్‌ చైర్మన్‌గా నియమించింది. మార్కెట్‌ కమిటీ పాలకవర్గంలో డైరెక్టర్లుగా మల్లారపు దేవయ్య, ధార్ల సుమలత, భూక్య హన్మంతు, భూక్య లింగం, గంగిపెల్లి ఈస్తారి, సుతారి దేవరాజు, భూక్య విట్టల్‌, భూక్య దేవేందర్‌ దేవుల, జోగినిపల్లి మల్లేశం, గుమ్మడి రాజేశంలను నియమించింది. మహేశ్‌ కుమార్‌రెడ్డిఅర్రోళ్ల మమత

● వడబోత పూర్తయినా ఎదురుచూపులే.. ● కొత్త దరఖాస్తులు 9,649 ● అర్హులుగా తేలినవారు 8,448 మందిసిరిసిల్ల: రాష్ట్ర ప్రభుత్వం ఏడు రకాల చేయూత పింఛన్లు అందిస్తామని ప్రకటించడంతో జిల్లా వ్యాప్తంగా అనేక మంది ఆశగా దరఖాస్తు చేశారు. ముందుగా జూన్‌ 2న రాష్ట్ర ఆవిర్భావ దినోత్సవం సందర్భంగా కొత్త పింఛన్లు ఇస్తామని ప్రకటించినా.. మార్గదర్శకాలు ఇవ్వకపోవడంతో ఆలస్యమైంది. వినాయకచవితి, బతుకమ్మ, దసరా పండగలు వెళ్లిపోయినా ప్రభుత్వం ఇస్తామన్న సామాజిక పింఛన్ల జాడ లేదు. జిల్లా వ్యాప్తంగా 9,649 మంది వివిధ రకాల పింఛన్లకు దరఖాస్తు చేయగా, ప్రాథమిక అంచనా ప్రకారం 8,448 మంది అర్హులు ఉన్నట్లు తేలింది. ఏడు రకాల పింఛన్లకు అవకాశం ప్రభుత్వం ఏడు రకాల పింఛన్లకు అవకాశం ఇస్తూ.. ఒంటరి మహిళలు, వితంతువులు, గీతకార్మికులు, నేతకార్మికులు, ఽఫైలేరియా బాధితులు, డయాలసిస్‌ రోగులు(కిడ్నీ ఫెయిల్యూర్‌), దివ్యాంగుల(తలసేమియా, సికిల్‌సెల్‌, హీమోఫీలియా బాధితులు) దరఖాస్తులను ఆన్‌లైన్‌లో స్వీకరించారు. ముందుగా ఆగస్టు 30లోగా దరఖాస్తులు సమర్పించాలని గడువు విధించారు. క్షేత్రస్థాయిలో సంబంధిత ధ్రువీకరణపత్రాలు అందించేందుకు సమయం కావాలని అభ్యర్థనలు రావడంతో సెప్టెంబరు 15 వరకు గడువు పొడగించారు. జిల్లావ్యాప్తంగా 9,649 దరఖాస్తులు వచ్చాయి. ఇందులో అత్యధికంగా వితంతువులు 4,127 మంది దరఖాస్తు చేయగా.. ఒంటరి మహిళలు 513, దివ్యాంగులు 2,271, చేనేత 1,478 మంది, కల్లుగీత కార్మికులు 1,260 మంది దరఖాస్తు చేశారు. దరఖాస్తుల్లో అర్హులను గుర్తించేందుకు క్షేత్రస్థాయిలో విచారణ చేపట్టారు. జిల్లాస్థాయిలో ఆరుగురు అధికారులను కలెక్టర్‌ గరీమా అగ్రవాల్‌ నియమించారు. 8,042 మంది పింఛన్లు రద్దు జిల్లాలో ఇప్పటికే పింఛన్లు పొందుతున్న వారి లైవ్‌ అథెంటికేషన్‌ పూర్తి చేయడంతో 2,836 మంది మరణించినట్లు తేలింది. 2,505 మంది బయోమెట్రిక్‌, ఫేస్‌ రికగ్నైజేషన్‌ కానివారు ఉన్నారు. 1,441 మంది స్థానికంగా లేని వారు, ఆధార్‌ ధ్రువీకరణ సరిగా లేనివారు 1,260 మంది.. ఇలా జిల్లాలో మొత్తం 8,042 మంది అనర్హులు ఉన్నట్లు తేలింది. వీరికి సంబంధించిన పింఛన్లు నిలిపివేశారు. మరోవైపు కొత్త దరఖాస్తులనూ శాసీ్త్రయంగా విచారించారు. రద్దయిన పింఛన్ల స్థానంలో కొత్తవి మంజూరు చేసినా సర్కారుపై పెద్దగా ఆర్థికభారం పడదని భావిస్తున్నారు. వృద్ధులు, బీడీ కార్మికుల నిరీక్షణ జిల్లాలో అర్హులైన వృద్ధులు, బీడీకార్మికులు ఉన్నా చేయూత పింఛన్లకు ప్రభుత్వం అవకాశం కల్పించలేదు. పీఎఫ్‌ సౌకర్యం ఉండి.. బీడీలు చేసే కార్మికులు కొత్తగా పింఛన్లు కావాలని కోరుతున్నారు. మరో వైపు వృద్ధులు సైతం సామాజిక పింఛన్లకు ఆశగా చూస్తున్నారు. ఇప్పటికే స్వీకరించిన దరఖాస్తులకు మోక్షం లేదు. దీపావళి పండుగ నాటికై నా తీపికబురు లభిస్తుందని భావిస్తున్నారు. చేయూత పింఛన్ల పంపిణీపై ప్రభుత్వ స్థాయిలో నిర్ణయం జరగాల్సి ఉంది. ఆన్‌లైన్‌లో దరఖాస్తులు స్వీకరించాం. క్షేత్రస్థాయి విచారణ పూర్తయింది. అర్హుల జాబితాను ఆన్‌లైన్‌లో నమోదు చేశారు. రాష్ట్ర వ్యాప్తంగా పింఛన్లపై సర్కారు నిర్ణయం తీసుకోవాల్సి ఉంది. – లక్ష్మీనారాయణ, డీఆర్‌డీవో వృద్ధాప్య 29,276 దివ్యాంగులు 9,270 వితంతు 23,051 నేతకార్మికులు 3,291 గీతకార్మికులు 2,152 ఒంటరి మహిళలు 1,761 బీడీకార్మికులు 42,991 ఫైలేరియా బాధితులు 948 డయాలసిస్‌ 171 మొత్తం 1,12,911 ప్రతీ నెల చెల్లించే మొత్తం రూ.24,60,20,256 కొత్తగా దరఖాస్తులు 9,649 (సెప్టెంబరు 15 నాటికి) అర్హులు 8,448 (అక్టోబరు 15 నాటికి)

కరీంనగర్‌లో ఆస్ట్రేలియా ‘సంప్రదాయ కోర్సులతో తల్లిదండ్రులు తమ అభిప్రాయాలను విద్యార్థులపై రుద్దుతున్నారు. ఇది విద్యార్థులపై ఒత్తిడి కలగజేస్తుంది. వారి ఆసక్తిని గమనించి సంప్రదాయ మెడిసిన్‌, ఇంజినీరింగ్‌కు బదులుగా అన్ని రకాల ఆర్ట్స్‌, మ్యూజిక్‌, సైన్స్‌, కామర్స్‌ కోర్సులకు పెద్దపీట వేయాలి. అందుకే అన్ని విభాగాల్లోనూ విద్యార్థులు రాణించేలా ఆస్ట్రేలియా ప్రభుత్వంతో ఒప్పందం చేసుకున్నాం. అక్కడి కరిక్యులంతో విద్యార్థుల్లో ప్రతిభాపాటవాలను ప్రోత్సహించి వారిని వివిధ రంగాల్లో సమర్థులుగా తీర్చిదిద్దేందుకు కరీంనగర్‌ వేదికగా ఇంటర్నేషనల్‌ స్థాయి విద్యను అందించేందుకు అన్ని ఏర్పాట్లు పూర్తి చేసుకున్నాం’ అని అల్ఫోర్స్‌ విద్యాసంస్థల చైర్మన్‌ వుట్కూరి నరేందర్‌రెడ్డి పేర్కొన్నారు. బుధవారం ‘సాక్షి’తో పలు అంశాలు వెల్లడించారు. – సాక్షిప్రతినిధి, కరీంనగర్‌ నైపుణ్య ఆధారిత విద్యకు ప్రాధాన్యం ఇవ్వాలని ఎందుకు భావిస్తున్నానంటే.. ప్రతి విద్యార్థి ఒకే రంగంలో రాణించలేడు. కొందరికి సాంకేతిక రంగంపై ఆసక్తి ఉంటే, మరికొందరు వ్యాపార నిర్వహణ, వ్యవసాయం, కళలు, సంగీతం, క్రీడలు వంటి రంగాల్లో ప్రతిభ చూపుతారు. అందుకే ఒకేషనల్‌, టెక్నికల్‌, స్కిల్‌ బేస్డ్‌ కోర్సులకు మరింత ప్రాధాన్యమివ్వాలి. పాఠశాలస్థాయిలో నర్సరీ నుంచి 12వ తరగతి వరకు విద్యార్థుల అభ్యసనాన్ని క్రమబద్ధంగా కొనసాగించే విధానం ఉంటే వారికి విద్యాపరంగా నిరంతర పురోగతి సాధ్యమవుతుంది. తరచూ పరీక్షల ఒత్తిడికి గురిచేయకుండా, వారి ప్రతిభను గుర్తించవచ్చు. చిన్న వయస్సు నుంచే విద్యార్థుల్లో ఆసక్తులు, ప్రతిభ వేర్వేరుగా ఉంటాయి. సబ్జెక్టుల ఎంపిక విద్యార్థుల వయసు, అభిరుచి, విద్యా పునాదులు, భవిష్యత్తు లక్ష్యాలకు అనుగుణంగా ఉండాలి.ఇటీవల పశ్చిమ ఆస్ట్రేలియాలో పర్యటించాను. దేశంలోని వివిధ రాష్ట్రాలకు చెందిన 12 మంది విద్యారంగ ప్రముఖులతో కలిసి అక్కడి విశ్వవిద్యాలయాలు, పాఠశాలలను సందర్శించాం. వారి విద్యా విధానం, పాఠ్యప్రణాళిక, బోధనా పద్దతులు, విద్యార్థులకు అందుతున్న ఉపాధి అవకాశాలను పరిశీలించాం. ప్రధానంగా అకడమిక్‌ సబ్జెక్టులతో పాటు బిజినెస్‌ మేనేజ్‌మెంట్‌, ఎకనామిక్స్‌, అగ్రికల్చర్‌ సైన్స్‌, వెటర్నరీ, ఆర్ట్స్‌, మ్యూజిక్‌, స్పోర్ట్స్‌ వంటి రంగాల్లోనూ విద్యార్థులకు అవకాశాలు కల్పిస్తున్నారు. విద్యార్థులు తమ ఆసక్తికి అనుగుణంగా భవిష్యత్తు మార్గాన్ని ఎంచుకునేలా ప్రోత్సహిస్తున్నారు.తల్లిదండ్రుల ఆసక్తి, మారుతున్న విద్యా అవసరాలను దృష్టిలో పెట్టుకుని వెస్ట్‌ ఆస్ట్రేలియా కరిక్యులంతో ఇంటర్నేషనల్‌ స్కూల్‌ను ప్రారంభించాలని ప్రణాళిక రూపొందించాం. అనుమతులు రాగానే వచ్చే విద్యా సంవత్సరంలో నర్సరీ నుంచి రెండో తరగతి వరకు ప్రారంభిస్తాం. ఇక ఐఐటీ, మెడిసిన్‌తో పాటు ఇతర కెరీర్‌ అవకాశాలను గురించి చెప్పాలంటే.. ఐఐటీ, వైద్య విద్యతో పాటు క్లాట్‌, చార్టర్డ్‌ అకౌంటెన్సీ, వ్యవసాయం, వెటర్నరీ, క్రీడలు, సాంకేతిక విద్య, వ్యాపార నిర్వహణ వంటి అనేక రంగాల్లో అవకాశాలు ఉన్నాయి. పిల్లల ఆసక్తిని గుర్తించి సరైన సమాచారం, మార్గదర్శకత్వం అందిస్తే వారికి అనువైన రంగంలో మంచి భవిష్యత్‌ను నిర్మించుకోగలరు. విద్య అనేది కేవలం సర్టిఫికెట్లు, మార్కులు సంపాదించడానికి మాత్రమే కాదు. మంచి వ్యక్తిత్వం, ఆలోచనా సామర్థ్యం, నైపుణ్యాలు, బాధ్యతాయుతమైన జీవన విధానాన్ని అలవర్చుకోవడానికి ఉపయోగపడాలి. తల్లిదండ్రులు సైతం తమ ఆశయాలను పిల్లలపై రుద్దకుండా, వారి ప్రతిభను ప్రోత్సహించాలి.

● కలెక్టర్‌ గరీమా అగ్రవాల్‌సిరిసిల్ల: జిల్లాలో మాదకద్రవ్యాల నియంత్రణకు అన్ని ప్రభుత్వ శాఖలు ప్రత్యేక కార్యాచరణను అమలు చేయాలని కలెక్టర్‌ గరీమా అగ్రవాల్‌ ఆదేశించారు. కలెక్టరేట్‌లో ఎస్పీ మహేశ్‌ బీ గీతేతో కలిసి బుధవారం జిల్లాస్థాయి నార్కోటిక్‌ కంట్రోల్‌ సమావేశం నిర్వహించారు. కలెక్టర్‌ మాట్లాడుతూ డ్రగ్స్‌, మాదకద్రవ్యాల వినియోగంతో కలిగే నష్టాలపై పోలీస్‌, ఎకై ్సజ్‌, వైద్య ఆరోగ్య శాఖ ఆధ్వర్యంలో అవగాహన కల్పించాలన్నారు. షాపుల్లో ఫుడ్‌ ఇన్‌స్పెక్టర్‌ తనిఖీ చేయాలని సూచించారు. మత్తుకు బానిసైన వారిని గుర్తించి చికిత్స, కౌన్సిలింగ్‌ అందించాలన్నారు. అటవీ భూముల్లో గంజాయి సాగు కనిపిస్తే పోలీసులకు సమాచారం ఇవ్వాలని ఫారెస్ట్‌ అధికారులకు సూచించారు. విద్యాసంస్థల్లో ప్రత్యేక కార్యక్రమాలు వైద్య ఆరోగ్య, ఎకై ్సజ్‌శాఖల ఆధ్వర్యంలో డిగ్రీ, ఇంటర్‌ కాలేజీల్లో అవగాహన కార్యక్రమాలు నిర్వహించాలన్నారు. ఆరు నుంచి పదో తరగతి విద్యార్థులను సభ్యులుగా కమిటీ ఏర్పాటు చేయాలని సూచించారు. ఎస్పీ మహేశ్‌ బీ గీతే మాట్లాడుతూ గంజాయి, డ్రగ్స్‌ వినియోగంతో కలిగే అనర్థాలపై పోలీస్‌ శాఖ ఆధ్వర్యంలో అవగాహన కల్పిస్తున్నామని వివరించారు. సిరిసిల్ల, వేములవాడ ఆర్డీ వోలు శ్రీధర్‌బాబు, కేఎస్‌బీ కుమారి, డీఎంహెచ్‌వో ఏంజెలా ఆల్ఫ్రెడ్‌, డీఈవో విజయ్‌సాగర్‌, ఇంటర్‌ విద్యాధికారి శరత్‌, మున్సిపల్‌ కమిషనర్లు ఖదీర్‌పాషా, లోకేశ్‌, జిల్లా ఎకై ్సజ్‌ అధికారి హిమశ్రీ, ఫుడ్‌ ఇన్‌స్పెక్టర్‌ అనూష తదితరులు పాల్గొన్నారు.

3,05,0002,64,6122,75,4212,15,0002,15,1002,93,8252,40,0882,10,38020.172417.615.2జగిత్యాలకరీంనగర్‌పెద్దపల్లిఎల్లంపల్లిదిగువ మానేరుమధ్యమానేరురాజన్న సిరిసిల్లరాష్ట్రంలో అత్యధికంగా వరిసాగు చేసే జిల్లాల్లో ఉమ్మడి కరీంనగర్‌ మొదటిస్థానంలో ఉంటుంది. అలాంటి వరిసాగుకు వచ్చే సీజన్‌లో బ్రేక్‌ పడనుంది. ఎల్‌నినో నేపథ్యంలో సాగునీటి కొరతతో ఇకపై రైతులు వరి పండించాలంటే నష్టానికి తమదే బాధ్యత అని విత్తనాలు విక్రయించే డీలర్లకు డిక్లరేషన్‌ ఇవ్వాలంటూ జరుగుతున్న సోషల్‌ మీడియా ప్రచారం చర్చనీయాంశమైంది. సాక్షి ప్రతినిధి, కరీంనగర్‌: వరిసాగుకు మిగిలిన పంటల కన్నా అధికంగా నీరు అవసరం. ఎల్‌నినో ప్రభావంతో వానాకాలానికి ముందే వ్యవసాయాధికారులు వరికి బదులు ప్రత్యామ్నాయ పంటలైన కూరగాయలు, ఇతర స్వల్పకాలిక పంటలకు ప్రాధాన్యం ఇవ్వాలని ఎంత అవగాహన కల్పించినా రైతులు వరికే మొగ్గు చూపారు. కరీంనగర్‌, సిరిసిల్ల, జగిత్యాల, పెద్దపల్లి జిల్లాల్లో గతేడాది సాగు విస్తీర్ణంలో దాదాపు 90శాతం పైగా వరినే సాగు చేశారు. ఉమ్మడి జిల్లాల్లో ఎస్సారెస్పీ వరద కాలువ, ఎగువ, మధ్య, దిగువ మానేరు, ఎల్లంపల్లి ప్రాజెక్టులు ఉన్నప్పటికీ.. అందులోని నీరు తాగేందుకు మాత్రమేనని, సాగునీరు ఇచ్చే పరిస్థితులు లేవని ప్రభుత్వం ఇప్పటికే పలుమార్లు స్పష్టం చేసిన విషయం తెలిసిందే. వ్యవసాయాధికారుల గ్రూపుల్లోనే.. ఈ సమయంలో ఓ డిక్లరేషన్‌ ఫారం రైతుల్లో తీవ్ర కలకలం రేపుతోంది. డీలర్ల వద్ద ఈ ఫారం నింపి ఇస్తేనే విత్తనాలు అందుతాయని సమాచారం. అందులో ఏముందంటే..? ఎల్‌నినో కారణంగా వరి సాగు చేయవద్దని ప్రభుత్వం చెబుతోంది. కరెంటు, సాగునీటి కొరతతో వరిసాగులో నష్టం వాటిల్లితే ప్రభుత్వానికి ఎలాంటి సంబంధం లేదు.. ఒకవేళ నష్టం వాటిల్లితే తాను ఎలాంటి నష్టపరిహారం ఆశించను. తన ఇష్టపూర్వకంగానే వరిని సాగుచేస్తున్నాం.. అంటూ రైతు తన చిరునామా, ఆధార్‌, ఫోన్‌నంబర్ల వివరాలతో కూడిన ఫారం వైరల్‌గా మారింది. అంతేకాకుండా ఈ ఫారం.. ఉమ్మడి జిల్లా వ్యవసాయాధికారుల గ్రూపులో షేర్‌ అవుతోంది. ఈ ప్రచారం కేవలం వ్యవసాధికారుల గ్రూపులకే పరిమితం కాలేదు. పలు గ్రామాల వాట్సప్‌ గ్రూపుల్లో, ఇతర సోషల్‌ మీడియా వేదికలపైన చక్కర్లు కొడుతోంది. విశ్వసనీయ సమాచారం మేరకు.. జిల్లా వ్యవసాయ ఉన్నతాధికారులు త్వరలోనే ఈ ఫారాలు త్వరలోనే విత్తనాల డీలర్లకు చేరతాయి అని కిందిస్థాయి సిబ్బందికి చెబుతున్నారు. అయితే, ఈ ప్రచారాన్ని వ్యవసాయశాఖ ఉన్నతాధికారులు మాత్రం ఖండిస్తున్నారు. సెల్ఫ్‌ డిక్లరేషన్‌ అంటూ సోషల్‌ మీడియాలో వైరల్‌ అవుతున్న ప్రచారాన్ని నమ్మొద్దు. కాలువల ద్వారా నీరిచ్చే అవకాశం లేనందున ఆరుతడి పంటలు వేయాలని చెబుతున్నాం. వేరుశనగ, పెసర తదితర విత్తనాలను సబ్సిడీపై అందజేస్తున్నాం. బోర్లు, బావుల్లో నీరున్నవారు ఆలోచించి పంటలు సాగు చేయాలి. – ఛత్రునాయక్‌, కరీంనగర్‌ జిల్లా వ్యవసాయ అధికారి 27.5523.2

సిరిసిల్ల: జిల్లాలో ఎల్‌నినో ప్రభావాన్ని సమష్టిగా అధిగమిద్దామని కలెక్టర్‌ గరీమా అగ్రవాల్‌ అన్నారు. కలెక్టరేట్‌లో మంగళవారం జిల్లా అధికారులతో సమీక్షించారు. ఈ ఏడాది జిల్లాలో వర్షాలు తక్కువగా కురిశాయని, ఎగువ మానేరు, మధ్య మానేరు, అన్నపూర్ణ, మల్కపేట రిజర్వాయర్లలో నీటిమట్టాలు ప్రస్తుతం ప్రభుత్వ ఆదేశాలకు అనుగుణంగా ప్రజలకు తాగునీరు, మూగజీవాలకు మాత్రమే వినియోగించడానికి ఉన్నాయన్నారు. రైతులు వరికి బదులు ప్రత్యామ్నాయ పంటలు వేసేలా చూడాలన్నారు. ఆయా శాఖల ప్రతీ మంగళ, బుధవారాల్లో ఆయా సమావేశాలకు హాజరై ప్రస్తుత వాతావరణ పరిస్థితులు, నీటి మట్టాలు తదితర అంశాలపై రైతులు, ప్రజలకు అవగాహన కల్పించాలని ఆదేశించారు. జిల్లాలో నూతనంగా బోర్లు వేసేందుకు తహసీల్దార్‌ వద్ద అనుమతి తీసుకోవాలని స్పష్టం చేశారు. ప్రతీ గ్రామం, పట్టణంలో నీటి వృథాను అరికట్టాలన్నారు. జిల్లా రెవెన్యూ అధికారి జయశ్రీ, భగీరథ ఎస్‌ఈ రాములు, డీఆర్డీవో లక్ష్మీనారాయణ, డీఏవో అఫ్జల్‌బేగం, జిల్లా ఉద్యానవన శాఖ అధికారి శరత్‌బాబు, ఎన్‌పీడీసీఎల్‌ ఎస్‌ఈ శ్రీనివాస్‌ తదితరులు పాల్గొన్నారు. ప్రత్యామ్నాయ పంటలు వేయాలి బోయినపల్లి: రిజర్వాయర్లలోని నీరును తాగునీటికి, జీవాల కోసం వినియోగించాలని కలెక్టర్‌ గరీమా అగ్రవాల్‌ తెలిపారు. మంగళవారం మండలంలోని విలాసాగర్‌ రైతువేదికలో జరిగిన కార్యక్రమంలో మాట్లాడారు. ఎల్‌నినో ప్రభావం నేపథ్యంలో ప్రభుత్వ సూచనల మేరకు రైతులు వరి సాగు చేయొద్దని, వాతావరణ పరిస్థితులకు అనుగుణంగా పంటలు సాగు చేయాలని పిలుపు నిచ్చారు. కాగా మార్కెట్‌ డిమాండ్‌కు అనుగుణంగా పంటలు సాగు చేస్తున్న రామన్నపేటకు చెందిన ఆదర్శ రైతు మిట్టపల్లి కమలాకర్‌రెడ్డిని కలెక్టర్‌ అభినందించారు. అంగన్వాడీకేంద్రం, ప్రైమరీ స్కూల్‌ను సందర్శించారు. అనంతరం గ్రామంలోని అక్కెనపెల్లి కావ్య ఇందిరమ్మ ఇల్లును పరిశీలించారు. డీడబ్లూవో లక్ష్మిరాజం, ప్యాక్స్‌ చైర్మన్‌ ముదుగంటి సురేందర్‌రెడ్డి, సర్పంచులు ఏనుగుల కనుకయ్య, చింతలపల్లి కవిత వెంకటరెడ్డి, తహసీల్దార్‌ ఎండీ షరీఫ్‌ మోహియొద్దీన్‌, ఇంచార్జి ఎంపీడీవో శ్రీధర్‌ తదితరులు పాల్గొన్నారు.

కరువు మండలాలుసాక్షి ప్రతినిధి, కరీంనగర్‌: ఉమ్మడి కరీంనగర్‌ జిల్లాలో కరువు చాయలు అలుముకున్నాయి. 2026 యాసంగి సీజన్‌కు సంబంధించి రాష్ట్ర ప్రభుత్వం విడుదల చేసిన కరువు ప్రభావిత మండలాల జాబితాలో కరీంనగర్‌, జగిత్యాల, రాజన్న సిరిసిల్ల జిల్లాలకు చెందిన ఎనిమిది మండలాలకు చేర్చారు. ఆయా మండలాలను మోస్తరు కరువు ప్రభావిత ప్రాంతాలుగా ప్రభుత్వం గుర్తించింది. పెద్దపల్లి జిల్లాలోని ఒక్క మండలాన్ని కూడా కరువు ప్రభావిత ప్రాంతంగా ప్రకటించకపోవడంపై అక్క డి అన్నదాతలు ఆవేదన వ్యక్తం చేస్తున్నారు. రాష్ట్ర రెవెన్యూ (విపత్తు నిర్వహణ)శాఖ వర్షపాత లోటు, వ్యవసాయ పరిస్థితులు, నేలలో తేమశాతం, భూగ ర్భ జలాల లభ్యత తదితర అంశాలను పరిగణ నలోకి తీసుకొని మండలాల వారీగా కరువు తీవ్రతను అంచనా వేసినట్లు ఉత్తర్వుల్లో పేర్కొన్నారు. ఎనిమిది మండలాల్లో.. ప్రభుత్వ జాబితాలో కరీంనగర్‌ జిల్లాలో కరీంనగర్‌ అర్బన్‌, కరీంనగర్‌ రూరల్‌, హుజూరాబాద్‌ మండలాలు ఉన్నాయి. జగిత్యాల జిల్లాలో జగిత్యాల, జగిత్యాల రూరల్‌, కొడిమ్యాల మండలాలను ప్రభావిత ప్రాంతాలుగా గుర్తించారు. రాజన్న సిరిసిల్ల జిల్లాలో వేములవాడ, ఇల్లంతకుంట మండలాలుగా డిక్లేర్‌ చేశారు. పెద్దపల్లి రైతుల్లో ఆవేదన పెద్దపల్లి జిల్లాలో ఒక్క మండలాన్ని కూడా కరువు ప్రభావిత ప్రాంతంగా ప్రకటించకపోవడం రైతుల్లో నిరాశకు కారణమైంది. వ్యవసాయంపై ఆధారపడి జీవించే రైతులు తమ ప్రాంతంలోని పరిస్థితులను పరిగణనలోకి తీసుకొని ఉంటే కరువు జాబితాలో చోటు దక్కేదని అభిప్రాయపడుతున్నారు. కరువు ప్రభావం ఉన్న ప్రాంతాలకు ప్రభుత్వం ప్రకటించే సహాయక చర్యలు, వ్యవసాయ సంబంధిత రాయితీలు అందే అవకాశం ఉండటంతో తమ జిల్లాకు జాబితాలో చోటు లేకపోవడం ఆందోళనకు గురిచేస్తోంది. కరువు తీవ్రతను అంచనా వేసే సమయంలో క్షేత్రస్థాయిలో నెలకొన్న పరిస్థితులను పరిశీలించాలని రైతులు కోరుతున్నారు. వర్షపాతం, పంటల పరిస్థితి, భూగర్భ జలాల లభ్యత వంటి అంశాల ఆధారంగా తమ జిల్లాలోని మండలాలను మరోసారి పరిశీలించాలని విజ్ఞప్తి చేస్తున్నారు. ఆరు నెలల పాటు అమల్లో ఉత్తర్వులు ప్రభుత్వ ఉత్తర్వుల ప్రకారం కరువు ప్రభావిత మండలాల గుర్తింపు ఆరు నెలలపాటు అమల్లో ఉండనుంది. ఈ కాలంలో ప్రభావిత ప్రాంతాల్లో అవసరమైన సహాయక చర్యలు చేపట్టాలని సంబంధిత అధికారులకు ప్రభుత్వం సూచించింది. రైతులకు వ్యవసాయ పెట్టుబడి రాయితీలు, తాగునీటి సరఫరా, పశుగ్రాసం అందుబాటు, ఉపాధి కల్పన వంటి అంశాలపై అవసరమైన చర్యలు తీసుకోవాల్సి ఉంటుంది.

సిరిసిల్లటౌన్‌: బాలలపై జరుగుతున్న లైంగిక నేరాలను నివారిద్దామని, పౌరులు బాధ్యతగా వ్యవహరించాలని సిరిసిల్ల మొదటి అదనపు జూనియర్‌ సివిల్‌ జడ్జి కె.సృజన పిలుపునిచ్చారు. రాష్ట్ర న్యాయ సేవాధికార సంస్థ ఆదేశాల మేరకు, జిల్లా ప్రధాన న్యాయమూర్తి పి.నీరజ సూచనలతో మంగళవారం సిరిసిల్ల జెడ్పీహెచ్‌ఎస్‌ (కుసుమ రామయ్య) బాలుర పాఠశాలలో నిర్వహించిన శ్రీసురక్షిత్‌ బచ్పన్‌ అభియాన్‌శ్రీ అవగాహన కార్యక్రమంలో మాట్లాడారు. పిల్లలపై లైంగిక వేధింపులు జరిగినప్పుడు దాచకుండా అధికారుల దృష్టికి తీసుకురావాలని, బాధితుల వివరాలు గోప్యంగా ఉంచుతూ వారికి మానసిక ధైర్యం అందించాలని సూచించారు. హెచ్‌ఎం ఎల్‌.మోతిలాల్‌, లోక్‌ అదాలత్‌ సభ్యులు సి.భాస్కర్‌ తదితరులు పాల్గొన్నారు. చదువుతో పాటు క్రీడల్లో రాణించాలిసిరిసిల్లఅర్బన్‌: విద్యార్థులు చదువుతో పాటు క్రీడల్లో రాణించాలని జిల్లా విద్యాధికారి జె.విజయ్‌సాగర్‌ అన్నారు. మంగళవారం పట్టణంలోని రాజీవ్‌నగర్‌ మినీ స్టేడియంలో జిల్లాస్థాయి పీఎంశ్రీ స్కూల్‌ గేమ్స్‌ ప్రారంభించి మాట్లాడారు. గ్రామీణ విద్యార్థుల్లో క్రీడా నైపుణ్యతను వెలికి తీయడానికి ఈ పోటీలు ఎంతగానో దోహదపడుతాయన్నారు. పోటీల్లో ఎంపిక చేసిన 10 హైస్కూళ్ల విద్యార్థులు పాల్గొన్నారు. వాలీబాల్‌లో జెడ్పీహెచ్‌ఎస్‌ రాచర్లబొప్పాపూర్‌ ప్రథమ, జెడ్పీహెచ్‌ఎస్‌ రుద్రంగి ద్వితీయ, ఖోఖోలో టీజీడబ్ల్యూఆర్‌ఎస్‌ బద్దెనపల్లి ప్రథమ, జెడ్పీహెచ్‌ఎస్‌ రాచర్ల బొప్పాపూర్‌ ద్వితీయ, కబడ్డీలో టీజీడబ్ల్యూఆర్‌ఎస్‌ బద్దెనపల్లి ప్రథమ, జీహెచ్‌ఎస్‌ వేములవాడ ద్వితీయ స్థానంలో నిలిచాయి. అథ్లెటిక్స్‌ పోటీల్లో పలువురు గెలుపొందారు. ఈ పోటీల్లో గెలుపొందినవారు రాష్ట్ర స్థాయిలో పాల్గొననున్నట్లు క్రీడలశాఖ అధికారి రాందాస్‌ తెలిపారు. హెల్మెట్‌ ధారణపై అవగాహనసిరిసిల్లఅర్బన్‌: పోలీస్‌ అమరవీరుల సంస్మరణ వారోత్సవాల్లో భాగంగా 17వ పోలీస్‌ బెటాలియన్‌ ఆధ్వర్యంలో హెల్మెట్‌ ధారణపై అవగాహన బైక్‌ ర్యాలీ నిర్వహించారు. కమాండెంట్‌ పీజేపీసీ ఛటర్జీ ఆదేశాల మేరకు సర్థాపూర్‌ నుంచి జెగ్గారావుపల్లె, పెద్దూరు మీదుగా కలెక్టరేట్‌ చౌరస్తా వరకు ర్యాలీ కొనసాగింది. ద్విచక్రవాహనదారులు తప్పనిసరిగా హెల్బెట్‌ ధరించాలని, ట్రాఫిక్‌ నిబంధనలు పాటించాలని అవగాహన కల్పించారు. అసిస్టెంట్‌ కమాండెంట్‌ ఎం.రాజు, అధికారులు, సిబ్బంది పాల్గొన్నారు. ఎల్లమ్మ ఆలయానికి రూ.లక్ష విరాళంఎల్లారెడ్డిపేట(సిరిసిల్ల): మండలకేంద్రంలో నూతనంగా నిర్మిస్తున్న ఎల్లమ్మ ఆలయానికి సింగిల్‌విండో చైర్మన్‌ గుండారపు కృష్ణారెడ్డి మంగళవారం రూ.1,00,016 విరాళం అందించారు. వచ్చే నెలలో ఎల్లమ్మ విగ్రహ ప్రతిష్ఠతోపాటు సిద్ధోగం నిర్వహించనున్న నేపథ్యంలో గౌడ సంఘం సభ్యులు గడతో ఇంటికి వెళ్లారు. ఈ సందర్భంగా కృష్ణారెడ్డి–లహరి దంపతులు విరాళం అందించారు. గౌడ సంఘం నాయకులు చింతకింది కిషన్‌గౌడ్‌, నాగుల ప్రదీప్‌గౌడ్‌, గంట అంజాగౌడ్‌, నల్లమందు బాలయ్య తదితరులు పాల్గొన్నారు.

