Odisha Latest News

భువనేశ్వర్‌: ఆదివారం జరగనున్న ప్రమాణ స్వీకార కార్యక్రమానికి ముందుగా కొత్తగా నియమితులైన ఒడిశా గవర్నర్‌ బ్రజ్‌ మోహన్‌ రామ్‌ శనివారం భువనేశ్వర్‌కు చేరుకున్నారు. విమానాశ్రయంలో ప్రభుత్వ లాంఛనాలతో గౌరవపూర్వకంగా స్వాగతించారు. ఈ సందర్భంగా రాష్ట్ర ముఖ్యమంత్రి మోహన్‌ చరణ్‌ మాఝీ బిజూ పట్నాయక్‌ అంతర్జాతీయ విమానాశ్రయంలో ఆయనకు ఘన స్వాగతం పలికారు. ముఖ్యమంత్రితో ప్రభుత్వ ప్రముఖ కార్యదర్శి, రాష్ట్ర పోలీసు డైరెక్టర్‌ జనరల్‌, సీనియర్‌ అధికారులతో పాటు మంత్రివర్గంలోని పలువురు సభ్యులు హాజరై కొత్త గవర్నర్‌కు శుభాకాంక్షలు తెలిపారు.

భువనేశ్వర్‌: ఈ నెలలో భారత రాష్ట్రపతి ద్రౌపది ముర్ము, ప్రధాన మంత్రి నరేంద్ర మోదీ రాష్ట్ర పర్యటనకు విచ్చేయనున్నారు. ఈ నేపథ్యంలో రాష్ట్ర ప్రఽముఖ కార్యదర్శి అనూ గర్గ్‌ అధ్యక్షతన లోక్‌ సేవా భవన్‌లో శనివారం రాష్ట్ర స్థాయి సన్నాహక సమావేశం జరిగింది. ఈ సమావేశంలో రాష్ట్ర హోం, సమాచార, పౌర సంబంధాల శాఖ అదనపు ప్రధాన కార్యదర్శి హేమంత్‌ శర్మ రాష్ట్రపతి, ప్రధాన మంత్రి పర్యటన కార్యక్రమాలకు సంబంధించిన వివరాల్ని తెలియజేశారు. అక్టోబర్‌ 28, 29 తేదీలలో భారత రాష్ట్రపతి ద్రౌపది ముర్ము ఒడిశాలో పర్యటించనున్నారు. ఆమె మయూర్‌భంజ్‌ జిల్లాలో పలు కార్యక్రమాలలో పాల్గొంటారు. భారత ప్రధాన మంత్రి నరేంద్ర మోదీ అక్టోబర్‌ 25న ఖుర్దా సమీపంలో రిజర్వ్‌ బ్యాంక్‌ ఆఫ్‌ ఇండియా డేటా సెంటర్‌, శిక్షణా సంస్థను ప్రారంభించి తిరిగి వెళ్తారు. ప్రధాన మంత్రి 25వ తేదీ మధ్యాహ్నం ప్రత్యేక వైమానిక దళ విమానంలో భువనేశ్వర్‌ విమానాశ్రయానికి చేరుకుని, సూర్యాస్తమయానికి ముందే ప్రత్యేక హెలికాప్టర్‌లో ఖుర్దా హెలిప్యాడ్‌కు చేరుకుంటారు. అక్కడ నుంచి ఆయన రోడ్డు మార్గంలో ఖుర్దా జిల్లాలో ఆర్‌బీఐ గ్రీన్‌ ఫీల్డ్‌ డేటా సెంటర్‌, శిక్షణా కేంద్రాన్ని ప్రారంభిస్తారు. అక్కడ ప్రధాన మంత్రి సుమారు 1 గంట పాటు కార్యక్రమంలో పాల్గొంటారు. అనంతరం రోడ్డు మార్గంలో భువనేశ్వర్‌ విమానాశ్రయానికి చేరుకుని తిరిగి ఢిల్లీకి బయల్దేరుతారు. ప్రధానమంత్రి పర్యటన దృష్ట్యా, భద్రతా ఏర్పాట్లు, ఆకస్మిక ప్రణాళికలు, అత్యవసర వైద్య సేవలు, అవసరమైన రహదారి మరమ్మతులు, పారిశుధ్యం, నిరంతర విద్యుత్‌ సరఫరా, తాగునీటి సరఫరా, వేదిక సన్నద్ధత, మీడి యా సమావేశం, ఇతర సంబంధిత ఏర్పాట్లతో సహా ప్రధాన మంత్రి పర్యటన సన్నాహాలపై సవివరంగా చర్చించారు. రాష్ట్రపతి పర్యటన కార్యక్రమాలు అక్టోబర్‌ 28, 29 తేదీల్లో రాష్ట్రపతి ముర్ము రెండు రోజులపాటు హాజరుకానున్న వివిధ కార్యక్రమాల సన్నాహాలపై ఈ సమావేశంలో చర్చలు జరిపారు. రాష్ట్రపతి 28వ తేదీ ఉదయం మయూర్‌భంజ్‌ జిల్లాలోని బహల్దాలో ఉన్న కిచ్‌కేశ్వరి మాత ఆలయానికి రోడ్డు మార్గంలో వెళ్లి పూజాది కార్యక్రమాల్లో పాల్గొంటారు. అనంతరం రాయరంగపూర్‌లోని మహుల్దిహాలో ఉన్న లక్ష్మీ మండపాన్ని సందర్శించి ప్రార్థనలు చేస్తారు. మధ్యాహ్నం పూట రాయ్‌రంగ్‌పూర్‌ సబ్‌ డివిజనల్‌ ఆస్పత్రిని సందర్శించి అధికారులు, సిబ్బందితో సమావేశం అవుతారు. ఆ తర్వాత రాయరంగ్‌పూర్‌ కచేరీ రోడ్‌లో జరిగే బహిరంగ సభలో పాల్గొని, వర్చువల్‌ విధానంలో ఐఐఎఫ్‌ఎం (ఇండియన్‌ ఇన్‌స్టిట్యూట్‌ ఆఫ్‌ ఫారెస్ట్‌ మేనేజ్‌మెంట్‌) క్యాంపస్‌కు శంకుస్థాపన చేస్తారు. కేంద్ర పర్యాటక శాఖ ఆమోదించిన ప్రసాద్‌ పథకం కింద ఖిచింగ్‌లోని కిచ్‌కేశ్వరి మాత ఆలయ పునరుద్ధరణ, ఉన్నతీకరణకు శంకుస్థాపన చేస్తారు. కొత్తగా నిర్మించిన రాయరంగ్‌పూర్‌, బాదం ఝర్‌ అమృత్‌ భారత్‌ రైల్వే స్టేషన్లను ప్రారంభించి, గోశాల, గిరిజన సామాజిక విద్యా మరియు సాంస్కృతిక సంఘం భవనానికి శంకుస్థాపన చేస్తారు. 29వ తేదీ ఉదయం రాష్ట్రపతి రాయరంగపూర్‌లోని స్పోర్ట్సు కాంప్లెక్స్‌, బహుళార్ధసాధక నైపుణ్యాభివృద్ధి కేంద్రం, గోరు మహిసాని స్టీల్‌ కళాశాలను సందర్శిస్తారు. రాయరంగపూర్‌ టౌన్‌ హాల్‌లో ఆరోగ్య శాఖకు సంబంధించిన చర్చలు, సమావేశాలు, అవగాహన కార్యక్రమాలలో పాల్గొంటారు. రాష్ట్రపతి, ప్రధాన మంత్రి పర్యటనకు సంబంధించి రాష్ట్ర హోం శాఖ కంట్రోల్‌ రూమ్‌ ఏర్పాటు చేయనున్నట్లు సమావేశంలో తెలియజేశారు. సమావేశానికి అభివృద్ధి కమిషనర్‌, అదనపు ప్రధాన కార్యదర్శి దేవ్‌ రంజన్‌ కుమార్‌ సింగ్‌, ఖుర్దా జిల్లా కలెక్టర్‌, వివిధ సంబంధిత శాఖల కార్యదర్శులు, రాష్ట్ర డైరెక్టర్‌ జనరల్‌ ఆఫ్‌ పోలీస్‌, రిజర్వ్‌ బ్యాంక్‌ ఆఫ్‌ ఇండియా అధికారులు, వివిధ సంబంధిత సంస్థల అధికారులు హాజరయ్యారు. సెంట్రల్‌ ఆర్డీసీ, మయూర్‌భంజ్‌ జిల్లా కలెక్టర్‌ మరియు ఎస్పీ వర్చువల్‌ విధానంలో పాల్గొన్నారు.

జయపురం: జయపురం సబ్‌డివిజన్‌ బోయిపరిగుడ సమితి చంద్రపడలో గల ఒడిశా ఆదర్శ పాఠశాలలో ఒడిశా సేవా ఫస్ట్‌ ఇన్నోవేషన్‌ చాలెంజ్‌ అభిజాన్‌ కార్యక్రమం నిర్వహించారు. ఈ కార్యక్రమంలో ఆదర్శ పాఠశాలలో 9 నుంచి 12వ తరగతి వరకు విద్యార్థులు ఉత్సాహంగా పాల్గొన్నారు. పరిశ్రమల విభాగ అదనపు అధికారి ఉమాచరణ్‌ మహంతి ముఖ్యఅతిథిగా హాజరై ఒడిశా సేవ్‌ ఫస్ట్‌ ఇన్నోవేషన్‌ చాలెంజ్‌ కార్యక్రమం లక్ష్యాలను వివరించారు. ప్రతి విద్యార్థి స్మృజనాత్మకత, ఆవిష్కరణ, క్రిటికల్‌ తింకింగ్‌, వ్యవస్థాపక మనస్తత్వాన్ని ఏర్పరచుకోవాలన్నారు. నేటి యువత, విద్యార్థులు ప్రపంచంలో వాస్తవ పరిస్థితులు గుర్తించి, సమాజ ప్రగతి కోసం, ప్రాక్టికల్‌ టెక్నాలజీ ఆధారిత స్కేలబుల్‌ సమస్యల పరిష్కారం దిశగా ఆలోచించాలన్నారు. విద్యార్థులు తమ వినూత్న ఆలోచనలను భవిష్యత్‌ కోసం అర్థవంతంగా మార్చుకోవాలని సూచించారు. ఈ కార్యక్రమంలో విద్యార్థులకు ఒడిశా సేవా ఫస్ట్‌ ఇన్నోవేషన్‌ చాలెంజ్‌ అభిజాన్‌ కార్యక్రమంపై లిటరేచర్‌ అందజేశారు. ఈ కార్యక్రమంలో విద్యార్థుల మధ్య నిర్వహించిన పోటీల్లో విజేతలకు బహుమతులు అందజేశారు.

రాయగడ: దసరా నవరాత్రుల్లో భాగంగా దుర్గమ్మలు మందిరాల్లో కొలువుదీరారు. స్థానిక పాత పోలీస్‌ స్టేషన్‌ కల్యాణమండపంలో పొలీస్‌ యంత్రాంగం నిర్వహిస్తున్న దసర ఉత్సవాల్లో భాగంగా అమ్మవారు కొలువుదీరి పూజలను అందుకుంటున్నారు. అదేవిధంగా ఎస్‌బీఐ కాలనీ, బ్రహ్మణవీధుల్లో అమ్మవార్లు భక్తులకు దర్శనభాగ్యం కలిగిస్తున్నారు. నవరాత్రుల్లో ఏడో రోజున అమ్మవారు సరస్వతి, లక్ష్మీ అమ్మవార్లుగా దర్శనం ఇచ్చారు. ప్రత్యేకంగా అమ్మవార్లను అలంకరించారు. ఉత్తరాంధ్రుల ఆరాధ్య దైవం మజ్జిగౌరి అమ్మవారు దసర నవరాత్రుల్లొ సునాభెషొలో దర్శనం ఇస్తుండగా పూలతో ప్రత్యేకంగా అలంకరించారు. స్థానిక కరణం వీధి కూడలి వద్ద లక్ష్మీ గణపతి మందిరంలో ప్రముఖ వేద పండితులు రేజేటి శ్రీరామ శర్మ ఆధ్వర్యంలో శనివారం నాడు బాలల పూజలను అత్యంత వైభవంగా నిర్వహించారు. తొమ్మిది మంది బాలలను విశేషంగా అలంకరించి నవ దుర్గల ప్రతిరూపాలుగా వారిని పూజించారు.

ఇచ్ఛాపురం రూరల్‌ : ఒడిశా నుంచి ఆంధ్రప్రదేశ్‌ మీదుగా గోవులను అక్రమంగా తరలిస్తున్న వ్యాన్‌ను ఒడిశాకు చెందిన సామాజిక కార్యకర్తలు అడ్డుకున్నారు. స్థానిక పోలీసులు సహకారంతో సుమారు 40 కిలోమీటర్ల మేర వెంబడించి ఇచ్ఛాపురం మండలం కేదారిపురం గ్రామ పరిసర ప్రాంతాల్లో వ్యాన్‌ను పట్టుకునే ప్రయత్నం చేయగా.. వాహనాన్ని అక్కడే వదిలేసి డ్రైవర్‌, క్లీనర్‌ పరారయ్యారు. వివరాలలోకి వెళితే... ఒడిశా రాష్ట్రంలోని సరగడ గ్రామం నుంచి ఆవులను వ్యాపారులు కొనుగోలు చేసి అక్రమంగా తరలిస్తున్నట్లు సమాచారం అందుకున్న ఒడిశా పితాతొళీ గ్రామానికి చెందిన సామాజిక కార్యకర్తలు కాతిల వాసంతి, కాతిల హేమసుందర్‌లు ఒడిశా పోలీస్‌లకు తెలియజేశారు. దీంతో వ్యాన్‌ను పోలీసులు వెంబడించగా, ఆంధ్రా–ఒడిశా సరిహద్దు గ్రామం పితాతొళి యువకులు ఇదే రహదారిపై గోవులను తరలిస్తున్న వాహనాన్ని వెంబడించి కేదారిపురం వద్ద అడ్డుకున్నారు. అప్పటికే డ్రైవర్‌, క్లీనర్‌లు పరారయ్యారు. పట్టుబడిన వ్యాన్‌లో మొత్తం 14 గోవులు ఉండగా, వాటిలో రెండు మృతి చెందినట్లు గుర్తించారు. మృతి చెందిన గోవులను స్థానిక తోటలో ఖననం చేశారు. సమాచారం అందుకున్న రూరల్‌ ఎస్‌ఐ జనార్దనరావు సంఘటనా స్థలానికి చేరుకొని దర్యాప్తు చేపట్టారు. 12 గోవులను గోశాలకు తరలిస్తున్నట్లు సామాజిక కార్యకర్తలు తెలిపారు.

రాయగడ: రైల్వే స్టేషన్లు, రైళ్లలో ప్రయాణికులకు మెరుగైన సౌకర్యాలు కల్పించడంతో పాటు పరిశుభ్రతను మరింత పటిష్టం చేసేందుకు రాయగడ రైల్వే డివిజన్‌ ప్రత్యేక చర్యలు చేపట్టింది. ఈమేరకు ప్రత్యేక అభియాన్‌ 6.0 కార్యక్రమంలో భాగంగా రాయగడ, కొరాపుట్‌, జగదల్‌పూర్‌, అరకు ప్రాంతాల్లో రైల్‌ జన సంవాద్‌ కార్యక్రమాన్ని శనివారం నిర్విహించి, ప్రయాణికులతో రైల్వే అధికారులు నేరుగా మాట్లాడి వారి సమస్యలు, అవసరాలు, సూచనలను తెలుసుకున్నారు. ఈ కార్యక్రమంలో యువ ప్రయాణికులతొ అధికారులు సంభాషించి రైలు ప్రయాణ సమయంలో ఎదురువుతున్న ఇబ్బందులు, మెరుగుపరచాల్సిన సౌకర్యాలపై అభిప్రాయాలను సేకరించారు. ఇందుకోసం ప్రయాణికులకు అభిప్రాయ సేకరణ పత్రాలను పంపిణీ చేశారు. ప్రయాణికుల నుంచి వచ్చిన సూచనల ఆధారంగా రైల్వే సేవలను మరింత మెరుగుపరిచేందుకు ఈ కార్యక్రమం దోహదపడుతోందని అధికారులు భావిస్తున్నారు. అలగే రైల్వే స్టేషన్లు, రైళ్లలో పరిశుభ్రతను కాపాడాల్సిన ఆవశ్యకతపై ప్రయాణికులు, ప్రజలకు అవగాహన కల్పించారు. చెత్తను పొడి, తడి వ్యర్థాలుగా వేరు చేయడం, బాధ్యతాయుతంగా చెత్తను పారవేయడం, రైల్వే ప్రాంగణాలను పరిశుభ్రంగా ఉంచడంలో ప్రతీ ఒక్కరూ భాగస్వాములు కావాలని సూచించారు. ఈ కార్యక్రమాలకు రాయగడ రైల్వే డివిజన్‌ ముఖ్య వైద్య పర్యవేక్షకుడు డాక్టర్‌ సంజీవ్‌ కుమార్‌ సాహు నాయకత్వం వహించారు.

అరసవల్లి: అరసవల్లి సూర్యనారాయణ స్వామి ఆలయంలో ప్రసాదాల విభాగంలో టెండరుదారుల నిర్లక్ష్యం భక్తులకు అవస్థలను తెచ్చిపెడుతోంది. పులిహోర ప్రసాదం విక్రయాలకు సిద్ధం చేసేందుకు వినియోగిస్తున్న కవర్లు నాశిరకంగా ఉండటంతో పులిహోర వేయగానే కిందభాగం కూడా ఓపెన్‌ అయ్యింది. శనివారం ఉదయం నుంచి వందలాది పులిహోర ప్యాకెట్లు కవర్లు చిరిగిపోవడంతో భక్తులు వేరే కవర్లలో పులిహోర నింపుకోవాల్సి వచ్చింది. దీంతో భక్తులు తీవ్ర అసంతృప్తి వ్యక్తం చేసి ప్రసాద విభాగ సిబ్బందిని నిలదీశారు. దీంతో సదరు విభాగ బాధ్యులు ప్రత్యామ్నాయ చర్యలకు దిగారు. నిబంధనల ప్రకారం నాణ్యమైన కవర్లును సప్లయి చేయాల్సిన టెండర్‌దారుడు.. నాణ్యత విషయంలో దృష్టి పెట్టకపోవడంతో ఇలాంటి పరిస్థితులు ఎదురయ్యాయని భక్తులు వాపోయారు. ఈ విషయమై ప్రసాదాల విభాగాల సూపరింటెండెంట్‌ కె.వెంకటేశ్వరరావు వద్ద ‘సాక్షి’ ప్రస్తావించగా.. కవర్లు క్రింద భాగం సరిగ్గా ప్లాస్ట్‌ అవ్వలేదని గుర్తించామని, ఈవో దృష్టికి తీసుకెళ్లి సదరు కాంట్రాక్టర్‌కు సమాచారం ఇచ్చామన్నారు. నాణ్యమైన కవర్లు మాత్రమే ఇవ్వాలని ఆదేశించినట్లు వివరించారు.

● నలుగురు అరెస్టుభువనేశ్వర్‌: స్థానిక బిజూ పట్నాయక్‌ అంతర్జాతీయ విమానాశ్రయంలో డైరెక్టరేట్‌ ఆఫ్‌ రెవెన్యూ ఇంటెలిజెనన్స్‌ (డీఆర్‌ఐ), కస్టమ్స్‌ అధికారుల తనిఖీలో శనివారం విలువైన హైడ్రోపోనిక్‌ గంజాయి అక్రమ రవాణా గుట్టు రట్టు అయింది. అంతర్జాతీయ మార్కెట్‌లో దీని విలువ సుమారు రూ.1.85 కోట్లు పలుకుతుందని అంచనా. బ్యాంకాక్‌ నుంచి వచ్చిన నలుగురు ప్రయాణికుల లగేజీ తనిఖీలో సమగ్రంగా 5.291 కిలోల హైడ్రోపోనిక్‌ గంజాయిని స్వాధీనం చేసుకున్నట్లు అధికారులు తెలిపారు. ఈ నేపథ్యంలో బ్యాంకాక్‌ నుంచి వచ్చిన నలుగురు వ్యక్తులను భువనేశ్వర్‌ ప్రాంతీయ డీఆర్‌ఐ విభాగం అధికారులు అదుపులోకి తీసుకుని విచారణ చేపట్టారు. కస్టమ్స్‌ అధికారుల సమన్వయంతో సోదాలు నిర్వహించారు. అధికార వర్గాల సమాచారం ప్రకారం 3 మంది ప్రయాణికుల చెక్‌–ఇన్‌ బ్యాగేజీ తనిఖీ చేస్తుండగా, ప్రత్యేకంగా రూపొందించిన రహస్య అరలలో దాచి ఉంచిన అనుమానాస్పద ప్యాకెట్లను గుర్తించారు. సాధారణ పనిముట్లతో ఆ అరలను తెరవడంతో 6 ప్యాకెట్లలో 4.877 కిలోల ఆకుపచ్చ రంగు పదార్థం బయయటపడింది. నాల్గో ప్రయాణికుని వ్యక్తిగత తనిఖీ సమయంలో డీఆర్‌ఐ అధికారులు డాగ్‌ ఫుడ్‌ అని రాసి ఉన్న ఒక టిన్‌ డబ్బాను గమనించారు. ఆ డబ్బాకు సంబంధించి ప్రయాణికుడు వివరణ అసంతృప్తికరంగా తారసపడడంతో అనుమానంతో నిర్ధారణ కోసం లోతుగా పరిశీలించారు. ఈ సన్నాహంలో భారత కస్టమ్స్‌ కె–9 బృందానికి చెందిన రూబెల్‌ అనే డిటెక్టర్‌ డాగ్‌ సహాయంతో రూబెల్‌ను మొదట మరో ప్రయాణికుడి సామాను నుంచి స్వాధీనం చేసుకున్న సందిగ్ధ మాదకద్రవ్యం పరిశీలన చేపట్టారు. ఆ డబ్బాలో అనుమానిత మాదకద్రవ్యాల వాసనను పోలిన పదార్థం ఉందని డిటెక్టర్‌ డాగ్‌ రూబెల్‌ సూచన ఇచ్చింది. ఆ సూచనను అనుసరించి డీఆర్‌ఐ అధికారులు ఆ డబ్బాను తెరవడంతో మరో 0.414 కిలోల ఆకుపచ్చ రంగు పదార్థం బయటపడింది. ఇలా బ్యాంకాక్‌ నుంచి వచ్చిన నలుగురు ప్రయాణికుల నుంచి 5.291 కిలోల హైడ్రోపోనిక్‌ స్వాధీనం చేసుకున్నారు. స్వాధీనం చేసుకున్న నిషేధిత పదార్థాలతో నిందిత ప్రయాణికులను తదుపరి చట్టపరమైన చర్యల కోసం భువనేశ్వర్‌ కస్టమ్స్‌ ఎయిర్‌ ఇంటెలిజెన్‌న్స్‌ యూనిట్‌ (ఏఐయూ)కి అప్పగించారు.

రాయగడ: మరణాంతరం నేత్రదానం చేయడం ద్వారా చూపులేని వారి జీవితాల్లో కొత్త వెలుగులు నింపవచ్చని, నేత్రదానంపై సమాజంలో ఉన్న అపోహలను తొలగించి ప్రజల్లో అవగాహన పెంపొందించాల్సిన అవసరం ఉందని పలువురు వక్తలు పేర్కొన్నారు. స్థానిక మహిళా కళాశాల ప్రాంగణంలో శుక్రవారం సాయంత్రం నిర్వహించిన వెలుగుల కానుక నేత్రదాన అవగాహన కార్యక్రమంలో స్వచ్ఛందంగా నేత్రదానం చేసేందుకు 22 మంది ముందుకు వచ్చి తమ పేర్లను నమోదు చేసుకున్నారు. వికల్ప్‌ సంస్థ, రాయగడ మహిళా కళాశాల, దృష్టి దాన్‌ ఐ బ్యాంక్‌ సంయుక్తంగా ఈ కార్యక్రమాన్ని నిర్వహించాయి. కళాశాల ప్రిన్సిపాల్‌ డాక్టర్‌ అర్చనా పట్నాయక్‌ అతిథులను పరిచయం చేశారు. ముఖ్యఅతిథిగా డాక్టర్‌ మమత సాహు, ఎల్‌వీ ప్రసాద్‌ కంటి ఆస్పత్రి టెక్నిషియన్‌ విజయ్‌ నేత్రదానం ప్రాముఖ్యతను వివరించారు. నేత్రదానం ద్వారా చూపు సమస్యలతో బాధపడుతున్న వారికి కొత్త ఆశను అందించవచ్చన్నారు. వికల్ప్‌ సంస్థ అధ్యక్షుడు, విద్యావేత్త డాక్టర్‌ దష్మంత్‌ మహంతి మాట్లాడుతూ నేత్రదానం కేవలం పుణ్యకార్యం మాత్రమే కాదని, చూపులేని వారి జీవితాల్లో వెలుగులు నింపే అమూల్యమైన కానుకగా అభివర్ణించారు. ఈ కార్యక్రమంలో వికల్ప్‌ సంస్థ సభ్యులు త్రివేణి మిశ్రా, సంధ్యారాణి పాత్రో, రాజేంద్ర సాహు, రవినారాయణ శతపతి, మన్మథ తులొ, అధ్యాపకులు సౌమ్యరంజన్‌ సాహు, రఘునాథ్‌ భుయే తదితరులు పాల్గొన్నారు. సంస్థ కార్యదర్శి జగదీష్‌ చంద్ర దొర పర్యవేక్షించారు.

జయపురం: జయపురం దసరా మహోత్సవాలకు రాజ కుటుంబీకులను దసరా ఉత్సవ కమిటీ అధ్యక్షుడు, జయపురం ఎమ్మెల్యే తారాప్రసాద్‌ బాహిణీపతి ఆహ్వానించారు. జయపురం రాజ్‌మహల్‌కు వెళ్లి ఈ నెల 20 వ తేదీన దసరా పోడియలో జరుగనున్న దసరా మహోత్సవాల్లో పాల్గొనాలని జయపురం రాజమాత, మహారాణి సరిత దేవిని ఆమె కుమారుడు కుమార రాజు విశ్వంబర చంధ్రచుడ్‌ దేవ్‌లను ఆహ్వానించారు.జంట నగరాల్లో దసరా రద్దీ నియంత్రణకు చర్యలు భువనేశ్వర్‌: దుర్గా పూజ ఉత్సవాల సందర్భంగా భువనేశ్వర్‌, కటక్‌ జంట నగరాల్లో రద్దీ గణనీయంగా పెరిగింది. ఈ నేపథ్యంలో అవాంఛనీయ సంఘటనలు నివారణకు జంట నగరాల పోలీసు కమిషనరేట్‌ అదనపు పోలీసు బలగాలను మోహరించింది. ఈ నెల 22 వరకు ట్రాఫిక్‌ నియంత్రణ, రోడ్డు ప్రమాదాలను అరికట్టేందుకు ఈ బలగాలు పని చేస్తాయి. భువనేశ్వర్‌ వ్యాప్తంగా మొత్తం 73 మంది పోలీసు అధికారులు, 15 ప్లాటూన్ల భద్రతా సిబ్బందిని మోహరిస్తున్నట్లు ట్రాఫిక్‌ ఏసీపీ ఉమాకాంత ప్రధాన్‌ తెలిపారు. కటక్‌ నగర వ్యాప్తంగా 60 ప్లాటూన్ల పోలీసు సిబ్బంది, 500 మంది అధికారులు, రెండు సీఆర్పీఎఫ్‌ కంపెనీలను మోహరిస్తున్నట్లు కటక్‌ డీసీపీ ఖిలారి రిషికేష్‌ జ్ఞానదేవ్‌ తెలిపారు. కటక్‌ నగరంలో పలు చోట్ల సుమారు 170 దుర్గా పూజా మండపాలను ఏర్పాటు చేశారు. నగర పర్యవేక్షణ, శాంతిభద్రతల పరిరక్షణ కోసం 57 సహాయక కేంద్రాలను ఏర్పాటు చేసి, 1,300 సీసీ టీవీ కెమెరాలను అమర్చినట్లు వివరించారు.

జయపురం: జయపురం సబ్‌డివిజన్‌ కొట్‌పాడ్‌ నియోజకవర్గంలో ఆ నియోజకవర్గ ఎమ్మెల్యే రూపు భొత్ర ప్రధాన మంత్రి నరేంద్ర మోదీ జన్మదిన సందర్భంగా నిర్వహిస్తున్న సేవా సప్తాహ సందర్భంగా సంకల్స్‌ అభిజాన్‌ కార్యక్రమం చేపట్టారు. అందులో భాగంగా షడకు సురక్షా సచేతన ప్రచారం చేపట్టారు. ఈ కార్యక్రమంలో ట్రాఫిక్‌ నియమాలు ప్రతీవారు పాటించాలన్మానరు. ప్రతి మోటారు బైక్‌ చోదకులు హెల్మెట్‌లో వినియోగించాలని విజ్ఞప్తి చేశారు. హెల్మెట్‌లు లేకుండా బైక్‌లు నడిపితే ప్రమాదాలు జరిగి మరణాలు సంభవిస్తాయని హెచ్చరించారు. ఈ సేవా సంకల్ప్‌ అభిజాన్‌ కార్యక్రమంలో ఆయన హెల్మెట్‌లు లేకుండా బైక్‌లలో వస్తున్న వారికి ఉచితంగా హెల్మెట్‌లు పంచారు. ఈ సంకల్ప్‌ అభిజాన్‌లో ఎమ్మెల్యేతోపాటు కొట్‌పాడ్‌ పోలీసు అధికారి రుణు మఝి, కొరాపుట్‌ ప్రాంతీయ ట్రాన్స్‌ఫోర్టు విభాగ అసిస్టెంట్‌ అధికారి చంద్ర కళా నాయక్‌, జూనియర్‌ మోటార్‌ వెహికల్‌ ఇన్‌స్పెక్టర్‌ బాసుదేవ్‌ బెహరా తదితరులు పాల్గొన్నారు. సత్యనారాయణ సేవలు చిరస్మరణీయం శ్రీకాకుళం పాతబస్టాండ్‌: న్యాయవాదిగా పైడి సత్యనారాయణ అందించిన సేవలు చిరస్మరణీయమని వక్తలు కొనియాడారు. సత్యనారాయణ చిత్రపటాన్ని కుమార్తె, విశాఖపట్నం అదనపు జిల్లా న్యాయమూర్తి పైడి మంగకుమారి శనివారం జిల్లా బార్‌ అసోసియేషన్‌ కార్యాలయంలో అధ్యక్షుడు కూన రాజారావు, కార్యదర్శి చిట్టి సూర్యనారాయణ ఆధ్వర్యంలో ఆవిష్కరించారు. ఈ సందర్భంగా బార్‌ కార్యాలయాని రెండు ఏసీ మిషన్లు వితరణ చేశారు. కార్యక్రమంలో బార్‌ ప్రతినిధులు, సీనియర్‌ న్యాయవాదులు డాక్టర్‌ ఎన్ని సూర్యనారాయణ, బీసీ న్యాయవాదుల సంఘం అధ్యక్షుడు ఆగూరి ఉమామహేశ్వరరావు, పొన్నాడ వెంకటరమణ, కె.నాగభూషణరావు, వాన కృష్ణచంద్‌, ఈశ్వరరావు తదితరులు పాల్గొన్నారు. గార: స్థానిక సంస్థల ఎన్నికల నేపథ్యంలో శాంతిభద్రతల పరిరక్షణ, అసాంఘిక కార్యకలాపాల నియంత్రణ లక్ష్యంగా చర్యలు చేపడుతున్నామని శ్రీకాకుళం వన్‌టౌన్‌ సీఐ వై.రామకృష్ణ అన్నారు. శనివారం ఉదయం శ్రీకూర్మంలో కార్డన్‌సెర్చ్‌ ఆపరేషన్‌ నిర్వహించారు. గ్రామంలో ఇంటింటికీ వెళ్లి మద్యం వంటివి తనిఖీ చేశారు. సరైన ధ్రువపత్రాలు లేని వాహనాలను సీజ్‌ చేశారు. ఈ సందర్భంగా సీఐ మాట్లాడుతూ అనుమానాస్పద వ్యక్తులు తారసపడితే పోలీసులకు సమాచారం ఇవ్వాలన్నారు. ఎన్నికల సమయంలో ఎలాంటి అవాంఛనీయ సంఘటనలు జరగకుండా ముందస్తు చర్యల్లో భాగంగా ఆపరేషన్‌ నిర్వహించామన్నారు. గ్రామస్తులు ఎన్నికల నిబంధనలు పాటిస్తూ శాంతియుత వాతావరణంలో ఎన్నికలు జరిగేందుకు సహకరించాలన్నారు. కార్యక్రమంలో ఎస్‌ఐ సీహెచ్‌.గంగరాజు, సిబ్బంది పాల్గొన్నారు.

పర్లాకిమిడి: స్థానిక రాజవీధి కల్యాణ మండపంలో యునైటెడ్‌ మానవ హక్కులు, అవినీతి వ్యతిరేక కౌన్సిల్‌ (యు.హెచ్‌.ఆర్‌.సీ.) గజపతి జిల్లా బోర్డు ఆధ్వర్యంలో సన్నాహక సమావేశం జరిగింది. ఈ సమావేశంలో అధ్యక్షులు రాహుల్‌ హార్‌, మహిళా అధ్యక్షురాలు తనుజూ శతపతి, మహిళా ఉపాధ్యక్షురాలు జాస్మిన్‌ షేక్‌, రాయఘడ సమితి అధ్యక్షులు హాజరయ్యారు. సమావేశంలో సాధరణ ప్రజలకు సురక్షా, సమాంతర అధికారాలు, చట్టాలపై అవగాహన కల్పించారు. భవిష్యత్‌లో మానవ హక్కులు ఉల్లంఘనపై పోరాడతామని యు.హెచ్‌.ఆర్‌.సి సభ్యులు ప్రమాణం చేశారు.

● నాలుగేళ్లుగా ఆచూకీ లేని విశ్రాంత జవాను అప్పలరాజు ● 2022లో వంశధారి నదిలో గల్లంతు ● ఆచూకీ లభించక కుటుంబ సభ్యులకు ఇబ్బందులు ఎల్‌.ఎన్‌.పేట : దేశ సరిహద్దులో విధులు నిర్వహించి ప్రజల భద్రత కోసం సేవలందించిన విశ్రాంత బీఎస్‌ఎఫ్‌ జవాన్‌ కురమాన అప్పలరాజు కుటుంబం నేడు తీవ్ర ఇబ్బందులను ఎదుర్కొంటోంది. ఎల్‌.ఎన్‌.పేట ఇందిరానగర్‌ కాలనీకి చెందిన అప్పలరాజు 2016లో ఉద్యోగ విరమణ చేశారు. గ్రామంలో నివసిస్తూ 2022 సెప్టెంబర్‌ 27న వంశధార నదిలో స్నానానికి వెళ్లి గల్లంతయ్యారు. అప్పటి నుంచి ఆయన ఆచూకీ కోసం కుటుంబ సభ్యులు ఎదురు చూస్తున్నప్పటికీ నేటికీ ఎలాంటి సమాచారం లభించలేదు. గల్లంతై నాలుగేళ్లు పూర్తయినా మృతదేహం లభించకపోవడంతో కుటుంబ పోషణ భారంగా మారింది. అప్పలరాజుకు భార్య ఉష, ఇద్దరు కుమార్తెలు, కుమారుడు ఉన్నారు. భర్త గల్లంతైన నాటి నుంచి కుటుంబానికి అండగా నిలిచే వ్యక్తి లేకపోవడంతో పిల్లల భవిష్యత్‌, రోజువారీ ఖర్చులు ఆమెకు ఆందోళనగా మారాయి. పంచాయతీరాజ్‌శాఖ, పోలీసు అధికారులను సంప్రదించగా తమ నిబంధనలు తమకు ఉన్నాయని, అప్పలరాజు మృతదేహం లభిస్తేనే మరణ ధ్రువీకరణ పత్రం జారీ చేయగలమని చెబుతున్నారని కుటుంబ సభ్యులు ఆవేదన వ్యక్తం చేస్తున్నారు. మరణ ధ్రువీకరణ పత్రం లేకపోవడంతో విశ్రాంత జవాన్‌కు సంబంధించి పింఛన్‌తో పాటు ఇతర ప్రభుత్వ ఉద్యోగ సంబంధిత ప్రయోజనాలు అందడం లేదని వాపోతున్నారు. పిల్లల చదువులతో పాటు ఇంటి ఖర్చులకు డబ్బులు ఎలా సమకూర్చాలో తెలియక సతమతమవుతున్నామని విలపిస్తున్నారు. ఇప్పటికై నా ఉన్నతాధికారులు స్పందించి నిబంధనల పరిధిలో సాధ్యమైనంత త్వరగా పరిష్కారం చూపాలని మాజీ జవాను కుటుంబ సభ్యులు కోరుతున్నారు. దేశ సేవ చేసిన విశ్రాంతి జవాను కుటుంబం ఇలా అనిశ్చితిలో మిగిలిపోకుండా మానవతా దృక్పథంతో చొరవ చూపాలని కన్నీటితో వేడుకుంటున్నారు.

