జులై 2వ తేదీ నుంచి బర్మింగ్హమ్‌ వేదికగా టీమిండియాతో జరుగబోయే రెండో టెస్ట్‌ కోసం ఇంగ్లండ్‌ తుది జట్టును ఇవాళ (జూన్‌ 30) ప్రకటించారు. ఈ మ్యాచ్‌లో ఇంగ్లండ్‌ తొలి టెస్ట్‌లో ఆడిన జట్టునే యథాతథంగా కొనసాగించింది. రెండో టెస్ట్‌ కోసం ప్రత్యేకంగా ఎంపిక చేసిన స్టార్‌ పేసర్‌ జోఫ్రా ఆర్చర్‌కు తుది జట్టులో చోటు దక్కలేదు. తొలి టెస్ట్‌లో రాణించిక పోయినా ఇంగ్లండ్‌ మేనేజ్‌మెంట్‌ క్రిస్‌ వోక్స్‌పై నమ్మకం ఉంచింది. అతనితో పాటు జోష్‌ టంగ్‌, బ్రైడన్‌ కార్స్‌ను కొనసాగించింది. నాలుగో పేసర్‌గా కెప్టెన్‌ బెన్‌ స్టోక్స్‌ వ్యవహరించనున్నాడు. స్పెషలిస్ట్‌ స్పిన్నర్‌గా షోయబ్‌ బషీర్‌ కొనసాగనున్నాడు. బ్యాటింగ్‌ విభాగంలో జాక్‌ క్రాలే, బెన్‌ డకెట్‌, ఓలీ పోప్‌,జో రూట్‌, హ్యారీ బ్రూక్‌ తమ యధా స్థానాల్లో బరిలోకి దిగనున్నారు. వికెట్‌కీపర్‌గా జేమీ స్మిత్‌ వ్యవహరించనున్నాడు.రెండో టెస్ట్‌ జులై 2న భారతకాలమానం ప్రకారం మధ్యాహ్నం 3:30 గంటలకు ప్రారంభం కానుంది. ఐదు మ్యాచ్‌ల ఈ టెస్ట్‌ సిరీస్‌లో ఇంగ్లండ్‌ 1-0 ఆధిక్యంలో కొనసాగుతుంది. లీడ్స్‌ వేదికగా జరిగిన తొలి టెస్ట్‌లో ఇంగ్లండ్‌ 5 వికెట్ల తేడాతో విజయం సాధించింది. చివరి రోజు వరకు ఉత్కంఠగా సాగిన ఈ మ్యాచ్‌లో భారత్‌ 371 పరుగుల భారీ లక్ష్యాన్ని కూడా కాపాడుకోలేక పరాజయంపాలైంది.ఛేదనలో బెన్‌ డకెట్‌ (149) సూపర్‌ సెంచరీ చేసి ఇంగ్లండ్‌ను గెలిపించాడు. జాక్‌ క్రాలే (65), జో రూట్‌ (53 నాటౌట్‌), బెన్‌ స్టోక్స్‌ (33), జేమీ స్మిత్‌ (44 నాటౌట్‌) తలో చేయి వేశారు. భారత బౌలర్లు సెకెండ్‌ ఇన్నింగ్స్‌లో ఇంగ్లండ్‌ బ్యాటర్లను ఏమాత్రం కట్టడి చేయలేకపోయారు. ఇంగ్లండ్‌ బ్యాటర్లు భారత బౌలర్లను సునాయాసంగా ఎదుర్కొని పరుగులు చేశారు. ప్రసిద్ద్‌ కృష్ణ, శార్దూల్‌ ఠాకూర్‌ తలో 2 వికెట్లు తీసినా ధారాళంగా పరుగులు సమర్పించుకున్నారు. అనుభవజ్ఞుడైన స్పిన్నర్‌ రవీంద్ర జడేజాది కూడా అదే పరిస్థితి.ఈ మ్యాచ్‌లో భారత బ్యాటర్లు రెండు ఇన్నింగ్స్‌ల్లో అద్బుతంగా ఆడారు. అయినా సెకెండ్‌ ఇన్నింగ్స్‌లో బౌలర్లు ప్రభావం చూపలేకపోవడంతో టీమిండియాకు ఓటమి తప్పలేదు. ఈ మ్యాచ్‌లో భారత్‌ తరఫున ఐదు శతకాలు నమోదైన ప్రయోజనం లేకుండా పోయింది. తొలి ఇన్నింగ్స్‌లో జైస్వాల్‌ (101), గిల్‌ (147), పంత్‌ (134) సెంచరీలు చేశారు. రెండో ఇన్నింగ్స్‌లో కేఎల్‌ రాహుల్‌ (137), పంత్‌ (118) శతకాలు చేశారు. ఇంగ్లండ్‌ తరఫున తొలి ఇన్నింగ్స్‌లో ఓలీ పోప్‌ (106) సెంచరీ చేయగా.. హ్యారీ బ్రూక్‌ (99) తృటిలో ఆ అవకాశాన్ని చేజార్చుకున్నాడు. తొలి ఇన్నింగ్స్‌లో బుమ్రా 5 వికెట్ల ప్రదర్శన చేసినప్పటికీ ఇంగ్లండ్‌ భారీ స్కోర్ చేసింది.టీమిండియాతో రెండో టెస్ట్‌ కోసం ఇంగ్లండ్‌ తుది జట్టు..జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్స్, జోష్ టంగ్, షోయబ్ బషీర్

నాటింగ్హమ్‌ వేదికగా నిన్న (జూన్‌ 28) జరిగిన తొలి టీ20లో ఇంగ్లండ్‌పై భారత మహిళల క్రికెట్‌ జట్టు 97 పరుగుల తేడాతో ఘన విజయం సాధించింది. ఈ గెలుపుతో భారత్‌ ఐదు మ్యాచ్‌ల సిరీస్‌లో 1-0 ఆధిక్యంలోకి వెళ్లింది. ఈ మ్యాచ్‌లో స్మృతి మంధన విధ్వంసకర శతకం (62 బంతుల్లో 15 ఫోర్లు, 3 సిక్సర్ల సాయంతో 112 పరుగులు) సాధించి టీమిండియాను గెలిపించింది. ఈ సెంచరీతో మంధన మూడు ఫార్మాట్లలో శతకాలు చేసిన తొలి భారత మహిళా ప్లేయర్‌గా చరిత్ర సృష్టించింది. మంధన కేవ‌లం 51 బంతుల్లోనే సెంచ‌రీ మార్క్‌ను అందుకుంది. తద్వారా మహిళల టీ20ల్లో ఐదో ఫాస్టెస్ట్‌ సెంచరీని, భారత్‌ తరఫున రెండో ఫాస్టెస్ట్‌ సెంచరీని (హర్మన్‌-49 బంతుల్లో) నమోదు చేసింది.ఈ మ్యాచ్‌లో తొలుత బ్యాటింగ్‌ చేసిన భారత్‌.. మంధన శతక్కొట్టడంతో నిర్ణీత 20 ఓవర్లలో 5 వికెట్ల నష్టానికి 210 పరుగులు చేసింది. అనంతరం 211 పరుగుల భారీ లక్ష్యాన్ని ఛేదించేందుకు బరిలోకి దిగిన ఇంగ్లండ్‌.. భార‌త బౌల‌ర్ల ధాటికి కేవ‌లం 113 ప‌రుగులకే ఆలౌటైంది. భార‌త బౌల‌ర్ల‌లో క‌డ‌ప‌ అమ్మాయి శ్రీచ‌ర‌ణీ నాలుగు వికెట్లతో స‌త్తాచాటింది. ఆమెతో పాటు దీప్తీ శర్మ, రాధా యాదవ్ తలో రెం‍డు వికెట్లు సాధించారు. ఇంగ్లండ్ బ్యాటర్లలో కెప్టెన్ సీవర్ బ్రంట్‌(66) టాప్ స్కోరర్‌గా నిలిచింది.ఓటమి బాధలో ఉన్న ఇంగ్లండ్‌కు మరో షాక్‌ఓటమి బాధలో ఉన్న ఇంగ్లండ్‌కు మరో షాక్‌ తగిలింది. స్లో ఓవర్‌ రేట్‌ కారణంగా ఆ జట్టు మ్యాచ్‌ ఫీజ్‌లో 10 శాతం జరిమానాగా విధించబడింది. నిర్ణీత సమయంలోగా ఇంగ్లండ్‌ రెండు ఓవర్లు వెనుకపడింది. ఓవర్‌కు 5 శాతం చొప్పున ఐసీసీ 10 శాతం మ్యాచ్‌ ఫీజ్‌ను జరిమానాగా విధించింది. ఐసీసీ కోడ్‌ ఆఫ్‌ కాండక్ట్‌లో ఇది ఆర్టికల్‌ 2.22 నిబంధన ఉల్లంఘన కిందికి వస్తుంది. ఐసీసీ జరిమానాను ఇంగ్లండ్‌ కెప్టెన్‌ నాట్‌ సీవర్‌ బ్రంట్‌ స్వీకరించింది. ఇంగ్లండ్‌ జట్టులోకి సభ్యులందరికీ ఈ జరిమానా వర్తిస్తుంది.కాగా, ఇంగ్లండ్‌ మహిళల టీ20 క్రికెట్‌ చరిత్రలో ఇదే అతి పెద్ద ఓటమి. టీ20ల్లో ఇంగ్లండ్‌పై 200 ప్లస్‌ స్కోర్‌ చేసిన రెండో జట్టుగా భారత్‌ రికార్డుల్లోకెక్కింది. రెండో టీ20 బ్రిస్టల్‌ వేదికగా జులై 1న జరుగనుంది.

ఇంగ్లండ్ క్రికెట్‌లో విషాదం చోటు చేసుకుంది. ఆ జ‌ట్టు మాజీ ప్లేయ‌ర్‌, నార్తాంప్టన్‌షైర్ లెజెండ్ వేన్ లార్కిన్స్(71) క‌న్నుమూశారు. గ‌త కొంత‌కాలంగా అనారోగ్యంతో బాధ‌ప‌డ‌తున్న ఆయ‌న‌.. శ‌నివారం రాత్రి తుది శ్వాస విడిచారు. యూకేలోని బెడ్‌ఫోర్డ్‌షైర్‌కు చెందిన లార్కిన్స్‌.. 1979 మరియు 1991 మధ్య 13 టెస్టులు, 25 వ‌న్డేలు ఇంగ్లండ్ త‌ర‌పున ఆడాడు.1979 ప్రపంచ కప్ ర‌న్న‌ర‌ప్‌గా నిలిచిన ఇంగ్లండ్ జ‌ట్టులో లార్కిన్స్ భాగంగా ఉన్నారు. అదేవిధంగా 1989-90 వెస్టిండీస్ పర్యటనలో ఇంగ్లండ్‌కు అద్బుత‌మైన విజ‌యాల‌ను అందించాడు. 1989లో హైదరాబాద్‌లో ఆస్ట్రేలియాపై లార్కిన్స్‌(124) సంచ‌ల‌న సెంచ‌రీతో మెరిశాడు.ఓవ‌రాల్‌గా ఇంగ్లండ్ త‌ర‌పున ఆయ‌న 1084 ప‌రుగులు చేశాడు. అయితే 1982లో ఇంగ్లండ్ క్రికెట్ బోర్డు ఆదేశాల‌ను ఉల్లంఘించి ద‌క్షిణాఫ్రికా ప‌ర్య‌ట‌న‌కు వెళ్లిన జ‌ట్టులో లార్కిన్స్ స‌భ్యునిగా ఉన్నాడు. దీంతో ఆయ‌న‌పై మూడు సంవ‌త్స‌రాలు నిషేధం విధించారు. లేదంటే లార్కిన్స్ మ‌రిన్ని మ్యాచ్‌ల‌లో ఇంగ్లండ్‌కు ప్రాతినిథ్యం వ‌హించేవాడు.కానీ ఫ‌స్ట్ క్లాస్ క్రికెట్‌, లిస్ట్‌-ఎ క్రికెట్‌లో మాత్రం ఆయ‌న‌కు అద్బుత‌మైన ట్రాక్ రికార్డు ఉంది. డిమాస్టిక్ క్రికెట్‌లో లార్కిన్స్ పేరిట 85 సెంచ‌రీలు, 182 హాఫ్ సెంచ‌రీలు ఉన్నాయి. రెండు ఫార్మాట్లు క‌లిపి 40,736 ప‌రుగులు సాధించారు. అటు బౌలింగ్‌లోనూ 119 ప‌డ‌గొట్టారు. ఆయ‌న మృతి పట్ల ఇంగ్లండ్ క్రికెట్ బోర్డు సంతాపం వ్యక్తం చేసింది.చదవండి: SA vs ZIM: చరిత్ర సృష్టించిన బేబీ ఏబీడీ.. అరంగేట్రంలోనే వరల్డ్ రికార్డు

నెమళ్లు చూడముచ్చటైన పక్షులు. ఆకాశంలో మబ్బులు ముసురుకున్నప్పుడు నెమళ్లు పురివిప్పి చేసే నాట్యం కనువిందైన దృశ్యం. సాధారణంగా పెద్దపెద్ద ఉద్యాన వనాలలోను, అడవుల్లోను కనిపించే నెమళ్లు ఊళ్లలోకి వచ్చేస్తేనో! ఆ బెడద మామూలుగా ఉండదంటున్నారు ఇంగ్లండ్‌లోని గల్వాల్‌ గ్రామస్థులు. ఇంగ్లండ్‌ నైరుతి ప్రాంతంలోని కార్న్‌వాల్‌ కౌంటీలో ఉన్న గల్వాల్‌ గ్రామానికి ఇటీవల కొంతకాలంగా నెమళ్లు పెద్ద బెడదగానే మారాయి. ‘ఎక్కడి నుంచి వచ్చిపడ్డాయో ఈ నెమళ్లు– పెద్దసంఖ్యలో ఊళ్లోకి చేరుకున్నాయి. ఇవి యథేచ్ఛగా ఇళ్లలోకి చేరి, ఎక్కడ పడితే అక్కడ రెట్టలు వేసేస్తూ ఇళ్లన్నీ కంపు చేసేస్తున్నాయి. రోడ్ల మీద తాపీగా నడకలు సాగిస్తూ ట్రాఫిక్‌కు అంతరాయం కలిగిస్తున్నాయి’ అని గల్వాల్‌ గ్రామస్థులు గగ్గోలు పెడుతున్నారు. ‘నెమళ్లు చూడటానికి అందంగానే ఉంటాయి గాని, అవి ఎక్కడ పడితే అక్కడ వేసే రెట్టలను భరించడం మాత్రం చాలా కష్టం’ అని గల్వాల్‌ గ్రామస్థుడు డిలాన్‌ జాస్పర్‌ వాపోయారు. (చదవండి: హార్ట్‌ ఫెయిల్యూర్‌ అంటే..? ఈ పరిస్థితి ఎందువల్ల వస్తుంది..)

బర్మింగ్‌హామ్‌: ఇంగ్లండ్‌తో జరిగిన తొలి టెస్టులో భారత్‌ పరాజయానికి ప్రధాన కారణాల్లో బుమ్రా మినహా ఇతర బౌలర్ల పేలవ ప్రదర్శన. ముఖ్యంగా పేసర్‌ ప్రసిధ్‌ కృష్ణ అయితే ఏకంగా ఓవర్‌కు ఆరుకు పైగా రన్‌రేట్‌తో పరుగులిచ్చాడు. రెండు ఇన్నింగ్స్‌లలోనూ కనీసం 15 ఓవర్లకు పైగా వేసిన సందర్భాల్లో చూస్తే టెస్టు క్రికెట్‌ చరిత్రలోనే ఏ ఒక్క బౌలర్‌ కూడా బంతులకు మించి పరుగులివ్వలేదు. ఇలాంటి చెత్త రికార్డును సొంతం చేసుకున్న ప్రసిధ్‌ తన తప్పుల నుంచి నేర్చుకుంటానని, తర్వాతి టెస్టుల్లో మెరుగైన బౌలింగ్‌ ప్రదర్శన కనబరుస్తానని అతను అన్నాడు. రెండో టెస్టు సన్నాహకాల్లో భాగంగా ప్రాక్టీస్‌లో పాల్గొన్న అనంతరం శనివారం ప్రసిధ్‌ మీడియాతో మాట్లాడాడు. ‘నా ఓటమికి పూర్తి బాధ్యత వహిస్తున్నా. నేను అనుకున్న లెంగ్త్‌ల ప్రకారం బౌలింగ్‌ చేయలేకపోయాను. పరిస్థితులకు తగినట్లుగా అర్థం చేసుకుంటూ నా బౌలింగ్‌ను మార్చుకోలేకపోయా. అక్కడే తప్పు జరిగింది. వాటిని సరిదిద్దుకొని వచ్చే సారి మంచి ఫలితాలు రాబడతా’ అని ప్రసిధ్‌ చెప్పాడు. తాను వేసిన కొన్ని మంచి బంతులు బ్యాటర్‌ ఎడ్జ్‌ తీసుకొని దూసుకుపోయాయని, ఆ విషయంలో అదృష్టం కలిసి రాలేదన్న భారత పేసర్‌...బౌన్సర్లు ప్రయత్నించినప్పుడు కూడా చాలా పరుగులు రావడం నిరాశకు గురి చేసిందని వ్యాఖ్యానించాడు. తొలి టెస్టులో ఓటమినుంచి జట్టు కోలుకుందని, డ్రెస్సింగ్‌ రూమ్‌లో ప్రస్తుతం సానుకూల వాతావరణం ఉందని ప్రసిధ్‌ పేర్కొన్నాడు. రాబోయే మ్యాచ్‌లో వ్యూహాలపై తన సహచర బౌలర్లతో చర్చిస్తున్నట్లు అతను వెల్లడించాడు. తొలి టెస్టులో మన లోయర్‌ ఆర్డర్‌ బ్యాటింగ్‌ ఘోరంగా విఫలమైంది. దీనిని కూడా తాము మెరుగుపర్చుకునే పనిలో ఉన్నామని భారత పేసర్‌ వివరించాడు. ‘నెట్‌ సెషన్‌లో మా లోయర్‌ ఆర్డర్‌ బ్యాటర్లంతా చాలా కష్టపడ్డాం. క్రీజ్‌లో ఎక్కువ సేపు నిలిచి పరుగులు జోడించే ప్రయత్నంలో తీవ్రంగా శ్రమిస్తున్నాం. వాటి విలువ గత మ్యాచ్‌లో తెలిసింది. అందుకే బ్యాటింగ్‌పై మరింత దృష్టి పెట్టాం’ అని ఈ కర్నాటక పేస్‌ బౌలర్‌ స్పష్టం చేశాడు.

నాటింగ్‌హామ్‌: భారత పురుషుల క్రికెట్‌ జట్టు ఇంగ్లండ్‌ పర్యటనలో టెస్టు సిరీస్‌ ఆడుతుండగా... మహిళల క్రికెట్‌ జట్టు పరిమిత ఓవర్ల సిరీస్‌కు సిద్ధమవుతోంది. 5 టి20 మ్యాచ్‌ల సిరీస్‌లో భాగంగా భారత్, ఇంగ్లండ్‌ మహిళల జట్ల మధ్య ఈరోజు తొలి మ్యాచ్‌ జరగనుంది. వచ్చే ఏడాది ఇంగ్లండ్‌ వేదికగా టి20 వరల్డ్‌ కప్‌ జరగనుండగా... దానికి ఈ సిరీస్‌ సన్నాహకంగా ఉపయోగపడనుంది. గతేడాది జరిగిన టి20 ప్రపంచకప్‌లో లీగ్‌ దశలోనే వెనుదిరిగిన టీమిండియా... లోపాలను సవరించుకొని మెరుగైన ప్రదర్శన చేసేందుకు ఈ పర్యటన దోహద పడనుంది. ఫామ్‌ కోల్పోయి జాతీయ జట్టుకు దూరమైన యువ ఓపెనర్‌ షఫాలీ వర్మ జట్టులోకి పునరాగమనం చేయడంతో భారత బలం పెరిగింది. ఈ సిరీస్‌లో రాణించడం ద్వారా... ఈ ఏడాది భారత్‌లోనే జరగనున్న వన్డే వరల్డ్‌కప్‌లో పాల్గొనే టీమిండియాలోనూ చోటు దక్కించుకోవాలని షఫాలీ భావిస్తోంది. ఈ పర్యటనలో ఆంధ్రప్రదేశ్‌ బౌలర్‌ శ్రీచరణి, క్రాంతి గౌడ్, సయాలీ వంటి పలువురు యువ ప్లేయర్లను పరీక్షించనున్నారు. ఇంగ్లండ్‌ పిచ్‌లపై కొత్త ఆటగాళ్లకు అవకాశాలిచ్చి... వారిని వచ్చే ఏడాది మెగా టోర్నీ కోసం సంసిద్ధం చేయాలని టీమ్‌ మేనేజ్‌మెంట్‌ భావిస్తోంది. ఈ ఏడాది భారత మహిళల జట్టుకు ఇదే తొలి టి20 సిరీస్‌ కాగా... హర్మన్‌ప్రీత్‌ కౌర్‌ సారథ్యంలో టీమిండియా బరిలోకి దిగుతోంది. ఈ పర్యటనలో భాగంగా ప్రధాన సిరీస్‌లకు ముందు ఇంగ్లండ్‌ క్రికెట్‌ బోర్డు (ఈసీబీ) జట్టుతో జరిగిన రెండు టూర్‌ మ్యాచ్‌ల్లోనూ టీమిండియా పరాజయం పాలైంది. వన్డే, టి20 ఫార్మాట్‌లలో జరిగిన ఈ మ్యాచ్‌ల్లో భారత జట్టు మెరుగైన ప్రదర్శన చేసినా... గెలుపుగీత దాటలేకపోయింది. సీనియర్లపైనే భారం సుదీర్ఘ పర్యాటనలో టీమిండియా శుభారంభం చేయాలంటే... సీనియర్‌ ప్లేయర్లు రాణించాల్సిన అవసరముంది. కెపె్టన్‌ హర్మన్‌ప్రీత్‌కౌర్, వైస్‌ కెప్టెన్‌ స్మృతి మంధానతో పాటు షఫాలీ వర్మ, జెమీమా రోడ్రిగ్స్, రిచా ఘోష్‌ సత్తా చాటితేనే టీమిండియా ఆశించిన ఫలితాలు సాధించవచ్చు. డబ్ల్యూపీఎల్‌లో ముంబై ఇండియన్స్‌ జట్టుకు రెండోసారి టైటిల్‌ అందించిన హర్మన్‌ప్రీత్‌పై భారీ అంచనాలు ఉన్నాయి. అటు బ్యాటర్‌గా ఇటు సారథిగా ఆమె వాటిని అందుకుంటుందా చూడాలి.ఇక ఈ ఏడాది స్వదేశంలో వన్డే ప్రపంచకప్, వచ్చే ఏడాది టి20 వరల్డ్‌కప్‌ నేపథ్యంలో షఫాలీ వర్మ మునుపటి మెరుపులు మెరిపించాల్సిన అవసరముంది. ఓపెనర్‌గా వచ్చిన అవకాశాలను సద్వినియోగ పర్చుకోలేకపోయిన ఉమా ఛెత్రి స్థానంలో షఫాలీ తుది జట్టులోకి రావడం ఖాయమే. పేస్‌ ఆల్‌రౌండర్‌ అమన్‌జ్యోత్‌ కౌర్, స్పిన్‌ ఆల్‌రౌండర్‌ స్నేహ్‌ రాణా ఎలాంటి ప్రదర్శన చేస్తారో చూడాలి. 2023 ఫిబ్రవరి తర్వాత తొలిసారి జాతీయ టి20 జట్టులో చోటు దక్కించుకున్న స్నేహ్‌ రాణా... ఇటీవల డబ్ల్యూపీఎల్‌లో మెరుగైన ఆటతీరు కనబర్చింది. అటు బౌలింగ్, ఇటు బ్యాటింగ్‌తో పాటు ఫీల్డింగ్‌లోనూ స్నేహ్‌ ఆకట్టుకుంది. సీనియర్‌ పేస్‌ బౌలర్లు రేణుక సింగ్, పూజ గాయాల కారణంగా ఈ పర్యటనకు అందుబాటులో లేకుండా పోవడంతో... ఇలాంటి సమయంలో యువ క్రీడాకారిణులు జట్టును గెలిపించాలని టీమ్‌ ఆశిస్తోంది. సొంతగడ్డపై బలంగా ఇంగ్లండ్‌.. మరోవైపు సీవర్‌ బ్రంట్‌ సారథ్యంలో బరిలోకి దిగుతున్న ఇంగ్లండ్‌ జట్టు అన్ని రంగాల్లో పటిష్టంగా ఉంది. సొంతగడ్డపై సిరీస్‌ ఆడనుండటం ఆ జట్టుకు అదనపు ప్రయోజనం. అమీ జోన్స్, టామీ బ్యూమౌంట్, డానీ వ్యాట్, సోఫీ వంటి అనుభవం గల ప్లేయర్లు ఆ జట్టుకు ప్రధాన బలం కానున్నారు. మరోవైపు ఇస్సీ వాంగ్, అలీస్‌ కాప్సీ, సోఫియా డాంక్లీ వంటి యువ క్రీడాకారిణిలు కూడా తమదైన ముద్ర వేసేందుకు సిద్ధంగా ఉన్నారు. మరి సుదీర్ఘ పర్యటనలో ఎవరు బోణీ కొడతారో చూడాలి!200ఈరోజు ఇంగ్లండ్‌తో జరిగే మ్యాచ్‌ అంతర్జాతీయ టి20ల్లో భారత్‌కు 200వ మ్యాచ్‌ కానుంది. ఇంగ్లండ్‌ (215), ఆస్ట్రేలియా (200) జట్ల తర్వాత 200 మ్యాచ్‌లు పూర్తి చేసుకోనున్న మూడో జట్టుగా భారత్‌ నిలువనుంది. ఇప్పటి వరకు 199 టి20లు ఆడిన భారత్‌ 108 మ్యాచ్‌ల్లో నెగ్గి, 84 మ్యాచ్‌ల్లో ఓడిపోయింది. ఆరు మ్యాచ్‌లు రద్దు కాగా, ఒక మ్యాచ్‌ ‘టై’గా ముగిసింది. 30 భారత్, ఇంగ్లండ్‌ జట్ల మధ్య జరిగిన టి20 మ్యాచ్‌లు. 8 మ్యాచ్‌ల్లో భారత్, 22 మ్యాచ్‌ల్లో ఇంగ్లండ్‌ గెలుపొందాయి.12 ఇంగ్లండ్‌ గడ్డపై ఇంగ్లండ్‌తో భారత్‌ ఆడిన టి20 మ్యాచ్‌లు. 4 మ్యాచ్‌ల్లో భారత్, 8 మ్యాచ్‌ల్లో ఇంగ్లండ్‌ విజయం సాధించాయి.

జులై 2 నుంచి బర్మింగ్హమ్‌ వేదికగా టీమిండియాతో జరుగబోయే రెండో టెస్ట్‌ కోసం ఇంగ్లండ్‌ జట్టును ఇవాళ (జూన్‌ 26) ప్రకటించారు. ఈ జట్టులో ప్రమాదకర ఫాస్ట్‌ బౌలర్‌ జోఫ్రా ఆర్చర్‌ చోటు దక్కించుకున్నాడు. 30 ఏళ్ల ఆర్చర్‌ నాలుగేళ్ల తర్వాత ఇంగ్లండ్‌ టెస్ట్‌ జట్టులోకి రీ ఎంట్రీ ఇచ్చాడు. Jofra Archer is back in Test cricket.#ENGvINDpic.twitter.com/vd4VVRQmM8— CricTracker (@Cricketracker) June 26, 2025ఆర్చర్‌ 2021 ఫిబ్రవరిలో చివరిసారి టెస్ట్‌ల్లో ఇంగ్లండ్‌కు ప్రాతినిథ్యం వహించాడు. ఆర్చర్‌ తన చివరి టెస్ట్‌ మ్యాచ్‌ను టీమిండియాతోనే ఆడాడు. ఆతర్వాత అతను వరుస గాయాల కారణంగా క్రికెట్‌కు దూరమయ్యాడు. ఆర్చర్‌ గతేడాది మేలో పరిమిత ఓవర్ల ఫార్మాట్లలోకి తిరిగి వచ్చాడు. తాజాగా అతను టెస్ట్‌ జట్టులో కూడా చోటు దక్కించుకున్నాడు. ఆర్చర్‌ ఇటీవల కౌంటీ ఛాంపియన్‌షిప్‌ చివరి రౌండ్‌ మ్యాచ్‌లో ససెక్స్‌కు ఆడుతూ డర్హమ్‌ను ఎదుర్కొన్నాడు. తాజాగా ప్రకటించిన ఇంగ్లండ్‌ జట్టులో ఆర్చర్‌ అదనంగా జోడించబడ్డాడు. తొలి టెస్ట్‌ కోసం ప్రకటించిన జట్టు యధాతథంగా కొనసాగింది. ఆర్చర్‌ తాజాగా ఆడిన కౌంటీ మ్యాచ్‌లో 18 ఓవర్లు బౌలింగ్‌ చేసి ఓ వికెట్‌ తీశాడు. బ్యాటింగ్‌లో 34 బంతులు ఎదుర్కొని 3 ఫోర్లు, సిక్సర్‌ సాయంతో 31 పరుగులు చేశాడు. రెండో ఇన్నింగ్స్‌లో ఆర్చర్‌కు బ్యాటింగ్‌, బౌలింగ్‌ అవకాశం దక్కలేదు. రెండో టెస్ట్‌లో ఆర్చర్‌కు తుది జట్టులో కూడా చోటు దక్కే అవకాశం ఉంది. ఆర్చర్‌ చేరిక ఇంగ్లండ్‌ పేస్‌ బౌలింగ్‌ విభాగానికి అదనపు బలం చేకూరుస్తుంది. ఇప్పటికే ఇంగ్లండ్‌ తొలి టెస్ట్‌లో గెలిచి భారత్‌పై ఆధిక్యంలో కొనసాగుతుంది. రెండో టెస్ట్‌లో ఆర్చర్‌ తుది జట్టులో చేరితే టీమిండియాకు కష్టాలు తప్పవు. ఆర్చర్‌ తుది జట్టులో చేరితే ఏ పేసర్‌పై వేటు వేస్తారో చూడాలి. తొలి టెస్ట్‌లో పేసర్లు బ్రైడన్‌ కార్స్‌ (4 వికెట్లు), జోష్‌ టంగ్‌ (7), స్టోక్స్‌ (5)అద్బుతంగా రాణించారు. వీరు ముగ్గురే 16 వికెట్లు పడగొట్టారు. ఈ మ్యాచ్‌లో సీనియర్‌ పేసర్‌ క్రిస్‌ వోక్స్‌ నిరాశపరిచాడు. అతను రెండు ఇన్నింగ్స్‌ల్లో కలిపి ఒక్క వికెట్‌ మాత్రమే తీశాడు. దీంతో రెండో టెస్ట్‌లో వోక్స్‌ను పక్కన పెట్టి ఆర్చర్‌కు అవకాశం ఇవ్వొచ్చు. ఆర్చర్‌ తాజాగా ముగిసిన ఐపీఎల్‌లో, అంతకుముందు జరిగిన ఛాంపియన్స్‌ ట్రోఫీలో పర్వాలేదనిపించాడు. ఈ అర్హతలతో అతను రెండో టెస్ట్‌ తుది జట్టులో చోటు దక్కించుకునే అవకాశం ఉంది. ఆర్చర్‌ ఇంగ్లండ్‌ తరఫున 13 టెస్ట్‌ల్లో 3 ఐదు వికెట్ల ప్రదర్శనల సాయంతో 42 వికెట్లు తీశాడు. కాగా, టీమిండియా ఐదు మ్యాచ్‌ల టెస్ట్‌ సిరీస్‌ కోసం ఇంగ్లండ్‌లో పర్యటిస్తున్న విషయం తెలిసిందే. తొలి టెస్ట్‌లో భారత్‌ 5 వికెట్ల తేడాతో పరాజయంపాలైంది. ఆ మ్యాచ్‌లో భారత్‌ తరఫున ఐదు సెంచరీలు నమోదైన ఓటమి తప్పలేదు. తొలి ఇన్నింగ్స్‌లో 471, రెండో ఇన్నింగ్స్‌లో 364 పరుగులు చేసినా.. భారత​ బౌలర్లు 371 పరుగుల భారీ లక్ష్యాన్ని కాపాడుకోలేకపోయారు.ఛేదనలో బుమ్రా సహా భారత బౌలర్లంతా తేలిపోయారు. మ్యాచ్‌ మొత్తంలో భారత ఫీల్డర్లు ఏకంగా ఏడు క్యాచ్‌లు నేలపాలు చేసింది. జైస్వాల్‌ ఒక్కడే నాలుగు క్యాచ్‌లు జారవిడిచాడు. భారీ లక్ష్య ఛేదనలో బెన్‌ డకెట్‌ అద్భుతమైన సెంచరీ చేసి ఇంగ్లండ్‌ను గెలిపించాడు. రెండో టెస్టుకు ఇంగ్లండ్ జట్టు: బెన్ స్టోక్స్ (కెప్టెన్‌), జోఫ్రా ఆర్చర్, షోయబ్ బషీర్, జాకబ్ బెథెల్, హ్యారీ బ్రూక్, బ్రైడాన్ కార్స్, సామ్ కుక్, జాక్ క్రాలే, బెన్ డకెట్, జామీ ఓవర్టన్, ఓల్లీ పోప్, జో రూట్, జామీ స్మిత్, జోష్ టంగ్, క్రిస్ వోక్స్

బాకెన్‌హామ్‌: భారత పురుషుల క్రికెట్‌ జట్టు ఇంగ్లండ్‌ పర్యటనలో భాగంగా లీడ్స్‌ వేదికగా జరిగిన తొలి టెస్టులో పరాజయం పాలవగా... మరోవైపు మహిళల జట్టు ప్రధాన సిరీస్‌ల ప్రారంభానికి ముందు జరిగిన రెండు ప్రాక్టీస్‌ మ్యాచ్‌ల్లోనూ ఓడింది. 5 టి20లు, 3 వన్డేల సిరీస్‌లు ఆడేందుకు భారత జట్టు ఇంగ్లండ్‌లో పర్యటిస్తోంది. శనివారం భారత్, ఇంగ్లండ్‌ మధ్య తొలి టి20 జరగనుంది. దీనికి ముందు ఇంగ్లండ్‌ క్రికెట్‌ బోర్డు (ఈసీబీ) డెవలప్‌మెంట్‌ ఎలెవన్‌తో జరిగిన వన్డే, టి20 టూర్‌ మ్యాచ్‌ల్లో భారత్‌ పరాజయం పాలైంది. మంగళవారం జరిగిన ప్రాక్టీస్‌ వన్డే పోరులో హర్మన్‌ప్రీత్‌ కౌర్‌ సారథ్యంలోని భారత్‌ 18 పరుగుల తేడాతో ఓడింది. మొదట బ్యాటింగ్‌ చేసిన ఈసీబీ ఎలెవన్‌ జట్టు నిర్ణీత 50 ఓవర్లలో 5 వికెట్ల నష్టానికి 353 పరుగులు చేసింది. మైయా బౌచర్‌ (84 బంతుల్లో 104; 16 ఫోర్లు) సెంచరీతో కదంతొక్కగా... ఎమ్మా లాంబ్‌ (92 బంతుల్లో 94; 15 ఫోర్లు) దంచికొట్టింది. వీరిద్దరూ తొలి వికెట్‌కు 196 పరుగులు జోడించడంతో ఈసీబీ జట్టు భారీ స్కోరు చేయగలిగింది. భారత బౌలర్లలో తెలుగమ్మాయి శ్రీచరణి 3 వికెట్లు పడగొట్టగా... స్నేహ్‌ రాణా, రాధా యాదవ్‌ చెరో వికెట్‌ పడగొట్టారు. అనంతరం లక్ష్యఛేదనలో భారత మహిళల జట్టు 50 ఓవర్లలో 9 వికెట్లు కోల్పోయి 335 పరుగులకు పరిమితమైంది. హర్లీన్‌ డియోల్‌ (91 బంతుల్లో 100; 14 ఫోర్లు, 1 సిక్స్‌) ‘శత’క్కొట్టగా... కెప్టెన్‌ హర్మన్‌ప్రీత్‌ కౌర్‌ (47 బంతుల్లో 54; 5 ఫోర్లు, 1 సిక్స్‌) హాఫ్‌సెంచరీ సాధించింది. స్టార్‌ ఓపెనర్‌ స్మృతి మంధాన (1), జెమీమా రోడ్రిగ్స్‌ (5), రిచా ఘోష్‌ (5), షఫాలీ వర్మ (16) విఫలమయ్యారు. అమన్‌జ్యోత్‌ కౌర్‌ (32 బంతుల్లో 43; 6 ఫోర్లు), యస్తిక భాటియా (45 బంతుల్లో 32; 3 ఫోర్లు), హైదరాబాద్‌ ప్లేయర్‌ అరుంధతి రెడ్డి (21 బంతుల్లో 30 నాటౌట్‌; 2 ఫోర్లు, 1 సిక్స్‌) పోరాడారు. ఈసీబీ బౌలర్లలో ర్యానా మెక్‌డొనాల్డ్, మహికా గౌర్, సారా గ్లెన్‌ తలా రెండు వికెట్లు పడగొట్టారు. అందరికీ ప్రాక్టీస్‌ దక్కాలనే ఉద్దేశంతో హర్లీన్‌ డియోల్‌ శతకం అనంతరం రిటైర్డ్‌ నాటౌట్‌గా పెవిలియన్‌ చేరింది. టి20లోనూ తప్పని ఓటమి...ప్రాక్టీస్‌ వన్డేలో పరాజయం పాలైన టీమిండియాకు... టి20లోనూ ఓటమే ఎదురైంది. బుధవారం జరిగిన ఈ మ్యాచ్‌లో హర్మన్‌ బృందం 6 పరుగుల తేడాతో ఈసీబీ ఎలెవన్‌ చేతిలో ఓడింది. మొదట బ్యాటింగ్‌ చేసిన ఈసీబీ ఎలెవన్‌ జట్టు నిర్ణీత 20 ఓవర్లలో 8 వికెట్లు కోల్పోయి 194 పరుగులు చేసింది. బ్రియోనీ స్మిత్‌ (33 బంతుల్లో 62; 8 ఫోర్లు, 3 సిక్స్‌లు) మెరుపు అర్ధశతకం బాదగా... కెప్టెన్‌ హోలీ ఆర్మిటేజ్‌ (32 బంతుల్లో 48; 7 ఫోర్లు), మైయా బౌచర్‌ (25 బంతుల్లో 35; 2 ఫోర్లు, 1 సిక్స్‌) రాణించారు. భారత బౌలర్లలో అమన్‌జ్యోత్‌ కౌర్, స్నేహ్‌ రాణా చెరో 2 వికెట్లు పడగొట్టగా... దీప్తి శర్మ, రాధ యాదవ్‌ చెరో వికెట్‌ తీశారు. అనంతరం లక్ష్యఛేదనలో టీమిండియా 20 ఓవర్లలో 8 వికెట్ల నష్టానికి 188 పరుగులకు పరిమితమైంది. స్మృతి మంధాన (28 బంతుల్లో 47; 10 ఫోర్లు) ధాటిగా ఆడగా... మిగిలినవాళ్లు పెద్దగా ఆకట్టుకోలేకపోయారు. షఫాలీ వర్మ (13), అమన్‌జ్యోత్‌ కౌర్‌ (15), హర్మన్‌ప్రీత్‌ కౌర్‌ (28), జెమీమా రోడ్రిగ్స్‌ (11), రాధా యాదవ్‌ (17) ఎక్కువసేపు నిలవలేకపోయారు. రిచా ఘోష్‌ (23 బంతుల్లో 37; 4 ఫోర్లు, 1 సిక్స్‌) వేగంగా ఆడింది. ఈసీబీ బౌలర్లలో సారా గ్లెన్‌ 3 వికెట్లు పడగొట్టింది.

లీడ్స్‌: ఇంగ్లండ్‌తో జరిగిన తొలి టెస్టులో భారత జట్టు పరాజయానికి పేలవమైన పేస్‌ బౌలింగ్‌ కూడా ఒక కారణం. తొలి ఇన్నింగ్స్‌లో బుమ్రా మినహా మిగితా వారంతా ఏమాత్రం ప్రభావం చూపలేకపోయారు. సిరాజ్, ప్రసిధ్‌ కృష్ణ, శార్దుల్‌ ఠాకూర్‌ సమష్టిగా విఫలమయ్యారు. ప్రసిధ్‌ అయితే ఏకంగా ఓవర్‌కు ఆరుకు పైగా పరుగులు ఇచ్చాడు. అయితే భారత హెడ్‌ కోచ్‌ గౌతమ్‌ గంభీర్‌ తమ పేసర్లకు అండగా నిలిచాడు. ఒక్క ఓటమికే వారిని నిందించడం భావ్యం కాదని అతను పేర్కొన్నాడు. ‘గతంలో భారత జట్టులో నలుగురు పేసర్లు ఉంటే వారంతా ఒక్కొక్కరు కనీసం 40 టెస్టుల అనుభవంతో ఉండేవారు. వన్డేలు, టి20ల్లో సమస్య లేకపోవచ్చు కానీ ఆ్రస్టేలియా, ఇంగ్లండ్, దక్షిణాఫ్రికాలాంటి చోట టెస్టులు ఆడేటప్పుడు అనుభవం ఎంతో కీలకం. బుమ్రా, సిరాజ్‌లకు కొంత అనుభవం ఉన్నా ప్రసిధ్‌ నాలుగు టెస్టులే ఆడాడు. తుది జట్టులో లేనివారిని చూసినా నితీశ్‌ రెడ్డికి ఐదు, హర్షిత్‌కు రెండు టెస్టుల అనుభవం మాత్రమే ఉండగా అర్‌‡్షదీప్‌ ఒక్క మ్యాచ్‌ కూడా ఆడలేదు. ఇది ఆరంభం మాత్రమే. వారు తమ ఆటను మెరుగు పర్చుకునేందుకు తగినంత సమయం ఇవ్వాలి. ప్రతీ టెస్టు తర్వాత లోపాలను వెతికితే బలమైన బౌలింగ్‌ బృందాన్ని ఎలా తయారు చేయగలం. వారిలో తగినంత ప్రతిభ ఉంది కాబట్టే జట్టులోకి ఎంపికై ఇక్కడ ఉన్నారు’ అని గంభీర్‌ సమర్థించాడు. తొలి నాలుగు రోజుల పాటు బౌలర్లు కూడా రాణించడం వల్లే భారత జట్టు ఆధిక్యం ప్రదర్శించగలిగిందని, వారిపై తనకు నమ్మకం ఉందని అతను అన్నాడు. ప్రసిధ్‌ కూడా బాగానే బౌలింగ్‌ చేశాడని... అతనితో పాటు శార్దుల్‌ కూడా కీలకదశలో రెండేసి వికెట్లు తీశారని గంభీర్‌ గుర్తు చేశాడు. ఫలానా ఆటగాళ్ల వల్లే తాము ఓడిపోయామంటూ ఎవరినీ బాధ్యులను చేయనన్న కోచ్‌... తాము గెలిచినా ఓడినా అందులో అందరి పాత్ర ఉంటుందని వెల్లడించాడు. కెప్టెన్‌గా తొలి టెస్టులో ఒత్తిడి సహజమన్న గంభీర్‌... మున్ముందు గిల్‌ చాలా నేర్చుకొని మంచి ఫలితాలు రాబడతాడని విశ్వాసం వ్యక్తం చేశాడు. ఈ పర్యటనలో తాము ముందుగా అనుకున్నట్లుగా బుమ్రా మూడు టెస్టులు మాత్రమే ఆడతాడని, మిగిలిన నాలుగు మ్యాచ్‌లలో ఏ రెండు ఆడించాలనే విషయంపై టీమ్‌ మేనేజ్‌మెంట్‌ ఇంకా నిర్ణయం తీసుకోలేదని కోచ్‌ వెల్లడించాడు. తొలి టెస్టులో పంత్‌ రెండు సెంచరీలు సాధించిన విషయంపై మాట్లాడుతూ... ‘పంత్‌ మాత్రమే కాదు. మరో ముగ్గురు కూడా సెంచరీలు సాధించారనే విషయం మరచిపోవద్దు. అయినా జట్టు గెలవనప్పుడు వ్యక్తిగత ప్రదర్శనలకు విలువ లేదు’ అని గంభీర్‌ కాస్త ఘాటుగా జవాబిచ్చాడు.

లీడ్స్‌: తొలి టెస్టులో భారత జట్టు లోయర్‌ ఆర్డర్‌ను కట్టడి చేయడం కూడా తమ విజయానికి ప్రధాన కారణమని ఇంగ్లండ్‌ కెప్టెన్‌ బెన్‌ స్టోక్స్‌ అభిప్రాయపడ్డాడు. బ్యాటింగ్‌కు అనుకూలంగా ఉన్న పిచ్‌పై కూడా తమ బౌలర్లు ప్రత్యర్థి చివరి వరుస బ్యాటర్లను తొందరగా అవుట్‌ చేయడంలో సఫలమయ్యారని అతను ప్రశంసించాడు. తొలి ఇన్నింగ్స్‌లో 41 పరుగుల వ్యవధిలో చివరి 7 వికెట్లు కోల్పోయిన భారత్‌... రెండో ఇన్నింగ్స్‌లో 31 పరుగుల వ్యవధిలో చివరి 6 వికెట్లు చేజార్చుకుంది. ‘ఇరు జట్లు నమోదు చేసిన స్కోర్లు చూస్తే మంచి బ్యాటింగ్‌ పిచ్‌ అని అర్థమవుతోంది. అయితే ఈ మ్యాచ్‌లో పలు మలుపులున్నా అన్నింటికంటే ప్రధానమైన కారణం రెండుసార్లూ భారత్‌ లోయర్‌ ఆర్డర్‌ను మేం కట్టడి చేయడమే అని నేను భావిస్తున్నా. రెండో ఇన్నింగ్స్‌లో అయితే భారత్‌ స్కోరు కనీసం 500 వరకు చేరే అవకాశం కనిపించింది. అలా జరిగితే మాకు ఛేదన కష్టమయ్యేది. కానీ మా బౌలర్లు వారికి ఆ అవకాశం ఇవ్వలేదు. చక్కటి ఆటతో పాటు ప్రతీ సెషన్‌లో మా ఆటగాళ్లు చూపిన పట్టుదల కూడా ప్రశంసనీయార్హం’ అని స్టోక్స్‌ అన్నాడు. 371 పరుగుల ఛేదనలో శుభారంభం అందించిన ఓపెనర్లు డకెట్, క్రాలీలను కెపె్టన్‌ ప్రత్యేకంగా అభినందించాడు. ముఖ్యంగా జడేజా బౌలింగ్‌లో డకెట్‌ రివర్స్‌ స్వీప్‌లతో భారీగా పరుగులు రాబట్టడం అద్భుతమని... అతని సలహాతోనే తాను కూడా స్పిన్‌ను ఎదుర్కొనేందుకు రివర్స్‌ స్వీప్‌ వైపే మొగ్గు చూపానని ఇంగ్లండ్‌ కెపె్టన్‌ చెప్పాడు. హెడింగ్లీ మైదానంలో సాధారణంగా అవుట్‌ఫీల్డ్‌ చాలా వేగంగా ఉంటుందని, అందుబాటులో ఉన్న ఓవర్లన్నీ ఆడగలిగితే తాము విజయం సాధిస్తామనే గట్టి నమ్మకంతో ఉన్నామన్న స్టోక్స్‌... టాస్‌ గెలిచి ఫీల్డింగ్‌ తీసుకున్న నిర్ణయం చివరకు తప్పు కాకపోవడం పట్ల సంతృప్తి వ్యక్తం చేశాడు.

తొలి రోజు నుంచే అసాధారణ బ్యాటింగ్‌ ప్రదర్శన... రెండు ఇన్నింగ్స్‌లలో కలిపి 835 పరుగులు... గతంలో ఎన్నడూ లేని విధంగా రికార్డు స్థాయిలో ఐదు సెంచరీలు... బుమ్రా అద్భుత బౌలింగ్‌ ప్రదర్శన... అన్నీ సానుకూలతలే కనిపించినా... చివరకు ఓటమి మాత్రం తప్పలేదు. తొలి టెస్టుల్లో పలు సందర్భాల్లో ఆధిపత్యం ప్రదర్శించిన భారత్‌ తుది దశకు వచ్చేసరికి చేతులెత్తేసింది. గెలుపు కోసం చివరి రోజు 350 పరుగుల భారీ స్కోరు చేయాల్సిన ఇంగ్లండ్‌ మొదటి ఓవర్‌ నుంచే పరుగుల వేటలో పడింది. వ్యూహాత్మకంగా బుమ్రా బౌలింగ్‌లో సాహసం చేయని బ్యాటర్లు ఇతర బౌలర్లపై చెలరేగి జోరుగా సాగిపోయారు. తాము ఆశించిన రీతిలో ‘బజ్‌బాల్‌’ శైలిలో ఎక్కడా తగ్గకుండా 4.54 రన్‌రేట్‌తో దూసుకుపోయిన ఇంగ్లండ్‌ ఘన విజయాన్ని అందుకుంది. డకెట్‌ మెరుపు సెంచరీకి క్రాలీ అండగా నిలవగా... చివర్లో రూట్‌ కీలక అర్ధ సెంచరీతో జట్టును నడిపించాడు. తొలి టెస్టులో ఓటమి పక్షాన నిలిచిన కొత్త కెపె్టన్‌ శుబ్‌మన్‌ గిల్‌ సిరీస్‌లో మున్ముందు ఎలాంటి ఫలితాలు రాబడతాడనేది చూడాలి. లీడ్స్‌: ఇంగ్లండ్‌తో ఐదు టెస్టుల సిరీస్‌ను భారత్‌ పరాజయంతో మొదలు పెట్టింది. హెడింగ్లీ మైదానంలో మంగళవారం ముగిసిన తొలి టెస్టులో ఇంగ్లండ్‌ 5 వికెట్ల తేడాతో ఘన విజయం సాధించింది. 371 పరుగుల లక్ష్యాన్ని ఛేదించే క్రమంలో చివరి రోజు 21/0తో ఆటను మొదలు పెట్టిన ఇంగ్లండ్‌ తమ రెండో ఇన్నింగ్స్‌లో 82 ఓవర్లలో 5 వికెట్లకు 373 పరుగులు చేసింది. బెన్‌ డకెట్‌ (170 బంతుల్లో 149; 21 ఫోర్లు, 1 సిక్స్‌), జాక్‌ క్రాలీ (126 బంతుల్లో 65; 7 ఫోర్లు) తొలి వికెట్‌కు 188 పరుగులు జోడించి బలమైన పునాది వేయగా... ఆఖర్లో జో రూట్‌ (84 బంతుల్లో 53 నాటౌట్‌; 6 ఫోర్లు), జేమీ స్మిత్‌ (55 బంతుల్లో 44 నాటౌట్‌; 4 ఫోర్లు, 2 సిక్స్‌లు) కీలక ఇన్నింగ్స్‌లు ఆడారు. రూట్, స్మిత్‌ ఆరో వికెట్‌కు అభేద్యంగా 71 పరుగులు జత చేశారు. తొలి ఇన్నింగ్స్‌లో ఇంగ్లండ్‌ పని పట్టిన స్టార్‌ పేసర్‌ బుమ్రా రెండో ఇన్నింగ్స్‌లో పరుగులు ఇవ్వకుండా కట్టడి చేయగలిగినా ఒక్క వికెట్‌ కూడా తీయలేకపోయాడు. ఇతర బౌలర్ల పేలవ ప్రదర్శన ఇంగ్లండ్‌కు గెలుపు అవకాశాలు సృష్టించింది. ఈ విజయంతో సిరీస్‌లో ఇంగ్లండ్‌ 1–0తో ముందంజ వేసింది. సిరీస్‌లో రెండో టెస్టు జూలై 2 నుంచి బర్మింగ్‌హామ్‌లో జరుగుతుంది. భారీ భాగస్వామ్యం... ఇంగ్లండ్‌ ఓపెనర్లు క్రాలీ, డకెట్‌ చివరి రోజు ఆటను జాగ్రత్తగా మొదలు పెట్టారు. అయితే నిలదొక్కుకున్న తర్వాత వీరిద్దరు చక్కటి షాట్లతో ధాటిని పెంచారు. ఈ క్రమంలో ముందుగా 66 బంతుల్లో డకెట్‌ హాఫ్‌ సెంచరీ పూర్తయింది. 42 పరుగుల వద్ద క్రాలీ ఇచ్చిన కఠినమైన రిటర్న్‌ క్యాచ్‌ను అందుకోవడంలో బుమ్రా విఫలమయ్యాడు. లంచ్‌ వరకు కూడా ఇంగ్లండ్‌ ఓపెనింగ్‌ జోడీని విడదీయడంలో భారత్‌ విఫలమైంది. తొలి సెషన్‌లో ఇంగ్లండ్‌ 24 ఓవర్లలో 96 పరుగులు సాధించింది. విరామం తర్వాత 111 బంతుల్లో క్రాలీ హాఫ్‌ సెంచరీని అందుకున్నాడు. ఆ తర్వాత వీరిద్దరు మరింత జోరుగా ఆడారు. 97 పరుగుల వద్ద డకెట్‌ ఇచి్చన క్యాచ్‌ జైస్వాల్‌ వదిలేయడం కూడా జట్టుకు కలిసొచ్చింది. తర్వాతి ఓవర్లోనే డకెట్‌ 121 బంతుల్లో కెరీర్‌లో ఆరో శతకాన్ని పూర్తి చేసుకున్నాడు. ఆ తర్వాత స్వల్ప వర్షం కారణంగా దాదాపు ఇరవై నిమిషాల పాటు ఆటకు అంతరాయం కలిగింది. గెలిపించిన రూట్, స్మిత్‌... వాన ఆగిన తర్వాత భారత్‌కు సానుకూల ఫలితం వచ్చింది. ఎట్టకేలకు క్రాలీని అవుట్‌ చేసి భారత్‌కు తొలి వికెట్‌ అందించిన ప్రసిద్‌... తన తర్వాతి ఓవర్లోనే ఒలీ పోప్‌ (8)ను కూడా పెవిలియన్‌ పంపించాడు. ఈ దశలో డకెట్, రూట్‌ మళ్లీ ఇన్నింగ్స్‌ను చక్కదిద్దే ప్రయత్నం చేస్తూ మూడో వికెట్‌కు 47 పరుగులు జోడించారు. ఇంగ్లండ్‌ వేగంగా దూసుకుపోతున్న తరుణంలో శార్దుల్‌కు బంతి అప్పగించడం భారత్‌కు మేలు చేసింది.దూకుడుగా ఆడుతున్న డకెట్‌తో పాటు హ్యారీ బ్రూక్‌ (0)ను వరుస బంతుల్లో అవుట్‌ చేసి శార్దుల్‌ ఒక్కసారిగాటీమిండియా శిబిరంలో ఉత్సాహం నింపాడు. అయితే రూట్, బెన్‌ స్టోక్స్‌ (51 బంతుల్లో 33; 4 ఫోర్లు) కలిసి జట్టును విజయం దిశగా నడిపించారు. వీరిద్దరు 77 బంతుల్లో 49 పరుగులు జత చేశారు. అయితే జడేజా బౌలింగ్‌ పదే పదే రివర్స్‌ స్వీప్‌కు ప్రయత్నించిన స్టోక్స్‌ అదే షాట్‌ ఆడి నిష్క్రమించాడు. ఈ దశలో ఇంగ్లండ్‌ మరో 69 పరుగులు చేయాల్సి ఉండటంతో భారత బృందంలో కాస్త ఆశలు రేగాయి. అయితే అనుభవజు్ఞడైన రూట్‌ అండగా యువ కీపర్‌ స్మిత్‌ ఒత్తిడిని అధిగమించి చక్కటి షాట్లు ఆడటంతో ఇంగ్లండ్‌ గెలుపునకు చేరువైంది. భారత్‌ కొత్త బంతిని తీసుకున్నా అప్పటికే ఆలస్యమైపోయింది. జడేజా ఓవర్లో వరుసగా 4, 6 కొట్టిన స్మిత్‌...అదే ఓవర్‌ చివరి బంతికి మరో సిక్స్‌ బాది మ్యాచ్‌ను ముగించాడు. స్కోరు వివరాలు భారత్‌ తొలి ఇన్నింగ్స్‌: 471; ఇంగ్లండ్‌ తొలి ఇన్నింగ్స్‌: 465; భారత్‌ రెండో ఇన్నింగ్స్‌: 364; ఇంగ్లండ్‌ రెండో ఇన్నింగ్స్‌: క్రాలీ (సి) రాహుల్‌ (బి) ప్రసిధ్‌ 65; డకెట్‌ (సి) (సబ్‌) నితీశ్‌ రెడ్డి (బి) శార్దుల్‌ 149; పోప్‌ (బి) ప్రసిధ్‌ 8; రూట్‌ (నాటౌట్‌) 53; బ్రూక్‌ (సి) పంత్‌ (బి) శార్దుల్‌ 0; స్టోక్స్‌ (సి) గిల్‌ (బి) జడేజా 33; స్మిత్‌ (నాటౌట్‌) 44; ఎక్స్‌ట్రాలు 21; మొత్తం (82 ఓవర్లలో 5 వికెట్లకు) 373. వికెట్ల పతనం: 1–188, 2–206, 3–253, 4–253, 5–302. బౌలింగ్‌: బుమ్రా 19–3–57–0, సిరాజ్‌ 14–1–51–0, జడేజా 24–1–104–1, ప్రసిధ్‌ 15–0–92–2, శార్దుల్‌ 10–0–51–2. 5 ఒక టెస్టులో ఐదు సెంచరీలు నమోదు చేసిన తర్వాత కూడా ఓటమి పాలైన తొలి జట్టుగా భారత్‌ నిలిచింది.2 టెస్టుల్లో ఇంగ్లండ్‌కు ఇది రెండో అతి పెద్ద ఛేదన. 2022లో భారత్‌పైనే బర్మింగ్‌హామ్‌లో 378 పరుగుల లక్ష్యాన్ని అందుకుంది.6 హెడింగ్లీ మైదానంలో ఇంగ్లండ్‌ వరుసగా ఆరో టెస్టు గెలిచింది. ఈ ఆరు సార్లు జట్టు లక్ష్యాలను ఛేదించడం విశేషం.3 టెస్టు మ్యాచ్‌ నాలుగు ఇన్నింగ్స్‌లలోనూ 350కు పైగా స్కోర్లు నమోదు కావడం ఇది మూడోసారి మాత్రమే.1673 భారత్, ఇంగ్లండ్‌ జట్ల మధ్య ఒకే టెస్టులో నమోదైన మొత్తం పరుగులు. ఈ రెండు జట్ల మధ్య ఇదే అత్యధికం.

లీడ్స్‌ వేదికగా భారత్‌, ఇంగ్లండ్‌ మధ్య జరుగుతున్న తొలి టెస్ట్‌ రసవత్తరంగా సాగుతోంది. చివరి రోజు ఆటలో (371 పరుగుల లక్ష్య ఛేదనలో) తొలి రెండు సెషన్లలో (253/2) ఆధిపత్యం చలాయించిన ఇంగ్లండ్‌.. రెండో సెషన్‌ చివరి దశలో అనూహ్యంగా రెండు వికెట్లు కోల్పోయి డిఫెన్స్‌లో పడింది. లక్ష్యానికి 118 పరుగుల దూరంలో ఉన్న సమయంలో శార్దూల్‌ వరుస బంతుల్లో సెట్‌ బ్యాటర్‌ బెన్‌ డకెట్‌ (149), ఇన్‌ ఫామ్‌ బ్యాటర్‌ హ్యారీ బ్రూక్‌ను (0) ఔట్‌ చేసి ఇంగ్లండ్‌ను దెబ్బ కొట్టాడు.భారతకాలమానం ప్రకారం రాత్రి 8 గంటల 52 నిమిషాల సమయంలో వర్షం మరోసారి మొదలుకావడంతో టీ బ్రేక్‌ను ముందుగానే ప్రకటించారు. టీ విరామం సమయానికి ఇంగ్లండ్‌ లక్ష్యానికి 102 పరుగుల దూరంలో ఉంది. రెండో ఇన్నింగ్స్‌లో ఆ జట్టు 4 వికెట్ల నష్టానికి 269 పరుగులు చేసింది. క్రీజ్‌లో జో రూట్‌ (14), బెన్‌ స్టోక్స్‌ (13) ఉన్నారు. ఒకవేళ టీ విరామం తర్వాత వర్షం తగ్గి మ్యాచ్‌ యధావిధిగా సాగితే ఇరు జట్లకు సమానమైన విజయావకాశాలు ఉన్నాయి. భారత్‌ గెలవాలంటే మరో 6 వికెట్లు తీయాలి.ఓవర్‌నైట్‌ స్కోర్‌ 21/0 వద్ద చివరి రోజు ఆటను ప్రారంభించిన ఇంగ్లండ్‌.. డకెట్‌, జాక్‌ క్రాలే (65) మొండి పట్టుదలతో ఆడటంతో సునాయాసంగా విజయం సాధించేలా కనిపించింది. డకెట్‌, క్రాలే తొలి వికెట్‌కు 188 పరుగులు రికార్డు భాగస్వామ్యం నెలకొల్పి ఇంగ్లండ్‌ గెలుపుకు బలమైన పునాది వేశారు. ఈ దశలో ప్రసిద్ద్‌ కృష్ణ క్రాలే, పోప్‌ను (8) స్వల్ప వ్యవధిలో ఔట్‌ చేసి భారత్‌ను తిరిగి మ్యాచ్‌లోకి తెచ్చాడు. అయితే సెంచరీ పూర్తి చేసిన తర్వాత మరింత రెచ్చిపోయిన డకెట్‌ వేగంగా పరుగులు సాధిస్తూ లక్ష్యాన్ని చిన్నదిగా చేశాడు. ఈ దశలో శార్దూల్‌ వరుస బంతుల్లో డకెట్‌, బ్రూక్‌ను ఔట్‌ చేసి భారత శిబిరంలో ఆశలు రేకెత్తించాడు.ఇవాల్టి ఆటలో తొలి సెషన్‌ వరకు ఎలాంటి ఆటంకం కలిగించని వర్షం​.. రెండో సెషన్‌లో ఓ సారి, టీ​కి ముందు మరోసారి పలకరించింది.స్కోర్‌ వివరాలు.. భారత్‌: 471 (జైస్వాల్‌ 101, గిల్‌ 147, పంత్‌ 134) & 364 (రాహుల్‌ 137, పంత్‌ 118)ఇంగ్లండ్‌: 465 (పోప్‌ 106, బ్రూక్‌ 99) & 269/4 (డకెట్‌ 149, క్రాలే 65)

వరుణుడి ఆటంకం తర్వాత తిరిగి మొదలైన మ్యాచ్‌వర్షం పాక్షిక అంతరాయం కలిగించిన తర్వాత మ్యాచ్‌ మళ్లీ మొదలైంది. రెండో ఓవర్‌లోనే ప్రసిద్ద్‌ కృష్ణ జాక్‌ క్రాలేను (65) ఔట్‌ చేశాడు. ఇంగ్లండ్‌ గెలుపుకు ఇంకా 183 పరుగులు చేయాలి. భారత్‌ గెలవాలంటే మరో 9 వికెట్లు తీయాలి. లీడ్స్‌ వేదికగా భారత్‌-ఇంగ్లండ్‌ మధ్య జరుగుతున్న తొలి టెస్ట్‌ మ్యాచ్‌ వర్షం​ కారణంగా నిలిచిపోయింది. చివరి రోజు ఇంగ్లండ్‌ 371 పరుగుల లక్ష్యాన్ని ఛేదిస్తుండగా.. రెండో సెషన్‌లో వర్షం మొదలైంది. వర్షం మొదలయ్యే సమయానికి ఇంగ్లండ్‌ రెండో ఇన్నింగ్స్‌లో వికెట్‌ కోల్పోకుండా 181 పరుగులు చేసింది. బెన్‌ డకెట్‌ (105) సెంచరీ పూర్తి చేసి ఇన్నింగ్స్‌ను కొనసాగిస్తున్నాడు. అతనికి జతగా మరో ఓపెనర్‌ జాక్‌ క్రాలే (59) బాధ్యతాయుతంగా ఆడుతూ క్రీజ్‌లో ఉన్నాడు. ఈ మ్యాచ్‌లో ఇంగ్లండ్‌ విజయం దిశగా సాగుతున్న వేల వరుణుడు అడ్డుపడ్డాడు. ఈ మ్యాచ్‌లో ఇంగ్లండ్‌ గెలవాలంటే మరో 190 పరుగులు చేయాల్సి ఉంది. భారత్‌ గెలవాలంటే 10 వికెట్లు తీయాలి.స్కోర్‌ వివరాలు.. భారత్‌: 471 (జైస్వాల్‌ 101, గిల్‌ 147, పంత్‌ 134) & 364 (రాహుల్‌ 137, పంత్‌ 118)ఇంగ్లండ్‌: 465 (పోప్‌ 106, బ్రూక్‌ 99) & 117/0 (డకెట్‌ 105 నాటౌట్‌, క్రాలే 59 నాటౌట్‌)

లీడ్స్‌ వేదికగా భారత్‌, ఇంగ్లండ్‌ మధ్య జరుగుతున్న తొలి టెస్ట్‌ రసపట్టులో సాగుతోంది. 350 పరుగుల లక్ష్య ఛేదనలో చేతిలో 10 వికెట్లు పెట్టుకొని చివరి రోజు ఆటను ప్రారంభించిన ఇంగ్లండ్‌ తొలి సెషన్‌లో అద్భుతంగా ఆడింది. ఓపెనర్లు బెన్‌ డకెట్‌ (64 నాటౌట్‌), జాక్‌ క్రాలే (42 నాటౌట్‌) అద్బుతమైన పోరాటపటిమ కనబరుస్తూ తొలి సెషన్‌లో భారత బౌలర్ల సహనాన్ని పరీక్షించారు. ఈ ఇద్దరు తొలి సెషన్‌లో అజేయమైన 96 పరుగులు జోడించారు. తొలి ఇన్నింగ్స్‌లో హాఫ్‌ సెంచరీ చేసిన డకెట్‌ ఈ ఇన్నింగ్స్‌లోనూ హాఫ్‌ సెంచరీ చేసి ఇన్నింగ్స్‌ను కొనసాగిస్తున్నాడు. క్రాలేతో పోలిస్తే డకెట్‌ ధాటిగా ఆడుతూ ఇంగ్లండ్‌ గెలుపుపై ఆశలు రేకెత్తిస్తున్నాడు. క్రాలే బాధ్యతాయుతంగా ఆడుతూ ఇన్నింగ్స్‌ను నిర్మిస్తున్నాడు. చివరి రోజు లంచ్‌ విరామం సమయానికి ఇంగ్లండ్‌ రెండో ఇన్నింగ్స్‌లో వికెట్‌ నష్టపోకుండా 117 పరుగులు చేసింది. ఈ మ్యాచ్‌లో ఇంగ్లండ్‌ గెలవాలంటే మరో రెండు సెషన్లలో 254 పరుగులు చేయాల్సి ఉంది. అదే భారత్‌ గెలవాలంటే 10 వికెట్లు తీయాల్సి ఉంటుంది. మొత్తానికి భారీ లక్ష్య ఛేదనలో ఇంగ్లండ్‌ ఓపెనర్లు తొలి సెషన్‌లో పూర్తి ఆధిపత్యాన్ని ప్రదర్శించారు.వాతావరణ ముందస్తు హెచ్చరికలో ఇవాళ వర్షం పడే అవకాశముందని తెలిపింది. అయితే వరుణుడు తొలి సెషన్‌లో ఎలాంటి బ్రేకులు వేయలేదు. మ్యాచ్‌ సజావుగా సాగుతుంది. ఇంగ్లండ్‌ ఓపెనర్లు ఒక్కో పరుగును పేరుస్తూ.. తమ జట్టును లక్ష్యం దిశగా తీసుకెళ్తున్నారు. తొలి సెషన్‌లో భారత బౌలర్లు గడ్డు పరిస్థితులను ఎదుర్కొన్నారు. ప్రసిద్ద్‌ కృష్ణ, శార్దూల్‌ ఠాకూర్‌ ధారాళంగా పరుగులు సమర్పించుకున్నారు. సెషన్‌ ముగియడానికి ముందు బంతి మార్పిడి జరిగింది. కొత్త బంతితో కూడా భారత బౌలర్లకు ఎలాంటి ఫలితం రాలేదు. వరుణుడి నుంచి ఎలాంటి ఆటంకం ఉండకపోతే తదుపరి రెండు సెషన్లలో భారత బౌలర్లు 66 ఓవర్లు బౌల్‌ చేయాల్సి ఉంటుంది.స్కోర్‌ వివరాలు..భారత్‌: 471 (జైస్వాల్‌ 101, గిల్‌ 147, పంత్‌ 134) & 364 (రాహుల్‌ 137, పంత్‌ 118)ఇంగ్లండ్‌: 465 (పోప్‌ 106, బ్రూక్‌ 99) & 117/0 (డకెట్‌ 64 నాటౌట్‌, క్రాలే 42 నాటౌట్‌)

తెలుగు తేజం, హైదరాబాదీ ఆటగాడు, టీమిండియా టీ20 స్పెషలిస్ట్‌ తిలక్‌ వర్మ ఇంగ్లండ్‌ కౌంటీ క్రికెట్‌లో అరంగేట్రం మ్యాచ్‌లోనే ఇరగదీశాడు. కౌంటీ ఛాంపియన్‌షిప్‌ డివిజన్‌ వన్‌-2025లో ఆడేందుకు ఇటీవలే హ్యాంప్‌షైర్‌తో ఒప్పందం చేసుకున్న తిలక్‌.. ఇంగ్లండ్‌ గడ్డపై తన తొలి మ్యాచ్‌ తొలి ఇన్నింగ్స్‌లోనే సెంచరీ చేసి శభాష్‌ అనిపించుకున్నాడు. ఎసెక్స్‌తో రెండు రోజుల క్రితం ప్రారంభమైన మ్యాచ్‌లో తన జట్టు కష్టాల్లో ఉన్నప్పుడు (34/2) బరిలోకి దిగిన తిలక్‌.. ఎంతో సంయమనంతో బ్యాటింగ్‌ చేసి 239 బంతుల్లో 11 ఫోర్లు, 3 సిక్సర్ల సాయంతో సెంచరీ పూర్తి చేశాడు. అయితే దురదృష్టవశాత్తు సెంచరీ పూర్తి కాగానే హార్మర్‌ బౌలింగ్‌లో డీన్‌ ఎల్గర్‌కు క్యాచ్‌ ఇచ్చి ఔటయ్యాడు.ఈ మ్యాచ్‌లో తొలుత బ్యాటింగ్‌ చేసిన ఎసెక్స్‌ తొలి ఇన్నింగ్స్‌లో 296 పరుగులకు ఆలౌట్‌ కాగా.. హ్యాంప్‌షైర్‌ 5 వికెట్ల నష్టానికి 327 పరుగులు చేసి ఇన్నింగ్స్‌ను కొనసాగిస్తుంది (మూడో రోజు తొలి సెషన్‌). తిలక్‌ ఔట్‌ కాగానే మరో హ్యాంప్‌షైర్‌ ఆటగాడు లియామ్‌ డాసన్‌ కూడా సెంచరీ పూర్తి చేశాడు. అంతకుముందు ఎసెక్స్‌ ఇన్నింగ్స్‌లో చార్లీ అల్లీసన్‌ (101) సెంచరీతో కదంతొక్కాడు.కాగా, తిలక్‌ ఇటీవలే హ్యాంప్‌షైర్‌తో ఆడేందుకు ఒప్పందం కుదుర్చుకున్నాడు. జూన్ 18 నుండి ఆగస్టు 2 వరకు ఈ జట్టుకు అందుబాటులో ఉండనున్నట్లు ప్రకటించాడు. ఈ ఒప్పందంలో తిలక్‌ నాలుగు రోజుల మ్యాచ్‌లు ఆడనున్నాడు. వైట్‌బాల్‌ గేమ్స్‌ ఆడతాడో లేదో క్లారిటీ లేదు. ప్ర‌స్తుతం ఇంగ్లండ్‌లో టీ20 బ్లాస్ట్ టోర్నీ జ‌రుగుతోంది.22 ఏళ్ల తిలక్‌ ఈ మ్యాచ్‌కు ముందు వరకు 18 ఫ‌స్ట్ క్లాస్‌లు మ్యాచ్‌లు ఆడి 50కి పైగా సగటుతో 1204 పరుగులు చేశాడు. ఇందులో ఐదు సెంచరీలు, నాలుగు ఆర్ధ శ‌త‌కాలు ఉన్నాయి. టీమిండియా తరఫున 4 వన్డేలు, 25 టీ20లు ఆడిన తిలక్‌.. టీ20ల్లో స్పెషలిస్ట్‌గా పేరు తెచ్చుకున్నాడు. పొట్టి ఫార్మాట్‌లో అతను 24 ఇన్నింగ్స్‌లలో 49.93 స‌గ‌టుతో 749 పరుగులు చేశాడు.తిలక్‌కు ముందు మరో ఇద్దరు టీమిండియా యువ ఆటగాళ్లు, టీ20 స్పెషలిస్ట్‌లు ఇంగ్లండ్‌ కౌంటీల్లో ఆడేందుకు ఒప్పందాలు చేసుకున్నారు. టీమిండియా పాకెట్‌ డైనమైట్‌ ఇషాన్‌ కిషన్‌ నాటింగ్హమ్‌షైర్‌తో.. రుతురాజ్‌ గైక్వాడ్‌ యార్క్‌షైర్‌తో జతకట్టారు. ఇషాన్‌ కూడా తిలక్‌ తరహాలోనే తన కౌంటీ అరంగేట్రంలో ఇరగదీశాడు. యార్క్‌షైర్‌తో జరిగిన మ్యాచ్‌లో 98 బంతుల్లో 12 ఫోర్లు, సిక్సర్‌ సాయంతో 87 పరుగులు చేసి ఔటయ్యాడు.

భారత్‌-ఇంగ్లండ్‌ మధ్య లీడ్స్‌ వేదికగా జరుగుతున్న తొలి టెస్ట్‌ రసవత్తరంగా సాగుతోంది. ప్రస్తుత పరిస్థితిని బట్టి చూస్తే ఈ మ్యాచ్‌లో ఇరు జట్లకు సమానమైన విజయావకాశాలు ఉన్నాయి. ఇంగ్లండ్‌ గెలవాలంటే చివరి రోజు 350 పరుగులు (90 ఓవర్లలో) సాధించాలి. అదే భారత్‌ గెలవాలంటే 10 వికెట్లు తీయాలి. ఆధునిక టెస్ట్‌ క్రికెట్‌లో రెండూ అసాధ్యం కాదు. ఫలితం ఏ జట్టుకైనా అనుకూలంగా రావచ్చు.అయితే, గత రికార్డులను పరిశీలిస్తే మాత్రం ఎ‍డ్జ్‌ ఇంగ్లండ్‌కే సూచిస్తున్నాయి. 2019లో ఇదే మైదానంలో ఆసీస్‌తో జరిగిన మ్యాచ్‌లో స్టోక్స్‌ నమ్మశక్యంకాని శతకాన్ని (135 నాటౌట్‌) బాది ఇంగ్లండ్‌కు చారిత్రక విజయాన్ని అందించాడు. ఆ మ్యాచ్‌ తొలి ఇన్నింగ్స్‌లో 67 పరుగులకే కుప్పకూలిన ఇంగ్లండ్‌.. రెండో ఇన్నింగ్స్‌లో రికార్డు స్థాయిలో 359 పరుగుల లక్ష్యాన్ని ఛేదించి చరిత్ర సృష్టించింది. లీడ్స్‌ మైదానానికి 350 పరుగుల లక్ష్యాన్ని విజయవంతంగా ఛేదించిన ఘన చరిత్ర ఉండటం ఐదో రోజు ఆట​కు ముందు భారత ఆటగాళ్లను డిఫెన్స్‌లో పడేస్తుంది. అప్పట్లో ఆ లక్ష్యాన్ని ఛేదించింది ఇంగ్లండే కావడం టీమిండియాను మరింత బయపెడుతుంది. ఇంగ్లండ్‌ ఆటగాళ్లు సైతం చివరి రోజు 350 పరుగుల లక్ష్యాన్ని ఛేదించడంలో తగ్గేదేలేదంటున్నారు.చివరి రోజు ఆట ప్రారంభానికి ముందు టీమిండియాను మరో చెడు సూచకం కూడా బయపెడుతుంది. భారత్‌ తమ యావత్‌ టెస్ట్‌ క్రికెట్‌ చరిత్రలో 350 ప్లస్‌ లక్ష్యాన్ని కాపాడుకోలేక ఒకే ఒకసారి చతికిలపడింది. టీమిండియా 59 మ్యాచ్‌ల్లో 350 ప్లస్‌ లక్ష్యాలను కాపాడుకునేందుకు బరిలోకి దిగగా.. 42 సార్లు సఫలమైంది. ఒకే ఒక సందర్భంలో బోల్తా పడింది. ఆ ఒక్క ఓటమి ఇంగ్లండ్‌ చేతిలోనే కావడం టీమిండియాను కలవరపెడుతుంది. 2022లో బర్మింగ్‌హామ్‌లోని ఎడ్జ్‌బాస్టన్‌లో జరిగిన మ్యాచ్‌లో భారత్‌ 378 పరుగుల లక్ష్యాన్ని కాపాడుకోలేక ఇంగ్లండ్‌ చేతిలో ఓటమిపాలైంది. ఆ మ్యాచ్‌లో రూట్‌, బెయిర్‌స్టో అద్భుత శతకాలు సాధించి ఇంగ్లండ్‌ను గెలిపించారు.మరోవైపు చివరి రోజు ఆటకు ముందు వాతావరణం కూడా భారత్‌ విజయానికి అడ్డుకట్ట వేసేలా కనిపిస్తుంది. మ్యాచ్‌ మధ్య మధ్యలో వరుణుడు పలకరించే అవకాశం ఉందని వాతావరణ శాఖ హెచ్చరించింది. ఇన్ని ప్రతికూలతల నడుమ భారత బౌలర్లు చివరి రోజు ఏం చేస్తారోనని టీమిండియా అభిమానులు ఆసక్తిగా ఎదురుచూస్తున్నారు.స్కోర్‌ వివరాలు..భారత్‌: 471 & 364ఇంగ్లండ్‌: 465 & 21/0చివరి రోజు భారత్‌ గెలుపుకు 10 వికెట్లు కావాలి. అదే ఇంగ్లండ్‌ గెలవాలంటే 90 ఓవర్లలో 350 పరుగులు చేయాలి. ఇంగ్లండ్‌ ఓపెనర్లు జాక్‌ క్రాలే, బెన్‌ డకెట్‌ క్రీజ్‌లో ఉన్నారు.

లీడ్స్‌: భారత స్టార్‌ పేస్‌ బౌలర్‌ జస్‌ప్రీత్‌ బుమ్రా అంతర్జాతీయ క్రికెట్‌లో దాదాపు పదేళ్లుగా ఉన్నాడు. ఐపీఎల్‌లో పుష్కర కాలం పూర్తి చేసుకున్నాడు. అయితే కెరీర్‌ ఆరంభం నుంచి అతని భిన్నమైన బౌలింగ్‌ శైలిపై ఎన్నో చర్చలు సాగాయి. ఈ తరహా యాక్షన్‌తో ఎక్కువ కాలం కొనసాగలేడని, సుదీర్ఘ కెరీర్‌ సాగడం కష్టమని చాలా మంది అభిప్రాయపడ్డారు. పైగా గాయాలతో ఆటకు దూరం కాగానే ఇంతటితో కెరీర్‌ ముగిసినట్లే అనే విమర్శలు వినిపించాయి. కానీ బుమ్రా వాటన్నింటినీ పట్టించుకోలేదు. అద్భుత ప్రదర్శనలతో భారత్‌కు చిరస్మరణీయ విజయాలు అందించి ప్రపంచ అత్యుత్తమ బౌలర్లలో ఒకడిగా ఎదిగాడు. బరిలోకి దిగిన ప్రతీసారి కొత్త రికార్డులు తన ఖాతాలో వేసుకుంటున్నాడు. తాజాగా ఇంగ్లండ్‌పై తొలి ఇన్నింగ్స్‌లో ఐదు వికెట్ల ప్రదర్శన తర్వాత అతను ఈ విషయాలపై స్పందించాడు. ‘నేను ఎప్పుడైనా భారత్‌కు ఆడాలని బలంగా కోరుకున్నా. నాపై నాకున్న నమ్మకం వల్లే అన్ని ఫార్మాట్‌లలో ఆడగలిగా. కానే వేరేవాళ్లు ఎవరూ దానిని నమ్మలేదు. నువ్వు అసలు ఎప్పుడూ ఆడలేవు అని మొదట్లో అనేవారు. ఆ తర్వాత ఆరు నెలలు, ఆపై ఎనిమిది నెలలు ఆడితే గొప్ప అనేవారు. కానీ ఇప్పుడు భారత్‌ తరఫున దాదాపు పదేళ్లు ఆడితే ఐపీఎల్‌లో మరో మూడేళ్లు అదనంగా ఆడాను. ఇప్పుడు కూడా ఒక గాయం కాగానే నా పనైపోయిందని వెంటనే అనేస్తారు. ప్రతీ మూడు–నాలుగు నెలలకు ఇవే మాటలు వస్తాయి. నేను ఇవేమీ పట్టించుకోను. నా పని నేను చేస్తూ పోతా. భారత జట్టును గెలిపించేందుకు ప్రయత్నిస్తా. ఆపై దేవుడు నాకు ఏది రాసిపెట్టి ఉంటే అది జరుగుతుంది’ అని బుమ్రా వ్యాఖ్యానించాడు. బుమ్రా ఫిట్‌నెస్, పనిభారాన్ని దృష్టిలో ఉంచుకొని ఇంగ్లండ్‌తో సిరీస్‌లో అతను మూడు టెస్టులే ఆడతాడని కోచ్‌ గంభీర్‌ ప్రకటించాడు. అయితే ఇదే విషయంపై బుమ్రా కాస్త భిన్నంగా స్పందించాడు. తాను మూడు టెస్టులే ఆడతానా లేదా అనేదానిపై అతను స్పష్టతనివ్వలేదు. ‘మున్ముందు ఏం జరగవచ్చనే విషయంపై ఆలోచించడం అనవసరం. ప్రస్తుతం మైదానంలో ఏం జరుగుతోంది అనే దానిపైనే నా దృష్టి ఉంది. నేను పూర్తి చేయాల్సి పని ఉంది. పిచ్‌ ఎలా స్పందిస్తోంది, వికెట్‌ ఎలా తీయాలి, ఏ బ్యాటర్‌కు ఎలా బౌలింగ్‌ చేయాలి అనే అంశాలపైనే నేను ఆలోచిస్తున్నాను. అంతే తప్ప ఎన్ని టెస్టులు ఆడతానని కాదు. ఒక్కసారి మ్యాచ్‌ ముగిసిన తర్వాత ఈ లెక్కలన్నీ చూసుకోవచ్చు. రాత్రయ్యాక ఈ రోజు నేను నా అత్యుత్తమ ప్రదర్శన ఇచ్చానని భావిస్తే ప్రశాంతంగా పడుకుంటా’ అని బుమ్రా వివరించాడు.

భారత్‌-ఇంగ్లండ్‌ మధ్య లీడ్స్‌ వేదికగా జరుగుతున్న తొలి టెస్ట్‌ మ్యాచ్‌ ఆసక్తికరంగా సాగుతుంది. తొలి ఇన్నింగ్స్‌ల్లో ఇరు జట్లు నువ్వా నేనా అన్నట్లు బ్యాటింగ్‌ చేశాయి. తొలుత బ్యాటింగ్‌ చేసిన భారత్‌.. ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీలతో చెలరేగడంతో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. హ్యారీ బ్రూక్‌ 99 పరుగులతో తృటిలో సెంచరీ మిస్‌ అయ్యాడు. మిగతా ఆటగాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో పర్వాలేదనిపించారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.ఆరు పరుగుల స్వల్ప ఆధిక్యంతో రెండో ఇన్నింగ్స్‌ ప్రారంభించిన టీమిండియా మూడో రోజు ఆట ముగిసే సమయానికి 2 వికెట్లు కోల్పోయి 90 పరుగులు చేసింది. ఓపెనర్‌ యశస్వి జైస్వాల్‌ (4), వన్‌డౌన్‌ బ్యాటర్‌ సాయి సుదర్శన్‌ (30) ఔట్‌ కాగా.. మరో ఓపెనర్‌ కేఎల్‌ రాహుల్‌ (47), కెప్టెన్‌ శుభ్‌మన్‌ గిల్‌ 6 పరుగులతో క్రీజులో ఉన్నారు.‌ 6 పరుగుల ఆధిక్యం కలుపుకొని భారత్‌ 96 పరుగుల ఆధిక్యంలో ఉంది.నాలుగో రోజు ఆట ప్రారంభం కాగానే టీమిండియాకు షాక్‌ఓవర్‌నైట్‌ స్కోర్‌ 90/2 వద్ద నాలుగో రోజు ఆటను ప్రారంభించిన టీమిండియాకు ఆదిలోనే షాక్‌ తగిలింది. తొలి ఓవర్‌ చివరి బంతికే (24.6వ ఓవర్‌) బ్రైడన్‌ కార్స్‌ బౌలింగ్‌లో తొలి ఇన్నింగ్స్‌ సెంచరీ హీరో శుభ్‌మన్‌ గిల్‌ (8) క్లీన్‌ బౌల్డ్‌ అయ్యాడు. ఓవర్‌నైట్‌ స్కోర్‌కు మరో రెండు పరుగులు మాత్రమే జోడించి భారత్‌ మూడో వికెట్‌ కోల్పోయింది. కేఎల్‌ రాహుల్‌కు జతగా రిషబ్‌ పంత్‌ క్రీజ్‌లోకి వచ్చాడు. గిల్‌ వికెట్‌ కోల్పోవడంతో కేఎల్‌ రాహుల్‌, రిషబ్‌ పంత్‌పై ఒత్తిడి పడే అవకాశం ఉంది. ఇంగ్లండ్‌ ముందు టీమిండియా గౌరవప్రదమైన టార్గెట్‌ ఉంచాలంటే రాహుల్‌, పంత్‌ చాలా కీలకం కానున్నారు. వీరిద్దరు ఈ రోజంతా క్రీజ్‌లో ఉంటేనే భారత్‌ ఓ మోస్తరు స్కోర్‌ చేయగలుగుతుంది.