స్వామివారికి పుష్పయాగం పుష్పయాగం సేవలో భక్తులు చక్ర స్నానం చేయిస్తున్న అర్చకులు భక్తుల కొంగుబంగారం శ్రీశాల వెంకన్న బ్రహ్మోత్సవాలు మంగళవారం ముగిశాయి. అశేష భక్తులు పాల్గొనగా.. రాత్రి 10గంటలకు ని ర్వహించిన శ్రీవారి ఏకాంతసేవతో ముగిశాయి. ఉదయం ఆలయంలోని శ్రీవారి పుష్కరిణిలో శ్రీదేవి, భూదేవి సహితంగా వేంకటేశ్వరస్వామికి చక్రస్నానం, అంతకుముందు నిత్యహోమము, పూర్ణాహుతి, నివేదన కార్యక్రమాలు నిర్వహించారు. సాయంత్రం 5 గంటల నుంచి నాగవల్లి, పుష్పయాగం, దేవత ఉద్వాసన, గ్రామబలి నిర్వహించారు. రాత్రి 10 గంటలకు శ్రీవారికి ఏకాంత సేవ జరిపించారు. ఏకాంత సేవతో బ్రహ్మోత్సవాలు ముగిసినట్లు ప్రధానార్చకులు కృష్ణమాచారి, ప్రకటించారు. భక్తులు ఉదయం నుంచి రాత్రి వరకు స్వామివారి సేవలో తరించారు. మున్సిపల్‌ చైర్‌పర్సన్‌ జిందం కళ, కౌన్సిలర్లు స్వామివారిని దర్శించుకున్నారు. డీసీసీ అధ్యక్షుడు సంగీతం శ్రీనివాస్‌, ఆలయ ఈవో మారుతిరావు, అర్చకస్వాములు నవీన్‌చారి, వర్దనాచారి, సుకుమారచారి, ఏఈవోలు కూనబోయిన సత్యం, పీసరి రవీందర్‌, ఆలయ కమిటీ మాజీచైర్మన్లు ఉప్పుల విఠల్‌రెడ్డి, చేపూరి నాగరాజు, వికాస తరంగిణి సభ్యులు పాల్గొన్నారు. – సిరిసిల్లటౌన్‌

గంభీరావుపేట(సిరిసిల్ల): పదో తరగతి పబ్లిక్‌ పరీక్షల్లో మెరుగైన ఫలితాలు సాధించడమే లక్ష్యంగా జిల్లాలో ప్రత్యేక తరగతులు నిర్వహించేందుకు విద్యాశాఖ చర్యలు చేపట్టింది. ఇందులో భాగంగా బుధవారం నుంచి డిసెంబర్‌ 31 వరకు రోజూ సాయంత్రం 4.15 నుంచి 5.15 గంటల వరకు ప్రత్యేక తరగతులు నిర్వహించనున్నారు. ఈ మేరకు మంగళవారం ఉత్తర్వులు జారీ అయ్యాయి. 2027 మార్చి–ఏప్రిల్‌లో జరగనున్న ఎస్సెస్సీ పబ్లిక్‌ పరీక్షలను దృష్టిలో పెట్టుకొని విద్యార్థులకు సిలబస్‌ పునఃశ్చరణ చేయనున్నారు. జిల్లాలో 111 జెడ్పీ, 7 మోడల్‌, 13 కేజీబీవీ, 30 గురుకుల పాఠశాలలున్నాయి. వరండాలో వద్దు.. ప్రత్యేక తరగతులు సమర్థవంతంగా నిర్వహించే బాధ్యతను ప్రధానోపాధ్యాయులు తీసుకోవాలని జిల్లా విద్యాశాఖ సూచించింది. పదో తరగతి విద్యార్థులందరూ తప్పనిసరిగా హాజరయ్యేలా చూడాలని ఆదేశించింది. విద్యార్థులను తరగతి గదుల బయట వరండాల్లో కూర్చోబెట్టకుండా గదుల్లోనే బోధన అందించాలని స్పష్టం చేసింది. ప్రతీ యూనిట్‌పై పరీక్షలు సిలబస్‌లోని ప్రతి అధ్యాయం, యూనిట్‌ పూర్తయి న వెంటనే స్లిప్‌ టెస్టులు నిర్వహించాలని సూచించింది. విద్యార్థుల అభ్యసన సామర్థ్యాన్ని బట్టి బోధనలో తగిన మార్పులు చేయాలని, నెమ్మదిగా నేర్చుకునే విద్యార్థులపై ప్రత్యేక శ్రద్ధ చూపాలని పేర్కొంది. ప్రత్యేక తరగతుల నిర్వహణ, బోధన తీరును పరిశీలించేందుకు జిల్లా అధికారులు పాఠశాలలను సందర్శించే అవకాశం ఉందని ఉత్తర్వుల్లో పేర్కొన్నారు. ఆయా పాఠశాలల హెచ్‌ఎంలు, ప్రిన్సిపా ల్స్‌ విద్యాశాఖ ఆదేశాలు అమలు చేయాలని జిల్లా విద్యాశాఖ ఆదేశించింది. విద్యార్థుల సందేహాలను నివృత్తి చేస్తూ, పరీక్షలకు ముందుగానే సిలబస్‌ పున ఃశ్చరణ పూర్తి చేసి, అభ్యాస పరీక్షల ద్వారా ఆత్మవిశ్వాసం పెంపొందించడంపై ఉపాధ్యాయులు దృష్టి సారించనున్నారు.

● ఎస్పీ మహేశ్‌ బీ గీతే సిరిసిల్ల: పోలీసు అమరుల కుటుంబాలకు అండగా ఉంటామని ఎస్పీ మహేశ్‌ బీ గీతే అన్నారు. సిరిసిల్ల పట్టణంలోని హెబ్రోసు చర్చిలో మంగళవారం పో లీస్‌ అమరవీరుల సంస్మరణ వారోత్సవాల్లో భాగంగా ప్రత్యేక ప్రార్థనలు నిర్వహించారు. ఈ సందర్భంగా ఎస్పీ మాట్లాడుతూ, సమాజంలో శాంతిభద్రతల పరిరక్షణ కోసం ప్రాణాలర్పించిన పోలీస్‌ అమరవీరుల త్యాగాలు మరచిపోవద్దన్నారు. అమరవీరుల కుటుంబాల సంక్షేమానికి పోలీస్‌శాఖ అత్యంత ప్రాధాన్యతనిస్తుందని పేర్కొన్నారు. ప్రజ లందరికీ శాంతి, సౌభాగ్యాలు కలగాలని, సమాజంలో మతసామరస్యం, శాంతిసామరస్యాలు వెల్లివిరియాలని చర్చి ప్రతినిధులతో కలిసి ప్రార్థించారు. సిరిసిల్ల డీఎస్పీ కె.నాగేంద్రచారి, పట్టణ సీఐ శ్రీనివాస్‌, చర్చి పాస్టర్లు, ఫాదర్లు పాల్గొన్నారు. నేడు 2కే రన్‌ సిరిసిల్ల పట్టణంలోని అంబేద్కర్‌ సర్కిల్‌ నుంచి మానేరు తీరంలోని బతుకమ్మ ఘాట్‌ వరకు బుధవారం 2కే రన్‌ నిర్వహించనున్నట్లు పోలీసులు తెలిపారు. పోలీస్‌ అమరవీరుల సంస్మరణ వారోత్సవాల్లో భాగంగా ఉదయం 6.45 గంటలకు 2కే రన్‌ ప్రారంభమవుతుందని పేర్కొన్నారు.

రుద్రంగి(వేములవాడ): భూముల రీ సర్వే ప్రక్రియ పారదర్శకంగా చేపట్టాలని అదనపు కలెక్టర్‌ గడ్డం నగేశ్‌ అన్నారు. మండలకేంద్రంలో కొనసాగుతున్న రీ సర్వేను మంగళవారం పరిశీలించి, అధికారులకు పలు సూచనలు చేశారు. ప్రతీ సర్వే నంబర్‌కు సంబంధించిన వివరాలు క్షుణ్ణంగా పరిశీలించి నమోదు చేయాలన్నారు. సర్వే చేయబోయే భూములకు సంబంధించిన రైతులకు ముందుగానే సమాచారం అందించాలని, వారి సమక్షంలో రీ సర్వే చేపట్టాలని సూచించారు. సర్వేకు రైతులు పూర్తిస్థాయిలో సహకరించాలని కోరారు. ఏడీ సర్వే అండ్‌ ల్యాండ్‌ రికార్డ్స్‌ శ్రీనివాస్‌, తహసీల్దార్‌ పుష్పలత తదితరులు పాల్గొన్నారు.

సిరిసిల్ల: బాలల రక్షణ అందరి బాధ్యత అని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి లక్ష్మణాచారి పేర్కొన్నా రు. జిల్లా కేంద్రంలోని మహాత్మా జ్యోతిబా పూలే బాలికల రెసిడెన్షియల్‌ స్కూల్‌లో సోమవారం అవగాహన సదస్సు నిర్వహించారు. ‘సురక్షిత్‌ బచ్‌పన్‌ అభియాన్‌’ పేరుతో జిల్లా వ్యాప్తంగా నిర్వహించనున్న పాఠశాల స్థాయి అవగాహన కార్యక్రమాన్ని ప్రారంభించారు. లక్ష్మణాచారి మాట్లాడుతూ పిల్లలకు మంచి స్పర్శ–చెడు స్పర్శ, అపరిచితులు, తెలిసిన వ్యక్తుల నుంచి ఎదురయ్యే ప్రమాదాల గురించి అవగాహన కల్పించడం ఎంతో అవసరమన్నారు. ప్రిన్సిపాల్‌ సుష్మిత, లోక్‌ అదాలత్‌ సభ్యులు చింతోజు భాస్కర్‌, న్యాయవాదులు శ్రీనివాస్‌, వేణు, కళ్యాణి పాల్గొన్నారు. కులాంతర వివాహాలకు ప్రోత్సాహకంసిరిసిల్ల: జిల్లాలో కులాంతర వివాహాలు చేసుకున్న జంటలకు ప్రోత్సాహకాన్ని కలెక్టర్‌ గరీమా అగ్రవాల్‌ సోమవారం పంపిణీ చేశారు. ఎస్సీ సంక్షేమశాఖ ద్వారా మంజూరైన ప్రోత్సాహక ఫిక్స్‌డ్‌ బాండ్లను అందించారు. 16 మంది కులాంతర వివాహం చేసుకోగా, ఒక్కో జంటకు రూ.2.50లక్షల చొప్పున అందించారు. జిల్లా ఇన్‌చార్జి ఎస్సీ సంక్షేమ శాఖ అధికారి విజయలక్ష్మి పాల్గొన్నారు. ఎస్‌ఐఆర్‌పై వీడియో కాన్ఫరెన్స్‌ రాష్ట్ర ముఖ్య ఎన్నికల అధికారి సుదర్శన్‌రెడ్డి హైదరాబాద్‌ నుంచి ఎస్‌ఐఆర్‌పై వీడియో కాన్ఫరెన్స్‌ నిర్వహించారు. కలెక్టరేట్‌ నుంచి కలెక్టర్‌ గరీమా అగ్రవాల్‌, అదనపు కలెక్టర్‌ గడ్డం నగేశ్‌, ఆర్డీవోలు శ్రీధర్‌బాబు, కేఎస్‌బీ కుమారి, తహసీల్దార్లు జయంత్‌కుమార్‌, ఎన్ని కల విభాగం అధికారి రెహమాన్‌ పాల్గొన్నారు. వాల్మీకి మహర్షి జీవితం ఆదర్శంసిరిసిల్ల: ఆదికవి వాల్మీకి మహర్షి జీవితాన్ని ఆదర్శంగా తీసుకోవాలని ఎస్పీ మహేశ్‌ బీ గీతే కోరారు. జిల్లా పోలీస్‌ ఆఫీస్‌లో సోమవారం వాల్మీకి జయంతి నిర్వహించారు. వాల్మీకి చిత్రపటానికి పూలమాల వేసి నివాళి అర్పించారు. ఎస్పీ మాట్లాడుతూ ఒక సామాన్య బోయవాణిగా జీవితం గడిపిన వాల్మీకి అనంతరకాలంలో రామాయణాన్ని రచించడం ప్రతీ ఒక్కరికి స్ఫూర్తిగా నిలుస్తుందన్నారు. కృషి, నిబద్ధత ఉంటే మనుషులు రుషులవుతారు అనే దానికి వాల్మీకి నిదర్శనమన్నారు. ఎస్బీ డీఎస్పీ వెంకటేశ్వర్లు, ఆర్‌ఐ మధుకర్‌, రమేశ్‌, సీఐ రవికుమార్‌ పాల్గొన్నారు. గ్రీవెన్స్‌ డేకు 21 ఫిర్యాదులు జిల్లా ఎస్పీ ఆఫీస్‌లో సోమవారం నిర్వహించిన గ్రీ వెన్స్‌ డేకు 21 మంది బాధితులు వచ్చి ఎస్పీ మహే శ్‌ బీ గీతేకు ఫిర్యాదులు అందించారు. ఆయా పోలీ స్‌స్టేషన్ల ఎస్‌హెచ్‌వోలకు ఎస్పీ నేరుగా ఫోన్‌లో మా ట్లాడి సమస్యలు పరిష్కరించాలని సూచించారు. గ్రామాల అభివృద్ధికి పెద్దపీట ఎల్లారెడ్డిపేట: గ్రామాల అభివృద్ధికి కేంద్రం పెద్దపీట వేస్తుందని బీజేపీ జిల్లా అధ్యక్షుడు రెడ్డబోయిన గోపి పేర్కొన్నారు. మండలంలోని పదిర శివారులోని రేణుక–ఎల్లమ్మ ఆల యం వద్ద షెడ్డు నిర్మాణానికి కేంద్ర హోంశాఖ సహాయ మంత్రి బండి సంజయ్‌కుమార్‌ రూ.5 లక్షలు మంజూరు చేశారు. ఈ నిధులతో నిర్మించే షెడ్డుకు సోమవారం శంకుస్థాపన చే శారు. సర్పంచ్‌ బోనాల మణెమ్మ, పార్టీ జిల్లా ప్రధాన కార్యదర్శి తిరుపతిరెడ్డి, మండలాధ్యక్షుడు రామచంద్రారెడ్డి తదితరులు ఉన్నారు. రాష్ట్రస్థాయి పోటీలకు ఎంపిక బోయినపల్లి: ఎస్జీఎఫ్‌ అండర్‌–14 రాష్ట్రస్థాయి వాలీబాల్‌ పోటీలకు మండలంలోని నర్సింగాపూర్‌ హైస్కూల్‌ విద్యార్థులు ఎన్‌.ఆదిత్య, ఆర్‌.అవంతిక, విలాసాగర్‌ హైస్కూల్‌కు చెందిన వి.నవీన్‌, ఎం.హర్శిత్‌, ఓ.అక్షిత ఎంపికై నట్లు ఎంఈవో శ్రవణ్‌కుమార్‌ సోమవారం తెలిపారు. కేశవపట్నంలో నిర్వహించిన పోటీల్లో జిల్లా రెండో స్థానం పొందినట్లు తెలిపారు. విద్యార్థులను పీడీ పంతం ప్రభాకర్‌, పీఈటీ మధుకర్‌రెడ్డి అభినందించారు.

● బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ● ప్రభుత్వ ఆస్పత్రిలో రూ.30 లక్షల పరికరాలు ప్రారంభంసిరిసిల్ల: ప్రభుత్వ ఆస్పత్రికి వచ్చే రోగులకు నాణ్యమైన వైద్యసేవలు అందించాలని బీఆర్‌ఎస్‌ వర్కింగ్‌ ప్రెసిడెంట్‌, స్థానిక ఎమ్మెల్యే కేటీఆర్‌ సూచించారు. సీఎస్సార్‌ నిధులు రూ.30లక్షలతో జిల్లా ఆస్పత్రిలో ఏర్పాటు చేసిన వైద్య పరికరాలను సోమవారం ప్రారంభించిన సందర్భంగా మాట్లా డారు. బీఆర్‌ఎస్‌ ప్రభుత్వ హయాంలో ప్రభుత్వ ఆస్పత్రిలో వైద్య సదుపాయాల అభివృద్ధికి ప్రాధాన్యత ఇచ్చామని, కాంగ్రెస్‌ ప్రభుత్వం అధికారంలోకి వచ్చిన తర్వాత నిర్లక్ష్యం చూపుతుందని విమర్శించారు. మెడికల్‌ కాలేజీకి బస్సు సౌకర్యం కల్పించాలని కాలేజీ ప్రిన్సిపాల్‌ రాజేశ్వరీ కోరగా.. త్వరలో బస్సులను సమకూర్చుతామని కేటీఆర్‌ హామీ ఇచ్చారు. ఓ యువతి కాలేజీ ఫీజు చెల్లించలేకపోతున్నానని తెలపగా.. ఆర్థిక సాయం అందించేందుకు కృషి చేస్తానని తెలిపారు. సిరిసిల్ల మున్సిపల్‌ చైర్‌పర్సన్‌ జిందం కళాచక్రపాణి, సీఎస్‌ఆర్‌ఎంవోలు సుమన్‌మోహన్‌రావు, కాశీనాథ్‌, డిప్యూటీ సూపరింటెండెంట్‌ చీకోటి సంతోష్‌కుమార్‌, వైస్‌ ప్రిన్సిపాల్‌ నిర్వీష పాల్గొన్నారు. అనంతరం తెలంగాణ భవన్‌లో నిర్వహించిన కొమురం భీం వర్థంతి, వాల్మీకి మహర్షి జయంతి కార్యక్రమాల్లో పాల్గొన్నారు. వైద్య, ఆరోగ్య శాఖ డాక్టర్లు, వైద్య సిబ్బంది కేటీఆర్‌ను కలిసి తమ సమస్యలపై వినతిపత్రం అందించారు. కొండూరి రవీందర్‌రావు, చలిమెడ లక్ష్మీనర్సింహరావు, తోట ఆగయ్య, తుల ఉమ, జిందం కళాచక్రపాణి, బొల్లి రామ్మోహన్‌, ఏనుగు మనోహర్‌రెడ్డి, కుంబాల మల్లారెడ్డి, కల్లూరి రాజు, మీసరగండ్ల అనిల్‌కుమార్‌ పాల్గొన్నారు.

● ప్రభుత్వ విప్‌ ఆది శ్రీనివాస్‌ కోనరావుపేట: రైతులకు అవసరమైన సేవలు అందించాలని ప్రభుత్వ విప్‌ ఆది శ్రీనివాస్‌ పేర్కొన్నారు. సోమవారం నిర్వహించిన కొలనూర్‌ సింగిల్‌విండో నూతన అధ్యక్ష, కార్యవర్గ సభ్యుల అభినందన సభలో పాల్గొని మాట్లాడారు. సింగిల్‌విండోలు రైతులు పండించిన పంటలను దళారుల ప్రమేయం లేకుండా కొనుగోలు చేయాలని సూచించారు. రైతుల సమస్యలు గుర్తించి పరిష్కరించాలన్నారు. సంఘం నిర్వహణలో ఇబ్బందులు ఎదురైనా తన దృష్టికి తీసుకొస్తే పరిష్కరిస్తానని హామీ ఇచ్చారు. 2004లో అప్పటి ముఖ్యమంత్రి వైఎస్‌ రాజశేఖరరెడ్డి ఉచిత విద్యుత్‌పై తొలి సంతకం చేసి రైతులకు అండగా నిలిచారని గుర్తు చేశారు. అంతకుముందు మరిమడ్లలో అంగన్‌వాడీ భవనాన్ని ప్రారంభించారు. సర్పంచ్‌ జలగం అరవింద్‌రావు, సింగిల్‌విండో చైర్మన్లు బొమ్మెన భాస్కర్‌రావు, చేపూరి గంగాధర్‌, మాజీ చైర్మన్‌ బండ నర్సయ్య, కాంగ్రెస్‌ అధ్యక్షుడు మానుక సత్యం, ఏఎంసీ చైర్మన్‌ ఎల్లయ్య తదితరులు పాల్గొన్నారు.

ఇల్లంతకుంట: కేంద్రం అమలు చేస్తున్న పథకాలు ప్రజలకు తెలిసేలా పార్టీ కార్యకర్తలు కృషి చేయాలని కేంద్ర హోంశాఖ సహాయమంత్రి బండి సంజయ్‌కుమార్‌ కోరారు. మండలంలోని చింతలకుంటపల్లెలో సోమవారం ఓ ప్రైవేటు ఫంక్షన్‌హాల్‌ ప్రారంభోత్సవానికి హాజరై మాట్లాడారు. పార్టీ జిల్లా అధ్యక్షుడు రెడ్డబోయిన గోపి, మండల అధ్యక్షుడు భూమల్ల అనిల్‌కుమార్‌, గడ్డం శశిందర్‌రెడ్డి, మహిళా మోర్చా అధ్యక్షురాలు మారవేణి దివ్య, మామిడి హరీశ్‌, బత్తిని స్వామి, దేశెట్టి శ్రీనివాస్‌, బత్తిని సాయగౌడ్‌, కరికె నవీన్‌కుమార్‌, ముత్తవ్వ, శ్రీశైలం పాల్గొన్నారు. ప్రైవేట్‌ ఫంక్షన్‌ ప్రారంభోత్సవంలో మానకొండూరు ఎమ్మెల్యే కవ్వంపల్లి సత్యనారాయణ, చొప్పదండి ఎమ్మెల్యే మేడిపల్లి సత్యం పాల్గొన్నారు.

ముస్తాబాద్‌: యాసంగి సాగుపై అన్నదాతల్లో ఆందోళన నెలకొంది. ఒకవైపు ప్రభుత్వం ఎల్‌నినో ప్రభావంతో నీటిని సంరక్షించుకోవాలని చేస్తున్న హెచ్చరికల నేపథ్యంలో ఎగువ మానేరు ప్రాజెక్టు ఆయకట్టు సాగు సందిగ్ధంలో పడింది. జిల్లాకు ప్రాణధారమైన నర్మాల ఎగువ మానేరు ప్రాజెక్టుపైనే మూడు మండలాల రైతులు ఆశలు పెట్టుకున్నారు. వానాకాలం పంటలకు వర్షాలు సహకరించి గట్టెక్కామని.. రాబోయే యాసంగికి ప్రాజెక్టు నీరు వస్తుందా? లేదా? అనే ఆలోచనలో పడ్డారు. తాగునీటి అవసరాలకే నీరు ఉపయోగించాలన్న ప్రభుత్వం ఆలోచనతో ఈసారి సాగు కష్టమనే చర్చ సాగుతోంది. ముస్తాబాద్‌, గంభీరావుపేట, ఎల్లారెడ్డిపేట మండలాల పరిధిలో 15వేల ఎకరాల ఆయకట్టు ఉంది. ఆందోళన కలిగిస్తున్న ఎల్‌నినో ఇప్పటికే ఎల్‌నినో ఎఫెక్టుతో సరైన వర్షాలు కురువలేదు. కామారెడ్డి జిల్లాలో కురిసిన వానలతో ఎగువమానేరు ప్రాజెక్టులోని వరద వచ్చి చేరడంతో నిండింది. ప్రస్తుతం 1.7 టీఎంసీల నీరు ఉంది. యాసంగి సాగు మరో పక్షం రోజుల్లో మొదలుకానుంది. అయితే ఎల్‌నినో ప్రభావంతో చెరువులు, రిజర్వాయర్లలోని నీటిని వ్యవసాయానికి విడుదల చేయబోమని, తాగునీటి అవసరాలకే వినియోగించాలనే ప్రభుత్వం సూచిస్తుంది. ఇదిలా ఉండగా 2010లోనే ఎగువ మానేరులో 68 గ్రామాలకు తాగునీటిని అందించేందుకు ఇన్‌టేక్‌ వెల్‌ నిర్మించి కోళ్లమద్దిలో రిజర్వాయర్లను నిర్మించారు. ఎల్‌నినో ప్రభావం నేపథ్యంలో మొత్తం నీటిని సాగుకు కాకుండా తాగునీటికి వాడాలనేది అధికారుల ముందస్తు హెచ్చరికతో రైతులు ఏం చేయాలనే ఆలోచనలో పడ్డారు. ఇప్పటికే మండుతున్న ఎండలతో జలాశయాల్లో నీరు ఆవిరయ్యే అవకాశాలు ఉన్నాయి. ఫిబ్రవరి వరకు ఎల్‌నినో ఎఫెక్టు ఉంటుందన్న అంచనాలతో ఆ తరువాత వచ్చే ఎండకాలంతో నీటికష్టాలు మరింత మొదలవుతాయనే అధికారులు అంచనా వేస్తున్నారు. భూగర్భ జలాలు అలాగే ఉండాలంటే మానేరులో నీటిని కాపాడుకోవాలన్న ముందుచూపులో అధికారులు ఉన్నట్లు తెలుస్తోంది. ప్రాజెక్టు కుడికాలువ కింద ఉన్న 10వేల ఎకరాలకు నీరందించడం కష్టమనే అభిప్రాయం వ్యక్తమవుతోంది. తైబందీ నాటికి నిర్ణయం మానేరు ప్రాజెక్టు ఆయకట్టు తైబందీకి ఇంకా సమయం ఉందని నీటి పారుదలశాఖ అధికారులు స్పష్టం చేస్తున్నారు. యాసంగి సాగుకు ఆయకట్టును నిర్ణయించే తైబందీ జిల్లా కలెక్టర్‌ ఆదేశాలతో నిర్ణయం తీసుకోనున్నారు. ఒకవేళ రైతులు వరి సాగుచేస్తే పూర్తిస్థాయి నీరు ఇవ్వలేమని నీటిపారుదల, వ్యవసాయశాఖ అధికారులు పేర్కొంటున్నారు. దీంతో రైతులు నష్టపోయే ప్రమాదం ఉందని హెచ్చరిస్తున్నారు. ఒకరకంగా క్రాఫ్‌ హాలిడే బెటర్‌ అనే అభిప్రాయాలు వ్యక్తం చేస్తున్నారు. లేదంటే నీటి వినియోగం తక్కువగా ఉండే ఆరుతడి పంటలు, కూరగాయల సాగుచేయాలని సూచిస్తున్నారు. ఇప్పటికే జిల్లాలో ఎల్‌నినో ఎఫెక్టుపై వ్యవసాయశాఖ అధికారులు గ్రామాల్లో రైతులకు అవగాహన కల్పిస్తున్నారు. ప్రభుత్వం ఎల్‌నినోను ఎలా ఎదుర్కోవాలో స్పష్టమైన ఆదేశాలు జారీ చేసినందున.. ముందస్తుగా వరి విత్తనాలు, ఎరువులు, యూరియా అందుబాటులో ఉంచడం లేదని తెలిసింది. ఒకరకంగా కరువు పరిస్థితులు వస్తాయని రైతులను అధికారులు హెచ్చరిస్తున్నారు. పశువులకు పశుగ్రాసం కూడా కరువయ్యే పరిస్థితులు నెలకొనే అవకాశం ఉందని అధికారులు పేర్కొంటున్నారు. ఆరుతడిపంటల సాగే మేలని చెబుతున్నారు. వ్యవసాయశాఖ అధికారుల అవగాహన

● కలెక్టరేట్‌ బాట పట్టిన బాధితులు ● సమస్యల పరిష్కారానికే ప్రజావాణి ● కలెక్టర్‌ గరీమా అగ్రవాల్‌సిరిసిల్ల అర్బన్‌: మండలాల్లో ప్రజావాణి నిర్వహిస్తున్నా చాలా మంది బాధితులు కలెక్టరేట్‌కు తరలివస్తున్నారు. ఏళ్లుగా సమస్య పరిష్కారానికి నోచుకోకపోవడంతో కలెక్టర్‌ దృష్టికి తీసుకెళ్తే తీరుతుందనే ఆశతో వస్తున్నారు. తమ సమస్యను ఆలకించి.. ఆదుకోండి అని కోరుతున్నారు. వివిధ సమస్యలపై బాధితుల నుంచి కలెక్టర్‌ గరీమా అగ్రవాల్‌ 163 దరఖాస్తులు స్వీకరించారు. ఈ సందర్భంగా కలెక్టర్‌ మాట్లాడుతూ సమస్యల పరిష్కారానికే ప్రజావాణి నిర్వహిస్తున్నట్లు పేర్కొన్నారు. దరఖాస్తులను నిర్ణీత సమయంలో పరిష్కరించాలని అధికారులను ఆదేశించారు. సిరిసిల్ల, వేములవాడ ఆర్డీవో కార్యాలయాల్లోని ప్రజావాణికి 9 దరఖాస్తులు, మండల పరిషత్‌లలో 31 అర్జీలు వచ్చాయి.