● పంచాయతీ ఎన్నికలకు ఆంధ్రా నోటిఫికేషన్‌కొరాపుట్‌: ఆంధ్రా–ఒడిశా వివాదాస్పద ప్రాంతం కొఠియాపై ఒడిశా ప్రభుత్వం డైలామా లో పడింది. కొరాపుట్‌ జిల్లా పొట్టంగి సమితి కొఠియా గ్రామ పంచాయతీలో 21 వివాదాస్పద గ్రామాలకు ఆంధ్ర ప్రదేశ్‌ ప్రభుత్వం పంచాయతీ ఎన్నికల నోటిఫికేషన్‌ జారీ చేసింది. దాంతో ఈ వివాదం మరింత ముదిరింది. ఆంధ్ర ప్రదేశ్‌లోని పార్వతీపురం మన్యం జిల్లా సాలూరు మండలం గంజాయి బద్ర, పగులు చెన్నురు ఎంపీటీసీ గ్రామాలకు నవంబర్‌ 3వ తేదీ పోలింగ్‌ జరగనుంది. గంజాయి బద్ర, పట్టు చెన్నురు, పగులు చెన్నురు, కురకుట్ల, సారిక గ్రామ పంచాయతీలకు నవంబర్‌ 26, 29 తేదీల్లో పోలీంగ్‌ జరగనుంది. అందుకు ఆదేశాలు జారీ అయ్యాయి. భగ్గుమన్న రాజకీయ పార్టీలు ఈ నోటిఫికేషన్‌ పై ప్రదేశ్‌ కాంగ్రెస్‌ అధ్యక్షుడు భక్త చరణ్‌ దాస్‌ మండి పడ్డారు. ఒడిశా ముఖ్యమంత్రి కొఠియా పై పోరాటం చేయలేదన్నారు. ప్రస్తుత సమస్య పై తామ కేంద్ర,రాష్ట్ర ప్రభుత్వాలపై పోరాటం చేస్తామన్నారు. కానీ కాంగ్రెస్‌ పార్టీ చూస్తూ ఊరుకోదన్నారు. మరో వైపు అధికార బీజేపీకి చెందిన కొరాపుట్‌ ఎమ్మెల్యే రఘురాం మచ్చో స్పందించారు. కొఠియాలో ఆంధ్ర ప్రదేశ్‌ ప్రభుత్వం ఎన్నికలు నిర్వహించలేదన్నారు. కోర్టులో ఉన్న విషయం గమనించాలన్నారు. మరో వైపు కొరాపుట్‌ ఎంపీ సప్తగిరి ఉల్క, సీఎల్పీ నాయకుడు రాంచంద్ర ఖడం, జయపూర్‌ ఎమ్మెల్యే తారా ప్రసాద్‌ బాహిణీపతిలు కొఠియా ప్రాంతంలో ఆది వారం పర్యటించనున్నారు. కొఠియా వివాదం బ్రిటిష్‌ పాలనా కాలం నుంచి కొఠియా వివాదం నడుస్తోంది. ఆంధ్రా–ఒడిశా సరిహద్దులో కొఠియా కి చెందిన 21 గ్రామాలు ఉన్నాయి. బ్రిటిష్‌ మ్యాప్‌లు ప్రకారం ఈ గ్రామాలు రెండు రాష్ట్రాల్లో ఉండడం గమనార్హం. దాంతో వివాదం ప్రారంభమైంది. ఇరు రాష్ట్రాలు సుప్రీంను ఆశ్రయించాయి. సుప్రీం కోర్టు కొఠియా లో స్టేటస్‌ కో విధించింది. ఆ ఆర్డర్‌ ప్రకారం తుది తీర్పు వచ్చే వరకు యథాతథ స్థితిగా ఉండాలని ఆదేశించింది. దాంతో ఎన్నికల సమయంలో ఈ గ్రామాల ప్రజలు రెండు రాష్ట్రాల్లో ఓట్లు వేస్తారు. అందుకు తగ్గ విధంగా ఎన్నికల సిబ్బంది సమన్వయంతో పని చేస్తారు. అత్యధిక ప్రజలకు రెండు రాష్ట్రాల రేషన్‌ కార్డులు, పింఛన్లు, సంక్షేమ పథకాలు అందుతాయి. కానీ కొఠియా పై ఒడిశా రాష్ట్రం ప్రత్యేక దృష్టి పెట్టింది. ఆయా గ్రామాల్లో వందల కోట్ల రూపాయలతో అభివృద్ధి పనులు చేస్తోంది. ఈ నేపథ్యంలో ఆంధ్ర నోటిఫికేషన్‌ మరో వివాదంగా మారింది.

టెక్కలి రూరల్‌ : టెక్కలి ఆర్టీసీ కాంప్లెక్స్‌ ఆవరణలో శనివారం ఓ యువతి బస్సు నుంచి జారిపడి తీవ్ర గాయాలపాలైంది. ఇచ్ఛాపురం మండలం శీలగం గ్రామానికి చెందిన నర్తు సమీర అనే యువతి పాతపట్నం మండలం లంబ గ్రామంలో పోస్టల్‌ డిపార్ట్‌మెంట్‌లో పనిచేస్తోంది. అమ్మమ్మ, చెల్లితో కలిసి శనివారం టెక్కలి వచ్చింది. తిరిగి స్వగ్రామానికి వెళ్లేందుకు బస్సు ఎక్కింది. బస్సు తీసే సమయానికి అమ్మమ్మ, చెల్లి రాకపోవడంతో బస్సు ఆపమని చెప్పి తలుపు వద్దకు వచ్చి దిగే ప్రయత్నం చేయగా ఒక్కసారిగా జారిపడింది. తలకు తీవ్ర గాయం కావడంతో హుటాహుటిన టెక్కలి ప్రభుత్వ ఆస్పత్రికి తరలించి చికిత్స అందించారు. ఈ ఘటనపై స్థానిక పోలీసులు సమాచారం సేకరించారు. కాగా, గాయపడిన యువతిని ఆస్పత్రికి తీసుకురావడాన్ని గుర్తించిన ఓ ప్రైవేట్‌ ఆస్పత్రి పీఆర్‌ఓ శ్రీకాకుళం ప్రైవేట్‌ ఆసుపత్రికి తీసుకువెళ్లేలా కుటుంబ సభ్యులను ఒత్తిడిచేశారు. అందుకు వారు అంగీకరించలేదు. ఆస్పత్రిలో కొంత మంది సిబ్బంది సైతం పీఆర్‌ఓలకు సహకరిస్తుండటంపై విమర్శలు వ్యక్తమవుతున్నాయి. రోడ్డు ప్రమాదంలో ముగ్గురికి గాయాలు టెక్కలి రూరల్‌: స్థానిక మెళియాపుట్టి రోడ్డులో గొట్టాల ఫ్యాక్టరీ సమీపంలో శనివారం రాత్రి జరిగిన రోడ్డు ప్రమాదంలో ముగ్గురికి తీవ్ర గాయాలయ్యాయి. స్థానికులు తెలిపిన వివరాలు ప్రకారం.. టెక్కలి నుంచి గూడేం వైపు టి.ఢిల్లీ, టి.జానకిరావులు ద్విచక్రవాహనంపై వెళ్తూ రోడ్డుపై నడిచివెళ్తున్న గొట్టాల ఫ్యాక్టరీ వాచ్‌మేన్‌ పి.ఆదినారాయణను ఢీకొట్టారు. ఈ ఘటనలో ముగ్గురూ గాయపడటంతో స్థానికులు స్పందించి టెక్కలి ప్రభుత్వ ఆస్పత్రికి తరలించారు. ఆదినారాయణ పరిస్థితి విషమంగా మారడంతో మెరుగైన వైద్యం నిమిత్తం శ్రీకాకుళం రిమ్స్‌కు తరలించనున్నట్లు వైద్యులు తెలిపారు. ఈ ఘటనపై పోలీసులు వివరాలు నమోదు చేశారు. కారు ఢీకొని గొర్రెలకాపరి మృతి టెక్కలి రూరల్‌: కోటబొమ్మాళి మండలం శ్రీజగన్నాథపురం పంచాయతీ బిర్లంగి గ్రామానికి చెందిన యువకుడు శనివారం జాతీయ రహదారిపై జరిగిన రోడ్డు ప్రమాదంలో మృతిచెందాడు. స్థానికులు, పోలీసులు తెలిపిన వివరాలు ప్రకారం.. ఆవల రాంబాబు(25) తన గొర్రెలను తీసుకుని పొడుగుపాడు సమీపంలోని తోటలో మేపుతూ రోడ్డు దాడుతుండగా టెక్కలి నుంచి శ్రీకాకుళం వైపు వెళ్తున్న కారు అతివేగంగా వచ్చి ఢీకొట్టింది. ఈ ఘటనలో యువకుడు అక్కడికక్కడే మృతిచెందగా, కారు సమీప డివైడర్‌ను ఢీకొట్టింది. కోటబొమ్మాళి పోలీసులు ఘటనా స్థలానికి చేరుకుని వివరాలు సేకరించారు. మృతదేహాన్ని శవపంచనామా నిమిత్తం కోటబొమ్మాళి ప్రభుత్వ ఆస్పత్రికి తరలించారు. రాంబాబుకు తండ్రి భూషణరావు, తల్లి పారమ్మ, సోదరి హారతి ఉన్నారు. మృతుడి కుటుంబసభ్యుల ఫిర్యాదు మేరకు కోటబొమ్మాళి పోలీసులు కేసునమోదు చేసి దర్యాప్తు చేస్తున్నారు. బైక్‌ ఢీకొని వ్యక్తికి గాయాలు మందస: అంబుగాం సమీపంలో శనివారం జరిగిన రోడ్డు ప్రమాదంలో ఓ వ్యక్తికి తీవ్ర గాయాలయ్యాయి. దున్నూరు గ్రామానికి చెందిన దున్న తాతారావు బ్యాంకు పని నిమిత్తం హరిపురం సైకిల్‌పై బయల్దేరాడు. అంబుగాం వచ్చేసరికి ద్విచక్ర వాహనచోదకుడు ఢీకొట్టాడు. ఈ ఘటనలో తాతారావు గాయపడటంతో హరిపురం ప్రభుత్వ ఆస్పత్రిలో తరలించారు. వృథాగా తాగునీరు శ్రీకాకుళం (పీఎన్‌ కాలనీ): నగరంలోని హడ్కోకాలనీలో మున్సిపల్‌ హైస్కూల్‌ పక్కనే వీధి కుళాయి పాడైపోయింది. దీంతో తాగునీరు వృథాగా పోతోంది. చాలా కాలనీల్లో నీరు దొరక్క ఇబ్బందులు పడుతుంటే ఇక్కడ మాత్రం వృథాగా పోతున్నా కార్పొరేషన్‌ అధికారులు కనీసం పట్టించుకోవడం లేదు. ఈ విషయమై కాలనీవాసులు పలుమార్లు ఫిర్యాదుచేసినా అధికారులు పట్టించుకోవడం లేదని మండిపడుతున్నారు. ఇప్పటికై నా సంబంధిత అధికారులు స్పందించి నీటి వృథాను అరికట్టాలని కాలనీవాసులు కోరుతున్నారు.

● డ్రైవర్‌కు స్వల్ప గాయాలు రాయగడ: జిల్లాలోని టికిరిలో ఉన్న ఉత్కళ అల్యూమిన కర్మాగారం నుంచి ఆంధ్ర వైపు వెళుతున్న భారీ ట్యాంకర్‌ గుమ్మఘాటి మలుపు వద్ద అదుపుతప్పి లోయలోకి బోల్తా కొట్టింది. ఈ ఘటనలో డ్రైవరు స్వల్ప గాయాలతో బయటపడి అక్కడి నుంచి పరారయ్యాడు. ఈ ఘటన శుక్రవారం అర్ధరాత్రి జరిగినట్లు సమాచారం. శుక్రవారం సాయంత్రం టికిరి అల్యూమిన కర్మాగారం నుంచి బయలు దేరిన ట్యాంకర్‌ అర్ధరాత్రి సమయంలో గుమ్మఘాటీకి చేరుకునే సరికి ఘాటీ మలుపులో అదుపుతప్పి సుమారు 50 అడుగుల లోయలో పడిపోయింది. ఈ ఘటనలో డ్రైవరు చాకచక్యంగా ట్యాంకర్‌ నుంచి కిందకు దూకేయడంతో స్వల్పగాయాలు తగిలాయి. కంటైనర్‌ ట్రక్కును ఢీకొన్న మినీ ట్రక్కు ● డ్రైవర్‌ మృతి భువనేశ్వర్‌: శనివారం నగరం శివార్లలోని జాంలా ఓవర్‌బ్రిడ్జిపై కంటైనర్‌ ట్రక్కును వెనుక నుంచి మినీ ట్రక్కు ఢీకొంది. ఈ దుర్ఘటనలో మినీ ట్రక్కు డ్రైవర్‌ మృతి చెందాడు. కంటైనర్‌ ట్రక్కును ఢీకొన్న ధాటికి మినీ ట్రక్కు నుజ్జునుజ్జు అయిన వాహనంలో డ్రైవర్‌ చిక్కుకుపోయాడు. ఘటనా స్థలంలో జాతీయ రహదారిపై ట్రాఫిక్‌కు అంతరాయం ఏర్పడింది. అగ్నిమాపక బృదం ఘటనా స్థలానికి చేరి దెబ్బతిన్న వాహనం నుంచి డ్రైవర్‌ను బయటకు తీసి ఆస్పత్రికి తరలించగా, అక్కడ వైద్యులు అతను మరణించినట్లు ప్రకటించారు.

కొరాపుట్‌: డాబుగాం జగన్నాథ మందిరంలో దొంగతనం జరిగింది. శుక్రవారం ఉదయం నబరంగ్‌పూర్‌ జిల్లా డాబుగాం సమితి కేంద్రంలో ఉన్న జగన్నాథ మందిరం తలుపులు తెరవడానికి అర్చకుడు కలియా పాఢీ వెళ్లడంతో దొంగతనం విషయం వెలుగు లోనికి వచ్చింది. దొంగలు దేవాలయం తాళాలు విరగ్గొట్టి మందిరంలో విగ్రహాలపై ఉన్న ఆభరణాలు, హుండిలో డబ్బులు పట్టుకుపోయారు. అర్చకుని సమాచారంతో కమిటీ కార్యదర్శి గెంబలి సాయిరాజు దేవాలయానికి చేరుకొని పోలీసులకు సమాచారం ఇచ్చారు. వెంటనే పోలీసులు, క్లూస్‌ టీం, తహసీల్దార్‌, దేవదాయ సిబ్బంది వచ్చి చోరీ వివరాలు సేకరిస్తున్నారు.

● ఎనిమిదేళ్ల తర్వాత క్యాంపస్‌లలో ఎన్నికల సందడిభువనేశ్వర్‌: ఎనిమిదేళ్ల విరామం తర్వాత ఒడిశా కళాశాలలు, విశ్వవిద్యాలయాల్లో జరిగిన విద్యార్థి సంఘ ఎన్నికలు ఉత్కంఠభరితంగా ముగిశాయి. అఖిల భారతీయ విద్యార్థి పరిషత్‌ (ఏబీవీపీ), బీజూ ఛాత్ర జనతాదళ్‌ (బీసీజేడీ) మధ్య హోరాహోరీ పోరు, ఎన్‌ఎస్‌యూఐ పోటీతో క్యాంపస్‌లు ఎన్నికల సందడితో హోరెత్తాయి. ప్రచార హోరు, విందు వినోదాలు, ప్రత్యర్థులపై వాగ్యుద్ధాలు, అక్కడక్కడా ఘర్షణలు, ఓట్ల లెక్కింపులో ఉత్కంఠ.. ఇలా ఆద్యంతం ఆసక్తికరంగా సాగిన ఎన్నికల పర్వం, విజేతల ప్రమాణస్వీకారాలు, విజయోత్సవాలతో ముగిసింది. రాష్ట్రవ్యాప్తంగా నిర్వహించిన కళాశాలలు, విశ్వవిద్యాలయ విద్యార్థి సంఘం ఎన్నికల్లో సమగ్రంగా 5,116 మంది అభ్యర్థులు ప్రత్యక్షంగా తలపడ్డారు. అధ్యక్ష పదవుల కోసం హోరాహోరీ ప్రధానంగా ఏబీవీపీ, బీసీజేడీ మధ్య అధ్యక్ష పదవుల కోసం తీవ్ర పోటీ నెలకొంది. అందుబాటులో ఉన్న ఫలితాల ప్రకారం, ఏబీవీపీ 142 కళాశాలల అధ్యక్ష పదవులను, బీసీజేడీ 121 పదవులను కై వసం చేసుకున్నాయి. ఐదు కళాశాలల్లో ఎన్‌ఎస్‌యూఐ అభ్యర్థులు అధ్యక్షులుగా ఎన్నికయ్యారు. పలు చోట్ల స్వతంత్ర అభ్యర్థులు కూడా విజయం సాధించి తమ ఉనికిని చాటుకున్నారు. అర్ధరాత్రి వరకు ఫలితాల ఉత్కంఠ ఎనిమిదేళ్ల తర్వాత జరిగిన ఎన్నికలు కావడంతో క్యాంపస్‌లలో రాజకీయ సందడి నెలకొంది. విద్యార్థి సంఘాల ప్రచారాలు, ప్రత్యర్థుల మధ్య మాటల యుద్ధాలు, వర్గాల మధ్య ఘర్షణలు కొన్ని చోట్ల ఉద్రిక్తతలకు దారితీశాయి. రోడ్ల దిగ్బంధనాలు చోటుచేసుకోవడంతో పోలీసులు భారీ బందోబస్తు ఏర్పాటు చేశారు. ఉదయం నుంచి అర్ధరాత్రి వరకు పలు క్యాంపస్‌లలో ఉత్కంఠ కొనసాగింది. ఓట్ల లెక్కింపు, ఫలితాల ప్రకటనలో జాప్యంతో అభ్యర్థులు, వారి మద్దతుదారులు ఫలితాల కోసం ఆసక్తిగా ఎదురుచూశారు. కీలక విద్యాసంస్థల్లో విజయాలు రాజధాని భువనేశ్వర్‌లోని ఉత్కళ విశ్వవిద్యాలయంతో పాటు బీజేబీ కళాశాల, రాజధాని కళాశాల, సంబల్‌పూర్‌లోని గంగాధర్‌ మెహర్‌ విశ్వవిద్యాలయం తదితర విద్యాసంస్థల్లో కీలక పదవుల కోసం పోటీ ఆసక్తికరంగా సాగింది. ఉత్కళ విశ్వవిద్యాలయంలో అధ్యక్ష, కార్యదర్శి పదవులను ఏబీవీపీ కై వసం చేసుకున్నట్లు ఫలితాలు వెల్లడించాయి. భువనేశ్వర్‌ రమాదేవి మహిళా విశ్వవిద్యాలయంలో ఫలితాల ప్రకటన తీవ్ర ఉత్కంఠకు దారితీసింది. సుదీర్ఘ జాప్యం అనంతరం తెల్లవారుజామున 2.35 గంటల సమయంలో ఫలితాలు వెలువడ్డాయి. అధ్యక్ష, ఉపాధ్యక్ష, ప్రధాన కార్యదర్శి, సంయుక్త ప్రధాన కార్యదర్శి సహా కీలక పదవులను బీసీజేడీ గెలుచుకుంది. కటక్‌ రెవెన్షా విశ్వవిద్యాలయం, ఫకీర్‌ మోహన్‌ విశ్వవిద్యాలయాల్లో ఏబీవీపీ, బీసీజేడీకి మిశ్రమ ఫలితాలు వచ్చాయి. శైలబాల కళాశాల, ఖల్లికోట్‌ కళాశాల, నిమాపడా కళాశాలల్లో స్వతంత్ర అభ్యర్థులు విజయం సాధించారు. ప్రమాణస్వీకారాలతో ముగిసిన ఎన్నికల పర్వం ఫలితాలు వెలువడటంతో విజేతల శిబిరాల్లో సంబరాలు అంబరాన్నంటాయి. మద్దతుదారులు నినాదాలు చేస్తూ, విజయోత్సవాలు నిర్వహిస్తూ సందడి చేశారు. మరోవైపు, కొత్తగా ఎన్నికై న విద్యార్థి నాయకులు శుక్రవారం ప్రమాణస్వీకారం చేశారు. దీంతో ఎనిమిదేళ్ల విరామం తర్వాత ఒడిశా విద్యాసంస్థల్లో తిరిగి ప్రారంభమైన విద్యార్థి సంఘ ఎన్నికల పర్వానికి తెరపడింది.

కొరాపుట్‌: నవంబర్‌ ఆఖరు లోపు భారత మాల రోడ్డు నిర్మాణం పూర్తి కానుంది. శుక్రవారం ఆంధ్రా–ఒడిశా సరిహద్దు సుంకి సమీపంలో కవల టన్నెళ్లు వద్ద భారత మాల జాతీయ రహదారి అధికారులు ఈ విషయం వెల్లడించారు. కేంద్ర ప్రభుత్వం ఎంతో వ్యయ ప్రయాసలతో విశాఖ పట్నం నుంచి రాయ్‌పూర్‌ వరకు 6 అంచెల ఎకనామిక్‌ కారిడర్‌ నిర్మిస్తోంది. ఇందు కోసం రూ.20 వేల కోట్ల పైగా వెచ్చించింది. ఈ రోడ్డు ఒడిశాలో కొరాపుట్‌, నబరంగ్‌పూర్‌ జిల్లాలలో మాత్రమే వెళ్తుంది. ఒడిశాలో ఈ రోడ్డు నిర్మాణం దాదాపు పూర్తయ్యింది. నవంబర్‌ నెలాఖరు లోపు ఒడిశాలో ఈ రోడ్డు నిర్మాణం వంద శాతం పూర్తవుతుంది. ఇక మిగిలిన చత్తీస్‌గఢ్‌, ఆంధ్ర ప్రదేశ్‌లలో కొద్ది భాగాల్లో నిర్మాణం పూర్తి కావా ల్సి ఉంది. ఆయా ప్రాంతాలలో కూడా వచ్చే ఏడాది జనవరి నెలాఖరు లోపు పూర్తి కావస్తుంది. దాదాపుగా పిభ్రవరి నెలలో ఈ రోడ్డు ప్రజల అందుబాటులోనికి రానున్నది. ట్వీన్‌ టన్నెల్‌ ఈ రోడ్డు నిర్మాణంలో ప్రత్యేక ఆకర్షణగా మారనుంది. ఈ టన్నెళ్ల వద్ద ప్రస్తుతం శాశ్వత హెలిప్యాడ్‌ నిర్మాణం చేస్తున్నారు. రోడ్డు మెత్తం పూల మెక్కలు పెంపకానికి ప్రాధాన్యత ఇస్తున్నారు. టన్నెల్‌ లోపలి భాగం లో పూర్తి విద్యుద్దీకరణ, తాగునీరు, గాలి సరఫరా, ఒడిశా రాష్ట్ర వైభవం తెలిపే కుడ్య చిత్రాలు ఏర్పాటు చేశారు.

అరసవల్లి: ప్రత్యక్ష దైవం అరసవల్లి సూర్యనారాయణ స్వామి ఆలయంలో నిత్యం అన్నదాన ప్రసాదాన్ని వందలాది మంది భక్తులు స్వీకరిస్తుంటారు. అందుకు తగినట్లుగా ఆలయ అధికారులు సౌకర్యవంతమైన ఏర్పాట్లు చేయాల్సి ఉంది. దేవుడు అందరికీ దేవుడే.. ప్రసాదం అందరికీ ప్రసాదమే.. అయినప్పటికీ వాణిజ్య పరమైన నిబంధనలు, నిర్ణయాలకు సంబంధిత అధికారులు వత్తాసు పలకడమే ఇప్పుడు పెద్ద సమస్యగా మారింది. దీంతో నిజమైన భక్తులతో పాటు ఇతర ప్రాంతాల నుంచి దర్శనానికి వస్తున్న భక్తులకు మాత్రం అన్నప్రసాదం సరిగ్గా అందని పరిస్థితి నెలకొంది. వివరాల్లోకి వెళితే.. అరసవల్లి ఆదిత్యాలయంలో ఇంద్రపుష్కరిణి పునర్నిర్మాణ పనులు ఐదు నెలలుగా కొనసాగుతున్నాయి. సుమారు రూ.4 కోట్లతో జరుగుతున్న పనులను దక్కించుకున్న సదరు కాంట్రాక్టర్‌ ఆధ్వర్యంలో నిత్యం 35 నుంచి 40 మంది వరకు కూలీలను పనులకు వినియోగిస్తున్నారు. కాంట్రాక్టు నిబంధనల ప్రకారం ఈ పనులకు వచ్చిన లేబర్‌కు భోజన వసతులను సదరు కాంట్రాక్టరే ఏర్పాటు చేయాల్సి ఉంటుంది. సుమారు 40 మందికి ఒక్కొక్కరికి కనీసం రూ.100 చొప్పున రోజుకు రూ.4 వేల వరకు ఖర్చులను కాంట్రాక్టర్‌ భరించాల్సి ఉంది. అయితే పనులు వివిధ దశల్లో ఉన్న క్రమంలో కొన్ని రోజులు ఎక్కువ సంఖ్యలో మరికొన్ని రోజులు తక్కువ మంది కూలీలు వస్తుంటారు. అయినప్పటికీ సగటున రోజుకు రూ.3 వేల వరకై నా భోజన ఖర్చులను కాంట్రాక్టర్‌ భరించాల్సి ఉంటుంది. ఈ లెక్కన నెలకు రూ.90 వేల వరకు వినియోగించాల్సి ఉంది. సుమారు ఐదు నెలలకు గాను రూ. 4.50 లక్షల వరకు ఖర్చు చేయాల్సి ఉంది. అయితే ఇవన్నీ కాంట్రాక్టర్‌కు మిగిల్చేలా ఆలయానికి చెందిన కీలకాధికారి కనుసన్నల్లో పెద్ద వ్యవహారమే నడిచింది. లేబర్‌కు భోజనాలు నిత్యాన్నదాన విభాగంలో పెట్టించండి...అంటూ మౌఖిక ఆదేశాలివ్వడంతో పాటు అధికారికంగా రోజూ సుమారు 30 నుంచి 35 భోజనాల టోకెన్లు ఇప్పించేలా చర్యలు చేపట్టారు. దీంతో కూలీలు సైతం ఇక్కడే మధ్యాహ్న భోజనాలు చేస్తున్నారు. ఫలితంగా సుదూర ప్రాంతాల నుంచి వచ్చిన భక్తులకు అన్నప్రసాదం అందని ద్రాక్షలా మారింది. ఈ వ్యవహారం మూడు నెలల క్రితమే ఆలయ ఈవో దృష్టికి వెళ్లినా.. అధికారికంగా టోకెన్లు ఇస్తూ..కాంట్రాక్టర్‌కు ఖర్చులు మిగిలేలా కొమ్ముకాస్తున్న తీరుపై సర్వత్రా విమర్శలు వినిపిస్తున్నాయి. 2 గంటలు దాటితే అన్న ప్రసాదం లేనట్టే! అరసవల్లిలో మధ్యాహ్నం 12 గంటల నుంచి భక్తులకు నిత్యాన్నదాన ప్రసాదాన్ని ఇవ్వడం ప్రారంభిస్తుంటారు. దాతల విరాళాల వడ్డీలతో నిత్యం ఇక్కడ సాధారణ రోజుల్లో సుమారు 400 నుంచి 500 మందికి, ఆదివారాల్లో 800 నుంచి 1000 మంది వరకు భోజన ప్రసాదాలు అందిస్తుంటారు. ఇందులో సుదూర ప్రాంతాల నుంచి దర్శనాలకు వస్తున్న భక్తులకు అధిక ప్రాధాన్యం ఇవ్వాల్సి ఉంది. ఇక్కడే సమస్య ఉత్పన్నమైంది. పుష్కరిణి పనులకు వస్తున్న లేబర్‌ పనులకు వస్తున్న కూలీలకు ఇక్కడ భోజనాలు పెడుతుండడంతో నిజమైన భక్తులకు మధ్యాహ్నం 2 గంటలు దాటితే నిత్యాన్నదాన ప్రసాదం అందకుండా పోతోంది. ఇక్కడ భక్తులంటే అందరూ ఒక్కటే ..ఎవరైనా తినవచ్చు అని భావిస్తున్నప్పటికీ..కాంట్రాక్టర్‌ క్రింద పనులకు వస్తున్న వారికి రోజూ ఇక్కడ అన్‌లిమిటెడ్‌ భోజనాలు అందివ్వడమే వివాదాస్పదమైంది. కాంట్రాక్టర్‌ చేతి ఖర్చులను మిగిల్చేలా ఇలాంటి నిర్ణయాలు తీసుకుంటున్న ఈవో వ్యవహారంపై సర్వత్రా విమర్శలు వినిపిస్తున్నాయి. ఇప్పటికై నా ఈ నిర్ణయాలను వెనక్కి తీసుకుని ఆలయానికి దర్శనాలకు వస్తున్న భక్తులందరికీ అన్నదాన ప్రసాదం అందించేలా చర్యలు చేపట్టాలని భక్తులు కోరుతున్నారు. పుష్కరిణి పనులకు వచ్చిన కూలీలకూ నిత్యం ఇక్కడే భోజనాలు ఐదు నెలల నుంచి రోజూ ఇక్కడే తింటున్నా పట్టించుకోని అధికారులు కాంట్రాక్టర్‌ భరించాల్సిన భోజన ఖర్చులకు వత్తాసు పలుకుతున్న వైనం ఇప్పటివరకు కాంట్రాక్టర్‌కు రూ.4.50 లక్షల వరకు మిగిల్చిన అధికారులు పరిశీలిస్తాం.. ఇదే విషయమై నిత్యాన్నదాన పథకం విభాగం సూపరింటెండెంట్‌ కె.వెంకటేశ్వరరావు వద్ద ‘సాక్షి’ ప్రస్తావించగా తాను ఉదయమే కొత్తగా బాధ్యతలు స్వీకరించానని, పరిస్థితులను పరిశీలిస్తానని, ఈవో దృష్టికి తీసుకువెళ్తానంటూ స్పష్టం చేశారు. ఇంతవరకు ఇక్కడి విభాగంలో సూపరింటెండెంట్‌గా పనిచేసిన వెంకటరమణ వద్ద ప్రస్తావించగా మౌనమే సమాధానమయ్యింది.

మల్కన్‌గిరి: మల్కన్‌గిరి జిల్లా కలిమెల సమితిలోని గోపబంధు ప్రాంతీయ డిగ్రీ కాళాశాలలో ఎనిమిదేళ్ల తర్వాత ఈ నెల 15వ తేదీన నిర్వహించిన విద్యార్థి సంఘ ఎన్నికల్లో ఎన్‌ఎస్‌యూఎల్‌ ఘన విజయం సాధించింది. రాత్రి తొమ్మిది గంటల తరువాత ఓట్ల లెక్కింపు ప్రక్రియ పూర్తయింది. అధ్యక్ష పదవికి ఎన్‌ఎస్‌యూఎల్‌ తరఫున పోటీ చేసిన ప్రణీత్‌ కుమార్‌ బిహారీ 217 ఓట్లు సాధించగా.. ఆయన సమీప ప్రత్యర్ధి కై లాష్‌ కుమార్‌ మాడీ 206 ఓట్లు పొందారు. దీనితో ప్రణీత్‌ ఎన్నికై నట్టు ఎన్నికల అధికారులు ప్రకటించారు. ప్రణీత్‌కు పలువురు అభినందనలు తెలియజేశారు.ఉద్యోగ నియామక పత్రాలు అందజేత మల్కన్‌గిరి: జిల్లా విద్యా పరిపాలనా వ్యవస్థను మరింత బలోపేతం చేసి సమర్థవంతంగా ముందుకు తీసుకెళ్లే లక్ష్యంతో కీలక చర్య చేపట్టారు. ప్రభుత్వ ప్రజా సంక్షేమ విధానంలో భాగంగా మల్కన్‌గిరి జిల్లా విద్యాశాఖ అధికారి కార్యాలయంలో గురువారం పునరావాస సహాయ పథకం కింద ఏడుగురు అర్హులైన అభ్యర్థులకు అధికారికంగా నియామకపత్రాలను అందజేశారు. ఈ సందర్భంగా ముఖ్య అతిథిగా జిల్లా విద్యాశాఖ అధికారి చిత్తరంజాన్‌ పాణిగ్రాహి హాజరై నూతన ఉద్యోగులకు అభినందనలు తెలియజేశారు.సీనియర్‌ న్యాయవాది సునీల్‌ సాహు హఠార్మణం కొరాపుట్‌: సీనియర్‌ న్యాయవాది సునీల్‌ సాహు (60) హఠాత్తుగా మరణించారు. శుక్రవారం నబరంగ్‌పూర్‌ పట్టణంలో మార్నింగ్‌ వాకింగ్‌ వెళ్లి తిరిగి వస్తుండగా తన నివాసం ముందు కుప్పకూలిపోయారు. వెంటనే కుటుంబ సభ్యులు జిల్లాకేంద్ర ఆస్పత్రికి తరలించగా అప్పటికే మృతి చెందినట్లు వైద్యులు ప్రకటించారు. ఈ వార్త తెలిసిన వెంటనే జిల్లా కోర్టుల సముదాయంలో సంతాప సభ నిర్వహించి కోర్టు సేవల నుంచి న్యాయవాదులు తప్పుకున్నారు. దుస్తుల షోరూమ్‌లో ఘోర అగ్ని ప్రమాదం జయపురం: జయపురం ప్రధాన మార్గంలో గల ట్విల్స్‌ దుస్తుల దుకాణం, షోరూం గిడ్డంగిలలో నేడు అకస్మాత్తుగా అగ్ని ప్రమాదం జరిగింది. సమాచారం అందిన వెంటనే అగ్నిమాపక సిబ్బంది వెంటనే వచ్చి మంటలను అదుపులోకి తెచ్చి ప్రమాదాన్ని నియంత్రించారు. అయినా రూ.50 లక్షలకు పైగా విలువైన బట్టలు కాలి బూడిదైయినట్లు అంచనా. షోరూం తెరిచిన సమయంలో పై అంతస్తులో మంటలు ఎగిసి పడ్డాయి. అగ్ని మంటలను అదుపు చేసేందుకు స్థానికులు ప్రయత్నించిన ఫలితం లేకపోవటంతో వెంటనే అగ్నిమాపక విభాగానికి తెలియజేశారు. వెంటనే అగ్ని మాపక సిబ్బంది వచ్చి మంటలను అదుపు చేశారు. ఈ ప్రమాదం షార్ట్‌ సర్క్యూట్‌ వల్ల జరిగిందని అనుమానిస్తున్నారు. ప్రమాదంలో షోరూం ఉద్యోగి ఒకరు తీవ్రంగా గాయపడ్డాడు. అతడిని జిల్లాకేంద్రాస్పత్రికి తరలించారు.