భారత టెస్టు క్రికెట్‌లో కొత్త అధ్యాయం ఘనంగా మొదలైంది. అంచనాలకు మించిన ఆటతో ఇంగ్లండ్‌ గడ్డపై సిరీస్‌లో టీమిండియా శుభారంభం చేసింది. సీనియర్లు తప్పుకున్నా... జట్టును ముందుకు తీసుకెళ్లేందుకు తాము సరైనోళ్లమని యువ ఆటగాళ్లు నిరూపించారు. అసాధారణ బ్యాటింగ్‌తో ముందుగా యశస్వి జైస్వాల్, ఆపై కెప్టెన్‌గా తొలి పరీక్షలో శుబ్‌మన్‌ గిల్‌ సెంచరీలు బాది సత్తా చాటగా, రిషభ్‌ పంత్‌ తన విలువను ప్రదర్శించాడు. హెడింగ్లీ పిచ్‌పై ఏమాత్రం ఇబ్బంది పెట్టలేకపోయిన ఇంగ్లండ్‌ బౌలర్లందరినీ ఒక ఆటాడుకున్న మన బ్యాటర్లు భారీ స్కోరుతో మొదటి రోజును గొప్పగా ముగించారు. లీడ్స్‌: ఇంగ్లండ్‌తో మొదలైన తొలి టెస్టులో మొదటి రోజు భారత్‌ భారీ స్కోరుతో చెలరేగింది. టాస్‌ ఓడి ముందుగా బ్యాటింగ్‌కు దిగిన భారత్‌ శుక్రవారం ఆట ముగిసే సమయానికి 85 ఓవర్లలో 3 వికెట్ల నష్టానికి 359 పరుగులు చేసింది. కెపె్టన్‌ శుబ్‌మన్‌ గిల్‌ (175 బంతుల్లో 127 బ్యాటింగ్‌; 16 ఫోర్లు, 1 సిక్స్‌), ఓపెనర్‌ యశస్వి జైస్వాల్‌ (159 బంతుల్లో 101; 16 ఫోర్లు, 1 సిక్స్‌) సెంచరీలతో చెలరేగగా, వైస్‌ కెపె్టన్‌ రిషభ్‌ పంత్‌ (102 బంతుల్లో 65 బ్యాటింగ్‌; 6 ఫోర్లు, 2 సిక్స్‌లు) రాణించాడు. టెస్టుల్లో జైస్వాల్‌కు ఇది ఐదో సెంచరీ కాగా, గిల్‌కు ఆరో శతకం. జైస్వాల్, గిల్‌ మూడో వికెట్‌కు 129 పరుగులు జోడించారు. ఆ తర్వాత గిల్, పంత్‌ నాలుగో వికెట్‌కు అభేద్యంగా 138 పరుగులు జత చేశారు. సిరీస్‌లో శుభారంభం... ఓపెనర్లు జైస్వాల్, కేఎల్‌ రాహుల్‌ (78 బంతుల్లో 42; 8 ఫోర్లు) జట్టుకు సరైన ఆరంభాన్ని అందించారు. ఇంగ్లండ్‌ బౌలర్లు ఏమాత్రం ప్రభావం చూపలేకపోవడంతో వీరిద్దరు స్వేచ్ఛగా బ్యాటింగ్‌ చేస్తూ చకచకా బౌండరీలు బాదారు. ఒకదశలో అసహనంతో జైస్వాల్‌ 23 పరుగుల వద్ద ఉన్నప్పుడు ఇంగ్లండ్‌ ఏమాత్రం అవకాశం లేకపోయినా... ఎల్బీడబ్ల్యూ కోసం రివ్యూ కోరి విఫలమైంది. తొలి గంటలో భారత్‌ 9 ఫోర్లతో 44 పరుగులు చేసింది. ఎట్టకేలకు లంచ్‌ విరామానికి ముందు ఇంగ్లండ్‌కు ఊరట దక్కింది. ఆరు బంతుల వ్యవధిలో రాహుల్, తొలి టెస్టు ఆడుతున్న సుదర్శన్‌ (0) అవుట్‌ కాగా...లంచ్‌ సమయానికి జట్టు స్కోరు 92/2కు చేరింది. భారీ భాగస్వామ్యం... విరామానంతరం 96 బంతుల్లో జైస్వాల్‌ అర్ధ సెంచరీ పూర్తయింది. ఈ సెషన్‌లో జైస్వాల్, గిల్‌ ప్రత్యర్థి బౌలర్లను పూర్తిగా ఆడుకున్నారు. ఓవర్‌కు దాదాపు ఐదు పరుగుల రన్‌రేట్‌తో పరుగులు రాబట్టి ప్రత్యరి్థపై ఆధిక్యం ప్రదర్శించారు. వోక్స్‌ వేసిన రెండు ఓవర్లలో గిల్, జైస్వాల్‌ చెరో 3 ఫోర్లు బాది ధాటిని ప్రదర్శించారు. 56 బంతుల్లో గిల్‌ హాఫ్‌ సెంచరీని అందుకున్నాడు. మరోవైపు జోరు పెంచిన జైస్వాల్‌ కార్స్‌ ఓవర్లో 3 ఫోర్లు కొట్టి 99కు చేరుకున్నాడు. తర్వాతి బంతిని సింగిల్‌ తీసిన అతను 144 బంతుల్లో సెంచరీ మార్క్‌ను చేరుకొని సంబరాలు చేసుకున్నాడు. 50 నుంచి 100కు చేరడానికి జైస్వాల్‌ 48 బంతులే (8 ఫోర్లు, 1 సిక్స్‌తో) తీసుకోవడం విశేషం. పంత్‌ జోరు... టీ తర్వాత రెండో ఓవర్లోనే భారత్‌ వికెట్‌ కోల్పోయింది. జైస్వాల్‌ను స్టోక్స్‌ బౌల్డ్‌ చేయడంతో భారీ భాగస్వామ్యానికి తెర పడింది. ఆ తర్వాత గిల్, పంత్‌ కలిసి ఇన్నింగ్స్‌ను నడిపించారు. పంత్‌ తనదైన శైలిలో దూకుడుగా ఆడేందుకు ప్రయత్నించగా...గిల్‌ చక్కటి షాట్లతో ఆకట్టుకున్నాడు. బషీర్‌ ఓవర్లో పంత్‌ వరుసగా 4, 6 బాదడంతో స్కోరు 300కు చేరుకోగా... టంగ్‌ ఓవర్లో కవర్స్‌ దిశగా ఆడి గిల్‌ 140 బంతుల్లో శతకాన్ని అందుకున్నాడు. ఇంగ్లండ్‌ కొత్త బంతిని తీసుకున్న తర్వాత తొలి ఓవర్లోనే పంత్‌ హాఫ్‌ సెంచరీ (91 బంతుల్లో) పూర్తయింది. ఎంత ప్రయత్నించినా ...పేలవ బౌలింగ్‌తో ఇంగ్లండ్‌ ఈ జోడీని విడదీయలేకపోయింది. స్కోరు వివరాలు భారత్‌ తొలి ఇన్నింగ్స్‌: జైస్వాల్‌ (బి) స్టోక్స్‌ 101; రాహుల్‌ (సి) రూట్‌ (బి) కార్స్‌ 42; సాయి సుదర్శన్‌ (సి) స్మిత్‌ (బి) స్టోక్స్‌ 0; గిల్‌ (బ్యాటింగ్‌) 127; పంత్‌ (బ్యాటింగ్‌) 65; ఎక్స్‌ట్రాలు 24; మొత్తం (85 ఓవర్లలో 3 వికెట్లకు) 359. వికెట్ల పతనం: 1–91, 2–92, 3–221. బౌలింగ్‌: వోక్స్‌ 19–2–89–0, కార్స్‌ 16–5–70–1, టంగ్‌ 16–0–75–0, స్టోక్స్‌ 13–1–43–2, బషీర్‌ 21–4–66–0.

భారత టెస్టు క్రికెట్‌లో కొత్త అధ్యాయానికి తెర లేస్తోంది. సుదీర్ఘ కాలం జట్టు విజయాల్లో కీలకపాత్ర పోషించిన స్టార్‌ ఆటగాళ్లు విరాట్‌ కోహ్లి, రోహిత్‌ శర్మ, అశ్విన్‌ల రిటైర్మెంట్‌ తర్వాత జట్టు తొలి సిరీస్‌ బరిలోకి దిగుతోంది. టెస్టు ఫార్మాట్‌లో కొత్త సారథిగా బాధ్యతలు తీసుకున్న శుబ్‌మన్‌ గిల్‌కు తొలి సిరీస్‌లో కఠిన పరీక్ష ఎదురవుతోంది.ప్రత్యర్థి గడ్డపై ఇప్పటి వరకు మన రికార్డు, ప్రస్తుత యువ జట్టు అనుభవాన్ని చూస్తే ఇది పెద్ద సవాల్‌. టీమ్‌ మెరుగైన ప్రదర్శన ఇవ్వడంతో పాటు కెప్టెన్‌గా, బ్యాటర్‌గా గిల్‌ తనను తాను నిరూపించుకోవాల్సిన నేపథ్యంలో టెస్టు సిరీస్‌కు రంగం సిద్ధమైంది. అయితే గతంలోనూ పాత చరిత్రను మార్చిసంచలనాలు సృష్టించిన భారత బృందం మరోసారి అదే ఆత్మవిశ్వాసాన్ని ప్రదర్శిస్తే అనూహ్య ఫలితాలు ఖాయం. లీడ్స్‌: భారత్, ఇంగ్లండ్‌ మధ్య ఐదు టెస్టుల సుదీర్ఘ పోరుకు సైరన్‌ మోగింది. ‘అండర్సన్‌–టెండూల్కర్‌ ట్రోఫీ’ సిరీస్‌లో భాగంగా ఇరు జట్ల మధ్య హెడింగ్లీ మైదానంలో నేటి నుంచి తొలి టెస్టు జరగనుంది. ఏడాది క్రితం భారత గడ్డపై జరిగిన టెస్టు పోరులో టీమిండియా 4–1తో ఇంగ్లండ్‌ను చిత్తు చేసింది. ఇప్పుడు తమ సొంత మైదానంలో దీనికి ప్రతీకారం తీర్చుకోవాలని స్టోక్స్‌ బృందం భావిస్తుండగా... అత్యుత్తమ స్థాయి ప్రదర్శన కనబర్చి పైచేయి సాధించాలని భారత్‌ పట్టుదలగా ఉంది. టెస్టుల్లో భారత్‌కు 37వ కెప్టెన్‌గా గుర్తింపు పొందిన గిల్‌కు ఇది కీలక సిరీస్‌ కానుండగా... బ్యాటర్‌గా ఇంగ్లండ్‌ గడ్డపై పేలవ రికార్డు ఉన్న హెడ్‌ కోచ్‌ గౌతమ్‌ గంభీర్‌ కూడా గెలుపుపై గురి పెట్టాడు. గత కొన్నేళ్లుగా ఇంగ్లండ్‌కు స్వదేశంలో మంచి ఫలితాలు అందించిన ‘బజ్‌బాల్‌’ శైలి ఆట ఈసారి ఎలాంటి ఫలితాలు అందిస్తుందనేది ఆసక్తికరం. ఆరో స్థానంలో ఎవరు? తొలి టెస్టులో భారత తుది జట్టు దాదాపుగా ఖాయమైంది. ఓపెనర్లు యశస్వి జైస్వాల్, కేఎల్‌ రాహుల్‌ ఆడనుండగా మూడో స్థానంలో కరుణ్‌ నాయర్‌ బరిలోకి దిగుతాడు. ఆస్ట్రేలియా సిరీస్‌లో ఆకట్టుకున్న జైస్వాల్‌తో పాటు రాహుల్‌ కూడా రాణిస్తే జట్టుకు శుభారంభం లభిస్తుంది. దాదాపు ఎనిమిదేళ్ల విరామం తర్వాత అంతర్జాతీయ క్రికెట్‌ ఆడనున్న కరుణ్‌ నాయర్‌ తన ఇటీవలి దేశవాళీ ఫామ్‌ను కొనసాగించడంతో పాటు జట్టులో స్థానం కాపాడుకునే ఒత్తిడిని కూడా అధిగమించాల్సి ఉంటుంది. నాలుగో స్థానంలో ఆడనున్న గిల్‌ తన బ్యాటింగ్‌తో అంచనాలు అందుకోవడం కీలకం. ఆసీస్‌ గడ్డపై విఫలమైన పంత్‌ మరింత బాధ్యతగా ఆడాల్సిన తరుణమిది. భారత జట్టు విజయావకాశాలు పేసర్‌ బుమ్రాపై ఆధారపడి ఉన్నాయంటే అతిశయోక్తి కాదు. సొంత మైదానంలో అయినా సరే ఇంగ్లండ్‌ బ్యాటర్లు అతడిని సమర్థంగా ఎదుర్కోవడం అంత సులువు కాదు. సిరాజ్‌ కూడా స్వింగ్‌తో ప్రత్యర్థిని ఇబ్బంది పెట్టగలడు. మూడో పేసర్‌గా ప్రసిధ్‌ కృష్ణ ఆడటం కూడా దాదాపు ఖాయమే. ప్రధాన స్పిన్నర్‌గా కుల్దీప్‌ యాదవ్‌ తన సత్తాను ఈ సిరీస్‌లో నిరూపించుకోవాల్సి ఉంది. ఏడో స్థానంలో రవీంద్ర జడేజా స్థానానికి ఢోకా లేదు. అయితే మిగిలిన ఆరో స్థానం కోసమే జట్టులో గట్టి పోటీ ఉంది. ఇక్కడా రెగ్యులర్‌ బ్యాటర్‌ను ఆడిస్తారా లేక ఆల్‌రౌండర్‌కు అవకాశం ఇవ్వాలా అనే విషయంలో టీమ్‌ మేనేజ్‌మెంట్‌ ఇంకా నిర్ణయం తీసుకోలేదు. బ్యాటర్‌ అయితే సాయి సుదర్శన్‌ అరంగేట్రం చేయవచ్చు. పేస్‌ బౌలింగ్‌ ఆల్‌రౌండర్‌ కావాలంటే శార్దుల్‌ ఠాకూర్‌ లేదా నితీశ్‌ కుమార్‌ రెడ్డిలలో ఒకరికి చాన్స్‌ దక్కుతుంది. లేదా స్పిన్‌ ఆల్‌రౌండర్‌గా వాషింగ్టన్‌ సుందర్‌ రూపంలో ప్రత్యామ్నాయం ఉంది. బౌలింగ్‌లో అనుభవలేమి... దాదాపు రెండు దశాబ్దాల పాటు అండర్సన్, స్టువర్ట్‌ బ్రాడ్‌ బలంపైనే ఇంగ్లండ్‌ పేస్‌ బౌలింగ్‌ ఆధారపడుతూ వచి్చంది. వీరిద్దరు కలిసి ప్రత్యర్థులను కుప్పకూలుస్తూ ఎన్నో విజయాలు అందించారు. అయితే ఇప్పటి పేస్‌ బృందానికి చాలా తక్కువ అనుభవం ఉంది. ఈ బౌలింగ్‌ దళం ప్రత్యర్థిని ఏమాత్రం భయపెట్టించేలా లేదు. కార్స్‌ 5, టంగ్‌ 3 టెస్టులు ఆడగా...అనుభవజ్ఞుడే అయినా అండర్సన్, బ్రాడ్‌లతో పోలిస్తే క్రిస్‌ వోక్స్‌ స్థాయి తక్కువ. భారత బ్యాటర్ల కోణంలో చూస్తే స్పిన్నర్‌ బషీర్‌ ప్రభావం పెద్దగా ఉండకపోవచ్చు. అందుకే ఇంగ్లండ్‌ ఈ సిరీస్‌లో తమ బ్యాటింగ్‌నే నమ్ముకుంది. 13 వేలకు పైగా టెస్టు పరుగులు సాధించిన రూట్‌ మరోసారి బ్యాటింగ్‌ బాధ్యత మోస్తున్నాడు. అద్భుత ఫామ్‌లో ఉన్న అతడు భారత బౌలర్లను ఎలా ఎదుర్కొంటాడనేది కీలకం. ‘బజ్‌బాల్‌’ వచ్చాక ఎన్నో శుభారంభాలు అందించిన క్రాలీ, డకెట్‌ నుంచి మరో సారి జట్టు అదే ఆటను ఆశిస్తోంది. పోప్‌తో పాటు ప్రతిభావంతుడైన బ్రూక్‌పై జట్టు బ్యాటింగ్‌ భారం ఉంది. కెప్టెన్‌ స్టోక్స్‌ బ్యాటింగ్‌లో చెప్పుకోదగ్గ ఇన్నింగ్స్‌ ఆడి చాలా కాలమైంది. గత మూడేళ్లుగా అతను సెంచరీనే చేయలేదు. భారత గడ్డపై ఆడిన ఐదు టెస్టుల్లోనూ ఘోరంగా విఫలమైన స్టోక్స్‌ ఎలాంటి ప్రభావం చూపించగలడనేది కీలకం. 3 ఇంగ్లండ్‌ గడ్డపై భారత్‌ 19 టెస్టు సిరీస్‌లు ఆడింది. ఇందులో 3 సిరీస్‌లను (1971లో, 1986లో, 2007లో) సొంతం చేసుకుంది. 14 సిరీస్‌లను చేజార్చుకుంది. మరో 2 సిరీస్‌లు ‘డ్రా’గా ముగిశాయి.67 ఇప్పటి వరకు ఇంగ్లండ్‌ గడ్డపై ఇంగ్లండ్‌ జట్టుతో భారత్‌ 67 టెస్టులు ఆడింది. 9 టెస్టుల్లో గెలిచిన భారత్‌ 36 టెస్టుల్లో ఓడిపోయింది. మరో 22 టెస్టులను టీమిండియా ‘డ్రా’ చేసుకుంది.7 హెడింగ్లీ మైదానంలో భారత్, ఇంగ్లండ్‌ జట్ల మధ్య మొత్తం 7 టెస్టులు జరిగాయి. 2 టెస్టుల్లో భారత్, 4 టెస్టుల్లో ఇంగ్లండ్‌ గెలుపొందాయి. 1 టెస్టు ‘డ్రా’గా ముగిసింది. పిచ్, వాతావరణం హెడింగ్లీ మైదానంలో తొలిసారి ఆరంభంలో పేసర్లకు కాస్త అవకాశం ఉన్నా ఆట సాగిన కొద్దీ బ్యాటింగ్‌కు అనుకూలం కావొచ్చు. ఇంగ్లండ్‌ కూడా పూర్తిగా బౌలింగ్‌ పిచ్‌ను ఎంచుకునే సాహసం చేయడం లేదు. భారీ స్కోర్లకు అవకాశం ఉంది. వర్ష సూచన లేదు. తుది జట్లు ఇంగ్లండ్‌: స్టోక్స్‌ (కెప్టెన్‌), క్రాలీ, డకెట్, పోప్, రూట్, బ్రూక్, స్మిత్, వోక్స్, కార్స్, టంగ్, బషీర్‌. భారత్‌ (అంచనా): గిల్‌(కెప్టెన్‌), జైస్వాల్, రాహుల్, కరుణ్‌ నాయర్, పంత్, సుదర్శన్‌/నితీశ్‌ రెడ్డి, జడేజా, బుమ్రా, సిరాజ్, ప్రసిధ్, కుల్దీప్‌.

లీడ్స్‌: ఇంగ్లండ్‌ గడ్డపై భారత్‌ మెరుగైన ఫలితం సాధించాలంటే బ్యాటర్లు ఒకే తరహా శైలికి కట్టుబడి ఉండరాదని భారత క్రికెట్‌ దిగ్గజం సచిన్‌ టెండూల్కర్‌ అభిప్రాయపడ్డాడు. ఇంగ్లండ్‌ మైదానాల్లో పరిస్థితులు వేగంగా మారిపోతుంటాయని, దానికి అనుగుణంగా తమ బ్యాటింగ్‌ ను కూడా మార్చుకోవాలని అతను సూచించాడు. ‘నా ఆట ఇలాగే ఉంటుంది. నేను ఇలాగే ఆడతాను అనే వన్‌వే ట్రాఫిక్‌ ఇంగ్లండ్‌లో పనికి రాదు. ఇక్కడి పరిస్థితులను కొద్దిగా గౌరవించాల్సి ఉంటుంది. వాటికి అనుగుణంగా తమ ఆటను మార్చుకోవాలనే ఆలోచనలు మనసులో సాగుతూనే ఉండాలి. అప్పుటే ఆటపై పట్టు చిక్కి అంతా చక్కబడుతుంది. ఎప్పుడు దూకుడు పెంచాలో, ఎప్పుడు డిఫెన్స్‌ ఆడాలో తెలియాలి. లేదంటే భారీ మూల్యం చెల్లించాల్సి ఉంటుంది’ అని సచిన్‌ వివరించాడు. అయితే ఆ్రస్టేలియా, దక్షిణాఫ్రికా, న్యూజిలాండ్‌లలో ఆడిన అనుభవం జట్టులో అందరికీ ఉందని, వాటినుంచి నేర్చుకున్న విషయాలను మెరుగుపర్చుకుంటే ఇక్కడా మంచి ఫలితాలు వస్తాయని అతను అన్నాడు. భారత కెప్టెన్‌గా తొలి సిరీస్‌ ఆడనున్న శుబ్‌మన్‌ గిల్‌కు కూడా సచిన్‌ పలు సలహాలు ఇచ్చాడు. అతను బయటి విషయాలను పట్టించుకోరాదని, తన నిర్ణయాలకు కట్టుబడి ఉండాలని దిగ్గజ బ్యాటర్‌ సూచించాడు. ‘కెప్టెన్‌గా గిల్‌కు కొంత సమయం ఇవ్వడంతో పాటు అందరూ అతనికి అండగా కూడా నిలవాలి. భారత కెప్టెన్‌ అంటే తీవ్రమైన ఒత్తిడి ఉండే బాధ్యత. ఇలా చేయాలి అలా చేయాలి అని చాలా మంది చెబుతూ ఉంటారు. అభిప్రాయాలు చెప్పే హక్కు బయటి నుంచి ఎవరికైనా ఉంటుంది. ఇవన్నీ గిల్‌ పట్టించుకోకూడదు. డ్రెస్సింగ్‌ రూమ్‌లో చర్చించిన వ్యూహాలను మైదానంలో అమలయ్యేలా చూడాలి’ అని సచిన్‌ వ్యాఖ్యానించాడు. ‘అండర్సన్‌–టెండూల్కర్‌ ట్రోఫీ’ ఆవిష్కరణ..భారత్, ఇంగ్లండ్‌ మధ్య జరిగే టెస్టు సిరీస్‌కు ‘అండర్సన్‌–టెండూల్కర్‌ ట్రోఫీ’గా పేరు పెట్టారు. ఈ ట్రోఫీని గురువారం ఆవిష్కరించారు. అత్యధిక టెస్టులు ఆడిన ఆటగాళ్లుగా సచిన్‌ (200), అండర్సన్‌ (188) తొలి రెండు స్థానాల్లో ఉన్నారు. టెస్టుల్లో అత్యధిక పరుగులు సాధించిన రికార్డు సచిన్‌ (15,921) పేరిట ఉండగా... అత్యధిక వికెట్లు తీసిన ఆటగాళ్ల జాబితాలో మూడో స్థానంతో (704 వికెట్లు) అండర్సన్‌ కెరీర్‌ ముగించాడు. వీరిద్దరి పేర్లను ట్రోఫీకి పెట్టి ఈసీబీ, బీసీసీఐ సముచితంగా గౌరవించాయి. మరోవైపు ఇప్పటి వరకు ట్రోఫీకి ‘పటౌడీ’ పేరు ఉండేది. ఇప్పుడు విజేతగా నిలిచిన జట్టు కెపె్టన్‌కు ‘పటౌడీ మెడల్‌’ అందజేస్తారు. పేరు మార్పు విషయంలో తాను పటౌడీ కుటుంబంతో స్వయంగా మాట్లాడానని ... ఏదో రూపంలో వారి గౌరవం కొనసాగేలా తాను ప్రయత్నిస్తానని వారితో చెప్పినట్లు సచిన్‌ వెల్లడించాడు.

ఇటీవల జరిగిన ఓ క్రికెట్‌ మ్యాచ్‌ సందర్భంగా విచిత్ర పరిస్థితి నెలకొంది. సానుకూల వాతావరణం కారణంగా మ్యాచ్‌ వాయిదా పడింది. సాధారణంగా సానుకూల వాతావరణంలో క్రికెట్‌ మ్యాచ్‌లు సజావుగా సాగుతాయి. ప్రతికూల వాతావరణం​ ఉంటేనే మ్యాచ్‌లు వాయిదా పడటం కాని, రద్దు కావడం కాని జరుగుతుంది. అయితే ఈ ఉదంతంలో పరిస్థితి భిన్నంగా ఉంది. సానుకూల వాతావరణం ఉన్నా మ్యాచ్‌ వాయిదా పడింది.ఇంగ్లండ్‌ టీ20 బ్లాస్ట్‌ టోర్నీలో కెంట్‌ స్పిట్‌ఫైర్స్‌, గ్లోసెస్టర్‌షైర్‌ మధ్య జరిగిన మ్యాచ్‌ సందర్భంగా ఈ ఉదంతం చోటు చేసుకుంది. ఈ మ్యాచ్‌లో కెంట్‌ నిర్దేశించిన లక్ష్యాన్ని గ్లెసెస్టర్‌షైర్‌ ఛేదిస్తుండగా భారీగా ఎండ కాసింది. సూర్య కిరణాలు నేరుగా ఆటగాళ్ల కళ్లపై పడ్డాయి. దీంతో మ్యాచ్‌ను పాక్షికంగా వాయిదా వేశారు. ఎనిమిది నిమిషాల తర్వాత ఎండ ప్రభావం తగ్గడంతో మ్యాచ్‌ను తిరిగి ప్రారంభించారు.అనుకూలమైన వాతావరణం ఉన్నా మ్యాచ్‌ వాయిదా పడ్డ విషయం తెలిసి ఉపఖండంలోని క్రికెట్‌ అభిమానులు అవాక్కయ్యారు. భారత్‌ లాంటి దేశాల్లో ఎంత ఎండ ఉంటే మ్యాచ్‌లు అంత సజావుగా సాగుతాయి. ఎండ తీవ్రత 45 డిగ్రీల వరకు ఉన్నా ఉపఖండపు దేశాల్లో క్రికెట్‌ మ్యాచ్‌కు అనుకూలమైన వాతావరణంగానే పరిగణిస్తారు.అయితే ఇంగ్లండ్‌ లాంటి దేశాల్లో పరిస్థితి ఇందుకు భిన్నంగా ఉంటుంది. సాధారణంగా ఇంగ్లండ్‌లో ఎండలు ఎక్కువగా ఉండవు. ఈ వాతావరణానికి అలవాటు పడ్డ ఆటగాళ్లు, కొద్దిపాటి ఎండకే బెంబేలెత్తిపోతుంటారు. ఉపఖండంలో ఇంగ్లండ్‌ ఆటగాళ్లు ఇలాంటి పరిస్థితులను ఎదుర్కోడం చాలా సార్లు చూసుంటాము.మ్యాచ్‌ విషయానికొస్తే.. కెంట్‌పై గ్లోసెస్టర్‌షైర్‌ 7 వికెట్ల తేడాతో గెలుపొందింది. తొలుత బ్యాటింగ్‌ చేసిన కెంట్‌.. ఫించ్‌ (42), బిల్లింగ్స్‌ (38), ముయేయే (33) ఓ మోస్తరు స్కోర్లు చేయడంతో నిర్ణీత 20 ఓవర్లలో 9 వికెట్ల నష్టానికి 157 పరుగులు చేసింది. అనంతరం బరిలోకి దిగిన గ్లోసెస్టర్‌షైర్‌.. జాక్‌ టేలర్‌ (54 నాటౌట్‌), ఓలివర్‌ ప్రైస్‌ (41 నాటౌట్‌) రాణించడంతో మరో 10 బంతులు మిగిలుండగానే లక్ష్యాన్ని ఛేదించింది.

లీడ్స్‌: భారత జట్టు 2018 ఇంగ్లండ్‌ పర్యటనలో ఐదు టెస్టుల సిరీస్‌ను 1–4తో కోల్పోయింది. నాలుగో టెస్టు ముగిసేసరికే ఇంగ్లండ్‌ 3–1తో సిరీస్‌ను సొంతం చేసుకుంది. టూర్‌లో ఆరంభం నుంచి ఉన్న కరుణ్‌ నాయర్‌కు నాలుగు మ్యాచుల్లోనూ ఆడే అవకాశం రాలేదు. సిరీస్‌ ఫలితం ఖాయమైన నేపథ్యంలో కనీసం చివరి టెస్టులోనైనా చోటు దక్కవచ్చని అతను ఆశించాడు. అయితే కోహ్లి కెప్టెన్, రవిశాస్త్రి కోచ్‌గా ఉన్న టీమ్‌ మేనేజ్‌మెంట్‌ అనూహ్య నిర్ణయం తీసుకుంది. ఒకవైపు నాయర్‌ టీమ్‌తోనే ఉండగా... అసలు ప్రధాన జట్టులోనే లేని హనుమ విహారిని భారత్‌ నుంచి ఇంగ్లండ్‌కు రప్పించి అతనితో అరంగేట్రం చేయించింది. దాంతో నాయర్‌ తీవ్ర మనస్తాపానికి గురయ్యాడు. ఆ తర్వాత అతను భారత జట్టుకూ పూర్తిగా దూరమయ్యాడు. నాటి ఘటన తనను తీవ్రంగా బాధించిందని నాయర్‌ గుర్తు చేసుకున్నాడు. ఇప్పుడు ఏడేళ్ల తర్వాత అదే ఇంగ్లండ్‌ గడ్డపైనే అతనికి టెస్టు మ్యాచ్‌ ఆడే అవకాశం రానుండటం విశేషం. ‘చివరి టెస్టులోనూ నాకు అవకాశం లేదని తెలిసిన తర్వాత తీవ్ర దిగ్భ్రాంతికి గురయ్యాను. మైదానంలోనే కుప్పకూలిపోయినట్లుగా అనిపించింది. నేను ఆడటం లేదని చెప్పడంతో ఒక్కసారిగా ఒంటరితనం ఆవహించింది. ఆ సమయంలో ఏం చేయాలో అర్థం కాలేదు. చివరకు ఆక్స్‌ఫర్డ్‌ స్ట్రీట్‌లో నడుచుకుంటూ వెళ్లిపోయాను. బ్రాండెడ్‌ షూస్‌ మొదలు కనిపించిన ప్రతీ వస్తువును కొంటూ పోయాను. నేను గతంలో ఇలా ఎప్పుడూ చేయలేదు. ఎక్కువగా ఖర్చు చేసే అలవాటు కూడా లేదు. కానీ ఈసారి ఏం చేస్తున్నానో నాకే అర్థం కాలేదు. బ్యాగుల నిండా వస్తువులు తీసుకొని తిరిగొచ్చాను. ఆ సమయంలో షాపింగ్‌ చేస్తే నాకు సంతోషం కలుగుతుందేమో అన్నట్లుగా భావించాను కానీ అది అర్థం లేని ఆలోచన. భారత్‌కు ఆడటం తప్ప మరేదో ఆనందం ఇవ్వలేదని అర్థమైంది. నాకు సంబంధించి సిరీస్‌ అయిపోయింది. కానీ చివరి మ్యాచ్‌ ముగిసి ఎప్పుడెప్పుడు ఇంటికి వెళదామా అనే ఆలోచనలో ప్రతీ రోజు ఒక నరకంగా అనిపించింది’ అని కరుణ్‌ నాయర్‌ తన బాధను వ్యక్తీకరించాడు.

లీడ్స్‌: భారత టెస్టు క్రికెట్‌లో బ్యాటింగ్‌ ఆర్డర్‌కు సంబంధించి నాలుగో స్థానానికి ఎంతో ప్రత్యేకత ఉంది. ‘ఆల్‌టైమ్‌ గ్రేట్‌’ సచిన్‌ టెండూల్కర్‌ తన 200 టెస్టుల సుదీర్ఘ కెరీర్‌లో 179 టెస్టుల్లో నాలుగో స్థానంలోనే బ్యాటింగ్‌ చేశాడు. 1992లో సచిన్‌ ఆ స్థానంలోకి వచ్చిన తర్వాత రిటైర్మెంట్‌ వరకు కొనసాగాడు. సచిన్‌ వీడ్కోలు పలికిన తర్వాత భారత్‌ ఆడిన తొలి టెస్టు నుంచే మరో దిగ్గజం విరాట్‌ కోహ్లి నాలుగో స్థానాన్ని భర్తీ చేశాడు. విరాట్‌ 99 టెస్టుల్లో ఆ స్థానంలో బరిలోకి దిగాడు. మిడిలార్డర్‌లో పదునైన బ్యాటింగ్‌తో టెస్టు మ్యాచ్‌ గమనాన్ని శాసించే అవకాశం ఉన్న ఈ స్థానంలోకి ఇప్పుడు కొత్త ఆటగాడు వస్తున్నాడు. ఇంగ్లండ్‌తో శుక్రవారం నుంచి జరిగే తొలి టెస్టులో కెప్టెన్‌ శుబ్‌మన్‌ గిల్‌ నాలుగో స్థానంలో బ్యాటింగ్‌ చేయడం ఖాయమైంది. టీమ్‌ వైస్‌ కెప్టెన్‌ రిషభ్‌ పంత్‌ ఈ విషయాన్ని నిర్ధారించాడు. ‘బ్యాటింగ్‌ ఆర్డర్‌లో శుబ్‌మన్‌ నాలుగో స్థానంలో ఆడతాడు. నేను ఎప్పటిలాగే ఐదో స్థానంలోనే కొనసాగుతాను. అయితే మూడో స్థానం విషయంలో ఇంకా తుది నిర్ణయం తీసుకోలేదు. దానిపై చర్చిస్తున్నాం’ అని పంత్‌ వెల్లడించాడు.తనకూ, కెప్టెన్‌ గిల్‌కు మధ్య మైదానం బయట ఉన్న సాన్నిహిత్యం జట్టు సానుకూల ఫలితాలు రాబట్టేందుకు ఉపయోగపడుతుందని పంత్‌ వ్యాఖ్యానించాడు. ‘మా ఇద్దరి మధ్య మంచి స్నేహం ఉంది. సహజంగానే ఇది మైదానంలో కూడా ప్రతిఫలిస్తుంది. మేమిద్దరం బాగా కలిసిపోయి ఏ విషయాన్ని అయినా సౌకర్యవంతంగా చర్చించుకోగలం. ఇది మంచి ఫలితాలు ఇస్తుందని నమ్ముతున్నా’ అని అతను అన్నాడు. అండర్సన్, స్టువర్ట్‌ బ్రాడ్‌లాంటి దిగ్గజాలు దూరం కావడం ఇంగ్లండ్‌ జట్టుకు కూడా లోటే అని పంత్‌ అభిప్రాయపడ్డాడు. ‘అండర్సన్, బ్రాడ్‌ లేకపోవడం మాకు కాస్త ఊరట అనడంలో ఎలాంటి సందేహం లేదు. ఎన్నో ఏళ్లు వారు జట్టులో కీలక సభ్యులుగా ఉన్నారు. గత రెండు సిరీస్‌లలో నేను వారిని ఎదుర్కొన్నాను. అయితే ప్రస్తుత ఇంగ్లండ్‌ బౌలింగ్‌ బృందం కూడా పదునుగా ఉంది. మేం ఎవరినీ తక్కువగా అంచనా వేయడం లేదు. పరిస్థితులను బట్టి వారిని సమర్థంగా ఎదుర్కొనేందుకు మా యువ ఆటగాళ్లూ సిద్ధంగా ఉన్నారు’ అని పంత్‌ వివరించాడు. కోహ్లితో తలపడాలనుకున్నా: స్టోక్స్‌తమతో ఆడే సిరీస్‌లో విరాట్‌ కోహ్లి లేకపోవడం అవమానకరంగా అనిపిస్తోందని ఇంగ్లండ్‌ టెస్టు కెప్టెన్‌ బెన్‌ స్టోక్స్‌ వ్యాఖ్యానించాడు. భారత్‌కు ఇది పెద్ద లోటని అతను అభిప్రాయపడ్డాడు. ‘మైదానంలో కోహ్లి ప్రదర్శించే పోరాటతత్వం, ఎలాగైనా గెలిచేందుకు పోటీ పడే శైలిని భారత్‌ కోల్పోయింది. 18 నంబర్‌ జెర్సీకి అతను ఒక స్థాయిని కల్పించాడు. ఇప్పుడు ఆ జెర్సీ మైదానంలో కనిపించదు. కోహ్లికి ప్రత్యర్థి గా తలపడాలని నేను ఎంతో కోరుకున్నాను. మైదానంలో పోటీపడే విషయం మా ఇద్దరి లక్షణాలు ఒకటే. నీతో ఆడే అవకాశం లేకపోవడం అవమానంగా భావిస్తున్నాను అని నేను కోహ్లికి మెసేజ్‌ పంపించా’ అని స్టోక్స్‌ వెల్లడించాడు. మరోవైపు భారత జట్టు ఈ సిరీస్‌ కోసం అన్ని విధాలుగా సన్నద్ధమై వచ్చిందని... తమకు గెలుపు అంత సులువు కాదని ఇంగ్లండ్‌ ప్రధాన బ్యాటర్‌ జో రూట్‌ వ్యాఖ్యానించాడు. ‘నా దృష్టిలో ఈ సిరీస్‌కు ఎంతో ప్రాధాన్యత ఉంది. భారత్‌ లాంటి జట్టుతో తలపడేందుకు నేను ఉత్సాహంగా ఎదురు చూస్తున్నా. టీమిండియా చాలా బలంగా ఉంది. పదునైన పేస్‌ బౌలింగ్, ప్రతిభావంతులైన బ్యాటర్లు, బలమైన స్పిన్‌తో వారంతా సన్నద్ధమై వచ్చారు. స్వదేశంలో మా రికార్డు మాకు కొంత సానుకూలాంశం’ అని రూట్‌ స్పందించాడు.బ్యాటింగ్‌ పిచ్‌ సిద్ధం... తొలి టెస్టులో బ్యాటింగ్‌కు బాగా అనుకూలమైన పిచ్‌ అందుబాటులో ఉండటం దాదాపు ఖాయమైంది. ‘బజ్‌బాల్‌’ శైలిలో దూకుడుగా ఆడేందుకు సిద్ధమైన ఇంగ్లండ్‌ తమ ఆలోచనలకు తగిన రీతిలో పిచ్‌ను సిద్ధం చేయిస్తోంది.క్రిస్‌ వోక్స్‌ పునరాగమనంతొలి టెస్టుకు రెండు రోజుల ముందే ఇంగ్లండ్‌ తమ తుది జట్టును ప్రకటించింది. సీనియర్‌ ఆల్‌రౌండర్‌ క్రిస్‌ వోక్స్‌కు ఇందులో చోటు దక్కింది. గాయం కారణంగా వోక్స్‌ ఇంగ్లండ్‌ ఆడిన గత రెండు టెస్టులకు దూరమయ్యాడు. మూడో స్థానంలో యువ ఆటగాడు బెథెల్‌ను కాదని ఓలీ పోప్‌కు ఇంగ్లండ్‌ ప్రాధాన్యతనిచ్చింది. ఇటీవల జింబాబ్వేతో జరిగిన టెస్టును మినహాయిస్తే దాదాపు ఏడాది కాలంగా పోప్‌ వరుసగా విఫలమవుతున్నా... అతని అనుభవాన్నిదృష్టిలో ఉంచుకొని టీమ్‌లోకి ఎంపిక చేసింది. ముగ్గురు పేసర్లతో పాటు ఏకైక స్పిన్నర్‌గా షోయబ్‌ బషీర్‌ బరిలోకి దిగుతాడు. తొలి టెస్టుకు ఇంగ్లండ్‌ జట్టు: స్టోక్స్‌ (కెప్టెన్‌), క్రాలీ, డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, వోక్స్, కార్స్, జోష్‌ టంగ్, షోయబ్‌ బషీర్‌.

మహిళల టీ20 ప్రపంచకప్‌-2026 (ICC Women's T20 World Cup) షెడ్యూల్‌ విడుదలైంది. ఇంగ్లండ్‌ వేదికగా ఈ ఐసీసీ టోర్నీకి వచ్చే ఏడాది జూన్‌ 12న తెర లేవనుంది. అంతర్జాతీయ క్రికెట్‌ మండలి (ICC) ఈ మేరకు బుధవారం ప్రకటన విడుదల చేసింది.ఈ మెగా ఈవెంట్లో పన్నెండు జట్లు భాగం కానున్నాయి. భారత్‌, ఆస్ట్రేలియా, పాకిస్తాన్‌, సౌతాఫ్రికా, ఇంగ్లండ్‌, న్యూజిలాండ్‌, శ్రీలంక, వెస్టిండీస్‌లతో పాటు.. గ్లోబల్‌ క్వాలిఫయర్స్‌ ఫలితాల ఆధారంగా మరో నాలుగు జట్లు వరల్డ్‌కప్‌నకు అర్హత సాధించనున్నాయి.ఈ పన్నెండు జట్లను రెండు గ్రూపులుగా విభజించారు. గ్రూప్‌-ఎ నుంచి ఆస్ట్రేలియా, సౌతాఫ్రికా, భారత్, పాకిస్తాన్‌తో పాటు మరో రెండు జట్లు.. గ్రూప్‌-బి నుంచి ఇంగ్లండ్‌, న్యూజిలాండ్‌, శ్రీలంక, వెస్టిండీస్‌లతో పాటు మరో రెండు టీమ్‌లు పోటీపడనున్నాయి.డిఫెండింగ్‌ చాంపియన్‌గా బరిలోకి న్యూజిలాండ్‌కాగా చివరగా 2024లో జరిగిన మహిళల టీ20 ప్రపంచకప్‌ టోర్నీలో న్యూజిలాండ్‌ విజేతగా నిలిచిన విషయం తెలిసిందే. ఇక టీ20 ప్రపంచకప్‌-2026 ఏడు వేదికల్లో 24 రోజుల పాటు సాగనుంది. ఇందులో భాగంగా 33 మ్యాచ్‌లు జరుగనున్నాయి.కాగా ఎడ్జ్‌బాస్టన్‌, హాంప్‌షైర్‌ బౌల్‌, హెడ్డింగ్లీ, ఓల్డ్‌ ట్రఫోర్డ్‌, ది ఓవల్‌, బ్రిస్టల్‌ కౌంటీ గ్రౌండ్‌, లార్డ్స్‌ మైదానాలు ఆతిథ్యం ఇవ్వనున్నాయి. ఇంగ్లండ్‌- శ్రీలంక మధ్య మ్యాచ్‌తో జూన్‌ 12న మొదలయ్యే మహిళల టీ20 ప్రపంచకప్‌-2026 టోర్నీ జూలై 5న లార్డ్స్‌లో ఫైనల్‌తో ముగియనుంది.భారత్‌ వర్సెస్‌ పాకిస్తాన్‌ మ్యాచ్‌ అప్పుడే..ఈ మెగా టోర్నీలో భారత జట్టు తమ తొలి మ్యాచ్‌లో చిరకాల ప్రత్యర్థి పాకిస్తాన్‌ను ఢీకొట్టనుంది. జూన్‌ 14న ఈ హైవోల్టేజ్‌ మ్యాచ్‌ జరుగనుంది. అనంతరం గ్లోబ్‌ క్వాలిఫయర్‌ నుంచి వచ్చిన టీమ్‌తో జూన్‌ 17న భారత్‌ తలపడుతుంది.ఆ తర్వాత జూన్‌ 21న సౌతాఫ్రికాతో, జూన్‌ 25న క్వాలిఫయర్‌ జట్టుతో, జూన్‌ 28న పటిష్ట ఆస్ట్రేలియా జట్టుతో టీమిండియా అమీతుమీ తేల్చుకోనుంది.ఐసీసీ మహిళల టీ20 ప్రపంచకప్‌-2026 పూర్తి షెడ్యూల్‌జూన్‌ 12- శుక్రవారం- ఇంగ్లండ్‌ వర్సెస్‌ శ్రీలంక, ఎడ్జ్‌బాస్టన్‌జూన్ 13- శనివారం: క్వాలిఫైయర్ vs క్వాలిఫైయర్, ఓల్డ్ ట్రఫోర్డ్ క్రికెట్ గ్రౌండ్జూన్‌ 13- శనివారం: ఆస్ట్రేలియా vs సౌతాఫ్రికా, ఓల్డ్ ట్రఫోర్డ్ క్రికెట్ గ్రౌండ్జూన్‌ 13- శనివారం: వెస్టిండీస్ vs న్యూజిలాండ్, హాంప్‌షైర్ బౌల్జూన్‌ 14- ఆదివారం: క్వాలిఫైయర్ vs క్వాలిఫైయర్, ఎడ్జ్‌బాస్టన్‌జూన్‌ 14- ఆదివారం: ఇండియా vs పాకిస్తాన్, ఎడ్జ్‌బాస్టన్జూన్‌ 16- మంగళవారం: న్యూజిలాండ్ vs శ్రీలంక, హాంప్‌షైర్ బౌల్జూన్‌ 16- మంగళవారం: ఇంగ్లండ్‌ vs క్వాలిఫయర్‌, హాంప్‌షైర్‌బౌల్‌జూన్‌ 17- బుధవారం: ఆస్ట్రేలియా vs క్వాలిఫయర్‌, హెడ్డింగ్లీజూన్‌ 17- బుధవారం: ఇండియా vs క్వాలిఫయర్‌, హెడ్డింగ్లీజూన్‌ 17- బుధవారం: సౌతాఫ్రికా vs పాకిస్తాన్‌, ఎడ్జ్‌బాస్టన్‌జూన్‌ 18- గురువారం: వెస్టిండీస్‌ vs క్వాలిఫయర్‌, హెడ్డింగ్లీజూన్‌ 19- శుక్రవారం: న్యూజిలాండ్‌ vs క్వాలిఫయర్‌, హాంప్‌షైర్‌ బౌల్‌జూన్‌ 20- శనివారం: ఆస్ట్రేలియా vs క్వాలిఫయర్‌, హాంప్‌షైర్‌ బౌల్‌జూన్‌ 20- శనివారం: ఇంగ్లండ్‌ vs క్వాలిఫయర్‌, హెడ్డింగ్లీజూన్‌ 21- ఆదివారం: వెస్టిండీస్‌ vs శ్రీలంక, బ్రిస్టల్‌ కౌంటీ గ్రౌండ్‌జూన్‌ 23- మంగళవారం: న్యూజిలాండ్‌ vs క్వాలిఫయర్‌, బ్రిస్టల్‌ కౌంటీ గ్రౌండ్‌జూన్‌ 23- మంగళవారం: శ్రీలంక vs క్వాలిఫయర్‌, బ్రిస్టల్‌ కౌంటీ గ్రౌండ్‌జూన్‌ 23- మంగళవారం: ఆస్ట్రేలియా vs పాకిస్తాన్‌, హెడ్డింగ్లీజూన్‌ 24- బుధవారం: ఇంగ్లండ్‌ vs వెస్టిండీస్‌, లార్డ్స్‌ క్రికెట్‌ గ్రౌండ్‌జూన్‌ 25- గురువారం: ఇండియా vs క్వాలిఫయర్‌, ఓల్డ్ ట్రఫోర్డ్ క్రికెట్ గ్రౌండ్జూన్‌ 25- గురువారం: సౌతాఫ్రికా vs క్వాలిఫయర్‌, బ్రిస్టల్‌ కౌంటీ గ్రౌండ్‌జూన్‌ 26- శుక్రవారం: శ్రీలంక vs క్వాలిఫయర్‌, ఓల్డ్ ట్రఫోర్డ్ క్రికెట్ గ్రౌండ్జూన్‌ 27- శనివారం: పాకిస్తాన్‌ vs క్వాలిఫయర్‌, బ్రిస్టల్‌ కౌంటీ గ్రౌండ్‌జూన్‌ 27- శనివారం: వెస్టిండీస్‌ vs క్వాలిఫయర్‌, బ్రిస్టల్‌ కౌంటీ గ్రౌండ్‌జూన్‌ 27- శనివారం: ఇంగ్లండ్‌ vs న్యూజిలాండ్‌, ది ఓవల్‌జూన్‌ 28- ఆదివారం: సౌతాఫ్రికా vs క్వాలిఫయర్‌, లార్డ్స్‌ క్రికెట్‌ గ్రౌండ్‌.జూన్‌ 28- ఆదివారం: ఆస్ట్రేలియా vs ఇండియా, లార్డ్స్‌ క్రికెట్‌ గ్రౌండ్‌.జూన్‌ 30- మంగళవారం: సెమీ ఫైనల్‌ 1- ది ఓవల్‌జూలై 2- గురువారం: సెమీ ఫైనల్‌ 2- ది ఓవల్‌జూలై 5- ఆదివారం: ఫైనల్‌, లార్డ్స్‌ క్రికెట్‌ గ్రౌండ్‌.చదవండి: గ్లెన్‌ మ్యాక్స్‌వెల్‌ విధ్వంసకర శతకం.. 13 సిక్సర్లతో

భారత జట్టు ఇంగ్లండ్‌ గడ్డపై 19 సిరీస్‌లు ఆడితే 14 సిరీస్‌లలో పరాజయమే పలకరించింది. రెండు సిరీస్‌లు సమంగా ముగియగా మూడుసార్లు భారత జట్టు విజేతగా నిలిచింది. అయితే పాత రికార్డుల్లోకి వెళ్లకుండా గత మూడు సిరీస్‌లనే చూసుకుంటే టీమిండియా ప్రదర్శనలో అక్కడక్కడ చెప్పుకోదగ్గ మెరుపులు ఉన్నాయి. చివరిసారిగా 2021–22లో పర్యటించిన సమయంలో ఐదు టెస్టుల సిరీస్‌ను 2–2తో ‘డ్రా’ చేసుకోవడం మన జట్టు మెరుగైన ప్రదర్శనకు సూచిక.అంతకుముందు రెండు పర్యటనల్లో రెండు మ్యాచ్‌లు మాత్రమే గెలిచిన రికార్డు అంకెల్లో కనిపిస్తున్నా... భారత్‌ చాలా సందర్భాల్లో పైచేయి సాధించింది. దురదృష్టవశాత్తూ కీలక క్షణాల్లో పట్టు తప్పడంతో మ్యాచ్‌లు చేజార్చుకోవాల్సి వచ్చింది. ఈ నేపథ్యంలో తాజా సిరీస్‌లో శుబ్‌మన్‌ గిల్‌ బృందం పట్టుదలను, పోరాటపటిమను ప్రదర్శిస్తే ఇంగ్లండ్‌తో గట్టి పోటీనివ్వడం ఖాయం. అంచనాలకు అనుగుణంగా రాణిస్తే సిరీస్‌ ఏకపక్షంగా సాగకుండా ఇంగ్లండ్‌ను టీమిండియా నిలువరించవచ్చు. –సాక్షి క్రీడా విభాగం ప్రస్తుతం సిరీస్‌కు సిద్ధమైన జట్టులో ఇంగ్లండ్‌ గడ్డపై అనుభవంరీత్యా చూస్తే రవీంద్ర జడేజాఅందరి కంటే సీనియర్‌. గత మూడు సిరీస్‌లలో అతను జట్టులో భాగంగా ఉన్నాడు. విరాట్‌ కోహ్లి, రోహిత్‌ శర్మ, అశ్విన్‌లాంటి ఆటగాళ్లు జట్టుకు దూరమైన స్థితిలో జడేజా అనుభవం జట్టుకు కీలకం కానుంది. కేఎల్‌ రాహుల్, బుమ్రా, రిషభ్‌ పంత్‌ ఇంగ్లండ్‌లో గత రెండు సిరీస్‌లు ఆడగా... కుల్దీప్‌ యాదవ్, సిరాజ్, శార్దుల్‌ ఠాకూర్‌లకు కూడా ఆడిన అనుభవం ఉంది. కౌంటీ క్రికెట్‌లో ఆడటాన్ని పక్కన పెడితే మిగతా ప్లేయర్లంతా అంతర్జాతీయ స్థాయిలో తొలిసారి ఇంగ్లండ్‌లో బరిలోకి దిగబోతున్నారు. ఇప్పుడున్న జట్టును చూస్తే స్టార్‌ అంటూ ఎవరూ లేరు. మున్ముందు సిరీస్‌లో ఇదే భారత్‌కు సానుకూలాంశం కూడా కావచ్చు. ఒక్కొక్కరి వ్యక్తిగత ఆటపై కాకుండా టీమిండియా సమష్టి ప్రదర్శన చేయాలని పట్టుదలగా ఉంది. కోచ్‌ గౌతమ్‌ గంభీర్‌కు కూడా ఈ సిరీస్‌ సవాల్‌గా నిలవనుంది. బ్యాటర్‌గా ఇంగ్లండ్‌ గడ్డపై పేలవమైన రికార్డు (5 టెస్టుల్లో కలిపి 127 పరుగులు) ఉన్న గంభీర్‌ కోచ్‌గా తన వ్యూహాలకు పదును పెట్టి జట్టుకు ఎలా మార్గనిర్దేశం చేస్తాడనేది ఆసక్తికరం. బ్యాటర్లకు సవాల్‌... మబ్బు పట్టిన వాతావరణంలో బంతి అనూహ్యంగా స్వింగ్‌ కావడం... డ్రైవ్‌ కోసం ప్రయతి్నస్తే చాలు బంతి బ్యాట్‌ అంచులను తాకి స్లిప్స్‌లోకి దూసుకుపోవడం... ఇంగ్లండ్‌లో జరిగే టెస్టు సిరీస్‌లలో సర్వసాధారణంగా కనిపించే దృశ్యాలు. ఇలాంటి స్థితిని దాటి బ్యాటర్లు రాణించాలంటే ఎంతో పట్టుదల, ఓపిక కనబర్చాల్సి ఉంటుంది. తమ బ్యాటింగ్‌ స్టాన్స్‌లో కూడా పలు మార్పులు చేసుకోవాల్సి ఉంటుంది. ముఖ్యంగా ఓపెనర్లది ప్రధాన పాత్ర కానుంది. ప్రస్తుతం జట్టు కూర్పును బట్టి చూస్తే యశస్వి జైస్వాల్, సాయి సుదర్శన్‌ ఓపెనింగ్‌ చేయడం ఖాయమే. జైస్వాల్‌ 19 మ్యాచ్‌ల స్వల్ప కెరీర్‌ను చూస్తే ఆస్ట్రేలియాలో బౌన్సీ పిచ్‌లపై ఆకట్టుకున్న అతను దక్షిణాఫ్రికాలో రెండు టెస్టుల్లోనూ విఫలమయ్యాడు. ఇప్పుడు ఇంగ్లండ్‌లో అతను సత్తా చాటాల్సిన సమయం వచి్చంది. తొలి సిరీస్‌లోనే సుదర్శన్‌ నుంచి అతిగా ఆశించలేం. వరల్డ్‌ టెస్టు చాంపియన్‌షిప్‌ రెండు ఫైనల్‌లను వదిలేస్తే గిల్‌ ఇంగ్లండ్‌లో ఒకే ఒక టెస్టు ఆడాడు. కెప్టెన్‌గా అదనపు బాధ్యతతో అతను ఎంత బాగా ఆడతాడనేది కీలకం. గణాంకాల పరంగా చూస్తే మరో ప్రధాన బ్యాటర్‌ రాహుల్‌కు ఇంగ్లండ్‌లో మంచి రికార్డు ఉంది. ఇప్పుడు తన స్థానంపై సందేహాలు లేవు కాబట్టి స్వేచ్ఛగా ఆడగలడు. ఇక మిడిలార్డర్‌లో కరుణ్‌ నాయర్‌పై అందరి దృష్టీ ఉంది. నాయర్‌కు చోటు దక్కడంలో దేశవాళీ ప్రదర్శనతో పాటు నార్తాంప్టన్‌షైర్‌ అనుభవం కీలకపాత్ర పోషించింది. కాబట్టి అతను తనపై ఉంచిన నమ్మ కాన్ని నిలబెట్టుకునేందుకు ఏమాత్రం శ్రమిస్తాడనేది ఆసక్తికరం. ఇక పిచ్, పరిస్థితులతో సంబంధం లేకుండా ఆట దిశను మార్చగల పంత్‌పై కూడా జట్టు భారీగా ఆశలు పెట్టుకుంది. మెల్‌బోర్న్‌ టెస్టు తర్వాత నిలకడ చూపించలేకపోయిన నితీశ్‌ రెడ్డి మరోసారి తన బ్యాటింగ్‌ నైపుణ్యాన్ని ప్రదర్శించాల్సి ఉంది.బుమ్రా, సిరాజ్‌ చెలరేగితే...ఈ సిరీస్‌ ఫలితాన్ని ప్రభావితం చేయగల ఏకైక ప్లేయర్‌లా జస్‌ప్రీత్‌ బుమ్రా కనిపిస్తున్నాడు. పని భారంతో అతను గరిష్టంగా మూడు టెస్టులే ఆడవచ్చని మేనేజ్‌మెంట్‌ ఇప్పటికే చెప్పింది. ఆ మూడు టెస్టుల్లో ఇంగ్లండ్‌ బ్యాటర్లకు ‘నరకం’ కనిపించడం ఖాయం. ఇటీవల ఆ్రస్టేలియాకు ఈ అనుభవం ఏమిటో బాగా తెలిసింది. కాబట్టి బుమ్రా పూర్తి ఫిట్‌నెస్‌తో తన అత్యుత్తమ ప్రదర్శన ఇస్తే టీమిండియాలో ఆత్మవిశ్వాసం పెరగడం ఖాయం. ఎరుపు బంతితో మొహమ్మద్‌ సిరాజ్‌ బౌలింగ్‌ కూడా చాలా పదునెక్కింది. అక్కడి పరిస్థితుల్లో సిరాజ్‌ బౌలింగ్‌ ప్రత్యర్థి పాలిట ప్రమాదకరంగా మారడం ఖాయం. గత సిరీస్‌లో సిరాజ్‌ 5 టెస్టులూ ఆడి 18 వికెట్లు వికెట్లు పడగొట్టడం విశేషం. ఈ అనుభవం చెప్పుకోదగ్గ సానుకూలాంశం. సిడ్నీ టెస్టులో ఆకట్టు కున్న ప్రసిధ్‌ కృష్ణ మూడో పేసర్‌గా బరిలోకి దిగనున్నాడు. సుదీర్ఘ సిరీస్‌ కాబట్టి అర్ష్ దీప్‌కు ఏదో ఒకదశలో అవకాశం దక్కవచ్చు కానీ ఏమాత్రం ప్రభావం చూపగలడో సందేహమే. అశ్విన్‌ రిటైర్మెంట్‌తో ఇప్పుడు కుల్దీప్‌కు తొలిసారి ప్రధాన స్పిన్నర్‌గా చోటు ఖాయం. 2018లో ఇక్కడ ఆడిన ఏకైక మ్యాచ్‌లో విఫలమైన అతను పెద్ద బాధ్యతను సమర్థంగా నిర్వర్తించడం ముఖ్యం. కెరీర్‌ చివరి దశలో ఉన్న జడేజా ఆల్‌రౌండర్‌గా రాణించడం ముఖ్యం. సీమ్‌ బౌలర్‌ శార్దుల్‌ శైలితో ఇక్కడ మంచి ఫలితం రాబట్టవచ్చు కాబట్టి మేనేజ్‌మెంట్‌ మొగ్గు శార్దుల్‌ వైపు ఉంది.

లండన్‌: రోహిత్‌ శర్మ రిటైర్మెంట్‌ ప్రకటన తర్వాత భారత టెస్టు జట్టు కొత్త కెప్టెన్‌గా శుబ్‌మన్‌ గిల్‌ను ఎంపిక చేసినప్పుడు క్రికెట్‌ వర్గాల్లో పెద్ద చర్చ సాగింది. అనుభవజ్ఞుడు, జట్టు ప్రధాన బలమైన పేసర్‌ జస్‌ప్రీత్‌ బుమ్రాను కాకుండా గిల్‌ను సారథిగా ఎంపిక చేయడంపై ఆశ్చర్యం వ్యక్తమైంది. దీనిపై ఇప్పుడు బుమ్రా స్పష్టత ఇచ్చాడు. తన గాయాలు, ఫిట్‌నెస్‌ సమస్యల కారణంగా కెప్టెన్సీవంటి అదనపు భారం మోయలేనని, నాయకుడిగా తన పేరును పరిశీలించవద్దని బీసీసీఐకి తానే చెప్పినట్లు అతను వెల్లడించాడు. ‘నన్ను కెప్టెన్‌గా ఎంపిక చేయడం వెనక ఎలాంటి ఆసక్తికర నేపథ్యం కానీ, నన్ను కావాలని తప్పించారనే వివాదం కానీ ఏమీ లేదు. రోహిత్, కోహ్లి రిటైర్మెంట్‌లకంటే ముందే ఇంగ్లండ్‌తో సిరీస్‌లో నా పని భారం ఎలా ఉండబోతోందో అనే విషయంపై బీసీసీఐ అధికారులతో పాటు నా వెన్ను నొప్పికి చికిత్స చేసిన వైద్యులతో కూడా మాట్లాడాను. జాగ్రత్త పాటిస్తేనే మంచిదని చెప్పారు. దాంతో నేను ఇంగ్లండ్‌లో అన్ని టెస్టులూ ఆడలేనని, సారథిగా నా పేరును పరిగణనలోకి తీసుకోవద్దని బోర్డుకు చెప్పాను. సిరీస్‌ మధ్యలో నేను తప్పుకొని మరొకరు కెప్టెన్సీ చేయడం సరైంది కాదు. కాబట్టి జట్టు ప్రయోజనాల కోణంలోనే నిర్ణయం తీసుకున్నా. భారత కెప్టెన్‌గా వ్యవహరించడం గొప్ప గౌరవం. కానీ కెప్టెన్‌గాకంటే ఒక ప్లేయర్‌గా నేను జట్టు కోసం ఉపయోగపడటం ముఖ్యమని భావించా’ అని బుమ్రా తెలిపాడు.

వ‌రల్డ్ టెస్టు ఛాంపియ‌న్‌షిప్ 2025-27 ఫైన‌ల్‌కు ఆతిథ్య‌మివ్వాల‌ని భావిస్తున్న బీసీసీఐ ఆశ‌ల‌పై అంతర్జాతీయ క్రికెట్ కౌన్సిల్(ఐసీసీ) నీళ్లు చ‌ల్లే సూచ‌న‌లు క‌న్పిస్తున్నాయి. టెలిగ్రాఫ్ క‌థ‌నం ప్ర‌కారం.. ప్రస్తుతం కొనసాగుతున్నట్లుగానే వ‌చ్చే మూడు సీజ‌న్ల ఫైన‌ల్ ఆతిథ్య హక్కులను ఇంగ్లండ్‌కే కట్టబెట్టేందుకు సిద్ధమైనట్లు తెలుస్తోంది.దీనిపై వచ్చే నెలలో సింగపూర్‌లో జరిగే వార్షిక సమావేశం అనంత‌రం ఐసీసీ అధికారిక ప్ర‌కట‌న చేసే అవ‌కాశ‌ముంది. ఒక‌వేళ ఇదే జ‌రిగితే 2027, 2029, 2031 ఫైన‌ల్స్‌కు ఇంగ్లండ్ ఆతిథ్య‌మివ్వ‌నుంది. 2021లో తొలి డబ్ల్యూటీసీ ఫైనల్‌ను ఇంగ్లండ్‌లోని సౌతాంప్టాన్ వేదిక‌గా జ‌రిగింది.ఆ త‌ర్వాత రెండు సీజ‌న్ల ఫైన‌ల్స్‌కు లండ‌న్‌లోని ఓవ‌ల్ మైదానం, లార్డ్స్ వేదిక‌లు ఆతిథ్య‌మిచ్చాయి. అయితే ఐసీసీ ఆతిథ్య హ‌క్కుల‌ను ఇంగ్లండ్‌కే క‌ట్ట‌బెట్ట‌డానికి బ‌ల‌మైన కార‌ణాలు ఉన్నాయి. ఇంగ్లండ్ గ్లోబ‌ల్ బ్రాడ్‌కాస్ట‌ర్స్‌కు అనువ‌గా ఉండ‌డం, అక్కడి వాతావరణ పరిస్థితులు, ప్రేక్ష‌కులు ఎక్కువ‌గా టెస్టు క్రికెట్‌కు ప్రాముఖ్య‌త ఇవ్వ‌డం వంటి ఆంశాలు ఐసీసీని ప్ర‌భావితం చేసిన‌ట్లు స‌మాచారం.ప్ర‌స్తుతం లార్డ్స్ వేదిక‌గా ఆస్ట్రేలియా, ద‌క్షిణాఫ్రికా జ‌రుగుతున్న డ‌బ్ల్యూటీసీ ఫైన‌ల్‌కు విశేష ప్రేక్ష‌క ఆద‌ర‌ణ ల‌భించింది. మొదటి మూడు రోజుల్లో 75,000 మందికి పైగా అభిమానులు హాజరయ్యారు. ఈ ఫైన‌ల్ మ్యాచ్‌లో ద‌క్షిణాఫ్రికా త‌మ విజ‌యానికి అంత్యంత చేరువైంది.చదవండి: WTC Final 2025: చరిత్ర సృష్టించిన టెంబా బావుమా.. తొలి కెప్టెన్‌గా

బెకెన్‌హామ్‌: ఇంగ్లండ్‌తో టెస్టు సిరీస్‌ ప్రారంభానికి ముందు భారత క్రికెట్‌ జట్టు నాలుగు రోజుల ఇంట్రా స్క్వాడ్‌ మ్యాచ్‌ ఆడుతోంది. శుక్రవారం ఈ ప్రాక్టీస్‌ మ్యాచ్‌ ప్రారంభం కాగా... ఆట ఆరంభానికి ముందు అహ్మదాబాద్‌ విమాన ప్రమాద మృతులకు భారత జట్టు నివాళులర్పించింది. దీనికి సంబంధించిన ఫొటోలను భారత క్రికెట్‌ నియంత్రణ మండలి (బీసీసీఐ) సామాజిక మాధ్యమాల్లో పోస్ట్‌ చేసింది. ఎయిరిండియా ఏఐ–171 విమాన ప్రమాదంలో మృతిచెందిన 265 మందికి సంతాపంగా ఆటగాళ్లంతా చేతులకు నల్ల రిబ్బన్లతో బరిలోకి దిగారు. మరోవైపు లార్డ్స్‌ వేదికగా జరుగుతున్న ప్రపంచ టెస్టు చాంపియన్‌షిప్‌ ఫైనల్‌ మూడో రోజు దక్షిణాఫ్రికా, ఆస్ట్రేలియా జట్లు కూడా ఈ ప్రమాదమృతులకు ఒక నిమిషం పాటు మౌనం వహించి సంతాపం తెలిపారు. ఈ నెల 20 నుంచి భారత్, ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌ ప్రారంభం కానుండగా... అంతకుముందు ఇంగ్లండ్‌ లయన్స్‌ జట్టుతో భారత ‘ఎ’ జట్టు రెండు అనధికారిక టెస్టు మ్యాచ్‌లు ఆడింది. ప్రస్తుతం భారత ‘ఎ’ జట్టు ఆటగాళ్లతో కలుపుకొని ఇంట్రా స్క్వాడ్‌ మ్యాచ్‌ జరుగుతోంది. ఈ మ్యాచ్‌కు అభిమానులు, మీడియాకు అనుమతి లేదు.

‘ప్రియమైన క్రికెట్‌... నాకు మరో అవకాశం ఇవ్వు’... ఇది 2022 డిసెంబర్‌లో కరుణ్‌ నాయర్‌ చేసిన ట్వీట్‌! జాతీయ జట్టు తరఫున ఆడిన మూడో టెస్టులోనే ‘ట్రిపుల్‌ సెంచరీ’ చేసి రికార్డులు తిరగరాసిన కరుణ్‌ నాయర్‌... ఆ తర్వాత లైమ్‌ లైట్‌లో లేకుండా పోయాడు. కెరీర్‌లో తొలి శతకాన్నే మూడొందలుగా మార్చినా... ఆ మరుసటి మ్యాచ్‌లోనే అతడికి తుది జట్టులో అవకాశం లేకుండా పోయింది. ఆ తర్వాత టీమిండియా ఆడిన వరుస మూడు మ్యాచ్‌ల్లో ఆడినా... వాటిలో తనదైన ముద్ర వేయడంలో విఫలమయ్యాడు! దీంతో సెలెక్టర్లు అతడి పేరు పరిశీలించడమే మానేశారు. అయినా పట్టువీడని విక్రమార్కుడిలా ప్రయత్నిస్తూ వచ్చిన కరుణ్‌ నాయర్‌... దేశవాళీల్లో టన్నులకొద్దీ పరుగులు చేసి తిరిగి జాతీయ జట్టులో అవకాశం దక్కించుకున్నాడు. ఎనిమిదేళ్ల నిరీక్షణ అనంతరం వచ్చిన ‘సెకండ్‌ చాన్స్‌’ను సద్వినియోగ పరుచుకుంటూ ఇంగ్లండ్‌తో సిరీస్‌లో సత్తా చాటేందుకు నాయర్‌ సమాయత్తమవుతున్నాడు. –సాక్షి క్రీడావిభాగం ‘ఎనిమిదేళ్ల తర్వాత తిరిగి టెస్టు జట్టులో చోటు దక్కడం ప్రత్యేకంగా అనిపిస్తోంది. ఈ అవకాశాన్ని రెండు చేతులా ఒడిసి పట్టేందుకు ఆతృతగా ఎదురుచూస్తున్నా’ ఇది కరుణ్‌ నాయర్‌ తాజా వ్యాఖ్య. ఈ నెల 20 నుంచి ఇంగ్లండ్‌తో ప్రారంభం కానున్న ఐదు మ్యాచ్‌ల టెస్టు సిరీస్‌కు ఎంపికైన కరుణ్‌ నాయర్‌... సుదీర్ఘ నిరీక్షణ తర్వాత వచ్చిన చాన్స్‌ను పూర్తిగా వినియోగించుకోవాలని భావిస్తున్నాడు. 2024–25 రంజీ సీజన్‌లో విదర్భ జట్టుకు ప్రాతినిధ్యం వహించిన 33 ఏళ్ల కరుణ్‌ నాయర్‌... 53.93 సగటుతో 863 పరుగులు చేశాడు. దీంతో విదర్భ జట్టు రంజీ చాంపియన్‌గా నిలవగా... అంతకుముందు విజయ్‌ హజారే ట్రోఫీలోనూ నాయర్‌ దుమ్మురేపాడు. 8 ఇన్నింగ్స్‌ల్లో 389.50 సగటుతో 779 పరుగులు చేసి టాప్‌ స్కోరర్‌గా నిలిచాడు. ఇందులో 5 శతకాలు ఉండటం విశేషం. ఈ ప్రదర్శన అతడిని మరోసారి వెలుగులోకి తేగా... తాజా ఐపీఎల్‌లో ఢిల్లీ క్యాపిటల్స్‌ తరఫున కూడా మెరుగైన ప్రదర్శన కనబర్చాడు. విరాట్‌ కోహ్లి, రోహిత్‌ శర్మ టెస్టు క్రికెట్‌కు రిటైర్మెంట్‌ ప్రకటించడంతో జట్టులో ఖాళీ ఏర్పడగా... ఇంగ్లండ్‌లో కౌంటీ క్రికెట్‌ ఆడిన అనుభవం కూడా ఉన్న కరుణ్‌ను సెలెక్టర్లు తిరిగి జట్టుకు ఎంపిక చేశారు. అనధికారిక టెస్టులో ‘డబుల్‌’ ప్రతిష్టాత్మక టెస్టు సిరీస్‌కు ముందు ఇంగ్లండ్‌ లయన్స్, భారత్‌ ‘ఎ’ జట్ల మధ్య జరిగిన అనధికారిక టెస్టులోనూ నాయర్‌ ఆకట్టుకున్నాడు. తొలి ప్రాక్టీస్‌ పోరులో మూడో స్థానంలో బరిలోకి దిగి డబుల్‌ సెంచరీతో అదరగొట్టాడు. ఈ ప్రదర్శనతో తొలి టెస్టులో కరుణ్‌కు తుది జట్టులో చోటు దక్కడం ఖాయంగానే కనిపిస్తోంది. మరి విధ్వంసక వీరుడు వీరేంద్ర సెహ్వాగ్‌ తర్వాత భారత్‌ తరఫున టెస్టు క్రికెట్‌లో ‘ట్రిపుల్‌ సెంచరీ’ చేసిన రెండో ప్లేయర్‌గా నిలిచిన నాయర్‌... సెకండ్‌ ఇన్నింగ్స్‌లో ఎలాంటి ప్రదర్శన చేస్తాడో చూడాలి. 2016లో ఇంగ్లండ్‌తో మూడో టెస్టు ద్వారా అంతర్జాతీయ అరంగేట్రం చేసిన నాయర్‌... తొలి రెండు మ్యాచ్‌ల్లో వరుసగా 4, 13 పరుగులు చేశాడు. మూడో మ్యాచ్‌లో అవకాశం దక్కించుకున్న నాయర్‌.. చెన్నై పిచ్‌పై ఇంగ్లండ్‌ బౌలర్లను చితక్కొట్టాడు. బ్యాటింగ్‌కు అనుకూలిస్తున్న మైదానంలో తన సహచర ఆటగాడు కేఎల్‌ రాహుల్‌ అండతో భారీ ఇన్నింగ్స్‌ ఆడి... కెరీర్‌లో తొలి సెంచరీనే ట్రిపుల్‌ సెంచరీగా మలిచాడు. అయితే అప్పటికే టీమిండియా సిరీస్‌ కైవసం చేసుకోగా... ఎక్కువ ఒత్తిడి లేని మ్యాచ్‌ కావడంతోనే నాయర్‌ ‘ట్రిపుల్‌ సెంచరీ’ చేయగలిగాడనే వార్తలు వినిపించాయి. ఎవరేమన్నా... స్టువర్ట్‌ బ్రాడ్, బెన్‌ స్టోక్స్, మొయిన్‌ అలీ, ఆదిల్‌ రషీద్‌ వంటి ప్రపంచస్థాయి బౌలర్లను ఎదుర్కొంటూ మూడొందల పరుగులు చేయడం అంటే... ఎలాంటి స్థితిలో అయినా అషామాషీ కాదనేది వాస్తవం. యువ ఆటగాళ్లకు పెద్దన్నలా... నాయర్‌ ‘ట్రిపుల్‌ సెంచరీ’ అనంతరం బంగ్లాదేశ్‌తో టీమిండియా ఆడిన ఏకైక టెస్టులో అతడికి అవకాశం దక్కలేదు. ఆ వెంటనే ఆస్ట్రేలియాతో టెస్టు సిరీస్‌కు నాయర్‌ను ఎంపిక చేసినా... అతడు ఏమాత్రం ఆకట్టుకోలేకపోయాడు. మూడు టెస్టుల్లో ఒక్కసారి కూడా 30 పరుగుల మార్క్‌ దాటలేకపోయాడు. దీంతో అతడికి మరో అవకాశం దక్కలేదు. 2018 ఇంగ్లండ్‌ పర్యటనకు ఎంపికైనా... ఐదు మ్యాచ్‌ల్లోనూ బెంచ్‌కే పరిమితమయ్యాడు. అప్పటికే సిరీస్‌ కోల్పోయిన అనంతరం జరిగిన ఆఖరిదైన ఐదో టెస్టులో సైతం నాయర్‌కు అవకాశం ఇవ్వకుండా... తెలుగు ఆటగాడు హనుమ విహారిని భారత్‌ నుంచి రప్పించి మరీ అరంగేట్రం చేయించారు. ఇక అప్పటి నుంచి రేసులో వెనుకబడిపోయిన నాయర్‌... దేశవాళీ ధనాధన్‌తో మళ్లీ వెలుగులోకి వచ్చాడు. అయితే గతంతో పోలిస్తే షాట్‌ల ఎంపికలో కచ్చితత్వం... బ్యాటింగ్‌లో నిలకడ... అనుభవం అతడిని ప్రత్యేకంగా నిలుపుతున్నాయి.యశస్వి జైస్వాల్, శుబ్‌మన్‌ గిల్, సాయి సుదర్శన్‌ వంటి యువ ఆటగాళ్లతో కూడిన జట్టులో నాయర్‌ కీలకం కాగలడని విశ్లేషకులు అంచనా వేస్తున్నారు. ప్రస్తుతం జట్టులో అందరికంటే సీనియర్‌ అయిన కేఎల్‌ రాహుల్‌కు నాయర్‌తో మంచి అనుబంధం ఉండగా... ఈ పర్యటనలో ఈ కన్నడ జోడీపై భారీ అంచనాలు ఉన్నాయి. 2023–24 సీజన్‌లలో ఇంగ్లండ్‌ కౌంటీ చాంపియన్‌షిప్‌లో నార్తంప్టన్‌షైర్‌ జట్టుకు ప్రాతినిధ్యం వహించిన నాయర్‌ 56.61 సగటుతో 736 పరుగులు చేశాడు. అక్కడి పరిస్థితులపై చక్క టి అవగాహన ఉన్న నాయర్‌... యువ ఆటగాళ్లకు పెద్దన్నలా వ్యవహరిస్తే ఈ సిరీస్‌లో టీమిండియాకు సానుకూల ఫలితాలు దక్కే అవకాశం ఉంది.

బెకెన్‌హామ్‌: ఐదు టెస్టుల పూర్తిస్థాయి సిరీస్‌కు ముందు తమ బలాన్ని పరీక్షించుకునేందుకు భారత ఆటగాళ్లంతా సిద్ధమయ్యారు. విదేశీ పర్యటనకు వెళితే సాధారణంగా అక్కడి దేశవాళీ జట్టుతో ప్రాక్టీస్‌ చేస్తారు. కానీ ఈసారి అనధికారిక టెస్టులు ఆడేందుకు ఇంగ్లండ్‌ వచ్చిన భారత్‌ ‘ఎ’ జట్టుతోనే సీనియర్‌ జట్టు వార్మప్‌ మ్యాచ్‌కు సిద్ధమైంది. ఈ నాలుగు రోజుల ప్రాక్టీస్‌ మ్యాచ్‌ నేటి నుంచి జరుగుతుంది. ఇక్కడికి రాగానే నెట్స్‌లో కసరత్తు చేసిన ఆటగాళ్లు ఇప్పుడు మైదానంలో ప్రాక్టీస్‌ చేయనున్నారు. నాలుగు రోజుల పాటు జరుగనున్నప్పటికీ ఈ వార్మప్‌ పోరుకు ఫస్ట్‌క్లాస్‌ హోదా లేదు. దీంతో బాగా ఆడినా... త్వరగా అవుటైనా ఫస్ట్‌క్లాస్‌ గణాంకాల్లో నమోదు కావు. కాబట్టి ఆటగాళ్లందరూ యథేచ్ఛగా ఆడుకునేందుకు అవకాశముంటుంది. ఐదు రోజుల ఫార్మాట్‌కు రోహిత్‌ శర్మ, విరాట్‌ కోహ్లి రిటైరయ్యాక జరుగుతున్న తొలి సిరీస్‌ కావడంతో... తుది జట్టు కూర్పు, యువ ఆటగాళ్ల నేర్పు కొంతవరకైనా తెలుసుకునేందుకు ఈ ప్రాక్టీస్‌ మ్యాచ్‌ దోహదం చేస్తుందని భారత జట్టు మేనేజ్‌మెంట్‌ భావిస్తోంది. టీమిండియా బలాలు, బలహీనతలు బయటికి పొక్కకుండా ఈ ప్రాక్టీస్‌ మ్యాచ్‌ నిర్వహించాలని హెడ్‌ కోచ్‌ గౌతమ్‌ గంభీర్‌ అనుకుంటున్నాడు. ఇందులో భాగంగా ప్రేక్షకులు, భారత అభిమానులెవరికీ ప్రవేశం కల్పించడం లేదు. ఆ్రస్టేలియా పర్యటనలోనూ భారత్‌ ఇదే విధంగా చేసింది. బౌలింగ్‌ కోచ్‌ మోర్నీ మోర్కెల్‌ మాట్లాడుతూ నెట్స్‌లో శ్రమించడం, 90 ఓవర్ల పాటు మ్యాచ్‌ ఆడటం రెండు భిన్నమైనవని అన్నాడు. ముఖ్యంగా ఈ నాలుగు రోజుల పాటు 360 ఓవర్లు ఆడే ఆటగాళ్ల సామర్థ్యాన్ని భారత సహాయక బృందం పరిశీలిస్తుంది. అలాగే బౌలింగ్‌ విభాగానికి ఈ పర్యటనలో ఎదురయ్యే ప్రతికూలతల్నీ తెలుసుకోనుంది. పేసర్లు, స్పిన్నర్లు రోజంతా ఎన్ని ఓవర్లను ఉత్సాహంగా వేయగలరో ఒక అంచనాకు వస్తుంది. సీనియర్‌ స్పిన్‌ ఆల్‌రౌండర్‌ రవీంద్ర జడేజా, కుల్దీప్‌ యాదవ్‌లకు అక్కడి బౌన్సీ పిచ్‌లపై ఎదురయ్యే సవాళ్లను కూడా భారత మేనేజ్‌మెంట్‌ బేరీజు వేస్తుంది. స్పీడ్‌స్టర్‌ బుమ్రా జట్టుకు అందుబాటులో ఉన్నప్పటికీ మొత్తం ఐదు టెస్టులు ఆడే అవకాశమైతే లేదు. ఈ విషయాన్ని సెలక్షన్‌ సమయంలోనే స్పష్టం చేశారు. ఐదింటిలో మూడు టెస్టులే అతను ఆడతాడని వెల్లడించారు. ఏ మూడు మ్యాచ్‌లనే విషయాన్ని అపుడు సెలక్టర్లు... ఇప్పుడు కోచ్‌ గంభీర్‌... స్పష్టంగా చెప్పడం లేదు.అగ్రశ్రేణి పేసర్‌ బుమ్రా ఆరు నెలల తర్వాత టెస్టు బరిలోకి దిగబోతున్నాడు. తన విభిన్న శైలీ బౌలింగ్‌ కారణంగా తరచూ ఇబ్బందిపెట్టే వెన్నెముక గాయం నుంచి కోలుకున్నాక బుమ్రా స్వదేశంలో జరిగిన ఐపీఎల్‌ ఆడాడు. అది కేవలం 4 ఓవర్లకు సంబంధించిన ఫార్మాట్‌... కానీ ఇది సుదీర్ఘ ఫార్మాట్‌ ఇందులో రోజు పడే 90 ఓవర్లలో అతను ఎన్ని ఓవర్లు సమర్థంగా వేయగలడో ఈ ప్రాక్టీస్‌ మ్యాచ్‌ ద్వారా తెలియనుంది. ఈ వార్మప్‌లో అందరూ భారత ఆటగాళ్లే అయినా మ్యాచ్‌కు ముందరి తుది సన్నాహకం కావడంతో ప్రత్యర్థితో ఆడే పట్టుదలే కనబరుస్తారని జట్టు మేనేజ్‌మెంట్‌ చెబుతోంది.

ముంబై: ఇంగ్లండ్‌లో పర్యటించే భారత మహిళల జట్టుకు లెఫ్టార్మ్‌ స్పిన్నర్‌ రాధా యాదవ్‌ ఎంపికైంది. శుచి ఉపాధ్యాయ్‌ స్థానంలో ఆమెను ఎంపిక చేసినట్లు భారత క్రికెట్‌ నియంత్రణ మండలి (బీసీసీఐ) ఒక ప్రకటనలో తెలిపింది. 20 ఏళ్ల స్పిన్నర్‌ శుచి గత నెల శ్రీలంకలో జరిగిన ముక్కోణపు సిరీస్‌ ద్వారా వన్డేల్లో అరంగేట్రం చేసింది. తాజాగా ఆమె ఎడమ కాలికి గాయమైంది. బెంగళూరులోని సెంటర్‌ ఆఫ్‌ ఎక్సలెన్సీ (సీఓఈ)లో ఏర్పాటు చేసిన శిబిరంలో మహిళల జట్టు సభ్యులు పాల్గొంటున్నారు. త్వరలో అక్కడికి బయలుదేరనున్న మహిళల జట్టు ఇంగ్లండ్‌లో పరిమిత ఓవర్ల ద్వైపాక్షిక సిరీస్‌లలో ఆడనుంది. ఐదు టి20లు సహా మూడు వన్డేల సిరీస్‌లో ఇరు జట్లు తలపడతాయి. ఇందులో భాగంగా జూన్‌ 28న నాటింగ్‌హామ్‌లో తొలి టి20 జరుగుతుంది. జూలై 1న బ్రిస్టల్‌లో రెండో మ్యాచ్, 4న ఓవల్‌లో మూడు, 9న మాంచెస్టర్‌లో నాలుగు, 12న బర్మింమంగ్‌హామ్‌లో ఆఖరి టి20 మ్యాచ్‌లు జరుగనున్నాయి. అనంతరం సౌతాంప్టన్, లార్డ్స్, చెస్టర్లీ స్ట్రీట్‌ వేదికలపై వరుసగా జూలై 16, 19, 22 తేదీల్లో మూడు వన్డేలు నిర్వహిస్తారు. భారత మహిళల టి20 జట్టు: హర్మన్‌ప్రీత్‌ (కెప్టెన్‌), స్మృతి మంధాన, షఫాలీ వర్మ, జెమీమా, రిచా ఘోష్, యస్తిక, హర్లీన్, దీప్తి శర్మ, స్నేహ్‌ రాణా, శ్రీచరణి, అమన్‌జోత్, అరుంధతి రెడ్డి, క్రాంతి గౌడ్, సయాలీ సత్‌గరే, రాధా యాదవ్‌. వన్డే జట్టు: హర్మన్‌ప్రీత్‌ (కెప్టెన్‌), స్మృతి, ప్రతీక, హర్లీన్, జెమీమా, రిచా, యస్తిక, తేజల్, దీప్తి, స్నేహ్‌ రాణా, శ్రీచరణి, అమన్‌జోత్, అరుంధతి రెడ్డి, క్రాంతి, సయాలీ, రాధా యాదవ్‌.

బెకెన్‌హామ్‌: ఇంగ్లండ్‌తో టెస్టు సిరీస్‌ భారత ఆటగాళ్లకు గొప్ప అవకాశమని... అత్యుత్తమ ప్రదర్శన కనబర్చి దీనిని చిరస్మరణీయం చేసుకోవాలని జట్టు హెడ్‌ కోచ్‌ గౌతమ్‌ గంభీర్‌ సూచించాడు. ఇందు కోసం తమ సహజశైలిని దాటి దూకుడుగా ఆడేందుకు ప్రయత్నించాలని అతను అన్నాడు. కోహ్లి, రోహిత్, అశ్విన్‌ లేకుండా టీమిండియా టెస్టు సిరీస్‌ ఆడుతున్న నేపథ్యంలో జట్టులోని యువ ఆటగాళ్లు సత్తా చూపించాలని కోచ్‌ ఆకాంక్షించాడు. ‘ఈ సిరీస్‌ను రెండు విధాలుగా చూడవచ్చు. ముగ్గురు సీనియర్లు లేకుండా ఆడుతున్నామనే కోణంలో ఒకటి... వారు లేరు కాబట్టి దేశం తరఫున గొప్ప ఆటతీరు కనబర్చేందుకు దక్కిన సరైన అవకాశంగా చూడటం మరొకటి. ఏదైనా ప్రత్యేకంగా సాధించి చూపించాలనే కసి, పట్టుదల నాకు ప్రస్తుత జట్టులో కనిపిస్తున్నాయి. ఇప్పటి వరకు ఒక గిరి గీసుకొని ఆడినవారు కూడా దానిని దాటి రావాలి. ప్రతీ రోజు, ప్రతీ సెషన్, ప్రతీ బంతి కోసం పోరాడితే ఈ సిరీస్‌ ఎప్పటికీ గుర్తుండిపోతుంది’ అని గంభీర్‌ వ్యాఖ్యానించాడు. ఈ సిరీస్‌తో తొలిసారి టెస్టు టీమ్‌లో చోటు దక్కించుకున్న సాయి సుదర్శన్, అర్‌‡్షదీప్‌ సింగ్‌లను కోచ్‌ టీమ్‌లోకి ఆహ్వానించాడు. ‘తొలిసారి టెస్టు పిలుపు రావడం ఎప్పుడైనా గొప్పగా చెప్పుకోగలిగే ప్రత్యేక సందర్భం. సాయి గత మూడు నెలలుగా అద్భుతంగా ఆడుతున్నాడు. టెస్టుల్లోనూ మంచి కెరీర్‌ ఉండాలని కోరుకుంటున్నా. అర్ష్ దీప్‌ కూడా భారత్‌ తరఫున పరిమిత ఓవర్ల క్రికెట్‌లో ఎంతో బాగా ఆడాడు. ఇప్పుడు టెస్టుల్లో రాణించాల్సిన సమయం వచ్చింది’ అన్న గంభీర్‌... తొలిసారి టెస్టు కెపె్టన్‌గా వ్యవహరించబోతున్న గిల్‌ను ప్రత్యేకంగా అభినందించాడు. భారత్‌ గురించి బాగా తెలుసు: మెకల్లమ్‌ టెస్టు సిరీస్‌ కోసం భారత జట్టు బాగా సన్నద్ధమై వచ్చిందని, అయితే తాము ఏం చేయాలనేదానిపై పూర్తి స్పష్టత ఉందని ఇంగ్లండ్‌ హెడ్‌ కోచ్‌ బ్రెండన్‌ మెకల్లమ్‌ అన్నాడు. తమ టీమ్‌ సభ్యులంతా సిరీస్‌ కోసం ఆసక్తిగా ఎదురు చూస్తున్నారని అతను చెప్పాడు. ‘భారత్‌ చాలా బలమైన జట్టు. ఎన్నో అంచనాలతో ఇక్కడికి వచ్చింది. అయితే ఒక టెస్టు జట్టుగా మా లక్ష్యాలేమిటో మాకు బాగా తెలుసు. పోరు కోసం సిద్ధంగా ఉన్నాం. కొందరు కీలక బౌలర్లు అందుబాటులో లేకపోయినా ప్రస్తుత పేస్‌ బృందంలో వైవిధ్యం ఉంది. స్పిన్నర్‌ బషీర్‌ ప్రతీ మ్యాచ్‌కు రాటుదేలుతున్నాడు. బ్యాటర్లలో జేమీ స్మిత్, బెథెల్‌లాంటి వాళ్లు సరైన అవకాశం కోసం ఎదురు చూస్తున్నారు. వీరిలో కనిపించే దూకుడుకు ఆట జత కలిస్తే మంచి ఫలితాలు ఖాయం’ అని మెకల్లమ్‌ తన సహచరుల గురించి విశ్లేషించాడు.