ప్రాజెక్టు ఆయకట్టు రైతులకు యాసంగి సాగుపై అవగాహన కల్పించాలి. వాస్తవ పరిస్థితులు వివరించాలి. తాగు, సాగునీటిని అందించాల్సిన బాధ్యత ప్రభుత్వానిదే. ఇప్పటికే మిషన్‌ భగిరథ నీరు రావడం లేదు. మొన్నటి వర్షాలకు వచ్చిన మానేరు వరదనీటితో చెరువులు ముందుగా నింపితే బాగుండేది. – చీటి సునీత, సర్పంచ్‌, గూడూరు చివరి ఆయకట్టుకూ నీరందించాలి యాసంగికి మానేరు నీటిని చివరి ఆయకట్టుకూ సరఫరా చేయాలి. ప్రతీ యాసంగిలో తెర్లుమద్ది రైతులకు అన్యాయం జరుగుతుంది. యాసంగికి నీరు ఇస్తారో? ఇవ్వరో? ముందుగా చెబితే ఎవరూ పంటలు వేయరు. – పుట్ట చంద్రయ్య, రైతు, తెర్లుమద్ది ఎల్‌నినో ఎఫెక్టు ఉంది ఎల్‌నినో ఎఫెక్టు చాలా ఉందని వాతావరణశాఖ అధికారులు హెచ్చరిస్తున్నారు. ఉన్న నీటి వనరులను రక్షించుకోవాలని సూచిస్తున్నారు. యాసంగికి మానేరు ప్రాజెక్టు నీరందించే విషయంలో ఇంకా నిర్ణయం తీసుకోలేదు. తాగునీటి అవసరాలకు, భూగర్భ జలాల పెంపుదలకు కాపాడుకోవాలని చెబుతున్నారు. – శ్రీనివాస్‌, డీఈఈ

సాక్షిప్రతినిధి, కరీంనగర్‌: కరీంనగర్‌ జిల్లాలో కలకలం రేపిన ఏటీఎం చోరీల ముఠాను ఎట్టకేలకు పో లీసులు పట్టుకున్నారు. పీఎంజే జ్యువెల్లరీ దోపిడీ, భగత్‌నగర్‌లో దోపిడీ తరువాత రాష్ట్ర వ్యాప్తంగా సంచలనం సృష్టించిన కేసు ఏటీఎంల చోరీ. ఈ కేసును సవాలుగా తీసుకున్న పోలీసులు దర్యాప్తు పకడ్బందీగా చేపట్టి చోరీ ముఠాను పట్టుకున్నారు. బ్లాక్‌ స్కార్పియో వెంట విచారణ సెప్టెంబర్‌ 7న కరీంనగర్‌ పరిధిలోని తిమ్మాపూర్‌, ముగ్దుంపూర్‌ ఎస్‌బీఐ ఏటీఎంలను కొల్లగొట్టిన దుండగులు నలుపురంగు స్కార్పియో టోల్‌గేట్లను తప్పించి మహారాష్ట్ర వైపు వెళ్లినట్లు పోలీసులు గు ర్తించారు. అంతకుముందు ఇదే ముఠా కామారెడ్డి, రాజన్నసిరిసిల్ల జిల్లాల్లోనూ చోరీలు చేసినట్లు సమాచారం అందింది. దీంతో బ్లాక్‌ స్కార్పియో కదలికలను సీసీ పుటేజీల ఆధారంగా గమనించగా మహారాష్ట్ర మీదుగా రాజస్థాన్‌ వైపు వెళ్లినట్లు గుర్తించారు. కరీంనగర్‌, కామారెడ్డి పోలీసులు రాజస్థా న్‌కు వెళ్లారు. తెలంగాణ పోలీసుల సమాచారంతో అప్రమత్తమైన రాజస్థాన్‌ పోలీసులు స్కార్పియో వాహనాన్ని అడ్డగించేందుకు ప్రయత్నించగా వారు వాహనాన్ని వదిలిపెట్టి నగదుతో పరారయ్యారు. దీంతో ఆ రాష్ట్రంలో తెలంగాణ పోలీసులు గాలింపు చర్యలు ముమ్మరం చేశారు. ఫలితంగా రాజస్థాన్‌లోని బరోడా మేప్‌ సమీపంలో భరత్‌పూర్‌ వైపు పారిపోతుండగా మాటువేసిన కామారెడ్డి, కరీంనగర్‌ పోలీసులకు ఈనెల 21న ముఠా సభ్యుడు రశీద్‌ చిక్కాడు. ఈ నేపథ్యంలో కామారెడ్డి పోలీసుల వినతి మేరకు రశీద్‌ను ట్రాన్సిట్‌ వారంట్‌ మీద రా ష్ట్రానికి తరలించారు. ప్రస్తుతం కామారెడ్డి పోలీ సుల అదుపులో ఉన్నాడు. నిందితుడిని ఈ వారాంతంలో కరీంనగర్‌కు తరలించనున్నారు. నకిలీ నంబర్‌ప్లేట్లు.. గ్యాస్‌ కట్టర్లు ఈ దొంగతనాలలో నిందితులు ఒకే రకమైన విధానం అనుసరించారు. నలుపురంగు స్కార్పియో తెలంగాణ, మహారాష్ట్ర, హర్యానా నకిలీ నంబర్‌ ప్లేట్లు, మహిళల వస్త్రధారణ, గ్యాస్‌ కట్టర్లు, ఇంక్‌ స్ప్రే వాడిన విధానాన్ని బట్టి ఈ చోరీలన్నీ ఒకే ముఠా చేసినట్లుగా పోలీసులు నిర్ధారణకు వచ్చారు. ప్రతీ చోటా సీసీ కెమెరాలకు ఇంక్‌ స్ప్రే చేయడం, ఆక్సిజన్‌ సిలిండర్లు, గ్యాస్‌ కట్టర్లు వాడి ఏటీఎం చెస్ట్‌ని కత్తిరించడంతో రాజస్థాన్‌ ముఠా పనిగా నిర్ధారణకు వచ్చారు. పట్టించిన నాలుగో కెమెరా రాష్ట్రంలో హైవేలపై కాపలా లేని ఎస్‌బీఐ ఏటీఎంలనే టార్గెట్‌ చేస్తున్న ముఠా సభ్యులు కామారెడ్డిలో రహస్య సీసీ కెమెరాకు చిక్కారు. ప్రతీ ఏటీఎంకు ప్రవేశ ద్వారం, ఏటీఎం మానిటర్‌, ఏటీఎంకు కుడివైపున మొత్తం మూడు కెమెరాలు ఉంటాయని ఈ ముఠాకు ముందే తెలుసు. అందుకే పోలీసులను తప్పుదోవ పట్టించేలా ముందు మహిళగా నైటీ లేదా బురఖా ధరించి లోపలికి వస్తారు. వెంట తెచ్చుకున్న ఇంక్‌స్ప్రేను మూడు సీసీ కెమెరాలపై స్ప్రే చేస్తారు. తరువాత గ్యాస్‌కట్టర్లతో ఏటీఎంను కొల్లగొడతారు. చోరీ చేసిన ప్రతిచోటా తెలివిగా సీసీ కెమెరాలు పనిచేయకుండా చేసిన ముఠా కామారెడ్డి ఏటీఎంలలో అమర్చిన రహస్యపు అదనపు సీసీ కెమెరాల కంటికి చిక్కారు. దీంతో నిందితుల గుట్టు వీడింది. ఈ ఫుటేజీని ఆధారంగా దర్యాపు చేసిన పోలీసులు దొంగలు రాజస్థాన్‌కు చెందిన వారిగా నిర్ధారణకొచ్చారు. ఈ ముఠా సెప్టెంబర్‌ 20న నగరంలో దాదాపు రూ.17లక్షలకు పైగా నగదు కొల్లగొట్టిన విషయం తెలిసిందే.

సిరిసిల్ల అర్బన్‌: ప్రజా ఆరోగ్య పరిరక్షణలో కీలకపాత్ర పోషిస్తున్న జాతీయ ఆరోగ్య మిషన్‌(ఎన్‌హెచ్‌ఎం) ఉద్యోగులు తమ డిమాండ్ల సాధనకు పుష్కర రోజులుగా నిరవధిక సమ్మె చేస్తున్నారు. ఉద్యోగాల క్రమబద్ధీకరణ, సమాన పనికి సమాన వేతనం, ఉద్యోగ భద్రత, ఆరోగ్యబీమా, హెల్త్‌కార్డులు, మహిళా ఉద్యోగులకు 180 రోజుల వేతనంతో కూడిన ప్రసూతి సెలవులు, పీఆర్సీ అమలు, ఐదు శాతం వార్షిక ఇంక్రిమెంట్‌ లాంటి డిమాండ్లతో ఆందోళన కొనసాగిస్తున్నారు. రాష్ట్రవ్యాప్తంగా 33 జిల్లాల్లో 17 వేల మంది ఎన్‌హెచ్‌ఎం కాంట్రాక్ట్‌, అవుట్‌ సోర్సింగ్‌ ఉద్యోగులు విధులు నిర్వహిస్తున్నారు. జిల్లాలో సుమారు 60 సబ్‌సెంటర్లలో 280 మంది కాంట్రాక్ట్‌ ఉద్యోగులుగా పనిచేస్తున్నారు. ఇన్ని రోజులుగా సేవలందించిన ఉద్యోగులు తమ సమస్యల పరిష్కారం కోసం రోడ్డెక్కాల్సి రావడంపై పలువురు ఆవేదన వ్యక్తం చేస్తున్నారు. వైద్య సేవలకు వెన్నుముక గ్రామీణ ప్రాంతాల నుంచి పట్టణాల వరకు ప్రజా ఆరోగ్య కార్యక్రమాల అమలులో ఎన్‌హెచ్‌ఎం ఉద్యోగుల పాత్ర కీలకం. గర్బిణులు, చిన్నారులు, దీర్ఘకాలిక వ్యాధిగ్రస్తులకు సేవలందించడంలో నిరంతరం శ్రమిస్తున్నారు. ఇంతటి ప్రాధాన్యం ఉన్న వీరు సమ్మెలో ఉండడంతో వైద్యసేవలపై ప్రభావం పడుతుంది. రేపు డెలివరీ అన్న పనిచేసిన నేను విలాసాగర్‌ పీహెచ్‌సీ పరిధి లోని వెంకట్రావుపల్లె సబ్‌సెంటర్‌లో పనిచేస్తున్నాను. 2023లో డెలి వరీ సమయంలో సెలవులు ఇవ్వకపోవడంతో రేపు డెలివరీ అని తెలిసి కూడా పనిచేసిన. డెలివరీ అయిన తర్వాత కూడా ఇంట్లో ఉండి ఆన్‌లైన్‌లో విధులు నిర్వహించాను. సమాన పనికి సమాన వేతనంతోపాటు, మహిళా ఉద్యోగులకు 180 రోజుల వేతనంతో కూడిన ప్రసూతి సెలవులు మంజూరు చేయాలి. – శిరీష, ఎంఎల్‌హెచ్‌పీ, పీహెచ్‌సీ విలాసాగర్‌ ఉద్యోగ భద్రత కల్పించాలి మాది కామారెడ్డి జిల్లా. నేను వీర్నపల్లి ఆరోగ్య కేంద్రంలో సంవత్సరంన్నర నుంచి ఎంఎల్‌హెచ్‌పీగా పనిచేస్తున్నాను. సుమారు 20 ఏళ్లుగా పనిచేస్తున్న ఉద్యోగులు ఉన్నారు. మా సెంటర్‌లో 5 గ్రామాలకు 6 వేల జనాభా ఉంది. వారందరికి వైద్యసేవలు అందిస్తున్నాం. మాకు ప్రధానంగా ఉద్యోగ భద్రత కల్పించాలి. – బాలకృష్ణ, ఎంఎల్‌హెచ్‌పీ, వీర్నపల్లి 15 ఏళ్లుగా పనిచేస్తున్న నేను గత 15 ఏళ్లుగా ఆయుష్‌లో పనిచేస్తున్నాను. నా ప్రారంభ వేతనం రూ.3,900. గత 15 ఏళ్లుగా ఇదే జీతంపై పనిచేస్తున్నాను. 2014లో పెంచారు. కానీ ఇప్పటి వరకు ఇవ్వడం లేదు. దీంతో పిల్లల చదువులకు, కుటుంబ పోషణకు ఇబ్బంది అవుతుంది. సమాన పనికి సమాన వేతనం ఇవ్వాలి. – శారద, ఇల్లంతకుంట సబ్‌సెంటర్‌ సమాన పనికి సమాన వేతనం ఇవ్వాలి నేను హన్మాజీపేట పీహెచ్‌సీలో సెకండ్‌ ఏఎన్‌ఎంగా 18 ఏళ్లుగా పనిచేస్తున్నాను. రాత్రి, పగలు అనే తేడా లేకుండా విధులు నిర్వర్తిస్తున్నాను. ప్రభుత్వం మమ్మల్ని గుర్తించడం లేదు. చాలీచాలని వేతనంతో కుటుంబసోషణ ఇబ్బందిగా మారింది. ఇప్పటికై నా సమాన పనికి సమాన వేతనం ఇవ్వాలి. – సరస్వతి, హన్మాజిపేట పీహెచ్‌సీ

చికెన్‌ వ్యర్థాలు, చనిపోయిన పశువులను ఊరు శివారుల్లో పడేస్తున్నారు. పొలాల కాడికి పోయేటప్పుడు శివారులోకి వచ్చేసరికి దుర్వాసన వస్తోంది. చికెన్‌ వ్యర్థాలు ఇలా పడేయకుండా అధికారులు చర్యలు తీసుకోవాలి. – మోతె పర్శరామ్‌రెడ్డి, రైతు, నారాయణపూర్‌ చర్యలు తీసుకుంటాం చికెన్‌ వ్యర్థాలను చెరువులు, గ్రామ శివారుల్లో పడేయకుండా నిర్వాహకులకు నోటీసులు ఇస్తాం. చికెన్‌ వ్యర్థాలను తరలించే కాంట్రాక్టర్లకు వాటిని అందజేయాలి. చెరువులు కలుషితం కాకుండా కాపాడుతాం. – సత్తయ్య, ఎంపీడీవో, ఎల్లారెడ్డిపేట

అభినందన ఉద్యోగ, సామాజిక భద్రత కల్పించాలి 5న యువ ర్యాలీఇల్లంతకుంట: ఉమ్మడి కరీంనగర్‌ జిల్లా కేంద్రం కరీంనగర్‌లో నవంబర్‌ 5న యువ ర్యాలీ నిర్వహిస్తున్నట్లు బీజేపీ కరీంనగర్‌ జిల్లా అధ్యక్షుడు సాయిని మల్లేశం తెలిపారు. ఆదివారం ఇల్లంతకుంట మండలం దాచారం, గాలిపెల్లి గ్రామాల్లో నిర్వహించిన టిఫిన్‌ బైఠక్‌ కార్యక్రమంలో పాల్గొని మాట్లాడారు. పార్టీని సంస్థాగతంగా బలోపేతం చేయాలని కార్యకర్తలకు సూచించారు. గ్రామస్థాయిలో ప్రజలు ఎదుర్కొంటున్న స్థానిక సమస్యలను గుర్తించి వాటి పరిష్కారానికి కృషి చేయాలని తెలిపారు. నాయకులు, కార్యకర్తల మధ్య సమన్వయం ఏర్పడేందుకే టిఫిన్‌ బైఠక్‌ ముఖ్య ఉద్దేశం అన్నారు. కరీంనగర్‌ జిల్లాలో తలపెట్టిన యువ ర్యాలీలో నాయకులు కార్యకర్తలు పెద్ద సంఖ్యలో పాల్గొని విజయవంతం చేయాలని కోరారు. కార్యక్రమంలో నాయకులు ముత్తవ్వ, నాగ సముద్రాల సంతోష్‌, బీజేపీ మండల అధ్యక్షుడు భూమల్ల అనిల్‌కుమార్‌, మండల యువ మోర్చా అధ్యక్షుడు మంత్రి అరుణ్‌, మారవేణి దివ్య, సుధగోని శ్రీకాంత్‌గౌడ్‌, పొన్నం కృష్ణ, తదితరులు పాల్గొన్నారు.

కోలాటం ఆడుతున్న మహిళలురంగనాయక తిరుప్పోల సేవపై శ్రీవారి విహారం సిరిసిల్లటౌన్‌: తొమ్మిది రోజులుగా సాగుతున్న శ్రీశాల శ్రీలక్ష్మీ వేంకటేశ్వర స్వామి బ్రహ్మోత్సవాల్లో ఆదివారం రాత్రి అతిముఖ్యమైన ఘట్టం పొన్న రథోత్సవం జరిగింది. చుట్టుపక్కల పల్లెల నుంచి వచ్చిన అశేష భక్తుల గోవింద నామస్మరణల మధ్య పొన్న రథ యాత్ర కొనసాగింది. సాంస్కృతిక కార్యక్రమాలు, కళాకారుల కోలాటాలు, భజన సంకీర్తనలు గావించారు. దేవదేవుడికి పెద్ద ఎత్తున మొక్కులు చెల్లించుకున్నారు. సోమవారం జరుగనున్న రథయాత్రకు ఒకరోజు ముందే పొన్నరథ యాత్రతో జాతర శోభను సంతరించుకుంది. కార్యక్రమంలో డీసీసీ అధ్యక్షుడు సంగీతం శ్రీనివాస్‌, ఈవో మారుతిరావు, ఏఈవోలు కూనబోయిన సత్యం, పీసరి రవీందర్‌, ఆలయ కమిటీ మాజీ చైర్మన్లు ఉప్పుల విఠల్‌రెడ్డి, చేపూరి నాగరాజు, తీగల శేఖర్‌గౌడ్‌, అర్చకస్వాములు కృష్ణమాచారి, నవీన్‌చారి, సుకుమారచారి, వర్దనాచారి తదితరులు పాల్గొన్నారు. నేత్రపర్వం.. ‘రంగనాయకుల తిరుప్పోలం’ బ్రహ్మోత్సవాల్లో భాగంగా ఆదివారం సాయంత్రం రంగనాయక తిరుప్పోలంపై శ్రీవారు శ్రీదేవి, భూదేవిల సహితంగా విహరించారు. ఈదివ్య సేవను భక్తులు దర్శనం చేసుకుని పునీతులయ్యారు. పొన్న వాహన సేవకు తరలొచ్చిన భక్తజనం

● ప్రభుత్వ విప్‌ ఆది శ్రీనివాస్‌ ● 80 ఫీట్ల రోడ్డు పనులు పరిశీలన వేములవాడ: కాంగ్రెస్‌ ప్రభుత్వం వేములవాడ రాజన్న ఆలయ అభివృద్ధితో పాటు పట్టణ అభివృద్ధికి సమాన ప్రాధాన్యం ఇస్తోందని, వేములవాడను ఆధ్యాత్మిక, టెంపుల్‌ సిటీగా తీర్చిదిద్దడమే లక్ష్యమని ప్రభుత్వ విప్‌ ఆది శ్రీనివాస్‌ అన్నారు. రాజన్న ఆలయం నుంచి మూలవాగు బ్రిడ్జి వరకు జరుగుతున్న 80 ఫీట్ల రోడ్డు విస్తరణ పనులను ఆదివారం పరిశీలించారు. ఇప్పటివరకు సుమారు రూ.250 కోట్లకు పైగా నిధులు మంజూరయ్యాయన్నారు. ఆలయ అభివృద్ధి పనులు 55శాతం, అన్నదాన సత్రం పనులు 50శాతం వరకు పూర్తయ్యాయని తెలిపారు. అదనంగా రూ.99.40 కోట్ల నిధులు మంజూరు చేయడంతో మిగిలిన పనులను వేగంగా పూర్తి చేసేందుకు చర్యలు చేపట్టామన్నారు. దీర్ఘకాలంగా పెండింగ్‌లో ఉన్న మూడో బ్రిడ్జి నిర్మాణ పనులను వేగవంతం చేశామని తెలిపారు. నాణ్యతా ప్రమాణాలు పాటించి ప్రజలకు సౌకర్యవంతంగా తీర్చిదిద్దాలని అధికారులను ఆదేశించారు. ఆయన వెంట మున్సిపల్‌ చైర్మన్‌ పుల్కం రాజు, వైస్‌చైర్మన్‌ నరాల శేఖర్‌, కౌన్సిలర్లు, అధికారులు పాల్గొన్నారు. పేదల వైద్యానికి ప్రభుత్వం భరోసా ఆర్థిక ఇబ్బందులతో వైద్యం చేయించుకోలేని నిరుపేదలకు ముఖ్యమంత్రి సహాయనిధి, రాజీవ్‌ ఆరోగ్యశ్రీ పథకాల ద్వారా ప్రభుత్వం అండగా నిలుస్తోందని ప్రభుత్వవిప్‌ ఆది శ్రీనివాస్‌ అన్నారు. ఆదివారం మున్సిపల్‌ కార్యాలయంలో మాతృశ్రీ, అశ్విని, వర్ష ఆసుపత్రుల సంయుక్త ఆధ్వర్యంలో మున్సిపల్‌ కార్మికులకు ఏర్పాటు చేసిన ఉచిత వైద్య శిబిరాన్ని ప్రారంభించారు. అర్హులైన పేదలకు ఆరోగ్యశ్రీ ద్వారా రూ.10 లక్షల వరకు వైద్య సేవలు అందుతున్నాయని, సీఎంఆర్‌ఎఫ్‌ ద్వారా కూడా అవసరమైన వారికి ఆర్థిక సాయం అందిస్తున్నామని తెలిపారు.

సిరిసిల్ల: ప్రజాస్వామ్య పరిరక్షణకు మరో ఉద్యమం చేయాల్సిన సమయం ఆసన్నమైందని ఏఐసీసీ పరిశీలకుడు శరత్‌ అన్నారు. ఆదివారం రాజన్న సిరిసిల్ల జిల్లా కాంగ్రెస్‌ పార్టీ కార్యాలయంలో నిర్వహించిన ముఖ్య కార్యకర్తల సమావేశం అనంతరం విలేకరుల సమావేశంలో మాట్లాడారు. ఓటును రక్షిస్తేనే దేశాన్ని రక్షించినట్లని, ప్రజాస్వామ్యాన్ని ఖూనీ చేసేలా బీజేపీ ప్రభుత్వం 13 కోట్ల ఓట్లను ఎస్‌ఐఆర్‌ పేరిట తొలగించిందన్నారు. ఓటర్ల తొలగింపుపై రాహుల్‌గాంధీ మొదటి నుంచి అభ్యంతరం చెబుతూ బీజేపీ కుట్రలను బట్టబయలు చేస్తున్నారని వివరించారు. మహారాష్ట్ర, మహాబలిపురంలో ఓటర్ల తొలగింపులో బీజేపీ కుట్రలు బయటపడ్డాయన్నారు. ఢిల్లీ వేదికగా జంతర్‌మంతర్‌ వద్ద ప్రధాన ప్రతిపక్ష నేత హోదాలో రాహుల్‌గాంధీ ఉద్యమించారని, పోలీసులు, మిలటరీ సాయంతో బీజేపీ ప్రభుత్వం అమానుషంగా వ్యవహరించిందని ఆరోపించారు. ప్రధాన ఎన్నికల కమిషనర్‌ జ్ఞానేశ్‌కుమార్‌ను తొలగించాలని, ఆయన రాజీనామా చేయాలనే ప్రధాన డిమాండ్‌తో నవంబరు 1న రాంలీలా మైదానంలో భారీ ర్యాలీ నిర్వహిస్తున్నామని తెలిపారు. మనకంటే ఎంతో అభివృద్ధి చెందిన యూఎస్‌ఏ, యూకే లాంటి దేశాల్లోనే ఈవీఎంలు సరికాదని, బ్యాలెట్‌ విధానాన్ని కొనసాగిస్తున్నారని అన్నారు. ఈ సమావేశంలో కుత్భుల్లాపూర్‌ మాజీ ఎమ్మెల్యే శ్రీశైలం, గ్రంథాలయ చైర్మన్‌ నాగుల సత్యనారాయణగౌడ్‌, డీసీసీ అధ్యక్షుడు సంగీతం శ్రీనివాస్‌, పట్టణ అధ్యక్షుడు సూర దేవరాజు, ఏఎంసీ చైర్‌పర్సన్‌ వెల్ముల స్వరూపారెడ్డి, మున్సిపల్‌ ఫ్లోర్‌లీడర్‌ ఆడెపు చంద్రకళ, కౌన్సిలర్లు శ్రీశైలం, వెంగల లక్ష్మీనర్సయ్య, పార్టీ నాయకులు గడ్డం నర్సయ్య, ఆకునూరి బాలరాజు, బొప్ప దేవయ్య, చిలుక రమేశ్‌, సంగ స్వామి యాదవ్‌, జిల్లాలోని వివిధ మండలాల పార్టీ నాయకులు పాల్గొన్నారు.

● చెరువుల్లో చికెన్‌ వ్యర్థాలు ● కంపుకొడుతున్న నీటి కుంటలు ● విజృంభిస్తున్న వైరస్‌లుఎల్లారెడ్డిపేట: తాగునీటి చెరువులు కలుషితమవుతున్నాయి. గ్రామ శివారులు కంపుకొడుతున్నాయి. సాయంత్రం వేళ కనీసం వాకింగ్‌కు వెళ్లే పరిస్థితులు కూడా కరువవుతున్నాయి. చెరువు కట్టకు వెళ్లి కాసేపు ఆహ్లాదంగా గడుపుదామన్న పరిస్థితులు లేవు. ఏ ఊరి చెరువు చూసినా చికెన్‌ వ్యర్థాలతో అధ్వానంగా మారుతున్నాయి. చెరువుల కలుషితంపై ‘సాక్షి’ ఫోకస్‌. నీటి వనరులు కలుషితం జిల్లాలోని చెరువులు, కుంటలు, వాగులు కలుషితమవుతున్నాయి. చికెన్‌ సెంటర్ల నిర్వాహకులు కోళ్ల వ్యర్థాలను రాత్రి వేళల్లో గుట్టుచప్పుడు కాకుండా నీటి వనరుల్లో పడేస్తున్నారు. ఫలితంగా నీటి వనరులు కలుషితమవుతున్నాయి. చెరువుల ద్వారా వచ్చే నీరు వ్యవసాయ కాలువల ద్వారా బావుల్లోకి చేరుతున్నాయి. అలా చేరిన నీరు భూమిలోకి ఇంకి భూగర్భజలాలు సైతం కలుషితమవుతున్నాయి. ఎల్లారెడ్డిపేట మండల కేంద్రంలోని గిద్దెచెరువు, నారాయణపూర్‌ శివారులోని పెద్దమ్మ ఒర్రె, సిరిసిల్ల శివారులోని కార్గిల్‌లేక్‌ పరిసరాలు, వేములవాడ–నాంపల్లి మధ్య పరిసరాలు, గంభీరావుపేట నుంచి దమ్మన్నపేట వెళ్లే మార్గంలోని చెరువు, ముస్తాబాద్‌ నుంచి సిద్దిపేట రూట్‌లో పెద్దచెరువు కట్ట కింది ప్రాంతం, తంగళ్లపల్లి సమీపంలోని మానేరువాగు పరిసరాల్లో చికెన్‌ వ్యర్థాలు పడేస్తున్నారు. వ్యాధుల వ్యాప్తి భూగర్భజలాలు కలుషితం కావడంతో గ్రామాల్లో చర్మ వ్యాధులు వస్తున్నాయి. అంతేకాకుండా గ్రామ శివారులో చికెన్‌ వ్యర్థాలు పడేయడంతో అవి కుళ్లిపోయి దోమలు పెరిగి గ్రామ శివారులోని కాలనీవాసులు ఇబ్బందిపడుతున్నారు. సాయంత్రం అయిందంటే శివారులో నివసించే వారు దోమల బాధతో తలుపులు వేసుకుని ఇళ్లలోనే ఉంటున్నారు. రోగాలు వస్తాయి చెరువుల్లో చికెన్‌ వ్యర్థాలు పడేస్తే వివిధ రకాల వైరస్‌లు నీటిలో కలుస్తాయి. చర్మవ్యాధులు వచ్చే అవకాశం ఉంటుంది. చికెన్‌ వ్యర్థాలు పశువులు తింటే వాటికి రేబిస్‌ వ్యాధి వచ్చే ప్రమాదం ఉంది. ఈ వ్యర్థాలను చెరువుల్లో పడేయొద్దు. – అలిగిరెడ్డి, అమరేందర్‌రెడ్డి, వైద్యుడు

సిరిసిల్ల: సిరిసిల్ల జిల్లా కేంద్రం.. ఒకప్పుడు స్వచ్ఛ సిరిసిల్లగా జాతీయ స్థాయిలో అవార్డు సాధించింది. ఇప్పుడేమైందో కానీ.. ఒక్కసారిగా నిలు వెల్లా నిర్లక్ష్యం ఆవహించింది. విద్యుత్‌ను పొదుపుగా వాడాలని ప్రభుత్వం చెబుతుంటే.. పగలే వెన్నెలా అన్నట్లుగా పొద్దంతా వీధిదీపాలు వెలుగుతున్నాయి. 29వ వార్డులో పొద్దంతా వెలుగుతున్న వీధిలైట్లు ఇందుకు తాజా నిదర్శనంగా నిలుస్తున్నాయి. ఇంటింటికీ వెళ్లి తడి, పొడి చెత్తను వేర్వేరుగా సేకరించే యంత్రాంగం ఉన్నా రోడ్డు పక్కన చెత్తను పోస్తున్నారు. అలా పోసిన చెత్తను తొలగించడంలోనూ మున్సిపల్‌ పారిశుధ్య విభాగం విఫలమవుతుంది. 29వ వార్డులో కనిపిస్తున్న ఈ చెత్త కుప్పలే మున్సిపల్‌ సిబ్బంది నిర్లక్ష్యానికి నిలువెత్తు సాక్ష్యం. మున్సిపల్‌ పాలకవర్గ పట్టింపులేని తనం, సిబ్బంది నిర్లక్ష్యం.. ఫలితంగా స్వచ్ఛ సిరిసిల్లకు మచ్చ వస్తుంది. ఇప్పుటికై నా మున్సిపల్‌ అధికారులు శ్రద్ధచూపి నిర్లక్ష్యాన్ని వీడితే ప్రజాధనాన్ని రక్షిస్తూ.. ప్రజారోగ్యాన్ని కొంతైనా కాపాడినట్లు అవుతుంది. ఆ దిశగా చర్యలు తీసుకోవాలని పట్టణ ప్రజలు కోరుతున్నారు.

హుజూరాబాద్‌రూరల్‌: విజయవాడ కనకదుర్గమ్మను దర్శించుకుని సంతోషంగా తిరుగు ప్ర యాణమైన యువకులను రో డ్డు ప్రమాదం కబళించింది. శని వారం వేకువజామున హుజు రాబాద్‌ మండలం రంగాపూర్‌ శివారులో జాతీయరహదారిపై ప్రమాదం జరిగింది. పోలీసులు తెలిపిన వివరాలు.. పెద్దపల్లి జిల్లా రామగుండం నగరాని కి చెందిన ఏడుగురు యువకులు కారులో శుక్రవారం విజయవాడకు వెళ్లి కనకదుర్గమ్మను ద ర్శించుకున్నారు. రాత్రి స్వగ్రామానికి పయనమయ్యారు. వీరి కారు రంగాపూర్‌ శి వారులోకి చేరుకోగానే ముందు వెళ్తున్న లారీని అతి వేగంగా ఢీకొట్టింది. ప్రమాద తీవ్రతకు కారు ముందు భాగం లారీ కిందకు దూసుకెళ్లి నుజ్జునుజ్జు అ యింది. ఈ దుర్ఘటనలో బట్టారి అరవింద్‌ (20), మచ్చ సాయినాథ్‌ (20) అక్కడికక్కడే మృతిచెందా డు. కారులో ఉన్న మిగతా ఐదుగురు ఎరుకల సా యికృష్ణ, మచ్చ ఆదర్శ్‌, ముఖియా, వివేక్‌, శ్రీకర్‌కు తీవ్ర గాయాలయ్యాయి. సమాచారం అందుకున్న వెంటనే హుజూరాబాద్‌ రూరల్‌ సీఐ శ్రీనివాస్‌ తమ సిబ్బందితో ఘటనా స్థలానికి చేరుకున్నారు. కారు పూర్తిగా లారీ కింద ఇరుక్కుపోవడంతో క్రేన్‌ను ర ప్పించారు. స్థానికుల సాయంతో సుమారు రెండు గంటల పాటు శ్రమించి మృతదేహాలు, క్షతగాత్రులను బయటకు తీశారు. గాయపడిన ఐదుగురిని హుజూరాబాద్‌ ఆసుపత్రికి తరలించి ప్రాథమిక చికిత్స అందించారు. పరిస్థితి విషమంగా ఉండడంతో వరంగల్‌ ఎంజీఎంకు తీసుకెళ్లారు. అక్కడి నుంచి మరో ఇద్దరి పరిస్థితి ఆందోళనకరంగా ఉండటంతో హైదరాబాద్‌కు తరలించినట్లు తెలుస్తోంది. కేసు దర్యాప్తు చేస్తున్నట్లు సీఐ వెల్లడించారు. దైవదర్శనం.. విషాదాంతం విజయవాడ కనకదుర్గమ్మ దర్శనానికి వెళ్లి వస్తూ ఇద్దరు యువకులు.. ద్విచక్రవాహనాలు అదుపుతప్పి మరో ఇద్దరు.. రెండు బైక్‌లు ఢీకొన్న ఘటనలో మహిళ.. బైక్‌ ఢీకొని వృద్ధురాలు.. కారు ప్రమాదంలో వృద్ధుడు.. కారు బోల్తాపడి మరో వ్యక్తి.. ఉమ్మడి కరీంనగర్‌ జిల్లాలో శనివారం రహదారులు నెత్తురోడాయి. ఆయా ప్రమాదాల్లో మొత్తం 8 మంది మృతిచెందగా, బాధిత కుటుంబాలు కన్నీరుమున్నీరవుతున్నాయి.

మెట్‌పల్లిరూరల్‌: రహదారిపై ఆరబోసిన మొక్కజొన్నపై ద్విచక్రవాహనం స్కిడ్‌ కావడంతో తీవ్రగాయాలపాలైన వ్యక్తి ఆసుపత్రిలో చికిత్స పొందుతూ మృతి చెందాడు. వివరాలు.. రాయికల్‌ మండలం ఇటిక్యాలకు చెందిన మరిపెల్లి రమేశ్‌(29) ఈ నెల 10న మల్లాపూర్‌ మండలం వీవీరావుపేటలో తన సోదరి ఇంటికి వెళ్లాడు. స్వగ్రామానికి ద్విచక్రవాహనంపై వస్తుండగా గొర్రెపల్లి సమీపంలో ఎదురుగా వస్తున్న ఆర్టీసీ బస్సును తప్పించేందుకు ప్రయత్నించాడు. బస్సును తప్పించే చోట రహదారిపై మొక్కజొన్న ఆరబోసి ఉండడంతో ద్విచక్రవాహనంపై నుంచి స్కిడ్‌ అయి కిందపడగా, తీవ్రగాయాలయ్యాయి. కరీంనగర్‌లోని ఓ ఆసుపత్రిలో చేర్పించగా చికిత్స పొందుతూ శనివారం మృతిచెందాడు. మృతుడికి భార్య, 5 నెలల పాప ఉంది. కేసు దర్యాప్తు చేస్తున్నట్లు పోలీసులు తెలిపారు. చికిత్స పొందుతూ గుర్తుతెలియని వ్యక్తి.. కొడిమ్యాల: మండలంలోని అప్పారావుపేట శివారు భవానికుంట సమీపంలో ఈ నెల 19న స్పృహ కోల్పోయి కింద పడి ఉన్న గుర్తుతెలియని వ్యక్తిని ప్రజాప్రతినిధులు జగిత్యాల ప్రభుత్వ ఆసుపత్రికి తరలించారు. అక్కడ చికిత్స పొందుతూ శనివారం మృతి చెందినట్లు ఎస్సై నరేశ్‌కుమార్‌ తెలిపారు. మృతుడిని గుర్తించినవారు పోలీసులకు సమాచారం అందించాలని కోరారు.

