నాయుడుపేటటౌన్‌ : మండల పరిధిలోని అయ్యప్పరెడ్డి పాళెం గ్రామ సమీపంలో జాతీయ రహదారిపై మంగళవారం నాలుగు వాహనాలు ఒకదానికి ఒకటి అదుపు తప్పి ఢీకొన్నాయి. ఈ ప్రమాదంలో రెండు కార్లు బాగా దెబ్బతిన్నాయి. రెండు కార్లలో ఉన్న ఏడుగురికి స్వల్ప గాయాలయ్యాయి. పోలీసులు తెలిపిన మేరకు వివరాలు. ఒడిస్సా నుంచి బెంగళూరు వెళుతున్న లారీ మార్గ మధ్యలో అయ్యప్పరెడ్డి పాళెం జాతీయ రహదారి కూడలి సమీపంలో అదుపు తప్పి ముందు వెళుతున్న కారును ఢీకొంది. ఆ కారు ముందు వెళుతున్న మరో కారును ఢీకొంది. ఈ ప్రమాదంలో రెండు కార్లు బాగా దెబ్బతిన్నాయి. ఓజిలి ప్రాంతానికి చెందిన ఫ్రాంక్లీన్‌, మల్లికార్జున రెడ్డి, షేక్‌ రఫీ, బన్నీ , మరో కారులో ఉన్న మద్ది వీరయ్య, సునీత, సాయిలకు గాయాలయ్యాయి. ప్రమాదానికి కారణమైన లారీని పోలీసులు స్వాధీనం చేసుకుని కేసు నమోదు చేసి దర్యాప్తు చేస్తున్నారు. విద్యుదాఘాతంతో ఇల్లు దగ్ధం డక్కిలి : విద్యుదాఘాతంతో ఇల్లు దగ్ధమయింది. ఈ ఘటన మండలంలోని ఆల్తూరుపాడులో మంగళవారం రాత్రి చోటు చేసుకుంది. అగ్నిమాపకశాఖ అధికారి ఆదినారాయణ కథనం మేరకు ఆల్తూరుపాడు గ్రామానికి చెందిన కటకం రమణయ్య పూరి గుడిసెలో నివాసం ఉంటున్నారు. ఇంట్లో విద్యుత్‌ వైర్లు షార్ట్‌ సర్క్యూట్‌ కావడంతో ఒక్కసారిగా మంటలు వ్యాప్తి చెందాయి. ఆ సమయంలో ఇంట్లో ఉన్న గ్యాస్‌ సిలిండర్‌ పేలింది. దీంతో ఆందోళన చెందిన స్థానికులు అగ్నిమాపకశాఖ అధికారులకు సమాచారం అందించారు. ఘటనా స్థలానికి వారు చేరుకొని మంటలను అదుపు చేశారు. బాధితుడికి రూ.లక్ష ఆస్తి నష్టం జరిగి ఉండవచ్చునని భావిస్తున్నట్లు తెలిపారు. ప్రొఫెసర్‌ దేవపస్రాదరాజుకు పత్రిష్టాత్మక పురస్కారం తిరుపతి సిటీ: ఎస్వీయూ ఫిజిక్స్‌ విభాగాధిపతి ప్రొఫెసర్‌ బి దేవప్రసాద రాజు ప్రతిష్టాత్మక పురస్కారం పొందారు. రేర్‌ ఎర్త్‌ రంగంలో చేసిన పరిశోధనా కృషికి గుర్తింపుగా రేర్‌ ఎర్త్‌ అసోసియేషన్‌ ఈ పురస్కారాన్ని అందజేసింది. గురువారం భువనేశ్వర్‌లో జరిగిన ప్రత్యేక కార్యక్రమంలో నీతి అయోగ్‌ సభ్యుడు డాక్టర్‌ వీకే సరస్వత్‌ చేతుల మీదుగా ఆయన పురస్కారాన్ని అందుకున్నారు. 16 ఏళ్లుగా ఎస్వీయూలో ఎన్నో పేరొందిన పరిశోధనలు చేపట్టిన ఆయన 5 జాతీయ, 3 అంతర్జాతీయ సదస్సులు, పరిశోధనా ప్రాజెక్టులను సమర్థవంతంగా నిర్వహించారు. అంతర్జాతీయ స్థాయి జర్నల్స్‌లో ఆయన రూపొందించిన 125 పరిశోధనా వ్యాసాలు ప్రచురితమయ్యాయి. 13 పీహెచ్‌డీ డిగ్రీలు పర్యవేక్షకులుగా వ్యవహరించారు. ఈ సందర్భంగా రేర్‌ ఎర్త్‌ అసోసియేషన్‌ కార్యదర్శి డాక్టర్‌ ఎంఎల్‌పీ రెడ్డి, ఎస్వీయూ రిటైర్డు ప్రొఫెసర్‌ సీకే జయశంకర్‌, సైన్స్‌ కాలేజ్‌ ప్రిన్సిపల్‌ ప్రొఫెసర్‌ పద్మావతి పురస్కారం పొందిన ఆయనను అభినందించారు.

తిరుపతి రూరల్‌: తిరుపతి రూరల్‌ మండలం జాతీయ గ్రామీణ ఉపాధి హామీ పథకం కింద 2024 – 2025 ఏడాదిలో పూర్తి చేసిన పనులపై మండల పరిషత్‌ కార్యాలయం ఆవరణలో మంగళవారం 19వ విడత బహిరంగ విచారణ జరిగింది. ఈ విచారణకు డ్వామా పీడీ శ్రీనివాస ప్రసాద్‌ విచారణ అధికారిగా హాజరయ్యారు. సామాజిక తనిఖీల్లో భాగంగా పేరూరు చెరువుకు సంబంధించి రూ.1.50 కోట్లు మేరకు గుంతలు తీసినట్టుగా బిల్లులు చేసుకున్నట్టు తమ దృష్టికి వచ్చిందన్నారు. దానిపై సమగ్ర విచారణ జరపాలని కోరుతూ ఎంపీపీ మూలం చంద్రమోహన్‌రెడ్డి డ్వామా పీడీ శ్రీనివాసప్రసాద్‌కు వినతి పత్రం అందించారు. సమగ్ర విచారణ చేసి పది రోజుల్లో నివేదికను సమర్పించాలని ఎంపీడీఓ రామచంద్ర, ఏపీడీ రెడ్డెప్ప విజిలెన్స్‌ అధికారులను పీడీ ఆదేశించారు. అలాగే దుర్గసముద్రం పరిధిలో ఒక్క కూలీ కూడా పనులు చేయకుండానే 57 మంది పనులకు హాజరైనట్టుగా నమోదు చేయడం జరిగిందని, దానిపై కూడా విచారణ చేయాలని ఎంపీపీ మూలం చంద్రమోహన్‌రెడ్డి కోరగా దానిపై శాఖా పరమైన విచారణ చేయాలని ఎపీఓ జ్యోతిశ్రీని ఆదేశించారు. పలువురు ఫీల్డు అసిస్టెంట్లు చేసిన తప్పిదాలు బయటకు రావడంతో వారి నుంచి రూ.48 వేలు వరకు రికవరీ చేయాలని ఆదేశించారు. పెరుమాళ్లపల్లికి చెందిన ఫీల్డు అసిస్టెంట్‌ పుష్పవల్లి పని చేయలేకుంటే ఆమె చేత రాజీనామా తీసుకుని వేరొకరికి అవకాశం కల్పించాలన్నారు. సమావేశంలో వైస్‌ ఎంపీపీ విడుదల మాదవరెడ్డి, జడ్పీటీసీ రత్నమ్మ, ఏపీడీ రెడ్డెప్ప, డీఆర్‌డీఓ ప్రభావతి, ఎస్‌ఆర్‌పీ లోకేష్‌, ఎపీఓలు జ్యోతిశ్రీ, మమత, టెక్నికల్‌ అసిస్టెంట్‌ హరి పాల్గొన్నారు.

తిరుపతి సిటీ : ఎస్వీయూలో తొలగించబడిన తాత్కాలిక అధ్యాపకులు పెద్ద ఎత్తున నిరసన కార్యక్రమం చేపట్టారు. మంగళవారం వర్సిటీ పరిపాలనా భవనం ఎదుట బైఠాయించి వర్సిటీ అధికారుల తీరును ఎండగట్టారు. అధ్యాపకులు నిరసన కార్యక్రమానికి విద్యార్థి సంఘాల నాయకులు హాజరై మద్దతు పలికారు. ఈ సందర్భంగా తొలగించిన అధ్యాపకులు మాట్లాడుతూ.. అన్ని అర్హతులు ఉన్నా కక్ష సాధింపు చర్యలో భాగంగా వర్సిటీ అధికారులు 43 మంది అకడమిక్‌ కన్సల్టెంట్లను తొలగించి రోడ్డున పడేశారని ఆవేదన వ్యక్తం చేశారు. పాలకమండలిని మభ్యపెట్టి.... పాలక మండలికి అకడమిక్‌ కన్సల్టెంట్ల తొలగింపుపై పూర్తి సమాచారం ఇవ్వకుండా చర్చించకుండా ఇంటర్వ్యూలు నిర్వహించారని ఆవేదన వ్యక్తం చేశారు. దీనిపై ఓ పాలకమండలి సభ్యురాలు తనకు అవగాహన లేకపోవడంతో ఆమోదం తెలిపానని బహిరంగంగా వీసీకి లేఖ రాశారంటే అధికారుల తీరు ఎలా ఉందో అర్థం చేసుకోవచ్చని చెప్పారు. అనంతరం వీసీ అప్పారావును కలసి వారు వినతిపత్రం సమర్పించారు. కార్యక్రమంలో అకడమిక్‌ కన్సల్టెంట్స్‌ అసోసియేషన్‌ ప్రెసిడెంట్‌ కల్లూరి కిషోర్‌కుమార్‌రెడ్డి, సభ్యులు, వైఎస్సాఆర్‌సీపీ ఎస్వీయూ విద్యార్థి విభాగం అధ్యక్షులు ప్రేమ్‌ కుమార్‌, ఎస్‌ఎఫ్‌ఐ కార్యదర్శి రవి, వినోద్‌, ఉపాధ్యాక్షులు అశోక్‌, బీడీవీఎస్‌ నాయకులు యుగంధర్‌, సుకుమార్‌, విద్యార్థి సంఘాల నాయకులు ముని హేమంత్‌, భరత్‌, తాత్కాలిక అధ్యాపకులు పాల్గొన్నారు. న్యాయపోరాటానికి సన్నద్ధం వర్సిటీ అధికారులు నిబంధనలకు విరుద్ధంగా తాత్కాలిక అధ్యాపకులను తొలగించడంపై న్యాయపోరాటానికి సిద్ధమవుతున్నాం. ఇప్పటికే ఈ విషయంపై ఉన్నత స్థాయి అధికారులకు తెలియజేశాం. న్యాయవాదుల సలహాలు తీసుకున్నాం. ఈ విషయంపై వెనకడుగు వేసేదేలేదు. డిప్యూటీ సీఎం దృష్టికి సైతం ఈ విషయాన్ని తీసుకెళ్లేందుకు ప్రయత్నిస్తున్నాం. – తొలగించిన తాత్కాలిక అధ్యాపకులు, ఎస్వీయూ

ఎన్‌ఆర్‌ఐల భూములకేసాక్షి ప్రతినిధి, తిరుపతి : కూటమి ప్రభుత్వంలో ఎన్‌ఆర్‌ఐలకు చెందిన భూములు, స్థలాలకు రక్షణ కరువైందని డాక్టర్‌ సునీత ఆరోపించారు. ఆక్రమించిన భూముల్లో సీఎం చంద్రబాబు, డిప్యూటీ సీఎం పవన్‌ కళ్యాణ్‌, మంత్రి నారా లోకేష్‌ ఫొటోలతో ఫ్లెక్సీలు ఏర్పాటు చేసి బెదిరింపులకు దిగుతున్నట్లు ఆధారాలతో బయటపెట్టారు. తిరుపతి ప్రెస్‌క్లబ్‌లో మంగళవారం ఏర్పాటు చేసిన విలేకరుల సమావేశంలో ఎన్‌ఆర్‌ఐకి చెందిన డాక్టర్‌ సునీత మాట్లాడుతూ.. 2003లో తిరుపతి నగర పరిధిలోని కై కాల చెరువు వద్ద వేసిన ప్రగతి నగర్‌ వెంచర్‌లో సర్వే నంబర్‌1లో కోట్ల రూపాయలు విలువ చేసే ఏడు ప్లాట్లను కొనుగోలు చేసినట్లు అందుకు సంబంధించిన పత్రాలను విలేకరుల ముందు బయటపెట్టారు. తాము కొనుగోలు చేసిన కొంత కాలం తరువాత ఈ ప్లాట్లు తమవే నంటూ టీడీపీ నేత, బాలాజీ టింబర్‌ డిపో అధినేత కంచి రాము ఇబ్బందులు పెట్టడం ప్రారంభించారని వెల్లడించారు. ప్లాట్లకు దారి లేకుండా ప్రహరీ గోడ, తాత్కాలిక షెడ్లు నిర్మించాడని వివరించారు. ఆ తరువాత సర్వే నంబర్‌ 1/1బి పేరుతో రికార్డులు సృష్టించుకున్నట్లు ఆరోపించారు. ఆ సర్వే నంబర్లను రద్దు చేశారని, ఆ తరువాత రోడ్ల కోసం వదిలిన స్థలాల పేరుతో రూ.60 కోట్లు విలువచేసే టీడీఆర్‌ బాండ్లు తీసుకున్నట్లు తెలిపారు. టీడీపీ నేత రాము సృష్టించిన సర్వే నంబర్‌ బోగస్‌ అని రెవెన్యూ అధికారులే చెబుతున్నారన్నారు. గతంలో జేసీగా పనిచేసిన బాలాజీ సైతం ఆ భూమి తమకు చెందినదేనని జడ్జిమెంట్‌ ఇచ్చినట్లు స్పష్టం చేశారు. తమ ప్లాట్లు ఆక్రమించాడని గత ఏడాది తిరుపతి ఈస్ట్‌ పోలీస్టేషన్‌లో ఫిర్యాదు చేసినట్లు తెలిపారు. ప్రస్తుతం ఆ స్థలంలో సీఎం చంద్రబాబు, డిప్యూటీ సీఎం పవన్‌ కళ్యాణ్‌, మంత్రి లోకేష్‌ బాబు ఫొటోలతో ఫ్లెక్సీలు ఏర్పాటు చేసి తమలను బెదిరిస్తూ భయపెడుతున్నారని ఆందోళన వ్యక్తం చేశారు. ఈ విషయంపై గతంలో సీఎం చంద్రబాబు దృష్టికి తీసుకెళ్లినట్లు వెల్లడించారు. ఆస్ట్రేలియాకు చెందిన సునీతకు అన్యాయం జరిగిందని సీఎం చంద్రబాబే స్వయంగా చెప్పినా ఇంత వరకు న్యాయం జరగలేదని ఆమె ఆరోపించారు. ఎన్‌ఆర్‌ఐలకు చెందిన భూములకు రక్షణ కల్పించాలని డిప్యూటీ సీఎం పవన్‌ కళ్యాణ్‌ ప్రగల్బాలు పలికినా.. ఆచరణకు నోచుకోలేదని ఆవేదన వ్యక్తం చేశారు. తమకు సంబంధించిన స్థలంతో పాటు పరిసర ప్రాంతంలోని అనేక మంది టీడీపీ నేతల కారణంగా తీవ్ర ఇబ్బందులు ఎదుర్కొంటున్నట్లు వెల్లడించారు. అయినా ప్రభుత్వం అతడిపై చర్యలు తీసుకోలేదని ఆవేదన వ్యక్తం చేశారు.

చంద్రగిరి : శాంతియుతంగా పాదయాత్ర చేస్తున్న వైఎస్సార్‌సీపీ నేతలను పోలీసులు అక్రమంగా అరెస్టు చేయడంపై చంద్రగిరిలో ఉద్రిక్తత చోటు చేసుకుంది. రాజంపేట ఎంపీ మిథున్‌ రెడ్డి అక్రమ అరెస్టు నుంచి త్వరగా బయటకు రావాలని, వైఎస్సార్‌సీపీ రాష్ట్ర ప్రచార విభాగం అధ్యక్షుడు హరిప్రసాద్‌ రెడ్డి ఆధ్వర్యంలో తిరుమలకు పాదయాత్రను చేపట్టారు. అయితే కూటమి ప్రభుత్వంలో రెడ్‌బుక్‌ రాజ్యాంగాన్ని అమలు చేస్తూ పోలీసులు మంగళవారం శ్రీవారిమెట్టు వద్ద అడ్డుకున్నారు. శ్రీవారిమెట్టు నుంచి తిరుమలకు వెళ్తున్న వారిని అక్రమంగా అడ్డుకోవడంతో పాటు బలవంతంగా అదుపులోకి తీసుకున్నారు. అభిమానులను ఈడ్చుకొంటూ స్టేషన్‌కు తరలించారు. దీంతో తిరుమలకు వెళ్తున్న భక్తులు సైతం తీవ్ర భయాందోళనకు గురయ్యారు. సుమారు 4 గంటల పాటు స్టేషన్‌లో.. పాదయాత్ర చేస్తున్న హరిప్రసాద్‌ రెడ్డితో పాటు సుమారు 17 మందిని చంద్రగిరి డీఎస్పీ ఆధ్వర్యంలో పోలీసులు స్టేషన్‌కు తరలించారు. సాయంత్రం 4 గంటల నుంచి రాత్రి వరకు పోలీసు స్టేషన్‌లోనే అక్రమంగా నిర్భంధించారు. హరిప్రసాద్‌ రెడ్డిను అరెస్టు చేశారని తెలుసుకున్న పార్టీ శ్రేణులు భారీగా పోలీసు స్టేషన్‌ వద్దకు చేరుకున్నారు. చంద్రగిరి పోలీసు స్టేషన్‌ వద్దకు చేరుకున్న వైఎస్సార్‌సీపీ శ్రేణులు అరాచక పాలన సుమారు 4 గంటల పాటు పోలీసు స్టేషన్‌లో నిర్భంధించిన నేతలను పోలీసులు సొంత పూచీకత్తుపై రాత్రి విడుదల చేశారు. తిరుమల పాదయాత్రలో ఎలాంటి గొడవలు జరగకుండా ముందస్తుగా అరెస్టు చేసి, విడిచిపెట్టినట్లు పోలీసులు తెలిపారు. టీటీడీ చైర్మన్‌ ఆదేశాలతోనే అక్రమంగా అరెస్టు చేశారంటూ వైఎస్సార్‌సీపీ విద్యార్థి విభాగం రాష్ట్ర ప్రధాన కార్యదర్శి మురళీధర్‌ ఆరోపించారు. శాంతియుతంగా చేస్తున్న పాదయాత్రను అడ్డుకోవడం ఏమిటంటూ మండిపడ్డారు. తిరుమలకు వెళ్లాలంటే కూటమి ప్రభుత్వంలో పాస్‌పోర్టు, వీసా కావాలా అంటూ ఆయన ప్రశ్నించారు. చంద్రగిరిలో ఉద్రిక్తత..! మీడియాపై డీఎస్పీ చిందులు వైఎస్సార్‌సీపీ శ్రేణుల అక్రమ అరెస్టు తెలుసుకున్న జర్నలిస్టులు పోలీసు స్టేషన్‌కు వెళ్లడంతో పోలీసులు అడ్డుకున్నారు. పోలీసు స్టేషన్‌లోకి ఎలా వస్తారంటూ చంద్రగిరి డీఎస్పీ ప్రసాద్‌ చిందులు వేశారు. జర్నలిస్టుగా వచ్చామని, అరెస్టుకు సంబంధించి వివరాలు తెలపాలని కోరడంతో ఆయన ఆంక్షల పేరుతో చిందులు వేయడంపై పాత్రికేయులు మండిపడ్డారు.

అలసత్వం వహిస్తూ..● కలెక్టరేట్‌లో 10గంటలకు గ్రీవెన్స్‌ ● 12 గంటలకు వచ్చిన అధికారులు ● అర్జీదారులను పట్టించుకోని సిబ్బంది తిరుపతి అర్బన్‌ : ప్రజా సమస్యల పరిష్కార వేదిక నిర్వహణలో అధికారులు అలసత్వం వహిస్తున్నారు. కలెక్టర్‌ హాజరైతే ఒక లెక్క.. ఆయన లేకుంటే ఒక లెక్క అన్నట్లు వ్యహరిస్తున్నారు. తలకోన సిద్ధేశ్వరస్వామి ఆలయ పునర్నిర్మాణ పనుల ప్రారంభోత్సవంలో కలెక్టర్‌ వెంకటేశ్వర్‌ పాల్గొని సోమవారం నిర్వహించిన గ్రీవెన్స్‌కు ఆలస్యంగా వచ్చారు. ఇదే అదునుగా ఉన్నతాధికారులు సైతం వినతుల స్వీకరణకు నింపాదిగా తరలివచ్చారు. ఉదయం 10 గంటలకు గ్రీవెన్స్‌ మొదలైతే మధ్యాహ్నం 12 గంటల వరకు ఒక్కొక్కరుగా చేరుకున్నారు. అయితే 12.15 గంటలకు కలెక్టర్‌ వచ్చేసరికి మాత్రం జిల్లా అధికారులందరూ హాజరుకావడం గమనార్హం. కలెక్టర్‌ లేరని అధికారులు ఆలస్యంగా రావడంపై అర్జీదారులు అసంతృప్తి వ్యక్తం చేశారు. పైగా కనీస వసతులు సైతం కల్పించకుండా కలెక్టరేట్‌ సిబ్బంది నిర్లక్ష్యం వహించారని వాపోయారు. దాహంతో అలమటిస్తున్నప్పటికీ తాగునీటి సౌకర్యం కూడా కల్పించలేదని ఆవేదన వ్యక్తం చేశారు. వినతుల వెల్లువ ప్రజా సమస్యల పరిష్కార వేదికకు మొత్తం 238 అర్జీలు వచ్చినట్లు కలెక్టరేట్‌ అధికారులు వెల్లడించారు. ఈ క్రమంలో ప్రతి వినతిని నిశితంగా పరిశీలించి, పరిష్కారం చూపాలని కలెక్టర్‌ ఆదేశించారు. కార్యక్రమంలో జేసీ శుభం బన్సల్‌ పాల్గొన్నారు. పోలీస్‌ గ్రీవెన్స్‌కు 72 అర్జీలు తిరుపతి క్రైమ్‌: జిల్లా పోలీసు కార్యాలయంలో సోమవారం నిర్వహించిన ప్రజా సమస్యల పరిష్కార వేదికకు 72 ఫిర్యాదులు అందినట్టు ఎస్పీ హర్షవర్ధన్‌న్‌రాజు తెలిపారు. ఆయా అర్జీలను పరిశీలించి త్వరితగతిన పరిష్కరించాలని సంబంధిత అధికారులను ఆదేశించారు.

తిరుపతి సిటీ : ఎస్వీయూలో అధికారుల అత్యుత్సాహంతో వీధినపడిన 43 మంది తాత్కాలిక అధ్యాపకుల విషయంలో ఈసీ మెంబర్లు పునరాలోచించినట్లు తెలుస్తోంది. అందులో భాగంగా పాలకమండలి సభ్యులు ఒక్కొక్కరూ తమ తిరుగుబాటు స్వరం వినిపిస్తున్నారు. సుమారు 15ఏళ్ల నుంచి 20ఏళ్ల పాటు వర్సిటీకి సేవలందించిన అకడమిక్‌ కన్సల్టెంట్లను ఫెర్ఫార్మెన్స్‌ రివ్యూ పేరుతో ఇంటర్వ్యూలు నిర్వహించిన వర్సిటీ అధికారులు ఒక్కో ఈసీ మెంబర్‌పై ఒత్తిడి తెచ్చి ఆమోదపు పత్రాలను తెప్పించుకున్నారు. నిబంధనల ప్రకారం ఈసీ మీటింగ్‌ నిర్వహించి తాత్కాలిక అధ్యాపకుల ఇంటర్వ్యూల నిర్వహణపైన, తొలగింపు ప్రక్రియపైనా ఈసీ ఆమోదం పొందాల్సి ఉంది. వర్సిటీ అధికారులు చాకచక్యంగా వారిని మభ్యపెట్టి తొలగింపు ప్రక్రియపై పూర్తి వివరాలను అందించకుండా ఈసీ ఆమోదం పొందినట్లు ప్రకటించారు. వెంటనే క్షణం ఆలస్యం చేయకుండా అర్హులైన అధ్యాపకులను సైతం రోడ్డున పడేశారు. అవగాహన లేకనే...ఆమోదం తెలిపా... ఎస్వీయూలో 43 మంది కాంట్రాక్ట్‌ అధ్యాపకులను తొలగించడం బాధాకరమని, ఈ మేరకు తాను సమ్మతి తెలుపుతూ పంపిన లేఖను ఉపసంహరించుకుంటున్నానని పాలకమండలి సభ్యులు వి.జ్యోతి తెలిపారు. సోమవారం ఈ మేరకు వీసీ అప్పారావుకు వినతిప్రతం సమర్పించారు. తాను అవగాహన లోపంతో ఆమోదం తెలపానని పేర్కొన్నారు. అధికారులు తక్షణం పాలకమండలి సమావేశం ఏర్పాటు చేసి సరైన నిర్ణయం తీసుకోవాలని కోరారు.

తిరుపతిలోని కర్నాల వీధిలో నివాసిస్తున్నా. పూర్తిగా దివ్యాంగురాలిని. ఒక్క అడుగు కూడా పెట్టలేను. గతంలో 75శాతం వైకల్యంతో సదరం సర్టిఫికెట్‌ ఇచ్చా రు. ఇప్పుడు 40శాతానికి కుదించారు. దీంతో సచివాలయ సిబ్బంది నన్ను పింఛన్‌ జాబితా నుంచి తొలగించారు. నాకు తల్లిదండ్రులు లేరు. కేవలం పింఛన్‌ సొమ్ముతోనే జీవిస్తున్నా. మళ్లీ నాకు పింఛన్‌ ఇప్పించాలని కోరుతున్నా. – కుప్పచ్చి అరుణ, తిరుపతి పొట్టకొడుతున్నారు నాకు చెవుడు, మరుగుజ్జుని కావడంతో వివాహం కాలేదు. ఒంటరి మహిళను. సుమారు పదేళ్లుగా పింఛన్‌ డబ్బులతోనే బతుకుతున్నా. ఇప్పుడు కూటమి ప్రభుత్వంలో నా పొట్టకొడుతున్నారు. సెప్టెంబర్‌ నుంచి పింఛన్‌ ఇవ్వమని సచివాలయ ఉద్యోగులు నోటీసు ఇచ్చారు. ఏం చేయాలో తెలియడం లేదు. మాలాంటి వారితో ప్రభుత్వం ఆడుకోవడం సరికాదు. మాకు న్యాయం చేయండి. – సుబ్బమ్మ, వేముగుంటపాళెం, నాయుడుపేట మండలం కనికరం చూపండి నాకు ఒక కన్ను పూర్తిగా పోయింది. ఇంకోటి సరి గా కనపడదు. అంధురాలిగా అష్టకష్టాలు పడుతు న్నా.2010 నుంచి దివ్యాంగ పింఛన్‌ ఇస్తున్నారు. ఆ డబ్బులతోనే బతుకుతున్నా. ఇప్పుడు నా పింఛన తొలగిస్తున్నట్లు సచివాలయ ఉద్యోగులు స్పష్టం చేశారు. నా భర్త కస్తూరయ్య ఆరోగ్యం సరిగా లేదు. ఈ పరిస్థితుల్లో పింఛన్‌ తొలగిస్తే మేం బతికేదెట్టాగో కూడా తెలియడం లేదు. కనికరం చూపండి అని అధికారులను వేడుకున్నా. – సాని కోటమ్మ, మడిపల్లం, నాయుడుపేట

తిరుపతి రూరల్‌:కూటమి ప్రభుత్వం వచ్చిన తర్వాత విద్యారంగం అంధకారంలోకి వెళ్లిపోయిందని వైఎస్సార్‌సీపీ చిత్తూరు, తిరుపతి జిల్లా విద్యార్థి విభాగం అధ్యక్షుడు చెవిరెడ్డి హర్షిత్‌రెడ్డి ఆరోపించారు. విద్యార్థి సంఘాల అణచివేతకు ప్రభుత్వం జారీ చేసిన జీఓలకు వ్యతిరేకంగా సోమవారం ఎస్వీయూ ప్రధాన ద్వారం ఎదుట కళ్లకు గంతలు కట్టుకుని నిరసన తెలిపారు. హర్షిత్‌రెడ్డి మాట్లాడుతూ అక్రమ జీఓలను ఉపసంహరించుకోకుంటే ఆందోళనను ఉధృతం చేస్తామని హెచ్చరించారు. విద్యార్థి సంఘాలను నిర్వీర్యం చేసేందుకే ప్రభుత్వం కుయుక్తులు పన్నుతోందన్నారు. విద్య రంగంపై ఏ మాత్రం అవగాహనలేని నారా లోకేష్‌కు ఆ శాఖ అప్పగించడంతోనే ఇలాంటి అనాలోచిత నిర్ణయాలు తీసుకుంటున్నారని విమర్శించారు. విద్యార్థి సంఘాలపై నిషేధం విధించిన మంత్రి నారా లోకేష్‌ తక్షణం తన పదవికి రాజీనామా చేయాలని డిమాండ్‌ చేశారు. అనంతరం జీఓ ప్రతులను చించివేసి నిరసన తెలిపారు. వైఎస్సార్‌సీపీ విద్యార్థి విభాగం రాష్ట్ర ప్రధా న కార్యదర్శి వల్లం రాజేంద్రప్రసాద్‌, ఉపాధ్యక్షుడు ఓబుల్‌రెడ్డి, నేతలు చెంగల్‌రెడ్డి, యశ్వంత్‌రెడ్డి, రఫీ, ప్రదీప్‌, భానుప్రకాష్‌రెడ్డి, వినోద్‌, రాజేంద్ర, నరేష్‌, మునిరాజ, ప్రేమ్‌కుమార్‌, హరినాథ్‌, పార్థసారధి, యుగంధర్‌, సుధాకర్‌, ముని, ప్రభు, శేషరెడ్డి, వెంకట్‌ రమణ నాయక్‌, వీర నాగేంద్ర, హరిబాబు, నవీన్‌రెడ్డి, దినేష్‌కుమార్‌ పాల్గొన్నారు.

తిరుపతి క్రైమ్‌ : తిరుపతిలోని బైరాగిపట్టెడలో పద్మావతి పార్క్‌ ఎదురుగా టీటీడీ ఉద్యోగి ఇంట్లో చోరీ జరిగిన ఘటన సోమవారం వెలుగుచూసింది. క్రైమ్‌ సీఐ ప్రకాష్‌ కథనం మేరకు.. టీటీడీలో వైకుంఠం క్యూ కాంప్లెక్స్‌ సూపరింటెండెంట్‌ శ్రీనివాసులు ఈనెల 14వ తేదీన సొంత పనుల నిమిత్తం హైదరాబాద్‌ వెళ్లారు. సోమవారం వేకువజామున తిరిగి ఇంటికి వచ్చారు. మెయిన్‌ గేటు, తలుపులు పగులగొట్టి ఉండడంతో వెంటనే పోలీసులకు సమాచారం అందించారు. ఇంట్లో 207 గ్రాముల బంగారం, 460 గ్రాముల వెండి అపహరణకు గురైనట్లు గుర్తించారు. బాధితుడి ఫిర్యాదు మేరకు పోలీసులు కేసు నమోదు చేశారు. క్లూస్‌ టీమ్‌ ద్వారా ఆధారాలు సేకరించారు. పాత నేరస్తులే చోరీకి పాల్పడినట్లు ప్రాథమికంగా నిర్ధారించామని, దర్యాప్తు కొనసాగుతోందని సీఐ వెల్లడించారు. ఎస్వీయూ జోనల్‌ స్థాయి పోటీలు ప్రారంభం తిరుపతి సిటీ: నేషనల్‌ స్పోర్ట్స్‌ డేని పురస్కరించుకుని సోమవారం ఎస్వీయూ తారకరామా స్టేడియంలో జోనల్‌ స్థాయి పోటీలను శాప్‌ చైర్మన్‌ రవినాయుడు ప్రారంభించారు. సుమారు 8 జిల్లాల నుంచి విచ్చేసిన 1700 మంది క్రీడాకారులు ఈ పోటీల్లో పాల్గొననున్నారు. ఆయన మాట్లాడుతూ జిల్లా, జోనల్‌, రాష్ట్ర స్థాయిలో పోటీల్లో విజేతలైన క్రీడాకారులకు ఈ నెల 29న జరిగే స్పోర్ట్స్‌ డే కార్యక్రమంలో సీఎం చేతుల మీదుగా నగదు, ప్రశంసాపత్రాలు, పతకాలు అందించనున్నట్లు తెలిపారు. క్రీడలను ప్రోత్సహించేందుకు ప్రతి పాఠశాలలో ఆటస్థలాలను అభివృద్ధి చేస్తున్నామని చెప్పారు. ఇందుకోసం రూ.30 వేల నిధులు పాఠశాలలకు ఖర్చుచేస్తున్నామని తెలిపారు. ఈ కార్యక్రమంలో యాదవ కార్పొరేషన్‌ చైర్మన్‌ నరసింహయాదవ్‌, డీఎస్డీఓలు శశిధర్‌, బాలాజీ, ఉదయ్‌, రాజు, జగన్‌, పెద్ద సంఖ్యలో కోచ్‌లు, క్రీడాకారులు పాల్గొన్నారు. క్రీడల్లో విద్యార్థుల ప్రతిభ గూడూరురూరల్‌ : సౌత్‌జోన్‌ ఆర్చరీ పోటీల్లో లిటిల్‌ ఏంజెల్స్‌ పబ్లిక్‌ స్కూల్‌ విద్యార్థి కె.చరిత్‌ ప్రతిభను కనబరచినట్లు కరస్పాండెంట్‌ బి.శ్రీకాంత్‌రెడ్డి సోమవారం తెలిపారు. అలాగే ఆదివారం ఒంగోలులో నిర్వహించిన ఆలిండియా కరాటే ఓపెన్‌ చాంపియన్‌ షిప్‌లో గూడూరులోని సాయి విద్యానికేతన్‌ పాఠశాల విద్యార్థులు మోక్షిత్‌, గృశ్నేశ్వర్‌ ద్వితీయ పొందినట్లు హెచ్‌ఎం దయాకర్‌ తెలిపారు.

భాకరాపేట : అక్రమంగా అరెస్ట్‌ చేసి వైఎస్సార్‌సీపీ నేతలను అణగదొక్కలేరని, పెద్దిరెడ్డి కుటుంబీకులను భయపెట్టాలనుకోవడం మూర్ఖత్వమని పార్టీ రాష్ట్ర ప్రచార కమిటీ వర్కింగ్‌ ప్రెసిడెంట్‌ హరిప్రసాద్‌రెడ్డి స్పష్టం చేశారు. ఎంపీ మిథున్‌రెడ్డి అరెస్ట్‌కు నిరసనగా, పెద్దిరెడ్డి కుటుంబానికి సంఘీభావంగా సోమవారం పీలేరు నుంచి తిరుమలకు పాదయాత్ర చేపట్టారు. ఈ సందర్భంగా ఆయన మాట్లాడుతూ చంద్రబాబు తన ఆత్మసంతృప్తి కోసమే మిథున్‌రెడ్డిని అరెస్ట్‌ చేయించారని మండిపడ్డారు. ఇలాంటి పనికిమాలిన రాజకీయాలు మానుకోవాలని, లేకుంటే ప్రజలే తగిన బుద్ధి చెబుతారని హెచ్చరించారు. డీసీఎంఎస్‌ మాజీ చైర్మన్‌ సహదేవ రెడ్డి మాట్లాడుతూ పెద్దిరెడ్డి కుటుంబాన్ని ఇబ్బంది పెట్టినందుకు భవిష్యత్తులో తగిన మూల్యం చెల్లించుకుంటారన్నారు. దశాబ్దాలుగా పెద్దిరెడ్డి రామచంద్రారెడ్డిని ఎదుర్కోలేక ఆయన కుమారుడిని అరెస్ట్‌ చేసి కుంగదీయాలనుకోవడం హాస్యాస్పదమని తెలిపారు. ఈ వేధింపులకు పెద్దిరెడ్డి ఏమాత్రం భయపడరని, మరింత ఉత్సాహంగా పనిచేస్తారని వెల్లడించారు. మందుల విక్రయానికి ప్రత్యేక రిజిస్టర్‌ చిల్లకూరు : మెడికల్‌ షాపు యజమానులు మందుల విక్రయానికి ప్రత్యేక రిజిస్టర్‌ నిర్వహించాలని, ప్రధానంగా వైద్యులు సూచించిన మత్తు ఇచ్చే మెడిసిన్‌ల వివరాలను నమోదు చేయాలని డ్రగ్‌ ఇన్‌స్పెక్టర్‌ శాంతి ఆదేశించారు. సోమవారం గూడూరులోని సీఆర్‌రెడ్డి కల్యాణ మండపంలో మందుల షాపుల యజమానులు, ఏరియా ఆస్పత్రి వైద్యులు, పోలీసులతో సమావేశం నిర్వహించారు. ఆమె మాట్లాడుతూ మందు షాపుల యజమానులు మత్తు కలిగించే వాటిని కొనుగోలు చేసే సమయంలో పక్కాగా రశీదులు తీసుకోవాలని స్పష్టం చేశారు. వైద్యులు రమేష్‌, ఎస్‌ఐ షాజహాన్‌, మందుల షాపు యజమానుల సంఘం అధ్యక్షుడు బత్తిన సుధాకర్‌, కార్యదర్శి సుభాన్‌ పాల్గొన్నారు. దాడి కేసులో ఒకరి అరెస్ట్‌ చిల్లకూరు : మండలంలోని మోమిడిలో ఈ నెల 7వ తేదీన జరిగిన దాడి కేసులో ఒకరిని అరెస్టు చేసినట్లు పోలీసులు తెలిపారు. గ్రామంలో మత్స్యకారులకు , ఓ ముస్లిం కుటుంబానికి బోట్ల విషయంలో ఘర్షణ జరిగింది. ఈ క్రమంలో 8 మంది తమపై దాడి చేశారని ముస్లింలు ఫిర్యాదు చేశారు. ఈ కేసులో ఏడో నిందితుడు వేమారెడ్డి కుమారస్వామిరెడ్డిని సోమవారం అదుపులోకి తీసుకున్నారు. జర్మనీ భాషపై ఉచిత శిక్షణ తిరుపతి అర్బన్‌ : ఎస్సీ, ఎస్టీ మహిళలకు జర్మనీ భాషపై ఉచితంగా ఆఫ్‌లైన్‌లో శిక్షణ ఇస్తామని జిల్లా నైపుణ్యాభివృద్ధి అధికారి ఆర్‌. లోకనాథం సోమవారం ఓ ప్రకటనలో తెలిపారు. ఇతర కులాల వారికి ఆన్‌లైన్‌లో ఉచిత శిక్షణ ఇస్తామని వెల్లడించారు. బీఎస్సీ నర్సింగ్‌ పూర్తి చేసి 6 నెలల క్లినికల్‌ అనుభవం, జీఎన్‌ఎం నర్సింగ్‌ పూర్తి చేసి 2 ఏళ్ల క్లినికల్‌ అనుభవం గల 35ఏళ్లలోపువారు అర్హులని చెప్పారు.ఆసక్తిగలవారు ఈ నెల 21వ తేదీలోపు పేర్లునమోదు చేయించుకోవాలని కోరారు. ఈనెల 22 నుంచి తొలి బ్యాచ్‌ ప్రారంభిస్తారని పేర్కొన్నా రు. బైరాగిపట్టెడ ప్రభుత్వ గిరిజన సంక్షేమ బాలికల వసతి గృహంలో శిక్షణ ఉంటుందన్నారు. వివరాలకు 9160912690 నంబర్‌లో సంప్రదించాలని సూచించారు.

తిరుపతి రూరల్‌: మండలంలోని తనపల్లెకు ఆనుకుని ఉన్న పద్మగిరి కొండను కాపాడండి సార్‌.. కలెక్టర్‌ గారూ.. అంటూ ఆలయ కమిటీ సభ్యులు విజయసింహారెడ్డి కుమారుడు హేమంత్‌కుమార్‌రెడ్డి వినతిపత్రం అందించారు. సోమవారం కలెక్టర్‌ను కలసిన ఆయన ఈ నెల 16వ తేదీన శ్ఙ్రీగుట్టుగా గుట్టమీద పాగా!శ్రీశ్రీఅన్న శీర్షికన సాక్షిలో కథనం ప్రచురితమైంది. పద్మగిరిని చెరబట్టారని పలు వార్తా పత్రికల్లో వచ్చిన కథనాలను కలెక్టర్‌ దృష్టికి తీసుకువెళ్లి ఆక్రమణల వల్ల కోట్లు ఖర్చు పెట్టి కొండపైకి నిర్మించిన రహదారి కుంగిపోయే ప్రమాదముందని వివరించారు. ఆ మేరకు స్పందించిన కలెక్టర్‌ వెంకటేశ్వర్‌ తిరుపతి రూరల్‌ తహసీల్దారుకు రెండు సార్లు ఫోన్‌ చేయగా ఆయన ఫోన్‌ పనిచేయలేదు.. దీంతో వీళ్లు పనిచేయరు.. వీళ్ల ఫోను పనిచేయదు.. అంటూ అసహనం వ్యక్తం చేస్తూ సదరు అర్జీపై తక్షణం చర్యలు తీసుకోవాలని ఆదేశిస్తూ సంతకం చేశారు. ఆ కాపీని తహసీల్దారును కలసి అందజేయాలని అర్జీదారు హేమంత్‌కుమార్‌రెడ్డికి కలెక్టర్‌ సూచించడంతో ఆయన తహసీల్దారు కార్యాలయానికి చేరుకున్నారు. అయితే కార్యాలయంలో తహసీల్దారు రామాంజులు నాయక్‌ అందుబాటులో లేకపోవడంతో వెనుదిరగాల్సి వచ్చింది.

కలువాయి(సైదాపురం) : పింఛన్‌ తొలగిస్తున్నట్లు నోటీసుల అందిన నేపథ్యంలో పలువురు దివ్యాంగులు సోమవారం ఎంపీడీఓ కార్యాలయం ఎదుట ఆందోళనకు దిగారు. మండలంలో దాదాపు 92 మందికి పింఛన్ల నిలిపివేస్తుండడంపై ఆవేదన వ్యక్తం చేశారు. పక్షవాతంతో మంచాన పడిన వారికి సైతం పెన్షన్‌ తీసివేయడంపై మండిపడ్డారు. కూటమి ప్రభుత్వం వచ్చిన తర్వాత కనీసం మాత్రం కనికరం కూడా లేకుండా దివ్యాంగుల ఉసురు పోసుకుంటున్నారని ఆగ్రహం వ్యక్తం చేశారు. ఉన్నతాధికారులు స్పందించి తమకు తగు న్యాయం చేయాలని కోరారు. కానిస్టేబుల్‌కు రివార్డు తిరుపతి క్రైమ్‌ : తిరుమలలో ఈ నెల 15వ తేదీన గుండెపోటుకు గురైన శ్రీనివాస్‌(60) అనే భక్తుడికి సకాలంలో సీపీఆర్‌ చేసి ప్రాణాలు కాపాడిన కానిస్టేబుల్‌ గుర్రప్పకు ఎస్పీ హర్షవర్ధన్‌రాజు సోమవారం రివార్డు అందించారు. గుర్రప్ప స్ఫూర్తితో ప్రతి ఒక్కరూ సేవాభావంతో నడుచుకోవాలని ఎస్పీ సూచించారు. మీసేవ నిర్వాహకుడిపై విచారణ కలువాయి(సైదాపురం): అక్రమంగా నగదు వసూళ్లకు పాల్పడుతున్న కలువాయి మీసేవ కేంద్రం నిర్వాహకుడు వెంకటరత్నంపై డీఎల్‌పీఓ రమణయ్య సోమవారం విచారణ చేపట్టారు. 1బీ అండగల్‌, పాస్‌బుక్‌ అప్లై చేసేందుకు అధిక మొత్తంలో నగదు తీసుకున్నాడని విశ్రాంత ఉపాధ్యాయుడు కాకివాయి గోపాల్‌రెడ్డి ఫిర్యాదు మేరకు విచారణ చేపట్టినట్లు డీఎల్‌పీఓ రమణయ్య వెల్లడించారు. 270 ఆటోలకు జరిమానా తిరుపతి క్రైమ్‌ : రోడ్డు ప్రమాదాల నివారణే లక్ష్యంగా ఈ నెల 12వ తేదీ నుంచి చేపట్టిన స్పెషల్‌ డ్రైవ్‌లో 270 ఆటోలకు జరిమానా విధించినట్లు ట్రాఫిక్‌ డీఎస్పీ రామకృష్ణ ఆచారి తెలిపారు. సోమవారం సైతం తనిఖీలు నిర్వహించామని, ఇప్పటి వరకు 27 ఆటోలను సీజ్‌ చేశామని వెల్లడించారు. డ్రైవ్‌ కొనసాగుతుందని స్పష్టం చేశారు.

తిరుపతి మంగళం : శేషాచల జీవవైవిధ్య అభయారణ్యంలో అంతరించిపోతున్న మూషిక జింక, బంగారు బల్లి, దేవాంగ పిల్లి, రంగుల ఉడుత, పసుపు గొంతు పిగిలి పిట్ట వంటి అరుదైన జంతు జాతుల పరిరక్షణ అందరి బాధ్యతని, ఈ మేరకు కేంద్ర ప్రభుత్వం ఎలాంటి చర్యలు తీసుకుంటోందో తెలిపాలని ఎంపీ మద్దిల గురుమూర్తి ప్రశ్నించారు. సోమవారం ఆయన పార్లమెంటులో మాట్లాడారు. వన్యప్రాణుల రక్షణ, వేటగాళ్ల నిరోధం, ప్రజల భాగస్వామ్యం వంటి చర్యల కోసం నిధులు కేటాయిస్తున్నారా? అని ప్రశ్నించారు.కేంద్ర పర్యావరణ, అటవీ, వాతావరణ మార్పుల శాఖ సహాయ మంత్రి కీర్తి వర్ధన్‌ సింగ్‌ సమాధానమిస్తూ ‘వన్యప్రాణుల నివాసాల అభివృద్ధి’ పథకం కింద రాష్ట్రానికి ఆర్థిక సహాయం అందిస్తున్నామని వెల్లడించారు. రూ.121.63 కోట్లు మంజూరు చేశామని వెల్లడించారు. అనంతరం ఎంపీ గురుమూర్తి మాట్లాడుతూ శ్రీకాళహస్తి మండలం సింహాచలకండ్రిగలో 125 ఎకరాల రక్షిత అటవీ భూమిని టీడీపీ ప్రజాప్రతినిధి స్వాహా చేసేందుకు యత్నిస్తున్నారని ఆందోళన వ్యక్తం చేశారు. రక్షిత అటవీ భూములను కాపాడడం సంబంధిత అధికారుల బాధ్యతని గుర్తు చేశారు. ప్రభుత్వం స్పందించకుంటే ఆందోళనలను తీవ్రతరం చేస్తామని హెచ్చరించారు.

‘మహిళలకు ఉచిత బస్సు ప్రయాణం అంటూ మా పొట్టలు కొట్టడం న్యాయమేనా’ అంటూ చిట్టమూరు మండలంలో సోమవారం ఆటోడ్రైవర్లు నిరసన తెలిపారు. చిట్టమూరు మండలం కొత్తగుంటలో సోమవారం ఆటోడ్రైవర్లు ఆర్టీసీ బస్సును అడ్డుకున్నారు. ఈ సందర్భంగా మాట్లాడుతూ మహిళలకు ఉచిత బస్సు ప్రయాణమంటూ పల్లె వెలుగు బస్సులను ప్రవేశ పెట్టారని, దీనివల్ల పల్లెల్లో ప్రయాణికులను ఇతర ప్రాంతాలకు తీసుకెళ్లే ఆటోవాలాల పరిస్థితి అగమ్యగోచరంగా మారిందన్నారు. గత ప్రభుత్వంలో ఆటోడ్రైవర్లకు ఏడాది రూ.10 వేలు ఇచ్చేవారని, ప్రస్తుతం అది కూడా లేకపోవడంతో తమ బతుకులు దుర్భరంగా మారాయని వాపోయారు. ప్రభుత్వం ఆటో వాలాలపై దృష్టి సారించి న్యాయం చేయాలని కోరారు. – చిట్టమూరు

తిరుపతి సిటీ : సాక్షాత్తు భగవంతుడు ఉపదేశించినవి వేదాలని, వాటి సదృశ్యాలే ఆగమ శాస్త్రాలని మైలాపురం సంస్కృత కళాశాల ప్రిన్సిపల్‌ డాక్టర్‌ ఎస్‌.అరుణసుందరం తెలిపారు. సంస్కృత వర్సిటీలో నిర్వహిస్తున్న చతురాగమ జాతీయ సదస్సుకు సోమవారం ఆయన ముఖ్యఅతిథిగా విచ్చేశారు. అరుణసుందరం మాట్లాడుతూ వేదాలు భారతీయ సంస్కృతికి దర్పణాలని చెప్పారు. వైఖానస, పాంచారాత్ర, శైవ, తంత్రసార ఆగమాలు వేద సదృశ్యాలేనని వివరించారు. ఆగమోక్త అంశాలపై పరిశోధనలు చేపట్టాలని కోరారు. అనంతరం వీసీ జీఎస్‌ఆర్‌ కృష్ణమూర్తి మాట్లాడుతూ ఆగమశాస్త్ర సంరక్షణ,, గ్రంథాల ముద్రణకు వర్సిటీ కృషి చేస్తోందన్నారు. త్వరలోనే ఆగమ ప్రదర్శనశాల ఏర్పాటు చేయనున్నట్లు, ఈ మేరకు చర్యలు చేపడుతున్నట్లు వెల్లడించారు. టీటీడీ ఎస్వీ వేదపాఠశాల ప్రిన్సిపల్‌ కుప్పా శివ సుబ్రమణ్య అవధాని, ఆగమ విభాగ అధ్యక్షుడు విష్ణుభట్టాచార్యులు, డీన్‌ రజనీకాంత్‌ శుక్లా పాల్గొన్నారు. ఘాట్‌లో టీటీడీ ఈఓ తనిఖీలుతిరుమల:తిరుమల రెండో ఘాట్‌ రోడ్డులో టీటీడీ ఈఓ శ్యామలారావు సోమవారం ఆకస్మికంగా తనిఖీలు చేపట్టారు. అవసరమైన చోట మరమ్మతుల పనులను త్వరితగతిన పూర్తి చేయాలని ఇంజినీరింగ్‌ అధికారులను ఆదేశించారు. ఘాట్‌ రోడ్డులో తగినంత సిబ్బందిని నియమించి తరచూ శుభ్రత కార్యక్రమాలు చేపట్టాలని హెల్త్‌ విభాగం అధికారులకు సూచించారు. పోలీసు కుటుంబాలకు ఆర్థిక సాయం తిరుపతి క్రైమ్‌ : విధి నిర్వహణలో మరణించిన పోలీసులకు సంబంధించి వారి కుటుంబాలకు ఎస్పీ హర్షవర్ధన్‌ రాజు సోమవారం రూ.లక్ష చొప్పున ఆర్థిక సాయం అందించారు. అందులో హెడ్‌ కానిస్టేబుల్‌ కామరాజు సతీమణి లక్ష్మి, కానిస్టేబుల్‌ అశోక్‌ తండ్రి గోపాల్‌కు చెక్కులను పంపిణీ చేశారు. ఆస్పత్రిలో చికిత్స పొందుతున్న హెడ్‌కానిస్టేబుల్‌ రోశయ్యకు వెల్ఫేర్‌ ఫండ్‌ కింద రూ.లక్ష వడ్డీ లేని రుణం మంజూరు చేశారు.

తిరుపతి అర్బన్‌ : జిల్లా నైపుణ్యాభివృద్ధి సంస్థ ఆధ్వర్యంలో ఈ నెల 21వ తేదీన గూడూరు డీఆర్‌డబ్ల్యూ డిగ్రీ కళాశాలలోజాబ్‌ మేళా నిర్వహించనున్నారు. సోమవారం కలెక్టరేట్‌లో ఈ మేరకు కలెక్టర్‌ వెంకటేశ్వర్‌ పోస్టర్‌ ఆవిష్కరించారు. 10వ తరగతి నుంచి ఇంటర్‌, డిగ్రీ, డిప్లొమా తదితర కోర్సుల పూర్తి చేసిన మేళాకు అర్హులుగా పేర్కొన్నారు. 20వ తేదీ వరకు పేర్లు నమోదు చేసుకునేందుకు అవకాశం కల్పించారు. అదనపు సమాచారం కోసం 9985056929, 8639835953,9988853335 నంబర్లను సంప్రదించాలని సూచించారు. నైపుణ్యాభివృద్ధి సంస్థ జిల్లా అధికారి లోకనాథం పాల్గొన్నారు. అనంతరం ఈ నెల 20న ప్రపంచ దోమల నివారణ దినోత్సవం సందర్భంగా డీఎంహెచ్‌ఓ బాలకృష్ణ నాయక్‌ ఆధ్వర్యంలో కలెక్టర్‌ చేతుల మీదుగా పోస్టర్‌ ఆవిష్కరించారు.

నగరి/చిల్లకూరు : అనంతపురం అర్బన్‌ ఎమ్మెల్యే దగ్గుపాటి వెంకటేశ్వర ప్రసాద్‌ జూనియర్‌ ఎన్టీఆర్‌పై చేసిన వ్యాఖ్యలు తీవ్ర దుమారం రేపడంపై మాజీ మంత్రి ఆర్‌కే రోజా స్పందించారు. ఆదివారం మీడియాతో ఆమె మాట్లాడుతూ టీడీపీ ఎమ్మెల్యే చేసిన వ్యాఖ్యలను తప్పుబట్టారు. తెలుగు చలనచిత్ర పరిశ్రమ, జూనియర్‌ ఎన్టీఆర్‌ కుటుంబం అంటే తెలుగుదేశం పార్టీకి ఎప్పటికీ చిన్నచూపే అన్నారు. జూనియర్‌ ఎన్టీఆర్‌ సినిమా ప్రదర్శనను ఆపాలనుకోవడం అంటే అరచేతిని అడ్డుపెట్టి సూర్యుడిని ఆపినట్టే అవుతుందని రోజా వ్యాఖ్యానించారు. జూనియర్‌ ఎన్టీఆర్‌ సినిమాలను ప్రతి ఒక్కరూ ఇష్టపడతారని, ప్రజల్లో మాస్‌ ఇమేజ్‌ ఉన్న హీరో సినిమాను అడ్డుకోవాలనుకోవడం హాస్యాస్పదమన్నారు. సినిమా బాగుంటే ఎవరూ అడ్డుకోలేరని, బాగోలేకపోతే ఎవరూ దాన్ని ఆడించలేరని స్పష్టం చేశారు. ఈ విషయం ఉప ముఖ్యమంత్రి పవన్‌ కల్యాణ్‌ హీరోగా నటించిన హరిహర వీరమల్లు సినిమాతో నిరూపితమైందన్నారు. టీడీపీ–జనసేన ఎమ్మెల్యేలు తలకిందులుగా తపస్సు చేసి, టికెట్లు ఫ్రీగా ఇచ్చినా కూడా హరిహర వీరమల్లు సినిమాను ఆడించలేకపోయారని గుర్తుచేశారు. సినిమా ఫంక్షన్లల్లో మాజీ ముఖ్యమంత్రి వైఎస్‌ జగన్‌మోహన్‌ రెడ్డిని తిట్టడం, సవాళ్లు చేయడం వంటివి జరిగితే గేమ్‌ ఛేంజర్‌ గానీ, హరిహరవీరమల్లు లాంటి సినిమాలు ఏమయ్యాయో మనం కళ్లారా చూశామన్నారు. జూనియర్‌ ఎన్టీఆర్‌ రాజకీయాల్లో లేడని, ఆయన సినిమాలు చేసుకుంటున్నాడని, ఆయన అంతర్జాతీయ స్థాయిలో అవార్డులు సొంతం చేసుకుంటున్న విషయం మనం చూస్తున్నామన్నారు.

దొరవారిసత్రం : మండలంలోని ఆనేపూడి సమీపంలో రెండు రోజుల క్రితం ఓ వ్యక్తిపై దాడి చేసిన ఘటనలో నిందితులను పోలీసులు ఆదివారం అరెస్ట్‌ చేశారు. వివరాలు.. పడమటికండ్రిగకు చెందని సమ్మన రాజయ్య, వడ్డికండ్రిగకు చెందిన వలిపి నారయ్య మధ్య కొంతకాలంగా వివాదాలు ఉన్నాయి. ఈ క్రమంలోనే రాజయ్యను కొట్టించేందుకు నారయ్య పథకం వేశాడు. ఈ మేరకు సూళ్లూరుపేటకు చెందిన నలుగురు మైనర్‌ బాలు రతో కలిసి ఆనేపూడి శివారులో కాపుకాసి రాజయ్యపై దాడికి పాల్పడ్డాడు. బాధితుడి ఫిర్యాదు మేరకు ఎస్‌ఐ అజయ్‌కుమార్‌ దర్యాప్తు చేపట్టారు. నిందితులను అదుపులోకి తీసుకుని మేజిస్ట్రేట్‌ ముందు హాజరుపరిచారు. న్యాయమూర్తి ఆదేశాల మేరకు 14 రోజుల రిమాండ్‌కు తరలించారు. తల్లీబిడ్డల అదృశ్యంపై ఫిర్యాదు సత్యవేడు: మండలంలోని మదనంబేడు దళితవాడలో తల్లీబిడ్డల అదృశ్యంపై పోలీసులకు ఆదివారం ఫిర్యాదు అందింది. వివరాలు.. నిత్య తన భార్య పూజ, ఇద్దరు పిల్లలతో నివసిస్తున్నాడు. రెండు రోజుల క్రితం భార్యాభర్తలు ఘర్షణ పడ్డారు. దీంతో మనస్తాపం చెందిన పూజ తన ఇద్దరు పిల్లలతో కలిసి శనివారం రాత్రి ఇంటి నుంచి వెళ్లిపోయింది. కుటుంబీకులు గాలింపు చర్యలు చేపట్టినా ఫలితం లేకపోవడంతో పోలీసులను ఆశ్రయించారు. ఎస్‌ఐ రామస్వామి కేసు నమోదు చేశారు. మహిళ ఆచూకీ తెలిసిన వారు 9440796767 నంబర్‌కు సమాచారం అందించాలని ఎస్‌ఐ కోరారు. రెండు లారీలు ఢీ – ముగ్గురికి గాయాలు తొట్టంబేడు : శ్రీకాళహస్తి మండలం ఊరందూరు వద్ద జాతీయ రహదారిపై ఆదివారం ఉదయం రెండు లారీలు ఢీకొన్నాయి. ఈ ఘటనలో ముగ్గురు గాయపడ్డారు. వివరాలు.. వెస్ట్‌బెంగాల్‌ నుంచి బెంగళూరుకు ఐరన్‌రాడ్ల లోడ్‌ లారీతో డ్రైవర్లు చాన్‌బాషా, జాకీర్‌ వస్తుండగా ఎదురుగా వచ్చిన మరో లారీ ఢీకొంది. ప్రమాదంలో చాన్‌బాషా, జాకీర్‌, మరో లారీ డ్రైవర్‌ గిరీష్‌ గాయపడ్డారు. క్షతగాత్రులను శ్రీకాళహస్తి ఏరియా ఆస్పత్రికి తరలించారు.

దయనీయం.. తిరుపతి సిటీ : విశ్వవిద్యాలయాల్లోని తాత్కాలిక అధ్యాపకుల పరిస్థితి దయనీయంగా మారింది. ఉద్యోగ భద్రతలేని అయోమయంలో కొట్టుమిట్టాడే దుస్థితి దాపురించింది. ఈ క్రమంలోనే వర్సిటీ అధికారుల నిరంకుశ ధోరణపై నోరు మెదపలేని పరిస్థితి. వాస్తవానికి విద్యార్థులు, పరిశోధకులకు తోడ్పాటు అందిస్తోంది తాత్కాలిక అధ్యాపకులే. అయినా వారిని ఉన్నత విద్యామండలి, వర్సిటీల అధికారులు చిన్నచూపు చూస్తున్నారు. డిసిగ్నేషన్‌ ఏదీ..? తాత్కాలిక అధ్యాపకులకు డెసిగ్నేషన్‌ కూడా లేదు. పక్క రాష్ట్రాల్లో, కేంద్రీయ విశ్వవిద్యాలయాల్లో తాత్కాలిక అధ్యాపకులకు ‘అసిస్టెంట్‌ ప్రొఫెసర్‌‘ హోదా కల్పించారు. మన రాష్ట్రంలో మాత్రం వారిని మూడు నెలలకు ఒకసారి కాంట్రాక్టులు రెన్యువల్‌ చేస్తూ, వేతనాలు కూడా సకాలంలో ఇవ్వడం లేదు. వర్సిటీలలోఅన్యాయాలపై ఎవరు గళం విప్పినా వేతనాలు నిలిపివేస్తారు. ప్రతి మూడు నెలలకు ఉద్యోగం ఉంటుందో లేదో అనే ఆందోళన వల్ల బోధన, పరిశోధన సక్రమంగా చేయలేక అనేక ఆరోగ్య సమస్యలను ఎదుర్కొంటున్నారు. శాశ్వత అధ్యాపకుల నియామకాలు లేనట్టేనా? గత వైఎస్సార్‌సీపీ ప్రభుత్వంలో అన్ని వర్సిటీలలో ఖాళీగా ఉన్న అధ్యాపకుల పోస్టుల భర్తీకి నోటిఫికేషన్‌ విడుదల చేశారు. కూటమి ప్రభుత్వం అధికారం చేపట్టిన వెంటనే ఆ నోటిఫికేషన్‌ను రద్దు చేసి నిరుద్యోగులకు శఠగోపం పెట్టేసింది. ఏళ్ల తరబడి నోటిఫికేషన్‌ కోసం ఎదురు చూసి, రూ.లక్షలు వెచ్చించి కోచింగ్‌ తీసుకున్న అభ్యర్థుల ఆశలపై నీళ్లు చల్లింది. ప్రస్తుతం వందల సంఖ్యలో వర్సిటీలలో ఖాళీగా ఉన్న అధ్యాపక పోస్టుల నియామకాలు చేపట్టేందుకు కూటమి ప్రయత్నం మొగ్గు చూపకపోవడం దారుణమని విద్యార్థులు, మేధావులు ఆగ్రహం వ్యక్తం చేస్తున్నారు. ఉన్నత విద్యామండలి చొరవ చూపాలి తాత్కాలిక అధ్యాపకులకు అసిస్టెంట్‌ ప్రొఫెసర్లుగా హోదా కల్పించాలి. ఈ విషయంపై ఉన్నత విద్యామండలి చొరవ చూపాలి. వర్సిటీ అధికారులతో చర్చించి వారికి డిసిగ్నేషన్‌ కల్పించే ప్రయత్నం చేయాలి. శాశ్వత అధ్యాపకుల నియామకాలకు ప్రభుత్వం వెంటనే నోటిఫికేషన్‌ విడుదల చేయాలి. తొలగించిన అధ్యాపకులను వెంటనే విధుల్లోకి తీసుకోవాలి. – విద్యార్థి సంఘాల నేతలు, ఎస్వీయూ వీధిన పడేయడం దారుణం తాత్కాలిక అధ్యాపకుల పరిస్థితి రోజు రోజుకి దారుణంగా తాయారవుతోంది. ప్రభుత్వాలు మారినప్పుడల్లా ఉద్యోగం ఉంటుందో.. పోతుందో అనే భయంతో జీవిస్తున్నారు. ఇటీవల కూటమి ప్రభుత్వం ఏర్పడిన తర్వాత, పెర్ఫార్మెన్స్‌ రివ్యూ‘ పేరుతో అనేకమందిని తొలగించారు. ఏళ్ల తరబడి సేవలందించిన అధ్యాపకులను సైతం వీధుల్లో పడేశారు.

తిరుపతి సిటీ : జిల్లాలోని అన్ని మండల కేంద్రాలలో సోమవారం నుంచి మూడు రోజుల పాటు విద్యారంగ సమస్యలపై నిరసన కార్యక్రమాలు చేపట్టాలని ఎస్‌ఎఫ్‌ఐ పిలుపునిచ్చింది. ఈ మేరకు ఆదివారం ఎస్‌ఎఫ్‌ఐ కార్యాలయంలో నిర్వహించిన సమావేశంలో తీర్మానించింది. ఎస్‌ఎఫ్‌ఐ జిల్లా అధ్యక్ష, కార్యదర్శులు అక్బర్‌, భగత్‌ రవి మాట్లాడుతూ తిరుపతి నగరంలో ప్రభుత్వ డిగ్రీ, జూనియర్‌ కళాశాల లేకపోవడం సిగ్గుచేటన్నారు. వసతి గృహాల్లో పిల్లలు వసతులులేక ఇబ్బందిపడుతున్నప్పటికీ అధికారులు పట్టించుకోవడం లేదని ఆరోపించారు. విద్యారంగంలో విప్లవం తీసుకువస్తామని మంత్రి లోకేష్‌ చెప్పిన మాటలు నీటిమూటలుగా మిగిలాయని ఆవేదన వ్యక్తం చేశారు. రూ.6,400కోట్ల స్కాలర్‌షిప్‌, ఫీజు రీయింబర్స్‌మెంట్‌ బకాయిలు చెల్లించకపోవడం దుర్మార్గమని మండిపడ్డారు. ప్రభుత్వం మెడలు వంచేలా విద్యార్థులు నిరసన కార్యక్రమాలలో పాల్గొనాలని పిలుపునిచ్చారు. ఎస్‌ఎఫ్‌ఐ జిల్లా ఉపాధ్యక్షులు అశోక్‌, వినోద్‌, తేజ, సభ్యులు శ్రీనివాస్‌, రవీంద్ర పాల్గొన్నారు.

● నదిలో యథేచ్ఛగా ఇసుక తవ్వకాలు ● నిర్మాణంలోని ఇళ్ల ముందు డంపింగ్‌ ● ట్రాక్టర్లతో తమిళనాడుకు తరలింపు సూళ్లూరుపేట రూరల్‌ : కూటమి నేతల అధికారం అండతో రెచ్చిపోతున్నారు. యథేచ్ఛగా ఇసుక స్మగ్లింగ్‌కు పాల్పడుతున్నారు. ఇందుకోసం కాళంగి నదిని కన్నీరు పెట్టిస్తున్నారు. యంత్రాల సాయంతో ఇష్టారాజ్యంగా తవ్వేసి ఇసుకను సమీప గ్రామాల్లో నిర్మిస్తున్న ఇళ్ల ముందు డంప్‌ చేసుకుంటున్నారు. రాత్రివేళల్లో ట్రాక్ట ర్ల ద్వారా ఇసుకను అక్రమంగా తరలించేస్తున్నారు. డిమాండ్‌ అధికం తడ, సూళ్లూరుపేట, దొరవారిసత్రం మండలాల్లో విస్తరించిన కాళంగి నదిలో నాణ్యమైన ఇసుక ఉంది. దీనికి ఇతర ప్రాంతాల్లో డిమాండ్‌ అధికంగా ఉంది. ఇది గుర్తించిన ఇసుకాసురులు నదిని తోడేస్తున్నారు. ప్రధానంగా ఇలుపూరు గ్రామం వద్ద నది పొర్లు కట్టను తవ్వి దారి ఏర్పాటు చేసుకుని ఇసుకను అక్రమంగా తరలిస్తున్నారు. రోజూ వందలాది ట్రాక్టర్లతో.. ఇలుపూరు గ్రామం నుంచి రోజూ వందలాది ట్రాక్టర్లతో ఇసుక తరలిస్తున్నారు. టీడీపీ నేతల కనుసన్నల్లో అక్రమార్కులు ఇసుకను యథేచ్ఛగా సరిహద్దులు దాటించి తమిళనాడుకు చేరుస్తున్నారు. దర్జాగా ఇసుక ట్రాక్టర్లును హైవేపైనే వెళుతుండడం గమనార్హం. కళ్ల ఎదుటే ఇసుక ట్రాక్టర్లు వెళుతున్నా హైవే పెట్రోలింగ్‌ సిబ్బంది సైతం చూసీ చూడనట్లు వ్యవహరిస్తుండడం కొసమెరుపు.

