ఇంగ్లండ్‌తో టెస్టు సిరీస్‌కు టీమిండియా మిడిలార్డ‌ర్ బ్యాట‌ర్‌, పంజాబ్ కింగ్స్ కెప్టెన్ శ్రేయ‌స్ అయ్య‌ర్ ఎంపిక‌ కాక‌పోయిన సంగ‌తి తెలిసిందే. దీంతో అయ్యర్ త‌న‌కు ల‌భించిన ఈ ఖాళీ స‌మ‌యాన్ని కుటుంబానికి కేటాయించాడు. ప్ర‌స్తుతం ఇంట్లోనే ఉన్న శ్రేయ‌స్‌ త‌న ఫ్యామిలీతో స‌ర‌దగా గ‌డుపుతున్నాడు. తాజాగా శ్రేయ‌స్ అయ్య‌ర్ త‌న ఇంట్లో త‌ల్లితో క‌లిసి క్రికెట్ ఆడాడు. అయ్య‌ర్ బ్యాటింగ్ చేయ‌గా.. అత‌డి త‌ల్లి బౌలింగ్ చేసింది. అయితే ఆమె విసిరిన ఓ బంతిని శ్రేయస్‌ కొట్టలేకపోయాడు. దీంతో ఆమె అయ్య‌ర్‌ను క్లీన్ బౌల్డ్ చేసిన‌ట్లు సెల‌బ్రేష‌న్స్ చేసుకుంది. ఈ వీడియోను పంజాబ్ కింగ్స్ ఎక్స్‌లో షేర్ చేసింది.మా స‌ర్పాంచ్ సాబ్ ఇప్పుడు మాత్రం బౌల్డ్ అయినా ప‌ట్టించుకోడ‌ని పంజాబ్ క్యాప్ష‌న్‌గా జోడించింది. ప్ర‌స్తుతం ఈ వీడియో సొష‌ల్ మీడియాలో వైర‌లవుతోంది. కాగా ఐపీఎల్‌-2025 సీజన్‌లో పంజాబ్‌ కింగ్స్‌ను అయ్యర్‌ రన్నరప్‌గా నిలిచాడు.అద్బుతమైన ప్రదర్శనలతో ఫైనల్‌ చేరినప్పటికి.. తుది మెట్టుపై ఆర్సీబీ చేతిలో పంజాబ్‌ బోల్తా పడింది. ప్రస్తుతం క్రికెట్‌ దూరంగా ఉన్న అయ్యర్‌ వచ్చే నెలలో బంగ్లాదేశ్‌తో జరిగే వన్డే సిరీస్‌కు తిరిగి జట్టులోకి వచ్చే అవకాశముంది.చదవండి: ఇంగ్లండ్‌కు టీమిండియా స్ట్రాంగ్‌ కౌంట‌ర్ ఇవ్వాలి.. లేదంటే క‌ష్ట‌మే: రవిశాస్త్రిOnly time SARPANCH won't mind getting bowled! 😂♥️ pic.twitter.com/jYUDd7DkD7— Punjab Kings (@PunjabKingsIPL) June 30, 2025

భారత టెస్టు జట్టులో చోటు కోసం ఎదురుచూస్తున్న ఆటగాళ్ల జాబితా పెద్దగానే ఉంది. సర్ఫరాజ్‌ ఖాన్‌, ధ్రువ్‌ జురెల్, శ్రేయస్‌ అయ్యర్‌ (Shreyas Iyer) రీఎంట్రీ ఇవ్వాలని చూస్తుండగా.. అభిమన్యు ఈశ్వరన్‌ (Abhimanyu Easwaran) వంటి దేశీ హీరోలు అరంగేట్రం చేయాలని ఆరాటపడుతున్నారు. వీరిలో జురెల్‌ ప్రస్తుతం ఇంగ్లండ్‌లో పర్యటిస్తున్న జట్టులో ఉన్నప్పటికీ తుదిజట్టులో అతడికి ఆడే అవకాశాలు కనిపించడం లేదు.ఈ నేపథ్యంలో టీమిండియా మాజీ ఓపెనర్‌, కామెంటేటర్‌ ఆకాశ్‌ చోప్రా (Aakash Chopra) ఆసక్తికర వ్యాఖ్యలు చేశాడు. వీరిలో శ్రేయస్‌ అయ్యర్‌కు మాత్రం ఇప్పట్లో టెస్టు జట్టులో చోటు దక్కదని అభిప్రాయపడ్డాడు. అతడి కంటే సర్ఫరాజ్‌ ఖాన్‌, ధ్రువ్‌ జురెల్‌ల వైపే సెలక్టర్లు మొగ్గు చూపే అవకాశం ఉందని పేర్కొన్నాడు.చాలా సమస్యలుఈ మేరకు తన యూట్యూబ్‌ చానెల్‌లో మాట్లాడుతూ.. ‘‘భారత బ్యాటింగ్‌ విభాగం కూర్పు విషయంలో చాలా సమస్యలు ఉన్నాయి. ఇప్పటికే ఉన్న ఆటగాళ్లను ఎక్కడ ఎప్పుడు ఎలా ఆడించాలో తెలియని పరిస్థితి. ఇలాంటి తరుణంలో శ్రేయస్‌ అయ్యర్‌కు అవకాశం దక్కదు. అతడే కాదు.. చాలా మందికి నిరాశ తప్పదు.ఎంతోకాలం నుంచి ఎదురుచూస్తున్న వాళ్లలో కరుణ్‌ నాయర్‌కు ఎనిమిదేళ్ల తర్వాత పునరాగమనం చేసే అవకాశం దక్కింది. సర్ఫరాజ్‌ ఖాన్‌ మరోసారి వేచి చూడక తప్పని పరిస్థితి. ధ్రువ్‌ జురెల్‌ జట్టులో ఉన్నా చాలా కాలంగా పక్కనపెట్టారు. వీరి పరిస్థితే ఇలా ఉంటే.. ఇక శ్రేయస్‌ని సెలక్టర్లు పరిగణనలోకి తీసుకుంటారని నమ్మకం ఏంటి?అతడు ఫస్ట్‌ క్లాస్‌ క్రికెట్‌లో రాణించాడు. దేశీ క్రికెట్‌లో సత్తా చాటాడు. ఐపీఎల్‌లో పంజాబ్‌ కింగ్స్‌కు ఫైనల్‌కు తీసుకువెళ్లాడు. అంతకంటే ముందు చాంపియన్స్‌ ట్రోఫీలో భారత్‌ గెలవడంలో కీలక పాత్ర పోషించాడు.సుదీర్ఘకాలం నిరీక్షణ తప్పకపోవచ్చుఅందుకే వన్డే జట్టులో చోటు దక్కించుకోగలడు. కానీ టెస్టుల విషయానికి వచ్చే సరికి... అతడి కంటే చాలా మంది ముందే ఉన్నారు. కాబట్టి అతడికి సుదీర్ఘకాలం నిరీక్షణ తప్పకపోవచ్చు’’ అని ఆకాశ్‌ చోప్రా తన అభిప్రాయాలు పంచుకున్నాడు.కాగా రంజీ ట్రోఫీ 2024-25 సీజన్‌లో ముంబై తరఫున శ్రేయస్‌ అయ్యర్‌ రాణించాడు. ఇంగ్లండ్‌ పర్యటనకు ముందు ఏడు ఇన్నింగ్స్‌లో కలిపి 480 పరుగులు చేశాడు. కానీ సెలక్టర్లు మాత్రం అతడి వైపు చూడలేదు. తాజాగా ఇంగ్లండ్‌తో టీమిండియా సిరీస్‌ నేపథ్యంలో శ్రేయస్‌ గురించి అభిమానులు ప్రశ్నిస్తుండగా.. ఆకాశ్‌ చోప్రా పైవిధంగా స్పందించాడు.ఇక ఇంగ్లండ్‌తో టెండుల్కర్‌-ఆండర్సన్‌ ట్రోఫీ ఆడేందుకు అక్కడికి వెళ్లిన టీమిండియా.. తొలి టెస్టులో ఓటమిపాలైంది. ఐదు మ్యాచ్‌ల సిరీస్‌లో భాగంగా ఇరుజట్ల మధ్య బుధవారం నుంచి బర్మింగ్‌హామ్‌ వేదికగా రెండో టెస్టు జరుగుతుంది. కాగా ఈ సిరీస్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ తన ప్రయాణాన్ని ఆరంభించాడు.చదవండి: IND vs ENG: ఇంగ్లండ్‌తో రెండో టెస్టు.. చ‌రిత్ర‌కు అడుగు దూరంలో జైశ్వాల్‌

భారత క్రికెట్ జట్టు ఈ ఏడాది ఆగస్టులో బంగ్లాదేశ్ పర్యటనకు వెళ్లనుంది. ఈ టూర్‌లో భాగంగా ఆతిథ్య జట్టుతో టీమిండియా మూడు వన్డేలు, మూడు టీ20ల సిరీస్‌లో తలపడనుంది. అయితే ఈ పర్యటనకు టీమిండియా టీ20 కెప్టెన్ సూర్యకుమార్ యాదవ్ దూరమయ్యే అవకాశముంది.సూర్యకుమార్ యాదద్ మ‌రో శస్త్రచికిత్స లండ‌న్‌కు వెళ్ల‌నున్న‌ట్లు తెలుస్తోంది. న్యూస్24 రిపోర్టర్ వైభవ్ భోలా ప్రకారం.. సూర్య‌కుమార్ కుడివైపున స్పోర్ట్స్ హెర్నియా సమస్యతో బాధపడుతున్నట్లు స‌మాచారం. ఈ క్ర‌మంలో సూర్య‌ త‌న గాయానికి శ‌స్త్ర‌చికిత్స చేసుకోవ‌డానికి ఇప్ప‌టికే లండ‌న్‌కు వెళ్లిన‌ట్లు వైభ‌వ్ భోలా ఎక్స్‌లో రాసుకొచ్చాడు.కాగా ఈ ముంబై ఆట‌గాడు స్పోర్ట్స్ హెర్నియా బారిన ప‌డ‌డం ఇది రెండో సారి. గతేడాది జ‌న‌వరిలో ఎడమ వైపున నొప్పి రావ‌డంతో జ‌ర్మ‌నీలో స‌ర్జ‌రీ చేయించుకున్నాడు. ఈ క్ర‌మంలోనే స్వ‌దేశంలో అఫ్గానిస్తాన్‌తో జ‌రిగిన టీ20 సిరీస్‌కు దూర‌మ‌య్యాడు. కానీ ఫిట్‌నెస్ సాధించి ఐపీఎల్‌తో పాటు, టీ20 ప్ర‌పంచ‌క‌ప్‌-2024లో భాగ‌మ‌య్యాడు.ఇప్పుడు కుడివైపు నొప్పి రావ‌డంతో మ‌ళ్లీ శ‌స్త్ర‌చికిత్స చేయించుకోనున్నాడు. ఒక‌వేళ ఇదే నిజ‌మైతే మిస్ట‌ర్ 360 దాదాపు రెండు నెల‌ల పాటు ఆట‌కు దూరంగా ఉండ‌నున్నాడు. బంగ్లా టూర్‌కు సూర్య సూర్య‌దూర‌మైతే భార‌త జ‌ట్టు కెప్టెన్‌గా శ్రేయ‌స్ అయ్య‌ర్ వ్య‌వ‌హ‌రించే అవ‌కాశ‌ముంది. ఐపీఎల్‌-2025లో అద్బుత ప్ర‌ద‌ర్శ‌న‌తో సెల‌క్ట‌ర్ల దృష్టిని ఆకర్షించిన అయ్యర్‌.. తిరిగి టీ20 జట్టులోకి రీఎంట్రీకి సిద్దంగా ఉన్నాడు.చదవండి: ICC Odi Rankings: వ‌ర‌ల్డ్ నెం1 బ్యాట‌ర్‌గా టీమిండియా స్టార్ ఓపెన‌ర్‌

కెప్టెన్‌గా శ్రేయస్‌ అ‍య్యర్‌కు ఒకే నెలలో వరుసగా రెండు చేదు అనుభవాలు ఎదురయ్యాయి. జూన్‌ 3న అతని సారథ్యంలోని పంజాబ్‌ కింగ్స్‌ ఐపీఎల్‌ 2025 ఫైనల్లో ఆర్సీబీ చేతిలో పరాజయం పాలైంది. పది రోజులు తిరక్కుండానే జూన్‌ 12న అతని కెప్టెన్సీలోని మరో జట్టు ఫైనల్లో ఓటమిని ఎదుర్కొంది.నిన్న జరిగిన ముంబై టీ20 లీగ్‌ ఫైనల్లో శ్రేయస్‌ నేతృత్వం వహించిన సోబో ముంబై ఫాల్కన్స్‌.. ముంబై సౌత్‌ సెంట్రల్‌ మరాఠా రాయల్స్‌ చేతిలో 5 వికెట్ల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన శ్రేయస్‌ జట్టు నిర్ణీత 20 ఓవర్లలో 4 వికెట్ల నష్టానికి 157 పరుగులు చేయగా.. ప్రత్యర్ధి టీమ్‌ మరో నాలుగు బంతులు మిగిలుండగానే 5 వికెట్లు కోల్పోయి లక్ష్యాన్ని ఛేదించింది.ఈ మ్యాచ్‌లో శ్రేయస్‌ ఆటగాడిగానూ విఫలమయ్యాడు. 17 బంతులు ఆడి బౌండరీలు, సిక్సర్లు లేకుండా 12 పరుగులు మాత్రమే చేశాడు. అతని జట్టులో మయూరేశ్‌ తండేల్‌ (50) అజేయ అర్ద సెంచరీతో రాణించగా.. హర్ష్‌ గర్వ్‌ (28 బంతుల్లో 45 నాటౌట్‌; ఫోర్‌, 4 సిక్సర్లు) ఆఖర్లో మెరుపు ఇన్నింగ్స్‌ ఆడాడు. అంగ్‌క్రిష్‌ రఘువంశీ 7, ఇషాన్‌ ముల్చందని 20, అమోఘ్‌ భత్కల్‌ 16 పరుగులు చేశారు. రాయల్స్‌ బౌలర్లలో వైభవ్‌ మాలీ 2, ఆదిత్య ధుమాల్‌, మ్యాక్స్‌వెల్‌ స్వామినాథన్‌ తలో వికెట్‌ పడగొట్టారు.రాయల్స్‌ ఇన్నింగ్స్‌లో చిన్మయ్‌ రాజేశ్‌ సుతార్‌ (53) అర్ద సెంచరీతో రాణించగా.. అవైస్‌ ఖాన్‌ నౌషద్‌ 38, సాహిల్‌ భగవంతా జాదవ్‌ 22, సిద్దేశ్‌ లాడ్‌ 15, సచిన్‌ యాదవ్‌ 19, రోహన్‌ రాజే 8 (నాటౌట్‌) పరుగులు చేశారు. శ్రేయస్‌ జట్టు బౌలర్లలో కార్తీక్‌ మిశ్రా, యశ్‌ దిచోల్కర్‌ తలో రెండు వికెట్లు తీశారు. ప్లేయర్‌ ఆఫ్‌ ద మ్యాచ్‌గా చిన్మయ్‌ రాజేశ్‌ సుతార్‌ ఎంపిక కాగా.. ప్లేయర్‌ ఆఫ్‌ ద సిరీస్‌ అవార్డును సాయిరాజ్‌ పాటిల్‌ గెలుచుకున్నాడు. కెప్టెన్‌గా శ్రేయస్‌ రికార్డుఐపీఎల్‌ 2024లో కేకేఆర్‌ను విజేతగా నిలిపాడు2024లో ముంబైకి సయ్యద్‌ ముస్తాక్‌ అలీ ట్రోఫీ అందించాడుఐపీఎల్‌ 2019లో ఢిల్లీ క్యాపిటల్స్‌ను ఫైనల్స్‌కు చేర్చాడు (రన్నరప్‌)ఐపీఎల్‌ 2024లో పంజాబ్‌ కింగ్స్‌ను ఫైనల్స్‌కు చేర్చాడు (రన్నరప్‌)ముంబై టీ20 లీగ్‌ 2025లో సోబో ముంబై ఫాల్కన్స్‌ను ఫైనల్స్‌కు చేర్చాడు (రన్నరప్‌)

త్వరలో ఇంగ్లండ్‌తో జరుగబోయే ఐదు మ్యాచ్‌ల టెస్ట్‌ సిరీస్‌ కోసం మిడిలార్డర్‌ బ్యాటర్‌ శ్రేయస్‌ అ‍య్యర్‌ను ఎంపిక చేయనందుకు భారత సెలెక్టర్లపై బీసీసీఐ మాజీ బాస్‌ సౌరవ్‌ గంగూలీ తీవ్ర స్థాయిలో మండిపడ్డాడు. ఇంగ్లండ్‌ పర్యటనలో శ్రేయస్‌ తప్పక జట్టులో ఉండాల్సిందని గంగూలీ అభిప్రాయపడ్డాడు.గత కొంతకాలంగా దేశవాలీ క్రికెట్‌లో అద్భుతంగా రాణిస్తున్న శ్రేయస్‌ను ఎందుకు జట్టులోకి తీసుకోలేదని నిలదీశాడు. శ్రేయస్‌కు భారత టెస్ట్‌ జట్టులో ఉండే అన్ని అర్హతలు ఉన్నాయని అన్నాడు. శ్రేయస్‌ ఇటీవలి కాలంలో అద్భుతంగా ఆడుతూ ఒత్తిడిలోనూ పరుగులు చేస్తున్నాడని.. జట్టు అవసరాల దృష్ట్యా తగు రీతిలో ఆడుతూ బాధ్యతగా వ్యవహరిస్తున్నాడని తెలిపాడు.తనే భారత సెలెక్టర్‌ను అయితే ఈ పరిస్థితుల్లో శ్రేయస్‌కు తప్పక అవకాశం ఇచ్చే వాడినని అన్నాడు. జట్టులోకి తీసుకొని శ్రేయస్‌ ఏం చేశేవాడో చూసే వాడినని తెలిపాడు. దిగ్గజాలు విరాట్‌, రోహిత్‌, అశ్విన్‌ల రిటైర్మెంట్‌ తర్వాత ఇంగ్లండ్‌లో టీమిండియా విజయావకాశాలపై స్పందిస్తూ.. ఈ జట్టుతో భారత తప్పక గెలుస్తుందని ఆశాభావం వ్యక్తం చేశాడు. బాగా బ్యాటింగ్‌ చేసి, బుమ్రాను ఫిట్‌గా ఉంచుకోగలిగితే ఇంగ్లండ్‌లో భారత్‌కు తిరుగుండదని అభిప్రాయపడ్డాడు. 2020-21 ఆసీస్‌ పర్యటనలో విరాట్‌, రోహిత్‌ లేకుండానే యువ ఆటగాళ్లతో నిండిన టీమిండియా విజయం సాధించిన విషయాన్ని గుర్తు చేశాడు.ఇంగ్లండ్‌ పర్యటనకు శ్రేయస్‌ను ఎంపిక చేయకపోవడంపై చాలా మంది మాజీ క్రికెటర్లు భారత సెలెక్టర్లను టార్గెట్‌ చేస్తున్నారు. తాజాగా ఈ జాబితాలో సౌరవ్‌ గంగూలీ కూడా చేరాడు. గత ఏడాది కాలంగా విశేషంగా రాణిస్తున్న శ్రేయస్‌ను భారత టెస్ట్‌ జట్టుకు ఎంపిక చేయకపోవడం అన్యాయమని గంగూలీ అభిప్రాయపడ్డాడు. శ్రేయస్‌ లేని లోటు ఇంగ్లండ్‌ పర్యటనలో స్పష్టంగా కనిపించే అవకాశముందని తెలిపాడు.కాగా, ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌ కోసం భారత సెలెక్టర్లు కొద్ది రోజుల కిందటే జట్టును ప్రకటించారు. ప్రస్తుతం భారత జట్టు ఇంగ్లండ్‌లో ల్యాండై సాధన మొదలుపెట్టింది. జూన్‌ 20 నుంచి టెస్ట్‌ సిరీస్‌ ప్రారంభమవుతుంది. ఈ సిరీస్‌తో శుభ్‌మన్‌ గిల్‌ భారత కెప్టెన్‌గా పరిచయమవుతాడు. రోహిత్‌ శర్మ రిటైర్మెంట్‌ ప్రకటించడంతో ఈ సిరీస్‌కు ముందే గిల్‌ను కెప్టెన్‌గా ఎంపిక చేశారు. ఈ సిరీస్‌కు ముందే స్టార్‌ బ్యాటర్‌ విరాట్‌ కోహ్లి కూడా టెస్ట్‌లకు రిటైర్మెంట్‌ ప్రకటించాడు.ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌కు భారత జట్టు..శుభ్‌మన్‌ గిల్‌ (కెప్టెన్‌), సాయి సుదర్శన్‌, కరుణ్‌ నాయర్‌, అభిమన్యు ఈశ్వరన్‌, యశస్వి జైస్వాల్‌, నితీశ్‌ కుమార్‌ రెడ్డి, రవీంద్ర జడేజా, శార్దూల్‌ ఠాకూర్‌, వాషింగ్టన్‌ సుందర్‌, రిషబ్‌ పంత్‌, కేఎల్‌ రాహుల్‌, ధృవ్‌ జురెల్‌, జస్ప్రీత్‌ బుమ్రా, ప్రసిద్ద్‌ కృష్ణ, మహ్మద్‌ సిరాజ్‌, ఆకాశ్‌దీప్‌, అర్షదీప్‌ సింగ్‌, కుల్దీప్‌ యాదవ్‌ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌ షెడ్యూల్‌..జూన్‌ 20-24- తొలి టెస్ట్‌ (లీడ్స్‌)జులై 2-6- రెండో టెస్ట్‌ (బర్మింగ్హమ్‌)జులై 10-14- మూడో టెస్ట్‌ (లార్డ్స్‌)జులై 23-27- నాలుగో టెస్ట్‌ (మాంచెస్టర్‌)జులై 31-ఆగస్ట్‌ 4- ఐదో టెస్ట్‌ (కెన్నింగ్‌స్టన్‌ ఓవల్‌)

టీమిండియా స్టార్‌ క్రికెటర్‌ శ్రేయస్‌ అయ్యర్‌కు తాను కెప్టెన్సీ వహించే జట్లను అలవోకగా ఫైనల్‌కు చేర్చడం అలవాటుగా మారింది. జూన్‌ 1న ఐపీఎల్‌ 2025లో పంజాబ్‌ కింగ్స్‌ను ఫైనల్స్‌కు చేర్చిన శ్రేయస్‌.. పది రోజులు కూడా తిరక్కుండానే మరో జట్టును ఫైనల్‌కు చేర్చాడు. ముంబై టీ20 లీగ్‌ 2025లో నిన్న (జూన్‌ 10) జరిగిన రెండో సెమీఫైనల్లో శ్రేయస్‌ సారథ్యం వహించిన సోబో ముంబై ఫాల్కన్స్‌ నమో బాంద్రా బ్లాస్టర్స్‌ను మట్టికరిపించి ఫైనల్‌కు చేరింది.ఏడాది కాలంలో శ్రేయస్‌ తాను సారథ్యం వహించిన జట్లను ఫైనల్స్‌కు చేర్చడం ఇది నాలుగో సారి. 2024 ఐపీఎల్‌తో మొదలైన శ్రేయస్‌ కెప్టెన్సీ జైత్రయాత్ర ప్రస్తుతం జరుగుతున్న ముంబై టీ20 లీగ్‌ వరకు కొనసాగింది. 2024 ఐపీఎల్‌లో కేకేఆర్‌ను ఛాంపియన్‌గా నిలిపిన శ్రేయస్‌.. ఆతర్వాత ముంబైకు సయ్యద్‌ ముస్తాక్‌ అలీ ట్రోఫీని అందించాడు. తాజాగా ముగిసిన ఐపీఎల్‌ సీజన్‌లో పంజాబ్‌ను ఫైనల్స్‌కు చేర్చిన శ్రేయస్‌ తృటిలో టైటిల్‌ మిస్‌ కావడంతో రన్నరప్‌తో సరిపెట్టుకున్నాడు. ఈ ఐపీఎల్‌ సీజన్‌లోనే పంజాబ్‌ కింగ్స్‌ సారథ్య బాధ్యతలు చేపట్టిన శ్రేయస్‌ ఆ జట్టును 11 ఏళ్ల తర్వాత ఫైనల్‌కు చేర్చాడు.శ్రేయస్‌ తన జట్లను ఫైనల్స్‌కు చేర్చిన గత నాలుగు సందర్భాల్లో వ్యక్తిగతంగానూ రాణించాడు. ఐపీఎల్‌ 2024లో కేకేఆర్‌ను ఛాంపియన్‌గా నిలిపిన సందర్భంలో 15 మ్యాచ్‌ల్లో 39 సగటున, 146.86 స్ట్రయిక్‌రేట్‌తో 2 హాఫ్‌ సెంచరీల సాయంతో 351 పరుగులు చేశాడు.అనంతరం ముంబైకు ముస్తాక్‌ అలీ ట్రోఫీ అందించిన సందర్భంలో 188.52 స్ట్రయిక్‌రేట్‌తో 345 పరుగులు సాధించాడు. తాజాగా ముగిసిన ఐపీఎల్‌ 2025 సీజన్‌లో 175.07 స్ట్రయిక్‌రేట్‌తో 604 పరుగులు సాధించాడు. ముంబై టీ20 లీగ్‌లోకి ఆలస్యంగా అడుగుపెట్టిన శ్రేయస్‌ ఈ లీగ్‌లో ఫామ్‌ను ప్రదర్శించాల్సి ఉంది.చరిత్ర సృష్టించాడుతాజాగా ముగిసిన ఐపీఎల్‌లో పంజాబ్‌ కింగ్స్‌ను ఫైనల్స్‌కు చేర్చడం ద్వారా శ్రేయస్‌ అయ్యర్‌ చరిత్ర సృష్టించాడు. 18 ఏళ్ల ఐపీఎల్‌ చరిత్రలో మూడు వేర్వేరు జట్లను ఫైనల్స్‌కు చేర్చిన తొలి కెప్టెన్‌గా రికార్డు నెలకొల్పాడు. శ్రేయస్‌ తన సారథ్యంలో 2019లో ఢిల్లీని, 2024లో కేకేఆర్‌ను, 2025లో పంజాబ్‌ను ఫైనల్స్‌కు చేర్చాడు.ముంబై టీ20 లీగ్‌ సెమీఫైనల్‌ విషయానికొస్తే.. నిన్న జరిగిన మ్యాచ్‌లో శ్రేయస్‌ సారథ్యంలోని సోబో ముంబై ఫాల్కన్స్‌ నమో బాంద్రా బ్లాస్టర్స్‌పై 5 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన బ్లాస్టర్స్‌ 130 పరుగులకు ఆలౌట్‌ కాగా.. శ్రేయస్‌ జట్టు 14.4 ఓవర్లలోనే లక్ష్యాన్ని ఛేదించింది. ఈ మ్యాచ్‌లో శ్రేయస్‌ వ్యక్తిగతంగా రాణించనప్పటికీ (1) తన జట్టును విజయవంతంగా ఫైనల్స్‌కు చేర్చాడు. రేపు జరుగబోయే ఫైనల్స్‌లో శ్రేయస్‌ జట్టు సిద్దేశ్‌ లాడ్‌ నేతృత్వంలోని ముంబై సౌత్‌ సెంట్రల్‌ మరాఠా రాయల్స్‌తో అమీతుమీ తేల్చుకుంటుంది. శ్రేయస్‌ ఈ టైటిల్‌ను కూడా సాధిస్తే కెప్టెన్‌గా అతనికి తిరుగే ఉండదు.

ఐపీఎల్‌-2025 సీజ‌న్ క్వాలిఫయర్‌-2లో పంజాబ్ కింగ్స్ కెప్టెన్ శ్రేయ‌స్ అయ్య‌ర్‌.. త‌న స‌హ‌చ‌ర ఆట‌గాడు శ‌శాంక్ సింగ్‌పై సీరియ‌స్ అయిన సంగ‌తి తెలిసిందే. కీల‌క స‌మ‌యంలో నిర్ల‌క్ష్యంగా వ్య‌వ‌హ‌రించి ర‌నౌట్ కావ‌డంతో శ‌శాంక్‌పై అయ్య‌ర్ అస‌హ‌నం వ్య‌క్తం చేశాడు.మ్యాచ్ అనంత‌రం శ‌శాంక్ షేక్ హ్యాండ్ వ‌చ్చిన కూడా అయ్య‌ర్ ప‌ట్టించుకోలేదు. తాజాగా ఈ విష‌యపై శ‌శాంక్ సింగ్ స్పందించాడు. ఆ మ్యాచ్‌లో త‌ను ఘోర త‌ప్పిదం చేశానని అత‌డు అంగీక‌రించాడు. అంతేకాకుండా ఆ స‌మ‌యంలో అయ్య‌ర్ త‌నను చెంప దెబ్బ కొట్టిండాల్సిందని శశాంక్ అభిప్రాయపడ్డాడు."నిర్లక్ష్యంగా పరిగెత్తి నేను తప్పు చేశాను. అయ్యర్‌ నన్ను చెంపదెబ్బ కొట్టి ఉండాల్సింది. మా నాన్న కూడా నాపై సీరియస్ అయ్యారు. ఫైనల్ వరకు నాతో మాట్లాడలేదు. నేను చాలా క్యాజువల్‌గా పరిగెత్తాను. ఏదో బీచ్‌లో నడుస్తున్నట్లు పరుగుకు వెళ్లాను.ఇది చాలా కీలకమైన సమయం, ఇది అస్సలు నీ నుంచి ఊహించలేదని అయ్యర్ నాతో అన్నాడు. అయితే గెలిచిన తర్వాత నన్ను అతడు డిన్నర్‌కు తీసుకువెళ్లాడని" తాజా ఇంటర్వ్యూలో శశాంక్ సింగ్ పేర్కొన్నాడు. కాగా 11 ఏళ్ల తర్వాత ఫైనల్‌కు చేరిన పంజాబ్ జట్టు ఆఖరి మెట్టుపై బోల్తా పడింది. తుది పోరులో ఆర్సీబీ చేతిలో ఓటమిపాలై రన్నరప్‌గా పంజాబ్ నిలిచింది.Shreyas Iyer ANGRY On Shashank Singh After Run Out 😡 | KKR vs PBKS 2025 Heated MomentShreyas Iyer lost his cool on Shashank Singh after a shocking run out during the intense KKR vs PBKS 2025 IPL match! 🔥Watch the full drama as tensions rise in the middle and see how this… pic.twitter.com/OhCcdwH1NV— Junoon Ki Jersey (@paramjit3092) June 3, 2025

హిందీ బిగ్ బాస్ 18 ఫేమ్ ఎడిన్ రోజ్ చేసిన వ్యాఖ్యలు సంచలనంగా మారాయి. భారత క్రికెటర్‌ శ్రేయాస్ అయ్యర్‌ను పెళ్లి చేసుకున్నానంటూ షాక్‌ ఇచ్చింది. మోడల్‌గా కెరీర్‌ను ప్రారంభించిన ఎడిన్ రోజ్ హిందీలో రెండు సినిమాలు చేసింది. ఆపై తెలుగులో రవితేజ నటించిన 'రావణాసుర' చిత్రంలో ఒక స్పెషల్‌ సాంగ్‌లో మెరిసింది. ప్రస్తుతం నయనతార నిర్మిస్తున్న కొత్త సినిమా LIK (లవ్ ఇన్సూరెన్స్ కంపెనీ)లో ఒక కీలక పాత్రలో నటిస్తుంది. అయితే, తాజాగా ఫిల్మిగ్యాన్‌కు ఇచ్చిన ఇంటర్వ్యూలో ఆమె చేసిన వ్యాఖ్యలు వైరల్‌ అవుతున్నాయి.బిగ్ బాస్ 18తో భారీగా పాపులారిటీ తెచ్చుకున్న ఎడిన్ రోజ్, క్రికెటర్ శ్రేయాస్ అయ్యర్‌తో తనకున్న అనుబంధాన్ని ఇలా చెప్పుకొచ్చింది. 'నా మనసులో, నేను ఇప్పటికే అతనిని ( శ్రేయాస్ అయ్యర్‌) వివాహం చేసుకున్నాను. నేను అతని పిల్లలకు తల్లిని అని నేను నమ్ముతున్నాను. అతను నాకు నచ్చడానికి కొన్ని కారణాలు ఉన్నాయి. అతను మంచి హైట్‌తో పాటు చామని ఛాయ రంగులో ఉంటాడు. ఎప్పుడూ తను గడ్డంతో కనిపిస్తూ మంచి కండలతో ఉంటాడు.భవిష్యత్‌లో భారత జట్టుకు కెప్టెన్‌ తప్పకుండా అవుతాడు. నా తండ్రిలాగే శ్రేయాస్ కూడా దక్షిణ భారతీయుడు.' అంటూ సంతోషంతో చెప్పుకొచ్చింది. తన తండ్రి ఒక తమిళయన్‌ అని చెప్పిన ఈ బ్యూటీ.. శ్రేయాస్ అయ్యర్‌ కూడా తమిళయన్‌ అంటూ పేర్కొంది. అయితే, ప్రస్తుతం వారు ముంబైలో స్థిరపడ్డారని చెప్పుకొచ్చింది. అయితే, ఇలా మనుసులో అనేసుకుంటే పెళ్లిళ్లు కావంటూ నెటిజన్లు సరదాగా కామెంట్లు చేస్తున్నారు. అనుష్క శర్మ, విరాట్ కోహ్లీ జంట అంటే తనకు చాలా ఇష్టమని ఎడిన్‌ రోజ్‌ చెప్పుకొచ్చింది. వారిద్దరూ ఆదర్శ దంపతులు అంటూ పేర్కొంది. 'వారు నిజంగా ఒకరినొకరు ప్రేమిస్తారు. వారు చాలా పరిపూర్ణ జంట, చాలా అందంగా ఉండాలని కోరుకుంటాను. వారికి ఎప్పుడూ చెడు జరగకూడదని నేను ఆశిస్తున్నాను. వారు ఇలాగే ఎప్పుడూ ఆనందంగా ఉండాలి.' అని కోరుకుంది. View this post on Instagram A post shared by Edin Rose (@itsedinrose)

ఐపీఎల్‌-2025 సీజ‌న్‌లో పంజాబ్ కింగ్స్ తుది మెట్టుపై బోల్తా ప‌డిన‌ప్ప‌టికి.. ఆ జ‌ట్టు సార‌థి శ్రేయ‌స్ అయ్య‌ర్ త‌న కెప్టెన్సీతో అంద‌రిని ఆక‌ట్టుకున్నాడు. త‌న అద్బుత‌మైన కెప్టెన్సీతో పంజాబ్ కింగ్స్‌ను ప‌దేళ్ల త‌ర్వాత ఫైన‌ల్‌కు చేర్చాడు. మ‌రోవైపు వ్య‌క్తిగ‌త ప్ర‌ద‌ర్శ‌న ప‌రంగా అయ్య‌ర్ దుమ్ములేపాడు.దీంతో అయ్య‌ర్‌కు అంత‌ర్జాతీయ క్రికెట్‌లో రివార్డు ల‌భించిన‌ట్లు తెలుస్తోంది. ఇండియ‌న్స్ ఎక్స్‌ప్రెస్ రిపోర్ట్ ప్రకారం.. టీమిండియా వైట్‌బాల్ కెప్టెన్సీ రేసులో శ్రేయ‌స్ ఉన్న‌ట్లు స‌మాచారం. అదేవిధంగా గ‌త కొంత‌కాలంగా కేవ‌లం వ‌న్డేల‌కే ప‌రిమితైన అయ్య‌ర్ భార‌త టీ20 జ‌ట్టులోకి పున‌రాగ‌మ‌నం చేయ‌నున్న‌ట్లు వార్త‌లు వినిపిస్తున్నాయి.కెప్టెన్సీ రేసులో శ్రేయస్‌..శ్రేయ‌స్ అయ్య‌ర్ ప్ర‌స్తుతం వన్డేలు మాత్రమే ఆడుతున్నాడు. కానీ ఈ ఏడాది ఐపీఎల్‌లో త‌న అద్బుత‌ ప్ర‌ద‌ర్శ‌న త‌ర్వాత అయ్య‌ర్ టీ20 సెట‌ప్‌లోకి కూడా వ‌చ్చే అవ‌కాశ‌ముంది. అంతేకాకుండా అయ్య‌ర్ ఇప్పుడు వైట్‌కెప్టెన్సీ రేసులో కూడా ఉన్నాడు అని ఓ బీసీసీఐ అధికారి ది ఇండియ‌న్స్ ఎక్స్‌ప్రెస్‌తో పేర్కొన్నారు.కాగా ప్ర‌స్తుతం భార‌త జ‌ట్టు టీ20 కెప్టెన్‌గా సూర్య‌కుమార్ యాద‌వ్ ఉండ‌గా.. రోహిత్ శ‌ర్మ వ‌న్డే జ‌ట్టుకు నాయకత్వం వహిస్తున్నాడు. టెస్టు కెప్టెన్‌గా శుబ్‌మ‌న్ గిల్ ఇటీవ‌లే నియ‌మితుడ‌య్యాడు. అయితే మూడు ఫార్మాట్ల‌కు వెర్వేరు కెప్టెన్ల‌ను నియ‌మించాల‌ని బీసీసీఐ ఆలోచిస్తున్న‌ట్లు స‌మాచారం.ఇప్ప‌టికే టెస్టుల‌కు, టీ20ల‌కు రిటైర్మెంట్ ప్ర‌క‌టించిన రోహిత్ శ‌ర్మ త్వ‌ర‌లోనే వ‌న్డేల‌కు సైతం వీడ్కోలు ప‌లికే ఛాన్స్ ఉంది. ఒక‌వేళ రిటైర్మెంట్ ప్ర‌క‌టించికపోయినా కెప్టెన్సీ నుంచి మాత్రం త‌ప్పుకునే అవ‌కాశ‌ముంది. ఈ క్ర‌మంలో అయ్య‌ర్‌కు వ‌న్డే ప‌గ్గాలు అప్ప‌గించాల‌ని బీసీసీఐ పెద్ద‌లు యోచిస్తున్న‌ట్లు వార్త‌లు వినిపిస్తున్నాయి.చదవండి: ENG vs WI: జోస్ బ‌ట్ల‌ర్ విధ్వంసం.. విండీస్‌ను చిత్తు చేసిన ఇంగ్లండ్‌

ఐపీఎల్‌ 2025 సీజన్‌ జూన్‌ 3న జరిగిన ఫైనల్‌తో ముగిసింది. ఫైనల్లో ఆర్సీబీ పంజాబ్‌ కింగ్స్‌ను ఓడించి ఛాంపియన్‌గా అవతరించింది. ఐపీఎల్‌లో ఆర్సీబీకి ఇది తొలి టైటిల్‌. 18 ఏళ్ల ప్రస్తానంలో ఆ జట్టు మూడు సార్లు ఫైనల్‌కు చేరినా రన్నరప్‌తో సరిపెట్టుకుంది. నాలుగో ప్రయత్నంలో ఆ జట్టు టైటిల్‌ను ఎగరేసుకుపోయింది. పంజాబ్‌ విషయానికొస్తే.. ఈ జట్టు 11 ఏళ్ల తర్వాత ఫైనల్‌కు చేరింది. రెండో ప్రయత్నంలోనూ ఆ జట్టుకు నిరాశే మిగిలింది. సీజన్‌ ఆధ్యాంతం అద్భుతంగా రాణించినా పంజాబ్‌ తుది మెట్టుపై బోల్తా పడింది. కొత్త కెప్టెన్‌ శ్రేయస్‌ అయ్యర్‌ ఆ జట్టును గెలిపించేందుకు విఫలయత్నం చేశాడు. ఫైనల్లో ఓడినా పంజాబ్‌ మంచి మార్కులే కొట్టేసింది. ముఖ్యంగా ఆ జట్టు కెప్టెన్‌ శ్రేయస్‌ విమర్శకుల ప్రశంసలు కూడా అందుకున్నాడు. శ్రేయస్‌ ఐపీఎల్‌లో మూడు వేర్వేరు ఫ్రాంచైజీలను ఫైనల్‌కు చేర్చిన తొలి కెప్టెన్‌గా చరిత్రకెక్కాడు.ఇదిలా ఉంటే, ఐపీఎల్‌ 2025 టీమ్‌ ఆఫ్‌ ద టోర్నమెంట్‌ను తాజాగా ప్రకటించారు. ఈ జట్టుకు సారధిగా పంజాబ్‌ కెప్టెన్‌ శ్రేయస్‌ అయ్యర్‌ ఎంపికయ్యాడు. ఈ జట్టులో ఈ సీజన్‌ స్టార్లందరికీ చోటు దక్కింది. గుజరాత్‌ కెప్టెన్‌ శుభ్‌మన్‌ గిల్‌ మాత్రం ఈ జట్టులో చోటు దక్కించుకోలేకపోయాడు. ఈ జట్టులో అత్యధికంగా నలుగురు ఆర్సీబీ ఆటగాళ్లకు చోటు దక్కింది. స్టార్‌ బ్యాటర్‌ విరాట్‌ కొహ్లి సహా జితేశ్‌ శర్మ, కృనాల్‌ పాండ్యా, జోష్‌ హాజిల్‌వుడ్‌ చోటు దక్కించుకున్నారు. వికెట్‌కీపర్‌గా జితేశ్‌ శర్మ ఎంపికయ్యాడు. ఇంపాక్ట్‌ సబ్‌గా సీఎస్‌కే స్పిన్నర్‌ నూర్‌ అహ్మద్‌ను ఎంపిక చేశారు.ఈ జట్టుకు ఓపెనర్లుగా విరాట్‌ కోహ్లి, గుజరాత్‌ ఆటగాడు సాయి సుదర్శన్‌ ఎంపిక కాగా.. వన్‌డౌన్‌లో లక్నో సూపర్‌ జెయింట్స్‌ ఆటగాడు నికోలస్‌ పూరన్‌, నాలుగో స్థానంలో ముంబై విధ్వంసకర బ్యాటర్‌ సూర్యకుమార్‌, ఐదో స్థానంలో శ్రేయస్‌ అయ్యర్‌, ఆరో స్థానంలో జితేశ్‌ శర్మ, ఏడో ప్లేస్‌లో శశాంక్‌ సింగ్‌, ఆల్‌రౌండర్ల కోటాలో కృనాల్‌ పాండ్యా, స్పెషలిస్ట్‌ పేసర్లుగా బుమ్రా, హాజిల్‌వుడ్‌, ప్రసిద్ద్‌ కృష్ణ ఎంపికయ్యారు. ఈ సీజన్‌లో అత్యుత్తమ ప్రదర్శనలు కనబర్చిన ఆటగాళ్లతో ఈ జట్టు ఎంపిక జరిగింది. పంజాబ్‌ లోయర్‌ మిడిలార్డర్‌ బ్యాటర్‌ శశాంక్‌ సింగ్‌కు ఈ జట్టులో అనూహ్యంగా చోటు దక్కింది. ఐపీఎల్‌ 2025 టీమ్‌ ఆఫ్‌ ద టోర్నమెంట్‌: విరాట్‌ కోహ్లి, సాయి సుదర్శన్‌, నికోలస్‌ పూరన్‌, సూర్యకుమార్‌ యాదవ్‌, శ్రేయస్‌ అయ్యర్‌ (కెప్టెన్‌), జితేశ్‌ శర్మ (వికెట్‌కీపర్‌), శశాంక్‌ సింగ​్‌, కృనాల్‌ పాండ్యా, జస్ప్రీత్‌ బుమ్రా, జోష్‌ హాజిల్‌వుడ్‌, ప్రసిద్ద్‌ కృష్ణ, నూర్‌ అహ్మద్‌ (ఇంపాక్ట్‌ ప్లేయర్‌)

ధోనీ మాదిరిగా వ్యూహరచనలో మేటి... కోహ్లి తరహాలో దూకుడులో ఘనాపాటి... రోహిత్‌ను అనుకరిస్తున్నట్లు అనిపించినా... అతడికి అతడే సాటి! ‘అతడి చేయి పడితే రాయి కూడా రత్నంలా మెరుస్తుంది’... అన్న రీతిలో దశాబ్ద కాలానికి పైగా ‘ప్లే ఆఫ్స్‌’ మొఖం చూడని జట్టును తుదిపోరుకు చేర్చిన ఘనుడతడు! ఐపీఎల్‌ చరిత్రలో మరే సారథికి సాధ్యం కాని విధంగా మూడు వేర్వేరు జట్లను తుదిపోరుకు తీసుకెళ్లిన మొనగాడతడు! అందుబాటులో ఉన్న వనరులను సమర్థవంతంగా వినియోగించుకుంటూ జట్టును నడిపించడంలో నేర్పరి అతడు! మనం ఇంతసేపు చెప్పుకున్నది... ఈసారి ఐపీఎల్‌ ట్రోఫీ గెలవకపోయినా తన నాయకత్వ చతురతతో అందరి మనసులు గెలిచిన పంజాబ్‌ కింగ్స్‌ సారథి శ్రేయస్‌ అయ్యర్‌ గురించే!! ధోనీ, రోహిత్‌ కూడా కెప్టెన్‌లుగా మూడు కంటే ఎక్కువ ఐపీఎల్‌ ఫైనల్స్‌ ఆడినా... ఆ ఇద్దరూ ఒకే జట్టును నడిపించారు. కానీ గత ఐదేళ్లలో అయ్యర్‌ మూడు వేర్వేరు ఫ్రాంఛైజీలకు తుదిపోరు మజా చూపాడు. ఢిల్లీ క్యాపిటల్స్‌ ఇప్పటి వరకు ఆడిన ఏకైక ఫైనల్‌ శ్రేయస్‌ సారథ్యంలోనే కాగా... పదేళ్ల విరామం అనంతరం గతేడాది కోల్‌కతా నైట్‌రైడర్స్‌కు ముచ్చటగా మూడో కప్పు అందించింది కూడా అయ్యరే. పంజాబ్‌కు ట్రోఫీ కట్టబెట్టలేకపోయినా... సారథిగా మాత్రం సూపర్‌ సక్సెస్‌ అయ్యాడు. ‘బాధ్యత సగం మాత్రమే పూర్తయింది. వచ్చే ఏడాది తప్పక కప్పు గెలుస్తాం’ అని ఫైనల్‌ అనంతరం ధీమా వ్యక్తం చేసిన అయ్యర్‌... భారత జట్టు భవిష్యత్తు నాయకత్వంపై భరోసా పెంచుతున్నాడు!!సాక్షి, క్రీడావిభాగం : 2024 ఐపీఎల్‌ ఫైనల్లో సన్‌రైజర్స్‌ హైదరాబాద్‌ను చిత్తుచేసి... కోల్‌కతా నైట్‌రైడర్స్‌ (కేకేఆర్‌) జట్టు మూడోసారి కప్పు కైవసం చేసుకుంది. కెప్టెన్‌గా శ్రేయస్‌ అయ్యర్‌ ట్రోఫీ అందుకున్నా... ఆ సమయంలో భారత మాజీ ఓపెనర్‌ గౌతమ్‌ గంభీర్‌ కేకేఆర్‌ జట్టు మెంటార్‌గా ఉండటంతో క్రెడిట్‌ అంతా అతడికే దక్కింది. తదనంతర పరిణామాల్లో గంభీర్‌ టీమిండియా హెడ్‌కోచ్‌గా ఎదగగా... సమర్థ నాయకుడిని కేకేఆర్‌ వేలానికి వదిలేసింది. డిఫెండింగ్‌ చాంపియన్‌గా బరిలోకి దిగిన కోల్‌కతా జట్టు... ఈసారి లీగ్‌ దశ దాటలేకపోవడమే గాక... పాయింట్ల పట్టికలో ఎనిమిదో స్థానంతో సరిపెట్టుకుంటే... వేలంలో భారీ ధర పెట్టి శ్రేయస్‌ను దక్కించుకున్న పంజాబ్‌ రెండోసారి రన్నరప్‌గా నిలిచింది. ఈ ఒక్క ఉదాహరణ చాలు శ్రేయస్‌ సారథ్య సామర్థ్యాన్ని వివరించేందుకు.దేశవాళీ మ్యాచ్‌లు ఆడకుండా నిర్లక్ష్యం వహించినందుకు బీసీసీఐ కాంట్రాక్టు కోల్పోవడం... అపార ప్రతిభ ఉన్నా ఇంగ్లండ్‌తో టెస్టు సిరీస్‌కు ఎంపిక కాకపోవడం ఇవన్నీ పక్కన పెడితే... అతడిలో గొప్ప నాయకుడు ఉన్నాడని తాజా ఐపీఎల్‌ నిరూపించిందింది. ఆటగాడిగా అదుర్స్‌... ఈ సీజన్‌లో 17 మ్యాచ్‌లాడిన శ్రేయస్‌ 50.33 సగటుతో 604 పరుగులతో అత్యధిక పరుగులు చేసిన ఆటగాళ్ల జాబితాలో ఆరో స్థానంలో నిలిచాడు. మిడిలార్డర్‌లో బ్యాటింగ్‌కు దిగి 175.07 స్ట్రయిక్‌రేట్‌తో పరుగులు రాబట్టాడు. అతడి గణాంకాలను అంకెల్లో కొలవడం కష్టమే! సీజన్‌ ఆరంభంలో గుజరాత్‌తో జరిగిన పోరులో సెంచరీకి సమీపించినా... జట్టు ప్రయోజనాలకే పెద్దపీట వేయడంతోనే అయ్యర్‌ తీరు అందరినీ ఆకట్టుకుంది. అహ్మదాబాద్‌ వేదికగా జరిగిన మ్యాచ్‌లో మొదట బ్యాటింగ్‌ చేసిన పంజాబ్‌ 19 ఓవర్లు ముగిసేసరికి 220 పరుగులు చేసింది. అయ్యర్‌ 42 బంతుల్లో 97 పరుగులు చేసి సెంచరీకి సమీపించాడు. చివరి ఓవర్‌లో స్ట్రయికింగ్‌లో ఉన్న శశాంక్‌ సింగ్‌ దగ్గరకు వెళ్లి ‘నా శతకం గురించి ఆలోచించకు. జట్టు కోసం వీలైనన్ని ఎక్కువ పరుగులు చేయి’ అని దిశానిర్దేశం చేశాడు. ఆ ఓవర్‌ మొత్తం ఆడిన శశాంక్‌ 23 పరుగులు రాబట్టగా... అయ్యర్‌ అజేయంగా నిలిచాడు. స్పిన్‌ను సమర్థవంతంగా ఆడతాడనే గుర్తింపును మరింత పెంచుకుంటూ... ఈసారి మిడిల్‌ ఓవర్స్‌లో భారీ షాట్లతో విరుచుకుపడి పరుగులు రాబట్టాడు. అందుకే సీజన్‌ మొత్తంలో 43 ఫోర్లే కొట్టిన అయ్యర్‌... 39 సిక్స్‌లతో అత్యధిక సిక్స్‌లు కొట్టిన వారి జాబితాలో నికోలస్‌ పూరన్‌ (40) తర్వాత రెండో స్థానంలో నిలిచాడు. ముంబైపై అసమాన పోరాటం ఇక క్వాలిఫయర్‌–2లో ముంబై ఇండియన్స్‌పై శ్రేయస్‌ ఆడిన ఇన్నింగ్స్‌ గురించి ఎంత చెప్పినా తక్కువే. బుమ్రా యార్కర్లను ఎదుర్కొనేందుకు మహామహులు ఇబ్బంది పడుతున్న తరుణంలో అతడు దాన్ని షార్ట్‌థర్డ్‌ మ్యాన్‌ దిశగా తరలించిన తీరు చూసి తీరాల్సిందే. ఆశలే లేని స్థితిలో అద్భుత పోరాటం కనబర్చిన ఈ ముంబైకర్‌... జట్టును ఒంటిచేత్తో ఫైనల్‌కు చేర్చాడు.‘అయ్యర్‌ అవుట్‌ అయినప్పుడే... పంజాబ్‌ పరాజయం ఖాయమైంది’ బెంగళూరుతో ఐపీఎల్‌ ఫైనల్‌ సందర్భంగా ప్రతి ఒక్కరి నోట వినిపించిన మాట ఇదే. అంతలా అభిమానుల నమ్మకాన్ని సంపాదించుకున్న శ్రేయస్‌... చేతి వరకు వచ్చిన కప్పు చేజారుతున్నా కాస్త కూడా చలించలేదు. చిరకాల కల నెరవేరడంతో ప్రపంచ మేటి ఆటగాడు విరాట్‌ కోహ్లి చిన్నపిల్లాడిలా వెక్కివెక్కి ఏడుస్తుంటే... సుదీర్ఘ కాలం ఫ్రాంఛైజీకి ప్రాతినిధ్యం వహించినా.. జట్టును విజేతగా నిలపలేకపోయిన ఏబీ డివిలియన్స్, క్రిస్‌ గేల్‌ వంటి దిగ్గజ ప్లేయర్లు సంబరాల్లో భాగమైపోయారు. ఇక ఆర్‌సీబీ అభిమానుల ఆనందానికైతే అవధులే లేవు! తన చుట్టూ ఇంత జరుగుతున్నా కనీసం ముఖ కవలికల్లో సైతం మార్పు కనబడని అయ్యర్‌ నింపాదిగా వచ్చే ఏడాది చూసుకుందాం అన్నట్లు ముందుకు సాగిపోయాడు. భవిష్యత్తు వన్డే కెప్టెన్‌! మైదానం బయట నుంచి పాంటింగ్‌ జట్టును తీర్చిదిద్దితే... ఆ వ్యూహాలను గ్రౌండ్‌లో ఆచరణలో పెట్టడంలో అయ్యర్‌ విజయవంతమయ్యాడు. బౌన్సీ పిచ్‌పై కైల్‌ జెమీసన్‌తో బ్యాక్‌ ఆఫ్‌ ది లెంత్‌ బంతులు వేయించడం... ముంబైతో మ్యాచ్‌లో వైడ్‌ యార్కర్లు వేసే విధంగా విజయ్‌ కుమార్‌ వైశాఖ్‌కు దిశానిర్దేశం చేయడం... అవసరమైనప్పుడు ‘నకల్‌ బాల్స్‌’ వేసే విధంగా ప్రోత్సహించడం ఇలా... ఒకటా రెండా సీజన్‌ ఆసాంతం శ్రేయస్‌ కెప్టెన్సీలో తనదైన పదును చూపాడు. క్వాలిఫయర్‌–2లో శశాంక్‌ సింగ్‌ నిర్లక్ష్యంతో రనౌట్‌ అయన సందర్భంలో సారథిగా అతడిపై ఆగ్రహం వ్యక్తం చేసిన అయ్యర్‌... ప్రియాన్‌‡్ష, ప్రభ్‌సిమ్రన్‌ వంటి యువ ఆటగాళ్లను పెద్దన్నలా వెన్నుతట్టి ప్రోత్సహించాడు. ఐపీఎల్‌ జరుగుతున్న సమయంలోనే ఇంగ్లండ్‌తో టెస్టు సిరీస్‌ కోసం భారత జట్టును ఎంపిక చేయగా... అందులో అయ్యర్‌ పేరు లేకపోవడం చూసి పంజాబ్‌ కోచ్‌ పాంటింగ్‌ ఆశ్చర్యం వ్యక్తం చేశాడు. అయినా దాన్ని పెద్దగా పట్టించుకోని శ్రేయస్‌... గీతలో శ్రీకృష్ణుడు చెప్పినట్లు ‘నీ కర్తవ్యాన్ని నువ్వు నిర్వర్తించు... ఫలితం గురించి ఆలోచించకు’ అన్న రీతిలో ఐపీఎల్‌పైనే దృష్టి పెట్టాడు. ప్రస్తుతం టెస్టు, టి20 జట్లలో రెగ్యులర్‌ ఆటగాడు కాని 30 ఏళ్ల అయ్యర్‌... వన్డేల్లో మాత్రం రోహిత్‌ శర్మ రిటైర్మెంట్‌ తర్వాత నాయకత్వ రేసులో ముందు నిలవడం ఖాయమే!

17 ఏళ్ల సుదీర్ఘ విరామం తర్వాత ఆర్సీబీ ఐపీఎల్‌ ఛాంపియన్‌గా అవతరిం‍చింది. నిన్న (జూన్‌ 3) జరిగిన 2025 సీజన్‌ ఫైనల్లో ఆ జట్టు పంజాబ్‌ కింగ్స్‌పై 6 పరుగుల తేడాతో విజయం సాధించి తొలిసారి ఐపీఎల్‌ టైటిల్‌ను కైవసం చేసుకుంది. 18 సీజన్ల ప్రస్థానంలో నాలుగు సార్లు ఫైనల్‌కు చేరిన ఆర్సీబీ నాలుగో ప్రయత్నంలో చివరి మెట్టును దాటింది. ఈ టైటిల్‌ కోసం ఆర్సీబీ స్టార్‌ ఆటగాడు విరాట్‌ కోహ్లి కూడా 18 సీజన్లు వేచి చూడాల్సి వచ్చింది. 18 ఏళ్లుగా ఆర్సీబీకే ప్రాతినిథ్యం వహిస్తున్న విరాట్‌ ఎట్టకేలకు 18వ ఎడిషన్‌లో టైటిల్‌ కలను సాకారం చేసుకున్నాడు. ప్రతి సీజన్‌కు ముందు ఆర్సీబీ అభిమానులు ఈ సాలా కప్‌ నమదే అంటూ ఎదురుచూసేవారు. ఎట్టకేలకు వారి కల 18వ ప్రయత్నంలో సాకారమైంది.టైటిల్‌ గెలిచాక ఆర్సీబీ ఆటగాళ్లు ఉద్వేగభరితమైన సంబరాలు చేసుకున్నారు. విజయం ఖరారు కాగానే విరాట్‌ నెలకొరిగి కన్నీరు పెట్టుకోగా.. మిగతా ఆటగాళ్లంతా అతన్ని చుట్టుముట్టారు. ట్రోఫీ సెలబ్రేషన్స్‌ సందర్భంగా కెప్టెన్‌ పాటిదార్‌ విరాట్‌నే ట్రోఫీ లిఫ్ట్‌ చేయాల్సిందిగా కోరాడు. విరాట్‌ చిన్నపిల్లాడిలా మైమరచిపోయి సంబరాలు చేసుకున్నాడు. Swastik you can mock Shreyas Iyer's victory dance , but you can't replicate what he has achieved.Be humbled pic.twitter.com/ysRPubyUFI— RONIT. (@Hyperx96) June 3, 2025ఎక్స్‌ట్రా ప్లేయర్‌ స్వస్తిక్‌ చికారా విరాట్‌ను ఇంప్రెస్‌ చేసే క్రమంలో గంగ్నమ్‌ స్టయిల్‌ డ్యాన్స్‌ చేశాడు. 2013 ఛాంపియన్స్‌ ట్రోఫీ గెలిచిన తర్వాత విరాట్‌ కోహ్లి, 2025 ఛాంపియన్స్‌ ట్రోఫీ గెలిచాక శ్రేయస్‌ అయ్యర్‌ ఇదే తరహా సెలబ్రేషన్స్‌ చేసుకున్నారు. తాజాగా చికారా గంగ్నమ్‌ స్టయిల్‌ డ్యాన్స్‌ వేయడంతో శ్రేయస్‌ అయ్యర్‌ను ఎగతాళి చేశాడనే అభిప్రాయం కలుగుతుంది. ఆర్సీబీ వ్యతిరేకులు ఈ విషయాన్ని హైలైట్‌ చేస్తున్నారు. వాస్తవానికి ఆ సమయంలో చికారా శ్రేయస్‌ గురించి ఆలోచించకపోయి ఉండవచ్చు. కేవలం విరాట్‌ను ఇంప్రెస్‌ చేయడంలో భాగంగానే ఆ డ్యాన్స్‌ చేసి ఉండవచ్చు. ఈ సీజన్‌ ప్రారంభం నుంచి చికారా విరాట్‌ మెప్పు పొందడమే పనిగా పెట్టుకున్నాడు. విరాట్‌ ఎక్కడికెళ్లిన అతని పక్కనే చికారా ఉండేవాడు. 20 ఏళ్ల చికారాకు ఇదే తొలి ఐపీఎల్‌ సీజన్‌. ఈ సీజన్‌లో అతనికి ఒక్క మ్యాచ్‌ కూడా ఆడే అవకాశం రాలేదు. చికారాకు క్లీన్‌ హిట్టర్‌గా పేరుంది. భవిష్యత్తులో అతను విరాట్‌తో ఆడే అవకాశాలు లేకపోలేదు. విరాట్‌ మరికొన్ని సీజన్లు ఐపీఎల్‌ ఆడితే చికారా కల నెరవేరవచ్చు.

తొలి ఐపీఎల్ ట్రోఫీని ముద్దాడాల‌ని కలలు కన్న పంజాబ్ కింగ్స్‌కు మరోసారి నిరాశే ఎదురైంది. ఐపీఎల్‌-2025 సీజన్‌లో ఆఖరి మొట్టుపై పంజాబ్ బోల్తా పడింది. మంగళవారం అహ్మదాబాద్‌​ వేదికగా రాయల్ ఛాలెంజర్స్ బెంగళూరుతో జరిగిన ఫైనల్ పోరులో 6 పరుగుల తేడాతో పంజాబ్ ఓటమి పాలైంది.ఆర్సీబీ నిర్ధేశించిన 191 పరుగుల లక్ష్యాన్ని శ్రేయస్ సేన చేధించలేకపోయింది. లక్ష్య చేధనలో పంజాబ్ నిర్ణీత 20 ఓవర్లలో 7 వికెట్లు కోల్పోయి 184 పరుగులకే పరిమితమైంది. పంజాబ్ బ్యాటర్లలో శశాంక్ సింగ్‌(61), జోష్ ఇంగ్లిష్‌​(39) మినహా మిగితా అందరూ తీవ్ర నిరాశపరిచారు.ఆర్సీబీ బౌలర్లలో ప్లేయర్ ఆఫ్ ది మ్యాచ్ కృనాల్ పాండ్యా, భువనేశ్వర్‌​ కుమార్ తలా రెండు వికెట్లు పడగొట్టారు. ఇక ఈ హార్ట్‌బ్రేకింగ్ ఓటమిపై మ్యాచ్ అనంతరం పంజాబ్ కెప్టెన్ శ్రేయస్ అయ్యర్ స్పందించాడు. ఫైన‌ల్లో ఓట‌మి పాలైన‌ప్ప‌టికి.. ఈ టోర్నీ ఆసాంతం త‌మ కుర్రాళ్లు అద్బుత‌మైన ప్ర‌ద‌ర్శ‌న క‌న‌బ‌రిచార‌ని అయ్య‌ర్ కొనియాడాడు."ఈ మ్యాచ్‌లో ఓట‌మి మ‌మ్మ‌ల్ని తీవ్ర నిరాశ‌ప‌రిచింది. ఫైనల్లో ఓడినా మా కుర్రాళ్ళు ఆ సందర్భానికి త‌గ్గ‌ట్టు ఆడారు. ఈ మ్యాచ్‌లో ఆశించిన ఫ‌లితం మాకు ద‌క్క‌లేదు. కానీ మాకు మ‌ద్ద‌తుగా నిలిచిన సపోర్ట్ స్టాఫ్, టీమ్ మేనేజ్‌మెంట్‌, ప్ర‌తీ ఒక్క‌రికి క్రెడిట్ ఇవ్వాలి.మా యాజ‌మాన్యం కూడా చాలా స‌పోర్ట్ చేశారు. మా గ‌త మ్యాచ్ దృష్ట్యా 200 పరుగుల లక్ష్యం సులువు అనుకున్నాం. కానీ ఈ మ్యాచ్‌లో ఆర్సీబీ బౌల‌ర్లు అద్బుతంగా బౌలింగ్‌ చేశారు. ముఖ్యంగా కృనాల్ తన బౌలింగ్‌తో మ్యాచ్ స్వరూపాన్నే మార్చేశాడు. అతడికి చాలా అనుభవం ఉంది.తన ఎక్స్‌పీరియన్స్‌ను మరోసారి చూపించాడు. జట్టులోని ప్రతీ ఒక్కరూ బాగా రాణించారు. వారి ప్రదర్శన పట్ల చాలా గర్వంగా ఉంది. మా జట్టులోని చాలా మంది కుర్రాళ్లకు ఇదే తొలి సీజన్‌. అయిప్పటికి వారు ఫియర్‌లెస్ క్రికెట్ ఆడారు. వారందరికి అభినందనలు. వారు లేకపోయింటే మేము ఇక్కడివరకు వచ్చేవాళ్లం కాదు. మా పని ఇంకా పూర్తి కాలేదు. వచ్చే ఏడాది ట్రోఫీ గెలవడమే మా లక్ష్యం. ఈ టోర్నీలో మాకు చాలా సానుకూల అంశాలు ఉన్నాయి. యువ ఆటగాళ్లు ఈ సీజన్ నుంచి చాలా అనుభవాన్ని పొందారు. వచ్చే ఏడాది మరింత మెరుగైన ప్రదర్శన చేస్తారని అశిస్తున్నాను. కొత్త వ్యూహాలు, ప్రణాళికలతో మళ్లీ తిరిగివస్తామని" పోస్ట్ మ్యాచ్ ప్రెజెంటేషన్‌లో అయ్యర్ పేర్కొన్నాడు. కాగా ఈ మ్యాచ్‌లో అయ్యర్‌ కేవలం ఒక్క పరుగు మాత్రమే చేసి ఔటయ్యాడు.చదవండి: IPL 2025: చరిత్ర సృష్టించిన కృనాల్ పాండ్యా.. 18 ఏళ్లలో ఒకే ఒక్కడు

తొలి ఐపీఎల్ టైటిల్‌ను ముద్దాడేందుకు పంజాబ్ కింగ్స్ అడుగు దూరంలో నిలిచింది. ఐపీఎల్ 18వ సీజన్ ఫైనల్లో పంజాబ్ కింగ్స్ అడుగుపెట్టింది. ఆదివారం జరిగిన క్వాలిఫ‌య‌ర్‌-2లో ముంబై ఇండియ‌న్స్‌ను 5 వికెట్ల తేడాతో ఓడించిన పంజాబ్ కింగ్స్‌.. 11 ఏళ్ల త‌ర్వాత తుది పోరుకు ఆర్హ‌త సాధించింది. ఈ విజ‌యంలో పంజాబ్ కెప్టెన్ శ్రేయ‌స్ అయ్య‌ర్‌ది కీల‌క పాత్ర‌. 204 ప‌రుగుల భారీ ల‌క్ష్య చేధ‌న‌లో అయ్య‌ర్ అద్బుత‌మైన ఇన్నింగ్స్ ఆడాడు. సెకెండ్ డౌన్‌లో బ్యాటింగ్‌కు వ‌చ్చిన శ్రేయ‌స్‌.. ఆఖ‌రి వ‌ర‌కు క్రీజులో ఉండి మ్యాచ్‌ను ముగించాడు. అయ్య‌ర్ 41 బంతుల్లో 5 ఫోర్లు, 8 సిక్స్‌ల‌తో 87 ప‌రుగులు చేసి ప్లేయ‌ర్ ఆఫ్‌ది మ్యాచ్‌గా నిలిచాడు. మంగ‌ళ‌వారం జ‌ర‌గ‌నున్న ఫైన‌ల్ మ్యాచ్‌లో ఆర్సీబీ, పంజాబ్ జట్లు త‌ల‌ప‌డ‌నున్నాయి. ఇక ఇది ఇలా ఉండ‌గా.. ఎప్పుడూ ప్ర‌శాంతంగా క‌న్పించే శ్రేయ‌స్ అయ్య‌ర్ ఈ మ్యాచ్‌లో త‌న సహ‌నాన్ని కోల్పోయాడు. త‌న స‌హ‌చ‌ర ఆట‌గాడు శశాంక్ సింగ్‌ను ఆస‌భ్య‌ప‌ద‌జాలంతో దూషించాడు. మ్యాచ్ అనంత‌రం శ్రేయ‌స్ అయ్య‌ర్ త‌న టీమ్ మేట్స్‌కు, ప్ర‌త్య‌ర్ధి జ‌ట్టు ఆట‌గాళ్ల‌కు క‌ర‌చాల‌నం చేస్తూ ముందుకు సాగాడు. ఈ క్ర‌మంలో శ‌శాంక్ సింగ్‌కు షేక్ హ్యాండ్ ఇచ్చేందుకు నిరాక‌రించాడు. అంతేకాకుండా పరుష పదజాలం వాడి అత‌డిని తిట్టాడు కూడా. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. అయితే శ్రేయ‌స్ కోపానికి వెన‌క ఓ కార‌ణం ఉంది.అస‌లేమి జ‌రిగిదంటే?నేహాల్ వ‌ధేరా ఔట‌య్యాక శ‌శాంక్ సింగ్ క్రీజులోకి వ‌చ్చాడు. అయితే కీల‌క స‌మ‌యంలో బ్యాటింగ్‌కు వ‌చ్చిన శ‌శాంక్ కేవ‌లం మూడు బంతులు మాత్రమే ఆడి రనౌట‌య్యాడు. 17వ ఓవ‌ర్‌లో శ‌శాంక్ (2) మిడ్ ఆన్ దిశ‌గా షాట్ ఆడాడు. ర‌న్ కోసం పరిగెత్తాడు. ఈ క్ర‌మంలో అక్క‌డే ఉన్న ముంబై కెప్టెన్ హార్దిక్ పాండ్యా నాన్‌స్ట్రైక్ ఎండ్‌లో స్టంప్స్‌ను గిరాటేశాడు. థ‌ర్డ్ అంపైర్‌కు రిఫ‌ర్ చేయ‌గా రిప్లేలో శశాంక్ బ్యాట్ క్రీజుకు వెలుపుల ఉన్న‌ట్లు క‌న్పించింది.దీంతో థ‌ర్డ్ అంపైర్ ఔట్‌గా ప్ర‌క‌టించాడు. అయితే శ‌శాంక్ నిర్ల‌క్ష్యంగా ప‌రిగెత్త‌డంతోనే ఔట‌య్యాడు. క‌నీసం డైవ్ చేసి ఉన్నా ఔట‌య్యే ప్ర‌మాదం నుంచి ఈ పంజాబ్ ఆట‌గాడు త‌ప్పించుకుని ఉండేవాడు. కీల‌కమైన స‌మ‌యంలో శ‌శాంక్ నిర్ల‌క్ష్యంగా ర‌నౌట్ కావ‌డమే అయ్య‌ర్ అగ్ర‌హానికి కార‌ణ‌మైంది.చదవండి: IPL 2025: శ్రేయ‌స్ అయ్య‌ర్‌కు భారీ షాకిచ్చిన బీసీసీఐAfter the match is over, Shreyas Iyer is saying something angrily to Shashank Singh, tell me what is he saying?#shreyashiyar |#ShashankSingh #IPLPlayoffs |#PBKSvsMI pic.twitter.com/Eo7s7YHSgn— Irfan isak shaikh (@irfan_speak786) June 1, 2025

ఐపీఎల్‌ క్వాలిఫయర్-2 మ్యాచ్‌పై దర్శకధీరుడు ఎస్ఎస్ రాజమౌళి ట్వీట్ చేశారు. ముంబయితో జరిగిన ఈ మ్యాచ్‌లో పంజాబ్ కింగ్స్‌ అద్భుతమైన విజయం సాధించడంపై ప్రశంసలు కురిపించారు. అంతేకాకుండా బుమ్రా, బౌల్ట్ యార్కర్లను థర్ట్‌ మ్యాన్‌ దిశగా బౌండరీకి తరలించడంపై కెప్టెన్ శ్రేయస్ అ‍య్యర్‌ను కొనియాడారు. అతని బ్యాటింగ్ అద్భుతంగా ఉందని ట్వీట్ చేశారు.గతంలో ఢిల్లీ టీమ్‌ను ఫైనల్‌కు తీసుకొచ్చిన శ్రేయస్ అయ్యర్‌ను వదిలేశారని.. ఆ తర్వాత కోల్‌కతాకు ట్రోఫిని అందించినా శ్రేయస్‌ అయ్యర్‌ను మళ్లీ తీసుకోలేదని రాజమౌళి పోస్ట్ చేశారు. ఈ ఏడాది దాదాపు 11 ఏళ్ల తర్వాత పంజాబ్‌ను ఫైనల్‌ వరకు తీసుకొచ్చిన శ్రేయస్ అయ్యర్‌ టైటిల్‌ కొట్టేందుకు పూర్తిగా ‍అర్హుడని రాజమౌళి అభిప్రాయం వ్యక్తం చేశారు. అదే సమయంలో విరాట్ కోహ్లీ కొన్నేళ్లుగా బెంగళూరు తరపున వేల పరుగులు సాధించాడని.. కానీ టైటిల్‌ గెలిచేందుకు సమయం ఆసన్నమైందని రాసుకొచ్చాడు. ఈ ఐపీఎల్‌ ఫైనల్ మ్యాచ్‌లో ఫలితం ఏదైనా హార్ట్‌ బ్రేకింగ్‌ మాత్రం తప్పదని అంటున్నారు రాజమౌళి.ఎప్పుడు సినిమాలతో బిజీగా ఉండే మన దర్శకధీరుడు క్రికెట్‌పై ట్వీట్‌ చేయడంతో ఫ్యాన్స్ సంతోషం వ్యక్తం చేస్తున్నారు. ప్రస్తుతం ఆయన మహేశ్ బాబుతో ఓ భారీ అడ్వెంచరస్‌ మూవీని తెరకెక్కిస్తున్నారు. అమెజాన్ అడవుల నేపథ్యంలో ఈ సినిమా ఉండనుంది. ఇటీవలే ఒడిశాలో రాజమౌళి- మహేశ్ ‍బాబు సినిమా షూటింగ్ కూడా జరిగింది. ఈ చిత్రంలో బాలీవుడ్ భామ ప్రియాంక చోప్రా హీరోయిన్‌గా నటిస్తోంది. Iyer guiding Bumrah’s and Boult’s yorkers to the third man boundary… Exquisite…This man leads Delhi to a final… and is dropped…Leads Kolkata to a trophy… dropped…Leads a young Punjab to the finals after 11 years.He deserves this year’s trophy too…On the other hand,… pic.twitter.com/ws0anhcZ3l— rajamouli ss (@ssrajamouli) June 2, 2025

ఐపీఎల్‌-2025 సీజ‌న్ ఫైన‌ల్లో రాయ‌ల్ ఛాలెంజ‌ర్స్ బెంగ‌ళూరుతో త‌ల‌ప‌డే జ‌ట్టు ఏదో తేలిపోయింది. ఆదివారం అహ్మ‌దాబాద్ వేదిక‌గా జ‌రిగిన క్వాలిఫ‌య‌ర్‌-2లో ముంబై ఇండియ‌న్స్‌ను 5 వికెట్ల తేడాతో చిత్తు చేసిన పంజాబ్ కింగ్స్‌.. తుది పోరుకు ఆర్హ‌త సాధించింది.మంగ‌ళ‌వారం(జూన్ 3)న జ‌ర‌గ‌నున్న ఫైన‌ల్లో ఆర్సీబీ, పంజాబ్ తొలి టైటిల్ కోసం అమీతుమీ తెల్చుకోనున్నాయి. ఇక ఇది ఇలా ఉండ‌గా.. గెలుపు జోష్‌లో ఉన్న పంజాబ్ కింగ్స్ కెప్టెన్ శ్రేయ‌స్ అయ్య‌ర్‌కు భారీ షాక్ త‌గిలింది. ముంబై ఇండియ‌న్స్‌తో మ్యాచ్‌లో స్లో ఓవ‌ర్ రేటు మెయింటిన్ చేసినందుకుగానూ అయ్య‌ర్‌కు బీసీసీఐ జ‌రిమానా విధించింది. ఈ ఏడాది సీజ‌న్‌లో పంజాబ్ స్లో ఓవ‌ర్ రేట్‌ను న‌మోదు చేయ‌డం ఇది రెండోసారి. దీంతో ఐపీఎల్ ప్రవర్తనా నియమావళి ప్రకారం అయ్య‌ర్‌కు రూ.24 ల‌క్ష‌ల ఫైన్ విధించారు. "శ్రేయస్‌ అయ్యర్‌కు జరిమానా విధించాం. న‌రేంద్ర మోడీ స్టేడియం వేదిక‌గా ముంబై ఇండియ‌న్స్‌తో జ‌రిగిన మ్యాచ్‌లో స్లో ఓవర్ రేట్‌ను కొనసాగించినందుకు ఈ నిర్ణ‌యం తీసుకున్నాము. ఇది రెండో సారి అయినందున ఆర్టికల్ 2.22 ఐపీఎల్‌ కోడ్‌ ఆఫ్‌ కండక్ట్ ప్రకారం శ్రేయ‌స్‌కు రూ. 24 లక్షలు ఫైన్ వేశాము.మిగిలిన సభ్యులకు ఒక్కొక్కరికి వ్యక్తిగతంగా రూ. 6 లక్షలు లేదా వారి మ్యాచ్ ఫీజులో 25 శాతం, ఇందులో ఏది తక్కువైతే అది జరిమానా విధించ‌డం జ‌రిగింది’ అని ఐపీఎల్ అధికారులు వెల్ల‌డించారు. కాగా ఈ మ్యాచ్‌లో శ్రేయస్‌ అయ్యర్‌ అద్బుతమైన ఇన్నింగ్స్‌ ఆడాడు. అయ్య‌ర్ 41 బంతుల్లో 5 ఫోర్లు, 8 సిక్స్‌ల‌తో 87 ప‌రుగులు చేసి ఆజేయంగా నిలిచాడు. అతడి విధ్వంసకర ఇన్నింగ్స్ ఫలితంగా 204 పరుగుల లక్ష్యాన్ని పంజాబ్‌ కేవలం 19 ఓవర్లలోనే చేధించింది.చదవండి: అతడొక అత్యద్భుతం.. మేము అనుకున్న‌ది జ‌ర‌గలేదు: హార్దిక్‌

ఐపీఎల్‌-2025లో పంజాబ్ కింగ్స్ ఫైన‌ల్‌కు దూసుకెళ్లింది. ఆదివారం జ‌రిగిన క్వాలిఫ‌య‌ర్ 2లో ముంబై ఇండియ‌న్స్‌ను 5 వికెట్ల తేడాతో చిత్తు చేసిన పంజాబ్‌.. 11 ఏళ్ల త‌ర్వాత ఈ క్యాష్ రిచ్ లీగ్ ఫైన‌ల్లో అడుగుపెట్టింది. ముంబై ఇండియ‌న్స్ నిర్ధేశించిన 204 ప‌రుగుల ల‌క్ష్యాన్ని పంజాబ్ కింగ్స్ కేవ‌లం 5 వికెట్లు మాత్ర‌మే కోల్పోయి 19 ఓవ‌ర్ల‌లో చేధించింది. పంజాబ్ బ్యాట‌ర్ల‌లో శ్రేయ‌స్ అయ్య‌ర్ కెప్టెన్ ఇన్నింగ్స్ ఆడాడు. శ్రేయస్‌ అయ్యర్‌ (41 బంతుల్లో 87 నాటౌట్‌; 5 ఫోర్లు, 8 సిక్స్‌లు) ఆజేయంగా నిలిచి త‌న జ‌ట్టును ఫైన‌ల్‌కు చేర్చాడు. ఈ విజ‌యంతో శ్రేయ‌స్ అయ్య‌ర్ ఓ అరుదైన రికార్డును త‌న పేరిట లిఖించుకున్నాడు.18 ఏళ్ల‌లో ఒకే ఒక్క‌డు..18 ఏళ్ల ఐపీఎల్ చరిత్రలోనే మూడు వేర్వేరు జట్లను ఫైనల్ చేర్చిన తొలి కెప్టెన్‌గా శ్రేయ‌స్ రికార్డుల‌కెక్కాడు. 2018లో ఢిల్లీ క్యాపిటల్స్ (DC)తో తన ఐపీఎల్‌ కెరీర్‌ను ప్రారంభించిన శ్రేయస్‌.. 2020 సీజన్‌లో కెప్టెన్‌గా ఢిల్లీ జట్టును ఫైన‌ల్‌కు చేర్చాడు. దురుదృష్టవశాత్తూ ఆఖరి మెట్టుపై ఢిల్లీ బోల్తా పడింది. అనంతరం ఐపీఎల్‌-2024 సీజ‌న్‌లో శ్రేయ‌స్ కెప్టెన్‌గా కోల్‌క‌తా నైట్‌రైడ‌ర్స్‌ను ఫైనల్‌కు తీసుకెళ్లడమే కాకుండా టైటిల్ కూడా అందించాడు. ఇప్పుడు పంజాబ్‌ను ఫైన‌ల్‌కు చేర్చి ఈ ఘనతను తన పేరిట లిఖించుకున్నాడు. ఇక మంగ‌ళ‌వారం అహ్మ‌దాబాద్ వేదిక‌గా జ‌ర‌గ‌నున్న తుది పోరులో పంజాబ్ కింగ్స్‌, రాయ‌ల్ ఛాలెంజ‌ర్స్ బెంగ‌ళూరు త‌ల‌ప‌డ‌నున్నాయి.చదవండి:అతడొక అత్యుద్భుతం.. మేము అనుకున్న‌ది జ‌ర‌గలేదు: హార్దిక్‌

ఐపీఎల్‌-2025 సీజ‌న్‌లో ముంబై ఇండియ‌న్స్ పోరాటం ముగిసింది. ఆదివారం పంజాబ్ కింగ్స్‌తో జ‌రిగిన క్వాలిఫ‌య‌ర్‌-2లో 5 వికెట్ల తేడాతో ఓట‌మిపాలైన ముంబై ఇండియ‌న్స్‌.. ఈ టోర్నీ నుంచి ఇంటిముఖం ప‌ట్టింది. తొలుత బ్యాటింగ్‌లో అద‌ర‌గొట్టిన ముంబై, బౌలింగ్‌లో మాత్రం చేతులెత్తేసింది. ఆఖ‌రికి ఆ జ‌ట్టు ప్ర‌ధాన బౌల‌ర్ బుమ్రా సైతం తేలిపోయాడు. 204 ప‌రుగుల భారీ ల‌క్ష్యంతో బ‌రిలోకి పంజాబ్ కింగ్స్ 5 వికెట్లు కోల్పోయి 19 ఓవ‌ర్ల‌లో చేధించింది. పంజాబ్ కెప్టెన్ శ్రేయ‌స్ అయ్య‌ర్ అద్భుత ఇన్నింగ్స్ ఆడాడు. అయ్య‌ర్ 41 బంతుల్లో 5 ఫోర్లు, 8 సిక్స్‌ల‌తో 87 ప‌రుగులు చేసి త‌న జ‌ట్టును ఫైన‌ల్‌కు చేర్చాడు. అత‌డితో పాటు జోష్ ఇంగ్లిష్‌(38), వ‌ధేరా(48) కీల‌క ఇన్నింగ్స్‌లు ఆడారు. ముంబై బౌల‌ర్ల‌లో అశ్వినీ కుమార్ రెండు, బౌల్ట్‌, హార్దిక్ పాండ్యా త‌లా వికెట్ సాధించారు. బుమ్రా త‌న నాలుగు ఓవ‌ర్ల కోటాలో వికెట్ ఏమీ తీయ‌కుండా ఏకంగా 40 ప‌రుగులు స‌మ‌ర్పించుకున్నాడు. ఇక ఈ ఓట‌మిపై మ్యాచ్ అనంత‌రం ముంబై ఇండియ‌న్స్ కెప్టెన్ హార్దిక్ పాండ్యా స్పందించాడు. బ్యాటింగ్‌లో రాణించినా, బౌలింగ్‌లో విఫ‌ల‌మ‌య్యామ‌ని హార్దిక్ అన్నాడు."శ్రేయ‌స్ అయ్య‌ర్ ఆసాధ‌ర‌ణ ప్ర‌ద‌ర్శ‌న క‌న‌బ‌రిచాడు. అత‌డు ఆడిన షాట్లు అత్యద్భుతం. అయ్య‌ర్‌తో పాటు మిగిలిన బ్యాట‌ర్లు కూడా చాలా బాగా బ్యాటింగ్ చేశారు. మా ఇన్నింగ్స్ త‌ర్వాత ఈ టార్గెట్‌ను డిఫెండ్ చేసుకోవ‌చ్చు అని భావించామ‌. కానీ ఇటువంటి కీల‌క మ్యాచ్‌ల‌లో బౌలింగ్ యూనిట్ కూడా సమిష్టిగా రాణించ‌డం చాలా ముఖ్యం. ఈ మ్యాచ్‌లో మా బౌల‌ర్లు త‌మ ప్ర‌ణాళిక‌ల‌ను స‌రిగ్గా అమ‌లు చేయ‌లేక‌పోయారు. పంజాబ్ బ్యాట‌ర్లు చాలా ప్ర‌శాంతంగా కన్పించారు. వారు త‌మ అద్బుత బ్యాటింగ్‌తో మ‌మ్మ‌ల్ని ఒత్తిడిలోకి నెట్టారు. ఫ‌స్ట్ ఇన్నింగ్స్‌కు సెకెండ్ ఇన్నింగ్స్‌కు పిచ్‌లో పెద్ద‌గా మార్పులేదు. కొంచెం మంచు ప్ర‌భావం ఉన్న‌ప్ప‌ట‌కి దానిని మా ఓట‌మికి సాకుగా చెప్పాల‌నుకోవ‌డం లేదు. కెప్టెన్‌గా నేను కూడా అంత వ్యూహాత్మకంగా వ్యవహరించలేకపోయాను.సరైన లెంగ్త్‌లో బౌలింగ్ చేయడం, సరైన సమయంలో సరైన బౌలర్‌ను ఉపయోగించడం వంటివి చేసుంటే ఫలితం భిన్నంగా ఉండేది. బుమ్రాను స‌రైన స‌మ‌యంలో బౌలింగ్ చేయించాని నేను అనుకుంటున్నాను. ఎందుకంటే 17వ ఓవర్ వేయించి ఉంటే మరి తొందరయ్యేది.ఆ స‌మ‌యంలో 4 ఓవ‌ర్ల‌లో పంజాబ్ విజ‌యానికి 41 ప‌రుగులు అవ‌స‌ర‌మ‌య్యాయి. ఆఖ‌రి మూడు ఓవ‌ర్ల‌లో బుమ్రాతో ఓవ‌ర్ వేయించాల‌ని మేము ప్లాన్ చేశాము. 18 బంతులు మిగిలిఉన్నప్ప‌టికి బుమ్రా త‌న అనుభ‌వంతో ప్రత్యేకంగా ఏదైనా చేయగలడు అని భావించాము. కానీ దురదృష్టవశాత్తు మేము అనుకున్న‌ది ఈ రోజు జ‌ర‌గ‌లేదు" అని పోస్ట్ మ్యాచ్ ప్రెజెంటేష‌న్‌లో పాండ్యా పేర్కొన్నాడు. ఇక మంగ‌ళ‌వారం అహ్మ‌దాబాద్ వేదిక‌గా జ‌ర‌గ‌నున్న తుది పోరులో పంజాబ్ కింగ్స్‌, రాయ‌ల్ ఛాలెంజ‌ర్స్ బెంగ‌ళూరు త‌ల‌ప‌డ‌నున్నాయి.

అహ్మదాబాద్‌: ఐపీఎల్‌లో ఫైవ్‌స్టార్‌ చాంపియన్లు (ముంబై, చెన్నై), మూడుసార్లు విజేత (కోల్‌కతా)ను చూసిన ఫ్యాన్స్‌ ఈ సీజన్‌లో కొత్త చాంపియన్‌ను చూడబోతున్నారు. తొలి క్వాలిఫయర్లో తేలిపోయిన పంజాబ్‌ కింగ్స్‌ రెండో క్వాలిఫయర్‌లో జూలు విదిల్చింది. 11 ఏళ్ల తర్వాత (2014) ఐపీఎల్‌లో ఫైనల్‌కు చేరింది. ఆదివారం శ్రేయస్‌ అయ్యర్‌ నేతృత్వంలోని పంజాబ్‌ కింగ్స్‌ 5 వికెట్ల తేడాతో ముంబై ఇండియన్స్‌ను ఇంటికి పంపింది. రేపు జరిగే ఫైనల్లో బెంగళూరు, పంజాబ్‌ తొలి ఐపీఎల్‌ టైటిల్‌ కోసం తలపడతాయి. టాస్‌ ఓడి ముందుగా బ్యాటింగ్‌కు దిగిన ముంబై నిరీ్ణత 20 ఓవర్లలో 6 వికెట్ల నష్టానికి 203 పరుగులు చేసింది. సూర్యకుమార్‌ యాదవ్‌ (26 బంతుల్లో 44; 4 ఫోర్లు, 3 సిక్స్‌లు), ఠాకూర్‌ తిలక్‌ వర్మ (29 బంతుల్లో 44; 2 ఫోర్లు, 2 సిక్స్‌లు), నమన్‌ ధీర్‌ (18 బంతుల్లో 37; 7 ఫోర్లు) దంచేశారు. అజ్మ తుల్లా ఒమర్జాయ్‌ 2 వికెట్లు తీశాడు. తర్వాత లక్ష్యఛేదనకు దిగిన పంజాబ్‌ 19 ఓవర్లలో 5 వికెట్లకు 207 పరుగులు చేసి గెలిచింది. నాయకుడు శ్రేయస్‌ అయ్యర్‌ (41 బంతుల్లో 87 నాటౌట్‌; 5 ఫోర్లు, 8 సిక్స్‌లు) జట్టు గెలిచేదాకా నడిపించాడు. నేహల్‌ వధేరా (29 బంతుల్లో 48; 4 ఫోర్లు, 2 సిక్స్‌లు) రాణించాడు. గెలిపించిన అయ్యర్‌ పంజాబ్‌కు అంతపెద్ద లక్ష్యం ఛేదించడానికి అవసరమైన శుభారంభం దక్కలేదు. మూడో ఓవర్లో ప్రభ్‌సిమ్రన్‌ (6), కాసేపటికే ప్రియాన్ష్‌ ఆర్య (10 బంతుల్లో 20; 2 ఫోర్లు, 1 సిక్స్‌) దూకుడుకు చుక్కెదురైంది. దీంతో పవర్‌ప్లేలోనే ఓపెనర్ల వికెట్లను కోల్పోయిన 64/2 స్కోరు చేసింది. ఇన్‌గ్లిస్‌ (21 బంతుల్లో 38; 5 ఫోర్లు, 2 సిక్స్‌లు) దంచేసే ఆటను పాండ్యా అడ్డుకున్నాడు. దీంతో 72 పరుగులకే టాపార్డర్‌ వికెట్లను కోల్పోయింది. కెప్టెన్‌ శ్రేయస్‌ అయ్యర్, నేహల్‌ వాధేరా జట్టు స్కోరును వంద దాటించారు. 12 ఓవర్లలో 109/3 స్కోరు చేసిన పంజాబ్‌... విజయానికి 48 బంతుల్లో 95 పరుగులు కష్టమనిపించింది. టాప్లీ 13వ ఓవర్లో అయ్యర్‌ కొట్టిన వరుస 3 సిక్స్‌లు, ఆ వెంటనే బౌల్ట్‌ బౌలింగ్‌లో వాధేరా కొట్టిన బౌండరీలతో ఈ రెండు ఓవర్లలోనే 33 పరుగులు సాధించడంతో కింగ్స్‌ రేసులో పడింది. నాలుగో వికెట్‌కు 84 పరుగులు జోడించాక వాధేర అవుటయ్యాడు. శశాంక్‌ (2) రనౌటైనా... 27 బంతుల్లో అర్ధసెంచరీ పూర్తి చేసుకున్న అయ్యర్‌ భారీ సిక్స్‌లతో కింగ్స్‌ను గెలిపించాడు. దంచేసిన తిలక్, సూర్య రోహిత్‌ (8), బెయిర్‌స్టో (38)ల తర్వాత తిలక్, సూర్యకుమార్‌ అడపాదడపా మెరుపులతో జట్టు స్కోరు 10 ఓవర్లలో 100 పరుగులు దాటింది. ఈ జోడీ నిలబడి దూకుడు పెంచడంతో పరుగులు వేగంగా వచ్చాయి. చహల్‌ ఓవర్లో సిక్సర్‌ బాదిన సూర్యకుమార్‌... జేమీసన్‌ ఓవర్లో రెండు బౌండరీలు కొట్టాడు. ఇదే జోరుతో 4, 6 కొట్టిన అతన్ని చహల్‌ అవుట్‌ చేయడంతో మూడో వికెట్‌కు 72 పరుగుల భాగస్వామ్యం ముగిసింది. మరుసటి ఓవర్లోనే తిలక్‌ను జేమీసన్‌ పెవిలియన్‌ చేర్చాడు. అయితే నమన్‌ ధీర్‌ ధనాధన్‌ బౌండరీలతో ఓవర్‌కు సగటున 10 రన్‌రేట్‌తో ముంబై స్కోరు దూసుకెళ్లింది. ఆఖరి ఓవర్లో నమన్‌ అవుట్‌ కాగా జట్టు 200 మార్క్‌ దాటింది. స్కోరు వివరాలు ముంబై ఇండియన్స్‌ ఇన్నింగ్స్‌: రోహిత్‌ శర్మ (సి) వైశాక్‌ (బి) స్టొయినిస్‌ 8; బెయిర్‌స్టో (సి) ఇన్‌గ్లిస్‌ (బి) వైశాక్‌ 38; తిలక్‌ వర్మ (సి) ప్రియాన్ష్‌ (బి) జేమీసన్‌ 44; సూర్యకుమార్‌ (సి) వధేరా (బి) చహల్‌ 44; హార్దిక్‌ పాండ్యా (సి) ఇన్‌గ్లిస్‌ (బి) అజ్మతుల్లా 15; నమన్‌ (సి) స్టొయినిస్‌ (బి) అజ్మతుల్లా 37; రాజ్‌ (నాటౌట్‌) 8; సాంట్నర్‌ (నాటౌట్‌) 0; ఎక్స్‌ట్రాలు 9; మొత్తం (20 ఓవర్లలో 6 వికెట్లకు) 203. వికెట్ల పతనం: 1–19, 2–70, 3–142, 4–142, 5–180, 6–197. బౌలింగ్‌: అర్‌‡్షదీప్‌ సింగ్‌ 4–0–44–0, జేమీసన్‌ 4–0–30–1, స్టొయినిస్‌ 1–0–14–1, అజ్మతుల్లా 4–0–43–2, వైశాక్‌ 3–0–30–1, చహల్‌ 4–0–39–1. పంజాబ్‌ కింగ్స్‌ ఇన్నింగ్స్‌: ప్రియాన్ష్‌ (సి) హార్దిక్‌ (బి) అశ్వని 20; ప్రభ్‌సిమ్రన్‌ (సి) టాప్లీ (బి) బౌల్ట్‌ 6; ఇన్‌గ్లిస్‌ (సి) బెయిర్‌స్టో (బి) హార్దిక్‌ 38; శ్రేయస్‌ అయ్యర్‌ (నాటౌట్‌) 87; వధేరా (సి) సాంట్నర్‌ (బి) అశ్వని 48; శశాంక్‌ (రనౌట్‌) 2; స్టొయినిస్‌ (నాటౌట్‌) 2; ఎక్స్‌ట్రాలు 4; మొత్తం (19 ఓవర్లలో 5 వికెట్లకు) 207. వికెట్ల పతనం: 1–13, 2–55, 3–72, 4–156, 5–173. బౌలింగ్‌: బౌల్ట్‌ 4–0–38–1, టాప్లీ 3–0– 40–0, బుమ్రా 4–0–40–0, అశ్వని 4–0–55–2, సాంట్నర్‌ 2–0–15–0, పాండ్యా 2–0–19–1.

ఐపీఎల్‌-2025 క్వాలిఫ‌య‌ర్‌-1లో పంజాబ్ కింగ్స్‌కు ఘోర పరాభవం ఎదురైంది. గురువారం ముల్లాన్‌పూర్ వేదిక‌గా ఆర్సీబీతో జ‌రిగిన తొలి క్వాలిఫ‌య‌ర్ మ్యాచ్‌లో 8 వికెట్ల తేడాతో పంజాబ్ ఓట‌మి పాలైంది. ఈ మ్యాచ్‌లో పంజాబ్ బ్యాట‌ర్లు తీవ్ర నిరాశ‌ప‌రిచారు. ఆర్సీబీ బౌల‌ర్ల ధాటికి పంజాబ్ బ్యాట‌ర్లు విల్ల‌విల్లాడారు.దీంతో తొలుత బ్యాటింగ్ చేసిన పంజాబ్ కేవ‌లం 101 ప‌రుగుల‌కే ఆలౌటైంది. ఆ ల‌క్ష్యాన్ని ఆర్సీబీ ప‌ది ఓవ‌ర్ల‌లోనే ఛేదించి విజ‌యం సాధించింది. అయితే ఈ మ్యాచ్‌లో దారుణ ప్ర‌ద‌ర్శ‌న క‌న‌బ‌రిచిన పంజాబ్ కెప్టెన్ శ్రేయ‌స్ అయ్య‌ర్‌పై ఆస్ట్రేలియా మాజీ క్రికెటర్ టామ్ మూడీ విమ‌ర్శ‌ల వ‌ర్షం కురిపించారు.ప‌రిస్థితుల‌కు త‌గ్గ‌ట్టు బ్యాటింగ్ చేయ‌డం నేర్చుకో అయ్య‌ర్ అంటూ ఆయ‌న మండిప‌డ్డారు. కాగా కీల‌క స‌మ‌యంలో క్రీజులోకి వ‌చ్చిన అయ్య‌ర్ ఏ మాత్రం ప్ర‌భావం చూప‌లేక‌పోయాడు. బాధ్యతాయుతంగా ఆడాల్సిన శ్రేయ‌స్‌.. హాజిల్‌వుడ్ బౌలింగ్‌లో భారీ షాట్‌కు ప్ర‌య‌త్నించి వికెట్ కీప‌ర్‌కు దొరికిపోయాడు. శ్రేయ‌స్ కేవ‌లం రెండు 2 పరుగులు మాత్రమే చేసి పెవిలియ‌న్‌కు చేరాడు.అదేవిధంగా టీ20ల్లో అయ్య‌ర్‌పై హాజిల్‌వుడ్‌కు మంచి రికార్డు ఉంది. ఈ ఆసీస్ స్పీడ్ స్టార్ అయ్య‌ర్‌ను నాలుగు సార్లు టీ20ల్లో ఔట్ చేశాడు. అయిన‌ప్ప‌టికి అత‌డి బౌలింగ్‌లో నిర్ల‌క్ష్యంగా షాట్ ఆడి అయ్య‌ర్ ఔట‌య్యాడ‌ని మూడీ వంటి దిగ్గ‌జాలు విమ‌ర్శ‌లు గుప్పిస్తున్నారు."శ్రేయ‌స్ అయ్య‌ర్ ప‌రిస్థితులకు త‌గ్గ‌ట్టు ఏ మాత్రం ఆడ‌లేదు. కెప్టెన్‌గా త‌న బాధ్య‌త‌ను కూడా మ‌ర్చిపోయాడు. గ‌తంలో చాలా సార్లు త‌నను హాజిల్‌వుడ్ ఔట్ చేశాడ‌ని అయ్య‌ర్‌కు బాగా తెలుసు. అయిన‌ప్ప‌టికి జాగ్ర‌త్త‌గా ఆడ‌కుండా ఈగోకి పోయి త‌న వికెట్‌ను స‌మ‌ర్పించుకున్నాడు. కొన్నిసార్లు మ‌న అహాన్ని జేబులో పెట్టుకుని ముందుకు సాగాలి. అప్పుడే విజ‌యాలు సాధించ‌గ‌ల‌ము" అని మూడీ పేర్కొన్నారు. కాగా ఈ ఏడాది సీజ‌న్ అసాంతం త‌న కెప్టెన్సీ, బ్యాటింగ్‌తో ఆక‌ట్టుకున్న శ్రేయ‌స్‌.. కీల‌క‌మైన మ్యాచ్‌లో మాత్రం విఫ‌ల‌మై విమ‌ర్శ‌ల‌ను ఎదుర్కొంటున్నాడు.