కరీంనగర్‌క్రైం: కరీంనగర్‌ భగత్‌నగర్‌లో సంచలనం సృష్టించిన భారీ దోపిడీ కేసులో ఉత్తరప్రదేశ్‌కు చెందిన ఐదుగురు అంతర్రాష్ట్ర ముఠా సభ్యులపై పీడీ యాక్ట్‌ అమలు చేస్తూ శనివారం పోలీస్‌ కమిషనర్‌ గౌస్‌ఆలం ఉత్తర్వులు జారీ చేశారు. నిందితులను కరీంనగర్‌ జిల్లా జైలు నుంచి చర్లపల్లి కేంద్ర కారాగారానికి తరలించారు. గత జూలై 21న అర్ధరాత్రి భగత్‌నగర్‌లో మహ్మద్‌ అజ్మత్‌ అలీ ఇంట్లోకి చొరబడిన ముఠా సభ్యులు డమ్మీ తుపాకులు, కత్తులతో కుటుంబ సభ్యులను బెదిరించి దాడికి పాల్పడ్డారు. వృద్ధులు, మహిళలను కొట్టి ఒక గదిలో బంధించి రూ.25 లక్షల నగదు, బంగారం, వెండి ఆభరణాలు, రెండు మోటార్‌ సైకిళ్లతో కలిపి సుమారు రూ.43 లక్షల విలువైన సొత్తును దోచుకెళ్లారు. ఈ కేసులో దర్యాప్తు చేపట్టిన పోలీసులు ఆగస్టులో ఐదుగురిని అరెస్టు చేసి రిమాండ్‌కు తరలించారు. సమాజ శాంతిభద్రతలకు విఘాతం కలిగించే నేరాలకు పాల్పడిన నేపథ్యంలో వారిపై పీడీ యాక్ట్‌ అమలు చేశారు. నిందితులు ఉత్తరప్రదేశ్‌లోని మీరట్‌ నగరానికి చెందిన మహ్మద్‌ రజావుద్దీన్‌, మహ్మద్‌ అజీమ్‌రజా, సల్మాన్‌ అలియాస్‌ భూరే అలియాస్‌ యాదవ్‌, సల్మాన్‌ అలియాస్‌ విమన్‌, మహ్మద్‌ హసీన్‌. కేసు దర్యాప్తును సమర్థవంతంగా నిర్వహించి, నిందితులపై పీడీ యాక్ట్‌ అమలులో కీలక పాత్ర పోషించిన కరీంనగర్‌ పట్టణ ఏసీపీ ఎన్‌.వెంకటస్వామి, వన్‌టౌన్‌ సీఐ కె.రాంచందర్‌రావును సీపీ అభినందించారు.

మల్యాల/ధర్మపురి: మల్యాల మండలం ముత్యంపేటలోని కొండగట్టు శ్రీఆంజనేయస్వామి, ధర్మపురిలోని శ్రీలక్ష్మీనృసింహస్వామి ఆలయాల్లో హైకోర్టు న్యాయమూర్తి నరసింగరావు శనివారం కుటుంబసమేతంగా పూజలు చేశారు. ఈ సందర్భంగా ఆలయ అర్చకులు పూర్ణకుంభంతో స్వాగతం పలికారు. శేషవస్త్రంతో సత్కరించి, స్వామివారి తీర్థ, ప్రసాదాలు అందజేశారు. జిల్లా జడ్జి రత్నాపద్మావతి, సబ్‌ జడ్జి నాగేశ్వర్‌రావు, ధర్మపురి కోర్టు మేజిస్ట్రేట్‌ యోగి జానకి, తహసీల్దార్‌ శ్రీనివాస్‌, సూపరింటెండెంట్‌ అలువాలు శ్రీనివాస్‌, ఆలయ సిబ్బంది పాల్గొన్నారు.అప్పుల బాధ భరించలేక ఆత్మహత్య జూలపల్లి: పెద్దపల్లి జిల్లా జూలపల్లి మండలం పెద్దాపూర్‌ గ్రామానికి చెందిన గీతకార్మికుడు బందారపు సురేశ్‌(34) అప్పుల బాధ భరించలేక పురుగుల మందు తాగి అత్మహత్య చేసుకున్నాడు. ఎస్‌ఐ మల్లేశ్‌ కథనం ప్రకారం.. గీత కార్మికుడు సురేశ్‌.. ఉపాధి కోసం అప్పు చేసి కొన్నేళ్ల క్రితం ఖతార్‌ దేశం వెళ్లాడు. రెండు సంవత్సరాలకే తిరిగి వచ్చాడు. ఖతార్‌ వెళ్లే సమయంలో చేసిన అప్పులు సుమారు రూ.7లక్షలు తీర్చేదారిలేక మానసికంగా కుంగిపోయాడు. ఈ విషయాన్ని భార్యకు చెబుతూ బాధపడేవాడు. బతుకమ్మ పండుగ కోసం భార్య రమాదేవి, కొడుకుతో కలిసి తన పుట్టింటికి వెళ్లింది. ఇంట్లో ఒక్కడే ఉంటున్నాడు. ఈనెల 23న రాత్రి భార్యకు ఫోన్‌చేసి తాను పురుగుల మందు తాగానని చెప్పాడు. ఆమె వెంటనే స్పందించి సురేశ్‌ సోదరుడు బందారపు అంజయ్యకు ఫోన్‌ ద్వారా విషయం చెప్పింది. ఆ తర్వాత సురేశ్‌ను కరీంనగర్‌లోని ప్రభుత్వ ప్రధాన వైద్యశాలకు తరలించారు. అక్కడ చికిత్స పొందుతూ అదేరోజు తెల్లవారు జామున మృతి చెందాడు. మృతుడి భార్య ఫిర్యాదు మేరకు కేసు నమోదు చేసినట్లు ఎస్‌ఐ వివరించారు. మెడికల్‌ షాప్‌ యజమాని.. కరీంనగర్‌క్రైం: మెడికల్‌ షాప్‌లో వ్యాపారం సరిగా సాగక నష్టాలు రావడంతో మానసిక ఆందోళనకు గురైన ఓ వ్యక్తి వివిధ రకాల మందులు మింగి చికిత్స పొందుతూ మృతిచెందాడు. పోలీసులు తెలిపిన వివరాలు.. కరీంనగర్‌లోని చైతన్యపురికి చెందిన నడిమెట్ల శ్రీరాములు (34) భగత్‌నగర్‌లోని రామచంద్రాపూర్‌కాలనీలో సాధన మెడికల్‌ అండ్‌ జనరల్‌ స్టోర్‌ నిర్వహిస్తున్నాడు. కొంతకాలంగా వ్యాపారం సరిగా సాగక నష్టాలు వస్తుండగా, అప్పులు కూడా పుట్టడం లేదని కుటుంబ సభ్యుల వద్ద ఆవేదన వ్యక్తం చేసేవాడు. ఈ క్రమంలో మద్యానికి బానిసయ్యాడు. ఈ నెల 23న సాయంత్రం మద్యం మత్తులో ఇంటికి వచ్చిన శ్రీరాములు షాప్‌లోని వివిధ రకాల టాబ్లెట్లు మింగినట్లు భార్యకు తెలిపాడు. దీంతో కుటుంబ సభ్యులు ప్రైవేట్‌ ఆసుపత్రికి తరలించగా, చికిత్స పొందుతూ శనివారం మధ్యాహ్నం మృతిచెందాడు. మృతుడి భార్య ఫిర్యాదు మేరకు కేసు దర్యాప్తు చేస్తున్నట్లు టూ టౌన్‌ పోలీసులు తెలిపారు. గుండెపోటుతో ముగ్గురు మృతి వేములవాడరూరల్‌/రామగుండం/రుద్రంగి: ఉమ్మడి కరీంనగర్‌ జిల్లాలో శనివారం ముగ్గురు యువకులు గుండెపోటుతో ప్రాణాలు కోల్పోయారు. రాజన్నసిరిసిల్ల జిల్లా వేములవాడ రూరల్‌ మండలం చెక్కపల్లికి చెందిన సింగారపు బాబు, కమల దంపతుల కొడుకు సింగారపు శేఖర్‌(30) గల్ఫ్‌ వెళ్లాడు. అనారోగ్యానికి గురికావడంతో నాలుగు నెలల క్రితం స్వగ్రామానికి వచ్చాడు. వైద్యులు పరీక్షించి గుండె వాల్వ్‌లో స్టంట్‌ వేశారు. శనివారం ఇంట్లో కుటుంబ సభ్యులతో మాట్లాడుతూ తల్లి కాళ్లపై కుప్పకూలిపోయాడు. శేఖర్‌ చిన్నవయసులోనే తండ్రి బాబు చనిపోయాడు. మృతునికి తల్లి, భార్య, ఇద్దరు కూతుళ్లు ఉన్నారు. రుద్రంగి మండల కేంద్రానికి చెందిన కోల భూమారెడ్డి శనివారం గుండెపోటుతో మరణించాడు. హౌసింగ్‌బోర్డు కాలనీలో.. రామగుండం పట్టణంలోని హౌసింగ్‌బోర్డు కాలనీకి చెందిన ఎర్రం అంజయ్య–ఎల్లమ్మ దంపతులకు సందీప్‌(27), మణికంఠ సంతానం. సందీప్‌ కూలి పనులు చేస్తుండగా, మణికంఠ ఎన్టీపీసీలోని ఓ ప్రైవేట్‌ కంపెనీలో పని చేస్తున్నాడు. శనివారం ఇంట్లో ఎవరూ లేని సమయంలో సందీప్‌ ఫిట్స్‌ వచ్చి కుప్పకూలిపోయాడు. స్థానికులు గమనించి తల్లిదండ్రులకు సమాచారం అందించగా గోదావరిఖని ప్రభుత్వాస్పత్రికి తరలిస్తుండగా గుండెపోటు రావడంతో మృతిచెందాడు. అయితే హౌసింగ్‌బోర్డు కాలనీలో ఒకే రోజు ప్రమాదంలో ఇద్దరు, గుండెపోటుతో మరో యువకుడు ప్రాణాలు కోల్పోవడం విషాదం నింపింది.

● 14 సెల్‌ఫోన్లు, ఏడు బైకులు స్వాధీనం మెట్‌పల్లిరూరల్‌: మెట్‌పల్లి మండలం బండలింగాపూర్‌లో ఆర్మీ సైనికుడు తిగుర్ల స్వామిపై దాడికి పాల్పడిన వెల్లుల్ల గ్రామానికి చెందిన 14 మందిని అరెస్టు చేసినట్లు మెట్‌పల్లి సీఐ సురేశ్‌బాబు, ఇబ్రహీంపట్నం ఎస్సై నవీన్‌కుమార్‌ తెలిపారు. బండలింగాపూర్‌లో గురువారం రాత్రి బతుకమ్మ ఆడుతున్న మహిళల పక్కనుంచి వెల్లుల్ల గ్రామానికి చెందిన వ్యక్తులు బైక్‌లపై స్పీడ్‌గా వెళ్లడంతో అక్కడే ఉన్న ఆర్మీ సైనికుడు తిగుర్ల స్వామి వారిని ప్రశ్నించాడు. ఈ క్రమంలో వాగ్వాదం చోటు చేసుకుంది. స్వామిపై దాడి చేయడంతో తీవ్రంగా గాయపడ్డాడు. స్వామి ఫిర్యాదు మేరకు కేసు నమోదు చేసుకున్న పోలీసులు 14 మందిని అదుపులోకి తీసుకున్నారు. వారి నుంచి 14 ఫోన్లు, ఏడు బైక్‌లు స్వాధీనం చేసుకుని కోర్టులో హాజరుపరిచారు. మరికొందరు పరారీలో ఉన్నారని సీఐ వివరించారు. అర్టెయినవారిలో వెల్లుల్లకు చెందిన బావు రమేశ్‌, తుపాకుల స్వామి, బావు అఖిల్‌, లక్కంపెల్లి కార్తీక్‌, మర్రి నీరజ్‌, లక్కంపెల్లి కల్యాణ్‌, ఐలేని వంశీ, కల్లూరి మహేశ్‌, కల్లూరి వంశీ, కాంతి విశాల్‌, బొబ్బిలి నాగరాజు, పోచంపల్లి సాయి, మంచాల పవన్‌, కల్లూరి రవి ఉన్నారు.

రామగుండం: వారిద్దరు ప్రాణ స్నేహితులు. ఇద్దరి వయసు 21 ఏళ్లు. ఒకే కాలనీలో ఉంటారు. దేవీ నవరాత్రోత్సవాల్లో మాలాధారణ చేశారు. రోజు దుర్గమ్మకు పూజలు చేస్తూ మండపంలో భజన చేశారు. గురువారం రాత్రి అమ్మవారిని నిమజ్జనం చేశారు. తమ మాల వితరణ చేసేందుకు శుక్రవారం ఉదయం కారులో ఏడుగురు మిత్రులు కలిసి విజయవాడ కనకదుర్గ ఆలయానికి వెళ్లి మొక్కులు అప్పగించారు. రాత్రి తిరుగు ప్రయాణమవగా శనివారం వేకువజామున హుజూరాబాద్‌లో జరిగిన రోడ్డు ప్రమాదంలో ప్రాణ స్నేహితులు ప్రాణాలు విడిచారు. దీంతో రామగుండంలోని హౌజింగ్‌బోర్డు కాలనీలో విషాదం నెలకొంది. ఇంటికి రాకుండానే వెళ్లిపోయావా కొడుకా.. ‘పదిహేనేళ్ల నుంచి దుర్గమ్మ మాలాధారణ చేస్తివి.. ఎంతో నిష్టగా నవరాత్రుల్లో పాల్గొంటివి.. నాకు పని దొరికితే దుర్గమ్మను దర్శించుకుంటానని మొక్కితివి.. ఎన్టీపీసీలో పని దొరికే.. మొక్కు తీర్చుకునేందుకు విజయవాడ దుర్గమ్మ చెంతకు వెళ్లితివి.. ఇంటికి రాకుండానే ప్రాణాలు వదిలితివి కదురా కొడుకా’ అంటూ మచ్చ సాయినాథ్‌(21) తల్లి కవిత రోదిస్తున్న తీరు కంటతడి పెట్టించింది. హౌజింగ్‌బోర్డు కాలనీకి చెందిన మచ్చ రాజేశ్‌–కవిత దంపతులకు సాయినాథ్‌, హర్ష కుమారులు. రాజేశ్‌ సెంట్రింగ్‌ పనులు చేస్తుండగా, కవిత వంద రోజుల పనికి వెళుతూ ఇద్దరు కుమారులను చదివిస్తున్నారు. సాయినాథ్‌ ఐటీఐ (ఎలక్ట్రిషియన్‌) పూర్తి చేసి రెండునెలల క్రితం ఎన్టీపీసీలో అప్రెంటీస్‌ చేస్తున్నాడు. పదిహేనేళ్లుగా (ఆరేళ్ల వయసు నుంచి) దుర్గాదేవి మాలాధారణ చేసుకుంటున్నాడు. పదహారోసారి దుర్గమ్మకు మొక్కులు అప్పగించి మాల వితరణ చేసి ఇంటికి వస్తున్న క్రమంలో శుక్రవారం అర్ధరాత్రి ఇంటికి ఫోన్‌ చేసి‘ఇప్పుడే దాబా హోటల్‌లో తిని కారెక్కినం అమ్మా’ అంటూ మాట్లాడిన గంటల వ్యవధిలోనే రోడ్డు ప్రమాదంలో మృతి చెందిన విషయం తెలిసి ఒక్కసారిగా నిశ్చేష్టులయ్యారు. అన్నకు తోడుగా ఉంటానంటివి కదా చిన్నా.. ‘మూడేళ్లుగా దుర్గమ్మ మాలాధారణ చేసుకుంటివి.. డిగ్రీ పూర్తి చేసి ప్రైవేట్‌ కంపెనీలో ఈయేడు ఉద్యోగం చూసుకొని అన్నకు తోడుగా ఉంటానని చెప్పితివి కదురా కొడుకా’ అంటూ బట్టారి జీవిత తన కుమారుడి మృతదేహంపై పడి రోదించడంతో అక్కడున్నవారు కంటతడి పెట్టారు. బట్టారి సీతారాములు–జీవిత దంపతులకు ముగ్గురు కుమారులు కాగా సీతారాములు ఐదేళ్ల క్రితమే మృతిచెందాడు. వీరి పెద్ద కుమారుడు చక్రాధర్‌ పెద్దపల్లి కోర్టు ఉద్యోగి. రెండో కుమారుడు అరవింద్‌ (మృతుడు), మూడో కుమారుడు తేజ ఇంటర్మీడియట్‌ చేస్తున్నాడు. వీరి కుటుంబాన్ని పెద్ద కుమారుడు పోషిస్తున్నాడు. కుటుంబ సమస్యలను గుర్తించి డిగ్రీ పూర్తికాగానే ఉద్యోగం చేస్తానని చెప్పి కానరాని లోకాలకు వెళ్లాడని అరవింద్‌ సోదరులు గుండెలవిసేలా రోదించారు. చివరగా శుక్రవారం రాత్రి 11.30లకు ఫోన్‌ చేసి రెండు గంటల్లోగా ఇంటికి చేరుకుంటామని చెప్పిన మాటలను గుర్తు చేసుకుంటూ విలపించారు. పలువురి పరామర్శ మచ్చ సాయినాథ్‌, బట్టారి అరవింద్‌ రోడ్డు ప్రమాదంలో మృతిచెందగా శనివారం వారి కుటుంబసభ్యులను కార్పొరేటర్లు దారంగుల కుమార్‌, ఇసంపెల్లి అంజులు, కాంగ్రెస్‌ సీనియర్‌ నాయకుడు అయోధ్యసింగ్‌ఠాకూర్‌, బీఆర్‌ఎస్‌ రాష్ట్ర నాయకుడు కౌశికహరి, మాజీ కార్పొరేటర్‌ కౌశిక లత, ఉపాధ్యాయులు ఠాకూర్‌ బల్వన్‌సింగ్‌, ఠాకూర్‌రాంసింగ్‌, రజిని పరామర్శించారు.

బుగ్గ క్రాస్‌రోడ్డు వద్ద బోల్తా పడిన కారు ద్విచక్రవాహనం అదుపుతప్పి.. సిరిసిల్లఅర్బన్‌: రాజన్న సిరిసిల్ల పట్టణ పరిధి రెండో బైపాస్‌లో శనివారం ద్విచక్ర వాహనం అదుపుతప్పి డివైడర్‌ను ఢీకొనడంతో పెద్దూరు డబుల్‌ బెడ్‌రూం ఇళ్ల సమాదాయానికి చెందిన అన్నల్‌దాస్‌ కనుకయ్య (65) మృతిచెందాడు. మరమగ్గాలు నడుపుకుంటూ జీవనం సాగిస్తున్న కనుకయ్య పని నిమిత్తం సిరిసిల్లకు వచ్చి తిరిగి ఇంటికి వెళ్తుండగా ప్రమాదం జరిగింది. మృతుడికి కుమారుడు, ఇద్దరు కూతుర్లు ఉన్నారు. కేసు దర్యాప్తు చేస్తున్నట్లు పోలీసులు తెలిపారు. ద్విచక్రవాహనం ఢీకొని వృద్ధురాలు.. రాజన్న సిరిసిల్ల జిల్లా పరిధిలో శనివారం రాత్రి రోడ్డుపై నడుచుకుంటూ వెళ్తున్న వృద్ధురాలిని ద్విచక్రవాహనం ఢీకొనడంతో అక్కడికక్కడే మృతిచెందింది. పోలీసులు తెలిపిన వివరాలు..పెద్దూరు గ్రామానికి చెందిన జి. ఎల్లవ్వ(65) ఒంటరిగా జీవిస్తోంది. సర్ధాపూర్‌ శివారు నుంచి పెద్దూరు వైపు రోడ్డుపై నడుచుకుంటూ వస్తున్న క్రమంలో హెచ్‌పీ పెట్రోల్‌ బంక్‌ వద్ద ద్విచక్రవాహనం ఢీకొట్టింది. ఈ ప్రమాదంలో ఎల్లవ్వకు తీవ్రగాయాలై అక్కడికక్కడే మృతిచెందింది. మృతురాలికి ఇద్దరు కూతుర్లు ఉండగా చిన్న కూతురు కొన్నినెలల క్రితం కార్గిల్‌లేక్‌లో పడి మృతిచెందింది. మారో కూతురు గంభీరావుపేటలో ఉంటోంది. కేసు దర్యాప్తు చేస్తున్నట్లు పోలీసులు తెలిపారు. పాలకుర్తి: పెద్దపల్లి జిల్లా పాలకుర్తి మండలం బసంత్‌నగర్‌ పోలీస్‌స్టేషన్‌ సమీపంలోని బుగ్గ క్రాస్‌రోడ్డు వద్ద శనివారం కారు అదుపుతప్పి బోల్తా పడిన ఘటనలో గోదావరిఖనికి చెందిన బీఆర్‌ఎస్‌ సీనియర్‌ నాయకుడు పీటీ స్వామి మృతిచెందారు. బసంత్‌నగర్‌ ఎస్సై శ్రీధర్‌ కథనం ప్రకారం.. స్వామి తన కారులో కరీంనగర్‌ నుంచి గోదావరిఖని వెళ్తుండగా బసంత్‌నగర్‌ స్టేజీ దాటాక అదుపుతప్పి బోల్తా పడింది. ఆయనకు తీవ్ర గాయాలు కాగా అంబులెన్స్‌లో గోదావరిఖని ఆస్పత్రికి తరలించారు. అక్కడ చికిత్స పొందుతూ మృతిచెందారు. ప్రైవేట్‌ విద్యాసంస్థల స్థాపనలో కీలకపాత్ర గోదావరిఖని: అనేకమందికి విద్యాబోధన చేసి తీ ర్చిదిద్దిన గురువు పీటీ స్వామి(80) రోడ్డు ప్రమాదంలో మృతిచెందడం పారిశ్రామిక ప్రాంతంలో వి షాదం నింపింది. టీఆర్‌ఎస్‌, టీబీజీకేఎస్‌లో సీని యర్‌ నేతగా, సీనియర్‌ సిటిజన్స్‌ సంస్థ వ్యవస్థాపకుడిగా సేవలు అందించారు. ఆయనకు ముగ్గురు కుమారులు, కుమార్తె ఉన్నారు. ప్రభుత్వ ఉపాధ్యాయుడిగా పనిచేసిన ఆయన.. ప్రైవేట్‌ విద్యాసంస్థలు ఏర్పాటు చేశారు. టీఆర్‌ఎస్‌ ఆవిర్భావం నుంచి కేసీఆర్‌కి సన్నిహితంగా ఉంటూ వచ్చారు. కోల్‌మైన్స్‌ పెన్షనర్స్‌ అసోసియేషన్‌ ఏర్పాటు చేశారు. వీర్లపల్లిలో ఈశ్వరకృప వృద్ధాశ్రమం స్థాపించి వృద్ధులకు ఆశ్రయం ఇస్తున్నారు. ఆయన మృతిపై మాజీ మంత్రి కొప్పుల ఈశ్వర్‌, మాజీ ఎమ్మెల్యే కోరుకంటి చందర్‌ సంతాపం వ్యక్తం చేశారు. కారు బోల్తా పడి..

24కేఎన్‌టీ130: ప్రణయ్‌కుమార్‌ (ఫైల్‌) కరీంనగర్‌క్రైం: ఫంక్షన్‌కు వెళ్లి వస్తున్న ఇద్దరు సోదరులు ప్రమాదానికి గురికాగా, వారిలో ఒకరు ప్రాణాలు కోల్పోయాడు. మరొకరు తీవ్రగాయాలతో చికిత్స పొందుతున్నాడు. టూ టౌన్‌ పోలీసుల వివరాల ప్రకారం.. కరీంనగర్‌లోని రాంనగర్‌కు చెందిన రామిడి వరలక్ష్మి– శ్రీనివాస్‌ దంపతులకు రామిడి ప్రణయ్‌కుమార్‌(26), వినయ్‌ సంతానం. ప్రణయ్‌ పీజీ పూర్తి చేయగా, వినయ్‌ పీజీ చదువుతున్నాడు. శుక్రవారం సాయంత్రం ఇద్దరూ నుస్తులాపూర్‌లో ఓ ఫంక్షన్‌కు బైక్‌పై వెళ్లారు. శనివారం వేకువజామున కరీంనగర్‌ వస్తుండగా సప్తగిరికాలనీ ప్రాంతంలోని ఎస్‌ఆర్‌ఆర్‌ బ్యాంకెట్‌ హాల్‌ సమీపంలో అకస్మాత్తుగా కుక్క అడ్డురావడంతో బైక్‌ అదుపుతప్పి డివైడర్‌ను ఢీకొని కింద పడిపోయారు. ఈ ప్రమాదంలో ప్రణయ్‌కు తీవ్రగాయాలై అక్కడికక్కడే మృతిచెందాడు. వినయ్‌ను చికిత్స కోసం ఆసుపత్రికి తరలించారు. కాగా, భర్త ఉపాధి నిమిత్తం సింగపూర్‌లో ఉండగా, ఇద్దరు కుమారులే తనకు అండగా ఉన్నారని తల్లి వరలక్ష్మి కన్నీరుమున్నీరవుతోంది. కేసు దర్యాప్తు చేస్తున్నట్లు పోలీసులు తెలిపారు.

వేములవాడ: రాజన్న గుడి నుంచి మూలవాగు బ్రిడ్జి వరకు చేపట్టిన 80 ఫీట్ల రోడ్డుకు మోక్షం లభించింది. పలుమార్లు ‘సాక్షి’లో ప్ర చురితమై కథనాలకు అధికారులు స్పందించా రు. శనివారం 80 ఫీట్ల రోడ్డుపై బీటీ పనులు మొదలుపెట్టారు. పనుల్లో నాణ్యత ప్రమాణా లు పాటించాలని మున్సిపల్‌ చైర్మన్‌ పుల్కం రాజు అధికారులకు సూచించారు. ఈఈ సంపత్‌, డీఈ వాణి, టీవో అన్వేశ్‌, మున్సిపల్‌ వైస్‌చైర్మన్‌ నరాల శేఖర్‌ పాల్గొన్నారు. తెర్లుమద్దిలో డీఎస్పీ విచారణ ముస్తాబాద్‌: మండలంలోని తెర్లుమద్దిలో ఎస్సీ, ఎస్టీ అట్రాసిటీ కేసుపై సిరిసిల్ల డీఎస్పీ నాగేంద్రచారి శనివారం విచారణ చేపట్టారు. ఈనెల 20న తెర్లుమద్దిలో డీజే నడుస్తుండగా, ఆపమని కొమ్మెట మధు నిర్వాహకులను కో రాడు. దీనిపై ఆగ్రహించిన ఆరుగురు వ్యక్తులు మధుతోపాటు కుటుంబీకులపై దాడి చేశారు. ఈ దాడిపై బాధితులు ముస్తాబాద్‌ పోలీస్‌స్టేషన్‌లో ఫిర్యాదు చేయగా, ఎస్సై జ్యోతి ఎస్సీ, ఎస్టీ అట్రాసిటీ కేసు నమోదు చేశారు. గ్రామంలో ఫిర్యాదుదారుతోపాటు సాక్షులను డీఎస్పీ విచారించి వివరాలు తెలుసుకున్నారు. ఎస్సై జ్యోతి ఉన్నారు. రీసర్వేకు సహకరించాలి కోనరావుపేట: గ్రామాల్లో చేపడుతున్న భూ ముల రీసర్వేకు రైతులు సహకరించాలని అదనపు కలెక్టర్‌ గడ్డం నగేశ్‌ కోరారు. కోనరావుపేట మండలం మర్తనపేటలో భూముల రీసర్వేను శనివారం అదనపు కలెక్టర్‌ పరిశీలించి, మాట్లాడారు. భూముల వివరాలను పక్కాగా సేకరించాలని, రోజువారీగా లక్ష్యం నిర్దేశించుకోవాలని సూచించారు. ముందు ఏయే సర్వే నంబర్‌ భూముల రీసర్వే చేయనున్నారో రైతులకు సమాచారం ఇవ్వాలన్నారు. సర్వేపై ఎలాంటి అపోహలు వద్దని స్పష్టం చేశారు. ప్రత్యామ్నాయ పంటలు వేయాలి ఎల్‌నినో ప్రభావంతో రైతులు ప్రత్యామ్నాయ పంటలు సాగు చేయాలని అదనపు కలెక్టర్‌ సూచించారు. ఆయిల్‌పామ్‌, పప్పు ధాన్యాలు, కూరగాయలు, ఆరుతడి పంటలు సాగుచేయాలన్నారు. ఏడీ సర్వే అండ్‌ ల్యాండ్‌ రికార్డ్స్‌ శ్రీనివాస్‌, తహసీల్దార్‌ వరలక్ష్మి, ఆర్‌ఐ సంతోష్‌ పాల్గొన్నారు. ఎన్నో విషయాలు నేర్చుకున్నాం వేములవాడరూరల్‌: సర్పంచ్‌లకు మూడు రోజుల శిక్షణలో అధికారులు ఇచ్చిన పలు సూచనలతో ఎన్నో విషయాలను నేర్చుకున్నామని మల్లారం సర్పంచ్‌ సంగెం అర్పితరెడ్డి తెలిపారు. వేములవాడ మండలం మల్లారం సర్పంచ్‌ అర్పితరెడ్డితోపాటు జిల్లాలోని మరో ఇద్దరు సర్పంచులు హైదరాబాద్‌లోని మర్రిచెన్నారెడ్డి మానవ వనరుల అభివృద్ధి సంస్థలో మూడు రోజుల శిక్షణకు వెళ్లారు. అర్పితరెడ్డి మాట్లాడుతూ సర్పంచులు తెలుసుకోవాల్సిన విషయాలు, బాధ్యతలు, మహిళల నాయకత్వం, సమాచార హక్కు, గ్రామ పంచాయతీ స్థాయిలో సామాజిక సమస్యలు పరిష్కరించడం వంటి విషయాలు తెలుసుకున్నట్లు వివరించారు. ఇప్పటికీ కాలినడకే..!వేములవాడరూరల్‌: మండలంలోని బొల్లారం గ్రామానికి ఆర్టీసీ బస్సు సౌకర్యం లేకపోవడంతో గ్రామస్తులు కాలినడకన కిలో మీటర్‌ నడిచి వెళ్తున్నారు. బొల్లారం గ్రామస్తులు బస్సు ఎక్కాలంటే కిలోమీటర్‌ దూరంలో ఉన్న హన్మాజీపేటకు నడిచివెళ్లాల్సిందే. తమ గ్రామానికి ఆర్టీసీ బస్సు వేయాలని ఎన్నిసార్లు విన్నవించినా అధికారులు స్పందించడం లేదని గ్రామస్తులు వాపోతున్నారు.