నాగలాపురం–చిన్న పాండూరు రోడ్డు దుస్థితిని మాటల్లో చెప్పలేం. రాకపోకలకు పడుతున్న కష్టాలు వర్ణనాతీతం. తక్షణమే రోడ్డు నిర్మించాలి. ఈ మేరకు ప్రభుత్వం చొరవ చూపాలి. – దానివేలు, బీరకుప్పం నిధులు మంజూరు చేయాలి రోడ్డు నిర్మాణానికి ప్రభుత్వం వెంటనే నిధులు మంజూరు చేయాలి. సాధ్యమైనంత త్వరగా ప్రజలకు అందుబాటులోకి తీసుకురావాలి. ఇందుకోసం అధికారులు కృషి చేయాలి. – ఈశ్వర్‌, కడివేడు లారీల తాకిడికి ధ్వంసం చిన్నపాండూరుకు వెళ్లే రోడ్డు పొడవునా బావులను తలపించే గుంతలు ఉన్నాయి. ప్రధానంగా చమర్తకండ్రిగ వరకు కంకర లారీల తాకిడికి రోడ్డు పూర్తిగా ధ్వంసమైంది. రాత్రి వేళల్లో తరచూ ప్రమాదాలు జరుగుతున్నాయి. – మురళీరెడ్డి, సిద్ధాపురం ●వరదయ్యపాళెం : సత్యవేడు నియోజకవర్గంలోని నాగలాపురం నుంచి టీపీకోట మీదుగా చిన్న పాండూరుకు వెళ్లే ప్రధాన రోడ్డు అధ్వానంగా మారింది. కఈ మార్గంలో పలుచోట్ల మట్టి రోడ్డుగా దర్శనమిస్తోంది. ఒకప్పుడు తారురోడ్డుగా ఉన్న ఈ ప్రాంతం పూర్తిగా రూపురేఖలు కోల్పోయింది. దీంతో ప్రజలు రాకపోకలకు పడుతున్న కష్టాలు వర్ణనాతీతమే. రోడ్డు పొడవునా బావులను తలపించేలా గుంతలు ఏర్పడ్డాయి. దీంతో బస్సులు, కార్లు, లారీలు సైతం ఆ మార్గంలో వెళ్లడం కష్టతరంగా మారింది. ఇక ద్విచక్ర వాహనదారులు తరచూ ప్రమాదాలకు గురవుతున్నారు. ఇలాంటి దుస్థితిలో సుమారు 20 గ్రామాలకు పైగా ప్రజల రాకపోకలకు పడుతున్న కష్టాలు అన్నీఇన్నీ కావు. రూ. 71కోట్లతో ప్రతిపాదనలు నాగలాపురం–చిన్న పాండూరు రోడ్డుఅభివద్ధి కోసం రూ. 71కోట్లతో ఆర్‌అండ్‌బీ అధికారులు ప్రతిపాదనలను భుత్వానికి నివేదించారు. అయితే నిధులు మంజూరు చేయడంలో ప్రభుత్వం మీనమేషాలు లెక్కించడం గమనార్హం. గత వైఎస్సార్‌సీపీ ప్రభుత్వంలో 19 కిలోమీటర్ల మేర రోడ్డు అభివద్ధి కోసం రూ. 49కోట్లు మంజూరు చేశారు. ఎన్నికల నోటిఫికేషన్‌ రావడంతో నిర్మాణ పనులు నిలిచిపోయాయి. కూటమి ప్రభుత్వం అధికారంలోకి వచ్చాక అంచాన వ్యయం పెంచి రూ. 71కోట్లకు ప్రతిపాదనలు సిద్ధం చేశారు. పాదిరికుప్పం వద్ద .. మట్టి రోడ్డును తలపిస్తూ..

డీఎస్సీ పరీక్షలు రాసిన అభ్యర్థులకు నార్మలైజేషన్‌ రూపంలో పెద్ద గండం ఎదురైంది. నార్మలైజేషన్‌తో ఉదయం షిఫ్ట్‌లో పరీక్ష రాసిన వారికి ప్రశ్నపత్రం సులువుగా, రెండవ షిఫ్ట్‌లో పరీక్షలు రాసిన వారికి కష్టంగాను రావడంతో ప్రతిభను కొలవలేం. – సుధాకర్‌రెడ్డి, రిటైర్డ్‌ ఉపాధ్యాయులు, తిరుపతి ఆన్‌లైన్‌ విధానంతోనే తిప్పలు ఆఫ్‌లైన్‌ విధానంలో పరీక్షల నిర్వహణ జరిపి ఉండాల్సింది. ప్రస్తుతం నార్మలైజేషన్‌ ప్రక్రియలో విద్యార్థుల మార్కల గణనలో తేడాలు రావడంతో అయోమయం నెలకొంది. ఈ విషయాన్ని ప్రభుత్వ పరిగణలోనికి తీసుకోవాలి. – సావిత్రమ్మ, ప్రైవేటు విద్యాసంస్థ అధ్యాపకురాలు, తిరుపతి అందరికీ న్యాయం చేయాలి డీఎస్సీ అభ్యర్థులు ఎన్నో ఏళ్లు గా కష్టపడి పరీక్షలు రాశా రు. మార్కుల గణనలో నార్మలైజేషన్‌ ప్రక్రియతో చాలా మంది ప్రతిభగల అభ్యర్థులు నష్టపోయే ప్రమాదం ఉంది. ఒక షిఫ్ట్‌లో పరీక్షలు రాసినవారే ఎక్కువ మంది ఉద్యోగాలు పొందే అవకాశం ఉంది. పరిశీలించి అందరికీ న్యాయం చేయాలి. – సుదర్శన్‌ రావు, విశ్రాంత అధ్యాపకులు, తిరుపతి

అహంకారతో ఎమ్మెల్యేలు ఎలా పడితే అలా మాట్లాడుతున్నారు. ఇలా మాట్లాడడం వల్ల లోకేష్‌ మెప్పు పొందవచ్చని అనుకుంటున్నారు. గతంలో టీడీపీ వ్యవస్థాపకులు నందమూరి తారక రామారావును అనరాని మాటలు అన్న రోజులు నేటికీ కూడా ప్రతి ఒక్కరికీ గుర్తున్నాయి. ఇప్పుడు కూడా అదే బాటలో టీడీపీ ఎమ్మెల్యేలు పయనిస్తున్నారు. జూనియర్‌ ఎన్టీఆర్‌ను రాయలేని భాషలో తిట్టడం శోచనీయం. కూటమి ప్రభుత్వం అధికారం చేట్టిన తర్వాత అహంకారంతో నోటికి ఏది వస్తే అది మాట్లాడుతున్నారు. ఎన్టీఆర్‌ను ఇలా అనరాని మాటలు అనడం సరైన పద్ధతి కాదు. – మేరిగ మురళీధర్‌, ఎమ్మెల్సీ, వైఎస్సార్‌సీపీ గూడూరు నియోజకవర్గ

సాక్షి టాస్క్‌ఫోర్స్‌ : గ్రామ కంఠం, ప్రభుత్వ భూములు, స్థలాలపై టీడీపీ నేతలు కన్నేశారు. ఆయా ప్రాంతాల్లో రెవెన్యూ అధికారుల సహకారంతో ఆక్రమించుకుంటున్నారు. అనంతరం సదరు భూములు పదేళ్లుగా తమ అనుభవంలో ఉన్నట్లు నకిలీ పత్రాలు సృష్టించి రెగ్యులరైజ్‌ చేయించుకుంటున్నారు. నివాస స్థలాలకు అనువుగా ఉండే భూములే లక్ష్యంగా టీడీపీ నేతలు బరితెగిస్తున్నారు. అందులో ఏర్పేడు మండల శ్రీనివాసపురం రెవెన్యూ పరిధిలో ఆక్రమణకు గురైన గ్రామ కంఠం భూమి ఒకటి. సర్వే నంబర్‌ 327లో 10.30 ఎకరాల గ్రామం కంఠం భూములు ఉన్నాయి. ఏర్పేడు– వెంకటగిరి రహదారికి సమీపంలో ఉండడం, గ్రామం పక్కనే ఐజర్‌ వంటి కేంద్రీయ విద్యా సంస్థలు ఉండడంతో ఆ భూములకు భారీగా డిమాండ్‌ పెరిగింది. కూటమి ప్రభుత్వం వచ్చిన వెంటనే స్థానిక ఎమ్మెల్యే అనుచరుడు అని చెప్పుకుని తిరిగే వ్యక్తి ఒకరు శ్రీనివాసపురం పరిధిలోని గ్రామం కంఠం భూములపై కన్నేశాడు. ముందస్తుగా జంగాలపల్లె–శ్రీకాళహస్తికి వెళ్లే మార్గంలోని శివగిరిపల్లె వద్ద ఉన్న విలువైన రెండెకరాల భూమిని ఆక్రమించుకున్నాడు. గ్రామస్తులు నోరెత్తకుండా ఉండేందుకు కొందరితో రాయబారాలు గ్రామానికి రూ.2 కోట్లు ముట్టజెబుతామని ప్రలోభపెట్టాడు. అధికారం ప్రయోగంతో గ్రామస్తులను ఒప్పించాడు. గ్రామ కంఠం భూమిలో రియల్‌ ఎస్టేట్‌ వ్యాపారం చేస్తామని, ఎవరూ అడ్డుకోకూడదని, అభ్యంతరం చెప్పకూడదని అల్టిమేటం జారీ చేశాడు. ముందుగా రెండెకరాలను ఆక్రమించి ప్లాట్లు వేసి అమ్మకానికి పెట్టేశాడు. ప్రస్తుతం మార్కెట్‌ ధర ప్రకారం రెండెకరాల విలువ సుమారు రూ.6 కోట్లు ఉంటుందని స్థానికులు చెబుతున్నారు. పద్మగిరి వద్ద తన స్థలంలోకి దారి కోసం టీడీపీ నేత ధ్వంసం చేసిన ప్రహరీ గోడఅడిగేదెవరు? ఆపేదెవరు?

జిల్లా సమాచారం బయాలజీ, సోషియల్‌లో డీఎస్సీ రాసిన అభ్యర్థులు జిల్లాలో స్కూల్‌ అసిస్టెంట్‌ బయాలజీ పోస్టుల సంఖ్య 63 స్కూల్‌ అసిస్టెంట్‌ సోషియల్‌ సబ్జెక్ట్‌ పోస్టుల సంఖ్య 130 బయాలజీ సబ్జెక్ట్‌తో పరీక్షలకు హాజరైన అభ్యర్థులు 3,450 సోషియల్‌ సబ్జెక్ట్‌తో పరీక్షలకు హాజరైన అభ్యర్థులు 6,955డీఎస్పీ కోసం ఏళ్ల తరబడి నిరీక్షణ నిరాశనే మిగులుస్తోంది. రాత్రింబవళ్లు చదివినా రిక్త హస్తమే ఎదురవుతోంది. కష్టపడి పరీక్ష రాసినా ఫలితం శూన్యంగానే మారుతోంది. ప్రభుత్వం తీసుకువచ్చిన నార్మలైజేషన్‌ విధానం అభ్యర్థుల ఆశలను తారుమారు చేస్తోంది. ప్రధానంగా బయాలజీ.. సోషియల్‌ సబ్జెక్టులను ఎంచుకున్నవారికే అధికంగా నష్టం జరుగుతోంది. అందులోనూ ఆన్‌లైన్‌ ఎగ్జామ్‌ తొలి సెషన్‌కు హాజరైన వారే బాధితులుగా మారే దుస్థితి దాపురించింది. అందరికీ సమన్యాయం చేయాలి రెండవ షిఫ్ట్‌లో తెలుగు మీడియంతో పాటు ఇంగ్లీషు, ఉర్దూ, తమిళ, ఒడిశా, కన్నడ మీడియం అభ్యర్థులు కలిసి పరీక్షలకు హాజరయ్యారని, వారందరినీ కలిపి నార్మలైజేషన్‌ చేయడం వలన ఉదయం షిఫ్ట్‌లో పరీక్షలు రాసిన వారికి తీవ్ర అన్యాయం జరుగిందన్నారు. జిల్లాలో పదుల సంఖ్యలో మాత్రమే బయాలజీ పోస్టులు ఉన్నందున్న ప్రతిభ గల అభ్యర్థులు ఉద్యోగాన్ని కోల్పోయే పరిస్థితి నెలకొందని ఆవేదన వ్యక్తం చేస్తున్నారు. సోషియల్‌ విభాగంలో పరీక్షలు రాసిన అభ్యర్థులు సైతం ఇదే సమస్య ఎదుర్కొంటున్నట్లు సమాచారం. వెంటనే ప్రభుత్వం నార్మలైజేషన్‌ విషయంలో రెండు షిఫ్ట్‌లలో పరీక్షలు రాసిన అభ్యర్థులకు సమన్యాయం చేయాలని డిమాండ్‌ చేస్తున్నారు. ఫలితాలను సవరిస్తే ప్రతిభ గల అభ్యర్థులు ఉద్యోగాలకు ఎంపికవుతారని ప్రభుత్వానికి విన్నవిస్తున్నారు.

పుంగనూరు: ప్రతి గ్రామంలోనూ రామాలయాలు, గంగమ్మ ఆలయాలు నిర్మించి, ఆధ్యాత్మికత వైపు పల్లెలు పయనిస్తుండడం అభినందనీయమని మాజీ మంత్రి పెద్దిరెడ్డి రామచంద్రారెడ్డి తెలిపారు. ఆదివారం సాయంత్రం మండలంలోని బాగేపల్లె గ్రామంలో గ్రామస్తులు నిర్మిస్తున్న నూతన గంగమ్మ ఆలయ ప్రారంభోత్సవ కార్యక్రమంలో ఆయన పాల్గొని ప్రత్యేక పూజలు చేశారు. ఈ సందర్భంగా గ్రామస్తులు పెద్దిరెడ్డికి మంగళ హారతులు పట్టి స్వాగతం పలికారు. ఈ సందర్భంగా ఆయన గ్రామస్తులతో సరదాగా గడిపారు. అనంతరం ఆయన మాట్లాడుతూ గ్రామీణ ప్రాంతాల్లో ప్రజలు భక్తిమార్గంలో పయనిస్తున్నారని కొనియాడారు. గంగమ్మ తల్లి ప్రజలందరినీ చల్లగా చూడాలని, సకాలంలో వర్షాలు కురిసి, పంటలు పండి ప్రజలంతా అభివృద్ధి చెందాలని కోరారు. ఎంపీపీ అక్కిసాని భాస్క ర్‌రెడ్డి, వైఎస్సార్‌సీపీ నాయకులు రామమోహన్‌రెడ్డి, రాజారెడ్డి, జయరామిరెడ్డి తదితరులు పాల్గొన్నారు.

తిరుపతి సిటీ : రాష్ట్రీయ ఇండియన్‌ మిలిటరీ కాలేజ్‌లో 2026 విద్యా సంవత్సరానికి గాను 8వ తరగతిలో ప్రవేశాలకు నోటిఫికేషన్‌ విడుదలైందని కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాద్యక్షుడు, విశ్వం విద్యా సంస్థల అధినేత డాక్టర్‌ ఎన్‌.విశ్వనాథ్‌ రెడ్డి ఒక ప్రకటనలో తెలిపారు. జాతీయ స్థాయిలో 7వ తేదీ డిసెంబర్‌లో ప్రవేశ పరీక్ష నిర్వహించబడుతుందని పేర్కొన్నారు. ప్రవేశ పరీక్షకు 2వతేదీ జూలై 2013 నుంచి 01 జనవరి 2015 మధ్య జన్మించిన విద్యార్థులు అర్హులు అని, ప్రవేశ పరీక్ష విధానం, దరఖాస్తులు వంటి సమాచారం కోసం 9399976999/ 8688888802/03 ఫోన్‌ నంబర్లలో గాని వరదరాజనగర్‌ లోని విశ్వం సైనిక్‌ అండ్‌ మిలిటరీ పోటీ పరీక్షల సమాచార కేంద్రంను సంప్రదించాలని సూచించారు. వైఎస్సార్‌సీపీ రాష్ట్ర బీసీ ప్రధాన కార్యదర్శిగా గంగాధర్‌ యాదవ్‌ తిరుపతి అన్నమయ్య సర్కిల్‌ : వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు ఆ పార్టీ రాష్ట్ర బీసీ విభాగం ప్రధాన కార్యదర్శిగా తిరుపతికి చెందిన నల్లబోయిన గంగాధర్‌ యాదవ్‌ నియమితులయ్యారు. ఈ మేరకు శనివారం పార్టీ కేంద్ర కార్యాలయం నుంచి ఉత్తర్వులు విడుదల చేశారు. తిరుమల ఘాట్‌లో ప్రమాదం తిరుమల : తిరుమల డౌన్‌ ఘట్‌ రోడ్డులో ప్రమాదం జరిగింది. స్కూటర్‌పై వస్తున్న ఇద్దరు మహిళల్లో, ఒకరికి ఫిట్స్‌ రావడంతో వాహనం అదుపుతప్పి ఇద్దరూ కిందపడ్డారు. ఈ ప్రమాదంలో ఇద్దరు మహిళలకు తీవ్ర గాయాలయ్యాయి. వెంటనే తోటి వాహనదారులు స్పందించి వారిని తిరుపతి స్విమ్స్‌కు తరలించారు. గాయపడిన మహిళ టీటిడీ ఉద్యోగి సతీమణిగా గుర్తించారు. బంగారు కమ్మల మేళా – తిరుపతి ఎగ్జిబిషన్‌ సేల్‌ నేటితో ముగింపు తిరుపతి అర్బన్‌ : తిరుపతి నగరం రామానుజు సర్కిల్‌ సమీపంలోని ఏకాంత బ్లిస్‌లో శనివారం బంగారు కమ్మల మేళాను శ్రీకాళహస్తికి చెందిన మాధురీ గోల్డ్‌ షాపు వారు నిర్వహించారు. ఆదివారంతో ఈ మేళా కార్యక్రమాన్ని ముగించనున్నారు. బంగారు కమ్మల మేళాలో వందకుపైగా మోడల్స్‌ను ప్రదర్శించారు. అందర్నీ ఆకట్టుకునేలా మేళాలో వివిధ మోడల్స్‌ను చూపడంతో పలువురు ఆకర్షితులయ్యారు. ప్రతి గ్రామంపై 501 తగ్గింపు ప్రకటించడంతో ఆదరణ లభించిందని మాధురీ గోల్డ్‌ ప్రొపరైటర్‌ సునీల్‌కుమార్‌ వెల్లడించారు. ఈ అవకాశాన్ని సద్వినియోగం చేసుకోవాలని ఆయన కోరారు.

నారాయణవనం: స్థానిక పద్మావతీ సమేత కల్యాణ వేంకటేశ్వరస్వామి ఆలయంలో శనివారం గోకులాష్టమి ఆస్థానం ఘనంగా నిర్వహించారు. ఉదయం సుప్రభాత సేవతో నిత్యపూజా కార్యక్రమాలు పూర్తి చేసి, దూప, దీప నైవేద్యాలను సమర్పించారు. సాయంత్రం ఆస్థాన మండపంలో బాలగోలుడిని పీఠంపై కొలువుదీర్చారు. వేద మంత్రాలు, మంగళ వాయిద్యాల నడుమ బాలగోపాలుడికి ఆస్థానం నిర్వహించారు. ఈ సందర్భంగా ఆస్థాన మండపాన్ని నేతి దీపాలతో సుందరంగా అలంకరించారు. ఈ సందర్భంగా ఆలయ ప్రధాన అర్చకులు శ్రీధరభట్టాచార్యులు మాట్లాడుతూ ఆదివారం ఆలయంలో గోకులాష్టమి ఉత్సవం నిర్వహించనున్నట్లు తెలిపారు. ఉదయం శ్రీకృష్ణుడి మాడవీధి ఊరేగింపు, సాయంత్రం సన్నిధి వీధిలో ఊట్లోత్సవం నిర్వహిస్తున్నట్లు తెలిపారు.

తిరుపతి అర్బన్‌ : పోరాట యోధుడు గౌతు లచ్చన్నగా కలెక్టర్‌ వెంకటేశ్వర్‌ కీర్తించారు. శనివారం కలెక్టరేట్‌లో విప్లవ నాయకుడు ‘ డాక్టర్‌ సర్దార్‌ గౌతు లచ్చన్న 116వ జయంతి సందర్భంగా లచ్చన్న చిత్రపటానికి పూలమాలలు వేసి నివాళి అర్పించారు. ఈ సందర్భంగా కలెక్టర్‌ మాట్లాడుతూ.. ప్రముఖ స్వాతంత్య్ర సమరయోధుడు, బడుగు బలహీన వర్గాల ఆశాజ్యోతి, రైతు బాంధవుడు ప్రజల సంక్షేమం కోసం జీవితాంతం పనిచేశారని కొనియాడారు. స్ఫూర్తిదాయక జీవితం, అందరికి ఆదర్శమని, వారి త్యాగాలను మరవకుండా తప్పక స్మరించుకోవాల్సిన బాధ్యత ప్రతి ఒక్కరిపై ఉందని గుర్తుచేశారు. కార్యక్రమంలో జిల్లా గౌడ్‌ కార్పొరేషన్‌ డైరెక్టర్‌ తుమ్మల చంగయ్య, అసిస్టెంట్‌ బీసీ వెల్ఫేర్‌ అధికారి జ్యోత్స్న, జిల్లా సమాచార పౌర సంబంధాల అధికారి గురుస్వామి శెట్టి, కలెక్టరేట్‌ కార్యాలయ ఏవో రమేష్‌ బాబు, తిరుపతి జిల్లా బీసీ సంక్షేమ సంఘం ప్రెసిడెంట్‌ నాగరాజు, సంఘం నాయకులు కిరణ్‌, వెంకట మణిబాబు, మనుశేఖర్‌,మల్లికార్జున, రామారావు తదితరులు పాల్గొన్నారు. ఎస్పీ కార్యాలయంలో వేడుకలు తిరుపతి క్రైం : నిస్వార్థ రాజకీయ నాయకుడిగా గుర్తింపు తెచ్చుకున్న డాక్టర్‌ సర్దార్‌ గౌతు లచ్చన్న జయంతిని జిల్లా ఎస్పీ హర్షవర్ధన్‌ రాజు ఘనంగా నిర్వహించారు. శనివారం ఎస్పీ కార్యాలయంలో ఆయన చిత్రపటానికి పూలమాల వేసి నివాళి అర్పించారు. గౌతు లచ్చన్న తెలుగు ప్రజల గుండెల్లో చిరస్థాయిగా నిలిచిపోయారని తెలిపారు. నిజాయతీ పరుడైన రాజకీయ నాయకుడని అందుకే పలుమార్లు లోకసభకు ఎన్నికయ్యారన్నారు.

రేణిగుంట : విమానాశ్రయం సమీపంలోని ప్రైవేట్‌ కార్పొరేట్‌ పరిశ్రమల్లో పనిచేస్తున్న వేల మంది కార్మికులు కార్పొరేట్‌ సంస్థ చేతుల్లో కీలుబొమ్మలుగా మారి విలవిలలాడుతున్నారు. చదువుకొని ఉద్యోగం రాక ఇబ్బంది పడుతున్న నిరుద్యోగులు పరిశ్రమలు పెట్టే నిబంధనలను గత్యంతరం లేని పరిస్థితుల్లో ఒప్పుకుంటూ అగ్రిమెంట్లపై సంతకాలు చేసి ఉద్యోగాల్లో చేరుతున్నారు. దాన్ని ఆసరాగా చేసుకుంటున్న పరిశ్రమలు ఏజెన్సీలతో కుమ్మకై ్క తాము ఇచ్చిందే జీతం, పెట్టిందే భోజనం అనే విధంగా వ్యవహరిస్తున్నారు. ఈ బాధలు పడలేక రెండు రోజుల క్రితం రెండు పరిశ్రమలోని సుమారు 1500 మంది పైగా రెండు విడుతలుగా పరిశ్రమ ముందు కార్మికులు బైఠాయించి నిరసన తెలిపారు. వారికి రెండు రోజుల్లో సమస్యలను పరిష్కారం చూపుతామని నచ్చజెప్పారు. కానీ అక్కడే పరిశ్రమ వారి ఈగో హర్ట్‌ అయింది.. కార్మికులకు కొత్త నిబంధనలు పెట్టి వేధింపులు మొదలుపెట్టారు. పోలీస్‌ క్లియరెన్స్‌ కావాలంటూ మెలిక ఎన్నో ఏళ్లుగా పరిశ్రమలో విధులు నిర్వహిస్తున్న కార్మికులు ప్రస్తుతం నూతనంగా చేరుతున్నట్లు అప్లికేషన్‌ రాసి పోలీస్‌ క్లియరెనన్స్‌ , హెల్త్‌ క్లియరెన్స్‌ సర్టిఫికెట్లు జత చేసి ఇవ్వాలంటూ పరిశ్రమల యాజమాన్యం మెలిక పెట్టింది. ఇప్పటికే పనిచేస్తున్నా మళ్లీ ఇవన్నీ ఎందుకని ప్రశ్నించిన కార్మికులను ఇలా ఇస్తే ఇవ్వండి లేదా మీ ఇష్టం అంటూ పరిశ్రమ అధికారులు నిర్లక్ష్యంగా సమాధానం ఇస్తున్నారు. ఏజెన్సీల శ్రమ దోపిడీ బాగా చదువుకొని ఉద్యోగం రాక ఇబ్బంది పడుతున్న యువతీ, యువకులు ఏజెన్సీల మత్తులో పడుతున్నారు. ఏజెన్సీల ద్వారా ప్రైవేట్‌ పరిశ్రమల్లో చేరుతున్న కార్మికులు శ్రమ దోపిడీకి గురవుతున్నారు. 30 రోజులపాటు శ్రమించి జీతం నాటికి ఎంత వస్తుందో, ఎప్పుడు వస్తుందో తెలియక కార్మికులు మదన పడుతున్నారు. పరిశ్రమ వారిని అడిగితే ఏజెన్సీని అడగమని ఏజెన్సీ వారిని అడిగితే పరిశ్రమ వారిని అడగమని చెబుతూ కాలయాపన చేస్తున్నారని కార్మికులు వాపోతున్నారు. లేబర్‌ అధికారులు ప్రత్యేక చొరవ చూపి ఏజెన్సీల ద్వారా ఇబ్బందులు పడుతున్న కార్మికులకు న్యాయం చేయాలని పలువురు కోరుతున్నారు. కార్మికుల సమస్యలపై సీఐటీయూ నాయకులు పోరాటాన్ని కొనసాగిస్తున్నారు. కాంట్రాక్టర్ల నుంచి కార్మికులకు రక్షణ కల్పించండి అంటూ కరపత్రాలను ప్రచురించి కలెక్టర్‌కు ఫిర్యాదు చేసేందుకు సిద్ధమయ్యారు.

మాట్లాడుతున్న ఎమ్మెల్సీ సిపాయి సుబ్రమణ్యం, మాట్లాడుతున్న జెడ్పీ ౖచైర్మన్‌ శ్రీనివాసులు, జేసీ విద్యాదరి పక్కన సీఈఓ రవికుమార్‌నాయుడు చిత్తూరు కార్పొరేషన్‌: జెడ్పీ సర్వసభ్య సమావేశం తూతూమంత్రంగా సాగింది. శనివారం జెడ్పీ 4వ సర్వసభ్య సమావేశం చైర్మన్‌ శ్రీనివాసులు అధ్యక్షతన, సీఈఓ రవికుమార్‌నాయుడు ఆధ్వర్యంలో నిర్వహించారు. జేసీ విద్యాదరి హాజరయ్యారు. ఇక సత్యవేడు, పూతలపట్టు ఎమ్మెల్యేలు ఆదిమూలం, మురళీమోహన్‌, ఎమ్మెల్సీ సిపాయి సుబ్రమణ్యం మినహా ఉమ్మడి జిల్లాకు చెందిన ఎమ్మెల్యేలు, ఎంపీలు హాజరు కాలేదు. సమావేశం ఉదయం 11 గంటలకు ప్రారంభించగా మధ్యాహ్నం 1.30కు ముగించేశారు. అజెండాలో 11 అంశాలపై చర్చ జరపాల్సి ఉండగా.. తూతూమంత్రంగా కానిచ్చేశారు. తిరుపతి, అన్నమయ్య జిల్లాల నుంచి పలు శాఖల అధికారులు హాజరు కాలేదు. సభ్యుడు కానీ టీడీపీ జిల్లా అధ్యక్షుడు రాజన్‌ సమావేశానికి హాజరవ్వడం గమనార్హం. 50 ఏళ్లుగా ఇలాంటి పాలన చూడలేదు ప్రజాప్రతినిధులంటే దిష్టిబొమ్మల్లా అధికారులకు కనపడుతున్నట్టు సత్యవేడు ఎమ్మెల్యే ఆదిమూలం ఆవేదన వ్యక్తం చేశారు. గత 50 ఏళ్లుగా రాజకీయాల్లో ఉన్నానని, ఇలాంటి పిచ్చి తుగ్లక్‌ పాలన చూడలేదని విమర్శించారు. అన్నదాత సుఖీభవ కార్యక్రమంలో తన చేతులమీదుగా ఇచ్చిన చెక్‌ను మరోసారి కార్యక్రమం పెట్టి ఇంకొకరి చేతుల మీదుగా వ్యవసాయశాఖాధికారులు ఇప్పించారన్నారు. ప్రొటోకాల్‌ పాటించని అధికారుల పై స్పీకర్‌, ప్రివిలేజ్‌ కమిటీకి ఫిర్యాదు చేస్తానని హెచ్చరించారు. గత పాలనలో రోడ్ల అభివృద్ధి పనులు నియోజకవర్గంలో బాగా జరిగాయన్నారు. ప్రస్తుతం 36 రోడ్లు అధ్వాన్నంగా ఉన్నాయని వాపోయారు. ఆర్‌అండ్‌బీ బైపాస్‌ రోడ్డు మంజూరైనా పనులు చేయలేదని, సీకేపొడి, నాగలాపురం– శ్రీసిటీ, నాగలాపురం–టీపీకోట రోడ్డు చాలా అధ్వాన్నంగా ఉందన్నారు. చాలా రోడ్లపై కనీసం ఆర్టీసీ బస్సులు కూడా వెళ్లలేని పరిస్థితి నెలకొందన్నారు. కేవీపురం మండలం, ఎగవ పూడిబ్రిడ్జి, నారాయణవనంలోని తంబూరు, పాలమంగళం బ్రిడ్జిలు దెబ్బతిన్నాయన్నారు. నాగలాపురం–సురటపల్లెకు వెళ్లే మార్గంలో మూడు కిలోమీటర్లు రోడ్డు వేయాల్సి ఉందన్నారు. జెడ్పీ గెస్ట్‌హౌస్‌లో కనీసం ఫర్నిచర్‌ కూడా లేదన్నారు. 108 వాహనాలు లేవు పలు ప్రభుత్వాస్పత్రుల్లో 102, 104, 108 వాహనాలు అందుబాటులో లేవని ఎమ్మెల్సీ సిపాయి సుబ్రమణ్యం ఆరోపించారు. అత్యవసర కేసులను సమీపంలో ఉండే నెట్‌వర్క్‌ ఆస్పత్రులకు పంపాలన్నారు. సమస్యలు ఏకరువు

శ్రీకాళహస్తి : అక్రమంగా మద్యం విక్రయిస్తున్న తులకనం హిమకిషోర్‌ (30)ను శనివారం అరెస్టు చేసినట్లు ఎకై ్సజ్‌ సీఐ లావణ్య తెలిపారు. పట్టణంలోని ముత్యాలమ్మగుడి వీధికి చెందిన హిమకిషోర్‌ ప్రభుత్వ ఆస్పత్రికి వెళ్లే మార్గంలోని అయ్యలనాడు చెరువు కట్టపై అక్రమంగా మద్యం విక్రయిస్తుండగా స్వాధీనం చేసుకుని, నిందితుడిని అరెస్టు చేసినట్లు సీఐ లావణ్య చెప్పారు. పెట్రోల్‌ బంకులో తనిఖీలు తిరుపతి క్రైమ్‌ : తిరుపతి విజిలెన్స్‌ అండ్‌ ఎన్‌ఫోర్స్‌మెంట్‌ ఎస్పీ కరిముల్లా ఆదేశాల మేరకు శనివారం తిరుపతి నగరంలోని అక్కారంపల్లి సర్కిల్‌ సమీపంలోని వెంకటసాయి ఫిల్లింగ్‌ స్టేషన్‌ను తనిఖీ చేశారు. వారితో పాటు సివిల్‌ సప్లయి డీటీ గంగయ్య, లీగల్‌ మెట్రాలజీ ఇన్‌స్పెక్టర్‌ ప్రసాద్‌ ఉన్నారు. అయితే ఫిల్లింగ్‌ స్టేషన్‌లోని 7 పంపుల్లో రెండు నాజల్స్‌లో కొలతల అంశంలో తేడాలు ఉన్నట్లు గుర్తించారు. దీంతో ఆ మేరకు రెండు నాజల్స్‌ను సీజ్‌ చేయడంతో పాటు కేసు నమోదు చేసినట్లు అధికారులు వెల్లడించారు. డిస్టెన్స్‌లో ఆ కోర్సులకు మంగళం! తిరుపతి సిటీ : ఉన్నత విద్యా సంస్థలు, యూనివర్సిటీ ఆధ్వర్యంలో నడుస్తున్న దూరవిద్య, సార్వత్రిక విద్యా కేంద్రాలలో పలు కోర్సులకు ప్రవేశాలు చేపట్టరాదని యూజీసీ ఆదేశించినట్లు తెలుస్తోంది. డిస్టెన్స్‌ ఎడ్యుకేషన్‌ బ్యూరో సిఫార్సుల మేరకు త్వరలో ఆయా వర్సిటీలకు యూనివర్సిటీ గ్రాంట్‌ కమిషన్‌ ఆదేశాలు జారీ చేయనుంది. ఈ విద్యా సంవత్సరం నుంచే సంబంధిత కోర్సులపై నిషేధం విధించనుంది. ఇందులో ప్రధానంగా సైకాలజీ, మైక్రో బయాలజీ, ఫుడ్‌ అండ్‌ న్యూట్రీషియన్‌ సైన్స్‌, బయో టెక్నాలజీ, క్లినికల్‌ న్యూట్రీషియన్‌ వంటి ఆరోగ్య సంరక్షణ కోర్సులను దూర విద్య ద్వారా అందించరాదని నిషేధం విధించనుంది.

● ఆనందగిరి, పద్మగిరి క్షేత్రాలకు పట్టువస్త్రాలు ● చెవిరెడ్డి మోహిత్‌రెడ్డి, హర్షిత్‌రెడ్డి సమర్పణ తిరుపతి రూరల్‌ : ఆడికృత్తిక మహోత్సవాలను పురస్కరించుకుని పాకాల, తిరుపతి రూరల్‌ మండలాల్లో సుబ్రమణ్యస్వామి ఆలయాలకు చంద్రగిరి మాజీ ఎమ్మెల్యే చెవిరెడ్డి భాస్కర్‌రెడ్డి కుటుంబీకులు సారెను సమర్పించారు. ఏటా ఆడికృత్తిక ఉత్సవాలకు సారెను సమర్పించడం ఆనవాయితీగా వస్తోంది. ఈ మేరకు తుమ్మలగుంట కల్యాణ వేంకటేశ్వరస్వామి ఆలయం నుంచి పట్టువస్త్రాలు, పూలు, పండ్లు, పసుపు, కుంకుమలతో సారెను తీసుకువెళ్లి సమర్పించారు. తుడా మాజీ చైర్మన్‌ చెవిరెడ్డి మోహిత్‌రెడ్డి, జిల్లా వైఎస్సార్‌సీపీ విద్యార్థి విభాగం అధ్యక్షుడు చెవిరెడ్డి హర్షిత్‌రెడ్డి సారెను తీసుకువెళ్లగా వారి వెంట పార్టీ నేతలు, కార్యకర్తలు వెళ్లారు. ముందుగా పాకాల మండలం ఊట్లవారిపల్లి వద్దనున్న ఆనందగిరి శ్రీ సుబ్రమణ్యేశ్వరస్వామి వారికి పట్టువస్త్రాలను అందించారు. పద్మగిరి కొండపై పూర్ణకుంభ స్వాగతం పద్మగిరిపై వెలసిన బాలజ్ఞాన దండాయుధపాణి ఆలయానికి పట్టు వస్త్రాలను తుడా మాజీ చైర్మన్‌, వైఎస్సార్‌సీపీ చంద్రగిరి నియోజక వర్గం ఇన్‌చార్జి చెవిరెడ్డి మోహిత్‌రెడ్డి అందజేశారు. ఆలయం వద్ద పూర్ణకుంభంతో స్వాగతం పలికి దర్శనానంతరం వేద పండితుల ఆశీస్సులు అందించారు. కార్యక్రమంలో ఆలయ కమిటీ సభ్యులు, తిరుపతి రూరల్‌ మండలం వైఎస్సార్‌సీపీ నాయకులు, కార్యకర్తలు పాల్గొన్నారు.

తిరుపతిలోని హథీరాంజీ మఠం అధికారికి టీడీపీకి చెందిన పెద్దబ్బగా పిలుచుకునే నాయకుడు వార్నింగ్‌ ఇచ్చాబడు. తమ అనుమతి లేకుండా గుత్తేదారులు భవనం కూల్చడానికి వీల్లేదంటూ తీవ్ర స్ధాయిలో హెచ్చరించినట్లు అధికారులు ఆందోళన వ్యక్తం చేస్తున్నారు. ● మఠం అధికారికి టీడీపీ నేత వార్నింగ్‌ ● హథీరాంజీ మఠం భవనం కూల్చివేతకు ముగిసిన టెండర్‌ ప్రక్రియ ● టెండర్‌ దక్కించుకున్న పుత్తూరు పైనీర్‌ స్టిల్స్‌ తిరుపతి అన్నమయ్య సర్కిల్‌ :తిరుపతి గాంధీ రోడ్డులో శిథిలావస్థకు చేరిన హథీరాం బావాజీకి చెందిన మఠం భవనం కూల్చివేతకు సంబంధించిన టెండర్ల స్వీకరణ ప్రక్రియ శనివారం నిర్వహించారు. ఎండోమెంట్‌ కమిషనర్‌, నగరపాలక సంస్థ కమిషనర్‌ నోటీసులతో మఠం పరిపాలనాధికారి బాపిరెడ్డి కూల్చివేత ప్రక్రియకు సంబంధించి టెండర్ల ఆహ్వానిస్తూ ప్రకటన జారీ చేశారు. ఈ ప్రక్రియకు సంబంధించి కాకినాడ, రాజమండ్రి, విజయవాడ, పుత్తూరు, తిరుపతి వివిధ ప్రాంతాలకు సంబంధించి ఆన్‌లైన్‌లో బిడ్‌ దాఖలు చేసిన ఐదుగురితో పాటుగా 27 మంది ఆఫ్‌లైన్‌లో మొత్తం కలిపి 32 మంది ఈ టెండర్‌ నిర్వహణలో పాల్గొన్నారు. మఠం భవనం కూల్చివేసే సమయంలో అక్కడి మెటీరియల్‌కు సంబంధించి నిర్వహించిన టెండర్‌ ప్రక్రియలో మొదటగా ఆన్‌లైన్‌లో రూ.37 లక్షల రూపాయలకు బిడ్‌ దాఖలు కావడంతో, మఠం అధికారులు రూ.37 లక్షల నుంచి వేలం పాటను ప్రారంభించగా పుత్తూరుకు సంబంధించిన పైనీర్‌ స్టిల్స్‌ వారు రూ.97 లక్షలా20 వేల రూపాయలకు హెచ్చు పాటను నమోదు చేశారు. అలాగే భవనం కూల్చివేతకు సంబంధించి నిర్వహించిన వేలం పాటలో రూ.లక్షా 50 వేల రూపాయలను హెచ్చు పాటగా నమోదు చేయడంతో వీరికి రెండు టెండర్లను ఇస్తున్నట్లుగా మఠం అధికారులు ప్రకటించారు. రీటెండర్‌ నిర్వహించాలి శ్రీ స్వామి హథీరాంజీ మఠం మండువా భవనం కూల్చివేతకు సంబంధించి శనివారం జరిగిన టెండర్‌ ప్రక్రియ వాస్తవ పరిస్థితులకు విరుద్ధంగా జరిగిందని రాజమండ్రికి చెందిన గుత్తేదారు నూర్‌ షరీఫ్‌ ఆందోళన వ్యక్తం చేశారు. ఐఐటీ నివేదిక ప్రకారం మఠం మండువా భవనం ప్రాంతంలో ఎక్కడ నుంచి ఎక్కడి వరకు కూల్చివేతలు నిర్వహిస్తారనే అంశంపై ఎటువంటి స్పష్టత ఇవ్వకుండా టెండర్లు నిర్వహించడం సమంజసం కాదన్నారు. జిల్లా కలెక్టర్‌ ఈ టెండర్‌ ప్రక్రియలో జోక్యం చేసుకొని రిటెండరింగ్‌ నిర్వహిస్తే మరింతగా వేలంపాట నగదు పెరిగే అవకాశం ఉందనే వాదన వినిపించారు. ఈ విషయాలను పరిగణలోకి తీసుకుని కలెక్టర్‌ మఠం భవనం కూల్చివేతకు సంబంధించి రీటెండరింగ్‌కు చర్యలు తీసుకోవాలని కోరారు. నిరసన నినాదాలు.. దుకాణదారులు మఠం ప్రారంభ ద్వారం వద్ద మఠం అధికారుల నిర్ణయాలను వ్యతిరేకిస్తూ నినాదాలు చేశారు. కాగా దుకాదారులకు మద్దతుగా నిలిచిన టీడీపీ నాయకుడు మఠం అధికారిని ఉద్దేశించి తమ మాటను కాదని భవనం కూల్చివేతకు అడుగేస్తే ఎదురయ్యే శాంతి భద్రతలకు సమస్య కారణం అవుతారంటూ పరోక్షంగా చేసిన హెచ్చరికలు భయోందోళనలకు దారితీసినట్లయింది.

టెండర్‌ నిర్వహిస్తున్న సమయంలో మఠం ముందున్న దుకాణదారులు టీడీపీ నేతను రంగంలోకి దించారు. మరికొందరు రాజకీయ నాయకులతో కలిసి పరిపాలన అధికారి బాపిరెడ్డితో వాదించడం వంటి పరిణామాలు చోటు చేసుకున్నాయి. దుకాణదారులకు ప్రత్యామ్నాయ ఏర్పాటు చేసి టెండరు ప్రక్రియ నిర్వహించాలంటూ చేసిన హెచ్చరికలు టెండర్‌ ప్రక్రియకు హాజరైన వారిని ఆలోచనలో పడేశాయి. దీంతో తాము కట్టిన డబ్బులను మాకు తిరిగి ఇవ్వాలని అడిగారు. ఒకవేళ టెండర్‌ దక్కించుకున్న తర్వాత పనులు జరగనివ్వకుండా అడ్డుపడితే తాము కట్టిన డబ్బుకు, అప్పుడు ఎదురయ్యే పరిస్థితికి ఎవరు సమాధానం చెబుతారని భయాందోళన టెండర్‌ దారుల్లో వ్యక్తమైంది. పరిపాలన అధికారి బాపిరెడ్డి కలగజేసుకొని వారికి నచ్చజెప్పి టెండర్‌ ప్రక్రియను సజావుగా సాగేలా కృషి చేశారు.

పరిశ్రమల్లో పనిచేస్తున్న వేల మంది కార్మికులు యాజమాన్యాలు పెట్టే నిబంధనలకు ఒప్పుకొని విలవిల్లాడుతున్నారు.●ఆదివారం శ్రీ 17 శ్రీ ఆగస్టు శ్రీ 2025అమ్మా.. ఆగండి పసుపు రంగు ఉండే బస్సులనే చూసి ఎక్కండి.. అంటూ ఆర్టీసీ అధికారులు మహిళలకు సూచిస్తున్నారు. అదేంది..ఎన్నికల్లో ఏ బస్సు అయినా ఎక్కడి నుంచి ఎక్కడికై నా ఉచితం అని చెప్పారు.. మరి ఈ కండీషన్లు ఏంటని మహిళలు ప్రశ్నిస్తున్నారు. మరోవైపు కొన్ని రూట్‌లలో బస్సులు లేకపోవడంతో తిరుపతి బస్టాండ్‌తో పాటు అన్ని మార్గాల్లోనూ ప్రయాణికులు అవస్థలు పడ్డారు. గంటల కొద్దీ బస్టాండ్లలో నిరీక్షించారు. జిరాక్స్‌ కాపీలు బస్సుల్లో అనుమతించకపోవడంతో మహిళలు పలుచోట్ల కండక్టర్లతో వాగ్వాదానికి దిగినట్లు తెలుస్తోంది. ఉచిత ప్రయాణంపై అధికారులకే స్పష్టత లేకపోవడంపై కొంత సందిగ్ధం నెలకొంది. కొత్తగా 136 రూట్లలో ఆర్టీసీ అంటూ సిస్టమ్‌ పెట్టడంతో బస్సుల కొరతతో తిరుపతి బస్టాండ్‌లో పడిగాపులు కాస్తున్న ప్రయాణికులుఅధికారుల లెక్కలు ఇలా.. ఆర్టీసీ బస్సులు జిల్లా వ్యాప్తంగా నడుపుతున్న రూట్ల అంశంలో అధికారులు కాకి లెక్కలు చెబుతున్నారనే విమర్శలు వినిపిస్తున్నాయి. జిల్లాలో 11 డిపోల పరిధిలో 855 బస్సులు 177 రూట్లలో(మార్గాల్లో) నడుస్తున్నాయి. రోజుకు సుమారుగా 3.39 లక్షల కిలోమీటర్లు తిరుగుతున్నాయి. దీంతో రోజు వారీగా 2.70 లక్షల మంది ప్రయాణికులు ప్రయాణం చేయడంతో రూ.1.70 కోట్ల రాబడి వస్తుంది. అయితే 177 రూట్లలో 136 మార్గాల్లో ఉచిత బస్సులను ఏర్పాటు చేసినట్లు అధికారులు లెక్కలు చూపుతున్నారు. దీంతో ఇతర మార్గాల్లో బస్సులు లేకపోవడంతో తిరుపతి బస్టాండ్‌తో పాటు అన్ని మార్గాల్లోనూ ప్రయాణికులకు తిప్పలు తప్పడం లేదు. గంటల కొద్ది బస్టాండ్లలో వేచి ఉంటున్నారు. పడిగాపుల70 శాతం సీట్లు మహిళలకే చెప్పడం సరికాదు పల్లె వెలుగు, అల్ట్రా పల్లె వెలుగు, సాధారణ ఎక్స్‌ప్రెస్‌ల్లో 70 శాతం సీట్లు మహిళలకు వదిలిపెట్టాలని చెప్పడం సరికాదు. మహిళలకు అయితే ఉచితంగా ప్రయాణం చేయవచ్చు. పురుషులు అయితే టిక్కెట్‌ తీసుకుంటారు. అక్కడి వరకు ఓకే. అంతేతప్ప 70 శాతం సీట్లు వదిలిపెట్టాలని చెప్పడం మంచి పద్ధతి కాదని భావిస్తున్నాం. – అత్తిరాల సురేష్‌, వరదయ్యపాళెం అన్ని బస్సుల్లో అవకాశం ఇవ్వాలి ఆర్టీసీకి చెందిన అన్నీ బస్సుల్లో అవకాశం ఇవ్వా లని కోరుతున్నాం. ఎన్నికల సమయంలో ఇలా మూడు బస్సుల్లోనే ఉంటుందని చెప్పలేదు. అలా గే రాష్ట్రంలోని అన్ని ప్రాంతాలకు అవకాశం కల్పించాలి. విజయవాడకు తిరుపతి మహిళలు వెళ్లాలంటే పల్లె వెలుగులో 10 బస్సులు మారాల్సి ఉంటుంది. నాలుగు రోజులు సమయం పడుతుంది. – యశోధ, తిరుపతి కొర్లగుంట ఒరిజనల్‌ కార్డులు చూపించాలి గుర్తింపు కార్డు విషయంలో ఒరిజనల్స్‌ కార్డులను కండక్టర్లకు చూపాల్సి ఉంది. శనివారం శ్రీకాళహస్తి, కాణిపాకం, రాయచోటి తదితర కొన్ని మార్గాల్లోనే ప్రయాణికులు బస్సుల కోసం కొంత సమయం వేచి ఉన్నారు. బస్సుల కొరత లేకుండా ప్రయాణికులకు ఇబ్బంది లేకుండా జాగ్రత్తలు తీసుకుంటాం. 33 శాతం సీట్లు మాత్రం పురుషులు కూర్చోడానికి వీలులేదు. కూర్చున్నా మహిళలు వస్తే లేయాల్సిందే. వాటికి మాత్రమే పసువు రంగు వేశాం. – జగదీష్‌, జిల్లా ప్రజా రవాణా అధికారితిరుపతి అర్బన్‌ : పసువు రంగు ఉండే సర్వీసుల్లోనే మహిళలకు ఉచితమంటున్నారు ఆర్టీసీ పెద్దలు. కాస్త చూసి ఎక్కండి అంటూ సలహాలు ఇచ్చేస్తున్నారు. కూటమి సర్కారు ప్రకటించిన పల్లెవెలుగు, ఆల్ట్రా పల్లెవెలుగు, సాధారణ ఎక్స్‌ప్రెస్‌లకు పసుపు రంగులు వేయించారు. మరోవైపు అనుమతి లేని సర్వీసులకు బస్సుపైన సీ్త్రశక్తి పథకం వర్తించదు అంటూ స్టిక్కర్లు వేయిస్తున్నారు. ఆ మేరకు స్టిక్కర్లు రెండు రోజుల్లో...ఉచిత బస్సుకు అనుమతులు లేని అన్నీ సర్వీసుల్లోపైన ఉండాలంటూ జిల్లా ఆర్టీసీ ఆధికారులు జిల్లాలలోని 11 డిపోల మేనేజర్లుకు ఆదేశాలు ఇచ్చేశారు. ఇంకోవైపు ఉచితం కోసం కేటాయించిన బస్సుల్లో 70 శాతం మహిళలకే అవకాశం ఇస్తున్నట్లు చెబుతున్నారు. దీంతో పురుషులు మండిపడుతున్నారు. ఉచిత బస్సు స్కీమ్‌ శుక్రవారం సాయంత్రం 4 గంటల నుంచి అమలు చేస్తున్నట్లు వెల్లడించారు. రాత్రి 12 గంటల వరకు 2,826 మంది ఉచిత బస్సు పథకాన్ని మహిళలు వినియోగించుకున్నట్లు అధికారులు లెక్కలు చెబుతున్నారు. శుక్రవారం ఉదయం నుంచి రాత్రి 12 గంటల వరకు 1,70,894 మంది ప్రయాణికులు ఆర్టీసీలో జర్నీ చేసినట్లు ప్రకటించారు. మొత్తంగా చూస్తే ఒక్కో రోజు ఒక్కో రూల్స్‌ పెడుతున్నారు. జిల్లా స్థాయిలోని ఆర్టీసీ అధికారులకు సీ్త్రశక్తి స్కీమ్‌పై స్పష్టత రావడం లేదు. ఒరిజనల్‌ గుర్తింపు కార్డులు చూపాలి.. ఆధార్‌, రేషన్‌, ఓటరు కార్డు ఇలా ఏదై నా ఒరిజనల్‌ కార్డును మహిళలు చూపిస్తేనే ఉచితంగా ప్రయాణం చేయడానికి అనుమతి ఇస్తామని కండక్టర్లు చెబుతున్నారు. దీంతో శనివారం పలు మార్గా ల్లో వివాదాలు చోటు చేసుకున్నాయి. బస్టాండ్‌లో బస్సుల కోసం ప్రయాణికుల నిరీక్షణబస్టాండ్లలో ప్రయాణికుల నిరీక్షణ పారిశుద్ధ్య కార్మికులకు న్యాయం చేయండి ఏళ్ల తరబడి తిరుమలలో పారిశుద్ధ్య కార్మికులుగా పనిచేస్తున్నాం. మాకు వచ్చే జీతాల్లో 50 శాతం బస్సు చార్జీలకే సరిపోతుంది. అయితే ఎన్నికల సమయంలో మహిళలకు ఉచితం అంటూ హామీ ఇచ్చారు. ఇప్పుడు తిరుమలకు లేదంటే...మేము చార్జీలు చెల్లించి తిరుమలకు వెళుతున్నాం. ఇది ఎక్కడ న్యాయమో చెప్పాలి. – సులోచన, పారిశుద్ధ్య కార్మికురాలు, తిరుపతి ప్రయాణికురాలు జిరాక్స్‌ పత్రాలకు అనుమతి ఇవ్వాలి ఆర్టీసీ అధికారులు పసుపు రంగు చూసి..బస్సు ఎక్క మని చెబుతున్నారు. గుర్తింపు కార్డులు ఒరిజనల్‌ కార్డు లు ఇవ్వాలని అడుగుతున్నా రు. మొబైల్స్‌ చూపినా, జిరా క్స్‌ ఇచ్చినా చెల్లవని చెప్పడం సరికాదు. ఒకసారి ప్రయాణానికే ఆధార్‌ కార్డును పోగొట్టుకుంటున్నారు. తర్వాత మళ్లీ ఆధార్‌కార్డు కోసం రూ.100 చెల్లించి తీసుకుంటున్నాం. పోన్లులో చూపించినా, జిరాక్స్‌లు చూపించినా అవకాశం కల్పించాలని కోరుతున్నాం. –చెంగయ్య, వాకాడు

తిరుపతి అర్బన్‌: అధికారంలోకి వచ్చిన ఏడాది కాలంలోనే కూటమి సర్కార్‌ ఎన్నికల్లో ఇచ్చిన సూపర్‌సిక్స్‌ పథకాలను 99 శాతం అమలు చేసిందని దేవాదాయశాఖా మంత్రి ఆనం రామనారాయణరెడ్డి తెలిపారు. శుక్రవారం ఆయన తిరుపతి బస్టాండ్‌ వద్ద సీ్త్రశక్తి పథకంలో భాగంగా ఉచిత బస్సు జిల్లా కార్యక్రమాన్ని ప్రారంభించారు. ఈ సందర్భంగా ఆయన మొదటి టికెట్‌ను తిరుపతి కార్పొరేషన్‌ కమిషనర్‌ నారపురెడ్డి మౌర్యకు కండక్టర్‌ నుంచి ఇప్పించారు. ఆ తర్వాత రెండో టికెట్‌ కలెక్టర్‌ వెంకటేశ్వర్‌ చేతుల మీదుగా మరో మహిళకు అందించారు. స్థానిక ఎమ్మెల్యే ఆరణి శ్రీనివాసులు, జాయింట్‌ కలెక్టర్‌ శుభం బన్సల్‌తోపాటు తుడా చైర్మన్‌ దివాకర్‌రెడ్డి పలువురు పార్టీ నేతలు హాజరయ్యారు. ఈ కార్యక్రమంలో ట్రైనీ కలెక్టర్‌ రఘు, ఆర్టీసీ డీపీటీఓ జగదీష్‌, డిప్యూటీ సీటీఎం విశ్వనాథం, డిప్యూటీ మెకానిక్‌ ఇంజినీర్‌ బాలాజీ తదితరులు తదితరులు పాల్గొన్నారు. వివాహ పరిచయ వేదిక రేపు తిరుపతి కల్చరల్‌: రాయల్‌ బలిజ సంఘం ఆధ్వర్యంలో ఈనెల 17వ తేదీ ఉదయం 8 గంటలకు గాంధీరోడ్డులోని ఏజీకే బిల్డింగ్‌లో పద్మావతి వివాహ పరిచయ వేదిక నిర్వహిస్తున్నట్లు ఆ సంఘం అధ్యక్షుడు సుబ్రమణ్యం తెలిపారు. శుక్రవారం ప్రెస్‌క్లబ్‌లో ఏర్పాటు చేసిన విలేకరుల సమావేశంలో ఆయన మాట్లాడారు. బలిజ కులానికి చెందిన అమ్మాయిలు, అబ్బాయిలు వారి తల్లిదండ్రులు పాల్గొని, తమ పిల్లలకు తగిన సంబంధాలను కుదుర్చుకునేందుకు ఈ వివాహ పరిచయ వేదిక చక్కటి వేదికగా దోహదపడుతుందని తెలిపారు. ఇందులో పాల్గొనే వారి తల్లిదండ్రులు పెళ్లి కుమారుడు, కుమార్తె పోస్ట్‌ కార్డు సైజు ఫొటోలు, బయోడేటాను తీసుకుని రావాలని కోరారు. రాష్ట్రంలోని అన్ని జిల్లాలకు చెందిన బలిజలు ఈ అవకాశాన్ని సద్వినియోగం చేసుకోవాలన్నారు. మరిన్ని వివరాలకు 8712233082లో సంప్రదించాలని తెలిపారు. ఈ సమావేశంలో బలిజ సంఘ నేతలు గుట్టా నాగరాజ రాయల్‌, సుబ్బరామయ్య, ఏవీ.ప్రతాప్‌, మనోజ్‌, దిలీప్‌, సాయిప్రకాష్‌ తదితరులు పాల్గొన్నారు. మూడు హోటళ్లు సీజ్‌ చిత్తూరు అర్బన్‌ : చిత్తూరు నగరంలో స్వాతంత్య్ర దినోత్సవ నిబంధనలు ఉల్లంఘించి మాంసాహార భోజనాలు విక్రయిస్తున్న హోటల్‌ను అధికారులు సీజ్‌ చేశారు. శుక్రవారం నగరంలోని పలమనేర్‌ రోడ్డు లోని హోటల్‌ తో పాటు మరో రెండు హోటళ్లలో మాంసాహారం విక్రయిస్తున్నట్లు మున్సిపల్‌ కమిషనర్‌ నరసింహ ప్రసాద్‌కు ఫిర్యాదులు అందాయి. కమిషనర్‌ ఆదేశాలతో ప్రజారోగ్య శాఖ అధికారులు నగరంలోని మూడు హోటళ్లను సీజ్‌ చేశారు.

నాయుడుపేటటౌన్‌: మండలంలోని తన్నమాల సమీపంలో రహదారిపై శుక్రవారం ధాన్యం లోడ్‌తో వెళుతున్న లారీ అదుపు తప్పి బోల్తా పడింది. స్థానికుల కథనం మేరకు.. తన్నమాల గ్రామ పరిసర ప్రాంతాల్లో ధాన్యం సేకరించుకుని బస్తాలు నింపుకున్న లారీ నాయుడుపేటకు బయలు దేరింది. తన్నమాల సమీపంలో ఓ మలుపు వద్ద వేగంగా వస్తున్న లారీ అదుపు తప్పి బోల్తా పడింది. లారీ డ్రైవర్‌ మద్యం సేవించి ఉండడంతోనే ఈ ప్రమాదం జరిగినట్లు స్థానికులు తెలిపారు. లారీ డ్రైవర్‌ అక్కడ నుంచి పరారయ్యాడు .ధాన్యం బస్తాలను మరో వాహనంలో తరలించారు.

విశ్వవేదికలపై మన క్రీడాకారులు గెలిచిన వేళ..పిడికిలి బిగించి విజయ చిహ్నంగా మన జాతీయజెండా ఎగురవేసిన వేళ.. మన క్రీడాకారులను చూసిన సమయంలో నా బిడ్డా అంతటిస్థాయికి ఎదగాలని తల్లిదండ్రులు.. నేనూ అలాంటి స్థాయికి చేరుకోవాలని విద్యార్థులు కలలు కంటారు. ఆ దిశగా అడుగులు పడాలంటే నిరంతర క్రీడా సాధన అవసరం. అందుకు కాలు మోపే మైదానాలుండాలి. క్రీడా పునాదికి పాఠశాలల్లో తప్పనిసరిగా ఆట స్థలాలు ఉండాలి. జిల్లాలో పరిస్థితి భిన్నంగా ఉంది. బాల్యం తరగతి గదిలో బందీ అవుతున్నా..పాలకులు, అధికారులు మిన్నకుంటున్నారు. తిరుపతి సిటీ: నేటితరం విద్యార్థులు క్రీడలకు దూరమవుతున్నారు. విద్యార్థి దశ నుంచే క్రీడలను ప్రోత్సహించాల్సిన పాఠశాలలు ఆ ఊసే ఎత్తడం లేదు. ప్రైవేటు పాఠశాలల్లో, కళాశాలలోనూ క్రీడా మైదానాలే కానరావడం లేదు. ఆ విద్యాసంస్థల్లో చదివే విద్యార్థులకు గల్లీ క్రికెట్‌ తప్ప తమకు ఏ క్రీడలు తెలియవని చెబుతుండడం ఆశ్చర్యకరం. జిల్లాలో అధికారులకు ముడుపులు చెల్లించి మౌలిక వసతులు లేకపోయినా ధనార్జనే ధ్యేయంగా అధికార, ధన బలంతో ఇప్పడిముబ్బడిగా వీధికి ఒక ప్రైవేటు పాఠశాలు ఏర్పాటు చేసుకున్నారు. నిబంధనలను తుంగలో తొక్కి ఒక్కోక్క పాఠశాలలకు అనుమతులు లేకపోయినా రెండు, మూడు బ్రాంచ్‌లను నడుపుతూ విద్యార్థుల జీవితాలతో ఆడుకుంటూ రూ.కోట్లు కూడబెట్టుకుంటున్నారు. ప్రైవేటు విద్యాసంస్థలో చదివే విద్యార్థులు జిల్లా, రాష్ట్ర, జాతీయ స్థాయి క్రీడల్లో అధిక సంఖ్యలో పాల్గొనకపోవడంపై ఓ ప్రైవేటు సంస్థ చేసిన సర్వేలో పలు కీలక అంశాలు తెరపైకి వచ్చాయి. భవనాలు.. అపార్ట్‌మెంట్లలో విద్యాసంస్థలు జిల్లాలోని సుమారు 90 శాతం ప్రైవేటు, కార్పొరేట్‌ విద్యాసంస్థలలో కనీస వసతులు లేవు. ఆట స్థలాలు ఊసే లేదు. కుటుంబాలు అద్దెకు ఉండే భవనాలు, అపార్ట్‌మెంట్లలో విద్యాసంస్థలను నడుపుతూ రూ.కోట్లు వెనకేసుకుంటున్నారు. విద్యార్థులను క్రీడల వైపు ప్రోత్సహించే ప్రక్రియ ఖర్చుతో కూడుకున్న వ్యవహారంగా భావించి, అధికారులతో యాజమాన్యాలు చేతులు కలిపి అనుమతులు పొందుతున్నారు. క్రీడా మైదానం లేకపోయినా యాజమాన్యాలు అధికారుల చేయితడిపి అన్ని సౌకర్యాలున్నట్లు అనుమతులు పొంది పక్కా రికార్డులు తయారు చేసుకుని తమ పనికానిచ్చేస్తున్నారు. అడిగే నాథుడు లేకపోవడంతో ప్రైవేటు యాజయాన్యాలు ఇష్టారాజ్యాంగా వ్యవహరిస్తున్నాయి. పీఈటీలు, పీడీల నియామకాలు నిల్‌ ప్రైవేటు పాఠశాలలు, కళాశాలల్లో మైదానాల మాట దేవుడెరుగు. కనీసం పీఈటీ, ఫిజికల్‌ డైరెక్టర్‌ పోస్టుల నియామకాల ఊసే లేదు. 10 శాతం పాఠశాలల్లో పీఈటీలున్నా తగిన అర్హతలు, సమర్థులైన వ్యాయామ ఉపాధ్యాయులు ఉండడం లేదు. ఇంటర్‌, డిగ్రీ చదివిన వారిని నియమించుకుని కాలం వెళ్లదీస్తున్నారు. అలాగే మరికొన్ని కార్పొరేట్‌ విద్యాసంస్థలు పీడీ పోస్టు నియామకం జరిపినట్లు ఇతరుల ఫేక్‌ ధ్రువపత్రాలతో అనుమతులు పొందిన విద్యాసంస్థలు కోకొల్లలు. అధికారులకు రూ.లక్షలలో ముడుపులు చెల్లించి, విద్యార్థుల భవిష్యత్తును సర్వనాశనం చేస్తున్నారు. ప్రభుత్వ పాఠశాలలో మాత్రమే కాస్తో కూస్తో మైదానాలు, పీఈటీలు ఉన్నారు. దీంతో అడపదడపా జిల్లా స్థాయికి పాఠశాలల నుంచి కొందరు ఎంపిక అవుతున్నారు. స్వతహాగా తల్లిదండ్రులే శిక్షణ ఇప్పిస్తున్నారు ప్రైవేటు విద్యాసంస్థల్లో చదివే పిల్లలకు క్రీడలపై ఆసక్తి ఉన్నా యాజమాన్యాలు అవకాశం ఇవ్వకపోవడంతో తల్లిదండ్రులు స్వతహాగా ప్రైవేటు కోచింగ్‌ సెంటర్ల ద్వారా శిక్షణ ఇప్పిస్తున్నారు. చదువుతోపాటు క్రీడల్లో రాణించాలనే ఉద్దేశంతో పిల్లలకు ఆసక్తి ఉన్న క్రీడలను ఎంపిక చేసుకునుని, నెలకు రూ.5 వేల నుంచి రూ.15 వేల వరకు ఖర్చు చేస్తున్నారు. ప్రైవేటు విద్యాసంస్థలు ప్రవేశాల సమయంలో ఏవేవో కథలు చెప్పి జాతీయ, అంతర్జాతీయ స్థాయి క్రీడల్లో పిల్లలకు శిక్షణ ఇస్తామని ప్రగల్భాలు పలికి రూ.లక్షల్లో ఫీజలు వసూలు చేసి, ఆ తర్వాత కనీసం పట్టించుకున్న పాపాన పోలేదని తల్లిదండ్రులు ఆవేదన వ్యక్తం చేస్తున్నారు. దీంతో తామే ఉదయం, సాయంత్రం ప్రైవేటు కోచింగ్‌ సెంటర్లకు తీసుకెళ్లి శిక్షణ ఇప్పిస్తున్నామని చెబుతున్నారు.త్వరలో యాజమాన్యాలతో చర్చిస్తాం జిల్లాలోని ప్రైవేటు పాఠశాలల్లో చదువుతున్న పిల్లలను యాజమాన్యాలు క్రీడల వైపు ప్రోత్సహించాలి. ప్రతి పాఠశాలకు ప్రత్యేక క్రీడా మైదానం తప్పకుండా ఉండాల్సిందే. అందులోనూ అర్హులైన పీఈటీలను నియమించుకోవాలి. నిబంధనలు అతిక్రమించిన పాఠశాలలపై చర్యలు తీసుకుంటాం. త్వరలో అన్ని ప్రైవేటు యాజమాన్యాలతో ప్రత్యేక సమావేశం ఏర్పాటు చేసి, క్రీడల ప్రాధాన్యతను తెలియజేస్తాం. –కేవీఎన్‌ కుమార్‌, డీఈఓ, తిరుపతి జిల్లా ప్రతి కళాశాలకూ ఆట స్థలం ఉండాల్సిందే! జిల్లాలోని అన్ని ప్రైవేటు కళాశాలలో క్రీడా మైదనాలు ఉండాల్సిందే. లేని పక్షంలో చర్యలు తప్పవు. అలాగే ప్రతి కళాశాలలో విద్యార్థుల సంఖ్య ఆధారంగా ఫిజికల్‌ డైరెక్టర్ల నియామకం జరపాలి. అందులోనూ సమర్థులైన పూర్తి స్థాయి అర్హతగలిగిన అభ్యర్థులనే ఎంపిక చేయాలి. ప్రతి రోజూ క్రీడలకు సంబంధించి ప్రత్యేక పీరియడ్‌ను టైంటేబుల్‌లో ఉంచి తీరాలి. –రాజశేఖర్‌రెడ్డి, ఆర్‌ఐఓ, తిరుపతి సొంతంగా కోచింగ్‌ ఇప్పిస్తున్నాం మా అమ్మాయి నగరంలోని ఓ పేరొందిన ప్రైవేటు విద్యాసంస్థలో ఆరో తరగతి చదువుతోంది. క్రీడల ఊసే ఉండదు. కానీ మా అమ్మాయికి బ్యాడ్మింటన్‌పై ఆసక్తి ఉండడంతో నగరంలోని ఓ ప్రైవేట్‌ కోచ్‌ వద్ద నెలకు రూ. 6 వేలు చెల్లించి సొంతంగా కోచింగ్‌ ఇప్పిస్తున్నాం. ఇప్పటివరకు నాకు తెలిసి తిరుపతి జిల్లాలోని ఒక ప్రైవేటు పాఠశాలలోనూ క్రీడలను ప్రోత్సహించే యాజమాన్యాలు లేవు. ఇది మరి దారుణం. –పద్మావతి, విద్యార్థిని తల్లి, తిరుపతి అధికారుల ఉదాశీనతతోనే.. విద్యాశాఖాధికారులు పట్టించుకోకపోవడంతోనే ప్రైవే టు విద్యాసంస్థలు ఇష్టారా జ్యంగా వ్యవహరిస్తున్నా యి. అధికారులకు ముడుపు లు చెల్లించి క్రీడా మైదానాలున్నట్లు అనుమతులు పొందుతున్నాయి. మా అబ్బాయి ఓ ప్రైవేటు పాఠశాలలో చదువుతున్నాడు. అతడి రోజువారీ టైంటేబుల్‌ చూస్తే పీఈటీ కోసం పీరియడ్‌ ఉండదు. ఎందుకంటే ఆ పాఠశాలల్లో పీఈటీ లేరు. పిల్లలకు వ్యాయమం తగ్గి, అనారోగ్యం పాలు కావడానికి ఇదో కారణం. –స్వర్ణలత, విద్యార్థిని తల్లి, తిరుపతి

నాగలాపురం : ఆడికృత్తిక పర్వదినాన్ని పురస్కరించుకుని పిచ్చాటూరు మండలం రామగిరి సుబ్రమణ్యస్వామి ఆలయ ప్రాంగణం హరోంహర నామస్మరణలతో మారుమోగింది. శ్రీవళ్లి,దేవసేన సమేత సుబ్రమణ్యస్వామి ఆలయంలో భరణి తెప్పోత్సవాలు శుక్రవారం వేడుకగా ప్రారంభమయ్యాయి. స్వామివారి మూలవర్లకు అర్ఛకులు భరణి అభిషేకం చేసి, వివిధ రకాల పుష్పాలతో సుందరంగా అలంకరించి భక్తులకు దర్శనభాగ్యం కల్పించారు. ఉదయం నుంచి వేలాది మంది భక్తులు ఆలయానికి చేరుకుని పుష్కరణిలో కావళ్లు చెల్లించి, స్వామి అమ్మవార్లను దర్శించుకున్నారు. ఆలయానికి వచ్చిన భక్తులకు అన్నదానం చేశారు. సాయంత్రం శ్రీ వళ్లి,దేవసేన సమేత సుబ్రమణ్యస్వామి ఉత్సవమూర్తులకు ప్రత్యేక అభిషేకం చేసి, విశేషాలంకరణ చేసి తిరుచ్చిపై కొలువుదీర్చారు. స్వామి అమ్మవార్లను ఆలయం నుంచి ఊరేగింపుగా పుష్కరిణి వద్దకు వేంచేపు చేసి, తెప్పోత్సవం నిర్వహించారు. ఈ తెప్పోత్సవాన్ని తిలకించిన భక్తజనం రాత్రంతా ఆలయ ప్రాంగణలో జాగారం చేశారు. భక్తుల కాలక్షేపం కోసం భక్త మార్కండేయ హరికథగానం చేశారు. భరణి అభిషేక ఉభయదారులుగా పళ్లికొండేశ్వర స్వామి ఆలయ మాజీ చైర్మన్‌ ఏవీఎం బాలాజీరెడ్డి, కుటుంబ సభ్యులు వ్యవహరించారు. ఆలయ ఈఓ ముత్తం శెట్టి రామచంద్రరావు ఏర్పాట్లు పర్యావేక్షించారు. పోలీసులు బందోబస్తు ఏర్పాటు చేశారు. పుత్తూరు డీఎస్పీ రవి కుమార్‌ పర్యవేక్షణలో ఇద్దరు సీఐలు, ఆరుగురు ఎస్‌ఐలు, కానిస్టేబుళ్లతో కలిపి మొత్తం 130 మంది పోలీసు బందోబస్తులో పాల్గొన్నట్లు పిచ్చాటూరు ఎస్‌ఐ వెంకటేశ్వర్లు తెలిపారు. నేటి నుంచి రాజనాలబండ జాతరచౌడేపల్లె : సత్య ప్రమాణాలకు నిలయమైన రాజనాలబండ శ్రీ లక్ష్మినరసింహస్వామి ,శ్రీ వీరాంజనేయస్వామి ఆలయం వద్ద నేటి నుంచి రెండు రోజులపాటు వైభవంగా జాతర జరగనుంది. టీటీడీ ఆధ్వర్యంలో సంప్రదాయ రీతిలో తిరుణాల జరగనుందన్నారు. ఏటా పూర్వీకుల నుంచి శ్రావణమాస చివరి శనివా రం రోజున రాజనాలబండపై వెలసిన స్వామి వారికి ప్రత్యేక పూజలతో పాటు పక్కనే ఉన్న ఎత్తైన శ్రీలక్ష్మినరసింహస్వామి కొండపై భక్తులు తరలివెళ్లి పూజలు చేయడం ఆనవాయితీ. అదే రోజు రాత్రి కొండపై గల రాతి స్తంభంపై దీపం వెలిగించి అఖండ దీపారాధన చేస్తారు. స్వామి వార్ల ఉత్సవ విగ్రహాలను గ్రామాల్లో ఊరేగింపు చేపడుతారు.