ఐపీఎల్‌-2025లో గురువారం ముల్లాన్​పుర్ వేదికగా ఆర్సీబీతో జ‌రిగిన‌ క్వాలిఫయర్‌ 1లో పంజాబ్ కింగ్స్ దారుణ ప్ర‌ద‌ర్శ‌న క‌న‌బ‌రిచింది. బ్యాటింగ్‌, బౌలింగ్‌లో విఫ‌ల‌మైన పంజాబ్‌.. 8 వికెట్ల తేడాతో ఘోర ఓట‌మి చ‌విచూసింది. దీంతో ఫైన‌ల్ చేరేందుకు ఇప్పుడు క్వాలిఫ‌య‌ర్‌-2లో త‌ల‌ప‌డాల్సి వ‌చ్చింది. ఈ మ్యాచ్‌లో మొద‌ట బ్యాటింగ్ పంజాబ్ కింగ్స్.. ఆర్సీబీ బౌల‌ర్ల ధాటికి 14.1 ఓవ‌ర్ల‌లోనే కేవ‌లం 101 ప‌రుగుల‌కే కుప్ప‌కూలింది.స్టోయినిష్‌(26) టాప్ స్కోర‌ర్‌గా నిల‌వ‌గా.. మిగితా ప్లేయ‌ర్లంతా దారుణంగా విఫ‌ల‌మ‌య్యారు. ఈ ఘోర ఓట‌మిపై మ్యాచ్ అనంత‌రం పంజాబ్ కెప్టెన్ శ్రేయ‌స్ అయ్య‌ర్ స్పందించాడు. బ్యాటింగ్ వైఫ‌ల్యం కార‌ణంగానే ఓట‌మిపాలైమ‌ని అయ్య‌ర్ అంగీక‌రించాడు. ఈ ఓట‌మిపై మ్యాచ్ అనంత‌రం పంజాబ్ కెప్టెన్ శ్రేయ‌స్ అయ్య‌ర్ స్పందించాడు."ఈ రోజును అంత‌వేగంగా మ‌ర్చిపోలేము. డ్రెస్సింగ్ రూమ్‌కు తిరిగి వెళ్లి త‌ప్పు ఎక్క‌డ జ‌రిగిందో చ‌ర్చిస్తాము. ఏదేమైనప్పటికీ ఒక బ్యాటింగ్ యూనిట్‌గా తీవ్ర నిరాశ‌ప‌రిచాము. వ‌రుస క్ర‌మంలో వికెట్లు కోల్పోయాయు. అయితే కెప్టెన్‌గా నేను తీసుకున్న నిర్ణ‌యాల‌పై నాకు ఎటువంటి సందేహం లేదు. మైదానంలో గానీ, మైదానం వెలుప‌ల గానీ మేము అన్ని ఆలోచించాకే ఏ నిర్ణ‌య‌మైనా తీసుకుంటాము. ఈ మ్యాచ్‌లో మాత్రం మా ప్ర‌ణాళిక‌ల‌ను స‌రిగ్గా అమ‌లు చేయ‌లేక‌పోయాము. అలా అని బౌలర్లను కూడా త‌ప్పుబ‌ట్ట‌లేము. ఎందుకంటే మా బౌల‌ర్లు డిఫెండ్ చేసుకోవడానికి ఈ టోట‌ల్ సరిపోదు. ముల్లాన్‌పూర్ పిచ్‌ను మేము స‌రిగ్గా అంచ‌నా వేయ‌లేక‌పోయాము. ఈ వికెట్‌పై బ్యాటింగ్ ప‌రంగా మ‌రింత ప్రాక్టీస్ చేసి ఉంటే బాగుండేది. ఈ మైదానంలో మేము ఆడిన మూడు మ్యాచ్‌ల‌లోనూ బౌన్స్ ఎక్కువ‌గా ఉంది. అయితే మేము ప్రొఫెషనల్ క్రికెట‌ర్లు కాబట్టి, ఇటువంటి సాకులు చెప్పాల‌ని అనుకోవ‌డం లేదు. ప‌రిస్థితులు ఎలా ఉన్న అందుకు త‌గ్గ‌ట్టు బ్యాటింగ్ చేయాలి. ఇది చిన్న ఓట‌మి మాత్ర‌మే.. యుద్దం ఇంకా పూర్తిగా ముగియ‌లేదు" అని పోస్ట్ మ్యాచ్ ప్రెజెంటేష‌న్‌లో అయ్య‌ర్ పేర్కొన్నాడు.చదవండి: IPL 2025: ఏంటి కోహ్లి ఇది.. నీ స్దాయికి ఇది త‌గునా? ఫ్యాన్స్ కౌంట‌ర్‌

ఐపీఎల్‌-2025 సీజ‌న్ ముగిసిన వెంట‌నే భార‌త జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నుంది. ఈ ప‌ర్య‌ట‌న‌లో భాగంగా ఇంగ్లీష్ జ‌ట్టుతో టీమిండియా ఐదు మ్యాచ్‌ల టెస్టు సిరీస్‌లో త‌ల‌ప‌డ‌నుంది. జూన్ 20 నుంచి ఈ సిరీస్ ప్రారంభం కానుంది. ఇప్ప‌టికే ఈ సిరీస్ కోసం భార‌త జ‌ట్టును బీసీసీఐ ప్ర‌క‌టించింది. భార‌త టెస్టు కెప్టెన్‌గా రోహిత్ శ‌ర్మ స్ధానంలో శుబ్‌మ‌న్ గిల్ ఎంపికయ్యాడు. అదేవిధంగా టీమిండియా టెస్టు వైస్ కెప్టెన్‌గా శుబ్‌మ‌న్ గిల్ నియ‌మితుడ‌య్యాడు. అయితే ఈ జ‌ట్టులో అద్బుత‌మైన ఫామ్‌లో ఉన్న‌ మిడిలార్డ‌ర్ బ్యాట‌ర్ శ్రేయస్ అయ్య‌ర్‌కు చోటు ద‌క్క‌క‌పోవ‌డం తీవ్ర చ‌ర్చ‌నీయాంశ‌మైంది.శ్రేయస్ అయ్యర్ స్థానంలో యువ ఆట‌గాడు సాయి సుదర్శన్‌కు సెల‌క్ట‌ర్లు చోటిచ్చారు. తాజాగా సెల‌క్ట‌ర్ల నిర్ణ‌యంపై భార‌త మాజీ క్రికెట‌ర్ మహమ్మద్ కైఫ్ అసంతృప్తి వ్య‌క్తం చేశాడు. సుద‌ర్శ‌న్ బ‌దులుగా అనుభ‌వం ఉన్న అయ్య‌ర్‌కు ఛాన్స్ ఇవ్వాల్సంద‌ని కైఫ్ అభిప్రాయ‌ప‌డ్డాడు."సాయి సుదర్శన్ ఒక అద్బుత‌మైన ఆట‌గాడు, అందులో ఎటువంటి సందేహం లేదు. ఐపీఎల్ సీజ‌న్‌లో బాగా రాణించ‌డంతో అత‌డిని టెస్టు జ‌ట్టులోకి తీసుకున్నారు. అదే స‌మ‌యంలో శ్రేయ‌స్ అయ్య‌ర్ కూడా మంచి ఫామ్‌లో ఉన్నాడు. గ‌త కొంత‌కాలంగా మూడు ఫార్మాట్ల‌లోనూ అత‌డు నిల‌క‌డ‌గా రాణిస్తున్నాడు. వన్డే ప్రపంచ కప్‌-2023, ఛాంపియన్స్ ట్రోఫీలో కూడా అయ్య‌ర్‌ దాదాపు 550 పరుగులు చేశాడు. ప్ర‌స్తుతం ఐపీఎల్‌లో కూడా అద్బుతంగా ఆడుతున్నాడు. కెప్టెన్‌గా అత‌డు విజ‌య‌వంత‌మ‌య్యాడు. సుద‌ర్శ‌న్‌ను వైట్ క్రికెట్ ప్ర‌ద‌ర్శ‌న ఆధారంగా టెస్టు జ‌ట్టులోకి తీసుకున్న‌ప్పుడు, మ‌రి అయ్య‌ర్ విష‌యంలో ఏమైంద‌ని" సెల‌క్ట‌ర్ల‌పై కైఫ్ మండిప‌డ్డాడు.ఇంగ్లండ్ టూర్‌కు భారత జట్టుశుభ్‌మన్ గిల్ (కెప్టెన్‌), రిషభ్ పంత్ (వైస్ కెప్టెన్), యశస్వి జైశ్వాల్, కేఎల్ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, నితీశ్ కుమార్ రెడ్డి, రవీంద్ర జడేడా, ధ్రువ్ జురెల్, వాషింగ్టన్ సుదంర్, శార్దుల్ ఠాకూర్, జస్ప్రీత్‌ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్షదీప్ సింగ్, కుల్‌దీప్ యాదవ్

ఇంగ్లండ్‌తో టెస్టు సిరీస్‌కు 18 స‌భ్యుల‌తో కూడిన భార‌త జ‌ట్టును బీసీసీఐ ఇటీవ‌లే ప్ర‌కటించిన సంగ‌తి తెలిసిందే. ఈ జ‌ట్టుకు కెప్టెన్‌గా శుబ్‌మ‌న్ గిల్‌, అత‌డి డిప్యూటీగా వికెట్ కీపర్ రిష‌బ్ పంత్ ఎంపిక‌య్యాడు. సాయిసుద‌ర్శ‌న్‌, అర్ష‌దీప్ సింగ్ వంటి యువ ఆట‌గాళ్ల‌కు తొలి భార‌త టెస్టు జ‌ట్టులో చోటు ద‌క్కింది.అదేవిధంగా క‌రుణ్ నాయ‌ర్‌, శార్ధూల్ ఠాకూర్ వంటి వెట‌ర‌న్ ఆట‌గాళ్లకు సెల‌క్ట‌ర్లు తిరిగి పిలుపునిచ్చారు. అయితే ఈ జ‌ట్టులో మిడిలార్డ‌ర్ బ్యాట‌ర్ శ్రేయ‌స్ అయ్య‌ర్‌కు చోటు ద‌క్క‌లేదు. రంజీ ట్రోఫీ సహా ఫస్ట్‌ క్లాస్‌ క్రికెట్‌లో కూడా చక్కటి రికార్డు ఉన్న అయ్యర్‌ పేరును సెల‌క్ట‌ర్లు పరిశీలించకపోవడం ఆశ్చర్యపర్చింది.క్రికెటేతర కారణాలతో అతడిని పక్కన పెడుతున్నట్లు వార్తలు వచ్చాయి. తాజాగా ఇదే విష‌యంపై భార‌త హెడ్ కోచ్ గౌతమ్‌ గంభీర్‌ను ప్ర‌శ్నించ‌గా సూటిగా సమాధానం ఇవ్వలేదు. ‘నేను సెలక్టర్‌ను కాదు’ అంటూ ఒక్క ముక్కలో గంభీర్‌ స్పందించాడు.కానీ ఐపీఎల్‌ ఫైనల్‌కు త్రివిధ దళాల అధిపతులను ఆహ్వానించినందుకు బీసీసీఐని గంభీర్‌ ప్రశంసించాడు. అది నమ్మశక్యం కాని నిర్ణయమని అన్నాడు. దేశం మొత్తం మ‌న సాయుధ ద‌ళాల‌కు సెల్యూట్ చేయాల‌ని గంభీర్ పేర్కొన్నాడు. కాగా భార‌త్‌-ఇంగ్లండ్ మ‌ధ్య ఈ ఐదు మ్యాచ్‌ల సిరీస్ జూన్ 20 నుంచి ప్రారంభం కానుంది. వ‌ర‌ల్డ్ టెస్టు ఛాంపియ‌న్‌షిప్ సైకిల్‌2025-27లో భాగంగా జ‌ర‌గ‌నుంది.చదవండి: IPL 2025: రిషబ్ పం‍త్‌కు భారీ షాకిచ్చిన బీసీసీఐ

ఐపీఎల్ 2025లో పంజాబ్ కింగ్స్ త‌మ ఆఖ‌రి లీగ్ మ్యాచ్‌లో అద‌ర‌గొట్టింది. జైపూర్ వేదిక‌గా ముంబై ఇండియ‌న్స్‌తో జ‌రిగిన మ్యాచ్‌లో 7 వికెట్ల తేడాతో పంజాబ్ ఘ‌న విజ‌యం సాధించింది. దీంతో పంజాబ్ పాయింట్ల ప‌ట్టిక‌లో అగ్ర‌స్ధానాన్ని కైవ‌సం చేసుకోంది.ఇక ఈ మ్యాచ్‌లో ముందుగా బ్యాటింగ్‌కు దిగిన ముంబై ఇండియన్స్ నిర్ణీత‌ 20 ఓవర్లలో 7 వికెట్ల నష్టానికి 184 పరుగులు చేసింది. సూర్యకుమార్‌ (39 బంతుల్లో 57; 6 ఫోర్లు, 2 సిక్స్‌లు), కెప్టెన్‌ హార్దిక్‌ పాండ్యా (15 బంతుల్లో 26; 2 ఫోర్లు, 2 సిక్స్‌లు) ధాటిగా ఆడారు. అర్ష్‌దీప్‌, యాన్సెన్, వైశాక్‌ తలా 2 వికెట్లు ప‌డ‌గొట్టారు.అనంతరం పంజాబ్‌ కింగ్స్‌ 18.3 ఓవర్లలో 3 వికెట్లే కోల్పోయి 187 పరుగులు చేసి గెలిచింది. జోష్‌ ఇన్‌గ్లిస్‌ (42 బంతుల్లో 73; 9 ఫోర్లు, 3 సిక్స్‌లు), ప్రియాన్ష్‌ ఆర్య (35 బంతుల్లో 62; 9 ఫోర్లు, 2 సిక్స్‌లు) ఆకాశమే హద్దుగా చెలరేగారు. ముంబై బౌల‌ర్ల‌లో సాంట్నర్ రెండు వికెట్లు ప‌డ‌గొట్ట‌గా.. బుమ్రా ఒక్క వికెట్ సాధించారు. ఈ విజ‌యంతో పంజాబ్ కింగ్స్ కెప్టెన్ శ్రేయ‌స్ అయ్య‌ర్ ఓ అరుదైన రికార్డును త‌న ఖాతాలో వేసుకున్నాడు.చ‌రిత్ర సృష్టించిన శ్రేయస్‌..ఐపీఎల్ చరిత్రలో మూడు వెర్వేరు జట్లును క్వాలిఫయర్స్‌కు తీసుకెళ్లిన ఏకైక కెప్టెన్‌గా అయ్యర్ రికార్డులకెక్కాడు. 2018లో ఢిల్లీ క్యాపిటల్స్ (DC)తో తన ఐపీఎల్‌ కెరీర్‌ను ప్రారంభించిన శ్రేయస్‌.. 2020 సీజన్‌లో ఢిల్లీ జట్టును కెప్టెన్‌గా రెండవ స్ధానానికి చేర్చాడు.సెకెండ్ క్వాలిఫయర్‌లో గెలిచిన ఢిల్లీ క్యాపిటల్స్‌.. దురుదృష్టవశాత్తూ ఆఖరి మెట్టుపై బోల్తా పడింది. అనంతరం ఐపీఎల్‌-2024 పాయింట్ల పట్టికలో శ్రేయస్ సారథ్యంలోని కోల్‌కతా నైట్ రైడర్స్ (KKR) అగ్రస్దానంలో నిలిచింది. ఫైనల్లో ఎస్‌ఆర్‌హెచ్‌ను చిత్తు చేసి మూడో ఐపీఎల్ టైటిల్‌ను కేకేఆర్ సొంతం చేసుకుంది. ఇప్పుడు పంజాబ్‌ను క్వాలిఫయర్స్‌కు చేర్చి ఈ ఘనతను తన పేరిట లిఖించుకున్నాడు.చదవండి: బెంగళూరుకు ‘ఆఖరి’ చాన్స్‌

పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ ఖాతాలో అనవసర రికార్డు వచ్చి చేరింది. ఐపీఎల్‌ చరిత్రలో 200 ప్లస్‌ లక్ష్యాలను డిఫెండ్‌ చేసుకునే క్రమంలో అత్యధిక పరాజయాలు ఎదుర్కొన్న కెప్టెన్‌గా అపఖ్యాతిని మూటగట్టుకున్నాడు.శ్రేయస్‌ ఐపీఎల్‌లో ఇప్పటివరకు నాలుగు 200 ‍ప్లస్‌ లక్ష్యాలను కాపాడుకోవడంలో విఫలమయ్యాడు. శ్రేయస్‌ తర్వాత ఈ చెత్త రికార్డును ఎంఎస్‌ ధోని, ఫాఫ్‌ డుప్లెసిస్‌, శుభ్‌మన్‌ గిల్‌ సంయుక్తంగా షేర్‌ చేసుకున్నారు. వీరు ముగ్గురు తలో మూడు సందర్భాల్లో 200 ‍ప్లస్‌ లక్ష్యాలను కాపాడుకోవడంలో విఫలమయ్యారు.ఐపీఎల్‌ 2025లో భాగంగా నిన్న (మే 24) ఢిల్లీ క్యాపిటల్స్‌ చేతిలో ఎదురైన పరాభవం తర్వాత శ్రేయస్‌ ఈ చెత్త రికార్డును సొంతం చేసుకున్నాడు. ఈ మ్యాచ్‌లో శ్రేయస్‌ సారథ్యం వహించిన పంజాబ్‌.. 207 పరుగుల లక్ష్యాన్ని కాపాడుకోలేకపోయింది. ఢిల్లీ మరో 3 బంతులు మిగిలుండగానే 4 వికెట్లు కోల్పోయి లక్ష్యాన్ని విజయవంతంగా ఛేదించింది.శ్రేయస్‌ సారథ్యంలో 200 ప్లస్‌ టార్గెట్‌ను నిలువరించుకోలేకపోయిన సందర్భాలు..2024 సీజన్‌లో రాజస్థాన్‌ రాయల్స్‌పై 223 పరుగులు (కేకేఆర్‌ కెప్టెన్‌గా)2024 సీజన్‌లో పంజాబ్‌ కింగ్స్‌పై 261 పరుగులు (కేకేఆర్‌ కెప్టెన్‌గా)2025 సీజన్‌లో ఎస్‌ఆర్‌హెచ్‌పై 245 పరుగులు (పంజాబ్‌ కెప్టెన్‌గా)2025 సీజన్‌లో ఢిల్లీ క్యాపిటల్స్‌పై 206 పరుగులు (పంజాబ్‌ కెప్టెన్‌గా)జట్ల విషయానికొస్తే.. 200 ప్లస్‌ లక్ష్యాలను అత్యధిక సార్లు నిలువరించుకోలేకపోయిన జట్టుగా పంజాబ్‌ కింగ్స్‌ అపఖ్యాతిని మూటగట్టుకుంది. ఈ జట్టు ఇప్పటివరకు ఏడు సందర్భాల్లో 200 ప్లస్‌ లక్ష్యాలను కాపాడుకోలేకపోయింది. పంజాబ్‌ తర్వాత ఆర్సీబీ, సీఎస్‌కే అత్యధిక సార్లు ఈ అపఖ్యాతిని మూటగట్టుకున్నాయి.200 ప్లస్‌ లక్ష్యాలను అ‍త్యధిక సార్లు కాపాడుకోలేకపోయిన జట్లు..పంజాబ్‌- 7ఆర్సీబీ- 6సీఎస్‌కే- 5కేకేఆర్‌- 4గుజరాత్‌- 4రాజస్థాన్‌- 2ఎస్‌ఆర్‌హెచ్‌- 2ఢిల్లీ- 2ఎల్‌ఎస్‌జీ- 2నిన్నటి పంజాబ్‌-ఢిల్లీ మ్యాచ్‌ విషయానికొస్తే.. ఈ మ్యాచ్‌లో పంజాబ్‌ 200 ప్లస్‌ లక్ష్యాన్ని సెట్‌ చేసిన కూడా కాపాడుకోలేకపోయింది. టాస్ ఓడి తొలుత బ్యాటింగ్ చేసిన పంజాబ్‌కు ఆదిలోనే ఎదురుదెబ్బ త‌గిలింది. ఓపెన‌ర్ ప్రియాన్ష్ ఆర్య (6)ను ముస్తాఫిజుర్ ర‌హ్మాన్ సింగిల్ డిజిట్ స్కోరు వ‌ద్ద పెవిలియ‌న్‌కు పంపాడు.అయితే, మ‌రో ఓపెన‌ర్ ప్ర‌భ్‌సిమ్ర‌న్ సింగ్ (18 బంతుల్లో 28), జోష్ ఇంగ్లిస్ (12 బంతుల్లో 32) క‌లిసి ఇన్నింగ్స్ చ‌క్క‌దిద్దారు. ఇక శ్రేయ‌స్ అయ్య‌ర్ కెప్టెన్ ఇన్నింగ్స్‌తో మెరిశాడు. 34 బంతుల్లో 53 ప‌రుగులు సాధించాడు. కానీ శ్రేయ‌స్ అవుటైన త‌ర్వాత పంజాబ్ ఇన్నింగ్స్ మ‌ళ్లీ నెమ్మ‌దిగా సాగింది.నేహాల్ వ‌ధేరా (16), శ‌శాంక్ సింగ్ (11) నిరాశ‌ప‌ర‌చ‌గా.. మార్క‌స్ స్టొయినిస్ మెరుపుల‌తో పంజాబ్ 200 ప‌రుగుల మార్కు దాటింది. స్టొయినిస్ 16 బంతుల్లో 44 ప‌రుగులతో రాణించాడు. ఆఖ‌ర్లో హ‌ర్‌ప్రీత్ బ్రార్ 2 బంతుల్లో 7 ప‌రుగుల‌తో స్టొయినిస్‌తో క‌లిసి నాటౌట్‌గా నిలిచాడు.ఢిల్లీ బౌల‌ర్ల‌లో ముస్తాఫిజుర్ ర‌హ్మాన్ మూడు వికెట్లు తీయ‌గా.. విప్రాజ్ నిగ‌మ్‌, కుల్దీప్ యాద‌వ్ రెండేసి వికెట్లు ప‌డ‌గొట్టారు. ముకేశ్ కుమార్ ఒక వికెట్ త‌న ఖాతాలో వేసుకున్నాడు.అనంతరం 207 ప‌రుగుల భారీ ల‌క్ష్యంతో బ‌రిలోకి దిగిన ఢిల్లీ క్యాపిట‌ల్స్ దూకుడుగా ఇన్నింగ్స్ ఆరంభించింది. ఓపెన‌ర్లు కేఎల్ రాహుల్, ఫాఫ్ డుప్లెసిస్ ధాటిగా ఆడ‌టంతో ఐదు ఓవ‌ర్ల‌లోనే 50 ప‌రుగులు చేసింది. అయితే, ఆరో ఓవ‌ర్ మూడో బంతికి రాహుల్ (21 బంతుల్లో 35) మార్కో యాన్సెన్ బౌలింగ్‌లో అవుట్ కాగా.. ప‌వ‌ర్ ప్లే ముగిసే స‌రికి ఢిల్లీ వికెట్ న‌ష్టానికి 61 ప‌రుగులు చేసింది.ఆ త‌ర్వాతి ఓవ‌ర్ల‌లో డుప్లెసిస్ (15 బంతుల్లో 23) కూడా అవుట‌య్యాడు. వ‌న్‌డౌన్ బ్యాట‌ర్ క‌రుణ్ నాయ‌ర్ (27 బంతుల్లో 44) మెరుపులు మెరిపించ‌గా .. నాలుగో స్థానంలో బ్యాటింగ్ చేసిన సెదీకుల్లా అట‌ల్ (22) ఫ‌ర్వాలేద‌నిపించాడు. ఈ క్ర‌మంలో ఇన్నింగ్స్ చ‌క్క‌దిద్దే బాధ్య‌త తీసుకున్న స‌మీర్ రిజ్వీ ధ‌నాధ‌న్ దంచికొట్టాడు. 22 బంతుల్లో 50 ప‌రుగులు చేసిన అత‌డు.. తొలి ఐపీఎల్ హాఫ్ సెంచ‌రీ న‌మోదు చేశాడు.మొత్తంగా 25 బంతుల్లో మూడు ఫోర్లు, ఐదు సిక్స‌ర్ల సాయంతో 58 ప‌రుగుల‌తో అజేయంగా నిలిచాడు. ఆఖ‌ర్లో ట్రిస్ట‌న్ స్ట‌బ్స్ 18 ప‌రుగుల‌తో అత‌డికి తోడుగా నిలిచాడు. ఈ క్ర‌మంలో మ‌రో మూడు బంతులు మిగిలి ఉండ‌గానే ఢిల్లీ ల‌క్ష్యాన్ని అందుకుంది. పంజాబ్ బౌల‌ర్ల‌లో హ‌ర్‌ప్రీత్ బ్రార్ రెండు, మార్కో యాన్సెన్‌, ప్ర‌వీణ్ దూబే ఒక్కో వికెట్ తీశారు. కాగా అగ్ర స్థానంపై క‌న్నేసిన పంజాబ్‌ ఈ ఓట‌మితో పాయింట్ల ప‌ట్టిక‌లో రెండో స్థానంలోనే కొన‌సాగుతోంది. ప్రస్తుతం 17 పాయింట్ల‌తో ఉన్న పంజాబ్ ఆఖ‌రిదైన మ్యాచ్‌లో ముంబై ఇండియ‌న్స్‌పై గెలిస్తేనే టాప్‌-2లో నిలిచే అవ‌కాశం ఉంటుంది.

ఐపీఎల్‌-2025 సీజ‌న్‌ను ఢిల్లీ క్యాపిట‌ల్స్ విజ‌యంతో ముగించింది. పంజాబ్ కింగ్స్‌తో శనివారం నాటి మ్యాచ్‌లో ఆరు వికెట్ల తేడాతో జ‌య‌భేరి మోగించింది. పంజాబ్ విధించిన 207 ప‌రుగుల భారీ ల‌క్ష్యంతో బ‌రిలోకి దిగిన ఢిల్లీ క్యాపిట‌ల్స్ దూకుడుగా ఇన్నింగ్స్ ఆరంభించింది. ఓపెన‌ర్లు కేఎల్ రాహుల్, ఫాఫ్ డుప్లెసిస్ ధాటిగా ఆడ‌టంతో ఐదు ఓవ‌ర్ల‌లోనే 50 ప‌రుగులు చేసింది. అయితే, ఆరో ఓవ‌ర్ మూడో బంతికి రాహుల్ (21 బంతుల్లో 35) మార్కో యాన్సెన్ బౌలింగ్‌లో అవుట్ కాగా.. ప‌వ‌ర్ ప్లే ముగిసే స‌రికి ఢిల్లీ వికెట్ న‌ష్టానికి 61 ప‌రుగులు చేసింది.ఆ త‌ర్వాతి ఓవ‌ర్ల‌లో డుప్లెసిస్ (15 బంతుల్లో 23) కూడా అవుట‌య్యాడు. వ‌న్‌డౌన్ బ్యాట‌ర్ క‌రుణ్ నాయ‌ర్ (27 బంతుల్లో 44) మెరుపులు మెరిపించ‌గా .. నాలుగో స్థానంలో బ్యాటింగ్ చేసిన సెదీకుల్లా అట‌ల్ (22) ఫ‌ర్వాలేద‌నిపించాడు. ఈ క్ర‌మంలో ఇన్నింగ్స్ చ‌క్క‌దిద్దే బాధ్య‌త తీసుకున్న స‌మీర్ రిజ్వీ ధ‌నాధ‌న్ దంచికొట్టాడు. 22 బంతుల్లో 50 ప‌రుగులు చేసిన అత‌డు.. తొలి ఐపీఎల్ హాఫ్ సెంచ‌రీ న‌మోదు చేశాడు.మొత్తంగా 25 బంతుల్లో మూడు ఫోర్లు, ఐదు సిక్స‌ర్ల సాయంతో 58 ప‌రుగుల‌తో అజేయంగా నిలిచాడు. ఆఖ‌ర్లో ట్రిస్ట‌న్ స్ట‌బ్స్ 18 ప‌రుగుల‌తో అత‌డికి తోడుగా నిలిచాడు. ఈ క్ర‌మంలో మ‌రో మూడు బంతులు మిగిలి ఉండ‌గానే ఢిల్లీ ల‌క్ష్యాన్ని అందుకుంది. ఇక పంజాబ్ బౌల‌ర్ల‌లో హ‌ర్‌ప్రీత్ బ్రార్ రెండు, మార్కో యాన్సెన్‌, ప్ర‌వీణ్ దూబే ఒక్కో వికెట్ తీశారు. కాగా అగ్ర స్థానంపై క‌న్నేసిన పంజాబ్‌ ఈ ఓట‌మితో పాయింట్ల ప‌ట్టిక‌లో రెండో స్థానంలోనే కొన‌సాగుతోంది. ప్రస్తుతం 17 పాయింట్ల‌తో ఉన్న పంజాబ్ ఆఖ‌రిదైన మ్యాచ్‌లో ముంబై ఇండియ‌న్స్‌పై గెలిస్తేనే టాప్‌-2లో నిలిచే అవ‌కాశం ఉంటుంది. శ్రేయ‌స్ ఫిఫ్టీ, స్టొయినిస్ మెరుపులుఢిల్లీ క్యాపిట‌ల్స్‌తో మ్యాచ్‌లో పంజాబ్ కింగ్స్ భారీ స్కోరు సాధించింది. జైపూర్ వేదిక‌గా శ‌నివారం నాటి ఈ మ్యాచ్‌లో నిర్ణీత 20 ఓవ‌ర్ల‌లో ఎనిమిది వికెట్ల న‌ష్టానికి 206 ప‌రుగులు చేసింది. టాస్ ఓడి తొలుత బ్యాటింగ్ చేసిన పంజాబ్‌కు ఆదిలోనే ఎదురుదెబ్బ త‌గిలింది. ఓపెన‌ర్ ప్రియాన్ష్ ఆర్య (6)ను ముస్తాఫిజుర్ ర‌హ్మాన్ సింగిల్ డిజిట్ స్కోరు వ‌ద్ద పెవిలియ‌న్‌కు పంపాడు.అయితే, మ‌రో ఓపెన‌ర్ ప్ర‌భ్‌సిమ్ర‌న్ సింగ్ (18 బంతుల్లో 28), జోష్ ఇంగ్లిస్ (12 బంతుల్లో 32) క‌లిసి ఇన్నింగ్స్ చ‌క్క‌దిద్దారు. ఇక శ్రేయ‌స్ అయ్య‌ర్ కెప్టెన్ ఇన్నింగ్స్‌తో మెరిశాడు. 34 బంతుల్లో 53 ప‌రుగులు సాధించాడు. కానీ శ్రేయ‌స్ అవుటైన త‌ర్వాత పంజాబ్ ఇన్నింగ్స్ మ‌ళ్లీ నెమ్మ‌దిగా సాగింది.నేహాల్ వ‌ధేరా (16), శ‌శాంక్ సింగ్ (11) నిరాశ‌ప‌ర‌చ‌గా.. మార్క‌స్ స్టొయినిస్ మెరుపుల‌తో పంజాబ్ 200 ప‌రుగుల మార్కు దాటింది. స్టొయినిస్ 16 బంతుల్లో 44 ప‌రుగులతో రాణించాడు. ఆఖ‌ర్లో హ‌ర్‌ప్రీత్ బ్రార్ 2 బంతుల్లో 7 ప‌రుగుల‌తో స్టొయినిస్‌తో క‌లిసి నాటౌట్‌గా నిలిచాడు.ఇక‌ ఢిల్లీ బౌల‌ర్ల‌లో ముస్తాఫిజుర్ ర‌హ్మాన్ మూడు వికెట్లు తీయ‌గా.. విప్రాజ్ నిగ‌మ్‌, కుల్దీప్ యాద‌వ్ రెండేసి వికెట్లు ప‌డ‌గొట్టారు. ముకేశ్ కుమార్ ఒక వికెట్ త‌న ఖాతాలో వేసుకున్నాడు.

ఇంగ్లండ్‌తో టెస్టు సిరీస్‌కు 18 స‌భ్యుల‌తో కూడిన భార‌త జ‌ట్టును బీసీసీఐ శ‌నివారం ప్ర‌క‌టించింది. కొత్త టెస్టు కెప్టెన్‌గా శుబ్‌మ‌న్ గిల్‌ను ఎంపిక చేసిన బీసీసీఐ సెల‌క్ష‌న్ క‌మిటీ.. క‌రుణ్ నాయ‌ర్‌, కుల్దీప్ యాద‌వ్‌, శార్దూల్ ఠాకూర్‌లను తిరిగి పిలుపునిచ్చింది. అయితే ఛీప్ సెల‌క్ట‌ర్‌ అజిత్ అగార్కర్ అండ్ కో ఎంపిక చేసిన ఈ జ‌ట్టుపై భిన్న‌భిప్రాయాలు వ్య‌క్త‌మ‌వుతున్నాయి. ముఖ్యంగా స్టార్ బ్యాట‌ర్ శ్రేయ‌స్ అయ్య‌ర్‌ను ప‌క్క‌న పెట్ట‌డాన్ని చాలా మంది త‌ప్పుబడుతున్నారు. ఇటీవ‌ల కాలంలో అయ్య‌ర్ దేశ‌వాళీ క్రికెట్‌తో పాటు అంత‌ర్జాతీయ క్రికెట్‌లో అద్బుత‌మైన ప్ర‌ద‌ర్శ‌న క‌న‌బ‌రిచాడు. భార‌త్ ఛాంపియ‌న్స్ ట్రోఫీని సొంతం చేసుకోవ‌డంలోనూ శ్రేయ‌స్‌ది కీల‌క పాత్ర‌.అదేవిధంగా 2024-25 రంజీ ట్రోఫీ సీజ‌న్‌లో శ్రేయస్ అయ్యర్ కేవ‌లం ఏడు ఇన్నింగ్స్‌లలో 68.57 సగటుతో 480 పరుగులు చేశాడు. అయ్య‌ర్ ఫార్మాట్‌తో సంబంధం లేకుండా దుమ్ము లేపుతున్నాడు. ఐపీఎల్‌-2025లో కెప్టెన్‌గా, ఆట‌గాడిగా ఈ ముంబై బ్యాట‌ర్ అద‌ర‌గొడుతున్నాడు. అయితే గ‌తేడాది మాత్రం అయ్య‌ర్ టెస్టుల్లో చెప్పుకోద‌గ్గ ప్ర‌ద‌ర్శ‌న చేయ‌లేక‌పోయాడు.శ్రేయ‌స్‌ గత 12 ఇన్నింగ్స్‌లలో 17 సగటుతో 187 పరుగులు మాత్రమే చేయగలిగాడు. అందుకే సెలెక్టర్లు అత‌డిని ప‌క్క‌న పెట్టి ఫామ్‌లో ఉన్న కరుణ్ నాయర్‌ను తిరిగి జట్టులోకి తీసుకున్నారు. ఏదేమైనా ప్ర‌స్తుత ఫామ్‌ను ప‌రిగణ‌లోకి తీసుకుని అయ్య‌ర్‌ను ఇంగ్లండ్ ప‌ర్య‌ట‌నకు ఎంపిక చేసి ఉంటే బాగుండేంది అని ప‌లువురు మాజీలు అభిప్రాయ‌ప‌డుతున్నారు.అయ్య‌ర్ జ‌ట్టులో ఉంటే మిడిలార్డ‌ర్ ప‌టిష్టంగా ఉంటుంద‌ని మ‌రి కొంద‌రు సోష‌ల్ మీడియాలో పోస్ట్‌లు పెడుతున్నారు. శ్రేయ‌స్ అయ్య‌ర్ అభిమానులైతే ఒక‌డుగు ముందుకు వేసి సెల‌క్ట‌ర్లపై విమ‌ర్శ‌ల వ‌ర్షం కురిపిస్తున్నారు. కెప్టెన్‌ కావాల్సిన ఆటగాడికి పూర్తిగా జట్టులోనే ఛాన్స్‌ ఇవ్వరా అంటూ మండిపడుతున్నారు. శ్రేయ‌స్ అయ్య‌ర్ ఇప్ప‌టివ‌ర‌కు 14 టెస్టులు ఆడి 36.86 స‌గ‌టుతో 811 ప‌రుగులు చేశాడు. అత‌డి ఇన్నింగ్స్‌ల‌లో 5 హాఫ్ సెంచ‌రీల‌తో పాటు ఒక సెంచ‌రీ ఉంది.ఇంగ్లండ్‌ టూర్‌కు భారత జట్టు: శుబ్‌మన్ గిల్ (కెప్టెన్‌), రిషబ్ పంత్, యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వ‌ర‌న్‌, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్, వాషింగ్టన్ సుందర్, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్చదవండి: IND vs ENG: టీమిండియా టెస్టు కెప్టెన్‌గా శుబ్‌మన్‌ గిల్‌.. అధికారిక ప్రకటన

ఐపీఎల్‌ చరిత్రలో అత్యంత విజయవంతమైన సారధుల్లో ఒకడైన శ్రేయస్‌ అయ్యర్‌ మరో కలికితురాయిని తన కీర్తి కిరీటంపై అమర్చుకున్నాడు. ఐపీఎల్‌ చరిత్రలో మూడు వేర్వేరు ఫ్రాంచైజీలను ప్లే ఆఫ్స్‌కు చేర్చిన తొలి, ఏకైక కెప్టెన్‌గా రికార్డు సాధించాడు. 2020 సీజన్‌లో ఢిల్లీ క్యాపిటల్స్‌ను రన్నరప్‌గా నిలబెట్టిన శ్రేయస్‌.. గత సీజన్‌లో (2024) కేకేఆర్‌ను ఛాంపియన్‌గా నిలిపాడు. ఈ సీజన్‌లో పంజాబ్‌ ఫ్రాంచైజీ శ్రేయస్‌పై భారీ అంచనాలతో ఐపీఎల్‌ చరిత్రలోనే రెండో అత్యధిక ధర (రూ. 26.75 కోట్లు) వెచ్చించి సొంతం చేసుకుంది. అంచనాలకు తగ్గట్టుగానే శ్రేయస్‌ తన తొలి ప్రయత్నంలోనే పంజాబ్‌ను ప్లే ఆఫ్స్‌కు చేర్చాడు. నిన్న (మే 18) రాజస్థాన్‌ రాయల్స్‌పై విజయం సాధించడంతో పంజాబ్‌ ప్లే ఆఫ్స్‌కు చేరింది. ఆ జట్టు 11 ఏళ్ల తర్వాత ఈ ఘనత సాధించింది. చివరిగా 2014 సీజన్‌లో పంజాబ్‌ ప్లే ఆఫ్స్‌కు చేరింది. ఇప్పుడు తిరిగి శ్రేయస్‌ నేతృత్వంలో మరోసారి నాకౌట్‌ దశకు అర్హత సాధించింది. శ్రేయస్‌ తనుకు మాత్రమే సాధ్యమైన వైవిధ్యభరితమైన కెప్టెన్సీతో పంజాబ్‌ను ప్లే ఆఫ్స్‌కు చేర్చాడు. ఈ సీజన్‌లో పంజాబ్‌ శ్రేయస్‌ నేతృత్వంలో ఇప్పటివరకు ఆడిన 12 మ్యాచ్‌ల్లో 8 విజయాలు (ఓ మ్యాచ్‌ రద్దు) సాధించి 17 పాయింట్లతో (0.389) పట్టికలో మూడో స్థానంలో ఉంది. ప్లే ఆఫ్స్‌కు ముందు ఆ జట్టు మరో రెండు మ్యాచ్‌లు ఆడాల్సి ఉంది. ఈ మ్యాచ్‌లు పట్టికలో పంజాబ్‌ స్థానాన్ని డిసైడ్‌ చేస్తాయి. పంజాబ్‌ తమ చివరి రెండు లీగ్‌ మ్యాచ్‌ల్లో ఢిల్లీ క్యాపిటల్స్‌ (మే 24), ముంబై ఇండియన్స్‌తో (మే 26) తలపడాల్సి ఉంది.కాగా, నిన్న రాజస్థాన్‌ రాయల్స్‌తో జరిగిన మ్యాచ్‌లో పంజాబ్‌ 10 పరుగుల తేడాతో విజయం సాధించి, సీజన్‌లో ఎనిమిదో విజయం నమోదు చేసింది. ఈ సీజన్‌లో చాలా మ్యాచ్‌ల్లో లాగే రాజస్థాన్‌ ఈ మ్యాచ్‌లోనూ గెలిచే స్థితిలో ఉండి ఓటమిపాలైంది. చివరి రెండు ఓవర్లలో కేవలం 30 పరుగులు మాత్రమే చేయాల్సి ఉండగా.. 19 పరుగులకు మాత్రమే పరిమితమైంది.బ్యాటింగ్‌కు అనుకూలించే పిచ్‌పై తొలుత బ్యాటింగ్‌ చేసిన పంజాబ్‌ భారీ స్కోర్‌ (219/5) చేసింది. నేహల్‌ వధేరా (37 బంతుల్లో 70; 5 ఫోర్లు, 5 సిక్స్‌లు), శశాంక్‌ సింగ్‌ (30 బంతుల్లో 59 నాటౌట్‌; 5 ఫోర్లు, 3 సిక్స్‌లు) దంచి కొట్టారు. ప్రభ్‌సిమ్రన్‌ (21), శ్రేయస్‌ అయ్యర్‌ (30), అజ్మతుల్లా ఒమర్‌జాయ్‌ (21 నాటౌట్‌) ఓ మోస్తరు స్కోర్లతో పర్వాలేదనిపించగా.. ప్రియాంశ్‌ ఆర్య (9), మిచెల్‌ ఓవెన్‌ (0) విఫలమయ్యారు. రాయల్స్‌ బౌలర్లలో తుషార్‌ దేశ్‌పాండే 2, మపాకా, రియాన్‌ పరాగ్‌, ఆకాశ్‌ మధ్వాల్‌ తలో వికెట్‌ తీశారు.అనంతరం భారీ లక్ష్యఛేదనకు దిగిన రాజస్తాన్‌ 20 ఓవర్లలో 7 వికెట్లు కోల్పోయి 209 పరుగులు చేసి ఓడింది. ధ్రువ్‌ జురేల్‌ (31 బంతుల్లో 53; 3 ఫోర్లు, 4 సిక్స్‌లు), యశస్వి జైస్వాల్‌ (25 బంతుల్లో 50; 9 ఫోర్లు, 1 సిక్స్‌), వైభవ్‌ సూర్యవంశీ (15 బంతుల్లో 40; 4 ఫోర్లు, 4 సిక్స్‌లు) రాయల్స్‌ను గెలిపించేందుకు విఫలయత్నం చేశారు. అయితే ‘ప్లేయర్‌ ఆఫ్‌ ద మ్యాచ్‌’ హర్‌ప్రీత్‌ బ్రార్‌ 3 వికెట్లు తీసి ఆ జట్టును దెబ్బకొట్టాడు. జన్సెన్‌, ఒమర్‌జాయ్‌ తలో రెండు వికెట్లు తీసి రాయల్స్‌ను దెబ్బకొట్టడంలో తమవంతు పాత్ర పోషించారు.

భార‌త్‌-పాకిస్తాన్ మ‌ధ్య ఉద్రిక్త‌ల కార‌ణంగా వాయిదా ప‌డిన ఐపీఎల్‌-2025 సీజ‌న్ తిరిగి శ‌నివారం నుంచి ప్రారంభం కానుంది. చిన్నస్వామి స్టేడియం వేదిక‌గా రాయల్ ఛాలెంజర్స్ బెంగళూరు, కోల్‌కతా నైట్ రైడర్స్ మ‌ధ్య మ్యాచ్‌తో ఈ క్యాష్ రిచ్ లీగ్ సీజ‌న్ రీ స్టార్ట్ కానుంది. అయితే ఈ టోర్నీలో మిగిలిన మ్యాచ్‌ల‌కు చాలా మంది విదేశీ ఆట‌గాళ్లు దూర‌మ‌య్యారు. ఈ ఏడాది సీజ‌న్ వారం రోజుల పాటు వాయిదా ప‌డ‌డంతో ఫార‌న్ ప్లేయ‌ర్లు త‌మ స్వ‌దేశాల‌కు వెళ్లిపోయారు. ఈ క్ర‌మంలో స్వ‌దేశానికి వెళ్లిపోయిన ఆట‌గాళ్ల‌లో కొంత మంది తిరిగి భార‌త్‌కు రావ‌డానికి నిరాక‌రించారు. కొంత‌మంది జాతీయ విధుల కార‌ణంగా దూరంగా ఉంటే, మ‌రి కొంతమంది వ్య‌క్తిగత కార‌ణాల వ‌ల్ల ఐపీఎల్‌లో పాల్గోనేందుకు తిరిగి రాలేదు.సౌతాఫ్రికాకు చెందిన ఆట‌గాళ్లు భార‌త్‌కు వ‌చ్చిన‌ప్ప‌టికి ప్లే ఆఫ్స్‌కు మాత్రం అందుబాటులో ఉండేది అనుమాన‌మే. ఈ నేప‌థ్యంలో పంజాబ్ కింగ్స్ షేర్ చేసిన ఓ వీడియో ప్ర‌స్తుతం సోష‌ల్ మీడియాలో వైర‌లవుతోంది.ఆ వీడియోలో ఏముందంటే?ఐపీఎల్‌-2025 సెకెండ్ లెగ్ కోసం జోష్ ఇంగ్లిస్, మార్కస్ స్టోయినిస్, జోష్ హేజిల్‌వుడ్, మార్కో జాన్సెన్ వంటి ఆట‌గాళ్లు తిరిగి వ‌స్తారా? లేదా అని ఇద్ద‌రు వ్యక్తులు సీరియ‌స్‌గా చర్చించుకుంటారు. ఆ స‌మ‌యంలో పంజాబ్ కింగ్స్ కెప్టెన్ శ్రేయ‌స్ అయ్య‌ర్ జోక్యం చేసుకుని.. "మీరు మాట్లాడుకుంటున్న వాళ్లంతా నిజంగా టాలెంటెడ్ క్రికెటర్లే.కానీ ఇది 'ఇండియన్' ప్రీమియర్ లీగ్ అని గుర్తుపెట్టుకోండి అని చెప్పి అక్క‌డ నుంచి వెళ్లిపోతాడు. ఐపీఎల్‌ కొనసాగడానికి ఫారన్‌ ప్లేయర్స్‌ వస్తానే కాదు, ఇండియన్‌ ప్లేయర్స్‌ ఉంటే చాలు అని ఉద్దేశంతో అయ్యర్‌ అన్నాడు.Yatra pratibha avsara prapnotihi! ❤️ pic.twitter.com/UBRjCs8Bua— Punjab Kings (@PunjabKingsIPL) May 17, 2025

విరాట్‌ కోహ్లి (Virat Kohli) రిటైర్మెంట్‌ కారణంగా టీమిండియా సెలక్టర్లకు కొత్త చిక్కు వచ్చి పడింది. టెస్టు జట్టులో ఈ దిగ్గజ ఆటగాడి స్థానాన్ని భర్తీ చేసే సరైన ప్లేయర్‌ కోసం సెలక్షన్‌ కమిటీ వేట కొనసాగిస్తోంది. బ్యాటింగ్‌ ఆర్డర్‌లో కీలకమైన నాలుగో స్థానంలో ఎవరిని ఆడించాలన్నది తలనొప్పిగా మారింది.టీమిండియాలో అతడికి చోటు కష్టమేఅయితే, వసీం జాఫర్‌, ఆకాశ్‌ చోప్రా వంటి మాజీ క్రికెటర్లు కోహ్లి స్థానంలో శుబ్‌మన్‌ గిల్‌ (Shubman Gill)ను పంపాలని సూచిస్తున్నారు. మరికొందరు మాత్రం శ్రేయస్‌ అయ్యర్‌ (Shreyas Iyer), సర్ఫరాజ్‌ ఖాన్‌, రజత్‌ పాటిదార్‌ల పేర్లు తెరమీదకు తీసుకువస్తున్నారు. ఇలాంటి తరుణంలో బీసీసీఐ అధికారి ఒకరు ‘టెలిగ్రాఫ్‌’తో మాట్లాడుతూ.. శ్రేయస్‌ అయ్యర్‌ గురించి కీలక వ్యాఖ్యలు చేశారు.‘‘ఒకవేళ టీమిండియా సొంతగడ్డ మీద టెస్టు సిరీస్‌ ఆడుతున్నట్లయితే శ్రేయస్‌ అయ్యర్‌కు జట్టులో చోటు దక్కే అవకాశాలు ఉండేవి. అయితే, తదుపరి భారత జట్టు విదేశంలో సిరీస్‌ ఆడబోతోంది.. అది కూడా ఇంగ్లండ్‌ గడ్డమీద.కాబట్టి శ్రేయస్‌కు ఛాన్స్‌ లేదనే చెప్పాలి. అతడు రెడ్‌ బాల్‌ క్రికెట్‌లో మరింత గొప్పగా రాణించాల్సిన అవసరం ఉంది. పరిమిత ఓవర్ల క్రికెట్‌లో శ్రేయస్‌ అద్భుతంగా ఆడుతున్నాడు. పరిస్థితులకు తగ్గట్లుగా బ్యాటింగ్‌ చేస్తున్నాడు.కానీ టెస్టు ఫార్మాట్‌ వైట్‌బాల్‌ క్రికెట్‌తో పోలిస్తే పూర్తి భిన్నమైనది. అందుకే అతడి విషయంలో ఇప్పుడే ఓ నిర్ణయానికి రాలేము’’ అని సదరు అధికారి పేర్కొన్నారు.ఓపికగా బ్యాటింగ్‌ చేయాలిఅదే విధంగా.. ఇంగ్లండ్‌లో పరిస్థితుల గురించి మాట్లాడుతూ.. ‘‘ఇంగ్లండ్‌లో బంతి ఎక్కువగా స్వింగ్‌ అవుతుంది. కాబట్టి ఒక్కోసారి అలాంటి బంతులను వదిలేయడమే ఉత్తమం. ఇంగ్లండ్‌ గడ్డ మీద ఎంత ఓపికగా బ్యాటింగ్‌ చేస్తున్నామనదే ముఖ్యం’’ అని పేర్కొన్నారు.కాగా శ్రేయస్‌ అయ్యర్‌ చివరగా గతేడాది ఫిబ్రవరిలో టీమిండియా తరఫున టెస్టు బరిలో దిగాడు. విశాఖపట్నంలో ఇంగ్లండ్‌తో జరిగిన రెండో టెస్టులో ఆడాడు. ఆ తర్వాత అతడికి మళ్లీ ఇంత వరకు సెలక్టర్లు టెస్టు జట్టులో చోటివ్వలేదు.చాంపియన్స్‌ ట్రోఫీలో అదరగొట్టాడుఅయితే, దేశవాళీ క్రికెట్‌లో శ్రేయస్‌ అయ్యర్‌ ముంబై తరఫున బరిలోకి దిగి దంచికొట్టాడు. రంజీల్లో రాణించడంతో పాటు టీ20 ఫార్మాట్‌లో నిర్వహించే సయ్యద్‌ ముస్తాక్‌ అలీ ట్రోఫీ గెలవడంలోనూ కీలక పాత్ర పోషించాడు. అనంతరం ఐసీసీ చాంపియన్స్‌ ట్రోఫీ-2025ని భారత్‌ సొంతం చేసుకోవడంలో అతడిది ముఖ్య భూమిక.ఇక ఐపీఎల్‌-2025లో పంజాబ్‌ కింగ్స్‌ కెప్టెన్‌గా, బ్యాటర్‌గానూ శ్రేయస్‌ అ‍య్యర్‌ అదరగొడుతున్నాడు. అయితే, టెస్టుల్లో మాత్రం అతడు ఇప్పట్లో పునరాగమనం చేసే అవకాశం కనిపించడం లేదు. కాగా జూన్‌ 20 నుంచి భారత జట్టు ఇంగ్లండ్‌తో ఐదు మ్యాచ్‌ల టెస్టు సిరీస్‌ ఆడనుంది. ప్రపంచ టెస్టు చాంపియన్‌షిప్‌ 2025-27 సీజన్‌ ఈ సిరీస్‌తోనే మొదలుకానుంది. ఇదిలా ఉంటే.. కెప్టెన్‌ రోహిత్‌ శర్మతో పాటు దిగ్గజ బ్యాటర్‌ విరాట్‌ కోహ్లి ఇటీవలే టెస్టులకు రిటైర్మెంట్‌ ప్రకటించిన విషయం తెలిసిందే. చదవండి: ఓపెనర్‌గా కేఎల్‌ రాహుల్‌.. నాలుగో స్థానంలో ‘కొత్త’ ఆటగాడు!

ప్రీతి జింటా (Preity Zinta).. కేవలం నటిగానే కాకుండా ఇండియన్‌ ప్రీమియర్‌ లీగ్‌ (IPL) ఫ్రాంఛైజీ పంజాబ్‌ కింగ్స్‌ సహ యజమానిగానూ గుర్తింపు సంపాదించారు. ఐపీఎల్‌ వేలం సమయంలో ఆటగాళ్ల కొనుగోలు విషయంలో అనుసరించే వ్యూహాలలో భాగమయ్యే ప్రీతి.. స్టేడియంలో తమ జట్టు ఆటగాళ్లను ఉత్సాహపరచడంలోనూ ముందే ఉంటారు.ఇక ఐపీఎల్‌-2025 (IPL 2025)లో టైటిల్‌ దిశగా పంజాబ్‌ కింగ్స్‌ దూసుకుపోతుండటంతో ప్రీతి ఆనందంలో మునిగితేలుతున్నారు. సోషల్‌ మీడియాలో చురుగ్గా ఉండే ఆమె.. తన వ్యక్తిగత విషయాలతో పాటు, పంజాబ్‌ జట్టుకు సంబంధించిన విశేషాలను కూడా షేర్‌ చేస్తూ ఉంటారు.ఈ క్రమంలో ఇటీవల ప్రీతి జింటాకు చేదు అనుభవం ఎదురైంది. ‘ఎక్స్‌’ వేదికగా ఆస్క్‌ మీ ఎనీథింగ్‌ సెషన్‌ నిర్వహించగా ఓ నెటిజన్‌ అనుచిత ప్రశ్నతో ప్రీతికి ఆగ్రహం తెప్పించాడు.మాక్స్‌వెల్‌ను పెళ్లి చేసుకోలేదు కాబట్టే..పంజాబ్‌ కింగ్స్‌ ఆటగాడు గ్లెన్‌ మాక్స్‌వెల్‌ ప్రదర్శనను ప్రీతితో ముడిపెడుతూ.. ‘‘మేడమ్‌.. మీరు మాక్స్‌వెల్‌ను పెళ్లి చేసుకోలేదు కాబట్టే.. అతడు మీ జట్టుకు సరిగ్గా ఆడటం లేదు’’ అంటూ నీచంగా కామెంట్‌ చేశాడు. ఇందుకు ప్రీతి జింటా గట్టిగానే బదులిచ్చారు.ఇదే ప్రశ్న వారినీ అడగగలవా? ‘‘ఐపీఎల్‌ ఫ్రాంఛైజీల పురుష యజమానులను కూడా నువ్వు ఇదే ప్రశ్న అడగగలవా? లేదా మహిళను కాబట్టి నా పట్ల ఇలా వివక్షపూరితంగా కామెంట్‌ చేస్తున్నావా?క్రికెట్‌ ప్రపంచంలోకి అడుగుపెట్టేంత వరకు కార్పొరేట్‌ సెటప్‌లో మహిళలు ఎంతగా కష్టపడాల్సి వస్తుందో నాకసలు తెలియదు. నాకు తెలిసి నువ్వు ఏదో సరదా కోసమని ఇలా మాట్లాడి ఉంటావు.. కానీ దయచేసి ఇలా చెత్తగా ప్రవర్తించవద్దు.గత పద్దెమినిదేళ్లుగా నేను కష్టపడి సంపాదించుకున్న పేరుకు కాస్త గౌరవం ఇవ్వండి. అందుకు నేను కచ్చితంగా అర్హురాలినే. ఇలా లింగవివక్షకు పాల్పడటం సరికాదు.. ధన్యవాదాలు’’ అంటూ ప్రీతి జింటా దిమ్మతిరిగేలా కౌంటర్‌ ఇచ్చారు.ప్లే ఆఫ్స్‌ బెర్తు దాదాపుగా ఖాయంకాగా కొత్త కెప్టెన్‌ శ్రేయస్‌ అయ్యర్‌ సారథ్యంలో ఇప్పటికే ప్లే ఆఫ్స్‌ బెర్తును దాదాపుగా ఖాయం చేసుకున్న పంజాబ్‌.. టైటిల్‌ లేని లోటును ఈసారి ఎలాగైనా తీర్చుకోవాలని పట్టుదలగా ఉంది. ఈ సీజన్‌లో ఇప్పటికి 11 మ్యాచ్‌లు పూర్తి చేసుకుని ఏడింట గెలిచింది. ప్రస్తుతం 15 పాయింట్లతో పట్టికలో మూడో స్థానంలో కొనసాగుతోంది.ఇక ఇటీవల భారత్‌- పాకిస్తాన్‌ సరిహద్దుల ఉద్రిక్తతల నేపథ్యంలో పంజాబ్‌- ఢిల్లీ క్యాపిటల్స్‌ మధ్య జరగాల్సిన మ్యాచ్‌ అర్ధంతరంగా ఆగిపోయిన విషయం తెలిసిందే. ధర్మశాలలో బ్లాక్‌ అవుట్‌ (విద్యుత్‌ సరఫరా నిలిపివేయడం) విధించడంతో హుటాహుటిన స్టేడియాన్ని ఖాళీ చేయించాల్సి రాగా.. ప్రీతి జింటా కూడా తన వంతు సాయం చేశారు.మరోవైపు.. ఐపీఎల్‌లో గతంలో పంజాబ్‌కు ప్రాతినిథ్యం వహించిన ఆస్ట్రేలియా ఆల్‌రౌండర్‌ గ్లెన్‌ మాక్స్‌వెల్‌.. ఐపీఎల్‌-2025లో తిరిగి జట్టుతో చేరాడు. అయితే, ఈసారి అతడి ప్రదర్శన అస్సలు బాగాలేదు. ఏడు మ్యాచ్‌లు ఆడి కేవలం 48 పరుగులే చేశాడు. ఇక గాయం కారణంగా మధ్యలోనే టోర్నీ నుంచి నిష్క్రమించాడు. చదవండి: తుదిజట్టులో చోటే కష్టం.. అలాంటి ఆటగాడు కెప్టెనా?: భారత మాజీ క్రికెటర్‌

భారత్‌- పాకిస్తాన్‌ మధ్య ఉద్రిక్తతల నేపథ్యంలో ఐపీఎల్‌-2025 (IPL 2025) వాయిదా పడిన విషయం తెలిసిందే. ఇందుకు సంబంధించి భారత క్రికెట్‌ నియంత్రణ మండలి (BCCI) శుక్రవారం అధికారిక ప్రకటన విడుదల చేసింది.ఈ నేపథ్యంలో లీగ్‌లో పాల్గొంటున్న విదేశీ ఆటగాళ్లు తమ స్వస్థలాలకు వెళ్లేందుకు సిద్ధమయ్యారు. కొంతమంది ఇప్పటికే స్వదేశాలకు చేరుకునే క్రమంలో దుబాయ్‌ వరకు వెళ్లినట్లు సమాచారం. అయితే, పంజాబ్‌ కింగ్స్‌ ఫ్రాంఛైజీ ఆటగాళ్లకు వారి హెడ్‌ కోచ్‌ రికీ పాంటింగ్‌ (Ricky Ponting) సర్దిచెప్పినట్లు తెలుస్తోంది.మరేం పర్లేదు.. ఇక్కడే ఉందాం!సొంత దేశానికి తిరిగి వెళ్లే అవకాశం ఉన్నప్పటికీ... పాంటింగ్‌ ఢిల్లీలోనే ఉండేందుకు ప్రాధాన్యతనిచ్చాడు. అప్పటికే అతడి లగేజీ విమానాశ్రయానికి చేరుకోగా... అతి కష్టం మీద దానిని తిరిగి తెప్పించుకున్నాడు. అప్పటికే భారత్‌ నుంచి స్వదేశాలకు తిరుగు పయనమైన విదేశీ ఆటగాళ్లతో పాటు మిగిలిన వారిలో పాంటింగ్‌ దైర్యం నింపాడు.ఈ విషయం గురించి పంజాబ్‌ కింగ్స్‌ జట్టు సీఈవో సతీశ్‌ మీనన్‌ మాట్లాడుతూ.. ‘స్వదేశానికి వెళ్లే అవకాశం ఉన్నప్పటికీ పాంటింగ్‌ నిరాకరించాడు. అంతేగాకుండా విదేశీ ఆటగాళ్లలో ధైర్యం నింపాడు. వారంతా త్వరలో జట్టుతో చేరబోతున్నారు’ అని పేర్కొన్నాడు.కాగా ఐపీఎల్‌-2025లో పంజాబ్‌ జట్టులో ఆస్ట్రేలియాకు చెందిన మార్కస్‌ స్టొయినిస్, ఆరోన్‌ హార్డీ, జోష్‌ ఇన్‌గ్లిస్, జేవియర్‌ ఉన్నారు. కాగా భారత్‌- పాక్‌ ఉద్రిక్తతల నేపథ్యంలో పంజాబ్‌ కింగ్స్‌- ఢిల్లీ క్యాపిటల్స్‌ మధ్య గురువారం ధర్మశాలలో జరగాల్సిన మ్యాచ్‌ అర్ధంతరంగా ముగిసిపోయిన విషయం తెలిసిందే.వందే భారత్‌ రైలులోశత్రు దేశ వ్యూహాలకు చెక్‌ పెట్టే క్రమంలో ధర్మశాలలో బ్లాక్‌ అవుట్‌ (విద్యుత్‌ సరఫరా నిలిపివేయడం) చేయడంతో త్వరత్వరగా స్టేడియాన్ని ఖాళీ చేయించడంతో పాటు.. ఆటగాళ్లను కూడా బీసీసీఐ అక్కడి నుంచి తరలించింది. ఈ క్రమంలో ధర్మశాల నుంచి ఢిల్లీకి వందే భారత్‌ రైలులో ఆటగాళ్లను తరలించింది.ఇందులో భాగంగా బస్సులు, ట్రైన్‌లు మారుతూ ప్రయాణించడంతో విదేశీ ఆటగాళ్లలో ఒకరకమైన భయాందోళన పెరిగిపోవడంతో... వారంతా తిరిగి ఇంటికి వెళ్లిపోవాలని ఆశించారు. ‘దాడుల వార్తలతో విదేశీ ఆటగాళ్లు కాస్త ఆందోళన చెందారు. వీలైనంత త్వరగా దేశం వీడి ఇళ్లకు చేరుకోవాలని భావించారు.వారి స్థానంలో ఉంటే ఎవరైనా అలాగే అనుకుంటారు. అయితే భారత్, పాకిస్తాన్‌ మధ్య కాల్పుల విరమణ అనంతరం పాంటింగ్‌ వారికి సర్దిచెప్పాడు’ అని ఓ అధికారి తెలిపారు. కాగా పంజాబ్‌ పేస్‌ ఆల్‌రౌండర్‌ మార్కో యాన్సెన్, అజ్మతుల్లా ఒమర్‌జాయ్‌ మాత్రం దుబాయ్‌కు చేరుకున్నారు. ఐపీఎల్‌ తిరిగి ప్రారంభం కావడంపై త్వరలో ప్రకటన రానుండగా... జట్లన్నీ తమ ఆటగాళ్లను అందుబాటులో ఉంచుకునేందుకు ప్రయత్నిస్తున్నాయి. ఇందుకు సంబంధించి బీసీసీఐ ఆదివారం ఫ్రాంఛైజీలతో సంప్రదింపులు జరిపినట్లు సమాచారం. కాగా, శనివారం భారత్‌- పాకిస్తాన్‌ కాల్పుల విరమణ ఒప్పందానికి రాగా.. పరిస్థితులు కాస్త చక్కబడ్డాయి. ప్లే ఆఫ్స్‌ రేసులో పంజాబ్‌ఈ నేపథ్యంలో వీలైనంత త్వరలో తిరిగి ఐపీఎల్‌ ప్రారంభం కానుంది. మే 16 లేదంటే 17న తిరిగి ఆరంభించే సూచనలు కనిపిస్తున్నాయి. ఇదిలా ఉంటే.. హెడ్‌కోచ్‌ రిక్కీ పాంటింగ్‌ మార్గదర్శనం, శ్రేయస్‌ అయ్యర్‌ సారథ్యంలో ఈ సీజన్‌లో పంజాబ్‌ మెరుగైన ప్రదర్శన కనబరుస్తోంది. ఢిల్లీతో గురువారం మ్యాచ్‌లో పంజాబ్‌ జట్టు 10.1 ఓవర్లలో 1 వికెట్‌ కోల్పోయి 122 పరుగులు చేసింది. ఐపీఎల్‌ తిరిగి ప్రారంభమైనప్పుడు ఈ మ్యాచ్‌ అక్కడి నుంచే కొనసాగే అవకాశాలున్నాయి. ఒకవేళ ఇందులో గెలిస్తే పంజాబ్‌ ప్లే ఆఫ్స్‌ బెర్తును దాదాపుగా ఖరారు చేసుకుంటుంది. ఇప్పటికి శ్రేయస్‌ సేన ఖాతాలో పదిహేను పాయింట్లు ఉన్నాయి. చదవండి: క్షిపణి దాడి నుంచి తప్పించుకున్న ఆసీస్‌ క్రికెటర్లు!

భార‌త క్రికెట్ జ‌ట్టు ఈ ఏడాది జూన్‌లో ఇంగ్లండ్ ప‌ర్య‌ట‌న‌కు వెళ్లనుంది. ఈ టూర్‌లో భాగంగా ఇంగ్లండ్‌తో ఐదు మ్యాచ్‌ల టెస్టు సిరీస్‌లో టీమిండియా త‌ల‌ప‌డ‌నుంది. వ‌ర‌ల్డ్ టెస్టు ఛాంపియ‌న్‌షిప్ 2025-27లో భాగంగా జ‌ర‌గ‌నుంది. ఈ సిరీస్‌లో ఎలాగైనా గెలిచి డ‌బ్ల్యూటీసీ కొత్త సైకిల్‌లో బోణీ కొట్టాల‌ని టీమిండియా భావిస్తోంది. జూన్ 20 నుంచి భార‌త్‌-ఇంగ్లండ్ మ‌ధ్య టెస్టు సిరీస్ ప్రారంభం కానుంది. ఈ క్ర‌మంలో భార‌త జ‌ట్టును బీసీసీఐ మే 23న ప్ర‌క‌టించే అవ‌కాశ‌ముంది. ఈ ప‌ర్య‌ట‌న‌కు భార‌త జ‌ట్టు కొత్త కెప్టెన్‌తో వెళ్ల‌నుంది.రోహిత్ శ‌ర్మ టెస్టుల‌కు విడ్కోలు ప‌లక‌డంతో టీమిండియాకు కొత్త టెస్టు కెప్టెన్ రానున్నాడు. కెప్టెన్సీ రేసులో శుబ్‌మ‌న్ గిల్ ముందు వ‌రుస‌లో ఉన్నాడు. ఇక ఇది ఇలా ఉండ‌గా.. ఈ టెస్టు సిరీస్‌కు ముందు భార‌త‌-ఎ జ‌ట్టు కూడా ఇంగ్లండ్ ప‌ర్య‌ట‌న‌కు వెళ్ల‌నుంది. ఇండియా-ఎ జ‌ట్టు ఇంగ్లండ్ ల‌య‌న్స్‌తో మూడు అనధికారిక టెస్ట్ మ్యాచ్‌లు ఆడుతుంది. ఈ మ్యాచ్‌లు మే 26 నుండి జూన్ 19 వరకు జరగ‌నున్నాయి.ఈ అనాధికారిక సిరీస్ కోసం భార‌త-ఎ జ‌ట్టును బీసీసీఐ మే 13 న ప్ర‌కటించనున్న‌ట్లు తెలుస్తోంది. ఈ జ‌ట్టు కెప్టెన్‌గా మిడిలార్డ‌ర్ బ్యాట‌ర్ శ్రేయ‌స్ అయ్య‌ర్‌ను ఎంపిక చేయాల‌ని సెల‌క్ట‌ర్లు భావిస్తున్న‌ట్లు స‌మాచారం. అయ్య‌ర్ ప్ర‌స్తుతం ఐపీఎల్‌-2025లో పంజాబ్ కింగ్స్ కెప్టెన్‌గా వ్య‌వ‌హ‌రిస్తున్నాడు. ఒక‌వేళ పంజాబ్ కింగ్స్ ఫైన‌ల్‌కు చేరితే అయ్య‌ర్ తొలి అనాధికారిక టెస్టుకు దూర‌మయ్యే అవ‌కాశ‌ముంది.అయితే ప్ర‌స్తుతం మ‌ధ్య‌లోనే ఆగిపోయిన ఐపీఎల్ సీజ‌న్ తిరిగి మే 15 నుంచి ప్రారంభ‌మ‌య్యే సూచ‌న‌లు క‌న్పిస్తున్నాయి. ఒక‌వేళ ఐపీఎల్ తిరిగి ప్రారంభమ‌వ్వ‌డం ఆల‌స్యమైతే భార‌త‌-ఎ జ‌ట్టుతో పాటే అయ్య‌ర్ ఇంగ్లండ్‌కు వెళ్ల‌నున్నాడు. శ్రేయ‌స్‌తో పాటు కరుణ్ నాయ‌ర్, ఇషాన్ కిష‌న్‌ల‌ను కూడా భార‌త‌-ఎ జ‌ట్టుకు ఎంపిక చేయాల‌ని సెల‌క్ట‌ర్లు యోచిస్తున్న‌ట్లు స‌మాచారం.సాయి సుద‌ర్శ‌న్‌, అభిమ‌న్యు ఈశ్వ‌ర‌న్‌, నితీష్ కుమార్ రెడ్డి, వాషింగ్టన్ సుందర్, తనుష్ కోటియన్‌ల‌ను కూడా ఇండియా-ఎ జ‌ట్టు త‌ర‌పున ఇంగ్లండ్ పంప‌ననున్న‌ట్లు వినికిడి. ప్ర‌ధాన జ‌ట్టులో ఉండే చాలా మంది ఆట‌గాళ్లు ఇండియా-ఎ జ‌ట్టు త‌ర‌పున ఆడ‌నున్న‌ట్లు బీసీసీఐ వ‌ర్గాలు వెల్ల‌డించాయి.

పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ ఐపీఎల్‌లో అత్యంత విజయవంతమైన కెప్టెన్లలో ఒకడిగా మారిపోయాడు. ప్రస్తుత సీజన్‌లో పంజాబ్‌ కింగ్స్‌ సారధిగా వ్యవహరిస్తున్న అయ్యర్‌.. వివిధ జట్ల తరఫున (ఢిల్లీ, కేకేఆర్‌, పంజాబ్‌) 81 మ్యాచ్‌ల్లో కెప్టెన్‌గా వ్యవహరించి 45 విజయాలు సొంతం చేసుకున్నాడు. ఐపీఎల్‌లో కనీసం 80 మ్యాచ్‌ల్లో కెప్టెన్‌గా వ్యవహరించిన వారిలో శ్రేయస్‌దే అత్యధిక విజయాల శాతం.తాజాగా లక్నోపై విజయంతో (ధర్మశాల) ఐపీఎల్‌లో శ్రేయస్‌ విన్నింగ్‌ పర్సెంటేజీ 58.22కు చేరింది. దీంతో ఐపీఎల్‌ చరిత్రలోనే అత్యంత విజయవంతమైన కెప్టెన్‌ అయిన ధోనిని శ్రేయస్‌ విన్నింగ్‌ పర్సెంటేజీ అంశంలో అధిగమించాడు. ఐదు సార్లు సీఎస్‌కేను ఛాంపియన్‌గా నిలబెట్టిన ధోని ప్రస్తుత సీజన్‌లో రుతురాజ్‌ గైక్వాడ్‌ గాయపడటంతో సీఎస్‌కేకు స్టాండ్‌ ఇన్‌ కెప్టెన్‌గా వ్యవహరిస్తున్నాడు. ఈ సీజన్‌లో 6 మ్యాచ్‌ల్లో కెప్టెన్‌గా వ్యవహరించిన ధోని కేవలం ఒకే ఒకే మ్యాచ్‌లో (లక్నోపై) తన జట్టును విజయపథాన నడిపించాడు.తాజా వైఫల్యాల తర్వాత కెప్టెన్‌గా ధోని ట్రాక్‌ రికార్డు అమాంతం పడిపోయింది. అతని విన్నింగ్‌ పర్సంటేజీ 58.82 నుంచి 57.75కి దిగజారింది. ఈ మధ్యలో వరుస విజయాలు సాధించిన శ్రేయస్‌ అయ్యర్‌, హార్దిక్‌ పాండ్యా ధోనిని అధిగమించారు.ఈ సీజన్‌లోనే పంజాబ్‌ కెప్టెన్‌గా నియమితుడైన శ్రేయస్‌ తన జట్టుకు అపురూపమైన విజయాలు అందిస్తూ ప్లే ఆఫ్స్‌ దిశగా నడిపిస్తున్నాడు. ఈ సీజన్‌లో శ్రేయస్‌ నేతృత్వంలో పంజాబ్‌ ఇప్పటివరకు 11 మ్యాచ్‌లు ఆడి 7 విజయాలతో 15 పాయింట్లు సాధించి, పాయింట్ల పట్టికలో రెండో స్థానాంలో కొనసాగుతుంది. 2014 సీజన్‌ తర్వాత పంజాబ్‌ ఓ సీజన్‌లో 15 పాయింట్లు సాధించడం ఇదే తొలిసారి. నిన్న మ్యాచ్‌ జరిగిన ధర్మశాలతో పంజాబ్‌ 12 ఏళ్ల తర్వాత గెలిచింది. ఈ సీజన్‌లో పంజాబ్‌ శ్రేయస్‌ కెప్టెన్సీలో గతానికి భిన్నంగా సాగుతోంది. పంజాబ్‌ ఇదే జోరును కొనసాగిస్తే వారి టైటిల్‌ కల నెరవేరుతుంది. గత సీజన్‌లో కేకేఆర్‌ను ఛాంపియన్‌గా, అంతకుముందు ఢిల్లీని రన్నరప్‌గా నిలబెట్టిన శ్రేయస్‌.. పంజాబ్‌ తలరాత మారుస్తాడేమో చూడాలి.ప్రస్తుత ఐపీఎల్‌ కెప్టెన్ల విజయాల శాతం..శ్రేయస్‌ అయ్యర్‌- 58.22 (81 మ్యాచ్‌లు)ధోని- 57.75 (232 మ్యాచ్‌లు)హార్దిక్‌ పాండ్యా- 60.00 (55 మ్యాచ్‌లు)రిషబ్‌ పంత్‌- 52.77 (54 మ్యాచ్‌లు)రహానే- 40.00 (36 మ్యాచ్‌లు)కమిన్స్‌- 46.15 (26 మ్యాచ్‌లు)శుభ్‌మన్‌ గిల్‌- 54.54 (22 మ్యాచ్‌లు)అక్షర్‌ పటేల్‌- 50.00 (11 మ్యాచ​్‌లు)రజత్‌ పాటిదార్‌- 72.72 (11 మ్యాచ్‌లు)రియాన్‌ పరాగ్‌- 25.00 (8 మ్యాచ్‌లు)

ప్రస్తుత ఐపీఎల్‌ సీజన్‌లో పంజాబ్‌ కింగ్స్‌ గతంలో ఎన్నడూ లేనంత పటిష్టంగా కనిపిస్తుంది. ఈ సీజన్‌లో ఆ జట్టు శ్రేయస్‌ అయ్యర్‌ నేతృత్వంలో వరుస విజయాలతో దూసుకుపోతూ ప్లే ఆఫ్స్‌కు చేరువైంది. ఈ సీజన్‌లో పంజాబ్‌ ఇప్పటివరకు ఆడిన 11 మ్యాచ్‌ల్లో 7 విజయాలు (15 పాయింట్లు) సాధించి పాయింట్ల పట్టికలో రెండో స్థానంలో కొనసాగుతుంది. ఐపీఎల్‌ ప్రారంభం నుంచి ఉన్నా ఇప్పటివరకు టైటిల్‌ సాధించని జట్లలో పంజాబ్‌ కింగ్స్‌ కూడా ఒకటి. ఈ జట్టు 2014 సీజన్‌లో అత్యుత్తమంగా ఫైనల్‌కు చేరింది. 17 ఏళ్ల ప్రస్తానంలో పంజాబ్‌ ఫైనల్‌కు చేరడం ఇదే తొలిసారి. ఏకైక సారి.కాగా, 2014 సీజన్‌ తరహాలోనే పంజాబ్‌ ఈ సీజన్‌లోనూ వరుస విజయాలతో దూసుకుపోతుంది. ఆ సీజన్‌ తర్వాత తొలిసారి ఈ సీజన్‌లోనే 15 పాయింట్లు సాధించింది. నాడు (2014) టేబుల్‌ టాపర్‌గా నిలిచి ప్లే ఆఫ్స్‌కు చేరిన పంజాబ్‌.. ఫైనల్లో కేకేఆర్‌ చేతిలో పరాజయంపాలై రన్నరప్‌తో సరిపెట్టుకుంది. ఆ సీజన్‌లోలాగే పంజాబ్‌ ఈ సీజన్‌లోనూ పటిష్టంగా కనిపిస్తూ సామర్థ్యం మేరకు రాణిస్తుంది. ఇదే ఊపును మున్ముందు జరుగబోయే మ్యాచ్‌ల్లో కొనసాగిస్తే పంజాబ్‌ తమ తొలి టైటిల్‌ గెలవడం ఖాయంగా కనిపిస్తుంది.శ్రేయస్‌ అయ్యర్‌ రాకతో ఈ సీజన్‌లో పంజాబ్‌ ఫేట్‌ మారినట్లు స్పష్టమవుతుంది. గతంలో ఎన్నడూ లేనట్లు ఆ జట్టు ప్రతి మ్యాచ్‌లో గెలుపు కోసం శాయశక్తులా ప్రయత్నిస్తుంది. పంజాబ్‌ ఈ సీజన్‌లో సక్సెస్‌ సాధించడంలో ఆ జట్టు హెడ్‌ కోచ్‌ రికీ పాంటింగ్‌ కీలకపాత్ర పోషిస్తున్నాడు. పాంటింగ్‌ ఆథ్వర్యంలో ప్రతి పంజాబ్‌ ఆటగాళ్లు ఉరకలేస్తున్నాడు. ఈ సీజన్‌లో పంజాబ్‌ బ్యాటింగ్‌ విభాగం అన్ని జట్ల కంటే పటిష్టంగా ఉంది. మెగా వేలంలో పాంటింగ్‌ కీలకంగా వ్యవహరించి ప్రియాంశ్‌ ఆర్య లాంటి యువ టాలెంట్‌ను అక్కున చేర్చుకున్నాడు. ఈ సీజన్‌లో ఓపెనర్‌ ప్రభ్‌సిమ్రన్‌ విశేషంగా రాణిస్తున్నాడు. మెగా వేలానికి ముందు పంజాబ్‌ సిమ్రన్‌ను అట్టిపెట్టుకుంది. ఫ్రాంచైజీ పెట్టుకున్న నమ్మకానికి సిమ్రన్‌ న్యాయం చేస్తున్నాడు. మెగా వేలంలో రికార్డు ధర పెట్టి సొంతం చేసుకున్న శ్రేయస్‌ అయ్యర్‌ వ్యక్తిగతంగా రాణించడమే కాకుండా కెప్టెన్‌గా కూడా విజయవంతమవుతున్నాడు. పంజాబ్‌ యాజమాన్యం ఎంతో నమ్మకంతో అట్టిపెట్టుకున్న శశాంక్‌ సింగ్‌, నేహల్‌ వధేరా ఓ మోస్తరు చేస్తూ పర్వాలేదనిపిస్తున్నారు.ఈ సీజన్‌లో పంజాబ్‌ విజయాల్లో బౌలర్లు ప్రధానపాత్ర పోషించారు. అర్షదీప్‌ పైసా వసూల్‌ ప్రదర్శనలు చేస్తుండగా.. చహల్‌, జన్సెన్‌ సామర్థ్యం మేరకు రాణిస్తున్నారు.మొత్తంగా చూస్తే ఈ సీజన్‌లో పంజాబ్‌కు ఛాంపియన్‌ అయ్యేందుకు కావాల్సిన అన్ని అర్హతలు ఉన్నట్లు కనిపిస్తున్నాయి. ఫామ్‌ లేమితో బాధపడుతున్న మ్యాక్స్‌వెల్‌ గాయం కారణంగా వైదొలగడం కూడా పంజాబ్‌కు కలిసొచ్చే అంశమే. అతడి స్థానంలో మరో విధ్వంసకర బ్యాటర్‌ మిచెల్‌ ఓవెన్‌ను అక్కున చేర్చుకుంది పంజాబ్‌ మేనేజ్‌మెంట్‌. ఆసీస్‌ ఆటగాళ్లు స్టోయినిస్‌, ఇంగ్లిస్‌ సామర్థ్యం మేరకు రాణిస్తే ఈ సీజన్‌లో పంజాబ్‌ టైటిల్‌ గెలవడాన్ని ఎవరూ ఆపలేరు. 2014 తర్వాత సీజన్ల వారీగా పంజాబ్‌ పాయింట్లు2015- 6 పాయింట్లు2016- 82017- 142018- 122019- 122020- 122021- 122022- 142023- 122024- 102025- 15*

ఐపీఎల్‌-2025 (IPL 2025) ముగిసిన తర్వాత టీమిండియా ఆటగాళ్లు మళ్లీ అంతర్జాతీయ షెడ్యూల్‌తో బిజీ కానున్నారు. ఇందులో భాగంగా తొలుత ఇంగ్లండ్‌ పర్యటనకు వెళ్లనున్నారు. కాగా ప్రపంచ టెస్టు చాంపియన్‌షిప్‌ 2025-27 (WTC)లో భాగంగా టీమిండియా తమ తొలి సిరీస్‌లో ఇంగ్లండ్‌తో తలపడనుంది.ఇరుజట్ల మధ్య జూన్‌ 20 నుంచి ఐదు మ్యాచ్‌ల టెస్టు సిరీస్‌ ఆరంభం కానుంది. ఈ నేపథ్యంలో టీమిండియా మాజీ కోచ్‌, కామెంటేటర్‌ రవిశాస్త్రి జట్టు ఎంపికపై కీలక వ్యాఖ్యలు చేశాడు. ఐపీఎల్‌లో అదరగొడుతున్న సాయి సుదర్శన్‌ను ఈ టూర్‌కు తప్పక సెలక్ట్‌ చేయాలని భారత క్రికెట్‌ నియంత్రణ మండలి (BCCI)కి విజ్ఞప్తి చేశాడు.ఇంగ్లండ్‌తో టెస్టుల్లో అతడిని ఆడించండి..మూడు ఫార్మాట్లలోనూ రాణించగల సత్తా సాయి సుదర్శన్‌కు ఉందన్న రవిశాస్త్రి.. అతడికి ఒక్క అవకాశం ఇవ్వాలని సెలక్టర్లకు సూచించాడు. ఈ మేరకు ఐసీసీ రివ్యూ షోలో మాట్లాడుతూ.. ‘‘సాయి సుదర్శన్‌.. అతడొక క్లాస్‌ ప్లేయర్‌. తను బ్యాటింగ్‌ చేస్తుంటే నేనైతే కళ్లు తిప్పుకోలేను.అన్ని ఫార్మాట్లలోనూ అదరగొట్టగలడు. ఇంగ్లండ్‌ పరిస్థితులకు తగ్గట్లుగా ఎడమచేతి వాటం బ్యాటర్‌ అయిన సాయి తప్పక రాణించగలడు. అతడి టెక్నిక్‌ అక్కడి పరిస్థితులకు అనుగుణంగా ఉంటుంది.ఇంగ్లండ్‌ పర్యటనకు వెళ్లే జట్టులోని కొత్త ఆటగాళ్లలో నేనైతే సాయి సుదర్శన్‌కు మొదటి ప్రాధాన్యం ఇస్తాను’’ అని రవిశాస్త్రి పేర్కొన్నాడు. అదే విధంగా ఐసీసీ చాంపియన్‌స​ ట్రోఫీ-2025లో, ఐపీఎల్‌లో దుమ్ములేపుతున్న శ్రేయస్‌ అయ్యర్‌ కూడా ఈ సిరీస్‌ ద్వారా టెస్టుల్లో పునరాగమనం చేస్తాడని అంచనా వేశాడు.అర్ష్‌దీప్‌ సింగ్‌ను కూడా ఆడిస్తేఅదే విధంగా పేస్‌ దళంలో రైటార్మ్‌ బౌలర్లు జస్‌ప్రీత్‌ బుమ్రా, మహ్మద్‌ షమీ తరచూ గాయాల బారిన పడుతున్న వేళ.. ఓ లెఫ్టార్మ్‌ సీమర్‌ను కూడా తీసుకోవాలని రవిశాస్త్రి సూచించాడు. వైట్‌బాల్‌ స్పెషలిస్టు అర్ష్‌దీప్‌ సింగ్‌ను టెస్టుల్లోనూ ఆడిస్తే బాగుంటుందని సూచించాడు.కాగా ఐపీఎల్‌లో గుజరాత్‌ టైటాన్స్‌కు ప్రాతినిథ్యం వహిస్తున్న తమిళనాడు ఆటగాడు సాయి సుదర్శన్‌ ఓపెనర్‌గా దుమ్ములేపుతున్నాడు. ఇప్పటి వరకు తొమ్మిది మ్యాచ్‌లలో కలిపి 456 పరుగులు చేసి.. అత్యధిక పరుగుల వీరుల జాబితాలో రెండో స్థానంలో కొనసాగుతున్నాడు.రోహిత్‌ సిద్ధమేమరోవైపు.. టీమిండియా టాప్‌ బ్యాటర్, కెప్టెన్‌ రోహిత్‌ శర్మ ఇంగ్లండ్‌ పర్యటనకు వెళ్లడంపై సందిగ్ధత వీడింది. అతడు ఇంగ్లండ్‌కు వెళ్లడం దాదాపు ఖాయమైనట్లే. ఇంగ్లండ్‌తో టెస్టు సిరీస్‌లో పాల్గొనే సీనియర్‌ టీమ్, భారత ‘ఎ’ జట్టు కోసం కలిపి సెలక్టర్లు ప్రాథమికంగా 35 మంది ప్రాబబుల్స్‌ను ఎంపిక చేశారు. ఇందులో రోహిత్‌ శర్మకు చోటు లభించింది. ఆస్ట్రేలియాతో జరిగిన టెస్టు సిరీస్‌లో భారత్‌ 1–3తో ఓడిన తర్వాత రోహిత్‌ శర్మ టెస్టు భవితవ్యంపై సందేహాలు రేగాయి. ఈ సిరీస్‌లో భాగంగా సిడ్నీలో జరిగిన చివరి టెస్టులో ఫామ్‌ బాగా లేదంటూ రోహిత్‌ స్వచ్ఛందంగా తానే తుది జట్టు నుంచి తప్పుకున్నాడు. దాంతో అతని టెస్టు కెరీర్‌ ముగిసినట్లే అనిపించింది. ఈ ఫార్మాట్‌లో వరుసగా విఫలమవుతున్న అతను ఇంగ్లండ్‌కు వెళ్లక ముందే రిటైర్‌ కావచ్చని ఊహాగానాలు వచ్చాయి. అయితే ఇప్పుడు బీసీసీఐ సెలక్టర్లు ప్రాబబుల్స్‌ను ఎంపిక చేయడంతో వాటికి తెర పడినట్లే. అయితే రోహిత్‌కు నాయకత్వ బాధ్యతలు అప్పగించే విషయంలో మాత్రం బీసీసీఐ తేల్చుకోలేకపోతోంది.ఇంగ్లండ్‌లాంటి బలమైన జట్టుతో ఇంగ్లండ్‌లో టెస్టు సిరీస్‌ అంటే పూర్తి ఫామ్, ఫిట్‌నెస్‌ ఉన్న ఆటగాడిని ఎంపిక చేయడం సరైందిగా బోర్డు భావిస్తోంది. ఈ కోణంలో రోహిత్‌ తగిన వ్యక్తిగా కనిపించడం లేదు. అయితే ఇప్పటికిప్పుడు మరో సరైన ప్రత్యామ్నాయం లేకుండా రోహిత్‌ను కెప్టెన్సీ నుంచి తప్పించే సాహసం బోర్డు చేయకపోవచ్చు. పైగా ఇంగ్లండ్‌లాంటి టీమ్‌పై బలమైన నాయకుడు ఉంటే బాగుంటుందనే ఆలోచన కూడా బోర్డులో ఉంది కాబట్టి రోహిత్‌నే ఎంపిక చేసే అవకాశం ఉంది. చదవండి: సంజూ శాంసన్‌కు మద్దతు!.. శ్రీశాంత్‌పై మూడేళ్ల పాటు సస్పెన్షన్‌

గెలుపు జోష్‌లో ఉన్న పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ (Shreyas Iyer)కు ఎదురుదెబ్బ తగిలింది. చెన్నై సూపర్‌ కింగ్స్‌తో మ్యాచ్‌ సందర్భంగా చేసిన తప్పిదానికి భారత క్రికెట్‌ నియంత్రణ మండలి (BCCI) భారీ జరిమానా విధించింది. నిర్ణీత సమయంలో బౌలింగ్‌ కోటా పూర్తి చేయనందున రూ. 12 లక్షల మేర ఫైన్‌ వేసింది.ఐపీఎల్‌-2025 (IPL 2025)లో కొత్త కెప్టెన్‌ శ్రేయస్‌ అయ్యర్‌ సారథ్యంలో పంజాబ్‌ కింగ్స్‌ అదరగొడుతున్న విషయం తెలిసిందే. చెన్నైతో బుధవారం నాటి మ్యాచ్‌లో గెలిచి ఈ సీజన్‌లో ఆరో విజయం నమోదు చేసింది. చెపాక్‌ వేదికగా జరిగిన ఈ మ్యాచ్‌ పంజాబ్‌కు ఈ ఎడిషన్‌లో పదో మ్యాచ్‌.చహల్‌ మాయాజాలంఇందులో టాస్‌ గెలిచి తొలుత ఫీల్డింగ్‌ చేసిన పంజాబ్‌.. సీఎస్‌కేను 19.2 ఓవర్లలో 190 పరుగులకు ఆలౌట్‌ చేసింది. చెన్నై బ్యాటర్లలో సామ్‌ కరన్‌ (88), డెవాల్డ్‌ బ్రెవిస్‌ (32) రాణించగా.. పంజాబ్‌ బౌలర్లలో స్పిన్నర్‌ యజువేంద్ర చహల్‌ అద్భుత ప్రదర్శనతో ఆకట్టుకున్నాడు.హ్యాట్రిక్‌ నమోదు చేసిన చహల్‌.. మొత్తంగా మూడు ఓవర్లలో కేవలం 32 పరుగులే ఇచ్చి ఏకంగా నాలుగు వికెట్లు కూల్చాడు. మిగతా వాళ్లలో అర్ష్‌దీప్‌ సింగ్‌, మారోక​ యాన్సెన్‌ రెండేసి వికెట్లు తీయగా.. అజ్మతుల్లా ఒమర్జాయ్‌, హర్‌ప్రీత్‌ బ్రార్‌ ఒక్కో వికెట్‌ దక్కించుకున్నారు.నాలుగు వికెట్ల తేడాతో జయభేరిఇక లక్ష్య ఛేదనలో ఆరంభం నుంచే ఆకట్టుకున్న పంజాబ్‌.. చెన్నై బౌలర్ల విజృంభణతో ఆఖరి ఓవర్‌ వరకు పోరాడాల్సి వచ్చింది. ఓపెనర్లు ప్రియాన్ష్‌ ఆర్య (23), ప్రభ్‌సిమ్రన్‌ సింగ్‌ (54) రాణించగా.. వన్‌డౌన్‌లో వచ్చిన శ్రేయస్‌ అయ్యర్‌ (41 బంతుల్లో72) కెప్టెన్‌ ఇన్నింగ్స్‌ ఆడాడు. ఆఖర్లో శశాంక్‌ సింగ్‌ (12 బంతుల్లో 23) వేగంగా ఆడగా.. 19.4 ఓవర్లలో ఆరు వికెట్లు నష్టపోయి పంజాబ్‌ 196 పరుగులు సాధించింది. చెన్నైపై నాలుగు వికెట్ల తేడాతో జయభేరి మోగించింది.అయితే, ఈ మ్యాచ్‌లో పంజాబ్‌ స్లో ఓవర్‌ రేటు మెయింటెన్‌ చేసింది. దీంతో కెప్టెన్‌ శ్రేయస్‌ అయ్యర్‌కు రూ. 12 లక్షల జరిమానా పడింది. ఈ సీజన్‌లో ఇది తొలి తప్పిదం కాబట్టి.. ఐపీఎల్‌ నియమావళిలోని ఆర్టికల్‌ 2.22 ప్రకారం ఈ మేర ఫైన్‌తో సరిపెట్టినట్లు ఐపీఎల్‌ పాలక మండలి తెలిపింది.ఐదుసార్లు చెన్నైని చెపాక్‌లో ఓడించి మరోవైపు.. పంజాబ్‌ చేతిలో ఓటమితో చెన్నై ఐపీఎల్‌-2025 ప్లే ఆఫ్స్‌ రేసు నుంచి నిష్క్రమించింది. కాగా సీఎస్‌కే సొంత మైదానం చెపాక్‌లో ఆ జట్టును అత్యధిక సార్లు ఓడించిన జట్టుగా పంజాబ్‌ రికార్డులకెక్కింది. ఐదుసార్లు చెన్నైని చెపాక్‌లో ఓడించి ముంబై రికార్డును సమం చేసింది. అంతకుముందు ముంబై ఇండియన్స్‌ తొమ్మిది మ్యాచ్‌లలో ఇదే వేదికపై ధోని సేనను ఓడించగా.. ఇప్పుడు పంజాబ్‌ కూడా ఆ ఘనత సాధించింది.చదవండి: #Glenn Maxwell: ఐపీఎల్‌-2025 నుంచి మాక్స్‌వెల్ ఔట్‌..Hat-trick 👌Powerful start with the bat 🔥Captain's knock 🫡The Battle of Kings goes the @PunjabKingsIPL way again this season ❤Scorecard ▶ https://t.co/eXWTTv7Xhd #TATAIPL | #CSKvPBKS pic.twitter.com/Yk1SOZOzip— IndianPremierLeague (@IPL) April 30, 2025

సొంతగడ్డపై వరుసగా ఐదో మ్యాచ్‌లో పరాజయంతో ఈ ఐపీఎల్‌ సీజన్‌లో చెన్నై సూపర్‌ కింగ్స్‌ కథ ముగిసింది. పేలవ ప్రదర్శనతో ఎనిమిదో ఓటమిని తమ ఖాతాలో వేసుకున్న ఐదుసార్లు చాంపియన్‌ మరో నాలుగు మ్యాచ్‌లు మిగిలి ఉండగానే ప్లే ఆఫ్స్‌ రేసుకు దూరమైంది. మరోవైపు సమష్టి ప్రదర్శనతో పంజాబ్‌ కింగ్స్‌ కీలక విజయాన్ని నమోదు చేసింది. ముందుగా చహల్‌ ‘హ్యాట్రిక్‌’...బ్యాటింగ్‌లో శ్రేయస్, ప్రభ్‌సిమ్రన్‌ కలిసి జట్టును గెలిపించారు. చెన్నై: ఐపీఎల్‌లో పంజాబ్‌ కింగ్స్‌ జోరు కొనసాగుతోంది. బుధవారం జరిగిన పోరులో పంజాబ్‌ 4 వికెట్ల తేడాతో చెన్నై సూపర్‌ కింగ్స్‌పై విజయం సాధించింది. టాస్‌ ఓడి ముందుగా బ్యాటింగ్‌కు దిగిన చెన్నై 19.2 ఓవర్లలో 190 పరుగులకు ఆలౌటైంది. స్యామ్‌ కరన్‌ (47 బంతుల్లో 88; 9 ఫోర్లు, 4 సిక్స్‌లు) మెరుపు ఇన్నింగ్స్‌ ఆడగా, బ్రెవిస్‌ (26 బంతుల్లో 32; 2 ఫోర్లు, 1 సిక్స్‌) రాణించాడు. యుజువేంద్ర చహల్‌ (4/32) ఒకే ఓవర్లో ‘హ్యాట్రిక్‌’ సహా నాలుగు వికెట్లు పడగొట్టడం విశేషం. అనంతరం పంజాబ్‌ కింగ్స్‌ 19.4 ఓవర్లలో 6 వికెట్లకు 194 పరుగులు చేసి గెలిచింది. శ్రేయస్‌ అయ్యర్‌ (41 బంతుల్లో 72; 5 ఫోర్లు, 4 సిక్స్‌లు), ప్రభ్‌సిమ్రన్‌ (36 బంతుల్లో 54; 5 ఫోర్లు, 3 సిక్స్‌లు) అర్ధసెంచరీలు సాధించారు. ఒకే ఓవర్లో 26 పరుగులు... చెన్నైకి ఓపెనర్లు సరైన ఆరంభం ఇవ్వలేకపోయారు. ఆంధ్ర ఆటగాడు షేక్‌ రషీద్‌ (11) తనకు లభించిన మరో అరుదైన అవకాశాన్ని వృథా చేసుకోగా, ఆయుశ్‌ మాత్రే (7) విఫలమయ్యాడు. హర్‌ప్రీత్‌ ఓవర్లో జడేజా (17) మూడు ఫోర్లు కొట్టినా అదే ఓవర్లో వెనుదిరిగాడు. ఈ దశలో కరన్, బ్రెవిస్‌ భాగస్వామ్యంలో జట్టు నిలదొక్కుకుంది. కరన్‌ చెలరేగిపోగా, బ్రెవిస్‌ కొన్ని ఆకట్టుకునే షాట్లు ఆడాడు. వీరిద్దరు నాలుగో వికెట్‌కు 50 బంతుల్లో 78 పరుగులు జోడించారు. 15 ఓవర్లలో జట్టు స్కోరు 134/4. సూర్యాంశ్‌ షెడ్గే వేసిన తర్వాతి ఓవర్లో కరన్‌ చెలరేగిపోయాడు. ఈ ఓవర్లో కరన్‌ వరుసగా 6, 6, 2 (నోబాల్‌), 2, 4, 4, 1 బాదడంతో మొత్తం 26 పరుగులు రావడం విశేషం. ఈ జోరులో కరన్‌ సెంచరీ, సీఎస్‌కే 200 దాటడం ఖాయంగా అనిపించాయి. అయితే చివరకు ఈ రెండూ జరగలేదు. యాన్సెన్‌ బౌలింగ్‌లో కరన్‌ అవుట్‌ కాగా...చహల్‌ వేసిన 19వ ఓవర్‌తో అంతా మారిపోయింది. 11 బంతుల వ్యవధిలో చెన్నై 6 వికెట్లు కోల్పోయింది. కీలక భాగస్వామ్యాలు... పంజాబ్‌ ఇన్నింగ్స్‌ మెరుగ్గా మొదలైంది. ప్రియాన్ష్ ఆర్య (15 బంతుల్లో 23; 5 ఫోర్లు), ప్రభ్‌సిమ్రన్‌ చక్కటి షాట్లతో 28 బంతుల్లో 44 పరుగులు జోడించారు. తొలి 6 ఓవర్లలో స్కోరు 51 పరుగులకు చేరింది. ప్రభ్‌సిమ్రన్, శ్రేయస్‌ రెండో వికెట్‌కు 50 బంతుల్లో 72 పరుగులు జత చేశారు. నూర్‌ ఈ జోడీని విడదీయగా, వధేరా (5) విఫలమయ్యాడు. మరోవైపు కరన్‌ ఓవర్లో సిక్స్, ఫోర్‌తో శ్రేయస్‌ 32 బంతుల్లో అర్ధ సెంచరీ సాధించాడు. ప్రభ్‌సిమ్రన్‌ వెనుదిరిగినా...శశాంక్‌ (23; 1 ఫోర్, 2 సిక్స్‌లు)తో కలిసి శ్రేయస్‌ జట్టును గెలుపు దిశగా నడిపించాడు. స్కోరు వివరాలు చెన్నై సూపర్‌ కింగ్స్‌ ఇన్నింగ్స్‌: రషీద్‌ (సి) శశాంక్‌ (బి) అర్ష్ దీప్ 11; ఆయుశ్‌ (సి) శ్రేయస్‌ (బి) యాన్సెన్‌ 7; స్యామ్‌ కరన్‌ (సి) ఇన్‌గ్లిస్‌ (బి) యాన్సెన్‌ 88; జడేజా (సి) ఇన్‌గ్లిస్‌ (బి) హర్‌ప్రీత్‌ 17; బ్రెవిస్‌ (బి) అజ్మతుల్లా 32; శివమ్‌ దూబే (సి) శశాంక్‌ (బి) అర్ష్ దీప్ 6; ధోని (సి) వధేరా (బి) చహల్‌ 11; హుడా (సి) ఆర్య (బి) చహల్‌ 2; కంబోజ్‌ (బి) చహల్‌ 0; నూర్‌ (సి) యాన్సెన్‌ (బి) చహల్‌ 0; ఖలీల్‌ (నాటౌట్‌) 0; ఎక్స్‌ట్రాలు 16; మొత్తం (19.2 ఓవర్లలో ఆలౌట్‌) 190. వికెట్ల పతనం: 1–21, 2–22, 3–48, 4–126, 5–172, 6–184, 7–186, 8–186, 9–186, 10–190. బౌలింగ్‌: అర్ష్ దీప్ 3.2–0–25–2, యాన్సెన్‌ 4–0– 30–2, అజ్మతుల్లా 4–0–39–1, హర్‌ప్రీత్‌ 2–0– 21–1, చహల్‌ 3–0–32–4, సూర్యాంశ్‌ 3–0– 40–0. పంజాబ్‌ కింగ్స్‌ ఇన్నింగ్స్‌: ప్రియాన్ష్ (సి) ధోని (బి) అహ్మద్‌ 23; ప్రభ్‌సిమ్రన్‌ (సి) బ్రెవిస్‌ (బి) నూర్‌ 54; శ్రేయస్‌ (బి) పతిరణ 72; వధేరా (సి) జడేజా (బి) పతిరణ 5; శశాంక్‌ (సి) బ్రెవిస్‌ (బి) జడేజా 23; ఇన్‌గ్లిస్‌ (నాటౌట్‌) 6; సూర్యాంశ్‌ (సి) నూర్‌ (బి) అహ్మద్‌ 1; యాన్సెన్‌ (నాటౌట్‌) 4; ఎక్స్‌ట్రాలు 6; మొత్తం (19.4 ఓవర్లలో 6 వికెట్లకు) 194. వికెట్ల పతనం: 1–44, 2–116, 3–136, 4–180, 5–188, 6–190. బౌలింగ్‌: ఖలీల్‌ 3.4–0–28–2, కంబోజ్‌ 2–0–20–0, జడేజా 3–0–32–1, నూర్‌ 4–0–39–1, స్యామ్‌ కరన్‌ 3–0–27–0, పతిరణ 4–0–45–2. చహల్‌ ‘హ్యాట్రిక్‌’ యుజువేంద్ర చహల్‌ తన తొలి 2 ఓవర్లలో 23 పరుగులిచ్చాడు. ఆ తర్వాత ఇన్నింగ్స్‌ 19వ ఓవర్‌ వేసే అవకాశం దక్కింది. వైడ్‌తో ఓవర్‌ మొదలు పెట్టగా తొలి బంతిని ధోని (11) సిక్సర్‌గా మలిచాడు. అయితే తర్వాతి బంతికే ధోని వెనుదిరగ్గా, మూడో బంతికి హుడా 2 పరుగులు తీశాడు. ఓవర్‌ చివరి మూడు బంతుల్లో వరుసగా హుడా (2), కంబోజ్‌ (0), నూర్‌ (0)లను చహల్‌ అవుట్‌ చేశాడు. ‘హ్యాట్రిక్‌’ పూర్తి కాగానే తనపై ఎన్నో మీమ్‌లకు కారణమైన ట్రేడ్‌ మార్క్‌ పొజిషన్‌లో కూర్చొని అతను సంబరాలు చేసుకున్నాడు. ఐపీఎల్‌లో చహల్‌ ‘హ్యాట్రిక్‌’ తీయడం ఇది రెండోసారి. 2022 సీజన్‌లో రాజస్తాన్‌ తరఫున ఆడుతూ కోల్‌కతాపై అతను హ్యాట్రిక్‌ నమోదు చేశాడు. ఐపీఎల్‌లో ఒకటికంటే ఎక్కువసార్లు హ్యాట్రిక్‌ తీసిన మూడో ఆటగాడిగా అతను నిలిచాడు. గతంలో అమిత్‌ మిశ్రా 3 సార్లు, యువరాజ్‌ 2 సార్లు హ్యాట్రిక్‌ సాధించారు. ఐపీఎల్‌లో నేడురాజస్తాన్‌ X ముంబై వేదిక: జైపూర్‌రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో చెన్నై సూప‌ర్ కింగ్స్ క‌థ ముగిసింది. చెపాక్ వేదిక‌గా పంజాబ్ కింగ్స్‌తో జ‌రిగిన కీల‌క మ్యాచ్‌లో 4 వికెట్ల తేడాతో సీఎస్‌కే ఓటమి పాలైంది. దీంతో ప్లే ఆఫ్స్ రేసు నుంచి చెన్నై నిష్క్ర‌మించింది. ఈ మ్యాచ్‌లో తొలుత బ్యాటింగ్ చేసిన చెన్నై సూప‌ర్ కింగ్స్ 19.2 ఓవ‌ర్ల‌లో 190 ప‌రుగుల‌కు ఆలౌటైంది.సీఎస్‌కే బ్యాట‌ర్ల‌లో సామ్ కుర్రాన్‌(88) అద్బుత‌మైన ఇన్నింగ్స్ ఆడాడు. అత‌డితో పాటు బ్రెవిస్(32) ప‌రుగుల‌తో రాణించాడు. పంజాబ్ బౌల‌ర్ల‌లో యుజ్వేంద్ర చాహ‌ల్ నాలుగు వికెట్ల‌తో చెల‌రేగాడు. ఈ మ్యాచ్‌లో చాహ‌ల్ హ్యాట్రిక్ వికెట్లు ప‌డ‌గొట్టాడు. చాహ‌ల్‌తో పాటు అర్ష్‌దీప్‌, జాన్సెన్ త‌లా రెండు వికెట్లు ప‌డ‌గొట్టారు.అయ్య‌ర్ కెప్టెన్ ఇన్నింగ్స్‌..అనంత‌రం 191 ప‌రుగుల ల‌క్ష్యాన్ని పంజాబ్ కింగ్స్ 19.4 ఓవ‌ర్ల‌లో చేధించింది. పంజాబ్ బ్యాట‌ర్ల‌లో శ్రేయ‌స్ అయ్య‌ర్ కెప్టెన్ ఇన్నింగ్స్ ఆడాడు. 40 బంతుల్లో 5 ఫోర్లు, 4 సిక్స్‌ల‌తో 72 ప‌రుగులు చేశాడు. అత‌డితో పాటు ప్ర‌భ్‌సిమ్రాన్ సింగ్‌(54) హాఫ్ సెంచ‌రీతో మెరిశాడు. సీఎస్‌కే బౌల‌ర్ల‌లో ప‌తిరానా రెండు వికెట్లు ప‌డ‌గొట్ట‌గా.. ర‌వీంద్ర జ‌డేజా, నూర్ అహ్మ‌ద్‌,ఖాలీల్ అహ్మ‌ద్ త‌లా వికెట్ సాధించారు.చ‌ద‌వండి: IPL 2025: చరిత్ర సృష్టించిన చాహల్‌.. ఐపీఎల్ హిస్టరీలోనే తొలి ప్లేయర్‌గా

ఐపీఎల్‌-2025 (IPL 2025)లో పంజాబ్‌ కింగ్స్‌ అదరగొడుతోంది. గతేడాది పద్నాలుగింట కేవలం ఐదే గెలిచిన ఈ జట్టు.. పాయింట్ల పట్టికలో తొమ్మిదో స్థానంతో సీజన్‌ను ముగించింది. అయితే, ఈసారి ఇప్పటికి ఆడిన తొమ్మిది మ్యాచ్‌లలో ఏకంగా ఐదు గెలిచింది.ఈడెన్‌ గార్డెన్స్‌లో కోల్‌కతా నైట్‌ రైడర్స్‌ (KKR)తో శనివారం నాటి మ్యాచ్‌లోనూ 201 పరుగుల మేర భారీ స్కోరు చేసిన పంజాబ్‌కే గెలుపు అవకాశాలు ఎక్కువగా ఉన్నాయి. అయితే, వర్షం కారణంగా ఆ మ్యాచ్‌ రద్దు కావడంతో ఇరుజట్లకు చెరో పాయింట్‌ వచ్చింది. దీంతో 11 పాయింట్లతో పంజాబ్‌ ప్రస్తుతం ఐదో స్థానంలో కొనసాగుతోంది.సానుకూల ఫలితాలుకొత్త కోచ్‌ రిక్కీ పాంటింగ్‌ (Ricky Ponting), నూతన కెప్టెన్‌ శ్రేయస్‌ అయ్యర్‌ (Shreyas Iyer) సారథ్యంలో పంజాబ్‌ ఈ మేరకు సానుకూల ఫలితాలు సాధిస్తోంది. ఒక్కసారి కూడా టైటిల్‌ గెలవలేదన్న అపవాదును చెరిపి వేసుకునే దిశగా ముందుకు సాగుతోంది. ఈ నేపథ్యంలో టీమిండియా మాజీ క్రికెటర్‌ మనోజ్‌ తివారి మాత్రం భిన్నంగా స్పందించాడు.ఈసారి కూడా పంజాబ్‌ ట్రోఫీ గెలవదుకేకేఆర్‌తో మ్యాచ్‌లో రిక్కీ పాంటింగ్‌ వ్యవహరించిన తీరు చూసిన తర్వాత.. ఈసారి కూడా పంజాబ్‌ ట్రోఫీ గెలవలేదంటూ మనోజ్‌ తివారి అభిప్రాయపడ్డాడు. ‘‘ఈ సీజన్‌లో కూడా పంజాబ్‌ టైటిల్‌ సాధించలేదని నాకు గట్టి నమ్మకం.ఎందుకంటే.. కేకేఆర్‌తో మ్యాచ్‌లో పంజాబ్‌ బ్యాటింగ్‌ చూసినప్పుడు నాకో విషయం అర్థమైంది. ఫామ్‌లో ఉన్న భారత బ్యాటర్లు నేహాల్‌ వధేరా, శశాంక్‌ సింగ్‌లను కాకుండా ఆ జట్టు కోచ్‌ విదేశీ ఆటగాళ్లను బ్యాటింగ్‌కు పంపించాడు.పాంటింగ్‌ వాళ్లను నమ్మడుభారత బ్యాటర్ల కంటే వారిపైనే ఎక్కువ నమ్మకం ఉంచాడు. కానీ వాళ్లు ఏమీ చేయలేకపోయారు. దీనిని బట్టి భారత ఆటగాళ్లపై కోచ్‌కు నమ్మకం లేదనిపిస్తోంది. అందుకే వాళ్లను లోయర్‌ ఆర్డర్లో పంపించాడు.అతడు ఇలాగే చేశాడంటే టాప్‌-2లోకి వచ్చినా వాళ్లు టైటిల్‌ మాత్రం గెలవలేరు’’ అని మనోజ్‌ తివారి ఎక్స్‌ వేదికగా రిక్కీ పాంటింగ్‌ తీరును విమర్శించాడు. అయితే, మనోజ్‌ తీరుపై పంజాబ్‌ అభిమానులు ఆగ్రహం వ్యక్తం చేస్తున్నారు.‘‘వ్యూహంలో భాగంగా.. ఒత్తిడి లేని సమయంలో ఫామ్‌లో లేని ఆటగాళ్లను పరీక్షిస్తే వచ్చిన నష్టమేమిటి? వివిధ రకాల కాంబినేషన్లు ట్రై చేయడంలో తప్పేముంది?’’ అని మనోజ్‌ను ట్రోల్‌ చేస్తున్నారు. కాగా కేకేఆర్‌తో మ్యాచ్‌లో టాస్‌ గెలిచిన పంజాబ్‌ తొలుత బ్యాటింగ్‌ చేసింది.మెరుపు ఇన్నింగ్స్‌ఓపెనర్లు ప్రియాన్ష్‌ ఆర్య (35 బంతుల్లో 69), ప్రభ్‌సిమ్రన్‌ సింగ్‌(49 బంతుల్లో 83) మెరుపు ఇన్నింగ్స్‌తో దుమ్ములేపారు. కెప్టెన్‌ శ్రేయస్‌ అయ్యర్‌ మూడో స్థానంలో వచ్చి 25 పరుగులతో అజేయంగా నిలిచాడు.ఇక నాలుగో స్థానంలో వచ్చిన గ్లెన్‌ మాక్స్‌వెల్‌ (7) మరోసారి నిరాశపరచగా.. ఈసారి మార్కో యాన్సెన్‌ (3) కూడా విఫలమయ్యాడు. ఐదో స్థానంలో వచ్చిన జోష్‌ ఇంగ్లిస్‌ (6 బంతుల్లో 11) అయ్యర్‌తో కలిసి ఆఖరి వరకు అజేయంగా ఉన్నాడు. భారీ లక్ష్యంతో బరిలోకి దిగిన కేకేఆర్‌ ఒక ఓవర్‌లో ఏడు పరుగులు చేసింది. ఆ తర్వాత వర్షం కారణంగా మ్యాచ్‌ రద్దైపోయింది.చదవండి: అదరగొడుతున్నాడు.. అతడిని టీమిండియా టీ20 జట్టులోకి తీసుకోండి: పీటర్సన్‌

ఐపీఎల్‌-2025లో శ‌నివారం ఈడెన్‌గార్డెన్స్ వేదిక‌గా కీల‌క‌పోరులో త‌ల‌ప‌డేందుకు పంజాబ్ కింగ్స్‌, కోల్‌క‌తా నైట్‌రైడ‌ర్స్ జ‌ట్లు సిద్ద‌మ‌య్యాయి. ఈ మ్యాచ్‌లో ఎలాగైనా గెలిచి ప్లే ఆఫ్ రేసులో ముందుకు వెళ్ల‌ళాల‌ని ఇరు జ‌ట్లు భావిస్తున్నాయి. ప్ర‌స్తుతం పాయింట్ల ప‌ట్టిక‌లో పంజాబ్ కింగ్స్ ఐదో స్ధానంలో ఉండ‌గా.. కోల్‌క‌తా ఏడో స్ధానంలో ఉంది. ఇరు జ‌ట్ల‌కు ఇంకా ఆరు మ్యాచ్‌లు మిగిలి ఉన్నాయి. ఇక ఇది ఇలా ఉండ‌గా.. ఈ మ్యాచ్‌కు ముందు పంజాబ్ కింగ్స్ కెప్టెన్ శ్రేయ‌స్ అయ్య‌ర్‌ను ఉద్దేశించి భార‌త మాజీ కెప్టెన్ సునీల్ గ‌వాస్క‌ర్ కీల‌క వ్యాఖ్య‌లు చేశాడు.అయ్య‌ర్ త‌న మాజీ జ‌ట్టు కేకేఆర్‌పై మ‌రోసారి ప్ర‌తీకారం తీర్చుకునేందుకు సిద్దంగా ఉన్నాడ‌ని గవాస్కర్ అభిప్రాయ‌ప‌డ్డాడు.కాగా శ్రేయ‌స్ అయ్య‌ర్ గతేడాది సీజ‌న్‌లో కెప్టెన్‌గా కేకేఆర్‌కు టైటిల్‌ను అందించాడు. కానీ అనూహ్యంగా మెగా వేలానికి ముందు అయ్య‌ర్‌ను రిటైన్ చేసుకోకుండా కేకేఆర్ ఫ్రాంచైజీ అంద‌రికి షాకిచ్చింది. కేకేఆర్ నిర్ణ‌యంతో శ్రేయ‌స్ కూడా నిరాశ‌చెందాడు. త‌నతో రిటెన్ష‌న్ కోసం క‌నీసం సంప్ర‌దింపులు కూడా జ‌ర‌ప‌న‌ట్లు శ్రేయ‌స్ ఇటీవ‌లే ఓ ఇంట‌ర్వ్యూలో చెప్పుకొచ్చాడు. ఈ క్ర‌మంలోనే వేలంలోకి వ‌చ్చిన అయ్య‌ర్‌ను రూ.26 .75 కోట్ల భారీ ధ‌ర‌కు పంజాబ్ కొనుగోలు చేసింది. ఈ ఏడాది సీజ‌న్‌లో ఇప్ప‌టికే కేకేఆర్‌ను ఓసారి పంజాబ్ కింగ్స్ చిత్తు చేసింది. 112 ప‌రుగుల స్వ‌ల్ప ల‌క్ష్యాన్ని డిఫెండ్ చేసుకుని పంజాబ్ చ‌రిత్ర సృష్టించింది. నేడు జరగనున్న మ్యాచ్‌లో కూడా అదే ఫలితాన్ని పునరావృతం చేయాలని శ్రేయస్ సేన భావిస్తోంది."కేకేఆర్‌పై శ్రేయస్ అయ్యర్ చాలా కోపంగా ఉంటాడు. ఆటగాళ్లు ఫామ్‌లో లేకపోతే లేదా కెప్టెన్‌గా విఫలమైతే ఏ ఫ్రాంచైజీ అయినా వేలంలోకి విడిచిపెడుతోంది. కానీ అయ్యర్ కథ వేరు. టైటిల్‌ను అందించిన కెప్టెన్‌ను కేకేఆర్ రిటైన్ చేసుకోలేదు. నిజంగా ఈ నిర్ణయం ఎవరినైనా బాధిస్తుంది. టైటిల్‌ను అందించిన జట్టుకు ఏ కెప్టెనైనా ఉండాలని భావించడు.తనను రిటైన్ చేసుకోకపోవడంతో అయ్యర్ చాలా బాధపడ్డాడు. అయితే కేకేఆర్ విడిచిపెట్టడంతో అయ్యర్‌కు ఒకవంతు మంచే జరిగింది. అతడు భారీ ధరకు పంజాబ్ కింగ్స్ జట్టులోకి వచ్చాడు. మ‌రోసారి కేకేఆర్‌పై త‌నంటో నిరూపించ‌కోవాల్సిన స‌మయం వ‌చ్చింది. పంజాబ్‌కు అయ్య‌ర్ మ‌రో రెండు పాయింట్ల‌ను తీసుకువస్తాడ‌ని ఆశిస్తున్నాను" అని స్టార్ స్పోర్ట్స్‌కు ఇచ్చిన ఇంట‌ర్వ్యూలో స‌న్నీ పేర్కొన్నాడు.చ‌ద‌వండి: ఈసారి వేలం వేస్ట్‌.. ధోని కేవలం బ్రాండ్‌ కోసమే ఆడుతున్నాడు: సురేశ్‌ రైనా విమర్శలు

ఐపీఎల్‌-2025 (IPL 2025)లో మరో రసవత్తర పోరు.. డిఫెండింగ్‌ చాంపియన్‌ కోల్‌కతా నైట్‌ రైడర్స్‌- పంజాబ్‌ కింగ్స్‌ (KKR vs PBKS) మధ్య మ్యాచ్‌.. శనివారం నాటి ఈ పోరుకు ఈడెన్‌ గార్డెన్స్‌ వేదిక.ఈ సీజన్‌లో ఇప్పటికే ముఖాముఖి ఇరుజట్లు తలపడగా.. అతి స్వల్ప లక్ష్యాన్ని (112) కాపాడుకుని పంజాబ్‌ కేకేఆర్‌పై జయభేరి మోగించింది. తద్వారా కేకేఆర్‌ మాజీ కెప్టెన్‌, పంజాబ్‌ ప్రస్తుత సారథి శ్రేయస్‌ అయ్యర్‌ (Shreyas Iyer) తన పాత జట్టుపై ప్రతీకారం తీర్చుకున్నాడు.వ్యూహాత్మక నిర్ణయంఇక సొంతగడ్డపై కేకేఆర్‌ను ఓడించాలనే పట్టుదలతో మరోసారి అయ్యర్‌ బరిలోకి దిగనున్నాడు. ఈ నేపథ్యంలో కేకేఆర్‌తో మ్యాచ్‌కు ముందు వ్యూహాత్మక నిర్ణయం తీసుకుంది. దేశీ స్పిన్నర్‌ తనూశ్‌ కొటియాన్‌ను నెట్‌ బౌలర్‌గా రప్పించింది. అతడి బౌలింగ్‌లో పంజాబ్‌ బ్యాటర్లు శుక్రవారం ప్రాక్టీస్‌ చేశారు.అతడే ఎందుకు?ఈ సందర్భంగా పంజాబ్‌ స్పిన్‌ బౌలింగ్‌ కోచ్‌ సునిల్‌ జోషి.. తనూశ్‌కు సలహాలు, సూచనలు ఇవ్వడం కనిపించింది. కాగా ఇప్పటికే పంజాబ్‌ జట్టులో యజువేంద్ర చహల్‌ రూపంలో మేటి స్పిన్నర్‌ అందుబాటులో ఉండగా.. హర్‌ప్రీత్‌బ్రార్‌, ప్రవీణ్‌ దూబే అతడికి సహకారం అందిస్తున్నారు. అయితే, వీరంతా మణికట్టు స్పిన్నర్లే.అందుకే వైవిధ్యం కోసం ఆఫ్‌ స్పిన్నర్‌ అయిన తనూశ్‌ కొటియాన్‌ను పంజాబ్‌ నాయకత్వ బృందం బరిలోకి దించింది. కేకేఆర్‌ మిస్టరీ స్పిన్నర్లు సునిల్‌ నరైన్‌, వరుణ్‌ చక్రవర్తిలను సమర్థవంతంగా ఎదుర్కొనేందుకు అతడి బౌలింగ్‌లో ప్రాక్టీస్‌ చేయించింది.ముంబైకి ప్రాతినిథ్యంకాగా 26 ఏళ్ల తనూశ్‌ కొటియాన్‌ దేశవాళీ క్రికెట్‌లో ముంబైకి ప్రాతినిథ్యం వహిస్తున్నాడు. తన అద్భుత స్పిన్‌ నైపుణ్యాలతో దిగ్గజ ఆల్‌రౌండర్‌ రవిచంద్రన్‌ అశ్విన్‌ వారసుడిగానూ నీరాజనాలు అందుకుంటున్నాడు. అయితే, భారత్‌-ఎ జట్టుకు ఆడుతున్నా.. ఇంత వరకు ఒక్కసారి కూడా జాతీయ జట్టుకు ఎంపిక కాలేదు.ఇక ఇటీవల దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీలో ముంబై గెలవడంలో తనూశ్‌ది కీలక పాత్ర. ఈ ఆర్థోడాక్స్‌ ఆఫ్‌ స్పిన్నర్‌ ఇప్పటి వరకు 33 ఫస్ట్‌క్లాస్‌ మ్యాచ్‌లు ఆడి 101 వికెట్లు తీశాడు. ఇందులో మూడుసార్లు ఐదు వికెట్ల ప్రదర్శన నమోదు చేశాడు. వేలంలో అమ్ముడుపోలేదు.. నెట్‌బౌలర్‌గా వచ్చాడు అంతేకాదు రెండు శతకాలు, 13 ఫిఫ్టీల సాయంతో 1525 పరుగులు సాధించాడు. ఇక లిస్ట్‌-ఎ క్రికెట్‌లో 19 మ్యాచ్‌లు ఆడి 20 వి​కెట్లు తీయడంతో పాటు.. 90 రన్స్‌ చేశాడు. అదే విధంగా 25 టీ20 మ్యాచ్‌లలో కలిపి 25 వికెట్లు కూల్చాడు.కాగా తనూశ్‌ కొటియాన్‌ గతేడాది రాజస్తాన్‌ రాయల్స్‌ జట్టులో ఉన్నాడు. వేలానికి ముందు ఫ్రాంఛైజీ అతడిని వదిలేయగా.. ఐపీఎల్‌-2025 మెగా ఆక్షన్‌లోకి రూ. 30 లక్షల కనీస ధరతో అందుబాటులోకి వచ్చాడు. కానీ పది ఫ్రాంఛైజీల్లో ఒక్కటీ తనూశ్‌పై ఆసక్తి చూపలేదు. దీంతో అతడు అమ్ముడుపోకుండా మిగిలిపోయాడు. ఇప్పుడు పంజాబ్‌ జట్టులోకి నెట్‌ బౌలర్‌గా ఎంట్రీ ఇచ్చాడు. చదవండి: CSK vs SRH: ‘బుర్ర పనిచేయడం లేదా’?!.. మెండిస్‌పై కావ్యా మారన్‌ ఫైర్‌

ఐపీఎల్‌-2025 ముగిసిన త‌ర్వాత భార‌త క్రికెట్ జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నంది. ఈ టూర్‌లో భాగంగా ఆతిథ్య ఇంగ్లండ్‌తో ఐదు టెస్టుల సిరీస్‌లో టీమిండియా త‌ల‌ప‌డ‌నుంది. ఈ సిరీస్‌కు భార‌త జట్టును ఎంపిక చేసిన ప‌నిలో బీసీసీఐ సెల‌క్ష‌న్ క‌మిటీ ప‌డింది. మే రెండో వారంలో భార‌త జ‌ట్టును బీసీసీఐ ప్రక‌టించే అవ‌కాశ‌ముంది.అయితే ఇంగ్లండ్ టూర్‌కు త‌మిళనాడు యువ సంచ‌ల‌నం సాయిసుద‌ర్శ‌న్‌ను ఎంపిక చేసే ఆలోచ‌న‌లో సెల‌క్ట‌ర్లు ఉన్న‌ట్లు తెలుస్తోంది. సుద‌ర్శ‌న్ ప్ర‌స్తుతం అద్భుత‌మైన ఫామ్‌లో ఉన్నాడు. దేశ‌వాళీ క్రికెట్‌తో పాటు ఐపీఎల్‌లోనూ దుమ్ములేపుతున్నాడు. సుద‌ర్శ‌న్ ఇప్ప‌టికే టీ20, వ‌న్డేల్లో భార‌త్ త‌ర‌పున అరంగేట్రం చేశాడు. ఇప్పుడు టెస్టుల్లో డెబ్యూ చసే సూచ‌న‌లు క‌న్పిస్తున్నాయి. అత‌డికి ఇంగ్లండ్ రెడ్-బాల్ క్రికెట్ ఆడిన అనుభ‌వం ఉంది. సుద‌ర్శ‌న్ కౌంటీ క్రికెట్‌లో సర్రే తరపున ఆడాడు. అదేవిధంగా మిడిలార్డ‌ర్ బ్యాట‌ర్లు శ్రేయ‌స్ అయ్య‌ర్‌, ర‌జిత్ పాటిదార్‌ల‌కు తిరిగి పిలుపునివ్వాల‌ని అజిత్ అగార్కర్ అండ్ కో భావిస్తున్న‌ట్లు ప‌లు రిపోర్ట్‌లు పేర్కొంటున్నాయి. అయ్య‌ర్, పాటిదార్ ఇద్ద‌రూ గ‌తేడాది భార‌త టెస్టు జ‌ట్టుకు దూరంగా ఉన్నారు. అయితే ప్ర‌స్తుతం అద్భుత‌మైన ఫామ్‌లో ఉండ‌డంతో ఎంపిక చేయ‌నున్న‌ట్లు వినికిడి. మిడిలార్డ‌ర్‌లో అప్ష‌న్స్ కోసం సెల‌క్ట‌ర్లు వెతుకుతున్నారు. సుద‌ర్శ‌న్‌, పాటిదార్‌, అయ్య‌ర్‌లను ముందే ఇంగ్లండ్‌కు పంపించే అవ‌కాశ‌మున్న‌ట్లు వార్త‌లు వినిపిస్తున్నాయి. వీరు ముగ్గురు భార‌త-ఎ జ‌ట్టు త‌ర‌పున ఇంగ్లండ్ ల‌య‌న్స్‌తో అధికారిక టెస్టు సిరీస్ ఆడ‌నున్నారు.

