Adilabad District Latest News

1901లో ఆసిఫాబాద్‌ మండలం రౌటసంకెపల్లి గ్రామంలో కుమురం చిన్ను, సోంబాయి దంపతులకు కుమురంభీం జన్మించారు. నిజాం కాలంలో పెత్తందార్లు, అటవీ అధికారుల అకృత్యాలను చూసిన భీంకు స్నేహితుడి వేళ్లు నరికిన ఘటన, ఆదివాసీ మహిళలపై జరిగిన అకృత్యాలు తీవ్ర కోపం కలిగించాయి. తండ్రి మరణం తర్వాత సోదరులతో కెరమెరి మండలం సుర్దాపూర్‌కు వెళ్లారు. అక్కడ సిద్దిక్‌ జాగీర్దార్‌ భూములు తనవని ప్రకటించి గొడవలో మరణించాడు. ఆ ఘట న తర్వాత భీం బల్లార్షా మీదుగా చాందాకు, తర్వాత అస్సాంలోని తేయాకు తోటల్లో ఐదేళ్లు పనిచేసి తిరిగి వచ్చారు. జోడేఘాట్‌లో గెరిల్లా పోరాటం జోడేఘాట్‌ కేంద్రంగా సూరు, వెడ్మ రాముతో కలిసి భీం గెరిల్లా యుద్ధం ప్రారంభించారు. విల్లంబులు, బాణాలు, నాటు తుపాకులతో యువకులకు శిక్షణ ఇచ్చారు. పన్నులు చెల్లించవద్దని ప్రజ లకు పిలుపునిచ్చారు. అధికారులు, వ్యాపారులపై దాడులు సాగించి బాబేఝరి చుట్టూ 12 గ్రామాలు నెలకొల్పారు. ఇవి పోరు గ్రామాలుగా ప్రసిద్ధికెక్కాయి. హైదరాబాద్‌లో నవాబును కలవాలని వెళ్లినా అవమానం పాలై తిరిగి వచ్చి స్థానిక అటవీ అధికారులను తరిమికొట్టారు. ప్రతీ ఇంటి నుంచి పోరాటయోధుడు కావాలని పిలుపునిచ్చి ప్రత్యేక సాయుధ దళం ఏర్పాటు చేశారు.పౌర్ణమి రోజు వీరమరణంసబ్‌ కలెక్టర్‌తో సాగిన చర్చల్లో 12 గ్రామాలపై రాజ్యాధికారం కోరిన భీం ప్రతిపాదనలను తిరస్కరించా రు. దీంతో నిజాం సైన్యంతో ఏడు నెలలపాటు పో రు సాగించాడు. అనుచరుడు మడావి కొద్దు ఇచ్చిన సమాచారంతో 1940 అక్టోబర్‌ 10న ఆశ్వయుజ పౌర్ణమి రోజు ఐదు గంటలకు కుమురంభీం వీరమరణం పొందారు. నాలుగు దశాబ్దాలుగా కెరమెరి మండలం జోడేఘాట్‌లో వర్ధంతి నిర్వహిస్తున్నారు. తెలంగాణ ఏర్పాటు తర్వాత సీఎం కేసీఆర్‌ హాజరై రూ.25 కోట్లు మంజూరు చేశారు. స్మారక చిహ్నం, స్మృతివనం, గిరిజన మ్యూజియం నిర్మించారు. ఐటీడీఏ ఆధ్వర్యంలో సోమవారం 86వ వర్ధంతిని సంప్రదాయబద్ధంగా నిర్వహించనున్నారు. బ్రిటీష్‌ ప్రభుత్వం దేశంలోని సహజ సంపదను స్వాధీనం చేసుకోవడం ప్రారంభించిన కాలం అది. నిజాం రాజు ఆంగ్లేయులతో ఒప్పందం చేసుకుని హైదరాబాద్‌ ప్రాంతాన్ని పాలిస్తున్నాడు. ఉమ్మడి జిల్లా పరిధిలోని గిరిజనులపై దౌర్జన్యాలు నిత్యకృత్యంగా మారాయి. బ్రిటీష్‌ పాలకుల దురాగతాలు, దోపిడీకి వ్యతిరేకంగా స్వాతంత్య్ర ఉద్యమంలో దూకిన ఎందరో విప్లవకారులు దేశం కోసం ప్రాణాలర్పించారు. అదే కోవలో హైదరాబాద్‌ నిజాం, బ్రిటీష్‌ పాలకులకు వ్యతిరేకంగా జల్‌, జంగల్‌, జమీన్‌ నినాదంతో పోరుబాట పట్టాడు గోండు బెబ్బులి కుమురం భీం. సొంత గెరిల్లా సైన్యంతో రజాకారులపై యుద్ధం చేశాడు. దట్టమైన అడవుల్లో ఆదివాసీలను పోగుచేసి సైన్యాన్ని ముప్పుతిప్పలు పెట్టాడు. చివరకు అనుచరుడి వెన్నుపోటుతో వీరమరణం పొందాడు. తమ హక్కులు, మనుగడ కోసం ప్రాణాలర్పించిన భీం ఇప్పటికీ ఆదివాసీల ఆరాధ్యదైవంగా పూజలందుకుంటున్నాడు. నేడు భీం వర్ధంతి సందర్భంగా ప్రత్యేక కథనం. – ఆసిఫాబాద్‌

కరీంనగర్‌క్రైం: యూనిక్‌ మెర్కంటైల్‌ ఇండియా ప్రైవేట్‌ లిమిటెడ్‌, స్వయం మల్టీస్టేట్‌ మల్టీపర్పస్‌ కోఆపరేటివ్‌ సొసైటీ పేర్లతో పెట్టుబడుల మోసానికి పాల్పడినట్లు నమోదైన కేసులో ఐదుగురిని కరీంనగర్‌ సీసీఎస్‌ పోలీసులు అరెస్టు చేశారు. ప్రధాన నిందితుడు రాజ్‌కుమార్‌ కై లాష్‌ రాయ్‌ను ఆదిలాబాద్‌ పోలీసులు ఇప్పటికే జైలుకు పంపగా.. హైదరాబాద్‌కు చెందిన గుడిపాటి గాంధీ, మాకలసోంపల్లి కరియప్ప, ఉల్లిగడ్డల సంగప్ప, నిజామాబాద్‌కు చెందిన కొమిరె భూమాగౌడ్‌, పెద్దపల్లికి చెందిన యేదెళ్ల రమేశ్‌ను ఆదివారం కరీంనగర్‌ పోలీసులు అరెస్టు చూపారు. వీరు నెలవారీ పెట్టుబడి పథకాలు, ఫిక్స్‌డ్‌ డిపాజిట్లు, రియల్‌ ఎస్టేట్‌, హోటల్‌ వెకేషన్‌ ప్యాకేజీల పేరుతో అధిక ఆర్థిక ప్రయోజనాలు కల్పిస్తామని నమ్మించి ప్రజల నుంచి పెట్టుబడులు సేకరించినట్లు విచారణలో తేల్చారు. కరీంనగర్‌, జగిత్యాల, పెద్దపల్లి, మంచిర్యాల, ఆదిలాబాద్‌ జిల్లాలతోపాటు ఇతర ప్రాంతాల్లో ఏజెంట్లు, ప్రాంతీయ ఇన్‌చార్జీల ద్వారా పెట్టుబడులు సేకరించినట్లు తెలిపారు. పథకాల గడువు 2019లో ముగిసినప్పటికీ సొమ్ము తిరిగి చెల్లించలేదని, కోవిడ్‌ కారణంగా నష్టాలు వచ్చాయని పేర్కొంటూ 2020లో సంస్థ కార్యకలాపాలు నిలిపివేసినట్లు పేర్కొన్నారు. కరీంనగర్‌ జిల్లాలో బాధితులకు సుమారు రూ.26 కోట్ల నుంచి రూ.28 కోట్ల వరకు నష్టం జరిగినట్లు దర్యాప్తులో తేల్చారు.

సాక్షి ప్రతినిధి, మంచిర్యాల: మహిళా సమాఖ్య ఆధ్వర్యంలో నిర్వహిస్తున్న ఆసిఫాబాద్‌లోని కుమురంభీం బెలూన్‌ థియేటర్‌ ప్రైవేట్‌ సంస్థ చేతుల్లోకి వెళ్లింది. నష్టాల సాకుతో జిల్లా మహిళా సమాఖ్య నిర్వహణ బాధ్యతల నుంచి తప్పుకుని పిక్చర్‌ టైం సంస్థకు అప్పగించింది. ఇందుకు ఏడాదికి ఆ సంస్థ రూ.4.50 లక్షలు జిల్లా మహిళా సమాఖ్యకు ఇచ్చేలా ఒప్పందం కుదిరింది. దీంతో వారం రోజులుగా ఆ సంస్థ థియేటర్‌ నిర్వహణ చూస్తోంది. రాష్ట్రంలోనే తొలిసారిగా మహిళా సమాఖ్య ఆధ్వర్యంలో 2022 మార్చి 8న కుమురంభీం ఆసిఫాబాద్‌ జిల్లా కేంద్రంలోని జన్కాపూర్‌లో గల సర్కారు స్థలంలో దీనిని ఏర్పాటు చేశారు. ఇందుకు మహిళా సమాఖ్య రూ.30 లక్షలు, పిక్చర్‌ టైం రూ.20 లక్షలు పెట్టుబడి పెట్టారు. 120 సీట్ల సామర్థ్యం గల ఎయిర్‌ బెలూన్‌, పోర్టబుల్‌ కంటైనర్‌, ఇన్‌ప్లేటబుల్‌ టెంట్‌ టెక్నాలజీతో థియేటర్‌ ఏర్పాటు చేశారు. ఇందులో మహిళా సమాఖ్య నుంచి నలుగురితోపాటు పిక్చర్‌ టైం వాళ్లూ పనిచేసేవారు. బెలూన్‌ థియేటర్‌ కొత్త అనుభూతిని ఇవ్వడంతో రెండేళ్ల క్రితం వరకు లాభాలు వచ్చాయి. క్రమంగా ప్రేక్షకుల ఆదరణ తగ్గడం, నిర్వహణ సరిగా లేకపోవడం, సినిమా పంపిణీదారులకు చెల్లించే మొత్తం పెంచడంతో ఆర్నెళ్ల క్రితం మూతబడింది. రూ.5 లక్షల వరకు విద్యుత్‌ బిల్లు పేరుకుపోయింది. దీనిపై థియేటర్‌ ఇన్‌చార్జి కుర్ర రాజ్‌కుమార్‌ను వివరణ కోరగా నష్టాలు రావడంతోనే ప్రైవేట్‌కు అప్పగించాల్సి వచ్చిందని తెలిపారు.

ఖానాపూర్‌: పట్టణాల్లో మల్టీప్లెక్స్‌ తరహా సినిమా థియేటర్లు ఇప్పుడు పల్లె ప్రాంతంలోనూ అందుబాటులోకి వచ్చింది. ఖానాపూర్‌ మండలం మస్కాపూర్‌ గ్రామంలో ఇగ్లూ మోడల్‌లో ఏర్పాటు చేసిన థియేటర్‌ ప్రత్యేక ఆకర్షణగా నిలుస్తోంది. ఖానాపూర్‌–మెట్‌పల్లి ప్రధాన రహదారి పక్కన ఉన్న థియేటర్‌ సినీప్రియులకు సరికొత్త అనుభూతిని అందిస్తోంది. సుమారు 30 గుంటల స్థలంలో రూ.కోటికి పైగా వ్యయంతో 100 మంది కూర్చునే సామర్థ్యంతో ఏర్పాటు చేశారు. ఏసీ, ఆధునిక సౌండ్‌ సిస్టమ్‌, సౌకర్యవంతమైన సీటింగ్‌ వంటి వసతులు కల్పించారు. నాలుగు షోలు..ఆన్‌లైన్‌ బుకింగ్‌ రోజుకు నాలుగు షోలు, ప్రతీ ప్రేక్షకుడికి వీక్షణ అనుభూతి కలిగేలా సీటింగ్‌ ఏర్పాటు చేశారు. క్యాంటీన్‌, ఆహ్లాద వాతావరణంతోపాటు ఆన్‌లైన్‌లో టికెట్లు బుక్‌ చేసుకునే సౌకర్యం ఉంది. బర్త్‌డేలు, మ్యారేజ్‌ డేలు, ఇతర కార్యక్రమాల కోసం థి యేటర్‌ను బుక్‌ చేసుకునే అవకాశం కల్పించారు. ప్రేక్షకులను అలరిస్తూ,.. పట్టణంలోని థియేటర్‌ 2019లో మూతపడటంతో స్థానికులు నిర్మల్‌, మెట్‌పల్లి తదితర పట్టణాలకు వెళ్లాల్సి వచ్చేది. మస్కాపూర్‌లో 2023లో ఇగ్లూ థియేటర్‌ అందుబాటులోకి వచ్చింది. మెగాస్టార్‌ చిరంజీవి నటించిన ‘భోళా శంకర్‌’సినిమాతో ప్రదర్శనలు ప్రారంభమయ్యాయి. ప్రస్తుతం ‘ఇరుముడి’సినిమాతో ప్రేక్షకులను అలరిస్తోంది. ఖానాపూర్‌, కడెం, పెంబి, దస్తురాబాద్‌, మామడ మండలాలతోపాటు జగిత్యాల జిల్లా మల్లాపూర్‌ మండలాల ప్రజలకు స్థానికంగానే సినిమా వినోదం అందుబాటులోకి వచ్చింది.

జోడేఘాట్‌లో ప్రజలు కూర్చునేందుకు వీలుగా వేసిన టెంట్లుకెరమెరి: కుమురంభీం 86వ వర్ధంతికి కెరమెరి మండలంలోని జోడేఘాట్‌ ముస్తాబైంది. భీం విగ్రహంతోపాటు మ్యూ జియం, జెండాలను అందంగా తీర్చిదిద్దారు. ప్రజల కోసం టెంట్లు ఏర్పాటు చేస్తున్నారు. ప్రముఖుల కోసం హెలిప్యాడ్‌ సిద్ధం చేశారు. గిరిజన సంప్రదాయం ప్రకారం సోమవారం ఉదయం 8 గంటలకు జెండాలు ఆవిష్కరించనున్నారు. 9 గంటలకు సమాధి వద్ద పూజలు చేసి 10 గంటలకు శ్రద్ధాంజలి ఘటిస్తారు. మధ్యాహ్నం గిరిజనులతో ప్రత్యేక దర్బార్‌ ఏర్పాటు చేయనున్నారు. ఈ కార్యక్రమానికి రాష్ట్ర శిశుసంక్షేమశాఖ మంత్రి సీతక్క, గిరిజన సంక్షేమ శాఖ మంత్రి అడ్లూరి లక్ష్మణ్‌తోపాటు ఉమ్మడి జిల్లాకు చెందిన ప్రజా ప్రతినిధులు, అధికారులు, ఆదివాసీలు హాజరు కానున్నారు. కాగా, ఉమ్మడి జిల్లా ఇన్‌చార్జి మంత్రి జూపల్లి కృష్ణారావు వ్యక్తిగత కారణాలతో హాజరుకావడం లేదని తెలుస్తోంది. హాజరుకానున్న ప్రముఖులు.. రాష్ట్ర శిశు సంక్షేమశాఖ మంత్రి సీతక్క, గిరిజన సంక్షేమశాఖ మంత్రి అడ్లూరి లక్ష్మణ్‌తోపాటు ఆదిలాబాద్‌ ఎంపీ గోడం నగేశ్‌, ఆసిఫాబాద్‌, ఖానాపూర్‌ ఎమ్మెల్యేలు కోవ లక్ష్మి, వెడ్మ బొజ్జు, ఇతర ప్రజాప్రతినిధులు, అధికారులు హాజరు కానున్నారు. ఎలాంటి ఆటంకాలు లేకుండా ఏర్పాట్లు చేయాలని కలెక్టర్‌ కె.హరిత, ఐటీడీఏ పీవో మంద మకరందు ఆదేశాలు జారీ చేశారు. మంత్రి సీతక్క బేగంపేట నుంచి ఉదయం బయలుదేరి మధ్యాహ్నం 12 గంటలకు జోడేఘాట్‌ చేరుకోనున్నారు. అలాగే మరో మంత్రి అడ్లూరి లక్ష్మణ్‌ ఉదయం 8 గంటలకు జగిత్యాల జిల్లా ధర్మపురి నుంచి నుంచి 11 గంటలకు జోడేఘాట్‌కు వస్తారు. వీరు దర్బార్‌తోపాటు ఇతర కార్యక్రమాల్లో మంత్రులు పాల్గొననున్నారు. 12 వేల మంది అంచనా.. భీం వర్ధంతికి 12వేల మందికి పైగా హాజరవుతా రని అధికారులు అంచనా వేస్తున్నారు. ఆసిఫా బాద్‌ డిపో నుంచి పది ప్రత్యేక బస్సులు నడపనున్నారు.హట్టినుంచి ఉచిత ప్రయాణ సౌకర్యం కల్పించారు. ప్రత్యేకంగా వచ్చే ప్రైవేట్‌ వాహనా లకు పార్కింగ్‌ స్థలాలు ఏర్పాటు చేశారు. 20 వేల మంది వరకు భోజన ఏర్పాట్లు చేస్తున్నారు.

ఆదిలాబాద్‌టౌన్‌: బతుకమ్మ సంబరాలను జిల్లా కేంద్రంలోని పోలీస్‌ హెడ్‌క్వార్టర్స్‌లో ఆదివారం రాత్రి ఘనంగా నిర్వహించారు. తీరొక్క పూలతో పేర్చిన బతుకమ్మలు, ఉయ్యాల పాటలు, మహిళల కోలా టాలు, నృత్యాలతో ప్రాంగణమంతా సందడిగా మారింది. ఎస్పీ అఖిల్‌ మహాజన్‌ కుటుంబ సమేతంగా పాల్గొని కార్యక్రమాన్ని ప్రారంభించారు. పో లీసు కుటుంబాల మహిళలు పాల్గొని బతుకమ్మ ఆడారు. ఎస్పీ మాట్లాడుతూ, తెలంగాణ సంస్కృతి, సంప్రదాయాలు ప్రతిబింబించే బతుకమ్మ వేడుకలకు ప్రపంచవ్యాప్తంగా గుర్తింపు లభించడం గర్వకారణమన్నారు. కార్యక్రమంలో అదనపు ఎస్పీలు పి.మౌనిక, బి.సురేందర్‌రావు, డీఎస్పీ ఎల్‌.జీవన్‌ రెడ్డి, సీఐలు, రిజర్వ్‌ ఇన్‌స్పెక్టర్లు, ఎస్సైలు, మహిళా పోలీసు సిబ్బంది, ఇతర పోలీసు అధికారులు, సిబ్బంది, వారి కుటుంబ సభ్యులు పాల్గొన్నారు.

ఖానాపూర్‌: నిర్మల్‌ డీసీసీ అధ్యక్షుడు, ఖానాపూర్‌ ఎమ్మెల్యే వెడ్మ బొజ్జుపటేల్‌ కు టుంబ సమేతంగా ఆదివారం మహారాష్ట్రలో ని చంద్రపూర్‌ జిల్లా పట్టెడ అవల్‌ ఆలయంలో పూజలు నిర్వహించారు. మొ క్కులు చె ల్లించుకున్నారు. ఖానాపూర్‌ నియోజకవర్గ ప్రజలందరూ ఆయురారోగ్యాలు, సుఖసంతోషాలతో ఉండాలని ప్రార్థించారు. ఎల్‌నినో ప్రభావంతో ఎదురయ్యే వాతావరణ, వ్యవసాయ సవాళ్లను ప్రజలు ధైర్యంగా ఎదుర్కొనేలా, ఆపద సమయాల్లో వారికి అండగా నిలిచే శక్తిని ప్రసాదించాలని వేడుకున్నారు. దాబాల్లో ఆకస్మిక తనిఖీభైంసారూరల్‌: మండలంలోని ఆయా గ్రామాల్లోని దాబాల్లో ఎస్సై సుప్రియ ఆదివారం ఆకస్మిక తనిఖీ నిర్వహించారు. యజమానులకు ప లు సూచనలు చేశారు. నేరాల నియంత్రణకు, దాబాల వద్ద జరిగే కార్యకలాపాలను పర్యవేక్షించేందుకు తప్పనిసరిగా సీసీ కెమెరాలు ఏర్పాటు చేసుకోవాలన్నారు. తనిఖీల్లో బహిరంగ ప్రదేశంలో మద్యం సేవించిన వ్యక్తిపై కేసు నమోదు చేశారు. ప్రజల భద్రత, శాంతిభద్రతల పరిరక్షణ, నేరాల నియంత్రణలో భాగంగా నిరంతరం తనిఖీలు చేపడుతున్నట్లు తెలిపారు. ఆమె వెంట పోలీసులు ఉన్నారు. యథేచ్ఛగా ఇసుక అక్రమ రవాణా?ఖానాపూర్‌: పట్టణంతోపాటు మండలంలోని పలు గ్రామాల పరిధిలో ఇసుక అక్రమ రవాణా యథేచ్చగా సాగుతోంది. పలికేరువాగు, రెంకొని వాగు, బల్లివాగు, గోదావరి తీరం, అటవీ ప్రాంతాల నుంచి ఇసుక తరలిస్తున్నట్లు స్థానికులు చెబుతున్నారు. ఈనెల 24న కలెక్టర్‌ భవేశ్‌ మిశ్రా ప్రభుత్వ నిర్మాణాలకు ఆమోదిత ఇసుకనే వినియోగించాలని, అక్రమ మార్గాల్లో సేకరణను అరికట్టాలని అధికారులను ఆదేశించారు. క్షేత్రస్థాయిలో పర్యవేక్షణ పెంచాల్సిన అవసరం ఉందని ప్రజలు అభిప్రాయపడుతున్నారు. సంబంధిత శాఖల అధికారులు తనిఖీలు నిర్వహించి, అనుమతులు లేకుండా ఇసుక తరలించే వా రిపై చర్యలు తీసుకోవాలని కోరుతున్నారు.

సాత్నాల: మండలంలోని జామిని, దుబ్బగూడా, ఖరా, సైద్పూర్‌, దుబ్బగూడా, టెమ్రి గూడ గ్రామాల్లో 45 రోజులు దండారీ నిర్వహిస్తున్నారు. ఆదివా సీ సంస్కృతి సంప్రదాయాలకు దండారీ పండుగ అద్దం పడుతోంది. తరతరాలుగా వస్తున్న ఆచార వ్యవహారాలు కొనసాగిస్తూ, ఆటాపాటలు, సంప్రదాయ నృత్యాలతో గిరిజనులు ఈ వేడుకను ప్రత్యేకంగా నిర్వహిస్తారు. ఆదివాసీల జీవన విధానం, ఐక్యమత్యం, కళా వైభవాన్ని చాటి చెప్పే దండారీ సాంస్కృతిక వారసత్వానికి ప్రతీకగా నిలుస్తోంది. సంప్రదాయ నృత్యాలు సంప్రదాయ వేషధారణ, డప్పులు, ఇతర వాయిద్యాల నడుమ గిరిజనులు చేసే నృత్యాలు ప్రత్యేక ఆకర్షణగా నిలుస్తాయి. యువకులు, పెద్దలు బృందాలుగా ఏర్పడి పాటలు పాడుతూ లయబద్దంగా నృత్యలు చేస్తారు. గ్రామాల మధ్య పరస్పర సందర్శనలు, సామూహిక వేడుకతో పండగ వాతావరణం నెలకొంటుంది. ఒక్కో గిరిజన తెగకు ప్రత్యేక ఆచారాలు, కళారూపాలు ఈ వేడుకల్లో ప్రతిబింబిస్తాయి. భావితరాలకు అందించాలి ఆధునికత ప్రభావంతో సంప్రదాయ కళలు కనుమరుగకుండా కాపాడుకోవాల్సిన అవసరం ఉంది. యువత దండారీ నృత్యాలు, పాటలు, ఆచారాల విశిష్టత తెలుసుకుని భావితరాలకు అందించాలని గిరిజన సంస్కృతి పరిరక్షకులు ఆకాంక్షిస్తున్నారు. ఆదివాసీ ప్రత్యేక గుర్తింపును చాటిచెప్పే దండారీ పండుగకు ప్రోత్సాహం అందిస్తే గిరిజన కలలు సంప్రదాయాలు మరింతగా వెలుగులోకి వచ్చే అవకాశం ఉంది.

సాత్నాల: జాతీయస్థాయి ట్రాక్‌ సైక్లింగ్‌ పోటీల్లో క్రీడాకారులు ప్రతిభ కనబర్చాలని రాష్ట్ర సైక్లింగ్‌ సంఘం అధ్యక్షుడు పి.మల్లారెడ్డి పేర్కొన్నారు. ఈనెల 30 నుంచి నవంబర్‌ 4వ తేదీ వరకు జార్ఖండ్‌ రాష్ట్రం రాంచీలో నిర్వహించనున్న 78వ సీనియర్‌, 55 వ జూనియర్‌, 41 వ సబ్‌ జూనియర్‌ జాతీయ స్థాయి ట్రాక్‌ సైక్లింగ్‌ పోటీల్లో పాల్గొనే రాష్ట్ర బాల, బాలికల జట్టుకు హైదరాబాద్‌లో ఆదివారం సైక్లింగ్‌ అసోసియేషన్‌ తరపున జెర్సీలు అందజేశారు. మాజీ సాట్స్‌ డిప్యూటీ డైరెక్టర్‌ జి. చంద్రారెడ్డి, ఇంటర్నేషనల్‌ సైక్లిస్ట్‌ మ్యాక్స్వెల్‌ ట్రివర్‌, సైక్లింగ్‌ రాష్ట్ర ప్రధాన కార్యదర్శి విజయ్‌ కాంత్‌ రావు, కోచ్‌ లు విజయభాస్కర్‌ రెడ్డి, పాండు జాదవ్‌, ధర్మతేజ పాల్గొన్నారు.

జిల్లాలోచౌక దుకాణాలు 356 రేషన్‌కార్డులు 2,27,570 కార్డుల్లోని సభ్యులు 7,44,737కై లాస్‌నగర్‌: చౌకధరల దుకాణాల ద్వారా రేషన్‌కార్డు లబ్ధిదారులకు బియ్యంతో పాటు మరో ఆరు రకాల నిత్యావసర సరుకులు అందించాలని ప్రభుత్వం భావిస్తోంది. సాధ్యాసాధ్యాలపై అధ్యయనం చేయాల్సిందిగా రాష్ట్ర పౌరసరఫరాల శాఖ మంత్రి ఉత్తమ్‌కుమార్‌రెడ్డి ఇటీవల ఆ శాఖ అధికారులను ఆదేశించడం ప్రాధాన్యత సంతరించుకుంది. పెరిగిన నిత్యావసరాల ధరలు పేదలకు భారంగా మారిన నేపథ్యంలో ఆర్థికంగా ఇబ్బందులు పడకుండా ఉండాలనే ఉద్దేశంతోనే ప్రభుత్వం ఈ విధంగా అడుగులు వేస్తున్నట్లు తెలుస్తోంది. సర్కారు నిర్ణయం అమల్లోకి వస్తే జిల్లాలోని 2లక్షల కుటుంబాలకు లబ్ధి చేకూరనుంది. ఎల్‌నినో ఎఫెక్ట్‌ అధిగమించేలా.. ఎల్‌నినో ప్రభావంతో తీవ్ర వర్షాభావ పరిస్థితులు ఏర్పడ్డాయి. వానాకాలం పంట దిగుబడులు ఆశించిన స్థాయిలో లేకపోగా, యాసంగి సాగు చేసే పరిస్థితి కనిపించడం లేదు. ఇప్పటికే బహిరంగ మార్కెట్‌లో బియ్యం ధరలు చుక్కలనంటుతున్నాయి. పప్పుదినుసులు, వంటనూనెల పరిస్థితి అలాగే ఉంది. నిరుపేదల ఆర్థిక ఇబ్బందులను గుర్తించిన ప్రభుత్వం చౌక దుకాణాల ద్వారా మరో ఆరు సరుకులు అందించాలని భావిస్తోంది. ఇటీవల పౌరసరఫరాల శాఖ అధికారులతో సమావేశమైన మంత్రి సరుకుల పంపిణీ సాధ్యాసాధ్యాలు, ఆర్థికంగా ఎదురయ్యే భారం వంటి అంశాలపై అధ్యయనం చేసి నివేదిక సిద్ధం చేయాల్సిందిగా ఆదేశించిన నేపథ్యంలో రేషన్‌ లబ్ధిదారుల నుంచి హర్షం వ్యక్తమవుతోంది. ఆరు సరుకులు.. ప్రస్తుతం రేషన్‌ దుకాణాల ద్వారా పేదలకు సన్న బియ్యం ఉచితంగా అందజేస్తున్నారు. ఒక్కొక్కరికి ఆరు కిలోల చొప్పున పంపిణీ చేస్తున్నారు. ఇకపై బియ్యంతో పాటు కందిపప్పు, చక్కెర, చింతపండు, పామాయిల్‌, గోదుమపిండి, కారం పొడి వంటి సరుకులు అందించాలని భావిస్తోంది. అయితే వీటిని బియ్యం మాదిరిగానే ఉచితంగా అందజేస్తారా లేక మార్కెట్‌ కంటే తక్కువ ధరకు అందిస్తారా అనేదానిపై స్పష్టత రావాల్సి ఉంది. అలాగే ఒక్కో కుటుంబానికి ఆయా సరుకులను ఎంత పరిమాణంలో అందిస్తారానేది కూడా తెలియాల్సి ఉంది.ప్రభుత్వ ఆదేశాలకు అనుగుణంగా చర్యలురేషన్‌దుకాణాల ద్వారా పేదలకు నిత్యావసర సరుకులను అందించాలని ప్రభుత్వం ఆలోచిస్తున్నట్లుగా తెలుస్తోంది. అయితే అధికారికంగా మాకెలాంటి ఆదేశాలు అందలేదు. ఏదైనా ఉత్తర్వులు అందితే ప్రభుత్వ నిర్ణయానికి అనుగుణంగా జిల్లాలో వాటి పంపిణీపై తగు చర్యలు తీసుకుంటాం. – ఎస్‌.నందిని, డీసీఎస్‌వో

కుంటాల: సంతలోకి హార్వెస్టర్‌ దూసుకెళ్లిన ఘటన ఆదివారం కుంటాలలో చోటు చేసుకుంది. అంబకంటి నుంచి కుంటాల వైపు వస్తున్న హార్వెస్టర్‌(వరికోత మిషన్‌) సంతలోకి కూరగాయలు కొనుగోలు చేసేందుకు వచ్చిన ద్విచక్రవాహనాలు, పలువురిపై దూసుకెళ్లింది. అంబకంటి గ్రామానికి చెందిన నార మనోహర్‌, కుంటాలకు చెందిన జక్కుల గంగవ్వ, దౌనెల్లి పంచాయతీ పరిధిలోని దౌనెల్లితండాకు చెందిన ఆడె రవీందర్‌కు తీవ్ర గాయాలయ్యాయి. వీరిని చికిత్స నిమిత్తం నిర్మల్‌, భైంసా ఏరియాస్పత్రికి తరలించారు. ఇదే ఘటనలో భైంసా మండలంలోని పేండ్‌పెల్లి గ్రామానికి చెందిన బైండ్ల హరీశ్‌, కుంటాల మండలం సూర్యాపూర్‌ గ్రామానికి చెందిన సంతోశ్‌, ఓలా గ్రామానికి చెందిన నవనిత, అందకూర్‌కు చెందిన బోయిడి వంశీలకు చెందిన ద్విచక్రవాహనాలపై హార్వెస్టర్‌ దూసుకెళ్లడంతో నుజ్జునుజ్జయ్యాయి. డ్రైవర్‌ కోమటి రాజు తప్పిదం వల్లే ప్రమాదం చోటు చేసుకుందని ప్రత్యక్ష సాక్షులు పేర్కొన్నారు. బాధితుల ఫిర్యాదుతో కేసు నమోదు చేసినట్లు ఎస్సై నరేశ్‌ తెలిపారు.

ఆదిలాబాద్‌టౌన్‌: నవంబర్‌ 1న ఆదిలాబాద్‌లో నిర్వహించే రైతు గర్జన సభను విజయవంతం చేయాలని మాజీ మంత్రి జోగు రామన్న అన్నా రు. జిల్లా కేంద్రంలోని బీఆర్‌ఎస్‌ కార్యాలయంలో ఆదివారం విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ, డీసీసీ మాజీ అధ్యక్షుడు భార్గవ్‌ దేశ్‌పాండే కేటీఆర్‌ సమక్షంలో హైదరాబాద్‌లో బీఆర్‌ఎస్‌లో చేరినట్లు తెలిపారు. ఈ మేరకు జిల్లాలో పార్టీ మరింత బలోపేతం అవుతుందని పేర్కొన్నా రు. రైతు గర్జన సభకు కేటీఆర్‌ హాజరవుతున్నట్లు చెప్పారు. అనంతరం భార్గవ్‌ దేశ్‌పాండే మాట్లాడుతూ రానున్న ఎన్నికల్లో కేసీఆర్‌ను ముఖ్యమంత్రి చేయడమే లక్ష్యమన్నారు. కాంగ్రెస్‌ను ఎవరు నాశనం చేయరని, రేవంత్‌ రెడ్డే బొందపెడతాడని అన్నారు. అనంతరం మాజీ మంత్రి రైతు గర్జనకు సంబంధించిన పోస్టర్‌ను ఆవిష్కరించారు. ఇందులో మున్సిపల్‌ మాజీ చైర్మన్‌ జోగు ప్రేమేందర్‌, బీఆర్‌ఎస్‌ నాయకులు సాజిదొద్దీన్‌, వెంకట్‌, వసంత్‌ పాల్గొన్నారు.

సాక్షాత్తూ ముఖ్యమంత్రి ప్రజలకు ఇచ్చిన సూచనలు చూస్తే రానున్న రోజుల్లో పరిస్థితులు ఎలా ఉంటాయో అర్థం చేసుకోవచ్చు. జిల్లాలో అక్టోబర్‌లోనే తాగునీరు, విద్యుత్‌ ఇక్కట్ల జాడలు కనిపిస్తున్నాయి. వాగులు, చెరువులు ఎండిపోతుండగా.. భూగర్భజలాల మట్టాలు వేగంగా పడిపోతున్నాయి. రానున్న రోజుల్లో తాగునీటికి గడ్డు పరిస్థితులు తలెత్తే అవకాశం లేకపోలేదు. ఇప్పటి నుంచే నీరు, విద్యుత్‌ను పొదుపుగా వాడుకుంటేనే రాబోయే వేసవి గండాన్ని గట్టెక్కగలమని అధికారులు, నిపుణులు సూచిస్తున్నారు. సగం చెరువుల్లో అరకొర నీళ్లే.. ఆదిలాబాద్‌ జిల్లాలో మొత్తం 309 చెరువులు ఉండగా, 5 చెరువుల్లో అసలు నీరే చేరలేదు. 50 శాతం చె రువుల్లో సగానికి మాత్రమే నీరు చేరగా, మిగిలిన చె రువులు 75శాతం వరకు నిండాయి. ప్రస్తుతం ఎండతీవ్రత పెరగడంతో చెరువులు ఎండిపోతున్నా యి. మరోవైపు అక్టోబర్‌లోనే భూగర్భ జలాలు 5.16మీటర్ల లోతుకు పడిపోయాయి. సాధారణంగా ఫిబ్రవరిలో భూగర్భ జలాలు ఈ స్థాయిలో పడిపోతాయి. తాజా పరిస్థితి గమనిస్తే రానున్న వేసవి లో నీటి కష్టాలు తప్పవనే సంకేతాలు కనిపిస్తున్నాయి. పెరిగిన విద్యుత్‌ డిమాండ్‌.. సాధారణంగా ఉష్ణోగ్రత తక్కువగా ఉండే అక్టోబర్‌లో విద్యుత్‌ డిమాండ్‌ తక్కువగా ఉంటుంది. ఈ సారి వినియోగం మాత్రం రికార్డు స్థాయికి పెరిగింది. గతేడాదితో పోల్చితే దాదాపు 75 శాతం పెరగడం గమనార్హం. ఇదే కొనసాగితే రానున్న రోజుల్లో కరెంట్‌ కోతలు విధించే అవకాశం కనిపిస్తోంది. మరోవైపు తాగునీరు, విద్యుత్‌కే ప్రభుత్వ తొలి ప్రాధాన్యమని, ఈసారి సాగుకు నీరు ఇవ్వడం కష్టమేనని సీఎం చేసిన వ్యాఖ్యలతో యంత్రాంగం, రైతులు అప్రమత్తమయ్యారు. నీటి వసతి ఉన్న వారు ఆరుతడి పంటలపై మొగ్గుచూపే అవకాశం ఉంది. మరోవైపు చెరువుల్లో అరకొర నీటి నిల్వలు, పడిపోయిన భూగర్భ జలాల నేపథ్యంలో సాగుకు గడ్డుకాలం తప్పేలా లేదు.‘వచ్చే 8 నెలల పాటు ఇబ్బందికరంగా ఉంటుంది.. బయటకు రాలేని పరిస్థితులుంటాయి.. సాగునీరే కాదు తాగునీటికి ఇక్కట్లు ఏర్పడతాయి.. నీటితో పాటు విద్యుత్‌ను పొదుపుగా వాడాలి.. పశువులను జాగ్రత్తగా చూసుకోవాలి..’ ఈ నెల 24న సీఎం రేవంత్‌రెడ్డి ప్రెస్‌మీట్‌లో అన్నమాటలివి. – బోథ్‌

పత్తి చేనులో గంజాయిబోథ్‌: పత్తి పంట మాటున గుట్టుచప్పుడు కాకుండా సాగు చేస్తున్న గంజాయి దందా గుట్టును బోథ్‌ పోలీసులు రట్టు చేశారు. మండలంలోని పట్నాపూర్‌ గ్రామ శివారులో శనివారం నిర్వహించిన దాడుల్లో రెండు వేర్వేరు పత్తి చేల నుంచి రూ.3.30 లక్షల విలువైన 33 గంజాయి మొక్కలను స్వాధీనం చేసుకున్నారు. ఇద్దరు నిందితులపై కేసులు నమోదు చేశారు. ఆదిలాబాద్‌ డీఎస్పీ ఎల్‌.జీవన్‌రెడ్డి తెలిపిన వివరాల ప్రకారం.. పట్నాపూర్‌ శివారు వ్యవసాయ భూముల్లో అంతర పంటగా గంజాయి సాగు చేస్తున్నారన్న సమాచారంతో బోథ్‌ ఎస్సై వి. పురుషోత్తం సిబ్బందితో కలిసి శనివారం తనిఖీలు చేపట్టారు. గ్రామానికి చెందిన కొమ్రం రాములు (37) తన పత్తి చేనులో సాగు చేసిన 3 నుంచి 5 అడుగుల ఎత్తు గల 17 గంజాయి మొక్కలను గుర్తించి సీజ్‌ చేశారు. వీటి విలువ సుమారు రూ.1.70 లక్షలు ఉంటుందని అంచనా. అదేరోజు మధ్యాహ్నం పట్నాపూర్‌ శివారు మరో పత్తి చేనులో పోలీసులు దాడులు నిర్వహించారు. గుడిహత్నూర్‌ మండలం తాకిగూడకు చెందిన సిదం చిత్రు (50) ప్రస్తుతం పట్నాపూర్‌లో ఉంటూ తన బంధువు భూమిని కౌలుకు తీసుకుని సాగు చేస్తున్నాడు. గంజాయి తాగే అలవాటున్న చిత్రు.. సులభంగా డబ్బు సంపాదించాలనే ఆశతో పత్తి చేను మధ్యలో గంజాయి సాగు చేయడం ప్రారంభించాడు. 4 నుంచి 5 అడుగుల ఎత్తు పెరిగిన 16 గంజాయి మొక్కలను (విలువ రూ.1.60 లక్షలు) స్వాధీనం చేసుకున్నారు. గంజాయి స్వాధీనంకుభీర్‌: మండలంలోని నందపాడ్‌ సమీపంలో చేను పందిరిపై ఎండబెట్టిన గంజాయిని ఆదివారం స్వాధీనం చేసుకున్నట్లు ఎస్సై క్రిష్ణారెడ్డి తెలిపారు. సుమారు 350 గ్రాములు గంజాయి ఉంటుందన్నారు. అడిషనల్‌ ఎస్పీ సాయికుమార్‌, సీఐ ప్రవీణ్‌కుమార్‌ అక్కడికి చేరుకుని పరిశీలించారు. గంజాయి ఎవరిది అనేది నిర్ధారణ జరగలేదని కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

పెంబి: మండలంలోని ఇటిక్యాల్‌ గ్రామానికి చెందిన పాముల రవి దుబాయ్‌లో వారం క్రితం మృతి చెందగా మృతదేహన్ని స్వగ్రామానికి రప్పించేందుకు చర్యలు ప్రారంభమయ్యాయి. బీజేపీ జిల్లా అధ్యక్షుడు రితేష్‌ రాథోడ్‌ విన్నపం మేరకు నిర్మల్‌ ఎమ్మెల్యే ఏలేటి మహేశ్వర్‌రెడ్డి స్పందించి కలెక్టర్‌ భవేశ్‌ మిశ్రా ప్రభుత్వానికి విజ్ఞప్తి చేయించారు. ఈమేరకు శనివారం అధికార వైర్‌లెస్‌ సందేశాన్ని జారీ చేసింది. దుబాయ్‌లోని భారత కాన్సులేట్‌ జనరల్‌, కేంద్ర విదేశాంగ మంత్రిత్వ శాఖతో సమన్యయం చేసుకుంటూ, స్థానిక అధికారుల సహకారంతో రవి మృతదేహన్ని స్వగ్రామానికి తీసుకువచ్చేలా చర్యలు తీసుకుంటున్నారు. మృతదేహం స్వగ్రామానికి త్వరగా తీసుకువచ్చేలా అధికారులు ప్రయత్నిస్తున్నారని బీజేపీ మండల అధ్యక్షుడు వెంకటేశ్‌ తెలిపారు.

ఆదిలాబాద్‌టౌన్‌: సైబర్‌ మోసాలపై ప్రజలు అప్రమత్తంగా ఉండాలని ఎస్పీ అఖిల్‌ మహాజన్‌ అన్నా రు. వారం వ్యవధిలో నమోదైన సైబర్‌ ఫిర్యాదులకు సంబంధించిన వివరాలను శనివారం వెల్ల డించారు. గడిచిన వారం రోజుల్లో 28 సైబర్‌ ఫిర్యాదులు వచ్చాయని తెలిపారు. వీటిలో ఆన్‌లైన్‌ మోసాలు, యూపీఐ లావాదేవీలు, నకిలీ పెట్టుబడులు, గిఫ్ట్‌, ఆఫర్ల పేరుతో ప్రజలు మోసపోయినట్లు పేర్కొన్నారు. సులభంగా డబ్బు సంపాదించవచ్చని ఆశ చూపడం, బహుమతులు అందిస్తామని నమ్మించడం, నకిలీ పెట్టుబడి పథకాలు, ఆన్‌లైన్‌లో కొనుగోళ్లు, ఫోన్‌పే ద్వారా ప్రజలు మోసపోయినట్లు వివరించారు. మావల, ఇచ్చోడ, గుడిహత్నూర్‌, ఆదిలాబాద్‌ పట్టణంలోని టూటౌన్‌తో పాటు పలు పోలీస్‌ స్టేషన్ల పరిధిలో కేసులు నమోదైనట్లు వివరించారు. గుర్తు తెలియని వ్యక్తులు పంపిన లింక్‌లను ఓపెన్‌ చేయవద్దని, ఓటీపీలు, యూపీఐలను ఎవరికి చెప్పవద్దని సూచించారు. సోషల్‌ మీడియా ద్వారా వచ్చే ఆర్థిక సాయం, ఉద్యోగం, ప్రాంచేజ్‌ ఆఫర్లను పూర్తిగా నిర్ధారించిన తర్వాతే స్పందించాలన్నారు. సైబర్‌ నేరాలకు గురైతే వెంటనే 1930కు సమాచారం అందించాలని వివరించారు.రాష్ట్ర ట్రాక్‌ సైక్లింగ్‌ కోచ్‌గా పాండు జాదవ్‌ఆదిలాబాద్‌: నేరడిగొండ మండలం సక్రియనాయక్‌ తండాకు చెందిన ఎన్‌ఐఎస్‌ కోచ్‌ పాండు జాదవ్‌ తెలంగాణ రాష్ట్ర ట్రాక్‌ సైక్లింగ్‌ జట్టు కోచ్‌గా ఎంపికయ్యాడు. జార్ఖండ్‌ రాష్ట్రం రాంచీ వేదికగా అక్టోబర్‌ 30 నుంచి నవంబర్‌ 4 వరకు నిర్వహించనున్న 78వ సీనియర్‌, 42వ జూనియర్‌ జాతీయస్థాయి ట్రాక్‌ సైక్లింగ్‌ చాంపియన్‌షిప్‌లో పాల్గొనే తెలంగాణ జట్టుకు కోచ్‌గా వ్యవహరించనున్నాడు. ఈ మేరకు రాష్ట్ర సైక్లింగ్‌ అసోసియేషన్‌ అధ్యక్షుడు మల్లారెడ్డి, ప్రధాన కార్యదర్శి విజయ్‌కాంత్‌ రావు ఎంపిక పత్రం జారీ చేశారు. పాండు జాదవ్‌ ఎంపికపై పలువురు క్రీడాభిమానులు హర్షం వ్యక్తం చేశారు.

ఆదిలాబాద్‌టౌన్‌: రైతు సమస్యలపై నవంబర్‌ 1న ఆదిలాబాద్‌లోని డైట్‌ మైదానంలో ‘రైతు గర్జన’ నిర్వహించనున్నట్లు మాజీ మంత్రి జోగు రామన్న తెలిపారు. కార్యక్రమానికి బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ హాజరు కానున్నట్లు పేర్కొన్నారు. జిల్లా కేంద్రంలోని పార్టీ కార్యాలయంలో శనివారం గ్రామ, పట్టణ ముఖ్య నాయకులతో సమావేశం నిర్వహించారు. ఈ సందర్భంగా ఆయన మాట్లాడుతూ, ఎల్‌నినో ప్రభావంతో రైతులు తీవ్ర ఇబ్బందులు ఎదుర్కొంటున్నా, ముందస్తు చర్యలు చేపట్టడంలో రాష్ట్ర ప్రభుత్వం విఫలమైందని ఆరోపించారు. స్థానిక ఎమ్మెల్యే పాయల్‌ శంకర్‌ రైతుల కోసం పాదయాత్ర చేస్తానని ప్రకటించినప్పటికీ రెండుసార్లు నిలిచిపోయిందని ఎద్దేవా చేశారు. సీఎం ఫోన్‌కాల్‌తోనే ఆగిపోతోందా అని ప్రశ్నించారు. రైతులెవరూ అధైర్యపడవద్దని, వారి పక్షాన బీఆర్‌ఎస్‌ అండగా ఉంటుందని భరోసా ఇచ్చారు. గ్రామాలు, పట్టణాల నుంచి రైతులు, ప్రజలు, పార్టీ శ్రేణులు భారీగా తరలివచ్చి కార్యక్రమాన్ని విజయవంతం చేయాలని కోరారు. ఇందులో లింగారెడ్డి, పట్టణ అధ్యక్షుడు అజయ్‌, ఫ్లోర్‌ లీడర్‌ ప్రకాశ్‌, రమేశ్‌, గోవర్ధన్‌, నర్సింగరావు, ప్రహ్లాద్‌, రాజన్న తదితరులు పాల్గొన్నారు. అదనపు కలెక్టర్‌కు వినతి..కై లాస్‌నగర్‌: పంటలు సాగు చేయవద్దనే సీఎం ప్రకటనతో రైతులు గందరగోళంలో ఉన్నారని మాజీ మంత్రి జోగు రామన్న ఆరోపించారు. రైతుల సమస్యలను పరిష్కరించాలని కోరుతూ శనివారం జిల్లా రెవెన్యూ అడిషనల్‌ కలెక్టర్‌ చిత్రూను కలిసి వినతిపత్రం అందజేశారు. ఈ సందర్భంగా ఆయన మాట్లాడుతూ ఒకవైపు సీఎం పంటలు వేయవద్దని చెబుతుండగా, మరోవైపు కలెక్టర్‌ సాత్నాల ప్రాజెక్టు ద్వారా డిసెంబర్‌ 14 వరకు మూడు, నాలుగు విడతల్లో నీటిని విడుదల చేస్తామని ప్రకటించడం, అధికారికంగా శనగ విత్తనాల పంపిణీ చేపట్టడం రైతులను అయోమయానికి గురిచేస్తున్నాయని అన్నారు. పంటలు సాగుపై ఎవరి మాట నమ్మాలో తెలియని అయోమయ పరిస్థితిలో రైతులు ఉన్నారని పేర్కొన్నారు.

పత్తి బండ్లు లేక వెలవెలబోతున్న మార్కెట్‌ యార్డుఆదిలాబాద్‌టౌన్‌: ఆదిలాబాద్‌ మార్కెట్‌ యార్డులో పత్తి కొనుగోళ్లు శనివారం మూడో రోజు కొనసాగాయి. ప్రభుత్వరంగ సంస్థ సీసీఐ రంగంలో ఉన్నప్పటికీ మద్దతు ధరకు ఎక్కువగా వేలం పాడి ప్రైవేట్‌ వ్యాపారులు కొనుగోళ్లు చేపట్టారు. అయితే మొదటి రెండు రోజులు క్వింటాలు ధర రూ.9,260 ఉండగా, మూడోరోజు రూ.60 తగ్గించారు. మొత్తం 41 బండ్లను రైతులు మార్కెట్‌ యార్డుకు తీసుకొ చ్చారు. 743 క్వింటాళ్లు విక్రయించారు. మధ్యాహ్నం 12 గంటల్లోపే యార్డు పత్తి బండ్లు లేక వెలవెలబోయింది. మూడు రోజులుగా ఇదే పరిస్థితి. అయితే పంట దిగుబడులు సరిగా లేకపోవడంతో రైతులు యార్డుకు తీసుకురావడం లేదని తెలుస్తోంది. కొంతమంది మాత్రం మహారాష్ట్రకు తీసుకెళ్లి వి క్రయిస్తున్నారు. కొన్ని గ్రామాల్లో రైతుల ఇళ్ల వద్దకే మహారాష్ట్ర వ్యాపారులు వచ్చి కొనుగోలు చేస్తున్నా రు. యార్డులో మొదటి రోజు 1300 క్వింటాళ్లు, రెండో రోజు 700 క్వింటాళ్లు విక్రయించగా మూడు రోజులు కలిపి మొత్తం 2,743 క్వింటాళ్ల పత్తిని ప్రైవేట్‌ వ్యాపారులు కొనుగోలు చేశారు. ధర తగ్గడంతో రైతులు కొంత నిరాశ చెందుతున్నారు.