టెక్కలి రూరల్‌: సంతబొమ్మాళి మండలం హనుమంతునాయుడుపేట వద్ద శుక్రవారం జరిగిన రోడ్డు ప్రమాదంలో వ్యక్తికి తీవ్ర గాయాలయ్యాయి. హనుమంతునాయుడుపేటకు చెందిన గిన్ని లక్ష్మణరావు తన గ్రామం వద్ద బస్సు దిగి రోడ్డు దాటుతుండగా అటుగా వస్తున్న ద్విచక్ర వాహనం ఢీకొనడంతో ఈ ప్రమాదం చోటుచేసుకుంది. లక్ష్మణరావుకు తీవ్ర గాయాలు కావడంతో వెంటనే టెక్కలి జిల్లా ఆసుపత్రికి తరలించారు. స్థానిక పోలీసులు వివరాలు నమోదు చేసుకున్నారు. ట్రాన్స్‌ఫార్మర్‌ చోరీ కంచిలి: పెద్దకొజ్జిరియా గ్రామంలో పంట పొలాలకు విద్యుత్‌ సరఫరా కోసం ఏర్పాటు చేసిన విద్యుత్‌ ట్రాన్స్‌ఫార్మర్‌ చోరీకి గురైంది. అందులో ఉన్న ముఖ్యమైన పరికరాలు, రాగి వైర్లు చోరీ చేశారని బాధిత రైతులు లోళ్ల శాంతమూర్తి, కర్రి చంద్రయ్య, గున్న వసమ్మ శుక్రవా రం విలేకరులకు తెలిపారు. విద్యుత్‌ సౌకర్యం లేక ఇబ్బందులు పడుతున్నామని చెప్పారు. సైకిల్‌పై దుర్గమ్మ చెంతకు.. నరసన్నపేట: స్థానిక హనుమాన్‌నగర్‌ చెందిన వెలమల గణేష్‌ భవానీమాల ధరించి విజయవాడ దుర్గమ్మ దర్శనానికి శుక్రవారం సైకిల్‌పై పయనమయ్యారు. స్థానిక దుర్గాభవానీ కార్‌ స్టాండ్‌ వద్ద ఏర్పాటు చేసిన శరన్నవరాత్రి మంటపం నుంచి బయలు దేరారు. ఈ సందర్భంగా ఆయన మాట్లాడుతూ గత ఏడాది కాలినడకన దుర్గమ్మ సన్నిధికి చేరుకున్నానని, ఈసారి సైకిల్‌ యాత్ర చేస్తున్నానని చెప్పారు. పారా మెడికల్‌ కోర్సులతో ఉపాధి అవకాశాలు శ్రీకాకుళం రూరల్‌ : పారామెడికల్‌ కోర్సులకు మంచి డిమాండ్‌ ఉందని, దేశ విదేశాల్లో అపార ఉద్యోగ అవకాశాలు కలుగుతాయని పద్మశ్రీ అవార్డు గ్రహీత కూటికుప్పల సూర్యారావు అన్నారు. రాగోలు జెమ్స్‌ ఆస్పత్రి ఆడిటోరియంలో శుక్రవారం బొల్లినేని మెడిస్కిల్స్‌ బీఎస్సీ పారా మెడికల్‌ కాలేజ్‌ 2021–22 బ్యాచ్‌ విద్యార్థుల కాన్వొకేషన్‌ సంబరాలు శుక్రవారం ఘనంగా నిర్వహించారు. ఈ సందర్భంగా ఆయన మాట్లాడుతూ వైద్య చికిత్సలో పారామెడికల్‌ పాత్ర ఎంతో కీలకమన్నారు. రిమ్స్‌ ప్రిన్సిపాల్‌ ఎస్‌.అప్పలనాయుడు మాట్లాడుతూ పారా మెడికల్‌ కోర్సులు పూర్తిచేస్తే ప్రభుత్వ, ప్రైవేట్‌ అద్భుతమైన అవకాశాలు ఉన్నాయన్నారు. కార్యక్రమంలో కళాశాల డీన్‌ డాక్టర్‌ లక్ష్మీలలిత, బొల్లినేని, పారామెడికల్‌ ప్రిన్సిపాల్‌ సుగునేశ్వరి, జెమ్స్‌ అకడమిక్‌ డైరెక్టర్‌ డాక్టర్‌ సుధీర్‌, బొల్లినేని మెడిస్కిల్స్‌ వైస్‌ ప్రిన్సిపాల్‌ డాక్టర్‌ జ్యోత్స్న, బొల్లినేని అకడమిక్‌ డైరెక్టర్‌ లక్ష్మీ పద్మజ, ఎగ్జిక్యూటివ్‌ డైరెక్టర్‌ సీహెచ్‌ నాగేశ్వరరావు పాల్గొన్నారు. రేకిల్లు దగ్ధం ఇచ్ఛాపురం రూరల్‌ : డొంకూరు గ్రామంలో షార్ట్‌సర్కూట్‌తో రేకిల్లు దగ్ధమయ్యింది. గ్రామానికి చెందిన సురాడ త్రినాద్‌ అతని భార్య శ్రీవాణి శుక్రవారం పొలానికి వెళ్లారు. సాయంత్రం ఇంటికి తిరిగివచ్చేసరికి ఇంట్లో మంటలు చెలరేగాయి. అప్పటికే కొంతమేరకు సామగ్రి దగ్ధమైంది. గ్రామస్తులంతా కలసి మంటలను అదుపులోనికి తీసుకొచ్చారు. బంగారు ఆభరణాలతో పాటు రూ.25వేల నగదు, విలువైన పత్రాలు కాలిబూడిదయ్యాయి. రూ.రెండు లక్షల ఆస్తినష్టం వాటిల్లిందని బాధితులు విలపిస్తున్నారు.

పర్లాకిమిడి: ప్రభుత్వం సబ్సిడీ రూపంలో అందజేస్తున్న సోలార్‌ ప్యానెల్స్‌ను ఇంటికి ఇన్‌స్టాల్‌ చేస్తానని నమ్మించి రూ 38 వేలను కాజేసిన సందీప్‌ పట్నాయిక్‌ (41)కు గురువారం ఆర్‌.ఉదయగిరి జె.యం.ఎఫ్‌.సీ. న్యాయమూర్తి సువాంకర్‌ మహాంతి నిందితుడికి రెండేళ్ల కఠిన కారాగార శిక్ష, రూ.40వేల జరిమానాను విధిస్తూ తీర్పును వెల్లడించారు. ఈ సంఘటన రామగిరిలో ఈ ఏడాది మే 8న రామగిరి పీఎస్‌ పరిధిలోని సర్గిసాయి గ్రామానికి చెందిన శంకర్‌ రయితోకు జరిగింది. ఎస్‌ఓఏ సీఎస్‌ఆర్‌ కంపెనీకి చెందిన ఉద్యోగి సందీప్‌ పట్నాయిక్‌ సోలార్‌ ప్యానెల్స్‌ శంకర్‌ ఇంటికి అమర్చుతానని అడ్వాన్సుగా దఫ దఫాలుగా ఫోన్‌పే ద్వారా రూ.38 వేలు సందీప్‌ భార్య అకౌంట్‌కు తరలించాడు. అయితే నాలుగు నెలలు కావస్తున్నా ఇంటికి సోలార్‌ ప్యానెల్స్‌ను బిగించకపోవడంతో మోసపోయిన శంకర్‌ రామగిరి పోలీసు స్టేషన్‌లో ఫిర్యాదు చేశాడు. ఈ కేసును ఏఎస్‌ఐ సంతోష్‌ కుమార్‌ బెహరా రిజిస్టర్‌ చేసి దర్యాప్తు చేశాడు. నాలుగు నెలల కాలపరిమితిలో నిందితుడు సందీప్‌ పట్నాయిక్‌ను పట్టుకుని కేసుపెట్టాడు. దీంతో గురువారం ఆర్‌.ఉదయగిరి కోర్టులో ఈ కేసు తీర్పు వెలువడింది. ఆర్‌.ఉదయగిరి పోలీసు ష్టేషన్‌ ఐఐసీ కల్పలతా ప్రధాన్‌ కేసును కోర్టుకు తరలించగా, ఏపీపీ దుర్యోధన కోరాడ కేసును శంకర్‌ తరఫున వాదించాడు.

రాయగడ: ప్రభుత్వ పథకాలు ఉన్నా.. అర్హత కలిగిన దివ్యాంగులకు సకాలంలో పింఛన్లు అందడం లేదని ఆవేదన జిల్లాలో వ్యక్తమైంది. నెలల తరబడి పింఛన్లు అందక ఆర్థిక ఇబ్బందులతో సతమతమవుతున్న దివ్యాంగులు తమ సమస్యలను అధికారుల దృష్టికి తీసుకువెళ్లినా పరిష్కారం లభించడం లేదని ఆరోపించారు. ఈ నేపథ్యంలో ప్రభుత్వ నిర్లక్ష్యానికి నిరసనగా ఒడిశా దివ్యాంగుల మంచ్‌ జిల్లా అధ్యక్షుడు రాకేష్‌ హిమిరిక స్థానిక కలెక్టర్‌ కార్యాలయం ప్రాంగణంలో భిక్షాటన చేస్తూ వినూత్న నిరసనకు దిగారు. దివ్యాంగుల సంక్షేమం కోసం ప్రభుత్వం పలు పఽథకాలు, సామాజిక భద్రతా కార్యక్రమాలు అమలు చేస్తున్నప్పటికీ, వాటి ప్రయోజనాలు క్షేత్రస్థాయిలో అర్హులకు అందడం లేదని సంఘం ప్రతినిధులు ఆవేదన వ్యక్తం చేశారు. పింఛన్ల కోసం సమితి కార్యాలయాలు, సంబఽంధిత శాఖ కార్యాలయాలు, కలక్టరేట్‌లో ఫిర్యాదుల విభాగం చుట్టూ తిరిగినా హామీలు తప్ప సమస్యల పరిష్కారం కావడం లేదని వాపోయారు. రాకేష్‌హ మిరిక తెలిపిన వివారాల ప్రకారం జిల్లాలో పలువురు దివ్యాంగులకు మూడు నెలల నుంచి పింఛన్లు అందలేదని తెలిపారు. తనకు కూడా ఐదు నెలలకు పైగా పింఛను రాకపొవడంతో జీవనం భారంగా మారిందని ఆయన పేర్కొన్నారు. దివ్యాంగుల సమస్యలపై అధికారులు తగిన శ్రద్ధ చూపడం లేదని విమర్శించారు. బకాయి పింఛన్లు వెంటనే విడుదల చేయాలని, ప్రతి నెల క్రమం తప్పకుండా పింఛన్లు అందించాలని, దివ్యాంగుల సమస్యలకు శాశ్వత పరిష్కారం చూపాలని డిమాండ్‌ చేస్తూ రాకేష్‌ కలెక్టరేట్‌ ఎదుట నిరసన చేపట్టారు. ఈ విషయం పై జిల్లా సామాజిక భద్రత అధికారి ఎలిజబెత్‌ గరడాను సంప్రదించగా , దివ్యాంగుల సమస్యలపై చర్చించినట్లు తెలిపారు.

పర్లాకిమిడి: ఒడిశాకు జాతీయ, అంతర్జాతీయ స్థాయిలో కీర్తిప్రతిష్టలు తీసుకువచ్చిన అసాధారణ ప్రతిభావంతులను గుర్తిస్తూ, బ్రహ్మాపురానికి చెందిన సామాజిక, సాంస్కృతిక సంస్థ మధుమయ పాణిగ్రాహి ఫౌండేషన్‌ (ఎం.పి.ఎఫ్‌.) ప్రతిష్టాత్మకమైన కుమార పౌర్ణమి జాహ్నాలో యూత్‌ అచీవర్స్‌ అవార్డులు 2026 కు ఎంపికై న ముగ్గురు పేర్లను శుక్రవారం బరంపురంలో ప్రకటించారు. జపాన్‌ దేశం, టోక్యోలో జరిగిన వేసవి డెఫ్‌ ఒలింపిక్స్‌లో కరాటేలో భారత దేశానికి తొలి పతకాన్ని సాధించిన లోమా స్వైన్‌, కలాహాండి జిల్లాకు చెందిన ప్రముఖ జానపద గాయకుడు, గేయ రచయిత, సంగీత దర్శకుడు సర్వేశ్వర్‌ భోయ్‌,మిస్‌టీన్‌ యూనివర్స్‌ ఇండియా 2026 కిరీటాన్ని గెలుచుకున్న అందాలభామ ప్రసూచి పండా ఈ అవార్డుకు ఎంపికై నట్టు హృషికేష్‌ పాణిగ్రాహి తెలియజేశారు. అందాల భామ ప్రసూచి పండా, జైపూర్‌లో జరిగిన మిస్‌ టీన్‌ దివాగ్రాండ్‌ ఫినాలేలో 37 మంది ఫైనలిస్టులతో పోటిపడి జాతీయ స్థాయి టైటిల్‌ను గెలుచుకుంది. తద్వారా ఆమె అంతర్జాతీయ వేదికపై భారతదేశానికి ప్రాతినిఽథ్యం వహించే ఆవకాశాన్ని దక్కించుకుంది. ఎంపికై న ప్రతి ఆవార్డు గ్రహీతకు సంప్రదాయ బ్రహ్మాపుర పట్టుశాలువా, జ్ఞాపికతో కూడిన ప్రశంసా ఫలకం, రూ. 10వేలు నగదు బహుమతి అందజేస్తామని ఎంపీఎఫ్‌ ఫౌండర్‌ హృషికేష్‌ పాణిగ్రాహి తెలియజేశారు. గత 16 ఏళ్లుగా మధుమయ పాణిగ్రాహి ఫౌండేషన్‌ గ్రామీణ క్రీడల్లో పాల్గొనేలా 3వేల మంది పాఠశాల, కళాశాలలకు చెందిన బాలికలను ప్రోత్సహించింది. అంతేకాక ఎంపీఎఫ్‌ ఫౌండేషన్‌ ద్వారా వివిధ రంగాల్లో రాణిస్తున్న యువ ప్రతిభావంతులను గుర్తించి సత్కరించే విశిష్ట పురస్కారంగా గుర్తింపు పొందింది. ఇప్పటి వరకూ ఈ సంస్థ 45 మంది ప్రముఖుల జాబితాలో కామన్‌వెల్త్‌ క్రీడల స్వర్ణపతాక విజేతలు, వెయిట్‌లిఫ్టర్‌ కె.రవికుమార్‌, ప్రముఖ నృత్యకళాకారులు హారిహార దాస్‌, భారత మహిళల ఫుట్‌బాల్‌ జట్టు మాజీ కెప్టెన్‌ శశ్మితా మల్లిక్‌, అంతర్జాతీయ మహిళా క్రికెటర్‌ రోసన్నారా కెఫటిలా పర్విన్‌ తదితరులను ప్రోత్సాహించి అవార్డులను అందజేసింది. వచ్చే కుమార పౌర్ణమి పండుగ నాడు లోమా, సర్వేశ్ర్‌, ప్రసూచి పండాలకు బరంపురంలో ఆవార్డు ప్రదాన ఉత్సవం జరగుతుందని హృషికేష్‌ పాణిగ్రాహి తెలియజేశారు.

కొరాపుట్‌: నవీన్‌ పట్నాయక్‌ ముఖ్యమంత్రిగా ఉన్నప్పుడు అమలు చేసిన సంక్షేమ పథకాలు ప్రజలు గుర్తు తెచ్చుకోవాలని మాజీ మంత్రి రమేష్‌ చంద్ర మజ్జి విజ్ఞప్తి చేశారు. శుక్రవారం నబరంగ్‌పూర్‌ జిల్లా పపడాహండి సమితిలో ప్రతిపక్ష బీజేడీ పార్టీ నిర్వహించిన జన సంపర్క యాత్రనుద్దేశించి ప్రసంగించారు. సుమారు 24 ఏళ్ల పాటు రాష్ట్రాన్ని పరిపాలించిన నవీన్‌ పట్నాయక్‌ సంక్షేమ పథకాల అమలులో దేశంలో నంబర్‌–1గా నిలిచారన్నారు. అనేక రాష్ట్రాలు నవీన్‌ పాలనని ఆదర్శంగా తీసుకున్నాయని పేర్కొన్నారు. ప్రస్తుత బీజేపీ ప్రభుత్వం నాటి సంక్షేమ పాలనను కొనసాగించలేకపోతోందని దుయ్యబట్టారు. ఎన్నికల సమయంలో ఇచ్చిన హామీలు అమలు చేయలేదు సరికదా.. ఉన్న పథకాలు తీసివేశారని మండిపడ్డారు. కనీసం నెలవారి పెన్షన్లు ఇవ్వలేకపోతోందన్నారు. వరద బాధితులను ఆదుకోవడంతో తీవ్రంగా విఫలమయ్యారని మండిపడ్డారు. ఉచిత కరెంట్‌, మద్య నిషేధం తదితర హామీలపై మాట్లాడడానికి బీజేపీ నాయకులు సాహసించలేకపోతున్నారని ఎద్దేవా చేశారు. అంతకుముందు బీజేడీ కార్యకర్తలు భారీ ర్యాలీ నిర్వహించారు. కార్యక్రమంలో డాబుగాం ఎమ్మెల్యే మనోహర్‌ రంధారి, మాజీ ఎంపీలు మున్నా ఖాన్‌, ప్రదీప్‌ మజ్జి, మాజీ ఎమ్మెల్యే సదాశివ ప్రదాని, జెడ్పీ ప్రెసిడెంట్‌ మెతిరాం నాయక్‌ తదితరులు పాల్గొన్నారు.

మల్కన్‌గిరి: జిల్లాలోని చిత్రకొండ సమితి కేంద్రంలో ఉన్న ఎస్‌ఎస్‌డీ ఉన్నత పాఠశాలలో 10వ తరగతి విద్యార్థినిపై తోటి విద్యార్థినులు దాడి చేశారు. వివరాల్లోకి వెళ్తే.. సబ్బు అడిగినందుకు గొడవ ప్రారంభమై కొట్టుకునేవరకు వెళ్లినట్లు తెలుస్తోంది. ఈ గొడవలో పదో తరగతి విద్యార్థినికి తీవ్రగాయాలయ్యాయి. అయితే ఘటన జరిగి మూడు రోజులైనా హాస్టల్‌ సిబ్బంది అధికారులకు తెలియజేయలేదు. దీనిపై శుక్రవారం విద్యార్థిని తల్లిదండ్రులు వచ్చి తమ బిడ్డపై దాడి చేశారని ఫిర్యాదు చేయడంతో విషయం ఆలస్యంగా బయటకు వచ్చింది. విద్యార్థినిపై 8వ తరగతి చదువుతున్న ఏడుగురు విద్యార్థినులు దాడి చేశారు. గాయాలపాలైన బాలికను పాఠశాల సిబ్బంది చిత్రకొండ ఆరోగ్య కేంద్రానికి గురువారం తీసుకెళ్లారు. ఈ విషయం తెలుసుకున్న చిత్రకొండ సమితి అధ్యక్షురాలు రాజేశ్వరి ఖీలో ఆరోగ్య కేంద్రానికి వెళ్లి బాలికను పరమర్శించారు. దీనిపై జిల్లా సంక్షేమ అధికారి శ్రీనివాస్‌ ఆచారి స్పందిస్తూ ఏడుగురు విద్యార్థినులపై చర్యలు తీసుకోవాలని ఆదేశించారు.

● ఎర్రకోట రామలీలలో నిషాదరాజుగా జుయెల్‌ ఓరాంభువనేశ్వర్‌: కేంద్ర మంత్రిగా విధుల నిర్వహణలో నిత్యం తలమునకలయ్యే ఆయన ... ఒక్కసారిగా రంగస్థల నటుడిగా మారారు. రాజకీయ హోదాను పక్కనపెట్టి, రామాయణంలో శ్రీరాముని ఆత్మీయ మిత్రుడిగా పేరొందిన నిషాదరాజు పాత్రలో ఒదిగిపోయారు. ఒడిశాకు చెందిన కేంద్ర గిరిజన వ్యవహారాల మంత్రి జుయెల్‌ ఓరాం ఢిల్లీలోని ఎరక్రోట మైదానంలో ప్రసిద్ధ లవకుశ్‌ రామలీల వేదికపై బుధవారం (అక్టోబర్‌ 14) నిషాదరాజుగా అభినయించి ప్రేక్షకుల దృష్టిని ఆకర్షించారు. గిరిజన నేపథ్యంతో ప్రత్యేక అనుబంధం రామాయణంలో శృంగవేరపుర రాజైన నిషాదరాజు గుహకు శ్రీరామునితో ఉన్న స్నేహం విశిష్టమైనది. శ్రీరాముడు వనవాసానికి బయలుదేరిన సందర్భంలో సీతాదేవి, లక్ష్మణుడితో సహా ఆయన శృంగవేరపురానికి చేరుకోగా నిషాదరాజు ఆప్యాయంగా స్వాగతిస్తాడు. గంగానది తీరంలో వారికి ఆతిథ్యమిచ్చి, మరుసటి రోజు వీడ్కోలు పలికే ఘట్టాన్ని రామలీలలో ప్రదర్శించారు. నిషాదరాజు పాత్రను పోషించే అవకాశం రావడాన్ని మంత్రి జుయెల్‌ ఓరాం ప్రత్యేక గౌరవంగా భావించారు. ఈ పాత్రకు తన గిరిజన నేపథ్యంతోనూ అనుబంధం ఉందని పేర్కొన్నారు. నిషాదరాజు వారసత్వానికి చెందిన వ్యక్తిగా, ఆయనలోని కొన్ని లక్షణాలు తనలోనూ ఉండవచ్చని అభిప్రాయపడ్డారు. లవకుశ్‌ రామలీల నిర్వాహకులు సుమారు పది రోజుల ముందుగా ఆహ్వానించడంతో ఈ పాత్రను పోషించేందుకు అంగీకరించినట్లు పేర్కొన్నారు. స్నేహం.. సమానత్వానికి ప్రతీక నిషాదరాజు పాత్ర భారతీయ సంస్కృతిలో స్నేహానికి, మానవీయ విలువలకు ఉన్న ఉన్నత స్థానాన్ని చాటుతుందని ఓరాం పేర్కొన్నారు. శ్రీరాముడు, నిషాదరాజు మధ్య అనుబంధం ప్రేమ, సామరస్యం, సమానత్వానికి ప్రతీకగా నిలుస్తుందని తెలిపారు. చారిత్రక ప్రాధాన్యం కలిగిన రామలీల వేదికపై ఈ పాత్రకు జీవం పోయడం తనకు భావోద్వేగభరితమైన, గర్వకారణమైన, ఆధ్యాత్మిక అనుభూతినిచ్చిందని సామాజిక మాధ్యమంలో పంచుకున్నారు. రాజకీయ ప్రముఖులకు సైతం రామలీల వేదిక ఢిల్లీలోని ఎర్రకోట మైదానంలో నిర్వహించే లవకుశ్‌ రామలీల దేశవ్యాప్తంగా గుర్తింపు పొందిన రామాయణ ప్రదర్శనల్లో ఒకటి. ఇందులో గతంలోనూ పలువురు రాజకీయ ప్రముఖులు వివిధ పాత్రలు పోషించారు. ఈసారి కేంద్ర దళిత వ్యవహారాల శాఖ మంత్రి జుఝెల్‌ ఓరాం నిషాదరాజుగా కనిపించడం విశేష ఆకర్షణగా నిలిచింది. రాజ్యాధికారం, సామాజిక హోదాలతో సంబంధం లేకుండా నిజమైన స్నేహం, ఆతిథ్యం, పరస్పర గౌరవం ఎంత విలువైనవో నిషాదరాజు ఘట్టం గుర్తుచేస్తుంది. గిరిజన సంస్కృతికి చెందిన పాత్రకు కేంద్ర మంత్రి స్వయంగా రంగస్థలంపై జీవం పోయడం ఈ సందేశానికి మరింత ప్రాధాన్యాన్ని తీసుకొచ్చింది.

జయపురం: జయపురం సబ్‌డివిజన్‌ బొరిగుమ్మ కమ్యూనిటీ ఆస్పత్రిలో రక్తదాన శిబిరాన్ని శుక్రవారం నిర్వహించారు. బొరిగుమ్మ సేవా సంకల్ప అభిజాన్‌, అమో ఒడిశాలు సంయుక్తంగా నిర్వహించిన శిబిరాకి పలువురు స్వచ్ఛందగా వచ్చి రక్తాన్ని దానం చేశారు. 41 యూనిట్ల రకాన్ని సేకరించినట్టు నిర్వాహకులు వెల్లడించారు. బొరిగుమ్మ కమ్యూనిటీ ఆస్పత్రి వైద్యాధికారి డాక్టర్‌ బసబొదత్త నాయిక్‌ శిబిరాన్ని ప్రారంభించారు. ఈ సందర్భంగా ఆయన మాట్లాడుతూ.. రక్త దాతలు ప్రాణ దాతలన్నారు. సకాలంలో రక్తం లభ్యం కాక అత్యవసర సమయాల్లో చాలామంది మృత్యువాత పడుతున్న ఘటనలు ఉన్నాయన్నారు. రక్తం కొరతతో ఏ ఒక్కరూ మృత్యువాత పడకుండా ఉండాలంటే ప్రతిఒక్కరూ రక్తదానం చేయాలన్నారు. రక్తదాన శిబిరంలో బొరిగుమ్మ నోటిఫైడ్‌ ఏరియా కౌన్సిల్‌ (ఎన్‌ఏసీ) చైర్మన్‌ నందకేశ్వర మిశ్ర, మాజీ సామాజిక భద్రతాధికారి కార్తీక పాఢి, అదనపు బీడీవో నివేదిత దండసేన, సీడీపీవో సబితారాణి బ్రహ్మ, బొరిగుమ్మ ఆస్పత్రి బీపీఎం హేమలత పాణిగ్రహి, పీహెచ్‌ఈవో సునీత పట్నాయక్‌, సౌరభ మహంకుడో ఉన్నారు. వైద్య సిబ్బంది, సంబాద దిన పత్రిక ప్రతినిధి అమరేంద్రపరచతో పాటు బొరిగుమ్మ యువజన సంఘ ప్రతినిధులు సహకరించారు. రక్తదాతలకు ఆస్పత్రి అధికారులు అతిథులతో కలిసి ప్రశంసా పత్రాలు అందజేశారు.

రాయగడ: స్థానిక ఇందిరానగర్‌ మొదటి లైన్‌లో నివసిస్తున్న శతాధిక వృద్ధురాలు వై.నారాయణమ్మ (112) గురువారం మృతి చెందారు. పొరుగు రాష్ట్రం మన్యం పార్వతీపురం జిల్లాలోని కొమరాడ మండలం పరిధిలోని కొటిపాము గ్రామంలో 1914లో జన్మించారు. ఆమె చిన్న కుమారుడు చిన్నంనాయుడు ఉద్యోగ రీత్యా రాయగడలో స్థిరపడ్డారు. దీంతో కొడుకుతో పాటు ఆమె కూడా ఇక్కడే ఉంటున్నారు. గురువారం ఉదయం ఆమె మృతి చెందినట్లు మనువడు వై.దామోదరరావు తెలిపారు. ఆమె జీవించినంత కాలం ఎటువంటి అనారోగ్య సమస్యలు లేకుండా సంపూర్ణ ఆరోగ్యంగా తన పనితానే చేసుకునేవారని చెప్పారు. తమ కుటుంబంలో ఐదు తరాలను చూసిన నారాయణమ్మ సహజ మృతి చెందినట్టు పేర్కొన్నారు. ఆమెకు ఇద్దరు కొడుకులు, ఒక కుమార్తె ఉన్నారు.

కంచిలి: దసరా ఉత్సవాల్లో భాగంగా మండల కేంద్రం కంచిలిలో కొలువై ఉన్న కంచమ్మతల్లి అమ్మవారు నిజరూపంలో గురువారం భక్తుల కు దర్శనమిచ్చారు. ఉదయం నుంచే భక్తులు అధిక సంఖ్యలో తరలివచ్చి అమ్మవారిని దర్శించుకున్నారు. భక్తుల కు ఎటువంటి అసౌకర్యం కలగకుండా ఆలయ అభివృద్ధి కమిటీ సభ్యులు ఏర్పాట్లు చేశారు. వజ్రపుకొత్తూరు రూరల్‌ : ెపద్దబొడ్డపాడు పంచాయతీ పరిధిలో ఉన్న సీతాపురంలో కొంతకాలంగా ఉన్న భూ వివాదం రెవెన్యూ, పోలీసుల అధికారుల చొరవతో పరిష్కారమైంది. తరతరాలుగా వస్తున్న భూమి హద్దుల విషయంలో బంధువుల మధ్య జరుగుతున్న ఈ వివాదంపై బాధితురాలైన బి.శ్రావణి ఇటీవల జిల్లా కలెక్టర్‌, ఎస్పీ నిర్వహించిన గ్రీవెన్స్‌లో ఫిర్యాదు అందించారు. ఈ మేరకు రెవెన్యూ, పోలీసు అధికారులు గురువారం సంఘటన స్థలానికి చేరుకొని ఇరువర్గాలతో మాట్లాడి సమస్యను సద్దుమణిగించారు. ఈ సందర్భంగా ఏఎస్‌ఐ కె.ఢిల్లీరావు మాట్లాడుతూ భూ వివాదాలతో ప్రశాంతంగా ఉన్న గ్రామాల్లో శాంతిభద్రతలకు విఘాతం కలిగించరాదన్నారు. పాతపట్నం : ప్రజలకు మెరుగైన వైద్యసేవలు అందించాలని జిల్లా వైద్య ఆరోగ్యశాఖ అధికారి డాక్టర్‌ ఈ.ఎన్‌.వి.నరేష్‌కుమార్‌ వైద్య సిబ్బందికి సూచించారు. పాతపట్నం మండ లం గంగువాడ పీహెచ్‌సీని గురువారం సందర్శించారు. ఫార్మసీ, లేబొరేటరీ, ఔట్‌ పేషెంట్‌ (ఓపీ) విభాగాలను పరిశీలించారు. రికార్డుల ను తనిఖీ చేశారు. ఈ సందర్భంగా డీఎంహెచ్‌ఓ మాట్లాడుతూ ప్రజలకు మెరుగైన వైద్యసేవలు అందేలా సిబ్బందితో డాక్టర్లు సమన్వయం చేసుకోవాలన్నారు. పీహెచ్‌సీలో ప్రసవాల సంఖ్యను పెంచేందుకు ప్రత్యేక దృష్టి సారించాలన్నారు. కార్యక్రమంలో డాక్టర్‌ హిమశ్రీ, వైద్య సిబ్బంది పాల్గొన్నారు. టెక్కలి రూరల్‌: అనంతపురం జిల్లా తాడిపత్రిలో ఈ నెల 12, 13, 14వ తేదీలలో స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన 70వ జాతీయ స్థాయి తైక్వాండో పోటీల్లో టెక్కలి ఎన్టీఆర్‌ క్రీడా వికాస కేంద్రానికి చెందిన క్రీడాకారులు ప్రతిభ కనబరిచారు. 14 ఏళ్ల బాలికల 35 కిలోల విభాగంలో మెండ తపస్వి, బాలుర విభాగంలో గిన్ని దీపక్‌ రెడ్డి, 17 ఏళ్ల విభాగంలో జనపాన వాగ్‌దేవి అక్షయలు బంగారు పతకాలు సాధించారు. వీరంతా హిమాచల్‌ప్రదేశ్‌, శ్రీనగర్‌లో జరగనున్న జాతీయ స్థాయి పోటీల్లో పాల్గొంటారని కోచ్‌ నర్శిపురం శేఖర్‌ గురువారం తెలిపారు. గిన్ని దిలీప్‌రెడ్డి రజత పతకం సాధించినట్లు చెప్పారు. గార : వాడాడ గ్రామానికి చింతనిప్పుల లలిత (24) అనుమానాస్పదంగా మృతిచెందింది. పోలీసులు తెలిపిన వివరాల ప్రకారం.. లలిత గురువారం ఉదయం తన ఇంట్లో ఫ్యాన్‌కు ఉరేసుకొని చనిపోయిందని కుటుంబ సభ్యులకు పెద్దమామ ఫోన్‌లో సమాచారమిచ్చాడు. వెంటనే తల్లిదండ్రులు వాడాడ వచ్చేసరికి లలిత మృతదేహం మంచంపై ఉండటంతో మృతిపై అనుమానాలు వ్యక్తం చేశారు. లలిత భర్త రమేష్‌కు వివాహేతర సంబంధం ఉందని, పెద్ద మనుషుల సమక్షంలో తగువులు కూడా జరిగాయని, భర్తే ఏదైనా చేసి ఉంటాడని అనుమానంగా ఉందని తండ్రి దుర్గయ్య పోలీసులకు ఫిర్యాదు చేశాడు. విషయం తెలుసుకున్న ఒకటో పట్టణ సీఐ వై.రామకృష్ణ, ఎస్‌ఐ సీహెచ్‌.గంగరాజు, క్లూస్‌ టీం ఘటనా స్థలానికి చేరుకొని వివరాలు సేకరించారు.

పర్లాకిమిడి: స్థానిక శ్రీక్రిష్ణచంద్ర గజపతి (స్వయం ప్రతిపత్తి) కళాశాల విద్యార్థి సంఘం ఎన్నికల పోలింగ్‌ గురువారం ప్రశాంతంగా జరిగాయి. ప్రిన్సిపల్‌ రాధాకాంత భుయ్యాన్‌ ఎన్నికల ఫలితాలను సాయంత్రం ప్రకటించారు. కళాశాల విద్యార్థి సంఘం అధ్యక్షుడిగా కృష్ణచంద్ర కార్జి (పి.జి.ఎం.ఎ.), ఉపాధ్యక్షురాలిగా అమితారాణీ సింగ్‌ (యు.జి.సెకండ్‌ ఇయర్‌), జనరల్‌ సెక్రటరీగా నవీన్‌ బెహరా, అసిస్టెంట్‌ జనరల్‌ సెక్రటరీగా టునా బిడికా, డ్రామాటిక్‌ సెక్రటరీగా దీపక్‌ రంజన్‌ మహాపాత్రో తదితరులు ఎన్నికయ్యారు. వీరిని ఎమ్మెల్యే రూపేష్‌ పాణిగ్రాహి అభినందించారు.అదే విధంగా, పట్టణంలో ఉన్న మహిళా స్నాతక కళాశాల విద్యార్థిని సంఘం ఎన్నికల ఫలితాలను ప్రిన్సిపల్‌ రీనా సాహు సాయంత్రం విడుదల చేశారు. సంఘం అధ్యక్షురాలిగా కార్తికేశ్వరీ దేవి, ఉపాధ్యక్షురాలిగా మధుస్మితా భుయ్యాన్‌, యూనియన్‌ సెక్రటరీగా రీనా భోంజో, డ్రామాటిక్‌ సొసైటీ సెక్రటరీగా ఇస్పితా పాఢి, అథ్లెటిక్‌ కార్యదర్శిగా భానుప్రసాదినీ రవుత్‌, కామన్‌రూం సెక్రటరీగా సౌమ్యరాణి లిమ్మా తదితరులు ఎన్నికయ్యారు.

భువనేశ్వర్‌: రాష్ట్రంలో మొబైల్‌ ఇ–సేవా వ్యాన్‌లు వ్యవస్థకు శ్రీకారం చుట్టారు. రాష్ట్ర హైకోర్టు ప్రాంగణంలో, హైకోర్టు న్యాయమూర్తులు, రిజిస్ట్రీ అధికారులందరి సమక్షంలో ప్రధాన న్యాయమూర్తి హరీష్‌ టాండన్‌ రెండు వ్యాన్‌లను జెండా ఊపి ప్రారంభించారు. కేసుల విచారణ తదితర వ్యవహారాలకు న్యాయస్థానాలకు చేరుకోలేని వర్గాలకు సౌకర్యం కల్పించేందుకు ఈ వ్యవస్థని ప్రవేశపెట్టినట్లు పేర్కొన్నారు. రాష్ట్రంలోని మారుమూల, వెనుకబడిన ప్రాంతాలకు డిజిటల్‌ కోర్టు సేవలు, న్యాయ సహాయం, వివాద పరిష్కార సౌకర్యాలను ఇంటి ముంగిట కల్పించేందుకు మొబైల్‌ ఇ – సేవా వ్యాన్‌ల వ్యవస్థ దోహదపడుతుంది. దివ్యాంగులు, అనారోగ్యంతో ఉన్న సాక్షులు వీడియో కాన్ఫరెన్సింగ్‌ ద్వారా తమ ఇంటి వద్ద నుంచే వాంగ్మూలాలను నమోదు చేయడానికి ఇవి వీలు కల్పిస్తాయి. ఇందులో హైస్పీడ్‌ మల్టీ–నెట్‌వర్క్‌ కనెక్టివిటీ, హై డెఫినిషన్‌ వీడియో కాన్ఫరెన్సింగ్‌ సౌకర్యాలు, పవర్‌ బ్యాకప్‌ సిస్టమ్‌లు అమర్చారు. సేవల ప్రారంభం పురస్కరించుకుని కటక్‌ సదర్‌ పరిధి లోని అదాలియాలో నివసిస్తున్న ఒక కీలక సాక్షి నుంచి ఈ వ్యాన్‌ ద్వారా సాక్ష్యం నమోదు చేశారు. అనారోగ్యం కారణంగా కోర్టుకు హాజరు కాలేకపోయిన ఆ సాక్షి, చాలా కాలంగా పెండింగ్‌లో ఉన్న ఒక కేసులో ఉన్న చోటు నుంచి సాక్ష్యం ఇచ్చారు. జగత్‌పూర్‌లో అవగాహన శిబిరం.. డిజిటల్‌ న్యాయ సేవలపై ప్రజలకు అవగాహన కల్పించేందుకు ఒడిశా రాష్ట్ర న్యాయ సేవల అథారిటీ జగత్‌పూర్‌లోని వీక్లీ మార్కెట్‌లో అవగాహన శిబిరాన్ని నిర్వహించింది. వ్యాన్‌లోని పెద్ద మల్టీమీడియా డిస్‌ప్లే, పబ్లిక్‌ అడ్రస్‌ సిస్టమ్‌ ద్వారా ఇ–ఫైలింగ్‌, ఇ– చెల్లింపు, కేసు స్థితిని పర్యవేక్షించడం, ఇ– ములాకత్‌ వంటి సౌకర్యాల పని తీరు, ఉపయోగం పౌరులకు వివరించారు. చేతుల పరిశుభ్రత తప్పనిసరి పర్లాకిమిడి: సెంచూరియన్‌ విశ్వవిద్యాలయంలో బీఎస్సీ నర్సింగ్‌ మొదటి సంవంత్సరం విద్యార్థులు గుసాని సమితి ఉప్పలాడలో టాగోర్‌ మెమోరియల్‌ ఉన్నత పాఠశాలలో గ్లోబల్‌ హ్యాండ్‌ వాషింగ్‌ దినోత్సవం ఘనంగా నిర్వహించారు. చేతుల పరిశుభ్రతపై విద్యార్థులకు అవగాహన కల్పించారు. కార్యక్రమంలో నర్సింగ్‌ కళాశాల ప్రిన్సిపల్‌ సునీత తదితరులు పాల్గొన్నారు.