సిరిసిల్ల: వైద్య కళాశాలలో విద్యనభ్యసిస్తున్న విద్యార్థులు డాక్టర్లుగా ఉత్తమ సేవలు అందించాలని, ఉన్నత స్థానాలకు ఎదగాలని కలెక్టర్‌ గరీమా అగ్రవాల్‌ ఆకాంక్షించారు. జిల్లా కేంద్రంలోని ప్రభుత్వ మెడికల్‌ కళాశాలలో వైట్‌కోట్‌ సెర్మనీ శనివారం నిర్వహించగా.. కలెక్టర్‌ గరీమా అగ్రవాల్‌, ఎస్పీ మహేశ్‌ బీ గీతే హాజరయ్యారు. ఈ సందర్భంగా పలువురు వైద్య విద్యార్థులకు వైట్‌ కోట్‌లు అందజేసి అభినందించారు. కలెక్టర్‌ మాట్లాడుతూ సమాజంలో వైద్యం, విద్యకు అత్యంత ప్రాధాన్యత ఉందన్నారు. బాలికల, బాలుర హాస్టల్‌ పనులు పూర్తి చేసి వినియోగంలోకి తెస్తామన్నారు. ప్రభుత్వ మెడికల్‌ కళాశాల ప్రిన్సిపాల్‌ రాజేశ్వరి, వైస్‌ ప్రిన్సిపాల్‌ నిర్వీష, తహసీల్దార్‌ మహేశ్‌కుమార్‌ పాల్గొన్నారు. భూముల రీసర్వే వేగవంతం చేయాలి జిల్లాలో భూముల రీ సర్వే వేగవంతంగా చేయాలని కలెక్టర్‌ ఆదేశించారు. కలెక్టరేట్‌లో భూముల రీ సర్వేపై అటవీ, నీటిపారుదల, రెవెన్యూ, సర్వే అండ్‌ ల్యాండ్‌ రికార్డ్స్‌ అధికారులతో సమీక్షించారు. ఆర్డీవోలు శ్రీధర్‌బాబు, కేఎస్‌బీ కుమారి, సర్వే అండ్‌ ల్యాండ్‌ రికార్డ్స్‌ శ్రీనివాస్‌, కలెక్టరేట్‌ పర్యవేక్షకులు పాల్గొన్నారు. అంతకు ముందు భూ రీసర్వే మొదటి దశను వేగవంతం చేసి, ఎంపిక చేసిన గ్రామాల్లో త్వరగా పూర్తి చేయాలని రెవెన్యూ శాఖ కార్యదర్శి డీ.ఎస్‌.లోకేష్‌ కుమార్‌ వీడియో కాన్ఫరెన్స్‌లో ఆదేశించారు. పీఎం రాహత్‌ పథకం సమర్థంగా అమలు జిల్లాలో పీఎం రాహత్‌ పథకాన్ని సమర్థంగా అమలు చేయాలని కలెక్టర్‌ గరీమా అగ్రవాల్‌ కోరారు. రోడ్డు ప్రమాద బాధితులకు తక్షణ వైద్యసేవలు అందించి, వారి ప్రాణాలు కాపాడాలని సూచించారు. ప్రమాద సమాచారం అందుకున్న వెంటనే సంబంధిత శాఖలు వెంటనే అప్రమత్తమవ్వాలని ఆదేశించారు. ఆర్‌అండ్‌బీ డీఈఈ శాంతయ్య, డాక్టర్‌ చీకోటి సంతోష్‌, కలెక్టరేట్‌ పర్యవేక్షకులు ప్రవీణ్‌, రవాణాశాఖ అధికారులు పాల్గొన్నారు. అంతకు ముందు రాష్ట్ర ప్రభుత్వ ప్రధాన కార్యదర్శి సంజయ్‌ జాజు పీఎం రాహత్‌ పథకంపై వీడియో కాన్ఫరెన్స్‌ నిర్వహించారు. టాస్క్‌లో ఉచిత శిక్షణ సిరిసిల్లలోని టాస్క్‌(తెలంగాాణ అకాడమీ ఆఫ్‌ స్కిల్‌ అండ్‌ నాలెడ్జ్‌) రీజినల్‌ సెంటర్‌లో టెక్నికల్‌ కోర్సులు, బ్యాంకింగ్‌ బీఎస్‌ఎఫ్‌ఐలో ఉచిత శిక్షణ ఇవ్వనున్నట్లు కలెక్టర్‌ తెలిపారు. డిగ్రీ పూర్తయిన అభ్యర్థులు అర్హులని స్పష్టం చేశారు. జిల్లా గ్రంథాలయ కార్యాలయంలోని టాస్క్‌ రీజినల్‌ సెంటర్‌లోఈ నెల 27 నుంచి తరగతులు ప్రారంభమవుతాయని తెలిపారు. వివరాలకు 95734 20718, 70755 22671లలో సంప్రదించాలని కోరారు. సీఎమ్మార్‌ లక్ష్యం పూర్తి చేయాలి కస్టమ్‌ మిల్లింగ్‌ రైస్‌(సీఎంఆర్‌) లక్ష్యం గడువులోగా పూర్తి చేయాలని కలెక్టర్‌ గరీమా అగ్రవాల్‌ ఆదేశించారు. కలెక్టరేట్‌లో పౌరసరఫరాల అధికారులు, రైస్‌మిల్లర్లతో సమీక్షించారు. యాసంగి 2024–2025, 2025–2026 ఖరీఫ్‌, యాసంగి సీజన్‌ సీఎమ్మార్‌ డెలివరీ లక్ష్యం పూర్తి చేయాలన్నారు. అదనపు కలెక్టర్‌ గడ్డం నగేశ్‌, డీసీఎస్‌వో తనూజ, పౌరసరఫరాల డీఎం గోపాల్‌, పౌరసరఫరాల డీటీలు, రైస్‌మిల్లర్ల ప్రతినిధులు చేపూరి నాగరాజు, గరిపెల్లి ప్రభాకర్‌, పబ్బ నాగరాజు పాల్గొన్నారు.

సిరిసిల్ల: కాలుష్య రహితంగా ‘బాయిలర్‌ ఎనర్జీ’ని మరింత సమర్థంగా అందించడంపై కలెక్టరేట్‌లో రెండు రోజుల శిక్షణ శనివారం ముగిసింది. హరిత పరిశ్రమల లక్ష్యంగా నేషనల్‌ ఇనిస్టిట్యూట్‌ ఫర్‌ మైక్రో, స్మాల్‌ అండ్‌ మీడియం ఎంటర్‌ప్రైజెస్‌ ఆధ్వర్యంలో ఇండస్ట్రియల్‌ బాయిలర్‌ ఎనర్జీ ఎఫిషియెన్సీ ఇంప్రూవ్‌మెంట్‌(ఈఈఐబీ) ప్రాజెక్ట్‌ సహకారంతో రెండు రోజుల శిక్షణ కార్యక్రమం నిర్వహించారు. ఇంధన సామర్థ్య స్టీమ్‌, బాయిలర్‌ వ్యవస్థలపై బాయిలర్‌ ఆపరేటర్లు, టెక్నీషియన్లు, నిర్వహణ సిబ్బందికి శిక్షణ ఇచ్చారు. తక్కువ–కార్బన్‌ ఎంఎస్‌ఎంఈల కోసం పారిశ్రామిక బాయిలర్ల రూపకల్పన, తయారీ, నిర్వహణ ద్వారా ఉష్ణశక్తి సామర్థ్యాన్ని మెరుగుపరచడం ఎలా అనే అంశాన్ని వివరించారు. ఆవిరి ఉత్పత్తి, వినియోగంలో సామర్థ్యం, సుస్థిరత, తక్కువ ఉద్గారాలపై శిక్షణ ఇచ్చారు. అంతకుముందు తంగళ్లపల్లిలోని టెక్స్‌టైల్‌ కుటీర పరిశ్రమ, సహజ రంగుల అద్దకం(నేచురల్‌ డైయింగ్‌) టెక్స్‌టైల్‌ యూనిట్‌ను, బొట్ల ప్రాసెసింగ్‌ – సైజింగ్‌ యూనిట్‌లోని బాయిలర్‌ ఆధారిత అద్దకం పరిశ్రమను, రగుడు శివారులోని రాఘవేంద్ర రైస్‌మిల్‌ను, సిరిసిల్లలోని వాసు గౌడ బాయిలర్‌ ఆధారిత టెక్స్‌టైల్‌ పరిశ్రమలలోని స్టీమ్‌, బాయిలర్‌ వ్యవస్థలను నిపుణుల బృందం పరిశీలించింది. ఈ శిక్షణలో సీనియర్‌ బాయిలర్‌ నిపుణులు డాక్టర్‌ ఏ.కె.ఆస్థాన, ఏఎఫ్‌ఎం, ఎన్‌ఐ–ఎంఎస్‌ఎంఈ ముత్యాల శరత్‌, కన్సల్టెంట్‌, యునిడో నిరంజన్‌రావు, కోఆర్డినేటర్‌, యునిడో ఎ.అరవిందరావు, ఈడీసీ మేనేజర్‌ కె.జయంత్‌, అసిస్టెంట్‌ మేనేజర్‌ టి.వెంకటశివసాయి పాల్గొన్నారు.

సిరిసిల్ల: జిల్లాలో 24 ప్రాథమిక వ్యవసాయ సహకార సంఘాలు(పీఏసీఎస్‌లు) ఉన్నాయి. ఇటీవల ప్రభుత్వం కొన్ని సంఘాలకు నామినేటెడ్‌ పాలకవర్గాలను నియమించింది. సహకార సంఘాలకు సంబంధించిన విభజన అంశం ప్రభుత్వ పరిశీలనలో ఉంది. 2005లో విభజన, సర్దుబాట్లు చేసిన ప్రభుత్వం ఆ తర్వాత వీటి గురించి ఆలోచించడం లేదు. ఫలితంగా క్షేత్రస్థాయిలో రైతులకు పీఏసీఎస్‌ల సేవలు పూర్తి స్థాయిలో అందడం లేదు. 2016లో తెలంగాణ ప్రభుత్వం జిల్లాలో కొత్త మండలాలను ఏర్పాటు చేసింది. జిల్లాలోని వీర్నపల్లి, రుద్రంగి, తంగళ్లపల్లి, వేములవాడ రూరల్‌ మండలాల్లో ప్రస్తుతం సింగిల్‌విండోలు లేవు. సహకార సంఘాల విభజన ప్రతిపాదనలు ప్రభుత్వం వద్ద పెండింగ్‌లో ఉన్నాయి. అన్నదాతలకు లభించని ‘సహకారం’ జిల్లాలోని 24 సహకార సంఘాల పరిధిలో 65,743 మంది సభ్యులు ఉన్నారు. సహకార సంఘాల పరిధి మండలం యూనిట్‌గా లేకపోవడంతో వ్యవసాయ రుణాలు రైతులకు పూర్తిస్థాయిలో లభించడం లేదు. జిల్లాలో అత్యధికంగా ఎల్లారెడ్డిపేట సహకార సంఘంలో 4,884 మంది సభ్యులు ఉండగా.. అత్యల్పంగా రుద్రంగి మండలం మానాల సింగిల్‌విండోలో 717 మంది ఉన్నారు. సంఘాల్లో సభ్యుల సంఖ్యను పెంచుకోవడంలో మిగతా పాలకవర్గాలు వెనకబడ్డాయి. కొత్త సొసైటీలు ఏర్పాటైతే.. జిల్లాలో కొత్త సొసైటీలు ఏర్పాటైతే.. ఆయా మండలాల్లోని రైతులకు సహకార సేవలు చేరువవుతాయి. పంటల సాగు రుణాలు విరివిగా లభిస్తాయి. సహకార సంఘాల పరిధి సరిగా లేక ఎరువులు, విత్తనాలు సరిగా లభించడం లేదు. మరోవైపు వాణిజ్య బ్యాంకుల చుట్టూ తిరిగి పంట రుణాలు తీసుకుంటున్నారు. ఇది వీర్నపల్లి మండల కేంద్రం. మండల పరిధిలో 17 గ్రామాలు ఉన్నాయి. గిరిజన తండాలతో నిండి ఉన్న ఈ మండలం ఆవిర్భవించి దశాబ్దం దాటింది. ఈ ప్రాంత రైతులు ఎల్లారెడ్డిపేట మండలం అల్మాస్‌ పూర్‌ సహకార సంఘం పరిధిలో సభ్యులు గా ఉన్నారు. అల్మాస్‌పూర్‌ సింగిల్‌విండో ద్వారా వీర్నపల్లి మండలంలోని రైతులకు పూర్తి స్థాయిలో వ్యవసాయ రుణాలు అందడం లేదు. ఇక్కడే సహకార సంఘం ఉంటే.. స్థానిక రైతులకు పూర్తిస్థాయిలో వ్యవసాయ రుణాలు అందేవి. ఒక్క వీర్నపల్లి మండలమే కాదు. జిల్లాలోని రుద్రంగి, తంగళ్లపల్లి, వేములవాడ రూరల్‌ మండలాల్లో సింగిల్‌విండోలు లేవు.సింగిల్‌విండోల వారీగా సభ్యుల వివరాలు ఎల్లారెడ్డిపేట 4,884 రుద్రంగి 717 సిరిసిల్ల 4,700 పెద్దూరు 1,143 నేరెళ్ల 2,949 ఇల్లంతకుంట 4,513 గాలిపెల్లి 1,934 ముస్తాబాద్‌ 2,613 పోత్గల్‌ 4,153 గంభీరావుపేట 3,993 కొత్తపల్లి 4,295 అల్మాస్‌పూర్‌ 2,428 తిమ్మాపూర్‌ 1,525 వేములవాడ 4,732 నాంపల్లి 1,508 రుద్రవరం 1,104 బోయినపల్లి 1,330 కోరెం 1,854 నర్సింగాపూర్‌ 1,292 మాన్వాడ 1,231 కోనరావుపేట 3,444 కొలనూర్‌ 3,133 చందుర్తి 4,194 సనుగుల 2,074

సిరిసిల్ల: పోలీస్‌ అమరవీరుల సంస్మరణ వారోత్సవాల్లో భాగంగా శనివారం జిల్లాలోని పోలీస్‌ అధికారులు, సిబ్బందికి వ్యాసరచన పోటీలు నిర్వహించారు. ‘ప్రజాస్వామ్య వ్యవస్థలో పోలీసుల నుంచి ప్రజలు ఎలాంటి సేవలు ఆశిస్తారు’, ‘పోలీసు అధికారుల జీవితాల్లో సోషల్‌ మీడియా పాత్ర ఏమిటి’, ‘సోషల్‌ మీడియాకు బానిస కాకుండా వ్యక్తిగత, సామాజిక ప్రయోజనాల కోసం సద్వినియోగం చేసుకోవడం ఎలా’ అనే అంశాలపై డీపీవో ఆఫీస్‌లో వ్యాసరచన పోటీలు నిర్వహించారు. కానిస్టేబుల్‌ నుంచి అసిస్టెంట్‌ సబ్‌ఇన్‌స్పెక్టర్‌(ఏఎస్‌ఐ) హోదా వరకు ఉన్న సివిల్‌, ఏఆర్‌ పోలీస్‌ సిబ్బందికి వ్యాసరచనకు అవకాశం కల్పించారు. రెండో విభాగంలో భాగంగా సబ్‌ఇన్‌స్పెక్టర్‌(ఎస్‌ఐ), రిజర్వ్‌ సబ్‌ఇన్‌స్పెక్టర్‌(ఆర్‌ఎస్‌ఐ), ఆపై హోదాలోని అధికారులకు పౌరుల నుంచి గౌరవం, ఆదరణ, సద్భావన పొందేందుకు పోలీసులు ఎలాంటి కృషి చేయాలి, క్షేత్రస్థాయిలో పోలీసింగ్‌ వ్యవస్థను బలోపేతం చేయడం ఎలా.. అనే అంశాలపై వ్యాసరచన పోటీలు నిర్వహించారు.

శ్రీలక్ష్మీవేంకటేశ్వరస్వామి బ్రహ్మోత్సవాల్లో భాగంగా శనివారం కాలింగమర్ధన సేవ నిర్వహించారు. గోవిందా నామస్మరణతో మాఢవీధులు మారుమోగాయి. కాళింగమర్ధనంపై విచ్చేసిన దేవదేవుడికి భక్తులు మంగళహారతులతో నీరాజనం పలికారు. డీసీసీ అధ్యక్షుడు సంగీతం శ్రీనివాస్‌, ఆలయ ఈవో మారుతిరావు, ఏఈవోలు కూనబోయిన సత్యం, పీసరి రవీందర్‌, ఆలయ కమిటీ మాజీ చైర్మన్లు ఉప్పల విఠల్‌రెడ్డి, చేపూరి నాగరాజు, తీగల శేఖర్‌గౌడ్‌, అర్చక స్వాములు కృష్ణమాచారి, నవీన్‌చారి, వర్ధనాచారి, సుకుమారాచారి పాల్గొన్నారు. – సిరిసిల్లటౌన్‌

వేర్వేరు రోడ్డు ప్రమాదాల్లో 8 మంది మృతివీకెండ్‌ శనివారం విషాదమైంది. ఉమ్మడి జిల్లాలోని వేర్వేరు ప్రాంతా ల్లో జరిగిన రోడ్డు ప్రమాదాల్లో ఎనిమిది మంది దుర్మరణం చెందా రు. పెద్దపల్లి జిల్లా రామగుండానికి చెందిన యువకులు విజయవాడ కనకదుర్గమ్మను దర్శించుకుని కారులో వస్తుండగా హుజూరాబాద్‌ పరిధిలోని రంగాపూర్‌ శివారులో లారీని ఢీకొంది. ఈ ఘటనలో ఇద్దరు యువకులు మృతి చెందారు. ఫంక్షన్‌కు వెళ్లి వస్తున్న ఇద్దరు సోదరుల బైక్‌కు కరీంనగర్‌లో కుక్క అడ్డురావడంతో అదుపుతప్పి ఒకరు ప్రాణాలు కోల్పోయారు. మరొకరు తీవ్రంగా గాయపడ్డారు. సిరిసిల్లలోని రెండో బైపాస్‌లో బైక్‌ అదుపుతప్పి వ్యక్తి చనిపోయాడు. సర్ధాపూర్‌ శివారులో నడుచుకుంటూ వెళ్తున్న వృద్ధురాలిని ద్విచక్రవాహనం ఢీకొట్టడంతో అక్కడికక్కడే ప్రాణాలు వదిలింది. జగిత్యాల జిల్లా కోరుట్ల మండలం వెంకటాపూర్‌ ఎక్స్‌ రోడ్డు వద్ద కారు ఢీకొని ఒకరు మృతిచెందగా.. మెట్‌పల్లి పట్టణం కొత్త బస్టాండ్‌ వద్ద బైక్‌ ఢీకొనడంతో మహిళ ప్రాణాలు విడిచింది. పెద్దపల్లి జిల్లా పాలకుర్తి మండలం బుగ్గ క్రాస్‌రోడ్డు వద్ద కారు అదుపుతప్పి గోదావరిఖనికి చెందిన వ్యక్తి చనిపోయాడు. – వివరాలు IIలోu

● ప్రభుత్వ విప్‌ ఆది శ్రీనివాస్‌ ● మల్లారంలో కంప్యూటర్‌ ల్యాబ్‌ ప్రారంభంవేములవాడరూరల్‌: విద్య, వైద్యానికి ప్రభుత్వం పెద్దపీట వేస్తోందని ప్రభుత్వ విప్‌ ఆది శ్రీనివాస్‌ పేర్కొన్నారు. వేములవాడరూరల్‌ మండలం మల్లారంలో ఉపసర్పంచ్‌ శ్రీకాంత్‌ ఆధ్వర్యంలో సేవా సంకల్ప్‌ అభియాన్‌ డిజిటల్‌ ఎడ్యుకేషన్‌, ఏఐ ఎంపవర్‌మెంట్‌ ఇనిషేయేటీవ్‌ కంప్యూటర్‌ ల్యాబ్‌ను శుక్రవారం ప్రారంభించారు. విప్‌ మాట్లాడుతూ ప్రైవేటు పాఠశాలలకు ధీటుగా ప్రభుత్వ పాఠశాలలను తీర్చిదిద్దుతున్నట్లు పేర్కొన్నారు. గ్రామ పాఠశాలకు ఐదు కంప్యూటర్లను అందించిన నెక్స్ట్‌ 360 ఆర్గానిక్‌ ప్రోడక్ట్స్‌ గూగుల్‌ సెర్చ్‌ ప్రాజెక్టు బృందంతోపాటు సర్పంచ్‌ కుమారుడు సంహిత్‌రెడ్డిని శాలువాతో సత్కరించారు. వేములవాడ మార్కెట్‌ కమిటీ చైర్మన్‌ రొండి రాజు, పీఏసీఎస్‌ చైర్మన్‌ వకుళాభరణం శ్రీనివాస్‌, కాంగ్రెస్‌ మండలాధ్యక్షుడు సోయినేని కరుణాకర్‌, సర్పంచుల ఫోరం మండలాధ్యక్షుడు సామ తిరుపతిరెడ్డి, ఎంఈవో కిషన్‌, జయవరం సర్పంచ్‌ ఎండ్రాల ప్రసాద్‌, నాయకులు సంగెం వీరారెడ్డి, సంగ స్వామి, షేక్‌ హుస్సేన్‌ తదితరులు పాల్గొన్నారు.

సిరిసిల్ల: విధి నిర్వహణలో ప్రాణత్యాగం చేసిన పోలీస్‌ అమరవీరుల త్యాగాలు చిరస్మరణీయమని ఎస్పీ మహేశ్‌ బీ గీతే పేర్కొన్నారు. పోలీస్‌ అమరవీరుల సంస్మరణ దినోత్సవం(పోలీస్‌ ఫ్లాగ్‌ డే)లో భాగంగా శుక్రవారం సిరిసిల్ల పట్టణ పోలీస్‌ స్టేషన్‌లో శుక్రవారం ఓపెన్‌హౌస్‌ నిర్వహించారు. ఎస్పీ మాట్లాడుతూ విద్యార్థులు విద్యతోపాటు సమాజంలో జరుగుతున్న పరిణామాలపై అవగాహన పెంచుకోవాలన్నారు. పోలీస్‌ శాఖకు సంబంధించిన వివిధ అంశాలపై స్టాళ్లు ఏర్పాటు చేశారు. కేసులో విచారణలో వినియోగిస్తున్న ఆధునిక సాంకేతక పరిజ్ఞానం, ఫేస్‌ రికగ్నిషన్‌ సిస్టమ్‌, పోర్టబుల్‌ ఫింగర్‌ప్రింట్‌ డివైజ్‌ల గురించి వివరించారు. మహిళలు, విద్యార్థినుల రక్షణ కోసం పనిచేస్తున్న షీ టీమ్స్‌, భరోసా కేంద్రాల సేవలపై అవగాహన కల్పించారు. ఆన్‌లైన్‌లో అపరిచితులతో పరిచయాల విషయంలో అప్రమత్తంగా ఉండాలని, సైబర్‌ నేరానికి గురైతే వెంటనే 1930లో ఫిర్యాదు చేయాలని సూచించారు. డీఎస్పీలు కె.నాగేంద్రచారి, జి.వెంకటేశ్వర్లు, సీఐ శ్రీనివాస్‌, ఎస్సై గణేశ్‌, అనిల్‌, రంజిత్‌, ఆర్‌.ఎస్‌.ఐ సాయికిరణ్‌ తదితరులు పాల్గొన్నారు.

సిరిసిల్ల/ముస్తాబాద్‌: తెలంగాణ జూనియర్‌ బాలికల క్రికెట్‌ టీమ్‌కు ఎంపికైన మండలంలోని చిప్పలపల్లికి చెందిన గూడెపు వంశికను బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ శుక్రవారం అభినందించారు. వంశికను గ్రామ మాజీ సర్పంచ్‌ గాడిచర్ల దేవయ్య హైదరాబాద్‌లోని తెలంగాణ భవన్‌కు తీసుకెళ్లి, ఆమె ప్రతిభ గురించి కేటీఆర్‌కు వివరించారు. నామాపూర్‌ జెడ్పీ హైస్కూల్‌లో పదో తరగతి చదువుతున్న వంశిక నవంబర్‌లో జరిగే పోటీల్లో పాల్గొననుంది. తాను అండగా ఉంటానని కేటీఆర్‌ హామీ ఇచ్చారు. గూడూరు మాజీ సర్పంచ్‌ వెంకటనర్సింగారావు, బీసీ స్టడీసర్కిల్‌ డైరెక్టర్‌ జెల్ల వెంకటస్వామి, రాజమల్లయ్య ఉన్నారు. కుష్ఠును ముందుగా గుర్తిస్తేనే అంగవైకల్య నివారణ తంగళ్లపల్లి: కుష్ఠును ప్రారంభ దశలోనే గుర్తించి చికిత్స అందిస్తే అంగవైకల్యాన్ని నివారించవచ్చని జిల్లా వైద్య ఆరోగ్యశాఖ అధికారి(డీఎంహెచ్‌వో) ఏంజెలా ఆల్ఫ్రెడ్‌ పేర్కొన్నారు. తంగళ్లపల్లిలో నిర్వహిస్తున్న లెప్రసీ కేస్‌ డిటెక్షన్‌ క్యాంపెయిన్‌(ఎల్‌సీడీసీ) ఇంటింటీ సర్వేను శుక్రవారం తనిఖీ చేశారు. కుష్ఠు వంశపారంపర్యంగా వచ్చేది కాదన్నారు. క్రమం తప్పకుండా మందులు వాడితే ఈ వ్యాధిని సంపూర్ణంగా నయం చేయొచ్చని వివరించారు. జిల్లా డిప్యూటీ మాస్‌ మీడియా ఆఫీసర్‌ ప్రసాద్‌, డీపీఎంవో దేవ్‌సింగ్‌, హెల్త్‌ అసిస్టెంట్లు మహేశ్‌, సతీశ్‌, ఏఎన్‌ఎం ప్రమీల, ఆశా కార్యకర్త హఫీజ పాల్గొన్నారు. వినియోగదారులపై భారం మోపితే చర్యలు తంగళ్లపల్లి: ట్రాన్స్‌ఫార్మర్లు కాలిపోతే వాటి మార్పిడికి వినియోగదారుల నుంచి డబ్బులు వసూలు చేయొద్దని విద్యుత్‌ వినియోగదారుల సమస్యల పరిష్కార వేదిక(సీజీఆర్‌ఎఫ్‌–2, టీజీఎన్పీడీసీఎల్‌) చైర్‌పర్సన్‌ కె.కిషన్‌ స్పష్టం చేశారు. వినియోగదారులతో ట్రాన్స్‌ఫార్మర్ల రీప్లేస్‌మెంట్‌ చేయిస్తే బాధ్యులైన అధికారులపై చర్యలు తీసుకుంటామని హెచ్చరించారు. తంగళ్లపల్లిలో శుక్రవారం నిర్వహించిన విద్యుత్‌ వినియోగదారుల సమస్యల పరి ష్కార వేదిక అవగాహన సదస్సులో మాట్లాడారు. క్షేత్రస్థాయిలో ట్రాన్స్‌ఫార్మర్ల సమస్యలు ఉన్నతాధికారులైన ఎస్‌ఈ, డైరెక్టర్‌(ఆపరేషన్స్‌) దృష్టికి తీసుకెళ్తే, నిర్లక్ష్యం వహించే అధికారులపై చర్యలు తీసుకుంటారన్నారు. అత్యవసర విద్యుత్‌ సమస్యలకు 1912కు కాల్‌ చేయాలని కోరారు. ఫోరం సభ్యులు జె.ఆర్‌.చౌహాన్‌(టెక్నికల్‌), పి.శ్రీని వాస్‌(ఫైనాన్స్‌), 4వ సభ్యుడు కె.శ్రీనివా స్‌రెడ్డి, డీఈ అంజయ్య, ఏడీఈ గోపినాథ్‌, ఏఈ మధుకర్‌, సర్పంచులు పూర్మాని రాజశేఖర్‌రెడ్డి, గాదగోని సాగర్‌, సాయికృష్ణ, శ్రీనివాస్‌రెడ్డి పాల్గొన్నారు. జిల్లా మహిళా కబడ్డీ టీం ఎంపిక వేములవాడ: ఈనెల 28 నుంచి 30 వరకు ఖమ్మం జిల్లా సత్తుపల్లిలో జరిగే 73వ రాష్ట్ర స్థాయి మహిళా కబడ్డీ పోటీలకు జిల్లా జట్టును ఎంపిక చేసినట్లు జిల్లా కబట్టి అసోసియేషన్‌ అధ్యక్షుడు ముస్కు మల్లారెడ్డి, కార్యదర్శి తిరుపతి తెలిపారు. వేములవాడ ప్రభుత్వ జూని యర్‌ కాలేజీ గ్రౌండ్‌లో శుక్రవారం ఎంపిక పో టీలు నిర్వహించినట్లు పేర్కొన్నారు. 14 మంది క్రీడాకారులతోపాటు ఒక కోచ్‌, ఒక మేనేజర్‌లను ఎంపిక చేసినట్లు వివరించారు. వీరు ఈనెల 27న సత్తుపల్లికి వెళ్తారని తెలిపారు. వీరందరికి కబడ్డీ అసోసియేషన్‌ చైర్మన్‌, ప్రభుత్వవిప్‌ ఆది శ్రీనివాస్‌ చేతుల మీదుగా డ్రెస్సులు పంపిణీ చేస్తామని తెలిపారు.

● 14 నెలలుగా కొనసాగుతున్న పనులు ● 80 ఫీట్ల రోడ్డు పనుల్లో చెప్పలేనంతా జాప్యం ● దుమ్ము, ధూళితో ఇబ్బందులు ● ఇబ్బందుల్లో పట్టణ ప్రజలువేములవాడ: ఆధ్యాత్మిక పట్టణంలో చేపట్టిన రోడ్డు విస్తరణ పనులు నత్తకే నడక నేర్పినట్లు కొనసాగుతున్నాయి. నిత్యం రోడ్డు పై నుంచి లేస్తున్న దుమ్ముతో ప్రధాన రహదారిని ఆనుకుని ఉన్న వ్యాపార సముదాయాల వారు ఇబ్బందులు పడుతున్నారు. భక్తులు ఎక్కడి నుంచి ఎటూ వెళ్లాలో తెలియక తికమకపడుతున్నారు. రూ.47కోట్లు..80 ఫీట్లు రాజన్న గుడి నుంచి మూలవాగు బ్రిడ్జి వరకు రూ.47కోట్లతో 80 ఫీట్ల రోడ్డు విస్తరణ పనులకు 2025 ఆగస్టు 24న శంకుస్థాపన చేశారు. అప్పటి నుంచి పనులు కొనసాగుతూనే ఉన్నాయి. మరో రూ.6.50 కోట్లతో చేపట్టిన మౌలిక వసతుల పనులకు గ్రహణం పట్టింది. పనులు సకాలంలో పూర్తికాకపోవడంతో పట్టణంలో ట్రాఫిక్‌ సమస్యలు పెరిగిపోతున్నాయి. నష్టాల్లో వ్యాపారులు రోడ్డు విస్తరణలో భాగంగా చేపట్టిన తవ్వకాలు, కాల్వల నిర్మాణాలు సగంలోనే ఆగిపోవడంతో దుమ్ము, ధూళి నిండిపోతోంది. రాజన్న దర్శనానికి వచ్చే భక్తులు ఈ దుమ్ములో నడవలేక, వాహనాలు నిలపడానికి చోటు లేక అవస్థలు పడుతున్నారు. ప్రధాన రహదారికి ఇరువైపులా ఉన్న దుకాణాల్లోకి దుమ్ము చేరడంతో వ్యాపారాలు దెబ్బతింటున్నాయని వ్యాపారులు ఆవేదన వ్యక్తం చేస్తున్నారు.

సిరిసిల్ల: జిల్లా కేంద్రంలోని ప్రభుత్వాస్పత్రిలో రోగుల రద్దీ పెరిగిపోయింది. ఓపీ సేవల కోసం నిత్యం వెయ్యి నుంచి 1400 మంది వరకు వస్తున్నారు. జిల్లాలో 117 ప్రైవేటు ఆస్పత్రులు, 47 రోగ నిర్ధారణ కేంద్రాలు ఉన్నా ప్రభుత్వ ఆస్పత్రిలో అందే వైద్యంపై నమ్మకంతో వీరంతా వస్తున్నారు. రోగులు, వారితో వచ్చే బంధువులతో ఆస్పత్రిలో కాలుపెట్ట సందులేకుండా మారిపోతుంది. ఓపీ చిట్టీ రాయించుకోవడం నుంచి మందులు పొందే వరకు ఎక్కడికి వెళ్లినా భారీ క్యూలైన్లు కనిపిస్తున్నా యి. వివిధ అనారోగ్య సమస్యలతో వచ్చే రోగులకు మందులు ఇచ్చే కౌంటర్లు రెండే ఉండడంతో రద్దీ పెరిగిపోతుంది. ఏ డిపార్ట్‌మెంట్‌కు అక్కడే మందులు ఇస్తే రద్దీ ఉండదని రోగులు పేర్కొంటున్నారు. మెడికల్‌ కాలేజీలో 50 పడకలు సిద్ధం పెద్దూరు బైపాస్‌ రోడ్డులోని మెడికల్‌ కాలేజీకి అనుబంధంగా ఈ ఆస్పత్రిని నిర్వహిస్తున్నారు. ఇటీవల మెడికల్‌ కాలేజీ వద్ద ఉన్న ఆస్పత్రి భవనాన్ని సిరిసిల్ల ప్రభుత్వ జనరల్‌ ఆస్పత్రి పర్యవేక్షకులు ప్రవీణ్‌కుమార్‌, రెసిడెంట్‌ మెడికల్‌ ఆఫీసర్‌ (సివిల్‌ సర్జన్‌) సుమన్‌మోహన్‌రావు, మెడికల్‌ కాలేజీ వైద్యులు పరిశీలించారు. అవసరమైన సదుపాయాల కల్పనకు ప్రభుత్వానికి నివేదిక పంపారు. ఈ ఆస్పత్రిలో 50 పడకలతో భవనం సిద్ధమైనప్పటికీ ప్రభుత్వం నుంచి అనుమతులు రాలేదు. క్రిటికల్‌ కేర్‌ తరలిస్తే.. ‘కిటికల్‌ కేర్‌’ యూనిట్‌ను మెడికల్‌ కాలేజీకి మార్చితే రోడ్డు ప్రమాదాలు, తీవ్ర అనారోగ్యానికి గురైన వారు, వృద్ధులు, పాము, తేలు కాటు, విషం తాగినవారు, ఇతర అత్యవసర సేవలన్నీ మెడికల్‌ కాలేజీలో అందుబాటులో ఉంటాయి. సిరిసిల్ల పట్టణంలోని ఆస్పత్రిలో రోగుల రద్దీ తగ్గనుంది. ఆ దిశగా ప్రభుత్వ విప్‌ ఆది శ్రీనివాస్‌, కలెక్టర్‌ గరీమా అగ్రవాల్‌, సిరిసిల్ల ఎమ్మెల్యే కేటీఆర్‌ చొరవ చూపితేనే సిరిసిల్ల ఆస్పత్రిలో రోగులకు మెరుగైన వైద్యసేవలు దరి చేరనున్నాయి.‘వివిధ అనారోగ్య సమస్యలతో బాధపడేవారంతా సర్కార్‌ ఆస్పత్రి వైద్యంపై నమ్మకంతో జిల్లా కేంద్రంలోని ప్రభుత్వ జనరల్‌ ఆస్పత్రికి వస్తున్నారు. డాక్టర్‌ను కలవాలంటే ఓపీ(అవుట్‌ పేషంట్‌) చిట్టీ రాయించుకోవాలి. ఇక్కడ నిత్యం సగటున వెయ్యి నుంచి 1400 మంది రోగులు వస్తున్నారు. ఓపీ చిట్టీ కోసమే క్యూలో నిల్చునేందుకు ఓపికలేక అవస్థలు పడుతున్నారు.’ ప్రభుత్వం నుంచి ఆదేశాలు రాలేదు సిరిసిల్ల ఆస్పత్రికి నిత్యం సగటున నిత్యం వెయ్యి ఓపీ, 250 ఐపీ ఉంటుంది. మెడికల్‌ కాలేజీలోని 50 పడకల ఆస్పత్రి సిద్ధమైంది. కొన్ని వసతులు కల్పించాల్సి ఉంది. వాటిపై నివేదిక పంపించాం. ప్రభుత్వం నుంచి ఆదేశాలు రాలేదు. అన్నీ వసతులు పూర్తయితే క్రిటికల్‌ కేర్‌ యూనిట్‌ను మెడికల్‌ కాలేజీకి షిఫ్ట్‌ చేసే అవకాశం ఉంది. – డాక్టర్‌ ప్రవీణ్‌కుమార్‌, జిల్లా ఆస్పత్రి పర్యవేక్షకులు

పట్టువస్త్రాలు, ఓడిబియ్యంతో పద్మశాలీ పెద్దలు గజవాహనంపై విహరిస్తున్న శ్రీవారుసిరిసిల్లటౌన్‌: సిరిసిల్ల వెంకన్న ఆలయంలో కొనసాగుతున్న బ్రహ్మోత్సవాల్లో భాగంగా శుక్రవారం ఆండాళమ్మకు ఓడిబియ్యం పోసి మొక్కులు చెల్లించుకున్నారు. తమ ఇంటి ఆడపడుచుగా భావించే పద్మావతి అమ్మవారు, శ్రీలక్ష్మి వెంకటేశ్వరస్వామిలకు సిరిసిల్ల పద్మశాలీలు పట్టువస్త్రాలు సమర్పించారు. రాత్రి శ్రీవారు శ్రీదేవి, భూదేవి సహితంగా గజవాహనంపై ఊరేగారు. మున్సిపల్‌ చైర్‌పర్సన్‌ జిందం కళ, డీసీసీ అధ్యక్షుడు సంగీతం శ్రీనివాస్‌, ఆలయ ఈవో మారుతిరావు, ఏఈవోలు కూనబోయిన సత్యం, పీసరి రవీందర్‌, పద్మశాలీ సంఘం అధ్యక్షుడు దూడం శంకర్‌, యూత్‌ విభాగం అధ్యక్షుడు సబ్బని హరీశ్‌, మహిళా అధ్యక్షురాలు కాముని వనిత, ప్రముఖులు జిందం చక్రపాణి, గుజ్జె తార, దార్నం లక్ష్మీనారాయణ, అర్చకులు పాల్గొన్నారు.