లక్డీకాపూల్‌: తెలంగాణలో ముఖ్యమంత్రి రేవంత్‌రెడ్డి ప్రభుత్వం చంద్రబాబు కనుసైగల్లో.. రాక్షస పాలనను కొనసాగిస్తుందని కాంగ్రెస్‌ పార్టీ ఆదిలాబాద్‌ జిల్లా మాజీ అధ్యక్షుడు భార్గవ్‌ దేశ్‌పాండే తీవ్రంగా విమర్శించారు. సోమాజిగూడ ప్రెస్‌క్లబ్‌లో శనివారం విలేకరుల సమావేశంలో ఆయన మాట్లాడారు. దివంగత ముఖ్యమంత్రి వైఎస్‌ రాజశేఖర్‌రెడ్డిని చూసి ఆనాడు కాంగ్రెస్‌ పార్టీకి ఆకర్షితుడినయ్యానని గుర్తు చేశారు. కానీ ప్రస్తుత పాలకులు అవినీతి, అక్రమాలతో బిల్డర్లు, వ్యాపారస్తులు, మిల్లర్లతో పాటు హైడ్రా కూల్చివేతలతో పేదల ఆస్తులను దోచుకుంటున్నారని ఆరోపించారు. దేశవ్యాప్తంగా రాహుల్‌ గాంధీ... ఆర్‌ఎస్‌ఎస్‌, బీజేపీ సిద్ధాంతాలకు వ్యతిరేకంగా పోరాడుతుంటే, తెలంగాణలో అందుకు భిన్నంగా ఉండటాన్ని ప్రశ్నించాలన్నారు. అవినీతి, కుంభకోణాలకు సంబంధించి వస్తున్న ఆరోపణలపై పారదర్శక విచారణ జరిపి ప్రజలకు వాస్తవాలు వెల్లడించాలని డిమాండ్‌ చేశారు. డైరెక్షన్‌ లెస్‌ సీఎం.. సెన్స్‌లెస్‌ ప్రభుత్వ విధానాలతో రాష్ట్రంలో కాంగ్రెస్‌ పార్టీ భవిష్యత్తు అంధకారమేనన్నారు. ఆదిలాబాద్‌ ప్రజల ప్రయోజనాలు, తెలంగాణ యువత ఆకాంక్షలు, తన వెంట నిలిచిన కార్యకర్తల ఆత్మగౌరవాన్ని దృష్టిలో ఉంచుకుని బీఆర్‌ఎస్‌లో చేరాలని నిర్ణయించుకున్నట్లు ప్రకటించారు. తెలంగాణ అభివృద్ధి, ప్రజా సమస్యలపై పోరాటం కోసం కేసీఆర్‌ నాయకత్వంలో పని చేయనున్నట్లు తెలిపారు.

సమన్వయంతోనే వన్యప్రాణుల సంరక్షణఆదిలాబాద్‌టౌన్‌: వన్యప్రాణుల సంరక్షణ, పర్యావరణ పరిరక్షణకు పోలీసు, అటవీ శాఖల అధికారులు సమన్వయంతో పనిచేయాలని ఎస్పీ అఖిల్‌ మహాజన్‌ అన్నారు. వన్యప్రాణుల సంరక్షణకు సంబంధించిన కేసుల దర్యాప్తు, నిందితులపై చట్టపరమైన చర్యలు, కోర్టులో శిక్ష పడేలా అనుసరించాల్సిన విధానాలపై పోలీసు, అటవీ శాఖ అధికారులకు పోలీసు హెడ్‌క్వార్టర్స్‌లోని సమావేశ మందిరంలో శనివారం ఒకరోజు శిక్షణ కార్యక్రమం నిర్వహించారు. ఈ సందర్భంగా ఎస్పీ మాట్లాడుతూ, రెండు శాఖలు సమష్టిగా కృషి చేసినప్పుడే అడవుల్లో అక్రమ కార్యకలాపాలను పూర్తి స్థాయిలో అరికట్టడం సాధ్యమవుతుందన్నారు. వన్యప్రాణులను వేటాడటం, అక్రమంగా కలప తరలించడం, మారుమూల ప్రాంతాల్లో గంజాయి సాగు వంటి అక్రమ కార్యకలాపాలపై కఠినంగా వ్యవహరించాలన్నారు. వన్యప్రాణుల కేసుల్లో నిందితులకు శిక్ష పడాలంటే పక్కా సాక్ష్యాధారాల సేకరణతో పాటు సమర్థవంతమైన దర్యాప్తు అవసరమని స్పష్టం చేశారు. యూనిఫాం గౌరవ ప్రతిష్ఠలకు భంగం కలిగించేలా వ్యవహరించే వారిపై కఠిన చర్యలు తీసుకుంటామని స్పష్టం చేశారు. ఇందులో ఆదిలాబాద్‌ ఇన్‌చార్జి డీఎఫ్‌వో సుశాంత్‌ సుఖదేవ్‌, శిక్షణ ఐఎఫ్‌ఎస్‌లు, ఎఫ్‌ఆర్‌వోలు, డిప్యూటీ ఎఫ్‌ఆర్‌వోలు, రేంజ్‌ అధికారులు, కోర్టు డ్యూటీ అధికారులు, దర్యాప్తు అధికారులు, రైటర్లు, పోలీసు, అటవీ శాఖ సిబ్బంది పాల్గొన్నారు.

ఆదిలాబాద్‌టౌన్‌: ఆదిలాబాద్‌ పట్టణంలోని వడ్డెరబస్తీలో ఎక్సైజ్‌, ప్రోహిబిషన్‌, డిస్ట్రిక్ట్‌ టాస్క్‌ ఫోర్స్‌ అధికారులు శనివారం సంయుక్తంగా దా డులు నిర్వహించి భారీగా నిల్వ ఉంచిన దేశీ దారు మద్యాన్ని పట్టుకున్నారు. మహారాష్ట్ర నుంచి మద్యం తీసుకొచ్చి వడ్డెరకాలనీలో నిల్వ ఉంచారనే పక్కా సమాచారంతో కాలనీకి చెంది న మక్కల సుజాత ఇంట్లో తనిఖీ చేయగా రూ. 36 వేల విలువైన 900 బాటిళ్లు (81 లీటర్లు), దారంగుల గణేశ్‌ కారులో రూ.96వేల విలువైన 90 ఎంఎల్‌ బాటిళ్లు 2,400 (216 లీటర్లు) స్వాధీనం చేసుకున్నారు. మద్యం, కారు స్వాధీ నం చేసుకుని ఇద్దరిపై కేసులు నమోదు చేసినట్లు ఆదిలాబాద్‌ ఎకై ్సజ్‌ సీఐ ఆకుల శ్రీనివాస్‌ తెలిపారు. దాడుల్లో ఎకై ్సజ్‌ అధికారులు దేవేందర్‌, శ్రావణ్‌ కుమార్‌, సిబ్బంది కృష్ణ, శివకుమార్‌, నరేష్‌, బీరయ్య, హరీష్‌ పాల్గొన్నారు.

భైంసాటౌన్‌: భైంసా సబ్‌ డివిజన్‌ పరిధిలోని పలు ఆలయాలు, ఇళ్లలో చోరీ కేసులకు సంబంధించి సొత్తును రికవరీ చేసినట్లు ఏఎస్పీ సాయికిరణ్‌ తెలిపారు. శనివారం విలేకరుల సమావేశంలో వివరాలు వెల్లడించారు. గత జూన్‌, ఆగస్టు నెలల్లో భైంసా మండలంలోని బిజ్జూర్‌, పెండ్‌పల్లి, దేగాం, తిమ్మాపూర్‌, హంపోలి(కె), లోకేశ్వరం మండలంలోని రాయపూర్‌ కాండ్లి, మన్మద్‌, నర్సాపూర్‌(జి), దిలావర్‌పూర్‌ గ్రామాల్లోని పలు ఆలయాలు, ఇళ్లలో వరుస చోరీలకు పాల్పడిన ముధోల్‌ మండలం ఎడ్‌బిడ్‌ గ్రామానికి చెందిన అర్సల పెద్ద సాయన్న, బ్రాహ్మణ్‌గావ్‌కు చెందిన సంగోల్ల భూమేశ్‌, బుడుబుక్కల గంగన్న, నిజామాబాద్‌ జిల్లా నందిపేట్‌ మండలం కంఠంకు చెందిన బైరూపుల పండరి, బైరూపుల కుమార్‌ను ఆగస్టు 22న వారిని అరెస్ట్‌ చేసి వారి వద్ద నుంచి రెండు బైక్‌లు, మూడు సెల్‌ఫోన్లు స్వాధీనం చేసుకుని రిమాండ్‌కు తరలించినట్లు తెలిపారు. గతనెల 14న తిరిగి పోలీసు కస్టడికి తీసుకుని వారి వద్ద నుంచి 170 గ్రాముల వెండి, 13 గ్రాముల బంగారు ఆభరణాలు, రూ.22వేల నగదు రికవరీ చేసినట్లు వెల్లడించారు. వరుస చోరీ కేసుల ఛేదనలోకృషి చేసిన రూరల్‌ సీఐ ప్రవీణ్‌కుమార్‌, ఎస్సై సుప్రియను ఎస్పీ జానకీషర్మిల అభినందించినట్లు పేర్కొన్నారు.

ఆదిలాబాద్‌టౌన్‌: పీఎంశ్రీ పాఠశాలలకు కేటాయించిన నిధులను నిబంధనల ప్రకారమే వినియోగించాలని పీఎంశ్రీ పాఠశాలల రాష్ట్ర అబ్జర్వర్‌ శ్రీకాంత్‌ అన్నారు. జిల్లా కేంద్రంలోని ప్రభుత్వ డైట్‌ కళాశాలలో పీఎంశ్రీ నిధుల వినియోగంపై సంబంధిత పాఠశాలల ప్రధానోపాధ్యాయులకు శనివారం అవగాహన కల్పించారు. ఈ సందర్భంగా ఆయన మాట్లాడుతూ ప్రభుత్వం కేటాయించిన నిధులను పకడ్బందీగా ఖర్చు చేయాలని సూచించారు. కేటాయించిన సమయంలోగానే వినియోగించాలని తెలిపారు. మొత్తం 64 అంశాలకు గాను 46 అంశాలను ప్రధానోపాధ్యాయులకు వివరించారు. ఉపాధ్యాయుల సందేహాలను నివృత్తి చేశారు. పాఠశాల, విద్యార్థుల అభివృద్ధికి దోహదపడాలని సూచించారు. కార్యక్రమంలో డీఈవో మాధవి, రాష్ట్ర ఎఫ్‌ఎల్‌ఎన్‌ అధికారి సురేందర్‌, ఏఎంవో లక్ష్మణ్‌, పాఠశాలల ఉపాధ్యాయులు పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని గిరిజన ఆదర్శ క్రీడా పాఠశాల మైదానంలో శనివారం ఉమ్మడి జిల్లాస్థాయి జూనియర్‌ బాలికల హ్యాండ్‌బాల్‌ పోటీలు పోటా పోటీగా సాగాయి. ఆదిలాబాద్‌, మంచిర్యాల, ఆసిఫాబాద్‌ జిల్లాల నుంచి 80 మంది క్రీడాకారులు పోటీలో పాల్గొనగా ఉత్తమ ప్రతిభ కనబర్చిన 18 మందిని రాష్ట్రస్థాయికి ఎంపిక చేసినట్లు అసోసియేషన్‌ ఉమ్మడి జిల్లా అధ్యక్షుడు శ్యాంసుందరావు తెలిపారు. ఈ నెల 30 వరకు జిల్లా కేంద్రంలోని గిరిజన ఆదర్శ క్రీడా పాఠశాలలో శిక్షణ ఇవ్వనున్నట్లు తెలిపారు. 31 నుంచి నవంబర్‌ 2 వరకు ఖమ్మంలో జరిగే రాష్ట్రస్థాయి పోటీల్లో పాల్గొంటారని కోచ్‌ అరవింద్‌ తెలిపారు. ఈ కార్యక్రమంలో అసోసియేషన్‌ జిల్లా ప్రధాన కార్యదర్శి రమేశ్‌, నోడల్‌ అధికారి మీనారెడ్డి, ఏసీఎంవో ఉద్దవ్‌, జీసీడీవో శకుంతల, హెచ్‌ఎం లింబరావు, పీడీ పీఈటీలు లక్ష్మణ్‌, రాకేష్‌, సరిత, రవి, సాయి, యాదగిరి, తదితరులు పాల్గొన్నారు.

ఉమ్మడి ఆదిలాబాద్‌ జిల్లా క్రీడాకారులు అథ్లెటిక్స్‌ పోటీల్లో సత్తా చాటుతున్నారు. రాష్ట్ర, జాతీయ స్థాయి వేదికలపై అత్యుత్తమ ప్రతిభ కనబరుస్తూ పతకాలు సాధిస్తున్నారు. అథ్లెటిక్స్‌లో భవిష్యత్తు తారలుగా ఆశలు రేపుతున్నారు. ఇటీవల హన్మకొండ వేదికగా నిర్వహించిన 12వ తెలంగాణ రాష్ట్రస్థాయి అథ్లెటిక్స్‌ ఛాంపియన్‌ షిప్‌ పోటీల్లోనూ తమ క్రీడా నైపుణ్యాలను ప్రదర్శించి ఔరా అనిపించారు. ఇలా పాల్గొన్న పోటీల్లో ప్రతిభ చాటుతూ క్రీడాకారులుగా రాణిస్తున్న ఉమ్మడి జిల్లా అథ్లెట్లపై ప్రత్యేక కథనం. –ఆదిలాబాద్‌ వరుస పతకాలతో.. ఆదిలాబాద్‌ జిల్లా బజార్‌హత్నూర్‌ మండలం గిర్నూ ర్‌కు చెందిన అట్టం జస్వంత్‌ తండ్రి రమేశ్‌ గొర్రెల కాపరికాగా తల్లి విజయ గృహిణి. ఆర్థిక ఇబ్బందులు ఉన్నప్పటికీ పదేళ్లుగా శిక్షణ పొందుతున్న ఈ యువ అథ్లెట్‌ రాష్ట్రస్థాయిలో ఐదు పతకాలు సాధించాడు. రెండు జాతీయస్థాయి పోటీల్లో రాష్ట్రం తరఫున ప్రాతినిధ్యం వహించాడు. హన్మకొండలో 5000 మీటర్ల పరుగు పందెంలో బంగారు పతకం సాధించాడు. జాతీయస్థాయి పోటీల్లో పతకం సాధించడమే లక్ష్యం అంటున్నాడు. జాతీయస్థాయిలో పతకమే లక్ష్యంగా..ఆదిలాబాద్‌ జిల్లా జైనథ్‌ మండలం కూర గ్రామానికి చెందిన మార్శెట్టి విష్ణువర్ధన్‌ ఎనిమిదేళ్లుగా అథ్లెట్‌ రాష్ట్రస్థాయి పోటీల్లో రేస్‌ వాక్‌, హాఫ్‌ మారథాన్‌, స్టీపుల్‌చేజ్‌ విభాగాల్లో పాల్గొని బంగారు పతకాలు కై వసం చేసుకున్నాడు. హన్మకొండలో పురుషుల హాఫ్‌ మారథాన్‌ రేస్‌ వాక్‌ ఈవెంట్లో స్వర్ణంతో మెరిశాడు. ప్రస్తుతం డిగ్రీ చదువుతున్న క్రీడాకారుడు జాతీయస్థాయి పోటీల్లో పాల్గొని పతకం సాధించడమే తన లక్ష్యమని చెబుతున్నాడు. పీడీ కావడమే లక్ష్యం.. ఆదిలాబాద్‌ జిల్లా కేంద్రంలోని కేఆర్కే కాలనీకి చెందిన దివిటి అరుణ క్రీడలపై ఆసక్తితో ముందుకెళ్తోంది. తల్లిదండ్రులు రాజు, సరోజ దోబీ వృత్తి చేస్తూ కుమార్తెను క్రీడల్లో ప్రోత్సహిస్తున్నారు. వారి ప్రోత్సాహం, శిక్షకుల మార్గదర్శకత్వంతో ఇప్పటి వరకు 11 పతకాలు సాధించింది. షూటింగ్‌ బాల్‌లో జాతీయస్థాయి పోటీలకు ప్రాతినిధ్యం వహించి ప్రతిభను చాటింది. హన్మకొండలో మహిళల హ్యామర్‌ త్రోలో వెండి పతకం సాధించింది. డిగ్రీ పూర్తి చేసిన అరుణ భవిష్యత్తులో ఫిజికల్‌ డైరెక్టర్‌గా ఎదగడమే తన లక్ష్యమని చెబుతోంది. వాయుసేనలో చేరడమే ధ్యేయంగా.. ఆదిలాబాద్‌ జిల్లా ఇంద్రవెల్లి మండలం డొంగర్‌గావ్‌ గ్రామానికి చెందిన కనక గంగోత్రి అథ్లెటిక్స్‌ క్రీడల్లో శిక్షణ పొందుతూ రాష్ట్రస్థాయిలో రెండు పతకాలు సాధించింది. హన్మకొండలో అండర్‌–18 బాలికల లాంగ్‌ జంప్‌ ఈవెంట్లో కాంస్య పతకం సాధించింది. తల్లిదండ్రులు ఆనంద్‌, వచేల ప్రోత్సాహంతో క్రీడల్లో ముందుకు సాగుతోంది. ఇంటర్‌ చదువుతున్న గంగోత్రి భవిష్యత్‌లో భారత వాయుసేనలో చేరి దేశానికి సేవ చేయాలనే లక్ష్యంగా ముందుకెళ్తున్నానని చెబుతోంది. ఉద్యోగం సాధించడమే టార్గెట్‌ నిర్మల్‌ జిల్లా ముధోల్‌ మండలం అష్టా గ్రామానికి చెందిన బలైగారి స్వాతి తల్లిదండ్రులు రాజశేఖర్‌, సుగుణ ప్రోత్సాహంతో క్రీడల్లో ముందుకెళ్తోంది. తండ్రి మలేషియాలో పనిచేస్తుండగా, తల్లి వ్యవసాయం చేస్తూ కుమార్తెను ప్రోత్సహిస్తోంది. ఐదేళ్లుగా అథ్లెటిక్స్‌లో శిక్షణ పొందుతూ ఇప్పటివరకు రాష్ట్రస్థాయిలో మూడు పతకాలు సాధించింది. హన్మకొండ టోర్నమెంట్లో 1000 మీటర్ల పరుగు పందెంలో కాంస్యం కొల్ల గొట్టింది. డిగ్రీ పూర్తి చేసిన ఈ యువ క్రీడాకారిణి భవిష్యత్తులో ప్రభుత్వ ఉద్యోగం సాధించడమే తన ధ్యేయమని చెబుతోంది.

ఇంద్రవెల్లి: గ్రామీణ ప్రాంతాల్లో అందుబాటులో ఉన్న వనరులను సద్వినియోగం చేసుకొని గిరిజన కుటుంబాలకు మెరుగైన ఉపాధి అవకాశాలు కల్పించడమే లక్ష్యంగా పనిచేయాలని ఐటీడీఏ పీవో మంద మకరందు అన్నారు. శనివారం ముందుగా మండల కేంద్రంలో నూతనంగా ఏర్పాటు చేసిన కుమురంభీం విగ్రహానికి పూలమాలలు వేసి నివాళులర్పి ంచారు. అనంతరం మండలంలోని మల్లాపూర్‌ గ్రామాన్ని సందర్శించారు. ఈ సందర్భంగా ఆయన మాట్లాడుతూ గ్రామంలో విస్తారంగా లభించే సీతాఫలాలను సద్వినియోగం చేసుకొని మహిళా సంఘాల ఆధ్వర్యంలో ప్రాసెసింగ్‌ యూనిట్లు ఏర్పాటు చేసేందుకు ప్రణాళిక తయారు చేయాలని అధికారులకు సూచించారు. సీతాఫలల నిల్వ, ప్రాసెసింగ్‌, మార్కెటింగ్‌పై మహిళాలకు ప్రత్యేక శిక్షణ అందిస్తే అదనపు ఆదాయం పొందడంతో పాటు ఆర్థికంగా బలోపేతం కావడానికి అవకాశం ఉందన్నారు. ఈ కార్యక్రమంలో తహసీల్దార్‌ ప్రవీణ్‌కుమార్‌, పీవీటీజీ ఏపీవో ఆత్రం భాస్కర్‌, ఆదివాసీ సంఘాల నాయకులు మెస్రం నాగ్‌నాథ్‌, గేడం భరత్‌, మల్లాపూర్‌ సర్పంచ్‌ కనక అనుసాయ, రైతులు పాల్గొన్నారు.

ఆదిలాబాద్‌టౌన్‌: గతంలో ప్రభుత్వ జూనియర్‌ కళాశాలల్లో కాంట్రాక్ట్‌ లెక్చరర్లుగా కొనసాగి రెగ్యులరైజ్‌ అయిన వారి సర్టిఫికెట్లపై ప్రభుత్వం మరోసారి దృష్టి సారించింది. నిబంధనలకు విరుద్ధంగా నకిలీ ద్రువ పత్రాలు సమర్పించిన వారిపై కొరడా ఝళిపిస్తోంది. ఇప్పటికే ఉమ్మడి జిల్లా పరిధిలో ముగ్గురిని ఉద్యోగం నుంచి తొలగించింది. జిల్లాలో మరికొందరిపై కూడా వేటు పడనుందనే ప్రచారం సాగుతోంది. దీంతో బోగస్‌ పత్రాలు సమర్పించిన వారిలో గుబులు మొ దలైంది. నకిలీ సర్టిఫికెట్ల విషయాన్ని రాష్ట్ర ప్రభుత్వం సీరియస్‌గా తీసుకుంది. ఇటీవల పలు ఘటనలు వెలుగులోకి రావడంతో రెగ్యులర్‌ అయిన వారి సర్టిఫికెట్లను మరోసారి పూర్తిస్థాయిలో పరిశీలించాలని నిర్ణయించింది. సంబంధిత యూనివర్సిటీలకు సర్టిఫికెట్లను పంపించి విచారణ జరపనుంది. అవి నకిలీ అని తేలితే వెంటనే ఉద్యోగం నుంచి తొలగించనున్నారు. ఇప్పటికే రాష్ట్ర వ్యాప్తంగా 35 మందిని విధుల నుంచి టెర్మినేట్‌ చేయగా.. ఇందులో ఉమ్మడి జిల్లా పరిధిలోని నిర్మల్‌లో ఇద్దరు, కుమురంభీం ఆసిఫాబాద్‌ జిల్లాలో ఒకరు ఉన్నారు. జిల్లాలో ఇలా.. ఆదిలాబాద్‌ జిల్లాలో 13 ప్రభుత్వ జూనియర్‌ కళాశాలలు ఉన్నాయి. వీటిలో 112 మంది జూని యర్‌ లెక్చరర్లు గతంలో కాంట్రాక్ట్‌ పద్ధతిన పని చేశారు. వీరందరినీ 2023 మే 4న అప్పటి బీఆర్‌ఎస్‌ ప్రభుత్వం రెగ్యులలరైజ్‌ చేసింది. మొదట్లో ప్రభుత్వ జూనియర్‌ కళాశాలల్లో చేరిన సమయంలో కొందరు తప్పుడు ద్రువ పత్రాలు సమర్పించినట్లు ఆరోపణలు వచ్చాయి. దీనిపై కాంగ్రెస్‌ ప్రభుత్వం విచారణ చేపట్టింది. ఇప్పటికే రెండుసార్లు సర్టిఫికెట్ల పరిశీలన జరిపారు. బోగస్‌గా తేలిన వారిని ఇటీవల ఉద్యోగం నుంచి తొలగించారు. ఈ క్రమంలో రెగ్యులరైజ్‌ అయి న అందరి సర్టిఫికెట్లను మరోసారి పరిశీలి స్తున్నట్లు తెలుస్తోంది. అయితే ఆదిలాబాద్‌ జిల్లాలో 28 మంది తెలంగాణ, ఆంధ్రప్రదేశ్‌ కాకుండా ఇతర యూనివర్సిటీల ద్వారా సర్టిఫికెట్లు సమర్పించారు. ఇందులో 18 మంది రెగ్యులర్‌ పద్ధతిన పీజీ పూర్తి చేయగా, మిగతా పది మంది డిస్టెన్స్‌లో పూర్తి చేశారు. వీరిలో కొందరు ప్రథ మ సంవత్సరం ఒక యూనివర్సిటీ, ద్వితీయ సంవత్సరం మరో యూనివర్సిటీలో చదివి న ట్లు సర్టిఫికెట్లు అందజేశారని సమాచారం. దీనిపై ప్రభుత్వం విచారణ చేపట్టి తగు చర్యలు చేపట్టనుంది. వీరు యూనివర్సిటీలో చదివారా, లేకుంటే సర్టిఫికెట్లు తెచ్చుకున్నారా అనేది పరిశీ లనలో నిర్ధారించనున్నారు. డిసెంబర్‌ నాటికి ఈ సర్టిఫికెట్ల పరిశీలన పూర్తి కానున్నట్లు తెలుస్తోంది. ఉమ్మడి జిల్లాలో ఇప్పటికే బోగస్‌ లెక్చరర్లను ఉద్యోగం నుంచి తొలగించగా, మరి కొంత మందిపై వేటు పడుతుందా.. లేదా అనేది వేచి చూ డాల్సిందే. ఈ విషయమై డీఐఈవో జాదవ్‌ గణేశ్‌కుమార్‌ను వివరణ కోరగా, ఆయన అందుబాటులోకి రాలేదు.

కై లాస్‌నగర్‌: ఎల్‌నినో ప్రభావంతో రానున్న రోజుల్లో పట్టణంలో నీటి ఎద్దడి, విద్యుత్‌ సమస్య తలెత్తకుండా ఇప్పటి నుంచే పొదుపు చర్యలు పాటించాలని అదనపు కలెక్టర్‌ ఎస్‌.రాజేశ్వర్‌ అన్నారు. జెడ్పీ సమావేశ మందిరంలో పట్టణంలోని హోటళ్లు, రెస్టారెంట్లు, వాటర్‌ సర్వీసింగ్‌ సెంటర్లు, ఫంక్షన్‌ హాళ్లు, కార్పొరేట్‌ విద్యాసంస్థలు, షాపింగ్‌ మాల్స్‌, వాటర్‌ ప్లాంట్ల నిర్వాహకులతో మున్సిపల్‌ చైర్‌పర్సన్‌ అనూషతో కలిసి శనివారం సమావేశం అయ్యారు. ఈ సందర్భంగా ఆయన మాట్లాడుతూ, విద్యుత్‌ వినియోగం అధికంగా ఉన్న సంస్థలు తప్పనిసరిగా సోలార్‌ యూనిట్లు ఏర్పాటు చేసుకోవాలని సూచించారు. పట్టణానికి తాగునీటిని సరఫరా చేసే ఎస్సారెస్పీలో ప్రస్తుతం 36 టీఎంసీలు మాత్రమే అందుబాటులో ఉందని తెలిపారు. ఈ నిల్వలు ఆదిలాబాద్‌, నిజామాబాద్‌, నిర్మల్‌ తదితర ప్రాంతాలకు ఫిబ్రవరి, మార్చి వరకు మాత్రమే సరఫరాకు సరిపోయే అవకాశముందన్నారు. నీటి వినియోగంలో ప్రతి ఒక్కరూ పొదుపు పాటించాలని సూచించారు. వృథా చేసే సంస్థలపై భారీ చలానాలు, జరిమానాలతో పాటు నిబంధనల ప్రకారం యూనిట్లను సీజ్‌ చేసే అవకాశముందని హెచ్చరించారు. ఇందులో టీపీఎస్‌ నవీన్‌ కుమార్‌, డీఈ సందీప్‌, టౌన్‌ ప్లానింగ్‌, ఇంజినీరింగ్‌ , విద్యుత్‌శాఖ అధికారులు తదితరులు పాల్గొన్నారు.

భీమా.. పూరి గుడిసెల పాటగూడకుమురం భీం ప్రతిమపెద్దపట్నాపూర్‌: 25 కుటుంబాల్లో 183 మంది జనాభా ఉన్నారు. పాఠశాల, అంగన్‌వాడీ కేంద్రం లేకపోవడంతో చిన్నారులు ఇబ్బంది పడుతున్నారు. మిషన్‌ భగీరథ నీరు వచ్చిన రోజు ఇబ్బంది ఉండదు. రానిరోజు ఇబ్బంది తప్పదు. 18 మందికి పీఎం జన్‌మన్‌ గృహాలు మంజూరయ్యాయి. పాటగూడ: అంతర్జాతీయంగా పేరుగాంచిన గ్రామం. కానుగ విత్తనాలతో విద్యుత్‌ తయారుచేసి అందరి దృష్టిని ఆకర్షించారు. 43 కు టుంబాల్లో 220 మంది జనాభా ఉన్నారు. చే తిపంపు చెడిపోతే బావినీరే దిక్కు. ఆర్‌వో ఎ ఫ్‌ఆర్‌ పట్టాలు అందలేదు. ఇద్దరికి మాత్రమే ఇందిరమ్మ ఇళ్లు మంజూరయ్యాయి. టోకెన్‌మోవాడ్‌: 20 కుటుంబాల్లో 96 మంది జనాభా ఉన్నారు. కొందరికి పట్టాలు లేకపోవడంతో రైతుబంధు రావడం లేదు. బ్యాంకు రుణాలు అందడం లేదు. గ్రామంలో ఒక్కరికి మాత్రమే ఇందిరమ్మ ఇళ్లు మంజూరైంది. పీఎం జన్‌మన్‌ పథకం కింద 10 మందికి ఇళ్లు మంజూరయ్యాయి.

నిర్మల్‌టౌన్‌: ఉమ్మడి ఆదిలాబాద్‌ జిల్లా అండర్‌–17 క్రికెట్‌ టోర్నమెంట్‌ కమ్‌ సెలక్షన్‌న్స్‌లో నిర్మల్‌ జిల్లా జట్టు విజేతగా నిలిచింది. కొండాపూర్‌లోని నిర్మల్‌ క్రికెట్‌ అకాడమీ మైదానంలో శనివారం నిర్వహించిన ఈ పోటీల్లో నిర్మల్‌ జట్టు ప్రతిభ కనబర్చి రాష్ట్రస్థాయి పోటీలకు అర్హత సాధించింది. ఈ నెల 26 నుంచి 29 వరకు గద్వాల్‌లో నిర్వహించనున్న రాష్ట్రస్థాయి అండర్‌–17 క్రికెట్‌ పోటీల్లో జిల్లా తరపున ఆడనున్నారు. ఈ కార్యక్రమంలో జట్టు కోచ్‌ సుదర్శన్‌, ఎస్‌జీఎఫ్‌ కార్యదర్శి లక్ష్మణ్‌, వ్యాయామ ఉపాధ్యాయులు ఎం.శ్రీనివాస్‌, రమణారావు, రమణ, బుచ్చి రామారావు, వన్నెల భూమన్న, రాష్ట్రపాల్‌ సాయి, గోపాల్‌, తదితరులు పాల్గొన్నారు

బోథ్‌: ఆదిలాబాద్‌ జిల్లాలో గిరిజనులు ఎదుర్కొంటున్న సమస్యలు, ముఖ్యంగా కుల ధ్రువీకరణ పత్రాల జారీలో నెలకొన్న ఇబ్బందులు తక్షణమే పరిష్కరించాలని బోథ్‌ ఎమ్మెల్యే అనిల్‌ జాదవ్‌ ప్రభుత్వాన్ని కోరారు. శనివారం హైదరాబాద్‌లోని సచివాలయంలో గిరిజన సంక్షేమ శాఖ మంత్రి ఆధ్వర్యంలో నిర్వహించిన ప్రత్యేక సమావేశంలో ఎమ్మెల్యే పాల్గొన్నారు. జిల్లాలో గిరిజనులకు కుల ధ్రువీకరణ పత్రాల జారీలో ఎదురవుతున్న అడ్డంకులను ప్రభుత్వం దృష్టికి తీసుకెళ్లారు. సకాలంలో సర్టిఫికెట్లు అందకపోవడం వల్ల గిరిజన విద్యార్థులు, యువత విద్య, ఉద్యోగ అవకాశాల్లో తీవ్రంగా నష్టపోతున్నారని పేర్కొన్నారు. అర్హులైన వారికి వెంటనే ధ్రువీకరణ పత్రాలు అందేలా చర్యలు తీసుకోవాలని విజ్ఞప్తి చేశారు.

కై లాస్‌నగర్‌: ఆస్తులకు సంబంధించి ప్రజలకు రిజిస్ట్రేషన్‌ సేవలను మరింత సులభతరం చేయడంపై రాష్ట్ర ప్రభుత్వం ప్రత్యేక దృష్టి సారించింది. జిల్లాలోని సబ్‌రిజిస్ట్రార్‌ కార్యాలయాల(ఎస్‌ఆర్‌ఓ)ను ప్రజల అవసరాలకు అనుగుణంగా మ్యాపింగ్‌ చేయాలని నిర్ణయించింది. ఇందుకు సంబంధించి కసరత్తు చేపట్టాలని ఆదేశిస్తూ రాష్ట్ర స్టాంప్‌ అండ్‌ రిజిస్ట్రేషన్ల శాఖ కమిషనర్‌ రాజీవ్‌గాంధీ హనుమంతు ఉత్తర్వులు జారీ చేశారు. ప్రభుత్వ తాజా నిర్ణయంతో ఉమ్మడి ఆదిలాబాద్‌ జిల్లాలో కొత్తగా మరో మూడు సబ్‌ రిజిస్ట్రార్‌ కార్యాలయాలు ఏర్పాటయ్యే అవకాశమున్నట్లుగా తెలుస్తోంది. నియోజకవర్గానికి ఒకటి ఉండేలా.. రిజిస్ట్రేషన్ల శాఖను సాంకేతికంగా అభివృద్ధి చేయాలని భావించిన రాష్ట్ర ప్రభుత్వం ప్రత్యేక చర్యలు చేపడుతుంది. ఇళ్లు, ప్లాట్లు వంటి ఆస్తులకు సంబంధించిన రిజిస్ట్రేషన్ల ప్రక్రియలో ఇటీవల భారీగా మార్పులు చేసింది. ఇందులో భాగంగా ప్రజలకు రిజిస్ట్రేషన్ల సేవలను మరింత సులభతరం చేయడంతో పాటు సౌకర్యవంతంగా ఉండేలా చర్యలు చేపడుతోంది. ప్రతి నియోజకవర్గానికి ఒకటి చొప్పున ఎస్‌ఆర్‌వో ఉండాలని భావిస్తున్నట్లుగా తెలుస్తోంది. ప్రస్తుతం ఉన్న ఎస్‌ఆర్‌ఓ లోకేషన్‌ దాని పరిధిలో ఎన్ని మండలాలు వస్తున్నాయి.. వాటికి కార్యాలయం ఎంత దూరంలో ఉందనే వివరాలతో మ్యాపింగ్‌ ప్రక్రియ చేపట్టాలని ఆదేశాల్లో స్పష్టం చేసింది. ఈ మేరకు అధికారులు కసరత్తు ప్రారంభించనున్నారు. ఉమ్మడి జిల్లాలో కొత్తగా మూడు.. ప్రస్తుతం ఉమ్మడి ఆదిలాబాద్‌ జిల్లాలో ఎనిమిది సబ్‌ రిజిస్ట్రార్‌ కార్యాలయాలు ప్రజలకు రిజిస్ట్రేషన్‌ సేవలు అందిస్తున్నాయి. ఉత్తర్వులు అందాయిఎస్‌ఆర్‌వోల మ్యాపింగ్‌ ప్రక్రియ చేపట్టాలని ప్రభుత్వం నిర్ణయించింది. ఇందుకు సంబంధించి శుక్రవారం ఉత్తర్వులు జారీ చేసింది. వాటిని పూర్తిస్థాయిలో అధ్యయనం చేసి తదనుగుణంగా చర్యలు చేపడుతాం. ప్రజలకు సౌకర్యవంతంగా ఉండేలా ప్రత్యేక శ్రద్ధ వహిస్తాం. – పి.సంపత్‌కుమార్‌, ఉమ్మడి ఆదిలాబాద్‌ జిల్లా రిజిస్ట్రార్‌

ఆదిలాబాద్‌టౌన్‌: ఆన్‌లైన్‌ యాప్‌ ద్వారా లారీ బుక్‌ చేసుకుని మొక్కజొన్నల లోడ్‌ను దారి మళ్లించి విక్రయించిన ఇద్దరు నిందితులను శనివారం అరెస్టు చేసినట్లు డీఎస్పీ జీవన్‌రెడ్డి తెలిపారు. టూటౌన్‌ పోలీస్‌స్టేషన్‌లో వివరాలు వెల్లడించారు. హర్యానాకు చెందిన లారీ యజమాని రషీద్‌, రాజస్థాన్‌కు చెందిన డ్రైవర్‌ షౌకత్‌ ఖాన్‌ బ్లాక్‌ బక్‌ అనే యాప్‌ ద్వారా లారీ కిరాయిలు పొందుతున్నారు. త్వరగా డబ్బు సంపాదించాలనే ఉద్దేశంతో తప్పుడు నంబర్‌ ప్లేట్‌, నకిలీ పత్రాలతో మోసానికి పథకం వేశారు. ఈనెల 7న జైనథ్‌ నుంచి కర్ణాటకకు 40,435 కిలోల మొక్కజొన్నల రవాణాకు బుకింగ్‌ తీసుకుని, బాధితుడు రోహిత్‌ షిండే నుంచి ఫోన్‌పే ద్వారా రూ.50 వేలు అడ్వాన్స్‌ తీసుకున్నారు. తర్వాత సరుకును కర్ణాటకకు తరలించకుండా నాగ్‌పూర్‌ మీదుగా మధ్యప్రదేశ్‌కు తీసుకెళ్లి విక్రయించారు. బాధితుడి ఫిర్యాదుతో కేసు నమోదు చేశారు. ఫోన్లు స్విచ్‌ ఆఫ్‌ చేసి పరారీలో ఉన్న నిందితులను సాంకేతిక ఆధారాలతో మహారాష్ట్రలోని బీడ్‌ జిల్లాలో పట్టుకున్నారు. లారీ, నకిలీ పత్రాలు, మొబైల్‌ ఫోన్‌ స్వాధీనం చేసుకున్నట్లు తెలిపారు.

ఖానాపూర్‌: పుట్టింది తెలంగాణ గడ్డపై.. పెరిగింది అమెరికాలో.. లక్ష్యం అమెరికా సైన్యంలో సేవ చేయడం.. ఆ లక్ష్యాన్ని చేరుకునే దిశగా కఠిన శిక్షణను విజయవంతంగా పూర్తి చేసి తన ప్రతిభను చాటుకున్నాడు నిర్మల్‌ జిల్లా ఖానాపూర్‌ మండలం సింగాపూర్‌ గ్రామానికి చెందిన పన్నెల విశ్వక్‌ తేజ్‌. అమెరికాలో స్థిరపడిన పన్నెల జనార్దన్‌–రూప దంపతుల పెద్ద కుమారుడైన విశ్వక్‌ తేజ్‌.. అమెరికా సైన్యానికి సాంకేతిక సహకారం అందించే విభాగానికి సంబంధించిన శిక్షణ పూర్తి చేసుకుని ప్రత్యేక గుర్తింపు పొందాడు. సుమారు 250 మంది సైనికులతో కూడిన శిక్షణ బృందంలో భారతీయ మూలాలున్న అమెరికన్‌గా విశ్వక్‌ తేజ్‌ ఒక్కరే ఉండటం విశేషం. ఆయన సాధించిన ఈ ఘనతకు కుటుంబ సభ్యులతో పాటు సింగాపూర్‌ గ్రామస్తులు ఆనందం వ్యక్తం చేస్తున్నారు. ఖానాపూర్‌ నుంచి అమెరికా వరకు.. నిర్మల్‌ జిల్లా ఖానాపూర్‌ మండలం సింగాపూర్‌ గ్రామానికి చెందిన పన్నెల జనార్దన్‌–రూప దంపతులు సుమారు 23ఏళ్ల క్రితం ఉద్యోగ, ఉపాధి అవకాశాల కోసం అమెరికాకు వెళ్లి అక్కడే స్థిరపడ్డారు. అయినా స్వగ్రామంతో తమ అనుబంధాన్ని కొనసాగిస్తున్నారు. ఫోక్‌ సింగర్‌గా గుర్తింపు పొందిన జనార్దన్‌ రెండు దశాబ్దాలుగా పలు సామాజిక సేవా కార్యక్రమాలు నిర్వహిస్తూ సేవాభావాన్ని చాటుకుంటున్నారు. తండ్రిని స్ఫూర్తిగా తీసుకుని విశ్వక్‌తేజ్‌ క్రమశిక్షణ, పట్టుదలతో ముందుకు సాగాడు. అమెరికా సైన్యంలో సేవలందించాలనే లక్ష్యంతో అడుగులు వేశాడు. సైన్యానికి సాంకేతిక రంగంలో సహకారం అందించే విభాగానికి సంబంధించిన కఠిన శిక్షణ పూర్తి చేసి అనుకున్న లక్ష్యం సాధించాడు. సుమారు 250 మంది సైనికులతో కూడిన శిక్షణ బృందంలో భారతీయ మూలాలున్న అమెరికన్‌గా విశ్వక్‌ తేజ్‌ ఒక్కరే ఉండటం తమకు గర్వకారణమని ఆయన తల్లిదండ్రులు పేర్కొన్నారు. శిక్షణను విజయవంతంగా పూర్తి చేసిన నేపథ్యంలో జార్జియా రాష్ట్రానికి చెందిన పలువురు ప్రముఖుల నుంచి ప్రశంసలు అందుకుంటున్నట్లు వారు తెలిపారు. కాగా, స్వగ్రామంతో అనుబంధాన్ని కొనసాగిస్తూ విదేశాల్లో తమదైన ముద్ర వేస్తున్న ఈ కుటుంబం సాధించిన విజయంపై సింగాపూర్‌ గ్రామస్తులు హర్షం వ్యక్తం చేస్తున్నారు. యువతకు స్ఫూర్తిదాయకం పట్టుదల, క్రమశిక్షణ, లక్ష్యంపై స్పష్టత ఉంటే ఉన్నత శిఖరాలను చేరుకోవచ్చని విశ్వక్‌ తేజ్‌ ప్రయాణం చాటిచెబుతోంది. ఖానాపూర్‌ మండలానికి చెందిన యువకుడు అమెరికా సైన్యంలో శిక్షణ పూర్తి చేసుకోవడం జిల్లా వాసులకు గర్వకారణంగా నిలిచింది. భవిష్యత్‌లో విశ్వక్‌ తేజ్‌ మరిన్ని విజయాలు సాధించి ఉన్నత స్థాయికి ఎదగాలని కుటుంబ సభ్యులు, బంధుమిత్రులు, గ్రామస్తులు ఆకాంక్షిస్తున్నారు.

నేరడిగొండ: మండలంలోని రోల్‌మామడ గ్రామానికి చెందిన గేడం కమలాబాయి (35) వ్యవసాయ బావిలో పడి మృతిచెందింది. మూడు రోజుల క్రితం అదృశ్యమైన ఆమె మృతదేహం శుక్రవారం గ్రామ సమీపంలోని వ్యవసాయ బావిలో లభ్యమైంది. పోలీసులు తెలిపిన వివరాల ప్రకారం.. కమలాబాయి బుధవారం వ్యవసాయ పనుల నిమిత్తం చేనుకు వెళ్లి తిరిగి ఇంటికి రాలేదు. దీంతో ఆందోళనకు గురైన కుటుంబ సభ్యులు రెండు రోజుల పాటు చుట్టుపక్కల గ్రామాల్లో గాలించినా ఆచూకీ లభించలేదు. ఈ క్రమంలో శుక్రవారం గ్రామ సమీపంలోని వ్యవసాయ బావిలో ఆమె మృతదేహాన్ని గుర్తించారు. సమాచారం అందుకున్న ఎస్సై ఇమ్రాన్‌ ఘటనా స్థలానికి చేరుకుని మృతదేహాన్ని పరిశీలించారు. పంచనామా నిర్వహించి కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు. మృతురాలికి భర్త మాణిక్‌రావు, కుమారుడు, కుమార్తె ఉన్నారు.

ఆదిలాబాద్‌టౌన్‌: యూనిక్‌ మర్చంటైల్‌ ఇండియా లిమిటెడ్‌, యూనిక్‌ ఎస్‌ఎంసీఎస్‌ సంస్థల పేరుతో అధిక లాభాల ఆశ చూపి పెట్టుబడులు, చిట్‌ఫండ్ల ద్వారా ప్రజల నుంచి భారీగా డబ్బులు వసూలు చే సిన కేసులో ప్రధాన నిందితుడు రాజ్‌కుమార్‌ రా య్‌ను జిల్లా పోలీసులు అరెస్ట్‌ చేసిన విషయం తెలి సిందే. ఈ నేపథ్యంలో నల్గొండ, సూర్యాపేట, నిజా మాబాద్‌, మెదక్‌, వరంగల్‌, కామారెడ్డి తదితర జిల్లాలకు చెందిన సుమారు 150 మంది బాధితులు గురువారం రాత్రి ఆదిలాబాద్‌కు చేరుకుని ఎస్పీ అఖిల్‌ మహాజన్‌ను శాలువాతో సన్మానించారు. నిందితుడి అరెస్ట్‌తో తమకు న్యాయం జరుగుతుందన్న ఆశాభావం వ్యక్తం చేస్తూ కృతజ్ఞతలు తెలిపారు. గుజరాత్‌లోని అహ్మదాబాద్‌కు చెందిన ప్రధాన నిందితుడి అరెస్ట్‌పై హర్షం వ్యక్తం చేశారు. దేశ వ్యాప్తంగా సుమారు 10వేల మంది డబ్బులు పెట్టి నష్టపోయినట్లు పోలీసులు ప్రాథమికంగా అంచనా వేస్తున్నారు. తెలంగాణతోపాటు ఇతర రాష్ట్రాల్లోనూ బాధితులున్నట్లు సమాచారం. పెట్టుబడుల గడువు ముగిసినా డబ్బులు తిరిగి అందక పలువురు ఆర్థిక ఇబ్బందులు ఎదుర్కొంటున్నారు. ప్రజల నుంచి సేకరించిన డబ్బులు, సంస్థల ఆర్థిక లావాదేవీలు, నిందితులకు సంబంధించిన ఆస్తులపై పోలీసులు దర్యాప్తు కొనసాగిస్తున్నారు. ఈ కేసులో ఇతరుల పాత్ర, బాధితుల సంఖ్య, పెట్టుబడి మొత్తాలపై వివరాలు సేకరిస్తున్నారు. సేకరించిన నిధులతో నిందితుడు వివిధ రాష్ట్రాల్లో ఫైవ్‌స్టార్‌ హోటళ్లు, హైదరాబాద్‌లో 400 ప్లాట్లు, 200 ఎకరాల భూమి కొనుగోలు చేసినట్లు పోలీసులు తెలిపారు. వాటిని కోర్టు ద్వారా జప్తు చేయించేలా నివేదికలు పంపనున్నట్లు పేర్కొన్నారు. మోసానికి గురైనవారు ధైర్యంగా ముందుకువచ్చి సంబంధిత పోలీస్‌స్టేషన్లలో ఫిర్యాదు చేయాలని ఎస్పీ సూచించారు.

లక్ష్మణచాంద: ఇంట్లోంచి వెళ్లిన వ్యక్తి అదృశ్యమైన ఘటన సోన్‌ మండలం న్యూ వెల్మల్‌ గ్రామంలో చోటు చేసుకుంది. కుటుంబ సభ్యులు తెలిపిన వివరాల ప్రకారం.. న్యూవెల్మల్‌ గ్రామానికి చెందిన గొల్ల భోజన్న (57) గురువారం సాయంత్రం 4గంటల సమయంలో ఇంటి నుంచి బయటకు వెళ్లాడు. రాత్రి వరకు తిరిగి రాలేదు. కుటుంబీకులు ఫోన్‌ చేయగా అతడి సెల్‌ఫోన్‌ స్విచ్‌ ఆఫ్‌ వచ్చింది. చుట్టు పక్కలా వెతికినా, బంధువులకు ఫోన్‌ చేసి ఆరా తీసినా ఆచూకీ లభించలేదు. శుక్రవారం భోజన్న కుమారుడు రాజశేఖర్‌ సోన్‌ పోలీస్‌స్టేషన్‌లో ఫిర్యాదు చేయగా, కేసు నమోదు చేసి దర్యాప్తు చేస్తున్నట్లు ఎస్సై గోపి తెలిపారు. కోర్టు ఆవరణలో ఆత్మహత్యాయత్నం ఆదిలాబాద్‌టౌన్‌: జీవితంపై విరక్తి చెందిన ఓ వ్యక్తి జిల్లా కోర్టు ఆవరణలో శుక్రవారం ఒంటిపై పెట్రోల్‌ పోసుకుని ఆత్మహత్యాయత్నానికి ఒడిగట్టాడు. చుట్టుపక్కల వారు గమనించి అడ్డుకున్నారు. వివరాల్లోకి వెళ్తే.. నిర్మల్‌ జిల్లా కుంటాల మండలంలోని లింబా(కె) గ్రామానికి చెందిన గోనె రాజు (35) కుటుంబాన్ని గతేడాది గ్రామపెద్దలు కులబహిష్కరణ చేసినట్లు తెలిసింది. భూ తగాదాల విషయంలో కుల పెద్దలు ఇచ్చిన తీర్పును రాజు కుటుంబం వ్యతిరేకించినట్లు సమాచారం. దీంతో ఆయనను బహిష్కరించడంతో పాటు పోలీస్‌స్టేషన్‌లో కేసు నమోదు చేయించినట్లు తెలిసింది. ప్రస్తుతం కోర్టులో కేసు నడుస్తోంది. కోర్టు చుట్టూ తిప్పుతున్నారని మనోవేదనకు గురైన రాజు న్యాయం జరగడం లేదని ఈ అఘాయిత్యానికి పాల్పడినట్లు స్థానికులు తెలిపారు. ఆత్మహత్యకు యత్నించిన ఆయనను కోర్టు ఆవరణలో ఉన్న పోలీసులు చికిత్స కోసం రిమ్స్‌ ఆస్పత్రికి తరలించారు.

