Odisha News

కొరాపుట్‌: కొరాపుట్‌ జిల్లాలో పెద్ద పులి రాకతో అనేక వదంతులు ప్రజలను భయకంపితులను చేస్తున్నాయి. మంగళవారం రోజంతా పెద్ద పులి చిత్రాలు సోషల్‌ మీడియాలో షికారు చేశాయి. ఏఐ పరిజ్ఞా నంతో కొరాపుట్‌ జిల్లా పరిసర ప్రాంతాలను కలిపి ఈ చిత్రాలు పలువురు విడుదల చేశారు. దాంతో అనేక ప్రాంతాలలో భయాందోళనలు వ్యక్తం అయ్యా యి. పెద్ద పులి రాకని అటవీ శాఖ ఉన్నతాధికారులు ధ్రువీకరించినా దాన్ని ఇంత వరకు ఎవరూ చూడ లేదని తేల్చేశారు. ఇంత వరకు పులి కాలి ముద్రలు, వెంట్రుకలు మాత్రమే గు ర్తించారు. కానీ ప్రత్యక్షంగా ఎవరూ చూడలేదు. ప్రస్తుతం పులి ఈ ప్రాంతంలో ఇంకా ఉందో లేదో తెలియదు కానీ పుకార్ల తో ప్రజలు హడలి పోతున్నారు. ఈ పెద్ద పులి రోజుకు 15–20 కిలోమీటర్ల దూరం ప్రయాణం చేస్తుందని అధికారులు పేర్కొన్నారు.అయినప్పటికీ ప్రజలు అ ప్రమత్తంగా ఉండాలని అధికారులు పేర్కొన్నా రు. మరో వైపు పులి కదలికల కోసం సిబ్బంది అటవీ ప్రాంతంలో గాలిస్తున్నారు. సీసీ కెమెరాలు, డ్రోన్‌ ల పర్యవేక్షణ కొనసాగుతోంది. మద్యం అమ్మకాలకు వ్యతిరేకంగా మహిళల ధర్నా జయపురం: సబ్‌ డివిజన్‌లోని పలు గ్రామాల్లో మద్యం అమ్మకాలకు వ్యతిరేకంగా మహిళా సంఘాలు, స్వయం సహాయక గ్రూపుల సభ్యులు ఆందోళనలు జరుపుతున్న విషయం తెలిసిందే. ఈ స్ఫూర్తితో జయపురం సమితి ధన్‌పూర్‌ గ్రామ పంచాయతీ మహిళలు మద్యం వ్యతిరేక ఆందోళనను మంగళవారం చేపట్టారు. వందలాది మంది తమ గ్రామ పంచాయతీని మధు ముక్తి పంచాయతీగా తీర్చిదిద్దాలన్న లక్ష్యంతో ధన్‌పూర్‌ పంచాయతీ నుంచి వెళ్లి జయపురం సబ్‌ కలెక్టర్‌ కార్యాలయం ఎదుట ధర్నా చేపట్టారు. ఈ సందర్భంగా సబ్‌ కలెక్టర్‌ కార్యాలయంలో వినతిపత్రం అందజేశారు. ధన్‌పూర్‌ గ్రామ పంచాయతీలోని అనేక గ్రామాల్లో మ ద్యం, నాటుసారా అక్రమంగా అమ్ముతున్నారని ఆరోపించారు. దీనివలన కుటుంబ కలహాలు, అశాంతి, ఆర్థిక ఇబ్బందులు, కుటుంబాల్లో కొ ట్లాటలు, సామాజిక సమస్యలతో పాటు ప్రమాదాలు జరుగుతున్నాయని వివరించారు. అందువలన మద్యం, సారా అమ్మకాలు నిషేధించాల ని డిమాండ్‌ చేశారు. కార్యక్రమంలో మహిళా నేతలు ఫూల్‌మణి గదబ, మీనతి మల్లిక్‌, సుభ ద్ర హరిజన్‌, మాధవి గదబ, లక్ష్మీ జాని, గుప్త జాని, ధనపూర్‌ సర్పంచ్‌ బలభద్ర గదబ తదితరులు పాల్గొన్నారు. లంచం తీసుకున్నందుకు బలియాపాల్‌ సబ్‌రిజిస్ట్రార్‌ తొలగింపు భువనేశ్వర్‌: అవినీతిపై కఠిన చర్యల్లో భాగంగా, బాలేశ్వర్‌ జిల్లాలో ఓఆర్‌ఎస్‌ (ప్రొబేషన్‌లో ఉన్న) బలియాపాల్‌ సబ్‌రిజిస్ట్రార్‌, మనీషా మిశ్రా సేవలను ఒడిశా ప్రభుత్వం రద్దు చేసింది. రెవెన్యూ, విపత్తు నిర్వహణ శాఖ జారీ చేసిన ఉత్తర్వుల ప్రకారం, నవంబర్‌ 6వ తేదీన రిజిస్ట్రేషన్‌ మరియు సేల్‌ డీడ్‌ జారీ కోసం పంచరూఖి గ్రామానికి చెందిన ఫిర్యాదిదారుడు జ్ఞాన రంజన్‌ పాత్రో నుంచి రూ. 7,000 లంచం గుంజుతుండగా బాలేశ్వర్‌ డివిజన్‌ విజిలెన్స్‌ అధికారు లు పట్టుకున్నారు. బాలేశ్వర్‌ విజిలెన్స్‌ పోలీస్‌ స్టేషన్‌లో నమోదైన కేసు ఆధారంగా ఆమెను నవంబర్‌ 7న అరెస్టు చేసి కోర్టుకు తరలించగా, అక్కడ ఆమెకు నవంబర్‌ 20 వరకు జైలు కస్టడీ విధించారు. గవర్నర్‌ ఆదేశం మేరకు ఒడిశా ప్రభుత్వ ఉద్యోగుల ప్రవర్తనా నియమావళి, 1959లోని నిబంధన–3ను నేరుగా ఉల్లంఘిస్తోందని పేర్కొని ప్రభుత్వం ఆమె సేవలను తక్షణమే రద్దు చేసినట్లు ప్రభుత్వం ఉత్తర్వులు జారీ చేసింది. చెరువులో మునిగి 17 ఏళ్ల యువతి మృతి మల్కన్‌గిరి : మల్కన్‌గిరి జిల్లా శిఖ్‌పల్లి పంచాయతీ యంవీ 18 గ్రామంలో దీపా సానా (17) గ్రామంలో చెరువులో మునిగి మృతి చెందింది. సోమవారం మధ్యా హ్నం సమయంలో దీప కాలకృత్యాల కోసం చెరువు వద్దకు వెళ్లి కాలుజారి పడిపోయింది. నీరు ఎక్కువగా ఉండడంతో మునిగిపోయింది. అయితే కుమార్తె ఎంత సేపటికీ రాకపోవడంతో కుటుంబ సభ్యులు అంతా గాలించారు. అటుగా వెళ్లిన గ్రామస్తులు చెరువు వద్ద దుస్తులు కనిపించడంతో అనుమానంతో వెతకగా దీప మృతదే హం కనిపించింది. వెంటనే మల్కన్‌గిరి ఆస్పత్రికి తరలించినా వైద్యులు దీప మృతి చెందినట్లు నిర్ధారించారు. విషయం తెలుసుకున్న మల్కన్‌గిరి పోలీసులు ఆస్పత్రికి చేరుకుని కేసు నమోదు చేశారు.

● సంప్రదాయ విత్తనాల పరిరక్షణకు గవర్నర్‌ పిలుపు భువనేశ్వర్‌: ప్రజలు, ముఖ్యంగా యువత, విద్యార్థులు, ప్రభుత్వ ఉద్యోగులు తమ రోజువారీ ఆహారంలో చిరుధాన్యాలను భాగం చేసుకోవాలని ఒడిశా గవర్నర్‌ బ్రజమోహన్‌ రామ్‌ పిలుపునిచ్చారు. చిరుధాన్యాల వినియోగాన్ని పెంచడం ద్వారా ప్రజారోగ్యంతోపాటు రైతుల ఆదాయం, పర్యావరణ పరిరక్షణకు మేలు జరుగుతుందని అన్నారు. భువనేశ్వర్‌లో మంగళవారం నిర్వహించిన ‘శ్రీ అన్న–2026, సంప్రదాయ విత్తన వ్యవస్థల బలోపేతం’ సదస్సును ఆయన ప్రారంభించారు. ప్రతి కుటుంబం తమ ఆహారంలో మండియా (రాగులు), బజ్రా, జొన్నలు తదితర చిరుధాన్యాలను చేర్చుకోవాలని సూచించారు. ఆరోగ్యకరమైన ఆహారపు అలవాట్లను పాటించడం వ్యక్తిగత ఆరోగ్యానికే కాకుండా రైతులు, వ్యవసాయ సంప్రదాయాల పట్ల గౌరవాన్ని చాటుతుందని పేర్కొన్నారు. వ్యవసాయ సంప్రదాయంలో భాగం చిరుధాన్యాలు భారత వ్యవసాయ వారసత్వంలో శతాబ్దాలుగా అంతర్భాగంగా ఉన్నాయని గవర్నర్‌ అన్నారు. ఒడిశాలోని గిరిజన, వర్షాధార ప్రాంతాల్లో చిరుధాన్యాల సాగు స్థానిక ప్రజల జీవనోపాధి, సాంస్కృతిక సంప్రదాయాలతో ముడిపడి ఉందన్నారు. ముఖ్యంగా మండియా సాగును ప్రోత్సహించడం ద్వారా రైతుల ఆదాయం పెరగడంతోపాటు ఈ సంప్రదాయాన్ని పరిరక్షించవచ్చని చెప్పారు. వాతావరణ మార్పులకు అనుకూలం వాతావరణ మార్పులు, అనిశ్చిత వర్షపాతం, పెరుగుతున్న ఉష్ణోగ్రతలు, నీటి కొరత వంటి సవాళ్ల నేపథ్యంలో చిరుధాన్యాల సాగు స్థిరమైన వ్యవసాయానికి అనుకూలమని గవర్నర్‌ పేర్కొన్నారు. తక్కువ నీటితో సాగు చేయవచ్చని, పెట్టుబడి వ్యయం కూడా తక్కువగా ఉంటుందని, ప్రతికూల వాతావరణ పరిస్థితులను తట్టుకునే సామర్థ్యం వీటికి ఉందని తెలిపారు. చిరుధాన్యాల్లో పీచు, అవసరమైన పోషకాలు అధికంగా ఉంటాయని, వాటిని క్రమం తప్పకుండా తీసుకోవడం ఆరోగ్యకరమైన ఆహారపు అలవాట్లను పెంపొందించేందుకు దోహదపడుతుందని అన్నారు. మధుమేహం, ఊబకాయం, అధిక రక్తపోటు వంటి జీవనశైలి సంబంధిత వ్యాధులు పెరుగుతున్న నేపథ్యంలో చిరుధాన్యాల ప్రాధాన్యం మరింత పెరిగిందన్నారు. మార్కెటింగ్‌కు ప్రోత్సాహం ఒడిశా చిరుధాన్యాలను దేశీయ, అంతర్జాతీయ మార్కెట్లకు విస్తృతంగా చేరువ చేయాలంటే ప్రాసెసింగ్‌, ప్యాకేజింగ్‌, విలువ ఆధారిత ఉత్పత్తుల తయారీ, మార్కెటింగ్‌ సదుపాయాలను బలోపేతం చేయాలని గవర్నర్‌ సూచించారు. సంప్రదాయ విత్తనాల పరిరక్షణ సంప్రదాయ విత్తనాలను కాపాడేందుకు గ్రామీణ స్థాయిలో కమ్యూనిటీ సీడ్‌ బ్యాంకులు ఏర్పాటు చేయాలని, దేశీయ వంగడాలను నమోదు చేసి భద్రపరచాలని, వాటి పరస్పర మార్పిడిని ప్రోత్సహించాలని పిలుపునిచ్చారు. స్థానిక విత్తనాలు తరతరాలుగా రైతులు సంపాదించిన వ్యవసాయ పరిజ్ఞానానికి ప్రతీకలని, వ్యవసాయ జీవవైవిధ్య పరిరక్షణకు అవి కీలకమని అన్నారు. సంప్రదాయ విత్తనాల పరిరక్షణలో గిరిజనులు, మహిళా రైతులు కీలక పాత్ర పోషిస్తున్నారని పేర్కొన్నారు. వారి స్థానిక పరిజ్ఞానాన్ని ఆధునిక శాస్త్ర, సాంకేతిక పరిజ్ఞానంతో అనుసంధానించాలని గవర్నర్‌ సూచించారు. మెరుగైన మార్కెట్‌ అవకాశాలను రైతులకు కల్పించాలని అన్నారు. ఒడిశా ప్రభుత్వం అమలు చేస్తున్న శ్రీ అన్న అభియాన్‌, కేంద్రం చేపడుతున్న చిరుధాన్యాల ప్రోత్సాహక కార్యక్రమాలను గవర్నర్‌ అభినందించారు. సంప్రదాయ విత్తనాల పరిరక్షణ, వ్యవసాయ వైవిధ్యాన్ని కాపాడటం, రైతుల ఆదాయాన్ని పెంచడం వంటి సమష్టి చర్యలు ‘వికసిత్‌ ఒడిశా–2036’, ‘వికసిత్‌ భారత్‌–2047’ లక్ష్యాల సాధనకు దోహదపడతాయని అన్నారు. ఉప ముఖ్యమంత్రి కనక్‌ వర్ధన్‌ సింగ్‌ దేవ్‌, ఐసీఏఆర్‌ డైరెక్టర్‌ జనరల్‌ డాక్టర్‌ మాంగీ లాల్‌ జాట్‌, ఎంఎస్‌ఎస్‌ఆర్‌ఎఫ్‌ చైర్‌పర్సన్‌, మాజీ ప్రధాన శాస్త్రవేత్త డాక్టర్‌ సౌమ్య స్వామినాథన్‌, ఓయూఏటీ ఉపకులపతి ప్రొఫెసర్‌ ప్రవాత్‌ కుమార్‌ రౌల్‌ సదస్సులో ప్రసంగించారు. వ్యవసాయ, రైతు సాధికారత శాఖ కమిషనర్‌ కమ్‌ సెక్రటరీ సచిన్‌ రామచంద్ర జాదవ్‌, వ్యవసాయ, ఆహార ఉత్పత్తి శాఖ డైరెక్టర్‌ డాక్టర్‌ పోమా టుడు తదితరులు కార్యక్రమంలో పాల్గొన్నారు.

● వరండాలోనే విద్యార్థులకు పాఠాలు మల్కన్‌గిరి: జిల్లాలోని చిత్రకొండ సమితి పనాస్‌పూట్‌ పంచాయతీ గోయిలిఖారి గ్రామంలో ఉన్న ప్రాథమిక పాఠశాలకు కొంతమంది వ్యక్తులు మంగళవారం తాళం వేశారు. వివరాల్లోకి వెళ్తే.. మంగళవారం ఉదయం పాఠశాలలో తరగతులు జరుగుతున్న సమయంలో గోయిలిఖారి గ్రామానికి చెందిన సీతారామ్‌ పాంగి, రామ్‌చంద్ర పాంగి, భగవాన్‌ పాంగి అనే ముగ్గురు వ్యక్తులు వచ్చి పాఠశాల స్థలం తమదని చెబుతూ పట్టా చూపించారు. ఈ స్థలంలో పాఠశాల నిర్వహించడానికి అనుమతించేది లేదని పేర్కొంటూ విద్యార్థులను బయటకు పంపివేసి పాఠశాలకు తాళం వేశారు. హెచ్‌ఎం రేలి పాంగి వారికి నచ్చజెప్పేందుకు ప్రయత్నించినా వినలేదు. ఈ విషయం తెలుసుకున్న పనాస్‌పూట్‌ సర్పంచ్‌ అర్జున్‌ హంతాల్‌, సామాజిక కార్యకర్త అనంత్‌ శిశా కూడా పాఠశాలకు చేరుకొని వారికి ఎంత చెప్పినా వినలేదు. దీంతో చేసేదేమీలేక విద్యార్థులకు వరండాలోనే పాఠాలు చెప్పి భోజనాలు కూడా అక్కడే పెట్టారు. అనంతరం హెచ్‌ఎం రేలి పాంగి చిత్రకొండ సమితి సీఆర్‌సీసీకి సమాచారం అందించారు. అలాగే చిత్రకొండ సమితి విద్యాశాఖ అధికారి గాయత్రీ దేవికు ఫోన్‌ ద్వారా విషయాన్ని తెలిపారు. ఈ ఘటనపై జిల్లా యంత్రాంగం స్పందించి చర్యలు తీసుకోవాలి కోరారు.

ఫుట్‌బాల్‌ టోర్నీ విజేత.. ఫుట్‌బాల్‌ టోర్నీ విజేతగా బొడొకావిడి నిలిచింది. బహుమతులు అందజేశారు. –8లోuకళాశాలల్లో ఉచిత ఇంటర్నెట్‌ ఇవ్వనున్నారు. ఏర్పాట్లు చేస్తున్నారు. –8లోu● రానున్న రోజుల్లో మరింత తీవ్రం భువనేశ్వర్‌: ఒడిశాలో చలి తీవ్రత క్రమంగా పెరుగుతోంది. రాష్ట్రంలోని పలు ప్రాంతాల్లో రాత్రి ఉష్ణోగ్రతలు తగ్గుముఖం పట్టాయి. పొడి వాతావరణం కొనసాగుతుండటంతో రాత్రివేళ చలి ప్రభావం స్పష్టంగా కనిపిస్తోంది. మంగళవారం నమోదైన ఉష్ణోగ్రతల ప్రకారం రాష్ట్రంలోని మైదాన ప్రాంతాల్లో కనిష్ట ఉష్ణోగ్రత ఫుల్బాణి, ఝార్సుగుడలో 14.5 డిగ్రీల సెల్సియస్‌గా నమోదైంది. కంధమల్‌లోని దారింగిబాడిలో 14 డిగ్రీల సెల్సియస్‌ , గంజాం జిల్లా గోపాల్పూర్‌లో 20.5 డిగ్రీల సెల్సియస్‌, భవానీపట్నలో 14.6 డిగ్రీల సెల్సియస్‌, నవరంగ్‌పూర్‌లో 15 డిగ్రీల సెల్సియస్‌ నమోదయ్యాయి. పశ్చిమ ఒడిశాలోనూ చలి ప్రభావం కొనసాగుతోంది. రూర్కెలాలో 15.7 డిగ్రీల సెల్సియస్‌, హిరాకుడ్‌లో 16 డిగ్రీల సెల్సియస్‌, సంబల్‌పూర్‌లో 16.2 డిగ్రీల సెల్సియస్‌, కెందుఝర్‌లో 16.6 డిగ్రీల సెల్సియస్‌, రాయగడలో 16.6 డిగ్రీల సెల్సియస్‌, బొలంగీర్‌లో 17.3 డిగ్రీల సెల్సియస్‌ కనిష్ట ఉష్ణోగ్రతలు నమోదయ్యాయి. రాజధాని భువనేశ్వర్‌లో కనిష్ట ఉష్ణోగ్రత 18.5 డిగ్రీల సెల్సియస్‌, కటక్‌లో 17.4 డిగ్రీల సెల్సియస్‌గా నమోదైంది. తీరప్రాంతాల్లో ఉష్ణోగ్రతలు కొంత ఎక్కువగా ఉన్నప్పటికీ, రాత్రివేళ చలి క్రమంగా పెరుగుతోంది. రాష్ట్రంలో మంగళవారం పొడి వాతావరణమే కొనసాగినట్లు భువనేశ్వర్‌ వాతావరణ కేంద్రం వెల్లడించింది. కొండ ప్రాంతాల్లో మరింత చలి ఎత్తైన ప్రాంతాల్లో చలి తీవ్రత మరింత ఎక్కువగా ఉంది. కొరాపుట్‌ జిల్లాలోని సిమిలిగుడలో 11.6 డిగ్రీల సెల్సియస్‌ కనిష్ట ఉష్ణోగ్రత నమోదైంది. దీంతో రాష్ట్రంలోని కొండ ప్రాంతాల్లో రాత్రి చలి తీవ్రతను ఈ ఉష్ణోగ్రతలు స్పష్టం చేస్తున్నాయి. మైదానాల్లో గరిష్ట ఉష్ణోగ్రత 32 డిగ్రీల సెల్సియస్‌ పగటి ఉష్ణోగ్రతల్లో మాత్రం పెద్దగా మార్పు కనిపించలేదు. రాష్ట్రంలోని మైదాన ప్రాంతాల్లో అత్యధిక గరిష్ఠ ఉష్ణోగ్రత నయాగఢ్‌లో 32 డిగ్రీల సెల్సియస్‌గా నమోదైంది. భువనేశ్వర్‌లో గరిష్ఠ ఉష్ణోగ్రత 31.6 డిగ్రీల సెల్సియస్‌, కటక్‌లో 29.4 డిగ్రీల సెల్సియస్‌గా నమోదైంది. మొత్తంగా రాష్ట్రంలో పగటి వేడి, రాత్రి చలి మధ్య వ్యత్యాసం స్పష్టంగా కనిపిస్తోంది. రాబోయే రోజుల్లో రాత్రి ఉష్ణోగ్రతల్లో మరింత తగ్గుదల నమోదయ్యే అవకాశాలపై వాతావరణ పరిస్థితులను ఐఎండీ పరిశీలిస్తోంది. ఉత్తర ఒడిశాలో చెదురుమదురు వర్షాలు ఉత్తర ఒడిశాలోని కొన్ని ప్రాంతాల్లో తేలికపాటి వర్షాలు కురిసే అవకాశాలు ఉన్నాయి. ముఖ్యంగా మయూర్‌భంజ్‌, కెందుఝర్‌ జిల్లాల్లో ఒకటి రెండు చోట్ల వర్షాలు పడే అవకాశం ఉందని వాతావరణ శాఖ అంచనా వేసింది. నవంబర్‌ 13 నుంచి రాష్ట్రంలో వాతావరణం మరింత పొడిగా మారే అవకాశముంది. బంగాళా ఖాతంలో మరో అల్పపీడనం బంగాళా ఖాతంలో మరో అల్పపీడన ప్రాంతం ఏర్పడే అవకాశాలపై ఐఎండీ నిఘా కొనసాగిస్తోంది. ఆగ్నేయ బంగాళాఖాతంలో నవంబర్‌ 13 నాటికి అల్పపీడన ప్రాంతం ఏర్పడే అవకాశం ఉందని అంచనా. ఇది వాయువ్య దిశగా కదిలే అవకాశం ఉన్నందున దాని ప్రభావంతో ఒడిశా వాతావరణంలో మార్పులు చోటుచేసుకునే అవకాశాలున్నాయి.

శ్రీకాకుళం (పీఎన్‌కాలనీ): వైఎస్సార్‌సీపీ నాయకులు, కార్యకర్తలు, అభిమానులకు అన్యాయం జరిగితే ఎంతటివారినైనా క్షమించబోమని వైఎస్సార్‌ సీపీ డిజిటల్‌ బుక్‌ చైర్మన్‌ శిమ్మ రాజశేఖర్‌ మంగళవారం హెచ్చరించారు. ప్రజాస్వామ్యబద్ధంగా పాలన జరగాలే తప్ప అధికారులు ఏకపక్షంగా నిర్ణయాలు తీసుకుని వైఎస్సార్‌సీపీ నాయకులను అణగదొక్కాలని చూస్తే సహించేది లేదన్నారు. ఈ నెల 7న ఎంపీటీసీ, జడ్పీటీసీ ఎన్నికల ఓట్ల లెక్కింపు సందర్భంగా శ్రీకాకుళం మండలానికి రిటర్నింగ్‌ ఆఫీసర్‌గా పనిచేసిన మెప్మా పీడీ బొడ్డేపల్లి శైలజ చట్టవిరుద్ధంగా, రాజ్యాంగ విరుద్ధంగా వ్యవహరిస్తూ తన విధులను, అధికారాలను దుర్వినియోగం చేయడం అన్యాయమన్నారు. ఈ మేరకు శైలజను వైఎస్సార్‌సీపీ డిజిటల్‌ బుక్‌లో నమోదుచేసి భవిష్యత్తులో తగు చర్యలు తీసుకుంటామన్నారు. ప్రభుత్వ అధికారులంటే ప్రజలకు ప్రభుత్వానికి వారధుల్లా పనిచేయాలే తప్ప పక్షపాతంతో పనిచేయడం సరికాదన్నారు. అధికార పార్టీ ప్రయోజనాలే పరమావధిగా, ప్రజాస్వామ్య వ్యవస్థను కుప్పకూల్చేలా మెప్మా పీడీ వ్యవహరించిన తీరుపై ప్రజలంతా ఛీత్కరిస్తున్నారని పేర్కొన్నారు. ప్రజల ఓట్లుతో గెలిచిన అభ్యర్థులకు బదులుగా ఓడిపోయిన అభ్యర్థులకు ధ్రువీకరణ పత్రాలు జారీ చేయడం దారుణమన్నారు. ఇప్పటికే పొందూరు మండలం ఆర్‌ఓగా పనిచేసిన డీఎస్‌ఓ సూర్యప్రకాష్‌.. ఫోర్జరీ సంతకాలతో ఐదుగురు ఎంపీటీసీలు ఏకగ్రీవమైనట్లు ప్రకటించినందుకు డిజిటల్‌ బుక్‌లోకి మొదటి వ్యక్తిగా ఎక్కించామని గుర్తు చేశారు. 108లో ప్రసవం గార: గొర్లెవానిపేట గ్రామానికి చెందిన జి.యమునకు మంగళవారం పురిటినొప్పులు రావడంతో గ్రామస్తులు 108 సమాచారం అందించారు. వెంటనే సిబ్బంది గ్రామానికి చేరుకున్నారు. వాహనం ద్వారా తరలించేందుకు అనువుగా లేకపోవడంతో టెక్నీషియన్‌ హరీష్‌ అంబులెన్సులోనే ప్రసవించేలా చేశారు. పండంటి మగబిడ్డ జన్మించడంతో కళింగపట్నం పీహెచ్‌సీకి తరలించారు. వ్యక్తి ఆత్మహత్యాయత్నం గార : కె.మత్స్యలేశం గ్రామానికి చెందిన వి.కొర్లయ్య వ్యక్తిగత కారణాలతో పెట్రోల్‌ పోసుకొని నిప్పంటించుకున్నాడు. మంగళవారం సాయంత్రం సచివాలయం సమీపంలో తనపై తానే పెట్రోల్‌ పోసుకున్నాడు. తర్వాత మంట అంటించుకోవడంతో స్థానికులు గమనించి ఆర్పివేశారు. అనంతరం 108 అంబులెన్సులో శ్రీకాకుళం రిమ్స్‌కు తరలించారు. తుఫాన్‌ బియ్యం పంపిణీలో వివక్ష తగదు కవిటి : కవిటి పంచాయతీ జాలారిపాలెం, పుక్కళ్లపాలెం గ్రామాలకు చెందిన మత్స్యకార కుటుంబాలకు తుఫాన్‌ బియ్యం పంపిణీ చేయకుండా వివక్ష చూపడం తగదని బాధితులు ఫిర్యాదు చేశారు. ఈ మేరకు మంగళవారం కవిటి తహసీల్దార్‌ టి.కల్యాణచక్రవర్తిని కలిసి తమకు జరుగుతున్న అన్యాయాన్ని వివరించారు. తమకు న్యాయబద్ధంగా దక్కాల్సిన బియ్యం పునఃపరిశీలన చేసి పంపిణీలో లోపాల్ని సవరించి న్యాయం చేయాలని డిమాండ్‌ చేశారు. కార్యక్రమంలో మత్స్యకార గ్రామాల నాయకులు ఢిల్లీబు, హిమాచలం, కృష్ణారావు, ప్రసాద్‌ తదితరులు పాల్గొన్నారు.

పర్లాకిమిడి: గజపతిలో క్రీడల ప్రాముఖ్యత, క్రమశిక్షణ, విద్యార్థుల సర్వతోముఖాభివృద్ధిలో వాలీబాల్‌ చాంపియన్‌ షిప్‌ పోటీలు గర్వకారణమని జిల్లా పరిషత్‌ అధ్యక్షులు, ముఖ్యఅతిధి గవర తిరుపతి అన్నారు. ఆయన గజపతి జిల్లా రాయగడ బ్లాక్‌ ప్రభుత్వ ఎస్‌ఎస్‌డీ ఉన్నత మాధ్యమిక పాఠశాల ప్రాంగణంలో డబ్బైవ రాష్ట్రస్థాయి వాలీబాల్‌ స్కూళ్ల జట్టు చాంపియన్‌ షిప్‌ పోటీలను గవర తిరుపతిరావు ప్రారంభిస్తూ మాట్లాడారు. ఈపోటీలకు రాష్ట్రంలోని 30 జిల్లాల నుంచి 1300 మంది 14–17 ఏళ్ల లోపు వారు వచ్చారు. నాలుగు రోజుల పాటు రాయగడలో జరిగే వాలీబాల్‌ చాంపియన్‌షిప్‌ పోటీలకు ఇతర అతిథులుగా యస్‌.డి.సీ. చైర్మన్‌ కామదేవ్‌ బోడోనాయక్‌, ఎంపీ ప్రతినిధి రొక్కం రాంప్రసాద్‌, రాయగడ సమితి చైర్మన్‌ పూర్ణబాసి నాయక్‌, ఉపాధ్యక్షుడు జ్యోతి కుమార్‌ పాణి, ఒడిషా మాధ్యమిక విద్యాశాఖ డైరక్టర్‌ (భువనేశ్వర్‌) అసిస్టెంటు డైరక్టర్‌ జ్యోతిప్రసాద్‌ పరిడా, అదనపు డీఈఓ ఎస్‌.గిరిధర్‌, రాయగడ బ్లాక్‌ విద్యాధికారి టి.కిశోర్‌, మోహన, ఆర్‌.ఉదయగిరి బీఈఓ బీరేంద్ర మండళ్‌ విచ్చేశారు. గజపతి జిల్లా ముఖ్యవిద్యాధికారి డాక్టర్‌ మయాధర్‌ సాహు క్రీడాకారులు, అతితులను ఉద్దేశించి స్వాగత ఉపన్యాసం చేశారు. వేదిక నిర్వహణకు ముఖ్య యాంకర్‌గా ఉపాధ్యాయిని శులతా శుభదర్శినీ మిశ్రో, ఎం.వెంకట్‌లు పాల్గొన్నారు. తొలిరోజు గజపతిజిల్లా రాయగడ, బోరిగుమ్మ విద్యార్థుల మధ్య అండర్‌–14 వాలీబాల్‌ పోటీ జరిగింది.

● రోజుకు 1 జీబీ డేటా ● 601 కాలేజీలకు వర్తింపు భువనేశ్వర్‌: రాష్ట్రంలోని ప్రభుత్వ, ప్రభుత్వ సహాయక కళాశాలల్లో విద్యార్థులకు ఉచిత హైస్పీడ్‌ వై–ఫై సౌకర్యం కల్పించేందుకు ఒడిశా ప్రభుత్వం చర్యలు చేపట్టింది. డిజిటల్‌ విద్యను ప్రోత్సహించడంతోపాటు ఆన్‌లైన్‌ విద్యా వనరులను విద్యార్థులకు మరింత చేరువ చేయడమే లక్ష్యంగా ‘ఒడిశా ఎడ్యుకేషన్‌ నెట్‌’ పథకాన్ని అమలు చేయనుంది. అయితే ఉచిత ఇంటర్నెట్‌ను దుర్వినియోగం చేసే అవకాశాలు, నెట్‌వర్క్‌ నిర్వహణ, భద్రత తదితర అంశాలపై కూడా నిపుణులు ఆందోళన వ్యక్తం చేస్తున్నారు. రాష్ట్ర మంత్రివర్గం 10 శాఖలకు సంబంధించిన 13 ప్రతిపాదనల్లో భాగంగా ‘ఒడిశా ఎడ్యుకేషన్‌ నెట్‌’ పథకానికి ఆమోదం తెలిపింది. 2026–27 నుంచి 2028–29 వరకు మూడేళ్లలో రాష్ట్రంలోని 601 ప్రభుత్వ, ప్రభుత్వ సహాయక కళాశాలలను ఈ పథకం పరిధిలోకి తీసుకురానుంది. ఇందుకు సుమారు రూ.393.62 కోట్ల వ్యయం అంచనా. విద్యార్థులకు రోజుకు 1 జీబీ పథకం కింద కళాశాల ప్రాంగణంలో ప్రతి విద్యార్థికి రోజుకు 1 జీబీ వరకు ఉచిత ఇంటర్నెట్‌ డేటా అందుబాటులో ఉంటుంది. తొలి దశలో ఇప్పటికే 130 కళాశాలల్లో వై–ఫై సౌకర్యాలు కల్పించారు. డిజిటల్‌ విద్యకు ఊతం ఉచిత ఇంటర్నెట్‌ సదుపాయంతో ఆన్‌లైన్‌ తరగతులు, విద్యా వీడియోలు, ఈ–పుస్తకాలు, డిజిటల్‌ స్టడీ మెటీరియల్‌ విద్యార్థులకు మరింత అందుబాటులోకి రానుంది. డేటా సేకరణ, ప్రాజెక్టు పనులు, పరిశోధనలకు కూడా ఈ సదుపాయం ఉపయోగపడనుంది. ఖరీదైన ఇంటర్నెట్‌ కనెక్షన్లు పొందలేని విద్యార్థులకు ఈ పథకం ప్రత్యేకంగా ఉపయోగపడే అవకాశం ఉంది. ఆన్‌లైన్‌ మాక్‌ టెస్టులు, పోటీ పరీక్షల అధ్యయన సామగ్రిని సులభంగా పొందడం ద్వారా పరీక్షలకు సన్నద్ధత కూడా మెరుగుపడనుంది. కంప్యూటర్‌ వినియోగం, డిజిటల్‌ సాంకేతిక పరిజ్ఞానంపై విద్యార్థుల అవగాహన పెంపొందించేందుకు ఇది దోహదపడనుంది. దుర్వినియోగంపై ఆందోళన అయితే ఉచిత ఇంటర్నెట్‌ను విద్యా అవసరాలకు బదులుగా సోషల్‌ మీడియా, ఆన్‌లైన్‌ గేమింగ్‌ వంటి కార్యకలాపాలకు వినియోగించే అవకాశాలు ఉన్నాయని నిపుణులు పేర్కొంటున్నారు. అదేవిధంగా తగిన సైబర్‌ భద్రతా చర్యలు లేకపోతే వ్యక్తిగత సమాచార భద్రతకు ముప్పు ఏర్పడే అవకాశం ఉందని హెచ్చరిస్తున్నారు. మరోవైపు 601 కళాశాలల్లో నిరంతరాయంగా ఇంటర్నెట్‌ సేవలు అందించాలంటే నెట్‌వర్క్‌ నిర్వహణ, సాంకేతిక సహాయం, పరికరాల నిర్వహణకు నిరంతర వ్యయం అవసరం కానుంది. ఒకేసారి పెద్ద సంఖ్యలో విద్యార్థులు నెట్‌వర్క్‌ను వినియోగించినప్పుడు వేగం తగ్గే సమస్య కూడా తలెత్తవచ్చని నిపుణులు సూచిస్తున్నారు.

– ఇద్దరు మహిళల అరెస్టు రాయగడ: గంజాయిని అక్రమంగా రవాణా చేస్తున్న ఇద్దరు మహిళలను మునిగుడ పోలీసులు అరెస్టు చేశారు. వారి నుంచి 25 కిలోల గంజాయిని స్వాధీనం చేసుకున్నారు. పోలీసులు తెలియజేసిన వివరాల ప్రకారం.. గంజాయి అక్రమ రవాణా జరుగుతున్నట్లు అందిన సమాచారం మేరకు మునిగుడ బస్టాండ్‌లో పోలీసులు కాపలా కాశారు. అదే సమయంలో ఇద్దరు మహిళలు అనుమానస్పదంగా ఉండడంతో వారి బ్యాగ్‌లను పోలీసులు తనిఖీ చేయగా.. అందులో గంజాయి పట్టుబడింది. మహిళలను అరెస్టు చేసి మంగళవారం కోర్టుకు తరలించారు. మునిగుడ ఐఐసీ లలిత్‌ మోహన్‌ సాగర్‌ ఈ దాడులకు నేతృత్వం వహించారు.

శ్రీకాకుళం రూరల్‌ : కల్లేపల్లి పంచాయతీ మోపసుబందరుకు చెందిన యాళ్ల నీలవేణి మరణానంతరం ఐదుగురికి అవయవదానం చేశారు. ఈమె ఈ నెల 8న హెమరేజిక్‌ స్ట్రోక్‌తో రాగోలు జెమ్స్‌ ఆసుపత్రిలో చేరింది. చికిత్స అందించిన వైద్యులు నీలవేణిని బ్రెయిన్‌డెడ్‌గా నిర్ధారించారు. అవయవ దానంపై విజయవాడకు చెందిన జీవన్‌దాన్‌ ప్రతినిధులు అవగాహన కల్పించడంతో కుటుంబ సభ్యులు అంగీకరించారు. ఊపిరితిత్తులను హైదరాబాద్‌ కిమ్స్‌కు, కిడ్నీ, కాలేయాన్ని శ్రీకాకుళం జెమ్స్‌కు, మరో కిడ్నీని కాకినాడ అపోలో ఆస్పత్రికి, నేత్రాలను రెడ్‌క్రాస్‌కు తరలించారు. అనంతరం ఆసుపత్రి సిబ్బంది ఆమె మృతదేహానికి గౌరవ వందనం సమర్పించి, కుటుంబ సభ్యులకు ధ్రువపత్రాలను అందించారు.

పర్లాకిమిడి: అర్నబ్‌ తుఫాన్‌ ప్రభావంతో గజపతి జిల్లాలో వరదలు, కొండచరియలు విరిగిపడటం, పంట నష్టంపై రైతులను ఆదుకోవాలని రాష్ట్ర ముఖ్యశాసన కార్యదర్శి అన్ను గార్గ్‌ , రాష్ట్ర రెవెన్యూ, విపత్తుల శాఖ మంత్రి సురేష్‌ పూజారిని మంగళవారం భువనేశ్వర్‌లో పర్లాకిమిడి ఎమ్మెల్యే రూపేష్‌ పాణిగ్రాహి కలిశారు. ఈ సందర్భంగా వినతిపత్రాన్ని అందజేశారు. జిల్లాలో ఇప్పటివరకు ఇళ్లు కోల్పోయిన బాధితులకు పరిహారం అందజేయలేదన్నారు. పంట నష్టంపై అధికారులు ఇప్పటివరకు నివేదికలు పంపలేదన్నారు. భవిష్యత్తులో కొండచరియలు విరిగిపడకుండా తగిన చర్యలు చేపట్టాలని మంత్రి సురేష్‌ పూజారిని కోరారు. మహేంద్రతనయ నదికి ఆనుకున్న బుసుకిడి గ్రామంలో రక్షణ గోడలు నిర్మించాలని మంత్రి సురేష్‌ పూజారిని విన్నవించారు.

రాయగడ: ప్రపంచ టీకా దినోత్సవాన్ని పురస్కరించుకుని స్థానిక సెంచూరియన్‌ విశ్వవిద్యాలయం ఆఫ్‌ టెక్నాలజీ అండ్‌ మేనేజ్‌మెంట్‌ స్కూల్‌ ఆఫ్‌ నర్సింగ్‌కు చెందిన బీఎస్సీ విద్యార్థులు మంగళవారం జిల్లా ప్రధాన హస్పిటల్‌లో విస్తృత ప్రజారోగ్య కార్యక్రమాన్ని నిర్వహించారు. ఆరోగ్యకరమైన భవిష్యత్‌ కోసం టీకాలు అనే ఇతివృత్తంతో ఈ కార్యక్రమాన్ని నిర్వహించారు. హస్సిటల్‌లో గల ప్రసవానంతరం వార్డు (పి.ఎన్‌.సి), ప్రత్యేక నవజాతి శిశు సంరక్షణ యూనిట్‌ నరీక్షన గది, తదితర ప్రాంతాల్లో విద్యార్థులు అవగాహన కార్యక్రమాలను నిర్వహించారు. ఈ కార్యక్రమంలో బాలింతలు, గర్భిణులు, రోగులు, వారి బంధువులు పాల్గొన్నారు. ఈ సందర్భంగా సార్వత్రిక టీకా కార్యక్రమం, జాతీయ టీకా షెడ్యూల్‌ ప్రకారం పిల్లలకు నిర్ణీత సమయంలో టీకాలు వేయించాల్సిన అవసరాన్ని విద్యార్థులు వివరించారు. పల్స్‌ పోలియో కార్యక్రమం ప్రాముఖ్యతతోపాటు పిల్లలకు సకాలంలో బూస్టర్‌ డోస్‌లు అందించాల్సిన అవశ్యకతను తెలియజేశారు. టీకాల అనంతరం సంభవించే ప్రతికూల ఘటనలు ఎదురైనప్పుడు తీసుకోవాల్సిన జాగ్రత్తలు, టీకాల సామర్థ్యాన్ని కాపాడేందుకు కొల్డ్‌చైన్‌ వ్యవస్థ నిర్వహణ ప్రాముఖ్యతపై ప్రజలకు అవగాహన కల్పించారు. టీకాలపై సమాజంలో ఉన్న అపోహలను తొలగిస్తూ పిల్లల ఆరోగ్య వివరాలను మదర్‌ అండ్‌ చైల్డ్‌ ప్రొటక్షన్‌ కార్డులో క్రమం తప్పకుండా నమోదు చేయాలని సూచించారు.

జయపురం: జయపురం విక్రమదేవ్‌ వర్మ విశ్వవిద్యాలయ క్రీడా మైదానంలో జయపురం మోర్నింగ్‌ క్లబ్‌ నిర్వహించిన ఫుట్‌బాల్‌ ఫెస్టివల్‌ 2026 టోర్నమెంట్‌లో జయపురం సమితి బొడొకావిడి టీమ్‌ విజేత అయి విన్నర్‌గా నిలిచింది. టోర్నమెంట్‌లో ఫైనల్‌కు చేరిన బొడొకావిడి, బరిణిపుట్‌ టీములు విన్నర్‌గా విజయం సాధించేందుకు శక్తివంతంగా పోరాడాయి. బొడొకావిడి టీమ్‌ విన్నర్‌గా విజయం సాధించింది. బరిణిపుట్‌ టీమ్‌ రన్నర్‌గా నిలిచింది. మంగళవారం జరిగిన బహుమతి ప్రధాన ఉత్సవంలో జయపురం ఎమ్మెల్యే ముఖ్యఅతిథిగా హాజరయ్యారు. విజేతలకు బహుమతులు అందజేశారు. ఫైనల్‌లో తలపడిన రెండు టీమ్‌లు ప్రతిభావంతంగా ఆడాయన్నారు. జయపురం మున్సిపల్‌ చైర్మన్‌ నరేంద్రకుమార్‌ మహంతి, టోర్నమెంట్‌ నిర్వాహకులు పాల్గొన్నారు.

శ్రీకాకుళం పాతబస్టాండ్‌ : రానున్న పంచాయతీ ఎన్నికల్లో ఆర్‌ఓ, ఏఆర్‌ఓ నియామకాల్లో సీనియారిటీకి ప్రాధాన్యమివ్వాలని, స్టేజ్‌–1, స్టేజ్‌–2 ఆర్వోలలో ఏదో ఒక డ్యూటీ మాత్రమే వేయాలని ఏపీటీఎఫ్‌ జిల్లా ప్రధాన కార్యదర్శి బుక్కూరు వెంకటేశ్వర్లు, అదనపు కార్యదర్శి పి.బాలాజీ, ఉపాధ్యక్షులు బి.నవీన్‌ కోరారు. ఈ మేరకు మంగళవారం డీఆర్‌ఓ వి.విశ్వేశ్వరరావును ఆయన చాంబర్‌లో కలిసి వినతిపత్రం అందించారు. దీర్ఘకాలిక వ్యాధిగ్రస్తులకు, గర్భిణులకు, బాలింతలకు మినహాయింపులు ఇవ్వాలని, ఎన్నికల మరుసటి రోజు జర్నీడేగా ఓడీని కేటాయించాలని, డిస్ట్రిబ్యూషన్‌ రిసెప్షన్‌ కౌంటర్లలో గందరగోళం లేకుండా చూడాలని, ఎలక్షన్‌ కమిషన్‌ నిర్ణయించిన పారితోషికాన్ని చెల్లించాలని విన్నవించారు. ఆదిత్య కళాశాలకు అవార్డు టెక్కలి: ఇండియన్‌ సొసైటీ ఫర్‌ టెక్నికల్‌ ఎడ్యుకేషన్‌ (ఐఎస్‌టీఈ) 2026 సంవత్సరానికి ప్రకటించిన ఉత్తమ ఇంజినీరింగ్‌ కళాశాల విభాగంలో టెక్కలి ఆదిత్య ఇంజినీరింగ్‌ కళాశాలకు అవార్డు లభించింది. ఈ మేరకు మంగళవారం ఒక ప్రకటన విడుదల చేశారు. బెస్ట్‌ ఇంజినీరింగ్‌ కళాశాల విభాగంలో ఆదిత్య కళాశాలకు ఈ అవార్డు దక్కింది. విద్యా ప్రమాణాలు, నాణ్యమైన బోధన అంశాలను పరిగణనలోకి తీసుకుని ఉత్తమ కళాశాలగా ఎంపిక చేసినట్లు పేర్కొన్నారు. అనంతపురం శ్రీనివాస రామానుజన్‌ ఇన్‌స్టిట్యూట్‌ ఆఫ్‌ టెక్నాలజీ ఆధ్వర్యంలో నిర్వహించిన అవార్డుల ప్రదానోత్సవ కార్యక్రమంలో భాగంగా విజయనగరం జేఎన్‌టీయూ వీసీ ప్రొఫెసర్‌ వి.వి.సుబ్బారావు, ఐఎస్‌టీఈ ఏపీ చైర్మన్‌ ప్రొఫెసర్‌ జి.రంగ జనార్దన, కార్యవర్గ సభ్యుడు శంభుప్రసాద్‌ చేతుల మీదుగా కళాశాల డైరెక్టర్లు వి.వి.నాగేశ్వరరావు, కె.మధుకుమార్‌ తదితరులు అవార్డును అందుకున్నారు. ఈ సందర్భంగా ప్రిన్సిపాల్‌ ఎ.ఎస్‌.శ్రీనివాసరావుతో పాటు అన్ని విభాగాల అధ్యాపక, అధ్యాపకేత సిబ్బంది అభినందనలు తెలిపారు.

రాయగడ: జిల్లాలో పారిశ్రామికంగా, ఖనిజ సంపద పరంగా అత్యంత కీలకమైన కాసీపూర్‌ సమితిను విభజించి రెండు సమితులు, రెండు తహసీల్‌లుగా ఏర్పాటు చేయాలని జిల్లా కలెక్టర్‌ అశుతోష్‌ కులకర్ణి రాష్ట్ర ప్రభుత్వానికి ప్రతిపాదించారు. ఈ మేరకు రాష్ట్ర ప్రభుత్వ ప్రధాన కార్యదర్శికి లేఖ రాసినట్లు సమాచారం. భౌగొళిక పరిస్థితులు, అధిక జనాభా, పరిపాలన ఇబ్బందులు, గిరిజన ప్రాంతాల్లో ప్రభుత్వ పథకాల అమలులో ఎదురవుతున్న సమస్యలను దృష్టిలో పెట్టుకుని ఈ ప్రతిపాదన చేసినట్లు తెలుస్తోంది. ప్రస్తుతం కాసీపూర్‌ సమితిలో 24 గ్రామ పంచాయతీలున్నాయి. సుమారు 1.82 లక్షల జనాభా ఉంది. జిల్లాలో అత్యధిక జనాభా కలిగిన సమితిగా కాసీపూర్‌ గుర్తింపు పొందింది. ఇందులో ఎక్కువ మంది గ్రామీణ ప్రాంతాల్లో నివసిస్తున్నారు. గ్రామాలు విస్తారంగా విస్తరించి ఉండటం, కొండ ప్రాంతాలు అధికంగా ఉండటంతో ప్రభుత్వ అధికారులు ప్రజలకు చేరువ కావడంలో అనేక ఇబ్బందులు ఎదురవుతున్నాయి. సమితి, తహసీల్‌ కార్యాలయాల అధికారులు వివిధ ప్రాంతాలకు వెళ్లేందుకు ఎక్కువ సమయం పడుతుండటంతో పరిపాలన, సేవల అందజేత ఆలస్యమవుతుంది. అంగన్‌వాడీ, ఆరోగ్య సేవలకు ఆటంకం.. కాసీపూర్‌ సమితిలో 329 అంగన్‌వాడీ కేంద్రాలున్నాయి. ఒకే సీడీపీఓ ద్వారా మహిళలు, చిన్నారులకు సంబంధించిన ప్రభుత్వ పథకాలను అమలు చేయడం కష్టసాధ్యంగా మారిందని కలెక్టర్‌ తన లేఖలో పేర్కొన్నారు. పోషకాహార లోపం, అంగన్‌వాడీ కేంద్రాల్లో అవకతవకలకు సంబంధించిన ఫిర్యాదులు తరచూ వస్తున్నాయని వివరించారు. సమితిలో ఒక కమ్యూనిటీ హెల్త్‌ సెంటర్‌ ఉండగా, అత్యధిక సంఖ్యలో ఆరోగ్య ఉపకేంద్రాలున్నాయి. అయినప్పటికీ గర్భిణుల ప్రసవాలు అధికంగా నమోదవుతున్నా ప్రాంతాల్లో భౌగొళిక దూరాల కారణంగా వైద్య సేవలు అందించడంలో ఇబ్బందులు ఎదురవుతున్నాయి. పరిపాలన విభజన ద్వారా ఆరోగ్య సేవలకు మరింత సమర్థవంతంగా ప్రజలకు అందించవచ్చని భావిస్తున్నారు. కాసీపూర్‌, టికిరి పేర్లు ప్రతిపాదన.. ప్రస్తుతం ఉన్న కాసీపూర్‌ సమితిని కాసీపూర్‌, టికిరి పేర్లతో రెండు సమితులుగా విభజించి, ఒక్కో సమితికి 12 గ్రామ పంచాయతీలు కేటాయించాలని కలెక్టర్‌ ప్రతిపాదించినట్లు తెలుస్తుంది. ఇదే విదంగా రెండు తహసీల్‌ కార్యాలయాలను కూడా ఏర్పాటు చేయాలని సూచించారు. త్వరలో పంచాయతీ ఎన్నికలు జరగనున్న నేపథ్యంలో ఈ ప్రతిపాదన అమలులోకి వస్తే ప్రజలకు పరిపాలన, సౌకర్యాలు మరింత మెరుగుపడే అవకాశం ఉందని పేర్కొన్నారు. టికిరి సమితి ఏర్పాటు కోసం దీర్ఘకాలిక డిమాండ్‌.. కాసీపూర్‌, టికిరి ప్రాంతాల్లో రెండు ఫారెస్ట్‌ రేంజ్‌లు ఉండగా.. ప్రస్తుతం సమితి పరిధిలో నాలుగు పోలీస్‌ స్టేషన్లున్నాయి. టికిరిని ప్రత్యేక సమితిగా ఏర్పాటు చేయాలని స్థానిక ప్రజలు చాలా కాలంగా డిమాండ్‌ చేస్తున్నారు. ఇందుకోసం గతంలో పలుమార్లు ఆందోళనలు కూడా నిర్వహించారు. జిల్లా కలెక్టర్‌ తాజా ప్రతిపాదనతో టికిరి ప్రత్యేక సమితి ఏర్పాటు అశలు మళ్లీ చిగురించాయి. రాష్ట్ర ప్రభుత్వం ఈ ప్రతిపాదనపై నిర్ణయం తీసుకుంటే కాసీపూర్‌ ప్రాంత పరిపాలన వ్యవస్థలో కీలక మార్పులు చోటుచేసుకునే అవకాశం ఉంది కాసీపూర్‌ సమితిలో అత్యధికంగా బాకై ్సట్‌ నిల్వలున్నాయి. రానున్న రోజుల్లో ఖనిజ తవ్వకాలు, పారిశ్రామిక కార్యకలాపాలు మరింత విస్తరించే అవకాశాలు ఉండటంతో వాటి నిర్వహణకు ప్రత్యేక పరిపాలన వ్యవస్త అవసరమని కలెక్టర్‌ అభిప్రాయపడినట్లు సమాచారం. కాసీపూర్‌లోని పలు గనులు కొరాపుట్‌, కలహండి జిల్లాల సరిహద్దు ప్రాంతాల్లో ఉండటంతో అక్కడికి చేరుకోవడం అధికారులకు కష్టంగా మారుతుంది. జిల్లా ఖనిజ నిధి (డీఎంఎఫ్‌) ద్వారా అత్యధికంగా నిధులు ఖర్చు చేస్తున్న సమితి కూడా కాసీపూర్‌ కావడంతో అభివృద్ధి కార్యక్రమాల అమలులో సిబ్బందిపై పనిభారం పెరుగుతుంది. ఈ నేపథ్యంలో రెండు సమితుల ఏర్పాటు ద్వారా డీఎంఎఫ్‌ నిధులను సమర్థవంతంగా వినియోగించడంతోపాటు అభివృద్ధి కార్యక్రమాలను వేగవంతం చేయవచ్చని పేర్కొన్నారు.

పర్లాకిమిడి: పట్టణంలోని పురపాలక సంఘంలో అవుట్‌ సోర్సింగ్‌ విధానంలో పనిచేస్తున్న స్వీపర్స్‌, చెత్తబండ్ల డ్రైవర్లు ఉద్యమ బాట పట్టారు. మంగళవారం పొరుగుసేవల పురపాలక సిబ్బంది తమ సమస్యలను మున్సిపల్‌ చైర్బన్‌, ఎగ్జిక్యూటివ్‌ ఆఫీసర్‌కు నివేదించారు. గత రెండేళ్లుగా చెత్తబండ్ల డ్రైవర్లు, స్వీపర్స్‌గా పనిచేస్తున్న కార్మికులకు అతి తక్కువ జమ చేస్తున్నారని, ఈఎస్‌ఐ, ఈపీఎఫ్‌ స్లిప్పు లేదా పాస్‌బుక్‌ల వివరాలు తమకు ఇవ్వడం లేదని కలెక్టరేట్‌ వద్ద పురపాలక సంఘం కాంట్రాక్టు, అవుట్‌ సోర్సింగ్‌ ఉద్యోగులు ఆరోపించారు. ఈ సందర్భంగా జిల్లా కలెక్టర్‌కు వారి సమస్యలను వినతి రూపంలో అందజేశారు. అలాగే జిల్లా కార్మిక ఉపాధి అధికారి బాబు చరణ్‌పాత్రోకు కూడా వినతి పత్రాన్ని అందజేశారు. పురపాలక సంఘంలో పొరుగుసేవల ఉద్యోగులుగా 150 మంది పనిచేస్తున్నామని, ఎందుకు ప్రతినెలా జీతం కోత విధిస్తున్నారని కార్మికులు డీఎల్‌ఓ వద్ద విన్నవించారు. తమ బాధలు పట్టించుకోకుంటే నవంబరు 12 నుండి పురపాలక సంఘం సేవలు నిలిపి వేసి ఆందోళనకు దిగుతామని అన్నారు.

జయపురం: త్వరలో కొరాపుట్‌లో జరుగనున్న రాష్ట్ర స్థాయి ఆదివాసీ సాంస్కృతిక ఉత్సవం, కొరాపుట్‌ పర్వ్‌–2026 శుభారంభ స్థలాన్ని కొరాపుట్‌ జిల్లా కలెక్టర్‌ మనోజ్‌ సత్యవాన్‌ మహాజన్‌ మంగళవారం సందర్శించారు. పర్వ్‌ ప్రారంభ ఏర్పాట్లపై సమీక్షించారు. కుంధ్ర సమితి బాగ్దేరీ గ్రామ పంచాయతీలో 5 స్థలాలను పరిశీలించారు. ముఖ్యంగా వాహనాల రాకపోకలు, ట్రాఫిక్‌ సమస్యపై సమీక్షించారు. పర్వ్‌ ప్రారంభోత్సవాన్ని తిలకించేందుకు వచ్చే జనసమూహ నియంత్రణపై తీసుకోవాల్సిన చర్యలను కుంధ్రా సమితి అధికారులకు, కుంధ్ర పోలీసు అధికారి అశ్విణీ పట్నాయక్‌ను వివరించారు. ప్రారంభ వేడుకల్లో ఎటువంటి అవాంఛనీయ సంఘటనలు, తప్పులు చోటు చేసుకోకుండా చూడాలని ఆదేశించారు. కుంధ్ర సమితిలో ఉన్న బాగ్దేరిలో గల బుడి ఠకురాణి నుంచి పర్వ్‌ 2026 ప్రారంభించనున్నారు. ఆ ప్రాంతంలో గల జగన్నాథ్‌ మందిరం, శివ మందిరం, మవులి ఠకురాణి మందిరాల నుంచి శోభాజాతర నిర్వహించుకుంటూ పర్వ్‌ మసాలా వెలిగించే ప్రాంతానికి చేరుకుంటారు. కొట్‌పాడ్‌ ఎమ్మెల్యే రూపు భొత్ర, జయపురం సబ్‌కలెక్టర్‌ శుభ్ర పండా, కొరాపుట్‌ జిల్లా అభివృద్ధి విభాగ అధికారి బేణూదర శబర, జిల్లా పరిషత్‌ ఉపాధ్యక్షుడు రాధా బినోద్‌ సామంతరాయ్‌, కుంధ్ర పంచాయతీ అధ్యక్షుడు బణిత కందాలియ, బీడీఓ పి.మనస్మిత, తహసీల్దార్‌ బినోద్‌ చంద్రనాయక్‌, జిల్లా పరిషత్‌ సభ్యులు కనకలత పెంటియలు ఏర్పాట్ల పైసమీక్షించారు. బాగ్దేరిలో జగన్నాథ్‌ విద్యాపీఠం ప్రాంగణంలో ప్రధాన సభా వేదిక ఏర్పాటు చేయాలని నిర్ణయించారు. బాగ్దేరి–రామగిరి, బాగ్దేరి కుంధ్ర, బాగ్దేరి–రాణిగుడ, బాగ్దేరి–తిసారిగుడ మార్గాల్లో వాహనాలు నిలిపేందుకు చర్యలు తీసుకోవాలని పోలీసు అధికారులను జిల్లా ఎస్పీ రోహిత్‌ వర్మ ఆదేశించారు. పర్వ్‌ ప్రారంభోత్సవంలో 20 వేలకుపైగా ప్రజలు పాల్గొంటారని అధికారుల అంచనా. సభావేదిక ప్రాంతంలో ప్రత్యేక ఏర్పాట్లు చేపట్టాలని బీడీఓను కలెక్టర్‌ ఆదేశించారు. పర్వ్‌ లో స్థానిక కళాకారులకు అధిక ప్రాధాన్యత ఇవ్వాలని అధికారులకు సూచించారు. ఈ కార్యక్రమంలో ఎమ్మెల్యే ప్రతినిధి బద్రి నారాయణ ఆచార్య, చంద్ర సాగరియ, శరత్‌ చంద్ర దాస్‌, ఎంపీ ప్రతినిధి అంబు పాత్రో తదితరులు పాల్గొన్నారు.

జయపురం: జయపురం విధాన సభ నియోజకవర్గం బొరిగుమ్మలో బీజేడీ సీనియర్‌ నేత ఆ సమితిలో టికి పట్నాయక్‌గా పేరుగాంచిన వివేకానంద పట్నాయక్‌ను మాజీ మంత్రి రాష్ట్ర బీజేడీ ఉపాధ్యక్షుడు రబినారాయణ నందో కొంతమంది పార్టీ నేతలతో కలిసి మంగళవారం కలిశారు. ఇటీవల టికి పట్నాయక్‌ పార్టీ వీడతారన్న వదంతులు వస్తున్న సమయంలో మాజీ మంత్రి అతడిని కలవడం రాజకీయ ప్రాధాన్యత సంతరించుకుంది. ఈ సందర్భంగా మాజీ మంత్రి రబి నందో టికి పట్నాయక్‌తో కలసి చర్చలు జరిపారు. ఈ సందర్భంగా నందో మాట్లాడుతూ.. టికి పట్నాయక్‌ కొరాపుట్‌ జిల్లాలో బిజూ జనతా దళ్‌లో ఒక సీనియర్‌, సమర్థవంతమైన నేతే కాకుండా పార్టీ శ్రేణులకు మార్గదర్శకులు అన్నారు. టికి పట్నాయక్‌ను కలిసిన వారిలో కొరాపుట్‌ జిల్లా బీజేడీ కార్యవర్గ అధ్యక్షుడు దుర్గా ప్రసాద్‌ మిశ్ర, బొరిగుమ్మ బీజేడీ నేత నాగరాజు దొర తదితరులు పాల్గొన్నారు.