ఇంగ్లండ్‌లోని లార్డ్స్‌ మైదానం వేదికగా ఆస్ట్రేలియా, సౌతాఫ్రికా మధ్య జరుగుతున్న​ వరల్డ్‌ టెస్ట్‌ ఛాంపియన్‌షిప్‌ 2023-2025 ఫైనల్ ఓ అరుదైన ఘటనకు వేదికైంది. ఈ మ్యాచ్‌ తొలి ఇన్నింగ్స్‌లో ఇరు జట్ల నంబర్‌ వన్‌ ఆటగాళ్లు (ఓపెనర్లు) డకౌటయ్యారు. తొలుత ఆసీస్‌ ఆటగాడు ఉస్మాన్‌ ఖ్వాజా 20 బంతులు ఆడి రబాడ బౌలింగ్‌లో డకౌట్‌ కాగా.. ఆతర్వాత సౌతాఫ్రికా ప్లేయర్‌ ఎయిడెన్‌ మార్క్రమ్‌ 6 బంతులు ఆడి ఖాతా తెరవకుండా స్టార్క్‌ బౌలింగ్‌లో క్లీన్‌ బౌల్డ్‌ అయ్యాడు. 145 ఏళ్ల టెస్ట్‌ క్రికెట్‌ చరిత్రలో ఇంగ్లండ్‌ గడ్డపై ఇలా ఇరు జట్ల నంబర్‌ వన్‌ ఆటగాళ్లు టెస్ట్‌ మ్యాచ్‌ తొలి ఇన్నింగ్స్‌లో డకౌట్‌ కావడం ఇదే మొదటిసారి. ఈ మ్యాచ్‌తో కలుపుకొని ఇంగ్లండ్‌లో ఇప్పటివరకు 561 టెస్ట్‌ మ్యాచ్‌లు జరగగా.. ఇలాంటి ఘటన ఈ మ్యాచ్‌కు ముందు వరకు ఒక్కసారి కూడా జరగలేదు. 1880లో తొట్ట తొలి అధికారిక టెస్ట్‌ మ్యాచ్‌ ఇంగ్లండ్‌లోనే జరిగిన విషయం తెలిసిందే.ఓవరాల్‌గా (ప్రపంచంలో ఎక్కడైనా) చూసినా ఓ టెస్ట్‌ మ్యాచ్‌ తొలి ఇన్నింగ్స్‌లో ఇరు జట్ల నంబర్‌ వన్‌ ఆటగాళ్లు డకౌట్లు కావడం ఇది 10వ సారి మాత్రమే. ఈ తరహా తొలి ఘటన 1977లో ఆస్ట్రేలియా, ఇండియా మధ్య మెల్‌బోర్న్‌లో జరిగిన టెస్ట్‌ మ్యాచ్‌లో జరిగింది. ఆ మ్యాచ్‌ తొలి ఇన్నింగ్స్‌లో ఇరు జట్లు నంబర్‌ వన్‌ ఆటగాళ్లు సునీల్‌ గవాస్కర్‌, జాన్‌ డైసన్‌ డకౌట్లయ్యారు. ఆతర్వాత తాజా ఘటనతో కలుపుకొని ఇలాంటివి తొమ్మిది సార్లు జరిగాయి. ఇందులో చివరి నాలుగు సందర్భాలు కలుపుకొని ఆస్ట్రేలియా మొత్తంగా ఆరు సార్లు భాగమైంది. ఆసీస్‌ భాగమైన చివరి నాలుగు సందర్భాల్లో స్టార్క్‌ మూడింట భాగం​ కావడం (ప్రత్యర్ది వికెట్లు తీయడం) మరో విశేషం.డబ్ల్యూటీసీ ఫైనల్‌ 2025 విషయానికొస్తే.. ఈ మ్యాచ్‌ తొలి రోజే 14 వికెట్లు పడ్డాయి. టాస్‌ ఓడి తొలుత బ్యాటింగ్‌ చేసిన ఆసీస్‌ 212 పరుగులకు ఆలౌట్‌ కాగా.. సౌతాఫ్రికా తొలి రోజు ఆట ముగిసే సమయానికి 43 పరుగులకే 4 వికెట్లు కోల్పోయింది.ఆసీస్‌ ఇన్నింగ్స్‌ను రబాడ (5/51), జన్సెన్‌ (3/49), కేశవ్‌ మహారాజ్‌ (1/19), మార్క్రమ్‌ (1/5) దెబ్బకొట్టగా.. సౌతాఫ్రికాను స్టార్క్‌ (2/10), హాజిల్‌వుడ్‌ (1/10), కమిన్స్‌ (1/14) ఇబ్బందుల్లోకి నెట్టారు.ఆసీస్‌ ఇన్నింగ్స్‌లో స్టీవ్‌ స్మిత్‌ (66), బ్యూ వెబ్‌స్టర్‌ (72) టాప్‌ స్కోరర్లు కాగా.. సౌతాఫ్రికా ఇన్నింగ్స్‌ను నిలబెట్టే బాధ్యత బవుమా (3 నాటౌట్‌), బెడింగ్హమ్‌ (8 నాటౌట్‌) భుజస్కందాలపై ఉంది.

స్వదేశంలో వెస్టిండీస్‌తో జరిగిన మూడు మ్యాచ్‌ల టీ20 సిరీస్‌ను ఇంగ్లండ్‌ 3-0 తేడాతో క్లీన్‌ స్వీప్‌ చేసింది. నిన్న (జూన్‌ 10) జరిగిన నామమాత్రపు మూడో టీ20లో ఇంగ్లండ్‌ 37 పరుగుల తేడాతో ఘన విజయం సాధించింది. ఈ మ్యాచ్‌లో ఇంగ్లండ్‌ బ్యాటర్లు విలయతాండవం చేశాడు. తొలుత బ్యాటింగ్‌ చేసి భారీ స్కోర్‌ చేశారు. ఓపెనర్లు బెన్‌ డకెట్‌ (46 బంతుల్లో 84; 10 ఫోర్లు, 2 సిక్సర్లు), జేమీ స్మిత్‌ (26 బంతుల్లో 60; 4 ఫోర్లు, 5 సిక్సర్లు) ఆకాశమే హద్దుగా చెలరేగగా.. అనంతరం వచ్చిన జోస్‌ బట్లర్‌ (10 బంతుల్లో 22; ఫోర్‌, 2 సిక్సర్లు), హ్యారీ బ్రూక్‌ (22 బంతుల్లో 35 నాటౌట్‌; 2 ఫోర్లు, 2 సిక్సర్లు), జేకబ్‌ బేతెల్‌ (16 బంతుల్లో 26 నాటౌట్‌; ఫోర్‌, 4 సిక్సర్లు) అదే స్థాయిలో విరుచుకుపడ్డారు. ఫలితంగా ఇంగ్లండ్‌ నిర్ణీత 20 ఓవర్లలో 3 వికెట్ల నష్టానికి 248 పరుగుల భారీ స్కోర్‌ చేసింది. విండీస్‌ బౌలర్లలో అకీల్‌ హొసేన్‌, గుడకేశ్‌ మోటీ, షెర్ఫాన్‌ రూథర్‌ఫోర్డ్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన విండీస్‌ తొలుత వరుస విరామాల్లో వికెట్లు​ కోల్పోయింది. ఆ జట్టు టాపార్డర్‌ బ్యాటర్లు ఎవిన్‌ లెవిస్‌ 9, జాన్సన్‌ ఛార్లెస్‌ 9, షాయ్‌ హోప్‌ 45 (27 బంతుల్లో), షిమ్రోన్‌ హెట్‌మైర్‌ 26 (8 బంతుల్లో), రూథర్‌ఫోర్డ్‌ 1 పరుగుకు ఔటయ్యాడు. ఈ దశలో పోరాడితే పోయేదేముందున్నట్లు రెచ్చిపోయిన రోవ్‌మన్‌ పావెల్‌ 45 బంతుల్లో అజేయమైన 79 పరుగులు చేసి విండీస్‌ను గెలిపించే ప్రయత్నం చేశాడు. అతనికి జేసన్‌ హోల్డర్‌ (12 బంతుల్లో 25) జత కలిశాడు. అయినా లక్ష్యం మరీ పెద్దది కావడంతో విండీస్‌ నిర్ణీత 20 ఓవర్లలో 8 వికెట్లు కోల్పోయి 211 పరుగులకే పరిమితమైంది. తద్వారా మ్యాచ్‌ కోల్పోవడమే కాకుండా, క్లీన్‌ స్వీప్‌ పరాభవాన్ని కూడా తప్పించుకోలేకపోయింది. ఈ సిరీస్‌లోని తొలి రెండు మ్యాచ్‌ల్లో కూడా విండీస్‌ ఇలాంటి పరాజయాలే ఎదుర్కొంది. దీనికి ముందు విండీస్‌ ఇదే ఇంగ్లండ్‌ చేతిలో మూడు మ్యాచ్‌ల వన్డే సిరీస్‌ను కూడా 0-3 తేడాతో కోల్పోయింది. ఇంగ్లండ్‌ పరిమిత ఓవర్ల కెప్టెన్‌గా హ్యారీ బ్రూక్‌కు ఇది తొలి అసైన్‌మెంట్‌. అరంగేట్రంలోనే రెండు సిరీస్‌లకు క్లీన్‌ స్వీప్‌ చేసిన బ్రూక్‌.. కెప్టెన్సీ కెరీర్‌ను ఘనంగా ప్రారంభించాడు.

ఇంగ్లండ్‌ లయన్స్‌తో జరుగుతున్న రెండో అనధికారిక టెస్టులో భారత్‌ ‘ఎ’ జట్టు అద్బుత‌మైన ప్ర‌ద‌ర్శ‌న క‌న‌బ‌రిచింది. టీమిండియా త‌మ సెకెండ్ ఇన్నింగ్స్‌ను 417/7 వద్ద డిక్లేర్‌ చేసింది. 163/4 ఓవర్‌నైట్‌ స్కోర్‌తో ఆఖరి రోజు ఆటను ప్రారంభించిన భారత్‌-ఎ.. అదనంగా 254 పరుగులు జోడించింది.దీంతో తొలి ఇన్నింగ్స్‌లో లభించిన ఆధిక్యాన్ని కలుపునుకుని ఇంగ్లండ్ లయన్స్ ముందు 439 పరుగుల భారీ లక్ష్యాన్ని భారత జట్టు ఉంచింది. భారత బ్యాటర్లలో తనీష్ కోటియన్ అద్బుత ఇన్నింగ్స్ ఆడాడు. తనీష్(108 బంతుల్లో 10 ఫోర్లు, ఒక సిక్సర్‌తో 90) టాప్ స్కోరర్‌గా నిలవగా.. అభిమన్యు ఈశ్వరన్‌(80), రాహుల్‌(51), కాంబోజ్‌(51) రాణించారు.ఇంగ్లండ్‌ లయన్స్‌ బౌలర్లలో జార్జ్‌ హిల్‌ మూడు వికెట్లు పడగొట్టగా.. క్రిస్‌ వోక్స్‌, జాక్‌ తలా రెండు వికెట్లు సాధించారు. కాగా ఇదే ఆఖరి రోజు కావడంతో మ్యాచ్‌ డ్రా అయ్యే అవకాశముంది.

ఆర్సీబీ స్టార్‌ బ్యాటర్‌, ఇంగ్లండ్‌ ఆల్‌రౌండర్‌ జేకబ్‌ బేతెల్‌ ఓ ముసలి మహిళా అభిమాని కోరిక తీర్చాడు. వెస్టిండీస్‌తో నిన్న (జూన్‌ 8) జరిగిన రెండో టీ20 సందర్భంగా ఓ యువకుడు తన బామ్మ కోసం ఓ సిక్స్‌ కొట్టాలని బేతెల్‌ను కోరాడు. అడిగిందే తడువుగా బేతెల్‌ ఇన్నింగ్స్‌ 16వ ఓవర్‌లో (రెండో బంతి) సిక్సర్‌ కొట్టి బామ్మ కోరిక నెరవేర్చాడు. అల్జరీ జోసఫ్‌ వేసిన ఆ ఓవర్‌లో అంతకుముందు బంతికి కూడా బేతెల్‌ సిక్సర్‌ బాదాడు. అదే ఓవర్‌లో ఐదో బంతిని కూడా సిక్సర్‌గా మలిచిన బేతెల్‌, చివరి బంతికి ఔట్‌ కావడం కొసమెరుపు. ఈ మ్యాచ్‌లో బేతెల్‌ ఆడిన ఇన్నింగ్స్‌ ఛేదనలో ఇంగ్లండ్‌ గెలుపుకు దోహదపడింది. ఈ ఇన్నింగ్స్‌లో బేతెల్‌ 10 బంతులు ఆడి 3 సిక్సర్లు, బౌండరీ సాయంతో 26 పరుగులు చేశాడు. తద్వారా విండీస్‌ నిర్ధేశించిన 197 పరుగుల లక్ష్యాన్ని ఇంగ్లండ్‌ మరో 9 బంతులు మిగిలుండగానే ఛేదించింది.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన విండీస్‌ నిర్ణీత 20 ఓవర్లలో 6 వికెట్ల నష్టానికి 196 పరుగులు చేసింది. జాన్సన్‌ ఛార్లెస్‌ (47), షాయ్‌ హోప్‌ (49) ఓ మోస్తరు స్కోర్లతో రాణించారు. ఇన్నింగ్స్‌ చివర్లో రోవ్‌మన్‌ పావెల్‌ (15 బంతుల్లో 34; 3 ఫోర్లు, 2 సిక్సర్లు), రొమారియో షెపర్డ్‌ (11 బంతుల్లో 19; 2 సిక్సర్లు), జేసన్‌ హోల్డర్‌ (9 బంతుల్లో 29 నాటౌట్‌; 2 ఫోర్లు, 3 సిక్సర్లు), రోస్టన్‌ ఛేజ్‌ (1 బంతిలో 6 పరుగులు (నాటౌట్‌)) మెరుపు ఇన్నింగ్స్‌లు ఆడారు.పావెల్‌, షెపర్డ్‌, హోల్డర్‌, ఛేజ్‌ విజృంభించడంతో విండీస్‌ చివరి 4 ఓవర్లలో ఏకంగా 75 పరుగులు చేసింది. ఆదిల్‌ రషీద్‌ వేసిన 19 ఓవర్లో హోల్డర్‌, షెపర్డ్‌ ఊచకోత కోశారు. ఈ ఓవర్‌లో ఇరువురు కలిసి 5 సిక్సర్లు బాదారు. ఫలితంగా ఆ ఓవర్‌లో 31 పరుగులు వచ్చాయి. అంతకుముందు 17 ఓవర్లో 20, 18వ ఓవర్‌లో 8, ఆఖరి ఓవర్‌లో 16 పరుగులు వచ్చాయి.అనంతరం 197 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌ 18.3 ఓవర్లలో 6 వికెట్లు కోల్పోయి 199 పరుగులు చేసి గెలిచింది. బెన్‌ డకెట్‌ (18 బంతుల్లో 30; 4 ఫోర్లు, 1 సిక్స్‌), జోస్‌ బట్లర్‌ (36 బంతుల్లో 47; 4 ఫోర్లు, 2 సిక్స్‌లు), హ్యారీ బ్రూక్‌ (20 బంతుల్లో 34; 2 ఫోర్లు, 2 సిక్స్‌లు), బేతెల్‌ (10 బంతుల్లో 26; 1 ఫోర్, 3 సిక్స్‌లు), టామ్‌ బాంటన్‌ (11 బంతుల్లో 30 నాటౌట్‌; 3 ఫోర్లు, 2 సిక్స్‌లు) మెరిపించి ఇంగ్లండ్‌ విజయంలో కీలకపాత్ర పోషించారు. ఈ గెలుపుతో మూడు మ్యాచ్‌లు సిరీస్‌ను ఇంగ్లండ్‌ మరో మ్యాచ్‌ మిగిలుండగానే 2-0తో చేజిక్కించుకుంది. సిరీస్‌లోని చివరిదైన మూడో టీ20 మంగళవారం సౌతాంప్టన్‌లో జరుగుతుంది.

బ్రిస్టల్‌: ఆల్‌రౌండ్‌ ప్రదర్శనతో అదరగొట్టిన ఇంగ్లండ్‌ జట్టు... వెస్టిండీస్‌తో మూడు మ్యాచ్‌ల టి20 సిరీస్‌ను ఒక మ్యాచ్‌ మిగిలి ఉండగానే 2–0తో సొంతం చేసుకుంది. ఆదివారం జరిగిన రెండో టి20 మ్యాచ్‌లో హ్యారీ బ్రూక్‌ సారథ్యంలోని ఇంగ్లండ్‌ జట్టు నాలుగు వికెట్ల తేడాతో విండీస్‌ను ఓడించింది. టాస్‌ గెలిచిన ఇంగ్లండ్‌ ఫీల్డింగ్‌ ఎంచుకోగా... తొలుత బ్యాటింగ్‌కు దిగిన వెస్టిండీస్‌ నిర్ణీత 20 ఓవర్లలో 6 వికెట్లకు 196 పరుగులు చేసింది. జాన్సన్‌ చార్లెస్‌ (39 బంతుల్లో 47; 3 ఫోర్లు, 3 సిక్స్‌లు), కెప్టెన్‌ షై హోప్‌ (38 బంతుల్లో 49; 2 ఫోర్లు, 4 సిక్స్‌లు), రోవ్‌మన్‌ పావెల్‌ (15 బంతుల్లో 34; 3 ఫోర్లు, 2 సిక్స్‌లు), జేసన్‌ హోల్డర్‌ (9 బంతుల్లో 29 నాటౌట్‌; 2 ఫోర్లు, 3 సిక్స్‌లు) ధనాధన్‌ ఆటతీరుతో ఆకట్టుకున్నారు. ఇంగ్లండ్‌ బౌలర్లలో ల్యూక్‌ వుడ్‌ 2 వికెట్లు తీయగా... బ్రైడన్‌ కార్స్, జేకబ్‌ బెథెల్, ఆదిల్‌ రషీద్‌లకు ఒక్కో వికెట్‌ దక్కింది. 197 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌ జట్టు 18.3 ఓవర్లలో 6 వికెట్లు కోల్పోయి 199 పరుగులు చేసి గెలిచింది. బెన్‌ డకెట్‌ (18 బంతుల్లో 30; 4 ఫోర్లు, 1 సిక్స్‌), జోస్‌ బట్లర్‌ (36 బంతుల్లో 47; 4 ఫోర్లు, 2 సిక్స్‌లు), హ్యారీ బ్రూక్‌ (20 బంతుల్లో 34; 2 ఫోర్లు, 2 సిక్స్‌లు), బెథెల్‌ (10 బంతుల్లో 26; 1 ఫోర్, 3 సిక్స్‌లు), టామ్‌ బాంటన్‌ (11 బంతుల్లో 30 నాటౌట్‌; 3 ఫోర్లు, 2 సిక్స్‌లు) మెరిపించి ఇంగ్లండ్‌ విజయంలో కీలకపాత్ర పోషించారు. సిరీస్‌లోని చివరిదైన మూడో టి20 మ్యాచ్‌ మంగళవారం సౌతాంప్టన్‌లో జరుగుతుంది.

నార్తంప్టన్‌: ఓపెనర్‌ కేఎల్‌ రాహుల్‌ తొలి ఇన్నింగ్స్‌లో శతకంతో కదంతొక్కగా... రెండో ఇన్నింగ్స్‌లో అర్ధసెంచరీతో రాణించాడు. దీంతో భారత్‌ ‘ఎ’ భారీ ఆధిక్యంపై కన్నేసింది. ఇంగ్లండ్‌ లయన్స్‌తో జరుగుతున్న రెండో అనధికారిక టెస్టులో భారత్‌ ‘ఎ’ జట్టు రెండో ఇన్నింగ్స్‌లో 33 ఓవర్లలో 4 వికెట్లు కోల్పోయి 163 పరుగులు చేసింది. కెప్టెన్‌ అభిమన్యు ఈశ్వరన్‌ (80; 10 ఫోర్లు), రాహుల్‌ (51; 9 ఫోర్లు) రెండో వికెట్‌కు 88 పరుగులు జోడించారు. మరో ఓపెనర్‌ యశస్వి జైస్వాల్‌ (5), మిడిలార్డర్‌లో కరుణ్‌ నాయర్‌ (15; 3 ఫోర్లు) విఫలమయ్యారు. మూడో రోజు ఆట ముగిసే సమయానికి ధ్రువ్‌ జురేల్‌ (6 బ్యాటింగ్‌), నితీశ్‌ రెడ్డి (1 బ్యాటింగ్‌) క్రీజులో ఉన్నారు. క్రిస్‌ వోక్స్‌కు 2 వికెట్లు దక్కాయి. తొలి ఇన్నింగ్స్‌ ఆధిక్యం కలుపుకొని భారత్‌ ప్రస్తుతం 184 పరుగులు ఆధిక్యంలో ఉంది. చేతిలో ఇంకా 6 వికెట్లున్నాయి. భారత్‌కు స్వల్ప ఆధిక్యం అంతకుముందు ఓవర్‌నైట్‌ స్కోరు 192/3తో మూడో రోజు ఆదివారం ఆట ప్రారంభించిన ఇంగ్లండ్‌ లయన్స్‌ తొలి ఇన్నింగ్స్‌లో 89 ఓవర్లలో 327 పరుగుల వద్ద ఆలౌటైంది. భారత్‌కు 21 పరుగుల స్వల్ప ఆధిక్యం లభించింది. క్రితంరోజు బ్యాటర్లలో జోర్డాన్‌ కాక్స్‌ (45; 7 ఫోర్లు) మెరుగ్గా ఆడగా, కెప్టెన్‌ జేమ్స్‌ ర్యూ (10) విఫలమయ్యాడు. భారత బౌలర్లలో ఖలీల్‌ అహ్మద్‌ 4 వికెట్లు దక్కాయి.

మూడు మ్యాచ్‌ల టీ20 సిరీస్‌లో భాగంగా ఇంగ్లండ్‌తో ఇవాళ (జూన్‌ 8) జరుగుతున్న రెండో మ్యాచ్‌లో వెస్టిండీస్‌ లోయర్‌ ఆర్డర్‌ బ్యాటర్లు బీభత్సం సృష్టించారు. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన విండీస్‌ ఆదిలో నిదానంగా ఆడినా, ఇన్నింగ్స్‌ చివర్లో చెలరేగింది. లోయర్‌ ఆర్డర్‌ బ్యాటర్లు రోవ్‌మన్‌ పావెల్‌ (15 బంతుల్లో 34; 3 ఫోర్లు, 2 సిక్సర్లు), రొమారియో షెపర్డ్‌ (11 బంతుల్లో 19; 2 సిక్సర్లు), జేసన్‌ హోల్డర్‌ (9 బంతుల్లో 29 నాటౌట్‌; 2 ఫోర్లు, 3 సిక్సర్లు), రోస్టన్‌ ఛేజ్‌ (1 బంతిలో 6 పరుగులు (నాటౌట్‌) ఆకాశమే హద్దుగా బ్యాటింగ్‌ చేశారు. ఫలితంగా ఆ జట్టు నిర్ణీత 20 ఓవర్లలో 6 వికెట్ల నష్టానికి 196 పరుగులు చేసింది.ROMARIO SHEPHERD AND HOLDER SMASHED 5 SIXES IN AN OVER. 🤯pic.twitter.com/8Q31AAMvrH— Mufaddal Vohra (@mufaddal_vohra) June 8, 202516 ఓవర్లలో తర్వాత 121/4గా ఉండిన విండీస్‌ స్కోర్‌.. చివరి 4 ఓవర్లలో రాకెట్‌ లాగా దూసుకోపోయింది. పావెల్‌, షెపర్డ్‌, హోల్డర్‌, ఛేజ్‌ విజృంభించడంతో 4 ఓవర్లలో ఏకంగా 75 పరుగులు వచ్చాయి. ఆదిల్‌ రషీద్‌ వేసిన 19 ఓవర్లో హోల్డర్‌, షెపర్డ్‌ ఊచకోత కోశారు. ఈ ఓవర్‌లో ఇరువురు కలిసి 5 సిక్సర్లు బాదారు. ఫలితంగా ఆ ఓవర్‌లో 31 పరుగులు వచ్చాయి. అంతకుముందు 17 ఓవర్లో 20, 18వ ఓవర్‌లో 8, ఆఖరి ఓవర్‌లో 16 పరుగులు వచ్చాయి.కాగా, ఈ సిరీస్‌లో జరిగిన తొలి టీ20లో ఇంగ్లండ్‌ 21 పరుగుల తేడాతో గెలుపొందింది. ఆ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 20 ఓవర్లలో 6 వికెట్ల నష్టానికి 188 పరుగులు చేసింది. జోస్‌ బట్లర్‌ (96) తృటిలో సెంచరీ మిస్‌ అయ్యాడు. జేమీ స్మిత్‌ (38), జేకబ్‌ బేతెల్‌ (23 నాటౌట్‌) రెండంకెల స్కోర్లు చేశారు. విండీస్‌ బౌలర్లలో షెపర్డ్‌ వికెట్లు తీశాడు.అనంతరం బరిలోకి దిగిన విండీస్‌.. లియామ్‌ డాసన్‌ (4-0-20-4) చెలరేగడంతో నిర్ణీత 20 ఓవర్లలో 9 వికెట్లు కోల్పోయి 167 పరుగులే చేయగలిగింది. ఇంగ్లండ్‌ బౌలర్లలో పాట్స్‌, జేకబ్‌ బేతెల్‌ తలో 2 వికెట్లు తీశారు. విండీస్‌ ఇన్నింగ్స్‌లో ఎవిన్‌ లెవిస్‌ (39) టాప్‌ స్కోరర్‌ కాగా.. ఛేజ్‌ 24, జాన్సన్‌ ఛార్లెస్‌ 18, రోవ్‌మన్‌ పావెల్‌ 13, ఆండ్రీ రసెల్‌ 15, షెపర్డ్‌ 16, హోల్డర్‌ 16 (నాటౌట్‌) పరుగులు చేశారు.

చెస్టర్‌ లీ స్ట్రీట్‌: ఇంగ్లండ్‌ పర్యటనలో వెస్టిండీస్‌ జట్టు పరాజయాల పరంపర కొనసాగుతోంది. మూడు వన్డేల సిరీస్‌ను 0–3తో కోల్పోయిన వెస్టిండీస్‌... మూడు టి20 మ్యాచ్‌ల సిరీస్‌ను ఓటమితో ప్రారంభించింది. భారత కాలమానం ప్రకారం శుక్రవారం అర్ధరాత్రి దాటాక ముగిసిన తొలి టి20 మ్యాచ్‌లో ఇంగ్లండ్‌ జట్టు 21 పరుగుల తేడాతో వెస్టిండీస్‌ను ఓడించి 1–0తో ఆధిక్యంలోకి వెళ్లింది. జోస్‌ బట్లర్‌ (59 బంతుల్లో 96; 6 ఫోర్లు, 4 సిక్స్‌లు) బ్యాట్‌తో... ‘ప్లేయర్‌ ఆఫ్‌ ద మ్యాచ్‌’ లియామ్‌ డాసన్‌ (20 పరుగులకు 4 వికెట్లు) బంతితో మెరిపించి ఇంగ్లండ్‌ విజయంలో ముఖ్యపాత్ర పోషించారు. కెప్టెన్‌ హ్యారీ బ్రూక్‌ టాస్‌ గెలిచి బ్యాటింగ్‌ ఎంచుకోగా... ఇంగ్లండ్‌ నిర్ణీత 20 ఓవర్లలో 6 వికెట్లకు 188 పరుగులు చేసింది. బట్లర్‌ రెండు అర్ధసెంచరీ భాగస్వాముల్లో భాగమయ్యాడు. ముందుగా జేమీ స్మిత్‌ (20 బంతుల్లో 38; 4 ఫోర్లు, 2 సిక్స్‌లు)తో రెండో వికెట్‌కు 40 బంతుల్లో 79 పరుగులు... అనంతరం ఐదో వికెట్‌కు బెథెల్‌ (23 బంతుల్లో 23 నాటౌట్‌; 1 సిక్స్‌)తో కలిసి 42 బంతుల్లో 60 పరుగులు జత చేశాడు. బెన్‌ డకెట్‌ (1), హ్యారీ బ్రూక్‌ (6), టామ్‌ బాంటన్‌ (3), విల్‌ జాక్స్‌ (9) తక్కువ స్కోరుకే వెనుదిరిగారు. విండీస్‌ బౌలర్లలో రొమారియో షెఫర్డ్‌ 2 వికెట్లు తీయగా... అల్జారీ జోసెఫ్, ఆండ్రీ రసెల్, రోస్టన్‌ చేజ్‌ ఒక్కో వికెట్‌ పడగొట్టారు. 189 పరుగుల విజయలక్ష్యంతో బరిలోకి దిగిన వెస్టిండీస్‌ నిర్ణీత 20 ఓవర్లలో 9 వికెట్లు కోల్పోయి 167 పరుగులు చేసి ఓడిపోయింది. మూడేళ్ల తర్వాత మళ్లీ టి20 మ్యాచ్‌ ఆడిన ఇంగ్లండ్‌ జట్టు ఎడంచేతి వాటం స్పిన్నర్‌ లియామ్‌ డాసన్‌ తన మాయాజాలంతో విండీస్‌ బ్యాటర్లను కట్టడి చేశాడు. విండీస్‌ తరఫున ఇవిన్‌ లూయిస్‌ (23 బంతుల్లో 39; 3 ఫోర్లు, 3 సిక్స్‌లు), రోస్టన్‌ చేజ్‌ (20 బంతుల్లో 24; 2 ఫోర్లు, 1 సిక్స్‌), షెఫర్డ్‌ (12 బంతుల్లో 16; 2 ఫోర్లు), జేసన్‌ హోల్డర్‌ (13 బంతుల్లో 16 నాటౌట్‌; 2 ఫోర్లు) రాణించారు. ఇంగ్లండ్‌ బౌలర్లలో మాథ్యూ పాట్స్, బెథెల్‌ రెండు వికెట్ల చొప్పున తీశారు. సిరీస్‌లోని రెండో టి20 మ్యాచ్‌ నేడు బ్రిస్టల్‌లో జరుగుతుంది.

లండన్‌: భారత క్రికెట్‌ జట్టు శనివారం ఉదయం ఇంగ్లండ్‌ చేరుకుంది. పూర్తిస్థాయి పర్యటనలో భాగంగా ముందుగా ఐదు టెస్టుల ద్వైపాక్షిక సిరీస్‌లో పాల్గొంటుంది. 2025–27 కొత్త ప్రపంచ టెస్టు చాంపియన్‌షిప్‌ (డబ్ల్యూటీసీ)లో భారత్‌–ఇంగ్లండ్‌ సిరీస్‌ భాగమవుతుంది. భారత స్టార్‌ బ్యాటర్లు రోహిత్‌ శర్మ, విరాట్‌ కోహ్లిలు సంప్రదాయ ఫార్మాట్‌కు రిటైర్మెంట్‌ పలకడంతో కొత్త కెప్టెన్‌ శుబ్‌మన్‌ గిల్‌ సారథ్యంలో యువ జట్టు ఇంగ్లండ్‌ గడ్డపై సత్తా చాటుకునేందుకు తహతహలాడుతోంది. నిజానికి ఇదివరకే పలువురు భారత క్రికెటర్లు ఇంగ్లండ్‌లో ఆడుగు పెట్టారు. ఇంగ్లండ్‌ లయన్స్‌తో అనధికారిక టెస్టులు ఆడుతున్నారు. ఐపీఎల్‌ ఫైనల్‌ ముగియడంతో మిగతా ఆటగాళ్లతో కూడిన బృందం తాజాగా వచ్చింది. ‘భారత జట్టులో భాగమైనందుకు చాలా సంతోషంగా ఉంది. ముఖ్యంగా సంప్రదాయ టెస్టు సిరీస్‌ ఆడేందుకు ఇంగ్లండ్‌కు రావడం మంచి అనుభూతినిస్తోంది’ అని సాయిసుదర్శన్‌ చేసిన వీడియోను భారత క్రికెట్‌ నియంత్రణ మండలి (బీసీసీఐ) పోస్ట్‌ చేసింది.భారత్‌ ‘ఎ’ 348 ఆలౌట్‌ నార్తంప్టన్‌: ఇంగ్లండ్‌ లయన్స్‌ జట్టుతో జరుగుతున్న రెండో అనధికారిక టెస్టులో భారత ‘ఎ’ జట్టు తొలి ఇన్నింగ్స్‌లో 89.3 ఓవర్లలో 348 పరుగులకు ఆలౌటైంది. ఓవర్‌నైట్‌ స్కోరు 319/7తో రెండో రోజు శనివారం ఆట ప్రారంభించిన భారత్‌ ‘ఎ’ జట్టు 6.3 ఓవర్లే ఆడి 29 పరుగులు జోడించింది. అనంతరం తొలి ఇన్నింగ్స్‌ ఆడేందుకు బరిలోకి దిగిన ఇంగ్లండ్‌ లయన్స్‌ ఆట నిలిచే సమయానికి 46 ఓవర్లలో 3 వికెట్ల నష్టానికి 192 పరుగులు చేసింది.

నార్తంప్ట‌న్ వేదిక‌గా ఇంగ్లండ్ ల‌య‌న్స్‌తో జ‌రుగుతున్న రెండో అనాధికారిక భార‌త్‌-ఎ జ‌ట్టు బ్యాట‌ర్లు రాణించారు. టాస్ టాస్ ఓడి తొలుత బ్యాటింగ్‌కు దిగిన భార‌త్‌-ఎ జ‌ట్టు మొద‌టి ఇన్నింగ్స్‌లో 348 ప‌రుగుల‌కు ఆలౌటైంది. 319/7 ఓవ‌ర్‌నైట్ స్కోర్‌తో రెండో రోజు ఆట‌ను ప్రారంభించిన భార‌త జ‌ట్టు.. అద‌నంగా 29 ప‌రుగులు చేసి త‌మ తొలి ఇన్నింగ్స్‌ను ముగించింది. ఇండియా బ్యాట‌ర్ల‌లో కేఎల్ రాహుల్ అద్బుత‌మైన సెంచ‌రీతో చెల‌రేగాడు. 168 బంతుల్లో 15 ఫోర్లు, ఒక సిక్స‌ర్‌తో 116 ప‌రుగులు చేసి టాప్ స్కోరర్‌గా నిలిచాడు. రాహుల్‌తో పాటు వికెట్‌ కీపర్‌ ధ్రువ్‌ జురేల్‌ (87 బంతుల్లో 52; 7 ఫోర్లు) అర్ధశతకం సాధించగా... గత మ్యాచ్‌లో డబుల్‌ సెంచరీతో చెలరేగిన కరుణ్‌ నాయర్‌ (71 బంతుల్లో 40; 4 ఫోర్లు), ఆంధ్ర ఆల్‌రౌండర్‌ నితీశ్‌ కుమార్‌ రెడ్డి (57 బంతుల్లో 34; 5 ఫోర్లు) ఫర్వాలేదనిపించారు. ఇక ఇంగ్లండ్ బౌల‌ర్ల‌లో సీనియర్ పేస‌ర్ క్రిస్ వోక్స్ మూడు వికెట్లు ప‌డ‌గొట్ట‌గా..జోష్ టంగ్, జార్జ్ హిల్ త‌లా రెండు వికెట్లు సాధించారు. కాగా ఇరు జ‌ట్ల మ‌ధ్య జ‌రిగిన తొలి అనాధికారిక టెస్టు డ్రాగా ముగిసిన సంగ‌తి తెలిసిందే.మ‌రో 13 రోజుల్లో..ఇక భార‌త్‌-ఇంగ్లండ్ మ‌ధ్య ఐదు మ్యాచ్‌ల టెస్టు సిరీస్ జూన్ 20 నుంచి ప్రారంభం కానుంది. ఇప్ప‌టికే ఇంగ్లండ్ గ‌డ్డ‌పై అడుగుపెట్టిన భార‌త జ‌ట్టు.. తొలి టెస్టు కోసం తీవ్రంగా శ్ర‌మిస్తోంది. కోహ్లి, రోహిత్ శ‌ర్మ వంటి దిగ్గ‌జాలు లేకుండా ఇంగ్లండ్‌కు వెళ్లిన టీమిండియా.. ప్ర‌త్య‌ర్ధి జట్టును ఎలా ఎదుర్కొంటుందోన‌ని అంతా ఆస‌క్తిగా ఎదురు చూస్తున్నారు. వ‌ర‌ల్డ్ టెస్టు ఛాంపియ‌న్‌షిప్ 2025-27 సైకిల్‌లో భాగంగా ఈ సిరీస్ జ‌ర‌గ‌నుంది. రోహిత్ శ‌ర్మ స్ధానంలో కొత్త టెస్టు కెప్టెన్‌గా శుబ్‌మ‌న్ గిల్ బాధ్య‌త‌లు చేప‌ట్టిన విష‌యం విధిత‌మే.ఇంగ్లండ్‌ టూర్‌కు భారత జట్టు: శుబ్‌మన్ గిల్ (కెప్టెన్‌), రిషబ్ పంత్, యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వ‌ర‌న్‌, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్, వాషింగ్టన్ సుందర్, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్

నార్తంప్టన్‌: ఇంగ్లండ్‌తో ప్రతిష్టాత్మక టెస్టు సిరీస్‌కు ముందు... ఇంగ్లండ్‌ లయన్స్‌తో భారత ‘ఎ’ జట్టు రెండో అనధికారిక టెస్టు మ్యాచ్‌కు రంగం సిద్ధమైంది. భారత జట్టుకు ఎంపికైన ఆటగాళ్లకు శుక్రవారం నుంచి ప్రారంభం కానున్న ఈ నాలుగు రోజుల మ్యాచ్‌ మంచి ప్రాక్టీస్‌ కానుండగా... సీనియర్‌ బ్యాటర్‌ కేఎల్‌ రాహుల్‌పై అందరి దృష్టి నిలవనుంది. రోహిత్‌ శర్మ, విరాట్‌ కోహ్లి టెస్టు ఫార్మాట్‌కు రిటైర్మెంట్‌ ప్రకటించిన అనంతరం జట్టులో అందరికంటే అనుభవజ్ఞుడైన రాహుల్‌పై బాధ్యత పెరగగా... ఈ మ్యాచ్‌లో అతడు ఎలాంటి ప్రదర్శన కనబరుస్తాడో చూడాలి.టీమిండియా టెస్టు కెప్టెన్‌గా కొత్తగా ఎంపికైన శుబ్‌మన్‌ గిల్, యువ ఓపెనర్‌ సాయి సుదర్శన్‌ ఇంకా ఇంగ్లండ్‌కు చేరుకోకపోవడంతో ఆ ఇద్దరూ ఈ మ్యాచ్‌లో పాల్గొనడంలేదు. ఇంగ్లండ్‌తో సిరీస్‌ కోసం ఈరోజు లండన్‌ బయలు దేరనున్న మిగిలిన ఆటగాళ్లు ప్రాక్టీస్‌ అనంతరం ఇంటర్‌ స్క్వాడ్‌ మ్యాచ్‌ ఆడనున్నారు. తొలి అనధికారిక మ్యాచ్‌లో కరుణ్‌ నాయర్‌ డబుల్‌ సెంచరీతో కదం తొక్కగా... సర్ఫరాజ్‌ ఖాన్, ధ్రువ్‌ జురెల్, యశస్వి జైస్వాల్, అభిమన్యు ఈశ్వరన్, నితీశ్‌ కుమార్‌ రెడ్డి అర్ధశతకాలు సాధించారు. ఈ నెల 20 నుంచి భారత్, ఇంగ్లండ్‌ మధ్య తొలి టెస్టు జరగనుండగా... ప్రాక్టీస్‌ మ్యాచ్‌ల ప్రదర్శన ఆధారంగా తుది జట్టు ఎంపిక జరగనుంది. భారత టెస్టు జట్టులో చోటు దక్కించుకున్న ఆరుగురు ఆటగాళ్లు ఇంగ్లండ్‌ లయన్స్‌తో తొలి అనధికారిక టెస్టులో పాల్గొనగా... పేసర్‌ ఆకాశ్‌ దీప్‌ ఈ మ్యాచ్‌ బరిలోకి దిగే అవకాశం ఉంది. ఆ్రస్టేలియా పర్యటనలో అటు బంతితో ఇటు బ్యాట్‌తో ఆకట్టుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి ఈ ఏడాది ఐపీఎల్‌లో పెద్దగా ఆకట్టుకోలేకపోయాడు. తొలి ప్రాక్టీస్‌ మ్యాచ్‌లో ధనాధన్‌ షాట్‌లతో హాఫ్‌సెంచరీ చేసిన నితీశ్‌... బంతితోనూ సత్తాచాటాలని భావిస్తున్నాడు. తుది జట్టులో చోటు కోసం మరో పేస్‌ ఆల్‌రౌండర్‌ శార్దుల్‌ ఠాకూర్‌తో నితీశ్‌ పోటీపడాల్సి ఉంటుంది. ఈ మ్యాచ్‌కు కూడా బ్యాటింగ్‌ పిచ్‌ అందుబాటులో ఉంది. ఇంగ్లండ్‌ టెస్టు జట్టులో సభ్యులైన క్రిస్‌ వోక్స్, జోష్‌ టంగ్‌ లయన్స్‌ తరఫున రాణించాలని చూస్తున్నారు.

ముంబై: భారత స్పీడ్‌స్టర్‌ జస్‌ప్రీత్‌ బుమ్రా స్థానాన్ని భర్తీ చేయడం క్లిష్టమైనప్పటికీ బౌలింగ్‌ దళంలో నైపుణ్యమున్న బౌలర్లు అందుబాటులో ఉన్నారని టీమిండియా హెడ్‌కోచ్‌ గౌతమ్‌ గంభీర్‌ అన్నాడు. ఇంగ్లండ్‌ పర్యటనకు బయలుదేరేముందు కొత్త కెప్టెన్‌ శుబ్‌మన్‌ గిల్‌తో కలిసి అతను మీడియా సమావేశంలో పాల్గొన్నాడు. ఈ సందర్భంగా మొత్తం ఐదు టెస్టుల్లో బుమ్రా ఆడబోయే మూడు టెస్టులు ఏవనే విషయాన్ని కోచ్‌ వెల్లడించలేదు. ‘ఐదు టెస్టుల్లో బుమ్రా ఏ ఏ టెస్టులు ఆడతాడనే నిర్ణయానికి ఇంకా రాలేదు. కాబట్టి ఆడే మూడు మ్యాచ్‌లు ఏవో ఇప్పుడే స్పష్టత ఇవ్వలేను. జట్టులో అతనొక అసాధారణ బౌలర్‌. అతని స్థానాన్ని భర్తీ చేయడం అంత సులభం కాదు. ఈ విషయాన్ని ఇంతకుముందే చాంపియన్స్‌ ట్రోఫీ సమయంలోనే చెప్పాను. అయితే ఈ సదవకాశాన్ని నైపుణ్యమున్న బౌలర్లు అందిపుచ్చుకోవాలి. ప్రస్తుతం జట్టులో ప్రతిభావంతులైన పేసర్లకు కొదవలేదు’ అని అన్నాడు. రెగ్యులర్‌ కెప్టెన్‌ రోహిత్‌ శర్మతో పాటు కోహ్లి టెస్టులకు గుడ్‌బై చెప్పడంతో కొత్తగా సారథ్యం చేపట్టిన శుబ్‌మన్‌ గిల్‌ కూడా బౌలింగ్‌ అటాక్‌కు వచ్చిన ఇబ్బందేమీ లేదన్నాడు. బుమ్రా పేస్‌ భారం తగ్గించే బౌలర్లు చాలా మంది ఉన్నారని చెప్పాడు. ఒకవేళ ఈ వెటరన్‌ బౌలర్‌ ఆడితే అది జట్టుకు మరింత బలమవుతుందని అన్నాడు. టెస్టు సిరీస్‌ మొదలయ్యాక ఏ మ్యాచ్‌లకు అతను అందుబాటులో ఉంటాడో తెలుసుకున్నాకే అతను ఆడే మూడు మ్యాచ్‌లపై నిర్ణయం తీసుకుంటామని గిల్‌ చెప్పాడు. శుక్రవారం తెల్లారేలోపే భారత జట్టు ఇంగ్లండ్‌కు బయలుదేరుతుంది. పూర్తిస్థాయి పర్యటనలో శుబ్‌మన్‌ గిల్‌ సారథ్యంలోని టీమిండియా ఐదు టెస్టుల ద్వైపాక్షిక సిరీస్‌లో పోటీపడుతుంది. ఈ నెల 20 నుంచి లీడ్స్‌లో ఇరు జట్ల మధ్య తొలి టెస్టుతో సిరీస్‌ మొదలవుతుంది. దీనికంటే ముందు భారత జట్టు... ‘ఎ’ జట్టుతో నాలుగు రోజుల వార్మప్‌ మ్యాచ్‌ ఆడుతుంది. ఇంగ్లండ్‌లో ఉన్న భారత్‌ ‘ఎ’ జట్టు ఇంగ్లండ్‌ లయన్స్‌తో అనధికారిక టెస్టులు ఆడుతోంది.‘అండర్సన్‌–టెండూల్కర్‌’ ట్రోఫీభారత్, ఇంగ్లండ్‌ టెస్టు సిరీస్‌కు నామకరణం న్యూఢిల్లీ: భారత్, ఇంగ్లండ్‌ మధ్య జరిగే టెస్టు సిరీస్‌కు ‘అండర్సన్‌–టెండూల్కర్‌’ ట్రోఫీగా నామకరణం చేశారు. ఆటకు వన్నె తెచ్చిన ఆటగాళ్ల పేర్లను సిరీస్‌లకు పెట్టడం పరిపాటి కాగా... ఇకపై టీమిండియా, ఇంగ్లండ్‌ మధ్య జరిగే సిరీస్‌ను ఈ పేరుతోనే కొనసాగించాలని బీసీసీఐ, ఈసీబీ సమష్టిగా నిర్ణయించాయి. ఈ నెల 20 నుంచి భారత్, ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌ ప్రారంభం కానుండగా... దీంతోనే 2025–27 ప్రపంచ టెస్టు చాంపియన్‌షిప్‌ (డబ్ల్యూటీసీ) చక్రం మొదలవుతుంది. తొలి టెస్టు ప్రారంభానికి ముందు ఈ ఇద్దరు దిగ్గజాలు ట్రోఫీని ఆవిష్కరించనున్నట్లు సమాచారం. క్రికెట్‌ దిగ్గజం సచిన్‌ టెండూల్కర్‌ టీమిండియా తరఫున 200 టెస్టు మ్యాచ్‌లు ఆడి 15,921 పరుగులతో అగ్రస్థానంలో కొనసాగుతున్నాడు. మరోవైపు టెస్టు క్రికెట్‌ చరిత్రలో అత్యధిక వికెట్లు (704) తీసిన పేస్‌ బౌలర్‌ అండర్సన్‌ 188 మ్యాచ్‌ల్లో ఇంగ్లండ్‌కు ప్రాతినిధ్యం వహించాడు. ప్రస్తుతం భారత్, ఇంగ్లండ్‌ మధ్య ఇంగ్లండ్‌లో జరిగే సిరీస్‌ను పటౌడీ ట్రోఫీగా, భారత్‌లో జరిగే సిరీస్‌ను ఆంటోనీ డి మెల్లో ట్రోఫీగా అభివర్ణిస్తున్నారు. ఇక మీద ఇంటా బయట ఎక్కడ సిరీస్‌ జరిగినా దాన్ని ‘అండర్సన్‌–టెండూల్కర్‌’ ట్రోఫీగానే పిలవనున్నారు. భారత్, ఆస్ట్రేలియా మధ్య సిరీస్‌లను ఇదే మాదిరిగా ‘బోర్డర్‌–గావస్కర్‌ ట్రోఫీ’గా అభివరి్ణస్తున్న విషయం తెలిసిందే.

జూన్‌ 20 నుంచి లీడ్స్‌ వేదికగా టీమిండియాతో జరుగబోయే తొలి టెస్ట్‌ కోసం 14 మంది సభ్యుల ఇంగ్లండ్‌ జట్టును ఇవాళ (జూన్‌ 5) ప్రకటించారు. ఈ జట్టుకు కెప్టెన్‌గా బెన్‌ స్టోక్స్‌ ఎంపిక​ కాగా.. పేసర్‌ జేమీ ఓవర్టన్‌ దాదాపు మూడేళ్ల తర్వాత టెస్ట్‌ జట్టులోకి రీఎంట్రీ ఇచ్చాడు. ఈ జట్టులో కీలక ఆటగాడు గస్‌ అట్కిన్సన్‌కు చోటు దక్కలేదు. ఇటీవల జింబాబ్వేతో జరిగిన టెస్ట్‌ మ్యాచ్‌ సందర్భంగా అతను గాయపడ్డాడు. తొడ కండరాల గాయంతో బాధపడుతున్న అట్కిన్సన్‌కు మూడు వారాల విశ్రాంతి అవసరమని వైద్యులు సూచించారు. దీంతో అతను తదుపరి టెస్ట్‌లు ఆడేది కూడా అనుమానంగా మారింది.అట్కిన్సన్‌ స్థానాన్ని ఇంగ్లండ్‌ సెలెక్టర్లు ఓవర్టన్‌తో భర్తీ చేశారు. ఓవర్టన్‌ 2022 జూన్‌లో ఇంగ్లండ్‌ తరఫున తన చివరి టెస్ట్‌ మ్యాచ్‌ (న్యూజిలాండ్‌) ఆడాడు. గాయాల కారణంగా ఇటీవల జింబాబ్వేతో జరిగిన టెస్ట్‌ మ్యాచ్‌కు దూరంగా ఉన్న పేసర్లు క్రిస్‌ వోక్స్‌, బ్రైడన్‌ కార్స్‌ ఈ జట్టుకు ఎంపికయ్యారు. తాజాగా ముగిసిన ఐపీఎల్‌ సీజన్‌లో ఆర్సీబీ తరఫున రాణించిన జేకబ్‌ బేతెల్‌ కూడా ఈ జట్టులో చోటు దక్కించుకున్నాడు.భారత్‌తో తొలి టెస్ట్‌కు ఇంగ్లండ్ జట్టు: బెన్ స్టోక్స్ (కెప్టెన్‌), షోయబ్ బషీర్, జేకబ్ బేతెల్, హ్యారీ బ్రూక్, బ్రైడాన్ కార్స్, సామ్ కుక్, జాక్ క్రాలే, బెన్ డకెట్, జేమీ ఓవర్టన్, ఓలీ పోప్, జో రూట్, జేమీ స్మిత్, జోష్ టంగ్, క్రిస్ వోక్స్కాగా, భారత క్రికెట్‌ జట్టు ఐదు మ్యాచ్‌ల టెస్ట్‌ సిరీస్‌ కోసం జూన్‌ 20 నుంచి ఇంగ్లండ్‌లో పర్యటించనుంది. జూన్‌ 20, జులై 2, 10, 23, 31 తేదీల్లో ఐదు టెస్ట్‌ మ్యాచ్‌లు లీడ్స్‌, బర్మింగ్హమ్‌, లార్డ్స్‌, మాంచెస్టర్‌, కెన్నింగ్‌స్టన్‌ ఓవల్‌ వేదికలుగా జరుగనున్నాయి. ఈ సిరీస్‌కు ముందు భారత్‌ జూన్‌ 13-16 మధ్యలో ఓ ఇంట్రా స్క్వాడ్‌ మ్యాచ్‌ ఆడనుంది. ఇంగ్లండ్‌ పర్యటనలో కోసం​ భారత జట్టును ఇదివరకే ఎంపిక చేశారు.ఇంగ్లండ్‌ పర్యటన కోసం భారత టెస్ట్‌ జట్టు: శుభ్‌మన్ గిల్ (కెప్టెన్‌), రిషబ్ పంత్ (వైస్‌ కెప్టెన్‌), యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, నితీష్ రెడ్డి, రవీంద్ర జడేజా, ధ్రువ్ జురెల్ , వాషింగ్టన్ సుందర్, శార్దూల​ ఠాకూర్‌, జస్ప్రీత్‌ బుమ్రా, మొహమ్మద్‌ సిరాజ్‌, ప్రసిద్ధ్ కృష్ణ, ఆకాష్ దీప్, అర్షదీప్‌ సింగ్, కుల్దీప్ యాదవ్

లండన్‌: ఆల్‌రౌండ్‌ ప్రదర్శనతో అదరగొట్టిన ఇంగ్లండ్‌ జట్టు వరుసగా మూడో విజయం నమోదు చేసింది. వెస్టిండీస్‌తో జరిగిన మూడు మ్యాచ్‌ల వన్డే సిరీస్‌ను 3–0తో క్లీన్‌స్వీప్‌ చేసింది. మంగళవారం అర్ధరాత్రి దాటాక ముగిసిన చివరిదైన మూడో వన్డేలో హ్యారీ బ్రూక్‌ సారథ్యంలోని ఇంగ్లండ్‌ జట్టు ఏడు వికెట్ల తేడాతో వెస్టిండీస్‌ను ఓడించింది. వర్షం కారణంగా మ్యాచ్‌ను 40 ఓవర్లకు కుదించారు. ముందుగా బ్యాటింగ్‌కు దిగిన వెస్టిండీస్‌ 40 ఓవర్లలో 9 వికెట్లకు 251 పరుగులు చేసింది. షెర్ఫాన్‌ రూథర్‌ఫర్డ్‌ (71 బంతుల్లో 70; 9 ఫోర్లు, 2 సిక్స్‌లు), గుడకేశ్‌ మోతీ (54 బంతుల్లో 63; 5 ఫోర్లు, 3 సిక్స్‌లు), అల్జారీ జోసెఫ్‌ (29 బంతుల్లో 41; 5 ఫోర్లు, 2 సిక్స్‌లు) మెరిపించడంతో విండీస్‌ గౌరవప్రద స్కోరును సాధించింది. ఇంగ్లండ్‌ బౌలర్లలో ఆదిల్‌ రషీద్‌ 3 వికెట్లు తీయగా... సాఖిబ్‌ మెహమూద్, బ్రైడన్‌ కార్స్, మాథ్యూ పాట్స్‌ 2 వికెట్ల చొప్పున పడగొట్టారు. డక్‌వర్త్‌ లూయిస్‌ పద్ధతి ప్రకారం ఇంగ్లండ్‌ లక్ష్యాన్ని 40 ఓవర్లలో 246 పరుగులుగా నిర్ణయించారు. ఇంగ్లండ్‌ ధనాధన్‌ ఆటతీరుతో కేవలం 29.4 ఓవర్లలో 3 వికెట్లు కోల్పోయి 246 పరుగులు చేసి గెలిచింది. ఓపెనర్లు జేమీ స్మిత్‌ (28 బంతుల్లో 64; 10 ఫోర్లు, 3 సిక్స్‌లు), బెన్‌ డకెట్‌ (46 బంతుల్లో 58; 5 ఫోర్లు, 3 సిక్స్‌లు) ధాటిగా ఆడి అర్ధ సెంచరీలు చేశారు. వీరిద్దరు అవుటయ్యాక జో రూట్‌ (49 బంతుల్లో 44; 1 ఫోర్‌), హ్యారీ బ్రూక్‌ (36 బంతుల్లో 26 నాటౌట్‌; 1 ఫోర్, 1 సిక్స్‌), జోస్‌ బట్లర్‌ (20 బంతుల్లో 41 నాటౌట్‌; 5 ఫోర్లు, 2 సిక్స్‌లు) లాంఛనాన్ని పూర్తి చేశారు. జేమీ స్మిత్‌కు ‘ప్లేయర్‌ ఆఫ్‌ ద మ్యాచ్‌’ అవార్డు లభించగా... జో రూట్‌కు ‘ప్లేయర్‌ ఆఫ్‌ ద సిరీస్‌’ పురస్కారం దక్కింది. రెండు జట్ల మధ్య మూడు మ్యాచ్‌ల టి20 సిరీస్‌ శుక్రవారం మొదలవుతుంది.

ఇంగ్లండ్‌, ఐర్లాండ్‌తో టీ20 సిరీస్‌ల‌కు రెండు వెర్వేరు జ‌ట్ల‌ను వెస్టిండీస్ క్రికెట్ ప్ర‌క‌టించింది. గ‌తేడాది బార్బ‌డోస్‌లో ఇంగ్లండ్‌తో జ‌రిగిన టీ20 సిరీస్‌లో గాయప‌డ్డ స్టార్ ఆల్‌రౌండర్ ఆండ్రీ రస్సెల్ తిరిగి జ‌ట్టులోకి వ‌చ్చాడు. అత‌డితో పాటు మాజీ కెప్టెన్‌ హోల్డ‌ర్‌కు సెల‌క్ట‌ర్లు పిలుపునిచ్చారు.అయితే ర‌స్సెల్ కేవ‌లం ఇంగ్లండ్ సిరీస్‌కు మాత్ర‌మే అందుబాటులో ఉండ‌నున్నాడు. అదేవిధంగా సూప‌ర్ ఫామ్‌లో ఉన్న కీస్ కార్టీ.. ఇంగ్లండ్ సిరీస్‌కు దూరంగా ఉండ‌నున్నాడు. అత‌డు ఐర్లాండ్ ప‌ర్య‌ట‌న‌కు తిరిగి జ‌ట్టులో చేర‌నున్నాడు. టెస్టు కెప్టెన్ రోస్ట‌న్ ఛేజ్, స్టార్ ఓపెన‌ర్ బ్రాండెన్ కింగ్ సైతం ఇంగ్లండ్ టూర్ త‌ర్వాత త‌మ స్వ‌దేశాల‌కు ప‌య‌నం కానున్నారు. మ‌రోవైపు ఈ రెండు సిరీస్‌ల‌కు విధ్వంసక‌ర వికెట్ కీప‌ర్ బ్యాట‌ర్ నికోల‌స్ పూర‌న్ దూర‌మ‌య్యాడు. అత‌డికి సెల‌క్ట‌ర్లు విశ్రాంతి ఇచ్చారు.విండీస్ జ‌ట్టు ప్ర‌స్తుతం ఇంగ్లండ్‌తో వ‌న్డే సిరీస్ ఆడుతోంది. ఆ త‌ర్వాత జూన్ 6 నుండి 10 వరకు ఇంగ్లండ్‌-విండీస్ మ‌ధ్య మూడు టీ20ల సిరీస్ జ‌ర‌గనుంది. అనంత‌రం ఐర్లాండ్ ప‌ర్య‌ట‌న‌కు వెళ్ల‌నున్న క‌రేబియ‌న్ జ‌ట్టు. .జూన్ 12 నుండి 15 వరకు ఆతిథ్య టీమ్‌తో మూడు టీ20లు ఆడ‌నుంది.ఇంగ్లండ్‌తో టీ20ల‌కు విండీస్ జ‌ట్టుషాయ్ హోప్ (కెప్టెన్), కీసీ కార్టీ, జాన్సన్ చార్లెస్, మాథ్యూ ఫోర్డ్, జైడ్ గూలీ, షిమ్రాన్ హెట్మైర్, జాసన్ హోల్డర్, అకేల్ హోసేన్, అల్జారి జోసెఫ్, ఎవిన్ లూయిస్, గుడాకేష్ మోటీ, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్ఐర్లాండ్‌తో టీ20ల‌కు విండీస్ జ‌ట్టుషాయ్ హోప్ (కెప్టెన్), జాన్సన్ చార్లెస్, రోస్టన్ చేజ్, మాథ్యూ ఫోర్డ్, షిమ్రాన్ హెట్మైర్, జాసన్ హోల్డర్, అకేల్ హోసేన్, అల్జారి జోసెఫ్, బ్రాండన్ కింగ్, ఎవిన్ లూయిస్, గుడాకేష్ మోటీ, రోవ్‌మన్ పావెల్, ఆండ్రీ రస్సెల్, షెర్ఫేన్ రూథర్‌ఫోర్డ్, రొమారియో షెపర్డ్

ఇంగ్లండ్‌ స్పిన్‌ బౌలర్‌ ఆదిల్‌ రషీద్‌ చరిత్ర సృష్టించాడు. అంతర్జాతీయ క్రికెట్‌లోని మూడు ఫార్మాట్లలో అత్యధిక వికెట్లు తీసిన ఇంగ్లండ్‌ స్పిన్నర్‌గా అవతరించాడు. వెస్టిండీస్‌తో నిన్న (జూన్‌ 1) జరిగిన రెండో వన్డేలో ఈ ఘనత సాధించాడు. ఈ మ్యాచ్‌లో 4 వికెట్లు తీసిన రషీద్‌ తన వన్డే వికెట్ల సంఖ్యను 221కి పెంచుకున్నాడు. రషీద్‌ టీ20ల్లో 131, టెస్ట్‌ల్లో 60 వికెట్లు తీశాడు. మొత్తం కలిపి రషీద్‌ తన అంతర్జాతీయ కెరీర్‌లో 298 ఇన్నింగ్స్‌ల్లో 412 వికెట్లు తీశాడు. ఇంగ్లండ్‌ క్రికెట్‌ చరిత్రలో మరే స్పిన్నర్‌ ఇన్ని వికెట్లు తీయలేదు. నిన్నటి మ్యాచ్‌లో రషీద్‌ గ్రేమ్‌ స్వాన్‌ను (223 ఇన్నింగ్స్‌ల్లో 410 వికెట్లు) అధిగమించి అత్యధిక వికెట్లు తీసిన ఇంగ్లిష్‌ స్పిన్నర్‌గా అవతరించాడు.అంతర్జాతీయ క్రికెట్‌లో అత్యధిక వికెట్లు తీసిన టాప్‌-5 ఇంగ్లండ్‌ స్పిన్నర్లు..ఆదిల్‌ రషీద్‌-412 (298 ఇన్నింగ్స్‌లు)గ్రేమ్‌ స్వాన్‌-410 (223)మొయిన్‌ అలీ-366 (318)అండర్‌వుడ్‌-329 (175)జాన్‌ ఎంబురే-223 (164)ఓవరాల్‌గా ఇంగ్లండ్‌ తరఫున అత్యధిక వికెట్లు తీసిన రికార్డు దిగ్గజ పేసర్‌ జేమ్స్‌ ఆండర్సన్‌ పేరిట ఉంది. ఆండర్సన్‌ ఇంగ్లండ్‌ తరఫున 560 ఇన్నింగ్స్‌ల్లో 991 వికెట్లు తీశాడు (మూడు ఫార్మాట్లు కలిపి). ఆండర్సన్‌ తర్వాత స్టువర్ట్‌ బ్రాడ్‌ (485 ఇన్నింగ్స్‌ల్లో 847 వికెట్లు), ఇయాన్‌ బోథమ్‌ (283 ఇన్నింగ్స్‌ల్లో 528 వికెట్లు), డారెన్‌ గాఫ్‌ (252 ఇన్నింగ్స్‌ల్లో 466 వికెట్లు) ఇంగ్లండ్‌ తరఫున అత్యధిక వికెట్లు తీసిన బౌలర్లుగా ఉన్నారు. ఈ జాబితాలో ఆదిల్‌ రషీద్‌ ఐదో స్థానంలో ఉన్నాడు. ఇంగ్లండ్‌ తరఫున అత్యధిక వికెట్లు తీసిన బౌలర్ల జాబితాలో మొదటి నలుగురు పేసర్లే కావడం విశేషం.ఇదిలా ఉంటే, నిన్న వెస్టిండీస్‌తో జరిగిన మ్యాచ్‌లో ఇంగ్లండ్‌ 3 వికెట్ల తేడాతో విజయం సాధించింది. తద్వారా మూడు మ్యాచ్‌ల వన్డే సిరీస్‌ను మరో మ్యాచ్‌ మిగిలుండగానే 2-0 తేడాతో కైవసం చేసుకుంది. ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌ కీసీ కార్టీ సెంచరీతో (103) చెలరేగడంతో 47.4 ఓవర్లలో 308 పరుగులు చేసింది.అనంతరం జో రూట్‌ భారీ సెంచరీతో (166 నాటౌట్‌) చెలరేగడంతో ఇంగ్లండ్‌ 48.5 ఓవర్లలో 7 వికెట్లు కోల్పోయి లక్ష్యాన్ని ఛేదించింది. ఆదిల్‌ రషీద్‌ 4 వికెట్లు తీసి వెస్టిండీస్‌ను ఆలౌట్‌ చేయడంలో కీలకపాత్ర పోషించాడు. ఈ సిరీస్‌లో నామమాత్రపు మూడో వన్డే లండన్‌లోని కెన్నింగ్‌స్టన్‌ ఓవర్‌లో జూన్‌ 3న జరుగనుంది.

ఇంగ్లండ్‌ స్టార్‌ ఆటగాడు జో రూట్‌ అంతర్జాతీయ క్రికెట్‌లో 54వ సెంచరీ, వన్డేల్లో 18వ సెంచరీని నమోదు చేశాడు. వెస్టిండీస్‌తో ఇవాళ (జూన్‌ 1) జరుగుతున్న రెండో వన్డేలో ఈ ఘనత సాధించాడు. సెంచరీ చేసే క్రమంలో రూట్‌ చరిత్ర సృష్టించాడు. ఇంగ్లండ్‌ తరఫున వన్డేల్లో 7000 పరుగులు పూర్తి చేసిన తొలి ఆటగాడిగా రికార్డు నెలకొల్పాడు. వెస్టిండీస్‌ నిర్దేశించిన 309 పరుగుల లక్ష్య ఛేదనలో రూట్‌ అజేయమైన సెంచరీతో ఇన్నింగ్స్‌ను కొనసాగిస్తున్నాడు. రూట్‌ సిక్సర్‌, బౌండరీతో సెంచరీ పూర్తి చేశాడు. 🚨 54th INTERNATIONAL HUNDRED FOR JOE ROOT 🚨- The Greatest England Batter ever. 🐐 pic.twitter.com/bs7uEjregH— Johns. (@CricCrazyJohns) June 1, 202538 ఓవర్ల అనంతరం​ ఇంగ్లండ్‌ స్కోర్‌ 226/5గా ఉంది. రూట్‌తో (117) పాటు విల్‌ జాక్స్‌ (35) క్రీజ్‌లో ఉన్నాడు. ఈ మ్యాచ్‌లో ఇంగ్లండ్‌ గెలవాలంటే 72 బంతుల్లో 83 పరుగులు చేయాల్సి ఉంది. ఛేదనలో ఇంగ్లండ్‌ ఆదిలో ఎదురుదెబ్బలు తినింది. ఓపెనర్లు జేమీ స్మిత్‌, బెన్‌ డకెట్‌ ఇద్దరూ డకౌట్‌ అయ్యారు. వన్‌డౌన్‌లో వచ్చిన రూట్‌ అజేయమైన సెంచరీతో విజయం దిశగా తీసుకెళ్తున్నాడు. హ్యారీ బ్రూక్‌ 47, జోస్‌ బట్లర్‌ 0, జేకబ్‌ బేతెల్‌ 17 పరుగులు చేశారు. విండీస్‌ బౌలర్లలో అల్జరీ జోసఫ్‌ 2, జేడన్‌ సీల్స్‌, మాథ్యూ ఫోర్డ్‌, రోస్టన్‌ ఛేజ్‌ తలో వికెట్‌ తీశారు.అంతకుముందు టాస్‌ ఓడి తొలుత బ్యాటింగ్‌ చేసిన వెస్టిండీస్‌ 47.4 ఓవర్లలో 308 పరుగులకు ఆలౌటైంది. వన్‌డౌన్‌ బ్యాటర్‌ కీసీ కార్టీ సూపర్‌ సెంచరీతో (105 బంతుల్లో 13 ఫోర్ల సాయంతో 103 పరుగులు), ఓపెనర్‌ బ్రాండన్‌ కింగ్‌ (67 బంతుల్లో 59; 10 ఫోర్లు), నాలుగో నంబర్‌ ఆటగాడు షాయ్‌ హోప్‌ (66 బంతుల్లో 78; 4 ఫోర్లు, 4 సిక్సర్లు) అర్ద సెంచరీలతో రాణించారు. ఇంగ్లండ్‌ బౌలర్లలో ఆదిల్‌ రషీద్‌ (10-0-63-4), సాకిబ్‌ మహమూద్‌ (9.4-0-37-3) చెలరేగగా.. బ్రైడన్‌ కార్స్‌, జేకబ్‌ బేతెల్‌, విల్‌ జాక్స్‌ తలో వికెట్‌ తీశారు.కాగా, విండీస్‌ జట్టు మూడు వన్డేలు, మూడు టీ20ల సిరీస్‌ల కోసం ఇంగ్లండ్‌లో పర్యటిస్తుంది. తొలి వన్డేలో ఇంగ్లండ్‌ 238 పరుగుల భారీ తేడాతో గెలుపొందింది.అంతర్జాతీయ క్రికెట్‌లో అత్యధిక సెంచరీలు (ప్రస్తుతం యాక్టివ్‌గా ఉన్న ప్లేయర్లు)..విరాట్‌ కోహ్లి-82జో రూట్‌-54రోహిత్‌ శర్మ-49కేన్‌ విలియమ్సన్‌-48స్టీవ్‌ స్మిత్‌-48వన్డేల్లో ఇంగ్లండ్‌ తరఫున అత్యధిక పరుగులు..జో రూట్‌-7000 (నాటౌట్‌)ఇయాన్‌ మోర్గాన్‌-6957ఇయాన్‌ బెల్‌-5416జోస్‌ బట్లర్‌-5196పాల్‌ కాలింగ్‌వుడ్‌-5092

మూడు మ్యాచ్‌ల సిరీస్‌లో భాగంగా ఇంగ్లండ్‌తో ఇవాళ (జూన్‌ 1) జరుగుతున్న రెండో వన్డేలో విండీస్‌ వన్‌డౌన్‌ ఆటగాడు కీసీ కార్టీ సూపర్‌ సెంచరీతో మెరిశాడు. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన వెస్టిండీస్‌.. కార్టీ 105 బంతుల్లో 13 ఫోర్ల సాయంతో 103 పరుగులు చేయడంతో 47.4 ఓవర్లలో 308 పరుగులకు ఆలౌటైంది. కార్టీతో పాటు ఓపెనర్‌ బ్రాండన్‌ కింగ్‌ (67 బంతుల్లో 59; 10 ఫోర్లు), నాలుగో నంబర్‌ ఆటగాడు షాయ్‌ హోప్‌ (66 బంతుల్లో 78; 4 ఫోర్లు, 4 సిక్సర్లు) అర్ద సెంచరీలతో రాణించారు. విండీస్‌ ఇన్నింగ్స్‌లో జువెల్‌ ఆండ్రూ 0, షిమ్రోన్‌ హెట్‌మైర్‌ 4, జస్టిన్‌ గ్రీవ్స్‌ 22, మాథ్యూ ఫోర్డ్‌ 1, రోస్టన్‌ ఛేజ్‌ 0, గుడకేశ్‌ మోటీ 18, అల్జరీ జోసఫ్‌ 10 పరుగులకు ఔటయ్యారు. కార్టీ, హోప్‌ క్రీజ్‌లో ఉండగా విండీస్‌ ఇంకా భారీ స్కోర్‌ చేసేలా కనిపించింది. అయితే ఇంగ్లండ్‌ బౌలర్లు ఆదిల్‌ రషీద్‌ (10-0-63-4), సాకిబ్‌ మహమూద్‌ (9.4-0-37-3) చెలరేగడంతో విండీస్‌ 308 పరుగులకే పరిమితమైంది. ఇంగ్లండ్‌ బౌలర్లలో బ్రైడన్‌ కార్స్‌, జేకబ్‌ బేతెల్‌, విల్‌ జాక్స్‌ కూడా తలో వికెట్‌ తీశారు.కాగా, విండీస్‌ జట్టు మూడు వన్డేలు, మూడు టీ20ల సిరీస్‌ల కోసం ఇంగ్లండ్‌లో పర్యటిస్తుంది. తొలి వన్డేలో ఇంగ్లండ్‌ 238 పరుగుల భారీ తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 8 వికెట్ల నష్టానికి 400 పరుగుల రికార్డు స్కోర్‌ చేసింది. ఇంగ్లండ్‌ ఇన్నింగ్స్‌లో బెన్‌ డకెట్‌ (60), జో రూట్‌ (57), హ్యారీ బ్రూక్‌ (58), జేకబ్‌ బేతెల్‌ (82) అర్ద సెంచరీలతో చెలరేగగా.. జేమీ స్మిత్‌ (37), జోస్‌ బట్లర్‌ (37), విల్‌ జాక్స్‌ (39) ఓ మోస్తరు స్కోర్లతో రాణించారు. విండీస్‌ బౌలర్లలో జేడెన్‌ సీల్స్‌ 4, అల్జరీ జోసఫ్‌, జస్టిన్‌ గ్రీవ్స్‌ తలో 2 వికెట్లు పడగొట్టారు.అనంతరం భారీ లక్ష్య ఛేదనకు దిగిన వెస్టిండీస్‌.. ఇంగ్లండ్‌ బౌలర్లు మూకుమ్మడిగా చెలరేగడంతో 26.2 ఓవర్లలో 162 పరుగులకే ఆలౌటైంది. సాకిబ్‌ మహమూద్‌, జేమీ ఓవర్టన్‌ తలో 3, ఆదిల్‌ రషీద్‌ 2, బ్రైడన్‌ కార్స్‌, జేకబ్‌ బేతెల్‌ తలో వికెట్‌ పడగొట్టారు. విండీస్‌ ఇన్నింగ్స్‌లో 11వ నంబర్‌ ఆటగాడు జేడెన్‌ సీల్స్‌ (29 నాటౌట్‌) టాప్‌ స్కోరర్‌గా కాగా.. షాయ్‌ హోప్‌ (25), కీసీ కార్టీ (22) 20కి పైగా పరుగులు చేశారు.గత తొమ్మిది ఇన్నింగ్స్‌ల్లో నాలుగో సెంచరీఇంగ్లండ్‌తో రెండో వన్డేలో సెంచరీతో మెరిసిన కీసీ కార్టీకి గత తొమ్మిది వన్డే ఇన్నింగ్స్‌ల్లో ఇది నాలుగో సెంచరీ కావడం విశేషం. 28 ఏళ్ల కార్తీ గత 10 ఇన్నింగ్స్‌ల్లో 4 సెంచరీలు, 2 అర్ద సెంచరీల సాయంతో 95కు పైగా సగటుతో 864 పరుగులు సాధించాడు. ఓవరాల్‌ కెరీర్‌లో 36 వన్డేలు ఆడిన కార్టీ 5 హాఫ్‌ సెంచరీలు, 4 సెంచరీల సాయంతో 50కి పైగా సగటుతో 1403 పరుగులు చేశాడు.2nd ODI Vs ENG 103 (105)1st ODI Vs ENG 22 (26) 3rd ODI Vs IRE 170 (142) 2nd ODI Vs IRE 102 (109) 1st ODI Vs IRE 6 (15) 3rd ODI Vs BAN 95 (88) 2nd ODI Vs BAN 45 (47) 1st ODI Vs BAN 21 (37) 3rd ODI Vs ENG 128 (114) 2nd ODI Vs ENG 71 (77)

మే 29న ఇంగ్లండ్‌తో వన్డే మ్యాచ్‌లో ఘోర పరాజయాన్ని ఎదుర్కొన్న వెస్టిండీస్‌ జట్టుకు ఐసీసీ భారీ షాకిచ్చింది. ఐసీసీ కోడ్‌ ఆఫ్‌ కాండక్ట్‌లో ఆర్టికల్‌ 2.22 నిబంధనను ఉల్లంఘించినందుకు గానూ ఆ జట్టు ఆటగాళ్లకు జరిమానా విధించింది. ఆర్టికల్‌ 2.22 నిబంధన ఉల్లంఘణ స్లో ఓవర్‌ రేట్‌ పరిధిలోకి వస్తుంది. ఆ మ్యాచ్‌లో విండీస్‌ అదనపు సమయం ముగిసినా తమ కోటా ఓవర్లు (50) పూర్తి చేయలేకపోయింది. ఓ ఓవర్‌ వెనకపడింది. దీంతో ఐసీసీ మ్యాచ్‌ రిఫరీ జెఫ్‌ క్రో విండీస్‌ జట్టులోని ఆటగాళ్లందరికీ ఐదు శాతం మ్యాచ్‌ ఫీజ్‌ను జరిమానాగా విధించాడు. ఈ జరిమానాను విండీస్‌ జట్టు సభ్యులు సవాలు చేయకుండా స్వీకరించారు. సాధారణంగా నిర్ణీత సమయంలోగా కోటా ఓవర్లు పూర్తి చేయలేకపోతే ఓవర్‌కు ఐదు శాతం మ్యాచ్‌ ఫీజ్‌ను జరిమానాగా విధిస్తారు.ఇదిలా ఉంటే, మూడు వన్డేలు, మూడు మ్యాచ్‌ల టీ20 సిరీస్‌ కోసం​ ఇంగ్లండ్‌లో పర్యటిస్తున్న వెస్టిండీస్‌ జట్టు మే 29న తొలి వన్డే ఆడింది. ఈ మ్యాచ్‌లో ఆతిథ్య ఇంగ్లండ్‌ 238 పరుగుల భారీ తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 8 వికెట్ల నష్టానికి 400 పరుగుల రికార్డు స్కోర్‌ చేసింది. ఇంగ్లండ్‌ ఇన్నింగ్స్‌లో బెన్‌ డకెట్‌ (60), జో రూట్‌ (57), హ్యారీ బ్రూక్‌ (58), జేకబ్‌ బేతెల్‌ (82) అర్ద సెంచరీలతో చెలరేగగా.. జేమీ స్మిత్‌ (37), జోస్‌ బట్లర్‌ (37), విల్‌ జాక్స్‌ (39) ఓ మోస్తరు స్కోర్లతో రాణించారు. విండీస్‌ బౌలర్లలో జేడెన్‌ సీల్స్‌ 4, అల్జరీ జోసఫ్‌, జస్టిన్‌ గ్రీవ్స్‌ తలో 2 వికెట్లు పడగొట్టారు.అనంతరం భారీ లక్ష్య ఛేదనకు దిగిన వెస్టిండీస్‌.. ఇంగ్లండ్‌ బౌలర్లు మూకుమ్మడిగా చెలరేగడంతో 26.2 ఓవర్లలో 162 పరుగులకే ఆలౌటైంది. సాకిబ్‌ మహమూద్‌, జేమీ ఓవర్టన్‌ తలో 3, ఆదిల్‌ రషీద్‌ 2, బ్రైడన్‌ కార్స్‌, జేకబ్‌ బేతెల్‌ తలో వికెట్‌ పడగొట్టారు. విండీస్‌ ఇన్నింగ్స్‌లో 11వ నంబర్‌ ఆటగాడు జేడెన్‌ సీల్స్‌ (29 నాటౌట్‌) టాప్‌ స్కోరర్‌గా కాగా.. షాయ్‌ హోప్‌ (25), కీసీ కార్టీ (22) 20కి పైగా పరుగులు చేశారు. ఈ గెలుపుతో మూడు మ్యాచ్‌ల సిరీస్‌లో ఇంగ్లండ్‌ 1-0 ఆధిక్యంలోకి వెళ్లింది. ఇవాళ (జూన్‌ 1) రెండో వన్డే జరుగుతుంది.

వందేళ్లు దాటిన అందాలబామ్మ ఆమె. ‘ఆన్‌లైన్‌’లో ఈ బామ్మ పేల్చే బ్లష్‌ బ్లాస్ట్‌ గురించి తెలిస్తే ఆశ్చర్యపోతారు. తర్వాత ఆమె చెప్పే పాఠాలు వింటే వెంటనే మీరు కూడా మేకప్‌ బ్రష్‌ పట్టుకొని అద్దం ముందుకు వెళ్తారు. బామ్మలు అంటే కుకీస్‌ చేయటం, కథలు చెప్పడమే కాదు; సౌందర్య పోషణతో సోషల్‌ మీడియాను షేక్‌ చేయవచ్చని నిరూపించింది ఇంగ్లండ్‌కు చెందిన జోన్‌ పార్ట్‌రిడ్జ్‌. ఈమె వయసు 103.సరదా సరదాగా బ్యూటీ పాఠాలురోజూ ఉదయం కాఫీ కప్పు చేతిలో పట్టుకోవడం కంటే ముందు ఈ బామ్మ మేకప్‌ బ్రష్‌ పట్టుకుంటుంది. ఆపై మొబైల్‌ కెమెరా ఆన్‌ చేసి, టిక్‌టాక్‌లో మేకప్‌ ట్యూటోరియల్‌ వీడియోలు చేస్తుంది. బామ్మ చెప్పే పాఠాలు బోరింగ్‌ అనుకోకుండా సుమారు రెండున్నర లక్షల మంది చాలా శ్రద్ధగా వింటారు. ఒకరోజు బ్లష్‌ బ్రష్‌ తీసుకొని చెంప మీద మెల్లగా తిప్పుతూ ‘బ్లష్‌ ఎప్పుడూ నవ్వుతూ వేయమంటారు. కాని, నేను నవ్వితే ముడతలే కనిపిస్తాయి.’ అనే పంచ్‌ వేసింది. ఈ మాట వినగానే స్క్రీన్‌ ముందు ఉన్న జనాలంతా నవ్వుల వర్షం కురిపించేశారు. ఈ ఒక్క వీడియోకి లక్షల్లో లైక్స్, కామెంట్లు, షేర్లు! ఇక అప్పటి నుంచి ఆమె మేకప్‌ టెక్నిక్స్‌ చూసి కొంతమంది ఫిదా అయితే, బామ్మ కామెడీకి చాలామంది డబుల్‌ ఫిదా అయ్యారు. ‘ఇలా కాజల్‌ వేయాలి, ఇలా బ్రష్‌ తిప్పాలి, ఇలా బ్లష్‌ టచప్‌ చేయాలి’ అని అందరికీ అర్థమయ్యేలా చక్కగా బోధపరుస్తుందీ బామ్మ. ఏ టిప్‌ అయినా, సీరియస్‌గా చెప్పదు, చెణుకులు వేస్తూ సరదాగా చెప్తుంది. ‘టిక్‌టాక్‌’లో ఈ బామ్మ హవా తెలుసుకున్న టీవీ చానళ్లు కూడా ఇంటర్వ్యూల కోసం ఈమె ముందు క్యూ కడుతున్నాయి. బీబీసీ సహా పలు అంతర్జాతీయ చానళ్లు ఈమెను ఇప్పటికే ఇంటర్వ్యూ చేశాయి.వరుస గిఫ్ట్‌ హ్యాంపర్లు దీనికి తోడు, ఆమె ఉపయోగించే మేకప్‌ ఐటమ్స్‌ను కొంతమంది ఫాలోవర్స్‌ ఫ్యాషన్‌ బ్రాండ్స్‌కు ట్యాగ్‌ చేశారు. బ్రాండ్స్‌ వాళ్లు కూడా బామ్మ టాలెంట్‌ చూసి ఆశ్చర్యపోయి, వెంటనే గిఫ్ట్‌ హ్యాంపర్స్‌ పంపించారు. ఇక ఆ హ్యాంపర్స్‌ వచ్చాకే అసలు మజా మొదలైంది. బామ్మ మేకప్‌ ప్రాడక్ట్స్‌ ప్రమోట్‌ చేయడం మొదలుపెట్టింది. వందేళ్ల వయసులోనూ బామ్మ టిక్‌టాక్‌లో వైరల్‌ స్టార్, మేకప్‌ గురు, బ్రాండ్‌ అంబాసిడర్‌గా మారిపోయింది. ఈ బామ్మని చూసిన తర్వాత ‘మా అమ్మమ్మకు, బామ్మకు ఫేస్‌బుక్‌ ఖాతా లేదని సిగ్గేస్తోంది’ అని అనిపించకుండా ఉండదు. కొంతమంది యువత వాళ్ల అమ్మమ్మలకూ, బామ్మలకు ఈ బామ్మ వీడియోలను షేర్‌ చేస్తున్నారు. బ్లష్‌ ఎలా వేయాలో నేర్చుకోవటానికి కాదు, వాళ్ల అమ్మమ్మలు, బామ్మలు కూడా టిక్‌టాక్‌ స్టార్‌లుగా రెడీ అవ్వడానికి! (చదవండి: ఎవరీ ధీర..మయూర? ఆశావాదం, అసామాన్య ధైర్యానికి చిరునామ..)

సాక్షి, హైదరాబాద్‌: అధికారంలో ఉన్నా లేకున్నా తెలంగాణ అభివృద్ధే తమ అభిమతమని.. ఇండియా ఫస్ట్‌.. తెలంగాణ ఫస్ట్‌ అన్నదే తమ నినాదమని బీఆర్‌ఎస్‌ వర్కింగ్‌ ప్రెసిడెంట్‌ కె. తారక రామారావు అన్నారు. తెలంగాణకు పెట్టుబడులు సాధించడం ద్వారా యువతకు భారీగా ఉపాధి అవకాశాలు లభించేందుకు సర్వశక్తులూ ఉపయోగిస్తామని చెప్పారు. ఇంగ్లండ్‌లోని వార్విక్‌ యూనివర్సిటీలో ఏర్పాటు చేసిన ప్రొగ్మాటిక్‌ డిజైన్‌ సొల్యూషన్స్‌ లిమిటెడ్‌ (పీడీఎస్‌ఎల్‌) నాలెడ్జ్‌ సెంటర్‌ను కేటీఆర్‌ శనివారం ప్రారంభించారు. పీడీఎస్‌ఎల్‌ కార్యకలాపాలను భారత్‌కు విస్తరించాలన్నారు. ఇంగ్లండ్‌లో యూనివర్సిటీ, ఇండస్త్రీల మధ్య పరస్పర సహకారం తనను ఆశ్చర్యపరిచిందన్నారు. మెక్‌లారెన్, ఆస్టన్‌ మార్టిన్, జాగ్వార్, ల్యాండ్‌ రోవర్‌ వంటి దిగ్గజ ఆటోమోటివ్‌ కంపెనీలకు పరిశోధన, అభివృద్ధి సేవలను అందించే పీడీఎస్‌ఎల్‌ నాలెడ్జ్‌ సెంటర్‌ తెలంగాణ టాలెంట్‌కు నిదర్శనమని కేటీఆర్‌ కొనియాడారు.బీఆర్‌ఎస్‌ ప్రభుత్వ వినూత్న విధానాలతోనే..బీఆర్‌ఎస్‌ ప్రభుత్వ వినూత్న విధానాలతో పుణే, చెన్నై సరసన హైదరాబాద్‌ ఆటోమోటివ్‌ హబ్‌గా నిలిచిందని కేటీఆర్‌ చెప్పారు. తమ ప్రభుత్వ కాలంలోనే ఐటీ, లైఫ్‌ సైన్సెస్‌తోపాటు ఆటోమోటివ్‌ రంగంలోనూ తెలంగాణ సత్తా చాటిందన్నారు. ఈ రంగంలో కేవలం పరిశోధన, అభివృద్ధికే పరిమితం కాకుండా తయారీ రంగంలోనూ తెలంగాణను నంబర్‌ వన్‌గా నిలిపేందుకు తమ ప్రభుత్వం తెచ్చిన విధానాలు ఉపయోగపడతాయని కేటీఆర్‌ అన్నారు. భారత్‌లో ఫార్ములా ఈ–రేసింగ్‌ చాంపియన్‌షిప్‌ను నిర్వహించిన మొదటి రాష్ట్రం తెలంగాణ మాత్రమేనన్న కేటీఆర్‌... పెట్టుబడులను ఆకర్షించడంతోపాటు రాష్ట్రంలో మొబిలిటీ వ్యాలీని ఏర్పాటు చేయడమే లక్ష్యంగా తమ ప్రభుత్వం పనిచేసిందన్నారు.ఐటీ ఎగుమతుల్లోనూ పురోగతితమ ప్రభుత్వ నిరంతర కృషితో అంతర్జాతీయ కంపెనీలకు కొత్త చిరునామాగా తెలంగాణ మారిందని కేటీఆర్‌ పేర్కొ న్నారు. గూగుల్, అమెజాన్, ఫేస్‌బుక్‌ వంటి కార్పొరేట్‌ దిగ్గజాలు తమ అతిపెద్ద కార్యాల యాలను హైదరాబాద్‌లో ప్రారంభించాయని గుర్తుచే శారు. తమ తొమ్మిదేళ్ల పాలనలో ఐటీ ఉద్యోగాలు, ఎగుమతులతోపాటు ఇతర రంగాల్లోనూ తెలంగాణ అద్భుతంగా పురోగతి సాధించిందని చెప్పారు. ఐటీ, అనుబంధ రంగాలతోపాటు ఆటోమొబైల్‌ వంటి ఇతర రంగాల్లోనూ భారత యువత ప్రతిభ, నిబద్ధతతో అద్భు తంగా రాణిస్తున్నారని కేటీఆర్‌ ప్రశంసించారు. ప్రపంచవ్యాప్తంగా వస్తున్న మార్పులకు అనుగుణంగా యువ త, విద్యార్థులతోపాటు కంపెనీలు కూడా నైపుణ్యాలను మెరుగుపరుచుకోవాలన్నారు. కార్యక్రమంలో పీడీఎస్‌ ఎల్‌ డైరెక్టర్‌ క్రాంతి పుప్పాల పాల్గొన్నారు.