రాపూరు: స్థానిక సంస్థల ఎమ్మెల్సీ, వైఎస్సార్‌సీపీ గూడూరు నియోజకవర్గ సమన్వయకర్త మేరిగ మురళీధర్‌ను పలువురు పరామర్శించారు. మురళీధర్‌ తండ్రి మేరిగ ఆనందరావు (89) గురువారం మృతి చెందిన విషయం తెలిసిందే. కొంతకాలంగా అనారోగ్యంతో బాధపడుతున్న ఆనందరావు చికిత్స పొందుతూ మృతి చెందాడు. రాపూరులోని లక్ష్మీపురంలోని ఆయన నివాసంలో ఆనందరావు భౌతిక కాయాన్ని సందర్శించిన పలువురు నాయకులు మేరిగ మురళీధర్‌ను పలకరించి, సంతాపం తెలిపారు. ఈ క్రమంలో వైఎస్సార్‌సీపీ వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి, సూళ్లూరుపేట మాజీ ఎమ్మెల్యే కిలివేటి సంజీవయ్య, మాజీ ఉప ముఖ్యమంత్రి నారాయణస్వామి, నెల్లూరు జిల్లా వైఎస్సార్‌సీపీ అధ్యక్షుడు, ఉపాధ్యాయ ఎమ్మెల్సీ పర్వతరెడ్డి చంద్రశేఖరరెడ్డి, వైఎస్సార్‌సీపీ జోన్‌–4 వర్కింగ్‌ ప్రెసిడెండెంట్‌ కాకాణి పూజితమ్మ, వైఎస్సార్‌సీపీ నాయకులు బత్తిన పట్టాభిరామిరెడ్డి, పాపకన్ను మధుసూదన్‌రెడ్డి, మండల కన్వీనర్‌ బోడ్డు మధుసూదన్‌రెడ్డి, దందోలు నారాయణరెడ్డి, మస్తాన్‌యాదవ్‌, వైఎస్సార్‌సీపీ నాయకులు ఎల్లసిరి గోపాల్‌రెడ్డి తదితరులు శుక్రవారం ఆనందరావు భౌతిక కాయానికి పూలమాలలు వేసి, నివాళులర్పించారు. అనంతరం మేరిగ మురళీధర్‌ను పరామర్శించి, తమ ప్రగాఢ సంతాపం తెలిపారు.

తిరుపతి సిటీ: జిల్లాలో ప్రభుత్వ, ప్రైవేటు డిగ్రీ, పీజీ కళాశాలలు విద్యార్థుల సంఖ్య ఆశించిన స్థాయిలో లేకపోవడంతో స్వాతంత్య్ర దిన వే డుకలు చెప్పుకోదగ్గ రీతిలో ఆకట్టుకున్నట్లు కనిపించలేదని అధ్యాపకులు చర్చించుకోవడం గమనార్హం. వరుసగా మూడు రోజుల సెలవు లు రావడంతో హాస్టల్‌ విద్యార్థులు తమ స్వస్థలాలకు వెళ్లారు. దీంతోపాటు డిగ్రీ, పీజీ మొదటి ఏడాది కోర్సుల్లో ప్రవేశాలు చేపట్టకపోవడం మరో కారణమని తెలుస్తోంది. అన్ని కళాశాలలోనూ కేవలం ఎన్‌సీసీ క్యాడెట్లతోనే స్వాతంత్య్ర వేడుకలు తూతూ మంత్రంగా జరుపుకోవడం విశేషం. అవయవదానం నాగలాపురం: మండలంలోని వినోభానగర్‌ గ్రామానికి చెందిన గంగన్‌(55) శుక్రవారం బ్రైయిన్‌ డెడ్‌ అయినట్లు చైన్నె ప్రభుత్వాస్పత్రిలో వైద్యులు నిర్ధారించారు. దీంతో మృతుని అవయవాలను దానం చేయడానికి అతని భార్య మంజుల అంగీకారం తెలిపింది. దీంతో వైద్యులు రెండు కిడ్నీలు, ఓ ఎముకను ఆపరేషన్‌ చేసి, తీసుకున్నట్లు కుటుంబ సభ్యులు తెలిపారు. 15వ జాతీయ హాకీ పోటీలకు గూడూరు విద్యార్థి చిల్లకూరు: గూడూరు పట్టణం చర్చివీధికి చెందిన దేవతా య శ్వంత్‌ అనే ఇంటర్‌ విద్యార్థి 15వ జాతీ య స్థాయి జూనియర్‌ హాకీ పోటీలకు ఎంపికై నట్లు హాకీ కోచ్‌ ఆకాష్‌దీపక్‌ శుక్రవారం తెలిపారు. ఈ క్రీడాకారుడు పంజాబ్‌ రాష్ట్రంలోని జలందర్‌లో ఈ నెల 12 నుంచి 22వ తేదీ వరకు జరిగే జూనియర్‌ నేషనల్‌ చాంపియన్‌ షిప్‌ పోటీల్లో రాష్ట్ర జట్టులో సభ్యుడిగా పాల్గొంటారని కోచ్‌ తెలిపారు. ఈ నెల 18న జరిగే పోటీలో పాల్గొంటున్నట్లు తెలిపారు. విద్యార్థి జాతీయ స్థాయి పోటీలకు ఎంపిక కావడంతో శ్రీలక్ష్మి చారిబుల్‌ట్రస్టు నిర్వాహకులు శ్రీలక్ష్మి, పీఎంరావు తమవంతు ఆర్థిక సహకారం అందించారు. ఇతడి ఎంపికపై హాకీ అసోసియేషన్‌ తిరుపతి అధ్యక్షుడు టీ స్పర్జన్‌రాజు తదితరులు అభినందనలు తెలిపారు. విచ్చలవిడిగా మద్యం.. మాంసం విక్రయాలు రేణిగుంట: మండలంలో స్వాతంత్య్ర దినోత్సవం రోజున మద్యం, మాంసం విక్రయాలు యథేచ్ఛగా సాగాయి. మందు బాటిల్‌పై రూ.50 అధికంగా వసూలు చేస్తూ తమ వ్యా పారం కొనసాగించారు. కరకంబాడిలో ప్రధా న రహదారిపైనే చికెన్‌ దుకాణాలు తెరిచి అధిక ధరతో అమ్మకాలు కొనసాగిస్తున్నారు. అరికట్టాల్సిన ఎకై ్సజ్‌ శాఖ, పంచాయతీ, పోలీస్‌శాఖ అధికారులు మాత్రం మాకు ఎటువంటి సంబంధం లేదనేలా వ్యవహరించడం తీవ్ర విమర్శలకు తావిస్తోంది. శ్రీవారి సర్వదర్శనానికి 24 గంటలు తిరుమల: తిరుమలలో భక్తుల రద్దీ అధికంగా ఉంది. క్యూకాంప్లెక్స్‌లో కంపార్ట్‌మెంట్లు అన్నీ నిండాయి. క్యూ శిలాతోరణం వద్దకు చేరింది. గురువారం అర్ధరాత్రి వరకు 66,530 మంది స్వామివారిని దర్శించుకోగా 32,478 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.4.66 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనమవుతోంది. దర్శన టికెట్లు లేని భక్తులకు 24 గంటల్లో దర్శనం లభిస్తోంది. ప్రత్యేక ప్రవేశ దర్శనం టికెట్లు కలిగిన భక్తులకు 3 గంటల్లో దర్శనం లభిస్తోంది. ఇదిలా ఉండగా సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేసింది. కేటాయించిన సమయాన్ని కంటే ముందు వెళ్లిన భక్తులను క్యూలోకి అనుమతించబోరని స్పష్టం చేసింది.

తిరుపతి మంగళం: స్వాతంత్య్రం వచ్చి 79 ఏళ్లు అవుతోందని, అయితే రాష్ట్రం స్వాతంత్య్రం కోల్పోయి ఏడాదిన్నర అవుతోందని వైఎస్సార్‌సీపీ రాష్ట్ర అధికార ప్రతినిధి భూమన కరుణాకరరెడ్డి ఆవేదన వ్యక్తం చేశారు. రాష్ట్రంలో కూటమి ప్రభుత్వం అనుసరిస్తున్న తీరును ఖండిస్తూ శుక్రవారం తిరుపతి పద్మావతిపురంలోని జిల్లా పార్టీ కార్యాలయంలో భూమన కరుణాకరరెడ్డి మీడియాతో మాట్లాడారు. రాష్ట్రంలో కూటమి ప్రభుత్వం ప్రజల హక్కులను పూర్తిగా హరించివేస్తోందన్నారు. రాష్ట్రంలోని ప్రజలు వాక్‌ స్వాతంత్య్రాన్ని కోల్పోతున్నామని, ప్రశ్నించే పరిస్థితులు లేకుండా పోతున్నాయని, ప్రజాస్వామ్యాన్ని అణచివేస్తున్నారని మండిపడ్డారు. రాష్ట్రంలో ఎక్కడ చూసినా అరాచకం, అవినీతి రాజ్యమేలుతోందని, ప్రశ్నించే వారిపై నిందారోపణలు మోపి, హింసలకు పాల్పడే వారిగా చిత్రీకరించి, కేసులు బనాయించి జైళ్లల్లోకి కుక్కి ప్రజస్వామ్యమనేది లేకుండా చేస్తోందని మండిపడ్డారు. ఏడాదిన్నర కిందట జరిగిన ఆంధ్రప్రదేశ్‌ ఎన్నికలు మొత్తం ఈవీఎంలన్నీ ట్యాపరింగ్‌ చేశారన్న విషయం దేశమే కోడై కూస్తోందన్నారు. ప్రజాస్వామ్యంగా పరిపాలించి రాష్ట్రంలోని పేదల ప్రజలకు సంక్షేమ రూపంలో రూ. 2.50 లక్షల కోట్లను పేద ప్రజలకు అందించిన గొప్ప నాయకుడైన వైఎస్‌. జగన్‌మోహన్‌రెడ్డి అన్నారు. ఎన్నికల తర్వాత కూటమి ప్రభుత్వాన్ని ఎవరు ప్రశ్నించినా వారిని జైళ్లల్లోకి కుక్కే ప్రయత్నాలు నిరంతరం జరుగుతున్నాయన్నారు. ఈ రాష్ట్రంలో హక్కులు లేవు, భావప్రకటన స్వేచ్ఛ లేదు, ప్రశ్నించే మనుషులకు సంకెళ్లు పడుతున్నాయని ఆరోపించారు. ఈ కూటమి అరాచకాలపై ప్రజలంతా ఉద్యమించాల్సిన అవసరం ఎంతైనా ఉందని పిలుపునిచ్చారు. దేశ వ్యాప్తంగా 79వ స్వాతంత్య్ర దినోత్సవం జరుపుకుంటున్నామే తప్ప రాష్ట్రంలో మాత్రం స్వాతంత్య్రం కోల్పోయామని ఆవేదన వ్యక్తం చేశారు. ఈ సమావేశంలో తిరుపతి మేయర్‌ శిరీష, పార్టీ నగర అధ్యక్షులు మల్లం రవిచంద్రారెడ్డి పాల్గొన్నారు.

కేవీబీపురం : రాష్ట్ర ప్రభుత్వం ప్రతిష్టాత్మకంగా శుక్రవారం నుంచి అమలు చేసిన ఉచిత బస్సు పథకానికి ఆదరణ కరువైంది. కనీసం కార్యక్రమం ప్రారంభానికి కూడా మహిళలు బస్సుల దగ్గరకు చేరడం లేదు. కండక్టర్లు గొంతులు పోయేలా ఉచిత బస్సు , ఫ్రీ బస్సు అని అరుస్తున్నా మహిళలు పట్టించుకోవడం లేదు. ఈ ఫొటోలో కనిపిస్తున్న దృశ్యం కేవీబీపురం మండల కేంద్రంలోనిది. ఈ బస్సులో ఉన్నవారు కూడా స్థానికులే అక్కడే ఎక్కించుకుని, పోలీస్‌ స్టేషన్‌ దాటి దింపేశారు. కూటమి ప్రభుత్వం తీసుకున్న ఈ నిర్ణయంపై మహిళల నుంచి విభిన్న మాటలు వినిపిస్తున్నాయి.

తిరుపతిలో ఈ నెల 17వ తేదీన వివాహ పరిచయ వేదిక జరగనున్నట్టు ఆ సంఘం అధ్యక్షుడు సుబ్రమణ్యం తెలిపారు.సాంకేతిక పరంగా భారత్‌ గ్లోబల్‌ మ్యాప్‌లోకి.. సూళ్లూరుపేట: భారత అంతరిక్ష పరిశోధనా సంస్థ (ఇస్రో) చేస్తున్న ప్రయోగాల పరంపరతో దేశంలో ప్రతి ఒక్కరికీ అత్యంత ఆధునిక సాంకేతిక పరిజ్ఞానాన్ని అందుబాటులోకి తెచ్చి నేడు గ్లోబల్‌ మ్యాప్‌లో భారత్‌కు ఒక ప్రత్యేక గుర్తింపును తీసుకొచ్చామని షార్‌ డైరెక్టర్‌ ఈఎస్‌ పద్మకుమార్‌ పేర్కొన్నారు. షార్‌లోని స్పేస్‌ సెంట్రల్‌ స్కూల్‌ మైదానంలో 79వ స్వాతంత్య్ర దిన వేడుకలను శుక్రవారం ఘనంగా నిర్వహించారు. షార్‌ డైరెక్టర్‌ ఈఎస్‌ పద్మకుమార్‌ మన జాతీయజెండా త్రివర్ణ పతాకాన్ని ఎగురవేసి వందనం సమర్పించారు. ఈ సందర్బంగా సీఐఎస్‌ఎఫ్‌ కమాండెంట్‌ సందీప్‌కుమార్‌ ఆధ్వర్యంలో భద్రతా దళాలు గౌరవ వందనం సమర్పించారు. షార్‌లో మువ్వన్నెల జాతీయజెండాను ఎగురవేస్తున్న షార్‌ డైరెక్టర్‌ ఈఎస్‌ పద్మకుమార్‌

అందని జీతం..●తిరుమల శ్రీవారి సేవా పరివారంలో స్థానం.. టీటీడీ విద్యాసంస్థల్లో ఉద్యోగం.. తాత్కాలిక ప్రాతిపదికనే అయినా అపురూపమైన వరం.. వేలాది మంది పేద విద్యార్థులకు పాఠ్యాంశాలు బోధించే అద్భుత అవకాశం.. దేవదేవుని పాదాల చెంత గురువులుగా విధులు నిర్వర్తించే మహద్భాగ్యం.. అయితే దేవుడు వరమిచ్చినా పూజారి కనికరించని చందంగా తయారైంది కాంట్రాక్ట్‌ అధ్యాపకుల పరిస్థితి. వేతనం కోసం పడిగాపులు కాయల్సిన దుస్థితి దాపురించింది. అధికారుల నిర్లక్ష్యం కారణంగా మూడు నెలలుగా జీతాలు అందక.. అప్పులు చేసి జీవనం సాగించాల్సి వస్తోంది. తిరుపతి సిటీ : తిరుపతిలోని టీటీడీ విద్యాసంస్థలలో కాంట్రాక్టు ప్రాతిపదికన కొన్నేళ్లుగా 330 మంది ఉపాధ్యాయులు, అధ్యాపకులు పనిచేస్తున్నారు. అధికారుల తీరుతో ఉద్యోగ భద్రత దేవుడెరుగు కనీసం జీతాలకు నోచుకోక అలమటిస్తున్నారు. జూన్‌ నుంచి వేతనాల ఊసేలేక పోవడంతో దిక్కుతోచక కొట్టుమిట్టాడుతున్నారు. ఒక వైపు పిల్లల స్కూల్‌ ఫీజులు చెల్లించలేక, మరో వైపు కుటుంబావసరాలను తీర్చుకోలేక దయనీయస్థితిలో బతుకీడుస్తున్నారు. కొందరు ఈఎంఐలు కట్టలేక అపరాధ రుసుంతో అప్పు చేసి చెల్లిస్తుండగా, మరికొందరు ఇంట్లోని బంగారు వస్తువులను తాకట్టు పెట్టి జీవనం సాగిస్తున్నారు. జీతాలు ఎప్పుడు జమ చేస్తారో తెలియని అయోమయంలో అధ్యాపకులు నలిగిపోతున్నారు. పెరుమాళ్లకే ఎరుక! టీటీడీ ఆధ్వర్యంలో మూడు జూనియర్‌ కళాశాలల్లో పనిచేస్తున్న 51మందికి రెన్యువల్‌ ఉత్తర్వులు అందినా వేతనాలు పడలేదు. డిగ్రీ కళాశాలలోని 161 మంది తాత్కాలిక అధ్యాపకులకు ఇప్పటి వరకు రెన్యువల్‌ ఉత్తర్వులే అందలేదు. ఈ పరిస్థితుల్లో ఇక జీతాలు ఎప్పుడు వేస్తారో పెరుమాళ్లకే ఎరుకని వారు ఆవేదన వ్యక్తం చేస్తున్నారు. అలాగే టీటీడీ ఆధ్వర్యంలోని ప్రాథమిక, ఉన్నత పాఠశాల్లో సుమారు 110 మందికి పైగా తాత్కాలిక ఉపాధ్యాయులు విధులు నిర్వర్తిస్తున్నారు. వీరి పరిస్థితి మరీ దారుణంగా తయారైంది. మూడు నెలలుగా వేతనాలు ఇవ్వకపోవడంతో ఆర్థికంగా కుంగిపోయి మానసికంగా ఒత్తిడికి లోనవుతున్నారు. అధికారుల నిర్లక్ష్యం వేతనాల ఫైల్‌ను సంబంధిత అధికారులకు పంపించడంలో కిందిస్థాయి ఉద్యోగులు నిర్లక్ష్యం వహిస్తున్నారనే ఆరోపణలు వెల్లువెత్తుతున్నాయి. అధికారులు సైతం వేతనాల ఫైల్‌ను తమ వద్దకు తెప్పించుకుని పరిశీలించడంలో మనకేందుకులే...అంటూ అలసత్వాన్ని ప్రదర్శిస్తున్నట్లు విమర్శలు వినిపిస్తున్నాయి. అధికారులు మాత్రం ప్రతి నెలా ఒకటో తారీఖున జీతాలను అందుకుంటూ కుటుంబాలను సాఫీగా నడుపుకుంటున్నారు. తాత్కాలిక ఉద్యోగులపై ఎందుకీ వివక్ష అంటూ అధ్యాపకులు మండిపడుతున్నారు. సెప్టెంబర్‌, అక్టోబర్‌లో అయినా వేతనాలు చేతికందేనా అంటూ ఏడుకొండలవైపు చూస్తున్నారు. కుటుంబాలు గడవడం కష్టంగా ఉంది గత మూడు నెలలుగా వేతనాలు రాకపోవడంతో కుటుంబాలు గడవడం కష్టంగా ఉంది. నిత్యావసరాలకు సమీపంలోని షాపులలో అప్పులు పెడుతున్నాం. జీతాలు జమ కాకపోవడంతో చేతిలో చిల్లిగవ్వ లేకుండా పండుగలు, ఫంక్షన్లకు దూరంగా ఉంటున్నామంటే అతిశయోక్తి కాదు. పిల్లల స్కూల్‌ ఫీజులు, ఈఎమ్‌ఐలు కట్టేందుకు అవస్థలు పడుతున్నాం. టీటీడీ అధికారులు మా దయనీయ స్థితిని అర్థం చేసుకుని త్వరగా వేతనాలు అందించాలని వేడుకుంటున్నాం. – టీటీడీ విద్యాసంస్థల్లోని తాత్కాలిక అధ్యాపకులు

తిరుపతి తుడా: స్విమ్స్‌ వర్సిటీ ఆధ్వర్యంలో నడుస్తున్న పద్మావతి మహిళా వైద్య కళాశాలలో 2025–26 విద్యా సంవత్సరానికి సంబంధించి ఎంబీబీఎస్‌ కోర్సులో ప్రవేశాలు ప్రారంభమయ్యాయి. నీట్‌–2025 ఆల్‌ ఇండియా కోటాలో విద్యార్థులు సాధించిన ర్యాంకుల ఆధారంగా గురువారం తొలివిడత ప్రవేశాలకు పూనుకున్నారు. కర్నూలుకు చెందిన సాయి శ్రీనిత్య జాతీ య స్థాయిలో 14,255 ర్యాంకు సాధించి తొలి అడ్మిషన్‌ పొందారు. వీసీ డాక్టర్‌ ఆర్వీ కుమార్‌ అడ్మిషన్‌ ధృవ పత్రాన్ని విద్యార్థినికి అందజేశారు. జాలర్లకు ఇళ్ల స్థలాలు తడ : మండలంలోని దీవి గ్రామం ఇరకంలో నివసిస్తున్న జాలర్లకు పూడి గ్రామం వద్ద ఏడాది క్రితం తయారు చేసిన జగనన్న లే అవుట్‌లో 172 మందికి కేటాయించిన ఇళ్ల స్థలాలను కలెక్టర్‌ వెంకటేశ్వర్‌, ఎమ్మెల్యే నెలవల విజయశ్రీ చేతుల మీదుగా గురువారం ఇళ్ల స్థలాల పట్టాలు పంపిణీ చేశారు. తడలోని ఓ ప్రైవేటు హోటల్‌లో ఏర్పాటు చేసిన కార్యక్రమంలో లక్కీడిప్‌ ద్వారా పట్టాల నంబర్లు అందించారు. ఈ సందర్భంగా కలెక్టర్‌ మాట్లాడుతూ.. ఇరకం దీవిలోని ప్రజలు పడుతున్న ఇబ్బందులను గుర్తించి పట్టాలు త్వరితగతిన మంజూరు చేశామన్నారు. గ్రామంలో మిగిలిన ఎస్సీ, ఎస్టీ కుటుంబాలకు కూడా ఇళ్ల స్థలాలు ఇస్తామని తెలిపారు. కార్యక్రమంలో భాగంగా ప్రభుత్వం తరఫున ఏర్పాటు చేసిన ఫ్లెక్సీల్లో తిరుపతి ఎంపీ గురుమూర్తి ఫొటో లేకపోవడంతో అభ్యంతరం వ్యక్తం చేశారు. ఎన్నికల కోడ్‌ అమల్లోకి రావడంతో వైఎస్సార్‌సీపీ ప్రభుత్వంలో పట్టాల పంపిణీ నిలిచిపోయింది. దానిని ఇప్పుడు టీడీపీ నాయకులు పంపిణీ చేశారు. కార్యక్రమంలో సూళ్లూరుపేట ఆర్డీఓ కిరణ్మయి, మాజీ ఎంపీ నెలవల సుబ్రమణ్యం నాయకులు పాల్గొన్నారు.

ఉచిత బస్సు ప్రయాణం బాగానే ఉంది. నేను విజయవాడ దుర్గమ్మ గుడికి వెళ్లి రావాలంటే పల్లె వెలు గు బస్సులో వెళ్లి ఎప్పుడు రావాలి? ఆ పల్లె వెలుగు బస్సులు ఎన్ని మారాలి? ఇది అయ్యే పనేనా నాయనా? కాణిపాకం వెళ్లి రావాలన్నా పల్లె వెలుగు బస్సులో ఎప్పుడు వెళ్లి రావాలి? – సరోజమ్మ, తిరుపతి ఉపాధి అవకాశాలు కల్పించండి మా తల్లిదండ్రులు పెద్ద చదువులు చదివించలేకపోయారు. చదివిన చదువుతో ఉద్యోగాలు దొరకడం లేదు. అప్పు చేసి ఆటో కొనుగోలు చేశా. ఆటో నడుపుకుంటూ కుటుంబాన్ని పోషిస్తున్నా. మహిళలకు ఉచిత బస్సు ప్రయాణం అంటున్నారు. ఇస్తే ఇవ్వండి.. కానీ మాకు ఉపాధి అవకాశాలు కల్పించండి. ఉపాధి లేకపోతే మా పరిస్థితేంటి.? – జ్ఞానశేఖర్‌, ఆటోడ్రైవర్‌ , చిత్తూరు

చిత్తూరు కార్పొరేషన్‌ : ప్రజాసమస్యల పరిష్కారానికి జిల్లా పరిషత్‌ సర్వసభ్య సమావేశం చక్కటి వేదిక. ఇందులో అనేక సమస్యలు పరిష్కరించడమే కాకుండా అభివృద్ధి పనులు, కొత్త నిర్ణయాల అమలు పట్ల చర్చించవచ్చు. అయితే ప్రతి సారీ ఉమ్మడి చిత్తూరు జిల్లా పరిధిలో నిర్వహిస్తున్న ఈ సర్వసభ్య సమావేశం తూతూమంత్రంగా సాగుతోంది. ఈ సమావేశం చిత్తూరు, తిరుపతి, అన్నమయ్య జిల్లా పరిధిలో నిర్వహిస్తారు. ఈ మూడు జిల్లాల కలెక్టర్లు, ఆయా శాఖల అధికారులు హాజరైతే ఎన్నో సమస్యలు పరిష్కారమవుతాయి. అయితే ఇప్పటి వరకు తిరుపతి, అన్నమయ్య జిల్లాల కలెక్టర్లు హాజరు కాలేదు. ఆయా జిల్లాల అధికారులు సైతం గైర్హాజరవుతున్నారు. దీంతో ఆయా జిల్లాల పరిధిలోని జెడ్పీటీసీలు సమావేశానికి హాజరై సమస్యలు మొరపెట్టుకుంటున్నా ఫలితం లేకుండా పోతోంది. ప్రతిసారీ అజెండాలో తప్పిదాలే జిల్లా పరిషత్‌ సర్వసమావేశానికి అందజేసే అజెండాలో అన్ని శాఖల పరిధిలో అమలవుతున్న సంక్షేమ, అభివృద్ధి పథకాల సమాచారం పొందుపరచాలి. అయితే అనేక శాఖల అధికారులు అజెండాలో తమ శాఖకు చెందిన సమాచారమే ఇవ్వడం లేదు. ఈ ఏడాది ఏప్రిల్‌ 29న నిర్వహించిన సర్వసభ్య సమావేశానికి అందజేసిన అజెండాలో కేవలం 11 శాఖల సమాచారమే పొందుపరిచారు. ఆ సమాచారంలోనూ అనేక తప్పిదాలున్నాయి. చివరి నిమిషంలో పలు శాఖలు సమాచారం అందజేస్తుండడంతో చాలా తప్పిదాలు చోటు చేసుకుంటున్నాయి. జాడలేని ఆర్థిక సంఘం నిధులు కేంద్ర ప్రభుత్వం విడుదల చేసిన 15వ ఆర్థిక సంఘం నిధులను రాష్ట్ర ప్రభుత్వం ఇవ్వకుండా వేధిస్తోంది. జెడ్పీ, పంచాయతీలకు కలిపి రూ.85 కోట్లు ఇవ్వగా వాటిని పల్లె పాలనకు కేటాయించాల్సి ఉంది. ఆ డబ్బులు మంజూరు చేయకుండా సతాయిస్తోందని సర్పంచ్‌లు ఆగ్రహం వ్యక్తం చేస్తున్నారు. పల్లె పండుగ కింద పంచాయతీరాజ్‌ పరిధిలో రూ3.కోట్ల బిల్లులు రావాల్సి ఉంది. సెస్‌ బకాయిలు రూ.36.4 కోట్లు జిల్లాలోని గ్రంథాలయాలకు నగరపాలక, పంచాయతీల నుంచి వచ్చే సెస్‌ చెల్లించకుండా కూటమి ప్రభుత్వం వేధిస్తోంది. ప్రతినెలా ఉద్యోగుల జీతాలు, నిర్వహణ కలిపి మొత్తం రూ.80 లక్షలు అవుతుంది. ఉమ్మడి జిల్లా పరిధిలో సెస్‌ బకాయిలు రూ.36.40 కోట్లు రావాల్సి ఉంది. నూతన విద్యుత్‌ సర్వీసులకు మీనమేషాలు ఉమ్మడి జిల్లాలో డబ్బులు కట్టించుకొని విద్యుత్‌ ఇవ్వాల్సిన సర్వీసులు 4 వేలకు పైగా ఉన్నాయి. శాఖా పరంగా కట్టిన డబ్బులకంటే పలుకుబడి, అధికారులకు మామూళ్లు ఇచ్చుకున్నవారికే సర్వీసులు జిల్లా స్టోర్స్‌ నుంచి త్వరగా విడుదలవుతున్నాయి. అత్యవసర కోటా కింద పరికరాలు తీసుకునే వెసులుబాటు ఉన్నా అవి ఇచ్చిన దాఖలాలు లేవు. ఆరోగ్యశ్రీ బకాయిలు రూ.260 కోట్లు ఉమ్మడి జిల్లాలో ఆరోగ్యశ్రీ బకాయిలు పేరుకుపోతున్నాయి. ఇప్పటివరకు రూ.260 కోట్లకుపైగా ప్రయివేటు ఆస్పత్రులకు చెల్లించాల్సి ఉంది. విద్యుత్‌ బకాయిలు రూ.500 కోట్లు పలు ప్రభుత్వ శాఖలు, పంచాయతీల పరంగా రూ.500 కోట్ల మేర విద్యుత్‌ శాఖకు రావాల్సి ఉంది. ఇలాంటి మొండి బకాయిలపై అసలు దృష్టి పెట్టడం లేదు. వీటికి తోడు ఓ వైపు ప్రీపెయిడ్‌ మీటర్ల ఏర్పాటు జోరుగా సాగుతోంది. కాలనీల్లో మౌలిక వసతులు కరువు ఉమ్మడి చిత్తూరు జిల్లా వ్యాప్తంగా వేలాదిగా జగనన్న కాలనీలను గత వైఎస్సార్‌సీపీ ప్రభుత్వం ఏర్పాటు చేసింది. ప్రస్తుతం అధికారంలోకి వచ్చిన కూటమి ప్రభుత్వం ఆ కాలనీల్లో మౌలిక వసతులను కల్పించడంలో అలసత్వం వహిస్తోంది. ఆ కాలనీల వైపు కన్నెత్తి కూడా చూడని పరిస్థితులున్నాయి. వేతనాల కోసం ధర్నా చేస్తున్న గ్రీన్‌అంబాసిడర్లు(ఫైల్‌) పరిష్కారం కాని అన్నదాత కష్టాలు జిల్లాలో అన్నదాతలు కష్టాల కడలిలో కొట్టుమిట్టాడుతున్నారు. జిల్లాకు 40,338 క్వింటాళ్ల వేరుశనగ విత్తనాలు అవసరం కాగా 26,350 క్వింటాళ్లు మాత్రమే కేటాయించింది. వ్యవసాయ రుణాలు రెన్యూవల్‌ చేసుకోవాలంటే అప్పటి వరకు ఉన్న మొత్తాన్ని పూర్తిగా చెల్లించాలని కొత్తగా మెలిక పెట్టారు. జిల్లాలో వేలాది మంది రైతులు వివిధ బ్యాంకుల్లో రూ.3,341 కోట్ల రుణం తీసుకుని అవస్థలు ఎదుర్కొంటున్నారు. మొక్కుబడిగా జెడ్పీ సర్వసభ్య సమావేశం ప్రజాప్రతినిధుల జీతాలకే దిక్కులేదు ఉమ్మడి చిత్తూరు జిల్లా పరిధిలో జెడ్పీటీసీ, సర్పంచ్‌ల జీతాలకు దిక్కులేదు. ఉమ్మడి జిల్లాలోని 65 మండలా జెడ్పీటీసీలకు నెలకు రూ.6వేల చొప్పున గౌరవ వేతనం ఇవ్వాల్సి ఉంది. కానీ అనేక నెలలుగా ఇవి పెండింగ్‌లో ఉండగా ఇప్పటికి రూ.1.7 కోట్లు రావాల్సి ఉంది. అలాగే సర్పంచ్‌లకు ఇవ్వాల్సిన రూ.3వేల గౌరవ వేతనం కూడా ఇవ్వడం లేదు. వారికి రూ.1.72 కోట్ల బకాయిలు పేరుకుపోయాయి. మామూళ్ల మత్తులో ఇంజినీరింగ్‌ శాఖ ఇంజినీరింగ్‌ శాఖ అధికారులు మామూళ్ల మత్తులో జోగుతున్నారు. జిల్లా ఆర్‌అండ్‌బీ పరిధిలో 15 ఏఈలకుగాను ముగ్గురే ఉన్నారు. వీరే అన్ని నియోజకవర్గాలను పర్యవేక్షించాల్సి ఉంది. ప్రతి పనికీ పైసలు ఇవ్వనిదే చేయడం లేదని కాంట్రాక్టర్లు బహిరంగంగా చెబుతున్నారు. సంవత్సరాల కాలంగా ఆర్‌డబ్ల్యూఎస్‌, పీఆర్‌ శాఖలకు ఇన్‌చార్జి ఎస్‌ఈలే దిక్కుగా మారారు. ఆర్‌డబ్ల్యూఎస్‌లో 50 మంది ఏఈలకు 34 మందే ఉన్నారు. ఇక పంచాయతీరాజ్‌లోనూ ఇన్‌చార్జ్‌ల పాలన సాగుతోంది. ఇక్కడ డీఈలు 15 మందికి గాను ఐదుగురు, 62 మంది ఏఈలకు గాను 37 మంది, ఇంజినీర్‌ సహాయకులు 504కు గాను 90 మంది కొరత ఉన్నారు. ట్రాన్స్‌కోలోనూ 40 మంది ఏఈలకు గాను దాదాపు 12 మంది తక్కువగా ఉన్నారు. ఫలితం శూన్యం జెడ్పీ సమావేశాలంటే పలు శాఖల అధికారులకు లెక్క లేకుండా పోయింది. దీనిపై జెడ్పీ చైర్మన్‌, జెడ్పీటీసీలు హెచ్చరించినా ఫలితం లేకుండా పోతోంది. ముఖ్యంగా ఎన్‌హెచ్‌ఎఐ, అటవీశాఖ, విద్యుత్‌శాఖ, డ్వామా, డీఆర్‌డీఎ, డీఎంఅండ్‌హెచ్‌, విద్యశాఖ అధికారులు రావడం లేదు. సోషల్‌ మీడియా కోసం రీల్స్‌ పెట్టడానికి కొందరు వీడియోలు చేస్తూ హడావిడి చేస్తున్నారు.

వాకాడు : పులివెందుల, ఒంటిమిట్ట జడ్పీటీసీ ఉప ఎన్నికల్లో ప్రజాస్వామ్యాన్ని ఖూనీ చేశారని వైఎస్సార్‌సీపీ వెంకటగిరి నియోజకవర్గం సమన్వయకర్త నేదురుమల్లి రామ్‌కుమార్‌రెడ్డి మండిపడ్డారు. ఈ సందర్భంగా ఆయన గురువారం వాకాడులో పర్యటించి మాట్లాడుతూ.. అధికార కూటమి ప్రభుత్వం తన గూండాల చేత ఎన్నికలను ఏక పక్షంగా రిగ్గింగ్‌ చేసుకుందని ఆరోపించారు. ప్రజాబలం లేకున్నా తన అధికారం అండతో పులివెందుల జడ్పీటీసీ ఉప ఎన్నికలో కూటమి ప్రభుత్వం సాగించిన దౌర్జన్యం, దుర్మార్గాన్ని ప్రజలంతా గమనించారని, తప్పకుండా వారికి బుద్ధి చెప్పి తీరుతారన్నారు. కూటమి ప్రభుత్వం చేస్తున్న దౌర్జాన్యాలకు చంద్రబాబు, వారి నాయకులు తగిన మూల్యం చెల్లించుకోక తప్పదన్నారు. రాజ్యాంగానికి తూట్లు పొడవడంలో.. ప్రజాస్వామ్యాన్ని చెరబట్టడంలోనూ.. తాను బ్రాండ్‌ అంబాసిడర్‌నని చంద్రబాబు మరోమారు నిరూపించారన్నారు. కూటమి ప్రభుత్వానికి ముగింపు పలికే రోజులు దగ్గరపడ్డాయన్నారు. ప్రజలంతా వైఎస్సార్‌సీపీ పక్షాన ఉన్నారని రామ్‌కుమార్‌రెడ్డి పేర్కొన్నారు.

తిరుపతి తుడా : ఎస్వీ వైద్య కళాశాలలో నీట్‌–2025 తొలి విడత ఎంబీబీఎస్‌ ప్రవేశాలు ప్రారంభమయ్యాయి. ఈ మేరకు గురువారం ఉత్తమ ర్యాంక్‌ సాధించిన తిరుపతికి చెందిన గుణ భూషణ్‌కు ప్రిన్సిపల్‌ డాక్టర్‌ రవిప్రభు తొలి అడ్మిషన్‌ ధ్రువపత్రాన్ని అందించారు. ఉత్తమ టీచర్ల ఎంపికకు ఇంటర్వ్యూలు తిరుపతి సిటీ : జిల్లాలో రాష్ట్ర స్థాయి ఉత్తమ ఉపాధ్యాయుల ఎంపిక కోసం ఇంటర్వ్యూలు గురువారం జిల్లా విద్యాశాఖాధికారి కార్యాలయంలో నిర్వహించారు. సెప్టెంబర్‌ 5వ తేదీ టీచర్స్‌డే సందర్భంగా విజయవాడ కేంద్రంగా రాష్ట్ర స్థాయిలో ఉత్తమ ఉపాధ్యాయుల అవార్డులను అందించనున్నారు. ఇందులో భాగంగా జిల్లా నుంచి 41 మంది ఉపాధ్యాయుల నుంచి దరఖాస్తులు అందాయి. డీఈఓ కేవీఎన్‌ కుమార్‌ ఆధ్వర్యంలోని కమిటీ ఇంటర్వ్యూలు నిర్వహించి ఇద్దరు ప్రధానోపాధ్యాయులు, నలుగురు స్కూల్‌ అసిస్టెంట్లు, ఇద్దరు సెకండరీ గ్రేడ్‌ టీచర్లను మొత్తం ఎనిమిది మందిని ఎంపిక చేసి రాష్ట్ర ప్రభుత్వానికి పంపనుంది. ఇందులో నుంచి నలుగురుని ఉత్తమ ఉపాధ్యాయులుగా ప్రభుత్వం ఎంపిక చేసి సెప్టెంబర్‌ 5న అవార్డులను అందించనుంది. రాష్ట్రస్థాయి జూడో పోటీల్లో విద్యార్థినికి పతకం ఏర్పేడు : ఈనెల 8, 9వ తేదీలలో గుంటూరు జిల్లాలో జరిగిన రాష్ట్ర స్థాయి జూడో పోటీలలో ఉమ్మడి చిత్తూరు జిల్లా జూడో జట్టుకు ప్రతినిధ్యం వహించిన ఏర్పేడు మండలం పాపానాయుడుపేట జెడ్పీ ఉన్నత పాఠశాల విద్యార్థిని యామిని 40 కేజీల విభాగంలో కాంస్య పతకం సాధించినట్లు హెచ్‌ఎం మారయ్య తెలిపారు. జూడో పోటీలలో ప్రతిభ కనబరిచిన ఆమెను పాఠశాల ఉపాధ్యాయులు అభినందించారు.

కోట : గూడలిలోని కామాక్షీదేవి సమేత సంగమేశ్వర స్వామి దేవస్థానం బ్రహ్మోత్సవాల అనంతరం సంగమేశ్వరుని సన్నిధిలోని హుండీ చోరీకి గురైనట్లు గ్రామస్తులు తెలిపారు. గ్రామపెద్దలు ఈ విషయమై చర్చించేందుకు గురువారం ఆలయం వద్ద సమావేశమయ్యారు. దేవాదాయశాఖ ఈఓ శశాంక్‌, ఆలయ అర్చకుడు కార్తీక్‌పై వారు ఆరోపణలు చేశారు. బ్రహ్మోత్సవాల సందర్భంగా భక్తులు స్వామి వారి హుండీలో నగదు, కానుకలు వేశారని, మే 3వ తేదీ రాత్రి ప్రధాన ద్వారం తలుపు తాళాలు పగులగొట్టి ఉన్నట్లు వాచ్‌మెన్‌ గుర్తించి పూజారి, ఈఓకు ఫిర్యాదు చేశారని, అయితే వారు చోరీ విషయాన్ని బయటపెట్టకుండా దాచి ఉంచారని గ్రామస్తులు తెలిపారు. స్వామి వారి హుండీలో ఉన్న రూ.లక్షల రూపాయలు మాయం అయ్యాయన్నారు. దీనిపై ఉన్నతాధికారులు విచారణ జరిపాలన్నారు. పీఠం కదిలిందా..కదిలించారా.. కామాక్షీదేవి సమేత సంగమేశ్వర స్వామి దేవస్థానంలో అమ్మవారి పీఠం కదిలిందని ఈనెల 10 నుంచి మూడు రోజులు ప్రతిష్ఠా మహోత్సవాలు నిర్వహించారు. దీనిపై గ్రామపెద్దలు అనుమానం వ్యక్తం చేస్తున్నారు. గుప్త నిధి కోసం పీఠాన్ని కదిలించారన్న అనుమానం వ్యక్తం చేశారు. ఉప సర్పంచ్‌ విజయసారఽథిరెడ్డి, షనీల్‌రెడ్డి, సత్యనారాయణ, వెంకటక్రిష్ణారెడ్డి, దేవేంద్రరెడ్డి, రఘునాథరెడ్డి పాల్గొన్నారు.

తిరుపతి అర్బన్‌ : ప్రభుత్వ లక్ష్యం మేరకు కార్యక్రమాలను అమలు చేయడంలో పురోగతి చూపాలని ఇన్‌చార్జి జోనల్‌ ఆఫీసర్‌, రాష్ట్ర వైద్య ఆరోగ్య , కుటుంబ సంక్షేమశాఖ చీఫ్‌ సెక్రటరీ ఎంటీ కృష్ణబాబు వెల్లడించారు. కలెక్టరేట్‌లో ఆయన గురువారం కలెక్టర్‌ వెంకటేశ్వర్‌, జేసీ శుభం బన్సల్‌, తిరుపతి కార్పొరేషన్‌ కమిషనర్‌ మౌర్య, అడిషనల్‌ ఎస్పీ రవిమనోహరాచారి, ట్రైనీ కలెక్టర్‌ సందీప్‌ రఘువాన్షి, డీఆర్వో నరసింహులతో కలసి ప్రభుత్వ కార్యక్రమాల అమలుపై అధికారులతో సమీక్షించారు. ఈ సందర్భంగా ఆయన మాట్లాడుతూ.. స్వర్ణాంధ్ర..స్వచ్ఛాంధ్ర, పీ4 కార్యక్రమాల పనితీరును తెలుసుకున్నారు. జిల్లాల వారీగా ర్యాంకింగ్‌ ఉంటుందని హెచ్చరించారు. నిర్లక్ష్యంగా వ్యవహరిస్తే చట్టపరమైన చర్యలు తప్పవని స్పష్టం చేశారు. అలాగే వ్యవసాయ, ఉద్యానశాఖ అభివృద్ధికి పనిచేయాలని చెప్పారు. కొత్త ఆలోచనలతో జిల్లాను అభివృద్ధి దిశగా తీసుకుపోవాలని ఆయన సూచించారు. అనంతరం కలెక్టర్‌ మాట్లాడుతూ.. ప్రభుత్వ లక్ష్యాలను అధిగమించడానికి ప్రతి మూడు నెలలకు ఒకసారి సమీక్షించి పురోగతిని చూపుతామని చెప్పారు. అలాగే వ్యవసాయ, ఉద్యానశాఖల అభివృద్ధికి కృషి చేస్తామన్నారు.

చంద్రగిరి : స్వాతంత్య్ర దినోత్సవాన్ని పురస్కరించుకుని చంద్రగిరిలోని బ్లూమింగ్‌ బడ్స్‌ పాఠశాల విద్యార్థులు ఎంఈఓ లలిత ఆధ్వర్యంలో భారీ జాతీయ జెండాతో గురువారం ర్యాలీ నిర్వహించారు. సుమా రు 1500 అడుగుల భారీ జాతీ య జెండాతో చంద్రగిరి పురవీధుల్లో ర్యాలీ చేపట్టారు. కార్యకమ్రంలో పాఠశాల చైర్మన్‌ హితేంద్రనాథ్‌ రెడ్డితో పాటు ప్రిన్సిపల్‌ వేణుగోపాల్‌ పాల్గొన్నారు. 20న రుణమేళాపై అవగాహన తిరుపతి కల్చరల్‌ : జిల్లా పరిశ్రమల కేంద్రం, ఎంఎస్‌ఎంఈ ఛాంబర్‌ ఆఫ్‌ కామర్స్‌ సంయుక్త ఆధ్వర్యంలో ఈనెల 20వ తేదీన రామానుజ సర్కిల్లోనున్న రెగాలియా హోటల్లో రుణమేళా, కేంద్ర ప్రభుత్వ రాయితీ పథకాలపై అవగాహన కార్యక్రమం నిర్వహించనున్నట్లు ఆ సంస్థ జిల్లా కో ఆర్డినేటర్‌ వెంకటేష్‌ ఒక ప్రకటనలో తెలిపారు. కార్యక్రమానికి వివిధ బ్యాంకుల ప్రతినిధులు హాజరువుతారని, అర్హత కలిగిన ఔత్సాహిక పారిశ్రామిక వేత్తలను గుర్తించి వారికి తక్షణమే రుణాలు మంజూరు చేసేందుకు చర్యలు తీసుకోనున్నట్లు తెలిపారు. ఈ రుణ మేళాలకు హాజరయ్యే వారు ఈనెల 19వ తేదీలోపు తమ పేర్లను నమోదు చేసుకోవాలని కోరారు. మరిన్ని వివరాలకు 9490190498, 7995915450 నంబర్లను సంప్రదించాలని తెలియజేశారు. తిరుమలలో దొంగల చేతివాటంతిరుమల : పార్కింగ్‌ లో ఉంచిన కారు అద్దాలు పగులకొట్టి గుర్తుతెలియని దండగులు చోరీకి పాల్పడిన సంఘటన గురువారం వెలుగు చూసింది. తిరుమల టూ టౌన్‌ పీఎస్‌ సీఐ శ్రీరాముడు తెలిపిన వివరాల మేరకు తమిళనాడు రాష్ట్రం, వేలూరుకు చెందిన నిత్యవేలు కుటుంబ సభ్యులతో కలిసి కారులో బుధవారం తిరుమలకు చేరుకున్నారు. స్థానిక నారాయణగిరి పార్కింగ్‌లో కారును ఉంచి శ్రీవారి దర్శనానికి వెళ్లారు. తిరిగీ గురువారం ఉదయం వచ్చి చూడగా కారు వెనుక అద్దాలు పగులకొట్టి ఉన్నాయి. కారులోని బ్యాగులో ఉంచిన రెండు జతల కమ్మలు చోరీకి గురైనట్లు గుర్తించారు. పోలీసుల సంఘటనా స్థలానికి చేరుకుని క్లూస్‌ టీం రప్పించి ఆధారాలు సేకరించారు. చోరీపై భక్తుల ఫిర్యాదు మేరకు కేసును నమోదు చేసి దర్యాప్తు చేస్తున్నట్లు సీఐ తెలిపారు. స్కూళ్లను తనిఖీ చేయండి : కలెక్టర్‌ తిరుపతి అర్బన్‌: కార్యాలయాలకే పరిమితం కాకుండా స్కూళ్లను తనిఖీ చేయాలని కలెక్టర్‌ వెంకటేశ్వర్‌ ఆదేశించారు. ఉప విద్యాశాఖాధికారిగా బాధ్యతలు స్వీకరించిన ఇందిరాదేవి గురువారం కలెక్టర్‌ వెంకటేశ్వర్‌ను కలెక్టరేట్‌లో మర్యాదపూర్వకంగా కలిశారు. ఈ సందర్భంగా ఆమెకు కలెక్టర్‌ మార్గదర్శనంచేశారు. మెనూ ప్రకారం స్కూళ్లలో మధ్యాహ్నం భోజనం పెట్టేలా చూడాలని, నాణ్యమైన విద్య అందేలా చూడాలని ఆదేశించారు.

● సెల్‌ ఫోన్లు చోరీ చేసి బ్యాంకు ఖాతాల్లో నగదు హాంఫట్‌ ● ముగ్గురు నిందితుల అరెస్ట్‌ ● 46 సెల్‌ఫోన్లు, రూ.2.8లక్షలు స్వాధీనం ● నిందితులు హైదరాబాద్‌, అన్నమయ్య జిల్లా, నెల్లూరు వాసులు తిరుపతి క్రైమ్‌: సెల్‌ ఫోన్లు చోరీ చేసి ఆ సెల్‌ ఫోన్‌ ద్వారా బాధితుల బ్యాంకు ఖాతాలోని నగదు హాంఫట్‌ చేస్తున్న కేటుగాళ్లను పోలీసులు అరెస్ట్‌ చేశారు. గురువారం తిరుపతి డీఎస్పీ భక్తవత్సలం ఈస్ట్‌ పోలీస్‌ స్టేషన్‌ విలేకరులకు తెలిపిన వివరాలు..హైదరాబాద్‌కు చెందిన హరికృష్ణ, అన్నమయ్య జిల్లాకు చెందిన అశోక్‌, నెల్లూరు జిల్లాకు చెందిన గడ్డం కసిరెడ్డి ఓ ముఠాగా ఏర్పడి నగరంలో సెల్‌ఫోన్ల చోరీకి పాల్పడేవారు. అలా చోరీ చేసిన మొబైల్‌ ఫోన్లలో ఆ వ్యక్తుల ఫోన్‌ పే, గూగుల్‌ పేను పరిశీలించి అందులో నగదును సరికొత్త ఎత్తుగడలతో కొట్టేసేశారు. ఏటీఎం సెంటర్‌ వద్ద కాపు కాసి, అక్కడ వచ్చే వారికి తమ వారు హాస్పిటల్లో ఉన్నారని, డబ్బులు చాలా అవసరమని ఫోన్‌ పే చేస్తామని, కావాలంటే కమిషన్‌ కూడా ఇస్తామని వారిని నమ్మిస్తారు. ఇలా కహానీలు చెప్పి వీరంతా 49 సెల్‌ ఫోన్లు దొంగతనం చేసి 3.6లక్షలు కాజేసినట్లు ప్రాథమిక విచారణలో తేలింది. హరికృష్ణ నుంచి రూ.లక్ష, 40 సెల్‌ ఫోన్లు, అశోక్‌ నుంచి రూ.90 వేలు, 6 సెల్‌ ఫోన్లు, కసిరెడ్డి నుంచి రూ.90 వేలు, మూడు సెల్‌ ఫోన్లు స్వాధీనం చేసుకున్నారు. ఈ కేసును ఛేదించడంలో ఈస్ట్‌ సీఐ శ్రీనివాసులు, ఎస్‌ఐ హేమాద్రి, సిబ్బంది కృషి చేశారని డీఎస్పీ వారిని అభినందించారు.

చిల్లకూరు : స్థానిక సంస్థల ఎమ్మెల్సీ, గూడూరు నియోజకవర్గ వైఎస్సార్‌సీపీ సమన్వయకర్త మేరిగ మురళీధర్‌కు పితృవియోగం కలిగింది. రాపూర్‌నకు చెందిన మేరిగ ఆనందరావు (89) కొంత కాలంగా అనారోగ్యంతో బాధపడుతూ చికిత్స పొందుతున్నాడు. ఈ క్రమంలో గురువారం ఆయన అకస్మాత్తుగా చివరి శ్వాస విడిచారు. ఆయన భౌతిక కాయాన్ని రాపూరులోని ఆయన స్వగృహానికి నెల్లూరు నుంచి తరలించారు. అంతిమ యాత్ర శుక్రవారం మధ్యాహ్నం ఒంటి గంటకు ఇంటి వద్ద నుంచి బయలుదేరుతుందని కుటుంబ సభ్యులు తెలిపారు. ఆనందరావు వ్యవసాయ కుటుంబంలో జన్మించినప్పటికీ కొంత రాజకీయ పరిణితి ఉన్నవాడు కావడంతో చదువుతోనే దానిని సాధిచగమని గుర్తించి తన ఐదుగురి సంతానంలో ముగ్గురు కుమారులను వైద్యవృత్తిని చేయించారు. ఈ క్రమంలోనే మేరిగ మురళీధర్‌ను ఉన్నత చదువులు చదివించిన తరువాత ఆయనకు ఇష్టమైన రాజకీయాలలోకి పంపి నేడు ఉన్నతమైన స్థానంలో ఉండేలా ప్రోత్సహించారు. ఆనందరావు మృతి చెందిన విషయం తెలుసుకున్న పలువురు మేరిగ మురళీధర్‌కు తమ ప్రగాఢ సంతాపం తెలియజేశారు.

చంద్రగిరి : వెటర్నరీ యూనివర్శిటీలో జరుగుతున్న అన్యాయాలపై ప్రశ్నిస్తే బీసీ విద్యార్థులపై అగ్ర కులాలకు చెందిన కొంత మంది దౌర్జన్యాలు చేయడంపై బీసీ సంఘం విద్యార్థులు మండిపడ్డారు. వెటర్నరీ యూనివర్సిటీలోని నకుల హాస్టల్లో విద్యార్థులకు అందించే అల్పాహారంలో పురుగులు రావడంతో ఓబీసీ విద్యార్థి సంక్షేమం సంఘం జాతీయ అధ్యక్షుడు నాగేశ్వర్‌రావు వార్డెన్‌ తిరుపతిరెడ్డి దృష్టికి తీసుకెళ్లాడు. అయితే వార్డెన్‌తో మాట్లాడుతున్న క్రమంలో కొంత మంది విద్యార్థులు నాగేశ్వర్‌రావుపై దౌర్జన్యానికి యత్నించడంతో బీసీ విద్యార్థులు మండిపడ్డారు. అనంతరం విద్యార్థి సంఘం నేతలు యూనివర్సిటీ వీసీకి ఫిర్యాదు చేశారు. బీసీ, ఎస్సీ, ఎస్టీ సామాజిక వర్గానికి చెందిన విద్యార్థులతో కొంత మంది అగ్ర కులాలకు చెందిన వారు బెదిరింపులకు పాల్పడటం, గొడవలకు రావడం దారుణమన్నారు. వార్డెన్‌కు చెందిన కొంత మంది విద్యార్థి సంఘం నేత నాగేశ్వర్‌రావుపై దౌర్జన్యానికి పాల్పడటం దారుణమన్నారు. ఇలాంటి ఘటనలపై చర్యలు తీసుకోకపోతే పెద్ద ఎత్తున బీసీ విద్యార్థి సంఘాలతో నిరసనకు దిగుతామని వీసీ ఎదుట స్పష్టం చేశారు. వీసీ కేవీ.రమణ మాట్లాడుతూ.. సోమవారం ఈ విషయమై విచారణ జరిపి బాధ్యులపై చర్యలు తీసుకుంటామని విద్యార్థి సంఘ నేతలకు వివరించారు.

కర్మాగారం ముందు బైఠాయించిన ఽ నైట్‌ షిఫ్టు కార్మికులు ‘‘నాలుగు పరిశ్రమలు మా ప్రాంతంలో నెలకొల్పితే ఉద్యోగం, ఉపాధి దొరుకుతుందని సంబరపడ్డాం. అయితే కంపెనీల యాజమాన్యం నిరంకుశ వైఖరిని చూస్తే దిక్కుతోచక నివ్వెరబోతున్నాం. రోజూ 12 గంటల పాటు శ్రమదోపిడీకి పాల్పడుతుంటే మౌనంగా భరిస్తున్నాం. కనీస వసతులు కల్పించకపోయినా నోరెత్తకుండా పనిచేశాం. ఇక తట్టుకోలేక ఇన్నేళ్లకి తిరగబడ్డాం. వెట్టిచాకిరీ చేస్తున్నా వేతనంలో కోత విధించడం దారుణం. ప్రశ్నించినందుకు సెక్యూరిటీ సిబ్బందితో దాడి చేయించడం దుర్మార్గం’’ అంటూ రేణిగుంటలోని కార్బన్‌, నియో లింక్‌ పరిశ్రమ కార్మికులు మండిపడ్డారు. కంపెనీ తీరుపై ఆగ్రహం వ్యక్తం చేశారు. రేణిగుంట : తిరుపతిని ఎలక్ట్రానిక్‌ మ్యానుఫాక్చరింగ్‌ హబ్‌గా గుర్తించి రేణిగుంట విమానాశ్రయ రహదారిలో ఈఎంసీ1, సీఎంసీ–2లో పదుల సంఖ్యలో కంపెనీలు వెలిశాయి. ఆయా పరిశ్రమల యాజమాన్యాలు స్థానిక యువతను అన్‌స్కిల్డ్‌ కింద కూలీలుగా పనిలో పెట్టుకుని శ్రమదోపిడీకి పాల్పడుతున్నాయి. ఏళ్ల తరబడి వెట్టి చాకిరీ చేసిన యువత జీతంలో కూడా కోత పెట్టడంతో వారిలో ఆగ్రహం కట్టలు తెంచుకుంది. రోడ్డెక్కి కంపెనీకి వ్యతిరేకంగా నినాదాలు చేశారు. కార్మిక సంక్షేమ చట్టాలు, కనీస వేతన చట్టాలను అమలు చేయాలని డిమాండ్‌ చేశారు. పొట్ట పోషణకు వస్తే రేణిగుంటలోని కార్బన్‌, నియో లింక్‌ పరిశ్రమలో దారుణాలు చోటు చేసుకుంటున్నాయి. కుటుంబ పోషణ కొరకు పొట్ట చేత పట్టుకొని చుట్టుపక్కల ఉన్న పారిశ్రామిక వాడల్లో చిరు ఉద్యోగులుగా స్థానిక యువత వారి జీవితాలను దగా చేస్తున్నాయి. అయితే బుధవారం నియో లింక్‌ పరిశ్రమలో తాము ఎదుర్కొంటున్న ఇబ్బందులపై వందల మంది కార్మికులు రోడ్డెక్కారు. విధులను బహిష్కరించి నిరసన గళం వినిపించారు. లేబర్‌ చట్టాల ప్రకారం రూ.23 వేల కనీస వేతనం చెల్లించాల్సి ఉండగా ఆ సంస్థ 8 గంటల పని కాకుండా అదనంగా 12 గంటలు పని చేయించుకుంటూ కేవలం రూ.10వేల నుంచి రూ.13 వేలు మాత్రమే చెల్లింస్తోందని కార్మికులు వాపోయారు. మహిళలకి సైతం మౌలిక వసతులు కూడా కల్పించడంలో కంపెనీ విఫలమైందని ఆగ్రహం వ్యక్తం చేశారు. ప్రశ్నించిన వారిపై దాడి చేయించి, ఐడీ కార్డు బలవంతంగా తీసుకొని విధుల నుంచి తొలగిస్తున్నారని ఆరోపించారు. ఎదురు తిరిగితే సెక్యూరిటీ దారుణంగా దాడి చేస్తున్నారని ఆందోళన వ్యక్తం చేశారు. ఈ క్రమంలో బుధవారం ఉదయం, రాత్రి రెండు విడతలగా కార్మికులు రోడ్డుపై బైఠాయించి నిరసన తెలిపారు. సీఐ జయ చంద్ర, ఎస్‌ఐ సుధాకర్‌ హుటాహుటిన కంపెనీ వద్దకు చేరుకుని కార్మికులతో మాట్లాడారు. అనంతరం కార్బన్‌ యాజమాన్యం రంగంలోకి దిగి కార్మికులకు న్యాయం చేస్తామని హామీ ఇచ్చింది. లేబర్‌ కమిషన్‌ క్షేత్రస్థాయిలో విచారణ చేపట్టి కార్మికులకు సమస్యలు పరిష్కరించాలని వామపక్ష నేతలు డిమాండ్‌ చేశారు. కంపెనీ ఎదుట డే షిఫ్ట్‌ కార్మికులు కార్బన్‌–నియోన్‌ కంపెనీ శ్రమ దోపిడీపై ఆందోళన సెక్యూరిటీ సిబ్బందితో దాడి చేయించడంపై ఆగ్రహం 12 గంటలు పనిచేయించుకోవడంపై ఆవేదన

చిత్తూరు కలెక్టరేట్‌ : కూటమి ప్రభుత్వం అధికారంలోకి వచ్చాక రెవెన్యూ సమస్యలను పరిష్కరించకపోగా కొత్త సమస్యలను సృష్టిస్తోంది. ఎన్నో సంవత్సరాలుగా సజావుగా రైతులకు ఇబ్బందులు లేకుండా కొనసాగుతున్న మీ భూమి, భూ నక్షత్ర పోర్టల్‌లో కూటమి ప్రభుత్వం మార్పులు తీసుకొచ్చింది. గత నెల రోజులుగా కూటమి ప్రభుత్వం మీ భూమి పోర్టల్‌ లో తెచ్చిన కొత్త మార్పులతో రైతులు, ప్రజలు తీవ్ర ఇబ్బందులు ఎదుర్కొంటున్నారు. సజావుగా సాగుతున్న మీ భూమి పోర్టల్‌కు ఓటీపీ లాగిన్‌ను ఏర్పాటు చేయడంతో క్షేత్రస్థాయిలో సమస్యలు అధికమవుతున్నాయి. రైతులు, ప్రజలు తమ భూముల వివరాలను మీ భూమి పోర్టల్‌ లో తెలుసుకోలేక అవస్థలు పడుతున్నారు. ఈ సమస్యను చిత్తూరు, తిరుపతి జిల్లాల్లోని ఉన్నతాధికారులకు మొరపెట్టుకుంటున్నప్పటికీ తమ చేతుల్లో ఏమీ లేదంటూ చేతులెత్తేస్తున్నారు. నెట్‌ స్పీడు లేకున్నా మొరాయింపే చిత్తూరు, తిరుపతి జిల్లాల్లోని అన్ని నియోజకవర్గాల్లో ఉన్న మండలాల్లో నెట్‌ వేగం అంతంత మాత్రమే. నగరాల్లో మాత్రమే 5 జీ నెట్‌వర్క్‌ అందుబాటులో ఉంటుంది. గ్రామాల్లో నెట్‌వర్క్‌ సౌకర్యం సరిగ్గా లేకపోవడంతో ఇంటర్‌నెట్‌ సౌకర్యం అంతంత మాత్రంగానే ఉండే పరిస్థితి. ఈ క్రమంలో గ్రామాల్లో మీ భూమి వెబ్‌సైట్‌ లో వివరాలు పొందేందుకు రైతులు ఓటీపీ నమోదు చేశాకే వెబ్‌ల్యాండ్‌ ఓపెన్‌ అవుతోంది. నెట్‌ స్పీడు లేకపోయినా మీ భూమి పోర్టల్‌ ఓపెన్‌ అవ్వని పరిస్థితి క్షేత్రస్థాయిలో చోటు చేసుకుంటున్నాయి. గ్రామాల్లో మీ భూమి పోర్టల్‌ లో భూ వివరాలు పొందేందుకు రైతులు అష్టకష్టాలు పడాల్సిన దుస్థితి ఏర్పడింది. కూటమి ప్రభుత్వం మీ భూమి పోర్టల్‌కు లాగిన్‌ ఆప్షన్‌ పెట్టడంతోనే ఈ కొత్త కష్టాలు రైతులకు మొదలయ్యాయి. పోర్టల్‌లో సమస్యలు కూటమి ప్రభుత్వం మార్పులు చేసిన మీ భూమి పోర్టల్‌ లో వింత సమస్యలు ఎదురవుతున్నాయి. గత మీ భూమి పోర్టల్‌ ను పూర్తిగా తొలగించడంతో అందులోని సమగ్ర వివరాలు మాయమయ్యాయి. ప్రస్తుతం చాలా వరకు భూముల వివరాలు మీ భూమి పోర్టల్‌ లో కనిపించడం లేదు. ఈ సమస్యలు చిత్తూరు, తిరుపతి జిల్లాలు మొత్తం ఉన్నాయి. ఇదే సమయంలో పోర్టల్‌ మొరాయింపుతో రైతులకు అవసరమైన భూ పత్రాలు పొందలేక పోతున్నారు. రైతులు తమకు అవసరమైన పత్రాలు సకాలంలో బ్యాంకులలో ఇవ్వలేకపోతుండటంతో రుణాలు పొందలేక నష్టపోతున్నారు. రైతులు నెట్‌ సెంటర్‌ల వద్ద రోజంతా నిరీక్షిస్తున్నప్పటికీ తమకు అవసరమైన భూ పత్రాలను పొందలేకపోతున్నారు. కూటమి ప్రభుత్వం రైతుల పట్ల కక్ష సాధింపుతోనే ఇలాంటి నిర్ణయాలు తీసుకుంటోందని విమర్శలు వెలువెత్తుతున్నాయి. మీ భూమి పోర్టల్‌ ను పాత పద్ధతిలోనే అమలు చేయాలని రైతులు డిమాండ్‌ చేస్తున్నారు. అవసరమైన పత్రాలు పొందలేకపోతున్నా నాకు 1బీ, ఎఫ్‌ఎంబీ పత్రాలు అవసరం పడ్డాయి. ఈ పత్రాల కోసం 20 రోజులుగా తిరుగుతున్నా. ప్రతి రోజు నెట్‌ సెంటర్ల వద్దకు వెళ్తున్నా. ప్రస్తుత ప్రభుత్వం మీ భూమి పోర్టల్‌కు ఓటీపీ విధానం అని కొత్తగా పెట్టిందంట. మొదట్లో ఆ ఓటీపీ చెప్పాలంటే భయమేసింది. తర్వాత చేసేదేమిలేక ఆ ఓటీపీ ని కూడా చెప్పాను. అయినప్పటికీ నాకు అవసరమైన భూ పత్రాలను పొందలేకపోయాను. సజావుగా సాగుతున్న మీ భూమి పోర్టల్‌ లో ఇలాంటి అనాలోచిత నిర్ణయాలు తీసుకుని రైతులను ఇబ్బందులు పెడుతున్నారు. పూర్వపు విధానమే అమలు చేయాలి. – నాగభూషణం, రైతు, చిత్తూరు జిల్లా పాత పద్ధతినే అమలు చేయాలి అసలే భూ సమస్యలు ఎక్కువగా ఉన్నాయి. ఈ క్రమంలో వాటిని పరిష్కరించేందుకు చర్యలు చేపట్టాలి. అంతే కాని రైతులపై కక్ష సాధింపునకు పాల్పడే విధంగా కొత్త నిర్ణయాలు అమలు చేయడం సబబు కాదు. మీ భూమి పోర్టల్‌ లో తెచ్చిన మార్పులపై క్షేత్రస్థాయిలో రైతులు ఇబ్బందులు పడుతున్నారు. సకాలంలో అవసరమైన భూ పత్రాలు పొందలేకపోతున్నారు. ఎందుకు ఇలాంటి అనాలోచిత నిర్ణయాలు అమలు చేస్తున్నారో అర్థం కావడం లేదు. పాత పద్ధతిలోనే మీ భూమి పోర్టల్‌ ను కొనసాగించాలి. – గోవర్ధన్‌, రైతు, చిత్తూరు జిల్లా గతంలో భూములకు సంబంధించి 1బీ తీయాలన్నా.. అడంగల్‌ కావాలన్నా...ఎఫ్‌ఎంబీ అవసరం ఉన్నా ఆన్‌లైన్‌ సెంటర్‌కు వెళ్లి నిమిషాల్లో మీ భూమి పోర్టల్‌ లో పొందేందుకు అవకాశం ఉండేది. కూటమి ప్రభుత్వం పుణ్యాన ప్రస్తుతం వాటిని పొందడం అంత సులభం కాదు. మీ భూమి పోర్టల్‌ను ఓపెన్‌ చేయాలంటే ముందుగా ఫోన్‌ నంబర్‌ నమో దు చేయాలి. ఆ తరువాత క్యాప్‌చా వస్తుంది. అది ఎంటర్‌ చేసిన తర్వాత ఫోన్‌ నంబర్‌కు ఓటీపీ వస్తుంది. ఆ ఓటీపీ ఎంటర్‌ చేస్తేనే వివరాలు ఓపెన్‌ అవుతా యి. ఈ తతంగం అంతా చేసేందుకు గంటల సమ యం పడుతుంది. ఓటీపీ నమోదు చేసి వివరాలన్ని నమోదు చేశాక ఓకే నొక్కితే సర్వర్‌ మొరాయిస్తూ సైట్‌ ఓపెన్‌ కాకుండా పోతోంది. ఇలా మూడు సార్లు ఓటీపీ నమోదు చేశాక ఆ తర్వాత ఆ రోజుకి ఇక పై అవకాశం లేనట్టే. ఒకవేళ లాగిన్‌ అయిన కాసేపటికే సర్వర్‌ బిజీ వస్తుంది. ఈ సమస్యలతో రైతులు క్షేత్రస్థాయిలో తీవ్ర ఇబ్బందులు ఎదుర్కొంటున్నారు.