2024-25 సంవత్సరానికి గానూ భారత క్రికెట్‌ కంట్రోల్‌ బోర్డు (బీసీసీఐ) తమ వార్షిక సెంట్రల్‌ కాంట్రాక్ట్‌ ఆటగాళ్ల జాబితాను (34 మంది) విడుదల చేసింది. భారత స్టార్‌ ఆటగాళ్లు విరాట్‌ కోహ్లి, రోహిత్‌ శర్మ, రవీంద్ర జడేజా, జస్ప్రీత్‌ బుమ్రా తమ ఏ ప్లస్‌ కేటగిరీని రీటైన్‌ చేసుకోగా.. క్రమశిక్షణారాహిత్యం కారణంగా గతేడాది కాంట్రాక్ట్‌ కోల్పోయిన శ్రేయస్‌ అయ్యర్‌, ఇషాన్‌ కిషన్‌ కాంట్రాక్ట్‌ జాబితాలోకి రీ ఎంట్రీ ఇచ్చారు. శ్రేయస్‌ బి కేటగిరీలో, ఇషాన్‌ సి కేటగిరీలో చోటు దక్కించుకున్నారు. ఆంధ్ర ఆల్‌రౌండర్‌ నితీశ్‌ ‍కుమార్‌ రెడ్డి, ఆర్సీబీ కెప్టెన్‌ రజత్‌ పాటిదార్‌, యువ పేసర్‌ హర్షిత్‌ రాణా తొలిసారి బీసీసీఐ సెంట్రల్‌ కాంట్రాక్ట్‌ పొందారు.🚨 𝗡𝗘𝗪𝗦 🚨BCCI announces annual player retainership 2024-25 - Team India (Senior Men)#TeamIndiaDetails 🔽https://t.co/lMjl2Ici3P pic.twitter.com/CsJHaLSeho— BCCI (@BCCI) April 21, 2025సెంట్రల్‌ కాంట్రాక్ట్‌ ఆటగాళ్ల జాబితా మొత్తం నాలుగు కేటగిరీలుగా విభజించడింది. ఇందులో ఏ ప్లస్‌ కింద విరాట్‌ కోహ్లి, రోహిత్‌ శర్మ, రవీంద్ర జడేజా, జస్ప్రీత్‌ బుమ్రా ఉన్నారు. వీరికి ఏడాది 7 కోట్ల రూపాయల శాలరీ లభించనుంది.గ్రేడ్‌-ఏలో సిరాజ్‌, కేఎల్‌ రాహుల్‌, శుభ్‌మన్‌ గిల్‌, హార్దిక్‌ పాండ్యా, షమీ, రిషబ్‌ పంత్‌ ఉన్నారు. వీరికి ఏడాదికి 5 కోట్ల రూపాయల శాలరీ లభించనుంది.గ్రేడ్‌-బిలో సూర్యకుమార్‌ యాదవ్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌, శ్రేయస్‌ అయ్యర్‌ ఉన్నారు. వీరికి ఏడాదికి 3 కోట్ల రూపాయలు శాలరీగా లభించనుంది.గ్రేడ్‌-సిలో రింకూ సింగ్, తిలక్ వర్మ, రుతురాజ్ గైక్వాడ్, శివం దూబే, రవి బిష్ణోయ్, వాషింగ్టన్ సుందర్, ముఖేష్ కుమార్, సంజు శాంసన్, అర్ష్దీప్ సింగ్, ప్రసిద్ కృష్ణ, రజత్ పాటిదార్, ధృవ్ జురెల్, సర్ఫరాజ్ ఖాన్, నితీష్ కుమార్ రెడ్డి, ఇషాన్ కిషన్, అభిషేక్ శర్మ, ఆకాష్ దీప్, వరుణ్ చక్రవర్తి, హర్షిత్ రాణా ఉన్నారు. వీరికి ఏడాదికి కోటి రూపాయలు శాలరీగా లభించనుంది.ఈ ఏడాది కొత్తగా కాంట్రాక్ట్‌ పొందిన ఆటగాళ్లు: ధృవ్ జురెల్, సర్ఫరాజ్ ఖాన్, నితీష్ కుమార్‌ రెడ్డి, ఇషాన్ కిషన్, అభిషేక్ శర్మ, ఆకాష్ దీప్, వరుణ్ చకరవర్తి, హర్షిత్ రాణా, శ్రేయస్ అయ్యర్ఈ ఏడాది కాంట్రాక్ట్‌ కోల్పోయిన ఆటగాళ్లు: శార్దూల్ ఠాకూర్, జితేష్ శర్మ, కేఎస్‌ భరత్, అవేష్ ఖాన్ఈ ఏడాది పదోన్నతి పొందిన ఆటగాడు: రిషబ్ పంత్‌ (బి కేటగిరి నుండి ఏ కేటగిరికి)రిటైర్డ్ అయిన ఆటగాడు: రవిచంద్రన్‌ అశ్విన్ (కేటగిర ఏ నుంచి ఔట్‌)

ఐపీఎల్‌-2025 (IPL 2025)లో రాయల్‌ చాలెంజర్స్‌ బెంగళూరు (RCB) ఐదో గెలుపు నమోదు చేసింది. పంజాబ్‌ కింగ్స్‌ (PBKS vs RCB) చేతిలో సొంత మైదానం చిన్నస్వామి స్టేడియంలో ఎదురైన పరాభవానికి ఆదివారం బదులు తీర్చుకుంది. పంజాబ్‌ను వారి హోం గ్రౌండ్‌ ముల్లన్‌పూర్‌లో ఏడు వికెట్ల తేడాతో చిత్తు చేసింది.శ్రేయస్‌ అయ్యర్‌ లక్ష్యంగాఈ క్రమంలో పంజాబ్‌పై ప్రతీకార విజయం నేపథ్యంలో ఆర్సీబీ బ్యాటర్‌ విరాట్‌ కోహ్లి (Virat Kohli) తనదైన శైలిలో సంబరాలు చేసుకున్నాడు. అయితే, పంజాబ్‌ కెప్టెన్‌ శ్రేయస్‌ అయ్యర్‌ లక్ష్యంగా కోహ్లి వైల్డ్‌గా సెలబ్రేట్‌ చేసుకున్న తీరు విమర్శలకు తావిచ్చింది.కోహ్లి చర్య.. శ్రేయస్‌ ఫైర్‌ఇక కోహ్లి చర్య పట్ల శ్రేయస్‌ కూడా ఒకింత ఆగ్రహం వ్యక్తం చేసినట్లు కనిపించింది. మ్యాచ్‌ ముగియగానే ఇరుజట్ల ఆటగాళ్లు పరస్పరం కరచాలనం చేసుకునే సమయంలో.. అయ్యర్‌ కోహ్లితో కోపంగా ఏదో మాట్లాడాడు. అయితే, కోహ్లి మాత్రం నవ్వుతూ వాతావరణాన్ని చల్లబరచాలని ప్రయత్నించాడు.కానీ శ్రేయస్‌ అయ్యర్‌ మాత్రం గంభీరంగా అతడికి బదులిస్తూ అక్కడి నుంచి వెళ్లిపోయాడు. ఇందుకు సంబంధించిన సోషల్‌ మీడియాలో వైరల్‌గా మారింది. ఏదేమైనా సహచర టీమిండియా ఆటగాడిని కించపరిచేలా ఇలాంటి సెలబ్రేషన్స్‌ దిగ్గజ బ్యాటర్‌ అయిన కోహ్లి స్థాయికి తగవంటూ నెటిజన్లు కామెంట్లు చేస్తున్నారు.కోహ్లిని అనుకరిస్తూ హేళన చేశాడా?అయితే, ఆర్సీబీ అభిమానులు మాత్రం శ్రేయస్‌ అయ్యర్‌ గత మ్యాచ్‌లో కోహ్లిని అనుకరిస్తూ హేళన చేశాడని.. అందుకే కింగ్‌ ఇలా బదులిచ్చాడని కామెంట్లు పెడుతున్నారు. కానీ.. శ్రేయస్‌ ఆర్సీబీ మ్యాచ్‌ సమయంలో ఎలాంటి మూర్ఖపు చర్యలకు దిగలేదని.. కోల్‌కతా నైట్‌ రైడర్స్‌తో మ్యాచ్‌లో అతడు ఇచ్చిన రియాక్షన్‌ను తప్పుగా ప్రచారం చేస్తున్నారని కొందరు నెటిజన్లు పేర్కొంటున్నారు.బ్యాటర్‌గా శ్రేయస్‌ విఫలంకాగా ముల్లన్‌పూర్‌లో ఆదివారం జరిగిన మ్యాచ్‌లో టాస్‌ గెలిచిన ఆర్సీబీ పంజాబ్‌ను బ్యాటింగ్‌కు ఆహ్వానించింది. ఈ క్రమంలో శ్రేయస్‌ అయ్యర్‌ సేన నిర్ణీత 20 ఓవర్లలో ఆరు వికెట్ల నష్టానికి 157 పరుగులు చేసింది. ఓపెనర్లు ప్రియాన్ష్‌ ఆర్య (22), ప్రభ్‌సిమ్రన్‌ సింగ్‌ (33), వికెట్‌ కీపర్‌ జోష్‌ ఇంగ్లిస్‌ (29), శశాంక్‌ సింగ్‌ (33 బంతుల్లో 31) రాణించగా.. ఆఖర్లో మార్కో యాన్సెన్‌ (20 బంతుల్లో 25 నాటౌట్‌) ఆకట్టుకున్నాడు.ఆర్సీబీ బౌలర్లలో స్పిన్నర్లు కృనాల్‌ పాండ్యా, సూయశ్‌ శర్మ చెరో రెండు వికెట్లు తీయగా.. పేసర్‌ రొమారియో షెఫర్డ్‌ శ్రేయస్‌ అయ్యర్‌ (6) రూపంలో కీలక వికెట్‌ దక్కించుకున్నాడు. ఇక లక్ష్య ఛేదనకు దిగిన ఆర్సీబీకి ఆదిలోనే ఎదురుదెబ్బ తగిలింది.దంచికొట్టిన పడిక్కల్‌, కోహ్లిఓపెనర్‌ ఫిల్‌ సాల్ట్‌ కేవలం ఒక్క పరుగు చేసి నిష్క్రమించాడు. ఈ క్రమంలో మరో ఓపెనర్‌ విరాట్‌ కోహ్లి, వన్‌డౌన్‌ బ్యాటర్‌ దేవదత్‌ పడిక్కల్‌తో కలిసి ఇన్నింగ్స్‌ చక్కదిద్దే బాధ్యత తీసుకున్నాడు. పడిక్కల్‌ కేవలం 35 బంతుల్లోనే 61 పరుగులతో దుమ్ములేపాడు.అయితే, కెప్టెన్‌ రజత్‌ పాటిదార్‌ (12) ఈసారి విఫలం కాగా.. కోహ్లి- జితేశ్‌ శర్మతో కలిసి ఆర్సీబీ విజయాన్ని ఖరారు చేశాడు. కోహ్లి 54 బంతుల్లో ఏడు ఫోర్లు, ఒక సిక్సర్‌ సాయంతో 73 పరుగులతో అజేయంగా నిలవగా.. జితేశ్‌ (8 బంతుల్లో 11) సిక్సర్‌తో మ్యాచ్‌ను ముగించాడు. కాగా ఈ సీజన్‌లో ఎనిమిది మ్యాచ్‌లు పూర్తి చేసుకున్న ఆర్సీబీ ఐదింట గెలిచి.. పట్టికలో ప్రస్తుతం మూడో స్థానంలో ఉంది.చదవండి: Rohit Sharma: ఒక్కోసారి మనపై మనకే డౌట్‌!.. నాకు దక్కిన అరుదైన గౌరవంCSK Vs MI: ముంబై జెర్సీలో రాధికా మర్చంట్‌.. రోహిత్‌ ఫిఫ్టీ కొట్టగానే అనంత్‌ అంబానీతో కలిసి ఇలా..Jitesh Sharma dials 6⃣ to seal it in style 🙌Virat Kohli remains unbeaten on 73*(54) in yet another chase 👏@RCBTweets secure round 2⃣ of the battle of reds ❤Scorecard ▶ https://t.co/6htVhCbltp#TATAIPL | #PBKSvRCB pic.twitter.com/6dqDTEPoEA— IndianPremierLeague (@IPL) April 20, 2025

పంజాబ్‌పై ఆర్సీబీ ఘన విజయం18.5వ ఓవర్‌- నేహల్‌ వధేరా బౌలింగ్‌లో భారీ సిక్సర్‌ బాదిన జితేశ్‌ శర్మ (11) మ్యాచ్‌ను ముగించాడు. ఈ మ్యాచ్‌లో తొలుత బ్యాటింగ్‌ చేసిన పంజాబ్‌ నిర్ణీత 20 ఓవర్లలో 6 వికెట్ల నష్టానికి 157 పరుగులు చేయగా.. ఆర్సీబీ 18.5 ఓవర్లలో 3 వికెట్లు కోల్పోయి లక్ష్యాన్ని ఛేదించింది. ఫలితంగా 7 వికెట్ల తేడాతో ఘన విజయం సాధించింది. మూడో వికెట్‌ కోల్పోయిన ఆర్సీబీ16.4వ ఓవర్‌- 143 పరుగుల వద్ద ఆర్సీబీ మూడో వికెట్‌ కోల్పోయింది. చహల్‌ బౌలింగ్‌లో జన్సెన్‌కు క్యాచ్‌ ఇచ్చి పాటిదార్‌ (12) ఔటయ్యాడు.హాఫ్‌ సెంచరీ పూర్తి చేసుకున్న కోహ్లివిరాట్‌ 43 బంతుల్లో 5 ఫోర్ల సాయంతో హాఫ్‌ సెంచరీ పూర్తి చేశాడు. 15 ఓవర్ల తర్వాత ఆర్సీబీ స్కోర్‌ 122/2గా ఉంది. విరాట్‌ (50), పాటిదార్‌ (9) క్రీజ్‌లో ఉన్నారు. ఈ మ్యాచ్‌లో ఆర్సీబీ గెలవాలంటే 30 బంతుల్లో 36 పరుగులు చేయాలి. రెండో వికెట్‌ కోల్పోయిన ఆర్సీబీ12.3వ ఓవర్‌- 109 పరుగుల వద్ద ఆర్సీబీ రెండో వికెట్‌ కోల్పోయింది. హర్ప్రీత్‌ బ్రార్‌ బౌలింగ్‌లో నేహల్‌ వధేరాకు క్యాచ్‌ ఇచ్చి పడిక్కల్‌ (61) ఔటయ్యాడు. లక్ష్యం దిశగా అడుగులు వేస్తున్న ఆర్సీబీ158 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఆర్సీబీ లక్ష్యం దిశగా అడుగులు వేస్తుంది. 9 ఓవర్ల తర్వాత ఆ జట్టు స్కోర్‌ వికెట్‌ నష్టానికి 75 పరుగులుగా ఉంది. విరాట్‌ (35), పడిక్కల్‌ (38) క్రీజ్‌లో ఉన్నారు. ఈ మ్యాచ్‌లో ఆర్సీబీ గెలవాలంటే 66 బంతుల్లో మరో 83 పరుగులు చేయాలి. ధాటిగా ఆడుతున్న కోహ్లి, పడిక్కల్‌ఛేదనలో ఆర్సీబీ ఆదిలోనే సాల్ట్‌ వికెట్‌ కోల్పోయినప్పటికీ ధాటిగానే ఆడుతుంది. విరాట్‌ (31), పడిక్కల్‌ (22) బ్యాట్‌ ఝులిపిస్తున్నారు. 6 ఓవర్ల తర్వాత ఆర్సీబీ స్కోర్‌ 54/1గా ఉంది. తొలి ఓవర్‌లోనే వికెట్‌ కోల్పోయిన ఆర్సీబీ158 పరుగుల లక్ష్యాన్ని ఛేదించేందుకు బరిలోకి దిగిన ఆర్సీబీ తొలి ఓవర్‌లోనే వికెట్‌ కోల్పోయింది. తొలి ఓవర్‌ చివరి బంతికి అర్షదీప్‌సింగ్‌ బౌలింగ్‌లో వికెట్‌కీపర్‌ జోస్‌ ఇంగ్లిస్‌కు క్యాచ్‌ ఇచ్చి ఫిల్‌ సాల్ట్‌ (1) ఔటయ్యాడు. విజృంభించిన ఆర్సీబీ బౌలర్లు.. పంజాబ్‌ స్కోరెంతంటే?ఆర్సీబీ బౌలర్ల ధాటికి పంజాబ్‌ నామమాత్రపు స్కోరుకే పరిమితమైంది. నిర్ణీత 20 ఓవర్లలో ఆరు వికెట్లు నష్టపోయి కేవలం 157 పరుగులు చేసింది. ఓపెనర్లు ప్రియాన్ష్‌ ఆర్య (22), ప్రభ్‌సిమ్రన్‌ సింగ్‌ (33), వికెట్‌ కీపర్‌ జోష్‌ ఇంగ్లిస్‌ (29), శశాంక్‌ సింగ్‌ (31 నాటౌట్‌), మార్కో యాన్సెన్‌ (25 నాటౌట్‌) ఓ మోస్తరుగా పరుగులు రాబట్టారు.మిగతా వాళ్లలో కెప్టెన్‌ శ్రేయస్‌ అయ్యర్‌ (6), నేహాల్‌ వధేరా (5 రనౌట్‌), మార్కస్‌ స్టొయినిస్‌ (1) పూర్తిగా విఫలమయ్యారు. ఆర్సీబీ బౌలర్లలో స్పిన్నర్లు కృనాల్‌ పాండ్యా, సూయశ్‌ శర్మ రెండు వికెట్లు తీయగా.. పేసర్‌ రొమారియో షెఫర్డ్‌ ఒక వికెట్‌ దక్కించుకున్నాడు.పదహారు ఓవర్లు ముగిసే సరికి పంజాబ్‌ స్కోరు: 129-6యాన్సెన్‌ 11, శశాంక్‌ 19 పరుగులతో ఉన్నారు. మరోవైపు.. ఆర్సీబీ స్పిన్నర్‌ సూయశ్‌ శర్మ స్థానంలో బ్యాటర్‌ దేవదత్‌ పడిక్కల్‌ ఇంపాక్ట్‌ సబ్‌గా వచ్చాడు.ఆరో వికెట్‌ డౌన్‌13.5: సూయశ్‌ శర్మ బౌలింగ్‌లో స్టొయినిస్‌ (1) బౌల్డ్‌. మార్కో యాన్సెన్‌ క్రీజులోకి వచ్చాడు. పంజాబ్‌ స్కోరు: 114-6(14). శశాంక్‌ సింగ్‌ 15 పరుగులతో ఉన్నాడు.ఐదో వికెట్‌ కోల్పోయిన పంజాబ్‌13.2: సూయశ్‌ శర్మ బౌలింగ్‌లో జోష్‌ ఇంగ్లిస్‌ (29) బౌల్డ్‌ అయ్యాడు. మార్కస్‌ స్టొయినిస్‌ క్రీజులోకి వచ్చాడు. శశాంక్‌ 14 పరుగులతో ఉన్నాడు. పంజాబ్‌ స్కోరు: 112/5 (13.2) .సెంచరీ కొట్టిన పంజాబ్‌12 ఓవర్లు ముగిసే సరికి పంజాబ్‌ నాలుగు వికెట్ల నష్టానికి సరిగ్గా 100 పరుగులు చేసింది. ఇంగ్లిష్‌ 22, శశాంక్‌ సింగ్‌ 9 పరుగులతో ఉన్నారు.నాలుగో వికెట్‌ కోల్పోయిన పంజాబ్‌8.6: సూయశ్‌ శర్మ బౌలింగ్‌లో జోష్‌ ఇంగ్లిస్‌- నేహాల్‌ వధేరా (5)తో కలిసి సింగిల్‌ తీశాడు. అయితే, రెండో పరుగు తీసే క్రమంలో ఇద్దరి మధ్య సమన్వయం లేకపోవడంతో నేహాల్‌ వధేరా రనౌట్‌ అయ్యాడు. దీంతో పంజాబ్‌ నాలుగో వికెట్‌ కోల్పోయింది. పంజాబ్‌ స్కోరు: 76/4 (9). శశాంక్‌ సింగ్‌ క్రీజులోకి వచ్చాడు.శ్రేయస్‌ అయ్యర్‌ అవుట్‌7.4: రొమారియో షెఫర్డ్‌ బౌలింగ్‌లో శ్రేయస్‌ అయ్యర్‌ (6)కృనాల్‌ పాండ్యాకు క్యాచ్‌ ఇచ్చి పెవిలియన్‌ చేరాడు. దీంతో పంజాబ్‌ మూడో వికెట్‌ కోల్పోయింది. నేహాల్‌ వధేరా క్రీజులోకి వచ్చాడు. పంజాబ్‌ స్కోరు: 69/3 (7.5) . జోష​ ఇంగ్లిస్‌ ఐదు పరుగులతో ఉన్నాడు. రెండో వికెట్‌ కోల్పోయిన పంజాబ్‌6.1: ప్రభ్‌సిమ్రన్‌ (33) రూపంలో పంజాబ్‌ రెండో వికెట్‌ కోల్పోయింది. కృనాల్‌ పాండ్యా బౌలింగ్‌లో టిమ్‌ డేవిడ్‌కు క్యాచ్‌ ఇచ్చి ప్రభ్‌సిమ్రన్‌ పెవిలియన్‌ చేరాడు. జోష్‌ ఇంగ్లిస్‌ అతడి స్థానంలో క్రీజులోకి వచ్చాడు.పవర్‌ ప్లేలో పంజాబ్‌ స్కోరు: 62-1(6)ప్రభ్‌సిమ్రన్‌ 33, శ్రేయస్‌ అయ్యర్‌ ఐదు పరుగులతో క్రీజులో ఉన్నారు.తొలి వికెట్‌ కోల్పోయిన పంజాబ్‌4.2: కృనాల్‌ పాండ్యా బౌలింగ్‌లో తొలి వికెట్‌గా వెనుదిరిగిన ప్రియాన్ష్‌ ఆర్య (22). క్రీజులోకి శ్రేయస్‌ అయ్యర్‌.నిలకడగా ఆడుతున్న ఓపెనర్లుప్రభ్‌సిమ్రన్‌ 10 బంతుల్లో 19, ప్రియాన్ష్‌ ఆర్య 14 బంతుల్లో 22 పరుగులతో ఆడుతున్నారు. నాలుగు ఓవర్లలో పంజాబ్‌ స్కోరు: 41-0 తొలి ఓవర్లో పంజాబ్‌ స్కోరు: 2-0కట్టుదిట్టంగా బౌలింగ్‌ చేసిన భువనేశ్వర్‌ కుమార్‌. ప్రియాన్ష్‌, ప్రభ్‌సిమ్రన్‌ ఒక్కో పరుగుతో ఉన్నారు.🚨 Toss 🚨@RCBTweets won the toss and elected to bowl against @PunjabKingsIPL in Match 37.Updates ▶️ https://t.co/6htVhCbltp#TATAIPL | #PBKSvRCB pic.twitter.com/gg5M40bjrg— IndianPremierLeague (@IPL) April 20, 2025ఐపీఎల్‌-2025లో పంజాబ్‌ కింగ్స్‌- రాయల్‌ చాలెంజర్స్‌ (PBKS vs RCB) మధ్య ఆదివారం మ్యాచ్‌ జరుగనుంది. చండీగడ్‌లోని ముల్లన్‌పూర్‌లో గల మహారాజా యదవీంద్ర సింగ్‌ అంతర్జాతీయ క్రికెట్‌ స్టేడియం ఇందుకు వేదిక. టాస్‌ గెలిచిన ఆర్సీబీ బౌలింగ్‌ ఎంచుకోగా.. ఆతిథ్య పంజాబ్‌ బ్యాటింగ్‌ చేసింది.తుదిజట్లుపంజాబ్‌ప్రభ్‌సిమ్రన్ సింగ్, ప్రియాన్ష్‌ ఆర్య, శ్రేయస్ అయ్యర్(కెప్టెన్‌), జోష్ ఇంగ్లిస్(వికెట్‌ కీపర్‌), నెహాల్ వధేరా, శశాంక్ సింగ్, మార్కస్ స్టోయినిస్, మార్కో యాన్సెన్, జేవియర్ బార్ట్‌లెట్, అర్ష్‌దీప్ సింగ్, యజువేంద్ర చహల్ఇంపాక్ట్‌ సబ్‌స్టిట్యూట్స్‌: హర్‌ప్రీత్ బ్రార్, విజయ్‌కుమార్ వైషాక్, సూర్యాంశ్ షెడ్గే, గ్లెన్ మాక్స్‌వెల్, ప్రవీణ్ దూబేఆర్సీబీఫిలిప్ సాల్ట్, విరాట్ కోహ్లి, రజత్ పాటిదార్(కెప్టెన్‌), జితేష్ శర్మ(వికెట్‌ కీపర్‌), టిమ్ డేవిడ్, కృనాల్ పాండ్యా, రొమారియో షెపర్డ్, భువనేశ్వర్ కుమార్, సూయశ్‌ శర్మ, జోష్ హాజిల్‌వుడ్, యశ్ దయాల్.ఇంపాక్ట్‌ సబ్‌స్టిట్యూట్స్‌: దేవదత్‌ పడిక్కల్‌, రసిఖ్‌ దార్‌ సలామ్‌, మనోజ్‌ భండాగే, జేకబ్‌ బెతెల్‌, స్వప్నిల్‌ సింగ్‌.ప్రతీకారం తీర్చుకోవాలనికాగా ఈ సీజన్‌లో చిన్నస్వామి స్టేడియంలో ఆర్సీబీతో తలపడ్డ పంజాబ్‌ సొంతమైదానంలోనే వారిని ఓడించింది. వర్షం వల్ల పద్నాలుగు ఓవర్లకు కుదించిన మ్యాచ్‌లో బెంగళూరు జట్టుపై ఐదు వికెట్ల తేడాతో విజయం సాధించింది. ఈ నేపథ్యంలో పంజాబ్‌ను వారి సొంత గడ్డపై ఓడించి ప్రతీకారం తీర్చుకోవాలని ఆర్సీబీ పట్టుదలగా ఉంది.

ఆర్సీబీపై పంజాబ్‌ విజయంఐపీఎల్‌ 2025లో భాగంగా ఇవాళ (ఏప్రిల్‌ 18) జరిగిన మ్యాచ్‌లో ఆర్సీబీపై పంజాబ్‌ 5 వికెట్ల తేడాతో విజయం సాధించింది. వర్షం కారణంగా 14 ఓవర్లకు కుదించిన ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన పంజాబ్‌ ఆర్సీబీని 95 పరుగులకే (9 వికెట్ల నష్టానికి) కట్టడి చేసింది. పంజాబ్‌ బౌలర్లలో అర్షదీప్‌, జన్సెన్‌, చహల్‌, హర్ప్రీత్‌ బ్రార్‌ తలో రెండు వికెట్లు.. బార్ట్‌లెట్‌ ఓ వికెట్‌ తీసి ఆర్సీబీ పతనాన్ని శాశించారు. ఆఖర్లో టిమ్‌ డేవిడ్‌ చెలరేగడంతో ఆర్సీబీ ఈ మాత్రం స్కోరైనా చేయగలిగింది.బ్రార్‌ వేసిన ఆఖరి ఓవర్‌లో డేవిడ్‌ హ్యాట్రిక్‌ సిక్సర్లు సహా 21 పరుగులు రాబట్టాడు. ఈ క్రమంలో డేవిడ్‌ 26 బంతుల్లో హాఫ్‌ సెంచరీ పూర్తి చేసుకున్నాడు. డేవిడ్‌ ఇన్నింగ్స్‌లో 5 ఫోర్లు, 3 సిక్సర్లు ఉన్నాయి. ఆర్సీబీ ఇన్నింగ్స్‌లో డేవిడ్‌తో పాటు రజత్‌ పాటిదార్‌ (18 బంతుల్లో 23; ఫోర్‌, సిక్స్‌) మాత్రమే రెండంకెల స్కోర్‌ చేశాడు. మిగతా ఆర్సీబీ బ్యాటర్లలో సాల్ట్‌ 4, కోహ్లి 1, లివింగ్‌స్టోన్‌ 4, జితేశ్‌ శర్మ 2, కృనాల్‌ పాండ్యా 1, మనోజ్‌ భాండగే 1, భువనేశ్వర్‌ 8, యశ్‌ దయాల్‌ 0 పరుగులకు ఔటయ్యారు.అనంతరం​ స్వల్ప లక్ష్యాన్ని ఛేదించేందుకు బరిలోకి దిగిన పంజాబ్‌ కూడా తడబడుతూ బ్యాటింగ్‌ చేసింది. ఆ జట్టు కూడా వరుస విరామాల్లో వికెట్లు కోల్పోయి ఒత్తిడికి లోనైంది. అయితే నేహల్‌ వధేరా (33 నాటౌట్‌) ఏమాత్రం జంక కుండా బ్యాటింగ్‌ చేసి పంజాబ్‌ను విజయతీరాలకు చేర్చాడు. పంజాబ్‌ 12.1 ఓవర్లలో 5 వికెట్లు కోల్పోయి లక్ష్యాన్ని చేరుకుంది. యశ్‌ దయాల్‌ బౌలింగ్‌లో సిక్సర్‌ బాది స్టోయినిస్‌ (7 నాటౌట్‌) మ్యాచ్‌ను ముగించాడు. పంజాబ్‌ ఇన్నింగ్స్‌లో ప్రియాంశ్‌ ఆర్య 16, ప్రభ్‌సిమ్రన్‌ సింగ్‌ 13, శ్రేయస్‌ అయ్యర్‌ 7, జోస్‌ ఇంగ్లిస్‌ 14, శశాంక్‌ సింగ్‌ 1 పరుగు చేసి ఔటయ్యారు. ఆర్సీబీ బౌలర్లలో హాజిల్‌వుడ్‌ అద్భుతంగా బౌలింగ్‌ చేసి 3 వికెట్లు తీయగా.. భువనేశ్వర్‌ కుమార్‌ 2 వికెట్లు పడగొట్టాడు. తొలి వికెట్‌ కోల్పోయిన పంజాబ్‌2.4వ ఓవర​్‌- 22 పరుగుల వద్ద పంజాబ్‌ తొలి వికెట్‌ కోల్పోయింది. భువనేశ్వర్‌ బౌలింగ్‌లో టిమ్‌ డేవిడ్‌ అద్భుతమైన క్యాచ్‌ పట్టడంతో ప్రభ్‌సిమ్రన్‌ (13) ఔటయ్యాడు. పంజాబ్‌ బౌలర్ల విజృంభణ.. 95 పరుగులకే పరిమితమైన ఆర్సీబీవర్షం కారణంగా 14 ఓవర్లకు కుదించిన మ్యాచ్‌లో టాస్‌ గెలిచి తొలుత బౌలింగ్‌ చేసిన పంజాబ్‌ ఆర్సీబీని 95 పరుగులకే (9 వికెట్ల నష్టానికి) కట్టడి చేసింది. పంజాబ్‌ బౌలర్లు ఆకాశమే హద్దుగా చెలరేగిపోయారు. అర్షదీప్‌, జన్సెన్‌, చహల్‌, హర్ప్రీత్‌ బ్రార్‌ తలో రెండు వికెట్లు.. బార్ట్‌లెట్‌ ఓ వికెట్‌ తీసి ఆర్సీబీ పతనాన్ని శాశించారు. ఆఖర్లో టిమ్‌ డేవిడ్‌ చెలరేగడంతో ఆర్సీబీ ఈ మాత్రం స్కోరైనా చేయగలిగింది. బ్రార్‌ వేసిన ఆఖరి ఓవర్‌లో డేవిడ్‌ హ్యాట్రిక్‌ సిక్సర్లు సహా 21 పరుగులు రాబట్టాడు. ఈ క్రమంలో డేవిడ్‌ 26 బంతుల్లో హాఫ్‌ సెంచరీ పూర్తి చేసుకున్నాడు. డేవిడ్‌ ఇన్నింగ్స్‌లో 5 ఫోర్లు, 3 సిక్సర్లు ఉన్నాయి. ఆర్సీబీ ఇన్నింగ్స్‌లో డేవిడ్‌తో పాటు రజత్‌ పాటిదార్‌ (18 బంతుల్లో 23; ఫోర్‌, సిక్స్‌) మాత్రమే రెండంకెల స్కోర్‌ చేశాడు. మిగతా ఆర్సీబీ బ్యాటర్లలో సాల్ట్‌ 4, కోహ్లి 1, లివింగ్‌స్టోన్‌ 4, జితేశ్‌ శర్మ 2, కృనాల్‌ పాండ్యా 1, మనోజ్‌ భాండగే 1, భువనేశ్వర్‌ 8, యశ్‌ దయాల్‌ 0 పరుగులకు ఔటయ్యారు. 33 పరుగులకే సగం​ వికెట్లు కోల్పోయిన ఆర్సీబీఆర్సీబీ పీకల్లోతు కష్టాల్లో కూరుకుపోయింది. 33 పరుగులకే సగం​ వికెట్లు కోల్పోయింది. అర్షదీప్‌ సింగ్‌ 2, బార్ట్‌లెట్‌, జన్సెన్‌, చహల్‌ తలో వికెట్‌ తీశారు. పాటిదార్‌ (21), టిమ్‌ డేవిడ్‌ (5) క్రీజ్‌లో ఉన్నారు. 6.3 ఓవర్ల తర్వాత ఆర్సీబీ స్కోర్‌ 38/5గా ఉంది. కోహ్లి ఔట్‌.. 21 పరుగులకే ఓపెనర్ల వికెట్లు కోల్పోయిన ఆ​ర్సీబీ2.4వ ఓవర్‌- 21 పరుగులకే ఆర్సీబీ ఓపెనర్ల వికెట్లు కోల్పోయింది. అర్షదీప్‌ బౌలింగ్‌లో జన్సెన్‌కు క్యాచ్‌ ఇచ్చి కోహ్లి (1) ఔటయ్యాడు. తొలి ఓవర్‌లోనే వికెట్‌ కోల్పోయిన ఆర్సీబీటాస్‌ ఓడి తొలుత బ్యాటింగ్‌కు దిగిన ఆర్సీబీ తొలి ఓవర్‌లోనే వికెట్‌ కోల్పోయింది. అర్షదీప్‌ బౌలింగ్‌లో తొలి బంతికే బౌండరీ బాదిన సాల్ట్‌ నాలుగో బంతికి మరో భారీ షాట్‌కు ప్రయత్నించి వికెట్‌ కీపర్‌ ఇంగ్లిస్‌కు క్యాచ్ ఇ​చ్చి ఔటయ్యాడు. టాస్‌ గెలిచి బౌలింగ్‌ ఎంచుకున్న పంజాబ్‌పంజాబ్‌ కెప్టెన్‌ శ్రేయస్‌ అయ్యర్‌ టాస్‌ గెలిచి బౌలింగ్‌ ఎంచుకున్నాడు. ఈ మ్యాచ్‌ కోసం పంజాబ్‌ రెండు మార్పులు చేసింది. మ్యాక్స్‌వెల్‌ స్థానంలో స్టోయినిస్‌ జట్టులోకి వచ్చాడు. హర్ప్రీత్‌ బ్రార్‌ తుది జట్టులో చోటు దక్కించుకున్నాడు. ఆర్సీబీ ఈ మ్యాచ్‌లో ఎలాంటి మార్పులు లేకుండా బరిలోకి దిగుతుంది. తుది జట్లు..రాయల్ ఛాలెంజర్స్ బెంగళూరు (ప్లేయింగ్ XI): ఫిలిప్ సాల్ట్, విరాట్ కోహ్లీ, రజత్ పాటిదార్(కెప్టెన్‌), లియామ్ లివింగ్‌స్టోన్, జితేష్ శర్మ(వికెట్‌కీపర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, సుయాష్ శర్మ, యశ్ దయాల్ ఇంపాక్ట్ సబ్స్: దేవదత్ పడిక్కల్, రసిఖ్ దార్ సలామ్, మనోజ్ భాండాగే, జాకబ్ బెథెల్, స్వప్నిల్ సింగ్ పంజాబ్ కింగ్స్ (ప్లేయింగ్ XI): ప్రియాంష్ ఆర్య, నేహాల్ వధేరా, శ్రేయాస్ అయ్యర్ (కెప్టెన్‌), శశాంక్ సింగ్, జోష్ ఇంగ్లిస్ (వికెట్‌కీపర్‌), మార్కస్ స్టోయినిస్, మార్కో జాన్సెన్, హర్‌ప్రీత్ బ్రార్, జేవియర్ బార్ట్‌లెట్, అర్ష్‌దీప్ సింగ్, యుజ్వేంద్ర చాహల్ఇంపాక్ట్ సబ్స్: ప్రభ్‌సిమ్రాన్ సింగ్, విజయ్‌కుమార్ వైషాక్, సూర్యాంశ్ షెడ్జ్, గ్లెన్ మాక్స్‌వెల్, ప్రవీణ్ దూబే9:30 గంటలకు టాస్‌.. 14 ఓవర్ల మ్యాచ్‌టాస్‌ 9:30 గంటలకు పడనుంది. 9:45 గంటలకు మ్యాచ్‌ ప్రారంభం కానుంది. ఈ మ్యాచ్‌ను 14 ఓవర్లకు కుదించారు. బ్యాటింగ్‌ పవర్‌ ప్లే 4 ఓవర్లుగా తేల్చారు. ముగ్గురు బౌలర్లు నాలుగు ఓవర్లు, ఓ బౌలర్‌ మిగతా రెండు ఓవర్లు బౌల్‌ చేయవచ్చు. తగ్గిన వర్షం​.. తొలిగిన కవర్లు9:05 గంటలు- ఎట్టకేలకు వర్షం తగ్గుముఖం పట్టడంతో మైదాన సిబ్బంది కవర్లను తొలగించారు. ఇరు జట్ల ఆటగాళ్లు మైదానంలోకి ఎంట్రీ ఇచ్చి వార్మప్‌ మొదలుపెట్టారు. ఎంతకీ తగ్గని వర్షం.. ఓవర్ల కోత మొదలైంది8:30 గంటలు-సాయంత్రం ప్రారంభమైన వర్షం ఎంతకీ తగ్గడం లేదు. ఇకపై మ్యాచ్‌ ప్రారంభమైనా ఓవర్ల కోత తప్పదని తెలుస్తుంది.ఐపీఎల్‌ 2025లో భాగంగా ఇవాళ (ఏప్రిల్‌ 18) ఆర్సీబీ, పంజాబ్‌ కింగ్స్‌ జట్లు తలపడాల్సి ఉంది. ఈ మ్యాచ్‌లో ఆర్సీబీ హెం గ్రౌండ్‌ చిన్నస్వామి స్టేడియంలో రాత్రి 7:30 గంటలకు ప్రారంభం కావాల్సి ఉంది. అయితే ఈ మ్యాచ్‌కు వరుణుడు అడ్డు తగిలాడు. టాస్‌ ఆలస్యమయ్యే అవకాశముంది. గత రెండు, మూడు గంటల నుంచి వర్షం​ పడుతుండటంతో స్టేడియం మొత్తం కవర్లు కప్పి ఉంచారు. మ్యాచ్‌ పూర్తిగా రద్దయ్యే ప్రమాదమేమీ లేనప్పటి.. ఓవర్ల కోత ఉండవచ్చని తెలుస్తుంది.

ఐపీఎల్‌ 2025లో ఇవాళ (ఏప్రిల్‌ 18) ఆర్సీబీ, పంజాబ్‌ కింగ్స్‌ జట్లు తలపడాల్సి ఉంది. ఈ మ్యాచ్‌లో ఆర్సీబీ హెం గ్రౌండ్‌ చిన్నస్వామి స్టేడియంలో రాత్రి 7:30 గంటలకు ప్రారంభం కానుంది. ఈ మ్యాచ్‌కు వర్షం ముప్పు పొంచి ఉందని తెలుస్తుంది. సోషల్‌మీడియాలో జరుగుతున్న ప్రచారం మేరకు బెంగళూరులోని చిన్నస్వామి స్టేడియం కవర్లతో కప్పి ఉంది. వర్షం పడే సూచనలు ఉన్నప్పుడే ఇలా చేస్తారు. స్టేడియం పరిసర ప్రాంతాల్లో ఆకాశం మేఘావృతమై ఉంది. మ్యాచ్‌ జరిగే సమయానికి 22 శాతం వర్షం పడే అవకాశం ఉన్నట్లు వాతావరణ శాఖ తెలిపింది. ఈ మ్యాచ్‌ పూర్తిగా రద్దయ్యే ప్రమాదమేమీ లేనప్పటికీ పాక్షికంగా బ్రేకులు పడే ఛాన్స్‌ ఉంది.ఇదిలా ఉంటే, ప్రస్తుత సీజన్‌లో ఆర్సీబీకి హోం గ్రౌండ్‌లో ఇది మూడో మ్యాచ్‌. ఇక్కడ ఆడిన గత రెండు మ్యాచ్‌ల్లో ఆర్సీబీ ఓడింది. ఈ సీజన్‌లో ఆర్సీబీ ప్రత్యర్థి ఇలాకాల్లో ఆడిన ప్రతి మ్యాచ్‌లోనూ గెలిచింది. ఈ సీజన్‌లో ఆర్సీబీ తమ సొంత మైదానంలో గుజరాత్‌, ఢిల్లీ చేతుల్లో ఓడింది. ఆర్సీబీ ఈ సీజన్‌లో కేకేఆర్‌, సీఎస్‌కే, ముంబై ఇండియన్స్‌, రాజస్థాన్‌ రాయల్స్‌ను వారి సొంత ఇలాకాల్లో ఓడించింది. ప్రస్తుతం ఆర్సీబీ 6 మ్యాచ్‌ల్లో 4 విజయాలతో పాయింట్ల పట్టికలో మూడో స్థానంలో (+0.672) ఉంది. పంజాబ్‌ విషయానికొస్తే.. ఈ జట్టు ప్రస్తుత సీజన్‌లో గతంలో ఎన్నడూ లేనంత పటిష్టంగా కనిపిస్తుంది. పంజాబ్‌ ఈ సీజన్‌లో ఇప్పటివరకు ఆడిన 6 మ్యాచ్‌ల్లో నాలుగింట గెలిచి నాలుగో స్థానంలో (+0.172) ఉంది. పంజాబ్‌ ఈ సీజన్‌లో గుజరాత్‌, లక్నో, సీఎస్‌కే, కేకేఆర్‌పై విజయాలు సాధించి, రాజస్థాన్‌ రాయల్స్‌, సన్‌రైజర్స్‌ చేతుల్లో పరాజయంపాలైంది. పంజాబ్‌.. కేకేఆర్‌తో జరిగిన గత మ్యాచ్‌లో 111 పరుగుల అతి స్వల్ప లక్ష్యాన్ని డిఫెండ్‌ చేసుకుని రికార్డుల్లోకెక్కింది. అంతుకుముందు పంజాబ్‌ సన్‌రైజర్స్‌పై 245 పరుగులు చేసినప్పటికీ ఓటమిపాలైంది.పంజాబ్‌దే స్వల్ప పైచేయిపంజాబ్‌, ఆర్సీబీ మధ్య హెడ్‌ టు హెడ్‌ రికార్డులను పరిశీలిస్తే పంజాబ్‌దే స్వల్ప పైచేయిగా ఉంది. ఇరు జట్లు ఇప్పటివరకు 33 మ్యాచ్‌ల్లో తలపడగా.. పంజాబ్‌ 17, ఆర్సీబీ 16 మ్యాచ్‌ల్లో విజయాలు సాధించాయి. ఇరు జట్లు చివరిగా తలపడిన మూడు మ్యాచ్‌ల్లో ఆర్సీబీ విజయం సాధించింది.తుది జట్లు (అంచనా)..ఆర్సీబీ: ఫిల్ సాల్ట్, విరాట్ కోహ్లీ, దేవదత్ పడిక్కల్, రజత్ పాటిదార్ (కెప్టెన్‌), లియామ్ లివింగ్‌స్టోన్, జితేష్ శర్మ (వికెట్‌కీపర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, యశ్ దయాల్, సుయాష్ శర్మపంజాబ్‌: ప్రియాంష్ ఆర్య, ప్రభ్‌సిమ్రాన్ సింగ్, శ్రేయాస్ అయ్యర్ (కెప్టెన్‌), నేహాల్ వధేరా, జోష్ ఇంగ్లిస్ (వికెట్‌కీపర్‌), గ్లెన్ మాక్స్‌వెల్, శశాంక్ సింగ్, మార్కో జాన్సెన్, జేవియర్ బార్ట్‌లెట్, యుజ్వేంద్ర చాహల్, అర్ష్‌దీప్ సింగ్, విజయ్‌కుమార్ వైశాఖ్‌

ఇండియన్‌ ప్రీమియర్‌ లీగ్‌ (IPL) ఆవిర్భావం తర్వాత దేశంలో ఎన్నో స్థానిక టీ20 లీగ్‌లు పుట్టుకొచ్చాయి. తమిళనాడు ప్రీమియర్‌ లీగ్‌ (TPL), ఉత్తరప్రదేశ్ టీ20 లీగ్, ఆంధ్ర ప్రీమియర్‌ లీగ్‌ (APL), కర్ణాటక ప్రీమియర్‌ లీగ్‌, పంజాబ్‌ ప్రీమియర్‌ లీగ్‌, వెస్ట్‌ బెంగాల్‌, మహారాష్ట్ర, గుజరాత్‌, మధ్యప్రదేశ్‌ ప్రీమియర్‌ లీగ్‌, ఢిల్లీ ప్రీమియర్‌ లీగ్‌ ఇందులో భాగం.ఇక ముంబై క్రికెట్‌ అసోసియేషన్‌ (MCA) కూడా గత రెండు సీజన్లుగా టీ20 ముంబై లీగ్‌ను నిర్వహిస్తోంది. ఈ క్రమంలో మే 26- జూన్‌ 5 వరకు మూడో ఎడిషన్‌ నిర్వహించేందుకు షెడ్యూల్‌ ఖరారు చేసింది. అయితే, ఈ సీజన్‌ను మరింత ప్రత్యేకంగా నిలిపేందుకు ఎంసీఏ మాస్టర్‌ ప్లాన్‌ వేసింది. దేశవాళీ క్రికెట్‌లో ముంబైకి టీమిండియా స్టార్లందరినీ రంగంలోకి దింపాలని నిర్ణయించుకుంది.సూర్య, శ్రేయస్‌, పృథ్వీ షా.. అందరూ ఆడాల్సిందే!టీమిండియా టీ20 కెప్టెన్‌ సూర్యకుమార్‌ యాదవ్‌ (Suryakumar Yadav) సహా స్టార్‌ బ్యాటర్‌ శ్రేయస్‌ అయ్యర్‌, అజింక్య రహానే, శివం దూబే, పృథ్వీ షా, శార్దూల్‌ ఠాకూర్‌ తదితరులకు టీ20 ముంబై లీగ్‌లో తప్పనిసరిగా పాల్గొనాల్సిందిగా ఎంసీఏ ఆదేశాలు జారీ చేసినట్లు సమాచారం.కాగా ఐపీఎల్‌-2025 ముగిసిన తర్వాత టీమిండియా టెస్టు సిరీస్‌ ఆడేందుకు ఇంగ్లండ్‌ పర్యటనకు వెళ్లనున్న విషయం తెలిసిందే. అయితే, ఈ టూర్‌కి ఎంపిక కాని ముంబై సభ్యులంతా స్థానిక టీ20 లీగ్‌లో పాల్గొనాలని ఎంసీఏ వారికి స్పష్టం చేసినట్లు సమాచారం.అదనంగా రూ. 15 లక్షలు ఈ విషయం గురించి ఎంసీఏ అధికారి ఒకరు ఇండియన్‌ ఎక్స్‌ప్రెస్‌తో మాట్లాడుతూ ఇందుకు సంబంధించిన వివరాలు వెల్లడించారు. ఈ మేరకు.. ‘‘ముంబైకి ఆడే టీమిండియా ఆటగాళ్లందరూ ముంబై టీ20 లీగ్‌లో ఆడాల్సిందిగా ఆదేశాలు ఇచ్చాం. ఐపీఎల్‌ ముగిసిన వెంటనే ఈ లీగ్‌ మొదలవుతుంది. కాబట్టి.. టీమిండియా తరఫున విధుల్లో లేని వారు తప్పకుండా ఇందులో పాల్గొనాలి.ఒకవేళ గాయాల బెడదతో బాధపడుతూ ఉంటే వారికి మాత్రం మినహాయింపు ఉంటుంది. ఈ లీగ్‌లో పాల్గొనే భారత జట్టు ఆటగాళ్లకు వేలం ఫీజుకు అదనంగా రూ. 15 లక్షలు ఇవ్వాలని ఎంసీఏ నిర్ణయించింది. త్వరలోనే ఆటగాళ్ల కనీస ధరను నిర్ణయిస్తాం.ఈ సీజన్‌లో ముంబై టీ20 లీగ్‌కు అనూహ్య స్పందన వస్తోంది. 2800కి పైగా ప్లేయర్లు తమ పేర్లను నమోదు చేసుకున్నారు. ముంబైకర్లకు క్రికెట్‌ అంటే ఎంత మక్కువో దీనిని బట్టి అర్థం చేసుకోవచ్చు. టీమిండియాకు భవిష్యత్‌ తారలను అందించేందుకు మేము చేసే ప్రయత్నం తప్పక ఫలిస్తుంది’’ అని సదరు ఎంసీఏ అధికారి పేర్కొన్నారు. కాగా.. వీలైతే రోహిత్‌ శర్మను కూడా రంగంలోకి దింపి ఈ లీగ్‌కు మరింత ప్రాచుర్యం కల్పించాలనే యోచనలో ఎంసీఏ ఉన్నట్లు తెలుస్తోంది.చదవండి: Rohit Sharma: కమిన్స్‌, స్టార్క్‌ కాదు!.. అతడిని ఎదుర్కోవడమే అత్యంత కష్టం

స‌క్సెస్ ఈజ్ ద బెస్ట్ రెవేంజ్.. అంటారు. అవ‌మానించిన వారికి గెలుపుతో స‌మాధానం చెబితే వ‌చ్చే కిక్కే వేరు. క్రికెట‌ర్ శ్రేయ‌స్ అయ్య‌ర్ (Shreyas Iyer) విష‌యంలో స‌రిగ్గా అదే జ‌రిగింద‌ని అంటున్నారు ఫ్యాన్స్‌. ఇండియ‌న్ ప్రీమియ‌ర్ లీగ్ (ఐపీఎల్‌) ఎడిష‌న్‌లో భాగంగా మంగ‌ళ‌వారం రాత్రి జ‌రిగిన మ్యాచ్‌లో కోల్‌క‌తా నైట్‌రైడ‌ర్స్‌పై పంజాబ్ కింగ్స్ (Punjab Kings) అనూహ్య విజ‌యం సాధించింది. చండీగఢ్- ముల్లన్‌పూర్‌లోని మహారాజా యదవీంద్ర సింగ్ అంతర్జాతీయ క్రికెట్ స్టేడియం వేదిక‌గా జ‌రిగిన ఈ మ్యాచ్ క్రికెట్ ప్రేమికుల‌ను మంచి అనుభూతిని క‌లిగించింది. శ్రేయ‌స్ అయ్య‌ర్ అభిమానుల‌కు రెట్టింపు ఆనందాన్ని ఇచ్చింది.క‌ష్ట‌సాధ్య‌మైన మ్యాచ్‌లో కోల్‌క‌తాపై ఊహించని విజ‌యం ద‌క్క‌డంతో వారు త‌మ సంతోషాన్ని సోష‌ల్ మీడియా వేదికగా వ్య‌క్త‌ప‌రుస్తున్నారు. శ్రేయ‌స్ అయ్యర్ నాయ‌క‌త్వ ప‌టిమ‌ను ప్ర‌స్తుతిస్తున్నారు. ప‌నిలో ప‌నిగా కోల్‌క‌తా నైట్‌రైడ‌ర్స్ యాజ‌మాన్యంపై విసుర్లు విసుతున్నారు. గ‌త సీజ‌న్‌లో ఐపీఎల్ క‌ప్ సాధించి పెట్టిన అయ్య‌ర్‌ను ఈసారి కోల్‌క‌తా నైట్‌రైడ‌ర్స్ (kolkata knight riders) వ‌దిలేసుకుంది. జ‌ట్టును ఐపీఎల్‌ విజేత‌గా నిలిపిన కెప్టెన్‌ను కోల్‌క‌తా వ‌దిలేసుకోవ‌డం క్రికెట్ ల‌వ‌ర్స్‌ను ఆశ్చ‌ర్య‌ప‌రిచింది. ముఖ్యంగా అయ్య‌ర్ అభిమానులు బాగా హ‌ర్ట్ అయ్యారు. ఇది అయ్య‌ర్‌కు జ‌రిగిన అవ‌మానంగా వారంతా భావించారు. మెగా వేలంలో భారీ మొత్తానికి అయ్య‌ర్‌ను పంజాబ్ ద‌క్కించుకుని కెప్టెన్‌గా నియ‌మించింది.బెస్ట్ ప్లేయ‌ర్‌, కెప్టెన్ఈ నేప‌థ్యంలో గ‌త రాత్రి ఉత్కంఠ‌భ‌రితంగా సాగిన మ్యాచ్ భావోద్వేగాల‌ను శిఖ‌ర స్థాయికి చేర్చింది. ఐపీఎల్‌లో అతి త‌క్కువ స్కోరును కాపాడుకుని కోల్‌క‌తాపై కింగ్స్ జ‌య‌కేత‌నం ఎగ‌ర‌వేసింది. దీంతో పాటు ఐసీసీ ప్లేయ‌ర్ ఆఫ్ ద మంత్ అవార్డు కింగ్స్ కెప్టెన్‌ను వ‌రించడంతో అభిమానులు సోష‌ల్ మీడియాలో అయ్య‌ర్‌పై ప్ర‌శంస‌లు కురిపిస్తున్నారు. ఈ జ‌న‌రేష‌న్‌లో బెస్ట్ ప్లేయ‌ర్‌, కెప్టెన్ అంటూ పొగిడేస్తున్నారు. అవ‌మానాల‌ను పంటి బిగువ‌న భరిస్తూ ప‌దునైన‌ ఆట‌తోనే స‌మాధానం చెబుతున్నాడ‌ని మెచ్చుకుంటున్నారు. పలువురు మాజీ క్రికెట‌ర్లు కూడా శ్రేయ‌స్‌ను శభాష్ అంటూ మెచ్చుకున్నారు.శిఖ‌ర్ కాదు.. శ్రేయ‌ర్ టీమ్త‌న‌ను కాద‌న్న కోల్‌క‌తాపై అయ్య‌ర్ బ‌దులు తీర్చుకున్నాడని కామెంట్లు పెడుతున్నారు. మ్యాచ్ గెలిచిన త‌ర్వాత కూడా అయ్య‌ర్ అన‌వ‌స‌ర హ‌డావుడి చేయ‌కుండా చాలా హుందాగా వ్య‌వ‌హ‌రించాడ‌ని అంటున్నారు. క‌ర్మ‌ఫ‌లం అనుభ‌వించ‌క త‌ప్ప‌ద‌ని కొంత‌మంది కోల్‌క‌తాను క‌సురుకున్నారు. ఇది శిఖ‌ర్ ధ‌వ‌న్ టీమ్ కాదు, శ్రేయ‌స్ అయ్య‌ర్ టీమ్ అంటూ ఓ నెటిజ‌న్ వ్యాఖ్యానించారు. ప్ర‌త్య‌ర్ధి కోల్‌క‌తా అయితే పంజాబ్ జ‌ట్టుకు ఎక్క‌డ‌లేని బలం వ‌స్తుంద‌ని, అద్భుతాలు చేస్తుంద‌ని మ‌రో యూజ‌ర్ అభిప్రాయ‌ప‌డ్డారు. 2024 ఐపీఎల్‌లో ఈడెన్ గార్డెన్‌లో కోల్‌క‌తాపై 262 ప‌రుగుల టార్గెట్‌ను పంజాబ్ ఛేజ్ చేసిన విష‌యాన్ని ఈ సంద‌ర్భంగా గుర్తు చేశారు.చాహ‌ల్ సూప‌ర్‌పంజాబ్ కింగ్స్ విజ‌యంలో కీల‌క పాత్ర పోషించిన స్పిన్న‌ర్ యుజువేంద్ర చాహ‌ల్‌ (yuzvendra chahal)పై కూడా ప్ర‌శంస‌లు కురుస్తున్నాయి. మ్యాచ్‌ను మ‌లుపు తిప్పి ఒంటిచేత్తో జ‌ట్టును గెలిపించాడ‌ని పొగుడుతున్నారు. విడాకులు తీసుకున్న త‌ర్వాత చాహ‌ల్ మ‌రింత యాక్టివ్ అయ్యాడంటూ కొంతమంది స‌రదా వ్యాఖ్య‌లు చేశారు. Yuzvendra Chahal ~ the best bowler with most wickets in IPL showing the world that he is still a match winner & game changing player#TATAIPL2025 #IPL2025 #PBKSvKKR #PBKSvsKKR #KKRvsPBSK #KKRvPBKS #ShreyasIyer #chahal #Punjab #Russell #MIvSRH #SRHvsMI pic.twitter.com/66Fn91XIsD— Riyaaa_VK18 (@Riyaaa_VK18) April 15, 2025 Shreyas Iyer is one of the best Captain and player in this Generation! ♥️Like if you agree! 👍🏻 Stop watching cricket if you disagree.😂#PBKSvsKKR #ShreyasIyer pic.twitter.com/Xsk2FJwn1C— Celebeauty Official (@CeleBeautyHQ) April 15, 2025No camera stare.No finger on the lips.No viral celebration.No dramaJust a calm smile, a handshake, hug and respect for the game.This is how a mature player behaves. Respect to Shreyas Iyer.#PBKSvKKR || #ShreyasIyer pic.twitter.com/K3HQTVzRlz— Mini (@josbuttler99) April 15, 2025

ఐపీఎల్‌ అంటేనే పరుగుల వరద. తాజా సీజన్‌లోనూ ఇప్పటికే సన్‌రైజర్స్‌ హైదరాబాద్‌ (SRH) మిగిలిన జట్లకు సాధ్యం కాని రీతిలో 286 పరుగులతో సవాల్‌ విసిరింది. రాజస్తాన్‌ రాయల్స్‌పై ఈ మేర భారీ స్కోరు సాధించి.. ఐపీఎల్‌-2025 (IPL 2025)లో అత్యధిక స్కోరు సాధించిన జట్టుగా రికార్డు నమోదు చేసింది.ఇక పంజాబ్‌ కింగ్స్‌ విషయానికొస్తే.. గత మ్యాచ్‌లో సన్‌రైజర్స్‌తో తలపడ్డ శ్రేయస్‌ సేన.. 245 పరుగులు చేసింది. విధ్వంసకర బ్యాటింగ్‌కు మారుపేరైన రైజర్స్‌ ఆ లక్ష్యాన్ని సునాయాసంగానే ఛేదించడంతో పంజాబ్‌కు ఓటమి తప్పలేదు.111 పరుగులకే ఆలౌట్‌ అయినప్పటికీఅయితే, తాజా మ్యాచ్‌లో మాత్రం పంజాబ్‌ అత్యల్ప స్కోరు నమోదు చేసినా.. సంచలన విజయం సాధించింది. డిఫెండింగ్‌ చాంపియన్‌ కోల్‌కతా నైట్‌ రైడర్స్‌ (KKR)తో మ్యాచ్‌లో 111 పరుగులకే ఆలౌట్‌ అయినప్పటికీ.. ఆ లక్ష్యాన్ని కాపాడుకుంది. అసాధారణ రీతిలో కేకేఆర్‌ను 95 పరుగులకే ఆలౌట్‌ చేసి.. ఓడిపోయే మ్యాచ్‌లో గెలుపు బావుటా ఎగురవేసింది.𝙏𝙃𝙄𝙎. 𝙄𝙎. 𝘾𝙄𝙉𝙀𝙈𝘼 🎬#PBKS have pulled off one of the greatest thrillers in #TATAIPL history 😮Scorecard ▶️ https://t.co/sZtJIQpcbx#PBKSvKKR | @PunjabKingsIPL pic.twitter.com/vYY6rX8TdG— IndianPremierLeague (@IPL) April 15, 2025 కేకేఆర్‌ స్వీయ తప్పిదాల కారణంగా మ్యాచ్‌ను చేజార్చుకోగా.. ఊహించని విజయం దక్కినందుకు పంజాబ్‌ జట్టు సంబరాలు అంబరాన్నంటాయి. నిజానికి పంజాబ్‌ విధించిన 112 పరుగుల లక్ష్యాన్ని ఛేదించడం కేకేఆర్‌కు అంత కష్టమేమీ కాదనిపించింది.రివ్యూకు వెళ్లకుండాఆరంభంలోనే ఓపెనర్ల వికెట్లు కోల్పోయినా.. కెప్టెన్‌ అజింక్య రహానే, అంగ్‌క్రిష్‌ రఘువన్షీ చక్కగా ఆడుతూ మూడో వికెట్‌కు 55 పరుగులు జోడించారు. కానీ చహల్‌ బౌలింగ్‌లో ఎల్బీడబ్ల్యూ విషయంలో రివ్యూకు వెళ్లకుండా రహానే వెనుదిరగగా.. ఆ తర్వాత కేకేఆర్‌ బ్యాటింగ్‌ ఆర్డర్‌ వేగంగా పతనమైంది.ఎంత చెత్తగా బ్యాటింగ్‌ చేశామో!.. నిజమే కదా!పంజాబ్‌ స్పిన్నర్‌ చహల్‌ అంగ్‌క్రిష్‌ (37), రింకూ సింగ్‌ (2), రమణ్‌దీప్‌ సింగ్‌ (2)లను పెవిలియన్‌కు పంపగా.. వెంకటేశ్‌ అయ్యర్‌ (7)ను మాక్స్‌వెల్‌, ఆండ్రీ రసెల్‌ (17)ను మార్కో యాన్సెన్‌ అవుట్‌ చేయడంతో కేకేఆర్‌ ఇన్నింగ్స్‌కు తెరపడింది.ఇక పంజాబ్‌ చేతిలో అనూహ్య ఓటమి తర్వాత కేకేఆర్‌ ఆటగాళ్లు.. శ్రేయస్‌ సేనతో కరచాలనం చేస్తున్న వేళ.. రహానే చేసిన వ్యాఖ్యలు నెట్టింట వైరల్‌గా మారాయి. పంజాబ్‌ సారథి శ్రేయస్‌ అయ్యర్‌ను ఆలింగనం చేసుకోవడానికి ముందు.. ‘‘ఎంత చెత్తగా బ్యాటింగ్‌ చేశామో!.. నిజమే కదా!’’ అంటూ రహానే తమ జట్టు ప్రదర్శన తీరు పట్ల నవ్వుతూనే అసంతృప్తి వ్యక్తం చేశాడు.ఐపీఎల్‌-2025: పంజాబ్‌ కింగ్స్‌ వర్సెస్‌ కోల్‌కతా నైట్‌ రైడర్స్‌👉వేదిక: ముల్లన్‌పూర్‌, చండీగడ్‌👉టాస్‌: పంజాబ్‌ కింగ్స్‌.. తొలుత బ్యాటింగ్‌👉పంజాబ్‌ కింగ్స్‌ సోరు: 111 (15.3)👉కోల్‌కతా నైట్‌ రైడర్స్ స్కోరు: 95 (15.1)👉ఫలితం: కోల్‌కతా నైట్‌ రైడర్స్‌ను పదహారు పరుగుల తేడాతో ఓడించిన పంజాబ్‌ కింగ్స్‌👉ప్లేయర్‌ ఆఫ్‌ ది మ్యాచ్‌: యజువేంద్ర చహల్‌ (నాలుగు ఓవర్ల బౌలింగ్‌లో 28 పరుగులు ఇచ్చి నాలుగు వికెట్లు).చదవండి: KKR Vs PBKS: ’తప్పంతా నాదే.. అతడు కూడా నాతో అదే అన్నాడు.. ఓటమికి నేనే బాధ్యుడిని’Was watching the #PBKSvKKR game and caught this funny bit as Shreyas and Rahane shook hands at the end. In a self-deprecating way Rahane appears to be saying to Shreyas in Marathi : काय फालतू बॅटिंग केली ना आम्ही (We played terrible, didn't we) 😂😂 pic.twitter.com/bNkC7TXGbU— निखिल घाणेकर (Nikhil Ghanekar) (@NGhanekar) April 15, 2025

పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ (Shreyas Iyer) సంతోషంలో మునిగితేలుతున్నాడు. ఓటమి ఖాయమనుకున్న మ్యాచ్‌లో గెలుపొందిన ఆనందాన్ని మాటల్లో వర్ణించలేనంటూ ఉబ్బితబ్బిబ్బవుతున్నాడు. కోల్‌కతా నైట్‌ రైడర్స్‌ (KKR)తో మ్యాచ్‌లో ఇలాంటి విజయం ఎంతో ప్రత్యేకమని.. అయితే, ఎట్టిపరిస్థితుల్లోనూ గర్వాన్ని తలకెక్కించుకోనని చెబుతున్నాడు.111 పరుగులకే ఆలౌట్‌ఐపీఎల్‌-2025 (IPL 2025)లో భాగంగా పంజాబ్‌ కింగ్స్‌ మంగళవారం కేకేఆర్‌తో తలపడింది. ముల్లన్‌పూర్‌లో జరిగిన ఈ పోరులో టాస్‌ గెలిచిన ఆతిథ్య పంజాబ్‌ తొలుత బ్యాటింగ్‌ చేసింది. అయితే, అనూహ్య రీతిలో 111 పరుగులకే ఆలౌట్‌ అయింది. ఓపెనర్లు ప్రియాన్ష్ ఆర్య (22), ప్రభ్‌సిమ్రన్‌ సింగ్‌ (30) ఫర్వాలేదనిపించగా.. ఇన్‌ ఫామ్‌ బ్యాటర్‌, కెప్టెన్‌ శ్రేయస్‌ అయ్యర్‌ డకౌట్‌ కావడం తీవ్ర ప్రభావం చూపింది.కేకేఆర్‌ బౌలర్లలో స్పిన్నర్లు వరుణ్‌ చక్రవర్తి, సునిల్‌ నరైన్‌ రెండేసి వికెట్లు పడగొట్టగా.. పేసర్లలో హర్షిత్‌ రాణా మూడు వికెట్లతో చెలరేగాడు. అన్రిచ్‌ నోర్జే, వైభవ్‌ అరోరా చెరో వికెట్‌ దక్కించుకున్నారు. ఇక లక్ష్య ఛేదనలో కేకేఆర్‌కు ఊహించని ఎదురుదెబ్బ తగిలింది.అంచనాలను నిజం చేస్తూ..టార్గెట్‌ పూర్తి చేసే దిశగా పయనిస్తున్న వేళ.. శ్రేయస్‌ అయ్యర్‌ తమ వెటరన్‌ స్పిన్నర్‌ యజువేంద్ర చహల్‌ను రంగంలోకి దించాడు. అయ్యర్‌ అంచనాలను నిజం చేస్తూ.. కేకేఆర్‌ కెప్టెన్‌ అజింక్య రహానే (17), అంగ్‌క్రిష్‌ రఘువన్షీ (37), రింకూ సింగ్‌ (2), రమణ్‌దీప్‌ సింగ్‌ (0) రూపంలో చహల్‌ నాలుగు కీలక వికెట్లు కూల్చాడు. తద్వారా కేకేఆర్‌ బ్యాటింగ్‌ పతనాన్ని శాసించి పంజాబ్‌ను విజయతీరాలకు చేర్చాడు.అందుకే యుజీని పిలిపించాఈ క్రమంలో విజయానంతరం పంజాబ్‌ సారథి శ్రేయస్‌ అయ్యర్‌ హర్షం వ్యక్తం చేశాడు. ‘‘ఈ అనుభూతిని మాటల్లో వర్ణించలేను. నా మనసు చెప్పిన మాట విన్నాను. బంతి కాస్త టర్న్‌ అవుతుందని అనిపించింది. అందుకే యుజీని పిలిచి పని అప్పగించాను.సరైన సమయంలో సరైన ఆటగాళ్లను అటాక్‌ చేయాలని మేము ప్రణాళికలు రచించుకున్నాం. వాటిని యుజీ చక్కగా అమలు చేశాడు. ఇలాంటి విజయాలు ఎంతో ప్రత్యేకం. అంతకంటే నేనేమీ ఎక్కువగా చెప్పలేను.నేను బ్యాటింగ్‌కు వెళ్లినప్పుడు వికెట్‌ అంత బౌన్సీగా అనిపించలేదు. అయితే, ఈ వికెట్‌పై మేము మెరుగైన స్కోరే సాధించామని అనుకుంటున్నా. అంతేకాదు పదహారు పరుగుల తేడాతో కేకేఆర్‌పై గెలిచాం కూడా.తప్పులు చేసే ఆస్కారం కల్పించాంయుజీ బంతితో రంగంలోకి దిగినప్పుడు మా అంచనాలు, ఆశలు మిన్నంటాయి. అతడు వాటిని నిజం చేశాడు. ప్రత్యర్థి జట్టును ఒత్తిడిలోకి నెట్టాలనే తలంపుతో వాళ్ల కళ్లెదుటే ఫీల్డింగ్‌లో వడివడిగా మార్పులు చేస్తూ.. వాళ్లు తప్పులు చేసే ఆస్కారం కల్పించాం.ఈ విజయం ప్రత్యేకమైనదే అయినా గర్వాన్ని తలకెక్కించుకోకుండా ఉండాలి. ఈ మ్యాచ్‌లో మాకెన్నో సానుకూల అంశాలు ఉన్నాయి. వాటిని స్వీకరిస్తూ.. తప్పులు సరిచేసుకుంటూ మరింత గొప్పగా ముందుకు సాగేందుకు ప్రయత్నిస్తాం’’ అని శ్రేయస్‌ అయ్యర్‌ చెప్పుకొచ్చాడు. కాగా గతేడాది కేకేఆర్‌ను చాంపియన్‌గా నిలిపిన కెప్టెన్‌ శ్రేయస్‌ అయ్యర్‌,. కానీ అతడిని రిటైన్‌ చేసుకోవడంలో కోల్‌కతా విఫలమైంది.కేకేఆర్‌పై ప్రతీకారం తీరింది!మెగా వేలంలోనూ పంజాబ్‌ శ్రేయస్‌ అయ్యర్‌ కోసం రూ. 26.75 కోట్లు ఖర్చు చేసిన సమయంలోనూ.. తమకు అవసరం లేదని విడిచిపెట్టింది. ఇక పంజాబ్‌ సారథిగా, బ్యాటర్‌ ఈ సీజన్‌లో శ్రేయస్‌ దుమ్ములేపుతున్నాడు. ఇప్పటికి ఆరు మ్యాచ్‌లలో పంజాబ్‌ను నాలుగింట గెలిపించాడు. బ్యాటర్‌గా ఇప్పటికి 250 పరుగులు పూర్తి చేసుకున్నాడు. అందుకే ఈ విజయం అతడికి మరింత ప్రత్యేకమైందని ప్రత్యేకంగా చెప్పాలా?!ఐపీఎల్‌-2025: పంజాబ్‌ వర్సెస్‌ కోల్‌కతాటాస్‌: పంజాబ్‌.. మొదట బ్యాటింగ్‌పంజాబ్‌ స్కోరు: 111 (15.3)కోల్‌కతా స్కోరు: 95 (15.1)ఫలితం: కోల్‌కతాపై 16 పరుగుల తేడాతో పంజాబ్‌ విజయం.చదవండి: KKR Vs PBKS: ’తప్పంతా నాదే.. అతడు కూడా నాతో అదే అన్నాడు.. ఓటమికి నేనే బాధ్యుడిని’KKR Vs PBKS: రూ. 18 కోట్లు.. ఎట్టకేలకు పైసా వసూల్‌ ప్రదర్శన!.. చహల్‌ను హగ్‌ చేసుకున్న ప్రీతి జింటాMoments they will never forget 🤩🎥 All the 𝙍𝙖𝙬 𝙀𝙢𝙤𝙩𝙞𝙤𝙣𝙨 from a thrilling ending and memorable victory as #PBKS created history in front of a buzzing home crowd ❤🥳#TATAIPL | #PBKSvKKR | @PunjabKingsIPL pic.twitter.com/mndhJxEt5X— IndianPremierLeague (@IPL) April 16, 2025

ఐపీఎల్‌-2025లో ముల్లాన్‌పూర్ వేదిక‌గా పంజాబ్ కింగ్స్‌తో జ‌రుగుతున్న మ్యాచ్‌లో కోల్‌క‌తా నైట్‌రైడ‌ర్స్ ఆట‌గాడు ర‌మ‌ణ్‌దీప్ సింగ్ అద్బుత‌మైన క్యాచ్‌తో మెరిశాడు. సంచ‌లన క్యాచ్‌తో పంజాబ్ కెప్టెన్ శ్రేయ‌స్ అయ్య‌ర్‌ను పెవిలియ‌న్‌కు పంపాడు. పంజాబ్ ఇన్నింగ్స్ నాలుగో ఓవ‌ర్ వేసిన హ‌ర్షిత్ రాణా బౌలింగ్‌లో రెండో బంతికి ప్రియాన్ష్ ఆర్య ఔట‌య్యాడు.ఆ త‌ర్వాత శ్రేయ‌స్ అయ్య‌ర్ క్రీజులోకి వ‌చ్చాడు. మూడో బంతిని డిఫెన్స్ ఆడిన అయ్య‌ర్‌.. నాలుగో బంతిని డీప్‌పాయింట్ దిశ‌గా భారీ షాట్ ఆడ‌టానికి ప్ర‌య‌త్నించాడు. షాట్ అంత ప‌వ‌ర్‌లో లేక‌పోవ‌డంతో బంతి గాల్లోకి లేచింది. ఈ క్ర‌మంలో డీప్ పాయింట్‌లో ఉన్న రమణ్‌దీప్ వేగంగా వచ్చి ముందుకు డైవ్ చేసి అద్భుతమైన క్యాచ్‌ను అందుకున్నాడు.అత‌డి క్యాచ్ అంతా షాక్ అయిపోయారు. దీంతో శ్రేయ‌స్ అయ్య‌ర్ నిరాశ‌తో త‌న ఖాతా తెర‌వ‌కుండానే పెవిలియ‌న్‌కు చేరాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఇక ఈ మ్యాచ్‌లో పంజాబ్ బ్యాట‌ర్లు తేలిపోయారు. తొలుత బ్యాటింగ్ చేసిన పంజాబ్‌ కేకేఆర్ బౌల‌ర్ల దాటికి 15.3 ఓవ‌ర్ల‌లో కేవలం 111 ప‌రుగులకే కుప్ప‌కూలింది. కేకేఆర్ బౌల‌ర్ల‌లో హ‌ర్షిత్ రానా మూడు వికెట్లు ప‌డ‌గొట్ట‌గా.. వ‌రుణ్ చ‌క్ర‌వ‌ర్తి, సునీల్ న‌రైన్ త‌లా రెండు వికెట్లు సాధించారు.వీరితో పాటు నోకియా, వైభ‌వ్ ఆరోరా చెరో వికెట్ సాధించారు. పంజాబ్ బ్యాట‌ర్ల‌లో ప్ర‌భుసిమ్రాన్ సింగ్‌(30) టాప్ స్కోర‌ర్‌గా నిల‌వ‌గా.. ప్రియాన్ష్ ఆర్య‌(22), శ‌శాంక్ సింగ్‌(18) కాస్త ఫ‌ర్వాలేద‌న్పించారు. కెప్టెన్ శ్రేయ‌స్ అయ్య‌ర్‌(0), గ్లెన్ మాక్స్‌వెల్‌(7) తీవ్ర నిరాశ‌ప‌రిచారు. That's a STUNNER 😮🎥 Ramandeep Singh pulls off a splendid grab to help Harshit Rana get 2⃣ in the over!#PBKS are 42/3 after 5 overs.#TATAIPL | #PBKSvKKR | @KKRiders pic.twitter.com/yBRPjJzdle— IndianPremierLeague (@IPL) April 15, 2025

Punjab kings vs Kolkata Knight Riders Live Updates:పంజాబ్ కింగ్స్ సంచ‌ల‌న విజ‌యం..ఐపీఎల్‌-2025లో ముల్లాన్‌పూర్ వేదిక‌గా కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లో 16 ప‌రుగుల తేడాతో పంజాబ్ కింగ్స్ సంచ‌ల‌న విజ‌యం సాధించింది. 112 ప‌రుగుల స్వ‌ల్ప ల‌క్ష్యాన్ని చేధించ‌డంలో కేకేఆర్ చ‌త‌క‌ల‌ప‌డింది. పంజాబ్ బౌల‌ర్ల దాటికి 15. 1 ఓవ‌ర్ల‌లో కేవ‌లం 95 ప‌రుగుల‌కే కుప్ప‌కూలింది. పంజాబ్ స్పిన్న‌ర్ యుజేంద్ర చాహ‌ల్ నాలుగు వికెట్లు ప‌డ‌గొట్టి కేకేఆర్ ప‌త‌నాన్ని శాసించాడు. త‌న నాలుగు ఓవ‌ర్ల కోటాలో 28 ప‌రుగులిచ్చి 4 వికెట్లను త‌న ఖాతాలో వేసుకున్నాడు. అత‌డితో పాటు అర్ష్‌దీప్‌, మార్కో జానెస‌న్ అద్భుత‌మైన బౌలింగ్ ప్ర‌ద‌ర్శ‌న క‌న‌బ‌రిచారు. జానెస‌న్ మూడు వికెట్లు ప‌డ‌గొట్ట‌గా.. అర్ష్‌దీప్‌, మాక్స్‌వెల్‌, బ్రాట్‌లెట్ త‌లా వికెట్ సాధించారు.చాహ‌ల్ మ్యాజిక్‌.. క‌ష్టాల్లో కేకేఆర్‌స్వ‌ల్ప ల‌క్ష్య చేధ‌న‌లో కేకేఆర్ వ‌రుస క్ర‌మంలో వికెట్లు కోల్పోతుంది. 76 ప‌రుగుల‌కే కేకేఆర్ 7 వికెట్లు కోల్పోయి పీక‌ల్లోతు క‌ష్టాల్లో ప‌డింది. 12 ఓవ‌ర్లు ముగిసే స‌రికి కేకేఆర్ 7 వికెట్ల న‌ష్టానికి 77 ప‌రుగులు చేసింది. క్రీజులో ర‌స్సెల్‌(1), హ‌ర్షిత్ రాణా(1) ఉన్నారు. కేకేఆర్ విజ‌యానికి 48 బంతుల్లో 35 ప‌రుగులు కావాలి.కేకేఆర్ మూడో వికెట్ డౌన్‌..ర‌హానే రూపంలో కేకేఆర్ మూడో వికెట్ కోల్పోయింది. 17 ప‌రుగులు చేసిన ర‌హానే.. చ‌హ‌ల్ బౌలింగ్‌లో ఔట‌య్యాడు. క్రీజులోకి వెంక‌టేశ్ అయ్య‌ర్ వ‌చ్చాడు.దూకుడుగా ఆడుతున్న ర‌ఘువ‌న్షి, ర‌హానే..6 ఓవ‌ర్లు ముగిసే స‌రికి కేకేఆర్ రెండు వికెట్ల న‌ష్టానికి 55 ప‌రుగులు చేసింది. క్రీజులో ర‌ఘువ‌న్షి(31), ర‌హానే(13) ఉన్నారు.రెండు వికెట్లు కోల్పోయిన కేకేఆర్‌..112 ప‌రుగుల స్వ‌ల్ప ల‌క్ష్యంతో బ‌రిలోకి దిగిన కేకేఆర్ ఆరంభంలోనే రెండు వికెట్లు కోల్పోయింది. తొలి ఓవ‌ర్‌లో జాన్సెన్ బౌలింగ్‌లో సునీల్ న‌రైన్‌(5) క్లీన్ బౌల్డ్ కాగా.. రెండో ఓవ‌ర్‌లో బ్రాట్‌లెట్ బౌలింగ్‌లో డికాక్‌(2) ఔట‌య్యాడు.చెల‌రేగిన కేకేఆర్ బౌల‌ర్లు.. 111 ప‌రుగులకే పంజాబ్ ఆలౌట్‌ఐపీఎల్‌-2025లో ముల్లాన్‌పూర్ వేదిక‌గా పంజాబ్ కింగ్స్‌తో జ‌రుగుతున్న మ్యాచ్‌లో కోల్‌క‌తా నైట్‌రైడ‌ర్స్ బౌల‌ర్లు చేల‌రేగారు. కేకేఆర్ బౌల‌ర్ల దాటికి పంజాబ్ 15.3 ఓవ‌ర్ల‌లో కేవలం 111 ప‌రుగులకే కుప్ప‌కూలింది. కేకేఆర్ బౌల‌ర్ల‌లో హ‌ర్షిత్ రానా మూడు వికెట్లు ప‌డ‌గొట్ట‌గా.. వ‌రుణ్ చ‌క్ర‌వ‌ర్తి, సునీల్ న‌రైన్ త‌లా రెండు వికెట్లు సాధించారు. వీరితో పాటు నోకియా, వైభ‌వ్ ఆరోరా చెరో వికెట్ సాధించారు. పంజాబ్ బ్యాట‌ర్ల‌లో ప్ర‌భుసిమ్రాన్ సింగ్‌(30) టాప్ స్కోర‌ర్‌గా నిల‌వ‌గా.. ప్రియాన్ష్ ఆర్య‌(22), శ‌శాంక్ సింగ్‌(18) కాస్త ఫ‌ర్వాలేద‌న్పించారు. కెప్టెన్ శ్రేయ‌స్ అయ్య‌ర్‌(0), గ్లెన్ మాక్స్‌వెల్‌(7) తీవ్ర నిరాశ‌ప‌రిచారు.పీక‌ల్లోతు క‌ష్టాల్లో పంజాబ్ కింగ్స్‌..86 ప‌రుగుల‌కే పంజాబ్ కింగ్స్ 8 వికెట్లు కోల్పోయి పీక‌ల్లోతు క‌ష్టాల్లో ప‌డింది. 11 ఓవ‌ర్ వేసిన సునీల్ న‌రైన్‌.. తొలి బంతికి గ్లెన్ మాక్స్‌వెల్ క్లీన్ బౌల్డ్ కాగా, ఆఖ‌రి బంతికి మార్కో జానెస‌న్ క్లీన్ బౌల్డ‌య్యాడు. 12 ఓవ‌ర్లు ముగిసే స‌రికి కేకేఆర్ 8 వికెట్ల న‌ష్టానికి 90 ప‌రుగులు చేసింది.ప‌వ‌ర్‌ప్లేలోనే నాలుగు వికెట్లు..పంజాబ్ కింగ్స్ ప‌వ‌ర్ ప్లేలోనే నాలుగో వికెట్ కోల్పోయింది. జోష్ ఇంగ్లిష్‌(2) వ‌రుణ్ చ‌క్ర‌వ‌ర్తి బౌలింగ్‌లో క్లీన్ బౌల్డ్ కాగా.. ఫ్ర‌బ్‌సిమ్రాన్ సింగ్‌(30) హర్షిత్ రాణా బౌలింగ్‌లో పెవిలియ‌న్‌కు చేరాడు. 4 ఓవ‌ర్లు ముగిసే స‌రికి పంజాబ్ 4 వికెట్ల న‌ష్టానికి 54 ప‌రుగులు చేసింది.పంజాబ్‌కు షాక్‌.. ఒకే ఓవ‌ర్‌లో రెండు వికెట్లుప్రియాన్ష్ ఆర్య రూపంలో పంజాబ్ తొలి వికెట్ కోల్పోయింది. 22 ప‌రుగులు చేసిన ఆర్య‌.. హ‌ర్షిత్ రాణా బౌలింగ్‌లో ఔట‌య్యాడు. ఆ త‌ర్వాత అదే ఓవ‌ర్‌లో నాలుగో బంతికి శ్రేయ‌స్ అయ్య‌ర్ ఔట‌య్యాడు. 4 ఓవ‌ర్లు ముగిసే సరికి పంజాబ్ రెండు వికెట్ల న‌ష్టానికి పంజాబ్ 39 ప‌రుగులు చేసింది.దూకుడుగా ఆడుతున్న కేకేఆర్‌..టాస్ గెలిచి బ్యాటింగ్‌కు దిగిన కేకేఆర్ దూకుడుగా ఆడుతోంది. 3 ఓవ‌ర్లు ముగిసే స‌రికి వికెట్ న‌ష్ట‌పోకుండా 33 ప‌రుగులు చేసింది. క్రీజులో ఆర్య‌(16), ప్ర‌భుసిమ్రాన్ సింగ్‌(17) ఉన్నారు.ఐపీఎల్‌-2025లో బ్లాక్ బాస్ట‌ర్ మ్యాచ్‌కు స‌మ‌యం అస‌న్న‌మైంది. ముల్లాన్‌పూర్ వేదిక‌గా పంజాబ్ కింగ్స్‌, కోల్‌క‌తా నైట్‌రైడ‌ర్స్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన కేకేఆర్ తొలుత బ్యాటింగ్ ఎంచుకుంది. పంజాబ్ కింగ్స్ రెండు మార్పుల‌తో బ‌రిలోకి దిగింది. మార్క‌స్ స్టోయినిష్, లాకీ ఫెర్గూస‌న్ స్ధానాల్లో జోష్ ఇంగ్లిష్‌, బెర్ట్‌ల‌ట్ వ‌చ్చాడు. వీరిద్దిరికి ఇదే తొలి ఐపీఎల్ మ్యాచ్. కేకేఆర్ కూడా త‌మ తుది జ‌ట్టులో ఓ మార్పు చేసింది. కేకేఆర్ కూడా త‌మ తుది జ‌ట్టులో ఓ మార్పు చేసింది. మోయిన్ అలీ స్ధానంలో అన్రిచ్ నోర్జే వ‌చ్చాడు.తుది జ‌ట్లుపంజాబ్ కింగ్స్ (ప్లేయింగ్ XI): ప్రియాంష్ ఆర్య, ప్రభ్‌సిమ్రాన్ సింగ్ (వికెట్ కీప‌ర్‌), శ్రేయాస్ అయ్యర్ (కెప్టెన్‌), నెహాల్ వధేరా, జోష్ ఇంగ్లిస్, శశాంక్ సింగ్, గ్లెన్ మాక్స్‌వెల్, మార్కో జాన్సెన్, జేవియర్ బార్ట్‌లెట్, అర్ష్‌దీప్ సింగ్, యుజ్వేంద్ర చాహల్కోల్‌కతా నైట్ రైడర్స్ (ప్లేయింగ్ XI): క్వింటన్ డి కాక్(వికెట్ కీప‌ర్‌), సునీల్ నరైన్, అజింక్యా రహానే(కెప్టెన్‌), వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, హర్షిత్ రాణా, వైభవ్ అరోరా, అన్రిచ్ నార్టే, వరుణ్ చక్ర‌వ‌ర్తి

ఐపీఎల్‌-2025లో మరో ఆసక్తికర పోరుకు రంగం సిద్ధమైన నేపథ్యంలో భారత మాజీ క్రికెటర్‌ ఆకాశ్‌ చోప్రా కీలక వ్యాఖ్యలు చేశాడు. కోల్‌కతా నైట్‌ రైడర్స్‌ (PBKS vs KKR)తో మ్యాచ్‌ సందర్భంగా పంజాబ్‌ కింగ్స్‌ తమ ఆల్‌రౌండర్‌ గ్లెన్‌ మాక్స్‌వెల్‌పై వేటు వేయాలని సూచించాడు. అతడి స్థానంలో మరో బ్యాటర్‌ను ఎంపిక చేసుకుంటే శ్రేయస్‌ సేనకు ప్రయోజనకరంగా ఉంటుందని అభిప్రాయపడ్డాడు.మూడు గెలిచిన పంజాబ్‌కాగా ఐపీఎల్‌-2025 (IPL 2025) మెగా వేలంలో పంజాబ్‌ కింగ్స్‌ ఆస్ట్రేలియా స్టార్‌ గ్లెన్‌ మాక్స్‌వెల్‌ (Glenn Maxwell)ను రూ. 4.20 ​కోట్లకు కొనుగోలు చేసింది. ఈ బ్యాటింగ్‌ ఆల్‌రౌండర్‌ ఇప్పటి వరకు ఈ సీజన్‌లో నాలుగు ఇన్నింగ్స్‌ ఆడి కేవలం 34 పరుగులు చేశాడు. చివరగా సన్‌రైజర్స్‌ హైదరాబాద్‌తో మ్యాచ్‌లో అతడు చేసిన స్కోరు 3.ఇక స్పిన్‌ బౌలింగ్‌ చేయగల మాక్సీ మూడు వికెట్లు పడగొట్టాడు. ఇక ఐపీఎల్‌-2025లో ఇప్పటికి ఐదు మ్యాచ్‌లు పూర్తి చేసుకుని మూడు గెలిచిన పంజాబ్‌ కింగ్స్‌.. మంగళవారం కేకేఆర్‌తో ముల్లన్‌పూర్‌ వేదికగా తలపడనుంది. ఈ నేపథ్యంలో కామెంటేటర్‌ ఆకాశ్‌ చోప్రా మాక్స్‌వెల్‌ను జట్టు నుంచి తొలగించాలని పంజాబ్‌ నాయకత్వ బృందానికి సూచన ఇచ్చాడు.‘‘గత మ్యాచ్‌లో (సన్‌రైజర్స్‌) పంజాబ్‌ అద్భుతంగా బ్యాటింగ్‌ చేసింది. ప్రియాన్ష్‌ ఆర్య, ప్రభ్‌సిమ్రన్‌ సింగ్‌, శ్రేయస్‌ అయ్యర్‌, నేహాల్‌ వధేరా, శశాంక్‌ సింగ్‌.. మార్కస్‌ స్టొయినిస్‌.. అంతా అద్భుతంగా ఆడారు. కానీ మాక్సీ సంగతేంటి?..బౌలర్‌గా తీసుకోలేదు కదా.. అతడిపై వేటు వేయండి!దయచేసి అతడిని జట్టు నుంచి తప్పించండి. గ్లెన్‌ మాక్స్‌వెల్‌ను బ్యాటర్‌గా మీరు ప్లేయింగ్‌ ఎలెవన్‌లోకి తీసుకుంటున్నారు. బౌలర్‌గా అతడికి చోటు ఇవ్వాల్సిన అవసరం ఎంతమాత్రమూ లేదు. కానీ అతడు ఏం చేస్తున్నాడు. అందుకే అతడిని తుదిజట్టు నుంచి తప్పిస్తే మరొక బ్యాటర్‌కు అవకాశం దక్కుతుంది.అతడు బాగానే బౌలింగ్‌ చేస్తున్నాడు. నేను కూడా ఒప్పుకొంటాను. మాక్సీ రూపంలో మీకు ఆఫ్‌ స్పిన్నర్‌ దొరికాడు. ఇక కేకేఆర్‌లో మీకు నలుగురు లెఫ్టాండర్లు కనిపిస్తున్నారు. సునిల్‌ నరైన్‌, క్వింటన్‌ డికాక్‌, వెంకటేశ్‌ అయ్యర్, రింకూ సింగ్‌.. వీళ్ల కోసం మీరు మాక్సీని ఆడించాలని చూస్తారు.దయచేసి పరుగులు సాధించవయ్యాకానీ అతడు బ్యాట్‌తో రాణించకపోతే ఫలితం ఉండదు. కేకేఆర్‌ స్పిన్నర్లను మాక్సీ ఎదుర్కోలేడు. ఏదేమైనా మాక్స్‌వెల్‌ సాబ్‌.. నువ్వు గనుక తుదిజట్టులో ఉంటే.. దయచేసి పరుగులు సాధించవయ్యా.. చేతులు జోడించి అర్థిస్తున్నా’’ అంటూ ఆకాశ్‌ చోప్రా యూట్యూబ్‌ చానెల్‌లో తనదైన శైలిలో మాక్సీ గురించి కామెంట్స్‌ చేశాడు.శ్రేయస్‌ అయ్యర్‌ సారథ్యంలో సరికొత్త ఉత్సాహంతోకాగా గత సీజన్‌లో పద్నాలుగు మ్యాచ్‌లకు గానూ కేవలం ఐదే గెలిచిన పంజాబ్‌.. తొమ్మిదో స్థానంతో ముగించింది. అయితే, ఈసారి మెగా వేలంలో రూ. 26.75 కోట్ల భారీ ధరకు టీమిండియా స్టార్‌ శ్రేయస్‌ అయ్యర్‌ను సొంతం చేసుకుని.. కెప్టెన్‌గా బాధ్యతలు అప్పగించింది. ఇక పంజాబ్‌ సారథిగా తొలి మ్యాచ్‌లోనే విజయం అందుకున్న శ్రేయస్‌.. బ్యాటర్‌గానూ దుమ్ములేపుతున్నాడు. ఇప్పటి వరకు ఐదు ఇన్నింగ్స్‌ ఆడి 250 పరుగులు సాధించాడు.చదవండి: కెప్టెన్‌గా అది పంత్‌ నిర్ణయం.. నాకు బంతి ఇస్తాడేమోనని వెళ్లా.. కానీ..: బిష్ణోయిమాట నిలబెట్టుకున్న టీమిండియా దిగ్గజం.. కాంబ్లీకి జీవితాంతం నెలకు..

టీమిండియా స్టార్‌ మిడిలార్డర్‌ బ్యాటర్‌ శ్రేయస్‌ అయ్యర్‌ 2025 మార్చి నెలకు గానూ ప్లేయర్‌ ఆఫ్‌ ద మంత్‌ అవార్డు గెలుచుకున్నాడు. ఈ అవార్డు కోసం శ్రేయస్‌.. న్యూజిలాండ్‌కు చెందిన రచిన్‌ రవీంద్ర, జేకబ్‌ డఫీతో పోటీపడ్డాడు. ఐసీసీ ఓటింగ్ అకాడమీ మరియు ప్రపంచవ్యాప్తంగా ఉన్న క్రికెట్‌ అభిమానులు తమ ఓట్ల ద్వారా శ్రేయస్‌ను ప్లేయర్‌ ఆఫ్‌ ద మంత్‌గా (మార్చి) నిర్ణయించారు.శ్రేయస్‌ ప్లేయర్‌ ఆఫ్‌ ద మంత్‌ అవార్డు గెలుచుకోవడం​ ఇది రెండో సారి (2022 ఫిబ్రవరి, 2025 మార్చి). భారత క్రికెటర్లలో శుభ్‌మన్‌ గిల్‌, జస్ప్రీత్‌ బుమ్రా (2024 జూన్‌, 2024 డిసెంబర్‌) మాత్రమే ఈ అవార్డును రెండు అంతకంటే ఎక్కువ సార్లు గెలుచుకున్నారు. భారత్‌ తరఫున గిల్‌ అత్యధికంగా మూడు సార్లు (2023 జనవరి, 2023 సెప్టెంబర్‌, 2025 ఫిబ్రవరి) ప్లేయర్‌ ఆఫ్‌ ద మంత్‌గా నిలిచాడు.2021 జనవరిలో ఈ ప్రతిష్టాత్మక అవార్డును ఐసీసీ ప్రవేశపెట్టగా.. ఇప్పటివరకు ఎనిమిది మంది టీమిండియా క్రికెటర్లు ఈ అవార్డుకు ఎంపికయ్యారు. ఈ అవార్డు అమల్లోకి వచ్చిన తొలి మూడు నెలల్లో భారత ఆటగాళ్లే (పంత్‌, అశ్విన్‌, భువనేశ్వర్‌ కుమార్‌) ఈ అవార్డు గెలవడం విశేషం.ప్లేయర్‌ ఆఫ్‌ ద మంత్‌ అవార్డులు గెలుచుకున్న టీమిండియా క్రికెటర్లు..శుభ్‌మన్‌ గిల్‌-3జస్ప్రీత్‌బుమ్రా-2శ్రేయస్‌ అయ్యర్‌-2రిషబ్‌ పంత్‌-1 (2021 జనవరి)రవిచంద్రన్‌ అశ్విన్‌-1 (2021 ఫిబ్రవరి)భువనేశ్వర్‌ కుమార్‌-1 (2021 మార్చి)విరాట్‌ కోహ్లి-1 (2022 అక్టోబర్‌)యశస్వి జైస్వాల్‌-1 (2024 ఫిబ్రవరి)మార్చి నెలలో శ్రేయస్‌ అయ్యర్‌శ్రేయస్‌ మార్చి నెలలో జరిగిన ఛాంపియన్స్‌ ట్రోఫీలో విశేషంగా రాణించాడు. శ్రేయస్‌ ఈ నెలలో ఆడిన 3 మ్యాచ్‌ల్లో 57.33 సగటున 172 పరుగులు చేశాడు. ఈ టోర్నీలో శ్రేయస్‌ భారత్‌ తరఫున లీడింగ్‌ రన్‌ స్కోరర్‌గా నిలిచాడు. ఈ టోర్నీలో భారత్‌ విజేతగా నిలవడంలో శ్రేయస్‌ కీలకపాత్ర పోషించాడు. న్యూజిలాండ్‌తో జరిగిన గ్రూప్‌ మ్యాచ్‌లో 79 పరుగులు చేసిన శ్రేయస్‌.. సెమీస్‌లో ఆసీస్‌పై 45, ఫైనల్లో న్యూజిలాండ్‌పై 48 పరుగులు చేశాడు. ఈ టోర్నీలో శ్రేయస్‌ మిడిలార్డర్‌లో ఇతర ఆటగాళ్లతో కలిసి విలువైన భాగస్వామ్యాలు నెలకొల్పాడు.మహిళల విభాగంలో వాల్‌మహిళల విభాగంలో మార్చి నెల ప్లేయర్‌ ఆఫ్‌ ద మంత్‌ అవార్డు కోసం చేతన ప్రసాద్‌ (యూఎస్‌ఏ), జార్జియా వాల్‌ (ఆస్ట్రేలియా), అన్నాబెల్‌ సదర్‌ల్యాండ్‌ (ఆస్ట్రేలియా) పోటీ పడగా.. జార్జియా వాల్‌ విజేతగా నిలిచింది.