రాయగడ: తొమ్మిదేళ్ల విరామం అనంతరం జరిగిన రాయగడ అటానమస్‌ కళాశాల ఎన్నికలు గురువారం ప్రశాంతంగా ముగిశాయి. ఉదయం 8 గంటలకు ప్రారంభమైన ఓట్ల పోలింగ్‌ మధ్యాహ్నం రెండు గంటల వరకు కొనసాగింది. అనంతరం ఎన్నికల లెక్కింపు కార్యక్రమం పోలీసుల కట్టుదిట్టమైన భద్రత చర్యల మధ్య కొనసాగాయి. అత్యంత కీలకంగా మారిన ఈ ఎన్నికలకు వివిధ రాజకీయ పార్టీలు బాహాటంగానే తమ మద్దతును ప్రకటించాయి. 2026–27 సంవత్సరానికి గాను జరిగిన ఈ విద్యార్థి సంఘం పోరులో అధ్యక్షునిగా సుమిత్‌ రత్నాలు ఎన్నికై నట్లు ఎన్నికల అధికారిగా వ్యవహరించిన కళాశాల ప్రిన్సిపాల్‌ రాత్రి 7.30 గంటల సమయంలో ప్రకటించారు. రత్నాలు ఏబీవీపీ మద్దతుతో విజయం సాధించారు. విద్యార్థి సంఘం ఉపాధ్యక్షునిగా బిశ్వజీత్‌ నాయక్‌, కార్యదర్శిగా కలక భాను, సహ కార్యదర్శిగా రాహుల్‌ కరకరియాలు విజయం సాధించారు. డ్రామాటిక్‌ సెక్రటరీగా నీలిమా నాయక్‌, కల్చరల్‌ అసోసియేషన్‌ కార్యదర్శిగా గణశ్యామ్‌ నాయక్‌, అథ్లెటిక్‌ కార్యదర్శిగా బిష్ణు కొండగిరి, బాయ్స్‌ కామన్‌రూం కార్యదర్శిగా దేవాశీష్‌ మెలక, కామర్స్‌ అసోసియేషన్‌ కార్యదర్శిగా చందన్‌ నాయక్‌, ఆర్ట్స్‌ అసోసియేషన్‌ కార్యదర్శిగా టంకధర్‌ పాణి, గర్‌ల్స్‌ కామన్‌ రూం కార్యదర్శిగా రోహిత్‌ తాడింగి, సహ కార్యదర్శిగా దీపాలి ప్రధాన్‌లు ఎన్నికై నట్లు ప్రకటించారు.

● మద్యం మత్తులో యువకుడి దుశ్చర్య ● విలపించిన భక్తులుఇచ్ఛాపురం రూరల్‌: ఆంధ్రా–ఒడిశా సరిహద్దు గ్రామం చీకటి బలరాంపురం గ్రామదేవత బోదమ్మతల్లి విగ్రహాన్ని మద్యం మత్తులో ఓ వ్యక్తి ధ్వంసం చేశాడు. ఈ దుశ్చర్య స్థానికంగా కలకలం రేపింది. వివరాల్లోకి వెళితే.. శరన్నవరాత్రులు సందర్భంగా బోదమ్మ అమ్మవారి ఆలయం వద్ద గ్రామ మహిళలు భవానీమాలలు ధరించి పూజలు నిర్వహిస్తున్నారు. బుధవారం రాత్రి యధావిధిగా పూజలు చేసి ఇంటికి వెళ్లిపోయారు. ఇంతలో ఒడిశా ప్రాంతానికి చెందిన ఓ యువకుడు ఆలయంలోకి చొరబడ్డాడు. హుండీ పగలగొట్టేందుకు ప్రయత్నించిన క్రమంలో అమ్మవారి విగ్రహాన్ని ధ్వంసం చేస్తుండగా స్థానికులు గమనించారు. దుండగుడిని అదుపులోకి తీసుకొని దేహశుద్ధి చేశారు. విగ్రహం ధ్వంసం కావడంతో భవానీమాల దీక్షలో ఉన్న మహిళలు కన్నీరుమున్నీరుగా విలపించారు. ఆలయం చుట్టుపక్కల ఒడిశా సారా ప్యాకెట్లు, మద్యం అమ్మకాలు చేస్తుండటంతో మద్యం మత్తులో ఇటువంటి ఇటువంటి దుశ్చర్యలకు పాల్పడుతున్నారని భక్తులు ఆవేదన వ్యక్తం చేస్తున్నారు.

భువనేశ్వర్‌: పిడుగులు మెరుపుల వల్ల సంభవించే ప్రాణనష్టం, ఆస్తి నష్టాన్ని తగ్గించేందుకు ముందస్తు అంచనాలు, ముందస్తు హెచ్చరికల వ్యవస్థలను మరింత బలోపేతం చేయడమే లక్ష్యంగా ఒడిశా రాష్ట్ర విపత్తు నిర్వహణ అథారిటీ (ఓఎస్‌డిఎంఏ) ఆధ్వర్యంలో రెండు రోజుల జాతీయ వర్కుషాపు గురువారం ప్రారంభమైంది. రెవెన్యూ, విపత్తు నిర్వహణ శాఖ మంత్రి సురేష్‌ పూజారి ఈ వర్కుషాపును ప్రారంభించారు. అక్టోబర్‌ 15, 16 తేదీల్లో జరిగే ఈ సదస్సులో మెరుపుల భద్రతకు సంబంధించిన ప్రామాణిక కార్యాచరణ విధానం (ఎస్‌ఓపీ) ముసాయిదా, 2027 కార్యాచరణ ప్రణాళిక రూపకల్పనపై నిపుణులు చర్చించనున్నారు. ప్రారంభోత్సవంలో మంత్రి సురేష్‌ పూజారి మాట్లాడుతూ మెరుపుల వల్ల ప్రాణ, ఆస్తి నష్టాలు సంభవిస్తున్న నేపథ్యంలో వాటి ముప్పును ఎదుర్కోవడం కీలకమన్నారు. మెరుపుల కారణంగా సంభవించే మరణాలు, నష్టాలను తగ్గించేందుకు ఓఎస్‌డిఎంఏ నిరంతరం కృషి చేస్తోందన్నారు. శాస్త్రవేత్తలు, పరిశోధకులు, సాంకేతిక నిపుణులు, పరిపాలనా అధికారులు ఒకే వేదికపై చర్చించి సమర్థవంతమైన నివారణ చర్యలను గుర్తించేందుకు ఈ కార్యశాల దోహదపడుతుందని తెలిపారు. విపత్తుల ముప్పును తగ్గించడంలో ఒడిశా సామర్థ్యాన్ని మరింత పెంపొందించేందుకు ఈ కార్యక్రమం తోడ్పడుతుందని ఆశాభావం వ్యక్తం చేశారు. భారత వాతావరణ శాఖ డైరెక్టర్‌ జనరల్‌ డాక్టర్‌ మృత్యుంజయ్‌ మహాపాత్రో మాట్లాడుతూ, ఉపగ్రహ సమాచారంతోపాటు సంఖ్యాత్మక వాతావరణ అంచనా నమూనాలు, కృత్రిమ మేధ (ఏఐ), మెషిన్‌ లెర్నింగ్‌ వంటి ఆధునిక సాంకేతిక పరిజ్ఞానాన్ని వినియోగించి మెరుపులను గుర్తించడం, పర్యవేక్షించడం, ముందుగా అంచనా వేయడంలో మెరుగైన ఫలితాలు సాధించవచ్చన్నారు. పంచాయతీ స్థాయిలో నిర్ణయాలు తీసుకునేందుకు ఉపయోగపడే వ్యవస్థలతో ఈ సాంకేతిక పరిజ్ఞానాన్ని అనుసంధానించడంపైనా వర్కుషాపులో చర్చించనున్నట్లు తెలిపారు. ఓఎస్‌డీఎంఏ మేనేజింగ్‌ డైరెక్టర్‌ రాజేష్‌ ప్రభాకర్‌ పాటిల్‌ మాట్లాడుతూ, మెరుపుల ముప్పును ముందుగా అంచనా వేయడం, ప్రమాదకర ప్రాంతాలను గుర్తించడం, హెచ్చరికలను సకాలంలో ప్రజలకు చేరవేయడం, భద్రతా చర్యలను బలోపేతం చేయడం ఈ కార్యశాల ప్రధాన లక్ష్యమని వివరించారు. ముప్పు ఎక్కువగా ఉన్న ప్రాంతాల్లో నివసించే ప్రజల ప్రాణాలను కాపాడేందుకు శాసీ్త్రయ పరిజ్ఞానాన్ని ఆచరణాత్మక చర్యలుగా మార్చడంపై దృష్టి సారించనున్నట్లు తెలిపారు. కార్యక్రమంలో భారత వాతావరణ శాఖ, ఇండియన్‌ ఇన్‌స్టిట్యూట్‌ ఆఫ్‌ ట్రాపికల్‌ మెటియోరాలజీ, నేషనల్‌ రిమోట్‌ సెన్సింగ్‌ సెంటర్‌, నేషనల్‌ సెంటర్‌ ఫర్‌ ఎర్త్‌ సైన్స్‌ స్టడీస్‌, నేషనల్‌ సెంటర్‌ ఫర్‌ మీడియం రేంజ్‌ వెదర్‌ ఫోర్‌కాస్టింగ్‌, ఐఐటీ భువనేశ్వర్‌, ఫకీర్‌ మోహన్‌ విశ్వవిద్యాలయం, ఎన్‌ఐటీ పాట్నా తదితర సంస్థల ప్రతినిధులు హాజరయ్యారు.

ఎస్‌.కె.సి.జీ.కళాశాల ఆవరణలో ఎన్నికల కోలాహలం జయపురం: ఆయుర్వేద వైద్యం గ్రామీణుల చెంతకు చేర్చాల్సిన అవసరం ఎంతో ఉందని జయపురం ఎమ్మెల్యే తారాప్రసాద్‌ బాహిణీపతి అన్నారు. జయపురం సమితి జయంతిగిరి గ్రామంలో కొరాపుట్‌ జిల్లా ఆయుర్వేద వికాశ పరిషత్‌, గ్రామీణ వైద్య విశారద సంఘాలు సంయుక్తంగా గురువారం నిర్వహించిన సమ్మేళనంలో ఆయన ముఖ్యఅతిథిగా పాల్గొన్నారు. ఈ సందర్భంగా ఆయుర్వేద చికిత్సా భవణ నిర్మాణానికి శంకుస్థాపన చేశారు. అనంతరం మాట్లాడుతూ.. గ్రామీణ ప్రాంతాలలో ఆయుర్వేద వైద్య ప్రచారంతో పాటు ప్రాచీన సంప్రదాయ వైద్య విధానాల పరిరక్షణపై ఆయుర్వేద విచార పరిషత్‌, గ్రామీణ వైద్య విశారదా సంఘాలు ప్రత్యేక దృష్టి కేంద్రీకరించాలని విజ్ఞప్తి చేశారు. జయంతిగిరిలో ఆయుర్వేద వైద్య భవనం నిర్మాణంతో పాటు ఈ ప్రాంతంలో ఔషధ మొక్కలు పెంచేందుకు అవసరమైన భూమిని కేటాయించటం జరుగుతోందన్నారు. ఔషధ మొక్కలు సంరక్షించే వారికి ప్రభుత్వం నేలవారీభత్యం ఏర్పాటుకు ప్రయత్నిస్తున్నామన్నారు. అందుకు సంబంధించిన బిల్లును శాశనసభలో ప్రవేశ పెట్టనున్నట్లు వెల్లడించారు. భవన నిర్మాణానికి తాను రూ. 7 లక్షలు మంజూరు చేస్తున్నట్లు ఆయన ప్రకటించారు. అలాగే ఔషధ మొక్కల పెంపకానికి అవసరమైన భూమిని కేటాయించనున్నట్లు వెల్లడించారు. గ్రామ వైద్యులు గ్రామీణ ప్రాంతాలలో ఔషధ మొక్కలు పెంచేందుకు ప్రాధాన్యత ఇవ్వాలని విజ్ఞప్తి చేశారు. పరిషత్‌ న్యాయ సలహాదారు రాజేంధ్ర కుమార్‌ గౌఢ అధ్యక్షతన జరిగిన సమ్మేళనంలో జిల్లాలోని వివిధ ప్రాంతాల నుంచి వచ్చిన గ్రామీణ వైద్యులు, వైద్య విశారదులకు ముఖ్యఅతిథిని సత్కరించారు. కవిరాజ్‌ పరమేశ్వర పాత్రో పర్యవేక్షణలో నిర్వహించన కార్యక్రమంలో బొరిగుమ్మ సమితి మాజీ చైర్మన్‌, సీనియర్‌ న్యాయవాది మదన మోహణ నాయిక్‌, రామనాథ్‌ అమనాత్య, రఘునాథ్‌ అమనాత్య, దుర్గా పూజారి, శ్రీరామ్‌ గౌఢ, జవహార్‌ జెన, పరిషత్‌ సభ్యులు సత్యనారాయణ పండ,బాబుల పాత్ర, లీలా గౌఢ పాల్గొన్నారు.

భువనేశ్వర్‌: ఒడిశా గవర్నర్‌ డాక్టర్‌ హరిబాబు కంభంపాటి గురువారం స్థానిక లోక్‌ భవన్‌లో అధికారులు, సిబ్బంది కోసం 144 నివాస క్వార్టర్ల నిర్మాణం కోసం శంకుస్థాపన చేశారు. నాలుగు బ్లాకులలో 96 ఇ – టైప్‌ క్వార్టర్లు, రెండు బ్లాకులలో 48 ఎఫ్‌ – టైప్‌ క్వార్టర్లు ఉన్నాయి. స్టిల్ట్‌+6 భవనాలను టర్న్‌కీ పద్ధతిలో నిర్మిస్తారు. మే 2028 నాటికి నిర్మాణం పూర్తి చేయాలని లక్ష్యంగా పెట్టుకున్నారు. లోక్‌ భవన్‌లో పనిచేస్తున్న అధికారులు, ఉద్యోగులకు దీర్ఘకాలంగా నెలకొన్న వసతి కొరతను తీర్చడం దృష్ట్యా గవర్నరు చొరవ పట్ల సిబ్బంది ఆనందం వ్యక్తం చేశారు.

● స్వగ్రామాల్లో విషాదం రాయగడ: కుటుంబ పోషణ కోసం ఇతర రాష్ట్రాలకు వలస కూలీలుగా వెళ్లి అక్కడ నుంచి విగతజీవులుగా స్వగ్రామాలకు తిరిగి వస్తున్న ఘటనలు జిల్లాలో తరచూ చోటు చేసుకుంటున్నాయి. తాజాగా కాసీపూర్‌ సమతికి చెందిన ఇద్దరు యువకులు తెలంగాణ, తమిళనాడు రాష్ట్రాల్లో వలస కూలీలుగా పనిచేస్తూ బుధవారం ఇద్దరు మృతి చెందిన ఘటన తీవ్ర కలకలం రేపింది. సమితిలోని కొడిపారి పంచాయతీలోని ఒడాకల్‌ గ్రామానికి చెందిన టిమా మాఝి కొడుకు జయరాం మాఝి (21) తెలంగాణ రాష్ట్రంలో మృతి చెందగా.. అదే సమితి పరిధిలోని మైకంచ్‌ పంచాయతీలోని నువాగా గ్రామానికి చెందిన చింతామని నాయక్‌ కొడుకు రంజిత్‌ నాయక్‌ (20) తమిళనాడులో మృతి చెందాడు. వివరాల ప్రకారం.. జయరాం మాఝి గత నెల క్రితం ఉపాధి కోసం తమిళనాడు రాష్ట్రంలోని చైన్నె వెళ్లి అక్కడ ఓ కంపెనీలో కూలి పనివాడిగా పనిచేస్తుండేవాడు. విధులు నిర్వహణలో భాగంగా పనులు పూర్తి చేసి తను ఉంటున్న వసతి గృహానికి వెళ్తుతుండగా గుర్తు తెలియని ఒక వాహనం ఢీకొని మృతి చెందాడు. మరో రొడ్డు ప్రమాదంలో రంజిత్‌ కూడా మృతి చెందినట్లు కుటుంబీకులకు సమాచారం అందింది. మృతదేహాలను ఆయా ప్రాంతాల నుంచి స్వగ్రామానికి తీసుకువచ్చేందుకు జిల్లా కార్మిక శాఖ ప్రత్యేక ఏర్పాట్లు చేస్తున్నట్లు సమాచారం. రంజిత్‌ నాయక్‌ (ఫైల్‌) జయరాం మాఝి (ఫైల్‌)

● ఒడిశా బట్టల పరిశ్రమ కమిషనర్‌ గుహ పూనమ్‌ తాపస్‌ కుమార్‌ రాయగడ: జిల్లాలోని కాసీపూర్‌ ప్రాంతంలో పట్టుసాగు అభివృద్ధికి విస్తృత అవకాశాలు ఉన్నాయని, రైతులకు అవసరమైన సహకారం అందించి పట్టు పరిశ్రమను మరింత బలోపేతం చేసేందుకు చర్యలు తీసుకుంటామని రాష్ట్ర బట్ట పరిశ్రమ కమిషనర్‌, కార్యదర్శి గుహాపూనమ్‌ తాపస్‌ కుమార్‌ తెలిపారు. గురువారం కాసీపూర్‌ సమితిలో పర్యటించిన ఆమె పరజ శిల గ్రామాంలో నిర్వహించిన పట్టు రైతుల సహకార సంఘం వార్షిక సర్వసభ్య సమావేశంలో పాల్గొన్నారు. ముఖ్యమంత్రి పట్టు సాగు పథకం ద్వారా పట్టుపురుగుల పెంపకం నుంచి పట్టు చీరల తయారీ వరకు, అక్కడి నుంచి విదేశాలకు ఎగుమతి చేసే స్థాయి వరకు రైతులకు ప్రభుత్వ సహకారం అందించడమే లక్ష్యమన్నారు. రైతులను కేవలం సాగుదారులుగా కాకుండా, స్వయం ఉపాధి పొందే పారిశ్రామికవేత్తలుగా తీర్చిదిద్దేందుకు ప్రభుత్వం కృషి చేస్తుందని అన్నారు. ఈ సందర్భంగా స్థానిక మహిళ, పురుష పట్టు రైతులు తమ సమస్యలను కమిషనర్‌ దృష్టికి తీసకువచ్చారు. పట్టుపురుగులు చనిపోవడంతో గత కొన్నేళ్లుగా సాగును నిలిపివేశామని, సంబంధిత శాఖ అధికారుల ప్రోత్సాహంతో తిరిగి సాగు ప్రారంభించామని వివరించారు. రైతులకు ఎదురవుతున్న ఇబ్బందులను పరిష్కరించి సాగును లాభసాటిగా మార్చేందుకు చర్యలు తీసుకోవాలని కోరారు. దీనిపై కమిషనర్‌ స్పందిస్తు కాసీపూర్‌ ప్రాంతంలో పట్టు సాగుకు అనుకూలమైన వాతావరణ పరిస్థితులు ఉన్నాయని తెలిపారు. ఇకపై సిరికల్చర్‌ సంస్థలు, సంబంధిత శాఖల మధ్య సమన్వయం పెంచి పట్టు సాగు అభివృద్ధికి ప్రత్యేక దృష్టి సారిస్తామని హామీ ఇచ్చారు. పాఠశాల, ఆరోగ్య కేంద్రం పరిశీలన పర్యనటలో భాగంగా కాసీపూర్‌లోని సామాజిక ఆరోగ్య కేంద్ర ,సమితి కార్యాలయాన్ని కమిషనర్‌ సందర్శించారు. అనంతరం టికిరిలోని పీఎంశ్రీ ఉన్నత మాధ్యమిక పాఠశాలను పరిశీలించారు. పాఠశాల ప్రిన్పిపాల్‌ బకుళ రాణి దాస్‌ తరగతి గదుల, ఇతర మౌలిక సదుపాయాలకు సంబంధించిన సమస్యలను ఆమెకు వివరించారు. పాఠశాలలో మధ్యాహ్న భోజనం నాణ్యతను పరిశీలించిన కమిషనర్‌ విద్యార్థులతో కలిసి భోజనం చేశారు. వారితో ముచ్చటిస్తు విద్యార్థులను ప్రొత్సాహించారు. ఆమెతో పాటు పడి డీఆర్‌డీఏ అధికారులు భోజనం చేశారు.

కొరాపుట్‌: కొరాపుట్‌ జిల్లా కేంద్రంలోని సాహిద్‌ లక్ష్మణ్‌ నాయక్‌ ప్రభుత్వ వైద్య కళాశాలలో క్యాన్సర్‌ వైద్య సేవలు ప్రారంభమయ్యాయి. క్యాన్సర్‌ డాయాగ్నసిస్‌, చికిత్స యంత్రాలను జిల్లా కలెక్టర్‌ సత్యవాన్‌ మహాజన్‌ గురువారం ప్రారంభించారు. అత్యన్నత ప్రమాణాలతో విలువైన యంత్రాలను రోగుల చికిత్స కోసం అందుబాటులోకి తెచ్చారు. అంతకు ముందు రిబ్బన్‌ కత్తిరించి ప్రత్యేక బ్లాక్‌ని ప్రారంభించారు. కార్యక్రమంలో కొరాపుట్‌ ఎమ్మెల్యే రఘురాం మచ్చో పాల్గొ ్చన ఛీానరు. కొత్త కలెక్టర్‌తో రెవెన్యూ ఉద్యోగుల భేటీ కొరాపుట్‌ : నబరంగ్‌పూర్‌ జిల్లా కొత్త కలెక్టర్‌ మధు స్మితతో రెవెన్యూ ఉద్యోగుల సంఘాల నాయకులు భేటీ అయ్యారు. గురువారం మర్యాదపూర్వకంగా కలిసి జిల్లా పురోగతికి కలసికట్టుగా పని చేస్తామని పేర్కొన్నారు. అంతకుముందు ప్రభుత్వ న్యాయవాదులు కలెక్టర్‌ను కలిసి జిల్లా పరిస్థితులను వివరించారు. పాఠ్య పుస్తకాలు పంపిణీ ప్రారంభం మల్కన్‌గిరి: ఒడిశా ప్రభుత్వం పాఠశాలలు, సాముహిక విద్యాశాఖ అదేశాల మేరకు మల్కన్‌గిరి జిల్లాలోని అన్ని ప్రభుత్వ, ప్రభుత్వ ఎయిడెడ్‌ ప్రాథమిక, ప్రాథమికోన్నత పాఠశాలల్లో సవరించిన, తప్పులు లేని కొత్త పాఠ్య పుస్తకాలను గురువారం పంపిణీ చేశారు. రాష్ట్ర పాఠ్య పుస్తకాల ముద్రణ, పంపిణీ డైరెక్టరేట్‌ నుంచి జిల్లాస్థాయి డిపోకు అవసరమైన పుస్తకాలు చేరుకున్న అనంతరం జిల్లా ప్రాజెక్టు సమన్వయకర్త జిల్లా విద్యాశాఖ అధికారి కార్యాలయం ఆధ్వర్యంలో మొత్తం ఏడు సమితులకు పుస్తకాలను సరఫరా చేసే ప్రక్రియను వేగవంతం చేశారు. ఈ సందర్భంగా జిల్లా విద్యాశాఖ అధికారి చిత్తరంజాన్‌ పాణిగ్రాహి స్వయంగా మల్కన్‌గిరి మున్సిపాలిటీ పరిధిలోని ఆశీర్వాద్‌ కాలనీలో ఉన్న ప్రభుత్వ ప్రాథమిక పాఠశాలకు చేరుకుని పుస్తకాలను పంపిణీ చేశారు. రోడ్డు ప్రమాదంలో ఇద్దరికి తీవ్రగాయాలు జయపురం: జయపురం సబ్‌ డివిజన్‌ బొయిపరిగుడ సమితి చిపాకూర్‌ గ్రామ పంచాయతీ గదియజొడి గ్రామ సమీపంలో రెండు ద్విచక్ర వాహనాలు ఎదురెదురుగా వచ్చి ఢీకొనడంతో ఇద్దరు వ్యక్తులు తీవ్రంగా గాయపడినట్లు బొయిపరిగుడ పోలీసు అధికారి వెల్లడించారు. ప్రమాదంలో తీవ్రంగా గాయపడినవారు భాలూపొర గ్రామానికి చెందిన కృష్ణ ఖొర, కెందుకుండ గ్రామానికి సురేంద్ర ఖొరగా గుర్తించారు. పోలీసులు తెలిపిన వివరాల మేరకు.. కృష్ణ ఖొర తన భార్య, బిడ్డతో బైక్‌పై రామగిరి ప్రాథమిక హాస్పిటల్‌కు వెళ్లాడు. హాస్పిటల్‌లో భార్యాబిడ్డలను పెట్టి తిరిగి వస్తున్న సమయంలో గొదియజొడి గ్రామ సమీపంలో రామగిరి వైపు వెళ్తున్న సురేంద్ర ఖొర ఎదురుగా వచ్చి ఢీకొన్నాడు. సమాచారం అందుకున్న పోలీసులు అంబులెన్స్‌ రప్పించి క్షతగాత్రులను బొయిపరిగుడ కమ్యూనిటీ ఆస్పత్రికి తరలించారు.

శుక్రవారం శ్రీ 16 శ్రీ అక్టోబర్‌ శ్రీ 2026శ్రీమందిరంలో.. భువనేశ్వర్‌ : పూరీలోని జగన్నాథ ఆలయంలో కార్తీక మాస వ్రతాలు, ప్రత్యేక అలంకరణలకు ఏర్పాట్లు పూర్తయ్యాయి. ఈ ఏడాది తిథి క్షయం కారణంగా సాధారణంగా ఐదు రోజులపాటు నిర్వహించే పంచుక వ్రతం నాలుగు రోజులకే పరిమితం కానుంది. ద్వాదశి తిథి క్షయం వల్ల జగన్నాథ స్వామి బొంకొచూడ అలంకరణను నిర్వహించడం లేదు. ఛొత్తీషా నియోగుల సమావేశంలో ఈ ఏడాది కార్తీక మాస క్రతువుల షెడ్యూల్‌ను ఖరారు చేసినట్లు పూరీ కలెక్టర్‌ దివ్యజ్యోతి పరిడా వెల్లడించారు. ●ఈ నెల 22 నుంచి నవంబర్‌ 24 వరకు శ్రీమందిరంలో కార్తీక మాస ప్రత్యేక ఆచారాలు నిర్వహించనున్నారు. కార్తీక వ్రత దీక్షలు మాత్రం అక్టోబర్‌ 26 నుంచి నవంబర్‌ 24 వరకు కొనసాగనున్నాయి. ఈ నెల రోజుల్లో ప్రతిరోజూ తెల్లవారుజామున 4 గంటలకు ఆలయ ద్వారాలు తెరుస్తారు. ఉదయం 6.30 నుంచి 7.30 గంటల మధ్య జగన్నాథ స్వామికి రాధా దామోదర అలంకరణ నిర్వహిస్తారు. నెలంతా ప్రత్యేక బాల ధూప సేవ కూడా కొనసాగుతుంది. రాధా దామోదర అలంకరణ.. కార్తీక మాసంలో జగన్నాథ స్వామికి నిర్వహించే రాధా దామోదర అలంకరణ ప్రత్యేక ఆకర్షణగా నిలుస్తోంది. ఈ అలంకరణలో స్వామివారిని రాధా దామోదర రూపంలో దర్శించుకోవడం కార్తీక వ్రతంలో భాగంగా భావిస్తారు. నెల రోజులపాటు జరిగే ఈ ప్రత్యేక అలంకరణను దర్శించేందుకు భక్తులు పెద్ద సంఖ్యలో శ్రీక్షేత్రానికి తరలివస్తారు. పంచుక నాలుగు రోజులే.. కార్తీక మాసంలోని చివరి ఐదు రోజులను పంచుకగా పిలుస్తారు. ఈ కాలం విష్ణు ఆరాధనకు, ఉపవాస నియమాలకు అత్యంత పవిత్రమైనదిగా భక్తులు భావిస్తారు. అయితే ఈ ఏడాది చంద్ర తిథుల క్షయం కారణంగా పంచుక వ్రతం నాలుగు రోజులే జరగనుంది. ఈ సమయంలో శ్రీమందిరంలో ప్రత్యేక పూజలు, సేవలు నిర్వహిస్తారు. బొంకొచూడ అలంకరణ లేనట్లే.. కార్తీక మాసంలో జగన్నాథ స్వామికి నిర్వహించే ప్రత్యేక అలంకరణల్లో బొంకొచూడ అలంకరణ కూడా ఒకటి. తలపై వాలుగా ఉండే ప్రత్యేక బంగారు కిరీటం ఈ అలంకరణలో ప్రధాన ఆకర్షణ. అయితే ఈ ఏడాది ద్వాదశి తిథి క్షయం కారణంగా ఈ అలంకరణను నిర్వహించడం లేదని ఆలయ వర్గాలు వెల్లడించాయి. నవంబర్‌ 16న హరిహర అలంకరణ కార్తీక మాసంలో ప్రత్యేకంగా నిర్వహించే హరిహర అలంకరణను నవంబర్‌ 16న చేపట్టనున్నారు. హరి, హర తత్త్వాల సమన్వయాన్ని ప్రతిబింబించే ఈ అలంకరణకు ఆధ్యాత్మికంగా ప్రత్యేక ప్రాధాన్యం ఉంది. ఈ సందర్భంగా స్వామివారిని దర్శించుకునేందుకు భక్తులు ఆసక్తి చూపుతారు. ఐదు అలంకరణలు.. కార్తీక శుక్ల ఏకాదశి నుంచి పౌర్ణమి వరకు ఉండే చివరి ఐదు రోజులను పంచుకగా పిలుస్తారు. ఈ కాలం విష్ణు ఆరాధనకు, ఉపవాస నియమాలకు అత్యంత పవిత్రమైనదిగా భక్తులు భావిస్తారు. సాధారణంగా ఈ ఐదు రోజుల్లో శ్రీ జగన్నాథుడు ఐదు విశిష్ట అలంకరణల్లో భక్తులకు దర్శనమిస్తారు. ● ఏకాదశి (నవంబరు 21) – లక్ష్మీనారాయణ అలంకరణ: ఠియాకియా అలంకరణగా కూడా పిలిచే ఈ అలంకరణలో స్వామివారు బంగారు ఆభరణాలు, వస్త్రాలతో లక్ష్మీనారాయణ స్వరూపంలో దర్శనమిస్తారు. ● త్రయోదశి (నవంబరు 22) – త్రివిక్రమ అలంకరణ: వామనుడు త్రివిక్రముడిగా విశ్వరూపాన్ని ప్రదర్శించిన అవతార వైభవాన్ని ప్రతిబింబించేలా స్వామివారిని అలంకరిస్తారు. ● చతుర్దశి (నవంబరు 23)– లక్ష్మీనసింహ అలంకరణ: దళికియా అలంకరణగా కూడా వ్యవహరించే ఈ అలంకరణలో ప్రత్యేక బంగారు ఆభరణాలు, కిరీటాలు, పుష్పాకతుల అలంకారాలు ఉంటాయి. ● పౌర్ణమి (నవంబరు 24) – రాజరాజేశ్వర అలంకరణ: సునా బేషొగా ప్రసిద్ధి చెందిన ఈ అలంకరణలో స్వామివారు బంగారు ఆభరణాలతో రాజసంగా దర్శనమిస్తారు. కార్తీక మాస వ్రతాల ముగింపు సందర్భంగా ఈ అలంకరణ నిర్వహిస్తారు. ఈ ఏడాది తిథుల మార్పుల కారణంగా పంచుక ఆచారాల షెడ్యూల్‌లో మార్పులు చోటుచేసుకున్నాయి. ముఖ్యంగా బొంకొచూడ అలంకరణ లేకపోవడం భక్తులు గమనించాల్సిన అంశం. మిగిలిన అలంకరణలు నిర్ణీత తిథుల ప్రకారం నిర్వహించనున్నారు. కార్తీక వ్రతాన్ని పూరీలో ఆచరించాలనుకునే మహిళల కోసం ఒడిశా ప్రభుత్వం హబిష్యాళీ పథకం కింద ప్రత్యేక ఏర్పాట్లు చేస్తోంది. ఈ ఏడాది 2,500 మంది మహిళలకు ఉచిత వసతి, శ్రీమందిరంలో క్రమబద్ధమైన దర్శనం, మహాప్రసాదం అందించనున్నారు. బందావతి నివాస్‌, మున్సిపల్‌ కల్యాణ మండపం, రైల్వే టూరిస్ట్‌ కాంప్లెక్స్‌లలో వసతి కల్పించనున్నారు. ఈ పథకానికి అక్టోబర్‌ 6 నుంచి ఒడిశా ప్రభుత్వ ఈ–డిస్ట్రిక్ట్‌ పోర్టల్‌ (https://edistrict.odisha.gov.in) ద్వారా ఆన్‌లైన్‌లో దరఖాస్తుల స్వీకరణ ప్రారంభమైంది. 70 ఏళ్లలోపు వితంతువులు, 50 నుంచి 70 ఏళ్ల మధ్య వయసున్న వివాహిత మహిళలు దరఖాస్తు చేసుకోవడానికి అర్హులు. 2,500 మంది లక్ష్యం నిండే వరకు నమోదు కొనసాగుతుంది. ఎంపికై న హబిష్యాళీలకే ఈ పథకం కింద ప్రత్యేక వసతి, ఇతర సదుపాయాలు లభిస్తాయి. – కార్తీక మాసంలో శ్రీమందిరాన్ని సందర్శించే భక్తుల రద్దీని దృష్టిలో ఉంచుకుని ఆలయ అధికారులు, జిల్లా యంత్రాంగం సమన్వయంతో ఏర్పాట్లు చేస్తున్నారు. శ్రీ మందిరం సింహ ద్వారం గుండా లోనికి ప్రవేశం కల్పించి మిగిలిన 3 ద్వారాల గుండా వెలుపలకు వచ్చేందుకు ఏర్పాట్లు చేశారు. వయో వృద్ధులు, దివ్యాంగుల కోసం ప్రత్యేక దర్శన సౌకర్యాలు కల్పించారు. సింహ ద్వారం గుండా ప్రవేశం, 7 మెట్ల గుండా ప్రధాన ఆలయంలోని ప్రవేశం ప్రాంతాల్లీ ఈ వర్గీయుల కోసం ప్రత్యేక సదుపాయాలు కల్పిస్తున్నారు. ఈ ఏర్పాట్లను శ్రీ మందిరం, జిల్లా యంత్రాంగం ఉన్నతాధికారులు, పోలీసు వర్గాలు ప్రత్యక్షంగా పర్యవేక్షిస్తాయి. అదనంగా వైద్య బృందం నిరంతరం అందుబాటులో ఉంటుందని అధికారులు తెలిపారు. ప్రత్యేక అలంకరణలు, వ్రత నియమాలు, పూజా కార్యక్రమాలతో శ్రీక్షేత్రం కార్తీక మాస ఆధ్యాత్మిక శోభను సంతరించుకోనుంది.

జయపురం: స్థానిక విక్రమదేవ్‌ విశ్వవిద్యాలయంలో విద్యార్థి సంఘ ఎన్నికలు ప్రశాంతంగా ముగిశాయి. వర్సిటీలో చదువుతున్న 4,374 మంది విద్యార్థుల్లో కేవలం 2,225 మంది మాత్రమే ఓటుహక్కును వినియోగించుకున్నట్లు యూనివర్సిటీ అధికారులు వెల్లడించారు. ఓటు వేసేందుకు వెళ్లిన విద్యార్థులను వర్సిటీ ప్రధాన గేటు వద్ద పక్కాగా తనిఖీ చేశారు. యూనివర్సిటీలో విద్యార్థులు ఓటు వేసేందుకు 22 బూత్‌లను ఏర్పాటు చేశారు. పోలింగ్‌ నిర్వహించేందుకు ప్రతీ బూత్‌ వద్ద ఐదుగురు చొప్పున ఉద్యోగులను నియమించారు. విశ్వవిద్యాలయం ఏర్పడిన తర్వాత మొదటిసారి జరిగిన విద్యార్థి సంఘ ఎన్నికల్లో బీజేపీ, బీజేడీ, కాంగ్రెస్‌ పార్టీల అనుబంధ విద్యార్థి యూనియన్లు తలపడ్డాయి. సాయంత్రం ప్రారంభమైన ఓట్ల లెక్కింపుతో ఫలితాలపై అభ్యర్థులు ఉత్కంఠతో ఎదురుచూస్తున్నారు.

కొరాపుట్‌: పరుమాలి గుహలను పర్యాటక రంగంలో అభివృద్ధి చేస్తామని కొరాపుట్‌ జిల్లా కలెక్టర్‌ సత్యవాన్‌ మహాజన్‌ ప్రకటించారు. జిల్లాలోని నందపూర్‌ సమితి దారెంగ్బా గ్రామ సమీపంలో ఉన్న గుహలను కలెక్టర్‌ గురువారం సందర్శించారు. గుహల లోపల చీకటి ప్రాంతాలను తిలకించారు. అక్కడ కొలువు తీరిన గిరిజన దేవతకి పూజలు చేశారు. స్థానిక గిరిజనులు ఈ గుహ ప్రాధాన్యత కలెక్టర్‌కి వివరించారు. సిమిలిగుడ పట్టణానికి 27 కిలో మీటర్ల దూరంలో ప్రధాన మంత్రి సడక్‌ మార్గానికి 200 మీటర్ల దూరంలో ఈ గుహలు ఉన్నాయి. గుహల సహజ సౌందర్యాన్ని చూసి కలెక్టర్‌ ముగ్దులయ్యారు. ఈ ప్రాంతంలో రోడ్డు మార్గం, విద్యుత్‌, వాచ్‌ టవర్‌, విశ్రాంతి కుర్చీలు తదితర సౌకర్యాల ఏర్పాటు కోసం అధికారులకు ప్రణాళికలు సిద్ధం చేయాలని ఆదేశించారు.