తిరుపతి తుడా : తిరుపతి మున్సిపల్‌ కార్పొరేషన్‌ పరిధిలోని వార్డు సచివాలయ సెక్రటరీలకు వేధింపులు తప్పడం లేదు. అధికారులు కక్షపూరితంగా వ్యవహరిస్తున్నారన్న ఆరోపణలు వెల్లువెత్తుతున్నాయి. వివిధ సర్వేలు, టెలి కాన్ఫరెన్స్‌లతో ముప్పు తిప్పలు పెడుతున్నారు. ఈ క్రమంలో మంగళవారం నగరంలో నిర్వహించిన హర్‌ ఘర్‌ తిరంగా ర్యాలీకి హాజరు కాలేదంటూ 281 మంది సచివాలయ సెక్రటరీలకు మెమోలు జారీ చేశారు. దీనిపై సచివాలయ ఉద్యోగులు మండిపడుతున్నారు. సర్కులర్‌ లేకుండానే.. తిరుపతి నగరంలో మంగళవారం ఉదయం 6 గంటలకే హర్‌ గర్‌ తిరంగా ర్యాలీ చేపట్టారు. ఈ కార్యక్రమానికి సచివాలయ సెక్రటరీలు హాజరుకావాలని ఎలాంటి సర్కులర్‌ జారీ చేయలేదు. కనీసం వాట్సాప్‌ గ్రూప్‌ల్లో సైతం మెసేజ్‌ కూడా పెట్టలేదు. కేవలం సోమవారం రాత్రి నిర్వహించిన పీ4 సర్వే టెలీ కాన్ఫరెన్స్‌తో కార్యదర్శులందరూ ర్యాలీకి రావాలని ఓ మాట చెప్పి చేతులు దులిపేసుకున్నారు. అయినప్పటికీ కొంతమంది హాజరయ్యారు. అయితే అధికారులు తమ తప్పిదం మరచి సెక్రటరీలకు మెమోలు జారీ చేసేశారు. ఎక్కువమంది మహిళలే ఉదయం ఆరు గంటలకు నిర్వహించిన హర్‌ గర్‌ తిరంగా ర్యాలీకి ఎక్కువమంది మహిళా సెక్రటరీలు హాజరు కాలేకపోయారు . మెమోలు జారీ చేసిన 281 మందిలో దాదాపు 190 మంది మహిళ సెక్రటరీలే ఉండడం గమనార్హం. ఇంట్లో పనులు పూర్తి చేసుకుని ఉదయం 6 గంటలకే ర్యాలీకి హాజరు కావాలంటే మహిళలకు ఎంత ఇబ్బందో కూడా అధికారులు గమనించకపోవడంపై విమర్శలు వెల్లువెత్తుతున్నాయి. ప్రధానంగా పీ4 సర్వే సచివాలయ కార్యదర్శుల పాలిట శాపంగా మారింది. ప్రతి ఒక్కరూ ఐదు కుటుంబాలను పీ4లో చేర్పించాలని అధికారులు ఒత్తిడి చేస్తుండడం ఇబ్బందిగా తయారైంది. వేళాపాళా లేకుండా టెలీకాన్ఫరెన్స్‌లు పెడుతుండడం సరికాదని కార్యదర్శులు వాపోతున్నా రు. అధికారులు చేయాల్సిన పనులు కూడా తమపై రద్దుతూ వేధిస్తున్నారని ఆవేదన వ్యక్తం చేస్తున్నారు. రోజూ 16 గంటలపాటు పనిచేయిస్తున్నారని, పైగా తీవ్రంగా ఒత్తిడికి గురి చేస్తున్నారని ఆరోపిస్తున్నారు. సెక్రటరీలకు జారీ చేసిన మెమో తిరంగా ర్యాలీకి రాలేదంటూ 281 మందికి మెమోలు

తిరుపతి రూరల్‌ : మండలంలోని వేమూరులో రైతు అయ్యప్ప నాయుడుకు చెందిన ప్రకృతి వ్యవసాయ క్షేత్రాన్ని బుధవారం రాయలసీమ రీజియన్‌ బయో ఇన్పుట్స్‌ రిసోర్స్‌ సెంటర్‌ (బీఆర్‌సీ) ప్రతినిధులు 40 మంది సందర్శించారు. తిరుపతి రాస్‌ కృషి విజ్ఞాన కేంద్రంలో నేషనల్‌ మిషన్‌ ఆన్‌ నేచురల్‌ ఫామింగ్‌ కార్యక్రమం చేపట్టారు. అందులో భాగంగా రాష్ట్ర రైతు సాధికార సంస్థ జిల్లా ప్రాజెక్టు మేనేజర్‌ షణ్ముగం ఆధ్వర్యంలో వ్యవసాయ క్షేత్రానికి వెళ్లారు. ఏటీఎం మోడల్‌లో విత్తనాలు, దేశీయ పద్దతుల్లో నారు నాటారు. అనంతరం బ్రహ్మాస్త్రం, అగ్నిఅస్త్రం, దశపర్ని కషాయాలతో పాటు పంచగవ్య తయారీ విధానాలను అధ్యయనం చేశారు. చెరుకు సాగులో వినూత్నంగా ఆకుకూరలు, కూరగాయలు విత్తనాలు నాటారు. బీడు భూముల్లో పీఎండీఎస్‌ విత్తనాలను చల్లారు. పూర్తిస్థాయిలో కషాయాల తయారీ విధానాలను రైతు అయ్యప్ప నాయుడు క్షుణ్ణంగా వివరించారు. ప్రాజెక్టు అడిషనల్‌ డీపీఎం పట్టాభిరెడ్డి, ఏపీఎం సత్యనారాయణ, జిల్లా రిసోర్స్‌ పర్సన్లు నాగరాజు, నరేంద్ర పాల్గొన్నారు.

● రాజకీయ గురువు పాడె మోసిన మాజీ ఎమ్మెల్యే బియ్యపు మధుసూదన్‌రెడ్డి శ్రీకాళహస్తి: మాజీ ఎమ్మెల్యే తాటిపర్తి చెంచురెడ్డికి అభిమానులు కన్నీటి వీడ్కోలు పలికారు. బుధవారం ఈమేరకు అంతిమయాత్రలో మాజీ ఎమ్మెల్యే బియ్యపు మధుసూదన్‌రెడ్డి పాల్గొన్నారు. తన రాజకీయ గురువు పాడే మోశారు. కార్యక్రమంలో శ్రీకాళహస్తీశ్వరాల కమిటీ మాజీ అంజూరు తారక శ్రీనివాసులు, వైఎస్సార్‌సీపీ ఉమ్మడి చిత్తూరు జిల్లా ప్రధాన కార్యదర్శి ఉన్నం వాసుదేవ నాయుడు, నేతలు పగడాల రాజు, కొత్తపాటి శ్రీనివాసులురెడ్డి, ఉత్తరాజి శరవణ కుమార్‌, శ్రీవారి సురేష్‌, మున్నా రాయల్‌, జయశ్యామ్‌ రాయల్‌, పులి రామచంద్ర, కంఠా ఉదయ్‌ కుమార్‌, యుగంధర్‌ రెడ్డి, నాగరాజు రెడ్డి, చెంచయ్య నాయుడు, చిందేపల్లి మధుసూదన్‌రెడ్డి, మధు రెడ్డి, దిలీప్‌, రంగయ్య, జీవీకే రెడ్డి, జై కష్ణారెడ్డి, అట్ల రమేష్‌, యాకూబ్‌, సురేష్‌, దినేష్‌ పాల్గొన్నారు.

తిరుపతి రూరల్‌ : అడవులు, వన్యప్రాణుల సంరక్షణను బాధ్యతగా తీసుకుని ఫారెస్ట్‌ సిబ్బంది విధులు నిర్వర్తించాలని కలెక్టర్‌ వెంకటేశ్వర్‌ ఆదేశించారు. బుధవారం ఎర్రావారిపాళెం మండలం తలకోనలోని అటవీశాఖ అతిథిగృహంలో జిల్లా అటవీ, వన్యప్రాణి సంరక్షణ కమిటీ సమావేశం నిర్వహించారు. కలెక్టర్‌ మాట్లాడుతూ అడవుల సంరక్షణకు ప్రత్యేకంగా మియావకీ ప్లాంట్లను అభివృద్ధి చేయాలన్నారు. వన్యప్రాణులను ఎవరైనా వేటాడితే నాన్‌బెయిలబుల్‌ సెక్షన్ల కింద కేసులు పెట్టి జైలుకు పంపాలని స్పష్టం చేశారు. ఏనుగుల దాడిలో పంట నష్టపోయిన రైతులకు సకాలంలో పరిహారం అందించాలని సూచించారు. అటవీ భూముల ఆక్రమణకు యత్నిస్తే కేసులు నమోదు చేయాలని కోరారు. అనంతరం అటవీ అధికారులు తయారు చేసిన అజెండాలోని అంశాల వారీగా సమీక్షించారు. ప్రధాన అంశాలు ఇవీ... ● ఏనుగులు, చిరుతల వివరములను ఎప్పటికప్పుడు సమీక్షించుకోవాలి. ● ఎలిఫెంట్‌ అటాక్‌ ఫోర్స్‌ను మరింత అప్రమత్తం చేయాలి. ● ఏనుగుల దాడిలో పంట నష్టపోయిన వారికి పరిహారం కింద సుమారు రూ. 60లక్షల చెల్లింపులకు ఆమోదం తెలిపారు. ● పెండింగ్‌లోని రెవెన్యూ, అటవీ భూ వివాదాలపై ప్రత్యేక దృష్టి సారించి, త్వరితగతిన పరిష్కరించాలి. ● అటవీ, వన్యప్రాణి సంరక్షణ కమిటీ సమావేశాన్ని సెప్టెంబర్‌లో సత్యవేడు రేంజ్‌ పరిధిలోని ఉబ్బలమడుగు కమ్యూనిటీ బేస్ట్‌ ఎకో టూరిజం సెంటర్‌లో నిర్వహించాలని నిర్ణయించారు. సమావేశంలో అటవీ సంరక్షణాధికారి సెల్వం, జిల్లా అటవీశాఖ అధికారి వివేక్‌, జాయింట్‌ కలెక్టర్‌ శుభం బన్సల్‌, గూడూరు సబ్‌కలెక్టర్‌ రాఘవేంద్రమీనా, డీఆర్‌ఓ నరసింహులు, ఆర్డీఓలు రామ్మోహన్‌, భానుప్రకాష్‌రెడ్డి, కిరణ్మయి, డివిజనల్‌ అటవీ అధికారి శ్రీనివాసులు, సర్వే అండ్‌ ల్యాండ్‌ రికార్డ్స్‌ ఏడీ అరుణ్‌కుమార్‌, చంద్రగిరి డీఎస్పీ ప్రసాద్‌ పాల్గొన్నారు.

రేణిగుంట : నడివీధి గంగమ్మ దర్శనానికి పెద్దసంఖ్యలో భక్తులు తరలివచ్చారు. బుధవారం ఉదయం నుంచే ఆలయం వద్ద బారులు తీరారు. అమ్మవారిని సేవించుకుని పరవశించారు. ఈ క్రమంలో వేకువనే పసుపుతో చేసిన అమ్మవారి ప్రతిమను ఊరేగింపు తీసుకువచ్చి వేపాకు పందిరి కింద కొలువుదీర్చారు. ప్రత్యేక క్యూల ద్వారా భక్తులు ఎలాంటి ఇబ్బందులు లేకుండా గంగమ్మను దర్శించుకున్నారు. డీఎస్పీ శ్రీనివాసరావు, సీఐ జయచంద్ర ఆధ్వర్యంలో పోలీసులు గట్టి బందోబస్తు చేపట్టారు. భారీగా కుంభం సాయంత్రం అమ్మవారికి కుంభం పెట్టి మొక్కు లు తీర్చుకునేందుకు భక్తులు పెద్దసంఖ్యలో చేరుకున్నారు. భైరాగి వేషాలతో దిష్టి కుండలను నెత్తి న పెట్టుకుని మహిళలు, చిన్నారులు సమూహాలు గా నడివీధి గంగమ్మను సేవించుకున్నారు. ఆల య కమిటీ చైర్మన్‌ సోలా మల్లికార్జునరెడ్డి నేతృత్వంలో భక్తులకు వసతులు కల్పించారు. అర్ధరాత్రి తర్వాత అమ్మవారి ప్రతిమను ఊరేగించారు. అనంతరం నిమజ్జనంతో జాతరను పరిపూర్ణం చేశారు. అమ్మవారి దర్శనానికి పోటెత్తిన భక్తులు ముగిసిన రేణిగుంట నడివీధి గంగమ్మ జాతర

తిరుపతి సిటీ:జవహర్‌ నవోదయ విద్యాలయాల్లో 6వ తరగతి ప్రవేశ పరీక్ష దరఖాస్తు గడువును ఈనెల 27 వరకు పొడిగించారు. వరదరాజ నగర్‌ లోని విశ్వం పోటీ పరీక్షల సమాచార కేంద్రంలో దరఖాస్తుల సమాచారం పొందవచ్చని కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాధ్యక్షుడు డాక్టర్‌ ఎన్‌.విశ్వనాథ్‌ రెడ్డి తెలిపారు. ఇతర వివరాలకు 8688888802, 9399976999 నంబర్లలో సంప్రదించాలని సూచించారు. రేపు స్విమ్స్‌లో ఓపీ, ఓటీలకు సెలవు తిరుపతి తుడా : స్విమ్స్‌ ఆస్పత్రిలో శుక్రవారం స్వాతంత్ర దినోత్సవం సందర్భంగా ఓపీ, ఓటీలకు సెలవు ప్రకటించినట్లు డైరెక్టర్‌ డాక్టర్‌ ఆర్‌వీ కుమార్‌ బుధవారం ఒక ప్రకటనలో తెలిపారు. అత్యవసర వైద్య సేవలు మాత్రం కొనసాగుతాయని పేర్కొన్నారు. ప్రజలు సహకరించాలని కోరారు. తారకరామా స్టేడియంలో ’జెండా పండుగ’ తిరుపతి అర్బన్‌ : స్వాతంత్య్ర దినోత్సవం సందర్భంగా ఈ నెల 15వ తేదీన జిల్లాస్థాయి వేడుకలను తిరుపతిలోని తారకరామా స్టేడియంలో నిర్వహించనున్నట్లు కలెక్టర్‌ వెంకటేశ్వర్‌ బుధవారం ఓ ప్రకటనలో తెలిపారు. ఏటా పోలీస్‌ పరేడ్‌ గ్రౌండ్‌లో జెండా పండుగ జరిగేదని, అయితే వర్షాల నేపథ్యంలో మార్పు చేసినట్లు పేర్కొన్నారు. డీవైఈఓగా ఇందిరాదేవి తిరుపతి అర్బన్‌ : తిరుపతి డివిజన్‌ ఉప విద్యాశాఖాధికారి (డీవైఈఓ)గా ఇందిరా దేవి బుధవారం కలెక్టరేట్‌లోని తన చాంబర్‌లో బాధ్యతలు స్వీకరించారు. రేణిగుంట ఎంఈఓగా పనిచేస్తున్న ఆమెకు ఇన్‌చార్జి డీవైఈఓ బాధ్యతలు అప్పగించారు. ఇప్పటి వరకు ఇన్‌చార్జిగా విధులు నిర్వర్తించిన బాలాజీని తిరుపతి అర్బన్‌ ఎంఈఓ విధులు కేటాయించారు. జ్ఞానానికి సంస్కృతమే గమ్యం తిరుపతి సిటీ : జ్ఞాన సంపదకు, సంస్కృతికి గమ్యస్థానం సంస్కృతమేనని కేరళలోని చిన్మయ్‌ విశ్వ విద్యాపీఠం ప్రో వైస్‌ చాన్సలర్‌ ప్రొఫెసర్‌ గీర్వాణి తెలిపారు. బుధవారం జాతీయ సంస్కృత వర్సిటీలో నిర్వహించిన సంస్కృత వారోత్సవాల ముగింపు కార్యక్రమానికి ఆమె ముఖ్యఅతిథిగా విచ్చేశారు. గీర్వాణి మాట్లాడుతూ దైవభాషగా వెలుగొందుతున్న సంస్కృతాన్ని నేటి యువత అభ్యసించాల్సిన అవసరముందన్నారు. అనంతరం వీసీ జీఎస్‌ఆర్‌ కృష్ణమూర్తి మాట్లాడుతూ సంస్కృతంతోనే భారతీయ సంస్కృతి రక్షింపబడుతోందన్నారు. భాష ప్రాముఖ్యతను ఆధునిక సమాజానికి మరింత చేరువ చేయాలని సూచించారు. రిజిస్ట్రార్‌ కేవీ నారాయణరావు, డీన్‌ రజనీకాంత్‌ శుక్లా, స్టూడెంట్స్‌ వెల్ఫేర్‌ డీన్‌ ప్రొఫెసర్‌ ఎస్‌.దక్షిణామూర్తి శర్మ, ప్రొఫెసర్‌ రంగనాథన్‌, డాక్టర్‌ భరత్‌ భూషన్‌ రథ్‌, డాక్టర్‌ ప్రదీప్‌కుమార్‌ బాగ్‌ పాల్గొన్నారు. ల్యాబ్‌ టెక్నీషియన్‌ పోస్టుకు దరఖాస్తులు తిరుపతి తుడా: స్విమ్స్‌ వైరాలజీ విభాగంలో కాంట్రాక్ట్‌ ప్రాతిపదికన ల్యాబ్‌ టెక్నీషియన్‌ పోస్టుకు దరఖాస్తులు ఆహ్వానిస్తున్నట్లు రిజిస్ట్రార్‌ డాక్టర్‌ అపర్ణ బిట్లా బుధవారం ఒక ప్రకటనలో తెలిపారు. అర్హులైన అభ్యర్థులు సెప్టెంబర్‌ 6వ తేదీన స్విమ్స్‌లోని పాత డైరెక్టర్‌ కార్యాలయంలోని కమిటీ హాల్‌లో వాక్‌ ఇన్‌ఇంటర్వ్యూకు హాజరు కావాలని సూచించారు. ఇతర వివరాలకు స్విమ్స్‌ అధికారిక వెబ్‌సైట్‌ను సందర్శించాలని కోరారు. పోక్సో చట్టంపై అవగాహన తిరుపతి రూరల్‌: బాలికలపై జరుగుతున్న లైంగికదాడులు, అఘాయిత్యాలను నియంత్రించే క్రమంలో కేంద్ర, రాష్ట్ర ప్రభుత్వాలు కొత్తగా తీసుకొచ్చిన పొక్సో చట్టం గురించి శ్రీ పద్మావతీ మహిళా వర్సిటీ న్యాయ శాస్త్ర విభాగం తరఫున అవగాహన సదస్సు నిర్వహించారు. పేరూరులోని ప్రాథమిక పాఠశాలలో పిల్లలు, వారి తల్లిదండ్రులకు చట్టం గురించి వివరించారు. విశ్వవిద్యాలయ పీఎం ఉష, కమిటీ సభ్యులు ప్రొఫెసర్‌ కె. అనురాధ, న్యాయశాస్త్ర విభాగాధిపతి డా. సీతాకుమారి, అసోసియేట్‌ ప్రొఫెసర్‌ డా. మాధురి పరదేశి, అసిస్టెంట్‌ ప్రొఫెసర్‌ డా.సునీత కాణిపాకం, అసిస్టెంట్‌ ప్రొఫెసర్‌ డా.ఇందిరా ప్రియదర్శిని పాల్గొన్నారు.

కలువాయి(సైదాపురం) : కలువాయి మండలం చిన్నగోపరం గ్రామానికి చెందిన బాలిక (17) ఈనెల 5వ తేదీన అదృశ్యమైనట్లు బాలిక తండ్రి పోలీసులకు బుధవారం ఫిర్యాదు చేశారు. కూలి పనులకు వెళ్లి తిరిగి ఇంటికి వచ్చే సరికి చిన్న కుమార్తె కనపడలేదని, స్థానికుల సాయంతో గాలింపు చర్యలు చేపట్టినా ఆచూకీ దొరకలేదని పేర్కొన్నారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ కోటయ్య తెలిపారు. కాలువలో పడి వ్యక్తి మృతి వెంకటగిరి రూరల్‌ : తెలుగు గంగ కాలువలో ప్రమాదవశాత్తు పడి ఓ వ్యక్తి మృతి చెందిన ఘటన బుధవారం వెలుగు చూసింది. వివరాలు.. బంగారుపేటలోని పల్లెవీధికి చెందిన వేలూరు పెంచలయ్య(45) మంగళవారం మధ్యాహ్నం బహిర్భూమి కోసం తెలుగుగంగ కాలువ వద్దకు వెళ్లాడు. తిరిగి ఇంటికి రాకపోవడంతో కుటుంబీకులు గాలింపు చర్యలు చేపట్టారు. కాలువ గట్టు మీద పెంచలయ్య మోటార్‌సైకిల్‌, చెప్పులను గుర్తించారు. అప్పటికే చీకటి పడిపోవడంతో బుధవారం ఉదయం కాలువలో గాలించి మృతదేహాన్ని వెలికి తీశారు. పోస్టుమార్టం నిమిత్తం వెంకటగిరి ప్రభుత్వాస్పత్రికి తరలించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. చెక్‌బౌన్స్‌ కేసులో నిందితుడికి జైలు తిరుపతి లీగల్‌ : చెక్‌బౌన్స్‌ కేసులో తిరుపతి పద్మావతిపురానికి చెందిన మహేష్‌ నాయుడు అనే నిందితుడికి 6 నెలల జైలు శిక్ష , రూ.5వేల జరిమానా విధిస్తూ తిరుపతి రెండో అదనపు జూనియర్‌ సివిల్‌ జడ్జి కోటేశ్వరరావు బుధవారం తీర్పు చెప్పారు. రెండు ప్రైవేట్‌ ట్రావెల్‌ బస్సుల సీజ్‌ – రూ.6లక్షల జరిమానా తిరుపతి మంగళం : జిల్లా రవాణాశాఖ అధికారులు బుధవారం చేపట్టిన వాహన తనిఖీల్లో పర్మిట్‌ లేకుండా తిరుగుతున్న రెండు ప్రైవేట్‌ ట్రావెల్‌ బస్సులను సీజ్‌ చేశారు. రెండు బస్సులకు రూ.6లక్షల జరిమానా విధించారు. సకాలంలో ట్యాక్స్‌ చెల్లించకుండా వాహనాలను తిప్పితే సీజ్‌ చేస్తామని జిల్లా రవాణాశాఖ అధికారి కొర్రపాటి మురళీమోహన్‌ హెచ్చరించారు. నిబంధనలు అతిక్రమించినా చర్యలు తప్పవని స్పష్టం చేశారు. ఈ మేరకు జిల్లావ్యాప్తంగా వాహన తనిఖీలను ముమ్మరం చేసినట్లు వెల్లడించారు.

తిరుపతి సిటీ : ఎస్వీయూలో డ్రోన్‌ ఎకోసిస్టమ్‌ అభివృద్ధికి కృషి చేస్తున్నామని వీసీ సీహెచ్‌ అప్పారావు తెలిపారు. డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ ఆధ్వర్యంలో బుధవారం వర్సిటీలో రిమోట్‌ ఫైలెట్‌ ట్రైనింగ్‌ ఆర్గనైజేషన్‌ మంజూరు కోసం పలు సౌకర్యాలను పరిశీలించారు. అనంతరం వీసీ మాట్లాడుతూ ప్రభుత్వ సూచనల మేరకు స్పేస్‌ టెక్నాలజీ, డ్రోన్‌న్‌– స్పేస్‌ టెక్‌, క్వాంటమ్‌ కంప్యూటింగ్‌, వర్చువల్‌ ప్రొడక్షన్‌, సెమీ కండక్టర్స్‌ వంటి సాంకేతికతలకు టెక్నాలజీ లెర్నింగ్‌ సెంటర్స్‌ ఆఫ్‌ ఎక్సలెన్స్‌ శిక్షణ వసతులను ఏర్పాటు చేయబోతున్నట్లు వెల్లడించారు. ఈ మేరకు డ్రోన్‌ సిమ్యులేటర్‌ సాఫ్ట్‌వేర్‌తో ప్రాక్టీస్‌, క్లాస్‌ రూమ్‌ సౌకర్యాల కోసం గ్రౌండ్‌ను తనిఖీ చేసినట్లు వివరించారు. రిజిస్ట్రార్‌ భూపతినాయుడు, డ్రోన్‌ డైరెక్టరేట్‌ ప్రణవ్‌, ఏరోస్పేస్‌ లిమిటెడ్‌ డైరెక్టర్‌ అంజలి, డిప్యూటీ డైరెక్టర్‌ ఆపరేషన్స్‌ కుంజలత, చేతల్‌ సింగ్‌, మెకానికల్‌ ఇంజినీరింగ్‌ కో–ఆర్డినేటర్‌ ఆచార్య ధర్మారెడ్డి, రుసా సీఈఓ వంశీకృష్ణ పాల్గొన్నారు.

తిరుపతి సిటీ : ఎస్వీయూ అర్థశాస్త్ర విభాగంలో ఒక పరిశోధక విద్యార్థి అవమానకర పరిస్థితిని ఎదుర్కొన్నారు. పీహెచ్‌డీ చేసేందుకు విభాగానికి వచ్చిన ఆ విద్యార్థి కూర్చోవడానికి గది లేక కాలేజీ వరండాలో నేలపై కూర్చొని నోట్సు రాసుకుంటున్నారు. ఇది గమనించిన ఎస్‌ఎఫ్‌ఐ ఎస్వీయూ కార్యదర్శి వినోద్‌కుమార్‌ తక్షణమే ఈ విషయాన్ని కాలేజీ వైస్‌ ప్రిన్సిపల్‌ భాస్కర్‌ రెడ్డి దృష్టికి తీసుకెళ్లారు. అనంతరం ఆయన మాట్లాడుతూ విశ్వవిద్యాలయానికి శాసీ్త్రయ, మేధోపర అభివృద్ధికి ఆయువుపట్టుగా ఉన్న పరిశోధక విద్యార్థులకు గదులు కేటాయించకపోవడం అత్యంత దారుణమన్నారు. నేటికీ కొంతమంది ప్రొఫెసర్లు ఉద్యోగ విరమణ పొందినా వారి చాంబర్లను వీడకపోవడం విచారకమని మండిపడ్డారు. పలు విభాగాలలో అనేక గదులు ఖాళీగా ఉన్నప్పటికీ పరిశోధకులకు గదులు కేటాయించకపోవడంలో ఆంతర్యమేమిటో అర్థంకావడం లేదని ఆవేదన వ్యక్తం చేశారు. అలాగే కొంతమంది అధ్యాపకులు పరిశోధకులను అకడమిక్‌ పనుల కంటే తమ వ్యక్తిగత, ఇంటి పనులకు వాడుకోవడం, వెట్టిచాకిరి చేయించడం దుర్మార్గమన్నారు. దీనిపై ఎస్‌ఎఫ్‌ఐ ఆధ్వర్యంలో పరిశోధక విద్యార్థులతో కలిసి సంబంధిత విభాగాల ఎదుట నిరసనకు దిగనున్నట్లు హెచ్చరించారు. ఈ క్రమంలో వెంటనే అధికారులు స్పందించి సమస్యను పరిష్కరించారు.

శ్రీసిటీ (వరదయ్యపాళెం) : శ్రీసిటీ ఫౌండేషన్‌ సహకారంతో శ్రీసిటీలోని చార్ట్‌–వీఆర్‌వీ పరిశ్రమ సామాజిక బాధ్యతలో భాగంగా వరదయ్యపాళెం మండలం నాగానందపురం ప్రభుత్వ ప్రాథమిక పాఠశాలలో విద్యా వసతులు సమకూర్చింది. సుమారు రూ.31 లక్షల వ్యయంతో తరగతి గదులు, మరుగుదొడ్లు, వంట గది నిర్మాణాలను పూర్తిచేసింది. స్కూల్‌ ఆవరణ చుట్టూ ప్రహరీ గోడ నిర్మించింది. మొక్కలు నాటి, స్కూల్‌ మొత్తానికి రంగులు వేయించింది. ఈ మేరకు బుధవారం శ్రీసిటీ డైరెక్టర్‌ నిరీషా సన్నారెడ్డి సమక్షంలో చార్ట్‌ ఇండస్ట్రీస్‌ ఎండీ పర్వేశ్‌ మిట్టల్‌, డైరెక్టర్‌ యామిని సిన్హా చేతులమీదుగా నూతన వసతులను ప్రారంభించారు. వీఆర్‌ హెచ్‌ఆర్‌ మేనేజర్‌ కందస్వామి, ఎంఈఓ–2 గున్నయ్య పాల్గొన్నారు.

తిరుపతి అర్బన్‌ : స్వర్ణ నారావారిపల్లె ప్రాజెక్టును విజయవంతంగా పూర్తి చేయడంలో కలెక్టర్‌ వెంకటేశ్వర్‌, బృందం కృషికి స్కోచ్‌ పురస్కారం దక్కనుంది. బుధవారం ఈ మేరకు స్కోచ్‌ గ్రూప్‌ సంస్థ మేనేజింగ్‌ డైరెక్టర్‌ దీపక్‌ దలాల్‌ అవార్డును ప్రకటించారు. సెప్టెంబర్‌ 20వ తేదీన న్యూఢిల్లీలో కలెక్టర్‌ వెంకటేశ్వర్‌ అవార్డును అందుకోనున్నారు. ‘సీకామ్‌’కు అటానమస్‌ హోదా తిరుపతి సిటీ:తిరుపతి అన్నమయ్య సర్కిల్‌లోని సీకామ్‌ డిగ్రీ కళాశాలకు యూజీసీ అటానమస్‌ హోదా కల్పించిందని ఎస్వీయూ రిజిస్ట్రార్‌ భూపతినాయుడు బుధవారం ఒక ప్రకటనలో తెలిపారు. ఈ మేరకు కళాశాల యాజమాన్యానికి అధికారిక ఉత్తర్వులు అందించారు. కళాశాలకు ఐదేళ్ల పాటు అటానమస్‌ హోదా వర్తిస్తుందని పేర్కొన్నారు. 8 టిప్పర్ల సీజ్‌ తడ: తమిళనాడుకు అక్రమంగా గ్రావెల్‌ తరలిస్తున్న 8 టిప్పర్లను బీవీపాళెం సరిహద్దు ఉమ్మడి తనిఖీ కేంద్రం వద్ద పోలీసులు బుధవారం సీజ్‌ చేశారు. మట్టి స్మగ్లింగ్‌కు కూటమి నేతల అండదండలున్నట్లు తెలిసింది. వారిలో విభేదాల కారణంగానే టిప్పర్లలో గ్రావెల్‌ తరలుతున్న విషయం అధికారులకు గుట్టుగా సమాచారం అందించినట్లు తెలుస్తోంది. రైలు కిందపడి వ్యక్తి ఆత్మహత్య తిరుపతి క్రైమ్‌ : తిరుపతి రైల్వేస్టేషన్‌ 3వ నంబర్‌ ప్లాట్‌ఫామ్‌ వద్ద కదులుతున్న రైలు కింద పడి గుర్తుతెలియని వ్యక్తి ఆత్మహత్యకు పాల్పడిన ఘటన బుధవారం జరిగింది. వివరాలు.. ఉదయం 11:30 గంటల సమయంలో ఓ వ్యక్తి అకస్మాత్తుగా పరిగెత్తుకెళ్లి బయలుదేరుతున్న రైలు కింద పడిపోయాడు. ఆత్మహత్యకు కారణాలు తెలియాల్సి ఉందని రైల్వేపోలీసులు తెలిపారు. దీనిపై కేసు నమోదు చేశామని, మృతదేహాన్ని పోస్టుమార్టం నిమిత్తం ఎస్వీ మెడికల్‌ కళాశాలకు తరలించాలని వెల్లడించారు. మృతుడి వివరాలు తెలిసిన వారు 9440352765 నంబర్‌కు తెలియజేయాలని కోరారు.

తిరుపతి అర్బన్‌: హెచ్‌ఐవీ పట్ల అందరికీ అవగాహన కల్పించాలని కలెక్టర్‌ వెంకటేశ్వర్‌ తెలిపారు. మంగళవారం కలెక్టరేట్‌ కార్యాలయంలో కలెక్టర్‌, జాయింట్‌ కలెక్టర్‌ శుభం బన్సల్‌తో పాటు వైద్యాధికారులతో కలసి హెచ్‌ఐవీని గురించి చర్చిద్దాం..హెచ్‌ఐవీని నివారిద్దాం అనే పోస్టర్‌ను ఆవిష్కరించారు. ఈ సందర్భంగా కలెక్టర్‌ వారికి హెచ్‌ఐవీ వ్యాప్తి చెందకుండా చేపట్టాల్సిన అంశాలపై పెద్ద ఎత్తున అవగాహన కల్పించాలని సూచించారు.ఆ మేరకు అందరికి కరపత్రాలను అందించాలని సూచించారు. జీవితాలను విచ్ఛిన్నం చేసుకోవద్దు తిరుపతి తుడా: జిల్లా వైద్య ఆరోగ్య శాఖ కార్యాలయంలోని జిల్లా ఎయిడ్స్‌ నియంత్రణ సంస్థ అధికారి వారి ఆధ్వర్యంలో మంగళవారం హెచ్‌ఐవీ ఎయిడ్స్‌, మాదకద్రవ్య వ్యసనాలపై యువతకు అవగాహన కార్యక్రమం నిర్వహించారు. ఈ సందర్భంగా డీఎంహెచ్‌ఓ డాక్టర్‌ బాలకృష్ణనాయక్‌ జెండా ఊపి ప్రారంభించారు. అంనతరం క్లస్టర్‌ ప్రోగ్రాం మేనేజర్‌ కోటి రెడ్డి మాట్లాడుతూ యువత మత్తు పదార్థాలకు బానిసలై జీవితాల ను విచ్ఛినం చేసుకోవద్దన్నారు. ర్యాలీలో మెడిక ల్‌, స్వచ్చంద సేవ సంస్థల సిబ్బంది, యువత, నర్సింగ్‌ కాలేజీ విద్యార్థులు పాల్గొన్నారు.

తిరుపతి సిటీ: విద్యార్థుల్లో రక్తహీనతను తగ్గించి ఆరోగ్యాన్ని మెరుగు పరచడమే లక్ష్యంగా నులిపురుగుల మాత్రలు ప్రభుత్వం అందిస్తోందని కలెక్ట వెంకటేశ్వర్‌ తెలిపారు. జాతీయ నులిపురుగుల నిర్మూలన దినోత్సవం సందర్భంగా మంగళవారం తిరుపతి అర్బన్‌ కొర్లగుంటలోని డాక్టర్‌ సర్వేపల్లి రాధాకృష్ణన్‌ మునిసిపల్‌ కార్పొరేషన్‌ ఉన్నత పాఠశాలలో జరిగిన ప్రత్యేక కార్యక్రమానికి ఆయన ముఖ్యఅతిథిగా హాజరై విద్యార్థులకు ఆల్బెండజోల్‌ మాత్రలు మింగించారు. అనంతరం ఆయన మాట్లాడుతూ జిల్లాలో 1 నుంచి 19 ఏళ్ల వయసు కలిగిన 4,97, 511 మంది విద్యార్థులకు ఈ మాత్రలు అందిస్తున్నట్లు తెలిపారు. జిల్లా వైద్య ఆరోగ్య శాఖాధికారి డాక్టర్‌ బాలకృష్ణ నాయక్‌ మాట్లాడుతూ పిల్లలకు ఆల్బెండజోల్‌ మందు బిళ్లలను మింగించడమే లక్ష్యంగా జిల్లాలోని అంగన్‌వాడీ కేంద్రాలు, పాఠశాలలు, కళాశాలల్లో ఆశా కార్యకర్తలు, ఏఎన్‌ఎంలు, స్కూల్‌ టీచర్లు, అంగన్‌వాడీ కార్యకర్తల సమన్వయంతో ఈ కార్యక్రమాన్ని నిర్వహిస్తున్నారని తెలిపారు. డీఈఓ కేవీఎన్‌ కుమార్‌, ప్రోగ్రాం స్టేట్‌ నోడల్‌ ఆఫీసర్స్‌ డాక్టర్‌ శ్రీనివాస వర్మ, డాక్టర్‌ సౌజన్య లక్ష్మీ, డీపీఎంఓ డాక్టర్‌ శ్రీనివాసరావు, ఆర్బీఎస్‌కే ప్రోగ్రాం ఆఫీసర్‌ డాక్టర్‌ రెడ్డి ప్రసాద్‌, మెడికల్‌ ఆఫీసర్‌ డాక్టర్‌ సింధు పాల్గొన్నారు. ర్యాగింగ్‌కు పాల్పడితే కఠిన చర్యలు తిరుపతి రూరల్‌: ర్యాగింగ్‌ వల్ల ఎంతోమంది అమాయకులు మానసిక వేదన అనుభవిస్తారని యూనివర్సిటీ వీసీ ఆచార్య వి.ఉమ తెలిపారు. మంగళవారం శ్రీపద్మావతి మహిళా విశ్వవిద్యాలయంలో నేషనల్‌ యాంటీ ర్యాగింగ్‌ డే సదస్సు నిర్వహించారు. ఈ సందర్భంగా ఆమె మాట్లాడుతూ సీనియర్‌ విద్యార్థినులకు యాంటీ ర్యాగింగ్‌పై అవగాహన కల్పించారు. అంతేకాక ర్యాగింగ్‌కు పాల్పడిన వారిపై తీసుకునే కఠిన చర్యలు ఉంటాయన్నారు. డీన్‌ ఆఫ్‌ స్టూడెంట్‌ అఫైర్స్‌ డైరెక్టర్‌ ప్రొఫెసర్‌ కె.ఉషారాణి, హాస్టల్‌ వార్డెన్‌ ప్రొఫెసర్‌ జి.సావిత్రి, ఎన్‌ఎస్‌ఎస్‌ కోఆర్డినేటర్‌ ప్రొఫెసర్‌ ఐవీ లలితకుమారి ర్యాగింగ్‌ నియంత్రణకు నిత్యం పర్యవేక్షించేలా చర్యలు చేపట్టాలని సూచించారు. లీగల్‌ ఆఫీసర్‌ ప్రొఫెసర్‌ టి.సీతాకుమారి మాట్లాడుతూ జూనియర్‌ విద్యార్థినులకు స్నేహాన్ని పంచి ప్రశాంతమైన వాతావరణంలో వారు చదువుకునేలా అవకాశం కల్పించాలని సీనియర్‌ విద్యార్థినులను కోరారు. కార్యక్రమంలో ఇంజినీరింగ్‌ కాలేజీ డైరెక్టర్‌ ప్రొఫెసర్‌ టి.మల్లికార్జున రావు, విద్యార్థినులు పాల్గొన్నారు. విద్యార్థిని భార్గవికి అభినందనలుతిరుపతి రూరల్‌ : శ్రీపద్మావతీ మహిళా విశ్వవిద్యాలయంలోని న్యాయశాస్త్ర విభాగంలో చదువుతున్న విద్యార్థిని భార్గవి నూకతోటి అమెరికాలో జరిగిన న్యాయ విజ్ఞాన సదస్సులో పాల్గొన్నారు. ఐదు వారాల శిక్షణతో పాటు అంతర్జాతీయ స్థాయిలో జరిగిన సదస్సుకు హాజరై భారత దేశంలోని చట్టాలు, న్యాయ వ్యవస్థ గురించి సమగ్రంగా వివరించారు. ఈ సదస్సుకు భారతదేశంతో పాటు దక్షిణ కొరియా, శ్రీలంక, మలేషియా, బోస్నియా, హెర్జెగోవినా, జాంబియా, కజకిస్తాన్‌ నుంచి 19 మంది న్యాయశాస్త్ర విద్యార్థులు పాల్గొన్నారు. తిరిగి యూనివర్సిటీకి చేరుకున్న విద్యార్థిని భార్గవిని వీసీ ఆచార్య ఉమ, రిజిస్ట్రార్‌ ఆచార్య రజినితో పాటు సెంటర్‌ ఫర్‌ ఇంటర్నేషనల్‌ రిలేషనన్స్‌ డీన్‌ ప్రొఫెసర్‌ విజయలక్ష్మి అభినందించారు. న్యాయశాస్త్ర విభాగాధిపతి, ఫ్యాకల్టీ సభ్యుల ప్రోత్సాహానికి భార్గవి నూకతోటి ప్రత్యేకంగా కృతజ్ఞతలు తెలిపారు.

శ్రీకాళహస్తి: జిల్లాలో సీనియర్‌ పొలిటీషియన్‌, శ్రీకాళహస్తి మాజీ ఎమ్మెల్యే తాటిపర్తి చెంచురెడ్డి పార్థివదేహానికి పలువురు నేతలు నివాళులు అర్పించారు. మంగళవారం ఆయన స్వగృహంలో మృతదేహాన్ని సందర్శనార్థం ఉంచారు. అన్ని పార్టీల నాయకులు, స్నేహితులు, బంధువులు, ప్రజలు, భారీగా తరలివచ్చి ఆయన పార్థి వ దేహానికి పూలమాల వేసి నివాళులర్పించారు. ఈ సందర్భంగా తిరుపతి, చిత్తూరు జిల్లాల వైఎస్సార్‌ సీపీ అధ్యక్షుడు భూమన కరుణాకరరెడ్డి, మాజీ డిప్యూటీ సీఎం కళత్తూరు నారాయణస్వామి, ఎమ్మెల్సీ సిపాయి సుబ్రమణ్యం, శ్రీకాళహస్తి మాజీ ఎమ్మెల్యే బియ్యపు మధుసూదన్‌ రెడ్డి, దేవస్థానం మాజీ చైర్మన్‌ అంజూరు తారక శ్రీనివాసులు, గుమ్మడి బాలకృష్ణయ్య, ఉమ్మడి చిత్తూరు జిల్లా ప్రధాన కార్యదర్శి ఉన్నం వాసుదేవ నాయుడు, సిద్ధగుంట సుధాకర్‌ రెడ్డి, శ్రీకాళహస్తి మండల అధ్యక్షుడు చెవిరెడ్డి మధుసూదన్‌ రెడ్డి, నియోజకవర్గ మైనారిటీ సెల్‌ ప్రెసిడెంట్‌ పఠాన్‌ ఫరీద్‌, యువజన విభాగం అధ్యక్షుడు శ్రీవారి సురేష్‌, దేవస్థానం మాజీ బోర్డు మెంబర్లు మున్నా రాయల్‌, బుల్లెట్‌ జయశ్యామ్‌ రాయల్‌ తదితరులు ఉన్నారు. అలాగే శ్రీకాళహస్తి ఎమ్మెల్యే సుధీర్‌రెడ్డి కూడా మాజీ ఎమ్మె ల్యే చెంచురెడ్డి మృతదేహానికి నివాళి అర్పించారు.

వైభవంగా రేణిగుంట గంగమ్మ జాతర ● పొంగళ్లు సమర్పించిన మహిళలు ● పోటెత్తిన భక్తజనం రేణిగుంట: కాపాడరావమ్మా.. గంగమ్మా అంటూ గ్రామదేవత గంగమ్మను భక్తజనం కొలిచారు. మంగళవారం రేణిగుంట గంగ జాతర సందర్భంగా సూర్యోదయానికి ముందు అమ్మవారికి విశేష అభిషేకాలు నిర్వహించారు. అనంతరం శోభాయమానంగా అలంకరించి భక్తులకు అమ్మవారి దర్శనభాగ్యం కల్పించారు. ఆలయ ధర్మకర్త సోల మల్లికార్జున్‌ రెడ్డి తొలి హారతి పట్టి జాతరను ప్రారంభించారు. నూతనంగా అమ్మవారికి బహూకరించిన బంగారు పూత వెండి కవచాన్ని అలంకరించడంతో ఈ సంవత్సరం ప్రత్యేక ఆకర్షణగా నిలిచింది. ఆలయ ఆవరణలో సింహ వాహనంపై అమ్మవారి ప్రతిమను అధిష్టింపజేసి చేపట్టిన విశేష పుష్పాలంకరణ విశేషంగా ఆకట్టుకుంది. ఉదయం నడివీధి గంగమ్మ త్రిశూలం వద్ద గంగమ్మ తల్లికి రాగి అంబలి పోసి భక్తులు మొక్కులు తీర్చుకున్నారు. అనంతరం మహిళలు గంగమ్మ ఆలయ ఆవరణలో పొంగళ్లు పెట్టి అమ్మవారికి నైవేద్యాలు సమర్పించారు. రేణిగుంట డీఎస్పీ శ్రీనివాస రావు ఆధ్వర్యంలో ప్రత్యేక బందోబస్తు నిర్వహించారు. కార్యక్రమంలో ఆలయ కమిటీ సభ్యులు, గ్రామస్తులు, భక్తులు పాల్గొన్నారు. గంగమ్మకు సారెగంగమ్మ జాతర సందర్భంగా ఉమ్మడి చిత్తూరు జిల్లా ఎమ్మెల్సీ డాక్టర్‌ సిపాయి సుబ్రహ్మణ్యం మంగళవారం గంగమ్మ తల్లికి సారె సమర్పించారు. ముందుగా వైఎస్సార్‌ విగ్రహం వద్ద ఎమ్మెల్సీకి ఆలయ మర్యాదలతో కమిటీ సభ్యులు ఘనంగా స్వాగతం పలికారు. అక్కడి నుంచి ఆలయం వరకు ఊరేగింపుగా వెళ్లి అర్చకులకు సారెను అందించి, అమ్మవారిని దర్శించుకున్నారు. అర్చకులు ఆయనకు అమ్మవారి తీర్థ ప్రసాదాలను అందించారు. ఈ సందర్భంగా ఎమ్మెల్సీ సిపాయి మాట్లాడుతూ ముందుగా గత 20 ఏళ్లుగా గంగజాతరలో పాల్గొంటున్నానని తెలిపారు. వైఎస్సార్‌సీపీ పట్టణ అధ్యక్షుడు ప్రభాకర్‌, సర్పంచ్‌ నగేశం, ముస్లిం మైనార్టీ పట్టణ అధ్యక్షుడు షేక్‌ రఫీ ఉల్లా, వీఆర్‌ రావణ, వన్నెకుల సంఘం నాయకులు దాము, లక్ష్మయ్య పాల్గొన్నారు.

తిరుపతి గాంధీరోడ్డు: తిరుపతిలో బీజేపీ రాష్ట్ర అధ్యక్షుడు మాధవ్‌ మంగళవారం ఉదయం చాయ్‌ పే చర్చ కార్యక్రమం ఉదయం 7.30 గంటలకు బాబు జగ్జీవన్‌ రావు పార్క్‌ వద్ద నిర్వహించారు. ఈ సందర్భంగా ఆయన కార్యకర్తలు, ప్రజలతో మమేకమై సలహాలు, సూచనలు చేశారు. అనంతరం ఉదయం 9 గంటలకు శంకరంబాడికి పూలమాల వేసి నివాళులు అర్పించారు. అనంతరం లీలామహల్‌ కూడలి నుంచి శోభాయాత్రగా కచ్ఛపి ఆడిటోరియానికి చేరుకున్నారు. అనంతరం కార్యకర్తలతో సమావేశమయ్యారు. తరువాత సాయత్రం 5 గంటలకు మీడియాతో చిట్‌చాట్‌ నిర్వహించారు. అనంతరం చాంబర్‌ ఆఫ్‌ కామర్స్‌ నాయకులతో సమావేశమయ్యారు.

తిరుపతి సిటీ: జిల్లాలో రెండేళ్ల కాలవ్యవధితో స్కూల్‌ గేమ్స్‌ సెక్రటరీ పోస్టు నియామకాలకు సంబంధించి అర్హులైన స్కూల్‌ అసిస్టెంట్‌ (ఫిజికల్‌ ఎడ్యుకేషన్‌), పీఈటీల నుంచి దరఖాస్తులను ఆహ్వానిస్తునట్లు డీఈఓ కేవీఎన్‌ కుమార్‌ సోమవారం ఒక ప్రకటనలో తెలిపారు. ప్రభుత్వ పాఠశాలలో కనీసం 10 ఏళ్ల సర్వీసు కలిగి అర్హులైన ఉపాధ్యాయులు ఈనెల 20వ తేదీలోపు జిల్లా విద్యాశాఖ కార్యాలయంలో దరఖాస్తులను అందజేయాలని సూచించారు. పోలీస్‌ గ్రీవెన్స్‌కు 85 అర్జీలు తిరుపతి క్రైం: తిరుపతి జిల్లా ఎస్పీ కార్యాలయంలో సోమవారం నిర్వహించిన ప్రజా సమస్యల పరిష్కార వేదికకు 85 ఫిర్యాదులు అందినట్టు ఎస్పీ హర్షవర్ధన్‌ రాజు తెలిపారు. ఇందులో దొంగతనాలు, ఆస్తి తగాదాలు, ఆర్థికపరమైన లావాదేవీలు ఉన్నాయన్నారు. వెంటనే సంబంధిత అర్జీ లు పరిష్కరించాలని సిబ్బందిని ఆదేశించారు. శ్రీవారి దర్శనానికి 8 గంటలు తిరుమల: తిరుమలలో భక్తుల రద్దీ సాధారణంగా ఉంది. క్యూకాంప్లెక్స్‌లో 3 కంపార్ట్‌మెంట్లు నిండాయి. ఆదివారం అర్ధరాత్రి వరకు 80,628 మంది స్వామివారిని దర్శించుకోగా 30,505 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.3.73 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలోనే దర్శనమవుతోంది. దర్శన టిక్కెట్లు లేని భక్తులకు 8 గంటల్లో దర్శనం లభిస్తోంది. ప్రత్యేక ప్రవేశ దర్శనం టిక్కెట్లు కలిగిన భక్తులకు 3 గంటల్లో దర్శనం లభిస్తోంది. డీ–ఫార్మసీ కోర్సుకు దరఖాస్తుల ఆహ్వానం తిరుపతి సిటీ: ఎస్వీ ప్రభుత్వ పాలిటెక్నిక్‌ కళాశాలలో 2025–26 విద్యా సంవత్సరానికి గానూ డీఫార్మసీ రెండేళ్ల కాలవ్యవధి గల కోర్సులో ప్రవేశాలకు దరఖాస్తులు ఆహ్వానిస్తున్నట్లు ప్రిన్సిపల్‌ డాక్టర్‌ వై.ద్వారకనాథ రెడ్డి ఒక ప్రకటనలో తెలిపారు. ఇంటర్మీడియట్‌ బైపీసీ, ఎంపీసీ రెగ్యులర్‌ లేదా ఓపెన్‌లో ఉత్తీర్ణులైన విద్యార్థులు ఈ కోర్సుకు అర్హులన్నారు. విద్యార్థులు httpr://apsbtet.in/pharmacy వెబ్‌సైట్‌లో దరఖాస్తు చేసుకోవాలని సూచించారు. దరఖాస్తు ప్రతిని తిరుపతి ఎస్వీ ప్రభుత్వ పాలిటెక్నిక్‌ కళాశాలలోని ఫార్మసీ విభాగంలో ఈనెల 19వ తేదీలోపు అందజేయాలని తెలిపారు. లేదా 9908857585, 9966761446, 9963541557, 9550690007,9059698747 నంబర్లకు వాట్సాప్‌ ద్వారా పంపవచ్చన్నారు. నేటి నుంచి ఉచిత విద్యకు దరఖాస్తులు తిరుపతి అర్బన్‌: ప్రైవేటు అండ్‌ ఎయిడెడ్‌ పాఠశాలల్లో పేద పిల్లలకు అందించాల్సిన 25 శాతం సీట్లకు సంబందించి ఉచిత విద్య కోసం మంగళవారం నుంచి ఈ నెల 20 వరకు దరఖాస్తులు చేసుకోవాలని సమగ్రశిక్ష కమ్యూనిటీ మొబలైజేషన్‌ అధికారి సురేష్‌ సోమవారం ఓ ప్రకటనలో తెలిపారు. సచివాలయంలో లేదా డబ్యూడబ్యూడబ్యూ.సీఎస్‌ఈ.ఏపీ.జీవోవీ.ఇన్‌ వెబ్‌సైట్‌ ద్వారా దరఖాస్తు చేసుకోవాలని చెప్పారు. అనంతరం ఈ నెల 25న ఎంపికై న విద్యార్థుల ఫలితాలను వెల్లడిస్తామని, 31 నుంచి పాఠశాలల్లో ప్రవేశాలు ఉంటాయని స్పష్టం చేశారు. హెల్ప్‌లైన్‌ కోసం 1800–4258599 నంబరుకు ఉదయం 9గంటల నుంచి సాయంత్రం 7 గంటల వరకు సంప్రదించవచ్చన్నారు. లాటరీ పద్ధతిలో ఎంపిక ఉంటుందని వెల్లడించారు. దివ్యాంగులు, హెచ్‌ఐవీ బాధితుల పిల్లలు, అనాథలు, వీధి పిల్లలకు ప్రాధాన్యత ఉంటుందని చెప్పారు. ఆర్థికంగా వెనుకబడిన వర్గాలవారు మాత్రమే అర్హులుగా పేర్కొన్నారు. టాటా కేర్‌ ఫౌండేషన్‌తో ఎంఓయూ తిరుపతి తుడా: స్థానిక జూపార్క్‌ రోడ్డులోని ఎస్వీ ఇన్‌స్టిట్యూట్‌ ఆఫ్‌ క్యాన్సర్‌ కేర్‌ అండ్‌ అడ్వాన్డ్‌స్‌ రీసెర్చ్‌ (స్వీకార్‌)లో సోమవారం టాటా కేర్‌ ఫౌండేషన్‌తో ఫెరడల్‌ బ్యాంక్‌ పలు అంశాలపై ఒప్పందం కుదుర్చుకుంది. ప్రధానంగా సంజీవినీ ప్రొగ్రాంలో భాగంగా క్యాన్సర్‌ డయాగ్నిస్టిక్‌ టెస్ట్‌లు, చికిత్స అవసరమైన అర్హులైన రోగులకు ఆర్థిక సహాయ సహకారాలను అందించడమే ఎంఓయూ లక్ష్యమని బ్యాంక్‌ అధికారులు తెలిపారు. అలాగే అస్సాం రాష్ట్ర క్యాన్సర్‌ కేర్‌ ఫౌండేషన్‌తోనూ ఇదే అంశాలపై అవగాహన కుదుర్చుకున్నట్లు తెలియజేశారు. కార్యక్రమంలో ఫెడరల్‌ బ్యాంక్‌ ఎగ్జిక్యూటివ్‌ డైరెక్టర్‌ అండ్‌ సీఎఫ్‌ఓ ఎం.వెంకట్రామన్‌, టాటా క్యాన్సర్‌ సీఎఫ్‌ఓ కుమార్‌ నందుల, అస్సాం క్యాన్సర్‌ కేర్‌ ఫౌండేషన్‌ సీఓఓ డాక్టర్‌ జైప్రకాష్‌ ప్రసాద్‌ పాల్గొన్నారు.

తిరుపతి అర్బన్‌: కూటమి ప్రభుత్వం మహిళలకు ఈనెల 15 నుంచి ఉచిత బస్సు ప్రయాణ సౌకర్యాన్ని కల్పించేందుకు సిద్ధమైంది. సీ్త్రశక్తి పేరుతో కల్పించాలని ఆర్టీసీ అధికారులకు సోమవారం ఉత్తర్వులను జారీచేసింది. అయితే పల్లెవెలుగు, ఆల్ట్రాపల్లెవెలుగు, ఎక్స్‌ప్రెస్‌లు, మెట్రో సర్వీసులు, సిటీ సర్వీసులకు మాత్రమే అనుమతులు ఇస్తున్నట్లు ఉత్తర్వుల్లో వెల్లడించింది. ఇక జిల్లాలో మెట్రో సర్వీసులు, సిటీ సర్వీసులు లేకపోవడంతో మూడు రకాల సర్వీసులకు మాత్రమే అనుమతి ఉంటుంది.వీటిల్లో అనుమతి లేదుజిల్లాలో సప్తగిరి ఎక్స్‌ప్రెస్‌లే అధికం. వాటిలో మహిళలకు ఉచిత ప్రయాణానికి అనుమతి లేదు. అంతేకాకుండా తిరుమలకు వెళ్లే సర్వీసుల్లోనూ, నాన్‌ స్టాప్‌ సర్వీసుల్లో, ఏసీ బస్సులతో పాటు ఇతర సర్వీసుల్లో అనుమతి లేదు. అదే విధంగా జిల్లా వ్యాప్తంగా మొత్తం 855 సర్వీసులు ఉండగా.. వాటిల్లో 356 సర్వీసులకు మాత్రమే అనుమతి ఇచ్చారు. అందులో పల్లెవెలుగు 274, సాధారణ ఎక్స్‌ప్రెస్‌లు 77, అల్ట్రా పల్లెవెలుగు 5 సర్వీసులకు మాత్రమే అనుమతిచ్చారు.జిల్లాలో 16.5 లక్షల మంది మహిళలుజిల్లాలో 16.50 లక్షల మంది మహిళలు ఉన్నారు. వీరి కోసం 356 సర్వీసులకు అనుమతిచ్చారు. ఎన్నికల సమయంలో మాత్రం ఆర్టీసీ సర్వీసుల్లో మహిళలకు ఉచిత ప్రయాణం అంటూ ఊదరగొట్టారు. తీర 14 నెలలు తర్వాత పథకాన్ని అమలు చేసే క్రమంలో అనేక మెళికలు పెట్టారు. దీంతో మహిళలు తీవ్ర అసంతృప్తి వ్యక్తం చేస్తున్నారు.15 నుంచి అమలు చేస్తున్నాంమహిళలకు ఉచిత బస్సు ప్రయాణం పథకాన్ని సీ్త్రశక్తి పేరుతో అమలు చేయడానికి ప్రభుత్వం నుంచి ఉత్తర్వులు వచ్చాయి. ఆ మేరకు డీఎంలతో సమావేశం నిర్వహించి ఆదేశాలిచ్చాం. జిల్లాలో 356 బస్సులకు మాత్రమే అనుమతి ఉంది. పల్లెవెలుగు, అల్ట్రా పల్లె వెలుగు, సాధారణ ఎక్స్‌ప్రెస్‌లకు అవకాశం కల్పిస్తున్నాం. మరోవైపు పాఠశాలకు వెళ్లే బాలికలు ఇకపై బస్సు పాస్‌ తీసుకోవాల్సిన అవసరం లేదు. వారికి పైన తెలిన మూడు సర్వీసుల్లో ఉచితంగా ప్రయాణం చేయడానికి వీలుంటుంది.– జగదీష్‌, జిల్లా ప్రజారవాణా అధికారి

పంచాయతీల అభివృద్ధి గురించి కూటమి ప్రభుత్వం గాలికొదిలేసింది. ప్రస్తుతం సర్పంచులుగా ఉన్న వారు పూర్తిగా వైఎస్సార్‌సీపీ మద్దతుదారులు కావడంతో వివక్ష చూపుతోంది. పంచాయతీల అభివృద్ధికి కేంద్రం విడుదల చేసే 15వ ఆర్థిక సంఘం నిధులను పక్కదారి పట్టిస్తోంది. దీంతో పంచాయతీల నిర్వహణ భారంగా మారుతోంది. కనీస అవసరాలైన తాగునీరు, వీధిలై ట్లు, పారిశుద్ధ్య పనులు చేపట్టేందుకు ముప్పుతిప్పలు పడుతున్నారు.వరదయ్యపాళెం : కూటమి ప్రభుత్వం గ్రామ పంచాయతీలకు కేటాయించే నిధుల్లో కోత పెడుతుండటంతో సర్పంచులు, అధికారులు ఏ పని చేయాలన్నా ఆలోచించాల్సిన పరిస్థితి నెలకొంది. పంచాయతీలు 15వ ఆర్థిక సంఘం, స్టాంప్‌ డ్యూటీ, వృత్తి పన్నుల పైనే ఆధారపడి ఉన్నాయి. పంచాయతీల్లో నిర్వహణ ఖర్చులు అమాంతంగా పెరిగిపోవడంతో వచ్చిన నిధులు పారిశుద్ధ్య కార్మికుల వేతనం, మైనర్‌ రిపేర్ల ఖర్చులకు కూడా సరిపోవడం లేదు. కొన్ని పంచాయతీల్లో పారిశుద్ధ్య కార్మికులు వేతనాలు అందక ఇబ్బందులు పడుతున్నారు. దీంతో పంచాయతీలో ఏ పని చేయాలన్నా నిధుల కొరతతో ముందడుగు వేయలేకపోతున్నారు.పెరిగిన నిర్వహణ ఖర్చులుతిరుపతి జిల్లాలో 34 మండలాల్లో 774 గ్రామ పంచాయతీలు ఉన్నాయి. వాటి పరిధిలో 9,09,555 మంది జనాభా ఉన్నారు. పంచాయతీల్లో ట్రై సైకిళ్ల నిర్వహణ, విద్యుత్‌ బకాయిలు, పైపులైన్‌ సమస్యలు, ఓవర్‌ హెడ్‌ ట్యాంకులు, పారిశుద్ధ్య పనులు పెరిగిపోయాయి. దీంతో చేసిన పనులకే దిక్కులేకుండా పోగా, అధికారులు నిత్యం పంచాయతీలను తనిఖీ చేసి సమస్యలను పరిష్కరించాలని ఆదేశిస్తుండటంతో అదనపు ఖర్చులు పెరిగిపోతున్నాయని వాపోతున్నారు.అసలే వర్షాకాలంవర్షాకాలం ప్రారంభ నేపథ్యంలో పంచాయతీల్లో ప్రధానంగా పారిశుద్ధ్య సమస్యలు పుట్టుకొస్తాయి. తద్వారా వివిధ రకాల వ్యాధులు ప్రబలే అవకాశం ఉంది. అయితే ప్రధానంగా పారిశుద్ధ్య పనులు చేపట్టాలి. వ్యాధుల నియంత్రణకు క్లోరినేషన్‌ చేయాలి. ఈ పరిస్థితుల్లో పంచాయతీల ఖజానా ఖాళీగా ఉండడంతో సర్పంచులు తలలు పట్టుకుంటున్నారు. దీంతో సర్పంచులు ఏమీ చేయలేక నిస్సహాయ స్థితిలో ఉన్నారు. ఆదాయ వనరులు ఉండే మేజర్‌ పంచాయతీలను మినహాయిస్తే మిగిలిన 90శాతం గ్రామ పంచాయతీలను నిధుల కొరత వెంటాడుతోంది.పది నెలలుగా నిధుల కొరత2024–25 సంవత్సరానికి సంబంధించి కేంద్ర ప్రభుత్వం పంచాయతీలకు విడుదల చేసే 15వ ఆర్థిక సంఘం నిధులను మొదటి విడత కింద సెప్టెంబర్‌ 3వ తేదీన విడుదల చేశారు. ఆ నిధులతోనే కాలం నెట్టుకొస్తున్నారు. రెండో విడత నిధులను కూడా కేంద్రం విడుదల చేసినప్పటికీ రాష్ట్ర ప్రభుత్వం వాటిని విడుదల చేయలేదనే విమర్శలున్నాయి. ఒక్కో పంచాయతీలో దాదాపుగా పారిశుద్ధ్య కార్మికులకు నెలకు రూ.25 వేలు ఖర్చు వస్తోంది. ప్రస్తుతం కార్మికులు వేతనం అందకపోవడంతో ఇబ్బందులు పడుతున్నారు.స్వాతంత్య్ర వేడుకులకు ఉత్తి చేతులే..కూటమి ప్రభుత్వం అధికారంలోకి వచ్చిన తర్వాత ప్రచార ఆర్భాటాలకే ప్రాధాన్యం ఇస్తోంది. అధికారంలోకి వచ్చిన వెంటనే పంచాయతీలో స్వాతంత్య్ర వేడుకలు ఘనంగా నిర్వహించాలని డిప్యూటీ సీఎం పవన్‌ కళ్యాణ్‌ తెలిపారు. అయితే వేడుకలకు నిధులు అందిస్తారని అందరూ భావించగా.. పంచాయతీల నుంచే వాడుకోవాలని జీఓ జారీ చేయడంపై సర్పంచులు ఆవేదన చెందుతున్నారు. చేతిలో చిల్లిగవ్వలేకుండా వేడుకలు ఎలా చేయాలో తెలియక ఆందోళన చెందుతున్నారు.రూ.60 కోట్ల నిధులు పెండింగ్‌గ్రామ పంచాయతీకి జనాభా ప్రాతిపదికన ఆర్థిక సంఘ నిధులను కేంద్ర ప్రభుత్వం మంజూరు చేస్తుంది. ఆ దిశగా తిరుపతి జిల్లాలోని 774 పంచాయతీలకు సంబంధించి ఒక విడతకు రూ. 45 కోట్ల నుంచి రూ. 60 కోట్ల వరకు 15వ ఆర్థిక సంఘ నిధులు జమ కావాల్సి ఉంది. అలాగే వైద్యఆరోగ్యశాఖ నుంచి ఏటా రెండు విడతల్లో పంచాయతీలకు రూ. 10 వేలు చొప్పున మొత్తంగా రూ. 20 వేలు జమ కావాలి. ఈ నిధులు కొన్ని సంవత్సరాలుగా పంచాయతీలకు జమ కావడం లేదు. ఈ విధంగా పంచాయతీలకు రావాల్సిన నిధులను సకాలంలో విడుదల చేయకుండా పంచాయతీల అభివృద్ధిని కూటమి నీరుగారుస్తోంది.నిధులు కేటాయించకుండా కాలయాపనకూటమి ప్రభుత్వం పంచాయతీల అభివృద్ధికి నిధులు కేటాయించకుండా కాలయాపన చేస్తున్నారు. గత ప్రభుత్వం పంచాయతీ నిధులను పక్కదారి పట్టిస్తోందని గగ్గోలు పెట్టిన సీఎం చంద్రబాబు, ఉప ముఖ్యమంత్రి పవన్‌ కళ్యాణ్‌ ప్రస్తుతం చేస్తున్నదేమిటి?. కేంద్ర ప్రభుత్వం విడుదల చేసిన ఆర్థిక సంఘ నిధులను సంక్షేమ పథకాలకు మళ్లించి పంచాయతీల అభివృద్ధిని గాలికొదిలేశారు. – దుడ్డు వేణు, సర్పంచ్‌, సీఎల్‌ఎన్‌పల్లివీధి దీపాల మరమ్మతులకు ఇబ్బందులే..కేంద్ర ప్రభుత్వం విడుదల చేసిన 15వ ఆర్థిక సంఘ నిధులను పక్కదారి పట్టిస్తుండడంతో గ్రామ పంచాయతీల్లో అభివృద్ధి కుంటుపడుతోంది. కనీసం వీధి లైట్ల ఏర్పాటు, పంచాయతీ ప్రజలకు తాగునీటి అవసరాలు తీర్చేందుకు తీవ్ర ఇబ్బందులు పడుతున్నాం. నిధులు విడుదల కానిదే ఏ పనులు చేపట్టలేం. – చంద్రారెడ్డి, సర్పంచుల సంఘం అధ్యక్షుడు, వరదయ్యపాళెం మండలం

● సుదీర్ఘకాలం రాజకీయ జీవితం గడిపిన నేత ● 1988లో జరిగిన ఉపఎన్నికలో ఎమ్మెల్యేగా గెలుపు ● కేవలం సంవత్సరమే ఎమ్మెల్యేగా పని చేసిన తాటిపర్తి చెంచురెడ్డి ● నివాళులు అర్పించిన మాజీ ఎమ్మెల్యే, మాజీ ఎంపీ, వైఎస్సార్‌సీపీ నేతలు శ్రీకాళహస్తి: శ్రీకాళహస్తి మాజీ ఎమ్మెల్యే తాటిపర్తి చెంచురెడ్డి(88) అనారోగ్యంతో కన్నుమూశారు. గత కొంతకాలంగా అనారోగ్యంతో బాధ పడుతున్న ఆయన తిరుపతిలోని ఓ ప్రైవేట్‌ ఆస్పత్రిలో చికిత్స పొందుతూ సోమవారం మృతి చెందారు. సుదీర్ఘకాలం రాజకీయాల్లో కొనసాగిన తాటిపర్తి.. పలు పర్యాయాలు వరుసగా ఓటమి పలకరించినా నిరుత్సాహ పడకుండా పోరాడారు. 1988లో జరిగిన ఉప ఎన్నికలో అప్పటి టీడీపీ ఎమ్మెల్యే అభ్యర్థి కొండుగారి శ్రీరామమూర్తిపై కాంగ్రెస్‌ పార్టీ తరఫున పోటీ చేసి గెలుపొందారు. అంతకుముందు 1978లో జనతా పార్టీ తరఫున పోటీ చేసి అప్పటి కాంగ్రెస్‌ ఐ అభ్యర్థి ఉన్నం సుబ్రహ్మణ్యం నాయుడు చేతిలో ఓడిపోయారు. 1983లో కాంగ్రెస్‌ ఇండిపెండెంట్‌ మధ్య త్రిముఖ పోరు జరగడంతో కాంగ్రెస్‌ అభ్యర్థి కంటే కూడా అధిక ఓట్లు సాధించి రెండో స్థానంలో నిలిచారు. 1985లో కాంగ్రెస్‌ పార్టీ తరఫున పోటీ చేసి టీడీపీ అభ్యర్థి సత్రవాడ మునిరామయ్య చేతిలో కేవలం 80 ఓట్ల తేడాతో ఓటమి పాలయ్యారు. అయితే సత్రవాడ మునిరామయ్య ఎంపిక చెల్లదని, ఆయన ఓ రైల్వే కాంట్రాక్టర్‌ అంటూ కోర్టు మెట్లు ఎక్కి విజయం సాధించారు. దీంతో కోర్టు సత్రవాడపై అనర్హత వేటు వేయడంతో 1988లో ఉప ఎన్నిక అనివార్యమైంది. టీడీపీ నుంచి కొండుగారి శ్రీరామమూర్తి ఉప ఎన్నిక బరిలో నిలబడగా, కాంగ్రెస్‌ నుంచి యథావిధిగా తాటిపర్తి పోటీపడ్డారు. టీడీపీ తరఫున ఎన్టీ రామారావుతో పాటు సినీ ప్రముఖులు శ్రీకాళహస్తిలో పెద్దఎత్తున ప్రచారం చేయగా, కాంగ్రెస్‌ తరఫున సూపర్‌స్టార్‌ కృష్ణ, జమున లాంటి వాళ్లు ప్రచారం చేశారు. టీడీపీ, ఎన్‌టీఆర్‌ హవా కొనసాగుతున్న సమయంలోనే ఉప ఎన్నిక రావడం.. చెంచురెడ్డి గెలవడం జరిగిపోయింది. 1989లో మళ్లీ కాంగ్రెస్‌ తరఫున బరిలోకి దిగి టీడీపీ అభ్యర్థి బొజ్జల గోపాలకృష్ణారెడ్డి చేతిలో ఓడిపోయారు. అనంతరం రాజకీయాలకు దూరంగా ఉన్న ఆయన వైఎస్సార్‌సీపీ ఆవిర్భావం నుంచి తిరిగి రాజకీయాల్లోకి వచ్చారు. చెంచురెడ్డి మృతి పట్ల మాజీ ఎమ్మెల్యే బియ్యపు మధుసూద్‌ రెడ్డి, పార్టీ సీనియర్‌ నేత ఉన్నం వాసుదేవ నాయుడు, మాజీ ఎంపీ చింతామోహన్‌ దిగ్భ్రాంతి వ్యక్తం చేశారు. చెంచురెడ్డి మృతికి ఎంపీ గురుమూర్తి సంతాపం తిరుపతి మంగళం:తిరుపతి జిల్లా శ్రీకాళహస్తి నియో జకవర్గ మాజీ ఎమ్మెల్యే తాటిపర్తి చెంచురెడ్డి మర ణం పట్ల తిరుపతి ఎంపీ డాక్టర్‌ గురుమూర్తి విచా రం వ్యక్తం చేశారు. ఆయన మృతి శ్రీకాళహస్తికి తీర ని లోటని గురుమూర్తి అన్నారు. సామాన్య ప్రజల కు అండగా నిలిచి, నియోజకవర్గ అభివృద్ధికి చెంచు రెడ్డి చేసిన కృషి చిరస్మరణీయమని ఆయన కొనియాడారు. అందుకే ప్రజల మనసుల్లో ఆయన ప్రత్యేక స్థానం సంపాదించుకున్నారని గుర్తుచేశారు. ఆయన ఆత్మకు శాంతి చేకూరాలని ప్రార్థించారు.