సంతబొమ్మాళి: మూలపేట పోర్టు నిర్మాణ పనులను వేగవంతం చేసి, నిర్ణీత గడువులోగా పూర్తి చేయాలని రాష్ట్ర రవాణా, రోడ్లు భవనాల శాఖ కార్యదర్శి కోన శశిధర్‌ అధికారులను ఆదేశించారు. సంతబొమ్మాళి మండలంలో నిర్మాణంలో ఉన్న మూలపేట పోర్టును మంగళవారం ఏపీ మారిటైమ్‌ బోర్డు సీఈవో ప్రవీణ్‌ ఆదిత్యతో కలిసి పరిశీలించారు. ప్రాజెక్ట్‌ పురోగతిని క్షేత్రస్థాయిలో సమీక్షించారు. బ్రేక్‌ వాటర్‌, రిక్లమేషన్‌ పనులు, మూడు జనరల్‌ కార్గో బెర్తులు, ఒక కోల్‌ బెర్తు నిర్మాణ పనుల పురోగతిని పరిశీలించారు. సుమారు 82 శాతం పనులు పూర్తయ్యాయని, ఆఫ్‌షోర్‌ సదుపాయాలు, బాహ్య మౌలిక వసతుల పనుల వివరాలను విశ్వసముద్ర కంపెనీ చైర్మన్‌ సీహెచ్‌ శశిధరరావు మ్యాప్‌ ద్వారా వివరించారు. మొత్తంగా మూలపేట పోర్టు నిర్మాణ పనులు 93 శాతం వరకు పూర్తయ్యాయని పోర్టు అధికారులు వెల్లడించారు. అనంతరం సంబంధిత శాఖల అధికారులతో సమీక్ష సమావేశం నిర్వహించారు. పోర్టుకు అనుసంధానంగా నిర్మించాల్సిన బాహ్య రహదారులు, రైల్వే మార్గం అలైన్‌మెంట్‌ ప్రక్రియను త్వరితగతిన పూర్తి చేయాలని సూచించారు. 12.5 కిలోమీటర్ల దక్షిణ దిశ బాహ్య రహదారి నిర్మాణానికి సంబంధించిన ఈఎస్‌పీ డ్రాయింగ్‌ను త్వరగా పూర్తి చేయాలని ఆదేశించారు. దక్షిణ బ్రేక్‌వాటర్‌కు సంబంధించి 950 మీటర్ల వేవ్‌వాల్‌ నిర్మాణాన్ని మూడు నెలల్లోగా పూర్తి చేయాలన్నారు. మూడు బెర్తులకు సంబంధించిన ఫిల్లింగ్‌ పనులను నాలుగు నెలల్లోగా పూర్తి చేయాలని సూచించారు. డ్రెడ్జింగ్‌కు సంబంధించి 13 లక్షల క్యూబిక్‌ మీటర్ల పనులను కూడా వేగవంతంగా పూర్తి చేయాలని స్పష్టం చేశారు. ఇండియన్‌ ఆయిల్‌ కార్పొరేషన్‌ (ఐఓసీఎల్‌), పవర్‌ గ్రిడ్‌, గెయిల్‌ సంస్థలకు సంబంధించిన పనులను జనవరి నాటికి పూర్తి చేయాలని ఆదేశించారు. కార్యక్రమంలో కలెక్టర్‌ స్వప్నిల్‌ దినకర్‌ పుండ్కర్‌, డిప్యూటీ కలెక్టర్‌ వెంకట్రావు, రోడ్లు భవనాల శాఖ పర్యవేక్షక ఇంజనీర్‌ సత్యనారాయణ, ఏపీ మారిటైమ్‌ బోర్డు పర్యవేక్షక ఇంజనీర్‌ పద్మశ్రీ, ఆర్డీవో ఎం.కృష్ణమూర్తి, తహసీల్దార్‌ హేమసుందరరావు, ప్రాజెక్టు మానిటరింగ్‌ కన్సల్టెంట్‌ (పీఎంసీ) బృందం ప్రతినిధి అనిల్‌కుమార్‌, పోర్టు అధికారులు పాల్గొన్నారు. మూలపేట పోర్టు పనులను పరిశీలిస్తున్న కార్యదర్శి, కలెక్టర్‌ తదితరులు

కొరాపుట్‌ : నకిలీ ఓట్లు తొలగిస్తామని కేంద్ర ఎన్నికల కమిషన్‌ ప్రకటనలు గుప్పిస్తోంది. సర్‌ వలన ఈ ఓట్లు తొలగిపోతాయని కేంద్రం ప్రకటిస్తోంది. కానీ ఈ నిబంధన ఆంధ్రా–ఒడిశా వివాదాస్పద ప్రాంతం కొఠియాకి వర్తించదా అనే ప్రశ్న సర్వత్రా చర్చనీయాంశంగా మారింది. కొరాపుట్‌ జిల్లా పొట్టంగి సమితి కొఠియా గ్రామ పంచాయతీలో 21 గిరిజన గ్రామాల ప్రజలకు ఒడిశా రాష్ట్రంలో ఓటు హక్కు ఉన్నట్లు ప్రభుత్వం కార్డులు అందజేసింది. అదే విధంగా ఆంధ్రప్రదేశ్‌ రాష్ట్రం పార్వతీ పురం మన్యం జిల్లా సాలూరు మండలంలోని 5 గ్రామ పంచాయతీలలో ఈ 21 కొఠియా గ్రామాలు ఉన్నాయి. ఆ రాష్ట్ర ప్రభుత్వం కూడా వారికి ఓటరు గుర్తింపు కార్డులు ఇచ్చింది. ఇది ఎలా సాద్యం అని ప్రస్తుతం ప్రశ్న తలెత్తింది. సర్‌ నిబంధనల్లో సామాన్య ఓటరు తనను తాను గుర్తింపు ఇచ్చుకోవడానికి నానా పాట్లు పడుతున్నారు. కానీ ఏకంగా 21 గ్రామాల ప్రజలకు రెండు రాష్ట్రాల ఓట్లు ఎలా సాధ్యం అయ్యాయి. ప్రస్తుతం ఆంధ్ర ప్రదేశ్‌లో జరుగుతున్న పంచాయతీ ఎన్నికల నేపథ్యంలో కొఠియా అంశం ప్రచార అంశంగా మారింది.

పర్లాకిమిడి: గజపతి జిల్లా స్థాయిలో ఎంపిక చేసి వారిని వివిధ ఉత్సవాలు, బలిజాత్ర, ప్రభుత్వ పథకాల ప్రచారానికి వినియోగిండడానికి ‘మన కళాకారులు’ పేరిట స్థానిక టౌన్‌ హాల్‌లో సోమవారం ఎంపికలు ప్రారంభించారు. వీరిలో చాలామంది కీర్తన మండలి సభ్య బృందానికి పింఛన్‌ కూడా ప్రభుత్వం అందజేస్తుంది. సోమవారం నుంచి 14వ తేదీ వరకు స్థానిక టౌన్‌హాల్‌లో కీర్తన మండలి, గస్కాటీ కళాకారుల బృందాలను ఎంపిక చేసే ప్రక్రియలో జిల్లా సాంస్కృతిక శాఖ అధికారి అర్చనా మంగరాజ్‌ ఉన్నారు. కీర్తన మండలి ఎంపికలకు న్యాయనిర్ణేతలుగా ఆకాశవాణి తబలా కళాకారులు, సంగీత దర్శకులు రఽఘునాథ పాత్రో, నృసింహాచరణ్‌ పట్నాయక్‌ (క్రియేటివ్‌ ఆర్ట్స్‌), ప్రఫుల్ల కుమార్‌ బిశ్వాల్‌, హారికృష్ణ బిశ్వాల్‌ వ్యవహరించారు. గజపతి జిల్లా నుంచి గుసానిబ్లాక్‌ కెరండీ, జాజిపురం, బాగుసల, కుడ్డడ, గురండీ, బడగాం, కంట్రగడ గ్రామాల నుంచి సోమవారం కళాకార బృందాలు తమ నైపుణ్యాన్ని ప్రదర్శించారు.

రాయగడ: జిల్లాలోని చందిలి పోలీస్‌ స్టేషన్‌ పరిధిలోని కొమట్లపేట హనుమాన్‌ నగర్‌లో నివసిస్తున్న ప్రత్యేక పబ్లిక్‌ ప్రాసిక్యూటర్‌ సురేంద్ర కుమార్‌ శర్మ ఇంట్లో జరిగిన చోరీ కేసును పోలీసులు చేధించారు. ఈ ఘటనకు సంబంధించి ఇద్దరు నిందితులను అరెస్టు చేశారు. వారి నుంచి 70.620 గ్రాముల బంగారు ఆభరణాలు, 356.670 గ్రాములు వెండి ఆభరణాలను స్వాధీనం చేసుకున్నారు. ఈ మేరకు చందిలి పోలీసులు వివరాలను వెల్లడించారు. అక్టోబరు 16వ తేదీ అర్ధ రాత్రి సమయంలో కొందరు దుండగులు ప్రత్యేక పబ్లిక్‌ ప్రాసిక్యూటర్‌ సురేంద్ర కుమార్‌ శర్మ నివాసంలోకి తలుపులు పగులగొట్టి ప్రవేశించారు. అనంతరం ఇంట్లోని అల్మారాలో భద్రపరిచిన బంగారం, వెండి ఆభరణాలతోపాటు రూ.2.50 లక్షల నగదును అపహరించారు. ఈ ఘటనపై బాధితుడు చందిలి పోలీస్‌ స్టేషన్‌లో ఫిర్యాదు చేశారు. కేసు నమోదు చేసిన పోలీసులు దర్యాప్తు ప్రారంభించారు. సైంటిఫిక్‌ బృందం సహకారంతో దర్యాప్తు చేపట్టిన పోలీసులు ముందుగా జగన్నాథ కడ్రక అనే వ్యక్తిని అదుపులోకి తీసుకున్నారు. అతడిని విచారించిగా లభించిన సమాచారం మేరకు మరో నిందితుడు హేమంత్‌ పాలకను కూడా పోలీసులు అరెస్టు చేశారు. అరెస్టయిన ఇద్దరు నిందితులు జేకేపూర్‌ భటిపొడ ప్రాంతానికి చెందిన వారుగా పోలీసులు గుర్తించారు. ఎస్‌డీపీఓ గౌరహరి సాహు, చందిలి ఐఐసీ ఉత్తమ్‌ కుమార్‌ సాహు ఈ వివరాలను వెల్లడించారు.

మల్కన్‌గిరి : మల్కన్‌గిరి జిల్లా కోరుకొండ సమితి తర్లకొట్ట పంచాయతీ సోమనాథ్‌పూర్‌ గ్రామం వద్ద ఆదివారం రాత్రి స్కూటీ–ట్రాక్టర్‌ ఢీకొని ఇద్దరు మృతి చెందగా ఒకరికి గాయాలయ్యాయి. వివరాలు ఇలా ఉన్నాయి. దీపావళి సందర్భంగా కుం ఖోరా తన మేనల్లుడు రాజ్‌ ఖీలో మరో యువకుడు రాజేష్‌ ముగ్గరు కుడుముల గూమ్మ వెళ్లి తిరిగి వస్తున్నారు. అయితే ఆదివారం రాత్రి ఇసుక లోడ్‌తో వస్తున్న ఓ ట్రాక్టర్‌ సోమనాథ్‌ పూర్‌ పాఠశాల మలుపు వద్ద బలంగా స్కూటీని ఢీకొట్టింది. ప్రమాదంలో రాజ్‌ ఖిలో(18)తో పాటు సోమవారం ఉదయం చికిత్స పోందుతూ కుం ఖోరా(51) మృతి చెందాడు. రాజేష్‌ను మల్కన్‌గిరి నుంచి కొరాపుట్‌ తరలించారు. బలిమెల పోలీసులు కేసు నమోదు చేశారు. ఐఐసీ రీగాన్‌కీండో సంఘటన స్థలానికి చేరుకుని దర్యాప్తు చేశారు.

జయపురం: రైతుల ఆదాయం వృద్ధి పరచి స్వావలంబన సాధించే లక్ష్యంతో జయపురంలో మత్య్స విభాగ ఆధ్వర్యంలో సమితి వ్యవసాయ శాఖ వారు వరి– మత్య్స పంటల సాగుపై సోమవారం ఒకోరోజు వర్క్‌షాపును నిర్వహించారు. వర్క్‌షాపులో జయపురం సబ్‌డివిజన్‌ కొట్‌పాడ్‌, జయపురం, బొరిగుమ్మ రైతులలో వరి పంటతో పాటు చేపల పెంపకం ద్వారా ఎలా అధిక లబ్ధి పొందగలరో అధికారులు రైతులకు ప్రత్యేకంగా వివరించారు. వర్క్‌షాపులో జయపురం, బొరిగుమ్మ, కొట్‌పాడ్‌ సమితిల నుంచి వందకు పైగా రైతులు పాల్గొన్నారు. ప్రభుత్వ మత్స్య అధికారులు, జూనియర్‌ మత్స్య సాంకేతిక సహాయ అధికారులు పాల్గొని వరి పంటతో పాటు చేపలు ఎలా పెంచాలన్నది రైతులకు వివరించారు. కటక్‌ సెంట్రల్‌ వరి పరిశోధన సంస్థ ప్రధాన సైంటిస్టు డాక్టర్‌ అనిపూణమ్‌ వరి ఉత్పత్తిను 57 శాతం నుంచి 61 శాతానికి పెంచేందుకు శాసీ్త్రయ, సాంకేతిక పద్ధతులను రైతులకు వివరించారు. క్లస్టర్‌ అప్రోచ్‌ ద్వారా సామూహిక చేపల సాగు క్షేత్రాలు ఏర్పాటు చేయాలని మత్య్స విభాగ అధికారులు రైతులకు సూచించారు. వరి పంటలో చేపలు పండించే విధానం, వాటిని నిర్వహించే పద్ధతులు, యాజమాన్యం మొదలగు విషయాలను వారు రైతులకు వివరించారు.

రాయగడ: ప్రజలకు ఇంటి పట్టాలు మంజూరు చేయడానికి రెవెన్యూ ఇన్‌స్పెక్టర్‌ నుంచి తహసీల్దార్‌ వరకు కార్యాలయాల చుట్టూ తిరగాల్సిన పరిస్థితి ఉంటుంది. అయితే ప్రజలకు పట్టాలు అందించే అధికారుల కార్యాలయాలకే సొంత పట్టా లేకపోవడం ఆశ్చర్యకరంగా మారింది. వినడానికి విచిత్రంగా ఉన్నప్పటికీ రాయగడ జిల్లాలో ఇదే వాస్తవ పరిస్థితి అని సమాచారం. జిల్లాలో వివిధ రకాల రెవెర్యూ వసూళ్లు నిర్వహిస్తూ, కులమతాలకు అతీతంగా ప్రజలకు తమ సంతకాలతో పట్టాలు మంజూరు చేస్తున్న తహసీల్దార్ల కార్యాలయాల పేర్లపై ఇప్పటివరకు ప్రత్యేక పట్టాలు లేవని తెలుస్తోంది. రాయగడ జిల్లాలో ప్రస్తుతం 11 తహసీల్దార్‌ కార్యాలయాలు ఉండగా 80కి పైగా రెవెన్యూ ఇన్‌స్పెక్టర్ల కార్యాలయాలకు కూడా సొంత పట్టాలు లేవని సమాచారం. అదేవిధంగా జిల్లాలో వివిధ ప్రాంతాల్లో ఉన్న రెవెర్యూ బంగ్లాలకు సైతం రెవెన్యూ శాఖ పేరుతో పట్టాలు లేవని తెలుస్తోంది. ప్రభుత్వ ఖాతాలోనే కార్యాలయ భూములు జిల్లాలోని రవెన్యూ శాఖ కార్యాలయాల భూములు ప్రభుత్వ ఖాతాలో ఉన్నట్లు సమాచారం. ఒక శాఖలకు చెందిన భవనం నిర్ధిష్ట ప్రాంతంలో ప్రభుత్వ స్థలంలో కొనసాగుతున్నప్పుడు ఆ భూమిని సంబంధిత శాఖ పేరుతో పట్టా చేయించుకునే అవకాశం ఉందని, ఇందుకోసం శాఖ అధికారులు ప్రయత్నాలు చేయాల్సి ఉంటుందని నిపుణులు అభిప్రాయపడుతున్నారు. దశాబ్దాలుగా కొనసాగుతున్న తహసీల్దార్‌, రెవెన్యూ ఇన్‌స్పెక్టర్‌ కార్యాలయాలకు ఇప్పటికీ ప్రత్యేక పట్టాలు లేకపోవడం విశ్వసనీయంగా లేదని పలువురు అభిప్రాయపడుతున్నారు. పాఠశాలలకు వస్తే.. రెవెన్యూ కార్యాలయాలకు ఎందుకు రాదు! గత కొన్నేళ్లుగా ప్రభుత్వ పాఠశాలల భూములను ఆయా పాఠశాలల పేర్లతో పట్టా చేసే ప్రక్రియ కొనసాగుతుంది. అదే విధంగా తహసీల్దార్‌ కార్యాలయ భవనాలను కూడా సంబంధిత కార్యాలయాల పేర్లతో పట్టా చేయించుకొవచ్చని సీనియర్‌ న్యాయవాదుల అభిప్రాయం. ప్రభుత్వ కార్యాలయాల భూములు సంబంధిత శాఖల పేర్లతో పట్టా ఉండే, ప్రభుత్వ ఆస్తుల పరిరక్షణపై ఉద్యోగులు మరింత బాధ్యతగా వ్యవహరిస్తారని న్యాయవాదులు అభిప్రాయపడుతున్నారు. చర్యలు తీసుకుంటాం: జిల్లా అదనపు కలెక్టర్‌ ఈ విషయంపై జిల్లా అదనపు కలక్టర్‌ (రెవెన్యూ) నిహార్‌ రంజన్‌ కుహోరొను ప్రశ్నించగా.. నిజంగా తహసీల్దార్‌, రెవెన్యూ ఇన్‌స్పెక్టర్‌ కార్యాలయాలకు పట్టాలు లేకపోతే సంబంధిత తహసీల్దార్లు స్వయంగా చర్యలు తీసుకోవచ్చని తెలిపారు. ప్రస్తుతం ప్రభుత్వ పాఠశాలలు, ల్యాంప్స్‌ సంస్థలకు సంబంధించి ప్రత్యేక డ్రైవ్‌ నిర్వహించి, ఆయా సంస్థల పేర్లతో పట్టాలు కల్పించే ప్రక్రియ చేపట్టామని వెల్లడించారు. తహసీల్దార్‌ కార్యాలయాలు, రెవెన్యూ ఇన్‌స్పెక్టర్‌ కార్యాలయాలకు పట్టాలు లేని విషయం గుర్తిస్తే, దీనిపై పరిపాలనపరంగా చర్యలు తీసుకుంటామని ఆయన స్పష్టం చేశారు. మిషన్‌ మోడల్‌ పట్టాల ప్రక్రియ చేపట్టాలి.. రాయగడ జిల్లాలోనే కాకుండా ఇతర జిల్లాల్లో కూడా ఇలాంటి పరిస్థితి ఉన్నట్లు సమాచారం ప్రభుత్వం మిషన్‌ మోడల్‌లో ప్రత్యేక కార్యక్రమం చేపట్టి ఈ కార్యాలయాలకు పట్టాలు కల్పిస్తే, బ్రిటీష్‌ పాలన కాలం నుంచి కొనసాగుతున్న ప్రభుత్వ కార్యాలయాలు భూములకు కూడా పట్టాలు పొందే అవకాశం ఉంటుందని న్యాయవాదులు పేర్కొంటున్నారు. ప్రభుత్వ ఆస్తుల పరిరక్షణ, కార్యాలయాల భూముల హక్కుల స్పష్టత కోసం ఈ ప్రక్రియను వేగవంతం చేయాల్సిన అవసరం ఉందని పలువురు అభిప్రాయపడుతున్నారు.

జయపురం: వివాదాస్పద కొఠియా ప్రాంతంలో ఆంధ్రప్రదేశ్‌ పంచాయతీ ఎన్నికలు నిర్వహించడంతో వివాదం ముదిరింది. ఈ విషయంలో జయపురం ఎమ్మెల్యే తారాప్రసాద్‌ బాహిణీపతి తీవ్రంగా ధ్వజమెత్తారు. ఆదివారం జయపురంలోని తన నివాసంలో మీడియాతో మాట్లాడారు. ఆంధ్ర ప్రదేశ్‌ ప్రభుత్వ తీరుపై విమర్శలు చేశారు. ఈ ఎన్నికల్లో పెద్ద ఎత్తున అక్రమాలు జరిగాయని మండిపడ్డారు. ఓటు వెయ్యడానికి వెళ్లని వారు ఓట్లు సైతం పడ్డాయని తెలిపారు. దీన్ని ఓట్‌ చోరీగా అభివర్ణించారు. అంతే కాకుండా మధ్యాహ్నం 2 నుంచి 5 గంటల వరకు పోలీసులే ఓట్లు వేశారని ఆరోపించారు. ఎన్నికల పారదర్శకతపై ఆయన ప్రశ్నలు లేవనెత్తుతూ కొఠియా ప్రాంతంలో ఎవరెవరు ఓటేశారో దాని సీసీ టీవీ దృశ్యాలను బహిర్గతం చేయాలని ఆయన డిమాండ్‌ చేశారు. దీనిపై సీబీఐ దర్యాప్తు నిర్వహించాలని డిమాండ్‌ చేశారు.

నరసన్నపేట: స్కూల్‌ గేమ్స్‌లో భాగంగా జాతీయ స్థాయిలో డిల్లీలో జరగనున్న గట్కా పోటీలకు నరసన్నపేట పీఎంశ్రీ స్కూల్‌ విద్యార్థులు పి.ధనలక్ష్మి, జి.హారికలు ఎంపికయ్యారు. రాష్ట్రస్థాయిలో అక్టోబర్‌ నెలలో జరిగిన పోటీల్లో వీరు ప్రతిభ చూపి బంగారు పతకం సాధించడంతో జాతీయ స్థాయికి ఎంపిక చేశారని స్కూల్‌ హెచ్‌ఎం టి.రూపవతి తెలిపారు. జాతీయ స్థాయి పోటీల్లో వీరు ప్రతిభ చూపి జిల్లాకు, రాష్ట్రానికి మంచి పేరుతీసుకురావాలని స్కూల్‌ సిబ్బంది ఆకాంక్షిస్తున్నారు. కాగా ఈ విద్యార్థులను స్కూల్‌ ఉపాధ్యాయులు సోమవారం అభినందించారు. ముగ్గురు యువకులపై ఎన్డీపీఎస్‌ యాక్ట్‌ శ్రీకాకుళం క్రైమ్‌: జిల్లాకు చెందిన ముగ్గురు యువకులపై మాదక ద్రవ్యాలు, మానసిక ఉత్తేజిత పదార్థాల అక్రమ రవాణా నిరోధక చట్టం (పీఐటీ ఎన్డీపీఎస్‌ యాక్ట్‌) నమోదైంది. ఈ మేరకు సోమవారం రాష్ట్ర రెవెన్యూ (ఎకై ్సజ్‌) శాఖ ఉత్తర్వులు జారీ చేసింది. శ్రీకాకుళం రూరల్‌ మండలం భైరివానిపేటకు చెందిన బగ్గు నవీ , సారవకోట మండలం అలుదు సొంత గ్రామం, ప్రస్తుతం పాతపట్నంలో నివసిస్తున్న సగిపల్లి పవన్‌ అలియాస్‌ రోషన్‌ అలియాస్‌ రోష్‌, టెక్కలి ఆది ఆంధ్రావీధికి చెందిన చిత్తా ఎర్రయ్య అలియాస్‌ పుష్పరాజ్‌ అలియాస్‌ రాజ్‌పై ఈ యాక్ట్‌ నమోదు చేసినట్లు ఉత్తర్వుల్లో ఉన్నాయి. వీరు ముగ్గురూ గంజాయిని అక్రమంగా రవాణా చేసి విక్రయిస్తున్నట్లు ఎస్పీ కేవీ మహేశ్వరరెడ్డి తమ విచారణలో తెలుసుకుని, ఇటీవల పైఅధికారులకు నివేదిక పంపించారు. దీంతో సంబంధిత రాష్ట్ర రెవెన్యూ (ఎకై ్సజ్‌) శాఖ ప్రిన్సిపల్‌ సెక్రటరీ ముఖేష్‌కుమార్‌ మీనా ముగ్గురు యువకులను తక్షణమే అదుపులోకి తీసుకుని విశాఖ జైలుకు తరలించాలని ఎస్పీకి ఆదేశిస్తూ ఉత్తర్వుల్లో పేర్కొన్నారు. అదుపుతప్పి బోల్తాపడిన కారు టెక్కలి రూరల్‌: మండలంలోని బొప్పాయిపురం గ్రామ సమీప జాతీయ రహదారిపై సోమవారం సాయంత్రం ఒక కారు అదుపుతప్పి బోల్తాపడింది. శ్రీకాకుళం నుంచి పలాస వైపు వెళ్తున్న ఈ కారు బొప్పాయిపురం సమీపంలో.. కారు డ్రైవర్‌ నిద్రమత్తులోకి జారుకోవడంతో ఒక్కసారిగా అదుపు తప్పి బోల్తాపడి సమీపంలోని చెట్టును ఢీకొంది. అయితే ఈ ప్రమాదంలో కారులోని ఉన్నవారికి ఎటువంటి గాయాలు అవ్వలేదు. విషయం తెలుసుకున్న హైవే సిబ్బంది సంఘటన స్థలానికి చేరుకొని పోలీసులకు సమాచారం అందించారు. శ్రీకాకుళం న్యూకాలనీ: జిల్లాకు చెందిన పిల్లా సునీల్‌ సత్తాచాటాడు. గత కొన్నేళ్లగా ఫెన్సింగ్‌ క్రీడలో అత్యద్భుతంగా రాణించి రాష్ట్ర, జాతీయస్థాయిలో మెరుస్తూ వచ్చిన పిల్లా సునీల్‌ గొప్ప అవకాశాన్ని అందిపుచ్చుకున్నాడు. ఈ యువ సంచలనానికి స్పోర్ట్స్‌ కోటాలో రాజమహేంద్రవరంలోని అగ్రికల్చర్‌ కళాశాలలో ఏజీబీఎస్సీ సీటు దక్కింది. తాజాగా 2026–27 విద్యా సంవత్సరానికి సంబందించి సీట్ల కేటాయింపు జాబితాను ఆచార్య ఎన్‌.జి.రంగా వ్యవసాయ విశ్వవిద్యాలయం ప్రకటించగా.. అందులో సునీల్‌ సీటు దక్కించుకున్నాడు. జిల్లాలోని ఎల్‌.ఎన్‌.పేట మండలం పొడుగుపాడు గ్రామానికి చెందిన సునీల్‌ గత కొన్నేళ్లుగా ఫెన్సింగ్‌ క్రీడలో శ్రీకాకుళంలోని టౌన్‌ హాల్‌ కేంద్రంగా జిల్లా ఫెన్సింగ్‌ అసోసియేషన్‌ ఆధ్వర్యంలో ఎన్‌ఐఎస్‌ కోచ్‌ జోగిపాటి వంశీ శిక్షణలో సత్తాచాటుతున్నాడు. ఫెన్సింగ్‌ అసోసియేషన్‌ ఆధ్వర్యంలోనే కాకుండా స్కూల్‌ గేమ్స్‌ ఫెడరేషన్‌ ఆధ్వర్యంలో నిర్వహించిన జిల్లా, రాష్ట్రస్థాయి పోటీల్లో సైతం సునీల్‌ పాల్గొని రాణించాడు. సునీల్‌ తండ్రి నాగేశ్వరరావు వ్యవసాయమే వృత్తిగా జీవనం సాగిస్తున్నారు. 10వ తరగతి వరకు కరవలస జిల్లా పరిషత్‌ హైస్కూల్‌ చదువుకోగా, ఇంటర్మీడియట్‌ శ్రీకాకుళంలోని గ్లోబల్‌ కళాశాలలో చదువుకున్నాడు. సునీల్‌కి అవకాశం లభించడంపై శ్రీకాకుళం జిల్లా ఫెన్సింగ్‌ అసోసియేషన్‌ జిల్లా అధ్యక్షుడు బలభద్రుని రాజా, ప్రధాన కార్యదర్శి, ఎన్‌ఐఎస్‌ కోచ్‌ జోగిపాటి వంశీ, ఆంధ్రప్రదేశ్‌ తైక్వాండో అసోసియేషన్‌ ఉపాధ్యక్షుడు తైక్వాండో శ్రీను తదితరులు అభినందనలు తెలిపారు. ఎంపికై న విద్యార్థులతో ఉపాధ్యాయ బృందం

పర్లాకిమిడి: కార్తీక సోమవారం సందర్భంగా స్థానిక జగన్నాథ మందిరంలో జగన్నాథుడు, బలభద్ర, సుభద్రలు ప్రత్యేక అలంకరణలతో భక్తులకు దర్శనం కల్పించారు. ఒడియా వారికి ఇది మూడో సోమవారం, ప్రవాసాంధ్రులు నేటి నుంచి తోలి సోమవారం నిర్వహించుకుంటున్నారు. పట్టణంలో గోపీశ్వర ఆలయం, పోడుగు కోవెల, ఎండల మల్లికార్జున ఆలయం, రామసాగరంలో రామలింగేశ్వర ఆలయం, ఏకాంబరీశ్వర, బలుంకేశ్వర ఆలయాలు కార్తీక మాసం సందర్భంగా భక్తులతో కిటకిటలాడాయి. మా శ్యామకాళీ ఉత్సవాలు ప్రారంభం పర్లాకిమిడి: పట్టణంలో నెహ్రూ జంక్షన్‌ వద్ద అమావాస్య రాత్రి మా శ్యామకాళీ ఉత్సవాలను ఆదివారం ప్రారంభించారు. దీపావళి నుంచి పదకోండు రోజులపాటు నిర్వహించే మా శ్యామకాళీ ఉత్సవాలు పర్లాకిమిడిలో గత 30 ఏళ్లుగా శ్యామకాళీ కమిటీ నిర్వహిస్తున్నట్టు భరత్‌ భూషన్‌ మహంతి తెలియజేశారు. ప్రతిరోజూ అమ్మవారికి రాత్రిపూట పూజలు, సంస్కృతిక కార్యక్రమాలు ఉంటాయని కార్యదర్శి సనోజ్‌పట్నాయక్‌ తెలియజేశారు. ఆర్థిక సహాయం అందజేత పర్లాకిమిడి: గుమ్మాబ్లాక్‌ కార్యాలయంలో సోమవారం గ్రీవెన్సుసెల్‌కు అధిక స్పందన లభించింది. గుమ్మాబ్లాక్‌లో సెరంగో, అజయగడ, నమ్మన గుడ గ్రామ పంచాయతీల నుంచి మొత్తం 31 వినతులు అందాయి. వాటిలో కొన్నింటిని జిల్లా కలెక్టర్‌ అక్షయసునీల్‌ అగర్వాల్‌ పరిష్కరించారు. జిల్లా సామాజిక సురక్షా, దివ్యాంగల స్వశక్తీకరణ విభాగం తరఫున ఇద్దరికి రూ. 20 వేల చొప్పున ఆర్థిక సహాయాన్ని కలెక్టర్‌ అగర్వాల్‌ అందజేశారు. కొందరికి ఇళ్ల పట్టాల ఆర్‌.ఓ.ఆర్‌లను అందజేశారు. అనేకమంది నెలసరి వృద్ధాప్య పింఛను, రేషన్‌ కార్డుల కోసం కలెక్టర్‌ను అభ్యర్థిచారు. నేటి గ్రీవెన్స్‌కు జిల్లా పరిషత్‌ సీడీవో దయామయ పాఢి, సబ్‌కలెక్టర్‌ భగత్‌ సామల్‌ కళ్యాణ్‌ రావ్‌, గుమ్మాబ్లాక్‌ చైర్మన్‌ సునేమీ మండళ్‌, బీడీవో దులారాం మరాండీ పాల్గొన్నారు.

పర్లాకిమిడి: గుసాని సమితి ఉప్పలాడ గ్రామంలో జాతీయ న్యాయసేవల దినోత్సవం సందర్భంగా జిల్లా జడ్జి, జిల్లా న్యాయసేవా ప్రాధికరణ అధ్యక్షుడు జగదీష్‌ ప్రసాద్‌ మహంతి ర్యాలీని టాగోర్‌ మెమొరియల్‌ ఉన్నత పాఠశాల నుంచి ప్రారంభించారు. జాతీయ న్యాయసేవల దినోత్సవం సందర్భంగా ఉచిత న్యాయసేవలపై అవగాహన, దాని ప్రాముఖ్యత, బాలకార్మికుల వ్యవస్థ నిర్మూలనపై జిల్లా జడ్జి జగదీష్‌ ప్రసాద్‌ మహంతి మాట్లాడారు. విద్యార్థులు బాలకార్మికుల వ్యవస్థపై ఒక రూపకం ప్రదర్శించారు. న్యాయసేవలు, బాలకార్మికుల నిర్మూలనపై నిర్వహించిన పోటీల్లో విజయం సాధించిన విద్యార్థులకు బహుమతులను జిల్లా జడ్జి చేతుల మీదుగా అందజేశారు. ఈ కార్యక్రమంలో జిల్లా న్యాయసేవల ప్రాధికరణ కార్యదర్శి బిమల్‌ రౌళో, క్యాడర్‌ పబ్లిక్‌ ప్రాసిక్యూటర్‌ రాజేష్‌ కుమార్‌ మిశ్రా, అదనపు పబ్లిక్‌ ప్రాసిక్యూటర్‌ మండళ లోకనాథం, లింగరాజ్‌ పాణిగ్రాహి మాట్లాడారు. ప్రధాన ఉపాధ్యాయులు వై.ధర్మారావు ధన్యవాదాలు తెలియజేశారు.

జయపురం: కొరాపుట్‌ జిల్లా న్యాయ సేవా ప్రదీకరణ జయపురం వారు జాతీయ న్యాయ సేవా దినోత్సవాన్ని సోమవారం నిర్వహించారు. న్యాయ సేవా ప్రదీకరణ జిల్లా అధ్యక్షుడు, జిల్లా జడ్జి ప్రదీప్‌ కుమార్‌ మహంతి అధ్యక్షతన న్యాయ సేవా ప్రదీకరణ సభాగృహంలో జరిగిన ఈ కార్యక్రమంలో జిల్లా జడ్జి ప్రసంగిస్తూ కోర్టులో విచారణలో ఉన్న కేసులు ప్రీ–లిటిగేషన్‌ కేసులు మధ్యవర్తుల ద్వారా లేక కోర్టుల ద్వారా పరిష్కరించటం, శిక్షణ పొందిన న్యాయవాదులు పారా లీగల్‌ వలంటీర్ల పాత్ర, ఉచిత న్యాయ సహాయం, తదితర అంశాలపై ప్రసంగించారు. కార్యక్రమంలో విజిలెన్స్‌ జడ్జి మానస కుమార్‌ పండ, ఫ్యామిలీ జడ్జి నిశీత్‌ నిశంక, సిజేఎం ఎస్‌.శుభలక్ష్మీ, సీనియర్‌ సివిల్‌ జడ్జి స్వయం ప్రకాశ దాస్‌ తదితర విభాగాల న్యాయమూర్తులు ప్రసంగించారు. ఈ సందర్భంగా జిల్లా కోర్టు ఆవరణలో జిల్లా జడ్జి పచ్చ జెండా ఊపి ర్యాలీని ప్రారంభించారు.

రాయగడ: జిల్లాలోని బిసంకటక్‌ సమితి సద్భావన మందిరంలో సోమవారం ప్రజా ఫిర్యాదుల పరిష్కార శిబిరాన్ని నిర్వహించారు. జిల్లా కలెక్టర్‌ అశుతోష్‌ కులకర్ణి అధ్యక్షతన జరిగిన శిబిరంలో ఎస్పీ రాజ్‌ప్రసాద్‌, జిల్లా పరిషత్‌ ముఖ్య కార్యనిర్వాహక అధికారి అక్షయ కుమార్‌ ఖెముండో, గుణుపూర్‌ సబ్‌ కలెక్టర్‌ దుదూల్‌ అభిషేక్‌ దిల్లిప్‌, జిల్లా ముఖ్యవైద్యాధికారి విశ్వంబర్‌ బెహర, గుణుపూర్‌ సమగ్ర గిరిజనాభివృద్ధి సంస్థ ప్రాజెక్టు అడ్మినిస్ట్రేటర్‌ అజయ్‌ కుమార్‌ ప్రదాన్‌, తహసీల్దార్‌ వెంకటేశ్వర్‌ రెడ్డి, బీడీవో శివప్రసాద్‌ పట్నాయక్‌ ఫిర్యాదులను స్వీకరించి విచారణ జరిపారు. ఈ శిబిరంలో మొత్తం 57 వినతులు అందాయి. వీటిలో 43 వ్యక్తిగత ఫిర్యాదులు, పది సామూహిక వినతిపత్రాలు ఉండగా మరో నాలుగు ఆరోగ్య సంబంధిత దరఖాస్తులు నమోదయ్యాయి. ప్రజలు తమ సమస్యలను నేరుగా జిల్లా ఉన్నతాధికారుల దృష్టికి తీసుకువచ్చి పరిష్కారం కొరారు. ఈ సందర్బంగా జిల్లా కలక్టర్‌ కులకర్ణి ముఖ్యమంత్రి సహాయ నిధి నుంచి 50 వేల రూపాయల చొప్పున ఆర్థిక సహాయం అందించారు. అలాగే ఏడు వినతులను అక్కడిక్కడే పరిష్కారం కల్పించారు. మిగిలిన దరఖాస్తులను స్వీకరించిన కలెక్టర్‌ సంబంధిత శాఖల అధికారులకు పంపించి వాటిపై సమగ్ర విచారణ జరిపి వెంటనే తగిన చర్యలు తీసుకోవాలని ఆదేశించారు.

మల్కన్‌గిరి: మల్కన్‌గిరి జిల్లా బలిమెల ఎన్‌ఏసీలో సోమవారం జిల్లా కలెక్టర్‌ ప్రధమేశ్‌ అర్వింద్‌ ఆధ్వర్యంలో నిర్వహించిన గ్రీవెన్స్‌సెల్‌కు 120 వినతులు అందాయి. వీటిని పరిశీలించిన అధికారులు కొన్ని వినతులను అక్కడికక్కడే పరిష్కరించారు. మిగిలిన వాటిని క్షుణ్ణంగా పరిశీలించి పరిష్కరించాలని కలెక్టర్‌ ప్రధమేశ్‌ ఆదేశించారు. అలాగే రెడ్‌క్రాస్‌ నిధుల నంచి పలువురికి ఆర్థిక సహాయం చేశారు. అలాగే కార్మికులకు ప్రభుత్వ సంక్షేమ ప్రయోజనాలు అందించేందుకు లేబర్‌ కార్డులను పంపిణీ చేశారు. ఈ గ్రీవెన్స్‌ శిబిరం వద్ద మోబైల్‌ కంటి వైద్య వాహనం ఏర్పాటు చేసి వృద్దులకు కంటి పరీక్షలు నిర్వహించి అవసరమైన వారికు కళ్లద్దాలు అందజేశారు. కార్యక్రమంలో జిల్లా ఎస్పీ వినోద్‌పటేల్‌, జిల్లా అటవీశాఖ అధికారి సాయికిరణ్‌, జిల్లా అభివృద్ధి శాఖ అధికారి దశరాథి సరాబు, జిల్లా సబ్‌ కలెక్టర్‌ దూర్యోధన్‌ బోయ్‌ పాల్గొన్నారు.

మల్కన్‌గిరి: మల్కన్‌గిరి కలెక్టర్‌ ప్రధమేశ్‌ దీపావళి సందర్భంగా ఓ ప్రత్యేక కార్యక్రమాన్ని చేపట్టారు. సమాజంలో నిరాదరణకు గురవుతున్న నిరుపేదలు, అనాథలు, వృద్ధులతో దీపావళి చేసుకోవాలని నిర్ణయించి జిల్లాలోని పలు అనాథాశ్రమాలకు, వృద్ధాశ్రమాలకు వెళ్లి ప్రత్యేకంగా దీపావళి వేడుకలు నిర్వహించారు. నాయక్‌గూడ గ్రామం వద్ద ఉన్న స్వాతంత్య్ర సమరయోధుడు ఎరమాబాక జిల్లా ప్రత్యేక పాఠశాలకు వెళ్లి అక్కడ 84 మంది విద్యార్థులకు స్వీట్లు పంపిణీ చేసి మందుగుండు సామాన్లు ఇచ్చారు. జిల్లా అదనపు కలెక్టర్‌ సోమనాథ్‌ ప్రధాన్‌ కూడా వృద్ధాశ్రమానికి వెళ్లి వృద్ధులతో దీపావళి జరుపుకున్నారు. అలాగే జిల్లా కేంద్రంలోని పరివర్తన్‌ అనాథాశ్రమంలో జిల్లా అదనపు కలెక్టర్‌ వేద్బర్‌ ప్రధాన్‌ తోపాటు ఇతర అధికారులు వెళ్లి చిన్నారులతో దీపావళి నిర్వహించారు.

మల్కన్‌గిరి: మల్కన్‌గిరి జిల్లా కలిమెల సమితి గాగిరిమెట్ల గ్రామ సమీపంలోని అడవిలో అక్రమంగా రవాణా చేసేందుకు ఉంచిన గంజాయిని కలిమెల పోలీసులు ఆదివారం పట్టుకున్నారు. పోలీసుల సమాచారం ప్రకారం.. ముందస్తు సమాచారం మేరకు ఆదివారం రాత్రి దాడి చేసినట్లు ఐఐసీ దేబదత్త బిశ్వల్‌ తెలిపారు. పోలీసుల రాకను గమనించిన గంజాయి మాఫీయా సభ్యులు పారారై, గంజాయి బస్తాలను విడిచిపెట్టారు. గంజాయి బస్తాలను పోలీసులు స్వాధీనం చేసుకున్నారు. సోమవారం ఐఐసీ ప్రభుదత్త బిశ్వల్‌, తహసీల్దార్‌ సమక్షంలో తూకం వేశారు. పట్టుబడిన గంజాయి 1,325 కిలోలు ఉందని, దీని విలువ రూ.90 లక్షల వరకు ఉంటుందన్నారు. ఈ గంజాయి ఎవరికి చెందిందో తెలుసుకోవాలని ఐసీసీ ఆదేశించారు. పోలీసులు దర్యాప్తు చేస్తున్నారు. రోడ్డు ప్రమాదంలో వలస కూలి మృతి మల్కన్‌గిరి : మల్కన్‌గిరి జిల్లా కేంద్రం చాకలివీధికి చెందిన లింగరాజ్‌ శెట్టి (38) హైదరాబాద్‌లో శనివారం రాత్రి జరిగిన రోడ్డు ప్రమాదంలో మృతి చెందాడు. లింగరాజ్‌ గత 9 నెలలుగా హైదరాబాద్‌లోని ఓ కాంట్రాక్టర్‌ వద్ద కూలి పనిచేస్తున్నాడు. తోటివారితో కలిసి అక్కడే ఉంటూ భార్యాపిల్లలకు డబ్బులు పంపించేవాడు. దీపావళికి ఇంటికి వద్దామని బస్టాండ్‌కు వెళ్తుండగా పికప్‌ వ్యాన్‌ ఢీకొని మృతి చెందాడు. మరో ఇద్దరు గాయపడ్డారు. వారు కూడా మల్కన్‌గిరికి చెందిన వారే. లింగరాజ్‌ మృతదేహన్ని తోటి కూలీలు సోమవారం ఉదయం మల్కన్‌గిరికి తీసుకువచ్చి అంత్యక్రియలు చేశారు. మృతుడికి భార్య, ఇద్దరు పిల్లలు ఉన్నారు. ఎమ్మెల్యేల శాసన నైపుణ్యాలపై దృష్టి భువనేశ్వర్‌: ఒడిశా శాసన సభ సభ్యుల కోసం నవంబర్‌ 16న ప్రత్యేక అవగాహన, శిక్షణ కార్యక్రమం నిర్వహించనున్నారు. భారత ఉప రాష్ట్రపతి సీపీ రాధాకృష్ణన్‌ రెండు రోజుల ఒడిశా పర్యటనలో భాగంగా ఈ కార్యక్రమంలో పాల్గొని ప్రారంభ సెషన్‌ను ఉద్దేశించి ప్ర సంగించనున్నారు. ముఖ్యంగా శాసన సభ క మిటీల పనితీరు, వాటి బాధ్యతలు, ప్రభుత్వ శాఖల పనితీరుపై సమర్థమైన పర్యవేక్షణ, ప్రభుత్వ పథకాలు, నిర్ణయాల అమలును సమీక్షించే విధానాలపై ఎమ్మెల్యేలకు అవగాహన కల్పించనున్నారు. మూడు సెషన్లుగా కార్యక్రమం శాసన సభ స్పీకర్‌ సురమా పాఢి అధ్యక్షతన ఒకరోజు కార్యక్రమం మూడు సెషన్లుగా జరుగుతుంది. ప్రారంభ సెషన్‌లో గవర్నర్‌ బ్రజ్‌మోహన్‌ రామ్‌, ముఖ్యమంత్రి మోహన్‌ చరణ్‌ మాఝీ, ఉప రాష్ట్రపతి రాధాకృష్ణన్‌, స్పీకర్‌ పాల్గొంటారు. పార్లమెంటరీ వ్యవహారాల మంత్రి డాక్టరు ముఖేష్‌ మహాలింగ్‌ వెల్లడించిన వివరాల ప్రకారం, శాసన సభలో ప్రస్తుతం 35 పార్లమెంటరీ కమిటీలు ఉన్నాయి. వీటి పని తీరును మరింత బలోపేతం చేయడం, కమిటీలు చేసే సిఫారసులు, నిర్ణయాల అమలును సమర్థంగా పర్యవేక్షించేలా ఎమ్మెల్యేల నైపుణ్యాలను పెంపొందించడం ఈ కార్యక్రమంలో ప్రధానంగా చర్చించనున్నారు. బడ్జెట్‌ ప్రక్రియపైనా శిక్షణ తదుపరి బడ్జెట్‌ సమావేశాలను దృష్టిలో పె ట్టుకుని బడ్జెట్‌ ప్రక్రియ, శాఖలకు నిధుల కేటా యింపు, వ్యయ వివరాలు, బడ్జెట్‌ అంచనాలు, గ్రాంట్లు, శాఖల పనితీరును అంచనా వేసే విధానాలపై కూడా ప్రత్యేక శిక్షణ ఇవ్వనున్నా రు. ప్రశ్నోత్తరాల సమయంలో సమర్థంగా పాల్గొనడం, ప్రజా ప్రాధాన్యత ఉన్న అంశాలను సభలో ప్రస్తావించడం, వాస్తవ ఆధారాలతో నిర్మాణాత్మక చర్చలు నిర్వహించడం వంటి అంశాలపై మార్గదర్శకత్వం అందిస్తారు. ఇప్పటికే ఒకసారి ఓరియెంటేషన్‌ మోహన్‌ చరణ్‌ మాఝీ ప్రభుత్వం ఏర్పడిన తొలి దశలోనే, 2024 ఆగస్టు 17, 18 తేదీల్లో కొత్తగా ఎన్నికై న ఎమ్మెల్యేల కోసం రెండు రో జుల ఓరియెంటేషన్‌ కార్యక్రమం శాసన సభ ప్రాంగణంలో నిర్వహించిన విషయం గమ నార్హం. ఆ కార్యక్రమంలో సభా వ్యవహారాలు, నియమ నిబంధనలు, కమిటీల పనితీరు, బడ్జెట్‌ ప్రక్రియ, సభ్యుల హక్కులు, బాధ్యతలు తదితర అంశాలపై అవగాహన కల్పించారు. అందువల్ల నవంబర్‌ 16న జరగనున్న కార్యక్రమం గత ఓరియెంటేషన్‌కు కొనసాగింపుగా శాసనసభ్యుల శాసన నైపుణ్యాలు, కమి టీ వ్యవస్థ, బడ్జెట్‌ పర్యవేక్షణ సామర్థ్యాలను మరింత బలోపేతం చేసే కార్యక్రమంగా ప్రాధాన్యం సంతరించుకుంది. నవంబర్‌ 18 నుంచి డిసెంబర్‌ 31 వరకు శాసన సభ శీతా కాల సమావేశాలు జరగనున్న నేపథ్యంలో కార్యక్రమం ప్రాధాన్యతను సంతరించుకుంది.

కలెక్టర్‌ కార్యాలయానికి వెళ్తున్న కోరోణోసాయి గ్రామస్తులు పర్లాకిమిడి: జిల్లాలో రాయఘడ బ్లాక్‌ ఎస్‌.కోరడాసింగి పంచాయతీ కోరోణో సాయి గ్రామానికి గ్రామీణ రోడ్లు (ఆర్‌.డి.) శాఖ పక్కా రోడ్డు వేయాలని గ్రామస్తులు సోమవారం కలెక్టర్‌ కార్యాలయానికి వచ్చారు. గత ప్రభుత్వంలో మట్టి రోడ్డు ఉండేదని, ఇటీవల సంభవించిన అర్నాబ్‌ తుఫాన్‌కు ఉన్న రోడ్డు కూడా కొట్టుకుపోయిందని ప్రశాంత్‌ ప్రధాన్‌ తెలియజేశారు. ప్రస్తుతం గర్భిణులు, విద్యార్థులు పాఠశాలలకు వెళ్లాలంటే నరకయాతన అనుభవిస్తున్నామని గ్రామస్తులు తెలియజేశారు. వెంటనే అధికారులు తమ గ్రామానికి రోడ్డు వేయాలని ఏడీఎం ఫల్గుణి మఝికి వినతిపత్రాన్ని అందజేశారు.

భువనేశ్వర్‌: మూడు అంతస్తుల నివాస భవనంలో భారీ అగ్నిప్రమాదం సంభవించడంతో ఆరేళ్ల బాలుడు మృతి చెందగా, ఒక వృద్ధుడు తీవ్రంగా గాయపడ్డాడు. ఈ విచారకర సంఘటన కటక్‌ దర్గా బజార్‌ పోలీస్‌ స్టేషన్‌ పరిధిలోని హత్తి పొఖొరిలో సోమవారం తెల్లవారుజామున చోటు చేసుకుంది. కుటుంబం నిద్రపోతున్న సమయంలో ఈ ప్రమాదం జరిగింది. భవనం నుంచి దట్టమైన పొగ వెలువడటాన్ని స్థానికులు గమనించి అగ్నిమాపక విభాగానికి సమాచారం అందించారు. మంటలు అతి వేగంగా వ్యాపించి భవనం మొత్తాన్ని చుట్టుముట్టాయి. దీంతో లోపల ఉన్నవారు చిక్కుకుపోయారు. సహాయం కోసం కేకలు విన్న ఇరుగుపొరుగు వారు సంఘటనా స్థలానికి చేరుకుని సహాయక చర్యలు చేపట్టారు. ఈ అగ్ని ప్రమాదంలో బాలుడు తీవ్రంగా కాలిపోయాడు. అతడిని రక్షించి ఎస్‌సీబీ మెడికల్‌ కాలేజ్‌ అండ్‌ హాస్పిటల్‌కు తరలించారు. అక్కడ చికిత్స జరుగుతుండగా గాయాలతో బాలుడు మరణించాడు. ఈ ఘటనలో గాయపడిన వృద్ధుడు పరిస్థితి విషమంగా ఉండటంతో ఆమెను ఎస్‌సీబీ మెడికల్‌ ఎమర్జెన్సీ వార్డులో చేర్చారు. అగ్నిమాపక వాహనాలు సంఘటనా స్థలానికి చేరుకుని మంటలు నివారించాయి. సిబ్బంది భవనంలోకి ప్రవేశించి, లోపల చిక్కుకున్న ఇతరులను రక్షించారు. అగ్నిప్రమాదానికి కచ్చితమైన కారణం అస్పష్టంగా ఉంది. ఈ ఘటనపై పోలీసులు, అగ్నిమాపక అధికారులు దర్యాప్తు ప్రారంభించారు.

రాయగడ : జిల్లాలోని గుణుపూర్‌ పట్టణంలో ఉన్న ప్రాచీన రామలింగేశ్వర (బాఘువా) ఆలయంలో ఆరుదైన చారిత్రక శాసనంతో కూడిన శతాబ్దం నాటి లోహ నంది విగ్రహం వెలుగులోకి వచ్చింది. రాష్ట్రంలో ఇప్పటివరకు గుర్తించిన నంది వాహన శాసనాల్లో ఇది రెండోదిగా పరిశోధకులు పేర్కొంటున్నారు. గతంలో గజపతి జిల్లా పర్లాకిమిడి సమీపంలోని రామసాగర్‌ ఆలయంలో ఇలాంటి ఉత్సవ విగ్రహంపై ఒడియా శాసనం గుర్తించినట్లు చారిత్రక పరిశోధకులు వెల్లడించారు. 1926 లో సమర్పించిన నంది విగ్రహం రాయగడ ప్రాంతంలో పురావస్తు అవశేషాలు అన్వేషణ సందర్భంగా డాక్టర్‌ ప్రాణక్రిష్ణ పాణిగ్రహి, అక్షయ దాస్‌, అశోక్‌ రథ్‌ లు ఈ అరుదైన నంది వాహనాన్ని గుర్తించారు. దీనిపై ఉన్న శాసనాన్ని లిపి పరిశోధకుడు విష్ణు మోహన్‌ అధికారి చదివి వివరాలను వెల్లడించారు. ఆయన పరిశోధన ప్రకారం ఈ నంది విగ్రహాన్ని అక్షయ నామ సంవత్సర భాద్రపద శుక్ల దశమి శుక్రవారం అంటే 17 సెప్టెంబరు 1926 న గుణుపూర్‌ తాలూక ప్రజలు ఆలయానికి సమర్పించారు. ఈ విగ్రహాన్ని సత్యవాది సాహు నిర్మించినట్లు శాసనం ద్వారా తెలుస్తోంది. సుమారు 100 సంవత్సరాల చరిత్ర కలిగిన ఇలాంటి నంది వాహనం ఒడిశాలో ఆరుదుగా కనిపిస్తుందని పరిశోధకులు పేర్కొంటున్నారు. గంగరాజుల కాలం నాటి ఆలయంగా గుర్తింపు బాఘువా ఆలయం ముందు ఉన్న సింహ శిల్లాపు కళింగ శిల్పకళా సంప్రదాయంలో 8వ నుండి 10వ శతాబ్దాల మధ్య కనిపించే శైలిని పోలి ఉన్నాయని చరిత్రకారులు అభిప్రాయపడుతున్నారు. ఈ ఆధారాలతో ఆలయ నిర్మాణం కూడా అదే కాలంలో జరిగి ఉండవచ్చని అంచనా వేస్తున్నారు. ఆలయంలో తూర్పు గంగ రాజుల కాలానికి చెందిన సప్తమాతృకల విగ్రహాల శిఽధిలాలు, గర్భగుడిలో ఉన్న దుర్గాదేవి, గణేశ విగ్రహాలు ప్రత్యేక చారిత్రక ప్రాధాన్యత ను కలిగి ఉన్నాయి. ఇవి కళింగ నగరంలోని సొమేశ్వర ఆలయం, మధుకేశ్వర ఆలయంలోని గణేష విగ్రహాలు, ఇతర ప్రాచీన గంగ రాజుల కాలంనాటి శిల్పాలతో పొలికలు కలిగి ఉన్నట్లు పరిశోధకులు చెబుతున్నారు. ఆలయంలోని శివలింగం, యోనిపీఠం సమీపంలో ఉన్న దుర్గాదేవి విగ్రహం కూడా ఈ ఆలయం ప్రాచీన గంగ రాజుల కాలానికి చెందిన చారిత్రక కట్టడమనే విషయాన్ని సూచిస్తున్నాయని చరిత్రకారులు పేర్కొంటున్నారు. గుణుపూర్‌ ప్రాంతంలో వెలుగులోకి వస్తున్న చారిత్రక సంపద గుణుపూర్‌ ప్రాంతంలో గతంలోనూ గంగ రాజుల కాలానికి చెందిన పలు శాసనాలు వెలుగులోకి వచ్చాయి. ప్రాచీన కాాలం నుంచి ఆధునిక కాలం వరకు ఆలయానికి సంబంఽధించిన వివిధ అవశేషాలు ఈ ప్రాంత చారిత్రక ప్రాముఖ్యతను తెలియజేస్తున్నాయి. ఇటీవల గుణుపూర్‌ పట్టణంలోని బ్రాహ్మణ వీధిలో సుమారు 147 సంవత్సరాల పురాతన అరుదైన ఒడియా రాగి శాసనం కూడా గుర్తించారు. స్ధానిక రాజపురొహితులలుగా పేరొందిన అశోక్‌ రద్‌ , హృషికేష్‌ రథ్‌ల ఇంట్లో ఈ చారిత్రక రాగి ఫలకం అభించింది. గుణుపూర్‌ ప్రాంతం అపారమైన చారిత్రక, పురావస్తు సంపదకు నిలయంగా ఉందని, ఇంకా అనేక మరుగునపడిన చారిత్రక కట్టడాలు, వారసత్వ సంపద వెలుగులోకి వచ్చే అవకాశం ఉందని లిపి పరిశోధకులు విష్ణు మోహన్‌ అధికారి తెలిపారు. ఈ నేపథ్యంలో భాఘువా ఆలయం ,దాని పరిసరాల్లో పురావస్తు సంపదపై మరింత విస్తృతంగా పరిశోధనలు చేపట్టాల్సిన అవసరం ఉందని చారిత్రక అభిమానులు అభిప్రాయపడుతున్నారు. చారిత్రక నంది విగ్రహం

కొరాపుట్‌: కొరాపుట్‌ జిల్లాలో పెద్ద పులి సంచారంతో భయాందోళనలు వ్యక్తం అవుతున్నాయి. పెద్ద పులి వచ్చిందని అటవీ శాఖ అధికారులు ధ్రువీకరించారు. సునాబెడా టౌన్‌ షిప్‌లో పులి రాకని గుర్తించారు. సోమవారం వేకువ జామున దమంజోడి ప్రాంతంలో పులి గర్జనలు వినిపించాయని ప్రజలు పేర్కొన్నారు. దాంతో అటవీ శాఖ సిబ్బంది ఆ ప్రాంతం లో గాలింపులు చేస్తున్నారు. కొరాపుట్‌ జిల్లాలో తప్పని సరి పరిస్థితిలో మాత్రమే ప్రజలు అడవికి వెళ్లాలని అధికారులు ప్రకటించారు. రాత్రి పూట ఒంటరిగా బయట ప్రాంతాల్లో తిరగ వద్దన్నారు. ఇప్పటికే పులి కాలి అడుగు ముద్రలు, వెంట్రుకలు అటవీ సిబ్బంది గుర్తించారు. ఈ పులి రోజుకు 15 కిలో మీటర్ల దూరం ప్రయాణం చేస్తుందని పేర్కొన్నారు. ఇప్పటికే 4 గేదెలపై పులి దాడి చేసినట్లు చిత్రాలు విడుదల అయ్యాయి. పులి కదలికలు కోసం సీసీ కెమెరాలు, డ్రోన్‌లు వినియోగిస్తున్నారు. సోషల్‌ మీడియాలో వస్తున్న ప్రచారాలతో ప్రజలు భయకంపితులవుతున్నారు.

భగీరథి మండంగి హత్య కేసులో ..రాయగడ: జిల్లాలో సంచలనం సృష్టించిన ఆదివాసీ నాయకుడు భగీరధి మండంగి హత్య కేసులో కీలక పరిణామం చోటు చేసుకుంది. ఈ కేసులో రాజ్యసభ మాజీ ఎంపీ నెక్కంటి భాస్కరరావుతో పాటు మరో ముగ్గురు నిందితులు సొమవారం స్థానిక ఎస్‌డీజేఎం కోర్టులో లొంగిపొయారు. సుప్రీం కోర్టు ఆదేశాల మేరకు కోర్టులో హాజరైన వీరి బెయిల్‌ పిటీషన్‌లను న్యాయస్థానం తిరస్కరించడంతో నలుగురినీ రాయగడ ఉపకారాగారానికి తరలించారు. నెక్కంటితో పాటు ఇప్పిలి సన్యాసిరాజు, కె.కృష్ణారావు, పెద్దిన దిలీప్‌ కుమార్‌ కోర్టులో లొంగిపొయారు. ఎస్‌డీజేఎం కోర్టు బాధ్యతలు నిర్వహిస్తున్న న్యాయమూర్తి జ్యోతిర్మయి షడంగి ఈ కేసును విచారించి బెయిల్‌ మంజూరుకు నిరాకరించారు. దీంతో నలుగురు జైలుకు వెళ్లాల్సి వచ్చింది. ఈ కేసులో మరో నిందితుడు ఆదినారాయణ సొమవారం కోర్టులో లొంగిపోలేదు. మరో నిందితుడు వై.వెంకటేశ్వరరావు అలియాస్‌ కొండబాబు కొన్ని నెలల కిందట గుండెపోటుతో మరణించినట్లు సమాచారం. 2010 లో ఆదివాసీ నాయకుడి హత్య 2010 లో రాయగడకు చెందిన ఆదివాసీ నాయకుడు భగీరథి మండంగిని అపహరించి హత్య చేసిన ఘటన అప్పట్లో తీవ్ర సంచలనం సృష్టించింది. ఈ ఘటనపై 2010 డిసెంబర్‌ 23 న రాయగడ పోలీస్‌ స్టేషన్‌లో క్రైమ్‌ కేసు కింద నమోదైంది. తొలుత ఈ కేసును రాయగడ పోలీసులు దర్యాప్తు చేయగా, అనంతరం దర్యాప్తు బాధ్యతలను క్రైమ్‌ బ్రాంచ్‌కు అప్పగించారు. 2011 ఏప్రిల్‌ 5 న కటక్‌ సీఐడీ క్రైమ్‌ బ్రాంచ్‌ పోలీస్‌ స్టేషన్‌లో కేసు తిరిగి నమోదు చేశారు. క్రైమ్‌ బ్రాంచ్‌ దర్యాప్తు అనంతరం నిందితులందరూ కేసు నుంచి విముక్తి పొందారు. సుప్రీం కోర్టు ఆదేశాలతో కీలక మలుపు అయితే భగీరథి మండంగి సొదరుడు జగన్నాధ్‌ మండంగి ఈ వ్యవహారంపై రాయగడ ఎస్‌డీజేఎం కోర్టులో మరొ కేసు దాఖలు చేశారు. ఈ కేసు విచారణలో భాగంగా న్యాయస్థానం నిందితులందరీకీ నాన్‌బెయిలబుల్‌ వారెంట్లు జారీ చేసింది. అయితే నిందితులు హైకోర్టును ఆశ్రయించి ముందస్తు బెయిల్‌ మంజూరు పొందారు. హైకోర్టు మంజూరు చేసిన బెయిల్‌ను సవాలు చేస్తు జగన్నాథ్‌ మండంగి తరఫున సుప్రీం కోర్టులో పిటిషన్‌ దాఖలైంది. దీనిపై విచారణ చేపట్టిన సుప్రీంకోర్టు హైకోర్టు ఇచ్చిన బెయిల్‌ ఉత్తర్వులను రద్దు చేసింది. అంతేకాకుండా రెండు వారాల్లోగా నిందితులందరూ దిగువ కోర్టులో లొంగిపొవాలని ఆదేశించింది. ఈ ఆదేశాల మేరకు సొమవారం నెక్కంటితో సహా ముగ్గురు నిందితులు లొంగిపోయారు. కోర్టు బెయిల్‌ నిరాకరిచండంతో వారిని రాయగడ ఉపకారాగారానికి తరలించారు. కోర్టు వద్ద మద్దతుదారుల సందడి నెక్కంటి కోర్టులో లొంగిపోవడానికి వచ్చిన సమయంలో ఆయన మద్దతుదారులు పెద్ద సంఖ్యలో అక్కడికి చేరుకున్నారు. ఈ సందర్భంగా ఆయన తరఫు న్యాయవాదులు నవకుమార్‌ కంటా, మంగళమూర్తి బెవురియా మాట్లాడుతూ సుప్రీం కోర్టు ఆదేశాలను అనుసరించి నెక్కంటి కోర్టులో లొంగిపొయారని తెలిపారు. త్వరలోనే హైకోర్టును ఆశ్రయించి తదుపరి న్యాయపరమైన చర్యలు చేపడతామని వెల్లడించారు. దీంతో సుమారు 16 ఏళ్ల కిందట జరిగిన భగీరథి మండంగి హత్య కేసు మరోసారి రాయగడలో చర్చనీయాంశంగా మారింది.