కొరాపుట్‌: అప్పర్‌ ఇంద్రావతి హైడ్రో పవర్‌ ప్రాజెక్ట్‌ ప్రధాన రిజర్వాయర్‌ని నబరంగ్‌పూర్‌ జిల్లా నూతన కలెక్టర్‌ మధుస్మిత పరిశీలించారు. కలెక్టర్‌గా బాధ్యతలు స్వీకరించిన వెంటనే తొలి క్షేత్ర పర్యటనకు వివాదాస్పద ఇంద్రావతి రిజర్వాయ్‌ వేదికయ్యింది. ఇటీవల ఇంద్రావతి రిజర్వాయర్‌ గేట్లు ముందస్తు ప్రకటన లేకుండా ఎత్తివేయడంతో కొరాపుట్‌, నబరంగ్‌పూర్‌ జిల్లాల్లో వందలాది గ్రామాలు నీట మునిగాయి. దీనికి ఇంద్రావతి ప్రాజెక్ట్‌ నిర్వహిస్తున్న వోహెచ్‌పీసీ బాధ్యత వహించాలని ప్రతిపక్షం డిమాండ్‌ చేసింది. బాధితులకు వోహెచ్‌పీసీ పరిహారాలు చెల్లించాలని డిమాండ్‌లు పెరిగాయి. ఈ నేపథ్యంలో కలెక్టర్‌ రిజర్వాయర్‌ ప్రాంతాలను పరిశీలించారు. అనంతరం పక్కనే ఖాతీగుడ డ్యామ్‌ సందర్శించారు. అక్కడ ఉన్న అవుట్‌ సోర్సింగ్‌ సిబ్బంది తమకు 10 నెలలుగా జీతాలు చెల్లించడం లేదని కలెక్టర్‌ దృష్టిలో పెట్టారు. ఈ సమస్యపై పూర్తి నివేదిక ఇవ్వాలని తాను ఆర్థిక శాఖకి ఫైల్‌ పంపుతానని కలెక్టర్‌ హామీ ఇచ్చారు. నదికి ఇరువైపులా రక్షణ చర్యలు కోసం పూర్తి డీపీఆర్‌ తయారు చేయాలని ఆదేశించారు. రిజర్వాయర్‌ ప్రాంత అభివృద్ధి నివేదికలు సిద్ధం చేయాలని సూచించారు. క్యాచ్‌మెంట్‌ ఏరియాలో ప్రజలు ఇబ్బందుల పడకూడదని కలెక్టర్‌ పేర్కొన్నారు.

రాయగడ : దసరా ఉత్సవాల్లో భాగంగా శరన్నవరాత్రులు అత్యంత వైభవంగా కొనసాగుతున్నాయి. కొరాపుట్‌ కూడలి సమీపంలోని వాసవీ కన్యకాపరమేశ్వరి ఆలయంలో గురువారం ప్రత్యేక పూజలు నిర్వహించారు. మందిరం ప్రాంగణంలో మహిళలు సహస్ర పసుపు గౌరమ్మ పూజలు చేశారు. అనంతరం బాలాత్రిపుర సుందరి అవతారంలో భక్తులకు దర్శనమిచ్చారు. కన్యకాపరమేశ్వరి ఆలయ కమిటీ సభ్యులు, రాయగడ మజ్జిగౌరమ్మ మందిరం ట్రస్ట్‌ కమిటీ సభ్యులు ఇప్పిలి సన్యాసిరాజు పరివేక్షణలో శరన్నవరాత్రుల పూజా కార్యక్రమాలు కొనసాగుతున్నాయి. ఆలయ కమిటీ అధ్యక్షులు కింతలి అమర్‌నాథ్‌, పూజా కమిటీ సభ్యులు ఊన్న భాస్కరరావు, మోనింగి శ్రీహరి, కందుల శ్రీనివాసరావు, గుడ్ల భాస్కరరావు తదితరులు శరన్నవరాత్రుల పూజలను వైభవంగా నిర్వహిస్తున్నారు. అలాగే స్ధానిక రాణిగుడ ఫారం నీళ్ల ట్యాంక్‌ కాలనీలో వేద పండితులు రేజేటి శ్రీనివాస్‌ శర్మ ఆధ్వర్యంలో గురువారం సహస్ర లక్ష కుంకుమార్చన పూజలు జరిగాయి.

కాశీబుగ్గ : రోడ్డు ప్రమాదంగా సృష్టిస్తారు.. ఆపై తప్పునీదే అంటూ బెదిరిస్తారు.. వినకపోతే దాడి చేస్తారు.. చివరికి బలవంతంగా ఆన్‌లైన్‌లో నగదు బదిలీ చేయించుకుంటారు.. చెడు వ్యసనాలకు బానిసలై , అడ్డదారులు తొక్కుతూ అడ్డంగా దొరికిపోయిన ఇద్దరు దొంగమిత్రుల వైనాన్ని కాశీబుగ్గ పోలీసులు ఛేదించారు. వారిద్దరినీ బుధవారం అరెస్ట్‌ చేశారు. నిందితుల నుంచి ఆటో, ద్విచక్ర వాహనం, మూడు స్మార్ట్‌ ఫోన్లు, రూ.18,550 నగదు స్వాధీనం చేసుకున్నారు. కాశీబుగ్గ డీఎస్పీ జి.వి.రమణ బుధవారం విలేకరులకు వివరాలు వెల్లడించారు. బెదిరించి రూ.88,500 బదిలీ.. ఈ నెల 11వ తేదీ తెల్లవారుజామున 3.15 గంటల సమయంలో పలాస మండలం రామకృష్ణాపురం సమీపంలోని జాతీయ రహదారిపై ఇచ్ఛాపురం నుంచి శ్రీకాకుళం వైపు ఓ వ్యక్తి ద్విచక్ర వాహనంపై వెళున్నాడు. ఇంతలో ఓ ఆటో అతడిని ఢీకొట్టింది. అనంతరం ఆ ఆటోలోని వ్యక్తులు అతడిపై దాడి చేసి, సెల్‌ఫోన్‌తో పాటు ద్విచక్ర వాహనాన్ని లాక్కున్నారు. అనంతరం బాధితుడిని బెదిరించి, ఫోన్‌ పే నుంచి ఓ నిందితుడి ఖాతాకు రూ.80,000, మరో నిందితుడి ఖాతాకు రూ.8,550 బదిలీ చేయించుకున్నారు. ఈ ఘటనపై బాధితుడి ఫిర్యాదు మేరకు పోలీసులు దర్యాప్తు చేపట్టారు. ఇందులో భాగంగా ఈ నెల 13న నిందితులను పురుషోత్తపురంలో పోలీసులు పట్టుకుని అరెస్టు చేశారు. వీరిలో ఒకరిని పురుషోత్తపురానికి చెందిన కె.సాయికృష్ణ, కొత్తవూరుకు చెందిన గొర్లె రవితేజగా గుర్తించారు. చెడు వ్యసనాలకు బానిసలై నేరానికి పాల్పడినట్లు ప్రాథమిక దర్యాప్తులో వెల్లడైందని పోలీసులు తెలిపారు.

రాయగడ: దసరా శరన్నవరాత్రుల్లో భాగంగా నాలుగో రోజైన బుధవారం అమ్మవార్లు అన్నపూర్ణదేవీ అవతారంలో భక్తులకు దర్శనం ఇచ్చారు. స్థానిక కస్తూరీనగర్‌లోని శ్రీసత్యనారాయణ మందిరం ప్రాంగణంలో కొలువైయున్న లక్ష్మీ అమ్మవారు అన్నపూర్ణ దేవీగా, స్థానిక బాలాజీనగర్‌లోని శ్రీకళ్యాణ వేంకటేశ్వర మందిరంలో ఉన్న రాజ్యలక్ష్మి అమ్మవారు గాయత్రీమాత గా భక్తులకు దర్శనం ఇచ్చారు. వివిధ రూపాల్లో అమ్మవార్లు దర్శనం ఇస్తుండటంతో భక్తులతో మందిరాలు కిటకిటలాడుతున్నారు. ఈ సందర్భంగా అమ్మవార్లకు ప్రత్యేక పూజలను నిర్వహిస్తున్నారు.

జయపురం: జయపురం సమితి స్థాయి–2026 సురభి ఉత్సవం బుధవారం ఘనంగా నిర్వహించారు. జయపురం పాయిక సాహీ ప్రాథమికోన్నత పాఠశాల ప్రాంగణంలో నిర్వహించిన కార్యక్రమంలో సమితిలోని అన్ని ప్రభుత్వ ప్రాథమిక పాఠశాలల విద్యార్థులు పాల్గొన్నారు. ప్రాంతీయ సాధన కేంద్ర సమన్వయకర్త విజయలక్ష్మీ స్వైన్‌ అధ్యక్షతన జరిగింది. ముఖ్య అతిథిగా జయపురం బ్లాక్‌ ఎడ్యుకేషన్‌ విభాగ అదనపు అధికారి కె.గోపాలరావు పాల్గొన్నారు. ఆయన సురభి కార్యక్రమ ప్రాధాన్యతను వివరిస్తూ.. విద్యార్థులు తమ ప్రతిభను చాటుకునేందుకు ఇది చక్కని వేదిక అన్నారు. విద్యార్థులకు తర్కం, వ్యాసరచన, ఉపన్యాసం, సృజనాత్మక రచనలు, క్విజ్‌, కథల రచన, గణిత క్విజ్‌, చిత్రలేఖనం, శిల్పకళ, చిత్రకళ, సంగీతం, సాంస్కృత పోటీలు నిర్వహించారు. కార్యక్రమంలో మున్సిపాలిటీ 2వ వార్డు కౌన్సిలర్‌ అజిత్‌ బెహర, కలియగాం సీఆర్‌సీసీ రామేశ్వర పండ, పాయికసాహి ఉన్నత ప్రాథమిక పాఠశాల హెచ్‌ఎం గీతాంజళి బెహర తదితరులు పాల్గొన్నారు.

అల్ట్రాసౌండ్‌ గదిలో..● పది రోజులైనా చర్యలు శూన్యం ● గుణుపూర్‌ ఆస్పత్రిలో వైద్యుడి వ్యవహారంపై విమర్శలురాయగడ: జిల్లాలోని గుణుపూర్‌ సబ్‌ డివిజన్‌ ఆస్పత్రిలోని అల్ట్రాసౌండ్‌ గదిలో గాంధీ జయంతి నాడు మాంసాహార విందు జరిగినట్లు ఆరోపణలు వెలుగులోకి వచ్చి పది రోజులు గడుస్తున్నా ఇప్పటివరకు ఎలాంటి చర్యలు తీసుకోకపోవడంపై విమర్శలు వ్యక్తమవుతున్నాయి. ఆస్పత్రి నిబంధనలకు విరుద్ధంగా వ్యవహరించినట్లు ఆరోపణలు ఎదుర్కొంటున్న వారిపై జిల్లా యంత్రాంగం, ఆస్పత్రి అధికారులు ఎందుకు స్పందించడం లేదనే ప్రశ్నలు తలెత్తుతున్నాయి. ఏం జరిగిందంటే.. అక్టోబరు 2న గాంధీ జయంతి సందర్భంగా గుణుపూర్‌ సబ్‌ డివిజన్‌ ఆస్పత్రిలో అల్ట్రా సౌండ్‌ గదిలో గైనకాలజీ నిపుణుడు డాక్టర్‌ సందీప్‌కుమార్‌ స్వైన్‌, మరికొందరు మాంసాహార విందు చేసినట్లు తెలిపే దృశ్యాలు సోషల్‌ మీడియాలో వైరల్‌ అయ్యాయని ఓ పత్రిక కథనంలొ పేర్కొంది. డాక్టర్‌ స్వైన్‌ ప్రధాన కుర్చీలో కూర్చొని మాంసం పకోడీ తింటున్నట్లు కనిపించినట్లు తెలిపింది. గతంలోనూ వివాదమే.. గుణుపూర్‌లో 2024 నవంబరు 27న వెలుగుచూసిన నవజాత శిశువు అక్రమ దత్తత వ్యవహారంలోనూ డాక్టర్‌ స్వైన్‌ పేరు వివాదంలోకి వచ్చిందని కథనం పేర్కొంది. సంతానం లేని దంపతులు ఓ శిశువును దత్తత తీసుకోవడం, గర్భం దాల్చని మహిళ ఆ శిశువుకు జన్మనిచ్చినట్లు చూపించే తప్పుడు పత్రాలు రూపొందించారనే ఆరోపణలు వచ్చాయని తెలిపింది. ఈ కేసులో వైద్యుడితో పాటు మరో ఆరుగురిపై కేసు నమోదైనట్లు తెలిపింది. అధికారుల స్పందన కరువు.. గతంలో వివాదానికి కారణమైన వ్యవహారంతో పాటు తాజాగా ఆస్పత్రిలోని అల్ట్రాసౌండ్‌ గదిలో మాంసాహార విందు జరిగినట్లు ఆరోపణలు రావడం చర్చనీయాంశంగా మారింది. ఈ ఘటనపై పది రోజులైనా ఎలాంటి చర్యలు కనిపించకపొవడంపై విస్మయం వ్యక్తమవుతోంది. ఈ విషయంపై స్పందన కోరగా సంబంధిత వ్యవహరం కోర్టులొ విచారణలో ఉందని డాక్టర్‌ స్వైన్‌ సమాధానమిచ్చినట్లు కథనం పేర్కొంది. అయితే అల్ట్రాపౌండ్‌ గదిలో విందు జరిగినట్లు వచ్చిన ఆరోపణలపై ఆస్పత్రి యాజమాన్యం లేదా జిల్లా యంత్రాంగం అధికారికంగా ఎలాంటి చర్యలు తీసకుందనే వివరాలు వెల్లడించలేదు.

శ్రీకాకుళం న్యూకాలనీ: స్కూల్‌గేమ్స్‌ రాష్ట్రస్థాయి పోటీల్లో బాక్సింగ్‌ క్రీడాంశంలో శ్రీకాకుళం జిల్లా క్రీడాకారులు పతకాల పంట పండించారు. ప్రకాశం జిల్లా ఒంగోలు వేదికగా ఈనెల 12 నుంచి 14 వరకు 70వ ఏపీ రాష్ట్రస్థాయి స్కూల్‌గేమ్స్‌ అండర్‌–14, అండర్‌–17 బాలబాలికల బాక్సింగ్‌ ఛాంపియన్‌షిప్‌ పోటీల్లో జిల్లా క్రీడాకారులు మొత్తం 12 పతకాలతో మోత మోగించారు. వీటిలో రెండు బంగారు, ఐదు రజత, మరో ఐదు కాంస్య పతకాలు ఉన్నాయి. పతకాలు సాధించిన క్రీడాకారులను డీఈవో రవిబాబు, ఎస్‌జీఎఫ్‌ సెక్రటరీలు చల్లా జగదీష్‌, జీఎం జ్యోతిరాణి, బాక్సింగ్‌ అసోసియేషన్‌ జిల్లా ప్రధాన కార్యదర్శి బలగ అనంతలక్ష్మణ్‌దేవ్‌ (అను), వంగా మహేష్‌, బాక్సింగ్‌ కోచ్‌లు ఉమామహేశ్వరరావు, రాజీవ్‌, అప్పలరాజు, ఒలింపిక్‌, పీడీ–పీఈటీ సంఘ ప్రతినిధులు, సీనియర్‌ క్రీడాకారులు అభినందించారు.

ఎచ్చెర్ల : ఎచ్చెర్లలోని యూనియన్‌ బ్యాంక్‌ గ్రామీణ స్వయం ఉపాధి శిక్షణా సంస్థలో ఈ నెల 22 నుంచి ఉమ్మడి శ్రీకాకుళం జిల్లా నిరుద్యోగ మహిళలకు బ్యూటీ పార్లర్‌ నిర్వహణలో ఉచిత శిక్షణ తరగతులు ప్రారంభం కానున్నాయని సంస్థ డైరెక్టర్‌ రామ్‌జీ ఒక ప్రకటనలో తెలిపారు. శిక్షణ కాలంలో ఉచిత వసతి, భోజన సదుపాయాలు కల్పిస్తామని పేర్కొన్నారు. పూర్తి వివరాలకు 9553418809 నంబర్‌ను సంప్రదించాలని కోరారు. బస్‌షెల్టర్‌ కూల్చివేత రణస్థలం: జీరుపాలెం కూడలిలో ప్రభుత్వ బస్‌ షెల్టర్‌ను ఇద్దరు వ్యక్తులు జేసీబీతో కూల్చివేశారు. పక్కన ఉన్న వాణిజ్య దుకాణాలకు అడ్డుగా ఉందన్న నెపంతో ఇలా కూల్చివేశారని జీరుపాలెం గ్రామస్తులు ఆరోపిస్తున్నారు. ప్రభుత్వ అధికారులు స్పందించి శాఖాపరమైన చర్యలు తీసుకోవాలని కోరుతున్నారు. మద్యం దొంగతనం కేసులో ముగ్గురికి జైలుశిక్ష కొత్తూరు : నివగాం గ్రామంలోని వైన్‌ షాపులో మద్యం దొంగతనం కేసులో నేరం రుజువు కావడంతో ముగ్గురు నిందితులకు రెండేళ్ల ఆరు నెలలు చొప్పున జైలు శిక్ష, ఒక్కొక్కరికి రూ. 20 వేలు జరిమానా విధిస్తూ స్థానిక జూనియర్‌ సివిల్‌ జడ్జి కోర్టు జూనియర్‌ సివిల్‌ జడ్జి కందికట్ల రాణి బుధవారం తీర్పు చెప్పినట్లు కొత్తూరు ఎస్‌ఐ కె.వెంకటేష్‌ తెలిపారు. 2019 ఏడాది ఫిబ్రవరి 11వ తేదీ రాత్రి రూ.33,600 విలువైన మద్యం బాక్సులను సీతంపేట మండలం నారాయణగూడకు చెందిన సవర రామకృష్ణ, హిరమండలం మండలం గుర్రాలమెట్టకు చెందిన సవర సూర్యం, సవర రవి చోరీ చేశారు. ప్రశాంత వాతావరణంలో ఎన్నికలు కవిటి: రానున్న స్థానిక సంస్థల ఎన్నికలను ప్రశాంత వాతావరణంలో సజావుగా నిర్వహించేందుకు పకడ్బందీగా చర్యలు చేపట్టాలని ఎస్పీ కె.వి.మహేశ్వరరెడ్డి సూచించారు. బుధవారం కాశీబుగ్గ డీఎస్పీ గంటా వెంకటరమణతో కలిసి కవిటిలో స్ట్రాంగ్‌రూం, డిస్ట్రిబ్యూషన్‌ సెంటర్లను తనిఖీ చేశారు. ఇచ్ఛాపురం సర్కిల్‌ ఇనస్పెక్టర్‌ మీసాల చిన్నంనాయుడు, కవిటి ఎస్‌ఐ వి.రవివర్మలతో మాట్లాడి సమస్యాత్మక పోలింగ్‌ కేంద్రాలపై ఆరాతీశారు. ఎటువంటి సమస్యలు లేకుండా పటిష్టమైన భద్రతా చర్యలు చేపట్టాలని ఆదేశించారు.

జయపురం: జయపురం విక్రమదేవ్‌ విశ్వవిద్యాలయ విద్యార్థి సంఘ ఎన్నికలకు అఖిల భారత విద్యార్థి పరిషత్‌(ఏబీవీపీ) మ్యానిఫెస్టో బుధవారం విడుదల చేసింది. విద్యార్థి యూనియన్‌ అధ్యక్ష పదవికి ఏబీవీపీ నుంచి పోటీ చేస్తున్న జ్యోతి రంజన్‌ పాణిగ్రహి మ్యానిఫెస్టో వివరాలు స్థానికంగా ఉన్న ఒక హాటల్‌ కాన్ఫరెన్స్‌ హాల్‌లో నిర్వహించిన విలేకరుల సమావేశంలో వెల్లడించారు. వర్సిటీలో మౌలిక సౌకర్యాల కల్పనకు తాము ప్రాధాన్యమిస్తామని తెలిపారు. ఈ ఎన్నికల్లో తాము ఏ రాజకీయ పార్టీ నాయకుడి సహాయం తీసుకోవడం లేదని స్పష్టం చేశారు. విద్యార్థుల సమస్యల పరిష్కారమే తమ లక్ష్యమన్నారు. ఎన్నికలు నిష్పక్షపాతంగా ఎన్నికల కమిషన్‌ నిబంధనల ప్రకారం జరగాలని కోరారు. ఎన్నికల ప్రచారం చేయాలన్న ఆలోచన తమకు లేదని, అయితే మిగతా విద్యార్థి సంఘాలు ఎన్నికల ప్రచారం ప్రారంభించడంతో తాము కూడా ప్రచారం ప్రారంభించాల్సి వచ్చిందన్నారు. అలాగే ఉపాధ్యక్షునిగా దినేష్‌ పాణిగ్రహి, ప్రధాన కార్యదర్శిగా పి.హోమేశ్వరి, సహాయ ప్రధాన కార్యదర్శిగా పరశురాం గొలారి, క్రీడా కార్యదర్శిగా ఆశుతోష్‌ మహంతి, నాట్య విభాగ కార్యదర్శిగా పద్మశ్రీ గొలారి, మీడియ కార్యదర్శిగా పోలక్‌ పట్నాయిక్‌, సైన్స్‌ కార్యదర్శిగా అమితా తిరేకీ, డేస్కాలర్‌ అసోసియేషన్‌ కార్యదర్శిగా సుభమ్‌ నాయిక్‌, గర్‌ల్స్‌ కామన్‌ రూమ్‌ అధ్యక్షురాలిగా లిసా మహాపాత్రోలు పోటీ చేస్తున్నట్లు ప్రకటించారు.

రాయగడ: రానున్న పంచాయతీ ఎన్నికలను దృష్టిలో పెట్టుకుని తప్పులు లేని ఓటర్ల జాబితా తయారీకి అధికారులు చర్యలు చేపట్టారు. దీనిలో భాగంగా రాయగడ సమితిలోని సద్బావన సమావేశ మందిరంలో బూత్‌స్థాయి అధికారులు, గ్రామ పంచాయతీ స్థాయి పర్యవేక్షకులు, సర్వే బృందాలకు రెండు రోజుల పాటు శిక్షణ నిర్వహించారు. రాష్ట్ర ఎన్నికల సంఘం ఆదేశాల మేరకు రానున్న పంచాయతీ ఎన్నికల కోసం వార్డుల వారీగా ఓటర్ల జాబితా తయారీ ప్రక్రియ ప్రారంభం కానుంది. రాయగడ జిల్లాలో ఈ ప్రక్రియ అక్టోబరు 26 నుంచి ప్రారంభమవుతుంది. సర్వే బృందాలు ఇంటింటికీ వెళ్లి ఓటర్ల వివరాలను సేకరించి జాబితాను రూపొందించనున్నాయి. ప్రతీ వార్డులోని ఓటర్లను ఇంటి నంబర్ల ఆధారంగా నమోదు చేయడంతో పాటు, కొత్తగా ఓటుహక్కు పొందిన వారిని, గత జాబితాలో చోటు దక్కని అర్హులను గుర్తించనున్నారు. అదే సమయంలో అర్హత లేని ఓటర్లను జాబితా నుంచి తొలగించేందుకు చర్యలు తీసుకోనున్నారు. ఈ ప్రక్రియను సమర్ధవంతంగా నిర్వహించేందుకు అక్టోబర్‌ 7న జిల్లాస్థాయి శిక్షణ ఇచ్చారు. తాజాగా రాయగడ సమితిలో నిర్వహించిన శిక్షణలో బీడీవో సుజీత్‌ కుమార్‌ నాయక్‌, జీపీడీవో స్మృతిరేఖ నాయక్‌, పీఈవో సునీల్‌ బ్రహ్మ, హెచ్‌ఎం నీలాంచల్‌ మిశ్రా వనరుల వ్యక్తులుగా వ్యవహరించి సిబ్బందికి శిక్షణ అందించారు. సమితిలోని 129 అసెంబ్లీ పోలింగ్‌ బూత్‌లకు ఒక్కొక్క సర్వే బృందాన్ని ఏర్పాటు చేశారు.

పర్లాకిమిడి: స్థానిక దండుమాలవీధిలో దండుమారెమ్మ అమ్మవారి ఉత్సవాలు ఘనంగా జరుగుతున్నాయి. ఏడాదికి ఒక్కసారి మాత్రమే తెరిచే దండుమాలమ్మ ఆలయంలో అమ్మవారిని దర్శించుకునేందుకు భక్తులు పోటెత్తుతున్నారు. విజయదశమి నాడు నిశిరాత్రిన అమ్మవారికి పూజలు జరిపి తిరిగి తలుపులు మూసేస్తారు. స్థానికులతో పాటు ఇతర రాష్ట్రాల నుంచి భారీగా భక్తులు తరలివచ్చి దండుమారెమ్మను దర్శించుకుని మొక్కులు తీర్చుకుంటున్నారు. డోలా ట్యాంకు రోడ్డులో ఉన్న దండుమారెమ్మ గుడి వద్ద వివిధ గణపతి విగ్రహాలు మేళతాళాలు వాయించే విధానం ప్రతి ఒక్కరికీ ఆకట్టుకుంటున్నాయి. ఈ నెల 17న అమ్మవారి ప్రసాద వితరణ ఉంటుందని ఉత్సవ కమిటీ సభ్యులు తెలియజేశారు.

రాయగడ: దివ్యాంగులకు సామాజిక భద్రత కల్పించి.. ప్రభుత్వ సంక్షేమ పథకాల ఫలాలను అర్హులైన ప్రతిఒక్కరికీ అందించాలనే లక్ష్యంతో నిర్వహిస్తున్న సేవా సంకల్ప్‌ అభిమాన్‌లో భాగంగా రాయగడలో దివ్యంగుల సహాయ కార్యక్రమాన్ని బుధవారం నిర్వహించారు. ఇందులో భాగంగా కొత్తగా అర్హత పొందిన 25 మంది దివ్యాంగులకు పింఛన్లను పంపిణీ చేశారు. స్థానిక అశోక్‌ కళ్యాణ మండపంలో నిర్వహించిన కార్యక్రమానికి జిల్లా అదనపు మేజిస్ట్రేట్‌ రవీంద్రనాథ్‌ కహార్‌ ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ.. దివ్యాంగుల సంక్షేమం, సామాజిక భద్రతకు ప్రభుత్వం ప్రాధాన్యత ఇస్తోందన్నారు. అర్హులైన లబ్ధిదారులకు ప్రభుత్వ పథకాల ప్రయోజనాలు చేరేలా సంబంధిత అధికారులు కృషి చేయాలని సూచించారు. కార్యక్రమంలొ రాయగడ మున్సిపల్‌ వైస్‌ చైర్మన్‌ శ్రమిత పాడి, జిల్లా సామాజిక భద్రత అధికారి ఎలిజబెత్‌ గరడా, ఉప విభాగ సామాజికి భద్రతాధికారి శ్రీకాంత్‌ కుమార్‌ పాణిగ్రహి పాల్గొన్నారు.

భువనేశ్వర్‌: ప్రజా సంక్షేమమే లక్ష్యంగా నిరంతర పురోగతి, నిబద్ధతతో పాలన కొనసాగాలని రాష్ట్ర మాజీ గవర్నర్‌ డాక్టర్‌ హరిబాబు కంభంపాటి ఆకాంక్షించారు. పదవీ కాలం ముగియడంతో సతీ సమేతంగా రాష్ట్ర ఆరాధ్య దైవం జగన్నాథని దర్శించుకున్నారు. రాష్ట్రంలో శాంతి, శ్రేయస్సు, నిరంతర పురోగతితో పాటు రాష్ట్ర ప్రజల సంక్షేమం వర్ధిల్లాలని స్వామిని ప్రార్థించినట్లు తెలిపారు. పదవీ కాలం ముగింపు పురస్కరించుకుని పలువురు రాష్ట్ర మంత్రులు, పార్లమెంటు సభ్యులు ఆయనకు సాదరంగా వీడ్కోలు పలికారు. పాముకాటుతో వ్యక్తి మృతి రాయగడ: చెట్టుకింద నిద్రిస్తున్న సమయంలో పాముకాటు వేయడంతో ఒక వ్యక్తి మృతి చెందిన ఘటన జిల్లాలోని పద్మపూర్‌ శిలాపొదొరొలో మంగళవారం రాత్రి చోటు చేసుకుంది. మృతుడు తెలంగాణ రాష్ట్రంలోని భద్రాద్రి కొత్తగూడెం జిల్లా దమపేట ప్రాంతానికి చెందిన నిలపాల సురేష్‌ (40)గా గుర్తించారు. మృతి చెందిన వ్యక్తి డ్రైవరుగా విధులు నిర్వహిస్తున్నట్లు సమాచారం. వివరాల్లోకి వెళ్తే.. పద్మపూర్‌లోని శిలాపొదొరొ ప్రాంతంలో ఉన్న ఒక రైస్‌మిల్‌కు సురేష్‌ ధాన్యాన్ని తీసుకొచ్చాడు. ఈ క్రమంలో అన్‌లోడింగ్‌ పూర్తయిన తర్వాత రాత్రి ఒక చెట్టు కింద విశ్రాంతి తీసుకుంటున్న సమయంలో విషపూరితమైన పాము అతనిని కాటు వేసింది. దీంతో అక్కడివారు వెంటనే సమీపంలోని ఆస్పత్రికి చికిత్స కోసం తరలించినప్పటికీ అప్పటికే అతడు మృతి చెందినట్లు వైద్యులు ధ్రువీకరించారు. ఈ మేరకు పోలీసు లు కేసు నమోదు చేసి దర్యాప్తు చేస్తున్నారు. స్కార్పియో ఢీకొని వ్యక్తి మృతి ● ఏడుగురి పరిస్థితి విషమం భువనేశ్వర్‌: నగరంలో స్కార్పియో ఎస్‌యూవీ 10 వాహనాలను ఢీకొట్టి ఒక వ్యక్తి ప్రాణాలు బలిగొంది. ఈ ఘటనలో మరో ఏడుగురు తీవ్రంగా గాయపడ్డారు. మొదట నువాగాంవ్‌ చక్‌ సమీపంలో ఒక ద్విచక్ర వాహనాన్ని ఢీకొట్టింది. స్థానికులు వాహనాన్ని వెంబడించినప్పటికీ, స్కార్పియో అతి వేగంగా దూసుకుపోయి మరో 9 వాహనాలను ఢీకొట్టింది. చివరకు ఎస్‌యూఎం ఆసుపత్రి ప్రధాన ద్వారం సమీపంలోని రోడ్డు డివైడర్‌ను ఢీకొట్టి ఆగిపోయింది. ఆగ్రహించిన స్థానికులు దాడి చేసి డ్రైవర్‌ను పట్టుకుని పోలీసులకు అప్పగించినట్లు సమాచారం. స్కార్పియో వాహనంలో డ్రైవర్‌తో సహా ప్రయాణిస్తున్న నలుగురు వ్యక్తులు మద్యం మత్తులో ఉన్నట్లు ప్రత్యక్ష సాక్షి కథనం. డ్రైవర్‌ను పట్టుకోగా, వాహనంలోని మిగతా ముగ్గురు అక్కడి నుంచి పారిపోయినట్లు తెలిసింది. స్కార్పియో డ్రైవర్‌ను బుధవారం అరెస్టు చేసినట్లు భువనేశ్వర్‌ డిప్యూటీ కమిషనర్‌ ఆఫ్‌ పోలీస్‌ శరవణ వివేక్‌ ఎం తెలిపారు. గాయపడిన వారిని ఆసుపత్రికి తరలించి చికిత్స అందిస్తున్నామని చెప్పారు. డ్రైవర్‌కు నిర్వహించిన బ్రీత్‌ ఎనలైజర్‌ పరీక్షలో మద్యం సేవించినట్లు ఎలాంటి ఆధారాలు లభించలేదని పోలీసులు తెలిపారు.

భువనేశ్వర్‌: జగన్నాథుని క్షేత్రం పూరీ అంటే రథయాత్ర ఒక్కటే కాదు ... శతాబ్దాలుగా కొనసాగుతున్న ఎన్నో విశిష్ట ఆధ్యాత్మిక, సాంస్కృతిక సంప్రదాయాలకు నిలయం. వాటిలో ప్రత్యేకమైనది గోషాణి యాత్ర. దసరా వేళ పూరీ వీధులు అమ్మవారి విభిన్న రూపాలతో కళకళలాడుతాయి. సాధారణంగా ఇతర ప్రాంతాల్లో దుర్గాదేవిని లక్ష్మీ, సరస్వతి, గణేశుడు, కార్తికేయుడితో కూడిన సమూహ రూపంలో ప్రతిష్ఠిస్తారు. పూరీలో మాత్రం మహిషాసురమర్దిని అమ్మవారిని ప్రత్యేకమైన జానపద శిల్పరీతిలో తీర్చిదిద్ది, ‘గోషాణి’గా కొలుస్తారు. స్థానిక వీధులు, సంప్రదాయాలు, జానపద విశ్వాసాలతో ముడిపడిన ఈ వేడుక పూరీ సాంస్కృతిక వైవిధ్యానికి ప్రతీకగా నిలుస్తోంది. ఆశ్వయుజ మాసంలో ఆరంభం.. ఆశ్వయుజ మాసంలో దుర్గా పూజ సందర్భంగా గోషాణి విగ్రహాలను ఆయా వీధుల్లో ప్రతిష్ఠించి పూజిస్తారు. విజయదశమి నాటికి ఉత్సవాలు ప్రత్యేక శోభను సంతరించుకుంటాయి. విజయదశమి అనంతరం ఏకాదశి రోజున వివిధ వీధుల్లోని గోషాణి విగ్రహాలు ఊరేగింపుగా శ్రీమందిరం సింహద్వారం సమీపానికి చేరుకుంటాయి. అనంతరం సంప్రదాయబద్ధంగా నిమజ్జన కార్యక్రమాలు నిర్వహిస్తారు. అయితే అన్ని విగ్రహాల నిమజ్జనం ఒకే రోజున జరగదు. ప్రముఖ గోషాణి విగ్రహమైన కాకుడిఖాయి అమ్మవారిని విజయదశమి రోజునే నిమజ్జనం చేయడం ప్రత్యేక సంప్రదాయం. మిగిలిన గోషాణి విగ్రహాల్లో అనేకం ఏకాదశి రోజున నిమజ్జనానికి తరలిస్తారు. ఎన్ని విగ్రహాలంటే.. పూరీలోని వివిధ సాహీలు (వీధులు), అఖాడాలు (యుద్ధ విన్యాస వర్గాలు) తమ తమ సంప్రదాయాల ప్రకారం గోషాణి విగ్రహాలను ప్రతిష్ఠిస్తాయి. ప్రతి వీధికి చెందిన అమ్మవారికి ప్రత్యేక నామం, రూపం, అలంకరణ ఉండటం ఈ యాత్రలోని విశిష్టత. కాకుడిఖాయి, బారాబతి, జొహ్నిఖాయి, జొహ్నిముండియా, శూన్య గోషాణి, హడొబాయి, గెల్లొబాయి, బెల్లొబాయి, పూరీ వీధుల్లో శక్తి స్వరూపిణుల కొలువు జగన్నాథుని సన్నిధిలోకి సోదరీమణులు జానపద సంప్రదాయానికి సజీవ సాక్ష్యం

భువనేశ్వర్‌: రాష్ట్ర వ్యాప్తంగా కళాశాలలు, విశ్వవిద్యాలయాల విద్యార్థి సంఘాల ఎన్నికలు గురువారం జరుగుతాయి. ఈ ఎన్నికలు శాంతియుతంగా, సజావుగా జరిగేలా చూసేందుకు రాష్ట్ర ఉన్నత విద్యా శాఖ కంట్రోల్‌ రూమ్‌లను ఏర్పాటు చేసి, తాజా పరిస్థితులను సమీక్షిస్తోందని విభాగం మంత్రి సూర్యబన్షి సూరజ్‌ తెలిపారు. ప్రజాస్వామ్య స్ఫూర్తితో పోలింగ్‌ ఆద్యంతం శాంతిభద్రతలను కాపాడాలని మంత్రి విజ్ఞప్తి చేశారు. ఎన్నికలు శాంతియుతంగా, జరిగేలా చూడాలని విద్యాసంస్థలకు, విద్యార్థులకు మంత్రి పిలుపునిచ్చారు. పోలింగ్‌ గురువారం ఉదయం 8 గంటల నుంచి మధ్యాహ్నం 2 గంటల వరకు జరుగుతుంది. ఓట్ల లెక్కింపు, ఫలితాల ప్రకటన అదే రోజు మధ్యాహ్నం 2 గంటలకు ప్రారంభమై, లెక్కింపు ప్రక్రియ పూర్తయ్యే వరకు కొనసాగుతుంది. కొత్తగా ఎన్నికై న విద్యార్థి ప్రతినిధుల ప్రమాణ స్వీకార కార్యక్రమం శుక్రవారం ఉదయం 11 గంటలకు జరగనుంది. కొనసాగుతున్న రిమాండ్‌ పర్లాకిమిడి: గజపతి జిల్లా గుసాని సమితి దేవితి గ్రామంలో కల్యాణ మండపంలో ఇటీవల క్యాసినో ఆటలో పట్టుబడిన 71 మంది నిందితులకు ఇంకా స్టేషన్‌ బెయిల్‌ మంజూరుకాలేదని మోడల్‌ పోలీసు స్టేషన్‌ అధికారి (ఐఐసీ) ప్రశాంత భూపతి బుధవారం తెలిపారు. ఆంధ్రప్రదేశ్‌ రాష్ట్రం శ్రీకాకుళం జిల్లా మెళియాపుట్టి మండలం ఒడిశా సరిహద్దులో ఉన్న ఈ కల్యాణ మండపాన్ని పర్లాకిమిడికి చెందిన విలేకరి రష్మిరంజన్‌ మిశ్రా మరొకరికి లీజుకు ఇచ్చారు. దసరా పండగ నేపథ్యంలో ప్రభుత్వ లైసెన్సు లేకుండా జూద శిబిరం నిర్వహించడంతో పోలీసులు దాడి చేసిన సంగతి తెలిసిందే. శ్రీకాకుళం వన్‌టౌన్‌ సీఐగా రామకృష్ణ శ్రీకాకుళం క్రైమ్‌ : శ్రీకాకుళం ఒకటో పట్టణ సర్కిల్‌ ఇన్‌స్పెక్టర్‌గా యెన్ని రామకృష్ణను నియమిస్తూ విశాఖ రేంజి ఐజీ గోపినాథ్‌ జెట్టి బుధవారం ఉత్తర్వులు జారీ చేశారు. ప్రస్తుత సీఐ కె.పైడపునాయుడును అనకాపల్లి రూరల్‌ సీఐగా బదిలీ చేసినట్లు ఉత్తర్వుల్లో పేర్కొన్నారు. ఆమె నేత్రాలు సజీవం శ్రీకాకుళం కల్చరల్‌: ఆమదాలవలసకు చెందిన నారా ఇందులక్ష్మి (62) మృతి చెందడంతో ఆమె నేత్రాలను దానం చేసేందుకు కుటుంబ సభ్యులు ముందుకొచ్చారు. జిల్లా రెడ్‌క్రాస్‌ సమన్వయంతో మగటపల్లి కళ్యాణ్‌ నేత్ర సేకరణ కేంద్రం ఐ టెక్నీషియన్లు పూతి సుజాత, బి.మనుకుమార్‌లు కార్నియాలను సేకరించి ఎల్‌.వి.ప్రసాద్‌ ఐ ఇన్‌స్టిట్యూట్‌ నేత్ర సేకరణ కేంద్రానికి తరలించారు. నేత్రదానానికి సహకరించిన కుటుంబ సభ్యులకు జిల్లా రెడ్‌క్రాస్‌ చైర్మన్‌ పి.జగన్మోహనరావు, కార్యదర్శి బి.మల్లేశ్వరరావు, కోశాధికారి కె.దుర్గా శ్రీనివాస్‌ కృతజ్ఞతలు తెలిపారు. నేత్రదానం చేయాలనుకునే వారు 78426 99321 నంబరును సంప్రదించాలని కోరారు. నేడు నిద్దాంలో ఉచిత గుండె పరీక్షల శిబిరం జి.సిగడాం: నిద్దాం గ్రామంలో గురువారం ఉదయం తొమ్మిది గంటల నుంచి పేదల కోసం ఉచిత గుండె, ఊపరితిత్తుల వైద్యశిబిరాలు నిర్వహిస్తున్నట్టు మాజీ వైస్‌ ఎంపీపీ మీసాల సాద్వీమణి తెలిపారు. ఈ మేరకు బుధవారం ఓ ప్రకటన విడుదల చేశారు. ఈ అవకాశాన్ని ప్రజలు సద్వినియోగం చేసుకోవాలని కోరారు.