రేణిగుంట: గంగ జాతర సందర్భంగా సోమవారం స్థానిక పాంచాలి నగర్‌కు చెందిన సూర్య ప్రకాశ్‌ రెడ్డి కుటుంబ సభ్యులు, బంధుమిత్రులతో కలిసి అమ్మవారి మూలవిరాట్‌కు స్వర్ణ పూత వెండి కవచాలను అందజేశారు. దాత ఇంట్లో అమ్మవారి కవచాలకు విశేష పూజలు నిర్వహించి మేళతాళాలు నడుమ ఊరేగింపుగా తీసుకొచ్చి అమ్మవారికి సమర్పించారు. ఆలయంలో ఆలయ ధర్మకర్త సోలా మల్లికార్జున్‌ రెడ్డి, సభ్యులు స్వర్ణ పూత వెండి కవచాలను స్వీకరించారు. కార్యక్రమంలో సాయి మనోహర్‌, ధీరజ్‌ రెడ్డి, భరద్వాజ్‌ రెడ్డి, దినేష్‌, శరత్‌ బాబు, శివరాంరెడ్డి, హరిహర నాథ్‌ రెడ్డి, రామ్మూర్తి తదితరులు పాల్గొన్నారు.

తిరుపతి అర్బన్‌: ఎన్నికల్లో ఇచ్చిన హామీ ప్రకారం సీఎం చంద్రబాబు నాయుడు కార్డు ఉన్న ప్రతి కుటుంబానికీ రేషన్‌ సరుకులు ఇవ్వాలని సీపీఎం జిల్లా కార్యదర్శి నాగరాజు డిమాండ్‌ చేశారు. సోమవారం తిరుపతి అర్బన్‌ తహసీల్దార్‌ కార్యాలయం సమీపంలోని సివిల్‌ సప్లయ్‌ కార్యాలయం వద్ద సీపీఎం ఆధ్వర్యంలో ధర్నా చేపట్టారు. ఈ సందర్భంగా ఆయన మాట్లాడుతూ ప్రతి నెల 1 నుంచి 15 వరకు రేషన్‌ బియ్యం ఇవ్వాల్సి ఉందని చెప్పారు. అయితే 1 నుంచి 4 లేదా 5వ తేదీకే డీలర్లు దుకాణాలు మూసి వెళ్తున్నారని మండిపడ్డారు. గత నెలలో 65 వేల మంది కార్డుదారులు బియ్యం తీసుకోలేదన్నారు. డీలర్లు అదనంగా 10శాతం బియ్యం ఇచ్చేవారని.. దాంతో తమ రేషన్‌ పరిధిలోని వారు కాకుండా స్థానికేతరులు వచ్చిన డీలర్లకు బియ్యం ఇచ్చేవారని చెప్పారు. అయితే కూటమి సర్కార్‌లో డీలర్లు ఇస్తున్న 10శాతం అదనపు బియ్యాన్ని నిలుపుదల చేయడంతో స్థానికేతరులకు బియ్యం ఇవ్వడం లేదని వెల్లడించారు.

సమస్యలపై పోరాడాలన్న యువగళం పిలుపు ఏమైంది లోకేష్‌?–సంఘాల ఎన్నికలు నిర్వహిస్తామన్న మీరు హామీ ఇవ్వలేదా?–తక్షణం ఆంక్షలు ఎత్తివేయకుంటే ఉద్యమాలు ఉధృతం చేస్తాం–తిరుపతిలో కూటమి ప్రభుత్వంపై విద్యార్థి సంఘాల కన్నెర్ర–మంత్రి లోకేష్‌ దిష్టిబొమ్మ దహనానికి యత్నం... ఉద్రిక్తత ● ప్రభుత్వ విద్యాసంస్థలను నిర్వీర్యం చేస్తున్న కూటమి ప్రభుత్వం ● హామీలు నెరవేర్చలేదంటూ మంత్రి లోకేష్‌ దిష్టిబొమ్మ దగ్ధానికి యత్నం ● విద్యార్థి సంఘాల నేతలను అడ్డుకున్న పోలీసులు తిరుపతి సిటీ: కూటమి ప్రభుత్వంపై విద్యార్థి సంఘాలు మరోసారి కన్నెర్ర చేశాయి. రాజ్యాంగం కల్పించిన హక్కులను కాలరాస్తే ఖబడ్దార్‌ అని హెచ్చరించాయి. ఈ మేరకు విద్యార్థి సంఘాల నాయకులు సోమవారం శ్రీ వేంకటేశ్వర యూనివర్సిటీ (ఎస్వీయూ) నుంచి తిరుపతి టౌన్‌ క్లబ్‌ వరకు భారీ ర్యాలీ నిర్వహించి పెద్దఎత్తున నిరసన వ్యక్తం చేశారు. అనంతరం మంత్రి లోకేష్‌ దిష్టిబొమ్మ దహనానికి ప్రయత్నించగా వందల సంఖ్యలో పోలీసులు చేరుకుని వారిని ఈడ్చి పడేసి అడ్డుకున్నారు. ఓ దశలో పోలీసులు, విద్యార్థి సంఘాల నాయకుల మధ్య తోపులాట చోటుచేసుకుంది. ఈ సందర్భంగా విద్యార్థి సంఘాల నేతలు మాట్లాడుతూ.. ప్రభుత్వ విద్యాసంస్థల్లో సమస్యలు, కార్పొరేట్‌, ప్రైవేట్‌ విద్యాసంస్థల్లో ఫీజుల దోపిడీపై పోరాడుతున్న వామపక్ష, ప్రజాతంత్ర విద్యార్థి సంఘాలను విద్యాలయంలోకి వెళ్లకుండా అడ్డుకునేలా ఉత్తర్వులు ఇవ్వడం సిగ్గుచేటన్నారు. తక్షణమే వాటిని రద్దు చేయకుంటే పెద్దఎత్తున పోరాటాలు చేస్తామని హెచ్చరించారు. రాష్ట్రంలో విద్యావ్యవస్థను సర్వనాశనం చేశారని, స్కూళ్లు, కళాశాలల్లో మౌలిక వసతులు కొరవడ్డాయని ఆరోపించారు. ప్రభుత్వం ఇచ్చిన హామీలపై ప్రశ్నించినందుకు విద్యార్థి సంఘాలపై ఆంక్షలు విధిస్తూ బ్రిటీష్‌ పాలనను తలపించేలా కూటమి ప్రభుత్వం వ్యవహరిస్తోందని విమర్శించారు. మీదే బాధ్యత అన్నారు కదా లోకేష్‌? ప్రతిపక్షంలో ఉన్నప్పుడు లోకేష్‌ చేపట్టిన యువగళం పాదయాత్రలో విద్యార్థుల సమస్యలు పరిష్కరించాలని, సంఘాలకు ఎన్నికలు నిర్వహించే బాధ్యత తనదే అని ప్రగల్బాలు పలికారని గుర్తుచేశారు. అధికారంలోకి వచ్చాక సమస్యలకు పరిష్కారం చూపకపోగా, ప్రశ్నిస్తున్న వారిపై కక్షసాధింపు చర్యలకు పాల్పడుతున్నారని ఆరోపించారు. కార్యక్రమంలో ఎస్‌ఎఫ్‌ఐ తిరుపతి జిల్లా అధ్యక్ష, కార్యదర్శులు అక్బర్‌, రవి, వినోద్‌, అశోక్‌, ఏఐఎస్‌ఎఫ్‌ జిల్లా అధ్యక్ష, కార్యదర్శులు ఉదయ్‌కుమార్‌, ప్రవీణ్‌, విష్ణు, వినయ్‌, ఎన్‌ఎస్‌యూఐ రాష్ట్ర కార్యదర్శి మల్లికార్జున, నల్సా రాష్ట్ర అధ్యక్షుడు సుందర్‌, పీడీఎస్‌ఓ నాయకురాలు స్రవంతి, ఏఐఎస్‌ఐ, ఇతర విద్యార్థి సంఘాల నాయకులు పాల్గొన్నారు.

● కొత్త మున్సిపల్‌ స్టాండింగ్‌ కౌన్సిల్‌ను రద్దు చేసిన కౌన్సిలర్లు ● పాత మున్సిపల్‌ స్టాండింగ్‌ కౌన్సిల్‌లే కొనసాగించాలని 16 మంది ఆమోదం ● టీడీపీకి చెంప పెట్టులాంటి తీర్పు ● మరోసారి విఫలమైన కూటమి ప్రభుత్వ ప్రయత్నాలు వెంకటగిరి (సైదాపురం): కూటమి ప్రభుత్వం అధికారం చేపట్టినప్పటి నుంచి వైఎస్సార్‌సీపీ నేతలపై కక్ష సాధింపు చర్యలకు పాల్పడడంతో పాటు పదవులను సైతం తమ గుప్పెట్లో వేసుకునేందుకు విశ్వప్రయత్నాలు సాగిస్తోంది. అయితే తిరుపతి జిల్లా వెంకటగిరి మున్సిపల్‌లో మాత్రం వైఎస్సార్‌సీపీ వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి సారథ్యంలో టీడీపీకి వరుస పరాజయాలు చవి చూపిస్తున్నారు. తొలిసారి మున్సిపల్‌ చైర్‌పర్సన్‌ పదవికీ అవిశ్వాసం అంశం తెరపైకి తెచ్చి అభాసుపాలయ్యారు. ఈ విషయం మరువకముందే మరోసారి మున్సిపల్‌ లీగల్‌ అడ్వైజర్‌గా ఉన్న జయప్రకాష్‌ను మున్సిపల్‌ స్టాండింగ్‌ కౌన్సిల్‌ నుంచి తొలగించి కొత్తవారికి నియమించాలని టీడీపీ నేతలు మున్సిపల్‌ కౌన్సిల్‌ సమావేశంలో 24వ అంశంగా పొందుపరిచారు. ఇందుకు సముచితంగా కొందరు మున్సిపల్‌ కౌన్సిలర్లు లేరు. ఈ క్రమంలో ఈనెల 31వ తేదీన అధినేత వైఎస్‌ జగన్‌మోహన్‌రెడ్డి పర్యటన సందర్భంగా కౌన్సిలర్లు నెల్లూరుకు తరలివెళ్లారు. గతంలో ఈ సమావేశానికి ఇద్దరు కౌన్సిలర్లు మాత్రమే హాజరు కావడంతో సమావేశాన్ని తాత్కాలికంగా వాయిదా వేస్తున్నట్లు కమిషనర్‌ వెంకటరామిరెడ్డి వ్యక్తపరిచారు. అనంతరం వైఎస్సార్‌సీపీ సమన్వయకర్త నేదురుమల్లి రామ్‌కుమార్‌రెడ్డి నేతృత్వంలో వైఎస్సార్‌సీపీ కౌన్సిలర్లు ఏకతాటిపై ఉండి అభివృద్ధికి తాము ఎప్పుడూ అడ్డురామని బహిరంగంగానే ప్రకటన చేశారు. 16 మంది ఆమోదం వెంకటగిరి మున్సిపల్‌లో మున్సిపల్‌ చైర్‌పర్సన్‌ నక్కా భానుప్రియతో పాటు 24 మంది మున్సిపల్‌ కౌన్సిలర్లు ఉండగా సోమవారం మున్సిపల్‌ కార్యాలయంలో జరిగిన మున్సిపల్‌ సమావేశానికి 19 మంది మున్సిపల్‌ కౌన్సిలర్లు హాజరయ్యారు. సమావేశం జరుగుతున్న తరుణంలో మున్సిపల్‌ అధికారి అంశం–24 చదువుతుండగా ఆ అంశాన్ని చదనవసరం లేదని ఆ అంశాన్ని అజెండాలో నుంచి తొలగించాలని కౌన్సిలర్లు ముక్తకంఠంతో మున్సిపల్‌ చైర్‌పర్సన్‌ నక్కా భానుప్రియకు వివరించారు. ఈ మేరకు ఈ అంశం తొలగించాలన్నా వారు చేతులు పైకి ఎత్తమనగా 16 మంది వైఎస్సార్‌సీపీ కౌన్సిలర్లు తమ మద్దతు వ్యక్తపరిచారు. దీంతో మున్సిపల్‌ కౌన్సిల్‌ అజెండా నుంచి అంశం–24ను తొలగించారు. దీంతో ప్రత్యక్షంగానే వెంకటగిరి మున్సిపాలిటీలో మరో విజయం వైఎస్సార్‌సీపీ తమ ఖాతాల్లోకి వేసుకుంది.

పెళ్లకూరు: మండలంలోని చిల్లకూరు మన్నేముత్తేరి చెరువులో యంత్రాలతో మట్టి తవ్వకాలు చేపట్టి.. కోళ్లఫారం యాజమాన్యానికి పూర్తిగా సహకరించింది స్థానిక టీడీపీ నాయకులేనని వైఎస్సార్‌సీపీ రాష్ట్ర కార్యదర్శి, డీసీసీబీ మాజీ చైర్మన్‌ కామిరెడ్డి సత్యనారాయణరెడ్డి ఆరోపించారు. సోమవారం ఆయన సాక్షితో మాట్లాడారు. కోళ్ల ఫారం నిర్మాణం తొలి దశ నుంచి యాజమాన్యం నుంచి ముడుపులు తీసుకుని టన్నుల కొద్దీ మట్టి తవ్వకాలు చేపట్టి జేబులు నింపుకున్నట్లు విమర్శించారు. మూడు నెలలుగా పౌల్ట్రీ నిర్మాణ పనులు జరుగుతుంటే అధికార పార్టీలో ఉంటూ అడ్డుకోకుండా.. ఇప్పుడెందుకు అడ్డుకుంటున్నార ని ప్రశ్నించారు. గతంలో మూడు పర్యాయాలు టీడీపీ నాయకులే వెళ్లి మట్టి తవ్వకాలను అడ్డుకున్నప్పుడు జిల్లా కలెక్టర్‌కు ఎందు కు ఫిర్యాదు చేయలేదన్నారు. ముడుపులు అందుకుంటే ఒక న్యాయం.. అడిగినంత ఇవ్వకపోతే మరో న్యా యమా? అని ప్రశ్నించారు. రైతుల ప్రయోజనాల కోసం మాజీ సర్పంచ్‌ బసివిరెడ్డి వెంకటశేషారెడ్డి పదిహేనేళ్ల కిందట చెరువులో సిమెంట్‌ పైపులు వేసి తాత్కాలికంగా రోడ్డు ఏర్పాటు చేయడం జరిగిందని, ప్రస్తుతం గ్రావెల్‌తో రోడ్డు అభివృద్ధి చేసి పౌల్ట్రీ వద్దకు వాహనాల రాకపోకలకు వినియోగించుకుంటున్నట్లు తెలిపారు.

● గాలీవాన బీభత్సానికి 270 ఎకరాల్లో నేలవాలిన వరి పైరు ● 148 మంది రైతన్నలకు రూ.3.5 కోట్ల మేర నష్టం వాకాడు : మరో నాలుగు రోజుల్లో కోత కోయాల్సిన వరి పంట నేలపాలైంది. నాలుగు రోజుల్లో పంట చేతికొస్తుందని సంబరపడిన అన్నదాతలకు ఆదివారం రాత్రి కురిసిన వర్షం రూపంలో తీరని నష్టం వాటిల్లింది. సుమారు 148 మంది రైతన్నలకు కంటతడిని మిగిల్చింది. దీంతో 270 ఎకరాల్లో పంట నేలవాలి మొలకెత్తి, పాచిపోతోంది. వర్షం అదును దాటి కురవడంతో రైతులకు తీరని నష్టాన్ని తెచ్చిపెట్టింది. మండలవ్యాప్తంగా ఖరీఫ్‌లో 1500 ఎకరాల్లో రైతులు వరి సాగు చేశారు. అందులో తొలిదశలో ఇప్పటివరకు 209 ఎకరాల్లో పంట కోత పూర్తయింది. ఈ నెల 15 నుంచి రెండో దశ పంట కోత ఉండగా.. మొత్తం 270 ఎకరా ల్లో వర్షానికి పంట నీట మునిగింది. దీంతో మండలంలో దాదాపు రూ.3.5 కోట్లు నష్టం వాటిల్లినట్లు రైతులు చెబుతున్నారు. అప్పులు చేసి సాగు చేసిన పంట నేలవాలడంతో కన్నీరే మిగిలిందని రైతులు వాపోతున్నారు. గతేడాది కనీసం పెట్టిన పెట్టుబడులు చేతికందక అప్పుల ఊబిలో కూరుకుపోయామని.. ఇప్పుడు ఈ వర్షం మరింత అప్పుల్లోకి నెట్టిందని ఆవేదన వ్యక్తం చేశారు.

వాకాడు: ప్రశాంతంగా ఉన్న ఆంధ్రప్రదేశ్‌లో కూటమి ప్రభుత్వం వచ్చినప్పటి నుంచి అన్యాయాలు, దౌర్జ న్యాలతో పాలన గాడి తప్పిందని ఉమ్మడి నెల్లూరు జిల్లా ఎమ్మెల్సీ మేరిగ మురళీధర్‌ తెలిపారు. సోమవా రం ఆయన వాకాడు ఎంపీపీ కార్యాలయంలో స్థానిక విలేకరులతో మాట్లాడారు. ఈ ప్రభుత్వం వచ్చాక గూడూరులో కొందరు విచ్ఛలవిడిగా ఇసుక తవ్వకాలు, మద్యం విక్రయాలు, గంజాయి అమ్మకాలు సాగిస్తున్నారని, అయితే వారిని దండించాల్సిన స్థానిక ప్రజాప్రతినిఽధి వారి పుట్టినరోజు వేడుకల్లో పాల్గొనడం దేనికి సంకేతమన్నారు. పులివెందులలో పోలింగ్‌ బూత్‌లను ఊరికి దూరంగా మార్చడం విచారకరమన్నారు. ఆయన వెంట వైఎస్సార్‌సీపీ నాయకులు కొడవలూరు దామోదర్‌రెడ్డి, సర్పంచులు భాస్కర్‌రెడ్డి, మధురెడ్డి, మాజీ ఎంపీపీ మధురెడ్డి తదితరులు పాల్గొన్నారు.

తిరుపతి సిటీ: ఈ ఏడాది జూన్‌ 6 నుంచి జూలై 2వ తేదీ వరకు జరిగిన డీఎస్సీ పరీక్షలు నిర్వహించారు. చిత్తూరు ఉమ్మడి జిల్లాలో 1,478 పోస్టులకు సుమారు 50 వేల మందికిపైగా పోటీపడ్డారు. తుది కీ ఆధారంగా నార్మలైజేషన్‌ ప్రక్రియ ద్వారా రూపొందించిన డీఎస్సీ ఫలితాలను అధికారులు సోమవారం విడుదల చేశారు. టెట్‌ వివరాలకు సంబంధించి అభ్యర్థులకు ఏవైనా అభ్యంతరాలు ఉంటే విధ్యాశాఖ అధికారిక వెబ్‌సైట్‌లో తమకు తామే టెట్‌ వివరాలను సరిచేసుకునేందుకు ఈనెల 13వ వరకు రెండు రోజుల పాటు వెసులుబాటు ఇచ్చారు. బ్యాడ్మింటన్‌ జిల్లాస్థాయి ఎంపిక పోటీలు రేపు తిరుపతి ఎడ్యుకేషన్‌ : తిరుపతిలోని శ్రీ శ్రీనివాస స్పోర్ట్స్‌ కాంప్లెక్స్‌ ఆవరణలో 13వ తేదీ అండర్‌–19 బాలబాలికల బ్యాడ్మింటన్‌ జిల్లాస్థాయి ఎంపిక పోటీలను నిర్వహించనున్నట్లు డీఎస్‌డీఓ శశిధర్‌ సోమవారం ఒక ప్రకటనలో తెలిపారు. ఆసక్తి ఉన్న క్రీడాకారులు 13వ తేదీ ఈ పోటీలకు హాజరు కావాలని ఆయన కోరారు. టీటీడీకి రూ.20 లక్షల విరాళం తిరుమల: బెంగళూరుకు చెందిన చిల్డ్రన్స్‌ ఎడ్యుకేషన్‌ సొసైటీ ప్రెసిడెంట్‌ ఎస్‌ఎన్‌వీఎల్‌ నరసింహరాజు అనే భక్తుడు సోమవారం టీటీడీ శ్రీవేంకటేశ్వర అన్నప్రసాదం ట్రస్టుకు రూ.10 లక్షలు, ఎస్వీ ప్రాణదాన ట్రస్టుకు రూ.10 లక్షలు విరాళంగా అందించారు. ఈ మేరకు దాత ప్రతినిధి మోహన్‌ కుమార్‌ రెడ్డి తిరుమలలోని టీటీడీ అదనపు ఈఓ కార్యాలయంలో సీహెచ్‌ వెంకయ్య చౌదరికి విరాళం చెక్కులను అందజేశారు.

కార్వేటినగరం: గుర్తుతెలియని వాహనం ఢీకొని కానిస్టేబుల్‌ మృతి చెందిన ఘటన మండలంలోని కుప్పానిగుంట సమీపంలో చిత్తూరు–పుత్తూరు జాతీయ రహదారిపై ఆదివారం రాత్రి చోటుచేసుకుంది. స్థానికుల కథనం.. కార్వేటినగరం బీసీ కాలనీకి చెందిన అయ్యప్ప(41) పుత్తూరు ఏఆర్‌ కానిస్టేబుల్‌గా విధులు నిర్వహిస్తున్నాడు. ఈ క్రమంలో ఆదివారం రాత్రి ఓ కేసు విచారణ కోసం పళ్లిపట్టుకు వెళ్తూ మార్గమధ్యంలోని సురేంద్రనగరం సమీపం, చిన్నకనుమ వద్ద గుర్తుతెలియని వాహనం ఢీకొనడంతో అక్కడికక్కడే మృతి చెందాడు. స్థానిక పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం పుత్తూరు ప్రభుత్వ ఆస్పత్రికి తరలించారు. మృతుడికి తల్లిదండ్రులతో పాటు భార్య, ఇద్దరు పిల్లలు ఉన్నారు. అయ్యప్ప మృతదేహానికి ఘన నివాళి మృతి చెందిన ఏఆర్‌ కానిస్టేబుల్‌ అయ్యప్ప మృతదేహానికి తిరుపతి ఎస్సీ హర్షవర్ధన్‌రాజు ఘన నివాళి అర్పించారు. అలాగే పుత్తూరు డీఎస్పీ రవికుమార్‌, నగరి డీఎస్పీ సయ్యద్‌ మహమ్మద్‌ అజీజ్‌, స్థానిక సీఐ హనుమంతప్ప పూలమాల వేసి నివాళి అర్పించారు. మృతుని కుటుంబానికి ఆర్థిక సహాయం రోడ్డు ప్రమాదంలో మృతి చెందిన కానిస్టేబుల్‌ అయ్యప్ప కుటుంబానికి తిరుపతి ఎస్పీ హర్షవర్ధన్‌రాజు రూ.లక్ష ఆర్థిక సహాయాన్ని అందించారు. అనంతరం వారి కుటుంబ సభ్యులను ఓదార్చారు. ప్రభుత్వ పరంగా కుటుంబాన్ని అన్ని విధాలా ఆదుకుంటానని వారికి భరోసా ఇచ్చారు. అదే విధంగా ఏఆర్‌ కానిస్టేబుల్‌ యూనియన్‌ ఆధ్వర్యంలో అయ్యప్ప కుటుంబానికి రూ.50 వేల ఆర్థిక సహాయం అందించారు. పోలీస్‌ లాంఛనాలతో అంత్యక్రియలు ఏఆర్‌ కానిస్టేబుల్‌గా పుత్తూరులో విధులు నిర్వహిస్తున్న అయ్యప్ప మృతి చెందడంతో సోమవారం తన స్వగ్రామం కార్వేటినగరంలో పోలీస్‌ లాంఛనాలతో అంత్యక్రియలు నిర్వహించారు. ● నివాళి అర్పించిన ఎస్పీ, డీఎస్పీలు

● కూటమి అరాచకాలు, దాడులపై నిరసనలు చేయండి ● తిరుపతి, చిత్తూరు జిల్లాల వైఎస్సార్‌సీపీ జిల్లా అధ్యక్షుడు భూమన తిరుపతి మంగళం : కూటమి ప్రభుత్వ వ్యతిరేక విధానాలను ఎప్పటికప్పుడు ఎండగట్టడంలో వైఎస్సార్‌సీపీ అనుబంధ విభాగాల నాయకులు చురుగ్గా పని చేయాలని చిత్తూరు, తిరుపతి జిల్లాల వైఎస్సార్‌సీపీ అధ్యక్షుడు భూమన కరుణాకరరెడ్డి సూచించారు. తిరుపతి పద్మావతిపురంలోని పార్టీ కార్యాలయంలో సోమవారం ఆయన పార్టీ అనుబంధ విభాగాల జిల్లా అధ్యక్షులతో సమావేశం నిర్వహించారు. కూటమి ప్రభుత్వం అధికారంలోకి కక్షపూరిత రాజకీయాలకు పాల్పడుతూ వైఎస్సార్‌సీపీ నాయకులపై దాడులు, అక్రమ కేసులు బనాయించి జైళ్లకు పంపుతున్నారని మండిపడ్డారు. ఈ నేపథ్యంలో కూటమి నాయకులు చేస్తున్న అరాచకాలు, దాడులపై పార్టీ జిల్లా అనుబంధ విభాగాల నాయకులు ఎప్పటికప్పుడు స్పందిస్తూ నిరసనలు చేపట్టాలన్నారు. కేసులకు ఎవరూ భయపడాల్సిన అవసరం లేదని.. పార్టీ అధ్యక్షులు వైఎస్‌ జగన్‌మోహన్‌రెడ్డి, జిల్లా అధ్యక్షుడిగా తాను ఉద్యమాల్లో ముందుంటానని తెలిపారు. కూటమి అరాచకాలను, దాడులను ఎప్పటికప్పుడు సోషల్‌మీడియా ద్వారా ఖండించాల్సిన అవసరం ఉందన్నారు. ఇటీవల కూటమి నాయకులు ఎస్సీ, ఎస్టీ, బీసీలపై విపరీతంగా దాడులకు పాల్పడుతున్నారని, వాటిని ఆయా వర్గాల నాయకులు ఖండించాలన్నారు. సమావేశంలో ఉమ్మడి చిత్తూరు జిల్లాలోని వైఎస్సార్‌సీపీ అనుబంధ విభాగాల జిల్లా నాయకులు పాల్గొన్నారు.

తిరుపతి రూరల్‌ : బస్సులో దొరికిన బంగారు నగలను బాధితురాలికి అప్పగించి ఓ ఆర్టీసీ బస్సు డ్రైవర్‌ తన నిజాయతీని చాటుకున్నాడు. వివరాలు.. పుంగనూరు డిపోకు చెందిన ఆర్టీసీ బస్సు (ఏపీ39జెడ్‌0092) తిరుపతి నుంచి భీమవరం, కొమ్మిరెడ్డిగారిపల్లి మీదుగా పుంగనూరుకు సర్వీసు నడుస్తోంది. ఈ క్రమంలో ఈ నెల 10 తేదీన ఆదివారం తిరుపతి స్టాఫ్‌ క్వార్టర్స్‌ వద్ద తన చంటిబిడ్డను ఎత్తుకుని బస్సు ఎక్కిన సోంప ల్లి భార్గవి వెంకటరామాపురం వద్ద దిగి వెళ్లిపో యింది. కాసేపటి తరువాత తన రెండేళ్ల కుమార్తె రిషితాచౌదరి మెడలోని బంగారం గొలుసుకు ఉన్న లాకెట్‌ కనిపించక పోవడంతో బస్సులోనే పడిపోయి ఉంటుందన్న అనుమానంతో ఆర్టీసీ డిపో మేనేజర్‌కు ఫోన్‌ చేసింది. ఆమె దగ్గర ఉన్న టికెట్‌ ఆధారంగా ఆయన బస్‌ డ్రైవర్‌ అల్తాఫ్‌కు సమాచారం చేరవేయడంతో అప్పటికే సదుం దగ్గర వెళ్తున్న ఆయన బస్సును ఆపి ఆమె కూర్చు న్న సీటు వద్దకు వెళ్లి చూడగా సీటు కింద పడి ఉంది. వెంటనే ఆయన బంగారం లాకెట్‌ను తీసుకు ని బాధితురాలికి సోమవారం ఉదయం ఆమెకు అప్పగించారు. అయితే నిజాయితీ చాటుకున్న బస్సు డ్రైవర్‌ అల్తాఫ్‌ను బాధితురాలి కుటుంబీకులతో పాటు గ్రామస్తులు అభినందించారు. వైభవంగా గెరిగ ఊరేగింపు రేణిగుంట: గంగ జాతర మహోత్సవాల సందర్భంగా సోమవారం అమ్మవారికి ప్రతిరూపమైన గెరిగ ఊరేగింపు అత్యంత వైభవంగా నిర్వహించారు. పురవీధుల్లో అడుగడుగునా భక్తులు అమ్మవారికి భక్తిశ్రద్ధలతో కర్పూరాలు సమర్పించి మొక్కులు తీర్చుకున్నారు. రేణిగుంటలో గ్రామ దేవతగా వెలసిన గంగమ్మ తల్లి జాతర మహోత్సవాలు వైభవంగా మొదలయ్యాయి. సోమవారం అమ్మవారికి ప్రతిరూపమైన గెరిగను అలంకరించి, గ్రామ చాకలిలో విశేష అలంకరణలో తలపై గెరిగను పెట్టుకుని డప్పుల దరువులు, పంబ వాయిద్యాల నడుమ పట్టణంలోని వీధుల్లో దర్శనమిచ్చారు. మంగళవారం జరగనున్న గంగ జాతర మహోత్సవాలకు సర్వం సిద్ధమైంది. రేణిగుంట పోలీసుల సహకారంతో భక్తులకు అవసరమైన అన్ని ఏర్పాట్లు కమిటీ సభ్యులు చేపట్టారు. కార్యక్రమంలో ఆలయ ధర్మకర్త సోలా మల్లికార్జున్‌ రెడ్డి, సదా శివ రెడ్డి, జ్యోతి నారాయణ, ఉమేష్‌,లక్ష్మణ్‌ రెడ్డి, వీఆర్‌ రావణ, చినబాబు,సూరి,రేణు,భాస్కర్‌,వార్డు సభ్యులు ఎంజీ రెడ్డి తదితరులు పాల్గొన్నారు.

● ఇంటి నుంచి గెంటేసిన ఓ ప్రబుద్ధుడు ● కలెక్టరేట్‌లో జరిగిన గ్రీవెన్స్‌లో ఫిర్యాదు చేసిన ఓ తల్లి సాక్షి టాస్క్‌ఫోర్స్‌: నవమోసాలు మోసి కని పెంచిన తల్లికి పట్టెడన్నం పెట్టలేక ఓ కొడుకు ఇంటి నుంచి గెంటేసిన ఘటన ఆలస్యంగా వెలుగులోకి వచ్చింది. వివరాలు.. తిరుపతి జిల్లా బాలాయపల్లికి చెందిన పెంచలయ్య నాయుడు, రావి సులోచనమ్మకు రావి హరిప్రసాద్‌, రెండవ కుమారుడు రావి రవికుమార్‌ ఇద్దరు కొడుకులు. పెంచలనాయుడు చనిపోయిన తర్వాత ఆయన ద్వారా సంక్రమించిన స్థిరాస్తులను ఇద్దరు కుమారులు, తల్లి రావి సులోచనమ్మ పంచుకుని, ఒప్పంద పత్రం రాసుకున్నారు. ఆ ప్రకారం ముగ్గురు వేర్వేరుగా కలిసి కాపురం ఉండాల్సి ఉంది. అయితే రెండో కొడుకు రావి రవికుమార్‌, అతని భార్య లక్ష్మికామాక్షి ఇద్దరూ కలిసి తాము చూసుకుంటామని చెప్పి తల్లి సులోచనమ్మను వారింటికి తీసుకెళ్లారు. కొద్దిరోజుల తర్వాత కుమారుడు రవికుమార్‌ భార్యతో కలిసి తల్లి దగ్గర ఉన్న రూ.10 లక్షల నగదు, 15 సవర్ల బంగారు నగలను నమ్మించి తీసుకున్నాడు. అంతేకాకుండా ఆమె స్థిరాస్తులను కూడా అనుభవిస్తున్నాడు. ఆ తర్వాత ఆమెను కొట్టి ఇంటి నుంచి తరిమివేశాడు. దిక్కుతోచని స్థితిలో ఆమె బాలయ్యపల్లి పోలీస్‌స్టేషన్‌లో ఫిర్యాదు చేయగా కొడుకు, కోడలిపై పోలీసులు కేసు నమోదు చేశారు. అయితే తమ మీదే కేసు పెడతావా.. నిన్ను చంపేస్తామని వారు ఆమెను భయబ్రాంతులకు గురిచేశారు. ఈ నేపథ్యంలో ఆమె సోమవారం కలెక్టరేట్‌లో అధికారులకు తన పరిస్థితిని వివరించడంతో తప్పకుండా న్యాయం చేస్తామని అధికారులు హామీ ఇచ్చారు.

చిల్లకూరు : కూటమి ప్రభుత్వం ఏర్పడిన తరువాత కొంతమంది నాయకులు దళితులు సాగు చేసుకునే భూములను ఆక్రమించుకుంటూ పెత్తనం చెలాయిండం దారుణమని సీపీఐ జాతీయ కార్యదర్శి నారాయణ అన్నారు. సోమవారం ఆయన తిరుపతి నుంచి విజయవాడ వెళ్తుండగా చిల్లకూరు మండలం నక్కలకాలువ కండ్రిగలోని మిగుల భూములను స్థానిక సీపీఐ నాయకులతో కలసి పరిశీలించారు. అనంతరం ఆయన మాట్లాడుతూ నక్కలకాలువ కండ్రిగలో సర్వే 1 నుంచి 23 వరకు ఉన్న మిగుల భూములు సుమారు 126 ఎకరాలను 2003 నుంచి నెలబల్లిరెట్టపల్లికి చెందిన దళితులు సాగు చేసుకుంటున్నారని తెలిపారు. మధ్యలో ఆ భూములను ఏపీఐఐసీకి కేటాయించినట్లు అధికారులు చెప్పడంతో కొంతమంది దళితులు సాగు చేయలేదన్నారు. అయితే కూటమి ప్రభుత్వం అధికారంలోకి వచ్చాక ఆ భూములపై కన్నేసిన కూటమి నాయకులు తమకు అనుకూలంగా ఉన్న వారి పేరిట స్వాధీనం చేసుకునేందుకు ప్రయత్నించడం దారుణమన్నారు. రెండు రోజులుగా కూటమి నాయకులు ఈ భూములను దున్ని గట్లు తొలగించి దళితులపై దౌర్జన్యానికి పాల్పడడం దారుణమని, తక్షణం వారిపై చర్యలు తీసుకోవాలని డిమాండ్‌ చేశారు. ఎన్నో ఏళ్లుగా సాగు చేసుకుంటున్న ప్రతి దళిత కుటుంబానికి కనీసం అరెకరం చొప్పున భూములు కేటాయించాలని కోరారు. ఆయన వెంట సీపీఐ జిల్లా కార్యవర్గ సభ్యులు సీహెచ్‌ ప్రభాకర్‌, నాయకులు ఉన్నారు.

● కలెక్టరేట్‌ గ్రీవెన్స్‌కు 188 అర్జీలు ● పరిష్కారం చూపాలన్న జేసీతిరుపతి అర్బన్‌: ప్రతి అర్జీని నిశితంగా పరిశీలించి పరిష్కారం చూపాలని జాయింట్‌ కలెక్టర్‌ శుభం బన్సల్‌ తెలిపారు. కలెక్టరేట్‌లో సోమవారం నిర్వహించిన ప్రజా సమస్యల పరిష్కార వేదికకు 188 అర్జీలు వచ్చాయి. అందులో రెవెన్యూ సమస్యలపై 108 అర్జీల ను అందుకున్నారు. జేసీతోపాటు ట్రైనీ కలెక్టర్‌ సందీప్‌ రఘు వాన్షి, డీఆర్వో నరసింహులు, స్పెషల్‌ డిప్యూటీ కలెక్టర్లు దేవేంద్రరెడ్డి, రోజ్‌మాండ్‌, జిల్లా అధికారులు పాల్గొన్నారు. ఈ సందర్భంగా జేసీ మాట్లాడుతూ కొందరు చిన్న చిన్న సమస్యల కోసం దూర ప్రాంతాల నుంచి కలెక్టరేట్‌కు వస్తున్నారని తెలిపారు. వాటిని స్థానికంగానే పరిష్కరించాలని వెల్లడించారు. కొందరు చిన్న సమస్యలను సైతం పరిష్కరించకుండా వాయిదాలు వేస్తున్నట్లు తెలుస్తోందన్నారు. అలాంటి వారిపై చట్టపరమైన చర్యలు ఉంటాయని హెచ్చరించారు. మురుగుపై నిర్మాణాలు తిరుచానూరులోని 7వ వార్డు పరిధిలోని కొత్తవీధిలో ఉన్న పొన్న మురుగు కాలువపై స్థానికంగా ఏలుమలై రెడ్డి ఇంటిని నిర్మిస్తున్నారు. దాంతో ఆ ప్రాంతంలో నివాసం ఉంటున్న అందరికీ ఇబ్బందిగా ఉంది. అధికారులు స్పందించి న్యాయం చేయాలని డీఆర్వో నరసింహులకు, డీపీఓ సుశీలాదేవికి వినతిపత్రాన్ని ఇచ్చాం. – మునిరత్నం రెడ్డి, తిరుచానూరు

తిరుపతి మంగళం:కూటమి ప్రభుత్వం వ్యవహరిస్తున్న ప్రజావ్యతిరేక విధానాలను ఎప్పటికప్పుడు వినూత్న కార్యక్రమాలతో ఎండగడుతున్నామనే కక్షతోనే వైఎస్సార్‌సీపీతో పాటు తమ కుటుంబంపై కూటమి నేతలు బురదజల్లే ప్రయత్నం చేస్తున్నారని వైఎస్సార్‌సీపీ తిరుపతి నియోజకవర్గ సమన్వయకర్త భూమన అభినయ్‌రెడ్డి ఆగ్రహం వ్యక్తం చేశారు. తిరుపతి ఎయి ర్‌ బైపాస్‌రోడ్డు, న్యూబాలాజీ కాలనీలోని ఓ ప్రైవేటు కళాశాలలో ఆదివారం వైఎస్సార్‌సీపీ శ్రేణులకు క్రమశిక్షణ తరగతులు నిర్వహించారు. వైఎస్సార్‌ కాంగ్రెస్‌ పార్టీ నిబద్దత, క్రమశిక్షణ కలిగిన పార్టీ అని పార్టీకి చెడ్డపేరు తెచ్చేలా ఎవ్వరూ వ్యవహరించమంటూ పార్టీ శ్రేణులు ప్రతిజ్ఞ చేశారు. ఈ సందర్భంగా భూమన అభినయ్‌రెడ్డి మాట్లాడుతూ.. ఎన్నికల్లో ప్రజలకు ఇచ్చి న హామీలను అమలు చేయకుండా మోసం చేస్తు న్న కూటమి ప్రభుత్వ వ్యతిరేక విధానాలను తిరుపతి నుంచి ఎండగడుతూ కూటమి నాయకుల గుండెల్లో దడ పుట్టిస్తున్నామన్నారు. అది కూటమి నాయకులు జీర్ణించుకోలేక ఎల్లో సోషయల్‌ మీడియాలో వైఎస్సార్‌సీపీతో పాటు భూమన కుటుంబంపై ఇష్టమొచ్చినట్లు పోస్టింగ్లు పెడుతూ బురదజల్లే ప్రయ త్నం చేస్తున్నారని మండిపడ్డారు. తిరుపతి నగరంలో కూటమి దుష్ప్రచారాలను తిప్పికొట్టేలా వైఎస్సార్‌సీపీ సోషయ ల్‌ మీడియా చురుగ్గా పనిచేయాలని సూచించారు. ప్రభుత్వ లోపాలను ప్రజల కు వివరిస్తూ ప్రజాసంక్షేమమే లక్ష్యంగా వైఎస్సార్‌సీపీ శ్రేణులు పనిచేయాలన్నారు. కూటమి చేస్తున్న దుష్ప్రచారాలకు భయపడే ప్రసక్తేలేదని హెచ్చరించారు. కార్యక్రమంలో పార్టీ నగర అధ్యక్షుడు మల్లం రవిచంద్రారెడ్డితో పాటు కార్పొరేటర్లు, పార్టీ శ్రేణులు పాల్గొన్నారు. ప్రభుత్వ వ్యతిరేక విధానాలను ఎండగడుతున్నామనే కక్ష పార్టీ శ్రేణులకు దిశా నిర్ధేశం చేసిన భూమన అభినయ్‌రెడ్డి

తిరుపతి కల్చరల్‌: ప్రభుత్వం మహిళలకు ఆర్టీసీ బస్సుల్లో ఉచిత ప్రయాణం పథకం కారణంగా ఉపాధి కోల్పోతున్న ఆటో, టాక్సీ డ్రైవర్లకు ఉపాధి అవకాశాలు కల్పించేందుకు ప్రభుత్వం చర్యలు తీసుకోవాలని ఆటో అండ్‌ టాక్సీ వర్కర్స్‌ యూనియన్‌ ప్రధాన కార్యదర్శి ఎన్‌.శివ డిమాండ్‌ చేశారు. ఇదే విషయమై ఆర్టీసీ బస్టాండ్‌ వద్ద అంబేడ్కర్‌ సర్కిల్లో నిరసన ప్రచార కరపత్రాలను ఆవిష్కరించి మాట్లాడారు. 12న రాష్ట్ర వ్యాప్త ఆందోళనలో భాగంగా ఉదయం 10 నుంచి ఆర్డీఓ కార్యాలయం వద్ద ఆందోళన చేస్తామన్నారు. ఆటో, టాక్సీ డ్రైవర్లందరూ పాల్గొని జయప్రదం చేయాలని కోరారు. కార్యక్రమంలో ఆటో, టాక్సీ యూనియన్‌ నేతలు సురేష్‌, పురుషోత్తంరెడ్డి, వెంకటేష్‌, రమేష్‌, ప్రమీల, పార్వతి, వాణిరెడ్డి, సతీష్‌, కాశి, భాస్కర నవీన్‌, లక్ష్మణ్‌ పాల్గొన్నారు.

మన బండ్లే .. వదిలేయండి! కలువాయిలో రెవెన్యూ, పోలీసులు ఇసుక ట్రాక్టర్లు పట్టుకున్నారు. కూటమి నేతల నుంచి ఫోన్లు రావడంతో వదిలేశారు.బురిడీ కొట్టించిన మహిళలు అరెస్టు బంగారం దుకాణంలో నగల కొనుగోలుకు వచ్చి బంగారు నగలు కాజేసిన మహిళలను పోలీసులు పట్టుకున్నారు.సోమవారం శ్రీ 11 శ్రీ ఆగస్టు శ్రీ 2025– 8లోజిల్లా సమాచారం ప్రభుత్వ ఇంజినీరింగ్‌ కళాశాలలు 2 ప్రైవేటు కళాశాలలు 11 అటానమస్‌ కళాశాలలు 5 డీమ్డ్‌ యూనివర్సిటీలు 2 అన్ని కళాశాలలో సీట్ల సంఖ్య 31,750 తొలి విడతలో సీట్లు పొందిన విద్యార్థులు 12,218 రెండవ విడత కౌన్సెలింగ్‌కు వెబ్‌ ఆప్షన్లు పెట్టిన వారు 21,475‘శ్రీకాళహస్తికి చెందిన ఓ విద్యార్థిని ఏపీఈఏఎమ్‌సెట్‌–2025లో మంచి ర్యాంకు సాధించింది. గత నెలలో జరిగిన తొలి విడత కౌన్సెలింగ్‌ ప్రక్రియలో చంద్రగిరి సమీపంలోని ఓ ప్రైవేటు కళాశాలలో సీఎస్‌ఈలో సీటు సాధించి అడ్మిషన్‌ పొందింది. కానీ రెండవ విడతలో మరో మెరుగైన కోర్సు కోసం వెబ్‌ ఆప్షన్‌ పెట్టుకుంది. స్థానికత రిజర్వేషన్ల విషయంలో ప్రవేశాలపై హైకోర్టు స్టే విధించడంతో పరిస్థితి అయోమయంగా తయారైంది. కళాశాల యాజమాన్యం తరగతులకు హాజరు కావాలంటూ ఒత్తిడి చేస్తుండటం, మళ్లీ రీ కౌన్సెలింగ్‌ జరుగుతుందనే గందరగోళంలో సతమతమవుతున్నారు.’రీ కౌన్సెలింగ్‌ భయం ఉంది కూటమి ప్రభుత్వం విద్యావ్యవస్థను సర్వనాశనం చేసింది. ఏ ఒక్క కోర్సులోనూ ప్రవేశాలు సక్రమంగా చేపట్టలేదు. సాంకేతిక విద్యామండలి అధికారుల తీరు అనుమానాలకు తావిస్తోంది. అనుభవరాహిత్యమా? లేక అధికార మదమో తెలియదు కానీ ఇంజినీరింగ్‌ అడ్మిషన్ల ప్రక్రియ చేపట్టిన తీరు దారుణంగా ఉంది. మా అబ్బాయికి ఎస్వీయూలో తొలి విడతలో ఈసీఈలో సీటు దక్కడంతో ప్రవేశం తీసుకున్నాం. కోర్టు స్టేతో పరి స్థితి అర్థం కావడం లేదు. తొలి విడత ఫలితాలను రద్దు చేసి మళ్లీ రీకౌన్సెలింగ్‌ నిర్వహిస్తారనే భయం ఉంది. – రత్నప్రభ, విద్యార్థి తల్లి, తిరుపతి తరగతులకు హాజరు కావాలా? వద్దా? తొలి విడత ఇంజినీరింగ్‌ కౌన్సెలింగ్‌లో మా అమ్మా యికి తిరుపతి శివారులోని ఓ ప్రముఖ కళాశాలలో సీఎస్‌ఈ ఏఐ బ్రాంచ్‌లో సీటు వచ్చింది. అడ్మిషన్‌ అయ్యాం. కానీ రెండవ విడత కౌన్సెలింగ్‌ పూర్తి కావస్తున్న సమయంలో స్థానికత రిజర్వేషన్ల సమస్యతో ప్రవేశాలపై కోర్టు స్టే విధించింది. స్థానికత సమస్య ఎప్పుడు పరి ష్కారమవుతుందో తెలియడంలేదు. కానీ కళాశాల నుంచి తరగతులకు హాజరు కావాలని ఫోన్‌లు, మెసేజ్‌లు వస్తున్నాయి. వెళ్లాలా? వద్దా ? అర్థం కాని పరిస్థితి నెలకొంది. – రామచంద్రయ్య, విద్యార్థి తండ్రి, రేణిగుంట ప్రవేశాలు గందరగోళంగా మారాయి నేను ఏపీఈఏఎమ్‌సెట్‌ లో మంచి ర్యాంక్‌ సాధించా. జిల్లాలోని ఓ ప్రైవేటు ఇంజినీరింగ్‌ కళాశాలలో ఈసీఈలో జాయిన్‌ అయ్యాను. అడ్మిషన్ల ప్రక్రియను తాత్కాలికంగా నిలిపివేస్తూ న్యాయస్థానం ఆదేశాలు జారీ చేసింది. తరగతులకు హాజరు కావాలని కళాశాల నుంచి ఫోన్లు వస్తున్నాయి. రీ కౌన్సెలింగ్‌ జరిగితే మళ్లీ నాకు ఆ కళాశాలలో సీటు వస్తుందా... అనే అనుమానం ఉంది. – రవిశంకర్‌, విద్యార్థి, తిరుపతి ఇంజినీరింగ్‌ విద్యార్థుల భవితవ్యం అయోమయంగా మారింది. తొలి విడతలో ప్రవేశాలు పొందిన విద్యార్థుల పరిస్థితి గందరగోళంగా తయారైంది. ఇప్పటికే స్థానికతపై కోర్టుకు వెళ్లడంతో అడ్మిషన్ల ప్రక్రియ అర్ధంతరంగా ఆగిపోయింది. రిజర్వేషన్లు తేల్చకుండా ప్రవేశాలు నిర్వహించడంపై నిపుణులు మండిపడుతున్నారు. ఒకవైపు తరగతులకు హాజరు కావాలని కళాశాలలు ఒత్తిడి చేస్తున్నాయి..మరోవైపు న్యాయ స్థానం రీకౌన్సెలింగ్‌కు ఆదేశిస్తే పరిస్థితి ఏంటో ఊహించడం కష్టంగా మారింది. సాంకేతిక విద్యామండలి అధికారుల నిర్లక్ష్యంతో విద్యార్థుల భవిష్యత్తు అంధకారంగా మారుతోంది. తిరుపతి సిటీ : ఏపీఈఏఎమ్‌సెట్‌–2025 కౌన్సెలింగ్‌ ప్రక్రియ అస్తవ్యస్తంగా మారింది. స్థానిక, స్థానికేతర రిజర్వేషన్ల విషయంలో కోర్టు మెట్లు ఎక్కడంతో ఇంజినీరింగ్‌ అడ్మిషన్ల ప్రక్రియ అర్ధాంతరంగా నిలిచిపోయింది. దీంతో జిల్లా వ్యాప్తంగా సుమారు 40 వేల మంది విద్యార్థుల పరిస్థితి దారుణంగా తయారైంది. ఇప్పటికే తొలి విడత అడ్మిషన్లు పొందిన విద్యార్థుల పరిస్థితి అయోమయంలో పడింది. ప్రైవేటు కళాశాలల యాజమాన్యాలు తొలి విడత కౌన్సెలింగ్‌లో ప్రవేశాలు పొందిన విద్యార్థులను తరగతులకు హాజరు కావాలని ఒత్తిడి చేస్తున్నారు. దీంతో ఎటూ తేల్చుకోలేని స్థితిలో విద్యార్థులు, తల్లిదండ్రులు అయోమయంలో పడ్డారు. మళ్లీ రీ కౌన్సెలింగ్‌కు న్యాయస్థానం ఆదేశిస్తే పరిస్థితి ఏమిటి...అంటూ ఆవేదన చెందుతున్నారు. రిజర్వేషన్లు తేల్చకుండా ప్రవేశాలు ఎలా? కూటమి ప్రభుత్వం అధికారం చేపట్టి నాటి నుంచి ఏ ఒక్క వ్యవస్థను సక్రమంగా నిర్వహించడంలేదని నిపుణులు నిప్పులు చెరుగుతున్నారు. విద్యావ్యవస్థను సర్వనాశనం చేసిందని విమర్శిస్తున్నారు. ఎంతో ప్రతిష్టాత్మకమైన ఇంజినీరింగ్‌ అడ్మిషన్ల ప్రక్రియను అస్తవ్యవస్తం చేసిందని ఆగ్రహం వ్యక్తం చేస్తున్నారు. స్థానిక, స్థానికేతర రిజర్వేషన్లను తేల్చకుండా కౌన్సెలింగ్‌ ప్రక్రియను ఎలా చేపడుతుందని ప్రశ్నిస్తున్నారు. అర్హతలేని వ్యక్తులు, కనీస పరిజ్ఞానం లేని వ్యక్తుల చేతుల్లోకి పాలన వస్తే పరిస్థితి ఎలా ఉంటుందో ఇంజినీరింగ్‌ కౌన్సెలింగ్‌ ప్రక్రియను చూస్తే అర్థమవుతోందని ఆవేదన వ్యక్తం చేస్తున్నారు. తొలి విడతలో ప్రవేశాలు పొందిన విద్యార్థుల పరిస్థితి అయోమయంలో పడిందని ఇందుకు ఎవరు బాధ్యత వహిస్తారని ప్రశ్ని స్తున్నారు. – 8లో– 8లోన్యూస్‌రీల్‌ఇంజినీరింగ్‌ ప్రవేశాలపై తొలగని సందిగ్ధం ఆందోళనలో తొలి విడత ప్రవేశాలు పొందిన విద్యార్థులు కళాశాలకు హాజరు కావాలంటూ ప్రైవేటు యాజమాన్యాల ఒత్తిళ్లు రీకౌన్సెలింగ్‌ జరిగితే పరిస్థితి ఏమిటో అర్థం కాలేదంటున్న తల్లిదండ్రులు కోర్టులో స్థానికత సమస్య తేలేదీ ఎప్పుడో అంటూ నిట్టూరుస్తున్న విద్యార్థులు అధికారుల నిర్లక్ష్యం ఇంజినీరింగ్‌ అడ్మిషన్ల ప్రక్రియ నిలిచిపోవడానికి ప్రధాన కారణం రాష్ట్ర సాంకేతిక విద్యామండలి నిర్లక్ష్యం, అసమర్థతే. కూటమి ప్రభుత్వం వి ద్యార్థుల జీవితాలతో ఆడుకుంటోంది. ఇంజినీరింగ్‌ ప్రవేశాల ప్రక్రియ తొలి విడత పూర్తి అయ్యేంత వరకు స్థానిక, స్థానికేతర రిజర్వేషన్ల విషయంపై అవగాహన లేకపోవడం అధికారుల అలసత్వానికి నిదర్శనం. డిగ్రీ, పీజీ అడ్మిషన్లు ప్రక్రియపైనా అయోమయం నెలకొంది. – నారాయణరెడ్డి, విశ్రాంత అధ్యాపకులు, తిరుపతిమా పరిస్థితి వర్ణనాతీతం గతంలో ఏటా క్రమం తప్పకుండా ఆగష్టులో ఇంజినీరింగ్‌ అడ్మిషన్లు పూర్తి చేసి తరగతులు ప్రారంభించేవారు. కానీ ఈ ఏడాది పరిస్థితి దారుణంగా తయారైంది. ప్రవేశాలు నిలిచిపోవడంతో ఏపీఏఎమ్‌సెట్‌లో సాధారణ ర్యాంక్‌ వచ్చిన మా లాంటి వారి పరిస్థితి అర్థం కావడంలేదు. ప్రైవేటు కళాశాల యాజమాన్యాలు త్వరగా పేమెంట్‌ సీటులో ప్రవేశాలు పొందాలంటూ మెసేజ్‌లు పెడుతున్నారు. కానీ రెండు, మూడవ విడతలలో ఫ్రీ సీటు వస్తుందనే ఆశతో ఉన్నాం. మా పరిస్థితి వర్ణనాతీతం. – శ్రావణి ప్రియ, విద్యార్థిని, తిరుపతి అడ్మిషన్లు నిలిచిపోవడంతో అర్థం కావడం లేదు.. మా అమ్మాయికి ఏపీఈఏఎమ్‌సెట్‌–2025లో ర్యాంక్‌ వచ్చింది. కానీ తొలి విడతలో సీటు రాలేదు. రెండవ విడత వెబ్‌ ఆప్షన్ల ప్రక్రియలో సీటు కోసం ఆప్షన్లు పెట్టుకున్నాం. పక్కా సీటు ప్రభుత్వ, డీమ్డ్‌ కళాశాలలో వస్తుందని ఆశించాం. కానీ అడ్మిషన్లు నిలిచిపోవడంతో ఏమి చేయాలో అర్థం కావడంలేదు. మళ్లీ రీ కౌన్సెలింగ్‌ చేపడితే సీటు వస్తుందని నమ్మకం లేదు. కానీ పేమెంట్‌ సీటు కోసం ఓ ప్రముఖ కళాశాలలో దరఖాస్తు చేశాం. కళాశాల యాజమాన్యం త్వరగా ప్రవేశం తీసుకోండి. సీట్లు ముగింపు స్థాయికి చేరుకున్నాయంటూ తొందర పెడుతున్నారు. – సరస్వతమ్మ, విద్యార్థి తల్లి, తిరుపతి

శ్రీసిటీ (సత్యవేడు) : భారత సైనిక దళాల ధైర్యసాహసాలను స్మరించుకుంటూ రెండు నెలలుగా దేశవ్యాప్తంగా నిర్వహిస్తున్న ‘తిరంగా యాత్ర’ ఆదివారం శ్రీసిటీలో వేడుకగా జరిగింది. ఐఐఐటీ– శ్రీసిటీ, కియా విశ్వ విద్యాలయం, స్టేషన్‌–ఎస్‌ శ్రీసిటీ సంయుక్తంగా ఈ కార్యక్రమాన్ని నిర్వహించింది. ఐఐఐటీ శ్రీ సిటీ ఆవరణ నుంచి యాత్ర ప్రారంభమై సెంట్రల్‌ ఎక్స్‌ ప్రెస్‌వే మీదుగా కొబెల్కో కూడలి వరకు కొనసాగింది. విద్యార్థులు, అధ్యాపకులు నివాసితులు త్రివర్ణ పతాకాన్ని చేతపట్టి స్వేచ్ఛ, ఐక్యత, ప్రజాస్వామ్యం వర్ధిల్లాలని నినాదాలు చేస్తూ ర్యాలీ నిర్వహించారు. ట్రిపుల్‌ ఐటీ – శ్రీసిటీ మాజీ చైర్మన్‌ , స్ట్రాలినిటీ సంస్థ సీఈఓ బాల సుబ్రమణ్యం(బాల) ముఖ్య అతిథిగా హాజరై యాత్రలో జెండా ఊపి ప్రారంభించారు. ఆపరేషన్‌ సింధూర్‌ను విజయవంతం చేసిన భారత సాయుధ దళాల ధైర్యం, త్యాగానికి తగిన గౌరవంగా ఈ తిరంగా యాత్ర చేస్తున్నట్లు పేర్కొన్నారు. శ్రీసిటీ మేనేజింగ్‌ డైరెక్టర్‌ డాక్టర్‌ రవీంద్ర సన్నారెడ్డి తన సందేశంలో ఈ తరంగా యాత్ర తరువాత తరానికి ఆదర్శంగా నిలుస్తుందన్నారు. కార్యక్రమంలో ట్రిపుల్‌ ఐటీ శ్రీసిటీ రిజిస్ట్రార్‌ కల్నల్‌టి ఉమాశంకర్‌, కియా విశ్వవిద్యాలయం చీఫ్‌ అడ్మినిస్ట్రేటివ్‌ ఆఫీసర్‌ లెఫ్టినెంట్‌ కల్నల్‌ సత్యవరణ్‌, శ్రీనివాసులు రెడ్డి, శ్రీసిటీ వైస్‌ ప్రెసిడెంట్‌ (కస్టమర్‌ రిలేషన్‌) రమేష్‌ కుమార్‌ పాల్గొన్నారు. పోలీస్‌ స్టేషన్‌లో ఖాళీగా దర్శనమిస్తున్న ట్రాక్టర్లు

ఏర్పేడు : ఏర్పేడు–వెంకటగిరి మార్గంలో ఏర్పేడు మండలం దుర్గిపేరి సమీపంలో ఆదివారం తెల్లవారుజామున జరిగిన రోడ్డు ప్రమాదంలో ద్విచక్ర వాహనంపై డ్యూటీకి వెళుతున్న ఓ యువకుడిని గుర్తు తెలియని వాహనం ఢీకొట్టడంతో అక్కడికక్కడే మృతి చెందాడు. ఏర్పేడు ఎస్‌ఐ శ్రీకాంత్‌రెడ్డి కథనం మేరకు... శ్రీకాళహస్తి మండలం కుంటిపూడి గ్రామానికి చెందిన కె.చంద్రయ్య కుమారుడు కోవూరు నవీన్‌ కుమార్‌(25) మూడు నెలల కిందట కాపుగున్నేరి సమీపంలోని కోకాకోలా కంపెనీలో సెక్యూరిటీ గార్డుగా విధుల్లో చేరాడు. ఆదివారం ఏ–షిఫ్ట్‌ కావడంతో కుంటిపూడి గ్రామం నుంచి ద్విచక్ర వాహనంపై ఏర్పేడు మీదుగా కోకాకోలా కంపెనీకి వెళ్లేందుకు బయల్దేరాడు. క్రిష్ణంపల్లి క్రాస్‌ దాటి, దుర్గిపేరి సమీపంలో ఎదురుగా వెళుతున్న గుర్తు తెలియని వాహనం ఢీకొట్టడంతో తలకు బలమైన రక్తగాయమై అక్కడికక్కడే మృతి చెందాడు. చంద్రయ్యకు ముగ్గురు కుమారులు కాగా, అందరికంటే చిన్నవాడు మృతుడు నవీన్‌కుమార్‌. మూడు నెలల కిందటనే డ్యూటీలో చేరి కుటుంబానికి కొంత ఆసరా ఉన్న కొడుకు మృతి చెందడంతో కుటుంబీకులు కన్నీరుమున్నీరుగా విలపించారు. వాకర్స్‌ సేవలు మరింత విస్తృతం తిరుపతి కల్చరల్‌: వాకర్స్‌ ప్రతినిధులు తమ సేవలను మరింత విస్తృతం చేస్తూ సమాజ శ్రేయస్సులో భాగస్వాములు కావాలని వాకర్స్‌ ఇంటర్నేషనల్‌ ఎలెక్ట్‌ అధ్యక్షుడు డాక్టర్‌ రవిరాజు, గవర్నర్‌ రావిళ్ల మాధమ నాయుడు పిలుపునిచ్చారు. ఆదివారం యూత్‌ హాస్టల్లో వాకర్స్‌ ఇంటర్నేషనల్‌ డిస్ట్రిక్ట్‌ 302 క్యాబినెట్‌ సమావేశం నిర్వహించారు. ముఖ్య అతిథులుగా వారితోపాటు రీజినల్‌ కౌన్సిలర్‌ ఆర్కాట్‌ కృష్ణప్రసాద్‌ మాట్లాడారు. అనంతరం తమిళనాడు, కర్ణాటక, రాయలసీమ వాకర్స్‌ వాకర్స్‌ అసోసియేషన్‌ ప్రతినిధులు తమ సేవా కార్యక్రమాలను వివరించారు. అనంతరం నారాయణాద్రి హాస్పిటల్‌ ప్రతినిధులు వాకర్స్‌ సంఘాలకు బీపీ పరీక్షల యంత్రాలను ఉచితంగా పంపిణీ చేశారు. కార్యక్రమంలో వాకర్స్‌ ఇంటర్నేషనల్‌ ప్రతినిధులు రామచంద్రారెడ్డి, కోనేటి రవిరాజు, మనోహరన్‌, వినాయగం, వేణుగోపాల్‌రాజు, చంద్ర, శాంతి నాడార బాలాజీ నాయుడు, వాకర్స్‌ పాల్గొన్నారు.