ఐపీఎల్‌-2025 (IPL 2025)లో సన్‌రైజర్స్‌ హైదరాబాద్‌తో మ్యాచ్‌లో పంజాబ్‌ కింగ్స్‌కు చేదు అనుభవమే మిగిలింది. ధనాధన్‌ బ్యాటింగ్‌తో దంచికొట్టినా.. ఆతిథ్య జట్టు ఓపెనింగ్‌ జోడీ ‘ట్రావిషేక్‌’ (Travis Head- Abhishek Sharma) చెలరేగడంతో శ్రేయస్‌ అయ్యర్‌ సేనకు పరాజయం తప్పలేదు. ఈ విధ్వంసకర బ్యాటర్లను కట్టడి చేసేందుకు పంజాబ్‌ బౌలర్లు ఎంతగా ప్రయత్నించినా సఫలం కాలేకపోయారు.భావోద్వేగాల డోలికల్లోఫలితంగా రైజర్స్‌ చేతిలో పంజాబ్‌ ఎనిమిది వికెట్ల తేడాతో ఓటమి పాలైంది. ఇక ఈ మ్యాచ్‌ సందర్భంగా పంజాబ్‌ కింగ్స్‌ ఆటగాళ్లు భావోద్వేగాల డోలికల్లో తేలిపోయారు. ముఖ్యంగా విధ్వంసకర ఇన్నింగ్స్‌ ఆడిన తర్వాత కెప్టెన్‌ శ్రేయస్‌ అయ్యర్‌ (Shreyas Iyer- 36 బంతుల్లో 82) ముఖం సంతోషంతో వెలిగిపోయింది.ఇక లోయర్‌ ఆర్డర్‌లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపు ఇన్నింగ్స్‌ ఆడి.. స్కోరును 230 దాటించిన వేళ పంజాబ్‌ శిబిరంలో నవ్వులు పూశాయి. అయితే, ఈ సంతోషం ఎక్కువ సేపు నిలవలేదు.Timber Strike and Outfoxed ⚡️Harshal Patel with a 4⃣-fer to provide calm amidst chaos 🧡Updates ▶ https://t.co/RTe7RlXDRq #TATAIPL | #SRHvPBKS | @HarshalPatel23 pic.twitter.com/pnLsDo8sJL— IndianPremierLeague (@IPL) April 12, 2025 ఆకాశమే హద్దుగాపంజాబ్‌ విధించిన 246 పరుగుల లక్ష్యాన్ని ఛేదించే క్రమంలో సన్‌రైజర్స్‌ ఓపెనర్లు ఆకాశమే హద్దుగా చెలరేగారు. పంజాబ్‌ ఫీల్డర్ల తప్పిదాలను క్యాష్‌ చేసుకుని మరో తొమ్మిది బంతులు మిగిలి ఉండగానే జట్టును గెలుపుతీరాలకు చేర్చడంలో కీలక పాత్ర పోషించారు.ట్రవిస్‌ హెడ్‌ 37 బంతుల్లో 66 పరుగులతో దుమ్ములేపగా.. అభిషేక్‌ శర్మ 55 బంతుల్లో ఏకంగా 14 ఫోర్లు, 10 సిక్సర్ల సాయంతో ఏకంగా 141 పరుగులతో చిరస్మరణీయ ఇన్నింగ్స్‌ ఆడాడు. ఆఖర్లో హెన్రిచ్‌ క్లాసెన్‌ (14 బంతుల్లో 21*), ఇషాన్‌ కిషన్‌ (6 బంతుల్లో 9*) కలిసి రైజర్స్‌ గెలుపును ఖరారు చేశారు. దీంతో పంజాబ్‌ ఆటగాళ్ల ముఖాలు వెలిసిపోయాయి.ముందు నన్ను అడగాలి కదా!ఇక ఈ మ్యాచ్‌ సందర్భంగా బౌలర్ల వైఫల్యం, ఫీల్డర్ల తప్పిదాల కారణంగా పంజాబ్‌ కెప్టెన్‌ శ్రేయస్‌ అయ్యర్‌ కోపం నషాళానికి అంటింది. ముఖ్యంగా గ్లెన్‌ మాక్స్‌వెల్‌, అంపైర్‌ చేసిన పనితో అతడు తీవ్ర స్థాయిలో ఆగ్రహం వ్యక్తం చేశాడు. సన్‌రైజర్స్‌ ఇన్నింగ్స్‌లో ఐదో ఓవర్‌ను స్పిన్‌ బౌలింగ్‌ ఆల్‌రౌండర్‌ మాక్సీ వేశాడు.అయితే, ఆ ఓవర్లో లెగ్‌ సైడ్‌ దిశగా సంధించిన ఫ్లాటర్‌ డెలివరీ (రెండో బంతి) అంపైర్‌ వైడ్‌గా ప్రకటించడం మాక్సీకి రుచించలేదు. దీంతో అతడు రివ్యూ (డీఆర్‌ఎస్‌) తీసుకోవాలనే ఉద్దేశంతో ‘T’ సంజ్ఞ చూపించాడు. అంపైర్‌ అందుకు అంగీకరించగా.. కెప్టెన్‌ శ్రేయస్‌ అయ్యర్‌కు కోపం వచ్చింది.సాధారణంగా ఫీల్డింగ్‌ టీమ్‌ రివ్యూ విషయంలో ఆన్‌ ఫీల్డ్‌ అంపైర్‌ కెప్టెన్‌ నిర్ణయం తర్వాతే స్పందిస్తాడు. కానీ ఇక్కడ అలా జరుగలేదు. దీంతో కోపోద్రిక్తుడైన శ్రేయస్‌ అయ్యర్‌.. ‘‘అంపైర్‌.. ముందు నన్ను అడగాలి కదా.. నన్ను.. నన్ను అడగాలి కదా!’’ అంటూ తనవైపు వేలు చూపిస్తూ అసంతృప్తి వెళ్లగక్కాడు. ఇందుకు సంబంధించిన దృశ్యాలు సోషల్‌ మీడియాలో చక్కర్లు కొడుతున్నాయి.ఐపీఎల్‌-2025: హైదరాబాద్‌ వర్సెస్‌ పంజాబ్‌👉వేదిక: రాజీవ్‌ గాంధీ అంతర్జాతీయ స్టేడియం, ఉప్పల్‌, హైదరాబాద్‌👉టాస్‌: పంజాబ్‌.. తొలుత బ్యాటింగ్‌👉పంజాబ్‌ స్కోరు: 245/6 (20)👉హైదరాబాద్‌ స్కోరు: 247/2 (18.3)👉ఫలితం: ఎనిమిది వికెట్ల తేడాతో హైదరాబాద్‌ చేతిలో పంజాబ్‌ చిత్తు👉ప్లేయర్‌ ఆఫ్‌ ది మ్యాచ్‌: అభిషేక్‌ శర్మ.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌నాకైతే నవ్వొస్తోంది.. అభిషేక్‌ లక్కీ.. అతడుంటే వికెట్లు తీసేవాడు: శ్రేయస్ Shreyash iyer i am the captain momentIn SRH vs PBKS high scoring matchGlenn Maxwell asked for review and umpire took itThen shreyash iyer came and said i am the captain ask me i will take review #SRHvsPBKSpic.twitter.com/bADvhNrLQw— Viraj Rk17 (@VirajRk17) April 12, 2025

ఐపీఎల్‌-2025 (IPL 2025)లో పంజాబ్‌ కింగ్స్‌ జైత్రయాత్రకు సన్‌రైజర్స్‌ హైదరాబాద్‌ (SRH) అడ్డుకట్ట వేసింది. భారీ స్కోరు సాధించినా.. పంజాబ్‌కు ఆ సంతోషాన్ని మిగలనివ్వలేదు. ఆడుతూ పాడుతూ.. లక్ష్యాన్ని ఛేదించి శ్రేయస్‌ అయ్యర్‌ సేనకు ఊహించని షాకిచ్చింది. విధ్వంసకర బ్యాటింగ్‌లో తమకు తిరుగులేదని మరోసారి చాటుకుని.. పంజాబ్‌ను ఏకంగా ఎనిమిది వికెట్లతో రైజర్స్‌ చిత్తు చేసింది.ఈ నేపథ్యంలో ఓటమి అనంతరం పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ (Shreyas Iyer) చేసిన వ్యాఖ్యలు వైరల్‌గా మారాయి. ‘‘నిజం చెప్పాలంటే మేము అద్బుతంగా బ్యాటింగ్‌ చేసి భారీ స్కోరు సాధించాము. కానీ వాళ్లు.. మరో రెండు ఓవర్లు మిగిలి ఉండగానే దానిని ఛేదించేశారు.నాకైతే నవ్వొస్తోంది.. అభిషేక్‌ లక్కీ..ఇదెలా సాధ్యమైందో!.. నాకైతో నవ్వు వస్తోంది. మేము కొన్ని క్యాచ్‌లు మిస్‌ చేశాం. అభిషేక్‌ అదృష్టవంతుడు. అసాధారణ ఆటగాడు. మేము అంచనాలకు తగ్గట్లుగా బౌలింగ్‌ చేయలేకపోయాం. పొరపాట్లను సమీక్షించుకోవాలి.ఏదేమైనా అభిషేక్‌- ట్రవిస్‌ హెడ్‌ మధ్య ఓపెనింగ్‌ భాగస్వామ్యం అద్భుతం అనే చెప్పాలి. మాకు పుంజుకునే అవకాశమే ఇవ్వలేదు. ఫెర్గూసన్‌ వరుస విరామాల్లో వికెట్లు తీసేవాడు. కానీ.. అతడు గాయపడ్డాడు.అత్యుత్తమ ఇన్నింగ్స్‌లో ఒకటిఈ ఓటమి నుంచి పాఠాలు నేర్చుకుని ముందుకు సాగుతాం. నేను, వధేరా 230.. మంచి స్కోరు అనుకున్నాం. కానీ రెండో ఇన్నింగ్స్‌లో మంచు ప్రభావం చూపింది. ఇక సన్‌రైజర్స్‌ ఓపెనర్లు బ్యాటింగ్‌ చేసిన తీరును మాటల్లో వర్ణించలేము. ముఖ్యంగా అభిషేక్‌ శర్మ.. నేను ఇంత వరకు చూసిన అత్యుత్తమ ఇన్నింగ్స్‌లో ఒకటి ఇది’’ అని శ్రేయస్‌ అయ్యర్‌ ప్రత్యర్థి జట్టు ఓపెనర్లపై ప్రశంసల వర్షం కురిపించాడు.కాగా ఉప్పల్‌లో శనివారం రాత్రి జరిగిన మ్యాచ్‌లో పంజాబ్‌ సన్‌రైజర్స్‌తో తలపడింది. టాస్‌ గెలిచిన శ్రేయస్‌ అయ్యర్‌.. ఆతిథ్య జట్టును తొలుత బౌలింగ్‌కు ఆహ్వానించాడు. ఇక బ్యాటింగ్‌ అనుకూలించిన పిచ్‌పై పంజాబ్‌ బ్యాటర్లు దంచికొట్టారు.శ్రేయస్‌ అయ్యర్‌ ధనాధన్‌ఓ‍పెనర్లలో ప్రియాన్ష్‌ ఆర్య (13 బంతుల్లో 36) మెరుపు వేగంతో ఆడగా.. ప్రభ్‌సిమ్రన్‌ సింగ్‌ (23 బంతుల్లో 42) రాణించాడు. వన్‌డౌన్‌లో వచ్చిన కెప్టెన్‌ శ్రేయస్‌ అయ్యర్‌ భారీ అర్ధ శతకం (36 బంతుల్లో 82) దుమ్ములేపగా.. ఆఖర్లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపులు మెరిపించాడు. ఫలితంగా పంజాబ్‌ 20 ఓవర్లలో ఆరు వికెట్ల నష్టానికి 245 పరుగులు చేసింది.‘ట్రావిషేక్‌’ జోడీ బీస్ట్‌ మోడ్‌ఇక లక్ష్య ఛేదనను సన్‌రైజర్స్‌ 18.3 ఓవర్లలో కేవలం రెండు వికెట్లు నష్టపోయి పూర్తి చేసింది. చాన్నాళ్ల తర్వాత రైజర్స్‌ ఓపెనింగ్‌ ‘ట్రావిషేక్‌’ జోడీ బీస్ట్‌ మోడ్‌లో బ్యాటింగ్‌ చేసింది. ట్రవిస్‌ హెడ్‌ (37 బంతుల్లో 66) అర్ధ శతకంతో ఆకట్టుకోగా.. అభిషేక్‌ శర్మ (55 బంతుల్లో 141) భారీ సెంచరీతో మెరిసి.. రైజర్స్‌ విజయంలో కీలక పాత్ర పోషించాడు. వీరుడికి అదృష్టం కూడా కలిసి వచ్చిందిఅయితే, అభిషేక్‌ శర్మ హాఫ్‌ సెంచరీ పూర్తి చేసుకున్న తర్వాత.. రైజర్స్‌ ఇన్నింగ్స్‌లో ఎనిమిదో ఓవర్‌ చహల్‌ వేశాడు. అతడి బౌలింగ్‌లో అభి ఇచ్చిన రిటర్న్‌ క్యాచ్‌ను చహల్‌ మిస్‌ చేశాడు. అంతకంటే ముందు అంటే మూడో ఓవర్లో అభి రనౌట్‌ ప్రమాదం నుంచి తప్పించుకున్నాడు. తర్వాత(3.4 ఓ‍వర్‌) నోబాల్‌ ద్వారా లైఫ్‌ పొందాడు. ఆ తర్వాత.. అంటే 12.4 వద్ద అభి శతకం పూర్తి చేసుకుని ఐపీఎల్‌లో ఫాస్టెస్ట్‌ సెంచరీ (40 బంతుల్లో) నమోదు చేసిన బ్యాటర్ల జాబితాలో చేరాడు. మరోవైపు.. పంజాబ్‌ బౌలర్‌ ఫెర్గూసన్‌ రెండు బంతులు వేసిన తర్వాత గాయంతో మైదానం వీడాడు.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌ FORTUNE FAVOURS THE BRAVE, INDEED! 🙌#AbhishekSharma, what an innings 💪#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/x4FqzXsiWI— Star Sports (@StarSportsIndia) April 12, 2025WHAT. A. MOMENT. 🙌100 reasons to celebrate #AbhishekSharma's knock tonight! PS. Don't miss his special message for #OrangeArmy 🧡Watch the LIVE action ➡ https://t.co/HQTYFKNoGR#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/DECkzxRYhi— Star Sports (@StarSportsIndia) April 12, 20254, 6, CAUGHT but NO-BALL, 6 on Free-hit! 🔥Stop watch you're doing because it's all happening in Hyderabad 🥶Watch the LIVE action ➡ https://t.co/HQTYFKNoGR#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/vAEZNA65wD— Star Sports (@StarSportsIndia) April 12, 2025

వరుస పరాజయాల తర్వాత సన్‌రైజర్స్‌ హైదరాబాద్‌ (SRH) ఎట్టకేలకు గెలుపు బాట పట్టింది. సొంత మైదానంలో పంజాబ్‌ కింగ్స్‌ (PBKS)ను చిత్తు చేసి.. ఆరెంజ్‌ ఆర్మీని సంతోషపెట్టింది. ఉప్పల్‌లో పరుగుల వరద పారించి మరోసారి తమదైన దూకుడుతో జయభేరి మోగించింది. ఈ నేపథ్యంలో విజయానంతరం రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) సంతోషం వ్యక్తం చేశాడు.అభిషేక్‌ శర్మ బ్యాటింగ్‌కు వీరాభిమానిని‘‘నిజంగా ఇదొక అద్బుత విజయం. మా శైలిలో దూకుడుగా ఆడి గెలిచాం. ఈ వికెట్‌ చాలా చాలా బాగుంది. ఇక్కడ బౌలర్‌ ఓ ఓవర్‌లో పది పరుగుల కంటే తక్కువ రన్స్‌ ఇచ్చాడంటే అదే గొప్ప. అందుకే మేము పంజాబ్‌ విధించిన లక్ష్యాన్ని సులువుగానే ఛేదించగలమనే ఆత్మవిశ్వాసం కలిగింది.నేను అభిషేక్‌ శర్మ బ్యాటింగ్‌కు వీరాభిమానిని. ఏదేమైనా మేము బ్యాటింగ్‌ శైలిని మార్చుకునేందుకు సిద్ధంగా లేము. గతేడాది మా వాళ్లు ఎలా ఆడారో అందరికీ తెలుసు. ఈసారి కూడా అదే శైలిని కొనసాగిస్తాం. మా బ్యాటర్ల నైపుణ్యాలపై మాకు నమ్మకం ఉంది.వాళ్లు అద్భుతమైన వాళ్లుఇక ఆరెంజ్‌ ఆర్మీ గురించి ప్రత్యేకంగా చెప్పేదేముంది?!... వాళ్లు అద్భుతమైన వాళ్లు.. మా కోసం సన్‌రైజర్స్‌ జెండాలు రెపరెపలాడిస్తూ.. చుట్టూ అందమైన, ఆహ్లాదకరమైన వాతావరణం కల్పిస్తారు’’ అంటూ ప్యాట్‌ కమిన్స్‌ తన ఆనందాన్ని పంచుకున్నాడు.వరుసగా నాలుగు ఓడికాగా ఐపీఎల్‌-2025లో తొలుత ఉప్పల్‌లో రాజస్తాన్‌ రాయల్స్‌తో మ్యాచ్‌ ఆడిన కమిన్స్‌ బృందం.. ఘన విజయంతో సీజన్‌ను మొదలుపెట్టింది. కానీ ఆ తర్వాత వరుసగా లక్నో సూపర్‌ జెయింట్స్‌, ఢిల్లీ క్యాపిటల్స్‌, కోల్‌కతా నైట్‌ రైడర్స్‌, గుజరాత్‌ టైటాన్స్‌ చేతిలో ఓటమి పాలైంది.విధ్వంసకర బ్యాటింగ్‌తో విజయాల బాట ఈ నేపథ్యంలో అగ్రెసివ్‌గా బ్యాటింగ్‌ చేసే సన్‌రైజర్స్‌ శైలిపై విమర్శలు వెల్లువెత్తగా కెప్టెన్‌ కమిన్స్‌తో పాటు.. హెడ్‌కోచ్‌ డానియల్‌ వెటోరీ కూడా తమ విధానం మారదని స్పష్టం చేశారు. అందుకు తగ్గట్టుగానే శనివారం నాటి మ్యాచ్‌లో సన్‌రైజర్స్‌ విధ్వంసకర బ్యాటింగ్‌తో తిరిగి విజయాల బాట పట్టింది.ఉప్పల్‌లో టాస్‌ గెలిచిన పంజాబ్‌ తొలుత బ్యాటింగ్‌ చేసింది. రైజర్స్‌ స్టైల్లోనే ఆడిన అయ్యర్‌ సేన నిర్ణీత 20 ఓవర్లలో ఆరు వికెట్ల నష్టానికి 245 పరుగులు సాధించింది. ప్రియాన్ష్‌ ఆర్య (13 బంతుల్లో 36), ప్రభ్‌సిమ్రన్‌ సింగ్‌ (23 బంతుల్లో 42).. కెప్టెన్‌ శ్రేయస్‌ అయ్యర్‌ (36 బంతుల్లో 82) ఆకాశమే హద్దుగా చెలరేగారు. ఆఖర్లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపు ఇన్నింగ్స్‌ ఆడాడు.అభిషేక్‌ విశ్వరూపంసన్‌రైజర్స్‌ బౌలర్లలో హర్షల్‌ పటేల్‌ నాలుగు వికెట్లు తీయగా.. ఇషాన్‌ మలింగ రెండు వికెట్లు దక్కించుకున్నాడు. ఇక భారీ లక్ష్య ఛేదనలో రైజర్స్‌ ఏమాత్రం తడబడలేదు. సొంత మైదానంలో ట్రవిస్‌ హెడ్‌ (37 బంతుల్లో 66) బ్యాట్‌ ఝులిపించగా.. అభిషేక్‌ శర్మ (55 బంతుల్లో 14 ఫోర్లు, 10 సిక్సర్లతో 141) న భూతో న భవిష్యత్‌ అన్నట్లుగా భారీ శతకం బాదాడు. హెన్రిచ్‌ క్లాసెన్‌ (14 బంతుల్లో 21 నాటౌట్‌), ఇషాన్‌ కిషన్‌ (6 బంతుల్లో 9 నాటౌట్‌) పని పూర్తి చేశారు. 18.3 ఓవర్లలో రెండు వికెట్లు నష్టపోయిన రైజర్స్‌.. పంజాబ్‌ను ఎనిమిది వికెట్ల తేడాతో చిత్తు చేసింది. చదవండి: ఎగిరి గంతులేసిన కావ్యా మారన్‌.. అభిషేక్‌ తల్లిని హగ్‌ చేసుకుని మరీ! వీడియో 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025

అభిషేక్‌ శర్మ... వరుస వైఫల్యాలకు చెక్‌ పెడుతూ అభిమానులను ఉర్రూతలూగించాడు.. ఉప్పల్‌లో బౌండరీలు, సిక్సర్ల వర్షం కురిపిస్తూ పరుగుల దాహం తీర్చుకున్నాడు.. నలభై బంతుల్లోనే వంద పరుగుల మార్కు అందుకున్న ఈ ఓపెనింగ్‌ బ్యాటర్‌.. ‘‘ఇది ఆరెంజ్‌ ఆర్మీ కోసం’’ అంటూ రాసిన పేపర్‌ చూపిస్తూ ఫ్యాన్స్‌ సంతోషం కోసం తాము ఎంతగా శ్రమిస్తున్నామో శతకనాదంతో చాటిచెప్పాడు.పంజాబ్‌ కింగ్స్‌తో శనివారం నాటి మ్యాచ్‌ సందర్భంగా సన్‌రైజర్స్‌ హైదరాబాద్‌ స్టార్‌ అభిషేక్‌ తన చేతికే బ్యాట్‌ మొలిచిందా అన్నట్లు అలవోకగా అలా షాట్లు బాదుతూ.. ప్రేక్షకులకు పైసా వసూల్‌ ప్రదర్శన ఇచ్చాడు. అతడలా ఫోర్లు, సిక్స్‌లు కొడుతుంటే పంజాబ్‌ బ్యాటర్లు అలా చూస్తూ ఉండిపోయారే తప్ప అతడి దూకుడుకు కళ్లెం వేయలేకపోయారు.ఈ క్రమంలో మొత్తంగా 55 బంతులు ఎదుర్కొన్న అభిషేక్‌ శర్మ 141 పరుగులతో దుమ్ములేపాడు. అతడి ఇన్నింగ్స్‌లో ఏకంగా పద్నాలుగు ఫోర్లు, పది సిక్సర్లు ఉండటం విశేషం. అర్ష్‌దీప్‌ సింగ్‌ బౌలింగ్‌లో ప్రవీణ్‌ దూబేకు క్యాచ్‌ ఇవ్వడంతో అభి తుఫాన్‌ ఇన్నింగ్స్‌కు తెరపడింది. అయితే, క్రీజులో ఉన్నంత సేపు చక్కటి షాట్లతో అలరించిన అభిషేక్‌ను చూస్తూ అభిమానులు మురిసిపోయారు.ఎగిరి గంతులేస్తూ.. అభిషేక్‌ ల్లి ఆలింగనం చేసుకునిఇక సన్‌రైజర్స్‌ హైదరాబాద్‌ జట్టు యజమాని కావ్యా మారన్‌ ఆనందానికైతే అవధుల్లేకుండా పోయాయి. అభి సెంచరీ పూర్తి చేసుకోగానే ఆమె సంబరాలు అంబరాన్నంటాయి. సీట్లో నుంచి లేచి ఎగిరి గంతులేస్తూ కావ్య.. కరతాళధ్వనులతో అభిని అభినందించింది. పక్కనే ఉన్న రైజర్స్‌ మద్దతుదారులతో కరచాలం చేసిన కావ్య.. అభిషేక్‌ ల్లి ఆలింగనం చేసుకుని సంతోషాన్ని పంచుకుంది. 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025ఎన్నాళ్లకెన్నాళ్లకు..ఇందుకు సంబంధించిన వీడియోలు సోషల్‌ మీడియాలో వైరల్‌గా మారాయి. ఇది చూసిన నెటిజన్లు.. ‘‘ఎన్నాళ్లకెన్నాళ్లకు.. కావ్యా కళ్లలో ఆనందం.. ఈరోజు అభిషేక్‌ శర్మదే.. సన్‌రైజర్స్‌ది... ఆరెంజ్‌ ఆర్మీకి కన్నుల విందు అందించారు’’ అంటూ కామెంట్లు చేస్తున్నారు. కాగా ఐపీఎల్‌-2025లో తమ ఆరంభ మ్యాచ్‌లో రాజస్తాన్‌ రాయల్స్‌పై గెలిచిన సన్‌రైజర్స్‌ .. ఆ తర్వాత వరుసగా నాలుగు ఓటములు చవిచూసింది.ఈ క్రమంలో శుక్రవారం పంజాబ్‌ కింగ్స్‌తో తలపడ్డ ప్యాట్‌ కమిన్స్‌ బృందం తమదైన శైలిలో కమ్‌బ్యాక్ ఇచ్చింది. సొంత మైదానం ఉప్పల్‌లో టాస్‌ ఓడి తొలుత బౌలింగ్‌ చేసిన రైజర్స్‌.. బౌలర్లు పెద్దగా రాణించకపోవడంతో భారీగానే పరుగులు ఇచ్చుకుంది.పంజాబ్‌ ఫటాఫట్‌పంజాబ్‌ బ్యాటర్లలో ఓపెనర్లు ప్రియాన్ష్‌ ఆర్య (13 బంతుల్లో 36), ప్రభ్‌సిమ్రన్‌సింగ్‌ (23 బంతుల్లో 42) దంచికొట్టగా.. శ్రేయస్‌ అయ్యర్‌ కెప్టెన్‌ ఇన్నింగ్స్‌ (36 బంతుల్లో 82)తో చెలరేగాడు. మిగతా వాళ్లలో నేహల్‌ వధేరా (27), మార్కస్‌ స్టొయినిస్‌ (11 బంతుల్లో 34 నాటౌట్‌) రాణించారు.రైజర్స్‌ రైట్‌ రైట్‌ఇక లక్ష్య ఛేదనను దూకుడుగా ఆరంభించిన సన్‌రైజర్స్‌ 18.3 ఓవర్లలో కేవలం రెండు వికెట్లు నష్టపోయి పని పూర్తి చేసింది. ఓపెనర్లలో ట్రవిస్‌ హెడ్‌ (37 బంతుల్లో 66) ధనాధన్‌ ఇన్నింగ్స్‌ ఆడగా.. అభిషేక్‌ శర్మ (55 బంతుల్లో 141) విధ్వంసకర శతకంతో విరుచుకుపడ్డాడు. హెన్రిచ్‌ క్లాసెన్‌ (14 బంతుల్లో 21), ఇషాన్‌ కిషన్‌ (6 బంతుల్లో 9) కలిసి జట్టు విజయాన్ని ఖరారు చేశారు.చదవండి: IPL 2025: చ‌రిత్ర సృష్టించిన అభిషేక్ శర్మ.. తొలి క్రికెట‌ర్‌

Srh vs Pbks live Updates and highlights: పంజాబ్ కింగ్స్‌పై ఎస్‌ఆర్‌హెచ్ ఘన విజయంఐపీఎల్‌-2025లో సన్‌రైజర్స్ హైదరాబాద్ తిరిగి పుంజుకుంది. ప్పల్ వేదికగా పంజాబ్ కింగ్స్‌తో జరిగిన మ్యాచ్‌లో ఎస్‌ఆర్‌హెచ్ 8 వికెట్ల తేడాతో ఘన విజయం సాధించింది. పంజాబ్ కింగ్స్ నిర్ధేశించిన 246 పరుగుల భారీ టార్గెట్‌ను సన్‌రైజర్స్ కేవలం రెండు వికెట్లు మాత్రమే కోల్పోయి 18.3 ఓవ‌ర్ల‌లో చేధించింది. స‌న్‌రైజ‌ర్స్ బ్యాట‌ర్ల‌లో అభిషేక్ శ‌ర్మ విధ్వంసకర సెంచరీతో చెలరేగాడు. ఈ పంజాబీ బ్యాటర్‌ ప్రత్యర్ధి బౌలర్లను ఊతికారేశాడు.కేవ‌లం 55 బంతులు మాత్ర‌మే ఎదుర్కొన్న అభిషేక్‌.. 14 ఫోర్లు, 10 సిక్స్‌ల‌తో 141 ప‌రుగులు చేసి ఔట‌య్యాడు. అతడితో పాటు ‍ట్రావిస్ హెడ్‌(37 బంతుల్లో 66) మెరుపు హాఫ్ సెంచరీ సాధించాడు.అభిషేక్ శ‌ర్మ సెంచ‌రీ..పంజాబ్ కింగ్స్‌తో మ్యాచ్‌లో స‌న్‌రైజ‌ర్స్ ఓపెన‌ర్ అభిషేక్ శ‌ర్మ సెంచ‌రీతో చెల‌రేగాడు. 40 బంతుల్లో త‌న తొలి ఐపీఎల్ సెంచ‌రీని అభిషేక్ అందుకున్నాడు. అత‌డి ఇన్నింగ్స్‌లో 11 ఫోర్లు, 6 సిక్స్‌లు ఉన్నాయి.తొలి వికెట్ కోల్పోయిన ఎస్ఆర్‌హెచ్‌..ట్రావిస్ హెడ్ రూపంలో ఎస్ఆర్‌హెచ్ తొలి వికెట్ కోల్పోయింది. 66 ప‌రుగులు చేసిన హెడ్‌.. చాహ‌ల్ బౌలింగ్‌లో ఔట‌య్యాడు. ఎస్ఆర్‌హెచ్ విజ‌యానికి 45 బంతుల్లో 74 ప‌రుగులు కావాలి.11 ఓవ‌ర్ల‌కు ఎస్ఆర్‌హెచ్ స్కోర్‌: 154/011 ఓవ‌ర్లు ముగిసే స‌రికి ఎస్ఆర్‌హెచ్ వికెట్ న‌ష్ట‌పోకుండా 154 ప‌రుగులు చేసింది. క్రీజులో హెడ్‌(59), అభిషేక్ శ‌ర్మ‌(88) ఉన్నారు.అభిషేక్ శ‌ర్మ ఫిప్టీఎస్ఆర్‌హెచ్ ఓపెన‌ర్లు దూకుడుగా ఆడుతున్నారు. 9 ఓవ‌ర్లు ముగిసే స‌రికి సన్‌రైజ‌ర్స్ వికెట్ న‌ష్ట‌పోకుండా 123 ప‌రుగులు చేసింది. క్రీజులో హెడ్‌(49), అభిషేక్ శ‌ర్మ‌(67) ఉన్నారు.దూకుడుగా ఆడుతున్న ఎస్ఆర్‌హెచ్..246 ప‌రుగుల ల‌క్ష్యంతో బ‌రిలోకి దిగిన ఎస్ఆర్‌హెచ్ దూకుడుగా ఆడుతోంది. 3 ఓవ‌ర్లు ముగిసే స‌రికి స‌న్‌రైజ‌ర్స్ వికెట్ న‌ష్ట‌పోకుండా 40 ప‌రుగులు చేసింది.క్రీజులో హెడ్‌(22), అభిషేక్ శ‌ర్మ‌(18) ఉన్నారు.పంజాబ్ బ్యాటర్లు విధ్వంసం.. ఎస్‌ఆర్‌హెచ్ ముందు భారీ టార్గెట్‌ఉప్ప‌ల్ వేదిక‌గా సన్‌రైజ‌ర్స్ హైద‌రాబాద్‌తో జ‌రుగుతున్న మ్యాచ్‌లో పంజాబ్ కింగ్స్ బ్యాట‌ర్లు విధ్వంసం సృష్టించారు. టాస్ గెలిచి తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవర్లలో 6 వికెట్ల నష్టానికి 245 పరుగుల భారీ స్కోర్ సాధించింది. పంజాబ్ బ్యాటర్లలో కెప్టెన్ శ్రేయస్ అయ్యర్‌(36 బంతుల్లో 6 ఫోర్లు, 6 సిక్స్‌లతో 82) టాప్ స్కోరర్‌గా నిలవగా.. ప్రభ్‌సిమ్రాన్ సింగ్‌(42), ఆర్య(36), స్టోయినిష్‌(11 బంతుల్లో 34) మెరుపు ఇన్నింగ్స్‌లు ఆడారు. ఎస్‌ఆర్‌హెచ్ బౌలర్లలో హర్షల్ పటేల్ నాలుగు వికెట్లు పడగొట్టగా.. ఎషాన్ మలింగ రెండు వికెట్లు సాధించాడు.హ‌ర్ష‌ల్ నాలుగు వికెట్లు..18 ఓవ‌ర్లు ముగిసే స‌రికి పంజాబ్ కింగ్స్ 6 వికెట్ల న‌ష్టానికి 210 ప‌రుగులు చేసింది. హ‌ర్ష‌ల్ ప‌టేల్ త‌న నాలుగు ఓవ‌ర్ల కోటాలో 42 ప‌రుగులిచ్చి 4 వికెట్లు తీసుకున్నాడు.శ్రేయ‌స్ అయ్య‌ర్ ఫిప్టీ..పంజాబ్ కింగ్స్ కెప్టెన్ శ్రేయ‌స్ అయ్య‌ర్ 2 ఫోర్లు, 5 సిక్స్‌ల‌తో హాఫ్ సెంచ‌రీ మార్క్‌ను అందుకున్నాడు. 13 ఓవ‌ర్లు ముగిసే స‌రికి పంజాబ్ కింగ్స్ రెండు వికెట్ల న‌ష్టానికి 160 ప‌రుగులు చేసింది. అయ్య‌ర్ 53 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు.రెండో వికెట్ డౌన్‌..ప్ర‌భ్ సిమ్రాన్ సింగ్ రూపంలో పంజాబ్ కింగ్స్ రెండో వికెట్ కోల్పోయింది. 42 ప‌రుగులు చేసిన ప్ర‌భ్ సిమ్రాన్‌.. ఎషాన్ మ‌లింగ బౌలింగ్‌లో ఔట‌య్యాడు. 7 ఓవ‌ర్లు ముగిసే స‌రికి పంజాబ్ రెండు వికెట్ల న‌ష్టానికి 92 ప‌రుగులు చేసింది.పంజాబ్ తొలి వికెట్ డౌన్‌..ప్రియాన్ష్ ఆర్య రూపంలో పంజాబ్ కింగ్స్ తొలి వికెట్ కోల్పోయింది. 36 ప‌రుగులు చేసిన ఆర్య‌.. హ‌ర్ష‌ల్ పటేల్ బౌలింగ్‌లో ఔట‌య్యాడు. 4 ఓవ‌ర్లు ముగిసే స‌రికి పంజాబ్ కింగ్స్ వికెట్ న‌ష్టానికి 66 ప‌రుగులు చేసింది.దూకుడుగా ఆడుతున్న పంజాబ్ ఓపెన‌ర్లు..టాస్ గెలిచి బ్యాటింగ్‌కు దిగిన పంజాబ్ కింగ్స్ బ్యాటర్లు దూకుడుగా ఆడుతున్నారు. 2 ఓవ‌ర్లు ముగిసే స‌రికి పంజాబ్ వికెట్ న‌ష్ట‌పోకుండా 30 ప‌రుగులు చేసింది. క్రీజులో ప్ర‌భుసిమ్రాన్ సింగ్‌(17), ప్రియాన్ష్ ఆర్య‌(12) ఉన్నారు.ఐపీఎల్‌-2025లో ఉప్పల్‌లోని రాజీవ్ గాంధీ అంత‌ర్జాతీయ క్రికెట్ స్టేడియం వేదిక‌గా స‌న్‌రైజ‌ర్స్ హైద‌రాబాద్‌, పంజాబ్ కింగ్స్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన పంజాబ్ కింగ్స్ తొలుత బ్యాటింగ్ ఎంచుకుంది.ఎస్ఆర్‌హెచ్ రెండు మార్పుల‌తో బ‌రిలోకి దిగింది.జ‌ట్టులోకి హ‌ర్ష‌ల్ ప‌టేల్‌, ఎషాన్ మలింగ వ‌చ్చాడు. మ‌లింగ‌కు ఇదే తొలి ఐపీఎల్ మ్యాచ్. పంజాబ్ మాత్రం త‌మ జ‌ట్టులో ఎటువంటి మార్పు చేయ‌లేదు.తుది జ‌ట్లుపంజాబ్ కింగ్స్ (ప్లేయింగ్ XI): ప్రియాంష్ ఆర్య, ప్రభ్‌సిమ్రాన్ సింగ్ (వికెట్ కీప‌ర్‌), శ్రేయాస్ అయ్యర్ (కెప్టెన్‌), మార్కస్ స్టోయినిస్, నెహాల్ వధేరా, గ్లెన్ మాక్స్‌వెల్, శశాంక్ సింగ్, మార్కో జాన్సెన్, అర్ష్‌దీప్ సింగ్, లాకీ ఫెర్గూసన్, యుజ్వేంద్ర చాహల్సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ట్రావిస్ హెడ్, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్(వికెట్ కీప‌ర్‌), అనికేత్ వర్మ, పాట్ కమిన్స్(కెప్టెన్‌), హర్షల్ పటేల్, జీషన్ అన్సారీ, మహ్మద్ షమీ,

2025 మార్చి నెలకు గానూ ప్లేయర్‌ ఆఫ్‌ ద మంత్‌ నామినీస్‌ పేర్లను ఐసీసీ ఇవాళ (ఏప్రిల్‌ 8) ప్రకటించింది. పురుషుల విభాగానికి సంబంధించి ఈ అవార్డు రేసులో జేకబ్‌ డఫీ (న్యూజిలాండ్‌), రచిన్‌ రవీంద్ర (న్యూజిలాండ్‌), శ్రేయస్‌ అయ్యర్‌ (భారత్‌) ఉన్నారు. మహిళల విభాగంలో ఈ అవార్డు కోసం చేతన ప్రసాద్‌ (యూఎస్‌ఏ), జార్జియా వాల్‌ (ఆస్ట్రేలియా), అన్నాబెల్‌ సదర్‌ల్యాండ్‌ (ఆస్ట్రేలియా) పోటీ పడుతున్నారు.స్వతంత్ర ఐసీసీ ఓటింగ్ అకాడమీ మరియు ప్రపంచవ్యాప్తంగా ఉన్న అభిమానులు తమ ఓట్ల ద్వారా విజేతలను నిర్ణయిస్తారు. విజేతల పేర్లు వచ్చే వారం ప్రకటిస్తారు.జేకబ్‌ డఫీ- మార్చి నెలలో న్యూజిలాండ్‌ పేసర్‌ జేకబ్‌ డఫీ స్వదేశంలో పాకిస్తాన్‌తో జరిగిన 5 మ్యాచ్‌ల టీ20 సిరీస్‌లో విశేషంగా రాణించాడు. ఈ సిరీస్‌లో అతను రెండు 4 వికెట్ల ప్రదర్శనలు సహా 13 వికెట్లు తీసి లీడింగ్‌ వికెట్‌ టేకర్‌గా నిలిచాడు. ఈ ప్రదర్శనల కారణంగా ఢపీ ఐసీసీ టీ20 ర్యాంకింగ్స్‌లో నంబర్‌ వన్‌ స్థానానికి ఎగబాకాడు. డఫీ చెలరేగడంతో పాక్‌తో సిరీస్‌ను కివీస్‌ 4-1 తేడాతో గెలుచుకుంది. పాక్‌తో మార్చిలోనే జరిగిన తొలి వన్డేలోనూ డఫీ రాణించాడు. ఆ మ్యాచ్‌లో అతను రెండు వికెట్లు తీశాడు. మొత్తంగా డఫీ మార్చిలో 6 మ్యాచ్‌ల్లో 15 వికెట్లు తీసి ప్లేయర్‌ ఆఫ్‌ ద మంత్‌ అవార్డును నామినేట్‌ అయ్యాడు.రచిన్‌ రవీంద్ర విషయానికొస్తే.. ఈ కివీస్‌ స్పిన్‌ బౌలింగ్‌ ఆల్‌రౌండర్‌ మార్చి నెలలో జరిగిన ఛాంపియన్స్‌ ట్రోఫీలో 3 వన్డేలు ఆడి 50.33 సగటున 151 పరుగులు చేశాడు. అలాగే 4.66 ఎకానమీ రేట్‌తో 3 వికెట్లు తీశాడు. రచిన్‌ ఈ టోర్నీ సెమీఫైనల్లో సౌతాఫ్రికాపై సెంచరీ (108) చేశాడు. ఈ టోర్నీలో రచిన్‌కు ఇది రెండో సెంచరీ. అంతకుముందు ఫిబ్రవరిలో రచిన్‌ మరో సెంచరీ చేశాడు. ఛాంపియన్స్‌ ట్రోఫీలో న్యూజిలాండ్‌ ఫైనల్‌ వరకు చేరి తుది సమరంలో భారత్‌ చేతిలో ఓటమిపాలైంది.శ్రేయస్‌ అయ్యర్‌- శ్రేయస్‌ మార్చి నెలలో జరిగిన ఛాంపియన్స్‌ ట్రోఫీలో విశేషంగా రాణించాడు. శ్రేయస్‌ ఈ నెలలో ఆడిన 3 మ్యాచ్‌ల్లో 57.33 సగటున 172 పరుగులు చేశాడు. ఈ టోర్నీలో శ్రేయస్‌ భారత్‌ తరఫున లీడింగ్‌ రన్‌ స్కోరర్‌గా నిలిచాడు. ఈ టోర్నీలో భారత్‌ విజేతగా నిలవడంలో శ్రేయస్‌ కీలకపాత్ర పోషించాడు. న్యూజిలాండ్‌తో జరిగిన గ్రూప్‌ మ్యాచ్‌లో 79 పరుగులు చేసిన శ్రేయస్‌.. సెమీస్‌లో ఆసీస్‌పై 45, ఫైనల్లో న్యూజిలాండ్‌పై 48 పరుగులు చేశాడు. ఈ టోర్నీలో శ్రేయస్‌ మిడిలార్డర్‌లో ఇతర ఆటగాళ్లతో కలిసి విలువైన భాగస్వామ్యాలు నెలకొల్పాడు.

ఐసీసీ చాంపియన్స్‌ ట్రోఫీ-2025 టైటిల్‌ టీమిండియా సొంతం కావడంలో శ్రేయస్‌ అయ్యర్‌ (Shreyas Iyer)ది కీలక పాత్ర. ఈ మిడిలార్డర్‌ బ్యాటర్‌ ఐదు మ్యాచ్‌లలోనూ అద్భుత ఆట తీరుతో రాణించి.. జట్టుకు వెన్నెముకగా నిలిచాడు. ఈ వన్డే టోర్నీలో మొత్తంగా 243 పరుగులు సాధించి భారత్‌ తరఫున టాప్‌ రన్‌స్కోరర్‌గా నిలిచాడు.తుదిజట్టులో చోటు కరువు?అయితే, ఈ మెగా ఈవెంట్‌కు ముందు శ్రేయస్‌ అయ్యర్‌కు తుదిజట్టులో చోటు దక్కే పరిస్థితే లేదు. ఈ టోర్నీకి ముందు ఇంగ్లండ్‌ (Ind vs Eng ODIs)తో స్వదేశంలో టీమిండియా మూడు వన్డేలు ఆడగా.. తొలి మ్యాచ్‌కు విరాట్‌ కోహ్లి గాయం వల్ల దూరమయ్యాడు. ఫలితంగా శ్రేయస్‌ అతడి స్థానంలో ప్లేయింగ్‌ ఎలెవన్‌లోకి వచ్చాడు.ఇక అప్పటి నుంచి అతడికి వెనుదిరిగి చూసుకోవాల్సిన అవసరం రాలేదు. వరుస మ్యాచ్‌లలో బ్యాట్‌ ఝులిపించి చాంపియన్స్‌ ట్రోఫీ జట్టులో స్థానం సంపాదించాడు. ఇక ఈ టోర్నీకి పాకిస్తాన్‌ ఆతిథ్యమివ్వగా.. భారత జట్టు మాత్రం తమ మ్యాచ్‌లన్నీ దుబాయ్‌ (Dubai)లో ఆడిన విషయం తెలిసిందే. అయితే, తొలి మ్యాచ్‌కు ముందు శ్రేయస్‌ అయ్యర్‌ బాగా ఏడ్చాడట. ఇందుకు గల కారణాన్ని అతడు తాజాగా వెల్లడించాడు.ఆఖరిసారిగా అప్పుడే బాగా ఏడ్చానుక్యాండిడ్‌ విత్‌ కింగ్స్‌ ప్రోగ్రామ్‌లో భాగంగా ఈ పంజాబ్‌ కింగ్స్‌ కెప్టెన్‌ ఆసక్తికర వ్యాఖ్యలు చేశాడు. ‘‘నేను చివరగా ఏడ్చిన సందర్భం అంటే.. చాంపియన్స్‌ ట్రోఫీ అప్పుడే. మొదటి ప్రాక్టీస్‌ సెషన్‌లో నేను సరిగ్గా ఆడలేకపోయాను. దాంతో ఏకధాటిగా ఏడుస్తూనే ఉన్నాను.అంతేకాదు.. నా మీద నాకు అంతులేని కోపం వచ్చింది. నిజానికి సాధరణంగా నేను అస్సలు ఏడ్వను. కానీ అప్పుడు ఎందుకు అంతలా బాధపడ్డానో నాకే తెలియదు. ఒక్కోసారి నాకు ఇది షాకింగ్‌గా అనిపిస్తుంది.అంతకు ముందు ఇంగ్లండ్‌ సిరీస్‌లో నేను బాగానే ఆడాను. అదే జోరును చాంపియన్స్‌ ట్రోఫీలో కొనసాగించాలని ఫిక్సయ్యాను. అయితే, అలా తొలి సెషన్‌లోనే చేదు అనుభవం ఎదురుకావడం వల్ల నిరాశకు గురయ్యాను. తర్వాత అక్కడి పిచ్‌ పరిస్థితులను అర్థం చేసుకుని నాదైన శైలిలో ఆడాను’’ అని శ్రేయస్‌ అయ్యర్‌ చెప్పుకొచ్చాడు.కనక వర్షంకాగా ఐపీఎల్‌-2024లో కోల్‌కతా నైట్‌ రైడర్స్‌ను చాంపియన్‌గా నిలిపిన శ్రేయస్‌ అయ్యర్‌ను ఆ జట్టు వదులుకుంది. ఈ క్రమంలో మెగా వేలంలోకి వచ్చిన ఈ ముంబైకర్‌పై కాసుల వర్షం కురిసింది. పంజాబ్‌ కింగ్స్‌ అతడి కోసం ఏకంగా రూ. 26.75 కోట్లు ఖర్చు చేసింది. ఇక పంజాబ్‌ సారథిగా ఇప్పటి వరకు మూడు మ్యాచ్‌లు పూర్తి చేసుకున్న అయ్యర్‌.. రెండింట గెలిచాడు.చదవండి: గిల్‌, సూర్య కాదు!.. టీమిండియా కెప్టెన్‌గా ఊహించని పేరు చెప్పిన కపిల్‌ దేవ్‌Sarpanch Saab's passion for the game... 🥹🤌🏻Watch the full heartfelt conversation between Shreyas Iyer and Sahiba Bali on our YT channel and Punjab Kings App. 📹 pic.twitter.com/t1PBDtCY6M— Punjab Kings (@PunjabKingsIPL) April 7, 2025

ఐపీఎల్‌ కెప్టెన్‌గా శ్రేయస్‌ అయ్యర్‌ జోరుకు అడ్డుకట్ట పడింది. వరుసగా 8 మ్యాచ్‌ల్లో విజయఢంకా మోగించిన అతను.. తొమ్మిదో మ్యాచ్‌లో ఓటమి చవి చూశాడు. ఈ క్రమంలో అత్యంత అరుదైన ట్రిపుల్‌ హ్యాట్రిక్‌ను (వరుసగా 9 మ్యాచ్‌ల్లో విజయం) మిస్‌ అయ్యాడు. 2024 సీజన్‌లో మొదలైన శ్రేయస్‌ జైత్రయాత్ర (కేకేఆర్‌ కెప్టెన్‌గా).. ఈ సీజన్‌లో నిన్నటి మ్యాచ్‌తో ముగిసింది. ఈ సీజన్‌లో పంజాబ్‌ కెప్టెన్‌గా బాధ్యతలు చేపట్టిన శ్రేయస్‌ తొలి రెండు మ్యాచ్‌ల్లో జట్టును విజయవంతంగా నడిపించాడు. నిన్న (ఏప్రిల్‌ 5) రాజస్థాన్‌ రాయల్స్‌తో జరిగిన మ్యాచ్‌లో పంజాబ్‌ను సీజన్‌ తొలి ఓటమి పలకరించింది.ఈ మ్యాచ్‌లో పంజాబ్‌ తొలుత బౌలింగ్‌లో ధారాళంగా పరుగులు సమర్పించుకుని.. ఆతర్వాత బ్యాటింగ్‌లో చేతులెత్తేసింది. టాస్‌ గెలిచి తొలుత బౌలింగ​్‌ చేసిన పంజాబ్‌.. రాయల్స్‌ను 205 పరుగుల భారీ స్కోర్‌ చేయనిచ్చింది. అనంతరం​ భారీ లక్ష్య ఛేదనలో తడబడి 155 పరుగులకే పరిమితమైంది. ఫలితంగా రాయల్స్‌ 50 పరుగుల తేడాతో ఘన విజయం సాధించింది. ఈ సీజన్‌లో రాయల్స్‌కు రెండు వరుస పరాజయాల తర్వాత ఇది వరుసగా రెండో విజయం.రాయల్స్‌ ఇన్నింగ్స్‌లో యశస్వి జైస్వాల్‌ (45 బంతుల్లో 67; 3 ఫోర్లు, 5 సిక్సర్లు), సంజూ శాంసన్‌ (26 బంతుల్లో 38; 6 ఫోర్లు), రియాన్‌ పరాగ్‌ (25 బంతుల్లో 43 నాటౌట్‌; 3 ఫోర్లు, 3 సిక్సర్లు) సత్తా చాటగా.. నేహల్‌ వధేరా (41 బంతుల్లో 62; 4 ఫోర్లు, 3 సిక్సర్లు), గ్లెన్‌ మ్యాక్స్‌వెల్‌ (21 బంతుల్లో 30; 3 ఫోర్లు, సిక్స్‌) పంజాబ్‌ను గట్టెక్కించే ప్రయత్నం చేశారు. ఛేదనలో రాయల్స్‌ బౌలర్లు జోఫ్రా ఆర్చర్‌ (4-0-25-3), సందీప్‌ శర్మ (4-0-21-2), మహీశ్‌ తీక్షణ (4-0-26-2) చెలరేగిపోవడంతో పంజాబ్‌కు ఓటమి తప్పలేదు.మ్యాచ్‌ అనంతరం శ్రేయస్‌ మాట్లాడుతూ ఇలా అన్నాడు. టాస్‌ గెలిచి బౌలింగ్‌ ఎంచుకున్నప్పుడు 180-185 పరుగులు వస్తాయని అనుకున్నాను. ఇక్కడ ఛేజింగ్‌కు ఆ స్కోర్‌ అయితే ఓకే. కానీ మా ప్లాన్స్‌ వర్కౌట్‌ కాలేదు. టోర్నీ ప్రారంభంలోనే ఈ తప్పిదం జరిగినందుకు సంతోషంగా ఉన్నాను. ఇది మంచి పిచ్. బంతి నెమ్మదిగా కదులుతుండింది. మా బౌలర్లు కూడా ఎక్కువ వేగంతో బంతులు వేయలేదు.ఛేదన ఆరంభంలో నిదానంగా ఆడైనా మంచి భాగస్వామ్యాలు నెలకొల్పి ఉండాల్సింది. కానీ అలా జరగలేదు. వరుసగా వికెట్లు కోల్పోయాము. ఒత్తిడిలో నేహల్ అద్భుతంగా ఆడాడు. అతను కొంత సమయం తీసుకున్నా ఆతర్వాత బౌలర్లపై ఎదురుదాడి చేయగలిగాడు. ఈ ఆట నుండి చాలా నేర్చుకోవచ్చు. ఈ నష్టం మంచిదేనని భావిస్తున్నాను. ముందుగా ఊహించినట్లుగా ఇవాళ మంచు కూడా పడలేదు. బౌలింగ్, బ్యాటింగ్‌లో మేము అమలు చేయలేకపోయిన విషయాలను పరిశీలించుకోవాలి.

ఐపీఎల్‌ మెగా వేలం-2025లో అత్యధిక ధరకు అమ్ముడుపోయిన ఆటగాళ్లలో వెంకటేశ్‌ అయ్యర్‌ (Venkatesh Iyer)మూడోవాడు. లక్నో సూపర్‌ జెయింట్స్‌ రిషభ్‌ పంత్‌ (Rishabh Pant) కోసం రూ. 27 కోట్లు ఖర్చు చేస్తే.. పంజాబ్‌ కింగ్స్‌ శ్రేయస్‌ అయ్యర్‌ (Shreyas Iyer)ను ఏకంగా రూ. 26.75 కోట్లకు కొనుగోలు చేసింది.రూ. 23.75 కోట్లుఅయితే, కోల్‌కతా నైట్ రైడర్స్‌ అనూహ్య రీతిలో వెంకటేశ్‌ అయ్యర్‌ను దక్కించుకునేందుకు రూ. 23.75 కోట్లు కుమ్మరించింది. నిజానికి గతేడాది అతడు అంత గొప్పగా ఏమీ ఆడలేదు. పదిహేను మ్యాచ్‌లలో కలిపి 370 పరుగులు సాధించాడు.అయితే, సన్‌రైజర్స్‌ హైదరాబాద్‌తో కీలకమైన ఫైనల్లో మాత్రం వెంకటేశ్‌ అయ్యర్‌ బ్యాట్‌ ఝులిపించాడు. కేవలం 26 బంతుల్లోనే 52 పరుగులతో అజేయంగా నిలిచి.. జట్టును చాంపియన్‌గా నిలపడంలో కీలక పాత్ర పోషించాడు. ఈ నేపథ్యంలో కేకేఆర్‌ అతడిని భారీ ధరకు దక్కించుకోవడం గమనార్హం.ఆరంభ మ్యాచ్‌లో ఆరు.. ముంబైపై మూడుఅయితే, ఐపీఎల్‌-2025 ఆరంభ మ్యాచ్‌లలో మాత్రం వెంకటేశ్‌ అయ్యర్‌ తేలిపోయాడు. ఆర్సీబీతో మ్యాచ్‌లో కేవలం ఆరు పరుగులే చేసిన ఈ ఆల్‌రౌండర్‌.. రాజస్తాన్‌ రాయల్స్‌తో మ్యాచ్‌లో బ్యాటింగ్‌కు దిగలేదు. ఇక ముంబై ఇండియన్స్‌తో మ్యాచ్‌లో కేవలం మూడు పరుగులకే పెవిలియన్‌ చేరాడు.మెరుపు బ్యాటింగ్‌ఈ క్రమంలో వెంకటేశ్‌కు కేకేఆర్‌ భారీ మొత్తం చెల్లించడం వృథా అయిందని పెద్ద ఎత్తున ట్రోల్స్‌ వచ్చాయి. అయితే, సన్‌రైజర్స్‌ హైదరాబాద్‌తో గురువారం నాటి మ్యాచ్‌ సందర్భంగా విమర్శకులందరికీ బ్యాట్‌తోనే సమాధానమిచ్చాడు వెంకటేశ్‌. ఇన్నింగ్స్‌ ఆరంభంలో టెస్టు మ్యాచ్‌ మాదిరి ఆడిన అతడు ఆఖర్లో మెరుపులు మెరిపించాడు.Lighting up Eden Gardens with some fireworks 💥 Sit back and enjoy Rinku Singh and Venkatesh Iyer's super striking 🍿👏5⃣0⃣ up for Iyer in the process!Updates ▶ https://t.co/jahSPzdeys#TATAIPL | #KKRvSRH | @KKRiders pic.twitter.com/AAAqnOsRy8— IndianPremierLeague (@IPL) April 3, 2025 కేవలం 29 బంతుల్లోనే వెంకటేశ్‌ అయ్యర్‌ 60 పరుగులు చేసి కేకేఆర్‌ టాప్‌ రన్‌ స్కోరర్‌గా నిలిచాడు. రైజర్స్‌పై కేకేఆర్‌ 80 పరుగుల తేడాతో గెలుపొందడంలో కీలక పాత్ర పోషించాడు. ఈ నేపథ్యంలో మ్యాచ్‌ అనంతరం వెంకటేశ్‌ అయ్యర్‌ తన ‘ప్రైస్‌ ట్యాగ్‌’పై ఆసక్తికర వ్యాఖ్యలు చేశాడు.రూ. 20 లక్షలు.. రూ. 20 కోట్లు.. ఏదైనా ఒకటే‘‘ఒక్కసారి ఐపీఎల్‌ మొదలైందంటే.. ఓ ఆటగాడు రూ. 20 లక్షలకు అమ్ముడుపోయాడా? లేదంటే రూ. 20 కోట్లకు అమ్ముడుపోయాడా? అన్న విషయంతో సంబంధం ఉండదు. మనం ఎలా ఆడతామన్నది డబ్బు నిర్ణయించదు. మా జట్టులో అంగ్‌క్రిష్‌ రఘువన్షీ అనే కుర్రాడు ఉన్నాడు.అతడు ఆరంభం నుంచి అద్భుతంగా ఆడుతున్నాడు. ఆటగాడి ధరకు అనుగుణంగానే అంచనాలూ ఉంటాయని నాకు తెలుసు. కానీ జట్టు విజయానికి ఒక ఆటగాడు ఎంత మేర తోడ్పడుతున్నాడన్నదే ముఖ్యం. పరిస్థితులకు అనుగుణంగా నేను ఈరోజు బ్యాటింగ్‌ చేశాను.ఎక్కువ డబ్బు ఇస్తే ప్రతి మ్యాచ్‌లో స్కోరు చేయాలా?అంతేగానీ.. నేను అత్యధిక ధర పలికిన ఆటగాడిని గనుక ప్రతి మ్యాచ్‌లో స్కోరు చేయాలనే నిబంధన ఏమీ లేదు. జట్టు ప్రయోజనాలకు అనుగుణంగా ప్రభావం చూపానా? లేదా? అన్నదే ముఖ్యం. ప్రైస్‌ ట్యాగ్‌ వల్ల ఒత్తిడి ఉంటుందన్న మాట నిజం.ఈ విషయంలో నాకు అబద్ధం ఆడాల్సిన పనిలేదు. అయితే, ఆ ఒత్తిడి డబ్బు గురించి కాదు.. జట్టుకు నేను ఉపయోగపడుతున్నానా? లేదా? అన్న అంశం మీద ఆధారపడి ఉంటుంది’’ అని వెంకటేశ్‌ అయ్యర్‌ చెప్పుకొచ్చాడు. కాగా గతేడాది సత్తా చాటిన అంగ్‌క్రిష్‌ను కేకేఆర్‌ తిరిగి రూ. 3 కోట్లకు సొంతం చేసుకుంది. ఇప్పటికే అతడు ఈ సీజన్‌లో ఓ హాఫ్‌ సెంచరీ బాదేశాడు. నాలుగు మ్యాచ్‌లలో కలిపి 128 రన్స్‌ చేశాడు.ఐపీఎల్‌-2025: కోల్‌కతా వర్సెస్‌ హైదరాబాద్‌👉కోల్‌కతా స్కోరు: 200/6 (20)👉హైదరాబాద్‌ స్కోరు: 120 (16.4)👉ఫలితం: 80 పరుగుల తేడాతో సన్‌రైజర్స్‌పై కేకేఆర్‌ విజయం.చదవండి: జట్టు మారనున్న తిలక్‌ వర్మ?.. HCA స్పందన ఇదే

సొంత మైదానంలో లక్నో సూపర్‌ జెయింట్స్‌ (Lucknow Super Ziants) ఓడిపోవడాన్ని ఆ జట్టు మెంటార్‌ జహీర్‌ ఖాన్‌ (Zaheer Khan) జీర్ణించుకోలేకపోతున్నాడు. పంజాబ్‌ కింగ్స్‌ గెలుపునకు పరోక్షంగా పిచ్‌ క్యూరేటరే కారణమంటూ విస్మయకర వ్యాఖ్యలు చేశాడు. ఐపీఎల్‌-2025 (IPL 2025)లో భాగంగా లక్నో మంగళవారం పంజాబ్‌తో తలపడ్డ విషయం తెలిసిందే.లక్నోలోని భారత రత్న శ్రీ అటల్‌ బిహారీ వాజ్‌పేయి ఏకనా క్రికెట్‌ స్టేడియం ఇందుకు వేదిక. టాస్‌ గెలిచిన పంజాబ్‌.. లక్నో జట్టును తొలుత బ్యాటింగ్‌కు ఆహ్వానించింది. అయితే, ఏకనా వికెట్‌పై పరుగులు రాబట్టేందుకు లక్నో బ్యాటర్లు తడబడ్డారు.అయితే, 35 పరుగులకే మూడు వికెట్లు కోల్పోయి లక్నో కష్టాల్లో పడిన వేళ నికోలస్‌ పూరన్‌ (44), ఆయుశ్‌ బదోని (41), అబ్దుల్‌ సమద్‌ (12 బంతుల్లో 27)బ్యాట్‌ ఝులిపించారు. ఈ ముగ్గురి ధనాధన్‌ ఇన్నింగ్స్‌ కారణంగా లక్నో నిర్ణీత 20 ఓవర్లలో ఏడు వికెట్ల నష్టానికి 171 పరుగులు చేయగలిగింది.16.2 ఓవర్లలోనే..ఇక లక్ష్య ఛేదనలో ఆరంభంలోనే ఓపెనర్‌ ప్రియాన్ష్‌ ఆర్య (8) వికెట్‌ కోల్పోయినప్పటికీ పంజాబ్‌ అద్బుత రీతిలో పుంజుకుంది. వికెట్‌ కీపర్‌ ప్రభ్‌సిమ్రన్‌ సింఘ్‌ (34 బంతుల్లో 69) మెరుపు అర్ధ శతకంతో రాణించగా.. కెప్టెన్‌ శ్రేయస్‌ అయ్యర్‌ (30 బంతుల్లో 52), నేహాల్‌ వధేరా (25 బంతుల్లో 43) అజేయంగా నిలిచి జట్టు గెలుపును ఖరారు చేశారు. ఈ ముగ్గురి విజృంభణ కారణంగా 16.2 ఓవర్లలో కేవలం రెండు వికెట్లు మాత్రమే నష్టపోయి పంజాబ్‌ లక్నోపై ఘన విజయం సాధించింది.మాకు సొంత మైదానం..ఈ నేపథ్యంలో మ్యాచ్‌ అనంతరం లక్నో మెంటార్‌, టీమిండియా మాజీ పేసర్‌ జహీర్‌ ఖాన్‌ షాకింగ్‌ కామెంట్స్‌ చేశాడు. లక్నో తమకు సొంత మైదానం అయినా.. పిచ్‌ క్యూరేటర్‌ మాత్రం పంజాబ్‌కు మేలు చేయడం నిరాశపరిచిందన్నాడు. ఈ మేరకు ఈఎస్‌పీఎన్‌క్రిక్‌ఇన్ఫోతో మాట్లాడుతూ... ‘‘సొంత మైదానంలో మ్యాచ్‌ అంటే.. అక్కడి జట్టుకే కాస్త ఫేవర్‌గా ఉంటుంది.కానీ ఇక్కడ పంజాబ్‌ క్యూరేటర్‌ ఉన్నారుకానీ ఈ విషయంలో లక్నో క్యూరేటర్‌ చేసిన పని వల్ల.. ఇది హోం మ్యాచ్‌ అన్న భావనే రాలేదు. ఇక్కడి వికెట్‌ ఇలాగే ఉంటుందేమో బహుశా!.. ఇక్కడ పంజాబ్‌ క్యూరేటర్‌ ఉన్నారనిపించింది. ఈ మ్యాచ్‌లో నాకు అన్నింటికంటే ఇదే ఎక్కువ నిరాశను కలిగించింది.క్యూరేటర్‌ మమ్మల్నే కాదు లక్నో అభిమానులను కూడా నిరాశకు గురిచేశారు. సొంతగడ్డపై లక్నో గెలుస్తుందని వారంతా భావించారు. కానీ ఇలా జరిగిపోయింది. జట్టుగా మేము పటిష్టంగా ఉన్నాము. మ్యాచ్‌లో ఓడిపోయామన్న వాస్తవాన్ని మేము అంగీకరిస్తున్నాం.వినూత్న రీతిలో.. ముందడుగుఅయితే, సొంతమైదానంలో ఓటమి కాస్త ఎక్కువ బాధించింది. ఇక్కడ మాకు ఇంకో ఆరు మ్యాచ్‌లు మిగిలి ఉన్నాయి. మేము కచ్చితంగా మెరుగ్గా రాణిస్తామనే నమ్మకం ఉంది. సంప్రదాయ పద్ధతులను కాస్త పక్కనపెట్టి.. వినూత్న రీతిలో.. ముందడుగు వేసేందుకు మేము సిద్ధంగా ఉన్నాము’’ అని జహీర్‌ ఖాన్‌ చెప్పుకొచ్చాడు.రహానే కూడా ఇలాగేకాగా లక్నో పిచ్‌ సాధారణంగా స్పిన్నర్లకు అనుకూలంగా ఉంటుందని చెప్తారు. కానీ పంజాబ్‌తో మ్యాచ్‌లో లక్నో స్పిన్నర్లకు పెద్దగా కలిసిరాలేదు. రవి బిష్ణోయి, మణిమరన్‌ సిద్దార్థ్‌ ఒక్క వికెట్‌ కూడా తీయలేకపోగా.. దిగ్వేశ్‌ సింగ్‌ రాఠీ మాత్రం రెండు వికెట్లు పడగొట్టాడు. మరోవైపు.. పంజాబ్‌ బౌలర్లలో స్పిన్‌ బౌలింగ్‌ ఆల్‌రౌండర్‌ గ్లెన్‌ మాక్స్‌వెల్‌, రిస్ట్‌ స్పిన్నర్‌ యజువేంద్ర చహల్‌ ఒక్కో వికెట్‌ దక్కించుకున్నారు. ఇదిలా ఉంటే.. ఆరంభమ్యాచ్‌లో ఓటమి తర్వాత కోల్‌కతా నైట్‌ రైడర్స్‌ కెప్టెన్‌ అజింక్య రహానే కూడా.. ఈడెన్‌ గార్డెన్స్‌ పిచ్‌ గురించి ఇదే తరహా వ్యా ఖ్యలు చేసిన విషయం తెలిసిందే.చదవండి: లక్నో బౌలర్‌ ఓవరాక్షన్‌.. భారీ షాకిచ్చిన బీసీసీఐStatement victory ✅Skipper's second 5⃣0⃣ this season ✅Consecutive wins ✅Punjab Kings cap off a perfect day 🙌#TATAIPL | #LSGvPBKS | @PunjabKingsIPL pic.twitter.com/HSrX8KwiY4— IndianPremierLeague (@IPL) April 1, 2025

ఐపీఎల్‌-2025 (IPL 2025)లో పంజాబ్‌ కింగ్స్‌ అదరగొడుతోంది. కొత్త కెప్టెన్‌ శ్రేయస్‌ అయ్యర్‌ (Shreyas Iyer) సారథ్యంలో వరుస విజయాలతో దూసుకుపోతోంది. తమ తొలి మ్యాచ్‌లో గుజరాత్‌ టైటాన్స్‌పై గెలిచిన పంజాబ్‌.. తాజాగా లక్నో సూపర్‌ జెయింట్స్‌ను చిత్తు చేసింది. పంత్‌ సేనను సొంత మైదానంలో ఎనిమిది వికెట్ల తేడాతో ఓడించి వరుసగా రెండో గెలుపు నమోదు చేసిందిఇక ఈ రెండు విజయాల్లోనూ పంజాబ్‌ సారథి శ్రేయస్‌ అ‍య్యర్‌ది కీలక పాత్ర. గుజరాత్‌పై 42 బంతుల్లోనే 97 పరుగులతో చెలరేగిన అయ్యర్‌.. లక్నోతో మ్యాచ్‌లో 30 బంతుల్లో 52 పరుగులతో నాటౌట్‌గా నిలిచాడు. ధనాధన్‌ కెప్టెన్‌ ఇన్నింగ్స్‌తో జట్టును గెలిపించాడు.బ్యాటింగ్‌ నైపుణ్యాలు అద్భుతంఈ నేపథ్యంలో ఇటు బ్యాటర్‌గా.. అటు కెప్టెన్‌గా రాణిస్తున్న శ్రేయస్‌ అయ్యర్‌పై టీమిండియా దిగ్గజం, కామెంటేటర్‌ సునిల్‌ గావస్కర్‌ (Sunil Gavaskar) ప్రశంసలు కురిపించాడు. శ్రేయస్‌ బ్యాటింగ్‌ నైపుణ్యాలు అద్భుతమని కొనియాడాడు. అదే విధంగా.. అయ్యర్‌ పట్ల కోల్‌కతా నైట్‌ రైడర్స్‌ వ్యవహరించిన తీరును గావస్కర్‌ ఈ సందర్భంగా విమర్శించాడు.శ్రేయస్‌ అయ్యర్‌కు ఆ క్రెడిట్‌ దక్కలేదు‘‘2024లో కేకేఆర్‌ను గెలిపించిన కెప్టెన్‌ శ్రేయస్‌ అయ్యర్‌. కానీ అతడికి దక్కాల్సిన, రావాల్సిన గుర్తింపు రాలేదు. కేకేఆర్‌ విజయంలో అతడికి క్రెడిట్‌ దక్కలేదు. ఏదేమైనా అతడి కెప్టెన్సీ రికార్డు ఎంతో గొప్పగా, ఆకట్టుకునే విధంగా ఉంది’’ అని గావస్కర్‌ ప్రశంసలు కురిపించాడు.కాగా ఐపీఎల్‌-2024లో శ్రేయస్‌ అయ్యర్‌ సారథ్యంలో కోల్‌కతా జట్టు చాంపియన్‌గా నిలిచిన విషయం తెలిసిందే. దాదాపు పదేళ్ల విరామం తర్వాత కేకేఆర్‌కు మరోసారి టైటిల్‌ దక్కడంలో అతడు కీలకంగా వ్యవహరించాడు. అయితే, ఈ విజయం మెంటార్‌ గౌతం గంభీర్‌ ఖాతాలో పడింది. శ్రేయస్‌ అయ్యర్‌ కంటే ఎక్కువగా గౌతీకే క్రెడిట్‌ దక్కింది.రూ. 26.75 కోట్లు ఖర్చు చేసిఈ పరిణామాల నేపథ్యంలో మెగా వేలానికి ముందే కేకేఆర్‌ ఫ్రాంఛైజీతో శ్రేయస్‌ అయ్యర్‌ తెగదెంపులు చేసుకున్నాడు. ఈ క్రమంలో ఐపీఎల్‌-2025 వేలంపాటలోకి వచ్చిన అతడి కోసం ఫ్రాంఛైజీలన్నీ ఎగబడ్డాయి. అయితే, ఎంత ధరకైనా వెనుకాడని పంజాబ్‌ కింగ్స్‌ ఏకంగా రూ. 26.75 కోట్లు ఖర్చు చేసి ఆఖరికి అతడిని దక్కించుకుంది. కెప్టెన్‌గా అతడికి పగ్గాలు అప్పగించింది.ఈ క్రమంలో పైసా వసూల్‌ ప్రదర్శనతో శ్రేయస్‌ అయ్యర్‌ రాణిస్తుండటంతో పంజాబ్‌ కింగ్స్‌ యాజమాన్యం సంతోషంలో మునిగిపోయింది. ఇదే జోరులో వరుస విజయాలు సాధించి.. తొలి టైటిల్‌ గెలవాలని ఆకాంక్షిస్తోంది. కాగా శ్రేయస్‌ అయ్యర్‌ ఐపీఎల్‌లో ఇప్పటి వరకు 117 మ్యాచ్‌లు పూర్తి చేసుకుని 3276 పరుగులు సాధించాడు. ఇందులో 23 అర్ధ శతకాలు ఉన్నాయి.ఐపీఎల్‌-2025: లక్నో వర్సెస్‌ పంజాబ్‌ స్కోర్లు👉లక్నో స్కోరు: 171/7 (20)👉పంజాబ్‌ స్కోరు: 177/2 (16.2)👉ఫలితం: ఎనిమిది వికెట్ల తేడాతో లక్నోపై పంజాబ్‌ విజయం👉ప్లేయర్‌ ఆఫ్‌ ది మ్యాచ్‌: ప్రభ్‌సిమ్రన్‌ సింగ్‌ (34 బంతుల్లో 69).చదవండి: లక్నో బౌలర్‌ ఓవరాక్షన్‌.. భారీ షాకిచ్చిన బీసీసీఐ

సొంత మైదానంలో తొలి మ్యాచ్‌లోనే లక్నో సూపర్‌ జెయింట్స్‌ (Lucknow Super Giants)కు చేదు అనుభవం ఎదురైంది. పంజాబ్‌ కింగ్స్‌ చేతిలో ఎనిమిది వికెట్ల తేడాతో ఓటమిపాలైంది. ఈ నేపథ్యంలో లక్నో కెప్టెన్‌ రిషభ్‌ పంత్‌ (Rishabh Pant) తీవ్ర విచారం వ్యక్తం చేశాడు. కనీసం మరో 20- 25 పరుగులు చేసి ఉంటే బాగుండేదని పేర్కొన్నాడు.హోం గ్రౌండ్‌లో పిచ్‌ పరిస్థితులను అంచనా వేయడంలో విఫలమయ్యామని.. ఈ ఓటమి నుంచి పాఠాలు నేర్చుకుంటామని పంత్‌ అన్నాడు. కాగా ఐపీఎల్‌-2025 (IPL 2025)లో భాగంగా లక్నో మంగళవారం పంజాబ్‌ కింగ్స్‌తో తలపడింది. టాస్‌ గెలిచిన పంజాబ్‌ తొలుత బౌలింగ్‌ ఎంచుకోగా.. లక్నో బ్యాటింగ్‌కు దిగింది.పంత్‌ ఫెయిల్‌టాపార్డర్‌లో ఓపెనర్‌ ఐడెన్‌ మార్క్రమ్‌ (18 బంతుల్లో 28) తొలిసారి రాణించగా.. ఇన్‌ ఫామ్‌ ఓపెనర్‌ మిచెల్‌ మార్ష్‌ మాత్రం డకౌట్‌ అయ్యాడు. వన్‌డౌన్‌లో వచ్చిన నికోలస్‌ పూరన్‌ (30 బంతుల్లో 44) ఫర్వాలేదనిపించగా.. కెప్టెన్‌ పంత్‌ (5 బంతుల్లో 2) మాత్రం మరోసారి పూర్తిగా నిరాశపరిచాడు.ఈ క్రమంలో ఆయుష్‌ బదోని (33 బంతుల్లో 41) మెరుగ్గా బ్యాటింగ్‌ చేయగా.. డేవిడ్‌ మిల్లర్‌ (18 బంతుల్లో 19) ఎక్కువ సేపు క్రీజులో నిలవలేకపోయాడు. ఆఖర్లో అబ్దుల్‌ సమద్‌ మెరుపు ఇన్నింగ్స్‌ (12 బంతుల్లో 27) ఆడటంతో లక్నో 170 పరుగుల మార్కు దాటింది. నిర్ణీత 20 ఓవర్లలో ఏడు వికెట్ల నష్టానికి 171 పరుగులు చేసింది.పంజాబ్‌ ఫటాఫట్‌ఇక లక్ష్య ఛేదనలో పంజాబ్‌ ఆరంభంలోనే ప్రియాన్ష్‌ ఆర్య(8) వికెట్‌ కోల్పోయినప్పటికీ.. మరో ఓపెనర్‌ ప్రభ్‌సిమ్రన్‌ సింగ్‌ ధనాధన్‌ ఇన్నింగ్స్‌తో చెలరేగాడు. 34 బంతుల్లో 9 ఫోర్లు, 3 సిక్సర్ల సాయంతో 69 పరుగులు సాధించాడు. ఇక శ్రేయస్‌ అయ్యర్‌ (30 బంతుల్లో 52 నాటౌట్‌) మరోసారి కెప్టెన్‌ ఇన్నింగ్స్‌ ఆడగా.. నేహాల్‌ వధేరా (25 బంతుల్లో 43 నాటౌట్‌) మెరుపులు మెరిపించాడు.Statement victory ✅Skipper's second 5⃣0⃣ this season ✅Consecutive wins ✅Punjab Kings cap off a perfect day 🙌#TATAIPL | #LSGvPBKS | @PunjabKingsIPL pic.twitter.com/HSrX8KwiY4— IndianPremierLeague (@IPL) April 1, 2025 ఈ నేపథ్యంలో 16.2 ఓవర్లలో కేవలం రెండు వికెట్లు కోల్పోయి పంజాబ్‌ కింగ్స్‌ జయకేతనం ఎగురవేసింది. లక్నోపై ఎనిమిది వికెట్ల తేడాతో విజయం సాధించింది. తద్వారా ఈ సీజన్‌లో ఆడిన రెండు మ్యాచ్‌లలో పంజాబ్‌ గెలుపొందింది. మరోవైపు.. మూడు మ్యాచ్‌లు పూర్తి చేసుకున్న లక్నోకు ఇది రెండో ఓటమి.పాఠాలు నేర్చుకుంటాం.. ఇంతకంటే ఎక్కువ మాట్లాడలేనుఈ క్రమంలో ఓటమి అనంతరం లక్నో సారథి రిషభ్‌ పంత్‌ మాట్లాడుతూ.. ‘‘మేము మరిన్ని పరుగులు సాధించాల్సింది. కనీసం మరో 20- 25 రన్స్‌ చేయాల్సింది. అయితే, ఆటలో ఇవన్నీ సహజమే. మా సొంత మైదానంలో వికెట్‌ను అంచనా వేసేందుకు ఇంకా సమయం పడుతోంది.ఆరంభంలోనే వికెట్లు కోల్పోతే భారీ స్కోర్లు సాధించడం చాలా కష్టం. అయితే, జట్టులోని ప్రతి సభ్యుడు తీవ్రంగా శ్రమిస్తున్నాడు. స్లో వికెట్‌ ఉంటుందని భావించాం. ఈ మ్యాచ్‌ ద్వారా నేర్చుకోవాల్సిన పాఠాలు చాలానే ఉన్నాయి. అయితే, ఇందులో మాకు కొన్ని సానుకూలతలు కూడా ఉన్నాయి. ఇంతకంటే ఎక్కువ మాట్లాడలేను’’ అంటూ ఉద్వేగానికి లోనయ్యాడు.చదవండి: ఐపీఎల్ బెస్ట్ ప్లేయింగ్ ఎలెవ‌న్‌.. రోహిత్ శ‌ర్మ‌కు నో ఛాన్స్‌! కెప్టెన్‌ ఎవ‌రంటే?

ఐపీఎల్‌-2025లో పంజాబ్ కింగ్స్ త‌మ జోరును కొన‌సాగిస్తోంది. ఈ మెగా టోర్నీలో భాగంగా ఎక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో 8 వికెట్ల తేడాతో పంజాబ్ ఘ‌న విజ‌యం సాధించింది. ఈ మ్యాచ్‌లో తొలుత బ్యాటింగ్ చేసిన ల‌క్నో సూప‌ర్ జెయింట్స్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 171 ప‌రుగులు చేసింది.ల‌క్నో బ్యాట‌ర్ల‌లో నికోల‌స్ పూర‌న్‌(44) టాప్ స్కోర‌ర్‌గా నిల‌వ‌గా.. ఆయూష్ బదోని(41), అబ్దుల్ స‌మ‌ద్‌(27), మార్క్రామ్‌(28) ప‌రుగుల‌తో రాణించారు. పంజాబ్ బౌల‌ర్ల‌లో అర్ష్‌దీప్ సింగ్ మూడు వికెట్లు ప‌డ‌గొట్ట‌గా.. ఫెర్గూస‌న్‌, మాక్స్‌వెల్‌, చాహ‌ల్ త‌లా వికెట్ సాధించారు.ఫ్ర‌బ్‌సిమ్రాన్ విధ్వంసం..అనంత‌రం 172 ప‌రుగుల ల‌క్ష్యాన్ని పంజాబ్ జ‌ట్టు కేవ‌లం రెండు వికెట్లు మాత్ర‌మే కోల్పోయి 16.2 ఓవ‌ర్ల‌లో చేధించింది. పంజాబ్ బ్యాట‌ర్ల‌లో ప్ర‌భుసిమ్రాన్ సింగ్ అద్బుత‌మైన ఇన్నింగ్స్ ఆడాడు. 34 బంతుల్లో 9 ఫోర్లు, 3 సిక్స్‌ల‌తో 69 ప‌రుగులు చేసి టాప్ స్కోర‌ర్‌గా నిలిచాడు. అత‌డితో పాటు ఇంపాక్ట్ ప్లేయ‌ర్ వదేరా(25 బంతుల్లో 3 ఫోర్లు, 4 సిక్స్‌ల‌తో 43 నాటౌట్‌), కెప్టెన్ శ్రేయ‌స్ అయ్య‌ర్‌(52 నాటౌట్‌) దుమ్ములేపారు. లక్నో బౌల‌ర్ల‌లో దిగ్వేష్ ఒక్క‌డే రెండు వికెట్లు సాధించాడు. మిగితా బౌల‌ర్లంద‌రూ దారుణంగా విఫ‌ల‌మ‌య్యారు.రిష‌బ్ పంత్ ఫెయిల్‌..ఈ మ్యాచ్‌లో ల‌క్నో కెప్టెన్ రిష‌బ్ పంత్ దారుణంగా విఫ‌ల‌మయ్యాడు. అటు బ్యాట‌ర్‌గా, ఇటు కెప్టెన్‌గా పంత్ నిరాశ‌ప‌రిచాడు. తొలుత బ్యాటింగ్‌లో కేవ‌లం 2 ప‌రుగులు మాత్ర‌మే చేసి ఔట‌య్యాడు. అనంత‌రం కెప్టెన్‌గా వ్యూహ‌త్మ‌కంగా వ్య‌వ‌హ‌రించ‌లేక‌పోయాడు.

ఐపీఎల్‌-2025లో ఇవాళ (ఏప్రిల్‌ 1) రెండు విధ్వంసకర జట్ల మధ్య పోటీ జరుగనుంది. హార్డ్‌ హిట్టర్లతో నిండిన లక్నో సూపర్‌ జెయింట్స్‌, పంజాబ్‌ కింగ్స్‌ లక్నోలోని భారతరత్న శ్రీ అటల్ బిహారీ వాజ్‌పేయి ఏకానా క్రికెట్ స్టేడియంలో అమీతుమీ తేల్చుకోనున్నాయి. ఈ మ్యాచ్‌ రాత్రి 7:30 గంటలకు ప్రారంభమవుతుంది. ఈ మ్యాచ్‌లో గెలిచే జట్టును అంచనా వేయడం చాలా కష్టం. ఇరు జట్లలో సమాంతరమైన మ్యాచ్‌ విన్నర్లు ఉన్నారు. సొంత మైదానంలో ఆడటం ఎల్‌ఎస్‌జీకి కాస్త అడ్వాంటేజ్‌ అవుతుంది. అలాగని పంజాబ్‌ను తక్కువ అంచనా వేయలేము. ఆ జట్టులో ఉన్న ఆటగాళ్లు చెలరేగితే ఎక్కడైనా, ఏ జట్టుపై అయినా విజయం సాధించగలరు.ఈ సీజన్‌లో పంజాబ్‌ ఇప్పటివరకు ఆడిన ఏకైక మ్యాచ్‌లో అద్భుత విజయం సాధించింది. గుజరాత్‌పై 11 పరుగుల తేడాతో గెలుపొందింది. ఈ మ్యాచ్‌లో పంజాబ్‌ కొత్త కెప్టెన్‌ శ్రేయస్‌ అయ్యర్‌ చెలరేగిపోయాడు. 42 బంతుల్లో 5 ఫోర్లు, 9 సిక్సర్ల సాయంతో 97 పరుగులు చేసి సెంచరీ చేసే అవకాశమున్నా జట్టు ప్రయోజనాల కోసం వద్దనుకున్నాడు. ఈ మ్యాచ్‌లో అరంగేట్రం కుర్రాడు ప్రియాంశ్‌ ఆర్య (23 బంతుల్లో 47), శశాంక్‌ సింగ్‌ (16 బంతుల్లో 44 నాటౌట్‌) కూడా సత్తా చాటారు. మెరుపు వీరులు మ్యాక్స్‌వెల్‌ (0), స్టోయినిస్‌ (20) విఫలమైనా ఈ మ్యాచ్‌లో పంజాబ్‌ 243 పరుగుల భారీ స్కోర్‌ చేసింది. ఛేదనలో గుజరాత్‌ కూడా అద్భుతంగా పోరాడింది. లక్ష్యానికి కేవలం​ 12 పరుగుల దూరంలో నిలిచిపోయింది. బ్యాటింగ్‌కు అనుకూలించే అహ్మదాబాద్‌ పిచ్‌ కావడంతో ఈ మ్యాచ్‌లో ఇరు జట్ల బౌలర్లు తేలిపోయారు. పంజాబ్‌ బౌలర్లలో అర్షదీప్‌ సింగ్‌ (4-0-36-2), స్పిన్నర్‌ విజయ్‌కుమార్‌ వైశాక్‌ (3-0-28-0) మాత్రమే పర్వాలేదనిపించారు. కీలక సమయంలో వైశాక్‌ అద్భుతంగా బౌలింగ్ చేసి ‍ప్రత్యర్థికి మ్యాచ్‌ను దూరం చేశాడు. నేడు లక్నోతో జరుగబోయే మ్యాచ్‌లో తొలి మ్యాచ్‌లో సత్తా చాటిన ఆటగాళ్లతో పాటు మ్యాక్సీ, స్టోయినిస్‌ కూడా రాణిస్తే పంజాబ్‌ను ఆపడం కష్టమవుతుంది.లక్నో విషయానికొస్తే.. ఈ జట్టు ఈ సీజన్‌లో ఇప్పటివరకు ఆడిన రెండు మ్యాచ్‌ల్లో ఓ దాంట్లో ఓడి, మరో మ్యాచ్‌లో విజయం సాధించింది. ఢిల్లీ క్యాపిటల్స్‌తో జరిగిన మ్యాచ్‌లో లక్నో గెలవాల్సింది. అయితే ఆ మ్యాచ్‌లో ఢిల్లీ ఆటగాళ్లు అశుతోష్‌ శర్మ, విప్రాజ్‌ నిగమ్‌ మెరుపు ఇన్నింగ్స్‌లు ఆడి లక్నో నుంచి మ్యాచ్‌ను లాగేసుకున్నారు. ఈ మ్యాచ్‌లో లక్నో విధ్వంసకర బ్యాటర్లు మిచెల్‌ మార్ష్‌, నికోలస్‌ పూరన్‌ ఆకాశమే హద్దుగా చెలరేగారు. వీరిద్దరు మెరుపు అర్ద సెంచరీలు చేసి తమ జట్టు భారీ స్కోర్‌కు (209) దోహదపడ్డారు. మరో డేంజర్‌ బ్యాటర్‌ కిల్లర్‌ మిల్లర​్‌ కూడా ఓ మోస్తరు మెరుపు ఇన్నింగ్స్‌ ఆడాడు. ఈ మ్యాచ్‌లో భారీ అంచనాలు పెట్టుకున్న కొత్త కెప్టెన్‌ రిషబ్‌ పంత్‌ దారుణంగా విఫలమయ్యాడు. మరో హార్డ్‌ హిట్టర్‌ మార్క్రమ్‌ కూడా సత్తా చాటలేకపోయాడు. మొహిసిన్‌ ఖాన్‌కు ప్రత్యామ్నాయ ఆటగాడిగా ఎల్‌ఎస్‌జీలో చేరిన శార్దూల్‌ ఠాకూర్‌ బౌలింగ్‌లో పర్వాలేదనిపించాడు. దేశీయ బౌలర్లు మణిమారన్‌ సిద్దార్థ్‌, దిగ్వేశ్‌ రతీ కూడా రాణించారు. సీనియర్‌ స్పిన్నర్‌ రవి బిష్ణోయ్‌ ధారాళంగా పరుగులు సమర్పించుకున్నాడు.ఈ సీజన్‌లో తమ రెండో మ్యాచ్‌లో లక్నో పిచ్చ కొట్టుడు కొట్టి సన్‌రైజర్స్‌ను చిత్తు చేసింది. ఈ మ్యాచ్‌లో తొలుత శార్దూల్‌ ఠాకూర్‌ (4-0-34-4) బంతితో చెలరేగిపోయాడు. ఆతర్వాత మార్ష్‌, పూరన్‌ విధ్వంసం సృష్టించారు. ఫలితంగా సన్‌రైజర్స్‌ సెట్‌ చేసిన 191 పరుగుల లక్ష్యాన్ని ఎల్‌ఎస్‌జీ 16.1 ఓవర్లలోనే ఊదేసింది. పంజాబ్‌తో నేడు జరుగబోయే మ్యాచ్‌లో పూరన్‌, మార్ష్‌ మరోసారి విజృంభిస్తే లక్నో విజయం ఖాయం. పంజాబ్‌తో పోలిస్తే లక్నోలో భారీ హిట్టర్ల సంఖ్య కాస్త ఎక్కువగానే ఉంది. మార్క్రమ్‌, పంత్‌, ఆయుశ్‌ బదోని కూడా టచ్‌లోకి వస్తే లక్నోకు తిరుగుండదు. గతేడాది సన్‌రైజర్స్‌ తరఫున విధ్వంసం సృష్టించిన అబ్దుల్‌ సమద్‌ ఈ సీజన్‌లో లక్నోతో ఉన్నాడు. శార్దూల్‌ కూడా లోయర్‌ ఆర్డర్‌లో మెరుపు ఇన్నింగ్స్‌లు ఆడగలదు.పంజాబ్‌, లక్నో జట్లలో భారీ హిట్టర్లు ఉండటంతో నేటి మ్యాచ్‌లో పరుగుల వరద ఖాయమైపోయింది. ఎవరు పైచేయి సాధిస్తారనేది చూడాలి. చరిత్ర చూస్తే ఇరు జట్ల ఇప్పటివరకు నాలుగు సార్లు ఎదురెదురుపడగా.. లక్నో 3, పంజాబ్‌ ఒక​ మ్యాచ్‌లో గెలిచాయి. నేటి మ్యాచ్‌లో లక్నోకు అనుకూలంగా ఉండే ఆనవాయితీనే కొనసాగుతుందని చెప్పలేము. పంజాబ్‌లో కూడా మెరుపు వీరుల సంఖ్య తక్కువ లేదు.తుది జట్లు (అంచనా)..లక్నో: మిచెల్ మార్ష్, ఐడెన్ మార్క్రామ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), ఆయుష్ బదోని, డేవిడ్ మిల్లర్, షాబాజ్ అహ్మద్, శార్దూల్ ఠాకూర్, రవి బిష్ణోయ్, అవేష్ ఖాన్, దిగ్వేశ్‌ రతీ, ప్రిన్స్ యాదవ్పంజాబ్‌: ప్రభ్‌సిమ్రాన్ సింగ్ (వికెట్‌కీపర్‌), ప్రియాంష్ ఆర్య, శ్రేయాస్ అయ్యర్ (కెప్టెన్‌), శశాంక్ సింగ్, మార్కస్ స్టోయినిస్, గ్లెన్ మాక్స్‌వెల్, సూర్యాంశ్ షెడ్జ్, లాకీ ఫెర్గూసన్/అజ్మతుల్లా ఒమర్జాయ్, మార్కో జాన్సెన్, అర్ష్‌దీప్ సింగ్, యుజ్వేంద్ర చాహల్

భారత క్రికెట్‌ నియంత్రణ మండలి (BCCI) ఇటీవల మహిళల సీనియర్‌ జట్టుకు సంబంధించిన వార్షిక కాంట్రాక్టులను విడుదల చేసింది. అయితే, పురుషుల సీనియర్‌ టీమ్‌ సెంట్రల్‌ కాంట్రాక్టుల విషయంలో ఆచితూచి నిర్ణయం తీసుకోవాల్సి ఉన్నందున కాస్త జాప్యం జరుగుతోందని బోర్డు వర్గాలు వెల్లడించాయి. తాజా సమాచారం ప్రకారం మరికొన్ని రోజుల్లోనే బీసీసీఐ ఈ అంశంపై తుదినిర్ణయం తీసుకోనున్నట్లు తెలుస్తోంది.ఈ నేపథ్యంలో బోర్డు కార్యదర్శి దేవజిత్‌ సైకియా.. టీమిండియా ప్రధాన కోచ్‌ గౌతం గంభీర్‌తో శనివారం సమావేశం కానున్నట్లు సమాచారం. కాగా బీసీసీఐ టీమిండియా ఆటగాళ్లను A+, A, B, C గ్రేడ్లుగా విభజించి వార్షిక వేతనాలు అందచేస్తోన్న విషయం తెలిసిందే. రోహిత్‌, కోహ్లిల కొనసాగింపు!కెప్టెన్‌ రోహిత్‌ శర్మతో పాటు దిగ్గజ బ్యాటర్‌ విరాట్‌ కోహ్లి, ఆల్‌రౌండర్‌ రవీంద్ర జడేజా, పేస్‌ దళ నాయకుడు జస్‌ప్రీత్‌ బుమ్రా అత్యుత్తమ గ్రేడ్‌ అయిన A+లో కొనసాగుతున్న విషయం తెలిసిందే.అయితే, టీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌, కోహ్లి, జడ్డూ అంతర్జాతీయ పొట్టి ఫార్మాట్‌కు వీడ్కోలు పలికారు. ప్రస్తుతం ఈ ముగ్గురు కేవలం వన్డే, టెస్టుల్లో మాత్రమే కొనసాగుతున్నారు. కాబట్టి వీరిని A+ గ్రేడ్‌ నుంచి తప్పించాలని బోర్డు నిర్ణయించినట్లు గతంలో వార్తలు పుట్టుకొచ్చాయి. అయితే, టైమ్స్‌ ఆఫ్‌ ఇండియా అందించిన తాజా సమాచారం ప్రకారం.. ఈ ముగ్గురితో పాటు బుమ్రాను A+ గ్రేడ్‌లోనే కొనసాగించనున్నారు.అంతేకాదు..టీ20 జట్టు వైస్‌ కెప్టెన్‌గా ఉన్న స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌కు ఈసారి ప్రమోషన్‌ దక్కనుంది. B గ్రేడ్‌ నుంచి అతడిని A గ్రేడ్‌కు ప్రమోట్‌ చేసే సూచనలు కనిపిస్తున్నాయి. అంతేకాదు.. క్రమశిక్షణారాహిత్యం వల్ల సెంట్రల్‌ కాంట్రాక్టు కోల్పోయిన మిడిలార్డర్‌ బ్యాటర్‌ శ్రేయస్‌ అయ్యర్‌ తిరిగి ఈ జాబితాలో చేరనున్నాడు.అంతేకాదు.. టాప్‌ గ్రేడ్‌లో అతడిని చేర్చేందుకు బీసీసీఐ నాయకత్వ బృందం సుముఖంగా ఉన్నట్లు సమాచారం. ఐసీసీ చాంపియన్స్‌ ట్రోఫీ-2025లో భారత టాప్‌ రన్‌ స్కోరర్‌గా నిలిచి.. జట్టు విజయంలో కీలక పాత్ర పోషించినందుకు అతడికి ఈ మేర రిటర్న్‌గిఫ్ట్‌ లభించనున్నట్లు తెలుస్తోంది. అయితే, శ్రేయస్‌ మాదిరి అనూహ్యంగా సెంట్రల్‌ కాంట్రాక్టు కోల్పోయిన ఇషాన్‌ కిషన్‌ విషయంలో మాత్రం బీసీసీఐ ఇంకా గుర్రుగానే ఉన్నట్లు తెలుస్తోంది.టాప్‌ క్లాస్‌లో అతడి పేరుఈ విషయాల గురించి బీసీసీఐ సన్నిహిత వర్గాలు మాట్లాడుతూ.. ‘‘శ్రేయస్‌ తిరిగి వార్షిక కాంట్రాక్టు దక్కించుకోబోతున్నాడు. అది కూడా టాప్‌ క్లాస్‌లో అతడి పేరు చేరనుంది. ఇందుకు సంబంధించి చర్చలు జరుగుతున్నాయి. కానీ ఇషాన్‌ కిషన్‌ విషయంలో మాత్రం ఇంకా ఏ నిర్ణయం తీసుకోలేదు’’ అని పేర్కొన్నాయి.తొలిసారి వీళ్లకు చోటుఇక ఈసారి మిస్టరీ స్పిన్నర్‌ వరుణ్‌ చక్రవర్తి, ఆంధ్ర ఆల్‌రౌండర్‌ నితీశ్‌ కుమార్‌ రెడ్డి, అభిషేక్‌ శర్మ కొత్తగా బీసీసీఐ వార్షిక కాంట్రాక్టులు దక్కించుకునే సూచనలు కనిపిస్తున్నాయి. కాగా బీసీసీఐ కాంట్రాక్టు దక్కించుకోవాలంటే.. ఒక క్యాలెండర్‌ ఇయర్‌లో టీమిండియా తరఫున మూడు టెస్టులు లేదంటే.. ఎనిమిది వన్డేలు.. లేదా పది అంతర్జాతీయ టీ20లు ఆడి ఉండాలి. తద్వారా మరుసటి ఏడాది సదరు ఆటగాళ్లకు బోర్డు వార్షిక కాంట్రాక్టు ఇస్తుంది.ఇక బీసీసీఐ A+ గ్రేడ్‌లో ఉన్న ఆటగాళ్లకు ఏడాదికి రూ. 7 కోట్లు, A గ్రేడ్‌లో ఉన్నవారికి రూ. 5 కోట్లు, B గ్రేడ్‌లో ఉన్నవారికి రూ. 3 కోట్లు, C గ్రేడ్‌లో ఉన్నవారికి రూ. కోటి వార్షిక జీతంగా ఇస్తుంది.గతేడాది కాలానికి (2023-24) గానూ బీసీసీఐ ప్రకటించిన కాంట్రాక్టుల జాబితాగ్రేడ్‌- A+: రోహిత్‌ శర్మ,విరాట్‌ కోహ్లి, జస్‌ప్రీత్‌ బుమ్రా, రవీంద్ర జడేజాగ్రేడ్‌- A: రవిచంద్రన్‌ అశ్విన్‌, మహ్మద్‌ షమీ, మహ్మద్‌ సిరాజ్‌, కేఎల్‌ రాహుల్‌, శుబ్‌మన్‌ గిల్‌, హార్దిక్‌ పాండ్యాగ్రేడ్‌- B: సూర్యకుమార్‌ యాదవ్‌, రిషభ్‌ పంత్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌గ్రేడ్‌- C: రింకూ సింగ్‌, తిలక్‌ వర్మ, రుతురాజ్‌ గైక్వాడ్‌, శార్దూల్‌ ఠాకూర్‌, శివం దూబే, రవి బిష్ణోయి, జితేశ్‌ శర్మ, వాషింగ్టన్‌ సుందర్‌, ముకేశ్‌ కుమార్‌, సంజూ శాంసన్‌, అర్ష్‌దీప్‌ సింగ్‌, కేఎస్‌ భరత్‌, ప్రసిద్‌ కృష్ణ, ఆవేశ్‌ ఖాన్‌,రజత్‌ పాటిదార్‌.

ఐపీఎల్‌ 2025 సీజన్‌లో ఇప్పటివరకు (మార్చి 26) ఆరు మ్యాచ్‌లు పూర్తయ్యాయి. ఇందులో తొలి ఐదు మ్యాచ్‌లు ధనాధన్‌ బ్యాటింగ్‌ విన్యాసాలతో సాగగా.. నిన్న జరిగిన ఆరో మ్యాచ్‌ ఎలాంటి మెరుపులు లేకుండా చప్పగా ముగిసింది. ఈ సీజన్‌లో ఇప్పటివరకు జరిగిన ఆరు మ్యాచ్‌ల్లో ఓ ఆసక్తికర విషయం చోటు చేసుకుంది. ఆరు మ్యాచ్‌ల్లో ఫ్రాంచైజీలు మారి వచ్చిన ఆటగాళ్లే తమ కొత్త జట్లను గెలిపించారు.సీజన్‌ తొలి మ్యాచ్‌లో డిఫెండింగ్‌ ఛాంపియన్‌ కేకేఆర్‌పై ఆర్సీబీ విజయం సాధించింది. ఈ మ్యాచ్‌లో ఆర్సీబీ గెలుపులో లక్నో నుంచి వలస వచ్చిన కృనాల్‌ పాండ్యా కీలకపాత్ర పోషించాడు. కృనాల్‌ ఆర్సీబీ తరఫున తన తొలి మ్యాచ్‌లోనే మ్యాచ్‌ విన్నింగ్‌ పెర్ఫార్మెన్స్‌ ఇచ్చాడు. ఈ మ్యాచ్‌లో అతను 4 ఓవర్లలో 29 పరుగులిచ్చి 3 వికెట్లు తీశాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.సీజన్‌ రెండో మ్యాచ్‌లో రాజస్థాన్‌ రాయల్స్‌పై సన్‌రైజర్స్‌ హైదరాబాద్‌ విజయం సాధించింది. ఈ మ్యాచ్‌లో ఇషాన్‌ కిషన్‌ విధ్వంసకర సెంచరీ చేసి సన్‌రైజర్స్‌ విజయంలో ప్రధానపాత్ర పోషించాడు. గత సీజన్‌ వరకు ముంబై ఇండియన్స్‌కు ఆడిన ఇషాన్‌.. సన్‌రైజర్స్‌ తరఫున తన తొలి మ్యాచ్‌లోనే మ్యాచ్‌ విన్నింగ్‌ ఇన్నింగ్స్‌ ఆడి ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.మూడో మ్యాచ్‌లో ముంబై ఇండియన్స్‌పై చెన్నై సూపర్‌ కింగ్స్‌ విజయం సాధించింది. ఈ మ్యాచ్‌లో ముంబై బ్యాటింగ్‌ లైనప్‌కు కుప్పకూల్చిన నూర్‌ అహ్మద్‌ సీఎస్‌కే గెలుపులో కీలకంగా వ్యవహరించాడు. గత సీజన్‌ వరకు గుజరాత్‌ టైటాన్స్‌కు ఆడిన నూర్‌.. సీఎస్‌కే తరఫున తన తొలి మ్యాచ్‌లోనే అద్భుత ప్రదర్శన చేసి ప్లేయర్‌ ఆఫ్‌ ద మ్యాచ్‌గా నిలిచాడు.సీజన్‌ నాలుగో మ్యాచ్‌లో లక్నో సూపర్‌ జెయింట్స్‌పై ఢిల్లీ క్యాపిటల్స్‌ అద్భుత విజయం సాధించింది. ఈ మ్యాచ్‌లో ఆశుతోష్‌ శర్మ అద్భుతమైన బ్యాటింగ్‌ విన్యాసాలు ప్రదర్శించి ఢిల్లీకి ఊహించని విజయాన్నందించాడు. గత సీజన్‌లో పంజాబ్‌కు ఆడిన అశుతోష్‌.. ఢిల్లీ తరఫున తొలి మ్యాచ్‌లోనే అదగొట్టాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.ఐదో మ్యాచ్‌లో గుజరాత్‌పై పంజాబ్‌ సూపర్‌ విక్టరీ నమోదు చేసింది. ఈ మ్యాచ్‌లో శ్రేయస్‌ అయ్యర్‌ సెంచరీ త్యాగం చేసి మరీ తన కొత్త ఫ్రాంచైజీ పంజాబ్‌ను గెలిపించాడు. గత సీజన్‌లో కేకేఆర్‌కు టైటిల్‌ అందించిన శ్రేయస్‌.. పంజాబ్‌ తరఫున తన తొలి మ్యాచ్‌లో వీరంగం సృష్టించాడు. ఫలితంగా ప్లేయర్‌ ఆఫ్‌ ద మ్యాచ్‌గా నిలిచాడు. నిన్న జరిగిన ఆరో మ్యాచ్‌లో రాజస్థాన్‌ రాయల్స్‌పై కేకేఆర్‌ గెలుపొందింది. ఈ మ్యాచ్‌లో కేకేఆర్‌ను డికాక్‌ ఒంటిచేత్తో గెలిపించాడు. గత సీజన్‌లో లక్నోకు ఆడిన డికాక్‌.. కేకేఆర్‌ తరఫున తన రెండో మ్యాచ్‌లోనే అదరగొట్టి ప్లేయర్‌ ఆఫ్‌ ద మ్యాచ్‌గా ఎంపికయ్యాడు.ఈ ట్రెండ్‌ ప్రకారం చూస్తే.. నేడు జరుగబోయే సన్‌రైజర్స్‌, లక్నో మ్యాచ్‌లో కూడా ఫ్రాంచైజీ మారి వచ్చిన ఆటగాడే తన కొత్త జట్టును గెలిపించే అవకాశం ఉంది. ఆ ఆటగాడు ఎవరవుతారని అనుకుంటున్నారు. మరోసారి ఇషాన్‌ అయితే A.. పంత్‌ అయితే B.. మిచెల్‌ మార్ష్‌ అయితే C.. మార్క్రమ్‌ అయితే D అని కామెంట్‌ చేయండి.