● బిసంకటక్‌ కళాశాలో పరిస్థితి ● పోలీసు, అధికారుల చర్చలు విఫలం రాయగడ: జిల్లాలోని బిసంకటక్‌ ఉన్న మా మార్కమా డిగ్రీ కళాశాలలో విద్యార్థి సంఘం ప్రతినిధుల ఎంపిక వివాదాస్పదంగా మారింది. ఈ నెల 9వ తేదీన నిర్వహించిన ఎంపిక ప్రక్రియలో అక్రమాలు జరిగాయని ఆరోపిస్తున్న విద్యార్థులు ఆ ప్రక్రియను రద్దు చేసి ప్రజా స్వామ్య పద్ధతిలో తిరిగి ఎన్నిక నిర్వహించాలని డిమాండ్‌ చేస్తున్నారు. ఈ వివాదంపై పోలీసు, కళాశాల అధికారుల సమక్షంలో మంగళవారం జరిగిన చర్చలు ఎలాంటి నిర్ణయం లేకుండానే ముగిశాయి. విద్యార్థుల ఆరోపణల ప్రకారం.. ప్రతినిధుల ఎంపికకు ముందు కళాశాల నోటీసు బోర్డులో ఎలాంటి అధికారిక ప్రకటన చేయలేదు. ఓటర్ల జాబితా, నామినేషన్‌ ప్రక్రియను అనుసరించకుండా డిపార్ట్‌మెంట్‌ రిప్రజెంటీటీవ్‌ (డీఆర్‌)ను ఎంపిక చేశారని వారు పేర్కొన్నారు. అంతేకాకుండా ఖాళీ కాగితాలపై విద్యార్థుల సంతకాలు తీసుకున్నారని ఆరోపించారు. ఎంపిక ప్రక్రియలో పారదర్శకత పాటించలేదని, తక్షణమే దానిని రద్దు చేయాలని డిమాండ్‌ చేశారు. మూడేళ్లుగా వార్షికోత్సవాలు, క్రీడలు లేవు కళాశాలలో మూడేళ్లుగా వార్షిక క్రీడోత్సవాలు, వార్షికోత్సవాలు నిర్వహించడంపైనా విద్యార్థులు ప్రశ్నలు లేవనెత్తారు. కార్యక్రమాల కోసం కేటాయించిన నిధులను ఎలా ఖర్చు చేశారో బహిర్గతం చేయాలని అనే అంశంపై ప్రశ్నలు తలెత్తకుండా చేసేందుకే కళాశాల ప్రిన్సిపాల్‌ ఏకపక్షంగా ప్రతినిధులను ఎంపిక చేశారని విద్యార్థులు తమ ఫిర్యాదులో ఆరోపించారు. కొలిక్కిరాని వివాదం పరిస్థితిని చక్కదిద్దేందుకు అదనపు ఎస్పీ సత్యప్రకాష్‌ నందా, బిసంకటక్‌ ఎస్‌డీపీవో సంతోషిని ఒరం, కళాశాల ప్రిన్సిపాల్‌ డాక్టర్‌ అశ్విని కుమార్‌ పండ, విద్యార్థి ప్రతినిధుల మధ్య సుధీర్ఘంగా చర్చలు జరిగినప్పటికీ ఎలాంటి పరిష్కారం లభించలేదు. విద్యార్థులు తమ డిమాండ్లపై వెనక్కి తగ్గకుండా జిల్లా కలెక్టర్‌, సబ్‌ కలెక్టర్‌, తహసీల్దార్‌, ఉన్నత విద్యాశాఖ డైరెక్టర్‌, ముఖ్యమంత్రి కార్యాలయానికి వినతిపత్రాల ప్రతులను పంపించారు. డిమాండ్లను నెరవేర్చకపొతే కళాశాల ప్రధాన గేటును మూసివేసి శాంతియుత ధర్నా చేపడతామని హెచ్చరించారు. ఆందోళనకు దిగితే చర్యలు: సబ్‌కలెక్టర్‌ హెచ్చరిక ఈ వివాదంపై గుణుపూర్‌ సబ్‌కలెక్టర్‌ దుదూల్‌ అభిషేక్‌ దిల్లిప్‌ స్పందిస్తూ ఘటనపై విచారణ కొనసాగుతోందని.. నేరం రుజువైత చట్టప్రకారం చర్యలు తీసుకుంటామని తెలిపినట్లు సమాచారం. విద్యార్థులను ఎవరైనా రెచ్చగొట్టడం, లేదా కళాశాలకు తాళం వేసి ఎన్నికల ప్రక్రియను ఆటంకం కలిగించడం వంటి ఘటనలు జరిగితే అలాంటి వారిపై చర్యలు తీసుకోవడంతో పాటు కేసు నమోదు చేస్తామని మీడియాకు తెలిపారు. రాజకీయరంగు పులుముకుంటున్న వివాదం కళాశాలలో ఎంపికై న విద్యార్థులు బిజూ ఛత్రజనతాదళ్‌కు చెందిన వారనే చర్చ సాగుతొంది. మరోవైపు విద్యార్థి సంఘం ప్రతినిధులను తిరిగి ఎంపిక చేయాలని డిమాండ్‌ చేస్తున్న వారిలో ఏబీవీపీకి చెందిన విద్యార్థు ఉన్నారనే ప్రచారం కూడా ఊపందుకుంది. ఈ నేపథ్యంలో వివాదం రాజకీయ మలుపు తిరుగుతుందనే అభిప్రాయాలు వ్యక్తమవుతున్నాయి.

కొరాపుట్‌: అయ్యప్ప దీక్షలతో స్నేహపూర్వక సమాజం నిర్మితమవుతుందని వైఎస్సార్‌సీపీ ఉమ్మడి విశాఖ జిల్లా పరిషత్‌ మాజీ చైర్‌పర్సన్‌ జల్లిపల్లి సుభద్ర మూర్తి అన్నారు. ఆంధ్రా – ఒడిశా సరిహద్దు కొరాపుట్‌ జిల్లా నందపూర్‌ సమితి బిల్లాపుట్‌ గ్రామ పంచాయతీ జోలాపుట్‌ (ఆర్‌ఎఫ్‌) గ్రామానికి ఆనుకొని ఉన్న జోలాపుట్‌ (ఎల్‌ఎఫ్‌) గ్రామంలో మంగళవారం అయ్యప్ప సన్నిధానం ప్రారంభ కార్యక్రమంలో ముఖ్య అతిథిగా పాల్గొన్నారు. ఈ సందర్భంగా ఆమె మాట్లాడుతూ.. తన పదవీ కాలంలో ఈ భవన నిర్మాణం కోసం రూ.20 లక్షల జెడ్పీ నిధులు, రూ.5 లక్షల మండల పరిషత్‌ నిధులు సమకూర్చిన విషయం గుర్తు చేశారు. ప్రతీ ఏడాది జోలాపుట్‌ ప్రాంతంలో రక్తం గడ్డ కట్టించే చలిలో కూడా భారీ సంఖ్యలో అయ్యప్ప మాలలు వేస్తున్నారన్నారు. యువతలో ఇటువంటి భక్తినిరతి రావడంపై హర్షం వ్యక్తం చేశారు. బీజేడీ పార్టీకి చెందిన కొరాపుట్‌ సెంట్రల్‌ కో–ఆపరేటివ్‌ బ్యాంక్‌ అధ్యక్షుడు ఈశ్వర్‌ చంద్ర పాణిగ్రాహి మాట్లాడుతూ జోలాపుట్‌ ప్రాంత యువత గుప్తేశ్వరంలో ప్రతి ఏడాది భోల్‌బం యాత్రికులకు ఉచిత ఆహారం పంపిణీ చేయడంపై అభినందించారు. ఇబ్బందులు తొలిగాయి అఖిల భారత అయ్యప్ప చిన్ముద్ర సేవా ట్రస్ట్‌ ఒడిశా విభాగ అధ్యక్షుడు పొడుగు గుప్తేశ్వరరావు మాట్లాడుతూ జోలాపుట్‌లో ప్రతి ఏడాది భారీ సంఖ్యలో యువత అయ్యప్ప మాలలు వేస్తున్నారన్నారు. ఇదివరకు సరైన సన్నిధానం లేక ఇబ్బందులు పడేవారమన్నారు. కానీ సుభద్ర చొరవతో తమకు భారీ శాశ్వత భవనం నిర్మితమై ఇబ్బందులు తొలిగాయని హర్షం వ్యక్తం చేశారు. అంతకుముందు భారీ సంఖ్యలో యువత అయ్యప్ప తొలి మండల దీక్ష కోసం మాలాధారణ చేశారు. కార్యక్రమంలో జోలాపుట్‌ (ఎల్‌ఎఫ్‌) మాజీ సర్పంచ్‌ వంతల నీలకంఠం, జిల్లా జేసీఎస్‌ కో–ఆర్డినేటర్‌ జగబందు, ఎండీ సులేమన్‌, వైఎస్సార్‌సీపీ ముంచంగిపుట్‌ మండల ప్రెసిడెంట్‌ పద్మారెడ్డి, వైశ్యరాజు ఉదయ్‌ కుమార్‌ రాజు తదితరులు పాల్గొన్నారు.

● ఏబీడీహెచ్‌ఏ తరహాలో మరో కార్యక్రమానికి యోచన ● నిర్దేశిత వ్యవధిలో పనులు పూర్తి చేయాలి: సీఎం మాఝీ భువనేశ్వర్‌: పూరీ అభివృద్ధికి ఏబీడీహెచ్‌ఏ తరహాలో కొత్త పథకాన్ని ప్రారంభించేందుకు ఒడిశా ప్రభుత్వం యోచిస్తోంది. మరోవైపు, నగరంలో కొనసాగుతున్న మౌలిక సదుపాయాలు, వారసత్వ పరిరక్షణ, పర్యాటక ప్రాజెక్టులను గడువులోగా పూర్తి చేయాలని సీఎం మోహన్‌ చరణ్‌ మాఝీ అధికారులను ఆదేశించారు. శ్రీ జగన్నాథ స్వామి కొలువైన పూరీ పుణ్యక్షేత్రాన్ని ప్రపంచస్థాయి ఆధ్యాత్మిక, వారసత్వ, పర్యాటక కేంద్రంగా తీర్చిదిద్దేందుకు ఒడిశా ప్రభుత్వం చర్యలను వేగవంతం చేస్తోంది. నగరంలో మౌలిక సదుపాయాల అభివృద్ధి, ఆలయ వారసత్వ పరిరక్షణ, యాత్రికులకు మెరుగైన వసతుల కల్పనతో పాటు జగన్నాథ సంస్కృతి వైభవాన్ని విశ్వవ్యాప్తం చేయడంపై ప్రత్యేక దృష్టి సారించింది. ఇందులో భాగంగా గత ప్రభుత్వం అమలు చేసిన ప్రాథమిక సౌకర్యాల పెంపు, వారసత్వ, వాస్తుశిల్ప అభివృద్ధి (ఏబీడీహెచ్‌ఏ) పథకం తరహాలో కొత్త కార్యక్రమాన్ని ప్రారంభించాలని యోచిస్తున్నట్లు రాష్ట్ర న్యాయశాఖ మంత్రి పృథ్వీరాజ్‌ హరిచందన్‌ వెల్లడించారు. జగన్నాథ సంస్కృతి, వారసత్వానికి ప్రాధాన్యం.. ప్రతిపాదిత కార్యక్రమం కింద పూరీ అభివృద్ధికి సంబంధించిన భవిష్యత్‌ ప్రాజెక్టులన్నింటినీ సమగ్రంగా చేపట్టే ఆలోచన ఉందని మంత్రి తెలిపారు. జగన్నాథుని ఆధ్యాత్మిక, సాంస్కృతిక ప్రాధాన్యాన్ని మరింతగా చాటిచెప్పడంతో పాటు, భక్తులకు అవసరమైన సౌకర్యాలను మెరుగుపరచడం ఈ కార్యక్రమ ప్రధాన ఉద్దేశమని పేర్కొన్నారు. యాత్రికులకు సౌకర్యవంతమైన అనుభూతిని అందిస్తూ, పూరీ నగర సౌందర్యాన్ని, చారిత్రక వైభవాన్ని పరిరక్షించే దిశగా ప్రభుత్వం ప్రణాళికలు రూపొందిస్తోంది. 12వ శతాబ్దానికి చెందిన ప్రసిద్ధ శ్రీ జగన్నాథ ఆలయానికి నిలయమైన పూరీని ప్రపంచ స్థాయి వారసత్వ, ఆధ్యాత్మిక పర్యాటక కేంద్రంగా అభివృద్ధి చేయాలనే లక్ష్యంతో 2017–18 ఆర్థిక సంవత్సరంలో అప్పటి ప్రభుత్వం ఏబీడీహెచ్‌ఏ పథకాన్ని ప్రారంభించింది. ఇప్పుడు అదే తరహాలో కొత్త కార్యక్రమాన్ని రూపొందించడం ద్వారా నగర అభివృద్ధి పనులకు మరింత సమగ్ర రూపం కల్పించాలని ప్రభుత్వం భావిస్తోంది. జాప్యాన్ని సహించం: సీఎం పూరీలో కొనసాగుతున్న కీలక మౌలిక సదుపాయాలు, వారసత్వ పరిరక్షణ, పర్యాటక అభివృద్ధి ప్రాజెక్టులను నిర్దేశిత గడువులోగా పూర్తి చేయాలని ముఖ్యమంత్రి మోహన్‌ చరణ్‌ మాఝీ అధికారులను ఆదేశించారు. పనుల అమలులో నిర్లక్ష్యం, అనవసర జాప్యాన్ని సహించబోమని స్పష్టం చేశారు. పూరీని అంతర్జాతీయ స్థాయి వారసత్వ, పర్యాటక కేంద్రంగా తీర్చిదిద్దేందుకు చేపట్టిన వివిధ ప్రాజెక్టుల పురోగతిని ఆయన సమీక్షించారు. ఈ సందర్భంగా ఒఠొరొనొలా సమీపంలోని వారసత్వ వంతెన పునర్నిర్మాణం, అన్నపూర్ణ థియేటర్‌ పునరాభివృద్ధి, పూరీ బీచ్‌ సుందరీకరణ, స్వర్గద్వార్‌ సమగ్ర అభివృద్ధి పనులపై ప్రత్యేకంగా దృష్టి సారించారు. వీటితో పాటు సంధ్యా హారతి కార్యక్రమం, జగన్నాథుని సాగర విజే ఉత్సవాల నిర్వహణకు సంబంధించిన ఏర్పాట్లను కూడా సమీక్షించారు. క్షేత్రస్థాయిలో పర్యవేక్షణకు ఆదేశాలు.. ప్రాజెక్టుల అమలును శాఖల వారీగా సమన్వయం చేసుకుంటూ, అధికారులు క్షేత్రస్థాయిలో పనులను స్వయంగా పర్యవేక్షించాలని సీఎం సూచించారు. నిర్ణీత కాలపరిమితిలో పనులు పూర్తయ్యేలా శాఖాధికారులు, జిల్లా కలెక్టర్లు, పోలీసు సూపరింటెండెంట్లు సమష్టిగా కృషి చేయాలని ఆదేశించారు. అభివృద్ధి కార్యక్రమాలు కేవలం నిర్మాణాలకే పరిమితం కాకుండా పూరీ ప్రజలకు సామాజిక, ఆర్థిక, సాంస్కృతిక ప్రయోజనాలను అందించాలని ముఖ్యమంత్రి పేర్కొన్నారు. వారసత్వ సంపద పరిరక్షణ, పర్యాటక సదుపాయాల విస్తరణ, స్థానిక ప్రజల జీవనోపాధికి ఊతమిచ్చేలా ప్రాజెక్టుల అమలుకు ప్రాధాన్యం ఇవ్వాలని సూచించారు. కొత్త అభివృద్ధి కార్యక్రమంపై ప్రభుత్వ ఆలోచనలు, ప్రస్తుతం కొనసాగుతున్న ప్రాజెక్టులపై ముఖ్యమంత్రి సమీక్ష పూరీని ఆధ్యాత్మిక వైభవం, చారిత్రక వారసత్వం, ఆధునిక మౌలిక సదుపాయాల సమ్మేళనంగా తీర్చిదిద్దాలన్న రాష్ట్ర ప్రభుత్వ లక్ష్యాన్ని ప్రతిబింబిస్తున్నాయి.

● వ్యాధి దమన్‌ పేరుతో సబ్‌ డివిజనల్‌ ఆరోగ్య కేంద్రం నిర్వహణ ● 500 మందికి వైద్య పరీక్షలుమల్కన్‌గిరి: మల్కన్‌గిరి జిల్లా చిత్రకొండ సమితి కేంద్రంలో వ్యాధి దమాన్‌ పేరిట నిర్వహించిన ఉచిత వైద్య శిబిరాన్ని అనూహ్య స్పందన లభించింది. 500 మందికి డాక్టర్లు వైద్య సేవలు అందించి మందులు సరఫరా చేశారు. చిత్రకొండ సమితి వైద్య సేవలకు దూరంగా ఉంటుంది. మారుమూల స్వానిమాన్‌ అంచల్‌ ప్రాంత ప్రజలకు మెరుగైన వైద్య సేవలను అందించాలనే లక్ష్యంతో చిత్రకొండ సబ్‌ డివిజనల్‌ ఆరోగ్య కేంద్రం ఆధ్వర్యంలో బహుళ వైద్య విభాగాలతో శిబిరాన్ని నిర్వహించారు. అసోసియేషన్‌ ఆఫ్‌ ఫిజీషియన్స్‌ ఆఫ్‌ ఇండియా సహకారంతో నిర్వహించిన శిబిరానికి వ్యాధి దమన్‌ అని పేరు పెట్టారు. నిపుణులైన వైద్యులు హాజరై రోగులకు మెరుగైన వైద్య సేవలు అందించారు. కటక్‌, బుర్లా, కోరాపుట్‌, బ్రహ్మపూర్‌, మల్కన్‌గిరి తదితర ప్రాంతాల నుంచి వచ్చిన ప్రముఖ వైద్యులు రోగులను పరీక్షించి అవసరమైన వైద్య సలహాలు అందించారు. కిమ్స్‌ డైరెక్టర్‌ డాక్టర్‌ లలిత్‌ మోహర్‌, కటక్‌కు చెందిన వైద్య నిపుణులు డాక్టర్‌ జయంత్‌ పండా, డాక్టర్‌ రంజారన్‌ సేన్‌, కోరాపుట్‌కు చెందిన విభాగాధిపతి డాక్టర్‌ నమితా మహంతి, బ్రహ్మపూర్‌కు చెందిన డాక్టర్‌ సరితా బెహరా, బుర్లాకు చెందిన గుండె వైద్య నిపుణుడు డాక్టర్‌ విక్రమాదిత్య పాడీ, జీర్ణకోశ వైద్యులు డాక్టర్‌ భువన్‌ పండా, నరాల వ్యాధుల నిపుణులు కుమార్‌ విశ్వమయ్‌, కిడ్నీ వ్యాధుల వైద్యుడు దీపక్‌ పాణిగ్రాహి, మల్కన్‌గిరికి చెందిన వైద్యులు కృష్ణచంద్ర మాహపాత్రో, డాక్టర్‌ దేవాశిష్‌ పండా, డాక్టర్‌ క్షీరోధ చంద్ర మహంతి, డాక్టర్‌ ప్రేమచంద్‌ ప్రధాన్‌, జిల్లా ఎస్పీ వినోద్‌ పటేల్‌, జిల్లా అటవీశాఖ అధికారి సాయికిరణ్‌ డిఎస్‌ హాజరయ్యారు. ఈ ప్రాంతంలో ఎవరికి ఎటువంటి వైద్యం అవసరమైన విశాఖపట్నం లేదా బ్రహ్మపూర్‌కు వెళ్లాల్సి వస్తుంది. కొంతమంది గిరిజనులైతే ఇక్కడే వుండి ప్రాణాలు మీదకు తెచ్చుకుంటున్నారు. ఈ పరిస్థితిలో ఇలాంటి వైద్య శిబిరాలు అవసరమని వైద్యులు పేర్కొన్నారు. ఇకపై ఎలాంటి వైద్య సేవలు అవసరమైన తమకు ఫోన్‌ ద్వారా సమాచారం ఇస్తే తక్షణమే స్పందించి మందులను అందిస్తామని పేర్కొన్నారు. భవిష్యత్‌లో కూడా ఈ ప్రాంతాంలో ఉచిత వైద్య శిబిరాలు నిర్వహిస్తామని చెప్పారు. ఈ సందర్భంగా వైద్యులను సత్కరించి గౌరవించారు.

పర్లాకిమిడి : గజపతి జిల్లా కాశీనగర్‌ బ్లాక్‌లో పనిచేస్తున్న అసిస్టెంట్‌ లేబర్‌ ఆఫీసర్‌ మానసకుమార్‌ సాహు పేద భవన కార్మికుల కుటుంబాలకు పథకాలు అందకుండా చేస్తున్నారని, మెటర్నిటీ, వివాహ, మృత్యువాత పడిన కార్మికుల కుటుంబాల దరఖాస్తులు బుట్టదాఖలు చేస్తూ నిర్లక్ష్యం విహిస్తున్నారని, ఆయన్ను వెంటనే బదిలీ చేయాలని ఒడిషా భీం ఆర్మీ అధ్యక్షుడు అసలాం నాయక్‌ డిమాండ్‌ చేశారు. ఈ మేరకు మంగళవారం జిల్లా కలెక్టరేట్‌ ఎదుట ధర్నా చేపట్టారు. ఆయనకు మద్దతుగా ఒడిషా మాజీ చీఫ్‌ సెక్రటరీ, పర్లాకిమిడి కాంగ్రెస్‌ మాజీ ప్రచార కమిటీ సభ్యులు బిజయ కుమార్‌ పట్నాయిక్‌ నిలిచారు. ఈ సందర్భంగా నాయక్‌ మాట్లాడుతూ కోట్లాది రూపాయలను బిల్డింగ్‌, నిర్మాణ కార్మికుల గుత్తేదారులు సెస్‌ రూపంలో ప్రభుత్వానికి డబ్బులు కడుతున్నారని, అయితే కాశీనగర్‌ బ్లాక్‌లో పనిచేస్తున్న అసిస్టెంట లేబర్‌ ఆఫీసర్‌ మానస కుమార్‌ సాహు పేద భవననిర్మాణ కుటుంబాలకు న్యాయంగా అందాల్సిన మ్యారేజ్‌ బెనిఫిట్‌, వారి పిల్లలకు చదట్వు నిమిత్తం ప్రభుత్వం అందిస్తున్న పథకాలు అందకుండా నిర్లక్ష్యం వహిస్తున్నారని ఆరోపించారు. మరణం తర్వాత కార్మిక కుటుంబాలకు అందాల్సిన ఆర్థిక సహాయం, మెటర్నీటీ, ఇతర పథకాలు అందకుండా చేస్తున్నారని మండిపడ్డారు. అనంతరం కలెక్టర్‌కు వినతిపత్రం అందజేశారు. ఆందోళనలో కాశీనగర్‌, పర్లాకిమిడికి చెందిన అనేక మంది కార్మికులు పాల్గొన్నారు. ప్రభుత్వ పథకాలు అందకుండా చేస్తున్నారు అసిస్టెంట్‌ లేబర్‌ ఆఫీసర్‌ సాహును బదిలీ చేయాలి కలెక్టరేట్‌ ఎదుట ఒడిషా భీం ఆర్మీ అధ్యక్షుడు నాయక్‌ ధర్నా మద్దతుగా నిలిచిన మాజీ చీఫ్‌ సెక్రటరీ బిజయకుమార్‌ పట్నాయిక్‌

జయపురం: జయపురం, బొరిగుమ్మ, కొట్‌పాడ్‌, కుంధ్ర, బొయిపరిగుడ సమితిల్లోని క్షత్రియ, ఖండాయత్‌, పాయిక సమాజ్‌ల సంప్రదాయ వార్శిక ఖండా పూజోత్సవం మంగళవారం జయపురంలో అంగరంగ వైభవంగా జరిగింది. ముందుగా జయపురం మహారాజా కోట ప్రాంగణంలో ఖండా(కత్తులు)కు ప్రతేక పూజలు చేశారు. ముఖ్య అతిథిగా హాజరైన జయపురం రాజవంశీయుడు యువరాజ్‌ చంద్రచూడ్‌ దేవ్‌ను నిర్వాహకులు ఘనంగా సన్మానించారు. కార్యక్రమంలో సమాజ్‌ అధ్యక్షులు శ్రీకాంత రాయ్‌, కార్యదర్శి దుర్జోదన లమత, పూజా కమిటీ అధ్యక్షులు లింగరాజ్‌ పాత్రో, లక్ష్మణ పాత్రో, అభిమణ్య పాత్రో, అవి నాయిక్‌ తదితరులు పాల్గొన్నారు. యువరాజు విశ్వంబర చంద్రచూడ్‌ దేవ్‌కు సత్కారం

పర్లాకిమిడి: ప్రధానమంత్రి పోషణ (పీఎం పోషణ) పథకంలో జాతీయ రూరల్‌ లివ్‌లీహుడ్‌ మిషన్‌ ఆధ్వర్యంలో ఆహారం, పౌష్టికాహారం, ఆరోగ్యం, వర్క్‌పై రెండు రోజుల శిక్షణ శిబిరం మంగళవారం ప్రారంభమైంది. ఒడిశా జీవనోపాదుల మిషన్‌, డీపీఎం టిమోన్‌ బోరా అతిథిగా విచ్చేసి పంచాయతీ రిసోర్సు భవనంలో మంగళవారం ప్రారంభించారు. జిల్లాలోని ఆర్‌.ఉదయగిరి, నువాగడ, రాయగడ, మోహానా నుంచివిచ్చేసిన కమ్యూనిటీ రిసోర్సు పర్సన్లు, ఎంబీఐసీ, పోషణ సఖి కార్యకర్తల ట్రైనర్లకు మాస్టర్‌ ట్రైనింగ్‌ను రెండు రోజుల పాటు జిల్లా పరిషత్‌ ఆవరణలో ఉన్న పంచాయితీ రిసోర్సు భవనంలో శిక్షణను అందజేస్తామని బ్లాక్‌ ప్రోగ్రాం మేనేజర్‌ సి.హెచ్‌.తిరుపతి తెలియజేశారు.

భువనేశ్వర్‌: ఒడిశాలో అత్యంత అరుదైన పరిస్థితిలో ఓ శిశువు జన్మించింది. కంధమల్‌ జిల్లాకు చెందిన మహిళ బరంపురంలోని ఎంకేసీజీ వైద్య కళాశాల, ఆస్పత్రిలో రెండు తలలతో శిశువుకు జన్మనిచ్చింది. రెండు తలలు ఉన్నప్పటికీ, ఒకే శరీరం, ఒకే గుండె ఉండటం విశేషం. ప్రసవం అనంతరం శిశువును ఆసుపత్రిలోని ప్రత్యేక నవజాత శిశు సంరక్షణ విభాగం (ఎస్‌ఎన్‌సీయూ)కు తరలించి, వైద్యుల నిరంతర పర్యవేక్షణలో చికిత్స అందిస్తున్నారు. శ్వాస, హృదయ స్పందన రేటు సహా కీలక ఆరోగ్య సూచికలను వైద్య బృందం నిశితంగా పరిశీలిస్తోంది. ఈ అరుదైన పరిస్థితిని వైద్య పరిభాషలో ‘క్రానియోపాగస్‌ పారాసిటికస్‌’గా పేర్కొంటున్నారు. మద్యం దుకాణం తరలించాలి రాయగడ: తమ ప్రాంతంలో ఉన్న మద్యం దుకాణం వల్ల ఎదురవుతున్న సమస్యలను పరిష్కరించాలని కోరుతూ జిల్లాలోని గుణుపూర్‌ సమితి పరిధి రఘునాథ్‌నగర్‌కు చెందిన మహిళలు జిల్లా యంత్రాంగాన్ని ఆశ్రయించారు. ఇదే విషయమై పలుమార్లు సంబంధిత శాఖ అధికారుల దృష్టికి తీసుకెళ్లినప్పటికీ ఎటువంటి స్పందన లేకపోవడంతో సోమవారం గుణుపూర్‌లో పర్యటించిన కలెక్టర్‌ అశుతోస్‌ కులకర్ణిని కలిసి సమస్యను విన్నవించుకున్నారు. మద్యం దుకాణాన్ని వేరేచోటుకు తరలించాలని కోరారు. దీనిపై పూర్తి విచారణ జరిపి చర్యలు తీసుకుంటామని కలెక్టర్‌ హామీ ఇచ్చారు. క్షేత్రస్థాయి సిబ్బంది చర్యలు కీలకం భువనేశ్వర్‌: క్షేత్రస్థాయి సిబ్బంది చర్యలు ఉన్నత స్థాయి బాధ్యతను ప్రతిబింబిస్తాయి. భద్రతను కాపాడడంలో అసాధారణమైన అప్రమత్తత, సమయస్ఫూర్తి, విధిలపై నిబద్ధతను కనబర్చిన ముగ్గురు రైల్వే ఉద్యోగులను తూర్పు కోస్తా రైల్వే జనరల్‌ మేనేజర్‌ పరమేశ్వర్‌ ఫంక్వాల్‌ సత్కరించారు. ఈ సందర్భంగా ఖుర్దారోడ్‌ మండలం బొడొబొంధొ ట్రాక్‌ మెయింటెయినర్‌ శారదా ప్రసాద్‌ సాహూ, సంబల్‌పూర్‌ మండలం కంటాబంజి ట్రాక్‌ మెయింటెయినర్‌ త్రినాథ్‌ సెల్మా, మహాసముంద్‌ ట్రాక్‌ మెయింటెయినర్‌ శుభమ్‌ సా జనరల్‌ మేనేజరు సత్కారం పొందారు. రైలు రవాణా నిర్వహణలో కీలక పాత్ర పోషించే ముందంజ సిబ్బందిగా విధి నిర్వహణ రంగంలో వారి అప్రమత్తత, అంకితభావం, విధిపై నిబద్ధతను జనరల్‌ మేనేజరు ప్రశంసించారు. మృతదేహం లభ్యం మల్కన్‌గిరి: జిల్లాలోని కోరుకొండ సమితి బాలిమెలాలో స్థానిక పాత బస్టాండ్‌ వద్ద మంగళవారం మధ్యాహ్నం ఒక వ్యక్తి మృతదేహం లభ్యమైంది. స్థానికులు ఇచ్చిన సమాచారంతో పోలీసులు సంఘటన స్థలానికి చేరుకొని మృతదేహాన్ని స్వాధీనం చేసుకున్నారు. మృతదేహం రాజా(37) అనే వ్యక్తిదిగా తెలిసింది. ఇతను గత కొన్ని నెలలుగా బాలిమెలా పట్టణంలోని పలు హోటల్స్‌లో రోజుకూలీగా పని చేస్తున్నాడు. అయితే రాజాకు మూర్చవ్యాధి ఉన్నట్లు తెలుస్తోంది. మృతదేహాన్ని కోరుకొండ ఆరోగ్య కేంద్రానికి తరలించారు. ఈయన మృతిపై పోలీసులు కేసు నమోదు చేసి దర్యాప్తు చేస్తున్నారు. అలాగే మృతుడి వివరాలు తెలియకపోవడంతో కుటుంబ సభ్యులు ఎవరైనా ఉన్నారేమోనని విచారిస్తున్నారు.

● జల్లువలసలో టీడీపీ నాయకుల అండతో నిర్మాణం ● వత్తాసుగా నిలిచిన పోలీసులు గార : గార పంచాయతీ జల్లువలస గ్రామంలో ఓ వీధికి ఉన్న గ్రావెల్‌ రోడ్డుపై అడ్డంగా గోడ నిర్మించడమే కాకుండా మిగిలిన స్థలంలో సొంతింటి నిర్మాణాన్ని ఓ వ్యక్తి చేపట్టాడు. ఇతనికి టీడీపీ నాయకుడి అండదండలు ఉండటంతో ఏకంగా 50 మంది పోలీసులు రక్షణగా నిలిచారు. ఈ వ్యవహారంపై సర్వత్రా విమర్శలు వ్యక్తమవుతున్నాయి. జల్లువలస గ్రామం నుంచి యాతవీధికి ప్రభుత్వ పోరంబోకు మీదుగా నడక దారి ఉంది. ఆ దారి స్థలాన్ని పుల్లటి నర్సునాయుడు అనే వ్యక్తి ఆక్రమణ చేయడంతో పాటు హైకోర్టుకు వెళ్లడంతో వాస్తవ నిర్ధారణ జరపాలని ఆదేశించింది. అప్పటి పంచాయతీ అధికారి ఆ స్థలం పోరంబోకుదని నివేదికివ్వడంతో రోడ్డు నిర్మాణం చేయాలని ఆదేశాలిచ్చింది. అనంతరం పంచాయతీలో చర్చించి 2023లో గ్రావెల్‌ రోడ్డు నిర్మాణం చేపట్టారు. టీడీపీ ప్రభుత్వం నర్సునాయుడు టీడీపీ నాయకుల అండదండలతో ఏకంగా రోడ్డుకు అడ్డంగా గోడ నిర్మాణం చేపట్టారు. అంతేకాక ఇంటి నిర్మాణం కోసం శరవేగంగా పునాదులు జరుపుకుంటున్నాడు. దీనిపై యాతవీధి వాసులు గార పోలీస్‌స్టేషన్‌కు వెళ్లి ఫిర్యాదు ఇచ్చినా ఎస్‌ఐ తీసుకోలేదని వారంతా ఆవేదన వ్యక్తం చేస్తున్నారు. దౌర్జన్యానికి అంతు లేదా..? యాత వీధి వాసుల పరిస్థితి తెలుసుకున్న వైఎస్సార్‌ సీపీ యువనేత ధర్మాన రామ్‌మనోహర్‌నాయుడు మంగళవారం జల్లువలస వెళ్లి పరిస్థితిని పరిశీలించారు. 20 కుటుంబాలను భయభ్రాంతులకు గురి చేసి, 10 అడుగులున్న రోడ్డును ధ్వంసం చేయడం సరికాదన్నారు. ఇంత దర్జాగా రోడ్డుకు అడ్డంగా గోడ నిర్మించడంతో పాటు వారికే పోలీసులు రక్షణగా ఉండటం బాధాకరమన్నారు. పాలనలో బాధితులకు న్యాయం జరగడం లేదని, తప్పు చేసిన వారికే అండదండగా ఉండటం సిగ్గు చేటన్నారు. దీనిపై న్యాయపరంగా ఎదుర్కోవడానికి సిద్ధంగా ఉన్నామన్నారు. కార్యక్రమంలో మాజీ ఎంపీపీ గొండు రఘురామ్‌, పుల్లటి నాగేశ్వరరావు, మండల పార్టీ అధ్యక్షుడు పీస గోపి, మార్పు దుర్గా పృథ్వీరాజ్‌, ముంజేటి కృష్ణమూర్తి, పీస శ్రీహరిరావు, ఆరంగి రమణమూర్తి, శిమ్మ ధర్మరాజు, చింతల గడ్డెయ్య, కోట రామారావు, వైఎస్సార్‌ సీపీ నాయకులు పాల్గొన్నారు.