భువనేశ్వర్‌: హైటెక్‌ మెడికల్‌ కాలేజీలో 22వ వైట్‌కోట్‌ – చరక్‌ శపథ కార్యక్రమం ఘనంగా జరిగింది. నూతనంగా ప్రవేశం పొందిన ప్రథమ సంవత్సరం ఎంబీబీఎస్‌ విద్యార్థులకు వైట్‌కోట్లు అందజేసి స్వాగతం పలికారు. వైద్య విద్యలోకి అడుగుపెట్టే ముందు విద్యార్థులతో చరక్‌ శపథం చేయించారు. ఈ సందర్భంగా హైటెక్‌ గ్రూప్‌ వ్యవస్థాపక అధ్యక్షుడు డాక్టర్‌ తిరుపతి పాణిగ్రాహి మాట్లాడుతూ.. జీవితంలో క్రమశిక్షణే అసలైన పెట్టుబడి అని అన్నారు. క్రమశిక్షణతో మెలిగే వ్యక్తి ఎలాంటి అసాధ్యాన్నైనా సాధ్యం చేయగలరని పేర్కొన్నారు. విద్యార్థులు హైటెక్‌లో క్రమశిక్షణతో కూడిన ప్రవర్తనను అలవర్చుకుంటే, వారిని మంచి వైద్యులుగా తీర్చిదిద్దే బాధ్యత సంస్థదేనని స్పష్టం చేశారు. వైద్య విద్యతో పాటు సేవాభావం అవసరం కార్యక్రమానికి ముఖ్య అతిథిగా ఒడిశా హైకోర్టు మాజీ న్యాయమూర్తి జస్టిస్‌ మదన్‌మోహన్‌ దాస్‌ హాజరయ్యారు. ముఖ్య వక్తగా పాల్గొన్న మాజీ ప్రభుత్వ ప్రధాన కార్యదర్శి అసిత్‌ కుమార్‌ త్రిపాఠి మాట్లాడుతూ.. విద్యార్థులు వైద్య విద్యపై దృష్టి సారించడంతో పాటు రోగులపై సేవాభావాన్ని పెంపొందించుకోవాలని సూచించారు. శపథం అనంతరం ప్రతి విద్యార్థి పవిత్రత, క్రమశిక్షణ, త్యాగం, సేవా భావంతో వైద్య వృత్తిలో ముందుకు సాగేందుకు ప్రేరణ పొందుతారని నిర్వాహకులు తెలిపారు. అనంతరం 2020–21 బ్యాచ్‌కు చెందిన 14 మంది ప్రతిభావంతులైన ఎంబీబీఎస్‌ విద్యార్థులతో పాటు వారి తల్లిదండ్రులను హైటెక్‌ యాజమాన్యం నగదు పురస్కారం, జ్ఞాపికలతో సత్కరించారు. కార్యక్రమంలో హైటెక్‌ గ్రూప్‌ మేనేజింగ్‌ ట్రస్టీ సురేష్‌ కుమార్‌ పాణిగ్రాహి, కార్యనిర్వాహక అధ్యక్షుడు రాకేష్‌ కుమార్‌ పాణిగ్రాహి, హైటెక్‌ మెడికల్‌ కాలేజీ అధ్యక్షుడు ప్రొఫెసర్‌ డాక్టర్‌ దేవానంద్‌ మహాపాత్రో, ఉపాధ్యక్షురాలు ప్రొఫెసర్‌ డాక్టర్‌ లిసా షఢంగి, మెడికల్‌ సూపరింటెండెంట్‌, పరిపాలనా డైరెక్టర్‌ ప్రొఫెసర్‌ డాక్టర్‌ సీతారామ్‌ మహాపాత్రో, డైరెక్టర్‌ ప్రొఫెసర్‌ డాక్టర్‌ రాధామాధవ్‌ త్రిపాఠి, డాక్టర్‌ గోపేశ్వర్‌ ఆచార్యతో పాటు వివిధ విభాగాల అధిపతులు పాల్గొన్నారు.

వెలిగే దీపం.. ● ఒడిశా దీపావళిలో ‘బొడొ బొడువా డక్కొ’ ప్రత్యేకత ● పితృ దేవతలకు ఆహ్వానం ● శ్రీమందిరంలోనూ ఘనంగా వేడుకలు భువనేశ్వర్‌: దీపావళి అంటే దేశవ్యాప్తంగా వెలుగుల పండుగ. ఇళ్లన్నీ దీపాలతో మెరిసిపోతాయి. లక్ష్మీ పూజలు జరుగుతాయి. బాణసంచా సందడి కనిపిస్తుంది. కానీ ఒడిశాలో దీపావళికి మరో లోతైన ఆధ్యాత్మిక, సాంస్కృతిక పరంపర ఉంది. అదే ‘బొడొ బొడువా డక్కొ’. పితృ దేవతలను తమ ఇంటికి ఆహ్వానించి, పూజించి, మహా ప్రసాదం సమర్పించి.. తిరిగి వారికి వెలుగు చూపిస్తూ వీడ్కోలు పలికే అపురూపమైన సంప్రదాయమిది. దీపావళి రోజున సాయంత్రం ఒడిశాలోని అనేక ఇళ్ల వద్ద కుటుంబ సభ్యులు కౌంరియా కఠొ (జనప పుడకలు) కట్టలను వెలిగిస్తారు. వాటిని చేతుల్లోకి తీసుకుని ఆకాశం వైపు ఎత్తుతూ సంప్రదాయబద్ధంగా పూర్వీకులను స్మరిస్తూ పిలుస్తారు. ఈ ఆచారంలో పితృ దేవతలు ఆరోజు తమ వారిని దర్శించేందుకు భూమికి వస్తారని విశ్వాసం. వారికి నైవేద్యాలు సమర్పించి, ఆశీర్వాదాలు పొందిన అనంతరం తిరిగి పరలోకానికి వెళ్లే మార్గాన్ని వెలుగుతో చూపిస్తున్నామనే భావన ఇందులో అంతర్లీనంగా ఉంది. చీకటిలో రండి.. వెలుగులో వెళ్లండి కౌంరియా కఠొలను వెలిగిస్తూ సామూహికంగా పలికే సంప్రదాయ పిలుపు ఈ ఆచారానికి ప్రాణం. దాని భావం సారాంశంగా –‘‘ఓ మా పూర్వీకులారా.. చీకటిలో రండి.. వెలుగులో వెళ్లండి.. మహా ప్రసాదాన్ని స్వీకరించి.. పూరీ జగన్నాథుడి బాయిసీ పహాంచొ (22 మెట్లు) ద్వారా మోక్షాన్ని పొందండి’’ అనే ప్రార్థన. ఇది కేవలం ఒక ఆచారం కాదు. పూర్వీకులపై గౌరవం, వారి జ్ఞాపకాలను సజీవంగా ఉంచే కుటుంబ బంధం, భగవంతుడి అనుగ్రహాన్ని కోరే ఆధ్యాత్మిక భావన. ఈ మూడింటి సమ్మేళనంగా ‘బొడొ బొడువా డక్కొ’ను ఒడియా ప్రజలు భావిస్తారు. దీపావళి సందర్భంగా ఇంటి ప్రాంగణాలను శుభ్రం చేసి, రంగవల్లులు వేస్తారు. కొన్ని ప్రాంతాల్లో కళింగ సముద్రయాన సంప్రదాయానికి ప్రతీకలైన ‘బొయితొ’ (పురాతన పడవ) ఆకారంలో ముగ్గులు వేస్తారు. సాయంత్రం ఇంటి ముందు ఎత్తైన కరక్రు మట్టి ప్రమిదను కట్టి వెలిగిస్తారు. దీనినే ‘ఆకాశ దీపం’గా భావిస్తారు. పితృ దేవతలకు ఇంటి దారి చూపించే వెలుగుకు ఇది ప్రతీక. ఆ తర్వాత కుటుంబ సభ్యులంతా కలిసి కౌంరియా కఠొ కట్టలను వెలిగించి ఆకాశం వైపు ఎత్తుతారు. ఆ క్షణంలో ఇల్లు మొత్తం పితృ స్మరణతో నిండిపోతుంది. సాదబలు జ్ఞాపకాలతో ముడిపడి.. ఒడిశా దీపావళి సంప్రదాయాలకు ప్రాచీన సముద్రయాన చరిత్రతోనూ సంబంధం ఉందనే కథనాలు ఉన్నాయి. క్రీ.పూ.350 ప్రాంతంలో కళింగ సాదబలు (వ్యాపార నావికులు) బాలి, జావా, సుమత్రా వంటి దక్షిణాసియా ప్రాంతాలకు సముద్రయానం చేసి, నెలల తర్వాత సంపదతో స్వదేశానికి తిరిగి వచ్చేవారని చెబుతారు. వారి రాకను స్వాగతిస్తూ తీరప్రాంత ప్రజలు మట్టి ప్రమిదలు వెలిగించే వారనే ఒక సంప్రదాయ విశ్వాసం ఉంది. శీతాకాల ఆరంభంలో పెద్ద సంఖ్యలో వచ్చే కీటకాలను దూరంగా ఉంచేందుకు వెలుగులు వెలిగించే వారనే మరో జానపద విశ్వాసం కూడా ప్రచారంలో ఉంది. అలా సముద్రయాన చరిత్ర, వెలుగుల సంప్రదాయం, పితృ స్మరణ.. కాలక్రమంలో ఒడిశా దీపావళి సంస్కృతిలో ప్రత్యేకమైన రూపాన్ని సంతరించుకున్నాయి. జగన్నాథ క్షేత్రంలోనూ ఆచరణ పూరీ శ్రీజగన్నాథ క్షేత్రంతోనూ ఈ సంప్రదాయానికి ప్రత్యేక అనుబంధం ఉంది. దీపావళి సందర్భంగా శ్రీమందిరం సింహద్వారం ఎదుట కూడా ‘బొడొ బొడువా డక్కొ’ నిర్వహిస్తారు. జగన్నాథుడు ఒడిశా ప్రజల ఆధ్యాత్మిక జీవనంలో అంతర్భాగం కావడంతో.. పితృ దేవతలను స్మరించడం, వారికి మహా ప్రసాదాన్ని సమర్పించడం, జగన్నాథుడి అనుగ్రహాన్ని కోరడం వంటి విశ్వాసాలు ఈ సంప్రదాయంలో మరింత బలంగా ప్రతిఫలిస్తాయి.

మల్కన్‌గిరి: జిల్లాలోని కలిమెల సమితి రాస్‌బేఢ పంచాయతీలో ఒక ఎకరా భూమిలో పండిస్తున్న గంజాయి సాగును కలిమెల పోలీసులు శనివారం ధ్వంసం చేశారు. నిషా నివారణ అభియాన్‌ ఒడిశా, మిషన్‌ డ్రగ్స్‌ ఫ్రీ ఒడిశా లక్ష్యంగా ఒడిశా పోలీసులు మాదకద్రవ్యాలకు వ్యతిరేకంగా దాడులు చేశారు. దీనిలో భాగంగా 1,000 మొక్కలను ధ్వంసం చేశారు. రానున్న రోజుల్లో జిల్లాను పూర్తిగా గంజాయి రహిత జిల్లాగా తీర్చిదిద్దుతామని పేర్కొన్నారు. ఈ సాగు విలువ రూ.20 లక్షల వరకు ఉంటుందన్నారు. అయితే ఈ పంట ఎవరికి చెందినదో తెలుసుకోవాలని తహసీల్దార్‌కు జిల్లా పోలీసు యంత్రాంగం కోరింది. తుఫాన్‌ బాధితులకు పరామర్శ పర్లాకిమిడి: ఒడిశా ప్రదేశ్‌ కాంగ్రెస్‌ కమిటీ అధ్యక్షుడు భక్తచరణ్‌ దాస్‌ శనివారం గజపతి జిల్లాలో తుపాను, వరద బాధితుల గ్రామాల్లో పర్యటించారు. ఆయన తన పర్యటనలో జిల్లాలో మోహనా, లుహగుడి, తిత్తిలి, మహేంద్రగడ, రామగిరి, జిరంగో, లక్ష్మీపూర్‌ గ్రామాలు సందర్శించి ఆస్తి, పంటనష్టం, ఇళ్లు పోగొట్టుకున్న వారిని పరామర్శించి వారి వద్దనుంచి వినతులు స్వీకరించారు. ఆయనతో పాటు డీసీసీ అధ్యక్షుడు శంకర్‌ ప్రధాన్‌, ఒడిశా ప్రదేశ్‌ కాంగ్రెస్‌ కమిటీ రాష్ట్ర కార్యదర్శి జాస్మిన్‌ షేక్‌, ఎస్సీ సెల్‌ అధ్యక్షుడు ఎస్‌.పాపారావు, ఓబీసీ సెల్‌ ప్రెసిడెంట్‌ బి.జనార్ధనరావు, గుసాని సమితి కాంగ్రెస్‌ అధ్యక్షుడు అప్సాన శ్రీనివాసరావు, బరంపురం ఎంపీ అభ్యర్థి రస్మిరంజన్‌మిశ్రా తదితరులు పాల్గొన్నారు. సురభి ఉత్సవంలో చిన్నారుల ప్రతిభ ● రాష్ట్రస్థాయి సురభికి 37 మంది ఎంపిక రాయగడ: విద్యార్థుల్లో దాగి ఉన్న ప్రతిభను వెలికితీసి, వారిలో సృజనాత్మకత, నాయకత్వ లక్షణాలు, సామాజిక అవగాహన పెంపొందించడమే లక్ష్యంగా జిల్లాస్థాయి సురభి బాలల ఉత్సవం, ఛాయా పార్లమెంట్‌ కార్యక్రమాలు ఘనంగా నిర్వహించారు. కొలనార ఆదర్శ పాఠశాలలో జిల్లాస్థాయి సురభి బాలల ఉత్సవం నిర్వహించగా, పీఎం శ్రీ జగదంబ ఉన్నత పాఠశాల ప్రాంగణంలో జిల్లాస్థాయి ఛాయా పార్లమెంట్‌ కార్యక్రమం జరిగింది. ఈ రెండు కార్యక్రమాల్లో జిల్లాలోని వివిధ సమితులకు చెందిన వందలాది మంది విద్యార్థులు పాల్గొని తమ ప్రతిభను ప్రదర్శించారు. విద్యార్థుల్లో అపారమైన ప్రతిభ జిల్లాస్థాయి సురభి బాలల ఉత్సవానికి ప్రముఖ విద్యావేత్త డాక్టర్‌ దుస్మంత్‌ కుమార్‌ మహంతి ముఖ్యవక్తగా హాజరవ్వగా రాయగడ ఎమ్మెల్యే అప్పల స్వామి కడ్రక, బిసంకటక్‌ ఎమ్మెల్యే నీలమాధవ హికకలు ప్రత్యేక అతిథులుగా హాజరయ్యారు. అదేవిధంగా ప్రత్యేక అభివృద్ధి మండలి ఉపాధ్యాక్షురాలు మంజుల మినియాక, జిల్లా అదనపు కలక్టర్‌ రవీంద్ర నాథ్‌ కహర్‌, జిల్లా విద్యాశాఖ అధికారి భజన్‌ లాల్‌ మాఝి తదితరులు పాల్గొన్నారు. ఈ సందర్భంగా అతిథులు మాట్లాడుతూ గిరిజన ప్రాబల్యం కలిగిన జిల్లాగా ఉన్నప్పటికీ విద్యార్థుల్లో అపారమైన ప్రతిభ, సృజనాత్మకత దాగి ఉన్నాయని పేర్కొన్నారు. ప్రతిభావంతులైన విద్యార్థులను గుర్తించి, వారికి తగిన మార్గదర్శకత్వం అందించాలని సూచించారు. ఈనెల 11న భువనేశ్వర్‌లో నిర్వహించనున్న రాష్ట్రస్థాయి సురభి బాలల దినోత్సవానికి జిల్లా నుంచి 37 మంది విద్యార్థులు, రాష్ట్ర ఛాయా పార్లమెంట్‌ కార్యక్రమానికి ఐదుగురు విద్యార్థులు ప్రాతినిధ్యం వహించనున్నట్లు జిల్లా విద్యాశాఖ అధికారి భజన్‌లాల్‌ మఝి తెలిపారు.

జయపురం: సబ్‌ డివిజన్‌ కోట్‌పాడ్‌లో భారత్‌ మీడియా జర్నలిస్ట్‌ అసోసియేషన్‌ నూతన భవన నిర్మాణానికి శనివారం భూమిపూజ నిర్వహించారు. కార్యక్రమానికి ముఖ్య అతిథిగా మాజీ మంత్రి పద్మిణీ దియాన్‌ పాల్గొన్నారు. భవన నిర్మాణానికి 2023–24 ఆర్థిక సంవత్సరంలో అప్పటి మంత్రి పద్మిణీ దియాన్‌ రూ.5 లక్షలు మంజూరు చేశారు. ఆ నిధులతో భవన నిర్మాణం చేపడుతున్నట్లు అసోసియేషన్‌ అధ్యక్షుడు అజయ్‌ కుమార్‌ మిశ్ర వెల్లడించారు. ఈ సందర్భంగా మాజీ మంత్రి పద్మిణీ దియాన్‌ మాట్లాడుతూ.. జర్నలిస్టులు ప్రజలు, పాలకులకు మధ్య వారదిగా ఉండాలని సూచించారు. నిజాయితీగా వాస్తవాలను ప్రచురించాలని, అప్పుడే సమాజం ప్రగతి పథంలో పయనిస్తుందని పేర్కొన్నారు. అజయ కుమార్‌ మిశ్ర అద్యక్షతన జరిగిన కార్యక్రమంలో కోట్‌పాడ్‌ మాజీ ఎమ్మెల్యే చంద్రశేఖర మఝి, కోట్‌పాడ్‌ న్యాయవాదుల సంఘ అధ్యక్షుడు మణిప్రసాద్‌ పట్నాయిక్‌, కోట్‌పాడ్‌ ప్రెస్‌క్లబ్‌ అధ్యక్షుడు పంకజ్‌ కుమార్‌ పాత్రో తదితరులు పాల్గొన్నారు.

శ్రీకాకుళం న్యూకాలనీ : జిల్లాస్థాయి స్కూల్‌గేమ్స్‌ ఎంపిక పోటీల్లో క్రీడాకారులు జోరు కనబర్చారు. జిల్లా కేంద్రంలోని పలు క్రీడామైదానాల్లో జరిగిన స్కూల్‌గేమ్స్‌ సెలక్షన్‌ ట్రయల్స్‌కు శనివారం జిల్లా నలుమూలల నుంచి సుమారు మూడు వేల మంది పాఠశాల విద్యార్థులు పోటెత్తారు. రాష్ట్రస్థాయి స్కూల్‌గేమ్స్‌ పోటీల షెడ్యూల్‌కు అనుగుణంగా 13 క్రీడాంశాల్లో ఎంపికలు పూర్తి చేశారు. కబడ్డీ, ఖోఖో, వాలీబాల్‌, హాకీ, స్విమ్మింగ్‌, టేబుల్‌టెన్నిస్‌, బ్యాడ్మింటన్‌, ఫెన్సింగ్‌, సాఫ్ట్‌టెన్నిస్‌, స్క్వాస్‌, చెస్‌, ఫుట్‌బాల్‌, సాఫ్ట్‌బాల్‌ క్రీడాంశాల్లో అండర్‌–14, 17, 19 విభాగాల్లో బాలబాలికలకు ఎంపికలు చేపట్టారు. శ్రీకాకుళం కోడిరామ్మూర్తి స్టేడియం, శ్రీకాకుళం ప్రభుత్వ పురుషుల డిగ్రీ కళాశాల మైదానాల్లోనే 10 క్రీడాంశాల ఎంపికలు పూర్తిచేశారు. శ్రీకాకుళం టౌన్‌హాల్‌ వేదికగా ఫెన్సింగ్‌ ఎంపికలను చేపట్టారు. పాతపట్నం ప్రభుత్వ ఉన్నత పాఠశాల వేదికగా సాఫ్ట్‌టెన్నిస్‌, స్క్వాష్‌ ఎంపిక పోటీలు నిర్వహించారు. పర్యవేక్షించిన డీఈఓ.. జిల్లాస్థాయి స్కూల్‌గేమ్స్‌ ఎంపిక పోటీలను ఎస్‌జీఎఫ్‌ జిల్లా అధ్యక్షుడు, జిల్లా విద్యాశాఖాధికారి ఎ.రవిబాబు పర్యవేక్షించారు. వివిధ క్రీడాంశాల్లో పాల్గొన్న క్రీడాకారులతో ముచ్చటించారు. రాష్ట్రపోటీల్లో జిల్లా క్రీడాకారులు రాణింపే లక్ష్యంగా తీర్చిదిద్దాలని కోచ్‌లకు సూచించారు. ఈ ఏడాది ఫలితాలు అదుర్స్‌.. స్కూల్‌గేమ్స్‌ పోటీల్లో జిల్లా క్రీడాకారులు సాధిస్తున్న ప్రభంజనాన్ని, ప్రగతిని, ఫలితాలను ఎస్‌జీఎఫ్‌ సెక్రటరీ చల్లా జగదీష్‌ వివరించారు. క్రీడల ద్వారా లభిస్తున్న అవకాశాలను పీడీ–పీఈటీ సంఘ జిల్లా ప్రధాన కార్యదర్శి మొజ్జాడ వెంకటరమణ క్రీడాకారులకు తెలియజేశారు. కార్యక్రమంలో ఒలింపిక్‌ అసోసియేషన్‌ జిల్లా ముఖ్య సలహాదారు పి.సుందరరావు, ఎస్‌జీఎఫ్‌ మహిళా సెక్రటరీ జీఎం జ్యోతిరాణి, హెచ్‌ఎం యాళ్ల పోలినాయుడు, మెట్ట తిరుపతిరావు, ఎం.ఆనంద్‌కిరణ్‌, కె.మాధవరావు, శ్రీనివాసరావు, కె.రవికుమార్‌, రెడ్డి రవి, గురుగుబెల్లి రాజశేఖర్‌, ఢిల్లేశ్వరరావు, స్వీటీ, రోజా, ఈశ్వరరావు, మహంతి, చిన్నికృష్ణ, మధు, ఆయా క్రీడాంశాల ఇన్‌ఛార్జ్‌లతోపాటు సెలక్షన్‌ కమిటీ సభ్యులు, పీడీలు పాల్గొన్నారు. ఉత్సాహంగా స్కూల్‌గేమ్స్‌ జిల్లాస్థాయి ఎంపిక పోటీలు 13 క్రీడాంశాల్లో ముగిసిన ఎంపికల ప్రక్రియ జిల్లా నలుమూలల నుంచి 3వేల మంది హాజరు

మల్కన్‌గిరి: ప్రతి ఒక్కరికీ వ్యక్తిగత పరిశుభ్రత అవసరమని స్థానిక మాలికేశ్వర్‌ జేఎన్‌ఎం కళాశాల అధ్యాపకురాలు రాజేశ్వరి పట్నాయక్‌ అన్నారు. జిల్లా కేంద్రంలోని ఎక్స్‌బోర్డు పాఠశాలలో బాలల సంరక్షణ దినోత్సవాన్ని శనివారం నిర్వహించారు. ఈ సందర్భంగా బాలల భద్రత, ఆరోగ్యం, వ్యక్తిగత పరిశుభ్రత, సామాజిక అంశాలపై ప్రత్యేకంగా అవగాహన కల్పించారు. ఈ సందర్భంగా విద్యార్థులకు పరిశుఽభ్రతపై అవగాహన కల్పించారు. రోజువారీ జీవితంలో ఎలా పరిశుభ్రత పాటించాలి, ఎలాంటి ఆహారం తీసుకోవాలో వివరించారు. పిల్లలకు ఆరోగ్యకరమైన, సురక్షితమైన, పరిశుభ్రమైన వాతావరణాన్ని కల్పించేందుకు ప్రతి ఒక్కరూ ముందుకు రావాలని పిలుపునిచ్చారు. కార్యక్రమంలో పాఠశాల హెచ్‌ఎం సుకాంత్‌ కుమార్‌ సాహు, సంధ్యారాణి నాయక్‌, సునీత సాహు, మధుస్మితా సేనాపతి, మమతా స్వాయిన్‌, అమితా చౌదరి తదితరులు పాల్గొన్నారు.

పర్లాకిమిడి: సెంచూరియన్‌ వర్సిటీ క్యాంపస్‌లో వ్యవసాయ విద్యార్థులకు ఎక్స్‌పీరియన్స్‌ లెర్నింగ్‌ కార్యక్రమం (ఏఈఎల్‌పీ)లో భాగంగా గ్రామీణ సంతను మహిళా స్వయం సహాయక గ్రూపులు, సహాకార సంఘాల ఆధ్వర్యంలో శనివారం నిర్వహించారు. ఈ గ్రామీణ సంతలో మొత్తం 30 స్టాల్స్‌ ఏర్పాటు చేయగా విశ్వవిద్యాలయం రిజిస్ట్రార్‌ ప్రొఫెసర్‌ అనితా పాత్రో, డీన్‌ (అడ్మిన్‌) డా.సత్యప్రకాష్‌ నంద, అగ్రికల్చర్‌ డీన్‌ సాగర్‌ మైత్రా, స్కూల్‌ మేనేజ్‌మెంట్‌ డీన్‌ డా.ప్రజ్ఞాపాణి, ఇంజినీరింగ్‌ స్కూల్‌ డీన్‌ డా.ప్రఫుల్ల కుమార్‌ పండా, ఫ్యాకల్టీ సభ్యులు విద్యార్థులు హాజరయ్యారు. ఈ గ్రామీణ సంతలో తయారు చేసిన వంటకాలు, వ్యవసాయ ఉత్పత్తులు, ఇంట్లో చేసిన వివిధ రకాల ఫుడ్‌ ఉత్పత్తులు, హస్త కళలు, స్థానికంగా తయారు చేసిన ఫాస్ట్‌ఫుడ్స్‌ ఉంచారు. జిల్లాలో స్వయం సహాయక గ్రూపులు తయారు చేసిన వివిధ ఉత్పత్తులు ఇతర రాష్ట్రాల్లో అమ్మకానికి మార్కెట్‌ లింకేజీ, తద్వారా కుటీర పరిశ్రమ నుంచి దేశవాళీ పరిశ్రమగా అభివృద్ధి చెందుతుందని మహిళా గ్రూపులు తెలియజేశారు. ఈ గ్రామీణ సంతద్వారా వ్యవసాయ విద్యార్థుల్లో కొంత అవగాహనతో పాటు మార్కెటింగ్‌, వాణిజ్యం, స్వయం ఉపాధి వంటి విజ్ఞానం లభిస్తుందని సెంచూరియన్‌ వర్సిటీ అధికారులు పేర్కొన్నారు.

● శివారాధనకు సిద్ధమైన ఆలయాలు ● రేపటి నుంచి కార్తీక మాసోత్సవాలు ఆరంభం ఇచ్ఛాపురం రూరల్‌: శివుడికి అత్యంత ప్రీతికరమైన కార్తీకమాసం సోమవారం నుంచి ప్రారంభం కానుంది. ఒరియా మాట్లాడే ఉత్కళాంధ్రులకు ఇప్పటికే గౌరీ పౌర్ణమి నుంచి కార్తీక మాసోత్సవాలు ప్రారంభం కాగా, హిందూ సంప్రదాయం ప్రాకారం ఎంతో విశిష్టత ఉన్న కార్తీక మాసోత్సవాలు తెలుగు ప్రజలకు సోమవారం నుంచి ఆరంభం కానున్నాయి. శివుడు, విష్ణువులిద్దరి పూజలకు ఎంతో ప్రత్యేకమైంది కాబ ట్టీ ఈ మాసానికి సమానమైనదేదీ లేదనేది భక్తుల భావన. ఈ మాసంలో ప్రతి రోజూ పర్వదినమే. అయినప్పటికీ కొన్ని ముఖ్యమైన దినాలు మరింత ఫలప్రదమైనవి. ఏటా దీపావళి వెళ్లిన మరుసటి రో జు నుంచి ఈ మాసం ప్రారంభమవ్వడం సంప్రదాయం. భక్తులంతా నిత్యం భోళాశంకరుడి నామాన్ని స్మరిస్తూ ఉంటారు. ఈ ఆధ్యాత్మిక చింతన కోసం జిల్లాలోని శివాలయాలకు కొత్త రంగులు వేస్తూ రంగురంగుల విద్యుద్ధీపాలతో ముస్తాబు చేస్తున్నారు. రాత్రి సమయాల్లో ఆకాశ దీపాలు, తులసిమొక్క వద్ద దీపాలు వెలిగించి ఆరాధిస్తారు. ● కార్తీక మాసంలో ఉభయ పక్షాల్లో అనేక వ్రతాలు ఉన్నాయి. ● అయ్యప్ప దీక్ష ఈ మాసంలోనే ప్రారంభమై మకర సంక్రాంతి వరకు కొనసాగుతుంది. ● శివ మాలలు ధరించి భక్తులు ఇప్పటికే దీక్షలు ప్రారంభం కావడంతో కార్తీక పౌర్ణమి వరకు కొనసాగుతాయి. ● సోమవారం నాడు ఉపవాసం చేిసి రాత్రి నక్షత్ర దర్శనం తర్వాత భోజనం చేస్తారు. తద్వారా అష్టైశ్వర్యాలు సిద్ధిస్తాయని నమ్మకం. ● కఠిన నిష్టతో చేపట్టే నోములకు ఎంతో ప్రాధాన్యం ఉంది. ● పాఢ్యమి, చవితి, పౌర్ణమి, చతుర్ధశి, ఏకాదశి, ద్వాదశి తిధుల్లో వివపార్వతులు అనుగ్రహానికి మహిళలు పూజలు చేస్తుంటారు. ● ప్రతి శనివారం వేకువజామున రావి చెట్టుకు తెలుపు, పసుపు దారాలు చుట్టీ ప్రత్యేక పూజలు నిర్వహిస్తారు. ● శివుడికి బిల్వ దళాలు, జిల్లేడు పూలతో అర్పించిన వారికి ఇహపర సౌక్యాలు కలుగుతాయని నమ్మకం. ● విష్ణువుకు తులసి దళాలు, మల్లెలు, కమలం, జాజి, అవిసె పువ్వు, గరిక దర్పాలతో పూజిస్తారు. ఉపవాసం.. దాన మాసం.. కార్తీక మాసంలో ఉపవాసం ఉండేందుకు, దానం చేసేందుకు ప్రాధాన్యమిస్తారు. స్నాన, దాన, జపాల వల్ల అనంతమైన పుణ్యఫలాలు ప్రాప్తిస్తాయని విశ్వసిస్తారు. కార్తీక పౌర్ణమి నాడు ఉసవాసముండి రుద్రాభిషేకాలు చేస్తారు. దీపారాధనతో పాపాలు తొలగుతాయని భావిస్తారు. ముఖ్యంగా మహిళలు దీపారాధనకు ప్రాధాన్యమిచ్చి ప్రత్యేక పూజలు నిర్వహిస్తారు. ప్రత్యేక వేడుకలతో ఈ శీతాకాలం ఆలయాలు హిమదీపాల కాంతుల్లో కమనీయంగా మారుతాయి.

రాయగడ: మిల్లెట్‌ సాగులో రాష్ట్రం రెండోస్థానంలో ఉండడం హర్షించదగ్గ విషయమని రాయగడ ఎమ్మెల్యే అప్పల స్వామి కడ్రక అన్నారు. స్థానిక బిజూ పట్నాయక్‌ ఆడిటోరియంలో జిల్లా వ్యవసాయ శాఖ ఆధ్వర్యంలో రాగుల దినోత్సవం శుక్రవారం ఘనంగా జరుపుకున్నారు. ఈ సందర్భంగా ఆయన మాట్లాడుతూ.. అత్యధిక శాతం ఆదివాసీ, హరిజనులు నివసిస్తున్న రాష్ట్రంలో రాగుల సాగును ప్రోత్సహించడం శుభపరిణామమని పేర్కొన్నారు. ఒకప్పుడు రాగులను ప్రధాన ఆహారంగా ఆదివాసీలు మాత్రమే వినియోగిస్తుండేవారని, అయితే రాగుల్లో పుష్కలంగా లభించే పౌష్టికంతో వీటి వినియోగం పెరిగిందని తెలిపారు. ఇదిలా ఉండగా మిల్లెట్‌ సాగును ప్రోత్సహించడం, పోషకాహార ప్రాధాన్యతపై ప్రజల్లో అవగాహన కల్పించడం, రైతుల ఆదాయాన్ని పెంపొందించే లక్ష్యంతో ప్రభుత్వం తీసుకుంటున్న చర్యలు ప్రశంసనీయమని పేర్కొన్నారు. జిల్లా ముఖ్య వ్యవసాయాధికారి నక్షత్ర మోహన్‌ రౌలో మాట్లాడుతూ రాగుల సాగు, ఉత్పత్తి, సేకరణ వివరాలను వెల్లడించారు. జిల్లాలో సుమారు 12 వేల హెక్టార్ల విస్తీర్ణంలో రాగుల సాగు జరుగుతోందని తెలిపారు. గతేడాది 6 వేల మెట్రిక్‌ టన్నుల రాగులను సేకరించినట్లు వెల్లడించారు. రాగుల పోషక విలువలు, ఆరోగ్య ప్రయోజనాలను వివరిస్తూ ప్రోటీన్లు, పీచు పదార్థాలు, కాల్షియం, అవసరమైన ఖనిజాలు సమృద్ధిగా లభించే అద్భుతమైన పోషక ధాన్యమని సీనియర్‌ శాస్త్రవేత్త డాక్టర్‌ అరవింద్‌ దాస్‌ అభిప్రాయపడ్డారు. కార్యక్రమంలో జిల్లా పరిషత్‌ అధ్యక్షురాలు సరస్వతి మాఝి మాట్లాడుతూ రాగుల సాగులో ఆధునిక శాసీ్త్రయ సాంకేతిక పరిజ్ఞానాన్ని వినియోగించి ఉత్పత్తి, ఉత్పదకతను పెంచేలా రైతులకు అవగాహన కల్పించాలని సూచించారు.

రాయగడ: ప్రభుత్వానికి, అధికారులకు నిధులు ఉపయోగించాలనే సంకల్పం ఉంటే రూ.కోట్లతో రహదారులు నిర్మించడం సాధ్యమేనని, అయితే సరిహద్దు గ్రామాల్లో నివసిస్తున్న పేద ప్రజలకు కనీస మౌలిక సదుపాయాలు కల్పించడంలో మాత్రం నిర్లక్ష్యం కొనసాగుతోందని జిల్లాలోని ఎంపలవలస గ్రామస్తులు ఆవేదన వ్యక్తం చేస్తున్నారు. ఒక ప్రైవేట్‌ రిసార్ట్‌కు డీఎంఎఫ్‌ నిధుల నుంచి రూ.కోటితో కేవలం మూడు నెలల్లో రహదారి నిర్మించిన అధికారులు, మూడు దశాబ్ధాలుగా డిమాండ్‌ చేస్తున్న తమ గ్రామానికి సుమారు 2.8 కిలోమీటర్ల రహదారి నిర్మించడంలో ఎందుకు జాప్యం చేస్తున్నారని ప్రశ్నిస్తున్నారు. ఆంధ్రప్రదేశ్‌కు చెందిన ఒక వ్యాపారి రాయగడ ప్రాంతంలో రిసార్టు నిర్మించడంతో అతడికి తక్షణమే రహదారి సౌకర్యం కల్పించినట్లు గ్రామస్తులు ఆరోపిస్తున్నారు. అదే సమయంలో ఎంపలవలస గ్రామంలో రహదారి లేక ప్రజలు తీవ్ర ఇబ్బందులు ఎదుర్కొంటున్నా అధికారులు పట్టించుకోవడం లేదని ఆవేదన వ్యక్తం చేస్తున్నారు. రోగులకు అవస్థలు గ్రామానికి రహదారి లేకపోవడంతో అనారోగ్యంతో బాధపడుతున్న వారు, గర్భిణులు, వృద్ధులు తీవ్ర ఇబ్బందులు ఎదుర్కొంటున్నారని గ్రామస్తులు తెలిపారు. ముఖ్యంగా వర్షాకాలంలో రాకపోకలు పూర్తిగా కష్టసాధ్యంగా మారుతున్నాయని, అత్యవసర పరిస్థితుల్లో అంబులెన్స్‌ కూడా గ్రామానికి చేరుకోలేని దుస్థితి నెలకొందని పేర్కొన్నారు. ప్రైవేటు వ్యాపారుల అవసరాల కోసం కోట్లు ఖర్చు చేస్తున్న ప్రభుత్వం, పేద ప్రజల ప్రాథమిక అవసరాల విషయంలో ఎందుకు నిర్లక్ష్యం వహిస్తోందని ప్రశ్నించారు. తమ గ్రామానికి రహదారితో పాటు ఇతర మౌలిక సదుపాయాలు కల్పించకపోతే రానున్న రోజుల్లో ఆంధ్రప్రదేశ్‌ – ఒడిశా రహదారిని దిగ్బంధం చేస్తామని హెచ్చరించారు. గ్రామంలో 40 కుటుంబాల నివాసం సరిహద్దులో ఉన్న ఎంపలవలస గ్రామంలో సుమారు 40 కుటుంబాలకు చెందిన 155 మంది నివసిస్తున్నారు. మూడు దశాబ్దాల క్రితం నాగావళి నదిలో తరచూ వరదల రావడంతో గ్రామం తీవ్ర ప్రభావితమైంది. అప్పట్లో గ్రామస్తులను మరో ప్రాంతానికి తరలించగా.. కాంగ్రెస్‌ మాజీమంత్రి, దివంగత రామచంద్ర ఉలక జోక్యంతో వారికి ఇళ్ల నిర్మాణం చేపట్టినట్లు సమాచారం. ప్రస్తుతం గ్రామంలోని చాలా ఇళ్లు శిథిలావస్థకు చేరుకున్నాయని గ్రామస్తులు తెలిపారు. గ్రామంలో సోలార్‌ ఆధారిత తాగునీటి వ్యవస్థ ఉన్నప్పటికీ వర్షాకాలంలో తాగునీటి సమస్యలు ఎదురవుతున్నాయని వాపోతున్నారు. చివరి దశలో టెండర్‌..? ఈ సమస్యపై రాయగడ జిల్లా అదనపు కలక్టర్‌ రవీంద్ర నాథ్‌ కహార్‌ స్పందిస్తూ ఒనిజా వైపు వెళ్లే 2.8 కిలోమీటర్ల రహదారి నిర్మాణానికి సంబంధించిన టెండర్‌ ప్రక్రియ చివరి దశలో ఉందని తెలిపారు. త్వరలో టెండర్‌ ప్రక్రియ పూర్తిచేసి ఒప్పందం కుదుర్చుకున్న అనంతరం రహదారి నిర్మాణ పనులు ప్రారంభిస్తామని వెల్లడించారు. అయితే ప్రైవేట్‌ రిసార్ట్‌కు రూ.కోట్లతో రహదారి నిర్మాణం సాధ్యమైనప్పుడు.. తమలాంటి పేదలు నివసించే గ్రామానికి రహదారి నిర్మించడంలో అధికారులు ఎందుకు నిర్లక్ష్యం వహిస్తున్నారని ప్రశ్నించారు.

పర్లాకిమిడి: గజపతి జిల్లా కాశీనగర్‌ సమితిలో నేరడి వద్ద ఆంధ్రప్రదేశ్‌ ప్రభుత్వం వంశధార నదిపై చేపట్టనున్న బృహత్తర నేరడి ప్రాజెక్టుపై ఒడిశా, ఆంధ్రప్రదేశ్‌ రాష్ట్రాల మధ్య వివాదం నేపఽథ్యంలో శనివారం పర్లాకిమిడి జలవనరుల శాఖ డివిజనల్‌ కార్యాలయంలో ఒక ముఖ్యమైన సమావేశం జరిగినది. ఈ సమావేశానికి ఆంధ్ర, ఒడిశా రాష్ట్ర ప్రభుత్వ ఉన్నతాధికారులు సెంట్రల్‌ వాటర్‌ కమిషన్‌ సూపరింటెండెంట్‌ ఇంజినీరు (భువనేశ్వర్‌) ఆదిత్య శర్మ, శ్రీకాకుళం వంశధార ప్రాజెక్టు ఎస్‌ఈ జి.రామ్‌చరణ్‌రావు, నాగావళి – వంశధార బేసిన్‌ అదనపు చీఫ్‌ ఇంజినీరు (గజపతి) ఎ.రాంప్రసాదరావు, అంతరాష్ట్ర జలవివాద, చీఫ్‌ ఇంజినీర్‌ (భువనేశ్వర్‌) అరుణ్‌ పాల్‌తో పాటు కాశీనగర్‌ బ్లాక్‌లోని బడిగాం, వన్న, గౌరి, పాలసింగి తదితర గ్రామాల నుంచి 16 మంది ప్రతినిధులు హాజరయ్యారు. నేరడి ప్రాజెక్టు వల్ల గజపతి జిల్లా కాశీనగర్‌ సమితిలో 17 గ్రామాలు ముంపునకు గురవుతాయని, వ్యవసాయం, జీవనాధారం, సర్వస్వం కోల్పోతున్నామని వంశధార నేరడి ప్రాజెక్టు కమిటీ సభ్యుడు పూర్ణచంద్ర మహాపాత్రో అన్నారు. రెండు రాష్ట్రాల ప్రభుత్వాలు బ్యారేజీ నిర్మాణం వద్ద నష్టం అంచనా, భూమి గుర్తింపు చేపట్టి పరిహారం చెల్లించాలని.. అప్పటివరకు ప్రాజెక్టు తాత్కాలిక నిర్మాణ పనులు చేపట్టరాదని పలువురు ప్రతిపాదించారు. మరోవైపు ఆంధ్రప్రదేశ్‌ అధికారులు ఈ ప్రాజెక్టుకు సంబంధించి అవసరమైన సమాచారం అందించారని కాశీనగర్‌ ప్రాంత ప్రజల ప్రతిపాదనలు ప్రభుత్వానికి తెలియజేసి, తదుపరి చర్యలు తీసుకుంటామని ఆంధ్రప్రదేశ్‌ జనవనరుల శాఖ చీఫ్‌ ఇంజినీరు తెలియజేశారు. కాగా ఈ చర్చల ఫలితంగా ప్రభావిత ప్రాంతాల ప్రజలకు ప్రయోజం చేకూర్చేందుకు భవిష్యత్‌లో ఎలాంటి చర్యలు తీసుకుంటారన్నదే ఆసక్తికరం.

మల్కన్‌గిరి: మారుమూల ప్రాంతాల అభివృద్ధికి చర్యలు తీసుకుంటున్నామని కలెక్టర్‌ ప్రథమేశ్‌ అర్వింద్‌ రాజశిర్కే అన్నారు. జిల్లాలోని చిత్రకొండ సమితి ధూళిపూట్‌ పంచాయతీ జుమడాంగ్‌ గ్రామంలో 10 నూతన సోలార్‌ లైట్లను శనివారం ఏర్పాటు చేశారు. ఈ సందర్భంగా కలెక్టర్‌ మాట్లాడుతూ.. మారుమూల వెనుకబడిన ప్రాంతాల్లో నివసిస్తున్న ప్రజలకు ప్రభుత్వ పథకాలు, ప్రాథమిక సౌకర్యాలు అందజేయడమే లక్ష్యంగా పనిచేస్తున్నామని తెలిపారు. సౌరశక్తి వంటి పర్యావరణహిత ఇంధన వనరులను వినియోగించడం ద్వారా మారుమూల ప్రాంతాల్లో సైతం నిరంతర విద్యుత్‌ వెలుగులను అందించడం సాధ్యమవుతోందని వెల్లడించారు. జయపురం: స్థానిక గీతా భవన్‌లో కొరాపుట్‌ జిల్లా ఆయుర్వేద వికాస పరిషత్‌ ఆధ్వర్యంలో జయపురం పట్టణంలో వైద్య భగవాన్‌ ధన్వంతరి జయంతిని పరిషత్‌ అధ్యక్షుడు డాక్టర్‌ సుదర్శన గౌడ అధ్యక్షతన శనివారం ఘనంగా నిర్వహించారు. ఈ సందర్భంగా సుదర్శన గౌడ మాట్లాడుతూ.. ధన్వంతరి ప్రపంచానికి అందించిన అమూల్య వైద్యాన్ని కొనియాడారు. జిల్లా ఆయుర్వేద వికాస పరిషత్‌ తరపున రోగులకు ఉచితంగా ఆయుర్వేద మందులు అందజేశారు. కార్యక్రమంలో పరిషత్‌ కార్యదర్శి కవిరాజ్‌ పరమేశ్వర పాత్రో, ఉపాధ్యక్షుడు క్షేత్రబాసు పండ, న్యాయ సలహాదారు రాజేంద్ర కుమార్‌ గౌడ, సలహాదారు కవిరాజ్‌ జవహార్‌ జెన, కోశాధికారి శ్రీనివాస్‌ పాత్రో, మదన మోహన్‌ నాయిక్‌ తదితరులు పాల్గొన్నారు. పర్లాకిమిడి: జిల్లాలో కాశీనగర్‌, రాయఘడ బ్లాక్‌లలో దీపావళి బాణసంచాను ఎటువంటి లైసెన్సు లేకుండా అమ్ముతుండడంతో పోలీసు లు పట్టుకుని ఎక్స్‌ప్లోజివ్‌ చట్టం కింద కేసులు నమోదు చేశారు. పోలీసుల సమాచారం మేర కు కాశీనగర్‌లో రూ.లక్ష మందుగుండు సామా న్లు అక్రమంగా నిల్వ ఉంచినందున ఒకరిని పట్టుకున్నారు. రాయఘడలో మహిళ వద్ద నుంచి రూ.10 వేల బాణసంచాను పట్టుకుని కేసు లు నమోదు చేసినట్లు ఎస్‌డీపీవో అమితావ్‌ పండా తెలియజేశారు. ఆమదాలవలస : ప్రతిఒక్కరూ సుస్థిర జీవనశైలి అలవర్చుకోవాలని ఆమదాలవలస ప్రభుత్వ డిగ్రీ కళాశాల ప్రిన్సిపాల్‌ డాక్టర్‌ కె.బాలకృష్ణ అన్నారు. ప్రభుత్వ ఆదేశాల మేరకు నవంబర్‌ 1 నుంచి 7 వరకు బ్రిక్స్‌ సుస్థిర జీవనశైలి వారోత్సవాలు నిర్వహించారు. శనివారం జరిగిన ముగింపు కార్యక్రమంలో విద్యార్థులు, అధ్యాపకులు, సిబ్బంది ర్యాలీ నిర్వహించారు. కళాశా ల ప్రాంగణంలో పొడి, తడి, ఎలక్ట్రానిక్‌ వ్యర్థా లను వేర్వేరుగా సేకరించి వాటి నిర్వహణపై అవగాహన కల్పించారు. వ్యర్థ పదార్థాలతో కళారూపాలు తయారు చేసేలా విద్యార్థులను ప్రోత్సహించారు. అనంతరం విద్యార్థులతో ప్రతిరోజూ సుస్థిర జీవనశైలి ప్రతిజ్ఞ చేయించా రు. విద్యార్థులకు వ్యాసరచన పోటీలు నిర్వహించి విజేతలకు బహుమతులు అందజేశా రు. కార్యక్రమంలో కళాశాల అధ్యాపకులు, సిబ్బంది, విద్యార్థులు పాల్గొన్నారు.

మాజీ ఎంపీ నెక్కంటి ఇంటిలో..రాయగడ: రాయగడ ట్రక్‌ యజమానుల సంఘంలో సంచలనం సృష్టించిన సుమారు రూ.60 కోట్ల ఆర్థిక అవకతవకల కేసులో క్రైమ్‌ బ్రాంచ్‌ ఆర్థిక నేరాల విభాగం (ఈఓడబ్ల్యూ) అధికారులు శుక్ర వారం నాడు రాజ్యసభ మాజీ ఎంపీ నెక్కంటి భాస్కరరావు నివాసంపై ఆకస్మికంగా దాడులు నిర్వహించారు. స్థానిక రాణిగుడఫారంలో గల ఆయన నివాసంలో 21 మంది సభ్యులతో కూడిన ప్రత్యేక బృందం శుక్రవారం చేరుకుంది. అదనపు ఎస్‌పి ఆశీష్‌ కుమార్‌ మిశ్రా నేతృత్వంలో చేపట్టిన ఈ దర్యాప్తులో ఐదుగురు డీఎస్పీలు, ఐదుగురు ఇన్‌స్పెక్టర్లుతో సహా మొత్తం 21 మంది అధికారులు సోదాల్లో పాల్గొన్నట్లు సమాచారం. గత కొద్ది రొజుల క్రితం ఈఓడబ్ల్యూ బృందం సదరు పోలీస్‌ స్టేషన్‌ నుంచి కేసుకు సంబంధించిన పత్రాలను సేకరించినట్లు తెలిసింది. అనంతరం మరో భారీ బృందం ఇక్కడకు చేరుకుని దరాప్తును చేపట్టింది. సదరు పోలీస్‌ స్టేషన్‌ నుంచి సేకరించిన పత్రాలకు సంబంధించి రెండు రొజుల పాటు క్షుణ్ణంగా పరిశీలించిన సంబఽంధిత శాఖ అధికారులు ఈమేరకు సోదాలకు పాల్పడ్డారని సమాచారం. స్థానిక రాణిగుడఫారంలో నివాసముంటున్న నెక్కంటి ఇంటిలో సోదాలు చేసేందుకు వచ్చిన బృందం ఇంటి గేటు వద్ద సుమారు గంట సమయం వేచి ఉంది. ఆయన ఇంటిలో (నెక్కంటి) లేకపోవడంతో ఇంటి కాపలాదారులకు సమాచారం ఇవ్వడంతో వెంటనే వారు తలుపులు తెరవడంతో ఇంటి లోపలకు చేరుకున్నారు. అనంతరం నెక్కంటి ఉంటున్న ప్రత్యేక గదిలో సొదాలను నిర్వహించేందుకు ప్రయత్నించిన అధికారులు అందుకు సంబంధించి గది తాళాల కోసం సుమారు మూడు గంటల పాటుగా వేచి ఉండాల్సి వచ్చింది. అనంతరం తాళాలను ఆయన అనుచరుల సమక్షంలో తెరిచిన అధికారులు సోదాల్లో నిమగ్నమయ్యారు. పలు ప్రాంతాల్లో సోదాలు రాయగడకు చేరుకున్న అధికారుల బృందంలో మరో బృందం స్థానిక డీఐసీ కార్యాలయం సమీపంలో నెక్కంటికి చెందిన ఆదిత్య ఎల్‌పిజి గ్యాస్‌ ఏజెన్సీ కార్యాలయంలో కూడా ఈ సోదాలు నిర్వహించినట్లు తెలిసింది. అదేవిధంగా మరో 9 స్థానాల్లో ఈ సోదాలు కొనసాగుతున్నట్లు తెలిసింది. ట్రక్‌ యజమానుల సంఘానికి చెందిన సుమారు రూ.60 కోట్ల నిధులు దుర్వినియోగమైనట్లు ఆరోపిస్తు సంఘం అధ్యక్షుడు దివంగత వై.వెంకటేశ్వరరావు అలియాస్‌ కొండబాబు గతంలో మాజీ ఎంపి ఎన్‌ భాస్కరరావుతో పాటు మరి కొందరిపై సదరు పోలీస్‌ స్టేషన్‌లో ఫిర్యాదు చేశారు. కేసు తీవ్రతను దృష్టిలో పెట్టుకుని సదరు పోలీసులు ఈ దర్యాప్తును క్రైమ్‌ బ్రాంచ్‌ ఆర్థిక నేరాల విభాగానికి అప్పగించారు. ప్రస్తుతం ప్రాథమిక దశలోనే ఉన్నందున కేసుకు సంబంధించిన మరిన్ని వివరాలను వెల్లడించేందుకు అధికారులు నిరాకరించారు. ఈఒడబ్ల్యూ సొదాలతో ఈ కేసులో కీలక పరిణామాలు వెలుగులోకి వచ్చే అవకాశముందని స్థానికంగా చర్చ జరుగుతోంది.

కొరాపుట్‌: కొరాపుట్‌ జిల్లాలోకి పెద్దపులి ప్రవేశించింది. శుక్రవారం కొరాపు ట్‌ జిల్లా అటవీ శాఖ అధికారు లు ఈ విషయం అధికారికంగా ప్రకటించారు. ఈ పులి జిల్లా లోని సిమిలిగుడ–సునా బెడా ప్రాంతాల్లో సంచరిస్తోందని పేర్కొన్నారు. అందుకు తగ్గ పులి పాదముద్రలు కనుగొన్నట్లు పేర్కొన్నారు. ఈ పులి కదలికలపై అనేక చోట్ల సీసీ కెమెరాలు ఏర్పాటు చేశామన్నారు. అనుమానిత ప్రాంతాల్లో డ్రోన్‌ సర్వే చేస్తున్నామని పేర్కొన్నారు. ఇప్పటికే 6 ప్రత్యేక బృందాలు పులి కదలికల కోసం గాలిస్తున్నాయన్నారు. పులి కదలికలు గమనించిన వారు వెంటనే అధికారులకు సమాచారం ఇవ్వాలని సూచించారు. ఆయా ప్రాంతాల ప్రజలు అప్రమత్తంగా వ్యవహరించాలని అధికారులు పేర్కొన్నారు.విద్యార్థులకు డ్రాయింగ్‌ పోటీలు జయపురం: స్థానిక ఉన్నత పాఠశాలలో జాగరణ గోష్టి రాష్ట్రీయ ప్రచార సమితి ఆధ్వర్యంలో ‘నా కలల భారతదేశం’ అనే అంశంపై డ్రాయింగ్‌ పోటీలు శుక్రవారం నిర్వహించారు. శశిభూషన్‌ పట్నాయిక్‌ అధ్యక్షతన జరిగిన ఈ పోటీల్లో అనేక ఉన్నత పాఠశాలల నుంచి విద్యార్థులు పాల్గొన్నారు. వారు భారతదేశం ఎలా ఉండాలని కలలు కంటున్నారో ఊహలను రూపమిచ్చి ప్రతిభను కనబరిచారు. పోటీల్లో విజేతలకు బహుమతులు అందజేశారు. కార్యక్రమంలో జయపురం సమితి అదనపు విద్యాధికారి సోమనాథ్‌ గదబ, పాఠశాల హెచ్‌ఎం సుధాకర పట్నాయిక్‌ తదితరులు పాల్గొన్నారు. ఈ పోటీల్లో విజేతలైన విద్యార్థులు ఈనెల 11వ తేదీన కొరాపుట్‌లో జరగనున్న జిల్లాస్థాయి చిత్ర లేఖన పోటీల్లో పాల్గొంటారని నిర్వాహకులు వెల్లడించారు. నలుగురు జైలర్లు బదిలీ భువనేశ్వర్‌: రాష్ట్రంలో నాలుగు జైళ్ల జైలర్లను బదిలీ చేశారు. ఈ మేరకు జైళ్లు, దిద్దుబాటు సేవల డైరెక్టరేట్‌ బదిలీ ఉత్తర్వులు జారీ చేసింది. ఈ ఉత్తర్వుల ప్రకారం, పూరీ జిల్లా జైలు జైలర్‌ శుభస్మిత బిస్వాల్‌ను జాజ్‌పూర్‌ సబ్‌ జైలుకు బదిలీ చేశారు. కటక్‌ సర్కిల్‌ జైలుకు చెందిన జైలర్‌ రఘునాథ్‌ మాఝీని బొణైగొడొ జైలుకు పంపారు. భువనేశ్వర్‌ ప్రత్యేక జైలు జైలర్‌ అబినాష్‌ బెహెరాను నవరంగ్‌పూర్‌ సబ్‌ జైలుకు, ఫుల్బాణి జైలు జైలర్‌ లలితేందు భూషణ్‌ దాస్‌ను కటక్‌ సర్కిల్‌ జైలుకు బదిలీ చేశారు. 30 ఆదర్శ పాఠశాలలకు శంకుస్థాపన రాయగడ: జిల్లాలో ప్రాథమిక విద్యారంగంలో సమూల మార్పులు తీసుకురావడం, గ్రామీణ విద్యార్థులకు నాణ్యమైన విద్యను అందించడమే లక్ష్యంగా మరో 30 గోదావరీశ్‌ మిశ్రా ఆదర్శ ప్రాథమిక పాఠశాలల నిర్మాణానికి శుక్రవారం శంకుస్థాపన జరిగింది. రాష్ట్ర వ్యాప్తంగా మూడో విడతలో 630 ఆదర్శ పాఠశాలల నిర్మాణానికి ముఖ్యమంత్రి మోహన్‌ చరణ్‌ మాఝి కేంఝర్‌ వర్చువల్‌ విధానంలో శంకుస్థాపన చేశారు. వీటిలో రాయగడ జిల్లాలో 30 పాఠశాలలు ఉన్నాయి. జిల్లాలోని వివిధ సమితుల పరిధిలో ఈ పాఠశాలల నిర్మాణం చేపట్టనున్నారు. కళ్యాణసింగుపూర్‌లో ఆరు, బిసంకటక్‌లో ఐదు, రాయగడ, చంద్రపూర్‌లలో నాలుగేసి, మునిగుడలో మూడు, గుణుపూర్‌, కాసీపూర్‌లో రెండేసి, కొలనార, గుడారి సమితుల్లో ఒక్కో పాఠశాల చొప్పున్న ఏర్పాటు చేయనున్నారు. మీరావలి గ్రామంలో జరిగిన కార్యక్రమంలో ప్రత్యేక అభివృద్ధి మండలి ఉపాథ్యక్షురాలు ముంజుల మినియాక పాల్గొన్నారు. జిల్లా విద్యాశాఖ అధికారి భజన్‌లాల్‌ మాఝి, బైరాగి హలువ, కంపొమల్లిగాం ప్రాంతాల్లో నిర్వహించిన కార్యక్రమాల్లో పాల్గొని ముఖ్యమంత్రి ప్రసారాన్ని వీక్షించారు. ప్రతీ గ్రామ పంచాయతీలో గోదావరీశ్‌ మిశ్రా ఆదర్శ పాఠశాలను ఏర్పాటు చేయాలని ప్రభుత్వ లక్ష్యంగా పెట్టుకుంది. దీని కోసం ఒక్కో పాఠశాలను సుమారు ఐదు ఎకరాల విస్తీర్ణంలో నిర్మించడంతో పాటు ఒక్కోదానికి సుమారు రూ. ఐదు కోట్లు చొప్పున నిధులు కేటాయించనున్నారు.

పర్లాకిమిడి: ఆర్‌.సీతాపురంలో సెంచూరియన్‌ వర్సిటీ క్యాంపస్‌ ఆడిటోరియంలో శుక్రవారం హైబ్రిడ్‌ పద్ధతిలో 6వ అంతర్జాతీయ జీఐఎస్‌ దినోత్సవం ఘనంగా నిర్వహించారు. కార్యక్రమంలో ప్రిన్సిపల్‌ వైజ్ఞానికులు, ఐకార్‌ మరియు ఐఐయస్‌.డబ్లూ.సీ. పి.రాజా జ్యోతిని వెలిగించి జీఐఎస్‌ దినోత్సవం ప్రారంభించారు. సెంచూరియన్‌ వర్సిటీలో డేటా సైన్స్‌, మెషీన్‌ లెర్నింగ్‌, సివిల్‌ ఇంజినీరింగ్‌ విభాగం ఆధ్వర్యంలో జరిగిన ఈ అంతర్జాతీయ సెమినార్‌లో డాక్టర్‌ ప్రఫుల్లపండా స్వాగత ఉపన్యాసం చేయగా, ఆర్‌ఎం ఎస్‌ఐ ప్రైవేటు లిమిటెడ్‌ సహా ఉపాధ్యక్షులు యు.బాలాజీ, రిజిస్ట్రార్‌ అనితా పాత్రో, మెక్సికో జాతీయ పాలిటెక్నిక్‌ సంస్థ ప్రొఫెసర్‌ ఎం.పి.జోనాథన్‌, ఐకార్‌ ప్రధాన శాస్త్రవేత్త ప్రొఫెసర్‌ పి.రాజా, విశిష్ట అతిథులుగా పాల్గొన్నారు. జియో స్పేషియల్‌, రిమోట్‌ సెన్సింగ్‌, కృత్రిమ మేధస్సు తోడైతే భూమండలంపై విపత్తుల నుంచి ముప్పు తగ్గించేందుకు ఎలా దోహాద పడగలదో బ్లూమండ్‌ అసోసియేట్‌ ఇండియా కంపెనీకి చెందిన ప్రొఫెసర్‌ ప్రభాత్‌ రంజన్‌ జెన్నా వివరించారు. దీనిపై స్క్రీన్‌పై పవర్‌ ప్రెజెంటేషన్‌ ఆయన ఇచ్చారు. ఈ అంతర్జాతీయ సెమినార్‌లో బెంగళూరుకు చెందిన అగస్థ్య గ్రూప్స్‌ బిజినెస్‌ డెవలప్‌మెంట్‌ మేనేజరు, తుబుస్సుమ్‌ రోజీ సుస్థిరమైన అభివృద్ధి, రవాణా, నీరు, పర్యావరణ నిర్వహణ కోసం జియో ఏఐ ద్వారా నిర్వహించ గలమని తెలియజేశారు. ఈ అంతర్జాతీయ సదస్సులో దుబాయ్‌ విశ్వవిద్యాలయం డాక్టర్‌ సూర్య దేవ్‌ చక్రవర్తి భూపరిశీలన, ఎస్‌ఐఆర్‌, జియో ఏఐ పర్యావరణ స్థితి స్థాపకం, విపత్తుల నుంచి ముప్పు నుంచి బయటపడటం వంటి విషయాలపై ప్రసగించారు.

పర్లాకిమిడి: గజపతి జిల్లా కాశీనగర్‌ బ్లాక్‌ కిత్తంగి గ్రామంలో గత రాత్రి గున్న ఏనుగులు చొరబడటంతో అటవీ శాఖ అధికారులు గస్తీ కాశారు. విషయం తెలుసుకున్న పర్లాకిమిడి ఎమ్మెల్యే రూపేష్‌ పాణిగ్రాహి చేరుకుని కిత్తంగి గ్రామశివార్లలో ఏనుగుల గుంపు చూడటానికి రెండు కిలోమీటర్లు కాలి నడకన చేరుకుని అక్కడి అటవీ అధికారులు ఏనుగుల కదలికలు, భద్రతా ఏర్పాట్లపై సమీక్షించారు. కిత్తంగి గ్రామాస్తుల ఆస్తులు, ప్రజల ప్రాణహాని నుంచి భద్రత కల్పించాలని అటవీ అధికారులను కోరారు. ఇటీవల తుఫాన్‌ గ్రామీణ మంచినీరు, శానిటేషన్‌ పనులు కిత్తంగిలో జరుగుతుండగా క్రిష్ణ అనే ఉద్యోగి నది దాడుటుండగా మునిగి ప్రాణాలు పోగొట్టుకున్నాడు. ఈ సంఘటనపై ఎమ్మెల్యే రూపేష పాణిగ్రాహి క్రిష్ణ ఇంటికి వెళ్లి వారి భార్య, బంధువులను పరామర్శించారు. ఎమ్మెల్యే వెంట కాశీనగర్‌ సమితి చైర్మన్‌ బల్ల శాయమ్మ, జెడ్పీటీసీ సభ్యుడు (జోన్‌.6) యస్‌.బాలరాజు ఉన్నారు.

రాయగడ: జిల్లాలోని గుణుపూర్‌లో భారీ దొంగతనం చోటు చేసుకుంది. ఇంటిలో ఎవరూ లేరని గుర్తించిన గుర్తుతెలియని దుండగులు ఇంటి ప్రధాన గేటుకు గల తాళాలను విరగ్గొట్టి ఇంటిలోకి చొరబడ్డారు. ఇంటిలో ఉన్న బీరువాను విరగ్గొట్టి అందులో గల 50 తులాల వెండి ఆభరణాలు, రెండు తులాల బంగారు ఆభరణాలను దొంగతం చేసినట్లు బాధితుడు గుణుపూర్‌ ఆదర్శ పోలీస్‌ స్టేషన్‌లో ఫిర్యాదు చేశారు. సమాచారం అందుకున్న పోలీసులు సైంటిఫిక్‌ టీమ్‌తో పాటు డాగ్‌ స్క్యాడ్‌తో సంఘటన స్థలానికి వెళ్లి దర్యాప్తు చేస్తున్నారు. పోలీసులు తెలియజేసిన వివరాల ప్రకారం.. గుణుపూర్‌లో గల 18 వ వార్డు పరిధిలోని పార్వతీనగర్‌ రెండొ లైన్‌లో నివసిస్తున్న అభిమన్యు సాహు ఇంటిలో ఈ చోరీ ఘటన గురువారం చోటు చేసుకుంది. గజపతి జిల్లాలోని ఒడవా ప్రాంతంలో నివసిస్తున్న తమ బంధువుల ఇంటికి కుటుంబ సభ్యులతో గత కొద్ది రొజుల క్రితం వెళ్లారు. ఇంటి బయట తాళం వేసి ఉండటం గమనించిన దుండగులు ఈ ఘటనకు పాల్పడ్డారు. శుక్రవారం నాడు పొరిగింటివారు ఇంటి బయట ఉన్న పూలను కోసుకునేందుకు వెళ్లి చూడగా సాహు ఇంటి తలుపులు తెరిచి ఉండటం గమనించి వారి బంధువులకు సమాచారం అందించారు. సమీపంలో గల సీసీ ఫుటేజ్‌ ఆధారంగా దుండగుల ఆచూకీ కోసం గాలిస్తున్నట్లు పొలీసులు తెలియజేశారు.