పంజాబ్‌ కింగ్స్‌ పేసర్‌ విజయ్‌కుమార్‌ వైశాఖ్‌ (Vijaykumar Vyshak)పై టీమిండియా స్పిన్‌ దిగ్గజం రవిచంద్రన్‌ అశ్విన్‌ (Ravichandran Ashwin) ప్రశంసలు కురిపించాడు. ఆఖరి ఐదు ఓవర్ల ఆటలో అద్భుతం చేసి జట్టును గెలిపించాడని కొనియాడాడు. గుజరాత్‌ టైటాన్స్‌ (GT)- పంజాబ్‌ కింగ్స్‌ (PBKS) మ్యాచ్‌కు సంబంధించి.. తన దృష్టిలో వైశాఖ్‌ అత్యంత విలువైన ఆటగాడని పేర్కొన్నాడు.శ్రేయస్‌ అయ్యర్‌ తుపాన్‌ ఇన్నింగ్స్‌ఐపీఎల్‌-2025లో భాగంగా గుజరాత్‌- పంజాబ్‌ మంగళవారం తలపడిన విషయం తెలిసిందే. అహ్మదాబాద్‌లోని నరేంద్ర మోదీ స్టేడియం వేదికగా జరిగిన టాస్‌ ఓడి తొలుత బ్యాటింగ్‌ చేసిన పంజాబ్‌ దుమ్ములేపింది. ఓపెనర్‌ ప్రియాన్ష్‌ ఆర్య (23 బంతుల్లో 47), కెప్టెన్‌ శ్రేయస్‌ అయ్యర్‌ (42 బంతుల్లో 97 నాటౌట్‌), శశాంక్‌ సింగ్‌ (16 బంతుల్లో 44 నాటౌట్‌) అద్భుతంగా బ్యాటింగ్‌ చేశారు.ఫలితంగా నిర్ణీత ఇరవై ఓవర్లలో పంజాబ్‌ ఐదు వికెట్ల నష్టానికి 243 పరుగులు చేసింది. ఇక లక్ష్య ఛేదనలో గుజరాత్‌ విజయానికి చేరువగా వచ్చింది. సాయి సుదర్శన్‌ మెరుపు ఇన్నింగ్స్‌ (41 బంతుల్లో 74) ఆడగా.. జోస్‌ బట్లర్‌ (33 బంతుల్లో 54), షెర్ఫానే రూథర్‌ఫర్డ్‌ (28 బంతుల్లో 46) పంజాబ్‌ నుంచి మ్యాచ్‌ను లాగేసుకునే ప్రయత్నం చేశారు.ఇంపాక్ట్‌ ప్లేయర్‌అయితే, సరిగ్గా అదే సమయంలో పంజాబ్‌ ఇంపాక్ట్‌ ప్లేయర్‌గా విజయ్‌కుమార్‌ వైశాఖ్‌ను రంగంలోకి దించింది. దాదాపు పద్నాలుగు ఓవర్ల పాటు బెంచ్‌ మీద ఉన్న అతడు.. పదిహేనో ఓవర్లో కట్టుదిట్టంగా బౌలింగ్‌ చేశాడు. కేవలం ఐదు పరుగులే ఇచ్చాడు. అనంతరం పదిహేడో ఓవర్లో మళ్లీ బరిలోకి దిగి ఇదే ప్రదర్శనను పునరావృతం చేశాడు. ఆ తర్వాత పందొమ్మిదో ఓవర్లో(18 రన్స్‌)నూ ఫర్వాలేదనిపించాడు.ఈ నేపథ్యంలో చెన్నై సూపర్‌ కింగ్స్‌ ఆటగాడు అశ్విన్‌ మాట్లాడుతూ.. ‘‘శ్రేయస్‌ అయ్యర్‌ ప్రదర్శన ఈ విజయానికి మూలం. అయితే, ఓ ఆటగాడు డగౌట్‌లో కూర్చుని.. మైదానంలోని ఆటగాళ్ల కోసం నీళ్లు తీసుకువస్తూ కనిపించాడు.ఆ సమయంలో గుజరాత్‌ మొమెంటమ్‌లోకి వచ్చేసింది. రూథర్‌ఫర్డ్‌, బట్లర్‌ మ్యాజిక్‌ చేసేలా కనిపించారు. అప్పుడు ఎంట్రీ ఇచ్చాడు విజయ్‌కుమార్‌ వైశాఖ్‌. దాదాపు పద్నాలుగు ఓవర్లపాటు మ్యాచ్‌కు దూరంగా అతడిని పిలిపించి.. మ్యాచ్‌ను మనవైపు తిప్పమని మేనేజ్‌మెంట్‌ చెప్పింది.‘ప్లేయర్‌ ఆఫ్‌ ది మ్యాచ్‌’ అవార్డు అతడికే ఇవ్వాల్సిందిపదిహేడు, పందొమ్మిదో ఓవర్లో అతడు పరిణతితో బౌలింగ్‌ చేశాడు. అతడు వికెట్‌ తీయకపోవచ్చు. కానీ డెత్‌ ఓవర్లలో అద్బుతంగా బౌలింగ్‌ చేశాడు. తన ప్రణాళికలను తూచా తప్పకుండా అమలు చేశాడు. అద్భుతమైన యార్కర్లతో అలరించాడు.తన బౌలింగ్‌లో వైడ్లు, ఫుల్‌ టాస్‌లు ఉండవచ్చు. కానీ అతడి కట్టుదిట్టమైన బౌలింగ్‌ వల్లే గుజరాత్‌ వెనుకడుగు వేసింది. నా దృష్టిలో అతడు అత్యంత విలువైన ఆటగాడు. నిజానికి ప్లేయర్‌ ఆఫ్‌ ది మ్యాచ్‌ అవార్డు విజయ్‌కుమార్‌ వైశాఖ్‌కు దక్కాల్సింది’’ అని పేర్కొన్నాడు. కాగా ఈ మ్యాచ్‌లో పంజాబ్‌ పదకొండు పరుగుల తేడాతో విజయం సాధించింది. శ్రేయస్‌ అయ్యర్‌ ప్లేయర్‌ ఆఫ్‌ ది మ్యాచ్‌గా నిలిచాడు. ఇదిలా ఉంటే.. మొత్తంగా మూడు ఓవర్ల బౌలింగ్‌లో విజయ్‌ 28 పరుగులు ఇచ్చి వికెట్‌ తీయలేకపోయాడు.చదవండి: NZ vs Pak: టిమ్‌ సీఫర్ట్‌ విధ్వంసం.. పాకిస్తాన్‌కు అవమానకర ఓటమిPunjab Kings hold their nerves in the end to clinch a splendid win against Gujarat Titans ❤️Scorecard ▶ https://t.co/PYWUriwSzY#TATAIPL | #GTvPBKS | @PunjabKingsIPL pic.twitter.com/0wy29ODStQ— IndianPremierLeague (@IPL) March 25, 2025

ఐపీఎల్‌ 2025 సీజన్‌లో భాగంగా గుజరాత్‌ టైటాన్స్‌తో నిన్న (మార్చి 25) జరిగిన మ్యాచ్‌లో పంజాబ్‌ కింగ్స్‌ అద్భుత విజయం సాధించింది. పంజాబ్‌ గెలుపులో ఆ జట్టు కెప్టెన్‌ శ్రేయస్‌ అయ్యర్‌ కీలక భూమిక పోషించాడు. ఈ మ్యాచ్‌లో 97 పరుగులతో అజేయంగా నిలిచిన శ్రేయస్‌కు సెంచరీ చేసే అవకాశమున్నా జట్టు ప్రయోజనాల కోసం​ దాన్ని వద్దనుకున్నాడు.పంజాబ్‌ ఇన్నింగ్స్‌ చివరి ఓవర్‌కు ముందు శ్రేయస్‌ 97 పరుగులతో అజేయంగా ఉన్నాడు. ఆ ఓవర్‌లో కనీసం ఒక్క బంతి ఎదుర్కొన్నా శ్రేయస్‌ సెంచరీ చేసేవాడు. కానీ అతను స్ట్రయిక్‌ కోసం పాకులాడలేదు. శశాంక్‌ మంచి టచ్‌లో ఉన్న విషయాన్ని గమనించి అతన్నే స్ట్రయిక్‌ తీసుకోమన్నాడు. శశాంక్‌ స్వయంగా వచ్చి స్ట్రయిక్‌ రొటేట్‌ చేస్తానన్నా శ్రేయస్‌ వినలేదు. ఆ ఓవర్‌ అంతా సింగిల్స్‌కు కాకుండా బౌండరీలు, సిక్సర్లకు ప్రయత్నించమని చెప్పాడు.శశాంక్‌.. తన కెప్టెన్‌ చెప్పినట్లుగా చేసే క్రమంలో 5 బంతులు బౌండరీలకు తరలి వెళ్లగా.. ఓ బంతికి రెండు పరుగులు (రెండో బంతి) వచ్చాయి. వాస్తవానికి ఇక్కడ శ్రేయస్‌ స్ట్రయిక్‌ తీసుకుని (సింగిల్‌ తీసుంటే) ఉండవచ్చు. కానీ అతను అలా చేయలేదు. జట్టు ప్రయోజనాల కోసం​ సెంచరీ త్యాగం చేసిన అనంతరం యావత్‌ క్రికెట్‌ ప్రపంచం శ్రేయస్‌పై ప్రశంసల వర్షం కురిపించింది.ఈ క్రమంలో విరాట్‌ కోహ్లికి సంబంధించిన ఓ ఉదంతాన్ని క్రికెట్‌ అభిమానులు గుర్తు చేసుకుంటున్నారు. 2019 ఐపీఎల్‌ సీజన్‌లో ఈడెన్‌ గార్డెన్స్‌ వేదికగా కేకేఆర్‌తో జరిగిన మ్యాచ్‌లో కోహ్లి సెంచరీ చేశాడు. ఆ సెంచరీ కోసం కోహ్లి పడ్డ తాపత్రయాన్ని ఫ్యాన్స్‌ శ్రేయస్‌ ఉదంతంతో పోల్చుకుంటున్నారు. అప్పుడు కోహ్లి తన వ్యక్తిగత మైలురాయి కోసం జట్టుకు అదనంగా వచ్చే పరుగును వద్దన్నాడు. సెంచరీకి ముందు కోహ్లి ఆడిన ఓ షాట్‌కు రెండు పరుగులు వచ్చేవి. నాన్‌ స్ట్రయికర్‌ ఎండ్‌లో ఉన్న స్టోయినిస్‌ కూడా రెండో పరుగుకు వచ్చేందుకు సుముఖత చూపాడు. కానీ కోహ్లి మళ్లీ తనే స్ట్రయిక్‌ తీసుకునేందుకు రెండో రన్‌ వద్దన్నాడు. తిరిగి స్ట్రయిక్‌లోకి వచ్చిన తర్వాత కోహ్లి బౌండరీ బాది సెంచరీ పూర్తి చేసుకున్నాడు.ఆ మ్యాచ్‌లో కోహ్లి సెంచరీ చేసి, అతని జట్టు ఆర్సీబీ గెలిచినా అభిమానులు కోహ్లిని తప్పుబట్టారు. జట్టుకు వచ్చే అదనపు పరుగు కంటే కోహ్లి తన సెంచరీకే ఎక్కువ ప్రాధాన్యత ఇచ్చాడా అన్న చర్చ అప్పట్లో జరిగింది. ఆ మ్యాచ్‌లో కోహ్లి 58 బంతుల్లో సెంచరీ చేయడంతో ఆర్సీబీ భారీ స్కోరు (213/4) చేసింది.ఛేదనలో ఆండ్రీ రస్సెల్ (65), నితీష్ రాణా (85*) విధ్వంసకర ఇన్నింగ్స్‌లు ఆడినా కేకేఆర్‌ 10 పరుగుల తేడాతో ఓటమిపాలైంది.శ్రేయస్‌ విషయానికొస్తే.. సెంచరీ గురించి పట్టించుకోకపోవడంతో పంజాబ్‌ భారీ స్కోర్‌ చేసి గెలిచింది. శ్రేయస్‌ కూడా కోహ్లిలా సెంచరీ కోసం పాకులాడి ఉంటే పంజాబ్‌ 243 పరుగుల భారీ స్కోర్‌ చేసుండేది కాదు. శ్రేయస్‌ సెంచరీ త్యాగం చేసి పంజాబ్‌ అంత భారీ స్కోర్‌ చేసినా గుజరాత్‌ అద్భుతంగా పోరాడి లక్ష్యానికి కేవలం 11 పరుగుల దూరంలో మాత్రమే నిలిచిపోయింది. ఈ మ్యాచ్‌లో శ్రేయస్‌ సెంచరీ వదులుకుని హీరో అయ్యాడు.. ఆ రోజు కోహ్లి సెంచరీ చేసి కూడా విమర్శలపాలయ్యాడు.

ఐపీఎల్‌ 2025 సీజన్‌లో భాగంగా గుజరాత్‌ టైటాన్స్‌తో నిన్న (మార్చి 25) జరిగిన మ్యాచ్‌లో పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ ఓ అల్టిమేట్‌ రికార్డును సాధించాడు. ఈ మ్యాచ్‌లో సెంచరీ చేసే అవకాశమున్నా జట్టు ప్రయోజనాల కోసం వదులుకున్న అయ్యర్‌.. లీగ్‌ చరిత్రలో రెండు వేర్వేరు ఫ్రాంచైజీల తరఫున కెప్టెన్సీ అరంగేట్రంలో 90 ప్లస్‌ స్కోర్లు చేసిన తొలి ఆటగాడిగా రికార్డు సృషిం‍చాడు. 2018 సీజన్‌లో ఢిల్లీ క్యాపిటల్స్‌ కెప్టెన్సీ డెబ్యూలో అజేయమైన 93 పరుగులు (కేకేఆర్‌పై) చేసిన అయ్యర్‌.. తాజాగా పంజాబ్‌ కెప్టెన్‌గా అరంగేట్రంలో 97 పరుగులు చేసి అజేయంగా నిలిచాడు. ఈ క్రమంలో శ్రేయస్‌ మరో విషయంలోనూ రికార్డుల్లోకెక్కాడు. కెప్టెన్సీ అరంగేట్రంలో మూడో అత్యధిక స్కోర్‌ చేసిన ఆటగాడిగా తన రికార్డును తనే మెరుగుపర్చుకున్నాడు. ఐపీఎల్‌లో ఓ ఫ్రాంచైజీ కెప్టెన్‌గా తొలి మ్యాచ్‌లో అత్యధిక స్కోర్‌ చేసిన ఘనత సంజూ శాంసన్‌కు దక్కుతుంది. సంజూ 2021లో రాయల్స్‌ కెప్టెన్‌గా తన తొలి మ్యాచ్‌లో (పంజాబ్‌పై) 119 పరుగులు చేశాడు. కెప్టెన్‌గా అరంగేట్రంలో సెంచరీ చేసిన ఏకైక ఆటగాడు సంజూ శాంసన్‌ మాత్రమే.ఐపీఎల్‌లో కెప్టెన్సీ అరంగేట్రంలో అత్యధిక స్కోర్లు..119 - సంజు శాంసన్ (RR vs PBKS, వాంఖడే, 2021)99* - మయాంక్ అగర్వాల్ (PBKS vs DC, అహ్మదాబాద్, 2021)97* - శ్రేయస్ అయ్యర్ (PBKS vs GT, అహ్మదాబాద్, 2025*)93* - శ్రేయస్ అయ్యర్ (DC vs KKR, ఢిల్లీ, 2018)88 - ఫాఫ్ డుప్లెసిస్ (RCB vs PBKS, ముంబై, 2022)గుజరాత్‌తో మ్యాచ్‌లో శ్రేయస్‌ మరో మైలురాయిని కూడా తాకాడు. శ్రేయస్‌ టీ20ల్లో 6000 పరుగులు పూర్తి చేసుకున్నాడు.మూడు జట్లకు కెప్టెన్‌గా..ఐపీఎల్‌లో శ్రేయస్‌ ఖాతాలో మరో ఘనత కూడా వచ్చి చేరింది. ఈ ఐపీఎల్‌ సీజన్‌లో పంజాబ్‌ కెప్టెన్‌గా బాధ్యతలు చేపట్టిన శ్రేయస్‌.. ఐపీఎల్‌లో మూడు ఫ్రాంచైజీలకు కెప్టెన్‌గా వ్యవహరించిన నాలుగో ఆటగాడిగా రికార్డుల్లోకెక్కాడు. శ్రేయస్‌ ఐపీఎల్‌లో ఢిల్లీ, కేకేఆర్‌, పంజాబ్‌ జట్లకు కెప్టెన్‌గా వ్యవహరించాడు. శ్రేయస్‌కు ముందు మహేళ జయవర్దనే, కుమార సంగక్కర, స్టీవ్‌ స్మిత్‌ కూడా ఐపీఎల్‌లో మూడు ఫ్రాంచైజీలకు సారథ్యం వహించారు.మ్యాచ్‌ విషయానికొస్తే.. పంజాబ్‌ కెప్టెన్‌గా శ్రేయస్‌ తన తొలి మ్యాచ్‌లోనే సఫలమయ్యాడు. శ్రేయస్‌ వ్యక్తిగతంగానూ సత్తా చాటడంతో గుజరాత్‌పై పంజాబ్‌ 11 పరుగుల తేడాతో విజయం సాధించింది.ఈ మ్యాచ్‌లో తొలుత బ్యాటింగ్‌ చేసిన పంజాబ్‌.. శ్రేయస్‌ (42 బంతుల్లో 5 ఫోర్లు, 9 సిక్సర్ల సాయంతో 97 పరుగులు నాటౌట్‌), శశాంక్‌ సింగ్‌ (16 బంతుల్లో 6 ఫోర్లు, 2 సిక్సర్ల సాయంతో 44 పరుగులు నాటౌట్‌), ప్రియాంశ్‌ ఆర్య (23 బంతుల్లో 7 ఫోర్లు, 2 సిక్సర్ల సాయంతో 47 పరుగులు) చెలరేగడంతో నిర్ణీత ఓవర్లలో 5 వికెట్ల నష్టానికి 243 పరుగులు చేసింది.అనంతరం భారీ లక్ష్య ఛేదనకు దిగిన గుజరాత్‌ 232 పరుగులకే పరిమితమై 11 పరుగుల తేడాతో ఓటమిపాలైంది. గుజరాత్‌ ఇన్నింగ్స్‌లో సాయి సుదర్శన్‌ (41 బంతుల్లో 74; 5 ఫోర్లు, 6 సిక్సర్లు), శుభ్‌మన్‌ గిల్‌ (14 బంతుల్లో 33; 2 ఫోర్లు, 3 సిక్సర్లు), జోస్‌ బట్లర్‌ (33 బంతుల్లో 54; 4 ఫోర్లు, 2 సిక్సర్లు), రూథర్‌ఫోర్డ్‌ (28 బంతుల్లో 46; 4 ఫోర్లు, 3 సిక్సర్లు) సత్తా చాటినా ప్రయోజనం లేకుండా పోయింది.

ఇండియన్‌ ప్రీమియర్‌ లీగ్‌ (IPL) -2025 సీజన్‌ను గుజరాత్‌ టైటాన్స్‌ పరాజయంతో ప్రారంభించింది. తమ తొలి మ్యాచ్‌లో పంజాబ్‌ కింగ్స్‌తో తలపడి పదకొండు పరుగుల తేడాతో ఓటమి పాలైంది. ఫలితంగా పంజాబ్‌ కెప్టెన్‌గా శ్రేయస్‌ అయ్యర్‌ (Shreyas Iyer) తొలి విజయం అందుకోగా.. గుజరాత్‌ సారథిగా శుబ్‌మన్‌ గిల్‌ (Shubman Gill)కు మరోసారి చేదు అనుభవమే ఎదురైంది.శ్రేయస్‌ అటు బ్యాటర్‌గా.. ఇటు కెప్టెన్‌గా తనదైన ముద్ర వేయగా.. గిల్‌ మాత్రం రెండు పాత్రల్లోనూ తేలిపోయాడు. ఈ నేపథ్యంలో భారత మాజీ క్రికెటర్‌ వీరేంద్ర సెహ్వాగ్‌ గిల్‌ను ఉద్దేశించి కీలక వ్యాఖ్యలు చేశాడు. పంజాబ్‌ కింగ్స్‌తో మ్యాచ్‌లో గిల్‌ కెప్టెన్సీ తప్పిదాలే ఓటమికి పరోక్ష కారణాలంటూ విమర్శించాడు.పవర్‌ ప్లేలో బౌలర్ల మార్పులుముఖ్యంగా బౌలర్ల సేవలను వినియోగించుకోవడంలో గుజరాత్‌ సారథి విఫలమయ్యాడని వీరూ భాయ్‌ అభిప్రాయపడ్డాడు. ‘‘ఈ మ్యాచ్‌లో శుబ్‌మన్‌ గిల్‌ కెప్టెన్సీ అతడి స్థాయికి తగినట్లుగా లేదు. అసలు తను మైదానంలో చురుగ్గా ఉన్నట్లే కనిపించలేదు. సిరాజ్‌ బాగానే బౌలింగ్‌ చేస్తున్నాడులే అనుకునే సరికి.. అర్షద్‌ ఖాన్‌ను తీసుకువచ్చాడు.ఏమీ పట్టనట్టే ఉన్నావు ఎందుకు?అతడేమో పవర్‌ ప్లేలోనే ఏకంగా 21 పరుగులు ఇచ్చాడనుకుంటా! అదే పంజాబ్‌కు మొమెంటమ్‌ను ఇచ్చింది. ఒకవేళ సిరాజ్‌ గనుక కొత్త బంతితో రాణిస్తే.. అతడిని డెత్‌ ఓవర్ల వరకు వేచి ఉంచాల్సిన పనిలేదు. నిజం చెప్పాలంటే ఆఖర్లోనూ సిరాజ్‌ బౌలింగ్‌లో పంజాబ్‌ బ్యాటర్లు భారీగానే పరుగులు పిండుకున్నారు’’ అని వీరేంద్ర సెహ్వాగ్‌ క్రిక్‌బజ్‌ షోలో పేర్కొన్నాడు.కెప్టెన్‌గా పరిస్థితులకు తగ్గట్లు మార్పులు చేయాలని.. కానీ శుబ్‌మన్‌ గిల్‌ మాత్రం తనకేమీ పట్టదన్నట్లుగా ఉండిపోయాడని సెహ్వాగ్‌ ఈ సందర్భంగా విమర్శించాడు. ఓ బౌలర్‌ మెరుగ్గా రాణిస్తున్న వేళ.. అతడిని తప్పించి మరొకరిని తీసుకురావడం సరికాదని పేర్కొన్నాడు. గిల్‌ ఇకనైనా తన ప్రణాళికలు, వ్యూహాల అమలులలో పరిస్థితికి తగ్గట్లుగా నిర్ణయాలు తీసుకోవాలని.. లేదంటే మున్ముందు గుజరాత్‌కు కష్టాలు తప్పవని పేర్కొన్నాడు.సిరాజ్‌ ధారాళంగాకాగా గుజరాత్‌ టైటాన్స్‌ తమ సొంతమైదానం అహ్మదాబాద్‌ వేదికగా పంజాబ్‌ కింగ్స్‌తో మంగళవారం మ్యాచ్‌ ఆడింది. నరేంద్ర మోదీ స్టేడియంలో టాస్‌ గెలిచిన టైటాన్స్‌.. పంజాబ్‌ను తొలుత బ్యాటింగ్‌కు ఆహ్వానించింది. ఈ క్రమంలో టైటాన్స్‌ బౌలింగ్‌ ఎటాక్‌ ఆరంభించిన టీమిండియా పేసర్‌ సిరాజ్‌.. తొలి ఓవర్లో కేవలం ఎనిమిది పరుగులే ఇచ్చాడు.మరుసటి ఓవర్లో సౌతాఫ్రికా స్పీడ్‌స్టర్‌ కగిసో రబడను గిల్‌ బరిలోకి దించగా.. అతడు 8 పరుగులు మాత్రమే ఇచ్చుకున్నాడు. ఆ తర్వాత మళ్లీ సిరాజ్‌ రంగంలోకి దిగి.. 12 పరుగులు ఇచ్చాడు. ఆ తర్వాత రబడ ఓవర్లో తొలి వికెట్‌ దక్కించుకుంది టైటాన్స్‌.అయితే, వీరిద్దరిని పక్కనపెట్టిన గిల్‌.. ఐదో ఓవర్లో అర్షద్‌ ఖాన్‌ను తీసుకురాగా.. అతడు ఏకంగా 21 పరుగులు సమర్పించుకున్నాడు. ఇక మళ్లీ పదిహేనో ఓవర్‌ దాకా గిల్‌ సిరాజ్‌ చేతికి బంతినివ్వలేదు. మళ్లీ ఆఖరి ఓవర్లో సిరాజ్‌ను రంగంలోకి దించగా.. ఈసారి ఏకంగా 23 పరుగులు ఇచ్చేశాడు. మొత్తంగా నాలుగు ఓవర్ల కోటాలో 54 పరుగులు ఇచ్చి ఒక్క వికెట్‌ కూడా తీయలేకపోయాడు.శ్రేయస్‌ ధనాధన్‌ఈ నేపథ్యంలో సెహ్వాగ్‌ గిల్‌ కెప్టెన్సీ తీరుపై పైవిధంగా స్పందించాడు. ఇదిలా ఉంటే.. గుజరాత్‌ టైటాన్స్‌తో మ్యాచ్‌లో పంజాబ్‌ కింగ్స్‌ బ్యాటర్లు ఆకాశమే హద్దుగా చెలరేగారు. అరంగేట్ర ఓపెనర్‌ ప్రియాన్ష్‌ ఆర్య(23 బంతుల్లో 47) మెరుపులు మెరిపించగా.. వన్‌డౌన్‌లో వచ్చిన కెప్టెన్‌ శ్రేయస్‌ 42 బంతుల్లో 97 పరుగులతో అజేయంగా నిలిచాడు.ఇక మార్కస్‌ స్టొయినిస్‌ (15 బంతుల్లో 20) ఫర్వాలేదనిపించగా.. ఆఖర్లో శశాంక్‌ సింగ్‌ మెరుపులు(16 బంతుల్లోనే 44 నాటౌట్‌) మెరిపించాడు. దీంతో నిర్ణీత 20 ఓవర్లలో పంజాబ్‌ కేవలం ఐదు వికెట్లు నష్టపోయి 243 పరుగులు నమోదు చేసింది. లక్ష్య ఛేదనను ఘనంగా ఆరంభించిన గుజరాత్‌.. ఆఖరి వరకు పోరాడి ఓడిపోయింది.టైటాన్స్‌ బ్యాటర్లలో ఓపెనర్‌ సాయి సుదర్శన్‌ (41 బంతుల్లో 74), జోస్‌ బట్లర్‌ (33 బంతుల్లో 54) అర్ధ శతకాలతో రాణించగా.. శుబ్‌మన్‌ గిల్‌(14 బంతుల్లో 33), షెర్ఫానే రూథర్‌ఫర్డ్‌(28 బంతుల్లో 46) వేగంగా ఆడే క్రమంలో వికెట్లు కోల్పోయారు. ఈ నేపథ్యంలో 232 పరుగులకే పరిమితమైన టైటాన్స్‌కు ఓటమి తప్పలేదు.చదవండి: అస్సలు జీర్ణించుకోలేకపోయా.. అయినా భాయ్‌కు అంతా తెలుసు: సిరాజ్‌Punjab Kings hold their nerves in the end to clinch a splendid win against Gujarat Titans ❤️Scorecard ▶ https://t.co/PYWUriwSzY#TATAIPL | #GTvPBKS | @PunjabKingsIPL pic.twitter.com/0wy29ODStQ— IndianPremierLeague (@IPL) March 25, 2025

ఐపీఎల్‌ 2025లో భాగంగా గుజరాత్‌ టైటాన్స్‌తో నిన్న (మార్చి 25) జరిగిన మ్యాచ్‌లో పంజాబ్‌ కింగ్స్‌ అద్భుత విజయం సాధించిన విషయం తెలిసిందే. ఈ మ్యాచ్‌లో పంజాబ్‌ కెప్టెన్‌ శ్రేయస్‌ అయ్యర్‌ సెంచరీని త్యాగం చేసి మరీ తన జట్టును గెలిపించాడు. శ్రేయస్‌కు సెంచరీ చేసే అవకాశం ఉన్నా జట్టు ప్రయోజనాల కోసం శశాంక్‌ సింగ్‌కు స్ట్రయిక్‌ ఇచ్చి నిస్వార్దమైన కెప్టెన్‌ అనిపించుకున్నాడు. కెప్టెన్‌ త్యాగాన్ని శశాంక్‌ వృధా కానివ్వలేదు. సిరాజ్‌ వేసిన ఇన్నింగ్స్‌ చివరి ఓవర్‌లో ఏకంగా 23 పరుగులు సాధించాడు. ఫలితంగా పంజాబ్‌ భారీ స్కోర్‌ చేసింది. చివరి ఓవర్‌లో శశాంక్ చేసిన పరుగులే అంతిమంగా పంజాబ్‌ గెలుపుకు దోహదపడ్డాయి.ఒకవేళ శ్రేయస్‌ జట్టు ప్రయోజనాలు పట్టించుకోకుండా సెంచరీనే ముఖ్యమనుకునే ఉంటే ఈ మ్యాచ్‌లో పంజాబ్‌ ఓటమిపాలయ్యేది. ఎందుకంటే గుజరాత్‌, పంజాబ్‌ మధ్య పరుగుల తేడా కేవలం 11 పరుగులు మాత్రమే. శ్రేయస్‌ వ్యక్తిగత స్వార్దం చూసుకుని సెంచరీ కోసం ప్రయత్నించి ఉంటే చివరి ఓవర్‌లో మహా అయితే 10-15 పరుగులు వచ్చేవి. ఇదే జరిగి ఉంటే పంజాబ్‌ 230-235 పరుగులకు పరిమితం కావాల్సి వచ్చేది. అప్పుడు గుజరాత్‌ సునాయాసంగా లక్ష్నాన్ని ఛేదించి ఉండేది.పంజాబ్‌ ఇన్నింగ్స్‌ చివరి ఓవర్‌కు ముందు శ్రేయస్‌ 97 పరుగులతో అజేయంగా ఉన్నాడు. ఆ ఓవర్‌లో కనీసం ఒక్క బంతి ఎదుర్కొన్నా శ్రేయస్‌ సెంచరీ చేసేవాడు. కానీ అతను స్ట్రయిక్‌ కోసం పాకులాడలేదు. శశాంక్‌ మంచి టచ్‌లో ఉన్న విషయాన్ని గమనించి అతన్నే స్ట్రయిక్‌ తీసుకోమన్నాడు. ​శశాంక్‌కు సైతం స్ట్రయిక్‌ రొటేట్‌ చేసే అవకాశం రాలేదు. భారీ షాట్టు ఆడే క్రమంలో 5 బంతులు బౌండరీలకు తరలి వెళ్లగా.. ఓ బంతికి రెండు పరుగులు (రెండో బంతి) వచ్చాయి. వాస్తవానికి ఇక్కడ శ్రేయస్‌ స్ట్రయిక్‌ తీసుకుని (సింగిల్‌ తీసుంటే) ఉండవచ్చు. కానీ అతను అలా చేయలేదు.జట్టు ప్రయోజనాల కోసం​ సెంచరీ త్యాగం చేసిన అనంతరం యావత్‌ క్రికెట్‌ ప్రపంచం శ్రేయస్‌పై ప్రశంసల వర్షం కురిపిస్తుంది. శశాంక్‌ సింగ్‌ సైతం మ్యాచ్‌ అనంతరం తన కెప్టెన్‌ను కొనియాడాడు. శశాంక్‌ మాటల్లో.. టీ20ల్లో, ముఖ్యంగా ఐపీఎల్‌లో సెంచరీ చేసే అవకాశం అంత ఈజీగా రాదు. కానీ మా కెప్టెన్‌ సెంచరీ చేసే అవకాశం ఉన్నా జట్టు ప్రయోజనాల దృష్ట్యా ఆ అవకాశాన్ని వదులుకున్నాడు. చివరి ఓవర్‌ మొత్తం నన్నే స్ట్రయిక్‌ తీసుకొని భారీ షాట్లు ఆడమన్నాడు. తన సెంచరీ గురించి ఆలోచించొద్దని చెప్పాడు. నేను స్వయంగా స్ట్రయిక్‌ రొటేట్‌ చేస్తానని చెప్పాను. కానీ అతను నాకు సెంచరీ ముఖ్యం కాదని చెప్పాడు. ఇలా చెప్పాలంటే ఏ కెప్టెన్‌కు అయినా చాలా గట్స్‌ ఉండాలి. మా కెప్టెన్‌కు ఆ గట్స్‌ ఉన్నాయి. శ్రేయస్‌ నన్ను ప్రతి బంతిని సిక్సర్‌ లేదా బౌండరీ కొట్టేందుకు ప్రయత్నించమని చెప్పాడు. అది నాకు చాలా కాన్ఫిడెన్స్‌ ఇచ్చింది. కెప్టెన్‌ ఇచ్చిన ఫ్రీ హ్యాండ్‌తో నేను రెచ్చిపోయాను.కాగా, శ్రేయస్‌ (42 బంతుల్లో 5 ఫోర్లు, 9 సిక్సర్ల సాయంతో 97 పరుగులు నాటౌట్‌), శశాంక్‌తో పాటు (16 బంతుల్లో 6 ఫోర్లు, 2 సిక్సర్ల సాయంతో 44 పరుగులు నాటౌట్‌), ప్రియాంశ్‌ ఆర్య (23 బంతుల్లో 7 ఫోర్లు, 2 సిక్సర్ల సాయంతో 47 పరుగులు) చెలరేగడంతో తొలుత బ్యాటింగ్‌ చేసిన పంజాబ్‌ నిర్ణీత ఓవర్లలో 5 వికెట్ల నష్టానికి 243 పరుగులు చేసింది.అనంతరం భారీ లక్ష్య ఛేదనకు దిగిన గుజరాత్‌ 232 పరుగులకే పరిమితమై 11 పరుగుల తేడాతో ఓటమిపాలైంది. గుజరాత్‌ ఇన్నింగ్స్‌లో సాయి సుదర్శన్‌ (41 బంతుల్లో 74; 5 ఫోర్లు, 6 సిక్సర్లు), శుభ్‌మన్‌ గిల్‌ (14 బంతుల్లో 33; 2 ఫోర్లు, 3 సిక్సర్లు), జోస్‌ బట్లర్‌ (33 బంతుల్లో 54; 4 ఫోర్లు, 2 సిక్సర్లు), రూథర్‌ఫోర్డ్‌ (28 బంతుల్లో 46; 4 ఫోర్లు, 3 సిక్సర్లు) సత్తా చాటారు. పంజాబ్‌ బౌలర్లలో అర్షదీప్‌ 2, జన్సెన్‌, మ్యాక్స్‌వెల్‌ తలో వికెట్‌ పడగొట్టారు.

పంజాబ్‌ కింగ్స్‌ కెప్టెన్‌గా శ్రేయస్‌ అయ్యర్‌ తొలి మ్యాచ్‌లోనే తన మార్కు చూపించాడు. సెంచరీ చేసే అవకాశం ఉన్నా, త్యాగం చేసి మరీ తన జట్టును గెలిపించాడు. శ్రేయస్‌ కెప్టెన్సీ ప్రభావం ఈ మ్యాచ్‌లో కొట్టొచ్చినట్లు కనిపించింది. బౌలర్లను మార్చడం, ఫీల్డ్‌ను సెట్‌ చేయడం, వ్యూహాలు పన్నడంలో శ్రేయస్‌ తిరుగులేని నాయకుడని మరోసారి నిరూపితమైంది. అర్షదీప్‌ సింగ్‌, విజయ్‌కుమార్‌ వైశాక్‌లను శ్రేయస్‌ అద్భుతంగా వాడుకున్నాడు. వ్యక్తిగతంగా సఫలమైన శ్రేయస్‌ సహచరుల్లో స్పూర్తి నింపడంలో కూడా సక్సెస్‌ అయ్యాడు. ఫలితంగా పంజాబ్‌ ఐపీఎల్‌లో తమ రెండో అత్యధిక స్కోర్‌ను నమోదు చేసి దాన్ని విజయవంతంగా కాపాడుకుంది.అహ్మదాబాద్‌ వేదికగా నిన్న (మార్చి 25) జరిగిన మ్యాచ్‌లో పంజాబ్‌ కింగ్స్‌ గుజరాత్‌ టైటాన్స్‌ను 11 పరుగుల తేడాతో ఓడించింది. ఈ మ్యాచ్‌లో టాస్‌ గెలిచిన గుజరాత్‌ తొలుత బౌలింగ్‌ చేసింది. గుజరాత్‌ నిర్ణయం తప్పని అరంగేట్రం​​ ఆటగాడు ప్రియాంశ్‌ ఆర్య ఆదిలోనే నిరూపించాడు. 24 ఏళ్ల ఈ గవర్నమెంట్‌ టీచర్‌ కొడుకు (ఆర్య) తొలి మ్యాచ్‌ ఆడుతున్నాననే బెరుకు ఏమాత్రం లేకుండా గుజరాత్‌ బౌలర్లపై విరుచుకుపడ్డాడు. 23 బంతుల్లో 7 ఫోర్లు, 2 సిక్సర్ల సాయంతో 47 పరుగులు చేసి తృటిలో హాఫ్‌ సెంచరీ చేజార్చుకున్నాడు. మరో ఓపెనర్‌ ప్రభ్‌సిమ్రన్‌ సింగ్‌ (8 బంతుల్లో 8; ఫోర్‌) ఆదిలోనే ఔటైనా శ్రేయస్‌ అయ్యర్‌ ఆర్యతో జతకట్టి ఇన్నింగ్స్‌ను నిర్మించాడు. వీరిద్దరి ధాటికి పంజాబ్‌ పవర్‌ ప్లేలో 73 పరుగులు చేసింది.బౌండరీతో ఖాతా ఓపెన్‌ చేసిన శ్రేయస్‌ ప్రసిద్ద్‌ కృష్ణ వేసిన ఇన్నింగ్స్‌ 17వ ఓవర్‌లో బీస్ట్‌ మోడ్‌లోకి వచ్చాడు. 3 సిక్సర్లు, బౌండరీ సహా 24 పరుగులు పిండుకున్నాడు. 19వ ఓవర్‌ తొలి బంతికే బౌండరీ బాది 95 పరుగులకు చేరిన శ్రేయస్‌.. ఆతర్వాత సెంచరీ చేసే అవకాశమున్నా (11 బంతులు మిగిలున్నాయి) శాశాంక్‌ సింగ్‌కు స్ట్రయిక్‌ ఇచ్చి అతని చేత విధ్వంసం సృష్టింపజేశాడు. సిరాజ్‌ వేసిన ఇన్నింగ్స్‌ చివరి ఓవర్‌లో పూనకాలు వచ్చినట్లు ఊగిపోయిన శశాంక్‌.. 5 బౌండరీలు సహా 23 పరుగులు పిండుకున్నాడు. ఫలితంగా పంజాబ్‌ నిర్ణీత ఓవర్లలో 5 వికెట్ల నష్టానికి 243 పరుగులు చేసింది. శ్రేయస్‌ 42 బంతుల్లో 5 ఫోర్లు, 9 సిక్సర్ల సాయంతో 97 పరుగులు చేసి అజేయంగా నిలువగా.. శశాంక్‌ 16 బంతుల్లో 6 ఫోర్లు, 2 సిక్సర్ల సాయంతో 44 పరుగులు చేసి నాటౌట్‌గా నిలిచాడు. పంజాబ్‌ ఆటగాళ్లలో మ్యాక్స్‌వెల్‌ డకౌట్‌ కాగా.. ఒమర్‌జాయ్‌ 16, స్టోయినిస్‌ 20 పరుగులు చేశారు. గుజరాత్‌ బౌలర్లలో సాయికిషోర్‌ అద్భుతంగా బౌలింగ్‌ చేసి 4 ఓవర్లలో 30 పరుగులే ఇచ్చి 3 వికెట్లు తీయగా.. రబాడ, రషీద్‌ ఖాన్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన గుజరాత్‌కు సైతం మెరుపు అరంభమే లభించినప్పటికీ.. లక్ష్యం మరీ పెద్దది కావడంతో ఆ జట్టుకు ఓటమి తప్పలేదు. గుజరాత్‌ ఆటగాళ్లలో సాయి సుదర్శన్‌ (41 బంతుల్లో 74; 5 ఫోర్లు, 6 సిక్సర్లు), శుభ్‌మన్‌ గిల్‌ (14 బంతుల్లో 33; 2 ఫోర్లు, 3 సిక్సర్లు), జోస్‌ బట్లర్‌ (33 బంతుల్లో 54; 4 ఫోర్లు, 2 సిక్సర్లు), రూథర్‌ఫోర్డ్‌ (28 బంతుల్లో 46; 4 ఫోర్లు, 3 సిక్సర్లు) సత్తా చాటారు. 14 ఓవర్ల వరకు గుజరాత్‌ టార్గెట్‌ను ఛేజ్‌ చేసేలా కనిపించింది. ఈ దశలో పంజాబ్‌ బౌలర్లు విజయ్‌కుమార్‌ వైశాక్‌, జన్సెన్‌, అర్షదీప్‌ గుజరాత్‌ బ్యాటర్ల జోరుకు కళ్లెం వేశారు. విజయ్‌కుమార్‌ గుజరాత్‌ బ్యాటర్లను బాగా కట్టడి చేశాడు. అంతిమంగా గుజరాత్‌ నిర్ణీత ఓవర్లలో 5 వికెట్ల నష్టానికి 232 పరుగులు మాత్రమే చేయగలిగింది. పంజాబ్‌ బౌలర్లలో అర్షదీప్‌ 2, జన్సెన్‌, మ్యాక్స్‌వెల్‌ తలో వికెట్‌ పడగొట్టారు.మ్యాచ్‌ అనంతరం శ్రేయస్‌ మాట్లాడుతూ ఇలా అన్నాడు. సీజన్ తొలి మ్యాచ్‌లోనే 97 పరుగులతో నాటౌట్‌గా నిలవడం శుభపరిణామం. తొలి బంతికే బౌండరీ కొట్టాను. అదే నన్ను ముందుకు నడిపించింది. రబాడ బౌలింగ్‌లో ఫ్లిక్ సిక్స్ కాన్ఫిడెన్స్‌ను పెంపొందించింది. చివరి ఓవర్‌లో శశాంక్ చేసిన పరుగులు చాలా కీలకం. సెంచరీ మిస్‌ చేసుకున్నందుకు బాధ లేదు. మేము ఓ టార్గెట్‌ను సెట్‌ చేసుకున్నాము. దాని కోసం ముందుకు వెళ్లాము. వైశాక్‌ అద్భుతంగా రాణించాడు. తొలి బంతి నుంచే యార్కర్లు వేయడం ప్రారంభించాడు. యార్కర్ల ప్లాన్‌ అమలు చేయడంలో అర్షదీప్‌ కీలకపాత్ర పోషించాడు. బంతి రివర్స్‌ స్వింగ్‌ అవుతుందని అర్షదీప్‌ చెప్పాడు. బంతికి ఉమ్ము రాయడం కలిసొచ్చిందని అనుకుంటున్నాను. అర్షదీప్‌ సాయి సుదర్శన్‌ను ఔట్‌ చేయడంతో మా గెలుపుకు బీజం పడింది. ఇదే ఊపును తదుపరి మ్యాచ్‌ల్లో కూడా ముందుకు తీసుకెళ్లాలని చూస్తున్నాము.

కొత్త కెప్టెన్ శ్రేయస్‌ అయ్యర్‌ సారథ్యంలో పంజాబ్‌ కింగ్స్‌ తొలి విజయం నమోదు చేసుకుంది. బ్యాటర్ల జోరుకు బౌలర్ల సహకారం తోడవడంతో... ఐపీఎల్‌ 18వ సీజన్‌లో గుజరాత్‌ టైటాన్స్‌పై పంజాబ్‌ పంజా విసిరింది. ఆరంభంలో ప్రియాంశ్‌ ఆర్య మెరుపులు... చివర్లో శశాంక్‌ సింగ్‌ ఫినిషింగ్‌ టచ్‌... ఇన్నింగ్స్‌ ఆసాంతం శ్రేయస్‌ అయ్యర్‌ దూకుడు... వెరసి పంజాబ్‌ కింగ్స్‌ భారీ స్కోరు చేయగా... ఛేదనలో తగ్గేదేలే అన్నట్లు బాదిన గుజరాత్‌ చివరకు 11 పరుగుల తేడాతో ఓటమి పాలైంది. అహ్మదాబాద్‌: ఇండియన్‌ ప్రీమియర్‌ లీగ్‌ (ఐపీఎల్‌) టి20 టోర్నమెంట్‌ 18వ సీజన్‌లో పంజాబ్‌ కింగ్స్‌ శుభారంభం చేసింది. మంగళవారం జరిగిన పోరులో పంజాబ్‌ 11 పరుగుల తేడాతో మాజీ చాంపియన్‌ గుజరాత్‌ టైటాన్స్‌పై గెలిచింది. మొదట పంజాబ్‌ 20 ఓవర్లలో 5 వికెట్ల నష్టానికి 243 పరుగులు చేసింది. కెప్టెన్ శ్రేయస్‌ అయ్యర్‌ (42 బంతుల్లో 97 నాటౌట్‌; 5 ఫోర్లు, 9 సిక్స్‌లు) సెంచరీకి మూడు పరుగుల దూరంలో నిలిచిపోగా... ప్రియాంశ్‌ ఆర్య (23 బంతుల్లో 47; 7 ఫోర్లు, 2 సిక్స్‌లు), శశాంక్‌ సింగ్‌ (16 బంతుల్లో 44 నాటౌట్‌; 6 ఫోర్లు, 2 సిక్స్‌లు) ధాటిగా ఆడారు. ‘ప్లేయర్‌ ఆఫ్‌ ద మ్యాచ్‌’ శ్రేయస్‌ సిక్సర్లతో రెచ్చిపోగా... శశాంక్, ప్రియాంశ్‌ ఆర్య బౌండరీల మోత మోగించారు. గుజరాత్‌ టైటాన్స్‌ బౌలర్లలో సాయికిషోర్‌ 3 వికెట్లు పడగొట్టాడు. లక్ష్యఛేదనలో గుజరాత్‌ 20 ఓవర్లలో 5 వికెట్లకు 232 పరుగులు చేసింది. సాయి సుదర్శన్‌ (41 బంతుల్లో 74; 5 ఫోర్లు, 6 సిక్స్‌లు), బట్లర్‌ (33 బంతుల్లో 54; 4 ఫోర్లు, 2 సిక్స్‌లు) అర్ధశతకాలు సాధించగా... కెప్టెన్‌ శుబ్‌మన్‌ గిల్‌ (14 బంతుల్లో 33; 2 ఫోర్లు, 3 సిక్స్‌లు), షెర్ఫాన్‌ రూథర్‌ఫర్డ్‌ (28 బంతుల్లో 46; 4 ఫోర్లు, 3 సిక్స్‌లు) పోరాడినా ఫలితం లేకపోయింది. కెప్టెన్‌ ఇన్నింగ్స్‌... టాస్‌ ఓడి మొదట బ్యాటింగ్‌కు దిగిన పంజాబ్‌కు శుభారంభం దక్కలేదు. ప్రభ్‌సిమ్రన్‌ సింగ్‌ (5) తక్కువ స్కోరుకే వెనుదిరగడంతో 28 పరుగుల వద్ద పంజాబ్‌ తొలి వికెట్‌ కోల్పోయింది. అయితే మరో ఎండ్‌లో ప్రియాంశ్‌ దూకుడు కనబర్చడంతో స్కోరు బోర్డు పరుగులు పెట్టింది. ఇన్నింగ్స్‌ రెండో బంతికి ఫోర్‌తో ఖాతా తెరిచిన ప్రియాంశ్‌... సిరాజ్‌ వేసిన మూడో ఓవర్‌లో 6, 4 బాదాడు. అయ్యర్‌ వచ్చిరాగానే 4, 6తో చాంపియన్స్‌ ట్రోఫీ ఫామ్‌ కొనసాగించగా... ఐదో ఓవర్‌లో ప్రియాంశ్‌ 4, 4, 6, 4 కొట్టాడు. దీంతో పవర్‌ప్లే ముగిసేసరికి పంజాబ్‌ 73/1తో నిలిచింది. ఆ తర్వాత గుజరాత్‌ బౌలర్లు కాస్త ఒత్తిడి పెంచడంతో పరుగుల రాక మందగించగా... సాయికిషోర్‌ వరుస బంతుల్లో అజ్మతుల్లా (16), మ్యాక్స్‌వెల్‌ (0)లను పెవిలియన్‌కు పంపాడు. ఎదుర్కొన్న తొలి బంతికే మ్యాక్స్‌వెల్‌ వికెట్ల ముందు దొరికిపోయాడు. అయితే రివ్యూలో బంతి వికెట్ల మీద నుంచి వెళ్తున్నట్లు తేలింది. 2 రివ్యూలు ఉన్నా పంజాబ్‌ సరైన సమయంలో వినియోగించుకోలేక స్టార్‌ బ్యాటర్‌ వికెట్‌ కోల్పోయింది. అవన్నీ మరిపించేలా అయ్యర్, శశాంక్‌ ఆఖర్లో బౌండరీలతో రెచ్చిపోయారు. సాయికిషోర్‌ ఓవర్‌లో 2 సిక్సర్లు బాదిన శ్రేయస్‌... రషీద్‌ ఖాన్‌ బౌలింగ్‌లోనూ రెండు సిక్స్‌లు కొట్టాడు. కొన్ని చక్కటి షాట్లు ఆడిన స్టొయినిస్‌ (20; 1 ఫోర్, 2 సిక్స్‌లు) కూడా సాయికిషోర్‌కు వికెట్‌ సమర్పించుకోగా... ప్రసిధ్‌ కృష్ణ వేసిన ఇన్నింగ్స్‌ 17వ ఓవర్‌లో శ్రేయస్‌ 6, 4, 6, 6 కొట్టి 90 పరుగుల మీదకు చేరాడు. మరో 3 ఓవర్ల ఆట మిగిలి ఉండటంతో ఐపీఎల్లో అయ్యర్‌ తొలి సెంచరీ ఖాయమే అనుకుంటే... ఆఖర్లో అతడికి ఎక్కువ బ్యాటింగ్‌ చేసే అవకాశం రాలేదు. 18వ ఓవర్లో 6, 4, 6 కొట్టిన శశాంక్‌ సింగ్‌.. చివరి ఓవర్‌లో 5 ఫోర్లు బాది జట్టుకు భారీ స్కోరు అందించాడు. చివర్లో చిత్తు... భారీ లక్ష్యం కళ్లెదురుగా ఉన్నా... గుజరాత్‌ ఏమాత్రం వెనకడుగు వేయలేదు. నాలుగో ఓవర్‌లో గిల్‌ 6, 6, 4తో మోత ప్రారంభించగా... సుదర్శన్‌ దాన్ని కొనసాగించాడు. బౌలర్‌తో సంబంధం లేకుండా బంతి తన పరిధిలో ఉంటే దానిపై విరుచుకుపడ్డాడు. వేగంగా ఆడే క్రమంలో గిల్‌ వెనుదిరగగా... బట్లర్‌ చక్కటి షాట్లతో అలరించాడు. ఫలితంగా 10 ఓవర్లు ముగిసేసరికి గుజరాత్‌ 104/1తో నిలిచింది. ఈ క్రమంలో సుదర్శన్‌ 31 బంతుల్లో అర్ధశతకం పూర్తి చేసుకున్నాడు. 11వ ఓవర్లో బట్లర్‌ 2 సిక్స్‌లు కొట్టగా... తదుపరి ఓవర్లో సుదర్శన్‌ 4, 6, 4 బాదాడు. సుదర్శన్‌ ఔటయ్యాక ఇంపాక్ట్‌ ప్లేయర్‌గా క్రీజులోకి వచ్చిన రూథర్‌ఫర్డ్‌ కూడా అలరించాడు. చివర్లో వైశాఖ్‌ కట్టుదిట్టంగా బౌలింగ్‌ చేయడంతో... లక్ష్యంవైపు సజావుగా సాగుతున్న గుజరాత్‌ ఒక్కసారిగా వెనుకబడింది. చివరి ఓవర్లో టైటాన్స్‌ విజయానికి 27 పరుగులు అవసరం కాగా.. ఆ జట్టు 15 పరుగులే చేసింది. స్కోరు వివరాలు పంజాబ్‌ కింగ్స్‌ ఇన్నింగ్స్‌: ప్రియాంశ్‌ ఆర్య (సి) సాయి సుదర్శన్‌ (బి) రషీద్‌ 47; ప్రభ్‌సిమ్రన్‌ (సి) అర్షద్‌ (బి) రబడ 5; శ్రేయస్‌ అయ్యర్‌ (నాటౌట్‌) 97; అజ్మతుల్లా (సి) అర్షద్‌ (బి) సాయికిషోర్‌ 16; మ్యాక్స్‌వెల్‌ (ఎల్బీ) (బి) సాయికిషోర్‌ 0; స్టొయినిస్‌ (సి) అర్షద్‌ (బి) సాయికిషోర్‌ 20; శశాంక్‌ సింగ్‌ (నాటౌట్‌) 44; ఎక్స్‌ట్రాలు 14; మొత్తం (20 ఓవర్లలో 5 వికెట్లకు) 243. వికెట్ల పతనం: 1–28, 2–79, 3–105, 4–105, 5–162. బౌలింగ్‌: సిరాజ్‌ 4–0– 54–0; రబడ 4–0–41–1; అర్షద్‌ 1–0–21 –0; రషీద్‌ 4–0–48–1; ప్రసిధ్‌ కృష్ణ 3–0–41–0; సాయికిషోర్‌ 4–0–30–3.గుజరాత్‌ టైటాన్స్‌ ఇన్నింగ్స్‌: సుదర్శన్‌ (సి) శశాంక్‌ (బి) అర్ష్ దీప్ 74; గిల్‌ (సి) ప్రియాంశ్‌ (బి) మ్యాక్స్‌వెల్‌ 33; బట్లర్‌ (బి) యాన్సెన్‌ 54; రూథర్‌ఫర్డ్‌ (బి) అర్ష్ దీప్ 46; తెవాటియా (రనౌట్‌) 6; షారుక్‌ (నాటౌట్‌) 6; అర్షద్‌ (నాటౌట్‌) 1; ఎక్స్‌ట్రాలు 12; మొత్తం (20 ఓవర్లలో 5 వికెట్లకు) 232. వికెట్ల పతనం: 1–61, 2–145, 3–199, 4–217, 5–225, బౌలింగ్‌: అర్ష్ దీప్ 4–0–36–2; అజ్మతుల్లా 2–0–29–0; యాన్సెన్‌ 4–0–44–1; మ్యాక్స్‌వెల్‌ 2–0–26–1; స్టొయినిస్‌ 2–0–31–0; చహల్‌ 3–0–34–0; వైశాఖ్‌ 3–0–28–0. ఐపీఎల్‌లో నేడురాజస్తాన్‌ X కోల్‌కతావేదిక: గువాహటిరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025ను పంజాబ్ కింగ్స్ కెప్టెన్‌, టీమిండియా స్టార్ ప్లేయ‌ర్ శ్రేయ‌స్ అయ్య‌ర్ ఘ‌నంగా ఆరంభించాడు. ఈ మెగా ఈవెంట్‌లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో మ్యాచ్‌లో అయ్య‌ర్ ఆకాశ‌మే హ‌ద్దుగా చెల‌రేగిపోయాడు. ఫ‌స్ట్ డౌన్‌లో బ్యాటింగ్‌కు వ‌చ్చిన శ్రేయ‌స్ అయ్య‌ర్ ప్ర‌త్య‌ర్ధి బౌల‌ర్ల‌ను ఊచ‌కోత కోశాడు. క్రీజులోకి వ‌చ్చిన‌ప్ప‌టి నుంచే బౌండ‌రీల వ‌ర్షం కురిపించాడు.అత‌డి ఆప‌డం ఎవ‌రి త‌రం కాలేదు. అయితే అద్బుత‌మైన ఇన్నింగ్స్ ఆడిన శ్రేయ‌స్ అయ్య‌ర్ త‌న తొలి ఐపీఎల్ సెంచ‌రీ మాత్రంను అందుకోలేక‌పోయాడు. సెంచ‌రీకి మూడు ప‌రుగుల దూరంలో అయ్యర్ నిలిచిపోయాడు. ఈ ముంబైక‌ర్‌ 42 బంతుల్లో 5 ఫోర్లు, 9 సిక్స్‌ల‌తో 97 ప‌రుగులు చేసి ఆజేయంగా నిలిచాడు.'సెల్ఫ్‌లెస్‌ శ్రేయ‌స్ అయ్య‌ర్' కాగా ఈ మ్యాచ్‌లో అయ్య‌ర్‌కు సెంచ‌రీ చేసే అవ‌కాశ‌మున్న‌ప్ప‌టికి.. జట్టు ప్ర‌యోజ‌నం కోసం నాన్ స్ట్రైక్‌లోనే ఉండిపోయాడు. త‌న సెంచ‌రీ కంటే జ‌ట్టుకు ప‌రుగులు రావ‌డమే ముఖ్య‌మ‌ని అయ్య‌ర్ నిర్ణ‌యించుకున్నాడు. ఈ క్ర‌మంలో ఆఖ‌రి ఓవ‌ర్‌లో స్ట్రైక్ అంటిపెట్టుకునే ఛాన్స్ వ‌చ్చిన‌ప్ప‌టికి అయ్య‌ర్ మాత్రం రెండో ప‌రుగుకు ప‌రిగెత్తి శ‌శాంక్ సింగ్‌కు స్ట్రైక్ ఇచ్చాడు. నా సెంచ‌రీ కోసం ఆలోచించ‌కు నీవు హిట్టింగ్ చేయు అని శశాంక్‌కు అయ్య‌ర్ పూర్తి స్వేఛ్చ‌ను ఇచ్చాడు. దీంతో శ‌శాంక్ ఏకంగా ఆఖ‌రి ఓవ‌ర్‌లో 23 ప‌రుగులు రాబ‌ట్టాడు. దీంతో తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. ఈ క్ర‌మంలో సెల్ఫ్‌లెస్ ఇన్నింగ్స్ ఆడిన అయ్య‌ర్‌పై స‌ర్వ‌త్రా ప్ర‌శంస‌ల వ‌ర్షం కురుస్తోంది.చ‌ద‌వండి: IPL 2025: గ‌వ‌ర్న‌మెంట్ స్కూల్ టీచ‌ర్ కొడుకు.. క‌ట్ చేస్తే! తొలి మ్యాచ్‌లోనే విధ్వంసం

పంజాబ్ కింగ్స్ జట్టు ఇండియన్ ప్రీమియర్ లీగ్ ఆరంభ సీజన్‌ (2008) నుంచి ఇప్పటి వరకూ చెప్పుకోదగ్గ రీతిలో రాణించలేకపోయింది. ఆ జట్టు ఫలితాలను పరిశీలించినట్లయితే ఐపీఎల్ చరిత్రలో రెండుసార్లు మాత్రమే ప్లేఆఫ్స్‌ చేరుకుంది. మొదటిసారి 2008లో.. ఆ తర్వాత 2014 సీజన్‌లో టాప్‌-4లో నిలిచింది. 2014లో ఫైనల్‌కు చేరుకుని బెంగళూరులో జరిగిన టైటిల్ పొరులో కోల్‌కతా నైట్ రైడర్స్ చేతిలో పరాజయం చవిచూసింది.శ్రేయస్‌ అయ్యర్‌కి కెప్టెన్సీ బాధ్యతలుఆ రెండు సీజన్లను మినహాయిస్తే ఒక దశాబ్దం పాటు కింగ్స్ ప్లేఆఫ్స్‌కు కూడా చేరుకోలేకపోయింది. నిరంతరం కోచ్‌లు, కెప్టెన్‌లను మార్చడం కూడా కింగ్స్ ప్రదర్శన పై కోలుకోని దెబ్బతీసింది. పంజాబ్ కింగ్స్ మేనేజ్‌మెంట్ గత 17 సీజన్లలో పదహారు మంది కెప్టెన్లు, పది 10 మంది కోచ్‌లను మార్చింది. ఈసారి కూడా భారీ మార్పులతో మరోసారి తన అదృష్టాన్ని పరీక్షించుకోవడానికి సిద్ధమైంది.ఈసారి 2024లో కోల్‌కతా నైట్ రైడర్స్‌ను ముందుండి నడిపించి మూడో ఐపీఎల్ టైటిల్‌ను కట్టబెట్టిన భారత బ్యాటర్‌ శ్రేయస్ అయ్యర్ కోసం భారీగా ఖర్చు చేసింది. ఏకంగా రూ 26.75 కోట్లతో శ్రేయస్ అయ్యర్ ని కనుగోలు చేసి అతనికి కెప్టెన్సీ బాధ్యతలు కట్టబెట్టింది. హెడ్‌కోచ్ గా మాజీ ఆస్ట్రేలియా కెప్టెన్ రికీ పాంటింగ్‌ను ఎంచుకుంది.వేలంలో పంజాబ్ కింగ్స్ ఎలా రాణించింది?ఇక వేలానికి ముందు ఇద్దరు అన్‌క్యాప్డ్ ఆటగాళ్లు శశాంక్ సింగ్ మరియు ప్రభ్‌సిమ్రాన్ సింగ్ ని రెటైన్ చేసారు. ఇక వేలంలో ఏకంగా రూ 112 కోట్లు ఖర్చు చేశారు. ముందుగా శ్రేయస్ అయ్యర్ కోసం భారీగా ఖర్చు చేశారు. తర్వాత అర్ష్‌దీప్ సింగ్‌ను రూ 18 కోట్లకు తిరిగి తీసుకున్నారు. అదే మొత్తానికి భారత మాజీ స్పిన్నర్ యుజ్వేంద్ర చాహల్‌ను కొనుగోలు చేశారు.ఇంకా ఆస్ట్రేలియా ఆల్ రౌండర్లు గ్లెన్ మాక్స్‌వెల్, మార్కస్ స్టోయినిస్. న్యూజిలాండ్ పేసర్ మార్కో యాన్సెన్, ఆఫ్ఘనిస్తాన్ కి చెందిన అజ్మతుల్లా ఒమర్జాయ్‌ల చేరడంతో ఆల్ రౌండ్ విభాగాన్ని బాగా బలోపేతం చేసినట్లు కనిపిస్తోంది.కింగ్స్ జట్టులో నేహాల్ వధేరా, వైశక్ విజయ్‌కుమార్, యష్ ఠాకూర్ వంటి కొంతమంది యువ మరియు ఉత్తేజకరమైన ఆటగాళ్లను కూడా ఉన్నారు. సయ్యద్ ముస్తాక్ అలీ ట్రోఫీ లో ముంబై విజయంలో కీలక పాత్ర వహించిన సూర్యాంష్ షెడ్గే, ముషీర్ ఖాన్ కూడా జట్టులో చేరారు. వీరంతా ఇటీవలి కాలంలో అందరి దృష్టిని ఆకర్షించారు.ఈ సీజన్‌లో కింగ్స్‌కు లాకీ ఫెర్గూసన్ ప్రధాన పేసర్లలో ఒకడిగా ఉండే అవకాశముంది. ఇంకా విదేశీయ ఆటగాళ్లు జోష్ ఇంగ్లిస్, ఆరోన్ హార్డీ, జేవియర్ బార్ట్‌లెట్ జట్టుకు మరింత నాణ్యతను జోడిస్తారు. మొత్తమ్మీద సీనియర్, యువ ఆటగాళ్లతో, కొత్త కెప్టెన్‌తో జట్టు కొత్త తరహా వ్యూహంతో సిద్ధంగా ఉంది.పంజాబ్ కింగ్స్ జట్టు లో ప్రధాన ఆటగాళ్లుశ్రేయస్ అయ్యర్ఛాంపియన్స్ ట్రోఫీ లో నిలకడ గా రాణించి భారత్ విజయంలో కీలక పాత్ర వహించిన శ్రేయస్ అయ్యర్ పై పంజాబ్ కింగ్స్ భారీ ఆశలు పెట్టుకుంది. ఈ ముంబై బ్యాటర్‌ గత సీజన్ లో కోల్‌కతా నైట్ రైడర్స్ ను ముందుండి నడిపించి టైటిల్ సాధించిపెట్టాడు.ఇప్పుడు కింగ్స్ కూడా శ్రేయాస్ అయ్యర్ నుంచి అదే కానుక కోసం ఎదురుచూస్తోంది. ప్రస్తుతం అద్భుతమైన ఫామ్‌తో ఉన్న ఈ మిడిల్ ఆర్డర్ బ్యాటర్ కింగ్స్‌కు ప్రధాన ఆటగాళ్లలో ఒకడు అనడంలో సందేహం లేదు.యుజ్వేంద్ర చాహల్ఐపీఎల్ చరిత్రలో అత్యధిక వికెట్లు తీసిన ఈ స్పిన్ బౌలర్ కొత్త సీజన్‌లో కింగ్స్‌తో కలిసి తనదైన ముద్ర వేయాలని చూస్తున్నాడు. భారత్ జట్టులో స్థానం కోల్పోయినప్పటికీ చాహల్ స్పిన్ మాయాజాలాన్ని తక్కువగా అంచనా వేయలేం.అర్ష్‌దీప్ సింగ్టీ20 ఫార్మాట్ లో భారత్ తరుపున నిలకడగా రాణిస్తున్న ఈ ఎడమచేతి వాటం పేస్ బౌలర్ పంజాబ్ కింగ్స్ బౌలింగ్ కి సారధ్యం వహించే అవకాశముంది. గత కొన్ని సీజన్లలో ఐపిఎల్ లో నిరంతరం వికెట్లు సాధిస్తూ భారత్ జట్టులోకి చొచ్చుకొచ్చిన అర్ష్‌దీప్ మరోసారి తన ప్రతిభని నిరూపించుకోవాలని భావిస్తున్నాడు. ప్రస్తుత అర్ష్‌దీప్ ఫామ్ పంజాబ్‌కు కీలకం అవుతుంది.గ్లెన్ మాక్స్వెల్2014లో పంజాబ్ ప్లేఆఫ్స్‌ చేరుకున్న సమయంలో మాక్స్వెల్ కూడా జట్టులో ఉన్నాడు. మళ్లీ మాక్స్వెల్ అదే తరహా లో మెరుపులు మెరిపిస్తాడని కింగ్స్ భావిస్తోంది. అతను నాలుగో స్థానంలో బ్యాటింగ్ కి వచ్చి పెద్ద పాత్ర పోషిస్తాడని భావిస్తున్నారు.మార్కస్ స్టోయినిస్ఈ సీజన్‌లో స్టోయినిస్ తన అల్ రౌండ్ ప్రతిభ కనబరుస్తాడని కింగ్స్ ఏంతో ఆశలు పెట్టుకుంది. టాప్‌లో పరుగులు చేయడం, బౌలింగ్ లో కూడా కీలక పాత్ర వహిస్తాడని పంజబ్ గట్టి నమ్మకంతో ఉంది.పంజాబ్ కింగ్స్ జట్టుశ్రేయస్ అయ్యర్, యుజ్వేంద్ర చాహల్, అర్ష్‌దీప్ సింగ్, మార్కస్ స్టోయినిస్, నేహాల్ వధేరా, గ్లెన్ మాక్స్‌వెల్, వైశాక్ విజయ్‌కుమార్, యష్ ఠాకూర్, హర్‌ప్రీత్ బ్రార్, విష్ణు వినోద్, మార్కో జాన్సెన్, లాకీ ఫెర్గూసన్, జోష్ ఇంగ్లిస్, జేవియర్ బార్ట్‌లెట్, కుల్దీప్ సేన్, పైలా అవినాష్, సూర్యాంష్ షెడ్గే, ముషీర్ ఖాన్, హర్నూర్ పన్ను, ఆరోన్ హార్డీ, ప్రియాంష్ ఆర్య, అజ్మతుల్లా ఒమర్జాయ్.

ఐపీఎల్‌-2025 సీజ‌న్‌లో పంజాబ్ కింగ్స్‌కు సార‌థ్యం వ‌హించేందుకు టీమిండియా మిడిలార్డ‌ర్ బ్యాట‌ర్‌ శ్రేయ‌స్ అయ్య‌ర్ సిద్ద‌మ‌య్యాడు. పంజాబ్ హెడ్ కోచ్ రికీ పాంటింగ్‌తో మ‌రోసారి క‌లిసి ప‌నిచేసేందుకు అయ్య‌ర్ ఆతృతగా ఎదురు చూస్తున్నాడు. ఇప్పటికే జట్టుతో కలిసిన శ్రేయస్‌.. ధర్మశాలలో ఏర్పాటు చేసిన ప్రాక్టీస్ క్యాంపులో తీవ్రంగా శ్రమిస్తున్నాడు.అదే విధంగా ఈ ఏడాది సీజన్‌లో కెప్టెన్‌గా అనుసరించాల్సిన వ్యూహాలపై శ్రేయస్ ప్రత్యేకంగా దృష్టి సారించాడు. తాజాగా ఈ మెగా ఈవెంట్ ప్రారంభానికి ముందు విలేకరుల సమావేశంలో మాట్లాడిన అయ్యర్‌.. హెడ్ కోచ్ పాంటింగ్‌పై ప్రశంసల వర్షం​ కురిపించాడు. పాంటింగ్ తనను అద్బుతమైన ఆటగాడిగా భావిస్తున్నాడని అయ్యర్ చెప్పుకొచ్చాడు."రికీ(పాంటింగ్‌) అందరికి చాలా సపోర్ట్‌గా ఉంటాడు. అతడితో నాకు మంచి అనుబంధం ఉంది. తొలిసారి అతడితో కలిసి పనిచేసినప్పుడే, నేను గొప్ప ఆటగాడిగా ఎదుగుతానని నాతో అన్నాడు. అంతేకాకుండా టీ20 ఫార్మాట్‌లో నేను బాగా రాణించగలన్న న‌మ్మ‌కం క‌లిగించాడు. పాంటింగ్ ప్ర‌తీ ప్లేయ‌ర్‌కు ఇచ్చే కాన్ఫిడెన్స్ వేరే స్థాయిలో ఉంటుంది. ట్రోఫీని గెల‌వ‌డ‌మే మా ల‌క్ష్యం. ఈ ఏడాది సీజ‌న్‌లో మెరుగ్గా రాణించేంద‌కు ప్ర‌య‌త్నిస్తాము. ఈ సీజ‌న్‌లో ప్ర‌తీ మ్యాచ్‌ను కీల‌కంగా భావించి ముందుకు వెళ్తాము. నెట్స్‌లో కూడా తీవ్రంగా శ్ర‌మిస్తున్నాము" అని అయ్యర్ పేర్కొన్నాడు. అదేవిధంగా పాంటింగ్ కూడా అయ్య‌ర్‌ను పొగ‌డ్త‌ల‌తో ముంచెత్తాడు.శ్రేయ‌స్ గొప్ప వ్యక్తిత్వం ఉన్నవాడు"శ్రేయ‌స్ మంచి కెప్టెనే కాదు.. గొప్ప వ్యక్తిత్వం ఉన్నవాడు కూడా. అత‌డు ఐపీఎల్ విన్నింగ్ కెప్టెన్ అన్న విష‌యం మ‌న‌కు తెలుసు. అత‌డితో ఇంకా మేము ఎక్కువ‌గా చ‌ర్చించ‌లేదు. ఎందుకంటే శ్రేయ‌స్ మూడు రోజుల కింద‌టే క్యాంపులో చేరాడు.కెప్టెన్‌గా త‌న ప‌నిని అయ్య‌ర్ ప్రారంభించాడు. మా తొలి మ్యాచ్‌కు అన్ని విధాల సిద్దంగా ఉంటామ‌ని" పాంటింగ్ వెల్ల‌డించాడు. కాగా వీరిద్ద‌రూ గ‌తంలో ఢిల్లీ క్యాపిట‌ల్స్ ఫ్రాంచైజీ క‌లిసి ప‌నిచేశారు. కాగా ఐపీఎల్‌-2025 మెగా వేలంలో అయ్యర్‌ను రూ. 26.75 కోట్లకు పంజాబ్‌ కింగ్స్‌ కొనుగోలు చేసింది. కాగా ఐపీఎల్‌-18 సీజన్‌ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్‌గార్డెన్స్‌ వేదికగా రాయల్‌ ఛాలెంజర్స్‌ బెంగళూరు, కోల్‌కతా నైట్‌రైడర్స్‌ జట్లు తలపడనున్నాయి.చదవండి: ధనశ్రీకి చహల్‌ కౌంటర్‌?.. ఆ మాటలకు అర్థం ఏమిటి? మధ్యలో ఆమె!

ఐపీఎల్‌ 2025 ప్రారంభానికి ముందు పంజాబ్‌ కింగ్స్‌ నయా కెప్టెన్‌ శ్రేయస్‌ అయ్యర్‌ సూపర్‌ ఫామ్‌ను కొనసాగించాడు. నిన్న (మార్చి 19) జరిగిన ఇంట్రా స్క్వాడ్‌ మ్యాచ్‌లో విధ్వంసకర హాఫ్‌ సెంచరీ (41 బంతుల్లో 85 పరుగులు) విరుచుకుపడ్డాడు. పంజాబ్‌ కింగ్స్‌ టీమ్‌-ఏ, టీమ్‌-బిగా విడిపోయి ప్రాక్టీస్‌ మ్యాచ్‌ ఆడగా.. టీమ్‌-బి శ్రేయస్‌ అయ్యర్‌ ప్రాతినిథ్యం​ వహించాడు. తొలుత బ్యాటింగ్‌ చేసిన శ్రేయస్‌ జట్టు నిర్ణీత 20 ఓవర్లలో 205 పరుగులు చేసింది. శ్రేయస్‌ ఛాంపియన్స్‌ ట్రోఫీ-2025లో ప్రదర్శించిన ఫామ్‌ను కొనసాగించాడు. అనంతరం ఛేదనలో టీమ్‌-ఏ కూడా పర్వాలేదనిపించింది. ఆ జట్టుకు ఓపెనర్లు ప్రియాన్ష్‌ ఆర్య, ప్రభ్‌సిమ్రన్‌ సింగ్‌ మెరుపు ఆరంభాన్ని అందించారు. వీరిద్దరు పోటీ పడి బౌండరీలు, సిక్సర్లు బాదారు. ఆర్య 72, ప్రభ్‌సిమ్రన్‌ 66 పరుగులు చేసి ఔటైన అనంతరం టీమ్‌-ఏ కష్టాల్లో పడింది. ఆతర్వాత వచ్చిన బ్యాటర్లు పెద్ద స్కోర్లు చేయలేకపోవడంతో టీమ్‌-ఏ నిర్ణీత ఓవర్లలో 198 పరుగులు మాత్రమే చేయగలిగింది. తద్వారా శ్రేయస్‌ టీమ్‌ 7 పరుగుల తేడాతో విజయం సాధించింది. టీమ్‌-ఏ ఓడిపోయినా ప్రియాన్ష్‌ ఆర్య, ప్రభ్‌సిమ్రన్‌ సింగ్‌ ఫామ్‌లోకి రావడం పంజాబ్‌ కింగ్స్‌కు శుభసూచకం. ఈ ఇ​ద్దరే రానున్న సీజన్‌లో పంజాబ్‌ ఇన్నింగ్స్‌లు ప్రారంభిస్తారు. ఈ ఇంట్రా స్క్వాడ్‌ మ్యాచ్‌లో మరో అద్భుత ప్రదర్శన నమోదైంది. శ్రేయస్‌ టీమ్‌లో భాగమైన అర్ష్‌దీప్‌ సింగ్‌ 4 ఓవర్లలో కేవలం 22 పరుగులు మాత్రమే ఇచ్చి 2 వికెట్లు తీశాడు. సీజన్‌ ప్రారంభానికి ముందు పంజాబ్‌కు ఇది కూడా శుభసూచకమే. మొత్తంగా ముగ్గురు బ్యాటర్లు, ఓ బౌలర్‌ ప్రాక్టీస్‌ మ్యాచ్‌లో ఫామ్‌ను ప్రదర్శించడం​ పంజాబ్‌ కింగ్స్‌కు తమ తొలి మ్యాచ్‌ ముందు మంచి బూస్టప్‌ను ఇస్తుంది. ఐపీఎల్‌ 2025 సీజన్‌ ఈ నెల 22 నుంచి ప్రారంభం కానుండగా... పంజాబ్‌ కింగ్స్‌ మార్చి 25న గుజరాత్‌ టైటాన్స్‌తో తమ తొలి మ్యాచ్‌ ఆడనుంది. ఈసారి పంజాబ్‌ కింగ్స్‌ గతంలో ఎప్పుడూ లేనంత పటిష్టంగా కనిపిస్తుంది. ఆ జట్టు బ్యాటింగ్‌ విభాగాన్ని చూస్తే ఎంతటి బౌలర్లైనా ఉలిక్కి పడాల్సిందే.శ్రేయస్‌ అయ్యర్‌, మార్కస్‌ స్టోయినిస్‌, గ్లెన్‌ మ్యాక్స్‌వెల్‌, శశాంక్‌ సింగ్‌, జోస్‌ ఇంగ్లిస్‌, ప్రభ్‌సిమ్రన్‌ సింగ్‌, ఆరోన్‌ హార్డీ, అజ్మతుల్లా ఒమర్‌జాయ్‌, మార్కో జన్సెన్‌ రూపంలో ఆ జట్టులో డైనమైట్లు ఉన్నారు. బౌలింగ్‌ విభాగం కాస్త బలహీనంగా కనిపిస్తున్నా.. బ్యాటింగ్‌ బలగం చూసి పంజాబ్‌ను టైటిల్‌ ఫేవరెట్లలో ఒకటిగా చెప్పవచ్చు.తొలి మ్యాచ్‌తో పంజాబ్‌ ఎదుర్కోబోయే గుజరాత్‌ ఈ సీజన్‌లో కొత్తగా కనిపిస్తుంది. జోస్‌ బట్లర్‌, గ్లెన్‌ ఫిలిప్స్‌ లాంటి విధ్వంసకర బ్యాటర్ల చేరికతో ఆ జట్టు బ్యాటింగ్‌ విభాగం ‍కూడా ప్రమాదకరంగా కనిపిస్తుంది. శుభ్‌మన్‌ గిల్‌ నేతృత్వంలో ఆ జట్టు టైటిల్‌ గెలిచేందుకు ఉరకలేస్తుంది. గుజరాత్‌ బౌలింగ్‌ విభాగం కూడా పటిష్టంగా కనిపిస్తుంది. రబాడ, సిరాజ్‌, ఇషాంత్‌ శర్మ, ప్రసిద్ద్‌ కృష్ణ, గెరాల్డ్‌ కొయెట్జీ లాంటి అంతర్జాతీయ స్థాయి పేసర్లతో కళ​‍కళలాడుతుంది. ప్రపంచ మేటి స్పిన్నర్‌ రషీద్‌ ఖాన్‌ ఆ జట్టులో ఉండనే ఉన్నాడు. అతనితో పాటు కొత్తగా వాషింగ్టన్‌ సుందర్‌ స్పిన్‌ విభాగంలో చేరాడు. దేశీయ ఆటగాళ్లు సాయి సుదర్శన్‌, రాహుల్‌ తెవాతియా, షారుఖ్‌ ఖాన్‌, మహిపాల్‌ లోమ్రార్‌ గుజరాత్‌కు అదనపు బలాన్ని ఇస్తున్నారు.పంజాబ్‌ కింగ్స్‌శ్రేయస్‌ అయ్యర్‌ (కెప్టెన్‌), నేహల్‌ వధేరా, ప్రియాన్ష్‌ ఆర్య, హర్నూర్‌ సింగ్‌, పైలా అవినాశ్‌, ముషీర్‌ ఖాన్‌, మార్కస్‌ స్టోయినిస్‌, గ్లెన్‌ మ్యాక్స్‌వెల్‌, శశాంక్‌ సింగ్‌, ఆరోన్‌ హార్డీ, అజ్మతుల్లా ఒమర్‌జాయ్‌, మార్కో జన్సెన్‌, సూర్యాంశ్‌ షేడ్గే, ప్రవీణ్‌ దూబే, జోస్‌ ఇంగ్లిస్‌, ప్రభ్‌సిమ్రన్‌ సింగ్‌, విష్ణు వినోద్, హర్ప్రీత్‌ బ్రార్‌, అర్షదీప్‌ సింగ్‌, యుజ్వేంద్ర చహల్‌, లోకీ ఫెర్గూసన్‌, విజయ్‌కుమార్‌ వైశాక్‌, కుల్దీప్‌ సేన్‌, యశ్‌ ఠాకూర్‌, జేవియర్‌ బార్ట్‌లెట్‌గుజరాత్‌ టైటాన్స్‌శుభ్‌మన్‌ గిల్‌ (కెప్టెన్‌), సాయి సుదర్శన్‌, గ్లెన్‌ ఫిలిప్స్‌, రాహుల్‌ తెవాతియా, షెర్ఫాన్‌ రూథర్‌ఫోర్డ్‌, రషీద్‌ ఖాన్‌, మహిపాల్‌ లోమ్రార్‌, రవిశ్రీనివాసన్‌ సాయి కిషోర్‌, షారుఖ్ ఖాన్‌, నిషాంత్‌ సింధు, అర్షద్‌ ఖాన్‌, కరీమ్‌ జనత్‌, వాషింగ్టన్‌ సుందర్‌, జయంత్‌ యాదవ్‌, జోస్‌ బట్లర్‌, కుమార్‌ కుషాగ్రా, అనూజ్‌ రావత్‌, గెరాల్డ్‌ కొయెట్జీ, మానవ్‌ సుతార్‌, గుర్నూర్‌ బ్రార్‌, ఇషాంత్‌ శర్మ, కగిసో రబాడ, కుల్వంత్‌ కేజ్రోలియా, మహ్మద్‌ సిరాజ్‌, ప్రసిద్ద్‌ కృష్ణ

పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ (Shreyas Iyer)పై ఒకప్పటి సహచర ఆటగాడు, అతడి స్నేహితుడు అమన్‌ ఖాన్‌ (Aman Khan) ప్రశంసలు కురిపించాడు. అయ్యర్‌లో ఆత్మవిశ్వాసం మెండు అని.. ఓ మ్యాచ్‌లో చెప్పి మరీ తమ జట్టు బౌలింగ్‌ను చితక్కొట్టాడని గుర్తు చేసుకున్నాడు. ప్రత్యర్థి ఎవరన్న అంశంతో సంబంధం లేకుండా దూకుడుగా ముందుకు సాగుతాడని కొనియాడాడు.పునరాగమనంలో సూపర్‌ హిట్‌కాగా గాయం సాకు చూపి రంజీ మ్యాచ్‌ ఆడకుండా తప్పించుకున్నాడన్న ఆరోపణలతో శ్రేయస్‌ అయ్యర్‌ గతేడాది సెంట్రల్‌ కాంట్రాక్టు కోల్పోయిన విషయం తెలిసిందే. ఈ నేపథ్యంలో.. జాతీయ జట్టుకు దూరమైన అతడు.. కఠిన శ్రమకోర్చి దేశవాళీ క్రికెట్‌లో తనను తాను మరోసారి నిరూపించుకున్నాడు.ముంబై తరఫున బరిలోకి దిగి రంజీ (ఫస్ట్‌ క్లాస్‌), విజయ్‌ హజారే ట్రోఫీ (వన్డే), సయ్యద్‌ ముస్తాక్‌ అలీ ట్రోఫీ (టీ20)లలో విధ్వంసకర ఇన్నింగ్స్‌తో పరుగుల సునామీ సృష్టించాడు. ఈ క్రమంలో తిరిగి జాతీయ జట్టుకు ఎంపికైన శ్రేయస్‌ అయ్యర్‌.. ఇటీవల ఐసీసీ చాంపియన్స్‌ ట్రోఫీ-2025 (ICC Champions Trophy)లోనూ అదరగొట్టాడు.దుబాయ్‌ వేదికగా జరిగిన ఈ వన్డే టోర్నమెంట్లో నాలుగో స్థానంలో బ్యాటింగ్‌ చేసిన అయ్యర్‌.. టీమిండియా చాంపియన్‌గా నిలవడంలో కీలక పాత్ర పోషించాడు. మొత్తంగా 243 పరుగులు సాధించి భారత్‌ తరఫున టాప్‌ రన్‌ స్కోరర్‌గా నిలిచాడు. ఇదిలా ఉంటే.. ఐపీఎల్‌-2025 మెగా వేలంలో ఈ కుడిచేతి వాటం బ్యాటర్‌ భారీ ధర పలికిన విషయం తెలిసిందే.రూ. 26.75 కోట్లుపంజాబ్‌ కింగ్స్‌ ఏకంగా రూ. 26.75 కోట్లకు శ్రేయస్‌ అయ్యర్‌ను కొనుగోలు చేసి.. కెప్టెన్‌గా నియమించింది. గతేడాది కోల్‌కతా నైట్‌ రైడర్స్‌ను చాంపియన్‌గా నిలిపిన అతడిని ఈసారి తమ సొంతం చేసుకుని పగ్గాలు అప్పగించింది. ఈ నేపథ్యంలో శ్రేయస్‌ అయ్యర్‌ గురించి కోల్‌కతా మాజీ ఆల్‌రౌండర్‌ అమన్‌ ఖాన్‌ ఆసక్తికర విషయాలు వెల్లడించాడు.రేపు మీ బౌలింగ్‌ను చితక్కొడుతాను చూడు‘‘విజయ్‌ హజారే మ్యాచ్‌కు ముందు.. నేను, శ్రేయస్‌ డిన్నర్‌కు వెళ్లాం. ప్రత్యర్థులుగా పోటీ పడటం గురించి చర్చిస్తూ సరదాగా గడిపాము. శ్రేయస్‌ ముంబైకి ఆడుతుంటే.. నేను పాండిచ్చేరికి ప్రాతినిథ్యం వహిస్తున్నారు. మరుసటి రోజు మ్యాచ్‌ గురించి చెబుతూ.. ‘రేపు మీ బౌలింగ్‌ను చితక్కొడుతాను చూడు’ అన్నాడు.పదహారు ఫోర్లు, నాలుగు సిక్సర్ల సాయంతోఅన్నట్లుగానే సెంచరీ చేశాడు. కేవలం 133 బంతుల్లోనే 137 పరుగులతో అజేయంగా నిలిచాడు. మిగతా ముంబై బ్యాటర్లంతా పరుగులు రాబట్టేందుకు ఆపసోపాలు పడుతున్న వేళ శ్రేయస్‌ అయ్యర్‌ మాత్రం ముందు రోజు రాత్రి నాకేం చెప్పాడో అది చేసి చూపించాడు’’ అని అమన్‌ ఖాన్‌ టైమ్స్‌ ఆఫ్‌ ఇండియాతో పేర్కొన్నాడు.కాగా గతేడాది విజయ్‌ హజారే మ్యాచ్‌లో భాగంగా పాండిచ్చేరితో తలపడ్డ ముంబై.. 82 పరుగులకే ఐదు వికెట్లు కోల్పోయి కష్టాల్లో పడిన వేళ శ్రేయస్‌ బ్యాట్‌ ఝులిపించాడు. పదహారు ఫోర్లు, నాలుగు సిక్సర్ల సాయంతో శతక్కొట్టి జట్టు విజయంలో కీలక పాత్ర పోషించాడు.ఇదిలా ఉంటే.. ఐపీఎల్‌-2022స సీజన్‌లో శ్రేయస్‌ కెప్టెన్సీలో కేకేఆర్‌ తరఫున అమన్‌ ఖాన్‌ ఆడాడు. తాము తప్పకుండా టైటిల్‌ గెలుస్తామని అతడు తరచూ చెప్పేవాడని.. అన్నట్లుగానే 2024లో కోల్‌కతాను చాంపియన్‌గా నిలిపాడని అమన్‌ ఖాన్‌ గుర్తు చేసుకున్నాడు. ఆటగాళ్లపై అరవడం, మైదానంలో దూకుడుగా కనిపించడం శ్రేయస్‌ శైలి కాదని.. కూల్‌గానే తను అనుకున్న ఫలితం రాబట్టడంలో అతడు దిట్ట అని ప్రశంసించాడు.చదవండి: ముగ్గురు టీమిండియా కెప్టెన్లు.. అది నా అదృష్టం: హార్దిక్‌ పాండ్యా

ఈ ఏడాది ఐపీఎల్‌లో పంజాబ్‌ కింగ్స్‌ బ్యాటింగ్‌ విభాగం విధ్వంసకర డైనమైట్లతో నిండుకుని ఉంది. గతంలో ఎప్పుడూ లేని విధంగా ఈ జట్టు బ్యాటింగ్‌ విభాగం అత్యంత పటిష్టంగా, ప్రమాదకరంగా కనిపిస్తుంది. కొత్త కెప్టెన్‌ శ్రేయస్‌ అయ్యర్‌ మొదలు మార్కస్‌ స్టోయినిస్‌, గ్లెన్‌ మ్యాక్స్‌వెల్‌, శశాంక్‌ సింగ్‌, జోస్‌ ఇంగ్లిస్‌, ప్రభ్‌సిమ్రన్‌ సింగ్‌, ఆరోన్‌ హార్డీ, అజ్మతుల్లా ఒమర్‌జాయ్‌, మార్కో జన్సెన్‌.. ఇలా జట్టు మొత్తం విధ్వంసకర వీరులే ఉన్నారు.బౌలింగ్‌ విభాగం కాస్త బలహీనంగా కనిపిస్తున్నా.. బ్యాటింగ్‌ బలగం చూసి పంజాబ్‌ను టైటిల్‌ ఫేవరెట్లలో ఒకటిగా చెప్పవచ్చు. జట్టులో చాలామంది మిడిలార్డర్‌ బ్యాటర్లు ఉండటంతో తుది జట్టు కూర్పు సమస్యగా మారవచ్చు. ఓపెనర్లుగా జోస్‌ ఇంగ్లిస్‌, ప్రభ్‌సిమ్రన్‌ సింగ్‌ రావచ్చని అంచనా. వన్‌డౌన్‌లో శ్రేయస్‌ అయ్యర్‌, నాలుగో స్థానంలో నేహల్‌ వధేరా, ఐదో ప్లేస్‌లో శశాంక్‌ సింగ్‌ బ్యాటింగ్‌కు దిగే అవకాశం ఉంది.ఆరో స్థానంలో మ్యాక్స్‌వెల్‌, ఏడో ప్లేస్‌లో అజ్మతుల్లా ఒమర్‌జాయ్‌/మార్కో జన్సెన్‌, బౌలర్లుగా అర్షదీప్‌ సింగ్‌, లోకీ ఫెర్గూసన్‌, యుజ్వేంద్ర చహల్‌, జేవియర్‌ బార్ట్‌లెట్‌ తుది జట్టులో ఉండవచ్చు.కాగా, ఈ నెల 22 నుంచి ఐపీఎల్‌ 18వ సీజన్‌ ప్రారంభం కానుండగా... పంజాబ్‌ కింగ్స్‌ మార్చి 25న గుజరాత్‌ టైటాన్స్‌తో తమ తొలి మ్యాచ్‌ ఆడనుంది.లీగ్‌ ఆరంభం నుంచి ఒక్కసారి కూడా ట్రోఫీ చేజిక్కించుకోలేకపోయిన పంజాబ్‌ కింగ్స్‌... ఈసారి తమ చిరకాల స్వప్నం నెరవేర్చుకోవాలనే లక్ష్యంతో ఉంది. గతేడాది కోల్‌కతా నైట్‌రైడర్స్‌ను చాంపియన్‌గా నిలిపిన శ్రేయస్‌ అయ్యర్‌ ఈసారి పంజాబ్‌ కెప్టెన్‌గా వ్యవహరించనున్నాడు. ఆసీస్‌ దిగ్గజం రికీ పాంటింగ్‌ హెడ్‌కోచ్‌ బాధ్యతలు నిర్వర్తిస్తున్నాడు. వీరిద్దరి కాంబినేషన్‌లో పంజాబ్‌ తమ టైటిల్‌ కల నేరవేర్చుకుంటుందేమో చూడాలి. ఐపీఎల్‌ 2025 సీజన్‌లో పంజాబ్‌ కింగ్స్‌ జట్టు..శ్రేయస్‌ అయ్యర్‌ (కెప్టెన్‌), నేహల్‌ వధేరా, ప్రియాన్ష్‌ ఆర్య, హర్నూర్‌ సింగ్‌, పైలా అవినాశ్‌, ముషీర్‌ ఖాన్‌, మార్కస్‌ స్టోయినిస్‌, గ్లెన్‌ మ్యాక్స్‌వెల్‌, శశాంక్‌ సింగ్‌, ఆరోన్‌ హార్డీ, అజ్మతుల్లా ఒమర్‌జాయ్‌, మార్కో జన్సెన్‌, సూర్యాంశ్‌ షేడ్గే, ప్రవీణ్‌ దూబే, జోస్‌ ఇంగ్లిస్‌, ప్రభ్‌సిమ్రన్‌ సింగ్‌, విష్ణు వినోద్, హర్ప్రీత్‌ బ్రార్‌, అర్షదీప్‌ సింగ్‌, యుజ్వేంద్ర చహల్‌, లోకీ ఫెర్గూసన్‌, విజయ్‌కుమార్‌ వైశాక్‌, కుల్దీప్‌ సేన్‌, యశ్‌ ఠాకూర్‌, జేవియర్‌ బార్ట్‌లెట్‌

ఇండియన్‌ ప్రీమియర్‌ లీగ్‌ (IPL) పద్దెమినిదవ ఎడిషన్‌ ఆరంభానికి రంగం సిద్ధమైంది. డిఫెండింగ్‌ చాంపియన్‌ కోల్‌కతా నైట్‌ రైడర్స్‌- రాయల్‌ చాలెంజర్స్‌ బెంగళూరు మధ్య మ్యాచ్‌తో శనివారం (మార్చి 22) ఐపీఎల్‌-2025కి తెరలేవనుంది. ఇక ఈ సీజన్‌కు ముందు మెగా వేలం జరగడంతో జట్లలో చాలా మార్పులే చోటుచేసుకున్నాయి.చెన్నై సూపర్‌ కింగ్స్‌, ముంబై ఇండియన్స్‌, గుజరాత్‌ టైటాన్స్‌, రాజస్తాన్‌ రాయల్స్‌, సన్‌రైజర్స్‌ హైదరాబాద్‌ తప్ప.. మిగిలిన ఐదు జట్లు తమ కెప్టెన్లను కూడా మార్చేశాయి. లక్నో సూపర్‌ జెయింట్స్‌ టీమిండియా స్టార్‌ రిషభ్‌ పంత్‌ (Rishabh Pant) కోసం రికార్డు స్థాయిలో రూ. 27 కోట్లు ఖర్చు చేసి.. అతడిని తమ సారథిగా నియమించుకుంది.మరోవైపు.. పంజాబ్‌ కింగ్స్‌ కూడా ఈసారి కెప్టెన్‌ కోసం భారీగానే ఖర్చుపెట్టింది. భారత జట్టు మిడిలార్డర్‌ స్టార్‌, ఐపీఎల్‌ విన్నింగ్‌ కెప్టెన్‌ శ్రేయస్‌ అయ్యర్‌ (Shreyas Iyer)ను రూ. 26.75 కోట్లకు కొనుగోలు చేసింది. ఈ క్రమంలో ఈ ఇద్దరు టీమిండియా స్టార్లు క్యాష్‌ రిచ్‌ లీగ్‌ చరిత్రలోనే అత్యధిక ధరకు అమ్ముడుపోయిన ఆటగాళ్లుగా తొలి రెండు స్థానాల్లో నిలిచారు. మరి మిగిలిన జట్ల కెప్టెన్లు, వారి జీతాలు ఈసారి ఎలా ఉన్నాయో చూద్దామా?కోల్‌కతా నైట్‌ రైడర్స్‌2012, 2014 2024లో చాంపియన్‌గా నిలిచిన జట్టు. గతేడాది తమకు ట్రోఫీ అందించిన శ్రేయస్‌ అయ్యర్‌ను వదులుకున్న కేకేఆర్‌.. ఈసారి అనూహ్య రీతిలో ఓ వెటరన్‌ ప్లేయర్‌ను తమ కెప్టెన్‌గా నియమించింది.మెగా వేలం-2025లో తొలి రౌండ్‌లో అమ్ముడుపోకుండా మిగిలి పోయిన అజింక్య రహానేను రూ. 1.5 కోట్లకు కొని.. పగ్గాలు అప్పగించింది. అతడికి డిప్యూటీగా యువ ఆల్‌రౌండర్‌ వెంకటేశ్‌ అయ్యర్‌కు బాధ్యతలు ఇచ్చింది. ఐపీఎల్‌-2025 కెప్టెన్లలో అతి తక్కువ జీతం అందుకున్న కెప్టెన్‌ రహానేనే కావడం గమనార్హం. అన్నట్లు వెంకటేశ్‌ అయ్యర్‌ జీతం రూ.23.75 కోట్లు.సన్‌రైజర్స్‌ హైదరాబాద్‌గతేడాది రన్నరప్‌గా నిలిచిన సన్‌రైజర్స్‌ ఈసారీ తమ కెప్టెన్‌గా ఆస్ట్రేలియా సారథి ప్యాట్‌ కమిన్స్‌ను కొనసాగించింది. అయితే, గతేడాది అతడికి రూ. 20.50 కోట్ల మేర ముట్టజెప్పిన ఫ్రాంఛైజీ.. ఈసారి రూ. 18 కోట్లకు రిటైన్‌ చేసుకోవడం గమనార్హం.రాజస్తాన్‌ రాయల్స్‌ఐపీఎల్‌ తొట్టతొలి విజేతగా చరిత్ర సృష్టించిన రాజస్తాన్‌ రాయల్స్‌ గత కొన్నేళ్లుగా టీమిండియా వికెట్‌ కీపర్‌ బ్యాటర్‌ సంజూ సామ్సన్‌ను తమ కెప్టెన్‌గా కొనసాగిస్తోంది. ఈసారి కూడా ‘పింక్‌’ జట్టును సంజూ ముందుండి నడిపించనున్నాడు. ఇందుకోసం రూ. 18 కోట్ల జీతం అందుకుంటున్నాడు.చెన్నై సూపర్‌ కింగ్స్‌మహేంద్ర సింగ్‌ ధోని కెప్టెన్సీలో ఏకంగా ఐదు ట్రోఫీలు గెలిచిన చెన్నై.. గతేడాది నుంచి రుతురాజ్‌ గైక్వాడ్‌ సారథ్యంలో ఆడుతోంది. ఈసారీ అతడినే కెప్టెన్‌గా కొనసాగించిన సీఎస్‌కే.. ఇందుకోసం అతడిని రూ. 18 కోట్లకు రిటైన్‌ చేసుకుంది.ఢిల్లీ క్యాపిటల్స్‌ఈసారి కెప్టెన్‌ను మార్చిన ఫ్రాంఛైజీల జాబితాలో ఢిల్లీ ఒకటి. గతేడాది రిషభ్‌ పంత్‌ కెప్టెన్సీలో ఆడిన ఢిల్లీ.. ఈసారి టీమిండియా వైస్‌ కెప్టెన్‌ అక్షర్‌ పటేల్‌ నాయకత్వంలో బరిలోకి దిగనుంది. ఇందుకోసం తమ కెప్టెన్‌కు రూ. 16.50 కోట్ల మేర చెల్లిస్తోంది.గుజరాత్‌ టైటాన్స్‌అరంగేట్ర సీజన్‌లో తమకు టైటిల్‌ అందించిన హార్దిక్‌ పాండ్యా జట్టును వీడిన తర్వాత.. అంటే గతేడాది టీమిండియా నయా సూపర్‌ స్టార్‌ శుబ్‌మన్‌ గిల్‌కు పగ్గాలు అప్పగించింది. వేలానికి ముందు గిల్‌ను రూ. 16.5 కోట్లకు రిటైన్‌ చేసుకున్న గుజరాత్‌ ఈసారీ అతడినే సారథిగా కొనసాగిస్తోంది.ముంబై ఇండియన్స్‌ఐదు ట్రోఫీలు అందించిన రోహిత్‌ శర్మను కాదని.. గతేడాది హార్దిక్‌ పాండ్యాను ఏరికోరి కెప్టెన్‌ను చేసిన ముంబై ఘోర పరాభవం చవిచూసింది. పాయింట్ల పట్టికలో అట్టడుగున పదో స్థానంలో నిలిచింది. అయితే, ఈసారీ అతడికి మరో అవకాశం ఇచ్చిన అంబానీల యాజమాన్యంలోని ముంబై... పాండ్యాను రూ. 16.35 కోట్లకు రిటైన్‌ చేసుకుంది.రాయల్‌ చాలెంజర్స్‌ బెంగళూరుఎంత క్రేజ్‌ ఉన్నా ఒక్క టైటిల్‌ కూడా గెలవని జట్టుగా పేరొందిన ఆర్సీబీ.. ఈసారి ఊహించని రీతిలో రజత్‌ పాటిదార్‌ను సారథిగా నియమించింది. విరాట్‌ కోహ్లి మరోసారి పగ్గాలు చేపడతాడనే ప్రచారం జరిగగా.. బెంగళూరు ఫ్రాంఛైజీ ప్రకటనతో అది జరగదని తేలింది. అన్నట్లు వేలానికి ముందు రూ. 11 కోట్లకు పాటిదార్‌ను ఆర్సీబీ రిటైన్‌ చేసుకుంది. ఐపీఎల్‌-2025 కెప్టెన్లలో రహానే తర్వాత తక్కువ జీతం ఆర్సీబీ సారథికే!చదవండి: వాళ్లను చూస్తేనే చిరాకు.. బుమ్రా, రబడ మాత్రం వేరు: డేల్‌ స్టెయిన్‌

ఇండియన్‌ ప్రీమియర్‌ లీగ్‌ (IPL)లో ఒకప్పుడు బాల్‌ బాయ్‌గా ఉన్న పిల్లాడు.. కెప్టెన్‌ స్థాయికి ఎదిగాడు. అంతేనా.. టైటిల్‌ గెలిచిన మొనగాడు కూడా అతడు!.. అంతేకాదండోయ్‌.. క్యాష్‌ రిచ్‌ లీగ్‌ చరిత్రలోనే అత్యంత ఎక్కువ ధరకు అమ్ముడుపోయిన రెండో ఆటగాడు కూడా! ఇప్పటికే మీకు అర్థమైపోయి ఉంటుంది.. అవును.. శ్రేయస్‌ అయ్యర్‌ (Shreyas Iyer).సారథిగా సూపర్‌ హిట్‌ఇటీవల ఐసీసీ చాంపియన్స్‌ ట్రోఫీ-2025 (ICC Champions Trophy)లో భారత్‌ ట్రోఫీ గెలవడంలో కీలకంగా వ్యవహరించిన శ్రేయస్‌.. ప్రస్తుతం ఐపీఎల్‌-2025 సన్నాహకాల్లో మునిగిపోయాడు. గతంలో ఢిల్లీ క్యాపిటల్స్‌ సారథిగా జట్టును ఫైనల్‌ వరకు చేర్చిన ఈ ముంబైకర్‌.. గతేడాది కోల్‌కతా నైట్‌ రైడర్స్‌ను చాంపియన్‌గా నిలిపాడు. గౌతం గంభీర్‌ తర్వాత కోల్‌కతాకు ట్రోఫీ అందించిన రెండో కెప్టెన్‌గా నిలిచాడు.అయితే, మెగా వేలానికి ముందు శ్రేయస్‌ అయ్యర్‌ కేకేఆర్‌తో తెగదెంపులు చేసుకోగా.. పంజాబ్‌ కింగ్స్‌ అతడిని ఏకంగా రూ. 26.75 కోట్లకు కొనుగోలు చేసి.. పగ్గాలు అప్పగించింది. పంజాబ్‌ టైటిల్‌ కలను తీర్చాలని గత ప్రదర్శనను పునరావృతం చేస్తూ ఈసారి పంజాబ్‌ టైటిల్‌ కలను ఎలాగైనా తీర్చాలని శ్రేయస్‌ పట్టుదలగా ఉన్నాడు. ఈ నేపథ్యంలో తాజాగా జియోహాట్‌స్టార్‌తో ముచ్చటించిన ఈ కెప్టెన్‌ సాబ్‌ గత జ్ఞాపకాలు గుర్తు చేసుకున్నాడు.అప్పుడు బాల్‌ బాయ్‌ని‘‘మా వీధిలో క్రికెట్‌ ఆడుతూ ఎంజాయ్‌ చేసేవాళ్లం. అప్పట్లో (2008) నేను ముంబై అండర్‌-14 జట్టుకు ఆడుతున్నాడు. ముంబై జట్టులో ఉన్న పిల్లలందరినీ ఐపీఎల్‌లో బాల్‌ బాయ్స్‌గా తీసుకువెళ్లారు.నేను కాస్త బిడియస్తుడిని. ఎవరితోనూ ఎక్కువగా కలవను. అయినా సరే.. అదృష్టవశాత్తూ వారిలో ఒకడిగా నాకూ అవకాశం దక్కింది. అప్పట్లో నా ఫేవరెట్‌ క్రికెటర్‌ రాస్‌ టేలర్‌ను దగ్గరగా చూడాలని అనుకునేవాడిని.సర్‌.. నేను మీకు వీరాభిమానినిఅనుకోకుండా ఆరోజు అవకాశం వచ్చింది. ఆయన దగ్గరకు వెళ్లి.. ‘సర్‌.. నేను మీకు వీరాభిమానిని’ అని చెప్పాను. ఆయన నా మాటలకు నవ్వులు చిందించడంతో పాటు థాంక్యూ కూడా చెప్పారు. అలా మన అభిమాన క్రికెటర్లను కలిసినపుడు గ్లోవ్స్‌ లేదంటే బ్యాట్‌ అడగటం పరిపాటి. నాకూ ఆయనను బ్యాట్‌ అడగాలని అనిపించినా సిగ్గు అడ్డొచ్చింది.ఓ మ్యాచ్‌లో ఇర్ఫాన్‌ పఠాన్‌ లాంగాన్‌లో ఫీల్డింగ్‌ చేస్తున్నారు. ఆ తర్వాత ఆయన మా పక్కకు వచ్చి కూర్చుని.. మ్యాచ్‌ ఆస్వాదిస్తున్నారా అని అడిగారు. అవును.. మేము బాగా ఎంజాయ్‌ చేస్తున్నాం అని చెప్పాను. అప్పట్లో ఇర్ఫాన్‌ భాయ్‌ క్రేజ్‌ తారస్థాయిలో ఉండేది. పంజాబ్‌ జట్టులోని అందగాళ్లలో ఆయనా ఒకరు. యువీ పాను కూడా అప్పుడు దగ్గరగా చూశాం. ఈ జ్ఞాపకాలు నా మనసులో ఎల్లప్పుడూ నిలిచిపోతాయి’’ అని శ్రేయస్‌ అయ్యర్‌ తన మనసులోని భావాలు పంచుకున్నాడు.2015లో ఎంట్రీకాగా ఐపీఎల్‌ తొలి సీజన్‌ 2008లో రాయల్‌ చాలెంజర్స్‌ బెంగళూరు- ముంబై ఇండియన్స్‌ మధ్య మ్యాచ్‌ సందర్భంగా తాను రాస్‌ టేలర్‌ (RCB)ని తొలిసారి కలిసినట్లు అయ్యర్‌ వెల్లడించాడు. కాగా శ్రేయస్‌ అయ్యర్‌ 2015లో ఐపీఎల్‌ అరంగేట్రం చేశాడు. నాటి ఢిల్లీ డేర్‌డెవిల్స్‌ (ప్రస్తుతం ఢిల్లీ క్యాపిటల్స్‌) తరఫున తన తొలి మ్యాచ్‌ ఆడిన ఈ కుడిచేతి వాటం బ్యాటర్‌.. ఇప్పటి వరకు ఐపీఎల్‌లో 115 మ్యాచ్‌లు పూర్తి చేసుకున్నాడు.మొత్తంగా 3127 పరుగులు సాధించడంతో పాటు కెప్టెన్‌గా టైటిల్‌ సాధించాడు. ప్రస్తుతం పంజాబ్‌ కెప్టెన్‌గా ఉన్న శ్రేయస్‌ అయ్యర్‌ మార్చి 25న గుజరాత్‌ టైటాన్స్‌తో మ్యాచ్‌తో తాజా సీజన్‌ను మొదలుపెట్టనున్నాడు.చదవండి: వాళ్లను చూస్తేనే చిరాకు.. బుమ్రా, రబడ మాత్రం వేరు: డేల్‌ స్టెయిన్‌

ఇంగ్లండ్‌ మాజీ కెప్టెన్‌ మైఖేల్‌ ఆథర్టన్‌ తన.. ‘ఐసీసీ చాంపియన్స్‌ ట్రోఫీ-2025(ICC Champions Trophy) టీమ్‌ ఆఫ్‌ ది టోర్నమెంట్‌’ను ప్రకటించాడు. ఇందులో టీమిండియా నుంచి ముగ్గురికి మాత్రమే స్థానమిచ్చిన అతడు.. కేఎల్‌ రాహుల్‌ను విస్మరించాడు. అంతేకాదు శ్రేయస్‌ అయ్యర్‌ను కూడా పక్కనపెట్టాడు.ఇక ఓపెనింగ్‌ జోడీగా అఫ్గనిస్తాన్‌ యువ స్టార్‌ ఇ‍బ్రహీం జద్రాన్‌(Ibrahim Zadran), న్యూజిలాండ్‌ యంగ్‌స్టర్‌ రచిన్‌ రవీంద్ర(Rachin Ravindra)లను మైఖేల్‌ ఆథర్టన్‌ ఎంచుకున్నాడు. వికెట్‌ కీపర్‌ బ్యాటర్‌గా ఆస్ట్రేలియా ఆటగాడు జోష్‌ ఇంగ్లిస్‌ను ఎంపిక చేసుకున్న ఈ మాజీ సారథి.. కెప్టెన్‌గా కివీస్‌ నాయకుడు మిచెల్‌ సాంట్నర్‌కు స్థానమిచ్చాడు.అత్యుత్తమ ఇన్నింగ్స్‌ అతడిదేఇక గ్రూప్‌ దశలోనే తమ జట్టు నిష్క్రమించినప్పటికీ జో రూట్‌కు ఈ టీమ్‌ ఆఫ్‌ ది టోర్నమెంట్లో ఆథర్టన్‌ చోటు కట్టబెట్టాడు. ఇంగ్లండ్‌ నుంచి ఒకే ఒక్క ఆటగాడిగా రూట్‌కు ఈ మాజీ బ్యాటర్‌ స్థానం ఇచ్చాడు. తన జట్టు ఎంపిక గురించి మైఖేల్‌ ఆథర్టన్‌ స్కై స్పోర్ట్స్‌తో మాట్లాడుతూ.. ‘‘ఈ టోర్నీలో నేను చూసిన అత్యుత్తమ ఇన్నింగ్స్‌ జద్రాన్‌ బ్యాటింగ్‌ నుంచి వచ్చింది.అందుకే రచిన్‌ రవీంద్రతో పాటు ఓపెనింగ్‌ జోడీగా జద్రాన్‌ను ఎంచుకున్నా. ఇక వన్‌డౌన్‌లో విరాట్‌ కోహ్లి, రూట్‌ నాలుగో స్థానంలో ఉండాలి. వికెట్‌ కీపర్‌ బ్యాటర్‌గా నా ఓటు జోష్‌ ఇంగ్లిస్‌కే. ఇంగ్లండ్‌తో మ్యాచ్‌లో అతడు అద్భుత నైపుణ్యాలు కనబరిచాడు.సారథి అతడేఇక ఆరోస్థానంలో ఆల్‌రౌండర్‌ అజ్మతుల్లా ఒమర్జాయ్‌కు నేను స్థానం ఇస్తాను. అతడు బ్యాట్‌తో బాల్‌తో రాణించగలడు. అతడు జట్టులో ఉంటే సమతూకంగా ఉంటుంది. ఇక నా ఏడో ప్లేయర్‌ గ్లెన్‌ ఫిలిప్స్‌. మిచెల్‌ సాంట్నర్‌ను నా జట్టుకు కెప్టెన్‌గా ఎంచుకుంటాను. ఇద్దరు సీమర్లు మహ్మద్‌ షమీ, మ్యాట్‌ హెన్రీలకు చోటిస్తా. సాంట్నర్‌తో పాటు మరో స్పిన్నర్‌గా వరుణ్‌ చక్రవర్తిని ఎంచుకుంటా’’ అని మైఖేల్‌ ఆథర్టన్‌ వెల్లడించాడు.కాగా పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ మార్చి 9న దుబాయ్‌లో ముగిసింది. ఫైనల్లో టీమిండియా న్యూజిలాండ్‌ను ఓడించి విజేతగా అవతరించింది. ఈ వన్డే టోర్నమెంట్లో మొత్తం ఎనిమిది జట్లు పాల్గొన్నాయి. ఆతిథ్య జట్టు హోదాలో పాకిస్తాన్‌ ఆడగా.. వన్డే ప్రపంచకప్‌-2023 ప్రదర్శన ఆధారంగా ఆస్ట్రేలియా, టీమిండియా, సౌతాఫ్రికా, న్యూజిలాండ్‌, ఇంగ్లండ్‌, బంగ్లాదేశ్‌, అఫ్గనిస్తాన్‌ ఆడాయి.రాహుల్‌,శ్రేయస్‌ అదరగొట్టారుఇక ఈ మెగా టోర్నీలో అఫ్గన్‌ ఓపెనర్‌ జద్రాన్‌ ఇంగ్లండ్‌పై వీరోచిత శతకం బాదాడు. 117 పరుగులు సాధించి టోర్నీ చరిత్రలోనే అత్యధిక వ్యక్తిగత స్కోరును నమోదు చేశాడు. మరోవైపు.. రచిన్‌ రెండు శతకాల సాయంతో 263 పరుగులతో ప్లేయర్‌ ఆఫ్‌ ది టోర్నీగా నిలిచాడు. కోహ్లి పాకిస్తాన్‌పై అజేయ శతకం చేయగా.. షమీ బంగ్లాదేశ్‌పై, వరుణ్‌ న్యూజిలాండ్‌పై ఐదు వికెట్ల ప్రదర్శన చేశారు. అయితే, టీమిండియా మిడిలార్డర్‌లో దిగి కీలక ఇన్నింగ్స్‌ ఆడిన శ్రేయస్‌ అయ్యర్‌(243 రన్స్‌), కేఎల్‌ రాహుల్‌(140 రన్స్‌)లకు మాత్రం ఆథర్టన్‌ చోటివ్వకపోవడం గమనార్హం. కాగా ఇంగ్లండ్‌ తరఫున ఆథర్టన్‌ 115 టెస్టులు, 54 వన్డేలు ఆడాడు. ప్రస్తుతం కామెంటేటర్‌గా కొనసాగుతున్నాడు.మైఖేల్‌ ఆథర్టన్‌ ఎంచుకున్న ఐసీసీ చాంపియన్స్‌ ట్రోఫీ -2025 టీమ్‌ ఆఫ్‌ ది టోర్నమెంట్‌:ఇబ్రహీం జద్రాన్‌, రచిన్‌ రవీంద్ర, విరాట్‌ కోహ్లి, జో రూట్‌, జోష్‌ ఇంగ్లిస్‌(వికెట్‌ కీపర్‌), అజ్మతుల్లా ఒమర్జాయ్‌, గ్లెన్‌ ఫిలిప్స్‌, మిచెల్‌ సాంట్నర్‌(కెప్టెన్‌), మ్యాట్‌ హెన్రీ, మహ్మద్‌ షమీ, వరుణ్‌ చక్రవర్తి.చదవండి: BGT: ‘నేను జట్టులో ఉంటే కచ్చితంగా గెలిచేవాళ్లం.. ఇంగ్లండ్‌తో సిరీస్‌కు రెడీ’

గతేడాది ఇండియన్ ప్రీమియర్ లీగ్ (IPL) విజేతగా నిలిచింది కోల్‌కతా నైట్ రైడర్స్(KKR). తద్వారా మూడోసారి టైటిల్‌ను కైవసం చేసుకుంది. ఇక ఈసారి లీగ్‌ ఆరంభ మ్యాచ్‌లో రాయల్‌ చాలెంజర్స్‌ బెంగళూర(RCB)తో కేకేఆర్‌ తలపడనుంది. సొంతమైదానం ఈడెన్‌ గార్డెన్స్‌లో మార్చి 22న ఈ మ్యాచ్‌ జరుగనుంది.అయితే, గత సంవత్సరం జట్టుని ముందుండి నడిపించిన శ్రేయస్ అయ్యర్ ఈసారి తప్పుకోవడంతో అతని స్థానంలో అనుభవజ్ఞుడైన అజింక్య రహానే బాధ్యతలు స్వీకరించాడు. దీనితో నైట్ రైడర్స్ కొత్త తరహా జట్టుతో ఈ సారి రంగ ప్రవేశం చేయబోతోంది. నైట్ రైడర్స్‌పై ఒత్తిడి ఈ నేపథ్యంలో మళ్ళీ టైటిల్ నిలబెట్టుకోవాలన్న ఆశాభావంతో ఉన్న నైట్ రైడర్స్‌పై సహజంగానే ఒత్తిడి ఉంటుంది. మూడుసార్లు ఛాంపియన్‌గా నిలిచిన ఈ జట్టు బ్యాటింగ్ ఆల్ రౌండర్ వెంకటేష్ అయ్యర్‌ను రూ.23.75 కోట్లకు తిరిగి కొనుగోలు చేసింది. ఫ్రాంఛైజీ అతనికి వైస్ కెప్టెన్‌గా అదనపు బాధ్యతను కూడా అప్పగించింది.ఇక బంగ్లాదేశ్‌లో ఫాస్ట్ బౌలింగ్ విప్లవానికి బీజాలు నాటడంలో విజయం సాధించిన వెస్టిండీస్ మాజీ పేసర్ ఒట్టిస్ గిబ్సన్‌ను నైట్ రైడర్స్ ఇటీవల తమ బౌలింగ్ కోచ్‌గా నియమించింది. అతడు రావడం ప్లస్‌ పాయింట్‌తాజాగా దక్షిణాఫ్రికా పేస్ బౌలర్ అన్రిచ్ నోర్జే జట్టులో చేరుతున్నట్టు జట్టు అధినేత, నటుడు షారుఖ్ ఖాన్ రెండ్రోజుల క్రితం ప్రకటించాడు. 2025 వేలంలో నైట్ రైడర్స్ రూ. 6.50 కోట్లకు నోర్జేను తిరిగి కొనుగోలు చేసింది.ఆరు సంవత్సరాల తర్వాత మళ్ళీ ఫ్రాంచైజీలోకి వచ్చిన నోర్జే అనుభవం, అపార వేగంతో బౌలింగ్ చేయగల సత్తా ఉంది. ఇంకా జట్టులో సునీల్ నరైన్, ఇటీవల ఛాంపియన్స్ ట్రోఫీ లో భారత్ విజయంలో కీలక భూమిక వహించిన మిస్టరీ స్పిన్నర్ వరుణ్ చక్రవర్తి వంటి సీనియర్లు ఉన్నారు. వీరితో పాటు వైభవ్ అరోరా, హర్షిత్ రాణా, ఉమ్రాన్ మాలిక్ వంటి వర్ధమాన బౌలర్లతో బలీయంగానే కనిపిస్తోంది. రహానేకు కెప్టెన్‌గా బాధ్యతలు.. గొ ప్ప రికార్డు లేదుఐపీఎల్‌లో కెప్టెన్‌గా అత్యుత్తమ రికార్డులు లేనందున రహానేపై పెద్ద భారమే కనిపిస్తోంది. గతంలో రాజస్థాన్ రాయల్స్ (ఆర్‌ఆర్) కు 24 మ్యాచ్‌లలో నాయకత్వం వహించిన రహానే వాటిలో తొమ్మిది మ్యాచ్‌లలో మాత్రమే విజయాన్ని రుచిచూశాడు. 15 మ్యాచ్‌లలో ఓడిపోయాడు. ఐపీఎల్‌లో కెప్టెన్‌గా రహానే రికార్డు ఏ విధంగానూ ఆశాజనకంగా లేదు.ఇక వ్యక్తిగతంగా చూస్తే రహానే 25 మ్యాచ్‌ల్లో ఆడి 25.34 సగటుతో 583 పరుగులు మాత్రమే చేశాడు. అతను హైదరాబాద్‌ వేదికపై 2019లో సన్‌రైజర్స్ హైదరాబాద్ తో జరిగిన మ్యాచ్‌లో తన అత్యధిక స్కోరు 70 ని నమోదు చేసుకున్నాడు. కానీ రహానెకి నైట్ రైడర్స్ కొత్త ఫ్రాంచైజీ ఏమీ కాదు. 2022లో నైట్ రైడర్స్ కి ప్రాతినిధ్యం వహించిన రహానే ఏడు మ్యాచ్‌ల్లో 103.90 స్ట్రైక్ రేట్‌తో 133 పరుగులు చేశాడు. కాబట్టి గొప్ప రికార్డులేమీ లేని కెప్టెన్‌ ఉండటం ఒక బలహీనతగా పరిణమించింది అనడంలో సందేహం లేదు.వేలంలో నైట్ రైడర్స్ ఎలా రాణించింది?వేలానికి ముందు వెంకటేష్ అయ్యర్‌ను విడుదల చేసిన తర్వాత, నైట్ రైడర్స్ అతన్ని అధిక ధరకు కొనుగోలు చేసింది. గత సీజన్‌లో అగ్రశ్రేణి బ్యాటర్లలో ఒకరైన ఇంగ్లాండ్‌కు చెందిన ఫిల్ సాల్ట్‌ను తిరిగి కొనుగోలు చేయడానికి కూడా ప్రయత్నించింది. సాల్ట్ లేకపోయినా, నైట్ రైడర్స్ వద్ద క్వింటన్ డి కాక్, రహ్మానుల్లా గుర్బాజ్‌ల రూపంలో ఇద్దరు మంచి వికెట్టుకీపర్లు ఉన్నారు. సన్‌రైజర్స్ జట్టు నుంచి తప్పుకున్న తర్వాత తన కెరీర్‌ను పునరుద్ధరించుకోవడానికి ప్రయత్నిస్తున్న ఉమ్రాన్ మాలిక్‌ను కూడా నైట్ రైడర్స్ కనుగోలుచేసింది.ఐపీఎల్ 2025 వేలంలో కొన్న ఆటగాళ్లు:వెంకటేష్ అయ్యర్ (రూ. 23.75 కోట్లు), రహ్మానుల్లా గుర్బాజ్ (రూ. 2 కోట్లు), క్వింటన్ డి కాక్ (రూ. 3.60 కోట్లు), ఆంగ్క్రిష్ రఘువంశీ (రూ. 3 కోట్లు), అన్రిచ్ నార్ట్జే (రూ. 6.50 కోట్లు), వైబ్హవ్ 8 కోట్లు. మయాంక్ మార్కండే (రూ. 30 లక్షలు), రోవ్‌మన్ పావెల్ (రూ. 1.50 కోట్లు), మనీష్ పాండే (రూ. 75 లక్షలు), స్పెన్సర్ జాన్సన్ (రూ. 2.80 కోట్లు), లువ్నిత్ సిసోడియా (రూ. 30 లక్షలు), అజింక్యా రహానె (రూ. 30 లక్షలు), అనీక్లీ ఎ. 4 లక్షలు (రూ. 1.50 లక్షలు), అనూక్లీ రోయ్ లక్షలు (రూ. 1.50 లక్షలు), 2 కోట్లు), ఉమ్రాన్ మాలిక్ (రూ. 75 లక్షలు).ప్రధాన ఆటగాళ్లు:వరుణ్ చక్రవర్తి: ఛాంపియన్స్ ట్రోఫీలో తొమ్మిది వికెట్లతో రెండవ అత్యధిక వికెట్లు తీసిన బౌలర్‌గా నిలిచిన మిస్టరీ స్పిన్నర్ వరుణ్ చక్రవర్తి అద్భుతమైన ఫామ్‌లో ఉన్నాడు. నైట్ రైడర్స్ తరఫున 82 వికెట్లు తీసిన వరుణ్ ఈ సీజన్‌లో కీలక పాత్ర పోషిస్తాడని భావిస్తున్నారు.సునీల్ నరైన్: వెస్టిండీస్ ఆల్ రౌండర్ గత సీజన్‌లో అత్యంత విలువైన ఆటగాడిగా అవార్డు గెలుచుకున్న నరైన్ 17 వికెట్లు పడగొట్టడమే కాకుండా, 34.85 సగటుతో 488 పరుగులతో టాప్ రన్ స్కోరర్గా నిలిచాడు.ఆండ్రీ రస్సెల్: ఆండ్రీ రస్సెల్ దశాబ్ద కాలంగా నైట్స్ తరఫున కీలక ఆటగాడిగా ఉన్నాడు. అందువల్ల యాజమాన్యం అతనిపై విశ్వాసం చూపించింది. గత సంవత్సరం రస్సెల్ 222 పరుగులు చేసి 19 వికెట్లు పడగొట్టి, నైట్ రైడర్స్ టైటిల్ సాధనలో కీలక పాత్ర పోషించాడు.అజింక్య రహానే: అజింక్య రహానేకు చాలా అంతర్జాతీయ, దేశవాళీ క్రికెట్ లో అపార అనుభవం ఉంది.చదవండి: IPL 2025: అతడి గురించి ఎవరూ మాట్లాడమే లేదు.. మూడో స్థానంలో ఆడిస్తారా?

