బడి తెరిస్తే పిల్లలను పంపిస్తాం

మా ఊర్లో ప్రాథమిక పాఠశాల మూతబడి మూడేళ్లు గడుస్తోంది. ఇరువై మంది వరకు పిల్లలను పంపిస్తామని మొన్నటి బడిబాటలో చెప్పాం. సార్లు కూడా వచ్చారు. కానీ తల్లిదండ్రుల్లో నమ్మకం కలిగించకపోవడంతో మళ్లీ ఆర్థికంగా భారమైన ప్రైవేటుకు పంపిస్తున్నాం. పాఠశాల తెరిస్తే పిల్లలను పంపిస్తాం.

– సతీశ్‌, కొదాటివానిపల్లె

బడులను కాపాడుకోవాలి

గన్నెవారిపల్లెలో ఇంకో టీచర్‌ కావాలి. కొదాటివానిపల్లెలో ప్రభుత్వ బడిని ఓపెన్‌ చేసేందుకు సహకరిస్తాం. ఇక్కడ పనిచేసే టీచర్‌ను తిరిగి మా ఊరికి రప్పించాలి. గ్రామస్తుల అందరి సహకారంతో ఊరి నుంచి విద్యార్థులు ప్రైవేటుకు వెళ్లకుండా బడులను కాపాడుకుందాం.

– రేసు రఘు, సర్పంచ్‌,

గన్నెవారిపల్లె

డిప్యూటేషన్ల ఆర్డర్లు రాలేదు

గతేడాది జరిగిన టీచర్ల సర్దుబాట్లే ఇప్పుడు కొనసాగుతున్నాయి. కొత్తగా డిప్యూటేషన్లు చేపట్టలేదు. విద్యార్థులున్న చోటికి తప్పకుండా టీచర్లను పంపిస్తాం. అవసరమైన చోట వలంటీర్లను నియమించి బోధనకు ఆటంకం లేకుండా చర్యలు చేపడతాం.

– రవీందర్‌, ఎంఈవో,

ముస్తాబాద్‌