రోడ్ల విస్తరణ పనులు నత్తనడకన సాగుతుండడంతో ఇబ్బంది పడుతున్నాం. ఇంటి నిండా దుబ్బ నిండుతోంది. దుమ్ము బారి నుంచి రక్షణ పొందేందుకు గ్రీన్‌మ్యాట్‌ ఏర్పాటు చేసుకున్నాం. అధికారులు చొరవ తీసుకుని పనులు త్వరగా పూర్తిచేయించాలి. – వేణు, వ్యాపారి, వేములవాడ త్వరలోనే పూర్తి చేస్తాం 80 అడుగుల రోడ్డు విస్తరణ పనుల్లో భాగంగా అండర్‌గ్రౌండ్‌ డ్రైనేజీ, తాగునీటి పైప్‌లైన్లు, విద్యుత్‌ స్తంభా ల తొలగింపు, భూసేకరణ ప్రక్రియలతో జాప్యమైంది. పనులను యుద్ధప్రాతిపదికన పూర్తి చేయడానికి చర్యలు తీసుకుంటున్నాం. త్వరలోనే పూర్తి చేసి రోడ్డును అందుబాటులోకి తీసుకొస్తాం. – లోకేశ్‌, మున్సిపల్‌ కమిషనర్‌, వేములవాడ

గోదావరిఖని: గోదావరి నది స మ్మక్క– సారలమ్మ గద్దెల వద్ద శుక్రవారం స్నేహితులతో సరదాగా ఈతకని వెళ్లి మేదరిబస్తీ కి చెందిన గోపి పవన్‌ (34) మృతి చెందాడు. తిలక్‌నగర్‌కు చెందిన(ప్రస్తుతం మేదరిబస్తీలో నివాసం) గోపిపవన్‌ ప్రైవేట్‌ డ్రైవర్‌. తన స్నేహితులైన కుంభాల సందీప్‌, బోరం రంజిత్‌, తుంగపల్లి సాయికుమార్‌తో కలిసి శుక్రవారం గోదావరినదికి వెళ్లి మద్యం తాగారు. అనంతరం సాయికుమార్‌, సందీప్‌ కలిసి గోపిపవన్‌ ఈత కొట్టేందుకు గోదావరినదిలోకి దిగారు. ఈతరాకపోవటంతో గోపిపవన్‌ నదిలో మునగగా సాయికుమార్‌, రంజిత్‌ నీటినుంచి పైకి తీశారు. అనంతరం రంజిత్‌ సీపీఆర్‌ చేయగా అప్పటికే గోపిపవన్‌ మృతి చెందాడు. మృతుడికి ఆరె నెలల క్రితమే భార్యతో విడాకులయ్యాయి. మృతుడి తల్లి గోపి రాజేశ్వరి ఫిర్యాదు మేరకు వన్‌ టౌన్‌ సీఐ ఇంద్రసేనారెడ్డి కేసు నమోదు చేసుకొన్నారు.

● 26న సంచాలన్‌ భవన్‌లో నిరాహార దీక్ష ● రైల్వే మజ్దూర్‌ యూనియన్‌ సికింద్రాబాద్‌ డివిజన్‌ ప్రధాన కార్యదర్శి రవీందర్‌రామగుండం: లోకో పైలట్లు, అసిస్టెంట్‌ లోకోపైలట్లు, ట్రైన్‌ మేనేజర్లు తదితర రన్నింగ్‌ సిబ్బంది రైలు భద్రత, నిర్వహణలో కీలకపాత్ర పోషిస్తున్నారని, వారి సమస్యలను పరిష్కరించడంలో రైల్వేశాఖ విఫలమవుతోందని దక్షిణ మధ్య రైల్వే మజ్దూర్‌ యూనియన్‌ సికింద్రాబాద్‌ డివిజనల్‌ ప్రధాన కార్యదర్శి పిల్లలమర్రి రవీందర్‌ శుక్రవారం విమర్శించారు. హ్యాండీ క్యాప్డ్‌, పైలట్‌ సెక్షన్లకు ఆమోదం కల్పించాలనే డిమాండ్‌తో ఈనెల 26న సికింద్రాబాద్‌లోని సంచాలన్‌ భవన్‌ ఎదుట నిరాహార దీక్ష చేపడుతున్నామని తెలిపారు. అన్ని అర్హత కలిగిన సెక్షన్లకు సమన్యాయం జరగాలని, రన్నింగ్‌ సిబ్బంది విపత్కర పరిస్థితుల్లో విధులు నిర్వహిస్తున్నా పెండింగ్‌ ప్రతిపాదనలపై తక్షణ నిర్ణయం తీసుకోవాలని పేర్కొన్నారు. ప్రతీ సైన్‌–ఆన్‌ నుంచి సైన్‌–ఆఫ్‌ వరకు కనీసం 120 కి.మీ. అలవెన్స్‌ వర్తించేలా చర్యలు తీసుకోవాలని కోరారు. నిరాహార దీక్షలో లోకో, ట్రాఫిక్‌ శాఖలకు చెందిన రన్నింగ్‌ సిబ్బంది, మజ్దూర్‌ యూనియన్‌ డివిజనల్‌ కార్యవర్గాల సభ్యులు అందరూ పాల్గొని విజయవంతం చేయాలని ఆయన కోరారు.

గోదావరిఖని: పెద్దపల్లి జిల్లా గోదావరిఖని పారిశ్రామిక ప్రాంతంలో తొలితరం క్రికెటర్‌, సింగరేణి రిటైర్డ్‌ ఉద్యోగి జాలి ప్రతాప్‌(67) అనారోగ్యంతో హైదరాబాదులోని ఆస్పత్రిలో చికిత్స పొందుతూ గురువారం తుదిశ్వాస విడిచారు. ఆయన పార్థివదేహాన్ని స్థానిక సీహెచ్‌పీకాలనీలో సింగరేణి క్వార్టర్‌లో వద్ద భద్రపరిచారు. ఆయన కుమారుడు అమెరికా నుంచి శనివారం చేరుకోగానే అదేరోజు అంత్యక్రియలు నిర్వహిస్తారు. క్రికెటర్‌గా, డాన్సర్‌గా గోదావరిఖని ప్రజలకు ప్రతాప్‌ సుపరిచితుడు. ఆయన మృతిపై ఏఐటీయూసీ రాష్ట్ర డిప్యూటీ జనరల్‌ సెక్రెటరీ కె.స్వామి, కాంగ్రెస్‌ సీనియర్‌ నాయకుడు గుమ్మడి కుమారస్వామి, టీబీజీకేఎస్‌ రాష్ట్ర వర్కింగ్‌ ప్రెసిడెంట్‌ మాదాసి రామమూర్తి, సింగరేణి ఎస్సీ, ఎస్టీ వెల్ఫేర్‌ అసోసియేషన్‌ గౌరవ సలహాదారు పులిమోహన్‌, గోదావరి బ్లుస్‌ క్రికెట్‌ అసోసియేషన్‌ అధ్యక్షుడు, కోచ్‌ డి.కిరణ్‌కుమార్‌, నాయకుడు ముక్క సుదర్శన్‌, ప్రజానాట్యమండలి జాతీయ ఉపాధ్యక్షుడు కన్నం లక్ష్మీనారాయణ సంతాపం తెలిపారు. ఏఎన్‌ఎం కుటుంబంలో విషాదంచొప్పదండి: మండలంలోని గుమ్లాపూర్‌ ఏఎన్‌ఎంగా విధులు నిర్వహిస్తున్న ఎరవేని లలిత కుటుంబంలో విషాదం నెలకొంది. గత ఆగస్టులో రోడ్డు ప్రమాదంలో గాయపడ్డ దంపతుల్లో చికిత్స పొందుతూ లలిత భర్త ధర్మేందర్‌ మృతి చెందాడు. సుమారు రెండు నెలల పాటు వైద్యం పొందినా కుటుంబ పెద్దను కోల్పోవాల్సి వచ్చింది. అగస్టు 21న చొప్పదండి శివారులోని గుమ్లాపూర్‌ ఎక్స్‌రోడ్డు వద్ద లలిత దంపతులు వెళ్తున్న స్కూటీని కరీంనగర్‌ నుంచి ఆదిలాబాద్‌ జిల్లా వైపు వెళ్తున్న ఆర్టీసీ బస్సు ఢీకొంది. లలిత ఆమె భర్త ధర్మేందర్‌ తీవ్రంగా గాయపడ్డారు. నెలరోజుల పాటు ఆస్పత్రిలో చికిత్స పొందిన ధర్మేందర్‌ను ఇంటికి తీసుకొచ్చారు. బ్రీతింగ్‌ సమస్యతో కరీంనగర్‌లోని వారి ఇంట్లో మృతి చెందాడు. ‘హలో శ్రీనివాస్‌ చలో కోరుట్ల’ కు ఏర్పాట్లు పూర్తి కోరుట్ల: పట్టణంలో శ్రీనివాసుల సేవా సంస్థ మూడవ వార్షికోత్సవం సందర్భంగా ఆదివారం నిర్వహించే ‘హలో శ్రీనివాస్‌ చలో కోరుట్ల’ కార్యక్రమానికి ఏర్పాట్లు పూర్తయినట్టు సంస్థ వ్యవస్థాపక అధ్యక్షుడు వూట్కూరి శ్రీనివాస్‌రెడ్డి తెలిపారు. శుక్రవారం పట్టణంలో విలేకరులతో మాట్లాడారు. మెట్‌పల్లి రోడ్డులోని జీఎస్‌ గార్డెన్స్‌లో అన్ని ఏర్పాట్లు చేశామన్నారు. మూడేళ్లుగా తలసేమియా బాధితుల కోసం రక్త సహాయం, పర్యావరణ పరిరక్షణకు మొక్కలు నాటటం, సీడ్‌ బాల్స్‌ తయారీ, విద్యార్థులకు విద్యాసామగ్రి పంపిణీ వంటి సామాజిక సేవా కార్యక్రమాలు చేపడుతూ ప్రజల్లో సేవా భావం, సామాజిక చైతన్యం తీసుకవస్తున్నామన్నారు. గతేడాది ప్రపంచ రికార్డు సాధించడం సంస్థకు గర్వ కారణం అని వివరించారు. హలో శ్రీనివాస్‌ చలో కోరుట్ల కార్యక్రమానికి తెలంగాణాలోని వివిధ జిల్లాల నుంచి శ్రీనివాస నామధేయులు తరలిరావాలని, ఒక్కో శ్రీనివాస మిత్రుడు ఇద్దరు చొప్పున తీసుకవచ్చి కార్యక్రమాన్ని విజయవంతం చేయాని కోరారు. ప్రతినిధులు నీలి శ్రీనివాస్‌, శ్రీరాముల శ్రీనివాస్‌, బెజ్జారపు శ్రీనివాస్‌, తూం శ్రీనివాస్‌, చిలుక శ్రీనివాస్‌ తదితరులు పాల్గొన్నారు.

కథలాపూర్‌(వేములవాడ): మండలంలోని గంభీర్‌పూర్‌ గ్రామానికి చెందిన ఏనుగుల మధును లైంగికదాడి యత్నం, హత్యాయత్నం కేసులో శుక్రవారం అరెస్టు చేసినట్లు ఎస్సై రవికిరణ్‌ తెలిపారు. మధు గొర్రెల కాపరిగా పనిచేస్తున్నారు. ఓ వివాహితపై ఈ నెల 21న లైంగికదాడికి యత్నించగా.. మహిళ ప్రతిఘటించి కేకలు వేసింది. అంతలోనే మధు మహిళ మెడలోని బంగారు ఆభరణాలు లాగి హత్యాయత్నానికి యత్నించాడు. సమీపంలో ఉన్నవారు గమనించి అక్కడకు చేరుకోగా మధు పారిపోయారు. బాధితురాలి ఫిర్యాదు మేరకు కోరుట్ల సీఐ తిరుపతి ఆధ్వర్యంలో కేసు దర్యాప్తు చేసి మధును శుక్రవారం చేసినట్లు ఎస్సై వివరించారు. అర్ధరాత్రి యువకుల మధ్య ఘర్షణ మెట్‌పల్లిరూరల్‌ (కోరుట్ల): మెట్‌పల్లి మండలం బండలింగాపూర్‌ గ్రామంలో గురువారం అర్ధరాత్రి సమయంలో యువకుల మధ్య ఘర్షణ నెలకొంది. బండలింగాపూర్‌–వెల్లుల గ్రామానికి చెందిన రెండు వర్గాల మధ్య జరిగిన ఘర్షణ తీవ్ర ఉద్రిక్తతకు దారితీసింది. దాదాపు గంటకు పైగా జరిగిన ఘర్షణలో పలువురికి గాయాలు కాగా.. విషయం తెలుసుకున్న పోలీసులు అక్కడికి చేరుకొని పరిస్థితిని అదుపులోకి తీసుకువచ్చారు. బండలింగాపూర్‌కు చెందిన పలువురు యువకులు వెల్లులకు వెళ్లిన సమయంలో యువకుల మధ్య వివాదం జరిగింది. ఈ క్రమంలో అక్కడ ఘర్షణ జరగ్గా.. వెల్లులకు చెందిన యువకులు పెద్ద సంఖ్యలో బండలింగాపూర్‌ వెళ్లినట్లు తెలిసింది. బండలింగాపూర్‌లో చావిడి వద్ద హనుమాన్‌ ఆలయం సమీపంలో బతుకమ్మ వేడుకల వద్ద ఉన్న యువకులతో వాగ్వాదానికి దిగగా.. వివాదం ముదిరి ఘర్షణకు దారితీసింది. ఈ ఘర్షణలో కొందరికి గాయాలయ్యాయి. విషయం తెలుసుకున్న మెట్‌పల్లి సీఐ సురేశ్‌బాబు, ఎస్సైలు నవీన్‌కుమార్‌, కిరణ్‌కుమార్‌, సిబ్బంది పరిస్థితిని అదుపులోకి తీసుకువచ్చారు. ఈ ఘటనపై పోలీసులు లోతుగా దర్యాప్తు చేస్తున్నారు.

కరీంనగర్‌: మలబార్‌ గోల్డ్‌ అండ్‌ డైమండ్స్‌ కరీంనగర్‌ షోరూంలో ‘ఆర్ట్‌ ఇన్‌ ఎవ్రీ జువెల్‌’ పేరుతో ప్రత్యేక ఆభరణాల ప్రదర్శన ప్రారంభమైంది. అక్టోబర్‌ 23 నుంచి 26 వరకు ఈ ప్రదర్శన కొనసాగనుంది. బంగారం, వజ్రాభరణాల్లో సంప్రదాయ కళాత్మకతను ఆధునిక డిజైన్లతో మేళవించి రూపొందించిన ప్రత్యేక ఆభరణాలను ఈ ప్రదర్శనలో అందుబాటులో ఉంచారు. ఈ కార్యక్రమానికి బీజేపీ జిల్లా మహిళా అధ్యక్షురాలు చొప్పరి జయశ్రీ ముఖ్య అతిథిగా హాజరయ్యారు. ఈ సందర్బంగా మలబార్‌ గోల్డ్‌ అండ్‌ డైమండ్స్‌ ప్రతినిధులు మాట్లాడుతూ... వినియోగదారుల అభిరుచులకు అనుగుణంగా విభిన్న డిజైన్లలో ఆభరణాలను అందిస్తున్నట్లు తెలిపారు. ప్రదర్శనను సందర్శించి తమకు నచ్చిన డిజైన్లను ఎంపిక చేసుకోవాలని కోరారు. మలబార్‌ ప్రతినిధులు ఫవాజ్‌కబీర్‌, వివేక్‌, సిద్దాంత్‌, సోహెల్‌, శ్రీనివాస్‌ పాల్గొన్నారు.

ఎల్లారెడ్డిపేట మండల కేంద్రం శివారులోని తిమ్మాసికుంట చెరువు హద్దులు నిర్ణయించాలని అధికారులకు ఏడాది నుంచి విన్నవిస్తున్నాను. అక్కడ దాదాపు రెండు నుంచి మూడు ఎకరాల వరకు కబ్జాకు గురైనట్లు సమాచారం. అధికారులు క్షేత్రస్థాయిలో పరిశీలించాలని కోరాం. హద్దులు నిర్ణయించాలని విన్నవించినం. – ఒగ్గు బాలరాజుయాదవ్‌, మాజీ ఎంపీటీసీ శిఖం భూములు అన్యాక్రాంతం ఎల్లారెడ్డిపేటలోని గిద్దచెరువులో శిఖం భూములను కొందరు కబ్జా చేశారు. ఈ విషయంపై గతంలో రెవెన్యూ అధికారులకు అనేకసార్లు ఫిర్యాదు చేసినం. చెరువు శిఖం భూములను కాపాడాల్సిన అవసరం ఉంది. చెరువు చుట్టూ హద్దులను ఏర్పాటు చేసి భూములు ఆక్రమించకుండా చర్యలు తీసుకోవాలి. – బంధారపు మల్లారెడ్డి, రైతు, ఎల్లారెడ్డిపేటవిచారణ చేస్తాం చెరువుల శిఖం భూములు ఎవరైనా కబ్జా చేస్తే విచారణ చేసి చర్యలు తీసుకుంటాం. భూములు కబ్జా అయినట్లు ఎలాంటి ఫిర్యాదులు అందలేదు. ఎవరైనా ఫిర్యాదు చేస్తే క్షేత్రస్థాయిలో పరిశీలించి, ఆక్రమణలకు పాల్పడ్డ వారిపై చర్యలు తీసుకుంటాం. – దివ్యజ్యోతి, తహసీల్దార్‌, ఎల్లారెడ్డిపేట

విద్యానగర్‌(కరీంనగర్‌): పేద విద్యార్థులకు ఫీజు రాయితీతో కూడిన కార్పొరేట్‌ విద్యను అందించడానికి వచ్చేనెల 1న 10వ తరగతి విద్యార్థులకు శ్రీ చైతన్య విద్యాసంస్థల ఆధ్వర్యంలో స్కాలర్‌షిప్‌ పరీక్ష నిర్వహిస్తున్నట్లు విద్యా సంస్ధల అధినేత ఎం.రమేశ్‌రెడ్డి తెలిపారు. ఇందుకు సంబంధించిన పోస్టర్లను శుక్రవారం నగరంలో ఆవిష్కరించారు. ఈ పరీక్షలో ప్రతిభ ఆధారంగా ఫీజు రాయితీతో పాటు మొదటి బహుమతి లాప్‌టాప్‌, రెండు నుంచి పదో ర్యాంకు వారికి టాబ్స్‌ ఇవ్వనున్నట్లు తెలిపారు. ఆసక్తి గల విద్యార్థులు రిజిస్ట్రేషన్‌, తదితర వివరాలకు 98485 87584, 99123 49038 నంబర్లలో సంప్రదించాలన్నారు. విద్యాసంస్ధల డైరెక్టర్‌ కర్ర నరేందర్‌రెడ్డి, జూనియర్‌ కళాశాలల డీన్‌ జగన్‌మోహన్‌రెడ్డి పాల్గొన్నారు. లక్కీడ్రా పేరుతో మోసం జగిత్యాలక్రైం: ఇటీవల ముగిసిన దసరా శరన్నవరాత్రోత్సవాల్లో అమ్మవారి మండపం వద్ద లక్కీ డ్రా పేరుతో ప్రజలను మోసం చేసిన ఇద్దరు వ్యక్తుల్లో ఒకరిని శుక్రవారం అరెస్టు చేయగా మరొకరు పరారీలో ఉన్నట్లు టౌన్‌ సీఐ కరుణాకర్‌, ఎస్సై సుప్రియ పేర్కొన్నారు. జగిత్యాల పట్టణంలోని అష్టలక్ష్మీ ఆలయం సమీపంలో ఏర్పాటు చేసిన దుర్గాదేవి మండపం వద్ద కథలాపూర్‌ మండలం పెగ్గర్ల గ్రామానికి చెందిన బోడ లక్ష్మీనరసయ్య, జగిత్యాలకు చెందిన మానపురి కిరణ్‌ జైభవాని లక్కీ డ్రా పేరుతో లాటరీ ఏర్పాటు చేశారు. ఇందులో మొదటి బహుమతి కింద ఎలక్ట్రిక్‌ బైక్‌, రెండో బహుమతి ఎలక్ట్రిక్‌ బైక్‌, మూడో బహుమతి వన్‌గ్రాం గోల్డ్‌ వంటి ఎనిమిది బహుమతులను విజేతలకు అందిస్తామని కూపన్లు అమ్మారు. రూ.100 ఒక కూపన్‌ చొప్పున 7 వేల కూపన్లు అమ్మారు. జగిత్యాల పట్టణానికి చెందిన చింతల రాజేశ్వర్‌ రూ.200 వెచ్చించి రెండు కూపన్లు తీసుకున్నాడు. ఈ నెల 21న దసరా సందర్భంగా డ్రా ఉంటుందని అక్కడికి వెళ్లిన రాజేశ్వర్‌కు అప్పటికే డ్రా అయిపోయినట్లు, నిర్వాహకులు అక్కడి నుంచి వెళ్లిపోయినట్లు గుర్తించి పోలీసులకు ఫిర్యాదు చేశాడు. పోలీసులు పూర్తిస్థాయిలో విచారించగా నిర్వాహకులే రూ. 5,150 విలువ చేసే కూపన్లు కొనుగోలు చేసి వారిపేర్లను రాసుకుని, డ్రాలో రెండు బైక్‌లు, మూడు సైకిళ్లు గెలుపొందడంలో మోసానికి పాల్పడినట్లు తేలింది. ఈకేసులో లక్ష్మీనరసయ్యను అరెస్టు చేయగా, కిరణ్‌ పరారీలో ఉన్నట్లు పోలీసులు పేర్కొన్నారు. అంతర్జాతీయ కరాటే పోటీల్లో స్వర్ణంకరీంనగర్‌స్పోర్ట్స్‌: శ్రీలంకలో ఇటీవల జరిగిన అంతర్జాతీయస్థాయి కరాటే పోటీల్లో స్థానిక కాకతీయ స్మార్ట్‌ కిడ్స్‌ పాఠశాలకు చెందిన కె.ఆదిత్య సాయి అండర్‌–14 విభాగంలో బంగారు పతకం సాధించినట్లు కోచ్‌ ఆర్‌.ప్రసన్న కృష్ణ తెలిపారు. శుక్రవారం ఆదిత్య సాయిని కరస్పాండెంట్‌ క్రాంతి కుమార్‌, ఉపాధ్యాయులు అభినందించారు.

రామగిరి: జేఎన్‌టీయూ కాంట్రాక్ట్‌ అధ్యాపకుడు, ప్రముఖ త్రీడీ ఆర్టిస్ట్‌ సింగారపు శివరామకృష్ణ (ఎస్‌ఎస్‌ఆర్‌ కృష్ణ)కు అంతర్జాతీయ స్థాయిలో అరుదైన అవకాశం లభించింది. ఇండోనేషియాలోని యోగ్యకార్త నగరంలో అక్టోబర్‌ 28 నుంచి నవంబర్‌ 10 వరకు నిర్వహించనున్న ‘అక్షర – నుసంతరా అండ్‌ దునియా’ అంతర్జాతీయ ఆర్ట్‌ ప్రదర్శనకు ఆయన ముఖ్య అతిథిగా, క్యూరేటర్‌గా వ్యవహరించనున్నారు. ఇండోనేషియా ప్రభుత్వ మంత్రిత్వ శాఖ సహకారంతో నిర్వహిస్తున్న ఈ ప్రదర్శనలో 20 దేశాలకు చెందిన 175 మంది కళాకారులు రూపొందించిన 272 చిత్రాలను ప్రదర్శించనున్నారు. ‘ప్రపంచ లిపుల చారిత్రక వారసత్వం’ ఇతివృత్తంగా ఈ ప్రదర్శన జరగనుంది. ఎస్‌ఎస్‌ఆర్‌ కే అకాడమీకి చెందిన కృష్ణ శిష్యులు 17 మంది రూపొందించిన చిత్రాలు కూడా ఎంపికయ్యాయి. కృష్ణ ప్రత్యేకంగా రూపొందించిన త్రీడీ ఆర్ట్‌ను రెండు వారాలపాటు ప్రదర్శించనున్నారు. తనకు ఈ అవకాశం కల్పించిన నిర్వాహకులకు, మిత్రుడు మియోస సెప్టకు కృష్ణ కృతజ్ఞతలు తెలిపారు. ప్రదర్శనకు ఎంపికై న విద్యార్థులు, వారి తల్లిదండ్రులు హర్షం వ్యక్తం చేశారు.

సిరిసిల్ల: కలెక్టరేట్‌లో గురువారం పండుగ సాయన్న ముదిరాజ్‌ జయంతి వేడుకలను బీసీ సంక్షేమశాఖ ఆధ్వర్యంలో నిర్వహించారు. కలెక్టర్‌ గరీమా అగ్రవాల్‌ పండుగ సాయన్న ముదిరాజ్‌ చిత్రపటం వద్ద జ్యోతి ప్రజ్వలన చేసి, పూలమాల వేసి నివాళి అర్పించారు. డీఆర్డీవో లక్ష్మీనారాయణ, జిల్లా బీసీ సంక్షేమ శాఖ అధికారి సౌజన్య, జిల్లా సహకారశాఖ అధికారి రామకృష్ణ, ముదిరాజ్‌ సంఘం జిల్లా అధ్యక్షుడు చొక్కాల రాము, సంఘం ప్రతినిధులు పర్శ హన్మాండ్లు, కోడి అంతయ్య, కరుణాల భద్రాచలం, బొజ్జ కనకయ్య పాల్గొన్నారు. జిల్లా పోలీస్‌ ఆఫీస్‌లోనూ.. జిల్లా పోలీస్‌ ఆపీస్‌లోనూ పండుగ సాయన్న ముదిరాజ్‌ జయంతి వేడుకలు నిర్వహించారు. ఆయన చిత్రపటానికి పూలమాల వేసి నివాళి అర్పించారు. ఎస్పీ మహేశ్‌ బీ గీతే, ఎస్బీ సీఐ రవి, ఆర్‌ఐ రమేశ్‌, ఎస్సై కిరణ్‌, ఆర్‌ఎస్సై శ్రీనివాస్‌ తదితరులు పాల్గొన్నారు.