టీమిండియా స్టార్‌ శ్రేయస్‌ అయ్యర్‌(Shreyas Iyer)పై భారత మాజీ క్రికెటర్‌ దిలీప్‌ వెంగ్‌సర్కార్‌ ప్రశంసలు కురిపించాడు. ఈ ముంబైకర్‌ ఇప్పటికైనా తనలోని నైపుణ్యాలను గుర్తించాడని.. ఐసీసీ చాంపియన్స్‌ ట్రోఫీ-2025 టోర్నమెంట్లో అతడు బ్యాటింగ్‌ చేసిన తీరు అద్భుతమని కొనియాడాడు.అయితే, న్యూజిలాండ్‌(India vs New Zealand)తో ఫైనల్లో శ్రేయస్‌ అయ్యర్‌ అవుటైన తీరు మాత్రం తనకు నచ్చలేదంటూ దిలీప్‌ అసంతృప్తి వ్యక్తం చేశాడు. అదే విధంగా.. కేఎల్‌ రాహుల్‌(KL Rahul) ఆట తీరును సైతం ఈ మాజీ బ్యాటర్‌ ప్రశంసించాడు. అంతేకాదు.. ఐదుగురు స్పిన్నర్లతో బరిలోకి దిగాలన్న సెలక్టర్ల నిర్ణయం సరైందని నిరూపితమైందంటూ మేనేజ్‌మెంట్‌ వ్యూహాలను మెచ్చుకున్నాడు.కాగా ఫిబ్రవరి 19న మొదలైన చాంపియన్స్‌ ట్రోఫీ మార్చి 9న ముగిసిన విషయం తెలిసిందే. ఈ మెగా వన్డే టోర్నమెంట్‌కు పాకిస్తాన్‌ ఆతిథ్యం ఇవ్వగా.. టీమిండియా మాత్రం భద్రతా కారణాల దృష్ట్యా తమ మ్యాచ్‌లన్నీ దుబాయ్‌లోనే ఆడింది. న్యూజిలాండ్‌పై గెలుపొంది ట్రోఫీని ముద్దాడిఈ నేపథ్యంలో గ్రూప్‌ దశలో బంగ్లాదేశ్‌, పాకిస్తాన్‌లను చిత్తు చేసిన రోహిత్‌ సేన.. ఆఖరిగా న్యూజిలాండ్‌పై జయకేతనం ఎగురువేసింది. ఈ క్రమంలో గ్రూప్‌-ఎ టాపర్‌గా సెమీస్‌ చేరి.. అక్కడ ఆస్ట్రేలియాను ఓడించింది.ఈ క్రమంలో ఫైనల్లోనూ అద్భుత ప్రదర్శనతో న్యూజిలాండ్‌పై గెలుపొంది ట్రోఫీని ముద్దాడింది. ఈ టోర్నీలో ఆడిన ఐదు మ్యాచ్‌లలోనూ అజేయంగా నిలిచి చాంపియన్‌గా అవతరించింది. ఈ విజయాల్లో మిడిలార్డర్‌లో కీలకమైన నాలుగో స్థానంలో బ్యాటింగ్‌ చేసిన శ్రేయస్‌ అయ్యర్‌ది కీలక పాత్ర. ఐదు ఇన్నింగ్స్‌లో కలిపి అతడు 243 పరుగులు చేసి.. భారత్‌ తరఫున టాప్‌ రన్‌ స్కోరర్‌గా నిలిచాడు.మరోవైపు.. వికెట్‌ కీపర్‌ బ్యాటర్‌ కేఎల్‌ రాహుల్‌.. తనకు అచ్చొచ్చిన ఐదో స్థానంలో కాకుండా ఆరో స్థానంలో ఆడాల్సి వచ్చింది. అక్షర్‌ పటేల్‌ కోసం తన నంబర్‌ను త్యాగం చేసిన ఈ కుడిచేతి వాటం బ్యాటర్‌ అద్భుతంగా రాణించాడు. మొత్తంగా 140 పరుగులు చేసిన ఈ కర్ణాటక ఆటగాడు.. ముఖ్యంగా ఆసీస్‌తో సెమీస్‌లో విలువైన ఇన్నింగ్స్‌ ఆడాడు.అయ్యర్‌ అద్భుతంఈ నేపథ్యంలో దిలీప్‌ వెంగ్‌సర్కార్‌ మాట్లాడుతూ.. ‘‘అయ్యర్‌ అద్భుతంగా ఆడాడు. కానీ ఫైనల్లో అతడు అవుటైన విధానం నాకు అసంతృప్తిని మిగిల్చింది. తను ఆఖరి వరకు అజేయంగా నిలిచి విజయంతో ముగించి ఉంటే బాగుండేది. ఏదేమైనా ఇప్పటికైనా అతడు తన నైపుణ్యాలను గుర్తించి.. అందుకు న్యాయం చేసినందుకు సంతోషంగా ఉంది’’ అని పేర్కొన్నాడు.ఇక కేఎల్‌ రాహుల్‌ గురించి కూడా ప్రస్తావిస్తూ.. ‘‘ఆరో నంబర్‌లో వచ్చి కూడా కొన్ని ముఖ్యమైన ఇన్నింగ్స్‌ ఆడాడు. అయినా.. లెఫ్ట్‌- రైట్‌ కాంబినేషన్ల కోసమని అక్షర్‌ పటేల్‌ను రాహుల్‌ స్థానమైన ఐదో నంబర్‌లో పంపడం నాకేమీ నచ్చలేదు’’ అని దిలీప్‌ వెంగ్‌సర్కార్‌ తెలిపాడు.సెలక్టర్లకు క్రెడిట్‌ ఇవ్వాలిఅదే విధంగా.. ‘‘టీమిండియా విజయంలో సెలక్టర్లకు తప్పకుండా క్రెడిట్‌ ఇవ్వాలి. ఆస్ట్రేలియా సిరీస్‌లో రోహిత్‌ శర్మ వైఫల్యం తర్వాత కూడా అతడిని కెప్టెన్‌గా కొనసాగించారు. అంతేకాదు.. చాంపియన్స్‌ ట్రోఫీలో ఐదుగురు స్పిన్నర్లను ఆడించాలన్న వారి నిర్ణయం కూడా సరైందని నిరూపితమైంది’’ అని దిలీప్‌ వెంగ్‌సర్కార్‌ బీసీసీఐ సెలక్షన్‌ కమిటీని ప్రశంసించాడు.కాగా చాంపియన్స్‌ ట్రోఫీ గెలిచిన భారత స్పిన్‌ దళంలో కుల్దీప్‌ యాదవ్‌, వరుణ్‌ చక్రవర్తిలతో పాటు ఆల్‌రౌండర్లు రవీంద్ర జడేజా, అక్షర్‌ పటేల్‌, వాషింగ్టన్‌ సుందర్‌ ఉన్నారు. వీరిలో సుందర్‌ ఒక్కడే పూర్తిస్థాయిలో బెంచ్‌కే పరిమితమయ్యాడు. ఇదిలా ఉంటే.. కివీస్‌తో ఫైనల్లో మిచెల్‌ సాంట్నర్‌ బౌలింగ్‌లో లాంగాన్‌ మీదుగా షాట్‌కు యత్నించి రచిన్‌ రవీంద్రకు క్యాచ్‌ ఇచ్చి పెవిలియన్‌ చేరాడు.చదవండి: అదే జరిగితే బుమ్రా కెరీర్‌ ముగిసినట్లే: కివీస్‌ మాజీ పేసర్‌ స్ట్రాంగ్‌ వార్నింగ్‌

ఇండియన్‌ ప్రీమియర్‌ లీగ్‌(IPL)లో అత్యధిక టైటిళ్లు గెలిచిన కెప్టెన్లుగా రోహిత్‌ శర్మ(Rohit Sharma), మహేంద్ర సింగ్‌(MS Dhoni) కొనసాగుతున్నారు. ముంబై ఇండియన్స్‌ను ఏకంగా ఐదుసార్లు చాంపియన్‌గా నిలిపిన ఘనత హిట్‌మ్యాన్‌కు దక్కగా.. అతడి తర్వాత ఐదుసార్లు ట్రోఫీ గెలిచిన సారథిగా ధోని చరిత్రకెక్కాడు. చెన్నై సూపర్‌ కింగ్స్‌ నాయకుడిగా ఈ ఫీట్‌ నమోదు చేశాడు.విన్నింగ్‌ కెప్టెన్ల జాబితాలోఇక గతేడాది కోల్‌కతా నైట్‌ రైడర్స్‌(KKR)ను విజేతగా నిలపడం ద్వారా మరో టీమిండియా స్టార్‌ శ్రేయస్‌ అయ్యర్‌ కూడా విన్నింగ్‌ కెప్టెన్ల జాబితాలో చోటు సంపాదించాడు. గౌతం గంభీర్‌ తర్వాత కేకేఆర్‌ను చాంపియన్‌గా నిలిపిన రెండో సారథిగా నిలిచాడు. అతడి సారథ్యంలో కోల్‌కతా గతేడాది అద్భుత విజయాలు సాధించింది.లీగ్‌ దశలో పద్నాలుగింట తొమ్మిది మ్యాచ్‌లు గెలిచి టాపర్‌గా ప్లే ఆఫ్స్‌ చేరిన కేకేఆర్‌.. క్వాలిఫయర్‌-1లో సన్‌రైజర్స్‌ హైదరాబాద్‌ను ఓడించి ఫైనల్‌లో అడుగుపెట్టింది. టైటిల్‌ పోరులోనూ మరోసారి సన్‌రైజర్స్‌తో తలపడి పైచేయి సాధించి.. విజేతగా అవతరించింది. దీంతో ఓవరాల్‌గా మూడోసారి కేకేఆర్‌ ఈ క్యాష్‌ రిచ్‌లీగ్‌లో విన్నర్‌గా నిలిచింది.అయితే, ఈ విషయంలో తనకు రావాల్సినంత గుర్తింపు దక్కలేదంటున్నాడు శ్రేయస్‌ అయ్యర్‌. ఐపీఎల్‌లో టైటిల్‌ సాధించినా తను కోరుకున్నట్లుగా ఏదీ జరుగలేదని పేర్కొన్నాడు. కాగా శ్రేయస్‌ ఇటీవల ఐసీసీ చాంపియన్స్‌ ట్రోఫీ-2025లో అదరగొట్టిన విషయం తెలిసిందే. ఈ మెగా వన్డే టోర్నమెంట్లో ఐదు ఇన్నింగ్స్‌లో కలిపి 243 పరుగులతో టీమిండియా తరఫున టాప్‌ రన్‌ స్కోరర్‌గా నిలిచాడు.తద్వారా భారత్‌ ట్రోఫీ గెలవడంలో కీలక పాత్ర పోషించి ప్రశసంలు అందుకుంటున్నాడు. ఇదిలా ఉంటే.. ఐపీఎల్‌-2024లో కేకేఆర్‌ను విజేతగా నిలిపినప్పటికీ వేలానికి ముందు ఫ్రాంఛైజీ శ్రేయస్‌ అయ్యర్‌ను రిటైన్‌ చేసుకోలేదు. దీంతో ఇరువర్గాల మధ్య విభేదాలు తలెత్తాయనే వార్తలు వచ్చాయి.ఈ నేపథ్యంలో ఐపీఎల్‌-2025 మెగా వేలంలో పాల్గొన్న శ్రేయస్‌ అయ్యర్‌ ఊహించని ధరకు అమ్ముడయ్యాడు. పంజాబ్‌ కింగ్స్‌ అతడి కోసం ఏకంగా రూ. 26.75 కోట్లు ఖర్చు చేసింది. కేకేఆర్‌తో పోటీపడి అయ్యర్‌ను భారీ ధరకు తమ సొంతం చేసుకుంది. ఐపీఎల్‌-2025లో తమ కెప్టెన్‌గా నియమించింది.కోరుకున్న గుర్తింపు దక్కలేదుఈ క్రమంలో చాంపియన్స్‌ ట్రోఫీ విజయం తర్వాత శ్రేయస్‌ అయ్యర్‌ గత జ్ఞాపకాలు గుర్తు చేసుకున్నాడు. ‘‘ఐపీఎల్‌ టైటిల్‌ గెలిచిన తర్వాత కూడా నేను కోరుకున్నంత.. నాకు దక్కాల్సినంత గుర్తింపు దక్కలేదని అనిపిస్తోంది. అయితే, వ్యక్తిగతంగా నా ప్రదర్శన, కెప్టెన్సీ పట్ల నేను సంతృప్తిగా ఉన్నాను.ఎవరూ లేనపుడు కూడా మనం సరైన, న్యాయమైన దారిలో వెళ్తేనే విలువ. వ్యక్తిగా మనకు అన్నింటికంటే నిజాయితీ అతి ముఖ్యమైనది. అలాగని నాకు ఎవరి మీదా అసహనం, అసంతృప్తి లేదు. ఐపీఎల్‌ ఆడినందు వల్లే చేదు జ్ఞాపకాల నుంచి బయటపడ్డాను. అదృష్టవశాత్తూ టైటిల్‌ కూడా గెలిచి మనుపటిలా ఆత్మవిశ్వాసంతో ముందుకు సాగుతున్నాను’’ అని శ్రేయస్‌ అయ్యర్‌ టైమ్స్‌ ఆఫ్‌ ఇండియాతో పేర్కొన్నాడు.క్రెడిట్‌ మొత్తం అతడి ఖాతాలోకే కాగా ప్రస్తుతం టీమిండియా హెడ్‌కోచ్‌గా ఉన్న గంభీర్‌ గతేడాది కేకేఆర్‌ మెంటార్‌గా వ్యవహరించాడు. కోల్‌కతా టైటిల్‌ గెలిచిన క్రెడిట్‌ మొత్తం అతడి ఖాతాలోకే వెళ్లిందన్నది బహిరంగ రహస్యమే. ఈ విజయం తర్వాతే అతడిని భారత క్రికెట్‌ నియంత్రణ మండలి ప్రధాన కోచ్‌గా నియమించింది. ఒక్కసారి కూడా కోచ్‌గా పని చేసిన అనుభవం లేకపోయినా గంభీర్‌పై నమ్మకం ఉంచింది. అయితే, టెస్టుల్లో అతడి మార్గదర్శనంలో న్యూజిలాండ్‌ చేతిలో 3-0తో వైట్‌వాష్‌.. ఆస్ట్రేలియాతో బోర్డర్‌- గావస్కర్‌ ట్రోఫీ ఓడిన భారత్‌.. చాంపియన్స్‌ ట్రోఫీలో మాత్రం విజేతగా నిలిచింది.చదవండి: CT: ఇండియా-‘బి’ టీమ్‌ కూడా ఫైనల్‌ చేరేది: ఇంగ్లండ్‌ మాజీ కెప్టెన్‌

టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer) టెస్టుల్లో పునరాగమనంపై దృష్టి సారించాడు. దేశవాళీ టోర్నమెంట్లలో తాను అద్భుతంగా రాణించానని.. అందుకే తాను తిరిగి జాతీయ జట్టుకు ఆడతాననే ధీమా వ్యక్తం చేశాడు. కాగా వన్డే ప్రపంచకప్‌-2023 తర్వాత క్రమశిక్షణారాహిత్యానికి పాల్పడ్డాడనే కారణంతో బీసీసీఐ(BCCI) శ్రేయస్‌ అయ్యర్‌పై వేటు వేసిన విషయం తెలిసిందే. దేశవాళీ క్రికెట్‌ ఆడాలన్న నిబంధనలను గాయం సాకు చూపి తప్పించుకున్నాడని భావించిన బోర్డు.. అయ్యర్‌ వార్షిక కాంట్రాక్టును రద్దు చేసింది. ఈ నేపథ్యంలో ముంబై తరఫున దేశీ బరిలో దిగిన ఈ కుడిచేతి వాటం బ్యాటర్‌.. గతేడాది శ్రీలంకతో వన్డే సిరీస్‌ సందర్భంగా టీమిండియాలో చోటు దక్కించుకున్నాడు.ఇక తాజాగా ఐసీసీ చాంపియన్స్‌ ట్రోఫీ-2025(ICC Champions Trophy)లో సత్తా చాటిన శ్రేయస్‌ అయ్యర్‌.. ఈ వన్డే టోర్నీలో భారత్‌ తరఫున టాప్‌ రన్‌ స్కోరర్‌గా నిలిచాడు. నాలుగో స్థానంలో బ్యాటింగ్‌ చేసి ఐదు ఇన్నింగ్స్‌లో కలిపి 243 పరుగులు సాధించాడు. తద్వారా ఈ మెగా ఈవెంట్లో అత్యధిక పరుగుల వీరుల జాబితాలో న్యూజిలాండ్‌ స్టార్‌, ప్లేయర్‌ ఆఫ్‌ ది టోర్నమెంట్‌ రచిన్‌ రవీంద్ర(263) తర్వాతి స్థానాన్ని ఆక్రమించాడు.ఇదిలా ఉంటే.. వన్డేల్లో తానేంటో మరోసారి నిరూపించుకున్న శ్రేయస్‌ అయ్యర్‌.. టీమిండియా టెస్టు రీఎంట్రీకి తాను సిద్ధమనే సంకేతాలు ఇచ్చాడు. ‘టైమ్స్‌ ఆఫ్‌ ఇండియా’తో మాట్లాడుతూ.. ‘‘టెస్టుల్లో పునరాగమనం చేయాలని ఉంది. వీలైనంత ఎక్కువగా క్రికెట్‌ ఆడాలని భావిస్తున్నా.నేను ఉత్తమంగా రాణించానుదేశవాళీ టోర్నమెంట్లో నేను ఉత్తమంగా రాణించాను. అయితే, నా చేతుల్లో ఏమీ లేదు. ఏం జరుగుతుందో వేచి చూడాల్సిందే. కానీ ఈ విషయం గురించి పదే పదే ఆలోచించను. దాని వల్ల అనసవరంగా నా మెదడుపై ఒత్తిడి పెరుగుతుంది.అనుకున్నది జరుగకపోతే మానసికంగానూ కాస్త ఇబ్బంది పడాల్సి వస్తుంది. ఈ క్షణాన్ని ఆస్వాదిస్తా. విజయాన్ని సెలబ్రేట్‌ చేసుకుంటా. సమయం వచ్చినపుడు అవకాశం అదే తలుపుతడుతుంది. ముందుగా చెప్పినట్లు నేను భవిష్యత్తు, గతం గురించి ఎక్కువగా ఆలోచించే మనిషిని కాను. ప్రస్తుతం నేను ఇలా ఉండటానికి కారణం అదే’’ అని శ్రేయస్‌ అయ్యర్‌ చెప్పుకొచ్చాడు. కాగా చివరిసారిగా అయ్యర్‌ గతేడాది ఫిబ్రవరిలో ఇంగ్లండ్‌తో టెస్టు మ్యాచ్‌ ఆడాడు. ఇక ఇప్పటి వరకు మొత్తంగా టీమిండియా తరఫున 14 టెస్టులు ఆడిన ఈ ముంబైకర్‌ 811 పరుగులు చేశాడు. ఇంగ్లండ్‌తో సిరీస్‌ నాటికి!?ఇందులో ఓ శతకం కూడా ఉంది. ఇక తాజా రంజీ ట్రోఫీ సీజన్‌లో శ్రేయస్‌ అయ్యర్‌.. ఆడిన ఐదు మ్యాచ్‌లలోనే ఏకంగా 480 పరుగులు సాధించాడు. ఇక టీమిండియా జూన్‌లో ఇంగ్లండ్‌ పర్యటనకు వెళ్లనుంది. ఇందులో భాగంగా స్టోక్స్‌ బృందంతో టెస్టులు ఆడనుంది. ఈ సిరీస్‌ నాటికి అయ్యర్‌ పునరాగమనం చేసే అవకాశాలు లేకపోలేదు.చదవండి: CT: ఇండియా-‘బి’ టీమ్‌ కూడా ఫైనల్‌ చేరేది: ఇంగ్లండ్‌ మాజీ కెప్టెన్‌

పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ-2025(Champions Trophy) ఎడిషన్‌ మార్చి 9న దుబాయ్‌లో ముగిసింది. టైటిల్‌ పోరులో న్యూజిలాండ్‌తో తలపడ్డ టీమిండియా జయకేతనం ఎగురవేసి ట్రోఫీని ముద్దాడింది. గ్రూప్‌ దశలో మూడు.. సెమీస్‌, ఫైన​‍ల్‌ గెలిచి అజేయంగా ఈ వన్డే టోర్నమెంట్‌ను ముగించింది.ఇదిలా ఉంటే.. అంతర్జాతీయ క్రికెట్‌ మండలి(ICC) తాజాగా చాంపియన్స్‌ ట్రోఫీ-2025 టీమ్‌ ఆఫ్‌ ది టోర్నమెంట్‌ను ప్రకటించింది. ఈ పదకొండు మంది సభ్యుల జట్టులో భారత్‌ హవా కొనసాగింది. టీమిండియా నుంచి ఈ జట్టులో ఏకంగా ఐదుగురు క్రికెటర్లు స్థానం సంపాదించారు.పాకిస్తాన్‌కు మొండిచేయిమరోవైపు.. డిఫెండింగ్‌ చాంపియన్‌గా బరిలోకి దిగి గెలుపన్నదే లేకుండా నిష్క్రమించిన పాకిస్తాన్‌కు మొండిచేయి ఎదురైంది. అంతేకాదు.. సౌతాఫ్రికా, ఆస్ట్రేలియా, ఇంగ్లండ్‌, బంగ్లాదేశ్‌ జట్ల నుంచి కూడా ఒక్క ఆటగాడూ ఐసీసీ జట్టులో స్థానం సంపాదించలేకపోయాడు. ఇక టీమిండియా తర్వాత న్యూజిలాండ్‌ నుంచి అత్యధికంగా నలుగురు ఐసీసీ ప్లేయింగ్‌ ఎలెవన్‌లో చోటు దక్కించుకున్నారు. అదే విధంగా అఫ్గనిస్తాన్‌ నుంచి ఇద్దరు ఇందులో ఉన్నారు. అయితే, ఇందులో టీమిండియా కెప్టెన్‌ రోహిత్‌ శర్మకు మాత్రం చోటు దక్కకపోవడం గమనార్హం. ఈ జట్టుకు సారథిగా కివీస్‌ నాయకుడు మిచెల్ సాంట్నర్‌ ఎంపికయ్యాడు.‌నాలుగు వికెట్ల తేడాతో ఓడించికాగా చాంపియన్స్‌ ట్రోఫీ-2025లో గ్రూప్‌-ఎ నుంచి భారత్‌, పాకిస్తాన్, బంగ్లాదేశ్‌, న్యూజిలాండ్‌ పోటీపడగా.. టీమిండియా, కివీస్‌ సెమీస్‌ చేరాయి. గ్రూప్‌-బి నుంచి ఆస్ట్రేలియా, సౌతాఫ్రికా, ఇంగ్లండ్‌, అఫ్గనిస్తాన్‌ బరిలో దిగగా.. ఆసీస్‌, ప్రొటిస్‌ జట్లు సెమీ ఫైనల్‌లో అడుగుపెట్టాయి.ఈ క్రమంలో తొలి సెమీస్‌ మ్యాచ్‌లో భారత్‌- ఆసీస్‌ను... రెండో సెమీస్‌లో కివీస్‌ ప్రొటిస్‌ను ఓడించి ఫైనల్‌కు చేరుకున్నాయి. ఈ క్రమంలో దుబాయ్‌ వేదికగా ఆదివారం జరిగిన ఫైనల్లో రోహిత్‌ సేన సాంట్నర్‌ బృందాన్ని నాలుగు వికెట్ల తేడాతో ఓడించి చాంపియన్‌గా అవతరించింది. ఈ మ్యాచ్‌లో 76 పరుగులతో రాణించిన భారత సారథి రోహిత్‌ శర్మ ప్లేయర్‌ ఆఫ్‌ ది మ్యాచ్‌గా నిలవగా.. మొత్తంగా రెండు శతకాల సాయంతో 263 పరుగులు సాధించిన కివీస్‌ యువ ఆటగాడు రచిన్‌ రవీంద్రకు ప్లేయర్‌ ఆఫ్‌ ది టోర్నమెంట్‌ అవార్డు దక్కింది.ఐసీసీ చాంపియన్స్‌ ట్రోఫీ-2025 ‘టీమ్‌ ఆఫ్‌ ది టోర్నమెంట్‌’రచిన్‌ రవీంద్ర(న్యూజిలాండ్‌), ఇబ్రహీం జద్రాన్‌(అఫ్గనిస్తాన్‌), విరాట్‌ కోహ్లి(ఇండియా), శ్రేయస్‌ అయ్యర్‌(ఇండియా), కేఎల్‌ రాహుల్‌(ఇండియా), గ్లెన్‌ ఫిలిప్స్‌(న్యూజిలాండ్‌), అజ్మతుల్లా ఒమర్జాయ్‌(అఫ్గనిస్తాన్‌), మిచెల్‌ సాంట్నర్‌(కెప్టెన్‌, న్యూజిలాండ్‌), మ్యాట్‌ హెన్రీ(న్యూజిలాండ్‌), వరుణ్‌ చక్రవర్తి(ఇండియా)12వ ఆటగాడు: అక్షర్‌ పటేల్‌(ఇండియా)చాంపియన్స్‌ ట్రోఫీ-2025లో వీరి ప్రదర్శన👉రచిన్‌ రవీంద్ర- రెండు శతకాల సాయంతో 263 రన్స్‌. స్పిన్‌ బౌలర్‌గానూ రాణించిన రచిన్‌. ప్లేయర్‌ ఆఫ్‌ ది టోర్నమెంట్‌గా ఎంపిక👉ఇబ్రహీం జద్రాన్‌- ఒక సెంచరీ సాయంతో 216 పరుగులు. ఇంగ్లండ్‌పై అఫ్గన్‌ గెలుపొందడంలో కీలక పాత్ర👉విరాట్‌ కోహ్లి- ఒక శతకం సాయంతో 218 పరుగులు. పాకిస్తాన్‌పై అజేయ సెంచరీ. వన్డేల్లో అత్యంత వేగంగా పద్నాలుగు వేల మార్కు అందుకున్న క్రికెటర్‌గా ప్రపంచ రికార్డు.👉శ్రేయస్‌ అయ్యర్‌- రెండు అర్ధ శతకాల సాయంతో 243 రన్స్‌. టీమిండియా చాంపియన్‌గా నిలవడంతో కీలక మిడిలార్డర్‌ బ్యాటర్‌గా రాణింపు.👉కేఎల్‌ రాహుల్‌- 140 పరుగులు. వికెట్‌ కీపర్‌గానూ సేవలు.👉గ్లెన్‌ ఫిలిప్స్‌- 177 పరుగులు. రెండు వికెట్లు, ఐదు క్యాచ్‌లు.👉అజ్మతుల్లా ఒమర్జాయ్‌- 126 రన్స్‌, ఏడు వికెట్లు.👉మిచెల్‌ సాంట్నర్‌- 4.80 ఎకానమీతో తొమ్మిది వికెట్లు👉మహ్మద్‌ షమీ- 5.68 ఎకానమీతో తొమ్మిది వికెట్లు. ఇందులో ఓ ఫైవ్‌ వికెట్‌ హాల్‌.👉మ్యాట్‌ హెన్రీ- 5.32 ఎకానమీతో పది వికెట్లు👉వరుణ్‌ చక్రవర్తి- 4.53 ఎకానమీతో తొమ్మిది వికెట్లు👉అక్షర్‌ పటేల్‌- 4.35 ఎకానమీతో ఐదు వికెట్లు.చదవండి: అతడు మా నుంచి మ్యాచ్‌ లాగేసుకున్నాడు.. ఓడినా గర్వంగానే ఉంది: కివీస్‌ కెప్టెన్‌ View this post on Instagram A post shared by Team India (@indiancricketteam)

తొలిసారి ఐసీసీ ట్రోఫీని ముద్దాడిన అనుభూతిని మాటల్లో వర్ణించలేనంటున్నాడు టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer). ప్రస్తుతం తన కాళ్లు నేలమీద నిలవడం లేదని.. ఇంతకంటే గొప్ప భావన మరొకటి ఉండదంటూ ఆనందంలో మునిగితేలుతున్నాడు. డ్రెస్సింగ్‌ రూమ్‌లో సహచర ఆటగాళ్ల సంతోషం చూసి తన మనసు గాల్లో తేలిందని ఉద్వేగానికి లోనయ్యాడు.అనూహ్య పరిస్థితుల్లో జట్టుకు దూరంకాగా వన్డే ప్రపంచకప్‌-2023లో అద్భుతంగా రాణించిన శ్రేయస్‌ అయ్యర్‌.. ఆ తర్వాత అనూహ్య పరిస్థితుల్లో జట్టుకు దూరమయ్యాడు. దేశవాళీ క్రికెట్‌ ఆడాలన్న బీసీసీఐ నిబంధనలు ఉల్లంఘించాడన్న ఆరోపణలతో సెంట్రల్‌ కాంట్రాక్టు(BCCI Cetral Contract) కూడా కోల్పోయాడు. అయితే, ఈ ముంబైకర్‌ తనకు ఎదురైన చేదు అనుభవాల నుంచి పాఠాలు నేర్చుకుని తనను తాను సరిదిద్దుకున్నాడు.తప్పులు సరిదిద్దుకుని..బోర్డు ఆదేశాలను పాటిస్తూ ముంబై తరఫున దేశీ క్రికెట్‌ బరిలో దిగిన శ్రేయస్‌.. కఠినశ్రమ, అంకితభావంతో తనను నిరూపించుకున్నాడు. వన్డే టోర్నమెంట్‌ విజయ్‌ హజారే ట్రోఫీలో విధ్వంసకర బ్యాటింగ్‌తో విరుచుకుపడ్డ ఈ ముంబై ఆటగాడు... దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీలో కెప్టెన్‌గా వ్యవహరించి టైటిల్‌ గెలిచాడు. రంజీల్లో సత్తా చాటి తన విలువను చాటుకున్నాడు.అంతేకాదు.. ఐపీఎల్‌-2024(IPL 2024)లో కోల్‌కతా నైట్‌ రైడర్స్‌ సారథిగా వ్యవహరించి.. జట్టును చాంపియన్‌గా నిలిపాడు. ఈ క్రమంలో భారత క్రికెట్‌ జట్టులో పునరాగమనం చేసిన శ్రేయస్‌ అయ్యర్‌.. స్వదేశంలో ఇంగ్లండ్‌తో జరిగిన వన్డే సిరీస్‌లో సూపర్‌ ఫామ్‌తో పరుగులు రాబట్టాడు. తొలి వన్డేకు మోకాలి నొప్పి కారణంగా విరాట్‌ కోహ్లి దూరం కాగా.. అతడి స్థానంలో తుదిజట్టులో చోటు దక్కించుకుని జట్టుకు విజయాలు అందించాడు.జట్టుకు వెన్నెముకలా నిలిచిఈ క్రమంలో ఐసీసీ చాంపియన్స్‌ ట్రోఫీ-2025కి ఎంపికైన జట్టులో స్థానం సంపాదించిన శ్రేయస్‌ అయ్యర్‌ ఇక్కడా అద్బుతంగా రాణించాడు. మిడిలార్డర్‌లో కీలకమైన నాలుగో స్థానంలో రాణిస్తూ జట్టుకు వెన్నెముకలా నిలిచాడు. ఈ వన్డే టోర్నమెంట్లో మొత్తంగా టీమిండియా ఆడిన ఐదు మ్యాచ్‌లలో కలిపి శ్రేయస్‌ 48.60 సగటుతో 243 పరుగులు రాబట్టాడు. ఇందులో రెండు అర్ధ శతకాలు ఉన్నాయి.20 పరుగుల తేడాతో..తద్వారా ఈ టోర్నీలో టీమిండియా తరఫున టాప్‌ రన్‌ స్కోరర్‌గా నిలిచిన శ్రేయస్‌ అయ్యర్‌.. ‘ప్లేయర్‌ ఆఫ్‌ ది టోర్నమెంట్‌’గా నిలిచిన రచిన్‌ రవీంద్రకు 20 పరుగుల దూరంలో నిలిచిపోయాడు. రచిన్‌ రెండు శతకాల సాయంతో 263 పరుగులు సాధించి ఓవరాల్‌గా అత్యధిక పరుగుల వీరుడిగా నిలవగా.. శ్రేయస్‌ రెండో స్థానంతో సరిపెట్టుకోవాల్సి వచ్చింది.ఇక ఆదివారం నాటి ఫైనల్లో టీమిండియా న్యూజిలాండ్‌ను ఓడించడంలోనూ శ్రేయస్‌ అయ్యర్‌ది కీలక పాత్ర. కివీస్‌ విధించిన 252 పరుగుల లక్ష్యాన్ని ఛేదించే క్రమంలో భారత్‌ శుబ్‌మన్‌ గిల్‌(31), విరాట్‌ కోహ్లి(1) రూపంలో కీలక వికెట్లు కోల్పోయిన వేళ.. రోహిత్‌ శర్మ(76)తో కలిసి శ్రేయస్‌ ఇన్నింగ్స్‌ చక్కదిద్దాడు. మొత్తంగా 62 బంతులు ఎదుర్కొని రెండు ఫోర్లు, రెండు సిక్సర్ల సాయంతో 48 పరుగులు సాధించాడు. మిగతా వాళ్లలో వికెట్‌ కీపర్‌ కేఎల్‌ రాహుల్‌(33 బంతుల్లో 34 నాటౌట్‌), హార్దిక్‌ పాండ్యా(18 బంతుల్లో 18), రవీంద్ర జడేజా(6 బంతుల్లో 9 నాటౌట్‌) రాణించారు. తద్వారా మరో ఓవర్‌ మిగిలి ఉండగానే రోహిత్‌ సేన టార్గెట్‌ పూర్తి చేసి నాలుగు వికెట్ల తేడాతో జయభేరి మోగించింది.మాటలకు అందని అనుభూతిఅనంతరం చాంపియన్‌గా నిలిచిన భారత్‌కు ట్రోఫీతో పాటు విన్నింగ్స్‌ మెడల్స్‌ అందించారు. ఈ నేపథ్యంలో శ్రేయస్‌ అయ్యర్‌ మాట్లాడుతూ.. ‘‘ఈ అనుభూతిని మాటల్లో ఎలా వర్ణించాలో తెలియడం లేదు. నేను గెలిచిన మొదటి ఐసీసీ ట్రోఫీ ఇదే. ఈ టోర్నమెంట్లో అడుగుపెట్టిన నాటి నుంచి ఫైనల్‌ వరకు మా జట్టు జైత్రయాత్ర అమోఘం.నిజం చెప్పాలంటే.. నేను ఒత్తిడిలోనే మరింత గొప్పగా రాణించగలను. సవాళ్లను ఎదుర్కోవడం నాకు భలే మజాను ఇస్తుంది. ఈ టోర్నమెంట్లో నాకు అద్భుత ఆరంభం లభించింది. దానిని అలాగే కొనసాగించాను. అయితే, భారీ స్కోర్లు సాధించలేకపోయాను. అయినప్పటికీ జట్టు విజయాలకు నా ప్రదర్శన దోహదం చేసింది కాబట్టి ఆనందంగానే ఉన్నాను. ఇంతకంటే సంతృప్తి, సంతోషం మరొకటి ఉండదు’’ అని హర్షం వ్యక్తం చేశాడు.చదవండి: అతడు మా నుంచి మ్యాచ్‌ లాగేసుకున్నాడు.. ఓడినా గర్వంగానే ఉంది: కివీస్‌ కెప్టెన్‌

భార‌త క్రికెట్ జ‌ట్టు ఏడాది తిరగక‌ముందే మ‌రో ఐసీసీ టైటిల్‌ను త‌మ ఖాతాలో వేసుకుంది. ఐసీసీ ఛాంపియ‌న్స్ ట్రోఫీ-2025 విజేత‌గా టీమిండియా నిలిచింది. దుబాయ్ వేదిక‌గా న్యూజిలాండ్‌తో జ‌రిగిన ఫైన‌ల్లో 4 వికెట్ల తేడాతో విజ‌యం సాధించిన భార‌త జ‌ట్టు.. ముచ్చటగా మూడోసారి ఛాంపియన్స్ ట్రోఫీ విజేతగా అవ‌త‌రించింది. అయితే ఈ మెగా టోర్నీలో భారత తరపున అత్యంత కీలకమైన ప్రదర్శన చేసిన‌ ఆటగాడు ఎవరంటే? కొంత‌మంది ఫైన‌ల్లో 76 ప‌రుగులు చేసిన రోహిత్ శ‌ర్మ పేరు చెబుతుంటే.. మ‌రి కొంత‌మంది పాక్‌పై సెంచ‌రీ, సెమీస్‌లో హాఫ్ సెంచ‌రీ చేసిన విరాట్ కోహ్లి పేరు చెబుతున్నారు. వీరిద్ద‌రూ కాక‌పోతే కేవ‌లం మూడు మ్యాచ్‌ల్లో 9 వికెట్ల వికెట్లు ప‌డ‌గొట్టిన మిస్ట‌రీ స్పిన్న‌ర్ వ‌రుణ్ చ‌క్ర‌వ‌ర్తి పేరును ఎంచుకుంటున్నారు.. కానీ కెప్టెన్ రోహిత్ శ‌ర్మ మాత్రం.. మిడిలార్డ‌ర్ బ్యాట‌ర్ శ్రేయ‌స్ అయ్య‌ర్(Shreyas Iyer) అంద‌రికంటే అద్బుతంగా ఆడాడ‌ని ప్ర‌శించాడు. అయ్య‌ర్ ఒక సైలెంట్ హీరో అని హిట్‌మ్యాన్ కొనియాడాడు.సూప‌ర్ శ్రేయ‌స్‌..అవును.. ఈ మెగా టోర్నీ అసాంతం శ్రేయ‌స్ అయ్య‌ర్ అద్బుత‌మైన ప్ర‌ద‌ర్శ‌న క‌న‌బ‌రిచాడు. ఈ టోర్నీలో జ‌ట్టు క‌ష్టాల్లో ఉన్న ప్ర‌తీసారి అత‌డు ముందుకు వ‌చ్చి ఆదుకున్నాడు. మిడిలార్డ‌ర్‌లో భార‌త జ‌ట్టు వెన్నెముకగా నిలిచాడు. న్యూజిలాండ్‌తో జ‌రిగిన ఫైన‌ల్ మ్యాచ్‌లోనూ అయ్య‌ర్ కీల‌క ఇన్నింగ్స్ ఆడాడు. రోహిత్ శ‌ర్మ ఔటయ్యాక అక్షర్ పటేల్‌తో కలిసి నాలుగో వికెట్‌కు 61 ప‌రుగుల మ్యాచ్ విన్నింగ్ భాగస్వామ్యం నెల‌కొల్పాడు. ఒక‌వేళ ఈ భాగస్వామ్యం రాక‌పోయింటే ప‌రిస్థితి మ‌రో విధంగా ఉండేది. ఓవ‌రాల్‌గా శ్రేయ‌స్ 5 మ్యాచ్‌ల్లో 243 పరుగులు చేశాడు. ఈ టోర్న‌మెంట్‌లో భార‌త్ త‌ర‌పున అత్య‌ధిక ప‌రుగుల చేసిన ఆట‌గాడిగా అయ్య‌ర్ నిలిచాడు."శ్రేయ‌స్ అయ్య‌ర్ మాకు సైలెంట్ హీరో. అత‌డు మిడిలార్డ‌ర్‌లో చాలా కీల‌క‌మైన ఆట‌గాడు. ఈ మ్యాచ్‌లో నేను ఔట‌య్యాక అయ్య‌ర్ అద్భుత‌మైన ఇన్నింగ్స్ ఆడాడు. అక్షర్‌తో భాగస్వామ్యం నెలకొల్పాడు. ప్రతీ మ్యాచ్‌లోనూ తన వంతు పాత్ర పోషించాడు. అతడు ఒత్తిడిలో ఇంకా అద్బుతంగా ఆడుతాడని" రోహిత్‌ శర్మ పేర్కొన్నాడు.అప్పుడు వేటు.. ఇప్పుడు ప్ర‌మోష‌న్‌కాగా గ‌తేడాది అయ్య‌ర్ త‌న కెరీర్‌లో క‌ఠిన పరిస్థితుల‌ను ఎదుర్కొన్నాడు. దేశవాళీ క్రికెట్‌లో ఆడాల‌న్న త‌మ ఆదేశాల‌ను ధిక్క‌రించ‌డంతో అయ్య‌ర్‌ను సెంట్ర‌ల్ కాంట్రాక్ట్ నుంచి బీసీసీఐ త‌ప్పించింది. అంతేకాకుండా అత‌డు జాతీయ జ‌ట్టుకు కూడా దూర‌మ‌య్యాడు. ఈ క్ర‌మంలో అత‌డి ప‌ని అయిపోయింది అంతా భావించారు. కానీ అయ్య‌ర్ మాత్రం ప‌డిలేచిన కేర‌టంలా తిరిగొచ్చాడు.దేశవాళీ క్రికెట్‌లో అద్బుత‌మైన ప్ర‌ద‌ర్శ‌న క‌న‌బ‌రచ‌డంతో అత‌డిని సెల‌క్ట‌ర్లు తిరిగి జాతీయ జ‌ట్టులోకి తీసుకున్నారు. త‌న రీ ఎంట్రీలో అయ్య‌ర్ దుమ్ములేపుతున్నాడు. ఈ క్ర‌మంలో అత‌డికి తిరిగి సెంట్ర‌ల్ కాంట్రాక్ట్ ఇవ్వాల‌ని బీసీసీఐ నిర్ణయించుకుంది. త్వ‌ర‌లోనే బీసీసీఐ అధికారికంగా ప్ర‌క‌టించ‌నుంది.చదవండి: ఛాంపియ‌న్స్ ట్రోఫీ విజేతగా భార‌త్.. ప్రైజ్‌ మనీ ఎన్ని కోట్లంటే?

ఐసీసీ ఛాంపియ‌న్స్ ట్రోఫీ-2025 టైటిల్‌ను ముద్దాడేందుకు టీమిండియా అడుగుదూరంలో నిలిచింది. దుబాయ్ వేదిక‌గా ఆదివారం జ‌ర‌గ‌నున్న ఫైన‌ల్ మ్యాచ్‌లో న్యూజిలాండ్‌తో భార‌త్ తాడోపేడో తెల్చుకోనుంది. 2017 ఛాంపియ‌న్స్ ట్రోఫీలో తుది మెట్టుపై బోల్తా ప‌డిన భార‌త జ‌ట్టు.. ఈసారి మాత్రం ఎలాగైనా విజేత‌గా నిల‌వాల‌ని పట్టుద‌ల‌తో ఉంది. అందుకు త‌గ్గ‌ట్టు ఫైన‌ల్ మ్యాచ్ కోసం రోహిత్ సేన ప్ర‌త్యేక వ్యూహాల‌ను రచిస్తోంది. హెడ్‌కోచ్ గౌతం గంభీర్ నేతృత్వంలో భారత జట్టు నెట్స్‌లో తీవ్రంగా శ్రమిస్తోంది. మరోవైపు న్యూజిలాండ్ సైతం ఛాంపియన్స్ ట్రోఫీ-2000 ఫైనల్ ఫలితాన్ని పునరావృతం చేయాలని భావిస్తోంది.2000లో జరిగిన ఛాంపియన్స్ ట్రోఫీ ఫైనల్లో కివీస్ చేతిలో మెన్ ఇన్ బ్లూ ఓటమి చవిచూసింది. అయితే అప్పటికంటే ఇప్పుడు భారత జట్టు అన్ని విభాగాల్లో పటిష్టంగా కన్పిస్తోంది. టీమిండియాను ఓడించడం అంత సులువు కాదు. ఈ నేపథ్యంలో భారత మాజీ బ్యాటర్ సబా కరీం ఆసక్తికర వ్యాఖ్యలు చేశాడు."ఛాంపియన్స్ ట్రోఫీ-2025ను గెలుచుకునేందుకు భారత్‌కు అన్ని రకాల అర్హతలు ఉన్నాయి. ప్రస్తుత భారత జట్టులో అద్బుతమైన ఆటగాళ్లు ఉన్నారు. 2013 ఛాంపియన్స్ ట్రోఫీ విజేతగా నిలిచిన తర్వాత మరోసారి 2017లో భారత్‌కు టైటిల్‌ను సొంతం చేసుకునే అవకాశం లభించింది. కానీ ఆ ఎడిషన్‌లో భారత్ తుది మెట్టుపై బోల్తా పడింది.కానీ ఈసారి మాత్రం టీమిండియా వద్ద అద్బుతమైన స్పిన్నర్లు ఉన్నారు. ఈ ఫైనల్ మ్యాచ్‌లో భారత జట్టుకు శ్రేయస్ అయ్యర్ కీలకంగా మారనున్నాడు. రోహిత్ శర్మ, విరాట్ కోహ్లిలు ఎక్స్ ఫ్యాక్టర్లగా మారుతారని నేను అనుకోవడం లేదు. వారిద్దరూ అనుభవజ్ఞులైన ఆటగాళ్లు అయినప్పటికి.. న్యూజిలాండ్‌​ బౌలర్ల ముందు కాస్త బలహీనంగా కన్పించే ఛాన్స్ ఉంది. అయితే ఈ సీనియర్ ద్వయం నుంచి ఫైటింగ్ నాక్స్ ఆశించవచ్చు.ప్రస్తుత జట్టుపై మాత్రం నాకు పూర్తి నమ్మక​ం ఉంది. ఇంగ్లండ్‌ను 3-0 తేడాతో ఓడించి ఈ మెగా టోర్నీలో అడుగుపెట్టారు. ఇక్కడ కూడా గ్రూపు మ్యాచ్‌లన్నీ గెలిచి.. ఆ తర్వాత సెమీస్‌లో ఆస్ట్రేలియాపై విజయం సాధించి ఫైనల్‌కు చేరుకున్నారు. రోహిత్ శర్మ అండ్ కో మంచి రిథమ్‌లో కన్పిస్తున్నారు.అయితే బ్లాక్ క్యాప్స్‌ను ఓడించడం అంత సలువు కాదు. గతంలో చాలా టోర్నమెంట్లలో చివరవరకు వచ్చి ఓటములను ఎదుర్కొన్నారు. అయితే ఐసీసీ టోర్నీల్లో మాత్రం భారత్‌పై వారికి మంచి రికార్డు ఉంది. కాబట్టి ఈ మ్యాచ్ రసవత్తరంగా సాగడం ఖాయమని" స్టార్‌స్పోర్ట్స్‌కు ఇచ్చిన ఇంటర్వ్యూలో కరీం పేర్కొన్నాడు.చదవండి: పాతికేళ్ల పరాజయానికి భారత్ ప్రతీకారం తీర్చుకుంటుందా?

టీమిండియా స్టార్‌ మిడిలార్డర్‌ బ్యాటర్‌ శ్రేయస్‌ అయ్యర్‌కు ప్రమోషన్‌ లభించనుందని తెలుస్తుంది. శ్రేయస్‌ బీసీసీఐ సెంట్రల్‌ కాంట్రాక్ట్‌ను తిరిగి దక్కించుకోనున్నాడని సమాచారం. ఛాంపియన్స్‌ ట్రోఫీ-2025లో అద్భుత ప్రదర్శనల తర్వాత బీసీసీఐ ఈ నిర్ణయం తీసుకున్నట్లు తెలుస్తుంది. శ్రేయస్‌ గతేడాది మార్చిలో బీసీసీఐ సెంట్రల్‌ కాంట్రాక్ట్‌ను కోల్పోయాడు. 2023 వన్డే వరల్డ్‌కప్‌లో అంచనాలకు మించి రాణించినప్పటికీ బీసీసీఐ అతని కాంట్రాక్ట్‌ను పునరుద్దరించలేదు. గత మార్చిలో శ్రేయస్‌తో పాటు ఇషాన్‌ కిషన్‌ కూడా బీసీసీఐ కాంట్రాక్ట్‌ను కోల్పోయాడు.శ్రేయస్‌ బీసీసీఐ సెంట్రల్‌ కాంట్రాక్ట్‌ కోల్పోయాక టీమిండియాలో స్థానాన్ని కూడా చేజార్చుకున్నాడు. అయితే దేశవాలీ టోర్నీల్లో అద్భుతంగా రాణించి గోడకు కొట్టిన బంతిలా తిరిగి జట్టులో చోటు సంపాదించాడు. రీఎంట్రీలో శ్రేయస్‌ మరింత రెచ్చిపోయి ఆడుతున్నాడు. ఛాంపియన్స్‌ ట్రోఫీలో 4 మ్యాచ్‌లు ఆడి 79.92 స్ట్రయిక్‌రేట్‌తో 195 పరుగులు చేశాడు. శ్రేయస్‌ ప్రదర్శనల ఆధారంగా టీమిండియా ఛాంపియన్స్‌ ట్రోఫీలో అజేయంగా ఫైనల్‌కు చేరింది.ఈ టోర్నీలో శ్రేయస్‌ జట్టు కష్టాల్లో ఉన్నప్పుడు అత్యంత కీలకమైన ఇన్నింగ్స్‌లు ఆడాడు. మొదటి బ్యాటింగ్‌తో పాటు ఛేదనలోనూ సత్తా చాటాడు. బంగ్లాదేశ్‌తో జరిగిన తొలి మ్యాచ్‌లో నిరాశపరిచిన (17 బంతుల్లో 15) శ్రేయస్‌.. ఆతర్వాత చిరకాల ప్రత్యర్థి పాకిస్తాన్‌తో జరిగిన మ్యాచ్‌లో హాఫ్‌ సెంచరీతో (67 బంతుల్లో 56) మెరిశాడు. చివరి గ్రూప్‌ మ్యాచ్‌లో న్యూజిలాండ్‌పై మరో హాఫ్‌ సెంచరీ చేసిన శ్రేయస్‌.. ఆస్ట్రేలియాతో జరిగిన సెమీఫైనల్లో విరాట్‌ కోహ్లితో కలిసి కీలక ఇన్నింగ్స్‌ (45) ఆడి భారత విజయంలో ప్రధానపాత్ర పోషించాడు. ఈ ప్రదర్శనల తర్వాత శ్రేయస్‌కు ఎందుకు సెంట్రల్‌ కాంట్రాక్ట్‌ ఇవ్వకూడదని చర్చ మొదలైంది. దీంతో బీసీసీఐ శ్రేయస్‌కు తిరిగి సెంట్రల్‌ కాంట్రాక్ట్‌ ఇచ్చి గౌరవించుకోవాలని భావిస్తుంది. బీసీసీఐ మరికొద్ది రోజుల్లో అధికారికంగా సెంట్రల్‌ కాంట్రాక్ట్‌ ఆటగాళ్ల జాబితాను ప్రకటించనుంది. సెంట్రల్‌ కాంట్రాక్ట్‌ జాబితాలోకి కొత్తగా వరుణ్‌ చక్రవర్తి వచ్చే అవకాశం ఉంది.ఇదిలా ఉంటే, ప్రస్తుతం జరుగుతున్న ఛాంపియన్స్‌ ట్రోఫీలో టీమిండియా ఫైనల్‌కు చేరిన విషయం తెలిసిందే. సెమీస్‌లో ఆసీస్‌ను మట్టికరిపించిన భారత్‌ తుది సమరానికి అర్హత సాధించింది. మరోవైపు న్యూజిలాండ్‌ సెమీస్‌లో సౌతాఫ్రికాను చిత్తు చేసి తుది పోరుకు అర్హత సాధించింది. భారత్‌, న్యూజిలాండ్‌ మధ్య ఫైనల్‌ మ్యాచ్‌ ఈనెల 9వ తేదీన దుబాయ్‌ వేదికగా జరుగనుంది. భారతకాలమానం​ ప్రకారం ఈ మ్యాచ్‌ మధ్యాహ్నం 2:30 గంటలకు ప్రారంభమవుతుంది.ఛాంపియన్స్‌ ట్రోఫీ ఫైనల్లో భారత్‌, న్యూజిలాండ్‌ తలపడటం ఇది రెండో సారి. 2000 ఎడిషన్‌లో ఇరు జట్లు ఎదురెదురుపడగా.. న్యూజిలాండ్‌ భారత్‌ను ఓడించి తమ తొలి ఐసీసీ టైటిల్‌ను సొంతం చేసుకుంది. ఈ ఇరు జట్లు ఇనాగురల్‌ డబ్ల్యూటీసీ ఫైనల్లోనూ (2019-2021) తలపడ్డాయి. ఈసారి కూడా న్యూజిలాండ్‌ భారత్‌ను ఓడించి తమ రెండో ఐసీసీ టైటిల్‌ను ఎగరేసుకుపోయింది. న్యూజిలాండ్‌, తమ రెండు ఐసీసీ టైటిళ్లను భారత్‌పైనే గెలవడం విశేషం.

ఐసీసీ చాంపియన్స్‌ ట్రోఫీ-2025 (ICC Champions Trophy)ఫైనల్‌లో టీమిండియా- న్యూజిలాండ్‌(India vs New Zealand) అమీతుమీ తేల్చుకోనున్నాయి. పాతికేళ్ల తర్వాత మరోసారి ఈ రెండు జట్లు ఈ మెగా వన్డే టోర్నీ టైటిల్‌ పోరులో తలపడనుండటంతో సర్వత్రా ఆసక్తి నెలకొంది. నాడు కివీస్‌ టీమిండియాపై పైచేయి సాధించి ఐసీసీ నాకౌట్‌ ట్రోఫీ గెలవగా.. ప్రస్తుత పరిస్థితుల్లో మాత్రం అన్ని విభాగాల్లోనూ భారత్‌ పటిష్టంగా కనిపిస్తోంది.ఈ నేపథ్యంలో ఈసారి ఫైనల్‌ మామూలుగా ఉండబోదని ఇరుజట్ల అభిమానులు ఈ రసవత్తర పోరు కోసం ఎదురుచూస్తున్నారు. దుబాయ్‌ వేదికగా ఆదివారం భారత్‌- కివీస్‌ తలపడబోతున్నాయి. ఈ నేపథ్యంలో భారత మాజీ క్రికెటర్‌ ఆకాశ్‌ చోప్రా(Aakash Chopra) ఆసక్తికర వ్యాఖ్యలు చేశాడు. ‘ఎక్స్‌’ ఫ్యాక్టర్‌ అతడేటైటిల్‌ సమరంలో టీమిండియా తరఫున మిడిలార్డర్‌ శ్రేయస్‌ అయ్యర్‌ ‘ఎక్స్‌’ ఫ్యాక్టర్‌ అవుతాడని అంచనా వేసిన ఈ మాజీ ఓపెనర్‌.. శుబ్‌మన్‌ గిల్‌ కూడా కీలకం కాబోతున్నాడని పేర్కొన్నాడు. ఏదేమైనా ఈసారి కివీస్‌ బౌలర్లు ప్రధానంగా శ్రేయస్‌ అయ్యర్‌నే టార్గెట్‌ చేస్తారని ఆకాశ్‌ చోప్రా అభిప్రాయపడ్డాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘న్యూజిలాండ్‌పై వన్డేల్లో శ్రేయస్‌ అయ్యర్‌ ఒక్కసారి మాత్రమే 30 కంటే తక్కువ పరుగులు చేశాడనుకుంటా. అదొక్కటి మినహా ప్రతిసారీ అతడు కివీస్‌పై బాగానే రన్స్‌ రాబట్టాడు. కాబట్టి ఈసారి అతడినే ఎక్కువగా టార్గెట్‌ చేస్తారనిపిస్తోంది.మిడిల్‌ ఓవర్లలో వాళ్లు బాగా బౌలింగ్‌ చేస్తున్నారు. మిచెల్‌ సాంట్నర్‌, బ్రాస్‌వెల్‌ లేదంటే రచిన్‌ రవీంద్ర, గ్లెన్‌ ఫిలిప్స్‌.. ఈ నలుగురే ఎక్కువగా బరిలోకి దిగవచ్చు. ఎందుకంటే శ్రేయస్‌ అయ్యర్‌ స్పిన్‌ బాగా ఆడతాడు కదా! అందుకే అతడిని త్వరగా పెవిలియన్‌కు పంపేందుకు ఈ స్పిన్‌ బౌలర్లు ప్రయత్ని​స్తారు. అతడిపైనే దృష్టి పెడతారు’’ అని ఆకాశ్‌ చోప్రా అభిప్రాయపడ్డాడు.కివీస్‌తో ఆటంటే శ్రేయస్‌కు మజాకాగా న్యూజిలాండ్‌తో వన్డేల్లో ఇప్పటి వరకు ఎనిమిది ఇన్నింగ్స్‌ ఆడిన శ్రేయస్‌ అయ్యర్‌.. సగటున 70.38తో 563 పరుగులు సాధించాడు. ఇందులో రెండు శతకాలు, నాలుగు హాఫ్‌ సెంచరీలు ఉండటం విశేషం. ఇక కివీస్‌పై శ్రేయస్‌ అత్యల్ప స్కోరు 33. ఈ నేపథ్యంలో ఆకాశ్‌ చోప్రా పైవిధంగా స్పందించాడు.ఇక ఓపెనింగ్‌ బ్యాటర్‌ శుబ్‌మన్‌ గిల్‌ గురించి ప్రస్తావిస్తూ.. ‘‘బంగ్లాదేశ్‌పై సెంచరీ చేయడం ద్వారా ఈ ఐసీసీ టోర్నీలో గిల్‌ బిగ్‌బ్యాంగ్‌తో ముందుకు వచ్చాడు. పాకిస్తాన్‌పై కూడా మెరుగ్గా ఆడాడు. అయితే, ఆ తర్వాత అతడు కాస్త వెనుకబడ్డాడు. ఫైనల్లో బ్యాట్‌ ఝులిపిస్తేనే జట్టుకు, అతడికి ప్రయోజనకరంగా ఉంటుంది. మరో విరాట్‌ కావాలంటే గిల్‌ ఫైనల్లో తన ముద్రను వేయాలి. శ్రేయస్‌ అయ్యర్‌, శుబ్‌మన్‌ గిల్‌ గనుక రాణిస్తే చాంపియన్స్‌ ట్రోఫీ మనదే అని రాసిపెట్టుకోవచ్చు’’ అని ఆకాశ్‌ చోప్రా పేర్కొన్నాడు. డబుల్‌ సెంచరీ వీరుడుకాగా కివీస్‌పై గిల్‌కు కూడా గొప్ప రికార్డు ఉంది. ఇప్పటి వరకు కివీస్‌పై పదకొండు ఇన్నింగ్స్‌లో అతడు 592 పరుగులు సాధించాడు. ఇందులో రెండు సెంచరీలు ఉండగా.. హైదరాబాద్‌లో 2023లో డబుల్‌ సెంచరీ(208) కూడా కివీస్‌పైనే సాధించాడు. చదవండి: కెప్టెన్సీకి రోహిత్‌ శర్మ గుడ్‌బై? ఆటగాడిగా కొనసాగింపు? బీసీసీఐ నిర్ణయం?

టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer) ప్రస్తుతం మంచి ఫామ్‌లో ఉన్నాడు. దేశవాళీ క్రికెట్‌లో దుమ్ములేపిన ఈ ముంబై బ్యాటర్‌.. ఐసీసీ చాంపియన్స్‌ ట్రోఫీ-2025(ICC Champions Trophy)లో అదే జోరును కొనసాగిస్తున్నాడు. విలువైన ఇన్నింగ్స్‌ ఆడుతూ భారత్‌ ఫైనల్‌ చేరడంలో తన వంతు పాత్ర పోషించాడు.ఈ వన్డే టోర్నమెంట్లో భాగంగా తొలుత బంగ్లాదేశ్‌తో జరిగిన మ్యాచ్‌లో శ్రేయస్‌ అయ్యర్‌ కాస్త నిరాశపరిచాడు. కేవలం 15 పరుగులే చేసి నిష్క్రమించాడు. అయితే, సెమీస్‌ చేరాలంటే చిరకాల ప్రత్యర్థి పాకిస్తాన్‌తో కీలకమైన మ్యాచ్‌లో మాత్రం హాఫ్‌ సెంచరీతో మెరిశాడు. 67 బంతుల్లో 56 పరుగులు చేసి విరాట్‌ కోహ్లి(100 నాటౌట్‌) మంచి భాగస్వామ్యం నెలకొల్పి జట్టును గెలిపించడంలో భాగమయ్యాడు.ఆకాశమే హద్దుగాఆ తర్వాత గ్రూప్‌ దశలో ఆఖరుగా న్యూజిలాండ్‌తో మ్యాచ్‌లో అయ్యర్‌ ఆకాశమే హద్దుగా చెలరేగాడు. 98 బంతులు ఎదుర్కొని 79 పరుగులతో టీమిండియా ఇన్నింగ్స్‌లో టాప్‌ స్కోరర్‌గా నిలిచాడు. ఇక ఆస్ట్రేలియాతో సెమీ ఫైనల్లోనూ శ్రేయస్‌ అయ్యర్‌ రాణించాడు. జట్టు విజయానికి పునాది వేసే క్రమంలో 45 పరుగులతో ఆకట్టుకున్నాడు. ఇక ఈ మ్యాచ్‌లో జయభేరి మోగించిన టీమిండియా ఫైనల్‌కు చేరిన విషయం తెలిసిందే.‘ఐటం’ సాంగ్‌తో బాలీవుడ్‌లో ఎంట్రీఇదిలా ఉంటే.. భారత్‌- ఆసీస్‌ మధ్య మ్యాచ్‌ చూసేందుకు శ్రేయస్‌ అయ్యర్‌ సోదరి శ్రేష్ట అయ్యర్‌(Shresta Iyer) కూడా దుబాయ్‌ స్టేడియానికి వచ్చింది. తన తమ్ముడిని ఉత్సాహపరుస్తూ కెమెరాల దృష్టిని ఆకర్షించింది. ఈ క్రమంలో శ్రేష్టకు సంబంధించిన ఓ ఆసక్తికర వార్త తెరమీదకు వచ్చింది. కొరియోగ్రాఫర్‌, ప్రొఫెషనల్‌ డాన్సర్‌ అయిన శ్రేష్ట.. ఓ ‘ఐటం’ సాంగ్‌తో బాలీవుడ్‌లో ఎంట్రీ ఇచ్చింది.ఒకరేమో టీమిండియా స్టార్‌.. మరొకరు బాలీవుడ్‌ స్టార్‌‘సర్కారీ బచ్చా’ అనే సినిమాలో ‘అగ్రిమెంట్‌ కర్లే’ అంటూ సాగే పాటకు జోష్‌గా స్టెప్పులేసింది. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. ఇది చూసిన నెటిజన్లు.. ‘‘ఒకరేమో టీమిండియా స్టార్‌.. మరొకరు బాలీవుడ్‌ స్టార్‌’’ అంటూ అక్కాతమ్ముళ్ల ప్రతిభను మెచ్చుకుంటున్నారు. ఇక ఆసీస్‌పై భారత్‌ విజయానంతరం శ్రేష్ట మ్యాచ్‌ వీక్షిస్తున్న ఫొటోలతో పాటు.. సెలబ్రిటీలతో దిగిన ఫొటోలను ఇన్‌స్టా స్టోరీలో షేర్‌ చేసింది.కాగా ముంబైలో 1994లో జన్మించిన శ్రేయస్‌ అయ్యర్‌ 2017లో టీమిండియా తరఫున అంతర్జాతీయ క్రికెట్‌లో అడుగుపెట్టాడు. ఇప్పటి వరకు 14 టెస్టులు, 68 వన్డేలు, 51 టీ20లు ఆడి ఆయా ఫార్మాట్లలో 811, 2752, 1104 పరుగులు సాధించాడు. మరోవైపు.. శ్రేయస్‌ అక్క శ్రేష్ట అయ్యర్‌ 1990లో జన్మించింది. వీరి తండ్రి సంతోష్‌ అయ్యర్‌- కేరళకు చెందినవారు కాగా.. తల్లి రోహిణి అయ్యర్‌ స్వస్థలం మంగళూరు. వీరు ముంబైలో స్థిరపడ్డారు. ఇక అక్కాతమ్ముళ్లు శ్రేష్ట- శ్రేయస్‌లకు ఒకరంటే మరొకరి ఎనలేని ప్రేమ. సోషల్‌ మీడియా పోస్టుల ద్వారా ఎప్పటికప్పుడు ఈ విషయాన్ని ఇద్దరూ బయటపెడుతుంటారు. చదవండి: శుబ్‌మన్‌ గిల్‌ చేసిన ‘తప్పు’..! టీమిండియాకు శాపమయ్యేది! ఎందుకంటే.. View this post on Instagram A post shared by Panorama Music (@panoramamusic)

ఛాంపియ‌న్స్ ట్రోఫీ-2025లో దుమ్ములేపుతున్న భార‌త జ‌ట్టు మ‌రో కీల‌క స‌మ‌రానికి సిద్ద‌మైంది. ఈ మెగా టోర్నీ తొలి సెమీఫైన‌ల్లో దుబాయ్ వేదిక‌గా ఆస్ట్రేలియాతో టీమిండియా తాడోపేడో తెల్చుకోనుంది. ఐసీసీ టోర్నీల్లో త‌మ‌కు కొర‌క‌రాని కొయ్య‌గా మారిన ఆస్ట్రేలియాను ఈసారి ఎలాగైనా ఓడించి ముందుకు వెళ్లాల‌ని రోహిత్ సేన ప‌ట్టుద‌ల‌తో ఉంది.డ‌బ్ల్యూటీసీ ఫైన‌ల్‌-2023 ఫైన‌ల్‌తో పాటు అదే ఏడాది జ‌రిగిన వ‌న్డే వ‌ర‌ల్డ్‌క‌ప్ ఫైన‌ల్లోనూ భార‌త్‌ను ఆసీస్ ఓడించింది. దీంతో ఛాంపియ‌న్స్ ట్రోఫీ సెమీస్‌లో ఆసీస్‌ను ఓడించి ప్ర‌తీకారం తీర్చుకోవాలని భార‌త అభిమానులు ఆశిస్తున్నారు. టీమిండియా ప్ర‌స్తుతం అన్ని విభాగాల్లో ప‌టిష్టం క‌న్పిస్తోంది. లీగ్ స్టేజిలో ఆడిన మూడు మ్యాచ్‌ల్లోనూ భార‌త్ అద్భుత ప్ర‌ద‌ర్శ‌న‌తో విజ‌య భేరి మోగించింది.అదే జోరును సెమీస్‌లోనూ కొన‌సాగించాల‌ని టీమిండియా భావిస్తోంది. ఈ క్ర‌మంలో ఆసీస్‌తో మ్యాచ్‌కోసం ఆతృతగా ఎదురుచూస్తున్నట్లు భారత మిడిలార్డర్ బ్యాటర్ శ్రేయస్ అయ్యర్ తెలిపాడు. అదేవిధంగా గ‌తేడాదిగా తాను ఎదుర్కొన్న గ‌డ్డు ప‌రిస్థితుల గురుంచి కూడా అయ్య‌ర్ మా"క‌ష్టం కాలం ఎప్పుడూ శాశ్వతంగా ఉండ‌దు. నాలాంటి వాడికి ఇటువంటి క‌ఠిన ద‌శ‌ల‌ను ఎలా ఎదుర్కోవాలో బాగా తెలుసు. కష్ట కాలంలో మనల్ని ఎవరూ ఆదుకోరు. అటువంటి స‌మ‌యాల్లో మనల్ని మనం నమ్ముకుంటే ఫలితం ఉంటుంది. ఎవరిపైనా ఆధారపడకుండా ఎలా నడుచుకోవాలో గ‌తేడాది కాలం నాకు నేర్పించింది. ఇక సెమీస్ ఫైన‌ల్‌ కోసం ఆతృతగా ఎదురుచూస్తున్నాను. మాపై ఎటువంటి ఒత్తడి లేదు. ఇది ఒక సాధరణ మ్యాచ్ మాత్రమే. ఈ మ్యాచ్‌లో గెలవాలనే కోరిక మరింత రెట్టింపు అయింది" అంటూ బీసీసీఐ టీవీకి ఇచ్చిన ఇంటర్వ్యూలో అయ్యర్ పేర్కొన్నాడు. కాగా దేశీవాళీ క్రికెట్‌లో ఆడాలన్న బీసీసీఐ ఆదేశాలను ధిక్కరించడంతో అయ్యర్‌ తన సెంట్రల్‌ కాంట్రాక్ట్‌ను కోల్పోయాడు.అయితే ఆ తర్వాత తన మనసు మార్చకుని రంజీల్లో ఆడడంతో అయ్యర్‌ తిరిగి జాతీయ జట్టులోకి వచ్చాడు. తన పునరాగమనంలో అయ్యర్‌ దుమ్ములేపుతున్నాడు. ఈ మెగా టోర్నీలో మూడు మ్యాచ్‌ల్లో రెండు హాఫ్‌ సెంచరీలు శ్రేయస్‌ సాధించాడు.చదవండి: అత‌డితో మ‌న‌కు త‌ల నొప్పి.. తొంద‌ర‌గా ఔట్ చేయండి: భారత మాజీ క్రికెటర్‌

ఇండియన్‌ ప్రీమియర్‌ లీగ్‌(IPL) ఫ్రాంఛైజీ కోల్‌కతా నైట్‌ రైడర్స్‌ కీలక ప్రకటన చేసింది. తమ కొత్త కెప్టెన్‌గా టీమిండియా వెటరన్‌ క్రికెటర్‌ అజింక్య రహానే(Ajinkya Rahane)ను నియమించినట్లు సోమవారం ప్రకటించింది. అదే విధంగా.. వెంకటేశ్‌ అయ్యర్‌(Venkatesh Iyer)కు కూడా కీలక బాధ్యతలు అప్పగించినట్లు తెలిపింది.‘‘అజింక్య రహానే వంటి ఆటగాడు.. తన అనుభవం, పరిణతితో గొప్ప నాయకుడు అవుతాడని చెప్పేందుకు మేము సంతోషిస్తున్నాం. ఇక వెంకటేశ్‌ అయ్యర్‌ కూడా కేకేఆర్‌ నాయకత్వ విభాగంలో భాగంగా ఉంటాడు. వీరిద్దరు కలిసి కేకేఆర్‌ మరోసారి చాంపియన్‌గా నిలిచేందుకు.. టైటిల్‌ నిలబెట్టుకునేందుకు సహకారం అందిస్తారని పూర్తిగా విశ్వసిస్తున్నాం’’ అని కోల్‌కతా ఫ్రాంఛైజీ తమ ప్రకటనలో పేర్కొంది. కాగా ఐపీఎల్‌-2025లో కేకేఆర్‌కు రహానే కెప్టెన్‌గా వ్యవహరించనుండగా.. వైస్‌ కెప్టెన్‌గా వెంకటేశ్‌ అయ్యర్‌ సేవలు అందించనున్నాడు.గతేడాది శ్రేయస్‌ అయ్యర్‌ సారథ్యంలోకాగా గౌతం గంభీర్‌ కెప్టెన్సీలో 2012, 2014లో చాంపియన్‌గా నిలిచిన కోల్‌కతా జట్టు.. పదేళ్ల తర్వాత గతేడాది మరోసారి ట్రోఫీని ముద్దాడిన విషయం తెలిసిందే. టీమిండియా మిడిలార్డర్‌ స్టార్‌ బ్యాటర్‌ శ్రేయస్‌ అయ్యర్‌ సారథ్యంలో కేకేఆర్‌ పద్నాలుగింట తొమ్మిది మ్యాచ్‌లు గెలిచి ప్లేఆఫ్స్‌ చేరింది.క్వాలిఫైయర్‌-1లో సన్‌రైజర్స్‌ హైదరాబాద్‌ జట్టును ఓడించి ఫైనల్‌ చేరుకున్న కోల్‌కతా.. ఫైనల్లోనూ ఇదే ఫలితం పునరావృతం చేసింది. ప్యాట్‌ కమిన్స్‌ బృందాన్ని ఎనిమిది వికెట్ల తేడాతో చిత్తు చేసి విజేతగా అవతరించింది. ఈ మ్యాచ్‌లో వెంకటేశ్‌ అయ్యర్‌(26 బంతుల్లో 52 నాటౌట్‌) విధ్వంసకర ఇన్నింగ్స్‌తో విరుచుకుపడి మరో 57 బంతులు మిగిలి ఉండగానే జట్టు విజయాన్ని ఖరారుచేశాడు.విన్నింగ్‌ కెప్టెన్‌ను కోల్పోయిఅయితే, ఐపీఎల్‌-2025 మెగా వేలానికి ముందు శ్రేయస్‌ అయ్యర్‌తో పాటు వెంకటేశ్‌ అయ్యర్‌ కేకేఆర్‌ ఫ్రాంఛేజీని వీడగా.. వెంకటేశ్‌ను కోల్‌కతా మళ్లీ భారీ ధర పెట్టి దక్కించుకుంది. అతడి కోసం ఏకంగా రూ. 23.75 కోట్లు ఖర్చు చేసింది. అయితే, శ్రేయస్‌ అయ్యర్‌ను పంజాబ్‌ కింగ్స్‌ ఏకంగా రూ. 26.75 కోట్లకు కొనుగోలు చేయడంతో కేకేఆర్‌ తమ విన్నింగ్‌ కెప్టెన్‌ను కోల్పోయింది. ఇదిలా ఉంటే.. రూ. 1.50 కోట్లతో అజింక్య రహానేను కొనుక్కున్న కేకేఆర్‌ అతడిని సారథిగా నియమిస్తూ నిర్ణయం తీసుకుంది. కాగా టీమిండియా టెస్టు జట్టు వైస్‌ కెప్టెన్‌గా పనిచేసిన రహానే.. దేశవాళీ క్రికెట్‌లో ముంబైకి విజయవంతమైన కెప్టెన్‌గా కొనసాగుతున్నాడు.ఇక ఐపీఎల్‌లో ఇప్పటి వరకు 185 మ్యాచ్‌లు ఆడిన రహానే రెండు శతకాల సాయంతో 4642 పరుగులు చేశాడు. మరోవైపు.. వెంకటేశ్‌ అయ్యర్‌ 50 మ్యాచ్‌లలో 1326 రన్స్‌ సాధించాడు. ఇందులో ఓ సెంచరీ, 11 అర్థ శతకాలు ఉన్నాయి.ఐపీఎల్‌-2025లో కోల్‌కతా నైట్‌ రైడర్స్‌ జట్టు, ఏ ఆటగాడు ఎంత ధరపలికాడంటే..రింకూ సింగ్‌ (రూ. 13 కోట్లు) సునిల్‌ నరైన్‌ (రూ. 12 కోట్లు) ఆండ్రీ రసెల్‌ (రూ. 12 కోట్లు) వరుణ్‌ చక్రవర్తి (రూ. 12 కోట్లు) హర్షిత్‌ రాణా (రూ. 4 కోట్లు) రమణ్‌దీప్‌ సింగ్‌ (రూ.4 కోట్లు) వెంకటేశ్‌ అయ్యర్‌ (రూ.23.75 కోట్లు) ఆన్రిచ్‌ నోర్జే (రూ.6.50 కోట్లు) క్వింటన్‌ డికాక్‌ (రూ.3.60 కోట్లు) అంగ్‌కృష్‌ రఘువన్షీ(రూ.3 కోట్లు) స్పెన్సర్‌ జాన్సన్‌ (రూ. 2.80 కోట్లు) రహ్మనుల్లా గుర్బాజ్‌ (రూ.2 కోట్లు) మొయిన్‌ అలీ (రూ. 2 కోట్లు) వైభవ్‌ అరోరా (రూ.1.80 కోట్లు) రోవ్‌మన్‌ పావెల్‌ (రూ.1.50 కోట్లు) అజింక్య రహానే (రూ. 1.50 కోట్లు) మనీశ్‌ పాండే (రూ. 75 లక్షలు) ఉమ్రన్‌ మాలిక్‌ (రూ. 75 లక్షలు) అనుకూల్‌ రాయ్‌ (రూ. 40 లక్షలు) మయాంక్‌ మర్కండే (రూ. 30 లక్షలు) లవ్‌నిత్‌ సిసోడియా (రూ. 30 లక్షలు) చదవండి: BCCI: ‘రోహిత్‌ లావుగా ఉన్నాడు.. కెప్టెన్‌గానూ గొప్పోడు కాదు ’.. స్పందించిన బీసీసీఐ

ఐసీసీ తాజాగా విడుదల చేసిన వన్డే ర్యాంకింగ్స్‌లో (ICC ODI Rankings) భారత బ్యాటర్ల హవా కొనసాగింది. టాప్‌-10లో ఏకంగా నలుగురు భారత బ్యాటర్లు చోటు దక్కించుకున్నారు. శుభ్‌మన్‌ గిల్‌ (Shubman Gill) అగ్రస్థానంలో కొనసాగుతుండగా.. రోహిత్‌ (Rohit Sharma) మూడు, విరాట్‌ (virat Kohli) ఐదు, శ్రేయస్‌ అయ్యర్‌ (Shreyas Iyer) తొమ్మిది స్థానాల్లో ఉన్నారు. ఛాంపియన్స్‌ ట్రోఫీలో పాక్‌పై సెంచరీ చేయడంతో విరాట్‌‌ ఓ స్థానాన్ని మెరుగుపర్చుకుని ఐదో స్థానానికి చేరాడు. తాజా ర్యాంకింగ్స్‌లో ఛాంపియన్స్‌ ట్రోఫీ సెంచరీ హీరోలు గణనీయంగా లబ్ది పొందారు. విల్‌ యంగ్‌ 8 స్థానాలు మెరుగుపర్చుకుని 14వ స్థానానికి.. బెన్‌ డకెట్‌ 27 స్థానాలు మెరుగుపర్చుకుని 17వ స్థానానికి.. రచిన్‌ రవీంద్ర 18 స్థానాలు మెరుగుపర్చుకుని 24వ స్థానానికి.. టామ్‌ లాథమ్‌ 11 స్థానాలు మెరుగుపర్చుకుని 31వ స్థానానికి.. జోస్‌ ఇంగ్లిస్‌ 18 స్థానాలు మెరుగుపర్చుకుని 88వ స్థానానికి చేరారు. టాప్‌-10లో భారత బ్యాటర్లతో పాటు బాబర్‌ ఆజమ్‌ (2), హెన్రిచ్‌ క్లాసెన్‌ (4), డారిల్‌ మిచెల్‌ (6), హ్యారీ టెక్టార్‌ (7), చరిత్‌ అసలంక (8), షాయ్‌ హోప్‌ (10) ఉన్నారు.బౌలర్ల ర్యాంకింగ్స్‌ విషయానికొస్తే.. టాప్‌-10లో కుల్దీప్‌ (3వ స్థానం​) మినహా భారత్‌కు ప్రాతినిథ్యం లేదు. లంక స్పిన్నర్‌ మహీశ్‌ తీక్షణ టాప్‌లో కొనసాగుతుండగా.. రషీద్‌ ఖాన్‌ రెండో స్థానంలో ఉన్నాడు. కేశవ్‌ మహారాజ్‌, బెర్నాల్డ్‌ స్కోల్జ్‌, మ్యాట్‌ హెన్రీ, మిచెల్‌ సాంట్నర్‌, గుడకేశ్‌ మోటీ, షాహీన్‌ అఫ్రిది, ఆడమ్‌ జంపా టాప్‌-10లో ఉన్నారు. ఆల్‌రౌండర్ల ర్యాంకింగ్స్‌ విషయానికొస్తే.. టాప్‌-10లో ఎలాంటి మార్పులు లేవు. మొహమ్మద్‌ నబీ, సికందర్‌ రజా, అజ్మతుల్లా ఒమర్‌జాయ్‌, మెహిది హసన్‌ మిరాజ్‌, రషీద్‌ ఖాన్‌, మిచెల్‌ సాంట్నర్‌, మ్యాక్స్‌వెల్‌, బ్రాండన్‌ మెక్‌ముల్లెన్‌, రవీంద్ర జడేజా, గెర్హార్డ్‌ ఎరాస్మస్‌ టాప్‌-10లో కొనసాగుతున్నారు. ఈ వారం​ ఆల్‌రౌండర్ల ర్యాంకింగ్స్‌లో ఒకే ఒక చెప్పుకోదగ్గ మార్పు జరిగింది. న్యూజిలాండ్‌ ఆటగాడు మైఖేల్‌ బ్రేస్‌వెల్‌ ఏకంగా 26 స్థానాలు మెరుగుపర్చుకుని 11వ స్థానానికి చేరాడు.జట్ల ర్యాంకింగ్స్‌ విషయానికొస్తే.. టీమిండియా ఎవరికీ అందనంత ఎత్తులో టాప్‌ ప్లేస్‌లో కొనసాగుతుంది. ఆసీస్‌, పాకిస్తాన్‌ రెండు, మూడు స్థానాల్లో ఉన్నాయి. న్యూజిలాండ్‌, సౌతాఫ్రికా, శ్రీలంక, ఇంగ్లండ్‌, ఆఫ్ఘనిస్తాన్‌, బంగ్లాదేశ్‌, వెస్టిండీస్‌ ఆతర్వాతి స్థానాల్లో నిలిచాయి.

ఇండియన్‌ ప్రీమియర్‌ లీగ్‌(IPL)-2025 మెగా వేలంలో అత్యధిక ధరకు అమ్ముడుపోయిన ఆటగాళ్ల జాబితాలో వెంకటేశ్‌ అయ్యర్‌(Venkatesh Iyer) మూడో స్థానంలో ఉన్నాడు. కోల్‌కతా నైట్‌ రైడర్స్‌(KKR) తరఫున గతేడాది రాణించిన ఈ లెఫ్టాండర్‌ బ్యాటర్‌ను.. వేలంపాటకు ముందు ఫ్రాంఛైజీ వదిలేయాల్సి వచ్చింది. ఈ క్రమంలో రూ. 2 కోట్ల కనీస ధరతో ఆక్షన్‌లోకి వచ్చిన అతడి కోసం కేకేఆర్‌, రాయల్‌ చాలెంజర్స్‌ బెంగళూరు పోటీపడ్డాయి.ఈ క్రమంలో ఏకంగా రూ. 23.75 కోట్లకు కోల్‌కతా వెంకటేశ్‌ అయ్యర్‌ను తమ సొంతం చేసుకుంది. ఈ నేపథ్యంలో కేకేఆర్‌ కెప్టెన్సీ రేసులో ఈ మధ్యప్రదేశ్‌ క్రికెటర్‌ పేరు ప్రముఖంగా వినిపిస్తోంది. ఈ సీమ్‌ బౌలింగ్‌ ఆల్‌రౌండర్‌కు పగ్గాలు అప్పగించేందుకు యాజమాన్యం సుముఖంగా ఉందనే వార్తలు వస్తున్నాయి.కెప్టెన్‌ అనే ట్యాగ్‌ అవసరం లేదుఈ విషయంపై వెంకటేశ్‌ అయ్యర్‌ స్వయంగా స్పందించాడు. నాయకుడిగా బాధ్యతలు నిర్వర్తించేందుకు తాను సిద్ధంగా ఉన్నానంటూ మనసులోని మాటను వెల్లడించాడు. కెప్టెన్‌గా పనిచేయడానికి సిద్ధంగా ఉన్నారా అన్న ప్రశ్నకు బదులిస్తూ.. ‘‘కచ్చితంగా.. నేను వందశాతం సిద్ధంగా ఉన్నాను. నిజానికి కెప్టెన్సీ అనేది ఒక ట్యాగ్‌ మాత్రమే.నాయకుడిగా ఉండటం అనేది మాత్రం గొప్ప విషయం. డ్రెసింగ్‌రూమ్‌లో లీడర్‌ ఉండాలంటే కెప్టెన్‌ అనే ట్యాగ్‌ అవసరం లేదని నేను నమ్ముతాను. మన ప్రదర్శనతో సహచర ఆటగాళ్లకు స్ఫూర్తినివ్వాలి. మైదానం లోపలా, వెలుపలా రోల్‌ మోడల్‌లా ఉండాలి. మధ్యప్రదేశ్‌ జట్టులో నేను ప్రస్తుతం అదే పాత్ర పోషిస్తున్నాను.గళం విప్పే స్వేచ్ఛ ఉన్నపుడేమధ్యప్రదేశ్‌ జట్టుకు నేనేమీ కెప్టెన్‌ను కాదు. అయితే, నా అభిప్రాయాలకు, సూచనలకు అక్కడి నాయకత్వం విలువనిస్తుంది. నాకు అలాంటి వాతావరణం అంటే చాలా ఇష్టం. మనం జట్టులోకి కొత్తగా వచ్చామా.. మనల్ని వాళ్లు రూ. 20 లక్షలు లేదంటే రూ. 20 కోట్లు పెట్టి కొనుగోలు చేశారా అన్నది ముఖ్యం కాదు.. జట్టు ప్రయోజనాలకు అనుగుణంగా మన గళం విప్పే స్వేచ్ఛ ఉన్నపుడే అంతా బాగుంటుంది’’ అని వెంకటేశ్‌ అయ్యర్‌ ఈఎస్‌పీఎన్‌క్రిక్‌ఇన్ఫోతో చెప్పుకొచ్చాడు.కాగా ఐపీఎల్‌-2021 సీజన్‌లో కేకేఆర్‌ తరఫున క్యాష్‌ రిచ్‌ లీగ్‌లో ఎంట్రీ ఇచ్చాడు వెంకటేశ్‌ అయ్యర్‌. మొదట కేకేఆర్‌ అతడిన రూ.20లక్షల కనీస ధరకు కొనుగోలు చేసింది. అయితే, ఆ ఎడిషన్‌లో అద్బుతంగా రాణించడంతో 2022 వేలానికి ముందు రూ. 8 కోట్లకు అయ్యర్‌ను రిటైన్ చేసుకుంది. ఆ తర్వాత మరో రెండేళ్ల పాటు తమ జట్టుకే ప్రాతినిథ్యం వహించిన వెంకటేష్‌ను ఐపీఎల్‌-2025 వేలంలోకి విడిచిపెట్టి.. భారీ ధరకు తిరిగి జట్టులో చేర్చుకుంది. కాగా ఐపీఎల్‌లో వెంకటేష్ ఇప్పటివరకు ఆడిన 50 మ్యాచ్‌లలో 1326 పరుగులు చేశాడు.శ్రేయస్‌ అయ్యర్‌ కెప్టెన్సీలోఇదిలా ఉంటే.. గతేడాది శ్రేయస్‌ అయ్యర్‌ కెప్టెన్సీలో కేకేఆర్‌ చాంపియన్‌గా నిలిచిన విషయం తెలిసిందే. అయితే, వేలానికి ముందు అతడు జట్టును వీడగా.. పంజాబ్‌ కింగ్స్‌ ఏకంగా రూ. 26.75 కోట్లకు సొంతం చేసుకుంది. దీంతో కేకేఆర్‌ కెప్టెన్సీ పోస్టు ఖాళీ కాగా.. వెంకటేశ్‌ అయ్యర్‌తో పాటు అజింక్య రహానే కూడా రేసులో ఉన్నట్లు తెలుస్తోంది. ఇక మార్చి 22న ఈడెన్‌ గార్డెన్స్‌ వేదికగా కేకేఆర్‌- ఆర్సీబీ మధ్య మ్యాచ్‌తో ఐపీఎల్‌-2025 సీజన్‌కు తెరలేవనుంది. చదవండి: Ind vs NZ: ‘కివీస్‌తో మ్యాచ్‌లో అతడికి విశ్రాంతి ఇవ్వండి’

టీమిండియా విజయాన్ని తక్కువ చేసేలా మాట్లాడిన పాకిస్తాన్‌ జర్నలిస్టుకు శ్రేయస్‌ అయ్యర్‌(Shreyas Iyer) గట్టి కౌంటర్‌ ఇచ్చాడు. వేదిక ఏదైనా పాక్‌పై గెలుపు తమకు ఎల్లప్పుడూ మధురంగానే ఉంటుందని.. ఆదివారం నాటి మ్యాచ్‌లో తనకు మజా వచ్చిందంటూ అతడికి తమ జట్టు ఓటమిని గుర్తు చేశాడు.కాగా చాంపియన్స్‌ ట్రోఫీ-2025(ICC Champions Trophy) ఆతిథ్య హక్కులను డిఫెండింగ్‌ చాంపియన్‌ హోదాలో పాకిస్తాన్‌ దక్కించుకున్న విషయం తెలిసిందే. అయితే, భద్రతా కారణాల దృష్ట్యా టీమిండియాను అక్కడికి పంపేందుకు భారత క్రికెట్‌ నియంత్రణ మండలి(BCCI) నిరాకరించగా.. ఐసీసీ జోక్యంతో హైబ్రిడ్‌ విధానంలో టోర్నీ జరుగుతోంది. తటస్థ వేదికైన దుబాయ్‌లో భారత జట్టు తమ మ్యాచ్‌లు ఆడుతోంది.42.3 ఓవర్లలోనే..ఇందులో భాగంగా తొలుత బంగ్లాదేశ్‌ను ఓడించిన రోహిత్‌ సేన.. తాజా మ్యాచ్‌లో పాకిస్తాన్‌ను చిత్తు చేసి సెమీస్‌ బెర్తును దాదాపుగా ఖాయం చేసుకుంది. దుబాయ్‌ అంతర్జాతీయ స్టేడియంలో టాస్‌ ఓడి తొలుత బౌలింగ్‌ చేసిన భారత్‌ పాక్‌ను 241 పరుగులకు కట్టడి చేసింది. ఇక 42.3 ఓవర్లలోనే లక్ష్యాన్ని ఛేదించి పాక్‌పై గెలుపొందింది.ఈ విజయంలో విరాట్‌ కోహ్లి(100 నాటౌట్‌)తో పాటు శుబ్‌మన్‌ గిల్‌(46), శ్రేయస్‌ అ‍య్యర్‌(56)లది కూడా కీలక పాత్ర. ఈ నేపథ్యంలో విజయానంతరం శ్రేయస్‌ మీడియా సమావేశంలో మాట్లాడగా.. ఓ పాకిస్తానీ జర్నలిస్టు.. దుబాయ్‌లో గాకుండా పాకిస్తాన్‌లో పాకిస్తాన్‌ను ఓడించి ఉంటే ఇంకా బాగుండేది కదా అని ప్రశ్నించాడు.ఇరుజట్లకు తటస్థ వేదికే..సదరు జర్నలిస్టు మాటల్లోని వ్యంగ్యాన్ని అర్థం చేసుకున్న శ్రేయస్‌ అయ్యర్‌ హుందాగానే కౌంటర్‌ వేశాడు. ‘‘పాకిస్తాన్‌లో నేను ఒక్క మ్యాచ్‌ కూడా ఆడలేదు. కాబట్టి అక్కడ గెలిస్తే ఆ అనుభూతి ఎలా ఉంటుందో నాకు తెలియదు. అయితే, దుబాయ్‌ అనేది ఇరుజట్లకు తటస్థ వేదికే.ఇక భారత్‌- పాక్‌ మ్యాచ్‌ అంటే అంచనాలు భారీగానే ఉంటాయి. అయినా మేము దుబాయ్‌లో ఎక్కువగా మ్యాచ్‌లు ఆడలేదు. ఏదైతేనేం ఈ మ్యాచ్‌లో పాకిస్తాన్‌ను ఓడించాము కదా. అదే ఓ మధురానుభూతి. బయట నుంచి వచ్చే ఒత్తిడిని అధిగమించి మరీ మా పని పూర్తి చేశాం.నేనైతే ఈ విజయాన్ని పూర్తిగా ఆస్వాదిస్తున్నా. పాకిస్తాన్‌పై ఇది నాకు మూడో మ్యాచ్‌. ఇందులో గెలవడం ఎంతో మజాన్నిచ్చింది’’ అని శ్రేయస్‌ అయ్యర్‌ సమాధానమిచ్చాడు. సొంతగడ్డపై పాక్‌ బలమైన జట్టుగా ఉంటుందనే ఉద్దేశంతో ఆ దేశ జర్నలిస్టు చేసిన వ్యాఖ్యలను తన మాటలతో ఇలా తిప్పికొట్టాడు.ఐసీసీ చాంపియన్స్‌ ట్రోఫీ-2025: టీమిండియా వర్సెస్‌ పాకిస్తాన్ స్కోర్లు👉వేదిక: దుబాయ్‌👉టాస్‌: పాకిస్తాన్‌.. తొలుత బ్యాటింగ్‌👉పాకిస్తాన్‌ స్కోరు- 241(49.4) ఆలౌట్‌👉భారత్‌ స్కోరు- 244/4 (42.3)👉ఫలితం: పాక్‌ను ఆరు వికెట్ల తేడాతో ఓడించిన టీమిండియా👉ప్లేయర్‌ ఆఫ్‌ ది మ్యాచ్‌: విరాట్‌ కోహ్లి(100 పరుగులు నాటౌట్‌).చదవండి: Virat Kohli: ఇదేం తీరు కోహ్లి? ఇలాంటివి అవసరమా?.. మండిపడ్డ గావస్కర్‌

టీమిండియా స్టార్‌ బ్యాటర్‌ విరాట్‌ కోహ్లి(Virat Kohli) తీరుపై భారత క్రికెట్‌ దిగ్గజం సునిల్‌ గావస్కర్‌(Sunil Gavaskar) అసహనం వ్యక్తం చేశాడు. పాకిస్తాన్‌(India vs Pakistan)తో మ్యాచ్‌లో అనవసర చర్య ద్వారా వికెట్‌ కోల్పోయే ప్రమాదం తెచ్చుకున్నాడని.. అయితే, అదృష్టవశాత్తూ బయటపడటంతో తాము ఊపిరి పీల్చుకున్నామన్నాడు. కాగా చాంపియన్స్‌ ట్రోఫీ-2025లో భాగంగా భారత్‌ ఆదివారం పాకిస్తాన్‌తో తలపడింది.దుబాయ్‌ వేదికగా జరిగిన ఈ మ్యాచ్‌లో టాస్‌ ఓడిన రోహిత్‌ సేన తొలుత ఫీల్డింగ్‌ చేసింది. బౌలర్ల విజృంభణ కారణంగా దాయాదిని 241 పరుగులకే ఆలౌట్‌ చేసింది. అనంతరం లక్ష్య ఛేదనను దూకుడుగా ఆరంభించిన టీమిండియా.. మిడిల్‌ ఓవర్లలో మాత్రం ఆచితూచి నిలకడగా ఆడింది. సెంచరీ మార్కు.. విన్నింగ్‌ షాట్‌ముఖ్యంగా ఓపెనర్‌ శుబ్‌మన్‌ గిల్‌(46), నాలుగో నంబర్‌ బ్యాటర్‌ శ్రేయస్‌ అయ్యర్‌(56)లతో కలిసి విరాట్‌ కోహ్లి అద్భుత భాగస్వామ్యాలు నెలకొల్పాడు.ఏ దశలో నిర్లక్ష్యపు షాట్లకు యత్నించకుండా.. సహచర బ్యాటర్లతో చక్కగా సమన్వయం చేసుకుంటూ ఇన్నింగ్స్‌ నిర్మించాడు. ఈ క్రమంలో అర్ధ శతకం పూర్తి చేసుకున్న కోహ్లి.. దానిని శతకంగా మలిచాడు. అంతేకాదు బౌండరీ బాది సెంచరీ మార్కు అందుకున్న ఈ రన్‌మెషీన్‌.. టీమిండియాను గెలుపుతీరాలకు చేర్చాడు. ఈ క్రమంలో విరాట్‌ కోహ్లిపై భారత్‌తో పాటు పాకిస్తాన్‌ మాజీ క్రికెటర్లు, అభిమానులు ప్రశంసల వర్షం కురిపిస్తున్నారు.అయితే, బ్యాటింగ్‌ చేస్తున్న సమయంలో కోహ్లి చేసిన ఓ పని మాత్రం సునిల్‌ గావస్కర్‌కు ఆగ్రహం తెప్పించింది. భారత ఇన్నింగ్స్‌లో 21 ఓవర్‌ను పాక్‌ బౌలర్‌ హ్యారిస్‌ రవూఫ్‌ వేయగా.. ఐదో బంతికి కోహ్లి సింగిల్‌ తీశాడు. ఈ క్రమంలో సురక్షితంగానే క్రీజులోకి చేరుకున్న కోహ్లి.. ఆ తర్వాత ఓవర్‌ త్రో కాబోతున్న బంతిని తన చేతితో ఆపేశాడు.నిజానికి అక్కడ దగ్గర్లో పాకిస్తాన్‌ ఫీల్డర్లు ఎవరూ లేరు. ఒకవేళ ఓవర్‌ త్రో అయినా ఓ అదనపు పరుగు వచ్చేది. అయినా, ఎంసీసీ నిబంధనల ప్రకారం ఓ బ్యాటర్‌ బంతి లైవ్‌లో ఉన్నపుడు దానిని తన మాటలు, చేతల ద్వారా అడ్డుకునే ప్రయత్నం చేయకూడదు. ఒకవేళ ఉద్దేశపూర్వకంగా అతడు అలా చేసినట్లు భావించి ఫీల్డింగ్‌ చేస్తున్న జట్టు అప్పీలు చేస్తే.. సదరు బ్యాటర్‌ను అవుట్‌గా ప్రకటించవచ్చు.అబ్‌స్ట్రక్ట్‌ ఫీల్డ్‌ నిబంధన కింద..కోహ్లి విషయంలో ఒకవేళ పాక్‌ జట్టు ఈ విషయంలో అప్పీలుకు వెళ్లి ఉంటే పరిస్థితి చేజారిపోయేదని గావస్కర్‌ అన్నాడు. కామెంట్రీ సమయంలో.. ‘‘అతడు తన చేతితో బంతిని ఆపాడు. ఒకవేళ పాకిస్తాన్‌ గనుక అప్పీలు చేస్తే ఏమయ్యేది?.. అబ్‌స్ట్రక్ట్‌ ఫీల్డ్‌ నిబంధన కింద అతడు అవుటయ్యేవాడేమో?!.. కానీ వాళ్లు అలా చేయలేదు. ఎందుకంటే.. అక్కడ దగ్గర్లో ఫీల్డర్‌ లేడు.అంతేకాదు ఓవర్‌ త్రో ద్వారా అదనపు పరుగు రాకుండా ఉండిపోయిందని భావించి ఉండవచ్చు. నిజానికి మిడ్‌వికెట్‌ వద్ద ఫీల్డింగ్‌ చేస్తున్న ఆటగాడు డైవ్‌ చేస్తే బాగుండేది. కానీ ముందుకు వెళ్లిపోతున్న బంతిని కోహ్లి జోక్యం చేసుకుని మరీ ఆపడం సరికాదు. అదృష్టవశాత్తూ ఎవరూ అప్పీలు చేయలేదు కాబట్టి సరిపోయింది’’ అని గావస్కర్‌ అసహనం వ్యక్తం చేశాడు. కాగా 21వ ఓవర్‌ ముగిసే సరికి కోహ్లి కేవలం 41 పరుగుల వద్ద ఉండటం గమనార్హం. ఇక ఈ మ్యాచ్‌లో 111 బంతులు ఎదుర్కొన్న కోహ్లి సరిగ్గా 100 పరుగులు చేసి అజేయంగా నిలిచాడు. వన్డేల్లో అతడికి ఇది 51వ సెంచరీ కాగా.. అంతర్జాతీయ కెరీర్‌లో 82వది కావడం విశేషం. సచిన్‌ టెండ్కులర్‌ వంద సెంచరీల రికార్డుకు కోహ్లి ఇంకా 18 శతకాల దూరంలో ఉన్నాడు.చాంపియన్స్‌ ట్రోఫీ-2025: భారత్‌ వర్సెస్‌ పాకిస్తాన్ స్కోర్లు👉పాకిస్తాన్‌- 241(49.4) ఆలౌట్‌👉భారత్‌- 244/4 (42.3)👉ఫలితం: పాక్‌ను ఆరు వికెట్ల తేడాతో ఓడించిన భారత్‌.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

ఐసీసీ చాంపియన్స్‌ ట్రోఫీ-2025‌కి ఎంపిక చేసిన జట్టు విషయంలో టీమిండియా చీఫ్‌ సెలక్టర్‌ అజిత్‌ అగార్కర్‌(Ajit Agarkar)- హెడ్‌​కోచ్‌ గౌతం గంభీర్‌(Gautam Gambhir) మధ్య విభేదాలు తలెత్తాయా? ఇద్దరు ఆటగాళ్లకు ప్రాధాన్యం ఇచ్చే అంశమై ఇద్దరి మధ్య ఏకాభిప్రాయం కుదరలేదా? అదే వాగ్యుద్దానికి దారి తీసిందా? అంటే జాతీయ మీడియా వర్గాల నుంచి అవుననే సమాధానమే ఎక్కువగా వినిపిస్తోంది.కాగా దాదాపు ఎనిమిదేళ్ల విరామం తర్వాత మరోసారి చాంపియన్స్ ట్రోఫీ నిర్వహణకు రంగం సిద్ధమైంది. పాకిస్తాన్‌(Pakistan) వేదికగా ఫిబ్రవరి 19 నుంచి ఈ మెగా టోర్నమెంట్‌ మొదలుకానుంది. అయితే, భద్రతా కారణాల వల్ల భారత క్రికెట్‌ నియంత్రణ మండలి(బీసీసీఐ) టీమిండియాను అక్కడికి పంపడం లేదు. యశస్వి జైస్వాల్‌పై వేటుఈ నేపథ్యంలో అనేక పరిణామాల అనంతరం తటస్థ వేదికైన దుబాయ్‌లో భారత్‌ తమ మ్యాచ్‌లు ఆడేందుకు ఐసీసీ అనుమతినిచ్చింది. ఇక ఈ ప్రతిష్టాత్మక ఈవెంట్‌కు జనవరి 18న తమ ప్రాథమిక జట్టును ప్రకటించిన బీసీసీఐ.. ఫిబ్రవరి 11న ఫైనల్‌ టీమ్‌ను ఖరారు చేసింది. తొలుత ఈ జట్టులో స్థానం దక్కించుకున్న యువ ఓపెనర్‌ యశస్వి జైస్వాల్‌పై వేటు వేసిన యాజమాన్యం.. మిస్టరీ స్పిన్నర్‌ వరుణ్‌ చక్రవర్తికి అవకాశం ఇచ్చింది. మొదటి ప్రాధాన్యం దక్కాలని గంభీర్‌ వాదనఅదే విధంగా వెన్నునొప్పి కారణంగా ప్రధాన బౌలర్‌ జస్‌ప్రీత్‌ బుమ్రా టోర్నీకి దూరం కాగా.. హర్షిత్‌ రాణాను జట్టులో చేర్చింది. అయితే, వికెట్‌ కీపర్‌ విషయంలో మాత్రం గంభీర్‌- అగార్కర్‌ మధ్య తీవ్రమైన చర్చ జరిగినట్లు సమాచారం. టైమ్స్‌ ఆఫ్‌ ఇండియా కథనం ప్రకారం... సీనియర్‌ అయిన కేఎల్‌ రాహుల్‌కు మొదటి ప్రాధాన్యం దక్కాలని గంభీర్‌ వాదించగా.. అగార్కర్‌ మాత్రం రిషభ్‌ పంత్‌కు పెద్దపీట వేయాలనే యోచనలో ఉన్నట్లు తెలిసింది. ఇక ఆఖరికి గంభీర్‌ తన మాటను నెగ్గించుకున్నట్లు ఇంగ్లండ్‌తో ఇటీవల ముగిసిన వన్డే సిరీస్‌ ద్వారా నిరూపితమైనట్లు తెలుస్తోంది. స్వదేశంలో ఇంగ్లండ్‌తో మూడు వన్డేల్లోనూ కేఎల్‌ రాహుల్‌ వికెట్‌ కీపర్‌ బ్యాటర్‌గా బరిలోకి దిగగా.. పంత్‌ బెంచ్‌కే పరిమితమయ్యాడు. కాగా ఈ సిరీస్‌ను 3-0తో టీమిండియా క్లీన్‌స్వీప్‌ చేసిన తర్వాత గౌతం గంభీర్‌ మాట్లాడుతూ.. ‘‘ప్రస్తుతం మా నంబర్‌ వన్‌ వికెట్‌ కీపర్‌ కేఎల్‌ రాహుల్‌ మాత్రమే అని చెప్పగలను.రిషభ​ పంత్‌కు కూడా అవకాశాలు వస్తాయి. అయితే, కేఎల్‌ రాహుల్‌ రికార్డు బాగుంది. అందుకే అతడి వైపు మొగ్గుచూపాం. ఇద్దరు వికెట్‌ కీపర్‌ బ్యాటర్లను ఒకేసారి ఆడించలేము కదా!’’ అని పేర్కొన్నాడు. శ్రేయస్‌ అయ్యర్‌ విషయంలోనూఇక కేఎల్‌ రాహుల్‌తో పాటు శ్రేయస్‌ అయ్యర్‌ విషయంలోనూ గంభీర్‌.. అగార్కర్‌తో వాదనకు దిగినట్లు తెలుస్తోంది. దేశవాళీ క్రికెట్‌లో దుమ్ములేపిన ఈ ముంబై బ్యాటర్‌ను తప్పక ఎంపిక చేయాలని గౌతీ పట్టుబట్టగా.. అగార్కర్‌ మాత్రం అతడి పట్ల సుముఖంగా లేనట్లు సమాచారం. ఇంగ్లండ్‌తో తొలి వన్డే తర్వాత శ్రేయస్‌ అయ్యర్‌ చేసిన వ్యాఖ్యలు ఇందుకు బలాన్నిస్తున్నాయి కూడా! తాను తొలుత తుదిజట్టులో లేనని.. విరాట్‌ కోహ్లి మోకాలి నొప్పి కారణంగానే తనకు ప్లేయింగ్‌ ఎలెవన్‌లో చోటు దక్కిందని శ్రేయస్‌ అయ్యర్‌ వెల్లడించాడు.ఏది ఏమైనా ఇంగ్లండ్‌తో వన్డేలో సిరీస్‌లో మిడిలార్డర్లో కీలకమైన నాలుగో స్థానంలో బరిలోకి దిగిన శ్రేయస్‌ అయ్యర్‌ అద్భుత ప్రదర్శనతో ఆకట్టుకున్నాడు. మూడు వన్డేల్లో వరుసగా 59, 44, 78 పరుగులు సాధించాడు. ఇక జట్టుకూర్పులో తన నిర్ణయానికే కట్టుబడి ఉన్న గంభీర్‌.. అగార్కర్‌తో విభేదించినప్పటికీ ఘన విజయం సాధించడం జట్టుకు సానుకూలాంశంగా మారింది.అయితే, లెఫ్ట్‌- రైట్‌ కాంబినేషన్ల కోసం అక్షర్‌ పటేల్‌ను బ్యాటింగ్‌ ఆర్డర్‌లో ఐదో స్థానానికి ప్రమోట్‌ చేసి.. కేఎల్‌ రాహుల్‌ను ఆరో నంబర్‌ ఆటగాడిగా పంపడం బెడిసికొట్టింది. దీంతో మూడో వన్డేలో కేఎల్‌ రాహుల్‌ను తన రెగ్యులర్‌ స్థానమైన ఐదో నంబర్‌లో పంపగా.. 29 బంతుల్లోనే 40 పరుగులతో దంచికొట్టాడు.చదవండి: చాంపియన్స్‌ ట్రోఫీకి టీమిండియా స్టార్‌ దూరం!?