భువనేశ్వర్‌: రాష్ట్ర ప్రభుత్వం సీనియర్‌ ఐఏఎస్‌ కేడర్‌లో మార్పులు చేపట్టింది. గవర్నర్‌ ఆమోదంతో సాధారణ పరిపాలన, ప్రజా ఫిర్యాదుల శాఖ బదిలీ ఉత్తర్వులు జారీ చేసింది. ఒడిశా అటవీ అభివృద్ధి సంస్థ చేర్మన్‌, కేబీకే ముఖ్య నిర్వాహకుడిగా అదనపు బాధ్యతలు నిర్వహిస్తున్న ఐఏఎస్‌ బిష్ణుపద సెఠిని, సాధారణ పరిపాలన, ప్రజా ఫిర్యాదుల శాఖలో ప్రత్యేక విధి అధికారిగా (ఓఎస్‌డీ) నియమించారు.పంచాయతీరాజ్‌, తాగునీటి శాఖలో కమిషనర్‌ కమ్‌ సెక్రటరీగా పని చేస్తున్న గిరీష్‌ ఎస్‌.ఎన్‌ బదిలీ చేసి ఆరోగ్య, కుటుంబ సంక్షేమ శాఖకు ప్రభుత్వ కమిషనర్‌ కమ్‌ సెక్రటరీగా నియమించారు. ఆరోగ్య, కుటుంబ సంక్షేమ శాఖ కమిషనర్‌ కమ్‌ సెక్రటరీగా, ఒడిశా స్టేట్‌ ఇన్‌నిస్టిట్యూట్‌ ఫర్‌ ట్రాన్స్‌ఫార్మేటివ్‌ ఇనిషియేటివ్స్‌ ముఖ్య కార్యనిర్వహణాధికారిగా అదనపు బాధ్యతలు నిర్వహిస్తున్న అశ్వతి ఎస్‌, ఆర్థిక శాఖకు ప్రభుత్వ ప్రత్యేక కార్యదర్శిగా నియమితులయ్యారు. కేంద్ర డిప్యుటేషన్‌ నుంచి తిరిగి వచ్చిన రూపా మిశ్రా, పంచాయతీ రాజ్‌ మరియు తాగునీటి శాఖకు కమిషనర్‌ కమ్‌ సెక్రటరీగా నియమితులయ్యారు. రూ.2.38 కోట్లు విలువైన గంజాయి పట్టివేత మల్కన్‌గిరి: ఒడిశా నుంచి ఉత్తరప్రదేశ్‌కు అక్రమంగా తరలిస్తున్న గంజాయిని చత్తీస్‌గఢ్‌ పోలీసులు ఒడిశా బోడార్‌లో గురువారం రాత్రి పట్టుకున్నారు. పెట్రోలింగ్‌ నిర్వహిస్తున్న సమయంలో ఓ పికప్‌ వ్యాన్‌లో 15 బస్తాల్లో తరలిస్తున్న సుమారు 476 కిలోల గంజాయిని స్వాధీనం చేసుకున్నారు. వాహనంలో ఉన్న నలుగురిని అరెస్టు చేశారు. నిందితులు మల్కన్‌గిరి జిల్లాకు చెందిన వారు. ఉత్తరప్రదేశ్‌కు తరలిస్తుండగా భగవన్‌ పంగి, ఘాసి ఖిలో, చిత్రసేన్‌ గల్లోరీ, రోహిన గల్లోరిని అరెస్టు చేశారు. వీరిని జగదల్‌పూర్‌కు తరలించారు. అక్కడ పోలీసులు కేసు నమోదు చేసి కోర్టుకు తరలిస్తామని పేర్కొన్నారు. ఈ గంజాయి విలువ రూ.2కోట్ల 38 లక్షలు ఉంటుందని వివరించారు.

● జిల్లా కలెక్టర్‌కు తండికి గ్రామస్తుల విజ్ఞప్తిమల్కన్‌గిరి: తమ గ్రామంలో నెలకున్న వివిధ సమస్యలను పరిష్కరించాలని మల్కన్‌గిరి సమితి తండికి పంచాయతీకి చెందిన ప్రజలు కోరారు. ఈ మేరకు జిల్లా కలెక్టర్‌ ప్రధమేశ్‌ను గురువారం కలిసి వినతిపత్రం అందజేశారు. తండికి పంచాయతీ పరిధిలోని బురిది, గుటమగూఢ, దామగూఢ, తెంతులిగూఢ, బాలగూఢ, జాముగూఢ, లక్ష్మణ్‌పూర్‌, నారాయణ్‌గూఢ, దంగాగూఢ, గురాఘట్‌, అయ్‌తగూఢ తదితర గ్రామాలను చెందిన ప్రజలు తమ సమస్యలను కలెక్టర్‌ దృష్టికు తెచ్చారు. ముఖ్యంగా ఈ గ్రామాల్లోని వ్యవసాయ భూములకు సాగునీటి సౌకర్యం లేకపోవడంతో రైతులు పూర్తిగా వర్షాధారంగానే వ్యవసాయం చేస్తున్నారని వివరించారు. ఈ ఏడాది ఆశించిన స్థాయిలో వర్షాలు కురవకపోవడంతో పంటలు ఎండిపోయి, వరిసాగు తీవ్రంగా దెబ్బతినడంతో నష్టపోయారని ఆవేదన వ్యక్తం చేశారు. ఈ పరిస్థితిలో తమ గ్రామాలను కరువు ప్రాంతంగా ప్రకటించాలని విజ్ఞప్తి చేశారు. అలాగే పైపులైన్‌ ద్వారా తాగునీరు సరఫరా చేయాలని, వ్యవసాయ భూములకు సాగునీటి సౌకర్యం కల్పించాలని కోరారు. కలెక్టర్‌ను కలిసిన వారిలో ఆదివాసీ సంఘం బురుది శాఖ జోన్‌ ప్రతినిధి ఇంద్రరాజ్‌ దురువా, అజయ్‌ మాడి, రసు మాడ్కామి తదితరులు ఉన్నారు.

రాయగడ: భారత జాతీయ భద్రత, డేటా సార్వభౌమత్వం, పౌరుల గోప్యతతో పాటు స్వదేశీ టెలికం పరిశ్రమ ప్రయోజనాలను పరిరక్షించేందుకు అమెరికాకు చెందిన స్పేస్‌ఎక్స్‌ సంస్థ స్టార్‌లింక్‌కు భారత్‌లో సేవలందించేందుకు అనుమతులు ఇవ్వకూడదని, ఇప్పటికే ఇచ్చిన అనుమతులను రద్దు చేయాలని స్వదేశీ జాగరణ మంచ్‌ రాయగడ జిల్లా శాఖ డిమాండ్‌ చేసింది. ఈ మేరకు శుక్రవారం రాష్ట్రపతి ద్రౌపది ముర్ముకు ఉద్దేశించిన వినతిపత్రాన్ని అదనపు కలెక్టర్‌ రవీంద్రనాథ్‌ కుమార్‌ కహార్‌కు అందజేశారు. స్టార్‌లింక్‌ ఉపగ్రహ నెట్‌వర్క్‌పై విదేశీ సంస్థ నియంత్రణ దేశ జాతీయ భద్రత, వ్యూహాత్మక సార్వభౌమత్వానికి ప్రమాదకరమని మంచ్‌ వినతిపత్రంలో పేర్కొంది. భారతీయ పౌరుల వ్యక్తిగత సమాచార భద్రత, గోప్యతకు ముప్పు ఏర్పడడంతో పాటు కీలకమైన డేటా విదేశీ సంస్థల చేతుల్లోకి వెళ్లే అవకాశముందని ఆందోళన వ్యక్తం చేసింది. విదేశీ పెట్టుబడులపై వ్యూహాత్మకంగా ఆధారపడడం వల్ల దేశీయ టెలికం రంగం బలహీనపడుతుందని, బీఎస్‌ఎన్‌ఎల్‌తో పాటు స్వదేశీ టెలికం సంస్థల ప్రయోజనాలు దెబ్బతింటాయని పేర్కొంది. స్టార్‌లింక్‌కు యూనిఫైడ్‌ లైసెన్స్‌ పరిధిలో అనుమతులు మంజూరు చేయవద్దని, ఇప్పటికే ఇచ్చిన అనుమతులను రద్దు చేయాలని మంచ్‌ కోరింది. ఈ నిర్ణయం ఆత్మ నిర్భర్‌ భారత్‌ లక్ష్యాలకు విరుద్దమని పేర్కొంటూ, దేశీయ టెలికం పరిశ్రమ అభివృద్ధికి ఆటంకం కలిగించే విదేశీ ఆధారిత విధానాలను పునః పరిశీలించాలని విజ్ఞప్తి చేసింది. కార్యక్రమంలో స్వదేశీ జాగరణ మంచ్‌ జిల్లా సమన్వయకర్త సుదర్శన్‌ పాడి, సీనియర్‌ సిటిజన్స్‌ ప్రముఖుడు డాక్టర్‌ బిపిన్‌ బిహారి బిశ్వాల్‌, పర్యావరణ ప్రముఖుడు, న్యాయవాది లావన్య మోహన్‌ పట్నాయక్‌ తదితరులు పాల్గొన్నారు.

● కొరాపుట్‌ జిల్లా కలెక్టర్‌ సత్యవాన్‌ మహాజన్‌ వెల్లడికొరాపుట్‌: ఆంధ్రప్రదేశ్‌లో ఈ నెల ఐదో తేదీన జరిగిన ఎంపీటీసీ, జెడ్పీటీసీ ఎన్నికల్లో కొఠియా ప్రాంత ప్రజలు కేవలం పది శాతం మాత్రమే ఓట్లు వేశారని కొరాపుట్‌ జిల్లా కలెక్టర్‌ సత్యవాన్‌ మహాజన్‌ వెల్లడించారు. కొరాపుట్‌ కలెక్టరేట్‌లో శుక్రవారం నిర్వహించిన మీడియా ప్రతినిధుల సమావేశంలో కలెక్టర్‌ సత్యవాన్‌ మహాజన్‌ వివరాలు తెలియజేశారు. మొత్తం కొఠియా గ్రామాల ప్రజలు కేవలం పది శాతం మాత్రమే పోలింగ్‌ పాల్గొన్నారన్నారు. వారిని కూడా ప్రలోభ పెట్టి ఒటింగ్‌లో పాల్గొనేటట్లు చేశారన్నారు. 40 శాతం పోలింగ్‌లో పాల్గొన్నరన్న వార్తలు కొట్టి పారేశారు. తన వద్ద గ్రౌండ్‌ రిపోర్ట్‌ ఉందన్నారు. ఈ విడత కొఠియాలో ఏ గ్రామంలో కూడా ఆంధ్ర పోలింగ్‌ బూత్‌ ఏర్పాటు చేయలేక పోయిందన్నారు. ఇది ఒక విజయమన్నారు. ఎన్నికలప్పుడు వచ్చే వారి మాటలకు ఇక పై చెల్లు బాటు చేస్తామన్నారు. కొఠియా గ్రామాల్లో విస్తృత అభివృద్ధి పనులు చేసి ప్రజల మనసులు చూరగొంటామన్నారు. ప్రజలే అభివృద్ధి కావాలా లేదా ఎన్నికలప్పుడు వచ్చే దళారుల కావాలో తేల్చుకుంటారని కలెక్టర్‌ అన్నారు.

● రైళ్లలో అగ్ని ప్రమాదాల నివారణకు విస్తృత చర్యలుభువనేశ్వర్‌: దీపావళి నేపథ్యంలో రైళ్లలో అగ్ని ప్రమాదాలను నివారించేందుకు ఈస్ట్‌కోస్ట్‌ రైల్వే ప్రత్యేక భద్రతా తనిఖీలు చేపట్టింది. ఈ నెల 18వ తేదీ వరకు ఖుర్దా రోడ్‌, సంబల్‌పూర్‌, రాయగడ డివిజన్ల పరిధిలో ఈ తనిఖీలు కొనసాగనున్నాయి. అన్ని విభాగాల అధికారులు, పర్యవేక్షకులు ఇందులో పాల్గొంటున్నారు. అగ్ని ప్రమాదాలకు కారణం అయ్యే పరిస్థితులను ముందుగానే గుర్తించడం, అగ్నిమాపక పరికరాలు అందుబాటులో ఉండేలా చూడటం, అవి సక్రమంగా పనిచేస్తున్నాయో తనిఖీ చేయడం, ప్రయాణికులు–రైల్వే సిబ్బందిలో అగ్ని భద్రతపై అవగాహన కల్పించడం ఈ చర్యల ప్రధాన ఉద్దేశం. ప్రమాదకర వస్తువులపై నిఘా ప్రయాణికులు రైళ్లలో బాణసంచా, గ్యాస్‌ సిలిండర్లు, పెట్రోల్‌, కిరోసిన్‌, యాసిడ్‌ తదితర మండే, ప్రమాదకర పదార్థాలను తీసుకెళ్లవద్దని రైల్వే అధికారులు హెచ్చరించారు. రైళ్లలో నిషేధిత వస్తువులను తీసుకెళ్లడం రైల్వే చట్టం–1989 ప్రకారం శిక్షార్హమైన నేరమని తెలిపారు. నేరం రుజువైతే గరిష్ఠంగా మూడేళ్ల వరకు జైలు శిక్ష పడే అవకాశం ఉందన్నారు. అనుమానాస్పద సామగ్రి లేదా నిబంధనల ఉల్లంఘన కనిపిస్తే వెంటనే రైల్వే సిబ్బందికి సమాచారం ఇవ్వాలని లేదా 139 రైల్వే సహాయవాణికి ఫోన్‌ చేయాలని ప్రయాణికులకు సూచించారు. లగేజీ, పార్సిళ్లపై ఆకస్మిక తనిఖీలు రైల్వే అధికారులు రైల్వే రక్షణ దళం, ప్రభుత్వ రైల్వే పోలీసుల సహకారంతో రైళ్లలోని లగేజీ, పార్సిళ్లను ఆకస్మికంగా తనిఖీ చేయనున్నారు. ముఖ్యంగా రైళ్లలోని సామగ్రి బోగీల్లోకి ఎక్కించే ముందు తనిఖీలు నిర్వహిస్తారు. స్టేషన్లు, రైలు బోగీలు, ఆహారశాల బోగీలు, విద్యుత్‌ బోగీలు, ఇంజిన్లలో అగ్నిమాపక పరికరాలు అందుబాటులో ఉన్నాయా? అవి సక్రమంగా పనిచేస్తున్నాయా? అన్నది పరిశీలిస్తారు. పొగ, అగ్నిని గుర్తించే వ్యవస్థల పనితీరును కూడా తనిఖీ చేయనున్నారు. విద్యుత్‌ వైరింగ్‌పై ప్రత్యేక దృష్టి రైలు బోగీలు, ఆహారశాల బోగీల్లోని విద్యుత్‌ వైరింగ్‌, భద్రతా వ్యవస్థలను పరిశీలించి వదులుగా ఉన్న తీగలు, ఇతర ప్రమాదకర పరిస్థితులను గుర్తించనున్నారు. మొబైల్‌ ఫోన్లు, ల్యాప్‌టాప్‌లను చార్జ్‌ చేసే విద్యుత్‌ సాకెట్లను హీటర్లు లేదా ఇతర విద్యుత్‌ పరికరాల కోసం ఉపయోగించవద్దని ప్రయాణికులను హెచ్చరించారు. బోగీల్లోని ప్రయాణ మార్గాలు, మధ్యదారులు, తలుపుల వద్ద ఎలాంటి వస్తువులతోనూ అడ్డంకులు లేకుండా చూడాలని సిబ్బందిని ఆదేశించారు. ‘ధూమపానం నిషేధం’ సూచికలు స్పష్టంగా కనిపించేలా ఏర్పాటు చేయాలని సూచించారు. సిబ్బందికి అవగాహన ఆహారశాల బోగీల సిబ్బంది, కాంట్రాక్టు కార్మికులకు అగ్ని ప్రమాదాల నివారణ, అగ్నిమాపక పరికరాల వినియోగంపై ప్రత్యేక అవగాహన కల్పించనున్నారు. ప్రయాణికులకు కూడా అగ్ని భద్రతా జాగ్రత్తలపై అవగాహన కల్పించేందుకు స్టేషన్లు, రైళ్లలో భద్రతా సూచికలు, కరపత్రాలు ఏర్పాటు చేసి పంపిణీ చేస్తున్నారు. రైళ్లపై నిరంతర నిఘా స్టేషన్‌ సిబ్బంది, క్యాబిన్‌ సిబ్బంది, గేట్‌మెన్లు, రైళ్ల విధుల్లో ఉండే సిబ్బంది మరింత అప్రమత్తంగా ఉండాలని రైల్వే అధికారులు ఆదేశించారు. ప్రయాణిస్తున్న రైళ్లలో ఎక్కడైనా అగ్ని ప్రమాదం జరిగినట్లు గుర్తించినా, పొగ లేదా ఇతర ప్రమాద సంకేతాలు కనిపించినా వెంటనే ఉన్నతాధికారులకు సమాచారం ఇవ్వాలని సూచించారు. దీపావళి సందర్భంగా రైళ్లలో అగ్ని ప్రమాదాలను ముందుగానే గుర్తించి నివారించడంతోపాటు, ప్రయాణికులకు సురక్షితమైన రైలు ప్రయాణాన్ని అందించడమే ఈ ప్రత్యేక భద్రతా తనిఖీల లక్ష్యమని ఈస్ట్‌కోస్ట్‌ రైల్వే తెలిపింది.

భువనేశ్వర్‌: పూరీ శ్రీ జగన్నాథ ఆలయంలో భక్తుల దర్శన విధానంలో కీలక మార్పు చోటుచేసుకోనుంది. రద్దీ నియంత్రణతో పాటు భక్తులకు క్రమబద్ధమైన, సౌకర్యవంతమైన దర్శనం కల్పించే ఉద్దేశంతో ప్రతిపాదించిన ‘ధాడీ దర్శన్‌’ (క్యూ దర్శన) వ్యవస్థ అమలుకు సిద్ధమవుతోంది. కార్తీక మాసం ముగిసిన అనంతరం, నూతన సంవత్సరానికి ముందే ఈ కొత్త విధానాన్ని ప్రారంభించాలని రాష్ట్ర ప్రభుత్వం నిర్ణయించింది. ఏర్పాట్లన్నీ ప్రస్తుతం తుది దశకు చేరుకున్నాయని న్యాయశాఖ మంత్రి పృథ్వీరాజ్‌ హరిచందన్‌ శుక్రవారం వెల్లడించారు. గంటకు 10 వేల మందికి దర్శనం కొత్త విధానంలో ఒకేసారి ఎనిమిది ర్యాంపుల ద్వారా భక్తులను దర్శనానికి అనుమతించనున్నారు. తద్వారా గంటకు సుమారు 10 వేల మంది భక్తులు మహాప్రభువును దర్శించుకునేలా ఏర్పాట్లు చేస్తున్నారు. రద్దీ సమయాల్లో భక్తుల కదలికలను క్రమబద్ధీకరించడం, ఒకేచోట భారీగా గుమిగూడకుండా చూడటం ఈ వ్యవస్థ ప్రధాన లక్ష్యంగా అధికారులు చెబుతున్నారు. గరుడ స్తంభం – బహార కఠొ మధ్య ఏర్పాటు క్యూ దర్శన వ్యవస్థను గరుడ స్తంభం నుంచి బహార కఠొ వరకు ఉన్న ప్రాంతంలో ఏర్పాటు చేయనున్నారు. ర్యాంపుల వ్యవస్థ మడతపెట్టే వంతెన తరహాలో పనిచేసేలా రూపొందించారు. దర్శనం సమయంలో ర్యాంపులను తెరిచి భక్తులను అనుమతించి, ఆలయ నిత్య కై ంకర్యాలు పూర్తయ్యే సమయంలో వాటిని మూసివేసే విధంగా సాంకేతిక రూపకల్పన చేశారు. ఈ వ్యవస్థకు ఐఐటీ భువనేశ్వర్‌ సాంకేతిక సహకారం అందించింది. ప్రతిపాదన నుంచి అమలుదిశగా.. శ్రీమందిరంలో క్యూ దర్శన వ్యవస్థపై గత కొంతకాలంగా చర్చ జరుగుతోంది. ఈ ఏడాది ఆగస్టులో ప్రభుత్వం తొలుత మూడు–నాలుగు నెలల్లో వ్యవస్థను అమల్లోకి తీసుకురావాలని ప్రతిపాదించింది. అప్పట్లో ఐదు ర్యాంపుల ద్వారా ఒకేసారి సుమారు 50 మంది దర్శనం చేసుకునేలా ప్రాథమిక నమూనాను పరిశీలించారు. గంటకు సుమారు 8 వేల మందికి దర్శనం కల్పించే లక్ష్యాన్ని కూడా వెల్లడించారు. అనంతరం అక్టోబరులో పైలట్‌ మోడల్‌ను సిద్ధం చేసి, ముందుగా ప్రతిహారి నియోగంతోపాటు ఇతర సేవాయత్‌ నియోగుల అభిప్రాయాలను తీసుకోవాలని నిర్ణయించారు. భారీ రద్దీ సమయంలో తాళ్లతో ఏర్పాటు చేసే సాధారణ బారికేడ్ల కంటే ప్రత్యేక క్యూ వ్యవస్థే సమర్థంగా ఉంటుందని ప్రభుత్వం భావించింది. నియోగుల పరిశీలన తర్వాతే తుది నిర్ణయం ప్రస్తుత దశలో ఛొత్తీసా నియోగులు, శ్రీ జగన్నాథ ఆలయ పాలకమండలి సభ్యులు కొత్త దర్శన ఏర్పాట్లను పరిశీలించనున్నారు. వారి పరిశీలన, ఆమోదం అనంతరం వ్యవస్థను అమల్లోకి తీసుకురానున్నారు. అంటే ఏర్పాట్లు తుది దశకు చేరుకున్నప్పటికీ, ఆలయ సంప్రదాయాలు, నిత్యకై ంకర్యాలు, భక్తుల రాకపోకలకు అనుగుణంగా చివరి పరిశీలనకు ప్రాధాన్యం ఇస్తున్నారు. భారీ రద్దీకి పరిష్కారంగా.. శ్రీమందిరానికి ఏడాది పొడవునా దేశం నలుమూలల నుంచి భక్తులు తరలివస్తుంటారు. రథ యాత్ర, స్నాన పౌర్ణమి, సున్నా బేషొ వంటి ప్రత్యేక సందర్భాల్లో భక్తుల సంఖ్య మరింత పెరుగుతుంది. సున్నా బేషొ సమయంలో పూరీకి భారీగా భక్తులు తరలిరావడంతో భువనేశ్వర్‌–పూరీ జాతీయ రహదారిపైనా తీవ్ర రద్దీ ఏర్పడిన సందర్భాలున్నాయి. ఇటీవల కార్తీక వ్రతాల సందర్భంగా వేలాది హబిష్యాలీలు, ఇతర భక్తులు పూరీలో బస చేయడంతో ఆలయం పరిసరాల్లో రద్దీ నియంత్రణకు పోలీసులు ప్రత్యేక ఏర్పాట్లు చేశారు. ఆలయం లోపల, నాలుగు ప్రధాన ద్వారాల వద్ద కూడా బారికేడ్లు ఏర్పాటు చేసి భక్తుల కదలికలను క్రమబద్ధీకరించారు. ఈ నేపథ్యంలో కొత్త క్యూ దర్శన విధానం అందుబాటులోకి వస్తే భక్తుల ప్రవాహాన్ని నియంత్రించడంతో పాటు దర్శన ప్రక్రియ మరింత వ్యవసీకృతం కానుంది. అయితే ఆలయ ఆచారాలు, సేవాయతుల విధులు, ప్రత్యేక పర్వదినాల్లో ఉండే భారీ రద్దీకి అనుగుణంగా ఈ వ్యవస్థ ఎంత సమర్థంగా పనిచేస్తుందనేది అమలు అనంతరం కీలకంగా మారనుంది. ప్రతిపాదన నుంచి పైలట్‌ మోడల్‌ వరకు సాగిన ప్రక్రియ ఇప్పుడు తుది అమలుదశకు చేరుకోవడంతో.. నూతన సంవత్సరానికి ముందే మహాప్రభువు దర్శనంలో కొత్త అధ్యాయం ప్రారంభం కానుంది. గంటకు 10 వేల మంది భక్తులకు దర్శన సౌకర్యం నూతన సంవత్సరానికి ముందే అమలు

మల్కన్‌గిరి: ఒడిశా రాష్ట ప్రభుత్వ పాఠశాలలు, సామూహిక విద్యాశాఖ ఆధ్వర్యంలో జిల్లాలో నాలుగు గోదాబర్‌ మిశ్రో ఆదర్శ ప్రాథమిక పాఠశాలలకు శంకుస్థాపన చేశారు. మల్కన్‌గిరి సమితి గోరాఖుంట ప్రభుత్వ ఉన్నత ప్రాథమిక పాఠశాలలో మల్కన్‌గిరి ఎమ్మెల్యే నర్సింగ్‌ మడ్కామి నిర్మాణానికి శంకుస్థాపన చేశారు . జిల్లాస్థాయిలో జరిగిన శంకుస్థాపన కార్యక్రమంలో జిల్లా విద్యాశాఖ అధికారి చిత్తరంజాన్‌ పాణిగ్రాహి, జిల్లా అభివృద్ధి అధికారి దశరాథి సరాబు పాల్గొన్నారు. అదేవిధంగా పోడియా సమితి ఉండురకొండ వద్ద జరిగిన శంకుస్థాపనలో కలిమెల సమితి విద్యాశాఖ అధికారి రమోష్‌ బరోయి హాజరయ్యారు. మల్కన్‌గిరి సమితి సిమిలిబంచ్‌ వద్ద పోడియా సమితి విద్యాశాఖ అధికారి స్వప్నేశ్వర్‌ నాయక్‌ శంకుస్థాపన చేశారు. అలాగే ఖోయిర్‌పూట్‌ సమితి మాడ్కపోదర్‌ వద్ద జిల్లా అదనపు విద్యాశాఖ అధికారి మంజులాతా బోయ్‌ హాజరయ్యారు.

మల్కన్‌గిరి: మల్కన్‌గిరి జిల్లా చిత్రకొండ సమితి స్వాభీమాన్‌ ఏరియా ధూలిపూట్‌ పంచాయతీ జుమాడాండ్‌ గ్రామంలో నివసిస్తున్న 45 కుటుంబాలు నివాసం ఉంటున్నాయి. ఈ గ్రామం ఽఆంధ్రా అల్లూరి జిల్లా పేదబాయిల్‌ మండలం ఇంజారి పంచాయతీకి ఐదు కిలోమీటర్ల దూరంలో ఉంది. గ్రామం మాత్రం పూర్తిగా ఒడిశాలోనే ఉంది. ఒడిశా పథకాలు వీరికి అందకపోవడంతో వీరంతా ఆంధ్రాకు వెళ్లిపోవాలని నిర్ణయించుకున్నారు. గురువారం జరిగిన పంచాయతీ ఎన్నికల్లో ఓట్లు వేసేందుకు నిర్ణయించుకోగా.. అధికారులు ఆ గ్రామానికి చేరుకున్నారు. తమ 12 డిమాండ్లు నెరవేరిస్తేనే ఉంటామని, లేదంటే ఆంధ్రాలో కలిసిపోతామని వారు తేల్చి చెప్పారు. ఆంధ్రా తరహాలో సంక్షేమ పథకాలు అందించాలన్నారు. జిల్లా అదనపు కలెక్టర్‌ వేద్బర్‌ ప్రధాన్‌ కు డిమాండ్లతో వినతి పత్రం అందజేశారు.

● భుషంగగుడ పంచాయతీ ప్రజల డిమాండ్‌ ● పోలీస్‌స్టేషన్‌ను ముట్టడించిన మహిళలుజయపురం: మద్యం, నాటుసారా అమ్మకాలను తమ గ్రామంలో నిలిపి వేయాలని మహిళలు నినదించారు. అంతటితో ఆగకుండా కుంధ్ర పోలీసుస్టేషన్‌కు చేరుకొని ముట్టడించారు. జయపురం సబ్‌డివిజన్‌ కుంద్ర సమితి భుషంగగుడ గ్రామ పంచాయితీ గ్రామాల నుంచి మహిళ సంఘాలు, స్వయం సహాయక గ్రూపులకు చెందిన వందలాది మంది మహిళలు కుంధ్ర పోలీసు స్టేషన్‌ను శుక్రవారం ముట్టడించారు. నినాదాలు చేస్తూ ఆందోళన జరిపారు. రెండు నెలలుగా తాము తమ గ్రామ పంచాయతీలో సారా బట్టీలను ఎత్తివేయించాలని, మద్యం అమ్మకాలు బంద్‌ చేయాలని అబకారీ అధికారులు, పోలీసులు, జిల్లా కలెక్టర్‌కు విజ్ఞప్తి చేస్తున్నా పట్టించుకోవడం లేదని మహిళలు ఆరోపించారు. అయినా సారా బట్టీలు అమ్మకాలు ఎందుకు బందు చేయలేదని అధికారులను సూటిగా ప్రశ్నించారు. భుషంగగుడ పంచాయతీలో ప్రతి గ్రామంలోను సారా వండే బట్టీలు, సారా అమ్మకాలు యథేచ్ఛగా జరుగుతున్నాయని ఆరోపించారు. గ్రామాలలో యువకుల నుంచి విద్యార్థుల వరకు మద్యానికి బానిసైపోతున్నారని ఆవేదన వ్యక్తం చేశారు. గ్రామాలలో సారా విచ్చల విడిగా అమ్మటం వలన పాఠశాలలు, కళాశాలలు మార్కెట్‌ మొదలగు ప్రాంతాలలో అసామాజిక శక్తుల వలన శాంతి భద్రతలు క్షీణిస్తున్నాయని ఆరోపించారు. కుంధ్ర పోలీసులు సారాబట్టీలపై దాడులు చేయటం లేదని మహిళలు మండిపడ్డారు. అబకారీ అధికారులు ఎందుకు నిద్ర వదలటం లేదని నిలదీశారు. చట్టవిరుద్ద సారా బట్టీలు, సారా అమ్మకాలు వెంటనే బందు చేయాలని జిల్లా కలెక్టర్‌, జయపురం సబ్‌కలెక్టర్లను వినతి పత్రాలను పోలీసు అధికారికి అందజేశారు. సారా బట్టీలు, దుకాణాలపైన దాడులు నిర్వహించి మద్యం మాఫియాను అరెస్టు చేసి కఠిన చర్యలు చేపట్టాలని డిమాండ్‌ చేశారు. అలాగే రోజూ పెట్రోలింగ్‌ జరపాలని కోరారు. కుంధ్ర అబకారీ అధికారి ప్రతాప్‌ కుమార్‌ రథ్‌ పోలీసు స్టేషన్‌కు చేరుకొని ఆందోళనకారులతో రెండు గంటల పాటు చర్చలు జరిపారు. అయితే ఆందోళనకారులను శాంతిపజేయడంతలో విఫలమయ్యారు. పోలీసు అధికారి అశ్విణీ పట్నాయక్‌ కూడా మహిళలకు నచ్చ చెప్పేందుకు ప్రయత్నించారు. అయినా వారు మద్యం అమ్మకాలు, బట్టీలు బంద్‌ అయ్యేంత వరకు తమ ఆందోళన కోనసాగుతోందని స్పష్టం చేశారు.

భువనేశ్వర్‌: హైటెక్‌ డెంటల్‌ కాలేజీలో నూతన బీడీఎస్‌ విద్యార్థుల కోసం ఓరియెంటేషన్‌ కార్యక్రమాన్ని నిర్వహించారు. ఈ సందర్భంగా కొత్తగా చేరిన విద్యార్థులకు స్వాగతం పలికి, కళాశాల, క్యాంపస్‌లోని సౌకర్యాలను పరిచయం చేశారు. ఈ సందర్భంగా హైటెక్‌ గ్రూప్‌ వ్యవస్థాపక చైర్మన్‌ డాక్టర్‌ తిరుపతి పాణిగ్రాహి మాట్లాడుతూ.. వైద్య వృత్తిలో రాణించాలంటే ఓర్పు, సున్నితత్వం, ధైర్యం, సమయపాలన, మానవత్వం వంటి లక్షణాలు ఎంతో ముఖ్యమన్నారు. విద్యార్థి దశ నుంచే ఈ గుణాలను అలవర్చుకోవాలని సూచించారు. ఎంబీబీఎస్‌ అయినా, బీడీఎస్‌ అయినా ప్రతి వైద్యుడు రోగుల పట్ల మానవతా దృక్పథంతో వ్యవహరించాలని పేర్కొన్నారు. హైటెక్‌ మేనేజింగ్‌ ట్రస్టీ సురేష్‌ పాణిగ్రాహి మాట్లాడుతూ.. విద్యార్థుల కంటే వారి తల్లిదండ్రులే ఎంతో అదృష్టవంతులని, తమ పిల్లలు వైద్య విద్యలో అడుగుపెట్టాలన్న వారి కల నెరవేరిందని అన్నారు. హైటెక్‌ డెంటల్‌ కాలేజీ తాత్కాలిక అధ్యక్షురాలు ఇంజనీర్‌ మధుస్మిత త్రిపాఠి మాట్లాడుతూ.. నైపుణ్యం కలిగిన దంత వైద్యులుగా ఎదగడానికి అవసరమైన అన్ని సౌకర్యాలు కళాశాలలో ఉన్నాయని తెలిపారు. విద్యార్థులు ఓర్పు, అంకితభావంతో విద్యను అభ్యసిస్తూ రోగులకు సేవ చేయడం ద్వారా మంచి దంత వైద్యులుగా ఎదగాలని ఆకాంక్షించారు. హైటెక్‌ వైద్య, పరిపాలనా విభాగాల డైరెక్టర్‌ ప్రొఫెసర్‌ డాక్టర్‌ సీతారాం మహాపాత్రో మాట్లాడుతూ.. దంత వైద్యులు ఏ విషయంలోనూ ఎంబీబీఎస్‌ వైద్యులకు తీసిపోరని అన్నారు. ఉద్యోగ, వృత్తిపరమైన గౌరవం తదితర అంశాల్లో వారు సమాన స్థాయిలో ఉన్నారని పేర్కొన్నారు. ముఖ్య అతిథిగా పాల్గొన్న ఐజీ పోలీస్‌ సతీష్‌ గజ్వీ, ఐపీఎస్‌ మాట్లాడుతూ.. దంత వైద్యం ప్రాధాన్యం రోజురోజుకూ పెరుగుతోందన్నారు. మారుతున్న జీవన విధానం, ఆరోగ్య పరిస్థితుల నేపథ్యంలో దంత వైద్యుల అవసరం మరింత పెరుగుతోందని పేర్కొన్నారు. కార్యక్రమంలో ట్రస్టీ అంకితా పాణిగ్రాహి, సీఈఓ డాక్టర్‌ ఇషా జునేజా, హైటెక్‌ డెంటల్‌ కాలేజీ చైర్మనన్‌ ప్రొఫెసర్‌ డాక్టర్‌ సంగ్రామ్‌ పాత్రో, హైటెక్‌ మెడికల్‌ కాలేజీ చైర్మన్‌ ప్రొఫెసర్‌ డాక్టర్‌ దేబానంద మహాపాత్రో, డీన్‌ డైరెక్టర్‌ ప్రొఫెసర్‌ డాక్టర్‌ రాధామాధవ్‌ త్రిపాఠి, డెంటల్‌ కాలేజీలోని వివిధ విభాగాల అధిపతులు పాల్గొన్నారు.

పర్లాకిమిడి: స్థానిక కలెక్టరేట్‌ యూనియన్‌ బ్యాంకు గ్రామీణ స్వయం ఉపాధి శిక్షణ మందిరంలో మండియా దివాస్‌ (రాగులు), శ్రీఅర్నయోజనా పథకం స్టాల్స్‌ను జిల్లా వ్యవసాయ అధికారులు నిర్వహించారు. ఈ కార్యక్రమానికి ముఖ్యఅతిథిగా ఎమ్మెల్యే రూపేష్‌ పాణిగ్రాహి విచ్చేసి కలెక్టరేట్‌ వద్ద రాగులు, జోన్నల స్టాళ్లను ప్రారంభించారు. అనంతరం జరిగిన సమావేశంలో ఏడీఎం మునీంద్ర హానంగ, జిల్లా ముఖ్య వ్యవసాయ అధికారి రవీంద్ర కుమార్‌ అదెక్‌, ఆదనపు మత్స్యఅధికారి బిరంచీ నారాయణ మంగరాజ్‌, ఆదనపు ఎస్పీ నిరంజన్‌ బెహారా పాల్గొన్నారు. రాగు జావ మనకు పౌష్టిక ఆహారమని అన్నారు. నిత్య ఆహారంలో రోజూ ఉదయం తీసుకోవాలని ఏ.డి.యం. మునీంద్ర హానంగ అన్నారు. ఈ నెల 10, 11 తేదీలలో శ్రీఅర్న యోజనా పథకంపై అంతర్జాతీయ సమ్మేళనం జరుగనున్న దృష్ట్యా పర్లాకిమిడి అనేక కార్యక్రమాలు జరుగనున్నాయని జిల్లా వ్యవసాయ అధికారి రవీంద్ర కుమార్‌ అధెక్‌ అన్నారు. ఈ సందర్భంగా జిల్లాలో మోహానాలో రాగు పంటను ప్రధానంగా వేసి అధిక స్థాయిలో దిగుబడి సాధించిన రైతుకు మెమెంటో, ప్రశంసా పత్రాన్ని ఎమ్మెల్యే రూపేష్‌ పాణిగ్రాహి అందజేశారు. కార్యక్రమంలో ఆదనపు కృషి అధికారి, మిల్లెట్‌ మిషన్‌ సంఘమితార ప్రధాన్‌, వ్యవసాయ ఉద్యోగి శుభశ్రీ ప్రియదర్శినీ వాఖ్యాతగా వ్యవహారించగా, కె.సూరజ్‌ కుమార్‌ పాత్రో, సోమేష్‌ మైత్రి తదితరులు పాల్గొన్నారు. శ్రీకాకుళం రూరల్‌: ఉత్తరాంధ్రలోని నిరుద్యోగ యువతీ యువకులకు ఉపాధి కోర్సుల్లో శిక్షణ ఇచ్చి ఉద్యోగ అవకాశాలు కల్పిస్తున్నట్లు బొల్లినేని మెడిస్కిల్స్‌ ఎగ్జిక్యూటివ్‌ డైరెక్టర్‌ సీహెచ్‌ నాగేశ్వరరావు శుక్రవారం ఒక ప్రకటనలో తెలిపారు. విశాఖలోని స్కిల్‌ డెవలప్‌మెంట్‌ ఇన్‌స్టిట్యూట్‌ హెచ్‌పీసీఎల్‌ వారి ఆర్థిక సహకారంతో శిక్షణ ఉంటుందని పేర్కొన్నారు. జనరల్‌ డ్యూటీ అసిస్టెంట్‌, వేర్‌ హౌస్‌ అసోసియేట్‌, పేషెంట్‌ రిలేషన్‌ అసోసియేట్‌ కోర్సుల్లో మూడు నెలల పాటు రాగోలు జెమ్స్‌ ఆస్పత్రిలో ఆవరణలోని బొల్లినేని మెడిస్కిల్స్‌లో ఉచిత శిక్షణ ఇవ్వనున్నట్లు తెలిపారు. ఇంటర్‌, డిగ్రీ చదివిన 18 నుంచి 27 ఏళ్లలోపు యువతీ యువకులు అర్హులని పేర్కొన్నారు. పూర్తి వివరాలకు 9121999654, 7680945357 నంబర్లను సంప్రదించాలని కోరారు. ఆదిత్యుని సన్నిధిలో ఆర్‌టీఐ కమిషనర్‌ అరసవల్లి: ప్రత్యక్ష దైవం అరసవల్లి సూర్యనారాయణ స్వామిని రాష్ట్ర సమాచార హక్కు చట్టం (ఆర్‌టీఐ) కమిషనర్‌ పి.ఎస్‌.నాయుడు కుటుంబసమేతంగా శుక్రవారం దర్శించుకున్నారు. ఆలయ సూపరింటెండెంట్లు వెంకటేశ్వరరావు, వెంకటరమణ, అర్చకులు ఇప్పిలి సాందీప్‌శర్మ తదితరులు గౌరవ స్వాగతం పలికి అంతరాలయ దర్శనం చేయించారు. అనంతరం ఆలయ విశిష్టతను అర్చకులు కమిషనర్‌కు వివరించారు. స్వామి వారి శేషవస్త్రాలను, తీర్థప్రసాదాలను అందజేసారు. కార్యక్రమంలో పాలకమండలి సభ్యుడు కొయ్యాన రామ్మోహనరావు, అర్చకులు ఇప్పిలి రంజిత్‌ శర్మ, సాందీప్‌శర్మ, షణ్ముఖశర్మ, ఇన్‌చార్జి తహశీల్దార్‌ మునగవలస చక్రవర్తి, ఆర్‌ఐ లింగరాజు తదితరులు పాల్గొన్నారు.

రాయగడ: జిల్లాలోని బిసంకటక్‌ పట్టణంలో ధనలక్ష్మి పూజలకు సన్నాహాలు ప్రారంభమయ్యాయి. గుండిచా ఆలయం సమీపంలో గత 16 ఏళ్లుగా ధనలక్ష్మి అమ్మవారి పూజలను నిర్వాహకులు అత్యంత ఘనంగా నిర్వహిస్తున్నారు. ఈ ఏడాది కూడా అమ్మవారి ఉత్సవాలను నిర్వహించేందుకు ఇప్పటికే సన్నాహాలు ప్రారంభించారు. డిసెంబర్‌ 16వ తేదీ నుంచి 25వ తేదీ వరకు జరిగే ఈ ఉత్సవాలను పురస్కరించుకుని గురువారం వేదిక వద్ద నిర్వహించిన ముహూర్తపు రాట పూజల్లో అర్చకులు రామచంద్ర రథ్‌, కేశవ రథ్‌లు పూజా కార్యక్రమాలను నిర్వహించారు. ఉత్సవ నిర్వాహకులు అశ్విని రౌత్‌, శశాంక్‌ సాహు, అంజన్‌ సాహు, వి.గోపి, తపన్‌ మహంతి, సంతోష్‌ రాజు, శశిభూషణ్‌ పట్నాయక్‌, కుంజ రౌత్‌, రింటు గంతాయిత్‌ తదితరులు పాల్గొన్నారు.

● గాలిస్తున్న నేవీ సిబ్బంది ● సీహెచ్‌ కపాసుకుద్ధిలో విషాదఛాయలు కవిటి : సీహెచ్‌ కపాసుకుద్ధి గ్రామానికి చెందిన మత్స్యకారుడు బడే కూర్మారావు(36) గోవాలోని పాంజ ప్రాంతంలో సముద్రంలో వేట సాగిస్తుండగా ప్రమాదవశాత్తు నీటిలో పడి గల్లంతయ్యాడు. బుధవారం అర్ధరాత్రి సమాచారం చేరడంతో కుటుంబ సభ్యులు ఆందోళన చెందుతున్నారు. గ్రామస్తులు తెలిపిన వివరాల ప్రకారం.. బడే కూర్మారావు ఉపాధి నిమిత్తం వారం రోజుల కిందట గోవా రాష్ట్రం పంజా ప్రాంతానికి చేపల వేటకు వలస వెళ్లాడు. బుధవారం రాత్రి 10 గంటల సమయంలో బోటులో 20 మంది మత్స్యకారులతో కలిసి వేట ముగించుకుని తిరిగి వస్తుండగా ప్రమాదవశాత్తూ సముద్రంలో జారిపడ్డాడు. కొద్దిసేపటి తర్వాత తోటి మత్స్యకారులు గమనించి బోటులో వెతకగా కూర్మారావు కనిపించలేదు. వెంటనే వారు సముద్రంలో గాలింపు చేపట్టినా ప్రయోజనం లేకపోయింది. గోవా తీరంలో విధులు నిర్వహిస్తున్న నేవీ అధికారులకు సమాచారం వెంటనే సిబ్బందిని పంపించి బుధవారం తెల్లవారుజాము నుంచి గాలింపు చర్యలు ముమ్మరంగా కొనసాగిస్తున్నారు. కూర్మారావుకు భార్య కూర్మమ్మ, కుమారుడు శంకర్‌ (6వ తరగతి), కుమార్తె జ్యోతి (2వ తరగతి), తల్లిదండ్రులు ఢిల్లమ్మ, జోగారావు ఉన్నారు. కూర్మారావు ఆచూకీ త్వరగా గుర్తించి కుటుంబాన్ని ఆదుకోవాలని గ్రామస్తులు జిల్లా యంత్రాంగాన్ని, మత్స్యశాఖ అధికారులను కోరుతున్నారు.

భువనేశ్వర్‌: అర్నబ్‌ తుఫాన్‌, అనంతరం సంభవించిన వరదల కారణంగా ఒడిశాలోని వివిధ జిల్లాల్లో జరిగిన నష్టాలపై కేంద్ర ప్రభుత్వ వివిధ శాఖలతో కూడిన ఎనిమిది మంది సభ్యుల బృందం సమీక్ష నిర్వహించింది. ప్రభావిత ప్రాంతాల్లో క్షేత్రస్థాయి పర్యటన అనంతరం గురువారం లోక్‌సేవా భవన్‌లో జరిగిన సమావేశంలో బృందం తన పరిశీలనలను రాష్ట్ర ప్రభుత్వానికి వివరించింది. రాష్ట్ర ప్రభుత్వ ప్రధాన కార్యదర్శి అనూగర్గ్‌ అధ్యక్షతన జరిగిన ఈ సమావేశానికి కేంద్ర హోం శాఖ సంయుక్త కార్యదర్శి రవి శంకర్‌ నేతృత్వంలోని కేంద్ర బృందం హాజరైంది. వ్యవసాయం, ఆర్థికం, జలశక్తి, విద్యుత్‌, రోడ్డు రవాణా, గ్రామీణాభివృద్ధి తదితర కేంద్ర శాఖలకు చెందిన అధికారులు, ఇస్రోకు చెందిన నేషనల్‌ రిమోట్‌ సెన్సింగ్‌ సెంటర్‌ శాస్త్రవేత్త ఈ బృందంలో ఉన్నారు. రాష్ట్ర ప్రభుత్వం తరఫున అభివృద్ధి కమిషనర్‌, అదనపు సీఎస్‌ దేవరంజన్‌కుమార్‌ సింగ్‌, రెవెన్యూ శాఖ అదనపు సీఎస్‌ డాక్టర్‌ అరవింద్‌ కుమార్‌ పాఢీ, ప్రత్యేక సహాయ కమిషనర్‌ (ఎస్‌ఆర్‌సీ) రాజేష్‌ ప్రభాకర్‌ పాటిల్‌తో పాటు వివిధ శాఖల కార్యదర్శులు, ఉన్నతాధికారులు సమావేశంలో పాల్గొన్నారు. గజపతి, గంజాం జిల్లాల్లో క్షేత్రస్థాయి పరిశీలన కేంద్ర బృందం నవంబర్‌ 3న గజపతి, 4న గంజాం జిల్లాల్లోని తుఫాన్‌, వరద ప్రభావిత ప్రాంతాలను సందర్శించింది. ఈ సందర్భంగా పంటలు, రహదారులు, విద్యుత్‌ వ్యవస్థ, జలవనరుల శాఖకు చెందిన నదీ గట్లు, కాలువలు తదితర మౌలిక సదుపాయాలకు జరిగిన నష్టాన్ని పరిశీలించింది. క్షేత్రస్థాయి పరిస్థితులు, నష్టాల వివరాలను రాష్ట్ర అధికారులతో సమావేశంలో పంచుకుంది. తుఫాన్‌, అనంతరం వరదల కారణంగా వ్యవసాయ రంగానికి భారీ నష్టం వాటిళ్లినట్లు కేంద్ర బృందం గుర్తించింది. రహదారులు, విద్యుత్‌ వ్యవస్థ, నదీగట్లు, కాలువలు తదితర మౌలిక సదుపాయాలు కూడా తీవ్రంగా దెబ్బతిన్నట్లు పేర్కొంది. నష్టం విస్తృతంగా ఉండటంతో పూర్తిస్థాయి అంచనాకు మరికొన్ని రోజులు పడుతుందని జిల్లా కలెక్టర్లు కేంద్ర బృందానికి వివరించారు. ప్రతి ఇంటినీ సందర్శించి నష్టాలపై సమగ్ర సర్వే నిర్వహించాలని కేంద్ర బృందం సూచించింది. నదీగట్లు, కాలువల బలోపేతంపై దృష్టి ప్రభావిత ప్రాంతాల్లో నదీగట్లు, కాలువల ఎత్తు పెంచడంతో పాటు వాటిని మరింత పటిష్టం చేయాల్సిన అవసరంపై సమావేశంలో చర్చించారు. తాగునీటి మౌలిక సదుపాయాలు, జాతీయ రహదారులు, పంచాయతీరాజ్‌, గ్రామీణాభివృద్ధి, ఆర్‌అండ్‌బీ పరిధిలోని రహదారులు, వంతెనలకు జరిగిన నష్టాన్ని కూడా సమీక్షించారు. కొన్ని ప్రాంతాల్లో తాత్కాలిక మరమ్మతులు పూర్తయ్యాయని, మరికొన్ని చోట్ల పనులు కొనసాగుతున్నాయని అధికారులు తెలిపారు. భవిష్యత్‌ అవసరాలను దృష్టిలో ఉంచుకుని దీర్ఘకాలిక ప్రాతిపదికన మౌలిక సదుపాయాలను పునర్నిర్మించాల్సిన అవసరాన్ని కూడా కేంద్ర బృందం పరిశీలించింది. తుఫాన్‌, వరదల కారణంగా చేపల చెరువులు, పశుసంపదకు కూడా గణనీయమైన నష్టం వాటిళ్లినట్లు సమావేశంలో వెల్లడించారు. కేంద్ర బృందానికి ప్రాథమిక నివేదిక వివిధ శాఖలు సమర్పించిన నష్టాల వివరాల ఆధారంగా ఎస్‌ఆర్‌సీ కార్యాలయం రూపొందించిన ప్రాథమిక నివేదికను కేంద్ర బృందానికి అందజేశారు. పునర్నిర్మాణం, నదీగట్ల బలోపేతం తదితర చర్యలకు కేంద్ర ప్రభుత్వం నుంచి అవసరమైన సహాయం అందించే అంశంపై కూడా బృందం చర్చించింది. అలాగే 1999 నాటి పెను తుఫాన్‌ నుంచి ఇప్పటివరకు ఒడిశా ఎదుర్కొన్న వివిధ తుపాన్లు, వరదలు తదితర ప్రకృతి విపత్తుల గురించి ప్రధాన కార్యదర్శి అనూగర్గ్‌ కేంద్ర బందానికి వివరించారు. ఒడిశా ప్రతి ఏడాది అనేక ప్రకృతి విపత్తులను ఎదుర్కొంటున్న నేపథ్యంలో విపత్తు నిర్వహణతో పాటు ముందస్తు సన్నద్ధత, వేగవంతమైన బలగాల మోహరింపు, సహాయక చర్యలు, పునరావాసానికి ప్రభుత్వం అత్యధిక ప్రాధాన్యం ఇస్తోందని తెలిపారు. అదేవిధంగా భవిష్యత్‌లో విపత్తుల ప్రభావాన్ని తగ్గించడం, ప్రజల ప్రాణాలు, ఆస్తులను రక్షించడం లక్ష్యంగా రాష్ట్రంలో విపత్తులను తట్టుకునే మౌలిక వసతులు, సంస్థాగత సామర్థ్యాన్ని మరింత బలోపేతం చేసేందుకు నిరంతర చర్యలు చేపడుతున్నట్లు వివరించారు.

జయపురం: జయపురంలో ఎంతోకాలంగా ఉన్న వివిధ సమస్యలను వెంటనే పరిష్కరించాలని జయపురం సీనియర్‌ సిటిజన్స్‌ కమిటీ సభ్యులు సబ్‌ కలెక్టర్‌కు వినతిపత్రం గురువారం అందజేశారు. కమిటీ ఉపాధ్యక్షుడు సత్యానంద పండ నేతృత్వంలో సభ్యులు సబ్‌ కలెక్టర్‌ను కలిసి వినతిపత్రం అందించారు. పట్టణంలో డ్రైనేజీ, రోడ్లు అధ్వానంగా ఉన్నాయన్నారు. పారిశుద్ధ్య పరిరక్షణకు చర్యలు తీసుకోవాలని కోరారు. కార్యక్రమంలో కమిటీ కార్యదర్శి అభిమన్య భటమిశ్ర, సహాయ కార్యదర్శి నరసింహ పాణిగ్రహి, కోశాధికారి భీమషేన్‌ అగర్వాల్‌ తదితరులు పాల్గొన్నారు. కామెర్ల కట్టడికి చర్యలు భువనేశ్వర్‌: ఉత్కల్‌ విశ్వవిద్యాలయంలో కామెర్ల వ్యాప్తి కలకలం రేపిన నేపథ్యంలో అధికారులు నివారణ చర్యలను ముమ్మరం చేశారు. ప్రధానంగా క్యాంపస్‌లోని బాలికల హాస్టల్‌–6, హాస్టల్‌–7లో ఉంటున్న విద్యార్థుల్లో కామెర్లు నిర్ధారణ కావడంతో పెద్ద ఎత్తున ఆరోగ్య పరీక్షలు నిర్వహించారు. ముగ్గురు వైద్య నిపుణులతో కూడిన బృందం సుమారు 400 మంది బాలికా విద్యార్థులకు స్క్రీనింగ్‌ నిర్వహించింది. విద్యార్థుల ఆరోగ్య పరిస్థితిని పరిశీలించడంతో పాటు, కామెర్లకు సంబంధించిన లక్షణాలు ఉన్నాయా అనే దానిపై పరీక్షలు చేపట్టింది. ఇప్పటివరకు 12 మంది విద్యార్థులకు పాజిటివ్‌గా నిర్ధారణ అయినట్లు అధికారులు తెలిపారు. వ్యాధి వ్యాప్తిని అరికట్టడంతో పాటు, కేసులను ముందుగానే గుర్తించేందుకు విశ్వవిద్యాలయం చేపడుతున్న నివారణ చర్యల్లో ఈ స్క్రీనింగ్‌ కార్యక్రమం భాగమని అధికారులు తెలిపారు. విశ్వవిద్యాలయంలోని బోర్‌వెల్‌ నీటి సరఫరాను నిలిపివేసి, రెండు బాలికల హాస్టళ్లకు సురక్షిత తాగునీటిని సరఫరా చేస్తున్నట్లు వైస్‌ ఛాన్సలర్‌ చండీ ప్రసాద్‌ నందా తెలిపారు. క్యాంపస్‌లోని మొత్తం 12 హాస్టళ్ల నీటి ట్యాంకులను క్లోరినేషన్‌ చేసి శుభ్రం చేసినట్లు వెల్లడించారు. అదుపులోకి వచ్చిన పరిస్థితి మంగళవారం నుంచి కొత్తగా కామెర్ల కేసులు ఏవీ నమోదు కాలేదని అధికారులు తెలిపారు. ఆస్పత్రిలో చికిత్స పొందుతున్న ఇద్దరు విద్యార్థులు డిశ్చార్జి అయ్యారు. పాజిటివ్‌గా నిర్ధారణ అయిన మిగతా విద్యార్థులు హాస్టళ్లలోనే ఉంటూ వైద్యుల సూచన మేరకు మందులు తీసుకుంటున్నారు. టెక్కలి రూరల్‌: గోపినాథపురం సమీపంలో గురువారం జరిగిన రోడ్డు ప్రమాదంలో పెద్దింటి బాలాజీ అనే వ్యక్తికి తీవ్ర గాయాలయ్యాయి. చిన్నరోకళ్లపల్లి గ్రామానికి చెందిన పి.బాలాజీ తన ద్విచక్ర వాహనంపై టెక్కలి వస్తుండగా వెనుక నుంచి వచ్చిన కారు ఢీకొనడంతో ఈ ప్రమాదం చోటుచేసుకుంది.

● అర్నబ్‌ నష్టాలు అంచనాపై సమీక్ష ● నష్టం అంచనాకు మరికొన్ని రోజులు పట్టే అవకాశం భువనేశ్వర్‌: అర్నబ్‌ తుఫాన్‌, తదనంతర వరదలతో ఒడిశాలో సంభవించిన భారీ నష్టంపై కేంద్ర బృందం అంచనా కొనసాగిస్తోంది. ఈ క్రమంలో కేంద్ర బృందం గురువారం లోక్‌సేవా భవన్‌లో ముఖ్యమంత్రి మోహన్‌ చరణ్‌ మాఝీతో సమావేశమై పరిస్థితిని సమీక్షించింది. తుపాన్లు, వరదలు, వడగాలులు వంటి ప్రకృతి వైపరీత్యాలు తరచూ సంభవిస్తున్న నేపథ్యంలో.. తాత్కాలిక సహాయ చర్యలకే పరిమితం కాకుండా శాశ్వత పరిష్కారాలపై దృష్టి సారించాల్సిన అవసరం ఉందని ముఖ్యమంత్రి స్పష్టం చేశారు. కేంద్ర హోం శాఖ సంయుక్త కార్యదర్శి రవిశంకర్‌ నేతృత్వంలోని బృందం ఇప్పటికే గంజాం, గజపతి జిల్లాల్లోని పలు ప్రాంతాల్లో పర్యటించి నష్టాన్ని పరిశీలించింది. ఈ సందర్భంగా ముఖ్యమంత్రి మాట్లాడుతూ.. వరుస ప్రకృతి వైపరీత్యాలు రాష్ట్ర అభివృద్ధి కార్యక్రమాలకు తీవ్ర ఆటంకంగా మారుతున్నాయన్నారు. తక్షణ సహాయం, పునరావాసం, పునర్నిర్మాణ చర్యలతో పాటు భవిష్యత్‌లో విపత్తుల ప్రభావాన్ని తగ్గించే దీర్ఘకాలిక, శాశ్వత మౌలిక సదుపాయాల కల్పనకు ప్రాధాన్యం ఇవ్వాలని కోరారు. తుపాన్లు, వరదలను తట్టుకునేలా రాష్ట్రంలో మౌలిక సదుపాయాలను మరింత బలోపేతం చేయాల్సిన అవసరం ఉందని మాఝీ పేర్కొన్నారు. విపత్తులను తట్టుకునే మౌలిక వసతులు, సమర్థవంతమైన వరద నియంత్రణ చర్యలు చేపడితే ప్రజలకు దీర్ఘకాలికంగా రక్షణ కల్పించడంతో పాటు రాష్ట్ర అభివృద్ధి కూడా నిరంతరాయంగా కొనసాగుతుందని చెప్పారు. పూర్తిస్థాయి అంచనాకు మరో 7–8 రోజులు గంజాం, గజపతి జిల్లాల్లో పలు ప్రాంతాలను పరిశీలించినట్లు కేంద్ర బృందం నాయకుడు రవిశంకర్‌ తెలిపారు. వరదల కారణంగా ప్రజలు తీవ్రంగా ప్రభావితమైనట్లు చెప్పారు. గంజాం జిల్లాలో రుషికుల్యా నది ఉద్ధృతంగా ప్రవహించడంతో అనేక ప్రాంతాలు ముంపునకు గురయ్యాయని తెలిపారు. వ్యవసాయ భూములు, రహదారులు, ఇళ్ల పరిసరాలు, కార్యాలయాలు ఇసుక, మట్టితో కప్పుకుపోయాయని వివరించారు. చాలా ఇళ్లు కూలిపోకపోయినా బలహీనపడ్డాయని, వాటి పరిస్థితిని కూడా సమగ్రంగా పరిశీలించాల్సి ఉందన్నారు. రుషికుల్యా నది పరివాహక ప్రాంతాల్లో పేరుకుపోయిన ఇసుక, మట్టిని దీర్ఘకాలికంగా తొలగించాల్సిన అవసరం ఉందని చెప్పారు. తుఫాన్‌, వరదల వల్ల జరిగిన మొత్తం నష్టాన్ని పూర్తిగా అంచనా వేయడానికి మరో 7–8 రోజులు పట్టే అవకాశం ఉందని రవిశంకర్‌ తెలిపారు. సహాయ చర్యలపై ప్రశంసలు తుఫాన్‌, వరదల అనంతరం ఒడిశా ప్రభుత్వం చేపట్టిన వేగవంతమైన సహాయ, పునరావాస చర్యలను కేంద్ర బృందం ప్రశంసించింది. రహదారుల్లో దెబ్బతిన్న ప్రాంతాలను చాలావరకు రాకపోకలకు అందుబాటులోకి తీసుకువచ్చారని, విద్యుత్‌ సరఫరాను కూడా వేగంగా పునరుద్ధరించినట్లు రవిశంకర్‌ తెలిపారు. రెవెన్యూ, విపత్తు నిర్వహణ శాఖ మంత్రి సురేష్‌ పూజారి తుఫాన్‌, వరదల వల్ల జరిగిన నష్టం, ప్రభుత్వం చేపట్టిన సహాయ, పునరుద్ధరణ చర్యలను వివరించారు. రాష్ట్ర ప్రభుత్వం ఇప్పటికే నష్టంపై ప్రాథమిక అంచనా రూపొందించి, సహాయ, పునరుద్ధరణ చర్యల కోసం కేంద్ర ప్రభుత్వానికి క్లెయిమ్‌ సమర్పించినట్లు అధికారులు తెలిపారు. సమావేశంలో ముఖ్యమంత్రి అదనపు ప్రధాన కార్యదర్శి శాశ్వత్‌ మిశ్రా, రెవెన్యూ, విపత్తు నిర్వహణ శాఖ అదనపు ప్రధాన కార్యదర్శి డాక్టర్‌ అరవింద్‌ పాఢి, ప్రత్యేక సహాయ కమిషనర్‌ రాజేష్‌ ప్రభాకర్‌ పాటిల్‌, కేంద్ర బృందం సభ్యులు, ఇతర ఉన్నతాధికారులు పాల్గొన్నారు.