కైలాస్‌నగర్‌: జిల్లాలో ప్రతిపాదిత విమానాశ్రయ ఏర్పాటుకు అవసరమైన భూసేకరణ ప్రక్రియ పారదర్శకంగా, వేగవంతంగా పూర్తి చేయాలని కలెక్టర్‌ రాజర్షి షా ఆదేశించారు. కలెక్టరేట్‌లోని సమావేశ మందిరంలో ఇండియన్‌ ఎయిర్‌ఫోర్స్‌ పర్యవేక్షక బృందంతో కలిసి ఎయిర్‌పోర్ట్‌ భూసేకరణ పనుల పురోగతిపై శుక్రవారం సమీక్షించారు. విమానాశ్ర య విస్తరణకు అవసరమైన భూసేకరణ పురోగతి, క్షేత్రస్థాయిలో ఎదురవుతున్న సమస్యలపై అధికారులతో చర్చించారు. సమన్వయంతో పనిచేస్తూ భూ సేకరణకు సంబంధించిన అన్ని అంశాలను నిర్ణీత కాలవ్యవధిలో పరిష్కరించాలన్నారు. నిర్వాసితుల సంక్షేమానికి ప్రభుత్వం అధిక ప్రాధాన్యం ఇస్తోందన్నారు. పరిహారం, పునరావాస ప్రయోజనాలు స త్వరమే అందేలా చర్యలు తీసుకోవాలని ఆదేశించా రు. సమావేశంలో స్థానిక సంస్థల అదనపు కలెక్టర్‌ రాజేశ్వర్‌, ఎయిర్‌ఫోర్స్‌ పర్యవేక్షక బృందం సభ్యులు కెప్టెన్‌ రాకేశ్‌, ఎస్‌ఆర్‌ సింగ్‌, ఆర్డీవో జగదీశ్వర్‌రావు, సర్వే ల్యాండ్‌ రికార్డ్స్‌ ఏడీ ప్రభాకర్‌, ము న్సిపల్‌ కమిషనర్‌ జగదీశ్వర్‌గౌడ్‌ పాల్గొన్నారు. పారదర్శకంగా జనాభా లెక్కింపు రెండోదశ జనాభా లెక్కింపు ప్రక్రియను పారదర్శకంగా, సమర్థవంతంగా నిర్వహించాలని కలెక్టర్‌ రా జర్షి షా ఆదేశించారు. స్థానిక టీటీడీసీలో సబ్‌ డివి జన్‌ చార్జ్‌ స్థాయి అధికారులకు రెండు రోజులపాటు నిర్వహించిన ప్రత్యేక శిక్షణ కార్యక్రమానికి హాజరై పలు సూచనలు చేశారు. ప్రతీ ఇల్లు,ప్రతి కుటుంబం,ప్రతి పౌరుడి వివరాలను పొ రపాట్లకు తావులేకుండా నమోదు చేయాలని సూచించారు. సిబ్బంది బాధ్యతాయుతంగా విధులు వ్యవహరించాలన్నారు. ఇందులోజిల్లా కోఆర్డినేటర్‌ కృష్ణయ్య, డీ ఆర్వో స్రవంతి,సూపరింటెండెంట్‌ నలంద ప్రియ, మాస్టర్‌ ట్రెనర్లు వెంకటరమణ పాల్గొన్నారు. ఆరుతడి సాగుపై అవగాహన కల్పించాలికై లాస్‌నగర్‌: ఎల్‌నినో నేపథ్యంలో రబీలో రైతులు నష్టపోకుండా ఆరుతడి పంటలు సాగు చేసేలా అవగాహన కల్పించాలని కలెక్టర్‌ రాజర్షి షా సూచించారు. కలెక్టరేట్‌ సమావేశ మందిరంలో రబీ సాగు, వాతావరణ పరిస్థితులపై అధికారులతో సమీక్షించారు. నీటి లభ్యత దృష్ట్యా సంప్రదాయ పంటలకు ప్రత్యామ్నాయంగా ఆరుతడి పంటల సాగును ప్రో త్సహించాలని వ్యవసాయ అధికారులను ఆదేశించారు. మార్కెట్‌ కమిటీ చైర్మన్‌ శ్రీకాంత్‌ రెడ్డి మాట్లాడుతూ, ఆరుతడి పంటలు సాగు చేసే రైతులకు సకాలంలో చెల్లింపులు జరిగేలా చర్యలు తీసుకుంటామన్నారు. సమావేశంలో బోథ్‌ మార్కెట్‌ కమిటీ చైర్మన్‌ సత్యనారాయణ, డీఏవో రవీందర్‌సింగ్‌, మార్కెటింగ్‌ ఏడీ గజానంద్‌ పాల్గొన్నారు.

కై లాస్‌నగర్‌: ఉత్తరాఖండ్‌ రాష్ట్రం ముస్సోరీలోని లాల్‌ బహదూర్‌ శాస్త్రి నేషనల్‌ అకాడమీ ఆఫ్‌ అడ్మినిస్ట్రేషన్‌ (ఎల్‌బీఎస్‌ఎన్‌ఏఏ) డైరెక్టర్‌ రాజేందర్‌ శుక్రవారం జిల్లాకు విచ్చేశారు. కలెక్టరేట్‌కు చేరుకున్న ఆయనకు కలెక్టర్‌ రాజర్షి షా పూలమొక్క అందజేసి స్వాగతం పలికా రు. అనంతరం జిల్లాలో అమలవుతున్న వివిధ సంక్షేమ, అభివృద్ధి కార్యక్రమాలు, ప్రజలకు అందుతున్న ప్రభుత్వ సేవలు, పరిపాలనకు సంబంధించిన అంశాలపై ఇరువురు కొద్దిసేపు చర్చించారు. అనంతరం కలెక్టర్‌ను డైరెక్టర్‌ సన్మానించి జ్ఞాపిక అందజేశారు.

ఆదిలాబాద్‌టౌన్‌: ఆదిలాబాద్‌ పట్టణంలోని తిరుమల వైన్స్‌ షాపు పక్కన గుర్తు తెలియని వ్యక్తి మృతదేహం గురువారం రాత్రి లభ్యమైందని వన్‌టౌన్‌ సీఐ సునీల్‌కుమార్‌ తెలిపారు. మృతదేహాన్ని రిమ్స్‌లోని మార్చురీకి తరలించినట్లు పేర్కొన్నారు. రోడ్డు ప్రమాదంలో ఇద్దరికి గాయాలు సారంగపూర్‌: మండలంలోని ఆలూరు గ్రామానికి చెందిన ఇద్దరు వ్యక్తులు రోడ్డు ప్రమాదంలో తీవ్రంగా గాయపడ్డారు. స్థానికులు తెలిపిన వివరాల ప్రకారం.. ఆలూరు గ్రామానికి చెందిన చందల సాయినాథ్‌, దేశెట్టి శ్రీనివాస్‌ మండలంలోని అడెల్లి మహాపోచమ్మ ఆలయం వద్ద శుక్రవారం ఓ కుల సంఘం చేసిన పండుగకు హాజరై తిరిగి స్వగ్రామానికి వెళ్తున్నారు. జామ్‌ గ్రామానికి చేరుకోగానే స్పీడ్‌ బ్రేకర్‌ వద్ద వారు ప్రయాణిస్తున్న ద్విచక్ర వాహనం అదుపుతప్పి పల్టీ కొట్టింది. ఈ ప్రమాదంలో సాయినాథ్‌, శ్రీనివాస్‌కు తల, ముఖం, కాళ్లు, చేతులకు తీవ్ర గాయాలయ్యాయి. స్థానికులు వీరిని 108 అంబులెన్స్‌లో నిర్మల్‌ ఏరియాస్పత్రికి తరలించారు. ప్రస్తుతం వారి పరిస్థితి బాగానే ఉందని ఈఎంటీ సాగర్‌, పైలెట్‌ మల్లేశ్‌ తెలిపారు. బైక్‌ ఢీకొని ఒకరికి గాయాలు ఖానాపూర్‌: పట్టణంలోని విద్యానగర్‌ పెట్రోల్‌ బంక్‌ సమీపంలో ఆగి ఉన్న ద్విచక్ర వాహనాన్ని మరో ద్విచక్ర వాహనదారుడు వెనుక నుంచి ఢీకొట్టడంతో ఒకరికి తీవ్ర గాయాలయ్యాయి. శుక్రవారం జరిగిన ఈ ఘటనలో చిన్న మల్లేశ్‌ అనే వ్యక్తి కాలుకు తీవ్ర గాయమైంది. ఈ ఘటనపై కేసు నమోదు చేసి ద ర్యాప్తు చేస్తున్నట్లు ఎస్సై రాహుల్‌ గైక్వాడ్‌ తెలిపారు.

ఆదిలాబాద్‌: వచ్చే నెల 2, 3 తేదీల్లో నిర్వహించనున్న ఖేలో ఆదిలాబాద్‌ సీజన్‌–4 పోటీలను జిల్లా క్రీడాకారులు సద్వినియోగం చేసుకోవాల ని ఎంపీ నగేశ్‌ అన్నారు. ఈ మేరకు పోటీలకు సంబంధించిన పోస్టర్‌ను అసోసియేషన్‌ ప్రతి నిధులతో కలిసి శుక్రవారం తన క్యాంపు కార్యాలయంలో ఆవిష్కరించారు. జిల్లా అథ్లెటిక్స్‌ అ సోసియేషన్‌ ఆధ్వర్యంలో, వీజీఎస్‌ డిఫెన్స్‌ అ కాడమీ ఆతిథ్యంలో నవంబర్‌ 2, 3 తేదీల్లో ఆ దిలాబాద్‌ ఐపీ స్టేడియంలో ఈ పోటీలు నిర్వహించనున్నట్లు తెలిపారు. 2న అథ్లెటిక్స్‌, 3న షటిల్‌ బ్యాడ్మింటన్‌, వాలీబాల్‌, ఖోఖో పో టీలు ఉంటాయని పేర్కొన్నారు. అండర్‌–12, అండర్‌–14, అండర్‌–16 బాలబాలికల విభా గాల్లో పోటీలు నిర్వహించనున్నట్లు వివరించా రు. కార్యక్రమంలో జిల్లా అథ్లెటిక్స్‌ అసోసియేషన్‌ అధ్యక్షుడు అడ్డి భోజారెడ్డి, వెంకట్‌ స్వా మి, రాజేశ్‌, వీజీఎస్‌ రాకేశ్‌ పాల్గొన్నారు. దుర్గామాత ఆలయంలో ఎంపీ పూజలు తాంసి: మండల కేంద్రానికి సమీపంలో భవాని గిరి గుట్టపై ఉన్న దుర్గామాత ఆలయంలో ఎంపీ నగేశ్‌ శుక్రవారం ప్రత్యేక పూజలు నిర్వహించారు. ఆలయ వార్షికోత్స వం పురస్కరించుకుని ఆలయ వ్యవస్థాపకులు పోచ్చ న్న ఆధ్వర్యంలో నవచండీ, రుద్ర హోమం చేపట్టారు. ఎంపీతో పాటు సీనియర్‌ సివిల్‌ జడ్జి హుస్సేన్‌, విజయ డెయిరీ మాజీ చైర్మన్‌ లోక భూమారెడ్డి వెర్వేరుగా దర్శించుకున్నారు. వారి వెంట సర్పంచ్‌ సంతోష్‌రెడ్డి, కృష్ణ తదితరులున్నారు.

ఆదిలాబాద్‌(బేల): బేల మండలం చప్రా ల గ్రామానికి చెందిన బోల్గోడ్‌ గజానన్‌ (26) గురువారం అర్ధరాత్రి జరిగిన రోడ్డు ప్రమాదంలో మృతి చెందాడు. స్థానికులు, ఎస్సై మధుకృష్ణ తెలిపిన వివరాల ప్రకా రం.. చప్రాలకు చెందిన గజానన్‌, అదే గ్రామానికి చెందిన పాయల్‌ సాయికి చెందిన బొలెరో పికప్‌ వాహనంలో డోప్టాల గ్రామానికి చెందిన రాజు సోయాబీన్‌ పంటను మహారాష్ట్రలోని వణికి తరలించారు. పంటను అక్కడ అన్‌లోడింగ్‌ చేసి తిరుగు ప్రయాణమయ్యారు. ఈ క్రమంలో గురువారం అర్ధరాత్రి 12గంటల సమయంలో కొబ్బాయి గ్రామం దాటిన తర్వాత పాయ ల్‌ సాయి అతివేగంగా, నిర్లక్ష్యంగా వాహ నం నడపడంతో అదుపుతప్పి రోడ్డు పక్కనున్న కల్వర్టును ఢీకొట్టింది. ఈ ప్రమాదంలో గజానన్‌, పాయల్‌ సాయికి తీవ్ర గా యాలయ్యాయి. సమాచారం అందుకున్న స్థానికులు 108 అంబులెన్స్‌లో వారిని ఆది లాబాద్‌ రిమ్స్‌ ఆస్పత్రికి తరలించారు. గజానన్‌ను పరీక్షించిన వైద్యులు అప్పటికే మృతిచెందినట్లు ని ర్ధారించారు. తీవ్రంగా గాయపడిన పాయల్‌ సాయి ని మెరుగైన చికిత్స కోసం హైదరాబాద్‌కు తరలించారు. కేసు దర్యాప్తు చేస్తున్నట్లు ఎస్సై తెలిపారు.

ఆదిలాబాద్‌టౌన్‌: వైద్యారోగ్య శాఖలో పనిచేస్తున్న నేషనల్‌ హెల్త్‌ మిషన్‌ ఉద్యోగులు సమ్మెబాట పట్టా రు. తమ డిమాండ్లు నెరవేర్చాలని విధులు బహిష్కరించి రోజుకో తీరు వినూత్న నిరసన వ్యక్తం చేస్తున్నారు. ఫలితంగా పట్టణ ఆరోగ్య కేంద్రాలు, పల్లె, బస్తీ దవాఖానాలు, వైద్యారోగ్య శాఖ కార్యాలయంతో పాటు ఆస్పత్రుల్లో సేవలు నిలిచిపోయాయి. తమను రెగ్యులరైజ్‌ చేయాలని జిల్లా కేంద్రంలోని డీఎంహెచ్‌వో కార్యాలయ ఆవరణలో ఈనెల 13 నుంచి నిరవధిక సమ్మె చేపడుతున్న విషయం తె లిసిందే. ఈ క్రమంలో వైద్య సిబ్బంది లేక డీఎంహెచ్‌వో కార్యాలయంతో పాటు ఆస్పత్రులు వెలవెలబోతున్నాయి. ప్రభుత్వం సానుకూలంగా స్పందించే వరకు సమ్మెకొనసాగిస్తామని ఉద్యోగులు స్పష్టం చేస్తున్నారు. మరోవైపు వీరి ఆందోళన కారణంగా రోగులకు అవస్థలు తప్పడం లేదు. సమ్మెలో 478 మంది ఉద్యోగులు.. జిల్లాలో 22 పీహెచ్‌సీలు, ఐదు పట్టణ ఆరోగ్య కేంద్రాలు, రెండు ఏరియా ఆస్పత్రులున్నాయి. రిమ్స్‌లో సైతం ఎన్‌హెచ్‌ఎం ఉద్యోగులు పనిచేస్తున్నారు. జిల్లా వ్యాప్తంగా 478మంది కాంట్రాక్ట్‌, ఔట్‌సోర్సింగ్‌ పద్ధతిన విధులు నిర్వహిస్తున్నారు. 78 రకాల క్యాడర్లలో పనిచేస్తున్నారు. ముఖ్యంగా డీఎంహెచ్‌వో కార్యాలయంలో డేటాఎంట్రీ ఆపరేటర్లు, ప్రో గ్రాం అధికారులు, బస్తీ, పల్లె దవాఖానా, ఏరియా ఆస్పత్రులు, పట్టణ ఆరోగ్యకేంద్రాల్లో 2వ ఏఎన్‌ఎంలు, ఫార్మాసిస్టులు, ఎంఎల్‌హెచ్‌పీలుగా, ఆర్‌బీఎస్‌ కేలో డీఐఈసీసెంటర్‌లో,టీ–హబ్‌, ఎస్‌ఎన్‌సీయూ, టీబీ సెంటర్‌లలో పనిచేస్తున్నారు. వీరు సమ్మె చేపట్టడంతో ఆన్‌లైన్‌ సేవలు నిలిచిపోయాయి. రోగులకు రక్త పరీక్షలు, మందులు, చిన్నారులకు ఇమ్యూనైజేషన్‌, ఎన్‌సీడీ వ్యాధిగ్రస్తులకు మందులు సరఫ రా వంటి తదితర పనులకు సైతం బ్రేక్‌ పడింది. వినూత్న నిరసనలు.. ఎన్‌హెచ్‌ఎం ఉద్యోగులు 11 రోజులుగా సమ్మె చేపడుతున్నారు. ప్రభుత్వ తీరును నిరసిస్తూ భిక్షాటన, ఒంటి కాలు, మోకాళ్లపై నిలబడటం, ఉపవాస దీక్ష, నల్లబ్యాడ్జీలు ధరించడం వంటి వినూత్న కార్యక్రమాలు చేపడుతున్నారు. డిమాండ్లు ఇవే..ఎన్‌హెచ్‌ఎం ఉద్యోగులందరినీ రెగ్యులరైజ్‌ చేయాలి. సమాన పనికి సమాన వేతనం చె ల్లించాలి. మహిళా ఉద్యోగులకు వేతనంతో కూడిన 180 ప్రసూతి సెలవులు మంజూరు చేయాలి. 2022 నుంచి ఇప్పటివరకు ఉద్యోగులకు రావాల్సిన 5 శాతం పెంచిన వేతనం చెల్లించాలి. విధి నిర్వహణలో మరణిస్తే రూ.20 లక్షల ఎక్స్‌గ్రేషియాతో పాటు బాధి త కుటుంబంలో ఒకరికి ఉద్యోగం కల్పించాలి. ఔట్‌సోర్సింగ్‌ ఏజెన్సీలు రద్దు చేసి స్పర్శ్‌ ద్వారా వేతనాలు చెల్లించాలి.

ఇది ఆదిలాబాద్‌ మార్కెట్‌ యార్డులో శుక్రవారం ఉదయం పరిస్థితి. సాధారణంగా పత్తి కొనుగోళ్లు మొదలైన రెండో రోజు అక్కడ పత్తి బండ్లతో కళకళ లాడాలి. రైతుల రాకతో సందడి కనిపించాలి. ప్రారంభమైన మొదటిరోజు ఆ పరిస్థితి లేదు.. రెండో రోజు సైతం కేవలం 43 బండ్లు వచ్చాయి. 768 క్వింటాళ్లు మాత్రమే కొనుగోళ్లు జరిగాయి. సాధారణంగా మొదట్లో వందలాది వాహనాలు, వేల క్వింటాళ్లలో మార్కెట్‌కు ప్రతి సీజన్‌ వస్తుంది. ఇప్పుడు మాత్రం ఆ పరిస్థితి కనిపించడం లేదు.తాంసి మండలం వడ్డాడికి చెందిన ఓ రైతుకు 21 క్వింటాళ్ల పత్తి దిగుబడి చేతికి అందింది. గురువారం మహారాష్ట్రకు చెందిన వ్యాపారి అతడి ఇంటి వద్దకే వచ్చాడు. క్వింటాలుకు రూ.9,100 చొప్పున చెల్లిస్తూ జాగ మీదే పత్తి కొనేశాడు. మహారాష్ట్రకు తీసుకెళ్లాడు. ఇక్కడ ఈ రైతుకు పత్తి నింపేందుకు కూలీల బెడద, ఆదిలాబాద్‌ మార్కెట్‌కు తీసుకెళ్లేందుకు రవాణా ఖర్చు తప్పింది. మంచి ధర చేతికందింది. తలమడుగు మండలంలోని కజ్జర్ల, రుయ్యాడి గ్రామాల్లోనూ పలువురు రైతులు ఇలాగే మహారాష్ట్ర వ్యాపారులకే ఇప్పటికే పంటను అమ్మేశారు.సాక్షి,ఆదిలాబాద్‌: ఎల్‌నినో కారణంగా వర్షాభావ పరిస్థితులతో ఈ ఏడాది వానకాలంలో సాగు చేసిన పత్తి పంటకు ఆశించిన స్థాయిలో దిగుబడులు లేవని రైతు ఆవేదన చెందుతున్నాడు. చేతికందిన అంతో.. ఇంతో పత్తిని ఆదిలాబాద్‌ మార్కెట్‌కు తీసుకొచ్చి విక్రయిద్దామంటే ఇక్కడ వ్యాపారులు పైకి అత్యధిక ధర ఇస్తున్నామని చెబుతున్నప్పటికీ, లోనికి వెళ్లగానే తేమ కొర్రీ పెట్టి ధర అమాంతం తగ్గిస్తున్నారు. కూలీలకు డబ్బులు చెల్లించి పత్తిని అద్దె వాహనంలో నింపుకొని ఊరి నుంచి ఆదిలాబాద్‌ మార్కెట్‌కు తీసుకొచ్చేందుకు కనీసంగా రూ.3,500 నుంచి రూ.4వేల వరకు ఖర్చు అవుతుంది. ఈ పరిస్థితుల్లో మహారాష్ట్ర నుంచి వస్తున్న వ్యాపారులు రైతుకు ఆదిలాబాద్‌ మార్కెట్లో పైకి చెబుతున్న పత్తి ధరను జాగ మీదికొచ్చి చెల్లిస్తున్నారు. తేమ కొర్రీ లేకుండా ఉన్న పత్తిని రైతు దగ్గరి నుంచి కొనుగోలు చేసేస్తున్నారు. ఈ క్రమంలో చాలా మంది అటువైపే మొగ్గు చూపుతున్నారు. ఇదీ పరిస్థితి.. ఆదిలాబాద్‌ మార్కెట్లో గురువారం పత్తి కొనుగోళ్లు ప్రారంభమయ్యాయి. కేంద్ర ప్రభుత్వ మద్దతు ధర క్వింటాలుకు రూ.8,667 ఉండగా, ప్రైవేట్‌ వ్యాపారులు వేలంలో క్వింటాలుకు రూ.9,260 చెల్లించేందుకు ఒప్పుకున్నారు. రాష్ట్రంలో మన దగ్గరే అత్యధిక రేటు అంటూ గొప్పలు పోయారు. తీరా ఈ రెండు రోజుల్లో పత్తిని అమ్మిన కొద్ది మంది రైతుల్లోనే 40 శాతం మందికి ప్రైవేట్‌లో ప్రకటించిన ధర దక్కలేదు. తేమ కొర్రీ పెట్టి ప్రతి క్వింటాలుకు ధర తగ్గించి రైతులకు చెల్లించారు. మొదటి నుంచి ఈ మార్కెట్లో పరిస్థితిని ఎదుర్కొంటున్న పత్తి రైతులు ప్రస్తతం అప్రమత్తమయ్యారు. ఇప్పుడున్న పరిస్థితుల్లో మంచి ధర లభిస్తే కనీసం పెట్టుబడులైనా దక్కుతాయని ఆశిస్తున్నారు. ఈ క్రమంలో మహారాష్ట్ర వ్యాపారులు తమ వద్దకే వచ్చి పత్తిని కొనుగోలు చేస్తుండడంతో ఎలాంటి సందేహం లేకుండా విక్రయించేస్తున్నారు.ఆదిలాబాద్‌ మార్కెట్‌లో రెండు రోజుల కొనుగోళ్లు.. (గురు, శుక్రవారాల్లో)పత్తి అమ్మిన రైతులు 118 విక్రయించిన దిగుబడి 2,092 క్వింటాళ్లు 8 శాతం తేమతో రూ.9,260 ధర పొందినవారు : 79 (1414 క్వింటాళ్లు) 9 శాతంతో రూ.9,167 ధర పొందినవారు : 29 (523 క్వింటాళ్లు 10 శాతంతో రూ.9,075 ధర పొందినవారు : 08 (138 క్వింటాళ్లు) 11 శాతంతో రూ.8,982 ధర పొందినవారు : 01 (8 క్వింటాళ్లు) 12 శాతంతో రూ.8,890 ధర పొందినవారు : 01 (7 క్వింటాళ్లు)

నార్నూర్‌/లక్ష్మణచాంద: అనారోగ్యంతో బాధ పడుతున్న కూతురుతోపాటు ఆమెకు మెరుగైన వైద్యం అందించేందుకు హైదరాబాద్‌కు వెళ్తున్న తల్లిని మృత్యువు రోడ్డు ప్రమాదం రూపంలో కబలించింది. ఈ ఘటన బాధిత కుటుంబంలో తీరని శోకాన్ని మిగిల్చగా ఆదిలాబాద్‌ జిల్లా గాదిగూడ మండలం ఝరి గ్రామంలో తీవ్ర విషాదం అలుముకుంది. సోన్‌ ఎస్సై గోపి, బాధిత కుటుంబీకులు తెలిపిన వివరాల ప్రకారం.. ఝరి గ్రామానికి చెందిన మెస్రం సోము పటేల్‌ చెల్లి సరస్వతి (17) కొద్ది రోజులుగా అనారోగ్యంతో బాధపడుతోంది. సరస్వతికి వారం రోజులు ఆదిలాబాద్‌లోని రిమ్స్‌ ఆస్పత్రిలో చికిత్స అందించారు. తల్లి పారుబాయి (70) దగ్గరుండి సరస్వతి బాగోగులు చూసుకుంది. ఆమె ఆరోగ్య పరిస్థితి మెరుగుపడకపోవడంతో వైద్యుల సూచన మేరకు మెరుగైన వైద్యం కోసం హైదరాబాద్‌లోని ఉస్మానియా ఆస్పత్రికి తరలించాలని కుటుంబీకులు నిర్ణయించారు. ఈ క్రమంలో గురువారం రాత్రి అంబులెన్స్‌లో సోముపటేల్‌, పారుబాయి సరస్వతిని హైదరాబాద్‌కు తీసుకెళ్తున్నారు. ఈ క్రమంలో నిర్మల్‌ జిల్లా సోన్‌ మండలం కడ్తాల్‌ వై జంక్షన్‌ వద్ద అర్ధరాత్రి లారీని అతివేగంగా, అజాగ్రత్తగా నడిపిన డ్రైవర్‌ రాంగ్‌ రూట్‌లో వీరు ప్రయాణిస్తున్న అంబులెన్స్‌ను ఢీకొట్టాడు. ఈ ప్రమాదంలో తీవ్రంగా గాయపడ్డ పారుబాయి, సరస్వతి అక్కడికక్కడే మృతి చెందారు. అంబులెన్స్‌ డ్రైవర్‌ సాయికిరణ్‌తోపాటు సరస్వతి కుటుంబ సభ్యులైన సోము, గీత, తూమురం సాయిలుకు బలమైన గాయాలయ్యాయి. వీరు ప్రస్తుతం నిర్మల్‌ ప్రభుత్వ ఆస్పత్రిలో చికిత్స పొందుతున్నారు. మద్యం మత్తులో లారీ డ్రైవర్‌ రాంగ్‌ రూట్‌లో వచ్చి అంబులెన్స్‌ను ఢీకొట్టినట్లు సమాచారం. మృతురాలి అన్న సోము ఫిర్యాదు మేరకు కేసు నమోదు చేసుకుని, దర్యాప్తు చేస్తునట్లు సోన్‌ ఎస్సై గోపి తెలిపారు.

ఖానాపూర్‌: మండలంలోని కొత్తపేట గ్రామంలో గురువారం రాత్రి చోరీ జరిగింది. గ్రామానికి చెంది న చింతకుంట శంకర్‌ ఇంటికి వేసిన తాళాన్ని పగులగొట్టి లోపలికి చొరబడిన దొంగలు బంగారం, వెండి ఆభరణాలతో పాటు నగదు అపహరించినట్లు బాధితుడు పోలీసులకు ఫిర్యాదు చేశాడు. రెండు తులాల బంగారం, 15 తులాల వెండి పట్టగొలుసులు, రూ.30వేల నగదు చోరీకి గురైనట్లు పేర్కొన్నాడు. భార్య, పిల్లలు బతుకమ్మ సంబరాల కోసం పెంబి మండలం మందపల్లికి వెళ్లగా, శంకర్‌ పని నిమిత్తం వెంకటాపూర్‌కు వెళ్లాడు. ఇదే అదనుగా భావించిన దొంగలు ఇంటి తాళం పగులగొట్టి చోరీకి పాల్పడినట్లు బాధితుడు తెలిపాడు. సమాచారం అందుకున్న పోలీసులు ఘటనా స్థలాన్ని పరిశీలించి విచారణ చేపట్టారు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రాహుల్‌ గైక్వాడ్‌ తెలిపారు.

బోథ్‌: కామారెడ్డి జిల్లాలోని ప్రభుత్వ మెడికల్‌ కళాశాలలో సీటు సంపాదించిన బోథ్‌కు చెందిన పేద విద్యార్థి సాయిచరణ్‌కు అవసరమైన వైద్య పరికరాలు, సామగ్రిని మునిగెల మహేందర్‌ అందించారు. సాయిచరణ్‌కు వైద్య విద్యలో అవసరమయ్యే అప్రాన్‌, స్టెతస్కోప్‌, డిసెక్టింగ్‌ కిట్‌, లాన్సెట్లు, నీ హ్యామర్‌, పెన్‌ టార్చ్‌, మెజరింగ్‌ టేప్‌, హెచ్‌అండ్‌ఈ పెన్సిల్‌, గ్లౌజులు, సర్జికల్‌ మాస్కులు వంటి పరికరాలు అవసరమయ్యాయి. ఈ నేపథ్యంలో మునిగెల మహేందర్‌ విద్యార్థికి అండగా నిలవడం అభినందనీయమని పలువురు పేర్కొన్నారు. విద్యార్థుల భవిష్యత్‌కు తోడ్పడటం, వారి చదువుకు అవసరమైన సహాయం అందించడం సమాజంలోని ప్రతీ ఒక్కరి బాధ్యత అని పేర్కొన్నారు.

ఆదిలాబాద్‌టౌన్‌: పోలీసు అమరవీరుల సంస్మరణ వారోత్సవాల్లో భాగంగా జిల్లా పోలీసు శాఖ ఆధ్వర్యంలో స్థానిక హెడ్‌క్వార్టర్స్‌లో శుక్రవారం నిర్వహించిన మెగా రక్తదాన శిబిరానికి స్పందన లభించింది. జిల్లా వ్యాప్తంగా ప్రజలు, యువత, పోలీసు సిబ్బంది స్వచ్ఛందంగా పాల్గొని మొత్తం 853 యూ నిట్లు దానం చేశారు. సేకరించిన రక్తాన్ని రిమ్స్‌ బ్లడ్‌ బ్యాంక్‌కు అందజేశారు. ఎస్పీ అఖిల్‌ మహాజన్‌ ముఖ్య అతిథిగా హాజరై శిబిరాన్ని ప్రారంభించారు. స్వయంగా రక్తదానం చేసి సిబ్బందికి ఆదర్శంగా నిలిచారు. రక్తదానం చేసిన ప్రతి ఒక్కరికీ ప్రశంసాపత్రాలు అందజేసి అభినందించారు. మహిళలు సైతం ఉత్సాహంగా పాల్గొని రక్తదానం చేయడం విశేషం. ఎస్పీ మాట్లాడుతూ, ప్రజలకు, పోలీసులకు మధ్య సత్సంబంధాలు మరింత బలోపేతం కావడానికి ఇలాంటి కార్యక్రమాలు దోహదపడతాయని అన్నారు. అమరవీరుల త్యాగాలను స్మరించుకుంటూ నిర్వహించిన ఈ శిబిరాన్ని విజయవంతం చేసిన ప్రజలు, యువత, పోలీసు సిబ్బంది, మహిళలు, స్వచ్ఛంద సంస్థల ప్రతినిధులకు ప్రత్యేక కృతజ్ఞతలు తెలిపారు. కార్యక్రమంలో అదనపు ఎస్పీలు పి.మౌనిక, బి.సురేందర్‌ రావు, డీఎస్పీ జీవన్‌రెడ్డి, వైద్యులు, రిమ్స్‌ సిబ్బంది, పట్టణ సీఐలు, రిజర్వ్‌ ఇన్‌స్పెక్టర్లు, ఎన్జీఓ నాయకులు, యువజన సంఘాల ప్రతినిధులు, ప్రైవేట్‌ బ్లడ్‌ బ్యాంకుల సిబ్బంది, తదితరులు పాల్గొన్నారు.అమరులను స్మరించి.. రక్తదానం చేసి

లక్సెట్టిపేట: ఆర్టీఏ మెంబర్‌ అంకతి శ్రీనివాస్‌ను కిడ్నాప్‌ చేసిన వ్యక్తులపై కఠినచర్యలు తీసుకోవాలని మంచిర్యాల నగర మేయర్‌ ధరణి మధుకర్‌ కోరారు. శుక్రవారం మండల కేంద్రంలోని ఐబీ ఆవరణలో విలేకరులతో మాట్లాడారు. ఎమ్మెల్యే ప్రేమ్‌సాగర్‌రావు చేస్తున్న అభివృద్ధిని చూసి ఓర్వలేకే కొందరు కాంగ్రెస్‌ కార్యకర్తలను ఇబ్బందులకు గురిచేస్తున్నారని ఆరోపించారు. స్నేహం పేరిట కొందరు దసరా రోజు శ్రీనివాస్‌కు మద్యం తాగించి కిడ్నాప్‌ చేశారని తెలిపారు. ఈ సమాచారం ఎమ్మెల్యేకు తెలవడంతో వెంటనే స్పందించి శ్రీనివాస్‌ను రక్షించారని పేర్కొన్నారు. ఎమ్మెల్యేపై అనుచిత వ్యాఖ్యలు చేస్తే కాంగ్రెస్‌ కార్యకర్తలు తగిన బుద్ధి చెబుతారని హెచ్చరించారు. శ్రీనివాస్‌ కాంగ్రెస్‌లో కొనసాగుతాడని పేర్కొన్నారు. అనంతరం గాంధీ చౌక్‌ నుంచి పోలీస్‌స్టేషన్‌ వరకు ర్యాలీగా వెళ్లి సీఐ రమణమూర్తి, ఎస్సై సురేశ్‌కు ఫిర్యాదు చేశారు. తనను కిడ్నాప్‌ చేసిన వ్యక్తులపై కఠినచర్యలు తీసుకోవాలని శ్రీనివాస్‌ ఫిర్యాదులో కోరారు. ఆయన వెంట ఏఎంసీ చైర్మన్‌ వెంకటేశ్వర్లు, పీఏసీఎస్‌ చైర్మన్‌ నాగభూషణం, నాయకులు గడ్డం త్రిమూర్తి, నలిమెల రాజు, వెంకటస్వామిగౌడ్‌, సత్యపాల్‌, నర్సయ్య తదితరులున్నారు.

ఇంద్రవెల్లి: జల్‌.. జంగల్‌.. జమీన్‌ నినాదంతో పోరాటం చేసిన మహనీయుడు కుమురం భీమ్‌ను ఆదర్శంగా తీసుకుని ఐక్య పోరాటాలు చేస్తేనే హక్కులు సాధించుకోవచ్చని ఎంపీ గోడం నగేశ్‌, ఎమ్మెల్యే వెడ్మ బొజ్జు పటేల్‌ పేర్కొన్నారు. ఎస్పీ అఖిల్‌ మహాజన్‌, మాజీ ఎంపీ సోయం బాపూరావ్‌, మాజీ ఎమ్మెల్యే ఆత్రం సక్కు, ఆదివాసీ నాయకులతో కలిసి మండలకేంద్రంలో ఏర్పాటు చేసిన కుమురం భీమ్‌ కాంస్య విగ్రహాన్ని శుక్రవారం ఆవిష్కరించారు. ముందుగా ఉమ్మడి జిల్లా నలుమూలల నుంచి తరలివచ్చిన ఆదివాసీలు అమరవీరుల స్తూపం నుంచి వందల సంఖ్యలో డోలు వాయిద్యాలతో ర్యాలీగా కుమురం విగ్రహాం వద్దకు చేరుకున్నారు. ఎంపీ, ఎమ్మెల్యే, రాయిసెంటర్‌ సార్మెడిలు, ఆదివాసీ పెద్దలతో కలిసి విగ్రహాన్ని ఆవిష్కరించారు. అనంతరం వ్యవసాయ మార్కెట్‌ యార్డులో ఏర్పాటు చేసిన సమావేశంలో ఎంపీ, ఎమ్మెల్యే మాట్లాడారు. ఆదివాసీ గిరిజన సంస్కృతి, సంప్రదాయాలతో పాటు ఆదివాసీ ఆచారాలను పాటిస్తూనే పిల్లల చదువులపై దృష్టి సారించాలని పిలుపునిచ్చారు. ఉన్నత చదువులు, ఉద్యోగాల కోసం పోటీ తత్వంతో ముందుకు సాగాలని సూచించారు. ఆదివాసీ గిరిజనులు ఏ పార్టీలో ఉన్నా జాతి కోసం సమన్వయంతో పని చేసి ఆదివాసీ సమాజాభివృద్ధి కోసం కృషి చేయాలని కోరారు. అనంతరం ఎల్‌నినో ప్రభావంతో జిల్లాలో వర్షాలు కురువక రైతులు వానాకాలంలో సాగు చేసిన పంటలకు నష్టం వాటిల్లిందని, జిల్లా పరిస్థితిని కేంద్ర, రాష్ట్ర ప్రభుత్వాల దృష్టికి తీసుకెళ్లి కరువు జిల్లాగా ప్రకటించేలా కృషి చేయాలని రాయిసెంటర్‌ సార్మెడిలు ఎమ్మెల్యే, ఎంపీకి విజ్ఞప్తి చేశారు. మహారాష్ట్ర ఎమ్మెల్యే రాజు తోడసం, కుమురం భీమ్‌ మనుమడు సోనేరావ్‌, రాయిసెంటర్‌ జిల్లా మేడి తోడసం అమృత్‌రావ్‌, రాయిసెంటర్‌ సార్మెడిలు మెస్రం వెంకట్‌రావ్‌, చిన్ను పటేల్‌, దుర్గు, కొట్నాక్‌ దేవ్‌షావ్‌, కుమురం భీమ్‌ నిర్వహణ కమిటీ చైర్మన్‌ నాగ్‌నాథ్‌, ఆయా సంఘాల రాష్ట్ర నాయకులు మెస్రం మనోహర్‌, ముఖడే విష్ణు, తుడుందెబ్బ నాయకులు గోడం గణేశ్‌, మైపతి అరుణ్‌కుమార్‌, పుర్క బాపురావ్‌, ఆదివాసీ మండల నాయకులు పుర్క చిత్రు, గేడం భరత్‌, జుగ్నాక్‌ భరత్‌, ఆర్క ఖమ్ము తదితరులున్నారు. మార్మోగిన ఇంద్రవెల్లి కుమురం భీమ్‌ విగ్రహావిష్కరణ సందర్భంగా ఆదివాసీల సంప్రదాయ డోలు, పేప్రే, ఖాళి కోం వాయిద్యాలతో ఇంద్రవెల్లి మార్మోగింది. ఉమ్మడి అదిలాబాద్‌ జిల్లా నలుమూలల నుంచి భారీ సంఖ్యలో వచ్చిన ఆదివాసీలు అమరవీరుల స్తూపం నుంచి కుమురం భీమ్‌ విగ్రహాం వరకు వందలాదిగా తీసుకువచ్చిన డోలు వాయిద్యాల మధ్య ర్యాలీగా చేరుకున్నారు. ఆదివాసీ సంప్రదాయం, సంస్కృతి, ఐక్యతను చాటిచెప్పేలా నిర్వహించిన వాయిద్యాల ప్రదర్శన ఆకట్టుకుంది.

ఆదిలాబాద్‌రూరల్‌: ఆదివాసీలపై అటవీశాఖ అధికారుల దాడులు ఆపాలని తెలంగాణ ఆది వాసీ గిరిజన సంఘం రాష్ట్ర ప్రధాన కార్యదర్శి పూసం సచిన్‌ అన్నారు. గురువారం జిల్లా కేంద్రంలో కుమురం భీం 125 వ జయంతి వేడుకలు ఘనంగా నిర్వహించారు. ఈ సందర్భంగా ఆయన మాట్లాడుతూ నరేంద్ర మోదీ ప్రభుత్వం అడవుల నుంచి ఆదివాసీలను వెళ్లగొడుతుందని విమర్శించారు. ఆదివాసీలు సాగు చేస్తున్న భూములకు హక్కు పత్రాలు ఇవ్వాలని, 5వ షెడ్యూల్‌ ప్రాంతంలో 1/70 చట్టాన్ని పక్కాగా అమలు చేయాలని డిమాండ్‌ చేశారు. కార్యక్రమంలో సంఘం జిల్లా అధ్యక్షుడు ఉయి క విష్ణు, ఉపాధ్యక్షులు పెందూర్‌ గోవింద్‌, కుంరం భీంరావు, కనక మలుకు, నాయకులు మెస్రం నగేష్‌, జగన్‌, శంకర్‌, వ్యవసాయ కార్మిక సంఘం రాష్ట్ర ఉపాధ్యక్షులు లంకా రా ఘవులు, రామన్న, తదితరులు పాల్గొన్నారు.

కై లాస్‌నగర్‌: ఆదిలాబాద్‌ జిల్లా అభివృద్ధితోపాటు వేలాది మంది కార్మికుల ఉపాధి కల్పనకు తోడ్పడిన ఆదిలాబాద్‌ సిమెంట్‌ కార్పొరేషన్‌ ఆఫ్‌ ఇండియా (సీసీఐ) ఫ్యాక్టరీ పరిశ్రమ శకం ముగిసింది. ఓ వైపు ఫ్యాక్టరీని పునరుద్ధరించాలనే డిమాండ్‌తో ఆందోళన కొనసాగుతుండగా, కేంద్రప్రభుత్వం ఫ్యాక్టరీని తుక్కు కింద విక్రయించేందుకు నిర్ణయించే టెండర్‌ ఆహ్వానించింది. దీంతో కాంట్రాక్టర్లు పరిశ్రమలోని యంత్రాలు, విడిభాగాలు, పరికరాలను తుక్కు కింద విక్రయించేందుకు టెండర్‌ నిర్వహిస్తున్నారు. సీసీఐ పరిశ్రమకు ఐకానికంగా నిలిచిన భారీ యంత్రాన్ని గురువారం నేలమట్టం చేశారు. బాంబుపేలుళ్లతో భారీ గొట్టం యంత్రాలను ధ్వంసం చేశారు.

ఆదిలాబాద్‌టౌన్‌: తమ న్యాయమైన డిమాండ్లు నెరవేర్చాలని జిల్లా కేంద్రంలోని డీఎంహెచ్‌వో కార్యాలయ ఆవరణలో ఎన్‌హెచ్‌ఎం ఉద్యోగులు చేపడుతున్న నిరవధిక సమ్మె కొనసాగుతోంది. ఇందులో భాగంగా గురువారం ఒంటి కాలిపై నిలబడి వినూత్నంగా నిరసన తెలిపా రు. ఏళ్లుగా ప్రజలకు వైద్య సేవలు అందిస్తున్న తమ సమస్యలను ప్రభుత్వం వెంటనే పరిష్కరించాలని కోరారు. కార్యక్రమంలో సంఘం జిల్లా అధ్యక్షుడు దొంతుల ప్రవీణ్‌, ప్రధాన కార్యదర్శి దేవిదాస్‌ నాయక్‌, ఉపాధ్యక్షులు డాక్టర్‌ ఈశ్వర్‌, డాక్టర్‌ సుజాత, సంయుక్త కార్యదర్శి రాజారెడ్డి, కోశాధికారి డి.గితేష్‌, ఆర్గనైజింగ్‌ కార్యదర్శులు గోపాల్‌, చంద్రకళ, కిరణ్‌, నాగభూషణం, రమేష్‌, అనిల్‌, డాక్టర్‌ ప్రవీణ్‌, లీనా, విజయలక్ష్మి, తులసి, అన్నపూర్ణ, పుష్పలత, రనీత, తదితరులు పాల్గొన్నారు.

ఆదిలాబాద్‌(బేల): పాత గెజిట్‌ ప్రకారమే రైల్వేలైన్‌ నిర్మించాలని యువజన కాంగ్రెస్‌ ఆదిలాబాద్‌ అసెంబ్లీ ఉపాధ్యక్షుడు సామ రూపేష్‌ రెడ్డి డిమాండ్‌ చేశారు. గడ్చందూర్‌ నుంచి జైనథ్‌, బేల మీదుగా ఆదిలాబాద్‌ వరకు రైల్వేలైన్‌ నిర్మించాలని కోరుతూ గురువారం బేల మండలం ఖోగ్ధూర్‌లో పోస్ట్‌కార్డుల ఉద్యమం చేపట్టారు. ప్రధాని నరేంద్ర మోదీకి పోస్ట్‌కార్డులు పంపించారు. ఈ సందర్భంగా ఆయన మాట్లాడుతూ పాత గెజిట్‌ ప్రకారం రైల్వే లైన్‌ నిర్మిస్తే పేద ప్రజలకు తక్కువ ఖర్చుతో సులభమైన ప్రయాణ సౌకర్యం అందుబాటులోకి వస్తుందన్నారు. ఎంపీ గోడం నగేశ్‌, ఎమ్మెల్యే పాయల్‌ శంకర్‌ స్పందించి కేంద్రంపై ఒత్తిడి తీసుకురావాలని కోరారు. లేనిపక్షంలో ఉద్యమాన్ని తీవ్రతరం చేస్తామని హెచ్చరించారు. ఈ కార్యక్రమంలో ఐఎన్టీయూసీ బేల మండల అధ్యక్షుడు కన్య రాజు, తేజరావు, దత్త చేవాన్‌, రమేశ్‌, షేక్‌ అసేన్‌, భాస్కర్‌, సోహన్‌, తదితరులు పాల్గొన్నారు.

కైలాస్‌నగర్‌: జనాభా గణన పారదర్శకంగా చేపట్టాలని కలెక్టరేట్‌ సూపరింటెండెంట్‌ నలందప్రియ అన్నారు. జనాభా గణన–2027ను వి జయవంతంగా నిర్వహించేందుకు చేపట్టాల్సి న విధివిధానాలపై మండల ఛార్జ్‌ అధికారులు, అదనపు ఛార్జ్‌ అధికారులకు గురువారం జిల్లా కేంద్రంలోని టీటీడీసీలో శిక్షణ కార్యక్రమం నిర్వహించారు. ఈ సందర్భంగా ఆమె మాట్లాడుతూ ఈసారి జనాభా గణన వివరాలను మా న్యువల్‌ విధానంతో పాటు డిజిటల్‌ యాప్‌లో కూడా నమోదు చేయాల్సి ఉంటుందన్నారు. సమాచార సేకరణ, నమోదు ప్రక్రియలో ఎలాంటి పొరపాట్లు జరగకుండా సంబంధిత సిబ్బందికి స్పష్టమైన సూచనలు అందించాలని అధికారులకు సూచించారు. రిటైర్డ్‌ చీఫ్‌ ప్లానింగ్‌ ఆఫీసర్‌ కోట కృష్ణయ్య, హైదరాబాద్‌ డీసీఓ కార్యాలయానికి చెందిన డీపీఏ, మాస్టర్‌ ట్రైనర్‌ డి.వెంకటరమణ శిక్షణ అందించారు. ఈ కార్యక్రమంలో ఆర్డీవో జగదీశ్వరరావు, తహసీల్దా ర్లు, ఎంపీడీవోలు, తదితరులు పాల్గొన్నారు.

బోథ్‌: మండలంలోని బాబెరతాండ పంచా యతీ కార్యాలయంలో గురువారం మధ్యాహ్నం షార్ట్‌ సర్క్యూట్‌తో బ్యాటరీ, ఇంట ర్నెట్‌ వైర్లు దగ్ధమయ్యాయి. మంటలకు కా లిపోగా నష్టం వాటిల్లింది. సర్పంచ్‌ రూప్‌ చంద్‌ ఘటన స్థలాన్ని పరిశీలించారు. ప్రభుత్వ ఉద్యోగం ఇప్పిస్తానని మోసంఆదిలాబాద్‌టౌన్‌: విద్యుత్‌శాఖలో జూనియర్‌ లైన్‌మన్‌ ఉద్యోగం ఇప్పిస్తానని నమ్మించి నిరుద్యోగి తండ్రి నుంచి రూ.6 లక్షలు వసూలు చేసిన నిందితుడిపై కేసు నమోదు చేసినట్లు వన్‌టౌన్‌ సీఐ సునీల్‌కుమార్‌ తెలిపారు. గురువారం వన్‌టౌన్‌లో వివరాలు వెల్లడించారు. బోథ్‌ మండలం సోనాల గ్రామానికి చెందిన బాధితుడు బోయినపల్లి నర్సయ్యకు నాలుగేళ్ల క్రితం ఆదిలాబాద్‌లోని శాంతినగర్‌కు చెందిన నిందితుడు రాజేందర్‌తో పరిచయం ఏర్పడింది. తన కుమారుడికి విద్యుత్‌ శాఖలో ప్రభుత్వ ఉద్యోగం ఇప్పిస్తానని నమ్మించాడు. రూ.10 లక్షలు అవసరమవుతాయని చెప్పి బాధితుడి నుంచి రూ.6 లక్షలు డబ్బులు తీసుకున్నాడు. ఉద్యోగం ఇప్పించకపోగా, తీసుకున్న డబ్బుల్లో రూ.1.27 లక్షలు మాత్రమే తిరిగి ఇచ్చాడు. మిగతా డబ్బులు ఇవ్వకుండా ఇబ్బందులకు గురిచేస్తున్నాడు. బాధితుడి ఫిర్యాదుతో కేసు నమోదు చేసినట్లు సీఐ వివరించారు. ఎవరైనా ఉద్యోగాలు ఇప్పిస్తామని చెప్పి డబ్బులు అడిగితే వెంటనే పోలీసులకు సమాచారం అందించాలని సూచించారు. ప్రేమ పేరుతో వేధింపులు.. యువకుడి రిమాండ్‌ఆదిలాబాద్‌టౌన్‌: ప్రేమ పేరుతో యువతిని వేధింపులకు గురిచేసిన యువకుడిని గురువారం అరెస్టు చేసి రిమాండ్‌కు తరలించినట్లు వన్‌టౌన్‌ సీఐ సునీల్‌కుమార్‌ తెలిపారు. ఆయన తెలిపిన వివరాల ప్రకారం.. పట్టణంలోని సంజయ్‌నగర్‌కు చెందిన రాథోడ్‌ అజయ్‌ గత కొంత కాలంగా ఓ యువతిని ప్రేమ పేరుతో వేధింపులకు గురిచేస్తున్నాడు. దీంతో వేధింపులు భరించలేక బాధితురాలి పోలీసులకు ఆశ్రయించింది. ఆమె ఫిర్యాదుతో కేసు నమోదు చేశారు. నిందితుడిని అరెస్టు చేసి రిమాండ్‌కు తరలించినట్లు సీఐ వివరించారు. మహిళ పర్సు చోరీ నిందితుడు..ఆదిలాబాద్‌టౌన్‌: మహిళ పర్సు చోరీ చేసిన నిందితుడిని అరెస్టు చేసి రిమాండ్‌కు తరలించినట్లు వన్‌టౌన్‌ సీఐ సునీల్‌ కుమార్‌ తెలిపారు. మహారాష్ట్రలోని నాందేడ్‌కు చెందిన షేక్‌ షబాన ఇటీవల పట్టణంలోని అ ర్ఫా గార్డెన్‌లో శుభకార్యానికి హాజరయ్యారు. ఈ క్రమంలో ఆమె పక్కన పెట్టిన పర్సును మహాలక్ష్మివాడకు చెందిన షకీల్‌ దొంగిలించాడు. అందులో రెండు గ్రాముల బంగారం, మూడు తులాల వెండి ఉన్నాయి. బాధితురాలి ఫిర్యాదుతో కేసు నమోదు చేసి నిందితుడిని అరెస్టు చేసినట్లు సీఐ వివరించారు.