రాయగడ: బీజేడీ జిల్లా అధ్యక్షుడు జగన్నాధ సరక నేతృత్వంలో మంగళవారం జిల్లాలోని కాసీపూర్‌ సమితి టికిరిలో జనసంపర్క పాదయాత్ర జరిగింది. టికిరి ప్రధాన మార్కెట్‌ నుంచి ప్రారంభమైన యాత్ర వివిధ కూడళ్ల మీదుగా పంచాయతీ సమితి కార్యాలయం వరకు కొనసాగింది. కార్యక్రమంలో రాష్ట్ర మాజీ మంత్రి, బీజేడీ సీనియర్‌ నాయకుడు సంజయ్‌ దాస్‌ వర్మ, ఎస్‌డీసీ మాజీ అధ్యక్షురాలు అనసూయా మాఝి, జిల్లా పరిషత్‌ అధ్యక్షురాలు సరస్వతీ మాఝి, మాజీ ఎంఎల్‌ఏ మకరంద ముదులి తదితరులు పాల్గొన్నారు. అధికార బీజేపీ ప్రభుత్వ వైఫల్యాలను ఈ సందర్భంగా ఎండగడుతూ బీజేడీ పార్టీ నాయకులు నినాదాలు చేశారు. కార్యక్రమంలో అధిక సంఖ్‌యలో కార్యకర్తలు పాల్గొన్నారు.

● ప్రజా సమస్యలపై వార్తల సేకరణకు అడ్డంకులు ● ఎస్పీకి ఫిర్యాదు చేసిన ప్రెస్‌ అండ్‌ మీడియా వెల్ఫేర్‌ అసోసియేషన్‌ ప్రతినిధులు రాయగడ: ప్రజా సమస్యలు, ప్రభుత్వ పనుల్లో అవకతవకలపై వార్తలు ప్రచురిస్తున్న జర్నలిస్టులను బెదిరించడం, వార్త సేకరణకు అడ్డంకులు సృష్టించడం, వారి భద్రతకు ముప్పు కలిగించడం వంటి ఘటనలపై రాయగడలో ఆందోళన వ్యక్తమైంది. ఈ ఘటనలపై నిష్పక్షపాత విచారణ జరిపి బాధ్యులపై చట్టపరమైన చర్యలు తీసుకోవడంతో పాటు జర్నలిస్టులకు రక్షణ కల్పించాలని డిమాండ్‌ చేస్తూ ప్రెస్‌ అండ్‌ మీడియా వెల్ఫేర్‌ అసోసియేషన్‌ రాయగడ శాఖ ప్రతినిధులు జిల్లా ఎస్పీకి వినతిపత్రం సమర్పించారు. అదనపు ఎస్పీ గొసానార్‌ బర్లాకు వినతిపత్రాన్ని అందించారు. అనంతరం జర్నలిస్టులు రాయగడ మున్సిపాలిటీ కార్యాలయానికి వెళ్లి ఎగ్జిక్యూటివ్‌ అధికారి కులదీప్‌ కుమార్‌కు మరో వినతిపత్రం అందజేశారు. డంపింగ్‌ యార్డు వ్యవహారంపై బెదిరింపులు ఈ నెల 9ని ఒడియా దినపత్రిక సంబాద్‌లో రాయగడ మున్సిపాలిటీ పరిధిలోని చెత్త డంపింగ్‌ యార్డులో జరుగుతున్న పనులు, అక్కడి అక్రమాలపై వార్త ప్రచురితమైంది. చెత్తను సరైన పద్ధతిలో ప్రాసెసింగ్‌ చేయకుండా మరో ప్రాంతానికి తరలిస్తున్నారనే అంశాన్ని ఆ కథనంలో ప్రస్తావించారు. అంతకుముందు డంపింగ్‌ యార్డులో అగ్నిప్రమాదం జరిగి చెత్త దగ్ధమైన ఘటనపై జర్నలిస్టు కె.శివప్రసాద్‌ దొర వార్త రాశారు. ఈ నేపథ్యంలో సంబంధిత ప్రాజెక్టు కాంట్రాక్టర్‌ జర్నలిస్టులను బెదిరించినట్లు ఫిర్యాదులో పేర్కొన్నారు. కార్యక్రమంలో ప్రెస్‌ అండ్‌ మీడియా వెల్ఫేర్‌ అసోసియేషన్‌ ప్రతినిధి శివాజీ దాస్‌, సభ్యులు శివనారాయణ గౌడొ, శివ ప్రసాద్‌ దొర, నందొ, ప్రశాంత్‌ పాలొ, నిరంజన్‌ పాలొ, స్మృతి రంజన్‌ మహాంతి, సంతొష్‌ కుమార్‌ దలాయి, సుభాష్‌ సూర్య, సురేష్‌ దాస్‌, మురళి బొచ్చ, సీహెచ్‌ శ్రీనివాస్‌, వై.దామోదర్‌, మనొజ్‌ సతపతి తదితరులు పాల్గొన్నారు.

భువనేశ్వర్‌: రాష్ట్రపతి ద్రౌపది ముర్ము జార్ఖండ్‌లోని పలాము జిల్లాకు చెందిన బ్రజ్‌ మోహన్‌ రామ్‌ను ఒడిశా కొత్త గవర్నర్‌గా నియమించారు. 2025 జనవరి 3న గవర్నరుగా బాధ్యతలు స్వీకరించిన డాక్టరు హరిబాబు కంభంపాటి స్థానంలో బ్రజ్‌ మోహన్‌ రామ్‌ బాధ్యతలు చేపడతారు. రామ్‌ అవిభక్త బీహార్‌లో 1996, 1998, 1999లలో మూడుసార్లు పలాము లోక్‌సభ నియోజకవర్గానికి ప్రాతినిధ్యం వహించారు. 1991–1995 మధ్య బీహార్‌ అసెంబ్లీ సభ్యుడిగా కూడా పనిచేశారు. జార్ఖండ్‌లో ధోబీ వర్గానికి చెందిన బీజేపీ దళిత నాయకుడైన రామ్‌ వ్యవసాయ కుటుంబం నుంచి వచ్చారు. ఆయనకు శాసన, సామాజిక సేవలో సుదీర్ఘ అనుభవం ఉంది. అవిభక్త బీహార్‌లో ఎమ్మెల్యేగా పని చేసిన తర్వాత 1996, 1998, 1999లో పలాము నియోజక వర్గం నుండి 3 సార్లు లోక్‌ సభకు ఎన్నికయ్యారు. ఆయన రాష్ట్ర షెడ్యూల్డ్‌ కులాల మోర్చాకు ఇన్‌చార్జ్‌గా పనిచేశారు. ధోబీ మహాసంఘ్‌తో అనుబంధం కలిగి ఉన్నారు. చంద్వాలో విద్యాసంస్థల స్థాపన కోసం విశేష కృషి చేశారు. క్షేత్రస్థాయి నాయకత్వానికి, దళిత వర్గాల సాధికారతకు, దశాబ్దాల శాసన, సామాజిక సేవకు ఆయన చేసిన సేవలకు గుర్తింపుగా ఈ నియామకం జరిగింది. 2025 జనవరిలో ఒడిశా గవర్నర్‌గా బాధ్యతలు స్వీకరించిన హరిబాబు కంభంపాటి ఆ పదవిలో సుమారు ఏడాది తొమ్మిది నెలలు పనిచేసి విశేష ప్రజాదరణ పొందారు. ఒడిశా కొత్త గవర్నర్‌గా నియమితులైన బ్రజ్‌ మోహన్‌ రామ్‌కు ముఖ్యమంత్రి మోహన్‌ చరణ్‌ మాఝీ అభినందనలు తెలిపారు.

రాయగడ: మహిళలు ఆర్థికంగా ఎదగాలని కలెక్టర్‌ అశుతోష్‌ కులకర్ణి ఆకాంక్షించారు. జిల్లాలో రామనగుడ సమితిలోని చాకుండాలో ఉన్న మార్కెట్‌ ప్రాంతంలో ఏర్పాటు చేసిన మరమరాల తయారీ కేంద్రాన్ని ఆయన మంగళవారం ప్రారంభించారు. ఈ కేంద్రం ద్వారా 15 మంది గిరిజన మహిళలు స్వయం ఉపాధి పొందడంతో పాటు భవిష్యత్‌లో మరికొందరికి ఉపాధి కల్పించే దిశగా ప్రణాళికలు రూపొందించడం ప్రశంసించదగ్గ విషయమన్నారు. ఈ కేంద్రం కేవలం అంగన్‌వాడీ కేంద్రాలకు మరమరాలు సరఫరా చేయడానికే పరిమితం కాకుండా, పూర్తిస్థాయి వ్యాపార సంస్థగా అభివృద్ధి చెందాలన్నారు. కార్యక్రమంలో సంఘం అధ్యక్షురాలు ఆరతీ ముటిక తదితరులు పాల్గొన్నారు.

మల్కన్‌గిరి: మల్కన్‌గిరి జిల్లా కేంద్రంలోని జిల్లా పరిషత్‌ కార్యాలయ సమావేశ మందిరంలో మంగళవారం జిల్లాస్థాయి పోషణ మావోత్సత్సవాన్ని ఉత్సహంగా నిర్వహించారు. ఈ సందర్భంగా స్థానిక ప్రభుత్వం ఉన్నత పాఠశాలలో విద్యార్థులకు వివిధ పోటీలు నిర్వహించి పోషకాహారంపై అవగాహన కల్పించారు. కార్యక్రమంలో జిల్లా అదనపు కలెక్టర్‌ సోమనాద్‌ ప్రధన్‌, జిల్లా సాంఘిక సంక్షేమ అధికారి సుచితా పండా, జిల్లా అదనపు సాంఘిక సంక్షేమా అధికారి మమతా చౌదరి, అన్ని శిశు అభివృద్ధి ప్రాజెక్టుల అధికారులు, జిల్లా పోషణ సమన్వయకర్త పాల్గుని పోషకారహారం ప్రాధాన్యతను వివరించారు. అదనపు కలెక్టర్‌ సోమనాధ్‌ ప్రధాన్‌ మాట్లాడుతూ.. స్థానికంగా లభించే పోషక విలువలు కలిగిన ఆహర పదార్ధాలను సరైన విధంగా వినియోగించడం ద్వారా పోషకాహర లోపాన్ని నివరించవచ్చును తెలిపారు. వివిధ పోటీలు నిర్వహించి విజేతలకు బహుమతులు అందించి సత్కరించారు.

రాయగడ: జిల్లాలోని జేకేపూర్‌లొ ఈ ఏడాది దుర్గాపూజ ఉత్సవాలను ఘనంగా నిర్వహించేందుకు ఏర్పాట్లు ముమ్మరంగా సాగుతున్నాయి. ప్రతీ ఏడాది మాదిరిగానే ఈసారి కూడా అంగరంగ వైభవంగా ఉత్సవాలను నిర్వహించేందుకు పూజా కమిటీ విస్తృత ఏర్పాట్లు చేస్తొంది. కమిటీ అధ్యక్షుడు వినయ్‌ ద్వివేది, కార్యదర్శి విశ్వజీత్‌ ద్వివేది నాయకత్వంలో ఏర్పాట్లు వేగంగా కొనసాగుతున్నాయి. దుర్గాపూజ సందర్భంగా భక్తులు, సందర్శకులకు ఆకట్టుకునేలా వివిధ స్లాళ్ల ఏర్పాటు, పందిళ్లు విద్యుత్‌ అలంకరణ, ఇతర మౌలిక సదుపాయాల కల్పనపై ప్రత్యేక దృష్టిసారించారు. నవరాత్రి ఉత్సవాల్లో భాగంగా దాండియా నృత్య కార్యక్రమాలను కూడా నిర్వహిస్తున్నారు. 20 నుంచి సాంస్కృతిక కార్యక్రమాలు ఉత్సవాల్లో భాగంగా ఈ నెల 20వ తేదీ నుంచి వివిధ సాంస్కృతిక కార్యక్రమాలను నిర్వహించేందుకు రంగం సిద్ధం చేశారు. 21న బూగీ బూగీ నృత్య ప్రదర్శన, ఒపేరా కార్యక్రమాలు ఉంటాయి. అలాగే 21, 22, 23, తేదీల్లో మ్యూజిక్‌ నైట్స్‌తో పాటు మీనా బజారు నిర్వహించనున్నారు. 21వ తేదీన రావణ దహనం కార్యక్రమం ప్రత్యేక ఆకర్షణగా నిలవనుంది.

శ్రీకాకుళం అర్బన్‌/శ్రీకాకుళం కల్చరల్‌: పెన్షనర్ల సమస్యలు పరిష్కరించడమే ధ్యేయంగా ఏపీ స్టేట్‌ గవర్నమెంట్‌ రిటైర్డ్‌ ఎంప్లాయీస్‌ అసోసియేషన్‌ కృషి చేస్తోందని సంఘ గౌరవాధ్యక్షుడు బలివాడ మల్లేశ్వరరావు అన్నారు. ఏపీ స్టేట్‌ గవర్నమెంట్‌ రిటైర్డ్‌ ఎంప్లాయీస్‌ అసోసియేషన్‌ 43వ ఆవిర్భావ దినోత్సవ వేడుకలను శ్రీకాకుళం ఎన్జీవో కార్యాలయంలో మంగళవారం నిర్వహించారు. ఈ సందర్భంగా ఆయన మాట్లాడుతూ 1984లో సంఘం ఏర్పాటైందని, నేడు 43వ ఆవిర్భావ దినోత్సవం జరుపుకుంటున్నామని చెప్పారు. కార్యక్రమంలో సంఘ అధ్యక్షుడు కె.సోమసుందరరావు, రాష్ట్ర సంఘ కార్యదర్శి పి.నరసింహమూర్తి, సిటీ బ్రాంచ్‌ అధ్యక్షులు బి.జానకి, ఏపీ స్టేట్‌ గవర్నమెంట్‌ రిటైర్డ్‌ ఎంప్లాయీస్‌ అసోసియేషన్‌ సభ్యులు పాల్గొన్నారు. పోలీసులు నిర్లక్ష్య వైఖరి వీడాలి టెక్కలి: నందిగాం మండలం జడ్యాడ గ్రామంలో దళితులపై దాడి చేసిన వారిపై చర్యలు చేపట్టకుండా పోలీసులు నిర్లక్ష్యంగా వ్యవహరిస్తున్నారని దళిత సంఘాల నాయకులు మండిపడ్డారు. దళిత సంఘాల జేఏసీ ఆధ్వర్యంలో మంగళవారం టెక్కలి అంబేడ్కర్‌ భవన్‌ వద్ద రౌండ్‌ టేబుల్‌ సమావేశం నిర్వహించారు. ఈ సందర్భంగా కేఎన్‌పీఎస్‌ రాష్ట్ర అధ్యక్షుడు మిస్క కృష్ణయ్య మాట్లాడుతూ జడ్యాడ గ్రామంలో దళితులపై దాడి చేసిన వారిపై చర్యల విషయంలో పోలీసులు ఎందుకు తాత్సారం చేస్తున్నారని మండిపడ్డారు. తక్షణమే వారిపై చర్యలు తీసుకోవాలని డిమాండ్‌ చేశారు. కార్యక్రమంలో జేఏసీ నాయకులు చల్లా రామారావు, బి.ప్రభాకర్‌, కోత ధర్మారావు, కె.దమయంతి, కె.కామేశ్వరరావు, ఎస్‌.దామోదర్‌, కె.దాలయ్య, జె.బాబూరావు, వై.గోపి, ఎ.మాధవరావు, బి.గోవింద్‌, ఆర్‌.ఈశ్వరరావు, సురేష్‌, ఆర్‌.ఆదిలక్ష్మి, జయలక్ష్మి, వి.రామయ్య, సవరయ్య, ఆర్‌.రామ్ముర్తి, సుబద్రమ్మ, టి.మల్లేష్‌ తదితరులు పాల్గొన్నారు. గార : నిత్యం మద్యం తాగి వస్తుండటంతో కుటుంబ భవిష్యత్‌ ఏమవుతుందని భార్య నిలదీయడంతో ఓ వ్యక్తి మనస్థాపంతో కలుపు మందు తాగి ఆత్మహత్య చేసుకున్నాడు. పోలీసులు తెలిపిన వివరాల ప్రకారం.. సతివాడ పంచాయతీ యాళ్లపేట గ్రామానికి చెందిన యాళ్ల షణ్ముఖరావు (42) మూడేళ్లుగా మద్యానికి బానిసయ్యాడు. ఈ నెల 6న గ్రామంలో వారాలు జరుగుతుండగా మద్యం మత్తులో ఇంటికి రావడంతో భార్య మందలించింది. ఆ తర్వాత కాసేపటికే వాంతులు చేసుకోవడంతో గమనించగా, పారాపెట్‌ అనే కలుపు మందును తాగినట్లు గుర్తించారు. వెంటనే రిమ్స్‌కు తరలించారు. చికిత్స పొందుతూ సోమవారం రాత్రి మరణించాడు. షణ్ముఖరావుకు భార్య, ఇద్దరు కుమార్తెలు, కుమారుడు ఉన్నారు. భార్య సరస్వతి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని హెచ్‌సీ రవిబాబు తెలిపారు. వలస పక్షుల సంరక్షణకు కృషి ఇచ్ఛాపురం రూరల్‌: తేలుకుంచి గ్రామానికి ప్రతి ఏటా వస్తున్న విదేశీ పక్షుల సంరక్షణకు కృషి చేస్తానని ఫారెస్ట్‌ రేంజ్‌ ఆఫీసర్‌ ఎం.మురళీకృష్ణ అన్నారు. ఫారెస్ట్‌ రేంజ్‌ ఆఫీసర్‌గా బాధ్యతలు స్వీకరించిన అనంతరం తొలిసారిగా మంగళవారం తేలుకుంచి విదేశీ పక్షుల విడిది కేంద్రాన్ని సందర్శించారు. ఈ సందర్భంగా ఆయన మాట్లాడుతూ పక్షులు గుడ్లు పొదిగే సమయంలో ప్రత్యేకంగా తయారు చేసిన గూళ్లు ఏర్పాటు చేస్తామన్నారు. ప్రకృతి వైపరీత్యాల సమయంలో పక్షి పిల్లలను సంరక్షించేందుకు, మృత్యుబారిన పడకుండా చర్యలు తీసుకుంటామని చెప్పారు. తేలుకుంచి గ్రామాన్ని పర్యాటక ప్రాంతంగా మార్చేందుకు ఉన్నతాధికారుల దృష్టికి తీసుకువెళ్తానన్నారు. ఆయన వెంట ఫారెస్ట్‌ అధికారులు టి.దేవరాజు, భానుమూర్తి, సురేష్‌ తదితరులు ఉన్నారు.

రాయగడ: శరన్నవరాత్రి ఉత్సవాల్లో భాగంగా మూడో రోజైన మంగళవారం అమ్మవార్లకు విశేష పూజలు నిర్వహించారు. బాలాజీనగర్‌లో కల్యాణ వేంకటేశ్వర మందిరం ప్రాంగణంలో ఉన్న రాజ్యలక్ష్మీ అమ్మవారికి సామూహిక నవ ఆవరణ అర్చన కార్యక్రమం కన్నుల పండువగా జరిపించారు. ప్రధానార్చకులు భాస్కరాచార్యులు ఆధ్వర్యంలో ప్రత్యేక పూజలు నిర్వహించారు. ట్యాంక్‌ కాలనీలో మహిళలు సామూహిక కలశ స్థాపన పూజలు నిర్వహించారు. కస్తూరీ నగర్‌ సత్యనారాయణ మందిరం ప్రాంగణంలోలక్ష్మీ అమ్మవారికి ప్రధాన అ ర్చకులు మావుడూరు కిషోర్‌కుమార్‌ ఆధ్వర్యంలో ప్రత్యేక పూజలు నిర్వహించారు.

భువనేశ్వర్‌: గజపతి జిల్లాలోని పర్లాకిమిడి ప్రాంతం సమగ్ర అభివృద్ధికి హైటెక్‌ గ్రూప్‌ ఎల్లప్పుడూ ప్రభుత్వంతో కలిసి పనిచేస్తుందని వ్యవస్థాపక చైర్మన్‌ డాక్టర్‌ తిరుపతి పాణిగ్రాహి అన్నారు. రాష్ట్ర ఉప ముఖ్యమంత్రి కనక్‌ వర్ధన్‌ సింగ్‌దేవ్‌ని ఆయన కార్యాలయంలో మర్యాదపూర్వకంగా కలిసిన సందర్భంగా ఈ ప్రకటన చేశారు. పర్లాకిమిడి ప్రాంతంలో వ్యవసాయం, రైతుల దీర్ఘకాలిక సమస్యలు పరిష్కారం దిశలో ప్రభుత్వ కార్యాచరణను ప్రసంశించారు. పరిసర గ్రామీణ ప్రాంతాలలో విద్యుదీకరణ, ప్రధాన మంత్రి సూర్య ఘర్‌ యోజన కింద సోలార్‌ ప్యానెళ్ల ఏర్పాటు ప్రాంతీయులకు లబ్ధి చేకూర్చుతుందన్నారు. పర్లాకిమిడి కేంద్రంగా గజపతి జిల్లా రాష్ట్ర హరిత విప్లవంలో ముందంజలో ఉంటుందని ఉప ముఖ్యమంత్రికి వివరించారు. రాబోయే రోజుల్లో ఈ ప్రాంతంలో వ్యవసాయ, విద్యా, ఆరోగ్య మౌలిక సదుపాయాలను బలోపేతం చేయడానికి ప్రభుత్వం నిరంతర సహకారం అత్యంత అవసరమని అభ్యర్థించారు.

మంగళవారం శ్రీ 13 శ్రీ అక్టోబర్‌ శ్రీ 2026జాజ్‌పూర్‌లో.. భువనేశ్వర్‌: విశిష్టమైన ఆధ్యాత్మిక సంప్రదాయాలు, ప్రాచీన సంస్కృతికి నిలయం ఒడిశా. అటువంటి పవిత్ర భూమిలోని జాజ్‌పూర్‌ పట్టణం శక్తి ఆరాధనకు, పితృదేవతల పూజలకు ప్రసిద్ధి చెందిన పుణ్యక్షేత్రం. ఇక్కడ కొలువైన మా బిరజా దేవి ఆలయం అష్టాదశ మహాశక్తి పీఠాల్లో ఒకటిగా భక్తుల విశేష ఆదరణ పొందుతోంది. సతీదేవి నాభి పడిన ప్రదేశంగా ఈ క్షేత్రాన్ని భక్తులు విశ్వసిస్తారు. అందుకే బిరజా క్షేత్రానికి శాక్తేయ సంప్రదాయంలో ప్రత్యేక స్థానం ఉంది. ఈ క్షేత్రం ప్రత్యేకత అమ్మవారి విగ్రహ రూపంలోనూ కనిపిస్తుంది. సాధారణ దుర్గామాత విగ్రహాలకు భిన్నంగా, రెండు చేతులతో మహిషాసురుడిని శూలంతో సంహరిస్తున్న రూపంలో బిరజా దేవి దర్శనమిస్తారు. సింహంపై నిలిచి ఉన్న అమ్మవారి ఈ రూపం శక్తి, ధర్మ విజయానికి ప్రతీకగా భక్తులు భావిస్తారు. ప్రస్తుత ఆలయం 13వ శతాబ్దానికి చెందినది. శతాబ్దాలుగా కొనసాగుతున్న పూజా సంప్రదాయాలు ఈ క్షేత్ర ఆధ్యాత్మిక వైభవాన్ని చాటుతున్నాయి. తొమ్మిది రోజుల రథయాత్ర .. శరన్నవరాత్రుల సందర్భంగా నిర్వహించే బిరజా మాత రథయాత్ర ఈ క్షేత్రానికి మరో ప్రధాన ఆకర్షణ. ఒడిశాలో అమ్మవారి పేరిట తొమ్మిది రోజుల పాటు సాగే ఈ రథోత్సవం విశిష్టమైనది. ఆశ్వయుజ శుక్ల పాడ్యమి నుంచి మహానవమి వరకు ఉత్సవాలు కొనసాగుతాయి. అమ్మవారి ఉత్సవ విగ్రహాన్ని ‘సింహధ్వజ’ రథంపై అధిష్ఠింపజేసి, ఆలయ ప్రాంగణం చుట్టూ రోజూ ఊరేగిస్తారు. గంటల నాదాలు, శంఖధ్వనులు, భక్తుల జయజయధ్వానాల మధ్య సాగే ఈ యాత్రలో అమ్మవారిని దర్శించుకోవడానికి వివిధ ప్రాంతాల నుంచి భక్తులు తరలివస్తారు. దేవి రథంపై ఊరేగడం ద్వారా భక్తులకు మరింత చేరువవుతుందనే విశ్వాసం ఈ ఉత్సవానికి ప్రత్యేకతను చేకూరుస్తోంది. నాభిగయ ...పితృకార్యాలకు ప్రసిద్ధి బిరజా ఆలయ సముదాయంలో ఉన్న నాభిగయ ఈ క్షేత్రానికి మరో విశిష్ట గుర్తింపు. పితృదేవతలకు పిండప్రదానం, శ్రాద్ధకర్మలు నిర్వహించేందుకు ఇది ప్రసిద్ధ పుణ్యస్థలం. భారతదేశంలోని ప్రముఖ గయా క్షేత్రాల సంప్రదాయంలో భాగంగా భావించే నాభిగయలో పితృకార్యాలు నిర్వహిస్తే పూర్వీకులకు శాంతి చేకూరుతుందని భక్తులు విశ్వసిస్తారు. వైతరణి నదీ తీరంలోని బిరజా క్షేత్రం పితృతీర్థంగా కూడా పేరొందింది. శక్తి ఆరాధనతో పాటు పితృదేవతల పూజలకు ప్రాధాన్యం ఉండటం ఈ క్షేత్ర యాత్రకు ప్రత్యేక ఆధ్యాత్మిక పరిమాణాన్ని అందిస్తోంది. ఆధ్యాత్మికత ... సంప్రదాయాల సమ్మేళనం అమ్మవారి దర్శనం, తొమ్మిది రోజుల రథయాత్ర, నాభిగయలో పితృకార్యాలు ... ఇలా ఒకే క్షేత్రంలో విభిన్న ఆధ్యాత్మిక అనుభవాలను పొందే అవకాశం బిరజా పీఠం ప్రత్యేకత. ప్రాచీన ఆలయ నిర్మాణం, శాక్తేయ ఆరాధనా పద్ధతులు, తరతరాలుగా కొనసాగుతున్న ఉత్సవాలు జాజ్‌పూర్‌ సాంస్కృతిక వారసత్వాన్ని ప్రతిబింబిస్తున్నాయి. ఈ ఏడాది బిరజా మాత రథయాత్ర అక్టోబర్‌ 11న ప్రారంభమై, అక్టోబర్‌ 19న మహానవమితో ముగియనుంది. శరన్నవరాత్రుల వేళ బిరజా క్షేత్రం భక్తుల రాకతో ఆధ్యాత్మిక సందడిని సంతరించుకుంటోంది.

రాయగడ: జిల్లా కలెక్టర్‌ అశుతోష్‌ కులకర్ణి అధ్యక్షతన సోమవారం గుణుపూర్‌ సబ్‌ కలక్టర్‌ సమావేశ మందిరంలో జిల్లాస్థాయి సంయుక్త ప్రజా ఫిర్యాదుల పరిష్కార శిబిరం నిర్వహించారు. వివిధ సమస్యలపై ప్రజల నుంచి 58 ఫిర్యాదులను అధికారులు స్వీకరించారు. ఇద్దరు లబ్ధిదారులకు కలెక్టర్‌ రూ.12 వేల ఆర్థిక సహాయాన్ని అందజేశారు. కార్యక్రమంలో గుణుపూర్‌ సబ్‌ కలెక్టర్‌ దుదూల్‌ అభిషేక్‌ దిలీప్‌, జిల్లా పరిషత్‌ ముఖ్యకార్యనిర్వాహక అధికారి అక్షయ కుమార్‌ ఖెముండొ, జిల్లా ముఖ్యవైద్యాధికారి డాక్టర్‌ విశ్వంబర్‌ బెహరా, ఐటీడీఏ ప్రాజెక్టు అడ్మినిస్ట్రేటర్‌ అజయకుమార్‌ ప్రధాన్‌, గుణుపూర్‌ బీడీఓ స్వస్ధిక్‌ జమాదార్‌, తహసీల్దార్‌ లీలావతి ఆచార్య, మున్సిపాలిటీ కార్యనిర్వాహక అధికారి సంతోష్‌కుమార్‌ నాయక్‌, ఎస్‌డీపీఓ బబులి నాయక్‌, జిల్లా సంక్షేమ శాఖ అధికారి ఆసీమారావ్‌, జిల్లా విద్యాశాఖ అధికారి భజన్‌లాల్‌ మాఝి తదితరులు పాల్గొన్నారు. ఆర్‌.ఉదయగిరిలో గ్రీవెన్స్‌సెల్‌ పర్లాకిమిడి: గజపతి జిల్లా ఆర్‌.ఉదయగిరి సమితి కార్యాలయంలో సోమవారం జాయింట్‌ గ్రీవెన్సుసెల్‌కు విశేష స్పందన లభించింది. కలెక్టర్‌ అక్షయసునీల్‌ అగర్వాల్‌, సబ్‌ డివిజనల్‌ పోలీసు అధికారి రాకేష్‌కుమార్‌ సాహు, సబ్‌ కలెక్టర్‌ భాగవత్‌ సామల్‌కళ్యాణ్‌ రావ్‌, ఐటీడీఏ పీఓ అంశుమాన్‌ మహాపాత్రో తదితరులు హాజరై 16 వినతులు స్వీకరించారు. ముఖ్యమంత్రి సహాయ నిధి నుంచి ఇద్దరికి రూ. పది వేలు చొప్పున ఆర్థిక సాయాన్ని కలెక్టర్‌ అందజేశారు. కార్యక్రమంలో ఆర్‌.ఉదయగిరి సమితి అధ్యక్షులు లక్ష్మీనారాయణ శోబోరో, తహసీల్దారు జ్యోతిర్మయి దాస్‌, బీడీఓ లారీమాన్‌ ఖర్సల్‌ తదితరులు పాల్గొన్నారు. ఐఐటీ భువనేశ్వర్‌లో ‘ మానస్విత’ వర్క్‌షాప్‌ భువనేశ్వర్‌: విద్యార్థుల్లో మానసిక ఒత్తిడిని తగ్గించడం, శారీరక ఆరోగ్యాన్ని కాపాడటం, ఆరోగ్యకరమైన జీవనశైలిని ప్రోత్సహించడమే లక్ష్యంగా ఐఐటీ భువనేశ్వర్‌ ఉన్నత విద్యాసంస్థల్లో విద్యార్థుల సంక్షేమంపై ప్రత్యేక దృష్టి సారించింది. ఇందులో భాగంగా నిర్వహించిన రెండు రోజుల ‘మానస్విత’ వర్క్‌షాప్‌ విద్యార్థుల మానసిక స్థైర్యం, ఆరోగ్య పరిరక్షణ, సహాయక క్యాంపస్‌ వాతావరణ నిర్మాణంపై కీలక చర్చలకు వేదికగా నిలిచింది. దేశవ్యాప్తంగా 25 విద్యాసంస్థలకు చెందిన 90 మంది ప్రతినిధులు, 20 మందికి పైగా నిపుణులు ఈ కార్యక్రమంలో పాల్గొన్నారు. విద్యార్థుల సమస్యలను ముందుగానే గుర్తించడం, సకాలంలో స్పందించడం, అధ్యాపకులు– విద్యార్థుల మధ్య సానుకూల సంబంధాలు, తోటివారి మార్గదర్శకత్వం, జీవన నైపుణ్యాల అభివృద్ధిపై వర్క్‌షాప్‌లో చర్చించారు. జీవనశైలి సంబంధిత అనారోగ్యాలు, అసంక్రమిత వ్యాధుల నివారణపైనా అవగాహన కల్పించారు. ఐఐటీ భువనేశ్వర్‌ డైరెక్టర్‌ ప్రొఫెసర్‌ శ్రీపద్‌ కర్మాళ్కర్‌ మాట్లాడుతూ విద్యార్థుల శ్రేయస్సుకు ఆహ్లాదకరమైన క్యాంపస్‌ వాతావరణం, పరస్పర గౌరవం, సహాయక సంబంధాలు కీలకమని పేర్కొన్నారు. ఆనందం, జీవన నైపుణ్యాలపై ప్రత్యేక కోర్సు, విద్యార్థులందరికీ సైక్లింగ్‌ నైపుణ్యాన్ని తప్పనిసరి చేయడం, ‘చింతన్‌ఛాయ’ బహిరంగ తరగతి గది వంటి సంస్థ కార్యక్రమాలను వివరించారు. కేంద్ర విద్యా శాఖ ఉన్నత విద్యా విభాగం డైరెక్టర్‌ దేవేంద్రకుమార్‌ శర్మ మాట్లాడుతూ, శ్రేయస్సు విద్యకు అదనపు అంశం కాదని, అది విద్యకు పునాది అని పేర్కొన్నారు. ఐఐటీ గాంధీనగర్‌ మాజీ డైరెక్టర్‌, బనారస్‌ హిందూ విశ్వవిద్యాలయం మాజీ ఉపకులపతి ప్రొఫెసర్‌ సుధీర్‌ కుమార్‌ జైనన్‌ ఉపాధ్యాయులు – విద్యార్థుల మధ్య గౌరవప్రదమైన సంబంధాల ప్రాధాన్యాన్ని వివరించారు. కార్యక్రమంలో ఐఐటీ భువనేశ్వర్‌ డీన్లు ప్రొఫెసర్‌ మిహిర్‌ కుమార్‌ దాస్‌, ప్రొఫెసర్‌ శ్యామల్‌ చటర్జీ, వర్క్‌షాప్‌ కన్వీనర్‌ డాక్టర్‌ అనిర్బన్‌ భట్టాచార్య పాల్గొన్నారు.

● వివిధ రూపాల్లో అమ్మవారి దర్శన భాగ్యం రాయగడ: నవరాత్రి ఉత్సవాల రెండో రోజున అమ్మవారు బాలాత్రిపుర సుందరి, గాయత్రి రూపాల్లో భక్తులకు దర్శన భాగ్యం కలిగిస్తున్నారు. స్థానిక రైల్వే కాలనీలోని కన్యకాపరమేశ్వరి ఆలయంలో అమ్మవారు గాయత్రి రూపంలో, కస్తూరీనగర్‌లోని సత్యనారాయణ మందిరంలోని లక్ష్మీ అమ్మవారు బాలాత్రిపుర సుందరి రూపంలో భక్తులకు దర్శనం ఇస్తున్నారు. ఈ సందర్భంగా నిత్యపూజలు కొనసాగుతున్నాయి. స్థానిక హతీపధర్‌ రోడ్డు సమీపంలోని నీలట్యాంక్‌ కాలనీ వద్ద దసరా ఉత్సవాలను మూడు సంవత్సరాలుగా ఘనంగా నిర్వహిస్తున్నారు. ఈ సందర్భంగా ఏర్పాటు చేసిన పూజా పెండాల్‌ అందరినీ ఆకర్షిస్తుండగా నవరాత్రుల రెంరో రోజైన సోమవారం అమ్మవారికి అక్కడి వారు కుంకుమ పూజలను నిర్వహించారు. ఇక ఉత్కళాంధ్రుల ఆరాధ్య దైవం మజ్జిగౌరీ అమ్మవారు సునాబొసొలో భక్తులకు దర్శనం ఇస్తున్నారు. అమ్మవారి ప్రాంగణంలో నిత్యదీపాలు వెలుగుతూ ఆకర్షిస్తున్నాయి. పర్లాకిమిడిలో.. పర్లాకిమిడి: పట్టణంలోని పెద్దబ్రాహ్మాణవీధి జంక్షన్‌లో ఏటా ఆడంబరంగా జరుగుతున్న దేవీ నవరాత్రి ఉత్సవాలు వరుసాగా 65వ సారి ఘనంగా పూజలు చేసి ఆదివారం అర్ధరాత్రి తరువాత అమ్మవారి దర్శనం కల్పించారు. పాతబస్టాండు వరకూ విద్యుద్దీపాలతో అలరారుతున్న దుర్గాదేవిని చూడటానికి భక్తులు తండోపతండాలుగా విచ్చేస్తున్నారు. విజయదశమి వరకూ ఈ దేవీ నవరాత్రి వేడుకలు జరుగుతాయని కమిటీ సభ్యులు తెలియజేశారు. రెండో రోజైన సోమవారం అమ్మవారికి ప్రత్యేక పూజలు జరిగాయి.