చాంపియన్స్ ట్రోఫీ టోర్నమెంట్‌(ICC Champions Trophy 2025)కు ముందు ఇంగ్లండ్‌పై క్లీన్‌స్వీప్‌ విజయం టీమిండియా కెప్టెన్ రోహిత్ శర్మ(Rohit Sharma)కి సంతృప్తిని మిగిల్చింది. విజయానంతరం మాట్లాడుతూ.. "ఈ సిరీస్‌లో మేము ఏదైనా పొరపాటు చేశామని నేను భావించడం లేదు. అయితే జట్టు సమిష్టిగా మరింత మెరుగ్గా ఆడాలని నేను భావిస్తున్నాను. ఇందుకు సంబంధించిన కొన్ని విషయాలున్నాయి. తప్పకుండా జట్టు మరింత మెరుగ్గా ఆడాలని నేను కోరుకుంటున్నాను" అని రోహిత్ వ్యాఖ్యానించడం ఇందుకు నిదర్శనం.అయ్యర్ అద్భుత ఫామ్ వాస్తవానికి... ఇంగ్లండ్‌తో జరిగిన మూడు మ్యాచ్‌ల సిరీస్‌లో భారత్ బ్యాటింగ్ అన్ని విధాలా ఆకట్టుకుంది. ముఖ్యంగా శ్రేయస్‌ అయ్యర్‌(Shreyas Iyer) గురించి ప్రముఖంగా చెప్పుకోవాలి. స్టార్‌ బ్యాటర్‌ విరాట్ కోహ్లీ మోకాలి నొప్పి కారణంగా తొలి వన్డే నుంచి వైదొలగడంతో.. తుదిజట్టులోకి వచ్చాడు అయ్యర్. అద్భుత రీతిలో రాణించి మరోసారి టీమిండియా మిడిలార్డర్‌కు వెన్నెముక గా నిలిచాడు.ఇంగ్లండ్‌ జట్టులో మార్క్ వుడ్, జోఫ్రా ఆర్చర్, సాకిబ్ మహమూద్ వంటి అగ్రశ్రేణి పేస్ బౌలర్లున్నారు. వారిని ఎదుర్కొని రాణించడం ఆషామాషీ విషయం కాదు. ఇందుకు అనుగుణంగా తన స్టాన్స్ ని కూడా మార్పు చేసుకొని అయ్యర్ తన మునుపటి ఫామ్ ని ప్రదర్శించాడు. అయ్యర్ ఫామ్ ఫిబ్రవరి 19న ప్రారంభం కానున్న ఛాంపియన్స్ ట్రోఫీకి ముందు భారత్ జట్టుకి కొత్త ఉత్సాహాన్నిస్తుందనడంలో సందేహం లేదు.భారత్ జట్టులో నాలుగో స్థానంలో బ్యాటింగ్ వచ్చే అయ్యర్ పై మిడిల్ ఓవర్లలో నిలకడగా పరుగులు సాధించాల్సిన బాధ్యత ఉంటుంది. గతం లో 2023 ప్రపంచ కప్‌లో అద్భుతంగా రాణించిన అయ్యర్ తర్వాత అనూహ్యంగా జట్టులో స్థానం కోల్పోయాడు. ఆ తర్వాత గాయాల కారణంగా గత సంవత్సరం ఒక్క రంజీ ట్రోఫీ మ్యాచ్ కూడా ఆడకపోవడంతో తన కేంద్ర కాంట్రాక్టును కోల్పోవడంతో శ్రేయస్ అయ్యర్ కి గట్టి ఎదురుదెబ్బ తగిలింది.చలించని దృఢ సంకల్పంఅయితే అయ్యర్ దృఢ సంకల్పం ఎప్పుడూ చలించలేదు. దేశవాళీ వైట్-బాల్ టోర్నమెంట్లలో నిలకడగా రాణించి 188.52 స్ట్రైక్ రేట్‌తో 345 పరుగులతో, 2024-25 సయ్యద్ ముస్తాక్ అలీ టీ20 ట్రోఫీలో అత్యధిక పరుగులు సాధించిన నాలుగో ఆటగాడిగా నిలిచాడు. విజయ్ హజారే ట్రోఫీ టోర్నమెంట్ లో ఐదు ఇన్నింగ్స్‌లలో 131.57 సగటుతో 325 పరుగులు చేశాడు.కేవలం ఒకే ఒక్కసారి అవుట్ అయ్యాడు. దేశవాళీ టౌర్నమెంట్లలో మళ్ళీ మునుపటి రీతిలో రాణిస్తుండంతో మళ్ళీ భారత్ జట్టులో స్థానం సంపాదించాడు. తొలి వన్డేలో కోహ్లి గాయంతో ఇలా కీలకమైన బ్రేక్ దొరికింది. దాంతో చెలరేగిపోయిన అయ్యర్ జట్టుకి తన అవసరం ఎలాంటితో చూపించి సత్తా చాటుకున్నాడు. ఇంగ్లండ్‌పై అద్భుతమైన ప్రదర్శనఇంగ్లండ్‌తో జరిగిన వన్డే సిరీస్‌లో భారత్ 3-0 తో విజయం సాధించడంలో అయ్యర్ కీలక పాత్ర పోషించాడు. ఈ సిరీస్‌లో వరుసగా 59 పరుగులు (తొలి వన్డే) , 44 (రెండో వన్డే), 78 పరుగులు సాధించాడు. విరాట్ కోహ్లీ గాయపడిన కారణంగానే తాను ఈ సిరీస్ లోని తొలి వన్డే లో ఆడగలిగానని అయ్యర్ వెల్లడించాడు. అయితే ఆ అవకాశాన్ని అయ్యర్ రెండు చేతులతో అందిపుచ్చుకున్నాడు.అందుకే కోహ్లీ తిరిగి జట్టులోకి వచ్చిన తర్వాత కూడా అయ్యర్ స్థానం జట్టులో పదిలంగా నిలిచింది. ఇంగ్లండ్‌తో జరిగిన చివరి మ్యాచ్‌లో 78 పరుగులతో అయ్యర్ వన్డేల్లో తన 20వ అర్ధ సెంచరీ పూర్తి చేసుకున్నాడు. వన్డేల్లో అయ్యర్ ఐదు సెంచరీలు కూడా చేసాడు. మొత్తం 65 వన్డేల్లో 48.18 సగటుతో 2,602 పరుగులు సాధించాడు. ఇక 2023 ప్రపంచ కప్ లో అయ్యర్ అద్భుతంగా రాణించి 66.25 సగటుతో 113.24 స్ట్రైక్ రేట్‌తో 530 పరుగులు చేశాడు. ఇంతటి అపార అనుభవం ఉన్న అయ్యర్ మళ్ళీ మునుపటి రీతిలో రాణిస్తుండంతో చాంపియన్స్ ట్రోఫీ టోర్నమెంట్లో భారత్ బ్యాటింగ్‌ను నిలువరించడం ప్రత్యర్థి జట్లకు అంత తేలికైన విషయం కాదు. చదవండి: CT 2025: సురేశ్‌ రైనా ఎంచుకున్న భారత తుదిజట్టు... వరల్డ్‌కప్‌ వీరులకు నో ఛాన్స్‌!

ఇంగ్లండ్‌తో మూడో వన్డే(India vs England)లో భారత బ్యాటర్లు అదరగొట్టారు. ఫలితంగా అహ్మదాబాద్‌లో టీమిండియా భారీ స్కోరు సాధించింది. తద్వారా నరేంద్ర మోదీ స్టేడియంలో భారత్‌ ఖాతాలో అతిపెద్ద స్కోరు(Highest ODI total) నమోదైంది. కాగా రోహిత్‌ సేన ప్రస్తుతం స్వదేశంలో ఇంగ్లండ్‌తో మూడు మ్యాచ్‌ల వన్డే సిరీస్‌ ఆడుతున్న విషయం తెలిసిందే.ఇందులో భాగంగా నాగ్‌పూర్‌, కటక్‌ వన్డేల్లో ఇంగ్లండ్‌ను నాలుగేసి వికెట్ల తేడాతో ఓడించిన టీమిండియా.. మరో మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. ఈ క్రమంలో ఇరుజట్ల మధ్య బుధవారం మూడో వన్డేలోనూ గెలిచి వైట్‌వాష్‌ చేయాలనే లక్ష్యంతో బరిలోకి దిగింది.అయితే, ఈ మ్యాచ్‌లో టాస్‌ ఓడిన భారత్‌ తొలుత బ్యాటింగ్‌ చేయాల్సి వచ్చింది. ఈ క్రమంలో ఆరంభంలోనే కెప్టెన్‌, ఓపెనర్‌ రోహిత్‌ శర్మ(Rohit Sharma) వికెట్‌ రూపంలో టీమిండియాకు గట్టి షాక్‌ తగిలింది. గత వన్డేలో సెంచరీ(119)తో చెలరేగిన హిట్‌మ్యాన్‌ మూడో వన్డేలో మాత్రం ఒక్క పరుగే చేసి మార్క్‌వుడ్‌ బౌలింగ్‌లో వెనుదిరిగాడు.ఎట్టకేలకు ఫామ్‌లోకిఈ నేపథ్యంలో మరో ఓపెనర్‌ శుబ్‌మన్‌ గిల్‌కు జతైన వన్‌డౌన్‌ బ్యాటర్‌ విరాట్‌ కోహ్లి ఎట్టకేలకు ఫామ్‌లోకి వచ్చాడు. మూడుసార్లు అవుటయ్యే ప్రమాదం నుంచి తప్పించుకున్న ఈ కుడిచేతి వాటం బ్యాటర్‌ 55 బంతుల్లో ఏడు ఫోర్లు, ఒక సిక్స్‌ సాయంతో 52 పరుగులు చేశాడు. అప్పటికే, హాఫ్‌ సెంచరీ పూర్తి చేసుకున్న గిల్‌.. దానిని శతకంగా మార్చుకున్నాడు.గిల్‌ శతకంమొత్తంగా 102 బంతులు ఎదుర్కొన్న శుబ్‌మన్‌ గిల్‌ 14 ఫోర్లు, 3 సిక్స్‌లు బాది.. 112 పరుగులు సాధించాడు. అతడికి తోడుగా నాలుగో నంబర్‌ బ్యాటర్‌ శ్రేయస్‌ అయ్యర్(64 బంతుల్లో 78 రన్స్‌) అద్భుత అర్ధ శతకంతో మెరిశాడు. మరోవైపు.. తన రెగ్యులర్‌ స్థానమైన ఐదో నంబర్‌లో వచ్చిన కేఎల్‌ రాహుల్‌ మెరుపు ఇన్నింగ్స్‌ ఆడాడు.కేవలం 29 బంతుల్లోనే మూడు ఫోర్లు, ఒక సిక్సర్‌ కొట్టి 40 పరుగులు సాధించాడు ఈ వికెట్‌ కీపర్‌ బ్యాటర్‌. మిగతా వాళ్లలో ఎవరూ పెద్దగా రాణించలేదు. ఆల్‌రౌండర్లు హార్దిక్‌ పాండ్యా(17), అక్షర్‌ పటేల్‌(13), వాషింగ్టన్‌ సుందర్‌(14).. పేసర్లు హర్షిత్‌ రాణా(13), అర్ష్‌దీప్‌ సింగ్‌(2), కుల్దీప్‌ యాదవ్‌(1*) నామమాత్రపు స్కోర్లకే పరిమితమయ్యారు.అవయవ దానం గురించిఈ క్రమంలో నిర్ణీత 50 ఓవర్లలో టీమిండియా 356 పరుగులు చేసి ఆలౌట్‌ అయింది. ఇంగ్లండ్‌ బౌలర్లలో రైటార్మ్‌ లెగ్‌బ్రేక్‌ స్పిన్నర్‌ ఆదిల్‌ రషీద్‌ అత్యధికంగా నాలుగు వికెట్లు తీయగా.. పేసర్లు మార్క్‌ వుడ్‌ రెండు, గస్‌ అట్కిన్సన్‌ ఒకటి, పార్ట్‌ టైమ్‌ స్పిన్నర్‌ జో రూట్‌ ఒక వికెట్‌ తీశారు. ఇక ఈ మ్యాచ్‌ సందర్భంగా టీమిండియా- ఇంగ్లండ్‌ క్రికెటర్లు అవయవ దానం గురించి అవగాహన కల్పించే చేసే క్రమంలో గ్రీన్‌ ఆర్మ్‌ బ్యాండ్‌తో బరిలోకి దిగడం విశేషం.అహ్మదాబాద్‌లో వన్డేల్లో అత్యధిక స్కోర్లుసౌతాఫ్రికా వర్సెస్‌ ఇండియా- 2010లో 365/2ఇండియా వర్సెస్‌ ఇంగ్లండ్‌- 2025లో 356ఇండియా వర్సెస్‌ వెస్టిండీస్‌- 2002లో 325/5వెస్టిండీస్‌ వర్సెస్‌ ఇండియా- 2002లో 324/4 పాకిస్తాన్‌ వర్సెస్‌ ఇండియా- 2007లో 319/7.చదవండి: చరిత్ర సృష్టించిన కోహ్లి.. భారత తొలి బ్యాటర్‌గా అరుదైన రికార్డువారెవ్వా!.. శుబ్‌మన్‌ గిల్‌ ప్రపంచ రికార్డు

చాంపియన్స్‌ ట్రోఫీ-2025(ICC Champions Trophy 2025)కి భారత క్రికెట్‌ నియంత్రణ మండలి(బీసీసీఐ) తమ జట్టును ఖరారు చేసింది. ప్రాథమిక జట్టులో రెండు మార్పులు చేస్తూ సెలక్షన్‌ కమిటీ నిర్ణయం తీసుకుంది. యశస్వి జైస్వాల్‌(Yashasvi Jaiswal)ను తప్పించిన యాజమాన్యం.. జట్టులో కొత్తగా ఇద్దరు బౌలర్లకు చోటిచ్చింది.ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా(Aakash Chopra) బీసీసీఐ సెలక్టర్ల తీరును విమర్శించాడు. జైస్వాల్‌పై వేటు వేయడం పట్ల తీవ్ర అసహనం వ్యక్తం చేసిన ఈ మాజీ ఓపెనర్‌.. సీనియర్‌ పేసర్‌ మహ్మద్‌ సిరాజ్‌ను పక్కనపెట్టడాన్నీ తప్పుబట్టాడు.యశస్వి జైస్వాల్‌పై వేటుకాగా జనవరి 18న బీసీసీఐ చాంపియన్స్‌ ట్రోఫీకి తమ ప్రాథమిక జట్టును ప్రకటించిన విషయం తెలిసిందే. ఇందులో యశస్వి జైస్వాల్‌తో పాటు ప్రధాన పేసర్‌ జస్‌ప్రీత్‌ బుమ్రా పేర్లు కూడా ఉన్నాయి. అయితే, బుమ్రా వెన్నునొప్పి నుంచి కోలుకోకపోవడంతో ఈ మెగా టోర్నీకి దూరమయ్యాడు. ఇక చాంపియన్స్‌ ట్రోఫీకి తమ జట్టును ఖరారు చేసేందుకు అంతర్జాతీయ క్రికెట్‌ మండలి(ఐసీసీ) ఆయా బోర్డులకు ఫిబ్రవరి 12 వరకు గడువు ఇవ్వగా.. మంగళవారం రాత్రి బీసీసీఐ కీలక ప్రకటన చేసింది.యశస్వి జైస్వాల్‌పై వేటు వేయడంతో పాటు బుమ్రా ఈ టోర్నీ నుంచి తప్పుకొన్నట్లు తెలిపింది. వీరి స్థానంలో యువ పేసర్‌ హర్షిత్‌ రాణాతో పాటు మిస్టరీ స్పిన్నర్‌ వరుణ్‌ చక్రవర్తిలను ప్రధాన జట్టుకు ఎంపిక చేసినట్లు తెలిపింది. ఈ నేపథ్యంలో ఆకాశ్‌ చోప్రా భారత జట్టు గురించి ‘ఎక్స్‌’ వేదికగా తన అభిప్రాయాలు పంచుకున్నాడు.ఆఖరికి అతడికి జట్టులోనే స్థానమే లేకుండా చేశారుఈ మేరకు.. ‘‘బుమ్రా గైర్హాజరీ కారణంగా సెలక్టర్లు సిరాజ్‌ వైపు మొగ్గు చూపుతారని అనుకున్నా. అలా అయితే నలుగురు పేసర్లు జట్టులో ఉండేవారు. ఇక మరో ఆసక్తికర విషయం ఏమిటంటే.. తుదిజట్టులో యశస్విని ఆడించేందుకు శ్రేయస్‌ అయ్యర్‌నే పక్కనపెట్టాలని చూసిన యాజమాన్యం ఇప్పుడు కనీసం అతడికి చాంపియన్స్‌ ట్రోఫీ జట్టులో స్థానం కూడా కల్పించకపోవడం గమనార్హం’’ అని ఆకాశ్‌ చోప్రా పేర్కొన్నాడు.కాగా ఇప్పటికే టెస్టుల్లో, టీ20లలో ఓపెనర్‌గా తనను తాను నిరూపించుకున్న యశస్వి జైస్వాల్‌.. ఇటీవల ఇంగ్లండ్‌తో స్వదేశంలో తొలి మ్యాచ్‌ సందర్భంగా వన్డేల్లో అరంగేట్రం చేశాడు. కెప్టెన్‌ రోహిత్‌ శర్మతో కలిసి అతడు భారత ఇన్నింగ్స్‌ ఆరంభించగా.. వైస్‌ కెప్టెన్‌ శుబ్‌మన్‌ గిల్‌ వన్‌డౌన్‌లో వచ్చాడు.ఇక మోకాలి గాయం వల్ల భారత స్టార్‌ బ్యాటర్‌ విరాట్‌ కోహ్లి ఈ మ్యాచ్‌కు దూరం కాగా.. మిడిలార్డర్‌లో శ్రేయస్‌ అయ్యర్‌ తనకు అచ్చొచ్చిన నాలుగో స్థానంలో బరిలోకి దిగాడు. ధనాధన్‌ ఇన్నింగ్స్‌(36 బంతుల్లో 59) జట్టు విజయంలో కీలక పాత్ర పోషించాడు.కోహ్లి గాయం కారణంగానేఈ క్రమంలో మ్యాచ్‌ అనంతరం శ్రేయస్‌ అయ్యర్‌ మాట్లాడుతూ.. కోహ్లి గాయం కారణంగానే తనకు తుదిజట్టులో చోటు దక్కిందని.. లేదంటే ఈ మ్యాచ్‌లో తాను భాగమయ్యేవాడినే కాదని తెలిపాడు. అంటే.. జైస్వాల్‌ను ఆడించే క్రమంలో అయ్యర్‌ను తప్పించేందుకు కూడా మేనేజ్‌మెంట్‌ వెనుకాడలేదని తేలింది. అయితే, తాజాగా జైసూను చాంపియన్స్‌ ట్రోఫీ ప్రధాన జట్టు నుంచి తీసేయడం గమనార్హం. ఈ నేపథ్యంలో ఆకాశ్‌ చోప్రా పైవిధంగా స్పందించాడు.ఇదిలా ఉంటే.. అరంగేట్ర వన్డేలో జైస్వాల్‌ విఫలమయ్యాడు. 22 బంతులు ఎదుర్కొన్న ఈ లెఫ్టాండ్‌ బ్యాటర్‌ మూడు ఫోర్ల సాయంతో 15 పరుగులు చేసి జోఫ్రా ఆర్చర్‌ బౌలింగ్‌లో వికెట్‌ కీపర్‌ క్యాచ్‌గా వెనుదిరిగాడు. మరోవైపు.. ఇంగ్లండ్‌తో సిరీస్‌ల సందర్భంగా సత్తా చాటిన హర్షిత్‌ రాణా, వరుణ్‌ చక్రవర్తి ఏకంగా చాంపియన్స్‌ ట్రోఫీ జట్టులో స్థానం సంపాదించారు.చాంపియన్స్‌ ట్రోఫీ-2025లో పాల్గొనే భారత జట్టురోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), రిషభ్‌ పంత్‌(వికెట్‌ కీపర్‌), హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, మహ్మద్‌ షమీ, అర్ష్‌దీప్‌ సింగ్‌, రవీంద్ర జడేజా, వరుణ్‌ చక్రవర్తి.చదవండి: Chris Gayle: అతడొక వరల్డ్‌క్లాస్‌ ప్లేయర్‌.. ఈసారి చాంపియన్స్‌ ట్రోఫీ వారికే

టీమిండియా కెప్టెన్‌ రోహిత్‌ శర్మ(Rohit Sharma) ఫామ్‌లోకి వచ్చేశాడు. ఇంగ్లండ్‌(India vs England)తో రెండో వన్డేలో విధ్వంసకర బ్యాటింగ్‌తో శతక్కొట్టి తన ఆటను విమర్శిస్తున్న వాళ్లకు బ్యాట్‌తోనే సమాధానం చెప్పాడు. కో..డితే బంతి బౌండరీ దాటడమే అన్నట్లుగా తనదైన శైలిలో హిట్టింగ్‌ ఆడి.. క్రికెట్‌ ప్రేమికులకు కనులవిందు చేశాడు. అద్భుతమైన ఇన్నింగ్స్‌తో చెలరేగి.. జట్టును గెలిపించాడు.నా గేమ్‌ప్లాన్‌ అదేఈ నేపథ్యంలో విజయానంతరం రోహిత్‌ శర్మ మాట్లాడుతూ... సెంచరీ చేయడం పట్ల హర్షం వ్యక్తం చేశాడు. ‘‘ఈరోజు ఆటను పూర్తిగా ఆస్వాదించాను. జట్టు కోసం పరుగులు చేయడం ఎల్లప్పుడూ సంతృప్తిని ఇస్తుంది. ముఖ్యంగా సిరీస్‌ గెలవాలంటే మాకు ఈ మ్యాచ్‌ ఎంతో కీలకం.నిజానికి టీ20 ఫార్మాట్‌ కంటే కాస్త సుదీర్ఘమైన.. టెస్టుల కంటే చిన్నదైన ఫార్మాట్‌ ఇది. అందుకే పరిస్థితులకు తగ్గట్లుగా ఎప్పుటికప్పుడు ప్రణాళికలు మార్చుకుంటూ వెళ్లాలి. ఈరోజు నా వ్యూహాలను పక్కాగా అమలు చేయగలిగాను.నల్లరేగడి మట్టి పిచ్‌ ఇది. జారుతూ ఉంటుంది. ఏమాత్రం అజాగ్రత్తగా ఉన్నా మూల్యం చెల్లించాల్సి వస్తుంది. వికెట్‌ మీదకు కాకుండా.. శరీరం మీదకు బంతులు సంధిస్తున్న ఇంగ్లండ్‌ బౌలర్ల వ్యూహాన్ని పసిగట్టి నేను పూర్తిస్థాయిలో సన్నద్ధమయ్యాను.గిల్‌ క్లాసీ ప్లేయర్‌గ్యాప్‌ దొరికినప్పుడల్లా బంతిని బౌండరీకి తరలించాను’’ అని రోహిత్‌ శర్మ తన ఆటతీరుపై సంతృప్తి వ్యక్తం చేశాడు. అదే విధంగా.. శుబ్‌మన్‌ గిల్‌(Shubman Gill), శ్రేయస్‌ అయ్యర్‌ నుంచి తనకు మద్దతు లభించించదన్న హిట్‌మ్యాన్‌.. ‘‘ఇద్దరూ చక్కగా సహకరించారు. వాళ్లతో కలిసి బ్యాటింగ్‌ చేయడాన్ని ఆస్వాదించాను. గిల్‌​ చాలా చాలా క్లాసీ ప్లేయర్‌. అతడి ఆటను నేను దగ్గరగా గమనించాను. పరిస్థితి ఎలా ఉన్న తలవంచని స్వభావం. అతడి బ్యాటింగ్‌ గణాంకాలే ఇందుకు నిదర్శనం’’ అని రోహిత్‌ శర్మ గిల్‌పై ప్రశంసలు కురిపించాడు.మిడిల్‌ ఓవర్లే ముఖ్యంఇక టీమిండియా ఇన్నింగ్స్‌ గురించి మాట్లాడుతూ.. ‘‘ఏదేమైనా మిడిల్‌ ఓవర్లలో వికెట్లు కాపాడుకోవడం అత్యంత ముఖ్యం. మధ్య ఓవర్లలో ఆట తీరును బట్టే ఫలితం నిర్ణయించబడుతుంది. ఒకవేళ అప్పుడే మనం జాగ్రత్తపడితే డెత్‌ ఓవర్లలో పెద్దగా భయపడాల్సిన అవసరం ఉండదు.నాగ్‌పూర్‌లో కూడా మేము ఇదే విధంగా మిడిల్‌ ఓవర్లలో చక్కగా రాణించాం. తద్వారా ప్రత్యర్థిపై ఒత్తిడి పెంచి అనుకున్న ఫలితాన్ని రాబట్టగలిగాం. రోజురోజుకూ మరింత గొప్పగా మారేలా మా జట్టు సానుకూల దృక్పథంతో ముందుకు సాగుతోంది. జట్టులోని ప్రతి సభ్యుడికి తన పాత్ర ఏమిటో తెలుసు. కెప్టెన్‌, కోచ్‌ వాళ్ల నుంచి ఎలాంటి ఆట తీరును ఆశిస్తున్నారో ప్రతి ఒక్కరికి అవగాహన ఉంది. కాబట్టి ముందుకు అనుకున్న వ్యూహాలను పక్కాగా అమలు చేస్తే దేని గురించి ఆందోళన చెందాల్సిన పని ఉండదు’’ అని రోహిత్‌ శర్మ చెప్పుకొచ్చాడు.సిరీస్‌ కైవసంకాగా ఇంగ్లండ్‌తో రెండో వన్డేలో టీమిండియా నాలుగు వికెట్ల తేడాతో విజయం సాధించింది. ఒడిశాలోని కటక్‌లో ఆదివారం జరిగిన ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. 49.5 ఓవర్లలో 204 పరుగులు చేసి ఆలౌట్‌ అయింది. ఓపెనర్‌ బెన్‌ డకెట్‌(65), జో రూట్‌(69) అర్ధ శతకాలతో రాణించారు.భారత బౌలర్లలో రవీంద్ర జడేజా మూడు వికెట్లు తీయగా.. మహ్మద్‌ షమీ, హర్షిత్‌ రాణా, హార్దిక్‌ పాండ్యా, వరుణ్‌ చక్రవర్తి ఒక్కో వికెట్‌ తీశారు. ఇక లక్ష్య ఛేదనలో ఓపెనర్‌, కెప్టెన్‌ రోహిత్‌ శర్మ(90 బంతుల్లో 12 ఫోర్లు, 7 సిక్స్‌లు- 119) సెంచరీతో చెలరేగి జట్టు విజయానికి బాటలు చేశాడు.మరో ఓపెనర్‌ శుబ్‌మన్‌ గిల్‌(60) అర్ధ శతకంతో రాణించగా.. శ్రేయస్‌ అయ్యర్‌(44), అక్షర్‌ పటేల్‌(41 నాటౌట్‌) లక్ష్యాన్ని పూర్తి చేయడంలో తమ వంతు పాత్ర పోషించారు. రో‘హిట్‌’ శర్మకు ‘ప్లేయర్‌ ఆఫ్‌ ది మ్యాచ్‌’ అవార్డు లభించింది. ఇక ఈ విజయంతో టీమిండియా ఇంగ్లండ్‌తో మూడు వన్డేల సిరీస్‌ను 2-0తో సొంతం చేసుకుంది. ఇరుజట్ల మధ్య బుధవారం నామమాత్రపు మూడో వన్డే జరుగుతుంది.చదవండి: SA T20: ఫైనల్లో సన్‌రైజర్స్‌ చిత్తు.. ఛాంపియన్స్‌గా ముంబై టీమ్‌What a way to get to the HUNDRED! 🤩A treat for the fans in Cuttack to witness Captain Rohit Sharma at his best 👌👌Follow The Match ▶️ https://t.co/NReW1eEQtF#TeamIndia | #INDvENG | @IDFCFIRSTBank | @ImRo45 pic.twitter.com/oQIlX7fY1T— BCCI (@BCCI) February 9, 2025𝗔 𝘀𝘂𝗽𝗲𝗿 𝘀𝗵𝗼𝘄 𝘁𝗼 𝘀𝗲𝗮𝗹 𝗮 𝘄𝗶𝗻 𝗶𝗻 𝗖𝘂𝘁𝘁𝗮𝗰𝗸! ✅The Rohit Sharma-led #TeamIndia beat England by 4⃣ wickets in the 2nd ODI & take an unassailable lead in the ODI series! 👏 👏Scorecard ▶️ https://t.co/NReW1eEQtF#INDvENG | @IDFCFIRSTBank pic.twitter.com/G63vdfozd5— BCCI (@BCCI) February 9, 2025

ఇంగ్లండ్ తో గురువారం జరిగిన తొలి వన్డే మ్యాచ్ లో నిజానికి భారత్ బ్యాటర్‌ శ్రేయాస్ అయ్యర్ ఆడే పరిస్థితి లేదు. దానికి ముందు రోజు రాత్రి వరకు దీని పై స్పష్టత లేదు. శ్రేయాస్ అయ్యర్ ఏదో సినిమా చూస్తూ నిబ్బరముగా ఉన్నాడు. ఈ లోగా కెప్టెన్ రోహిత్ శర్మ నుంచి ఫోన్ వచ్చింది. స్టార్ బ్యాటర్‌ విరాట్ కోహ్లీకి గాయం కావడంతో అతను ఆడటం కష్టమని. అందువల్ల మ్యాచ్ ఆడేందుకు సిద్ధంగా ఉండమని కోరాడు. దాంతో సినిమా ఆపేసి మ్యాచ్ కి ముందు విశ్రాంతి కోసం నిద్రకు ఉపక్రమించాడు శ్రేయాస్ అయ్యర్. "విరాట్ మోకాలి నొప్పి కారణంగా ఆడే అవకాశం లేనందున నువ్వు ఆడే అవసరం రావచ్చు అని కెప్టెన్ (రోహిత్ శర్మ) నుండి నాకు కాల్ వచ్చింది" అని అయ్యర్ స్వయంగా వెల్లడించాడు."నేను నా గదికి తిరిగి వెళ్లి వెంటనే నిద్ర పోయాను." గురువారం మ్యాచ్ లో శ్రేయాస్ అయ్యర్ క్రీజులోకి అడుగు పెట్టే సమయానికి భారత్ 19 పరుగులకే రెండు వికెట్లు కోల్పోయి చిక్కుల్లో ఉంది. ఇంగ్లాండ్ పేసర్లు జోఫ్రా ఆర్చర్ మరియు సాకిబ్ మహమూద్ నిలకడగా బౌలింగ్ చేస్తూ భారత్ ని పరుగులు కొట్టకుండా నిల్వరిస్తున్నారు.ఆ దశలో రంగ ప్రవేశం చేసిన అయ్యర్ ఇంగ్లాండ్ బౌలర్ల సవాలును ఎదుర్కొన్నాడు. అయ్యర్ రెండు సిక్సర్లు, తొమ్మిది ఫోర్లతో 36 బంతుల్లో 59 పరుగులు చేశాడు. తన అద్భుతమైన ఎదురుదాడి ఇన్నింగ్స్‌తో మ్యాచ్ ని మలుపు తిప్పాడు. ఫలితంగా భారత్ తొలి వన్డేలో ఇంగ్లాండ్‌పై భారత్ నాలుగు వికెట్ల తేడాతో విజయం సాధించగా, శ్రేయాస్ అయ్యర్ తన 19వ అర్ధ సెంచరీతో రాణించాడు. ఈ మ్యాచ్ లో మరో విషయం వెల్లడైంది. యశస్వి జైస్వాల్ ఓపెనర్ గా వస్తే శుభ్‌మాన్ గిల్ మూడో స్థానంలో బ్యాటింగ్ కి వస్తాడు. విరాట్ కోహ్లీ నాలుగో స్థానంలో ఉంటాడు. ఎడమచేతి వాటం అక్షర్ తదుపరి బ్యాటింగ్ చేసే అవకాశం ఉంది, ఆట స్థితిని బట్టి కే ఎల్ రాహుల్ లేదా హార్దిక్ పాండ్యా తర్వాత బ్యాటింగ్ చేస్తారు. అయితే కోహ్లీ గాయం లేకపోతే అయ్యర్ కి స్తానం లేదా అన్నది ఇక్కడ ప్రధానాంశం. "కోహ్లీ ఫిట్ గా ఉంటే అయ్యర్ ఆడటం సాధ్యం కాదన్న విషయం గురుంచే నేను తదేకంగా ఆలోచిస్తున్నాను. 2023 ప్రపంచ కప్‌లో నాలుగో స్థానంలో బ్యాటింగ్ చేస్తూ 500 కి పైగా పరుగులు చేసిన తొలి భారత్ క్రికెటర్ శ్రేయాస్ అయ్యర్.అటువంటి నైపుణ్యం ఉన్న బ్యాట్స్మన్ ని మీరెలా బెంచ్ మీద కూర్చో బెట్ట గలరు? అని భారత్ మాజీ ఓపెనర్ ఆకాష్ చోప్రా జట్టు మేనేజ్మెంట్ పై విరుచుకు పడ్డాడు. భారత మాజీ స్పిన్నర్ హర్భజన్ సింగ్ కూడా ఇటీవల ఒక ఇంటర్వ్యూలో శ్రేయాస్ అయ్యర్ ని సమర్ధించాడు."శ్రేయస్ తన నైపుణ్యాన్ని ఇప్పటికే నిరూపించుకున్నాడు. అతను ప్రపంచ కప్‌లో పరుగుల ప్రవాహం సృష్టించాడు. ఒక ఆటగాడు ఇన్ని పరుగులు చేసినప్పుడు, అతనికి అవకాశాలు లభిస్తాయని భావించడంలో తప్పేం ఉంది. అతను అతని దృష్టిలో అత్యుత్తమ బ్యాట్స్మన్. అందుకే దేవుడు కూడా అలాగే భావించాడు. అతను చేసిన 50 పరుగులు, మ్యాచ్ రూపురేఖలను మార్చాయి," అని హర్భజన్ అయ్యర్ పై ప్రశంసలు కురిపించాడు.

టీమిండియా స్టార్‌ శ్రేయస్‌ అయ్యర్‌(Shreyas Iyer)పై ఆస్ట్రేలియా దిగ్గజ కెప్టెన్‌ రిక్కీ పాంటింగ్‌(Ricky Ponting) ప్రశంసలు కురిపించాడు. మిడిలార్డర్‌లో చక్కగా రాణించగల నైపుణ్యాలు అతడి సొంతమని కొనియాడాడు. అయితే, గత రెండేళ్లుగా టీమిండియా యాజమాన్యం అయ్యర్‌కు అడపాదడపా మాత్రమే అవకాశాలు ఇవ్వడం తనకు విస్మయం కలిగిస్తోందని పేర్కొన్నాడు.కాగా స్వదేశంలో గతేడాది ఇంగ్లండ్‌తో టెస్టు సిరీస్‌ సందర్భంగా వెన్నునొప్పితో జట్టుకు దూరమైన శ్రేయస్‌ అయ్యర్‌.. ఆ తర్వాత కఠిన పరిస్థితులు ఎదుర్కొన్నాడు. రంజీల్లో ఆడాలన్న భారత క్రికెట్‌ నియంత్రణ మండలి(BCCI) ఆదేశాలను తొలుత బేఖాతరు చేసిన ఈ ముంబైకర్‌.. తర్వాత గాయాన్ని సాకుగా చూపి తప్పించుకున్నాడు.ఈ క్రమంలో బీసీసీఐ అయ్యర్‌పై కఠిన చర్యలు తీసుకుంది. అతడి సెంట్రల్‌ కాంట్రాక్టు రద్దు చేస్తూ వేటు వేసింది. ఈ తర్వాత అతడు దేశవాళీ క్రికెట్‌ బరిలోకి దిగి తనను తాను నిరూపించుకున్నాడు. అంతేకాదు.. ఐపీఎల్‌-2024లో కోల్‌కతా నైట్‌ రైడర్స్‌ కెప్టెన్‌గా టైటిల్‌ గెలిచాడు.టీ20 జట్టులో మాత్రం చోటు కరువుఈ నేపథ్యంలో గతేడాది శ్రీలంకతో జరిగిన వన్డే సిరీస్‌లో ఆడే అవకాశం దక్కించుకున్న శ్రేయస్‌ అయ్యర్‌.. టీ20 జట్టులో మాత్రం చోటు సంపాదించలేకపోయాడు. యాజమాన్యం అతడిని ఎప్పటికప్పుడు పక్కనపెట్టి.. కొత్త ఆటగాళ్లకు అవకాశాలు ఇచ్చింది. టీ20 ప్రపంచకప్‌-2024 జట్టులోనూ అతడికి చాన్స్‌ ఇవ్వలేదు.ఇక తాజాగా ఇంగ్లండ్‌తో స్వదేశంలో వన్డే సిరీస్‌ సందర్భంగా పునరాగమనం చేసిన శ్రేయస్‌ అయ్యర్‌.. నాగ్‌పూర్‌లో జరిగిన తొలి వన్డేలో అదరగొట్టాడు. కేవలం 36 బంతుల్లోనే 59 పరుగులు చేశాడు. అతడి ఇన్నింగ్స్‌లో తొమ్మిది ఫోర్లతో పాటు రెండు సిక్సర్లు ఉండటం విశేషం.అయితే, ఈ మ్యాచ్‌లో తనకు తొలుత తుదిజట్టులో స్థానం లేదని.. విరాట్‌ కోహ్లి గాయపడ్డ కారణంగానే తనను పిలిపించారని శ్రేయస్‌ అయ్యర్‌ స్వయంగా వెల్లడించాడు. ఈ నేపథ్యంలో మేనేజ్‌మెంట్‌ తీరుపై విమర్శలు వెల్లువెత్తుతున్నాయి. ఫామ్‌లో ఉన్న ఆటగాడిని బెంచ్‌కే పరిమితం చేయాలని చూడటం సరికాదనే అభిప్రాయాలు వ్యక్తమవుతున్నాయి.అద్భుతమైన ఆటగాడు.. అతడినే పక్కనపెడతారా?ఈ నేపథ్యంలో లెజెండరీ బ్యాటర్‌ రిక్కీ పాంటింగ్‌ ఐసీసీ రివ్యూ షోలో మాట్లాడుతూ.. ‘‘గత రెండేళ్లుగా అతడి సేవలను ఎందుకు సరిగ్గా ఉపయోగించుకోవడం లేదో అర్థం కావడం లేదు. వన్డే ప్రపంచకప్‌-2023లోనూ శతకాలతో చెలరేగి భీకరమైన ఫామ్‌ కనబరిచాడు.మిడిలార్డర్‌లో సొగసైన బ్యాటింగ్‌తో అలరించాడు. దీంతో జట్టులో అతడి స్థానం సుస్థిరమైందని నేను అనుకున్నా. కానీ అలా జరుగలేదు. వెన్నునొప్పి కారణంగా అతడు జట్టులో స్థానం కోల్పోయాడు. ఆ తర్వాత దేశవాళీ క్రికెట్‌లో అద్భుతమైన ప్రదర్శనతో ఆకట్టుకున్నాడు.అయినా.. అతడిని పక్కనపెట్టాలని చూడటం సరికాదు’’ అని అభిప్రాయపడ్డాడు. కాగా ఐపీఎల్‌-2025లో పంజాబ్‌ కింగ్స్‌ హెడ్‌కోచ్‌గా పాంటింగ్‌ నియమితుడైన విషయం తెలిసిందే. ఈ క్రమంలో వేలంలో భాగంగా శ్రేయస్‌ అయ్యర్‌ను పంజాబ్‌ రూ. 26.75 కోట్లకు కొనుగోలు చేయడంలో పాంటింగ్‌ కీలక పాత్ర పోషించాడు. వీరిద్దరు కలిసి గతంలో ఢిల్లీ క్యాపిటల్స్‌ తరఫున పనిచేశారు కూడా!ఇదిలా ఉంటే.. ఇంగ్లండ్‌తో గురువారం నాటి తొలి వన్డేలో టీమిండియా నాలుగు వికెట్ల తేడాతో విజయం సాధించింది. తద్వారా మూడు మ్యాచ్‌ల సిరీస్‌లో 1-0తో ఆధిక్యం సంపాదించింది. ఇరుజట్ల మధ్య ఆదివారం కటక్‌లో రెండో వన్డే జరుగుతుంది.చదవండి: సెంచరీకి చేరువలో ఉన్నాడని.. ఇలా చేస్తావా?: మండిపడ్డ గావస్కర్‌

భారత్‌లో ఇంగ్లండ్‌ పరాజయాల పరంపర కొనసాగుతోంది. తొలుత ఐదు మ్యాచ్‌ల టీ20 సిరీస్‌ను 4-1తో కోల్పోయిన బట్లర్‌ బృందం.. వన్డే సిరీస్‌(India vs England ODIs)నూ ఓటమితోనే ఆరంభించింది. నాగ్‌పూర్‌లో గురువారం జరిగిన మ్యాచ్‌లో నాలుగు వికెట్ల తేడాతో టీమిండియా చేతిలో ఓడిపోయింది. ఈ నేపథ్యంలో కెప్టెన్‌ జోస్‌ బట్లర్‌(Jos Buttler) విచారం వ్యక్తం చేశాడు.క్రెడిట్‌ మొత్తం అతడికేశుభారంభం అందుకున్నా దానిని కొనసాగించలేకపోవడమే తమ పరాజయానికి కారణమని బట్లర్‌ అన్నాడు. అదే విధంగా.. టీమిండియా విజయంలో క్రెడిట్‌ మొత్తం శ్రేయస్‌ అయ్యర్‌(Shreyas Iyer)కు దక్కుతుందంటూ అతడి బ్యాటింగ్‌ తీరును ప్రశంసించాడు. కాగా విదర్భ క్రికెట్‌ అసోసియేషన్‌ స్టేడియంలో జరిగిన తొలి వన్డేలో టాస్‌ గెలిచిన బట్లర్‌ తొలుత బ్యాటింగ్‌ వైపు మొగ్గుచూపాడు.అతడి రనౌట్‌లో అయ్యర్‌ కీలక పాత్రఈ క్రమంలో టీమిండియా సీనియర్‌ పేసర్‌ భారత బౌలింగ్‌ అటాక్‌ ఆరంభించి.. తొలి ఓవర్లో పరుగులేమీ ఇవ్వలేదు. అనంతరం వన్డే అరంగేట్ర ఆటగాడు, మరో పేసర్‌ హర్షిత్‌ రాణా సైతం మెయిడిన్‌ వేసి సత్తా చాటాడు. అయితే, ఆ తర్వాత ఇంగ్లండ్‌ ఓపెనర్‌ ఫిల్‌ సాల్ట్‌ ధనాధన్‌ ఇన్నింగ్స్‌తో హర్షిత్‌ రాణాకు చుక్కలు చూపించాడు.ఒకే ఓవర్లో ఏకంగా ఇరవై ఆరు పరుగులు పిండుకుని రాణాను పనిష్‌ చేశాడు. కానీ మంచి జోరు మీదున్న సమయంలో అనవసరపు పరుగు కోసం యత్నించి రనౌట్‌ అయ్యాడు. భారత స్టార్‌ బ్యాటర్‌ శ్రేయస్‌ అయ్యర్‌ అద్భుత ఫీల్డింగ్‌ కారణంగా సాల్ట్‌(26 బంతుల్లో 5 ఫోర్లు, 3 సిక్సర్లు- 43 రన్స్‌) వెనుదిరిగాడు.A moment of brilliance on the field by #ShreyasIyer and #PhilSalt is RUNOUT! 🙌🏻Start watching FREE on Disney+ Hotstar ➡️ https://t.co/gzTQA0IDnU#INDvENGOnJioStar 1st ODI 👉 LIVE NOW on Disney+ Hotstar, Star Sports 2, Star Sports 3, Sports 18 1 & Colors Cineplex! pic.twitter.com/n9hvFfJQpE— Star Sports (@StarSportsIndia) February 6, 2025 ఇక మరో ఓపెనర్‌ బెన్‌ డకెట్‌ సైతం 29 బంతుల్లో ఆరు ఫోర్ల సాయంతో 32 పరుగులతో రాణించగా.. వన్‌డౌన్‌లో వచ్చిన రీఎంట్రీ స్టార్‌ జో రూట్‌(19) నిరాశపరిచాడు. ఇక హ్యారీ బ్రూక్‌ హర్షిత్‌ రాణా దెబ్బకు పరుగుల ఖాతా తెరవకుండానే వెనుదిరిగాడు. ఇలాంటి తరుణంలో బట్లర్‌, జాకొబ్‌ బెతెల్‌తో కలిసి ఇన్నింగ్స్‌ చక్కదిద్దే ప్రయత్నం చేశాడు.బట్లర్‌ 67 బంతుల్లో 52 పరుగులు చేయగా.. బెతెల్‌ 64 బాల్స్‌ ఎదుర్కొని 51 రన్స్‌ సాధించాడు. కానీ మిగతా వాళ్లు మాత్రం చేతులెత్తేశారు. లియామ్‌ లివింగ్‌స్టోన్‌(5), బ్రైడన్‌ కార్సే(10), ఆదిల్‌ రషీద్‌(8) త్వరత్వరగా పెవిలియన్‌ చేరగా.. టెయిలెండర్‌ జోఫ్రా ఆర్చర్‌ 18 బంతుల్లో 21 పరుగులతో అజేయంగా నిలిచాడు. 38.4 ఓవర్లలోనే..ఫలితంగా ఇంగ్లండ్‌ 47.4 ఓవర్లలో 248 పరుగులు చేయగలిగింది. భారత బౌలర్లలో హర్షిత్‌ రాణా, రవీంద్ర జడేజా మూడేసి వికెట్లతో చెలరేగగా.. మహ్మద్‌ షమీ, అక్షర్‌ పటేల్‌, కుల్దీప్‌ యాదవ్‌ ఒక్కో వికెట్‌ దక్కించుకున్నారు.ఇక నామమాత్రపు లక్ష్యంతో బరిలోకి దిగిన టీమిండియా 38.4 ఓవర్లలో ఆరు వికెట్లు నష్టపోయి పని పూర్తి చేసింది. ఓపెనర్లు యశస్వి జైస్వాల్‌(15), కెప్టెన్‌ రోహిత్‌ శర్మ(2) విఫలమైనా.. శుబ్‌మన్‌ గిల్‌ (87) అద్భుత అర్థ శతకంతో మెరిశాడు. అతడికి తోడుగా నాలుగో నంబర్‌ బ్యాటర్‌ శ్రేయస్‌ అయ్యర్‌ టీ20 తరహా మాదిరి 36 బంతుల్లోనే 59 పరుగులతో దుమ్ములేపాడు. ఇక ఆల్‌రౌండర్‌ అక్షర్‌ పటేల్‌(47 బంతుల్లోనే 52) కూడా హాఫ్‌ సెంచరీ సాధించాడు.మా ఓటమికి కారణం అదేఈ నేపథ్యంలో ఓటమి అనంతరం ఇంగ్లండ్‌ కెప్టెన్‌ జోస్‌ బట్లర్‌ మాట్లాడుతూ.. ‘‘గెలవలేకపోయినందుకు బాధగా ఉంది. పవర్‌ ప్లేలో మేము అద్భుతంగా రాణించాం. కానీ త్వరత్వరగా వికెట్లు కోల్పోవడం ప్రభావం చూపింది. ఇంకో 40- 50 పరుగులు చేసేందుకు వికెట్‌ అనుకూలంగానే ఉంది. కానీ మేము ఆఖరిదాకా నిలవలేకపోయాం.ఏదేమైనా మా వాళ్లు శుభారంభం అందించారనేది వాస్తవం. ఆ సమయంలో మ్యాచ్‌ మాకు అనుకూలంగానే ఉంది. ఇక టీమిండియా విజయంలో శ్రేయస్‌ అయ్యర్‌కు క్రెడిట్‌ ఇవ్వాల్సి ఉంటుంది. అతడి అద్భుత ఇన్నింగ్స్‌ వల్ల భారత్‌కు మెరుగైన భాగస్వామ్యం లభించింది. ఏదేమైనా.. ఇకపై మేము ఇన్నింగ్స్‌ ఆసాంతం ఇంకాస్త మెరుగ్గా ఆడాల్సి ఉంది’’ అని పరాజయానికి గల కారణాలను విశ్లేషించాడు. చదవండి: IND vs ENG: శ్రేయస్‌ అయ్యర్‌ వరల్డ్‌​ రికార్డు

టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer) పునరాగమనంలో అదరగొట్టాడు. దేశవాళీ క్రికెట్‌లో అదరగొట్టిన ఈ ముంబైకర్‌.. ఇంగ్లండ్‌(India vs England)తో తొలి వన్డేలోనూ అదే ఫామ్‌ను కొనసాగించాడు. జట్టు కష్టాల్లో ఉన్న వేళ మెరుపు అర్ధ శతకంతో రాణించి భారత్‌ గెలుపొందడంలో తన వంతు పాత్ర పోషించాడు.అయ్యర్‌ షాకింగ్‌ కామెంట్స్‌ఈ నేపథ్యంలో శ్రేయస్‌ అయ్యర్‌పై ప్రశంసల వర్షం కురుస్తుండగా.. విజయానంతరం అతడొక షాకింగ్‌ విషయాన్ని వెల్లడించాడు. నాగ్‌పూర్‌ వన్డే తుదిజట్టులో తనకు తొలుత అసలు స్థానమే లేదని చెప్పాడు. అయితే, ఆఖరి నిమిషంలో కెప్టెన్‌ రోహిత్‌ శర్మ(Rohit Sharma) నుంచి ఫోన్‌ కాల్‌ వచ్చిందని.. అప్పటికప్పుడు మ్యాచ్‌ కోసం తనను తాను మానసికంగా సన్నద్ధం చేసుకున్నట్లు తెలిపాడు.ఈ మేరకు స్టార్‌ స్పోర్ట్స్‌తో మాట్లాడుతూ.. ‘‘ఇదొక సరదా ఘటన. గత రాత్రి నేను సినిమా చూస్తూ సమయం గడిపేద్దామని అనుకున్న. అయితే, అంతలోనే అకస్మాత్తుగా కెప్టెన్‌ నుంచి కాల్‌ వచ్చింది. విరాట్‌ మోకాలు ఉబ్బిపోయింది కాబట్టి.. నీకు ఆడే అవకాశం రావొచ్చు అని మా కెప్టెన్‌ చెప్పాడు.తుదిజట్టులో నాకసలు స్థానమే లేదువెంటనే నా గదికి పరిగెత్తుకుని వెళ్లాను. మరో ఆలోచన లేకుండా నిద్రకు ఉపక్రమించాను. ఆ క్షణంలో ఆ ఆనందాన్ని ఎలా సెలబ్రేట్‌ చేసుకోవాలో కూడా నాకు తెలియలేదు. నిజానికి తొలి వన్డేలో మొదట నాకు ఆడే అవకాశం రాలేదు.దురదృష్టవశాత్తూ విరాట్‌ గామపడటం వల్ల నన్ను పిలిచారు. అయితే, ఏదో ఒక సమయంలో కచ్చితంగా నాకు అవకాశం వస్తుందనే ఉద్దేశంతో నన్ను నేను సన్నద్ధం చేసుకుంటూనే ఉన్నాను. ఇలాంటివి జరుగుతూనే ఉంటాయి. గతంలో ఓసారి ఆసియా కప్‌ సమయంలో నేను గాయపడినపుడు నా స్థానంలో వేరొకరు వచ్చి శతకం బాదారు’’ అని శ్రేయస్‌ అయ్యర్‌ చెప్పుకొచ్చాడు.అదే నాకు ఉపయోగపడిందిఇక దేశవాళీ క్రికెట్‌ ఆడటం వల్ల ప్రయోజనాలను వివరిస్తూ.. ‘‘గతేడాది డొమెస్టిక్‌ సీజన్‌ను నేను పూర్తిగా సద్వినియోగం చేసుకున్నా. ఇన్నింగ్స్‌ ఎలా నిర్మించాలన్న అంశం గురించి నేను మరిన్ని పాఠాలు నేర్చుకునే వీలు కలిగింది. కాలానుగుణంగా నా ఆటకు మెరుగులు దిద్దుకున్నా. నైపుణ్యాలకు పదును పెట్టుకున్నాను.ప్రతి విషయంలోనూ పరిపూర్ణత సాధించేందుకు కృషి చేశా. ముఖ్యంగా ఫిట్‌నెస్‌పై కూడా మరింత దృష్టి సారించాను. అదే నాకు ఇప్పుడిలా ఉపయోగపడింది’’ అని శ్రేయస్‌ అయ్యర్‌ సంతృప్తి వ్యక్తం చేశాడు. కాగా ముంబై తరఫున రంజీల్లో తాజా సీజన్‌లో అయ్యర్‌ ఓ ద్విశతకం బాదాడు. అంతేకాదు.. దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీలో కెప్టెన్‌గా ముంబైకి టైటిల్‌ అందించాడు.నాలుగు వికెట్ల తేడాతో రోహిత్‌ సేన విజయంఇక భారత్‌- ఇంగ్లండ్‌ వన్డే విషయానికొస్తే.. నాగ్‌పూర్‌లో గురువారం జరిగిన ఈ మ్యాచ్‌లో టాస్‌ గెలిచిన బట్లర్‌ బృందం తొలుత బ్యాటింగ్‌ చేసింది. ధాటిగా ఇన్నింగ్స్‌ ఆరంభించినా.. భారత బౌలర్ల మెరుగైన ప్రదర్శన కారణంగా 47.4 ఓవర్లలో 248 పరుగులు చేసి ఆలౌట్‌ అయింది.లక్ష్య ఛేదనలో టీమిండియా పందొమ్మిది పరుగులకే రెండు వికెట్లు కోల్పోయి కష్టాల్లో ఉన్న వేళ వన్‌డౌన్‌ బ్యాటర్‌, ‘ప్లేయర్‌ ఆఫ్‌ ది మ్యాచ్‌’ శుబ్‌మన్‌ గిల్‌(96 బంతుల్లో 87), నాలుగో స్థానంలో వచ్చిన శ్రేయస్‌ అయ్యర్‌(36 బంతుల్లో 59), ఆల్‌రౌండర్‌ అక్షర్‌ పటేల్‌(47 బంతుల్లో 52) ధనాధన్‌ దంచికొట్టారు. ఫలితంగా 38.4 ఓవర్లలో ఆరు వికెట్లు నష్టపోయి భారత్‌ టార్గెట్‌ను పూర్తి చేసింది.చదవండి: IND vs ENG: శ్రేయస్‌ అయ్యర్‌ వరల్డ్‌​ రికార్డుSHREYAS on F-IYER! 🔥@ShreyasIyer15 shifts gears by taking on Jofra Archer for back-to-back sixes! 💪Start watching FREE on Disney+ Hotstar#INDvENGOnJioStar 1st ODI 👉 LIVE NOW on Disney+ Hotstar, Star Sports 2, Star Sports 3, Sports 18-1 & Colors Cineplex! pic.twitter.com/HrQ3WLGuPe— Star Sports (@StarSportsIndia) February 6, 2025

నాగ్‌పూర్ వేదికగా ఇంగ్లండ్‌తో జరిగిన తొలి వన్డేలో టీమిండియా మిడిలార్డర్ బ్యాటర్ శ్రేయస్ అయ్యర్ సత్తాచాటాడు. ఆరు నెలల తర్వాత తిరిగి జట్టులోకి వచ్చిన అయ్యర్.. తన మెరుపు హాఫ్ సెంచరీతో అందరిని ఆకట్టుకున్నాడు. 249 ప‌రుగుల ల‌క్ష్యంతో బరిలోకి దిగిన భార‌త్ ఆరంభంలోనే య‌శ‌స్వి జైశ్వాల్‌(15), రోహిత్ శ‌ర్మ‌(2) వికెట్లను కోల్పోయింది. ఈ పరిస్థితుల్లో క్రీజులోకి వ‌చ్చిన అయ్య‌ర్ ఇంగ్లండ్ బౌల‌ర్ల‌పై విరుచుకుప‌డ్డాడు. శుబ్‌మ‌న్ గిల్‌తో క‌లిసి స్కోర్ బోర్డును ప‌రుగులు పెట్టించాడు. ఈ క్ర‌మంలో అయ్యర్ 30 బంతుల్లోనే త‌న హాఫ్ సెంచరీ పూర్తి చేసుకున్నాడు. ఓవ‌రాల్‌గా 36 బంతులు ఎదుర్కొన్న శ్రేయస్‌.. 9 ఫోర్లు, 2 సిక్స్‌లతో 59 పరుగులు చేసి ఔటయ్యాడు.అయ్యర్‌ అరుదైన ఫీట్‌..కాగా ఈ మ్యాచ్‌లో మెరుపు ఇన్నింగ్స్‌ ఆడిన శ్రేయస్‌ అయ్యర్‌(Shreyas Iyer) ఓ అరుదైన రికార్డును తన పేరిట లిఖించుకున్నాడు. వన్డే క్రికెట్‌లో నాలుగో స్ధానంలో బ్యాటింగ్ వచ్చి 50 కంటే ఎక్కువ సగటు, 100 కంటే ఎక్కువ స్ట్రైక్ రేట్‌తో వెయ్యికి పైగా పరుగులు చేసిన తొలి ఆటగాడిగా అయ్యర్ రికార్డులకెక్కాడు.ఇప్పటివరకు వరల్డ్ క్రికెట్‌లో నాలుగో స్దానంలో బ్యాటింగ్‌కు వచ్చిన ఎవరూ ఈ ఫీట్ సాధించలేదు. కానీ వేరే పొజిషేన్‌లో బ్యాటింగ్‌కు వచ్చి మాత్రం ఈ రికార్డును పలువురు సాధించారు. దక్షిణాఫ్రికా మాజీ ప్లేయర్ క్వింటన్ డికాక్ ఓపెనర్‌గా, శుబ్‌మన్‌​​ గిల్‌(రెండో స్ధానం), ఏబీ డివిలియర్స్‌(ఐదో స్ధానం) ఈ ఘనతను సాధించారు.ఇంగ్లండ్‌ చిత్తు..ఇక ఈ మ్యాచ్‌లో 4 వికెట్ల తేడాతో ఇంగ్లండ్‌ను భారత్‌ చిత్తు చేసింది. ఇంగ్లండ్‌ నిర్ధేశించిన 249 పరుగుల లక్ష్యాన్ని టీమిండియా 6 వికెట్లు కోల్పోయి కేవలం 38.4 ఓవర్లలోనే అందుకుంది. భారత బ్యాటర్లలో శుబ్‌మన్‌ గిల్‌(87), శ్రేయస్‌ అయ్యర్‌(59), అక్షర్‌ పటేల్‌(52) హాఫ్‌ సెంచరీలతో రాణించారు. ఇంగ్లండ్‌ బౌలర్లలో సకీబ్‌ మహుమూద్‌, అదిల్‌ రషీద్‌ తలా రెండు వికెట్లు సాధించారు. అంతకుముందు టాస్‌ గెలిచి బ్యాటింగ్‌ చేసిన 47.4 ఓవర్లలో 248 పరుగులకే ఆలౌటైంది. కెప్టెన్ జోస్‌ బట్లర్‌ (67 బంతుల్లో 52; 4 ఫోర్లు), జాకబ్‌ బెతెల్‌ (64 బంతుల్లో 51; 3 ఫోర్లు, 1 సిక్స్‌) అర్ధ సెంచరీలు చేయగా...ఫిల్‌ సాల్ట్‌ (26 బంతుల్లో 43; 5 ఫోర్లు, 3 సిక్స్‌లు), డకెట్‌(32) దాటిగా ఆడారు. భారత బౌలర్లలో హర్షిత్‌ రాణా, రవీంద్ర జడేజా తలా మూడేసి వికెట్లు పడగొట్టారు. ఇక ఇరు జట్ల మధ్య రెండో వన్డే కటక్‌ వేదికగా ఫిబ్రవరి 9న జరగనుంది.చదవండి: IND vs ENG: చరిత్ర సృష్టించిన హర్షిత్‌ రాణా.. తొలి భారత ప్లేయర్‌గా

ఇంగ్లండ్‌తో మూడు వ‌న్డేల సిరీస్‌ను టీమిండియా(Teamindia) అద్భుత‌మైన విజ‌యంతో ఆరంభించింది. నాగ్‌పూర్ వేదిక‌గా జ‌రిగిన తొలి వ‌న్డేలో 4 వికెట్ల తేడాతో ఇంగ్లండ్‌(England)ను భార‌త్ చిత్తు చేసింది. ఈ మ్యాచ్‌లో తొలుత బ్యాటింగ్ చేసిన ఇంగ్లండ్ 47.4 ఓవర్లలో 248 పరుగులకు ఆలౌటైంది. కెప్టెన్ జోస్ బట్లర్(67 బంతుల్లో 4 ఫోర్లతో 52), జాకోబ్ బెతెల్(64 బంతుల్లో 3 ఫోర్లు, సిక్స్‌తో 51) హాఫ్ సెంచరీలతో స‌త్తాచాటారు. భార‌త బౌల‌ర్ల‌లో ర‌వీంద్ర జ‌డేజా, హర్షిత్ రాణా త‌లా మూడు వికెట్లు ప‌డ‌గొట్ట‌గా.. మహమ్మద్ షమీ, అక్షర్ పటేల్, కుల్దీప్ యాదవ్ చెరో వికెట్ సాధించారు.గిల్, అయ్య‌ర్ మెరుపులు..అనంత‌రం 249 ప‌రుగుల ల‌క్ష్యాన్ని భారత్ 6 వికెట్లు కోల్పోయి కేవలం 38.4 ఓవర్లలోనే అందుకుంది. భారత బ్యాటర్లలో భ్‌మన్ గిల్(96 బంతుల్లో 14 ఫోర్లతో 87 ), అక్షర్ పటేల్(47 బంతుల్లో 6 ఫోర్లు, సిక్స్‌తో 52 ) శ్రేయస్ అయ్యర్(36 బంతుల్లో 9 ఫోర్లు, 2 సిక్స్‌లతో 59) హాఫ్ సెంచరీలతో రాణించారు.ఆదిలోనే కెప్టెన్ రోహిత్ శ‌ర్మ(2),యశస్వి జైస్వాల్(15) వికెట్ల‌ను భార‌త్ కోల్పోయింది. ఈ స‌మ‌యంలో క్రీజులోకి వ‌చ్చిన అయ్య‌ర్.. ఇంగ్లండ్ బౌల‌ర్ల‌పై ఎదురుదాడికి దిగాడు. గిల్ ఓవైపు ఆచితూచి ఆడిన‌ప్ప‌టికి.. అయ్య‌ర్ మాత్రం ఆకాశ‌మే హ‌ద్దుగా చెల‌రేగాడు. శ్రేయ‌స్ ఔటైన త‌ర్వాత గిల్ కూడా త‌న బ్యాట్‌కు ప‌నిచెప్పాడు. అత‌డితో పాటు బ్యాటింగ్ ఆర్డ‌ర్‌లో ముందుకు వ‌చ్చిన అక్ష‌ర్ ప‌టేల్ సైతం దూకుడుగా ఆడాడు. ఆఖ‌రిలో ర‌వీంద్ర జ‌డేజా(12),హార్దిక్ పాండ్యా(9) ఆజేయంగా నిలిచి మ్యాచ్‌ను ఫినిష్ చేశారు. ఇక ఈ విజ‌యంపై మ్యాచ్ అనంత‌రం టీమిండియా కెప్టెన్ రోహిత్ శ‌ర్మ(Rohit sharma) స్పందించాడు. ఈ మ్యాచ్‌లో తమ కుర్రాళ్ల ప్రదర్శనపై హిట్‌మ్యాన్‌ సంతోషం వ్యక్తం చేశాడు."తొలి మ్యాచ్‌లోనే విజ‌యం సాధించ‌డం చాలా సంతోషంగా ఉంది. చాలా రోజుల త‌ర్వాత మేము ఈ ఫార్మాట్‌లో ఆడాము. వీలైనంత త్వరగా తిరిగి రీగ్రూప్ అయ్యి విజయం కోసం ఏమి చేయాలన్నదానిపై దృష్టి పెట్టాలనుకున్నాము. మా అంచనాలకు తగ్గట్టుగానే ఈ మ్యాచ్‌లో మేము రాణించాము. అయితే ఇంగ్లండ్ ఓపెనర్లు ఆరంభంలో దూకుడుగా ఆడి మాపై ఒత్తిడి పెంచారు. కానీ మా బౌలర్లు అద్బుతమైన కమ్‌బ్యాక్ ఇచ్చారు. ఇది సుదీర్ఘమైన ఫార్మాట్‌. ఈ ఫార్మాట్‌లో తిరిగి పుంజుకోవడానికి అవకాశం ఉంటుంది. ప్రతీ మ్యాచ్‌లోనూ మలుపులు ఉంటాయి. అంతేతప్ప మ్యాచ్ మన చేతి నుంచి చేజారిపోయిందని కాదు. తిరిగి కమ్‌బ్యాక్ ఇచ్చే స్కిల్స్ మన వద్ద ఉండాలి. ఈ క్రెడిట్ మొత్తం మా బౌలర్లకే దక్కుతుంది. నిజంగా వారి వల్లే తిరిగి గేమ్‌లోకి వచ్చాము. మిడిలార్డర్‌లో లెఫ్ట్ హ్యాండర్ ఉండాలని భావించాము. అందుకే అక్షర్ పటేల్‌కు తుది జట్టులో ఛాన్స్ ఇచ్చాము.అక్షర్ పటేల్ బ్యాట్‌తో ఏమి చేయగలడో మనందరికి తెలిసిందే. అతడు తానెంటో మరోసారి నిరూపించాడు. శ్రేయస్ అయ్యర్ సైతం అద్భుతంగా ఆడాడు. గిల్‌, అయ్యర్ నెలకొల్పిన భాగస్వామ్యం చాలా కీలకంగా మారింది. ఛాపింయన్స్‌ ట్రోఫీ ముందు మాకు ఎటువంటి ప్రత్యేక ప్రణాళికలు లేవు. అన్ని విభాగాల్లో మెరుగ్గా రాణించి ముందుకు వెళ్లాలి అనుకుంటున్నామని" పోస్ట్‌ మ్యాచ్‌ప్రెజెంటేషన్‌లో రోహిత్‌​ పేర్కొన్నాడు.చదవం‍డి: IND vs ENG: చరిత్ర సృష్టించిన హర్షిత్‌ రాణా.. తొలి భారత ప్లేయర్‌గా

ఇంగ్లండ్‌తో (England) మూడు మ్యాచ్‌ల టీ20 సిరీస్‌ను టీమిండియా (Team India) ఘనంగా ప్రారంభించింది. నాగ్‌పూర్‌ వేదికగా జరిగిన తొలి వన్డేలో భారత్‌ 4 వికెట్ల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. టీమిండియా బౌలర్లు చెలరేగడంతో 248 పరుగులకే (47.4 ఓవర్లలో) ఆలౌటైంది. రవీంద్ర జడేజా, హర్షిత్‌ రాణా తలో మూడు వికెట్లు తీసి ఇంగ్లండ్‌ను దెబ్బ కొట్టారు. షమీ, అక్షర్‌, కుల్దీప్‌ తలో వికెట్‌ తీశారు.ఇంగ్లండ్‌ బ్యాటర్లలో జోస్‌ బట్లర్‌ (52), జేకబ్‌ బేతెల్‌ (51) హాఫ్‌ సెంచరీలతో రాణించగా.. ఓపెనర్లు బెన్‌ డకెట్‌ (32), ఫిలిప్‌ సాల్ట్‌ (43) ఓ మోస్తరు స్కోర్లు చేశారు. రూట్‌ 19, బ్రూక్‌ 0, లివింగ్‌స్టోన్‌ 5, కార్స్‌ 10, ఆదిల్‌ రషీద్‌ 8, సాకిబ్‌ మహమూద్‌ 2 పరుగులు చేసి ఔటయ్యారు. ఆఖర్లో జోఫ్రా ఆర్చర్‌ (21 నాటౌట్‌) బ్యాట్‌ ఝులిపించడంతో ఇంగ్లండ్‌ ఈ మాత్రం స్కోరైనా చేయగలిగింది.అనంతరం బ్యాటింగ్‌కు దిగిన భారత్‌.. 38.4 ఓవర్లలో 6 వికెట్లు కోల్పోయి లక్ష్యాన్ని ఛేదించింది. ఛేదనలో ఓపెనర్లు రోహిత్‌ శర్మ (2), యశస్వి జైస్వాల్‌ (15) త్వరగా ఔటైనా.. మిడిలార్డర్‌ బ్యాటర్లు శ్రేయస్‌ అయ్యర్‌ (59), శుభ్‌మన్‌ గిల్‌ (87), అక్షర్‌ పటేల్‌ (52) అద్భుతంగా ఆడారు. ముఖ్యంగా శ్రేయస్‌ మెరుపు ఇన్నింగ్స్‌ ఆడి మధ్యలోనే భారత్‌ గెలుపు ఖరారు చేశాడు. లక్ష్యానికి చేరువైన తరుణంలో భారత్‌ వరుసగా వికెట్లు కోల్పోయింది. హార్దిక్‌ పాండ్యా (9 నాటౌట్‌), రవీంద్ర జడేజా (12 నాటౌట్‌) భారత్‌ను విజయతీరాలకు చేర్చారు. ఇంగ్లండ్‌ బౌలర్లలో సాకిబ్‌ మహమూద్‌, ఆదిల్‌ రషీద్‌ తలో రెండు వికెట్లు పడగొట్టగా.. ఆర్చర్‌, జేకబ్‌ బేతెల్‌ చెరో వికెట్‌ దక్కించుకున్నారు. రెండో వన్డే కటక్‌ వేదికగా ఫిబ్రవరి 9న జరుగనుంది.జడేజా@600ఈ మ్యాచ్‌లో టీమిండియా లెఫ్ట్‌ ఆర్మ్‌ స్పిన్నర్‌ రవీంద్ర జడేజా ఓ అరుదైన మైలురాయిని తాకాడు. ఈ మ్యాచ్‌లో మూడు వికెట్లు తీసిన జడేజా.. అంతర్జాతీయ క్రికెట్‌లో 600 వికెట్లు పూర్తి చేసుకున్నాడు. తద్వారా భారత్‌ తరఫున ఈ ఘనత సాధించిన ఐదో బౌలర్‌గా రికార్డు నెలకొల్పాడు. జడ్డూకు ముందు అనిల్‌ కుంబ్లే (953), అశ్విన్‌ (765), హర్భజన్‌ సింగ్‌ (707), కపిల్‌ దేవ్‌ (687) మాత్రమే 600 అంతర్జాతీయ వికెట్లు పడగొట్టారు. భారత్‌ తరఫున 600 వికెట్లు పడగొట్టిన తొలి లెఫ్ట్‌ ఆర్మ్‌ స్పిన్నర్‌, అలాగే అంతర్జాతీయ క్రికెట్‌లో 600 వికెట్లతో పాటు 6000 పరుగులు చేసిన ఏకైక భారత స్పిన్నర్‌ జడేజానే.అరంగ్రేటంలోనే మెరిసిన రాణా.. నిరాశపరిచిన జైస్వాల్‌ఈ మ్యాచ్‌తో వన్డే క్రికెట్‌లోకి ఎంట్రీ ఇచ్చిన హర్షిత్‌ రాణా తనపై పెట్టుకున్న అంచనాలకు న్యాయం చేశాడు. ఈ మ్యాచ్‌లో తొలుత ధారాళంగా పరుగులు సమర్పించుకున్న ఆతను.. ఆతర్వాత కోలుకుని మూడు వికెట్లు తీశాడు. ఇంగ్లండ్‌ ఇన్నింగ్స్‌ ఆరంభంలో ఫిల్‌ సాల్ట్‌ రాణాకు చుక్కలు చూపించాడు. ఇదే మ్యాచ్‌తో వన్డే అరంగేట్రం చేసిన మరో భారత ఆటగాడు యశస్వి జైస్వాల్‌ నిరాశపరిచాడు. ఈ మ్యాచ్‌లో జైస్వాల్‌ 22 బంతుల్లో 15 పరుగులు చేసి ఔటయ్యాడు.కొనసాగిన రోహిత్‌ వైఫల్యాల పరంపరఅంతర్జాతీయ క్రికెట్‌లో రోహిత్‌ వైఫల్యాల పరంపర కొనసాగింది. ఈ మ్యాచ్‌లో అతను 7 బంతులు ఎదుర్కొని 2 పరుగులకే ఔటయ్యాడు. ఇటీవలికాలంలో ఫార్మాట్లకతీతంగా రోహిత్‌ ప్రదర్శనలు చాలా దారుణంగా ఉన్నాయి.గత 16 ఇన్నింగ్స్‌ల్లో రోహిత్‌ కేవలం ఒకే అర్ద సెంచరీ చేశాడు. గత ఏడాదంతా కలుపుకుని రోహిత్‌ చేసింది కేవలం 166 పరుగులే. విరాట్‌ దూరం.. పంత్‌కు నో ప్లేస్‌ఈ మ్యాచ్‌కు టీమిండియా స్టార్‌ బ్యాటర్‌ విరాట్‌ కోహ్లి దూరంగా ఉన్నాడు. మోకాలి గాయం కారణంగా కోహ్లి ఈ మ్యాచ్‌లో ఆడలేదు. గాయాల కారణంగా కోహ్లి మ్యాచ్‌లకు దూరం కావడం చాలా అరుదు. ఈ మ్యాచ్‌లో మరో భారత స్టార్‌ ఆటగాడికి కూడా చోటు దక్కలేదు. వికెట్‌కీపర్‌, బ్యాటర్‌ రిషబ్‌ పంత్‌ బెంచ్‌కే పరిమితమయ్యాడు. కేఎల్‌ రాహుల్‌ అదనంగా వికెట్‌కీపింగ్‌ బాధ్యతలు మోశాడు.

ఇండియన్‌ ప్రీమియర్‌ లీగ్‌(ఐపీఎల్‌)-2025లో సరికొత్త పంజాబ్‌ కింగ్స్‌(Punjab Kings)ను చూస్తారని హెడ్‌కోచ్‌ రిక్కీ పాంటింగ్‌(Ricky Ponting) అన్నాడు. వేలం విషయంలో ఫ్రాంఛైజీ యజమాన్యం తనకు పూర్తి స్వేచ్ఛనిచ్చిందని.. అందుకే తన వ్యూహాలను పక్కాగా అమలు చేయగలిగినట్లు తెలిపాడు. కోరుకున్న ఆటగాళ్లను దక్కించుకోవడంలో తాము సఫలమయ్యామన్నాడు.ఇక మైదానంలో మెరుగైన ఫలితాలు సాధించడంపైనే ప్రస్తుతం తన దృష్టి మొత్తం కేంద్రీకృతమై ఉన్నట్లు రిక్కీ పాంటింగ్‌ పేర్కొన్నాడు. కాగా ఈ ఆస్ట్రేలియా దిగ్గజానికి ఐపీఎల్‌తో గత పదేళ్లుగా అనుబంధం ఉంది.ఢిల్లీ క్యాపిటల్స్‌తో ఏడేళ్లుఢిల్లీ క్యాపిటల్స్‌(Delhi Capitals) ప్రాంఛైజీకి అత్యధికంగా ఏడేళ్లు అతడు హెడ్‌కోచ్‌గా పనిచేశాడు. 2018- 2024 వరకు అతడి మార్గదర్శనంలో ఢిల్లీ జట్టు మిశ్రమ ఫలితాలు అందుకుంది. అయితే, అత్యుత్తమంగా 2020లో ఫైనల్‌కు చేరింది. కానీ రన్నరప్‌తోనే సరిపెట్టుకుంది. ఇక అంతకు ముందు 2019లో.. ఆ తర్వాత 2021లో ప్లే ఆఫ్స్‌ వరకు చేరగలిగింది.కానీ 2022-2024 వరకు ఒక్కసారి కూడా టాప్‌-4లోనూ అడుగుపెట్టలేకపోయింది. ఈ నేపథ్యంలో ఢిల్లీ యాజమాన్యం రిక్కీ పాంటింగ్‌తో తమకున్న సుదీర్ఘ అనుబంధాన్ని తెంచుకుంది. అనంతరం.. పంజాబ్‌ కింగ్స్‌ పాంటింగ్‌ను తమ కుటుంబంలోకి ఆహ్వానించి ప్రధాన కోచ్‌గా నియమించింది.చెత్త రికార్డుతో పంజాబ్‌ఇక ఐపీఎల్‌లో పంజాబ్‌ కింగ్స్‌కు ఉన్న చెత్త రికార్డు గురించి తెలిసిందే. క్యాష్‌ రిచ్‌ లీగ్‌ ఆరంభ ఎడిషన్‌(2008) నుంచి ఇప్పటిదాకా కేవలం రెండుసార్లే ప్లే ఆఫ్స్‌ చేరింది. ఆఖరి నిమిషంలో చేతులెత్తేసి మ్యాచ్‌లు చేజార్చుకున్న సందర్భాలు కోకొల్లలు. అయితే, ఈసారి మాత్రం పక్కా ప్రణాళికతో ముందుకు వెళ్లాలనే ఆలోచనతో పాంటింగ్‌ను రంగంలోకి దింపింది.ఈ నేపథ్యంలో పంజాబ్‌ కింగ్స్‌ యాజమాన్యం గురించి రిక్కీ పాంటింగ్‌ హెవీ గేమ్స్‌ పాడ్‌కాస్ట్‌లో మాట్లాడుతూ ఆసక్తికర వ్యాఖ్యలు చేశాడు. ‘‘వేలానికి ముందు మేము అన్ని రకాలుగా చర్చించుకున్నాం. అంతా అనుకున్నట్లే జరిగినందుకు నాకు సంతోషంగా ఉంది.యజమానులు వాళ్లే అయినా.. జట్టు పూర్తిగా నాదేఇక ఇప్పటి నుంచి ఫ్రాంఛైజీ యజమానులు ఎవరైనా సరే.. జట్టు మాత్రం పూర్తిగా నా చేతుల్లో ఉంటుంది. జట్టు గత చరిత్ర గురించి నేను చాలా విషయాలు విన్నాను. ఇకపై అందుకు భిన్నంగా ఉండాలంటే నాకు స్వేచ్ఛ కావాలని అడిగాను. అందుకు ఓనర్లు కూడా అంగీకరించారు. ఫ్రాంఛైజీ యజమానులతో పాటు అడ్మినిస్ట్రేటర్లు, బోర్డు డైరెక్టర్లు.. ఇలా ప్రతి ఒక్కరికి నా కార్యచరణ గురించి వివరించాను. నా శైలిలో జట్టును ముందుకు తీసుకువెళ్తాను. ముఖ్యంగా భారత క్రికెటర్లపై మేము ఎక్కువగా దృష్టి పెట్టాము. వారి రాక మాకు శుభారంభం లాంటిదే’’ అని రిక్కీ పాంటింగ్‌ పేర్కొన్నాడు.రికార్డు ధరకు అయ్యర్‌ను కొనికాగా ఐపీఎల్‌-2025 మెగా వేలంలో పంజాబ్‌ కింగ్స్‌ రికార్డు స్థాయిలో .. టీమిండియా స్టార్‌ శ్రేయస్‌ అయ్యర్‌ కోసం ఏకంగా రూ. 26.75 కోట్లు ఖర్చుపెట్టింది. గత సీజన్‌లో కోల్‌కతా నైట్‌ రైడర్స్‌కు టైటిల్‌ అందించిన ఈ విన్నింగ్‌ కెప్టెన్‌ను తమ సారథిగా నియమించింది. అంతేకాదు.. వేలానికి ముందు ప్రభ్‌సిమ్రన్‌ సింగ్‌, శశాంక్‌ సింగ్‌లను మాత్రమే రిటైన్‌ చేసుకున్న పంజాబ్‌.. వేలంలో మరో టీమిండియా స్టార్‌ స్పిన్నర్‌ యజువేంద్ర చహల్‌ను రూ. 18 కోట్లకు కొనుగోలు చేసింది. ఇక పంజాబ్‌ జట్టుకు నెస్‌ వాడియా, ప్రీతి జింటా సహ యజమానులు అన్న విషయం తెలిసిందే.చదవండి: అతడికి ఇదే చివరి ఐసీసీ టోర్నీ.. టీమిండియా గెలిస్తే చరిత్రే: సురేశ్‌ రైనా

టీమిండియా కెప్టెన్‌ రోహిత్‌ శర్మ(Rohit Sharma), మిడిలార్డర్‌ బ్యాటర్‌ శ్రేయస్‌ అయ్యర్‌(Shreyas Iyer)పై భారత క్రికెట్‌ దిగ్గజం సునిల్‌ గావస్కర్‌(Sunil Gavaskar) విమర్శలు గుప్పించాడు. ఈ ఇద్దరు ఏదో మొక్కుబడిగా రంజీలు ఆడుతున్నారే తప్ప.. జట్టును గెలిపించాలనే తపన కనిపించలేదన్నాడు. టెక్నిక్‌తో బ్యాటింగ్‌ చేయాల్సిన చోట.. దూకుడు ప్రదర్శించి వికెట్లు పారేసుకోవడం సరికాదని హితవు పలికాడు.కాగా ఇటీవల భారత టెస్టు జట్టు ఘోర పరాభవాలు చవిచూసిన విషయం తెలిసిందే. స్వదేశంలో న్యూజిలాండ్‌తో 3-0తో వైట్‌వాష్‌ కావడం సహా.. ఆస్ట్రేలియా పర్యటన సందర్భంగా పదేళ్ల తర్వాత తొలిసారి బోర్డర్‌- గావస్కర్‌ ట్రోఫీని చేజార్చుకుంది.కెప్టెన్‌గా, బ్యాటర్‌గా విఫలంఈ రెండు సిరీస్‌లలో కెప్టెన్‌గా, బ్యాటర్‌గా రోహిత్‌ శర్మ దారుణంగా విఫలమయ్యాడు. ముఖ్యంగా ఆసీస్‌ గడ్డపై కనీసం ఒక్క అర్ధ శతకం కూడా సాధించలేకపోయాడు. ఈ నేపథ్యంలో టెస్టు క్రికెట్‌కు ఇక రిటైర్మెంట్‌ ప్రకటించాలంటూ రోహిత్‌కు మాజీ ‍క్రికెటర్ల నుంచి సూచనలు వచ్చాయి.అయితే, ఇప్పట్లో తాను టెస్టు క్రికెట్‌ నుంచి వైదొలగబోనని రోహిత్‌ శర్మ కుండబద్దలు కొట్టాడు. ఈ నేపథ్యంలో భారత క్రికెట్‌ నియంత్రణ మండలి(బీసీసీఐ) నిబంధనల ప్రకారం.. రంజీ ట్రోఫీ బరిలో దిగాడు. సొంతజట్టు ముంబై తరఫున రంజీ రెండో దశ పోటీల్లో భాగంగా జమ్మూ కశ్మీర్‌తో మ్యాచ్‌ ఆడాడు.రంజీల్లోనూ నిరాశేకానీ.. ఇక్కడ కూడా రోహిత్‌ శర్మ తీవ్రంగా నిరాశపరిచాడు. తొలి ఇన్నింగ్స్‌లో మూడు.. రెండో ఇన్నింగ్స్‌లో 28 పరుగులు చేశాడు. మరో టీమిండియా స్టార్‌, ఇప్పటికే బీసీసీఐ సెంట్రల్‌ కాంట్రాక్టు కోల్పోయిన శ్రేయస్‌ అయ్యర్‌ కూడా ఈ మ్యాచ్‌లో విఫలమయ్యాడు.రెండు ఇన్నింగ్స్‌లో వరుసగా 11, 17 పరుగులు మాత్రమే చేశాడు. ఇక ఈ మ్యాచ్‌లో జమ్మూ కశ్మీర్‌ చేతిలో.. డిఫెండింగ్‌ చాంపియన్‌ ముంబై ఐదు వికెట్ల తేడాతో ఓటమిని చవిచూసింది. నిజానికి ముంబై కాస్తైనా పరువు నిలబెట్టుకుందంటే అందుకు లోయర్‌ ఆర్డర్‌ బ్యాటర్లే కారణం.చెలరేగిన శార్దూల్‌, తనుశ్‌తొలి ఇన్నింగ్స్‌లో మెరుపు అర్థ శతకం(57 బంతుల్లో 51) బాదిన పేస్ బౌలింగ్‌ ఆల్‌రౌండర్‌ శార్దూల్‌ ఠాకూర్‌.. రెండో ఇన్నింగ్స్‌లో శతకం(119)తో సత్తా చాటాడు,. ఇక స్పిన్‌ బౌలింగ్‌ ఆల్‌రౌండర్‌ తనుశ్‌ కొటియాన్‌ సైతం 26, 62 పరుగులు చేశాడు. ఇక శార్దూల్‌ ఈ మ్యాచ్‌లో రెండు వికెట్లు కూడా తీశాడు.ఈ నేపథ్యంలో ముంబై మాజీ ఆటగాడు, టీమిండియా మాజీ కెప్టెన్‌ సునిల్‌ గావస్కర్‌ రోహిత్‌ శర్మ, శ్రేయస్‌ అయ్యర్‌ల ఆట తీరుపై ఘాటు వ్యాఖ్యలు చేశాడు. ‘‘ ఈ ఇద్దరూ తమ స్థాయికి తగ్గట్లు ఆడలేదు. అసలు ఆడాలన్న కసి కూడా వారిలో కనిపించలేదు.కొంపదీసి అందుకోసమేనా ఇదంతా?వీళ్లు నిజంగానే రంజీలు ఆడాలనుకున్నారా. లేదంటే.. బీసీసీఐ సెంట్రల్‌ కాంట్రాక్టులు కోల్పోకూడదు, వాటిపై ప్రభావం పడకూడదన్న ఏకైక కారణంతోనే బరిలోకి దిగారా? అనిపించింది. మరోవైపు.. శార్దూల్‌.. తనూశ్‌.. రెడ్‌బాల్‌ క్రికెట్‌లో జాగ్రత్తగా ఆడుతూనే.. దూకుడుగా ఎలా ఉండాలో చూపించారు’’ అని గావస్కర్‌ పేర్కొన్నాడు.ఏదేమైనా రోహిత్‌ శర్మ, యశస్వి జైస్వాల్‌ వంటి టీమిండియా స్టార్లు ఈ టోర్నీలో ఆడటం వల్ల యువ ఆటగాళ్లలో కొత్త ఉత్సాహం నింపిందని గావస్కర్‌ అన్నాడు. వీరి నుంచి ఆయుశ్‌ మాత్రే వంటి వాళ్లు సలహాలు, సూచనలు తీసుకునేందుకు వీలు కలిగిందని పేర్కొన్నాడు.కాగా వరుస సెంచరీలతో జోరు మీదున్న ఆయుశ్‌ మాత్రే.. రోహిత్‌ శర్మ కోసం జట్టులో తన ఓపెనింగ్‌ స్థానాన్ని త్యాగం చేయాల్సి వచ్చింది. మరోవైపు.. యశస్వి జైస్వాల్‌(4, 26) కూడా రోహిత్‌కు ఓపెనింగ్‌ జోడీగా దిగి.. ఈ మ్యాచ్‌లో విఫలమయ్యాడు.చదవండి: Ab De Villiers: సౌతాఫ్రికా కెప్టెన్‌గా డివిలియర్స్‌.. టీ20 టోర్నీతో రీఎంట్రీ

రంజీ ట్రోఫీ 2024-25 ఎడిషన్‌లో భాగంగా జమ్మూ అండ్‌ కశ్మీర్‌తో జరుగుతున్న మ్యాచ్‌లో స్టార్‌ ప్యాకప్‌ ఉన్న ముంబై టీమ్‌ పీకల్లోతు కష్టాల్లో కూరుకుపోయింది. తొలి ఇన్నింగ్స్‌లో 120 పరుగులకే ఆలౌటైన ఈ మాజీ రంజీ ఛాంపియన్‌.. రెండో ఇన్నింగ్స్‌లోనూ పేలవ ప్రదర్శన కొనసాగిస్తుంది. రెండో రోజు లంచ్‌ విరామం సమయానికి ముంబై 86 పరుగులకే సగం వికెట్లు కోల్పోయింది. ప్రస్తుతం ఆ జట్టు జమ్మూ అండ్‌ కశ్మీర్‌ తొలి ఇన్నింగ్స్‌ స్కోర్‌ను సమం చేసింది. జమ్మూ అండ్‌ కశ్మీర్‌ తొలి ఇన్నింగ్స్‌లో 206 పరుగులు చేసింది.రెండో ఇన్నింగ్స్‌లోనూ విఫలమైన స్టార్లు జమ్మూ అండ్‌ కశ్మీర్‌తో మ్యాచ్‌లో ముంబై తరఫున బరిలోకి దిగిన టీమిండియా స్టార్లు రెండో ఇన్నింగ్స్‌లోనూ విఫలమయ్యారు. తొలి ఇన్నింగ్స్‌లో 4 పరుగులు చేసిన యశస్వి జైస్వాల్‌.. సెకెండ్‌ ఇన్నింగ్స్‌లో 26 పరుగులకు (5 ఫోర్లు) ఔటయ్యాడు. తొలి ఇన్నింగ్స్‌లో 3 పరుగులే బిచానా ఎత్తిన రోహిత్‌ శర్మ.. సెకెండ్‌ ఇన్నింగ్స్‌లో కాస్త పర్వాలేదన్నట్టుగా 35 బంతుల్లో 28 పరుగులు చేశాడు. ఈ ఇన్నింగ్స్‌లో రోహిత్‌ 2 సొగసైన బౌండరీలు, 3 భారీ సిక్సర్లు బాది తన పాత రోజులను గుర్తు చేశాడు.శ్రేయస్‌ మరోసారి..!ఈ మ్యాచ్‌లో టీమిండియా వన్డే ప్లేయర్‌ శ్రేయస్‌ అయ్యర్‌కు రెండు ఇన్నింగ్స్‌ల్లో శుభారంభాలే లభించాయి. అయితే వాటిని పెద్ద స్కోర్లుగా మలచడంలో విఫలమయ్యాడు. తొలి ఇన్నింగ్స్‌లో తొలి బంతికే సిక్సర్‌ బాది జోష్‌ మీదున్నట్లు కనిపించిన శ్రేయస్‌ 7 బంతుల్లో 11 పరుగులు మాత్రమే చేసి ఔటయ్యాడు. సెకెండ్‌ ఇన్నింగ్స్‌లోనూ అదే జోష్‌ను ప్రదర్శించిన శ్రేయస్‌.. వచ్చీ రాగానే ఎడాపెడా నాలుగు బౌండరీలు (16 బంతుల్లో 17 పరుగులు) బాది ఔటయ్యాడు.రెండో ఇన్నింగ్స్‌లోనూ డకౌటైన శివమ్‌ దూబేఈ మ్యాచ్‌లో విధ్వంసకర ఆటగాడు శివమ్‌ దూబే రెండు ఇన్నింగ్స్‌ల్లోనూ డకౌటై నిరాశపరిచాడు. శ్రేయస్‌, శివమ్‌ దూబేల వికెట్లు ఒకే స్కోర్‌ వద్ద కోల్పోవడంతో ముంబై కష్టాల్లో పడింది. లంచ్‌ సమయానికి రహానే (12), షమ్స్‌ ములానీ (0) క్రీజ్‌లో ఉన్నారు.ముంబై పరువు కాపాడిన శార్దూల్‌ఈ మ్యాచ్‌లో ఆల్‌రౌండర్‌ శార్దూల్‌ ఠాకూర్‌ ముంబై పరువు కాపాడాడు. 100లోపే ఆలౌటైయ్యేలా కనిపించిన ముంబైను శార్దూల్‌ తన హాఫ్‌ సెంచరీతో గట్టెక్కించాడు. తొలి ఇన్నింగ్స్‌లో మొత్తం 57 బంతులు ఎదుర్కొన్న శార్దూల్‌ 5 ఫోర్లు, 2 సిక్సర్ల సాయంతో 51 పరుగులు చేశాడు. శార్దూల్‌కు తనుశ్‌ కోటియన్‌ (26, 5 ఫోర్లు) కాసేపు సహకరించడంతో ముంబై 100 పరుగుల మార్కును దాటింది.