బోథ్‌: పత్తిలో అంతర పంటగా గంజాయి సాగు చేస్తున్న వ్యక్తిని అరెస్టు చేసినట్లు ఎస్సై పురుషోత్తం తెలిపారు. ఆయన తెలిపిన వివరాల ప్రకారం.. బోథ్‌ మండలంలోని నిగిని గ్రామానికి చెందిన లక్ష్మణ్‌ మడావి (51) తన వ్యవసాయ భూమిలో పత్తి పంట మధ్యలో గంజాయి మొక్కలు పెంచుతున్నట్లు పోలీసులు సమాచారం అందింది. గురువారం వారు అక్కడి చేను వెళ్లి 40 గంజాయి మొక్కలను గుర్తించి స్వాధీనం చేసుకున్నారు. వీటి విలువ రూ.4 లక్షలు ఉంటుందని అంచనా వేశారు. నిందితుడికి గంజాయి తాగే అలవాటు ఉండటం, గతంలో కొనుగోలు చేసి వినియోగించిన అనంతరం మిగిలిన గంజాయి నుంచి విత్తనాలు సేకరించారు. తక్కువ సమయంలో అధిక డబ్బులు సంపాదించాలనే ఉద్దేశంతో పత్తిలో గంజాయి సాగు చేస్తున్నట్లు విచారణలో వెల్లడైంది. ఈమేరకు కేసు నమోదు చేసి నిందితుడిని అరెస్టు చేసినట్లు ఎస్సై తెలిపారు. బోథ్‌ సీఐ డి.గురుస్వామి మాట్లాడుతూ గంజాయి సాగు, విక్రయాలకు పాల్పడే వారిపై కఠిన చర్యలు తీసుకుంటామని హెచ్చరించారు. పోలీసు సిబ్బంది పాల్గొన్నారు.

లక్ష్మణచాంద: సోన్‌ మండలం కడ్తాల్‌ గ్రా మంలోని శ్రీ ధర్మశాస్త్ర అయ్యప్పస్వామి ఆలయంలో బోథ్‌ ఎమ్మెల్యే అనిల్‌ జాదవ్‌ దంపతులు గురువారం ప్రత్యేక పూజలు నిర్వహించారు. ఆలయ గురుస్వామి నర్సారెడ్డి చేతుల మీదుగా ఎమ్మెల్యే చిన్న కుమారుడు అర్జున్‌ జాదవ్‌ అయ్యప్ప మాలధారణ స్వీకరించా రు. తన కుటుంబంతోపాటు బోథ్‌ నియోజకవర్గ ప్రజలందరూ ఆయురారోగ్యాలు, సుఖ సంతోషాలతో ఉండాలని స్వామివారిని ప్రా ర్థించారు. గురుస్వాములు ప్రభాకర్‌రెడ్డి, శో భన్‌రెడ్డి తదితరులు పాల్గొన్నారు. సైబర్‌ వలలో పైవేట్‌ ఉద్యోగిఆదిలాబాద్‌టౌన్‌: సైబర్‌ వలలో పడి ప్రైవేట్‌ ఉద్యోగి మోసపోయిన ఘటన పట్టణంలో చోటుచేసుకుంది. వివరాలు ఇలా ఉన్నాయి..పట్టణానికి చెందిన వినీత్‌కుమార్‌ తన ఫోన్‌కు గతనెల 21న లింక్‌ వచ్చింది. ఓపెన్‌ చేయడంతో పార్ట్‌టైం జాబ్‌తోపాటు వర్క్‌ ఫ్రం హోమ్‌ ద్వారా ఇంటి వద్ద ఉంటూ సంపాదించవచ్చని అందులో ఉంది. బాధితుడు మొదట రూ.8 వేలు పంపించాడు. రెండు, మూడురోజుల తర్వాత రూ.14 వేలు వచ్చా యి. ఇలా రెండు, మూడుసార్లు డబ్బులు పంపడంతో కొంత ఆదాయం వచ్చింది. దీంతో పలు అకౌంట్ల ద్వారా రూ.9 లక్షలు పంపించాడు. గతనెల 22 నుంచి 29 వరకు పెట్టుబడి పెట్టాడు. డబ్బులు రాకపోవడంతో వారి కి ఫోన్‌ చేసినా స్పందించలేదు. దీంతో మోసపోయానని గ్రహించి బాధితుడు వన్‌టౌన్‌లో ఫిర్యాదు చేశారు. ఈమేరకు కేసు దర్యాప్తు చేస్తున్నామని సీఐ సునీల్‌ కుమార్‌ తెలిపారు.

కాసిపేట: మంచిగా చదువుకోవాలని, కళాశాలకు వెళ్లాలని తండ్రి మందలించినందుకు ఇంటర్‌ విద్యార్థి ఆత్మహత్యకు పాల్పడిన ఘటన మండలంలో చోటుచేసుకుంది. కాసిపేట ఎస్సై ఆంజనేయులు, కుటుంబ సభ్యులు తెలిపిన వివరాల ప్రకారం..మండలంలోని ముత్యంపల్లికి చెందిన పాలగాని రాజన్న కుమారుడు విజయ్‌కుమార్‌(17) మండల కేంద్రంలోని తెలంగాణ మోడల్‌స్కూల్‌/ఇంటర్‌ కళాశాలలో ఇంటర్‌ ఫస్టియర్‌ చదువుతున్నాడు. కళాశాలకు సక్రమంగా వెళ్లడం లేదని, చదువుపై శ్రద్ధ పెట్టడం లేదని కుమారుడిని మందలించాడు. మనస్తాపం చెందిన విజయ్‌కుమార్‌ ఈనెల 16న ఇంట్లో చీరతో ఉరేసుకోగా, గమనించిన కుటుంబీకులు ప్రభుత్వ ఆస్పత్రికి అక్కడి నుంచి మంచిర్యాలకు తరలించారు. మెరుగైన వైద్యం కోసం కరీంనగర్‌లోని కెల్వీన్‌ ఆస్పత్రికి పంపించారు. చికిత్స పొందుతూ గురువారం మృతిచెందాడు. తండ్రి ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు.

ఇచ్చోడ: మండలంలోని ముఖరా(కే) గ్రామంలో దుర్గాదేవి నిమజ్జనంలో గ్రామస్తులు కేసీఆర్‌ చిత్రపటాలతో పాల్గొన్నారు. మాజీ సర్పంచ్‌ గాడ్గే మీనాక్షి, మాజీ ఎంపీటీసీ గాడ్గే సుభాష్‌ ఆధ్వర్యంలో బుధవారం రాత్రి నిమజ్జన కార్యక్రమం నిర్వహించారు. మళ్లీ సారే కావాలంటున్నారు.. మళ్లీ కారే రావాలంటున్నారు అని పాటలపై మహిళలు నృత్యాలు చేశారు. గ్రామస్తులు కేసీఆర్‌ చిత్రపటాలను ప్రదర్శించి కేసీఆర్‌పై తమకున్న ప్రేమను చాటుకున్నారు. ‘ఇందిరమ్మ’ పేరిట డబ్బు వసూలు..ఒకరి అరెస్టుఆదిలాబాద్‌టౌన్‌: ఇందిరమ్మ ఇళ్లు మంజూరు చేయిస్తానని చెప్పి ఓ మహిళ నుంచి డబ్బులు వసూలు చేసిన వ్యక్తిని గురువారం అరెస్టు చే సినట్లు టూటౌన్‌ సీఐ నాగరాజు తెలిపారు. ఆ యన తెలిపిన వివరాల ప్రకారం..పట్టణానికి చెందిన ఉషాకంవార్‌ రూపకు గతేడాది ఇంది రమ్మ ఇల్లు మంజూరైంది. అయితే తానే మంజూరు చేయించానని చెప్పిన భాగ్యనగర్‌కు చెందిన మానే శంకర్‌ ఆమె నుంచి రూ. 50 వేలు ఇవ్వాలని డిమాండ్‌ చేశాడు. డబ్బులివ్వకపోతే ఆమె పేరు తొలగించేలా చేస్తానని బెదిరించాడు. భయపడిన బాధితురాలు విడతలవారీగా రెండుసార్లు మొత్తం రూ.21 వేలు చెల్లించినట్లు తెలిపింది. అయినప్పటికీ మిగతా డబ్బుల కోసం శంకర్‌ వేధిస్తుండటంతో బాధితురాలు పోలీసులను ఆశ్రయించింది.

ఆదిలాబాద్‌రూరల్‌: బడుగు, బలహీన వర్గాల అణ చివేతకు వ్యతిరేకంగా పోరాడిన పండుగ సాయన్నను ప్రతిఒక్కరూ ఆదర్శంగా తీసుకోవాలని ఎంపీ గోడం నగేశ్‌, కలెక్టర్‌ రాజర్షి షా అన్నారు. గురువారం జిల్లా కేంద్రంలో సాయన్న జయంతి వేడుకలను ఘనంగా నిర్వహించారు. ఈ సందర్భంగా వారు మాట్లాడుతూ అణగారిన వర్గాల అభ్యున్నతికి, హక్కుల పరిరక్షణకు పాటుపడిన గొప్ప నేత అని కొనియాడారు. సాయన్న జయంతిని రాష్ట్ర ప్రభుత్వం అధికారికంగా నిర్వహించడం సంతోషకరమన్నారు. ఈ కార్యక్రమంలో మున్సిపల్‌ చైర్‌పర్సన్‌ బండారి అనూషా, తదితరులు పాల్గొన్నారు. ధైర్యసాహసాలకు ప్రతీక.. ఆదిలాబాద్‌టౌన్‌: పండుగ సాయన్న జీవితం సమానత్వం, ధైర్యసాహసాలకు ప్రతీక అని జిల్లా అదనపు ఎస్పీ (అడ్మిన్‌) పి.మౌనిక అన్నారు. జిల్లా కేంద్రంలోని పోలీసు ముఖ్య కార్యాలయంలో పండుగ సాయన్న జయంతి వేడుకలను ఘనంగా నిర్వహించారు. ఈ సందర్భంగా ఆమె మాట్లాడుతూ తెలంగాణ చరిత్రలో సాయన్నకు ప్రత్యేక స్థానం ఉందన్నారు. పేద, బడుగు, బలహీన వర్గాల హక్కుల కోసం పోరాడిన ప్రజావీరుడిగా ఆయన ప్రజల మనసుల్లో చిరస్థాయిగా నిలిచిపోయారన్నారు. ఈ కార్యక్రమంలో ఏఆర్‌ డీఎస్పీ కమతం ఇంద్రవర్ధన్‌, రిజర్వ్‌ ఇన్‌స్పెక్టర్‌ డి.వెంకటి, సీఐ నైలు, పోలీసు కార్యాలయ సూపరింటెండెంట్‌ సులోచన, పోలీసు అధికారులు, సిబ్బంది పాల్గొన్నారు.

ఆదిలాబాద్‌: ఆర్టీసీ ప్రయాణికులకు ఎలాంటి ఇబ్బందులు కలగకుండా చర్యలు తీసుకుంటా మని ఆర్‌ఎం విజయభాను అన్నారు. ఆదిలా బాద్‌ ఆర్టీసీ బస్టాండ్‌లో గురువారం ప్రయాణికుల రద్దీ దృష్ట్యా బస్సుల రాకపోకలను పర్యవేక్షించారు. ఈ సందర్భంగా ఆయన మాట్లాడుతూ దసరా నేపథ్యంలో ప్రయాణికుల రద్దీకి అనుగుణంగా భాగ్యనగరానికి ప్రత్యేక బస్సులు నడుపుతున్నట్లు తెలిపారు. ప్రయాణికుల సౌకర్యార్థం అన్ని రూట్లలో బస్సులు నడపాలని అధికారులను ఆదేశించారు. ఆయన వెంట డిప్యూటీ ఆర్‌ఎం (ఆపరేషన్స్‌) ఎం.మల్లేశయ్య, డిపో మేనేజర్‌ ఎన్‌.సాయన్న, అసిస్టెంట్‌ మేనేజర్‌ (ట్రాఫిక్‌) ఐ.రాజశేఖర్‌ ఉన్నారు.

లక్ష్మణచాంద: తమ కుటుంబానికి అండగా నిలవాలని ఉజ్వల భవిష్యత్‌ నిర్మించుకోవాలని ఎన్నో ఆశలతో ఉపాధి కోసం విదేశాలకు వెళ్లిన ఆ యువకుడు చివరకు విగతజీవిగా స్వగ్రామానికి చేరిన విషాద ఘటన సోన్‌ మండలం మాదాపూర్‌ గ్రామంలో చోటు చేసుకుంది. వివరాలు ఇలా ఉన్నాయి.. మాదాపూర్‌కు చెందిన తోకల తిరుపతి–పద్మ దంపతుల పెద్ద కుమారుడు ఆదిత్య(23) ఐదునెలల క్రితం ఉపాధి నిమిత్తం టర్కీ వెళ్లాడు. అక్కడ భవన పనులు చేస్తుండగా సెప్టెంబర్‌ 14న ప్రమాదవశాత్తు పైనుంచి కిందపడ్డాడు. తీవ్రంగా గాయపడిన అతడిని స్థానిక ఆసుపత్రిలో చేర్చి చికిత్స అందించారు. విషయం తెలుసుకున్న కుటుంబ సభ్యులు తీవ్ర ఆందోళనకు గురయ్యారు. బీజేఎల్పీ నేత, నిర్మల్‌ ఎమ్మెల్యే ఏలేటి మహేశ్వర్‌రెడ్డిని సంప్రదించగా అక్కడి అధికారులతో సంప్రదింపులు జరిపి వైద్యసహాయం అందేలా ప్రయత్నించారు. అయితే మృత్యువుతో పోరాడిన ఆదిత్య ఈనెల 15న చికిత్స పొందుతూ తుదిశ్వాస విడిచాడు. మృతదేహాన్ని స్వగ్రామానికి రప్పించేలా ఎమ్మెల్యే మహేశ్వర్‌ రెడ్డి కేంద్ర విదేశాంగ మంత్రిత్వ శాఖతో సంప్రదించారు. ఎమ్మెల్యే చొరవతో మృతదేహం గురువారం గ్రామానికి చేరుకుంది. కుమారుడి మృతదేహాన్ని చూసిన తల్లిదండ్రులు, కుటుంబ సభ్యులు బోరున విలపించిన తీరు అక్కడున్న వారందరినీ కంటతడి పెట్టించింది.

బజార్‌హత్నూర్‌: మండలంలోని గిర్నూర్‌ మహిళ సర్పంచ్‌ గర్భిణి పూసాల ప్రియాంకకు గురువారం పురిటినొప్పులు వచ్చాయి. కుటుంబ సభ్యులు 108లో ఆదిలాబాద్‌ రిమ్స్‌కు తీసుకెళ్తుండగా మార్గమద్యలో పురిటినొప్పులు ఎక్కువ అయ్యాయి. పైలెట్‌ లక్ష్మణ్‌ వాహనాన్ని రోడ్డు పక్కన నిలిపారు. ఈఎంటీ సతీశ్‌ ఈఆర్‌సీపీ డాక్టర్‌ కసిరెడ్డిని ఫోన్‌లో సంప్రదించి డెలివరీ చేశారు. పండంటి మగబిడ్డకు జన్మనిచ్చింది. ఇచ్చోడ పీహెచ్‌సీలో వైద్యపరీక్షలు చేయగా తల్లీబిడ్డలు క్షేమంగా ఉన్నట్లు వైద్యులు తెలిపారు. అదేవిధంగా గోకొండ గ్రామానికి చెందిన గర్భిణి చందే మనీషాకు గురువారం 108లో రిమ్స్‌కు తీసుకెళ్తుండగా మార్గమధ్యలో పురిటినొ ప్పులు ఎక్కువ అయ్యాయి. అంబులెన్స్‌ను పక్కన నిలిపి ఈఎంటీ..డెలివరీ చేయగా పండంటి ఆడబిడ్డకు జన్మించింది. రిమ్స్‌లో వైద్యపరీక్షలు చేయగా తల్లీబిడ్డ క్షేమంగా ఉన్నట్లు వైద్యులు తెలిపారు.

ఇంద్రవెల్లి: మెస్రం వంశీయుల తరతరాలుగా వస్తున్న ఆచారాలు, సంప్రదాయాలను భావితరాలకు అందించాల్సిన బాధ్యత ప్రతీ ఒక్కరిపై ఉందనిన నాగోబా ఆలయ పీఠాధిపతి మెస్రం వెంకట్‌రావ్‌, వంశం పెద్దలు చిన్నుపటేల్‌, కోసేరావ్‌, వంశం ఉద్యోగ సంఘం వంశీయులు దేవ్‌రావ్‌, శేఖర్‌బాబు పేర్కొన్నారు. మండలంలోని కేస్లాపూర్‌ నాగోబా ఆలయంలో దసరా పూజల అనంతరం హాజరైన ఉమ్మడి ఆదిలాబాద్‌ జిల్లా మెస్రం వంశీయులతో గురువారం సమావేశమయ్యారు. ఈ సందర్భంగా వారు మాట్లాడుతూ నాగోబా ఆలయ అభివృద్ధికి వంశీయులంతా కృషి చేయాలన్నారు. నాగోబా పాఠశాల అభివృద్ధికి, విద్యార్థులకు మెరుగైన విద్య సదుపాయాలు కల్పించేందుకు తమవంతు సహకారం అందించాలన్నారు.

కై లాస్‌నగర్‌: ఎల్‌నినో ప్రభావం, వర్షాభావ పరిస్థితుల నేపథ్యంలో రాబోయే ఆరు నెలల్లో తాగునీటి సమస్యలు తలెత్తకుండా, విద్యుత్‌ సరఫరాలో అంతరాయం లేకుండా ముందస్తు చర్యలు చేపట్టాలని కలెక్టర్‌ రాజర్షిషా అధికారులను ఆదేశించారు. గురువారం జిల్లాలోని అన్ని మండలాల అధికారులు, మున్సిపల్‌ అధికారులతో జాయింట్‌ వీడియో కాన్ఫరెన్స్‌ నిర్వహించారు. ఈ సందర్భంగా కలెక్టర్‌ మాట్లాడుతూ ఎక్కడా నీటి వృథా జరగకుండా చర్యలు తీసుకోవాలని, విద్యుత్‌ సమస్యలు తలెత్తకుండా ముందస్తు ప్రణాళికతో వ్యవహరించాలని, ప్రజలు కూడా విద్యుత్‌ను పొదుపుగా, అవసరమైనంత మేరకే వినియోగించాలని సూచించారు. ఆదిలాబాద్‌ మున్సిపల్‌ కార్యాలయం నుంచి చైర్‌పర్సన్‌ బండారి అనూష సతీష్‌, కమిషనర్‌, కౌన్సి లర్లు, సిబ్బంది పాల్గొన్నారు. ఈ సందర్భంగా చైర్‌పర్సన్‌ మాట్లాడుతూ ఆదిలాబాద్‌ పట్టణంలో తాగునీటి సమస్య తలెత్తకుండా అదనంగా ఆరు ట్యాంకర్లను ఏర్పాటు చేయనున్నట్లు తెలిపారు. అవసరానికి మించి నీటిని వినియోగించకుండా ప్రతిఒక్కరూ బాధ్యతగా వ్యవహరించాలని, నీటిని వృథా చేస్తే భారీ మొత్తంలో పెనాల్టీలు విధిస్తామని హెచ్చరించారు. అలసత్వం వహిస్తే చర్యలుకై లాస్‌నగర్‌: గిరిజన సంక్షేమం, ఏజెన్సీ ప్రాంతాల అభివృద్ధే ప్రభుత్వ ధ్యేయమని కలెక్టర్‌ రాజర్షిషా స్పష్టం చేశారు. కేంద్ర ప్రభుత్వం అత్యంత ప్రతిష్టాత్మకంగా అమలు చేస్తున్న పీఎం జన్‌మన్‌, ధర్తీ ఆబా జనజాతీయ గ్రామ్‌ ఉత్కర్ష్‌ అభియాన్‌ పథకాల పురోగతిపై గురువారం కలెక్టరేట్‌ సమావేశ మందిరంలో ఐటీడీఏ పీఓ మంద మకరందుతో కలిసి వివిధ శాఖల అధికారులతో ఉన్నత స్థాయి సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ మారుమూల ఏజెన్సీ ప్రాంతాల్లో నివసిస్తున్న గిరిజనులు, ముఖ్యంగా అత్యంత వెనుకబడిన పీవీటీజీ తెగల కుటుంబాలకు ప్రభుత్వ ఫలాలు పూర్తిగా అందాలనేదే ఈ పథకాల ప్రధాన ఉద్దేశమన్నారు. గిరిజన పల్లెలు, తండాల్లో మౌలిక సదుపాయాల కల్పనకు అత్యంత ప్రాధాన్యం ఇవ్వాలని అధికారులను ఆదేశించారు. ఐటీడీఏ పీవో మంద మకరందు మాట్లాడుతూ అర్హత కలిగిన ప్రతీ గిరిజన కుటుంబానికి పక్కా గృహం, ఆధార్‌ కార్డు, బీపీఎల్‌ రేషన్‌ కార్డు, ఉజ్వల గ్యాస్‌ కనెక్షన్‌, జన్‌ధన్‌ బ్యాంక్‌ ఖాతా వంటి సేవలను వంద శాతం అందించాలన్నారు. సమావేశంలో డీఆర్డీఏ పీడీ రవీందర్‌ రాథోడ్‌, హౌసింగ్‌ పీడీ శంకర్‌, డీఎంహెచ్‌వో సాధన, పంచాయతీ అధికారి రమేశ్‌, వివిధ శాఖల అధికారులు పాల్గొన్నారు. ఆస్పిరేషనల్‌ బ్లాక్‌ను ఆదర్శంగా తీర్చిదిద్దాలి కై లాస్‌నగర్‌: నార్నూర్‌ ఆస్పిరేషనల్‌ బ్లాక్‌ పరిధిలో సమగ్ర అభివృద్ధిని సాధించి, ప్రజలకు మెరుగైన జీవన ప్రమాణాలు అందించడమే లక్ష్యంగా అధికా రులు సమన్వయంతో పనిచేయాలని కలెక్టర్‌ రాజర్షి షా ఆదేశించారు. కలెక్టరేట్‌ సమావేశ మందిరంలో అధికారులతో సమీక్ష నిర్వహించారు. బ్లాక్‌ పరిధి లో నిర్ణయించిన కీలక పనితీరు సూచికల సాధనలో ఇప్పటివరకు సాధించిన ప్రగతిని శాఖల వారీగా క్షుణ్ణంగా సమీక్షించారు. పాత ప్రాజెక్టుల అమలులో ఎదురవుతున్న సాంకేతిక, పరిపాలనాపరమైన ఇబ్బందికర అంశాలను తక్షణమే పరిష్కరించి పనులను వేగవంతం చేయాలని ఆదేశించారు. కొత్తగా మంజూరైన పనులను ఏమాత్రం ఆలస్యం చేయకుండా వెంటనే ప్రారంభించాలన్నారు. అన్ని శాఖ ల అధికారులు బాధ్యతాయుతంగా, జవాబుదారీతనంతో వ్యవహరించి నార్నూర్‌ బ్లాక్‌ను అన్ని రంగా ల్లో ఆదర్శంగా నిలపాలని పిలుపునిచ్చారు. సమావేశంలో సంక్షేమశాఖ అధికారి మిల్కా, నీతి ఆయో గ్‌ ప్రోగ్రామ్‌ అధికారి రాహుల్‌ పాల్గొన్నారు.

ఆదిలాబాద్‌టౌన్‌: ఆశా వర్కర్ల సేవలను కేంద్ర, రాష్ట్ర ప్రభుత్వాలు గుర్తించడం లేదని సీఐటీయూ జిల్లా కార్యదర్శి అన్నమొల్ల కిరణ్‌ ఆవేదన వ్యక్తం చేశారు. ఆశా వర్కర్ల సమస్యల పరిష్కారం కోసం ఈ నెల 26న హైదరాబాద్‌లో నిర్వహించనున్న ధర్నాకు అనుమతి ఇవ్వాలని కోరుతూ డీఎంహెచ్‌ఓ కార్యాలయంలో గురువారం వినతిపత్రం అందజేశారు. ఈ సందర్భంగా ఆయన మాట్లాడుతూ సమస్యల పరిష్కారంతో పాటు పెండింగ్‌ బిల్లుల విడుదల కోసం హైదరాబాద్‌లోని ఇందిరా పార్కు వద్ద నిర్వహించే మహా ధర్నాలో ఆశా వర్కర్లు పెద్ద సంఖ్యలో పాల్గొని విజయవంతం చేయాలని పిలు పునిచ్చారు. ఈ కార్యక్రమంలో ఆశా వర్కర్స్‌ యూ నియన్‌ అధ్యక్షురాలు సుజాత, స్వప్న, లత, లలిత, నాజియ, మాధవి, కవిత తదితరులు పాల్గొన్నారు.

కలెక్టర్‌ ఆదేశాల మేరకు గిరి గ్రామాల్లో సమగ్ర మోడల్‌ వ్యవసాయ విధానం శ్రీకారం చుట్టాం. 15 గ్రామాల్లో 90 ఎకరాల్లో పైలట్‌ ప్రాజెక్టుగా విజయవంతంగా అమలు చేశాం. పెట్టుబడి ఖర్చులు తగ్గించి, రైతుల ఆదాయం పెంచడమే ప్రధాన లక్ష్యం. ఒక్కో రైతు ఏడాదికి అదనంగా రూ.90 వేల నుంచి రూ.1.50 లక్షల వరకు ఆదాయం పెంచుకునే అవకాశం ఉంది. వారికి అవగాహన కల్పిస్తూ, మరిన్ని గ్రామాలకు ఈ విధానాన్ని విస్తరించేందుకు కృషి చేస్తున్నాం. – నాగెల్లి సాయికుమార్‌, అసోసియేట్‌ ప్రోగ్రామ్‌ మేనేజర్‌, బీఏఐఎఫ్‌, తెలంగాణ

బాసర: బాసర రైల్వేస్టేషన్‌ సమీపంలోని ఫ్లైఓవర్‌ గల స్పీడ్‌బ్రేకర్‌ వద్ద ద్విచక్రవాహనం అదుపు తప్పిన ఘటనలో భార్యాభర్తలకు గాయాలయ్యాయి. నిజామాబాద్‌ జిల్లా గుండారం గ్రామానికి చెందిన భార్యభర్తలు ద్విచక్రవాహనంపై పని నిమిత్తం గురువారం బాసరకు వచ్చారు. మధ్యాహ్నం తిరుగు పయనమయ్యారు. మార్గమధ్యలో స్పీడ్‌ బ్రేకర్‌ ఎత్తుగా ఉండడంతో అదుపుతప్పింది. ఈ ఘటనలో గాయపడిన ఇద్దరిని బాసర పోలీసులు అంబులెన్స్‌లో ప్రభుత్వ ఆసుపత్రికి తరలించారు. కాగా, ఫ్లైఓవర్‌ వద్ద హెచ్చరిక బోర్డులు ఏర్పాటు చేయాలని పలువురు వాహనదారులు కోరుతున్నారు.

ఆదిలాబాద్‌టౌన్‌: ఫ్లాగ్‌డే సందర్భంగా గురువారం రాత్రి ఎస్పీ అఖిల్‌ మహాజన్‌ ఆధ్వర్యంలో కలెక్టర్‌ చౌక్‌ నుంచి అంబేద్కర్‌ చౌక్‌ వరకు కొవ్వొత్తుల ర్యాలీ నిర్వహించారు. ఇందులో 250 మంది పోలీసు సిబ్బందితో పాటు 50 మంది డిఫెన్స్‌ అకాడమి విద్యార్థులు పాల్గొన్నారు. అంబేద్కర్‌ చౌక్‌లో అమరవీరుల చిత్రపటాలకు ఘన నివాళులర్పించారు. ఈ కార్యక్రమంలో జిల్లా అదనపు ఎస్పీలు మౌనిక, బి.సురేందర్‌ రావు, డీఎస్పీ ఎల్‌.జీవన్‌ రెడ్డి, సీఐలు సునిల్‌ కుమార్‌, నాగరాజు, ఎస్సైలు, పోలీసు సిబ్బంది పాల్గొన్నారు.

పెంబి: బతుకుదెరువు కోసం దుబాయ్‌ వెళ్లిన జిల్లా వాసి మృతిచెందాడు. పెంబి మండలం ఇటిక్యాల్‌ గ్రామానికి చెందిన రవి(22) గత 20 నెలల క్రితం దుబాయ్‌ వెళ్లాడు. అక్కడ పని చేస్తుండగా భవనం పైనుంచి కిందపడి సోమవారం మృతి చెందినట్లు ఫోన్‌ వచ్చినట్లు రవి బంధువులు, తల్లిదండ్రులు చిన్నక్క, లింగన్న తెలిపారు. కుమారుడి మృతదేహన్ని స్వగ్రామానికి రప్పించాలని గురువారం నిర్మల్‌ ఎమ్మెల్యే ఏలేటి మహేశ్వర్‌రెడ్డిని కలిసి కోరారు. ఉన్నతాధికారులతో మాట్లాడి త్వరగా తీసుకువచ్చేలా కృషిచేస్తానని తెలిపారు. రవి మృతితో స్వగ్రామంలో విషాదఛాయలు అలముకున్నాయి.

నార్నూర్‌: సాగులో నూతన పద్ధతులు, అనేక మార్పులు వస్తున్నాయి. ఒకే భూమిలో పలు రకాల పంటలు సాగు చేస్తూ, ఏడాది పొడవునా గిరిజన రైతులకు స్థిరమైన ఆదాయం అందించాలనే లక్ష్యంతో ఆదిలాబాద్‌ జిల్లా నార్నూర్‌ ప్రాంతంలో భారతీయ ఆగ్రో ఇండస్ట్రీయల్‌ ఫౌండేషన్‌ (బీఏఐఎఫ్‌) ఆధ్వర్యంలో హెచ్‌డీఎఫ్‌సీ సౌజన్యంతో సమగ్ర వ్యవసాయ విధానం అమలవుతోంది. పైలట్‌ ప్రాజెక్టుగా 15 గ్రామాల్లో 90 ఎకరాల విస్తీర్ణంలో ప్రయోగాత్మకంగా అమలు చేస్తున్నట్లు అధికారులు వెల్లడించారు. ఈ ప్రాజెక్టు ద్వారా సాగులో కొత్త పద్ధతులు పరిచయం చేయడం, ఆదాయం పెంచుకునే మార్గాలపై వారికి అవగాహన కల్పిస్తున్నారు. ఒకే భూమిలో.. నార్నూర్‌ మండలకేంద్రం, మహాగావ్‌, ఖంపూర్‌, ఖైర్డాట్వా, సుంగాపూర్‌, భీంపూర్‌, కొత్తపల్లి–హెచ్‌, ఉమ్రీ, మాన్కాపూర్‌, గంగాపూర్‌, తాడిహత్నూర్‌, బలాన్‌పూర్‌, గుంజాల, నాగల్‌కొండ, ఏంపల్లి తది తర గిరిజన ప్రాంతాల్లో సమగ్ర వ్యవసాయ విధా నం అమలవుతోంది. ఒకే భూమిలో కూరగాయలు, పండ్ల తోటలు, కలప జాతి మొక్కలను పెంచడంతో రైతులకు అదనపు ఆదాయం లభిస్తోంది. పశుసంవర్ధక కార్యకలాపాలు, వర్షపు నీటి సంరక్షణ, సోలార్‌ ఆధారిత నీటి వినియోగం వంటి అంశాలను జోడించడం వల్ల సాగు ఖర్చులను నియంత్రించేందుకు అవకాశం ఏర్పడుతోంది. ఈ విధానాన్ని అనుసరిస్తున్న రైతుల వార్షిక ఆదాయం రూ.90 వేల నుంచి రూ.1.50 లక్షల వరకు పెరిగినట్లు అధికారులు పేర్కొటున్నారు. అయితే ఈ ఆదాయం భూమి విస్తీర్ణం, పంటల రకాలు, దిగుబడి, మార్కెట్‌ ధరలు, పెట్టుబడి వ్యయాలపై ఆధారపడి మారుతుంది. కలప జాతి మొక్కలతో భరోసా కూరగాయలు, స్వల్పకాలిక పంటలతో పాటు కల ప జాతి మొక్కలను పెంచుకోవడం ద్వారా భవిష్యత్తులో అదనపు ఆదాయాన్ని పొందే అవకాశం ఉంటుంది. టేకు వంటి కలప జాతుల సాగులో మొ క్కల ఎంపిక, పెరుగుదల కాలం, భూమి వినియో గం, సంబంధిత చట్టాలు, అనుమతులపై ముందుగానే అవగాహన ఉండాలి. త్వరగా లాభాలు వస్తాయని భావించి అధికంగా పెట్టుబడి పెట్టకుండా, స్వల్పకాలిక ఆదాయం అందించే పంటలతో దీర్ఘకాలిక పంటలను సమతుల్యం చేసుకోవాలి.పాటించాల్సిన మెలకువలు..

సాక్షి,ఆదిలాబాద్‌: యాసంగి సాగు రైతన్నకు ఓన్‌రిస్క్‌గా పరిగణించే పరిస్థితులు ఏర్పడ్డాయి. ఎల్‌నినో ప్రభావంతో సంక్షోభాన్ని ఎదుర్కొనేందుకు ప్రభుత్వం అప్రమత్తమైంది. ఆరుతడి పంటలే శ్రేయస్కరమని చెబుతోంది. నీటి వసతి ఉంటేనే సాగు చేయాలని స్పష్టం చేస్తోంది. అలా కాదని సాధారణ సాగుకు వెళ్తే రిస్క్‌ను భరించేందుకు సిద్ధంగా ఉండాలంటోంది. యాసంగిలో జిల్లాకు సంబంధించి అక్టోబర్‌ మాసంలో శనగ, గోధుమ అధిక మొత్తంలో సాగు చేస్తారు. జనవరి మాసంలో నువ్వులు, జొన్న, మొక్కజొన్న వంటి పంటలపై రైతులు మొగ్గుచూపుతారు. జిల్లాలో వరి సాగు స్వల్పంగా ఉంటుంది. ఎల్‌నినో ప్రభావం కారణంగా అప్రమత్తమైన కేంద్ర, రాష్ట్ర ప్రభుత్వాలు చర్యలు చేపట్టాయి. వ్యవసాయ శాఖ అధికారులు రైతులకు వివిధ సూచనలు, సలహాలు జారీ చేస్తున్నారు. శనగ, నువ్వులు, మినుములు, పెసర్లు సాగు చేయాలని స్పష్టం చేస్తున్నారు. వరి, జొన్న, మొక్కజొన్న అసలుకే వేయవద్దంటున్నారు. అడుగంటుతున్న భూగర్భ జలాలు ఎల్‌నినో ప్రభావం కారణంగా జిల్లాలో వానాకాలం సీజన్‌లో ఏకంగా 33 శాతం లోటు వర్షపాతం నమోదైంది. ఆ పరిస్థితులతో జిల్లాలో భూగర్భ జలాలు గణనీయంగా అడుగంటుతున్నాయి. అక్టోబర్‌లో భూ ఉపరితలం నుంచి 4.06 మీటర్ల లోతులో నీటి లభ్యత ఉండగా, ఇది మరింత పెరిగిపోయింది. ఇక జిల్లాలోని సాత్నాల, మత్తడివాగు ప్రాజెక్టుల్లో నీటిమట్టం కొంత పర్వాలేకున్నా, జిల్లాలోని చెరువులన్నీ పూర్తిగా ఎండిపోయే దశకు చేరుకున్నాయి. జిల్లాలో 290కి పైగా చెరువులు ఉండగా, వీటి కింద సుమారు 30వేల ఎకరాలకు పైగా ఆయకట్టు ఉంది. ఓన్‌రిస్క్‌ ఎందుకంటే.. చెరువులు పూర్తిగా ఎండిపోతున్నాయి. భూగర్భజలాలు పడిపోతున్నాయి. సాత్నాల, మత్తడివాగు ప్రాజెక్ట్‌లలో కొంత నీటి సామర్థ్యం ఉన్నప్పటికీ ప్రస్తుతం ఉన్న వాతావరణ పరిస్థితుల్లో జలాలు అడుగంటిపోయే పరిస్థితులు లేకపోలేదు. యాసంగి సాగులో ఈ రెండు ప్రాజెక్ట్‌ల ద్వారా సుమారు 30వేల ఎకరాలకు సాగునీరు అందించాల్సి ఉంటుంది. ఇలాంటి పరిస్థితుల్లో నీటి విడుదలపై రైతులు భరోసా పెట్టుకోవద్దని ప్రభుత్వం చెబుతోంది. నీటి వసతి ఉన్న రైతులు మాత్రమే పంటలు సాగు చేయాలని సూచిస్తోంది.రాయితీపై విత్తనాలుయాసంగిలో సుమారు 60 వేల నుంచి 70వేల ఎకరాల వరకు పంటలు సాగవుతాయని వ్యవసాయ శాఖ అంచనా. శనగ సాగు అత్యధికంగా సుమారు 50 వేల వరకు ఉంటుందని భావిస్తోంది. శనగ విత్తనాలను 40 శాతం నుంచి మొదలుకుంటే వంద శాతం వరకు రాయితీపై రైతులకు అందిస్తున్నారు. ఇక మినుము, పెసర, నువ్వులను వంద శాతం రాయితీపై అందజేస్తున్నారు. సంబంధిత వ్యవసాయ అధికారులను సంప్రదించి రైతులు విత్తనాలు తీసుకోవాలని చెబుతున్నారు. అయితే ఇక్కడ నీటి వసతి ఉంటేనే ఆ విత్తనాలు ఇచ్చే పరిస్థితి ఉందని స్పష్టం చేస్తున్నారు.

ఇంద్రవెల్లి: మండలంలోని హర్కపూర్‌తండా గ్రామానికి చెందిన అన్నదమ్ములు రాథోడ్‌ అరవింద్‌, ప్రవీణ్‌ మృతికి కారకులైన నిందితులను గుర్తించి కఠిన చర్యలు తీసుకోవాలని గ్రామస్తులు డిమాండ్‌ చేశారు. బుధవారం మండలకేంద్రంలోని అంబేడ్కర్‌ చౌక్‌ నుంచి ర్యాలీగా పోలీస్‌స్టేషన్‌కు వెళ్లి ఉట్నూర్‌ సీఐ మడావి ప్రసాద్‌ను కలిశారు. అన్నదమ్ముల మృతిపై కుటుంబ సభ్యులతో పాటు గ్రామస్తులందరికీ అనుమానం ఉందని తెలిపారు. వారు బావిలో పడి మృతి చెందలేదని, కచ్చితంగా వారిని హత్య చేశారని ఆరోపించారు. కేసు దర్యాప్తును వేగవంతం చేసి నిందితులను గుర్తించి కఠిన చర్యలు తీసుకోవాలని కోరారు. సర్పంచ్‌ రాథోడ్‌ రోహిదాస్‌, గ్రామ పెద్దలు చావన్‌ ఉమజీనాయక్‌, జాదవ్‌ దుదిరాంనాయక్‌, జాదవ్‌ ప్రహ్లాద్‌నాయక్‌ తదితరులున్నారు.

బాసర: ప్రసిద్ధ పుణ్యక్షేత్రమైన బాసర జ్ఞాన సరస్వతీ అమ్మవారి సన్నిధికి వచ్చే భక్తుల భద్రతకు అత్యంత ప్రాధాన్యత ఇస్తున్న ఇస్తున్నట్లు నిర్మల్‌ జిల్లా ఎస్పీ జి.జానకీషర్మిల తెలిపారు. సమగ్ర ఆలయ అభివృద్ధి, విస్తరణ పనుల్లో భాగంగా పాత పోలీస్‌స్టేషన్‌ భవనాన్ని తొలగించిన విషయం తెలిసిందే. ఈ నేపథ్యంలో భక్తులు, స్థానిక ప్రజలకు పోలీస్‌ సేవల్లో అంతరాయం కలుగకుండా ప్రత్యామ్నాయంగా ఏర్పాటు చేసిన తాత్కాలిక పోలీస్‌స్టేషన్‌ భవనాన్ని మంగళవారం ఆమె ప్రారంభించారు. ఈ సందర్భంగా ఎస్పీ మాట్లాడుతూ బాసరకు ప్రతీ రోజు వేలాది మంది భక్తులు వస్తుంటారని, భద్రతపరంగా లోటుపాట్లు రాకుండా ముందస్తు చర్యలు చేపట్టామని అన్నారు. అనంతరం స్టేషన్‌లోని వివిధ విభాగాలు, రికార్డు గది, రిసెప్షన్‌ కౌంటర్లను పరిశీలించారు. పోలీస్‌ అధికా రులు, సిబ్బందితో సమీక్షా సమావేశంలో పలు కీలక సూచనలు చేశారు. పొరుగు రాష్ట్రాలు, వివిధ జిల్లాల నుంచి వచ్చే భక్తుల సమస్యలపై తక్షణమే స్పందించాలని ఆదేశించారు. రాబోయే పండుగలు, విశేష పర్వదినాల్లో భక్తుల రద్దీని దృష్టిలోని ట్రాఫిక్‌ సమస్యలు తలెత్తకుండా సమన్వయంతో విధులు నిర్వర్తించాలని స్పష్టం చేశారు. ఈ కార్యక్రమంలో అదనపు ఎస్పీ ఉపేందర్రెడ్డి, భైంసా ఏఎస్పీ సాయి కిరణ్‌, ముధోల్‌ సీఐ రవీందర్‌ నాయక్‌, బాసర ఎస్‌హెచ్‌ఓ దీపక్‌ పాల్గొన్నారు.

ఆదిలాబాద్‌టౌన్‌: మైనర్లు వాహనాలు నడిపితే వారి తల్లిదండ్రులు, వాహన యజమానులపై చర్యలు తీ సుకుంటామని ఎస్పీ అఖిల్‌ మహాజన్‌ హెచ్చరించా రు. దసరా సెలవుల సందర్భంగా రోడ్డు ప్రమాదా ల నివారణకు జిల్లా వ్యాప్తంగా వారంపాటు నిర్వహించిన ప్రత్యేక తనిఖీల్లో 376 మంది మైనర్లు వా హనాలు నడుపుతూ పట్టుబడినట్లు తెలిపారు. మైనర్లతో పాటు వారి తల్లిదండ్రులకు మంగళవారం స్థా నిక పోలీస్‌ ఏఆర్‌ హెడ్‌క్వార్టర్స్‌లో కౌన్సెలింగ్‌ నిర్వహించారు. ఈ సందర్భంగా ఎస్పీ మాట్లాడుతూ.. 18 ఏళ్లలోపు పిల్లలకు వాహనాలు ఇవ్వకూడదని తె లిపారు. తొలిసారి పట్టుబడిన వారికి కౌన్సెలింగ్‌ ఇ చ్చి జరిమానా విధిస్తున్నామని, ఇకపై నిబంధనలు ఉల్లంఘిస్తే తల్లిదండ్రులపైనా కేసులు నమోదు చే స్తామని హెచ్చరించారు. జిల్లా వ్యాప్తంగా నిర్వహించిన ప్రత్యేక తనిఖీల్లో ఆదిలాబాద్‌ పోలీస్‌ సబ్‌ డి విజన్‌ పరిధిలో 245, ఉట్నూర్‌ సబ్‌ డివిజన్‌ పరిధి లో 131 వాహనాలు స్వాధీనం చేసుకున్నట్లు తెలిపారు. వాహనాలపై విధించిన జరిమానాలు చె ల్లించిన తర్వాత వాటిని తిరిగి అప్పగిస్తామని పే ర్కొన్నారు. 18ఏళ్లు నిండినవారు తప్పనిసరిగా లైసె న్స్‌ పొందిన తర్వాతే వాహనాలు నడపాలని సూ చించారు. గతేడాదితో పోలిస్తే ఈ ఏడాది ఇప్పటివరకు రోడ్డు ప్రమాదాల్లో మరణాలు 26శాతం తగ్గాయని తెలిపారు. ఆదిలాబాద్‌ డీఎస్పీ జీవన్‌రెడ్డి, ఏ ఆర్‌ డీఎస్పీ ఇంద్రవర్ధన్‌, పట్టణ సీఐలు సునీల్‌కుమార్‌, నాగరాజు, వెంకటేశ్వర్లు, రహీం పాషా, ట్రా ఫిక్‌ ఎస్సైలు దేవేందర్‌, మనీశ్‌ తదితరులున్నారు.

గుడిహత్నూర్‌: మండలంలోని లింగాపూర్‌ గ్రామానికి చెందిన దేవ్‌కతే సంతోష్‌ (28) ఆర్థిక ఇబ్బందులతో ఆత్మహత్య చేసుకున్నట్లు ఎస్సై శ్రీకాంత్‌ తెలిపారు. సంతోష్‌ హైదరాబాద్‌లోని ఓ ప్రైవేట్‌ సంస్థలో ఉద్యోగం చేస్తున్నాడు. గతంలో అక్కడ బేకరీ వ్యాపారం చేయడానికి తన తండ్రికి ఉన్న వ్యవసాయ భూమిపై వివిధ రూపాల్లో రూ.14 లక్షల అప్పు తీసుకున్నాడు. వ్యాపారంలో నష్టం వాటిల్లింది. అనంతరం హోటల్‌ రంగంలో ఉద్యోగం చేస్తుండగా చాలీచాలని జీతంతో ఈఎంఐలు, అప్పులు కట్టలేక సతమతమవుతున్నాడు. ఈ క్రమంలో దసరా పండుగ సందర్భంగా మంగళవారం ఉదయం ఇంటికి చేరుకున్నాడు. అప్పటి వరకు అందరితో కలివిడిగా ఉన్న సంతోష్‌ ఇంట్లో వారు దుర్గామాత మండపానికి వెళ్లగా పక్కనే ఉన్న పాత ఇంట్లో ఉరేసుకొని ఆత్మహత్యకు పాల్పడ్డాడు. సంఘటనా స్థలానికి చేరుకున్న ఎస్సై శ్రీకాంత్‌ మృతదేహాన్ని పోస్టుమార్టం నిమిత్తం రిమ్స్‌కు తరలించారు. కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు.

సొనాల మండల కేంద్రానికి చెందిన 16మంది మిత్రులు 2019లో ఏర్పాటు చేసుకున్న మేధా గ్రూప్‌ ఏడేళ్లు పూర్తి చేసుకుని ఎనిమిదో వసంతంలోకి అడుగుపెడుతోంది. ఈ సందర్భంగా వీరంతా బుధవారం కుటుంబ సభ్యులతో కలిసి ఆత్మీయ సమ్మేళనం పేరిట అంతా ఒక్కచోట కలుసుకున్నారు. రోజంతా సరదాగా గడిపి ఆనందాలు పంచుకున్నారు. అనుబంధాలను మరింత పెంచుకున్నారు. నేటి ఉరుకుల పరుగుల జీవితంలోనూ కుటుంబ బంధాలు, మానవీయ విలువల ప్రాధాన్యతను తమ పిల్లలకు తెలియజేయడమే ఈ కలయిక ముఖ్య ఉద్దేశమని ఈ సందర్భంగా గ్రూప్‌ సభ్యులు తెలుపడం విశేషం. – బోథ్‌

తగ్గిన డిమాండ్‌..లక్ష్మణచాంద: పేదవాడి ఆపిల్‌గా పిలిచే ఫలం సీతా ఫలం. సీజనల్‌గా లభించే ఈ ఫలంలో మంచి పోషక విలువలు ఉండటంతో, తినడానికి ప్రజలు ఎక్కువగా ఇష్టపడుతారు. సీతాఫలాలకు నిర్మల్‌ జిల్లా లక్ష్మణచాంద మండలంలోని పీచర గ్రామం కేరాఫ్‌గా నిలుస్తోంది. పలు కుటుంబాలకు జీవనోపాధి.. ఉదయం 4 గంటలకే నిద్ర లేచి సీతాఫలాలు బుట్టలలో తీసుకొని గ్రామం నుంచి ప్రత్యేకంగా ఆటోలలో దాదాపు 40 నుంచి 60 మంది నిర్మల్‌ జిల్లా కేంద్రానికి వస్తున్నారు. గ్రామంలోని దాదాపు 90 కుటుంబాల వారు ఈ పండ్లు విక్రయిస్తున్నారు. ఇందులో కొందరికి చెట్లు ఉండగా, మరి కొందరు రైతులకు చెట్ల కోసం డబ్బులు చెల్లించి సీతా ఫలా లు అమ్ముతున్నారు. జిల్లా కేంద్రంలోని పాత బస్టాండ్‌ ప్రాంతంలోని మారుతి మెగా మార్ట్‌ ముందు, మారెమ్మ ఆలయం వద్ద, స్వామి వివేకానం విగ్రహం వద్ద విక్రయిస్తున్నారు. వర్షాలు లేక.. ఈసారి ఎల్‌నినో కారణంగా సరైన వర్షాలు కురువలేదు. దీంతో సీతాఫలాల మొక్కలకు సరైన నీటి వసతి లేకపోవడంతో కాయల పరిమాణం తగ్గింది. ఎక్కువ కాయలేదని కాసిన కాయలు వాడిపోతున్నాయని వారు పేర్కొంటున్నారు. నీటి వసతి ఉన్న వారు కూడా ప్రస్తుతం నీళ్లు ఇచ్చిన ఫలితం లేకుండా పోయిందని వాపోతున్నారు. సీతాఫలంలో మంచి పోషక విలువలు ఉండటంతో ఎక్కువగా డిమాండ్‌ ఉంటుంది. ఈసారి వర్షాలు లేక కాయలు ఎక్కువ కాయలేదని, కాసిన కాయలు కూడా సరిగా ఎదగక పోవడంతో ఫలాలకు డిమాండ్‌ తగ్గిందని రైతులు తెలిపారు. నిర్మల్‌ మార్కెట్‌లో ఒక్కో పండు ధర రూ.10 నుంచి రూ.15 మాత్రమే ఉంది. ఎంత మంచి ఫలాలు అయినా రూ.20 నుంచి రూ.30 వరకు, కొన్నిటికి రూ.100 వరకు ఉందని అమ్మకం దారులు పేర్కొంటున్నారు. గతంలో ఒక బుట్ట ఫలాలు కావాలంటే జిల్లా కేంద్రంలో రూ.1500 నుంచి రూ.2000 చెల్లించాల్సించే వారు. కానీ నేడు బుట్ట పండ్లు కేవలం రూ.400 నుంచి రూ.500 వరకు ఉండగా ఉదయం నుండి సాయంత్రం వరకు మార్కెట్‌లో ఉన్నా కనీసం రెండు బుట్టలు కూడా అమ్మడం లేదని వాపోతున్నారు.