తిరుపతి అర్బన్‌ : కలెక్టరేట్‌లో సోమవారం ప్రజాసమస్యల పరిష్కార వేదిక కార్యక్రమాన్ని చేపట్టనున్నారు. ఉదయం 10 గంటల నుంచి మధ్యాహ్నం 1.30 గంటల వరకు నిర్వహించనున్నారు. అయితే జిల్లా కలెక్టర్‌ వెంకటేశ్వర్‌ శ్రీకాళహస్తిలో జరుగుతున్న గ్రీవెన్స్‌కు హజరుకానున్నారు. దీంతో జాయింట్‌ కలెక్టర్‌ శుభం బన్సల్‌ నేతృత్వంలో కలెక్టరేట్‌లో సోమవారం గ్రీవెన్స్‌ చేపట్టనున్నారు. ఐసీడీఎస్‌లో ఉద్యోగానికి దరఖాస్తులు తిరుపతి అర్బన్‌ : ఐసీడీఎస్‌లో కాంట్రాక్ట్‌ పద్ధతిలో జిల్లా ప్రాజెక్టు అసిస్టెంట్‌గా పనిచేయడానికి దరఖాస్తులను ఆహ్వానిస్తున్నట్లు ఐసీడీఎస్‌ పీడీ వసంతబాయి ఒక ప్రకటనలో ఆదివారం వెల్ల డించారు. ఈనెల 11 నుంచి 20 వరకు దరఖాస్తు ల స్వీకరణ ఉంటుందని చెప్పారు. పోస్టు ద్వారా లేదా కలెక్టరేట్‌లోని తమ కార్యాలయంలో దరఖా స్తు ఇవ్వాలని తెలిపారు. 25–42 వరకు వయో పరిమితి ఉండాలని, ఓసీ అభ్యర్థులు రూ.250, ఎస్సీ, ఎస్టీ, బీసీ అభ్యర్థులు అయితే రూ.200 నగ దు దరఖాస్తుతో పాటు చెల్లించాలని స్పష్టం చేశా రు. అదనపు సమాచారం కోసం తిరుపతి.ఏపీ.జీవోవీ.ఇన్‌ వెబ్‌సైట్‌ చూడాలని సూచించారు. నేటితో ముగియనున్న ఇంటర్‌ ప్రవేశాలు తిరుపతి సిటీ:జిల్లాలోని ప్రభుత్వ,హైస్కూల్‌ ప్లస్‌, ఎయిడెడ్‌, రెసిడెన్షియల్‌, సోషల్‌ వెల్ఫేర్‌, మోడల్‌ జూనియర్‌ కళాశాలలో ఇంటర్మీడియట్‌ అడ్మిషన్ల ప్రక్రియ సోమవారంతో ముగియనుంది. ఈ మేరకు ఇప్పటికే రాష్ట్ర ఇంటర్మీడియట్‌ విద్యామండలి ఉత్తర్వులు జారీ చేసింది. ఆసక్తిగల విద్యార్థులు ఈ అవకాశాన్ని వినియోగించుకోవాలని, జిల్లాలోని ప్రభుత్వ జూనియర్‌ కళాశాలలో ప్రవేశాల కోసం ఆయా కళాశాల ప్రిన్సిపల్స్‌ను సంప్రదించాలని ఆర్‌ఐఓ రాజశేఖర్‌రెడ్డి సూచించారు. 21న రాగి రేకులకు టెండర్‌ కమ్‌ వేలం తిరుపతి అన్నమయ్య సర్కిల్‌ : తిరుమల శ్రీవారి ఆలయంతో పాటు ఇతర అనుబంధ ఆలయాలకు హుండీ ద్వారా భక్తులు కానుకగా సమర్పించిన కాపర్‌ సిల్వర్‌ కోటెడ్‌ రాగి రేకులు ఈ నెల 21వ తేదీన టెండర్‌ కమ్‌ వేలం (ఆఫ్‌లైనన్‌్‌ ) వేయనున్నారు. ఈ మేరకు ఆదివారం టీటీడీ ముఖ్య ప్రజాసంబంధాల అధికారి పత్రికా ప్రకటన విడుదల చేశారు. ఇతర వివరాలకు తిరుపతిలోని హరేరామ హరేకృష్ణ రోడ్డులో గల టీటీడీ మార్కెటింగ్‌ కార్యాలయం (వేలం) 0877–2264429, నంబర్లలో కార్యాలయం పని వేళల్లో లేదా టీటీడీ వెబ్‌సైట్‌ ను సంప్రదించాలి. 18న చలో ఢిల్లీ తిరుపతి కల్చరల్‌: బీసీల సమస్యలు పరిష్కరించాలనే డిమాండ్‌తో ఈనెల 18,19వ తేదీల్లో ఢిల్లీలోని జంతర్‌మంతర్‌ వద్ద ధర్నా చేయనున్న తరుణంలో ఛలో ఢిల్లీ కార్యక్రమానికి బీసీ సంఘాల ప్రతినిధులందరూ తరలి వచ్చి జయప్రదం చేయాలని ఆంధ్రప్రదేశ్‌ రాష్ట్ర బీసీ సంక్షేమ సంఘం అధ్యక్షుడు వై.నాగేశ్వర యాదవ్‌, దక్షిణాది రాష్ట్రాల ఇన్‌చార్జ్‌ షణ్ముగం, జిల్లా అధ్యక్షుడు తురక అమరనాథ్‌ పిలుపునిచ్చారు. జాతీయ బీసీ సంఘం జిల్లా కమిటీ ఆధ్వర్యంలో చలో ఢిల్లీ కరపత్రాలను జోష్‌ ప్రాపర్టీస్‌ అధినేత ఈశ్వర్‌ ప్రకాష్‌ చేతుల మీదుగా ఆవిష్కరించి మాట్లాడారు. బీసీల సమస్యలను ప్రస్తావించారు. కార్యక్రమంలో జాతీయ బీసీ సంక్షేమ సంఘం జిల్లా అధికార ప్రతినిధి కొండా రామారావు, జ్ఞానశేఖర్‌, రవి, శరవణ, సందీప్‌, వెంకటేష్‌, కిషోర్‌, బీసీ నేతలు పాల్గొన్నారు. 1న పెన్షన్‌ మార్చ్‌ జయప్రదం చేయండితిరుపతి కల్చరల్‌ : సీపీఎస్‌ రద్దు చేసి పాత పెన్షన్‌ విధానాన్ని పునరుద్ధరించాలని డిమాండ్‌ చేస్తూ సెప్టెంబర్‌ 1న విజయవాడ, గుంటూరు మధ్య భారీ స్థాయిలో చేపట్టే పెన్షన్‌ మార్చ్‌లో ఉద్యోగులందరూ పాల్గొని జయప్రదం చేయాలని ఆంధ్రప్రదేశ్‌ సీపీఎస్‌ఈఏ రాష్ట్ర అసోసియేట్‌ అధ్యక్షుడు చీర్ల కిరణ్‌ పిలుపు నిచ్చారు. ఆదివారం ప్రెస్‌క్లబ్‌లో ఏర్పాటు చేసిన విలేకరుల సమావేశంలో ఆయన పెన్షన్‌ మార్చ్‌కు సంబంధించిన పోస్టర్లను ఆవిష్కరించి ప్రసంగించారు. 20 ఏళ్లుగా రాష్ట్రంలోని 4 లక్షల మంది సీపీఎస్‌ ఉద్యోగులు పెన్షన్‌ రాకుండా ఇబ్బందులు పడుతున్నారన్నారు. కూటమి ప్రభుత్వం ఏర్పాటై ఏడాది పూర్తి అయినా సీపీఎస్‌ రద్దుపై కనీసం ఉద్యోగులతో చర్చలు జరపలేదన్నారు. సీపీఎస్‌ రద్దు చేయాలని డిమాండ్‌ చేస్తూ సీపీఎస్‌ వెన్నుపోటు పొడిచిన రోజుగా భావిస్తూ సెప్టెంబర్‌ 1న పెన్షన్‌ మార్చ్‌ చేపడుతున్నామని తెలిపారు. సమావేశంలో ఏపీసీపీఎస్‌ఈఏ జిల్లా అద్యక్షుడు వంకీపురం పవన్‌, ఏపీ ప్రభుత్వం ఎంప్లాయిస్‌ అసోసియేషన్‌ జిల్లా ఉపాధ్యక్షుడు రామచంద్రయ్య, కోశాధికారి శ్రీనివాసులు, చలపతి పాల్గొన్నారు.

పెళ్లకూరు: మండలంలోని జీలపాటూరు దళితవాడలో విషాదం నెలకొంది. గ్రామానికి చెందిన కత్తి గురవయ్య(42) రోడ్డు ప్రమాదంలో మృతి చెందాడు. స్థానికుల సమాచారం మేరకు.. శనివారం సాయంత్రం గురవయ్య ఓ ప్రయివేట్‌ పరిశ్రమలో విధులు ముగించుకొని నాయుడుపేట చంద్రబాబునాయుడు కాలనీ సమీపంలో రోడ్డు పక్కన నడిచి వెళ్తున్నాడు. అదే సమయంలో ట్రాక్టర్‌ ఢీకొంది. తీవ్ర గాయాలతో ఆస్పత్రిలో చికిత్స పొందుతూ ఆదివారం మృతి చెందాడు. స్థానిక సర్పంచ్‌, గ్రామ పెద్దలు మృతుని కుటుంబాన్ని పరామర్శించి ధైర్యం చెప్పారు. మృతునికి భార్య ధనమ్మ, కుమారులు లోకేష్‌, ప్రవీణ్‌కుమార్‌ ఉన్నారు. రోడ్డు ప్రమాదంలో వ్యక్తి దుర్మరణం శ్రీకాళహస్తి: రోడ్డు ప్రమాదంలో ఓ వ్యక్తి దుర్మరణం పాలైన ఘటన ఆదివారం చోటుచేసుకుంది. రెండవ పట్టణ పోలీసుల కథనం మేరకు లింగమనాయుడుపల్లెకు చెందిన కోగిల జయరాం వ్యవసాయ పనులు చేసుకుంటూ జీవనం సాగించేవాడు. ఈ క్రమంలో సొంత పనుల నిమిత్తం ద్విచక్ర వాహనంపై ఆయన బయలుదేరగా తొట్టంబేడు మండలం మల్లిగుంట వద్ద జాతీయ రహదారిపై ద్విచక్ర వాహనం–కారు ఢీకొన్నాయి. ఈ ఘటనలో కోగిల జయరామ్‌ అక్కడికక్కడే మృతి చెందాడు. స్థానికుల సమాచారంతో పోలీసులు అక్కడికి చేరుకుని మృతదేహాన్ని స్వాధీనం చేసుకుని శ్రీకాళహస్తి ఏరియా ఆస్పత్రి మార్చురీకి తరలించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

తిరుపతిలో సంచలనం రేపిన పవన్‌పై దాడి ఘటన ● దాడి చేసిన వారిని అరెస్ట్‌ చూపించని పోలీసులు ● దాడి చేయని వారిపై కక్ష సాధింపు చర్యలు ● అధికార పార్టీ నేతల ఒత్తిడే కారణమా? తిరుపతి క్రైం: శాంతిభద్రతలను పరిరక్షించాల్సిన పోలీసులు అధికార పార్టీకి తొత్తులుగా మారిపోయారు. తిరుపతిలో సంచలనం రేకెత్తించిన పవన్‌పై దాడి ఘటనలో జనసేన పార్టీకి చెందిన దినేష్‌ ప్రధాన ముద్దాయిగా ఉన్నా అతన్ని ఇంతవరకు అరెస్టు చూపించ లేదు. పవన్‌పై దాడి చేయకపోయినా ఏ2, ఏ3 నిందితులుగా చేర్చి అనిల్‌కుమార్‌రెడ్డి, జగ్గారెడ్డిని అరెస్టు చేసి రిమాండ్‌కు తరలించడం చర్చనీయాంశంగా మారింది. ఇంత బరితెగింపా.. పవన్‌పై దాడి ఘటనతో మాజీ ఎమ్మెల్యే, వైఎస్సార్‌సీపీ తిరుపతి, చిత్తూరు జిల్లాల అధ్యక్షుడు భూమన కరుణాకరరెడ్డి కుటుంబానికి ఏ మాత్రం సంబంధం లేదు. అయినా వైఎస్సార్‌ కాంగ్రెస్‌ పార్టీ సోషల్‌ మీడియా విభాగం అధ్యక్షుడిగా ఉన్న అనిల్‌కుమార్‌రెడ్డిని టార్గెట్‌గా చేసుకుని ఆయన అనుచరులు బరితెగించారంటూ ఎల్లోమీడియా మూడు రోజులుగా విషం చిమ్ముతోంది. పచ్చి అబద్ధాలతో పైశాచిక ఆనందం పొందుతోంది. టీటీడీ చైర్మన్‌పై విమర్శలు చేసిన భూమన ప్రతిష్టను దెబ్బతీసేందుకు ఎల్లో మీడియా కంకణం కట్టుకుంది. అధికార కూటమి ప్రభుత్వంలో భాగస్వామిగా ఉన్న జనసేన పార్టీ కార్యకర్త దినేష్‌ పవన్‌ను లాఠీతో చావగొట్టే వీడియో బయటకొచ్చినా అతనిపై చర్యల్లేవు. ఈ ఘటనలో ఇప్పటికే తిరుపతి ఈస్ట్‌ పోలీసులు ఎఫ్‌ఐఆర్‌– 368/25 కింద ఎస్సీఎస్టీ అట్రాసిటీ కేసు నమోదు చేశారు. ఏ1గా దినేష్‌, ఏ2గా అనిల్‌కుమార్‌రెడ్డి, ఏ3 జగ్గారెడ్డి అండ్‌ అదర్స్‌ అంటూ కేసు కేసు నమోదు చేశారు. ఇంతవరకు బాగానే ఉన్నా.. ఏ2, ఏ3లుగా ఉన్న అనిల్‌కుమార్‌రెడ్డి, జగ్గారెడ్డితో పాటు, ఏ1గా ఉన్న దినేష్‌ను పోలీసులు అదుపులోకి తీసుకుని విచారించారు. ఆపై ఏ2, ఏ3లుగా ఉన్న వారిని మాత్రమే రిమాండ్‌కు తరలించారు. ఏ1గా ఉన్న దినేష్‌ను ఇంతవరకు అరెస్టు చూపించలేదు. ‘నాపై దాడి ఘటనలో ఎవరి ప్రమేయం లేదు.. మీరు ఎందుకు అత్యుత్సాహం చూపిస్తున్నారు..’ అంటు భాదితుడు పవన్‌ వీడియోలు రిలీజ్‌ చేయడం వెనుక ఎవరి ప్రమేయం ఉందనేది ఇప్పటి వరకు అర్ధంకాని ప్రశ్న. తిరుపతి ఎస్పీ ఆదేశాల మేరకు 9 ప్రత్యేక బృందాలును రంగంలోకి దిగడంతో చిత్తూరులో ఉన్న పవన్‌ను పోలీసులు అదుపులోకి తీసుకున్నారు. అతను ప్రస్తుతం తిరుపతి రుయా ఆస్పత్రిలో చికిత్స పొందుతున్నాడు. అతనిచ్చిన సమాచారం మేరకు విచారణ మరింత వేగవంతం చేశారు. వీటికి సమాధానం ఏదీ? పవన్‌పై దాడి చేసిన దినేష్‌ను ఎందుకు రిమాండ్‌కు తరలించలేదు..? చట్టప్రకారం ముద్దాయిని 24 గంటల్లోపు జడ్జి ముందు ప్రవేశపెట్టాలి. కానీ దినేష్‌ను తిరుపతి ఈస్ట్‌ పోలీసులు అరెస్ట్‌ చేసి 72 గంటలు దాటినా అరెస్టు చూపించకపోవడం వెనుక మతలబు ఏంటి? పవన్‌పై దాడి చేసే సమయంలో దినేష్‌కు పైబర్‌ లాఠీ అందించిన కానిస్టేబుల్‌ ఎవరు? వారితో పాటు ఉన్న మరొక కానిస్టేబుల్‌ కుమారుడు ఎవరు? పవన్‌ స్టేట్‌మెంట్‌లో ఏం సమాచారం ఇచ్చాడు? అతనితో సెల్ఫీ వీడియోలు రిలీజ్‌ చేయించింది ఎవరు? సెల్ఫీ వీడియోలు విడుదల చేయించాల్సిన అవసరం ఏమొచ్చింది..? పవన్‌ గారడీ మాటలు ఎలా నమ్మాలి? .. వీటిపై పోలీసులే సమాధానం చెప్పాల్సి ఉంది.

చిట్టమూరు : మండల పరిధిలోని మొలకలపూడి బోటు వద్ద జరిగిన రోడ్డు ప్రమాదంలో ఇద్దరు వ్యక్తులు అక్కడికక్కడే మృతి చెందిన సంఘటన ఆదివారం చోటు చేసుకుంది. స్థానికులు, పోలీసుల వివరాల మేరకు.. వాకాడు గ్రామానికి చెందిన కావలి కిరణ్‌కుమార్‌ (40), నాయుడుపేటకు వెళ్లి తిరిగి స్వగ్రామం వాకాడుకు మోటారు సైకిల్‌పై వస్తున్నాడు. ఈ క్రమంలోనే పెళ్లకూరు మండలం పున్నేపల్లి గ్రామానికి చెందిన కోవూరు వెంకటరమణ (42) నాయుడుపేట మండలం గొట్టిప్రోలు గ్రామానికి భార్యా, పిల్లలతో వెళ్లి తిరిగీ పున్నెపల్లికి బైక్‌పై బయలు దేరగా రెండు మోటార్‌ సైకిళ్లు ఎదురెదురుగా మొలకలపూడి గ్రామ సమీపంలోని బోటు వద్ద ఢీ కొనడంతో వాకాడుకు చెందిన కిరణ్‌కుమార్‌, పున్నేపల్లికి చెందిన కోవూరు వెంకటరమణ మృతి చెందారన్నారు. అయితే మోటార్‌ సైకిల్‌ వెనుక కూర్చుని ఉన్న వెంకటరమణ భార్య, పిల్లలకు తీవ్ర గాయాలు కావడంతో 108లో నాయుడుపేట వైద్య శాలకు తరలించి చికిత్స చేస్తున్నారు. చిట్టమూరు ఎస్‌ఐ చిన్న బలరామయ్య సంఘటనా స్థలానికి చేరుకుని ప్రమాదం జరిగిన ప్రదేశాన్ని పరిశీలించి కేసు నమోదు చేసి దర్యాప్తు చేస్తున్నారు. ఇద్దరి మృత దేహాలను నాయుడుపేట ప్రభుత్వ వైద్యశాలకు పోస్టుమార్టంకు తరలించారు. వాకాడుకు చెందిన కిరణ్‌కు భార్య పిల్లలు ఉన్నారు. దీంతో రెండు గ్రామాల్లో తీవ్ర విషాదం చోటు చేసుకుంది.పెన్నేపల్లిలో విషాదంపెళ్లకూరు : మండలంలోని పెన్నేపల్లి గ్రామానికి చెందిన కోవూరు వెంకటరమణ ఆదివారం రోడ్డు ప్రమాదంలో మృతి చెందాడు. దీంతో గ్రామంలో విషాదం నెలకొంది. గ్రామంలోని దళిత కాలనీకి చెందిన వెంకటరమణ భార్య కామాక్షి పిల్లలు కలిసి గొట్టిప్రోలు గ్రామంలో చర్చ్‌లో ఆరాధన ముగించుకొని బైక్‌లో తిరిగి స్వగ్రామం వస్తుండగా ప్రమాదం చోటు చేసుకుంది. వెంకటరమణ మృతితో గ్రామంలో విషాదఛాయలు అలుముకున్నాయి.

నాడు సక్రమం.. నేడు అక్రమం ● ఇష్టానుసారంగా పేదల ఇళ్లు కూల్చివేత ● ప్రజాప్రతినిధి ఆదేశాలు పాటిస్తూ రెచ్చిపోతున్న అధికారులు ● ఏడాదిలో వెయ్యి వరకు పేదల ఇళ్లు కూల్చివేత సాక్షి టాస్క్‌ఫోర్స్‌: సొంతింటి కల.. సగటు పేదవాని జీవితంలో తీరని స్వప్నం.. ఎంత రెక్కల కష్టం చేసినా నాలుగువేళ్లూ నోట్లోకి వెళ్లటానికి అపసోపాలు పడుతున్న బడుగు జీవులు రూపాయి, రూపాయి కూడబెట్టుకుని గత ప్రభుత్వంలో శ్రీకాళహస్తి నియోజకవర్గంలో నిర్మించుకున్న ఇళ్లను ముఖ్యనేత ఆదేశాలతో రెవెన్యూ అధికారులు కనీసం కనికరం చూపకుండా పేదల ఆశల గూళ్లను నేలమట్టం చేస్తున్నారు. అప్పట్లో అదే రెవెన్యూ శాఖలోని అధికారులే ఇళ్లు నిర్మించుకుంటుంటే అవి అక్రమమని తెలిసి ఎందుకు అడ్డుకోకుండా ఎంజాయ్‌మెంట్‌ పట్టాలు ఇచ్చారు. ప్రస్తుతం అదే అధికారులు ఎవరి మెప్పు కోసం కూల్చుతున్నారోనని పేదల శాపనార్థాలు అరణ్యరోదనగా మిగిలాయి.’ నియోజకవర్గంలో శ్రీకాళహస్తి, రేణిగుంట, ఏర్పేడు, తొట్టంబేడు మండలాల్లో అక్రమ నిర్మాణాల పేరుతో సుమారు వెయ్యి ఇళ్లు నేలమట్టం చేశారు. టీడీపీ అధికారంలోకి వచ్చాక ఓ వైపు వైఎస్సార్‌ సీపీ కార్యకర్తలు, గ్రామస్థాయి నాయకులపై భౌతిక దాడులను చేయడంతోపాటు అక్రమ కేసులు బనాయించి తీవ్ర భయోత్పాతాన్ని సృష్టిస్తున్నారు. మునుపెన్నడూ లేని సంస్కృతికి భీజం వేశారు. తాజాగా మూడు రోజుల కిందట రేణిగుంట మండలం కుర్రకాల్వలో అక్రమ నిర్మాణాలని తహసీల్దార్‌ చంద్రశేఖర్‌రెడ్డి ఎలాంటి నోటీసులు ఇవ్వకుండా పోలీసు, రెవెన్యూ బలగాలతో 77 ఇళ్లు కూల్చివేశారు. గతంలో రెవెన్యూ అధికారులే...: గతంలో రేణిగుంట మండలంలోని పేదలకు ఏర్పేడు మండలం పాగాలి సమీపంలో జగనన్న కాలనీ వద్ద ఇళ్లను కేటాయించి, ఇంటి పట్టాలు మంజూరు చేశారు. అయితే రైతుల నుంచి తీసుకున్న భూముల పరిహారాన్ని కొంతమంది రైతులకు మాత్రమే వేసి, మిగిలిన రైతులకు పరిహారం ఇవ్వకుండా జాప్యం చేశారు. దీంతో రైతులు అడ్డుకోవడంతో అక్కడ స్థలాలు చూపే పరిస్థితి లేకపోవడంతో అప్పటి ఎమ్మెల్యే బియ్యపు మధుసూదన్‌రెడ్డికి స్థానికులు ఇంటిస్థలాల కోసం మొరపెట్టుకున్నారు. దీంతో ఆయన సమస్యను పరిష్కారం చూపాలని రెవెన్యూ అధికారులను కోరడంతో కొంతమందికి మండలంలోని మిగులు భూముల్లో ఇంటిస్థలాలకు కేటాయించారు. లబ్ధిదారులకు ఎంజాయ్‌మెంట్‌ సర్టిఫికెట్లు, ఇంటి పన్నులు మంజూరు చేశారు. దీంతో పేదలు అప్పు చేసి చిన్నపాటి రేకుల షెడ్లను నిర్మించుకున్నారు. అప్పట్లో నిర్మించిన ఈ ఇళ్లన్నీ అక్రమం అయితే నిర్మాణ దశలో రెవెన్యూ అధికారులు కళ్లుమూసుకుని విధులు నిర్వహించారా..? అని పేదలు ప్రశ్నిస్తున్నారు.మా ఉసురు తగులుతుంది.. కూలీనాలీ చేసుకుని బతికేటోళ్లం.. సొంతిల్లు లేకుండా బాడుగ కట్టలేక ఎన్నో అవస్థలు పడ్డాం. గత ప్రభుత్వంలో మాకు ఇంటి స్థలం చూపారు. రూ.లక్ష అప్పు చేసి ఇళ్లు నిర్మించుకున్నాం. అప్పట్లో రెవెన్యూ అధికారులు మాకు అనుభవ పట్టాలు ఇచ్చారు. ఇంటిపన్ను వేశారు. కరెంటు మీటర్లు తీసుకున్నాం. అయినా అక్రమ నిర్మాణాలు అని చెప్పి ఉన్న పళంగా మా ఇళ్లన్నీ కూల్చేశారు. ప్రాధేయపడినా కనికరించలేదు. మా ఉసురు తగులుతుంది. – ఏసమ్మ, పద్మనగర్‌, కుర్రకాల్వ, రేణిగుంట మండలం పేదలపై ఎందుకు కక్ష కూటమి ప్రభుత్వం ఏర్పడిన నాటి నుంచి నియోజకవర్గంలో అధికారులు ఎందుకో పేదలపై కక్ష కట్టారు. ఎవరి మెప్పు కోసమో పేదలను మరింత అప్పుల ఊబి లోకి నెట్టేస్తున్నారు. అవి అక్రమ నిర్మాణాలైతే ఇళ్లు కట్టుకుంటున్న సమయంలో రెవెన్యూ అధికారులకు కనిపించలేదా? నియోజకవర్గంలో వందల ఎకరా లు పెద్దలు ఆక్రమించుకుని దర్జాగా వెంచర్లు వేసుకు ని అమ్ముకుంటుంటే అవేమీ రెవెన్యూ అధికారులకు కనబడలేదా? – హరినాథ్‌, గిరిజన సంక్షేమ సంఘం జిల్లా నాయకుడు, రేణిగుంటఅధికారులు తొత్తులుగా వ్యవహరిస్తున్నారు.. నియోజకవర్గంలో అధికారు లు పూర్తిగా ఎమ్మెల్యేకు తొత్తు గా వ్యవహరిస్తున్నారు. ఓ వైపు అన్ని చోట్ల దోచుకుంటూనే మరో పక్క పేదల ఇళ్లను కూల్చివేస్తున్నారు. బడా బాబులకు వందల ఎకరాలు భూములు ఉచితంగా కట్టబెడుతున్న ప్రభుత్వం పేదల ఇళ్లను కూల్చివేయడం దుర్మార్గం. రూ.లక్షలు అప్పు చేసి ఇళ్లు కట్టుకుంటే కూల్చివేయించటం చాలా దుర్మా ర్గం. రాష్ట్రంలో ఎక్కడా లేని సంస్కృతి శ్రీకాళహస్తిలో నే జరుగుతోంది. మా ప్రభుత్వం వచ్చాక న్యాయం చేస్తాం. – బియ్యపు మధుసూదన్‌రెడ్డి, మాజీ ఎమ్మెల్యే, శ్రీకాళహస్తి యంత్రాలతో ఇళ్లు కూల్చివేస్తున్న అధికారులుకూల్చివేయనందుకే తహసీల్దార్‌ బదిలీ అక్రమ నిర్మాణాల పేరుతో వైఎస్సార్‌ సీపీ సానుభూతిపరుల ఇళ్లను కూల్చివేయనందుకు రేణిగుంటకు చెందిన గత తహసీల్దార్‌ను బదిలీ చేశారు. ప్రస్తుతం ఉన్న తహసీల్దార్‌ నియోజకవర్గ ప్రజాప్రతినిధి ఆదేశాలే ప్రభుత్వ నిబంధనలు అన్నట్లుగా వ్యవహరిస్తూ పేదలపై ప్రతాపం చూపుతున్నారు. కొన్ని నెలల కిందట రేణిగుంట మండలంలోని చెంగారెడ్డిపల్లి ఎస్టీ కాలనీలో ఎస్టీలకు చెందిన ఇళ్లను పోలీసు బలగాలతో తలుపులు మూయించి అర్ధరాత్రి లైట్లు ఆపి, జేసీబీలతో ఇళ్లన్నీ నేలమట్టం చేశారు. పేదల ఇళ్లే లక్ష్యంగా దౌర్జన్యకాండ శ్రీకాళహస్తి పట్టణంలోని రాజవ్‌నగర్‌లో 300 ఇళ్లకు పైగా నేలమట్టం చేసి సుమారు రూ.5 కోట్లు మేరకు పేదల ఆస్తులకు నష్టం కలిగించారు. రేణిగుంట మండలంలో తూకివాకం పంచాయతీ వివేకానంద కాలనీలో 125 ఇళ్లు, సీబీఐడీ కాలనీ 28 ఇళ్లు, కుర్రకాల్వ పద్మానగర్‌ 150 ఇళ్లు, చెంగారెడ్డిపల్లిలో 135 ఇళ్లు, వెంకటాపురం పంచాయతీ పరిధిలో 40 ఇళ్లు కూల్చివేశారు.

● 17 బృందాలు, 35 స్వీట్స్‌ అండ్‌ బేకరీల్లో శాంపిల్స్‌ సేకరణ తిరుపతి క్రైమ్‌/ తిరుపతి తుడా : నగరంలో ఫుడ్‌ సేఫ్టీ అధికారులు, తూనికలు, కొలతల శాఖ సంయుక్త ఆధ్వర్యంలో రెండో రోజు శుక్రవారం స్వీట్‌ షాపులపై మెరుపు దాడులు నిర్వహించారు. జాయింట్‌ ఫుడ్‌ సేఫ్టీ అధికారి పూర్ణచంద్రరావు ఆధ్వర్యంలో 17 బృందాలుగా అధికారులు విడిపోయి.. నగరంలోని 35 స్వీట్స్‌ అండ్‌ బేకరీస్‌లో తనిఖీలు నిర్వహించారు. వివిధ రకాల తినుబండారాల శాంపిల్స్‌ సేకరించారు. వీటిని లాబొరేటరీకి తరలించి వచ్చే రిజల్ట్‌ను బట్టి చర్యలు ఉంటాయని తెలిపారు. చాలా చోట్ల స్వీట్లు అన్నీ కూడా నిబంధనలకు వ్యతిరేకంగా కనిపించడంతో వారందరికీ నోటీసులు జారీ చేశారు. నిలువ ఉంచిన పాడైపోయిన 75 కేజీల ఆహార పదార్థాలను ధ్వంసం చేశారు. ఈ దాడుల్లో వివిధ జిల్లాల నుంచి ఫుడ్‌ సేఫ్టీ అధికారులు ఆహార భద్రత, కల్తీ నియంత్రణ అధికారులు, లీగల్‌ మెట్రాలజీ అధికారులు పాల్గొన్నారు. ఈ దాడులు నిరంతరం కొనసాగుతాయని జాయింట్‌ ఫుడ్‌ కంట్రోలర్‌ పూర్ణచంద్రరావు పేర్కొన్నారు.

కలువాయి (సైదాపురం) : కండలేరులో రాత్రివేళ అక్రమంగా చేపలు వేట సాగించి దాదాపు 500 కేజీల చేపలు తరలిస్తున్న బొలెరో వాహనాన్ని దాచూరు మత్స్యకారులు అడ్డుకున్నారు. చేపలు గుడ్డు దశలో ఉండడం వల్ల జూలై 1 నుంచి ఆగష్టు 31వ తేదీ వరకు చేపల వేటను మత్స్యశాఖ అధికారులు నిషేధించింది. రాత్రి వేళల్లో అక్రమంగా వేట సాగించి బొలేరో వాహనంలో చేపలు అక్రమంగా తరలిస్తున్న నేపథ్యంలో స్థానిక మత్స్యకారులు అడ్డగించి ఏడీ చాంద్‌బాషాకు జరిగిన సంఘటనను స్థానిక మత్స్యకారులు తెలియజేశారు. అయితే ఏడీ స్పందించి వెంటనే పట్టుకున్న ప్రదేశంలో చేపలను మత్సశాఖ అధికారి సురేష్‌ ద్వారా వేలంపాట నిర్వహించారు. 12 వేలకు అదే గ్రామానికి చెందిన మత్స్యకారుల పాట పాడుకున్నారు. నిషేధిత సమయంలో ఎవరైనా చేపలు వేట సాగిస్తే చర్యలు తప్పవని ఏడీ చాంద్‌బాషా తెలిపారు.

అంగన్‌వాడీ కార్యకర్తలతో కూటమి ప్రభుత్వం సెల్‌గాటమాడుతోంది. పాతతరం ఫోన్లు ఇచ్చి అప్లోడ్‌ చేయాలని కార్యకర్తలను వేధింపులకు గురిచేయడంపై వారు మండిపడుతున్నారు. ప్రతి పనికి యాప్‌లు ఉపయోగించాల్సిన పరిస్థితుల్లో పాత ఫోన్లు వాటిని సఫోర్టు చేయకపోవడంతో అవస్థలు పడుతున్నారు. ఈ విషయాలను అధికారులకు చెప్పినా వినకుండా చేయాల్సిందే అంటూ పదే పదే ఒత్తిళ్లు చేయడంపై అంగన్‌వాడీ కార్యకర్తలు జిల్లా అంతటా నిరసనలు , ధర్నాలు చేపట్టినా అధికారులు మొండిపట్టు వీడకపోవడంతో ఆవేదన చెందుతున్నారు. శ్రీకాళహస్తి ప్రాజెక్టు వద్ద ఉద్యోగులు ధర్నాపిచ్చాటూరు ప్రాజెక్టు వద్ద ఉద్యోగులు ధర్నా తిరుపతి అర్బన్‌ : పాత ఫోన్లతో కొత్త యాప్స్‌ను అప్లోడ్‌ చేయలేకపోవడంతో అంగన్‌వాడీ వర్కర్లు అవస్థలు పడుతున్నారు. అయితే వారి కష్టాలకు పరిష్కారం చూపకుండా టార్గెట్లు ఇచ్చి పనిభారాన్ని పెంచడంతో మహిళా ఉద్యోగులు ఆందోళన చెందుతున్నారు. ఈ ఫోన్లు మాకొద్దు బాబోయ్‌...5 జీ ఫోన్లు ఇవ్వండి అంటూ నెల రోజులుగా జిల్లా వ్యాప్తంగా 11 ఐసీడీఎస్‌ ప్రాజెక్టు పరిధిలోని వర్కర్లు ధర్నాలు, నిరసనలు తెలుపుతున్నారు. కానీ సమస్యకు పరిష్కారం చూపకుండా కక్ష్య పూరితంగా వ్యవహరించడంపై పలువురు మండిపడుతున్నారు. తాము అధికారంలోకి వస్తే అన్ని సమస్యలు పరిష్కారం చేస్తామని ఎన్నికల ముందు హామీలు ఇచ్చిన కూటమి ప్రభుత్వం అధికారంలోకి వచ్చిన తర్వాత అదనపు భారంతో అవస్థలకు గురి చేయడంపై పలువురు ఉద్యోగులు ఆవేదన చెందుతున్నారు. యాప్‌లు సపోర్టు చేసే ఫోన్‌లు అందించకుండా ఒత్తిళ్లు చేయడంపై ఆవేదన చెందుతున్నారు. పనిచేయని పాత ఫోన్లు అంగన్‌వాడీ వర్కర్లుకు ఇచ్చిన యాప్స్‌ ప్రకారం ముందుగా యాప్‌లో ఫేస్‌ క్యాప్చర్‌ అయితేనే ఆంగన్‌వాడీ కేంద్రాల్లో లబ్ధిదారులకు ఆహారం అందించాలి. ఈ క్రమంలో లబ్ధిదారులకు ముఖఆధారిత గుర్తింపులో అవస్థలు పడుతున్నారు. గత ప్రభుత్వంలో కుటుంబంలో ఎవరూ వచ్చినా రేషన్‌ ఇచ్చేవారు. అయితే కూటమి సర్కారులో లబ్ధిదారుడు తప్పనిసరిగా చేర్చారు. ముందే కేంద్ర ప్రభుత్వం ఐసీడీఎస్‌కు ఇచ్చే నిధుల్లో కోత విధిస్తోంది. ఈ క్రమంలో అరకొర వసతులతో అంగన్‌వాడీ కేంద్రాల్లో నడవాల్సి వస్తోంది. దీనికి తోడు యాప్‌ల మోత మరింత భారంగా మారుతుంది. మరోవైపు సిగ్నల్స్‌ సరిగా లేక, సర్వర్‌ పనిచేయక తిప్పలు పడుతుంటే.. ఇదిచాలదంటూ అధికారుల వేధింపులు ఎక్కువయ్యాయని అంగన్‌వాడీ కార్యకర్తలు వాపోతున్నారు. పనిచేయని మొబైల్స్‌ పెరిగిపోతున్న యాప్స్‌ భారం కొత్త యాప్‌లకు సపోర్ట్‌ చేయని పాత ఫోన్లు ఈ ఫోన్లు మాకొద్దంటూ జిల్లా వ్యాప్తంగా ధర్నాలు నెల రోజులుగా ఆందోళన చేస్తున్నా పట్టించుకోని సర్కార్‌ ఐసీడీఎస్‌ కార్యాలయాల్లో ఫోన్లు అప్పగించే యత్నం అంగన్‌వాడీ కార్యకర్తలు చదివిదింది పదో తరగతి. అయితే ఇంజినీరింగ్‌ విద్యార్థులు చేసే పరిజ్ఞానానికి చెందిన యాప్స్‌ ఇస్తే ఎలా చేయడం సాధ్యమంటూ పలువురు మండి పడుతున్నారు. ప్రతి లబ్ధిదారుడి ఫేస్‌ క్యాప్చర్‌ చేయాల్సి ఉంది. ఒక్కో కేంద్రంలో సగటున మూడేళ్లలోపు పిల్లలు 40 మంది ఉంటారు. మరో వైపు గర్భిణులు, బాలింతలు 10కి పైగానే ఉంటారు. అంతే కాకుండా ప్రీ స్కూల్‌ పిల్లలు 10కి పైగా, కిశోర బాలికలు 15 వరకు ఉంటున్నారు. వీరందరికీ ప్రతినెలా ఈకేవైసీ, ఓటీపీ, ఫేస్‌ క్యాప్పర్‌ చేయాలంటే సమయం సరిపోవడం లేదని కార్యకర్తలు ఆవేదన చెందుతున్నారు. ఇక పిల్లలకు చదువు ఎప్పుడు చెప్పాలంటూ ప్రశ్నిస్తున్నారు.

చిల్లకూరు : గూడూరు మండలం కాండ్ర గ్రామంలో పాత కక్షలను మనస్సులో పెట్టుకొని వైఎస్సార్‌సీపీ సానుభూతిపరులపై గ్రామానికి చెందిన అధికార పార్టీ నాయకులు శుక్రవారం రాత్రి దాడికి పాల్పడి గాయపరిచినట్లు వైఎస్సార్‌సీపీ రాష్ట్ర సంయుక్త కార్యదర్శి ఊటుకూరు మహేంద్రరెడ్డి తెలిపారు. గాయపడిన వ్యక్తి గూడూరు ఏరియా ఆసుపత్రిలో చికిత్స పొందుతుండగా ఆయనను పరామర్శించారు. ఈ సందర్భంగా ఆయన మాట్లాడుతూ.. కాండ్ర గ్రామానికి చెందిన వైఎస్సార్‌సీపీ సానుభూతిపరుడు రాజశేఖర్‌ ఇంటిపైకి టీడీపీ నాయకులు దాడికి పాల్పడ్డారని తెలిపారు. ఆ సమయంలో రాజశేఖర్‌ అక్కడ లేకపోవడంతో అతడి తండ్రి మస్తానయ్యపై దాడికి పాల్పడడంతో అతడికి గాయాలైనట్లు చెప్పారు. గాయాలపాలైన అతడిని చుట్టు పక్కల వారు ఆసుపత్రికి తరలించారన్నారు. అలాగే రాజశేఖర్‌కు చెందిన తోట వద్దకు వెళ్లి అక్కడ ఉన్న విద్యుత్‌ మోటార్‌కు చెందిన వైర్లు, స్టార్లర్లు ధ్వంసం చేశారని తెలిపారు. ఈ మేరకు రూరల్‌ పోలీసులకు జరిగిన సంఘటనపై ఫిర్యాదు చేశామని తెలిపారు.

● ఆరంభం శూరత్వమేనా? ● ప్రైవేటు పాఠశాలలో ఉచిత అడ్మిషన్లు అరకొరే ● మాటవినని ప్రైవేట్‌ యాజమాన్యం ● చేతులెత్తేసిన విద్యాశాఖ అధికారులు ● మూడో విడత అంటూ ప్రభుత్వం గారడీ తిరుపతి సిటీ : నిర్బంధ ఉచిత విద్యాహక్కు చట్టం ( ఆర్‌టీఈ) ప్రైవేటు పాఠశాలలో అడ్మిషన్ల కోసం ఎదురుచూస్తున్న విద్యార్థులతో కూటమి సర్కారు వారి భవిష్యత్తుతో ఆటలాడుతోంది. పేద పిల్లలకు ప్రైవేట్‌ తమ కార్పొరేట్‌ పాఠశాలలో ప్రవేశాలను ఆశ చూపి చేతులెత్తేసింది. ఇప్పటికే రెండు విడతల అడ్మిషన్లు పూర్తయ్యాయని గొప్పలు చెప్పుకుంటున్న ప్రభుత్వం వాస్తవ గణాంకాలను చూస్తే విస్తుపోవాల్సిందే.! జిల్లా విద్యాశాఖ అధికారులు ఈ విషయంపై పట్టించుకున్న పాపాన పోలేదు. తమ మాట ప్రైవేటు, కార్పొరేటు పాఠశాలల యాజమాన్యాలు వినడం లేదని, తమకు ఏం చేయాలో అర్థం కావడంలేదని అధికారులు మదనపడుతున్నారు. మాట వినని ప్రైవేటు యాజమాన్యాలు జిల్లాలోని ప్రైవేటు పాఠశాలలో కనీసం (ఆర్టీఈ) కింద పేద విద్యార్థుల అడ్మిషన్లు 2శాతం మించలేదంటే అతిశయోక్తి కాదు. జిల్లా స్థాయి విద్యాశాఖ అధికారులు పలుమార్లు ప్రైవేటు యాజమాన్యాలతో జరిపిన చర్చలు పూర్తి స్థాయిలో విఫలమయ్యాయి. ఈ ప్రతిపాదనను తాము అంగీకరించమంటూ బహిరంగంగానే అధికారులు, రాష్ట్ర ప్రభుత్వానికి తేల్చి చెబుతున్నారు. ఇప్పటికే అడ్మిషన్లు తక్కువై నష్టాలతో కళాశాలలు, పాఠశాలలు నడుపుతున్నామని ప్రైవేటు యాజమాన్యం ఆవేదన వ్యక్తం చేస్తోంది. ఈ పరిస్థితుల్లో ఉచితంగా 25 శాతం అడ్మిషన్లు ప్రభుత్వం తమపై రుద్దడం కక్ష సాధింపులో భాగమేనని ఆవేదన వ్యక్తం చేస్తున్నారు. ఈ విషయాన్ని ప్రైవేటు యాజమాన్య సంస్థలు రాష్ట్రస్థాయి అధికారులతోనూ ప్రజాప్రతినిధులతోనూ చర్చించినట్లు తెలుస్తోంది. ముందస్తుగా ఆదేశాలు జారీ చేసినా.. రాష్ట్ర ప్రభుత్వం (ఆర్టీఈ) ప్రతి ప్రైవేటు పాఠశాలలో 25శాతం పేద విద్యార్థులకు అడ్మిషన్లు కల్పించాలని మే నెల నుంచి జిల్లా స్థాయి విద్యాశాఖ అధికారులకు ఆదేశాలు జారీ చేసింది. అప్పటి నుంచి పలు విడతలుగా విద్యాశాఖ అధికారులు ప్రైవేటు కళాశాలల యాజమాన్యంతో చర్చలు జరిపినా కనీసం రెండు శాాతం అడ్మిషన్లూ చేయలేకపోయారు. దీంతో రాష్ట్ర ప్రభుత్వం అధికారులపై ఆగ్రహం వ్యక్తం చేసినట్లు విశ్వసనీయ సమాచారం. తొలి విడత అడ్మిషన్ల ప్రక్రియ జూన్‌ 12న ప్రారంభమైన ఆ నెలలో కనీసం ఒక్క శాతం కూడా ప్రవేశాలు చేయలేకపోవడం గమనార్హం. అనంతరం రెండో విడత జులై నెలలో ప్రారంభమైనా... రెండు శాతానికి సైతం చేరుకోలేకపోయారు. దీంతో ఇచ్చిన టార్గెట్‌ పూర్తి చేయలేక జిల్లా విద్యాశాఖ యంత్రాంగం చేతులెత్తేసింది. మూడో విడత అంటూ హంగామా ఆర్టీఈ కింద పేద విద్యార్థులకు కార్పొరేట్‌ పాఠశాలలలో అడ్మిషన్లు అంటూ హంగామా చేసి రెండు నెలలు గడుస్తున్నా ఆ స్థాయిలో అడ్మిషన్లు జరగకపోవడంతో ప్రభుత్వం మరో ఎత్తుగడకు తెరతీసింది. ఇందులో భాగంగా ఐదు రోజుల క్రితం మూడో విడత అడ్మిషన్లు అంటూ ప్రత్యేక జీవో జారీ చేసింది. జిల్లాస్థాయి అధికారులు మూడో విడత అడ్మిషన్లను వందశాతం పూర్తి చేయాలని టార్గెట్‌ ఇచ్చింది. ఇందులో మరో మెలిక పెట్టింది.. ఆర్టీఈ కింద విద్యార్థుల గృహాలకు 3 కిలోమీటర్ల పరిధి నుంచి 5 కిలోమీటర్లు పెంచుతూ ఉత్తర్వులు జారీ చేసింది. జిల్లా సమాచారం జిల్లాలోని ప్రైవేటు పాఠశాలలు – 689 ఇప్పటి వరకు ఆర్టీఈ కింద జరిగిన అడ్మిషన్ల శాతం 2 శాతం జీరో శాతం అడ్మిషన్‌ ఇచ్చిన ప్రైవేటు సంస్థల సంఖ్య– 601 మూడో విడతకు సంసిద్ధత తెలిపిన ప్రైవేటు పాఠశాలలు– 0తల్లికి వందనం డబ్బులు కట్టాల్సిందే.. మూడో విడత అడ్మిషన్‌లో భాగంగా (ఆర్టీఈ) కింద ప్రైవేటు పాఠశాలలలో అడ్మిషన్లు పొందే విద్యార్థులు తల్లికి వందనం కింద ప్రభుత్వం చెల్లించిన సొమ్మును ఆ పాఠశాలలకు చెల్లించాల్సిందేనంటూ ఆ ఉత్తర్వులులో ప్రభుత్వం పేర్కొన్నట్లు విద్యార్థుల తల్లిదండ్రులు చెబుతున్నారు. దీంతో ప్రభుత్వం కల్పించిన ఉచిత ప్రవేశాలపై మొగ్గు చూపడం లేదు. ఇటు తల్లిదండ్రులు– అటు ప్రైవేటు పాఠశాలలు యాజమాన్యం అధికారుల సూచనలు పాటించకపోవడంతో జిల్లా విద్యాశాఖ అధికారులు ఏమి చేయలేని దుస్థితిలో తలలు పట్టుకుంటున్నారు. మూడో విడత అడ్మిషన్లను ప్రైవేటు పాఠశాలలు కనీసం ఒక శాతం సైతం ఇచ్చే పరిస్థితుల్లో లేవని అధికారులు గుసగుసలాడుకుంటున్నారు. ప్రభుత్వం తీసుకున్న నిర్ణయాలు విద్యార్థుల తల్లిదండ్రులతోపాటు అధికారులను బెంబేలెత్తిస్తోంది. ఇంకా ఎటువంటి ఆదేశాలు అందలేదు ప్రైవేటు పాఠశాలలలో ఆర్టీఈ కింద మూడో విడత అడ్మిషన్ల ప్రక్రియపై రాష్ట్ర ప్రభుత్వం నుంచి తమకు ఎటువంటి స్పష్టమైన ఆదేశాలు అందలేదు. అందిన వెంటనే ప్రైవేటు పాఠశాలల యాజమాన్యంతో సంప్రదించి అడ్మిషన్ల ప్రక్రియపై ముందడుగు వేస్తాం. ప్రభుత్వ ఆదేశాలను దిక్కరించిన ప్రైవేటు పాఠశాలలపై చర్యలు తీసుకునే దానికి వెనుకాడం – కేవీఎం కుమార్‌, జిల్లా విద్యాశాఖ అధికారి, తిరుపతి

తిరుపతి కల్చరల్‌: మహతి కళాక్షేత్రంలో శనివారం పౌరాణిక, సాంఘిక నాటికల ప్రదర్శనలకు కళాకారులు, కళాభిమానులు, ప్రజలు హాజరై వీక్షించాలని సుబ్బరాజు నాట్య కళా పరిషత్‌ అధ్యక్షుడు కోనేటి సుబ్బరాజు పిలుపునిచ్చారు. ప్రకాశం రోడ్డులోని ఆ సంస్థ కార్యాలయంలో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. ప్రస్తుతం నాటక తరంగానికి పూర్వవైభవం తేవాలనే సంకల్పంతో అధునాతన హంగులతో కూడిన సెట్టింగ్స్‌తో నాటకాలను గ్రామీణ ప్రాంతాల్లో ప్రదర్శిస్తున్నామన్నారు. ఈ నేపథ్యంలో మహతిలో శనివారం సాయంత్రం 4.30 గంటలకు ‘అహో..ఆంధ్రభోజ’ పద్య నాటకం, రాత్రి 8 గంటలకు విశాఖ భద్రం ఫౌండేషన్‌ సమర్పణలో ‘ దొందూ... దొందే’ సాంఘిక నాటిక ప్రదర్శించనున్నట్టు తెలియజేశారు. సమావేశంలో పరిషత్‌ ఉపాధ్యక్షులు ఆమూరి సుబ్రమణ్యం, కె.రాధాకృష్ణ, సంయుక్త కార్యదర్శులు చంద్రబాబు, మేకల గంగయ్య, కోశాధికారి బి.గోపాల్‌, హారిక, కేశవులు పాల్గొన్నారు.

● ఆమె భర్తను ఓదార్చిన జెడ్పీ చైర్మన్‌ డక్కిలి : డక్కిలి వైఎస్సార్‌సీపీ జెడ్పీటీసీ సభ్యురాలు కలిమిలి రాజేశ్వరి అంతిమ యాత్ర అభిమానులు, వైఎస్సార్‌సీపీ నాయకులు, బంధువుల మధ్య శుక్రవారం ఆమె భర్త రామ్‌ప్రసాద్‌రెడ్డి స్వగ్రామం చాపలపల్లి గ్రామంలో అంత్యక్రియలు నిర్వహించారు. అంతకు ముందు వెంకటగిరి, రాపూరు, బాలాయపల్లి, సైదాపురం మండలాలకు చెందిన పలువురు వైఎస్సార్‌సీపీ నేతలు చాపలపల్లికి చేరుకుని రాజేశ్వరి భౌతిక కాయానికి నివాళుర్పించారు. నివాళి అర్పించిన జడ్పీ చైర్మన్‌ దంపతులు డక్కిలి జెడ్పీటీసీ కలిమిలి రాజేశ్వరి భౌతిక కాయాన్ని శుక్రవారం నెల్లూరు జెడ్పీ చైర్మన్‌ ఆనం అరుణమ్మ , విజయకుమార్‌రెడ్డి సందర్శించి నివాళులర్పించారు. అనంతరం ఆమె భర్త రామ్‌ప్రసాద్‌రెడ్డిని ఓదార్చారు. పలువురు పరామర్శ జెడ్పీటీసీ సభ్యురాలు రాజేశ్వరి అనారోగ్యంతో మృతి చెందడంతో చాపలపల్లి గ్రామంలో ఆమె భర్త కలిమిలి రామ్‌ప్రసాద్‌రెడ్డిని పార్టీలకతీతంగా పలువురు ఓదార్చారు. పరామర్శించిన వారిలో డక్కిలి, బాలాయపల్లి, రాపూరు వైఎస్సార్‌సీపీ మండల కన్వీనర్లు, ఎంపీపీలు, జడ్పీటీసీలు , నేతలు పాల్గొన్నారు. కలిమిలి రాజేశ్వరికి ఘన నివాళి వెంకటగిరి రూరల్‌ : డక్కిలి మండల జడ్పీటీసీ సభ్యురాలి రాజేశ్వరి మృతదేహానికి శుక్రవారం పలువురు నేతలు నివాళులర్పించారు. వైఎస్సార్‌ కాంగ్రెస్‌ పార్టీ రాష్ట్ర ప్రధాన కార్యదర్శి పేర్నేటి శ్యామ్‌ప్రసాద్‌రెడ్డి రాజేశ్వరి మృతదేహానికి పూలమాలవేసి నివాళి అర్పించారు. అనంతరం ఆమె భర్త రాంప్రసాద్‌రెడ్డిని పరామర్శించి సానుభూతి వ్యక్తం చేశారు. అదేవిధంగా వె వైఎస్సార్‌సీపీ పట్టణ కన్వీనర్‌ పులి ప్రసాద్‌రెడ్డి, వెంకటగిరి రూరల్‌ మండల, డక్కిలి మండల వైఎస్సార్‌సీపీ అధ్యక్షుడు శ్రీనివాసులరెడ్డి, చింతల శ్రీనివాసులరెడ్డి, బాలాయపల్లి, డక్కిలి మండల ఎంపీపీ గూడూరు భాస్కర్‌రెడ్డి, గోను రాజశేఖర్‌, మున్సిపల్‌ వైస్‌చైర్మన్‌ సేతరాసిబాలయ్య, జిల్లా సంయుక్త సహాయకార్యదర్శి చిట్టేటి హరికృష్ణతో పాటు వెంకటగిరి, బాలాయపల్లి, డక్కిలి మండలాలకు చెందిన వైఎస్సార్‌సీపీ కార్యకర్తలు, అభిమానులు నివాళి అర్పించారు.

● చోట లీడర్ల ఇష్టారాజ్యం ● హెచ్చుమీరుతున్న దౌర్జన్యం ● ప్రతిపక్ష పార్టీ నాయకులే లక్ష్యం ● బహిరంగంగానే దాడులకు యత్నం సాక్షి టాస్క్‌ఫోర్స్‌ : జనసైనికుల రౌడీయిజానికి అంతే లేకుండా పోతోంది. వారే రౌడీయిజం చేసి మరొకరిపైకి నెట్టేస్తున్నారు. తిరుపతి, చంద్రగిరి, రేణిగుంట పరిసర ప్రాంతాల్లో ఇటీవల చోటు చేసుకుంటున్న సంఘటనలే ఇందుకు నిదర్శనం. జనసేన పార్టీలోని కొందరు పెద్దల ప్రోత్సాహంతో తిరుపతిలో చోటా లీడర్లు హద్దులు మీరి రౌడీయిజం ప్రదర్శిస్తున్నారనే అంశం బాహాటంగా కనిపిస్తోంది. ప్రతిపక్ష పార్టీ నాయకులే లక్ష్యం చేసుకుని హెచ్చుమీరి దౌర్జన్యకాండకు దిగుతున్నారు. తాజాగా గురువారం తిరుపతిలో జనసేన పార్టీకి సంబంధించిన చోటా నాయకుడు దినేష్‌ ఓ గిరిజన యువకుడిపై దాడికి పాల్పడిన ఘటన సోషల్‌ మీడియా ద్వారా వెలుగులోకి వచ్చింది. బెడిసికొట్టిన కూటమి వ్యూహం..పులిచెర్ల మండలానికి చెందిన పవన్‌ అనే గిరిజన యువకుడిపై జరిగిన దాడిని తెలివిగా కూటమి నేతలు తమ అనుకూల మీడియా ద్వారా నానా యాగి చేసి ప్రతిపక్ష వైఎస్సార్‌సీపీ సోషల్‌ మీడియా జిల్లా ఉపాధ్యక్షుడు అనిల్‌రెడ్డిపైకి నెట్టేశారు. పోలీసులు కూడా తానా తందానా అంటూ వంతపాడారు. దాడి చేసిందెవరు, ఎందుకు చేశారనే పూర్వా పరాలు తెలుసుకోకుండానే బహిరంగ ఆరోపణలు చేశారు. అనుకున్నది ఒకటి..జరిగింది.. మరొకటి గిరిజన యువకుడు పవన్‌పై జనసేన చోటా నాయకుడు దినేష్‌ పోలీసులు ఉపయోగించే ఫైబర్‌ లాఠీ చేతపట్టి చితకబాదిన వీడియో సోషల్‌ మీడియాలో నెట్టింట వైరల్‌ కావడంతో అది పరిశీలించిన కూటమి నేతలు ఖంగుతిన్నారు. ఏదో అనుకుంటే మరేదో జరిగిందని సాయంత్రానికి ఏమి తెలియనట్లు వ్యవహరించిన తీరుతో వారి బండారం వెలుగుచూసింది. ఆర్థిక లావాదేవీల వివాదం... బాధితుడు పవన్‌, జనసేన చోటా నాయకుడు దినేష్‌ మధ్య ఆర్థిక లావాదేవీల వివాదం తీవ్ర తరం కావడంతోనే దాడికి దారి తీసిందనే విషయాలు వెలుగు చూశాయి. కాగా వైఎస్‌ఆర్‌సీపీ సోషల్‌ మీడియా ఉపాధ్యక్షుడు అనిల్‌రెడ్డి టూవీలర్‌ రెంటల్‌ బిజినెస్‌ చేస్తున్నాడు. ఈ క్రమంలో పులిచెర్లకు చెందిన పవన్‌ టూవీలర్‌ రెంట్‌కు తీసుకుని నెలలు గడచినా కనిపించలేదు. దీనిపై పోలీసులకు ఫిర్యాదు చేశారు. విషయం తెలుసుకున్న పవన్‌ అనిల్‌రెడ్డి కార్యాలయానికి చేరుకుని బైక్‌ డబ్బులు పూర్తిగా చెల్లిస్తానని చెప్పుకొచ్చాడు. పవన్‌ వచ్చిన విషయం తెలుసుకున్న జనసేన కార్యాకర్త దినేష్‌ అనుచరులతో కలిసి అనిల్‌రెడ్డి కార్యాలయానికి చేరుకున్నారు. పవన్‌ ఉద్యోగాలు ఇప్పిస్తానని, శ్రీవారి దర్శనాలు చేయిస్తానని డబ్బులు వసూళ్లు చేసుకుని పారిపోయాడని, ఇన్నాళ్లకు చిక్కాడని పవన్‌పై దాడికి తెగబడ్డారు. అనిల్‌రెడ్డి స్పందించి కొట్టొదని దినేష్‌ తెచ్చుకున్న లాఠీని పట్టుకున్నారు. పట్టుకున్న వీడియోని కట్‌చేసి అనిల్‌రెడ్డే దాడిచేశారని ఎల్లో మీడియా దుష్ప్రచారం చేసింది. కొట్టకుండా అడ్డుకున్న వ్యక్తిపై కేసుపెట్టి జైలుకు పంపిన ఘనత తిరుపతి కూటమి నేతలకే దక్కింది. పూర్వాపరాలు విచారించకుండా పోలీసులు కూడా కూటమి నేతల ఒత్తిళ్లకు తలొగ్గి అనిల్‌రెడ్డిపై కేసునమోదు చేసి జైలుకు పంపించారు.హెచ్చుమీరిన దౌర్జన్యాలు ఇలా.. ఇటీవల తిరుపతి, రేణిగుంట పరిధిలో జనసేనకు సంబంధించిన కొందరు బడా, చోటా నాయకుల ఆగడాలకు అడ్డూ అదుపు లేకుండా పోయింది. తిరుపతి నగరంలో జనసేన పార్టీకి చెందిన కొందరు చోటా లీడర్లు చిరు వ్యాపారులపై పడ్డారు. కమిషన్లు ఇవ్వాలంటూ హుకుం జారీ చేస్తూ ప్రశ్నించే వారిపై దౌర్జన్యాలకు పాల్పడిన సంఘటనలు ఉన్నాయి. ఆరు నెలల కిందట బైరాగి పట్టెడ బాబు జగజ్జీవన్‌ పార్కు సమీపంలో చిరు వ్యాపారుల నుంచి కమీషన్ల తీసుకునే క్రమంలో ఇరువర్గాల మధ్య చోటు చేసుకున్న వివాదంలో కమ్యూనిస్టుల జోక్యం అనివార్యమైంది. అలాగే మంగళం రోడ్డులోని బొంతాలమ్మ గుడి సమీపంలోని చిరు వ్యాపారులు కమీషన్లు చెల్లించాలనే నిబంధనపై ఇరువర్గాల మధ్య చోటు చేసుకున్న వివాదం తార స్థాయికి చేరి ఘర్షణకు దారితీసిన పరిస్థితులు ఏర్పడ్డాయి. అందరికి తెలిసి కొన్ని అయితే తెలియకుండా ఇలాంటి ఘటనలు మరెన్నో చోటుకుంటున్నా బాహాటంగా చెప్పుకోలేని స్ధితిలో కొందరు ఉన్నారు. రేణిగుంటలో బడా నాయకుల బరితెగింపు నెల రోజుల కిందట రేణిగుంటలో జనసేన బడా నాయకుల బరి తెగింపునకు ఏకంగా ఓ యువకుడు ప్రాణం కోల్పోయాడు. గత నెల 7న జనసేన శ్రీకాళహస్తి ఇంచార్జ్‌ వినూత డ్రైవర్‌ శ్రీనివాస అలియాస్‌ రాయుడు హత్య జరిగిన విషయం తెలిసిందే. ఈ కేసుకు సంబంధించి చైన్నె పోలీసుల విచారణలో 5 మంది అరెస్టు అయ్యారు. వీరిలో కోట చంద్రశేఖర్‌, షేక్‌ తాసర్‌, కోట వినుత, శివకుమార్‌, గోపి ఉన్నారు. ఇలా తిరుపతి జిల్లా పరిధిలోని ప్రధాన పట్టణాల్లో జనసేన శ్రేణులు రెచ్చిపోతున్నారు. అటువంటి వారిపై దృష్టి సారించాల్సిన పోలీసులు సంబంధం లేని వ్యక్తులపై కేసులు నమోదు చేయడాన్ని స్థానికులు తప్పుబడుతున్నారు.

తిరుపతి మంగళం : ఎర్ర చందనం అక్రమంగా తరలిస్తున్న ముగ్గురు స్మగ్లర్లను శుక్రవారం తిరుపతి టాస్క్‌ఫోర్స్‌ పోలీసులు అరెస్ట్‌ చేశారు. టాస్క్‌ఫోర్స్‌ ఎస్పీ శ్రీనివాస్‌ ఆదేశాల మేరకు డీఎస్పీలు ఎండీ షరీఫ్‌, శ్రీనివాసరెడ్డి ఆధ్వర్యంలో ఆర్‌ఐ సాయి గిరిధర్‌కు చెందిన ఆర్‌ఎస్‌ఐ టీ. విష్ణువర్ధన్‌ కుమార్‌ బృందం స్థానిక ఎఫ్‌బీఓ కె.వేణుగోపాల్‌తో కలిసి శుక్రవారం కూంబింగ్‌ చేపట్టారు. సత్యవేడు అటవీ ప్రాంతంలో తెల్లవారుజామున జంబుకేశ్వరపురం నీలగిరి తోట వద్ద రెండు మోటారు సైకిళ్లతో కొంత మంది వ్యక్తులు కనిపించగా వారిని చుట్టుముట్టే ప్రయత్నం చేయగా వారిలో కొందరు పారిపోయారన్నారు. అయితే ముగ్గురిని పట్టుకున్నట్లు తెలిపారు. వారు సమీపంలో దాచిన 24 ఎర్రచందనం దుంగలను స్వాధీనం చేసుకున్నారు. పట్టుబడిన వారిలో ఒకరు తిరుపతి జిల్లాకు చెందిన వ్యక్తి కాగా, మరో ఇద్దరు తమిళనాడుకు చెందిన వారిగా గుర్తించారు. వారిని దుంగలతో సహా తిరుపతి టాస్క్‌ఫోర్స్‌ పోలీసు స్టేషన్‌కు తరలించారు. ఎస్‌ఐ రఫీ కేసు నమోదు చేసి దర్యాప్తు చేస్తున్నారు.

● పేరు మార్చి నీరుగార్చే కుట్ర ● కుదింపునకు యత్నాలు తిరుపతి అర్బన్‌ : రైతులు నివాసం ఉంటున్న గ్రామాల్లోనే అన్నదాతలకు అవసరమైన సేవలను అందించాలనే ఉద్దేశంతో గత వైఎస్సార్‌సీపీ ప్రభుత్వంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి రైతు భరోసా కేంద్రాలను తీసుకొచ్చారు. దీంతో రైతులు మండల కేంద్రాలకు వెళ్లకుండా తమ గ్రామంలోని ఆర్బీకేల్లో ఈ–క్రాప్‌ నమోదు, ఈకేవైసీ, ధాన్యం కొనుగోలు, పశువులకు దాణా, ట్రాక్టర్లు, వరి కోత యంత్రాలతో పాటు వివిధ వ్యవసాయ పరికరాలు , రైతులకు పలు రకాల విత్తనాలు, ఎరువులు రాయితీలతో అందించడంతో పాటు పంటకు పదే పదే వచ్చే తెగుళ్ల నివారణకు సూచనలు సలహాలు ఇచ్చేవారు. ప్రత్యేకంగా కియోస్క్‌ (డిజిటల్‌ టచ్‌ స్క్రీన్‌) యంత్రాలను ఏర్పాటు చేసి రైతులకు ఇళ్ల వద్దకే విత్తనాలు, ఎరువులు, పురుగుమందులు అందించేవారు. అన్నదాతలకు ఎన్నో విధాలుగా సేవలు అందించే ఈ కేంద్రాలను కూటమి ప్రభుత్వం కుట్ర పూరితంగా పక్కన పెట్టిందని రైతులు ఆవేదన చెందుతున్నారు. గత ప్రభుత్వం చేసిన మంచిని రూపుమాపాలని.. గత ప్రభుత్వం రైతులకు చేసిన మంచిని రూపుమాపే దిశగా కూటమి సర్కారు వ్యవహరిస్తోందని పలువురు రైతులు మండిపడుతున్నారు. జిల్లాలో 445 రైతు భరోసా కేంద్రాలు గత ప్రభుత్వం ఏర్పాటు చేసింది. అయితే కూటమి ప్రభుత్వం రైతు సేవా కేంద్రాలుగా మార్పు చేయడంతో పాటు వాటిని రేషలైజేషన్‌ పేరుతో మూడు రైతు సేవా కేంద్రాలను ఒకటిగా మార్పు చేయడానికి కసరత్తు చేస్తున్నట్లు తెలుస్తోంది. ఇప్పటికే జిల్లాలో 691 సచివాలయాలను కూటమి ప్రభుత్వం రేషలైజేషన్‌ పేరుతో 353 చేసిన సంగతి తెలిసిందే. అదే తరహాలో రైతు సేవా కేంద్రాల తగ్గింపు ఉంటుందని చర్చ సాగుతోంది. 165 కేంద్రాల్లో అగ్రికల్చర్‌ అసిస్టెంట్లు లేరు. ఇటీవల అన్నదాత సుఖీభవ పథకానికి అర్హులు కావడానికి ఈకేవైసీ చేయించుకోవాల్సిన సంగతి తెలిసిందే. అయితే 2500 మందికి పైగా రైతులు ఈకేవైసీ చేయించుకోవడానికి వీలు లేకుండా పోయింది. అవసరం అయిన మేరకు అగ్రికల్చర్‌ అసిసెంట్లు అందుబాటులో లేకపోవడంతోనే సమస్యలు వస్తున్నాయని చెబుతున్నారు. క్లస్టర్ల పేరుతో 140 నుంచి 145 రైతు సేవా కేంద్రాలు మాత్రమే ఉండనున్నాయని గుసగుసలు వినిపిస్తున్నాయి. ఈనెల చివరికి స్పష్టత రానుంది. ఇలా చేస్తే రైతులకు మళ్లీ మండల కేంద్రాల చుట్టూ ప్రదక్షిణలు చేయాల్సి వస్తుందని రైతులు భావిస్తున్నారు.