● భూరికార్డులు మర్లేస్తున్న రెవె‘న్యూ’ అధికారులు ● ప్రభుత్వ భూములపై జనగామ కలెక్టర్‌ సందీప్‌కుమార్‌ ఝా అన్వేషణ ! ● చేతులు మారిన పట్టాలపై ఆరా ● 22ఏ జాబితా మరోసారి తనిఖీ ● 55 ఏళ్ల భూరికార్డుల పరిశీలన సిరిసిల్ల: జిల్లాలోని భూములపై రాష్ట్ర ప్రభుత్వం ఫోరెన్సిక్‌ ఆడిట్‌ నిర్వహించింది. ఇందులో 2,700 ఎకరాలను గుర్తించారు. భూరికార్డుల ప్రక్షాళన సమయంలో రెవెన్యూ రికార్డులను కంప్యూటరీకరించారు. ఆ దశలో రెవెన్యూ అధికారులు, కంప్యూటర్‌ ఆపరేటర్లు, వీఆర్వోలు, పైరవీకారులు చేతులు కలిపి భూరికార్డులను మార్చివేశారు. ఇలాంటి అక్రమాలకు పాల్పడిన చందుర్తి తహసీల్దార్‌ను అప్పట్లో అరెస్ట్‌ చేశారు. ప్రభుత్వ భూములను ఇతరుల పేరు మీదకు మార్చేటప్పుడు శాసీ్త్రయమైన ఆధారాలు చూపకుండానే రికార్డులు మార్చినట్లు ఫోరెన్సిక్‌ తనిఖీల్లో బయటపడింది. జిల్లాలో జరిగిన భూరికార్డుల అక్రమాలపై ఫోరెన్సిక్‌ ఆడిట్‌లో లాగిన్‌ అయిన భూరికార్డులను ఎవరు మార్చారు.. ఎప్పుడు మార్చారు.. ఆ మార్పుకు ఆధారాలు ఏమిటీ? అనే కోణంలో ఆరా తీస్తున్నారు. అప్పట్లోనే ధరణి నుంచి తొలగించి ఆ భూములన్నింటినీ నిషేధిత జాబితా 22–ఏలో చేర్చారు. ఇందులో సిరిసిల్ల పట్టణ శివారులోని పెద్దూరు, సర్దాపూర్‌, జగ్గారావుపల్లి, చిన్నబోనాల, పెద్దబోనాల, తంగళ్లపల్లి మండలం మండెపల్లి, తాడూరు, బద్దెనపల్లి, సారంపల్లి, ఎల్లారెడ్డిపేట మండలం వెంకటాపూర్‌, ఇల్లంతకుంట, చందుర్తి, ముస్తాబాద్‌, గంభీరావుపేట మండలాల్లోని కొన్ని గ్రామాలు ఉన్నాయి. ప్రస్తుతం మళ్లీ ఆ భూములను లోతుగా 55 ఏళ్ల రికార్డులను పరిశీలిస్తూ ఒక్కో సర్వే నంబరును నమోదు చేస్తున్నారు. దళిత మహిళలకు కేటాయింపులపై ఆరా ! జిల్లాలో భూమి కొనుగోలు పథకం(ఎల్‌పీఎస్‌)లో భూమి లేని నిరుపేద దళిత మహిళలకు 2014 నుంచి 2021 వరకు 165 మందికి 436.02 ఎకరాలు కేటాయించారు. మూడెకరాల భూమి కేటాయింపుల్లో భాగంగా రూ.21.67కోట్లతో ఈ పథకాన్ని జిల్లాలో అమలు చేశారు. వాస్తవానికి పట్టాలు పొందిన దళిత మహిళలు ఆ భూములను సాగుచేసుకుంటున్నారా? పడావులుగా(బీడుగా) ఉంచారా.. నీటి వసతి ఉందా? ఆ పట్టాలు పొందిన దళిత మహిళలు అర్హులేనా.. అందులోనూ అనర్హులు ఉన్నారా..? అప్పటి అధికార పార్టీ నేతల జోక్యంతో భూముల కేటాయింపులు జరిగాయా..? అనే అంశాలను సేకరిస్తున్నట్లు సమాచారం. వ్యవసాయ యోగ్యమైన భూములను కొనుగోలు చేశారా? ప్రజాధనాన్ని దోచిపెట్టేలా వ్యవసాయానికి పనికిరాని భూములను కొనుగోలు చేసి దళితులకు కట్టబెట్టారా? అనే అంశాలను ఆరా తీస్తున్నారు. భూమి కొనుగోలు పథకంలోనూ అక్రమాలు ఉన్నట్లు తేలితే.. అక్రమార్కులపై కేసులు పెట్టాలని భావిస్తున్నారు. సమగ్ర నివేదిక సర్కారుకు.. జిల్లాలో అసైన్‌మెంట్‌ భూములపై అధికారులు లోతుగా ఆరా తీసి సమగ్ర నివేదికను జనగామ కలెక్టర్‌ సందీప్‌కుమార్‌ ఝా ద్వారా ప్రభుత్వానికి పంపించనున్నారు. ఈమేరకు జిల్లాలోని రెవెన్యూ అధికారులు భూరికార్డులను గోప్యంగా పరిశీలిస్తూ.. నివేదికలు తయారు చేస్తున్నారు. సర్కారు భూములు పట్టాలు పొందిన వారు, ఆ భూములపై పరిహారం పొందిన వారు, అమ్ముకున్నవారు.. ప్రస్తుత పరిస్థితి.. నిషేధిత జాబితాలో ఉన్న భూములు.. ఇలా మొత్తంగా జిల్లాలో పరాధీనమైన ప్రభుత్వ భూములపై రెవెన్యూ అధికారులు నివేదికలు తయారు చేస్తున్నారు.కలెక్టరేట్‌లో సెప్టెంబరు 29న కలెక్టర్‌ గరీమా అగ్రవాల్‌తో కలిసి భూముల అవకతవకలపై ప్రభుత్వం నియమించిన కమిటీ సభ్యులు, జనగామ కలెక్టర్‌ సందీప్‌కుమార్‌ ఝా జిల్లా రెవెన్యూ అధికారులతో సమీక్షించారు. రాష్ట్ర ప్రభుత్వ ఆదేశాలతో జీవో 134 ప్రకారం ప్రభుత్వ భూములు పట్టాల రూపంలో పరాధీనమైన అంశంపై ఆరా తీశారు. 1960 నుంచి భూరికార్డులను పరిశీలించి ప్రభుత్వ భూములను పట్టాలు పొందిన వారు.. ఎన్‌వోసీ పొంది ఇతరులకు అమ్ముకున్న వారు, ప్రభుత్వ భూముల పట్టాలు మారిన తీరుపై సమగ్ర నివేదికలు ఇవ్వాలని అన్ని మండలాల రెవెన్యూ అధికారులను ఆదేశించారు. ఈమేరకు జిల్లాలో భూరికార్డులను రెవె‘న్యూ’ అధికారులు మర్లేస్తున్నారు. భూముల వివరాలు గ్రామాలు : 260మండలాలు : 13రెవెన్యూ గ్రామాలు : 171 సర్వే నంబర్లు : 91,416భూములు : 4,68,532 ఎకరాలు 22ఏ జాబితాలో భూములు : 3,718 ఎకరాలు కేటాయించిన అసైన్‌మెంట్‌ భూములు : గోప్యంగా ఉంచారు

● విద్య.. వైద్యంపై కలెక్టర్‌ ఫోకస్‌ ● నిత్యం క్షేత్రస్థాయి తనిఖీలు ● ఇదీ కలెక్టర్‌ గరీమా అగ్రవాల్‌ శైలీసిరిసిల్ల: కలెక్టర్‌గా గరీమా అగ్రవాల్‌ విధుల్లో చేరి ఏడాది అవుతుంది. మొదటి పోస్టింగ్‌ అయినా పాలనతో తనదైన ముద్ర వేశారు. తొలి మహిళా కలెక్టర్‌గా హరిత నియమితులు కాగా.. నెల రోజుల్లోనే ఆమె దీర్ఘకాలిక సెలవులో వెళ్లడంతో ఇన్‌చార్జి కలెక్టర్‌గా 2025 అక్టోబరు 23న గరీమా అగ్రవాల్‌ బాధ్యతలు స్వీకరించారు. 2019 ఐఏఎస్‌ బ్యాచ్‌కు చెందిన గరీమా అగ్రవాల్‌ మధ్యప్రదేశ్‌లోని ఖర్గోన్‌లో జన్మించారు. హైదరాబాద్‌ ఐఐటీలో చదివారు. జిల్లాలో గ్రామపంచాయతీ, మున్సిపల్‌ ఎన్నికలు సజావుగా నిర్వహించడంలో, ఎన్నికల కోడ్‌ అమలులో తన మార్క్‌ చూపారు. జిల్లాలో విద్య, వైద్యం రెండు కళ్లుగా ముందుకెళ్తున్నారు. గాడినపడ్డ విద్యావ్యవస్థ జిల్లాలోని ప్రభుత్వ విద్యావ్యవస్థను గాడిలో పెట్టారు. గురుకులాలు, హాస్టళ్లను తనిఖీ చేస్తూ వంటల నాణ్యత.. పరిసరాల పరిశుభ్రతపై సిబ్బందికి సూచనలు చేస్తుంటారు. విధి నిర్వహణలో నిర్లక్ష్యంగా ఉన్న వేములవాడ ఎంజేపీ స్కూల్‌ ప్రిన్సిపాల్‌ రాజయ్యను సస్పెండ్‌ చేశారు. కలెక్టర్‌ విద్యార్థినిగా మారి పాఠాలు ఎలా చెబుతున్నారనే విషయాన్ని పరిశీలించారు. అంగన్‌వాడీ కేంద్రాల్లో ప్రతీ మంగళవారం పది నిమిషాల కార్యక్రమాన్ని అమలు చేస్తున్నారు. నాణ్యమైన వైద్యం జిల్లాలోని ప్రాథమిక ఆరోగ్య కేంద్రాలు, ఆరోగ్య ఉపకేంద్రాలు, ప్రాంతీయ ఆస్పత్రి, జిల్లా జనరల్‌ ఆస్పత్రులను నిత్యం తనిఖీ చేస్తూ వైద్యులు, సిబ్బందిని అప్రమత్తం చేస్తున్నారు. సర్కారు ఆస్పత్రుల్లో ప్రసవాల సంఖ్య పెరిగేలా చర్యలు తీసుకుంటున్నారు. దివ్యాంగులకు అలింకో సంస్థ ద్వారా రూ.83 లక్షల పరికరాలు తెప్పించి పంపిణీ చేయించారు. రూ.2.93కోట్లతో 16,631 వీల్‌చైర్లు, వాకింగ్‌ కర్రలు, రోలెటర్లు తెప్పించారు. ఇందిరమ్మ ఇళ్ల నిర్మాణంలో అగ్రస్థానం వేములవాడ రాజన్న ఆలయ అభివృద్ధి పనులను వేగంగా ముందుకు సాగేలా పర్యవేక్షిస్తూనే ఇందిరమ్మ ఇళ్ల నిర్మాణాలలో జిల్లాను రాష్ట్రంలోనే అగ్రస్థానంలో నిలిపారు. విద్యార్థులతో కలిసి పాఠాలు వింటున్న కలెక్టర్‌ బాలికలతో ముచ్చటిస్తున్న కలెక్టర్‌..సమష్టి కృషితోనే సాధ్యం జిల్లా కలెక్టర్‌గా ఇది నాకు మొదటి పోస్టింగ్‌. నేను ఇన్‌చార్జి కలెక్టర్‌గా బాధ్యతలు స్వీకరించిన వారం రోజుల్లోనే ఎన్నికల నిర్వహణకు సన్నద్ధం కావాల్సి వచ్చింది. గ్రామపంచాయతీ, మున్సిపల్‌ ఎన్నికలను సవాల్‌గా స్వీకరించి పూర్తి చేశాము. ఉపాధిహామీ, ఇందిరమ్మ ఇళ్ల నిర్మాణంలో రాష్ట్రంలో మొదటి స్థానంలో ఉన్నాం. వేములవాడ ఆలయ అభివృద్ధి, బద్దిపోచమ్మ ఆలయ విస్తరణ, సీఎస్‌ఆర్‌లో రూ.కోటితో స్మార్ట్‌ తరగతి గదుల ఏర్పాటు, 500 బెడ్స్‌ బాలికలకు అందించడం వంటి కార్యక్రమాలు చేపట్టాం. గోదాముల నిర్మాణాలు, రైతులను సన్నవడ్ల వైపు ప్రోత్సహించడం, ఆయిల్‌ పామ్‌ సాగులో ముందున్నాం. జిల్లాలో చేపట్టిన అనేక పనులు ఎంతో సంతృప్తినిచ్చాయి. అందరి సహకారంతో ముందుకెళ్తాను. – గరీమా అగ్రవాల్‌, కలెక్టర్‌

● సస్పెన్షన్‌ అయిన వారికి సముచిత స్థానాలు ● కాసుల మాటున పోస్టింగ్‌లుసిరిసిల్ల: జిల్లా గ్రామీణాభివృద్ధి సంస్థ(డీఆర్‌డీఏ)లో బదిలీలు కలకలం రేపాయి. ధాన్యం కొనుగోళ్లలో పొరపాటు చేశారని నాలుగు నెలల క్రితం సస్పెన్షన్‌కు గురైన వారికి తిరిగి పోస్టింగ్‌లు ఇవ్వడంలో పైరవీలకు తెరలేచిన ట్లు చర్చలు జోరందుకున్నాయి. వీర్నపల్లి ఏపీఎం దేవరాజు ధాన్యం కొనుగోలు వ్యవహారంలో సస్పెన్షన్‌కు గురికాగా.. తిరిగి గంభీరావుపేట ఏపీఎంగా పోస్టింగ్‌ ఇచ్చారు. కోనరావుపేట ఏపీఎంగా పనిచేస్తూ ట్రక్‌షీట్ల జారీలో తప్పులు దొర్లాయని సస్పెన్షన్‌కు గురైన రాజేశంను ఇల్లంతకుంటలో తిరిగి నియమించా రు. సస్పెన్షన్‌కు గురైన కోనరావుపేటలో కమ్యూనిటీ కోఆర్డినేటర్‌ శ్రీదేవిని కలెక్టరేట్‌లోని డీఆర్‌డీఏ ఆఫీస్‌లోనే పోస్టింగ్‌ ఇచ్చారు. ఫలించిన పైరవీలు సస్పెన్షన్‌ వేటుపడ్డ వారిని తిరిగి ఉద్యోగాల్లో తీసుకోవడంపై అభ్యంతరం లేకపోగా.. మంచి పోస్టింగ్‌ల కోసం పైరవీలు చేయడం వివా దాస్పదంగా మారింది. డీఆర్‌డీఏ ఆఫీస్‌లో పనిచేసే ఓ ముఖ్య అధికారి సదరు ఉద్యోగుల వద్ద డబ్బులు తీసుకొని మంచి పోస్టింగ్‌లు ఇప్పించినట్లు తెలిసింది. కోరుకున్న పోస్టింగ్‌ల కోసం కాసుల భేరాలు సాగించినట్లు సమాచారం. సస్పెన్షన్‌కు గురై తిరిగి పోస్టింగ్‌లు పొందిన ఆ ముగ్గురికి స్థానాలు కల్పించేందుకు మరో నలుగురిని బదిలీ చేసినట్లు సమాచారం. గంభీరావుపేట ఏపీఎం ఎం.జయసుధకు సొంతూరైన వేములవాడలో పోస్టింగ్‌ ఇ చ్చారు. వేములవాడ ఏపీఎం జె.సుదర్శన్‌ను కోనరావుపేటకు, వేములవాడ రూరల్‌లో ఏపీఎం రాజును ముస్తాబాద్‌కు బదిలీ చేశా రు. ఇల్లంతకుంటలో పనిచేసే కుమారస్వామిని వీర్నపల్లి మండలానికి బదిలీ చేశారు. పనిష్‌మెంట్‌ ఎవరికీ ?! సస్పెన్షన్‌ వేటుకు గురై తిరిగి ఉద్యోగాలు పొందిన వారికి సముచిత స్థానాలు కల్పించేందుకు అప్పటికే పనిచేస్తున్న వారికి స్థానచలనం కలిగించడం చర్చనీయాంశమైంది. పనిష్‌మెంట్‌ ఎవరికి ఇచ్చినట్లు అని ఆఫీస్‌ వర్గాలు చర్చించుకుంటున్నాయి. పాఠశాల విద్యార్థులకు రోబోటిక్స్‌ ఏఐ విద్య వేములవాడరూరల్‌: వేములవాడ రూరల్‌ మండలం మల్లారంలో విద్యాభివృద్ధికి అడుగులు పడుతున్నాయి. గ్రామంలోని ప్రభుత్వ పాఠశాలలో ఒకటి నుంచి ఐదో తరగతి విద్యార్థులకు కంప్యూటర్‌ ద్వారా విద్యనందించేలా ఏర్పాట్లు చేస్తున్నారు. ఈమేరకు ప్రభుత్వ విప్‌ ఆది శ్రీనివాస్‌ చేతుల మీదుగా శుక్రవారం ప్రారంభించనున్నట్లు సర్పంచ్‌ సంగెం అర్పిత–వీరారెడ్డి తెలిపారు. రోబోటిక్స్‌ ఏఐ విద్య నెక్ట్స్‌ 360 ఆర్గానిక్‌ ప్రోడక్ట్స్‌ గూగుల్‌ సెర్చ్‌ ప్రాజెక్టు మేనేజర్‌ సహకారంతో విద్యార్థుల కోసం ఐదు కంప్యూటర్లను మల్లారం ప్రభుత్వ పాఠశాలకు అందజేయనున్నారు. లాజిక్‌ జెన్‌ కంపెనీ ఆధ్వర్యంలో విద్యార్థులకు ఉచిత ఏఐ, రోబోటిక్స్‌ బుక్స్‌ అందిస్తారు. గ్రామీణ ప్రాంత విద్యార్థులను టెక్నాలజీరంగం వైపు మళ్లించేందుకు కృషి చేస్తున్నట్లు సర్పంచ్‌ తెలిపారు. నేషనల్‌ డ్యామ్‌ సేఫ్టీ బృందం పర్యటన ఎల్లారెడ్డిపేట/ముస్తాబాద్‌: ఎల్లారెడ్డిపేట, ము స్తాబాద్‌ మండలాల్లో నేషనల్‌ డ్యామ్‌ సేఫ్టీ ఎక్స్‌పర్ట్‌ టీమ్‌ గురువారం పర్యటించింది. ఎక్స్‌పర్ట్‌ బృందం చైర్మన్‌ విజయ్‌దేశాయ్‌ ము స్తాబాద్‌ పెద్దచెరువు, బండలింగంపల్లిలోని చెక్‌డ్యామ్‌ వివరాలు తెలుసుకున్నారు. జిల్లాలోని రిజర్వాయర్లను పరిశీలించి కేంద్రానికి నివేదిక ఇస్తామని కమిటీ చైర్మన్‌ దేశాయ్‌ పే ర్కొన్నారు. రిటైర్డు సీఈ శ్రీకాంత్‌రావు, ఎస్‌ఈ రమేశ్‌, ఈఈలు ప్రశాంత్‌, ప్రశాంత్‌, డీఈలు నర్సింగ్‌, శ్రీనివాస్‌, ఏఈలు భాస్కర్‌రెడ్డి, నవీ న్‌, సర్పంచ్‌ బాలరాజు నర్సాగౌడ్‌ ఉన్నారు. 254 కొనుగోలు కేంద్రాలుసిరిసిల్ల అర్బన్‌: రాజన్న సిరిసిల్ల జిల్లా వ్యాప్తంగా ఖరీఫ్‌లో ధాన్యం కొనుగోళ్లకు సంబంధించి 254 కేంద్రాలు ఏర్పాటు చేసినట్లు జిల్లా పౌర సరఫరాలశాఖ అధికారి తనూజ తెలిపారు. ఐకేపీ ద్వారా 123, పీఏసీఎస్‌ ద్వారా 125, మెప్మా ద్వారా 6 కేంద్రాలు ఉన్నాయన్నారు. ప్రభుత్వం ప్రకటించిన సన్న ధాన్యం బోనస్‌ కూడా అర్హులైన రైతులకు అందించనున్నట్లు తెలిపారు.

ఇది సిరిసిల్ల శివారులోని పెద్దూరు వద్ద ప్రభుత్వ భూములు. 2014 కంటే ముందు ఈ భూములను పెద్దగా ఎవరూ పట్టించుకోలేదు. కానీ రెండో బైపాస్‌రోడ్డు రగుడు నుంచి వెంకటాపూర్‌ వరకు నిర్మాణం కావడంతో ఈ భూముల విలువ అమాంతం పెరిగిపోయింది. ఎకరం రూ.కోట్లలోకి వెళ్లింది. పెద్దూరు శివారులోని ప్రభుత్వ భూములను పట్టాలు పొందిన పెద్దలు కొందరు అమ్ముకున్నట్లు సమాచారం. కొందరి వద్ద ప్రభుత్వమే మళ్లీ పరిహారం చెల్లించి వాపస్‌ తీసుకుంది. సర్కారు భూముల పట్టాలు.. పరిహారం పంపిణీలోనూ భారీ ఎత్తున అక్రమాలు జరిగినట్లు అధికారులు గుర్తించారు. పెద్దూరు భూములపై రెవెన్యూ అధికారులు ఆరా తీస్తున్నారు. ఇది తంగళ్లపల్లి మండలంలోని ప్రభుత్వ భూములు. ఇందులో అక్రమంగా సాగుచేస్తున్నారు. ఈ మండలంలో వందలాది ఎకరాల ప్రభుత్వ భూములు భూరికార్డుల ప్రక్షాళన సమయంలో రెవెన్యూ అధికారులు అప్పటి అధికార పార్టీ నేతలకు పట్టాలు ఇచ్చినట్లు రికార్డులు చెబుతున్నాయి. ఒక్కో ఎకరానికి రూ.లక్ష చొప్పున వసూలు చేస్తూ అప్పటి రెవెన్యూ అధికారులు పట్టాల రూపంలో ధారాదత్తం చేశారు. ఇలా పట్టాలు పొందిన వారిపై 2024లో అప్పటి కలెక్టర్‌, ప్రస్తుత జనగామ కలెక్టర్‌ సందీప్‌కుమార్‌ ఝా పోలీస్‌ కేసులు నమోదు చేయించి, జైలుకు పంపించారు. కొందరు స్వచ్ఛందంగా భూములు వెనక్కి ఇచ్చారు. ఇంకా మిగిలిన, పరాధీనమైన ప్రభుత్వ భూములపై రెవెన్యూ అధికారులు ఇప్పుడు ఆరా తీస్తున్నారు.

సిరిసిల్లటౌన్‌: శ్రీశాల శ్రీలక్ష్మీవేంకటేశ్వర స్వామి వారు బ్రహ్మోత్సవాల్లో భాగంగా గురువారం గరుడ, హన్మంత వాహన సేవలపై ఊరేగారు. శ్రీదేవి, భూదేవి సమేతంగా స్వామివారు గరుడవాహనంపై మాఢవీధుల్లో విహరించారు. ఆలయ ప్రధాన అర్చకులు మాడంరాజు కృష్ణమాచార్యులు వాహన సేవల విశిష్టత వివరించారు. ఆలయ ఈవో మారుతిరావు, అర్చకులు బీట్కూరి నవీన్‌, జయవర్ధన్‌, సుకుమార్‌, రంగాచారి, డీసీసీ అధ్యక్షుడు సంగీతం శ్రీనివాస్‌, వికాస తరంగిణి సభ్యులు నాయిని మంగ, పెద్ది శ్రీనివాస్‌, రాజ్యలక్ష్మి తదితరులు పాల్గొన్నారు.

● బెటాలియన్‌ కమాండెంట్‌ ఛటర్జీ సిరిసిల్ల అర్బన్‌: సర్ధాపూర్‌లోని 17వ బెటాలియన్‌లో బుధవారం పోలీసు అమరవీరుల సంస్మరణ దినోత్సవం ఘనంగా నిర్వహించారు. బెటాలియన్‌ కమాండెంట్‌ పీజేపీసీ ఛటర్జీ అమరవీరులకు నివాళి అర్పించారు. 1959 అక్టోబర్‌ 21న భారత్‌–చైనా సరిహద్దులో ప్రాణాలర్పించిన పది మంది పోలీసుల త్యాగాలకు గుర్తుగా ఏటా ఈ దినోత్సవం నిర్వహిస్తున్నట్లు తెలిపారు. దేశ రక్షణ, శాంతి భద్రతల పరిరక్షణలో పోలీసుల సేవలు, త్యాగాలు మ రువలేనివన్నారు. అడిషనల్‌ కమాండెంట్‌ ఎం.ఐ. సురేష్‌, అసిస్టెంట్‌ కమాండెంట్లు రాందాస్‌, రాజు, సంజీవరెడ్డి, ఇతర అధికారులు పాల్గొన్నారు.

చందుర్తి: ప్రాణాలను ఫణంగా పెట్టి సంఘ విద్రోహశక్తులతో పోరాటం చేసిన అమరులైనా పోలీసుల త్యాగం చిరస్మరణీయమని ఎస్పీ మహేశ్‌ బీ గీతే పేర్కొన్నారు. చందుర్తి మండలం లింగంపేట శివారులోని పోలీసు అమరవీరుల స్తూపం వద్ద నిర్వహించిన పోలీసు సంస్మరణ సభకు ఎస్పీ మహేశ్‌ బీ గీతే, డీఎస్పీ కె.నాగేంద్రచారి, ఎ.శ్రీనివాసులు, ఎస్బీ డీఎస్పీ గాండ్ల వెంకటేశ్వర్లు హాజరయ్యారు. ముందుగా పోలీసుల అమరవీరుల స్తూపం వద్ద ఎస్పీ మహేశ్‌ బీ గీతే, డీఎస్పీలు నాగేంద్రచారి, శ్రీనివాసులు, వెంకటేశ్వర్లు పూలమాలలు వేసి నివాళి అర్పించారు. ఎస్పీ మహేశ్‌ బీ గీతే మాట్లాడుతూ శాంతి సమాజ స్థాపన కోసం ఎందరో పోలీసులు విధి నిర్వహణలో ప్రాణాలను పోగొట్టుకున్నారన్నారు. వారి త్యాగాలను మరవవద్దని పేర్కొన్నారు. నక్సల్స్‌ ప్రాబల్యంతో ఈ ప్రాంతం నలిగిపోయిందని, పోలీసుల త్యాగాలతోనే నేడు ప్రజలు సుఖసంతోషాల మధ్య గడుపుతున్నారన్నారు. యూనిఫాం బాధ్యతలను పెంచుతోందని గుర్తు చేశారు. కుటుంబ సభ్యులకు, బంధువులు దూరమై నిరంతరం విధి నిర్వహణలో ఉండేది ఒక్క పోలీసులేనని పేర్కొన్నారు. అనంతరం అమరవీరుల కుటుంబాలకు జ్ఞాపికలను అందజేశారు. సీఐలు రవీందర్‌, శ్రీనివాస్‌, వీరప్రసాద్‌, వెంకటేశ్‌, శ్రీనివాస్‌, ఎస్సైలు జిల్లెళ్ల రమేశ్‌, సిరిసిల్ల అశోక్‌, ప్రశాంత్‌రెడ్డి, రామ్మోహన్‌, మోతిరామ్‌నాయక్‌, జ్యోతి తదితరులు పాల్గొన్నారు.

ఇది సిరిసిల్ల పట్టణంలోని తారకరామానగర్‌ ఏరియా. ఇక్కడ వీధి వ్యాపారుల కోసం మున్సిపల్‌ అధికారులు 16 షాపులను ఏర్పా టు చేశారు. పేద వీధి వ్యాపారులు ఇక్కడి షాపుల్లో వ్యాపారం చేసుకుంటూ ఉపాధి పొందాలని రూ.93లక్షలతో నిర్మించారు. పర్యావరణ హితమైన ఏకో ఫ్రెండ్లీ రేకులు, సామగ్రితో 2019లో నిర్మించగా, అప్పటి నుంచి నిరుపయోగంగానే ఉన్నాయి. ఇది సిరిసిల్ల శివనగర్‌ పార్క్‌ వద్ద వీధి వ్యాపారుల కోసం నిర్మించిన ఏకో ఫ్రెండ్లీ దుకా ణాల సముదాయం. నిర్మించినప్పటి నుంచి దుకాణాలు నిరుపయోగంగానే ఉన్నాయి. ఇలా సిరిసిల్లలో రూ.1.93కోట్లతో మొత్తం 60 షాపులు ఏకో ఫ్రెండ్లీ దుకాణాల సముదాయాలను నాలుగు ప్రదేశాల్లో నిర్మించగా.. ప్రభుత్వ జనరల్‌ ఆస్పత్రి వద్ద, రైతుబజారు వద్ద షాపులు వినియోగంలో ఉండగా.. మిగతావి వృథాగా పడి ఉన్నాయి.

ఎల్లారెడ్డిపేట: చొప్పదండి ఎమ్మెల్యే మేడిపల్లి సత్యం తన స్వగ్రామం ఎల్లారెడ్డిపేట మండలం కోరుట్లపేటలో పాల్గొన్నారు. శమీపూజ చేసి, గ్రామస్తులకు పండుగ శుభాకాంక్షలు తెలిపారు. 17వ బెటాలియన్‌లో ఘనంగా దసరా వేడుకలు సిరిసిల్ల అర్బన్‌: సిరిసిల్ల పట్టణ పరిధిలోని సర్ధాపూర్‌లో గల 17వ బెటాలియన్‌లో విజయదశమి వేడుకలు మంగళవారం ఘనంగా నిర్వహించారు. బెటాలియన్‌ కమాండెంట్‌ ఛటర్జీ ఆధ్వర్యంలో దుర్గాదేవికి పూజలు చేశారు. ఆయుధాలు, పోలీసు వాహనాలు, ఎస్‌డీఆర్‌ఎఫ్‌ పరికరాలకు ప్రత్యేక పూజ కార్యక్రమాలు నిర్వహించారు. అనంతరం జమ్మిచెట్టుకు పూజులు నిర్వహించారు. అసిస్టెంట్‌ కమాండెంట్లు జె.రాందాస్‌, సంజీవరెడ్డి తదితరులు పాల్గొన్నారు. ఇంటర్న్‌షిప్‌తో వృత్తి నైపుణ్యాలు ముస్తాబాద్‌: హైస్కూల్‌ స్థాయిలో విద్యార్థులు ఇంటర్న్‌షిప్‌తో వృత్తి నైపుణ్యాలు పెంపొందించుకునే అవకాశం ఉందని జిల్లా ఒకేషనల్‌ కోర్సు కోఆర్డినేటర్‌ అఖిల్‌ పేర్కొన్నారు. ముస్తాబాద్‌ మండలం నామాపూర్‌ మోడల్‌స్కూల్‌ విద్యార్థులు దసరా సెలవుల్లో బ్యూటీషియన్‌ కోర్సుపై ఇంటర్న్‌షిప్‌ చేయడం అభినందనీయమన్నారు. ముస్తాబాద్‌లో బ్యూటీషియన్‌ కోర్సు అభ్యసిస్తున్న విద్యార్థులతో మంగళవారం మాట్లాడారు. శిక్షణతో మెరుగైన వృత్తి నైపుణ్యాలు వస్తాయన్నారు. ఇన్‌స్ట్రక్టర్లు కూర శ్రావణి, భవాని ఉన్నారు. అంబులెన్స్‌లో ప్రసవం గంభీరావుపేట: మండలంలోని కొత్తపల్లికి చెందిన ఓ గర్భిణీకి పురిటినొప్పులు రావడంతో కుటుంబసభ్యులు 108 వాహనానికి సమాచారం అందించారు. అంబులెన్స్‌లో ఆస్పత్రికి తరలిస్తుండగా మార్గమధ్యలోనే నొప్పులు తీవ్రమయ్యాయి. ఈఎంటీ సాయికృష్ణ, పైలట్‌ మనోజ్‌కుమార్‌ సమయస్ఫూర్తితో వ్యవహరించి అంబులెన్స్‌ వాహనంలో నే ప్రసవం చేశారు. తల్లీబిడ్డలు క్షేమంగా ఉండడంతో అందరూ ఊపిరి పీల్చుకున్నారు. రూ.70వేలు పలికిన దుర్గామాత లడ్డూ ఎల్లారెడ్డిపేట: మండలంలోని కోరుట్లపేటలో దుర్గామాత లడ్డూకు వేలం పాట నిర్వహించారు. సురభి ప్రదీప్‌రావు రూ.70 వేలకు అమ్మవారి లడ్డూను దక్కించుకున్నారు. శరన్నవరాత్రి ఉత్సవాల్లో భాగంగా గ్రామంలో దుర్గామాతను ఏర్పాటు చేశారు. తొమ్మిది రోజులపాటు పూజలు అందుకున్న లడ్డూకు బుధవారం వేలంపాట నిర్వహించగా ప్రదీప్‌రావు దక్కించుకున్నారు. అనంతరం గ్రామస్తులకు లడ్డూ ప్రసాదాన్ని వితరణ చేశారు.

సిరిసిల్లలో జమ్మిగద్దెకు తరలివచ్చిన స్వామి వారు, ప్రజలుబాణం సంధించిన నాయకులువేములవాడలో సేవలపై స్వామివారుసిరిసిల్లటౌన్‌/వేములవాడ: కార్మికక్షేత్రంలో దసరా వేడుకలు మంగళవారం ఘనంగా నిర్వహించారు. సిరిసిల్ల మానేరువాగు ఒడ్డున రాంలీల మైదానంలో హిందూ ఉత్సవ సమితి ఆధ్వర్యంలో రావణ సంహారం నిర్వహించారు. 20 అడుగుల ఎత్తులో రావణాసురుడి ప్రతిమను మున్సిపల్‌ చైర్‌పర్సన్‌ జిందం కళ, ముఖ్య అతిథుల చేతుల మీదుగా దహనం చేశారు. సర్‌ దేశాయ్‌ చెన్నమనేని శ్రీనివాస్‌రావు, హిందూ ఉత్సవ సమితి అధ్యక్షుడు చేపూరి శ్రీనివాస్‌, ప్రధాన కార్యదర్శి మేర్గు సత్యం, గౌరవ అధ్యక్షుడు, మున్సిపల్‌ మాజీ చైర్మన్‌ ఆడెపు రవీందర్‌, గాజుల వేణు, చేపూరి అశోక్‌ తదితరులు పాల్గొన్నారు. సాయంత్రం శ్రీలక్ష్మీవేంకటేశ్వరస్వామి భక్తులకు శమీ దర్శనం కల్పించారు. అశ్వవాహనంపై స్వామివారు మానేరువాగు తీరాన ఉన్న జమ్మిచెట్టు వద్దకు చేరుకోగా.. శమీపూజ జరిగింది. వేలాదిసంఖ్యలో భక్తులు పాల్గొన్నారు. డీసీసీ అధ్యక్షుడు సంగీతం శ్రీనివాస్‌, ఆలయ మాజీ చైర్మన్లు ఉప్పుల విఠల్‌రెడ్డి, చేపూరి నాగరాజు, తీగల శేఖర్‌గౌడ్‌, ఈవో మారుతిరావు, ఏఈవోలు పీసరి రవీందర్‌, కూనబోయిన సత్యం పాల్గొన్నారు. వేములవాడలో వేములవాడలో విజయదశమి వేడుకలు ఘనంగా నిర్వహించా రు. ఆలయంలో పూజల అనంతరం అంబారిసేవలను పురవీధుల్లో శమీయాత్ర నిర్వహించారు. మహాలక్ష్మి ఆలయం వద్దనున్న జంబిచెట్టుకు పూజలు చేశారు. రాత్రి 9 గంటలకు జరిగిన నిషిపూజ, ఏకాంతసేవలతో ఉత్సవాలు ముగిసినట్లు ఇన్‌చార్జి స్థానాచార్యులు ఉమేశ్‌శర్మ తెలిపారు. విప్‌ ఆది శ్రీని వాస్‌, ఈవో రమాదేవి, మున్సిపల్‌ చైర్మన్‌ పుల్కం రాజు, వైస్‌చైర్మన్‌ నరాల శేఖర్‌, కమిషనర్‌ లోకేశ్‌ తదితరులు పాల్గొన్నారు.