ఇంగ్లండ్ ప‌ర్య‌ట‌నను టీమిండియా వెట‌రన్ ఆట‌గాడు క‌రుణ్ నాయ‌ర్ ఘ‌నంగా ఆరంభించాడు. కాంట‌ర్‌బ‌రీ వేదిక‌గా ఇంగ్లండ్ ల‌య‌న్స్‌తో జ‌రుగుతున్న తొలి అనాధికారిక‌-ఎ టెస్టులో క‌రుణ్ నాయ‌ర్‌.. భార‌త-ఎ జ‌ట్టు త‌ర‌పున అద్బుత‌మైన డ‌బుల్ సెంచ‌రీతో చెల‌రేగాడు. ఫ‌స్ట్‌ డౌన్‌లో బ్యాటింగ్‌కు వ‌చ్చిన నాయ‌ర్‌.. 272 బంతుల్లో తన డ‌బుల్ సెంచ‌రీ మార్క్‌ను అందుకున్నాడు. అత‌డి ఇన్నింగ్స్‌లో ఇప్ప‌టివ‌ర‌కు 26 ఫోర్లు, ఒక సిక్స‌ర్ ఉన్నాయి. ఓవ‌రాల్‌గా 204 ప‌రుగులు చేసి ఔట‌య్యాడు. నాయ‌ర్‌కు ఇది నాలుగో ఫ‌స్ట్ క్లాస్ ద్విశ‌త‌కం కావ‌డం గ‌మ‌నార్హం.కోహ్లి వారసుడు ఫిక్స్‌..?కాగా విరాట్ కోహ్లి రిటైర్మెంట్ ప్ర‌క‌టించ‌డంతో టెస్టుల్లో అత‌డి స్దానాన్ని ఎవ‌రు భ‌ర్తీ చేస్తార‌న్న చ‌ర్చ ప్ర‌స్తుతం క్రికెట్ వ‌ర్గాల్లో న‌డుస్తోంది. కొంత‌మంది సాయిసుద‌ర్శ‌న్ పేరును సూచిస్తుంటే.. మ‌రి కొంత‌మంది కరుణ్ నాయ‌ర్‌ను పేరును చెబుతున్నారు.ఇటువంటి స‌మ‌యంలో కోహ్లి స్ధానానికి త‌నే స‌రైనోడ‌న‌ని నాయ‌ర్ డ‌బుల్ సెంచ‌రీతో చాటుకున్నాడు. కాగా కరుణ్ నాయర్ 8 ఏళ్ల తర్వాత భారత టెస్టు జట్టులోకి ఎంట్రీ ఇచ్చాడు. దేశవాళీ క్రికెట్‌లో మెరుగైన ప్రదర్శన చేస్తుండడంతో నాయర్‌కు సెలక్టర్లు తిరిగి పిలుపునిచ్చారు. నాయర్‌ ప్రస్తుతం సూపర్‌ ఫామ్‌లో ఉన్నాడు. రంజీ ట్రోఫీ 2024-25లో విదర్భ ఛాంపియన్‌గా నిలవడంలో కరుణ్‌ది కీల‌క పాత్ర‌. ఈ టోర్నీలో 16 ఇన్నింగ్స్‌లలో 53.93 సగటుతో 863 పరుగులు చేసి నాలుగో టాప్‌ స్కోరర్‌గా నిలిచాడు. నాయర్‌ చివరసారిగా భారత జట్టు తరపున 2017లో ఆడాడు. కాగా వీరేంద్ర సెహ్వాగ్ తర్వాత టెస్టుల్లో ట్రిపుల్‌ సెంచరీ సాధించిన ఏకైక భారత ఆటగాడిగా కరుణ్‌ నాయర్ కొన‌సాగుతున్నాడు.భారీ స్కోర్‌ దిశగా భారత్‌-ఎఇక అనాధికరిక టెస్టు తొలి ఇన్నింగ్స్‌లో భారత్‌-ఎ జట్టు భారీ స్కోర్‌ దిశగా దూసుకువెళ్తోంది. 112 ఓవర్లకు 7 వికెట్ల నష్టానికి 510 పరుగులు చేసింది. భారత బ్యాటర్లు సర్ఫరాజ్‌ ఖాన్‌(92), ధ్రువ్‌ జురెల్‌(94) తృటిలో సెంచరీ చేసే అవకాశాన్ని కోల్పోయారు.

వెస్టిండీస్‌ మహిళల క్రికెట్‌ జట్టుతో ఇవాళ (మే 30) జరుగుతున్న తొలి వన్డేలో ఇంగ్లండ్‌ ఓపెనర్లు ట్యామీ బేమౌంట్‌, యామీ జోన్స్‌ చెలరేగిపోయారు. ఈ ఇద్దరూ విధ్వంసకర శతకాలతో విరుచుకుపడ్డారు. ఈ జోడీ తొలి వికెట్‌కు 222 పరుగుల రికార్డు భాగస్వామ్యం నెలకొల్పింది. బేమౌంట్‌ 107 (104 బంతుల్లో 8 ఫోర్లు, 4 సిక్సర్లు), యామీ జోన్స్‌ 122 పరుగులు (121 బంతుల్లో 15 ఫోర్లు, సిక్సర్‌) చేసి ఔటయ్యారు. 41 ఓవర్ల తర్వాత ఇంగ్లండ్‌ స్కోర్‌ 262/3గా ఉంది. కెప్టెన్‌ నాట్‌ సీవర్‌ బ్రంట్‌ (8), సోఫియా డంక్లీ (6) క్రీజ్‌లో ఉన్నారు. ఈ మ్యాచ్‌లో ఇంగ్లండ్‌ టాస్‌ గెలిచి తొలుత బ్యాటింగ్‌ చేస్తుంది.కాగా, మూడు టీ20లు, మూడు వన్డేల సిరీస్‌ల కోసం వెస్టిండీస్‌ మహిళల క్రికెట్‌ జట్టు ఇంగ్లండ్‌లో పర్యటిస్తుంది. ఈ పర్యటనలో టీ20 సిరీస్‌ ఇదివరకే ముగియగా.. వన్డే సిరీస్‌ ఇవాళ ప్రారంభమైంది. టీ20 సిరీస్‌ను 3-0 తేడాతో క్లీన్‌ స్వీప్‌ చేసిన ఇంగ్లండ్‌.. వన్డే సిరీస్‌ను కూడా అదే తరహాలో ముగించాలని భావిస్తుంది. మే 30, జూన్‌ 4, 7 తేదీల్లో మూడు వన్డేలు వేర్వేరు వేదికల్లో జరుగనున్నాయి.

సాక్షి, హైదరాబాద్‌: మిస్‌ ఇంగ్లండ్‌ మిల్లా మ్యాగీ(Milla Magee) సంచలన ఆరోపణల వ్యవహారంపై విచారణ ముగిసిందని తెలంగాణ ప్రభుత్వం ప్రకటించింది. ఈ అంశంపై తెలంగాణ స్పెషల్‌ చీఫ్‌ సెక్రటరీ జయేష్‌ రంజన్‌ సాక్షితో శుక్రవారం మాట్లాడారు.‘‘మిస్‌ ఇంగ్లండ్‌ మ్యాగీపై తెలంగాణ ప్రభుత్వ విచారణ ముగిసింది. అయితే ఆమె విషయంలో ప్రభుత్వం ఎలాంటి చర్యలు తీసుకోదు. మిస్‌ వరల్డ్‌ నిర్వాహకులు లండన్‌లో కేసు వేశారు. ఆమెపై యూకే ప్రభుత్వమే లీగల్‌ చర్యలు తీసుకుంటుంది’’ అని జయేష్‌ రంజన్‌(Jayesh Ranjan) స్పష్టం చేశారు.వ్యక్తిగత, నైతిక కారణాలను చూపుతూ హైదరాబాద్‌లో నిర్వహిస్తున్న మిస్‌ వరల్డ్‌ 2025 (Miss World 2025)పోటీల నుంచి నిష్క్రమిస్తూ మిల్లా మ్యాగీ స్వదేశానికి తిరిగి వెళ్లిపోయారు. ఆపై ఆమె బ్రిటిష్ టాబ్లాయిడ్ ది సన్‌తో మాట్లాడుతూ సంచలన ఆరోపణలు చేశారు. ‘‘హైదరాబాద్‌లో ఉన్న సమయంలో ధనవంతులైన పురుష స్పాన్సర్లను అలరించాలనడంతో ఎంతో ఒత్తిడికి గురయ్యా. తెలంగాణపై గౌరవం పెరిగింది. అక్కడి అతిథ్యం బాగుంది. కానీ, మేం పోటీలకు వచ్చామో, దేనికొచ్చామో అర్థం కాలేదు.. ఇవేం పోటీలు?’’ అని ఆమె అన్నట్లు సదరు టాబ్లాయిడ్‌ కథనం ఇచ్చింది.అయితే, మిస్ వరల్డ్ ఆర్గనైజేషన్ ఛైర్మన్, సీఈఓ జూలియా మోర్లీ ఈ ఆరోపణలను ఖండించారు. తన తల్లి అనారోగ్యం కారణంగా కుటుంబ అత్యవసర పరిస్థితి ఏర్పడిందని, అందుకే ఆమె పోటీ నుండి వైదొలగాలని అభ్యర్థించారని తెలిపారు. మిస్‌ వరల్డ్‌ పోటీలు.. గౌరవం, బ్యూటీ విత్‌ ఏ పర్పస్‌ విలువలకు కట్టుబడి ఉంది అని స్పష్టం చేశారు.అయితే ఈ వ్యవహారంపై తెలంగాణాలో రాజకీయ దుమారం రేగింది. ప్రతిపక్ష బీఆర్‌ఎస్‌, బీజేపీలు కాంగ్రెస్‌ ప్రభుత్వాన్ని లక్ష్యంగా చేసుకుని తీవ్ర విమర్శలు గుప్పించాయి. దీంతో ప్రభుత్వం విచారణకు ఆదేశించింది.

కాంటర్బరీ (ఇంగ్లండ్‌): టీమిండియా యువ ఆటగాళ్లు యశస్వి జైస్వాల్, నితీశ్‌ కుమార్‌ రెడ్డి సహా పలువురు ప్లేయర్లు ఇంగ్లండ్‌తో టెస్టు సిరీస్‌కు ముందు సన్నాహక మ్యాచ్‌ బరిలోకి దిగనున్నారు. వచ్చే నెల 20 నుంచి భారత్, ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌ జరగనుండగా... దానికి ముందు ఇంగ్లండ్‌ లయన్స్‌ జట్టుతో భారత ‘ఎ’ జట్టు శుక్రవారం నుంచి నాలుగు రోజుల మొదటి అనధికారిక టెస్టు మ్యాచ్‌ ఆడనుంది. ఇందులో భారత్‌ ‘ఎ’ జట్టు తరఫున అభిమన్యు ఈశ్వరణ్, ధ్రువ్‌ జురేల్, కరుణ్‌ నాయర్, ఆకాశ్‌ దీప్, శార్దుల్‌ ఠాకూర్, ఇషాన్‌ కిషన్, తనుశ్‌ కొటియాన్, ముకేశ్‌ కుమార్, హర్షిత్‌ రాణా, అన్షుల్‌ కంబోజ్, ఖలీల్‌ అహ్మద్, సర్ఫరాజ్‌ ఖాన్, తుషార్‌ దేశ్‌పాండే, హర్ష్ దూబే బరిలోకి దిగనున్నారు. ఇంగ్లండ్‌తో సిరీస్‌కు ముందు అక్కడి పరిస్థితులను అర్థం చేసుకునేందుకు ఈ సన్నాహక మ్యాచ్‌లు సహకరించనున్నాయి. ఈ నేపథ్యంలో ఐపీఎల్‌ ప్లే ఆఫ్స్‌లో భాగం కాని... భారత టెస్టు జట్టు ఆటగాళ్లను బీసీసీఐ ముందే ఇంగ్లండ్‌ పంపింది. కరుణ్‌ నాయర్‌ మినహా... మిగిలిన ఆటగాళ్లందరికీ ఇదే తొలి ఇంగ్లండ్‌ పర్యటన. విరాట్‌ కోహ్లి, రోహిత్‌ శర్మ సుదీర్ఘ ఫార్మాట్‌ నుంచి తప్పుకున్న అనంతరం టీమిండియా ఆడనున్న తొలి టెస్టు సిరీస్‌ ఇదే కానుండటంతో... వారి స్థానాలను భర్తీ చేసే ఆటగాళ్లను ఎంపిక చేసుకునేందుకు ఈ మ్యాచ్‌ తోడ్పడనుంది. ప్రధాన సిరీస్‌లో భారత జట్టు బ్యాటింగ్‌ ఆర్డర్‌ను నిర్ణయించేందుకు కూడా ఈ సన్నాహక మ్యాచ్‌లు సహాయపడనున్నాయి. అభిమన్యు ఈశ్వరణ్, కరుణ్‌ నాయర్, ఆంధ్రప్రదేశ్‌ పేస్‌ ఆల్‌రౌండర్‌ నితీశ్‌ రెడ్డి ప్రదర్శనపై అందరి దృష్టి నిలవనుంది.ఆ్రస్టేలియా పర్యటనలో 298 పరుగులతో ఆకట్టుకున్న నితీశ్‌ రెడ్డి... ఐపీఎల్‌లో పెద్దగా ఆకట్టుకోలేకపోగా... ఇంగ్లండ్‌తో తుది జట్టులో చోటు దక్కాలంటే ఈ మ్యాచ్‌లో సత్తాచాటాల్సిన అవసరముంది. పేస్‌ ఆల్‌రౌండర్‌గా శార్దుల్‌ ఠాకూర్‌ నుంచి అతడికి పోటీ ఎదురు కానుంది. అశ్విన్‌ రిటైర్మెంట్‌ ప్రకటించిన నేపథ్యంలో... కొత్త స్పిన్నర్‌గా ఎవరు వెలుగులోకి వస్తారో చూడాలి.

ఇంగ్లండ్‌ మహిళల క్రికెట్‌ జట్టు తాజా మాజీ కెప్టెన్‌ హీథర్‌ నైట్‌ త్వరలో వెస్టిండీస్‌తో జరుగనున్న వన్డే సిరీస్‌ నుంచి నిష్క్రమించింది. గాయం కారణంగా నైట్‌ ఈ సిరీస్‌తో పాటు జూన్‌, జులైల్లో షెడ్యూలైన భారత పర్యటనకు కూడా దూరమైంది. ప్రస్తుతం వైద్యుల పర్యవేక్షణలో ఉన్న నైట్‌ పై రెండు సిరీస్‌లతో పాటు హండ్రెడ్‌ లీగ్‌ నుంచి కూడా తప్పుకోనున్నట్లు వార్తలు వస్తున్నాయి. నైట్‌ గాయం తీవ్రత ఎక్కువగా ఉండటంతో మూడు నెలల విశ్రాంతి అవసరమని వైద్యులు సూచించినట్లు తెలుస్తుంది. ప్రస్తుత పరిస్థితిని బట్టి చూస్తే నైట్‌ ఈ ఏడాది సెప్టెంబర్‌లో భారత్‌లో జరిగే వన్డే వరల్డ్‌కప్‌లో ఆడేది కూడా అనుమానంగా కనిపిస్తుంది. నైట్‌ గైర్హాజరీలో విండీస్‌తో సిరీస్‌లో నాట్‌ సీవర్‌ బ్రంట్‌ ఇంగ్లండ్‌ కెప్టెన్‌గా వ్యవహరించనుంది. ఈ సిరీస్‌లో నైట్‌ స్థానాన్ని అలైస్‌ క్యాప్సీ భర్తీ చేయనుంది. నైట్‌ మే 26న విండీస్‌తో జరిగిన మూడో టీ20 సందర్భంగా గాయపడింది. ఈ మ్యాచ్‌లో 66 పరుగుల వద్ద ఉన్న సమయంలో నైట్‌ అర్దంతరంగా మైదానాన్ని వీడింది.కాగా, మూడు టీ20లు, మూడు వన్డేల సిరీస్‌ల కోసం వెస్టిండీస్‌ మహిళల క్రికెట్‌ జట్టు ఇంగ్లండ్‌లో పర్యటిస్తుంది. ఈ పర్యటనలో టీ20 సిరీస్‌ ఇదివరకే ముగియగా.. వన్డే సిరీస్‌ మే 30 నుంచి ప్రారంభం‍ కానుంది. టీ20 సిరీస్‌ను 3-0 తేడాతో క్లీన్‌ స్వీప్‌ చేసిన ఇంగ్లండ్‌.. వన్డే సిరీస్‌ను కూడా అదే తరహాలో ముగించాలని భావిస్తుంది. మే 30, జూన్‌ 4, 7 తేదీల్లో మూడు వన్డేలు వేర్వేరు వేదికల్లో జరుగనున్నాయి.విండీస్‌తో వన్డే సిరీస్‌కు ఇంగ్లండ్‌ జట్టు..నాట్‌ సీవర్‌ బ్రంట్‌ (కెప్టెన్‌), అలైస్‌ డేవిడ్‌సన్‌ రిచర్డ్స్‌, మహిక గౌర్‌, సోఫీ డంక్లీ, ట్యామీ బేమౌంట్‌, అలైస్‌ క్యాప్సీ, ఆమీ జోన్స్‌, ఎమ్మా లాంబ్‌, ఎమ్‌ ఆర్లాట్‌, సారా గ్లెన్‌, కేట్‌ క్రాస్‌, లిన్సే స్మిత్‌, లారెన్‌ బెల్‌, చార్లెట్‌ డీన్‌

ఆ చల్లని సముద్రగర్భం.. అంటూ సాగే దాశరథి పాట వినే ఉంటారు. ఇప్పుడు ఆ నల్లని సముద్రం అని కూడా పాడుకోవాలేమో. ప్రపంచవ్యాప్తంగా భూమినంతటినీ చుట్టేసిన సాగరజలం నెమ్మదిగా నీలి రంగు నుంచి నలుపు వర్ణంలోకి మారిపోతోందని తాజా అధ్యయనంలో వెల్లడైంది. ధరణిపై దాదాపు 71 శాతం ఉపరితలాన్ని సముద్రజలాలే కప్పేస్తున్నాయి. అంటే భూమిపై దాదాపు 36.1 కోట్ల చదరపు కిలోమీటర్ల మేర సముద్రనీరే ఉంది. ఇందులో 21 శాతం అంటే 7 కోట్ల చదరపు కిలోమీటర్ల సముద్రజలాలు గతంలో ఎన్నడూలేనంతగా కొత్తగా నల్లగా మారిపోయాయని తాజా అధ్యయనంలో వెల్లడైంది. ఈ మార్పు కేవలం గత 20 సంవత్సరాల్లో జరిగిందని గణాంకాలు స్పష్టంచేశాయి. సంబంధిత వివరాలు గ్లోబల్‌ చేంజ్‌ బయోలజీ జర్నల్‌లో ప్రచురితమయ్యాయి. సముద్రజలాలు నలుపు రంగులోకి మారడంతో సూర్యరశ్శి సాగర జలాల్లోకి సులభంగా చొచ్చుకెళ్లడం సాధ్యపడట్లేదు. దీంతో సముద్ర ఉపరితల జలాల్లో చీకట్లు కమ్ముకుంటున్నాయి. కాంతిమయ పరిస్థితులే 90 శాతం సముద్రజీవుల మనుగడకు ప్రాణాధారం. సూర్యరశ్శి సముద్ర ఉపరితల జలాలపై కొంతమేరకే పరిమితమైతే ఎన్నో రకాల సముద్రజీవుల మనుగడ ప్రశ్నార్థకమవుతుందని ఈ పరిశోధనకు నాయకత్వం వహించిన ఇంగ్లండ్‌లోని ప్లైమౌత్‌ విశ్వవిద్యాలయం, ప్లైమౌత్‌ మెరైన్‌ లేబొరేటరీలోని అధ్యయనకారులు ఆందోళన వ్యక్తంచేస్తున్నారు. 2003 ఏడాది నుంచి 2022 ఏడాది దాకా అంతర్జాతీయంగా పలు ఉపగ్రహాల నుంచి సేకరించిన డేటాను సంఖ్యాశాస్త్ర నమూనాలతో సరిపోల్చి ఈ విపరిణామాన్ని కనుగొన్నారు. వేడినిచ్చే సూర్యకాంతితోపాటు చల్లని వెలుతురునిచ్చే చంద్రకాంతి సైతం పరోక్షంగా సముద్రజీవుల జీవవైవిధ్యాన్ని కాపాడుతుంది. లోతైన సముద్రజలాలతోపాటు తీరం వెంట జీవుల ఉనికికీ ఈ రెండు కాంతులూ ముఖ్యమే. భారీగా తగ్గిన కాంతి లోతు అలజడులు లేని, ప్రశాంతంగా ఉన్న సముద్రజలాల్లో తేటగా ఉన్న సందర్భాల్లో సూర్యకాంతి చాలాలోతుదాకా వెళ్లగలదు. కానీ గత 20 ఏళ్లలో గమనిస్తే ఆఫ్రికా ఖండం అంత పరిమాణంలో అంటే 9 శాతం సముద్రజలాల్లో సూర్యకాంతి చొచ్చుకెళ్లే ప్రాంతాలు బాగా తగ్గిపోయాయి. ఇక్కడ గతంతో పోలిస్తే సూర్యకాంతి 50 మీటర్లు తక్కువలోతుకే వెళ్లగల్గుతోంది. మరో 2.6 శాతం సముద్రజలాల్లో సూర్యకాంతి వెళ్లగలిగే లోతు ఏకంగా 100 మీటర్లు తగ్గిపోయింది. అయితే ఒక 10 శాతం సముద్రజలాల్లో మాత్రం గతంలో కంటే ఎక్కువ లోతులకు సూర్యకాంతి చొరబడగల్గుతోంది. సూర్యకాంతిలోనే మనగలిగే సముద్రజీవులు చాలా ఉంటాయి. ఎన్నో రకాల జలచరాల ఉనికి, పునరుత్పత్తి, ఆహారానికి ప్రత్యక్షంగా సూర్యకాంతి అత్యావశ్యకం. ‘‘కొన్ని చోట్ల సూర్యకాంతి లభ్యత తగ్గిపోవడంతో వేరే చోట్లకు జీవులు వలసపోవాల్సిన పరిస్థితి తలెత్తుతోంది. ఇది ఆయా జీవావరణ వ్యవస్థపై ప్రతికూల ప్రభావం చూపుతోంది’’అని ప్లైమౌత్‌ విశ్వవిద్యాలయంలోని సముద్ర సంరక్షణ విభాగ అసోసియేట్‌ ప్రొఫెసర్‌ డాక్టర్‌ థామస్‌ డెవిస్‌ చెప్పారు.నల్లగా ఎందుకు మారుతోంది?పర్యావరణానికి సంబంధించి ఎన్ని దేశాల్లో ఎన్నెన్నో కఠిన చట్టాలున్నా అవన్నీ కాగితాలకే పరిమితమవుతున్నాయి. ప్రపంచవ్యాప్తంగా పరిశ్రమల నుంచి వెలువడే వ్యర్థాలను ఆయా సంస్థలు గుట్టుచప్పుడుకాకుండా నేరుగా నదుల్లో పారబోస్తున్నాయి. గరళంగా మారిన నదీజలాలు నేరుగా సముద్రాల్లో కలుస్తున్నాయి. వీటికి వ్యవసాయ వ్యర్థాలూ తోడవుతున్నాయి. వీటితో పోషణ సంబంధ మూలకాలు సముద్రంలోకి పోటెత్తుతున్నాయి. ఈ పోషకాలను సంగ్రహించిన నాచు వంటి అతిసూక్ష్మ మొక్కలు సముద్ర ఉపరితల జలాలపై ఏపుగా పెరుగుతున్నాయి. గనుల తవ్వకం తర్వాత మిగిలిపోయిన వ్యర్థాలను వర్షపు నీరు నదుల ద్వారా సముద్రాల్లోకి కొట్టుకొచ్చేలా చేస్తోంది. ఇవికాక సూర్యకిరణాలను అడ్డుకునే జీవజాలం సముద్రఉపరితలంపై మరింతగా పేరుకుపోతోంది. ఇవన్నీ కలగలిసి సాగరాలను కాంతిహీనం చేస్తున్నాయి. అలా అవి నల్లరంగులోకి మారిపోతున్నాయి. శైశవాల పెరుగుదల, భూతాపోన్నతి కారణంగా అధికమవుతున్న సముద్రజలాల ఉపరితల ఉష్ణోగ్రత సైతం తమ వంతుగా ఈ దుష్ప్రభావానికి ఆజ్యం పోస్తున్నాయి.మత్స్య పరిశ్రమకూ పెనుముప్పు లోతైన సముద్రాల వద్ద సూర్యకాంతి తగ్గిపోయి ఆహార లభ్యత కృశించిపోవడంతో దిక్కులేక పలు రకాల జలచరాలు తీరాలకు చేరి అక్కడి జీవులతో కలిసి ఆహారం కోసం పోటీపడుతున్నాయి. దీంతో ఆయా జీవుల ఆహార వనరుల కొరత ఏర్పడుతుంది. సముద్రచేపలు, రొయ్యలు, ఇతర జలచరాల లభ్యత తగ్గిపోయే వీలుంది. దీని ప్రభావం భవిష్యత్తులో అన్ని సముద్రతీర దేశాల మత్స్య పరిశ్రమపై తీవ్ర ప్రభావం చూపనుంది. ‘‘లోతైన సముద్ర ప్రాంతాల్లో సూర్యకాంతి చొచ్చుకుపోయే సామర్థ్యం మరో 50 మీటర్లు తగ్గిపోతే అక్కడి జీవులు తమ ఆవాసాలను సముద్రతీరాలకు మార్చుకుంటాయి. అప్పుడు యావత్‌ సాగర జీవావరణ వ్యవస్థలో శాశ్వత మార్పులు సంభవించే ప్రమాదం దాపురిస్తుంది’’అని ప్లైమౌత్‌ మెరైన్‌ లే»ొరేటరీలో ప్రొఫెసర్‌ టిమ్‌ స్మిత్‌ విశ్లేíÙంచారు. ‘‘సముద్రాల్లో సూర్యకిరణాలు లోపలికి వెళ్లలేకపోతే మనకొచ్చే నష్టమేమీ లేదని నింపాదిగా కూర్చునే కాలం కాదిది. ప్రభుత్వాలు తక్షణం మేల్కొనాలి. సముద్రాల్లోకి చేరే నదీజలాలు వీలైనంత వరకు పారిశ్రామిక వ్యర్థాలకు ఆవాసంగా మారకుండా చూసుకోవాలి. మురుగునీటి శుద్ధి కర్మాగారాల వ్యవస్థను మరింత పటిష్టంగా అమలుచేయాలి. వ్యర్థాల పారబోతపై పరిశ్రమలపై భారీ జరిమానాలు విధించాలి’’అని ఆయన అభిప్రాయపడ్డారు. – సాక్షి, నేషనల్‌ డెస్క్‌

భారతకాలమానం ప్రకారం రేపు (మే 29) సాయంత్రం 5:30 గంటలకు వెస్టిండీస్‌తో జరుగబోయే తొలి వన్డే కోసం ఇంగ్లండ్‌ తుది జట్టును ఇవాళ ‍ప్రకటించారు. ఈ జట్టులో ఐపీఎల్‌-2025 స్టార్‌ త్రయం జోస్‌ బట్లర్‌ (గుజరాత్‌ టైటాన్స్‌), విల్‌ జాక్స్‌ (ముంబై ఇండియన్స్‌), జేకబ్‌ బేతెల్‌కు (ఆర్సీబీ) చోటు దక్కింది. వీరితో పాటు సీఎస్‌కే బౌలర్‌ జేమీ ఓవర్టన్‌ కూడా తుది జట్టులో చోటు దక్కించుకున్నాడు. ఈ సిరీస్‌లో ఇంగ్లిష్‌ జట్టుకు హ్యారీ బ్రూక్‌ నాయకత్వం వహిస్తున్నాడు. బట్లర్‌, బేతెల్‌, జాక్స్‌ ఐపీఎల్‌లో తమ జట్లు ప్లే ఆఫ్స్‌ ఆడాల్సి ఉన్నా లీగ్‌ మ్యాచ్‌లు పూర్తి కాగానే జాతీయ విధులకు హాజరయ్యారు. ఈ ముగ్గురు లీగ్‌ దశలో తమతమ జట్ల తరఫున అత్యుత్తమ ‍ప్రదర్శనలు చేశారు.రేపు విండీస్‌తో జరుగబోయే మ్యాచ్‌లో జేమీ స్మిత్‌, బెన్‌ డకెట్‌ ఓపెనింగ్‌ చేస్తారు. వెటరన్‌ ఆటగాడు మూడో స్థానంలో, కెప్టెన్‌ బ్రూక్‌ నాలుగో స్థానంలో, బట్లర్‌, బేతెల్‌, జాక్స్‌, ఓవర్టన్‌ వరుసగా ఐదు, ఆరు, ఏడు, ఎనిమిది స్థానాల్లో బరిలోకి దిగుతారు. గాయం కారణంగా ఐపీఎల్‌ ప్రారంభానికి ముందే వైదొలిగిన బ్రైడన్‌ కార్స్‌ కూడా ఈ జట్టులో చోటు దక్కించుకున్నాడు.ఐపీఎల్‌లో రాజస్థాన్‌ రాయల్స్‌కు ప్రాతినిథ్యం వహించిన జోఫ్రా ఆర్చర్‌ కూడా తొలుత ఈ జట్టులో చోటు దక్కించుకున్నాడు. ఆర్చర్‌ ఐపీఎల్‌ సందర్భంగా గాయపడటంతో అతని స్థానంలో సాకిబ్‌ మహమూద్‌ను ఎంపిక చేసుకుంది ఇంగ్లిష్‌ మేనేజ్‌మెంట్‌. రేపటి మ్యాచ్‌కు అతను కూడా తుది జట్టులో చోటు దక్కించుకున్నాడు. మొత్తంగా చూస్తే, రేపు విండీస్‌తో తలపడబోయే ఇంగ్లిష్‌ జట్టు ఐపీఎల్‌ డూప్‌ జట్టుగా కనిపిస్తుంది.విండీస్‌తో తొలి వన్డే కోసం ఇంగ్లండ్‌ తుది జట్టు..బెన్ డకెట్, జేమీ స్మిత్, జో రూట్, హ్యారీ బ్రూక్ (కెప్టెన్), జోస్ బట్లర్ (వికెట్ కీపర్), జేకబ్ బేతెల్, విల్ జాక్స్, జేమీ ఓవర్టన్, బ్రైడాన్ కార్స్, సాకిబ్ మహమూద్, ఆదిల్ రషీద్.ఇదిలా ఉంటే, రేపటి మ్యాచ్‌ కోసం​ విండీస్‌ తుది జట్టును ప్రకటించాల్సి ఉంది. మూడు వన్డేలు, మూడు మ్యాచ్‌ల టీ20 సిరీస్‌ కోసం విండీస్‌ జట్టు ఇంగ్లండ్‌లో పర్యటిస్తుంది. ఈ పర్యటనలో తొలుత వన్డే సిరీస్‌, ఆతర్వాత టీ20 సిరీస్‌ జరుగుతాయి. మే 29, జూన్‌ 3 తేదీల్లో వన్డేలు.. 6, 8, 10 తేదీల్లో టీ20లు జరుగనున్నాయి.పూర్తి జట్లు..వెస్టిండీస్: బ్రాండన్ కింగ్, ఎవిన్ లూయిస్, కీసీ కార్టీ, షాయ్ హోప్(w/c), అమీర్ జాంగూ, జస్టిన్ గ్రీవ్స్, రోస్టన్ చేజ్, మాథ్యూ ఫోర్డ్, అల్జారి జోసెఫ్, గుడకేష్ మోటీ, షమర్ జోసెఫ్, జెడియా బ్లేడ్స్, జ్యువెల్ ఆండ్రూ, జేడెన్ సీల్స్, షెర్ఫేన్ రూథర్‌ఫోర్డ్, రొమారియో షెపర్డ్, షిమ్రాన్ హెట్‌మైర్ఇంగ్లం​డ్: బెన్ డకెట్, జేమీ స్మిత్, జో రూట్, హ్యారీ బ్రూక్(c), జోస్ బట్లర్(wk), జాకబ్ బెథెల్, విల్ జాక్స్, జేమీ ఓవర్టన్, బ్రైడాన్ కార్స్, ఆదిల్ రషీద్, సాకిబ్ మహమూద్, ల్యూక్ వుడ్, టామ్ బాంటన్, మాథ్యూ పాట్స్, టామ్ హార్ట్లీ

టీమిండియాతో టెస్టు సిరీస్‌కు ముందు ఇంగ్లండ్ ఊహించ‌ని షాక్ త‌గిలింది. ఆ జ‌ట్టు స్టార్ ఫాస్ట్ బౌలర్ గస్ అట్కిన్సన్ గాయం బారిన ప‌డ్డాడు. జింబాబ్వేతో జరిగిన ఏకైక టెస్టు మ్యాచ్‌లో అట్కిన్సన్ తొడ కండరాలు ప‌ట్టేశాయి. అత‌డు గాయం నుంచి కోలుకోవ‌డానికి రెండు వారాల స‌మ‌యం ప‌ట్ట‌నున్న‌ట్లు తెలుస్తోంది. అత‌డు ప్ర‌స్తుతం ఇంగ్లండ్ క్రికెట్ వైద్య బృందం పర్యవేక్షణలో ఉన్నాడు.ఈ క్ర‌మంలో వెస్టిండీస్‌తో జ‌ర‌గ‌నున్న వ‌న్డే సిరీస్‌కు అట్కిన్స‌న్ దూర‌మ‌య్యాడు. అత‌డు విండీస్‌తో టీ20ల‌లో కూడా ఆడేది అనుమాన‌మే. కాగా జూన్ 20న ప్రారంభమయ్యే భార‌త్‌-ఇంగ్లండ్ టెస్టు సిరీస్ స‌మ‌యానికైనా 27 ఏళ్ల గస్ అట్కిన్సన్ ఫిట్‌నెస్ సాధిస్తాడో లేదో వేచి చూడాలి.కాగా విండీస్‌తో వన్డేలకు ఇంగ్లండ్‌ క్రికెట్‌ జట్టు ఇప్పటికే స్టార్‌ పేసర్‌ జోఫ్రా ఆర్చర్‌ సేవలను కోల్పోయింది. గాయం కారణంగా ఆర్చర్‌ విండీస్‌ టూర్‌కు దూరమయ్యాడు. అతడి స్ధానాన్ని లూక్‌ వుడ్‌తో ఇంగ్లండ్‌ సెలక్టర్లు భర్తీ చేశారు. ఇక ఇంగ్లండ్‌-విండీస్‌ మధ్య మూడు వన్డేల సిరీస్‌ గురువారం నుంచి ప్రారంభం కానుంది.ఇంగ్లండ్‌ వన్డే జట్టు: హ్యారీ బ్రూక్‌ (కెప్టెన్‌), జోస్‌ బట్లర్, విల్‌ జాక్స్, జో రూట్, బెన్‌ డకెట్, జోఫ్రా ఆర్చర్, గుస్‌ అట్కిన్‌సన్, టామ్‌ బాంటన్, జేకబ్‌ బెథెల్, బ్రైడన్‌ కార్స్, టామ్‌ హార్ట్‌లే, సాకిబ్‌ మహమూద్, మాథ్యూ పాట్స్, జేమీ ఒవర్టన్, ఆదిల్‌ రషీద్, జేమీ స్మిత్‌. ఇంగ్లండ్‌ టీ20 జట్టు: హ్యారీ బ్రూక్‌ (కెప్టెన్‌), రెహాన్‌ అహ్మద్, జేకబ్‌ బెథెల్, టామ్‌ బాంటన్, జోస్‌ బట్లర్, బ్రైడన్‌ కార్స్, లియామ్‌ డాసన్, బెన్‌ డకెట్, విల్‌ జాక్స్, సాకిబ్‌ మహమూద్, మాథ్యూ పాట్స్, జేమీ ఒవర్టన్, ఆదిల్‌ రషీద్, ఫిల్‌ సాల్ట్, ల్యూక్‌ వుడ్‌.

మూడు మ్యాచ్‌ల టీ20 సిరీస్‌లో ఇంగ్లండ్‌ మహిళా క్రికెట్‌ జట్టు వెస్టిండీస్‌ను 3-0 తేడాతో క్లీన్‌ స్వీప్‌ చేసింది. ఈ సిరీస్‌లో భాగంగా నిన్న (మే 26) జరిగిన మూడో టీ20లో ఇంగ్లండ్‌ 17 పరుగుల తేడాతో విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఇంగ్లండ్‌ నిర్ణీత 20 ఓవర్లలో 5 వికెట్ల నష్టానికి 144 పరుగులు చేయగా.. విండీస్‌ జట్టు నిర్ణీత 20 ఓవర్లలో 8 వికెట్ల నష్టానికి 127 పరుగులు మాత్రమే చేయగలిగింది.రాణించిన హీథర్‌ నైట్‌స్టార్‌ మిడిలార్డర్‌ బ్యాటర్‌ హీథర్‌ నైట్‌ అజేయ అర్ద సెంచరీతో (66) రాణించడంతో ఇంగ్లండ్‌ ఓ మోస్తరు స్కోర్‌ చేయగలిగింది. ఇంగ్లండ్‌ ఇన్నింగ్స్‌లో నాట్‌ సీవర్‌ బ్రంట్‌ 37, ఆమీ జోన్స్‌ 22,అలైస్‌ క్యాప్సీ 4, సోఫియా డంక్లీ 3, ఎమ్‌ ఆర్లాట్‌ 2 (నాటౌట్‌) పరుగులు చేశారు. విండీస్‌ బౌలర్లలో హేలీ మాథ్యూస్‌ 3, జైదా జేమ్స్‌, క్లాక్స్ట్‌న్‌ తలో వికెట్‌ పడగొట్టారు.హేలీ పోరాటం వృధా145 పరుగుల ఓ మోస్తరు లక్ష్య ఛేదనలో విండీస్‌ తడబడింది. ఆ జట్టు కెప్టెన్‌ హేలీ మాథ్యూస్‌ (71) ఒంటరిపోరాటం​ చేసినా గెలవలేకపోయింది. విండీస్‌ ఇన్నింగ్స్‌లో మాథ్యూస్‌తో పాటు గ్రిమ్మండ్‌ (15), గజ్నబి (14) మాత్రమే రెండంకెల స్కోర్లు చేశారు. ఇంగ్లండ్‌ బౌలర్లు లారెన్‌ బెల్‌, ఆర్లాట్‌, చార్లోట్‌ డీన్‌, లిన్సే స్మిత్‌ తలో రెండు వికెట్లు పడగొట్టి విండీస్‌ను కట్టడి చేశారు.30 నుంచి ప్రారంభం​కాగా, మూడు టీ20లు, మూడు మ్యాచ్‌ల వన్డే సిరీస్‌ కోసం విండీస్‌ జట్టు ఇంగ్లండ్‌లో పర్యటిస్తుంది. టీ20 సిరీస్‌ నిన్నటితో ముగియగా.. మే 30 (డెర్బీ), జూన్‌ 4 (లీసెస్టర్‌), 7 తేదీల్లో (టాంటన్‌) మూడు వన్డేలు జరుగనున్నాయి.

ముంబై: భారత టెస్టు క్రికెట్‌ చరిత్రలో విదేశీ గడ్డపై అప్పుడప్పుడు కొన్ని మెరుపులు మినహా మన జట్టు రికార్డు పేలవంగానే ఉంది. సహజంగానే సిరీస్‌లో ఆటగాళ్ల వ్యక్తిగత ప్రదర్శనలతో పాటు కెప్టెన్సీపై కూడా అందరి దృష్టీ ఉంటుంది. ఇప్పుడు టీమిండియా టెస్టు కెప్టెన్‌ హోదాలో శుబ్‌మన్‌ గిల్‌ ఇంగ్లండ్‌తో సిరీస్‌లో తొలిసారి బరిలోకి దిగబోతున్నాడు. ఈ నేపథ్యంలో సారథిగా తనపై అనవసరపు ఒత్తిడిని పెంచుకోనని గిల్‌ స్పష్టం చేశాడు. కెపె్టన్‌గా ఎంపికైన తర్వాత అతను బీసీసీఐ మీడియాతో తన స్పందనను పంచుకున్నాడు. బ్యాటర్‌గా కూడా తన బాధ్యత నెరవేర్చడం ముఖ్యమని అతను అన్నాడు. ‘ఒక విషయంలో నేను చాలా స్పష్టంగా ఉండదల్చుకున్నాను. బ్యాటింగ్‌ చేస్తున్నప్పుడు నేను బ్యాటర్‌గానే ఆలోచిస్తాను. అదే కోణంలో నిర్ణయాలు తీసుకుంటాను తప్ప కెప్టెన్‌ హోదా గురించి పట్టించుకోను. బ్యాటింగ్‌ చేస్తూ కూడా ఇతర అంశాలపై దృష్టి పెడితే సహజంగానే ఒత్తిడి పెరుగుతుంది. అది అవసరం లేదు. నేను కెప్టెన్‌ను అనే భావనే రాకుండా నా బ్యాటింగ్‌తో ఏం చేయగలననేది ముఖ్యం’ అని గిల్‌ వ్యాఖ్యానించాడు. భారత కెప్టెన్‌గా ఎంపిక కావడం పట్ల చాలా సంతోషంగా ఉందన్న గిల్‌... అదో పెద్ద బాధ్యత అని అభిప్రాయపడ్డాడు. ‘చిన్నప్పుడు క్రికెట్‌ ఆడటం మొదలు పెట్టినప్పుడు భారత్‌కు ఆడితే చాలనుకుంటాం. ఆ తర్వాత ఎక్కువ కాలం టెస్టులు ఆడితే బాగుంటుందని భావిస్తాం. అలాంటిది ఇప్పుడు కెప్టెన్‌ కావడం గొప్ప గౌరవం. ఇంత పెద్ద బాధ్యత నాకు దక్కిన గొప్ప అవకాశం. ఇంగ్లండ్‌తో సిరీస్‌ కోసం ఎంతో ఉత్సాహంగా ఎదురు చూస్తున్నా’ అని గిల్‌ భావోద్వేగం ప్రదర్శించాడు.ఆటగాళ్లకు పూర్తి స్వేచ్ఛనిచ్చి వారి నుంచి అత్యుత్తమ ప్రదర్శన రాబట్టడంతో పాటు ఏ సమయంలో కెప్టెన్‌ అవసరం జట్టుకు ఉంటుందని గుర్తించడం కూడా కీలకమని అభిప్రాయం వ్యక్తం చేశాడు. ఇటీవలే టెస్టుల నుంచి రిటైర్‌ అయిన కోహ్లి, రోహిత్, అశ్విన్‌ల నుంచి తాను ఎంతో నేర్చుకున్నానని... విదేశాల్లో ఎలా గెలవాలో వారు చూపించారని కొత్త కెప్టెన్‌ అన్నాడు. ‘రోహిత్, విరాట్, అశ్విన్‌ విదేశాల్లో టెస్టులు, సిరీస్‌లు ఎలా గెలవాలనే విషయంలో ఒక ‘బ్రూప్రింట్‌’ను అందించారు. దీనిని అమలు చేయగలగాలి. విరాట్, రోహిత్‌ల నాయకత్వంలో ఆడటం నా అదృష్టం. బయటకు కనిపించడంలో ఇద్దరి శైలి భిన్నమే అయినా...మైదానంలో అటాకింగ్‌ చేసే విషయంలో ఇద్దరూ దూకుడుగానే ఉంటారు. ఎప్పటికిప్పుడు మాట్లాడుతూ ఆటగాళ్లనుంచి తనకు ఏం కావాలో స్పష్టంగా చెప్పే రోహిత్‌ కెప్టెన్సీ పద్ధతిని నేను నేర్చుకున్నాను’ అని గిల్‌ వివరించాడు.

సాక్షి, హైదరాబాద్‌: మిస్ ఇంగ్లాండ్ వ్యాఖ్యలను తీవ్రంగా ఖండిస్తున్నానని పర్యాటక శాఖ ముఖ్య కార్యదర్శి జయేష్ రంజన్ అన్నారు. ఆమెను వేశ్యలా చూశారన్న ఆరోపణలు అవాస్తవమని ఆయన కొట్టిపారేశారు. ఆమె వ్యాఖ్యలు నిరాధారమన్నారు. తెలంగాణ ఆతిథ్యం నచ్చిందని ఆమె చెప్పారు. తల్లి ఆరోగ్యం బాగోలేదని పోటీ నుంచి తప్పుకున్నారు. ఆమె పట్ల ఎవరు తప్పుగా ప్రవర్తించలేదు’’ అని జయేష్‌ రంజన్‌ చెప్పారు.‘‘నేను మిస్ వరల్డ్ నిర్వాహకులతో మాట్లాడి పూర్తి వివరాలు తెలుసుకున్నాను. ఆమె కేవలం చౌమహల్లా ప్యాలస్ డిన్నర్‌లో మాత్రమే పాల్గొంది. ప్రతి టేబుల్‌లో పురుషులు, మహిళలు అందరూ ఉన్నారు. ఆమె తోటి పోటీదారులను కూడా విచారించాం. అలాంటిది జరగలేదని చెప్పారు’’ అని జయేష్‌ రంజన్‌ పేర్కొన్నారు.మిస్‌ వరల్డ్‌ వివాదం.. విచారణకు ఆదేశించిన ప్రభుత్వం..మరోవైపు, మిస్‌ వరల్డ్‌ వివాదంపై తెలంగాణ సర్కార్‌ విచారణకు ఆదేశించింది. మిస్‌ వరల్డ్‌ పోటీలపై మిస్‌ ఇంగ్లాండ్‌ మిల్లా మాగీ చేసిన ఆరోపణలపై సీనియర్‌ ఐపీఎస్‌ అధికారి షికా గోయల్‌, ఐపీఎస్‌ రమా రాజేశ్వరి, సైబరాబాద్‌ డీసీపీ సాయిశ్రీ ఆధ్వర్యంలో విచారణ చేపట్టింది. మిస్ ఇంగ్లాండ్‌ ఆరోపణల్లో నిజమెంత? మిస్ వరల్డ్ కంటెస్టెంట్‌లు ఇబ్బందులు ఏమైనా ఎదుర్కొంటున్నారా? అన్న దానిపై ఆరా తీస్తున్నారు. ఈ వివాదంపై పూర్తి వివరాలు సేకరించి ప్రభుత్వానికి నివేదిక అందజేయనున్నారు.

కొన్ని పండుగలు ప్రాణాలకే ప్రమాదం అన్నట్లుగా హడలెత్తిస్తాయి. కానీ సంప్రదాయం పేరుతో వాటిని కొనసాగిస్తూనే ఉంటారు. వాటికి అధికారిక మద్దతు కూడా లభిస్తుంటుంది. అలాంటి విచిత్రమైన పండుగే ‘కూపర్స్‌ హిల్‌ చీజ్‌ రోలింగ్‌ ఫెస్టివల్‌’. ఈ వేడుక ఇంగ్లాండ్‌లోని గ్లాస్టర్‌షైర్‌లోని బ్రాక్‌వర్త్‌ సమీపంలోని కూపర్స్‌ హిల్‌పై ప్రతి ఏడాది మే చివరి సోమవారం రోజున జరుగుతుంది. ఈ లెక్కన ఈ ఏడాది మే 26న జరుగుతుంది. ఇది ముందు చెప్పుకున్నట్లు కాస్త ప్రమాదకరమైన సంప్రదాయం. ఈ ఉత్సవంలో జరిగే పోటీలో పాల్గొనేవారు దాదాపు 200 గజాల ఎత్తుగల నిటారైన కొండపై నుంచి దొర్లుతున్న డబుల్‌ గ్లాస్టర్‌ చీజ్‌ వీల్‌ (గుండ్రంగా చక్రంలా ఉంటుంది) వెనుక పరుగుపెట్టాల్సి ఉంటుంది. ఆ చక్రాన్ని కింద వరకూ వెళ్లి ఎవరు అందుకుంటారో వారే విజేత. అసలు ఈ సంప్రదాయం ఎప్పుడు ప్రారంభమైందో కచ్చితంగా తెలియదు, కానీ ఇది 1826లో మొదటిసారిగా లిఖితపూర్వకంగా ప్రస్తావించారు. అయితే, ఇది కనీసం 600 సంవత్సరాల నాటి సంప్రదాయమని నమ్ముతారు. ప్రస్తుతం, వివిధ దేశాల నుంచి వచ్చే ప్రజలు ఈ పోటీలో పాల్గొంటున్నారు. 18 ఏళ్లు నిండితే చాలు ఈ పోటీలో పాల్గొనొచ్చు. కొండ చాలా నిటారుగా ఉండటం వల్ల, చాలామంది బ్యాలెన్స్‌ కోల్పోయి దొర్లుకుంటూ పడిపోతూ ఉంటారు. అయినప్పటికీ, విజేతగా నిలవడానికి ప్రయత్నిస్తూనే ఉంటారు. కొండ దిగువన స్థానిక రగ్బీ జట్టు సభ్యులు గాయపడిన వారికి సహాయం చేయడానికి వేచి ఉంటారు. ఈ ఉత్సవాన్ని తిలకించడానికి వేలాది మంది వస్తుంటారు. (చదవండి: అందంతో మాయ చేసే ముద్దుగుమ్మ మృణాలిని బ్యూటీ రహస్యం ఇదే..! )

భారత టెస్టు క్రికెట్‌కు కొత్త నాయకుడు వచ్చాడు...నాలుగున్నరేళ్ల కెరీర్‌ అనుభవం ఉన్న శుబ్‌మన్‌ గిల్‌ టీమిండియా టెస్టు సారథిగా ఎంపికయ్యాడు... 93 ఏళ్ల భారత టెస్టు చరిత్రలో 37వ సారథిగా గిల్‌ బాధ్యతలు చేపడుతున్నాడు...గత కొంత కాలంగా చర్చ సాగినట్లుగా ఎలాంటి అనూహ్య నిర్ణయాలు లేకుండా సెలక్టర్లు 25 ఏళ్ల గిల్‌కే మద్దతు పలికారు... ఇంగ్లండ్‌ పర్యటనలో అతను తొలిసారి టెస్టు జట్టును నడిపించనున్నాడు. టెస్టు జట్టులో సాయిసుదర్శన్, అర్ష్ దీప్ లకు తొలి అవకాశం లభించగా...ఎనిమిదేళ్ల తర్వాత కరుణ్‌ నాయర్‌ మళ్లీ టీమ్‌లోకి రావడం విశేషం. ముంబై: ఇంగ్లండ్‌తో గడ్డపై జరిగే ఐదు టెస్టుల సిరీస్‌ కోసం బీసీసీఐ సెలక్షన్‌ కమిటీ భారత జట్టును ఎంపిక చేసింది. 18 మంది సభ్యుల ఈ బృందానికి శుబ్‌మన్‌ గిల్‌ కెప్టెన్ గా వ్యవహరిస్తాడు. వికెట్‌ కీపర్‌ రిషభ్‌ పంత్‌కు వైస్‌ కెప్టెన్సీ దక్కింది. ఆసీస్‌తో సిరీస్‌లో బుమ్రా కెప్టెన్‌గా వ్యవహరించినా...అతని ఫిట్‌నెస్‌ సమస్యలను దృష్టిలో ఉంచుకొని కెప్టెన్సీ కోసం బుమ్రా పేరును పరిశీలించలేదు. కోహ్లి, రోహిత్, అశ్విన్‌ల శకం ముగిసిన తర్వాత భవిష్యత్తు కోసం టీమ్‌ను సిద్ధం చేసే కోణంలో జట్టు ఎంపిక జరిగింది. 2025–27 వరల్డ్‌ టెస్టు చాంపియన్‌షిప్‌లో భాగంగా భారత్‌ పాల్గొనే తొలి సిరీస్‌ ఇదే కానుంది. భారత జట్టు చివరిసారిగా ఆ్రస్టేలియాలో ఆడిన టెస్టు సిరీస్‌తో పోలిస్తే జట్టులో ఐదు మార్పులు జరిగాయి. కోహ్లి, రోహిత్, అశ్విన్‌ రిటైర్‌ కాగా...రెండు టెస్టులు ఆడిన పేసర్‌ హర్షిత్‌ రాణా, ఒక్క మ్యాచ్‌ కూడా ఆడని బ్యాటర్‌ సర్ఫరాజ్‌ ఖాన్‌ తమ స్థానం కోల్పోయారు. వీరి స్థానాల్లో కరుణ్‌ నాయర్, సాయిసుదర్శన్, అర్ష్ దీప్‌ సింగ్, శార్దుల్‌ ఠాకూర్, కుల్దీప్‌ యాదవ్‌ జట్టులోకి వచ్చారు. ఎనిమిదేళ్ల తర్వాత... 33 ఏళ్ల కరుణ్‌ నాయర్‌ తన కెరీర్‌లో 6 టెస్టులు ఆడాడు. తన మూడో టెస్టులో ఇంగ్లండ్‌పై 303 పరుగులు చేసి అజేయంగా నిలిచిన అతను...సెహ్వాగ్‌ తర్వాత ట్రిపుల్‌ సెంచరీ చేసిన రెండో భారత ఆటగాడిగా గుర్తింపు పొందాడు. అయితే ఆ తర్వాత మరో 3 టెస్టులు మాత్రమే ఆడి జట్టులో 2017లో జట్టులో స్థానం కోల్పోయాడు. ఈ సీజన్‌ రంజీ ట్రోఫీలో 9 మ్యాచ్‌లలో 863 పరుగులు సాధించి రేసులోకి వచ్చాడు. కోహ్లి రిటైర్మెంట్‌తో మిడిలార్డర్‌లో ఖాళీ ఏర్పడి మరో అవకాశం లభించింది. దేశవాళీ క్రికెట్‌లో, భారత్‌ ‘ఎ’ తరఫున టన్నుల కొద్దీ పరుగులు చేసి అభిమన్యు ఈశ్వరన్‌కు మరోసారి పిలుపు లభించింది. ఇక ఇప్పటికీ వన్డేలు, టి20లు ఆడిన పేసర్‌ అర్ష్ దీప్‌ సింగ్, సాయి సుదర్శన్‌కు టెస్టుల్లో ఇదే తొలి అవకాశం. షమీ అవుట్‌... సీనియర్‌ పేసర్‌ మొహమ్మద్‌ షమీకి ఊహించినట్లుగానే చోటు దక్కలేదు. గాయం నుంచి కోలుకున్న తర్వాత వన్డేలు, టి20లు ఆడినా...టెస్టు మ్యాచ్‌లకు తగిన స్థాయిలో అతని ఫిట్‌నెస్‌ లేదని సెలక్టర్లు తేల్చారు. కివీస్‌తో సిరీస్‌లో చివరి రెండు టెస్టుల్లో విఫలమై మళ్లీ మ్యాచ్‌ అవకాశం దక్కని సర్ఫరాజ్‌ ఖాన్‌ను కూడా పక్కన పెట్టారు. ఆసీస్‌ గడ్డపై రెండు టెస్టులు ఆడిన హర్షిత్‌ రాణాను కూడా ఎంపిక చేయలేదు. ‘కోహ్లి, రోహిత్, అశ్విన్‌లాంటి ఆటగాళ్ల స్థానాలను భర్తీ చేయడం కష్టం. అయితే కొత్తగా జట్టులోకి వచ్చే వారికి తమ సత్తా చాటేందుకు ఇది మంచి అవకాశం. ఫిట్‌నెస్‌ సమస్యల కారణంగా బుమ్రా అన్నీ టెస్టులూ ఆడతాడనే నమ్మకం లేదు. అందుకే కెప్టెన్సీ భారం లేకుండా అతను బౌలర్‌గా మాకు అందుబాటులో ఉంటే చాలు. ఈ విషయాన్ని బుమ్రా కూడా అర్థం చేసుకున్నాడు. గిల్‌లో మంచి నాయకత్వ లక్షణాలు ఉన్న విషయాన్ని గమనించాం. చాలా మంది అభిప్రాయాలు కూడా విన్నాం. భవిష్యత్తును దృష్టిలో ఉంచుకొనే కెప్టెన్, జట్టును ఎంపిక చేశాం. ప్రస్తుత స్థితిలో సర్ఫరాజ్‌తో పోలిస్తే అనుభవజ్ఞుడైన కరుణ్‌ సరైనవాడు అనిపించింది’ అని చీఫ్‌ సెలక్టర్‌ అజిత్‌ అగార్కర్‌ వ్యాఖ్యానించారు. భారత జట్టు వివరాలు గిల్‌ (కెప్టెన్ ), పంత్‌ (వైస్‌ కెప్టెన్ ), జైస్వాల్, రాహుల్, జురేల్, జడేజా, కుల్దీప్, బుమ్రా, సిరాజ్, ఆకాశ్‌దీప్, ప్రసిధ్, సుదర్శన్, ఈశ్వరన్, కరుణ్‌ నాయర్, నితీశ్‌ కుమార్‌ రెడ్డి, సుందర్, శార్దుల్, అర్ష్ దీప్‌ భారత జట్టు విజేతగా నిలిచిన 2020–21 బోర్డర్‌ గావస్కర్‌ ట్రోఫీతో శుబ్‌మన్‌ గిల్‌ టెస్టుల్లోకి అడుగు పెట్టాడు. 91 పరుగులతో చారిత్రాత్మక గాబా టెస్టు విజయంలో అతను కీలక పాత్ర పోషించాడు. ఆ తర్వాత టెస్టు టీమ్‌లో గిల్‌ రెగ్యులర్‌ సభ్యుడిగా మారాడు. భారత జట్టు ఆడిన రెండు వరల్డ్‌ టెస్టు చాంపియన్‌షిప్‌ (డబ్ల్యూటీసీ) ఫైనల్‌ మ్యాచ్‌లలో గిల్‌ ఆడాడు. 32 టెస్టుల కెరీర్‌లో గిల్‌ 35.05 సగటుతో 1893 పరుగులు చేశాడు. ఇందులో 5 సెంచరీలు, 7 అర్ధ సెంచరీలు ఉన్నాయి.స్వదేశంలో ప్రదర్శనతో పోలిస్తే విదేశీ గడ్డపై అతని రికార్డు పేలవంగా ఉన్నా...మంచి ప్రతిభావంతుడైన బ్యాటర్‌గా మున్ముందు సత్తా చాటగలడని సెలక్టర్లు నమ్ముతున్నారు. భారత అండర్‌–19 జట్టు తరఫున ఆడినా అతను కెపె్టన్‌గా ఎప్పుడు వ్యవహరించలేదు. రంజీ ట్రోఫీలో కూడా పంజాబ్‌కు ఒకే ఒక మ్యాచ్‌లో సారథ్యం వహించాడు. అయితే భారత్‌కు 5 టి20 మ్యాచ్‌లలో కెప్టెన్ గా పని చేసిన అనుభవం గిల్‌కు ఉంది. రెండు సీజన్లుగా ఐపీఎల్‌లో గుజరాత్‌ జట్టును నడిపిస్తున్నాడు.

దాదాపు రెండున్నరేళ్ల క్రితం ఉప్పల్‌ స్టేడియం వేదికగా హైదరాబాద్, తమిళనాడు మధ్య రంజీ ట్రోఫీ మ్యాచ్‌... తొలి ఇన్నింగ్స్‌లో హైదరాబాద్‌ తరఫున రెండు, తమిళనాడు తరఫున మూడు సెంచరీలు నమోదయ్యాయి. మ్యాచ్‌ సాధారణ ‘డ్రా’ దిశగా సాగుతున్నట్లు అనిపించింది. అయితే రెండో ఇన్నింగ్స్‌లో హైదరాబాద్‌ కుప్పకూలింది. దాంతో చివరి రోజు తమిళనాడు విజయలక్ష్యం 11 ఓవర్లలో 144... సాధారణంగా ఇలాంటి స్థితిలో బ్యాటర్లు మైదానంలోకి దిగి లాంఛనంగా కొన్ని బంతులు ఆడి ‘షేక్‌ హ్యాండ్‌’కు సిద్ధమవుతారు. కానీ తమిళనాడు టి20 శైలిలో గెలుపుపై గురి పెట్టింది. ఒకవైపు సీనియర్‌ జగదీశన్‌ చెలరేగుతుండగా మరో ఓపెనర్‌ తన విధ్వంసకర బ్యాటింగ్‌తో 20 బంతుల్లోనే 5 సిక్సర్లతో 42 పరుగులు బాదాడు. 7 ఓవర్లలో స్కోరు 108/1. అనూహ్యంగా వెలుతురులేమితో మ్యాచ్‌ను అంపైర్లు నిలిపివేయడంతో హైదరాబాద్‌ బతికిపోయింది. అయితే 21 ఏళ్ల ఆ ఓపెనర్‌ ఆటపై అన్ని వైపుల నుంచి అసాధారణ ప్రశంసలు వెల్లువెత్తాయి. తొలి ఇన్నింగ్స్‌లోనూ సెంచరీ బాది ‘ప్లేయర్‌ ఆఫ్‌ ద మ్యాచ్‌’గా నిలిచిన ఆ కుర్రాడే సాయి సుదర్శన్‌. అతనికిదే తొలి ఫస్ట్‌ క్లాస్‌ మ్యాచ్‌ కావడం విశేషం. నాలుగు సీజన్ల పాటు దేశవాళీ క్రికెట్‌లో నిలకడైన ఆటతో ‘ఆల్‌ ఫార్మాట్‌’ ప్లేయర్‌గా గుర్తింపు తెచ్చుకున్న సుదర్శన్‌ ఇప్పుడు ఇంగ్లండ్‌తో సిరీస్‌కు ఎంపిక చేయనున్న ఆటగాళ్లలో ముందు వరుసలో ఉన్నాడు. - సాక్షి క్రీడా విభాగం రంజీ ట్రోఫీలో అరంగేట్రం చేయడానికి ముందే సాయి సుదర్శన్‌ ఐపీఎల్‌లో ఒక సీజన్‌ ఆడాడు. 2022లో ఐదు మ్యాచ్‌లలో కలిపి 114 బంతులు ఎదుర్కొని ఒక హాఫ్‌ సెంచరీ సహా 145 పరుగులు చేసి ఫర్వాలేదనిపించాడు. అయితే ఐపీఎల్‌లో ఒక ఏడాది బాగా ఆడి ఆ తర్వాత ఎంతో మంది కనుమరుగైన ఉదంతాలు ఉన్నాయి కాబట్టి అతని ప్రదర్శనను ఎవరూ అంత సీరియస్‌గా చూడలేదు. కానీ రంజీ ట్రోఫీ తొలి మ్యాచ్‌లోనే అతని ఆటను చూశాక భవిష్యత్తులో చాలా తొందరగా భారత్‌కు ఆడగల సత్తా ఉన్న ప్లేయర్‌గా సుదర్శన్‌కు గుర్తింపు లభించింది.రంజీ ఆరంభానికి చాలా ముందే ‘ఈ అబ్బాయిలో ఎంతో ప్రత్యేకత ఉంది. సాధ్యమైనంత తొందరగా ఇతడిని తమిళనాడు జట్టులోకి తీసుకోండి’ అంటూ స్పిన్‌ దిగ్గజం రవిచంద్రన్‌ అశ్విన్‌ చేసిన సూచనను సెలక్టర్లు పరిగణనలోకి తీసుకుంటూ ‘ఫాస్ట్‌ ట్రాక్‌’తో ముందు టి20ల్లోకి, ఆ తర్వాత వన్డేల్లోకి, ఆపై రంజీ టీమ్‌లోకి ఎంపిక చేశారు. తనపై ఉంచిన ఆ నమ్మకాన్ని అతను నిలబెట్టుకున్నాడు. ఒక్కసారి తమిళనాడు జట్టులోకి వచ్చాక తనకు లభించిన ప్రతీ అవకాశాన్ని సుదర్శన్‌ సమర్థంగా ఉపయోగించుకున్నాడు. చూడచక్కటి ఆటతో... సుదర్శన్‌ బ్యాటింగ్‌ గురించి ఒక్క మాటలో చెప్పాలంటే ‘క్లాస్‌’ తరహా శైలి అతనిది. చక్కటి డ్రైవ్‌లతో అలవోకగా ఫోర్లు రాబట్టడం అతనికి బాగా తెలిసిన విద్య. అవసరమైన సమయంలో గేర్లు మార్చి సిక్స్‌లు కొట్టినా అందులోనూ ఒక కళ ఉంటుంది. అప్పుడప్పుడు పుల్, హుక్‌ షాట్‌లతో పాటు స్లాగ్‌ స్వీప్‌లు, స్కూప్‌ షాట్‌లను కూడా ఐపీఎల్‌లో సుదర్శన్‌ చూపించాడు. టి20లు అయినా సరే లెక్క లేనితనంతో గుడ్డిగా బ్యాట్‌ ఊపే తత్వం కాదు. తనకు ఏం కావాలనే దానిపై అతనికి మంచి అవగాహన ఉంది. ఐపీఎల్‌లో నాలుగు సీజన్ల కెరీర్‌ చూస్తే అతని బ్యాటింగ్‌లో ఎక్కడా తడబాటు కనిపించకపోవడమే కాదు... అనవసరపు చెత్త షాట్లతో అవుటైన సందర్భాలు చాలా అరుదు. ఇదే అతడిని ఇతర దేశవాళీ బ్యాటర్లతో పోలిస్తే భిన్నంగా నిలబెట్టింది. అందుకే ఐపీఎల్‌లో చెలరేగుతున్న సమయంలో అతడిని టెస్టు జట్టులోకి తీసుకోవాలనే డిమాండ్‌ అన్ని వైపుల నుంచి వినిపించడం సుదర్శన్‌ బ్యాటింగ్‌పై నమ్మకాన్ని చూపిస్తోంది. సరిగ్గా చెప్పాలంటే టి20 ఫార్మాట్‌లో ఇప్పుడు అందరినీ ఆకట్టుకున్నా... సుదర్శన్‌ వన్డేలూ బాగా ఆడగలడు కాబట్టే ముందుగా అదే ఫార్మాట్‌లో తొలి అవకాశం దక్కింది. ఇక టెస్టు క్రికెట్‌కు సరిపోగల బ్యాటింగ్‌ నైపుణ్యం, పట్టుదల, టెక్నిక్‌ అతనిలో పుష్కలంగా ఉన్నాయి. అమ్మా నాన్న అండతో... సాయి సుదర్శన్‌ ఇప్పటికే భారత సీనియర్‌ జట్టుకు ప్రాతినిధ్యం వహించాడు. 3 వన్డేలు ఆడితే వరుసగా 55 నాటౌట్, 62, 10 పరుగులు సాధించాడు. బరిలోకి దిగిన ఏకైక టి20లో బ్యాటింగ్‌ అవకాశం రాలేదు. వేర్వేరు కారణాలతో ఆ తర్వాత అతనికి అవకాశాలు లభించలేదు. సుదర్శన్‌ టి20 సామర్థ్యమేమిటో ఐపీఎల్‌ చూపించింది. నిజానికి ఈ ఫార్మాట్‌లో తమిళనాడు ప్రీమియర్‌ లీగ్‌లో అదరగొట్టడంతోనే అతను ముందుగా వెలుగులోకి వచ్చాడు. అయితే అనూహ్యంగా మెరిసి ఆపై మళ్లీ కనబడకుండా పోయే ఆటగాళ్ల జాబితాలో అతను చేరరాదని సుదర్శన్‌ తల్లిదండ్రులు భావించారు. అందుకే పక్కా ప్రణాళికతో, సరైన కోచింగ్‌తో అతడికి వారు మార్గనిర్దేశనం చేశారు. క్రీడాకారుల కుటుంబం నుంచి రావడం కూడా అతనికి ఎంతో మేలు చేసింది. అథ్లెట్‌ అయిన తండ్రి భరద్వాజ్‌ ‘శాఫ్‌’ క్రీడల్లో భారత్‌కు ప్రాతినిధ్యం వహించగా...తల్లి ఉష తమిళనాడు రాష్ట్ర జట్టు తరఫున వాలీబాల్‌ ఆడింది. పదేళ్ల వయసులో క్రికెట్‌ మొదలు పెట్టిన సుదర్శన్‌ ఆ తర్వాత మెల్లగా ఒక్కో మెట్టే ఎక్కుతూ వివిధ వయో విభాగాల్లో రాణిస్తూ ముందంజ వేశాడు. అండర్‌–19 చాలెంజర్‌ ట్రోఫీ తర్వాత భారత్‌ ‘ఎ’కు ఆడిన తర్వాత రెగ్యులర్‌గా మారాడు. వరుసగా రెండు ఐపీఎల్‌లలో 500కు పైగా పరుగులు సాధించి తన విలువేమిటో అతను చూపించాడు. టెస్టులకు చేరువలో...దేశవాళీలో నిలకడైన ప్రదర్శన, ప్రస్తుత ఫామ్, రోహిత్, కోహ్లిల రిటైర్మెంట్‌తో ఖాళీలు... ఇప్పుడు అన్నీ సరిగ్గా సరిపోయే సందర్భం 24 ఏళ్ల సుదర్శన్‌ కోసం వచ్చింది. దాదాపు 40 పరుగుల ఫస్ట్‌ క్లాస్‌ సగటు అసాధారణం కాకపోయినా... 29 మ్యాచ్‌లలో 1957 పరుగుల అనుభవం టెస్టు టీమ్‌లో అవకాశం కల్పించడానికి సరిపోతుంది. ప్రస్తుత టీమ్‌లో రాహుల్‌ ఓపెనింగ్‌ స్థానానికి మారితే మిడిలార్డర్‌ సుదర్శన్‌కు సరైన స్థానం కాగలదు. పైగా రెండు సీజన్ల పాటు ఇంగ్లండ్‌ కౌంటీ క్రికెట్‌లో ‘సర్రే’ టీమ్‌కు ప్రాతినిధ్యం వహించడం కూడా అతనికి మరో అదనపు అర్హతగా మారనుంది. భారత్‌ తరఫున టెస్టు ఆడే అవకాశం కోసం ఎదురు చూస్తున్నట్లు ఇటీవల వెల్లడించిన సుదర్శన్‌ కోరిక త్వరలోనే తీరవచ్చు. ఇదే జోరును అతను కొనసాగిస్తే స్థానం సుస్థిరం కూడా కావచ్చు.

ఇంగ్లండ్ స్టార్ బ్యాటర్ జో రూట్ అరుదైన ఘనత సాధించాడు. టెస్టు క్రికెట్‌లో మ్యాచ్‌లు పరంగా అత్యంతవేగంగా 13000 పరుగుల మైలు రాయిని అందుకున్న బ్యాటర్‌గా రూట్ చరిత్ర సృష్టించాడు. నాటింగ్‌హామ్ వేదికగా జింబాబ్వేతో జరుగుతున్న తొలి టెస్టులో టెస్టులో 28 పరుగుల వ్యక్తి గత స్కోర్ వద్ద రూట్ ఈ ఫీట్ సాధించాడు.ఈ రేర్ ఫీట్‌ను రూట్ కేవలం 153 మ్యాచ్‌లలో నమోదు చేశాడు. ఇప్పటివరకు ఈ రికార్డు దక్షిణాఫ్రికా క్రికెట్ దిగ్గజం జాక్వస్ కల్లిస్ పేరిట ఉండేది. కల్లిస్ 159 మ్యాచ్‌ల్లో ఈ రికార్డును సాధించాడు. తాజా మ్యాచ్‌తో కల్లిస్ రికార్డును రూట్ బ్రేక్ చేశాడు. కల్లిస్‌తో పాటు దిగ్గజ క్రికెటర్లు రాహుల్ ద్రవిడ్(160), రికీ పాంటింగ్‌(162), సచిన్ టెండూల్కర్(163)ను అధిగమించాడు.అయితే మ్యాచ్‌ల పరంగా మాత్రం ఈ ఫీట్‌ సాధించిన జాబితాలో సచిన్(266) అగ్రస్ధానంలో కొనసాగుతున్నాడు. ఈ జాబితాలో రూట్‌(279 మ్యాచ్‌లు) ఐదో స్ధానంలో ఉన్నారు. ఇక టెస్టుల్లో 13,000 పరుగుల మైలు రాయిని అందుకున్న తొలి ఇంగ్లీష్ క్రికెటర్ కూడా జో రూట్‌నే కావడం గమనార్హం. ఇక ఈ మ్యాచ్ విషయానికి వస్తే మొదటి ఇన్నింగ్స్‌లో ఇంగ్లండ్ భారీ స్కోర్ దిశగా దూసుకెళ్తోంది. మొదటి రోజు ఆట ముగిసే సమయానికి ఇంగ్లండ్ తొలి ఇన్నింగ్స్‌లో 3 వికెట్ల నష్టానికి 498 పరుగులు చేసింది. క్రీజులో పోప్‌(169), బ్రూక్‌(9) ఉన్నారు. అంతకుముందు డకెట్‌(140), క్రాలీ(124) సెంచరీలు సాధించారు

నాటింగ్‌హామ్‌: ఇంగ్లండ్‌కు ఇక ఈ ఏడాదంతా బిజీ షెడ్యూల్‌ వుంది. మేటి జట్లతో కీలకమైన ద్వైపాక్షిక సిరీస్‌లలో తలపడాల్సి ఉంది. అలాంటి ఇంగ్లండ్‌ జట్టు తమ సొంతగడ్డపై జింబాబ్వేలాంటి కూనతో నాలుగు రోజుల టెస్టు మ్యాచ్‌కు సిద్ధమైంది. 22 ఏళ్ల తర్వాత జింబాబ్వేతో జరుగుతున్న ఈ ఏకైక టెస్టును ఆతిథ్య జట్టు గెలుపోటములతో సంబంధం లేకుండా నూటికి నూరు శాతం సన్నాహక మ్యాచ్‌గా సద్వినియోగం చేసుకోవాలని భావిస్తోంది. ఎందుకంటే వచ్చే నెలలోనే ఇక్కడ పర్యటించేందుకు భారత్‌ వస్తోంది. అనంతరం ఈ సీజన్‌లోనే ఆ్రస్టేలియా గడ్డపై ప్రతిష్టాత్మక యాషెస్‌ సిరీస్‌ ఆడేందుకు ఇంగ్లండ్‌ వెళ్లనుంది. ఇవన్నీ కూడా ఐదేసి మ్యాచ్‌ల పూర్తిస్థాయి సిరీస్‌లు. ఈ 10 టెస్టులకు ముందు ఇంగ్లండ్‌ ఓ క్రికెట్‌ కూనపై నాలుగు రోజులు ప్రతాపం చూపనుంది. టెస్టు చాంపియన్‌షిప్‌లో భాగం కానీ ఈ టెస్టు మ్యాచ్‌కు ఇంగ్లండ్‌ ఇచ్చే ప్రాధాన్యత అంతా తదుపరి సన్నద్ధం కోసమేనని ప్రత్యేకించి చెప్పాల్సిన పనిలేదు. గురువారం నుంచి జరిగే ఈ సంప్రదాయ పోరులో జింబాబ్వే ఏ మేరకు పోటీనిస్తుందో చూడాలి. 18 ఏళ్ల క్రితం కేప్‌టౌన్‌లో టి20 ప్రపంచకప్‌ ఆడినప్పటికీ అసలైన టెస్టు మ్యాచ్‌ను జింబాబ్వే చివరిసారిగా 2003లో ఆడింది. ఆ సిరీస్‌లోనే 20 ఏళ్ల అండర్సన్‌ పేస్‌ బౌలర్‌గా అరంగేట్రం చేశాడు. ఇన్నేళ్లలో ఓ వెలుగువెలిగిన అండర్సన్‌ రిటైర్‌ కూడా అయ్యాడు. మరోవైపు జింబాబ్వే మాత్రం దేశంలోని రాజకీయ అస్థిరత, ఆరి్థక సంక్షోభం, క్రికెట్‌ బోర్డులో మితిమీరిన ప్రభుత్వ జోక్యం తదితర సమస్యలతో సతమతమైంది. ఆరేళ్ల పాటు పూర్తిగా టెస్టు క్రికెట్‌కు దూరమైంది. 2005 నుంచి 2011 అసలు సంప్రదాయ సమరమే లేకుండా గడిపిన జింబాబ్వే ఆ తర్వాత కూడా పూర్తిస్థాయి సిరీస్‌లను ఆడే అవకాశాన్ని కోల్పోయిందనే చెప్పాలి. 2022 నుంచి 2024 వరకు ఈ జట్టు కేవలం నాలుగంటే నాలుగు టెస్టులే ఆడిందంటే జింబాబ్వే పరిస్థితిని అర్థం చేసుకోవచ్చు.» జింబాబ్వే రెండోసారి నాలుగు రోజుల టెస్టు మ్యాచ్‌ ఆడనుంది. ఇంతకుముందు 2017లోనూ దక్షిణాఫ్రికాతో కూడా జింబాబ్వే నాలుగు రోజుల టెస్టు ఆడింది. » మరోవైపు ఇంగ్లండ్‌ కూడా రెండోసారి నాలుగు రోజుల టెస్టు ఆడబోతుంది. 2023లో ఐర్లాండ్‌తో ఇంగ్లండ్‌ తొలిసారి నాలుగు రోజుల టెస్టులో పోటీపడింది. ఈ రెండింటికంటే ముందు 1973లో న్యూజిలాండ్, పాకిస్తాన్‌ మధ్య మొదటిసారి నాలుగు రోజుల టెస్టు జరిగింది.14 జింబాబ్వే జట్టు 1992 నుంచి ఇప్పటి వరకు మొత్తం 123 టెస్టులు ఆడింది. 14 టెస్టుల్లో విజయం సాధించి, 79 టెస్టుల్లో ఓడిపోయింది. 30 టెస్టులు ‘డ్రా’గా ముగిశాయి.3 ఇంగ్లండ్‌ జట్టుతో ఓవరాల్‌గా జింబాబ్వే 6 టెస్టులు ఆడింది. 3 టెస్టుల్లో ఓడిపోయి, 3 టెస్టులను ‘డ్రా’ చేసుకుంది.

మే 29 నుంచి స్వదేశంలో వెస్టిండీస్‌తో జరిగే మూడు మ్యాచ్‌ల వన్డే సిరీస్‌కు ముందు ఇంగ్లండ్‌ జట్టుకు భారీ ఎదురుదెబ్బ తగిలింది. కుడి చేతి బొటన వేలి గాయం కారణంగా ఆ జట్టు స్టార్‌ పేసర్‌ జోఫ్రా ఆర్చర్‌ సిరీస్‌ మొత్తానికి దూరమయ్యాడు. ఈ విషయాన్ని ఇంగ్లండ్‌ అండ్‌ వేల్స్‌ క్రికెట్‌ బోర్డు (ఈసీబీ) అధికారికంగా ప్రకటించింది. ఆర్చర్‌కు ప్రత్యామ్నాయంగా లూక్‌ వుడ్‌ను ఎంపిక చేసింది. ఆర్చర్‌ ఐపీఎల్‌ 2025లో రాజస్థాన్‌ రాయల్స్‌ తరఫున ఆడుతూ గాయం బారిన పడ్డాడు. దీని కారణంగా అతను కొన్ని మ్యాచ్‌లకు దూరమయ్యాడు. మధ్యలో ఐపీఎల్‌ ఆగిపోవడంతో స్వదేశానికి వచ్చేసిన ఆర్చర్‌ తిరిగి భారత్‌కు రాలేదు. ఈ సీజన్‌లో ఆర్చర్‌ 12 మ్యాచ్‌లు ఆడి 11 వికెట్లు తీశాడు. ఈ సీజన్‌లో రాయల్స్‌ ప్లే ఆఫ్స్‌కు అర్హత సాధించలేక ఇంటిముఖం పట్టింది. నిన్న (మే 20) సీఎస్‌కే విజయంతో రాయల్స్‌ ఈ సీజన్‌ను ముగించింది. ఈ సీజన్‌లో 14 మ్యాచ్‌లు ఆడిన ఆ జట్టు కేవలం నాలుగే విజయాలతో పాయింట్ల పట్టికలో చివరి నుంచి రెండో స్థానంలో నిలిచింది.ఇదిలా ఉంటే, ఐపీఎల్‌ 2025 జరుగుతుండగానే వెస్టిండీస్‌, ఇంగ్లండ్‌ మధ్య వన్డే సిరీస్‌ జరుగుతుంది. ఈ సిరీస్‌ మే 29, జూన్‌ 1, జూన్‌ 3 తేదీల్లో జరుగుతుంది. ఈ సిరీస్‌ కారణంగా ఇంగ్లండ్‌, విండీస్‌కు చెందిన ఆటగాళ్లు ఐపీఎల్‌ ప్లే ఆఫ్స్‌కు దూరం కానున్నారు. ఈ సిరీస్‌ అనంతరం ఇరు జట్ల మధ్య టీ20 సిరీస్‌ కూడా జరుగుతుంది. జూన్‌ 6, 8, 10 తేదీల్లో ఈ మ్యాచ్‌లు జరుగనున్నాయి.విండీస్‌తో వన్డే సిరీస్‌ కోసం ఇంగ్లండ్‌ జట్టు..హ్యారీ బ్రూక్‌ (కెప్టెన్‌), జో రూట్‌, బెన్‌ డకెట్‌, జేకబ్‌ బేతెల్‌, విల్‌ జాక్స్‌, జోస్‌ బట్లర్‌, టామ్‌ బాంటన్‌, జేమీ స్మిత్‌, జోఫ్రా ఆర్చర్‌ (లూక్‌ వుడ్‌), బ్రైడన్‌ కార్స్‌, టామ్‌ హార్ట్లీ, గస్‌ అట్కిన్సన్‌, మాథ్యూ పాట్స్‌, ఆదిల్‌ రషీద్‌, సాకిబ్‌ మహమూద్‌, జేమీ ఓవర్టన్‌విండీస్‌ జట్టు..బ్రాండన్‌ కింగ్‌, షిమ్రోన్‌ హెట్‌మైర్‌, ఎవిన్‌ లెవిస్‌, కీసీ కార్తీ, షెర్ఫాన్‌ రూథర్‌ఫోర్డ్‌, రోస్టన్‌ ఛేజ్‌, జస్టిన్‌ గ్రీవ్స్‌, గుడకేశ్‌ మోటీ, జువెల్‌ ఆండ్రూ, షాయ్‌ హోప్‌ (కెప్టెన్‌), ఆమిర్‌ జాంగూ, మాథ్యూ ఫోర్డ్‌, అల్జరీ జోసఫ్‌, షమార్‌ జోసఫ్‌, జేడన్‌ సీల్స్‌, జేదియా బ్లేడ్స్‌

ట్రెంట్‌బ్రిడ్జ్‌ వేదికగా జింబాబ్వేతో రేపటి నుండి (మే 22) ప్రారంభం కాబోయే నాలుగు రోజుల టెస్ట్‌ మ్యాచ్‌ కోసం ఇంగ్లండ్‌ తుది జట్టును ప్రకటించారు. ఈ జట్టుకు సారధిగా బెన్‌ స్టోక్స్‌ వ్యవహరించనున్నాడు. ఈ మ్యాచ్‌తో ఎసెక్స్‌ సీమర్‌ సామ్‌ కుక్‌ టెస్ట్‌ అరంగేట్రం చేయనున్నాడు. ఈ మ్యాచ్‌లో జేమీ స్మిత్‌ ఇంగ్లండ్‌ వికెట్‌కీపర్‌గా వ్యవహరించనున్నాడు. యువ స్పిన్నర్‌ షోయబ్‌ బషీర్‌ తుది జట్టులో చోటు దక్కించుకున్నాడు. టాపార్డర్‌లో జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌ కొనసాగనున్నారు. పేస్‌ విభాగంలో గస్‌ అట్కిన్సన్‌, జోష్‌ టంగ్‌, సామ్‌ కుక్‌ ఉండనున్నారు. ఇంగ్లండ్‌ జింబాబ్వేతో చివరిసారిగా 2003లో టెస్ట్‌ మ్యాచ్‌ ఆడింది. ఇంగ్లండ్‌ హోం సమ్మర్‌లో ఇదే తొలి టెస్ట్‌ మ్యాచ్‌ కానుంది.ఈ టెస్ట్‌ మ్యాచ్‌ తర్వాత ఇంగ్లండ్‌ ‍స్వదేశంలో వెస్టిండీస్‌తో పరిమిత ఓవర్ల సిరీస్‌లు ఆడనుంది. ఈ సిరీస్‌లు మే 29 నుంచి ప్రారంభమవుతాయి. ఈ సిరీస్‌ల్లో మొదటిగా వన్డేలు (3), ఆతర్వాత టీ20లు (3) జరుగనున్నాయి. ఈ సిరీస్‌ల కోసం కూడా ఇంగ్లండ్‌ జట్టును ఇదివరకే ప్రకటించారు. విండీస్‌తో సిరీస్‌ల తర్వాత ఇంగ్లండ్‌ స్వదేశంలోనే భారత్‌తో ఐదు మ్యాచ్‌ల టెస్ట్‌ సిరీస్‌ ఆడనుంది. ఈ సిరీస్‌ జూన్‌ 12 నుంచి ప్రారంభం కానుంది. అనంతరం ఈ ఏడాది నవంబర్‌లో ఇంగ్లండ్‌ ఆస్ట్రేలియాతో యాషెస్‌ సిరీస్‌లో తలపడుతుంది.జింబాబ్వేతో టెస్ట్‌ మ్యాచ్‌కు ఇంగ్లండ్ ప్లేయింగ్ XI: జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్, జేమీ స్మిత్, గస్ అట్కిన్సన్, సామ్ కుక్, జోష్ టంగ్, షోయబ్ బషీర్.

లండన్‌: ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ ఐదు నెలల విరామం తర్వాత మళ్లీ మైదానంలోకి దిగేందుకు సిద్ధమయ్యాడు. తరచు గాయాల బారిన పడుతూ మళ్లీ మళ్లీ ఆటకు దూరమవుతున్న 33 ఏళ్ల స్టోక్స్‌ గత ఏడాది డిసెంబర్‌ తర్వాత అసలు ఏ స్థాయి మ్యాచ్‌ కూడా ఆడలేదు. తొడ కండరాల గాయంతో తప్పుకున్న అతను ఇప్పుడు పూర్తిగా కోలుకున్నాడు. వేగంగా ఫిట్‌నెస్‌ అందుకునే క్రమంలో భాగంగా ‘రీహాబిలిటేషన్‌’ సమయంలో మద్యానికి దూరంగా ఉన్నట్లు వెల్లడించాడు. ‘నాకు తొలిసారి గాయమైనప్పుడు నా శరీరం చికిత్సకు సరిగా స్పందించలేదు. ఇది ఎలా జరిగిందని ఆలోచిస్తే వారం రోజుల క్రితం బాగా మద్యం తాగిన విషయం గుర్తుకొచి్చంది. బహుశా అది కూడా కారణం కావచ్చనిపించింది. దాంతో ఈసారి గాయం తర్వాత చాలా జాగ్రత్తగా ఉన్నాను. నేను మారితే మంచిదని భావించా. అయితే పూర్తిగా అది సాధ్యం కాదు కాబట్టి రీహాబిలిటేషన్‌ వరకు నియంత్రణలో ఉండేందుకు ప్రయత్నించా. మైదానంలోకి దిగే వరకు దీనిని పాటించాలని ప్రయతి్నస్తున్నా. అందుకే ఈ ఏడాది జనవరి నుంచి మద్యం మానేశా. అప్పటి నుంచి ఇప్పటి వరకు దానిని ముట్టలేదు’ అని స్టోక్స్‌ చెప్పాడు. గురువారం నుంచి జింబాబ్వేతో జరిగే ఏకైక టెస్టులో బరిలోకి దిగనున్న స్టోక్స్‌...ఆ తర్వాత భారత్‌తో టెస్టు సిరీస్, యాషెస్‌ సిరీస్‌ కోసం సిద్ధంగా ఉన్నట్లు వెల్లడించాడు.