వెంకటగిరి (సైదాపురం) : కూటమి అరాచక పాలనకు హద్దు లేకుండా పోతోందని వైఎస్సార్‌ కాంగ్రెస్‌ పార్టీ వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి ఆరోపించారు. వైఎస్సార్‌ కడప జిల్లా ఎమ్మెల్సీ రమేష్‌ యాదవ్‌, వైఎస్సార్‌సీపీ నేత వేల్పుల రాముపై టీడీపీ గూండాలు దాడి చేసిన ఘటన చూస్తుంటే ఆంధ్రప్రదేశ్‌లో ఉన్నామా..? లేక వేరే దేశంలో ఉన్నామా? అని ప్రశ్నించారు. టీడీపీ పరాకాష్టకు ప్రజాస్వామ్యంలో ప్రజలు బతికిబట్టకట్టడం కష్టతరంగా మారిందన్నారు. శాసన మండలి సభ్యుడికే పోలీసులు ఎటువంటి రక్షణ ఇవ్వకపోవడంపై సామాన్యుడి పరిస్థితి ఏమిటని ప్రశ్నించారు. జడ్పీటీసీ ఉప ఎన్నికల్లో అధికార పార్టీ ప్రజలను భయాందోళనకు గురిచేసి గెలవాలనుకోవడం హేయమైన చర్య అన్నారు. అధికార మదంతో ఎల్లో సైకో బ్యాచ్‌ వ్యవహరిస్తున్న తీరు భవిష్యత్తులో స్వేచ్ఛాయుత ఎన్నికలకు గొడ్డలిపెట్టుగా మారుతోందన్నారు. ఎన్నికల కమిషనర్‌ తక్షణమే జోక్యం చేసుకుని చర్యలు చేపట్టాలని, దాడికి పాల్పడిన వారిపై కేసులు నమోదు చేసి అరెస్టు చేయాలని రామ్‌కుమార్‌రెడ్డి సూచించారు. 9,11 తేదీల్లో చైన్నె మెమో రద్దు నాయుడుపేటటౌన్‌ : చైన్నె నుంచి నెల్లూరుకు వెళ్లే మెమో రైలు ఈనెల 9, 11 తేదీలలో రాకపోకలు పూర్తిగా రద్దు చేసినట్లు రైల్వేస్టేషన్‌ మేనేజర్‌ చిరంజీవి శుక్రవారం తెలిపారు. పలు ప్రాంతాల్లో రైల్వే లైన్ల మరమ్మతుల కారణంగా మెమో రైలు రద్దు చేసినట్లు రైల్వే ఉన్నతాధికారులు ప్రకటించినట్లు రైల్వేస్టేషన్‌ మేనేజర్‌ వెల్లడించారు. 23న జాతీయ అంతరిక్ష దినోత్సవం సూళ్లూరుపేట : భారత అంతరిక్ష పరిశోధనా సంస్థ (ఇస్రో) సతీష్‌ ధావన్‌ స్పేస్‌ సెంటర్‌తో పాటు దేశంలోని ఇస్రో సెంటర్‌లలో ఈనెల 23న జాతీయ అంతరిక్ష దినోత్సవాన్ని జరుపుకునేందుకు ఇప్పటి నుంచే ఏర్పాట్లు చేస్తోంది. 2023 జులై 14న చంద్రయాన్‌–3 ప్రయోగాన్ని నిర్వహించి ఆగస్టు 23న ల్యాండర్‌ను చంద్రుడి ఉపరి తలంపై దక్షిణ ధృవం ప్రాంతంలో దించి చరిత్ర సృష్టించడంతో ప్రధాన మంత్రి నరేంద్రమోదీ ఆ రోజును జాతీయ అంతరిక్ష దినోత్సవంగా 2024 జులై 23న ప్రకటించి గత ఏడాది జులై 23 నుంచి ఆగస్టు 23 దాకా జాతీయ అంతరిక్ష దినోత్సవాలను దేశంలోని అన్ని ఇస్రో కేంద్రాల్లో నెలపాటు జరుపుకున్నారు. అంటే మొట్ట మొదటి జాతీయ అంతరిక్ష దినోత్సవాన్ని ఎంతో ఘనంగా జరుపుకున్నారు. ఈ ఏడాది రెండో జాతీయ అంతరిక్ష దినోత్సవాన్ని నిర్వహించేందుకు ఏర్పాట్లు చేస్తున్నారు. శ్రీమూలస్థాన ఎల్లమ్మ పాలక మండలికి దరఖాస్తులు చంద్రగిరి: చంద్రగిరి గ్రామదేవత శ్రీమూలస్థాన ఎల్లమ్మ ఆలయ నూతన ధర్మకర్తల మండలి నియామకానికి దరఖాస్తులు ఆహ్వానిస్తూ దేవాదాయ శాఖ అధికారులు శుక్రవారం నోటిఫికేషన్‌ జారీ చేశారు. ఆసక్తిగల అభ్యర్థులు ఈ నెల 7వ తేదీ నుంచి 20 రోజుల లోపు దేవాదాయ ధర్మదాయశాఖ జిల్లా కార్యాలయంలో నేరుగా కానీ, రిజిస్టర్‌ పోస్టు ద్వారా దరఖాస్తు చేసుకోవాలని తెలిపారు. దరఖాస్తుతో పాటు కుల ధ్రువీకరణ సర్టిఫికెట్‌, ఆధార్‌ జిరాక్స్‌ కాపీ, రెండు పాసుపోర్టు సైజ్‌ ఫొటోలు, అఫిడవిట్‌ జతపరచాలని పేర్కొన్నారు. శ్రీవారి దర్శనానికి 15 గంటలు తిరుమల: తిరుమలలో భక్తుల రద్దీ పెరిగింది. క్యూకాంప్లెక్స్‌లోని అన్ని కంపార్ట్‌మెంట్లు నిండాయి. క్యూలైన్‌ నారాయణగిరి షెడ్ల వద్దకు చేరుకుంది. గురువారం అర్ధరాత్రి వరకు 65,234 మంది స్వామిని దర్శించుకున్నారు. 26,133 మంది భక్తులు తలనీలాలు ఇచ్చారు. స్వామివారికి కానుకల రూపంలో హుండీలో రూ.3.80 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలోనే దర్శనమవుతోంది. దర్శన టిక్కెట్లు లేని భక్తులకు 15 గంటలు పడుతోంది. ప్రత్యేక ప్రవేశ దర్శనం టిక్కెట్లు కలిగిన వారికి 3 గంటల్లో దర్శనం లభిస్తోంది. ఇదిలా ఉండగా సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలైన్లోకి వెళ్లాలని టీటీడీ విజ్ఞప్తి చేసింది.

డక్కిలి: డక్కిలి జెడ్పీటీసీ సభ్యురాలు కలిమిలి రాజేశ్వరి గురువారం ఆనారోగ్యంతో బెంగళూరులోని ఓ ప్రైవేటు ఆస్పత్రిలో చికిత్స పొందుతూ కన్నుమూశారు. ఆమె మృత దేహాన్ని వెంటగిరి పట్టణంలోని కాలేజీమిట్టలో ఉన్న స్వగృహంలో ప్రజల సందర్శన కోసం గురువారం ఉంచి శుక్రవారం స్వగ్రామం అయిన డక్కిలి మండలం చాపలపల్లి గ్రామానికి తీసుకు వస్తారు. అనంతరం మధ్యాహ్నం 3 గంటలకు అంత్యక్రియలు జరుగుతాయని బంధువులు తెలిపారు. మృతురాలు రాజేశ్వరి వైఎస్సార్‌ సీపీ వెంకటగిరి నియోజకవర్గ సీనియర్‌ నాయకుడు కలిమిలి రాంప్రసాద్‌రెడ్డి సతీమణి. ఆమె 2013లో చాపలపల్లి పంచాయతీకి సర్పంచ్‌గా ఏకగ్రీవంగా గెలుపొందారు. అనంతరం 2021సంవత్సరంలో జరిగిన జెడ్పీటీసీ ఎన్నికల్లో ఆమె డక్కిలి మండలం నుంచి వైఎస్సార్‌సీపీ అభ్యర్థిగా అత్యధిక మెజార్టీతో గెలుపొందారు. జెడ్పీటీసీ సభ్యురాలు రాజేశ్వరి మృతి చెందడంతో చాపలపల్లిలో విషాద చాయులు అలుముకున్నాయి. వెంకటగిరికి చేరిన రాజేశ్వరి మృతదేహం వెంకటగిరి రూరల్‌: డక్కిలి జెడ్పీటీసీ సభ్యురాలు కలిమిలి రాజేశ్వరి మృతదేహం బుధవారం రాత్రి వెంకటగిరిలోని కలిమిలి నివాసానికి తీసుకొచ్చారు. నియోజకవర్గంలోని వెంకటగిరి, డక్కిలి, బాలాయపల్లి మండలాలకు చెందిన పలువురు వైఎస్సార్‌ సీపీ నేతలు రాజేశ్వరి మృతదేహానికి పూలమాలలు వేసి నివాళులర్పించారు. కలిమిలి రామ్‌ప్రసాద్‌రెడ్డికి పలువురి పరామర్శ.. కలిమిలి రాంప్రసాద్‌రెడ్డి సతీమణి రాజేశ్వరి మృతికి వైఎస్సార్‌ సీపీ రాష్ట్ర కో–ఆర్డినేటర్‌ సజ్జల రామకృష్ణారెడ్డి, తిరుపతి ఎంపీ డాక్టర్‌ ఎం గురుమూర్తి, తిరుపతి మాజీ ఎమ్మెల్యే భూమన కరుణాకర్‌రెడ్డి, వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డితోపాటు తిరుపతి, నెల్లూరు జిల్లాల పరిధిలోని ప్రముఖ రాజకీయనాయకులు దిగ్రాంతి వ్యక్తం చేశారు. కలిమిలి రాంప్రసాద్‌రెడ్డిని ఫోన్‌లో పరామర్శించారు. కలిమిలి కుటుంబానికి దేవుని మనోధైర్యం కల్పించాలని ఆకాంక్షించారు.

ఇళ్లను కూల్చి వేస్తున్న జేసీబీరేణిగుంట:కూటమి ప్రభుత్వం అధికారంలోకి వచ్చి నప్పటి నుంచి అభివృద్ధి మాట పక్కన పెట్టి, పేదల ఇళ్లు కూల్చివేతే అజెండాగా ముందుకు సాగుతోంది. గత ప్రభుత్వంలో ఇళ్లు నిర్మించుకోవడమే పేదలు చేసుకున్న నేరంగా పరిగణించి, ఎటువంటి ముందస్తు నోటీసులు, సమాచారం ఇవ్వకుండా పచ్చ నాయకులు చెప్పిందే వేదంగా రెవెన్యూ అధికారులు ఇళ్లు కూల్చివేస్తున్నారు. అందులో భాగంగా రేణిగుంట మండలంలో వారం రోజుల వ్యవధిలో గత ప్రభుత్వంలో పేదలు నిర్మించుకున్న 100 ఇళ్లకు పైగా నేలమట్టం చేశారు. రేణిగుంట మండలంలోని జీ పాళెం పంచాయతీ పద్మానగర్‌లో గత ప్రభుత్వంలో 77 మంది పేదలు నిర్మించుకున్న రేకుల ఇళ్లను ఎటువంటి ముందస్తు నోటీసులు ఇవ్వకుండా గురువారం తహసీల్దార్‌ చంద్రశేఖర్‌రెడ్డి, ఆర్‌ఐ జయ కృష్ణ, వీఆర్వోలు, పోలీసుల బందోబస్తు నడుమ జేసీబీలతో కూల్చి వేయించారు. ఎక్కడెక్కడో కూలి పనులు చేసుకుంటున్న బాధితులు ఇళ్లు కూల్చివేస్తున్నారన్న సమాచారం తెలుసుకుని నివాసాల వద్దకు చేరుకుని రెవెన్యూ అధికారులను ఎంత బతిమాలినా వారు తమ పని తాము చేసుకుని వెళ్లిపోయారు. వైఎస్సార్‌ సీపీ హయాంలో నిర్మించుకోవడమే నేరమా? గత ప్రభుత్వంలో అప్పటి ఎమ్మెల్యే సూచనల మేరకు రెవెన్యూ అధికారులు మాకు స్థలం ఇచ్చారు. అప్పు చేసి రేకుల ఇల్లు వేసుకున్నాం. కానీ సదుపాయాలు లేకపోవడంతో కాపురం ఉండకుండా బాడుగ ఇంట్లో ఉంటున్నాం. ఎటువంటి నోటీసులు ఇవ్వకుండా మా ఇల్లు కూల్చివేశారు. –అమ్ములు బాధితురాలు పద్మ నగర్‌, రేణిగుంటమాకు చావే శరణ్యం అప్పు చేసి కట్టుకున్న ఇల్లును నేలమట్టం చేశారు. కనీసం మాకు ముందుగా చెప్పి ఉంటే ఇంట్లో పనికొచ్చే సామాన్లను తీసుకొని ఉండేవాళ్లం. ఎటువంటి సమాచారం ఇవ్వకుండా ఇలా కూల్చివేయడం దారుణంగా ఉంది. ఇప్పుడు ఇల్లు లేదు అప్పు మాత్రం మిగిలింది ఇక మాకు చావే శరణ్యంగా మిగిలింది. – రమ్య, బాధితురాలు పద్మా నగర్‌, రేణిగుంట ప్రజా అవసరాల కోసమే పద్మానగర్‌లోని లేఅవుట్‌కు సంబంధించి ప్రజా ప్రయోజనాల కోసం వదిలిన స్థలంలో అక్రమ నిర్మాణాలు చేపట్టారు. నిబంధనల ప్రకారం ముందస్తు నోటీసులు ఇచ్చి అక్రమ నిర్మాణాలను కూల్చి వేశాం. పాఠశాల, పార్కు వంటి సదుపాయాల కోసం పంచాయతీకి స్థలాన్ని స్వాధీనం చేస్తున్నాం. – చంద్రశేఖర్‌ రెడ్డి, తహిసీల్దార్‌ రేణిగుంట కూటమి ప్రభుత్వం పేదలపై కక్ష పేదలకు చెందిన 77 ఇళ్లు నేలమట్టం జేసీబీకి అడ్డుగా కూర్చున్న బాధితులు పోలీసుల బందోబస్తుతో ఇళ్లు కూల్చివేత జేసీబీకి అడ్డుగా కూర్చున్న బాధితులు తమ ఇళ్లను కూల్చివేస్తున్నారన్న సమాచారంతో సంఘటన స్థలానికి చేరుకున్న బాధితులు జేసీబీకి అడ్డుగా కూర్చున్నారు. ప్రాణాలైనా అర్పిస్తాం కానీ అప్పుచేసి కట్టుకున్న ఇళ్లను కూల్చివేస్తే ఊరుకోమని భీష్మించుకున్నారు. పోలీసులు, రెవెన్యూ అధికారులు బాధితులను ఇలా చేస్తే మీపై కేసులు నమోదు చేయాల్సి వస్తుందని బెదిరించి వాళ్లను అడ్డు తప్పించి, ఇళ్లు కూల్చివేశారు.

తిరుపతి అన్నమయ్యసర్కిల్‌: టీటీడీ ఇంజినీరింగ్‌ విభాగంలోని 57 ఉద్యోగాలకు సంబంధించి 37,121 మంది దరఖాస్తు చేసుకున్నారు. వీరందరికి ప్రశ్నపత్రం ద్వారా పరీక్షలు నిర్వహించి నియామకాలు చేపట్టే దిశగా చర్యలు తీసుకోనున్నారు. అదేవిధంగా టీటీడీలోని కీలక విభాగాల్లోని ఖాళీలను భర్తీ చేసే విషయంలో రెగ్యులర్‌, తాత్కలిక డెప్యూటేషన్‌ పద్ధతిపై ప్రతిపాదనలు సిద్ధం చేశారు. దీనికి సంబంధించి ప్రత్యేకంగా నియమించిన కమిటీ సమర్పించిన నివేదిక ద్వారా ఖాళీల భర్తీ ప్రక్రియ చేపట్టనున్నారు. స్వీమ్స్‌ ఆస్పత్రిలో 128 మంది పారామెడికల్‌ సిబ్బందితో పాటు రిజిష్టార్‌, ఇతర విభాగాల అధికారుల నియామకానికి టీటీడీ అధికార యంత్రాంగం నిర్ణయించింది. అంగన్‌వాడీ పనితీరు భేష్‌ రేణిగుంట: మండలంలోని విప్పమాను పట్టెడ పంచాయతీలోని అంగన్‌వాడీ కేంద్రాన్ని గురు వారం రాష్ట్ర ఫుడ్‌ కమిషనర్‌ గంజిమల దేవి ఆకస్మిక తనిఖీ చేశారు. ఆహార పదార్థాలు, బాలామృతం, పిల్లలు హాజరు పట్టికను తనిఖీ చేశారు. చిన్నపిల్లల తల్లులు, గర్భిణులు, పిల్లలతో ముఖాముఖీ నిర్వహించారు. వారికి అందుతున్న సదుపాయాలపై ఆరా తీశారు. అంగన్‌వాడి కేంద్రం అభివృద్ధిపై సంతృప్తి వ్యక్తం చేసి సర్పంచ్‌ లక్ష్మీపతిరెడ్డిని అభినందించారు. ఇలాంటి మోడల్‌ అంగన్‌వాడీ సెంటర్‌ను రాష్ట్రంలోనే మొదటిసారి చూశానని ఇలాంటి సౌకర్యాలున్న కేంద్రం అంగన్‌వాడీ పిల్లలకు, బాలింతలకు, గర్భిణులకు చాలా సౌకర్యవంతంగా ఉంటుందని కొనియాడారు. అనంతరం పక్కనే ఉన్న పాఠశాలల సందర్శించి పిల్లలతో మమేకమై చర్చించి, మధ్యాహ్న భోజనాన్ని పరిశీలించి సంతృప్తి వ్యక్తం చేశారు. కార్యక్రమంలో సర్పంచ్‌ లక్ష్మీపతిరెడ్డి, సీడీపీఓ కృష్ణవేణి, వైద్యశాఖ సూపర్‌వైజర్‌ కామరాజు, అంగన్‌వాడీ కార్యకర్త కోకిల, వెల్ఫేర్‌ రాణి తదితరులు పాల్గొన్నారు. కంటైనర్‌ దగ్ధం రేణిగుంట: మండలంలోని మర్రిగుంట కూడలిలో గురువారం తెల్లవారుజామున కంటైనర్‌ అదుపుతప్పి బోల్తా పడింది. ఆపై అగ్నికి ఆహుతయ్యింది. ఈ ఘటనలో సుమారు పది లక్షల రూపాయల విలువ చేసే వస్తువులు కాలిబూడిదయ్యాయి. గాజులమండ్యం ఎస్‌ఐ సుధాకర్‌ కథనం మేరకు.. శ్రీసిటీ నుంచి బెంగళూరుకు వివిధ రకాల వస్తువులతో వెళ్తున్న కంటైనర్‌ అదుపుతప్పి బోల్తా పడింది. అదే సమయంలో వ్యవసాయ మార్కెట్‌ సిబ్బందికి చెందిన ద్విచక్ర వాహనం పై కంటైనర్‌ పడడంతో రెండు వాహనాలు అగ్నికి ఆహుతయ్యాయి. ఈ ఘటనలో ఎవరికీ ఎటువంటి ప్రమాదం జరగలేదు. సెప్టెంబర్‌ 13న జాతీయ లోక్‌ అదాలత్‌ తిరుపతి లీగల్‌: రాష్ట్ర న్యాయ సేవా సంస్థ ఆదేశాల మేరకు తిరుపతిలో సెప్టెంబర్‌ 13వ తేదీన జాతీయ లోక్‌ అదాలత్‌ను నిర్వహించనున్నట్టు తిరుపతి మూడో అదనపు జిల్లా జడ్జి, మండల న్యాయ సేవ అధికార సంస్థ చైర్మన్‌ ఎం.గురునాథ్‌ గురువారం మీడియాకు తెలిపారు. ఇందులో భాగంగా ఈనెల 18వ తేదీ నుంచి తిరుపతిలో ప్రతి కోర్టులో ఫ్రీ లోక్‌ అదాలత్‌ సిటింగ్‌లను నిర్వహించనున్నట్టు న్యాయమూర్తి పేర్కొన్నారు. ఆయా కోర్టుల న్యాయమూర్తులు ఈ కార్యక్రమంలో పాల్గొని, కేసులను రాజీ చేస్తారని తెలిపారు.

● భూమన కుటుంబంపై బురద జల్లేందుకు కుట్రలు ● వ్యక్తిగత కారణాలతోనే పవన్‌పై జనసేన నేత దినేష్‌ దాడి తిరుపతి మంగళం: టీడీపీ కార్యకర్త.. జనసేన నాయకుడి మధ్య వ్యక్తిగత కక్షల కారణంగా జరిగిన దాడిని అడ్డు పెట్టుకుని వైఎస్సార్‌ సీపీ నాయకుడిని అరెస్టు చేయడంతో తిరుపతిలో రెడ్‌బుక్‌ రాజ్యాంగం నడుస్తోందన్న విషయం తేటతెల్లమైంది. వివరాల్లోకి వెళితే.. చంద్రగిరి ఎమ్మెల్యే పులివర్తి నాని పేరు చెప్పుకుని పలువురిని మోసగిస్తున్న పవన్‌ అనే వ్యక్తికి జనసేన పార్టీకి చెందిన దినేష్‌ (అలి యాస్‌ సెటిల్‌మెంట్‌ దినేష్‌)కు మధ్య విభేదాలున్నాయి. కాగా వైఎస్సార్‌సీపీ నేత అనీల్‌రెడ్డి బైక్‌లను అద్దెకు ఇచ్చే వ్యాపారం చేస్తున్నాడు. ఈ క్రమంలో పవన్‌, అనీల్‌రెడ్డి వద్ద ఓ బైక్‌ను ఏడాది కిందట అద్దెకు తీసుకెళ్లి, ఇవ్వలేదు. దీనిపై అనీల్‌ పోలీస్‌స్టేషన్‌లో ఫిర్యాదు చేశాడు. ఈ క్రమంలో బుధవారం పవన్‌ బైక్‌ ధరను చెల్లిస్తానని చెప్పడానికి అనీల్‌ కార్యాలయానికి వచ్చాడు. ఈ విషయం తెలుసుకున్న దినేష్‌ అక్కడికి వెళ్లి పవన్‌పై విచక్షణారహితంగా దాడి చేశాడు. ఇదే అదునుగా భావించిన కూటమి నేతలు అనీల్‌రెడ్డి పవన్‌పై దాడి చేశాడంటూ సోషల్‌మీడియాలో వైరల్‌ చేసి, పోలీసు కేసు పెట్టి అరెస్టు చేయించారు. ఈ విషయమై అనీల్‌రెడ్డి భార్య మాట్లాడుతూ తమ వద్ద బైక్‌ అద్దెకు తీసుకెళ్లి ఏడాదిగా తిరిగి తెచ్చి ఇవ్వకపోవడంతో పోలీసులకు ఫిర్యాదు చేశామని దీంతో పవన్‌ పోలీసు కేసులొద్దు బైక్‌ ఎంత అవుతుందో చెల్లిస్తానని, కూర్చుని మాట్లాడుకుందామని తమ కార్యాలయానికి వచ్చారని తెలిపారు. ఈ విషయం జనసేన పార్టీ దినేష్‌ తెలుసుకుని వచ్చి పవన్‌పై విచక్షణరహితంగా దాడి చేశారని ఆమె తెలిపారు. అంతే తప్ప అ తనిపై తన భర్త అనీల్‌రెడ్డి దాడి చేయలేదని, వా రు చేసే దాడిని ఆపేందుకు ప్రయత్నించారన్నారు. అనీల్‌రెడ్డి నన్ను కొట్టలేదు వైఎస్సార్‌సీపీ నేత అనీల్‌రెడ్డి తనని కొట్టలేదని జనసేన నాయకుడు దినేష్‌ చేతిలో తీవ్రంగా గాయపడి న బాధితుడు పవన్‌ వీడియో ద్వారా తెలిపాడు. అ నిల్‌ దగ్గర తాను, నంద్యాలకు చెందిన మహేష్‌ అనే వ్యక్తి ఇద్దరం బైక్‌ అద్దెకి తీసుకున్నామని, మహేష్‌ అనే వ్యక్తితో కలిసి కొన్ని తప్పులు చేసిన విషయం వాస్తవమేనన్నారు. అందుకే మా అన్న దినేష్‌ నన్ను కొట్టాడని.. అంతే తప్ప అనీల్‌రెడ్డి కొట్టలేదని తెలిపాడు. కొందరు రాజకీయ లబ్ధి కోసం తన వీడి యోలను సోషల్‌ మీడియాలో పెట్టి వైరల్‌ చేస్తున్నారని, వెంటనే వాటిని తొలగించకపోతే ఆత్మహత్య చేసుకుంటానని బాధితుడు పవన్‌ వెల్లడించాడు. భూమన కుటుంబంపై బురద జల్లేందుకు కుట్రలు కూటమి ప్రభుత్వ వ్యతిరేక విధానాలను చిత్తూ రు, తిరుపతి జిల్లాల వైఎస్సార్‌సీపీ అధ్యక్షులు భూమన కరుణాకరరెడ్డి, తిరుపతి నియోజకవర్గ సమన్వయకర్త భూమన అభినయ్‌రెడ్డి నిత్యం ఎండగడుతున్నారు. ఈ విషయాన్ని జీర్ణించుకోలేక భూమన కుటుంబంపై బురదజల్లేందుకు కూటమి నాయకులు జనసేన, టీడీపీ నాయకు లు చేసిన దాడిని వైఎస్సార్‌సీపీకి, భూమన కుటుంబానికి ఆపాదిస్తూ కూటమి సోషల్‌ మీడియాల్లో వైరల్‌ చేయడమే ఇందుకు నిదర్శనం. ఈస్ట్‌ పోలీసులకు వైఎస్సార్‌సీపీ నాయకులు ఫిర్యాదు పవన్‌పై దాడి చేసిన జనసేన నాయకుడు దినేష్‌ను అరెస్టు చేసి, తమ పార్టీ నేత అనీల్‌రెడ్డిని విడిచిపెట్టాలని వైఎస్సార్‌సీపీ నగర అధ్యక్షుడు మల్లం రవిచంద్రారెడ్డి, పార్టీ యువజన విభాగం నాయకులు ఉదయ్‌వంశీ, మల్లం రవికుమార్‌రెడ్డి, దినేష్‌రాయల్‌, పసుపులేటి సురేష్‌, రమణారెడ్డితోపాటు పార్టీ శ్రేణులు డిమాండ్‌ చేశారు. దాడికి పాల్పడిన దినేష్‌ను వెంటనే అరెస్టు చేసి చర్యలు తీసుకో వాలని ఈస్ట్‌ పోలీసులకు వైఎస్సార్‌సీపీ నాయకులు ఫిర్యాదు చేశారు. దాడి చేసిన వారిని వదిలిపెట్టి బైక్‌ అద్దెకు ఇచ్చి నష్టపోయిన అనీల్‌రెడ్డిపై కేసులు పెట్టడం ఏమిటని పోలీసులను వైఎస్సార్‌సీపీ నాయకులు ప్రశ్నించారు.

నాయుడుపేటటౌన్‌: పట్టణంలో జరిగిన టీడీపీ మండల అధ్యక్షుడి ఎన్నిక ప్రక్రియ రసాభసగా మారింది. పట్టణంలోని శ్రీకాళహస్తి బైపాస్‌ రోడ్డు సమీపంలోని శ్రీనివాస కల్యాణ మండపంలో గురువారం సూళ్లూరుపేట ఎమ్మెల్యే నెలవల విజయశ్రీ అధ్యక్షతన నియోజవర్గ పార్టీ పరిశీలకులు జెడ్‌ శివప్రసాద్‌ సారధ్యంలో టీడీపీ ఓజిలి అధ్యక్ష ఎన్నిక ప్రక్రియకు సంబంధించి మండల నాయకులు సమక్షంలో పార్టీ అధ్యక్షుల పేర్లను ప్రతిపాదించే ప్రక్రియ ప్రారంభించారు. కొద్ది సేపటికే ఎమ్మెల్యే, టీడీపీ పరిశీలకుల సమక్షంలోనే ఓజిలి మండలానికి చెందిన కొంత మంది నాయకులు రెండు వర్గాలుగా విడిపోయి, ఒకరిపై ఒకరు చెప్పుకుంటూ వాగ్వాదానికి దిగారు. ఓజిలి మండలంలో టీడీపీలో ఎప్పుటి నుంచో ఉంటున్న నాయకులకు కాకుండా కొత్తగా చేరిన వారికి ప్రాధాన్యత ఇస్తున్నారని పెద్ద ఎత్తున వాగ్వాదానికి దిగారు. ఇప్నటి వరకు పార్టీ ఓజిలి మండల అధ్యక్షుడిగా ఉన్న విజయకుమార్‌ నాయుడుతో పాటు పలువురు నాయకులు ఎంత సర్ధి చెబుతున్నా కొంత మంది నాయకులు ససేమీరా అంగీకరించకుండా చొక్కాలు పట్టుకుని, కుమ్మలాటకు దిగారు. చివరకు నాయుడుపేట అర్బన్‌, రూరల్‌ సీఐలు బాబి, సంగమేశ్వరరావు, ఎస్‌ఐలు అదిలక్ష్మి, నాగరాజు నాయకులను పక్కకు తీసుకెళ్లి వివాదం సద్దుమణిగేలా చర్యలు చేపట్టారు. అనంతరం ఓజిలి మండలంతోపాటు పెళ్లకూరు, నాయుడుపేట రూరల్‌, పట్టణ పార్టీ అధ్యక్షులకు సంబంధించి ఆఽశావాహుల పేర్లు నమోదు చేసుకున్నారు. ప్రతిపాదించిన పేర్లను పార్టీ అధిష్టానికి పంపి, అక్కడ నుంచి కమిటీ పేర్లు ప్రకటించం జరుగుతుందని ఎమ్మెల్యే విజయశ్రీ స్పష్టం చేశారు. ● ఎమ్మెల్యే విజయశ్రీ ఎదుటే టీడీపీ నేతల కుమ్ములాట

● డెయిరీ ప్రాంగణంలో వదిలేస్తున్న ప్రమాదకర వ్యర్థ జలాలు ● భూగర్భంలోకి ఇంకుతుండడంతో జలకాలుష్యం ● నోటీసులిచ్చినా మారని యాజమాన్యం తీరుఆకుపచ్చని రంగులో కాలకూటాన్ని తలపించేలా డెయిరీ నుంచి వస్తున్న వ్యర్థ జలాలు.. అందులో కరిగి మిళితమైన అత్యంత ప్రమాదకరమైన రసాయనాలు.. అవి భూమిలో ఇంకి కలుషితమవుతున్న భూగర్భజలాలు.. ఆ వ్యర్థ జలాల నిల్వల్లో వృద్ధి చెందుతున్న దోమలు.. ఆ నీటి నుంచి వస్తున్న దుర్వాసనతో ఆ ప్రాంతంలోని నివాసితులు ఉక్కిరిబిక్కిరి అవుతున్నారు. గత్యంతరం లేక ఆ పాల కూట విషం తాగి అనారోగ్యం బారిన పడుతున్నారు. మదర్‌ డెయిరీ ప్రాంగణంలో వదిలేసిన వ్యర్థ జలాలుతిరుపతి రూరల్‌ : గాంధీపురంలోని డెయిరీ నుంచి వచ్చే వ్యర్థ జలాలను శుద్ధి చేయకుండా వదిలేస్తుండడంతో సమీపంలో నివసించే జనం కాలుష్యం కోరల్లో చిక్కుకుని విలవిలాడుతున్నారు. ఫ్యాక్టరీకి చుట్టూ నివాసముంటున్న వారు దుర్గంధాన్ని భరించలేకపోతున్నారు. వ్యర్థ జలాలను వదలకూడదని పలుసార్లు అధికారులు హెచ్చరికలు జారీ చేసినా.. నోటీసులు ఇచ్చినా ఆ డెయిరీ యాజమాన్యంలో మాత్రం మార్పు రావడం లేదన్న విమర్శలు వస్తున్నాయి. కాలుష్య నియంత్రమండలి అధికారులైనా స్పందించాలని స్థానికంగా నివాసముంటున్న ప్రజలు కోరుతున్నారు. తిరుపతి రూరల్‌ మండలం గాంధీపురం పంచాయతీ పరిధిలో నిర్వహిస్తున్న మదర్‌ డెయిరీ నుంచి వచ్చే వ్యర్థాలతో కూడిన మురుగునీరు ప్రహరీ గోడ పగిలిన ప్రాంతంలో బయటకు వస్తుండడంతో పలుసార్లు పత్రికల్లో కథనాలు ప్రచురితమయ్యాయి. దీంతో ఆ ప్రహరీ నుంచి వెలుపలకు వ్యర్థ జలాలు రాకుండా డెయిరీ లోపల రాళ్లు, మట్టితో నింపేసింది. కొద్దిరోజుల పాటు డెయిరీ ప్రాంగణంలో కూ డా వ్యర్థ జలాలు వదలకుండా ఉండేది. ఇటీవల వర్షాలు వచ్చినప్పటి నుంచి మళ్లీ డెయిరీ ప్రాంగణంలోనే వ్యర్థ జలాలను వదిలేస్తోంది. దీంతో చుట్టుపక్కల నివాసం ఉంటున్న వారు దుర్వాసన భరించలేకపోతున్నారు. మరోవైపు ఆ వ్యర్థ జలాలు భూమిలోకి ఇంకడంతో బోర్లలో నీరు రంగు మారిపోయింది. అంతేకాక రాత్రివేళ దోమల బెడద కూడా ఎక్కువగా ఉండడంతో నిద్రలేని రాత్రులు గడుపుతున్నామని ఆవేదన వ్యక్తం చేస్తున్నారు. మదర్‌ డెయిరీ నుంచి వచ్చే వ్యర్థజలాలకు అడ్డుకట్ట వేయకుంటే భూగర్భ జలాలు కలుషితమై సమీప గ్రామాల్లోని ప్రజలను అనారోగ్యం బారిన పడే ప్రమాదం ఉందని పలువురు పర్యావరణ పరిరక్షకులు హెచ్చరిస్తున్నారు. కలుషితం..వ్యాధుల భయండెయిరీ నుంచి వెలువడే వ్యర్థనీరు భూమిలోకి ఇంకిపోతోంది. భూగర్భ జలాలు కలుషితమవుతున్నాయి. చు ట్టుపక్కల బోరుబావుల్లో తాగునీరు కలుషితమవుతోంది. ఆ నీటినే తాగడం, స్నానాలు చేయడంతో వ్యాధు లు ప్రబలుతున్నాయని ప్రజలు వాపోతున్నారు. పర్యావరణానికి పెనుముప్పు డెయిరీ వ్యర్థ జలాలు పర్యావరణానికి తీవ్రమైన ముప్పును కలిగిస్తాయని నిపుణులు చెబుతు న్నారు. ఇవి గాలి, భూగర్భ జలాలు, నేలను కూడా కలుషితం చేస్తాయని చెబుతున్నారు. పరిశ్రమల్లో శుభ్రపరిచే ప్రక్రియల నుంచి వచ్చే రసాయనాలు, అధిక మొత్తంలో నూనెలు, గ్రీజులను కూడా కలిగి ఉండడంతో జీవఅధోకరణం చెంది ఆక్సిజన్‌ స్థాయిని తగ్గిస్తాయంటున్నారు. జిల్లాస్థాయి అధికారులు దీనిపై స్పందించి డెయిరీ ప్రాంగణంలో పరిశీలించి, నిర్వాహకులపై చర్య లు తీసుకోవాలని స్థానికులు కోరుతున్నారు. నోటీసులిచ్చినా స్పందన ఏదీ..? గతంలో బాలాజీ డెయిరీగా, ఆ తరువాత శ్రీజ డెయిరీగా, ఇప్పడు మదర్‌ డెయిరీగా పాల పదార్థాల త యారీని కొనసాగిస్తున్న డెయిరీ నుంచి వ్యర్థాలు బ యటకు వచ్చినపుడల్లా పంచాయతీ అధికారులు నో టీసులు జారీ చేస్తున్నారు. అయినా సరే ఫ్యాక్టరీ యా జమాన్యానికి చీమకుట్టినట్టు కూడా అనిపించడం లే దనే వాదనలు అధికారుల నుంచి వ్యక్తమవుతున్నా యి. ఇటీవల మురుగునీరు బయటకు వస్తుండడంతో ఎంపీడీఓ రామచంద్ర దృష్టికి తీసుకువెళ్లగా స్థాని క పంచాయతీ కార్యదర్శి ద్వారా ఫ్యాక్టరీ నిర్వాహకులకు నోటీసు ఇచ్చారు. అలాగే కాలుష్య నియంత్ర ణ మండలి అధికారులకు సమాచారం అందించి, ఆ ఫ్యాక్టరీని పరిశీలించాలని లేఖ రాశారు. వ్యర్థ జలాల ను డెయిరీ ప్రాంగణం నుంచి బయటకు రావడం లే దు కదా అని యాజమాన్యం ధీమాగా ఉంటోంది.

● ఎంటీయూ 1010 ధాన్యం కొనుగోలుపై సర్కారు చిన్నచూపు ● నెమ్ము పేరుతో బస్తాకు 5 కిలోలు నొక్కుడు ● విలవిల్లాడుతున్న అన్నదాత పెళ్లకూరు: జిల్లాలో ఈ ఖరీఫ్‌లో 80 వేల ఎకరాల్లో వివిధ రకాల పంటలు సాగు చేశారు. ఇందులో 50 వేల ఎకరాల్లో 1010 వరి రకం సాగులో ఉంది. అ యితే ఈ రకానికి డిమాండ్‌ లేదని కొనుగోలుదారు లు, వ్యాపారులు చేతులెత్తేస్తున్నారు. మరో వైపు వ్య వసాయ శాఖ అధికారులు ఖరీఫ్‌ సీజన్‌లో తాము ధాన్యం కొనుగోలు చేయడం లేదని చేబుతున్నారు. రైతుల పరిస్థితి అగమ్యగోచరంగా మారింది. ముమ్మరంగా కోతలు ఆరుగాలం కష్టపడి పండించిన వరిపైర్లు కోత దశకు రావడంతో ప్రస్తుతం రైతులు ముమ్మరంగా వరి నూ ర్పిడి పనులు చేస్తున్నారు. అయితే పండించిన ధాన్యానికి మద్దతు ధర లేకపోవడం, ఎంటీయూ 1010 రకం ధాన్యం కొనుగోలు చేసే పరిస్థితి లేనందున గిట్టుబాటు లేక అన్నదాతలు అల్లాడుతున్నారు. కొందరు గిట్టుబాటు ధర లేకపోవడంతో రోడ్లుపైన, కళ్లాల్లో ధాన్యం ఆరబెడుతున్నారు. గత జగనన్న ప్రభుత్వంతో పోలిస్తే ఈఏడాది ఎరువులు, పురుగు మందులు, వ్యసాయ కూలీల రేట్లు పెరగడంతో ఎకరం సాగుకు గతంలో రూ.25 వేలు పెట్టుబడులు ఉండగా ప్రస్తుతం రూ.35 వేలుకు చేరుకుంది. పెళ్లకూరు, చెంబేడు, చిల్లకూరు, పునబాక, నెలబల్లి, కలవకూరు, చావలి, నందిమాల తదితర గ్రామాల్లో వరి కోతలు జోరుగా సాగుతున్నాయి. అయితే రైతులు చెమటోడ్చి పండించిన ధాన్యానికి మద్దతు ధర కల్పించకుండా దళారులు రైతులను దోచుకుంటున్నారు. రైతులు వ్యవసాయానికి చేసిన అప్పులకు వడ్డీలు పెరిగిపోతుండడంతో ధాన్యం కళ్లాల్లోనే తక్కువ ధరలకు దళారులకు విక్రయిస్తుండడం గమనార్హం. పెళ్లకూరులో వరి కోత కోస్తున్న యంత్రంతవుడు కన్నా ధాన్యం ధర తక్కువ రైతులు పండించిన ధాన్యానికి కూటమి ప్రభు త్వం గిట్టుబాటు ధర ప్రకటించకపోవడంతో ఎంటీయూ 1010 రకం 80 కిలోల బస్తాపై 5 కిలోలు నెమ్ము తొలగించి, కేవలం రూ.1,370కి దళారులు కొనుగోలు చేస్తున్నారు. కాగా 80 కిలోల తవుడు (వరి పొట్టు)ధర రూ.2,160కు పాడి రైతులు కొనుగోలు చేసుకుంటున్నారు. రైతులు పెట్టుబడులు పెట్టి కష్టపడి పండించిన ధాన్యం ధర కంటే తవుడుకు గిరాకీ ఎక్కువగా ఉండడం విశేషం. గత జగనన్న ప్రభుత్వంలో ఎంటీయూ–1010, ఎన్‌ఎల్‌ఆర్‌–145, ఆర్‌ఎన్‌ఆర్‌ఎం–7, ఎన్‌ఎల్‌ఆర్‌ 34449, బీపీటీ–5240, ఎన్‌ఎల్‌ఆర్‌–33358, ఎన్‌ఎల్‌ఆర్‌ 33057 ధాన్యాలను గ్రేడ్‌–ఏ రకంగా గుర్తించి క్వింటాల్‌ రూ.2,350 మద్దతు ధర ప్రకటించారు. అలాగే ఎంటీయూ–1001, సీఆర్‌–1009, ఎన్‌ఎల్‌ఆర్‌–34242, ఏడీటీ–37, ఎన్‌ఎల్‌ఆర్‌– 286000 రకాలను సాధారణ రకంగా గుర్తించి క్వింటాల్‌ రూ.2,300 మద్దతు ధర ప్రకటించారు. కానీ కూటమి ప్రభుత్వంలో ఎంటీయూ1010కి గి ట్టుబాటు ధరపై ఎలాంటి ప్రకటన వెలువడకపోవడం గమనార్హం. రైతులను ఆదుకుంటాం, నాణ్యత లేని ధాన్యాన్ని కూడా కొనుగోలు చేసి అన్నదాతలను ఆదుకుంటామని చెప్పిన సీఎం చంద్రబాబు అబద్దాలకు ఇది మరో నిదర్శనం. పౌరసరఫరాల శాఖ అధికారులకు విన్నవించాం వాతావరణ పరిస్థితుల ఆధారంగా పలు ప్రాంతాల్లో ఎక్కువ మంది రైతులు ఎంటీయూ1010 రకం వరి సాగు చేశారు. కానీ సన్నరకం వరి సాగు మాత్రమే చేయాలని ప్రభుత్వం సూచించింది. ప్రస్తుతం అన్నీ ప్రాంతాల్లో వరి కోతలు ముమ్మరంగా సాగుతున్నాయి. ఎంటీయూ1010 రకం ధాన్యం కొనుగోలు విషయమై పౌరసరఫరాలశాఖ అధికారులకు విన్నవించాం. –నాగార్జున సాగర్‌, ఏడీ, వ్యవసాయశాఖ, నాయుడుపేట డివిజన్‌ దళారులకే విక్రయిస్తున్నాం రైతులు పండించిన ధాన్యం అధికారులు కొనుగోలు చేయకపోవడం, గిట్టుబాటు ధర ప్రకటించకపోవడం వల్ల చివరికి తక్కువ ధరలకు దళారులకే విక్రయాలు చేస్తున్నాము. ఈఏడాది ధాన్యం ఆరబెట్టుకోవడానికి కనీసం టార్పాలిన్‌ పట్టలు కూడా పంపిణీ చేయడం లేదు. –సుబ్రమణ్యంనాయుడు, యాలకారికండ్రిగ ఎంటీయూ 1010 రకానికి మద్దతు ధర కల్పించాలి కష్టపడి పండించిన ఎంటీయూ 1010 రకం ధాన్యానికి ప్రభు త్వం మద్దతు ధర ప్రకటించి దళారులు స్వా హా చేయకుండా కొనుగోలు చేయాలి. కష్టపడి పండించిన ధాన్యం తక్కువ ధరకే విక్రయించడంతో నష్టాలు వస్తున్నాయి. –పరంధామనాయుడు, లక్ష్మీనాయుడుకండ్రిగ

● టిప్పర్లను అడ్డుకున్న గ్రామస్తులు ● రోడ్డుకు అడ్డంగా ఫెన్సింగ్‌ రాళ్లు నాటిన గ్రామస్తులుబుచ్చినాయుడుకండ్రిగ: మండలంలోని ఆలత్తూరు–కేటీ రోడ్డు అధ్వాన్నస్థితి చేరుకోవడంతో మరమ్మతులు చేయాలని గురువారం గ్రామస్తులు నిరసన తెలిపారు. కంకర తీసుకెళుతున్న టిప్పర్లను నిలిపి, రోడ్డుకు అడ్డంగా ఫెన్సింగ్‌ రాళ్లు నాటారు. ఈ సందర్భంగా వారు మాట్లాడుతూ ఈ రోడ్డు వెంబడి రాళ్ల క్రషర్లు, క్వారీలు ఉన్నాయని, క్రషర్లు, క్వారీల నుంచి టిప్పర్లు 50 టన్నులకుపైగా బరువున్న కంకర తీసుకుపోతున్నారని తెలిపారు. రహదారిలో రోజుకు 200పైగా లారీలు 50 టన్నుల ఓవర్‌లోడ్‌తో రోడ్డుపై తిరుగుతున్నాయని, వాటిని అరికట్టాల్సిసిన మైనింగ్‌ అధికారులు మామ్ముళ్ల మత్తులో జోగుతున్నారని గ్రామస్తులు ఆరోపించారు. సంక్రాంతికి రోడ్లుకు మరమ్మతులు చేస్తామని ప్రగల్భాలు పలికిన కూటమి ప్రభుత్వం అసంగతి మరచిపోయిందని విమర్శించారు. రోడ్డు మరమ్మతు చేయాలని పలుసార్లు అధికారులకు ఫిర్యాదు చేసిన పట్టించుకోలేదన్నారు. సంబంధితశాఖ ఉన్నతాధికారులు స్పందించి రోడ్డుకు మరమ్మతులు చేపట్టాలని, లేకుంటే కేటీ రోడ్డుపై రాస్తారోకో చేస్తామని హెచ్చరించారు. వేణుగోపాల్‌రెడ్డి, యనమలప్రసాద్‌పాల్‌, చిన్నికృష్ణ, లక్ష్మీనారయణ, చెంచమ్మ, సుధీర్‌రెడ్డి, తదితరులు పాల్గొన్నారు.

తిరుపతి అర్బన్‌: జిల్లా అధికారులతో రాష్ట్ర స్థా యి అధికారులు గురువారం పలు అంశాలపై వ ర్చువల్‌ పద్ధతిలో సమీక్షించారు. తిరుపతి కలెక్టరేట్‌ నుంచి కలెక్టర్‌ వెంకటేశ్వర్‌, జాయింట్‌ కలెక్టర్‌ శుభం బన్సల్‌ పాల్గొన్నారు. ప్రధానంగా ఏపీఐఐసీకి చెందిన సమస్యలపై చర్చించారు. అలాగే స్వర్ణాంధ్ర, పీ–4, చిన్న, మధ్యతరహా పరిశ్రమల స్థాపన, ప్రధాన ప్రాజెక్టులు, భూ సమస్యలు, జిల్లా దీర్ఘకాలిక అభివృద్ధి ప్రణాళికలు, అన్నదాత సుఖీభవ, యూరియా కొరత తదితర అంశాలపై చర్చించారు. జిల్లా పరిస్థితులను కలెక్టర్‌, జేసీ వారికి వివరించారు.అడ్మిషన్ల సమయం మరింత పెంచాలని, సర్టిఫికెట్లు ఇప్పటికీ కొందరికి అందలేదని సమన్వయకర్తలు అధికారులకు విన్నవించారు. రాష్ట్ర ఓపెన్‌ స్కూల్స్‌ సొసైటీ సమన్వయకర్త నరసింహారావు, ఓపెన్‌ స్కూల్‌ జిల్లా కోఆర్డినేటర్‌ గురుస్వామి రెడ్డి తదితరులు పాల్గొన్నారు. ‘నవోదయ’ ప్రవేశాలకు దరఖాస్తుల ఆహ్వానం తిరుపతి సిటీ: జవహర్‌ నవోదయ విద్యాలయంలో 2026–27 విద్యా సంవత్సరానికి సంబంధించి 9, 11వ తరగతులలో మిగిలి ఉన్న సీట్ల భర్తీ కోసం దరఖాస్తులు ఆహ్వానిస్తున్నట్లు డీఈఓ కేవీఎన్‌ కుమార్‌ ఒక ప్రకటనలో తెలిపా రు. 9వ తరగతిలో ప్రవేశాల కోసం ఏదేని ప్రభుత్వ పాఠశాలలో 8వ తరగతి చదివి 2011 మే 1వ తేదీ, 2013 జూలై 31 మధ్య జన్మించిన విద్యార్థులు అర్హులని తెలియజేశారు. అలాగే 11వ తరగతిలో ప్రవేశాల కోసం ప్రభుత్వ పాఠశాలల్లో 10వ తరగతి చదివి 2009 జూన్‌ 1వ తేదీ, 2011 జూలై 31 మధ్య జన్మించిన విద్యార్థులు అర్హులన్నారు. ఆసక్తి, అర్హత రలిగిన విద్యార్థులు నవోదయ విద్యాలయ వెబ్‌సైట్‌లో సెప్టెంబర్‌ 23వ తేదీలోపు ఆన్‌లైన్‌లో దరఖాస్తు చేసుకోవాలన్నారు. ప్రవేశ పరీక్ష వచ్చే ఏడాది ఫిబ్రవరి 7న నిర్వహించనున్నట్లు తెలియజేశారు.

● పార్లమెంట్‌లో ఎంపీ మద్దిల గురుమూర్తి తిరుపతి మంగళం : పార్లమెంట్‌ నియోజకవర్గంలో జాతీయ రహదారులను నిర్మించాలని తిరుపతి ఎంపీ మద్దిల గురుమూర్తి కోరారు. గురువారం పార్లమెంట్‌లో తిరుపతి పార్లమెంట్‌ నియోజకవర్గ పరిధిలోని రహదారుల పరిస్థితిని ఆయన కేంద్రం దృష్టికి తీసుకెళ్లారు. జాతీయ రహదారి–16పై సూళ్లూరుపేట వద్ద, జాతీయ రహదారి –716 పై కరకంబాడి వద్ద ఫ్లైఓవర్ల నిర్మాణం కోసం గతంలో ఇచ్చిన విజ్ఞప్తులపై కేంద్ర ప్రభుత్వం తీసుకొన్న చర్యల వివరాలు తెలపాలని కోరారు. శ్రీకాళహస్తి–తడ, గూడూరు–రాపూరు–రాజంపేట, ఊతుకోట–తడ రాష్ట్ర రహదారులను జాతీయ రహదారులుగా మార్చమని అభ్యర్థిస్తూ ప్రభుత్వానికి వినతులు అందాయా? అలా అయితే సాధ్యాసాధ్యాల అధ్యయన వివరాలు, బడ్జెట్‌ కేటాయింపుల వివరాలు తెలపాలన్నారు. ఇదే అంశాలపై గతంలో కేంద్ర మంత్రికి పలుమార్లు ఎంపీ విజ్ఞప్తి చేశారు. దీంతో తిరుపతి ఎంపీ మద్దిల గురుమూర్తి పార్లమెంట్‌లో అడిగిన ప్రశ్నకు జాతీయ రహదారుల శాఖా మంత్రి నితిన్‌ గడ్కరీ స్పందించారు. జాతీయ రహదారి–16పై సూళ్లూరుపేట షార్‌ సర్కిల్‌ వద్ద కి.మీ 81.050 వద్ద రోటరీ జంక్షన్‌, పాదచారుల కోసం కిమీ 80.970 వద్ద ఇప్పటికే అండర్‌పాస్‌లను అభివృద్ధి చేసినట్లు మంత్రి గడ్కరీ వెల్లడించారు. ఇవి తడ–నెల్లూరు వరకు ఉన్న జాతీయ రహదారి నాలుగు లైన్ల ప్రాజెక్టులో భాగంగా పూర్తయ్యాయని తెలిపారు. కరకంబాడి వద్ద చిన్నఒరంపాడు నుంచి రేణిగుంట జాతీయ రహదారి 716 నిర్మాణంలో భాగంగా రెండు ముఖ్యమైన అండర్‌ పాస్‌ల నిర్మాణం జరుగుతుందని మంత్రి తెలిపారు. కి.మీ 118.057 వద్ద కరకంబడి రైల్వే క్రాసింగ్‌ దగ్గర లైట్‌ వెహికల్‌ అండర్‌పాస్‌, కి.మీ 118.885 వద్ద కట్టపుట్టాలమ్మ ఆలయం సమీపంలో వెహికల్‌ అండర్‌పాస్‌ నిర్మించనున్నారని తెలిపారు. ఈ ప్రాజెక్టును 28 జనవరి 2025న కాంట్రాక్ట్‌ ద్వారా అప్పగించారన్నారు. ఈ పనులు మొదలయ్యాక తరువాత రెండేళ్లలో పూర్తి చేయాలని లక్ష్యంగా పెట్టుకున్నట్టు తెలిపారు.

● పంగూరు దళితవాడ వాసుల ఆందోళన ● రాజకీయ అందదండలతో టీటీపీ నేతకు పట్టా ● పట్టా రద్దు చేసి మాన్యాన్ని పరిరక్షించాలని దళితుల డిమాండ్‌ ఏర్పేడు:మండలంలో పాగాలి గ్రామ సమీపంలో ని రాములువారి ఆలయ మాన్యాన్ని టీటీడీ నేతలు కాజేసేందుకు యత్నిస్తున్నారని, దీనిని పరిరక్షించాలని కోరుతూ మండలంలోని పంగూరు దళితవాడవాసులు ఆందోళన చేశారు. గురువారం ఆలయ మాన్యం వద్ద పంగూరు దళితవాడ వాసులు సుమారు 100మంది చేరుకుని ఆ భూమిలోని మొక్కలను జేసీబీతో తొలగించారు. వారు మాట్లాడుతూ, పేద దళితులమైన తమకు పాగాలి రెవెన్యూ పరిధిలో 1974లో అప్పటి ప్రధాని ఇందిరాగాంధీ హయాంలో ఎకరం చొప్పున వ్యవసాయ భూమిని పంపిణీ చేసి తామందరినీ సన్నకారు రైతులుగా మార్చారన్నారు. ఆ భూముల్లో కొంత మిగులు భూమి సర్వే నంబరు 205–4లో 2.09 ఎకరాలను తామంతా దేవుడి మాన్యంగా గ్రామ అవసరాల నిమిత్తం వినియోగించుకుంటున్నామన్నారు. అయితే పాగాలికి చెందిన టీడీపీ నాయకుడు సతీమణి మామండూరు మునెమ్మ పేరుతో ఈ భూమిలో అక్రమంగా పట్టాలు పొంది, ఆన్‌లైన్‌లో నిక్షిప్తం చేసుకునేందుకు యత్నిస్తున్నారని, రాజకీయ అండతో భూస్వాములు పొందిన పట్టాను రద్దు చేసి తమ దేవుని మాన్యాన్ని పరిరక్షించాలని విజ్ఞప్తి చేశారు. దీనిపై తహసీల్దార్‌ భార్గవి వివరణ కోరగా, తనకు ఎలాంటి ఫిర్యాదు అందలేదని, ఫిర్యాదు చేస్తే విచారణ చేసి సమస్యను పరిష్కరిస్తామన్నారు. కల్తీ..కల్తీ తిరుపతి క్రైమ్‌: నగరంలో ఫుడ్‌ సేఫ్టీ, తూ నికలు కొలతల శాఖ అధికారులు సంయుక్త గురువారం రెస్టారెంట్లపై మెరు పు దాడులు నిర్వహించారు. ఏపీ ఫుడ్‌ సేఫ్టీ కమిషనర్‌ వీరపాండ్యన్‌ ఆదేశాల మేరకు.. జాయింట్‌ ఫుడ్‌ సేఫ్టీ అధికారి పూర్ణచంద్రరావు ఆధ్వర్యంలో 18 బృందాలుగా అధికారులు విడిపోయి, నగరంలోని 36 రెస్టారెంట్లు, బార్లను తనిఖీ చేశారు. ఇందులో 35 రెస్టారెంట్లలో శ్యాంపిళ్లు సేకరించారు. హోటళ్లు, బార్లలో చాలాచోట్ల అసభ్యంగా కనిపించడంతో వా రందరికీ నోటీసులు జారీచేశారు. నిల్వ ఉంచి పాడైపోయిన 26 కేజీల ఆహార ప దార్థాలను ధ్వంసం చేశారు. 4 హోటళ్లపై కేసులు నమోదు చేసినట్టు అధికారులు తెలిపారు. అదేవిధంగా 14 రెస్టారెంట్లకు ఇంప్రూవ్మెంట్‌ నోటీసులు జారీచేశారు.

తిరుపతి సిటీ: ఆంధ్రప్రదేశ్‌ ఓపెన్‌ స్కూల్‌ సొసైటీ అడ్మిషన్ల ప్రక్రియను వేగవంతం చేయాలని డీఈఓ కేవీఎన్‌ కుమార్‌ ఆదేశించారు. బుధవారం కలెక్టర్‌ కార్యాలయంలోని జిల్లా విద్యాశాఖాధికారి చాంబర్‌లో జిల్లాలోని ఓపెన్‌ స్కూల్‌ అధ్యయన కేంద్రాల సమన్వనయకర్తలతో సమావేశమై అడ్మిషన్ల ప్రక్రియకు సంబంధించిన వాల్‌పోస్టర్లను ఆవిష్కరించారు. ఆయన మాట్లాడుతూ ఓపెన్‌ స్కూల్‌ అడ్మిషన్ల ప్రక్రియలో అవినీతి, అక్రమాలకు పాల్పడితే చర్యలు తప్పవని హెచ్చరించారు. ఓపెన్‌ స్కూల్‌ పదో తరగతి, ఇంటర్మీడియట్‌ తప్పిన విద్యార్థుల వివరాలను సేకరించి ఓపెన్‌ స్కూల్‌ అడ్మిషన్లు కల్పించాలన్నారు. ఓపెన్‌ స్కూల్‌ సర్టిఫికెట్లు కూడా రెగ్యులర్‌ పాఠశాల సర్టిఫికెట్లతో సమానమైనన్న విషయాన్ని విద్యార్థులకు తెలియజేయాలని సూచించారు.

తిరుపతి అన్నమయ్యసర్కిల్‌: రైల్వే ఆస్తుల రక్షణతో పాటు ప్రయాణికుల భద్రతే లక్ష్యంగా రైల్వే ప్రొటెక్షన్‌ ఫోర్స్‌ (ఆర్పీఎఫ్‌) పనిచేయాల్సి ఉంటుందని దక్షిణ మధ్య రైల్వే ప్రొటెక్షన్‌ ఫోర్స్‌ చీఫ్‌ సెక్యూరిటీ కమిషనర్‌ అరోమా సింగ్‌ ఠా కూర్‌ పేర్కొన్నారు. తిరుపతి పర్యటనలో భాగంగా గురువారం ప్రధాన రైల్వేస్టేషన్‌ను ఆయన తనిఖీ చేశారు. ప్రధానంగా ఆయా స్టేషన్లలో స్థానిక పోలీసుల సహకారంతో ఆర్పీఎఫ్‌ అధికారులు నేరాల నియంత్రణకు పటిష్ట చర్యలు తీసుకోవాలని ఆదేశించారు. నూతనంగా నిర్మాణంలో ఉన్న భవనంలోని భద్రతా ప్రణాళికపై సంబంధిత అధికారులతో సమీక్ష నిర్వహించారు. రైల్వే స్టేషన్‌లో సీసీ టీవీ పర్యవేక్షణ వ్యవస్థ, బ్యాగేజ్‌ స్కానర్లు, మెటల్‌ డిటెక్టర్లు వంటి ఆధునిక భద్రతా పరికరాల ఆవశ్యకతపై చర్చించారు. అనంతరం రేణిగుంట సబ్‌ డివిజన్‌ పరిధిలో పనిచేస్తున్న గవర్నమెంట్‌ రైల్వే పోలీస్‌ ఇన్‌స్పెక్టర్లతో సమన్వయ సమావేశం నిర్వహించారు. కార్యక్రమంలో గుంతకల్‌ డివిజినల్‌ సెక్యూరిటీ కమిషనర్‌ ఆకాష్‌కుమార్‌ జైశ్వాల్‌, రేణిగుంట అసిస్టెంట్‌ సెక్యూరిటీ కమిషనర్‌ రాజగోపాలరెడ్డి, ఆర్పీఎఫ్‌ సీఐలు సందీప్‌కుమార్‌, వెంకటేశ్వర్లు పాల్గొన్నారు.13న ఖాళీ ప్లాస్టిక్‌ టిన్ల ఈ వేలంతిరుపతి అన్నమయ్యసర్కిల్‌: తిరుమల శ్రీవారి ఆలయంతో పాటు ఇతర అనుబంధ ఆలయాల్లో జీడిపప్పు ప్యాకింగ్‌కు వినియోగించిన ఖాళీ ప్లాస్టిక్‌ టిన్లు ఈనెల 13వ తేదీన రాష్ట్ర ప్రభుత్వ కొనుగోలు పోర్టల్‌ ద్వారా ఈ వేలం వేయనున్నా రు. ఈ మేరకు గురువారం టీటీడీ ముఖ్య ప్రజాసంబంధాల అధికారి పత్రికా ప్రకటన విడుదల చేశారు. మరిన్ని వివరాల కోసం తిరుపతిలోని టీటీడీ మార్కెటింగ్‌ కార్యాలయాన్ని 0877–2264 429 నంబరులో కార్యాలయం వేళల్లో, లేదా టీటీ డీ వెబ్‌సైట్‌లో సంప్రదించాలని సూచించారు.

వెంకటగిరి రూరల్‌: వెంకటగిరి చేనేత చీరకు దేశంలో ఓ ప్రత్యేకత ఉందని తిరుపతి జిల్లా కలెక్టర్‌ ఎస్‌ వెంకటేశ్వర్‌ పేర్కొన్నారు. జాతీయ చేనేత దినోత్సవాన్ని పురస్కరించుకుని వెంకటగిరిలో గురువారం నిర్వహించిన జాతీయ చేనేత దినోత్సంలో వెంకటగిరి ఎమ్మెల్యే కురుగొండ్ల రామకృష్ణతోకలసి పాల్గొన్నారు. తొలుత క్రాస్‌రోడ్డు వద్ద విద్యార్ధులతో నిర్వహించిన ర్యాలీని కలెక్టర్‌ వెంకటేశ్వర్‌, ఎమ్మెల్యే కురుగొండ్ల రామకృష్ణలు ప్రారంభించి ర్యాలీలో పాల్గొన్నారు. అనంతరం పద్మశాలి కల్యాణ మండపంలో ఏర్పాటు చేసిన చేనేతల సదస్సులో తిరుపతి జిల్లా కలెక్టర్‌ వెంకటేశ్వర్‌ మాట్లాడుతూ వెంకటగిరి చేనేత చీరలకు ఇతర రాష్ట్రాలతోపాటు దేశంలో అరుదైన గౌరవం ఉందన్నారు. కేంద్ర ప్రభుత్వం చేసిన ఒక ప్రొడక్టర్‌ అవార్డుల్లో దేశంలోనే వెంకటగిరి చీరకు బంగారు పథకం అర్హత పొందిందన్నారు. కేంద్ర పరిశ్రమ శాఖ మంత్రి పియాష్‌ గోషాల్‌ చేతుల మీదుగా తాను స్వయంగా బంగారు పథకం స్వీకరించినట్లు తెలిపారు. జిల్లాలో ఆరువేల పైగా చేనేత కుటుంబాలున్నాయని ముఖ్యంగా వెంకటగిరి, శ్రీకాళహస్తి, గూడూరు, నారాయణవనంలో ఉన్నారన్నారు. ఇందులో వెంకటగిరి పట్టు, జరీ, కాటన్‌, జందానీ చీరలు ప్రసిద్ధి చెందాయన్నారు. నారాయణవనంలో పెళ్లి పట్టుచీరలు, పుత్తూరులో టవల్స్‌, దోతీలు బాగా ప్రసిద్ధి చెందాయన్నారు. వెంకటగిరి పట్టణానికి చెందిన లక్కా శ్రీనివాసులు ప్రతిష్టాత్మకమైన సంతకబీర్‌ అవార్డుకు ఎంపిక అకావడం గర్వకారణంగా ఉందన్నారు. వెంకటగిరిలో 7 చేనేత సంఘాలు యాక్టివ్‌లో ఉండగా 2024–25 ఆర్థిక సంవత్సరంలో పీఏం ముద్ర యోజన పథకం ద్వారా 148 చేనేత కార్మికులకు రుణాలు ఇచ్చామన్నారు. వెంకటగిరిలో రూ. 1.52 కోట్లతో పోలేరమ్మ చేనేత క్లస్టర్‌, శ్రీకాహస్తిలో రూ. 90 లక్షలతో శ్రీకాళహస్తి స్మాల్‌ క్లస్టర్‌, నారాయణ వనంలో రూ. కోటితో నారాయణ వనం స్మాల్‌ క్లస్టర్స్‌ మంజూరు చేసినట్లు తెలిపారు. అనంతరం చేనేతలతోకలసి రూ.60 లక్షల ముద్ర వీవర్స్‌ చెక్కు ను ఆవిష్కరించారు. హ్యాడ్‌లూమ్‌ ఏడీ రమేష్‌, ఎల్‌డీఎం గుంటూరు రవికుమార్‌ పాల్గొన్నారు.

తిరుపతి మంగళం:వైఎస్సార్‌సీపీ ఎమ్మెల్సీ రమేష్‌ యాదవ్‌పై టీడీపీ గుండాలు దాడి చేయడం హేయమై న చర్య అని తిరుపతి కార్పొరేషన్‌ మేయర్‌ శిరీష్‌ అన్నారు. ఎమ్మెల్సీ రమేష్‌యాదవ్‌పై జరిగిన దాడిని ఖండిస్తూ గురువారం తిరుపతి బాలాజీకాలనీలోని జ్యోతిరావుపూలే విగ్రహం వద్ద మేయర్‌ శిరీషతోపాటు వైఎస్సార్‌ సీపీ నేతలు, కార్యకర్తలు నిరసన వ్యక్తం చేశారు. ఈ సందర్భంగా మేయర్‌ శిరీష మాట్లాడుతూ కూటమి ప్రభుత్వం అధికారంలోకి వచ్చినప్పటి నుంచి ప్రజాసంక్షేమాన్ని, ప్రజలకు ఇచ్చిన హామీలను పక్కన పెట్టి వైఎస్సార్‌సీపీ నాయకులే లక్ష్యంగా చేసుకుని రాజకీయ కక్షలతో కూటమి నాయకులు దాడులకు పాల్పడడం రెడ్‌బుక్‌ రాజ్యాంగానికి నిదర్శనమన్నారు. ఏడాదిన్నర కాలంగా కూటమి ప్రభుత్వం కక్షపూరిత రాజకీయాలకు పాల్పడుతూ వైఎస్సార్‌సీపీ నాయకులపై దాడులకు తెగబడుతూ, అక్రమ కేసులు బనాయిస్తూ జైళ్లకు పంపుతున్నారని మండిపడ్డారు. కూటమి ప్రభుత్వం ప్రజలకు మేలు చేసి ఉంటే ఎన్నికలకు భయపడాల్సిన అవసరం ఏముందని ప్రశ్నించారు. అనంతరం వైఎస్సార్‌ సీపీ నగర అధ్యక్షుడు మల్లం రవిచంద్రారెడ్డి, పార్టీ నాయీ బ్రాహ్మణ విభా గం రాష్ట్ర అధ్యక్షుడు తొండమల్ల పుల్లయ్య, తిరుపతి రూరల్‌ మాజీ ఎంపీపీ చిలమంద మునికృష్ణ, చిన్నియాదవ్‌ మాట్లాడారు. బీసీ వర్గానికి చెందిన రమేష్‌యాదవ్‌పై దాడి చేయడం అమానుషమన్నారు. రాజకీయం అంటే ప్రజాబలంతో గెలవాలే తప్ప దాడులు చేసి జనాలను భయభ్రాంతులకు గురిచేసి తద్వారా ఎన్నికల్లో గెలవాలనుకోవడం దుర్మార్గపు చర్యే అవు తుందన్నారు. ఈ కార్యక్రమంలో కార్పొరేటర్లు లడ్డు భాస్కర్‌రెడ్డి, కోటూరు ఆంజనేయులు, టౌన్‌బ్యాంక్‌ వైస్‌ చైర్మెన్‌ వాసుయాదవ్‌, తిరుపతి రూరల్‌ వైస్‌ ఎంపీపీ మాధవరెడ్డి పాల్గొన్నారు.

● భక్తులు తిలకించేందుకు ప్రత్యేక ఎల్‌ఈడీ స్క్రీన్‌లు చంద్రగిరి: తిరుచానూరు పద్మావతి అమ్మవారి ఆలయంలో శుక్రవారం వరలక్ష్మీ వ్రతం నిర్వహణకు టీటీడీ అధికారులు విస్తృత ఏర్పాట్లు చేశారు. శుక్రవారం ఉదయం 10 నుంచి మధ్యాహ్నం 12 గంటల వరకు ఆస్థానమండపంలో వరలక్ష్మీ వ్రతాన్ని శాస్త్రోక్తంగా నిర్వహించనున్నారు. అనంతరం సా యంత్రం 6 గంటలకు స్వర్ణరథంపై శ్రీ పద్మావతి అమ్మవారు నాలుగు మాడ వీధుల్లో విహరించనున్నారు. సుమారు 500 మందికి పైగా మహిళలు టికెట్లు కొనుగోలు చేసి ఆస్థాన మండపంలో నిర్వహించే వరలక్ష్మీ వ్రతంలో పాల్గొననున్నారు. ప్రత్యేకంగా ఎల్‌ఈడీ స్క్రీన్‌ల ఏర్పాటు వరలక్ష్మీ వ్రతాన్ని భక్తులు తిలకించేందుకు వీలుగా ప్రత్యేకంగా ఎల్‌ఈడీ స్క్రీన్లు ఏర్పాటు చేశారు. ప్రసాదాలు, మజ్జిగ, తాగునీరు పంపిణీ చేయాలని ఇప్పటికే టీటీడీ యాజమాన్యం అధికారులను ఆదేశించింది. భక్తులకు పంపిణీ చేసేందుకు కుంకుమ ప్యాకెట్లు, కంకణాలు, గాజులు సిద్ధం చేసుకోవడంతోపాటు, హిందూ ధర్మప్రచార పరిషత్‌ ఆధ్వర్యంలో భజన బృందాలను సైతం ఏర్పాటు చేస్తున్నా రు. అమ్మవారి ఆలయం, ఆస్థాన మండపం, ఇతర ప్రాంతాల్లో పుష్పాలంకరణ, విద్యుద్దీపాలంకరణ చేపట్టారు. వరలక్ష్మీ వ్రతాన్ని ఎస్వీబీసీలో ప్రత్యక్ష ప్రసారాలతో పాటు ఆస్థానమండపంలో భక్తులకు ఇబ్బందులు లేకుండా క్యూలు ఏ ర్పాటు చేశారు. 750 గ్రాముల డ్రగ్స్‌ స్వాధీనం చిల్లకూరు: గూడూరు పట్టణంలోని ఆస్పత్రి రోడ్డులో ఉన్న ఓ మెడికల్‌ షాపులో చేపట్టిన తనిఖీల్లో సుమారు 750 గ్రాముల డ్రగ్స్‌ ఉండగా గుర్తించి, స్వాదీనం చేసుకుని యజమానిని అదుపులోకి తీసుకున్నారు. పట్టణంలో డ్రగ్స్‌ దొరకడం దానికి యువతను ఆకర్షితులు చేసేలా షాపు యజమాని కొంత కాలంగా డ్రగ్స్‌ను సరఫరా చేస్తున్నట్లు విచారణలో వెల్లడైనట్లు తెలిసింది. మత్తుకు బానిసలుగా మార్చేలా అతి తక్కువతో దొరికే పలు రకాల నిషేధిత మందులను, సాధారణ మందులతో పాటు తెప్పించి విక్రయించి, సొమ్ము చేసుకుంటున్నట్లు తెలుస్తుంది.