దీపావళి సమయంలో చైన్నె నుంచి వచ్చిన ప్రమిదలకు ఎంతో డిమాండ్‌ ఉంటుంది. అన కాపల్లి నుంచి కూడా తీసుకొచ్చి అమ్మకానికి పెడతాం. ఇందులో ఎన్నో రకాల డిజైన్లు అందుబాటు లో ఉన్నాయి. ముఖ్యంగా నూనె పోస్తే ఇంకని ప్రమిదలు ఎక్కువగా అమ్ముడవుతుంటాయి. – నిరంజన్‌, అమ్మకందారుడు శ్రీకాకుళం కల్చరల్‌ : మరో రెండు రోజుల్లో దీపావళి పండగ. అందరి జీవితాల్లో వెలుగులు నింపే ఈ ఆనందాల వేడుకలో ప్రమిదలది ప్రత్యేక స్థానం. అందరికీ సుఖశాంతులు ఆయురారోగ్యాలతో ప్రసాదించాలని కోరుతూ దీపం వెలిగించి వేడుక లు ప్రారంభిస్తారు. ఇంతటి ప్రాధాన్యం కలిగి న దీపావళి ప్రమిదలు సరికొత్తగా మార్కెట్‌లోకి అందుబాటులోకి వచ్చా యి. స్థానిక కుమ్మరులు తయారు చేసిన మట్టి ప్రమిదలు మొదలుకొని ఇతర రాష్ట్రాల్లో ప్రత్యేకంగా రూపొందించిన వైరెటీ ప్రమిదలు వరకూ వివిధ ఆకృతుల్లో ప్రత్యేక ఆకర్షణగా నిలుస్తున్నాయి. సంప్రదాయ మట్టి దీపాలతో పాటు నూనె పోస్తే ఇంకని ప్రమిదలకు మార్కెట్‌లో మంచి గిరాకీ ఉంటోంది. ●పింగాణీతో ప్రత్యేకంగా తయారైన దీపాలు ప్రత్యేకంగా నిలుస్తున్నాయి. వీ టి ధర ఒక్కోటి రూ.40కు విక్రయిస్తున్నారు. ●ఐదు దీపాల ఆకారంలో ఉండే ప్రమిదలో ఒకేసా రి ఐదు దీపాలను వెలిగించవచ్చు. దీని ఖరీదు రూ.60 వరకు అమ్ముతున్నారు. ●రంగురంగుల్లో ఐదు దీపాలు వెలిగించేలా ప్రత్యేక ప్రమిదను తయారు చేశారు. దీని ధర రూ.300 వరకు పలుకుతోంది. ●దీపం ఆకృతిలో ఉండే ప్రమిదలకు మార్కెట్లో మంచి గిరాకీ ఉంటోంది. దీనిలో దీపం వెలిగస్తే గాలికి ఆరిపోకుండా ఉంటుంది. దీని ఖరీదు రూ.60. ●మట్టితో తయారైన ప్రమిదలో ఐదు వత్తులు వెలిగించేందుకు అవకాశం ఉంటుంది. దీనిఖరీదు రూ.30. ●ఆధ్యాత్మికతను తలపించే తులసి కుండీ ఆకారంలో దీప ప్రమిదలు అమ్ముతున్నారు. ఇవి చిన్న, పెద్ద సైజులలో అందుబాటులో ఉన్నాయి. వీటి ఖరీదు రూ.30 నుంచి మొదలవుతుంది. ●రంగుల్లో దీపాలు ఆరిపోకుండా దీపంపై మూతలు పెట్టే ప్రమీద ఖరీదు రూ.100 వరకు పలుకుతోంది. దీపం ఆకారంలో..

రాయగడ: స్థానిక బ్లాక్‌ కాలనీ సమీపంలోని కాళీ మందిరంలో ఈనెల 8వ తేదీ నుంచి 18వ తేదీ వరకు కాళీ పూజలకు రంగం సిద్ధమవుతోంది. ఫ్రెండ్స్‌ యూత్‌ అసోసియేషన్‌ ఆధ్వర్యంలో గత 43 ఏళ్లుగా ఈ ఉత్సవాలను నిర్వహిస్తున్నారు. పదకొండు రోజులు జరిగే ఈ ఉత్సవాలను అత్యంత వైభవంగా నిర్వహిస్తుంటారు. ఈ ఏడాది కూడా సుమారు రూ.25 లక్షల వ్యయంతో కాళీమాత ఉత్సవాలను నిర్వహించేందుకు సన్నాహాలు చేస్తున్నారు. ఈనెల 8వ తేదీన సూర్యపూజ, అవాహన, ప్రాణప్రతిష్ట, శుద్ధి పూజలతో ఉత్సవాలకు శ్రీకారం చుడతారు. దీనిలో భాగంగా 8వ తేదీ సాయంత్రం స్థానిక జంఝావతి నది నుంచి శుద్ధ జలాలను తీసుకొచ్చి అమ్మవారి మందిరాన్ని శుద్ధి చేయడంతో పూజలకు అంకురార్పణ చేస్తారు. ఈ సందర్భంగా కాళీమాతను మా గురుతార, మా త్రిపుర సుందరి, మా భువనేశ్వరి, త్రిపుర భైరవి, చిన్నమస్తా, దూమావతి, భగళాముఖి, మాతాంగిణి, మా కమలాత్మిక, బాల్యకుమారి వంటి పూజలను ఈ పదకొండు రోజులు నిర్వహిస్తారు. అదేవిధంగా ప్రతిరోజూ వివిధ సాంస్కృతిక కార్యక్రమాలు ఏర్పాటు చేసినట్లు కమిటీ అధ్యక్షుడు దిలిప్‌ పట్నాయక్‌ వెల్లడించారు. ఈ నేపథ్యంలో పోలీసులు భారీ బందోబస్తు ఏర్పాటు చేయనున్నారు.

అరసవల్లి : ప్రత్యక్ష దైవం అరసవల్లి సూర్యనారాయణస్వామి ఆలయంలో ఆదిత్యుని కల్యా ణ వేడుకలు గురువారం ఘనంగా నిర్వహించా రు. ఆశ్వీయుజ బహుళ ఏకాదశి పర్వదినం సందర్భంగా ఉషా పద్మిని ఛాయాదేవేరులతో శ్రీ వారి ఉత్సవమూర్తులను కల్యాణమూర్తులుగా అలంకరించి ప్రత్యేక మండపంపై వేంచేసింపజేశారు. ప్రధానార్చకులు ఇప్పిలి శంకరశర్మ ఆధ్వర్యంలో అర్చకులు, వేదపండితులు శాస్త్రోక్తంగా కల్యాణ సేవ జరిపించారు. అనంతరం సేవలో పాల్గొనే భక్తదంపతులకు స్వామి వారి శేషవస్త్రాలు, తీర్థప్రసాదాలను అందజేశారు. కార్యక్రమంలో అర్చకులు ఇప్పిలి సాందీప్‌శర్మ, ఇప్పిలి ఫణీంద్రశర్మ, రాజశేఖరశర్మ, మాధవరావు శర్మ తదితరులు పాల్గొన్నారు.

–8లోuశుక్రవారం శ్రీ 6 శ్రీ నవంబర్‌ శ్రీ 2026వరద నష్టాలపై కేంద్ర బృందం సమీక్ష అర్నబ్‌ తుఫాన్‌, అనంతరం సంభవించిన వరదల కారణంగా ఒడిశాలోని వివిధ జిల్లాల్లో జరిగిన నష్టాలపై కేంద్ర ప్రభుత్వ వివిధ శాఖలతో కూడిన ఎనిమిది మంది సభ్యుల బృందం సమీక్ష నిర్వహించింది. సమస్యలు పరిష్కరించండి జయపురంలో వివిధ సమస్యలను వెంటనే పరిష్కరించాలని జయపురం సీనియర్‌ సిటిజన్స్‌ కమిటీ సభ్యులు సబ్‌ కలెక్టర్‌కు వినతిపత్రం గురువారం అందజేశారు. –8లోuశ్రీమందిరం ఆదాయం లెక్కింపు భువనేశ్వర్‌: పూరీ జగన్నాథాలయం హుండీలో భక్తులు కానుకల రూపంలో సమర్పించిన ఆదాయాన్ని పాలకవర్గం గురువారం లెక్కించారు. ఇందులో నగదు రూ.3,830,240లు, బంగారం 1 గ్రాముల 200 మిల్లీగ్రాములు, వెండి 17గ్రాముల200 మిల్లీగ్రాములు వచ్చాయని అధికారులు తెలిపారు. కొరాపుట్‌: ఆంధ్ర ప్రభుత్వం ఏర్పాటు చేసిన పోలింగ్‌ బూత్‌లలో కొఠియా ప్రజలు ఓటుహక్కు వినియోగించుకున్నారు. కొరాపుట్‌ జిల్లా పొట్టంగి సమితి కొఠియా గ్రామ పంచాయతీకి చెందిన 21 గ్రామాల ప్రజలు ఆంధ్రప్రదేశ్‌ ప్రభుత్వం నిర్వహించిన పంచాయతీ ఎన్నికల్లో పార్వతీపురం మన్యం జిల్లా సాలూరు మండలంలోని సారిక, కురుకుటి, తోనాం, మెణింగి గ్రామాల్లో ఓటుహక్కు వినియోగించుకున్నారు. ముందురోజు బుధవారం రాత్రి కొఠియా గ్రామ పంచాయతీ నేరడి వలస గ్రామంలో హైడ్రామా నడిచింది. ఆంధ్ర పోలింగ్‌ సిబ్బందిని ఎదుర్కోవడానికి ఒడిశా ఏకమయ్యింది. సబ్‌ కలెక్టర్‌ ఫాభీ రషిద్‌ నేతృత్వంలో అధికార యంత్రాంగం చర్యలు తీసుకుంది. 7 ప్లాటున్ల పోలీసులు నేరడి వలసలో మోహరించారు. బీజేపీ, బీజేడీ, కాంగ్రెస్‌ పార్టీలకు చెందిన బృగుభక్షి పాత్రో, మాజీ ఎంపీ ప్రదీప్‌ మజ్జి, సీఎల్పీ నాయకుడు రామచంద్ర ఖడం, ఎమ్మెల్యేలు తారాప్రసాద్‌ బాహిణీపతి, పవిత్ర శాంత, రఘురాం మచ్చో, కొరాపుట్‌ జెడ్పీ చైర్‌పర్సన్‌ సస్మిత మెలక, మాజీ ఎంపీ జిన్ను హిక్కా, జయరాం పంగి తదితరులు తమతమ అనుచరులతో రాత్రంతా పహారా కాశారు. ఇదే సమయంలో పార్వతీపురం మన్యం జిల్లా ఐటీడీఏ పీవో ఆర్‌.వైశాలి అక్కడికి చేరుకున్నారు. పెద్ద ఎత్తున పోలీసు బలగాలతో వచ్చినప్పటికీ వారిని దూరంగానే ఉంచి ఒడిశా నాయకుల వద్దకు చేరుకున్నారు. నేరడి వలసలో తాము పోలింగ్‌ పెడతామని చెప్పారు. అందుకు ఒడిశా నాయకులు అంగీకరించలేదు. అభ్యంతరం ఉంటే లేఖ ఇవ్వాలని వైశాలి కోరారు. అందుకు కూడా వారు ససేమిరా అన్నారు. దీంతో వైశాలి వెనుదిరిగారు. రాత్రంతా అన్ని పార్టీల నాయకులు నేరడి వలసలో పహారా కాశారు. కానీ ఇదే సమయంలో మిగతా 20 గ్రామాల ప్రజలు వేర్వేరు మార్గాల్లో రహస్యంగా ఆంధ్ర వైపు వెళ్లిపోయారు. దీంతో నేరడి వలస గ్రామంలో తెల్లారేసరికి జన సంచారం తగ్గిపోయింది. మధ్యాహ్నం నేరడి వలస ప్రజలు నెమ్మదిగా తమ ఓటుహక్కు వినియోగించుకొని తిరిగి వచ్చారు. ఇది చూసిన నాయకులు ఖంగు తిన్నారు. బృగు భక్షిపాత్రో, తారా ప్రసాద్‌లు ఓటింగ్‌లో పాల్గొన్నవారితో వాదనలకు దిగారు. ఒడిశాలో ఉంటూ ఆంధ్ర పోలింగ్‌లో పాల్గొన్నవారు ఆంధ్ర తిరిగి వెళ్లి పోవాలని సూచించారు. అనంతరం పోలీసులు, నాయకులు కొఠియా నుంచి వెనుదిరిగారు.

రాయగడ: హాస్టల్‌ నుంచి అదృశ్యమైన ఆరో తరగతి విద్యార్థి కునాల్‌ సబర్‌ ఆచూకీ మూడు నెలలైనా ఇంకా లభించకపోవడంతో ఆగ్రహించిన గ్రామస్తులు డంగసొరడ సంక్షేమ శాఖ ఆధ్వర్యంలో నిర్వహించబడుతున్న ఆశ్రమ పాఠశాలకు తాళం వేసి నిరసన తెలిపారు. విద్యార్థి ఆచూకీ కనుగొనడంలో పోలీసులు, అధికారులు నిర్లక్ష్యం వహిస్తున్నారని ఆరోపిస్తూ యుగాపదర్‌ గ్రామస్తులు పాఠశాల గేటుకు తాళం వేయడంతో అక్కడ ఉద్రిక్త పరిస్థితులు నెలకొన్నాయి. వివరాల్లోకి వెళ్తే.. జిల్లాలోని చంద్రపూర్‌ సమితి పరిధి యుగాదపర్‌ గ్రామానికి చెందిన దివంగత మనోజ్‌ సబర్‌ కుమారుడు కునాల్‌ సబర్‌ (12) డంగసొరడ ఆశ్రమ పాఠశాలలో ఆరో తరగతి చదువుతున్నాడు. ఆ బాలుడు ఈ ఏడాది జూలై 31వ తేదీ నుంచి అదృశ్యమయ్యాడు. అయితే విద్యార్థి అదృశ్యమైన విషయాన్ని పాఠశాల అధికారులు కుటుంబ సభ్యులకు తెలియజేయలేదని గ్రామస్తులు ఆరోపించారు. ఆరు రోజుల తర్వాత బాలుడు హాస్టల్‌ నుంచి కనిపించకుండా పోయిన విషయం తెలుసుకున్న కుటుంబ సభ్యులు పాఠశాల హెచ్‌ఎంను ప్రశ్నించారు. అక్కడి నుంచి సంతృప్తికరమైన సమాధానం లభించకపోవడంతో పోలీసులకు ఫిర్యాదు చేశారు. పోలీసులు దర్యాప్తు కొనసాగిస్తున్నామని చెబుతున్నప్పటికీ ఇంతవరకు కునాల్‌ ఆచూకీ లభించలేదు. మూడు నెలలుగా బాలుడి కోసం ఎదురుచూస్తున్న కుటుంబ సభ్యులు, గ్రామస్తులు తీవ్ర ఆవేదనకు గురయ్యారు. విద్యార్థి ఆచూకీ లభించేవరకు పాఠశాలకు తాళం వేసి కొనసాగిస్తామని హెచ్చరించారు. ఈ నేపథ్యంలో పాఠశాల వద్ద ఉద్రిక్తత నెలకొన్న సమాచారం అందుకున్న ఎస్‌డీపీవో సంతోషిని ఒరం, మునిగుడ పోలీస్‌స్టేషన్‌ ఐఐసీ లలిత్‌ సాగర్‌ సంఘటన స్థలానికి చేరుకుని పరిస్థితిని సమీక్షించారు. గ్రామస్తులతో చర్చలు జరిపి పరిస్థితిని అదుపులోకి తీసుకురావడంతో పాఠశాల తాళాన్ని గ్రామస్తులు తెరిచారు. పాఠశాల హెచ్‌ఎం, ఇతర సిబ్బందిని సమగ్రంగా విచారించకపోవడం వల్లే విద్యార్థి ఆచూకీ లభించడం లేదని గ్రామస్తులు ఆరోపిస్తున్నారు. ఈ ఘటనపై సంక్షేమ శాఖ అధికారి ఆసీమా రావ్‌ను మీడియా ప్రతనిధులు ప్రశ్నించగా, విద్యార్థి ఆదృశ్యంపై పోలీసులకు ఫిర్యాదు అందిందని, ప్రస్తుతం పోలీసులు దర్యాప్తు చేస్తున్నారని తెలిపారు. ఈ వ్యవహారం పూర్తిగా పోలీసులు విచారణపై ఆధారపడి ఉందని ఆమె స్పష్టం చేశారు.

రాయగడ: రోడ్డు ప్రమాదంలో ఒక యువకుడు దుర్మరణం పాలైన ఘటన జిల్లాలోని బిసంకటక్‌లో చోటు చేసుకుంది. మృతుడు సమితిలోని బారిగుడ గ్రామానికి చెందిన నరి టక్రి (22)గా గుర్తించారు. సమా చారం తెలుసుకున్న పోలీసులు సంఘటన స్థలానికి చేరుకొని మృతదేహాన్ని స్వాదీనం చేసుకుని పోస్టుమార్టంకు తరలించారు. మంగళవారం సాయంత్రం చోటు చేసుకున్న ఈ ఘటనకు సంబంధించి పోలీసులు తెలియజేసిన వివరాల ప్రకారం ఆవులను తరలిస్తున్న ఒక పికప్‌ వ్యాన్‌ , ద్విచక్ర వాహనం ఎదురెదురుగా ఢీకొన్న ఘటనలో ఈ ప్రమాదం జరిగింది. మృతుడు తీవ్రగాయాలకు గురికావడంతో అక్కడికక్కడే మృతి చెందాడు. బిసంకటక్‌ నుంచి రాయగడ వైపు ఆవులను ఒక వ్యాన్‌లో తరలిస్తుండగా అదే సమయంలో ఎదురుగా వస్తున్న బైకుపై వస్తున్న యువకుడిని వ్యాన్‌ అదుపుతప్పి బలంగా ఢీకొంది. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

పర్లాకిమిడి: గజపతి జిల్లాలోని రాష్ట్రస్థాయి వాలీబాల్‌ పోటీల నిర్వాహణకు జిల్లా యంత్రాంగం ముమ్మరంగా సన్నాహాలు చేపడుతోంది. 70వ రాష్ట్రస్థాయి వాలీబాల్‌ ఛాంపియన్‌ షిప్‌ 2026–27, జిల్లా స్థాయి ముఖ్యమంత్రి ట్రోఫీ 3.ఓ నిర్వహణపై కలెక్టర్‌ అక్షయసునీల్‌ అగర్వాల్‌ అధ్యక్షతన కలెక్టరేట్‌లో గురువారం సన్నాహాక సమావేశం జరిగింది. సమావేశంలో జిల్లా ముఖ్యవిద్యాధికారి డా.మయాధర్‌ సాహు, జిల్లా సంక్షేమ శాఖ అధికారి సల్మాన్‌ రైకా, డీసీఏబీ డీఎస్పీ ఠాకూర్‌ దాస్‌ ముర్ము, జిల్లా క్రీడాధికారి త్రినాథ కుమార్‌ సాహు ప్రముఖంగా పాల్గొన్నారు. రాష్ట్రస్థాయి వాలీబాల్‌ ఛాంపియన్‌ షిప్‌ పోటీలు నవంబర్‌ 10 –13 వరకు రాయఘడ బ్లాక్‌ ఉన్నత పాఠశాల క్రీడా మైదానంలో జరగనుంది. ఒడిశా స్కూల్స్‌ స్పోర్ట్స్‌ అసోసియేషన్‌ (ఓస్సా) ఆధ్వర్యంలో జరగనున్న ఈ పోటీల్లో రాష్ట్రంలో 30 జిల్లాల నుంచి 14 ఏళ్లలోపు, అండర్‌–17 వయస్సు కలిగిన బాలబాలికలు పాల్గొంటారు. బ్లాక్‌, గ్రామస్థాయిలో క్రీడాకారుల్లో దాగివున్న క్రీడా ప్రతిభను గుర్తించి వారు ఇంకా ఎదిగేలా అవకాశం కల్పించడం ఈ ఛాంపియన్‌ షిప్‌ పోటీల ఉద్దేశమని కలెక్టర్‌ అగర్వాల్‌ అన్నారు. సమావేశంలో జిల్లా శారీరక విద్యాధికారి సురేంద్ర కుమార్‌ పాత్రో, వివిధ బ్లాక్‌ క్రీడా శాఖ ఉపాధ్యాయులు పాల్గొన్నారు.

భువనేశ్వర్‌: ఒడిశా పరిపాలనా రాజధాని భువనేశ్వర్‌, ఆధ్యాత్మిక రాజధాని పూరీ మధ్య రాకపోకలు మరింత వేగవంతం కానున్నాయి. రద్దీతో సతమతమవుతున్న జాతీయ రహదారి – 316ను భారీస్థాయిలో విస్తరణకు ప్రతిపాదించిన ప్రాజెక్టుకు ప్రాథమిక పనులు ప్రారంభమయ్యాయి. దీనిలో భాగంగా హైవే వెంబడి కీలక ప్రాంతాల్లో మట్టి పరీక్షలు చేపట్టారు. ప్రాజెక్టు పూర్తయితే భువనేశ్వర్‌ – పూరీ మధ్య ప్రయాణ సమయం సుమారు 45 నిమిషాలకు తగ్గే అవకాశం ఉంది. దీంతో నిత్య ప్రయాణికులు, భక్తులు, పర్యాటకులకు వేగవంతమైన, నిరాటంక రవాణా సౌకర్యం అందుబాటులోకి రానుంది. 12 కిలోమీటర్ల ఎలివేటెడ్‌ కారిడార్‌ ప్రతిపాదిత ప్రణాళికలో భువనేశ్వర్‌ నగర పరిధిలోని లింగిపూర్‌ స్క్వేర్‌ వరకు సుమారు 12 కిలోమీటర్ల పొడవైన యాక్సెస్‌ కంట్రోల్డ్‌ ఎలివేటెడ్‌ కారిడార్‌ను ఏర్పాటు చేయనున్నారు. ఇందులో ఆరు ఎలివేటెడ్‌ లేన్లు, ఆరు సర్వీస్‌ లేన్లు ఉండేలా ప్రణాళిక రూపొందించారు. అంటే ఈ ప్రాంతంలో మొత్తం 12 లేన్ల రవాణా కారిడార్‌ అందుబాటులోకి రానుంది. లింగిపూర్‌ నుంచి పూరీ వరకు ఆరు లేన్ల ప్రధాన హైవేతో పాటు ఇరువైపులా రెండేసి చొప్పున నాలుగు సర్వీస్‌ లేన్లు ఏర్పాటు చేయాలని ప్రతిపాదించారు. దీంతో ఈ మార్గం మొత్తం 10 – లేన్ల రవాణా కారిడార్‌గా అభివృద్ధి చెందనుంది. – రద్దీ ప్రాంతాలకు శాశ్వత పరిష్కారం 66 కిలోమీటర్ల పూరీ – భువనేశ్వర్‌ మార్గంలో ప్రస్తుతం నాలుగు లేన్ల రహదారిపై భారీగా ట్రాఫిక్‌ రద్దీ ఏర్పడుతోంది. ముఖ్యంగా పిప్పిలి టోల్‌గేట్‌, సత్తొసొంఖా మార్కెట్‌, మాలతీపత్‌పూర్‌ ప్రాంతాల్లో తరచూ వాహనాలు నిలిచిపోవడంతో ప్రయాణికులు గంటల తరబడి ఇబ్బందులు పడుతున్నారు. అయితే రోడ్డు విస్తరణతో పాటు ఎలివేటెడ్‌ కారిడార్‌, సర్వీస్‌ రోడ్లు అందుబాటులోకి వస్తే ఈ సమస్యకు శాశ్వత పరిష్కారం లభించే అవకాశముంది. పర్యాటకులు, భక్తులకు భారీ ఊరట ప్రపంచ ప్రఖ్యాత జగన్నాథ క్షేత్రమైన పూరీకి ఏడాది పొడవునా భారీ సంఖ్యలో భక్తులు, పర్యాటకులు వస్తుంటారు. ముఖ్యంగా రథయాత్ర, సున్నాబేష వంటి ప్రధాన ఉత్సవాలు, వారాంతాల్లో భక్తుల రద్దీ మరింత పెరుగుతుంది. ఈ సమయంలో భువనేశ్వర్‌ – పూరీ మార్గంలో ఏర్పడే ట్రాఫిక్‌ జామ్‌ల కారణంగా ప్రయాణ సమయం గణనీయంగా పెరుగుతోంది. కొత్త కారిడార్‌ అందుబాటులోకి వస్తే పూరీకి చేరుకునే సమయం తగ్గడంతో పాటు పర్యాటకుల ప్రయాణ అనుభవం మెరుగుపడనుంది. భువనేశ్వర్‌లో విమానాశ్రయం, రైల్వే తదితర రవాణా సదుపాయాలను వినియోగించుకునే పర్యాటకులకు పూరీ చేరుకోవడం మరింత సులభతరం కానుంది. మార్గమధ్యలో సౌకర్యాలు రహదారి విస్తరణలో కేవలం వాహనాల వేగం, సామర్థ్యానికే కాకుండా యాత్రికులు, పర్యాటకుల సౌకర్యాలకూ ప్రాధాన్యం ఇవ్వనున్నారు. రహదారి వెంట మరుగుదొడ్లు, విశ్రాంతి తదితర ప్రజా సౌకర్యాలను ఏర్పాటు చేయాలని ప్రతిపాదించారు. అవసరాన్ని బట్టి కొన్ని ప్రాంతాల్లో రహదారి విస్తరణను ఎనిమిది లేన్ల వరకు పెంచే అవకాశాన్ని కూడా పరిశీలిస్తున్నారు. పిప్పిలి ప్రసిద్ధ చందువా అప్లిక్‌ కళ, స్థానిక ఉత్పత్తులు, సంప్రదాయ చేతివృత్తులను ప్రోత్సహించేలా మార్గమధ్యంలో ప్రత్యేక సౌకర్యాలు కల్పించనున్నారు. దీంతో రవాణా మౌలిక సదుపాయాల అభివృద్ధితో పాటు స్థానిక కళలు, హస్తకళలు, పర్యాటక రంగానికీ కొత్త అవకాశాలు ఏర్పడనున్నాయి. రహదారి భద్రతకు ప్రాధాన్యం ప్రయాణ సమయాన్ని తగ్గించడం, ట్రాఫిక్‌ రద్దీని నియంత్రించడంతో పాటు రహదారి భద్రతను మెరుగుపరచడం కూడా ప్రాజెక్టు ప్రధాన లక్ష్యాల్లో ఒకటి. ప్రస్తుతం రద్దీ, వాహనాల అధిక ఒత్తిడి కారణంగా తరచూ చోటుచేసుకునే ప్రమాదాలను తగ్గించేందుకు విస్తృత రహదారి, సర్వీస్‌ లేన్లు, నియంత్రిత ప్రవేశ మార్గాలు దోహదపడనున్నాయి. భువనేశ్వర్‌ – పూరీ అనుసంధానాన్ని వేగవంతం చేసే ఈ అధిక సామర్థ్యం, అధిక వేగం కలిగిన కారిడార్‌ కేవలం రవాణా ప్రాజెక్టుగా కాకుండా ప్రాంతీయ ఆర్థిక అభివృద్ధికి కీలక మౌలిక సదుపాయంగా పరిగణిస్తున్నారు. ప్రతిపాదిత భువనేశ్వర్‌ – కటక్‌ – పూరీ – పారాదీప్‌ మెట్రోపాలిటన్‌ ప్రాంత అభివృద్ధికి ఇది మరింత బలం చేకూర్చనుంది. పూరీ నీలి ఆర్థిక వ్యవస్థ, పర్యాటకం, స్థానిక వాణిజ్య కార్యకలాపాలకు కూడా ఊతమిస్తుందని భావిస్తున్నారు. పరిపాలనా రాజధాని భువనేశ్వర్‌ను ఆధ్యాత్మిక రాజధాని పూరీతో మరింత వేగంగా, సురక్షితంగా అనుసంధానించే ఈ ప్రాజెక్టు పూర్తయితే ఒడిశా రవాణా మౌలిక సదుపాయాల్లో కీలక మార్పునకు నాంది పలికే అవకాశం ఉంది.

మల్కన్‌గిరి: మురసు తుఫాన్‌ ప్రభావం మల్కన్‌గిరి జిల్లా మత్తిలి సమితి నాయిక్‌గూడ పంచాయతీలో కనిపించింది. గత మూడు రోజులుగా కురుస్తున్న భారీ వర్షాల కారణంగా పురిగూడ కొండపై కొండచరియలు విరిగిపడి మట్టిపెళ్లలు, భారీ బండరాళ్లు కొండపై నుంచి కింద దొర్లిపడ్డాయి. గురువారం భారీ శబ్ధంతో రెండు బండరాళ్లు ఒకదానికొకటి ఢీకొనడంతో దుమ్ము వ్యాపించింది. వరుసగా పెద్దపెద్ద రాళ్లు కొండపై నుంచి కిందకిపడ్డాయి. ఈ ఘటనతో పురిగూడ గ్రామస్తులు తీవ్ర భయాందోళనకు గురయ్యారు. ప్రాణాలు కాపాడుకునేందుకు గ్రామస్తులు పరుగులు తీస్తూ సురక్షిత ప్రాంతాలకు వెళ్లిపోయారు. గ్రామం కొండ దిగువన ఉండడంతో ఈ ఘటన అనంతరం ప్రజల్లో తీవ్ర భయాందోళనలు నెలకొన్నాయి. అదృష్టవశాత్తు ఈ కొండచరియలు విరిగిపడిన ఘటనలో ఎలాంటి ప్రాణనష్టం, ఆస్తినష్టం జరగలేదు.

మల్కన్‌గిరి: రానున్న మూడు అంచెల పంచాయతీ, మున్సిపల్‌ ఎన్నికల నేపథ్యంలో జిల్లావ్యాప్తంగా కొనసాగుతున్న ఇంటింటి సర్వే పనులను గురువారం రాష్ట్ర ప్రత్యేక ఎన్నికల పరిశీలకుడు సంగ్రామ్‌ శేఖర్‌ పండా మల్కన్‌గిరి జిల్లా మత్తిలి, ఖోయిర్‌పూట్‌లో పర్యటించి సమీక్షించారు. అక్టోబర్‌ 26 నుంచి నవంబర్‌ 7వ తేదీ వరకు నిర్ణయించిన గడువులోగా సర్వే పనులు పూర్తి చేయాలని ఆదేశించారు. రానున్న రెండు రోజుల్లో కలిమెల, పోడియ, చిత్రకొండ, కోరుకొండ సమితుల్లో కూడా పర్యటించనున్నట్లు తెలిపారు. కార్యక్రమంలో సబ్‌ కలెక్టర్‌ దుర్యోధన్‌ బోయ్‌, జిల్లా పంచాయతీ అభివృద్ధి అధికారి బిమల్‌ కుమార్‌ లెంకా, ఖోయిర్‌పూట్‌ సమితి అధికారి, బూత్‌ లెవల్‌ అధికారులు, సూపర్‌వైజర్లు పాల్గొన్నారు. తుఫాన్‌ సాయం మంజూరు భువనేశ్వర్‌: ముఖ్యమంత్రి ప్రకటించిన ప్రకారం అర్నబ్‌ తుఫాన్‌ ప్రభావిత ప్రాంతాలకు సహాయం అందజేశారు. సహాయ ప్యాకేజీకి అనుగుణంగా గంజాం, కొరాపుట్‌ జిల్లాల్లో కుటుంబాలకు ఉచిత సహాయంగా నగదు అందించేందుకు రాష్ట్ర విపత్తు ప్రతి స్పందన నిధి (ఎస్‌డీఆర్‌ఎఫ్‌) నుంచి సుమారు రూ.107.70 కోట్ల నిధులు రాష్ట్ర ప్రభుత్వం విడుదల చేసింది. ఈ క్రమంలో గంజాం జిల్లాకు రూ.107 కోట్ల 44 లక్షల 55 వేలు విడుదల చేయగా, కొరాపుట్‌ జిల్లాకు రూ.26 లక్షల 27 వేల 500 మంజూరు చేశారు. ముఖ్యమంత్రి సహాయ ప్యాకేజీ కింద ఒక్కో బాధిత కుటుంబానికి రూ.2,500 చొప్పున గంజాం జిల్లాలో తుఫాన్‌ వల్ల ప్రభావితమైన 4,29,782 కుటుంబాలు, కొరాపుట్‌ జిల్లాలోని 1,051 ప్రభావిత కుటుంబాలు లబ్ది పొందనున్నాయి. ప్రభుత్వం నిర్దేశించిన నిబంధనలు, మార్గదర్శకాలకు అనుగుణంగా, సంబంధిత జిల్లా కలెక్టర్లు అర్హులైన బాధిత కుటుంబాలకు ఉచిత సహాయం కింద ఈ నిధులను పంపిణీ చేయడానికి వినియోగిస్తారు. అంగన్‌వాడీలకు శిక్షణ జయపురం: జయపురం సబ్‌ డివిజన్‌ బొరిగుమ్మలో మమతా, ప్రధానమంత్రి మాతృ వందన పథకాలపై అంగన్‌వాడీలకు గురువారం శిక్షణ నిర్వహించారు. బొరిగుమ్మ సమితి కార్యాలయ ప్రాంగణంలోని రాజీవ్‌ గాంధీ సేవా కేంద్రంలో సమన్విత శిశు వికాస విభాగం ఆధ్వర్యంలో శిక్షణ నిర్వహించారు. సమితి సీడీపీవో లక్ష్మీప్రియ జానీ అధ్యక్షతన 5 రోజుల పాటు శిక్షణ చేపట్టనున్నారు. కార్యక్రమంలో సామాజిక సంక్షేమ విభాగ జిల్లా కో–ఆర్డినేటర్‌ సీమా రాణి బెహర తదితరులు పాల్గొన్నారు.

● ఉత్కల్‌ క్యాంపస్‌లో కలకలం భువనేశ్వర్‌: ఉత్కల్‌ విశ్వవిద్యాలయం హాస్టళ్లలో ఆహార భద్రత, పరిశుభ్రతపై తీవ్ర ఆందోళనలు వ్యక్తమవుతున్నాయి. ఇప్పటికే కామెర్ల వ్యాప్తితో విద్యార్థులు ఇబ్బందులు పడుతుండగా, మహిళా హాస్టల్‌లో వడ్డించిన భోజనంలో చనిపోయిన కప్ప కనిపించడం కలకలం రేపింది. ఈ ఘటనతో విద్యార్థినులు తీవ్ర ఆగ్రహం వ్యక్తం చేస్తున్నారు. లేడీస్‌ హాస్టల్‌ నంబర్‌–7లో మంగళవారం రాత్రి ఈ ఘటన చోటుచేసుకుంది. విద్యార్థినులకు వడ్డించిన చిల్లీ సోయాబీన్‌ కూరలో చనిపోయిన కప్ప కనిపించినట్లు ఆరోపణలు వచ్చాయి. దీంతో హాస్టల్‌లో అందిస్తున్న ఆహార నాణ్యత, వంటశాలల పరిశుభ్రతపై తీవ్ర విమర్శలు వెల్లువెత్తుతున్నాయి. మరోవైపు, హాస్టల్‌లో కామెర్ల కేసులు పెరుగుతుండటం విద్యార్థుల ఆరోగ్యంపై ఆందోళనను మరింత పెంచుతోంది. ఇప్పటికే ఇద్దరు విద్యార్థినులకు కామెర్లు ఉన్నట్లు నిర్ధారణ కాగా, అనుమానితులుగా ఉన్న మరో పది మందికి పైగా విద్యార్థినుల రక్త నమూనాలను పరీక్షల నిమిత్తం సేకరించారు. కామెర్ల వ్యాప్తికి గల అసలు కారణం ఇంకా నిర్ధారణ కాలేదు. ఈ నేపథ్యంలో హాస్టల్‌లోని ఆహారం, తాగునీటి నమూనాలను సేకరించి ప్రయోగశాలకు పంపించారు. భువనేశ్వర్‌ మున్సిపల్‌ కార్పొరేషన్‌ (బీఎంసీ) ప్రత్యేక బృందం సైతం ఆహార నమూనాలను సేకరించి పరీక్షలకు పంపింది. కామెర్ల కట్టడికి చర్యలు.. విద్యార్థుల ఆరోగ్య పరిరక్షణకు విశ్వవిద్యాలయ అధికారులు పలు చర్యలు చేపట్టారు. హాస్టళ్లకు శుద్ధి చేసిన తాగునీటిని సరఫరా చేయడంతో పాటు, క్యాంపస్‌లోని వివిధ ప్రాంతాల్లో వేడినీటి బాయిలర్లను ఏర్పాటు చేసినట్లు తెలిపారు. ముందుజాగ్రత్త చర్యల్లో భాగంగా క్యాంపస్‌లోని అన్ని ఆహార విక్రయ కేంద్రాలను తాత్కాలికంగా మూసివేశారు. విద్యార్థుల సమస్యలు, ఆరోగ్య పరిస్థితిని పర్యవేక్షించేందుకు 24 గంటల కంట్రోల్‌ రూమ్‌ను కూడా ఏర్పాటు చేశారు.

● ఎంపలవలస గ్రామస్తుల ఆందోళన ● బురద రోడ్డుపై నిరసన రాయగడ : సరిహద్దు గ్రామాల్లో అభివృద్ధి మాటలకే పర మితమైందని, కనీసం పక్కా రహదారి కూడా నిర్మించలేని పరిస్థితి నెలకొందని ఆవేదన వ్యక్తం చేస్తూ కెరడ పంచాయతీ ఎంపలవలస గ్రామస్తులు ఆందోళనకు దిగారు. ప్లకార్డులు పట్టుకుని బురద రహదారిపై నిరసన వ్యక్తం చేశారు. తమకు రోడ్డు సౌకర్యం కల్పించాలంటూ నినాదాలు చేశారు. ఆంధ్రప్రదేశ్‌లో పంచాయతీ ఎన్నికలు ప్రారంభమైన నేపథ్యంలో సరిహద్దు గ్రామాల్లో నిరసన రాజకీయంగా ప్రాధాన్యత సంతరించుకుంది. రెండేళ్లుగా హామీలే.. ఆంధ్రప్రదేశ్‌లొని కొమరాడ మండలం పుడుగువాలస వరకు రహదారి నిర్మాణానికి రెండేళ్ల క్రితం ఆంధ్రప్రదేశ్‌ అధికారులు ప్రయత్నాలు ప్రారంభించారు. అయితే ఒడిశా రాష్ట్ర భూభాగంలో ఆంధ్రప్రదేశ్‌ ప్రభుత్వం రహదారి నిర్మిస్తున్నట్లు గుర్తించిన జిల్లా యంత్రాంగం జోక్యం చేసుకుని పనులను నిలిపివేసింది. ఆ సమయంలో ఒడిశా అధికారులు గ్రామస్తులకు తమ ప్రభుత్వమే పక్కా రహదారి నిర్మిస్తుందని హామీ ఇచ్చారు. రెండున్నరేళ్లు గడిచి నా రహదారి నిర్మాణంలో ఎలాంటి పురోగతి కనిపించకపోవడంతో గ్రామస్తుల్లో తీవ్ర అసంతృప్తి నెలకొంది. ఈ సమస్యపై గ్రామస్తులు మూడు నాలుగు సార్లు జిల్లా కలెక్టర్‌ కార్యాలయాన్ని ఆశ్రయించినా ఫలితం లేకపోయింది. వర్షాకాలంలో నరకయాతన గ్రామానికి పక్కా రహదారి లేకపొవడంతో వర్షాకాలంలొ ప్రజలు తీవ్ర ఇబ్బందులు ఎదుర్కొంటున్నారు. బురద మార్గంలో రాకపోకలు సాగించడం కష్టంగా మారుతోంది. అత్యవసర పరిస్థితుల్లో రోగులను ఆసుపత్రికి తరలించేందుకు అంబులెన్స్‌ కూడా గ్రామానికి చేరుకోలేని దుస్థితి నెలకొంది. తాగునీరు, పింఛన్లు, ఇతర ప్రభుత్వ సంక్షేమ పథకాల ప్రయోజనాలూ అందడం లేదు. పొరుగున ఉన్న ఆంధ్రప్రదేశ్‌లో ప్రజలకు సౌకర్యాలు అందుతున్నాయని, తమకు కనీసం రహదారి కూడా నిర్మించలేకపోతున్నారని ఆవేదన వ్యక్తం చేశారు. చివరి దశలో టెండర్‌.. ఈ విషయమై జిల్లా అదనపు కలెక్టర్‌ రవీంద్ర నాద్‌ కుహరో స్పందిస్తూ వనిజా వైపు వెళ్లే 2.8 కిలొమీటర్ల రహదారి నిర్మాణానికి సంబంధించిన టెండర్‌ ప్రక్రియ చివరి దశలో ఉందన్నారు. టెండర్‌ ఖరారైన వెంటనే పనులు ప్రారంభమవుతాయని వెల్లడించారు. మరోరహదారిని ముఖ్యమంత్రి సడక్‌ యోజనలో చేర్చామని, అది డీపీఆర్‌ దశలో ఉందని పేర్కొన్నారు. కొఠియా తరహా వివాదం తప్పదా? సరిహద్దు ప్రాంతాల్లో ప్రజలకు మౌలిక సదుపాయాలు కల్పించడమే రాష్ట్ర ప్రభుత్వ ఉనికిని బలంగా చాటుతుందని మేధావులు అభిప్రాయపడుతు న్నారు. కేవలం హామీలు, ప్రకటనలతో కాకుండా కార్యాచరణ ప్రారంభించాలని కోరుతునఆనరు. లేనిపక్షంలో కొరాపుట్‌ జిల్లా కొఠియా ప్రాంతంలో నెలకొన్న సరిహద్దు వివాదాల తరహా పరిస్థితులు రాయగడ జిల్లాలోనూ ఏర్పడే ప్రమాదం ఉందని ఆందోళన వ్యక్తం చేస్తున్నారు. ముఖ్యంగా రహదా రులు, తాగునీరు, వైద్య సేవలు, సంక్షేమ పథకాల ను తక్షణమే అందుబాటులోకి తీసుకురావాలని ప్రజలు కోరుతున్నారు.

భువనేశ్వర్‌: పార్కు సమీపంలో గుర్తు తెలియని వ్యక్తి సగం కాలిన మృతదేహం బయటపడటం తీవ్ర కలకలం రేపింది. భువనేశ్వర్‌లోని గొడొకొనా ప్రాంతంలో కేలూ చరణ్‌ పార్కు సమీపంలో బుధవారం ఈ భయానక ఘటన వెలుగుచూసింది. దీంతో స్థానికంగా భయాందోళనలు నెలకొన్నాయి. మరోచోట వ్యక్తిని హత్య చేసిన అనంతరం, మృతదేహాన్ని ఇక్కడికి తీసుకొచ్చి నిప్పంటించి ఉంటారనే అనుమానాలు వ్యక్తమవుతున్నాయి. మృతుడి గుర్తింపును చెరిపేసి, నేరానికి సంబంధించిన ఆనవాళ్లను మాయం చేసేందుకే ఈ దారుణానికి పాల్పడి ఉంటారని పోలీసులు భావిస్తున్నారు. సమాచారం అందుకున్న పోలీసులు, ఫోరెన్సిక్‌ బృందాలు ఘటనా స్థలానికి చేరుకుని దర్యాప్తు చేపట్టాయి. పరిసర ప్రాంతాలను క్షుణ్ణంగా పరిశీలించి కీలక ఆధారాలు, నమూనాలను సేకరించాయి. మృతదేహంపై తీవ్ర కాలిన గాయాలు ఉండటంతో పాటు, బాధితుడు ధరించిన చొక్కా సైతం పూర్తిగా కాలిపోయినట్లు గుర్తించారు. మృతదేహం కొన్ని రోజులుగా అక్కడే పడి ఉండి ఉంటుందని పోలీసులు అనుమానిస్తున్నారు. వ్యక్తిని ముందుగా హత్య చేసి, అనంతరం మృతదేహాన్ని కాల్చివేశారా? లేక గుర్తింపును గల్లంతు చేసేందుకు ఈ విధంగా చేశారా? అనే కోణాల్లో దర్యాప్తు ముమ్మరం చేశారు. మృతుడి వివరాలు తెలియాల్సి ఉంది. రాయగడ: రైల్వే విశ్రాంత ఉద్యోగులు, కుటుంబ పెన్షనర్లకు వార్షిక జీవన ధ్రువీకరణ పత్రం సమర్పణ ప్రక్రియను మరింత సులభతరంగా చేసేందుకు తూర్పు కోస్తా రైల్వే రాయగడ డివిజన్‌ ఆధ్వర్యంలో డిజిటల్‌ లైఫ్‌ సర్టిఫికెట్‌ ప్రచారం 5.0 నిర్వహిస్తున్నారు. నవంబర్‌ ఒకటి నుంచి 30వ తేదీ వరకు నెల రోజుల పాటు కొనసాగనున్న ఈ ప్రత్యేక కార్యక్రమంలో పెన్షనర్లు డిజిటల్‌ విధానంలో లైఫ్‌ సర్టిఫికెట్లు రూపొందించి సమర్పించుకునేందుకు అవసరమైన సహాయం, మార్గదర్శకత్వం అందిస్తున్నారు. డిజిటల్‌ సాంకేతిక పరిజ్ఞానాన్ని వినియోగించుకుని లైఫ్‌ సర్టిఫికెట్‌ సమర్పణ ప్రక్రియను వేగవంతం చేయడం, సరళీకృతం చేయడం, పెన్షనర్లు కార్యాలయాల చుట్టూ తిరగాల్సిన ఇబ్బందులను తగ్గించడం ఈ కార్యక్రమ ప్రధాన లక్ష్యమని అధికారులు తెలిపారు. విశ్రాంత రైల్వే ఉద్యోగులు, వారి కుటుంబ పెన్షనర్లు సులభంగా ఈ సేవలు అందుబాటులోకి తీసుకురావడంపై ప్రత్యేక దృష్టి సారించారు. నాలుగు ప్రాంతాల్లో ప్రత్యేక శిబిరాలు ప్రచారంలో భాగంగా రాయగడ డివిజన్‌ ప్రధాన కార్యాలయంతో పాటు కొరాపుట్‌, జగదల్‌పూర్‌, అరకు ప్రాంతాల్లో ప్రత్యేక శిబిరాలు ఏర్పాటు చేశారు. రాయగడలో డివిజనల్‌ రైల్వే మేనేజరు (పర్సనల్‌ ) కార్యాలయంతో పాటు ఆయా ప్రాంతాల్లో నిర్ధేశిత కార్యాలయాల్లో శిబిరాలు నిర్వహిస్తున్నారు. శిబిరాలకు వచ్చే పెన్షనర్లు, కుటుంబ పెన్షనర్లు డిజిటల్‌ లైఫ్‌ సర్టిఫికెట్‌ తయారీ, సమర్పణ ప్రక్రియపై సిబ్బంది ప్రత్యక్షంగా సహకరిస్తున్నారు. అవసరమై సాంకేతిక సహాయం అందిస్తూ ధ్రువీకరణ పత్రం సమర్పణ సజావుగా పూర్యయ్యేలా మార్గదర్శకతం చేస్తున్నారు. 80 ఏళ్లు పైబడిన ప్రాధాన్యత వయోభారం కారణంగా ఇబ్బందులు ఎదుర్కొనే 80 సంవత్సరాలు, అంతకంటే ఎక్కువ వయస్సు కలిగిన అత్యంత సీనియర్‌ పెన్షనర్లకు ఈ కార్యక్రమంలో ప్రత్యేక సహాయం అందిస్తున్నారు. వారికి ప్రాధాన్యతనిస్తూ లైఫ్‌ సిర్టిఫికెట్‌ మర్పర్పణ ప్రక్రియ సౌకర్యవంతంగా పూర్తి చేసుకునేలా అధికారులు ఏర్పాటు చేశారు. రైతులను ఆదుకోవాలి పర్లాకిమిడి: గుసాని బ్లాక్‌లో పర్లాకిమిడి ఎమ్మెల్యే రూపేష్‌ పాణిగ్రాహి బుధవారం పర్యటించారు. అగర్‌ ఖండి, ఒంగుళ, బాపూజీపేట, బాగుసల, బడగాం గ్రామాల్లో నేలకొరిగిన వరి పంటను పరిశీలించారు. అనంతరం కలెక్టర్‌తో మాట్లాడి వ్యవసాయ అధికారులను పంపించాలని కోరారు. రైతులకు నష్టపరిహారం అందేవరకు పోరాడతానని విలేకరులకు వెల్లడించారు. కార్యక్రమంలో జెడ్పీటీసీ సభ్యుడు ఎస్‌.బాలరాజు, నీలమాధవ పాఢి, బిజయ జెన్నా, నిరంజన్‌ ప్రధాన్‌ పాల్గొన్నారు.

రాయగడ: జిల్లాలోని గుణుపూర్‌ సమితితోపాటు మున్సిపాలిటీ పరిధిలో కొనసాగుతున్న ఇంటింటా ఓటర్ల జాబితా సర్వే పనులను రాష్ట్ర ఎన్నికల పరిశీలకుడు భగవాన్‌ బెహరా బుధవారం క్షేత్రస్థాయిలో పర్యటించి పరిశీలించారు. సర్వే పనుల పురోగతి, నిర్వహణ తీరును స్వయంగా తనిఖీ చేశారు. ఈ పర్యనటలో రాయగడ జిల్లా పంచాయతీ అధికారి (డీపీఓ) సూర్యనారాయణ మహరణ పాల్గొన్నారు. ఈ సందర్భంగా గుణుపూర్‌ సమితి పరిధిలోని చాలకంబ గ్రామ పంచాయతీతోపాటు గుణుపూర్‌ మున్సిపాలిటీ పరిధిలోని బలరాం నగర్‌, ఆదర్శ్‌నగర్‌, త్రినాథ మందిరం బూత్‌ ప్రాంతాల్లో ఇంటింటికీ వెళ్లి ఓటర్ల వివరాల సేకరణ ఏవిధంగా జరుగుతుందనే అంశాలను పరిశీలించారు. మున్సిపాలిటీ ప్రాంతంలో పర్యటన సందర్భంగా గుణుపూర్‌ మున్సిపాలిటీ ఈఓ సంతోష్‌ నాయక్‌, బీఎల్‌ఓ తాపస్‌ పట్నాయక్‌, శుభాశీష్‌ స్వయ్‌, బీఎల్‌ఓ భవానీ కుమారి శతపతి తదితరులు పాల్గొని సర్వేపనుల పురోగతిని పరిశీలకుడికి వివరించారు. అదేవిధంగా సమితి పరిధిలో పర్యటించిన సమయంలో గుణుపూర్‌ బీడీఓ స్వస్థిక్‌ జామాదార్‌ కూడా పాల్గొన్నారు. క్షేత్రస్థాయి తనిఖీల సందర్భంగా రాష్ట్ర ఎన్నికల పరిశీలకుడు సిబ్బందితో సమావేశమై సర్వే నిర్వహణ తీరుపుపై సమీక్షించారు. ఓటర్ల జాబితా సర్వే ప్రక్రియలో ఎలాంటి పొరపాట్లకు తావులేకుండా, పారదర్శకంగా, సమర్థవంతంగా పనులు పనులు పూర్తిచేయాలని అధికారులకు, సిబ్బందికి సూచించారు. ఈ మేరకు అవసరమైన మార్గదర్శకాలు, సలహాలు అందించారు.

రాయగడ : కొత్తపేట కళింగ వైశ్య సంఘం మహిళా విభాగం ఏర్పాటయ్యింది. బుధవారం కొత్తపేటలోని సంఘం కార్యాలయంలో నిర్వహించిన సమావేశంలో కొత్త కార్యవర్గాన్ని ప్రకటించారు. మహిళా విభాగం అధ్యక్షురాలిగా కె.నమ్రత, ఉపాధ్యక్షురాలిగా పెద్దిన రమ్య, కార్యదర్శిగా పెద్దిన సంయుక్త, సహ కార్యదర్శిగా కొరపాన యమున, కోశాధికారిగా వూళ్ల దివ్య నియమితులయ్యారు. ఈ సందర్బంగా కొత్తపేట కళింగ వైశ్య సంఘం అధ్యక్షుడు కొత్తకోట శ్రీధర్‌ మాట్లాడుతూ సంఘం సేవా కార్యక్రమాలను మరింత విస్తృతం చేయడంతో పాటు మహిళలకు సేవా కార్యక్రమాలపై ఆసక్తి కలిగించేలా సంఘం ఏర్పాటు చేశామన్నారు.

రాయగడ : గ్రామీణ ప్రాంతాల్లో రహదారి సౌకర్యం లేక గర్భిణులు, రోగులకు డోలీ పాట్లు తప్పడం లేదు. పద్మపూర్‌ సమితి నువాగడ పంచాయతీ సాటి గ్రామానికి పక్కా రహదారి లేకపోవడంతో 108 అంబులెన్స్‌ చేరుకోలేకపొయింది. దీంతో ప్రసవవేదనతో బాధపడుతున్న గర్భిణి రిబికా మాఝిని కుటుంబ సభ్యులు, గ్రామస్తులు, అంబులెన్స్‌ సిబ్బంది కలిసి 5 కిలోమీటర్లు డోలీపై మోసుకుంటూ అంబులెన్స్‌ వద్దకు తీసుకొచ్చారు. అనంతరం పద్మపూరం సామూహిక ఆరోగ్య కేంద్రానికి తరలించారు. అంబులెన్స్‌ టెక్నీషియన్‌ జశ్వంత్‌ నాయక్‌, పైలట్‌ వినోద్‌ కుమార్‌ సాహుకార్‌, అటెండెంట్‌ ప్రమోద్‌ జెన్నా, ఆశా కార్యకర్త సుమతి మాఝి పాల్గొన్నారు.

మాట్లాడుతున్న సీడబ్లూసీ సభ్యుడు ప్రేమానంద బెహరా మోహనా బ్లాక్‌లోని పలు మిషనరీ, బోర్డింగ్‌ హోస్టలర్స్‌ ప్రతినిధులు పర్లాకిమిడి: గజపతి జిల్లాలో మోహనా బ్లాక్‌లోఎస్సీ, ఎస్టీ, వెనుకబడిన తరగతుల విద్యార్థులకు వసతి కల్పిస్తున్న అనేక మిషనరీ రెసిడెన్సియల్‌ పాఠశాలలు, క్రిస్టియన్‌, ఇతర సంస్థల యజమానులతో జిల్లా శిశు సురక్షా సమితి ఆధ్వర్యంలో కలెక్టరేట్‌లో బుధవారం సమావేశం జరిగింది. ఈ సమావేశానికి జిల్లా శిశు సంరక్షణ సమితి అధికారి అరుణ్‌ కుమార్‌ త్రిపాఠి, జిల్లా సంక్షేమ శాఖ అధికారి మనోరమా దేవి, ప్రొటెక్షన్‌ అధికారి (డి.సి.పి.ఓ.) డంబురోధర బలవంత్‌, సీడబ్ల్యూసీ సభ్యు లు ప్రేమనంద బెహరా, ఉమన్‌ హెల్ప్‌లైన్‌ సబ్‌ కోర్డినేటర్‌ ఎల్‌.రాంప్రసాద్‌ తదితరులు హాజరయ్యారు. మోహనా నియోజకవర్గంలో నడుస్తున్న బాలబాలికల హోస్టల్స్‌లో కంధమల్‌, బ్రాహ్మాణిగాం, రాయగడ జిల్లాల విద్యార్థుల వివరాలు ప్రభుత్వానికి అందజేయాలన్నారు. వారి బాగోగులు, ఆరోగ్యం, వసతి సదుపాయాలపై ప్రభుత్వం అనేక మార్గదర్శకాలు విడుదల చేసిందన్నారు. అందువల్ల పిల్లల ఆరోగ్యంపై తగిన చర్యలు చేపట్టాలని సంరక్షణ అధికారి డంబురుఓదోరో బలవంత్‌ అన్నారు. మోహనా సరిహద్దులో గరడమా, మంద్రబాజు, మోహనా, రాయిపంక, బిరికోట్‌లో అనాధ బాలబాలికలను ప్రభుత్వ బాలల సంరక్షణ కేంద్రానికి తరలించాలని, వారిబాగోగులు ప్రభుత్వమే భరిస్తుందని డీసీపీఓ అరుణ్‌కుమార్‌ త్రిపాఠి తెలి యజేశారు. అనాధ బాలబాలికలు, ఎస్సీ, ఎస్టీ విద్యార్థులకు హోస్టల్స్‌లో భద్రత, సరైన సౌకర్యాలు కల్పించాలని, లేకుంటే ఆ సంస్థలు, రెసిడెన్షియల్‌ పాఠశాలలపై చర్యలు చేపడతామన్నారు. ఈ సమావేశంలో మోహనాలో పలు మిషనరీ కాన్వెంట్‌ పాఠశాలలు, ప్రైవేటు హోస్టలర్స్‌ యాజమాన్య ప్రతినిధులు పాల్గొని వారి సందేహాలను అధికారులతో మాట్లాడి నివృత్తి చేసుకున్నారు.

● పంచారామాలకు, శబరిమల యాత్రలకు ప్రత్యేక బస్సులు శ్రీకాకుళం అర్బన్‌: కార్తీక మాసం సందర్భంగా శివభక్తులు, అయ్యప్ప స్వామి భక్తుల సౌకర్యార్థం ఆంధ్రప్రదేశ్‌ రాష్ట్ర రోడ్డు రవాణా సంస్థ శ్రీకాకుళం జిల్లా ఆధ్వర్యంలో ప్రత్యేక ఆధ్యాత్మిక యాత్ర ప్యాకేజీలను ఏర్పాటు చేసినట్లు జిల్లా ప్రజా రవాణా అధికారి సీహెచ్‌ అప్పలనారాయణ తెలిపారు. శ్రీకాకుళం ఆర్టీసీ కాంప్లెక్స్‌ ఆవరణలో ప్రత్యేక యాత్రలకు సంబంధించిన ప్రచార కరపత్రాలను ఆర్టీసీ అధికారులు, సిబ్బంది బుధవారం విడుదల చేశారు. ఈ సందర్భంగా డీపీటీవో అప్పలనారాయణ మాట్లాడుతూ.. కార్తీక మాసాన్ని పురస్కరించుకుని శివభక్తుల కోసం పంచారామ క్షేత్ర దర్శన యాత్రతో పాటు అయ్యప్ప స్వామి భక్తుల కోసం శబరిమల యాత్రకు ప్రత్యేక బస్సు సర్వీసులు ఏర్పాటు చేస్తున్నట్లు తెలిపారు. భక్తుల సౌకర్యార్థం 5 రోజులు, 6, 7 రోజుల యాత్ర ప్యాకేజీలను అందుబాటులోకి తీసుకువచ్చినట్లు పేర్కొన్నారు. ఈ ప్రత్యేక యాత్రల ద్వారా భక్తులు సురక్షితంగా, సౌకర్యవంతంగా పుణ్యక్షేత్రాలను దర్శించుకునే అవకాశం ఉంటుందని తెలిపారు. భక్తులు ఈ అవకాశాన్ని సద్వినియోగం చేసుకోవాలని కోరారు. అనంతరం ఈ కరపత్రాలను ప్రయాణికులు, భక్తులకు ఆర్టీసీ అధికారులు, సిబ్బంది పంపిణీ చేశారు. కార్యక్రమంలో ఆర్టీసీ శ్రీకాకుళం–1, శ్రీకాకుళం–2 డిపోల మేనేజర్లు హనుమంతు అమరసింహుడు, కేఆర్‌ఎస్‌ శర్మ, ఆర్టీసీ ఎస్‌ఎం ఎంపీ రావు, ఎల్‌ఎస్‌ నాయుడు, ఆర్టీసీ అధికారులు ఏఎన్‌ఎస్‌ శ్రీనివాస్‌, ప్రసాద్‌, రాజు తదితరులు పాల్గొన్నారు.

రాయగడ: జిల్లాలోని గుణుపూర్‌ మున్సిపాలిటీలోని 1 నుంచి 19 వార్డుల్లో పారిశుధ్య నిర్వహణకు సంబంధించి రూ.2.41 కోట్ల విలువైన మానవ వనరుల సరఫరా టెండర్‌ వ్యవహారం మరో కీలక మలుపు తిరిగింది. టెండర్‌ ప్రక్రియ ప్రారంభమై సుమారు ఆరు నెలలు గడిచినా సాంకేతిక మూల్యాంకన ప్రదర్శన (టెక్నికల్‌ ఎవాల్యూషన్‌ ప్రజెంటేషన్‌ ) పూర్తి కాకపోవడంపై ఇప్పటికే పలు అనుమానాలు, ప్రశ్నలు వ్యక్తమవుతున్నాయి. ఈ నేపథ్యంలో నవంబర్‌ 5న జరగాల్సిన ప్రదర్శనను ఒకరోజు ముందు జరిపి నవంబరు 4న నిర్వహించాలని మున్సిపాల్టీ అధికారులు నిర్ణయించారు. మున్సిపాల్టీ కార్యాలయం జారీ చేసిన లేఖ ప్రకారం తొలుత నవంబరు 5వ తేదీ ఉదయం సాంకేతిక మూల్యాంకన ప్రదర్శన నిర్వహించాలని నిర్ణయించారు. అనంతరం తేదీని మార్చి నవంబర్‌ 4వ తేదీ ఉదయం 11 గంటలకు గుణుపూర్‌ మున్సిపాల్టీ కౌన్సిల్‌ కార్యాయలంలో నిర్వహించారు. ఈ సమావేశానికి మున్సిపల్‌ చైర్మన్‌, గుణుపూర్‌ అసిస్టెంట్‌ కలెక్టర్‌, గుణుపూర్‌ సమితి ఫైనాన్స్‌ అధికారి, రాయగడ మున్సిపాల్టీ ఇంజినీర్‌ హాజరుకావాలని అధికారిక లేఖ ద్వారా కోరారు. గతంలో టెండర్‌ ఫిక్సింగ్‌ ఆరోపణలు.. ఈ టెండర్‌ వ్యవహారం గతంలోనూ వివాదాలకు కేంద్రంగా నిలిచింది. 2024–25లో నిర్వహించిన సాంకేతిక మూల్యాంకన ప్రదర్శన సందర్భంగా అక్రమాలు జరిగాయని, టెండర్‌ ఫిక్సింగ్‌కు పాల్పడ్డారనే ఆరోపణలు వినిపించాయి. అప్పట్లో ప్రదర్శనకు సంబంధించిన వీడియో సీడీ అందించి, మొత్తం ప్రక్రియను తిరిగి పరిశీలించాలని డిమాండ్లు వచ్చినప్పటికీ సంబంధిత శాఖ అధికారులు స్పందించలేదనే విమర్శలు ఉన్నాయి. ప్రస్తుత టెండర్‌ ప్రక్రియలోనూ ఆరు నెలల జాప్యం చోటు చేసుకోవడం, సాంకేతిక మూల్యాంకన ప్రదర్శన ఆలస్యంగా నిర్వహించనుండటం పలు సందేహాలకు తావిస్తోంది. ముఖ్యంగా టెండర్‌లొ పాల్గొన్న సంస్థల వివరాలను వెల్లడించేందుకు మున్సిపాలిటీ కార్యనిర్వాహక అధికారి సంతోష్‌ కుమార్‌ నాయక్‌ నిరాకరించినట్లు సమాచారం. టెండర్‌ జాప్యానికి కారణాలపై కూడా ఆయన నుంచి ఎటువంటి సంతృప్తికరమైన వివరణ అభించలేదనే విమర్శలు వ్యక్తమవుతున్నాయి. ఇదిలాఉండగా, గత రెండేళ్లుగా మున్సిపాల్‌ అధికారుల ఆదరణ పొందుతున్నట్లు ప్రచారంలో ఉన్న ఎంఎస్‌ సవ్యసాచి మహాకుల్‌ సంస్థ పేరు ఈ టెండర్‌ వ్యవహారంలో చర్చకు వస్తున్నట్లు స్థానికంగా పలువురు పేర్కొంటున్నారు. ఈ అంశాలపై అధికారిక నిర్ధారణ లేదు. రు.2.40 కోట్లకు పైగా విలువ.. 19 వార్డుల పారిశుధ్య నిర్వహణ టెండర్‌ రిఫరెన్స్‌ నంబర్‌ 1339, తేదీ 2026 ఏప్రిల్‌ 16వ తేదీగా మున్సిపాలిటీ లేఖలో పేర్కొన్నారు. ప్రచురిత టెండర్‌ వివరాల ప్రకారం ఈ పనుల అంచనా విలువ రూ.2,20,80,510 ఉంది. ఈ టెండర్‌ పరిధిలో పట్టణంలోని రహాదారులు, డ్రైనేజీల శుభ్రత, చెత్త సేకరణ, గడ్డి తొలగింపు తదితర పారిశుధ్య పనులు చేపట్టాల్సి ఉంటుంది. మొత్తం 19 వార్డుల పారిశుధ్య నిర్వహణ ఈ టెండర్‌పై ఆధానపడి ఉండటంతో ఈ ప్రక్రియలో జాప్యం కొనసాగితే పట్టణ పరిశుభ్రత, ప్రజారోగ్యంపై ప్రభావం పడే అవకాశముందని స్థానికులు ఆందోళన వ్యక్తం చేస్తున్నారు. పారదర్శకతపై అనుమానాలు.. రు. 2.41 కోట్ల ప్రజాధనంతో చేపట్టనున్న ఈ టెండర్‌ ప్రక్రియ జాప్యానికి అసలు కారణాలేమిటి. సాంకేతిక మూల్యాంకనలో అనుసరిస్తున్న ప్రమాలేమిటి... ప్రజెంటేషన్‌ తేదీ మార్పుకు కారణాలేమిటి... టెండర్‌లో పాల్గొన్న అన్ని సంస్థలకు సమాన అవకాశాలు కల్పిస్తున్నారా... అనే ప్రశ్నలు ప్రస్తుతం చర్చనీయాంశంగా మారాయి. టెండర్‌ ప్రక్రియకు సంబంధించిన పూర్తి కాలపట్టిక, సాంకేతిక అర్హతల పరిశీలన వివరాలు, మూల్యాంకన ప్రమాణాలు, పాల్గొన్న సంస్థల జాబితా, టెండర్‌ ఖరారుకు నిర్దేశించిన గడువును బహిర్గతం చేయాలని స్థానికంగా డిమాండ్లు వినిపిస్తున్నాయి. టెండర్‌ ప్రక్రియ పారదర్శకంగా, నిష్పక్షపాతంగా సాగేందుకు రాష్ట్ర గృహ నిర్మాణ, పట్టణాభివృద్ధి శాఖతోపాటు జిల్లా యంత్రాంగం కూడా పర్యవేక్షణ చేపట్టాలని పలువురు అభిప్రాయపడ్డారు. ప్రజల పన్నుల రూపంలో సమకూరిన నిధులతో, జావాబూదారీతనం, సమాన అవకాశాలు కల్పించడం, మున్సిపాలిటీ యంత్రాంగం బాధ్యత.