వయసు కేవలం సంఖ్య మాత్రమేనని ఇంగ్లండ్‌ మాజీ పేసర్‌ జేమ్స్‌ ఆండర్సన్‌ మరోసారి నిరూపించాడు. 42 ఏళ్ల వయసులోనూ కౌంటీ మ్యాచ్‌ ఆడుతూ ఇరగదీశాడు. కౌంటీ ఛాంపియన్‌షిప్‌ డివిజన్‌-2లో భాగంగా లాంకాషైర్‌కు ఆడుతున్న ఆండర్సన్‌.. డెర్బిషైర్‌తో జరుగుతున్న మ్యాచ్‌లో 2 వికెట్లతో సత్తా చాటాడు. ఇందులో ఓ వికెట్‌ (కాలెబ్‌ జువెల్‌) మ్యాచ్‌ మొత్తానికే హైలైట్‌గా నిలిచింది. ఆండర్సన్‌ సంధించిన ఇన్‌ స్వింగింగ్‌ బంతికి వికెట్లు గాల్లోకి లేచాయి. దీనికి సంబంధించిన వీడియో సోషల్‌మీడియాలో వైరలవుతుంది. జిమ్మీ లేటు వయసులోనూ ఇరగదీస్తున్నాడని క్రికెట్‌ అభిమానులు కొనియాడుతున్నారు.43 YEAR OLD JIMMY ANDERSON FOR LANCASHIRE. 🤯pic.twitter.com/w5AwHTndmv— Mufaddal Vohra (@mufaddal_vohra) May 17, 2025గతేడాది జులైలో అంతర్జాతీయ క్రికెట్‌కు (టెస్ట్‌లకు) రిటైర్మెంట్‌ ప్రకటించిన ఆండర్సన్‌.. ఆతర్వాత కొద్ది రోజులు ఇంగ్లండ్‌ జాతీయ జట్టుకు బౌలింగ్‌ కోచ్‌గా పని చేశాడు. ఆతర్వాత 41 ఏళ్ల వయసులో ఐపీఎల్‌ 2025 మెగా వేలంలో తన పేరును నమోదు చేసుకుని అందరిని ఆశ్చర్యపరిచాడు. ఆండర్సన్‌ ప్రస్తుతం లాంకాషైర్‌ తరఫున టీ20, సుదీర్ఘ ఫార్మాట్‌లో కొనసాగుతున్నాడు. అతను ఇంగ్లండ్‌ దేశవాలీ టీ20 లీగ్‌ టీ20 బ్లాస్ట్‌లోనూ ఆడనున్నాడు. గత నెలలో కాలి మడమ సమస్యతో బాధపడిన ఆండర్సన్‌ నెల రోజుల్లోనే కోలుకుని రీఎంట్రీ ఇచ్చాడు. వచ్చీ రాగానే రెండు వికెట్ల ప్రదర్శనతో సత్తా చాటాడు. ఆండర్సన్‌ టెస్ట్‌ క్రికెట్‌ చరిత్రలో అత్యధిక వికెట్లు తీసిన ఫాస్ట్‌ బౌలర్‌గా రిటైరయ్యాడు. 188 మ్యాచ్‌ల్లో అతను 704 వికెట్లు తీశాడు.మ్యాచ్‌ విషయానికొస్తే.. తొలుత బ్యాటింగ్‌ చేసిన లాంకాషైర్‌ తొలి ఇన్నింగ్స్‌లో 458 పరుగులకు ఆలౌటైంది. వెల్స్‌ (141) సెంచరీతో కదంతొక్కగా.. మాథ్యూ హర్ట్స్‌ (51), జార్జ్‌ బెల్‌ (57), బాల్డర్‌సన్‌ (73) అర్ద సెంచరీలతో రాణించారు. అనంతరం తొలి ఇన్నింగ్స్‌ ప్రారంభించిన డెర్బిషైర్‌ రెండో రోజు ఆట ముగిసే సమయానికి 4 వికెట్ల నష్టానికి 112 పరుగులు చేసింది. ఇందులో ఆండర్సన్‌ 2 వికెట్లు తీయగా.. టామ్‌ హార్ట్లీ, వెల్స్‌ తలో వికెట్‌ దక్కించుకున్నారు.

న్యూఢిల్లీ: ఇంగ్లండ్‌ పర్యటనలో 5 టి20లు, 3 వన్డేల్లో పాల్గొనే భారత మహిళల జట్టును గురువారం సెలక్టర్లు ప్రకటించారు. టి20ల కోసం 15 మందిని, వన్డేలకు 16 మందిని ఎంపిక చేయగా... రెండు టీమ్‌లకు హర్మన్‌ప్రీత్‌ కౌర్‌ కెప్టెన్‌గా, స్మృతి మంధాన వైస్‌ కెప్టెన్‌గా వ్యవహరిస్తారు. భారత్‌ వేదికగా జరిగే వన్డే వరల్డ్‌ కప్‌కు ముందు మన జట్టు ఆడనున్న ఆఖరి వన్డే సిరీస్‌ ఇదే కానుంది. దూకుడైన ఆటతో తనకంటూ ప్రత్యేక గుర్తింపు తెచ్చుకున్న యువ ఓపెనర్‌ షఫాలీ వర్మ భారత జట్టులో పునరాగమనం చేసింది. గత ఏడాది అక్టోబరు తర్వాత ఆమె స్థానం కోల్పోయింది. ఉమెన్‌ ప్రీమియర్‌ లీగ్‌లో ఢిల్లీ క్యాపిటల్స్‌ తరఫు 9 మ్యాచ్‌లలో 304 పరుగులు చేసి షఫాలీ సత్తా చాటింది. అయితే షఫాలీని టి20లకు మాత్రమే ఎంపిక చేసిన సెలక్టర్లు వన్డే జట్టులో స్థానం కల్పించలేదు. వికెట్‌ కీపర్‌ బ్యాటర్‌ యస్తిక భాటియా కూడా తిరిగి జట్టులోకి వచ్చింది. గత ఏడాది నవంబరులో మణికట్టు గాయంతో ఆమె ఆటకు దూరమైంది. యస్తికకు వన్డే, టి20 రెండు టీమ్‌లలో చోటు లభించింది. ఇటీవల శ్రీలంకతో ముక్కోణపు టోర్నీలో ప్లేయర్‌ ఆఫ్‌ ద టోర్నీగా నిలిచిన స్నేహ్‌ రాణా కూడా టి20ల్లో మళ్లీ చోటు దక్కించుకుంది. ఇదే టోర్నీలో ఆకట్టుకున్న ఆంధ్రప్రదేశ్‌లోని వైఎస్‌ఆర్‌ కడప జిల్లాకు చెందిన లెఫ్టార్మ్‌ స్పిన్నర్‌ నల్లపురెడ్డి శ్రీచరణి తొలిసారి టి20 టీమ్‌లోకి ఎంపికైంది. హైదరాబాద్‌ పేసర్‌ అరుంధతి రెడ్డి కూడా టి20 జట్టులోకి పునరాగమనం చేసింది. భారత టి20 జట్టు: హర్మన్‌ప్రీత్‌ కౌర్‌ (కెప్టెన్‌), స్మృతి మంధాన (వైస్‌ కెప్టెన్‌), షఫాలీ వర్మ, జెమీమా రోడ్రిగ్స్, రిచా ఘోష్, యస్తిక భాటియా, హర్లీన్‌ డియోల్, దీప్తి శర్మ, స్నేహ్‌ రాణా, శ్రీచరణి, శుచి ఉపాధ్యాయ్, అమన్‌జోత్‌ కౌర్, అరుంధతి రెడ్డి, క్రాంతి గౌడ్, సయాలీ సత్‌ఘరే. భారత వన్డే జట్టు: హర్మన్‌ప్రీత్‌ కౌర్‌ (కెప్టెన్‌), స్మృతి మంధాన (వైస్‌ కెప్టెన్‌), ప్రతీక రావల్, హర్లీన్‌ డియోల్, జెమీమా రోడ్రిగ్స్, రిచా ఘోష్, యస్తిక భాటియా, తేజల్, దీప్తి శర్మ, స్నేహ్‌ రాణా, శ్రీచరణి, శుచి ఉపాధ్యాయ్, అమన్‌జోత్‌ కౌర్, అరుంధతి రెడ్డి, క్రాంతి గౌడ్, సయాలీ సత్‌ఘరే.భారత్, ఇంగ్లండ్‌ సిరీస్‌ షెడ్యూల్‌ తొలి టి20: జూన్‌ 28 నాటింగ్‌హామ్‌ రెండో టి20: జూలై 1 బ్రిస్టల్‌ మూడో టి20: జూలై 4 ఓవల్‌ నాలుగో టి20: జూలై 9 మాంచెస్టర్‌ ఐదో టి20: జూలై 12 బర్మింగ్‌హామ్‌ తొలి వన్డే: జూలై 16 సౌతాంప్టన్‌ రెండో వన్డే: జూలై 19 లార్డ్స్‌ మూడో వన్డే: జూలై 22 చెస్టర్‌ లీ స్ట్రీట్‌

టీమిండియాతో వ‌చ్చే నెల‌లో ప్రారంభం కానున్న టెస్టు సిరీస్ కోసం ఇంగ్లండ్ జ‌ట్టు అన్ని విధాల సిద్ద‌మ‌వుతోంది. ఈ క్ర‌మంలో ఇంగ్లండ్ అండ్ వేల్స్ క్రికెట్ బోర్డు కీల‌క నిర్ణ‌యం తీసుకుంది. త‌మ జ‌ట్టు 'స్పెష‌ల్ స్కిల్స్ క‌న్స‌ల్టంట్‌’ న్యూజిలాండ్ పేస్ దిగ్గ‌జం టిమ్ సౌథీని ఇంగ్లండ్ క్రికెట్ నియమించింది. టిమ్ సౌథీ క్రికెట్‌లోని మూడు ఫార్మాట్ల‌లోనూ త‌న‌కంటూ ప్ర‌త్యేక గుర్తింపు తెచ్చుకున్నాడు. త‌న అపార అనుభ‌వంతో ఇంగ్లండ్ క్రికెట్‌ను ముందుకు న‌డిపిస్తాడు అని ఈసీబీ ఓ ప్ర‌క‌ట‌న‌లో పేర్కొంది. కాగాఈ న్యూజిలాండ్ మాజీ కెప్టెన్ జేమ్స్ ఆండర్సన్ స్థానాన్ని భర్తీ చేయనున్నాడు. ఇప్పటివరకు జేమ్స్‌ ఆండర్సన్ ఇంగ్లండ్‌ జట్టు ఫాస్ట్‌ బౌలింగ్‌ కన్సల్టెంట్‌గా పనిచేశాడు. అయితే అతడు కౌంటీ ఛాంపియన్‌షిప్‌లో లంకాషైర్ తరపున ఆడాలని నిర్ణయించుకున్నాడు. ఈ క్రమంలోనే సౌథీతో ఈసీబీ ఒప్పందం కుదుర్చుకుంది. ట్రెంట్‌బ్రిడ్జ్‌లో జింబాబ్వేతో జ‌రగ‌నున్న‌ ఏకైక టెస్టుతో సౌథీ త‌న కొత్త ప్ర‌యాణాన్ని ఆరంభించ‌నున్నాడు. ఇప్పటికే ఇంగ్లండ్‌ క్యాంపులో చేరిన సౌథీ.. దగ్గరుండి ఆటగాళ్ల ప్రాక్టీస్‌ను పర్యవేక్షిస్తున్నాడు.కాగా గత డిసెంబర్‌లో అంతర్జాతీయ క్రికెట్‌కు విడ్కోలు పలికిన సౌథీ.. భారత్‌పై మెరుగైన రికార్డును కలిగి ఉన్నాడు. అదేవిధంగా ఇంగ్లండ్ గడ్డపై ఆడిన అనుభవం కూడా ఉంది. ఈ ​‍క్రమంలోనే బ్రెండన్ మెక్‌కల్లమ్‌తో కూడిన కోచింగ్ బృందంలో సౌథీని ఈసీబీ చేర్చింది. సౌథీ అంతర్జాతీయ క్రికెట్‌లో అత్యధిక వికెట్లు పడగొట్టిన బౌలర్‌గా కొనసాగుతున్నాడు. వ‌న్డేల్లో 221 వికెట్లు పడగొట్టిన సౌథీ..టెస్టుల్లో 391, టీ20ల్లో 164 వికెట్లను తన ఖాతాలో వేసుకున్నాడు. ఇక భారత్- ఇంగ్లండ్ మధ్య టెస్టు సిరీస్ డబ్ల్యూటీసీ సైకిల్ 2025-27లో సైకిల్‌లో భాగంగా జరగనుంది. జూన్ 20 నుంచి టీమిండియా- ఇంగ్లండ్ మధ్య ఈ ఐదు మ్యాచ్‌ల టెస్టు సిరీస్ ప్రారంభం కానుంది.Our new Specialist Skills Consultant 😍We're delighted to announce that Tim Southee, New Zealand’s all-time leading wicket-taker, is joining us on a short-term basis. Read more 👇— England Cricket (@englandcricket) May 15, 2025చదవండి: IPL 2025: పంజాబ్ జ‌ట్టులోకి డేంజ‌ర‌స్ ప్లేయ‌ర్‌ ఎంట్రీ.. ఇక దబిడి దిబిడే?

ఐపీఎల్‌ ఫ్రాంచైజీలు గుజరాత్‌ టైటాన్స్‌, ఆర్సీబీ, ముంబై ఇండియన్స్‌కు ఇంగ్లండ్‌ క్రికెట్‌ బోర్డు షాకిచ్చింది. ప్లే ఆఫ్స్‌ రేసులో ముందు వరుసలో ఉన్న ఈ మూడు జట్లకు చెందిన ప్రధాన ఆటగాళ్లను త్వరలో వెస్టిండీస్‌తో జరుగబోయే వన్డే సిరీస్‌కు ఎంపిక చేసింది. ఐపీఎల్‌ 2025లో కీలకమైన ప్లే ఆఫ్స్‌ మ్యాచ్‌లు జరుగుతుండగా వెస్టిండీస్‌, ఇంగ్లండ్‌ మధ్య వన్డే సిరీస్‌ జరుగనుంది. భారత్‌, పాక్‌ మధ్య యుద్దం కారణంగా ఐపీఎల్‌ వారం రోజుల వాయిదా పడిన విషయం తెలిసిందే. అనంతరం ప్రకటించిన రివైజ్డ్‌ షెడ్యూల్‌తో ఈ సిరీస్‌ క్లాష్‌ అయ్యింది.ఇంగ్లండ్‌ వేదికగా జరుగనున్న ఈ సిరీస్‌లో తొలి వన్డే మే 29న, రెండో వన్డే జూన్‌ 1, మూడో వన్డే జూన్‌ 3వ తేదీన జరుగనున్నాయి. సరిగ్గా ఇదే తేదీల్లో ఐపీఎల్‌ క్వాలిఫయర్‌-1, క్వాలిఫయర్‌-2, ఫైనల్‌ మ్యాచ్‌లు జరుగనున్నాయి.ఐపీఎల్‌లో ప్లే ఆఫ్స్‌ రేసుకు సమీపంలో ఉన్న జట్లకు చెందిన ఆటగాళ్లను, అదే తేదీల్లో జరిగే సిరీస్‌కు ఎంపిక చేయడంతో సదరు ఐపీఎల్‌ ఫ్రాంచైజీలకు పాలుపోవడం లేదు. ఇంగ్లండ్‌ వన్డే జట్టుకు ఎంపిక చేసిన ఆటగాళ్లలో జోస్‌ బట్లర్‌ గుజరాత్‌కు.. జేకబ్‌ బేతెల్‌ ఆర్సీబీ.. విల్‌ జాక్స్‌ ముంబై ఇండియన్స్‌కు ఆడుతున్నారు. ఈ మూడు ఫ్రాంచైజీలకు ఈ ముగ్గురు ఆటగాళ్లు చాలా కీలకం.ప్లే ఆఫ్స్‌ మ్యాచ్‌ల్లో బట్లర్‌, బేతెల్‌, జాక్స్‌ లేకపోవడం ఆయా జట్లను తీవ్రంగా ప్రభావితం చేస్తుంది. డబ్ల్యూటీసీ ఫైనల్స్‌ కారణంగా ఇప్పటికే ఆస్ట్రేలియా, సౌతాఫ్రికాకు చెందిన ఆటగాళ్లు లీగ్‌ తదుపరి మ్యాచ్‌లకు అందుబాటులో ఉండటం అనుమానంగా మారింది. తాజాగా ఇం​గ్లండ్‌ క్రికెట్‌ బోర్డు తీసుకున్న ఈ నిర్ణయంతో ప్లే ఆఫ్స్‌ రేసులో ఉన్న ఐపీఎల్‌ ఫ్రాంచైజీల కష్టాలు మరింత తీవ్రమయ్యాయి.ఆటగాళ్లు కూడా దేశమా.. ఐపీఎలా అన్న సందిగ్దంలో ఉండిపోయారు. ఐపీఎల్‌ వాయిదా పడటం ఇన్ని సమస్యలు తెచ్చి పెట్టింది. విండీస్‌తో వన్డే సిరీస్‌తో పాటు తదుపరి జరుగబోయే మూడు మ్యాచ్‌ల టీ20 సిరీస్‌ (జూన్‌ 6, 8, 10) కోసం కూడా ఇంగ్లండ్‌ జట్లను ఇవాళ ప్రకటించారు. రెండు జట్లకు సారధిగా హ్యారీ బ్రూక్‌ ఎంపికయ్యాడు.వెస్టిండీస్‌తో వన్డే సిరీస్‌కు ఇంగ్లండ్‌ జట్టు: హ్యారీ బ్రూక్‌ (కెప్టెన్‌), జోస్‌ బట్లర్‌ (గుజరాత్‌), జేకబ్‌ బేతెల్‌ (ఆర్సీబీ), విల్‌ జాక్స్‌ (ముంబై ఇండియన్స్‌), జోఫ్రా ఆర్చర్ (రాజస్థాన్‌ రాయల్స్‌), జేమీ ఓవర్టన్‌ (సీఎస్‌కే), గస్ అట్కిన్సన్, టామ్ బాంటన్, బ్రైడాన్ కార్స్, బెన్ డకెట్, టామ్ హార్ట్లీ, సాకిబ్ మహమూద్, మాథ్యూ పాట్స్, ఆదిల్ రషీద్, జో రూట్, జామీ స్మిత్విండీస్‌తో టీ20 సిరీస్‌కు ఇంగ్లండ్‌ జట్టు: హ్యారీ బ్రూక్ (కెప్టెన్), రెహాన్ అహ్మద్, టామ్ బాంటన్, జేకబ్‌ బేతెల్‌, జోస్ బట్లర్, బ్రైడాన్ కార్స్, లియామ్ డాసన్, బెన్ డకెట్, విల్ జాక్స్, సాకిబ్ మహమూద్, మాథ్యూ పాట్స్, జేమీ ఓవర్టన్, ఆదిల్ రషీద్, ఫిల్ సాల్ట్, ల్యూక్ వుడ్జోఫ్రా ఆర్చర్‌, జేమీ ఓవర్టన్‌ కూడా వేర్వేరు ఐపీఎల్‌ జట్లకు ప్రాతినిథ్యం వహిస్తున్నా ఆ జట్లు ఇదివరకే ప్లే ఆఫ్స్‌ రేసు నుంచి నిష్క్రమించాయి.మరోవైపు ఇదే సిరీస్‌ (వన్డే) కోసం విండీస్‌ జట్టును కూడా ఇదివరకే ప్రకటించారు. విండీస్‌ ఆటగాళ్లలో ఫెర్ఫాన్‌ రూథర్‌ఫోర్డ్‌ (గుజరాత్‌), రొమారియో షెపర్డ్‌ (ఆర్సీబీ), షమార్‌ జోసఫ్‌ (లక్నో) వేర్వేరు జట్ల తరఫున ఐపీఎల్‌లో ఆడుతున్నారు. రూథర్‌ఫోర్డ్‌, రొమారియో షెపర్డ్‌ ప్రాతినిథ్యం వహిస్తున్న జట్లు కూడా ఐపీఎల్‌ ప్లే ఆఫ్స్‌ రేసులో ముందున్నాయి. అయితే ఈ సిరీస్‌తో ఐపీఎల్‌ ప్లే ఆఫ్స్‌ మ్యాచ్‌లు క్లాష్‌ కావడంతో వీరు కూడా ఆయా జట్లకు అందుబాటులో ఉండటం అనుమానంగా మారింది.

బెర్లిన్‌: ఒకటి కాదు.. రెండు కాదు.. మూడు కాదు... ఏకంగా ఆరుసార్లు కెరీర్‌లో మేజర్‌ ట్రోఫీలు సాధించే అవకాశాన్ని త్రుటిలో కోల్పోయిన ఇంగ్లండ్‌ ఫుట్‌బాల్‌ జట్టు కెప్టెన్‌ హ్యారీ కేన్‌ ఏడో ప్రయత్నంలో విజయవంతమయ్యాడు. ప్రతిష్టాత్మక జర్మనీ అంతర్జాతీయ ఫుట్‌బాల్‌ లీగ్‌ బుండెస్‌లీగాలో హ్యారీ కేన్‌ తన స్వప్నాన్ని సాకారం చేసుకున్నాడు. 2024–2025 బుండెస్‌లీగా సీజన్‌లో బాయెర్న్‌ మ్యూనిక్‌ ఫుట్‌బాల్‌ క్లబ్‌ (ఎఫ్‌సీ) జట్టును విజేతగా నిలబెట్టాడు. ఈ క్రమంలో తన కెరీర్‌లో లోటుగా ఉన్న మేజర్‌ ట్రోఫీని అందుకున్నాడు.బొరుసియా మొంచెన్‌గ్లాడ్‌బాచ్‌ క్లబ్‌తో జరిగిన 33వ లీగ్‌ మ్యాచ్‌లో మాన్యుయెల్‌ నెయుర్‌ సారథ్యంలోని బాయెర్న్‌ మ్యూనిక్‌ జట్టు 2–0 గోల్స్‌ తేడాతో గెలిచింది. తద్వారా ఈ సీజన్‌లో మరో మ్యాచ్‌ మిగిలి ఉండగానే బాయెర్న్‌ మ్యూనిక్‌ జట్టు రికార్డుస్థాయిలో 33వసారి బుండెస్‌లీగా టైటిల్‌ను హస్తగతం చేసుకుంది. మ్యూనిక్‌ జట్టుకు హ్యారీ కేన్‌ (31వ నిమిషంలో), మైకేల్‌ ఒలిస్‌ (90వ నిమిషంలో) ఒక్కో గోల్‌ అందించారు. ఈ సీజన్‌లు 30 మ్యాచ్‌లు ఆడిన హ్యారీ కేన్‌ 25 గోల్స్‌తో టాప్‌ స్కోరర్‌గా ఉన్నాడు. సీజన్‌లోని చివరి మ్యాచ్‌ మే 17న హఫెన్‌హీమ్‌ జట్టుతో బాయెర్న్‌ మ్యూనిక్‌ జట్టు ఆడుతుంది.మొత్తం 18 జట్లు ఇంటా, బయట పద్ధతిలో బుండెస్‌లీగాలో పోటీపడుతున్నాయి. ఒక్కో జట్టు 34 మ్యాచ్‌లు ఆడుతుంది. 33 మ్యాచ్‌లు పూర్తి చేసుకున్న బాయెర్న్‌ మ్యూనిక్‌ జట్టు 24 విజయాలు సాధించింది. 7 మ్యాచ్‌లను ‘డ్రా’ చేసుకొని, 2 మ్యాచ్‌ల్లో ఓడిపోయింది. 95 గోల్స్‌ సాధించి, 32 గోల్స్‌ను సమర్పించుకుంది. మరో మ్యాచ్‌ మిగిలి ఉండగానే 79 పాయింట్లతో టాప్‌ ర్యాంక్‌ను ఖరారు చేసుకుంది.68 పాయింట్లతో బాయెర్‌ 04 లెవెర్‌కుసెన్‌ జట్టు రన్నరప్‌ ట్రోఫీని ఖరారు చేసుకుంది. 31 హ్యారీ కేన్‌ సారథ్యంలో ఇంగ్లండ్‌ జట్టు 2021, 2024 ‘యూరో’ టోరీ్నలో రన్నరప్‌గా నిలిచింది. హ్యారీ కేన్‌ సభ్యుడిగా ఉన్న టోటెన్‌హామ్‌ హాట్‌స్పర్‌ క్లబ్‌ జట్టు 2015, 2019లలో ఇంగ్లిష్‌ ఫుట్‌బాల్‌ లీగ్‌ కప్‌లో రన్నరప్‌గా... 2019 చాంపియన్స్‌ లీగ్‌లో రన్నరప్‌గా నిలిచింది. 2023లో కేన్‌ సభ్యుడిగా ఉన్న బాయెర్న్‌ మ్యూనిక్‌ జట్టు జర్మన్‌ సూపర్‌ కప్‌లో రెండో స్థానాన్ని దక్కించుకుంది. దాంతో ఆరుసార్లు హ్యారీ కేన్‌కు టైటిల్‌ దక్కినట్టే దక్కి చేజారిపోయింది. అయితే ఏడో ప్రయత్నంలో హ్యారీ కేన్‌ ఖాతాలో బుండెస్‌లీగా రూపంలో మేజర్‌ టైటిల్‌ చేరింది.

ఐపీఎల్‌-2025 సీజ‌న్ నిరావ‌ధికంగా వాయిదా ప‌డ‌డంతో భార‌త జ‌ట్టు ఇక ఇంగ్లండ్‌తో టెస్టు సిరీస్‌కు స‌న్న‌ద్దం కానుంది. ఈ ఏడాది జూన్‌లో ఇంగ్లండ్ ప‌ర్య‌ట‌న‌కు టీమిండియా వెళ్ల‌నుంది. ఈ ప‌ర్య‌ట‌న‌లో భాగంగా ఆతిథ్య జ‌ట్టు భార‌త్ ఐదు మ్యాచ్‌ల టెస్టు సిరీస్‌లో త‌ల‌ప‌డ‌నుంది.ఈ క్ర‌మంలో ఇంగ్లండ్‌ టెస్టు సిరీస్ కోసం భార‌త జ‌ట్టు ప్ర‌క‌ట‌నకు బీసీసీఐ సెల‌క్ష‌న్ క‌మిటీ ముహార్తం ఖారారు చేసింది. క్రిక్‌బ‌జ్ రిపోర్ట్ ప్ర‌కారం.. మే 23న బీసీసీఐ విలేక‌రుల స‌మావేశం నిర్వ‌హించి, ఇంగ్లండ్ ప‌ర్య‌ట‌న‌కు వెళ్లే జ‌ట్టుతో పాటు భారత టెస్ట్ కెప్టెన్‌ను కూడా ప్ర‌క‌టించ‌ననున్న‌ట్లు స‌మాచారం. రోహిత్ శ‌ర్మ టెస్టుల‌కు రిటైర్మెంట్ ప్ర‌క‌టించ‌డంతో కొత్త కెప్టెన్ ఎంపిక ఇప్పుడు అనివార్య‌మైంది. తొలుత‌ ఇంగ్లండ్ టెస్ట్ సిరీస్ కోసం భారత జట్టును మే 20న ప్ర‌క‌టిస్తామ‌ని బీసీసీఐ కార్యదర్శి దేవజిత్ సైకియా పేర్కొన్నారు. కానీ స్టార్ బ్యాట‌ర్ విరాట్ కోహ్లి టెస్ట్ క్రికెట్ నుంచి రిటైర్ కావ‌ల‌నుకుంటున్న‌ట్లు బీసీసీఐకి చెప్ప‌డంతో జ‌ట్టు ప్ర‌క‌ట‌న‌ను రెండు రోజుల పాటు వాయిదా వేసిన‌ట్లు వినికిడి. కోహ్లిని త‌న నిర్ణ‌యాన్ని మార్చుకోవాల‌ని బీసీసీఐ సూచించిన‌ట్లు ప‌లు రిపోర్ట్‌లు పేర్కొంటున్నాయి. మ‌రి కోహ్లి యూ-టర్న్ తీసుకుంటాడా? లేదా అన్న‌ది మ‌రో కొన్ని రోజుల్లో తేలిపోనుంది. ఇక భార‌త టెస్టు కెప్టెన్సీ రేసులో శుభ్‌మ‌న్ గిల్ ముందుంజ‌లో ఉన్నాడు.ప్ర‌స్తుతం టీమిండియా టెస్టు వైస్ కెప్టెన్‌గా జ‌స్ప్రీత్ బుమ్రా కొన‌సాగుతున్నాడు. కానీ గాయాల బెడద, వర్క్‌లోడ్‌ మేనేజ్‌మెంట్‌లో భాగంగా అత‌డికి కెప్టెన్సీ ప‌గ్గాలు అప్ప‌గించ‌కూడ‌ద‌ని బీసీసీఐ భావిస్తుందంట‌. దాదాపు శుబ్‌మ‌న్ గిల్ పేరును బీసీసీఐ ఖారారు చేసిన‌ట్లు వినికిడి.

ఐపీఎల్‌-2025ను భార‌త క్రికెట్ బోర్డు వారం రోజుల పాటు తాత్కాలికంగా వాయిదా వేసింది. భార‌త్‌-పాకిస్తాన్ మ‌ధ్య ఉద్రిక్తతలు పెరుగుతున్న నేపథ్యంలో బీసీసీఐ ఈ కీల‌క‌ నిర్ణ‌యం తీసుకుంది. ఈ టోర్నీ ఎప్పుడు పునఃప్రారంభమవుతుందో స్పష్టమైన తేదీని మాత్రం బీసీసీఐ వెల్ల‌డించ‌లేదు.దీంతో విదేశీ ఆట‌గాళ్లు త‌మ స్వ‌దేశానికి ప‌య‌నం కానున్నారు. ఆ త‌ర్వాత ఐపీఎల్ తిరిగి ప్రారంభ‌మైన కూడా చాలా మంది ఆట‌గాళ్లు అందుబాటులో ఉండ‌క‌పోవ‌చ్చు. అయితే మిగిలిన టోర్నీని విదేశాల‌కు త‌ర‌లించిన ఆశ్చ‌ర్య‌పోన‌క్క‌ర్ల‌లేదు. బీసీసీఐకు యూఏఈ మొద‌టి అప్ష‌న్‌గా ఎల్ల‌ప్పుడూ ఉంటుంది. కానీ పాకిస్తాన్ సూప‌ర్ లీగ్‌లో మిగిలిన మ్యాచ్‌ల‌ను కూడా యూఏఈలోనే నిర్వ‌హించాల‌ని పీసీబీ నిర్ణ‌యించింది. దీంతో బీసీసీఐ ఐపీఎల్ మ్యాచ్‌ల‌ను యూఏఈలో నిర్వ‌హిస్తుందా? లేదా భార‌త్‌లోనే కొన‌సాగుస్తుందా అన్నది వేచి చూడాలి. ఈ క్ర‌మంలో భార‌త క్రికెట్ బోర్డుకు ఇంగ్లండ్ మాజీ కెప్టెన్ మైఖేల్ వాన్ కీల‌క సూచ‌న‌లు చేశాడు. ఐపీఎల్‌లో మిగిలిన మ్యాచ్‌లను పూర్తి చేయడానికి ఇంగ్లండ్‌ను మంచి ఎంపికగా బీసీసీఐ ప‌రిగణించాల‌ని వాన్ అభిప్రాయ‌ప‌డ్డాడు. "ఐపీఎల్‌-2025లో మిగిలిన మ్యాచ్‌ల‌ను యూకేలో నిర్వ‌హిస్తే బాగుటుంది. మాకు చాలా స్టేడియాలు ఉన్నాయి.అంతేకాకుండా భార‌త ఆట‌గాళ్లు ఐపీఎల్‌ను పూర్తి చేసుకుని టెస్టు సిరీస్ కోసం ఇంగ్లండ్‌లోనే ఉండిపోవ‌చ్చు. ఇది కేవ‌లం నా ఆలోచ‌న మాత్ర‌మే" అని ఎక్స్‌లో వాన్ రాసుకొచ్చాడు. కాగా ఈ ఏడాది జూన్‌లో భార‌త జ‌ట్టు ఐదు మ్యాచ్‌ల టెస్టు సిరీస్ కోసం ఇంగ్లండ్ ప‌ర్య‌ట‌న‌కు వెళ్ల‌నుంది.చ‌దవండి: IPL 2025: ఐపీఎల్ వాయిదా ఎన్ని రోజులంటే? బీసీసీఐ కీల‌క‌ ప్ర‌క‌ట‌న‌

ఇంగ్లండ్ ప‌ర్య‌ట‌న‌కు ముందు టీమిండియా కెప్టెన్ రోహిత్ శ‌ర్మ టెస్టు క్రికెట్‌కు రిటైర్మెంట్ ప్ర‌క‌టించిన సంగ‌తి తెలిసిందే. రోహిత్ శ‌ర్మ బుధ‌వారం త‌న నిర్ణ‌యాన్ని వెల్ల‌డించి అంద‌రికి షాకిచ్చాడు. ఇక‌పై కేవ‌లం వ‌న్డే ఫార్మాట్‌లో మాత్ర‌మే కొన‌సాగ‌నున్న‌ట్లు హిట్‌మ్యాన్ తెలిపాడు. ఈ క్ర‌మంలో ఇంగ్లండ్ టూర్‌కు కేవ‌లం నెల రోజుల స‌మయం మాత్ర‌మే ఉండ‌డంతో కొత్త టెస్టు కెప్టెన్‌ను ఎంపిక చేసే ప‌నిలో బీసీసీఐ సెల‌క్ష‌న్ క‌మిటీ ప‌డింది.కెప్టెన్సీ రేసులో స్టార్ ప్లేయ‌ర్లు శుబ్‌మ‌న్ గిల్‌, రిష‌బ్ పంత్, జ‌స్ప్రీత్ బుమ్రా ఉన్నారు. ప్రస్తుతం బుమ్రా.. టీమిండియా టెస్ట్ వైస్ కెప్టెన్‌గా కొనసాగుతున్నాడు. కానీ గాయాల బెడద, వర్క్‌లోడ్‌ మేనేజ్‌మెంట్‌లో భాగంగా అతన్ని ఈ కెప్టెన్స్ రేసు నుంచి గ్రూప్‌ నుంచి తప్పించే యోచనలో బీసీసీఐ ఉన్న‌ట్లు వినికిడి. తాజాగా ఈ జాబితాలోకి కేఎల్ రాహుల్ చేరిన‌ట్లు స‌మాచారం. కెప్టెన్‌గా తక్కువ అనుభవం ఉన్న గిల్‌, పంత్ కంటే సీనియ‌ర్ ప్లేయ‌ర్ అయిన రాహుల్‌కు ప‌గ్గాలు అప్ప‌గిస్తే బెటర్ అని సెల‌క్ట‌ర్లు భావిస్తున్న‌ట్లు అజిత్ అగార్కర్ అండ్ కో భావిస్తున్న‌ట్లు తెలుస్తోంది. అంతేకాకుండా ఇంగ్లండ్ సిరీస్ త‌ర్వాత పూర్తి స్ధాయి కెప్టెన్‌ను నియ‌మించ‌నున్న‌ట్లు వార్త‌లు వినిపిస్తున్నాయి.కెప్టెన్‌గా రాహుల్‌..టెస్టు కెప్టెన్సీ ప‌రంగా కేఎల్ రాహుల్‌కు అనుభ‌వం ఉంది. గ‌తంలో మూడు సార్లు టీమిండియాకు రాయ‌ల్ నాయ‌క‌త్వం వ‌హించాడు. 2022లో అత‌డి సార‌థ్యంలోనే బంగ్లాదేశ్‌తో రెండు మ్యాచ్‌ల టెస్టు సిరీస్‌ను భార‌త్ సొంతం చేసుకుంది. అదేవిధంగా ద‌క్షిణాఫ్రికాతో జ‌రిగిన ఓ టెస్టు మ్యాచ్‌లో కూడా రాహుల్ కెప్టెన్‌గా వ్య‌వ‌హరించాడు.అయితే ఆ మ్యాచ్‌లో టీమిండియా 7 వికెట్ల తేడాతో ఓట‌మి పాలైంది. ఇంగ్లండ్‌లో వ్య‌క్తిగ‌త గ‌ణాంకాల ప‌రంగా కూడా రాహుల్‌కు మంచి రికార్డు ఉంది. ఇంగ్లండ్ గ‌డ్డ‌పై ఈ వికెట్ కీప‌ర్ ఈ కీపర్-బ్యాటర్ 9 మ్యాచ్‌ల్లో 614 పరుగులు చేశాడు. ఈ టెస్టు ప‌ర్య‌ట‌న‌కు బీసీసీఐ భార‌త జ‌ట్టును మే రెండో వారంలో ప్ర‌క‌టించే అవ‌కాశ‌ముంది.చ‌ద‌వండి: పీసీబీకి చావు దెబ్బ!.. రావల్పిండి స్టేడియంపై డ్రోన్‌ దాడి?.. PSLపై నీలినీడలు!

వెస్టిండీస్‌ క్రికెట్‌ జట్టు ఈ నెలాఖరులో యూరప్‌ పర్యటనకు వెళ్లనుంది. ఈ పర్యటనలో ఐర్లాండ్‌, ఇంగ్లండ్‌తో వన్డే, టీ20 సిరీస్‌లు ఆడనుంది. ఈ పర్యటనల్లో వన్డే సిరీస్‌ల కోసం 15 మంది సభ్యుల జట్టును విండీస్‌ క్రికెట్‌ బోర్డు ఇవాళ ప్రకటించింది. విండీస్‌ జట్టుకు నాయకుడిగా షాయ్‌ హోప్‌ వ్యవహరించనున్నాడు. అతనికి మద్దతుగా అనుభవజ్ఞులైన టాపార్డర్‌ బ్యాటర్లు బ్రాండన్‌ కింగ్‌, ఎవిన్‌ లెవిస్‌, కీసీ కార్టీ ఉన్నారు. యువ సంచలనం జువెల్‌ ఆండ్రూ జట్టులో చోటు దక్కించుకున్నాడు. ఆండ్రూ గతేడాది అండర్‌-19 వరల్డ్‌కప్‌లో విశేషంగా రాణించాడు. ఆ టోర్నీలో 4 మ్యాచ్‌ల్లో సెంచరీ, హాఫ్‌ సెంచరీ సాయంతో 207 పరుగులు చేశాడు. ఈ ఏడాది బంగ్లాదేశ్‌ను 3-0తో క్లీన్‌ స్వీప్‌ చేసిన జట్టులోని సభ్యులందరూ ఈ జట్టులో చోటు దక్కించుకున్నారు. ఐపీఎల్‌ కారణంగా విధ్వంసకర బ్యాటర్‌ షిమ్రోన్‌ హెట్‌మైర్‌ ఒక్కడు మిస్‌ అయ్యాడు. రొమారియో షెపర్డ్‌ లాంటి ఆటగాళ్లు కూడా ఐపీఎల్‌లో ఆడుతున్నా ఈ జట్టులో ఎంపిక చేశారు.ఐపీఎల్‌ చివరి దశలో ఉండగా విండీస్‌ యూరప్‌ పర్యటన మొదలవుతుంది. ఐపీఎల్‌ 2025 మే 25న పూర్తి కానుండగా.. ఐర్లాండ్‌లో వెస్టిండీస్‌ పర్యటన మే 21న ప్రారంభమవుతుంది. ఈ పర్యటనలో మూడు వన్డేలు, మూడు టీ20లు జరుగనున్నాయి. మే 21, 23, 25 తేదీల్లో డబ్లిన్‌ వేదికగా మూడు వన్డేలు జరుగుతాయి. ఈ పర్యటనలో టీ20 సిరీస్‌ కోసం​ విండీస్‌ క్రికెట్‌ బోర్డు జట్టును ప్రకటించలేదు.ఈ పర్యటన ముగిసిన అనంతరం​ విండీస్‌ జట్టు ఇంగ్లండ్‌కు బయల్దేరుతుంది. ఈ పర్యటనలో కూడా మూడు వన్డేలు, మూడు టీ20లు జరుగనున్నాయి. మే 29, జూన్‌ 1, జూన్‌ 3వ తేదీల్లో మూడు వన్డేలు జరుగుతాయి. తొలి వన్డే బర్మింగ్హమ్‌, రెండో వన్డే కార్ఢిఫ్‌, మూడో వన్డే లండన్‌లో జరుగనున్నాయి. ఈ పర్యటనలో టీ20 సిరీస్‌ కోసం విండీస్‌ జట్టును ప్రకటించాల్సి ఉంది.ఐర్లాండ్‌, ఇంగ్లండ్‌తో వన్డే సిరీస్‌ల కోసం వెస్టిండీస్ జట్టు: షాయ్ హోప్ (కెప్టెన్), జువెల్ ఆండ్రూ, కీసీ కార్టీ, రోస్టన్ చేజ్, మాథ్యూ ఫోర్డ్, జస్టిన్ గ్రీవ్స్, అమీర్ జాంగూ, అల్జరి జోసెఫ్, షమార్ జోసఫ్, బ్రాండన్ కింగ్, ఎవిన్ లెవిస్, గుడకేష్ మోటీ, షెర్ఫేన్ రూథర్‌ఫోర్డ్, జేడన్ సీల్స్, రొమారియో షెపర్డ్కాగా, ఐర్లాండ్‌, ఇంగ్లండ్‌ పర్యటనల్లో ఆడబోయే వన్డేలు 2027 ఐసీసీ మెన్స్‌ క్రికెట్‌ ప్రపంచకప్‌ నేపథ్యంలో వెస్టిండీస్‌కు చాలా కీలకంగా పరిగణించబడతాయి. ఈ వరల్డ్‌కప్‌కు విండీస్‌ నేరుగా అర్హత సాధించాలంటే ఈ మ్యాచ్‌లు తప్పనిసరిగా గెలవాలి.ఇదిలా ఉంటే, ఐర్లాండ్‌, ఇంగ్లండ్‌తో వన్డే సిరీస్‌ల కోసం జట్టును ప్రకటించిన విండీస్‌ క్రికెట్‌ బోర్డు.. కోచింగ్‌ డిపార్ట్‌మెంట్‌లో ఓ కీలక మార్పు చేసింది. జేమ్స్‌ ఫ్రాంక్లిన్‌ స్థానంలో 2012 టీ20 వరల్డ్‌కప్‌ విన్నర్‌ రవి రాంపాల్‌ను బౌలింగ్‌ కోచ్‌గా నియమించింది.

ఐపీఎల్‌-2025లో యువ ఆట‌గాళ్లు వైభవ్ సూర్యవంశీ, ఆయుష్ మాత్రే దుమ్ములేపుతున్నారు. 14 ఏళ్ల సూర్య‌వంశీ రాజ‌స్తాన్ రాయ‌ల్స్ త‌ర‌పున సంచ‌ల‌నాలు సృష్టిస్తుండగా.. ఆయుష్ మాత్రే సీఎస్‌కే తరపున అద్బుత ఇన్నింగ్స్‌లు ఆడుతున్నారు. సోమవారం గుజరాత్ టైటాన్స్‌తో జరిగిన మ్యాచ్‌లో సూర్యవంశీ రికార్డు సెంచరీతో చెలరేగాడు. కేవలం 35 బంతుల్లోనే సెంచరీ చేసి తన పేరును ఐపీఎల్ చరిత్రలో సువర్ణ అక్షరాలతో లిఖించుకున్నాడు. ఐపీఎల్‌లో సెంచరీ చేసిన అతి పిన్న వయష్కుడిగా వైభవ్ రికార్డులకెక్కాడు. మరోవైపు రుతురాజ్ గైక్వాడ్ స్దానంలో జట్టులోకి వచ్చిన మాత్రే తన మెరుపు ఇన్నింగ్స్‌లతో అందరని ఆకట్టుకుంటున్నాడు. అయితే ఐపీఎల్ ముగిసిన అనంతరం ఈ ఇద్దరు యువ క్రికెటర్లు తిరిగి భారత అండర్‌-19 జట్టు తరపున ఆడనున్నట్లు తెలుస్తోంది. టైమ్స్ ఇండియా రిపోర్ట్ ప్రకారం.. ఈ ఏడాది జూన్‌లో భారత జూనియర్ జట్టు ఇంగ్లండ్ పర్యటనకు వెళ్లనుంది. ఈ టూర్‌లో భాగంగా ఆతిథ్య ఇంగ్లండ్‌తో భారత్ ఐదు వన్డేలు, రెండు టెస్ట్‌లు ఆడనున్నట్లు సమాచారం. ఈ ఇంగ్లండ్ టూర్‌కు సూర్యవంశీ, మాత్రే వెళ్లనున్నారు. సూర్యవంశీ గత ఏడాది స్వదేశంలో ఆస్ట్రేలియాతో జరిగిన సిరీస్‌లో అరంగేట్రం చేశాడు. ఈ బిహారీ క్రికెటర్ జూనియర్ జాతీయ జట్టు తరపున రెండు టెస్టులు, మూడు వన్డేలు ఆడాడు. గతేడాది అండర్‌-19 ఆసియాకప్ ఫైనల్లో ఓడిపోయిన తర్వాత యువ జట్టుకు తొలి టూర్ కావడం గమనార్హం. అండర్ 19 ప్రపంచకప్‌-2026 సన్నాహాకాల్లో భాగంగా ఈ సిరీస్ జరగనుంది. కాగా ఇదే జూన్‌లో భార‌త సీనియ‌ర్ జ‌ట్టు కూడా ఐదు మ్యాచ్‌ల టెస్టు సిరీస్‌లో త‌ల‌పడేందుకు ఇంగ్లండ్‌కు వెళ్ల‌నుంది.

ఇంగ్లండ్ మ‌హిళ‌ల జ‌ట్టు కెప్టెన్‌గా స్టార్ ఆల్‌రౌండ‌ర్ నాట్ స్కైవర్-బ్రంట్ ఎంపికైంది. ఈ విష‌యాన్ని ఇంగ్లండ్ క్రికెట్ బోర్డు మంగ‌ళ‌వారం సోష‌ల్ మీడియా వేదిక‌గా వెల్ల‌డించింది. హీథ‌ర్ నైట్ స్దానాన్ని స్కైవర్ బ్రంట్ భ‌ర్తీ చేయ‌నుంది. కాగా ఈ ఏడాది మార్చిలో ఇంగ్లండ్ మ‌హిళ‌ల జ‌ట్టు కెప్టెన్సీ హీథ‌ర్ నైట్ రాజీనామా చేసింది.మహిళల యాషెస్ సిరీస్‌లో ఇంగ్లండ్ ఘోర ప‌రాజ‌యం పాల‌వ్వ‌డంతో నైట్ ఈ నిర్ణ‌యం తీసుకుంది. అదేవిధంగా ప్ర‌ధాన కోచ్ జాన్ లూయిస్‌పై ఇంగ్లండ్ క్రికెట్ బోర్డు వేటు వేసింది. అత‌డి స్ధానంలో మాజీ కెప్టెన్ చార్లెట్ ఎడ్వర్డ్స్‌ను ఇంగ్లండ్ క్రికెట్ బోర్డు నియ‌మించింది.ఇక ఇంగ్లండ్ కెప్టెన్‌గా ఎంపిక అయిన త‌ర్వాత స్కైవర్-బ్రంట్ స్పందించింది. ఇంగ్లండ్ కెప్టెన్‌గా బాధ్య‌త‌లు చేప‌ట్ట‌డం నాకు ద‌క్కిన అరుదైన గౌర‌వంగా భావిస్తున్నాను. నేను ఎంతో అభిమానించే చార్లెట్ ఎడ్వర్డ్స్ సూచ‌న మెర‌కు నా ఈ కొత్త ప్ర‌యాణాన్ని ప్రారంభించ‌నున్నాను.2013లో అరంగేట్రం నుంచి ఇంగ్లండ్ క్రికెట్‌కు నా వంతు స‌హ‌కారం అందించ‌డ‌మే ల‌క్ష్యంగా పెట్టుకున్నాను. జట్టును విజయపథంలో నడిపించడానికి నా శాయశక్తులా ప్రయత్నిస్తాను అని బ్రంట్ ఓ ప్ర‌క‌ట‌న‌లో పేర్కొంది. స్కైవర్-బ్రంట్‌కు కెప్టెన్‌గా అనుభ‌వం ఉంది. హీథ‌ర్ నైట్ గైర్హ‌జ‌రీలో 11 టీ20ల్లో ఇంగ్లండ్ జ‌ట్టుకు సార‌థ్యం వ‌హించింది.చ‌దవండి: సూర్యవంశీకి భారీ న‌జ‌రానా.. రూ.10 లక్షలు ప్రకటించిన బిహార్ సీఎం

ఐపీఎల్‌-2025 ముగిసిన త‌ర్వాత భార‌త క్రికెట్ జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నంది. ఈ టూర్‌లో భాగంగా ఆతిథ్య ఇంగ్లండ్‌తో ఐదు టెస్టుల సిరీస్‌లో టీమిండియా త‌ల‌ప‌డ‌నుంది. ఈ సిరీస్‌కు భార‌త జట్టును ఎంపిక చేసిన ప‌నిలో బీసీసీఐ సెల‌క్ష‌న్ క‌మిటీ ప‌డింది. మే రెండో వారంలో భార‌త జ‌ట్టును బీసీసీఐ ప్రక‌టించే అవ‌కాశ‌ముంది.అయితే ఇంగ్లండ్ టూర్‌కు త‌మిళనాడు యువ సంచ‌ల‌నం సాయిసుద‌ర్శ‌న్‌ను ఎంపిక చేసే ఆలోచ‌న‌లో సెల‌క్ట‌ర్లు ఉన్న‌ట్లు తెలుస్తోంది. సుద‌ర్శ‌న్ ప్ర‌స్తుతం అద్భుత‌మైన ఫామ్‌లో ఉన్నాడు. దేశ‌వాళీ క్రికెట్‌తో పాటు ఐపీఎల్‌లోనూ దుమ్ములేపుతున్నాడు. సుద‌ర్శ‌న్ ఇప్ప‌టికే టీ20, వ‌న్డేల్లో భార‌త్ త‌ర‌పున అరంగేట్రం చేశాడు. ఇప్పుడు టెస్టుల్లో డెబ్యూ చసే సూచ‌న‌లు క‌న్పిస్తున్నాయి. అత‌డికి ఇంగ్లండ్ రెడ్-బాల్ క్రికెట్ ఆడిన అనుభ‌వం ఉంది. సుద‌ర్శ‌న్ కౌంటీ క్రికెట్‌లో సర్రే తరపున ఆడాడు. అదేవిధంగా మిడిలార్డ‌ర్ బ్యాట‌ర్లు శ్రేయ‌స్ అయ్య‌ర్‌, ర‌జిత్ పాటిదార్‌ల‌కు తిరిగి పిలుపునివ్వాల‌ని అజిత్ అగార్కర్ అండ్ కో భావిస్తున్న‌ట్లు ప‌లు రిపోర్ట్‌లు పేర్కొంటున్నాయి. అయ్య‌ర్, పాటిదార్ ఇద్ద‌రూ గ‌తేడాది భార‌త టెస్టు జ‌ట్టుకు దూరంగా ఉన్నారు. అయితే ప్ర‌స్తుతం అద్భుత‌మైన ఫామ్‌లో ఉండ‌డంతో ఎంపిక చేయ‌నున్న‌ట్లు వినికిడి. మిడిలార్డ‌ర్‌లో అప్ష‌న్స్ కోసం సెల‌క్ట‌ర్లు వెతుకుతున్నారు. సుద‌ర్శ‌న్‌, పాటిదార్‌, అయ్య‌ర్‌లను ముందే ఇంగ్లండ్‌కు పంపించే అవ‌కాశ‌మున్న‌ట్లు వార్త‌లు వినిపిస్తున్నాయి. వీరు ముగ్గురు భార‌త-ఎ జ‌ట్టు త‌ర‌పున ఇంగ్లండ్ ల‌య‌న్స్‌తో అధికారిక టెస్టు సిరీస్ ఆడ‌నున్నారు.

లండన్‌: ఇంగ్లండ్‌ క్రికెట్‌ దిగ్గజం జేమ్స్‌ అండర్సన్‌కు ప్రతిష్టాత్మక ‘నైట్‌హుడ్‌’ అవార్డు లభించింది. ఈ పురస్కార గ్రహీతల పేర్లకు ముందు ‘సర్‌’ జోడిస్తారు. టెస్టు క్రికెట్‌లో అత్యధిక వికెట్లు తీసిన పేసర్‌గా రికార్డుల్లోకి ఎక్కిన అండర్సన్‌కు... బ్రిటన్‌ మాజీ ప్రధాని రిషీ సునాక్‌ రాజీనామా గౌరవ జాబితాలో ‘నైట్‌హుడ్‌’ గౌరవం లభించింది. 2002లో ఆ్రస్టేలియాపై అంతర్జాతీయ అరంగేట్రం చేసిన అండర్సన్‌... రెండు దశాబ్దాలకు పైగా జాతీయ జట్టుకు ప్రాతినిధ్యం వహించి గతేడాది రిటైర్మెంట్‌ ప్రకటించాడు. జిమ్మీ 188 టెస్టుల్లో 704... 194 వన్డేల్లో 269... 19 టి20ల్లో 18 వికెట్లు పడగొట్టాడు. సుదీర్ఘ ఫార్మాట్‌లో అత్యధిక వికెట్లు తీసిన బౌలర్ల జాబితాలో ముత్తయ్య మురళీధరన్‌ (800; శ్రీలంక), షేన్‌ వార్న్‌ (708; ఆ్రస్టేలియా) తర్వాత అండర్సన్‌ (704) మూడో స్థానంలో నిలిచాడు. బ్రిటిష్‌ ప్రభుత్వం ప్రకారం ఆటకు చేసిన సేవలకు గానూ అండర్సన్‌కు ‘నైట్‌హుడ్‌’ పురస్కారం లభించింది. కన్జర్వేటివ్‌ పార్టీ నాయకుడైన రిషీ సునాక్‌ క్రికెట్‌కు వీరాభిమాని. గతేడాది అండర్సన్‌తో పాటు ఇంగ్లండ్‌ ఆటగాళ్లతో అతడు నెట్స్‌ సెషన్‌లో సైతం పాల్గొని ప్రాక్టీస్‌ చేశాడు. దీనికి సంబంధించిన వీడియోను మాజీ ప్రధాని సామాజిక మాధ్యమాల ద్వారా పంచుకున్నాడు. అంతర్జాతీయ క్రికెట్‌కు వీడ్కోలు పలికిన జిమ్మీ ప్రస్తుతం కౌంటీల్లో లాంకషైర్‌ జట్టుకు ప్రాతినిధ్యం వహిస్తున్నాడు. సంవత్సర కాలం పాటు ఆడనున్నట్లు ఈ ఏడాది జనవరిలో లాంకషైర్‌తో అండర్సన్‌ ఒప్పందం కుదుర్చుకున్నాడు. ఇది అతడికి 25వ ఫస్ట్‌ క్లాస్‌ సీజన్‌ కావడం గమనార్హం.

అందాల పోటీలు అనగానే ఏముంటాయి. వారి ఫిట్‌నెస్‌, విలక్షణమైన ఫ్యాషన్‌ వంటి పోటీలు నిర్వహిస్తారు. చివరగా వారిలో దాతృత్వం గుణాలు కొద్దిమొత్తంలోనైనా ఉన్నాయా..?. వారి దృష్టిలో అందం అంటే భౌతికమైనదే అనే తరహాలో ముఖాముఖి పరీక్షలు ఉంటాయి. కానీ అందానికి కూడా ఓ పర్పస్‌ ఉండాలంటూ వినూత్నంగా నిర్వహించేలా సరికొత్త పోటీకి తెరతీసింది ప్రపంచ సుందరీగా టైటిల్‌ని గెలుచుకున్నా మిల్లా మాగీ. ప్రతిసారిలా ఓ మూసధోరణిలో పోటీలు కాకుండా గొప్ప స్కిల్‌తో కూడిన పోటీ ఉండాలంటోంది. అందానికి కూడా ఓ అర్థం, పరమార్థం ఉండాలంటోంది. కేవలం కళ్లప్పగించి చూస్తుండిపోయేలా.. వావ్‌! అని ఆశ్యర్యచకితులని చేసేది అందం కానే కాదంటోదామె. ఇంతకీ ఇదంతా ఎక్కడంటే..మిస్‌వరల్డ్‌ ఇంగ్లాండ్‌ పోటీలో ఈ సరికొత్త రౌండ్‌ కాంపిటీషన్‌ని కండక్ట్‌ చేయనున్నట్లు సమాచారం. ఇది మిస్ వరల్డ్ ఇంగ్లాండ్ టైటిల్ హోల్డర్ మిల్లా మాగీ ఆలోచన నుంచి వచ్చిందట. పోటీలను అధునికరించేలా ప్రభావవంతమైన నైపుణ్యాలు కూడా ఉండాలన్న ఉద్దేశ్యంతో ఈ సీపీఆర్‌ స్కిల్‌ని ప్రవేశ పెట్టారు. అందాల పోటీల్లో సాధారణంగా ఉండే అన్ని రౌండ్ల పోటీలు ఉంటాయి. అయితే చివరి రౌండ్‌లో పోటీదారులకు మాత్రం సీపీఆర్‌ స్కిల్‌టెస్ట్‌ నిర్వహిస్తారు. అంతేగాదు మిస్‌ ఇంగ్లాండ్‌ పోటీలో సెమీ ఫైనల్‌కు చేరుకున్న పోటీదారులంతా ఇంగ్లాండ్ అంతటా నగరాల్లో సిపిఆర్ ఎలా చేయాలో పిల్లలకు బోంధించే కార్యక్రమాల్లో పాల్గొన్సాల్సి ఉంటుంది. ఫైనల్‌కి చేరుకున్న సుందరీమణులకు స్విమ్‌ రౌండ్‌లో ఈ సీపీఆర్‌ టెస్ట్‌ని నిర్వహించడం జరుగుతుంది. అలాగే మన భారత్‌లోని హైదరాబాద్‌లో జరగనున్న 72వ మిస్‌ వరల్డ్‌పోటీల్లో కూడా ఈ రౌండ్‌ ప్రాముఖ్యతపై అవగాహన కల్పించనున్నట్లు మిల్లా మాగీ ఇన్‌స్టాగ్రాంలో పేర్కొంది. మాగీ దీన్ని తన బ్యూటీ విత్‌ పర్పస్‌ అనే ప్రాజెక్ట్‌లో భాగంగా ఈ పోటీని నిర్వహిస్తున్నారు. ఈ పోటీ ఎందుకంటే..మిల్లా మాగీ తన తాతలు, తండ్రులను ఈ సీపీఆర్‌ స్కిల్‌ తెలియకే కాపాడుకోలేకపోయారట. తమ కుటుంబంలో ఎవ్వరికీ దీనిపై అంత అవగాహన గానీ నిర్వహించడం గానీ తెలియకపోవడంతో అంతటి విషాదాన్ని చవిచూడాల్సి రావడంతో ఇలా ప్రాజెక్టు చేపట్టి మరీ అవగాహన కల్పిస్తోందామె. ఒక రకంగా పోటీదారులంతా ఈ కాంపిటీషన్‌ కోసం అయినా..సీపీఆర్‌ స్కిల్‌ గురించి తెలుసుకుంటారు. ఎలా చేయాలో ఆన్‌లైన్‌ సెషన్‌లు లేదా వ్యక్తిగత వైద్య నిపుణులను సంప్రదించి నేర్చుకునే యత్నం చేస్తారంటోందిఈ బ్యూటీ క్వీన్‌.ఇక మాగీ ఇంగ్లాండ్‌లోని పాఠశాలల్లో సిపిఆర్ శిక్షణను తప్పనిసరి చేయాలంటూ పోరాటం చేస్తోంది. "గో విత్ సిపిఆర్" అనే నినాదంతో ప్రాణాపాయ స్థితిలోని వ్యక్తుల రక్షించడం ఎలా అనేదానిపై విద్యార్థులకు అవగామన కల్పిస్తోంది. ఈ నినాదం ఓ రేంజ్‌లో ఊపందుకుంది. ఎంతలా అంటే.. ప్రిన్స్ విలియం సైతం ఆమెకు మద్దతు తెలిపారు. తెలంగాణలో జరగనున్న 72వ మిస్ వరల్డ్ ఇన్ ఇండియా పోటీ డైరెక్టర్‌ ఎంజీ బిస్లీ కూడా ఆమెను ప్రోత్సహిస్తూ ఓ లేఖను కూడా పంపారు. పైగా ఆమె వల్లే తాను ఈ సీపీఆర్‌ చేయడం నేర్చుకున్నాని అన్నారు. ఆమె ప్రాజెక్టు వైవిధ్యాన్ని తెలంగాణలో జరుగుతున్న మిస్‌ వరల్డ్‌ పోటీదారులకు తెలియజేస్తానన్నారు. ప్రాణాలను రక్షించే ఈ నైపుణ్యం ఎంత గొప్పదో తెలియజేసే.. స్విమ్‌పోటీకి వారంతా ముందుకొచ్చేలా చేస్తానన్నారు. అంతేగాదు ఈ ఏడాది అందాల పోటీల్లో ఇదే హైలెట్‌గా ఉంటుందని అన్నారు బీస్లీ. చివరగా మాగీ మాట్లాడుతూ.. అందానికి ఒక ప్రయోజనం ఉండాలని చేపట్టిన ఈ ప్రాజెక్టు ఇంతలా అందర్నీ హత్తుకునేలా ఊపందుకోవడం మాటల్లో చెప్పలేనంత సంతోషంగా ఉందని అంటోందామె. View this post on Instagram A post shared by Milla Magee (@milla.magee__) (చదవండి: Coconut Fiber Matress: భలే భూవస్త్రం..! పర్యావరణ హితం కూడా..జస్ట్‌ ఐదేళ్లలో..)

ఇంగ్లండ్ పురుషుల వన్డే, టీ20 జ‌ట్టు కెప్టెన్‌గా స్టార్ బ్యాట‌ర్ హ్యారీ బ్రూక్ ఎంపిక‌య్యాడు. ఈ ఈ మేర‌కు ఇంగ్లండ్ అండ్ వేల్స్ క్రికెట్ బోర్డు సోమ‌వారం అధికారిక ప్ర‌క‌ట‌న చేసింది. ఇంగ్లండ్ వైట్ బాల్ కెప్టెన్‌గా జోస్ బ‌ట్ల‌ర్ స్ధానాన్ని బ్రూక్ భ‌ర్తీ చేయ‌నున్నాడు. ఛాంపియన్స్ ట్రోఫీ 2025 తర్వాత ఇంగ్లండ్ ప‌రిమిత ఓవ‌ర్ల కెప్టెన్సీ కెప్టెన్సీ బ‌ట్ల‌ర్ రాజీనామా చేసిన సంగ‌తి తెలిసిందే. వ‌న్డే వ‌ర‌ల్డ్‌క‌ప్‌, ఛాంపియ‌న్స్ ట్రోఫీలో పేల‌వ ప్ర‌ద‌ర్శ‌న‌ను నైతిక బాధ్య‌త వ‌హిస్తూ బ‌ట్ల‌ర్ ఈ నిర్ణ‌యం తీసుకున్నాడు. కాగా హ్యారీ బ్రూక్ 2022లో అంత‌ర్జాతీయ అరంగేట్రం చేసిన‌ప్ప‌టి నుంచి ఇంగ్లండ్ భవిష్య‌త్తు కెప్టెన్‌గా ముందుకు సాగాడు. 2024లోనే జోస్ బ‌ట్ల‌ర్ డిప్యూటీగా బ్రూక్ ఎంపిక‌య్యాడు. గతేడాది బ‌ట్ల‌ర్ గైర్హ‌జ‌రీలో ఆస్ట్రేలియాతో జ‌రిగిన వ‌న్డే సిరీస్‌లో ఇంగ్లీష్ జ‌ట్టు కెప్టెన్‌గా బ్రూక్ వ్య‌వ‌హ‌రించాడు. ఆ సిరీస్‌ను ఇంగ్లండ్ 3-2 తేడాతో కోల్పోయిన‌ప్ప‌టికి బ్రూక్ మాత్రం త‌న కెప్టెన్సీతో అంద‌రిని ఆక‌ట్టుకున్నాడు. బ‌ట్ల‌ర్ త‌ప్పుకున్నాక బ్రూక్‌నే ఇంగ్లండ్ త‌దుప‌రి కెప్టెన్‌గా ఎంపిక అవుతాడ‌ని అంతా భావించారు.ఇప్పుడు అంద‌రూ ఊహించిందే జ‌రిగింది. ఇంగ్లండ్ త‌మ త‌దుప‌రి వైట్‌బాల్ సిరీస్ ఈ ఏడాది మేలో వెస్టిండీస్‌తో ఆడ‌నుంది. ఈ సిరీస్‌తో ఇంగ్లండ్ వైట్ బాల్ జ‌ట్టు ఫుల్ టైమ్ కెప్టెన్‌గా బ్రూక్ త‌న ప్ర‌యాణాన్ని ఆరంభించ‌నున్నాడు.26 ఏళ్ల హ్యారీ బ్రూక్ ఇంగ్లండ్ త‌ర‌పున ఇప్ప‌టివ‌ర‌కు 70 వైట్ బాల్ మ్యాచ్‌లు ఆడాడు. టీ20 ప్ర‌పంచ‌క‌ప్‌-2022ను సొంతం చేసుకున్న ఇంగ్లండ్ జ‌ట్టులో అత‌డు భాగంగా ఉన్నాడు. ఇంగ్లండ్ కెప్టెన్‌గా ఎంపికైన అనంత‌రం బ్రూక్ స్పందించాడు. "ఇంగ్లండ్ వైట్ బాల్ కెప్టెన్‌గా ఎంపిక అవ్వ‌డం నాకు ద‌క్కిన అరుదైన గౌర‌వంగా భావిస్తున్నాను. నేను బర్లీలో స్కూల్‌ క్రికెట్ ఆడుతున్నప్పటి నుంచి ఇంగ్లండ్ క్రికెట్ జ‌ట్టుకు ప్రాతినిథ్యం వ‌హించాల‌ని, ఏదో ఒక రోజున అవ‌కాశము వ‌స్తే నాయకత్వం వహించాలని కలలు కన్నాను. ఈ రోజు నా క‌ల నేర‌వేరింది. నాకు ఎంతో మ‌ద్ద‌తుగా నిలిచిన నా ఫ్యామిలీకి, అభిమానుల‌కు, కోచ్‌ల‌కు ధ‌న్య‌వాదాలు. వీరింద‌రి వ‌ల్లే ఈ రోజు నేను ఈ స్ధాయికి చేరుకున్నాను. నా ప్ర‌తీ విజ‌యంలోనూ భాగ‌మ‌య్యారు. ద్వైపాక్షిక సిరీస్‌లు, ప్ర‌పంచ‌క‌ప్‌లు, ప్ర‌ధాన ఐసీసీ ఈవెంట్ల‌లో ఇంగ్లండ్‌ను గెలుపు పథంలో న‌డిపించేందుకు నా వంతు కృషి చేస్తాన‌ని" ఓ ప్ర‌క‌ట‌న‌లో బ్రూక్ పేర్కొన్నాడు.చ‌ద‌వండి: గిల్‌, సూర్య కాదు!.. టీమిండియా కెప్టెన్‌గా ఊహించని పేరు చెప్పిన కపిల్‌ దేవ్‌

టీమిండియాతో స్వ‌దేశంలో జ‌ర‌గ‌నున్న ఐదు మ్యాచ్‌ల టెస్టు సిరీస్‌కు ముందు ఇంగ్లండ్ క్రికెట్ జ‌ట్టును గాయాల బెడ‌ద వెంటాడుతోంది. ఇప్ప‌టికే స్టార్ పేస‌ర్ మార్క్ వుడ్ సేవ‌ల‌ను కోల్పోయిన ఇంగ్లండ్‌.. తాజాగా మ‌రో ఫాస్ట్ బౌల‌ర్ ఈ జాబితాలో చేరాడు.ఓలీ స్టోన్ గాయం కార‌ణంగా భార‌త్‌తో సిరీస్‌కు దూర‌మ‌య్యాడు. ఈ విష‌యాన్ని ఇంగ్లండ్ అండ్‌ వేల్స్ క్రికెట్ బోర్డు (ECB) ధ్రువీక‌రించింది. స్టోన్ ఇంగ్లండ్ త‌ర‌పున ఇప్ప‌టివ‌ర‌కు ఐదు టెస్టులు ఆడాడు. గ‌త వేస‌విలో ఇంగ్లండ్ జ‌ట్టులో రెగ్యూల‌ర్‌గా స్టోన్ ఉన్నాడు. అయితే గ‌త నెల‌లో అత‌డి కుడి మోకాలికి గాయ‌మైంది.దీంతో రాబోయే 14 వారాల పాటు ఆటకు దూరంగా ఉండ‌నున్నాడు. ఈ ఏడాది ఆగస్టు నాటికి స్టోన్ కోలుకుంటాడ‌ని ఈసీబీ పేర్కొంది. కానీ భార‌త్‌-ఇంగ్లండ్ మ‌ధ్య సిరీస్ ఆగ‌స్టు 4తో ముగియ‌నుంది. మ‌రోవైపు కెప్టెన్ బెన్ స్టోక్స్ ఫిట్‌నెస్ కూడా ఇంగ్లండ్ జ‌ట్టు మెనెజ్‌మెంట్‌ను క‌ల‌వ‌ర‌పెడుతోంది. స్టోక్స్ ప్ర‌స్తుతం తొడకండరాల గాయంతో బాధ‌ప‌డుతున్నాడు. గ‌తేడాది ఆఖ‌రిలో త‌న గాయానికి శ‌స్త్ర‌చికిత్స చేయించుకున్నాడు. అత‌డు ఇంకా పూర్తి ఫిట్‌నెస్ సాధించ‌లేదు. ఈ స్టార్ ఆల్‌ రౌండర్ వ‌చ్చే నెల‌లో కౌంటీ ఛాంపియన్‌షిప్‌లో ఉండాల్సి ఉంది.కానీ తొలి రౌండ్ మ్యాచ్‌ల‌కు స్టోక్స్ దూరం కానున్నాడ‌ని డర్హామ్ ప్రధాన కోచ్ ర్యాన్ కాంప్‌బెల్ వెల్ల‌డించాడు. క‌నీసం భార‌త్‌తో సిరీస్ నాటికైనా అత‌డి ఫిట్‌నెస్ సాధించాల‌ని ఇంగ్లండ్ అభిమానులు కోరుకుంటున్నారు.భార‌త్‌, ఇంగ్లండ్ టెస్టు సిరీస్ షెడ్యూల్ ఇదే..తొలి టెస్టు – జూన్ 20 నుంచి జూన్‌ 24 వ‌ర‌కు – హెడింగ్లీరెండో టెస్టు – జూలై 2 నుంచి జూలై 6 వ‌ర‌కు – ఎడ్జ్‌బాస్టన్మూడో టెస్టు – జూలై 10 నుంచి జూలై 14 వ‌ర‌కు – లార్డ్స్‌నాలుగో టెస్టు – జూలై 24 నుంచి జూలై 27 వ‌ర‌కు – ఓల్డ్ ట్రాఫోర్డ్ఐదో టెస్టు – జూలై 31 నుంచి ఆగ‌స్టు 4 వ‌ర‌కు – కెన్నింగ్టన్ ఓవల్చదవండి: అప్పట్లో పంజాబ్‌.. ఇప్పుడు సన్‌రైజర్స్‌: సెహ్వాగ్‌ ఘాటు విమర్శలు

ఇంగ్లండ్ మాజీ కెప్టెన్‌, లెజెండ‌రీ క్రికెట‌ర్ అలిస్ట‌ర్ కుక్‌.. ఏడేళ్ల త‌ర్వాత తిరిగి మైదానంలో అడుగుపెట్ట‌నున్నాడు. వ‌రల్డ్ ఛాంపియన్‌షిప్ ఆఫ్ లెజెండ్స్-2025లో ఇంగ్లండ్ త‌ర‌పున కుక్ ఆడ‌నున్నాడు. ఈ విష‌యాన్ని ఇంగ్లండ్ ఛాంపియ‌న్స్ కెప్టెన్ ఇయోన్ మోర్గాన్ ధ్రువీక‌రించాడు."అలిస్టర్ తిరిగి జట్టులోకి రావడం చాలా సంతోషంగా ఉంది. మేము అత‌డితో మ‌రిన్ని కొత్త జ్ఞాపకాలను సృష్టించబోతున్నాము" అని మోర్గాన్ పేర్కొన్నాడు. అదేవిధంగా కుక్ మాట్లాడుతూ.. "నా దేశం త‌ర‌పున తిరిగి ఆడే అవ‌కాశం చాలా ఆనందంగా ఉంది. ఇయోన్ మెర్గాన్, ఇత‌ర ఇంగ్లీష్ క్రికెట‌ర్ల‌తో క‌లిసి ఆడేందుకు ఆతృతగా ఎదురుచూస్తున్నాను" అని చెప్పుకొచ్చాడు.2018లో భారత్‌తో జరిగిన టెస్ట్ మ్యాచ్‌తో అంతర్జాతీయ క్రికెట్‌కు విడ్కోలు పలికిన కుక్‌.. తన పేరును ఇంగ్లండ్ క్రికెట్‌లో సువర్ణాక్షరాలతో లిఖించుకున్నాడు. తన ఆడిన చివరి ఇన్నింగ్స్‌లో కూడా కుక్ సెంచరీ సాధించాడు. టెస్టు క్రికెట్‌లో అత్య‌ధిక ప‌రుగులు చేసిన ఆట‌గాడిగా కుక్ త‌న కెరీర్‌ను ముగించాడు. అలిస్టర్ కుక్ ఇంగ్లండ్ తరఫున 161 టెస్టులు ఆడాడు. అందులో 33 సెంచరీలతో సహా 12,472 పరుగులు చేశాడు. కుక్ తన అద్భుతమైన క్రికెట్ కెరీర్‌లో.. అతను 92 వన్డేలు 4 టీ20లు ఆడాడు. అంతర్జాతీయ క్రికెట్ నుంచి రిటైర్ అయిన తర్వాత కూడా కుక్ 2023 వరకు ఎసెక్స్ తరపున కౌంటీ క్రికెట్ ఆడాడు.వ‌రల్డ్ ఛాంపియన్‌షిప్ ఆఫ్ లెజెండ్స్ రెండో సీజ‌న్ ఈ ఏడాది జూలైలో ప్రారంభం కానుంది. ఈ లీగ్‌లో యువరాజ్ సింగ్ నేతృత్వంలోని భార‌త్‌ డిఫెండింగ్ ఛాంపియ‌న్స్‌గా బ‌రిలోకి దిగ‌నుంది. అయితే ఇండియా ఛాంపియన్స్‌ మేనేజ్‌మెంట్ కెప్టెన్‌గా యువీని ఎంపిక చేసిన‌ప్ప‌టికి.. జ‌ట్టును ఇంకా ఖారారు చేయ‌లేదు.గత సీజన్‌లో పాల్గొన్న భారత ఛాంపియన్స్‌ జట్టు..అంబటి రాయుడు, గురుకీరత్‌ మాన్‌, సౌరభ్‌ తివారి, సురేశ్‌ రైనా, యూసఫ్‌ పఠాన్‌, యువరాజ్‌ సింగ్‌, ఇర్ఫాన్‌ పఠాన్‌, పవన్‌ నేగి, రాబిన్‌ ఉతప్ప, నమన్‌ ఓఝా, అనురీత్‌ సింగ్‌, ధవల్‌ కులకర్ణి, హర్భజన్‌ సింగ్‌, రాహుల్‌ శుక్లా, రాహుల్‌ శర్మ, ఆర్పీ సింగ్‌, వినయ్‌ కుమార్‌చ‌ద‌వండి: IPL 2025: రాసిపెట్టుకోండి.. ఐపీఎల్‌లో 300 ప్ల‌స్ రన్స్ కొట్టేది ఆజ‌ట్టే! ఎప్పుడంటే?

న్యూఢిల్లీ: ఐపీఎల్‌ అనంతరం జరగనున్న ఇంగ్లండ్‌ పర్యటనకు బీసీసీఐ ప్రత్యేక ప్రణాళికలు వేస్తోంది. ఈ టూర్‌లో భాగంగా ఇంగ్లండ్‌తో టీమిండియా 5 మ్యాచ్‌ల టెస్టు సిరీస్‌ ఆడనుంది. 2007 తర్వాత ఇంగ్లండ్‌ గడ్డపై భారత జట్టు టెస్టు సిరీస్‌ గెలవలేదు. దీంతో ఈసారి మెరుగైన ఫలితం సాధించాలనే ఉద్దేశంతో టెస్టు సిరీస్‌ ఆరంభానికి ముందు ఇంగ్లండ్‌ లయన్స్‌ జట్టుతో భారత ‘ఎ’ టీమ్‌ రెండు ప్రాక్టీస్‌ మ్యాచ్‌లు ఆడనుంది. ఎర్రబంతితో నాలుగు రోజుల పాటు సాగనున్న ఈ మ్యాచ్‌ల్లో ప్రధాన ఆటగాళ్లు కూడా బరిలోకి దిగే అవకాశాలున్నాయి. భారత్, ఇంగ్లండ్‌ మధ్య జూన్‌ 20 నుంచి హెడింగ్లే వేదికగా తొలి టెస్టు జరగనుంది. దానికంటే ముందే భారత ‘ఎ’ జట్టు ఇంగ్లండ్‌లో పర్యటించనుంది. ‘ఇంగ్లండ్‌ లయన్స్, భారత్‌ ‘ఎ’ జట్ల మధ్య మే 30న కాంటర్‌బరీలో తొలి ప్రాక్టీస్‌ మ్యాచ్‌ జరుగుతుంది. జూన్‌ 6 నుంచి నార్తంప్టన్‌లో రెండో మ్యాచ్‌ నిర్వహిస్తాం’ అని ఇంగ్లండ్, వెల్స్‌ క్రికెట్‌ బోర్డు (ఈసీబీ) వెల్లడించింది. ప్రస్తుతం టీమిండియా ప్లేయర్లంతా ఐపీఎల్‌లో బిజీగా ఉన్నారు. మే 25 ఐపీఎల్‌ ఫైనల్‌ జరగనుండగా... ఆ తర్వాతే ఇంగ్లండ్‌ పర్యటన ప్రారంభం కానుంది. కరుణ్‌ నాయర్‌కు పిలుపు.. దేశవాళీల్లో నిలకడగా రాణిస్తున్న సీనియర్‌ బ్యాటర్‌ కరుణ్‌ నాయర్‌ను భారత్‌ ‘ఎ’ జట్టు తరఫున ఇంగ్లండ్‌కు పంపాలని బీసీసీఐ భావిస్తోంది. విదర్భ జట్టు రంజీ ట్రోఫీ చేజిక్కించుకోవడంలో కీలకపాత్ర పోషించిన కరుణ్‌ నాయర్‌.. సయ్యద్‌ ముస్తాక్‌ అలీ ట్రోఫీలోనూ అత్యధిక పరుగులు చేసిన ఆటగాడిగా నిలిచాడు. ‘జట్టును ప్రకటించేందుకు ఇంకా చాలా సమయం ఉంది. ఐపీఎల్‌ ప్లేఆఫ్స్‌కు ముందు ఆటగాళ్ల ఎంపికపై ఒక స్పష్టత వస్తుంది’ అని బీసీసీఐ వర్గాలు వెల్లడించాయి. ఇక సొంతగడ్డపై న్యూజిలాండ్‌ చేతిలో ‘వైట్‌ వాష్‌’కు గురైన టీమిండియా... ఆ తర్వాత ఆస్ట్రేలియాతో ‘బోర్డర్‌–గావస్కర్‌ ట్రోఫీ’లోనూ ఓటమి పాలైంది. దీంతో ప్రపంచ టెస్టు చాంపియన్‌íÙప్‌ (డబ్ల్యూటీసీ) ఫైనల్‌కు అర్హత సాధించలేకపోయింది. ఇంగ్లండ్‌ పర్యటనతో టీమిండియా 2025–27 డబ్ల్యూటీసీ సైకిల్‌ను ప్రారంభించనుంది.

ఇంటర్నేషనల్‌ మాస్టర్స్‌ లీగ్‌ ఆరంభ ఎడిషన్‌ను (2025) ఇంగ్లండ్‌ మాస్టర్స్‌ ఒక్క విజయం కూడా లేకుండానే ముగించింది. నిన్న (మార్చి 12) ఆస్ట్రేలియా మాస్టర్స్‌తో జరిగిన మ్యాచ్‌లో ఇంగ్లండ్‌ 3 వికెట్ల తేడాతో ఓడింది. ఈ మ్యాచ్‌లో ఇంగ్లండ్‌ తొలుత బ్యాటింగ్‌ చేసి భారీ స్కోర్‌ చేసినా దాన్ని కాపాడుకోలేకపోయింది. ఆస్ట్రేలియా బ్యాటర్లు మరో 5 బంతులు మిగిలుండగానే లక్ష్యాన్ని ఛేదించారు.ఇంగ్లండ్‌ కెప్టెన్‌ ఇయాన్‌ మోర్గాన్‌ విధ్వంసకర హాఫ్‌ సెంచరీ.. బౌలింగ్‌లో టిమ్‌ బ్రేస్నన్‌ ఐదు వికెట్ల ఘనత వృధా అయ్యాయి.ఇయాన్‌ మోర్గాన్‌ 64, టిమ్‌ ఆంబ్రోస్‌ 69 (నాటౌట్‌), ఫిల్‌ మస్టర్డ్‌ 17, డారెన్‌ మ్యాడీ 29, బ్రేస్నన్‌ 18 (నాటౌట్‌) పరుగులు చేయడంతో ఇంగ్లండ్‌ నిర్ణీత 20 ఓవర్లలో 3 వికెట్ల నష్టానికి 209 పరుగులు చేసింది. ఆసీస్‌ బౌలర్లలో పాట్టిసన్‌, మెక్‌గెయిన్‌, స్టీవ్‌ ఓకీటీ తలో వికెట్‌ పడగొట్టారు. అనంతరం భారీ లక్ష్య ఛేదనకు దిగిన ఆస్ట్రేలియా 19.1 ఓవర్లలో 7 వికెట్లు కోల్పోయి విజయతీరాలకు చేరింది. నాథన్‌ రియర్డాన్‌ (83), డేనియల్‌ క్రిస్టియన్‌ (61) విధ్వంసకర అర్ద శతకాలు బాది ఆసీస్‌ను గెలిపించారు. విజయానికి ముందు ఆసీస్‌ కొద్దిగా తడబడింది. 19 ఓవర్లో బ్రేస్నన్‌ చెలరేగిపోయి కేవలం ఐదు పరుగులిచ్చి 3 వికెట్లు తీశాడు. అయితే అప్పటికే ఆసీస్‌ గెలుపు ఖరారైపోయింది. చివరి ఓవర్‌ రెండో బంతిని వైడ్‌గా వేసిన సైడ్‌బాటమ్‌ ఆసీస్‌కు విన్నింగ్‌ రన్‌ను ఇచ్చాడు. ఆసీస్‌ ఇన్నింగ్స్‌లో షాన్‌ మార్ష్‌ 20, బెన్‌ కట్టింగ్‌ 12, పీటర్‌ నెవిల్‌ 28, కెప్టెన్‌ షేన్‌ వాట్సన్‌ 1 (నాటౌట్‌) పరుగు చేశారు. ఆఖర్లో పాట్టిసన్‌, హిల్ఫెన్హాస్‌ డకౌట్లయ్యారు. ఇంగ్లండ్‌ బౌలర్లలో బ్రేస్నెన్‌ 5, ర్యాంకిన్‌, పనేసర్‌ తలో వికెట్‌ తీశారు.ఈ ఓటమితో ఇంగ్లండ్‌ ఒక్క విజయం కూడా లేకుండా టోర్నీ నుంచి నిష్క్రమించింది. ఈ టోర్నీలో ఇంగ్లండ్‌ 5 మ్యాచ్‌లు ఆడగా ఐదింట ఓడింది. మరోవైపు ఆసీస్‌ 5 మ్యాచ్‌ల్లో 3 విజయాలతో సెమీఫైనల్‌కు క్వాలిఫై అయ్యింది. మొత్తం 6 జట్లు పాల్గొన్న ఈ టోర్నీలో శ్రీలంక, భారత్‌, ఆస్ట్రేలియా, వెస్టిండీస్‌ సెమీస్‌కు క్వాలిఫై కాగా.. సౌతాఫ్రికా, ఇంగ్లండ్‌ టోర్నీ నుంచి నిష్క్రమించాయి. తొలి దశ మ్యాచ్‌ల అనంతరం శ్రీలంక టాప్‌లో ఉండగా.. భారత్‌, ఆస్ట్రేలియా, వెస్టిండీస్‌, సౌతాఫ్రికా, ఇంగ్లండ్‌ వరుస స్థానాల్లో ఉన్నాయి. ఇవాళ (మార్చి 13) జరుగబోయే తొలి సెమీఫైనల్లో ఆస్ట్రేలియా భారత్‌ను ఢీకొంటుంది. రేపటి రెండో సెమీస్‌లో శ్రీలంక, వెస్టిండీస్‌ తలపడతాయి. రెండు సెమీఫైనల్లో విజేతలు మార్చి 16న జరిగే ఫైనల్లో అమీతుమీ తేల్చుకుంటాయి.

ఇంటర్నేషనల్‌ మాస్టర్స్‌ లీగ్‌ 2025లో శ్రీలంక మాస్టర్స్‌ జోరు కొనసాగుతుంది. ఇంగ్లండ్‌ మాస్టర్స్‌తో నిన్న (మార్చి 10) జరిగిన మ్యాచ్‌లో శ్రీలంక 9 వికెట్ల తేడాతో ఘన విజయం సాధించింది. తద్వారా పాయింట్ల పట్టికలో భారత మాస్టర్స్‌ను వెనక్కు నెట్టి అగ్రస్థానానికి చేరుకోవడంతో పాటు నాకౌట్స్‌కు అర్హత సాధించింది. 4 మ్యాచ్‌లు ఆడినా ఒక్క విజయం కూడా సాధించని ఇంగ్లండ్‌ టోర్నీ నుంచి నిష్క్రమించింది.నిన్నటి మ్యాచ్‌లో టాస్‌ గెలిచి తొలుత బౌలింగ్‌ ఎంచుకున్న శ్రీలంక.. ఇంగ్లండ్‌ మాస్టర్స్‌ను స్వల్ప స్కోర్‌కే కట్టడి చేసింది. శ్రీలంక బౌలర్లు కలిసికట్టుగా రాణించడంతో ఇంగ్లండ్‌ నిర్ణీత 20 ఓవర్లలో 5 వికెట్ల నష్టానికి 146 పరుగులు మాత్రమే చేయగలిగింది. ఉడాన, దిల్రువన్‌ పెరీరా, గుణరత్నే, చతురంగ, జీవన్‌ మెండిస్‌ తలో వికెట్‌ తీయడంతో పాటు పొదుపుగా బౌలింగ్‌ చేశారు. ఇంగ్లండ్‌ బ్యాటర్లలో ఫిల్‌ మస్టర్డ్‌ (39 బంతుల్లో 50; 3 ఫోర్లు, 3 సిక్సర్లు) అర్ద సెంచరీతో రాణించగా.. కెప్టెన్‌ ఇయాన్‌ మోర్గాన్‌ (10), టిమ్‌ ఆంబ్రోస్‌ (17), డారెన్‌ మ్యాడీ (15), టిమ్‌ బ్రేస్నన్‌ (18 నాటౌట్‌), క్రిస్‌ ట్రెమ్లెట్‌ (14 నాటౌట్‌) రెండంకెల స్కోర్లు చేయగలిగారు. ఉడాన బంతితో సత్తా చాటడంతో పాటు ఫీల్డింగ్‌లోనూ మెరిశాడు. ఈ మ్యాచ్‌లో అతను మూడు క్యాచ్‌లు పట్టాడు.సంగక్కర విధ్వంసకర శతకంస్వల్ప లక్ష్య ఛేదనలో శ్రీలంక ఓపెనర్‌ కుమార సంగక్కర విధ్వంసకర శతకంతో విరుచుకుపడ్డాడు. సంగ 47 బంతుల్లో 19 ఫోర్లు, సిక్సర్‌ సాయంతో 106 పరుగులతో అజేయంగా నిలిచి తన జట్టును విజయతీరాలకు చేర్చాడు. సంగక్కరకు మరో ఎండ్‌లో ఎలాంటి సహకారం లభించనప్పటికీ.. ఒంటిచేత్తో శ్రీలంకను గెలిపించాడు. లంక ఇన్నింగ్స్‌లో రొమేశ్‌ కలువితరణ 16, అసేల గుణరత్నే 22 పరుగులతో అజేయంగా నిలిచాడు. సంగక్కర సుడిగాలి శతకంతో చెలరేగడంతో శ్రీలంక 12.5 ఓవర్లలోనే లక్ష్యాన్ని ఛేదించింది (వికెట్‌ కోల్పోయి). శ్రీలంక కోల్పోయిన ఏకైక వికెట్‌ (కలువితరణ) మాస్కరెన్హాస్‌కు దక్కింది.ఈ గెలుపుతో ప్రస్తుత మాస్టర్స్‌ లీగ్‌ ఎడిషన్‌లో శ్రీలంక విజయాల సంఖ్య నాలుగుకు (5 మ్యాచ్‌ల్లో) చేరింది. భారత మాస్టర్స్‌తో ఆడిన మ్యాచ్‌ మినహా శ్రీలంక అన్ని మ్యాచ్‌ల్లో విజయాలు సాధించింది. పాయింట్ల పట్టికలో భారత మాస్టర్స్‌ రెండో స్థానంలో ఉంది. భారత్‌ సైతం ఈ టోర్నీ ఇప్పటిదాకా ఆడిన 5 మ్యాచ్‌ల్లో నాలుగు విజయాలు సాధించింది. భారత్‌ ఒక్క ఆస్ట్రేలియా మాస్టర్స్‌ చేతుల్లో మాత్రమే ఓడింది. పాయింట్ల పరంగా భారత్‌, శ్రీలంక సమంగా ఉన్నప్పటికీ లంక రన్‌రేట్‌ భారత్‌తో పోలిస్తే కాస్త మెరుగ్గా ఉంది. పాయింట్ల పట్టికలో శ్రీలంక, భారత్‌ తర్వాతి స్థానాల్లో ఆస్ట్రేలియా, వెస్టిండీస్‌, సౌతాఫ్రికా ఉన్నాయి. ఆసీస్‌, విండీస్‌ తలో 4 మ్యాచ్‌లు ఆడి రెండ్రెండు విజయాలు సాధించగా.. సౌతాఫ్రికా నాలుగింట ఒకే ఒక విజయం సాధించింది. టోర్నీలో ఇప్పటివరకు ఒక్క విజయం కూడా సాధించని ఇంగ్లండ్‌ టోర్నీ నుంచి ఎలిమినేట్‌ అయ్యింది. కాగా, తొలిసారి జరుగుతున్న ఇంటర్నేషనల్‌ మాస్టర్స్‌ లీగ్‌ 6 దేశాలకు చెందిన దిగ్గజ, మాజీ క్రికెటర్లు పాల్గొంటున్న విషయం తెలిసిందే.