భైంసాటౌన్‌: పట్టణంలోని సాత్‌పూల్‌ వంతెన సమీ పంలో జరిగిన రోడ్డు ప్రమాదంలో ఇంటలిజెన్స్‌ విభాగం హెడ్‌కానిస్టేబుల్‌ గడపాలే బాబు(55) మృతిచెందారు. తానూర్‌ మండలం బెంబర్‌ గ్రామానికి చెందిన బాబు విధి నిర్వహణలో భాగంగా మంగళవారం రాత్రి బైక్‌పై సాత్‌పూల్‌ వంతెన మీదుగా భోకర్‌ రోడ్డు వైపు వెళ్తున్నారు. ఈ క్రమంలో ఎదురుగా వస్తున్న రెండు ద్విచక్రవాహనాలు ఆయన బైక్‌ను ఒకదాని వెంట మరొకటి ఢీకొ న్నాయి. దీంతో బాబు కిందపడి గాయాలపాలయ్యాడు. గమనించిన స్థానికులు పట్టణంలోని ప్రభుత్వ ఏరియాస్పత్రికి తరలించగా, అప్పటికే మృతి చెందినట్లు వైద్యులు నిర్ధారించారు. హెడ్‌ కానిస్టేబుల్‌ బైక్‌ను ఢీకొన్నవారిలో ఒకరికి తీవ్రగాయాలు కాగా నిజామాబాద్‌ ఆస్పత్రికి తరలించినట్లు సమాచారం. బాబు మృతి పోలీస్‌ శాఖకు తీరని లోటు.. తానూరు : విధినిర్వహణలో మృతిచెందిన గడపాలే బాబు లేకపోవడం పోలీస్‌ శాఖకు తీరని లోటని ఎస్పీ జానకీషర్మిల అన్నారు. బుధవారం బెంబరలో అంతక్రియలు నిర్వహించగా ఎస్పీ జానకి షర్మిల, భైంసా ఏఎస్పీ సాయికిరణ్‌, పోలీస్‌ సిబ్బంది ఆయన పార్థివదేహానికి పుష్పాంజలి ఘటించి నివాళులర్పించారు. ముధోల్‌ సీఐ రవీందర్‌, ఎస్సై షేక్‌ జుబేర్‌, పోలీస్‌ అసోసియేషన్‌ ప్రెసిడెంట్‌ దండేకర్‌ సాయికుమార్‌, సిబ్బంది పాల్గొన్నారు.

ఆదిలాబాద్‌టౌన్‌: పోలీసు అమరవీరుల సేవలు మ రువలేనివని కలెక్టర్‌ రాజర్షిషా కొనియాడారు. పోలీ సు అమరవీరుల సంస్మరణ దినోత్సవం సందర్భంగా బుధవారం జిల్లా కేంద్రంలోని ఏఆర్‌ హెడ్‌క్వార్టర్స్‌లోగల పోలీసు అమరవీరుల స్తూపం వద్ద నివా ళులర్పించారు. జిల్లా జడ్జి ప్రభాకర్‌రావు విశిష్ట అతి థిగా, ఎంపీ గోడం నగేశ్‌, ఎమ్మెల్యే పాయల్‌ శంకర్‌ ముఖ్య అతిథులుగా హాజరయ్యారు. కలెక్టర్‌తో పా టు ఎస్పీ అఖిల్‌ మహాజన్‌, జడ్జి హుస్సేన్‌ నాయక్‌, అదనపు ఎస్పీ మౌనిక, ఏఎస్పీ రుత్విక్‌ సాయి కొ ట్టే, మున్సిపల్‌ చైర్‌పర్సన్‌ బండారి అనూష తదితరులు స్తూపం వద్ద పుష్పగుచ్ఛాలు ఉంచి శ్రద్ధాంజలి ఘటించారు. అమరజ్యోతిని వెలిగించి, సాయుధ పోలీసుల గౌరవవందనం స్వీకరించారు. రెండు ని మిషాలు మౌనం పాటించి వీరుల త్యాగాలను స్మ రించుకున్నారు. ఈ ఏడాది విధి నిర్వహణలో ప్రా ణాలర్పించిన 154మంది పోలీసు అధికారులు, సి బ్బంది పేర్లను అదనపు ఎస్పీ చదివి వినిపించారు. అనంతరం పోలీసు అధికారులు శోక శస్త్రం ద్వారా గౌరవ వందనం చేశారు. ఈ సందర్భంగా కలెక్టర్‌ మాట్లాడుతూ.. అమరవీరుల కుటుంబాలకు జిల్లా యంత్రాంగం అండగా నిలుస్తుందని భరోసా ఇచ్చా రు. ఎస్పీ అఖిల్‌ మహాజన్‌ మాట్లాడుతూ.. జిల్లాలో పది రోజుల పాటు ప్రజాహిత కార్యక్రమాలు నిర్వహించనున్నట్లు వివరించారు. పోలీసు అమరవీరు ల కుటుంబాల సమస్యల పరిష్కారానికి పోలీస్‌ శా ఖ అండగా ఉంటుందని హామీ ఇచ్చారు. అనంత రం అధికారులు అమరవీరుల కుటుంబ సభ్యులతో మాట్లాడి సమస్యలు తెలుసుకున్నారు. జిల్లా పరిపాలన, పోలీస్‌ యంత్రాంగం అండగా ఉంటాయని భరోసా ఇచ్చారు. రెండో బెటాలియన్‌ కమాండెంట్‌ వెంకటేశ్వరరెడ్డి, డీఎస్పీలు జీవన్‌రెడ్డి, ఇంద్రవర్ధన్‌, సీఐలు, రిజర్వ్‌ ఇన్‌స్పెక్టర్లు, రిజర్వ్‌ ఎస్సైలు, రెండో బెటాలియన్‌ అధికారులు, సిబ్బంది పాల్గొన్నారు.

బాసర: బాసరలోని పవిత్ర గోదావరి నది తీరం బుధవారం దుర్గామాత నిమజ్జన వేడుకలతో భక్తిసంద్రంగా మారింది. దేవీ శరన్నవరాత్రి ఉత్సవాల ముగింపు పురస్కరించుకుని నిజామాబాద్‌ జిల్లాతో పాటు భైంసా పట్టణం, బాసర మండలంలోని పలు గ్రామాల నుంచి భక్తులు భారీ సంఖ్యలో దుర్గాదేవి విగ్రహాలను నిమజ్జనం కోసం ఇక్కడికి తరలించారు. మంగళహారతులు, కోలాటాలు, డీజే చప్పుళ్లు, గులాల్‌ చల్లుకుంటూ భక్తులు అత్యంత ఉత్సాహంగా, శోభాయాత్రగా గోదావరి నది వద్దకు చేరుకున్నారు. మహిళలు అమ్మవారికి ప్రత్యేక పూజలు నిర్వహించి, ఒడిబియ్యం సమర్పించి వీడ్కోలు పలికారు. పత్తి పంటపై అడవి పందుల దాడిబోథ్‌: మండలంలోని బాబెరతాండ గ్రామానికి చెందిన పృథ్వీరాజ్‌ రాథోడ్‌కు చెందిన రెండు ఎకరాల్లో పత్తి పంటను అడవి పందుల దాడి చేసి ధ్వంసం చేశాయి. బుధవారం సర్పంచ్‌ రూప్‌ చంద్‌ జాదవ్‌తో పాటు వ్యవసాయ శాఖ, అటవీ శాఖ అధికారులు పంటను పరిశీలించారు. అధికారులు పంట నష్టాన్ని పరిశీలించి వివరాలు తెలుసుకున్నారు.

ఆదిలాబాద్‌టౌన్‌: ప్రభుత్వ ఆస్పత్రుల్లో పనిచేస్తున్న కార్మికుల సమస్యలు పరిష్కరించాలని ఈనెల 26న హైదరాబాద్‌లోని ఇందిరాపార్క్‌ వద్ద నిర్వహించనున్న ధర్నాను జయప్రదం చేయాలని సీఐటీయూ జిల్లా కార్యదర్శి అన్నమొల్ల కిరణ్‌ పిలుపునిచ్చారు. ధర్నాకు అనుమతి కోరుతూ రిమ్స్‌ డైరెక్టర్‌ జైసింగ్‌ రాథోడ్‌కు బుధవారం వినతిపత్రం అందజేశారు. ఈ సందర్భంగా ఆయన మాట్లాడుతూ.. కేంద్ర, రాష్ట్ర ప్రభుత్వాలు కార్మిక వ్యతిరేక విధానాలు అవలంభిస్తున్నాయని విమర్శించారు. కార్మిక వ్యతి రేక నాలుగు లేబర్‌ కోడ్‌లను రద్దు చేయాలని డిమాండ్‌ చేశారు. కాంగ్రెస్‌ ప్రభుత్వం ఎన్నికల మేనిఫెస్టోలో కార్మికులకు ఇచ్చిన హామీలను వెంటనే అమలు చేయాలని కోరారు. ప్రభుత్వ ఆస్పత్రుల్లో పనిచేస్తున్న కార్మికులకు రెండో పీఆర్సీలో నెలకు కనీస వేతనం రూ.30వేలు నిర్ణయించాలని, రెండు డీఏలు వర్తింపజేయాలని విజ్ఞప్తి చేశారు. కార్మికుల సమస్యల పరి ష్కారం, హక్కుల సాధనకు తలపెట్టిన ‘చలో హైదరాబాద్‌’లో రిమ్స్‌, సూపర్‌ స్పెషాలిటీ ఆ స్పత్రుల కార్మికులు అధికసంఖ్యలో పాల్గొని విజయవంతం చేయాలని కోరారు. కార్యక్ర మంలో సీఐటీయూ జిల్లా సహాయ కార్యదర్శి పండుగ పొచ్చన్న, రిమ్స్‌ వర్కింగ్‌ ప్రెసిడెంట్‌ సిరిగిరి దశాంత్‌, సూపర్‌ స్పెషాలిటీ అధ్యక్షుడు మోక దేవేందర్‌రెడ్డి, నాయకులు రాకేశ్‌, శేఖర్‌, వినీత్‌, మణి, స్వామి తదితరులున్నారు.

గతంలో పొద్దున నుంచి సాయంత్రం వరకు కనీసం మూడు, నాలుగు బుట్టల పండ్లు అమ్మెటోల్లం. ఇప్పుడు ఒక్క బుట్ట పండ్లు పోవడం లేదు. పండ్లు చిన్నగా ఉండటంతో కొనడానికి ముందుకు రావడం లేదు. – ప్రమీల, పీచరఏం లాభం లేదు వర్షాలు లేక కాయలు లేవు. కాసిన కాయలు పెద్దవి అవడం లేదు. దీంతో చిన్న పండ్లు కొనడానికి ఎవరూ ఆసక్తి చూపడం లేదు. రూ.1లక్ష 40 వేలు పెట్టి ఎకరంలో చెట్లు పట్టుకున్న. ఇందులో కనీసం రూ.40 వేలు రావడం లేదు. అప్పులు చేసైనా రైతుకు చెల్లించాల్సిందే. – శంకాజీ, పీచరబాగా నష్టం ఏటా తమ ఖర్చులు పోనూ మూడు నెలలకు గాను రూ. 30 నుంచి రూ.40 వేలు వచ్చేవి. ఈసారి కనీసం కూలి కూడా పడటం లేదు. వర్షాలు లేకపోవడంతో బాగా నష్టం వచ్చింది. – మూగ రాజేశ్వర్‌, పీచర

సాక్షి, ఆదిలాబాద్‌: ఆదిలాబాద్‌ మార్కెట్‌లో గురువారం పత్తి కొనుగోళ్లు ప్రారంభం కానున్నాయి. ఉదయం 10గంటలకు యార్డు ఆవరణలో వేలం ప్రక్రియ నిర్వహించనున్నారు. ఇందులో ప్రజాప్రతి నిధులు, రైతులు, వ్యవసాయ, మార్కెటింగ్‌ శాఖల అధికారులు, జిన్నింగ్‌ మిల్లుల యజమానులు, క మీషన్‌ ఏజెంట్లు పాల్గొననున్నారు. యార్డుకు వచ్చే బండ్ల నుంచి పత్తి సేకరించి దాని నాణ్యత పరిశీలించి రేటు నిర్ణయించనున్నారు. దీంతో పత్తి రైతుల దృష్టి మొత్తం వేలం పాటపైనే ఉంది. వేరే మార్కెట్‌లోలాగా ఇక్కడా ప్రైవేట్‌లో మంచి ధర దక్కుతుందా? లేదా? అనేది పరిశీలిస్తున్నారు. దీంతో నేడు మార్కెట్‌ యార్డుకు ఎన్ని పత్తి బండ్లు వస్తాయనే విషయం ఆసక్తికరంగా మారింది. ఎందుకంటే మూడు స్లాట్‌ బుకింగ్‌లు మాత్రమే జరిగాయి. ప్రైవేట్‌లో రేటు బేరీజు వేసుకుని.. స్లాట్‌ బుకింగ్‌లు నామమాత్రంగా జరగడం వెనుక రైతు పత్తిని విక్రయించే విషయంలో ఆచీతూచీ అడుగు ముందుకు వేస్తున్నాడనే అభిప్రాయం వ్యక్తమవుతోంది. ప్రధానంగా మద్దతు ధరతో పత్తిని సీసీఐకి విక్రయించే సమయంలోనే రైతుకు స్లాట్‌ బుకింగ్‌ ఉపయోగపడుతుంది. ప్రైవేట్‌లో అంతకుమించి ధర ఉన్నప్పుడు నేరుగా వ్యాపారికి విక్రయించుకునేందుకు అవకాశముంటుంది. సాధారణంగా పత్తి తొలి తీత కొనసాగుతుండగా, మార్కె ట్‌ ప్రారంభం అవుతుందంటే అప్పటివరకు చేతికి అందిన పత్తిని విక్రయించడం ద్వారా కొంత ఆర్థిక వెసులుబాటు పొందుదామని రైతు భావిస్తుంటా డు. ఈసారి మాత్రం ప్రైవేట్‌లో రేటు అధికంగా ఉ న్నప్పటికీ ఆదిలాబాద్‌లో వేలం ఎలా సాగుతుంది.. ధర ఎంత నిర్ణయిస్తారు.. అనేది రైతు గమనిస్తున్నాడు. 8శాతం పైబడిన తేమ ఉన్న పత్తికి ప్రతీ అదనపు శాతానికి అధికారులు రూ.86.67 పైసలల చొప్పున కోత పెట్టనున్నారు. 12 శాతం తేమ మించితే సీసీఐ కొనుగోలు చేయమని చెబుతోంది. వాతావరణ పరిస్థితులతో.. ఎల్‌నినో పత్తి దిగుబడులపై తీవ్ర ప్రభావం చూపింది. నెలపాటు వర్షాలు లేక ఉష్ణోగ్రతలూ అధికంగా నమోదై ప్రస్తుతం చేతికి అందుతున్న పత్తిలో తేమ ఉండదనే అభిప్రాయం రైతుల్లో కనిపిస్తోంది. సాధారణంగా దిగుబడులు చేతికి అందిన తర్వాత ఎక్కడ చూసినా ఆరబెట్టడం కనిపించేది. ఇప్పుడు ఇంటో నే పత్తి కుప్పలు దర్శనమిస్తున్నాయి. కొనుగోళ్ల సందర్భంగా నాణ్యమైన పత్తి తెచ్చి మద్దతు ధర పొందాలని అధికారులు పదేపదే చెబుతున్నారు. ఇక్కడే వ్యాపారులు తమ జిమ్మిక్కులను ప్రదర్శించడం మార్కెట్‌లో పరిపాటిగా కొనసాగుతోంది. రైతులు తడిపిన పత్తిని తీసుకువచ్చి అధిక బరువు పొందా లని చూస్తారని ఆరోపిస్తూ దాని నాణ్యతపై ప్రశ్ని స్తూ ధరలో కోత పెడతారు. ఇలాంటి పరిస్థితుల్లోనే రైతు మార్కెట్‌కు తొలిరోజే పత్తి తీసుకువచ్చేందుకు సంకోచిస్తున్నాడనే అభిప్రాయం లేకపోలేదు.నాణ్యమైన పత్తి తేవాలిఆదిలాబాద్‌ మార్కెట్‌ యార్డులో ఈ సీజన్‌ కు సంబంధించి పత్తి కొనుగోళ్లను గురువారం ఉదయం 10గంటలకు ప్రారంభిస్తున్నాం. సీసీఐతో పాటు ప్రైవేట్‌ వ్యాపారులు రంగంలో ఉండనున్నారు. రైతులు నాణ్యమై న పత్తిని మార్కెట్‌కు తేవాలి. ముందుగా కపాస్‌ కిసాన్‌ యాప్‌ ద్వారా స్లాట్‌ బుక్‌ చేసుకోవాలి. కొనుగోళ్ల ప్రక్రియలో ఎలాంటి ఇబ్బందులు తలెత్తకుండా వ్యవసాయ, మార్కెటింగ్‌, సీసీఐ, సంబంధిత శాఖల అధికారులు సమన్వయంతో ముందుకెళ్లాలి. – రాజర్షి షా, కలెక్టర్‌

కై లాస్‌నగర్‌: ఏళ్లుగా శిథిల భవనాలు, అద్దె ఇళ్లలో అరకొర వసతుల మధ్య కొనసాగుతున్న ఆదిలాబా ద్‌ ఆర్డీవో, ఉట్నూర్‌, సొనాల, భోరజ్‌, సాత్నాల త హసీల్దార్‌ కార్యాలయాలకు రాష్ట్ర ప్రభుత్వం పక్కా భవనాలు నిర్మించాలని నిర్ణయించింది. ఒక్కోదానికి రూ.2.25 కోట్ల చొప్పున నిధులు కేటాయిస్తూ గత జూన్‌ 27న జీవో జారీ చేసింది. పనులు తెలంగాణ హౌసింగ్‌ కార్పొరేషన్‌కు అప్పగిస్తున్నట్లు ఉత్తర్వుల్లో పేర్కొంది. ఇంకా కార్యాచరణ రూపొందించకపోవడంతో ఐదు నెలలైనా పనులు ప్రారంభం కాలేదు. నిధుల విడుదల జీవోకే పరిమితమైంది. భవన నిర్మాణానికి అవసరమైన టెండర్ల ప్రక్రి య దిశగా ఇప్పటివరకు ఎలాంటి కార్యాచరణ మొ దలుకాలేదు. నిర్మాణాల విషయమై సంబంధిత అ ధికారులను ప్రశ్నిస్తే.. అసలు తమకు ఎలాంటి స మాచారం లేదంటూ చెప్పడం విస్మయానికి గురిచేస్తోంది. కాగా, నూతన భవన నిర్మాణాల కోసం నిధులు విడుదల కావడంతో తమ కష్టాలు దూరమవుతాయని ఆశపడ్డ ఆయా కార్యాలయాల ఉద్యోగులు, సిబ్బందికి అవస్థలు తప్పడం లేదు. అధికారుల్లో స్పష్టత కరువు ఉట్నూర్‌ తహసీల్దార్‌ కార్యాలయం శిథిలావస్థకు చేరగా, కొత్తగా ఏర్పడిన సొనాల, భోరజ్‌, సాత్నాల మండలాల కార్యాలయాలు ప్రభుత్వ పాఠశాలలు, మార్కెటింగ్‌ గోదాముల్లోని ఇరుకు గదుల్లో కొనసాగుతున్నాయి. దీంతో ఉద్యోగులు, సిబ్బందితో పా టు వివిధ పనుల కోసం వచ్చే ప్రజలు తీవ్ర అవస్థలు పడుతున్నారు. నిర్మాణాల విషయమై సంబంధిత అధికారులను సంప్రదించగా, తమకు ఎలాంటి ఆదేశాలు అందలేదని, ప్రభుత్వ పరిధిలోనే ఉందంటూ చెప్పడం గమనార్హం. కాగా, జిల్లాలోని బే ల, బజార్‌హత్నూర్‌, బోథ్‌ తదితర తహశీల్దార్‌ కా ర్యాలయాలూ శిథిలావస్థకు చేరాయి. ఎప్పుడు కూ లుతాయో తెలియకుండా ఉంది. వాటికీ ప్రభుత్వం నిధులు మంజూరు చేసి కొత్త భవనాలు నిర్మించాలని ఆయా మండలాల ప్రజలు కోరుతున్నారు.

ఆదిలాబాద్‌టౌన్‌: డిమాండ్లు నెరవేర్చాలని జి ల్లా కేంద్రంలో దీక్ష కొనసాగిస్తున్న ఎన్‌హెచ్‌ఎం ఉద్యోగులు బుధవారం ఉపవాస దీక్ష చేపట్టి నిరసన తెలిపారు. వారు మాట్లాడుతూ.. పనికి తగిన వేతనాలివ్వాలని, క్రమబద్ధీకరణపై తగి న నిర్ణయం తీసుకోవాలని డిమాండ్‌ చేశారు. ఎన్‌హెచ్‌ఎం ఉద్యోగుల సంఘం అధ్యక్షుడు దొంతుల ప్రవీణ్‌, ఉపాధ్యక్షులు ఈశ్వర్‌, సు జాత, జాయింట్‌ సెక్రటరీ రాజారెడ్డి, కోశాధి కారి గితేశ్‌, ఆర్గనైజింగ్‌ సెక్రటరీ గోపాల్‌, కార్యవర్గ సభ్యులు చంద్రశేఖర్‌, శ్రీకాంత్‌, సురేశ్‌, విశ్వనాథ్‌, పూనమ్‌, రమణ, దత్తు, సురేందర్‌, అనిల్‌యాదవ్‌, ప్రియాంక, ఆనంద్‌, జ్యోతి, నవీన్‌, దుర్గ, శ్రీలత తదితరులున్నారు.

బోథ్‌: పేద విద్యార్థి వైద్య విద్య కు భరోసా లభించింది. చదువు కు, ప్రతిభకు పేదరికం అడ్డు కా కూడదని భావించిన ముగ్గురు వైద్యులు పేద విద్యార్థి డాక్టర్‌ కావాలనే కలకు అండగా నిలి చారు. మండల కేంద్రానికి చెందిన ఇర్నాల రమేశ్‌– విజయ దంపతుల రెండో కుమారుడు సాయి చరణ్‌ కామారెడ్డి జిల్లాలోని ప్రభుత్వ మెడికల్‌ కళాశాలలో సీటు సాధించినప్పటికీ, ఆర్థిక ఇబ్బందులతో చదువు కొనసాగించలేని పరిస్థితి తెలుపుతూ ఈ నెల 4న సాక్షిలో ‘డాక్టర్‌ కలకు పేదరికం అడ్డు’ శీర్షికన కథనం ప్రచురితమైంది. ఈ కథనానికి స్పందించిన గాంధీ మెడికల్‌ కళా శాల పూర్వ విద్యార్థులు సాయి చరణ్‌ వైద్య విద్యకు పూర్తి ఖర్చు భరించేందుకు ముందుకొచ్చారు. రూ.5 లక్షల ఆర్థిక సాయం.. మండల కేంద్రంలోని ఏరియా ఆసుపత్రి సూపరింటెండెంట్‌ డాక్టర్‌ రవీంద్ర ప్రసాద్‌ సాయి చరణ్‌ కుటుంబ ఆర్థిక పరిస్థితిని గాంధీ వైద్య కళాశాల పూ ర్వ విద్యార్థులు డాక్టర్‌ రోహిణి వంగ (అమెరికా), డాక్టర్‌ విక్రమ్‌ రెడ్డిలతో చర్చించారు. దీంతో స్పందించిన వారు విద్యార్థి భవిష్యత్తుకు భరోసా కల్పించాలని నిర్ణయించుకున్నారు. విడతల వారీగా రూ. 5 లక్షల ఆర్థిక సాయం అందిస్తామని పేర్కొన్నారు. మొదటి విడతగా రూ.50 వేల చెక్కు అందజేత మండల కేంద్రంలోని సాయినగర్‌ కాలనీలో గల దుర్గామాత ఆలయం, శారదాదేవి విగ్రహం వద్ద బుధవారం రూ.50 వేల చెక్కును సాయిచరణ్‌కు డాక్టర్‌ రవీంద్ర ప్రసాద్‌, మాజీ జెడ్పీటీసీ సంధ్యారాణి, ప్రభుత్వ ఉపాధ్యాయులు, రిటైర్ట్‌ ఉపాధ్యాయులు కలిసి అందజేశారు. డాక్టర్‌ రవీంద్ర ప్రసా ద్‌, మాజీ జెడ్పీటీసీ సంధ్యారాణి మాట్లాడుతూ సాయి చరణ్‌ వైద్య విద్యను పూర్తి చేసే వరకు అండగా ఉంటామన్నారు.తమ కుమారుడి విద్య ఖర్చును భరించేందుకు ముందుకొచ్చిన వైద్యులకు సాయి చరణ్‌ తల్లిదండ్రులు కృతజ్ఞతలు తెలిపారు. తమ బిడ్డ డాక్టర్‌ కావాలనే కల నెరవేరేందుకు మార్గం సుగమం కావడంతో వారు భావోద్వేగానికి గురయ్యారు. ప్రభుత్వ రిటైర్డ్‌ ఉపాధ్యాయులు, బుడగ జంగం కుల పెద్దలు పాల్గొన్నారు.

ఆదిలాబాద్‌టౌన్‌: కేంద్ర, రాష్ట్ర ప్రభుత్వాలు అ నుసరిస్తున్న కార్మిక వ్యతిరేక విధానాలను విరమించుకోవాలని సీఐటీయూ జిల్లా కార్యదర్శి కిరణ్‌ డిమాండ్‌ చేశారు. ఈనెల 25, 26 తేదీల్లో హైదరాబాద్‌లోని ఇందిరాపార్కు వద్ద యూ నియన్‌ ఆధ్వర్యంలో నిర్వహించనున్న ధర్నాను జయప్రదం చేయాలని కోరారు. ఈ మేరకు యూనియన్‌ జిల్లా కార్యాలయంలో ధర్నాకు సంబంధించిన పోస్టర్‌ను సోమవారం విడుద ల చేశారు. కార్యక్రమంలో జిల్లా ఉపాధ్యక్షుడు స్వామి, సహాయ కార్యదర్శులు సురేందర్‌, పొచ్చన్న, నాగేష్‌, నాయకులు దశాంత్‌, జనా ర్దన్‌, హరీష్‌, శేఖర్‌, రాజు పాల్గొన్నారు.

మాది 16 ఏళ్ల క్రితం ఏర్పడిన కాలనీ. ఎనిమిదేళ్ల క్రితం ఆదిలాబాద్‌ మున్సిపల్‌లో విలీనమైంది. ఏళ్లు గడుస్తున్నా ఇప్పటికీ మౌ లిక వసతులు కల్పించకపోవడంతో ఇబ్బందులు పడుతున్నాం. రెగ్యులర్‌గా పన్నులు చెల్లిస్తున్నప్పటికీ అధికారులు పట్టించుకోవ డం లేదు. ఇప్పటికై నా స్పందించి కనీస సౌకర్యాలు కల్పించాలి. – వాల్మీకినగర్‌వాసులు, ఆదిలాబాద్‌ పంచాయతీ తీర్మానం ఇవ్వట్లేదు వీబీజీ రాంజీ పథకం కింద పశువుల పాక నిర్మించుకునేందుకు గ్రామ పంచాయతీ తీర్మాణం అవసరం. ఇందుకోసం సర్పంచ్‌, పంచాయతీ కార్యదర్శిని పలుమార్లు సంప్రదించాం. ఇతర పార్టీలకు చెందిన వారికి తీర్మానాలు ఇవ్వమని అంటున్నారు. విచారణ జరిపించి తగు చర్యలు తీసుకోవాలని కోరుతున్నాం. – సిర్సన్న రైతులు, భోరజ్‌

ఆదిలాబాద్‌టౌన్‌: బాధితుల సమస్యలు సత్వరమే పరిష్కరించి పోలీసు వ్యవస్థపై ప్రజ ల్లో విశ్వాసాన్ని పెంపొందించాలని ఎస్పీ అఖిల్‌ మహాజన్‌ అన్నారు. జిల్లా పోలీసు ముఖ్య కార్యాలయంలో సోమవారం నిర్వహించిన గ్రీవెన్స్‌ డేలో జిల్లా నలు మూలల నుంచి వచ్చిన ప్రజల నుంచి నేరుగా ఫిర్యాదులు స్వీకరించారు. మొత్తం 28 మంది తమ సమస్యలను ఎస్పీ దృష్టికి తీసుకువచ్చారు. ప్రతి ఫిర్యాదును క్షుణ్ణంగా పరిశీలించిన ఎస్పీ సంబంధిత పోలీసు అధికారులతో ఫోన్‌లో మాట్లాడి, బాధితుల సమస్యలపై వెంటనే విచారణ చేపట్టాలని ఆదేశించారు. చట్టపరిధిలో అవసరమైన చర్యలు తీసుకుని ఫిర్యాదులను త్వరితగతిన పరిష్కరించాలని సూచించారు. ఇందులో సీసీ కొండరాజు, ప్రజా ఫిర్యాదుల విభాగం అధికారి జైస్వాల్‌ కవిత, ఇతర సిబ్బంది పాల్గొన్నారు. దుర్గాదేవి నిమజ్జనానికి పటిష్ట బందోబస్తు దుర్గాదేవి నిమజ్జన, దసరా ఉత్సవాలను ప్రశాంత వాతావరణంలో నిర్వహించుకునేలా పటిష్ట పోలీసు బందోబస్తు ఏర్పాటు చేశామని ఎస్పీ అఖిల్‌ మహాజన్‌ అన్నారు. పోలీసు హెడ్‌క్వార్టర్స్‌లో బందోబస్తు విధుల్లో పాల్గొనే సిబ్బందికి సోమవారం సూచనలు చేశారు. బందోబస్తును తొమ్మిది సెక్టార్లుగా విభజించి, సీఐ స్థాయి అధికారుల పర్యవేక్షణలో భద్రతా చర్యలు చేపట్టినట్లు పేర్కొన్నారు. మహిళల భద్రత కోసం 50 మంది మహిళా సిబ్బందితో పాటు షీ టీమ్స్‌ను ఏర్పాటు చేసినట్లు వివరించారు. ఇందులో ఆదిలాబాద్‌ డీఎస్పీ ఎల్‌.జీవన్‌ రెడ్డి, పట్టణ సీఐలు బి.సునీల్‌ కుమార్‌, కె.నాగరాజు, ప్రేమ్‌కుమార్‌, బి.ప్రణయ్‌, రహీం పాషా, నైలు, ఆర్‌ఐలు డి.వెంకటి, టి.మురళి, ఎన్‌.చంద్రశేఖర్‌, ఎస్సైలు, పోలీసు సిబ్బంది పాల్గొన్నారు. ఉట్నూర్‌ పోలీస్‌స్టేషన్‌ తనిఖీఉట్నూర్‌రూరల్‌: ఉట్నూర్‌ పోలీస్‌ స్టేషన్‌ను ఎస్పీ సోమవారం తనిఖీ చేశారు. రికార్డులను పరిశీలించారు. ఫిర్యాదుదారులతో బాధ్యతగా వ్యవహరించాలని సిబ్బందికి సూచించారు. ఆయన వెంట ఉట్నూర్‌ ఏఎస్పీ రుత్వీక్‌ సాయి కొట్టే , సీఐ మడావి ప్రసాద్‌, ఎస్సై విజయ్‌, సిబ్బంది ఉన్నారు.

కై లాస్‌నగర్‌: ప్రజావాణిలో అందించే అర్జీలపై అలసత్వం ప్రదర్శించకుండా సత్వరం పరిష్కరిస్తూ బాధితులకు భరోసా కల్పించాలని కలెక్టర్‌ రాజర్షి షా అన్నారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణిలో అదనపు కలెక్టర్లు ఎస్‌.రాజేశ్వర్‌, ఆర్‌ఎస్‌.చిత్రులతో కలిసి ఆయన అర్జీలు స్వీకరించారు. బాధితుల సమస్యలు అడిగి తెలుసుకున్నారు. వాటిని సంబంధిత అధికారులకు అందజేస్తూ పెండింగ్‌లో ఉంచకుండా ఎప్పటికప్పుడు పరిష్కరించాలని ఆదేశించారు. భూసర్వేకు సంబంధించి పలుమార్లు ప్రజావాణిలో విన్నవించినా, సర్వేల్యాండ్‌ రికార్స్‌ ఏడీని స్యయంగా రెండుసార్లు కలిసినా స్పందించడం లేదని ఓ బాధితుడు కలెక్టర్‌కు ఫిర్యాదు చేశాడు. దీనిపై స్పందించిన కలెక్టర్‌ అక్కడే ఉన్న ఏడీ ప్రభాకర్‌పై ఆగ్రహం వ్యక్తం చేశారు. కాగా ఈ వారం అందిన అర్జీల్లో కొందరి నివేదన..

ఆదిలాబాద్‌టౌన్‌: తమ న్యాయమైన డిమాండ్లు నెరవేర్చాలంటూ ఎన్‌హెచ్‌ఎం ఉద్యోగులు డీఎంహెచ్‌వో కార్యాలయ ఆవరణలో చేపట్టిన దీక్షలు కొనసాగుతున్నాయి. ఇందులో భాగంగా ఏడో రోజు సోమవారం బతుకమ్మ ఆడి నిరసన వ్యక్తం చేశారు. వీరికి మున్సిపల్‌ మాజీ చైర్‌పర్సన్‌ మనిషా, సీపీఐ నాయకుడు ప్రభాకర్‌, న్యాయవాది మధుకర్‌ సంఘీభావం తెలిపారు. కార్యక్రమంలో జేఏసీ అధ్యక్షుడు దొంతుల ప్రవీణ్‌, ఉపాధ్యక్షులు డాక్టర్‌ ఈశ్వర్‌, డాక్టర్‌ సుజాత, జేఏసీ ప్రతినిధులు రాజారెడ్డి, డి.గితేష్‌, గోపాల్‌, కిరణ్‌, డాక్టర్‌ శ్రీకాంత్‌, చంద్రశేఖర్‌, కె.సురేష్‌, రమణ, శివ, డాక్టర్‌ అనిల్‌ యాదవ్‌, సంతోష్‌, తదితరులు పాల్గొన్నారు.

బోథ్‌: ఎల్‌నినో ప్రభావంతో ఇప్పటికే వర్షాభావ పరిస్థితులు నెలకొన్నాయి. అక్టోబర్‌ నుంచే భూగర్భ జలమట్టాలు తగ్గుముఖం పట్టడంతో భవిష్యత్తులో తాగునీటి కొరత ఏర్పడే అవకాశం ఉంది. మరోవైపు రబీ సీజన్‌లో పంటల సాగుకు సరిపడా నీరు అందుబాటులో ఉంటుందా లేదా అనే సందేహాలు రైతులను వెంటాడుతున్నాయి. ఎల్‌నినోపై ప్రకటనలు చేస్తున్న ప్రభుత్వం క్షేత్రస్థాయిలో మాత్రం తగిన చర్యలు చేపట్టడం లేదనే విమర్శలున్నాయి. ప్రకటనలకే పరిమితమా? నీటిని పొదుపుగా వినియోగించాలని, రానున్న నీటి ఎద్దడిని దృష్టిలో ఉంచుకొని ప్రజలు అప్రమత్తంగా ఉండాలని అధికారులు ప్రకటనలు చేస్తున్నారు. అయితే గ్రామాల్లో ఇప్పటికీ ఇంకా ఎలాంటి అవగాహన కార్యక్రమాలు చేపట్టడం లేదు. రైతులకు ప్రత్యామ్నాయ పంటలపై సూచనలు ఇవ్వడం లేదని తెలుస్తోంది. కేవలం మీడియా ద్వారా సందేశాలు ఇవ్వడం మాత్రమే కాకుండా వాటిని ప్రజల్లోకి తీసుకెళ్లే కార్యాచరణ అవసరం ఉంది. అవగాహన తప్పనిసరి ప్రతి గ్రామంలో రైతులతో సమావేశాలు నిర్వహించి భూగర్భ జలాల పరిస్థితి, రబీ సాగు అవకాశాలు, నీటి లభ్యతపై వ్యవసాయ అధికారులు వివరించాలి. ఆయా ప్రాంతాలు, నీటి లభ్యతలను బట్టి సాగునీరు పరిమితంగా ఉంటే తక్కువ నీరు అవసరమయ్యే ఆరుతడి పంటలు సాగు చేసుకునేలా రైతులకు అవగాహన కల్పించాలి. నీటి లభ్యతను అంచనా వేయకుండా అధిక నీరు అవసరమయ్యే పంటలు సాగు చేస్తే పెట్టుబడులు నష్టపోయే ప్రమాదం ఉందని వివరించాలి. కొన్నిచోట్ల రైతులు ఇప్పటికే సోయా చేతికి రాగానే జొన్న వేశారు. క్షేత్రస్థాయిలో కార్యాచరణ ఏదీ? నీటి కొరత ఏర్పడిన తర్వాత స్పందించడం కంటే ముందుగానే అప్రమత్తం కావడం ముఖ్యం. గ్రామాల వారీగా నీటి వనరుల పరిస్థితిని సమీక్షించి, తాగునీటి అవసరాలు, వ్యవసాయ అవసరాలపై ప్రణాళిక రూపొందించాలి. సంబంధిత శాఖల అధికారులు సమన్వయంతో పనిచేస్తూ ప్రజలకు, రైతులకు అవసరమైన సూచనలు అందించాలి. ఎల్‌నినో ప్రభావంపై హెచ్చరికలు వస్తున్నప్పటికీ క్షేత్రస్థాయిలో సన్నద్ధత కనిపించకపోవడం ఆందోళన కలిగిస్తోంది. ఇప్పటికై నా ప్రభుత్వ యంత్రాంగం ప్రకటనలకు పరిమితం కాకుండా గ్రామాల్లో అవగాహన సదస్సులు నిర్వహించి, రైతులకు సాగు మార్గదర్శకాలు అందించాలి.22 నుంచి అవగాహన సదస్సులు ఎల్‌నినో ప్రభావం, ప్రస్తుత భూగర్భ జలాల పరిస్థితులపై రైతుల్లో అవగాహన కల్పించేందుకు ఈ నెల 22నుంచి అవగాహన సదస్సులు చేపడుతున్నాం. ప్రతీ గ్రామాన్ని సందర్శించి రైతులతో ముఖాముఖి సమావేశాలు నిర్వహిస్తాం. ఈ సదస్సుల్లో వ్యవసాయ అధికారులతో పాటు వ్యవసాయ శాస్త్రవేత్తలు ప్రత్యక్షంగా పాల్గొంటారు. ప్రత్యామ్నాయ ఆరుతడి పంటలను వివరిస్తారు. – రవీందర్‌ సింగ్‌, జిల్లా వ్యవసాయాధికారి

బతుకమ్మతో వస్తున్న మహిళ బతుకమ్మ బతుకమ్మ ఉయ్యాలో.. అంటూ సద్దుల వేడుకలు జిల్లాకేంద్రంలో ఆదివారం సంబురంగా సాగాయి. తీరొక్క పూలతో పేర్చిన బతుకమ్మలను కూడళ్ల మధ్య ఉంచి ఉయ్యాల పాటలకు అనుగుణంగా చప్పట్లు కొడుతూ లయబద్ధంగా కదులుతూ మహిళలు, యువతులు ఉత్సాహంగా పాల్గొన్నారు. స్థానిక ఇందిరా ప్రియదర్శిని స్టేడియంలో డీఆర్డీఏ ఆధ్వర్యంలో నిర్వహించిన బతుకమ్మ వేడుకలను కలెక్టర్‌ రాజర్షి షా ప్రారంభించారు. అలాగే పట్టణంలోని బ్రాహ్మణవాడతో పాటు పలుచోట్ల నిర్వహించిన వేడుకలు అంబరాన్నంటాయి. – ఆదిలాబాద్‌ ఆదిలాబాద్‌టౌన్‌: ఉమ్మడి జిల్లాకు పెద్దదిక్కుగా ఉన్న రిమ్స్‌పై ప్రభుత్వం ఫోకస్‌ పెంచింది. ఈ ఆ సుపత్రిలో గతనెలలో జరిగిన అగ్నిప్రమాద ఘటన తర్వాత మార్పులు చోటు చేసుకుంటున్నాయి. కలెక్టర్‌ రాజర్షిషా ప్రత్యేక దృష్టి సారించారు. తరచూ తనిఖీలు చేయడం, వైద్యాధికారులతో సమీక్షలు నిర్వహిస్తూ ఆస్పత్రిని గాడిన పెట్టేందుకు చర్యలు చేపడుతున్నారు. ఘటన తర్వాత అనేక మార్పులు జరిగాయి. పారిశుధ్య, పేషెంట్‌కేర్‌, సెక్యూరిటీ గార్డులు వివిధ పనుల్లో ఉండగా, వారికి కేటాయించిన డ్యూటీల్లోనే కొనసాగుతున్నారు. ఆస్పత్రి అభివృద్ధి కోసం ప్రభుత్వం ఇటీవల రూ.11.10 కోట్లు కేటాయించింది. దీంతో పలు పనులు చేపడుతున్నారు. అలాగే ఆవరణలో ఉన్న షాపుల తొలగింపు చర్యలు చేపట్టారు. ప్రత్యేకంగా శానిటేషన్‌పై దృష్టి సారించారు. ఆస్పత్రికి వచ్చే రోగులకు ఇబ్బందులు కలగకుండా చూస్తున్నారు. గుట్కా, తంబాకు, ఇతర వస్తువులను లోనికి తీసుకెళ్లకుండా సెక్యూరిటీగార్డులు తనిఖీలు చేపడుతున్నారు. పేషెంట్‌తో వచ్చే రోగుల బంధువులకు పాస్‌లు అందజేస్తున్నారు. దీంతో బంధువుల రద్దీ తగ్గింది. కలెక్టర్‌ ప్రత్యేక దృష్టి.. ఇటీవల రిమ్స్‌ అగ్నిప్రమాద ఘటన రాష్ట్ర వ్యాప్తంగా సంచలనం సృష్టించింది. దీంతో ప్రభుత్వం ఈ ఆసుపత్రిపై దృష్టి సారించింది. ఈ ఘటన తర్వాత కలెక్టర్‌ రాజర్షిషా కనీసం వారానికి ఒకసారైనా తనిఖీలు నిర్వహిస్తున్నారు. వైద్యులు, సిబ్బందితో సమీక్షిస్తున్నారు. విధుల్లో నిర్లక్ష్యం వహించేవారిపై కొరడా ఝళిపిస్తున్నారు. ఎవరికి కేటాయించిన పనులను వారే చేయాలని, సమయపాలన పాటించాలని, ఆస్పత్రిని పరిశుభ్రంగా ఉంచాలని ఆదేశిస్తున్నారు. కలెక్టర్‌ తరచూ ఆస్పత్రిని తనిఖీ చేయడంతో గతం కంటే ప్రస్తుతం మార్పులు కనిపిస్తున్నాయి. వైద్యులు సైతం అందుబాటులో ఉంటూ రోగులకు వైద్యసేవలు అందిస్తున్నారు. ఘటన తర్వాత చోటుచేసుకున్న మార్పులు..చేప చెరువుకు చేరేనా..?అవగాహన కల్పిస్తున్నాంఇందిరమ్మ ఇళ్ల నిర్మాణాల స్లాబ్‌పై పరిమి తి విధిస్తూ ప్రభుత్వం జారీ చేసిన ఉత్తర్వులు అందాయి. లబ్ధిదారులు అదనపు స్లాబ్‌ పెంచుకుని అప్పుల పాలు కావద్దనే ఉద్దేశంతోనే ఈ నిర్ణయం తీసుకుంది. దీనిపై ఏఈల ద్వారా లబ్ధిదారులకు అవగాహన కల్పిస్తున్నాం. నిబంధనల మేరకు స్లాబ్‌ నిర్మించుకోవాలి. లేనిపక్షంలో బిల్లలు నిలిచిపోయే అవకాశముంది.– షాకీర్‌, హౌసింగ్‌ డీఈ ఇందిరమ్మ ఇళ్ల వివరాలుమంజూరైనవి 17,276 పూర్తయినవి 4,247 ఇంకా ప్రారంభం కానివి 2,087 పునాదులకే పరిమితమైనవి 1,338 బేస్‌మెంట్‌ స్థాయిలోనివి 3,029 స్లాబ్‌ దశలో ఉన్నవి 2,887 స్లాబ్‌ పూర్తయినవి 3,688

ఆదిలాబాద్‌టౌన్‌: ప్రభుత్వం తమ సమస్యలు పరిష్కరించేంత వరకు దీక్ష కొనసాగిస్తామని ఎన్‌హెచ్‌ఎం ఉద్యోగులు స్పష్టం చేశారు. జిల్లా వైద్య ఆరోగ్యశాఖ కార్యాలయ ఆవరణలో చేపట్టిన రిలే దీక్ష ఆరో రోజుకు చేరింది. ఉద్యోగులు ఆదివారం మోకాళ్లపై కూర్చొని నిరసన తెలిపారు. వీరికి ఏఐటీయూసీ నాయకులు ఎస్‌.విలాస్‌, దేవేందర్‌ మద్దతు తెలిపారు. ఈ సందర్భంగా వారు మాట్లాడుతూ ఏళ్ల తరబడి ఎన్‌హెచ్‌ఎంలుగా సేవలందిస్తున్న ఉద్యోగులకు ఉద్యోగ భద్రత కల్పించాలని, అర్హతలు, వర్తించే నిబంధనల ప్రకారం క్రమబద్ధీకరించాలని డిమాండ్‌ చేశారు. ఇందులో జేఏసీ అధ్యక్షుడు దొంతుల ప్రవీణ్‌, ఉపాధ్యక్షులు డాక్టర్‌ ఈశ్వర్‌, డాక్టర్‌ సుజాత, కోశాధికారి డి.గితేష్‌, ఆర్గనైజింగ్‌ సెక్రెటరీ గోపాల్‌, డాక్టర్‌ జక్కుల నరేందర్‌, డాక్టర్‌ సంతోష్‌, శ్రీకాంత్‌, సోనీ, సురేందర్‌, శ్రీనివాస్‌, నాగార్జున్‌, ఆదిత్య తదితరులు పాల్గొన్నారు.

కై లాస్‌నగర్‌: ఇందిరమ్మ ఇళ్ల నిర్మాణాల స్లాబ్‌పై ప్రభుత్వం పరిమితిని విధించింది. లబ్ధిదారులపై అదనపు భారం పడకుండా ఉండాలనే ఉద్దేశంతో ఇంటి నిర్మాణ ప్లింత్‌ ఏరియాపై 25శాతం గరిష్టంగా స్లాబ్‌ నిర్మించుకునే అవకాశం కల్పించింది. అంతకు మించి చేపట్టినట్లేతే అనర్హులుగా ప్రకటించి బిల్లుల చెల్లింపులు నిలిపివేయనున్నట్లుగా స్పష్టం చేస్తూ ఇటీవల ఉత్తర్వులు జారీ చేసింది. ప్రస్తుతం స్లాబ్‌ దశలో ఉన్న వాటితో పాటు కొత్తగా ప్రారంభించనున్న వాటికి ఈ నిబంధనలు వర్తించనున్నట్లుగా స్పష్టం చేసింది. ఇదీ పరిస్థితి పేదల సొంతింటి కల సాకారం చేయాలనే ఉద్దేశంతో ప్రభుత్వం ప్రతిష్టాత్మకంగా ఇందిరమ్మ ఇళ్ల నిర్మాణాలకు శ్రీకారం చుట్టింది. సొంత స్థలం కలిగిన నిరుపేదలకు ఇళ్లు మంజూరు చేసి నాలుగు విడతల్లో రూ.5లక్షల చొప్పున ఆర్థికసాయం అందజేస్తుంది. చాలా మంది లబ్ధిదారులు తమకు నచ్చినట్లుగా ఇళ్లు నిర్మించుకుంటున్నారు. ఇంటికి నాలుగు వైపులా స్లాబ్‌ అదనంగా పెంచుకుంటున్నారు. ఇప్పటికే నిర్మాణ సామగ్రి ధరలు భారీగా పెరగడం, కూలీల ఖర్చుతో నిర్మాణాలు భారంగా మారగా అదనపు స్లాబ్‌ నిర్మాణం మరింత భారమవుతుంది. ఇందుకోసం అప్పులు చేయాల్సిన పరిస్థితి ఏర్పడటంతో పాటు ఇంటి నిర్మాణాలు సకాలంలో పూర్తి చేయలేకపోతున్నారు. దీన్ని గుర్తించిన ప్రభుత్వం స్లాబ్‌ నిర్మాణంపై పరిమితిని విధిస్తు ఆదేశాలు జారీ చేసింది. తాజా స్లాబ్‌ నిబంధనలు ఇలా.. ప్రభుత్వ తాజా నిబంధనల ప్రకారం ఇంటి ముందు భాగంలో మూడు అడుగుల వరకు నిర్మించుకోవచ్చు. మిగిలిన మూడు వైపులా ఒక్కో అడుగు స్లాబ్‌ పొడిగింపునకు అవకాశం ఉంది. కిటికీల వద్ద లబ్ధిదారులు స్లాబ్‌ పెంచకుండా సజ్జలు, జీఐ ఆధారిత షీట్స్‌ ఏర్పాటు చేసుకోవడం ద్వారా ఆర్థికంగా భారం పడకుండా ఉంటుంది. ప్రస్తుతం స్లాబ్‌ దశలో ఉన్న ఇళ్లతో పాటు రెండో విడతలో కొత్తగా ప్రారంభించనున్న వాటికి సైతం ఈ నిబంధనలు అమలు చేయాలని ఆదేశించింది. ఇంటి ప్లింత్‌ ఏరియాపై గరిష్టంగా 25శాతం స్లాబ్‌ వేసుకోవచ్చు. ఏఈలు క్షేత్రస్థాయికి వెళ్లి లబ్ధిదారులు చేపట్టిన ఇళ్ల నిర్మాణాల స్లాబ్‌ వాస్తవ పరిస్థితులను తప్పనిసరిగా ప్రత్యేక యాప్‌లో నమోదు చేయాలని ఆదేశించింది. నిబంధనల ప్రకారం ఉంటేనే బిల్లులు చెల్లించనుంది. లేనిపక్షంలో నిలిపివేతతో పాటు అనర్హులుగా ప్రకటించనున్నట్లుగా స్పష్టం చేసింది.