జయపురం: ఒడిశా– ఆంధ్రప్రదేశ్‌ రాష్ట్రాల మధ్య రగులుతున్న కొఠియా వివాద శాశ్వత పరిష్కారానికి ప్రత్యేక దండకారణ్య రాష్ట్ర ఏర్పాటే మార్గమని మాజీ ఎంపీ, ఆదివాసీ నేత జయరాం పంగి స్పష్టం చేశారు. ఈ మేరకు బుధవారం ఒక ప్రకటన విడుదల చేశారు. అవిభక్త కొరాపుట్‌ జిల్లాలోని కొరాపుట్‌, నవరంగపూర్‌, రాయగడ, మల్కనగిరి జిల్లాలతో పాటు ఆంధ్రప్రదేశ్‌లోని పార్వతీపురం మన్యం, అల్లూరి సీతారామరాజు జిల్లాలను కలిపి ప్రత్యేక జిల్లాగా ఏర్పాటు చేయాలని కోరారు. ప్రతిపాదిత దండకారణ్య రాష్ట్రంలో ఒడిశాకు చెందిన 42 సమితులు, ఆంధ్రప్రదేశ్‌కు చెందిన 40 సమితులు, మొత్తం 21 అసెంబ్లీ స్థానాలు, మూడు లోక్‌సభ స్థానాలు ఉండాలన్నారు. బీజీపీ మాజీ అధ్యక్షుడు గోపాలరావు మృతి పర్లాకిమిడి: సీనియర్‌ అడ్వకేట్‌, బీజేపీ మాజీ అధ్యక్షుడు ముల్లి గోపాలరావు (72) మంగళవారం గుండెపోటుతో మృతిచెందారు. ఈయనకు భార్య, కుమారుడు, కుమార్తె, కోడలు వున్నారు. గజపతి జిల్లాలో 1995లో బీజేపీకి ప్రథమ జిల్లా అధ్యక్షుడిగా పనిచేశారు. 1996లో అదే పార్టీ తరఫున పర్లాకిమిడి ఎమ్మెల్యేగా పోటీచేశారు. మాజీ ఉపరాష్ట్రపతి వెంకయ్యనాయుడు, ఒడిశా మాజీ గవర్నర్‌ కంభంపాటి హరిబాబుతో మంచి అనుబంధం ఉంది. గోపాలరావు మృతి పట్ల బీజేపీ రాష్ట్ర ఉపాధ్యక్షుడు కోడూరు నారాయణరావు, కోశాధికారి వి.వరదరాజు, మాజీ అధ్యక్షులు తిరుపతి నాయక్‌, మహిళా మోర్చా అధ్యక్షురాలు అరుణిమా సాహు తదితరులు సంతాపం వ్యక్తం చేశారు.

మల్కన్‌గిరి : చిత్రకొండ సమితి స్వభీమాన్‌ ఏరియా ధూలిపూట్‌ పంచాయతీలో ఉన్న జుమ్‌డాంగ్‌ గ్రామం మరో కొఠియాగా మారనుందా? అంటే అవుననే సమాధానాలు వినిపిస్తున్నాయి. విద్య, వైద్యం, అంగన్‌వాడీ.. ఇలా ప్రభుత్వ సేవలు, పథకాల కోసం ఇక్కడి ప్రజలు ఆంధ్రప్రదేశ్‌ ప్రభుత్వంపై ఆధారపడుతున్నట్లు సమాచారం. ప్రస్తుతం జరుగుతున్న ఆంధ్రప్రదేశ్‌ పంచాయతీ ఎన్నికల్లో జుమ్‌డాంగ్‌ గ్రామానికి చెందిన సుమారు 50 మంది ఓటు వేయడానికి ఆసక్తి చూపుతున్నట్లు తెలిసింది. అయితే ఈ పరిస్థితి ఎందుకు వచ్చిందనే విషయమై ఒడిశా పాలకులు ఆలోచించాల్సిన అవసరం ఎంతైనా ఉందనే అభిప్రాయాలు వ్యక్తమవుతున్నాయి. విద్య ,వైద్యం, అంగన్‌వాడీ సేవలు అందించడం, ప్రతి గ్రామస్తుడికి ఒడిశా ప్రభుత్వ సంక్షేమ పథకాలు వర్తింపజేయడం, ఇతర గ్రామాల మాదిరిగా సమాన హక్కులు కల్పించడం వంటి చర్యలపై రాష్ట్ర ప్రభుత్వం తక్షణమే స్పందించాలని, లేనిపక్షంలో మరో కొఠియాగా మారే అవకాశం ఉందన్న వాదనలు వినిపిస్తున్నాయి. ఇదిలా ఉండగా, గురువారం జరిగే ఆంధ్రా పరిషత్‌ ఎన్నికల్లో తాము ఓట్లు వేస్తామని, అల్లూరి జిల్లాలోనే తమను ఉంచాలని కోరుతూ అల్లూరి జిల్లా సబ్‌ కలెక్టర్‌ కార్యాలయంలో పలువురు వినతిపత్రం అందజేశారు. ఈ విషయమై మల్కన్‌గిరి జిల్లా కలెక్టర్‌ ప్రధమేశ్‌ అర్వింద్‌ రాజాశిర్కే ఆరా తీశారు. జిల్లా పరిషత్‌ చైర్‌పర్సన్‌ సమరి తాంగులు, చిత్రకొండ సమితి చైర్‌పర్సన్‌ రాజేశ్వరీ ఖీలో, మల్కన్‌గిరి మాజీ ఎమ్మెల్యే మానాస్‌ మడ్కామి, దూలిపూట్‌ పంచాయతీ సభ్యులు కూడా కలెక్టర్‌ను కలిశారు.

రాయగడ: రైల్వే స్టేషన్లు, రైళ్లలో ఆహార వృథాను అరికట్టడంతో పాటు ప్రయాణికులకు నాణ్యమైన, పరిశుభ్రమైన ఆహారాన్ని అందించడమే లక్ష్యంగా తూర్పు రైల్వే రాయగడ డివిజన్‌ ఆధ్వర్యంలో బుధవారం ప్రత్యేక అవగాహన కార్యక్రమం నిర్వహించారు. బ్రిక్స్‌ స్థిరమైన జీవనశైలి వారోత్సవాల్లో భాగంగా చేపట్టిన ఈ కార్యక్రమంలో బాధ్యతాయుత ఆహార వినియోగం, ఆహార వృథా నివారణ, పర్యావరణహిత ఆహార అలవాట్లపై ప్రయాణికులు, ఆహరా విక్రేతలు, రైల్వే సిబ్బందికి అవగాహన కల్పించారు. రాయగడ రైల్వే డివిజన్‌ పరిధిలోని వివిధ స్టేషన్లలో నిర్వహించిన ఈ ప్రచార కార్యక్రమం ద్వారా ఆహారాన్ని అవసరానికి అనుగుణంగా వినియోగించుకోవాలని, అనవసరంగా వృథా చేయకూడదని, పర్యావరణ పరిరక్షణకు ప్రతీఒక్కరూ తమవంతు బాధ్యత నిర్వహించాలని అధికారులు సూచించారు. డిజిటల్‌ డిస్‌ప్లేలు, ఆహార విక్రయ కేంద్రాలు, స్టాళ్ల వద్ద పొస్టర్ల ప్రదర్శన, ప్రజా ప్రకటనలు, ప్రయాణికులు, విక్రేతలతో ప్రత్యక్ష సంభాషణల ద్వారా అవగాహన కల్పించారు. ఈ సందర్భంగా రాయగడ రైల్వే డివిజనల్‌ మేనేజరు అమితాబ్‌ సింఘాల్‌ మాట్లాడుతూ.. స్థిరమైన ఆహార వినియోగ విధానాలను అనుసరించడం పర్యావరణ పరిరక్షణకు, సహాజ వనరుల సమర్థ వినియోగానానికి ఎంతో అవసరమని పేర్కొన్నారు. ఆహార వృథాను తగ్గిండం అనేది కేవలం వ్యక్తిగత బాధ్యత మాత్రమే కాకుండా, సామాజిక బాధ్యత కూడా అని స్పష్టం చేశారు. రైల్వే సిబ్బంది, ప్రయాణికులు, ఆహార విక్రేతలు సమిష్టిగా కృషి చేసి, పరిశుభ్రమైన, పర్యావరణహిత రైల్వే వాతావరణాన్ని నిర్మించాలని పిలుపునిచ్చారు. ఆహార విక్రయ కేంద్రాల్లో నాణ్యత పరిశీలన అవగాహన కార్యక్రమంలో భాగంగా రైల్వే వాణిజ్య అధికారులు, వాణిజ్య తనిఖీ సిబ్బంది వివిధ స్టేషన్లలోని ఆహార విక్రయ కేంద్రాలు, స్టాళ్లను తనిఖీ చేశారు. ప్రయాణికులకు అందించే ఆహార పదార్ధాల నాణ్యత, పరిశుభ్రత, ఆహార భద్రత ప్రమాణాల అమలును పరిశీలించారు. నిర్ణీత ప్రమాణాలకు అనుగుణంగా ఆహారాన్ని అందించాలని విక్రేతలకు సూచించారు.

పర్లాకిమిడి: గోసమ్మాన్‌ ఆహ్వానం ప్రచారం సందర్భంగా స్థానిక పెద్దరాధాకాంత మఠంలో అమృతానంద గిరి మహారాజ్‌, క్రాంతి స్వరూపానంద గిరి, కేంద్రియ నంది బాబాతో సహా పలువురు సాధుసంతువులు, కార్యకర్తలు పాల్గొన్నారు. డిసెంబర్‌ 17న భువనేశ్వర్‌లో జరుగనున్న గోసమ్మాన్‌ ఆహ్వాన్‌ అభియాన్‌లో అందరూ పాల్గొనలాని స్వరూపానంద గిరి అన్నారు. గోమాతాల సురక్ష, సమ్మాన్‌, సంరక్షణ కోరకు అందరూ కలిసి సమాజంలో జాగృతం చేయాలని అమృతానంద గిరి అన్నారు. ఈ కార్యక్రమంలో కై లాష్‌ చంద్ర గౌడో, మహాంత సత్యనారాయణ దాస్‌ మహారాజ్‌, గిన్నికుమార్‌ రెడ్డి, జిల్లా కార్యదర్శి రమేష్‌ చంద్ర పాత్రో, గోసేవ, సంవర్ధన ప్రముఖులు మనోజ్‌ దాస్‌, తదితరులు పాల్గొన్నారు. యువకుడు ఆత్మహత్యాయత్నం టెక్కలి రూరల్‌: స్థానిక ఎన్టీఆర్‌ పార్క్‌ ఆవరణలో బుధవారం యువకుడు గడ్డిమందు తాగి ఆత్మహత్యాయత్నానికి ప్రయత్నించాడు. స్థానికులు తెలిపిన వివరాల మేరకు.. తలగాం గ్రామానికి చెందిన బొమ్మాళి శ్రీను అనే వ్యక్తి బుధవారం మధ్యాహ్నం ఎన్టీఆర్‌ పార్కు సమీపంలో గడ్డిమందు తాగి తీవ్ర అస్వస్థతకు గురయ్యాడు. ఇది గుర్తించిన స్థానికులు హుటాహూటిన టెక్కలి జిల్లా ఆస్పత్రికి తరలించారు. అక్కడ వైద్యులు వైద్య పరీక్షలు నిర్వహించి పరిస్థితి విషమంగా ఉండడంతో మెరుగైన వైద్యం కోసం శ్రీకాకుళం రిమ్స్‌కు తరలించారు. ఈ ఘటనపై స్థానిక పోలీసులకు సమాచారం అందించారు. అయితే ఆత్మహత్యాయత్నానికి గల కారణం తెలియాల్సి ఉంది. ఇతనికి భార్య, పిల్లలు ఉన్నారు. కూలిన ఇంటి గోడ టెక్కలి రూరల్‌: గత కొద్ది రోజులుగా తుఫాన్లు కారణంగా కురిసిన వర్షాలతో మండలంలోని పాత నౌపడ గ్రామంలో ఒక ఇంటి గోడ కూలిపోయింది. స్థానికులు తెలిపిన వివరాలు ప్రకారం.. పాత నౌపడ గ్రామానికి చెందిన గాలి నీలకంఠేశ్వరరావు తన భార్య, పిల్లలతో కలిసి తనకు చెందిన మట్టిగోడలతో ఉన్న రేకుల షెడ్‌ ఇంట్లో నివాసముంటున్నారు. అయితే వర్షాలకు మట్టిగోడలు తడిచిపోవడంతో బుధవారం వేకువజామున ఇంటిగోడ ఒక్కసారిగా కూలిపోయింది. దీంతో కుటుంబ సభ్యులు భయాందోళనకు గురయ్యారు. తమను ప్రభుత్వం ఆదుకోవాలని బాధితులు కోరుతున్నారు. జలుమూరు: అల్లాడ గ్రామ శివారు పెద్ద చెరువులో మొసలి తిరుగుతోందని గ్రామస్తులు ఆందోళన వ్యక్తం చేస్తున్నారు. బుధవారం వేకువజామున సుమారు 10 నుంచి 12 అడుగుల పొడవుతో చెరువు మధ్యలో ఉన్న శివుడి విగ్రహం చుట్టూ తిరిగిందని చెబుతున్నారు. కార్యదర్శి చిన్నారావు సమాచారం మేరకు టెక్కలి అటవీశాఖ అధికారులు, సెక్యూరిటీ బీట్‌ అధికారి ఎస్‌.కృష్ణారావు, అసిస్టెంట్‌ బీట్‌ అధికారి సీహెచ్‌ కృష్ణారావులు వచ్చి పరిశీలించారు. అరగంటకోసారి కళ్లు బయటకు కనిపిస్తున్నా మొసలి మాత్రం కాదని చెబుతున్నారు. పూర్తిగా సమాచారం తెలిసే వరకు ఎవరూ నీటిలో ఎవరూ దిగవద్దని హెచ్చరించారు.

కొరాపుట్‌: కొఠియాలో ఉద్రిక్త పరిస్థితులు కొనసాగుతున్నాయి. బుధవారం వేకువజాము నుంచి ప్రతిపక్ష బీజేడీ కార్యకర్తలు వందలాదిగా కొఠియా పంచాయతీ నేరడివలసలో మెహరించారు. ఇక్కడ ఆంధ్రప్రదేశ్‌ రాష్ట్రం పార్వతీపురం మన్యం జిల్లా సాలూరు మండల ప్రభుత్వ యంత్రాంగం పంచాయతీ ఎన్నికలు నిర్వహించడానికి ప్రయత్నాలు ముమ్మరం చేయడంతో వీరంతా అక్కడికి చేరుకున్నారు. అంతకుముందు ఆంధ్రా పోలీసులు స్థానికుల సాయంతో ఒడిశా పోలీసుల చెక్‌పోస్టులు తొలగించడంతో సమస్య మరింత ముదిరింది. విషయం తెలుసుకున్న బీజేడీ నాయకులు అర్ధరాత్రి నేరడివలసలో బారికేడ్లు ఏర్పాటు చేశారు. దాంతో పార్టీలకు అతీతంగా ఐక్యంగా కొఠియా చేరుకున్నారు. రోజంతా ఆందోళన చేపట్టారు. బీజేడీ జాతీయ అధికార ప్రతినిధి ప్రదీప్‌మజ్జి, మాజీ ఎంపీ జిన్ను హిక్కా, మాజీ ఎమ్మెల్యేలు పీతం పాఢీ, రఘురాం పొడాల్‌, ప్రభుజానీ, కొరాపుట్‌ జెడ్పీ ప్రెసిడెంట్‌ సస్మితా మెలక తరలివచ్చారు. మరోవైపు అధికార బీజేపీకి చెందిన కొరాపుట్‌ ఎమ్మెల్యే రఘురాం మచో నేతృత్వంలో బృందం కొఠియా ప్రజలకు నచ్చజెప్పారు. మాజీ ఎంపీ జయరాం పంగి కొఠియా గ్రామాల్లో ఒడిశాకు మద్దతుగా అవగాహన కల్పిస్తున్నారు. మరోవైపు ఒడిశా ప్రభుత్వం 7 ప్లాటున్ల పోలీసులను కొఠియా నలువైపులా పహారా కాస్తున్నారు. ముందు రోజు తొలగించిన బారికేడ్లు, టెంట్లు, చెక్‌పోస్టులు తిరిగి ఏర్పాటు చేశారు. కొఠియాలో కొరాపుట్‌ జిల్లా యంత్రాంగం 166 సెక్షన్‌ అమలు చేస్తూ ఆదేశాలు జారీ చేసింది.

భువనేశ్వర్‌: రౌర్కెలాలోని హైటెక్‌ నర్సింగ్‌ కళాశాల విద్యార్థులు రోగుల చికిత్సా విధానాలు, మురికివాడల ప్రజలకు మెరుగైన వైద్య సేవలు అందించేందుకు ఉపయోగపడే ఆధునిక శాసీ్త్రయ పద్ధతుల నమూనాలను ప్రదర్శించారు. వినూత్న వైద్య విధానాలు, సాంకేతిక పరిజ్ఞానంతో రూపొందించిన ఈ నమూనాలు ప్రదర్శనలో ఆకట్టుకున్నాయి. ఈ నమూనాల ఆధారంగా విద్యార్థులు భవిష్యత్‌లో మరింత మెరుగైన వైద్య పరిజ్ఞానాన్ని సంపాదించడంతో పాటు ప్రజలకు చేరువై సేవలందించగలరని కళాశాల వ్యవస్థాపక అధ్యక్షుడు డాక్టర్‌ తిరుపతి పాణిగ్రాహి ఆకాంక్షించారు. ఈ సందర్భంగా ఆయన మాట్లాడుతూ నూతన వైద్య విధానాలపై అవగాహన పెంపొందించుకోవాలని పిలుపునిచ్చారు. ఈ ప్రదర్శనలో మేనేజింగ్‌ ట్రస్టీ డాక్టర్‌ రాకేశ్‌ కుమార్‌ పాణిగ్రాహి, ముఖ్య కార్యనిర్వహణ అధికారి సుశాంత్‌ ఆచార్య, నర్సింగ్‌ కళాశాల ప్రిన్సిపాల్‌ డాక్టర్‌ శ్రావంతి మెటు, జ్యోతిర్మయ్‌ పండా, ప్రాజెక్టు డైరెక్టర్‌ మధుసూదన్‌ మహంతి తదితరులు పాల్గొన్నారు.

వజ్రపుకొత్తూరు: ప్రభుత్వ ఆస్పత్రుల్లో ప్రసవాల సంఖ్య పెంచడంతో పాటు గర్భిణులకు మెరుగైన వైద్యసేవలు అందించాలని జిల్లా వైద్య ఆరోగ్య శాఖ అధికారి డాక్టర్‌ ఇ.వి.నరేష్‌కుమార్‌ సిబ్బందిని ఆదేశించారు. మంగళవారం వజ్రపుకొత్తూరు మండలం గోవిందపురం పీహెచ్‌సీని సందర్శించారు. రికార్డులను పరిశీలించి వైద్య సేవలు, సిబ్బంది పని తీరుపై ఆరా తీశారు. గర్భిణులకు ప్రభుత్వ వైద్యసేవలపై నమ్మకం కల్పించి ప్రైవేటు ఆస్పత్రులకు వెళ్లే అవసరం లేకుండా చొరవ తీసుకోవాలన్నారు. క్షయ వ్యాధి నిర్ధారణ పరికరాలు అందుబాటులో ఉన్నందున వాటిని పూర్తి స్థాయిలో వినియోగించుకోవాలని సూచించారు. తుఫాన్‌ ప్రభావం నేపథ్యంలో సీజనల్‌ వ్యాధులు ప్రబలే అవకాశం ఉన్నందున సిబ్బంది అప్రమత్తంగా ఉండాలన్నారు. కార్యక్రమంలో స్థానిక వైద్యాధికారి డాక్టర్‌ వినయ్‌కుమార్‌, ఈఓ సన్యాసిరావు, ఫార్మసిస్ట్‌ సుబ్రహ్మణ్యం, స్టాఫ్‌నర్సులు, ఎల్‌హెచ్‌పీలు, ఏఎన్‌ఎంలు, ఆశ కార్యకర్తలు పాల్గొన్నారు.

రాయగడ: ఈస్ట్‌కోస్ట్‌ రైల్వే రాయగడ డివిజన్‌ పరిధిలో బీఆర్‌ఐసీఎస్‌ సుస్థిర జీవనశైలి వారోత్సవాల్లో భాగంగా మంగళవారం వివిధ రైల్వేస్టేషన్లలో నీటిని పొదుపు చేయండి అనే నినాదంతో అవగాహన కార్యక్రమాన్ని నిర్వహించారు. దీనిలో భాగంగా రైల్వే ఉద్యోగులు, ప్రయాణికులకు నీటి సంరక్షణ ప్రాధాన్యత, నీటి వృథాను నివారించడం, రోజువారీ జీవితంలో బాధ్యతాయుతంగా నీటిని వినియోగించుకోవడంపై అవగాహన కల్పించారు. డీఆర్‌ఎం అమితాబ్‌ సింఘాల్‌ మాట్లాడుతూ నీరు అమూల్యమైన సహజ వనరని, దాని సంరక్షణ ప్రతీ ఒక్కరి బాధ్యత అని పేర్కొన్నారు. నీటి వృథాను అరికట్టడంతో పాటు అవసరానికి తగినవిధంగా నీటిని వినియోగించాలని సూచించారు. భవిష్యత్‌ తరాలకు ఈ విలువైన వనరును అందించేందుకు ప్రతి ఒక్కరూ తమవంతు కృషి చేయాలని రైల్వే ఉద్యోగులు, ప్రయాణికులకు పిలుపునిచ్చారు.

● మంత్రి సురేశ్‌ పూజారి ఆదేశం ● మూడు జిల్లాలకు నలుగురు ఐఏఎస్‌ల నియామకం భువనేశ్వర్‌: అర్నబ్‌ తుఫాన్‌ కారణంగా కురిసిన భారీ వర్షాలు, వరదలతో తీవ్రంగా నష్టపోయిన గంజాం, గజపతి, కంధమల్‌ జిల్లాల్లో సహాయక, పునరుద్ధరణ చర్యలను వేగవంతం చేయాలని రాష్ట్ర రెవెన్యూ, విపత్తు నిర్వహణ శాఖ మంత్రి సురేశ్‌ పూజారి అధికారులను ఆదేశించారు. నష్టాల అంచనా, బాధితులకు పరిహారం పంపిణీ, దెబ్బతిన్న మౌలిక వసతుల పునరుద్ధరణపై మంగళవారం ఆయన ఉన్నతస్థాయి సమీక్ష నిర్వహించారు. ఇటీవల తీరం దాటిన మురసు తుఫాన్‌ పరిస్థితిని సైతం సమీక్షించారు. మురసు తుఫాన్‌ సోమవారం అర్ధరాత్రి ఆంధ్రప్రదేశ్‌లో ప్రవేశించిందని, ప్రస్తుతం విజయవాడకు దక్షిణంగా కొనసాగుతూ తెలంగాణ వైపు కదులుతోందని మంత్రి తెలిపారు. ఇప్పటివరకు ఒడిశాలోని ఏ జిల్లాపైనా తుఫాన్‌ ప్రభావం గణనీయంగా లేదన్నారు. గత 24 గంటల్లో రాష్ట్రవ్యాప్తంగా సగటున 2 మిల్లీమీటర్ల వర్షపాతం నమోదైందని వివరించారు. పూరీలో అత్యధికంగా 12 మిల్లీమీటర్లు, మల్కన్‌గిరి, కొరాపుట్‌, గంజాం జిల్లాల్లో 10 మిల్లీ మీటర్లు లేదా అంతకంటే తక్కువ వర్షపాతం నమోదైనట్లు వెల్లడించారు. 1.65 లక్షల మందికి పైగా తరలింపు ప్రస్తుత పరిస్థితులను రాష్ట్ర ప్రభుత్వం నిరంతరం పర్యవేక్షిస్తోందని, ఎలాంటి విపత్కర పరిస్థితులనైనా ఎదుర్కొనేందుకు యంత్రాంగం సిద్ధంగా ఉందని మంత్రి పేర్కొన్నారు. ఇప్పటివరకు గంజాం జిల్లాలో 1,52,010 మంది, గజపతిలో 620 మంది, మల్కన్‌గిరిలో 5,073 మంది, కొరాపుట్‌లో 1,101 మంది, కంధమల్‌లో 6,269 మంది, రాయగడలో 736 మందిని సురక్షిత ప్రాంతాలకు తరలించినట్లు తెలిపారు. మొత్తంగా 1,65,809 మందిని తరలించగా, ఆయా జిల్లాల్లో 592 శాశ్వత, తాత్కాలిక పునరావాస కేంద్రాలు పనిచేస్తున్నాయని వివరించారు. సహాయక చర్యల కోసం 54 ఓడ్రాఫ్‌, 9 ఎన్డీఆర్‌ఎఫ్‌ బృందాలతో పాటు 100కు పైగా అగ్నిమాపక సేవల బృందాలను రంగంలోకి దించారు. జిల్లా ఉన్నతాధికారులు క్షేత్రస్థాయిలో ఉండి సహాయక చర్యలను పర్యవేక్షిస్తున్నారు. ప్రభావిత జిల్లాల్లో పాఠశాలలు ఎక్కువగా మూసివేసి ఉన్నాయని, పరిస్థితులను బట్టి వాటిని తిరిగి తెరవడంపై సంబంధిత జిల్లా కలెక్టర్లు నిర్ణయం తీసుకుంటారని మంత్రి తెలిపారు. నలుగురికి అదనపు బాధ్యతలు అర్నబ్‌ తుఫాన్‌ కారణంగా ఇళ్లు, వ్యవసాయ భూములు, వ్యాపార సంస్థలకు జరిగిన నష్టాలకు ముఖ్యమంత్రి ఇప్పటికే పరిహార ప్యాకేజీ ప్రకటించారని మంత్రి గుర్తుచేశారు. దెబ్బతిన్న మౌలిక వసతుల మరమ్మతులు, పునరుద్ధరణ పనులను పంచాయతీరాజ్‌, గ్రామీణాభివృద్ధి, ప్రజాపనులు, ఇంధన, జలవనరుల శాఖలు యుద్ధ ప్రాతిపదికన చేపడుతున్నాయని తెలిపారు. నష్టాల అంచనాను త్వరితగతిన పూర్తి చేయడం, బాధితులకు సకాలంలో పరిహారం అందించడం, పునరుద్ధరణ పనులను వేగవంతం చేయడం, జిల్లా యంత్రాంగంతో సమన్వయాన్ని బలోపేతం చేయడం కోసం 3 జిల్లాలకు నలుగురు ఐఏఎస్‌ అధికారులను పూర్తి అధికారాలతో అదనపు ప్రత్యేక సహాయ కమిషనర్లుగా (అదనపు ఎస్‌ఆర్‌సీలు) నియమించినట్లు వెల్లడించారు. వారిలో గజపతి జిల్లాకు పవన్‌ కుమార్‌, గంజాం జిల్లాకు అజిత్‌ కుమార్‌ మరియు తేజస్విని బెహెరా, కంధమల్‌ జిల్లాకు శివ మాలవ్య నియమితులయ్యారు. కేంద్ర బృందం క్షేత్రస్థాయి పరిశీలన తుఫాన్‌ నష్టాలను అంచనా వేసేందుకు ఒడిశాలో పర్యటిస్తున్న కేంద్ర బృందం మంగళవారం గజపతి జిల్లాలో క్షేత్రస్థాయిలో పరిశీలన జరిపింది. బుధవారం గంజాం జిల్లాలో పర్యటించి నష్టాలను అంచనా వేసిన అనంతరం భువనేశ్వర్‌కు తిరిగి రానుంది. కేంద్ర బృందం పర్యటనకు అవసరమైన ఏర్పాట్లను సంబంధిత జిల్లా కలెక్టర్లు సమన్వయం చేస్తున్నారు. ప్రాథమిక నష్టం అంచనా నివేదికలను వీలైనంత త్వరగా సమర్పించాలని సంబంధిత జిల్లా కలెక్టర్లను ఇప్పటికే ఆదేశించినట్లు మంత్రి తెలిపారు. అనంతరం సమగ్ర తుది నివేదికలను రూపొందించి కేంద్ర ప్రభుత్వానికి పంపించనున్నట్లు వెల్లడించారు. తుఫాన్‌ బాధితులకు అవసరమైన సహాయం, ఉపశమన చర్యలు, నిత్యావసర సదుపాయాలు ఎలాంటి జాప్యం లేకుండా అందించేందుకు రాష్ట్ర ప్రభుత్వం నిరంతరం కృషి చేస్తోందని స్పష్టం చేశారు. సమావేశంలో రాష్ట్ర ప్రభుత్వ ప్రధాన కార్యదర్శి అనూగర్గ్‌, రెవెన్యూ, విపత్తు నిర్వహణ శాఖ అదనపు ప్రధాన కార్యదర్శి డాక్టర్‌ అరవింద్‌ కుమార్‌ పాఢీ, ప్రత్యేక సహాయ కమిషనర్‌ రాజేశ్‌ ప్రభాకర్‌ పాటిల్‌, అగ్నిమాపక సేవల డైరెక్టర్‌ జనరల్‌ డాక్టర్‌ సుధాంశు షడంగి తదితర ఉన్నతాధికారులు పాల్గొన్నారు.

భువనేశ్వర్‌: ప్రముఖ న్యూరో సర్జన్‌, పద్మశ్రీ పురస్కార గ్రహీత డాక్టర్‌ అశోక్‌ కుమార్‌ మహాపాత్రో (73) కన్నుమూశారు. నాలుగు దశాబ్దాలకు పైగా వైద్య రంగంలో విశేష సేవలందించిన ఆయన మృతి వైద్య ప్రపంచానికి తీరని లోటుగా మిగిలింది. దేశంలోని ప్రముఖ న్యూరో సర్జన్లలో ఒకరిగా గుర్తింపు పొందిన ఆయన శస్త్ర చికిత్సా నైపుణ్యంతో పాటు వైద్య విద్య, పరిశోధన రంగాల్లోనూ విశేష కృషి చేశారు. ఆయన 1952 డిసెంబర్‌ 29న ఒడిశాలోని పూరీ జిల్లాలో జన్మించారు. 1975లో బెర్హంపూర్‌లోని ఎంకేసీజీ వైద్య కళాశాల నుంచి ఎంబీబీఎస్‌ పూర్తి చేశారు. అనంతరం ఢిల్లీలోని అఖిల భారత వైద్య విజ్ఞాన సంస్థ (ఎయిమ్స్‌)లో ఉన్నత శస్త్రచికిత్సా శిక్షణ పొందారు. 1983లో ఎయిమ్స్‌ ఢిల్లీలో అధ్యాపకుడిగా చేరి, న్యూరో సర్జరీ విభాగాధిపతిగా సహా పలు కీలక బాధ్యతలు నిర్వహించారు. 2006 నుంచి 2009 వరకు లక్నోలోని సంజయ్‌ గాంధీ పోస్ట్‌ గ్రాడ్యుయేట్‌ ఇనన్‌స్టిట్యూట్‌ ఆఫ్‌ మెడికల్‌ సైన్సెస్‌ (ఎస్‌జీపీజీఐఎంఎస్‌) డైరెక్టర్‌గా సేవలందించారు. 2012లో భువనేశ్వర్‌ ఎయిమ్స్‌ వ్యవస్థాపక డైరెక్టర్‌గా బాధ్యతలు చేపట్టి, సంస్థ అభివృద్ధిలో కీలక పాత్ర పోషించారు. కవలల శస్త్ర చికిత్సతో జాతీయ గుర్తింపు 2017లో ఢిల్లీ ఎయిమ్స్‌లో అతుక్కుని జన్మించిన జగ, బలియా అనే కవల పిల్లలకు విజయవంతంగా వేర్పాటు శస్త్రచికిత్స నిర్వహించడంలో కీలక పాత్ర పోషించి జాతీయ స్థాయిలో అశోక్‌ కుమార్‌ గుర్తింపు పొందారు. న్యూరో సర్జరీ పరిశోధనలు, వైద్య విద్య అభివృద్ధికి విశేషంగా కృషి చేశారు. వందలాది పరిశోధనా పత్రాలతో పాటు పలు వైద్య గ్రంథాలను ప్రచురించారు. వైద్య రంగానికి ఆయన చేసిన విశిష్ట సేవలకు గుర్తింపుగా 2025లో కేంద్ర ప్రభుత్వం ప్రతిష్టాత్మక పద్మశ్రీ పురస్కారంతో సత్కరించింది. ఆయన మరణం దేశ వైద్య రంగానికి, ముఖ్యంగా ఒడిశాకు తీరని లోటుగా నిలిచిపోనుంది. ఆయన మృతిపై రాష్ట్ర ముఖ్యమంత్రి మోహన్‌ చరణ్‌ మాఝి, విపక్ష నేత నవీన్‌ పట్నాయక్‌, పలువురు ఇతర ప్రముఖులు సంతాపం ప్రకటించారు. పూరీ స్వర్గద్వార్‌లో మంగళవారం ప్రభుత్వ లాంచనాలతో అంత్యక్రియలు జరిపారు.

రాయగడ: స్థానిక మంకొడొజోల కమ్యూనిటీ హాల్‌ సమీపంలో నాగావళి నది ఒడ్డున మరోసారి మట్టి పెళ్లలు జారిపడ్డాయి. అర్నబ్‌ తుఫాన్‌ అనంతరం కురిసిన భారీ వర్షాలకు నదీ తీరంలో సుమారు రెండు అడుగుల మేర మట్టి కోతకు గురయ్యింది. కమ్యూనిటీ హాల్‌ నుంచి ప్రవహించిన వర్షపు నీరుతో మట్టి కొట్టుకుపోవడంతో భవనం సమీపంలో నేల కుంగిపోయింది. దీంతో ఇప్పటికే ప్రమాదకర పరిస్థితుల్లో ఉన్న కమ్యూనిటీ హాల్‌ భద్రతపై మరోసారి ఆందోళనలు వ్యక్తమవుతున్నాయి. సుమారు రూ.2.12 కోట్ల వ్యయంతో నిర్మించిన ఈ భారీ కమ్యూనిటీ హాల్‌ నిర్మాణంలో చోటుచేసుకున్న లోపాలు ఇప్పుడు తీవ్ర సమస్యగా మారాయి. ప్రతీ వర్షాకాలంలోనూ ప్రమాదం మరింత చేరువవుతున్పప్పటికీ సంబంధిత గ్రామీణ అభివృద్ధి శాఖ అధికారులు పరిస్థితిని చూస్తూ ఉండిపోవడం తప్ప శాశ్వత పరిష్కారం చూపించలేకపొతున్నారనే విమర్శలు వెల్లువెత్తుతున్నాయి. నిర్మాణం పూర్తయినప్పటికీ భవనం స్థిరత్వంపై సందేహాలు వ్యక్తమవుతున్న నేపథ్యంలో ప్రజలు ఆందోళన చెందుతున్నారు. నెలరోజుల వ్యవధిలో రెండుసార్లు అర్నబ్‌ తుపాను అనంతర వర్షాలతో తాజాగా మరోరెండు అడుగుల మేర మట్టి కోతకు గురైంది. వర్షపు నీరు ప్రవహించిన ప్రాంతంలో నేల లోతుగా కొట్టుకుపోయి గోతులు ఏర్పడ్డాయి. దీంతో కమ్యూనిటీ హాల్‌కు ప్రమాదం మరింత పెరిగిందని స్థానికులు భావిస్తున్నారు. సుమారు నెల రోజుల క్రితం అల్పపీడనం కారణంగా కురిసిన భారీ వర్షాలకు దాదాపు మూడు అడుగుల మేర మట్టి పెళ్లలు విరిగిపడ్డాయి. తాజాగా మళ్లీ అదే పరిస్థితి పునరావృతమవ్వడంతో భవనం భద్రతపై ఆందోళనలు మరింత తీవ్రమయ్యాయి.

జయపురం: జయపురం సబ్‌ కలెక్టర్‌ శుభ్రపండ జయపురం మున్సిపాలిటీ కార్యనిర్వాహక అధికారిగా బాధ్యతలను మంగళవారం చేపట్టారు. ఆమె సబ్‌ కలెక్టర్‌ బాధ్యతలతో పాటు మున్సిపాలిటీ కార్యనిర్వాహక బాధ్యతలను అదనంగా నిర్వహిస్తారు. ప్రస్తుత అదనపు కార్యనిర్వాహక అధికారి పూజ రౌత్‌ నుంచి బాధ్యతలు స్వీకరించారు. ఈ సందర్భంగా ఆమెకు పలువురు అభినందనలు తెలిపారు. దుకాణాలపై అధికారుల దాడులు పర్లాకిమిడి: బ్యాన్‌ చేసిన ప్లాస్టిక్‌ సంచులు వినియోగిస్తున్న దుకాణాలపై పట్టణంలో మున్సిపల్‌ అధికారులు దాడులు చేశారు. పలు మెడికల్‌ షాపుల్లో వినియోగిస్తున్న ప్లాస్టిక్‌ సంచులను పుట్టుకొని జరిమానా విధించారు. దీనిపై కొందరు వ్యాపారులు మున్సిపల్‌ అధికారులపై ఆగ్రహం వ్యక్తం చేయగా.. మూడు రోజుల క్రితం పట్టణంలో పబ్లిక్‌లో ప్రచారం చేపట్టామని పురపాలక సంఘం హెల్త్‌ ఆఫీసర్‌ వెంకట్రావు స్పష్టం చేశారు. దాడుల్లో పోలీసులతో పాటు పురపాలక సిబ్బంది పాల్గొన్నారు. హత్య కేసులో ఐదుగురు అరెస్టు మల్కన్‌గిరి: జిల్లాలోని కలిమెల సమితి పోటేరు నదిలో వారం రోజుల క్రితం ఒక వ్యక్తి మృతదేహం లభ్యమైన విషయం విధితమే. అయితే అది అనుమానాస్పద మృతిగా కేసు నమోదు చేసిన పోలీసులు దర్యాప్తు చేపట్టగా హత్యగా నిర్ధారణ అయ్యింది. మృతుడు కలిమెల సమితి బాడ్లి పంచాయతీ కుటుగూడ గ్రామానికి చెందిన సోమా పడియమి (67)గా గుర్తించారు. అతడిని అదే గ్రామానికి చెందిన ఐదుగురు కలిసి పాత కక్షలతో హత్యచేసి నదిలో విసిరినట్లు తెలుసుకొని, వారిని కలిమెల పోలీసులు మంగళవారం అరెస్టు చేశారు. అరైస్టెనవారిలో భీమా పడియమి, కామా పడియమి, దేవమాడి, మాతామాడి, బుడా మడ్కమిలు ఉన్నారు. వైద్య పరీక్షలు అనంతరం నిందితులను కోర్టుకు తరలిస్తామని కలిమెల ఐఐసీ ప్రభుదత్త బిశ్వల్‌ తెలిపారు.

ఆమదాలవలస: ప్రస్తుత వాతావరణ పరిస్థితుల్లో వరి పంటలో తెగుళ్ల నివారణకు రైతులు తగిన జాగ్రత్తలు పాటించాలని కృషి విజ్ఞాన కేంద్రం(కేవీకే) శాస్త్రవేత్తలు సూచించారు. కేవీకే, రిలయన్స్‌ ఫౌండేషన్‌ సంయుక్త ఆధ్వర్యంలో 50 మంది రైతులతో మల్టీ లొకేషన్‌ ఆడియో కాన్ఫరెన్స్‌ మంగళవారం నిర్వహించారు. కేవీకే శాస్త్రవేత్త ఎస్‌.కిరణ్‌కుమార్‌ (సస్య పోషణ), ఎస్‌.అనూష (సస్యరక్షణ) హాజరై వరి ఇతర పంటల్లో ప్రస్తుత సమస్యలు, వాటి నివారణ చర్యలను రైతులకు వివరించారు. వరి పొలాల్లో నిల్వ ఉన్న వర్షపు నీటిని వీలైనంత త్వరగా బయటకు పంపించాలని సూచించారు. నీరు తగ్గిన అనంతరం మాగుడు తెగులు వ్యాప్తిని తగ్గించేందుకు ఎకరాకు 400 మి.లీ.హెక్సకోనాజోల్‌ పిచికారీ చేయాలన్నారు. మానిపండు తెగులు నివారణకు ఎకరాకు 200 మి.లీ. ప్రొపికోనాజోల్‌ పిచికారీ చేయాలని సూచించారు. ఆకు ముడత పురుగు నివారణకు ఎకరాకు 400 గ్రాముల కార్టాప్‌ హైడ్రోక్లోరైడ్‌ను 200 లీటర్ల నీటిలో కలిపి పిచికారీ చేయాలన్నారు. కోతకు సిద్ధమైన కంకుల్లో మొలకలు కనిపిస్తే పొలంలోని నీటిని బయటకు పంపిన అనంతరం లీటరు నీటికి 50 గ్రాముల కల్లుప్పు కలిపిన 5 శాతం ఉప్పు ద్రావణాన్ని పిచికారీ చేయాలని సూచించారు. వరి పంటతో పాటు పత్తి మొక్కజొన్న ఆకు కూరగాయల సాగులో రైతులు ఎదుర్కొంటున్న సమస్యలను కూడా శాస్త్రవేత్తలు తెలుసుకుని తగిన సలహాలు, సూచనలు అందించారు. కార్యక్రమాన్ని ఫౌండేషన్‌ ప్రతినిధి తిరుమలరావు, శ్రీకాకుళం సపోర్టర్‌ బి.లక్ష్మణరావు పాల్గొన్నారు.

మల్కన్‌గిరి: జిల్లాలోని బలిమెల పోలీసుస్టేషన్‌ పరిధి ఎంవీ 36 గ్రామంలో రాబేంద్రనాథ్‌ సర్కార్‌, ఆయన భర్య రేభా సర్కార్‌ను అదే గ్రామానికి చెందిన బిశంకర్‌ మండాల్‌ అనే వ్యక్తి గొడలితో దాడి చేసి హత్యలు చేసిన విషయం తెలిసిందే. దాడిలో వాళ్ల 15 ఏళ్ల కుమారుడు సందీప్‌ సర్కార్‌ తీవ్రంగా గాయపడ్డాడు. దీంతో మల్కన్‌గిరి ఆస్పత్రిలో చికిత్స పొందుతున్న సందీప్‌ను ఎమ్మెల్యే నర్సింగ్‌ మంగళవారం పరామర్శించారు. వైద్యులతో మాట్లాడి బాలుడి ఆరోగ్యంపై చర్చించారు. అనంతరం కోరుకొండ సమితి సోమానాథ్‌పూర్‌ పంచాయతీ ఎంవీ 36 గ్రామానికి వెళ్లి హత్యపై గ్రామస్తులతో చర్చించారు. కుటుంబానికి న్యాయం జరిగేలా చూస్తామని హామీ ఇచ్చారు.

వజ్రపుకొత్తూరు రూరల్‌: చీపురుపల్లి పంచాయతీ డెప్పూరులో సోమవారం రాత్రి దొంగతనం జరిగింది. బాధిత కుటుంబ సభ్యులు తెలిపిన వివరాల మేరకు.. కాట నారాయణమ్మ వారం రోజుల క్రితం ముంబైలో ఉన్న కుమార్తె వద్దకు వెళ్లింది. ఇంట్లో ఎవరు లేకపోవడాన్ని గుర్తించిన దుండగులు కట్టర్‌ సాయంతో తలుపులను కట్‌ చేసి లోపలికి ప్రవేశించారు. బీరువా తలుపులు పగలుగొట్టి రూ.50 వేలు నగదు, బంగారం గొలుసు పట్టుకుపోయారు. బాధితరాలి తల్లి సీరం లోలాక్షి ఎప్పటిలాగే ఉదయం పూల కోసం కుమార్తె ఇంటి వైపు వచ్చి చూసేసరికి తలుపులు తెరిచి ఉండటాన్ని గమనించింది. ఇంట్లోకి వెళ్లి చూసేసరికి చోరీ జరిగినట్లు గుర్తించింది. అనంతరం పోలీసులకు సమాచారం అందించారు. కేసు నమోదు చేసి దర్యాప్తు చేస్తున్న ఎస్‌ఐ నీహార్‌ తెలిపారు. శ్రీకాంత్‌కు వేదవ్యాస పురస్కారం శ్రీకాకుళం కల్చరల్‌ : ఒడిశా రాష్ట్రం రూర్కెలాలోని భంజ కళా కేంద్రంలో జరుగుతున్న ప్రతిష్టాత్మక జాతీయ వేదవ్యాస సంగీత నృత్య మహోత్సవంలో శ్రీకాకుళం నగరానికి చెందిన ప్రముఖ నాట్య గురువు డాక్టర్‌ రఘుపాత్రుని శ్రీకాంత్‌కు వేదవ్యాస పురస్కారంతో సత్కరించారు. 13 మంది శిష్య బృందంతో కూచిపూడి నాట్యాన్ని ప్రదర్శించి ఆహూతులను అలరించారు. కూచిపూడి నాట్య సంప్రదాయంలో మహాగణపతిం, కదిరి నృసింహుడు, నందకధర, ఓంకార రూపిణీ తదితర అంశాలను ప్రదర్శించారు. జాతీయ నడక పోటీలకు కవిటి విద్యార్థి కవిటి : రాష్ట్ర పాఠశాల క్రీడా సమాఖ్య ఆధ్వర్యంలో నిర్వహించిన రాష్ట్రస్థాయి నడక పోటీల్లో కవిటి జిల్లా పరిషత్‌ ఉన్నత పాఠశాల (ఒరియా) విద్యార్థి మధోర బెహరా అద్భుత ప్రతిభ కనబరిచి జాతీయస్థాయి పోటీలకు ఎంపికయ్యాడు. అక్టోబర్‌ 24న శ్రీకాకుళంలో నిర్వహించిన 5 కిలోమీటర్ల నడక పోటీల్లో మధోర విజయం సాధించి రాష్ట్రస్థాయి పోటీలకు అర్హత సాధించాడు. ఇందులో భాగంగా మంగళవారం కర్నూలులో నిర్వహించిన రాష్ట్రస్థాయి 5 కిలోమీటర్ల నడక పోటీల్లో అద్భుత ప్రదర్శన చేసి ప్రథమ స్థానంలో నిలిచాడు. త్వరలో మధ్యప్రదేశ్‌లో జరగనున్న జాతీయస్థాయి నడక పోటీలకు ఆంధ్రప్రదేశ్‌ తరఫున ప్రాతినిధ్యం వహించనున్నాడు. ఈ సందర్భంగా విద్యార్థిని కోచ్‌, వ్యాయామ ఉపాధ్యాయ సంఘం అధ్యక్షుడు కె.పద్మనాభ రెడ్డి, మొగిలిపురి సతీష్‌ అభినందించారు. దాతలు స్పందించాలి.. మధోర బెహరా పేద కుటుంబం కావడంతో పోటీలకు వెళ్లేందుకు ప్రయాణ ఖర్చులు భారంగా మారాయి. మధ్యప్రదేశ్‌లో జరగనున్న పోటీలకు ప్రయాణ, ఇతర ఖర్చుల కోసం దాతల సహాయం కోసం ఎదురుచూస్తున్నాడు. ప్రతిభకు పేదరికం అడ్డుకాకూడదని, జాతీయస్థాయిలో రాష్ట్రానికి పేరు తీసుకురావడానికి సిద్ధంగా ఉన్న ఈ విద్యార్థికి దాతలు, క్రీడాభిమానులు తమ వంతు సహాయం అందించాలని సతీష్‌ కోరారు.

శ్రీకాకుళం క్రైమ్‌ : ఆమదాలవలస మున్సిపాలిటీలోని కొత్త కండ్రపేటకు చెందిన కారుణ్య జగదీష్‌ అనే యువకుడిపై పీఐటీ ఎన్డీపీఎస్‌ (ప్రివెన్షన్‌ ఆఫ్‌ ఇల్లిసిట్‌ ట్రాఫిక్‌ ఇన్‌ నార్కోటిక్‌ డ్రగ్స్‌ అండ్‌ సైకోట్రోపిక్‌ సబ్‌ స్టాన్సెస్‌) యాక్ట్‌ నమోదైంది. రాష్ట్ర రెవెన్యూ (ఎకై ్సజ్‌) శాఖ ప్రిన్సిపల్‌ సెక్రటరీ ముఖేష్‌ కుమార్‌ మీనా ఈ మేరకు ముందస్తు నిర్బంధ (సెక్షన్‌ 3(1)) ఉత్తర్వులు జిల్లా ఎస్పీ కె.వి.మహేశ్వరరెడ్డికి మంగళవారం జారీ చేశారు. జగదీష్‌ ఒడిశా నుంచి గంజాయి కొనుగోలు చేసి జిల్లాలోని వివిధ ప్రాంతాలకే కాక ఇతర జిల్లాల్లోని విద్యార్థులకు, కూలీలకు విక్రయిస్తున్నట్లు ఎస్పీ తన విచారణలో తెలుసుకుని ఉన్నతాధికారులకు నివేదిక పంపారు. దీంతో తక్షణమే విశాఖ సెంట్రల్‌ జైల్‌కు తరలించే ఏర్పాట్లు చేయాలని సంబంధిత శాఖ ఈ ఉత్తర్వులు జారీ చేసింది. రివాల్వర్‌తో కాల్చుకుని జవాన్‌ ఆత్మహత్య మెళియాపుట్టి: భారత సైన్యంలో సుదీర్ఘ కాలంగా సేవలందిస్తూ మరికొద్ది నెలల్లో ఉద్యోగ విరమణ చెంది కుటుంబంతో సంతోషంగా గడపాల్సిన వ్యక్తి ఆత్మహత్యకు పాల్పడిన విషాద ఘటన మెళియాపుట్టి మండలంలో చోటుచేసుకుంది. చాపర గ్రామానికి చెందిన ఆర్మీ జవాన్‌ నక్క నారాయణరావు(40) ఆదివారం జమ్మూకాశ్మీర్‌లో సర్వీస్‌ రివాల్వర్‌తో కాల్చుకుని ఆత్మహత్య చేసుకున్నాడు. మృతికి గల కారణాలు తెలియలేదు. నారాయణరావుకు భార్య హైమావతి, ఇద్దరు పిల్లలు ఉన్నారు. మంగళవారం చాపర గ్రామంలో అంత్యక్రియలు నిర్వహించారు. బొలెరోను ఢీకొన్న లారీ మందస: బాలిగాం గ్రామ సమీపంలో జాతీయ రహదారిపై సోమవారం రాత్రి అరటి పండ్ల లోడుతో ఆగి ఉన్న బొలెరో వాహనాన్ని ఓ లారీ ఢీకొట్టింది. ఈ ఘటనలో లారీ డ్రైవర్‌, క్లీనర్‌కు స్వల్ప గాయాలయ్యాయి. బొలెరో వాహనం రాజమండ్రి నుంచి ఒడిశాకు వెళ్తుండగా టైరు పంక్చర్‌ కావడంతో రోడ్డు పక్కన ఆపి ఉంచగా ఈ ప్రమాదం చోటుచేసుకుంది. హైవే పోలీసులు ఘటనా స్థలానికి చేరుకుని క్షతగాత్రులను హరిపురం ప్రభుత్వ ఆస్పత్రికి తరలించారు. తలసేమియా బాధితులకు రక్తమార్పిడి శ్రీకాకుళం కల్చరల్‌ : ఇండియన్‌ రెడ్‌క్రాస్‌ సొసైటీ జిల్లా శాఖ ఆధ్వర్యంలో నిర్వహిస్తున్న రక్తమార్పిడి కేంద్రంలో తొమ్మిది మంది తలసేమియా బాధితులకు డాక్టర్‌ వండాన సచిత్ర పర్యవేక్షణలో మంగళవారం రక్తమార్పిడి చేశారు. చైర్మన్‌ జగన్మోహనరావు ఆధ్వర్యంలో బాధితులకు రవాణా ఖర్చులు, భోజన వసతి సౌకర్యం ఏర్పాటు చేశారు. ఆయుష్‌ వైద్యులు ఎం.మంగమ్మ పర్యవేక్షణలో యోగా టీచర్‌ గాయత్రి యోగా ప్రయోజనాలను వివరించారు. కార్యక్రమంలో జిల్లా రెడ్‌క్రాస్‌ మేనేజర్‌ కె.సత్యనారాయణ, సుజాత, అనురాధ తదితరులు పాల్గొన్నారు. వైఎస్సార్‌సీపీ ఎంపీటీసీ అభ్యర్థిపై దాడి టెక్కలి: టెక్కలి–3 వైఎస్సార్‌సీపీ ఎంపీటీసీ అభ్యర్థి సత్తారు ఉషారాణిపై అదే ప్రాదేశికం టీడీపీ అభ్యర్థి ధవళ ఈశ్వరిబాయి మరిది శ్రీను మంగళవారం దాడికి పాల్పడ్డారు. ఈ సంఘటనపై అభ్యర్థి సత్తారు ఉషారాణి, ఆమె భర్త సత్తారు సత్యం, కుమారుడు పృథ్వీతో పాటు పార్టీ పట్టణ అధ్యక్షుడు తమ్మన్నగారి కిరణ్‌ తదితరులు టెక్కలి పోలీసులకు ఫిర్యాదు చేశారు. ఫిర్యాదులో పేర్కొన్న వివరాలు ప్రకారం.. ఎన్నికల ప్రచారానికి చివరి రోజు కావడంతో, ఉషారాణి తన ప్రాదేశికంలో ప్రచారం చేస్తుండగా టీడీపీ అభ్యర్థి మరిది శ్రీను ఆ ప్రాదేశికానికి చేరుకుని ఆమైపె దురుసుగా ప్రవర్తించడంతో పాటు సెల్‌ఫోన్‌, కరపత్రాలను దౌర్జన్యంగా లాక్కున్నారని అంతే కాకుండా భౌతికంగా దాడి చేశారంటూ ఆ ఫిర్యాదులో పేర్కొన్నారు. పోలింగ్‌ సమీపిస్తున్న నేపథ్యంలో వైఎస్సార్‌సీపీ ఎంపీటీసీ అభ్యర్థులు, వారి కుటుంబ సభ్యులపై టార్గెట్‌ చేస్తూ దౌర్జన్యాలకు పాల్పడుతున్నారంటూ ఆమె ఆవేదన వ్యక్తం చేశారు. సుమారు ఐదు సార్లు ఎంపీటీసీగా గెలుపొందిన తనపై మహిళ అనే కనీస మానవత్వం లేకుండా దాడికి పాల్పడ్డారని వాపోయారు. తనపై దాడికి పాల్పడిన వారిపై చర్యలు తీసుకోవాలని ఫిర్యాదులో కోరారు.

పర్లాకిమిడి: అర్నబ్‌ తుపాను అనంతరం గజపతి జిల్లాలో నష్టాన్ని అంచనా వేసేందుకు, పరిస్థితిని క్షేత్రస్థాయిలో పరిశీలన కోసం కేంద్ర బృందం మంగళవారం పర్యటించింది. బెత్తగుడ పోలీసు గ్రౌండ్స్‌లో ఎనిమిది మంది సభ్యులకు ఏడీఎం ఫల్గునీ మఝి, జిల్లా పరిషత్‌ సీడీవో దయామయ పాఢి స్వాగతం పలికారు. బృందంలోని సభ్యులు కలెక్టరేట్‌లో కలెక్టర్‌, ఇతర ప్రభుత్వ విభాగాల ఉన్నతాధికారులతో అర్నబ్‌ తుపాను ప్రభావంతో జిల్లాలో పంటనష్టం, ఇళ్లు, రోడ్డు, భవనాలు, హైవేల నష్టంపై ఫొటో పవర్‌ ప్రెజెంటేషన్‌లో గంటసేపు సమీక్షించారు. సమావేశం అనంతరం కేంద్ర బృందం నేరుగా సర్క్యూట్‌ హౌస్‌కు వెళ్లి అక్కడ నుంచి రాయగడ, నువాగడ, మహేంద్రగడ, మోహానా బ్లాక్‌లలో తుపాను వల్ల సంభవించిన నష్టాన్ని అంచనా వేశారు. కేంద్ర బృందం వెంట కలెక్టర్‌ అక్షయ్‌ సునీల్‌ అగర్వాల్‌, సబ్‌ కలెక్టర్‌ భాగవత్‌ సామల్‌ కల్యాణ్‌ రావ్‌, జిల్లా పరిషత్‌ అధికారి, ఆర్‌అండ్‌బీ ఎస్‌ఈ అభిషేక్‌ శెఠి తదితరులు పాల్గొన్నారు.

శ్రీకాకుళం పాతబస్టాండ్‌: మూడు దశాబ్దాలుగా వైద్యారోగ్య శాఖ నర్సింగ్‌ సిబ్బందిగా పనిచేస్తున్న వారికి అదనపు హెచ్‌ఆర్‌ఏ మంజూరు చేయాలని నర్సింగ్‌ ఉద్యోగులు కోరారు. ఈ మేరకు మంగళవారం ఖజానా శాఖ డీడీ రవికుమార్‌ను ఆయన చాంబర్‌లో కలిసి వినతిపత్రం అందజేశారు. లిమిటేషన్‌ కారణంగా ప్రస్తుతం రూ.2 వేలు మాత్రమే అందుకుంటున్నామని చెప్పారు. ఈ విషయమై అక్టోబర్‌ 3న విడుదలైన సర్క్యులర్‌ మేరకు అదనపు హెచ్‌ఆర్‌ఏను ఎరియర్స్‌తో సహా విడుదల చేయాలని విన్నవించారు. కార్యక్రమంలో సిబ్బంది కె.రోజారాణి, ఎం.భాని, పార్వతి, వెంకటమ్మ, చిన్నమ్మడు, జయలక్ష్మి తదితరులు పాల్గొన్నారు.

జయపురం: బంగాళాఖాతంలో ఏర్పడిన మురసు తుఫాన్‌ కారణంగా ఎడతెరిపి లేకుండా భారీ వర్షాలు కురుస్తుండడం వలన బొరిగుమ్మ – కొరాపుట్‌ మార్గంలో రాణిగుడ సమీప ఘాట్‌లో కొండ చరియలు నుంచి మట్టిజారుతోంది. దీంతో జయపురం సబ్‌ డివిజన్‌ బొరిగుమ్మ నుంచి రాణిగుడ మీదుగా కొరాపుట్‌ వరకు గల ఉన్న రోడ్డును మూసివేస్తున్నట్లు జిల్లా అధికార యంత్రాంగం వెల్లడించింది. రాణిగుడ ప్రాంతంలోని ఘాట్‌ మార్గంలో వర్షాలకు కొండచరియలు విరిగిపడడంతో అధికారులు ఈ నిర్ణయం తీసుకున్నారు. అందువలన బొరిగుమ్మ నుంచి కొరాపుట్‌ వైపు వెళ్లాల్సిన వాహనాలు, ప్రజలు బొరిగుమ్మ – జయపురం మీదుగా వెళ్లాలని సూచించారు. కాలువలో మునిగి వృద్ధురాలు మృతి మల్కన్‌గిరి: జిల్లాలోని కలిమెల పోలీసుస్టేషన్‌ పరిధి గంపాకొండ ప్రధాన కాలువలో మునిగి ఒక వృద్ధురాలు మృతి చెందింది. వివరాల్లోకి వెళ్తే.. మంగళవారం ఉదయం ఎంవీ 105 గ్రామం వద్ద మహిళ మృతదేహాన్ని చూసి వెంటనే స్థానికులు కలిమెల పోలీసులకు సమాచారం ఇచ్చారు. దీంతో ఐఐసీ ప్రభుదత్త తన సిబ్బందితో సంఘటన స్థలానికి చేరుకొని మృతదేహన్ని బయటకు తీసి పరిశీలించారు. మృతురాలు చింతల్వాడ పంచాయతీ మాజిగూడ గ్రామానికి చెందిన భీమా మాడ్కమి (68)గా గుర్తించారు. అయితే ఆమె తన భర్త ఉంగతో కలిసి సోమవారం పొంలం పనికి వచ్చి సాయంత్రం ఇంటికి వెళ్తున్న సమయంలో స్నానానికి వెళ్లి కాలుజారి పడిపోయింది. నీరు ఎక్కువగా ఉండడంతో ఆమె గల్లంతయ్యింది. మంగళవారం ఒక చెట్టు కొమ్మకు తగిలి ఎంవీ 105 గ్రామం వద్ద తేలింది. ప్రమాదవశాత్తు మృతి చెందినట్లు పోలీసులు కేసు నమోదు చేసి మృతదేహాన్ని కలిమెల ఆరోగ్య కేంద్రానికి తరలించారు. పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు. విస్తారంగా వర్షాలు మల్కన్‌గిరి: జిల్లాలో మురసు ప్రభావంతో విస్తారంగా వర్షాలు కురుస్తున్నాయి. దీంతో జిల్లా యంత్రాంగం ముందస్తు చర్యలు చేపట్టింది. పలు ప్రాంతాల్లో పునరావాసు కేంద్రాలు ఏర్పాటు చేశారు. అలాగే స్కూళ్లు, కాలేజీలు, అంగన్‌వాడీలకు రెండు రోజుల పాటు సెలవులు ప్రకటించారు. చిత్రకొండ ఘాట్‌ రోడ్డులో కొండ చరియలు పడినచోట జేసీబీతో క్లియర్‌ చేశారు. విద్యుత్‌ సరఫరాకు అంతరాయం కలగకుండా పునరావాసు కేంద్రాల్లో జనరేటర్స్‌ అందుబాటులో ఉంచారు. నూతన కార్యవర్గం ఏర్పాటు రాయగడ: స్థానిక వాకర్స్‌ క్లబ్‌కు నూతన కార్యవర్గం ఏర్పాటయ్యింది. న్యాయవాది బ్రజసుందర్‌ నాయక్‌ అధ్యక్షతన నిర్వహించిన బోర్డ్‌ ఆఫ్‌ డైరక్టర్స్‌ సమావేశంలో ఈ ఎంపిక జరిగింది. ఈ సమావేశంలో క్లబ్‌ సలహాదారుడు సత్యవాది పతి ప్రారంభ సూచనలు చేస్తూ క్లబ్‌ కార్యక్రమాల్లో క్రమం తప్పకుండా పాల్గొనే సభ్యులకు కార్యవర్గంలో ప్రాధాన్యతనివ్వాలని సూచించారు. ఆయన సూచన మేరకు సభ్యులందరూ ఏకాభిప్రాయంతో నూతన కార్యవర్గాన్ని ఎంపిక చేశారు. వచ్చే ఏడాదికి గానూ క్లబ్‌ అధ్యక్షుడిగా జలంధర్‌ పుసిక, సాధారణ కార్యదర్శిగా ఆనంద్‌ సేనాపతి, కోశాధికారిగా రామచంద్ర సాహుకార్‌, తొలి ఉపాధ్యాక్షుడిగా రుద్ర ప్రసాద్‌ చౌదరి, రెండో ఉపాధ్యక్షుడిగా మనోజ్‌ గంతాయిత్‌లు నియమితులయ్యారు.