లండన్‌: ఇంగ్లండ్‌ తూర్పు తీరంలో ఆయిల్‌ ట్యాంకర్, సరుకు నౌక ఢీకొన్న ఘటనలో రెండు ఓడలకు మంటలు అంటుకున్నాయి. హల్‌ తీరానికి సమీపంలో సోమవారం ఉదయం 9.48 గంటల సమయంలో ప్రమాదం చోటుచేసుకుంది. రెండు నౌకల్లోని మొత్తం 37 మందిని రక్షించి ఒడ్డుకు తీసుకువచ్చినట్లు రవాణా శాఖ మంత్రి తెలిపారని స్థానిక ప్రజా ప్రతినిధి గ్రాహం స్టువార్ట్‌ చెప్పారు. వీరిలో తీవ్రగాయాలతో ఉన్న ఒకరిని ఆస్పత్రిలో చేర్పించారన్నారు. గ్రీస్‌ నుంచి వచ్చిన అమెరికాకు చెందిన ఎంవీ స్టెనా ఇమాక్యులేట్‌ పేరున్న ఆయిల్‌ ట్యాంకర్‌ గ్రీమ్స్‌బీ పోర్టులో లంగరేసి ఉంది. అదే సమయంలో, స్కాట్లాండ్‌ నుంచి నెదర్లాండ్స్‌లోని పోటర్‌డ్యామ్‌ వైపు వెళ్తున్న పోర్చుగల్‌ సరుకు నౌక సొలొంగ్‌ దానిని ఢీకొట్టింది. దీంతో, రెండు ఓడల్లో మంటలు చెలరేగాయి. సరుకు ఓడలో సోడియం సైనైడ్‌ అనే విషపూరిత రసాయన కంటెయినర్లు ఉన్నట్టు సమాచారం. బ్రిటన్‌ మారిటైం కోస్ట్‌గార్డ్‌ ఏజెన్సీ ఆ ప్రాంతానికి లైఫ్‌బోట్లను, రెస్క్యూ హెలి కాప్టర్‌ను పంపించింది. నౌకల్లో నుంచి బయటకు దూకిన వారిని లైఫ్‌బోట్లలో రక్షించి ఒడ్డుకు చేర్చారు. కాగా, స్టెనా ఇమాక్యులేట్‌ ఓడలో జెట్‌–ఏ1 ఇంధనం రవాణా అవుతోందని అమెరికాకు చెందిన మారిటైం మేనేజ్‌మెంట్‌ సంస్థ క్రౌలీ తెలిపింది. సరుకు నౌక ఢీకొట్టడంతో ట్యాంకర్‌ దెబ్బతిని ఇంధనం లీకైంది. దీంతో మంటలు వ్యాపించడంతోపాటు పలుమార్లు పేలుళ్లు సంభవించినట్లు వెల్లడించింది. ట్యాంకర్‌ నౌకలో ఉన్న మొత్తం 23 మంది సిబ్బంది సురక్షితంగా ఉన్నట్లు క్రౌలీ వివరించింది. అమెరికా సైన్యానికి అవసరమైన ఇంధనాన్ని ఈ సంస్థ సరఫరా చేస్తుంది.

ఇంగ్లండ్ క్రికెట్‌లో కెప్టెన్‌గా జోస్ బట్ల‌ర్(Jos Buttler) ప్ర‌స్థానం ముగిసింది. ఇంగ్లండ్‌ జట్టు పరిమిత ఓవర్ల ఫార్మాట్‌ కెప్టెన్సీ బాధ్యతల నుంచి తప్పుకుంటున్నట్లు జోస్‌ బట్లర్ శుక్ర‌వారం ప్రకటించాడు. చాంపియన్స్‌ ట్రోఫీలో అఫ్గానిస్తాన్‌ చేతిలో ఓడిన ఇంగ్లండ్‌ జట్టు నాకౌట్‌ రేసుకు దూరమైన నేపథ్యంలో బట్లర్‌ ఈ నిర్ణయం తీసుకున్నాడు.శనివారం దక్షిణాఫ్రికాతో మ్యాచ్‌ అనంతరం నాయకత్వ బాధ్యతల నుంచి తప్పుకోనున్నట్లు బట్లర్‌ వెల్లడించాడు. అయితే ఆటగాడిగా జట్టులో కొనసాగుతానని వెల్లడించాడు. ‘కెప్టెన్సీ నుంచి తప్పుకోవాలని నిర్ణయించుకున్నా. ఈ నిర్ణయం నాకు, జట్టుకు మేలు చేస్తుందనుకుంటున్నా. సారథ్య బాధ్యతలను ఇతరులకు అప్పగించేందుకు ఇదే సరైన సమయమని భావిస్తున్నా’ అని బట్లర్‌ వెల్లడించాడు.అయితే 2022 టీ20 ప్ర‌పంచ‌క‌ప్‌ను నాయ‌కుడిగా త‌న జ‌ట్టుకు అందించిన బట్ల‌ర్.. ఆ త‌ర్వాత జ‌రిగిన ఐసీసీ ఈవెంట్ల‌లో త‌న మార్క్‌ను చూపించ‌లేక‌పోయాడు. 2023లో భారత్‌ వేదికగా జరిగిన వన్డే ప్రపంచకప్‌, టీ20 ప్ర‌పంచ‌క‌ప్‌-2024లో లీగ్ స్టేజిలో ఇంటిముఖం ప‌ట్టిన ఇంగ్లీష్ జ‌ట్టు.. ఇప్పుడు ఛాంపియ‌న్స్ ట్రోఫీలోనూ అదే ఫ‌లితాన్ని పున‌రావృతం చేసింది. దీంతో బట్లర్ కెప్టెన్సీ పెద్ద ఎత్తున విమర్శలు వ్యక్తమవుతున్నాయి. ఈ క్రమంలోనే బట్లర్ తన కెప్టెన్సీకి రాజీనామా చేశాడు. అయితే ఇంగ్లండ్ తదుపరి కెప్టెన్ ఎవరన్నది క్రికెట్ వర్గాల్లో ప్రస్తుతం చర్చనీయాంశమైంది.కెప్టెన్‌​గా హ్యారీ బ్రూక్‌..?పరిమిత ఓవర్ల ఫార్మాట్‌లో ఇంగ్లండ్ క్రికెట్ జ‌ట్టు త‌దుప‌రి కెప్టెన్‌గా మిడిల్-ఆర్డర్ బ్యాటర్ హ్యారీ బ్రూక్ బాధ్య‌త‌లు చేప‌ట్ట‌నున్న‌ట్లు తెలుస్తోంది. బ్రూక్ ప్ర‌స్తుతం ఇంగ్లండ్ జ‌ట్టు వైస్ కెప్టెన్‌గా ఉన్నాడు. గ‌తేడాది బ‌ట్ల‌ర్ గైర్హ‌జ‌రీలో ఆస్ట్రేలియాతో జ‌రిగిన టీ20 సిరీస్‌లో ఇంగ్లండ్ జ‌ట్టు సార‌థిగా కూడా బ్రూక్ వ్య‌వ‌హ‌రించాడు.అయితే ఈ సిరీస్‌ను 3-2 తేడాతో ఇంగ్లండ్ కోల్పోయింది. అయితే జ‌ట్టులో లివింగ్ స్టోన్‌, అదిల్ ర‌షీద్, డ‌కెట్ వంటి సీనియ‌ర్లు ఉన్న‌ప్ప‌టికి .. ఇంగ్లండ్ హెడ్ కోచ్ మాత్రం బ్రూక్ వైపే మొగ్గు చూపుతున్నారు. ఇంగ్లండ్ మాజీలు సైతం బ్రూక్‌ను కెప్టెన్‌గా నియ‌మించాల‌ని ఈసీబీని సూచిస్తున్నారు. ఇంగ్లండ్ త‌మ త‌దుప‌రి వైట్‌బాల్ సిరీస్ ఈ ఏడాది మేలో వెస్టిండీస్‌తో ఆడ‌నుంది. ఈ గ్యాపులో ఇంగ్లండ్‌ క్రికెట్‌ జట్టుకు కొత్త వైట్‌బాల్‌ కెప్టెన్‌ వచ్చే ఛాన్స్‌ ఉంది.చదవండి: Champions Trophy: టీమిండియాకు గుడ్‌ న్యూస్‌​..

ఇంగ్లండ్‌ పరిమిత ఓవర్ల కెప్టెన్సీకి (England White Ball Captaincy) జోస్‌ బట్లర్‌ (Jos Buttler) రాజీనామా చేశాడు. ఛాంపియన్స్‌ ట్రోఫీ-2025లో (Champions Trophy) ఇంగ్లండ్‌ గ్రూప్‌ దశలోనే నిష్క్రమించిన నేపథ్‌యంలో బట్లర్‌ ఈ నిర్ణయం​ తీసుకున్నాడు. సౌతాఫ్రికాతో రేపు (మార్చి 1) జరుగబోయే మ్యాచ్‌ ఇంగ్లండ్‌ వైట్‌ బాల్‌ కెప్టెన్‌గా బట్లర్‌కు చివరిది. 2022 జూన్‌లో బట్లర్‌ ఇంగ్లండ్‌ ఫుల్‌ టైమ్‌ వైట్‌ బాల్‌ కెప్టెన్‌గా బాధ్యతలు చేపట్టాడు. ఇయాన్‌ మోర్గాన్‌ నుంచి బట్లర్‌ బాధ్యతలు స్వీకరించాడు. బట్లర్‌ సారథ్యంలో ఇంగ్లండ్‌ 2022 టీ20 వరల్డ్‌కప్‌ గెలిచింది. బట్లర్‌ సారథ్యంలో ఇంగ్లండ్‌ వన్డేల్లో దారుణంగా విఫలమైంది. బట్లర్‌ కెప్టెన్సీలో ఇంగ్లండ్‌ 12 మ్యాచ్‌ల్లో గెలిచి 22 మ్యాచ్‌ల్లో ఓటమిపాలైంది. 2023 వన్డే వరల్డ్‌కప్‌లో బట్లర్‌ నేతృత్వంలోని ఇంగ్లండ్‌ ఏడో స్థానంలో నిలిచి, సెమీస్‌కు చేరకుండానే నిష్క్రమించింది. వన్డే వరల్డ్‌కప్‌ తర్వాత బట్లర్‌ నేతృత్వంలో ఇంగ్లండ్‌ 17లో 13 వన్డేలు ఓడింది.ఛాంపియన్స్‌ ట్రోఫీ-2025 తొలి మ్యాచ్‌లో ఇంగ్లండ్‌ భారీ స్కోర్‌ చేసినప్పటికీ ఆస్ట్రేలియా చేతిలో ఓటమిపాలైంది. అనంతరం రెండో మ్యాచ్‌లో పసికూన ఆఫ్ఘనిస్తాన్‌ చేతిలో స్వల్ప తేడాతో ఓటమిపాలై టోర్నీ నుంచి నిష్క్రమించింది. ఈ మ్యాచ్‌ పూర్తయిన వెంటనే బట్లర్‌ రాజీనామా విషయమై హింట్‌ ఇచ్చాడు. తాజాగా అధికారికంగా తన రాజీనామాను ప్రకటించాడు. భారత్‌ సిరీస్‌లోనూ ఘోర పరాభవంబట్లర్‌ నేతృత్వంలోని ఇంగ్లండ్‌ జట్టు ఛాంపియన్స్‌ ట్రోఫీకి ముందు భారత పర్యటనలోనూ దారుణంగా విఫలమైంది. ఈ పర్యటనలో ఇంగ్లండ్‌ ఐదు మ్యాచ్‌ల టీ20 సిరీస్‌ను 1-4 తేడాతో.. మూడు మ్యాచ్‌ల వన్డే సిరీస్‌ను 0-3 తేడాతో (క్లీన్‌ స్వీప్‌) కోల్పోయింది. భారత​్‌తో సిరీస్‌లు ముగిసిన వెంటనే బట్లర్‌పై విమర్శలు తారాస్థాయికి చేరాయి. కెప్టెన్సీ నుంచి తప్పుకోవాలని పెద్ద ఎత్తును డిమాండ్లు వినిపించాయి.వ్యక్తిగతంగానూ దారుణంగా విఫలమవుతున్న బట్లర్‌పరిమిత ఓవర్లలో జట్టును విజయవంతంగా నడిపించలేకపోయిన బట్లర్‌.. వ్యక్తిగతంగానూ దారుణంగా విఫలమయ్యాడు. బట్లర్‌ బ్యాట్‌ నుంచి ఓ మంచి ఇన్నింగ్స్‌ జాలువారి చాలాకాలం అయ్యింది. భారత్‌ పర్యటనలో.. ప్రస్తుతం ఛాంపియన్స్‌ ట్రోఫీలోనూ బట్లర్‌ తేలిపోయాడు. ఫామ్‌ లేమితో సతమతమవుతున్న బట్లర్‌ గాయాలతోనూ వేధించబడుతున్నాడు. 2023 వన్డే వరల్డ్‌కప్‌, 2024 టీ20 వరల్డ్‌కప్‌లో డిఫెండింగ్‌ ఛాంపియన్‌గా బరిలోకి దిగిన ఇంగ్లండ్‌.. బట్లర్‌ నాయకత్వంలో టైటిల్‌ నిలబెట్టుకోవడంలో విఫలమైంది. ఇంగ్లండ్‌ తదుపరి వైట్‌ బాల్‌ కెప్టెన్‌గా హ్యారీ బ్రూక్‌ను నియమించాలని ఆ దేశ అభిమానలు కోరుకుంటున్నారు.

ఇంటర్నేషనల్‌ మాస్టర్స్‌ లీగ్‌లో (International Masters League 2025) ఇవాళ (ఫిబ్రవరి 27) వెస్టిండీస్‌ మాస్టర్స్‌, ఇంగ్లండ్‌ మాస్టర్స్‌ జట్లు తలపడుతున్నాయి. నవీ ముంబై వేదికగా జరుగుతున్న ఈ మ్యాచ్‌లో ఇంగ్లండ్‌ టాస్‌ గెలిచి వెస్టిండీస్‌ను బ్యాటింగ్‌కు ఆహ్వానించింది. విధ్వంసకర ఆటగాడు, యూనివర్సల్‌ బాస్‌ క్రిస్‌ గేల్‌ (Chris Gayle) చెలరేగండతో విండీస్‌ నిర్ణీత 20 ఓవర్లలో 6 వికెట్ల నష్టానికి 179 పరుగులు చేసింది. గేల్‌తో పాటు మరో ఓపెనర్‌ డ్వేన్‌ స్మిత్‌ , నర్సింగ్‌ డియోనరైన్‌, ఆష్లే నర్స్‌ కూడా చెలరేగారు. గేల్‌ 19 బంతులు ఎదుర్కొని 3 బౌండరీలు, 4 సిక్సర్ల సాయంతో 39 పరుగులు చేశాడు. ఈ మ్యాచ్‌లో గేల్‌ పాత రోజులను గుర్తు చేశాడు. లేటు వయసులోనూ విధ్వంసం సృష్టించాడు. డ్వేన్‌ సైతం వేగంగా పరుగులు సాధించాడు. 25 బంతుల్లో 4 ఫోర్లు, 2 సిక్సర్ల సాయంతో 35 పరుగులు చేశాడు. డియోనరైన్‌ 23 బంతుల్లో 3 సిక్సర్ల సాయంతో 35 పరుగులు చేసి అజేయంగా నిలిచాడు. ఆఖర్లో ఆష్లే నర్స్‌ 13 బంతుల్లో 2 బౌండరీలు, 2 సిక్సర్ల సాయంతో 29 పరుగులు చేశాడు. విండీస్‌ ఇన్నింగ్స్‌లో కిర్క్‌ ఎడ్వర్డ్స్‌ 9, చాడ్విక్‌ వాల్టన్‌ 9, దినేశ్‌ రామ్‌దిన్‌ 8, జెరోమ్‌ టేలర్‌ ఒక్క పరుగు చేశారు. ఇంగ్లండ్‌ బౌలర్లలో మాంటీ పనేసర్‌ 3 వికెట్లు తీయగా.. క్రిస్‌ స్కోఫీల్డ్‌ 2, క్రిస్‌ ట్రెమ్లెట్‌ ఓ వికెట్‌ పడగొట్టారు.కాగా, ఇంటర్నేషనల్‌ మాస్టర్స్‌ లీగ్‌ ఈ ఏడాదే ప్రారంభమైన విషయం తెలిసిందే. ఈ లీగ్‌లో 6 దేశాలకు (భారత్‌, శ్రీలంక. వెస్టిండీస్‌, ఆస్ట్రేలియా, సౌతాఫ్రికా, ఇంగ్లండ్‌) చెందిన దిగ్గజాలు, మాజీ క్రికెటర్లు పాల్గొంటున్నారు. భారత్‌కు సచిన్‌, శ్రీలంకకు సంగక్కర, వెస్టిండీస్‌కు బ్రియాన్‌ లారా, ఆస్ట్రేలియాకు షేన్‌ వాట్సన్‌, సౌతాఫ్రికాకు జాక్‌ కల్లిస్‌, ఇంగ్లండ్‌కు ఇయాన్‌ మోర్గాన్‌ సారథ్యం వహిస్తున్నారు. భారత మాస్టర్స్‌ జట్టులో సచిన్‌తో పాటు యువరాజ్‌ సింగ్‌, సురేశ్‌ రైనా, ఇర్ఫాన్‌ పఠాన్‌, యూసఫ్‌ పఠాన్‌, అంబటి రాయుడు తదితర మాజీ స్టార్‌ ఆటగాళ్లు పాల్గొననున్నారు.ఈ ఎడిషన్‌లో ఇప్పటివరకు జరిగిన మ్యాచ్‌ల్లో భారత్‌ అత్యధిక మ్యాచ్‌లు గెలిచింది. భారత మాస్టర్స్‌.. శ్రీలంక, ఇంగ్లండ్‌ మాస్టర్స్‌పై విజయాలు సాధించారు. మరో రెండు మ్యాచ్‌ల్లో ఆస్ట్రేలియా మాస్టర్స్‌పై విండీస్‌.. సౌతాఫ్రికా మాస్టర్స్‌పై శ్రీలంక మాస్టర్స్‌ విజయాలు సాధించారు. ప్రస్తుతం పాయింట్ల పట్టికలో భారత్‌ అగ్రస్థానంలో ఉండగా.. శ్రీలంక, వెస్టిండీస్‌, ఆస్ట్రేలియా, సౌతాఫ్రికా, ఇంగ్లండ్‌ జట్లు ఆతర్వాతి స్థానాల్లో ఉన్నాయి.

రెండేళ్ల క్రితం వన్డే వరల్డ్‌ కప్‌లో అఫ్గానిస్తాన్‌ చేతిలో ఇంగ్లండ్‌ ఓటమి పాలైంది. ఆ రోజు అది ఒక సంచలనంగా కనిపించింది. ఇప్పుడు మరో ఐసీసీ టోర్నీలో మళ్లీ చెలరేగిన అఫ్గానిస్తాన్‌ అదే తరహా ఆటతో మళ్లీ ఇంగ్లండ్‌ పని పట్టింది. ఇప్పుడిది సంచలనం కాదు సాధారణమని నిరూపించింది. స్ఫూర్తిదాయక ఆటతో అదరగొట్టిన అఫ్గానిస్తాన్‌ చాంపియన్స్‌ ట్రోఫీలో తమ సెమీఫైనల్‌ ఆశలను సజీవంగా ఉంచుకోగా... వరుసగా రెండో ఓటమితో ఇంగ్లండ్‌ నిష్క్రమించింది.చాంపియన్స్‌ ట్రోఫీ చరిత్రలో అత్యధిక వ్యక్తిగత స్కోరుతో ఇబ్రహీమ్‌ జద్రాన్‌ తన టీమ్‌కు భారీ స్కోరును అందించగా... బౌలింగ్‌లో ఐదు వికెట్లతో అజ్మతుల్లా టీమ్‌ను నిలబెట్టాడు. ఆరేళ్ల తర్వాత వన్డేల్లో సెంచరీ చేసిన జో రూట్‌ ఎంతో పోరాడినా... విజయానికి 26 బంతుల్లో 39 పరుగులు చేయాల్సిన దశలో అతను అవుటవ్వడం ఇంగ్లండ్‌ ఓటమికి కారణమైంది. లాహోర్‌: చాంపియన్స్‌ ట్రోఫీ గ్రూప్‌ ‘బి’లో ఇంకా ఆసక్తికర పోటీ సాగుతోంది. ఆ్రస్టేలియా, దక్షిణాఫ్రికాలతో పాటు ఇప్పుడు అఫ్గానిస్తాన్‌ కూడా సెమీఫైనల్‌ రేసులోకి వచ్చింది. బుధవారం జరిగిన మ్యాచ్‌లో అఫ్గానిస్తాన్‌ 8 పరుగుల తేడాతో ఇంగ్లండ్‌ను ఓడించింది. టాస్‌ గెలిచి బ్యాటింగ్‌ ఎంచుకున్న అఫ్గానిస్తాన్‌ నిరీ్ణత 50 ఓవర్లలో 7 వికెట్ల నష్టానికి 325 పరుగులు సాధించింది. ‘ప్లేయర్‌ ఆఫ్‌ ద మ్యాచ్‌’ ఇబ్రహీమ్‌ జద్రాన్‌ (146 బంతుల్లో 177; 12 ఫోర్లు, 6 సిక్స్‌లు) భారీ సెంచరీ బాదగా... అజ్మతుల్లా (31 బంతుల్లో 41; 1 ఫోర్, 3 సిక్స్‌లు), మొహమ్మద్‌ నబీ (24 బంతుల్లో 40; 2 ఫోర్లు, 3 సిక్స్‌లు), కెప్టెన్‌ హష్మతుల్లా (67 బంతుల్లో 40; 3 ఫోర్లు) సహకరించారు. అనంతరం ఇంగ్లండ్‌ 49.5 ఓవర్లలో 317 పరుగులకు ఆలౌటైంది. జో రూట్‌ (111 బంతుల్లో 120; 11 ఫోర్లు, 1 సిక్స్‌) సెంచరీ చేయగా...అఫ్గాన్‌ బౌలర్‌ అజ్మతుల్లా ఒమర్జాయ్‌ (5/58) ప్రత్యరి్థని దెబ్బ తీశాడు. శుక్రవారం జరిగే తమ చివరి లీగ్‌ మ్యాచ్‌లో ఆ్రస్టేలియాతో అఫ్గానిస్తాన్‌; శనివారం జరిగే మ్యాచ్‌లో దక్షిణాఫ్రికాతో ఇంగ్లండ్‌ తలపడతాయి. ఆ్రస్టేలియా, దక్షిణాఫ్రికా 3 పాయింట్లతో సంయుక్తంగా అగ్రస్థానంలో ఉండగా... అఫ్గానిస్తాన్‌ ఖాతాలో 2 పాయింట్లున్నాయి. చివరి మ్యాచ్‌లో ఇంగ్లండ్‌ నెగ్గినా ఆ జట్టుకు రెండు పాయింట్లు మాత్రమే లభిస్తాయి. భారీ భాగస్వామ్యాలు... ఇంగ్లండ్‌ ఆరంభంలో కట్టుదిట్టంగా బౌలింగ్‌ చేయడంతో అఫ్గాన్‌ బ్యాటర్లు పరుగులు చేయడానికి ఇబ్బంది పడ్డారు. ఇదే ఒత్తిడిలో జట్టు 26 పరుగుల వ్యవధిలో 3 వికెట్లు కోల్పోయింది. ఒకే ఓవర్లో గుర్బాజ్‌ (6), సాదిఖుల్లా (4)లను అవుట్‌ చేసిన ఆర్చర్‌ ఆ తర్వాత రహ్మత్‌ షా (4)ను కూడా వెనక్కి పంపాడు. తొలి 10 ఓవర్లలో 3 ఫోర్లు, 1 సిక్స్‌తో అఫ్గాన్‌ 39 పరుగులే చేసింది. అయితే ఆ తర్వాతి మూడు భాగస్వామ్యాలు అఫ్గాన్‌ను భారీ స్కోరు దిశగా నడిపించాయి. దూకుడైన బ్యాటింగ్‌తో చెలరేగిన ఇబ్రహీమ్‌ వరుసగా నాలుగు, ఐదు, ఆరో వికెట్‌లకు హష్మతుల్లాతో 103 పరుగులు, అజ్మతుల్లాతో 72 పరుగులు, నబీతో 111 పరుగులు జోడించాడు. ఒవర్టన్‌ ఓవర్లో 2 ఫోర్లు, సిక్స్‌ కొట్టిన ఇబ్రహీమ్‌...106 బంతుల్లో వన్డేల్లో ఆరో సెంచరీని పూర్తి చేసుకున్నాడు. 40వ ఓవర్‌ తర్వాత అఫ్గాన్‌ బ్యాటింగ్‌ మరింత ధాటిగా సాగింది. ఆర్చర్‌ ఓవర్లో ఇబ్రహీమ్‌ 3 ఫోర్లు, సిక్స్‌ బాదగా... రూట్‌ ఓవర్లో నబీ 2 ఫోర్లు, 2 సిక్స్‌లు కొట్టాడు. మెరుపు ప్రదర్శన చేసిన ఇబ్రహీమ్‌ చివరి ఓవర్‌ తొలి బంతికి అవుటయ్యాడు. ఆఖరి 10 ఓవర్లలో అఫ్గానిస్తాన్‌ 113 పరుగులు సాధించడం విశేషం. రూట్‌ మినహా... సాల్ట్‌ (12), జేమీ స్మిత్‌ (9) ఆరంభంలోనే వెనుదిరగడంతో భారీ ఛేదనలో ఇంగ్లండ్‌కు సరైన ఆరంభం లభించలేదు. అయితే రూట్, డకెట్‌ (45 బంతుల్లో 38; 4 ఫోర్లు) కలిసి జట్టును ఆదుకున్నారు. ఈ భాగస్వామ్యం తర్వాత బ్రూక్‌ (25), బట్లర్‌ (42 బంతుల్లో 38; 2 సిక్స్‌లు) కూడా కొద్దిసేపు రూట్‌కు సహకరించారు. అయితే వరుస విరామాల్లో వికెట్లు కోల్పోవడంతో ఇంగ్లండ్‌ ఇన్నింగ్స్‌ సరైన రీతిలో సాగలేదు. రూట్, ఒవర్టన్‌ (28 బంతుల్లో 32; 3 ఫోర్లు) భాగస్వామ్యం కొద్దిగా ఇంగ్లండ్‌ విజయంపై ఆశలు రేపింది. 101 బంతుల్లో రూట్‌ వన్డేల్లో 17వ సెంచరీ పూర్తి చేసుకున్నాడు. అయితే చక్కటి బంతితో రూట్‌ను అజ్మతుల్లా బోల్తా కొట్టించిన తర్వాత ఒక్కసారిగా మ్యాచ్‌ అఫ్గాన్‌ వైపు మొగ్గింది.స్కోరు వివరాలు అఫ్గానిస్తాన్‌ ఇన్నింగ్స్‌: గుర్బాజ్‌ (బి) ఆర్చర్‌ 6; ఇబ్రహీమ్‌ (సి) ఆర్చర్‌ (బి) లివింగ్‌స్టోన్‌ 177; సాదిఖుల్లా (ఎల్బీ) (బి) ఆర్చర్‌ 4; రహ్మత్‌ షా (సి) ఆదిల్‌ రషీద్‌ (బి) ఆర్చర్‌ 4; హష్మతుల్లా (బి) రషీద్‌ 40; అజ్మతుల్లా (సి) (సబ్‌) బాంటన్‌ (బి) ఒవర్టన్‌ 41; నబీ (సి) రూట్‌ (బి) లివింగ్‌స్టోన్‌ 40; గుల్బదిన్‌ (నాటౌట్‌) 1; రషీద్‌ ఖాన్‌ (నాటౌట్‌) 1; ఎక్స్‌ట్రాలు 11; మొత్తం (50 ఓవర్లలో 7 వికెట్లకు) 325. వికెట్ల పతనం: 1–11, 2–15, 3–37, 4–140, 5–212, 6–323, 7–324. బౌలింగ్‌: ఆర్చర్‌ 10–0–64–3, మార్క్‌ వుడ్‌ 8–0–50–0, ఒవర్టన్‌ 10–0–72–1, ఆదిల్‌ రషీద్‌ 10–0–60–1, రూట్‌ 7–0–47–0, లివింగ్‌స్టోన్‌ 5–0–28–2. ఇంగ్లండ్‌ ఇన్నింగ్స్‌: సాల్ట్‌ (బి) అజ్మతుల్లా 12; డకెట్‌ (ఎల్బీ) (బి) రషీద్‌ 38; స్మిత్‌ (సి) అజ్మతుల్లా (బి) నబీ 9; రూట్‌ (సి) గుర్బాజ్‌ (బి) అజ్మతుల్లా 120; బ్రూక్‌ (సి అండ్‌ బి) నబీ 25; బట్లర్‌ (సి) రహ్మతుల్లా (బి) అజ్మతుల్లా 38; లివింగ్‌స్టోన్‌ (సి) గుర్బాజ్‌ (బి) గుల్బదిన్‌ 10; ఒవర్టన్‌ (సి) నబీ (బి) అజ్మతుల్లా 32; ఆర్చర్‌ (సి) నబీ (బి) ఫారుఖీ 14; రషీద్‌ (సి) ఇబ్రహీమ్‌ (బి) అజ్మతుల్లా 5; వుడ్‌ (నాటౌట్‌) 2; ఎక్స్‌ట్రాలు 12; మొత్తం (49.5 ఓవర్లలో ఆలౌట్‌) 317. వికెట్ల పతనం: 1–19, 2–30, 3–98, 4–133, 5–216, 6–233, 7–287, 8–309, 9–313, 10–317. బౌలింగ్‌: ఫారుఖీ 10–0–62–1, అజ్మతుల్లా 9.5–0–58–5, నబీ 8–0–57–2, రషీద్‌ ఖాన్‌ 10–0–66–1, నూర్‌ 10–0–51–0, గుల్బదిన్‌ 2–0–16–1. చాంపియన్స్‌ ట్రోఫీలో నేడుపాకిస్తాన్‌ X బంగ్లాదేశ్‌స్టార్‌ స్పోర్ట్స్, జియోహాట్‌స్టార్‌లో ప్రత్యక్ష ప్రసారం

అంతర్జాతీయ క్రికెట్‌లో ఇంగ్లండ్‌ స్టార్‌ ఆటగాడు జో రూట్‌ మరో సెంచరీ చేశాడు. రూట్‌.. వన్డేల్లో దాదాపు ఆరేళ్ల తర్వాత శతక్కొట్టాడు. ఛాంపియన్స్‌ ట్రోఫీ-2025లో భాగంగా ఆఫ్ఘనిస్తాన్‌తో జరుగుతున్న మ్యాచ్‌లో రూట్‌ సెంచరీతో మెరిశాడు. భారీ లక్ష్య ఛేదనలో రూట్‌ అద్భుతమైన శతకాన్ని సాధించాడు. ఈ మ్యాచ్‌లో రూట్‌ 98 బంతుల్లో 10 ఫోర్ల సాయంతో సెంచరీ పూర్తి చేశాడు. రూట్‌కు వన్డేల్లో ఇది 17వ సెంచరీ. ఓవరాల్‌గా (టెస్ట్‌ల్లో, వన్డేల్లో కలిపి) 53వది. ప్రస్తుతం యాక్టివ్‌గా ఉన్న ప్లేయర్లలో అత్యధిక సెంచరీలు చేసిన ఆటగాళ్ల జాబితాలో రూట్‌.. విరాట్‌ కోహ్లి తర్వాతి స్థానంలో ఉన్నాడు. కోహ్లి ఇప్పటివరకు 82 సెంచరీలు చేయగా.. రూట్‌ 53, రోహిత్‌ శర్మ 49, స్టీవ్‌ స్మిత్‌ 48, కేన్‌ విలియమ్సన్‌ 47 అంతర్జాతీయ సెంచరీలు చేశారు. రూట్‌ సెంచరీతో ప్రస్తుత ఛాంపియన్స్‌ ట్రోఫీలో సెంచరీల సంఖ్య 11కు చేరింది. ఛాంపియన్స్‌ ట్రోఫీ ఏ ఎడిషన్‌లోనూ ఇన్ని సెంచరీలు నమోదు కాలేదు. రూట్‌ వన్డేల్లో చివరిగా 2019లో సెంచరీ చేశాడు.మ్యాచ్‌ విషయానికొస్తే.. రూట్‌ సెంచరీతో మెరిసినా ఇంగ్లండ్‌కు ఓటమి తప్పేలా లేదు. ఆఫ్ఘనిస్తాన్‌ నిర్దేశించిన 326 పరుగుల లక్ష్య ఛేదనలో ఇంగ్లండ్‌ తడబడుతుంది. ప్రస్తుతం ఆ జట్టు 44 ఓవర్లలో 6 వికెట్లు కోల్పోయి 268 పరుగులు చేసింది. ఈ మ్యాచ్‌లో ఇంగ్లండ్‌ గెలవాలంటే 36 బంతుల్లో 58 పరుగులు చేయాలి. చేతిలో మరో 4 వికెట్లు మాత్రమే ఉన్నాయి. రూట్‌ 107, జేమీ ఓవర్టన్‌ 18 పరుగులతో క్రీజ్‌లో ఉన్నారు. ఇంగ్లండ్‌ ఇన్నింగ్స్‌లో ఫిల్‌ సాల్ట్‌ 12, బెన్‌ డకెట్‌ 38, జేమీ స్మిత్‌ 9, హ్యారీ బ్రూక్‌ 38, జోస్‌ బట్లర్‌ 38, లివింగ్‌స్టోన్‌ 10 పరుగులు చేసి ఔటయ్యారు. ఆఫ్ఘనిస్తాన్‌ బౌలర్లలో ఒమర్‌జాయ్‌, నబీ తలో రెండు వికెట్లు పడగొట్టగా.. రషీద్‌ ఖాన్‌, గుల్బదిన్‌ నైబ్‌ చెరో వికెట్‌ దక్కించుకున్నారు.అంతకుముందు ఇబ్రహీం జద్రాన్‌ రికార్డు శతకంతో చెలరేగడంతో ఆఫ్ఘనిస్తాన్‌ నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఈ మ్యాచ్‌లో జద్రాన్‌ 146 బంతుల్లో డజను ఫోర్లు, అర డజను సిక్సర్ల సాయంతో 177 పరుగులు చేసి ఔటయ్యాడు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.

ఛాంపియన్స్‌ ట్రోఫీ-2025లో (Champions Trophy) భాగంగా ఆఫ్ఘనిస్తాన్‌తో ఇవాళ (ఫిబ్రవరి 26) జరుగుతున్న మ్యాచ్‌లో ఇంగ్లండ్‌ ఓపెనర్‌ బెన్‌ డకెట్‌ (Ben Duckett) 1000 పరుగుల మైలురాయిని తాకాడు. ఈ మ్యాచ్‌లో 38 పరుగులు చేసి ఔటైన డకెట్‌.. 4 పరుగుల వ్యక్తిగత స్కోర్‌ వద్ద ఈ ఘనత సాధించాడు. 21 ఇన్నింగ్స్‌ల్లో 6 అర్ద సెంచరీలు, 3 సెంచరీల సాయంతో 1000 పరుగులు పూర్తి చేసుకున్న డకెట్‌.. ఇంగ్లండ్‌ తరఫున అత్యంత వేగంగా ఈ ఘనత సాధించిన ఆటగాడిగా రికార్డు నెలకొల్పాడు. ఈ రికార్డును డకెట్‌.. కెవిన్‌ పీటర్సన్‌, జోనాథన్‌ ట్రాట్‌, డేవిడ్‌ మలాన్‌తో కలిసి షేర్‌ చేసుకున్నాడు. ఈ ముగ్గురు కూడా 21 ఇన్నింగ్స్‌ల్లోనే 1000 పరుగుల మార్కును తాకారు.ఓవరాల్‌గా ఈ రికార్డును డకెట్‌.. వివ్‌ రిచర్డ్స్‌, క్వింటన్‌ డికాక్‌, బాబర్‌ ఆజమ్‌, రస్సీ వాన్‌ డర్‌ డస్సెన్‌లతో కూడా షేర్‌ చేసుకున్నాడు. వీరు కూడా 21 ఇన్నింగ్స్‌ల్లోనే 1000 పరుగులు పూర్తి చేసుకున్నారు. వన్డేల్లో అత్యంత వేగంగా 1000 పరుగులు పూర్తి చేసుకున్న రికార్డు పాక్‌ బ్యాటర్‌ ఫకర్‌ జమాన్‌ పేరిట ఉంది. జమాన్‌ కేవలం 18 ఇన్నింగ్స్‌ల్లోనే ఈ ఘనత సాధించాడు. ఫకర్‌ తర్వాత అత్యంత వేగంగా ఈ ఘనత సాధించిన రికార్డు ఇమామ్‌ ఉల్‌ హాక్‌, శుభ్‌మన్‌ గిల్‌ పేరిట ఉంది. వీరిద్దరు 1000 పరుగులు పూర్తి చేసేందుకు 19 ఇన్నింగ్స్‌లు తీసుకున్నారు.కెరీర్‌లో తొలి 1000 పరుగులు పూర్తి చేసేందుకు అ‍త్యధిక సమయం​ తీసుకున్న బ్యాటర్‌గా డకెట్‌ మరో రికార్డును తన ఖాతాలో వేసుకున్నాడు. 2016 అక్టోబర్‌లో తొలి వన్డే ఆడిన డకెట్‌.. 8 ఏళ్ల 143 రోజుల తర్వాత 1000 పరుగులు పూర్తి చేశాడు. డకెట్‌ తర్వాత 1000 పరుగులు పూర్తి చేసేందుకు సుదీర్ఘ సమయం తీసుకున్న ఆటగాడిగా టెంబా బవుమా నిలిచాడు. బవుమా 6 ఏళ్ల 174 రోజుల వ్యవధిలో తన తొలి 1000 వన్డే పరుగులు పూర్తి చేశాడు.జద్రాన్‌ రికార్డు సెంచరీ.. ఆఫ్ఘనిస్తాన్‌ భారీ స్కోర్‌టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌.. యువ ఓపెనర్‌ ఇబ్రహీం జద్రాన్‌ రికార్డు శతకంతో చెలరేగడంతో నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఈ మ్యాచ్‌లో జద్రాన్‌ 146 బంతుల్లో డజను ఫోర్లు, అర డజను సిక్సర్ల సాయంతో 177 పరుగులు చేసి ఔటయ్యాడు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన ఇంగ్లండ్‌.. 27 ఓవర్ల అనంతరం 4 వికెట్లు కోల్పోయి 153 పరుగులు చేసింది. ఫిలిప్‌ సాల్ట్‌ 12, బెన్‌ డకెట్‌ 38, జేమీ స్మిత్‌ 9, హ్యారీ బ్రూక్‌ 25 పరుగులు చేసి ఔట్‌ కాగా.. జో రూట్‌ (52), జోస్‌ బట్లర్‌ (9) క్రీజ్‌లో ఉన్నారు. ఆఫ్ఘన్‌ బౌలర్లలో నబీ 2, ఒమర్‌జాయ్‌, రషీద్‌ ఖాన్‌ తలో వికెట్‌ తీశారు. ఈ మ్యాచ్‌లో ఇంగ్లండ్‌ గెలుపొందాలంటే 23 ఓవర్లలో మరో 173 పరుగులు చేయాలి.

ఛాంపియన్స్‌ ట్రోఫీ-2025లో (Champions Trophy) భాగంగా ఆఫ్ఘనిస్తాన్‌తో (Afghanistan) ఇవాళ (ఫిబ్రవరి 26) జరుగుతున్న కీలకమైన మ్యాచ్‌లో ఇంగ్లండ్‌ (England) పేసర్‌ జోఫ్రా ఆర్చర్‌ (Jofra Archer) చెలరేగిపోయాడు. ఈ మ్యాచ్‌లో ప్రస్తుతానికి (6 ఓవర్లు) మూడు వికెట్లు తీసిన ఆర్చర్‌.. తొలి వికెట్‌తో ఓ భారీ రికార్డును తన పేరిట లిఖించుకున్నాడు. వన్డేల్లో ఇంగ్లండ్‌ తరఫున అత్యంత వేగంగా 50 వికెట్లు తీసిన బౌలర్‌గా రికార్డు నెలకొల్పాడు. వన్డేల్లో 50 వికెట్ల మార్కును చేరుకునేందుకు ఆర్చర్‌కు కేవలం 30 మ్యాచ్‌లు మాత్రమే అవసరమయ్యాయి. గతంలో ఈ రికార్డు జేమ్స్‌ ఆండర్సన్‌ పేరిట ఉండేది. ఆండర్సన్‌ 31 వన్డేల్లో 50 వికెట్ల మార్కును తాకాడు. ఇంగ్లండ్‌ బౌలర్లు స్టీవ్‌ హార్మిసన్‌ 32, స్టీవ్‌ ఫిన్‌ 33 వన్డేల్లో 50 వికెట్లు తీశారు. వన్డేల్లో అత్యంత వేగంగా 50 వికెట్లు తీసిన రికార్డు శ్రీలంక మాజీ స్పిన్నర్‌ అజంతా మెండిస్‌ పేరిట ఉంది. మెండిస్‌ కేవలం 19 మ్యాచ్‌ల్లోనే ఈ మైలురాయిని తాకాడు. మెండిస్‌ తర్వాత నేపాల్‌ బౌలర్‌ సందీప్‌ లామిచ్చేన్‌ (22 మ్యాచ్‌ల్లో) అత్యంత వేగంగా 50 వికెట్ల మైలురాయిని తాకాడు.వన్డేల్లో అత్యంత వేగంగా 50 వికెట్లు తీసిన టాప్‌-5 బౌలర్లు..అజంత మెండిస్‌-19 మ్యాచ్‌లుసందీప్‌ లామిచ్చేన్‌-22అజిత్‌ అగార్కర్‌-23మెక్‌క్లెనగన్‌-23కుల్దీప్‌ యాదవ్‌-24మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌కు దిగిన ఆఫ్ఘనిస్తాన్‌ జోఫ్రా ఆర్చర్‌ ధాటి​​కి ఆదిలోనే మూడు వికెట్లు కోల్పోయి కష్టాల్లో పడింది. ఆర్చర్‌.. 11 పరుగుల వద్ద గుర్భాజ్‌ను (6), 15 పరుగుల వద్ద సెదికుల్లా అటల్‌ను (4).. 37 పరుగుల వద్ద రహ్మత్‌ షాను (4) ఔట్‌ చేశాడు. అయితే ఇబ్రహీం జద్రాన్‌, కెప్టెన్‌ హష్మతుల్లా షాహిది నాలుగో వికెట్‌కు 103 పరుగులు జోడించి ఆఫ్ఘనిస్తాన్‌ ఇన్నింగ్స్‌కు జీవం పోశారు. హష్మతుల్లా 40 పరుగులు చేసి ఆదిల్‌ రషీద్‌ బౌలింగ్‌లో ఔటయ్యాడు. అనంతరం జద్రాన్‌..అజ్మతుల్లా ఒమర్‌జాయ్‌ (29 నాటౌట్‌) సాయంతో సెంచరీ పూర్తి చేసుకున్నాడు. జద్రాన్‌కు ఇది వన్డేల్లో ఆరో సెంచరీ. జద్రాన్‌ 2023 వరల్డ్‌కప్‌లో పటిష్టమైన ఆస్ట్రేలియాపై సెంచరీ సాధించాడు. జద్రాన్‌ సెంచరీ పూర్తయ్యాక అజ్మతుల్లా బ్యాట్‌ను ఝులిపిస్తున్నాడు. లివింగ్‌స్టోన్‌ బౌలింగ్‌లో సిక్సర్‌.. మార్క్‌ వుడ్‌ బౌలింగ్‌లో వరుసగా బౌండరీ, సిక్సర్లు సాధించాడు. ప్రస్తుతం అజ్మతుల్లా 24 బంతుల్లో బౌండరీ, 3 సిక్సర్ల సాయంతో 39 పరుగులు చేసి అజేయంగా ఉన్నాడు. 37.3 ఓవర్ల అనంతరం ఆఫ్ఘనిస్తాన్‌ స్కోర్‌ 201/4గా ఉంది.

ఆస్ట్రేలియా స్టార్ బ్యాటర్ స్టీవ్ స్మిత్ ఇంగ్లండ్ క్రికెట్ టోర్నీ 'ది హండ్రెడ్’ లీగ్‌లో ఆడ‌నున్నాడు. ది హండ్రెడ్ 2025 సీజ‌న్ కోసం వెల్ష్ ఫైర్ ఫ్రాంచైజీ స్మిత్‌తో ఒప్పందం కుదుర్చుకుంది. మార్చి 12న జరగనున్న ది హండ్రెడ్ డ్రాఫ్ట్‌కు ముందుకు అన్ని ఫ్రాంచైజీలు త‌మ జ‌ట్ల‌ను ఖారారు చేసే పనిలో ప‌డ్డాయి. రూల్స్ ప్రకారం.. గత సీజన్‌లో తమతో ఉన్న 10 మంది సభ్యులను ఫ్రాంచైజీలు రిటైన్‌ చేసుకోవచ్చు.ఈ లిస్ట్‌లో కచ్చితంగా ఒక​ ఇంగ్లండ్‌ సెంట్రల్‌ కాంట్రాక్ట్‌ ప్లేయర్‌ తప్పక ఉండాలి. అలాగే ముగ్గురు ఓవర్సీస్‌ ప్లేయర్లు​ ఉండవచ్చు. అదనంగా ఓ విదేశీ ఆటగాడిని డైరెక్ట్‌ సైనింగ్‌ చేసుకోవచ్చు. ఈ పద్దతిలోనే స్మిత్‌ను త‌మ జ‌ట్టులోకి వెల్ష్ పైర్ తీసుకుంది. ఈ విష‌యాన్ని వెల్ష్ ఫైర్ ఫ్రాంచైజీ సోష‌ల్ మీడియా వేదిక‌గా ధ్రువీక‌రించింది. అదేవిధంగా వెల్ష్ ఫైర్‌తో ఒప్పందంపై స్మిత్ కూడా స్పందించాడు."వెల్ష్ ఫైర్ ఫ్రాంచైజీలో చేరడం నాకు చాలా ఆనందంగా ఉంది. ఈ ఏడాది వేసవి తర్వాత నేను ది హండ్రెడ్‌లో భాగం కానున్నాను. తొలిసారి ఈ టోర్నీలో ఆడేందుకు ఆతృతగా ఎదురుచూస్తున్నాను. ఎటువంటి ఫార్మాట్‌లో ఆడడం మనకు ఒక కొత్త అనుభూతిని కలిగిస్తుంది. వరల్డ్ క్లాస్ క్రికెటర్లు ఈ టోర్నీలో ఆడుతున్నారు. మైక్ హస్సీతో కలిసి పనిచేసేందుకు సిద్దంగా ఉన్నాను. వెల్ష్ ఫైర్ కోసం 100 శాతం ఎఫక్ట్ పెట్టేందుకు ప్రయత్నిస్తాను" స్మిత్ ఓ ప్రకటనలో పేర్కొన్నాడు. కాగా ఈ ఫ్రాంచైజీ హెడ్‌కోచ్‌గా ఆస్ట్రేలియా క్రికెట్ దిగ్గజం మైక్ హస్సీ వ్యవహరిస్తున్నాడు. ఈ వంద బంతుల టోర్నీ ఆగ‌స్టు 5 నుంచి ప్రారంభం కానుంది.ది హండ్రెడ్‌లో ఐపీఎల్ ఫ్రాంచైజీలు..!కాగా ఈ 'ది హండ్రెడ్’ లీగ్‌లో ఐపీఎల్ ఫ్రాంచైజీలు సైతం భారీ మొత్తం ఇన్వెస్ట్ చేశాయి. ముంబై ఇండియ‌న్స్‌, ఢిల్లీ క్యాపిట‌ల్స్‌, ల‌క్నో సూప‌ర్ జెయింట్స్‌,స‌న్‌రైజ‌ర్స్ హైద‌రాబాద్ యాజమాన్యాలు దాదాపు రూ.3,257 కోట్లను పెట్టుబడులుగా పెట్టాయి. ఢిల్లీ క్యాపిటల్స్ – సదరన్ బ్రేవ్, లక్నో సూపర్‌ జెయింట్స్‌ – మాంచెస్టర్ ఒరిజినల్స్, సన్‌రైజర్స్‌ హైదరాబాద్‌ – నార్తర్న్ సూపర్‌చార్జర్స్ జట్లలో వాటాలు కొనుగోలు చేశాయి.చదవండి: 'ఇంత చెత్త‌గా ఆడుతార‌ని ఊహించలేదు.. నన్ను క్ష‌మించండి'

లాహోర్‌: ఐసీసీ చాంపియన్స్‌ ట్రోఫీలో ముందుకెళ్లేందుకు ఇంగ్లండ్‌ కీలకమైన పోరుకు సిద్ధమైంది. బుధవారం జరిగే మ్యాచ్‌లో బట్లర్‌ బృందం అఫ్గానిస్తాన్‌తో తలపడుతుంది. ఈ మ్యాచ్‌లో గెలిచిన జట్టే సెమీస్‌ రేసులో ఉంటుంది. ఓడిన జట్టు ఇంటిదారి పట్టాల్సిందే. తొలి మ్యాచ్‌లో ఆ్రస్టేలియాపై 350 పైచిలుకు స్కోరు చేసినా బౌలింగ్‌ వైఫల్యంతో ఓడిన ఇంగ్లండ్‌... లోపాల్ని సవరించుకొని అఫ్గాన్‌తో సమరానికి సిద్ధమైంది. ఓపెనర్‌ బెన్‌ డకెట్, జో రూట్, కెపె్టన్‌ బట్లర్, ఆర్చర్‌లు జోరు మీదున్నారు. రషీద్‌ ఖాన్, నూర్‌ అహ్మద్, నబీలతో కూడిన ప్రత్యర్థి స్పిన్‌ త్రయంపై జాగ్రత్తగా ఆడితే పరుగుల వరద పారించొచ్చు. వుడ్, ఆదిల్‌ రషీద్, లివింగ్‌స్టోన్‌లతో ఉన్న బౌలింగ్‌ దళం పరుగుల నిరోధంపై దృష్టి పెట్టాల్సి ఉంది. మరోవైపు అఫ్గానిస్తాన్‌ తొలి పోరులో దక్షిణాఫ్రికాతో ఘోరంగా ఓడింది. సఫారీకి 300 పైచిలుకు పరుగులు సమరి్పంచుకున్న అఫ్గాన్‌ కనీసం 50 ఓవర్ల కోటా కూడా ఆడలేక 208 పరుగులకే కుప్పకూలింది. టాపార్డర్‌లో గుర్బాజ్, జద్రాన్, సిద్ధిఖుల్లా వైఫల్యం జట్టుకు ఇబ్బందిగా మారింది. రహ్మత్‌ షా ఒక్కడే బాధ్యత కనబరిచాడు. కీలకమైన పోరులో జట్టంతా కలిసి సమష్టిగా సర్వశక్తులు ఒడ్డితేనే గట్టి ప్రత్యర్థి ఇంగ్లండ్‌ను ఎదుర్కోవచ్చు లేదంటే ఏ ఒక్కరిద్దరి ప్రదర్శనను నమ్ముకుంటే మాత్రం గత ఫలితమే మళ్లీ పునరావృతం అవుతుంది. తుది జట్లు (అంచనా) ఇంగ్లండ్‌: బట్లర్‌ (కెప్టెన్‌), సాల్ట్, డకెట్, జేమీ స్మిత్, రూట్, హ్యారీ బ్రూక్, లివింగ్‌స్టోన్, కార్స్, ఆర్చర్, ఆదిల్‌ రషీద్, మార్క్‌ వుడ్‌. అఫ్గానిస్తాన్‌: హష్మతుల్లా (కెప్టెన్‌), గుర్బాజ్, జద్రాన్, సిద్ధిఖుల్లా, రహ్మత్‌ షా, అజ్మతుల్లా, నబీ, గుల్బదిన్, రషీద్‌ ఖాన్, నూర్‌ అహ్మద్, ఫజల్‌హక్‌.3 ఇప్పటి వరకు వన్డే ఫార్మాట్‌లో ఇంగ్లండ్, అఫ్గానిస్తాన్‌ జట్లు ముఖాముఖిగా మూడుసార్లు తలపడ్డాయి. వరల్డ్‌కప్‌ టోర్నీ సందర్భంగానే ఈ మూడు మ్యాచ్‌లు జరిగాయి. ఇంగ్లండ్‌ (2015, 2019లలో) రెండుసార్లు, అఫ్గానిస్తాన్‌ (2023లో) ఒకసారి గెలుపొందాయి.

ఇంటర్నేషనల్‌ మాస్టర్స్‌ లీగ్‌లో (International Masters League-2025) భారత మాస్టర్స్‌ (Indian Masters) ఇవాళ (ఫిబ్రవరి 25) ఇంగ్లండ్‌ మాస్టర్స్‌తో (England Masters) తలపడుతున్నారు. ఈ మ్యాచ్‌లో ఇండియా మాస్టర్స్‌ టాస్‌ గెలిచి తొలుత బౌలింగ్‌ ఎంచుకున్నారు. భారత బౌలర్లు తలో చేయి వేయడంతో ఇంగ్లండ్‌ జట్టు స్వల్ప స్కోర్‌కే పరిమితమైంది. ధవల్‌ కులకర్ణి 3, అభిమన్యు మిథున్‌, పవన్‌ నేగి తలో 2, వినయ్‌ కుమార్‌ ఓ వికెట్‌ పడగొట్టారు. ఒక ఓవర్‌ వేసిన స్టువర్ట్‌ బిన్నీ 15 పరుగులివ్వగా.. 4 ఓవర్లు వేసిన ఇర్ఫాన్‌ పఠాన్‌ వికెట్లేమీ లేకుండా 25 పరుగులు సమర్పించుకున్నాడు. ఇంగ్లండ్‌ బ్యాటర్లలో డారెన్‌ మ్యాడీ (25) టాప్‌ స్కోరర్‌గా నిలువగా.. టిమ్‌ ఆంబ్రోస్‌ (23), కెప్టెన్‌ ఇయాన్‌ మోర్గాన్‌ (14), టిమ్‌ బ్రేస్నన్‌ (16), క్రిస్‌ స్కోఫీల్డ్‌ (18 నాటౌట్‌), క్రిస్‌ ట్రెమ్లెట్‌ (16) రెండంకెల స్కోర్లు చేశారు. ఇంగ్లండ్‌ ఇన్నింగ్స్‌లో ఫిల్‌ మస్టర్డ్‌ 8, మాస్కరెన్హాస్‌ 6, స్టీవ్‌ ఫిన్‌ ఒక్క పరుగుకు ఔటయ్యారు.కాగా, ఇంటర్నేషనల్‌ మాస్టర్స్‌ లీగ్‌ ఈ సీజన్‌తోనే ప్రారంభమైంది. ఈ లీగ్‌లో మొత్తం ఆరు దేశాలు (భారత్‌, వెస్టిండీస్‌, ఇంగ్లండ్‌, సౌతాఫ్రికా, శ్రీలంక, ఆస్ట్రేలియా) పాల్గొంటున్నాయి. ఆయా దేశాల​కు చెందిన మాజీలు, స్టార్‌ ఆటగాళ్లు ఈ టోర్నీలో పాల్గొంటున్నారు. ఈ సీజన్‌లో ఇప్పటివరకు రెండు మ్యాచ్‌లు పూర్తయ్యాయి. తొలి మ్యాచ్‌లో భారత్‌.. శ్రీలంక మాస్టర్స్‌ను 4 పరుగుల తేడాతో చిత్తు చేసింది. రెండో మ్యాచ్‌లో ఆస్ట్రేలియాను వెస్టిండీస్‌ మట్టికరిపించింది. తొలి మ్యాచ్‌లో భారత్‌ తరఫున స్టువర్ట్‌ బిన్నీ (68), యుసఫ్‌ పఠాన్‌ (56 నాటౌట్‌), ఇర్ఫాన్‌ పఠాన్‌ (4-0-39-3) సత్తా చాటారు. రెండో మ్యాచ్‌లో ఆసీస్‌ ఆటగాడు షేన్‌ వాట్సన్‌ చేసిన సెంచరీ వృధా అయ్యింది. లెండిల్‌ సిమన్స్‌ (94 నాటౌట్‌), డ్వేన్‌ స్మిత్‌ (51) మెరుపు ఇన్నింగ్స్‌లు ఆడి విండీస్‌ను గెలిపించారు. ఈ టోర్నీలో భారత్‌కు సచిన్‌ టెండూల్కర్‌ సారథ్యం వహిస్తున్నాడు. భారత్‌ తరఫున అంబటి రాయుడు, యువరాజ్‌ సింగ్‌ లాంటి స్టార్లు ఆడుతున్నారు.భారత మాస్టర్స్‌ జట్టు..అంబటి రాయుడు (వికెట్‌కీపర్‌), సచిన్ టెండూల్కర్ (కెప్టెన్‌), గురుకీరత్ సింగ్ మన్, స్టువర్ట్ బిన్నీ, యువరాజ్ సింగ్, యూసుఫ్ పఠాన్, ఇర్ఫాన్ పఠాన్, పవన్ నేగి, అభిమన్యు మిథున్, ధవల్ కులకర్ణి, వినయ్ కుమార్ఇంగ్లండ్‌ మాస్ట‍ర్స్‌ జట్టు..ఫిల్ మస్టర్డ్ (వికెట్‌కీపర్‌), టిమ్ ఆంబ్రోస్, ఇయాన్ మోర్గాన్ (కెప్టెన్‌), డిమిత్రి మస్కరెన్హాస్, డారెన్ మాడీ, టిమ్ బ్రెస్నన్, క్రిస్ ట్రెమ్లెట్, మాంటీ పనేసర్, స్టీవెన్ ఫిన్, క్రిస్ స్కోఫీల్డ్, ర్యాన్ జే సైడ్‌బాటమ్ఇంటర్నేషనల్‌ మాస్టర్స్‌ లీగ్‌లో భారత మాస్టర్స్‌ ఇవాళ (ఫిబ్రవరి 25) ఇంగ్లండ్‌ మాస్టర్స్‌తో తలపడుతున్నారు. ఈ మ్యాచ్‌లో ఇండియా మాస్టర్స్‌ టాస్‌ గెలిచి తొలుత బౌలింగ్‌ ఎంచుకున్నారు. భారత బౌలర్లు తలో చేయి వేయడంతో ఇంగ్లండ్‌ జట్టు స్వల్ప స్కోర్‌కే పరిమితమైంది. ధవల్‌ కులకర్ణి 3, అభిమన్యు మిథున్‌, పవన్‌ నేగి తలో 2, వినయ్‌ కుమార్‌ ఓ వికెట్‌ పడగొట్టారు. ఒక ఓవర్‌ వేసిన స్టువర్ట్‌ బిన్నీ 15 పరుగులివ్వగా.. 4 ఓవర్లు వేసిన ఇర్ఫాన్‌ పఠాన్‌ వికెట్లేమీ లేకుండా 25 పరుగులు సమర్పించుకున్నాడు. ఇంగ్లండ్‌ బ్యాటర్లలో డారెన్‌ మ్యాడీ (25) టాప్‌ స్కోరర్‌గా నిలువగా.. టిమ్‌ ఆంబ్రోస్‌ (23), కెప్టెన్‌ ఇయాన్‌ మోర్గాన్‌ (14), టిమ్‌ బ్రేస్నన్‌ (16), క్రిస్‌ స్కోఫీల్డ్‌ (18 నాటౌట్‌), క్రిస్‌ ట్రెమ్లెట్‌ (16) రెండంకెల స్కోర్లు చేశారు. ఇంగ్లండ్‌ ఇన్నింగ్స్‌లో ఫిల్‌ మస్టర్డ్‌ 8, మాస్కరెన్హాస్‌ 6, స్టీవ్‌ ఫిన్‌ ఒక్క పరుగుకు ఔటయ్యారు.కాగా, ఇంటర్నేషనల్‌ మాస్టర్స్‌ లీగ్‌ ఈ సీజన్‌తోనే ప్రారంభమైంది. ఈ లీగ్‌లో ఆరు దేశాలు (భారత్‌, వెస్టిండీస్‌, ఇంగ్లండ్‌, సౌతాఫ్రికా, శ్రీలంక, ఆస్ట్రేలియా) పాల్గొంటున్నాయి. ఆయా దేశాల​కు చెందిన మాజీలుచ, స్టార్‌ ఆటగాళ్లు ఈ టోర్నీలో పాల్గొంటున్నారు. ఈ సీజన్‌లో ఇప్పటివరకు రెండు మ్యాచ్‌లు పూర్తయ్యాయి. తొలి మ్యాచ్‌లో భారత్‌.. శ్రీలంక మాస్టర్స్‌ను 4 పరుగుల తేడాతో చిత్తు చేసింది. రెండో మ్యాచ్‌లో ఆస్ట్రేలియాను వెస్టిండీస్‌ మట్టికరిపించింది. తొలి మ్యాచ్‌లో భారత్‌ తరఫున స్టువర్ట్‌ బిన్నీ (68), యుసఫ్‌ పఠాన్‌ (56 నాటౌట్‌), ఇర్ఫాన్‌ పఠాన్‌ (4-0-39-3) సత్తా చాటారు. రెండో మ్యాచ్‌లో ఆసీస్‌ ఆటగాడు షేన్‌ వాట్సన్‌ చేసిన సెంచరీ వృధా అయ్యింది. లెండిల్‌ సిమన్స్‌ (94 నాటౌట్‌), డ్వేన్‌ స్మిత్‌ (51) మెరుపు ఇన్నింగ్స్‌లు ఆడి విండీస్‌ను గెలిపించారు. ఈ టోర్నీలో భారత్‌కు సచిన్‌ టెండూల్కర్‌ సారథ్యం వహిస్తున్నాడు. భారత​్‌ తరఫున అంబటి రాయుడు, యువరాజ్‌ సింగ్‌ లాంటి స్టార్లు ఆడుతున్నారు.భారత మాస్టర్స్‌ జట్టు..అంబటి రాయుడు (వికెట్‌కీపర్‌), సచిన్ టెండూల్కర్ (కెప్టెన్‌), గురుకీరత్ సింగ్ మన్, స్టువర్ట్ బిన్నీ, యువరాజ్ సింగ్, యూసుఫ్ పఠాన్, ఇర్ఫాన్ పఠాన్, పవన్ నేగి, అభిమన్యు మిథున్, ధవల్ కులకర్ణి, వినయ్ కుమార్ఇంగ్లండ్‌ మాస్ట‍ర్స్‌ జట్టు..ఫిల్ మస్టర్డ్ (వికెట్‌కీపర్‌), టిమ్ ఆంబ్రోస్, ఇయాన్ మోర్గాన్ (కెప్టెన్‌), డిమిత్రి మస్కరెన్హాస్, డారెన్ మాడీ, టిమ్ బ్రెస్నన్, క్రిస్ ట్రెమ్లెట్, మాంటీ పనేసర్, స్టీవెన్ ఫిన్, క్రిస్ స్కోఫీల్డ్, ర్యాన్ జే సైడ్‌బాటమ్

అంతర్జాతీయ హాకీ సమాఖ్య (ఎఫ్‌ఐహెచ్‌) ప్రొ లీగ్‌లో సోమవారం భారత మహిళల, పురుషుల హాకీ జట్లకు నిరాశ ఎదురైంది. భువనేశ్వర్‌లో జరుగుతున్న ఈ టోర్నీలో సోమవారం జరిగిన మ్యాచ్‌ల్లో భారత మహిళల జట్టు 2–4 గోల్స్‌ తేడాతో నెదర్లాండ్స్‌ జట్టు చేతిలో... భారత పురుషుల జట్టు 2–3 గోల్స్‌ తేడాతో ఇంగ్లండ్‌ జట్టు చేతిలో ఓడిపోయాయి. నెదర్లాండ్స్‌తో జరిగిన పోరు ద్వారా భారత జట్టు గోల్‌కీపర్‌ సవితా పూనియా తన కెరీర్‌లో 300 మ్యాచ్‌లు పూర్తి చేసుకుంది. వందన కటారియా తర్వాత ఈ ఘనత సాధించిన రెండో భారతీయ ప్లేయర్‌గా సవిత గుర్తింపు పొందింది.నెదర్లాండ్స్‌తో మ్యాచ్‌లో భారత్‌ తరఫున ఉదిత (18వ, 42వ నిమిషాల్లో) రెండు గోల్స్‌ చేసింది. నెదర్లాండ్స్‌ తరఫున ఎమ్మా రెజ్నెన్‌ (7వ నిమిషంలో), ఫే వాన్‌డెర్‌ (40వ నిమిషంలో) ఒక్కో గోల్‌ సాధించగా... ఫెలిస్‌ అల్బెర్స్‌ (34వ, 47వ నిమిషాల్లో) రెండు గోల్స్‌ చేసింది.ఇంగ్లండ్‌తో జరిగిన మ్యాచ్‌లో భారత పురుషుల జట్టుకు అభిషేక్‌ (18వ నిమిషంలో), సుఖ్‌జీత్‌ సింగ్‌ (39వ నిమిషంలో) ఒక్కో గోల్‌ అందించారు. ఇంగ్లండ్‌ తరఫున జేకబ్‌ పేటన్‌ (15వ నిమిషంలో) ఒక గోల్‌ చేయగా... సామ్‌ వార్డ్‌ (19వ, 29వ నిమిషంలో) రెండు గోల్స్‌ సాధించాడు.

భువనేశ్వర్‌: అంతర్జాతీయ హాకీ సమాఖ్య (ఎఫ్‌ఐహెచ్‌) ప్రొ లీగ్‌లో వరుస విజయాలతో జోరు మీదున్న భారత పురుషుల జట్టు మరో కీలక పోరుకు సిద్ధమైంది. ఐర్లాండ్‌పై భారీ విజయాలు నమోదు చేసుకున్న హర్మన్‌ప్రీత్‌ సింగ్‌ సారథ్యంలోని టీమిండియా... సోమవారం తమకంటే మెరుగైన ర్యాంకర్‌ ఇంగ్లండ్‌తో మ్యాచ్‌ ఆడనుంది. భారత అంచె పోటీల్లో మంచి ప్రదర్శన కనబరుస్తున్న భారత్‌... తాజా సీజన్‌లో 6 మ్యాచ్‌లాడి 4 విజయాలు, 2 పరాజయాలతో 12 పాయింట్లు ఖాతాలో వేసుకొని పట్టికలో నాలుగో స్థానంలో కొనసాగుతోంది. మరోవైపు 13 పాయింట్లు సాధించిన ఇంగ్లండ్‌ మూడో ‘ప్లేస్‌’లో ఉంది. స్పెయిన్, జర్మనీతో మ్యాచ్‌ల్లో స్థాయికి తగ్గ ప్రదర్శన చేయలేకపోయిన భారత జట్టు... ఐర్లాండ్‌పై మాత్రం సమష్టిగా సత్తా చాటింది. అదే స్ఫూర్తి ఇంగ్లండ్‌పై కూడా కొనసాగించాలని టీమ్‌ మేనేజ్‌మెంట్‌ ఆశిస్తోంది. కెప్టెన్ హర్మన్‌ప్రీత్‌ సింగ్, మన్‌దీప్‌ సింగ్, జర్మన్‌ప్రీత్‌ సింగ్, సుఖ్‌జీత్‌ సింగ్, నీలమ్, అభిషేక్, షంషేర్‌ సింగ్‌ కలిసికట్టుగా కదం తొక్కాల్సిన అవసరముంది. డిఫెన్స్‌లో భారత్‌ బలంగా కనిపిస్తోంది. తాజా సీజన్‌లో ఆరు మ్యాచ్‌లాడిన టీమిండియా ఇప్పటి వరకు ప్రత్యర్థులకు కేవలం 8 గోల్స్‌ మాత్రమే సమర్పించుకుంది. తొమ్మిది జట్లలో ఇదే అతి తక్కువ కావడం మన రక్షణ శ్రేణి పటుత్వాన్ని చాటుతోంది. అయితే పెనాల్టీ కార్నర్‌లను సది్వనియోగ పరుచుకోవడంపై మరింత దృష్టి సారిస్తేనే ఇంగ్లండ్‌పై విజయం సాధ్యమవుతుంది. నెదర్లాండ్స్‌ను నిలువరించేనా.. మహిళల ప్రొ లీగ్‌లో పడుతూ లేస్తూ సాగుతున్న భారత జట్టు... సోమవారం డిఫెండింగ్‌ చాంపియన్‌ నెదర్లాండ్స్‌తో తలపడుతుంది. భారత అంచె పొటీలను ఘనవిజయంతో ప్రారంభించిన సలీమా టెటె సారథ్యంలోని భారత జట్టు... ఆసాంతం అదే జోరు కొనసాగించలేకపోయింది. తాజా సీజన్‌లో 6 మ్యాచ్‌లాడిన మన అమ్మాయిలు 2 విజయాలు, 3 పరాజయాలు, 1‘డ్రా’తో 7 పాయింట్లు ఖాతాలో వేసుకొని పట్టికలో ఏడో స్థానంలో ఉన్నారు.మరోవైపు 15 పాయింట్లు సాధించిన నెదర్లాండ్స్‌ రెండో ‘ప్లేస్‌’లో కొనసాగుతోంది. గత మ్యాచ్‌లో జర్మనీపై సాధించిన స్ఫూర్తితో సమష్టిగా సత్తాచాటాలని భారత జట్టు భావిస్తోంది. మరోవైపు గత రెండు మ్యాచ్‌ల్లో ఇంగ్లండ్‌పై 5–1, 6–0తో విజయాలు సాధించిన నెదర్లాండ్స్‌ జట్టు టీమిండియాపై కూడా అదే జోరు కొనసాగించాలని భావిస్తోంది. ‘ప్రపంచంలోనే అత్యంత పటిష్ట జట్లలో నెదర్లాండ్స్‌ ఒకటి. వాళ్లతో మ్యాచ్‌ కఠినమైందని తెలుసు. మా వరకు అత్యుత్తమ ప్రదర్శన కనబర్చడంపైనే దృష్టి పెట్టాం. జర్మనీపై విజయం ప్లేయర్ల ఆత్మవిశ్వాసాన్ని పెంచింది’ అని భారత సారథి సలీమ చెప్పింది. 2013 నుంచి భారత్, నెదర్లాండ్స్‌ మధ్య 7 మ్యాచ్‌లు జరగగా... అందులో ఐదింట నెదర్లాండ్స్‌ విజయం సాధించింది. ఒక మ్యాచ్‌ టీమిండియా నెగ్గగా... మరొకటి ‘డ్రా’ అయింది.

ఆస్ట్రేలియా క్రికెట్‌ జట్టు (Australia Cricket Team) చరిత్ర సృష్టించింది. ఐసీసీ వన్డే టోర్నీల్లో (ICC ODI Tourneys) అత్యధిక లక్ష్యాన్ని ఛేదించిన జట్టుగా సరికొత్త రికార్డు నెలకొల్పింది. ఛాంపియన్స్‌​ ట్రోఫీ-2025లో (Champions Trophy) భాగంగా నిన్న (ఫిబ్రవరి 22) ఇంగ్లండ్‌తో జరిగిన మ్యాచ్‌లో ఆసీస్‌ 352 పరుగుల లక్ష్యాన్ని మరో 15 బంతులు మిగిలుండగానే ఛేదించింది. ఐసీసీ టోర్నీల చరిత్రలో ఇదే అత్యధిక లక్ష్య ఛేదన. ఈ మ్యాచ్‌కు ముందు ఐసీసీ టోర్నీల్లో అత్యధిక లక్ష్యాన్ని ఛేదించిన రికార్డు పాకిస్తాన్‌ పేరిట ఉండింది. 2023 వరల్డ్‌కప్‌లో ఆ జట్టు శ్రీలంక నిర్దేశించిన 345 పరుగుల లక్ష్యాన్ని ఛేదించింది.ఐసీసీ టోర్నీల్లో అత్యధిక లక్ష్య ఛేదనలు..ఆస్ట్రేలియా 352 వర్సెస్‌ ఇంగ్లండ్‌, లాహోర్‌, 2025 ఛాంపియన్స్‌ ట్రోఫీపాకిస్తాన్‌ 345 వర్సెస్‌ శ్రీలంక, హైదరాబాద్‌, 2023 వన్డే వరల్డ్‌కప్‌ఐర్లాండ్‌ 329 వర్సెస్‌ ఇంగ్లండ్‌, బెంగళూరు, 2011 వన్డే వరల్డ్‌కప్‌శ్రీలంక రికార్డు బద్దలుఈ మ్యాచ్‌తో ఆసీస్‌ ఛాంపియన్స్‌ ట్రోఫీలో అత్యధిక లక్ష్యాన్ని ఛేదించిన జట్టుగానూ రికార్డు నెలకొల్పింది. గతంలో ఈ రికార్డు శ్రీలంక పేరిట ఉండింది. 2017 ఎడిషన్‌లో భారత్‌తో జరిగిన మ్యాచ్‌లో శ్రీలంక 322 పరుగుల లక్ష్యాన్ని విజయవంతంగా ఛేదించింది.ఛాంపియన్స్‌ ట్రోఫీలో అత్యధిక లక్ష్య ఛేదనలు..ఆస్ట్రేలియా 352 వర్సెస్‌ ఇంగ్లండ్‌, లాహోర్‌, 2025శ్రీలంక 322 వర్సెస్‌ భారత్‌, ద ఓవల్‌, 2017ఇంగ్లండ్‌ 308 వర్సెస్‌ బంగ్లాదేశ్‌, ద ఓవల్‌, 2017ఆసీస్‌ వన్డే హిస్టరీలో రెండో అత్యుత్తమ లక్ష్య ఛేదనఈ మ్యాచ్‌లో ఆస్ట్రేలియా ఛేదించిన 352 పరుగుల లక్ష్యం, ఆ దేశ వన్డే హిస్టరీలోనే రెండో అత్యధికం. వన్డేల్లో ఆసీస్‌ అత్యుత్తమ లక్ష్య ఛేదన 2013లో రికార్డైంది. అప్పట్లో భారత్‌తో జరిగిన మ్యాచ్‌లో ఆసీస్‌ 359 పరుగుల లక్ష్యాన్ని విజయవంతంగా ఛేదించింది.పాక్‌ గడ్డపై రెండో అత్యధిక ఛేదనఈ మ్యాచ్‌లో ఆసీస్‌ ఛేదించిన లక్ష్యం​.. పాక్‌ గడ్డపై రెండో అత్యధికం. పాక్‌లో అత్యధిక లక్ష్యాన్ని ఛేదించిన ఘనత పాక్‌ ఖాతాలోనే ఉంది. కొద్ది రోజుల కిందట సౌతాఫ్రికాతో జరిగిన మ్యాచ్‌లో పాక్‌ 355 పరుగుల లక్ష్యాన్ని విజయవంతంగా ఛేదించింది. వన్డేల్లో ఇదే పాక్‌కు అత్యధిక లక్ష్య ఛేదన.మ్యాచ్‌ విషయానికొస్తే.. ఇంగ్లిస్‌ (120 నాటౌట్‌) మెరుపు సెంచరీతో కదంతొక్కడంతో ఇంగ్లండ్‌ నిర్దేశించిన 352 పరుగుల భారీ లక్ష్యాన్ని ఆసీస్‌ మరో 15 బంతులు మిగిలుండగానే ఊదేసింది. స్టార్‌ ప్లేయర్ల గైర్హాజరీలో ఏమాత్రం అంచనాలు లేకుండా బరిలోకి దిగిన ఆసీస్‌.. రికార్డు లక్ష్యాన్ని ఛేదించి వరల్డ్‌ ఛాంపియన్స్‌ అనిపించుకుంది. ఈ మ్యాచ్‌కు ముందు ఆసీస్‌.. శ్రీలంక చేతిలో 0-2 తేడాతో వన్డే సిరీస్‌ను కోల్పోయింది.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌.. బెన్‌ డకెట్‌ (143 బంతుల్లో 165; 17 ఫోర్లు, 3 సిక్సర్లు) శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 351 పరుగులు చేసింది. జో రూట్‌ (68) అర్ద శతకంతో రాణించాడు. ఆఖర్లో జోఫ్రా ఆర్చర్‌ (10 బంతులోల​ 21 నాటౌట్‌) మెరుపు ఇన్నింగ్స్‌ ఆడటంతో ఇంగ్లండ్‌ 350 పరుగుల మార్కును తాకగలిగింది. ఆసీస్‌ బౌలర్లలో డ్వార్షుయిష్‌ 3, లబూషేన్‌, జంపా తలో 2, మ్యాక్స్‌వెల్‌ ఓ వికెట్‌ పడగొట్టారు.అనంతరం భారీ లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. 47.3 ఓవర్లలో 5 వికెట్లు కోల్పోయి లక్ష్యాన్ని చేరుకుంది. జోస్‌ ఇంగ్లిస్‌ మెరుపు శతకంతో విజృంభించి ఆసీస్‌ను విజయతీరాలకు చేర్చాడు. మాథ్యూ షార్ట్‌ (63), అలెక్స్‌ క్యారీ (69), లబూషేన్‌ (47), మ్యాక్స్‌వెల్‌ (32 నాటౌట్‌) ఇంగ్లిస్‌కు సహకరించారు. ఇంగ్లండ్‌ బౌలర్లలో వుడ్‌, ఆర్చర్‌, కార్స్‌, రషీద్‌, లివింగ్‌స్టోన్‌ తలో వికెట్‌ తీశారు.

ఛాంపియన్స్‌ ట్రోఫీ-2025లో (Champions Trophy) భాగంగా ఆస్ట్రేలియాతో జరిగిన మ్యాచ్‌లో ఇంగ్లండ్‌ ఓపెనర్‌ బెన్‌ డకెట్‌ (Ben Duckett) ఓ అరుదైన ఘనత సాధించాడు. ఈ మ్యాచ్‌లో 165 పరుగులు స్కోర్‌ చేసిన డకెట్‌.. ఓ యూనిక్‌ రికార్డును సొంతం చేసుకున్నాడు. వన్డే క్రికెట్‌ చరిత్రలో తొలిసారి ఓ బ్యాటర్‌ నుంచి 165 పరుగుల స్కోర్‌ నమోదైంది. డకెట్‌కు ముందు వన్డేల్లో ఎవరూ ఈ సంఖ్యను (165) నమోదు చేయలేదు. తాజాగా డకెట్‌ 165 పరుగుల స్కోర్‌ చేయడంతో వన్డేల్లో 0 నుంచి 183 పరుగుల వరకు స్కోర్లు కనీసం ఒక్కసారైనా నమోదైనట్లైంది.ఈ మ్యాచ్‌లో 165 పరుగులు స్కోర్‌ చేయడంతో డకెట్‌ మరిన్ని రికార్డులు సాధించాడు. ఛాంపియన్స్‌ ట్రోఫీ చరిత్రలో అత్యధిక వ్యక్తిగత స్కోర్‌ను నమోదు చేసిన ఆటగాడిగా నిలిచాడు. గతంలో ఈ రికార్డు న్యూజిలాండ్‌ ఆటగాడు నాథన్‌ ఆస్టిల్‌ (145), జింబాబ్వే ప్లేయర్‌ ఆండీ ఫ్లవర్‌ (145 నాటౌట్‌) పేరిట ఉండింది. అలాగే ఐసీసీ టోర్నీల్లో ఆస్ట్రేలియాపై అత్యధిక వ్యక్తిగత స్కోర్‌ సాధించిన ఆటగాడిగానూ డకెట్‌ రికార్డు నెలకొల్పాడు. గతంలో ఈ రికార్డు బ్యాటింగ్‌ దిగ్గజం సచిన్‌ టెండూల్కర్‌ (141) పేరిట ఉండింది.తాజా ప్రదర్శనతో డకెట్‌ ఛాంపియన్స్‌ ట్రోఫీలో ఇంగ్లండ్‌ తరఫున అత్యధిక వ్యక్తిగత స్కోర్‌ చేసిన ఆటగాడిగానూ రికార్డు సాధించాడు. గతంలో ఈ రికార్డు జో రూట్‌ (133 నాటౌట్‌) పేరిట ఉండింది.మ్యాచ్‌ విషయానికొస్తే.. డకెట్‌ రికార్డు సెంచరీ సాధించినప్పటికీ ఈ మ్యాచ్‌లో ఇంగ్లండ్‌ ఓటమిపాలైంది. ఇంగ్లండ్‌ నిర్దేశించిన 352 పరుగుల భారీ లక్ష్యాన్ని ఆస్ట్రేలియా సునాయాసంగా ఛేదించింది. ఛాంపియన్స్‌ ట్రోఫీ చరిత్రలో ఇదే అత్యధిక లక్ష్య ఛేదన. ఛాంపియన్స్‌ ట్రోఫీలో అత్యధిక టీమ్‌ స్కోర్‌ (356/5) కూడా ఇదే.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ బెన్‌ డకెట్‌ (143 బంతుల్లో 165; 17 ఫోర్లు, 3 సిక్సర్లు) శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 351 పరుగులు చేసింది. జో రూట్‌ (68) అర్ద శతకంతో రాణించాడు. ఆఖర్లో జోఫ్రా ఆర్చర్‌ (10 బంతులోల​ 21 నాటౌట్‌) మెరుపు ఇన్నింగ్స్‌ ఆడటంతో ఇంగ్లండ్‌ 350 పరుగుల మార్కును తాకగలిగింది. ఆసీస్‌ బౌలర్లలో డ్వార్షుయిష్‌ 3, లబూషేన్‌, జంపా తలో 2, మ్యాక్స్‌వెల్‌ ఓ వికెట్‌ పడగొట్టారు.అనంతరం భారీ లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. జోస్‌ ఇంగ్లిస్‌ మెరుపు శతకంతో (120 నాటౌట్‌) విజృంభించడంతో మరో 15 బంతులు మిగిలుండగానే లక్ష్యాన్ని చేరుకుంది. మాథ్యూ షార్ట్‌ (63), అలెక్స్‌ క్యారీ (69), లబూషేన్‌ (47), మ్యాక్స్‌వెల్‌ (32 నాటౌట్‌) ఇంగ్లిస్‌కు సహకరించారు. ఇంగ్లండ్‌ బౌలర్లలో వుడ్‌, ఆర్చర్‌, కార్స్‌, రషీద్‌, లివింగ్‌స్టోన్‌ తలో వికెట్‌ తీశారు.