ఆదిలాబాద్‌రూరల్‌: రాజర్షిషా గూడను అన్ని వసతులతో జిల్లాలోనే ఆదర్శంగా తీర్చిదిద్దుతామని కలెక్టర్‌ రాజర్షి షా అన్నారు. పిప్పల్‌దరి పంచాయతీ ప రిధిలోని రాజర్షి షా గూడలో ఇండియన్‌ రెడ్‌ క్రాస్‌ సొసైటీ ఆధ్వర్యంలో ఆదివారం నిర్వహించిన మెగా ఉచిత వైద్య శిబిరాన్ని ఆయన ప్రారంభించి మాట్లాడారు. ప్రతి ఒక్కరూ తమ ఆరోగ్యంపై శ్రద్ధ వహించాలని సూచించారు. తన పేరును గ్రామానికి పెట్టినందుకు గ్రామస్తులకు కృతజ్ఞతలు తెలిపా రు. అనంతరం నిర్మాణంలో ఉన్న డబుల్‌ బెడ్‌రూం ఇళ్లను పరిశీలించారు. సీసీ రోడ్డు పనులకు భూమి పూజ చేశారు. కార్యక్రమంలో రెడ్‌ క్రాస్‌ అధ్యక్షుడు డాక్టర్‌ క్రాంతి కుమార్‌, రిమ్స్‌ డైరెక్టర్‌ జైసింగ్‌ రాథో డ్‌, డీఎంహెచ్‌వో సాధన, సంక్షేమ శాఖల అధికారులు మనోహర్‌, సునిత కుమారి, తహసీల్దార్‌ గోవింద్‌, సర్పంచ్‌ లక్ష్మిబాయి, తదితరులున్నారు. జిల్లా ప్రజలు సుఖసంతోషాలతో ఉండాలిఆదిలాబాద్‌: జిల్లా ప్రజలంతా సుఖసంతోషాలతో ఉండాలని అమ్మవారిని ప్రార్థించినట్లు కలెక్టర్‌ రాజర్షి షా తెలిపారు. శరన్నవరాత్రి ఉత్సవాల సందర్భంగా పట్టణంలోని బ్రాహ్మణవాడ బొజ్జావార్‌ ఆలయం, దుర్గానగర్‌లోని నవశక్తి దుర్గా ఆలయంలో ఆదివారం ప్రత్యేక పూజలు నిర్వహించారు. అమ్మవారి ఆశీస్సులతో ప్రజలంతా సంతోషంగా ఉండాలని ఆకాంక్షించారు. దుర్గానగర్‌ ఆలయంలో అభివృద్ధి పనులను కలెక్టర్‌ పరిశీలించారు. ఆయన వెంట తహసీల్దార్‌ వేణు, పూజారులు కిషన్‌, భక్తులు పాల్గొన్నారు.కరపత్రం విడుదలకై లాస్‌నగర్‌: సనాతన హిందూ ఉత్సవ సమితి ఆధ్వర్యంలో నిర్వహించనున్న దసరా వేడుకలకు సంబంధించిన కరపత్రంను కలెక్టర్‌ రాజర్షి షా ఆదివారం తన క్యాంపు కార్యాలయంలో విడుదల చేశారు. ఇందులో వేద పండితులు సంతోష్‌ శర్మ, సమితి అధ్యక్షుడు ప్రమోద్‌ కుమార్‌ఖత్రి, రేణికుంట రవీందర్‌, కందుల రవీందర్‌, మహిపాల్‌, సుభాష్‌, విజయ్‌, రాజు తదితరులు పాల్గొన్నారు.

బాసర: ప్రసిద్ధ పుణ్యక్షేత్రమైన బాసర శ్రీ జ్ఞాన సరస్వతీ అమ్మవారి ఆలయంలో శారదీయ శరన్నవరాత్రి ఉత్సవాలు అత్యంత భక్తిశ్రద్ధలతో ఘనంగా జరుగుతున్నాయి. ఉత్సవాల్లో భాగంగా ఎనిమిదవ రోజైన ఆదివారం అమ్మవారు ‘మహాగౌరీ దేవి’ అలంకారంలో భక్తులకు దర్శనమిచ్చారు. ఆలయ అర్చకులు అమ్మవారికి ప్రత్యేక పూజలు నిర్వహించి, చక్కెర పొంగలిని నైవేద్యంగా సమర్పించారు. దేశం నలుమూలల నుంచి వచ్చిన భక్తులు పవిత్ర గోదావరి నదిలో పుణ్యస్నానాలు ఆచరించి, అమ్మవారిని దర్శించుకుని మొక్కులు చెల్లించుకున్నారు. భైంసా మున్సిపల్‌ చైర్మన్‌ తూముల దత్తాత్రి ఆధ్వర్యంలో భైంసా నుంచి బాసరకు 30 కిలోమీటర్లు పాదయాత్ర చేపట్టారు. ఆదివారం సెలవు దినం కావడంతో అమ్మవారి దర్శనానికి, పిల్లల అక్షరా భ్యాస పూజలకు భక్తులు భారీ సంఖ్యలో తరలివచ్చారు. సాధారణ దర్శనానికి దాదాపు రెండు గంటల సమయం పట్టింది. భక్తులకు ఎలాంటి ఇబ్బందులు కలగకుండా ఆలయ ఈవో అంజనాదేవి ఏర్పాట్లు పర్యవేక్షించారు.

లక్ష్మణచాంద: సోన్‌ మండలం కడ్తాల్‌లో ఆదివారం గంగనీళ్ల జాతరను అంగరంగ వైభవంగా నిర్వహించారు. ఆదిలాబాద్‌ జిల్లా బజార్‌హత్నూర్‌ మండలం దేగాంకు చెందిన పోచమ్మ తల్లి ఆభరణాలకు శనివారం సాయంత్రం కడ్తాల్‌ గ్రామస్తులు ఘన స్వాగతం పలికారు. ఆదివారం తెల్లవారుజామున సోన్‌ మండలం గోదావరి నదిలో పుణ్యస్నానాలు ఆచరించి, అమ్మవారి ఆభరణాలను శుద్ధి చేశారు. అనంతరం ఆభరణాలు, గంగజలాలతో పాదయాత్రగా గ్రామానికి తీసుకువచ్చారు. మహిళలు మంగళహారతులు బాజాభజంత్రీలతో గ్రామ ప్రధాన వీధుల గుండా ఆభరణాల ఊరేగింపు నిర్వహించారు. భక్తులు అమ్మవారిని దర్శించుకుని ప్రత్యేక పూజలు చేశారు. పాడిపంటలు సమృద్ధిగా పండాలని, గ్రామ ప్రజలందరూ సుఖ సంతోషాలతో ఉండాలని ఈ సందర్భంగా పోచమ్మ తల్లిని వేడుకున్నారు. జాతర సందర్భంగా భక్తులకు ఎలాంటి ఇబ్బందులు కలగకుండా వీడీసీ ఆధ్వర్యంలో అవసరమైన ఏర్పాట్లు చేశారు. కార్యక్రమంలో సర్పంచ్‌ గుర్రం రాము, వీడీసీ చైర్మన్‌ గుర్రం గంగన్న తదితరులు పాల్గొన్నారు.

ఖానాపూర్‌: దట్టమైన అడవులకు పేరుగాంచిన ఉమ్మడి ఆదిలాబాద్‌ జిల్లాలో కలప వ్యాపారం మాటున అక్రమాలు జరుగుతున్నాయన్న ఆరోపణలు చర్చనీయాంశంగా మారాయి. స్థానికంగా లభించే కలపకు ఉన్న డిమాండ్‌ను ఆసరాగా చేసుకున్న అక్రమార్కులు ఇతర రాష్ట్రాల నుంచి తీసుకువచ్చిన కలపను స్థానికంగా లభించిన కలపగా చూపిస్తూ విక్రయాలు చేస్తున్నారన్న విమర్శలు వినిపిస్తున్నాయి. ముఖ్యంగా మహారాష్ట్ర, మధ్యప్రదేశ్‌ తదితర ప్రాంతాల నుంచి కలపను తీసుకొచ్చి పర్మిట్లు, రవాణా పత్రాలు, టింబర్‌ డిపోలు, సామిల్లుల నిల్వల లెక్కలను సర్దుబాటు చేస్తున్నారన్న ఆరోపణలు వ్యక్తమవుతున్నాయి. అయితే ఈ ఆరోపణల్లోని వాస్తవాలు అధికారుల సమగ్ర విచారణలోనే తేలాల్సి ఉంది. ఇతర రాష్ట్రాల కలప? ఖానాపూర్‌, జన్నారం, ఇచ్చోడ, కాగజ్‌నగర్‌ టింబర్‌ డిపోలు తదితర చోట్ల లభించే టేకు కలపకు మార్కెట్‌లో మంచి డిమాండ్‌ ఉంది. ఈ ప్రాంతాల నుంచి కలప ఇతర చోట్లకు తరలుతుండటంతో ‘మన కలప.. బంగారం’ అనే నానుడి ప్రాచూర్యంలో ఉంది. ఈ నేపథ్యంలో స్థానిక కలప పేరిట ఇతర రాష్ట్రాల నుంచి తీసుకువచ్చిన కలపను విక్రయిస్తున్నారన్న ఆరోపణలు కలకలం రేపుతున్నాయి. కొన్ని ప్రాంతాల్లో మంచి నాణ్యత గల కలపను ‘సీపీ’ పేరుతో అమ్ముతున్నారన్న ప్రచారం ఉంది. ఈ కలప ఎక్కడి నుంచి వస్తోంది? కొనుగోలు, రవాణాకు అవసరమైన అనుమతులు ఉన్నాయా? స్థానిక కలపగా చూపిస్తున్న నిల్వలకు సరైన ఆధారాలున్నాయా? అనే అంశాలపై స్పష్టత రావాల్సి ఉంది. ఇతర రాష్ట్రాల కలపకు సంబంధించిన పత్రాలను స్థానిక నిల్వలతో ముడిపెట్టి లెక్కలు సరిచేస్తున్నారన్న ఆరోపణలు ఉన్నాయి. ఎఫ్‌ఎస్‌ఓ అరెస్ట్‌తో మరోసారి చర్చ ఇటీవల ఖానాపూర్‌ అటవీశాఖ కార్యాలయంలో టింబర్‌ డిపో లైసెన్స్‌ పునరుద్ధరణకు సంబంధించిన తనిఖీ నివేదికను ఉన్నతాధికారులకు పంపేందుకు రూ.12 వేల లంచం తీసుకుంటూ ఖానాపూర్‌ ఫారెస్ట్‌ సెక్షన్‌ ఆఫీసర్‌ రవీందర్‌ ఏసీబీ అధికారులకు పట్టుబడిన ఘటన జిల్లాలో చర్చనీయాంశమైంది. ఈ సంఘటనతో టింబర్‌ డిపోల లైసెన్సుల పునరుద్ధరణ, తనిఖీ నివేదికలు, కలప నిల్వ లు, రికార్డుల నిర్వహణపై మరోసారి ప్రశ్నలు తలెత్తుతున్నాయి. అయితే ఈ కేసులో వెలుగుచూసిన అంశాలకు, కలప వ్యాపారంలో వినిపిస్తున్న ఇతర ఆరోపణలకు మధ్య సంబంధం ఉందా? అన్నది విచారణలోనే స్పష్టమవుతుంది. లోతైన విచారణ అవసరం జిల్లా వ్యాప్తంగా టింబర్‌ డిపోలు, సామిల్లుల్లో ఫ్లయింగ్‌ స్క్వాడ్‌లతో ఆకస్మిక తనిఖీలు నిర్వహించాలని పలువురు కోరుతున్నారు. రికార్డుల్లో నమోదైన కలప పరిమాణాన్ని క్షేత్రస్థాయి నిల్వలతో సరిపోల్చడంతో పాటు కొనుగోలు బిల్లులు, రవాణా పత్రాలు, పర్మిట్లు, విక్రయ వివరాలను సమగ్రంగా పరిశీలించాలని సూచిస్తున్నారు. మహారాష్ట్ర, మధ్యప్రదేశ్‌ తదితర ప్రాంతాల నుంచి వచ్చిన కలప మూలాలను గుర్తించి, సంబంధిత అనుమతులను ధ్రువీకరించాలని కోరుతున్నారు. కేవలం క్షేత్రస్థాయి సిబ్బందికే పరిమితం కాకుండా పర్మిట్ల జారీ, తనిఖీ నివేదికల ఆమోదం, రికార్డుల పర్యవేక్షణలో పైస్థాయి అధికారుల పాత్ర ఏమైనా ఉందా అనే కోణంలోనూ విచారణ జరపాలని డిమాండ్‌ చేస్తున్నారు. ఎఫ్‌ఎస్‌వో అరెస్ట్‌తో మరోసారి చర్చ.. ఫ్లయింగ్‌ స్క్వాడ్‌లతో తనిఖీలకు డిమాండ్‌పర్మిట్ల జారీలో అక్రమాలు? కలప అక్రమ రవాణా, నిల్వలు, కొనుగోలు–విక్రయాలకు సంబంధించిన పర్మిట్లు, రికార్డుల నిర్వహణపై అనుమానాలు వ్యక్తమవుతున్నాయి. కొన్ని సందర్భాల్లో క్షేత్రస్థాయిలో విక్రయాలు జరగకపోయినా ఫొటోలు లేదా ఇతర వివరాల ఆధారంగా పర్మిట్లు జారీ చేస్తున్నారన్న ఆరోపణలు ఉన్నాయి. అదనపు పర్మిట్ల ద్వారా ఇతర రాష్ట్రాల కలపను తరలించి స్థానిక కలపగా చూపిస్తున్నారన్న విమర్శలు కూడా వినిపిస్తున్నాయి. ఈ ప్రక్రియలో కొందరు అటవీశాఖ సిబ్బంది సహకరిస్తున్నారన్న ఆరోపణలు ఉన్నప్పటికీ, వాటిని నిర్ధారించాల్సిన బాధ్యత సంబంధిత అధికారులపై ఉంది.రికార్డుల్లో వ్యత్యాసాలు? టింబర్‌ డిపోలు, సా మిల్లుల్లో కలప నిల్వలు, కొనుగోళ్లు, విక్రయాలు, రవాణా అనుమతులకు సంబంధించిన రికార్డులను అధికారులు ఎప్పటికప్పుడు పరిశీలించాల్సి ఉంటుంది. అయితే కొన్నిచోట్ల రికార్డుల్లోని వివరాలు, వా స్తవ నిల్వల మధ్య వ్యత్యాసాలు ఉన్నా వాటిని సరిచేసుకునేందుకు కొందరు సహకరిస్తున్నార న్న ఆరోపణలు ఉన్నాయి. క్షేత్రస్థాయి నుంచి పైస్థాయి వరకు ఈ వ్యవహారంలో పాత్రధారులు ఉన్నారా? నిబంధనలకు విరుద్ధంగా పర్మి ట్లు జారీ అయ్యాయా? రవాణా పత్రాలు, కొ నుగోలు–విక్రయ రికార్డుల్లో మార్పులు జరిగా యా? పరిశీలించాల్సిన అవసరం ఉందని పలువురు అభిప్రాయపడుతున్నారు.

ఉప్పొంగిన భక్తిభావందిలావర్‌పూర్‌/సారంగాపూర్‌: ఉమ్మడి ఆదిలాబాద్‌ జిల్లాలో ప్రముఖ పండుగల్లో గంగనీళ్ల జాతర ఒకటి. నిర్మల్‌ జిల్లా సారంగాపూర్‌ మండలం అడెల్లి శ్రీమహా పోచమ్మ ఆభరణాలను గోదావరి నదికి తీసుకెళ్లి.. శుద్ధి చేసి తిరిగి తీసుకువచ్చి అలంకరించే వేడుక ఈ జాతర. శనివారం అమ్మవారి ఆభరణాలను గోదావరి తీరానికి తరలించారు. ఆదివారం శుద్ధి చేసిన అనంతరం అడెల్లికి తీసుకువచ్చారు. ఈ సందర్భంగా జరిగిన శోభాయాత్రలో అడుగడుగునా జనం అమ్మవారి ఆభరణాలకు హారతులు పట్టారు. ఆభరణాలను అమ్మవారికి అలంకరించిన తర్వాత జాతర ముగిసింది. తెల్లవారుజామున శుద్ధి.. శనివారం దిలావర్‌పూర్‌ మండలం సాంగ్వికి పోచమ్మ ఆభరణాలు చేరుకున్నాయి. అక్కడే పోచమ్మ ఆలయంలో జాగరణ చేసిన భక్తులు.. ఆదివారం తెల్లవారుజామున గంగానీకు శరణమే..ం ఘనమైన పూజలేం ఉయ్యాలో.. ఊరూవాడ జంపాలోం.. పోచమ్మ తల్లీ సల్లంగ సూడమ్మోం అంటూ ఆటపాటలతో ఆభరణాలను గోదావరి తీరానికి తరలించారు. అర్చకులు శాస్త్రోక్తంగా అమ్మవారి నగలను శుద్ధి చేసి ప్రత్యేక పూజలు నిర్వహించారు. గడముంతల్లో గోదావరి జలాలతో గంగనీళ్ల జాతరకు వచ్చిన భక్తులు అమ్మవారి ఆభరణాల వెంట తరలారు. అడెల్లి ఆలయంలో జాతర అడెల్లి మహాపోచమ్మ గంగనీళ్ల జాతర ఆదివారం అత్యంత వైభవోపేతంగా సాగింది. ఉదయం 5 గంటల నుంచే ఆలయానికి భక్తులు పెద్ద సంఖ్యలో తరలివచ్చి దర్శనం చేసుకుని మొక్కులు చెల్లించుకున్నారు. మండలంలోని వివిధ గ్రామాలతో పాటు నిజామాబాద్‌, ఆదిలాబాద్‌, కరీంనగర్‌, వరంగల్‌, హైదరాబాద్‌, పొరుగు రాష్ట్రం మహారాష్ట్ర నుంచి కూడా భక్తులు హాజరయ్యారు. తిరిగి ఆలయానికి చేర్చిన ఆభరణాలను రాత్రి అమ్మవారికి అలంకరించడంతో జాతర ముగిసింది. అడుగడుగునా హారతులు.. ఆభరణాలు తరలివచ్చిన ప్రతీ గ్రామంలో భక్తులు అడుగడుగునా హారతులు పట్టి, మోసుకెళ్లే వారి కాళ్లు కడిగి, కొబ్బరికాయలు కొట్టి అమ్మవారికి ప్రణమిళ్లారు. ఆయా గ్రామాల గంగపుత్రులు సంప్రదాయ వలలతో గొడుగులు పట్టి గ్రామ పొలిమేరల వరకు సాగనంపారు. సాంగ్విలో స్థానిక ఎస్సై శ్రీకాంత్‌ ఆధ్వర్యంలో 250 మంది ప్రత్యేక, స్థానిక పోలీసు బలగాలతో బందోబస్తు ఏర్పాటు చేసి ఆభరణాలను నిర్ణీత సమయానికి అడెల్లి ఆలయానికి చేరవేశారు. ప్రముఖుల దర్శనం మాజీ మంత్రి అల్లోల ఇంద్రకరణ్‌రెడ్డి కుటుంబీకులతో కలిసి అమ్మవారిని దర్శించుకున్నారు. ఆలయ ఈవో భూమయ్య, సిబ్బంది ఘనంగా స్వాగతం పలికి మర్యాదలు చేశారు. నిర్మల్‌ ఎమ్మెల్యే ఏలేటి మహేశ్వర్‌రెడ్డి కూడా దర్శనం చేసుకుని మొక్కులు చెల్లించుకోగా పూర్ణకుంభంతో స్వాగతం పలికి సత్కరించారు. జాతరను విజయవంతం చేసిన పోలీసు, ఆర్టీసీ, వైద్యసిబ్బంది, ఆలయ అధికారులు, స్థానిక నాయకులు, వాలంటీర్లు, భక్తులకు ఆలయం తరపున ఈవో భూమయ్య ప్రత్యేక కృతజ్ఞతలు తెలిపారు. ప్రతీ శాఖ అధికారులను ఆలయ మర్యాదలతో సత్కరించారు.

● మాజీ మంత్రి జోగు రామన్న ఆదిలాబాద్‌టౌన్‌: యువతకు ఉద్యోగాలు కల్పి స్తామని కేంద్ర, రాష్ట్ర ప్రభుత్వాలు హామీలు ఇచ్చి మోసం చేస్తున్నాయని మాజీ మంత్రి జోగు రామన్న విమర్శించారు. జిల్లా కేంద్రంలోని బీఆర్‌ఎస్‌ కార్యాలయంలో ఆదివారం రవీంద్రనగర్‌కు చెందిన ఆకర్ష్‌, శివతేజతో పా టు సుమారు వంద మంది పార్టీలో చేరగా, వా రికి గులాబీ కండువాలు కప్పి ఆహ్వానించారు. ఈ సందర్భంగా ఆయన మాట్లాడుతూ, ఎన్ని కల సమయంలో బీజేపీ ఏడాదికి రెండు కోట్ల ఉద్యోగాలు, కాంగ్రెస్‌ ఏడాదికి రెండు లక్షల ఉద్యోగాలు కల్పిస్తామని హామీలిచ్చి యువతను మభ్యపెట్టాయని ఆరోపించారు. సీసీఐ పరిశ్రమ పునరుద్ధరణ కోసం ప్రభుత్వాలపై ఒత్తిడి తీసుకురావడంలో ఎమ్మెల్యే శంకర్‌ విఫ లమయ్యారని విమర్శించారు. కార్యక్రమంలో మున్సిపల్‌ మా జీ చైర్మన్‌ ప్రేమేందర్‌, అలాల్‌ అజయ్‌, ఫ్లోర్‌ లీడర్‌ ప్రకాశ్‌, వెంకటేశ్‌, పండ్ల శ్రీనివాస్‌, ప్రహ్లాద్‌, రాజన్న, సాజిత్‌ ఉద్దీన్‌, రమేశ్‌, వసంత్‌, దమ్మపాల్‌, గణేష్‌, దయానంద్‌, సృజన్‌, రాజు, సురేందర్‌, సంతోష్‌, ప్రశాంత్‌, కలీం తదితరులు పాల్గొన్నారు.

నిర్మల్‌టౌన్‌: జిల్లా కేంద్రంలోని ఎన్టీఆర్‌ మినీ స్టేడియంలో మూడు రోజులుగా నిర్వహిస్తున్న సౌత్‌ జోన్‌ (దక్షిణ భారతదేశ) నెట్‌బాల్‌ చాంపియన్‌షిప్‌–2026 మహిళ, పురుషుల సీనియర్స్‌ పోటీలు ఆదివారం ముగిశాయి. అసోసియేషన్‌ జిల్లా అధ్యక్షుడు భోజన్న నేతృత్వంలో నిర్వహించిన పోటీల్లో దక్షిణ భారతదేశంలోని 6 రాష్ట్రాల నుంచి 12 జట్లు పాల్గొన్నాయి. మూడు విభాగాలుగా పోటీలు నిర్వహించారు. 2వ సౌత్‌ జోన్‌ మిక్స్‌డ్‌ ఫైనల్స్‌లో పుదుచ్చేరి–తెలంగాణ జట్లు పోటీ పడగా తెలంగాణ జట్టు విజయం సాధించింది. 18వ నేషనల్‌ పురుషుల చాంపియన్‌షిప్‌లో పుదుచ్చేరి–కేరళ జట్లు ఫైనల్లో పోటీ పడగా కేరళ జట్టు విజయం సాధించింది. మహిళల విభాగంలో కర్ణాటక–కేరళ జట్లు తలపడగా కేరళ జట్టు విజయం సాధించింది. ఫాస్ట్‌–05 మహిళల విభాగంలో తెలంగాణ–కేరళ జట్లు పోటీపడగా కేరళ జట్టు విజయం సాధించింది. పురుషుల విభాగంలో పుదుచ్చేరి జట్టుపై తెలంగాణ జట్టు విజయం సాధించింది. విజేతలకు మాజీ మున్సిపల్‌ చైర్మన్‌ గండ్రత్‌ ఈశ్వర్‌, డాక్టర్‌ అవినాష్‌ , డాక్టర్‌ రమణ, కప్పులను అందజేశారు.

ఉదయం 6 గంటలకు సాంగ్వి ఆలయం నుంచి ప్రారంభమైన గంగనీళ్ల జాతర అడెల్లి దేవస్థానం వైపు తిరుగు పయనమైంది. కంజర్‌, బన్సపల్లి, దిలావర్‌పూర్‌, మాడేగాం, కదిలి గ్రామాల్లో ఘనస్వాగతం పలికారు. దిలావర్‌పూర్‌లో జాలుక దండ (భారీ పూలతోరణం)తో స్వాగతం ఇచ్చారు. పోతరాజులు అమ్మవారికి పూజలు నిర్వహించి ఉత్సవాలను ప్రారంభించారు. భక్తులు అమ్మవారికి గొర్రెపిల్లలు బహూకరించారు. శివసత్తులు పూనకాలతో పాటలు పాడుతూ నృత్యం చేస్తూ ముందుకు సాగారు. దారి పొడవునా ఆభరణాలపై పసుపు నీళ్లు చల్లుతూ టెంకాయలు కొట్టి మొక్కులు తీర్చుకున్నారు.

ఆభరణాల వెంట తరలిన ప్రతీ భక్తుడు గడముంతలు లేదా తమ పాత్రల్లో గోదావరి జలాలను తీసుకువచ్చారు. ఆ నీటితో అమ్మవారిని అభిషేకించడంతో పాటు ఇళ్లు, పంటపొలాల్లో చల్లి భక్తిని చాటుకున్నారు. ఆలయంలో పసుపుతో అభిషేకాలు చేసి అదే పసుపును పంటపొలాల్లో చల్లారు. దీనివల్ల పాడిపంటలు సమృద్ధిగా పండి ప్రజలు సుఖసంతోషాలతో ఉంటారని భక్తుల విశ్వాసం. ఆలయ కోనేరులో పవిత్ర స్నానాలు ఆచరించి గంటలపాటు క్యూలో నిలబడి దర్శనం చేసుకున్నారు. సమీప గ్రామాల ప్రజలు చెట్ల కింద వంటలు చేసి నైవేద్యాలు సమర్పించి అక్కడే భోజనాలు చేశారు.

ఆదిలాబాద్‌: రాష్ట్రస్థాయి ఎస్జీఎఫ్‌ అండర్‌–14 హ్యాండ్‌బాల్‌ పోటీల్లో ఆదిలాబాద్‌ జిల్లా బాలికల జట్టు సత్తాచాటి స్వర్ణ పతకాన్ని కై వసం చేసుకుంది. మహబూబ్‌నగర్‌ జిల్లా కేంద్రంలో ఈనెల 15 నుంచి శనివారం వరకు నిర్వహించిన రాష్ట్రస్థాయి పోటీల్లో జిల్లా జట్టు 10 పాయింట్లతో మొదటి స్థానంలో నిలవగా, మహబూబ్‌నగర్‌ జిల్లా జట్టు 5 పాయింట్లతో ద్వితీయ స్థానాన్ని సాధించింది. ఈ పోటీల సందర్భంగా నిర్వహించిన సెలెక్షన్‌ ట్రయల్స్‌లో జిల్లాకు చెందిన నలుగురు బాలికలు జాతీయస్థాయి పోటీలకు ఎంపికై నట్లు ఎస్జీఎఫ్‌ సెక్రటరీ ఆడే రామేశ్వర్‌ తెలిపారు. రాష్ట్రస్థాయి పోటీల్లో విజేతలుగా నిలవడంపై డీవైఎస్‌ఓ దయానందరెడ్డి, డీటీఎస్‌ఓ పార్థసారథి, ఒలింపిక్‌ అసోసియేషన్‌ అధ్యక్షుడు బాలూరి గోవర్ధన్‌ రెడ్డి తదితరులు అభినందించారు.

కై లాస్‌నగర్‌: ఎల్‌నినో ప్రభావంతో తలెత్తే సమస్యలను సమర్థవంతంగా ఎదుర్కొనేందుకు ముందస్తు ప్రణాళికలు సిద్ధం చేయాలని కలెక్టర్‌ రాజర్షి షా అ న్నారు. కలెక్టరేట్‌లోని తన చాంబర్‌లో వివిధ శాఖ ల అధికారులతో ఎల్‌నినో యాక్షన్‌ ప్లాన్‌పై శనివా రం సమీక్ష నిర్వహించారు. వేసవిలో తాగునీటి స మస్య తలెత్తకుండా పంచాయతీరాజ్‌, గ్రామీణ నీటి సరఫరా, మున్సిపల్‌ అధికారులు ప్రత్యేక కార్యాచరణ రూపొందించుకోవాలన్నారు. బోరుబావులు, ఇ తర తాగునీటి వనరుల పరిస్థితిని నిరంతరం పర్యవేక్షించాలన్నారు. నీటి లభ్యత తగ్గే ప్రాంతాలను గుర్తించి ప్రత్యామ్నాయ ఏర్పాట్లపై దృష్టి సారించాలన్నారు. వ్యవసాయ శాఖ అధికారులు రైతులకు క్షేత్రస్థాయిలో అందుబాటులో ఉండాలన్నారు. తక్కువ నీటితో సాగయ్యే ప్రత్యామ్నాయ పంటల పై అవగాహన కల్పించాలన్నారు. ఉష్ణోగ్రతలు పెరగడం, వడగాలులు వీచే పరిస్థితుల్లో ప్రజలు అనారోగ్యానికి గురికాకుండా వైద్య ఆరోగ్యశాఖ ముందస్తు ఏర్పాట్లు చేసుకోవాలని తెలిపారు. పీహెచ్‌సీల్లో అవసరమైన మందులు, ఓఆర్‌ఎస్‌ ప్యాకెట్లు అందుబాటులో ఉంచాలని ఆదేశించారు. సమావేశంలో డీఏవో రవీందర్‌ సింగ్‌, డీపీవో రమేశ్‌, ట్రాన్స్‌కో ఎస్‌ఈ సుభాష్‌ తదితరులు పాల్గొన్నారు. ఓటరు నమోదు దరఖాస్తులు పరిష్కరించాలి సర్‌ ప్రక్రియలో భాగంగా పెండింగ్‌లో ఉన్న దరఖాస్తులు, విచారణను గడువులోపు పూర్తి చేయాలని కలెక్టర్‌ రాజర్షి షా అధికారులను ఆదేశించారు. శని వారం రాష్ట్ర ప్రధాన ఎన్నికల అధికారి సుదర్శన్‌ రెడ్డి హైదరాబాద్‌ నుంచి నిర్వహించిన వీడియో కాన్ఫరె న్స్‌లో కలెక్టరేట్‌ నుంచి ఆయన పాల్గొన్నారు. అనంతరం అధికారులతో సమీక్షించారు. ఫారం–6, 7, 8 లకు సంబంధించిన దరఖాస్తులను ప్రాధాన్యత క్ర మంలో పరిశీలించి, పరిష్కరించాలని ఆదేశించారు. ఓటర్ల అర్హతలను నిబంధనల ప్రకారం నిర్ధారించా లని, జాబితాలో తప్పులు, డూప్లికేట్‌ వివరాలు, అనర్హుల పేర్లు చేరకుండా అప్రమత్తంగా వ్యవహరించాల న్నారు. బూత్‌స్థాయి అధికారులు క్షేత్రస్థాయిలో ఓటర్ల ఇళ్లకు వెళ్లి నోటీసులు అందించడంతో పాటు అవసరమైన పత్రాలు స్వీకరించాలని ఆదేశించారు. వీసీలో అదనపు కలెక్టర్‌ చిత్రు పాల్గొన్నారు.‘సాచురేషన్‌’లో వీబీ జీ–రామ్‌ జీ పనులు వీబీ జీ–రామ్‌ జీ పథకం కింద నిర్మించనున్న పశువుల నీటి తొట్టెలు, కమ్యూనిటీ ఇంకుడు గుంతల నిర్మాణ పనులను సాచురేషన్‌ విధానంలో చేపట్టాలని కలెక్టర్‌ రాజర్షి షా ప్రకటనలో తెలిపారు. గ్రామాల్లో పశువుల తాగునీటి అవసరాలు తీర్చేందుకు నీటితొట్టెల నిర్మాణం, గ్రామాల్లోని వాటర్‌ ప్లాంట్ల వద్ద కమ్యూనిటీ ఇంకుడు గుంతల ఏర్పాటు కోసం అవసరమైన పనులను క్షేత్రస్థాయిలో గుర్తించాలని పేర్కొన్నారు. నిర్మాణ పనులు సైతం త్వరితగతిన పూర్తి చేసేలా సంబంధిత అధికారులు సమన్వయంతో చర్యలు చేపట్టాలని ఆదేశించారు. వెటర్నరీ శాఖ అందించిన జాబితాలోని గ్రామాలకే పరిమితం కాకుండా, ఆయా మండలాల పరిధిలో పశువుల నీటి తొట్టెలు అవసరమైన ఇతర గ్రామాలను కూడా గుర్తించి, సమగ్ర వివరాలతో ప్రతిపాదనలు సిద్ధం చేయాలని పేర్కొన్నారు. అనుమతులు పొందాక నిర్మాణ పనుల్లో జాప్యం జరగకుండా ప్రత్యేక శ్రద్ధ వహించాలని అధికారులను ఆదేశించారు.

సారంగపూర్‌/దిలావర్‌పూర్‌: నిర్మల్‌ జిల్లా సారంగపూర్‌ మండలం అడెల్లి మహాపోచమ్మ గంగనీళ్ల జాతర శనివారం ఘనంగా ప్రారంభమైంది. ఆలయంలో అమ్మవారి ఆభరణాలను గర్భగుడిలో ప్రత్యేక పూజలు నిర్వహించి మూటగట్టారు. ఆలయ ఈవో భూమయ్య తలపై వాటిని పెట్టుకుని కాలినడక ప్రారంభించారు. దేవాదాయ శాఖ నిర్మల్‌ డివిజన్‌ ఇన్‌స్పెక్టర్‌ రంగు రవికిషన్‌గౌడ్‌, ఎస్సై శ్రీకాంత్‌ ఆధ్వర్యంలో 12 మంది సేవదారులు, 250 మంది పోలీసు బలగాల ఆధ్వర్యంలో కట్టుదిట్టమైన భద్రత మధ్య దిలావర్‌పూర్‌ మండలం సాంగ్వి గ్రామంలో గోదావరి నదికి తరలించారు. వీరి వెంట గ్రామాలకు చెందిన అధికసంఖ్యలో భక్తులు గడముంతలతో వెళ్లారు. అడుగడుగునా హారతులు అమ్మవారి ఆభరణాలను గంగస్నానం కోసం అడెల్లి, సారంగాపూర్‌, యాకర్‌పెల్లి, వంజర్‌, ప్యారమూర్‌ గ్రామాల మీదుగా దిలావర్‌పూర్‌ మండలంలోని మాటేగాం, దిలావర్‌పూర్‌, కంజర్‌, సాంగ్వి గ్రామాలకు చేరింది. అడుగడుగునా మహిళలు మంగళహారతులతో ఘన స్వాగతం పలికారు. గంగపుత్రుల సంప్రదాయ ప్రకారం చేపల పట్టే వలతో గొడుగులు వేసి అమ్మవారి ఆభరణాలకు పూజలు నిర్వహించారు. నిర్మల్‌ రూరల్‌ సీఐ కృష్ణ ఆధ్వర్యంలో ఆభరణాల భద్రతకు చర్యలు చేపట్టారు. దిలావర్‌పూర్‌కు చేరుకోగా సర్పంచ్‌ పాల్దె అక్షర అనిల్‌, వీడీసీ నాయకులు, గ్రామపెద్దలు పలువురు నాయకులు ఘనస్వాగతం పలికారు. అనంతరం ఆభరణాలను సాంగ్వి పోచమ్మ ఆలయంలో ఉంచారు. భక్తుల జాగరణ అనంతర ఆదివారం వేకువజామున గోదావరిలో ఆభరణాలను శుద్ధి చేస్తారు. ఆ తర్వాత అడెల్లి ఆలయానికి తీసుకెళ్తారు.

నిర్మల్‌టౌన్‌: జిల్లాకేంద్రంలోని ఎన్టీఆర్‌ మినీ స్టేడియంలో సౌత్‌ జోన్‌ సీనియర్స్‌–2026 నెట్‌బాల్‌ పోటీలు రెండో రోజు శనివారం కొనసాగాయి. ఈ పోటీల్లో ఆరు రాష్ట్రాలకు చెందిన మహిళలు, పురుషుల జట్లు తలపడుతున్నాయి. మొత్తం 12 జట్లకు చెందిన 222 మంది క్రీడాకారులు, 15 మంది కోచ్‌లు పాల్గొంటున్నారు. క్రీడాకారులు తమ ప్రతిభను చాటుతున్నారు. ఆదివారం ఫైనల్స్‌ కొనసాగనున్నాయి. సౌత్‌ జోన్‌ నెట్‌బాల్‌ డెవలప్మెంట్‌ కన్వీనర్‌ విక్రమాదిత్యరెడ్డి, జిల్లా నెట్‌బాల్‌ అసోసియేషన్‌ అధ్యక్షుడు భోజన్న, కార్యదర్శి శిరీష, క్రీడా సంఘాల ప్రతినిధులు, వ్యాయామ ఉపాధ్యాయులు, తదితరులు పాల్గొన్నారు.

బెల్లంపల్లి: బెల్లంపల్లి ప్రభుత్వ ఏరియా ఆసుపత్రి రాష్ట్రస్థాయి కాయకల్ప అవార్డుకు ఎంపికై ంది. 2025–26 ఆర్థిక సంవత్సరానికి గాను ద్వితీయ స్థానం దక్కించుకుంది. ఈ అవార్డు కింద ఆసుపత్రికి రూ.10 లక్షలు నగదు బహుమతి లభిస్తుంది. ఈ మేరకు తెలంగాణ కమిషనర్‌ ఆఫ్‌ హెల్త్‌ అండ్‌ ఫ్యామిలీ వెల్పేర్‌, మిషన్‌ డైరెక్టర్‌ (ఎన్‌హెచ్‌ఎం) ఉత్తర్వులు జారీ చేసింది. సిద్దిపేట జిల్లా దుబ్బాక ప్రభుత్వ ఏరియా ఆసుపత్రి 98 మార్కులతో ప్రథమ, బెల్లంపల్లి ప్రభుత్వ ఏరియా ఆసుపత్రి 94.46 మార్కులతో ద్వితీయ స్థానంలో నిలిచాయి. కేంద్ర ప్రభుత్వ స్వచ్ఛభారత్‌ అభియాన్‌ కార్యక్రమంలో భాగంగా ఏరియా ఆసుపత్రిలో నిర్వహించిన పరిశుభ్రత, ఇన్పెక్షన్‌ కంట్రోల్‌, బయో –మెడికల్‌ వేస్ట్‌ మేనేజ్‌మెంట్‌, రోగులకు అందించిన మెరుగైన వైద్య సేవలను పరిగణలోకి తీసుకుని అవార్డుకు ఎంపిక చేశారు. 2024–25 ఆర్థిక సంవత్సరంలోనూ మెరుగైన సేవలతో రాష్ట్రస్థాయిలో రెండోస్థానంలో నిలిచి అవార్డు అందుకుంది. సూపరింటెండెంట్‌కు సత్కారం అవార్డు అందుకున్న ఆసుపత్రి సూపరింటెండెంట్‌ డాక్టర్‌ రవికుమార్‌ను జిల్లా కలెక్టర్‌ కుమార్‌ దీపక్‌ అభినందించారు. కలెక్టరేట్‌లో నిర్వహించిన కార్యక్రమంలో శాలువా కప్పి సత్కరించారు. మెరుగైన వైద్య సేవలందించాలి లక్సెట్టిపేట: ప్రజలకు మెరుగైన వైద్య సేవలందించాలని కలెక్టర్‌ కుమార్‌ దీపక్‌ అన్నారు. శనివారం మండల కేంద్రంలోని ప్రభుత్వ ఆసుపత్రిని పరిశీలించి మాట్లాడారు. డెంగీ వ్యాధిగ్రస్తులతో మాట్లాడి ఏ ప్రాంతానికి చెందిన వారో తెలుసుకుని అక్కడ చర్యలు తీసుకోవాలని సూచించారు. మున్సిపల్‌ కమిషనర్‌ విజయ్‌కుమార్‌, వైద్యాధికారులు పాల్గొన్నారు.

● నకిలీ ప్లింత్‌ ఏరియా సర్టిఫికెట్‌ తయారు చేసిన ఇద్దరి అరెస్ట్‌నస్పూర్‌: మంచిర్యాల మున్సిపల్‌ కార్పొరేషన్‌ పేరుతో కమిషనర్‌, సంబంధిత అధికారుల ఫోర్జరీ సంతకాలతో నకిలీ ప్లింత్‌ ఏరియా సర్టిఫికెట్లు తయారు చేసిన ఇద్దరిని అరెస్ట్‌ చేసినట్లు ఎస్సై తౌసినొద్దీన్‌ తెలిపారు. శనివారం ఆయన తెలిపిన వివరాల ప్రకారం..సీసీసీ నస్పూర్‌ తీగలపహాడ్‌కు చెందిన కొందరు వ్యక్తులు ఇచ్చిన ఫిర్యాదు మేరకు విచారణ చేపట్టారు. మంచిర్యాల భగవంతం వాడకు చెందిన గాదాసు శివకుమార్‌, బెల్లంపల్లి మున్సిపాలిటీలో పని చేస్తున్న జూనియర్‌ అసిస్టెంట్‌ ఎండీ ఇర్ఫాన్‌లు కలిసి ఓ ముఠాగా ఏర్పడ్డారు. ప్లింత్‌ ఏరియా సర్టిఫికెట్లు కావాలని దరఖాస్తు చేసుకున్న వారి వద్ద డబ్బులు తీసుకుని నకిలీ దందాకు తెరలేపారు. అధికారుల సంతకాలు ఫోర్జరీ, రబ్బర్‌స్టాంప్‌లు తయారు చేస్తున్న శివకుమార్‌, ఇర్ఫాన్‌లను అరెస్ట్‌ చేసి రిమాండ్‌కు తరలించారు. ఇచ్చోడ సీఐని సస్పెండ్‌ చేయాలినార్నూర్‌: సిరికొండ మండలం వాయిపేట్‌ గ్రామంలో ఆదివాసీ జాతిని కించపర్చేలా, ఉద్రిక్తతలు రెచ్చగొట్టేలా మాట్లాడినట్లు ఆరోపణలు ఎదుర్కొంటున్న ఇచ్చోడ సీఐని వెంటనే సస్పెండ్‌ చేయాలని ఆదివాసీ హక్కుల పోరాట సమితి తుడుందెబ్బ జిల్లా అధ్యక్షుడు పెందోర్‌ దాదిరావు డిమాండ్‌ చేశారు. మండల కేంద్రంలో శనివారం ఏర్పాటు చేసిన సమావేశంలో ఆయన మాట్లాడారు. గ్రామానికి చెందిన సుమారు 20 మందిపై నమోదు చేసిన కేసులను వెంటనే ఎత్తివేయాలన్నారు. ఆదివాసీ లపై అధికారులు వివక్షతో వ్యవహరించడం, వారి ఆత్మగౌరవాన్ని దెబ్బతీసేలా ప్రవర్తించడం వల్లే ఇలాంటి పరిస్థితులు ఏర్పడుతున్నాయని ఆవేదన వ్యక్తం చేశారు. ఆదివాసీ గ్రామాల్లో ‘మావ నాటే మావరాజ్‌’అనే నినాదంతో బోర్డులు ఏర్పాటు చేయాలని గ్రామ పటేళ్లకు తుడుందెబ్బ జిల్లా కమిటీ విజ్ఞప్తి చేసింది. సమావేశంలో తుడుందెబ్బ ఆదివాసీ విద్యార్థి సంఘం మండల గౌరవ అధ్యక్షుడు పెందోర్‌ కృష్ణ, మండల ప్రధాన కార్యదర్శి కొట్నాక శ్రీరామ్‌, మండల నాయకుడు పూసం బాలాజీ, మండల సోషల్‌ మీడియా కోఆర్డినేటర్‌ పెందోర్‌ చంపత్‌ తదితరులు పాల్గొన్నారు.

బాసర: బాసర బాసర శ్రీజ్ఞాన సరస్వతి అమ్మవారి ఆలయంలో శ్రీశారదీయ శరన్నవరాత్రి ఉత్సవాలు అత్యంత వైభవంగా కొనసాగుతున్నాయి. ఉత్సవాల్లో భాగంగా శనివారం ఏడోరోజు సరస్వతి దేవి శ్రీకాళరాత్రి’ అలంకరణలో భక్తులకు దర్శనమిచ్చారు. అర్చకులు అమ్మవారికి కిచిడి, వివిధ రకాల కూరగాయలతో ప్రత్యేకంగా తయారు చేసిన నైవేద్యం సమర్పించారు. గోదావరిలో భక్తుల పుణ్యస్నానాలు... నవరాత్రి ఉత్సవాల నేపథ్యంలో దేశం నలుమూలల నుంచి భక్తులు బాసర క్షేత్రానికి తరలివస్తున్నారు. శనివారం తెల్లవారుజాము నుంచే పవిత్ర గోదావరి నదిలో పుణ్యస్నానాలు ఆచరించిన భక్తులు.. అమ్మవారి దర్శనం కోసం క్యూలైన్లలో బారులు తీరారు. ఆలయ ప్రాంగణం అమ్మవారి నామస్మరణతో మార్మోగింది. శాస్త్రోక్తంగా కుమారిపూజ శరన్నవరాత్రి ఉత్సవాల్లో భగంగా ఆలయ అర్చకులు శాస్త్రోక్తంగా కుమారి పూజ నిర్వహించారు. పదేళ్లలోపు బాలికలను సాక్షాత్తు అమ్మవారి స్వరూపంగా భావించి ప్రత్యేక పూజలు చేశారు. బాలికల పాదాలను పసుపు, నీటితో కడిగి, పట్టువస్త్రాలు సమర్పించి, ప్రత్యేక అర్చనలు చేశారు. అనంతరం దేవస్థానం తరఫున ఈవో అంజనాదేవి, ఆలయ అర్చకులు బాలికలకు నైవేద్యం, తాంబూలం అందించారు.

తాండూర్‌: స్కూల్‌ గేమ్స్‌ ఫెడరేషన్‌ ఆధ్వర్యంలో ఈనెల 14 నుంచి 16 వరకు సంగారెడ్డి జిల్లా పటాన్‌చెరులో నిర్వహించిన రాష్ట్రస్థాయి రెజ్లింగ్‌ పోటీల్లో కె.శ్రీవల్లి ప్రతిభ కనబర్చింది. మండలంలోని అచ్చులాపూర్‌ జిల్లా పరిషత్‌ ఉన్నత పాఠశాలలో పదోతరగతి చదువుతున్న విద్యార్థిని అండర్‌–17 విభాగంలో జరిగిన పోటీల్లో తృతీయ స్థానంలో నిలిచి బ్రాంజ్‌ మెడల్‌ సాధించింది. సదరు బాలికను పాఠశాల ప్రధానోపాధ్యాయురాలు ఉమాదేవి, ఏఏపీసీ చైర్మన్‌ చిలకమ్మ, సర్పంచ్‌ మారిశెట్టి స్రవంతి, ఉపసర్పంచ్‌ గట్టు సంతోష్‌, వార్డు సభ్యులు అభినందించారు.