● తీర్పువెలువడిన వెంటనే నిందితుల్లో ఒకరు పరారు ● కోర్టు ప్రాంగణంలో ఉద్రిక్తత రాయగడ: జిల్లాలో సంచలనం సృష్టించిన కిడ్నాప్‌, అసహజ లైంగిక దాడి, హత్యాయత్నం కేసులో తొమ్మిది మంది నిందితులకు రాయగడ అదనపు జిల్లా సెషన్స్‌ కోర్టు జీవిత ఖైదు విధిస్తూ మంగళవారం కీలక తీర్పు వెలువరించింది. సుదీర్ఘ విచారణ అనంతరం అదనపు జిల్లా, సెషన్స్‌ జడ్జి అల్పనా స్వాయిన్‌ ఈ తీర్పును ప్రకటించారు. నిందితులను దోషులుగా నిర్ధారించడంతో పాటు ఒకొక్కరిపై రూ.1,000ల నుంచి రూ.20 వేల వరకు జరిమానా విధించారు. జరిమానా చెల్లించలేని పక్షంలో అదనంగా మరో ఆరు నెలలపాటు జైలు శిక్ష అనుభవించాలని తీర్పులో పేర్కొన్నారు. ఇదీ విషయం... 2019 నవంబర్‌ 18వ తేదీన రాయగడ పోలీస్‌స్టేషన్‌ పరిధిలోని లడ్డ రైల్వేస్టేషన్‌ సమీపంలో చైన్నె నుంచి ఝార్సుగుడకు రైలులో ప్రయాణిస్తున్న ఒక యువకుడిని నిందితులు అపహరించారు. సదరు యువకుడిని రైతులోనే అడ్డుకున్న నిందితులు, అతడు గంజాయి రవాణా చేస్తున్నాడంటూ బెదిరించారు. తమకు రూ.10 లక్షలు చెల్లిస్తే విడిచిపెడతామని డిమాండ్‌ చేసినట్లు ఆరోపణలు ఉన్నాయి. ఈ ఘటనపై సదరు పోలీస్‌స్టేషన్‌లో కేసు నమోదయ్యింది. పోలీసులు దర్యాప్తు చేపట్టి నిందితులను గుర్తించి అరెస్టు చేశారు. అరెస్టు చేసే క్రమంలో పోలీసులపై నిందితులు కాల్పులకు పాల్పడగా, పోలీసులు కూడా ప్రతిఘటించినట్లు కేసు వివరాల్లో పేర్కొన్నారు. తొమ్మిది మందిపై నేరం రుజువు ఈ కేసులో అప్పటి సబ్‌ ఇన్‌స్పెక్టర్‌ రిగన్‌ కిండో దర్యాప్తు నిర్వహించారు. అనంతరం రాయగడ కోర్టులో జీఆర్‌ కేసుగా విచారణ కొనసాగింది. నేరం రుజువైన నిందితుల్లో హడపా శివ, జి.బంగారు, సుండి సూరజ్‌, సుండి ప్రకాష్‌, రాజా మాఝి, జోసెప్‌ మాఝి, జి.వేణు, జి.తేజ, జి.సురేంద్రలు ఉన్నారు. ఈ కేసులో ప్రభుత్వం తరపున పబ్లిక్‌ ప్రాసిక్యూటర్‌ రజత్‌ రంజన్‌ ఖటువ వాదనలు వినిపించారు. విచారణ సందర్భంగా మొత్తం 36 మంది సాక్షులు తమ వాగ్మూలాలు ఇచ్చారు. తీర్పు వెలువడిన అనంతరం నిందితుల కుటుంబ సభ్యులు కోర్టు ప్రాంగణంలో ఆందోళనకు దిగడంతో కొంత ఉద్రిక్తత నెలకొంది. సమాచారం అందుకున్న ఎస్‌డీపీవో గౌరహరి సాహు పోలీసు బృందంతో అక్కడికి చేరుకొని పరిస్థితిని అదుపులోకి తెచ్చేందుకు ప్రయత్నించారు. మరోవైపు కోర్టులో విచారణ కొనసాగుతున్న సమయంలోనే తనకు వ్యతిరేకంగా తీర్పు వెలువడినట్లు సమాచారం అందుకున్న నిందితుడు సుండి ప్రకాష్‌ కోర్టు ప్రాంగణం నుంచి పరారైనట్లు సమాచారం. అతడి కోసం పోలీసులు గాలింపు చర్యలు చేపట్టారు.

● ఇరు రాష్ట్రాల పోలీసుల తోపులాట ● ఏపీ స్థానిక ఎన్నికల నేపథ్యంలో హడావుడి ● అడ్డుకోవడానికి ఒడిశా ప్రభుత్వం చర్యలు కొరాపుట్‌: కొఠియాలో ఉద్రిక్త పరిస్థితులు నెలకొన్నాయి. మంగళవారం కొరాపుట్‌ జిల్లా పొట్టంగి సమితి కొఠియా పంచాయతీ నేరడి వలస వద్ద ఒడిశా – ఆంధ్రా పోలీసులు మధ్య తోపులాట జరిగింది. కొఠియాలోని 21 గ్రామాల్లో ఆంధ్రప్రదేశ్‌ ప్రభుత్వం పంచాయతీ ఎన్నికలకు సన్నాహాలు చేస్తుండడంతో ఈ వివాదం మరింత పెరిగింది. ఒడిశా పోలీసులు బారికేడ్లు ఏర్పాటు చేయగా.. ఆంధ్రప్రదేశ్‌ పోలీసులు పెద్ద ఎత్తున చేరుకొని ఒడిశా పోలీసుల బారికేడ్లు తొలగించడానికి ప్రయత్నం చేశారు. దీంతో ఒడిశా పోలీసులు అడ్డుకున్నారు. స్థానిక యువకులతో కలిసి ఈ బారికేడ్లని ఆంధ్ర పోలీసులు తొలగించారు. అనంతరం ఇరురాష్ట్రాల పోలీసులు తోపులాటకి దిగారు. కొరాపుట్‌ జిల్లా కలెక్టర్‌ ఫాబీ రషిద్‌ సంఘటన స్థలానికి చేరుకొని ఆంధ్రా పోలీసులను నిలదీశారు. నేరడి వలసలో ఆంధ్ర ప్రభుత్వం కూడా రెండు ప్లాటూన్ల పోలీసులను మోహరించింది. ముందురోజు కొరాపుట్‌ జిల్లా కలెక్టర్‌ సత్యవాన్‌ మహాజన్‌ కొఠియా పర్యటించారు. అక్కడ ప్రజలతో మమేకం అయ్యారు. దళారులు మాట నమ్మవద్దని, పోలింగ్‌లో పాల్గొనవద్దని నచ్చజెప్పారు. మరోవైపు ఈ ఘటనపై కలెక్టర్‌ స్పందిస్తూ కొఠియా ఎల్లవేళలూ ఒడిశాదేనని స్పష్టం చేశారు. సరిహద్దులో భద్రత కట్టుదిట్టం భువనేశ్వర్‌: వివాదాస్పద కొటియా ప్రాంతంలో ఆంధ్రప్రదేశ్‌ ఎన్నికల కార్యకలాపాలను వ్యతిరేకిస్తూ ఒడిశాలోని రాజకీయ పార్టీలు ఏకతాటిపైకి రావడంతో రాష్ట్ర ప్రభుత్వం అప్రమత్తమైంది. శాంతిభద్రతల పరిరక్షణకు కొటియాలో ఏడు ప్లాటూన్ల పోలీసు బలగాలను మోహరించడంతో పాటు, అంతర్‌ రాష్ట్ర సరిహద్దు వెంబడి భద్రతను కట్టుదిట్టం చేసింది. ఈ విషయాన్ని రాష్ట్ర రెవెన్యూ, విపత్తుల నిర్వహణ శాఖ మంత్రి సురేష్‌ పూజారి మంగళవారం వెల్లడించారు. కొటియా ప్రాంత ప్రయోజనాల పరిరక్షణ కోసం కొరాపుట్‌ జిల్లాలోని అన్ని రాజకీయ పార్టీలు ఒకే వేదికపైకి వచ్చాయని మంత్రి తెలిపారు. ఆంధ్రప్రదేశ్‌ ఎన్నికల సంబంధిత కార్యకలాపాలను స్థానిక ప్రజలు వ్యతిరేకిస్తున్నారని పేర్కొన్నారు. పోలింగ్‌ రోజున ఈ నిరసనలో భాగంగా స్థానికులు, రాజకీయ ప్రతినిధులు, సామాజిక సంస్థల సభ్యులు కొటియాలో పాల్గొనే అవకాశముందని చెప్పారు. శాంతిభద్రతలకు విఘాతం కలగకుండా రాష్ట్ర యంత్రాంగం విస్తృత ఏర్పాట్లు చేసిందన్నారు. ఏడు ప్లాటూన్ల పోలీసు బలగాల మోహరింపుతో పాటు సరిహద్దు వెంబడి చెక్‌పోస్టులు ఏర్పాటు చేశామని, ఉన్నతాధికారులు పరిస్థితిని నిరంతరం పర్యవేక్షిస్తున్నారని వివరించారు. సుప్రీంకోర్టులో న్యాయపోరాటం కొటియా వివాదానికి సంబంధించిన న్యాయపరమైన పరిణామాలను కూడా మంత్రి వివరించారు. ఈ సమస్యపై అప్పటి ఒడిశా ప్రభుత్వం 1968లో సుప్రీంకోర్టును ఆశ్రయించిందని తెలిపారు. 2010లో ఆ కేసులో ఓటమి ఎదురైన అనంతరం, గత ప్రభుత్వం 2021లో కోర్టు ధిక్కరణ ఆరోపణలతో మరోసారి సుప్రీంకోర్టును ఆశ్రయించిందని పేర్కొన్నారు. ఈ అంశంపై ప్రస్తుత ప్రభుత్వం కూడా మరో పిటిషన్‌ దాఖలు చేసిందన్నారు. ఆంధ్రప్రదేశ్‌ ప్రభుత్వ ప్రధాన కార్యదర్శి, జిల్లా కలెక్టర్‌, ఇతర పరిపాలనా అధికారులపై సుప్రీంకోర్టులో కేసు దాఖలు చేసినట్లు పూజారి వెల్లడించారు. ఏపీ చర్యలు రాజ్యాంగ సంక్షోభానికి దారితీసే ప్రయత్నంగా అభివర్ణించారు. న్యాయపరంగా తమ వాదనను మరింత బలోపేతం చేసేందుకు, ఈ వ్యవహారాన్ని చట్టపరమైన మార్గాల్లో ముందుకు తీసుకెళ్లేందుకు న్యాయ నిపుణుల సలహా తీసుకుంటున్నట్లు తెలిపారు. కొరాపుట్‌ జిల్లాలో ఒడిశా – ఆంధ్రప్రదేశ్‌ సరిహద్దు వెంబడి ఉన్న కొటియా ప్రాంతం రెండు రాష్ట్రాల మధ్య దశాబ్ధాలుగా కొనసాగుతున్న భూభాగ వివాదానికి కేంద్రంగా ఉంది. బియ్యం వాహనాలు వెనక్కి ఆంధ్రప్రదేశ్‌ నుంచి బియ్యం తీసుకొస్తున్న వాహనాలను స్థానికులు వెనక్కి పంపించినట్లు సమాచారం అందిందని మంత్రి తెలిపారు. కొఠియా ప్రాంతాన్ని సందర్శించేందుకు వచ్చిన పొరుగు రాష్ట్ర అధికారులను సైతం స్థానికులు వెనక్కి పంపించినట్లు పేర్కొన్నారు. ఇటీవల అర్నబ్‌ తుఫాన్‌ సమయంలో ఒడిశా ప్రభుత్వం తమకు అండగా నిలిచిన తీరును కొటియా ప్రజలు ప్రత్యక్షంగా చూశారన్నారు. గత ఎన్నికల్లో ఆంధ్రప్రదేశ్‌ కొటియా ప్రాంతంలో పోలింగ్‌ కేంద్రాలను ఏర్పాటు చేసిందని గుర్తుచేసిన పూజారి, ఈసారి మాత్రం వివాదాస్పద ప్రాంతానికి వెలుపల, ఆంధ్రప్రదేశ్‌ పరిధిలోనే పోలింగ్‌ కేంద్రాలను ఏర్పాటు చేసినట్లు తెలిపారు. ఎలాంటి పరిస్థితినైనా ఎదుర్కొనేందుకు రాష్ట్ర యంత్రాంగం సిద్ధంగా ఉందని స్పష్టం చేశారు.

రాయగడ: స్ధానిక డీఆర్‌డీఏ సమావేశం మందిరంలో సోమవారం నిర్వహించిన గ్రీవెన్స్‌సెల్‌లో 52 వినతులను అధికారులు స్వీకరించారు. జిల్లా కలెక్టర్‌ అశుతోష్‌ కులకర్ణి అధ్యక్షతన జరిగిన కార్యక్రమంలో ఎస్పీ రాజ్‌ప్రసాద్‌, జిల్లా పరిషత్‌ ముఖ్యకార్యనిర్వాహక అధికారి అక్షయ కుమార్‌ ఖెముండో, సబ్‌ కలెక్టర్‌ మృణాళిని రాథోడ్‌, అటవీశాఖ అధికారి అన్నా సాహెబ్‌ అహలే, జిల్లా ముఖ్యవైద్యాధికారి డాక్టర్‌ విశ్వంబర్‌ కుమార్‌ బెహర, సమగ్ర గిరిజనాభివృద్ధి సంస్థ ప్రాజెక్టు అడ్మినిస్ట్రేటర్‌ చంద్రకాంత్‌ మాఝి పాల్గొన్నారు. స్వీకరించిన 52 వినతుల్లో 39 వ్యక్తిగతమైనవిగా, 12 సామూహిక గ్రామ సమస్యలుగా అధికారులు గుర్తించారు. వీటిలో రెండింటిని అక్కడకక్కడే పరిష్కరించారు. మిగిలిన వాటిని క్షుణ్ణంగా పరిశీలించి పరిష్కరించాలని సంబంధిత శాఖ అధికారులను కలెక్టర్‌ కులకర్ణి ఆదేశించారు. కాగా రెడ్‌క్రాస్‌ నుంచి ఒకరికి ఐదు వేల రూపాయల ఆర్థిక సాయాన్ని అందజేశారు.

కొరాపుట్‌: కొలాబ్‌ రిజర్వాయర్‌లో అరుదైన విదేశీ ఫ్లెమింగో పక్షి చిక్కుకుంది. సోమవారం ఉదయం కొరాపుట్‌ జిల్లా లమ్తాపుట్‌ సమితి తారాగుడ సమీపంలో కొలాబ్‌ రిజర్వాయర్‌లో ఒక గిరిజన బాలుడు పడవలో తిరుగుతున్నాడు. రిజర్వాయర్‌లో ఒక అరుదైన పెద్ద పక్షిని చూసి భయపడి వెనక్కి వెళ్లాడు. అనంతరం తన మిత్రులను తీసుకొని వచ్చి ఆ పక్షిని పడవలో ఒడ్డుకు చేర్చాడు. అది లేవలేని పరిస్థితి గమనించి గిరిజనులు అటవీ శాఖ అధికారులకు సమాచారం ఇచ్చారు. వారు చేరుకొని పక్షిని స్వాదీనం చేసుకున్నారు. పక్షి ఎత్తు 4 అడుగులు ఉంది. వారు వెంటనే పశు వైద్య సిబ్బందిని రప్పించి చికిత్స అందజేశారు. తమ సంరక్షణ కేంద్రానికి తరలించారు. పక్షి కోలుకున్న తర్వాత ఉన్నతాధికారుల సూచనతో పక్షి పై నిర్ణయం చేస్తామని ప్రకటించారు.

మల్కన్‌గిరి : బంగాళాఖాతంలో ఏర్పడుతున్న మురాసు తుఫాన్‌ నేపథ్యంలో మల్కన్‌గిరిలో ముందస్తు చర్యలు చేపట్టారు. జిల్లా యంత్రాంగం అత్యవసర చర్యలు ముమ్మరం చేసింది. కలెక్టర్‌ ప్రధమేశ్‌ అధ్యక్షతన సోమవారం ఉన్నత స్థాయి సమావేశం నిర్వహించారు. జిల్లాలో జీరో క్యాజువాలిటీ లక్ష్యంగా కీలక ఆదేశాలు జారీ చేశారు. జిల్లాలోని చిత్రకొండ, బయపోడ, బలిమెల, బోండాఘాటీలపై నివసిస్తున్న వారిని సురక్షిత ప్రాంతాలకు తరలించాలని అన్నారు. గర్భిణులు, దివ్యాంగులు, చిన్నారులు, వృద్ధులను పునరావాస కేంద్రాలకు తరలించాలని సూచించారు. పాఠశాలలకు 2 నుంచి 4 వ తేదీ వరకు సెలవులు ప్రకటించారు.

● ఎంపీపీ పదవి తెచ్చిన తంటా ● టీడీపీ ప్రచార వాహనం నిర్భందం రణస్థలం: టీడీపీలో తెలుగు తమ్ముళ్ల అధిపత్య పోరు రణస్థలంలో తారాస్థాయికి చేరింది. ప్రధానంగా ఇంకా గెలవకముందే ఎంపీపీ పదవికి నేనేంటే నేను అన్నట్లు పోటీ పడుతున్నారు. ఎంపీపీ పదవి కోసం ఎంపీటీసీల నోటిఫికేషన్‌కు ఆర్నెల్ల ముందు నుంచే తమదేనంటూ చెప్పుకున్నారు. చివరకు నామినేషన్ల ప్రక్రియ పూర్తయిన తర్వాత ఎచ్చెర్ల టీడీపీ ఇన్‌చార్జి లంక శ్యామ్‌, ఎమ్మెల్యే ఎన్‌.ఈశ్వరరావుల సమక్షంలో ముగ్గురుకి ఐదేళ్లు పంచిపెట్టారు. రావాడకు చెందిన లంక ప్రభాకర్‌కు రెండేళ్లు, కోష్టకు చెందిన పిషిణి జగన్నాథంకు రెండేళ్లు, రణస్థలంకు చెందిన పిన్నింటి భానోజీనాయుడుకు చివరి ఏడాది అని చెప్పి సర్దుబాటు చేశారు. గెలవక ముందే బెదిరింపులు ఇదిలా ఉండగా ఆదివారం సాయంత్రం పిషిణి జగన్నాథంకు చెందిన ప్రచారం రథం రావాడ గ్రామంలోనికి ప్రచారానికి వచ్చింది. అందులో టీడీపీ ఎంపీపీ అభ్యర్థి పిషిణి జగన్నాథంకు ఓటెయ్యండని గ్రామంలో తిరుగుతుండగా.. స్థానిక రావాడకు చెందిన మరో ఎంపీపీ అభ్యర్థి లంక ప్రభ వర్గీయులు ప్రచార వాహనాన్ని నిలిపివేశారు. మొదట మా నాయకుడు లంక ప్రభాకర్‌కే ఎంపీపీ పదవి వస్తుంటే మీరు ఇక్కడ ఎందుకు ప్రచారం చేస్తున్నారంటూ ప్రచార వాహనం నిలిపివేశారు. స్థానిక జేఆర్‌పురం ఎస్‌ఐ వి.సత్యనారాయణ, పోలీస్‌ సిబ్బంది ప్రచార వాహనం విడిచిపెట్టాలని చెప్పినా.. పంతంతో రాత్రంతా రావాడలోనే వాహనాన్ని నిర్భందించారు. అనంతరం ఉదయం నియోజకవర్గ పెద్దల దగ్గర పంచాయతీ పెట్టి వివాదాన్ని సద్దుమణిగించారు. అప్పటికే ప్రచార వాహనం టైర్లలో గాలి తీసివేశారు. వాహనం కొంతభాగం డ్యామేజీ కూడా చేశారు. దీంతో గెలవకముందే టీడీపీలోనే ఇంత దారుణమైన అరాచకం ఉంటే.. సామన్య ప్రజలను ఎంతగా బెదిరిస్తారో ఉహించుకోవాలని మండల వాసులు ఆరోపిస్తున్నారు. ప్రశాంత ఎన్నికలకు విఘాతం కల్గించే ఇటువంటి అభ్యర్థులను గెలిపిస్తే శాంతి భద్రతలకు విఘాతం కలుగుతుందని రాజకీయ విశ్లేశకులు పేర్కొంటున్నారు.

అర్నబ్‌ తుఫాన్‌ బాధితులకు ..భువనేశ్వర్‌: అర్నబ్‌ తుఫాన్‌ ప్రభావంతో నష్టపోయిన రైతులు, మత్స్యకారులు, పశుపోషకులు, వ్యాపారులు, చేతివృత్తులవారు, సామాన్య ప్రజలను ఆదుకునేందుకు ఒడిశా ప్రభుత్వం సమగ్ర సహాయ ప్యాకేజీని ప్రకటించింది. తుఫాన్‌ అనంతర పరిస్థితులు, సహాయక చర్యలు, పునరుద్ధరణ కార్యక్రమాలపై ఉన్నతస్థాయి సమీక్ష నిర్వహించిన ముఖ్యమంత్రి మోహన్‌ చరణ్‌ మాఝీ ఈ ప్యాకేజీని వెల్లడించారు. బాధిత వర్గాలు త్వరగా సాధారణ జీవనానికి చేరుకునేలా ఆర్థిక సాయం, రాయితీలు, పునరావాస చర్యలు చేపట్టనున్నట్లు తెలిపారు. బాధిత కుటుంబాలకు నగదు, బియ్యం తుఫాన్‌ ప్రభావిత కుటుంబాలకు 50 కిలోల బియ్యంతో పాటు రూ.2,500 చొప్పున ఆర్థిక సాయం అందించనున్నారు. పూర్తిగా దెబ్బతిన్న ఇళ్లకు మైదాన ప్రాంతాల్లో రూ.1.20 లక్షలు, కొండ ప్రాంతాల్లో రూ.1.30 లక్షల చొప్పున పరిహారం ఇస్తారు. పాక్షికంగా దెబ్బతిన్న పక్కా ఇళ్లకు రూ.6,500, కచ్చా ఇళ్లకు రూ.4,000, గుడిసెలకు రూ.8,000, పూరిపాకలకు రూ.3,000 చొప్పున సాయం అందిస్తారు. పూర్తిగా దెబ్బతిన్న, కొట్టుకుపోయిన లేదా రెండు రోజులకు మించి వరద నీటిలో మునిగిన ఇళ్లలోని కుటుంబాలకు దుస్తుల కొనుగోలుకు రూ.2,500, గహోపకరణాల కోసం మరో రూ.2,500 అందిస్తారు. రైతులకు పెట్టుబడి రాయితీలు, విత్తనాలు 33 శాతం లేదా అంతకంటే ఎక్కువ పంట నష్టం జరిగిన రైతులకు గరిష్టంగా రెండు హెక్టార్ల వరకు పెట్టుబడి రాయితీ కల్పిస్తారు. వర్షాధార భూములకు హెక్టారుకు రూ.8,500, నీటిపారుదల భూములకు రూ.17,000, బహువార్షిక పంటలకు రూ.22,500 చొప్పున సాయం అందిస్తారు. పంటల రకాన్ని బట్టి కనీస పరిహారాన్ని కూడా నిర్ణయించారు. పొలాల్లో పేరుకుపోయిన ఇసుక మేటలు, బంకమట్టిని తొలగించేందుకు హెక్టారుకు రూ.18,000 చొప్పున ఇస్తారు. 1.75 లక్షల ప్రత్యేక మినీ విత్తన కిట్లను ఉచితంగా పంపిణీ చేయనున్నారు. వీటిలో 1.20 లక్షల పప్పుధాన్యాల కిట్లు, 5 వేల నూనెగింజల కిట్లు, 50 వేల కూరగాయల కిట్లు ఉన్నాయి. దెబ్బతిన్న చెరకు పంటను తిరిగి సాగులోకి తెచ్చేందుకు అంతర పంటల విధానంలో నాట్లు వేసే రైతులకు హెక్టారుకు రూ.27,500, పంట నిర్వహణకు రూ.12,500 చొప్పున అందిస్తారు. 2026–27 రబీ సీజన్‌లో పురుగుమందులు కొనుగోలుపై 75 శాతం రాయితీ కల్పిస్తారు. పంట నష్టం 33 శాతానికి పైగా ఉన్న ప్రాంతాల్లో స్వచ్ఛందంగా ముందుకొచ్చే రైతుల స్వల్పకాలిక ఖరీఫ్‌ రుణాలను మధ్యకాలిక రుణాలుగా మారుస్తారు. కౌలు, భూమిలేని రైతుల కోసం జాయింట్‌ లయబిలిటీ గ్రూపులను ఏర్పాటు చేస్తారు. పశుసంపద నష్టానికి పరిహారం.. తుఫాన్‌, వరదల కారణంగా పశుసంపదను కోల్పోయిన వారికి ప్రభుత్వం పరిహారం ప్రకటించింది. పాడి పశువులు, గేదెలు చనిపోతే ఒక్కోదానికి రూ.37,500, గొర్రెలు, మేకలు, పందులకు రూ.4,000, కోళ్లకు ఒక్కోదానికి రూ.100 చొప్పున పరిహారం అందిస్తారు. కోళ్ల విషయంలో గరిష్ట పరిమితి రూ.10,000గా నిర్ణయించారు. పెద్ద బరువు మోసే జంతువులకు రూ.32,000, చిన్న బరువు మోసే జంతువులకు రూ.20,000 చొప్పున సాయం చేస్తారు. ముఖ్యమంత్రి కృషి ఉద్యోగ్‌ యోజన కింద వెయ్యి మంది రైతులకు మేకలు లేదా ఎద్దుల కొనుగోలుకు సబ్సిడీ అందించనున్నారు. ఐదు వేల మంది పాడి రైతులకు ఒక్కో పశువుకు గరిష్టంగా 500 కిలోల పశుదాణా పంపిణీ చేస్తారు. 70 శాతానికి పైగా దెబ్బతిన్న 200 కోళ్ల ఫారాల పునరుద్ధరణకు ఆర్థిక సాయం అందిస్తారు. పూర్తిగా దెబ్బతిన్న పశువుల శాలల పునర్నిర్మాణానికి రూ.1.75 లక్షలు కేటాయించారు. మరోవైపు, తుఫాన్‌ అనంతర వరద పరిస్థితుల్లో పశువుల ప్రాణరక్షణ, ఆరోగ్య పరిరక్షణకు ప్రభుత్వం యుద్ధప్రాతిపదికన చర్యలు చేపట్టింది. ఇందుకోసం 72 త్వరిత స్పందన బృందాలను మోహరించి, 116 పశు వైద్య శిబిరాల ద్వారా సేవలు అందిస్తోంది. ఇప్పటివరకు 19,582కు పైగా పశువులకు టీకాలు వేయగా, 1,918 పశువులను 31 సురక్షిత ఆశ్రయాలకు తరలించారు. గంజాం జిల్లాలో ప్రత్యేకంగా 23 త్వరిత స్పందన బృందాలు, 55 పశు వైద్య శిబిరాలను ఏర్పాటు చేసి, 87 మెట్రిక్‌ టన్నుల పశుదాణా, పచ్చిమేత, కుడా పంపిణీకి చర్యలు తీసుకున్నారు. మండలం, ఉపజిల్లా, జిల్లా స్థాయిల్లో నియంత్రణ గదులు పనిచేస్తున్నాయి. బాధిత పశుపోషకులకు తక్షణ సాయం, నష్టపరిహారం అందించే ప్రక్రియను కూడా చేపట్టారు. మత్స్యకారులకు ప్రత్యేక ప్యాకేజీ చేపల పెంపకంలో నష్టపోయిన వారికి హెక్టారుకు రూ.1,12,500 చొప్పున, గరిష్ఠంగా 75 శాతం వరకు పరిహారం అందిస్తారు. దెబ్బతిన్న పడవల మరమ్మతులకు రూ.22,500, వలల కొనుగోలుకు రూ.15,000 చొప్పున సాయం చేస్తారు. సముద్ర, తీర ప్రాంత మత్స్యకారులకు దెబ్బతిన్న పడవలకు రూ.60,000, వలలకు రూ.15,000 చొప్పున అందిస్తారు. ఆనకట్టలు తెగిపోవడం వల్ల నష్టపోయిన చేపల పెంపకందారులు, మహిళా స్వయం సహాయక సంఘాల సామూహిక చెరువుల పునరుద్ధరణకు హెక్టారుకు గరిష్టంగా రూ.1.75 లక్షలు కేటాయించారు. వ్యాపారులు, చేతివృత్తులవారికి ఊరట తుఫాన్‌ కారణంగా నష్టపోయిన సూక్ష్మ, చిన్న, మధ్య తరహా పరిశ్రమలు (ఎంఎస్‌ఎంఈలు), వ్యాపారులు, దుకాణదారులకు రూ.12 లక్షల వరకు బ్యాంకు రుణాలు అందించనున్నారు. ఇందులో గరిష్ఠంగా 25 శాతం, అంటే రూ.3 లక్షల వరకు ప్రభుత్వ సబ్సిడీ ఉంటుంది. సంచార దుకాణాలు, తాత్కాలిక స్టాళ్లు, కియోస్క్‌లకు రూ.10,000, దుకాణాలు, వాణిజ్య సంస్థలకు రూ.25,000 చొప్పున ఆర్థిక సాయం చేస్తారు. ప్రభావిత ప్రాంతాల్లోని అర్హులైన మహిళా స్వయం సహాయక సంఘాలకు అదనంగా రూ.5,000 ప్రారంభ నిధి అందిస్తారు. చేనేత కార్మికులు, చేతివృత్తుల కళాకారులకు పరికరాల భర్తీకి రూ.5,000, దెబ్బతిన్న ముడిసరుకు కోసం మరో రూ.5,000 చొప్పున సాయం అందిస్తారు. పట్టు రైతులకు పరిహారం ఏరి, మల్బరీ, టస్సర్‌ పట్టు సాగుదారులకు హెక్టారుకు రూ.6,000, మూగా పట్టు రైతులకు రూ.7,500 చొప్పున ఆర్థిక సాయం ప్రకటించారు. నీటిపారుదల వ్యవస్థల పునరుద్ధరణకు ఆదేశాలు రబీ సాగుకు ఆటంకం కలగకుండా ప్రభావిత గ్రామాల్లోని ఒడిశా ఎగువ నీటిపారుదల పాయింట్లన్నింటినీ తక్షణమే మరమ్మతు చేసి తిరిగి వినియోగంలోకి తీసుకురావాలని ముఖ్యమంత్రి అధికారులను ఆదేశించారు. తుఫాన్‌ వల్ల జరిగిన నష్టాన్ని అంచనా వేసేందుకు కేంద్ర అంతర్‌ మంత్రిత్వ శాఖల బృందం పర్యటించనుందని తెలిపారు. ఇదిలా ఉండగా, మరో తుఫాన్‌ ’మురసు’ ఏర్పడే అవకాశం ఉన్న నేపథ్యంలో ఇప్పటికే మోహరించిన సహాయక బృందాలు అప్రమత్తంగా ఉండాలని, ప్రస్తుత విధులు నిర్వహిస్తున్న ప్రాంతాలను విడిచి వెళ్లరాదని ముఖ్యమంత్రి ఆదేశించారు.

శ్రీకాకుళం పాతబస్టాండ్‌: విద్యార్థినులు చట్టాలపై సమగ్ర అవగాహన పెంచుకున్నప్పుడే సమాజంలో ఆత్మవిశ్వాసంతో ముందడుగు వేయగలరని జిల్లా న్యాయ సేవాధికార సంస్థ కార్యదర్శి కె.హరిబాబు అన్నారు. జాతీయ, రాష్ట్ర న్యాయ సేవాధికార సంస్థల ఆదేశాల మేరకు నవంబర్‌ 9న జరిగే న్యాయసేవా దినోత్సవ వారోత్సవాలను పురస్కరించుకుని సోమవారం నగరంలోని ప్రభుత్వ మహిళా జూనియర్‌ కళాశాలలో న్యాయ విజ్ఞాన సదస్సు నిర్వహించారు. ఈ సందర్భంగా ఆయన మాట్లాడుతూ మహిళలు, చిన్నారులు, ఎస్సీ, ఎస్టీలు, నిరుపేదలకు ఉచిత న్యాయ సహాయం అందుతుందని, అవసరమైన వారు 15100 టోల్‌ ఫ్రీ నంబరును సంప్రదించాలని సూచించారు. బాల్య వివాహాలు చేయడం చట్టరీత్యా నేరమని, పోక్సో చట్టం ద్వారా చిన్నారులపై లైంగిక వేధింపులకు పాల్పడేవారికి కఠిన శిక్షలు పడతాయని హెచ్చరించారు. గృహహింస, వరకట్న వేధింపుల నిరోధక చట్టాలు, షీ టీమ్స్‌ సేవలపై వివరిస్తూ, కళాశాలల్లో ర్యాగింగ్‌కు పాల్పడితే కఠిన చర్యలు తప్పవని స్పష్టం చేశారు. సామాజిక మాధ్యమాల్లో అపరిచితులతో అప్రమత్తంగా ఉండాలని, ఎవరికీ ఓటీపీలు, పాస్‌వర్డ్‌లు చెప్పకూడదని హెచ్చరించారు. సైబర్‌ మోసాలు జరిగితే తక్షణమే 1930 నంబర్‌కు ఫిర్యాదు చేయాలని సూచించారు. వివాదాలను రాజీ మార్గంలో వేగంగా, పైసా ఖర్చు లేకుండా పరిష్కరించుకోవడానికి డిసెంబర్‌లో జరిగే జాతీయ లోక్‌ అదాలత్‌ను ప్రజలు సద్వినియోగం చేసుకోవాలని కోరారు. ఆపద సమయాల్లో పోలీసు సహాయం కోసం 100, మహిళా హెల్ప్‌లైన్‌ 181, చిన్నారుల రక్షణకు 1098 నంబర్లను ఉపయోగించుకోవాలని పిలుపునిచ్చారు. కార్యక్రమంలో లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌, ప్యానెల్‌ న్యాయవాది జి.ఇందిరా ప్రసాద్‌, కళాశాల ప్రిన్సిపాల్‌ ఎం.కృష్ణవేణి తదితరులు పాల్గొన్నారు.

● బిజూ ఛత్ర జనతాదళ్‌ డిమాండ్‌ రాయగడ: స్థానిక అటానమస్‌ కళాశాలలో ఇటీవల నిర్వహించిన విద్యార్థి సంఘం ఎన్నికల్లో అక్రమాలు జరిగినట్టు ఆరోపణలు వస్తున్న నేపథ్యంలో విచారణ చేపట్టాలని బీజూ ఛత్ర జనతాదళ్‌ శ్రేణులు డిమాండ్‌ చేశారు. ఈ మేరకు జిల్లా కలెక్టర్‌ అశుతోష్‌ కులకర్ణికికి లిఖిత పూర్వకంగా ఫిర్యాదు సమర్పించారు. సోమవారం జరిగిన ప్రజా ఫిర్యాదుల్లో భాగంగా ఈ సమస్య ఆసక్తికరంగా మారింది. బిజూ ఛత్రజనతాదళ్‌ మద్దతుతో అధ్యక్ష అభ్యర్థిగా పోటీ చేసిన జగదీష్‌ నాయక్‌, ఉపాధ్యక్ష అభ్యర్థి బబులా నాయక్‌లు ఈ ఫిర్యాదును కలెక్టర్‌ అశుతోష్‌ కులకర్ణికి సమర్పించారు. ఎన్నికల నిర్వహణలో చోటు చేసుకున్న అక్రమాలపై నిష్పక్షపాత విచారణ జరిపి బాధ్యులపై నిబంధనల ప్రకారం చర్యలు తీసుకోవాలని వారు డిమాండ్‌ చేశారు. కళాశాల ఎన్నికల నిర్వహణ బాధ్యతలు చేపట్టిన అధికారులు ఎన్నికల ప్రక్రియను సక్రమంగా, పారదర్శకంగా నిర్వహించడంలో విఫలమయ్యారని ఫిర్యాదులో పేర్కొన్నారు. ముఖ్యంగా ఎన్నికల రోజున బూత్‌ ఏజెంట్లను కళాశాల ప్రధాన గేటు వెలుపలకు పంపించివేయడం ఎన్నికల పాదర్శకత, పర్యవేక్షణ వ్యవస్ధపై అనుమానాలకు తావిచ్చిందని పేర్కొన్నారు. ఎన్నికల ఫలితాలు వెల్లడైన అనంతరం కూడా విద్యార్ధులు నిరసనలు కొనసాగాయని, మరుసటి రోజు వరకు కళాశాల ప్రధాన గేటు ఎదుట విద్యార్థులు ఆందోళన చేపట్టడం ఎన్నికల నిర్వహణపై వారిలో నెలకొన్న అసంతృప్తికి నిదర్శనమని వివరించారు. ఈ పరిణామాలపై సమగ్ర విచారణ జరిపి వాస్తవాలను వెలుగులోకి తీసుకురావాలని కోరారు. ఎన్నికల రోజు సీసీ టీవీ పుటేజీని భద్రపరచాలని, బ్యాలెట్‌ బాక్సుల తరలింపుపై వచ్చిన ఆరోపణలపై విచారించాలని, ఎన్నికల మరుసటి రోజు సమర్పించిన ఎఫ్‌ఐఆర్‌ నమోదు స్థితిపై స్పష్టత ఇవ్వాలని ఫిర్యాదులో విజ్ఞప్తి చేశారు. గత 15 రోజులుగా జిల్లా కలెక్టర్‌ నుంచి ఉన్నత విద్యాశాఖ మంత్రి, కార్యదర్శి వరకు ఈ అంశంపై ఫిర్యాదులు చేసినప్పటికీ సమస్య పరిష్కారానికి స్పష్టమైన చర్యలు తీసుకోవాల్సిన అవసరం ఉందని అభిప్రాయపడ్డారు.

జయపురం: జయపురం మార్నింగ్‌ క్లబ్‌ వారు సోమ వారం జయపురం ఫుట్‌బాల్‌ ఫెస్టివల్‌ను ప్రారంభించారు. స్థానిక విక్రమదేవ్‌ విశ్వవిద్యాలయ క్రీడా మైదానంలో నిర్వహించిన ఈ ఫెస్టివల్‌లో కులపతి ప్రొఫెసర్‌ డాక్టర్‌ హృశికేష్‌ శనాపతి ముఖ్యఅతిథిగా హాజరయ్యారు. ఆటలు శారీరిక, మానసిక వికాసానికి దోహదపడతాయన్నారు. క్రీడలకు ప్రాధాన్యత ఇవ్వాలన్నారు. విక్రమదేవ్‌ విశ్వవిద్యాలయ రిజిస్టర్‌ విద్యార్థి యూనియన్‌ అధ్యక్షులు జ్యోతి రంజన్‌ పాణిగ్రహి, క్రీడా విభాగ అధికారి కెప్టెన్‌ డాక్టర్‌ లక్ష్మణ పాత్రో, క్రీడా విభాగ సలహాదారు అశుతోష్‌ మహంతి, విద్యార్థి యూనియన్‌ మాజీ అధ్యక్షుడు కె.శ్రీనివాసరావు, సచిన్‌కుమార్‌ సాహు తదితరు లు అతిథులుగా హాజరయ్యారు. కొట్‌పాడ్‌ సమితి గిర్ల ఫుట్‌బాల్‌ క్లబ్‌, జయపురం సమితి మొకాపుట్‌ ఫుట్‌బాల్‌ క్లబ్‌లు తలపడ్డాయి. ఉభయ టీమ్‌లు ప్రతిభావంతంగా ఆడటం వలన మ్యాచ్‌ టై అయింది. ఉభయ టీమ్‌ల మధ్య పెనాల్టీ గోల్‌కు అనుమతించారు. పెనాల్టీ గోల్‌లో కొట్‌పాడ్‌ 7 గోల్స్‌ చేయ గా, మొకాపుట్‌ 6 గోల్స్‌ చేయగలిగింది. కొట్‌పాడ్‌ సమితి గిర్ల టీమ్‌ను విజేతగా ప్రకటించారు. మ్యాచ్‌ రిఫరీలుగా జెనా, డేవిడ్‌, బిజయ్‌, రుణ వ్యవహరించారు. మోర్నింగ్‌ క్లబ్‌ అధ్యక్షుడు మున మహపాత్రో నేతృత్వంలో క్లబ్‌ సభ్యులు టోర్నమెంట్‌ను నిర్వహించారు. ఈ పోటీల్లో 8 టీమ్‌లు పాల్గొంటున్నా యని నిర్వాహకులు వెల్లడించారు.

ఎల్‌.ఎన్‌.పేట: మండలంలోని స్థానిక సంస్థల ఎన్నికల నిర్వహణ అధికారుల తీరుపై అంగన్‌వాడీ కార్యకర్తలు సోమవారం ఆగ్రహం వ్యక్తం చేశారు. మండలంలోని 61 మంది అంగన్‌వాడీ కార్యకర్తల కు ఓపీఓలుగా ఎన్నికల బాధ్యతలు అప్పగించారు. దీంతో ఆర్డర్‌ కాపీ తీసుకుని పోస్టల్‌ బ్యాలెట్‌ ఓటు వేసేందుకు ఎంపీడీవో కార్యాలయంలో ఆర్వో గది వద్దకు సుమారు 11 గంటలకు చేరుకుని క్యూలైన్‌ లో నిల్చున్నామని అంగన్‌వాడీ కార్యకర్తలు తెలిపా రు. తమకు తప్ప పోస్టల్‌ బ్యాలెట్‌ కోసం వచ్చిన మిగతా వారందరికీ అక్కడ సిబ్బంది ఓటు వేసేందుకు అవకాశం కల్పిస్తూ లోపలికి పంపించారని అంగన్‌వాడీ కార్యకర్తలు ఆవేదన వ్యక్తం చేశారు. తమకు సరిగ్గా పోస్టల్‌ బ్యాలెట్‌ నింపడం రాదని వేచి ఉంచి, సమయం మించిపోయిందని సాయంత్రం 5 గంటల తర్వాత ఇంటికి వెళ్లిపోయి రేపు రా వాలని అధికారులు సూచించడంపై మండిపడ్డారు. తమకు సోమవారం పోస్టల్‌ బ్యాలెట్‌ కోసం సమాచారం వచ్చిందని.. ఎవరో ఒకరికి సహాయకులుగా ఇచ్చి ఒక్క పోస్టల్‌ బ్యాలెట్‌ నింపినా మిగతావి మేము నింపుకునే వారమని ఆగ్రహం వ్యక్తం చేశా రు. ఈ విషయాన్ని ఏఆర్వో పైడి శ్రీనివాసరావు వ ద్ద ప్రస్తావించగా సరిగ్గా పోస్టల్‌ బ్యాలెట్‌ నింపడం రాకపోవడం వలనే సమస్య వచ్చిందని, రేపు వచ్చి పోస్టల్‌ బ్యాలెట్‌ ఓటు వేసుకోవచ్చునని తెలిపారు.

– యూటీఎస్‌ బుకింగ్‌లు 29 శాతం పెరుగుదల భువనేశ్వర్‌: టికెట్‌ లేకుండా ప్రయాణాలను నిరోధించి, ప్రయాణికుల్లో టికెట్‌ కొనుగోలు పట్ల క్రమశిక్షణ పెంపొందించేందుకు తూర్పు కోస్తా రైల్వే (ఈసీఓఆర్‌) చేపట్టిన ముమ్మర తనిఖీలు సత్ఫలితాలనిస్తున్నాయి. భువనేశ్వర్‌, సంబల్‌పూర్‌ సహా ప్రధాన స్టేషన్లలో నిర్వహించిన ఈ తనిఖీల నేపథ్యంలో యూటీఎస్‌ (అన్‌రిజర్వ్‌డ్‌ టికెటింగ్‌ సిస్టమ్‌) టికెట్‌ బుకింగ్‌లు పెరిగాయి. ముఖ్యంగా తనిఖీలు నిర్వహించిన రోజున బుకింగ్‌లు 29 శాతం అధికంగా నమోదయ్యాయి. ఈసీఓఆర్‌ వాణిజ్య విభాగం ఆధ్వర్యంలో ప్రధాన కార్యాలయం, డివిజన్ల సిబ్బంది సమన్వయంతో ఈ తనిఖీలు చేపడుతున్నారు. టికెట్‌ లేకుండా ప్రయాణించేవారిని గుర్తించడంతో పాటు, రైలెక్కే ముందే చెల్లుబాటయ్యే టికెట్‌ కొనుగోలు చేయాలనే అవగాహన కల్పిస్తున్నారు. జరిమానాల వసూలుకే పరిమితం కాకుండా అక్రమ ప్రయాణాల నివారణ, రైల్వే ఆదాయ పరిరక్షణ, టికెట్‌ తీసుకుని ప్రయాణించే వారికి న్యాయం చేయడం ఈ కార్యక్రమ లక్ష్యమని ఈసీఓఆర్‌ తెలిపింది. 2026 ఏప్రిల్‌ నుంచి యూటీఎస్‌ బుకింగ్‌లలో నమోదవుతున్న వృద్ధి ప్రోత్సాహకరంగా ఉందని పేర్కొంది. ప్రధాన స్టేషన్లలో ఈ తనిఖీలను క్రమం తప్పకుండా కొనసాగించనున్నట్లు వెల్లడించింది. రాష్ట్రస్థాయి మహక్‌ –2026 వేడుకకు 16 మంది ఎంపిక మల్కన్‌గిరి : ఒడిశా ప్రఽభుత్వ మహిళా, శిశు అబివృద్ధి శాఖ ఆధ్వర్యంలో నవంబర్‌ 3 నుంచి 7వ తేదీ వరకు భువనేశ్వర్‌లోని కళింగ స్టేడియంలో రాష్ట్రస్థాయి మహక్‌–2026 కార్యక్రమం నిర్వహించనున్నారు. రాష్ట్రంలో వివిధ బాలల సంరక్షణ కేంద్రాల్లో ఉంటున్న చిన్నారుల్లో దాగి ఉన్న ప్రతిభను వెలికి తీయడమే కార్యక్రమ ముఖ్య ఉద్దేశం. మల్కన్‌గిరి కలెక్టర్‌ ప్రథమేశ్‌ అరవింద్‌ రాజేశిర్కే ఆదేశాల మేరకు జిల్లా బాలల సంరక్షణ విభాగం ఆధ్వర్యంలో 16మందిని ఎంపిక చేశారు. వీరికి ప్రత్యేక బస్సుల్లో భువనేశ్వర్‌కు పంపించారు. చిన్నారులతో పాటు కుటుంబ సభ్యులు కూడా వెళ్లారు.

హిరమండలం: ఆలయంలో చోరీ ఘటనకు సంబంధించి నిందితులిద్దరికీ జైలుశిక్షతో పాటు రూ.10 వేలు చొప్పున జరిమానా విధిస్తూ కొత్తూరు కోర్టు తీర్పునిచ్చినట్లు హిరమండలం ఎస్‌ఐ మధుసూదనరావు తెలిపారు. వివరాల్లోకి వెళ్తే.. దుర్బలాపురం గ్రామంలోని బాల త్రిపురసుందరి ఆలయంలో 2024 సెప్టెంబర్‌ 2న చోరీ జరిగింది. ఆగంతుకులు తొమ్మిది రాగి విగ్రహాలను ఎత్తుకొని వెళ్లిపోయారు. అప్పటి ఎస్‌ఐ యాసిన్‌ కేసు నమోదు చేశారు. ఘటనకు పాల్పడిన కూర్మాన శ్రీనివాసరావు, సవర సూర్యంలను అరెస్టు చేశారు. రిమాండ్‌కు తరలించారు. అప్పటి నుంచి కేసు విచారణ కొనసాగుతోంది. అయితే ఇరువర్గాల వాదనలు విన్న న్యాయస్థానం సోమవారం తుది తీర్పును వెల్లడించింది. నేరం రుజువు కావడంతో ఒక్కొక్కరికీ రూ.10 వేల జరిమానాతో పాటు మూడు నెలల పాటు జైలుశిక్ష విధించినట్లు ఎస్‌ఐ మధుసూదనరావు వెల్లడించారు. వలస మత్స్యకారుడు మృతి రణస్థలం: కర్ణాటకలోని మంగళూరు సముద్ర తీరంలో బోటుపై వేటకు వెళ్లిన రణస్థలం మండలం జీరుపాలెం గ్రామానికి చెందిన సూరాడ రామస్వామి (32) ప్రమాదవశాత్తు జారి సముద్రంలో పడి మృతి చెందాడు. సోమవారం జరిగిన ఈ ప్రమాదంలో తోటి మత్స్యకారులు రక్షించే లోపే ఆయన ప్రాణాలు కోల్పోయినట్లు తెలిపారు. మృతునికి భార్య, ఇద్దరు పిల్లలు ఉన్నారు. రామస్వామి మృతితో గ్రామస్తులు విషాదంలో మునిగిపోయారు.

మల్కన్‌గిరి : ఆంధ్ర ప్రదేశ్‌లోని పాపికొండలు ప్రాంతం నుంచి వచ్చిన రేడియో కాలర్‌ అమర్చిన ఓ పులి, ఆదివారం సాయంత్రం మల్కన్‌గిరి జిల్లా మోటు అటవీ రేంజ్‌ ప్రాంతంలో సంచరించిందని అటవీ శాఖ వర్గాలు వెల్లడించాయి. జాతీయ పులుల సంరక్షణ ప్రాధికార సంస్థ నిర్దేశించిన ప్రామాణిక నిర్వహణ విధానాల ప్రకారం గ్రామస్తుల భద్రతతో పాటు వన్యప్రాణుల రక్షణ కోసం అటవీశాఖ అవసరమైన ముందస్తు జాగ్రత్త చర్యలు చేపట్టినట్టు మల్కన్‌గిరి డివిజనల్‌ ఫారెస్ట్‌ ఆఫీసర్‌ సాయికిరణ్‌ తెలిపారు. సోమవారం సమీప గ్రామాల్లో మైక్‌ల ద్వారా ప్రకటనలు చేస్తూ ప్రజలను అప్రమత్తం చేస్తున్నారు. గ్రామస్తులు జాగ్రతగా ఉండాలని, ప్రమాదకర ప్రాంతాలకు వెళ్లకూడదని ముఖ్యంగా ఆవులను మేత కోసం అడవికి తీసుకెళ్లకూడదని సూచించారు.

సంతబొమ్మాళి: రాజకీయ కక్షను పచ్చని పంట పొలంపై టీడీపీ నాయకుడు చూపించడంపై విమర్శలు వ్యక్తమవుతున్నాయి. వివరాల్లోకి వెళ్తే.. సంతబొమ్మాళి గ్రామానికి చెందిన వైఎస్సార్‌సీపీ కార్యకర్త వాదాల దుర్గారావుకు చెందిన వరిపొలం గట్టును.. అదే గ్రామానికి చెందిన టీడీపీ నాయకుడు నరికివేశాడని బాధితుడు చెబుతున్నాడు. గట్టు తొలగించడంతో ఇటీవల కురిసిన వర్షాలకు మట్టి మొత్తం పక్కనే ఉన్న పచ్చని వరిచేలపైకి చేరి పంటకు నష్టం వాటిళ్లిందని దుర్గారావు ఆవేదన వ్యక్తం చేశారు. గట్టు నరికివేయడంతో ఇబ్బందులు ఎదుర్కొన్న ఆయన కూలీలను పెట్టి బస్తాలతో తాత్కాలికంగా గట్టును పునరుద్ధరించుకున్నారు. అయితే రాజకీయ విభేదాలను వ్యక్తిగతంగా తీసుకుని పంటపొలాలపై కక్ష సాధింపు చర్యలకు పాల్పడడం ఎంతవరకు సమంజసమని ప్రశ్నించారు. రైతుల కష్టాన్ని దెబ్బతీసే ఇలాంటి చర్యలు సభ్య సమాజం తలదించుకునేలా ఉన్నాయని ఆగ్రహం వ్యక్తం చేశారు.

రాయగడ: జిల్లాలోని గుణుపూర్‌లో గల వంశధార నదిలో వృద్ధురాలు గల్లంతైంది. కొత్తలుగుడ గ్రామానికి చెందిన బి.పగడాలు అనే వృద్ధురాలు సోమవారం ఉదయం సమీపంలో గల వంశధార నదికి స్నానాని వెళ్లింది. నది ప్రవాహానికి కొట్టుకుపోయింది. సమాచారం తెలుసుకున్న కుటుంబీకులు ఘటనా స్థలానికి చేరుకుని వెతికారు. అగ్నిమాపక సిబ్బందికి సమాచారం ఇవ్వడంతో వారు వచ్చి నదిలో గాలింపు చర్యలు చేపట్టారు. ఆమె ఆచూకీ సాయంత్రం వరకు లభిచంలేదు. ప్రతీరోజు ఆమె నదిలో స్నానం చేసి ఇంటికి వస్తుంటారని కుటుంబీకులు తెలిపారు. ఈ మేరకు కేసు నమోదు చేసిన గుణుపూర్‌ పోలీసులు దర్యాప్తు చేపట్టారు.

పర్లాకిమిడి: స్థానిక కలెక్టరేట్‌లో సోమవారం నిర్వహించిన జాయింట్‌ గ్రీవెన్స్‌ సెల్‌కు ఏడీఎం మునీంద్ర హనంగ, జిల్లా పరిషత్‌ ముఖ్య కార్యనిర్వహణ అధికారి దయామయ పాడీ, ఎస్పీ ప్రహ్లాద్‌ సహాయ్‌ మీనా, తదితరులు హాజరయ్యారు. 59 వినతులు వచ్చాయి. ఇందులో వ్యక్తిగతం 43, గ్రామ సమస్యలకు సంబంధించినవి 16 ఉన్నాయి. ముఖ్యమంత్రి సహాయ నిధి నుంచి ఇద్దరికి రూ.15 వేలను ఏడీఎం అందజేశారు. పలువురు తుఫాన్‌ బాధితులు కలెక్టర్‌కు ఆర్జీలు పెట్టుకున్నారు. గుసాని బీడీఓ గౌర చంద్ర పట్నాయక్‌, గుసాని సమితి అధ్యక్షుడు ఎన్‌.వీర్రాజు, తహసీల్దార్‌ నారాయ ణ బెహరా, ఐటీడీఏ పీఓ అంశుమాన్‌ మహాపాత్రో, జిల్లా స్థాయి అధికారులు పాల్గొన్నారు. భువనేశ్వర్‌: క్రైస్తవ సంప్రదాయంలో మరణించిన ఆత్మల స్మరణార్థం నిర్వహించే ‘ఆల్‌ సోల్స్‌ డే’వేడుకలు జట్నీలో భక్తిశ్రద్ధలతో సోమవారం జరిగాయి. ఈ సందర్భంగా జట్నీ క్రైస్తవ శ్మశానవాటిక అధ్యక్షుడు ఎస్‌.జాన్‌ ఆధ్వర్యంలో నిర్వహించిన ప్రత్యేక ప్రార్థనా కార్యక్రమంలో కోల్‌కత్తా, ముంబై, పూణే, ఖరగ్‌పూర్‌, విశాఖపట్నం, బరంపురం, కటక్‌, భువనేశ్వర్‌ తదితర ప్రాంతాలకు చెందిన సభ్యులు పాల్గొన్నారు. పర్లాకిమిడి: గజపతి జిల్లా మోహాన బ్లాక్‌ సమీపంలో జాతీయ రహదారి 326ఏ లెడోబోందో వంతెన ఇటీవల అర్నబ్‌ తుపానుకు కురిసిన వర్షాలతో అప్రోచ్‌ రోడ్డు కొట్టుకు పోయింది. వాటి పనులను జాతీయ రహదారి ఇంజినీర్లు యుద్ధ ప్రాతికపదిన నిర్మిస్తున్నారు. ఈ పనులను పరిశీలించడానికి పీడబ్ల్యూడీ చీఫ్‌ సెక్రటరీ సంజయ్‌ కుమార్‌ సింగ్‌ సోమవారం విచ్చేశారు. లెడోబోందో వంతెన మీదుగా అటు లుహాగుడి, తప్తపాణి, బరంపురానికి ప్రయాణి కులు అవస్థలు పడుతున్నందున వెంటనే మరమ్మతులు పూర్తిచేయాలని సంబఽంధిత ఎన్‌హెచ్‌ ఎగ్జిక్యూటివ్‌ ఇంజినీరుకు చీఫ్‌ సెక్రటరీ సంజయ్‌కుమార్‌ సింగ్‌ ఆదేశాలు జారీ చేశారు. మల్లన్న ఆలయంలో చోరీ ● ఆలస్యంలో వెలుగులోకి వచ్చిన ఘటన టెక్కలి రూరల్‌: ప్రముఖ పుణ్యక్షేత్రమైన రావివలస ఎండల మల్లిఖార్జున స్వామి దేవాలయంలోని హుండీ చోరీకి గురైనట్లు సోమవారం ఆలయ సిబ్బంది గుర్తించారు. ఆలయంలోని హుండీ గత నెల 29వ తేదీన వర్షం పడుతుండడం వలన విద్యుత్‌ సరఫరా సరిగా లేకపోవడంతో గుర్తు తెలియని వ్యక్తులు హుండీ తాళం విరగొట్టి నగదు చోరీకి పాల్పడి ఉంటారని సిబ్బంది భావిస్తున్నారు. అయితే గత నెల 29వ తేదీన చోరీ జరిగినప్పటికీ ఇంతవరకు దానిని గుర్తించకపోవడం గమనార్హం. ఇదిలా ఉండగా ఆలయంలో సీసీ కెమెరాలు సైతం కొద్దిరోజులుగా పని చేయకపోవడంతో భద్రతపై పలు అనుమానాలు వ్యక్తమవుతున్నాయి. అయితే ఈ చోరీ విషయాన్ని గ్రామస్తులకు సైతం తెలియకుండా గోప్యంగా ఉంచడానికి కారణమేంటని స్థానికులు ప్రశ్నిస్తున్నారు. సత్యనారాయణకు గుర్తింపుశ్రీకాకుళం కల్చరల్‌: శ్రీకాకుళంనకు చెందిన డోలు విద్యాంసుడు ఆచంటి సత్యనారాయణ ఆల్‌ ఇండియా రేడియో సంగీత పరీక్షల్లో (ఆకాశవాణి) ‘ఏ– గ్రేడ్‌’ సర్టిఫికెట్‌ సాధించారు. విజయనగరంలోని సంగీత కళాశాలలో డోలు విద్వాంసునిగా డిప్లొమా పూర్తిచేసి, విశాఖపట్నంలోని కుర్మాపు గోవిందరావు శిక్షణలో శిష్యుడుగా ఉన్నారు. సత్యనారాయణకు సిక్కోలు సంగీత కళాకారులు అభినందనలు తెలిపారు.

జయపురం: జయపురం–నవరంగపూర్‌ రైలు మా ర్గం కోసం జయపురం తహసీల్దార్‌ తన పరిధిలో గల అంబాగుడ గ్రామంలో 26.66 ఎకరాలను సోమవారం రైల్వే అధికారులకు అప్పగించారు. జయపురం తహసీల్దార్‌ సవ్యసాచి జెనా రైల్వే అధికారులతోపాటు రైల్వే మార్గం కోసం సేకరించిన భూముల్లో తిరిగి చూపించారు. రైల్వే అధికారులకు ఆ భూమికి సంబంధించిన అవసరమైన రికార్డుల ను అందజేశారు. జయపురం–నవరంగపూర్‌ రైలు మార్గ కోసం జయపురం తహసీల్దార్‌ నుంచి రైల్వే ప్రాజెక్టుకు 8 గ్రామాలు కేటాయించనున్నారు. అందులో భాగంగా గతంలో 5 గ్రామాల్లోని భూములు రైల్వే ప్రాజెక్టుకు అందజేశారు. మిగతా రెండు గ్రా మాల్లో భూసేకరణ అతి త్వరలో పూర్తిచేయటం జరుగుతుందని తహసీల్దార్‌ వెల్లడించారు. ఈ కార్యక్రమంలో రెవెన్యూ సిబ్బంది, రైల్వే అధికారు లు పాల్గొన్నారు.

పర్లాకిమిడి: ముఖ్య ఎన్నికల అధికారి జ్ఞానేష్‌ కుమార్‌ను తొలగించాలని రాష్ట్ర రాజధానిలో ఆందోళనలు చేస్తున్నారని, కానీ బీఆర్‌ అంబేడ్కర్‌ దూరదృష్టితో అన్ని అంశాలను రాజ్యాంగంలో పొందుపరిచారని రాష్ట్ర బీజేపీ ఇన్‌చార్జి దగ్గుబాటు పురందేశ్వరి అన్నారు. ఉదయం రాయగడ జిల్లా నుంచి వచ్చిన దగ్గుబాటి పురందేశ్వరీ స్థానిక సర్క్యూట్‌ హౌస్‌లో పార్టీ కోర్‌ కమిటీలో పాల్గొన్నారు. స్థానిక విశ్వనాథ కల్యాణ మండపంలో సోమవారం మేధావుల సదస్సులో ముఖ్యఅతిథిగా పాల్గొన్నారు. ఇటీవల అర్న బ్‌ తీవ్ర తుఫాన్‌కు చనిపోయిన వారి ఆత్మశాంతికి బీజేపీ శ్రేణులు అయిదు నిమిషాలు సంతాపం వహించారు. అనంతరం ఆమె పార్టీ నాయకులు, మేధావులను ఉద్దేశించి మాట్లాడారు. కాంగ్రెస్‌ వరు సగా ఓటమి చవిచూస్తుండటంతో సర్‌ ప్రక్రియలో 13 కోట్ల ఓట్లు తీసివేశారనడం సబబు కాదని పురందేశ్వరీ అన్నారు. సర్‌ ప్రక్రియ అన్నది ఓటరు జాబితాను శుద్ధి చేయడం అన్నారు.