చాంపియన్స్‌ ట్రోఫీ-2025 నేపథ్యంలో టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer) కీలక వ్యాఖ్యలు చేశాడు. ఈ ఐసీసీ టోర్నీలో పాల్గొనే జట్టులో తాను తప్పక చోటు దక్కించుకుంటాననే ధీమా వ్యక్తం చేశాడు. బ్యాటింగ్‌ ఆర్డర్‌లో తాను ఏ స్థానంలోనైనా వచ్చేందుకు సిద్ధంగా ఉన్నానని తెలిపాడు.కాగా గతేడాది శ్రీలంకతో వన్డే సిరీస్‌ సందర్భంగా శ్రేయస్‌ అయ్యర్‌ చివరిసారిగా టీమిండియాకు ప్రాతినిథ్యం వహించాడు. ఆ తర్వాత ఐపీఎల్‌తో పాటు దేశీ క్రికెట్‌కే పరిమితమైన ఈ ముంబై బ్యాటర్‌.. 2024లో కోల్‌కతా నైట్‌ రైడర్స్‌ కెప్టెన్‌గా జట్టుకు టైటిల్‌ అందించాడు. అంతేకాదు.. రంజీ ట్రోఫీ, ఇరానీ కప్‌ గెలిచిన జట్లలో సభ్యుడు.అదే విధంగా తన కెప్టెన్సీలో ముంబైకి దేశవాళీ టీ20 క్రికెట్‌ టోర్నమెంట్‌ సయ్యద్‌ ముస్తాక్‌ అలీ ట్రోఫీ అందించాడు. దేశీ వన్డే టోర్నీ విజయ్‌ హజారే ట్రోఫీలోనూ దుమ్ములేపాడు. రెండు భారీ శతకాలతో ఆకట్టుకున్నాడు. ఈ నేపథ్యంలో చాంపియన్స్‌ ట్రోఫీకి అయ్యర్‌ ఎంపిక కావడం లాంఛనప్రాయమే అనే అభిప్రాయాలు వ్యక్తమయ్యాయి.వరల్డ్‌కప్‌లో మా ఇద్దరిది కీలక పాత్ర.. ఈసారీ!ఈ క్రమంలో శ్రేయస్‌ అయ్యర్‌ స్వయంగా ఈ విషయంపై స్పందించాడు. వన్డే వరల్డ్‌ప్‌-2023 ప్రదర్శన ఆధారంగా తనకు చాంపియన్స్‌ ట్రోఫీలోనూ ఆడే అవకాశం వస్తుందని ఆశాభావం వ్యక్తం చేశాడు. ‘‘నేను ఏ స్థానంలో బ్యాటింగ్‌ చేసేందుకైనా సిద్ధంగా ఉన్నాను.గత వరల్డ్‌కప్‌ టోర్నీలో నేను, కేఎల్‌ రాహుల్‌(KL Rahul) మిడిలార్డర్‌లో కీలక పాత్ర పోషించాం. మా ఇద్దరికీ ఆ ఈవెంట్‌ అద్భుతంగా సాగింది. అయితే, దురదృష్టవశాత్తూ ఫైనల్లో మా ప్రణాళికలను పక్కాగా అమలు చేయలేకపోయాం. ఏదేమైనా చాంపియన్స్‌ ట్రోఫీ ఆడే టీమిండియాకు ఎంపికైతే నాకు అంతకంటే గర్వకారణం మరొకటి ఉండదు. దేశానికి ప్రాతినిథ్యం వహించడం ఎప్పుడూ గొప్పగానే ఉంటుంది’’ అని శ్రేయస్‌ అయ్యర్‌ ఈఎస్‌పీఎన్‌క్రిక్‌ఇన్ఫోతో పేర్కొన్నాడు.రెండు శతకాలు బాదికాగా భారత్‌ వేదికగా జరిగిన వన్డే ప్రపంచకప్‌ ఈవెంట్లో శ్రేయస్‌ అయ్యర్‌ నాలుగో స్థానంలో.. వికెట్‌ కీపర్‌ బ్యాటర్‌ కేఎల్‌ రాహుల్‌ ఐదో స్థానంలో బ్యాటింగ్‌ చేశారు. ఈ టోర్నమెంట్లో మిడిలార్డర్‌లో బరిలోకి దిగిన అయ్యర్‌ అద్భుత ప్రదర్శనతో ఆకట్టుకున్నాడు. పదకొండు ఇన్నింగ్స్‌లో కలిపి ఈ కుడిచేతి వాటం బ్యాటర్‌ సగటు 66.25తో 530 పరుగులు సాధించాడు. ఇందులో రెండు శతకాలు, మూడు హాఫ్‌ సెంచరీలు ఉండటం విశేషం.ఫైనల్లో మాత్రం విఫలంఅయితే, అహ్మదాబాద్‌ వేదికగా ఆస్ట్రేలియాతో జరిగిన ఫైనల్లో(India vs Australia) మాత్రం అయ్యర్‌ తేలిపోయాడు. ఆసీస్‌ కెప్టెన్‌, పేస్‌ బౌలర్‌ ప్యాట్‌ కమిన్స్‌ బౌలింగ్‌లో జోష్‌ ఇంగ్లిస్‌కు క్యాచ్‌ ఇచ్చి నాలుగు పరుగుల వ్యక్తిగత స్కోరు వద్ద నిష్క్రమించాడు. మరోవైపు.. ఈ మెగా టోర్నీలో కేఎల్‌ రాహుల్‌ 452 పరుగులు సాధించాడు. ఫైనల్లో 66 పరుగులు చేసి.. టీమిండియా ఇన్నింగ్స్‌లో టాప్‌ రన్‌ స్కోరర్‌గా నిలిచాడు.పంజాబ్‌ కెప్టెన్‌గాఇదిలా ఉంటే.. ఐపీఎల్‌-2025 మెగా వేలంలో శ్రేయస్‌ అయ్యర్‌పై కాసుల వర్షం కురిసిన విషయం తెలిసిందే. గతేడాది కోల్‌కతా నైట్‌ రైడర్స్‌కు కెప్టెన్‌గా వ్యవహరించి ట్రోఫీ అందించిన ఈ ఆటగాడి కోసం పంజాబ్‌ కింగ్స్‌ భారీ మొత్తం ఖర్చు పెట్టింది. ఏకంగా రూ. 26.75 కోట్లకు అయ్యర్‌ను సొంతం చేసుకుంది. ఫలితంగా క్యాష్‌ రిచ్‌ లీగ్‌లో అత్యధిక ధరకు అమ్ముడుపోయిన రెండో ఆటగాడిగా శ్రేయస్‌ అయ్యర్‌ నిలిచాడు. ఇక అతడిని తమ కెప్టెన్‌గా ప్రకటిస్తూ పంజాబ్‌ కింగ్స్‌ ఆదివారం ప్రకటన విడుదల చేసింది. కాగా ఐపీఎల్‌-2025లో లక్నో సూపర్‌ జెయింట్స్‌ టీమిండియా సూపర్‌స్టార్‌ రిషభ్‌ పంత్‌ను రూ. 27 కోట్లకు కొనుగోలు చేసింది. దీంతో ఈ మెగా లీగ్‌లో అత్యంత ఖరీదైన ఆటగాడిగా ఈ వికెట్‌ కీపర్‌ బ్యాటర్‌ చరిత్రకెక్కాడు.చదవండి: చాంపియన్స్‌ ట్రోఫీకి భారత జట్టు ప్రకటన ఆరోజే: బీసీసీఐ ఉపాధ్యక్షుడు

ఇండియన్‌ ప్రీమియర్‌ లీగ్‌ (ఐపీఎల్‌) ఫ్రాంచైజీ పంజాబ్‌ కింగ్స్‌(Punjab Kings) జట్టు తమ కొత్త కెప్టెన్‌ పేరును ప్రకటించింది. ఐపీఎల్‌-2025 సీజన్‌కు గానూ టీమిండియా బ్యాటర్‌ శ్రేయస్‌ అయ్యర్‌(Shreyas Iyer)ను తమ సారథిగా ఎంపిక చేసుకుంది. కాగా క్యాష్‌ రిచ్‌ లీగ్‌లో కెప్టెన్‌గా ఈ ముంబై బ్యాటర్‌కు మంచి అనుభవం ఉంది. గతంలో ఢిల్లీ క్యాపిటల్స్‌, కోల్‌కతా నైట్‌రైడర్స్‌ జట్లకు అతడు నాయకుడిగా వ్యవహరించాడు.కోల్‌కతాకు టైటిల్‌ అందించిఇక గతేడాది ఐపీఎల్‌లో కోల్‌కతా నైట్‌రైడర్స్‌ను చాంపియన్‌గా నిలిపిన 30 ఏళ్ల శ్రేయస్‌ అయ్యర్‌కు భారీ డిమాండ్‌ ఏర్పడింది. అయితే, మెగా వేలం-2025(IPL Mega Auction 2025)కి ముందు కోల్‌కతా ఫ్రాంఛైజీ అతడిని రిటైన్‌ చేసుకుంటుందని విశ్లేషకులు భావించగా.. శ్రేయస్‌ మాత్రం జట్టుతో బంధాన్ని తెంచుకునేందుకే ఇష్టపడినట్లు సమాచారం. ఈ నేపథ్యంలో అతడు రూ. 2 కోట్ల కనీస ధరతో ఆక్షన్‌లోకి వచ్చాడు.భారీ ధర.. ఈ చాంపియన్‌ కెప్టెన్‌ను దక్కించుకునేందుకు పాత జట్టు కోల్‌కతా తొలుత రంగంలోకి దిగగా.. ఢిల్లీ క్యాపిటల్స్‌, పంజాబ్‌ కింగ్స్‌ తగ్గేదేలే అన్నట్లు ధరను పెంచుకుంటూ పోయాయి. నువ్వా- నేనా అన్నట్లుగా సాగిన వేలం పాటలో ఆఖరికి పంజాబ్‌ నెగ్గింది. రికార్డు స్థాయిలో ఏకంగా రూ. 26 కోట్ల 75 లక్షలు పెట్టి శ్రేయస్‌ అయ్యర్‌ను కొనుగోలు చేసింది. తాజాగా అతడికి పగ్గాలు అప్పగిస్తూ నిర్ణయం తీసుకుంది.నమ్మకాన్ని నిలబెట్టుకుంటాఈ నేపథ్యంలో శ్రేయస్‌ అయ్యర్‌ మాట్లాడుతూ.. ‘నాపై పెట్టుకున్న నమ్మకాన్ని నిలబెట్టుకుంటా. హెడ్‌ కోచ్‌ రిక్కీ పాంటింగ్‌తో మరోసారి కలిసి పనిచేసేందుకు ఆసక్తిగా చూస్తున్నా. జట్టులో నైపుణ్యానికి కొదవలేదు. ఇప్పటికే నిరూపించుకున్న ఆటగాళ్లతో పాటు ప్రతిభావంతులు చాలా మంది అందుబాటులో ఉన్నారు.పంజాబ్‌ కింగ్స్‌ జట్టుకు తొలి ఐపీఎల్‌ టైటిల్‌ అందించేందుకు నావంతు కృషి చేస్తా’ అని శ్రేయస్‌ అయ్యర్‌ అన్నాడు. ఇక.. ప్రధాన కోచ్‌ పాంటింగ్‌ మాట్లాడుతూ ‘శ్రేయస్‌కు ఆటపై మంచి అవగాహన ఉంది. కెప్టెన్‌గా ఇప్పటికే నిరూపించుకున్నాడు. గతంలో అతడితో కలిసి పనిచేశా. సీజన్‌ కోసం ఆతృతగా చూస్తున్నా’ అని అన్నాడు.కాగా ఇటీవల శ్రేయస్‌ అయ్యర్‌ సూపర్‌ ఫామ్‌లో ఉన్నాడు. 2024లో రంజీ ట్రోఫీ, ఇరానీ ట్రోఫీలు గెలిచిన ముంబై జట్టులో శ్రేయస్‌ అయ్యర్‌ సభ్యుడు. అంతేకాదు.. ఇటీవల అతడి కెప్టెన్సీలో ముంబై టీమ్‌ దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ టోర్నమెంట్‌ టైటిల్‌ గెలిచింది.సూపర్‌ ఫామ్‌లోఅదే విధంగా.. దేశీ వన్డే టోర్నీ విజయ్‌ హజారే ట్రోఫీలోనూ శ్రేయస్‌ అయ్యర్‌ భారీ శతకాలతో దుమ్ములేపాడు. తదుపరి అతడు ఇంగ్లండ్‌తో స్వదేశంలో జరిగే మూడు మ్యాచ్‌ల వన్డే సిరీస్‌తో టీమిండియా తరఫున పునరాగమనం చేసే అవకాశం ఉంది. అయితే, అంతకంటే ముందు ఇంగ్లండ్‌తో జరిగే ఐదు మ్యాచ్‌ల టీ20 సిరీస్‌ ఆడే భారత జట్టులో మాత్రం అయ్యర్‌కు చోటు దక్కలేదు. కాగా శ్రేయస్‌ అయ్యర్‌ చివరిసారిగా గతేడాది శ్రీలంకతో వన్డే సిరీస్‌లో పాల్గొన్నాడు.గతేడాది ఫ్లాప్‌ షోఇదిలా ఉంటే.. పంజాబ్‌ కింగ్స్‌ ఇంత వరకు ఒక్కసారి కూడా ఐపీఎల్‌ టైటిల్‌ గెలవలేదు. ఇక గత సీజన్‌లో శిఖర్‌ ధావన్‌ కెప్టెన్‌గా వ్యవహరించగా.. గాయం వల్ల అతడు ఆదిలోనే తప్పుకోగా.. ఇంగ్లండ్‌ ఆల్‌రౌండర్‌ సామ్‌ కర్రన్‌ జట్టును ముందుకు నడిపించాడు. అయితే, పద్నాలుగు మ్యాచ్‌లకు గానూ పంజాబ్‌ కేవలం ఐదే గెలిచి.. తొమ్మిదో స్థానంతో సీజన్‌ను ముగించింది. చదవండి: వన్డేల్లో ట్రిపుల్‌ సెంచరీ.. సంచలనం సృష్టించిన ముంబై బ్యాటర్‌𝐒𝐡𝐫𝐞𝐲𝐚𝐬 𝐈𝐲𝐞𝐫 ➡️ 𝐓𝐡𝐞 𝐜𝐡𝐨𝐬𝐞𝐧 𝐨𝐧𝐞! ©️♥️#CaptainShreyas #SaddaPunjab #PunjabKings pic.twitter.com/EFxxWYc44b— Punjab Kings (@PunjabKingsIPL) January 12, 2025

టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌ ఇటీవలి కాలంలో ఫార్మాట్లకతీతంగా విశేషంగా రాణిస్తున్నాడు. అయ్యర్‌ ఈ ఏడాది దేశవాలీ టోర్నీల్లో ఆకాశమే హద్దుగా చెలరేగాడు. ఫామ్‌ లేమి కారణంగా జాతీయ జట్టులో చోటు కోల్పోయిన శ్రేయస్‌.. దేశవాలీ క్రికెట్‌లో మెరుగ్గా ఆడుతున్నాడు. శ్రేయస్‌ మిగతా టీమిండియా ఆటగాళ్లలా బీరాలకు పోకుండా తనను తాను తగ్గించుకుని దేశవాలీ క్రికెట్‌ ఆడాడు. శ్రేయస్‌ ఈ ఏడాది రంజీల్లో 90.4 సగటున, 88.8 స్ట్రయిక్‌రేట్‌తో 452 పరుగులు చేశాడు. సయ్యద్‌ ముస్తాక్‌ అలీ టీ20 టోర్నీలో 188.5 స్ట్రయిక్‌రేట్‌తో 49.3 సగటున 345 పరుగులు చేశాడు. ప్రస్తుతం జరుగుతున్న విజయ్‌ హజారే ట్రోఫీలో శ్రేయస్‌ పట్టపగ్గాల్లేకుండా బ్యాట్‌ను ఝులిపిస్తున్నాడు. వీహెచ్‌టీలో శ్రేయస్‌ ఇప్పటివరకు ఆడిన ఐదు మ్యాచ్‌ల్లో రెండు సెంచరీల సాయంతో 325 పరుగులు చేశాడు. ఈ టోర్నీలో శ్రేయస్‌ యావరేజ్‌ చూస్తే కళ్లు చెదురుతాయి. శ్రేయస్‌ 325 సగటున పరుగులు సాధించాడు. అతని స్ట్రయిక్‌రేట్‌ 131.6గా ఉంది. ఈ గణాంకాలతో శ్రేయస్‌ భారత సెలెక్టర్లకు సవాలు విసురుతున్నాడు. పలు నివేదికల ప్రకారం శ్రేయస్‌ ఇంగ్లండ్‌ సిరీస్‌లతో పాటు ఛాంపియన్స్‌ ట్రోఫీకి కూడా ఎంపిక కానున్నట్లు తెలుస్తుంది. శ్రేయస్‌ ఇదే భీకర ఫామ్‌ను కొనసాగిస్తే పరిమిత ఓవర్ల క్రికెట్‌లో భారత్‌కు తిరుగే ఉండదు. శ్రేయస్‌ టీమిండియా తరఫున చివరిగా గతేడాది ఆగస్ట్‌లో శ్రీలంకతో వన్డే మ్యాచ్‌ ఆడాడు. శ్రేయస్‌ తన చివరి టీ20ను 2023 డిసెంబర్‌లో ఆడాడు. బెంగళూరులో ఆస్ట్రేలియాతో జరిగిన మ్యాచ్‌ శ్రేయస్‌కు చివరి టీ20. టెస్ట్‌ల విషయానికొస్తే..శ్రేయస్‌ టెస్ట్‌ల రికార్డు అంత బాలేదు. 2021 నవంబర్‌లో తొలి టెస్ట్‌ మ్యాచ్‌ (న్యూజిలాండ్‌తో) ఆడిన శ్రేయస్‌.. 2024 ఫిబ్రవరిలో తన చివరి టెస్ట్‌ మ్యాచ్‌ (ఇంగ్లండ్‌) ఆడాడు. 33 ఏళ్ల శ్రేయస్‌ టీమిండియాలో చోటే లక్ష్యంగా దేశవాలీ క్రికెట్‌లో సత్తా చాటుతున్నాడు. ఇంగ్లండ్‌తో పరిమత ఓవర్ల సిరీస్‌లు, ఛాంపియన్స్‌ ట్రోఫీ కోసం భారత జట్లను ఈనెల 12వ తేదీలోపు ప్రకటించనున్నారు. చాలా నివేదికలు రెండు ఫార్మాట్లలో శ్రేయస్‌కు చోటు పక్కా అని అంటున్నాయి. శ్రేయస్‌ రాకతో మిడిలార్డర్‌లో టీమిండియా అత్యంత పటిష్టంగా మారుతుంది. ప్రస్తుత ఫామ్‌ ప్రకారం చూస్తే శ్రేయస్‌ ఛాంపియన్స్‌ ట్రోఫీలో చెలరేగడం ఖాయంగా కనిపిస్తుంది. వన్డే ఫార్మాట్‌లో మొదటి నుంచి శ్రేయస్‌కు తిరుగులేదు. ఈ ఫార్మాట్‌లో అతను 62 మ్యాచ్‌లు ఆడి 47.47 సగటున, 101.21 స్ట్రయిక్‌రేట్‌తో 2421 పరుగులు చేశాడు. ఇందులో ఐదు సెంచరీలు, 18 హాఫ్‌ సెంచరీలు ఉన్నాయి. టీ20ల్లోనూ శ్రేయస్‌కు మెరుగైన రికార్డే ఉంది. పొట్టి ఫార్మాట్‌లో శ్రేయస్‌ 51 మ్యాచ్‌లు ఆడి 136.12 స్ట్రయిక్‌రేట్‌తో, 30.66 సగటున 1104 పరుగులు చేశాడు. ఇందులో ఎనిమిది హాఫ్‌ సెంచరీలు ఉన్నాయి. టెస్ట్‌ల్లో అంతంతమాత్రంగా రాణించిన శ్రేయస్‌.. 14 మ్యాచ్‌ల్లో 36.86 సగటున 811 పరుగులు చేశాడు. ఇందులో సెంచరీ, ఐదు హాఫ్‌ సెంచరీలు ఉన్నాయి.భారత్‌, ఇంగ్లండ్‌ మధ్య టీ20 సిరీస్‌ షెడ్యూల్‌..జనవరి 22- తొలి టీ20(కోల్‌కతా​)జనవరి 25- రెండో టీ20(చెన్నై)జనవరి 28- మూడో టీ20(రాజ్‌కోట్)జనవరి 31- నాలుగో టీ20(పుణే)ఫిబ్రవరి 2- ఐదో టీ20(ముంబై, వాంఖడే)ఈ సిరీస్‌లోని మ్యాచ్‌లన్నీ రాత్రి 7 గంటలకు ప్రారంభమవుతాయి.భారత్‌, ఇంగ్లండ్‌ మధ్య వన్డే సిరీస్‌ షెడ్యూల్‌..ఫిబ్రవరి 6- తొలి వన్డే(నాగ్‌పూర్‌)ఫిబ్రవరి 9- రెండో వన్డే(కటక్‌)ఫిబ్రవరి 12- మూడో వన్డే(అహ్మదాబాద్‌)ఛాంపియన్స్‌ ట్రోఫీలో భారత షెడ్యూల్‌..ఫిబ్రవరి 20- బంగ్లాదేశ్‌ (దుబాయ్‌)ఫిబ్రవరి 23- పాకిస్తాన్‌ (దుబాయ్‌)మార్చి 2- న్యూజిలాండ్‌ (దుబాయ్‌)ఛాంపియన్స్‌ ట్రోఫీలో భారత్‌.. పాక్‌, బంగ్లాదేశ్‌, న్యూజిలాండ్‌లతో కలిసి గ్రూప్‌-ఏలో ఉంది. గ్రూప్‌ దశ మ్యాచ్‌ల అనంతరం తొలి రెండు స్థానాల్లో ఉండే జట్లు సెమీస్‌కు అర్హత సాధిస్తాయి. తొలి సెమీస్‌ మార్చి 4న జరుగుతుంది. ఈ మ్యాచ్‌లో గ్రూప్‌-ఏ టాపర్‌, గ్రూప్‌-బిలో రెండో స్థానంలో ఉండే జట్టు పోటీపడతాయి. మార్చి 5న రెండో సెమీఫైనల్‌ జరుగుతుంది. ఈ మ్యాచ్‌లో గ్రూప్‌-బి టాపర్‌, గ్రూప్‌-ఏలో రెండో స్థానంలో ఉండే జట్టును ఢీకొంటుంది. సెమీస్‌లో విజేతలు మార్చి 9న జరిగే ఫైనల్లో అమీతుమీ తేల్చుకుంటాయి.

ఛాంపియ‌న్స్ ట్రోఫీ-2025 ముందు భార‌త సెల‌క్ట‌ర్ల‌కు మిడిలార్డ‌ర్ బ్యాట‌ర్‌ శ్రేయ‌స్ అయ్య‌ర్(Shreyas Iyer) స‌వాల్ విసురుతున్నాడు. జాతీయ జ‌ట్టుకు దూరంగా ఉన్న అయ్య‌ర్‌.. దేశీవాళీ క్రికెట్‌లో ప‌రుగులు వ‌ర‌ద పారిస్తున్నాడు. విజయ్ హజారే ట్రోఫీ 2024-25లో శ్రేయ‌స్ అయ్య‌ర్ త‌న సూప‌ర్ ఫామ్‌ను కొన‌సాగిస్తున్నాడు.ఈ టోర్నీలో ముంబై జ‌ట్టుకు సార‌థ్యం వ‌హిస్తున్న అయ్య‌ర్‌.. పుదుచ్చేరితో జ‌రుగుతున్న రౌండ్ 6 మ్యాచ్‌లో అద్బుత‌మైన సెంచ‌రీతో చెల‌రేగాడు. 36 ప‌రుగుల‌కే 3 వికెట్లు కోల్పోయి క‌ష్టాల్లో ప‌డిన ముంబై జ‌ట్టును అయ్య‌ర్ త‌న మెరుపు సెంచరీతో అదుకున్నాడు. కేవ‌లం 133 బంతులు ఎదుర్కొన్న అయ్యర్‌.. 16 ఫోర్లు,4 సిక్స్‌లతో 137 పరుగులు చేసి ఆజేయంగా నిలిచాడు. అతడి విధ్వంసకర ఇన్నింగ్స్‌ ఫలితంగా ముంబై నిర్ణీత ఓవర్లలో 9 వికెట్లు కోల్పోయి 290 పరుగులు చేసింది. పుదుచ్చేరి బౌలర్లలో సాగర్‌ దేశీ, గౌరవ్‌ యాదవ్‌, గురువర్దన్‌ సింగ్‌, అంకిత్‌ శర్మ తలా రెండు వికెట్లు సాధించారు.రెండో సెంచరీ.. కాగా ఈ టోర్నీలో శ్రేయస్‌కు ఇది రెండో సెంచరీ. ఈ దేశీవాళీ టోర్నీలో ఇప్పటివరకు 4 మ్యాచ్‌లు ఆడిన అయ్యర్‌.. 138.66 స్ట్రైక్‌ రేటుతో 312 పరుగులు చేశాడు. అంతకుముందు సయ్యద్‌ ముస్తాక్‌ అలీ ట్రోఫీలోనూ అయ్యర్‌ అద్బుతమైన ప్రదర్శన కనబరిచాడు. దీంతో ఈ ముంబై ఆటగాడికి ఛాంపియన్స్‌ ట్రోఫీ కోసం ఎంపిక చేసే భారత జట్టులో చోటు దక్కే అవకాశముంది.

విజయ్‌ హజారే ట్రోఫీ(VHT) 2024-25 సీజన్‌లో ముంబై జట్టు తొలి గెలుపు నమోదు చేసింది. అహ్మదాబాద్‌లో సోమవారం జరిగిన మ్యాచ్‌లో హైదరాబాద్‌ను మూడు వికెట్ల తేడాతో ఓడించింది. కాగా దేశవాళీ వన్డే టోర్నమెంట్‌ VHTలో భాగంగా గ్రూప్‌-‘సి’లో ఉన్న ముంబై తమ తొలి మ్యాచ్‌లో కర్ణాటకతో తలపడింది.అయితే, ఈ లిస్ట్‌-‘ఏ’ మ్యాచ్‌లో ముంబై సారథి శ్రేయస్‌ అయ్యర్‌ విధ్వంసకర శతకం(55 బంతుల్లో 114 నాటౌట్‌) బాదినా ఫలితం లేకపోయింది. కర్ణాటక చేతిలో ఏడు వికెట్ల తేడాతో ముంబై పరాజయం చవిచూసింది. ఈ క్రమంలో హైదరాబాద్‌తో జరిగిన మ్యాచ్‌లో మాత్రం ముంబై ఎటువంటి పొరపాట్లకు తావివ్వలేదు.టాస్‌ గెలిచిన ముంబై.. తిలక్‌ వర్మ డకౌట్‌నరేంద్ర మోదీ స్టేడియం ‘బి’ గ్రౌండ్‌లో జరిగిన ఈ మ్యాచ్‌లో టాస్‌ గెలిచిన ముంబై తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన హైదరాబాద్‌ జట్టు.. ముంబై బౌలర్ల ధాటికి 169 పరుగులకే కుప్పకూలింది. ఓపెనర్లు తన్మయ్‌ అగర్వాల్‌(64), అభిరథ్‌ రెడ్డి(35) రాణించినా.. కెప్టెన్‌ తిలక్‌ వర్మ(0) మరోసారి విఫలమయ్యాడు.ఇక మిడిలార్డర్‌లో అలెగాని వరుణ్‌ గౌడ్‌(1), రోహిత్‌ రాయుడు(1) పూర్తిగా నిరాశపరచగా.. వికెట్‌ కీపర్‌ బ్యాటర్‌ అరవెల్లి అవినాశ్‌(52) అర్ధ శతకంతో సత్తా చాటాడు. మిగతా వాళ్లంతా సింగిల్‌ డిజిట్ స్కోర్లకే పెవిలియన్‌ చేరడంతో హైదరాబాద్‌ 38.1 ఓవర్లలోనే ఆలౌట్‌ అయింది. ముంబై బౌలర్లలో స్పిన్నర్‌ అథర్వ అంకోలేకర్‌ నాలుగు వికెట్లతో చెలరేగగా.. ఆయుశ్‌ మాత్రే మూడు వికెట్లు పడగొట్టాడు.105/7.. ఓటమి అంచుల్లో ఉన్న వేళఅదే విధంగా తనుష్‌ కొటియాన్‌ రెండు, శార్దూల్‌ ఠాకూర్‌ ఒక వికెట్‌ తమ ఖాతాలో వేసుకున్నారు. ఇక స్వల్ప లక్ష్యంతో బరిలోకి దిగిన ముంబైకి ఆరంభంలోనే ఎదురుదెబ్బలు తగిలాయి. ఓపెనర్లు అంగ్‌క్రిష్‌ రఘువంశీ(19), ఆయుశ్‌ మాత్రే(28) నిరాశపరచగా.. హార్దిక్‌ తామోర్‌(0), సూర్యాంశ్‌ షెడ్గే(6), అథర్వ అంకోలేకర్‌(5), శార్దూల్‌ ఠాకూర్‌(0) పూర్తిగా విఫలమయ్యారు.ఇక ఎనిమిదో స్థానంలో వచ్చిన టీమిండియా టీ20 కెప్టెన్‌ సూర్యకుమార్‌ యాదవ్‌(18) కూడా చేతులెత్తేశాడు. దీంతో ముంబై 105 పరుగులకే ఏడు వికెట్లు కోల్పోయిన వేళ తొమ్మిదో స్థానంలో బరిలోకి దిగిన శ్రేయస్‌ అయ్యర్‌ మరోసారి కెప్టెన్‌ ఇన్నింగ్స్‌తో మెరిశాడు.అయ్యర్‌ ధనాధన్‌.. తిలక్‌ సేనకు చేదు అనుభవంమరో ఎండ్‌ నుంచి తనుష్‌ కొటియాన్‌(37 బంతుల్లో 39 నాటౌట్‌) సహకారం అందించగా.. అయ్యర్‌ ధనాధన్‌ దంచికొట్టాడు. కేవలం 20 బంతుల్లోనే నాలుగు ఫోర్లు, మూడు సిక్సర్ల సాయంతో 220కి పైగా స్ట్రైక్‌రేటుతో 44 పరుగులతో దుమ్ములేపాడు. ఈ క్రమంలో 25.2 ఓవర్లలో ఏడు వికెట్ల నష్టానికి 175 పరుగులు చేసిన ముంబై.. తిలక్‌ సేనపై జయభేరి మోగించింది.ఇక జట్టు విజయంలో కీలక పాత్ర పోషించిన ముంబై ఆల్‌రౌండర్‌ తనుష్‌ కొటియాన్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. కాగా ముంబై తమ తదుపరి మ్యాచ్‌లో అరుణాచల్‌ ప్రదేశ్‌తో గురువారం మ్యాచ్‌ ఆడనుంది. ఇదిలా ఉంటే.. ఇటీవల ముగిసిన దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీ టైటిల్‌ను శ్రేయస్‌ అయ్యర్‌ సారథ్యంలోని ముంబై జట్టు గెలుచుకున్న విషయం తెలిసిందే.చదవండి: PV Sindhu Marriage Photo: పీవీ సింధు పెళ్లి.. తొలి ఫొటో వైరల్‌

విజయ్ హజారే ట్రోఫీ 2024-25లో కర్ణాటక జ‌ట్టు శుభారంభం చేసింది. అహ్మదాబాద్‌ వేదికగా ముంబైతో జరిగిన మ్యాచ్‌లో 7 వికెట్ల తేడాతో కర్ణాటక ఘన విజయం సాధించింది. 383 పరుగుల భారీ లక్ష్యాన్ని కర్ణాటక 46.2 ఓవర్లలో కేవలం మూడు వికెట్లు కోల్పోయి ఊదిపడేసింది. కర్ణాటక బ్యాటర్లలో కృష్ణన్ శ్రీజిత్ విధ్వంసకర సెంచరీతో చెలరేగాడు.లక్ష్య చేధనలో శ్రీజిత్ ఆకాశమే హద్దుగా చెలరేగాడు. 101 బంతుల్లో 20 ఫోర్లు, 4 సిక్స్‌లతో 150 పరుగులు చేసి ఆజేయంగా నిలిచాడు. అతడితో పాటు అనీష్‌ కేవీ(82), ప్రవీణ్‌ దూబే(65) హాఫ్‌ సెంచరీతో రాణించారు. ముంబై బౌలర్లలో జునేద్‌ ఖాన్‌ రెండు వికెట్లతో సత్తాచాటాడు.అయ్యర్‌ సెంచరీ వృథా..ఇక ఈ మ్యాచ్‌లో తొలుత బ్యాటింగ్‌ చేసిన ముంబై 4 వికెట్ల నష్టానికి 382 పరుగుల భారీ స్కోర్‌ సాధించింది. ముంబై కెప్టెన్‌ శ్రేయస్‌ అయ్యర్‌(114) అద్బుతమైన సెంచరీతో చెలరేగాడు. అతడితో పాటు అయాష్‌ మాత్రే(78), హార్దిక్‌ తమోర్‌(84), శివమ్‌ దూబే(63) హాఫ్‌ సెంచరీలతో రాణించారు.కర్ణాటక బౌలర్లలో ప్రవీణ్‌ దూబే రెండు, విధ్యాదర్‌ పటేల్‌, శ్రేయస్‌ గోపాల్‌ తలా వికెట్‌ సాధించారు. ముంబై ఓటమి పాలవ్వడంతో శ్రేయస్‌ అయ్యర్‌ సెంచరీ వృథా అయిపోయింది. కర్ణాటక రికార్డు..కాగా విజయ్ హజారే ట్రోఫీ చరిత్రలో అత్యధిక ఛేజింగ్‌ చేసిన రెండో జట్టుగా కర్ణాటక నిలిచింది. ఈ జాబితాలో ఆంధ్ర జట్టు తొలి స్ధానంలో ఉంది. 2011/12 సీజన్‌లో గోవాపై 384 పరుగుల లక్ష్యాన్ని ఆంధ్ర ఛేజ్‌ చేసింది.చదవండి: CT 2025: ఛాంపియ‌న్స్ ట్రోఫీ షెడ్యూల్ ఇదే..! భార‌త్ వ‌ర్సెస్ పాక్ మ్యాచ్ ఎప్పుడంటే..?

దేశవాళీ వన్డే టోర్నమెంట్‌ విజయ్‌ హజారే ట్రోఫీ(వీహెచ్‌టీ) తొలి మ్యాచ్‌లోనే ముంబై కెప్టెన్‌ శ్రేయస్‌ అయ్యర్‌ దంచికొట్టాడు. కర్ణాటక బౌలింగ్‌ను ఊచకోత కోస్తూ విధ్వంసకర శతకం బాదాడు. అయ్యర్‌ ధనాధన్ ఇన్నింగ్స్‌ కారణంగా ముంబై భారీ స్కోరు సాధించింది.కాగా వీహెచ్‌టీ 2024-25 ఎడిషన్‌ రౌండ్‌ వన్‌లో భాగంగా గ్రూప్‌-‘సి’లో ఉన్న ముంబై కర్ణాటకతో తమ తొలి మ్యాచ్‌ ఆడుతోంది. అహ్మదాబాద్‌లోని నరేంద్ర మోదీ స్టేడియం బి గ్రౌండ్‌ ఇందుకు వేదిక. ఈ మ్యాచ్‌లో టాస్‌ గెలిచిన కర్ణాటక తొలుత బౌలింగ్‌ ఎంచుకుంది. ఆయుశ్‌, హార్దిక్‌ హాఫ్‌ సెంచరీలుఈ క్రమంలో బ్యాటింగ్‌కు దిగిన ముంబై ఆరంభంలోనే ఓపెనర్‌ అంగ్‌క్రిష్‌ రఘువంశీ(6) వికెట్‌ కోల్పోయింది. అయితే, మరో ఓపెనర్‌ ఆయుశ్‌ మాత్రే(78)తో కలిసి వన్‌డౌన్‌ బ్యాటర్‌ హార్దిక్‌ తామోర్‌(84) ముంబై ఇన్నింగ్స్‌ చక్కదిద్దాడు. అయ్యర్‌ విశ్వరూపంఇక నాలుగో స్థానంలో వచ్చిన శ్రేయస్‌ అయ్యర్‌ ఆకాశమే హద్దుగా చెలరేగుతూ కర్ణాటక బౌలర్లపై విరుచుకుపడ్డాడు. కేవలం 55 బంతుల్లోనే 114 పరుగులతో ఆఖరి వరకు అజేయంగా నిలిచాడు. ఐదు ఫోర్లు, పది సిక్సర్ల సాయంతో 207కు పైగా స్ట్రైక్‌రేటు నమోదు చేశాడు.ఇక శ్రేయస్‌ అయ్యర్‌ కెప్టెన్‌ ఇన్నింగ్స్‌తో దుమ్ములేపగా.. పేస్‌ బౌలింగ్‌ ఆల్‌రౌండర్‌ శివం దూబే కూడా ధనాధన్‌ దంచికొట్టాడు. 36 బంతుల్లో ఐదు ఫోర్లు, ఐదు సిక్స్‌ల సాయంతో దూబే 63 పరుగులు చేసి.. అయ్యర్‌తో కలిసి ఆఖరి వరకు నాటౌట్‌గా నిలిచాడు.టీ20 తరహాలో వీరబాదుడుకాగా వన్డేలో టీ20 తరహాలో వీరబాదుడు బాదిన ఈ ఇద్దరి కారణంగా ముంబై నిర్ణీత 50 ఓవర్లలో కేవలం నాలుగు వికెట్ల నష్టానికి ముంబై 382 పరుగులు సాధించింది. అయితే, ఈ మ్యాచ్‌లో టీమిండియా టీ20 కెప్టెన్‌ సూర్యకుమార్‌ యాదవ్‌ మాత్రం విఫలమయ్యాడు.మొత్తంగా పదహారు బంతులు ఎదుర్కొన్న ‘స్కై’ 20 పరుగులు చేసి నిష్క్రమించాడు. ఇక కర్ణాటక బౌలర్లలో ప్రవీణ్‌ దూబే రెండు, విద్యాధర్‌ పాటిల్‌, శ్రేయస్‌ గోపాల్‌ ఒక్కో వికెట్‌ తీశారు.ముంబై వర్సెస్‌ కర్ణాటక తుదిజట్లుకర్ణాటకమయాంక్ అగర్వాల్ (కెప్టెన్), అనీష్ కేవీ, నికిన్ జోస్, స్మరన్ రవిచంద్రన్, అభినవ్ మనోహర్, కృష్ణన్ శ్రీజిత్(వికెట్ కీపర్), శ్రేయస్ గోపాల్, విజయ్‌కుమార్‌ వైశాఖ్, ప్రవీణ్ దూబే, వాసుకి కౌశిక్, విద్యాధర్ పాటిల్.ముంబైఅంగ్‌క్రిష్‌ రఘువంశీ, ఆయుష్ మాత్రే, శ్రేయస్ అయ్యర్(కెప్టెన్), సూర్యకుమార్ యాదవ్, హార్దిక్ తామోర్(వికెట్ కీపర్), శివం దూబే, సూర్యాన్ష్ షెడ్గే, అథర్వ అంకోలేకర్, శార్దూల్ ఠాకూర్, ఎం.జునేద్ ఖాన్, తనూష్ కొటియన్.చదవండి: SA vs PAK: చ‌రిత్ర సృష్టించిన పాకిస్తాన్‌.. ప్రపంచం‍లోనే తొలి జట్టుగా

దేశవాళీ వన్డే టోర్నమెంట్లో విజయ్‌ హజారే ట్రోఫీ తాజా ఎడిషన్‌ నేపథ్యంలో ముంబై క్రికెట్‌ అసోసియేషన్‌ తమ జట్టును ప్రకటించింది. శ్రేయస్‌ అయ్యర్‌ సారథ్యంలో ఈ టోర్నీ ఆడబోయే పదిహేడు మంది సభ్యుల పేర్ల(తొలి మూడు మ్యాచ్‌లు)ను మంగళవారం వెల్లడించింది. టీమిండియా టీ20 కెప్టెన్‌ సూర్యకుమార్‌ యాదవ్‌తో పాటు ఆల్‌రౌండర్‌ శివం దూబే కూడా ఈ టోర్నీలో పాల్గొనునున్నట్లు తెలిపింది.అతడిపై వేటుఅయితే, ఓపెనర్‌ పృథ్వీ షాకు మాత్రం ఈ జట్టులో చోటు దక్కలేదు. నిలకడలేమి ఫామ్‌తో సతమవుతున్న ఈ కుడిచేతి వాటం బ్యాటర్‌పై సెలక్టర్లు వేటు వేశారు. మరోవైపు.. సూపర్‌ ఫామ్‌లో ఉన్న అజింక్య రహానే వ్యక్తిగత కారణాల దృష్ట్యా సెలక్షన్‌కు అందుబాటులో లేడని తెలుస్తోంది.గత కొంతకాలంగా పృథ్వీ షా గడ్డు పరిస్థితులు ఎదుర్కొంటున్న విషయం తెలిసిందే. క్రమశిక్షణా రాహిత్యం, ఫిట్‌నెస్‌ లేమి తదితర కారణాలతో రంజీ జట్టుకు అతడు కొన్నాళ్లుపాటు దూరంగా ఉండాల్సి వచ్చింది. తిరిగి వచ్చినా కేవలం 59 పరుగులే చేశాడు.మరోవైపు.. ఐపీఎల్‌ మెగా వేలం-2025లో రూ. 75 లక్షల కనీస ధరకే అందుబాటులో ఉన్నా ఒక్క ఫ్రాంఛైజీ పృథ్వీ షా వైపు కన్నెత్తి చూడలేదు. ఫలితంగా ఒకప్పటి ఈ స్టార్‌ బ్యాటర్‌ అమ్ముడుపోకుండా మిగిలిపోయాడు.ఇక దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీలోనూ పృథ్వీ షా స్థాయికి తగ్గట్లు రాణించలేకపోయాడు. ఈ టోర్నీలో 25 ఏళ్ల పృథ్వీ తొమ్మిది మ్యాచ్‌లలో కలిపి.. 197 పరుగులే చేయగలిగాడు. మధ్యప్రదేశ్‌తో ఫైనల్లోనూ పది పరుగులే చేశాడు. ఈ నేపథ్యంలోనే అతడిపై సెలక్టర్లు వేటు వేశారు.రహానే దూరంమరోవైపు.. సయ్యద్‌ ముస్తాక్‌ అలీ ట్రోఫీలో ముంబైని విజేతగా నిలిపిన టీమిండియా స్టార్‌ శ్రేయస్‌ అయ్యర్‌.. విజయ్‌ హజారే ట్రోఫీలోనూ కెప్టెన్‌గా వ్యవహరించనున్నాడు. ఇక పొట్టి ఫార్మాట్లో విధ్వంసకర బ్యాటింగ్‌తో ప్రత్యర్థి జట్లకు చుక్కలు చూపించి ముంబైని చాంపియన్‌గా నిలపడంలో కీలక పాత్ర పోషించిన రహానే.. వన్డే టోర్నీలో మాత్రం ఆడటం లేదు. కాగా డిసెంబరు 21 నుంచి విజయ్‌ హజారే ట్రోఫీ మొదలుకానుంది.తిరుగులేని ముంబైకాగా భారత దేశవాళీ క్రికెట్‌లో ముంబై జట్టు ఇప్పటికి 63 టైటిల్స్‌ గెలిచింది. రంజీ ట్రోఫీని 42 సార్లు నెగ్గిన ముంబై జట్టు ఇరానీ కప్‌ను 15 సార్లు దక్కించుకుంది. విజయ్‌ హజారే వన్డే ట్రోఫీలో 4 సార్లు విజేతగా నిలిచిన ముంబై.. సయ్యద్‌ ముస్తాక్‌ అలీ ట్రోఫీ టీ20 టోర్నీ టైటిల్‌ను రెండుసార్లు కైవసం చేసుకుంది. ఇప్పుడు మరో టైటిల్‌ లక్ష్యంగా బరిలోకి దిగనుంది.విజయ్‌ హజారే వన్డే టోర్నీ 2024 -25కి తొలి మూడు మ్యాచ్‌లకు ముంబై జట్టుశ్రేయస్ అయ్యర్ (కెప్టెన్), ఆయుష్ మాత్రే, అంగ్‌క్రిష్‌ రఘువంశీ, జే బిస్తా, సూర్యకుమార్ యాదవ్, శివం దూబే, సూర్యాన్ష్ షెడ్గే, సిద్ధేశ్ లాడ్, హార్దిక్ తామోర్, ప్రసాద్ పవార్, అధర్వ అంకోలేకర్, తనూష్ కొటియన్, శార్దూల్ ఠాకూర్, రాయ్‌స్టన్‌ డయాస్, జునేద్ ఖాన్, హర్ష్ తనా, వినాయక్ భోయిర్. చదవండి: శెభాష్‌.. గండం నుంచి గట్టెక్కించారు! మీరే నయం

టీ20 ఫార్మాట్‌లో భారత క్రికెటర్‌ శ్రేయస్‌ అయ్యర్‌ అద్భుత కెప్టెన్సీతో అదరగొడుతున్నాడు. సారథిగా ఈ ఏడాది ఇండియన్‌ ప్రీమియర్‌(ఐపీఎల్‌) టైటిల్‌ గెలిచిన ఈ ముంబై బ్యాటర్‌.. దేశీ టీ20 టోర్నీలోనూ ట్రోఫీ గెలిచాడు. సయ్యద్‌ ముస్తాక్‌ అలీ ట్రోఫీ(SMAT) ఫైనల్లో అయ్యర్‌ కెప్టెన్సీలోని ముంబై జట్టు ఆదివారం మధ్యప్రదేశ్‌ను చిత్తు చేసింది.ఆల్‌రౌండ్‌ ప్రదర్శనతోటోర్నీ ఆసాంతం రాణించిన శ్రేయస్‌ సేన టైటిల్‌ పోరులో మధ్యప్రదేశ్‌ను ఐదు వికెట్ల తేడాతో ఓడించింది. సమష్టి ప్రదర్శనతో ఫైనల్‌కు వచ్చిన ముంబై.. ఆఖరి మెట్టుపై కూడా ఆల్‌రౌండ్‌ ప్రదర్శనతో అదరగొట్టింది. బెంగళూరులోని చిన్నస్వామి స్టేడియంలో జరిగిన ఈ మ్యాచ్‌లో టాస్‌ గెలిచిన ముంబై మధ్యప్రదేశ్‌ను బ్యాటింగ్‌కు ఆహ్వానించింది.రజత్‌ పాటిదార్‌ కెప్టెన్‌ ఇన్నింగ్స్‌ (40 బంతుల్లో 81 నాటౌట్‌; 6 ఫోర్లు, 6 సిక్స్‌లు) కారణంగా మధ్యప్రదేశ్‌ నిర్ణీత 20 ఓవర్లలో 8 వికెట్ల నష్టానికి 174 పరుగులు చేసింది. అయితే, పేస్‌ ఆల్‌రౌండర్‌ వెంకటేశ్‌ అయ్యర్‌ (17; 1 ఫోర్, 1 సిక్స్‌) ఎక్కువసేపు క్రీజులో నిలవలేకపోయాడు. ముంబై బౌలర్లలో శార్దుల్‌ ఠాకూర్, రాయ్‌స్టన్‌ డయాస్‌ రెండు వికెట్ల చొప్పున తీసుకున్నారు.ఇరగదీసిన సూర్యకుమార్‌ యాదవ్‌అనంతరం లక్ష్యఛేదనకు దిగిన ముంబై 17.5 ఓవర్లలో 5 వికెట్లకు 180 పరుగులు చేసి గెలిచింది. 174 పరుగులతో స్కోరు సమమయ్యాక ముంబై బ్యాటర్‌ అథర్వ సిక్స్‌ కొట్టి మ్యాచ్‌ను ముగించాడు. టీమిండియా సారథి సూర్యకుమార్‌ యాదవ్‌ (35 బంతుల్లో 48; 4 ఫోర్లు, 3 సిక్స్‌లు) టాప్‌ స్కోరర్‌ కాగా... సీనియర్‌ ప్లేయర్‌ అజింక్య రహానే (37; 4 ఫోర్లు) రాణించాడు.చివర్లో సూర్యాంశ్‌ షెగ్డే (15 బంతుల్లో 36 నాటౌట్‌; 3 ఫోర్లు, 3 సిక్స్‌లు), అథర్వ అంకొలేకర్‌ (6 బంతుల్లో 16 నాటౌట్‌; 2 సిక్స్‌లు) మెరుపులు మెరిపించారు. మధ్యప్రదేశ్‌ బౌలర్లలో త్రిపురేశ్‌ సింగ్‌ 2 వికెట్లు పడగొట్టాడు. సూర్యాంశ్‌కు ‘ప్లేయర్‌ ఆఫ్‌ ద మ్యాచ్‌’, అజింక్య రహానేకు ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి. ఈ ఏడాది సయ్యద్ ముస్తాక్‌ అలీ ట్రోఫీ ముంబై సొంతమైంది.ఒకే ఏడాదిలో రెండు టీ20 టైటిళ్లు గెలిచిన తొలి సారథిగాఈ నేపథ్యంలో భారత్‌లో ఒకే ఏడాదిలో రెండు టీ20 టైటిళ్లు గెలిచిన కెప్టెన్‌గా శ్రేయస్‌ అయ్యర్‌ అరుదైన ఘనత సాధించాడు. ఐపీఎల్‌-2024లో కోల్‌కతా నైట్‌ రైడర్స్‌ను విజేతగా నిలిపిన అతడు.. సయ్యద్‌ ముస్తాక్‌ అలీ ట్రోఫీని కూడా అందుకోవడం విశేషం. కాగా క్రమశిక్షణ రాహిత్యానికి పాల్పడ్డాడన్న కారణంగా భారత క్రికెట్‌ నియంత్రణ మండలి(బీసీసీఐ) అయ్యర్‌ను ఈ ఏడాది సెంట్రల్‌ కాంట్రాక్టు నుంచి తప్పించిన విషయం తెలిసిందే.భవిష్య కెప్టెన్‌ ఆప్షన్లలో తానూ ఒకడిననే మెసేజ్‌రంజీల్లో ఆడకుండా తప్పించుకునేందుకు గాయం తగ్గినప్పటికీ.. దానిని సాకుగా చూపాడని తేలడంతో బీసీసీఐ శ్రేయస్‌ అయ్యర్‌పై వేటు వేసినట్లు తెలిసింది. అయితే, ఐపీఎల్‌లో తనను తాను నిరూపించుకున్న శ్రేయస్‌ అయ్యర్‌కు మళ్లీ టీమిండియా సెలక్టర్లు పిలుపునిచ్చారు. శ్రీలంక పర్యటనలో వన్డే సిరీస్‌కు అతడిని ఎంపిక చేశారు. కానీ.. టీ20 జట్టులో మాత్రం అతడికి స్థానం ఇవ్వడం లేదు.టీమిండియా తరఫున గతేడాది డిసెంబరులో చివరగా శ్రేయస్‌ అయ్యర్‌ టీ20 మ్యాచ్‌ ఆడాడు. ఆస్ట్రేలియాతో స్వదేశంలో జరిగిన సిరీస్‌లో పాల్గొన్నాడు. అయితే, తాజాగా దేశీ టీ20 టోర్నీలోనూ సత్తా చాటి.. టీమిండియా సెలక్టర్లకు గట్టి సందేశం ఇచ్చాడు. భవిష్య కెప్టెన్‌ ఆప్షన్లలో తానూ ఒకడిననే మెసేజ్‌ పంపించాడు.వచ్చే ఏడాది పంజాబ్‌ జట్టుకుఐపీఎల్‌-2025 మెగా వేలానికి ముందు కోల్‌కతా శ్రేయస్‌ అయ్యర్‌ను రిలీజ్‌ చేయగా.. పంజాబ్‌ కింగ్స్‌ వేలంపాటలో అతడిని కొనుక్కుంది. ఈ స్టార్‌ ప్లేయర్‌ కోసం ఏకంగా రూ. 26.75 కోట్లు ఖర్చు చేసింది. దీంతో ఐపీఎల్‌ చరిత్రలో అత్యధిక ధరకు అమ్ముడుపోయిన రెండో ఆటగాడిగా అయ్యర్‌ నిలిచాడు. రూ. 27 కోట్ల ధర పలికిన రిషభ్‌ పంత్‌(లక్నో సూపర్‌ జెయింట్స్‌) అయ్యర్‌ కంటే ముందున్నాడు.చదవండి: ‘రోహిత్‌, గంభీర్‌ మధ్య విభేదాలు?.. ద్రవిడ్‌తో చక్కగా ఉండేవాడు.. కానీ’

సయ్యద్‌ ముస్తాక్‌ అలీ టీ20 ట్రోఫీని ముంబై జట్టు కైవసం చేసుకుంది. ఇవాళ (డిసెంబర్‌ 15) జరిగిన ఫైనల్లో ముంబై మధ్యప్రదేశ్‌పై 5 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన మధ్యప్రదేశ్‌.. కెప్టెన్‌ రజత్‌ పాటిదార్‌ (40 బంతుల్లో 81 నాటౌట్‌; 6 ఫోర్లు, 6 సిక్సర్లు) మెరుపు ఇన్నింగ్స్‌తో విరుచుకుపడటంతో నిర్ణీత ఓవర్లలో 8 వికెట్ల నష్టానికి 174 పరుగులు చేసింది. రజత్‌ పాటిదార్‌ చివరి వరకు క్రీజ్‌లో నిలబడి మధ్యప్రదేశ్‌కు ఫైటింగ్‌ టోటల్‌ అందించాడు. ఇన్నింగ్స్‌ చివరి రెండు ఓవర్లలో పాటిదార్‌ భారీ సిక్సర్లతో విరుచుకుపడ్డాడు. మధ్యప్రదేశ్‌ ఇన్నింగ్స్‌లో సుభ్రాన్షు సేనాపతి (23), హర్ప్రీత్‌ సింగ్‌ (15), వెంకటేశ్‌ అయ్యర్‌ (17), రాహుల్‌ బాథమ్‌ (19) రెండంకెల స్కోర్లు చేయగా.. ఆర్పిత్‌ గౌడ్‌ (3), హర్ష్‌ గావ్లి (2), త్రిపురేశ్‌ సింగ్‌, శివమ్‌ శుక్లా (1) సింగిల్‌ డిజిట్‌ స్కోర్లరే పరిమితమయ్యారు. ముంబై బౌలర్లలో శార్దూల్‌ ఠాకూర్‌, రాయ్‌స్టన్‌ డయాస్‌ చెరో రెండు వికెట్లు పడగొట్టగా.. అంకోలేకర్‌, శివమ్‌ దూబే, సుయాంశ్‌ షేడ్గే తలో వికెట్‌ దక్కించుకున్నారు.రాణించిన రహానే, స్కై.. షేడ్గే, అంకోలేకర్‌ ఊచకోత175 పరుగుల లక్ష్యాన్ని ఛేదించేందుకు బరిలోకి దిగిన ముంబై.. ఆదిలోనే పృథ్వీ షా (10) వికెట్‌ కోల్పోయింది. అయితే రహానే (30 బంతుల్లో 37), కెప్టెన్‌ శ్రేయస్‌ అయ్యర్‌ (9 బంతుల్లో 16) ఏమాత్రం తగ్గకుండా స్కోర్‌ బోర్డును పరుగులు పెట్టించారు. మధ్యలో సూర్యకుమార్‌ యాదవ్‌ (35 బంతుల్లో 48) తనదైన స్టయిల్‌లో విరుచుకుపడ్డాడు. చివర్లో శివమ్‌ దూబే (6 బంతుల్లో 9), అథర్వ అంకోలేకర్‌ (6 బంతుల్లో 16 నాటౌట్‌), సూర్యాంశ్‌ షేడ్గే (15 బంతుల్లో 36 నాటౌట్‌) బౌండరీలు, సిక్సర్లతో విరుచుకుపడి ముంబైని గమ్యానికి చేర్చారు. ముఖ్యంగా షేడ్గే మధ్యప్రదేశ్‌ బౌలర్లను ఊచకోత కోశాడు. అంకోలేకర్‌ సిక్సర్‌ బాది మ్యాచ్‌ను ఫినిష్‌ చేశాడు. ముంబై 17.5 ఓవర్లలో 5 వికెట్లు కోల్పోయి లక్ష్యాన్ని చేరుకుంది. దేశవాలీ క్రికెట్‌లో ముంబైకు ఇది 63వ టైటిల్‌. రెండో సయ్యద్‌ ముస్తాక్‌ అలీ టైటిల్‌. టోర్నీ ఆధ్యాంతం అద్భుతంగా రాణించిన రహానేకు ప్లేయర్‌ ఆఫ్‌ సిరీస్‌ అవార్డు, ఫైనల్లో మెరుపు ఇన్నింగ్స్‌ ఆడిన సూర్యాంశ్‌ షేడ్గేకు ప్లేయర్‌ ఆఫ్‌ ద మ్యాచ్‌ అవార్డులు లభించాయి. సూర్యాంశ్‌ షేడ్గేను ఇటీవల జరిగిన ఐపీఎల్‌ మెగా వేలంలో పంజాబ్‌ కింగ్స్‌ కేవలం 30 లక్షలకు సొంతం చేసుకుంది.

దేశవాళీ టీ20 క్రికెట్‌ టోర్నీ సయ్యద్‌ ముస్తాక్‌ అలీ ట్రోఫీలో ముంబై బ్యాటర్‌ అజింక్య రహానే పరుగుల విధ్వంసం సృష్టించాడు. ఆకాశమే హద్దుగా చెలరేగుతూ బరోడా బౌలర్లకు చుక్కలు చూపించాడు. ఆది నుంచే దూకుడు ప్రదర్శించిన రహానే సెంచరీ దిశగా పయనించాడు.శతకానికి రెండు పరుగుల దూరంలోఅయితే, దురదృష్టవశాత్తూ శతకానికి రెండు పరుగుల దూరంలో నిలిచిపోయాడు రహానే. అయితేనేం తన మెరుపు ఇన్నింగ్స్‌తో ముంబైకి విజయం అందించి.. ఫైనల్‌కు చేర్చాడు. సయ్యద్‌ ముస్తాక్‌ అలీ ట్రోఫీ తొలి సెమీ ఫైనల్లో భాగంగా ముంబై జట్టు బరోడాతో తలపడింది. బెంగళూరులోని చిన్నస్వామి స్టేడియంలో శుక్రవారం జరిగిన ఈ మ్యాచ్‌లో టాస్‌ గెలిచిన ముంబై.. బరోడాను బ్యాటింగ్‌కు ఆహ్వానించింది. ఈ క్రమంలో నిర్ణీత 20 ఓవర్లలో బరోడా జట్టు ఏడు వికెట్లు నష్టపోయి 158 పరుగులు చేసింది.రాణించిన శివాలిక్‌ శర్మబరోడా ఇన్నింగ్స్‌లో శివాలిక్‌ శర్మ(36 నాటౌట్‌) టాప్‌ స్కోరర్‌గా నిలవగా.. ఓపెనర్‌ శశ్వత్‌ రావత్‌(33), కెప్టెన్‌ కృనాల్‌ పాండ్యా(30), ఆల్‌రౌండర్‌ అతిత్‌ సేత్‌(14 బంతుల్లో 22) ఫర్వాలేదనిపించారు. ఇక ముంబై బౌలర్లలో పేసర్లు సూర్యాంశ్‌ షెడ్గే రెండు వికెట్లు ఖాతాలో వేసుకోగా.. శివం దూబే, శార్దూల్‌ ఠాకూర్‌, మోహిత్‌ అవస్థి ఒక్కో వికెట్‌ తీశారు. ఇక స్పిన్‌ బౌలర్లు తనుష్‌ కొటియాన్‌, అథర్వ అంకోలేకర్‌ తలా ఒక వికెట్‌ దక్కించుకున్నారు.బరోడా బౌలింగ్‌ను చితక్కొట్టిన రహానేఇక బరోడా విధించిన 159 పరుగుల లక్ష్యాన్ని ఛేదించే క్రమంలో ముంబైకి ఆదిలో షాక్‌ తగిలింది. హార్దిక్‌ పాండ్యా బౌలింగ్‌లో ఓపెనర్‌ పృథ్వీ షా(8) అవుటయ్యాడు. అయితే, ఆ ఆనందం బరోడాకు ఎంతో సేపు నిలవలేదు. మరో ఓపెనర్‌ అజింక్య రహానే బరోడా బౌలింగ్‌ను చితక్కొట్టాడు.కేవలం 56 బంతుల్లోనే 11 ఫోర్లు, ఐదు సిక్స్‌ల సాయంతో ఏకంగా 98 పరుగులు రాబట్టాడు. అయితే, అభిమన్యు సింగ్‌ బౌలింగ్‌లో విష్ణు సోలంకికి క్యాచ్‌ ఇవ్వడంతో రహానే విధ్వంసకర ఇన్నింగ్స్‌కు తెరపడింది. తృటిలో సెంచరీ అతడి చేజారింది. సూర్య విఫలంమిగతా వాళ్లలో కెప్టెన్‌ శ్రేయస్‌ అయ్యర్‌ 30 బంతుల్లో 46 పరుగులతో రాణించగా.. సూర్యకుమార్‌ యాదవ్‌ నిరాశపరిచాడు. ఏడు బంతులు ఆడిన స్కై కేవలం ఒకే ఒక్క పరుగు చేశాడు. శివం దూబే 0, సూర్యాంశ్‌ షెడ్గే 6 పరుగులతో అజేయంగా నిలిచారు.ఇక రహానే ధనాధన్‌ బ్యాటింగ్‌ కారణంగా ముంబై 17.2 ఓవర్లలోనే లక్ష్యాన్ని ఛేదించింది. ఆరు వికెట్ల తేడాతో బరోడాను ఓడించి సయ్యద్‌ ముస్తాక్‌ అలీ ట్రోఫీ-2024 ఫైనల్‌ చేరింది.చదవండి: ఫాస్టెస్ట్‌ సెంచరీ.. వెస్టిండీస్‌ బ్యాటర్‌ ప్రపంచ రికార్డు

ప్రతిష్టాత్మక దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ 2024 ఎడిషన్‌ రసవత్తరంగా సాగుతోంది. టీమిండియా టీ20 జట్టు కెప్టెన్‌ సూర్యకుమార్‌ యాదవ్‌ సహా ఆల్‌రౌండర్‌ హార్దిక్‌ పాండ్యా, బ్యాటర్‌ శ్రేయస్‌ అయ్యర్‌, తిలక్‌ వర్మ, సంజూ శాంసన్‌, శివమ్‌ దూబే, అభిషేక్‌ శర్మ, వెంకటేశ్‌ అయ్యర్‌, రింకూ సింగ్‌ తదితరులు ఈ టోర్నీలో ఈసారి ప్రత్యేక ఆకర్షణగా నిలిచారు.ఇక ఈ టీ20 టోర్నమెంట్‌ తుది అంకానికి చేరుకుంది. ఇప్పటికే సెమీస్‌ బెర్తులు ఖరారయ్యాయి. మధ్యప్రదేశ్‌, బరోడా, ముంబై, ఢిల్లీ జట్లు టాప్‌-4లో అడుగుపెట్టాయి. ఈ నేపథ్యంలో సెమీ ఫైనల్స్‌ షెడ్యూల్‌, వేదికలు, మ్యాచ్‌ టైమింగ్స్‌ తదితర అంశాలను గమనిద్దాం. అంతకంటే ముందు.. ఈ నాలుగు జట్లు క్వార్టర్‌ ఫైనల్స్‌కు చేరిన తీరుపై ఓ లుక్కేద్దాం.పృథ్వీ షా, సూర్యాంశ్, శివమ్‌ దూబే మెరుపులు గ్రూప్‌ ‘ఇ’ టాపర్‌గా క్వార్టర్స్‌లో అడుగు పెట్టిన ముంబై అదే జోరు కొనసాగిస్తూ విదర్భను మట్టికరిపించింది. ఆలూరులో బుధవారం హోరాహోరీగా సాగిన క్వార్టర్‌ ఫైనల్లో ముంబై జట్టు 6 వికెట్ల తేడాతో విదర్భపై గెలుపొందింది.టాస్‌ ఓడి మొదట బ్యాటింగ్‌కు దిగిన విదర్భ నిర్ణీత 20 ఓవర్లలో 6 వికెట్ల నష్టానికి 221 పరుగులు చేసింది. అథర్వ తైడె (41 బంతుల్లో 66; 10 ఫోర్లు, 1 సిక్స్‌), అపూర్వ్‌ వాంఖడె (33 బంతుల్లో 51; 2 ఫోర్లు, 3 సిక్స్‌లు) అర్ధశతకాలతో రాణించగా... శుభమ్‌ దూబే (19 బంతుల్లో 43 నాటౌట్‌; 3 ఫోర్లు, 3 సిక్స్‌లు) చివర్లో మెరుపులు మెరిపించాడు. అనంతరం లక్ష్యఛేదనలో ముంబై 19.2 ఓవర్లలో 4 వికెట్లకు 224 పరుగులు చేసి గెలిచింది.సీనియర్‌ ప్లేయర్‌ అజింక్య రహానే (45 బంతుల్లో 84; 10 ఫోర్లు, 3 సిక్స్‌లు) అర్ధశతకంతో ఆకట్టుకోగా... పృథ్వీ షా (26 బంతుల్లో 49; 5 ఫోర్లు, 4 సిక్స్‌లు) కీలక ఇన్నింగ్స్‌ ఆడాడు. తొలి బంతి నుంచే ఓపెనర్లు విరుచుకుపడటంతో 7 ఓవర్లు ముగిసేసరికి ముంబై జట్టు 83 పరుగులు చేసింది.కెప్టెన్‌ శ్రేయస్‌ అయ్యర్‌ (5), సూర్యకుమార్‌ యాదవ్‌ (9) విఫలం కాగా... ఆఖర్లో శివమ్‌ దూబే (37 నాటౌట్‌; 1 ఫోర్, 2 సిక్స్‌లు), సూర్యాంశ్‌ (36 నాటౌట్‌; 1 ఫోర్, 4 సిక్స్‌లు) ధాటిగా ఆడి జట్టును విజయ తీరాలకు చేర్చారు. రహానేకు ‘ప్లేయర్‌ ఆఫ్‌ ద మ్యాచ్‌’అవార్డు దక్కింది.వెంకటేశ్‌ అయ్యర్‌ ఆల్‌రౌండ్‌ షోఆలూరు: పేస్‌ ఆల్‌రౌండర్‌ వెంకటేశ్‌ అయ్యర్‌ (33 బంతుల్లో 38 నాటౌట్‌; 2 ఫోర్లు, 2 సిక్స్‌లు; 2/23) ఆకట్టుకోవడంతో... సౌరాష్ట్రతో జరిగిన మ్యాచ్‌లో మధ్యప్రదేశ్‌ 6 వికెట్ల తేడాతో నెగ్గింది. మొదట సౌరాష్ట్ర 20 ఓవర్లలో 7 వికెట్లకు 173 పరుగులు చేసింది. చిరాగ్‌ జానీ (45 బంతుల్లో 80 నాటౌట్‌; 8 ఫోర్లు, 4 సిక్స్‌లు) టాప్‌ స్కోరర్‌గా నిలిచాడు.మధ్యప్రదేశ్‌ బౌలర్లలో వెంకటేశ్‌ అయ్యర్, అవేశ్‌ ఖాన్‌ చెరో రెండు వికెట్లు పడగొట్టారు. అనంతరం లక్ష్యఛేదనలో మధ్యప్రదేశ్‌ 19.2 ఓవర్లలో 4 వికెట్లకు 174 పరుగులు చేసి గెలిచింది. అరి్పత్‌ గౌడ్‌ (42; 4 ఫోర్లు, 2 సిక్స్‌లు), వెంకటేశ్‌ అయ్యర్‌తో పాటు కెప్టెన్‌ రజత్‌ పాటిదార్‌ (28; 3 ఫోర్లు, 1 సిక్స్‌) రాణించారు. చివర్లో హర్‌ప్రీత్‌ సింగ్‌ (9 బంతుల్లో 22 నాటౌట్‌; 1 ఫోర్, 2 సిక్స్‌లు) ధాటిగా ఆడి జట్టును గెలిపించాడు.హార్దిక్‌ పాండ్యా 3 వికెట్లు, 3 క్యాచ్‌లు బెంగళూరు: బెంగాల్‌తో జరిగిన క్వార్టర్‌ ఫైనల్లో బరోడా 41 పరుగుల తేడాతో గెలిచి సెమీస్‌ చేరింది. బరోడాకు ఆడుతున్న భారత స్టార్‌ హార్దిక్‌ పాండ్యా 3 వికెట్లు పడగొట్టడంతోపాటు 3 క్యాచ్‌లు తీసుకున్నాడు. మొదట బరోడా నిర్ణీత 20 ఓవర్లలో 7 వికెట్ల నష్టానికి 172 పరుగులు చేసింది.శాశ్వత్‌ రావత్‌ (40; 1 ఫోర్, 3 సిక్స్‌లు), అభిమన్యు సింగ్‌ (37; 5 ఫోర్లు, 1 సిక్స్‌) రాణించారు. బెంగాల్‌ బౌలర్లలో షమీ, కనిష్క్‌ సేత్, ప్రతీప్తా ప్రమాణిక్‌ తలా 2 వికెట్లు పడగొట్టారు. అనంతరం లక్ష్యఛేదనలో బెంగాల్‌ తడబడింది. 18 ఓవర్లలో 131 పరుగులకు ఆలౌటైంది. ఆల్‌రౌండర్‌ షహబాజ్‌ అహ్మద్‌ (36 బంతుల్లో 55; 3 ఫోర్లు, 4 సిక్స్‌లు) ఒక్కడే రాణించాడు. బరోడా బౌలర్లలో హార్దిక్‌ పాండ్యా, లుక్మన్‌ మెరివాలా, అతిత్‌ సేత్‌ తలా మూడేసి వికెట్లు పడగొట్టారు. అనూజ్‌ అదుర్స్‌బెంగళూరు: వికెట్‌ కీపర్‌ అనూజ్‌ రావత్‌ (33 బంతుల్లో 73 నాటౌట్‌; 7 ఫోర్లు, 5 సిక్స్‌లు) విధ్వంసకర అర్ధశతకంతో చెలరేగడంతో ఢిల్లీ జట్టు ముస్తాక్‌ అలీ టోర్నీ సెమీఫైనల్‌కు చేరింది. చిన్నస్వామి స్టేడియంలో బుధవారం జరిగిన క్వార్టర్‌ ఫైనల్లో ఢిల్లీ జట్టు 19 పరుగుల తేడాతో ఉత్తరప్రదేశ్‌ జట్టుపై నెగ్గింది. మొదట బ్యాటింగ్‌కు దిగిన ఢిల్లీ నిర్ణీత 20 ఓవర్లలో 3 వికెట్లకు 193 పరుగులు చేసింది.అనూజ్‌ రావత్‌తో పాటు ఓపెనర్లు యశ్‌ ధుల్‌ (42; 5 ఫోర్లు, 2 సిక్స్‌లు), ప్రియాన్ష్‌ ఆర్య (44; 3 ఫోర్లు, 3 సిక్స్‌లు) కూడా రాణించారు. అనంతరం లక్ష్యఛేదనలో ఉత్తరప్రదేశ్‌ జట్టు 20 ఓవర్లలో 174 పరుగులకు ఆలౌటైంది. యువ ఆటగాడు ప్రియం గార్గ్‌ (34 బంతుల్లో 54; 6 ఫోర్లు, 3 సిక్సర్లు) అర్ధశతకంతో పోరాడగా... రింకూ సింగ్‌ (10), నితీశ్‌ రాణా (2) విఫలమవడంతో ఉత్తరప్రదేశ్‌కు పరాజయం తప్పలేదు. ఢిల్లీ బౌలర్లలో ప్రిన్స్‌ యాదవ్‌ 3... ఆయుష్‌ బదోనీ, సుయాశ్‌ శర్మ చెరో రెండు వికెట్లు పడగొట్టారు. సెమీ ఫైనల్స్‌ షెడ్యూల్‌, వేదిక, టైమింగ్స్‌తొలి సెమీ ఫైనల్‌:👉ముంబై వర్సెస్‌ బరోడా- బెంగళూరులోని చిన్నస్వామి స్టేడియం- డిసెంబరు 13(శుక్రవారం)- ఉదయం 11 గంటలకు ఆరంభం.రెండో సెమీ ఫైనల్‌: 👉మధ్యప్రదేశ్‌ వర్సెస్‌ ఢిల్లీ- బెంగళూరులోని చిన్నస్వామి స్టేడియం- డిసెంబరు 13(శుక్రవారం)- సాయంత్రం 4.30 నిమిషాలకు ఆరంభం.ఇప్పటి వరకు అత్యధిక పరుగులు, అత్యధిక వికెట్లు సాధించింది వీరేసకీబుల్‌ గనీ ఈ సీజన్‌లో 353 పరుగులు చేసి టాప్‌ రన్‌ స్కోరర్‌గా ఉండగా.. కరణ్‌ లాల్‌ 338, అభిషేక్‌ పోరెల్‌ 335, అజింక్య రహానే 334, తిలక్‌ వర్మ 327 పరుగులు సాధించారు.మరోవైపు.. జగ్జీత్‌ సింగ్‌ 18 వికెట్లతో టాప్‌ బౌలర్‌గా ఉండగా.. కుమార్‌ కార్తికేయ 15, ముకేశ్‌ చౌదరి 15చ శ్రేయస్‌ గోపాల్‌ 14, కేవీ శశికాంత్‌ 14 వికెట్లు తమ ఖాతాలో వేసుకున్నారు.చదవండి: బుమ్రా తర్వాత బెస్ట్‌ బౌలర్‌.. భీకర ఫామ్‌లో ఆర్సీబీ పేసర్‌

సయ్యద్‌ ముస్తాక్‌ అలీ టోర్నీలో ముంబై ఆటగాడు శ్రేయస్‌ అయ్యర్‌ చెలరేగిపోయాడు. మహారాష్ట్రతో జరిగిన మ్యాచ్‌లో శ్రేయస్‌ 39 బంతుల్లో 8 ఫోర్లు, 3 సిక్సర్ల సాయంతో 71 పరుగులు చేశాడు. శ్రేయస్‌తో పాటు వెటరన్‌ ఆజింక్య రహానే (34 బంతుల్లో 52; 3 ఫోర్లు, 3 సిక్సర్లు) కూడా రాణించడంతో మహారాష్ట్రపై ముంబై 5 వికెట్ల తేడాతో ఘన విజయం సాధించింది.ఈ మ్యాచ్‌లో తొలుత బ్యాటింగ్‌ చేసిన మహారాష్ట్ర నిర్ణీత 20 ఓవర్లలో 9 వికెట్ల నష్టానికి 171 పరుగులు చేసింది. వికెట్‌కీపర్‌ నిఖిల్‌ నాయక్‌ (47), అజిమ్‌ ఖాజీ (32) ఓ మోస్తరు స్కోర్లతో రాణించారు. అర్శిన్‌ కులకర్ణి (19), కెప్టెన్‌ రుతురాజ్‌ గైక్వాడ్‌ (19), త్రిపాఠి (16), రామకృష్ణ ఘోష్‌ (11) రెండంకెల స్కోర్లు చేశారు. ముంబై బౌలర్లలో తనుశ్‌ కోటియన్‌ 3, శార్దూల్‌ ఠాకూర్‌, మోహిత్‌ అవస్తి తలో 2, రాయ్‌స్టన్‌ డయాస్‌, సూర్యాంశ్‌ షెడ్గే చెరో వికెట్‌ పడగొట్టారు.172 పరుగుల లక్ష్యాన్ని ఛేదించేందుకు బరిలోకి దిగిన ముంబై.. శ్రేయస్‌, రహానే రాణించడంతో 17.1 ఓవర్లలో 5 వికెట్లు కోల్పోయి విజయతీరాలకు చేరింది. ముంబై ఇన్నింగ్స్‌లో అంగ్‌క్రిష్‌ రఘువంశీ 21, షమ్స్‌ ములానీ 14 (నాటౌట్‌), హార్దిక్‌ తామోర్‌ (9 నాటౌట్‌) పరుగులు చేయగా.. పృథ్వీ షా, సూర్యాంశ్‌ షెడ్గే డకౌట్‌ అయ్యారు. మహా బౌలర్లలో ముకేశ్‌ చౌదరీ 4 వికెట్లు పడగొట్టగా.. అర్శిన్‌ కులకర్ణి ఓ వికెట్‌ దక్కించుకున్నాడు. ఈ మ్యాచ్‌లో మెరుపు ప్రదర్శన చేసిన శ్రేయస్‌ అయ్యర్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. ఈ టోర్నీలో తొలి మ్యాచ్‌లో కూడా శ్రేయస్‌ ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు. కాగా, నవంబర్‌ 24న జరిగిన ఐపీఎల్‌ 2025 మెగా వేలంలో శ్రేయస్‌ అయ్యర్‌ రికార్డు స్థాయిలో 26.75 కోట్లకు అమ్ముడుపోయాడు. అయ్యర్‌ను పంజాబ్‌ కింగ్స్‌ దక్కించుకుంది. ఐపీఎల్‌ చరిత్రలోనే ఇది రెండో భారీ ధర. ఇదే వేలంలో రిషబ్‌ పంత్‌ను లక్నో సూపర్‌ జెయింట్స్‌ 27 కోట్లకు కొనుగోలు చేసింది. ఐపీఎల్‌ చరిత్రలో ఇదే అత్యధిక ధర. గత 5 ఇన్నింగ్స్‌ల్లో ముంబై తరఫున శ్రేయస్‌ చేసిన స్కోర్లు..142- రంజీ ట్రోఫీ233- రంజీ ట్రోఫీ47- రంజీ ట్రోఫీ130 నాటౌట్‌ (57)- సయ్యద్‌ ముస్తాక్‌ అలీ టోర్నీ71 (39)- సయ్యద్‌ ముస్తాక్‌ అలీ టోర్నీ

ఐపీఎల్‌ 2025 మెగా వేలం నిన్న (నవంబర్‌ 24) సౌదీ అరేబియాలోని జెద్దా నగరంలో అంగరంగ వైభవంగా ప్రారంభమైంది. వేలం తొలి రోజు మొత్తం 72 మంది ఆటగాళ్లు అమ్ముడుపోయారు. ఇందులో 24 మంది విదేశీ ఆటగాళ్లు కాగా.. మిగతా వారు భారత ఆటగాళ్లు. తొలి రోజు వేలంలో నాలుగు ఆర్టీఎమ్‌ కార్డులు (రచిన్‌ రవీంద్ర (సీఎస్‌కే), జేక్‌ ఫ్రేజర్‌ మెక్‌గుర్క్‌ (ఢిల్లీ), నమన్‌ ధిర్‌ (ముంబై), అర్షదీప్‌ సింగ్‌ (పంజాబ్‌)) వాడుకోబడ్డాయి. నిన్న వేలంలో అన్ని ఫ్రాంచైజీలచే మొత్తం రూ. 467.85 కోట్లు ఖర్చు చేయబడింది. నిన్నటి వేలంలో రిషబ్‌ పంత్‌కు అత్యధిక ధర లభించింది. లక్నో సూపర్‌ జెయింట్స్‌ పంత్‌ను రూ. 27 కోట్లకు దక్కించుకుంది. ఐపీఎల్‌ చరిత్రలోనే ఇది భారీ ధర. నిన్నటి వేలంలో రెండో భారీ మొత్తం శ్రేయస్‌ అయ్యర్‌కు లభించింది. శ్రేయస్‌ను పంజాబ్‌ రూ. 26.75 కోట్లకు సొంతం చేసుకుంది. మూడో అత్యధిక ధర వెంకటేశ్‌ అయ్యర్‌కు లభించింది. వెంకటేశ్‌ అయ్యర్‌ను కేకేఆర్‌ రూ. 23.75 కోట్లకు సొంతం చేసుకుంది. అర్షదీప్‌ సింగ్‌, యుజ్వేంద్ర చహల్‌లను పంజాబ్‌ చెరి రూ. 18 కోట్లు ఇచ్చి దక్కించుకుంది. అంతా ఊహించనట్లుగా కేఎల్‌ రాహుల్‌కు భారీ ధర దక్కలేదు. రాహుల్‌ను ఢిల్లీ రూ. 14 కోట్లకే సొంతం చేసుకుంది. ఫ్రాంచైజీ వారీగా అమ్ముడుపోయిన ఆటగాళ్లు..సీఎస్‌కే:నూర్‌ అహ్మద్‌ (10 కోట్లు)రవిచంద్రన్‌ అశ్విన్‌ (9.75 కోట్లు)డెవాన్‌ కాన్వే (6.25 కోట్లు)సయ్యద్‌ ఖలీల్‌ అహ్మద్‌ (4.8 కోట్లు)రచిన్‌ రవీంద్ర (4 కోట్లు, RTM)రాహుల్‌ త్రిపాఠి (3.4 కోట్లు)విజయ్‌ శంకర్‌ (1.2 కోట్లు)ఢిల్లీ క్యాపిటల్స్‌: కేఎల్‌ రాహుల్‌ (14 కోట్లు)మిచెల్‌ స్టార్క్‌ (11.75 కోట్లు)టి నటరాజన్‌ (10.75 కోట్లు)జేక్‌ ఫ్రేజర్‌ మెక్‌గుర్క్‌ (9 కోట్లు, RTM)హ్యారీ బ్రూక్‌ (6.25 కోట్లు)అషుతోష్‌ శర్మ (3.80 కోట్లు)మోహిత్‌ శర్మ (2.20 కోట్లు)సమీర్‌ రిజ్వి (95 లక్షలు)కరుణ్‌ నాయర్‌ (50 లక్షలు)గుజరాత్‌ టైటాన్స్‌: జోస్‌ బట్లర్‌ (15.75 కోట్లు)మొహమ్మద్‌ సిరాజ్‌ (12.25 కోట్లు)కగిసో రబాడ (10.75 కోట్లు)ప్రసిద్ద్‌ కృష్ణ (9.50 కోట్లు)మహిపాల్‌ లోమ్రార్‌ (1.70 కోట్లు)మనవ్‌ సుతార్‌ (30 లక్షలు)కుమార్‌ కుషాగ్రా (65 లక్షలు)అనుజ్‌ రావత్‌ (30 లక్షలు)నిషాంత్‌ సంధు (30 లక్షలు)కేకేఆర్‌: వెంకటేశ్‌ అయ్యర్‌ (23.75 కోట్లు)అన్రిచ్‌ నోర్జే (6.50 కోట్లు)క్వింటన్‌ డికాక్‌ (3.60 కోట్లు)అంగ్‌క్రిష్‌ రఘువంశీ (3 కోట్లు)రహ్మానుల్లా గుర్బాజ్‌ (2 కోట్లు)వైభవ్‌ అరోరా (1.80 కోట్లు)మయాంక్‌ మార్కండే (30 లక్షలు)లక్నో సూపర్‌ జెయింట్స్‌: రిషబ్‌ పంత్‌ (27 కోట్లు)ఆవేశ్‌ ఖాన్‌ (9.75 కోట్లు)డేవిడ్‌ మిల్లర్‌ (7.5 కోట్లు)అబ్దుల్‌ సమద్‌ (4.2 కోట్లు)మిచెల్‌ మార్ష్‌ (3.4 కోట్లు)ఆర్యన్‌ జుయల్‌ (30 లక్షలు)ముంబై ఇండియన్స్‌:ట్రెంట్‌ బౌల్ట్‌ (12.50 కోట్లు)నమన్‌ ధిర్‌ (5.25 కోట్లు, RTM)రాబిన్‌ మింజ్‌ (65 లక్షలు)కర్ణ్‌ శర్మ (50 లక్షలు)పంజాబ్‌ కింగ్స్‌: శ్రేయస్‌ అయ్యర్‌(26.75 కోట్లు)యుజ్వేంద్ర చహల్‌(18 కోట్లు)అర్షదీప్‌ సింగ్‌ (18 కోట్లు, RTM)మార్కస్‌ స్టోయినిస్‌ (11 కోట్లు)నేహల్‌ వధేరా (4.2 కోట్లు)గ్లెన్‌ మ్యాక్స్‌వెల్‌ (4.2 కోట్లు)విజయ్‌కుమార్‌ వైశాఖ్‌ (1.8 కోట్లు)యశ్‌ ఠాకర్‌ (1.60 కోట్లు)హర్ప్రీత్‌ బ్రార్‌ (1.5 కోట్లు)విష్ణు వినోద్‌ (95 లక్షలు)రాజస్థాన్‌ రాయల్స్‌: జోఫ్రా ఆర్చర్‌ (12.50 కోట్లు)వనిందు హసరంగ (5.25 ‍కోట్లు)మహీశ్‌ తీక్షణ (4.40 కోట్లు)ఆకాశ్‌ మధ్వాల్‌ (1.20 కోట్లు)కుమార్‌ కార్తీకేయ (30 లక్షలు)ఆర్సీబీ:జోష్‌ హాజిల్‌వుడ్‌ (12.50 కోట్లు)ఫిల్‌ సాల్ట్‌ (11.50 కోట్లు)జితేశ్‌ శర్మ (11 కోట్లు)లియామ్‌ లివింగ్‌స్టోన్‌ (8.75 కోట్లు)రసిఖ్‌ దార్‌ (6 కోట్లు)సుయాశ్‌ శర్మ (2.6 కోట్లు)సన్‌రైజర్స్‌ హైదరాబాద్‌:ఇషాన్‌ కిషన్‌ (11.25 కోట్లు)మొహమ్మద్‌ షమీ (10 కోట్లు)హర్షల్‌ పటేల్‌ (8 కోట్లు)అభినవ్‌ మనోహర్‌ (3.20కోట్లు)రాహుల్‌ చాహల్‌ (3.20 కోట్లు)ఆడమ్‌ జంపా (2.40 కోట్లు)సిమ్రన్‌జీత్‌ సింగ్‌ (1.50 కోట్లు)అథర్వ తైడే (30 లక్షలు)

మెగా వేలం-2025లో టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌ కోసం ఐపీఎల్‌ ఫ్రాంఛైజీలు ఎగబడ్డాయి. రూ. 2 కోట్ల కనీస ధరకు ఆక్షన్‌లోకి వచ్చిన ఈ ముంబై బ్యాటర్‌ను దక్కించుకునేందుకు పాత జట్టు కోల్‌కతా నైట్‌ రైడర్స్‌ పోటీకి రాగా.. ఢిల్లీ క్యాపిటల్స్‌, పంజాబ్‌ కింగ్స్‌ తగ్గేదేలే అన్నట్లు రేసులో మున్ముందుకు దూసుకుపోయాయి.నువ్వా- నేనా అన్నట్లు ఢిల్లీ, పంజాబ్‌ తలపడటంతో శ్రేయస్‌ అయ్యర్‌ ధర రూ. 20 కోట్లు దాటింది. దీంతో కోల్‌కతా పోటీ నుంచి తప్పుకోగా.. సరైన కెప్టెన్లు లేని కారణంగా ఢిల్లీ, పంజాబ్‌ మాత్రం అయ్యర్‌ ధరను అంతకంతకూ పెంచుతూ పోయాయి. ఆఖరికి ఢిల్లీ వెనక్కి తగ్గగా.. రూ. 26.75 కోట్లకు పంజాబ్‌ తమ సొంతం చేసుకుంది. దీంతో ఐపీఎల్‌ చరిత్రలోనే అత్యంత ఖరీదైన ఆటగాడిగా అయ్యర్‌ చరిత్ర సృష్టించాడు. అంతకు ముందు మొదటి ప్లేయర్‌గా వేలంలోకి వచ్చిన మరో టీమిండియా స్టార్‌, పేస్‌ బౌలర్‌ అర్ష్‌దీప్‌ సింగ్‌ను కూడా పంజాబ్‌ భారీ ధరకు సొంతం చేసుకుంది.కెప్టెన్‌ కోసం..ఐపీఎల్‌-2024లో కోల్‌కతా నైట్‌రైడర్స్‌ను చాంపియన్‌గా నిలిపిన ఘనత శ్రేయస్‌ అయ్యర్‌ సొంతం. అయినప్పటికీ కోల్‌కతా రిటెన్షన్‌కు ముందు అతడిని వదిలేసింది. దీంతో అతడు మెగా వేలంలోకి హాట్‌కేకు అవుతాడని అంతా ముందే ఊహించారు. అందుకు తగ్గట్లుగానే అయ్యర్‌ భారీ ధర పలకడం విశేషం. కాగా పంజాబ్‌ ఇంత వరకు ఒక్కసారి కూడా టైటిల్‌ గెలవలేదు. అంతేకాదు వేలానికి ముందు కేవలం ఇద్దరిని రిటైన్‌ చేసుకుని అందరినీ విడిచిపెట్టింది.దీంతో రూ. 110.5 కోట్ల పర్సు వాల్యూతో వేలంలోకి వచ్చింది. దీంతో అయ్యర్‌ కోసం ఈ మేర ఖర్చు చేసింది. అయితే, పంత్‌ను లక్నో రూ. 27 కోట్లకు కొనడంతో అయ్యర్‌ రికార్డు బ్రేక్‌ అయింది.కాగా ఐపీఎల్‌లో శ్రేయస్‌ అయ్యర్‌ ఇప్పటి వరకు 115 మ్యాచ్‌లు ఆడి.. 3127 పరుగులు చేశాడు.చదవండి: Rishabh Pant: అయ్యర్‌ రికార్డు బ్రేక్‌.. కోట్లు కొల్లగొట్టిన పంత్‌! లక్నో సొంతంMissed watching that stunning Shreyas bidding process❓We have you covered here with the snippets 🎥 🔽#TATAIPLAuction | #TATAIPL | @ShreyasIyer15 | @PunjabKingsIPL | #PBKS pic.twitter.com/a7jAki8LVz— IndianPremierLeague (@IPL) November 24, 2024

ఫ్రాంచైజీల చేతిలో ఉన్నవి రూ. 641.50 కోట్లు... కొనుగోలు చేయాల్సిన ఆటగాళ్లు 204... అందుబాటులో ఉన్న ప్లేయర్లు 577 మంది... అత్యధిక మొత్తం ఉన్న ఫ్రాంచైజీ పంజాబ్‌ కింగ్స్‌ రూ 110.50 కోట్లు. ఈ అంకెలు చాలు ఐపీఎల్‌ ఆటనే కాదు... వేలం పాట కూడా సూపర్‌హిట్‌ అవుతుందని! రెండు రోజుల పాటు జరిగే ఈ వేలం వేడుకకు సర్వం సిద్ధమైంది. వేలం పాట పాడే ఆక్షనీర్‌ మల్లికా సాగర్, పది ఫ్రాంచైజీ యాజమాన్యాలు, హెడ్‌ కోచ్‌లు, విశ్లేషకులు వెరసి అందరి కళ్లు హార్డ్‌ హిట్టర్, వికెట్‌ కీపర్‌–బ్యాటర్‌ రిషభ్‌ పంత్‌పైనే నెలకొన్నాయి. అంచనాలు మించితే రూ. పాతిక కోట్లు పలికే భారత ప్లేయర్‌గా రికార్డులకెక్కేందుకు పంత్‌ సై అంటున్నాడు.వచ్చే సీజన్‌ ఐపీఎల్‌ ఆటకు ముందు వేలం పాటకు వేళయింది. ఆది, సోమవారాల్లో జరిగే ఆటగాళ్ల మెగా వేలంలో భారత స్టార్లతో పాటు పలువురు విదేశీ స్టార్లు ఫ్రాంచైజీలను ఆకర్శిస్తున్నారు. ఢిల్లీ క్యాపిటల్స్‌ విడుదల చేసిన రిషభ్‌ పంత్‌పై పది ఫ్రాంచైజీలు కన్నేశాయి.మెగా వేలంలోనే మెగా ధర పలికే ఆటగాడిగా విశ్లేషకులు అంచనా వేస్తున్నారు. సారథ్యం, వికెట్‌ కీపింగ్, మెరుపు బ్యాటింగ్‌ ఇవన్నీ కూడా పంత్‌ ధరను అమాంతం పెంచే లక్షణాలు. దీంతో ఎంతైన వెచ్చించేందుకు ఫ్రాంచైజీలు ఎగబడనున్నాయి.అతడితో పాటు భారత స్టార్‌ ఓపెనర్‌ కేఎల్‌ రాహుల్, ఈ సీజన్‌ చాంపియన్‌ కోల్‌కతా నైట్‌రైడర్స్‌ (కేకేఆర్‌) విజయసారథి శ్రేయస్‌ అయ్యర్, సీమర్లు అర్ష్‌దీప్‌ సింగ్, సిరాజ్‌లపై రూ. కోట్లు కురవనున్నాయి.విదేశీ ఆటగాళ్లలో జోస్‌ బట్లర్, లివింగ్‌స్టోన్‌ (ఇంగ్లండ్‌), స్టార్క్, వార్నర్‌ (ఆస్ట్రేలియా), రబడా (దక్షిణాఫ్రికా)లపై ఫ్రాంచైజీలు దృష్టిపెడతాయి. గతేడాది వేలంపాట పాడిన ప్రముఖ ఆక్షనీర్‌ మల్లికా సాగర్‌ ఈ సారి కూడా వేలం ప్రక్రియను నిర్వహించనుంది. 116 మందిపైనే వేలం వెర్రి వేలానికి 577 మంది ఆటగాళ్లతో భారత క్రికెట్‌ నియంత్రణ మండలి (బీసీసీఐ) తుది జాబితాను సిద్ధం చేసినప్పటికీ మొదటి సెట్‌లో వచ్చే 116 మందిపైనే ఫ్రాంచైజీల దృష్టి ఎక్కువగా ఉంటుంది. దీంతో పాట రూ. కోట్ల మాట దాటడం ఖాయం. ఎందుకంటే ఇందులో పేరు మోసిన స్టార్లు, మ్యాచ్‌ను ఏకపక్షంగా మలుపుతిప్పే ఆల్‌రౌండర్లు, నిప్పులు చెరిగే సీమర్లు ఇలా అగ్రశ్రేణి ఆటగాళ్లంతా ముందు వరుసలో వస్తారు. దీంతో వేలం పాట రేసు రసవత్తరంగా సాగడం ఖాయమైంది.ఇక 117 నుంచి ఆఖరి దాకా వచ్చే ఆటగాళ్లపై వేళ్లమీద లెక్కించే స్థాయిలోనే పోటీ ఉంటుంది. అంటే ఇందులో పది, పదిహేను మందిపై మాత్రమే ఫ్రాంచైజీలు పోటీ పడే అవకాశముంది. మిగతా వారంతా ఇలా చదివితే అలా కుదిరిపోవడం లేదంటే వచ్చి వెళ్లిపోయే పేర్లే ఉంటాయి. పది ఫ్రాంచైజీలు కలిపి గరిష్టంగా 204 మందినే ఎంపిక చేసుకుంటాయి.అర్ష్‌దీప్‌ అ‘ధర’హో ఖాయం అంతర్జాతీయ క్రికెట్‌లో గత మూడు సీజన్లుగా భారత సీమర్‌ అర్ష్‌దీప్‌ సింగ్‌ నిలకడగా రాణిస్తున్నాడు. 96 అంతర్జాతీయ టి20లాడిన అర్ష్‌దీప్‌ 96 వికెట్లు తీశాడు. ముఖ్యంగా ఈ ఏడాది సఫారీగడ్డపై జరిగిన టీ20 ప్రపంచకప్‌ డెత్‌ ఓవర్లలో సీనియర్‌ స్టార్‌ బుమ్రాకు దీటుగా బౌలింగ్‌ వేసి దక్షిణాఫ్రికాను కట్టడి చేసిన అతనిపై ఫ్రాంచైజీలు ఎగబడటం ఖాయం.తరచూ పూర్తి జట్టును మారుస్తున్న పంజాబ్‌ కింగ్స్‌ వద్దే పెద్ద మొత్తంలో డబ్బులు (రూ.110 కోట్లు) ఉన్నాయి. ఈ నేపథ్యంలో స్టార్‌డమ్‌ను తీసుకొచ్చేందుకు పంత్‌ను, బౌలింగ్‌ పదును పెంచేందుకు అర్ష్‌దీప్‌ను కొనుగోలు చేసేందుకు ఎక్కువ సానుకూలతలు పంజాబ్‌కే ఉన్నాయి.బట్లర్‌ వైపు ఆర్సీబీ చూపు పంజాబ్‌ తర్వాత రెండో అధిక పర్సు రూ. 83 కోట్లు కలిగివున్న రాయల్‌ చాలెంజర్స్‌ బెంగళూరు (ఆర్సీబీ) డాషింగ్‌ ఓపెనర్‌ జోస్‌ బట్లర్‌పై రూ. కోట్లు వెచ్చించే అవకాశముంది. రాహుల్, అయ్యర్‌ సహా ఆల్‌రౌండర్‌ దీపక్‌ చహర్‌ కోసం పోటీపడనుంది.ఢిల్లీ క్యాపిటల్స్‌ (రూ. 73 కోట్లు), గుజరాత్‌ టైటాన్స్‌ (రూ.69 కోట్లు), లక్నో సూపర్‌జెయింట్స్‌ (రూ.69 కోట్లు), చెన్నై సూపర్‌కింగ్స్‌ (రూ. 55 కోట్లు), కోల్‌కతా నైట్‌రైడర్స్‌ (రూ. 51 కోట్లు), ముంబై ఇండియన్స్‌ (రూ.45 కోట్లు), సన్‌రైజర్స్‌ హైదరాబాద్‌ (రూ. 45 కోట్లు), రాజస్తాన్‌ రాయల్స్‌ (రూ.41 కోట్లు)లు కూడా అందుబాటులో ఉన్న వనరులతో మేటి ఆటగాళ్లను కొనుగోలు చేసేందుకు ఆసక్తి కనబరుస్తున్నాయి.చదవండి: IND vs AUS: చరిత్ర సృష్టించిన జైశ్వాల్‌.. ప్రపంచంలోనే తొలి క్రికెటర్‌గా

ఐపీఎల్-2025 మెగా వేలానికి ఒక్క రోజు ముందు టీమిండియా స్టార్ ప్లేయర్ శ్రేయ‌స్ అయ్య‌ర్ విధ్వంస‌క‌ర సెంచ‌రీతో చెల‌రేగాడు. స‌య్య‌ద్ ముస్త‌క్ అలీ ట్రోఫీ-2024లో భాగంగా గోవాతో జ‌రిగిన మ్యాచ్‌లో అయ్య‌ర్ అద్భుత శ‌త‌కంతో సత్తాచాటాడు. హైద‌రాబాద్ వేదిక‌గా జ‌రిగిన ఈ మ్యాచ్‌లో ముంబై సార‌థిగా బ‌రిలోకి దిగిన అయ్య‌ర్‌.. ప్ర‌త్య‌ర్ధి బౌల‌ర్ల‌ను ఊచ‌కోత కోశాడు. కేవ‌లం 47 బంతుల్లోనే త‌న సెంచ‌రీ మార్క్‌ను అందుకున్నాడు. ఓవరాల్‌గా 57 బంతులు ఎదుర్కొన్న అయ్య‌ర్ 11 ఫోర్లు, 10 సిక్స‌ర్ల‌తో 130 ప‌రుగులుచేశాడు. శ్రేయస్‌తోపాటు పృథ్వీషా(33), ములానీ(41) రాణించారు. దీంతో తొలుత బ్యాటింగ్ చేసిన ముంబై నిర్ణీత 20 ఓవ‌ర్ల‌లో 4 వికెట్ల న‌ష్టానికి 250 ప‌రుగులు చేసింది. అనంతరం బ్యాటింగ్‌కు దిగిన గోవా జట్టు కూడా ఆఖరి వరకు పోరాడింది. లక్ష్య చేధనలో గోవా 8 వికెట్లు కోల్పోయి 224 పరుగులు చేసింది. ఫలితంగా 26 పరుగుల తేడాతో గోవా ఓటమి చవిచూడాల్సి వచ్చింది.గోవా బ్యాటర్లలో సుయాష్ ప్రభుదేశాయ్‌(52) టాప్ స్కోరర్‌గా నిలిచాడు. ముంబై బౌలర్లలో రాయ్స్టన్‌ ద్యాస్‌, సూర్యన్ష్ షెడ్గే తలా రెండు వికెట్లు పడగొట్టగా.. ములానీ, శార్ధూల్‌ ఠాకూర్‌, మొహిత్‌ తలా వికెట్‌ సాధించారు.వేలంలో కాసుల వర్షం​ కురవనుందా?కాగా అయ్యర్‌ ప్రస్తుతం అద్బుతమైన ఫామ్‌లో ఉన్నాడు. దేశవాళీ క్రికెట్‌లో పరుగుల వరద పారిస్తున్నాడు. దీంతో నవంబర్‌ 24, 25 తేదీల్లో జెడ్డా వేదికగా జరగనున్న వేలంలో అయ్యర్‌పై ​కాసుల వర్షం కురిసే అవకాశముంది. కాగా మెగా వేలానికి ముందు కోల్‌కతా నైట్‌రైడర్స్‌ అయ్యర్‌ను వేలంలోకి విడిచిపెట్టిన సంగతి తెలిసిందే.చదవండి: IND vs AUS: చరిత్ర సృష్టించిన జైశ్వాల్‌.. ప్రపంచంలోనే తొలి క్రికెటర్‌గా

దేశవాళీ టి20 టోర్నమెంట్‌ సయ్యద్‌ ముస్తాక్‌ అలీ ట్రోఫీలో ముంబై జట్టుకు శ్రేయస్‌ అయ్యర్‌ సారథ్యం వహించనున్నాడు. ఈ నెల 23 నుంచి డిసెంబర్‌ 15 వరకు జరగనున్న ఈ ట్రోఫీ కోసం ముంబై క్రికెట్‌ సంఘం ఆదివారం 17 మందితో కూడిన జట్టును ప్రకటించింది. రంజీ ట్రోపీలో ముంబై జట్టుకు సారథ్యం వహించిన అజింక్యా రహానేతో పాటు... ఫిట్‌నెస్‌ లేమితో పాటు క్రమశిక్షణ రాహిత్యానికి పాల్పడి రంజీ జట్టులో చోటు కోల్పోయిన ఓపెనర్‌ పృథ్వీ షా కూడా ముస్తాక్‌ అలీ ట్రోఫీ జట్టులో చోటు దక్కించుకున్నారు. భారత టెస్టు జట్టులో సుస్థిర స్థానం సాధించాలనుకుంటున్న శ్రేయస్‌ అయ్యర్‌ ప్రస్తుత రంజీ ట్రోఫీలో చక్కటి ప్రదర్శన కనబరుస్తున్నాడు.తాజా సీజన్‌లో అయ్యర్‌ 90.40 సగటుతో 452 పరుగులు సాధించాడు. అందులో ఒక డబుల్‌ సెంచరీ, మరో సెంచరీ ఉంది. ఇక ఇటీవల ఆస్ట్రేలియా–‘ఎ’ జట్టుతో అనధికారిక టెస్టులో భారత ‘ఎ’ జట్టుకు ప్రాతినిధ్యం వహించిన తనుశ్‌ కోటియాన్, పేస్‌ ఆల్‌రౌండర్‌ శార్దూల్‌ ఠాకూర్, సిద్ధేశ్‌ లాడ్, యువ ఓపెనర్‌ అంగ్‌క్రిష్‌ రఘువంశీ ముంబై జట్టులో చోటు దక్కించుకున్నారు. ముంబై జట్టు: శ్రేయస్‌ అయ్యర్‌ (కెప్టెన్‌), పృథ్వీ షా, అంగ్‌క్రిష్‌ రఘువంశీ, జయ్‌ బిస్తా, అజింక్యా రహానే, సిద్ధేశ్‌ లాడ్, సూర్యాన్ష్‌ షెడ్గె, సాయిరాజ్‌ పాటిల్, హార్దిక్‌ తమోర్, ఆకాశ్‌ ఆనంద్, షమ్స్‌ ములానీ, హిమాన్షు సింగ్, తనుశ్‌ కోటియాన్, శార్దూల్‌ ఠాకూర్, మోహిత్‌ అవస్థి, రోస్టన్‌ డియాస్, జునేద్‌ ఖాన్‌.చదవండి: కోహ్లిపై ఒత్తిడి పెంచండి!

ముంబై జ‌ట్టు కెప్టెన్‌గా తిరిగి బాధ్య‌త‌లు చేప‌ట్టేందుకు టీమిండియా మిడిలార్డ‌ర్ బ్యాట‌ర్ శ్రేయ‌స్ అయ్య‌ర్ సిద్ద‌మయ్యాడు. సయ్యద్ ముస్తాక్ అలీ ట్రోఫీ-2024లో అయ్య‌ర్‌ను త‌మ జ‌ట్టు కెప్టెన్‌గా నియ‌మించాల‌ని ముంబై క్రికెట్ అసోసియేషన్ సీనియర్ సెలక్షన్ కమిటీ నిర్ణ‌యించుకున్న‌ట్లు తెలుస్తోంది.అయితే ప్రస్తుత రంజీ ట్రోఫీ సీజన్‌లో ముంబైకి కెప్టెన్‌గా ఉన్న‌ అజింక్య ర‌హానేనే స‌య్యద్ ముస్తాక్ అలీ ట్రోఫీలో కూడా సార‌థిగా వ్య‌హ‌రిస్తాడ‌ని తొలుత వార్త‌లు వినిపించాయి. కానీ ఎంసీఎ మాత్రం అయ్య‌ర్ వైపు మొగ్గుచూపుతున్న‌ట్లు స‌మాచారం.ఈ దేశీవాళీ టోర్నీలో శ్రేయ‌స్ అయ్య‌ర్ సార‌థ్యంలో ర‌హానే ఆడ‌నున్న‌ట్లు ఇండియన్ ఎక్స్‌ప్రెస్ త‌మ క‌థ‌నంలో పేర్కొంది.ఇక టీమిండియా టీ20 కెప్టెన్ సూర్య‌కుమార్ యాద‌వ్ కూడా స‌య్య‌ద్ ముస్తాక్ అలీ ట్రోఫీలో ఆడ‌నున్నట్లు వినికిడి. అయ్య‌ర్ కెప్టెన్సీలో అత‌డు ముంబై త‌ర‌పున బ‌రిలోకి దిగ‌నున్న‌ట్లు ప‌లు రిపోర్ట్‌లు పేర్కొంటున్నాయి. అయితే వ్యక్తిగత కారణాల వల్ల ఆరంభ మ్యాచ్‌ల‌కు సూర్య దూరం కానున్న‌ట్లు తెలుస్తోంది.కాగా ఇటీవ‌లే సూర్య కెప్టెన్సీలోని భార‌త జ‌ట్టు ద‌క్షిణాఫ్రికాపై టీ20 సిరీస్‌ను సొంతం చేసుకున్న సంగ‌తి తెలిసిందే. మ‌రోవైపు ముంబై స్టార్ ప్లేయర్లు శివ‌మ్ దూబే, ముషీర్ ఖాన్ గాయాల కార‌ణంగా దూర‌మ‌య్యారు. ఇక ఈ సయ్యద్ ముస్తాక్ అలీ ట్రోఫీ న‌వంబ‌ర్ 22 నుంచి ప్రారంభం కానుంది. సయ్యద్ ముస్తాక్ అలీ ట్రోఫీకి ముంబై ప్రాబుబుల్స్పృథ్వీ షా, ఆయుష్ మ్హత్రే, అంగ్క్రిష్ రఘువంశీ, జే బిస్తా, శ్రీరాజ్ ఘరత్, అజింక్య రహానే, శ్రేయాస్ అయ్యర్, సూర్యాంశ్ షెడ్గే, ఇషాన్ ముల్చందానీ, సిద్దేష్ లాడ్, హార్దిక్ తమోర్ (వికెట్‌కీపర్‌), ఆకాష్ ఆనంద్ (వికెట్ కీపర్‌), షా ముపార్కర్, సాయి పార్క్‌రాజ్, సాయి పార్క్, , హిమాన్షు సింగ్, సాగర్ ఛబ్రియా, శార్దూల్ ఠాకూర్, మోహిత్ అవస్తి, సిల్వెస్టర్ డిసౌజా, రాయిస్టన్ డయాస్, యోగేష్ పాటిల్, హర్ష్ తన్నా, ఇర్ఫాన్ ఉమైర్, వినాయక్ భోయిర్, కృతిక్ హనగవాడి, శశాంక్ అత్తార్డే, జునేద్ ఖాన్

టీమిండియా ఓ‍పెనర్‌, తమ స్టార్‌ క్రికెటర్‌ పృథ్వీ షాకు ముంబై క్రికెట్‌ అసోసియేషన్‌ శుభవార్త అందించింది. ఇటీవల రంజీ జట్టు నుంచి అతడిని తొలగించిన యాజమాన్యం.. దేశీ టీ20 టోర్నీ కోసం మళ్లీ పిలుపునిచ్చేందుకు సిద్ధమైంది. కాగా దేశవాళీ క్రికెట్లో అద్భుత ప్రదర్శనలతో టీమిండియాలోకి దూసుకువచ్చిన పృథ్వీ షా.. తన స్థానాన్ని నిలబెట్టుకోలేకపోయాడు.టీమిండియా ఓపెనర్‌గా తన స్థానాన్ని కోల్పోయినిలకడలేని ఆటతీరుతో శుబ్‌మన్‌ గిల్‌, ఇషాన్‌ కిషన్‌లతో పోటీలో వెనుకబడి టీమిండియా ఓపెనర్‌గా తన స్థానాన్ని కోల్పోయాడు. 2018లో భారత జట్టు తరఫున అరంగేట్రం చేసిన పృథ్వీ.. 2021లో చివరగా టీమిండియాకు ప్రాతినిథ్యం వహించాడు. అంతర్జాతీయ కెరీర్‌లో ఇప్పటి వరకు మొత్తం 5 టెస్టులు, 6 వన్డేలు ఆడిన ఈ ముంబై బ్యాటర్‌.. ఆయా ఫార్మాట్లలో వరుసగా 339, 189 పరుగులు చేశాడు.ముంబై తరఫున ఆడుతూఅదే విధంగా.. టీమిండియా తరఫున ఒకే ఒక్క టీ20 ఆడి డకౌట్‌గా వెనుదిరిగాడు. ఈ క్రమంలో మళ్లీ డొమెస్టిక్‌ క్రికెట్‌పై దృష్టిపెట్టిన పృథ్వీ షా.. ముంబై తరఫున ఆడుతూ తనను తాను నిరూపించుకునే ప్రయత్నం చేస్తున్నాడు. ఫస్ట్‌క్లాస్‌ క్రికెట్‌తో పాటు.. విజయ్‌ హజారే ట్రోఫీ(వన్డే), సయ్యద్‌ ముస్తాక్‌ అలీ ట్రోఫీ(టీ20)లో ఆడుతూనే.. ఐపీఎల్‌లోనూ అదృష్టాన్ని పరీక్షించుకంటున్నాడు.ఇంగ్లండ్‌ గడ్డపై రాణిస్తూఅలాగే ఇంగ్లండ్‌ దేశీ టోర్నీల్లోనూ పాల్గొంటున్న పృథ్వీ షా.. అక్కడ నార్తంప్టన్‌షైర్‌కు ప్రాతినిథ్యం వహిస్తున్నాడు. ఇదిలా ఉంటే.. రంజీ ట్రోఫీ 2024-25లో తొలుత పృథ్వీ షాకు అవకాశం ఇచ్చిన ముంబై క్రికెట్‌ అసోసియేషన్‌.. ఆ తర్వాత అతడిని పక్కనపెట్టింది. ఫామ్‌ లేమి, ఫిట్‌నెస్‌ సమస్యలు, అనుచిత ప్రవర్తన కారణంగా పృథ్వీపై వేటు వేసింది.శ్రేయస్‌ అయ్యర్‌ కూడాఈ నేపథ్యంలో తాజాగా ముంబై ప్రాబబుల్స్‌ జట్టులో పృథ్వీ పేరు కనిపించడం విశేషం. దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీ-2024లో పాల్గొనే అవకాశం ఉన్న ఆటగాళ్ల పేరును ముంబై క్రికెట్‌ అసోసియేషన్‌ తాజాగా విడుదల చేసింది. ఇందులో పృథ్వీ షాతో పాటు టీమిండియా స్టార్‌, ప్రస్తుతం జట్టుకు దూరమైన శ్రేయస్‌ అయ్యర్‌, శార్దూల్‌ ఠాకూర్‌లతో పాటు వెటరన్‌ ప్లేయర్‌ అజింక్య రహానే తదితరుల పేర్లు కూడా ఉన్నాయి.అతడు మాత్రం మిస్‌అయితే, ఆల్‌రౌండర్‌ తనుష్‌ కొటియాన్‌ మాత్రం ఈ లిస్టులో మిస్సయ్యాడు. ఇటీవల భారత్‌-‘ఎ’ జట్టుకు ఎంపికైన అతడు ప్రస్తుతం ఆస్ట్రేలియాలో ఉన్నాడు. కానీ.. అక్కడ ఆసీస్‌-‘ఎ’తో రెండు మ్యాచ్‌ల అనధికారిక టెస్టు సిరీస్‌లో భారత్‌ 2-0తో క్లీన్‌స్వీప్‌ అయింది. కాగా నవంబరు 23 నుంచి సయ్యద్‌ ముస్తాక్‌ అలీ ట్రోఫీ తాజా సీజన్‌ మొదలుకానుంది. ఇందులో రంజీ సారథి రహానేనే ముంబైకి నాయక త్వం వహించే అవకాశం ఉంది.సయ్యద్‌ ముస్తాక్‌ అలీ ట్రోఫీ తాజా ఎడిషన్‌లో పాల్గొనబోయే ముంబై ప్రాబబుల్‌ జట్టుపృథ్వీ షా, ఆయుష్ మాత్రే, అంగ్‌క్రిష్‌ రఘువంశీ, జే బిస్తా, శ్రీరాజ్ ఘరత్, అజింక్య రహానె, శ్రేయస్ అయ్యర్, సూర్యాన్ష్ షెడ్గే, ఇషాన్ ముల్చందానీ, సిద్ధేశ్ లాడ్, హార్దిక్ తామోర్ (వికెట్ కీపర్), ఆకాశ్ ఆనంద్ (వికెట్ కీపర్), సాయిరాజ్ పాటిల్, ఆకాశ్ పార్కర్, షామ్స్ ములానీ, హిమాన్షు సింగ్, సాగర్ చాబ్రియా, శార్దూల్ ఠాకూర్, మోహిత్ అవస్థి, సిల్వెస్టర్ డిసౌజా, రాయ్‌స్టన్‌ డైస్‌, యోగేశ్‌ పాటిల్‌, హర్ష్‌ తన్నా, ఇర్ఫాన్‌ ఉమైర్‌, వినాయక్‌ భోయిర్‌, కృతిక్‌ హనగవాడీ, శశాంక్‌ అటార్డే, జునేద్‌ ఖాన్‌. చదవండి: BGT: వరుసగా 4 సెంచరీలు.. ఆస్ట్రేలియాలో ఫెయిల్‌.. అయినా టీమిండియా ఓపెనర్‌గా అతడే!