కై లాస్‌నగర్‌: వృద్ధులు, దివ్యాంగులు, ఒంటరి మహిళలు, చేనేత, గీత కార్మికులు, హెచ్‌ఐవీ బాధితులకు ఆసరాగా నిలువాలనే ఉద్దేశంతో రాష్ట్ర ప్రభుత్వం చేయూత పథకం కింద పింఛన్లు అందజేస్తోంది. దివ్యాంగులకు రూ.4,016ను అందిస్తుండగా, ఇతరులకు ప్రతి నెలా రూ.2,016 చొప్పున విడుదల చేస్తోంది. మున్సిపల్‌ పరిధిలో బ్యాంకుల ద్వారా నేరుగా లబ్ధిదారుల ఖాతాల్లో జమచేస్తున్నారు. గ్రామీణ ప్రాంతాల్లోని వారికి మాత్రం పోస్టాఫీసు ద్వారా అందజేస్తున్నారు. ఒక్కో లబ్ధిదారునికి పింఛన్‌ అందిస్తున్నందుకు గాను బీపీఎంలకు రూ.13 చొప్పున ప్రభుత్వం చెల్లిస్తోంది. అయితే కొంతమంది బీపీఎంలు కాసులకు కక్కుర్తి పడుతున్నారు. పింఛన్‌ సొమ్ములోని పైన ఇచ్చే రూ.16ను నొక్కేస్తున్నారు. చిల్లర లేదనే సాకుతో కొందరు ఇవ్వడం లేదు. మరికొందరు ప్రయాణ ఖర్చులంటూ దండుకుంటున్నారు. ఎవరైనా ప్రశ్ని స్తే వారిని ఇబ్బందులకు గురిచేస్తున్నారు. ఆన్‌లైన్‌ పనిచేయడం లేదని, తర్వాత రావాలంటూ పదే పదే తిప్పుకుంటున్నారు. లేదా కార్యాలయానికి వచ్చి తీసుకెళ్లాలని పేర్కొంటున్నారు. చేసేది లేక లబ్ధిదారులు ఇచ్చిన వాటినే తీసుకుంటున్నారు. నెలకు రూ.7లక్షల వరకు స్వాహా జిల్లావ్యాప్తంగా 71,507 మందికి ఆయా కేటగీరిల కింద ప్రభుత్వం పింఛన్లు అందిస్తోంది. నెలకు రూ.16కోట్ల 56లక్షల 10వేల 288 లను చెల్లిస్తోంది. పట్టణ ప్రాంతాల్లోని 14,670 లబ్ధిదారులను మినహాయిస్తే 56,837 మంది గ్రామీణ ప్రాంతాల్లోనే ఉన్నారు. ఒక్కో పింఛన్‌ దారు నుంచి రూ.16 చొప్పున కాజేస్తున్నారు. ఒక ఊరిలో వంద నుంచి రెండు వందల మంది వరకు లబ్ధిదారులుంటే నెలకు రూ.2వేల నుంచి 3వేల సంపాదన అవుతుంది. మొత్తంగా లెక్కిస్తే నెలకు రూ.7,94,768లు స్వాహా అవుతున్నాయి. ఇందులో సగం మంది వరకు మినహాయింపు ఇచ్చినా సుమారు రూ.లక్షల్లోనే బీపీఎంల జేబుల్లోకి వెళ్తుండడం గమనార్హం. లిఖితపూర్వకంగా ఫిర్యాదు చేస్తే చర్యలు ఎక్కడైనా బీపీఎంలు పింఛన్‌ సొమ్ములో కోత విధించినట్లయితే లిఖితపూర్వకంగా ఫిర్యాదు చేయాలి. అలాంటి వారిపై చర్యలు తీసుకుంటాం. పింఛన్‌ పంపిణీకి గాను ప్రభుత్వం వారికి ప్రత్యేక ప్రోత్సాహకం అందిస్తుంది. పింఛన్‌ సొమ్మును చిల్లర పేరిట ఇవ్వకపోవడం సరికాదు. – జాదవ్‌ శేష్‌రావు, డీపీఎం, డీఆర్‌డీఏ జిల్లాలో పోస్టాఫీసుల ద్వారా పింఛన్‌ పొందుతున్న లబ్ధిదారులు ఓఏపీ 22,415 వితంతు 22,042 దివ్యాంగులు 5,162 గీతకార్మికులు 36 చేనేత కార్మికులు 18

కై లాస్‌నగర్‌: ఆదిలాబాద్‌ మున్సిపాలిటీకి చెందిన అధికార పార్టీ కౌన్సిలర్లు శుక్రవారం రాత్రి జిల్లా ఇన్‌చార్జి మంత్రి జూపల్లి కృష్ణారావును కలిశారు. డీసీసీ అధ్యక్షుడు నరేశ్‌జాదవ్‌, మాజీ ఎంపీ బాపూరావు, మాజీ ఎమ్మెల్యే సక్కు ఆధ్వర్యంలో హైదరాబాద్‌లోని రవీంద్రభారతిలో కలిసి పలు సమస్యలపై వినతిపత్రాలు అందజేశారు. ఆదిలాబాద్‌ పట్టణా భివృద్ధి కోసం రూ.30కోట్ల నిధులు కేటాయించాలని విజ్ఞప్తి చేశారు. అలాగే 500 ఇందిరమ్మ ఇళ్లను ప్రత్యేకంగా మంజూరు చేయాలని విన్నవించారు. ఈమేరకు మంత్రి సానుకూలంగా స్పందించినట్లుగా వారు పేర్కొన్నారు. మంత్రిని కలిసిన వారిలో మున్సిపల్‌ ఫ్లోర్‌ లీడర్‌ సంజయ్‌, కౌన్సిలర్లు సాయిచరణ్‌గౌడ్‌ తదితరులున్నారు.

ఆదిలాబాద్‌: రాష్ట్రస్థాయి జూనియర్‌ ఖోఖో చాంపియన్‌షిప్‌లో ఆదిలాబాద్‌ జిల్లా బాలురు, బాలికల జట్లు విజేతలుగా నిలిచాయి. రంగారెడ్డి జిల్లా సరూర్‌నగర్‌ స్టేడియంలో నిర్వహించిన 45వ రాష్ట్రస్థాయి జూనియర్‌ ఖోఖో చాంపియన్‌షిప్‌ ఫైనల్స్‌లో ప్రత్యర్థి జట్లపై ఆధిపత్యం ప్రదర్శించి టైటిల్‌ కై వసం చేసుకున్నాయి. బాలుర విభాగంలో ఆదిలాబాద్‌ జట్టు రంగారెడ్డి జిల్లా జట్టుపై 15 పాయింట్ల ఆధిక్యంతో విజయం సాధించింది. బాలికల విభాగంలో మహబూబ్‌నగర్‌ జిల్లా జట్టుపై 16 పాయింట్ల తేడాతో గెలుపొందింది. దీంతో రెండు విభాగాల్లోనూ ఆదిలాబాద్‌ జట్లు చాంపియన్‌షిప్‌ సాధించి జిల్లా ఖ్యాతిని చాటాయి. విజేతలకు ఖోఖో అసోసియేషన్‌ రాష్ట్ర అధ్యక్షుడు జంగా రాఘవరెడ్డి, కార్యదర్శి కృష్ణమూర్తి కప్‌లు అందజేశారు. కార్యక్రమంలో జిల్లా ఖోఖో అసోసియేషన్‌ కార్యదర్శి ఎన్‌. శ్రీధర్‌రెడ్డి, డీటీఎస్‌ఓ కె.పార్థసారథి, పి.కృష్ణ, శంకర్‌, కోచ్‌లు శివకృష్ణ, తిరుమల్‌ తదితరులు పాల్గొన్నారు.

ఆదిలాబాద్‌టౌన్‌: తమకు ఉద్యోగ భద్రత కల్పించాలనే డిమాండ్‌తో జిల్లా వైద్యారోగ్యశాఖ ఎన్‌హెచ్‌ఎం ఉద్యోగులు చేపట్టిన ఆందోళన కొనసాగుతుంది. ఇందులో భాగంగా శనివారం పట్టణంలో భిక్షాటన చేసి ప్రభుత్వ తీరుపై నిరసన వ్యక్తం చేశారు. వీరికి టీజీవో అసోసియేషన్‌ అధ్యక్షుడు శివకుమార్‌, తెలంగాణ మెడికల్‌–హెల్త్‌ గెజిటెడ్‌ ఆఫీసర్స్‌ అసో సియేషన్‌ ప్రతినిధులు బ్రహ్మానంద్‌రెడ్డి, బండారి కృష్ణ, సత్యనారాయణ, వామన్‌రావు, రమణాచారి, సుభాష్‌, ఆదివాసీ గిరిజన సంఘం నాయకులు పూసం సచిన్‌, సామాజిక కార్యకర్త మౌనిష్‌ రెడ్డి, ఖానాపూర్‌ కౌన్సిలర్‌ విజయ్‌ మద్దతు తెలిపారు.

నిర్మల్‌ జిల్లా కేంద్రంలో శనివారం భిన్నమైన వాతావరణం నెలకొంది. మధ్యాహ్నం వరకు భానుడు నిప్పులు కురిపించాడు. తర్వాత ఒక్కసారిగా వాతావరణం మారిపోయింది. ఆకాశం మేఘావృతమై గండి రామన్న ఆలయం నుంచి సుమారు 2 కిలోమీటర్ల పరిధిలో 20 నిమిషాలు జోరు వాన కురిసింది. మిగతా ప్రాంతమంతా పొడిగా ఉంది. ఆ తర్వాత సాయంత్రం వరకు సూర్యుడు సుర్రుమన్నాడు. సాయంత్రం మరోమారు వాతావరణం మారి ఆకాశం మబ్బులు కమ్ముకుంది. మరోమారు జోరు వాన కురిసింది. దీంతో నీళ్లు రోడ్లపైకి చేరాయి. – సాక్షి ఫొటోగ్రాఫర్‌ నిర్మల్‌మధ్యాహ్నం విశ్వనాథ్‌పేట్‌ నుంచి బస్టాండ్‌ వరకు కనిపించని వర్షంజిల్లా కేంద్రంలోని బస్టాండ్‌ దుకాణాల ముందు రోడ్లపై పారుతున్న వర్షం నీరు

దిలావర్‌పూర్‌: మండల కేంద్రానికి చెందిన నామాయి రుచిత జాతీయస్థాయి అండర్‌–23 అథ్లెటిక్స్‌ చాంపియన్‌షిప్‌ పోటీలో ప్రతిభ కనబర్చి కాంస్య పతకం సాధించింది. రాజస్థాన్‌ రాష్ట్రం జైపూర్‌లో ఈనెల 16 నుంచి 18 వరకు జరుగుతున్న ఆరో జాతీయ అండర్‌–23 అథ్లెటిక్స్‌ చాంపియన్‌షిప్‌లో తెలంగాణ తరఫున ఆమె పాల్గొంది. ఇందులో 100 మీటర్ల హాడిల్స్‌లో కాంస్య పతకం సాధించింది. 14.19 సెకన్‌లో ఈ లక్ష్యాన్ని అధిగమించి మూడో స్థానంలో నిలిచింది. ఒడిశాకు చెందిన సబితా టోప్సో 13.65 సెకన్‌లో లక్ష్యాన్ని అధిగమించి (బంగారు), తమిళనాడుకు చెందిన షిన్నీ 13. 89 సెకెన్‌లో ద్వితీయ స్థానం పొంది (రజత) పతకం సాధించింది. నామాయి రుచిత జాతీయస్థాయి పోటీల్లో గతంలో సత్తాచాటి పలు పతకాలు కై వసం చేసుకుంది. పలువురు ఆమెను అభినందించారు.

పెంచికల్‌పేట్‌: పెంచికల్‌పేట్‌–కాగజ్‌నగర్‌ ప్రధాన రహదారిపై శనివారం సాయంత్రం ఆటో, బైక్‌ ఢీకొన్న ఘటనలో నలుగురికి తీవ్ర గాయాలయ్యాయి. ఎస్సై అనిల్‌కుమార్‌ తెలిపిన వివరాల ప్రకారం.. మొట్లగూడ గ్రామానికి చెందిన యువకుడు అబ్దుల్‌ వజీర్‌ ఆటోలో పెంచికల్‌పేట్‌ నుంచి కాగజ్‌నగర్‌ వైపు, ఎల్లూర్‌ గ్రామానికి చెందిన బండి మల్లన్న బైక్‌పై కాగజ్‌నగర్‌ నుంచి పెంచికల్‌పేట్‌ వైపు వస్తున్న క్రమంలో పెంచికల్‌పేట్‌ బుడుగుల వద్ద వేగంగా ఎదురెదురుగా ఢీకొన్నాయి. ఈ ప్ర మాదంలో బైక్‌ ప్రయాణిస్తున్న మల్లన్నతోపాటు రా మాగౌడ్‌, ఆటో డ్రైవర్‌తో పాటు ఆటోలో ప్రయాణిస్తున్న మరోబాలుడికి తీవ్రగాయాలయ్యాయి. క్షతగాత్రులను చికిత్స కోసం కాగజ్‌నగర్‌ ఆస్పత్రికి తరలించారు. బాధితుల ఫిర్యాదు మేరకు కేసు నమో దు చేసి దర్యాప్తు చేస్తున్నట్లు ఎస్సై పేర్కొన్నారు.

ఆదిలాబాద్‌: దసరా పండుగ నేపథ్యంలో ఆర్టీసీ బస్సులు కిక్కిరిసి నడుస్తున్నాయి. హైదరాబాద్‌ వంటి నగరాల నుంచి పల్లెలకు పండుగకు వచ్చే వారి కోసం ఈనెల 9 నుంచి యాజమాన్యం ప్రత్యేక సర్వీసులను ప్రారంభించింది. అయితే స్పెషల్‌ సర్వీసుల నిర్వహణతో సాధారణ బస్సుల లభ్యత తగ్గి, జిల్లా, మండల కేంద్రాలతో పాటు గ్రామీణ ప్రాంతాలకు వివిధ పనుల నిమిత్తం వెళ్లే ప్రయాణికులకు ఇబ్బందులు ఎదురవుతున్నాయి. గంటల తరబడి వేచి చూడాల్సిన దుస్థితి. రద్దీకి అనుగుణంగా బస్సులు నడుపుతూ సాధారణ సర్వీసులను యథావిధిగా కొనసాగించాలని ప్రయాణికులు కోరుతున్నారు. సాధారణ సర్వీసులకు ఇబ్బందులు దసరా, బతుకమ్మ, శరన్నవరాత్రోత్సవాల నేపథ్యంలో ఉమ్మడి ఆదిలాబాద్‌ జిల్లా నుంచి భాగ్యనగరానికి ఆర్టీసీ అదనపు బస్సులను నడుపుతోంది. రీజియన్‌ పరిధిలోని ఆరు డిపోల నుంచి మొత్తం 533 అదనపు సర్వీసులను అందుబాటులోకి తీసుకొచ్చింది. ఆదిలాబాద్‌ నుంచి 130, మంచిర్యాల నుంచి 154, నిర్మల్‌ నుంచి 144, ఆసిఫాబాద్‌ నుంచి 62, భైంసా నుంచి 31, ఉట్నూర్‌ నుంచి 31 సర్వీసులను నడుపుతున్నారు. పండుగ రద్దీ దృష్ట్యా ప్రత్యేక బస్సులను కేటాయించడంతో కొన్ని ప్రాంతాల్లో సాధారణ సర్వీసుల సంఖ్య తగ్గుతోంది. ముఖ్యంగా గ్రామీ ణ ప్రాంతాలకు వెళ్లే ప్రయాణికులు సమయానికి బస్సులు అందక ఇబ్బందులు పడుతున్నారు. సీట్ల కోసం ఆరాటం.. బస్సుల కొరతతో పరిమితికి మించి ప్రయాణికులను తరలిస్తుండడంతో ప్రమాదాలు చోటు చేసుకుంటున్నాయి. అలాగే సీట్ల కోసం హడావుడిగా బస్సులు ఎక్కడం, దిగే క్రమంలో ప్రయాణికులు గాయాల పాలవుతున్నారు. ఈ నెల 14న నిర్మల్‌ జిల్లా లక్ష్మణచాంద మండల కేంద్రంలో ఓ మహి ళ గాయపడిన విషయం తెలిసిందే. అయినప్పటి కీ అధికారులు ప్రత్యేక బస్సుల ఏర్పాటుపైనే దృష్టి సారిస్తూ, సాధారణ బస్సుల సంఖ్య పట్టించుకోవడం లేదనే విమర్శలు వ్యక్తమవుతున్నాయి. ప్రైవేటు ప్రయాణంతో ఛార్జీల భారం బస్సులు అందుబాటులో లేకపోవడంతో ప్రయాణికులు గంటల తరబడి నిరీక్షించాల్సి వస్తోంది. తప్పనిసరి పరిస్థితుల్లో ప్రైవేటు వాహనాలను ఆశ్రయిస్తున్నారు. ఇదే అదునుగా వారు అధిక చార్జీలు వసూలు చేస్తున్నారు. దీంతో ప్రయాణికులపై ఆర్థిక భారం పడుతోంది. అదనపు బస్సులు నడిపితేనే.. సాధారణ సర్వీసులు తగ్గడంతో మహిళలు, వృద్ధులు అవస్థలు ఎదుర్కొంటున్నారు. పండుగ రద్దీ నియంత్రించేందుకు ప్రత్యేక బస్సులు నడపడం అవసరమే అయినా, రోజువారీ ప్ర యాణికులకు ఇబ్బందులు కలగకుండా ప్రత్యామ్నాయ ఏర్పాట్లు చేయాల్సిన బాధ్యత ఆర్టీసీపై ఉంది. అధికారులు స్పందించి సాధారణ సర్వీసులకు కోత పడకుండా సరిపడా బస్సులను అందుబా టులో ఉంచాలని ప్రయాణికులు కోరుతున్నారు.

‘మూడు సార్లు ఓటమి ఎదురైనా కుంగిపోలేదు.. పట్టు వీడలేదు.. నాలుగో ప్రయత్నంలో విజయం సాధించా.. నాన్నే నాకు స్ఫూర్తి..’ అంటూ చెప్పుకొచ్చారు ఆదిలాబాద్‌ జిల్లా గుడిహత్నూర్‌ మండలం మన్నూర్‌ గ్రామానికి చెందిన ఐపీఎస్‌ రాజ్‌కుమార్‌ చౌహాన్‌. హైదరాబాద్‌లోని సర్దార్‌వల్లాభాయ్‌ పటేల్‌ నేషనల్‌ పోలీస్‌ అకాడమీలో శిక్షణ పూర్తయిన సందర్భంగా శనివారం పాసింగ్‌ అవుట్‌ పరేడ్‌ నిర్వహించారు. ఈ సందర్భంగా ‘సాక్షి’కి ఇచ్చిన ఇంటర్వ్యూలో తన సక్సెస్‌, ఇతర విషయాలు వెల్లడించారు. – ఇచ్చోడ సాక్షి: ఐపీఎస్‌ శిక్షణ పూర్తి చేసుకున్న మీకు ముందుగా కంగ్రాట్యులేషన్‌ .. రాజ్‌కుమార్‌: థాంక్యూ అండి. సాక్షి: మీ కుటుంబ నేపథ్యం.. రాజ్‌కుమార్‌: నాన్న చౌహాన్‌ ముకుంద్‌రావు ప్రభు త్వ ఉపాధ్యాయుడు. అమ్మ గీత గృహిణి. చెల్లి నిఖిత సెంట్రల్‌ బ్యాంక్‌ ఆఫ్‌ ఇండియాలో పని చేస్తున్నారు. తమ్ముడు నవీన్‌కుమార్‌ కాకతీయ మెడికల్‌ కళాశాలలో ఎంబీబీఎస్‌ ఫైనలియర్‌ చదువుతున్నాడు. సాక్షి: మీ ప్రిపరేషన్‌.. విజయ ప్రస్థానం ఎలా సాగింది.. రాజ్‌కుమార్‌: యూపీఎస్సీ ప్రిపరేషన్‌ మొదలు పె ట్టాక మూడుసార్లు వరుస ఓటములు. అయినా కుంగిపోలేదు. నాన్న వెన్నుతట్టి ప్రోత్సహించా రు. మెంటర్స్‌ సూచనలతో ఎప్పటికప్పుడు త ప్పులను సరిదిద్దుకుంటూ ముందుకు సాగాను. పట్టు వదలకుండా ప్రయత్నించాను. నాలుగో ప్రయత్నంలో 703వ ర్యాంకుతో ఐపీఎస్‌కు ఎంపికయ్యా. ప్రస్తుతం తొలివిడత శిక్షణ పూర్తయింది. డీపీటీకి రాజస్తాన్‌కు వెళ్తున్నా. ఆరు నెలల త ర్వాత ఫేజ్‌ 2కు మళ్లీ పోలీస్‌ అకాడమీకి వస్తాను. తర్వాత పూర్తిగా రాజస్తాన్‌ కేడర్‌లోనే ఉంటా. సాక్షి: మీకు స్ఫూర్తి ఎవరు..?రాజ్‌కుమార్‌: నాన్నే నాకు స్ఫూర్తి. ప్రభుత్వ ఉపాధ్యాయుడిగా ఉన్నందున చిన్నప్పటి నుంచే ఒక్క టే చెప్పేది. క్రమశిక్షణతో పాటు అందరికంటే ప్ర త్యేకత కలిగి ఉండాలని సూచించేవారు. అలాగే బీఆర్‌ అంబేడ్కర్‌ జీవిత చరిత్ర ద్వారా స్ఫూర్తి పొందాను. ఇంకా ఆదిలాబాద్‌ కలెక్టర్‌ రాజర్షి షా, ఎస్పీ అఖిల్‌ మహాజన్‌ స్ఫూర్తితో ముందుకు సాగాను. నవోదయలో ప్రిన్సిపాల్‌, సిబ్బంది ఇచ్చిన ప్రేరణ నన్ను ఐపీఎస్‌ వైపు అడుగులు వేయించింది. అక్కడ చదువుకున్న రోజుల్లో పాఠశాలకు వచ్చే ఉన్నతస్థాయి అధికారులు ఇచ్చిన స్ఫూర్తి నాలో ప్రేరణగా నిలిచింది. సాక్షి: యువతకు మీరిచ్చే సలహా, సూచనలు.. రాజ్‌కుమార్‌: ఓటమిని చూసి కుంగిపోవద్దు. ప్రిపరేషన్‌లో పీర్‌ గ్రూప్‌ ఎంపిక, మెంటర్స్‌ సూచనలు కీలకం. నిబద్దత తప్పనిసరి. ఎప్పటికప్పుడు సానుకూల దృక్పథంతో ముందుకు సాగితే విజయం తథ్యం. యువతకు చాలా అవకాఽశాలు ఉన్నాయి. వాటిని దక్కించుకోవడానికి కృషి చేయాలి.సాక్షి: మీ విద్యాభ్యాసం ఎలా సాగింది..రాజ్‌కుమార్‌: ఒకటి నుంచి ఐదో తరగతి వరకు ఇచ్చోడలోని ప్రైవేట్‌ స్కూల్‌లో, ఆరు నుంచి పది వరకు కాగజ్‌నగర్‌లోని జవహర్‌ నవోదయలో చది వాను. ఇంటర్‌ హైదరాబాద్‌లోని నారాయణ కళాశాలలో, బీటెక్‌ ఎన్‌ఐటీ వరంగల్‌లో పూర్తి చేశా. తర్వాత యూపీఎస్సీకి ప్రిపేర్‌ అయ్యాను.

సాక్షి, ఆదిలాబాద్‌: రాష్ట్రంలో కార్పొరేషన్లు, ఫెడరేషన్లకు సంబంధించి త్వరలో నామినేటెడ్‌ పదవులు భర్తీ చేస్తామని కాంగ్రెస్‌ అధిష్టానం పేర్కొంటుండగా, వాటిపై జిల్లా కాంగ్రెస్‌ నేతలు ఆశలు పెట్టుకున్నారు. ప్రధానంగా జిల్లాకు సంబంధించి ప్రజా ప్రతినిధులుగా ప్రాతినిధ్యం లేకపోవడం, ప్రభుత్వ సమావేశాల నిర్వహణ సందర్భంగా ప్రొటోకాల్‌ సమస్యలు తలెత్తుతున్న నేపథ్యంలో హస్తం నాయకులకు వేదికలపై కూర్చుండే అవకాశం దక్కడంలేదు. రాష్ట్ర ప్రభుత్వం చేపట్టే అభివృద్ధి అంశాలను పూర్తిస్థాయిలో ప్రజలకు వివరించలేకపోతున్నామనే అభిప్రాయం పార్టీలో వినిపిస్తుంది. ఈ నేపథ్యంలో జిల్లా నేతలకు రాష్ట్రస్థాయిలో సముచిత ప్రాధాన్యత కల్పిస్తూ కార్పొరేషన్‌ చైర్మన్‌ పదవి ఇవ్వాలనే అభిప్రాయం జిల్లా పార్టీ నుంచి వ్యక్తమవుతుంది. రాష్ట్రవ్యాప్తంగా వివిధ కుల, సామాజిక వర్గాల సంక్షేమ కార్పొరేషన్లు, ఫెడరేషన్లకు నామినేటెడ్‌ పద్ధతిలో చైర్మన్‌, వైస్‌ చైర్మన్‌ పదవులను త్వరలో భర్తీ చేస్తామని పార్టీ అధిష్టానం పేర్కొంటుండగా, జిల్లా కాంగ్రెస్‌ నేతలు వాటిపై ఆశలు పెట్టుకున్నారు. జిల్లాకు సమచిత స్థానం కల్పిస్తేనే పార్టీ బలోపేతానికి పరిస్థితులు కలిసి వస్తాయని అధిష్టానానికి చెబుతున్నారు. ఈ విషయంలో పార్టీ పెద్దలు ఏ రీతిన స్పందిస్తారో చూడాల్సిందే. జాబితా అందజేత .. కార్పొరేషన్‌ పదవులను త్వరలో భర్తీ చేయాలనే యోచనలో ఉన్న కాంగ్రెస్‌ పార్టీ జిల్లాల నుంచి ఆశావహుల జాబితాను సేకరిస్తుంది. జిల్లా నుంచి కూడా పేర్లను నాయకులు అందజేశారు. ఆ జాబితాలో 15కుపైగా పేర్లు ఉన్నట్టు తెలుస్తుంది. ఆయా సామాజిక వర్గ సమీకరణాలతో పాటు పార్టీలో ముందు నుంచి ఉన్న పలువురు నాయకుల పేర్లు అందులో ఉన్నట్టు ప్రచారం జరుగుతుంది. ఎస్టీ సామాజిక వర్గం నుంచి మాజీ ఎంపీ సోయం బాపురావు పేరుతో పాటు పలువురు సీనియర్‌ నాయకుల పేర్లు ఉన్నట్టు సమాచారం. డైరెక్టర్‌, బోర్డు సభ్యులకు.. కార్పొరేషన్లలో చైర్మన్‌, వైస్‌చైర్మన్‌ పదవులతో పాటు డైరెక్టర్‌, బోర్డు సభ్యుల ను కూడా నియమిస్తారు. చైర్మన్‌, వైస్‌ చైర్మన్‌ పదవుల కోసం ముఖ్య నాయకుల పేర్లను సూచించినప్పటికీ, ఒకవేళ డైరెక్టర్‌, బోర్డు సభ్యుల స్థానాల కోసం జిల్లా నుంచి కేటాయించాలనుకుంటే ద్వితీయ శ్రేణి నాయకుల పేర్లు కూడా కొన్ని సూచించినట్టుగా తెలుస్తుంది. ఈ నేపథ్యంలో కార్పొరేషన్‌ పదవుల్లో మన జిల్లాకు ప్రాతినిధ్యం దక్కుతుందా లేదా అనేది ఆసక్తికరంగా మారింది. వీటితోపాటు జిల్లా స్థాయిలో పీఏసీఎస్‌, ఇతరత్రా నామినేటెడ్‌ పదవుల భర్తీపై కూడా జిల్లా నాయకులు ఆశలు పెట్టుకున్నారు.

సాక్షి, ఆదిలాబాద్‌: పత్తి కొనుగోళ్లకు ముహూర్తం ఖ రారైంది. ఈనెల 22న ఆదిలాబాద్‌ వ్యవసాయ మా ర్కెట్‌యార్డులో అధికారికంగా ప్రారంభించనున్నా రు. సీసీఐతో పాటు ప్రైవేట్‌ వ్యాపారులు రంగంలో ఉండనున్నారు.గతేడాది మాదిరిగానే రైతులు ముందుగా స్లాట్‌ బుకింగ్‌ చేసుకోవాలి. అనంతర మే దిగుబడిని మార్కెట్‌కు తీసుకు రావాల్సి ఉంటుంది. ఈనెల 17 నుంచి కపాస్‌ కిసాన్‌యాప్‌ అందుబాటులోకి తీసుకొస్తున్నట్లు అధికారులు ప్రకటించారు. జిల్లాలో 11 కేంద్రాలు సీసీఐ జిల్లాలో ఈ ఏడాది కూడా 11 కొనుగోలు కేంద్రాలను ఏర్పాటు చేస్తుంది. ఇందుకోసం 31 జిన్నింగ్‌లను అద్దెకు తీసుకుంది. రైతులు మార్కెట్‌ యార్డుల్లో పత్తి తూకం తర్వాత జిన్నింగ్‌కు తరలిస్తారు. ఆదిలాబాద్‌లో రెండు (ఏ,బీ సెంటర్లు), నేరడిగొండ, ఇంద్రవెల్లి, బేల, బోథ్‌, నార్నూర్‌, ఇచ్చోడ, సొనాల, పొచ్చెర, గుడిహత్నూర్‌లో ఒక్కో కేంద్రం చొప్పున అందుబాటులో ఉంటాయి. మొద ట ఆదిలాబాద్‌ మార్కెట్‌లో కొనుగోళ్లను ప్రారంభించిన తర్వాత జిల్లా అంతటా విస్తరించనున్నారు. మద్దతు ధర మించి ప్రస్తుతం బహిరంగ మార్కెట్‌లో పత్తికి మద్దతు ధర మించి రేటు లభిస్తుంది. రూ.9వేలకు పైగా పలుకుతుండటం రైతులకు ఊరటనిస్తుంది. పొడవు గింజ పత్తి జిల్లాకు పెట్టింది పేరు. ఈ నాణ్యమైన దిగుబడికి ప్రైవేట్‌లో ప్రస్తుతం మంచి డిమాండ్‌ ఉంది. మార్కెట్‌లో ఉదయం వేలం నిర్వహించి కొనుగో ళ్లను ప్రారంభిస్తారు. ఏ రోజుకారోజు పాట ఆధారంగా ధర ప్రకటిస్తారు. 8 నుంచి 12 శాతం లోపు తేమ ఉంటేనే మార్కెట్‌లో ఉన్న రేటు రైతులకు లభించే ఆస్కారముంది. గతేడాది మాదిరే.. కపాస్‌ కిసాన్‌ యాప్‌ను ఈనెల 17నుంచి అందుబా టులోకి తీసుకురానున్నట్లు అధికారులుస్పష్టం చేశా రు. ఆ రోజు నుంచి రైతులు స్లాట్‌ బుకింగ్‌ చేసుకో వచ్చు. ముందుగా బుక్‌ చేసుకున్నవారు నిర్ణీత తేదీ లో విక్రయించుకోవచ్చు. ఒకసారి బుక్‌ చేసుకున్న తర్వాత ఇది వరకు ఉన్న గడువు కంటే అదనపు రో జులు పెంచినట్లు కలెక్టర్‌ రాజర్షి షా స్పష్టం చేశారు. రైతులు సంబంధిత క్లస్టర్‌ పరిధిలోని రైతు వేదికల్లో అందుబాటులో ఉండే ఏఈవోలను సంప్రదించి స్లాట్‌ బుక్‌ చేసుకునే అవకాశం కల్పిస్తున్నారు. దిగుబడులతోనే దిగాలు.. ప్రస్తుతం మార్కెట్‌లో పత్తికి మంచి ధర ఉన్నప్పటికీ రైతుల్లో దిగుబడుల విషయంలోనే చింత నెలకొంది. వ్యవసాయ శాఖ అంచనా ప్రకారం ఎకరానికి 8నుంచి పది క్వింటాళ్ల పత్తి దిగుబడి వస్తుందని చెప్పినప్పటికి ప్రస్తుతం ఆ పరిస్థితులు కనిపించడం లేదు. ఎల్‌నినో ప్రభావంతో పంట ఎదుగుదల లోపించింది. దిగుబడిపై ప్రభావం చూపుతుంది. అంచనాలో సగం దిగుబడి కూడా వచ్చే పరిస్థితులు లేవనే ఆవేదన రైతుల్లో కనిపిస్తుంది. ప్రస్తు తం పత్తి తీత ఇంకా ఊపందుకోలేదు. మొదటి రోజు మార్కెట్‌కు తీసుకువచ్చే పత్తిని బట్టి దిగుబడులను అంచనా వేసేందుకు ఆస్కారముంది. సర్వం సిద్ధం మరో వారం రోజుల్లో కొనుగోళ్లు ప్రారంభం కానుండగా యంత్రాంగం అన్ని ఏర్పాట్లు పూర్తి చేస్తుంది. సీసీఐ, ప్రైవేట్‌ వ్యాపారులకు సంబంధించి వేర్వేరుగా సాఫ్ట్‌వేర్‌ను రూపొందించింది. ఆదిలాబాద్‌ మార్కెట్‌యార్డులో 11 కాంటాలను రెడీ చేస్తున్నారు. యార్డులో రైతులకు కనీస వసతులు కల్పించేలా ఏర్పాట్లు సాగుతున్నాయి. రూ.5కే భోజనం రైతుల కోసం ఆదిలాబాద్‌ మార్కెట్‌ యార్డులో రూ.5కే భోజన సదుపాయం ఏర్పాటు చేశారు. ఇస్కాన్‌ సౌజన్యంతో అందుబాటులోకి తెస్తున్నారు. ఇందులో ఇస్కాన్‌ రూ.5 వెచ్చిస్తుండగా మార్కెటింగ్‌ శాఖ రూ.20 భరిస్తుంది. రైతు రూ.5 చెల్లించాల్సి ఉంటుంది. సాధారణంగా మొదట్లో వెయ్యికి పైగా రైతులు పత్తిని విక్రయించేందుకు మార్కెట్‌కు వచ్చే పరిస్థితులు ఉన్నట్లు అంచనా వేస్తున్నారు. అన్ని ఏర్పాట్లు చేస్తున్నాం..ఈ నెల 22న పత్తి కొనుగోళ్లను ప్రారంభించనున్నాం. ఇందుకోసం అన్ని ఏర్పాట్లు చేస్తున్నాం. సాఫ్ట్‌వేర్‌ సిద్ధం చేయడంతో పాటు తేమ కొలిచే యంత్రాలను అందుబాటులో ఉంచాం. రైతులు నాణ్యమైన పత్తిని తీసుకురావాలి. మంచి ధర పొందాలి. – గజానంద్‌, మార్కెటింగ్‌ శాఖ ఏడీ

ఆదిలాబాద్‌టౌన్‌: కేటాయించిన పనులు కాదు.. మాకు నచ్చిన చోటే పనిచేస్తాం.. ఇది రిమ్స్‌లోని కొంతమంది కార్మికుల తీరు. ఇటీవల కలెక్టర్‌ రాజ ర్షిషా రిమ్స్‌ అధికారులు, కార్మికులతో సమీక్షించా రు. నియామకమైన పోస్టుల్లోనే పనిచేయాలని ఆదేశించారు. అయితే కొందరిలో మాత్రం మార్పు కానరావడం లేదు. ఇప్పటికీ ఇతర విభాగాల్లోనే పనిచేస్తున్నారు. కేటాయించిన విధులను విస్మరిస్తున్నా రు. ఫలితంగా రోగులకు తిప్పలు తప్పడం లే దు. రాజకీయ నాయకులు, తెలిసిన వారితో అధికా రులకు ఫోన్‌ చేయించి ఒత్తిడి తెస్తున్నారు. వారికి పారి శుధ్య పనులు, సెక్యూరిటీ గార్డు, పేషెంట్‌కేర్‌ పనులు చెప్పకుండా చూస్తున్నారు. అయితే ఔట్‌సోర్సింగ్‌ ఏజెన్సీ కాంట్రాక్టర్లు నియామకమైన పో స్టుల్లో పనిచేయని వారికి హాజరు వేయడం లేదు. జీతాల్లో కోతలు విధిస్తామని చెప్పడంతో సగం మందికి పైగా ఇటీవల విధుల్లో చేరగా, మరి కొందరు ఇంకా నచ్చిన పనుల్లోనే కొనసాగుతున్నారు. పారిశుధ్య పనులపై ప్రభావం.. కార్మికులకు కేటాయించిన విధులు నిర్వహించకపోవడంతో రిమ్స్‌లో పారిశుధ్యంపై ప్రభావం చూపుతోంది. పలు వార్డులు కంపు కొడుతున్నాయి. ఆస్పత్రి ఆవరణ చెత్తాచెదారంతో దర్శనమిస్తోంది. అలా గే పేషెంట్‌కేర్‌గా పనిచేయాల్సిన వారు వేరేపనుల్లో నిమగ్నమవ్వడంతో రోగుల బంధువులే స్ట్రెచ్చ ర్ల ద్వారా తీసుకెళ్లాల్సిన దుస్థితి.మరికొందరు సెక్యూరిటీ గార్డులు కేటాయించినా డ్యూటీ చేయకపోవడంతో రోగుల బంధువులు ఇష్టారీతిన వార్డులకు వెళ్లి వస్తున్నారు. దీంతో వైద్యులు రోగులను పరీక్షించే సమయంలో ఇబ్బందులు ఎదురవుతున్నాయి. రిమ్స్‌లో పనిచేస్తున్న కొంత మంది కార్మికులు కేటాయించిన విధులు కాకుండా ఇతర పనులు చేస్తున్నారు. ఇటీవల కలెక్టర్‌ ఆదేశాల మేరకు ఇతర పనుల్లో ఉన్న 65 మంది వారికి కేటాయించిన డ్యూటీలో చేరగా మరో 35 మంది ఎవరు చెప్పినా వినడం లేదు. మూడు రోజుల క్రితం ఓ పేషేంట్‌ కేర్‌ తనను ఇతర పనుల్లో కొనసాగించేలా ఓ రాజకీయ నాయకుడితో పైరవీ చేయించారు. హాజరు వేయకపోవడంతో ఆమె సూపర్‌వైజర్‌తో వాగ్వాదానికి దిగడం గమనార్హం.

గుడిహత్నూర్‌: ఇందిరమ్మ ఇళ్ల నిర్మాణంలో నాణ్యతా ప్రమాణాలు తప్పనిసరి పాటించాల ని ఐటీడీఏ పీవో మంద మకరందు అధికా రులను ఆదేశించారు. మండలంలో చెరుకువాయి కొలాంగూడలో నిర్మాణంలో ఉన్న ఇళ్ల పనుల ను శుక్రవారం పరిశీలించారు. వినియోగిస్తున్న సామగ్రి, పనుల పురోగతిపై ఆరా తీశారు. పే దల సొంతింటి కల నెరవేర్చడమే ప్రభుత్వ లక్ష్యమన్నారు. పనుల పర్యవేక్షణలో నిర్లక్ష్యం తగదని, సమస్యలుంటే తన దృష్టికి తీసుకురా వాలని అధికారులకు సూచించారు. ఇళ్లు లేని మరో మూడు కుటుంబాలకు మంజూరు చేశా రు. తమ గూడేనికి సరైన రోడ్డు లేక ఇబ్బందులు పడుతున్నట్లు ఆదివాసీలు పీవో దృష్టికి తీ సుకెళ్లగా ఆయన సానుకూలంగా స్పందించా రు. ప్రతిపాదనలు పంపాలని అధికారులను ఆదేశించారు. ఆయన వెంట తహసీల్దార్‌ కవి తారెడ్డి, ఇతర శాఖల అధికారులున్నారు.

ఆదిలాబాద్‌రూరల్‌: ఎయిర్‌పోర్టు కోసం భూములు కోల్పోతున్న నిర్వాసితులకు అభ్యంతరాలు ఉంటే దరఖాస్తు రూపంలో అందజేయాలని అదనపు కలెక్టర్లు ఆర్‌ఎస్‌ చిత్రు, రాజేశ్వర్‌ అన్నారు. మండలంలోని అనుకుంట గ్రామంలో నిర్వాసితులతో శుక్రవారం సమావేశం నిర్వహించారు. అనంతరం వారి నుంచి అభ్యంతరాలు స్వీకరించారు. ఈ సందర్భంగా అదనపు కలెక్టర్లు మాట్లాడుతూ, ఏవైనా పొరపా ట్లు, అభ్యంతరాలు ఉంటే దృష్టికి తీసుకురావా లని, నిర్వాసితులకు పూర్తిస్థాయిలో న్యాయం జరిగేలా చూస్తామన్నారు. వారి వెంట ఆర్డీవో జగదీశ్వర్‌రావు, తహసీల్దార్‌ గోవింద్‌, ఆర్‌ఐ నారాయణ తదితరులున్నారు.

కై లాస్‌నగర్‌: ఓటరు జాబితా ప్రత్యేక సవరణ ప్రక్రి య వేగవంతం చేయాలని కలెక్టర్‌ రాజర్షి షా అన్నా రు. ఎస్‌ఐఆర్‌ ప్రక్రియలో భాగంగా శుక్రవారం ఆది లాబాద్‌ పట్టణం న్యూహౌసింగ్‌బోర్డు కాలనీలోని మండల పరిషత్‌ ప్రాథమిక పాఠశాల వద్ద గల వివి ధ పోలింగ్‌కేంద్రాలను సందర్శించారు. ఓటర్ల జాబి తాను పరిశీలించి, అధికారులు, సిబ్బందికి పలు సూచనలు చేశారు. సూపర్‌వైజర్‌, బూత్‌స్థాయి అధి కారులతో ఓటర్ల జాబితాలో మార్పులు, మ్యాపింగ్‌ ప్రక్రియపై ప్రత్యేకంగా చర్చించారు. పలువురు ఓట ర్లకు ఫారం–6లను అందజేశారు. ఈ సందర్భంగా కలెక్టర్‌ మాట్లాడుతూ, ఓటరు జాబితాలో షిఫ్టెడ్‌, డెత్‌, డబుల్‌ ఎంట్రీ ఓటర్ల వివరాలు క్షుణ్ణంగా పరిశీలించి తగిన చర్యలు తీసుకోవాలని సూచించారు. నిర్దేశిత పోలింగ్‌ స్టేషన్ల వారీగా ఓటర్ల వివరాలు సరిపోల్చుతూ, తొలగించాల్సిన ఓట్లు, మృతి చెందినవారి ఓట్లు, డబుల్‌ ఓట్ల జాబితాను పకడ్బందీగా సిద్ధం చేయాలని ఆదేశించారు. ఎలాంటి పొరపాట్లకు తావులేకుండా, అర్హులైన ప్రతి ఒక్కరికీ అవకాశం కల్పించేలా పారదర్శకతతో ప్రక్రియను విజ యవంతం చేయాలని స్పష్టం చేశారు. ఇందులో తహసీల్దార్‌ వేణు, జీపీవో శ్రీధర్‌, బీఎల్‌వోలు మంజుల, కావేరి, గంగన్న తదితరులు పాల్గొన్నారు. అభివృద్ధి పనులు వేగవంతం చేయాలిప్రభుత్వ పాఠశాలల్లో మౌలిక వసతుల కల్పన, అభివృద్ధి పనులను వేగవంతం చేయాలని కలెక్టర్‌ రాజర్షి షా అధికారులను ఆదేశించారు. కలెక్టరేట్‌లోని తన చాంబర్‌లో యంగ్‌ ఇండియా రెసిడెన్షియల్‌ స్కూల్‌, కేజీబీవీలు, మైనార్టీ రెసిడెన్షియల్‌ పాఠశాలలు, ప్రభుత్వ పాఠశాలల అభివృద్ధి పనులపై ఇంజినీరింగ్‌ అధికారులతో శుక్రవారం సమీ క్షించారు. జైనథ్‌, బోథ్‌, ఉట్నూర్‌లోని యంగ్‌ ఇండియా రెసిడెన్షియల్‌ స్కూళ్ల నిర్మాణాల పురోగతి, కేజీబీవీలు, ఆయా పాఠశాలల్లో కొనసాగుతున్న పనుల స్థితిగతులపై ఆరా తీశారు. వేగవంతం చేయాలని ఆదేశించారు. కేజీబీవీల్లో నాబార్డు నిధులతో చేపట్టిన పనులతో పాటు ప్రహరీ నిర్మాణాలు, సమగ్ర శిక్షా అభియాన్‌లో మంజూరైన ఇంకుడు గుంతలు, మరుగుదొడ్లు, అదనపు తరగతి గదుల నిర్మాణాలను సకాలంలో పూర్తి చేయాలన్నారు. ఇందులో టీజీఈడబ్ల్యూఐడీసీ ఇన్‌చార్జి ఎస్‌ఈ రవీందర్‌, డీఈ జ్ఞానేశ్వర్‌ అధికారులు, సిబ్బంది తది తరులు పాల్గొన్నారు.

కలెక్టర్‌ ఆదేశాల మేరకు ఇతర పనుల్లో ఉన్న వారిని కేటాయించిన పనులు చేయాలని సూచించాం. అయినప్పటికీ ఇంకా 35 మంది తమకు నచ్చిన చోటే పనిచేస్తున్నారు. కేటాయించిన విధుల్లో చేరని వారికి వేతనాలు ఇవ్వవద్దని, అటెండెన్స్‌ వేయవద్దని కలెక్టర్‌ ఆదేశించారు. అలాగే వ్యవహరిస్తున్నాం. – రాజశేఖర్‌రెడ్డి, ఔట్‌ సోర్సింగ్‌ నిర్వాహకుడుకేటాయించిన డ్యూటీ చేసేలా చర్యలు రిమ్స్‌లో ఇదివరకు ఇతర విభాగాల్లో పనిచేసే వారిని కేటాయించిన విధుల్లో పనులు చేపట్టాలని ఆదేశించాం. చాలా మంది కేటాయించిన విధులు చేస్తున్నారు. కొంత మంది ఇంకా పాత స్థానాల్లోనే ఉన్నారు. వారు కూడా త్వరలో కేటాయించిన పనులు చేపట్టేలా చర్యలు తీసుకుంటాం. – జైసింగ్‌ రాథోడ్‌, రిమ్స్‌ డైరెక్టర్‌

కై లాస్‌నగర్‌: జిల్లాకేంద్రంలో శుక్రవారం రాత్రి అధికారికంగా నిర్వహించిన బతుకమ్మ సంబురాలు అంబరాన్నంటాయి. వేడుకలకు కలెక్టర్‌ కలెక్టర్‌ రాజర్షి షా ముఖ్య అతిథిగా హాజరయ్యారు. మున్సిపల్‌ చైర్‌పర్సన్‌ అనూష, మార్కెట్‌ కమిటీ చైర్మన్‌ శ్రీకాంత్‌రెడ్డితో కలిసి ప్రత్యేక పూజలు చేశారు. అనంతరం మహిళా ఉద్యోగులు ఉయ్యాల పాటల నడుమ బతుకమ్మ ఆడి సందడి చేశారు. వారితో కలిసి అధికారులు స్టెప్పులేశారు. ఇందులో అదనపు కలెక్టర్‌ ఎస్‌.రాజేశ్వర్‌, డీఆర్వో స్రవంతి, కమిషనర్‌ జగదీశ్వర్‌ గౌడ్‌, మెప్మా పీడీ సీవీఎన్‌. రాజు, ప్రభుత్వ అధికారుల సంఘం జిల్లా అధ్యక్షుడు ఎం.మనోహర్‌, డీఈఓ మాధవి, డీడబ్ల్యూవో మిల్కా, కౌన్సిలర్‌ స్వాతి తదితరులు పాల్గొన్నారు. ఉట్నూర్‌లో.. ఉట్నూర్‌రూరల్‌: మండల కేంద్రంలోని ఆర్టీసీ డిపోలో ఐక్య కూటమి ఆధ్వర్యంలో బతుకమ్మ సంబరాలు నిర్వహించారు. మహిళా ఉద్యోగులు, కార్మికులు ఉత్సాహంగా పాల్గొన్నారు. కూటమి నాయకులు అంజత్‌ మిర్జాబేగ్‌, సిబ్బంది పాల్గొన్నారు.

కై లాస్‌నగర్‌: ఔట్‌సోర్సింగ్‌ ఉద్యోగా ల కోసం నూతన ఎంప్యానెల్‌ కమిటీ ఏర్పాటు చేసి, ని యామకాల్లో ఉమ్మ డి జిల్లా వాసులకు ప్రాధాన్యత కల్పించాలని టీపీసీసీ ఎస్సీ విభాగం వైస్‌ చైర్మన్‌ దుర్గం శేఖర్‌ కోరారు. శుక్రవారం రాష్ట్ర కార్మిక, ఉపాధి శాఖ మంత్రి గడ్డం వివేక్‌ వెంకటస్వామిని ఆయన మర్యాదపూర్వకంగా కలిశా రు. ఉమ్మడి ఆదిలాబాద్‌ జిల్లాలో దళితులు ఎదుర్కొంటున్న పలు సమస్యలను మంత్రి దృష్టికి తీసుకెళ్లారు. ఆదిలాబాద్‌, నిర్మల్‌ జిల్లాల్లో ఔట్‌సోర్సింగ్‌ ఉద్యోగాల ఎంప్యానెల్‌ కోసం నూతనంగా టెండర్లు పిలిచి కమిటీని ఏర్పాటు చేయాలన్నారు. ఈమేరకు మంత్రి సానుకూలంగా స్పందించినట్లుగా ఆయన తెలిపారు.

బోథ్‌: పీఆర్టీయూ రాష్ట్ర కార్యవర్గంలో సొనాల మండలానికి చెందిన ముగ్గురు ఉపాధ్యాయులకు చోటు దక్కింది. నల్గొండలో నిర్వహించిన సమావేశంలో ఉపాధ్యక్షుడిగా ఓస శ్రీనివాస్‌, కార్యదర్శులుగా ఓ.ప్రకాశ్‌, జే.ఆనంద్‌ ఎన్నికయ్యారు. తమ ఎన్నికకు సహకరించిన రాష్ట్ర నాయకత్వంతో పాటు జిల్లా అధ్యక్షుడు కొమ్ము కష్ణకుమార్‌కు వారు కృతజ్ఞతలు తెలిపారు.ఓస శ్రీనివాస్‌, ఉపాధ్యక్షుడు జే. ఆనంద్‌, కార్యదర్శి ఓ.ప్రకాశ్‌, కార్యదర్శి

నిర్మల్‌ జిల్లా బాసరలో దేవీ నవరాత్రి ఉత్సవాలు వైభవంగా సాగుతున్నాయి. ఆరో రోజు శుక్రవారం శ్రీజ్ఞాన సరస్వతీ అమ్మవారి జన్మ నక్షత్రమైన మూల నక్షత్రం సందర్భంగా బాసర క్షేత్రం భక్తజన సంద్రమైంది. వేకువజాము నుంచే భక్తులు భారీగా తరలివచ్చారు. గోదావరిలో పుణ్యస్నానాలు ఆచరించి అమ్మవారి దర్శనానికి బారులు తీరారు. అనంతరం తమ చిన్నారులకు అక్షరశ్రీకార పూజలు నిర్వహించారు. ఆలయ పునర్నిర్మాణం, బాలాలయంలో దర్శనాల నేపథ్యంలో ఈ ఏడాది భక్తుల రాక కాస్త తగ్గిందని అధికారులు తెలిపారు. – భైంసా/బాసరఅక్షరాభ్యాస పూజలో తల్లీకూతురు

ఆదిలాబాద్‌టౌన్‌: మహిళను వేధించిన ఒకరిని అరెస్ట్‌ చేసి రిమాండ్‌కు తరలించినట్లు వన్‌టౌన్‌ సీఐ సునీల్‌ కుమార్‌ తెలిపారు. వికలాంగుల కాలనీకి చెందిన షేక్‌ ఇర్షద్‌ హుస్సేన్‌ ఓ మహిళను ఇబ్బందులకు గురిచేయగా ఆమె పోలీసులను ఆశ్రయించింది. బాధితురాలి ఫిర్యాదు మేరకు కేసు నమోదు చేసిన పోలీసులు నిందితుడిని అరెస్ట్‌ చేసి రిమాండ్‌కు తరలించారు. రోడ్డు ప్రమాదంలో ఒకరు మృతిమామడ: మండలంలోని బండల్‌ ఖానాపూర్‌ సమీపంలో బుధవారం రాత్రి జరిగిన రోడ్డు ప్రమాదంలో ఒకరు మృతి చెందినట్లు ఎస్సై హనుమాండ్లు తెలిపారు. పెంబి మండలం అంకెన గ్రామానికి చెందిన లావుడ్యా సంతోష్‌ (43) జగిత్యాల జిల్లా వేములకుర్తిలో బంధువుల ఇంట్లో జరిగిన శుభకార్యానికి హాజరై ద్విచక్ర వాహనంపై స్వగ్రామానికి బయలుదేరాడు. బండల్‌ ఖానాపూర్‌ సమీపంలో వాహనం అదుపుతప్పి కిందపడడంతో తీవ్ర గాయాలై అక్కడికక్కడే మృతి చెందాడు. విషయం తెలుసుకున్న ఎస్సై సంఘటన స్థలాన్ని సందర్శించి మృతుని వివరాలు సేకరించారు. కేసు నమోదు చేసి దర్యాప్తు జరుపుతున్నట్లు తెలిపారు. ఐదేళ్లుగా కానరాని ఆచూకీ ఖానాపూర్‌: ఉపాధి కోసం ఐదేళ్ల క్రితం సౌదీ అరేబియాకు వెళ్లిన ఖానాపూర్‌ మండలంలోని గోడలపంపు గ్రామానికి చెందిన సింగం రాజేశ్వర్‌ గౌడ్‌ ఆచూకీ కనుగొని, స్వదేశానికి రప్పించాలని బీజేపీ జిల్లా అధ్యక్షుడు రితేష్‌ రాథోడ్‌ కేంద్ర మంత్రి కిషన్‌రెడ్డిని కోరారు. గురువారం హైదరాబాద్‌లోని కేంద్ర మంత్రి నివాసంలో రాజేశ్వర్‌ గౌడ్‌ కుటుంబ సభ్యులతో కలిసి విన్నవించారు. కుటుంబ పోషణ కోసం రాజేశ్వర్‌ గౌడ్‌ అప్పులు చేసి 2019లో సౌదీ అరేబియాకు వెళ్లారు. మొదట రెండేళ్లపాటు కుటుంబ సభ్యులతో ఫోన్‌లో మాట్లాడినా 2021 నుంచి పూర్తిగా అందుబాటులో లేకుండా పోయారు. కుటుంబ పెద్ద ఆచూకీ తెలియక భార్య రజిత, ఇద్దరు కుమారులు తీవ్ర ఆందోళనకు గురవుతున్నారు.