అరసవల్లి: బ్రిక్స్‌ సుస్థిర జీవనశైలి వారోత్సవాలను ఈనెల 1 నుంచి 7వ తేది వరకు నిర్వహిస్తున్నట్లుగా జిల్లా వైద్యారోగ్య శాఖాధికారి డాక్టర్‌ నరేష్‌కుమార్‌ తెలియజేసారు. ఈమేరకు సోమవారం స్థానిక డీఎంహెచ్‌ఓ కార్యాలయం వద్ద వారోత్సవాలను ఆయన ప్రారంభించారు. ఈ సందర్భంగా సిబ్బందితో ప్రతిజ్ఞ చేయించి ..ఏడు రోజుల కార్యక్రమ షెడ్యూల్‌ను విడుదల చేశారు. మంగళవారం ఉదయం నుంచి ఇంధన పొదుపు అంశంపై అవగాహన కార్యక్రమాన్ని నిర్వహించనున్నట్లుగా ఆయన ప్రకటించారు. సుస్థిర జీవన శైలిలో ఆచరణలో పెట్టాల్సిన ఏడు అంశాలను ఏడు రోజుల్లో అవగాహన కల్పించేలా షెడ్యూల్‌ను జిల్లాలో అన్ని పీహెచ్‌సీలు, యూపీహెచ్‌సీల్లో అమలు చేయాలని తద్వారా ప్రజలకు అవగాహన కల్పించేలా చర్యలు చేపట్టాలని ఆయన సూచించారు.

పర్లాకిమిడి: గజపతి జిల్లా ఆర్‌.ఉదయగిరి బ్లాక్‌లోని పలు పంచాయతీల్లో మురసు తుఫాన్‌పై ప్రజలకు అంగన్‌వాడీ వర్కర్లు మైకు ద్వారా అవగాహన కల్పిస్తున్నారు. సోమవారం ఉదయం నుంచి ఆర్‌.ఉదయగిరిలో వర్షాలు పడుతున్నాయి. ప్రజలు అప్రమత్తంగా ఉండాలని హెచ్చరించారు. అదనంగూడ గ్రామానికి రోడ్డు వేయాలి పర్లాకిమిడి: గజపతి జిల్లా గుమ్మబ్లాక్‌ జామి గ్రామపంచాయతీ అదనంగూడ ఆదివాసీ సరైన రోడ్డు లేకపోవడంతో తమ పిల్లలు చదువుకోవడానికి, రాకపోకలకు ఇబ్బందులు పడుతున్నారని సోమవారం కలెక్టరేట్‌లో ఒక వినతిని గ్రామస్తులు ఏడీఎం మునీంద్ర హానగకు అందజేశారు. అత్యవసర వైద్య సేవలకు వెళ్లడానికి సరైన మార్గం లేదని, అందువల్ల బ్లాక్‌ అధికారులు పక్కా రోడ్డు వేయాలని అధికారులకు విన్నవించారు 50 కిలోల గంజాయి స్వాధీనం రాయగడ: కారులో జంజాయిని అక్రమంగా తరలిస్తున్న ముగ్గురు నిందితులను పట్టుకుని, వారి నుంచి 50 కిలోల గంజాయి, కారును జిల్లాలోని పద్మపూర్‌ పోలీసులు సోమవారం స్వాధీనం చేసుకున్నారు. పోలీసులు తెలియజేసిన వివరాల ప్రకారం.. గజపతి జిల్లా పరిధిలోని అడవ ప్రాంతం నుంచి మునిగుడ వైపు గంజాయి అక్రమ రవాణా జరుగుతున్నట్లు విశ్వసనీయ సమాచారం మేరకు వాహన తనిఖీలను నిర్వహించారు. పద్మపూర్‌ పోలీస్‌ స్టేషన్‌ పరిధిలోని మిలకపొంగ వద్ద కారులో గంజాయి అక్రమంగా రవాణా జరుగుతున్నట్లు పోలీసులు గుర్తించారు. అనంతరం కారుని ఆపి తనిఖీ చేయగా 50 కిలోల గంజాయి పట్టుబడింది. నిందితులు ఝార్ఖండ్‌ ప్రాంతానికి చెందిన జమ్‌షెడ్‌పూర్‌లో గల మహమ్మద్‌ ఇజాజ్‌, గౌరవ్‌ కుమార్‌ సాహు, గజపతి జిల్లా ఒడవా పోలీస్‌ స్టేషన్‌ పరిధిలోని ఖయిరాగుడ గ్రామానికి చెందిన మనోజ్‌ బీర్‌గా గుర్తించారు. నిందితులను అరెస్టు చేసి గునుపూర్‌ ఏడీజే కోర్టులో ప్రవేశపెట్టారు. పర్లాకిమిడి: రాష్ట్రమంతటా సంచలనం రేపిన మాజీ ఏసీఎఫ్‌ సౌమ్యరంజన్‌ మహాపాత్రో కేసులో ఆయన భార్య బిధ్యాభారతి పండా సోమవారం జిల్లా సెషన్స్‌కోర్టులో లొంగిపోయారు. అంతకుముందు బిధ్యాభారతి పండా హైకోర్టు, సుప్రీంకోర్టులో వేసిన స్పెషల్‌ లీవ్‌ పిటిషన్‌ కూడా న్యాయమూర్తి తిరస్కరించడంతో ఆమెకు నాన్‌ బెయిలబుల్‌ వారెంట్‌ అందజేయాల్సి ఉంది. కానీ అంతకుముందే ఆమె సోమవారం ఉదయం పదకొండు గంటల సమయంలో పర్లాకిమిడి కోర్టులో హాజరై లొంగిపోయారు. 2021 జూలై 12లో స్థానిక డీఎఫ్‌ఓ కార్యాలయం కాంపౌండ్‌లో సిబ్బంది నివాసగృహంలో అప్పటి ఏసీఎఫ్‌ సౌమ్యరంజన్‌ మహాపాత్రో తన గదిలో కాలిపోయి, 90 శాతం గాయాలతో కటక్‌ మెడికల్‌లో చేరారు. ఈ కేసులో ప్రధాన నిందితుడు అప్పటి డీఎఫ్‌ఓ సంగ్రాం కేసరి బెహారా ఇప్పటికే సబ్‌ జైలులో జ్యుడీషియల్‌ కస్టడీలో ఉన్నాడు. రెండో నిందితురాలు బిధ్యాభారతి పండా కోర్టులో సోమవారం ట్రయల్‌ కోర్టులో బెయిల్‌ పిటిషన్‌ దాఖలు చేయగా న్యాయమూర్తి మధ్యాహ్నం విచారణకు వచ్చింది. మధ్యాహ్నం రెండుగంటల సమయంలో బిధ్యాభారతి పండా బెయిల్‌ పిటిషన్‌ సెషన్స్‌ జడ్జి తిరస్కరించడంతో ఆమెను పర్లాకిమిడి ఉప కారాగారానికి తరలించారు. ఆమెను 13 రోజులపాటు విచారణ జ్యుడీషియల్‌ కస్టడీలో ఉంచుతారని, పబ్లిక్‌ ప్రాసిక్యూటర్‌ రాజేష్‌ కుమార్‌ మిశ్రా తెలియజేశారు. ఆమె తిరిగి జిల్లా కోర్టులో బెయిల్‌ పిటిషన్‌కు దాఖలు చేయనున్నట్టు ఆమె తరఫు న్యాయవాది తెలిపారు. ఇప్పటికే మాజీ డీఎఫ్‌ఓ సంగ్రాం కేసరి బెహారా లొంగిపోగా, మూడో నిందితుడు మన్మధ కుంభో కూడా కేసులో ఉన్నాడు.

జయపురం: కొరాపుట్‌ ప్రాంతీయ విజిలెన్స్‌ జయపురం వారు అవినీతి నిరోధక సచేతన ర్యాలీని సోమవారం నిర్వహించారు. స్థానిక రాజుగారి కోట జంక్షన్‌ వద్ద ర్యాలీ ప్రారంభమై పట్టణ ప్రధాన మా ర్గం సర్ధార్‌ వల్లభాయి మార్గం మీదుగా 26వ జాతీ య రహదారిలో గల విజిలెన్స్‌ కార్యాలయానికి చేరింది. ఈ కార్యక్రమంలో విజిలెన్స్‌ విభాగ ఎస్పీ అనంత ప్రసాద్‌ మల్లిక్‌, డీఎస్పీ అభయ ప్రధాన్‌, విజిలెన్స్‌ కోర్టు ప్రత్యేక ప్రభుత్వ న్యాయవాది డి.శశిదర పట్నాయక్‌ హాజరయ్యారు. ర్యాలీలో వివిధ పాఠశాలలు, కళాశాలల విద్యార్థులు పాల్గొని నినాదాలు చేశారు. విజిలెన్స్‌ ఎస్పీ అనంతప్రసాద్‌ మల్లి క్‌ మాట్లాడుతూ.. ప్రభుత్వ ఉద్యోగులు అవినీతికి దూరంగా ఉండి, రాష్ట్ర ప్రగతికి దోహదపడాలన్నా రు. అవినీతిని అరికట్టేందుకు తమ విభాగం పని చేస్తుందని, ఎవరు లంచం అడిగినా వెంటనే విజిలె న్స్‌ విభాగం దృష్టికి తీసుకురావాలన్నారు. దుర్నీతి నిర్మూలన జరిగిన నాడే మన దేశం, సమాజం ప్రగతి సాధిస్తాయన్నారు.

పర్లాకిమిడి: గజపతి జిల్లా గుమ్మాబ్లాక్‌ సెరంగో పోలీసుస్టేషన్‌లో నషాముక్త అభియాన్‌ అవగాహన సమావేశం అమొ పోలీసు సమితి ఆధ్వర్యంలో ఆదివారం నిర్వహించారు. సమావేశంలో గంజాయి, ఇతర మత్తు పదార్థాలు ఏజెన్సీలో పండించడం నేరమని, ప్రత్నామ్యాయ వ్యవసాయ సాగు పద్ధతుల ద్వారా జీవనోపాధి ఎంచుకోవాలని సర్పంచ్‌ ప్రదీప్‌కుమార్‌ మండల్‌ కోరారు. సమావేశంలో భుభుని పంచాయతీ సర్పంచ్‌ రేణుకా గోమాంగో తదితరులు పాల్గొన్నారు.శంకర్‌ ప్రసాద్‌ భక్షి సేవలు చిరస్మరణీయం పర్లాకిమిడి: విద్యా రంగానికి మహిళా డిగ్రీ ఉన్నత మాధ్యమిక విద్యాలయం విశ్రాంత ప్రిన్సిపాల్‌ దివంగత శంకర్‌ ప్రసాద్‌ భక్షి చేసిన సేవలు చిరస్మరణీయమని వక్తలు పేర్కొన్నారు. ఆయన సంతాప సమావేశాన్ని స్థానిక శ్రీకృష్ణచంద్ర గజపతి కళాశాల పూర్వ విద్యార్థి సంఘం అతిథి భవనంలో ఆదివారం నిర్వహించారు. ఈ సమావేశంలో ప్రిన్సిపల్‌ ప్రొ.రాధాకాంత భుయ్యాన్‌, అధ్యక్షుడు నృసింహా చరణ్‌ పట్నాయిక్‌, కార్యదర్శి ఆదర్శ దాస్‌ తదితరులు పాల్గొన్నారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. నిర్లక్ష్యం చేసిన పంటలపై చర్చ జయపురం: మనం మరచిపోయిన సాంప్రదాయ ఆహారాలు, నిర్లక్ష్యం చేస్తున్న ప్రాచీన పంటలపై ఒక పోకస్‌ గ్రూపు సభ్యులు శుక్రవారం చర్చా సమావేశం నిర్వహించారు. జయపురం సబ్‌ డివిజన్‌ బొయిపరిగుడ సమితి దొరాగుడ పంచాయతీ సమితి బెంధ్రాగుడ గ్రామంలో ఫోకస్‌ ట్రూపు నిర్వహించిన ఈ కార్యక్రమంలో బొయిపరిగుడ సమితి వ్యవసాయ విభాగ అధికారి, స్కీమ్‌ అధికారి, జిల్లా ప్రాజెక్టు కో–ఆర్డినేటర్‌లు ఆరోగ్యకరమైన పౌష్టికాహారాలను మనం మరచిపోయామని, పాశ్చాత్యుల అలవాటులకు బానిసలు అవుతూ అనారోగ్య బాటలో నడుస్తున్నామని ఆవేదన వ్యక్తం చేశారు. కార్యక్రమంలో రిసెర్చ్‌ ఫెలోస్‌ పలువరు వ్యవసాయ విభాగ అధికారులు పాల్గొని తమతమ అభిప్రాయాలను వెల్లడించారు.పట్టుబడిన 16 ద్విచక్ర వాహనాలు పర్లాకిమిడి: పట్టణంలో బుల్లెట్‌ వాహనాల సైలెన్సర్లు మార్చివేసి నడుపుతున్న మోటారు సైకిళ్లను పోలీసులు శనివారం రాత్రి పట్టుకున్నారు. మొత్తం ఒడిశా, ఆంధ్రా రిజిస్ట్రేషన్‌కు చెందిన 16 బుల్లెట్స్‌, స్కూటీలను స్వాధీనం చేసుకుని మోడల్‌ పోలీసుస్టేషన్‌లో ఉంచారు. అందులో 6 మోటారు సైకిళ్లకు హై సెక్యూరిటీ నంబర్‌ ప్లేట్స్‌, ఇన్సూరెన్సులు కూడా లేవని ఐఐసీ ప్రశాంత భూపతి తెలియజేశారు. పట్టణంలో పట్టుబడిన మోటారు సైకిళ్ల సైలెన్సర్లను మార్చి ఎక్కువ సౌండ్‌తో ఉన్నవి పెట్టడంతో అధిక సౌండ్‌ పొల్యూషన్‌ వస్తుందని, అందువల్ల ఎంవీఐ చట్టం కింద కేసు నమోదు చేసి ఆర్‌టీవోకు తెలియజేశారు.

కంచిలి: జిల్లాలో తీర ప్రాంత రైతులను తుఫాన్ల ముప్పు నుంచి శాశ్వతంగా రక్షణ కల్పించాలని మహాత్మా జ్యోతిరావు ఫూలే రాష్ట్ర బీసీ సంక్షేమ సంఘం అధ్యక్షుడు బీన ఢిల్లీరావు డిమాండ్‌ చేశారు. మండల కేంద్రం కంచిలిలో ఆదివారం ఆయన విలేకర్లతో మాట్లాడారు. తుఫాన్లలో నష్టపోయిన రైతులకు కేవలం పరిహారం ఇవ్వడంతో సరిపెట్టవద్దని, శాశ్వత రక్షణ కల్పించాలని కోరారు. జిల్లాలో తీర ప్రాంతాలను ప్రత్యేక జోన్‌ కింద ప్రకటించి రైతులను కాపాడుకోవాల్సి ఉందన్నారు. తుఫాన్లను పూర్తిగా నివారించడం సాధ్యం కాకపోవచ్చని, కానీ శాసీ్త్రయ ప్రణాళిక, సహజ పర్యావరణ వ్యవస్థల రక్షణ, వ్యవసాయంలో మార్పులు, ముందస్తు హెచ్చరికలు, రైతులకు ఆర్ధిక భద్రత కల్పించడం ద్వారా నష్టాలను గణనీయంగా తగ్గించవచ్చన్నారు. ఈ విలేకర్ల సమావేశంలో సంఘ ప్రధాన కార్యదర్శి పోతనపల్లి కామేశ్వరరావు, సభ్యులు ఎర్ర గిరిబాబు, రైతు నాయకులు గార కృష్ణారావు, మధుబాబు పాల్గొన్నారు.

శ్రీకాకుళం న్యూకాలనీ: రాష్ట్రస్థాయి స్కూల్‌గేమ్స్‌ పోటీల్లో తుదివరకు పోరాడి విజయతీరాలకు చేరాలని జిల్లా స్కూల్‌గేమ్స్‌ సెక్రటరీలు చల్లా జగదీష్‌, జీఎం జ్యోతిరాణి పిలుపునిచ్చారు. కృష్ణా జిల్లా గన్నవరం వేదికగా ఈ నెల 2 నుంచి 4వ తేదీ వరకు ఏపీ రాష్ట్రస్థాయి స్కూల్‌గేమ్స్‌ అండర్‌–17 బాలికల క్రికెట్‌ చాంపియన్‌షిప్‌–2026 పోటీలు జరగనున్నాయి. ఈ పోటీల్లో పాల్గొనే జిల్లా బాలికల క్రికెట్‌ జట్టు ఆదివారం ఇక్కడి నుంచి పయనమై వెళ్లింది. వీరికి జిల్లా స్కూల్‌గేమ్స్‌ ఫెడరేషన్‌ కార్యాలయంలో వీడ్కోలు పలికారు. క్రీడాదుస్తులను పంపిణీచేయడంతో పాటు రానుపోను ఖర్చుల కోసం అవసరమైన అలవెన్సులు అందజేశారు. కర్నూలు డీఎస్‌ఏ స్టేడియం వేదికగా నవంబర్‌ 2, 3 తేదీల్లో జరగనున్న 70వ ఏపీ రాష్ట్రస్థాయి స్కూల్‌గేమ్స్‌ అండర్‌–17 బాలబాలికల అథ్లెటిక్స్‌ చాంపియన్‌షిప్‌–2026 పోటీల్లో పాల్గొనే జిల్లా క్రీడాకారులు సైతం శ్రీకాకుళం రోడ్‌ రైల్వే స్టేషన్‌ నుంచి పయనమయ్యారు. వీరికి ఎస్‌జీఎఫ్‌ సెక్రటరీలు జగదీష్‌, జ్యోతిరాణి వీడ్కోలు పలికారు. కార్యక్రమంలో పీడీలు ఎం.ఆనంద్‌కిరణ్‌, కె.మాధవరావు, రెడ్డి రవి, పురుషోత్తం, మహిళా క్రికెట్‌ కోచ్‌ హారిక యాదవ్‌, కోచ్‌మేనేజర్లు, క్రీడాకారుల తల్లిదండ్రులు పాల్గొన్నారు.

జయపురం: నిషా ముక్త సమాజ నిర్మాణానికి సామూహిక ఉద్యమం అవసరమని జయపురం సబ్‌ డివిజన్‌ బొయిపరిగుడ సమితి పోలీసు అధికారి లక్ష్మీ నారాయణ ముదులి అన్నారు. బొయిపరిగుడ పోలీసుస్టేషన్‌ సభాగృహంలో జరిగిన నిశాముక్త సమాజ్‌ సమావేశంలో ప్రధాన లక్ష్యాన్ని పోలీసు అధికారి లక్ష్మీనారాయణ ముదులి వివరించారు. కార్యక్రమంలో సమితి అధ్యక్షుడు ప్రశాంత కుమార్‌ గుప్త ముఖ్య అతిథిగా పాల్గొన్నారు. ఈ సందర్భంగా సమితి అధ్యక్షుడు ప్రశాంత కుమార్‌ గుప్త మాట్లాడుతూ బొయిపరిగుడ సమితి గ్రామాల్లో మద్యం వలన సమాజ వాతావరణం కలుషితమవుతోందన్నారు. సారా అమ్మకాలను అరికట్టటంలో సంబంధిత అధికారులు విఫలమవుతున్నారని ఆవేదన వ్యక్తం చేశారు. కార్యక్రమంలో బొయిపరిగుడ సమితి ఉపాధ్యక్షుడు పూర్ణిమ బారిక్‌, సమితి సభ్యులు మంజులత పట్నాయిక్‌, బొయిపరిగుడ గ్రామ పంచాయతీ సర్పంచ్‌ సూర్యమణి నాయిక్‌, కొరాపుట్‌ ఎంపీ ప్రతినిధి జగన్నాథ్‌ బిశాయి తదితరులు పాల్గొన్నారు.

పర్లాకిమిడి: గంజాం జిల్లా అర్నబ్‌ తుపాను బాధితులకు గజపతి జిల్లా గుసాని సమితి తరపున 1,410 రిలీఫ్‌ ప్యాకెట్లను ఆదివారం గుసాని నుంచి ఒక వాహనంలో గంజాం కలెక్టరేట్‌లో అధికార యంత్రాంగానికి అందజేసినట్లు గుసాని పంచాయతీ ఎగ్జిక్యూటివ్‌ ఆఫీసర్‌ బినోద్‌ గౌడో తెలియజేశారు. ప్రతీ రిలీఫ్‌ ప్యాకెట్‌లో రెండు కిలోల అటుకులు, బెల్లం 150 గ్రా, కొవ్వొత్తులు 2, బిస్కెట్‌ ప్యాకెట్స్‌ 2, ఓఆర్‌ఎస్‌ ప్యాకెట్లు 4, అగ్గిపెట్లు 2 ఉన్నట్లు పేర్కొన్నారు. ఈ తుపాను సహాయం పంపినవారిలో గుసాని బీడీవో గౌరచంద్ర పట్నాయిక్‌, జీపీడీవో ఎ.దేవగిరి ప్రసాద్‌రావు, బీఎఫ్‌వో గజేంద్ర బెహరా, ఎంఐ జీవన్‌ జ్యోతి పాణిగ్రాహి ఉన్నారు. అలాగే పర్లాకిమిడి పురపాలక సంఘం ఇన్‌చార్జి అధికారి, సబ్‌ కలెక్టర్‌ భగవత్‌ సామల్‌ కల్యాణ్‌ రావ్‌ ఒక మినీ ట్రక్కుతో బెల్లం, అటుకులు, కొవ్వొత్తులు, ఇతర నిత్యావసర ప్యాకెట్లను గంజాం కలెక్టర్‌కు పంపారు.

ఐపీఎస్‌ అధికారుల భువనేశ్వర్‌: ఒడిశా హోంశాఖ పలువురు ఐపీఎస్‌, ఓపీఎస్‌ అధికారుల బదిలీలు, నియామకాలకు సంబంధించి ఉత్తర్వులు జారీ చేసింది. ఈ మేరకు పలువురు అధికారులకు కొత్త బాధ్యతలు అప్పగించడంతో పాటు, మరికొందరికి అదనపు బాధ్యతలు కేటాయించింది. 1993 బ్యాచ్‌ ఐపీఎస్‌ అధికారి, జైళ్లు, దిద్దుబాటు సేవల డైరెక్టర్‌ జనరల్‌ సుశాంత కుమార్‌ నాథ్‌ను హోంశాఖ ఓఎస్డీగా నియమించారు. 1995 బ్యాచ్‌ ఐపీఎస్‌ అధికారి, భువనేశ్వర్‌లోని రాష్ట్ర ఫోరెన్సిక్‌ సైన్స్‌ లేబొరేటరీ (ఎస్‌ఎఫ్‌ఎస్‌ఎల్‌) డైరెక్టర్‌ డాక్టర్‌ సంతోష్‌ బాలాకు జైళ్లు, దిద్దుబాటు సేవల అదనపు డీజీగా అదనపు బాధ్యతలు అప్పగించారు. 1998 బ్యాచ్‌ ఐపీఎస్‌ అధికారి అమితాబ్‌ ఠాకూర్‌ కటక్‌లోని ఒడిశా రవాణా కమిషనర్‌గా కొనసాగనున్నారు. అదే బ్యాచ్‌కు చెందిన ఎస్‌ఏపీ అదనపు డీజీ రాజేష్‌ కుమార్‌కు హోంశాఖ ప్రత్యేక కార్యదర్శిగా అదనపు బాధ్యతలు అప్పగించారు. కేంద్ర డిప్యుటేషన్‌ నుంచి తిరిగి వచ్చిన 2010 బ్యాచ్‌ ఐపీఎస్‌ అధికారి సారా శర్మను విజిలెన్స్‌ డీఐజీగా నియమించారు. ఝార్సుగుడ ఎస్పీగా పనిచేస్తున్న 2019 బ్యాచ్‌ ఐపీఎస్‌ అధికారి గుండాల రెడ్డి రాఘవేంద్రను కటక్‌లోని రాష్ట్ర పోలీసు ప్రధాన కార్యాలయంలో ఏఐజీగా నియమించారు. నువాపడా ఎస్పీగా ఉన్న 2021 బ్యాచ్‌ ఐపీఎస్‌ అధికారి అమృత్‌పాల్‌ సింగ్‌ను రాష్ట్ర పోలీసు ప్రధాన కార్యాలయంలో ఎస్పీగా నియమించారు. ఖుర్దా అదనపు ఎస్పీగా పనిచేస్తున్న 2022 బ్యాచ్‌ ఐపీఎస్‌ అధికారిణి సోనాలి సింగ్‌ పర్మార్‌ను ఝార్సుగుడ ఎస్పీగా బదిలీ చేశారు. కటక్‌లోని రాష్ట్ర పోలీసు ప్రధాన కార్యాలయంలో ఏఐజీగా పనిచేస్తున్న ఓపీఎస్‌ అధికారి తపన్‌ నారాయణ రథ్‌ను నువాపడా ఎస్పీగా నియమించారు. విద్యాధర్‌ పాత్రోకి నివాళి పర్లాకిమిడి: సీపీఐఎంఎల్‌(లిబరేషన్‌) పార్టీ గజపతి జిల్లా కార్యదర్శి విద్యాధర్‌ పాత్రో (80) శనివారం మృతి చెందారు. దీంతో ఆయన సంతాప సభ గురండి గ్రామంలో ఆదివారం నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. విద్యాధర్‌ పాత్రో విద్యార్థి దశలోనే కమ్యూనిస్టు భావాజాలంతో చురుకుగా అనేక ఉద్యమాల్లో పాల్గొన్నారని గుర్తు చేసుకున్నారు. విద్యాధర్‌ పాత్రో మృతి కమ్యూనిస్టు ఉద్యమానికి తీరనిలోటు అని సీనియర్‌ కమ్యూనిస్టు నాయకుడు మద్దిల మల్లేశ్వరరావు అన్నారు. కార్యక్రమంలో నీలమణి పాత్రో, శ్రీనివాస బెహరా తదితరులు పాల్గొన్నారు.

రాయగడ: జిల్లాలోని కల్యాణ సింగుపూర్‌ సమితి సికరపాయి ప్రాంతంలో ఒంటరి ఏనుగు సంచారం స్థానిక ప్రజలను భయాందోళనకు గురి చేస్తోంది. మూడు ఏనుగుల గుంపు నుంచి విడిపోయిన గజరాజు గ్రామాల్లో ప్రవేశించి సంచరిస్తోంది. శనివారం రాత్రి సికరపాయి గ్రామంలో ఏనుగు సంచరించడంతో గ్రామస్తులు అప్రమత్తమయ్యారు. గత కొన్ని రోజులుగా సికరపాయి కొండ ప్రాంతంలో మూడు ఏనుగుల గుంపు సంచరిస్తోంది. వీటిలో ఒకటి గుంపు నుంచి విడిపోయి తొలుత కదలిచువా గ్రామ సమీపంలో కనిపించింది. అనంతరం పొడచువా–విజయనగరం మధ్యనున్న కొండ ప్రాంతంలో తలదాచుకుంది. తాజాగా శనివారం రాత్రి సికర పాయి గ్రామంలోని వీధుల్లో సంచరించింది. సమా చారం తెలుసుకున్న అటవీ శాఖ, విద్యుత్‌ శాఖ సిబ్బంది రాత్రంతా అక్కడే ఉండి ఏనుగును తిరిగి అడవిలోకి పంపించేందుకు ప్రయత్నించారు. అయి తే ఎలాంటి ప్రాణ, ఆస్తి నష్టం జరగకుండా ఏనుగు గ్రామం నుంచి వెళ్లిపోయినట్లు సమాచారం.

అరసవల్లి: ప్రత్యక్ష దైవం అరసవల్లి సూర్యనారాయణ స్వామి సన్నిధికి భక్తులు పోటెత్తారు. ప్రత్యేక ఆదివారం కావడంతో ఇతర ప్రాంతాల నుంచి పెద్ద సంఖ్యలో భక్తులు తరలివచ్చి మొక్కులు చెల్లించుకున్నారు. ఆలయ ఈవో కేఎన్‌వీడీవీ ప్రసాద్‌ భక్తుల సౌకర్యార్థం ప్రత్యేక చర్యలు చేపట్టారు. కేశఖండన శాలలో ఎప్పటిలాగానే అదనపు వసూళ్లు యథాతథంగా కొనసాగాయి. ఇతర ప్రముఖ పుణ్యక్షేత్రాల్లో లడ్డూల సంఖ్య తగ్గించేయడంతో భక్తులంతా అరసవల్లిలో 5 నుంచి 10 వరకు ఒక్కొక్కరు లడ్డూలను కొనుగోలు చేయడం కనిపించింది. అయ్యప్పస్వాములు కూడా ఆదిత్యున్ని పెద్ద సంఖ్యలో దర్శించుకుని అన్నప్రసాదాలను స్వీకరించారు. పలువురు భక్తులు ప్రత్యేక సూర్యనమస్కారాలు చేయించుకున్నారు. ప్రధానార్చకులు ఇప్పిలి శంకరశర్మ ఆధ్వర్యంలో ప్రత్యేక దర్శన ఏర్పాట్లు చేశారు.

రాయగడ: బాలల్లో దాగి ఉన్న సృజనాత్మక ప్రతిభను వెలికితీసే లక్ష్యంతో స్థానిక లేడీస్‌ క్లబ్‌ ఆధ్వర్యంలో చిత్రలేఖనం పోటీలను నిర్వహించారు. క్లబ్‌ అధ్యక్షురాలు కస్తూరీ సాహు అధ్యక్షతన జరిగిన ఈ కార్యక్రమంలో వివిధ విద్యాసంస్థల నుంచి 25 మంది విద్యార్థులు ఆసక్తిగా పాల్గొన్నారు. రాష్ట్రపతి పురష్కార గ్రహీత డాక్టర్‌ ద్వితిచంద్ర సాహు, గవర్నర్‌ పురష్కార గ్రహీత జగదీష్‌ చంద్రదొన న్యాయనిర్ణేతలుగా వ్యవహరించారు. సీనియర్‌ విభాగంలో ఇప్పిలి శ్రీషా ప్రథమ, శీతల్‌ సాంజ్ఞా రథ్‌ ద్వితీయ, శ్రీజమ్‌ కుండు తృతీయ స్థానాలు సంపాదించుకున్నారు. అదేవిధంగా జూనియర్‌ విభాగంలో కె.సాయి సుహాని ప్రథమ, ఎస్వీ రుతిక ద్వితీయ, హ్యాన్స్‌ వారణాసి తృతీయ స్థానాలు గెలుపొందారు. క్లబ్‌ సీనియర్‌ సభ్యులు అలకా దాస్‌, శాంతి కుమారి దేవ్‌ మార్గదర్శనం చేయగా కార్యదర్శి జ్యోతిప్రభా మహాపాత్రో, సంయుక్త కార్యదర్శి సుజాత పాడి, కోశాధికారి బి.లక్ష్మి, సంయుక్త కోశాధికారి కె.శోభారాణి తదితర సభ్యులు పాల్గొన్నారు.

ఎచ్చెర్ల : ప్రపంచ వ్యాప్తంగా ప్రతిష్టాత్మకంగా నిర్వహించే క్వాంటం టెక్నాలజీ వేడుక క్విస్కిట్‌ ఫాల్‌ ఫెస్ట్‌– 2026లో భాగంగా ట్రిపుల్‌ ఐటీ శ్రీకాకుళం క్యాంపస్‌లో 24 గంటల క్వాంటం హ్యాక్‌థాన్‌ ఆదివారం ప్రారంభమైంది. జ్ఞాన్‌ యల్లా సమక్షంలో జరిగిన ఈ కార్యక్రమంలో వివిధ విద్యా విభాగాలు, సాంకేతిక రంగాలకు చెందిన విద్యార్థులు పెద్ద సంఖ్యలో పాల్గొంటున్నారు. క్వాంటం కంప్యూటింగ్‌ ఆధారంగా వాస్తవ ప్రపంచ సమస్యలకు వినూత్న పరిష్కారాలను రూపొందించేందుకు విద్యార్థులు తమ ఆలోచనలు, సాంకేతిక నైపుణ్యాలను ఉపయోగిస్తున్నారని చెప్పారు. విద్యార్థులు బృందాలుగా ఏర్పడి ఆలోచనలు పంచుకుంటూ కోడింగ్‌, సమస్యలు, విశ్లేషణ పరిష్కారాల రూపకల్పనలో ఉత్సాహంగా నిమగ్నమయ్యారు. కార్యక్రమంలో డైరెక్టర్‌ గిరిధర్‌ మద్రాస్‌, పరిపాలనాధికారి డాక్టర్‌ శివరామకృష్ణ, ఫైనాన్స్‌ అధికారి వాసు, డీన్‌ శివరామశాస్త్రి, సిబ్బంది పాల్గొన్నారు.

భువనేశ్వర్‌: ఒకవైపు తుఫాన్‌, వరదల ప్రభావిత ప్రాంతాల్లో సహాయక, పునరుద్ధరణ చర్యలను ముమ్మరం చేసిన ఒడిశా ప్రభుత్వం.. మరోవైపు రానున్న వాతావరణ విపత్తును ఎదుర్కొనేందుకు ముందస్తు జాగ్రత్త చర్యలపై దృష్టి సారించింది. బంగాళాఖాతంలో ఏర్పడిన తీవ్ర అల్పపీడనం నవంబర్‌ 3 నాటికి ఆంధ్రప్రదేశ్‌ తీరాన్ని దాటే అవకాశం ఉండటంతో యంత్రాంగాన్ని అప్రమత్తం చేసింది. ప్రమాదకర ప్రాంతాల ప్రజలను సురక్షిత ప్రాంతాలకు తరలించేందుకు, సహాయక శిబిరాలు, వైద్య సేవలు, తాగునీటి సదుపాయాలు సిద్ధం చేసేందుకు చర్యలు చేపట్టింది. ఇదిలా ఉండగా.. ఇటీవల తుఫాన్‌, వరదలతో ప్రభావితమైన జిల్లాల్లో ఇప్పటివరకు 75,855 మందిని సురక్షిత ప్రాంతాలకు తరలించినట్లు ప్రత్యేక సహాయక కమిషనర్‌ (ఎస్‌ఆర్‌సీ) రాజేష్‌ ప్రభాకర్‌ పాటిల్‌ ఆదివారం వెల్లడించారు. బాధితుల కోసం 396 సహాయక శిబిరాలను ఏర్పాటు చేసినట్లు తెలిపారు. మొత్తం 1,18,730 మంది ఈ విపత్తు బారినపడగా.. గంజాం, కంధమల్‌ జిల్లాల్లో తీవ్ర ప్రభావం కనిపించిందన్నారు. కంధమల్‌ జిల్లాలో ముగ్గురు మరణించగా, ముందస్తు తరలింపు చర్యల్లో భాగంగా 807 మంది గర్భిణులను సురక్షిత ప్రాంతాలకు చేర్చారు. వీరిలో 399 మందికి ప్రసవాలు జరిగినట్లు వివరించారు. ఈ విపత్తు కారణంగా 75,388 హెక్టార్లలో పంటలు దెబ్బతినగా, 1,672 ఇళ్లు పాక్షికంగా లేదా పూర్తిగా దెబ్బతిన్నాయి. దక్షిణ ఒడిశాలో విద్యుత్‌ సరఫరాను పునరుద్ధరించేందుకు 6,400 మందికి పైగా సిబ్బందిని రంగంలోకి దించారు. బౌధ్‌, మల్కన్‌గిరి, రాయగడ జిల్లాలతోపాటు బరంపురం నగరంలో విద్యుత్‌ సరఫరా పూర్తిగా పునరుద్ధరించారు. దక్షిణ ఒడిశా పరిధిలో మొత్తంగా 96 శాతానికి పైగా విద్యుత్‌ సరఫరా సాధారణ స్థితికి చేరుకుంది. తాగునీటి సరఫరాపై దృష్టి ప్రభావిత ప్రాంతాల్లో తాగునీటి సరఫరాను సాధారణ స్థితికి తీసుకురావడానికి చర్యలు చేపట్టారు. బరంపురం నగరానికి రోజుకు అవసరమైన 90 మిలియన్‌ లీటర్ల నీటికి గాను ప్రస్తుతం 70 మిలియన్‌ లీటర్లు సరఫరా చేస్తున్నారు. మిగిలిన అవసరాన్ని తీర్చేందుకు 20 నీటి ట్యాంకర్లను అందుబాటులో ఉంచారు. అలాగే 2,575 ట్యూబ్‌వెల్‌లు, 162 గ్రామీణ పైపుల నీటి సరఫరా ప్రాజెక్టులను శుద్ధి చేసి తిరిగి వినియోగంలోకి తీసుకొచ్చారు. ప్రజలకు తాగునీటి సీసాలు, పౌచ్‌లను పంపిణీ చేస్తున్నారు. జానిబాలిలో నీటి సరఫరాను పునరుద్ధరించేందుకు ఇసుక కట్ట నిర్మాణ పనులు వేగంగా సాగుతున్నాయి. ఈ పనుల్లో 120 మంది కార్మికులతోపాటు మూడు ఎర్త్‌మూవర్లను వినియోగిస్తున్నారు. అల్పపీడనంపై అప్రమత్తం బంగాళాఖాతంలో ఏర్పడిన తీవ్ర అల్పపీడనం నవంబర్‌ 3 నాటికి ఆంధ్రప్రదేశ్‌ తీరాన్ని దాటే అవకాశం ఉందన్న ఐఎండీ హెచ్చరికల నేపథ్యంలో ఒడిశా యంత్రాంగం వాతావరణ పరిస్థితులను నిశితంగా పర్యవేక్షిస్తోంది. లోతట్టు ప్రాంతాలు, ప్రమాదకర తీర ప్రాంతాల నుంచి ప్రజలను సురక్షిత ప్రాంతాలకు తరలించేందుకు ఏర్పాట్లు చేస్తోంది. విపత్తు ప్రతిస్పందన బృందాలను సిద్ధంగా ఉంచడంతోపాటు సహాయక శిబిరాలు, తాగునీరు, అత్యవసర వైద్య సేవలను అందుబాటులోకి తెస్తోంది. సముద్రం అల్లకల్లోలంగా ఉండే అవకాశం ఉన్నందున మత్స్యకారులు వేటకు వెళ్లవద్దని అధికారులు హెచ్చరించారు. మారుతున్న వాతావరణ పరిస్థితులకు అనుగుణంగా తక్షణ ముందుజాగ్రత్త చర్యలు చేపట్టాలని రాష్ట్ర ప్రభుత్వం అధికారులను ఆదేశించింది. విపత్తుల వేళ ముందస్తు చర్యలపై ప్రత్యేక దృష్టి 75,855 మందికి సురక్షిత ప్రాంతాల్లో ఆశ్రయం 396 సహాయక శిబిరాలు ఏర్పాటు: ఎస్‌ఆర్‌సీ

రాయగడ: గ్రానైట్‌ ఖనిజ అన్వేషణ పేరుతో కొండను తవ్వుతూ వందలాది విలువైన వృక్షాలను నరికి వేస్తున్న ప్రైవేట్‌ సంస్థ కార్యకలాపాలపై స్థానిక గ్రామస్తులు తీవ్ర ఆగ్రహం వ్యక్తం చేశారు. ప్రభుత్వ నిబంధనలను పక్కన పెట్టి, అధికారుల అనుమతులు లేకుండానే పనులు కొనసాగిస్తున్నారనే ఆరోపణలు కలకలం రేపుతున్నాయి. జిల్లాలోని బిసంకటక్‌ సమితి పరిధి సహాడ పంచాయతీ కేంద్రానికి సమీపంలోని కొండపై ఈ వ్యవహారం చోటు చేసుకుంది. వివరాల్లోకి వెళ్తే.. సహాడ గ్రామ సమీపంలోని కొండపై ఎంఎన్‌ ఎంఎంపీఎల్‌ పేరు కలిగిన ప్రైవేట్‌ లిమిటెడ్‌ సంస్థ గ్రానైట్‌ ఖనిజ నిక్షేపాలు అన్వేషణ చేపట్టింది. దీనిలో భాగంగా భారీ యంత్రాలతో కొండపైకి రహదారులు నిర్మించిడంతో పాటు, పెద్దపెద్ద బోర్లు వేసి భూగర్భం నుంచి గ్రానైట్‌ రాతి నమూనాలను సేకరిస్తోంది. అయితే ఈ పనుల కోసం జేసీబీలతో కొండను తవ్వడంతో పాటు అక్కడ ఉన్న విలువైన చెట్లను సైతం కూల్చివేస్తూ పర్యావరణానికి తీవ్రనష్టం కలిగిస్తోందని గ్రామస్తులు ఆరోపించారు. సంస్థ చేపడుతున్న పనులను గ్రామస్తులు పలుసార్లు వ్యతిరేకించినప్పటికీ , నిర్వాహకులు వారి అభ్యంతరాలను పట్టించుకోలేదు. పనులకు సంబంధించిన అనుమతి పత్రాలను సైతం చూపించలేదని స్థానికులు పేర్కొంటున్నారు. దీంతో ఆగ్రహించిన గ్రామస్తులు బిసంకటక్‌ తహసీల్దార్‌ కె.వెంకటేశ్వర్‌ రెడ్డికి ఫిర్యాదు చేశారు. అధికారుల పరిశీలన ఈ నేపధ్యంలో తహసీల్దార్‌ శనివారం మధ్యాహ్నం క్షేత్రస్థాయికి చేరుకొని పరిస్థితిని పరిశీలించారు. సంస్థ ప్రతినిధులను విచారించడంతో పాటు గ్రానైట్‌ నమూనాల సేకరణకు కేంద్ర ప్రభుత్వం నుంచి పొందినట్లు చెబుతున్న అనుమతి పత్రాలను పరిశీలించారు. నిబంధనల ప్రకారం ఖనిజ అన్వేషణ చేపట్టే ప్రాంతానికి సంబంధించి స్థానిక ప్రజా ప్రతినిధులు, తహసీల్దార్‌, కలెక్టర్‌, గనుల శాఖ అధికారులకు ముందస్తు సమాచారం అందించాల్సిన అవసరం ఉంటుంది. అయితే ఈ నిబంధనలను సంస్థ పాటించలేదని గ్రామస్తులు ఆరోపించారు. అంతేకాకుండా సంబంధిత అధికారులకు సమాచారం ఇచ్చామని సంస్థ సైట్‌ ఇన్‌చార్జి చెబుతున్నప్పటికీ , తమకు ఈ అన్వేషణ గురించి ఎలాంటి సమాచారం లేదని తహసీల్దార్‌ స్పష్టం చేశారు. దీంతో అసలు ఏ శాఖ అనుమతితో కొండపై తవ్వకాలు చేపట్టారు.. అధికారులకు సమాచారం ఇవ్వకుండా నే ఇంతకాలం పనులు ఎలా కొనసాగించారు అనే ప్రశ్నలు తలెత్తుతున్నాయి. మరోవైపు సామాన్య గిరిజనులు వంట చెరుకు కోసం అడవిలో చెట్టు నరికినా అటవీ శాఖ అధికారులు కేసులు నమోదు చేసి జరిమానాలు విధిస్తుంటారని, అలాంటిది ఒక ప్రైవేట్‌ సంస్థ వందలాది విలువైన చెట్లను ధ్వంసం చేస్తున్నా ఆ శాఖ ఎందుకు పట్టించుకోలేదని గ్రామస్తులు ఆరోపిస్తున్నారు. ఎంఎన్‌ ఎంఎంపీఎల్‌ కంపెనీ పేరుతో తవ్వకాలు తహసీల్దార్‌కు ఫిర్యాదు చేసిన సహాడ గ్రామస్తులు అనుమతులు లేవని తహసీల్దార్‌ స్పష్టీకరణ

జయపురం: సమాజంలో కార్మికులు, శ్రామికుల ప్రయోజనాల కోసం ఆల్‌ ఇండియా ట్రేడ్‌ యూనియన్‌ కాంగ్రెస్‌(ఏఐటీయూసీ) నిరంతర పోరాటాలు సాగిస్తోందని ఏఐటీయూసీ కొరాపుట్‌ జిల్లా కార్యదర్శి జుధిష్టర్‌ రౌళో అన్నారు. ఏఐటీయూసీ 107 వార్షికోత్సవాల సందర్భంగా జయపురం కార్మిక భవనంలో కార్మిక జెండాను ఆదివారం ఎగురవేశారు. ఈ సందర్భంగా ఆయన మాట్లాడుతూ.. కార్మికులకు కనీస అవసరాలు కల్పించేందుకు ఏఐటీయూసీ విరామం లేని ెపోరాటం సాగిస్తోందని వెల్లడించారు. కొరాపుట్‌ జిల్లాలో గనులు, అడవులు, భూమి, నీరు పెట్టుబడులుగా పెట్టి ప్రాజెక్టులు, విద్యుత్‌ సంస్థలు స్థాపించినా వాటి ప్రయోజనాలు కార్పొరేట్‌ సంస్థలే పొందుతున్నాయని ఆరోపించారు. స్థానిక ప్రజలకు కనీస ఉపాధి లేక ప్రతిరోజూ వందలాది మంది కార్మికులు ఇతర రాష్ట్రాలకు వలస కార్మికులుగా వెల్లాల్సి వస్తోందని ఆవేదన వ్యక్తం చేశారు. జయపురంలో పది వేల కుటుంబాలకు ఉపాధి కల్పించే సేవా పేపరు మిల్లు వెంటనే పునరుద్ధరించాలని కోరారు. దేశంలో నిత్యావసర ధరలు చుక్కలనంటుతున్నా పాలకులు మొద్దునిద్ర వీడడం లేదని దుయ్యబట్టారు. సమావేశంలో ప్రమోద్‌ కుమార్‌ మహంతి, గుప్త సాగరియ, నంద హరిజన్‌, భువన కుమార్‌ తదితరులు పాల్గొన్నారు.

రాయగడ: ఎస్‌ఐఆర్‌పై దుష్ప్రచారం తగదని బీజేపీ జాతీయ ఉపాధ్యాక్షురాలు, ఎంపీ దగ్గుబాటి పురంధరేశ్వరి విపక్ష పార్టీల తీరుపై మండిపడ్డారు. ఆదివారం ఆమె రాయగడలో పర్యటించి బిజూ పట్నాయక్‌ ఆడిటోరియంలో ప్రత్యేకంగా నిర్వహించిన మేధావుల చర్చాగోష్టిలో పాల్గొని మాట్లాడారు. సర్‌ విషయంలో ఉద్దేశపూర్వకంగా తప్పుడు ప్రచారం చేస్తున్నారని ఆవేదన వ్యక్తం చేశారు. సర్‌పై వాస్తవాలను ప్రజలకు వివరించాల్సిన బాధ్యత బీజేపీ కార్యకర్తలపై ఉందిన పేర్కొన్నారు. దేశంలో ఇప్పటివరకు 12సార్లు సర్‌ ప్రక్రియ జరిగిందని వివరించారు. అందులో 10 సార్లు కాంగ్రెస్‌ పాలనలోనే జరిగిందని వెల్లడించారు. గతంలో కూడా సర్‌ జరిగినప్పటికీ.. అప్పుడు బీజేడీ ఎన్నికల్లో గెలిచి ఓట్లను దొంగిలించిందా అని ప్రశ్నించారు. ప్రధాన ఎన్నికల కమిషన్‌ (సీఈసీ) పదవి నుంచి తొలగించాలంటూ రాహుల్‌ గాంధీ చేసిన డిమాండ్లపై కూడా పురంధరేశ్వరి ఘాటుగా స్పందించారు. ప్రధాన ఎన్నికల కమిషనర్‌ నియమాక ప్రక్రియలో ప్రధానమంత్రి, కేంద్ర హోం మంత్రి, ప్రతిపక్ష నాయకుడు భాగస్వాములుగా ఉంటారని వివరించారు. సర్‌ అంశానికి బీజేపీ రాజకీయ రంగు పులమడం లేదని, ప్రతిపక్ష పార్టీలే ఈ అంశాన్ని రాజకీయ ప్రయోజనాల కోసం వివాదాస్పదం చేస్తున్నాయని ఆరోపించారు. ప్రతిపక్షాలు చేస్తున్న తప్పుడు ప్రచారాన్ని బీజేపీ కార్యకర్తలు తిప్పికొట్టాలని పిలుపునిచ్చారు. సమావేశంలో బీజేపీ జిల్లా అధ్యక్షుడు గోపి ఆనంద్‌, బీజేపీ మహిళా మోర్చ అధ్యక్షురాలు రజిత కొరాడ, పెంట కల్యాణి తదితరులు పాల్గొన్నారు.

రాయగడ: జిల్లాలో విద్యా వ్యవస్థను మరింత బలోపేతం చేయడంతో పాటు గిరిజన, వెనుబడిన వర్గాల విద్యార్థులకు నాణ్యమైన విద్య అందించడమే లక్ష్యంగా రాష్ట్ర ప్రభుత్వం కీలక నిర్ణయం తీసుకుంది. దీనిలో భాగంగా ఎస్సీ, ఎస్టీ, ఓబీసీ, మైనారిటీ సంక్షేమ శాఖ పరిధిలో జిల్లాకు మొత్తం 173 మందిని కొత్తగా నియమించింది. వీరిలో 147 మంది సేవకులు, సేవికలు కాగా.. మరో 26 మంది భాషా ఉపాధ్యాయులు ఉన్నారు. భువనేశ్వర్‌లో నిర్వహించిన రాష్ట్రస్థాయి నియామక పత్రాల పంపిణీ కార్యక్రమంలో ముఖ్యమంత్రి మోహన్‌ చరణ్‌ మాఝి, రాయగడ జిల్లాకు చెందిన 70 మందికి నియామకపత్రాలు అందజేశారు. మిగిలిన 103 మందికి రాయగడ కలెక్టర్‌ అశుతోష్‌ కులకర్ణి జిల్లా యంత్రాంగం తరుపున నియామక పత్రాలను అందజేశారు. నూతనంగా నియమితులైన అభ్యర్థులు వీడియో కాన్ఫరెన్స్‌ ద్వారా రాష్ట్రస్థాయి కార్యక్రమంలో పాల్గొని ముఖ్యమంత్రి ప్రసంగాన్ని వీక్షించారు. జిల్లా సంక్షేమ శాఖ అధికారి అసీమా రావ్‌ కార్యక్రమాన్ని నిర్వహించారు. ఈ సందర్భంగా కలెక్టర్‌ మాట్లాడుతూ ఉపాధ్యాయ వృత్తి కేవలం ఉద్యోగం మాత్రమే కాదని, అది గొప్ప సామాజిక సేవా కార్యక్రమమని పేర్కొన్నారు. ముఖ్యంగా గిరిజన, మారుమూల ప్రాంతాల్లోని తొలితరం విద్యార్థుల జీవితాలను తీర్చిదిద్దడంలో ఉపాధ్యాయుల పాత్ర ఎంతో కీలకమన్నారు.

ఎల్‌.ఎన్‌.పేట: అనంతపురం జిల్లా రాప్తాడు ప్రభుత్వ పాఠశాలలో విద్యార్థినిపై జరిగిన దాడిని ఖండిస్తున్నట్లు రాష్ట్ర దివ్యాంగ ఉద్యోగుల సంఘం ఆర్గనైజింగ్‌ సెక్రటరీ ఎంకే మిశ్రో ఆదివారం ఒక ప్రకటనలో పేర్కొన్నారు. కిరాతకుడిని కఠినంగా శిక్షించాలని, మరొకరు ఇలాంటి పనులు చేయాలంటే భయపడే విధంగా శిక్ష ఉండాలని ప్రభుత్వానికి విజ్ఞప్తి చేశారు. ప్రభుత్వ పాఠశాలల్లో విద్యార్థులతో పాటు ఉపాధ్యాయులకు రక్షణ కల్పించాల్సిన బాధ్యత ప్రభుత్వంపై ఉందన్నారు. అనధికార మద్యం నిల్వలు ఉంటే చర్యలు సోంపేట: స్థానిక సంస్థల ఎన్నికల నేపథ్యంలో అనధికార మద్యం నిల్వలు కలిగి ఉంటే చర్యలు తప్పవని ఎకై ్సజ్‌ సీఐ జి.వి.రమణ హెచ్చరించారు. సోంపేట మండలంలో ఆదివారం దాడులు నిర్వహించి 8.3 లీటర్ల మద్యం సీసాలు స్వాధీనం చేసుకుని ముగ్గురిపై కేసులు నమోదు చేశామన్నారు. గతంలో వివిధ ఎకై ్సజ్‌ కేసుల్లో ఉన్న 25 మంది నిందితులను తహసీల్దార్‌ ఎదుట బైండోవర్‌ చేశామని పేర్కొన్నారు. బైండోవర్‌ నిబంధనలు ఉల్లంఘిస్తే లక్ష రూపాయల జరిమానా, లేదా సంవత్సరం జైలు శిక్ష పడుతుందన్నారు. దాడుల్లో ఎస్‌ఐ అప్పన్న, సిబ్బంది భానుప్రసాద్‌, అరుణ్‌, ఉమాపతి తదితరులు పాల్గొన్నారు. అంత్యక్రియలకూ అవస్థలే.. టెక్కలి: తొలుసూరుపల్లి పంచాయతీ ధర్మనీలాపురంలో శ్మశాన వాటికకు వెళ్లేందుకు సరైన రహదారి లేక స్థానికులు అవస్థలు పడుతున్నారు. ఆదివారం గ్రామానికి చెందిన సత్తారు శ్రీరాములు అనే వృద్ధుడు మృతి చెందడంతో, మృతదేహాన్ని శ్మశానవాటికకు తరలించేందుకు కుటుంబ సభ్యులు, గ్రామస్తులు ఇబ్బందులు ఎదుర్కొన్నారు. పంట పొలాల మీదుగా మృతదేహాన్ని శ్మశాన వాటికకు తరలించారు. గ్రామంలో ఎవరు మృతి చెందినా ఇబ్బందులు తప్పడం లేదంటూ గ్రామస్తులు ఆవేదన చెందుతున్నారు. పుస్తెలతాడు చోరీ నందిగాం: రాంపురం పంచాయతీ చిన్న లక్ష్మీపురం గ్రామానికి చెందిన కంచరాన రాధ పుస్తెలతాడు చోరీకి గురయ్యింది. నందిగాం ఎస్సై షేక్‌ మహమ్మద్‌ ఆలీ తెలిపిన వివరాల ప్రకారం.. ఆదివారం సాయంత్రం గ్రామ సీసీ రోడ్డుపై ఇద్దరు అపరిచిత వ్యక్తులు ద్విచక్రవాహనంపై వచ్చి అనుమానాస్పదంగా తిరుగుతుండటంతో గమనించిన రాధ తన ఇంటి తలుపులు వేసేసింది. కొంతసేపటి తర్వాత బయటకు వచ్చి ఆరబెట్టిన బట్టలు తీస్తుండగా బైక్‌పై వచ్చిన ఇద్దరిలో ఒకరు రాధను నెట్టేయగా, మరొకరు వచ్చి రెండున్నర తులాల పుస్తెల తాడు తెంచి టెక్కలి మండలం నర్సింగపల్లి వైపు పరారయ్యారు. బాధితురాలు ఇచ్చిన ఫిర్యాదు మేరకు ఎస్సై కేసు నమోదు చేసి దర్యాప్తు చేస్తున్నారు. సరిహద్దులో విస్తృత తనిఖీలు పాతపట్నం: ఎన్నికల కోడ్‌ నేపథ్యంలో మోడల్‌ కోడ్‌ ఆఫ్‌ కండక్ట్‌ అమల్లో ఉన్నందున అక్రమ మద్యం, నగదు రవాణాను అరికట్టేందుకు ఆంధ్ర, ఒడిశా సరిహద్దు ప్రాంతాల్లో విస్తృత తనిఖీలు చేపడుతున్నామని పాతపట్నం సీఐ కిల్లి వెంకటరావు తెలిపారు. ఆదివారం పాతపట్నం సరిహద్దు చెక్‌పోస్టు వద్ద వాహన తనిఖీలు చేపట్టారు. ఈ సందర్భంగా సీఐ మాట్లాడుతూ ఎన్నికల సమయంలో వాహనాల ద్వారా అక్రమంగా మద్యం, నగదు తరలించే అవకాశం ఉన్నందున్న చెక్‌పోస్ట్‌ వద్ద 24 గంటల పాటు నిరంతర వాహన తనిఖీలు చేపడుతున్నట్లు తెలిపారు. తనిఖీల్లో ఎస్‌ఐ కె.మధుసూదనరావు, పోలీసులు, రెవెన్యూ సిబ్బంది, ఎకై ్సజ్‌ సిబ్బంది పాల్గొన్నారు.

శ్రీకాకుళం న్యూకాలనీ: జిల్లాస్థాయి స్కూల్‌గేమ్స్‌ కరాటే ఎంపిక పోటీలు ముగిశాయి. జిల్లా స్కూల్‌గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో ఆదివారం శ్రీకాకుళంలోని ఇంటర్నేషనల్‌ ఢిల్లీ పబ్లిక్‌ స్కూల్‌ వేదికగా జరిగిన ఈ ఎంపికలు ఆద్యంతం హోరాహోరిగా సాగాయి. జిల్లా నలుమూలల నుంచి క్రీడాకారులు/బాలబాలికలు హాజరై ప్రతిభ నిరూపించుకున్నారు. అండర్‌–14, 17, 19 విభాగాల్లో బాలబాలికలకు వేరువేరుగా ఎంపికలు నిర్వహించారు. ప్రతిభ కనబరిచన క్రీడాకారులను రాష్ట్రపోటీలకు ఎంపికచేశారు. డీఈఓ ఎ.రవిబాబు ఆదేశాల మేరకు ఎస్‌జీఎఫ్‌ జిల్లా సెక్రటరీ చల్లా జగదీష్‌ పోటీలను పర్యవేక్షించారు. ఎంపికై న బాలబాలికలను త్వరలో జరిగే రాష్ట్రపోటీలకు పంపిస్తామని జగదీష్‌ పేర్కొన్నారు. కార్యక్రమంలో పీడీ మాధవరావు, కరాటే కోచ్‌ ఢిల్లేశ్వరరావు, పాఠశాల ప్రతినిధులు, ప్రిన్సిపాల్‌ సిబ్బంది పాల్గొన్నారు.

శ్రీకాకుళం న్యూకాలనీ: నగరానికి చెందిన యువ బాక్సింగ్‌ క్రీడాకారిణి టీవీ నైషా జాతీయస్థాయిలో మరోసారి తన పంచ్‌ చూపించింది. హర్యానా వేదికగా జరిగిన సీబీఎస్సీ నేషనల్‌ బాక్సింగ్‌ చాంపియన్‌షిప్‌–2026 పోటీల్లో అండర్‌–14 విభాగంలో అద్భుత ప్రతిభ కనబరిచి బంగారు పతకం సాధించింది. దేశంలోని అన్ని జోన్ల నుంచి వచ్చిన 16 మంది అత్యుత్తమ బాక్సర్లు పోటీపడగా, ఫైనల్లో ప్రత్యర్థిని చిత్తుచేసి విజేతగా నిలిచి బంగారు పతకాన్ని అందుకుంది. తండ్రి టీవీ కార్తీక్‌, తల్లి స్వాతి. శ్రీకాకుళంలోని కేంద్రీయ విద్యాలయంలో పూర్తిచేసి ప్రస్తుతం 8వ తరగతి చదువుతున్న నైషాను గజపతి మాస్టార్‌, రాజేష్‌, భాషా, జయమూర్తి తదితరులు ఉన్నతంగా తీర్చిదిద్దుతున్నారు.

అరసవల్లి: ప్రసిద్ధ పుణ్యక్షేత్రం అరసవల్లి సూర్యనారాయణ స్వామి ఆలయాన్ని తిరుమల తిరుపతి క్షేత్ర గోవింద రామానుజ జీయర్‌ స్వామీజీ ఆదివారం దర్శించుకున్నారు. ఆదిత్య క్షేత్రంలో స్వామి మూలవిరాట్టుకు నేరుగా పూజలు చేశారు. ఆలయ ప్రధానార్చకులు ఇప్పిలి శంకరశర్మతో పాటు సూపరింటెండెంట్‌ వెంకటరమణ గౌరవ సాంప్రదాయ స్వాగతం పలికారు. అనంతరం వేదాశీర్వచనాన్ని, తీర్థప్రసాదాలను అందజేశారు. కార్యక్రమంలో స్వామీజీ శిష్యబృందం పాల్గొన్నారు. ఇంకా ముంపులోనే పంటపొలాలు ఆమదాలవలస రూరల్‌: అన్నదాతను అర్నబ్‌ తుఫాన్‌ ప్రభావం ఇంకా వెంటాడుతునే ఉంది. ఎడతెరిపి లేని వర్షాల కారణంగా పలు సాగునీటి కాలువలు పొంగి ప్రవహించటమే కాకుండా పంట పొలాలు నీటిలోనే మునిగి ఉన్నాయి. నాగావళి నది నీటి తీవ్రత పెరగటంతో నారాయణపురం ఆయకట్టు ఎడమ కాలువ పరిధిలో పలు కాలువలు పొంగి ప్రవహించటంతో పంటపొలాలు జలమయమయ్యాయి. ప్రత్యామ్నాయ చర్యలకు అవకాశం లేకపోవడంతో పంట చేజారినట్టేనని అన్నదాతలు గగ్గోలు పెడుతున్నారు. ప్రభుత్వం స్పందించి పరిహారం చెల్లించాలని కోరుతున్నారు. చీడివలసలో ఇరువర్గాల ఘర్షణ బూర్జ: చీడివలసలో వైఎస్సార్‌ సీపీ, టీడీపీ వర్గాలు ఆదివారం ఘర్షణకు దిగాయి. ఎంపీటీసీ ఎన్నికల ప్రచారానికి వెళ్తున్న సందర్భంగా రెండు పార్టీల ఆటోలు పరస్పరం తగలడంతో ఈ ఘటన చోటుచేసుకుందని వైఎస్సార్‌ సీపీ మాజీ సర్పంచ్‌ బూరి శ్రీరామమూర్తి, గ్రామస్తులు తెలిపారు. టీడీపీ శ్రేణులు విసిరిన రాయి వైఎస్సార్‌ సీపీకి చెందిన బోనెల రాజశేఖర్‌ (రాజు)కు తగలడంతో గాయమైనట్లు చెప్పారు. బాధితుడిని వెంటనే పాలకొండ ఏరియా ఆస్పత్రికి తరలించామన్నారు. ఎటువంటి తగాదాలు జరగకుండా ముందస్తు చర్యల్లో భాగంగా గ్రామంలో పోలీసు బందోబస్తు ఏర్పాటు చేశారు. గీతా సప్తాహం ప్రారంభం శ్రీకాకుళం కల్చరల్‌ : నగరంలోని ఫాజుల్‌బాగ్‌పేటలో ఉన్న సద్గురు సాయి గీతా మందిరం ఆధ్వర్యంలో గీతాసప్తాహం ఆదివారం ప్రారంభమైంది. నెమలికొండ శాంతి ఆశ్రమం సదానంద స్వామీజీ, నిర్విషానంద స్వామి, చిన్మయానంద స్వామీజీ, శుభలక్ష్మీలు జ్యోతి ప్రజ్వలన చేశారు. ఫాజుల్‌బాగ్‌పేట, గుజరాతిపేట, బలగ, రాగోలు, చిలకపాలెం, పాతపట్నం, చెన్నాపురం, పెద్దబజారు, ఇప్పిలి వీధి నుంచి భక్తబృందాలు గీతాపారాయణ చేశారు. కార్యక్రమంలో శిమ్మన్న, గురపు కై లాసరావు, వెంకటరమణ, మధు, వైకుంఠరావు, వేణు, లక్ష్మీ, కమలకుమారి, పన్నాల నర్సింహమూర్తి, పార్నంది ప్రసాదు తదితరులు పాల్గొన్నారు.