● పార్లమెంటులో ఎంపీ మద్దిల గురుమూర్తి తిరుపతి మంగళం : నగరంలో సీజీహెచ్‌ఎస్‌ వెల్‌నెస్‌ సెంటర్‌ ఏర్పాటుకు కేంద్ర ప్రభుత్వం అంగీకారం తెలిపినప్పటికీ, దాని ఏర్పాటు ఎందుకు ఆలస్యమవుతోందని తిరుపతి ఎంపీ డాక్టర్‌ మద్దిల గురుమూర్తి ప్రశ్నించారు. బుధవారం పార్లమెంటులో ఆయన మాట్లాడుతూ ఏడాది కిందట తిరుపతిలో వెల్‌నెస్‌ సెంటర్‌ ఏర్పాటును ప్రకటించినా సిబ్బంది నియామకం ఆలస్యంతో పనులు ఇంకా ప్రారంభం కాలేదన్నారు. నిర్వాహక లోపాల కారణంగా కేంద్ర ప్రభుత్వ ఉద్యోగులు, పెన్షనర్లకు ఆరోగ్య సేవలు అందకుండా తీవ్ర ఇబ్బందులు పడుతున్నారని ఆయన ఆవేదన వ్యక్తం చేశారు. పూర్తి స్థాయిలో నియామకాలు జరిగేలోగా తాత్కాలిక ఒప్పంద సిబ్బంది ద్వారా తిరుపతి సీజీహెచ్‌ఎస్‌ కేంద్రాన్ని తక్షణమే ప్రారంభించాలని ఆయన కేంద్రాన్ని కోరారు. అలాగే తిరుపతి జిల్లా శ్రీసిటీ, నెల్లూరులో ప్రతిపాదిత 100 పడకల ఈఎస్‌ఐ ఆస్పత్రులు కూడా ఇప్పటివరకు భూమిపూజ స్థాయికి కూడా రాలేదని చెప్పారు. కేంద్రం నుంచి మంజూరు అయినప్పటికీ నిర్మాణ కార్యక్రమాలు ప్రారంభం కాలేదని విమర్శించారు. తిరుపతి జిల్లాలో సత్యవేడు, తిరుమల, నాయుడుపేట, వరదయ్యపాళెం, నెల్లూరు జిల్లా ముత్తుకూరులో ఈఎస్‌ఐ డిస్పెన్సరీలు ఇప్పటికీ ప్రారంభానికి నోచుకోలేదని, వాటి ప్రారంభం కోసం తక్షణ చర్యలు తీసుకోవాలని డిమాండ్‌ చేశారు. పేద, మధ్య తరగతి కార్మికులు, కేంద్ర ప్రభుత్వ ఉద్యోగులు, వారి కుటుంబాలకు ఆరోగ్య పరిరక్షణ అందించే ఈ సౌకర్యాలు ఆలస్యం కావడం బాధాకరమన్నారు. ఎంపీ చొరవతో ఇరకం, రాయదొరువుకు సాంకేతిక సేవలు తడ: ఎంపీ మద్దిల గురుమూర్తి చొరవతో సూళ్లూరుపేట, గూడూరు నియోజకవర్గాల్లోని ఇరకం దీవి, పూడి రాయదొరువు గ్రామాల్లో బీఎస్‌ఎన్‌ఎల్‌ 4జీ సెల్‌ టవర్లు ఏర్పాటుకు ఉన్న అడ్డంకులు తొలిగాయి. తీర ప్రాంత గ్రామాలైన ఈ రెండు చోట్ల సెల్‌ఫోన్లకు సిగ్నల్‌ లేక పోవడంతో ప్రజలు తీవ్ర ఇబ్బందులు ఎదుర్కొంటున్నారు. పింఛన్లు, రేషన్‌ సరుకుల పంపిణీ, ఇతరత్రా ప్రభుత్వ ఆన్‌లైన్‌ సేవలు పని చేయకపోవడంతో ఇక్కడ ఆఫ్‌లైన్‌ ద్వారానే సేవలు కొనసాగుతూ వస్తున్నాయి. అలాగే ప్రకృతి విపత్తుల సమయంలో ఏవైనా హెచ్చరికలు, ప్రభుత్వ అధికారుల ద్వారా ముఖ్యమైన సమాచారం ఇవ్వాల్సి వచ్చినా ఫోన్‌, నెట్‌ సౌకర్యం లేకపోవడంతో తీవ్ర ఇబ్బందులు ఎదుర్కొంటున్నారు. స్థానికుల నుంచి ఈ సమస్యలు తెలుసుకున్న ఎంపీ గురుమూర్తి దీనిపై ప్రత్యేక దృష్టి సారించారు. దేశ వ్యాప్తంగా 4జీ టవర్లు ఏర్పాటు ప్రాజెక్టులో భాగంగా ఇరకం దీవి, పూడి రాయదొరువు గ్రామాలను ఎంపిక చేయాలని కోరారు. గతంలో దీనికి బీఎస్‌ఎన్‌ఎల్‌ అంగీకారం తెలిపినా ఈ రెండు ప్రాంతాలు ఎకో సెన్సిటివ్‌ జోన్‌లో ఉన్నందున అటవీ శాఖ, పర్యావరణ అనుమతులు అవసరం కావడంతో టవర్ల ఏర్పాటుకు అడ్డంకి ఏర్పడింది. దీనిపై తిరుపతి ఎంపీ కార్యాలయంలో ఇటీవల జరిగిన సమీక్ష సమావేశంలో అటవీ శాఖ అనుమతులతోపాటు పూడిరాయదొరువు టవర్‌కి అవసరమైన విద్యుత్‌ కనెక్షన్‌ ఏర్పాటులో ఉన్న సమస్యలను అధికారులు ఎంపీకి వివరించారు. ఆ మేరకు అటవీ శాఖ అనుమతుల కోసం కేంద్ర పర్యావరణ, అటవీ, వాతావరణ మార్పుల శాఖ మంత్రి భూపేంద్ర సింగ్‌కి లేఖ రాశారు. దీనిపై శాఖా పరమైన అనుమతులు మంజూరు చేస్తూ అటవీశాఖ ఉత్తర్వులు జారీ చేసిందని ఎంపీ తెలిపారు. టవర్ల నిర్మాణానికి మార్గం సుగమం కావడంతో త్వరలోనే ఈ గ్రామాలకు నాణ్యమైన మొబైల్‌ నెట్‌వర్క్‌ సేవలు అందుబాటులోకి రానున్నాయి. దీనిపై స్థానికులు హర్షం వ్యక్తం చేస్తున్నారు.

● మారని చేనేతల జీవితాలు ● ప్రోత్సాహకం లేక అవస్థలు పడుతున్న నేతన్నలు ● గతంలో చేనేతలకు అండగా నేతన్ననేస్తం వైఎస్సార్‌సీపీ ప్రభుత్వంలో నేతన్న నేస్తం మోడు బారిన మగ్గం బతుకులకు వైఎస్సార్‌సీపీ ప్రభుత్వం సంక్షేమ రంగులు అద్దింది. చేనేత పరిశ్రమ అభివృద్ధికి, చేనేత కార్మికుల అభ్యున్నతికి విశేష కృషి చేసింది. చేనేతల జీవితాల్లో వెలుగులు నింపి, ఆధునిక టెక్నాలజీతో నేత పనులు సాఫీగా సాగించుకునేలా అప్పటి సీఎం వైఎస్‌ జగన్‌మోహన్‌రెడ్డి వైఎస్సార్‌ నేతన్న నేస్తం పథకం అమలు చేసి చేనేత పరిశ్రమకు ఊపిరిపోశారు. ఆర్థికంగా చితికిపోయిన చేనేత కుటుంబాలకు అండగా నిలిచారు. గత ప్రభుత్వం ఈ పథకం కింద అర్హత కలిగిన చేనేత కుటుంబానికి రూ.24వేలు ఒకే సారి నేరుగా వారి బ్యాంకు ఖాతాకే జమ చేస్తూ వచ్చింది. గత ప్రభుత్వం ఐదు విడతలు నేతన్న నేస్తం డబ్బులు వారి ఖాతాల్లోకి జమ చేసింది. దీంతో ఒక్కో నేత కార్మికుడు రూ.1.20 లక్షలు లబ్ధిపొందాడు. దీంతో నేతన్నల జీవనం మెరుగుపడింది. సైదాపురం/వెంకటగిరిరూరల్‌: కూటమి సర్కారు నిర్లక్ష్యంతో చేనేత నేత కార్మికుల జీవితాలు కుదేలవుతున్నాయి. ఏడాదిన్నర తరువాత తీరిగ్గా ఈ నెల 7 తేదీన హామీల అమలుకు జీఓ ఇస్తున్నట్లు ప్రకటించారు. అయినా ఆ సాయం ఎప్పటికి అందుతుందో తెలియక నేతన్నలు దిక్కుతోచని స్థితిలో ఉన్నారు. ఒక చీర తయారీకి కుటుంబ సభ్యులందరూ రోజంతా కష్టపడాల్సివస్తోంది. చేసిన కష్టానికి తగిన కూలీ గిట్టుబాటు దక్కకపోవడంతో కుటుంబ నిర్వహణ కష్టతరం అవుతుందని నేతన్నలు ఆవేదన వ్యక్తం చేస్తున్నారు. దీనికి తోడు పెరిగిన నిత్యావసర సరుకులు, కూరగాయలు, విద్యుత్‌చార్జీలు, ఇంటి అద్దె, పిల్లలు ఫీజులుతోపాటు కుటుంబ నిర్వహణ ఖర్చులకు సరిపడా సంపాదన లేక నేతన్నల జీవనం గడవడం కష్టమవుతోంది. కూటమి ప్రభుత్వం ఎన్నికల ముందు ఇచ్చిన వాగ్దానాలను నెరవేర్చడంలో నిర్లక్ష్యం వహించడంతో ప్రభుత్వం సాయం కోసం ఎదురుచూపులు తప్పడంలేదని పలువురు చేనేతలు ఆరోపిస్తున్నారు. కూటమి ప్రభుత్వం నేత కార్మికులకు సరైన ప్రోత్సాహం, ఉపాధి లేక ఇతర రాష్ట్రాలకు వలసపోవడమే కాకుండా అప్పుల ఊబిలో కూరుకుపోయారు. వైఎస్సార్‌సీపీ ప్రభుత్వంలో నేతన్నలు ఆధునిక బాట చేనేత పరిశ్రమ అభివృద్ధికి గత ప్రభుత్వం జాతీయ చేనేత అభివృద్ధి పథకం కింద క్లస్టర్లుగా డెవలప్‌మెంట్‌ కార్యక్రమం చేపట్టింది. దీంతోపాటు నూలు కొనుగోలు నుంచి తయారైన చీరలను మార్కెటింగ్‌ చేసే వరకు ప్రభుత్వం అన్ని దశల్లోనూ సహకారం అందించింది. ఫలితంగా చేనేత కార్మికులు పెద్ద సంఖ్యలో లబ్ధిపొందారు. వృత్తి నైపుణ్యాలు మెరుగుపరుచుకునేందుకు కేంద్ర, రాష్ట్ర ప్రభుత్వాలు సంయుక్తంగా క్లస్టర్లు ఏర్పాటు చేసి వైరెటీ డిజైన్లు ఆధునాతన చీరలు నేసేందుకు అవసరమైన డిజైన్‌లు, 240 హుక్స్‌ మోటరైజ్డ్‌ లిఫ్టింగ్‌ డైవ్స్‌, ఐరన్‌ ప్రేమ్‌లూమ్స్‌లాంటి మిషన్లు, మోటార్లు తదితర పరికరాలను 80 శాతం సబ్సిడీపై పంపిణీ చేసి, నేనున్నానని భరోసా ఇచ్చింది. అధునాతన వస్త్రాలను నేసేందుకు చేనేత కార్మికులకు ప్రత్యేక శిక్షణ కూడా ఇచ్చింది. ఆప్కో ద్వారా వస్త్రాల కొనుగొలు చేయించింది. చేనేత కార్మికులకు ప్రభుత్వం నుంచి రూ.25 వేల సబ్సిడీ రుణాలను మంజూరు చేసింది. 2022–23లో తిరుపతి జిల్లాలో 255 మంది చేనేత కార్మికులకు రూ.1.76 మంజూరు చేయగా, 2023–24లో వందలాది మందికి ఈ పథకం అందజేసింది. ఉచిత విద్యుత్‌ అమలులోనూ కోతలే మగ్గం ఉన్న ప్రతి కుటుంబానికి ఉచిత విద్యుత్‌ సరఫరా చేస్తామని హామీ ఇచ్చిన చంద్రబాబు దాని అమలులోనూ కోతలు విధిస్తున్నారు. ఎన్నికల్లో ఇచ్చిన హామీలను అమలు చేసినట్లు ప్రభుత్వం గొప్పలు చెప్పుకునేందుకు తప్ప నేతన్నలకు పెద్దగా లబ్ధి లేదన్నది తేటతెల్లమవుతోంది. హ్యాండ్‌లూమ్‌కు 200 యూనిట్లు, పవర్‌ లూమ్‌కు 500 యూనిట్స్‌ చొప్పున విద్యుత్‌ను ఉచితంగా అందిస్తామని ఎన్నికల్లో హామీ ఇచ్చారు. కానీ అధికారంలోకి వచ్చిన తొమ్మిది నెలలకు ఆ హామీ అమలుకు ఉత్తర్వులిచ్చారు. సర్వేలు, వడపోతల పేరిట కాలయాపన చేసి ఇప్పటివరకు నిర్లక్ష్య వైఖరి ప్రదర్శించారు. తాజాగా ఈ నెల 7వ తేదీన అమలు చేయనున్నట్లు ప్రకటించారు. ఉచిత విద్యుత్‌ అర్హుల జాబితాలో కోతలు పెట్టనున్నారు. అధికారంలోకి వచ్చిన 14 నెలల తర్వాత ప్రారంభించనున్న ఈ పథకంలో సొంత చేనేత మగ్గాలు కలిగిన 50 వేల మందికి, మర మగ్గాలున్న 15 వేల మందికి మాత్రమే వర్తించేలా కుదించారు. నేతన్ననేస్తం అండగా నిలిచింది. గత జగన్‌ ప్రభుత్వం అమలు చేసిన నేతన్ననేస్తం పథకం కార్మికులకు అండగా నిలిచింది. ఎందరో కార్మికులు దుర్భర జీవితాల్లో వెలుగులు నింపింది. దీంతో ప్రభుత్వం ద్వారా వచ్చే నేతన్ననేస్తం నిధులతో మగ్గాల యాంత్రీకరణ చేయించుకుని ఆధుకనిత వైపు అడుగులు వేశారు. – కూనా మల్లికార్జున్‌, రాష్ట్రపతి అవార్డు గ్రహీత, చేనేత కార్మికుడు, బంగారుపేట చేనేతలను ఆదుకోవాలి గత జగనన్న ప్రభుత్వంలో ఏటా ఇచ్చిన నేతన్న నేస్తం డబ్బులతో మగ్గానికి అవసరమైన డిజైన్‌ కార్డులు, జాకార్ట్‌ యంత్రం, మోటారు కొనుగోలు చేశారు. వృత్తిపరంగా నైపుణ్యాలను మరింత మెరుగుపరుచుకున్నాం. ప్రస్తుత ప్రభుత్వం కూడా చేనేత కార్మికులను ఆదుకోని ప్రత్యేక నిధులు కేటాయించి, అండగా నిలవాలి. –వెంకటేశ్వర్లు, వెంకటగిరి

విద్యా హక్కు.. ● బ్రిటీష్‌ పాలనను తలపిస్తున్న కూటమి పాలన ● నిన్న విద్యాసంస్థల్లోకి విద్యార్థి సంఘాల రాకపై నిషేధం ● నేడు కళాశాలల్లోకి సైతం అనుమతిలేదని జీఓ ● 9న రౌండ్‌ టేబుల్‌ సమావేశానికి సిద్ధమైన విద్యార్థి సంఘాలు విద్యతోపాటు విలువలతో కూడిన అత్యుత్తమ సంస్కారం అందించి విద్యార్థులను ఉత్తమ పౌరులుగా తీర్చిదిద్దాలన్న విద్యావేత్తల ఆశయాలతో రూపు దిద్దుకుంది మన విద్యావిధానం. అయితే క్షేత్రస్థాయిలో విద్యాహక్కు చట్టాన్ని నీరుగార్చేందుకు కూటమి సర్కారు విద్యార్థి సంఘాలపై ఆంక్షలు విధిస్తోంది. ఇష్టారీతిన వ్యవహరిస్తోంది. దీనిపై విద్యార్థి సంఘాలు మండిపడుతున్నాయి. తిరుపతి సిటీ: కూటమి ప్రభుత్వం పాలన బ్రిటీష్‌ పాలనను తలపిస్తోంది. రాజ్యాంగం కల్పించిన విద్యార్థుల హక్కుకూ సంకెళ్లు వేస్తూ నిరంకుశ పాలనను కొనసాగిస్తోంది. ప్రభుత్వాన్ని ప్రశ్నించిన వారిపై కక్ష్య సాధింపు చర్యలో భాగంగా ఆంక్షలు విధిస్తూ వేధింపులకు దిగుతోంది. గత నెలలో విద్యార్థి సంఘాలు ప్రభుత్వ సంక్షేమ హాస్టళ్లు, పాఠశాలల్లో వసతుల లేమిని ప్రభుత్వం దృష్టికి తీసుకొచ్చేందుకు ప్రయత్నించారు. దీంతో ప్రభుత్వం విద్యార్థి సంఘాలపై కక్ష పెంచుకుని పాఠశాలలు, సంక్షేమ హాస్టళ్లలోకి విద్యార్థి సంఘాలకు అనుమతులు ఇవ్వవద్దంటూ ఉత్తర్వులు జారీ చేసింది. నేడు కళాశాలలోకి రాకూడదంటూ మరో జీఓ ప్రభుత్వ, ప్రైవేటు జూనియర్‌ కళాశాలల్లో అడ్మిషన్ల ప్రక్రియ, అధిక ఫీజులు వసూలు, వసతి గృహాల్లో నాసిరకమైన వసతులు, సమస్యలపై విద్యార్థి సంఘాలు ప్రభుత్వాన్ని నిలదీశాయి. విద్యా ప్రమాణాలు పాటించని ప్రైవేటు జూనియర్‌ కళాశాలలపై విద్యార్థులు మండిపడ్డారు. దీంతో ప్రభుత్వం మరోసారి జూనియర్‌ కళాశాలలోకి సైతం విద్యార్థి సంఘాలకు అనుమతి లేదంటూ జీఓ జారీ చేసింది. దీని వెనుక కొన్ని ఏళ్లుగా విద్యార్థుల జీవితాలతో ఆడుకుంటూ వారి కడుపుకొట్టి రూ.వేల కోట్ల విద్యా వ్యాపారం చేస్తూ ప్రస్తుతం మంత్రి వర్గంలో ఆమాత్యులుగా కొనసాగుతున్న వ్యక్తి హస్తం ఉన్నట్లు విద్యార్థి సంఘాలు అనుమానం వ్యక్తం చేస్తున్నాయి. ఈ నేపథ్యంలో ఈ నెల 9వ తేదీన అన్ని విద్యార్థి సంఘాలు ఏకమై రౌండ్‌ టేబుల్‌ సమావేశం నిర్వహించి, భవిష్యత్త్‌ కార్యాచరణను నిర్ణయించి భారీ స్థాయిలో ఉద్యమాలకు పిలుపునిచ్చేందుకు సన్నద్ధమవుతున్నాయి.ఆంక్షలు అందుకేనా? యువగళం పాదయాత్ర హామీల అమలుపై ప్రభుత్వాన్ని నిలదీయడం. ప్రభుత్వ పాఠశాల, కళాశాలలో మౌలిక వసతుల కల్పనపై ప్రశ్నించడం. సంక్షేమ హాస్టళ్లలో సమస్యలపై నిలదీయడం. పాఠశాలల విలీనంతో ప్రాథమిక విద్య నిర్వీర్యమవుతోందని గళం విప్పడం. పేద విద్యార్థులను ఉన్నత విద్యకు దూరం చేసే కుట్రను అడ్డుకోవడం. నిబంధనలకు విరుద్ధంగా నడుస్తున్న కార్పొరేట్‌ విద్యాసంస్థలను ముట్టడించడం. పాఠశాలల, కళాశాలలో ప్రవేశాలను నీరుగార్చే కుట్రను ఛేదించడం.

● టీటీడీ చైర్మన్‌ బీఆర్‌ నాయుడు వ్యాఖ్యలపై భూమన ఆగ్రహం తిరుపతి మంగళం: టీటీడీలో జరుగుతున్న అనర్థాలు, అపచారాలను ఎత్తి చూపితే నాస్తికులైపోతారా? అని టీటీడీ చైర్మన్‌ బొల్లినేని రాజగోపాల్‌నాయుడిని టీటీడీ మాజీ చైర్మన్‌ భూమన కరుణాకరరెడ్డి ప్రశ్నించారు. తిరుపతి పద్మావతిపురంలోని తన నివాసంలో బుధవారం ఆయన మీడియాతో మాట్లాడారు. బొల్లినేని రాజగోపాల్‌నాయుడు టీటీడీ చైర్మన్‌గా బాధ్యతలు స్వీకరించిన ఈ పదిహేను నెలల కాలంలో టీటీడీలో అన్నీ అపచారాలు, ఘోరాలు తప్ప ఒక మంచి పనైనా చేశారా? అని ప్రశ్నించారు. టీటీడీలో సంపూర్ణ ప్రక్షాళన చేస్తానని చెప్పి శ్రీవాణి ట్రస్టు, తొక్కిసలాట, గోవుల మృతికి సంబంధించి తమపై ఆరోపణలు చేసి, కాలం గడపతమే తప్ప ప్రక్షాళన విషయంలో కాలయాపన చేస్తున్నారని మండిపడ్డారు. ఎంతసేపూ వైఎస్సార్‌సీపీపై, తమ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డిపై, తనపై నిత్యం విషం చిమ్మే మీ చానళ్లలో నిరంతరం డిబేట్‌లు పెట్టి తాను నాస్తికుడనని, క్రైస్తవుడినని, అవినీతిపరుడనని, టీడీఆర్‌ బాండ్లులో రూ.వేల కోట్లు దండుకున్నానని విష ప్రచారం చేయడమే తప్ప ఏమైనా చేశారా? అని ప్రశ్నించారు. నాస్తికునికి, క్రైస్తవునికి మధ్య తేడా తెలియని బీఆర్‌ నాయుడు తిరుమలలో ఏఐ టెక్నాలజీని ఏ విధంగా ఉపయోగిస్తారో అర్థం కావడంలేదన్నారు. తనపై మీ అభాండాలన్నీ అబద్ధాలు అయినందున మీ భజన నాయుడితో తిట్టించడం తప్ప, మీరు చేసి ఒక మంచి పని చెప్పండి బొల్లినేని రాజగోపాల్‌నాయుడు అని నిలదీశారు. శ్రీవాణి ట్రస్టును రద్దు చేస్తానని ప్రగల్భాలు పలికారు.. శ్రీవాణి లేకపోతే రాష్ట్రంలో, దేశంలో ఆలయాలు కట్టగలరా? అని ప్రశ్నించారు. తాము తీసుకున్న శ్రీవాణి ట్రస్టు ఏర్పాటు నిర్ణయం అత్యద్భుతమైనదని, దానిని మీరు రద్దు చేయలేరన్న విషయం చాలా స్పష్టంగా అర్థమైందన్నా రు. ఏఐ టెక్నాలజీతో దర్శనం కల్పిస్తామని చెప్పిన బీఆర్‌ నాయుడు బోర్డు సమావేశంలో మూడో కాంప్లెక్స్‌ నిర్మా ణం నిర్ణయం ఎందుకని ప్రశ్నించారు. టీటీడీలో మీ మాట చెల్లదని, మీ మాట వినే అధికారులెవరూ లేరన్న విషయం దేశమంతా కోడై కూస్తోందన్నారు. మీ చేతగానితనానికి నిదర్శనం మఠాలకు నోటీసులు ఎందుకు ఇచ్చారని, మఠాధిపతులను అవమానించకండని మాట్లాడినందుకు తనపై లేనిపోని ఆరోపణలు చేయడం మీ చేతగానితనానికి నిదర్శనమన్నారు. మఠాధిపతులేమైనా మీ దృష్టిలో తీవ్రవాదుల్లా కనిపిస్తున్నారా? అని మండిపడ్డారు. గతంలో కరుణాకరరెడ్డి అరెస్టయ్యారంటూ తానేదో నేరం చేసినట్లు చెబుతున్నారని, అయితే అతి చిన్నవయసులోనే సమాజం కోసం జైలుకు వెళ్లినందుకు గర్వపడుతున్నానన్నా రు. వైకుంఠ టోకెన్ల జారీలో తొక్కిసలాట కారణంగా డిప్యూటీ సీఎం పవన్‌కళ్యాణ్‌ బహిరంగంగా ప్రజలకు క్షమాపణ చెప్పమన్నారన్న కక్షతో పవన్‌కళ్యాణ్‌కు సన్నిహితులైన శ్రీనివాసమంగాపురంలోని బాలాజీ దీక్షితులు, అదే సామాజిక వర్గానికి చెందిన చీర్ల కిరణ్‌కు మెమోలు ఇచ్చారే తప్ప వారు మరో తప్పిదాలేమీ చేయలేదన్నారు. టీటీడీ చైర్మన్‌గా బీఆర్‌ నాయుడు వచ్చాకే తిరుమల పవిత్రత మంటగలిసిందని, అనేక అపచారాలతో టీటీడీని భ్రష్టు పట్టించారని ఆరోపించారు.

చంద్రగిరి: తిరుచానూరు శ్రీపద్మావతి అమ్మవారికి భక్తులు వెండి తుంగవళి దీపాలను విరాళంగా అందజేశారు. దాతలు బుధవారం వాటిని ఆలయ ఏఈఓ దేవరాజులకు అందజేశారు. కెనడాకు చెందిన రమణారావు దంపతులు సుమా రు రూ.6 లక్షల విలువ చేసే 4.144 కిలోల వెండి తుంగవళి దీపాలను తయారు చేయించారు. వాటిని అధికారులకు అందజేశారు. ఈ సందర్భంగా ఆలయాధికారులు దాతలకు ప్రత్యేక దర్శన ఏర్పాట్లు చేశారు. దర్శనానంతరం వారికి అమ్మవారి తీర్థ ప్రసాదాలతో సత్కరించారు. ఈ కార్యక్రమంలో బాబు స్వామి, ఆలయాధికారులు పాల్గొన్నారు. ఆధునిక సమాజానికి దిక్సూచి సంస్కృతం తిరుపతి సిటీ: ఆధునిక సమాజానికి సంస్కృతం దిక్సూచి అని అక్షరపురుషోత్తమధామం అధ్యక్షుడు స్వామిభద్రేశ దాస్‌ పేర్కొన్నారు. జాతీయ సంస్కృత వర్సిటీలో సంస్కృత వారోత్సవాలు బుధవారం ఘనంగా ప్రారంభమయ్యాయి. ఈ ఉత్సవాలను ఆయన వీసీ జీఎస్‌ఆర్‌ కృష్ణమూర్తితో కలసి ప్రారంభించి, ప్రసంగించారు. సంస్కృతం భారతీయ జ్ఞానసంపదకు మూలమన్నారు. సంస్కృతాన్ని ఆధునిక సమాజానికి మరింత చేరువచేసేలా కృషి చేయాలని పిలుపునిచ్చారు. వీసీ జీఎస్‌ఆర్‌ కృష్ణమూర్తి మాట్లాడుతూ సంస్కృతంతోనే సమాజంలో ఉత్తమ సంస్కారులుగా గుర్తింపు పొందుతారని చెప్పారు. ఈ కార్యక్రమంలో రాష్ట్రపతి సమ్మాన గ్రహీత, ప్రొఫెసర్‌ .కొంపెల్ల రామసూర్యనారాయణ, రిజిస్ట్రార్‌ వెంకటనారాయణ రావు, డీన్‌ ప్రొఫెసర్‌ రజనీకాంత్‌ శుక్లా, డాక్టర్‌ భారతి భూషణరథ్‌, డాక్టర్‌ ప్రదీప్‌ కుమార్‌ బాగ్‌, డాక్టర్‌ ఉదయాన హెగ్డే పాల్గొన్నారు.

కూటమి ప్రభుత్వం గత ఏడాదిగా విద్యావ్యవస్థను నిర్వీర్యం చేస్తోంది. విద్యారంగంలోని సమస్యలపై ప్రశ్నించే హక్కు రాజ్యాంగం కల్పించింది. అలాంటి హక్కులను హరించేందుకు కూటమి కుట్ర పన్నుతోంది. విద్యను వ్యాపారం చేస్తున్న కళాశాలపై విద్యార్థి సంఘాలు గళం విప్పితే ఆంక్షలు విధించారు. ఆంక్షలు ఎత్తివేయకపోతే ప్రభుత్వం విద్యార్థి సంఘాల ఆగ్రహానికి గురికాక తప్పదు. –బండి చలపతి, ఏఐఎస్‌ఎఫ్‌, రాష్ట్ర సహాయ కార్యదర్శి, తిరుపతి వ్యవస్థలను చేతులోకి తీసుకుంటే ఊరుకోం కూటమి ప్రభుత్వం ప్రభుత్వ వ్యవస్థలను తమ చెప్పు చేతుల్లోకి తీసుకుని ఇష్టాను సారంగా వ్యహిరిస్తే ఊరుకోం. రాజ్యాంగం కల్పించిన విద్యా హక్కులపై ఉక్కుపాదం మోపే ప్రయత్నం ఆపకపోతే ఉద్యమం తప్పదు. తక్షణం విద్యార్థి సంఘాలపై ఆంక్షలను ఎత్తివేయాలి. లేదంటే ప్రభుత్వం మెడలు వంచుతాం. – అక్బర్‌, ఎస్‌ఎఫ్‌ఐ, జిల్లా అధ్యక్షులు, తిరుపతి హామీలపై గళం విప్పినందుకా? లోకేష్‌ యువగళం పాదయాత్రలో విద్యా రంగానికి సంబంధించి ఇచ్చిన హామీలు అమలుకు విద్యార్థి సంఘాలు నిలదీశాయి. ప్రభుత్వ పాఠశాలలో, కళాశాలలో మౌలిక సదుపాయాలు, హాస్టల్స్‌లో వస తులపై గళం విప్పాయి. ప్రైవేటు కళాశాల లు నిబంధనలకు విరుద్ధంగా నడుపుతూ రూ.లక్షల్లో ఫీజులు వసూలుపై విద్యార్థి సంఘాలు ప్రశ్నించాయి. దీంతో ఆంక్షలు పెట్టి విద్యార్థి సంఘాలకు కళ్లెం వేస్తున్నారు. –ప్రేమ్‌ కుమార్‌, ఎస్వీయూ వైఎస్సార్‌సీపీ విద్యార్థి విభాగం అధ్యక్షుడు ప్రభుత్వం గీత దాటుతోంది కూటమి ప్రభుత్వం తమ పరిధి దాటి ఆంక్షల పేరుతో కక్ష్య సాధింపు చర్యలకు దిగు తోంది. విద్యార్థుల సమస్యలను ప్రభుత్వం దృష్టికి తీసుకొచ్చేందుకే విద్యార్థి సంఘాలు ప్రయత్నిస్తాయి. అలాంటి ఆంక్షల పేరుతో విద్యాసంస్థలలోకి అనుమతులు లేకుండా జీఓలు జారీ చేయడం దుర్మార్గం. ఇలాంటి బెదిరింపులకు భయపడే ప్రసక్తేలేదు. ఉద్యమ కార్యచరణతో పోరాటా లు చేసి తీరుతాం. –లోకేష్‌, పీడీఎస్‌యూ, జిల్లా కార్యదర్శి తిరుపతి విద్యాహక్కును హరించడమే విద్యార్థి సంఘాలపై ఆంక్షలు విధించి ప్రభుత్వం తప్పు చేసింది. స్వాతంత్య్ర ఫలాలను ప్రభుత్వం నీరుగార్చే ప్రయత్నం చేయడం రాజ్యాంగ విరుద్ధం. విద్యార్థి సంఘాల అహర్నిశ కృషితోనే ఇప్పటికీ ప్రభుత్వ, ప్రైవేటు పాఠశాలలు తమ విధులను నిర్వహిస్తున్నాయి. ఆంక్షలు విధిస్తే ఇక పాఠశాలల పరిస్థితి దారుణంగా ఉంటుంది. ప్రశ్నించే గొంతు లేకపోతే ఆ వ్యవస్థలు నిర్వీర్యమైనట్టే. – చంద్రశేఖర్‌రావు, రిటైర్డ్‌ అధ్యాపకులు, తిరుపతి ఇష్టారాజ్యంతో చెలరేగిపోతాయి ప్రైవేటు విద్యాసంస్థలు ఇష్టారాజ్యంగా వ్యవహరిస్తున్నాయి. ఇప్పుడు తల్లిదండ్రుల నుంచి రూ.లక్షలు వసూలు చేస్తున్నాయి. ఇక నుంచి రూ.కోట్లు వసూలు చేసినా ఆశ్చర్యపోవాల్సిన పనిలేదు. ప్రభుత్వ విద్యాసంస్థల్లో సమస్యలపై స్పందించే వారు లేకపోతే అధికారులు, ప్రభుత్వాలు రెచ్చిపోయి తాము ఆడిందే ఆటగా వ్యవహరిస్తాయి. తస్మాత్‌ జాగ్రత్త. –సుబ్బలక్ష్మి, రిటైర్డ్‌ టీచర్‌, తిరుపతి

తిరుపతి రూరల్‌: ‘అమ్మా.. చాముండేశ్వరీ..కుటమి సర్కారు కుట్రల నుంచి చెవిరెడ్డిని కాపాడు తల్లీ.. నీ బిడ్డ చెవిరెడ్డిని తప్పుడు కేసులో నిర్బంధించి జైలులో పెట్టారు.. ఆయన ఆరోగ్యం కాపాడి త్వరగా బయటకు వచ్చేలా అనుగ్రహించు తల్లీ..’ అంటూ వైఎస్సార్‌ సీపీ చంద్రగిరి నియోజకవర్గ నాయకులు, కార్యకర్తలు అమ్మవారిని ప్రార్థించారు. తిరుపతి రూరల్‌ మండలం తుమ్మలగుంట సమీపంలోని శ్రీశక్తి చాముండేశ్వరి అమ్మవారి ఆలయంలో బుధవారం చెవిరెడ్డి పేరిట అర్చన చేయించి, అమ్మవారికి పూజలు చేశారు. అనంతరం ఆలయం ఎదుట అమ్మవారికి 216 కొబ్బరికాయలు కొట్టి తమ నాయకుడు చెవిరెడ్డి త్వరగా బయటకు రావాలని ప్రార్థించారు. అనంతరం వైఎస్సార్‌ సీపీ నేతలు మీడియాతో మాట్లాడుతూ తప్పుడు కేసులో చెవిరెడ్డిని నిర్భందించి 50 రోజులు గడిచిపోయాయని, ఆయన ఆరోగ్యం బాగుండాలని, త్వరగా బెయిల్‌పై విడుదల కావాలని అమ్మవారిని ప్రార్థించామన్నారు. అలాగే కూటమి ప్రభుత్వం చేస్తున్న కుట్రలు, కుతంత్రాలు, దౌర్జన్యా లు, దాడుల నుంచి వైఎస్సార్‌ సీపీ నాయకులు, కార్యకర్తలను కంటికి రెప్పలా కాపాడాలని అమ్మవారిని వేడుకున్నట్లు తెలిపారు. చెవిరెడ్డిని విడుదల చేసేంత వరకు తాము పోరాడుతూనే ఉంటామని, ఈ ప్రభుత్వ నిరంకుశ వైఖరిని ఎండగడతామని హెచ్చరించారు. చంద్రగిరి నియోజకవర్గంలో ప్రతి ఇంటికీ వెళ్లి చెవిరెడ్డిపై పెట్టిన అక్రమ కేసును వివరించి కూటమి పెద్దల కుట్రలు బయటపెడతామన్నారు. చెవిరెడిపై తప్పుడు కేసు అక్రమ నిర్బంధానికి 50 రోజులు బెయిల్‌ రావాలని కోరుతూ కొబ్బరికాయలు కొట్టిన నేతలు కాపాడినందుకు.. కటకటాలకు పంపించారా.? ‘కరోనా సమయంలో రక్త సంబంధీకులు సైతం దూరంగా వెళ్లి తలుపులు మూసుకుంటే.. ప్రతి ఇంటి తలుపు తట్టి ఒక ఆత్మబంధువులా అందరినీ కాపాడిన వ్యక్తి చెవిరెడ్డి. టీడీపీ వారిని సైతం కాపాడినందుకు ఆయన్ని కటకటాలకు పంపించారా..? పార్టీలు చూడకుండా ఎంతో మంది టీడీపీ నేతలకు సాయం చేసినందుకు జైలుకు పంపారా..? కూటమి పెద్దలు సమాధానం చెప్పాలి.’ అని వైఎస్సార్‌సీపీ తిరుపతి రూరల్‌ మండల అధ్యక్షులు కొత్తపాటి మునీశ్వర్‌రెడ్డి డిమాండ్‌ చేశారు. ఈ కార్యక్రమంలో ఆరు మండలాల వైఎస్సార్‌ సీపీ అధ్యక్షులు, సర్పంచ్‌లు, ఎంపీపీలు, జెడ్పీటీసీ సభ్యులు, రాష్ట్ర పార్టీ నాయకులు, జిల్లా పార్టీ నాయకులు, అనుబంధ సంఘాల నేతలు, జగనన్న అభిమానులు పాల్గొన్నారు.

పాకాల: రైతులు రబీలో చేపట్టనున్న వరి సాగులో యాజమాన్య పద్ధతులను పాటించాలని జిల్లా వనరుల కేంద్రం వ్యవసాయాధికారి కేవీ శ్రీనివాస్‌ తెలిపారు. బుధవారం మండలంలోని మొగరాల రైతు సేవా కేంద్రంలో రైతులకు వ్యవ సాయంపై అవగాహన కార్యక్రమం నిర్వహించారు. ఈ సందర్భంగా శ్రీనివాస్‌ మాట్లాడుతూ ప్రభుత్వపరంగా అందించే పీఎండీఎస్‌ కిట్లతోపాటు రైతులకు ఇస్తున్నా పలు పథకాలను సద్వి నియోగం చేసుకోవాలని తెలి పారు. అనంతరం ఏఓ హరిత మాట్లాడుతూ వరిలో సహజ ఎరువు లు, కషాయాల వాడడంతో అధిక దిగుబడితో పాటు నాణ్యమైన ఉత్ప త్తిని సాధించవచ్చని తెలిపారు. ఈ కార్యక్రమంలో ఏఈఓ సి.మహేష్‌, సర్పంచ్‌ మధునాయుడు, మాజీ సర్పంచ్‌ ఆనందచౌదరి పాల్గొన్నారు. విద్యుదాఘాతంతో లారీ డ్రైవర్‌ మృతి శ్రీకాళహస్తి: విద్యుదాఘాతంతో లారీ డ్రైవర్‌ మృతి చెందిన ఘటన శ్రీకాళహస్తిలో బుధవారం చోటు చేసుకుంది. రెండో పట్టణ పోలీసుల కథనం మేరకు.. పిచ్చాటూరు మండలం కీళ్లపూడి గ్రామానికి చెందిన చిరంజీవి(35) లారీ డ్రైవర్‌గా జీవనం సాగిస్తుంటాడు. ఈ నేపథ్యంలో రేణిగుంట నుంచి శ్రీసిటీకి కంటైనర్‌ను తరలిస్తుండగా పట్టణంలోని భక్తకన్నప్ప సర్కిల్‌ వద్ద విద్యుత్‌ తీగలు కంటైనర్‌కు తగలడంతో విద్యుతషాక్‌కు గురైన చిరంజీవి అక్కడికక్కడే మృతి చెందాడు. రెండో పట్టణ పోలీసులు ఘటనా స్థలానికి చేరుకుని, మృతదేహాన్ని శ్రీకాళహస్తి ఏరియా ఆస్పత్రి మార్చురీకి తరలించారు. ఘటనపై విచారణ చేపట్టారు. లారీ బోల్తా రేణిగుంట: మండలంలోని మర్రిగుంట ప్రధాన కూడలిలో బుధవారం తెల్లవారుజామున క్యాబేజీ లోడ్‌తో వెళుతున్న లారీ బోల్తా పడింది. బెంగళూరు నుంచి కోల్‌కతాకు లారీ క్యాబేజీ లోడ్‌తో వెళుతున్న క్రమంలో ఈ ఘటన జరిగింది. ఆ సమయంలో వెనుక నుంచి ఎలాంటి వాహనాలు రాకపోవడంతో పెద్ద ప్రమాదం తప్పింది. ఉద యం క్యాబేజీని మరో లారీలోకి మార్చి క్రైయిన్‌తో బోల్తా పడిన లారీని పక్కకు తప్పించి, ట్రాఫిక్‌ అంతరాయం లేకుండా చర్యలు తీసుకున్నారు.

తిరుమల: తిరుమలలోని నారాయణగిరి శ్రీవారి పాదాల చెంత బుధవారం ఛత్రస్థాపనోత్సవం వేడుకగా నిర్వహించారు. శ్రీవారి పాదాల వద్ద టీటీడీ అర్చక బృందం ప్రత్యేకంగా అలంకరించిన గొడుగు ను ప్రతిష్టించారు. ముందుగా తిరుమల శ్రీవారి ఆలయంలో రెండో గంట తర్వాత పూజ సామగ్రి, పుష్పాలు, నైవేద్యం, గొడుగుతో మంగళవాయిద్యాల నడుమ ఆలయ మాడ వీధుల గుండా మేదరమిట్టకు చేరుకున్నారు. అక్కడి నుంచి నారాయణగిరికి విచ్చేశారు. ముందుగా శ్రీవారి పాదాలకు తిరుమంజనం నిర్వహించారు. అలంకారం, పూజ చేసి నైవేద్యం సమర్పించారు. వేదపారాయణదారులు ప్రబంధ శాత్తుమొర నిర్వహించారు. ఆ తరువాత భక్తులకు ప్రసాదాలు పంపిణీ చేశారు. తిరుమల ఏడుకొండల్లో అత్యంత ఎత్తయిన నారాయణగిరి శిఖరంపై కలియుగంలో శ్రీవేంకటేశ్వరస్వామివారు మొదటగా కాలు మోపిన సందర్భాన్ని పురస్కరించుకుని ద్వాదశి నాడు ఛత్రస్థాపనోత్సవం నిర్వహించారు. ఈ ఉత్సవానికి మరో గాథ కూడా ఉంది. సాధారణంగా ఈ కాలంలో గాలులు ఎక్కువగా వీస్తాయి. నారాయణ గిరి శిఖరం ఎక్కువ ఎత్తులో ఉండడంతో మరింత ఎక్కువగా గాలులు వీస్తాయి. ఈ గాలుల నుంచి ఉపశమనం కల్పించాలని వాయుదేవుని ప్రార్థిస్తూ ఇక్కడ గొడుగును ప్రతిష్టిస్తారు. ఈ కార్యక్రమంలో శ్రీవారి ఆలయ అధికారులు, అర్చకులు పాల్గొన్నారు.

తిరుపతి సిటీ : అన్నమయ్య సర్కిల్‌లోని సీకాం డిగ్రీ కళాశాల మరో మైలురాయిని దాటింది. కళాశాలకు అటా నమస్‌ హోదా లభించిందని విద్యాసంస్థ చైర్మన్‌ డాక్టర్‌ టి.సురేంద్రనాథ్‌రెడ్డి బుధవారం తెలిపారు. ఇటీవలే నాక్‌ బీ ప్లస్‌ ప్లస్‌ గ్రేడ్‌ సాధించామని, అటానమస్‌ కోసం దరఖాస్తు చేసుకోగా యూజీ సీ మా కళాశాలలో విద్యా నాణ్యతా ప్రమాణాలను, మౌలిక వసతులను పరిశీలించి హోదా కల్పించిందన్నారు. తిరుపతిలో అటానమస్‌ హోదా పొందిన తొలి డిగ్రీ కళాశాలగా గుర్తింపు పొందడం సంతోషంగా ఉందని చెప్పారు. ఈ సందర్భంగా కళాశాల సిబ్బందికి అధ్యక్షులు జయలక్ష్మి, డైరెక్టర్‌ ప్రణీత్‌ స్వరూప్‌, తేజ స్వరూప్‌ అభినందనలు తెలిపారు. నా కొడుకు కర్కశంగా ప్రవర్తిస్తున్నాడు! నాయుడుపేటటౌన్‌: కన్న తల్లి అన్న దయ, దాక్షిణ్యం చూపకుండా కొడుకు, కోడలు తనపై కర్కశంగా దాడి చేసి, ఇంటి నుంచి గెంటేయాలని చూస్తున్నారని తల్లి కలపాటి మేరమ్మ బుధవారం పోలీసులకు ఫిర్యాదు చేసింది. బాధితురాలి కథనం మేరకు.. పట్టణం లోని లోతువానిగుంట కాలనీలో ఉన్న మేరమ్మ ఇంటి వద్ద బుధవా రం ఆమె కుమారుడు కలపాటి శ్రావణ్‌కుమార్‌, కోడలు లలిత కలిసి దాడి చేసినట్లు ఆవేదన చెందుతోంది. కుమారుడు, కోడలు తనను ఇంటి నుంచి గెంటి వేయాలని ఇద్దరు కలిసి దాడి చేయడంతో మేరమ్మ తీవ్ర అస్వస్థతకు గురైంది. ఆమెను స్థానిక ప్రభుత్వ వైద్యశాలలో చేర్పించి, చికిత్స అందిస్తున్నారు. తన కష్టార్జితంతో కట్టుకున్న ఇంటిని ఇచ్చి వెళ్లి పోవాలంటూ కొడుకు, కోడలు కలిసి తరచు చిత్రహింసలు పెడుతున్నట్లు మేరమ్మ విలేకరుల ఎదుట వాపోయింది. ఈ సంఘటనపై పోలీసులు విచారణ చేస్తున్నారు. అగ్గిపెట్టె పరిమాణంలో అవార్డుల శకటం గూడూరు రూరల్‌ : మండలంలోని విందూరు జెడ్పీ హైస్కూలు తెలుగు ఉపాధ్యాయుడు, సృజన చిత్రకారుడు కొండూరు వెంకటేశ్వరరాజు బుధవా రం అగ్గిపెట్టె పరిమాణంలో అవార్డుల శకటాన్ని రూపొందించారు. ఈ సందర్భంగా ఆయన మాట్లాడుతూ ఐఎస్‌ఓ గుర్తింపు పొందిన విద్య, సాహిత్య, సాంస్కృతిక సేవా సంస్థల నుంచి 200 అవార్డులు అందుకున్నానని, ఈ సందర్భంగా విద్యార్థుల్లో స్ఫూర్తిని నింపేందుకు సృజనాత్మకంగా ఈ శకటాన్ని నమూనాగా తీర్చిదిద్దినట్లు తెలిపారు.

వరదయ్యపాళెం: విద్యార్థులకు కూటమి ప్రభుత్వం పంపిణీ చేసిన స్కూల్‌ బ్యాగులు చిరిగిపోవడంతో విద్యార్థులు పడుతున్న కష్టాల గురించి ఈ నెల 6వ తేదీన మిత్ర ఖేదం అన్న కథనం ప్రచురితమైన విషయం తెలిసిందే. దీనిపై జిల్లా విద్యాశాఖ అధికారి స్పందిస్తూ సంబంధిత పాండూరు పాఠశాలలో చిరిగిన బ్యాగులకు బదులుగా విద్యార్థులకు నూతన బ్యాగులను పంపిణీ చేయాలని పాండూరు హైస్కూల్‌ ప్రధానోపాధ్యాయుడికి ఆదేశాలు జారీ చేశారు. దీనిపై స్పందించిన పాఠశాల ప్రధానోపాధ్యాయుడు మునిసుబ్రమణ్యం బుధవారం బ్యాగులు చిరిగిన విద్యార్థులను గుర్తించి మరోసారి నూతన బ్యాగులు పంపిణీ చేసినట్లు తెలిపారు. సాక్షి చొరవపై విద్యార్థుల తల్లిదండ్రులు అభినందనలు తెలిపారు. చిరిగిన బ్యాగులపై స్పందించిన విద్యాశాఖ

తిరుపతి రూరల్‌: ప్రకాశం జిల్లా ఒంగోలులో ఈనెల 29 నుండి 31వ తేదీ వరకు జరగనున్న సీనియర్‌ అంతర్‌ జిల్లాల బాల్‌ బ్యాడ్మింటన్‌ పోటీలకు శ్రీపద్మావతి మహిళా యూనివర్సిటీ విద్యార్థినులు ఎంపికయ్యారు. శ్రీకాళహస్తి ప్రభుత్వ మహిళా డిగ్రీ కళాశాలలో జరిగిన ఉమ్మడి చిత్తూరు జిల్లా మహిళలు, పురుషుల జట్లు ఎంపికల్లో మహిళావర్సిటీకి చెందిన పి యామిని (డీఈడీ), వై తేజస్విని (ఎల్‌ఎల్‌బీ), ఎం మాలతి (బి ఫార్మసీ), బి. చంద్రిక (బీఫార్మసీ) విద్యార్థిను ప్రతిభకనబరిచి రాష్ట్రస్థాయి పోటీలకు ఎంపికయ్యారు. ఈ మేరకు విశ్వవిద్యాలయ వ్యాయామ విద్య విభాగాధిపతి ప్రొఫెసర్‌. జి.సారా సరోజినీ, యూనివర్సిటీ బీసీ ఆచార్య వి.ఉమ, రిజిస్టార్‌ ఎన్‌. రజినీ గురువారం విద్యార్థినులను అభినందించారు.

చంద్రగిరి: అక్రమంగా గంజాయి విక్రయిస్తున్న ఇద్దరిని తిరుచానూరు పోలీసులు అరెస్టు చేశారు. పోలీసుల కథనం మేరకు.. తమిళనాడు చైన్నెకు సమీపంలోని పెరియమేడుకు చెందిన భరత్‌, తిరువళ్లూరు జిల్లా పెరియవక్కం ప్రాంతానికి చెందిన రాజేంద్రన్‌ కొద్ది రోజులుగా గుట్టు చప్పుడు కాకుండా దామినేడు సమీపంలోని ఇందిరమ్మ గృహాల వద్ద గంజాయి విక్రయిస్తున్నట్లు పోలీసులు గుర్తించారు. దీంతో పోలీసులు వారిపై ప్రత్యేక నిఘా పెట్టి, మంగళవారం అరెస్టు చేయడానికి ప్రయత్నించారు. ఈక్రమంలో రాజేంద్ర అనే వ్యక్తి తన వద్ద ఉన్న కత్తితో గొంతుకోసుకోవడానికి యత్నించడంతో పోలీసులు అడ్డుపడి, అదుపులోకి తీసుకున్నారు. ఆపై వారి వద్ద నుంచి రెండు గంజాయి పొట్లాలను స్వాధీనం చేసుకున్నారు. అనంతరం పోలీసు స్టేషన్‌కు తరలించి, తమదైన శైలిలో విచారించారు. ఈ క్రమంలో గత కొద్ది రోజులుగా ఇతర ప్రాంతాల నుంచి తీసుకొచ్చిన గంజాయి విక్రయిస్తున్నట్లు తెలిపారు. దీంతో వారి వద్ద నుంచి రెండు కిలోల గంజాయి స్వాధీనం చేసుకుని, అరెస్టు చేసి, రిమాండ్‌కు తరలించినట్లు పోలీసులు తెలిపారు.

తిరుపతి అర్బన్‌: ఎంతో విలువైన ఆర్టీసీ ఆస్తులను ప్రైవేటీకరణ చేయడం సరికాదని ఆర్టీసీ నేషనల్‌ మజ్దూర్‌ యూనియన్‌ జిల్లా కార్యదర్శి బీఎస్‌ బాబు పేర్కొన్నారు. డీపీటీఓ కార్యాలయం వద్ద ఆయన విలేకరులతో మాట్లాడారు. విజయవాడలోని గవర్నర్‌పేట–2 డిపోకు చెందిన 4.15 ఎకరాల భూమిని లులూ అనే ప్రైవేటు సంస్థకు కట్టబెట్టడాన్ని ఆయన తీవ్రంగా తప్పుపట్టారు. ఉన్నతాధికారులు ఏక పక్షంగా ఇలా జీఓలు ఇవ్వడం మానుకోవాలని చెప్పారు. గవర్నర్‌పేట–2 డిపో స్థలం విలువ రూ.400 కోట్లు ఉంటుందన్నారు. ఇలా ఒక్కొక్కటిగా ఆర్టీసీ ఆస్తులను ప్రైవేటీకరణ చేస్తే ఊరుకోమని స్పష్టం చేశారు. ప్రైవేటీకరణ చేయడాన్ని వ్యతిరేకిస్తు రాష్ట్ర వ్యాప్తంగా అన్ని డిపోల్లోనూ ఈ నెల 12, 13 తేదీల్లో ఎన్‌ఎంయూ ఆధ్వర్యంలో ధర్నాలు చేయనున్నామన్నారు.

ప్రతి క్షణం ధ్వనించే గోవింద నామస్మరణ.. వెల్లివిరిసే భక్తిభావం.. ఆ ప్రాంతం ఆధ్మాత్మి క నిలయం..అద్యంతం వేంకటేశ్వరుడిపైనే అందరి ధ్యాస.. ఆ ఏరియా మొత్తం మద్యం, మాంసం నిషేధిత ప్రాంతం.. అయినా అక్కడా అల్లరి మూకలు.. అసాంఘిక శక్తులు చెలరేగుతున్నాయి. తమ మద్యపానానికి అడ్డాగా మార్చుకున్నాయి. ఫలితంగా యథేచ్ఛగా మద్యం ఏరులై పారుతోంది. ఇదెక్కడో కాదు..నిత్యం గోవింద నామస్మరణలతో మారుమోగే ఆధ్యాత్మిక నగరం తిరుపతిలోని అలిపిరి వద్ద ఉన్న భూదేవి కాంప్లెక్స్‌ టీటీడీ ఓల్డ్‌ చెక్‌ పాయింట్‌ పార్కింగ్‌ స్థలం. ఇక్కడికి బయట ప్రాంతాల నుంచి భక్తులు వివిధ వాహనాల్లో వచ్చి అలిపిరి కాలినడకన తిరుమలకు నడిచి వెళ్లే క్రమంలో తమ వాహనాలను పార్కింగ్‌ చేసుకునేందుకు టీటీడీ పార్కింగ్‌ ఏర్పాటు చేసింది. అయితే ఈ పార్కింగ్‌ ప్రాంతంలో ఎటు చూసినా మద్యం బాటిళ్లే దర్శనమిస్తున్నాయి. కూసవేటు దూరంలోనే టీటీడీ భద్రతా కార్యాలయంతోపాటు సీసీ కెమెరాలు ఉన్నాయి. ఇక్కడ పరిస్థితి చూస్తే వాటి పనితీరుపై అనుమానాలు వస్తున్నాయి. – సాక్షి ఫొటోగ్రాఫర్‌, తిరుపతి మద్యం బాటిళ్లను చూస్తున్న భక్తులు

తిరుపతి తుడా: స్విమ్స్‌ యూనివర్సిటీలో 2025–26 విద్యా సంవత్సరానికి సంబంధించి పలు పీజీ కోర్సులకు దరఖాస్తులు ఆహ్వానిస్తున్నట్లు రిజిస్ట్రార్‌ డాక్టర్‌ అపర్ణ ఆర్‌ బిట్లా ఒక ప్రకటనతో తెలిపారు. ఎమ్మెస్సీ నర్సింగ్‌, ఎంపీటీ, ఎమ్మెస్సీ అలైడ్‌ హెల్త్‌ సైన్సెస్‌లో డయాలసిస్‌ టెక్నాలజీ, ఎమ్మెస్సీ క్లినికల్‌ వైరాలజీ, ఎమ్మెస్సీ క్లినికల్‌ సైకాలజీ, స్పెషలైజ్డ్‌ నర్సింగ్‌ కోర్సులలో ప్రవేశాలకు అర్హులైన అభ్యర్థులు ఈ నెల 25వ తేదీలోపు దరఖాస్తు చేసుకోవా లని కోరారు. దరఖాస్తులు, మరిన్ని వివరాల కోసం స్విమ్స్‌ అధికారిక వెబ్‌సైట్‌ను సంప్రదించాలని సూచించారు. శ్రీవారి దర్శనానికి 12 గంటలు తిరుమల: శ్రీవారి సర్వదర్శనానికి 12 గంటల సమయం పట్టనుంది. 20 కంపార్ట్‌మెంట్లలో భక్తులు వేచి ఉన్నారు. సోమవారం అర్ధరాత్రి వరకు 69,928 మంది భక్తులు స్వామివారిని దర్శించుకోగా 29,297 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.4.21 కోట్లు సమర్పించారు. స్వాతంత్య్ర వేడుకలకు సిద్ధంకండి తిరుపతి అర్బన్‌: పోలీస్‌ పెరేడ్‌ గ్రౌండ్‌లో ఈ నెల 15వ తేదీన స్వాతంత్య్ర దిన వేడుకలు నిర్వహించడానికి అధికారులు సిద్ధం కావాలని కలెక్టర్‌ వెంకటేశ్వర్‌ సూచించారు. మంగళవారం కలెక్టరేట్‌లో ఎస్పీ హర్షవర్ధన్‌రాజు, జేసీ శుభం బన్సల్‌, తిరుపతి కార్పొరేషన్‌ కమిషనర్‌ మౌర్య, డీఆర్వో నరసింహులుతో కలసి ఆయన అధికారులతో స మీక్షించారు. ఈ సందర్భంగా మాట్లాడుతూ కా ర్యక్రమ ఏర్పాట్ల పూర్తి పర్యవేక్షణ తిరుపతి ఆర్డీ ఓ చేయాలని సూచించారు. పెరేడ్‌ గ్రౌండ్‌ నందు బందోబస్తు, జెండా వందనం, వేదిక అలంకరణను, కవాతు ఏర్పాట్లను పోలీస్‌ శాఖ, తుడా వారు వివిధ అంశాల సమన్వయంతో ఏర్పాట్లు ఉండాలని సూచించారు. రూపాయికే బీఎస్‌ఎన్‌ఎల్‌ ఆజాదికా ఆఫర్‌ తిరుపతి ఎడ్యుకేషన్‌ : స్వాతంత్య్ర దినోత్సవ మాసాన్ని పురస్కరించుకుని బీఎస్‌ఎన్‌ఎల్‌ సరికొత్తగా ఆజాదికా ఆఫర్‌ను ప్రకటించినట్లు ఆ సంస్థ జీఎం అమరేంద్రరెడ్డి, డిప్యూటీ జీఎం ఎస్‌.వెంకోబరావు మంగళవారం ఓ సంయుక్త ప్రకటనలో తెలిపారు. ఈ ఆఫర్‌లో భాగంగా ఆగస్టు ఒకటి నుంచి 31వ తేదీలోపు కొత్తగా సిమ్‌ తీసుకునే వారికి రూపాయికే అందించడంతోపాటుగా 30 రోజుల వరకు అన్‌లిమిటెడ్‌ కాల్స్‌, రోజుకు వంద ఎస్‌ఎంఎస్‌లు, అలాగే రోజుకు 4జీ, 2జీబీ డేటాను ఉచితంగా అందిస్తామని పేర్కొన్నారు. ఈ నెల ఒకటి నుంచి 31వ తేదీ వరకు కొత్తగా సిమ్‌ తీసుకునే వారితో పాటు ఇతర ఆపరేటర్‌ నుంచి బీఎస్‌ఎన్‌ఎల్‌కు పోర్ట్‌ చేసుకునే వారికి ఈ ఆఫర్‌ వర్తిస్తుందని తెలిపారు. వినియోగదారులు సమీపంలోని బీఎస్‌ఎన్‌ఎల్‌ సేవా కేంద్రం, రిటైలర్‌ను సంప్రదించి ఈ అవకాశాన్ని సద్వినియోగం చేసుకోవాలని వారు కోరారు.

ఏర్పేడు:‘ఇన్నాళ్లూ తరగతి గదుల్లో పుస్తకాలతో కుస్తీ పట్టారు.. సైన్స్‌ ల్యాబ్‌ల్లో మెదడుకు పదును పెట్టి ఎన్నో ప్రయోగాలు చేశారు.. భావి శాస్త్రవేత్తలుగా బ యటకు వెళుతున్న మీరంతా దేశ సౌభాగ్యం కోసం కలలు కనాలి. ప్రపంచం ఎదుర్కొంటున్న అనేక సవాళ్లపై పరిశోధనలు చేసి, పరిష్కారాలను కనుగొనాలి.’ అని గోదావరి బయో రిఫైనరీస్‌ చైర్మన్‌ సమీర్‌ సోమ య్య పిలుపునిచ్చారు. ఏర్పేడు మండలం జంగాలపల్లి సమీపంలోని భారతీయ విజ్ఞాన శిక్షణ, పరిశోధన సంస్థ(ఐసర్‌) ఆరో స్నాతకోత్సవం డైరెక్టర్‌ ప్రొఫెసర్‌ శాంతను భట్టాచార్య అధ్యక్షతన ఘనంగా జరిగింది. ఐసర్‌ ఆడిటోరియంలో జరిగిన ఈ వేడుకను ఐసర్‌ బోర్డ్‌ ఆఫ్‌ గవర్నర్స్‌ చైర్మన్‌ ఝిల్లుసింగ్‌ యాదవ్‌ ప్రారంభించారు. ఈ సందర్భంగా ఐసర్‌లో విద్యాభ్యాసం పూర్తి చేసుకున్న 255 మంది విద్యార్థులను పట్టాలతో సత్కరించారు. పట్టాలు అందుకున్న వారిలో 22 మంది పీహెచ్‌డీ విద్యార్థులు, 8 మంది ఐపీహెచ్‌డీ విద్యా ర్థులు, ముగ్గురు ఎంఎస్‌ విద్యార్థులు, 141 మంది బీఎస్‌–ఎంఎస్‌ విద్యార్థులు, 69 మంది ప్రొఫెషనల్‌ మా స్టర్స్‌ విద్యార్థులు, ఆరుగురు బీఎస్‌ విద్యార్థులు, మరో ఆరుగురు బీఎస్సీ డిగ్రీలు పూర్తి చేసిన విద్యార్థులున్నారు. ముఖ్యఅతిథి గోదావరి బయోరిఫైనరీస్‌ లిమి టెడ్‌ చైర్మన్‌ సమీర్‌ సోమయ్య మాట్లాడుతూ భారతీ య వారసత్వం, శాస్త్రానికి సంబంధించి ధ్యానం చేయాలని పిలుపునిచ్చారు. ఆయిల్‌ ఆధారిత ఆర్థిక వ్యవస్థ నుంచి మట్టి ఆధారిత వ్యవస్థ వైపు మారాలన్నారు. వ్యవసాయ రంగంతో కలిసి యువ శాస్త్రవేత్త లు పని చేయాలన్నారు. ప్రతి వ్యక్తి తొలుత తల్లి నుంచే బోలెడంత విజ్ఞానాన్ని నేర్చుకుంటారని, వినడం, వివేచన, సాధన ద్వారానే సృజనాత్మకత పెంపొందుతుందన్నారు. మానవ జీవన విజ్ఞానంతోపాటు ప్రపంచంలోని అనేక జీవరాశులపై పరిశోధనలు చేయాలన్నారు. కాపీ ధోరణికి స్వస్తి పలికి, సొంత పరిజ్ఞానంతో పరిశోధనలు చేయాలని విద్యార్థులకు పిలుపునిచ్చారు. ప్రకృతిని పరిరక్షించేలా పరిశోధనలు సాగాల ని కోరారు. బోర్డ్‌ ఆఫ్‌ గవర్నర్స్‌ చైర్మన్‌ ఝిల్లుసింగ్‌ యాదవ్‌ మాట్లాడుతూ కర్బన ఉద్గారాల్లో గ్రీన్‌ కర్బనాలపై మరిన్ని పరిశోధనలు చేయాలని కోరారు. పలు రంగాల్లో ఎన్నో సవాళ్లు ప్రపంచ వైజ్ఞానిక విధానానికి పెనుసవాళ్లుగా కనిపిస్తున్నాయని, వాటి పరిష్కారాల ను వెతికే రీతిలో పరిశోధనలు సాగాలన్నారు. శాసీ్త్రయ ప్రతిభ 2024–25లో 210 పరిశోధనా పత్రాలు ప్రచురించబడ్డాయన్నారు. రూ. 29.43 కోట్ల బహిరంగ పరిశోధన నిధులను పొందారని శాంతనుభట్టాచార్య వెల్లడించారు. నేచర్‌ ఇండెక్స్‌–2025 ప్రకారం తిరుపతి ఐసర్‌ దేశంలోనే 33వ స్థానంలో నిలిచిందన్నారు. స్టాన్‌ఫోర్డ్‌ యూనివర్సిటీ ప్రకటించిన ప్రపంచ ఉత్తమ రెండు శాతం శాస్త్రవేత్తల జాబితాలో ఎని మిది మంది ఐసర్‌ ఫ్యాకల్టీ సభ్యులు చోటుదక్కించుకోవడం తమకెంతో గర్వకారణమన్నారు. కోవిడ్‌ సమయంలో ఉచిత పరీక్షల నిర్వహణలో కీలక పాత్ర పోషించామన్నారు. కార్యక్రమంలో ఐసర్‌ రిజిస్ట్రార్‌ ఇంద్రప్రీత్‌సింగ్‌ కోహ్లీ, లెఫ్ట్‌ కమాండర్‌ హిమాంశు శేఖర్‌, సీఎంఏ రమేష్‌ దామర్ల, వెంకటదీపక్‌, భానుశ్రీరెడ్డి తదితరులు పాల్గొన్నారు. ప్రపంచం ఎదుర్కొంటున్న సవాళ్లపై పరిశోధనలు చేయండి ఐసర్‌ ఆరో స్నాతకోత్సవంలో పట్టభద్రులకు ముఖ్యఅతిథి పిలుపు అట్టహాసంగా స్నాతకోత్సవ వేడుకలు 255 మంది విద్యార్థులకు డిగ్రీలు ప్రదానం ఆవిష్కరణకు పునాదిగా ఐసర్‌ సంస్థ డైరెక్టర్‌ ప్రొఫెసర్‌ శాంతను భట్టాచార్య మాట్లాడుతూ పరిశోధన, వైజ్ఞానిక ఆవిష్కరణలకు పునాది వేసేలా తిరుపతి ఐజర్‌ను తీర్చిదిద్దుతున్నామన్నారు. ప్రత్యేక శిల్పకళతో తీర్చిదిద్దిన ఐసర్‌ గ్రిహ కౌన్సిల్‌, టెరీ 4 స్టార్‌ రేటింగ్‌ ఇచ్చాయన్నారు. గ్రంథాలయం, ఆడిటోరియం వంటి భవనాల్లో భారతీయ, విదేశీ ప్రముఖ శాస్త్రవేత్తల పేర్లు చెక్కి ఉండటం విశేషమన్నారు.

‘వారంతా అత్యున్నత ప్రతిభావంతులు.. జాతీయస్థాయి ప్రఖ్యాత సైన్స్‌ విద్యాసంస్థ తిరుపతి భారతీయ విజ్ఞాన శిక్షణ, పరిశోధన సంస్థ(ఐసర్‌)లో సీటు సాధించి ఉన్నత విద్యను పూర్తి చేశారు. ఈ క్రమంలో తరగతి గదుల్లో పుస్తకాలతో దోస్తీ కట్టి మేథోమదనం చేశారు. సైన్స్‌ ల్యాబ్‌ల్లో నూతన ప్రయోగాలకు గట్టి బీజం వేశారు. తోటి విద్యార్థులతో చెలిమి చేసి గట్టి బంధాన్ని పదిలం చేసుకున్నారు..దేశంలోని వివిధ రాష్ట్రాలు, వివిధ ప్రాంతాలకు చెందిన విద్యార్థులు ఐసర్‌ వేదికగా ఉన్నత చదువులు పూర్తి చేసుకుని, భావి శాస్త్రవేత్తలుగా దేశం గర్వించే పౌరులుగా తయారు కావడానికి సిద్ధమై డిగ్రీ పట్టాలను కన్న తల్లిదండ్రుల కళ్లెదుట ఆచార్యుల నుంచి అందుకుని... ఆనంద డోలికల్లో మునిగిపోయారు. ఆచార్చుల సూచనలతో స్ఫూర్తి నింపుకున్నారు. పట్టా చేతికొచ్చిన తరుణంలో సంతోష సాగరంలో మునిగారు. ఒళ్లు మరచి.. స్నేహితులతో కలసి స్టేజ్‌ పైకెక్కి హుషారైన సినీ గీతాలకు ఫుల్‌ జోష్‌తో నృత్యాలు చేశారు. ఐజర్‌ ప్రాంగణమంతా కలియతిరుగుతూ చివరి సెల్ఫీలు దిగుతూ ఆద్యంతం పట్టాభిషేకాన్ని ఆస్వాదిస్తూ స్నాతకోత్సవ శోభను ద్విగుణీకృతం చేశారు.