నిర్మల్‌చైన్‌గేట్‌: ఆస్పత్రుల రిజిస్ట్రేషన్‌ ప్రక్రియ ఇకపై పూర్తిగా ఆన్‌లైన్‌లోనే నిర్వహించాలని క్లినికల్‌ ఎస్టాబ్లిష్‌మెంట్స్‌ యాక్ట్‌ తెలంగాణ రాష్ట్ర జాయింట్‌ డైరెక్టర్‌ డాక్టర్‌ వెంకటరమణ అన్నారు. నిర్మల్‌ కలెక్టరేట్‌లో గురువారం ఆదిలాబాద్‌, నిర్మల్‌, నిజామాబాద్‌ జిల్లాల వైద్య ఆరోగ్యశాఖ అధికారులకు ప్రత్యేక శిక్షణ కార్యక్రమం నిర్వహించారు. ఈ సందర్భంగా ఆయన మాట్లాడుతూ రిజిస్ట్రేషన్‌లో పారదర్శకత పెంపొందించడంతో పాటు దరఖాస్తుల పరిశీలన, ప్రక్రియ వేగవంతం, సులభతరం చేసేందుకే నూతన విధానాన్ని అందుబాటులోకి తెచ్చినట్లు వెల్లడించారు. ఆస్పత్రుల నిర్వాహకులు రిజిస్ట్రేషన్‌ కోసం ప్రభుత్వం నిర్దేశించిన వెబ్‌పోర్టల్‌ ద్వారానే దరఖాస్తు చేసుకోవాలన్నారు. నిబంధనలకు అనుగుణంగా అవసరమైన వివరాలు, ధ్రువపత్రాలను సమర్పించి రిజిస్ట్రేషన్‌ ప్రక్రియను పూర్తి చేయాలని స్పష్టం చేశారు. రాష్ట్ర సీఈఏ అధికారి సునీల్‌ రాజ్‌ మాట్లాడుతూ పోర్టల్‌లో దరఖాస్తుల నమోదు, పత్రాల అప్‌లోడ్‌, పరిశీలన అంశాలపై అధికారులు, డేటా ఎంట్రీ ఆపరేటర్లకు అవగాహన కల్పించారు. సమావేశంలో నిర్మల్‌ డీఎంహెచ్‌వో డాక్టర్‌ రాజేందర్‌, ఆదిలాబాద్‌ డీఎంహెచ్‌వో డాక్టర్‌ సాధన, నిజామాబాద్‌ డీఎంహెచ్‌వో డాక్టర్‌ రాజశ్రీ, తదితరులు పాల్గొన్నారు.

ఆదిలాబాద్‌టౌన్‌: పేలుడు పదార్థాలు తరలిస్తున్న ఏడుగురిని అరెస్టు చేసినట్లు ఆదిలాబాద్‌ ఎస్పీ అఖిల్‌ మహాజన్‌ తెలిపారు. గురువారం జిల్లా పోలీస్‌ హెడ్‌ క్వార్టర్స్‌లో విలేకరుల సమావేశంలో వివరాలు వెల్లడించారు. పిప్పర్‌వాడ టోల్‌ప్లాజా సమీపంలో జైనథ్‌ పోలీసులు నిర్వహించిన వాహనాల తనిఖీల్లో రూ.20 లక్షల విలువైన 20 వేల ఎలక్ట్రానిక్‌ డిటోనేటర్లు, 90 బూస్టర్లు, రెండు వాహనాలు, ఆరు సెల్‌ఫోన్లు స్వాధీనం చేసుకున్నట్లు తెలిపారు. పెద్దపల్లి జిల్లా ఓదెల మండలం కనగర్తికి చెందిన చెప్యాల పరశురాం, హనుమకొండ జిల్లా దుర్గానగర్‌ కాలనీకి చెందిన వల్లెపు తేజ, కరీంనగర్‌ జిల్లా వీణవంక మండలం నర్సింహులపల్లికి చెందిన కదం శ్రావణ్‌, భీమదేవరపల్లి మండలం కొప్పూరుకు చెందిన కస్తూరి సునీల్‌, ఇదే మండలంలోని విశ్వనాథ్‌కాలనీకి చెందిన సూర రంజిత్‌, శంకరపట్నం మండలం చింతలపల్లికి చెందిన కస్తూరి మధు కిరణ్‌, పాగల సంపత్‌ రెడ్డిని అరెస్టు చేసినట్లు తెలిపారు. మరో ఇద్దరు నిందితులు ఎండి.వాహిద్‌, రవికుమార్‌పై కేసు నమోదు చేసి దర్యాప్తు చేస్తున్నట్లు వివరించారు. ఉత్తరప్రదేశ్‌కు చెందిన రవికుమార్‌ ద్వారా పేలుడు పదార్థాలను తీసుకువచ్చి మైన్స్‌, క్వారీలు, క్రషర్లకు అధిక ధరలకు విక్రయించేందుకు ప్రయత్నించినట్లు విచారణలో తేలిందన్నారు. ఇతరుల పేర్లపై బిల్లులు తీసుకుని బూస్టర్‌ బాక్సుల్లో ఎలక్ట్రానిక్‌ డిటోనేటర్లను నింపి తెలంగాణకు తరలిస్తున్నట్లు పేర్కొన్నారు. సమావేశంలో ఆదిలాబాద్‌ డీఎస్పీ ఎల్‌.జీవన్‌రెడ్డి, జైనథ్‌ సీఐ జి.శ్రావణ్‌, సీసీఎస్‌ ఇన్‌స్పెక్టర్‌ చంద్రశేఖర్‌, ఎస్సై పి.గౌతమ్‌, ఇతర పోలీసు సిబ్బంది పాల్గొన్నారు.

కై లాస్‌నగర్‌: కొంతకాలంగా పెండింగ్‌లో ఉన్న ఓ హోటల్‌కు సంబంధించిన ఆస్తి పన్ను ఎట్టకేలకు వసూలైంది. ‘మున్సిపల్‌ అధికారులకు వింత అనుభవం’ శీర్షికన గురువారం ‘సాక్షి’లో ప్రచురితమైన కథనానికి పట్టణ ంలోని అంబేడ్కర్‌చౌక్‌ సమీపంలోని ఆ హోటల్‌ యాజమాని స్పందించారు. గతంలో పలుమార్లు పన్ను వసూలు కోసం వెళ్లిన బల్దియా రెవెన్యూ సిబ్బందికి చెల్లించకుండా మొండికేసిన సదరు యజమాని సాక్షి కథనంతో కదిలారు. ఏకంగా బల్దియా సిబ్బందిని తన కార్యాలయానికి పిలిపించి మరీ పెండింగ్‌లో ఉన్న రూ.2.48, 220 ఆస్తిపన్ను పూర్తిగా చెల్లించేశారు. దీంతో మున్సిపల్‌ అధికారులు, ఉద్యోగులు ‘సాక్షి’కి కృతజ్ఞతలు తెలుపుతూ హర్షం వ్యక్తం చేశారు. ఇది వరకు ఇక్కడ పనిచేసి ప్రస్తుతం ఇతర జిల్లాలో విధులు నిర్వహిస్తున్న అధికారి వ్యవహారంపై కా ర్యాలయంలోనూ పెద్ద ఎత్తున చర్చ జరిగింది. బది లీ అయినా ఇంకా ఇక్కడ పెత్తనం చెలాయించడమేంటనే విమర్శలు వ్యక్తమయ్యాయి. సదరు అధి కారి వైఖరిని వివరిస్తూ ప్రచురితమైన సాక్షి కథనంపైన సర్వత్రా చర్చ జరిగింది. రాజకీయ, అధికార, ఇంటలిజెన్స్‌ వర్గాలు ఆ అధికారి ఎవరనే దానిపై ఆసక్తిగా ఆరా తీశా యి. జిల్లా స్థానిక సంస్థల అడిషనల్‌ కలెక్టర్‌ ఎస్‌. రాజేశ్వర్‌ ఈ విషయంలో మున్సి పల్‌ అధికారులతో మాట్లాడి ఆరా తీసినట్లుగా తెలిసింది.

భైంసా /బాసర: చదువుల తల్లి శ్రీ జ్ఞాన సరస్వతి అమ్మవారి సన్నిధిలో నేడు జరుగనున్న మూలా నక్షత్ర పూజలకు అధికారులు అన్ని ఏర్పాట్లు పూర్తి చేశారు. శరన్నవరాత్రి ఉత్సవాల్లో అత్యతంత విశిష్టమైన మూలానక్షత్రం సందర్భంగా అమ్మవారిని దర్శించుకునేందుకు అధికసంఖ్యలో భక్తులు తరలిరానున్నారు. దేవాదాయశాఖతో పాటు పోలీసు, రెవెన్యూ, తదితర శాఖల అధికారుల సమన్వయంతో ఏర్పాట్లు చేపట్టారు. ముఖ్యంగా చిన్నారుల అక్షరాభ్యాసాలకు వచ్చే భక్తులకు ఎలాంటి ఇబ్బందులు తలెత్తకుండా ప్రత్యేక దృష్టి సారించారు. చిన్నారుల బోసి నవ్వులు.. పలకలపై దిద్దే తొలి అక్షరాలు.. అమ్మవారి నామస్మరణతో ఆలయ ప్రాంగణం ఆధ్యాత్మిక శోభ సంతరించుకోనుంది. అక్షరాభ్యాసాలపై ప్రత్యేక దృష్టి మూలా నక్షత్రం రోజున బాసర సరస్వతీ అమ్మవారి సన్నిధిలో చిన్నారులకు అక్షరాభ్యాసాలు చేయించడం తల్లిదండ్రులు అత్యంత విశిష్టంగా భావిస్తారు. అమ్మవారి ఆశీస్సులతో విద్యా ప్రయాణం ప్రారంభిస్తే పిల్లలకు మంచి భవిష్యత్తు లభిస్తుందని తల్లిదండ్రులు విశ్వసిస్తారు. దీంతో రాష్ట్రంలోని వివిధ ప్రాంతాల నుంచి పెద్ద సంఖ్యలో తల్లిదండ్రులు తమ పిల్లలతో కలిసి బాసరకు రానున్నారు. ఈ నేపథ్యంలో అక్షరాభ్యాసాల నిర్వహణ, భక్తుల రాకపోకలు, క్యూలైన్లు, దర్శన ఏర్పాట్లపై అధికారులు ప్రత్యేక దృష్టి పెట్టారు. భక్తులు ఎక్కువసేపు వేచి ఉండకుండా, చిన్నారులతో వచ్చే కుటుంబాలకు సాధ్యమైనంత సౌకర్యవంతమైన దర్శనం కల్పించేలా చర్యలు చేపట్టారు. భారీ పోలీసు బందోబస్తు భక్తుల రద్దీని దృష్టిలో ఉంచుకుని నిర్మల్‌ జిల్లా ఎస్పీ జానకీ షర్మిల ఆధ్వర్యంలో అదనపు ఎస్పీ ఉపేందర్రెడ్డి, భైంసా ఏఎస్పీ సాయి కిరణ్‌, డీఎస్పీ శ్రీనివాస్‌, 15 మంది సీఐలు, 30 మంది ఎస్సైలు, 250 మంది సిబ్బందితో భారీ బందోబస్తు ఏర్పాటు చేస్తున్నారు. ఆలయ పరిసరాలతో పాటు భక్తుల రాకపోకలు ఎక్కువగా ఉండే ప్రాంతాల్లో పోలీసు సిబ్బంది మోహరించి శాంతిభద్రతల పరిరక్షణకు చర్యలు తీసుకుంటున్నారు. రద్దీని నియంత్రించడం, ట్రాఫిక్‌ సమస్యలు తలెత్తకుండా చూడటం, భక్తులకు అవసరమైన సహాయం అందించడం వంటి అంశాలపై ప్రత్యేక దృష్టి సారించారు. కలెక్టర్‌, ఎస్పీ సమీక్ష మూలా నక్షత్ర వేడుకల ఏర్పాట్లపై నిర్మల్‌ జిల్లా కలెక్టర్‌ భవేష్‌ మిశ్రా, ఎస్పీ జానకీ షర్మిల అధికారులతో సమీక్ష నిర్వహించి అవసరమైన సూచనలు చేశారు. ఆలయ ఈవో అంజనీ దేవి అన్ని శాఖల అధికారులతో సమన్వయం చేసుకుంటూ ఏర్పాట్లను పర్యవేక్షిస్తున్నారు. బాసరకు రైళ్ల ద్వారా చేరుకునే భక్తుల సౌకర్యార్థం రైల్వే స్టేషన్‌ నుంచి ఆలయం వరకు ఉచిత బస్సు సేవలను నిరంతరం కొనసాగిస్తున్నారు. మరోవైపు గోదావరి నది వద్దకు వెళ్లే భక్తుల భద్రతను దృష్టిలో ఉంచుకుని నది పరిసరాల్లో ప్రమాదాలు చోటుచేసుకోకుండా అవసరమైన ముందస్తు చర్యలు చేపట్టారు.బాలాలయంలోనే ఉత్సవాలుబాసర అమ్మవారి ఆలయ పునర్నిర్మాణ పనులు కొనసాగుతున్న నేపథ్యంలో ఈసారి మూలా నక్షత్ర ఉత్సవాలు బాలాలయంలో నిర్వహిస్తున్నారు. భక్తుల రాకపోకలకు ఆటంకాలు ఏర్పడకుండా, భద్రతకు ప్రాధాన్యమిస్తూ ఉత్సవాలను సజావుగా నిర్వహించేందుకు కసరత్తు చేస్తున్నారు. చిన్నారుల అక్షరాభ్యాసాలు, అమ్మవారి దర్శనాలు ప్రశాంతంగా జరిగేలా అధికారులు అన్ని ఏర్పాట్లు పూర్తి చేయడంతో పాటు భక్తులకు మెరుగైన సౌకర్యాలు కల్పించడమే లక్ష్యంగా యంత్రాంగం పనిచేస్తోంది.ఇబ్బందులు తలెత్తకుండా చూస్తాం మూలా నక్షత్రం పూజలకు సంబంధించి బాసర ఆలయంలో ఏర్పాట్లు పూర్తి చేశాం. భక్తులకు క్యూలైన్లలోనే పాలు, పండ్లు పంపిణీ, ప్రసాదాలు, పూజా టికెట్ల కోసం ప్రత్యేక కౌంటర్లు సిద్ధం చేశాం. పోలీసు శాఖ ఆధ్వర్యంలో పటిష్ఠ భద్రతా ఏర్పాట్లు చేపడుతున్నారు. – అంజనీదేవి, బాసర ఆలయ ఈవో

సారంగపూర్‌: ఉత్తర తెలంగాణ ప్రజల పాలిట వరప్రదాయినిగా, ప్రసిద్ధ పుణ్యక్షేత్రంగా విరాజిల్లుతూ సహ్యాద్రి పర్వతశ్రేణిని ఆనుకుని వెలిసిన శ్రీఅడెల్లి మహాపోచమ్మ గంగనీళ్ల జాతరకు వేళైంది. ఏటా మహాలయ అమావాస్య అనంతరం వచ్చే శని, ఆదివారాల్లో జాతర నిర్వహించడం దశాబ్ధాలుగా వస్తున్న ఆనవాయితీ. ఈ నెల 17, 18 తేదీల్లో జరుగనున్న జాతరకు జిల్లా నలుమూలల నుంచే కాకుండా మహారాష్ట్ర, ఉమ్మడి ఆదిలాబాద్‌, హైదరాబాద్‌, నిజామాబాద్‌, కరీంనగర్‌, వరంగల్‌, నల్గొండ జిల్లా ల నుంచి అధికసంఖ్యలో భక్తులు తరలివస్తారు. అలంకరణ...అభిషేకం ఆదివారం సాయంత్రానికి ఆభరణాలను ఆలయానికి తరలించిన అనంతరం సేవాదారులు, ఆలయ ప్రధాన అర్చకులు అమ్మవారి ఆలయాన్ని నదీ జలాలతో శుద్ధి చేస్తారు. అమ్మవారికి ఆభరణాలు అలంకరించి మహా హారతి నిర్వహిస్తారు. ఆలయ మండపంలో ప్రత్యేక పూజలు చేసి దర్శనానికి అనుమతిస్తారు. దీంతో జాతర ముగియనున్నట్లు ఆల య ఈవో భూమయ్య తెలిపారు. అడెల్లి మహాపోచ మ్మ ఆలయానికి నిర్మల్‌, భైంసా డిపోల నుంచి ఆర్టీ సీ ప్రత్యేక బస్సులు నడుపనున్నట్లు పేర్కొన్నారు. జాతర జరిగేదిలా.. గంగనీళ్ల మహాజాతర అడెల్లి గ్రామం మీదుగా ప్రా రంభమవుతుంది. గ్రామంలోని పోచమ్మ ఆలయం నుంచి ఆభరణాలను మూటగట్టుకుని అడెల్లి మహా పోచమ్మ ఆలయానికి తరలిస్తారు. ప్రత్యేక పూజలు నిర్వహించిన అనంతరం ఆలయ సేవాదారులు ఆభరణాలు తలపై పెట్టుకుని ఆలయం చుట్టూ ప్రదక్షిణ చేస్తారు. అనంతరం భారీ పోలీసు బందోబస్తు నడుమ ఆభరణాలను సారంగాపూర్‌, యాకర్‌పల్లి, వంజర్‌, ప్యారమూర్‌ గ్రామాల మీదుగా దిలావర్‌పూర్‌ మండలం సాంఘ్వి గ్రామంలోని గోదావరి నదీ తీరానికి కాలినడకన తరలివెళ్తారు. సాంఘ్వీ గ్రామంలో గల పోచమ్మ ఆలయంలో ఆభరణాలను ఉంచి అక్కడే రాత్రి బస చేస్తారు. మరుసటి రోజు తెల్లవారు జామున గోదావరిలో ఆభరణాలను శుద్ధి చేస్తారు. ప్రత్యేక పూజల అనంతరం ఆభరణాలతో పాటు గోదావరి జలాలతో కాలినడకన తిరుగుపయనం అవుతారు.

కరీంనగర్‌కల్చరల్‌: కరీంనగర్‌లోని శ్రీ మహాశక్తి ఆలయంలో లలితా త్రిపుర సుందరీ దేవిని పలువురు రాజకీయ నేతలు, అధికారులు దర్శించుకుని ప్రత్యేక పూజలు నిర్వహించారు. ప్రభుత్వ విప్‌, వేములవాడ ఎమ్మెల్యే ఆది శ్రీనివాస్‌, నిర్మల్‌ జిల్లా ముధోల్‌ ఎమ్మెల్యే రామారావుపటేల్‌, ఎమ్మెల్సీ అంజిరెడ్డి, కలెక్టర్‌ చిత్ర మిశ్రా, నగర పోలీస్‌ కమిషనర్‌ గౌస్‌ ఆలం, మేయర్‌ కొలగాని శ్రీనివాస్‌, డిప్యూటీ మేయర్‌ సునీల్‌రావు, భైంసా మున్సిపల్‌ చైర్మన్‌ తుమ్మోళ్ల దత్తాత్రి అమ్మవారిని దర్శించుకున్నారు.

జన్నారం: పాలపిట్ట అంటే ఓ శుభసూచకం. గిరిజన గోండు తెగకు చెందిన వారు ఇప్పటికీ పాలపిట్టను చూసిన తర్వాతే శుభకార్యాలు ప్రారంభిస్తారు. దసరా పండుగ రోజు పాలపిట్టను చూడడం శుభసూచకంగా పరిగణిస్తారు. అందరికీ శుభాలను అందించే.. తెలంగాణ రాష్ట్రంతోపాటు ఒడిశా, కర్ణాటక రాష్ట్రాల రాష్ట్ర పక్షి పాలపిట్ట ప్రమాదంలో పడింది. అంతర్జాతీయ ప్రకృతి సంరక్షణ సంఘం పాలపిట్టను ‘మనుగడ ప్రమాదంలో పడిన జాతి’ జాబితాలో చేర్చింది. ఆధునిక వ్యవసాయంలో రసాయనిక పురుగు మందులు, గడ్డిమందు వాడకం పెరిగిపోవడం వల్ల పాలపిట్టలకు ఆహారమైన కీటకాలు అంతరించిపోతున్నాయి. విషపూరిత పురుగులను తినడం వల్ల ఇవి అనారోగ్యానికి గురవుతున్నాయి. సాధారణంగా చెట్లపై గూళ్లు కట్టుకుని జీవిస్తాయి. పాత, ఎండిపోయిన చెట్లను నరికి వేయడం వల్ల నివాస స్థలాలు, సంతనోత్పత్తి ఆవాసాలు కోల్పోతున్నాయి. దసరా పండుగ రోజు పాలపిట్టను కొన్ని ప్రాంతాల్లో టిని అక్రమంగా పట్టుకుని బోనుల్లో బంధించి ప్రదర్శించడం జరుగుతోంది. ఇలా స్వేచ్ఛను కోల్పోయి, తీవ్ర ఒత్తిడికి గురికావడం వల్ల చాలా పక్షులు మృత్యువాత పడుతున్నాయి. రైతు నేస్తాలు క్రిమి కీటకాలు, చిన్న సరీసృపాలు, ఉభయచరాలు పాలపిట్టల ఆహారం. సహజ ఆవరణ వ్యవస్థలు నాశనం కావడం వాటి మనుగడను దెబ్బతీస్తోంది. వ్యవసాయానికి హాని చేసే ఎన్నో కీటకాలను తినేసే పాలపిట్టలను రైతునేస్తంగా అభివర్ణిస్తారు. వన్యప్రాణి చట్టంతో రక్షణ వన్యప్రాణి సంరక్షణ చట్టం–1972 పాలపిట్టలకు రక్షణ కల్పించింది. పాలపిట్టలను పట్టుకోవడం, బంధించడం, ప్రదర్శించడం నేరం. రుజువైతే గరి ష్టంగా మూడేళ్ల వరకు జైలు శిక్ష లేదా రూ.లక్ష వర కు జరిమానా, కేసును బట్టి రెండూ విధించవచ్చు. గడ్డి మైదానాలు, బీడు భూములు, బహిరంగ ప్రదేశాలను కాపాడడం, విచక్షణారహితంగా పురుగు మందుల వాడకాన్ని నిలిపివేయడం, వన్యప్రాణి సంరక్షణ చట్టంపై ప్రజలలో అవగాహన కల్పించడం, చెట్లు తొలగింపును ఆపివేయడం, చెట్లను పెంచడం ద్వారా పాల పిట్టలు, వాటి ఆవాసాల మనుగడ ప్రమాదం నుంచి రక్షించవచ్చు.

కై లాస్‌నగర్‌: బతుకమ్మ వేడుకల సందర్భంగా ఆడబిడ్డలకు రాష్ట్ర ప్రభుత్వం అందించనున్న ఇందిర మ్మ చీరల పంపిణీపై స్పష్టత కొరవడింది. ఇప్పటికే జిల్లాకు చేరిన చీరలు గోదాములకే పరిమితమయ్యాయి. ఈ నెల 10న ఎంగిలిపూలతో వేడుకలు ప్రారంభం కాగా, మరో రెండ్రోజుల్లో మహిళలు ఆ నందోత్సాహాల మధ్య సద్దుల బతుకమ్మ వేడుకలూ జరుపుకోనున్నారు. దసరా సమీపిస్తున్నా ఇంకా చీరల పంపిణీ ప్రారంభించకపోవడంతో నిరుపేద ఆడబిడ్డలు నిరీక్షించాల్సిన పరిస్థితి ఏర్పడింది. గతంలో వేడుకలకు ముందే.. తెలంగాణలో ఆడబిడ్డలు పూలను పూజిస్తూ ఆనందంగా జరుపుకొనే గొప్ప పండుగ బతుకమ్మ. ఈ సందర్భంగా వారికి కానుక అందించాలనే ఉద్దేశంతో గత బీఆర్‌ఎస్‌ ప్రభుత్వం బతుకమ్మ చీరల పంపిణీకి శ్రీకారం చుట్టింది. పండుగ సంబరాల ప్రారంభానికి ముందే తెల్లరేషన్‌ కార్డు కలిగి, 18 ఏళ్లు నిండిన మహిళలందరికీ చీరలు పంపిణీ చేసేది. పేదరికంతో బాధపడుతూ పండుగకు చీరలు కొనలేని మహిళలు ఆనందంగా ఉండాలనే ఉద్దేశంతో ఈ కార్యక్రమాన్ని చేపట్టింది. రాష్ట్రంలో అధికారంలోకి వచ్చిన కాంగ్రెస్‌ ప్రభుత్వం బతుకమ్మ చీరలను కాస్త ఇందిరమ్మ చీరలుగా పేరు మార్చింది. తెలంగాణ ఆడబిడ్డలకు రేవంతన్న కానుకగా పేర్కొంటూ గతేడాది చీరలు అందజేసింది. తొలుత స్వయం సహాయక సంఘాల్లోని సభ్యులకే అందించాలని నిర్ణయించింది. స్థానిక సంస్థల ఎన్నికలు రావడంతో వారి నుంచి వ్యతిరేక వ్యక్తమవుతోందనే ఉద్దేశంతో అర్హులైన మహిళలందరికీ చీరలు అందజేసింది. గతేడాది ఎస్‌హెచ్‌జీ సభ్యులతో పాటు ఇతర మహిళలకు పండుగ తర్వాతే ఒకే డిజైన్‌ కలిగిన నీలం రంగు చీరలు పంపిణీ చేసింది. ఇంకా కొన్ని ప్రాంతాలకు చేరుకోని చీరలు ఇప్పటివరకు చేరిన చీరల్లో నేరడిగొండ మండల సమాఖ్య కార్యాలయంలో 14,766, ఇచ్చోడలో 15,119, గుడిహత్నూర్‌లో 6,033, ఆదిలాబాద్‌లో ఎంఎల్‌ఎస్‌ పాయింట్‌ గోదాములో 8,105, టీటీడీసీలో 17,318 చీరలు భద్రపరిచారు. జైనథ్‌, బేల, ఇంద్రవెల్లి, ఉట్నూర్‌, నార్నూర్‌ మండల సమాఖ్య కార్యాలయాల్లో చీరలను భద్రపర్చేందుకు ఎంపిక చేయగా, ఆయా ప్రాంతాలకు ఇంకా చేరుకోలేదు. సద్దుల బతుకమ్మ సంబరాలు, దసరా పండుగ సమీపిస్తున్నా వీటి పంపిణీ తేదీ ఖరారు కాకపోవడంతో చీరలు గోదాములకే పరిమితమయ్యాయి. నిరుపేద మహిళలకు బతుకమ్మ పండుగకు చీరలు అందే పరిస్థితి కనిపించడం లేదు. జిల్లాలోని ఎస్‌హెచ్‌జీలు 10,990 గ్రామైక్య సంఘాలు 554 సంఘాల్లోని సభ్యులు 1,26,052 జిల్లాకు అవసరమైన చీరలు 1,54,778 ఇప్పటివరకు జిల్లాకు చేరినవి 61,341 ఇంకా రావాల్సినవి 93,437

ఆదిలాబాద్‌(బేల): సోయా పంట ఆశించిన దిగుబడి రాకపోవడంతో మనస్తాపం చెందిన ఓ రైతు పురుగుల మందు తాగి ఆత్మహత్య చేసుకున్నాడు. బేల ఎస్సై మధుకృష్ణ, స్థానికులు తెలిపిన వివరాల ప్రకారం... బేల మండలం సిరసన్న గ్రామానికి చెందిన ఉరాడే అవినాశ్‌(40) నాలుగు ఎకరాల భూమిని కౌలుకు తీసుకుని సోయా పంట సాగు చేశాడు. ఆశించిన దిగుబడి రాకపోవడంతో ఆవేదనకు గురయ్యాడు. బుధవారం మధ్యాహ్నం 12గంటలకు ఇంటి నుంచి బయటకు వెళ్లిన అవినాశ్‌ ఒంటి గంటకు తిరిగి వచ్చాడు. వాంతులు చేసుకోవడంతో కుటుంబ సభ్యులు ఆరా తీయగా, పంట దిగుబడి సరిగా రాకపోవడంతో పురుగుల మందు తాగినట్లు తెలిపాడు. కుటుంబ సభ్యులు, స్థానికులు అతడిని చికిత్స నిమిత్తం ఆదిలాబాద్‌ రిమ్స్‌ ఆస్పత్రికి తరలించారు. అక్కడ చికిత్స పొందుతూ గురువారం మధ్యాహ్నం 2.30గంటలకు మృతిచెందాడు. ఆయనకు ఇద్దరు కుమార్తెలు ఉన్నారు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

ఆదిలాబాద్‌(బేల): బేల మండలంలోని సాంగి డి గ్రామంలో గురువారం పోస్టుకార్డు ఉద్య మం చేపట్టారు. గడ్‌చందూర్‌ నుంచి బేల, జైన థ్‌ మీదుగా ఆదిలాబాద్‌ వరకు పాత గెజిట్‌ ప్ర కారమే రైల్వే లైన్‌ నిర్మించాలని డిమాండ్‌ చేస్తూ ప్రభుత్వానికి పోస్టుకార్డులు పంపించారు. ఈ సందర్భంగా యువజన కాంగ్రెస్‌ నియోజకవ ర్గ ఉపాధ్యక్షుడు సామ రూపేశ్‌రెడ్డి మాట్లాడు తూ.. కేంద్రంపై ఒత్తిడి తెచ్చి పాత మ్యాప్‌ ప్ర కారమే లైన్‌ పనులు చేపట్టేలా చూడాలని కోరా రు. ఉపసర్పంచ్‌ జిమ్మ శేఖర్‌, నాయకులు నవనీత్‌, రవీందర్‌ పటేల్‌, విలాస్‌, వేదాంత్‌రెడ్డి, న ర్సింగ్‌, అమోల్‌, శ్రీపాల్‌రెడ్డి ఉన్నారు.

కైలాస్‌నగర్‌: ప్రజా సమస్యలు పరిష్కరించాలనే లక్ష్యంతో ప్రతీ సోమవారం కలెక్టరేట్‌లో నిర్వహిస్తున్న ‘ప్రజావాణి’ జిల్లాలో ఆశించిన ఫలితాలు ఇవ్వడం లేదు. జిల్లా నలుమూలల నుంచి బాధితులు అధికసంఖ్యలో వస్తున్నారు. అర్జీలను ఎప్పటికప్పుడు పరిష్కరించేలా చర్యలు తీసుకోవాలని కలెక్టర్‌ రాజర్షి షా ఆదేశిస్తున్నా పలు శాఖలు పట్టించుకోవడం లేదు. దీంతో వందలాది అర్జీలు పెండింగ్‌లోనే ఉంటున్నాయి. 30రోజుల్లోపు దరఖాస్తు పరిష్కరించాల్సి ఉండగా గడువు దాటినా పెండింగ్‌లో ఉండడం అధికారుల నిర్లక్ష్యానికి నిదర్శనం. పరిష్కారంలో తీవ్ర జాప్యం భూమి, విద్యుత్‌, తాగునీటి సమస్యలు పరిష్కరించాలని, రోడ్లు నిర్మించాలని, పెన్షన్లు, ఇందిరమ్మ ఇ ళ్లు, రేషన్‌కార్డులు మంజూరు చేయాలని, భూ కబ్జాలు, ఆక్రమణలను అరికట్టాలని, సంక్షేమ, అభివృద్ధి పఽథకాలు వర్తింపజేయాలని బాధితులు ప్రజావా ణిని ఆశ్రయిస్తున్నారు. వ్యయ, ప్రయాసలకోర్చి క లెక్టరేట్‌కు వచ్చి అధికారులకు వినతిపత్రాలు ఇస్తున్నారు. అర్జీలను ఉన్నతాధికారులు సంబంఽధిత అధికారులకు పంపిస్తున్నారు. 01.12.2023 నుంచి 11.10.2026 వరకు 1,157 అర్జీలు అందాయి. ఇందులో 927 దరఖాస్తులు పరిశీలించారు. క్షేత్రస్థాయిలో అర్జీల పరిష్కారంలో తీవ్రజాప్యం జరుగుతోందనే ఆవేదన దరఖాస్తుదారుల్లో వ్యక్తమవుతోంది. కొరవడిన సమన్వయం ప్రజావాణికి అందిన అర్జీలను 30రోజుల్లోపే పరిష్కరించేలా చూడాలని కలెక్టర్‌ రాజర్షి షా అధికారుల ను ప్రతీ వారం ఆదేశిస్తున్నా పలు శాఖల అధికారులు లెక్క చేయడం లేదు. సంబంధిత అధికారులు వాటిని ఆయా శాఖలకు పంపిస్తున్నారు. కానీ, వాటిపై ఏ మేరకు చర్యలు తీసుకున్నారు.. సమస్య పరిష్కారానికి ఎన్ని రోజుల సమయం పడుతుంది.. పెండింగ్‌లో ఉండటానికి కారణాలేమిటి.. అనే అంశాలపై ఆరా తీయడంలేదు. శాఖల మధ్య సమన్వయం లేకనే ఈ పరిస్థితి ఏర్పడిందనే విమర్శలు న్నాయి. దీంతో బాధితులు కార్యాలయాల చుట్టూ తిరగాల్సిన దుస్థితి ఏర్పడింది. పలు సమస్యలపై పదేపదే వచ్చి అర్జీలు అందజేసినా పరిష్కారం లభించడం లేదని బాధితులు ఆవేదన వ్యక్తం చేస్తున్నారు. అర్జీ ఇచ్చిన వెంటనే సమస్య పరిష్కరించాలని, నిర్లక్ష్యం చేసే అధికారులపై తప్పనిసరిగా చర్యలు తీసుకోవాలని కోరుతున్నారు. మండలస్థాయిలోనూ అదే పరిస్థితి బాఽధితుల వ్యయప్రయాసలను తగ్గించడంతోపా టు స్థానికంగానే సమస్యలు చెప్పుకోవాలనే ఉద్దేశంతో మండల స్థాయిలోనూ ఇటీవల ప్రజావాణికి శ్రీకారం చుట్టారు. కానీ, పలువురు అధికారులు ఈ కార్యక్రమానికి హాజరుకావడం లేదనే ఆరోపణలున్నాయి. మండల స్థాయిలో సమస్యలు పరి ష్కారం కాకపోవడంతోనే బాధితులు జిల్లా ఉన్నతాధికారుల వద్దకు వెళ్తారు. ఇప్పటివరకు 1,110 అర్జీలు అందాయి. అధికారులు ఇందులో 754 పరిష్కరించగా, మరో 354 పెండింగ్‌లో ఉన్నాయి. 30రోజుల గడువు దాటిన తర్వాత ఇంకా 235 పెండింగ్‌లో ఉండటం పరిస్థితికి అద్దం పడుతోంది.

ఆదిలాబాద్‌టౌన్‌: రిమ్స్‌ ఆస్పత్రిలో చేపట్టిన భవన నిర్మాణాలు, మరమ్మతు పనుల్లో నాణ్యత లోపించొ ద్దని కలెక్టర్‌ రాజర్షిషా ఆదేశించారు. గురువారం స్థా నిక సంస్థల అదనపు కలెక్టర్‌ రాజేశ్వర్‌తో కలిసి రి మ్స్‌లో అభివృద్ధి పనులను ఆకస్మికంగా తనిఖీ చేశా రు. అనంతరం డైరెక్టర్‌ చాంబర్‌లో అధికారులతో సమీక్ష నిర్వహించి మాట్లాడారు. కన్సల్టెంట్‌ ఇంజినీర్లు నిరంతరం పనులను పర్యవేక్షించాలని ఆదేశించారు. రిమ్స్‌ నూతన భవనం, ఆస్పత్రి పరిసరాల్లో పారిశుశుద్ధ్యం లోపించకుండా చూడాలని సూచించారు. రోగులు, సహాయకుల సౌకర్యార్థం వాష్‌ బే సిన్లు, డస్ట్‌బిన్లు ఏర్పాటు చేయాలని, వాటి వినియో గం, పరిసరాల పరిశుభ్రత విషయంలో నిర్లక్ష్యం వహించే ఏజెన్సీలు, సెక్యూరిటీ గార్డులకు జరిమానా విధించాలని ఆదేశించారు. ఇటీవల రోడ్డు ప్రమాదంలో గాయపడి చికిత్స పొందుతున్న సర్వేయర్‌ గోవింద్‌ను పరామర్శించారు. రిమ్స్‌ డైరెక్టర్‌ జైసింగ్‌ రాథోడ్‌, ఆర్‌అండ్‌బీ ఈఈ రమేశ్‌, వివిధ శాఖల ఇంజినీరింగ్‌ అధికారులు, వైద్యులు, కాంట్రాక్టర్లు, ఔట్‌ సోర్సింగ్‌ ఏజెన్సీ ప్రతినిధులున్నారు. ఆరుతడి పంటలే సాగు చేయాలి కైలాస్‌నగర్‌: యాసంగిలో ఆరుతడి పంటలే సాగు చేయాలని కలెక్టర్‌ రాజర్షి షా పిలుపునిచ్చారు. ఎల్‌నినో ప్రభావం, అనుసరించాల్సిన పద్ధతులపై అధి కారులతో సమీక్ష నిర్వహించారు. క్షేత్రస్థాయిలో రై తులకు అవగాహన కల్పించాలని సూచించారు. గ్రా మీణ, పట్టణ ప్రాంతాల్లో తాగునీటి ఎద్దడి తలెత్తకుండా ముందస్తు చర్యలు తీసుకోవాలని, ఇంకుడు గుంతల నిర్మాణం, పూడికతీత పనులను యుద్ధ ప్రాతిపదికన చేపట్టాలని ఆదేశించారు. విద్యుత్‌ వృథాను అరికట్టాలని సూచించారు. స్థానిక సంస్థల అ దనపు కలెక్టర్‌ రాజేశ్వర్‌, డీఆర్డీవో రవీందర్‌ రాథోడ్‌, డీఏవో రవీందర్‌, జిల్లా ఉద్యానవనశాఖ అధికారి సందీప్‌కుమార్‌, విద్యుత్‌శాఖ ఎస్‌ఈ సుభాష్‌, ము న్సిపల్‌ కమిషనర్‌ జగదీశ్‌ గౌడ్‌ తదితరులున్నారు. రీసర్వే ప్రక్రియ పరిశీలన తాంసి: మండలంలోని బండల్‌నాగాపూర్‌ గ్రామ శివారులో చేపట్టిన భూ భారతి భూముల రీసర్వే ప్రక్రియను కలెక్టర్‌ రాజర్షి షా పరిశీలించారు. ఆయ న మాట్లాడుతూ.. సర్వే ద్వారా భూముల సమస్యకు శాశ్వత పరిష్కారం లభిస్తుందని తెలిపారు. జిల్లాలోని 78గ్రామాల్లో సర్వే కొనసాగుతుందని పే ర్కొన్నారు. ఆయన వెంట అదనపు కలెక్టర్‌ చిత్రు, సర్వే ల్యాండ్‌ రికార్డ్స్‌ ఏడీ ప్రభాకర్‌, తహసీల్దార్‌ మధుసూదన్‌, ఎంపీడీవో మోహన్‌రెడ్డి, ప్రాజెక్ట్‌ ఏఈ హరీశ్‌, సర్పంచ్‌ శ్రీకాంత్‌ తదితరులున్నారు.క్షేత్రస్థాయిలో పంటల పరిశీలనతలమడుగు: మండలంలోని కజ్జర్ల గ్రామ శివారులో పూలు, కూరగాయల తోటలను కలెక్టర్‌ రాజర్షి షా బైక్‌పై వెళ్లి పరిశీలించి రైతులను అభినందించారు. అయోధ్య నుంచి వచ్చిన ప్రత్యేక ఆర్డర్ల మేరకు అక్కడికి ఫార్వర్డ్‌ లింకేజీ ద్వారా పూలు ఎగుమతి అవుతుండటం విశేషమన్నారు. తక్కువ పెట్టుబడితో పూలతోటలు సాగు చేస్తే అధిక లాభాలు గడించవచ్చని తెలిపారు. ఎల్‌నినో కారణంగా ఆరుతడి పంటలు సాగు చేయాలని సూచించారు. జిల్లా ఉద్యానవనశాఖ అధికారి సందీప్‌, తహిసీల్దార్‌ రాజ్‌మోహన్‌, సర్పంచ్‌ నారాయణరెడ్డి, శ్రీనివాస్‌రెడ్డి, మండల ఉద్యానవన అధికారి క్రాంతి తదితరులున్నారు.

బోథ్‌: రాష్ట్ర నాయకత్వం ఆదేశాల మేరకు సీపీ ఐ జిల్లా కమిటీని రద్దు చేసినట్లు పార్టీ నాయకుడు ఎస్‌.విలాస్‌ వెల్లడించారు. జిల్లా కార్యదర్శి బాధ్యతల నుంచి ముడుపు ప్రభాకర్‌రెడ్డిని తప్పించి, జిల్లా కన్వీనర్‌గా తనను నియమించినట్లు తెలిపారు. ఈ నెల 25, 26, 27తేదీల్లో ని ర్వహించనున్న సమావేశాల అనంతరం నూత న జిల్లా కమిటీ, జిల్లా కార్యదర్శిని ఎన్నుకోనున్నట్లు పేర్కొన్నారు. బోథ్‌లోని శంకర్‌రావు భ వన్‌లోగల సీపీఐ కార్యాలయంలో గురువారం భారతాల గోవర్ధన్‌ అధ్యక్షతన నియోజకవర్గ, మండల స్థాయి నాయకుల సమావేశం నిర్వహించారు. ఎల్‌నినో ప్రభావం, అకాల వర్షాలు, ప్రతికూల వాతావరణ పరిస్థితులతో రైతులు తీవ్రంగా నష్టపోతున్నారని విలాస్‌ ఆవేదన వ్యక్తం చేశారు. ప్రభుత్వం వెంటనే క్షేత్రస్థాయిలో సర్వే నిర్వహించి నష్టపోయిన రైతులను ఆదుకోవాలని డిమాండ్‌ చేశారు. రాష్ట్ర సహా య కార్యదర్శి తక్కళ్లపల్లి శ్రీనివాస్‌, రాష్ట్ర కార్యదర్శివర్గ సభ్యుడు, జిల్లా ఇన్‌చార్జి కలవేణ శంకర్‌, బోథ్‌ మండల కార్యదర్శి నరేశ్‌, ఏఐఎస్‌ ఎఫ్‌ జిల్లా అధ్యక్షుడు మున్సిఫ్‌, కుచలాపూర్‌ కార్యదర్శి ఎస్‌.దాస్‌, భోజన్న ఉన్నారు.

ఆదిలాబాద్‌: విద్యార్థుల సమగ్రాభివృద్ధికి క్రీడలు కీలకమని డీఎల్‌ఎస్‌ఏ కార్యదర్శి హుస్సేన్‌ పేర్కొన్నారు. జిల్లా కేంద్రంలోని ఎరీనా వీఎన్‌ఆర్‌ మైదానంలో ఐదురోజులుగా నిర్వహించిన అండర్‌–14 దసరా కప్‌ క్రికెట్‌ పోటీలు గురువారం ముగియగా, విజేతలకు బహుమతులు అందజేశారు. ఫైనల్‌లో ఆతిథ్య వీఎన్‌ఆర్‌ అకా డమీ జట్టు మహారాష్ట్రకు చెందిన ఎంసీఏ అకా డమీపై విజయం సాధించింది. తొలుత బ్యా టింగ్‌ చేసిన ఎంసీఏ జట్టు 102 పరుగులు చే యగా, వీఎన్‌ఆర్‌ జట్టు 18 ఓవర్లలో 103 పరుగులు చేసి గెలిచింది. ఈ సందర్భంగా ఆయన మాట్లాడుతూ.. చదువుతోపాటు క్రీడలకు ప్రా ధాన్యత ఇవ్వాలని సూచించారు. గెలుపోటము లను సమానంగా స్వీకరించాలని సూచించా రు. అరుగుల అశోక్‌, ఉమేశ్‌రావు డోలే, నిర్వాహకుడు నరోత్తంరెడ్డి, శిక్షకులు పాల్గొన్నారు.

సాక్షి ప్రతినిధి, మంచిర్యాల: ప్రజా సమస్యల సత్వర పరిష్కారం కోసం ఏర్పాటు చేసిన ప్రత్యేక వాట్సా ప్‌ నంబర్లకు అర్జీలు వెల్లువెత్తుతున్నాయి. సమస్యలు ఉన్నవారు నేరుగా అధికారులను కలువకుండా నే ఎప్పుడైనా.. ఎక్కడి నుంచైనా తమ గోడు విన్నవించుకునే అవకాశం కలిగింది. దీంతో అనేకమంది సులువుగా ఫిర్యాదులు పంపిస్తున్నారు. ఈ నెల 8 నుంచి ఉమ్మడి ఆదిలాబాద్‌ జిల్లా పరిధిలో నాలుగు జిల్లాల కలెక్టర్లతోపాటు ఇన్‌చార్జి మంత్రి జూపల్లి కృష్ణారావు పేషీలోనూ ప్రత్యేకంగా వాట్సాప్‌ నంబర్‌ అందుబాటులోకి తెచ్చారు. దీంతో ఉమ్మడి జిల్లా వాసులు ఈ సదుపాయాన్ని వినియోగించుకుంటున్నారు. వారం రోజుల వ్యవధిలోనే వందలాది అర్జీలు ఈ వాట్సాప్‌ నంబర్లకు అందాయి. ఆయా సమస్యలపై వస్తున్న ఫిర్యాదులను సంబంధిత శాఖ అధికారులకు పంపితే సమస్య పరిష్కారానికి చర్యలు తీసుకుంటున్నారు. నాలుగు జిల్లాల కలెక్టరేట్లలో ప్రత్యేకంగా ఈ అర్జీలను పరిశీలిస్తున్నారు. ఇందిరమ్మ ఇళ్లు, భూ సమస్యలు ఉమ్మడి జిల్లా వ్యాప్తంగా ప్రజా ఫిర్యాదుల కోసం ఏర్పాటు చేసిన వాట్సాప్‌ నంబర్లకు ఎక్కువగా ఇందిరమ్మ ఇళ్లు, నిర్మాణంలో ఉన్న ఇళ్ల బిల్లుల మంజూ రు సమస్యలపై అధికంగా వచ్చాయి. వీటితోపాటు ప్రతీ సోమవారం నిర్వహిస్తున్న ప్రజాఫిర్యాదుల విభాగానికి వచ్చే భూ సమస్యలు ఎక్కువగా వస్తున్నాయి. ఇంకా పింఛన్లు, ప్రభుత్వ పథకాలకు సంబంధించిన అర్జీలు అందుతున్నాయి. అయితే ఇప్పటికే మండల, జిల్లా స్థాయిలో ప్రజాఫిర్యాదుల కో సం ప్రత్యేకంగా ప్రతీ సోమవారం నేరుగా అధికారులకు వినతులు ఇస్తున్నారు. అనేక సమస్యలు అలా గే పెండింగ్‌లో ఉంటున్నాయి. కొన్నిచోట్ల అర్జీల పరి ష్కారం కోసం ఫిర్యాదుదారులు నెలల తరబడి తిరుగుతున్నారు. తాజాగా వాట్సాప్‌ నంబర్లు అందుబాటులోకి వచ్చిన నేపథ్యంలో సమస్యలు పరి ష్కారం అయితేనే ప్రజలకు ఊరట కలిగే అవకాశం ఉంది. మంత్రి పేషీకి వచ్చిన అర్జీలను సంబంధిత అధికారులకు పంపిస్తూ పరిష్కారానికి కృషి చేస్తున్నట్లు అధికార వర్గాలు పేర్కొంటున్నాయి.మంత్రి పేషీకి వచ్చినవిజిల్లా అర్జీలు ఆదిలాబాద్‌ 93 నిర్మల్‌ 33 కుమురంభీం 30 మంచిర్యాల 50 ఇతర ప్రాంతాలు 20 మొత్తం 226ఫిర్యాదులకు వాట్సాప్‌ నంబర్లుఉమ్మడి జిల్లా ఇన్‌చార్జీ మంత్రి పేషీ 85006 89596 ఆదిలాబాద్‌ 94923 41947 నిర్మల్‌ 83175 57897 కుమురంభీం 75699 86036 మంచిర్యాల 94921 23642