● వరిగెలలు తొలిచేస్తున్న రేల్లరాల్చే పురుగు ● రాత్రి వేళల్లోనే దాడి చేస్తున్న ‘ఆర్మీవార్మ్‌’ముస్తాబాద్‌: ఈ సీజన్‌ రైతులకు కలిసిరావడం లేదు. వర్షాలు సరిగ్గా కురువకపోవడంతో సాగు విస్తీర్ణం పడిపోగా.. వేసిన సన్నరకం ధాన్యం చేతి కొచ్చిన సమయంలో రేల్లరాల్చే పురుగుల దాడితో నేలరాలిపోతోంది. గతంలో రైతులను అకాల వర్షాలు దెబ్బతిస్తే.. ఈసారి రేల్చరాల్చే(ఆర్మీవార్మ్‌) పు రుగుల దాడితో వరిగొలకలు నేలరాలి పోతున్నా యి. ఆర్మీవార్మ్‌ దాడితో ఇప్పటికే 25 శాతం పంట దిగుబడి పడిపోయిందని తెలిసింది. సన్నరకంపైనే దాడి సాగువిస్తీర్ణం పడిపోయిన పంటకు ధర వస్తుండడంతో రైతులు సంబరపడ్డారు. కానీ ఇటీవల చేతికొస్తున్న సన్నరకం వరిపైరుపై ఆర్మీవార్మ్‌ దాడితో ఆందోళన చెందుతున్నారు. కోతకు వచ్చిన సన్నరకం వరిపై రాత్రి వేళల్లో దాడి చేసి గెలలను కట్‌ చేస్తున్నాయి. రాత్రి వేళల్లో వాతావరణం చల్లగా ఉండడంతో కర్ర అడుగు భాగంలో దాగి ఉండే పురుగులు పైకి వచ్చి గొలకలను కొరికివేస్తున్నాయి. ఇప్పటికే జిల్లాలో దాదాపు 10వేల ఎకరాల్లో ఆర్మీవార్మ్‌ పురుగుల తాకిడికి ధాన్యం రాలిపోయిందని అంచనా. జిల్లాలో ముస్తాబాద్‌, ఎల్లారెడ్డిపేట, చందుర్తి, ఇల్లంతకుంట, కోనరావుపేట, గంభీరావుపేట తదితర మండలాల్లో ఈ పురుగు కనిపిస్తుంది. పురుగులను నివారించడం ఇలా.. నాలుగు రోజుల వ్యవధిలో పంట కోస్తే ఎలాంటి మందులు చల్లాల్సిన అవసరం లేదని అధికారులు చెబుతున్నారు. పంట కోతకు ఇరవై రోజుల వ్యవధి ఉంటే పొలంలో తగినంత నీరు ఉండేలా చూసుకోవాలని సూచించారు. క్లోరిఫైరిపాస్‌, సైపర్‌మెత్రిన్‌ కలిపి మొక్క మొదళ్లలో పిచికారీ చేయాలని సూచిస్తున్నారు. వడ్లు రాలిపోయాయి మూడు రోజుల్లో కోతకు వచ్చిన పంటలో చూస్తుండగానే వడ్లు రాలిపోతున్నాయి. నేను మూడు ఎకరాల్లో సన్నరకం వేసిన. కోతకు వచ్చిందని నీళ్లు పెట్టడం ఆపిన. మిల్లు తరలిద్దామనుకునే లోపే పంటలో పురుగులు కనిపించాయి. చూస్తే వరికంకులు రాలిపోయి ఉన్నాయి. భారీగా నష్టం జరిగింది. – రాయిని అంజయ్య, రైతు సాయంత్రం మందుచల్లాలి ఆర్మీవార్మ్‌ పురుగులు వరిగెలలను కత్తిరిస్తాయి. పంట కోత దశలో నష్టం చేస్తాయి. పురుగులు ఎక్కువగా ఉంటే వెంటనే పంటను కోయాలి. పంట కోతకు పక్షం రోజుల సమయం ఉంటే సాయంత్రం వేళల్లో క్లోరిఫైరిపాస్‌ 2 మి.లీ లేదా క్వినాల్‌పాన్‌ 2.మి.లీ లేదా సైపర్‌మైత్రిన్‌ను ఒక లీటర్‌ నీటిలో కలిపి మొక్క మొదళ్లలో పిచికారీ చేయాలి. – అనూష, వ్యవసాయాధికారి

సిరిసిల్లటౌన్‌: విజయదశమి పర్వదినాన్ని పురస్కరించుకొని మంగళవారం సిరిసిల్ల రామ్‌లీలా మైదానంలో నిర్వహించే రావణ దహన కార్యక్రమాన్ని విజయవంతం చేయాలని హిందూ ఉత్సవ సమితి అధ్యక్షుడు చేపూరి శ్రీనివాస్‌, ప్రధాన కార్యదర్శి మెర్గు సత్యనారాయణ కోరారు. సోమవారం సిరిసిల్ల ప్రెస్‌క్లబ్‌లో ఏర్పాటు చేసిన విలేకరుల సమావేశంలో మాట్లాడారు. స్థానిక బతుకమ్మ ఘాటు వద్ద రావణాసుర వధ నిర్వహిస్తున్నట్లు పేర్కొన్నారు. హిందూ ఉత్సవ సమితి ప్రచార కార్యదర్శి గాజుల వేణు, సహాయ కార్యదర్శి బైరగోని వెంకన్నగౌడ్‌, గౌరవ అధ్యక్షుడు ఆడెపు రవీందర్‌, ఉపాధ్యక్షులు మండల సత్యం, బొజ్జ శ్రీనివాస్‌ తదితరులు పాల్గొన్నారు. సాహితీ మహోత్సవానికి ఆహ్వానం ఇల్లంతకుంట: ఆంధ్రప్రదేశ్‌లోని రాజమహేంద్రవరంలో కళావేదిక నిర్వహించే 8వ ప్రపంచ సాహితీ మహోత్సవానికి రావాల్సిందిగా కోరుతూ మండలంలోని ముస్కానిపేటకు చెందిన తునికి తిరుపతికి ఆహ్వానం అందింది. నవంబర్‌ 1 నుంచి సాహితీ మహోత్సవాలు ఆంధ్రప్రదేశ్‌లోని ధవలేశ్వరం గౌతమి సదన్‌ ఆడిటోరియంలో జరగనున్నాయి. తిరుపతి స్థానిక ప్రైవేట్‌స్కూల్‌లో తెలుగు ఉపాధ్యాయుడిగా పనిచేస్తున్నారు.

మాది వేములవాడ మండలం పాజుల్‌నగర్‌. గ్రానైట్‌ తవ్వకాలు, బ్లాస్టింగ్‌లతో ఇళ్లు, పశువుల కొట్టాలు, పరిసర ప్రాంతాలు దెబ్బతింటున్నాయి. క్వారీ నిర్వహణపై అధికారులకు ఫిర్యాదు చేసినా పట్టించుకోవడం లేదు. – బి.అజయ్‌, ఫాజుల్‌నగర్‌బిల్లు మంజూరు చేయండి మాది 24వ వార్డు జేపీనగర్‌. నాకు ఇందిరమ్మ ఇల్లు మంజూరైంది. ఇప్పటి వరకు మూడు విడతలుగా బిల్లు మంజూరైంది. లాస్ట్‌ బిల్లు రూ.1.60లక్షలు పడడం లేదు. ఆ బిల్లు త్వరగా మంజూరు చేయాలి. – గాజుల కోమల, జేపీ నగర్‌, సిరిసిల్ల

● ప్రజారక్షణలో పోలీసులు ● విధి నిర్వహణలో ప్రాణాలు కోల్పోయిన పలువురు ● 21 పోలీస్‌ అమరవీరుల సంస్మరణ దినం ● చందుర్తి మండలం కట్టలింగంపేటలో కార్యక్రమంసిరిసిల్ల: ప్రజారక్షణలో ప్రాణాలను సైతం అడ్డుగా పెట్టి పోరాడే యోధులు పోలీసులు. సమాజంలో శాంతిభద్రతలు కాపాడేందుకు కంటిమీద కునుకు లేకుండా శ్రమించే పోలీసుల త్యాగాలు నిరుపమానం. విధినిర్వహణలో అసువులు బాసిన అమర పోలీసులను స్మరిస్తూ ఏటా అక్టోబరు 21న పోలీస్‌ అమరవీరుల సంస్మరణ దినోత్సవాన్ని నిర్వహిస్తున్నారు. రాజన్నసిరిసిల్ల జిల్లా గతంలో కల్లోల ఖిల్లా హింసాత్మక ఘటనలకు వేదికై ంది. 35 ఏళ్ల క్రితం పోలీస్‌ ఉద్యోగం వచ్చినా నక్సలైట్ల భయంతో ఆ ఉద్యోగానికి వెళ్లకుండా ఎందరో యువకులు వదులుకునే పరిస్థితులు ఉండేవి. జిల్లాలో పోలీసుల త్యాగాలను స్మరించుకుంటూ ప్రత్యేక కథనం. అసువులు బాసిన అమర పోలీసులు జిల్లాలో అమర పోలీసుల జాడలు విషాదగీతికలయ్యాయి. కల్లోలిత ప్రాంతంగా సిరిసిల్ల నక్సల్స్‌ ఉ ద్యమాలతో అట్టుడికిపోయింది. మావోయిస్టులు, జనశక్తి నక్సలైట్లు, సమాజ రక్షణకు పోలీసులు.. ఇలా మూడు తుపాకుల మధ్య జిల్లా జనజీవనం మూడు దశాబ్దాలపాటు ఉత్కంఠ పరిస్థితుల్లో కొనసాగింది. కట్టలింగంపేటలో అమరవీరుల స్తూపం చందుర్తి మండలం కట్టలింగంపేట వద్ద పోలీసు అమరవీరుల స్తూపాన్ని 2014లో అప్పటి సిరిసిల్ల డీఎస్పీ దామెర నర్సయ్య ఆధ్వర్యంలో నిర్మించారు. విధి నిర్వహణలో అసువులుబాసిన చందుర్తి ఎస్సై శ్రీనివాస్‌రావు మందుపాతరకు బలైన ప్రదేశంలోనే స్తూపం కట్టారు. ఇక్కడే ఏటా అక్టోబరు 21న పోలీసుల అమరవీరుల దినోత్సవం నిర్వహిస్తున్నారు. కలెక్టర్‌ గరీమా అగ్రవాల్‌, ఎస్పీ మహేశ్‌ బీ గీతే ఆధ్వర్యంలో బుధవారం పోలీసులు అమరవీరుల దినోత్సవం నిర్వహించనున్నారు.

మాది వీర్నపల్లి మండలం గర్జనపల్లి. నేను 1997లో మావోయిస్టు ఉద్యమంలో చేరిన. ఉత్తర తెలంగాణ స్పెషల్‌ జోన్‌ కమిటీలో పనిచేసిన. 1999లో అప్పటి పీపుల్స్‌వార్‌ పశ్చిమ డివిజన్‌ జిల్లా కార్యదర్శి పద్మక్క, దళనేత కొమ్ము బాబ న్న, ప్రవీణ్‌, సాగర్‌ మరో 16 మంది సాయుధులం కోనరావుపేట మండలం వట్టిమల్ల శివారు అడవుల్లోకి చేరుకున్నాం. అప్పటికే వట్టిమల్ల శివారుల్లో పోలీసులు మాటు వేసి ఉన్నారు. ఇరువైపులా నుంచి కాల్పులు మొదలయ్యాయి. గంటపాటు అంటే రాత్రి 10.30 గంటల వరకు కాల్పులు సాగుతూనే ఉన్నాయి. నేను కిట్‌ బ్యాగుతో అడవిలోకి పారిపోయిన. అలివ్‌గ్రీన్‌ డ్రెస్సును మార్చుకుని, చీరకట్టుకున్న. తెల్లవారుజామున 5 గంటలకు పోలీసులు నన్ను అడవుల్లో చుట్టుముట్టారు. అప్పటికే నా వద్ద ఆయుధం, కిట్‌బ్యాగు లేవు. ప్రాణం పోయినంత పని అయింది. మాది బావుసాయిపేట.. నేను తునికాకు సేకరణ కోసం అడవిలోకి వచ్చిన అని అబద్ధం చెప్పిన. ఊరి శివారులో కాల్పులు జరిగిన ప్రదేశానికి నన్ను పోలీసులు పట్టుకురాగా.. అక్కడే ఉన్న ప్రజలు గుర్తుపట్టారు. నేను దళసభ్యురాలినని పోలీసులు ఆలస్యంగా గుర్తించడంతో చంపకుండా, అరెస్ట్‌ చేశారు. జైలు నుంచి విడుదలైన తరువాత మళ్లీ ఉద్యమంలోకి వెళ్లి.. ఎనిమిదేళ్ల పాటు పనిచేసిన. మద్దిమల్ల, ఆదిలాబాద్‌ జిల్లా లక్ష్మీపూర్‌, మానాల ఎదురుకాల్పల నుంచి తప్పించుకున్న. 2005లో ఎస్పీ ఎదుట సరెండర్‌ అయిన. పోలీసులు మానవత్వంతో నా ప్రాణాలు కాపాడి హోంగార్డుగా ఉద్యోగమిచ్చారు. – గుంటుక అనసూర్య, హోంగార్డు, మాజీ నక్సలైట్‌

ముస్తాబాద్‌: మండలంలోని తెర్లుమద్దిలో మొబైల్‌ఫోన్ల సేవలు అందడం లేదని వినియోగదారులు సోమవారం రాత్రి నిరసన తెలిపారు. వారు మాట్లాడుతూ మూడేళ్ల క్రితం ఓ కంపెనీకి చెందిన మొబైల్‌ఫోన్ల కనెక్షన్లు ఊరంతా తీసుకున్నామన్నారు. ఏడాదిగా నెట్‌వర్క్‌ పనిచేయకపోవడంతో మాట్లాడుకోలేని పరిస్థితులు ఉన్నాయన్నారు. సంబంధిత కంపెనీకి ఫిర్యాదు చేసిన పట్టించుకోవడం లేదన్నారు. ఇప్పటికై న అంతరాయం లేకుండా సేవలు అందించాలని కోరారు. ఎకై ్సజ్‌ దాడులు.. గోవా మద్యం పట్టివేతగంభీరావుపేట : మండలంలోని లక్ష్మీపూర్‌, గోరింటాల, లింగన్నపేట, సముద్రలింగాపూర్‌, గజసింగవరం గ్రామాల్లో సోమవారం ఎకై ్సజ్‌ అధికారులు దాడులు చేశారు. గోరింటాలలో కుమ్మరవేని నాగరాజు వద్ద అనుమతులు లేకుండా నిల్వ ఉంచిన 15 గోవా నాన్‌ డ్యూటీ పెయిడ్‌ మద్యం సీసాలను స్వాధీనం చేసుకున్నారు. కేసు నమోదు చేసి అరెస్టు చేసినట్లు సీఐ విజేందర్‌ తెలిపారు. దాడుల్లో అధికారులు మోహిజ్‌, సిద్దిరాములు, కరుణాకర్‌, కృషిధర్‌, వర్ష తదితరులు పాల్గొన్నారు. ఉద్యోగ భద్రత కల్పించాలి సిరిసిల్ల అర్బన్‌: ఎన్‌హెచ్‌ఎం ఉద్యోగులకు ఉద్యోగ భద్రత కల్పించి, సమాన పనికి సమాన వేతనం ఇవ్వాలని డిమాండ్‌ చేశారు. కలెక్టరేట్‌ నుంచి అంబేడ్కర్‌ చౌరస్తా వరకు సోమవారం బైక్‌ ర్యాలీ తీసి నిరసన తెలిపారు. పలువురు మాట్లాడుతూ వేతనాల పెంపు, వార్షిక ఇంక్రిమెంట్లు, ప్రసూతి సెలవులు, ఆరోగ్య ప్రమాద బీమా, ఇతర సేవా ప్రయోజనాలు కల్పించాలని కోరారు.

నేను జగిత్యాల జిల్లా బీర్పూర్‌లో పోలీసు అమర వీరుల స్తూపాన్ని 2005లో కట్టించాను. అది పీపుల్స్‌వార్‌ అగ్రనేత ముప్పాళ్ల లక్ష్మణ్‌రావు అలియాస్‌ గణపతి సొంతూరు. సిరిసిల్ల డీఎస్పీగా పనిచేసినప్పుడు కట్టలింగంపేటలోనూ స్తూపాన్ని కట్టించాను. ఇలాంటి కొన్ని పనులు జీవితంలో మరిచిపోనివిగా నిలిచిపోతాయి. ఎక్కడ పనిచేసినా ప్రజలతో మమేకమైనా. – దామెర నర్సయ్య, రిటైర్డ్‌ డీఎస్పీ వారోత్సవాలు నిర్వహిస్తాం విధి నిర్వహణలో ప్రాణాలు కోల్పోయిన అమర పోలీసు వీరులను స్మరించుకుంటూ జిల్లాలో వారోత్సవాలు నిర్వహిస్తాం. పోలీస్‌ ఓపెన్‌హౌస్‌, విద్యార్థులకు, యువకులు, పోలీసులకు వేర్వేరుగా వ్యాసరచన పోటీలు నిర్వహిస్తాం. పోలీసు అమరుల కుటుంబాలను కలిసి, వారి సమస్యల పరిష్కారానికి కృషి చేస్తాం. ప్రజారక్షణలో ప్రాణాలను పణంగా పెట్టడం కంటే గొప్ప త్యాగం మరొకటి ఉండదు. అక్టోబరు 21 నుంచి నెలాఖరు వరకు పోలీసు అమరవీరుల వారోత్సవాలు నిర్వహిస్తాం. నిస్వార్థ సేవకు పోలీసు అమరవీరులే నిదర్శనం. – మహేశ్‌ బీ గీతే, ఎస్పీ

సిరిసిల్ల: ఆరుగాలం శ్రమించిన అన్నదాత నోటికాడికొచ్చిన పంటను కాపాడుకునేందుకు చి‘వరి’ ప్రయత్నాలు చేస్తున్నాడు. రెండు తడులు పెడితే.. పది రోజుల్లో పంట చేతికందే దశలో బోరు ఎత్తిపోయింది. దీంతో పంటను కాపాడుకునేందుకు ఆఖరి ప్రయత్నం చేస్తున్నాడు. కోనరావుపేట మండలం బావుసాయిపేటకు చెందిన రైతు బైరగోని బాలాగౌడ్‌ స్థానికంగా ఐదెకరాలు కౌలుకు తీసుకుని వరి పంట వేశాడు. పంట పది రోజులైతే కోతకు వచ్చేలా ఉండగా బోరు ఎత్తిపోయింది. రెండు తడులు ఇస్తే పంట చేతికి అందుతుంది. వంద మీటర్ల దూరంలో ఓ రైతు వ్యవసాయ బావి నుంచి నీటిని వాడుకునేందుకు యజమానితో మాట్లాడుకున్నాడు. అయితే అడ్డంగా రోడ్డు ఉండడంతో పైపులు కొని, వేములవాడ–సిరికొండ ప్రధాన రోడ్డు పై నుంచి వాటిని వేసి పొలాన్ని పారిస్తున్నాడు. పైపుతోనే మడికి తడి పెడుతున్నాడు. తడారిన పొలాన్ని దక్కించుకునేందుకు ఆ అన్నదాత పడుతున్న యాతన నేటి రైతుల పరిస్థితికి అద్దం పడుతుంది.

చందుర్తి: ప్రధానమంత్రి జీవన్‌జ్యోతి బీమా యోజన చెక్కును బాధిత కుటుంబానికి సోమవారం అందజేసినట్లు చందుర్తి కేడీసీసీబీ మేనేజర్‌ అజయ్‌ తెలిపారు. మండలంలోని ఎన్గల్‌కు చెందిన చేపూరి జ్యోతి ఆగస్టు 6న మృతిచెందింది. జ్యోతి భర్త రాజుకు ప్రధానమంత్రి జీవన్‌జ్యోతి బీమా యోజన కింద మంజూరైనా రూ.2లక్షల బీమా చెక్కును సోమవారం అందజేశారు. మేనేజర్‌ అజయ్‌ మాట్లాడుతూ ప్రధానమంత్రి జీవన్‌జ్యోతి బీమా యోజనలో తక్కువ ఖర్చుతో టర్మ్‌ లైఫ్‌ ఇన్సూరెన్స్‌ అందుబాటులో ఉందని తెలిపారు. అసిస్టెంట్‌ మేనేజర్‌ మహేశ్‌, సిబ్బంది పాల్గొన్నారు.

● పండుగ పూట.. పూలు చెప్పే మాట ● ఎండుతున్న పొలాలు ● వలసపోతున్న యువకులు ● బరువెక్కిన బతుకమ్మ గుండె అది కాదు రా.. నువ్వు జెల్ది లెవ్వాలే తల్లీ. బతుకమ్మ పండుగ రోజు కూడా నువ్వు లెవ్వకుండా మొద్దు నిద్రపోతే ఎలాగమ్మా.. అంటూ కొంచెం బుదగరించింది భూమాత. ఆ మాటలతో దిగ్గున లేచి కూర్చుంది తంగేడు. నిజమే అమ్మా ప్రపంచంలో ఎక్కడా లేని విధంగా నేను తెలంగాణ పల్లెల్లో పూజలందుకుంటాను. కానీ, ఎందుకో ఈసారి నాకు ఆ పండుగకు వెళ్లబుద్దిగా లేదు అమ్మ. పల్లెల్లో పండుగ అన్న మాటే కానీ, ఆ పండుగ కళ లేనేలేదు. అదేదో ఎల్‌నినో వచ్చిందంటా నిన్ను నమ్ముకున్న రైతులు సంతోషంగా లేరు. కాలం లేదు. ఏ ఊరికెళ్లినా ఎండిన పొలం కథ.. వాడిన పత్తి ముచ్చట్లే వినిపిస్తున్నయి. ఊరందరికీ ఆధారమైన చెరువులు నిండలే. నీరు లేకుంటే పండగే ఉండదుగదమ్మా అంది తండేడు. నిజమే తల్లి నువ్వు చెప్పేవన్నీ అక్షర సత్యాలు. మన చేతిలో ఏం ఉంది. భూమాతనైన పాపానికి భరిస్తున్నా. రైతుల కష్టాలు, నేతన్నల శ్రమ, సింగరేణి కార్మికుల ఇబ్బందులు, కరెంట్‌ కష్టాలూ చూస్తున్నా. ఏం చేయలేని అసహాయ స్థితిలో ఉన్నాను రా బంగారం. అయినా బతుకమ్మ పండుగ పూట ఊరిలోకి పో అంటే.. గిన్ని ముచ్చట్లు దేనికి అంది భూమాత. అబ్బో పండుగ.. పండుగ అంటున్నావు. ఉన్నోళ్లకు పండుగ. లేనోళ్లకు ఏం పండుగ అమ్మ. ఇంతెందుకు నాలాంటి పూల మోముల్లోనూ నవ్వే లేదు. పండుగ పూట ఇంట్లోని వాళ్లకు కొత్తబట్టలు కొనియ్యలేక.. పెరిగిన ధరలతో ఎందరో పేదలు దిక్కులు చూస్తుండ్రు. చేతిలో డబ్బుల్లేక ఎక్కడన్నా అప్పు చేద్దామన్నా.. గతంలో చేసినవి వెక్కిరిస్తున్నయి. ఏ మొఖం పెట్టుకుని బతుకమ్మ పండుగ అంటూ వాళ్ల ఇళ్లకు వెళ్లాలమ్మా అంటూ చెప్పింది తంగేడు. ఆ మాటలతో పుడమితల్లి గుండెలు గుభేల్‌మన్నాయి. ఒక్కసారి గతాన్ని తలచుకుని వాస్తవాలను నెమరువేసుకుంటూ.. భూమాత దిక్కులు చూస్తుంది. మళ్లీ ఆలోచనలతో పడ్డదీ భూమాత. ఒకప్పుడు బతుకమ్మ పండుగ వచ్చిందంటే ఇంటి నిండా కొత్తగా వచ్చిన పంటలు, పెసర్లు, బబ్బెర్లు, మక్కలు తీరొక్క పంటలతో రైతుల ఇళ్లు ఎంత కళగా ఉండేవి. ఇంటికి వచ్చే ఆడబిడ్డలు, పిల్లాపాపలతో పల్లెంతా సందడిగా ఉండేది. పట్టువస్త్రాలు, పసిడి కొనుగోళ్లు, వెండి పట్టగొలుసులు చేయించుకోవడం.. ఒక్కటేమిటీ.. ఆడబిడ్డల పండుగ అంటూ ఊరూ.. వాడ మురిసేది. మరి ఇప్పుడు.. ఆ మురిపెం ఏమైంది. ఆ ఉత్సాహం ఊసే లేదు.. అంటూ భూమాత నిట్టూర్చింది. అమ్మా ఏం ఆలోచిస్తున్నవే అంది తంగేడు. ఏం లేదమ్మా నువ్వన్న మాటలనే తల్చుకుంటున్నా అంటూ పక్కనే ఉన్న గునుగును పలకరించింది పుడమి తల్లి. అరేయ్‌ నువ్వన్నా తొందరగా తయారై.. ఊరిలోకి వెళ్లు. నీతో బతుకమ్మను పేర్చేందుకు అమ్మలక్కలంతా సిద్ధంగా ఉన్నారంది. ‘అమ్మా అంత తొందరేం లేదులే. ఎవరూ నా కోసం ఎదిరిచూస్తలేరు. బతుకమ్మ పండుగ అన్న మాటేకానీ మునుపటి ఉత్సాహమే లేదు. కరెంట్‌ సక్కంగ రాక.. మోటార్లు కాలిపోయి రైతన్నలు.. యాసంగిలో వరి వేయొద్దని అధికారులు, సిరిసిల్ల నేతన్నలకు చేతినిండా పని ఉన్నా.. బీమా లేని దిగులు. రాష్ట్రంలోని ఏకై క టెక్స్‌టైల్‌పార్క్‌లో పరిశ్రమలు మూతపడ్డాయి. ఒక్కో పరిశ్రమ అమ్ముడుపోతుంది. వేల మంది కార్మికులంటే ఆ పార్క్‌ పాలకుల నిర్లక్ష్యంతో మూలనపడింది. విద్యుత్‌ సబ్సిడీ సమస్యలతో సిరిసిల్ల కార్ఖానాలు మూతపడ్డాయి. మధ్యమానేరు నిర్వాసితులు ఇంకా పరిహారం కోసం అందక పరితపిస్తున్నారు. ఎందరో యువకులు ఊరిలో ఉపాధి లేక దుబాయి, మస్కట్‌ పోయిండ్రు. కొందరిని అయితే పని కోసం తీసుకెళ్లి రష్యాలో సైన్యంలో చేర్చారంటా! భూమిలేని కూలీలు పని కోసం లేబర్‌ అడ్డాలల్లా కూసున్నరు. బీడీ కార్మికులకు చేతినిండా పని లేదని పత్తి చేన్ల పొంటి కై కిలిపోతుండ్రు. ఎల్‌నినో ప్రభావంతో వేసవిలో నీళ్లు దొరకని దుస్థితి. ఇక చేతిల పైసల్లేక సబ్బండవర్ణాలు బాధపడుతున్నాయి. గిసోంటి యాళ్లకు నేను ఊరిలోకి వెళ్లి పండుగ అంటే ఏం సంబురం ఉంటుందమ్మా. అంటూ గునుగు పువ్వు గునిగింది. మళ్లీ భూతల్లి ఆలోచనలో పడ్డది. పల్లె అయినా.. పట్టణమైనా.. చేతిలో పైసలు ఉంటేనే పండుగ. ఓ విప్లవ కవి అన్నట్లు ‘పండుగింట్ల పీనుగెల్ల... పండుగెనుక పండుగొచ్చె.. పిల్లలకు కొనిపెడుదాంటే.. పచ్చనోటు లేకపాయే..’ అన్నట్లుగానే ఉంది పరిస్థితి. కారణం ఏమో కానీ రియల్‌ ఎస్టేట్‌ కుప్పకూలింది. భూముల ధరలు పడిపోయాయి. గంజాయి మత్తు పల్లెలను ఆవహించింది. గుడుంబా గుప్పుమంటుంది. బెల్టుషాపులు జోరుగా సాగుతున్నాయి. మొత్తంగా పల్లెలు, పట్టణాల ఆర్థిక మూలాల్లో మూల్గు తగ్గింది. ఇవన్నీ తలచుకుంటూ పుడమితల్లి వలవల ఏడ్చింది. అలా కన్నీరు పెడుతూనే బంతిపూల దిక్కు చూసింది భూమాత. ఏడ్వకమ్మా అని బంతిపువ్వు గోముగా కౌగలించుకుంది. గడ్డిపూలు, కట్లపూలు, గుమ్మడిపూలు, పట్టుకుచ్చుల చెట్లు కనిపించకుండా పోయాయి. చెల్కలు లేక.. అన్నీ పొలాలే కావడంతో పువ్వులు దొరకని రోజులు వచ్చాయి. తీరొక్క పూలు ఉంటేనే బతుకమ్మ అవుతుంది అంది భూమాత. అమ్మా నిజమే కానీ.. ఇప్పుడు మార్కెట్‌ అంతా కృత్రిమ పూల జాతర సాగుతుంది. ప్రకృతి పూల ఉనికే కరువైంది. అయినా.. అమ్మా.. పుడమి తల్లీ.. నీ ఎదపై ఆడే.. పాటే మేమంతా నీ పిల్లలం. నువ్వు చెప్పినట్లుగానే బతుకమ్మ పండక్కి ఊళ్లోకి వెళ్తాం.. అమ్మా అంటూ తంగేడు.. గునుగు పూలు సిద్ధమవుతూ.. చివరిగా ఒక్క మాట అమ్మా. అన్నంపెట్టే అన్నదాతలు, బట్ట నేసే నేతన్నలను చావకుండా చూడమ్మా. ప్రాణం పోతే రాదమ్మా అంటూ బతిమిలాడింది బంతి. ఊరుకో తల్లి ఏడ్వకు అంటూ భూమాత ఓదార్చింది. మారిన కాలానికి ఈ మనుషులే కారణం కదమ్మా.. అడవులను నరికి.. చెట్లను కూల్చి.. గుట్టలను క్వారీలుగా మార్చి.. వాగులను ఇసుక రీచ్‌లుగా చేర్చి ప్రకృతిని ధ్వంసం చేసి.. భవిష్యత్‌ను నాశనం చేసుకుంది వీళ్లే కదా రా.. వాగులో ఇసుకను అమ్మి.. వాగొడ్డుకు బతుకమ్మ తెప్పెలను కట్టుకున్న దౌర్భాగ్యం కళ్ల ముందు కనిపిస్తుంది. అవునమ్మా అంది బంతిపువ్వు. నిజమే తల్లీ అంటూ భూతల్లీ పూలను ఓదార్చింది. పుడమి తల్లి చుట్టూ పూల గుంపు చేరింది. సాయంత్రమవుతోంది. ఊరిలో నుంచి బతుకమ్మ పాట లీలగా వినిపిస్తుంది. ఆ పాట గొంతులో నాటి గంభీర్యం లేక జీరబోతోంది. చప్పట్లు మోగుతున్నాయి. కానీ ఆ శబ్దం వినసొంపుగా లేదు. పిల్లలు ఆడుతున్నారు.. వారిలో ఉత్సాహం లేదు. గోధూలి రేగుతుంది. ఆలమందల ఊసులేదు. దాండియా ఆటలు.. డీజే పాటలు.. కృత్రిమ నవ్వులు.. వాడిన పువ్వులు.. ఆత్మీయత లేని పలకరింపులు.. సెల్‌ఫోన్‌లతోనే ఆటలు.. పాటలు. ప్రకృతి పూల శోభ లేక.. కాగితం పూల బతుకమ్మలతో పల్లె బతుకమ్మ పాట పాడుతోంది. ముందు ముందు ఇంకెంతకుందో అంటూ పువ్వులన్నీ గుండెలవిసేలా రోదిస్తున్నాయి.. కన్నీరు పెడుతున్న పువ్వులను చూసిన పుడమి తల్లి గుండె బరువెక్కింది. ఏడ్వకండీ.. ఏడ్వకండీ.. అంటూ భూమాత ఓదార్చుతూ.. మన పండుగ పూట కన్నీరు కార్చితే లోకానికి మంచిది కాదు. మన ప్రకృతి ధర్మాన్ని నెరవేర్చుదాం. మార్పును ఆశిద్దాం. మంచిని కోరుకుందాం. బతుకమ్మ పండుగను ఊరూ వాడ సంతోషంగా జరిగేలా చూద్దాం. అగో.. డప్పులు మోగుతున్నాయి. వెళ్లండి అంటూ భూమాత పిలుపునిచ్చింది. చెంగున దుంకుతూ పూలగుంపు ఇంటింటా చేరింది. బతుకమ్మ పండుగను పూలజాతరను చేసింది.

● నారాయణపురం.. సర్వే తీరుపై అధ్యయనం సాక్షి, మహబూబాబాద్‌: భూమి హక్కును కోల్పోయి పదేళ్లు ఇబ్బందులు పడిన మహబూబాబాద్‌ జిల్లా కేసముద్రం మండలం నారాయణపురం గ్రామరైతుల సమస్యను ప్రభుత్వం ధరణి స్థానంలో భూ భారతి చట్టం తీసుకొచ్చి ప్రతీ అంగుళాన్ని సర్వే చేసి రైతులకు పట్టాలు పంపిణీ చేసింది. సర్వే చేయడంలో మెలకువలు, సాఫీగా చేయడం ఎలా అని తెలుసుకునేందుకు రాజన్నసిరిసిల్ల జిల్లా అధికారులు శనివారం మహబూబాబాద్‌కు వచ్చారు. గంభీరావుపేట, చందుర్తి మండలాల సమస్యల నివృత్తికి ఆర్డీవో, సర్వే ఏడీ, తహసీల్దార్లు, సర్వేయర్లు, డాటా ఎంట్రీ ఆపరేటర్లు మహబూబాబాద్‌ జిల్లా అదనపు కలెక్టర్‌ అనిల్‌కుమార్‌తో సమావేశమయ్యారు. సిరిసిల్ల ఆర్డీవో డి.శ్రీనివాస్‌ మాట్లాడుతూ ‘నారాయణపురంలో రీసర్వే చేసిన తీరు రాష్ట్రానికే ఆదర్శం. జిల్లాలో జరుగుతున్న రీ సర్వేను నేరుగా పరిశీలించాం. మాకు తలెత్తిన సమస్యలను ఎలా పరిష్కరించాలో తెలుసుకున్నాం. ఇక్కడి అధికారులు మా బృందానికి అన్ని విధాలుగా సహకరించారు. ప్రతీ విషయాన్ని వివరించారు.’ అని తెలిపారు.