లాహోర్‌: ఐసీసీ చాంపియన్స్‌(ICC Champions) ట్రోఫీలో పలు రికార్డుల్ని చెరిపేసిన మ్యాచ్‌లో ఆస్ట్రేలియా(Australia) ఘన విజయం సాధించింది. గ్రూప్‌ ‘బి’లో శనివారం జరిగిన మ్యాచ్‌లో ఆసీస్‌ 5 వికెట్ల తేడాతో ఇంగ్లండ్‌ను ఓడించింది. మొదట బ్యాటింగ్‌కు దిగిన ఇంగ్లండ్‌(England)నిర్ణీత 50 ఓవర్లలో 8 వికెట్ల నష్టానికి 351 పరుగుల భారీ స్కోరు చేసింది. ఓపెనర్‌ బెన్‌ డకెట్‌ (143 బంతుల్లో 165; 17 ఫోర్లు, 3 సిక్స్‌లు) భారీ సెంచరీతో ఈ టోర్నీ చరిత్రలో అత్యధిక వ్యక్తిగత స్కోరు నమోదు చేశాడు.మిడిలార్డర్‌ బ్యాటర్‌ జో రూట్‌ (78 బంతుల్లో 68; 4 ఫోర్లు) అర్ధ శతకం సాధించాడు. అనంతరం భారీ లక్ష్యఛేదనకు దిగిన ఆ్రస్టేలియా 47.3 ఓవర్లలో 5 వికెట్ల నష్టానికి 356 పరుగులు చేసి గెలిచింది. 136/4 స్కోరు వద్ద ఓటమి వెంటాడుతున్న దశలో ‘ప్లేయర్‌ ఆఫ్‌ ద మ్యాచ్‌’ జోష్‌ ఇన్‌గ్లిస్‌ (86 బంతుల్లో 120 నాటౌట్‌; 8 ఫోర్లు, 6 సిక్స్‌లు) మెరుపు సెంచరీతో జట్టును గెలిపించే దాకా క్రీజులో నిలిచాడు.ఓపెనర్‌ మాథ్యూ షార్ట్‌ (66 బంతుల్లో 63; 9 ఫోర్లు, 1 సిక్స్‌), అలెక్స్‌ కేరీ (63 బంతుల్లో 69; 8 ఫోర్లు) అర్ధ సెంచరీలు సాధించగా, లబుõÙన్‌ (45 బంతుల్లో 47; 5 ఫోర్లు) రాణించాడు. చివర్లో గ్లెన్‌ మ్యాక్స్‌వెల్‌ (15 బంతుల్లో 32 నాటౌట్‌; 4 ఫోర్లు, 2 సిక్స్‌లు) అండగా నిలిచాడు. 2009 తర్వాత ఆసీస్‌ చాంపియన్స్‌ ట్రోఫీలో గెలవడం ఇదే తొలిసారి. 2013 ఈవెంట్‌లో రెండింట ఓడిపోగా, ఓ మ్యాచ్‌ రద్దయ్యింది. 2017లో రెండు మ్యాచ్‌లు రద్దవగా, ఓ మ్యాచ్‌లో ఓడింది. చాంపియన్స్‌ ట్రోఫీలో అత్యధిక పరుగుల ఛేదన చేసిన జట్టుగా ఆసీస్‌ నిలిచింది. స్కోరు వివరాలు ఇంగ్లండ్‌ ఇన్నింగ్స్‌: సాల్ట్‌ (సి) కేరీ (బి) డ్వార్షుయిస్‌ 10; డకెట్‌ (ఎల్బీడబ్ల్యూ) (బి) లబుషేన్‌ 165; జేమీ స్మిత్‌ (సి) కేరీ (బి) డ్వార్షుయిస్‌ 15; రూట్‌ (ఎల్బీడబ్ల్యూ) (బి) జంపా 68; హ్యారీ బ్రూక్‌ (సి) కేరీ (బి) జంపా 3; బట్లర్‌ (సి) ఎలీస్‌ (బి) మ్యాక్స్‌వెల్‌ 23; లివింగ్‌స్టోన్‌ (సి) ఎలిస్‌ (బి) డ్వార్షుయిస్‌ 14; కార్స్‌ (సి) అండ్‌ (బి) లబుõÙన్‌ 8; ఆర్చర్‌ నాటౌట్‌ 21; రషీద్‌ నాటౌట్‌ 1; ఎక్స్‌ట్రాలు 23; మొత్తం (50 ఓవర్లలో 8 వికెట్లకు) 351.వికెట్ల పతనం: 1–13, 2–43, 3–201, 4–219, 5–280, 6–316, 7–322, 8–338. బౌలింగ్‌: జాన్సన్‌ 7–0–54–0, డ్వార్షుయిస్‌ 10–0–66–3, నాథన్‌ ఎలిస్‌ 10–0–51–0, మ్యాక్స్‌వెల్‌ 7–0–58–1, జంపా 10–0–64–2, షార్ట్‌ 1–0–7–0, లబుõÙన్‌ 5–0–41–2. ఆ్రస్టేలియా ఇన్నింగ్స్‌: షార్ట్‌ (సి) అండ్‌ (బి) లివింగ్‌స్టోన్‌ 63; హెడ్‌ (సి) అండ్‌ (బి) ఆర్చర్‌ 6; స్మిత్‌ (సి) డకెట్‌ (బి) వుడ్‌ 5; లబుషేన్‌ (సి) బట్లర్‌ (బి) రషీద్‌ 47; ఇంగ్లిస్‌ నాటౌట్‌ 120; కేరీ (సి) బట్లర్‌ (బి) కార్స్‌ 69; మ్యాక్స్‌వెల్‌ నాటౌట్‌ 32; ఎక్స్‌ట్రాలు 14; మొత్తం (47.3 ఓవర్లలో 5 వికెట్ల నష్టానికి) 356. వికెట్ల పతనం: 1–21, 2–27, 3–122, 4–136, 5–282. బౌలింగ్‌: మార్క్‌వుడ్‌ 9.3–0–75–1, జోఫ్రా ఆర్చర్‌ 10–0–82–1, కార్స్‌ 7–0–69–1, రషీద్‌ 10–1–47–1, లివింగ్‌స్టోన్‌ 7–0–47–1, రూట్‌ 4–0–26–0.లాహోర్‌లో ‘భారత భాగ్య విధాత’ భారత జట్టు పాకిస్తాన్‌కు వెళ్లలేదు... ఆ దేశంలో మ్యాచ్‌ ఆడటం లేదు... అయినా సరే మన జనగణమన... అక్కడ మోగింది. నిర్వాహకులు చేసిన పొరపాటు వల్ల ఇది చోటు చేసుకుంది. ఏదైనా మ్యాచ్‌కు ముందు ఇరు జట్ల జాతీయ గీతాలు వినిపించడం రివాజు. శనివారం కూడా ముందుగా ఇంగ్లండ్‌ జాతీయ గీతం ‘గాడ్‌ సేవ్‌ ద కింగ్‌’ వినిపించింది. ఆ తర్వాత ఆ్రస్టేలియా ‘అడ్వాన్స్‌ ఆ్రస్టేలియా ఫెయిర్‌’ రావాల్సి ఉంది. అయితే ఆసీస్‌ జెండా కనిపిస్తుండగా సాంకేతిక పొరపాటు జరిగింది.భారత జాతీయ గీతంలోని పదం ‘భారత భాగ్య విధాత’ వినిపించింది. ఒక్కసారిగా షాక్‌కు గురైన సిబ్బంది దానిని వెంటనే నిలిపివేశారు. అయితే అప్పటికే అది ప్రసారం అయిపోయింది. దీనిపై పాక్‌ బోర్డు అసంతృప్తి వ్యక్తం చేసింది. మైదానంలో నిర్వహణా బాధ్యతలు చూస్తున్న ఐసీసీ వివరణ ఇవ్వాలని కోరింది.

ఐసీసీ ఛాంపియన్స్ ట్రోఫీ-2025లో భాగంగా ల‌హోర్ వేదిక‌గా ఇంగ్లండ్‌తో జ‌రుగిన మ్యాచ్‌లో ఆస్ట్రేలియా విజయం సాధించింది. ఇంగ్లండ్(England) నిర్ణీత 50 ఓవ‌ర్ల‌లో 8 వికెట్ల న‌ష్టానికి 351 ప‌రుగుల భారీ స్కోర్ సాధించింది. కాగా ఈ భారీ లక్ష్యాన్ని ఆస్ట్రేలియా(Australia) నిర్ణీత (47.3) ఓవ‌ర్ల‌లో 5 వికెట్ల న‌ష్టానికి 356 పరుగులు చేసి విజేతగా నిలిచింది.తుది జట్లుఆస్ట్రేలియా (ప్లేయింగ్ XI): మాథ్యూ షార్ట్, ట్రావిస్ హెడ్, స్టీవెన్ స్మిత్(కెప్టెన్‌), మార్నస్ లాబుషేన్‌, జోష్ ఇంగ్లిస్(వికెట్ కీప‌ర్‌), అలెక్స్ కారీ, గ్లెన్ మాక్స్‌వెల్, బెన్ ద్వార్షుయిస్, నాథన్ ఎల్లిస్, ఆడమ్ జంపా, స్పెన్సర్ జాన్సన్ఇంగ్లండ్ (ప్లేయింగ్ XI): ఫిలిప్ సాల్ట్, బెన్ డకెట్, జామీ స్మిత్(వికెట్ కీప‌ర్‌), జో రూట్, హ్యారీ బ్రూక్, జోస్ బట్లర్(కెప్టెన్‌), లియామ్ లివింగ్‌స్టోన్, బ్రైడన్ కార్సే, జోఫ్రా ఆర్చర్, ఆదిల్ రషీద్, మార్క్ వుడ్

ఛాంపియన్స్‌ ట్రోఫీ-2025లో ఇవాళ (ఫిబ్రవరి 22) బిగ్‌ ఫైట్‌ జరుగనుంది. గాయాలతో సతమతమవుతున్న వరల్డ్‌ ఛాంపియన్స్‌ ఆస్ట్రేలియా.. ఇటీవలే భారత్‌ చేతిలో భంగపడ్డ ఇంగ్లండ్‌ను ఢీకొట్టనుంది. ఈ మ్యాచ్‌ లాహోర్‌లోని గడాఫీ స్టేడియంలో మధ్యాహ్నం 2:30 గంటలకు ప్రారంభం కానుంది. గ్రూప్‌-బిలో భాగంగా ఈ మ్యాచ్‌ జరుగనుంది. గ్రూప్‌-బిలో భాగంగా నిన్న జరిగిన తొలి మ్యాచ్‌లో సౌతాఫ్రికా.. ఆఫ్ఘనిస్తాన్‌ను 107 పరుగుల తేడాతో చిత్తు చేసింది.కీలక ఆటగాళ్లు దూరంఈ టోర్నీలో ఆస్ట్రేలియా ద్వితియ శ్రేణి జట్టుతో బరిలోకి దిగుతుంది. కీలక ఆటగాళ్లు పాట్‌ కమిన్స్‌, జోష్‌ హాజిల్‌వుడ్‌, మిచెల్‌ మార్ష్‌ గాయాల బారిన పడగా.. మిచెల్‌ స్టార్క్‌ వ్యక్తిగత కారణాల చేత ఈ టోర్నీకి దూరంగా ఉన్నాడు. మరో స్టార్‌ ప్లేయర్‌ మార్కస్‌ స్టోయినిస్‌ టోర్నీ ప్రారంభానికి కొద్ది రోజుల ముం​దు వన్డేలకు రిటైర్మెంట్‌ ప్రకటించాడు. రెగ్యులర్‌ కెప్టెన్‌ కమిన్స్‌ గైర్హాజరీలో స్టీవ్‌ స్మిత్‌ ఆసీస్‌ సారథ్య బాధ్యతలను మోస్తున్నాడు.భారత్‌ చేతిలో భంగపాటుఈ టోర్నీ ప్రారంభానికి ముందు ఇంగ్లండ్‌ భారత్‌ చేతిలో వన్డే సిరీస్‌ను కోల్పోయి భంగపాటుకు గురైంది. భారత్‌తో సిరీస్‌లో ఇంగ్లండ్‌ బ్యాటింగ్‌, బౌలింగ్‌ విభాగాల్లో దారుణంగా విఫలమైంది. ఆసీస్‌తో మ్యాచ్‌ ప్రారంభానికి రెండు రోజుల ముందే ఇంగ్లండ్‌ తమ తుది జట్టును ప్రకటించింది. యువ ఆటగాడు జేమీ స్మిత్‌ మూడో స్థానంలో బరిలోకి దిగనున్నాడు. రూట్‌ నాలుగో స్థానంలో బ్యాటింగ్‌ చేయనున్నాడు.ఆసీస్‌తో వన్డే కోసం​ ఇంగ్లండ్‌ తుది జట్టు..ఫిల్‌ సాల్ట్‌, బెన్‌ డకెట్‌, జేమీ స్మిత్‌ (వికెట్‌కీపర్‌), జో రూట్‌, హ్యారీ బ్రూక్‌, జోస్‌ బట్లర్‌ (కెప్టెన్‌), లియామ్‌ లివింగ్‌స్టోన్‌, బ్రైడన్‌ కార్స్‌, జోఫ్రా ఆర్చర్‌, ఆదిల్‌ రషీద్‌, మార్క్‌ వుడ్‌హెడ్‌ టు హెడ్‌ రికార్డులు ఇలా..!ఆస్ట్రేలియా, ఇంగ్లండ్‌ జట్లు ఇప్పటివరకు వన్డేల్లో 161 సార్లు ఎదురెదురుపడ్డాయి. ఇందులో ఆసీస్‌ 91 సార్లు గెలుపొందగా.. ఇంగ్లండ్‌ 65 మ్యాచ్‌ల్లో విజేతగా నిలిచింది. రెండు మ్యాచ్‌లు టై కాగా.. మూడు మ్యాచ్‌ల్లో ఫలితం తేలలేదు.ఛాంపియన్స్‌ ట్రోఫీలో ఎవరిది ఆధిపత్యం..?ఛాంపియన్స్‌ ట్రోఫీలో ఆసీస్‌, ఇంగ్లండ్‌ ఇప్పటివరకు 5 మ్యాచ్‌ల్లో తలపడగా.. ఇంగ్లండ్‌ 3, ఆసీస్‌ 2 మ్యాచ్‌ల్లో గెలుపొందాయి. చివరి రెండు ఎడిషన్లలో (2013, 2017) ఇంగ్లండ్‌ ఆసీస్‌పై జయకేతనం ఎగురవేసింది. ఇక ఇరు జట్లు చివరిగా తలపడిన ఐదు వన్డేల్లో ఆసీస్‌ 3, ఇంగ్లండ్‌ 2 మ్యాచ్‌ల్లో విజయాలు సాధించాయి. ఆసీస్‌ జట్టు..స్టీవ్‌ స్మిత్‌ (కెప్టెన్‌), జోస్‌ ఇంగ్లిస్‌ (వికెట్‌కీపర్‌), మాథ్యూ షార్ట్‌, ట్రవిస్‌ హెడ్‌, జేక్‌ ఫ్రేజర్‌ మెక్‌గుర్క్‌, ఆరోన్‌ హార్డీ, గ్లెన్‌ మ్యాక్స్‌వెల్‌, సీన్‌ అబాట్‌, బెన్‌ డ్వార్షుయిష్‌, ఆడమ్‌ జంపా, తన్వీర్‌ సంఘా, నాథన్‌ ఇల్లిస్‌, స్పెన్సర్‌ జాన్సన్‌, మార్నస్‌ లబూషేన్‌, అలెక్స్‌ క్యారీ

ఐసీసీ ఛాంపియ‌న్స్ ట్రోఫీ-2025లో ఇంగ్లండ్ త‌మ తొలి మ్యాచ్ ఆడేందుకు సిద్ద‌మవుతోంది. ఈ మెగా టోర్నీ గ్రూపు-బిలో భాగంగా ఫిబ్ర‌వ‌రి 23న ల‌హోర్ వేదిక‌గా ఆస్ట్రేలియాతో ఇంగ్లండ్ త‌ల‌ప‌డ‌నుంది. ఇప్ప‌టికే ల‌హోర్‌కు చేరుకున్న ఇంగ్లీష్ జ‌ట్టు నెట్స్‌లో తీవ్రంగా శ్ర‌మిస్తోంది. ఈ మ్యాచ్‌లో ఎలాగైనా గెలిచి టోర్నీలో శుభారంభం చేయాల‌ని బ‌ట్ల‌ర్ సేన భావిస్తోంది.ఈ క్రమం‍లో ఆసీస్‌తో మ్యాచ్‌కు ఇం‍గ్లండ్ క్రికెట్‌​ తమ ప్లేయింగ్ ఎలెవన్‌ను ప్రకటించింది. భారత్‌తో వన్డే సిరీస్‌కు గాయం కారణంగా దూరమైన వికెట్ కీపర్ బ్యాటర్ జేమీ స్మిత్ తిరిగి జట్టులోకి వచ్చాడు. కెప్టెన్ జోస్ బట్లర్ స్ధానంలో వికెట్ కీపర్ బాధ్యతలు చేపట్టనున్నాడు. ఈ విషయాన్ని ఇంగ్లండ్ అండ్ వేల్స్ క్రికెట్ బోర్డు ధ్రువీకరించింది. ఆస్ట్రేలియాతో మ్యాచ్‌లో ఇంగ్లండ్ ముగ్గురు పేసర్లతో బరిలోకి దిగనుంది.ఆసీస్‌తో మ్యాచ్‌కు ఇంగ్లండ్‌ తుది జట్టు ఇదేఫిల్ సాల్ట్, బెన్ డకెట్, జామీ స్మిత్ (వికెట్ కీపర్‌), జో రూట్, హ్యారీ బ్రూక్, జోస్ బట్లర్ (కెప్టెన్‌), లియామ్ లివింగ్‌స్టోన్, బ్రైడన్ కార్సే, జోఫ్రా ఆర్చర్, ఆదిల్ రషీద్‌, మార్క్ వుడ్‌చదవండి: Champions Trophy: చరిత్ర సృష్టించిన రోహిత్‌ శర్మ.. సచిన్‌ రికార్డు బద్దలు

భువనేశ్వర్‌: అంతర్జాతీయ హాకీ సమాఖ్య (ఎఫ్‌ఐహెచ్‌) ప్రొ హాకీ లీగ్‌లో భాగంగా ఆదివారం జరిగిన మ్యాచ్‌ల్లో భారత జట్లకు మిశ్రమ ఫలితాలు ఎదురయ్యాయి. ముందుగా భారత మహిళల జట్టు ‘షూటౌట్‌’లో 1–2తో ఇంగ్లండ్‌ జట్టు చేతిలో ఓడిపోగా... అనంతరం భారత పురుషుల జట్టు 2–0 గోల్స్‌ తేడాతో స్పెయిన్‌ జట్టుపై విజయం సాధించింది. భారత జట్టు తరఫున మన్‌దీప్‌ సింగ్‌ (32వ నిమిషంలో), దిల్‌ప్రీత్‌ సింగ్‌ (39వ నిమిషంలో) ఒక్కో గోల్‌ చేశారు. ఇంగ్లండ్‌–భారత్‌ మహిళల జట్ల మధ్య మ్యాచ్‌లో నిర్ణీత సమయం ముగిశాక రెండు జట్లు 2–2తో సమంగా నిలిచాయి. భారత్‌ తరఫున నవ్‌నీత్‌ కౌర్‌ (53వ నిమిషంలో), రుతుజా (57వ నిమిషంలో)... ఇంగ్లండ్‌ తరఫున పెయిజ్‌ గిలోట్‌ (40వ నిమిషంలో), టెసా హొవార్డ్‌ (56వ నిమిషంలో) ఒక్కో గోల్‌ నమోదు చేశారు. విజేతను నిర్ణయించేందుకు ‘షూటౌట్‌’ నిర్వహించారు. తొలి ఐదు షాట్‌లు ముగిశాక రెండు జట్లు 1–1తో సమంగా నిలిచాయి. ఆ తర్వాత ఆరో షాట్‌లో రెండు జట్ల క్రీడాకారిణులు విఫలమయ్యారు. ఏడో షాట్‌లో భారత ప్లేయర్‌ లాల్‌రెమ్‌సియామి గురి తప్పగా... ఇంగ్లండ్‌ ప్లేయర్‌ సోఫీ హామిల్టన్‌ బంతిని లక్ష్యానికి చేర్చడంతో భారత్‌కు ఓటమి ఖరారైంది.

భువనేశ్వర్‌: ఎఫ్‌ఐహెచ్‌ పురుషుల ప్రొ లీగ్‌లో భారత జట్టు పరాజయం పాలైంది. భారత అంచె పోటీల్లో భాగంగా శనివారం జరిగిన తొలి మ్యాచ్‌లో హర్మన్‌ప్రీత్‌ సింగ్‌ సారథ్యంలోని భారత్‌ 1–3 గోల్స్‌ తేడాతో స్పెయిన్‌ చేతిలో ఓడింది. 2024 పారిస్‌ ఒలింపిక్స్‌ కాంస్య పతక పోరులో భారత జట్టు చేతిలో ఎదురైన పరాజయానికి స్పెయిన్‌ బదులు తీర్చుకున్నట్లైంది. భారత్‌ తరఫున సుఖ్‌జీత్‌సింగ్‌ (25వ నిమిషంలో) ఏకైక గోల్‌ సాధించాడు. స్పెయిన్‌ తరఫున బోర్జా లాకల్లె (28వ నిమిషంలో), ఇగ్నాషియా కొబొస్‌ (38వ ని.లో), బ్రూనో అవిలా (56వ ని.లో) తలా ఒక గోల్‌ చేశారు. భారత జట్టు పదే పదే దాడులు చేసినా స్పెయిన్‌ రక్షణ పంక్తి సమర్థవంతంగా అడ్డుకుంది. తొలి క్వార్టర్‌లో ఇరు జట్లు ఎంత ప్రయత్నించినా... గోల్‌ చేయలేకపోయాయి. రెండో క్వార్టర్‌ను ఇరు జట్లు మరింత దూకుడుగా ప్రారంభించాయి. ఈ క్రమంలో సుఖ్‌జీత్‌ సింగ్‌ గోల్‌తో భారత్‌ ఆధిక్యంలోకి వెళ్లగా... మూడు నిమిషాల వ్యవధిలోనే గోల్‌ కొట్టిన స్పెయన్‌ స్కోరు సమం చేసింది. ఆ తర్వాత వరుసగా రెండు క్వార్టర్స్‌లో ఒక్కో గోల్‌ బాదిన స్పెయిన్‌ మ్యాచ్‌ను చేజిక్కించుకుంది. ఆదివారం మరోసారి స్పెయిన్‌తో భారత్‌ ఆడనుంది. హోరాహోరీ పోరులో భారత అమ్మాయిల విజయం ఎఫ్‌ఐహెచ్‌ మహిళల ప్రొ లీగ్‌లో భారత మహిళల జట్టు శుభారంభం చేసింది. భారత అంచె పోటీల్లో భాగంగా శనివారం హోరాహోరీగా సాగిన తొలి పోరులో భారత్‌ 3–2 పాయింట్ల తేడాతో ఇంగ్లండ్‌పై విజయం సాధించింది. కళింగ స్టేడియంలో జరిగిన పోరులో తమకన్నా మెరుగైన ర్యాంక్‌ ఉన్న ఇంగ్లండ్‌ జట్టుపై భారత్‌ స్ఫూర్తిదాయకమైన ప్రదర్శన కనబర్చింది. భారత్‌ తరఫున వైష్ణవి (6వ నిమిషంలో), దీపిక (25వ ని.లో) నవ్‌నీత్‌ కౌర్‌ (59వ ని.లో) తలా ఒక గోల్‌ చేశారు. వైష్ణవి, దీపిక పెనాల్టీ కార్నర్‌లను గోల్స్‌గా మలచగా... ఆట ఆఖరి నిమిషంలో అదిరిపోయే ఫీల్డ్‌గోల్‌తో నవ్‌నీత్‌ జట్టుకు విజయాన్ని అందించింది. ఇంగ్లండ్‌ తరఫున డార్సీ బౌర్నె (12వ నిమిషంలో), ఫియానా క్రాక్లెస్‌ (58వ ని.లో) చెరో గోల్‌ కొట్టారు. ఎఫ్‌ఐహెచ్‌ ర్యాంకింగ్స్‌లో తొమ్మిదో స్థానంలో ఉన్న భారత్‌.. వైష్ణవి గోల్‌తో తొలి క్వార్టర్‌లోనే ఖాతా తెరిచింది. అయితే కాసేపటికే ఏడో ర్యాంక్‌లో ఉన్న ఇంగ్లండ్‌ స్కోరు సమం చేసింది. రెండో క్వార్టర్‌లో దీపిక గోల్‌తో ఆధిక్యంలోకి వెళ్లిన భారత్‌... సునాయాసంగానే మ్యాచ్‌ గెలిచేలా కనిపించింది. ఈ క్రమంలో గోల్‌కీపర్‌ సవిత పూనియా కొన్ని చక్కటి సేవ్‌లతో ప్రత్యర్థికి స్కోరు చేసే అవకాశం ఇవ్వలేదు. చివర్లో ఇంగ్లండ్‌ స్కోరు సమం చేసినా... నిమిషం వ్యవధిలోనే మరో గోల్‌ కొట్టిన భారత్‌ విజయం సాధించింది. ఆదివారం జరగనున్న మ్యాచ్‌లో మరోసారి ఇంగ్లండ్‌తో భారత అమ్మాయిల జట్టు తలపడుతుంది.

మరోవైపు మహిళల ఎఫ్‌ఐహెచ్‌ ప్రొ లీగ్‌లో భాగంగా నేడు జరగనున్న తొలి పోరులో ఇంగ్లండ్‌తో భారత్‌ తలపడుతుంది. ఆదివారం రెండో మ్యాచ్‌లోనూ ఇంగ్లండ్‌తో ఆడుతుంది. ఫలితాలతో సంబంధం లేకుండా మెరుగైన ఆటతీరు కనబర్చడమే తమ ముందున్న లక్ష్యమని భారత మహిళల హాకీ జట్టు సారథి సలీమా టెటె పేర్కొంది. మెరుగు పర్చుకోవాల్సిన అంశాలపై దృష్టి పెట్టేందుకు ఈ లీగ్‌ ఎంతగానో ఉపయోగపడుతుందిన సలీమా వెల్లడించింది. ఈ నెల 18, 19న స్పెయిన్‌తో... 21, 22న జర్మనీతో... 24, 25న నెదర్లాండ్స్‌తో భారత్‌ మ్యాచ్‌లు ఆడుతుంది. ‘మా ఆటపైనే ప్రధానంగా దృష్టి పెడతాం. పలువురు ప్లేయర్లు తొలిసారి ప్రొ లీగ్‌ మ్యాచ్‌లు ఆడనున్నారు. గెలుపోటములు ఆటలో భా గం. మా వరకు అత్యుత్తమ ప్రదర్శన చేయడమే లక్ష్యంగా పెట్టుకున్నాం. హరేంద్ర సింగ్‌ చీఫ్‌ కోచ్‌గా వచ్చినప్పటి నుంచి గేమ్‌ప్లాన్‌ మెరుగైంది. ప్లేయర్ల మధ్య అనుబంధం కూడా పెరిగింది. అదే మైదానంలో ప్రస్ఫుటమవుతోంది’ అని సలీమా వెల్లడించింది.

క్రికెట్ మికులు ఎంతో ఆతృతగా ఎదురుచూస్తున్న ఐసీసీ ఛాంపియన్స్ ట్రోఫీ-2025కు సమయం అసన్నమైంది. ఫిబ్రవరి 19 నుంచి పాకిస్తాన్ వేదికగా ఈ ఐసీసీ మహాసంగ్రామానికి తెరలేవనుంది. తొలి మ్యాచ్‌లో న్యూజిలాండ్‌, పాకిస్తాన్ జట్లు కరాచీ వేదికగా తలపడనున్నాయి. ఈ మెగా టోర్నీలో మొత్తం 8 జట్లు పాల్గోనున్నాయి. గ్రూప్-ఏలో భారత్, పాకిస్తాన్, న్యూజిలాండ్, బంగ్లాదేశ్ జట్లు ఉండగా.. గ్రూప్-బీలో ఆస్ట్రేలియా, ఇంగ్లండ్, సౌతాఫ్రికా, అప్ఘనిస్తాన్ జట్లు ఉన్నాయి. ఈ ఈవెంట్‌లో భార‌త జ‌ట్టు త‌మ మ్యాచ్‌ల‌ను దుబాయ్ వేదిక‌గా ఆడ‌నుంది. సెమీ ఫైనల్స్, ఫైనల్స్‌కి వెళ్తే ఆ మ్యాచ్‌లు కూడా దుబాయ్‌లోనే జ‌ర‌గ‌నున్నాయి. ఈ టోర్నీ హైబ్రిడ్ మోడ‌ల్‌లో నిర్వ‌హించేందుకు పీసీబీ అంగీక‌రించింది. తొలుత మొండి ప‌ట్టుప‌ట్టిన‌ప్ప‌టికి ఐసీసీ డిమాండ్ల‌కు పీసీబీ త‌లొగ్గింది.ఇక ఈ మెగా ఈవెంట్‌లో భార‌త్ త‌మ తొలి మ్యాచ్‌లో ఫిబ్ర‌వ‌రి 19న దుబాయ్ వేదిక‌గా బంగ్లాదేశ్‌తో త‌ల‌ప‌డునుంది. ఆ త‌ర్వాత ఈ నెల 23న దాయాది పాకిస్తాన్‌తో టీమిండియా త‌ల‌ప‌డ‌నుంది. అయితే భార‌త్‌కు జ‌స్ప్రీత్ బుమ్రా గాయం రూపంలో గ‌ట్టి ఎదురు దెబ్బ త‌గ‌లింది. బుమ్రా గాయం కార‌ణంగా ఈ ఐసీసీ టోర్నీకి దూర‌మ‌య్యాడు. అత‌డి స్ధానాన్ని హర్షిత్‌ రాణాతో సెల‌క్ట‌ర్లు భర్తీ చేశారు. అదేవిధంగా ఆఖ‌రి నిమిషంలో స్పిన్న‌ర్ వ‌రుణ్ చ‌క్ర‌వ‌ర్తిని కూడా ఛాంపియ‌న్స్ ట్రోఫీ జ‌ట్టులోకి తీసుకున్నారు. ఈ క్ర‌మంలో ఛాంపియ‌న్స్ ట్రోఫీ కోసం టీమిండియా ప్లేయింగ్ ఎలెవ‌న్‌ను ఇంగ్లండ్ మాజీ సార‌థి కెవిన్ పీట‌ర్స‌న్ ఎంపిక చేశాడు. పేసర్ హర్షిత్ రాణా, వికెట్ కీపర్ బ్యాటర్ రిషబ్ పంత్, స్పిన్ ద్వయం వరుణ్ చక్రవర్తి, వాషింగ్టన్ సుందర్‌లను పీటర్సన్ పట్టించుకోలేదు. ఓపెన‌ర్ల‌గా రోహిత్ శ‌ర్మ‌, శుబ్‌మ‌న్ గిల్‌ల‌కు త‌న జ‌ట్టులో పీట‌ర్స‌న్ చోటిచ్చాడు. అదేవిధంగా విరాట్ కోహ్లి, శ్రేయ‌స్ అయ్య‌ర్‌ల‌కు ఫ‌స్ట్ డౌన్‌, సెకెండ్ డౌన్‌లో అత‌డు అవ‌కాశ‌మిచ్చాడు.మిడిలార్డర్‌లో వికెట్ కీప‌ర్ బ్యాట‌ర్ కేఎల్ రాహుల్‌, ఆల్‌రౌండ‌ర్ అక్ష‌ర్ ప‌టేల్‌ను పీట‌ర్స‌న్ సెల‌క్ట్ చేశాడు. ఫినిష‌ర్ల‌గా హార్దిక్ పాండ్యా, ర‌వీంద్ర జ‌డేజాల‌కు ఈ ఇంగ్లండ్ మాజీ కెప్టెన్ ఛాన్స్ ఇచ్చాడు. ఇక ఫాస్ట్ బౌల‌ర్ల కోటాలో అర్ష్‌దీప్ సింగ్‌, మ‌హ్మ‌ద్ ష‌మీ.. స్పెష‌లిస్టు స్పిన్న‌ర్‌గా కుల్దీప్ యాద‌వ్‌ను పీట‌ర్స‌న్ ఎంపిక చేశాడు. కాగా ఈ మెగా టోర్నీకి ముందు స్వదేశంలో ఇంగ్లండ్‌తో జరిగిన వన్డే సిరీస్‌ను 3-0 తేడాతో భారత​ క్లీన్‌ స్వీప్‌ చేసింది. ఇదే జోరును ఛాంపియన్స్‌ ట్రోఫీలోనూ కొనసాగించాలని ఉవ్విళ్లూరుతోంది.ఛాంపియన్స్ ట్రోఫీకి పీట‌ర్స‌న్ ఎంపిక చేసిన భార‌త తుది జట్టురోహిత్ శర్మ (కెప్టెన్‌), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కెఎల్ రాహుల్ (వికెట్ కీప‌ర్‌), అక్షర్ పటేల్, హార్దిక్ పాండ్యా, రవీంద్ర జడేజా, అర్ష్‌దీప్ సింగ్, మహ్మద్ షమీ, కుల్దీప్ యాదవ్.చదవండి: ప్లీజ్‌.. నన్ను కింగ్ అని పిల‌వ‌కండి: బాబర్‌ ఆజం

ఛాంపియ‌న్స్ ట్రోఫీ-2025(Champions Trophy) కు మ‌రో ఐదు రోజుల్లో తెర‌లేవ‌నుంది. ఫిబ్ర‌వ‌రి 19 నుంచి క‌రాచీ (పాకిస్తాన్) వేదిక‌గా ఈ మెగా టోర్నీ ప్రారంభం కానుంది. ఈ మెగా ఈవెంట్‌లో పాల్గోనే అన్ని జ‌ట్లు త‌మ ఆస్త్ర‌శాస్త్రాల‌ను సిద్దం చేసుకుంటున్నాయి. ఎనిమిదేళ్ల త‌ర్వాత జ‌రుగుతున్న ఈ మెగా టోర్నీలో ఎలాగైనా ఛాంపియ‌న్స్‌గా నిల‌వాల‌ని ఆయా జ‌ట్లు ప‌ట్టుద‌లతో ఉన్నాయి.ఈ ​మినీ వరల్డ్‌కప్ కోసం టీమ్స్ ఒక్కొక్కటిగా పాకిస్తాన్‌కు చేరుకుంటున్నాయి. పాకిస్తాన్ 1996 వ‌న్డే ప్ర‌పంచ‌క‌ప్ త‌ర్వాత ఓ ఐసీసీ ఈవెంట్‌కు ఆతిథ్య‌మివ్వ‌నుండ‌డం ఇదే మొద‌టి సారి. ఇక‌ భార‌త్ త‌మ తొలి మ్యాచ్‌లో ఫిబ్ర‌వ‌రి 20న దుబాయ్ వేదిక‌గా బంగ్లాదేశ్‌తో త‌ల‌ప‌డ‌నుంది. టీమిండియా త‌మ మొత్తం మ్యాచ్‌లు దుబాయ్‌లోనే ఆడనుంది.కాగా ఈ మెగా టోర్నీకి స‌మ‌యం ద‌గ్గ‌ర‌ప‌డుతుండ‌డంతో ఏయే టీమ్స్ సెమీస్ చేరుతాయి, విజేత ఎవ‌ర‌న్న‌ది? మాజీ క్రికెటర్లు అంచ‌నా వేస్తున్నారు. తాజాగా ఈ జాబితాలోకి ఇంగ్లండ్ మాజీ కెప్టెన్ కెవిన్ పీటర్సన్ చేరాడు. భార‌త్‌, పాకిస్తాన్‌, న్యూజిలాండ్‌, ద‌క్షిణాఫ్రికా జ‌ట్లు సెమీస్‌కు చేరుతాయ‌ని పీట‌ర్స‌న్ చెప్పుకొచ్చాడు.అదేలా సాధ్యం కెవిన్‌?అయితే ఇక్క‌డే పీట‌ర్స‌న్ ప‌ప్పులో కాలేశాడు. ఎందుకంటే కెవిన్‌ ఎంచుకున్న జ‌ట్ల‌లో మూడు టీమ్స్ ఒకే గ్రూపులో ఉన్న‌వి కావ‌డం గ‌మ‌నార్హం. ఈ మినీ వ‌ర‌ల్డ్‌క‌ప్‌లో మొత్తం 8 జట్లు పాల్గోంటున్నాయి. వీటిని రెండు గ్రూప్‌లుగా విభజించారు. అందులో గ్రూప్‌-ఎలో పాకిస్థాన్, భారత్‌, న్యూజిలాండ్‌, బంగ్లాదేశ్‌ జట్లు ఉన్నాయి. గ్రూప్‌-బిలో దక్షిణాఫ్రికా, ఆస్ట్రేలియా, అప్ఘానిస్థాన్‌, ఇంగ్లండ్‌లు ఉన్నాయి. ప్రతి గ్రూప్ నుండి పాయింట్ల ప‌ట్టిక‌లో తొలి రెండు రెండు స్ధానాల్లో నిలిచిన జట్లు మాత్రమే సెమీ-ఫైనల్‌కు చేరుకుంటాయి. కానీ ఈ ఇంగ్లండ్ దిగ్గజం మాత్రం గ్రూపు-ఎ నుంచే మూడు జట్లు సెమీస్‌కు చేరుకుంటాయని అంచనావేశాడు.మ్యాథమెటికల్‌గా ఒకే గ్రూపు నుంచి మూడు జట్లు సెమీస్‌కు చేరడం సాధ్యం కాదు. దీంతో నెటిజన్లు పీట‌ర్స‌న్‌ను ట్రోలు చేస్తున్నారు. కాగా ఈ మెగా టోర్నీకి టీమిండియా స్టార్‌ ప్లేయర్‌​ జస్ప్రీత్‌ బుమ్రా గాయం కారణంగా దూరమయ్యాడు. అతడి స్ధానాన్ని హర్షిత్‌ రాణాతో బీసీసీఐ భర్తీ చేసింది.ఛాంపియన్స్‌ ట్రోఫీకి భారత జట్టురోహిత్ శర్మ (కెప్టెన్), శుభ్‌మన్ గిల్ (వైస్‌ కెప్టెన్‌), విరాట్ కోహ్లీ, కేఎల్ రాహుల్, రిషభ్ పంత్ (వికెట్ కీపర్), శ్రేయస్ అయ్యర్, రవీంద్ర జడేజా, అక్షర్ పటేల్, వాషింగ్టన్ సుందర్, హార్దిక్‌ పాండ్యా, కుల్‌దీప్‌ యాదవ్, హర్షిత్ రాణా, మహ్మద్‌ షమీ, అర్ష్‌దీప్‌ సింగ్, వరుణ్‌​ చక్రవర్తిచదవండి:Champions Trophy 2025: ఫేక్‌ అక్రెడిటేషన్‌తో కరాచీ స్టేడియానికి.. భద్రతపై సందేహాలు

వన్డేల్లో భారత జట్టు మరోసారి తమ బలాన్ని ప్రదర్శించింది. సొంతగడ్డపై తమ స్థాయిని చూపిస్తూ ఇంగ్లండ్‌ను క్లీన్‌స్వీప్‌ చేసింది. గత రెండు మ్యాచ్‌ల తరహాలో సంపూర్ణ ఆధిపత్యం కనబర్చిన టీమిండియా చివరి పోరులోనూ ఘన విజయాన్ని అందుకుంది. కెరీర్‌లో 50వ వన్డే ఆడిన శుబ్‌మన్‌ గిల్‌ శతకానికి తోడు శ్రేయస్‌ అయ్యర్, విరాట్‌ కోహ్లి రాణించడంతో భారీ స్కోరు సాధించిన టీమిండియా ఆ తర్వాత బలమైన బౌలింగ్‌తో ప్రత్యర్థిని కట్టి పడేసింది.‘బజ్‌బాల్‌‘ మాయలో ‘బ్యాడ్‌బాల్‌’గా మారిపోయిన ఆటతో ఇంగ్లండ్‌ మరో భారీ ఓటమిని మూటగట్టుకుంది. మరోవైపు కోహ్లి సహా ప్రధాన బ్యాటర్లంతా ఫామ్‌లోకి వచ్చిన సానుకూలతతో ఇక చాంపియన్స్‌ ట్రోఫీ సమరానికి రోహిత్‌ బృందం సన్నద్ధమైంది. అహ్మదాబాద్‌: ఇంగ్లండ్‌పై టి20 సిరీస్‌ను 4–1తో గెలుచుకున్న భారత్‌ జట్టు ఇప్పుడు వన్డే సిరీస్‌ను 3–0తో క్లీన్‌స్వీప్‌ చేసింది. బుధవారం నరేంద్ర మోదీ స్టేడియంలో జరిగిన చివరిదైన మూడో మ్యాచ్‌లో భారత్‌ 142 పరుగుల తేడాతో ఇంగ్లండ్‌పై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన భారత్‌ 50 ఓవర్లలో 356 పరుగులకు ఆలౌటైంది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (102 బంతుల్లో 112; 14 ఫోర్లు, 3 సిక్స్‌లు) సెంచరీతో చెలరేగగా... శ్రేయస్‌ అయ్యర్‌ (64 బంతుల్లో 78; 8 ఫోర్లు, 2 సిక్స్‌లు), కోహ్లి (55 బంతుల్లో 52; 7 ఫోర్లు, 1 సిక్స్‌) అర్ధసెంచరీలు చేశారు. కోహ్లితో 116 పరుగులు జోడించిన గిల్, అయ్యర్‌తో 104 పరుగులు జత చేశాడు. అనంతరం ఇంగ్లండ్‌ 34.2 ఓవర్లలో 214 పరుగులకే ఆలౌటైంది. అట్కిన్సన్‌ (19 బంతుల్లో 38; 6 ఫోర్లు, 1 సిక్స్‌), బాంటన్‌ (41 బంతుల్లో 38; 4 ఫోర్లు, 2 సిక్స్‌లు) టాప్‌ స్కోరర్లుగా నిలిచారు. సిరీస్‌లో 259 పరుగులు చేసిన గిల్‌కే ‘ప్లేయర్‌ ఆఫ్‌ ద సిరీస్‌’ అవార్డు దక్కింది. శతక భాగస్వామ్యాలు... గత మ్యాచ్‌లో సెంచరీతో చెలరేగిన రోహిత్‌ శర్మ (1) ఈసారి రెండో బంతికే వెనుదిరిగాడు. అయితే గిల్, కోహ్లి భాగస్వామ్యంలో భారత్‌ ఇన్నింగ్స్‌ సరైన దిశలో సాగింది. 7 పరుగుల వద్ద సమన్వయ లోపంతో కోహ్లి రనౌట్‌ ప్రమాదంలో పడినా వుడ్‌ త్రో నేరుగా వికెట్లను తగలకపోవడంతో బతికిపోయాడు. తొలి 10 ఓవర్లలో భారత్‌ 52 పరుగులు చేసింది. ఆ తర్వాత వీరిద్దరు కొన్ని చక్కటి షాట్లతో అలరించారు. ఐదు బంతుల వ్యవధిలో గిల్‌ (51 బంతుల్లో), కోహ్లి (50 బంతుల్లో) అర్ధ సెంచరీలు పూర్తయ్యాయి. అయితే తర్వాతి ఓవర్లో రషీద్‌ వేసిన చక్కటి బంతిని ఆడలేక కోహ్లి వెనుదిరిగాడు. అనంతరం ఫామ్‌లో ఉన్న అయ్యర్‌...గిల్‌తో జత కలిశాడు. ఈ జోడీ కూడా పదునైన బ్యాటింగ్‌తో అలవోకగా పరుగులు సాధించింది. వుడ్‌ ఓవర్లో డీప్‌ మిడ్‌వికెట్‌ మీదుగా ఫోర్‌ కొట్టి 95 బంతుల్లోనే గిల్‌ సెంచరీ మార్క్‌ను చేరుకున్నాడు. ఆ వెంటనే 43 బంతుల్లో అయ్యర్‌ హాఫ్‌ సెంచరీ సాధించాడు. అయితే తక్కువ వ్యవధిలో వీరిద్దరిని ఆదిల్‌ రషీద్‌ వెనక్కి పంపించాడు. గత రెండు వన్డేల్లో విఫలమైన కేఎల్‌ రాహుల్‌ (29 బంతుల్లో 40; 3 ఫోర్లు, 1 సిక్స్‌) ఈసారి మెరుగ్గా ఆడగా... రషీద్‌ ఓవర్లో వరుసగా 6, 6 బాది తర్వాతి బంతికి హార్దిక్‌ పాండ్యా (9 బంతుల్లో 17) అవుటయ్యాడు.తర్వాత వచ్చిన బ్యాటర్లందరూ దూకుడుగా ఆడే ప్రయత్నం చేశారు. ఈ క్రమంలో వరుసగా వికెట్లు కోల్పోయినా... భారత్‌ 350 పరుగుల స్కోరును దాటగలిగింది. ఆఖరి 7 బంతుల్లో 3 వికెట్లు కోల్పోయి ఆలౌటైంది. భారత తుది జట్టులో వరుణ్‌ చక్రవర్తి, షమీ, రవీంద్ర జడేజా స్థానాల్లో కుల్దీప్, వాషింగ్టన్‌ సుందర్, అర్ష్ దీప్ తుది జట్టులోకి వచ్చారు. సమష్టి వైఫల్యం... భారీ లక్ష్యాన్ని ఛేదించే క్రమంలో ఇంగ్లండ్‌ ఓపెనర్లు ఫిల్‌ సాల్ట్‌ (21 బంతుల్లో 23; 4 ఫోర్లు), బెన్‌ డకెట్‌ (22 బంతుల్లో 34; 8 ఫోర్లు) సరైన ఆరంభాన్ని అందించారు. వీరిద్దరు తొలి వికెట్‌కు 6.2 ఓవర్లలోనే 60 పరుగులు జోడించారు. రాణా తన తొలి 2 ఓవర్లలో 5 ఫోర్లతో 22 పరుగులు ఇవ్వగా... అర్ష్ దీప్ ఓవర్లో డకెట్‌ వరుసగా 4 బంతుల్లో 4 ఫోర్లు కొట్టాడు. అయితే ఈ భాగస్వామ్యం విడిపోయిన తర్వాత ఇంగ్లండ్‌ తడబడింది. బాంటన్, రూట్‌ (29 బంతుల్లో 24; 2 ఫోర్లు) కొద్దిసేపు నిలబడినా వీరిద్దరు ఎనిమిది పరుగుల వ్యవధిలో వెనుదిరిగారు. ఆ తర్వాత జట్టు కోలుకోలేకపోయింది. టపటపా వికెట్లను కోల్పోయి ఓటమి దిశగా పయనించింది. రాణా వరుసగా రెండు ఓవర్లలో బట్లర్‌ (6), బ్రూక్‌ (26 బంతుల్లో 19; 1 ఫోర్, 1 సిక్స్‌)లను బౌల్డ్‌ చేయడంతో జట్టు ఆశలు కోల్పోయింది. మిగతా లాంఛనం ముగిసేందుకు ఎక్కువ సమయం పట్టలేదు. మరో 15.4 ఓవర్లు మిగిలి ఉండగానే జట్టు కుప్పకూలింది. స్కోరు వివరాలు భారత్‌ ఇన్నింగ్స్‌: రోహిత్‌ (సి) సాల్ట్‌ (బి) వుడ్‌ 1; గిల్‌ (బి) రషీద్‌ 112; కోహ్లి (సి) సాల్ట్‌ (బి) రషీద్‌ 52; అయ్యర్‌ (సి) సాల్ట్‌ (బి) రషీద్‌ 78; రాహుల్‌ (ఎల్బీ) (బి) మహమూద్‌ 40; పాండ్యా (బి) రషీద్‌ 17; అక్షర్‌ (సి) బాంటన్‌ (బి) రూట్‌ 13; సుందర్‌ (సి) బ్రూక్‌ (బి) వుడ్‌ 14; రాణా (సి) బట్లర్‌ (బి) అట్కిన్సన్‌ 13; అర్ష్ దీప్ (రనౌట్‌) 2; కుల్దీప్‌ (నాటౌట్‌) 1; ఎక్స్‌ట్రాలు 13; మొత్తం (50 ఓవర్లలో ఆలౌట్‌) 356. వికెట్ల పతనం: 1–6, 2–122, 3–226, 4–259, 5–289, 6–307, 7–333, 8–353, 9–353, 10–356. బౌలింగ్‌: సాఖిబ్‌ మహమూద్‌ 10–0–68–1, మార్క్‌ వుడ్‌ 9–1–45–2, అట్కిన్సన్‌ 8–0–74–1, రూట్‌ 5–0–47–1, ఆదిల్‌ రషీద్‌ 10–0–64–4, లివింగ్‌స్టోన్‌ 8–0–57–0. ఇంగ్లండ్‌ ఇన్నింగ్స్‌: సాల్ట్‌ (సి) అక్షర్‌ (బి) అర్ష్ దీప్ 23; డకెట్‌ (సి) రోహిత్‌ (బి) అర్ష్ దీప్ 34; బాంటన్‌ (సి) రాహుల్‌ (బి) కుల్దీప్‌ 38; రూట్‌ (బి) అక్షర్‌ 24; బ్రూక్‌ (బి) రాణా 19; బట్లర్‌ (బి) రాణా 6; లివింగ్‌స్టోన్‌ (స్టంప్డ్‌) రాహుల్‌ (బి) సుందర్‌ 9; అట్కిన్సన్‌ (బి) అక్షర్‌ 38; రషీద్‌ (బి) పాండ్యా 0; వుడ్‌ (సి) అయ్యర్‌ (బి) పాండ్యా 9; మహమూద్‌ (నాటౌట్‌) 2; ఎక్స్‌ట్రాలు 12; మొత్తం (34.2 ఓవర్లలో ఆలౌట్‌) 214. వికెట్ల పతనం: 1–60, 2–80, 3–126, 4–134, 5–154, 6–161, 7–174, 8–175, 9–193, 10–214. బౌలింగ్‌: అర్ష్ దీప్ 5–0–33–2, హర్షిత్‌ రాణా 5–1–31–2, వాషింగ్టన్‌ సుందర్‌ 5–0–43–1, అక్షర్‌ పటేల్‌ 6.2–1–22–2, పాండ్యా 5–0–38–2, కుల్దీప్‌ యాదవ్‌ 8–0–38–1. ప్రాక్టీస్‌ మ్యాచ్‌లు ఆడకుండానే..చాంపియన్స్‌ ట్రోఫీ బరిలో టీమిండియా దుబాయ్‌: చాంపియన్స్‌ ట్రోఫీకి ముందు సన్నాహకంగా భారత జట్టు ఎలాంటి ప్రాక్టీస్‌ మ్యాచ్‌లు ఆడటం లేదు. బుధవారం వరకు స్వదేశంలో ఇంగ్లండ్‌తో మూడు వన్డేల సిరీస్‌ ఆడిన టీమిండియా... తమకు ప్రాక్టీస్‌ మ్యాచ్‌ల అవసరం లేదని తేల్చేసింది. టోర్నీలో ప్రాక్టీస్‌ మ్యాచ్‌లు ఫిబ్రవరి 14–17 మధ్య జరుగుతాయి. 19న టోర్నీ ప్రారంభం కానుండగా, భారత జట్టు 15న దుబాయ్‌ చేరుకుంటుంది. మరోవైపు అఫ్గానిస్తాన్, దక్షిణాఫ్రికా, బంగ్లాదేశ్‌ టీమ్‌లు మాత్రం పాక్‌ గడ్డపైనే ప్రాక్టీస్‌ మ్యాచ్‌లు ఆడబోతున్నాయి. ఈ మూడు మ్యాచ్‌లలో తలపడేందుకు ప్రత్యర్థులుగా పాకిస్తాన్‌ మూడు వేర్వేరు జట్లను ఎంపిక చేసింది. మరో ప్రాక్టీస్‌ పోరులో న్యూజిలాండ్, అఫ్గానిస్తాన్‌ తలపడతాయి. 1ఒకే మైదానంలో మూడు ఫార్మాట్‌లలోనూ (టెస్టు, వన్డే, టి20) సెంచరీలు చేసిన తొలి భారతీయ క్రికెటర్‌గా శుబ్‌మన్‌ గిల్‌ గుర్తింపు పొందాడు. నరేంద్ర మోదీ స్టేడియంలో గిల్‌ టి20ల్లో (న్యూజిలాండ్‌పై 126 నాటౌట్‌; 2023లో), టెస్టుల్లో (ఆ్రస్టేలియాపై 128; 2023లో), వన్డేల్లో (ఇంగ్లండ్‌పై 112; 2025లో) ఒక్కో సెంచరీ సాధించాడు.

సొంతగడ్డపై ఇంగ్లండ్‌ను టి20ల్లో చిత్తు చేసిన తర్వాత వన్డే సిరీస్‌ కూడా గెలుచుకొని భారత జట్టు ఒక లాంఛనం ముగించింది. ఇప్పుడు ప్రతిష్టాత్మక చాంపియన్స్‌ ట్రోఫీకి ముందు ఒకే ఒక వన్డే అందుబాటులో ఉంది. ఇప్పటికే సిరీస్‌ గెలుచుకుంది కాబట్టి బెంచీపై ఉన్న ఆటగాళ్లకు మేనేజ్‌మెంట్‌ ఒక అవకాశం ఇస్తుందా లేక విజయాల బాటలో ఉన్న జట్టును కొనసాగించి సిరీస్‌ను క్లీన్‌స్వీప్‌ చేస్తుందా అనేది చూడాలి. మరోవైపు ఇంగ్లండ్‌ కోణంలో ఇది కాస్త పరువు దక్కించుకునే ప్రయత్నం. ఇక్కడ ఆడిన 7 మ్యాచ్‌లలో 6 ఓడి నిరాశలో మునిగిన టీమ్‌ కనీసం చివరి పోరులోనైనా గెలిచి పర్యటనను ముగించాలని కోరుకుంటోంది. ఈ నేపథ్యంలో ప్రపంచంలో అతి పెద్ద స్టేడియం ఆఖరి పోరుకు వేదిక కానుంది. అహ్మదాబాద్‌: భారత గడ్డపై ఇంగ్లండ్‌ జట్టు పరిమిత ఓవర్ల పర్యటన చివరి అంకానికి చేరింది. సిరీస్‌ ఫలితం తేలిపోయిన తర్వాత నేడు మొతేరా లోని నరేంద్ర మోదీ స్టేడియం వేదికగా జరిగే నామమాత్రపు చివరి వన్డేలో భారత్, ఇంగ్లండ్‌ తలపడనున్నాయి. తాజా ప్రదర్శనను బట్టి చూస్తే అన్ని రంగాల్లో పటిష్టంగా ఉన్న టీమిండియాకు మరో విజయం కూడా కష్టం కాకపోవచ్చు. ఇక్కడా గెలిచి సిరీస్‌ను 3–0తో సాధించాలని రోహిత్‌ శర్మ బృందం భావిస్తోంది. మరోవైపు కొంత కాలం క్రితం వరకు అభేద్యమైన టీమ్‌గా కనిపించిన ఇంగ్లండ్‌ అటు బ్యాటింగ్, ఇటు బౌలింగ్‌లో పూర్తిగా విఫలమై చేతులెత్తేసింది. ఈ పోరు తర్వాత ఇరు జట్లు చాంపియన్స్‌ ట్రోఫీ బాట పడతాయి. కోహ్లి కొడతాడా! చాంపియన్స్‌ ట్రోఫీకి ముందు రోహిత్‌ భారత్‌ బెంగ తీర్చాడు. చక్కటి సెంచరీతో సత్తా చాటుతూ అతను ఫామ్‌లోకి వచ్చాడు. శుబ్‌మన్‌ గిల్‌ వరుసగా రెండు అర్ధసెంచరీలతో ఆకట్టుకోగా, శ్రేయస్‌ అయ్యర్‌ కూడా నిలకడగా రాణిస్తున్నాడు. ఆల్‌రౌండర్లు రవీంద్ర జడేజా, అక్షర్‌ పటేల్, హార్దిక్‌ పాండ్యా తమ విలువను చూపించారు. పదే పదే బ్యాటింగ్‌ ఆర్డర్‌ స్థానం మారడం వల్ల ఇబ్బంది పడుతున్న కేఎల్‌ రాహుల్‌ కూడా చెప్పుకోదగ్గ ఇన్నింగ్స్‌ ఆడాల్సి ఉంది. పంత్‌కు కాకుండా రాహుల్‌కే మరో అవకాశం దక్కవచ్చు. అయితే అన్నింటికి మించి ప్రధాన బ్యాటర్లలో విరాట్‌ కోహ్లి ప్రదర్శన కోసమే అంతా ఎదురు చూస్తున్నారు. ఆసీస్‌ గడ్డపై తొలి టెస్టు తర్వాత మొదలైన వైఫల్యం రంజీ మ్యాచ్‌ మీదుగా ఇక్కడ రెండో వన్డే వరకు సాగింది. అతని స్థాయిని బట్టి చూస్తే ఎప్పుడైనా చెలరేగిపోగలడు. కానీ అలాంటి ఇన్నింగ్సే ఇంకా రావడం లేదు. 14 వేల మైలురాయికి మరో 89 పరుగుల దూరంలో ఉన్న కోహ్లి ఈ మ్యాచ్‌లోనే దానిని పూర్తి చేసుకుంటాడా చూడాలి. బౌలింగ్‌ విభాగంలో షమీ ఇంకా పూర్తిగా తన లయను అందుకోలేదని గత మ్యాచ్‌లో అర్థమైంది. యువ బౌలర్‌ హర్షిత్‌ రాణా కూడా తడబడుతున్నాడు. అతని స్థానంలో అర్‌‡్షదీప్‌ను ఆడించే విషయంపై మేనేజ్‌మెంట్‌ చర్చిస్తోంది. స్పిన్నర్లలో వరుణ్‌ చక్రవర్తి చక్కటి బౌలింగ్‌ ప్రదర్శన కనబర్చడం మరో సానుకూలాంశం. ఓవరాల్‌గా అన్ని రంగాల్లో జట్టు పటిష్టంగా ఉంది. బాంటన్‌కు చాన్స్‌... ప్రత్యర్థితో పోలిస్తే ఇంగ్లండ్‌ పరిస్థితి ఏమాత్రం బాగాలేదు. ఒక్క ఆటగాడు కూడా తనదైన స్థాయి ప్రదర్శనను కనబర్చి జట్టును గెలిపించేలా కనిపించడం లేదు. రెండు వన్డేల్లో ప్రధాన బ్యాటర్లంతా తలా ఓ చేయి వేసినా విజయానికి అది సరిపోలేదు. గతంలో చూపించి విధ్వంసకర బ్యాటింగ్‌ ఇంగ్లండ్‌ నుంచి రావడం లేదు. ఓపెనర్లు సాల్ట్, డకెట్‌ శుభారంభాలు ఇస్తున్నారు కానీ ఆ తర్వాత దానిని ఇతర బ్యాటర్లు కొనసాగించలేకపోతున్నారు. కెపె్టన్‌ బట్లర్, జో రూట్‌ మాత్రమే నమ్మకమైన ఆటగాళ్లుగా కనిపిస్తుండగా, రెండో వన్డేలో హ్యారీ బ్రూక్‌ మరీ నెమ్మదిగా ఆడాడు. ఒవర్టన్‌ స్థానంలో బాంటన్‌ను తుది జట్టులోకి తీసుకోవచ్చు. మరోవైపు బౌలింగ్‌ పూర్తిగా బలహీనంగా కనిపిస్తోంది. భారత బ్యాటర్ల ముందు ఈ బౌలర్లంతా అనామకుల్లా కనిపిస్తున్నారు. ఏ ఒక్కరిలో కూడా ప్రత్యర్థిని నిలువరించే సత్తా కనిపించడం లేదు. సాఖిబ్‌ స్థానంలో ఆర్చర్‌ బరిలోకి దిగవచ్చు. అట్కిన్సన్, వుడ్, రషీద్‌ ఏమాత్రం రాణిస్తారో చూడాలి. తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), గిల్, కోహ్లి, శ్రేయస్, రాహుల్, పాండ్యా, అక్షర్, జడేజా, రాణా, షమీ, వరుణ్‌. ఇంగ్లండ్‌: బట్లర్‌ (కెప్టెన్ ), సాల్ట్, డకెట్, బాంటన్, రూట్, బ్రూక్, లివింగ్‌స్టోన్, కార్స్, ఆర్చర్, రషీద్, వుడ్‌.పిచ్, వాతావరణం సాధారణ బ్యాటింగ్‌ పిచ్‌. చక్కగా పరుగులు సాధించవచ్చు. వర్షసూచన ఏమాత్రం లేదు. వేడి వాతావరణం. టాస్‌ గెలిచిన జట్టు ఫీల్డింగ్‌ ఎంచుకునే అవకాశం ఉంది.13 మరో 13 పరుగులు చేస్తే రోహిత్‌ వన్డేల్లో 11 వేల మైలురాయిని అందుకుంటాడు.

క్రికెట్ అభిమానులు ఎంతో ఆతృతగా ఎదురుచూస్తున్న ఐసీసీ ఛాంపియ‌న్స్ ట్రోఫీ-2025(ICC Champions Trophy)కు కౌంట్‌డౌన్ మొద‌లైంది. ఫిబ్ర‌వ‌రి 19 నుంచి పాకిస్తాన్ వేదిక‌గా ప్రారంభం కానుంది. పాక్ జట్టు ఈసారి ఆతిథ్య హోదాలో బరిలోకి దిగనుంది. పాకిస్తాన్ ఓ ఐసీసీ ఈవెంట్‌కు ఆతిథ్య‌మివ్వ‌నుండ‌డం 29 ఏళ్ల త‌ర్వాత ఇదే తొలిసారి కావ‌డం గ‌మ‌నార్హం. దీంతో ఈ మెగా టోర్నీని విజ‌య‌వంతంగా నిర్వ‌హించాల‌ని పాకిస్తాన్ క్రికెట్‌బోర్డు భావిస్తోంది.అయితే భారత్ ఆడే మ్యాచ్‌లు మొత్తం దుబాయ్ వేదికగా జరగనున్నాయి. భారత్ సెమీఫైనల్‌, ఫైనల్‌కు చేరినా ఈ మ్యాచ్‌లు కూడా దుబాయ్‌లోనే జరగనున్నాయి. ఇక ఇప్ప‌టికే ఈ ఈవెంట్‌లో పాల్గోనే ఆ దేశ క్రికెట్ బోర్డులు త‌మ జ‌ట్ల‌ను సైతం ప్ర‌క‌టించాయి. ఈ మినీ వ‌ర‌ల్డ్‌క‌ప్ కోసం అన్ని దాదాపు అన్ని త‌మ స‌న్నాహకాల్లో బీజీబీజీగా ఉన్నాయి. భారత్ స్వదేశంలో ఇంగ్లండ్‌తో వన్డే సిరీస్ ఆడుతుండగా.. దక్షిణాఫ్రికా, పాకిస్తాన్‌, న్యూజిలాండ్ జట్లు ట్రైసిరీస్‌లో తలపడుతున్నాయి.ముహూర్తం ఖరారు..కాగా మెగా టోర్నీ కోసం భారత జట్టు దుబాయ్ వెళ్లేందుకు ముహర్తం ఖారారైంది. ఫిబ్రవరి 15న రోహిత్ శర్మ సారథ్యంలోని టీమిండియా దుబాయ్‌కు పయనం కానుంది. భారత జట్టు ప్రస్తుతం మూడు వన్డేల ద్వైపాక్షిక సిరీస్‌లో ఇంగ్లండ్‌తో తలపడుతోంది. ఇప్పటికే రెండు వన్డేల ముగియగా.. ఆఖరి వన్డే బుధవారం(ఫిబ్రవరి 12) జరగనుంది. ఆ తర్వాత రెండు రోజులు విశ్రాంతి తీసుకుని ఈ మెగా టోర్నీలో పాల్గోనేందుకు రోహిత్ సేన వెళ్లనుంది.అదేవిధంగా స్పోర్ట్స్ టాక్ రిపోర్ట్ ప్రకారం.. భారత జట్టు ఎటువంటి ప్రాక్టీస్ మ్యాచ్ ఆడకుండానే నేరుగా ఈ మెగా టోర్నీ బరిలోకి దిగనున్నట్లు తెలుస్తోంది.సాధారణంగా ప్రతీ ఐసీసీ ఈవెంట్‌కు ముందు ఆయా జట్లు కనీసం ఒక ప్రా‍క్టీస్ మ్యాచ్ అయినా ఆడుతాయి.తొలుత భారత్‌ కూడా యూఏఈ లేదా బంగ్లాదేశ్‌తో ఓ వార్మాప్ మ్యాచ్‌ ఆడనున్నట్లు వార్తలు వినిపించాయి. కానీ జట్ల బీజీ షెడ్యూల్ కారణంగా వార్మాప్ మ్యాచ్‌లు నిర్వహించేందుకు ఐసీసీకి వీలుపడలేదు. ఇక ఈ మెగా టోర్నీలో భారత జట్టు తమ తొలి మ్యాచ్‌లో ఫిబ్రవరి 20న బంగ్లాదేశ్‌తో తలపడనుంది. ఆ తర్వాత ఫిబ్రవరి 23న దాయాది పాకిస్తాన్‌తో టీమిండియా అమీతుమీ తెల్చుకోనుంది.ఛాంపియన్స్‌ ట్రోఫీకి భారత జట్టురోహిత్ శర్మ (కెప్టెన్), యశస్వి జైస్వాల్, శుభ్‌మన్ గిల్ (వైస్‌ కెప్టెన్‌), విరాట్ కోహ్లీ, కేఎల్ రాహుల్, రిషభ్ పంత్ (వికెట్ కీపర్), శ్రేయస్ అయ్యర్, రవీంద్ర జడేజా, అక్షర్ పటేల్, వాషింగ్టన్ సుందర్, హార్దిక్‌ పాండ్య, కుల్‌దీప్‌ యాదవ్, జస్‌ప్రీత్ బుమ్రా, షమీ, అర్ష్‌దీప్‌ సింగ్చదవండి: అరంగేట్రంలోనే శతక్కొట్టిన సౌతాఫ్రికా ఓపెనర్‌.. వరల్డ్‌ రికార్డు

ఛాంపియన్స్‌ ట్రోఫీకి (Champion Trophy-2025) ముందు ఇంగ్లండ్‌కు (England) భారీ ఎదురుదెబ్బ తగిలింది. ఆ జట్టు యువ ఆల్‌రౌండర్‌ జేకబ్‌ బేతెల్‌ (Jacob Bethell) గాయం కారణంగా మెగా టోర్నీ మొత్తానికి దూరమయ్యాడు. ఈ విషయాన్ని ఇంగ్లండ్‌ కెప్టెన్‌ జోస్‌ బట్లర్‌ ధృవీకరించాడు. బేతెల్‌ లాంటి ప్రామిసింగ్‌ ఆల్‌రౌండర్‌ ఛాంపియన్స్‌ ట్రోఫీకి దూరం కావడం దురదృష్టకరమని బట్లర్‌ అన్నాడు. ఛాంపియన్స్‌ ట్రోఫీలో బేతెల్‌ సేవలు కోల్పోనుండటంపై విచారం వ్యక్తం చేశాడు. ఇంగ్లండ్‌ మేనేజ్‌మెంట్‌ బేతెల్‌కు కవర్‌గా టామ్‌ బాంటన్‌ను ఎంపిక చేసింది.21 ఏళ్ల బేతెల్‌ ఇటీవలే మూడు ఫార్మాట్లలో అరంగేట్రం చేశాడు. భారత్‌తో జరిగిన టీ20 సిరీస్‌లో పెద్దగా రాణించలేని బేతెల్‌.. నాగ్‌పూర్‌ వేదికగా భారత్‌తో జరిగిన తొలి వన్డేలో హాఫ్‌ సెంచరీ సహా వికెట్‌ తీసుకున్నాడు. గాయం కారణంగా బేతెల్‌ భారత్‌తో జరిగిన రెండో వన్డేలో ఆడలేదు.తొలి మ్యాచ్‌లో ఆసీస్‌ను ఢీకొట్టనున్న ఇంగ్లండ్‌ఛాంపియన్స్‌ ట్రోఫీలో ఇంగ్లండ్‌ తమ తొలి మ్యాచ్‌ను ఫిబ్రవరి 22న ఆడనుంది. కరాచీలో జరిగే ఆ మ్యాచ్‌లో ఇంగ్లండ్‌ ఆస్ట్రేలియాను ఢీకొంటుంది. పాకిస్తాన్‌, దుబాయ్‌ వేదికలుగా జరిగే ఛాంపియన్స్‌ ట్రోఫీ ఫిబ్రవరి 19 నుంచి మొదలువుతుంది. ఈ టోర్నీలో భారత్‌ ఆడే మ్యాచ్‌లన్నీ దుబాయ్‌లో జరుగుతాయి. ఈ టోర్నీలో భారత్‌ ఫిబ్రవరి 20న బంగ్లాదేశ్‌తో తలపడనుంది. ఛాంపియన్స్‌ ట్రోఫీలో ఇంగ్లండ్‌, ఆస్ట్రేలియా, సౌతాఫ్రికా, ఆఫ్ఘనిస్తాన్‌ గ్రూప్‌-బిలో ఉండగా.. భారత్‌, పాక్‌, న్యూజిలాండ్‌, బంగ్లాదేశ్‌ గ్రూప్‌-ఏలో పోటీపడనున్నాయి. మెగా టోర్నీలో భారత్‌, పాక్‌ల సమరం ఫిబ్రవరి 23న జరుగనుంది.రెండో వన్డేలోనూ భారత్‌దే విజయంమూడు మ్యాచ్‌ల వన్డే సిరీస్‌లో భాగంగా కటక్‌ వేదికగా నిన్న జరిగిన రెండో మ్యాచ్‌లో టీమిండియా 4 వికెట్ల తేడాతో విజయం సాధించింది. అంతకుముందు తొలి వన్డేలోనూ నెగ్గిన భారత్‌.. మరో మ్యాచ్‌ మిగిలుండగానే 2-0 తేడాతో సిరీస్‌ను కైవసం చేసుకుంది. అంతకుముందు ఐదు మ్యాచ్‌ల టీ20 సిరీస్‌ను కూడా భారత్‌ 4-1 తేడాతో గెలుపొందింది.రెండో వన్డేలో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌ 49.5 ఓవర్లలో 304 పరుగులకు ఆలౌటైంది. బెన్‌ డకెట్‌ (65), జో రూట్‌ (69) అర్ద సెంచరీలతో రాణించారు. సాల్ట్‌ 26, హ్యారీ బ్రూక్‌ 31, బట్లర్‌ 34, లివింగ్‌స్టోన్‌ 41, ఆదిల్‌ రషీద్‌ 14 పరుగులు చేశారు. భారత బౌలర్లలో రవీంద్ర జడేజా 3 వికెట్లు పడగొట్టగా.. షమీ, హర్షిత్‌ రాణా, హార్దిక్‌ పాండ్యా, వరుణ్‌ చక్రవర్తి తలో వికెట​్‌ ద​క్కించుకున్నారు.సెంచరీతో చెలరేగిన రోహిత్‌ఛేదనలో రోహిత్‌ శర్మ (119) సెంచరీతో చెలరేగడంతో భారత్‌ 44.3 ఓవర్లలో 6 వికెట్లు కోల్పోయి విజయతీరాలకు చేరింది. భారత ఇన్నింగ్స్‌లో శుభ్‌మన్‌ గిల్‌ (60), శ్రేయస్‌ అయ్యర్‌ (44), అక్షర్‌ పటేల్‌ (41 నాటౌట్‌) రాణించారు. విరాట్‌ కోహ్లి (5) మరోసారి నిరాశపరిచాడు. కేఎల్‌ రాహుల్‌ 10, హార్దిక్‌ పాండ్యా 10 పరుగులకు ఔటయ్యారు. రవీంద్ర జడేజా (11 నాటౌట్‌) సాయంతో అక్షర్‌ భారత్‌ను విజయతీరాలకు చేర్చాడు. ఇంగ్లండ్‌ బౌలర్లలో జేమీ ఓవర్టన్‌ రెండు వికెట్లు పడగొట్టగా.. అట్కిన్సన్‌, ఆదిల్‌ రషీద్‌, లివింగ్‌స్టోన్‌ తలో వికెట్‌ తీశారు. నామమాత్రపు మూడో వన్డే ఫిబ్రవరి 12న అహ్మదాబాద్‌లో జరుగనుంది.

చాంపియన్స్‌ ట్రోఫీకి ముందు భారత శిబిరానికి గొప్ప శుభవార్త! క్రికెట్‌ను శ్వాసించే అభిమానులకు కచ్చితంగా ఇది తీపి కబురు! ‘హిట్‌మ్యాన్‌’ రోహిత్‌ శర్మ(Rohit Sharma) ఫామ్‌లోకి వచ్చాడు. అట్లాంటి... ఇట్లాంటి... ఆటతో కాదు. 300 పైచిలుకు పరుగుల వేటలో భారత్‌ ఉండగా... తనశైలి రో‘హిట్స్‌’తో అలరిస్తూ, లక్ష్యాన్ని కరిగిస్తూ, శతకంతో కదంతొక్కాడు. అతని జోరుకు మైదానం హోరెత్తింది. పెద్ద లక్ష్యమే అయినా చిన్నబోయింది. ఇంకో మ్యాచ్‌ ఉండగానే వన్డే సిరీస్‌ కూడా టీమిండియా వశమైంది.కటక్‌: భారత కెప్టెన్ రోహిత్‌ శర్మ(Rohit Sharma) వరుసగా రెండు, మూడు మ్యాచ్‌లు విఫలమైనా... తక్కువ స్కోరుకు అవుటైనా... విమర్శకులు ఈ మధ్య నెట్టింట తెగ విరుచుకుపడుతున్నారు. ఆదివారం ‘హిట్‌మ్యాన్‌’ విరుచుకుపడ్డాడు. నోటితో కాదు... బ్యాట్‌తో! నెట్‌లో కాదు... మైదానంలో! అద్భుతమైన సెంచరీతో కొండంత లక్ష్యాన్ని టీమిండియా అలవోకగా ఛేదించేలా చేశాడు. దీంతో ఆఖరి పోరు మిగిలుండగానే వన్డే సిరీస్‌ కూడా భారత్‌ చేతికి చిక్కింది. టాస్‌ గెలిచి బ్యాటింగ్‌ ఎంచుకున్న ఇంగ్లండ్‌ 49.5 ఓవర్లలో 304 పరుగులకు ఆలౌటైంది. బెన్‌ డకెట్‌ (56 బంతుల్లో 65; 10 ఫోర్లు), జో రూట్‌ (72 బంతుల్లో 69; 6 ఫోర్లు), లివింగ్‌స్టోన్‌ (32 బంతుల్లో 41; 2 ఫోర్లు, 2 సిక్స్‌లు) రాణించారు. బ్యాట్‌ గర్జిస్తున్న వేళ భారత బౌలర్లంతా పరుగులు సమరి్పంచుకుంటే... రవీంద్ర జడేజా (10–1–35–3) మాత్రం పూర్తి కోటా వేసి వికెట్లు తీసి పరుగుల వేగాన్ని అడ్డుకున్నాడు. అనంతరం కఠినమైన లక్ష్యమే అయినా... ‘ప్లేయర్‌ ఆఫ్‌ ద మ్యాచ్‌’ కెప్టెన్‌ రోహిత్‌ (90 బంతుల్లో 119; 12 ఫోర్లు, 7 సిక్స్‌లు) వీరోచిత శతకంతో భారత్‌ 44.3 ఓవర్లలో 6 వికెట్లు కోల్పోయి 308 పరుగులు చేసి గెలిచింది. ఓపెనర్‌ శుబ్‌మన్‌ గిల్‌ (52 బంతుల్లో 60; 9 ఫోర్లు, 1 సిక్స్‌), శ్రేయస్‌ అయ్యర్‌ (47 బంతుల్లో 44; 3 ఫోర్లు, 1 సిక్స్‌) ఇద్దరూ కెపె్టన్‌తో కలిసి ఇన్నింగ్స్‌ను నడిపించారు. ఈ గెలుపుతో భారత్‌ మూడు మ్యాచ్‌ల సిరీస్‌ను 2–0తో దక్కించుకుంది. చివరిదైన మూడో వన్డే ఈనెల 12న అహ్మదాబాద్‌లో జరుగుతుంది. డకెట్, రూట్‌... ఫిఫ్టీ–ఫిఫ్టీ ఇంగ్లండ్‌ ఓపెనర్లు సాల్ట్‌ (26; 2 ఫోర్లు, 1 సిక్స్‌), డకెట్‌ దూకుడుగా ఆడి తొలి వికెట్‌కు 81 పరుగులు జోడించారు. డకెట్‌ 36 బంతుల్లోనే ఫిఫ్టీ సాధించాడు. అతడు అవుటయ్యాక రూట్, హ్యారీ బ్రూక్‌ (31; 3 ఫోర్లు, 1సిక్స్‌) నింపాదిగా ఆడటంతో ఇంగ్లండ్‌ ఇన్నింగ్స్‌ ఆద్యంతం సాఫీగా సాగిపోయింది. రూట్‌ 60 బంతుల్లో తన వన్డే కెరీర్‌లో 56వ అర్ధశతకాన్ని పూర్తి చేసుకున్నాడు. అనంతరం కెపె్టన్‌ బట్లర్‌ (34; 2 ఫోర్లు), లివింగ్‌స్టోన్‌ (32 బంతుల్లో 41; 2 ఫోర్లు, 2 సిక్స్‌లు)లు సైతం పరుగులు సాధించడంతో ఇంగ్లండ్‌ 300 పైచిలుకు స్కోరు చేయగలిగింది. షమీ, రాణా, పాండ్యా, వరుణ్‌ తలా ఒక వికెట్‌ తీశారు. 76 బంతుల్లో శతకం ఎంతటి బ్యాటింగ్‌ పిచ్‌ అయినా... 305 పరుగుల లక్ష్యం వన్డేల్లో అంత ఈజీ కానేకాదు. చక్కని శుభారంభం... కడదాకా ఓర్పుగా, నేర్పుగా ఒక బ్యాటరైనా క్రీజులో నిలిస్తేనే గెలుపు ఆశలుంటాయి. సరిగ్గా నాయకుడు రోహిత్‌ కూడా ఇదే చేశాడు. ఓపెనింగ్‌లో గిల్‌తో జతగా మొదట లక్ష్యానికి అనువైన ఆరంభమిచ్చాడు. దీంతో 6.2 ఓవర్లలోనే భారత్‌ స్కోరు 50 దాటింది. భారీ షాట్లతో విరుచుకుపడిన ‘హిట్‌మ్యాన్‌’ 30 బంతుల్లో అర్ధసెంచరీ సాధించగా, గిల్‌ 45బంతుల్లో పూర్తి చేశాడు. ఇద్దరి పట్టుదలతో 14వ ఓవర్లోనే జట్టు 100కు చేరుకుంది. తర్వాత గిల్‌ ని్రష్కమించినా, కోహ్లి (5) విఫలమైనా ... ఆ ప్రభావం ఇన్నింగ్స్‌పై పడకుండా అయ్యర్‌తో కలిసి ధాటిని కొనసాగిస్తూ టీమిండియాను లక్ష్యంవైపు నడిపించాడు. ఈ క్రమంలో 76 బంతుల్లో సెంచరీ సాధించాక భారీ షాట్‌కు యతి్నంచి అవుటయ్యాడు. అప్పుడు జట్టు స్కోరు 29.4 ఓవర్లలో 220/3. ఇక గెలిచేందుకు 125 బంతుల్లో 85 చేస్తే చాలు. ఈ పనిలో అక్షర్‌ పటేల్‌ (43 బంతుల్లో 41 నాటౌట్‌; 4 ఫోర్లు) అజేయంగా భాగమవడంతో 33 బంతులు మిగిలుండగానే భారత్‌ మ్యాచ్‌ నెగ్గింది.ఫ్లడ్‌లైట్లు మొరాయించడంతో... బారాబతి స్టేడియంలోని ఫ్లడ్‌లైట్లు మొరాయించడంతో ఆటకు అరగంటకు పైగానే అంతరాయం ఏర్పడింది. డేనైట్‌ వన్డేలు, టి20ల కోసం మైదానం చుట్టూరా... ఎనిమిది చోట్ల ఫ్లడ్‌లైట్లను ఏర్పాటు చేశారు. ఇందులో ఒకదాంట్లో సమస్య వచ్చింది. భారీ లక్ష్యఛేదనకు దిగిన భారత్‌ 6.1 ఓవర్లలో వికెట్‌ నష్టపోకుండా ధనాధన్‌ వేగంతో 48 పరుగులు చేసింది. ఈ సమయంలో క్లాక్‌ టవర్‌ వద్ద వున్న ఫ్లడ్‌లైట్లు ఆగిపోయాయి. దీంతో 35 నిమిషాల పాటు మ్యాచ్‌ను నిలిపేసి లైట్లు వెలిగాకే తిరిగి మ్యాచ్‌ను నిర్వహించారు.స్కోరు వివరాలు ఇంగ్లండ్‌ ఇన్నింగ్స్‌: సాల్ట్‌ (సి) జడేజా (బి) వరుణ్‌ 26; డకెట్‌ (సి) పాండ్యా (బి) జడేజా 65; రూట్‌ (సి) కోహ్లి (బి) జడేజా 69; బ్రూక్‌ (సి) గిల్‌ (బి) రాణా 31; బట్లర్‌ (సి) గిల్‌ (బి) పాండ్యా 34; లివింగ్‌స్టోన్‌ (రనౌట్‌) 41; ఓవర్టన్‌ (సి) గిల్‌ (బి) జడేజా 6; అట్కిన్సన్‌ (సి) కోహ్లి (బి) షమీ 3; రషీద్‌ (రనౌట్‌) 14; మార్క్‌ వుడ్‌ (రనౌట్‌) 0; సఖిబ్‌ (నాటౌట్‌) 0; ఎక్స్‌ట్రాలు 15; మొత్తం (49.5 ఓవర్లలో ఆలౌట్‌) 304. వికెట్ల పతనం: 1–81, 2–102, 3–168, 4–219, 5–248, 6–258, 7–272, 8–297, 9–304, 10–304. బౌలింగ్‌: షమీ 7.5–0–66–1, హర్షిత్‌ రాణా 9–0–62–1, పాండ్యా 7–0–53–1, వరుణ్‌ 10–0–54–1, జడేజా 10–1–35–3, అక్షర్‌ 6–0–32–0. భారత్‌ ఇన్నింగ్స్‌: రోహిత్‌ (సి) రషీద్‌ (బి) లివింగ్‌స్టోన్‌ 119; గిల్‌ (బి) ఓవర్టన్‌ 60; కోహ్లి (సి) సాల్ట్‌ (బి) రషీద్‌ 5; అయ్యర్‌ (రనౌట్‌) 44; అక్షర్‌ పటేల్‌ (నాటౌట్‌) 41; కేఎల్‌ రాహుల్‌ (సి) సాల్ట్‌ (బి) ఓవర్టన్‌ 10; పాండ్యా (సి) ఓవర్టన్‌ (బి) అట్కిన్సన్‌ 10; జడేజా (నాటౌట్‌) 11; ఎక్స్‌ట్రాలు 8; మొత్తం (44.3 ఓవర్లలో 6 వికెట్లకు) 308. వికెట్ల పతనం: 1–136, 2–150, 3–220, 4–258, 5–275, 6–286. బౌలింగ్‌: సఖిబ్‌ 6–0–36–0, అట్కిన్సన్‌ 7–0–65–1, మార్క్‌ వుడ్‌ 8–0–57–0, ఆదిల్‌ రషీద్‌ 10–0–78–1, ఓవర్టన్‌ 5–0– 27–2, లివింగ్‌స్టోన్‌ 7–0–29–1, రూట్‌ 1.3–0–15–0.

కటక్‌: ఇంగ్లండ్‌తో కటక్‌ వేదికగా జరిగిన రెండో వన్డేలో టీమిండియా కెప్టెన్‌ రోహిత్‌ శర్మ చెలరేగి ఆడి జట్టుకు ఘన విజయాన్ని అందించాడు. ఇంగ్లండ్‌ నిర్దేశించిన 305 పరుగుల లక్ష్య ఛేదనలో టీమిండియా 44.3 ఓవర్లలోనే ఆరు వికెట్లు కోల్పోయి విజయాన్ని అందుకుంది. రోహిత్‌ శర్మ వీరవిహారంతో టీమిండియా అవలీలగా విజయం సాధించింది. ఫలితంగా సిరీస్‌ను 2-0 తేడాతో ఇంకోమ్యాచ్‌ ఉండగానే కైవసం చేసుకుంది టీమిండియా.హిట్‌మ్యాన్‌ సూపర్‌ షో..చాలాకాలం తర్వాత బ్యాటింగ్‌లో చెలరేగిన రోహిత్‌.. సెంచరీతో మెరిశాడు. గత కొంతకాలంగా ఫామ్‌ కోసం తంటాలు పడుతున్న హిట్‌ మ్యాన్‌.. తిరిగి సత్తా చాటాడు. తనపై వరుసగా వస్తున్న విమర్శలకు బ్యాట్‌తోనే సమాదానం చెప్పాడు రోహిత్‌. 76 బంతుల్లో 9 ఫోర్లు, 7 సిక్స్‌లతో తనదైన శైలిలో రెచ్చిపోయి శతకం పూర్తి చేసుకున్నాడు. సిక్స్‌ కొట్టి సెంచరీ పూర్తి చేయడం విశిషం. ఇది రోహిత్‌కు 18 నెలల తర్వాత వన్డేల్లో తొలి సెంచరీ. 90 బంతుల్లో 12 ఫోర్లు, 7 సిక్స్‌లతో 119 పరుగులు చేశాడు రోహిత్‌. ఇది రోహిత్‌కు 32వ వన్డే శతకం.కోహ్లి విఫలం..శుభ్‌మన్‌ గిల్‌(60; 52 బంతుల్లో 9 ఫోర్లు, 1 సిక్స్‌) తో కలిసి భారీ ాభాగస్వామ్యాన్ని నెలకొల్పాడు రోహిత్‌. ఈ జోడి తొలి వికెట్‌కు 135 పరుగుల భాగస్వామ్యాన్ని నెలకొల్పిన తర్వాత గిల్‌ తొలి వికెట్‌గా పెవిలియన్‌ చేరాడు. ఆ తరుణంలో క్రీజ్‌లోకి వచ్చిన కోహ్లి(5) మరోసారి విఫలమయ్యాడు. 8 బంతుల్లో ఒక ఫోర్‌ కొట్టిన అనంతరం ​‍కోహ్లి ెపెవిలియన్‌ బాట పట్టాడు. ఆదిల్‌ రషీద్‌ బౌలింగ్‌లో ాసాల్ట్‌ుకు క్యాచ్‌ ఇచ్చి ఔటయ్యాడు ివిరాట్‌.ఆకట్టుకున్న అయ్యర్‌కోహ్లి ఔటైన తర్వాత సెకండ్‌ డౌన్‌లోక్రీజ్‌లోకి వచ్చిన శ్రేయస్‌ అయ్యర్‌ ఆకట్టుకున్నాడు. రోహిత్‌తో కలిసి ఇన్నింగ్స్‌ను పరుగులు పెట్టించాడు. ఒకవైపు రోహిత్‌ దూకుడుగా ఆడుతుంటే అయ్యర్‌.. స్ట్రైక్‌రొటేట్‌ చేస్తూ ఇన్నింగ్స్‌ను నడిపించాడు. ఈ జోడి 70 పరుగులు జోడించిన తర్వాత రోహిత్‌ మూడో వికెట్‌గా ఔటయ్యాడు.లివింగ్‌ స్టోన్‌ బౌలింగ్‌ లో భారీ షాట్‌ ఆడబోయి రషీద్‌కు క్యాచ్‌ ఇచ్చి ఔటయ్యాడు. దాంతో 220 పరుగుల వద్ద రోహిత్‌ రూపంలో టీమిండియా మూడో వికెట్‌ ను కోల్పోయింది. రోహిత్‌ ఔటైన స్వల్ప వ్యవధిలోనే అయ్యర్‌ సైతం పెవిలియన్‌ చేరాడు. 47 బంతుల్లో 3 ఫోర్లు, 1 సిక్స్‌తో 44 పరుగులు చేసిన అయ్యర్‌..రనౌట్‌ అయ్యాడు.నిరాశపరిచిన రాహుల్‌.. మెరిసిన అక్షర్‌ఫోర్త్‌ డౌన్‌ లో బ్యాటింగ్‌ కు వచ్చిన కేఎల్‌ రాహుల్‌ మరోసారి నిరాశపరిచాడు. 14 బంతుల్లో 1 ఫోర్‌ సాయంతో 10 పరుగులు చేసిన రాహుల్‌.. జెమీ ఓవర్టాన్‌ బౌలింగ్‌ లో సాల్ట్‌ కు క్యాచ్‌ ఇచ్చి పెవిలియన్‌ చేరాడు. అక్షర్‌ పటేల్‌ మాత్రం బ్యాటింగ్‌ లో మెరిశాడు. ఆడపా దడపా షాట్లుకొడుతూ నిలకడగా బ్యాటింగ్‌ చేశాడు. 43 బంతుల్లో 4 ఫోర్లతో41 పరుగులు చేసి అజేయంగా నిలిచాడు అక్షర్‌.అంతకుముందు టాస్‌ గెలిచి ముందుగా బ్యాటింగ్‌ ఎంచుకున్న ఇంగ్లండ్‌కు ఓపెనర్లు ఫిలిప్‌ సాల్ట్‌(26), బెన్‌ డకెట్‌(65)లు మంచి ఆరంభాన్ని ఇచ్చారు. ఈ జోడి 81 పరుగులు జత చేసిన తర్వాత సాల్ట్‌ తొలి ివికెట్‌ గా పెవిలియన్‌ చేరాడు. వరుణ్‌ చక్రవర్తి బౌలింగ్‌లో రవీంద్ర జడేజాకు క్యాచ్‌ ఇచ్చి సాల్ట్‌ ఔటయ్యాడు. అనంతరం జో రూట్‌ తో కలిసి ఇన్నింగ్స్‌ను ముందకు తీసుకెళ్లాడు డకెట్‌. అయితే వీరి భాగస్వామ్యం ఎంతో సేపో నిలవలేదు. డకెట్‌ను రవీంద్ర జడేజా పెవిలియన్‌ కు పంపాడు.ఆపై బ్రూక్‌(31), జాస్‌ బట్లర్‌(34)లు కాస్త ఫర్వాలేదనిపించారు. జో రూట్‌ 72 బంతుల్లో 6 ఫోర్ల సాయంతో 69 పరుగులు చేసి ఇన్నింగ్స్‌,ను చక్కదిద్దాడు. ఆఖరి ఓవర్‌ వరకూ లివింగ్‌స్టోన్‌(41) ఉండటంతో ఇంగ్లండ్‌ 49.5 ఓవర్లలో 304 పరుగులు చేసింది. టీమిండియా బౌలర్లలో రవీంద్ర జడేజా మూడు వికెట్లు సాధించగా, షమీ, హర్షిత్‌ రానా, హార్దిక్‌ పాండ్యా, వరుణ్‌ చక్రవర్తిలకు తలో వికెట్‌ దక్కింది.నాగ్‌పూర్‌లో జరిగిన తొలి వన్డేలో టీమిండియా నాలుగు వికెట్ల తేడాతో విజయం సాధించిన సంగతి తెలిసింది. ఇక నామమాత్రమైన మూడో వన్డే అహ్మదాబాద్‌లో బుధవారం జరుగనుంది.

కటక్‌: టీమిండియా కెప్టెన్‌, ఓపెనర్‌ రోహిత్‌ శర్మ వీరవిహారం చేశాడు. చాలాకాలం తర్వాత బ్యాటింగ్‌లో చెలరేగిన రోహిత్‌.. సెంచరీతో మెరిశాడు. గత కొంతకాలంగా ఫామ్‌ కోసం తంటాలు పడుతున్న హిట్‌ మ్యాన్‌.. తిరిగి సత్తా చాటాడు. తనపై వరుసగా వస్తున్న విమర్శలకు బ్యాట్‌తోనే సమాదానం చెప్పాడు రోహిత్‌. 76 బంతుల్లో 9 ఫోర్లు, 7 సిక్స్‌లతో తనదైన శైలిలో రెచ్చిపోయి శతకం పూర్తి చేసుకున్నాడు. సిక్స్‌ కొట్టి సెంచరీ పూర్తి చేయడం విశిషం. ఇది రోహిత్‌కు 18 నెలల తర్వాత వన్డేల్లో తొలిసారి సెంచరీ.కటక్‌లో జరుగుతున్న రెండో వన్డేలో ఇంగ్లండ్‌ నిర్దేశించిన 305 పరుగుల టార్గెట్ ను ఛేదించే క్రమంలో ఓపెనర్‌గా దిగిన రోహిత్‌,.. సొగసైన ఇన్నింగ్స్‌ ఆడాడు. శుభ్‌మన్‌ గిల్‌(60; 52 బంతుల్లో 9 ఫోర్లు, 1 సిక్స్‌) తో కలిసి భారీ భాగస్వామ్యాన్ని నెలకొల్పాడు. ఈ జోడి తొలి వికెట్‌కు 135 పరుగుల భాగస్వామ్యాన్ని నెలకొల్పిన తర్వాత గిల్‌ తొలి వికెట్‌గా పెవిలియన్‌ చేరాడు. ఆ తరుణంలో క్రీజ్‌లోకి వచ్చిన కోహ్లి(5) మరోసారి విఫలమయ్యాడు. రోహిత్‌ సెంచరీ చేసే సమయానికి టీమిండియా ఇంకా 119 పరుగులు చేయాల్సింది ఉంది. రోహిత్‌కు జతగా శ్రేయస్‌ అయ్యార్‌ క్రీజ్‌లో ఉన్నాడు. ఇది రోహిత్‌కు 32వ వన్డే శతకం. అంతకుముందు టాస్‌ గెలిచి ముందుగా బ్యాటింగ్‌ ఎంచుకున్న ఇంగ్లండ్‌కు ఓపెనర్లు ఫిలిప్‌ సాల్ట్‌(26), బెన్‌ డకెట్‌(65)లు మంచి ఆరంభాన్ని ఇచ్చారు. ఈ జోడి 81 పరుగులు జత చేసిన తర్వాత సాల్ట్‌ తొలి ివికెట్‌ గా పెవిలియన్‌ చేరాడు. వరుణ్‌ చక్రవర్తి బౌలింగ్‌లో రవీంద్ర జడేజాకు క్యాచ్‌ ఇచ్చి సాల్ట్‌ ఔటయ్యాడు. అనంతరం జో రూట్‌ తో కలిసి ఇన్నింగ్స్‌ను ముందకు తీసుకెళ్లాడు డకెట్‌. అయితే వీరి భాగస్వామ్యం ఎంతో సేపో ినిలవలేదు. డకెట్‌ను రవీంద్ర జడేజా పెవిలియన్‌ కు పంపాడు.ఆపై బ్రూక్‌(31), జాస్‌ బట్లర్‌(34)లు కాస్త ఫర్వాలేదనిపించారు. జో రూట్‌ 72 బంతుల్లో 6 ఫోర్ల సాయంతో 69 పరుగులు చేసి ఇన్నింగ్స్‌,ను చక్కదిద్దాడు. ఆఖరి ఓవర్‌ వరకూ లివింగ్‌స్టోన్‌(41) ఉండటంతో ఇంగ్లండ్‌ 49.5 ఓవర్లలో 304 పరుగులు చేసింది. టీమిండియా బౌలర్లలో రవీంద్ర జడేజా మూడు వికెట్లు సాధించగా, షమీ, హర్షిత్‌ రానా, హార్దిక్‌ పాండ్యా, వరుణ్‌ చక్రవర్తిలకు తలో వికెట్‌ దక్కింది.

కటక్‌: బారాబతి స్టేడియంలో టీమిండియాతో జరుగుతున్న రెండో వన్డేలో ఇంగ్లండ్‌ 305 పరుగుల లక్ష్యాన్ని నిర్దేశించింది. టాస్‌ గెలిచి ముందుగా బ్యాటింగ్‌ ఎంచుకున్న ఇంగ్లండ్‌కు ఓపెనర్లు ఫిలిప్‌ సాల్ట్‌(26), బెన్‌ డకెట్‌(65)లు మంచి ఆరంభాన్ని ఇచ్చారు. ఈ జోడి 81 పరుగులు జత చేసిన తర్వాత సాల్ట్‌ తొలి వికెట్‌ గా పెవిలియన్‌ చేరాడు. వరుణ్‌ చక్రవర్తి బౌలింగ్‌లో రవీంద్ర జడేజాకు క్యాచ్‌ ఇచ్చి సాల్ట్‌ ఔటయ్యాడు. అనంతరం జో రూట్‌ తో కలిసి ఇన్నింగ్స్‌ను ముందుకు తీసుకెళ్లాడు డకెట్‌. అయితే వీరి భాగస్వామ్యం ఎంతో సేపు నిలవలేదు. డకెట్‌ను రవీంద్ర జడేజా పెవిలియన్‌ కు పంపాడు.ఆపై బ్రూక్‌(31), జాస్‌ బట్లర్‌(34)లు కాస్త ఫర్వాలేదనిపించారు. జో రూట్‌ 72 బంతుల్లో 6 ఫోర్ల సాయంతో 69 పరుగులు చేసి ఇన్నింగ్స్‌,ను చక్కదిద్దాడు. ఆపై ఆఖరి ఓవర్‌ వరకూ లివింగ్‌స్టోన్‌(41) ఉండటంతో ఇంగ్లండ్‌ 49.5 ఓవర్లలో 304 పరుగుల గౌరవప్రదమైన స్కోరును బోర్డుపై ఉంచింది. టీమిండియా బౌలర్లలో రవీంద్ర జడేజా మూడు వికెట్లు సాధించగా, షమీ, హర్షిత్‌ రానా, హార్దిక్‌ పాండ్యా, వరుణ్‌ చక్రవర్తిలకు తలో వికెట్‌ దక్కింది.కాగా,తొలి వ‌న్డేకు గాయం కార‌ణంగా దూర‌మైన కోహ్లి.. పూర్తి ఫిట్‌నెస్ సాధించడంతో తిరిగి జ‌ట్టులోకి జ‌ట్టులోకి వ‌చ్చాడు. అదేవిధంగా ఈ మ్యాచ్‌తో వ‌రుణ్ చ‌క్ర‌వ‌ర్తి భార‌త త‌ర‌పున వ‌న్డే అరంగేట్రం చేశాడు. టీ20ల్లో మెరుగైన ప్రదర్శన కనబరుస్తుండడంతో వరుణ్‌కు వన్డేల్లో కూడా అవకాశం దక్కింది. కోహ్లి, వరుణ్‌ రాకతో జైశ్వాల్‌,కుల్దీప్‌ యాదవ్‌ బెంచ్‌కే పరిమితం కావాల్సి వచ్చింది. మరోవైపు ఇంగ్లండ్‌ తమ జట్టులో మూడు మార్పులు చేసింది. గుస్ అట్కిన్సన్, మార్క్‌ వుడ్‌, జేమీ ఓవర్టన్‌ తుది జట్టులోకి వచ్చారు. దీంతో జాకబ్‌ బెతల్‌, కార్స్‌, అర్చర్‌లకు ఇంగ్లండ్‌ మేనేెజ్‌మెంట్‌ విశ్రాంతినిచ్చింది.

ఇంగ్లండ్‌పై టి20 సిరీస్‌ జోరును కొనసాగిస్తూ వన్డేల్లోనూ శుభారంభం చేసిన భారత జట్టు ఇప్పుడు మరో సిరీస్‌ను తమ ఖాతాలో వేసుకునేందుకు సిద్ధమైంది. అన్ని రకాలుగా ఫామ్‌లో ఉన్న టీమిండియా ఇంకో మ్యాచ్‌ మిగిలి ఉండగానే సిరీస్‌ గెలుచుకోవాలని పట్టుదలగా ఉంది. అటు బ్యాటింగ్, ఇటు బౌలింగ్‌లో చెలరేగుతున్న భారత్‌ను నిలువరించడంలో తీవ్రంగా ఇబ్బంది పడుతూ వరుస పరాజయాలు ఎదుర్కొంటున్న ఇంగ్లండ్‌ ఈ సారైనా కోలుకొని పోటీనిస్తుందా చూడాలి. కటక్‌: ప్రతిష్టాత్మక చాంపియన్స్‌ ట్రోఫీకి ముందు సొంతగడ్డపై తమ సత్తాను ప్రదర్శిస్తున్న భారత జట్టు ఇంగ్లండ్‌పై వన్డే సిరీస్‌ను గెలుచుకోవడమే లక్ష్యంగా బరిలోకి దిగుతోంది. బారాబతి స్టేడియంలో నేడు జరిగే రెండో వన్డేలో భారత్, ఇంగ్లండ్‌ తలపడనున్నాయి. తొలి మ్యాచ్‌లో ఇంగ్లండ్‌ను తక్కువ స్కోరుకే కట్టడి చేసి 38.4 ఓవర్లలోనే ఛేదన పూర్తి చేసిన భారత్‌ అదే స్థాయి ఆటను ప్రదర్శిస్తే మరో మ్యాచ్‌ కూడా రోహిత్‌ సేన ఖాతాలో చేరుతుంది.టి20ల్లో చిత్తుగా ఓడి తొలి వన్డేలో కూడా 248కే పరిమితమైన ఇంగ్లండ్‌ మెరుగైన ప్రదర్శనతో సిరీస్‌ సమం చేయాలని భావిస్తోంది. 2006 నుంచి భారత గడ్డపై 31 సార్లు భారత్‌తో తలపడిన ఇంగ్లండ్‌ 5 మ్యాచ్‌లే గెలిచి 25 ఓడింది. కోహ్లి సిద్ధం... గాయంతో తొలి మ్యాచ్‌కు దూరమైన స్టార్‌ బ్యాటర్‌ విరాట్‌ కోహ్లి పూర్తి ఫిట్‌గా సిద్ధమయ్యాడు. రెండో వన్డేలో అతను బరిలోకి దిగడం ఖాయమైంది. కోహ్లి కూడా చాలా రోజులుగా చెప్పుకోదగ్గ ఇన్నింగ్స్‌ ఆడలేదు. లయ అందుకునేందుకు అతనికి ఇదే సరైన అవకాశం. అయితే ఎవరి స్థానంలో విరాట్‌ ఆడతాడనేది ఆసక్తికరం. గత మ్యాచ్‌లో చెప్పినదాని ప్రకారం శ్రేయస్‌ను తప్పించి కోహ్లిని తీసుకోవాలి. కానీ మెరుపు అర్ధసెంచరీతో ఆకట్టుకున్న శ్రేయస్‌ను పక్కన పెడితే టీమ్‌ మేనేజ్‌మెంట్‌పై తీవ్ర విమర్శలు రావచ్చు. కోచ్‌ గంభీర్‌ సాధారణంగా ఓపెనింగ్‌ ఎడమ, కుడిచేతివాటం కాంబినేషన్‌ను ఇష్టపడతాడు. అలా చూస్తే శ్రేయస్‌పైనే వేటు వేసి జైస్వాల్‌ను ఆడించవచ్చు. కానీ చాంపియన్స్‌ ట్రోఫీ ప్రణాళికలను దృష్టిలో ఉంచుకొని చూస్తే ప్రయోగాలు చేయకుండా జైస్వాల్‌ను పక్కన పెట్టడం సరైన నిర్ణయమవుతుంది. మరో వైపు రాహుల్‌ స్థానంలో కీపర్‌గా పంత్‌ను ఆడించే ఆలోచన కూడా ఉంది. లెఫ్టార్మ్‌ పేసర్‌ అర్ష్ దీప్‌ సింగ్‌ను పరీక్షించేందుకు రాణాను పక్కన పెట్టాలనే చర్చ కూడా జరుగుతోంది. ఎలాగైనా ఈ సిరీస్‌ గెలవాలని భావిస్తే భారత జట్టు మార్పులపై దృష్టి పెట్టకపోవచ్చు. కానీ చాంపియన్స్‌ ట్రోఫీకి ముందు ఈ సిరీస్‌లో ఆటగాళ్లను పరీక్షించాలనే ఆలోచన ఉంటే మాత్రం మార్పులు ఖాయం. సీనియర్‌ పేసర్‌ షమీ గత మ్యాచ్‌లో వికెట్లు తీయకపోయినా చక్కటి బౌలింగ్‌తో ఆకట్టుకున్నాడు. ఆల్‌రౌండర్‌ అక్షర్‌ బ్యాటింగ్‌లో రాణించడం సానుకూలాంశం. అయితే అన్నింటికి మించి కెపె్టన్‌ రోహిత్‌ ఫామ్‌లోకి రావడం భారత్‌కు ముఖ్యం. చాలా కాలంగా వరుసగా విఫలమవుతున్న రోహిత్‌ ఇక్కడైనా రాణిస్తాడా చూడాలి. గిల్, పాండ్యా, జడేజాలతో మన బ్యాటింగ్‌ పటిష్టంగా ఉంది. గెలిపించేదెవరు? ఈ పర్యటనలో ఐదు మ్యాచ్‌లలో ఓడిన ఇంగ్లండ్‌ ఆట దిశానిర్దేశం లేకుండా సాగుతోంది. పేరుకు భారీ బ్యాటింగ్‌ లైనప్‌ కనిపిస్తున్నా ఆ జట్టు వ్యూహాల్లో పదును లోపించింది. గుడ్డిగా బ్యాట్‌లు ఊపడం తప్ప ఆటగాళ్లు విఫలమవుతున్న చోట రెండో ప్రత్యామ్నాయం కనిపించడం లేదు. కోచ్‌ మెక్‌కలమ్‌ ప్రణాళికలు ఏవీ పని చేయడం లేదు. భారత గడ్డపై అనుభవం ఉన్న బట్లర్‌ మాత్రమే ఎంతో కొంత రాణిస్తుండగా బెతెల్‌ కాస్త పట్టుదలగా ఆడగలిగాడు. జట్టు ఆధారపడుతున్న రూట్, బ్రూక్‌ స్థాయికి తగ్గ ఆటను కనబర్చాల్సి ఉంది. ముఖ్యంగా బ్రూక్‌ 5 టి20లు, వన్డే కలిపి 91 పరుగులే చేశాడు. డకెట్‌ ఇంకా వన్డే ఓపెనర్‌గా కుదురుకోకపోగా, సాల్ట్‌ మరో మెరుపు ఇన్నింగ్స్‌ ఆడాల్సి ఉంది. ఆర్చర్, కార్స్‌ పేస్‌ భారత బ్యాటర్లపై ఎలాంటి ప్రభావం చూపకపోగా, రషీద్‌ తేలిపోయాడు. ఈ మ్యాచ్‌లో మరో పేసర్‌ వుడ్‌ బరిలోకి దిగే అవకాశం ఉంది. 40 ఓవర్లలోపే భారత్‌ తొలి వన్డే ముగించడం ఇంగ్లండ్‌ బౌలింగ్‌ బలహీనతను కూడా చూపించింది. దీనిని ఆ జట్టు ఎలా అధిగమిస్తుందో చూడాలి. తుది జట్లు (అంచనా) భారత్‌: రోహిత్‌ (కెప్టెన్ ), గిల్, కోహ్లి, శ్రేయస్, రాహుల్‌/ పంత్, పాండ్యా, జడేజా, అక్షర్, కుల్దీప్, అర్ష్ దీప్, షమీ ఇంగ్లండ్‌: బట్లర్‌ (కెప్టెన్ ),సాల్ట్, రూట్, బ్రూక్,డకెట్, లివింగ్‌స్టోన్, బెతెల్, కార్స్, ఆర్చర్, రషీద్, వుడ్‌. పిచ్, వాతావరణం ఈ మైదానంలో ఐదేళ్ల తర్వాత వన్డే మ్యాచ్‌ జరుగుతోంది. మొదటినుంచి ఇక్కడి పిచ్‌ బ్యాటింగ్‌కు బాగా అనుకూలం. భారీ స్కోర్లు నమోదయ్యాయి. ఈ సారి కూడా పరుగుల వరద ఖాయం. వర్షం అంతరాయం కలిగించే అవకాశం లేదు.

స్వదేశంలో జరుగుతున్న పోరులో ఇంగ్లండ్‌పై భారత్‌ సంపూర్ణ ఆధిపత్యం కొనసాగుతోంది. టి20 సిరీస్‌లో ఘన విజయం సాధించిన టీమిండియా ఇప్పుడు వన్డేల్లో గెలుపుతో బోణీ చేసింది. బౌలింగ్‌లో జడేజా, రాణా రాణించడంతో ముందుగా ప్రత్యర్థిని తక్కువ స్కోరుకే కట్టడి చేసిన జట్టు...ఆపై గిల్, శ్రేయస్, అక్షర్‌ బ్యాటింగ్‌తో 11.2 ఓవర్లు మిగిలి ఉండగానే లక్ష్యాన్ని చేరింది. పేలవ బ్యాటింగ్‌తో ఇంగ్లండ్‌ మరోసారి పరాజయానికే పరిమితమైంది. నాగ్‌పూర్‌: ఇంగ్లండ్‌తో వన్డే సిరీస్‌లో భారత్‌ 1–0తో ముందంజ వేసింది. గురువారం జరిగిన తొలి మ్యాచ్‌లో భారత్‌ 4 వికెట్ల తేడాతో ఇంగ్లండ్‌ను ఓడించింది. టాస్‌ గెలిచి ముందుగా బ్యాటింగ్‌ ఎంచుకున్న ఇంగ్లండ్‌ 47.4 ఓవర్లలో 248 పరుగులకే ఆలౌటైంది. కెప్టెన్ జోస్‌ బట్లర్‌ (67 బంతుల్లో 52; 4 ఫోర్లు), జాకబ్‌ బెతెల్‌ (64 బంతుల్లో 51; 3 ఫోర్లు, 1 సిక్స్‌) అర్ధ సెంచరీలు చేయగా...ఫిల్‌ సాల్ట్‌ (26 బంతుల్లో 43; 5 ఫోర్లు, 3 సిక్స్‌లు) ధాటిగా ఆడాడు.భారత బౌలర్లలో రవీంద్ర జడేజా, హర్షిత్‌ రాణా చెరో 3 వికెట్లు పడగొట్టారు. అనంతరం భారత్‌ 38.4 ఓవర్లలో 6 వికెట్లకు 251 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (96 బంతుల్లో 87; 14 ఫోర్లు), శ్రేయస్‌ అయ్యర్‌ (36 బంతుల్లో 59; 9 ఫోర్లు, 2 సిక్స్‌లు), అక్షర్‌ పటేల్‌ (47 బంతుల్లో 52; 6 ఫోర్లు, 1 సిక్స్‌) ఆకట్టుకున్నారు. రెండో వన్డే ఆదివారం కటక్‌లో జరుగుతుంది. కీలక భాగస్వామ్యాలు... ఓపెనర్లు సాల్ట్, బెన్‌ డకెట్‌ (29 బంతుల్లో 32; 6 ఫోర్లు) ఇంగ్లండ్‌కు శుభారంభం అందించారు. వీరిద్దరు దూకుడుగా ఆడుతూ తొలి వికెట్‌కు 8.5 ఓవర్లలోనే 75 పరుగులు జోడించారు. ఓపెనర్లను నిలువరించడంలో భారత బౌలర్లు విఫలమవుతున్న స్థితిలో ఇంగ్లండ్‌ స్వయంకృతం ఇన్నింగ్స్‌ను మలుపు తిప్పింది. లేని మూడో పరుగు కోసం ప్రయత్నించిన సాల్ట్‌ను చక్కటి ఫీల్డింగ్‌తో శ్రేయస్‌ రనౌట్‌ చేయడంతో జట్టు తొలి వికెట్‌ కోల్పోయింది. ఆ తర్వాత రెండు పరుగుల వ్యవధిలో మరో 2 వికెట్లు కోల్పోయి జట్టు కష్టాల్లో పడింది. సుదీర్ఘ విరామం తర్వాత వన్డే ఆడిన జో రూట్‌ (19) కూడా ఎక్కువ సేపు నిలవలేకపోయాడు. ఈ దశలో బట్లర్, బెతెల్‌ కలిసి ఇంగ్లండ్‌ను ఆదుకున్నారు. వీరిద్దరు భారీ షాట్లకు పోకుండా జాగ్రత్తగా ఆడారు. 58 బంతుల్లో అర్ధ సెంచరీ పూర్తయిన వెంటనే బట్లర్‌ నిష్క్రమించాడు. బెతెల్‌తో కలిసి ఐదో వికెట్‌కు అతను 14.3 ఓవర్లలో 59 పరుగులు జత చేశాడు. 62 బంతుల్లో బెతెల్‌ హాఫ్‌ సెంచరీ మార్క్‌ను చేరుకోగా...తర్వాతి బ్యాటర్లెవరూ నిలవలేకపోవడంతో మరో 16 బంతులు మిగిలి ఉండగానే ఇంగ్లండ్‌ ఆట ముగిసింది. రాణించిన అక్షర్‌... ఛేదనలో ఆరంభంలో భారత్‌ తడబడింది. 19 పరుగుల వద్దే యశస్వి జైస్వాల్‌ (15), రోహిత్‌ శర్మ (2) వెనుదిరిగారు. అయితే గిల్, శ్రేయస్‌ భాగస్వామ్యంలో జట్టు దూసుకుపోయింది. ముఖ్యంగా శ్రేయస్‌ మెరుపు బ్యాటింగ్‌తో అలరించాడు. ఆర్చర్‌ ఓవర్లో వరుసగా 2 సిక్స్‌లు బాదిన అతను, కార్స్‌ ఓవర్లో మూడు ఫోర్లు కొట్టాడు. ఈ జోరులో 30 బంతుల్లోనే అతని అర్ధసెంచరీ పూర్తయింది. గిల్‌తో కలిసి మూడో వికెట్‌కు 94 పరుగులు (10.4 ఓవర్లలో) జోడించిన తర్వాత శ్రేయస్‌ వెనుదిరిగాడు. బ్యాటింగ్‌ ఆర్డర్‌లో ప్రమోట్‌ అయిన అక్షర్‌ పటేల్‌ కూడా గిల్‌కు తగిన విధంగా సహకరించడంతో జట్టు లక్ష్యం దిశగా సాగింది. ఈ క్రమంలో గిల్‌ 60 బంతుల్లో, అక్షర్‌ 46 బంతుల్లోనే హాఫ్‌ సెంచరీలను అందుకున్నారు. నాలుగో వికెట్‌కు 17.5 ఓవర్లలో 108 పరుగులు జత చేసిన అనంతరం అక్షర్‌ అవుటయ్యాడు. ఈ దశలో భారత్‌ విజయానికి 28 పరుగులు, గిల్‌ సెంచరీకి 19 పరుగులు అవసరమయ్యాయి. అయితే గిల్‌ సెంచరీ చేజార్చుకోగా, రాహుల్‌ (2) కూడా నిలబడలేదు. కానీ పాండ్యా (9 నాటౌట్‌), జడేజా (12 నాటౌట్‌) కలిసి మ్యాచ్‌ను ముగించారు.26 పరుగులు సమర్పించుకున్నా... కెరీర్‌లో తొలి వన్డే ఆడుతున్న రాణా బౌలింగ్‌ ఆరంభంలో తడబడ్డాడు. ముఖ్యంగా అతని మూడో ఓవర్లో సాల్ట్‌ 3 సిక్స్‌లు, 2 ఫోర్లతో చెలరేగిపోయాడు. ఈ ఓవర్లో సాల్ట్‌ వరుసగా 6, 4, 6, 4, 0, 6 బాదడంతో మొత్తం 26 పరుగులు వచ్చాయి. అయితే తన నాలుగో ఓవర్లో అతను సత్తా చాటి పరిస్థితిని మార్చాడు. మూడో బంతికి డకెట్‌ను అవుట్‌ చేసిన రాణా చివరి బంతికి బ్రూక్‌ను డకౌట్‌ చేశాడు. ఆ తర్వాత కీలకమైన లివింగ్‌స్టోన్‌ వికెట్‌ కూడా రాణా ఖాతాలోనే చేరింది. ఇంగ్లండ్‌ ఇన్నింగ్స్‌: సాల్ట్‌ (రనౌట్‌) 43; డకెట్‌ (సి) జైస్వాల్‌ (బి) రాణా 32; రూట్‌ (ఎల్బీ) (బి) జడేజా 19; బ్రూక్‌ (సి) రాహుల్‌ (బి) రాణా 0; బట్లర్‌ (సి) పాండ్యా (బి) అక్షర్‌ 52; బెతెల్‌ (ఎల్బీ) (బి) జడేజా 51; లివింగ్‌స్టోన్‌ (సి) రాహుల్‌ (బి) రాణా 5; కార్స్‌ (బి) షమీ 10; రషీద్‌ (బి) జడేజా 8; ఆర్చర్‌ (నాటౌట్‌) 21; మహమూద్‌ (స్టంప్డ్‌) రాహుల్‌ (బి) కుల్దీప్‌ 2; ఎక్స్‌ట్రాలు 5; మొత్తం (47.4 ఓవర్లలో ఆలౌట్‌) 248. వికెట్ల పతనం: 1–75, 2–77, 3–77, 4–111, 5–170, 6–183, 7–206, 8–220, 9–241, 10–248. బౌలింగ్‌: షమీ 8–1–38–1, రాణా 7–1–53–3, అక్షర్‌ 7–0–38–1, పాండ్యా 7–1–37–0, కుల్దీప్‌ 9.4–0–53–1, జడేజా 9–1–26–3. భారత్‌ ఇన్నింగ్స్‌: జైస్వాల్‌ (సి) సాల్ట్‌ (బి) ఆర్చర్‌ 15; రోహిత్‌ శర్మ (సి) లివింగ్‌స్టోన్‌ (బి) మహమూద్‌ 2; గిల్‌ (సి) బట్లర్‌ (బి) మహమూద్‌ 86; శ్రేయస్‌ (ఎల్బీ) (బి) బెతెల్‌ 59; అక్షర్‌ (బి) రషీద్‌ 52; రాహుల్‌ (సి) అండ్‌ (బి) రషీద్‌ 2; పాండ్యా (నాటౌట్‌) 9; జడేజా (నాటౌట్‌) 12; ఎక్స్‌ట్రాలు 13; మొత్తం (38.4 ఓవర్లలో 6 వికెట్లకు) 251. వికెట్ల పతనం: 1–19, 2–19, 3–113, 4–221, 5–225, 6–235. బౌలింగ్‌: ఆర్చర్‌ 7–1–39–1, మహమూద్‌ 6.4–0–47–2, కార్స్‌ 5–0–52–0, రషీద్‌ 10–1–49–2, బెతెల్‌ 3–0–18–1, లివింగ్‌స్టోన్‌ 5–0–28–0, రూట్‌ 2–0–10–0. సినిమా చూస్తుండగా... ‘నేను ఈ మ్యాచ్‌ ఆడతానని అనుకోలేదు. కాస్త ఎక్కువ సేపు మెలకువతో ఉండవచ్చు అనుకొని రాత్రి సినిమా చూస్తూ కూర్చున్నాను. అయితే కోహ్లి మోకాలికి గాయం అయిందని నువ్వు ఆడాల్సి ఉంటుందని కెప్టెన్ రోహిత్‌నుంచి ఫోన్‌ వచ్చింది. వెంటనే సినిమాను సగంలోనే ఆపేసి వెంటనే వెళ్లి పడుకున్నాను’ –శ్రేయస్‌ అయ్యర్‌ జైస్వాల్‌ను ఆడించాలని టీమ్‌ మేనేజ్‌మెంట్‌ ముందే సిద్ధమైందని శ్రేయస్‌ వ్యాఖ్యలను బట్టి తెలుస్తోంది. గత కొంత కాలంగా వన్డేల్లో ఘనమైన రికార్డు ఉన్నా సరే... శ్రేయస్‌కు తుది జట్టులో చోటు లేకపోవడం ఆశ్చర్యకరం.గాయంతో దూరమైన కోహ్లి టాప్‌ బ్యాటర్‌ విరాట్‌ కోహ్లి లేకుండానే భారత జట్టు తొలి వన్డేలో బరిలోకి దిగింది. కుడి మోకాలికి గాయం కారణంగా కోహ్లి ఈ మ్యాచ్‌కు దూరమయ్యాడు. బుధవారం ప్రాక్టీస్‌ సమయంలోనే అతనికి ఈ గాయమైందని టాస్‌ సమయంలో కెప్టెన్ రోహిత్‌ వెల్లడించాడు. అయితే మ్యాచ్‌ ముందు రోజు టీమ్‌ మేనేజ్‌మెంట్‌ ఈ విషయాన్ని చెప్పలేదు. గురువారం జట్టు సభ్యులందరితో కలిసి మైదానానికి వచ్చిన కోహ్లి స్వల్పంగా డ్రిల్స్‌లో పాల్గొన్నాడు. అయితే ఈ సమయంలో అతను కాలికి ప్లాస్టర్‌తో కనిపించాడు. యశస్వి జైస్వాల్, రాణా అరంగేట్రం పేస్‌ బౌలర్‌ హర్షిత్‌ రాణా, ఓపెనర్‌ యశస్వి జైస్వాల్‌ ఈ మ్యాచ్‌తో వన్డే క్రికెట్‌లోకి అడుగు పెట్టారు. భారత్‌ తరఫున వన్డేలు ఆడిన 257, 258వ ఆటగాళ్లుగా వీరిద్దరు గుర్తింపు పొందారు. భారత్‌ తరఫున ఇప్పటికే 19 టెస్టులు, 23 టి20లు ఆడిన 23 ఏళ్ల ముంబై ఆటగాడు జైస్వాల్‌ తనకంటూ ప్రత్యేక గుర్తింపు తెచ్చుకోగా... ఢిల్లీకి చెందిన రాణా ఆ్రస్టేలియా గడ్డపై తొలి రెండు టెస్టులు ఆడాడు. ఆపై ఇంగ్లండ్‌తో గత శుక్రవారం జరిగిన చివరి మ్యాచ్‌తో అంతర్జాతీయ టి20ల్లోకి అడుగు పెట్టాడు.

టి20 సిరీస్‌లో ఇంగ్లండ్‌పై సంపూర్ణ ఆధిపత్యం ప్రదర్శించిన భారత జట్టు ఇప్పుడు వన్డే సమరానికి సిద్ధమైంది. సరిగ్గా ఆరు నెలల విరామం తర్వాత వన్డేల్లో బరిలోకి దిగుతున్న టీమిండియా రాబోయే చాంపియన్స్‌ ట్రోఫీకి ముందు సన్నాహకంగా ఈ మూడు మ్యాచ్‌ల సిరీస్‌ను వాడుకోవాలని భావిస్తోంది. మరోవైపు ఒకరిద్దరు మినహా దాదాపు టి20 టీమ్‌తోనే వన్డే సిరీస్‌ కూడా ఆడనున్న బట్లర్‌ బృందం ఈ ఫార్మాట్‌లోనైనా రాణించి పరువు నిలబెట్టుకోవాలని కోరుకుంటోంది. తుది జట్టు ఎంపిక, వ్యూహాల విషయంలో ఈ మూడు మ్యాచ్‌లో రోహిత్‌ బృందానికి కీలకం కానున్నాయి. నాగ్‌పూర్‌: వన్డే వరల్డ్‌ కప్‌లో అద్భుత ప్రదర్శనతో ఫైనల్‌ చేరిన అనంతరం 6 మ్యాచ్‌లే ఆడిన భారత జట్టుదక్షిణాఫ్రికా గడ్డపై వన్డే సిరీస్‌ గెలిచి, ఆ తర్వాత శ్రీలంక చేతిలో ఓడింది. మన ఆటగాళ్లు ఈ ఫార్మాట్‌లో గత ఏడాది ఆగస్టు తర్వాత మళ్లీ మ్యాచ్‌ ఆడలేదు. ఇప్పుడు కొంత విరామం తర్వాత భారత్‌లోనే మన జట్టు ఇంగ్లండ్‌తో వన్డే సిరీస్‌లో తలపడనుంది. జమ్తాలోని విదర్భ క్రికెట్‌ సంఘం (వీసీఏ) మైదానంలో నేడు ఇరు జట్ల మధ్య తొలి మ్యాచ్‌ జరుగు తుంది. ఇటీవల టెస్టుల్లో ప్రదర్శనతో విమర్శలు ఎదుర్కొ న్న కెపె్టన్‌ రోహిత్, కోహ్లి తమదైన శైలిలో చెలరేగేందుకు వన్డేలే సరైన వేదిక. టి20 ఫామ్‌ను కొనసాగిస్తూ ఇక్కడా జట్టు సిరీస్‌ను గెలుచుకుంటుందా అనేది ఆసక్తికరం. షమీ, కుల్దీప్‌ ఫామ్‌ కీలకం... టెస్టు, టి20 ఫార్మాట్‌లతో పోలిస్తే భారత వన్డే జట్టు కూర్పు చాలా కాలంగా గందరగోళం లేకుండా దాదాపు ఒకేలా ఉంది. ముఖ్యంగా టాప్‌–6 విషయంలో సందేహాలు లేవు. వరల్డ్‌ కప్‌ తరహాలోనే రోహిత్, గిల్, కోహ్లి, శ్రేయస్, రాహుల్, పాండ్యాలు వరుసగా ఆయా స్థానాల్లో ఆడతారు. వీరంతా కుడిచేతి వాటం బ్యాటర్లే. అయితే ఇప్పుడు కొత్త ప్రణాళికల్లో భాగంగా వికెట్‌ కీపర్‌గా కేఎల్‌ రాహుల్‌ స్థానంలో వైవిధ్యం కోసం పంత్‌ను తీసుకుంటారా అనేది చూడాలి. నాగ్‌పూర్‌ పిచ్‌ను బట్టి చూస్తే ముగ్గురు స్పిన్నర్లు ఆడవచ్చు. గాయం నుంచి కోలుకొని పునరాగమనం చేస్తున్న కుల్దీప్‌ ఆడటం ఖాయం. అతనికి తోడు జట్టుకు నాలుగు స్పిన్‌ ప్రత్యామ్నాయాలు జడేజా, అక్షర్, సుందర్, వరుణ్‌ చక్రవర్తి రూపంలో అందుబాటులో ఉన్నాయి. పేసర్లుగా షమీ, అర్ష్ దీప్ పై బాధ్యత ఉంది. తాజాగా ఇంగ్లండ్‌పై 2 టి20లు ఆడిన షమీకి వన్డే వరల్డ్‌ కప్‌ ఫైనల్‌ తర్వాత ఇదే తొలి వన్డే కానుంది. బుమ్రా గైర్హాజరీలో షమీపై అదనపు బాధ్యత కూడా ఉంది. రూట్, బట్లర్‌ మినహా... టి20ల్లో చిత్తయిన ఇంగ్లండ్‌పై తీవ్ర ఒత్తిడి ఉంది. కొంత కాలం క్రితం వరకు భీకరమైన లైనప్‌తో ఈ ఫార్మాట్‌ను శాసించిన ఆ జట్టు వరుస వైఫల్యాలతో తడబడుతోంది. వరల్డ్‌ కప్‌ తర్వాత టీమ్‌లో స్థానం కోల్పోయిన సీనియర్‌ జో రూట్‌ను మళ్లీ ఈ సిరీస్‌ కోసం ఎంపిక చేశారు. అతనితో పాటు కెప్టెన్ బట్లర్‌కు మాత్రం భారత్‌లో చెప్పుకోదగ్గ అనుభవం ఉంది. ఎక్కువ మంది టి20 స్పెషలిస్ట్‌లే ఉన్న జట్టు వన్డేల్లో ఏమాత్రం రాణించగలదనేది చూడాలి. మ్యాచ్‌కు ముందు రోజే ఇంగ్లండ్‌ తమ తుది జట్టును ప్రకటించింది. తుది జట్ల వివరాలు: భారత్‌ (అంచనా): రోహిత్‌ శర్మ (కెప్టెన్ ), గిల్, కోహ్లి, శ్రేయస్, రాహుల్, పాండ్యా, జడేజా, సుందర్, కుల్దీప్, అర్ష్ దీప్, షమీ.ఇంగ్లండ్‌: బట్లర్‌ (కెప్టెన్ ), డకెట్, సాల్ట్, రూట్, బ్రూక్, లివింగ్‌స్టోన్, బెతెల్, కార్స్, ఆర్చర్, రషీద్, సాఖిబ్‌.107 భారత్, ఇంగ్లండ్‌ జట్ల మధ్య ఇప్పటి వరకు 107 వన్డేలు జరిగాయి. 58 మ్యాచ్‌ల్లో భారత్‌ నెగ్గగా... 44 మ్యాచ్‌ల్లో ఇంగ్లండ్‌ గెలిచింది. 2 మ్యాచ్‌లు ‘టై’గా ముగిశాయి. 3 మ్యాచ్‌లు రద్దయ్యాయి.52 స్వదేశంలో ఇంగ్లండ్‌తో భారత్‌ ఆడిన వన్డేలు. 34 మ్యాచ్‌ల్లో టీమిండియా, 17 మ్యాచ్‌ల్లో ఇంగ్లండ్‌ గెలిచాయి. 1 మ్యాచ్‌ ‘టై’ అయింది.6 వీసీఏ స్టేడియంలో భారత్‌ ఆడిన వన్డేలు. ఇక్కడ 4 వన్డేల్లో నెగ్గిన టీమిండియా, 2 వన్డేల్లో ఓడిపోయింది. 2019 తర్వాత వీసీఏ స్టేడియంలో భారత్‌ వన్డే ఆడనుంది.పిచ్, వాతావరణంచక్కటి బ్యాటింగ్‌ వికెట్‌. అయితే పిచ్‌ స్పిన్‌కు అనుకూలిస్తుంది. వర్షసూచన ఏమాత్రం లేదు.

నాగ్‌పూర్‌: ఆ్రస్టేలియాతో ఇటీవల జరిగిన బోర్డర్‌–గావస్కర్‌ ట్రోఫీ టెస్టు సిరీస్‌లో భారత్‌ 1–3 తేడాతో పరాజయం పాలైంది. దాంతో జట్టులో ప్రధాన ఆటగాళ్ల ప్రదర్శనపై పలు రకాల విశ్లేషణలు సాగాయి. సీనియర్ల ఆటపై పలు విమర్శలు కూడా వచ్చాయి. అయితే ఈ తరహా విమర్శలను వన్డే టీమ్‌ వైస్‌ కెప్టెన్ శుబ్‌మన్‌ గిల్‌ తప్పు పట్టాడు. నిజానికి తాము ఆసీస్‌ గడ్డపై కూడా మెరుగ్గానే ఆడామని, కొద్దిలో ఓటమి పాలయ్యామని అతను వివరించాడు. ‘ఒక్క సిరీస్‌ ఫలితం మా జట్టు ఫామ్‌ను చూపించదు. జట్టులోని కీలక ఆటగాళ్లంతా గతంలో ఎన్నో టోర్నీల్లో నిలకడగా రాణించారు. ఆ్రస్టేలియాతో సిరీస్‌లో మేం అంచనాలకు తగినట్లుగా ఆడలేదనేది వాస్తవం. అయితే మరీ ఘోరంగా విఫలమేమీ కాలేదు. చివరి రోజు బుమ్రా లేకపోవడం దురదృష్టకరం. అతను ఆడితే మేం మ్యాచ్‌ గెలిచి సిరీస్‌ సమం చేసేవాళ్లం. ఒక మ్యాచ్‌ లేదా ఒక రోజు మా ఆటేంటో చెప్పదు. గతంలో అక్కడ రెండుసార్లు సిరీస్‌ సాధించాం. వన్డే వరల్డ్‌ కప్‌లో ఫైనల్‌ వెళ్లడంతో పాటు టి20 వరల్డ్‌ కప్‌ కూడా గెలిచామని మరచి పోవద్దు’ అని గిల్‌ సమాధానమిచ్చాడు. కెప్టెన్‌ రోహిత్‌ శర్మ వన్డేల్లో అద్భుతమైన ఫామ్‌లో ఉన్నాడన్న గిల్‌... టీమ్‌లో వరుసగా మార్పులు చేర్పులు సరైంది కాదన్నాడు. ‘విజయ్‌ హజారే వన్డే ట్రోఫీలో కరుణ్‌ నాయర్‌ చాలా గొప్పగా ఆడాడు. అందరూ ఇది అంగీకరించాలి. కానీ ఎవరి స్థానంలో తీసుకుంటారు. మేమంతా కూడా ఇక్కడికి రావడానికి ఎంతో కష్టపడ్డాం. ఇప్పుడు జట్టులో ఉన్నవాళ్లంతా చాలా బాగా ఆడుతున్నారు. మేం వరల్డ్‌ కప్‌లో ఒక్కటే మ్యాచ్‌ ఓడాం. కాబట్టి టీమ్‌లో అనవసరపు మార్పులు చేయవద్దు. కొంతకాలం ఒకే టీమ్‌ను కొనసాగించకపోతే జట్టు బలహీనంగా మారుతుంది’ అని గిల్‌ విశ్లేషించాడు. వైస్‌ కెప్టెన్ గా తనపై అదనపు బాధ్యత ఉందని... జట్టుకు అవసరమైనప్పుడల్లా రోహిత్‌కు తన సూచనలు అందిస్తానని గిల్‌ చెప్పాడు. టి20ల్లో చిత్తుగా ఓడినా... వన్డేల్లో ఇంగ్లండ్‌ బలమైన జట్టు కాబట్టి గట్టి పోటీ తప్పదని అతను అభిప్రాయపడ్డాడు.

టీమిండియాతో జరిగే మూడు మ్యాచ్‌ల వన్డే సిరీస్‌కు ముందు ఇంగ్లండ్‌ జట్టుకు భారీ షాక్‌ తగిలింది. గాయం కారణంగా ఆ జట్టు వికెట్‌కీపర్‌ బ్యాటర్‌ జేమీ స్మిత్‌ తొలి రెండు మ్యాచ్‌లకు దూరం కానున్నాడని తెలుస్తుంది. జేమీ స్మిత్‌ భారత్‌తో ఇటీవల జరిగిన మూడో టీ20 సందర్భంగా గాయపడ్డాడు. అప్పటి నుంచి అతను చికిత్స తీసుకుంటున్నాడు. తొలి వన్డేకు మరో రెండు రోజుల సమయం మాత్రమే ఉండగా.. జేమీ స్మిత్‌ ఇంకా కోలుకోలేదు. దీంతో అతను తొలి రెండు వన్డేలకు దూరం కానున్నాడని తెలుస్తుంది. అయితే ఈ విషయమై ఎలాంటి అధికారిక ప్రకటన లేదు. భారత్‌తో వన్డే సిరీస్‌లో స్మిత్‌ లేకపోయినా ఇంగ్లండ్‌కు మరో రెండు వికెట్‌కీపింగ్‌ ఆప్షన్స్‌ ఉన్నాయి. కెప్టెన్‌ జోస్‌ బట్లర్‌, ఫిల్‌ సాల్ట్‌లలో ఎవరో ఒకరు వికెట్‌ కీపింగ్‌ బాధ్యతలు చేపట్టవచ్చు. అయితే బట్లర్‌ గాయం నుంచి కోలుకున్న తర్వాత ఇప్పటివరకు వికెట్‌కీపింగ్‌ చేయలేదు. మరోవైపు సాల్ట్‌కు వన్డేల్లో పెద్దగా వికెట్‌కీపింగ్‌ చేసిన అనుభవం లేదు. మరి ఈ పరిస్థితుల్లో ఇంగ్లండ్‌ మేనేజ్‌మెంట్‌ ఏం చేస్తుందో వేచి చూడాలి.కాగా, భారత్‌తో తాజాగా ముగిసిన ఐదు మ్యాచ్‌ల టీ20 సిరీస్‌లో ఇంగ్లండ్‌ 1-4 తేడాతో ఘోర పరాజయాన్ని ఎదుర్కొన్న విషయం తెలిసిందే. ఈ సిరీస్‌లో పరాభవం తర్వాత ఇంగ్లండ్‌ కోలుకోవాలని చూస్తుంది. ఫిబ్రవరి 6 నుంచి భారత్‌తో జరిగే మూడు మ్యాచ్‌ల వన్డే సిరీస్‌ను ఎలాగైనా కైవసం చేసుకోవాలని భావిస్తుంది. ఛాంపియన్స్‌ ట్రోఫీకి ముందు ఇంగ్లండ్‌కు ఇదే ఆఖరి వన్డే సిరీస్‌. ఈ సిరీస్‌లో సత్తా చాటి ఛాంపియన్స్‌ ట్రోఫీలోకి గ్రాండ్‌గా ఎంట్రీ ఇవ్వాలని ఇంగ్లండ్‌ ఆటగాళ్లు ఉవ్విళ్లూరుతున్నారు. మరోవైపు ఇంగ్లండ్‌ వన్డే జట్టులో స్టార్‌ ఆటగాడు జో రూట్‌ చేరాడు. రూట్‌ చేరికతో ఇంగ్లండ్‌ బలం పెరుగుతుంది.ఫిబ్రవరి 6 నుంచి మొదలుభారత్‌తో తొలి వన్డే నాగ​్‌పూర్‌ వేదికగా ఫిబ్రవరి 6న జరుగనుంది. అనంతరం ఫిబ్రవరి 9, 12 తేదీల్లో రెండు, మూడు వన్డేలు జరుగనున్నాయి. ఈ మ్యాచ్‌లకు కటక్‌, అహ్మదాబాద్‌ వేదికలు కానున్నాయి. ఈ మూడు మ్యాచ్‌లు మధ్యాహ్నం 1:30 గంటల నుంచి ప్రారంభమవుతాయి.భారత్‌తో వన్డే సిరీస్‌కు ఇంగ్లండ్‌ జట్టు..జోస్‌ బట్లర్‌ (కెప్టెన్‌), హ్యారీ బ్రూక్‌, జో రూట్‌, బెన్‌ డకెట్‌, జేకబ్‌ బేతెల్‌, లియామ్‌ లివింగ్‌స్టోన్‌, ఫిల్‌ సాల్ట్‌, జేమీ స్మిత్‌, బ్రైడన్‌ కార్స్‌, జేమీ ఓవర్టన్‌, జోఫ్రా ఆర్చర్‌, గస్‌ అట్కిన్సన్‌, సాకిబ్‌ మహమూద్‌, ఆదిల్‌ రషీద్‌, మార్క్‌ వుడ్‌

142.3 కిలోమీటర్ల వేగంతో దూసుకొచ్చిన ఒక బంతి... ఆ తర్వాత అదే ఓవర్లో 146.1 కిలోమీటర్ల వేగంతో మరో బంతి... 147.2 కిలోమీటర్ల వేగంతో తర్వాతి బంతి... మొదటిది ఎక్స్‌ట్రా కవర్‌ మీదుగా బౌండరీ దాటింది. తర్వాతి షార్ట్‌ బంతి బ్యాక్‌వర్డ్‌ పాయింట్‌ మీదుగా, మూడోది కవర్స్‌ మీదుగా సిక్సర్లుగా మారాయి! ప్రపంచంలో ఫాస్టెస్ట్‌ బౌలర్లలో ఒకడైన జోఫ్రా ఆర్చర్‌ను ఒకే ఓవర్లో అభిషేక్‌ శర్మ ఇలా చితకబాదిన తీరు అతని అసలైన బ్యాటింగ్‌ శైలిని చూపించాయి. ఒకదానితో మరొకటి పోటీ పడినట్లుగా అభిషేక్‌ బాదిన భారీ సిక్సర్లలో ఈ రెండు మరింత హైలైట్‌గా నిలిచాయి. అండర్‌–16 స్థాయి నుంచే దూకుడైన ఆటకు మారుపేరుగా నిలిచిన అభిషేక్‌ ఇప్పుడు 24 ఏళ్ల వయసులో భారత్‌ తరఫున టి20ల్లో భీకరమైన హిట్టర్‌గా తనకంటూ ప్రత్యేక గుర్తింపు తెచ్చుకున్నాడు. ఇంగ్లండ్‌తో ఆదివారం మ్యాచ్‌లో అభిషేక్‌ శర్మ అద్భుతమైన షాట్లతో వీరవిధ్వంసం సృష్టించిన ఇన్నింగ్స్‌ భారత టి20లో అత్యుత్తమ ప్రదర్శనల్లో ఒకటిగా నిలిచిపోయింది. అతను కొట్టిన 7 ఫోర్లు, 13 సిక్స్‌లు కూడా పూర్తి ఆత్మవిశ్వాసంతో కొట్టిన అసలైన క్రికెటింగ్‌ షాట్లే. ఒక్కటి కూడా అనుకోకుండా తగిలి లేదా ఎడ్జ్‌ తీసుకొని వెళ్లింది లేదు. డ్రైవ్, లాఫ్టెడ్‌ డ్రైవ్, ఫ్లిక్, కట్‌... ఇలా ఏదైనా శ్రమ లేకుండా అలవోకగా, చూడముచ్చటగా ఆడటం అభిషేక్‌కే చెల్లింది. ఇక ప్రభావాన్ని చూస్తే మాత్రం అన్ని షాట్లూ ఫలితం రాబట్టినవే. ఐపీఎల్‌ ద్వారానే అభిమానులకు చేరువైన అతను ఇప్పుడు అంతర్జాతీయ స్థాయిలో కూడా తన బ్యాటింగ్‌ పదును చూపించాడు. అక్కడే మొదలు... భారీ షాట్లు బాదడం, సిక్సర్లతో పండగ చేసుకోవడం అభిషేక్‌కు కొత్త కాదు. తన స్వస్థలం అమృత్‌సర్‌లోని గాంధీ స్టేడియంలో చిన్నప్పటి నుంచి ప్రాక్టీస్‌ చేస్తున్నప్పుడే అతను ఇలా ఆడేవాడు. అతని దెబ్బకు ఎంతో విలువైన కొత్త ఎస్‌జీ, కూకూబుర్రా, డ్యూక్‌ బంతులు గ్రౌండ్‌ బయట పడేవి. చివరకు కోచ్‌లు, సిబ్బంది ఈ జోరును తగ్గించమని, లేదంటే చాలా ఖర్చు అవుతుందని అభిషేక్‌ తండ్రి రాజ్‌కుమార్‌ శర్మకు మొర పెట్టుకోవాల్సి వచ్చేది. అయితే మీకు కావాలంటే చండీగఢ్‌ నుంచి నేను కొత్త బంతులు కొని ఇస్తానే తప్ప శైలి మార్చుకోమని నా కొడుకుకు చెప్పను అతని ఆయన ఖరాఖండీగా తేల్చేశారు. దాంతో టీనేజ్‌లో వచ్చిన ఆ ధాటి అన్ని చోట్లా అలాగే కొనసాగింది. బీసీసీఐ అండర్‌–16 టోర్నీ విజయ్‌ మర్చంట్‌ ట్రోఫీలో ఒకే సీజన్‌ (2015–16)లో అతను ఇలాంటి బ్యాటింగ్‌తోనే ఏకంగా 1200కు పైగా పరుగులు సాధించి తానేంటో చూపించాడు. యువరాజ్‌ అండతో... దూకుడైన బ్యాటింగ్‌తో పాటు లెఫ్టార్మ్‌ స్పిన్‌తో కీలక ఓవర్లు వేయగల అభిషేక్‌ పంజాబ్‌ జట్టులో మిడిలార్డర్‌ నుంచి టాపార్డర్‌కు మారడంతో అతని బ్యాటింగ్‌ సత్తా అందరికీ తెలిసింది. కెపె్టన్‌గా అండర్‌–19 ఆసియాకప్‌ను గెలిపించిన అభిషేక్‌ 2018 అండర్‌–19 వరల్డ్‌ కప్‌ గెలిచిన జట్టులో సభ్యుడు కూడా. పంజాబ్‌ తొలిసారి 2023లో దేశవాళీ టి20 టోర్నీ సయ్యద్‌ ముస్తాక్‌ అలీ ట్రోఫీని గెలుచుకోవడంలో అతనిదే కీలక పాత్ర. ఈ టోర్నిలో ఏకంగా 192.46 స్ట్రయిక్‌రేట్‌తో అతను 485 పరుగులు చేశాడు. ఇందులో 2 సెంచరీలు, 3 హాఫ్‌ సెంచరీలు ఉండగా... ఆంధ్రపై 51 బంతుల్లోనే 9 ఫోర్లు, 9 సిక్స్‌లతో చేసిన 112 పరుగులు టోర్నిలో హైలైట్‌గా నిలిచాయి. అతని ఎదుగుదలలో భారత మాజీ ఆటగాడు యువరాజ్‌ సింగ్‌ పాత్ర ఎంతో ఉంది. అభిషేక్‌కు మెంటార్‌గా యువీ ఎన్నో రకాలుగా మార్గనిర్దేశనం చేశాడు. ‘అభి’లోని హిట్టింగ్‌ సామర్థ్యాన్ని గుర్తించిన యువీ సరైన దిశలో ప్రోత్సహించిన ఫలితమే ఇప్పుడు ఈ సిక్సర్ల పండగ. అందుకే యువరాజ్‌ ఎప్పుడు, ఎక్కడ ప్రాక్టీస్‌కు పిలిచినా అభిషేక్‌ వెంటనే హాజరైపోతాడు. ఐపీఎల్‌లో జోరు... భారత క్రికెట్‌ అభిమానులకు అభిషేక్‌ విధ్వంసం విలువ 2024లోనే కనిపించింది. 2022 సీజన్‌లో కూడా సన్‌రైజర్స్‌ తరఫున 426 పరుగులు చేసినా గత సీజన్‌ మాత్రమే అతని స్థాయిని అమాంతం పెంచేసింది. ట్రవిస్‌ హెడ్‌తో కలిసి అతను నెలకొల్పిన భాగస్వామ్యాలు ఐపీఎల్‌లో అద్భుతాన్ని చూపించాయి. ఈ టోర్నిలో ఏకంగా 204.21 స్ట్రయిక్‌రేట్‌తో అభిషేక్‌ 484 పరుగులు చేసి టీమ్‌ను ఫైనల్‌ వరకు చేర్చాడు. ఇందులో 36 ఫోర్లు ఉంటే, సిక్స్‌లు 42 ఉన్నాయి! రెండు సార్లు సన్‌రైజర్స్‌ ఐపీఎల్‌లో అత్యధిక స్కోరు రికార్డులు బద్దలు కొట్టడంతో అతని పాత్రను అంతా ప్రత్యక్షంగా చూశారు. ఇదే సీజన్‌లో 16 బంతుల్లోనే హాఫ్‌ సెంచరీతో అతను అదరగొట్టాడు. నిజానికి పంజాబ్‌ గెలిచిన ముస్తాక్‌ అలీ ట్రోఫీ నుంచే అతని స్థాయి ఎక్కడికో వెళ్లిపోయింది. నాటి నుంచి ఆదివారం మ్యాచ్‌ వరకు అతను టి20ల్లో 199.47 స్ట్రయిక్‌రేట్‌తో 1893 పరుగులు చేశాడంటే అభి ఆట ఎలా సాగుతోందో అర్థమవుతుంది. డకౌట్‌తో మొదలై... ఐపీఎల్‌ మెరుపుల తర్వాత భారత్‌ తరఫున ఆడిన తొలి మ్యాచ్‌లో ‘డకౌట్‌’తో అభిషేక్‌ కెరీర్‌ మొదలైంది. అయితే దానిని మరచిపోయేలా తర్వాతి మ్యాచ్‌లో 46 బంతుల్లో సెంచరీతో అతను చెలరేగాడు. కానీ ఆ తర్వాత వరుస వైఫల్యాలతో మళ్లీ తడబాటు. దక్షిణాఫ్రికాపై రెండు మ్యాచ్‌లలో రాణించినా తాజా సిరీస్‌కు ముందు కాస్త ఒత్తిడి. కానీ కోల్‌కతాలో తొలి మ్యాచ్‌లో 34 బంతుల్లో 79 పరుగులతో చెలరేగి దానిని కాస్త తగ్గించుకోగలిగాడు. ఇప్పుడు చివరి మ్యాచ్‌కు వచ్చేసరికి అభిషేక్‌ విశ్వరూపం చూపించాడు. 17 మ్యాచ్‌ల టి20 కెరీర్‌లో అతను 276 బంతులు ఆడితే 46 ఫోర్లు, 41 సిక్సర్లతో 535 పరుగులు చేసి పరాక్రమించాడు. మున్ముందూ ఇదే ధాటి కొనసాగితే 2026 టి20 వరల్డ్‌ కప్‌ వరకు కూడా మనకు ఎదురుండదు. –సాక్షి క్రీడా విభాగం

ఇన్నింగ్స్‌ తొలి బంతికే సామ్సన్‌ సిక్స్‌తో భారత్‌ ఆట ఆరంభం. మూడో ఓవర్లో బౌండరీతో అభిషేక్ ధాటి కాస్త ఆలస్యం! అంతే ఇక ఆ ఓవర్లోనే రెండు సిక్స్‌లతో పదునెక్కిన ప్రతాపం. ఆర్చర్, మార్క్‌ వుడ్, ఓవర్టన్‌ ఇలా పేసర్లు మారినా... లివింగ్‌స్టోన్, రషీద్‌లు స్పిన్నేసినా... బంతి గమ్యం, అభిషేక్ వీరవిహారం... ఈ రెండూ ఏమాత్రం మారలేదు. 13 సిక్సర్లతో ‘వాంఖెడే’కు అభిషేకం... 37 బంతుల్లోనే శతకం... 18వ ఓవర్‌ దాకా అతనొక్కడిదే విధ్వంసం!ఆఖరి పోరు గెలిచి ఆతిథ్య దేశం ఆధిక్యానికి గండి కొట్టేద్దామనుకుంటే ఇంగ్లండ్‌ కనీసం జట్టంతా కలిపి 100 పరుగులైనా కొట్టలేకపోయింది. ప్రత్యర్థి పేస్, స్పిన్‌ వైవిధ్యం అభిషేక్ శర్మ ధాటిని ఏ ఓవర్లోనూ, ఏ బౌలింగ్‌తోనూ అసలు ప్రభావమే చూపలేకపోయింది. ముంబై: ఏఐ... అదేనండీ అర్టిఫిషయల్ ఇంటెలిజెన్స్‌ వైపే ఇప్పుడు ప్రపంచం చూస్తోంది. కానీ వాంఖెడే స్టేడియంలో మాత్రం మరో ఏఐ... అదే భయ్యా అభిషేక్‌ ఇంటలిజెంట్‌ బ్యాటింగ్‌ వైపే ఓ గంటసేపు కన్నార్పకుండా చూసేలా చేసింది. ఇది కదా ఫన్‌... ధన్‌ ధనాధన్‌! ఇదే కదా ఈ టి20 ద్వైపాక్షిక సిరీస్‌లో గత నాలుగు మ్యాచ్‌ల్లోనూ మిస్సయ్యింది. అయితేనే ఆఖరి పోరులో ఆవిష్కృతమైంది. అభిషేక్‌ శర్మ (54 బంతుల్లో 135; 7 ఫోర్లు, 13 సిక్స్‌లు) ఆమోఘ శతకం, అదేపనిగా విధ్వంసం ముంబై వాసుల్ని మురిపించింది. టీవీ, మొబైల్‌ యాప్‌లలో యావత్‌ భారత అభిమానుల్ని కేరింతలతో ముంచెత్తింది. అతని ఆటలో అయ్యో ఈ షాట్‌ను చూడటం మిస్‌ అయ్యామే అని బహుశా ఏ ఒక్కరికీ అనిపించి ఉండకపోవచ్చు! ఎందుకంటే ప్రతి షాట్‌ హైలైట్స్‌నే తలదన్నేలా ఉంది. ఆదివారం అసలైన టి20 వినోదాన్ని పంచిన చివరి టి20లో భారత్‌ 150 పరుగుల భారీ తేడాతో ఇంగ్లండ్‌ను చిత్తు చేసి ఐదు మ్యాచ్‌ల సిరీస్‌ను 4–1తో సొంతం చేసుకుంది. మొదట భారత్‌ నిర్ణీత 20 ఓవర్లలో 9 వికెట్లను కోల్పోయి 247 పరుగుల భారీస్కోరు చేసింది. శివమ్‌ దూబే (13 బంతుల్లో 30; 3 ఫోర్లు, 2 సిక్స్‌లు) ఉన్న కాసేపు మెరిపించాడు. బ్రైడన్‌ కార్స్‌ 3, మార్క్‌వుడ్‌ 2 వికెట్లు తీశారు. తర్వాత కష్టమైన లక్ష్యం ఛేదించేందుకు దిగిన ఇంగ్లండ్‌ 10.3 ఓవర్లలోనే 97 పరుగుల వద్దే ఆలౌటైంది. ఓపెనర్‌ ఫిల్‌ సాల్ట్‌ (23 బంతుల్లో 55; 7 ఫోర్లు, 3 సిక్స్‌లు) బాదిన అర్ధశతకంతో ఆ మాత్రం స్కోరు చేసింది. మిగతావారిలో జాకబ్‌ బెథెల్‌ (10; 1 సిక్స్‌) తప్ప అందరివి సింగిల్‌ డిజిట్లే! షమీ 3 వికెట్లు పడగొడితే ఒక్క ఓవర్‌ వేసిన అభిషేక్, దూబే, వరుణ్‌లు తలా 2 వికెట్లు తీసి ఇంగ్లండ్‌ను 11వ ఓవర్‌ ముగియక ముందే స్పిన్‌తో దున్నేశారు. ఇంగ్లండ్‌ పాలిట సిక్సర పిడుగల్లే... మ్యాచ్‌ గురించి మాట్లాడుకోవడానికి ఏమీ లేదు. ఎందుకంటే మ్యాచ్‌ అంతటిని అభిషేక్ ఒక్కడే షేక్‌ చేశాడు. ఐదు పదుల బంతులు (54) ఎదుర్కొంటే ఇందులో కేవలం 5 మాత్రమే డాట్‌ బాల్స్‌. అంటే పరుగు రాలేదు. కానీ మిగతా 49 బంతుల్లో ‘రన్‌’రంగమే... ప్రత్యర్థి బౌలర్లేమో లబో... దిబో! ఇది అభిషేక్ సాగించిన విధ్వంసం. 17 బంతుల్లోనే అతను సాధించిన ఫిఫ్టీ భారత్‌ తరఫున రెండో వేగవంతమైన అర్ధశతకమైంది. అంతేనా... పవర్‌ ప్లే (6 ఓవర్లు)లో జట్టు స్కోరు 95/1 ఇది భారత్‌ తరఫున అంతర్జాతీయ టి20ల్లోనే అత్యధిక స్కోరైంది. ఆ తర్వాత 37 బంతుల్లోనే దంచేసిన మెరుపు శతకం శాశ్వత దేశాల మధ్య రెండో వేగవంతమైన సెంచరీగా పుటలకెక్కింది. 2017లో మిల్లర్‌ (దక్షిణాఫ్రికా) బంగ్లాదేశ్‌పై 35 బంతుల్లో శతక్కొట్టాడు. 3.5 ఓవర్లో 50 పరుగులు దాటిన భారత్‌ స్కోరు అతనొక్కడి జోరుతో 6.3 ఓవర్లోనే వందకు చేరింది. భారత్‌ 12వ ఓవర్లో 150, 16వ ఓవర్లో 200 పరుగుల్ని అవలీలగా దాటేసింది. మిగతావారిలో శివమ్‌ దూబే కాస్త మెరిపించాడు. అయితే దూబే (2–0–11–2) బౌలింగ్‌ స్పెల్‌తో గత మ్యాచ్‌ ‘కన్‌కషన్‌’ విమర్శలకు తాజా మ్యాచ్‌లో బంతితో సమాధానమిచ్చాడు. అభిషేక్ శర్మకు ‘ప్లేయర్‌ ఆఫ్‌ ద మ్యాచ్‌’... వరుణ్‌ చక్రవర్తికి ‘ప్లేయర్‌ ఆఫ్‌ ద సిరీస్‌’ అవార్డులు లభించాయి. స్కోరు వివరాలు భారత్‌ ఇన్నింగ్స్‌: సామ్సన్‌ (సి) ఆర్చర్‌ (బి) వుడ్‌ 16; అభిషేక్‌ (సి) ఆర్చర్‌ (బి) రషీద్‌ 135; తిలక్‌వర్మ (సి) సాల్ట్‌ (బి) కార్స్‌ 24; సూర్యకుమార్‌ (సి) సాల్ట్‌ (బి) కార్స్‌ 2; దూబే (సి) రషీద్‌ (బి) కార్స్‌ 30; హార్దిక్‌ (సి) లివింగ్‌స్టోన్‌ (బి) వుడ్‌ 9; రింకూసింగ్‌ (ఎల్బీడబ్ల్యూ) (బి) ఆర్చర్‌ 9; అక్షర్‌ రనౌట్‌ 15; షమీ నాటౌట్‌ 0; రవి బిష్ణోయ్‌ (సి) కార్స్‌ (బి) ఓవర్టన్‌ 0; ఎక్స్‌ట్రాలు 7; మొత్తం (20 ఓవర్లలో 9 వికెట్లకు) 247. వికెట్ల పతనం: 1–21, 2–136, 3–145, 4–182, 5–193, 6–202, 7–237, 8–247, 9–247. బౌలింగ్‌: జోఫ్రా ఆర్చర్‌ 4–0–55–1, మార్క్‌వుడ్‌ 4–0–32–2, ఓవర్టన్‌ 3–0–48–1, లివింగ్‌స్టోన్‌ 2–0–29–0, అదిల్‌ రషీద్‌ 3–0–41–1, బ్రైడన్‌ కార్స్‌ 4–0–38–3. ఇంగ్లండ్‌ ఇన్నింగ్స్‌: సాల్ట్‌ (సి) సబ్‌–జురేల్‌ (బి) దూబే 55; డకెట్‌ (సి) అభిషేక్ (బి) షమీ 0; బట్లర్‌ (సి) తిలక్‌వర్మ (బి) వరుణ్‌ 7; హ్యారీ బ్రూక్‌ (సి) వరుణ్‌ (బి) రవి బిష్ణోయ్‌ 2; లివింగ్‌స్టోన్‌ (సి) రింకూ (బి) వరుణ్‌ 9; జాకబ్‌ (బి) దూబే 10; కార్స్‌ (సి) వరుణ్‌ (బి) అభిషేక్ 3; ఓవర్టన్‌ (సి) సూర్యకుమార్‌ (బి) అభిషేక్ 1; ఆర్చర్‌ నాటౌట్‌ 1; రషీద్‌ (సి) సబ్‌–జురేల్‌ (బి) షమీ 6; మార్క్‌వుడ్‌ (సి) సబ్‌–జురేల్‌ (బి) షమీ 0; ఎక్స్‌ట్రాలు 3; మొత్తం (10.3 ఓవర్లలో ఆలౌట్‌) 97. వికెట్ల పతనం: 1–23, 2–48, 3–59, 4–68, 5–82, 6–87, 7–90, 8–90, 9–97, 10–97. బౌలింగ్‌: షమీ 2.3–0–25–3, హార్దిక్‌ పాండ్యా 2–0–23–0, వరుణ్‌ 2–0–25–2, రవి బిష్ణోయ్‌ 1–0–9–1, శివమ్‌ దూబే 2–0–11–2, అభిషేక్ 1–0–3–2. ఆహా... ఆదివారంభారత క్రీడాభిమానులకు ఆదివారం పండుగలా గడిచింది. మధ్యాహ్నం కౌలాలంపూర్‌లో భారత అమ్మాయిల జట్టు ఆల్‌రౌండ్‌ ప్రదర్శనతో వరుసగా రెండోసారి అండర్‌–19 టి20 ప్రపంచకప్‌ను సొంతం చేసుకుంది. తెలంగాణ అమ్మాయి గొంగడి త్రిష చిరస్మరణీయ ఆటతీరుతో అదరగొట్టింది. భారత జట్టు రెండోసారి విశ్వవిజేతగా నిలువడంలో కీలకపాత్ర పోషించింది. రాత్రి ఇటు ముంబైలో భారత పురుషుల జట్టు ఇంగ్లండ్‌పై వీరంగం సృష్టించింది. ముఖ్యంగా అభిషేక్ శర్మ ఆకాశమే హద్దుగా చెలరేగిపోయి టి20ల్లో రెండోసారి ‘శత’క్కొట్టాడు. కేవలం 37 బంతుల్లోనే సెంచరీ అందుకున్న అభిషేక్ అమోఘమైన ఆటతో భారత జట్టు ఈ మ్యాచ్‌లో ఏకంగా 150 పరుగుల తేడాతో ఇంగ్లండ్‌ను చిత్తు చేసింది. ఐదు మ్యాచ్‌ల సిరీస్‌ను 4–1తో సొంతం చేసుకుంది. 1 భారత్‌ తరఫున అంతర్జాతీయ టి20ల్లో అత్యధిక వ్యక్తిగత స్కోరు (135) చేసిన ప్లేయర్‌గా అభిషేక్ నిలిచాడు. శుబ్‌మన్‌ గిల్‌ (126 నాటౌట్‌; న్యూజిలాండ్‌పై) రెండో స్థానంలో ఉన్నాడు. 2 భారత్‌ తరఫున అంతర్జాతీయ టి20ల్లో వేగవంతమైన సెంచరీ (37 బంతుల్లో) చేసిన రెండో ఆటగాడు అభిషేక్‌. రోహిత్‌ శర్మ (35 బంతుల్లో; శ్రీలంకపై) అగ్రస్థానంలో ఉన్నాడు. 13 ఈ మ్యాచ్‌లో అభిషేక్ కొట్టిన సిక్స్‌లు. భారత్‌ తరఫున అంతర్జాతీయ టి20 మ్యాచ్‌లో ఇదే అత్యధికం. రోహిత్‌ (10 సిక్స్‌లు; శ్రీలంకపై), సామ్సన్‌ (10 సిక్స్‌లు; దక్షిణాఫ్రికాపై), తిలక్‌ (10 సిక్స్‌లు; దక్షిణాఫ్రికాపై) రెండో స్థానాల్లో ఉన్నారు.

స్వదేశంలో ఇంగ్లండ్‌తో జరిగిన ఐదు మ్యాచ్‌ల టీ20 సిరీస్‌ను భారత్‌ 4-1 తేడాతో కైవసం చేసుకుంది. ముంబై వేదికగా ఇవాళ (ఫిబ్రవరి 2) జరిగిన చివరి మ్యాచ్‌లో భారత్‌ 150 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. అభిషేక్‌ శర్మ విధ్వంసకర శతకంతో (54 బంతుల్లో 135; 7 ఫోర్లు, 13 సిక్సర్లు) విరుచుకుపడటంతో నిర్ణీత ఓవర్లలో 9 వికెట్ల నష్టానికి 247 పరుగులు చేసింది. అనంతరం భారీ లక్ష్య ఛేదనకు దిగిన ఇంగ్లండ్‌.. భారత బౌలర్లు చెలరేగడంతో 10.3 ఓవర్లలో 97 పరుగులకే ఆలౌటై ఘోర పరాజయాన్ని మూటగట్టుకుంది. తొలుత బ్యాట్‌తో విజృంభించిన అభిషేక్‌.. ఆతర్వాత బంతితోనూ రాణించి రెండు వికెట్లు తీశాడు. ఆల్‌రౌండ్‌ షోతో అదరగొట్టినందుకు గానూ అభిషేక్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. సిరీస్‌ ఆధ్యాంతం అద్భుతంగా రాణించి 14 వికెట్లు తీసిన వరుణ్‌ చక్రవర్తి ప్లేయర్‌ ఆఫ్‌ ద సిరీస్‌ అవార్డు దక్కించుకున్నాడు. రికార్డులు కొల్లగొట్టిన అభిషేక్‌ఈ మ్యాచ్‌లో విధ్వంసకర సెంచరీ సాధించిన అభిషేక్‌ పలు రికార్డులు కొల్లగొట్టాడు. టీ20ల్లో భారత్‌ తరఫున రెండో వేగవంతమైన హాఫ్‌ సెంచరీ (17), రెండో వేగవంతమైన సెంచరీని (37) నమోదు చేశాడు. టీ20ల్లో భారత్‌ తరఫున ఫాస్టెస్ట్‌ సెంచరీ రికార్డు రోహిత్‌ శర్మ (35 బంతుల్లో) పేరిట ఉండగా.. ఫాస్టెస్ట్‌ హాఫ్‌ సెంచరీ యువరాజ్‌ సింగ్‌ (12 బంతుల్లో) పేరిట ఉంది. 17 మ్యాచ్‌ల టీ20 కెరీర్‌లో అభిషేక్‌కు ఇది రెండో సెంచరీ.ఈ మ్యాచ్‌లో అభిషేక్‌ సాధించిన మరిన్ని రికార్డులు..- టీ20ల్లో భారత్‌ తరఫున అత్యధిక స్కోర్‌ (135).- టీ20లో భారత్‌ తరఫున అత్యధిక సిక్సర్లు (13).- అభిషేక్‌ ధాటికి భారత్‌ పవర్‌ ప్లేల్లో అత్యధిక స్కోర్‌ (95/1) నమోదు చేసింది.టీ20ల్లో నాలుగో అత్యధిక స్కోర్‌ఈ మ్యాచ్‌లో భారత్‌ నమోదు చేసిన స్కోర్‌ (247/9) టీ20ల్లో నాలుగో అత్యధికం. ఈ మ్యాచ్‌లో భారత్‌ మరింత భారీ స్కోర్‌ సాధించాల్సింది. అభిషేక్‌ సెంచరీ పూర్తయ్యాక భారత్‌ స్కోర్‌ బాగా నెమ్మదించింది. వరుస క్రమంలో వికెట్లు పడిపోయాయి. ఆరంభంలో సంజూ శాంసన్‌ (7 బంతుల్లో 16; ఫోర్‌, 2 సిక్సర్లు).. మధ్యలో తిలక్‌ వర్మ (15 బంతుల్లో 24; 3 ఫోర్లు, సిక్స్‌), శివమ్‌ దూబే (13 బంతుల్లో 30; 3 ఫోర్లు, 2 సిక్సర్లు) మెరుపు ఇన్నింగ్స్‌లు ఆడారు. వేగంగా పరుగులు రాబట్టే క్రమంలో సూర్యకుమార్‌ యాదవ్‌ (3 బంతుల్లో 2), హార్దిక్‌ పాండ్యా (6 బంతుల్లో 9; సిక్స్‌), రింకూ సింగ్‌ 6 బంతుల్లో 9; ఫోర్‌), అక్షర్‌ పటేల్‌ (11 బంతుల్లో 15; 2 ఫోర్లు), బిష్ణోయ్‌ (0) ఔటయ్యారు. ఇంగ్లండ్‌ బౌలర్లలో బ్రైడన్‌ కార్స్‌ 3, మార్క్‌ వుడ్‌ 2, జోఫ్రా ఆర్చర్‌, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.భారీ లక్ష్య ఛేదనలో ఇంగ్లండ్‌ ఆది నుంచే తడబడుతూ వచ్చింది. భారత బౌలర్లు ఫిల్‌ సాల్ట్‌ (23 బంతుల్లో 55; 7 ఫోర్లు, 3 సిక్సర్లు) మినహా ఏ ఒక్కరిని కుదురుకోనివ్వలేదు. షమీ (2.3-0-25-3), వరుణ్‌ చక్రవరి (2-0-25-2), శివమ్‌ దూబే (2-0-11-2), అభిషేక్‌ శర్మ (1-0-3-2), రవి బిష్ణోయ్‌ (1-0-9-1) తలో చేయి వేసి ఇంగ్లండ్‌ ఇన్నింగ్స్‌ను కుప్పకూల్చారు. భారత బౌలర్ల ధాటికి ఇంగ్లండ్‌ ఇన్నింగ్స్‌లో కేవలం సాల్ట్‌, జేకబ్‌ బేతెల్‌ (10) మాత్రమే రెండంకెల స్కోర్లు చేయగలిగారు. టీ20ల్లో పరుగుల పరంగా (150) ఇంగ్లండ్‌కు ఇది భారీ పరాజయం.చరిత్ర సృష్టించిన వరుణ్‌ చక్రవర్తిఈ మ్యాచ్‌లో రెండు వికెట్లు తీసిన వరుణ్‌.. ఓ ద్వైపాక్షిక సిరీస్‌లో అత్యధిక వికెట్లు (14) తీసిన స్పిన్‌ బౌలర్‌గా సరికొత్త రికార్డు నెలకొల్పాడు. ఓ ద్వైపాక్షిక సిరీస్‌లో అత్యధిక వికెట్లు తీసిన రికార్డు విండీస్‌ పేసర్‌ జేసన్‌ హోల్డర్‌ పేరిట ఉంది. 2022లో ఇంగ్లండ్‌తో జరిగిన ఐదు మ్యాచ్‌ల సిరీస్‌లో హోల్డర్‌ 15 వికెట్లు పడగొట్టాడు.ఓ ద్వైపాక్షిక సిరీస్‌లో అత్యధిక వికెట్లు తీసిన స్పిన్‌ బౌలర్‌ రికార్డు వరుణ్‌కు ముందు ఐష్‌ సోధి (న్యూజిలాండ్‌) పేరిట ఉండింది. 2021లో ఆస్ట్రేలియాతో జరిగిన సిరీస్‌లో సోధి 13 వికెట్లు పడగొట్టాడు. వరుణ్‌ గతేడాది సౌతాఫ్రికాతో జరిగిన నాలుగు మ్యాచ్‌ల టీ20 సిరీస్‌లోనూ 12 వికెట్లు పడగొట్టాడు.

ఐదో టీ20లో భారత్‌ ఘన విజయంముంబై వేదికగా ఇంగ్లండ్‌తో జరిగిన ఐదో టీ20లో భారత్‌ ఘన విజయం సాధించింది. ఈ మ్యాచ్‌లో భారత్‌ ఇంగ్లండ్‌ను 150 పరుగుల తేడాతో మట్టికరిపించింది. తొలుత బ్యాటింగ్‌ చేసిన భారత్‌ నిర్ణీత ఓవర్లలో 9 వికెట్ల నష్టానికి 247 పరుగులు చేయగా.. ఇంగ్లండ్‌ 10.3 ఓవర్లలో 97 పరుగులకే ఆలౌటైంది. ఈ మ్యాచ్‌లో అభిషేక్‌ శర్మ విధ్వంసకర శతకంతో విరుచుకుపడ్డాడు. భారత బౌలర్లు తలో చేయి వేసి ఇంగ్లండ్‌ ఇన్నింగ్స్‌ను పేకమేడలా కూల్చారు. ఈ గెలుపుతో భారత్‌ ఐదు మ్యాచ్‌ల సిరీస్‌ను 4-1 తేడాతో కైవసం చేసుకుంది.మూడో వికెట్‌ కోల్పోయిన ఇంగ్లండ్‌59 పరుగుల వద్ద ఇంగ్లండ్‌ మూడో వికెట్‌ కోల్పోయింది. బిష్ణోయ్‌ బౌలింగ్‌లో హ్యారీ బ్రూక్‌ (2) ఔటయ్యాడు.రెండో వికెట్‌ కోల్పోయిన ఇంగ్లండ్‌48 పరుగుల వద్ద ఇంగ్లండ్‌ రెండో వికెట్‌ కోల్పోయింది. జోస్‌ బట్లర్‌ను (7) వరుణ్‌ చక్రవర్తి పెవిలియన్‌కు పంపాడు. టార్గెట్‌ 248.. తొలి వికెట్‌ కోల్పోయిన ఇంగ్లండ్‌248 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌కు శుభారంభమే లభించింది. అయితే ఆ జట్టు 3వ ఓవర్‌ తొలి బంతికి తొలి వికెట్‌ కోల్పోయింది. షమీ బౌలింగ్‌లో బెన్‌ డకెట్‌ డకౌటాయ్యాడు. 4 ఓవర్లలో ఇంగ్లండ్‌ స్కోర్‌ 48/1గా ఉంది. ఫిల్‌ సాల్ట్‌ (39) ధాటిగా ఆడుతున్నాడు. అభిషేక్‌ విధ్వంసకర శతకం.. టీమిండియా భారీ స్కోర్‌ముంబై వేదికగా ఇంగ్లండ్‌తో జరుగుతున్న ఐదో టీ20లో టీమిండియా భారీ స్కోర్‌ (247/9) చేసింది. ఈ మ్యాచ్‌లో అభిషేక్‌ శర్మ (54 బంతుల్లో 135; 7 ఫోర్లు, 13 సిక్సర్లు) విధ్వంసకర శతకంతో విరుచుకుపడ్డాడు. హాఫ్‌ సెంచరీని 17 బంతుల్లో పూర్తి చేసిన అభిషేక్‌.. సెంచరీని 37 బంతుల్లో శతక్కొట్టాడు. టీ20ల్లో అభిషేక్‌ది భారత్‌ తరఫున రెండో వేగవంతమైన హాఫ్‌ సెంచరీ (17), సెంచరీ (37). టీ20ల్లో భారత్‌ తరఫున ఫాస్టెస్ట్‌ సెంచరీ రికార్డు రోహిత్‌ శర్మ (35 బంతుల్లో) పేరిట ఉండగా.. ఫాస్టెస్ట్‌ హాఫ్‌ సెంచరీ యువరాజ్‌ సింగ్‌ (12 బంతుల్లో) పేరిట ఉంది. అభిషేక్‌కు టీ20ల్లో ఇది రెండో సెంచరీ.టీ20ల్లో భారత్‌ తరఫున అత్యధిక స్కోర్‌ (135) కూడా అభిషేక్‌దే. అలాగే ఓ టీ20లో భారత్‌ తరఫున అత్యధిక సిక్సర్లు (13) కొట్టింది కూడా అభిషేకే. అభిషేక్‌ ధాటికి భారత్‌ పవర్‌ ప్లేల్లో అత్యధిక స్కోర్‌ (95/1) నమోదు చేసింది. అభిషేక్‌ సెంచరీ పూర్తయ్యాక భారత్‌ స్కోర్‌ బాగా నెమ్మదించింది. వరుస క్రమంలో వికెట్లు పడిపోయాయి. ఆరంభంలో సంజూ శాంసన్‌ (7 బంతుల్లో 16; ఫోర్‌, 2 సిక్సర్లు).. మధ్యలో తిలక్‌ వర్మ (15 బంతుల్లో 24; 3 ఫోర్లు, సిక్స్‌), శివమ్‌ దూబే (13 బంతుల్లో 30; 3 ఫోర్లు, 2 సిక్సర్లు) మెరుపు ఇన్నింగ్స్‌లు ఆడారు. వేగంగా పరుగులు రాబట్టే క్రమంలో సూర్యకుమార్‌ యాదవ్‌ (3 బంతుల్లో 2), హార్దిక్‌ పాండ్యా (6 బంతుల్లో 9; సిక్స్‌), రింకూ సింగ్‌ 6 బంతుల్లో 9; ఫోర్‌), అక్షర్‌ పటేల్‌ (11 బంతుల్లో 15; 2 ఫోర్లు), బిష్ణోయ్‌ (0) ఔటయ్యారు. ఇంగ్లండ్‌ బౌలర్లలో బ్రైడన్‌ కార్స్‌ 3, మార్క్‌ వుడ్‌ 2, జోఫ్రా ఆర్చర్‌, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.37 బంతుల్లో శతక్కొట్టిన అభిషేక్‌హాఫ్‌ సెంచరీ తర్వాత పేట్రేగిపోయిన అభిషేక్‌ శర్మ 37 బంతుల్లో 5 ఫోర్లు, 10 సిక్సర్ల సాయంతో సెంచరీ పూర్తి చేశాడు. టీ20ల్లో భారత్‌ తరఫున ఇది రెండో వేగవంతమైన శతకం. టీ20ల్లో భారత్‌ తరఫున వేగవంతమైన సెంచరీ రికార్డు రోహిత్‌ శర్మ పేరిట ఉంది. హిట్‌మ్యాన్‌ 2017లో శ్రీలంకపై 35 బంతుల్లోనే శతక్కొట్టాడు. ఓవరాల్‌గా టీ20ల్లో ఫాస్టెస్ట్‌ సెంచరీ రికార్డు ఎస్టోనియాకు చెందిన సాహిల్‌ చౌహాన్‌ పేరిట ఉంది. గతేడాది చౌహాన్‌ సైప్రస్‌పై కేవలం 27 బంతుల్లోనే సెంచరీ చేశాడు. ‌అభిషేక్‌ శర్మ విధ్వంసం.. 17 బంతుల్లో అర్ధ శతకంఈ మ్యాచ్‌లో అభిషేక్‌ శర్మ పూనకం వచ్చినట్లు ఊగిపోయాడు. సంజూ ఔటయ్యాక ఒక్కసారిగా బీస్ట్‌ మోడ్‌లోకి వచ్చిన అభిషేక ఎడాపెడా బౌండరీలు, సిక్సర్లు బాది 17 బంతుల్లో హాఫ్‌సెంచరీ పూర్తి చేసుకున్నాడు. టీ20ల్లో యువరాజ్‌ సింగ్‌ (12 బంతుల్లో) తర్వాత అభిషేక్‌దే ఫాస్టెస్ట్‌ ఫిఫ్టి. అభిషేక్‌ దెబ్బకు భారత్‌ తొలి 6 ఓవర్లలో 95 పరుగులు చేసిం‍్ది. అభిషేక్‌ 58, తిలక్‌ 19 పరుగులతో క్రీజ్‌లో ఉన్నారు.సంజూ శాంసన్‌ మరోసారి విఫలంటీమిండియా ఓపెనర్‌ సంజూ శాంసన్‌ మరోసారి విఫలమయ్యాడు.వరుసగా నాలుగు మ్యాచ్‌ల్లో విఫలమైనా టీమిండియా మేనేజ​్‌మెంట్‌ సంజూకు మరో ఛాన్స్‌ ఇచ్చింది. ఈ మ్యాచ్‌లో తొలి బంతికే సిక్సర్‌ బాదిన సంజూ.. ఆతర్వాత అదే ఓవర్‌లో మరో సిక్సర్‌, బౌండరీ బాదాడు. అయితే సంజూ (7 బంతుల్లో 16; ఫోర్‌, 2 సిక్సర్లు) ఆతర్వాతి ఓవర్‌లోనే మార్క్‌ వుడ్‌ బౌలింగ్‌లో జోఫ్రా ఆర్చర్‌కు క్యాచ్‌ ఇచ్చి ఔటయ్యాడు.టాస్‌ గెలిచి ఫీల్డింగ్‌ ఎంచుకున్న ఇంగ్లండ్‌ముంబై వేదికగా భారత్‌, ఇంగ్లండ్‌ జట్ల మధ్య ఇవాళ (ఫిబ్రవరి 2) నామమాత్రపు ఐదో టీ20 జరుగుతుంది. ఈ మ్యాచ్‌లో ఇంగ్లండ్‌ టాస్‌ గెలిచి తొలుత ఫీల్డింగ్‌ ఎంచుకుంది. ఈ మ్యాచ్‌ కోసం ఇరు జట్లు చెరో మార్పు చేశాయి. భారత్‌ తరఫున అర్షదీప్‌ సింగ్‌ స్థానంలో మహ్మద్‌ షమీ తుది జట్టులోకి రాగా.. గత మ్యాచ్‌లో సంచలన బౌలింగ్‌ ప్రదర్శన చేసిన సాకిబ్‌ మహమూద్‌కు ఇంగ్లండ్‌ రెస్ట్‌ ఇచ్చింది. సాకిబ్‌ స్థానంలో మార్క్‌ వుడ్‌ తుది జట్టులోకి వచ్చాడు. కాగా, ఐదు మ్యాచ్‌ల ఈ సిరీస్‌ను భారత్‌ ఇదివరకే 3-1 తేడాతో కైవసం​ చేసుకున్న విషయం తెలిసిందే.తుది జట్లు..ఇంగ్లండ్: ఫిలిప్ సాల్ట్, బెన్ డకెట్, జోస్ బట్లర్(కెప్టెన్‌), హ్యారీ బ్రూక్, లియామ్ లివింగ్‌స్టోన్, జేకబ్‌ బేతెల్‌, జామీ ఓవర్టన్, బ్రైడన్ కార్సే, జోఫ్రా ఆర్చర్, ఆదిల్ రషీద్, మార్క్‌ వుడ్‌భారత్: సంజు శాంసన్(వికెట్ కీప‌ర్‌), అభిషేక్ శర్మ, తిలక్ వర్మ, సూర్యకుమార్ యాదవ్(కెప్టెన్‌), రింకూ సింగ్‌, హార్దిక్ పాండ్యా, శివమ్‌ దూబే, అక్షర్ పటేల్, మహ్మద్‌ షమీ, రవి బిష్ణోయ్, వరుణ్ చక్రవర్తి