మల్కన్‌గిరి: మల్కన్‌గిరిలో బీజేడీ పార్టీ అధినేత నవీన్‌ పట్నాయక్‌ ఆదేశాల మేరకు జిల్లా అధ్యక్షుడు మానస్‌ మడ్కామి పర్యవేక్షణలో సోమవారం మాత్తిలి సమితిలో జన సంపర్క పాదయాత్రను నిర్వహించారు. జిల్లా పరిషత్‌ జోన్‌–1 పరిధిలోని కియాంగ్‌ హోట్‌పడా వద్ద మాత్తిలి సమితి బీజేడీ అధ్యక్షుడు సదాశివ పూజారి నాయకత్వంలో పాదయాత్ర జరిగింది. ఈ సందర్భంగా ఆయన మాట్లాడుతూ.. బీజేడీ అధికారంలో ఉన్న సమయంలో వేగవంతమైన అభివృద్ధి సాధించి ఒడిశా దేశ వ్యాప్తంగా ఆదర్శ రాష్ట్రంగా గుర్తింపు పొందిందని గుర్తు చేశారు. అయితే ప్రస్తుత అసమర్ధ డబుల్‌ ఇంజన్‌ ప్రభుత్వ వైఫల్యాలను ప్రతిఇంటికి తీసుకెళ్లి ప్రజలకు అవగాహన కల్పించాలని జిల్లా అధ్యక్షుడు మానస్‌ మాడ్కమి పార్టీ నాయకులు, కార్యక్తలు కు సూచించారు. మాత్తిలి సమితిపరిషత్‌ జోన్‌–1 పరిధిలో నిర్వహించిన జనసంపర్క్‌ పాదయాత్ర సనలో గౌరవ అతిథులుగా జిల్లా పరిషత్‌ అధ్యక్షురాలు సమారి టంగులు, జిల్లా బీజేడీ మాహిళ సభ్యురాలు లక్ష్మీప్రియా నాయక్‌ పాల్గొన్నారు.

పర్లాకిమిడి: అంగన్‌వాడీ కార్యకర్తలు, సహాయకుల న్యాయమైన డిమాండ్లు నెరవేర్చాలని కోరుతూ సోమవారం జగన్నాథ మందిరం నుంచి కలెక్టరేట్‌ వరకూ ర్యాలీ నిర్వహించారు. అనంతరం కలెక్టరేట్‌ గేటు వద్ద బైఠాయించారు. ఆల్‌ ఇండియా అంగన్‌వాడీ లేడీస్‌ వర్కర్స్‌ అసోయేషన్‌ రాష్ట్ర కార్యవర్గ సమితి నిర్ణయం మేరకు గజపతి జిల్లా శాఖ ఆధ్వర్యంలో భారతీయ కిసాన్‌ మజ్దూర్‌ సంఘ్‌ కలిసి ఈ ఆందోళన జరిపారు. అంగన్‌వాడీ కార్యకర్తలకు రాష్ట్ర ఉద్యోగులుగా గుర్తించి రూ.30వేలకు జీతం పెంచడం, సహాయకులకు రూ.15 వేల పెంపు, సర్వీసు పెంచడం వంటి పది డిమాండ్లు నెరవేర్చాలని నినాదాలు చేశారు. జిల్లా అధ్యక్షురాలు కున్నిజన్ని అధ్యక్షతన జరిగిన ఈ ర్యాలీలో రాష్ట్ర సహాయ కార్యదర్శి అంజలీ నాయక్‌, భారతీయ మజ్దూర్‌ సంఘ్‌ అధ్యక్షులు సుజిత్‌ ప్రధాన్‌, సెక్రటరీ పుష్పాంజలి పండా తదితరులు పాల్గొన్నారు.

జయపురం: రోడ్డు ప్రమాదంలో ఒకరు దుర్మరణం చెందగా.. మరొకరు తీవ్రంగా గాయపడాడరు. ఈ సంఘటన జయపురం సబ్‌డివిజన్‌ కుంధ్ర సమితి కెర్మిటీ గ్రామ పంచాయతీ పరిధి జవాపొదర్‌ కూడలి వద్ద సోమవారం చోటుచేసుకుంది. మరణించిన యువకుడు జయపురం సదర్‌ పోలీసు స్టేషన్‌ పరిధి నీలాగుడ గ్రామ వాసి తీర్‌ పొరజ(20)గా గుర్తించారు. గాయపడిన వారు గులిగుడ గ్రామవాసి శుక్ర పొరజ (42) తీవ్రంగా గాయపడగా తీర్‌ పొరజ బైక్‌ పై వస్తున్న తీర్‌ భార్య, రెండేళ్ల కుమార్తెలు స్వల్పంగా గాయపడ్డారు. కుంధ్ర పోలీసులు తెలిపిన వివరాల ప్రకారం.. సోమవారం మధ్యాహ్నం ఒంటి గంట సమయంలో తీర్‌ పొరజ, అతడి భార్య, రెండేళ్ల బిడ్డతో బైక్‌పై అత్తగారి ఇంటికి వెళ్తున్నారు. సమయంలో శుక్ర తమ గ్రామానికి బైక్‌పై వెళ్తూ మలుపు తిరుగుతున్న సమయంలో రెండు బైక్‌లు ఢీకొన్నట్టు వెల్లడించారు. మృతుడు తీర్‌ పొరజ తన అత్తగారి గ్రామం చేరేందుకు 500 మీటర్ల దూరం ఉండగా జవాపొదర్‌ జంక్షన్‌ వద్ద ఈ ప్రమాదం జరిగింది. సంఘటన స్థలంలోనే తీర్‌ పొరజ మరణించాడు. ప్రమాదంలో బలమైన గాయాలు కావటంతో తీర్‌ పొరజ సంఘటనా స్థలం వద్దనే మృతి చెందాడు. సమాచారం అందుకున్న కుంధ్ర పోలీసులు వెంటనే సంఘటనా స్థలానికి చేరుకొని దర్యాప్తు జరిపారు. తీర్‌ పొరజ మృతదేహానికి పోస్టుమార్టం నిర్వహించి కుటుంబ సభ్యులకు అప్పగించారు. తీవ్రంగా గాయపడిన శుక్ర పొరజను కుంధ్ర కమ్యూనిటీ ఆస్పత్రికి తరలించారు. అయితే తతని తలకు బలమైన గాయం కావడంతో మెరుగైన చికిత్స కోసం జయపురం జిల్లా కేంద్ర ఆస్పత్రికి రిఫర్‌ చేసినట్టు కుంధ్ర కమ్యూనిటీ ఆస్పత్రి డాక్టర్‌ అరవింద పండ తెలిపారు.

కొరాపుట్‌: నబరంగ్‌పూర్‌ జిల్లాలో కృత్రిమ వరదకు కారణమైన ఒడిశా హైడ్రో పవర్‌ కార్పొరేషన్‌ నుంచి వరద బాధితులకు పరిహారాన్ని ముక్కు పిండి వసూలు చేస్తామని ప్రతిపక్ష బీజేడీ హెచ్చరించింది. సోమవారం నబరంగ్‌పూర్‌ జిల్లా కేంద్రంలో బినోద్‌ ప్యాలెస్‌లో జరిగిన మీడియా సమావేశంలో ఆ పార్టీ జాతీయ స్పోక్స్‌ పర్సన్‌, మాజీ ఎంపీ ప్రసంగించారు. గత నెల 26న జిల్లాకి ముంచెత్తిన వరదల వలన నబరంగ్‌పూర్‌ పట్టణం, నందాహండి, తదితర ప్రాంతాలు మునిగిపోయిన విషయాన్ని గుర్తు చేశారు. 23వ తేదీకే భారీ వర్షం ఉందనే సమాచారం అధికారులకు ఉందన్నారు. ముందస్తుగా ఎటువంటి చర్యలు చేపట్టలేదరన్నారు. అర్ధరాత్రి ఇంద్రావతి, మురాన్‌ రిజర్వాయర్లకి చెందిన మొత్తం 5 గేట్లు ఎత్తి వేశారన్నారు. దీంతో ఈ వైపరీత్యం వచ్చిందన్నారు. ముందుగా ప్రజలను తరలించడం, ఒడ్రాఫ్‌ని సిద్ధం చేయడం, బోట్లు రప్పించడం వంటి పనులు చేయలేదన్నారు. సుమారు 40 వేల మంది ప్రజలు తీవ్రంగా నష్టపోయారన్నారు. ఓహెచ్‌పీసీ ఇంద్రావతి జ్రాజెక్ట్‌లో విద్యుత్‌ ఉత్పత్తి చేయడం వలన రోజుకు రూ.5.5 కోట్ల నుంచి రూ.8 కోట్ల లాభం ఆర్జిస్తుందని ఆధారాలతో వివరించారు. వరద బాధితుల కోసం ప్రభుత్వం కేవలం రూ.5 కోట్లు మాత్రమే విడుదల చేసిందన్నారు. కనీసం ఒక్క రోజుకు వచ్చిన లాభం కూడా బాధితులకు ఇవ్వలేదన్నారు. నబరంగ్‌పూర్‌ పట్టణంలో మూడు వార్డులు మునిగిపోతే ఇంతవరకు ఒక ప్రభుత్వ అధికారి పరామర్శించలేదన్నారు. జిల్లాలో 20 నుంచి 25 వేల మంది ప్రభుత్వ ఉద్యోగులు ఉన్నా.. ఒక్కరు కూడా నేటివరకు పట్టణంలోని ఒక్క బాధితుడి నివాసాకి కూడా రాకపోవడం ప్రభుత్వ చేతకానితనం అన్నారు. వరద బాధితులను పరామర్శించని సీఎం.. ముఖ్యమంత్రి మెహన్‌చరణ్‌.. మండయ్‌ ఉత్సవానికి వచ్చి గంటన్నర సమయం ప్రసంగించారన్నారు. కానీ వరద ప్రాంతానికి రాలేకపోయారన్నారు. కనీసం జిల్లాలో ఒక్క గ్రామాన్ని కూడా సీఎం సందర్శించక పోవడం బీజేపీ నేతలు చేతకానితనమని దుయ్యబెట్టారు. జిల్లా మంత్రి నిత్యానంద గొండో, ఎంపీ బలబద్ర మజ్జి, ఎమ్మెల్యే గౌరీ శంకర్‌ మజ్జిలు సీఎంను తేలేకపోవడం అవమానకరమన్నారు. నేటికీ జిల్లాలో బాధితులకు కేవలం 15 కేజీల బియ్యం మాత్రమే పరిహారం ఇచ్చారన్నారు. ఇంత కన్నా చేతకాని ప్రభుత్వం లేదన్నారు. నబరంగ్‌పూర్‌ పట్టణంలో ఎస్‌ఎన్‌ వరల్డ్‌ షాపులో రూ.3 కోట్ల నష్టం జరిగిందన్నారు. ఒక్క షాపులోనే ఇంత నష్టం జరిగితే జిల్లాలో మరెంత నష్టం జరిగిందో ఆలోచించాలన్నారు. సీఎంతో పాటు రాష్ట్రమంత్రి కనక వర్ధన్‌ సింగ్‌ దేవ్‌ కూడా వారి బాధ్యతల నుంచి తప్పించుకోలేరన్నారు. పంటలు, ఇళ్లు, తిండి సామగ్రి, వస్తువులు, దుస్తులు, వాహనాలు ఇలా ఎన్నో వస్తువులు ప్రజలు కోల్పోయారన్నారు. వీటన్నిటి కోసం బీజేడి పార్టీ పోరాటం చేస్తుందన్నారు. వరద బాధితులు నష్టాలకు సంబంధించిన పూర్తి వివరాలు అందజేయాలన్నారు. వరద వచ్చిన 8 గంటల తర్వాత రాయగడ, కలహండి జిల్లాల నుంచి పడవలు తెప్పించిన విషయం గుర్తుచేశారు. ఈ సమావేశంలో పార్టీ జిల్లా అధ్యక్షుడు, డాబుగాం ఎమ్మెల్యే మనోహర్‌ రంధారి, మాజీ ఎమ్మెల్యే సదాశివ ప్రధాని, మాజీ జెడ్పీ ప్రెసిడెంట్‌ మంజులా మజ్జి, బీజేడీ నాయకులు జోగేశ్వర్‌ స్వయ్‌, రబి పట్నాయక్‌, అరుణ్‌ మిశ్ర, తపస్‌ త్రిపాఠి, ప్రమెద్‌ త్రిపాఠి, భీమె పూజరి, కేశవ రాజు, తదితరులు ప్రసంగించారు.

మల్కన్‌గిరి: న్యాయ సేవలు, సామాజిక న్యాయం, ప్రజాసేవ రంగాల్లో విశేష కృషి చేసినందుకు మల్కన్‌గిరికి చెందిన సీనియర్‌ న్యాయవాది నృహింహ చరణ్‌ మహంతికి ఒడిశా గౌరవ్‌ సమ్మాన్‌–2026 పురస్కారం వరించింది. హ్యుమన్‌ రైట్స్‌ ప్రొటెక్షన్‌ కౌన్సిల్‌ ఇండియా ఆధ్వర్యంలో భువనేశ్వర్‌లోని మేఫెయిర్‌ కన్వెన్షన్‌లో ఆదివారం నిర్వహించిన ప్రత్యేక కార్యక్రమంలో ఈ పురస్కారాన్ని అందుకున్నారు. ఎక్స్‌లెన్స్‌ ఇన్‌ లీగల్‌ సర్వీస్‌ అండ్‌ సోషల్‌ జస్జిస్‌ విభాగంలో ఈ గౌరవాన్ని ప్రదానం చేశారు. ఈ సందర్భంగా ఆయనకు ప్రశంసాపత్రం, జ్ఞాపిక అందజేశారు. ఈ కార్యక్రమంలో సీఆర్‌పీఎఫ్‌ ఒడి శా డీఐజీ బలరామ్‌ బెహరా, నటి, సామాజిక కార్య కర్త వర్షా ప్రియదర్శిని, ఉన్నతాధికారులు, న్యాయ మూర్తులు హాజరయ్యారు. మహంతి చాలా కాలంగా పేదలు, నిరుపేదలు, న్యాయ సహాయం పొందలేని బాధితులకు ఉచిత న్యాయ సేవలు అందిస్తున్నారు. ఆయన రెండు సార్లు మల్కన్‌గిరి బార్‌ అసోసియేషన్‌ అధ్యక్షుడిగా బాధ్యతలు నిర్వహించా రు. ప్రస్తుతం ఆ సంఘానికి కార్యదర్శిగా సేవలుందిస్తున్నారు.

జయపురం: ఆయుర్వేద వైద్యంపై విస్తృతంగా ప్రచారం చేసి ప్రజలకు చేరువ చేయాలని కొరాపుట్‌ జిల్లా ఆయుర్వేద వికాసపరిషత్‌ నిర్ణయించింది. జయపురం యాదవ భవనం ప్రాంగణంలో ఆదివారం నిర్వహించిన పరిషత్‌ కార్యవర్గ సమావేశం ఆయుర్వేద వైద్య విస్తరణపై సభ్యులు చర్చించారు. ప్రముఖ ఆయుర్వేద వైద్యులు, జిల్లా ఆయుర్వేద పరిషత్‌ అధ్యక్షులు డాక్టర్‌ సుదర్షణ గౌడ్‌ అధ్యక్షతన జరిగిన సమావేశంలో ఈ నెల 14వ తేదీన జయపురం సమితి జయంతిగిరి గ్రామంలోని ఠకురాణి ఆలయ ప్రాంగణంలో విస్తృత సమావేశం నిర్వహించి ఆయుర్వేద మూలికలపై చర్చలు జరపాలని సమావేశంలో నిర్ణయించినట్లు పరిషత్‌ న్యాయసలహాదారు రాజేంద కుమార్‌ గౌఢ ‘సాక్షి’కి సోమవారం తెలిపారు. అంతే కాకుండా ప్రజలకు ఉచితంగా ఆయుర్వేద వైద్య సేవలు అందించేందుకు వీలుగా వైద్య శిబిరాల నిర్వహణపై కూడా చర్చించనున్నట్టు పేర్కొన్నారు. ఆ సమావేశంలో ఆదివాసీ గ్రామీణ వైద్యులను, దిశారీలను ఆహ్వానించి సత్కరించే కార్యక్రమం జరుగుతుందన్నారు. సమావేశంలో ఆయుర్వేద వికాస పరిషత్‌ జిల్లా కార్యదర్శి కవిరాజ్‌ పరమేశ్వర పాత్రో, డాక్టర్‌ బసంత కుమార్‌ సాహు, ఆయుర్వేద వైద్యులు శ్రీనివాస పాద, రఘునాథ్‌ అమనాత్య, రామనాథ్‌ అమనాత్య, తులా పూజారి, కళియ గౌఢ, లీలు పాత్ర, దిలీప్‌ పాత్రో, మధు గౌఢ, సహాయ కార్యదర్శి సత్య నారాయణ పరిచా పాల్గొన్నారు.

రాయగడ : రహదారి ఉంది.. కానీ ప్రయాణించడానికి వీల్లేని దుస్థితి. అత్యవసర సమయంలో అంబులెన్స్‌ కూడా గ్రామానికి చేరుకోలేని పరిస్థితి. దీంతో అనారోగ్యానికి గురైన వారిని ఆస్పత్రికి తరలించేందుకు గ్రామస్తులే పల్లకీ కట్టి భుజాలపై మోసుకువెళ్లాల్సిందే. జిల్లా పరిధిలోని చంద్రపూర్‌ సమితి బుడుబాలి గ్రామ పంచాయతీ డెమాగుడ గ్రామంలో నెలకొన్న దయనీయ పరిస్థితి ఇది. చంద్రపూర్‌ సమితి కేంద్రానికి సుమారు 36 కిలొమీటర్ల దూరంలో ఉన్న ఈ గ్రామంలో దాదాపు 35 గిరిజన కుటుంబాలు నివసిస్తున్నాయి. కాంబిగుడ కూడలి నుంచి గ్రామానికి వెళ్లే సమారు ఆరు కిలోమీటర్ల రహదారి అధ్వానంగా మారడంతో రాకపోకలు సాగించడం గ్రామస్తులకు ఇబ్బందిగా మారింది. అనారోగ్యానికి గురైన వారిని ఆస్పత్రికి తరలించేందుకు నానా అవస్ధలు పడుతున్నారు. గ్రామానికి చెందిన సురేంద్ర గులుడాక అనారోగ్యానికి గురికావడంతో గ్రామస్తులు ఆయన్ను భుజాలపై మోసుకుంటూ పుకురా గ్రామం వరకు తీసుకువెళ్లారు. అక్కడి నుంచి అంబులెన్స్‌లో చంద్రపూర్‌ సామాజిక ఆరోగ్య కేంద్రానికి తరలించారు.

కొరాపుట్‌: కాంగ్రెస్‌ పార్టీకి చెందిన జయపూర్‌ ఎమ్మెల్యే తారా ప్రసాద్‌ భాహీణిపతి తీరుతో విద్యార్థుల జీవితం అధకారంగా మరుతుందని అధికార బీజేపీ మండిపడింది. ఆదివారం జయపూర్‌లో పార్టీ కార్యాలయంలో జరిగిన బీజేపీ రాష్ట్ర కార్యవర్గ సభ్యుడు గౌతం శాంత్ర ప్రసంగించారు. బాహీణిపతి నిర్వహించిన ప్రెస్‌మీట్‌ను తీవ్రంగా ఖండించారు. వీడీ యునివర్సిటీలో కాంగ్రెస్‌ పార్టీ తరఫున పోటీ చేస్తున్నారని అంగీకరించారన్నారు. ఇది లింగ్డో కమిషన్‌కి వ్యతిరేకంగా ఉందన్నారు. ఆ అభ్యర్థులు పోటీ చేసే అర్హత కోల్పోతారన్నారు. అంతేకాక రూ.20 కోట్ల నిధుల విడుదలపై ఎమ్మెల్యే మాట్లాడటాన్ని తీవ్ర అభ్యంతరం వ్యక్తం చేశారు. ఇది ఓటర్లని డబ్బుతో లోబరుచుకోవడం వంటిదన్నారు. తన ముఖం చూసి ఓటు వేయమనడం కూడా లింగ్డో కమిషన్‌ నిబంధనలకు వ్యతిరేకంగా ఉన్నాయన్నారు. విశ్వ విద్యాలయంలో ఎమ్మెల్యే రాజకీయాలు చేయడం అవమానకరమన్నారు. విద్యార్థి సంఘ ఎన్నికలకు రాజకీయ పార్టీల రంగు పులమడం పట్ల గౌతం శాంత్ర మండిపడ్డారు.

రాయగడ: విద్యార్థి నాయకుల ఎంపిక ప్రక్రియలో అక్రమాలు, పక్షపాతం చోటు చేసుకున్నాయంటూ జిల్లాలోని బిసంకటక్‌లోని మా మార్కమా డిగ్రీ కళాశాల ఆర్ట్స్‌ విభాగం విద్యార్థులు ఆందోళనకు దిగారు. ఎంపిక ప్రక్రియను రద్దు చేసి తిరిగి నిర్వహించాలని డిమాండ్‌ చేస్తూ సోమవారం కళాశాల ఎదుట ధర్నా చేపట్టారు. అయితే విద్యార్థుల ఆరోపణలను కళాశాల యాజమాన్యం ఖండించింది. ప్రభుత్వ మార్గదర్శకాలకు అనుగుణంగానే విద్యార్థి నాయకుల ఎంపిక ప్రక్రియను పూర్తి చేసినట్లు కళాశాల ప్రిన్సిపాల్‌ డాక్టర్‌ అశ్విని కుమార్‌ పండ స్పష్టం చేశారు. రాష్ట్ర ప్రభుత్వ ఆదేశాల మేరకు ఈ నెల తొమ్మిదో తేదీన కళాశాలలో విద్యార్థి సంఘం నాయకుల ఎంపిక ప్రక్రియ నిర్వహించారు. విద్యార్థుల సమ్మతితో ఎన్నికల అధికారి సమక్షంలో వివిధ పదవులకు ప్రతినిధులను ఎంపిక చేసినట్లు కళాశాల వర్గాలు తెలిపాయి. ఎంపికై న ప్రతినిధుల తుది జాబితాను ఈ నెల 15వ తేదీన ప్రకటించి.. 16వ తేదీన ప్రమాణ స్వీకార కార్యక్రమాన్ని నిర్వహించేందుకు నిర్ణయించారు. అయితే ఎంపిక ప్రక్రియ ముగిసిన మూడు రోజుల తరువాత ఆర్ట్స్‌ విభాగం విద్యార్థులు నిరసనకు దిగడం వివాదానికి దారితీసింది. ఎంపికలో భారీగా అక్రమాలు జరిగాయని, కొంతమంది విద్యార్థులకు అనుకూలంగా పక్షపాత ధోరణితో వ్యవహరించారని ఆందోళనకారులు ఆరోపించారు. ఈ నేపథ్యంలో ఎంపిక ప్రక్రియను మరోసారి నిర్వహించాలని వారు డిమాండ్‌ చేస్తున్నారు. మరో వైపు ప్రభుత్వ మార్గదర్శకాల ప్రకారం డిగ్రీ కళాశాలలోని ఆర్ట్స్‌, సైన్స్‌ విభాగాలకు సంబంధించి మొత్తం పది విభాగాల నుంచి ఒకొక్క విభాగానికి ముగ్గురు చొప్పున్న విద్యార్థి నాయకులను ఎంపిక చేసినట్లు కళాశాల యాజమాన్యం వివరించింది. ఎంపికై న ప్రతినిధుల సమ్మతితోనే అధ్యక్షుడు, ఉపాధ్యక్షుడు, కార్యదర్శి తదితర పదవులకు ప్రతినిధులను నిర్ణయించినట్లు పేర్కొంది. ఈ ప్రక్రియలో ఎలాంటి అక్రమాలు జరగలేదని ప్రిన్సిపాల్‌ డాక్టర్‌ పండ స్పష్టం చేశారు. ఇదిలాఉండగా ఈ ఆందోళన వెనక కొందరు రాజకీయ నాయకులు, విద్యార్థులు కానివారి ప్రమేయం ఉందనే చర్చకూడా స్థానికంగా సాగుతోంది. అయితే ఈ వాదనలపై అధికారిక నిర్ధారణ వెలువడలేదు. విద్యార్థుల ఆరోపణలు, కళాశాల యాజ మాన్యం వివరణల నేపథ్యంలో ఈ వివాదం ఎలాంటి మలుపు తిరుగుతుంతో వేచి చూడాల్సిందే.

జయపురం: ఇటీవల వచ్చిన వరదలకు తీవ్రంగా నష్టపోయిన తమను ఆదుకోవాలని కొట్‌పాడ్‌ సమితిలోని రైతులు కోరారు. ఈ మేరకు జయపురం సమితి కొట్‌పాడ్‌ సమితి రైతులు సోమవారం కొరాపుట్‌ జిల్లా కలెక్టర్‌ మనోజ్‌ మహాజన్‌ను కలిసి విజ్ఞప్తి చేశారు. కుంధ్రా సమితిలో జిల్లా స్థాయి గ్రీవెన్స్‌సెల్‌లో పాల్గొనేందుకు వచ్చిన జిల్లా కలెక్టర్‌ను జిల్లా కృషక్‌ కళ్యాణ మంచ్‌ నేతృత్వంలో కలిసిన రైతులు పలు డిమాండ్లతో కూడిన వినతి పత్రం సమర్పించారు. గత నెల 23, 24, 25 తేదీలలో పడిన భారీ వర్షాల కారణంగా కొట్‌పాడ్‌ సమితిలో అనేక గ్రామ పంచాయతీల పరిధిలోని గ్రామాలు వరద నీటిలో మునిగి పోయాయని, పెద్ద ఎత్తున పంటలకు నష్టం వాటిల్లిందని, పలు ఇళ్లు కూలిపోయినట్టు వెల్లడించారు. వారందరినీ ఆదుకోవాలని కోరారు. మల్కన్‌గిరి: తమ న్యాయమైన డిమాండ్లు పరిష్కరించాలని అంగన్‌వాడీ కార్యకర్తలు, సహాయకులు కోరారు. ఈ మేరకు కలెక్టర్‌ కార్యాలయంలోని అధికారులకు వినతి పత్రాలను సోమవారం అందజేశారు. ఉద్యోగ భద్రత కల్పించాలని, ఆర్థిక ప్రయోజనాలు అందించాలని కోరుతూ ఆల్‌ ఒడిశా అంగన్‌వాడీ లేడీస్‌ వర్కర్స అసోసియేషన్‌ ఆధ్వర్యంలో ప్రభుత్వానికి వినతిపత్రాన్ని సమర్పించారు. మల్కన్‌గిరి : కలిమెల సమితి కేంద్రంలో ఉన్న ఓ మొబైల్‌ దుకాణం వ్యవహారం స్థానికంగా చర్చనీయాంశంగా మారింది. తపస్‌ మొబైల్‌ కేర్‌ పేరిట నిర్వహిస్తున్న ఈ దుకాణంలో యజ మాని వినియోగదారులను ఆకర్షించేందుకు లాటరీ ఆఫర్లను ప్రకటించారు. గెలుపొందిన వారికి కారు, 20 బైక్‌లు, టీవీలు, ఫ్రిజ్‌లు అందిస్తామని ప్రకటించారు. అయితే ఒడిశాలో లాటరీ పేరిట డ్రా నిర్వహించడం చట్టవిరుద్ధ మని ఆరోపిస్తూ మాల్యవంత్‌ మొబైల్‌ వ్యాపారులు సోమవారం జిల్లా అదనపు ఎస్పీ రాజ్‌కిషోర్‌ దాస్‌కు వినతిపత్రం అందజేశారు. సదరు వ్యాపారి ప్రభుత్వానికి పన్ను కూడాసక్రమంగా చెల్లించడం లేదని ఫిర్యాదులో పేర్కొన్నారు. రాయగడ: దుర్గాపూజా వేడుకలను ప్రశాంతంగా, సురక్షితంగా నిర్వహించేందుకు ఝార్సుగుడ జిల్లా పోలీసులు విస్తృత భద్రతా ఏర్పాట్లు చేపట్టారు. ఈ ఏడాది జిల్లా వ్యాప్తంగా మొత్తం 82 దుర్గాపూజా మండపాలు ఏర్పాటైనట్లు ఎస్పీ జి.ఆర్‌.రాఘవేంద్ర తెలిపారు. ఈ ఉత్సవాల సందర్భంగా ప్రధాన పూజా మండపాలు, రద్దీ ప్రాంతాలు, సమమస్యాత్మక ప్రాంతాలు, ముఖ్యకూడళ్ల వద్ద తగిన సంఖ్యలో పోలీసు సిబ్బందిని మోహరించినట్లు తెలియజేశారు. వేడుకల సందర్భంగా శాంతి భద్రతల పరిరక్షణ, ప్రజల భద్రతకు ప్రాధాన్యమిస్తూ ఎలాంటి అవాంఛనీయ సంఘటనలు జరగకుండా అన్ని ప్రాంతాల్లో పోలీసుల ప్రత్యేక నిఘా ఏర్పాటు చేస్తున్నట్లు వివరించారు. ట్రాఫిక్‌ నియంత్రణ, జనసమూహాల నిర్వహణ, మహిళల భద్రత, విగ్రహాల నిమజ్జన ఊరేగింపుల నిర్వహణపై ప్రత్యేక దృష్టి సారిస్తున్నట్లు చెప్పారు. వేడుకల్లో పోలీసుల గస్తీ, మోబైల్‌ పెట్రోలింగ్‌ నిర్వహించడంతోపాటు నిరంతర నిఘా కొనసాగించనున్నట్లు పేర్కొన్నారు. రావణ దహన కార్యక్రమాలు జరిగే ప్రధాన ప్రదేశాలు, సాంస్కృతిక కార్యక్రమాలు, ప్రజలు అధికంగా గుమిగూడే ప్రాంతాల్లో అదనపు భద్రత కల్పించనున్నట్లు తెలిపారు. మద్యం సేవించి వాహనాలు నడపడం, అతివేగంగా వాహనాలు నడపడం, మహిళలను వేధించడం, అసాంఘిక కార్యకలాపాలకు పాల్పడటం, మత సామరస్యానికి భంగం కలిగించే ప్రయత్నాలపై కఠిన చర్యలు తీసుకుంటామని తెలిపారు. వేడులు సజావుగా సాగేందుకు పూజా కమిటీలు, స్థానిక యంత్రాంగం, ఇతర సంబంధిత వర్గాలతో సమన్వయం చేసుకుంటున్నామని చెప్పారు. ఈ సందర్భంగా ప్రజలను విజ్ఞప్తి చేస్తూ భక్తిశ్రద్ధలతో ప్రశాంత వాతావరణంలో పరస్పన సామరస్యంతో దుర్గాపూజలను నిర్వహించాలని, పూజా కమిటీలు తగిన భద్రతా చర్యలు చేపట్టాలని సూచించారు.

భువనేశ్వర్‌: మాతృభాష, సంస్కృతి, సంప్రదాయాలను కాపాడుకుంటూనే స్థానిక సమాజంతో మమేకమై ప్రగతిపథంలో పయనిస్తున్న ప్రవాసాంధ్రులు ఒడిశా, ఆంధ్రప్రదేశ్‌ రాష్ట్రాల మధ్య సాంస్కృతిక వారధులుగా నిలుస్తున్నారని ఒడిశా గవర్నర్‌ డాక్టర్‌ హరిబాబు కంభంపాటి ప్రశంసించారు. యువతరం తెలుగు వారసత్వం పట్ల గర్వపడుతూ, సంప్రదాయాలను భావితరాలకు అందించాలని పిలుపునిచ్చారు. అట్టాబిరలో జరిగిన 23వ కోసల్‌ ఆంధ్ర సాంస్కృతిక సంఘం వ్యవస్థాపక దినోత్సవంలో ఆయన ప్రసంగించారు. ఆయనతో సతీమణి జయశ్రీ కంభంపాటి పాల్గొన్నారు. హిరాకుడ్‌ డ్యామ్‌ ప్రాజెక్టు అనేక కుటుంబాలకు ఉపాధి అవకాశాలు కల్పించడంతో సుమారు ఆరు దశాబ్దాల క్రితమే ఆంధ్ర ప్రాంతానికి చెందిన పలువురు పశ్చిమ ఒడిశాలో స్థిరపడ్డారని గవర్నర్‌ గుర్తుచేశారు. స్థానిక ప్రజలతో సన్నిహిత సంబంధాలను పెంపొందించుకుంటూనే తెలుగు భాష, ఆచారాలు, సంప్రదాయాలను పరిరక్షించుకుంటూ వస్తుండటం అభినందనీయమన్నారు. ఉగాది, సంక్రాంతి వంటి పండుగల నిర్వహణ ద్వారా సాంస్కృతిక వినిమయాన్ని పెంపొందించడం, తరతరాల మధ్య అనుబంధాలను బలోపేతం చేయడంలో కోసల్‌ ఆంధ్ర సాంస్కృతిక సంఘం చేస్తున్న కృషిని ప్రశంసించారు. తెలుగు సంప్రదాయాల పరిరక్షణతోపాటు కుటుంబ, సామాజిక బంధాలను పటిష్ఠం చేయడంలో మహిళల పాత్ర కీలకమని పేర్కొన్నారు. ప్రతిపాదిత శ్రీ వెంకటేశ్వర ఆలయం భక్తి, సంస్కృతి, విద్య, సామాజిక సేవలకు కేంద్రంగా ఎదగగలదని గవర్నర్‌ ఆకాంక్షించారు. యువత తెలుగు వారసత్వాన్ని గౌరవిస్తూనే సాంకేతికత, ఆవిష్కరణలను అందిపుచ్చుకోవాలని సూచించారు. విద్య, వ్యవస్థాపకత, క్రీడలు, సాంస్కృతిక కార్యక్రమాల ద్వారా ఒడిశా – ఆంధ్రప్రదేశ్‌ రాష్ట్రా ల మధ్య సహకారాన్ని మరింత విస్తరించాలని పిలుపునిచ్చారు. కార్యక్రమంలో అట్టాబిర ఎమ్మెల్యే నిహార్‌ రంజన్‌ మహానంద్‌, ఫ్లూయెంట్‌ గ్రిడ్‌ సీఈఓ గన్నిమణి మురళీకృష్ణ తదితరులు పాల్గొన్నారు.

పర్లాకిమిడి: గజపతి జిల్లా రాయఘడ బ్లాక్‌ కోరడాసింగి గ్రామంలో ప్రభుత్వ ఉన్నత పాఠశాలలో సోమవారం సి.సి.డి స్వచ్ఛంద సంస్థ , దేశాయ్‌ ఫౌండేషన్‌ ట్రస్టు సహాకారంతో ‘బాల హెల్త్‌ మేళా’ను నిర్వహించారు. బాలబాలికల ఆరోగ్యం, పౌష్టిక ఆహారం తీసుకోవడం, వ్యక్తిగత పరిపక్వత సంబంధించి సహకరించడం ఈ కార్యక్రమం ముఖ్య ఉద్దేశమని సెంటర్‌ ఫర్‌ కమ్యూనిటీ డెవలప్‌మెంట్‌ సంస్థ కార్యదర్శి అడ్డాల జగన్నాథ రాజు అన్నారు. రాయఘడ బ్లాక్‌ నుంచి వచ్చిన వివిధ పాఠశాల విద్యార్థినులకు బరువు, ఎదుగుదల, రక్తహీనత, కళ్ల పరీక్షలు, పౌష్టిక ఆహారం, రుతుస్రావానికి సంబంధించి స్వచ్ఛత పాటించడంపై అధికారులు అవగాహన కల్పించారు. అనంతరం వక్తృత్వం, డ్యాన్స్‌, సంగీతం, పెయింటింగ్‌, ఆటల పోటీలను నిర్వహించారు. ఈ కార్యక్రమంలో కొరడాసింగి సర్పంచ్‌ ఉమాశంకర్‌ భూమల్‌, పంచాయతీ విద్యాశాఖాధికారి పి.కిరణ్‌కుమార్‌, సి.ఆర్‌.సి.సి అశ్వినీ కుమార్‌ పాడీ, ప్రధాన ఉపాధ్యాయులు కేదార్‌ చంద్ర రౌతో, విశ్రాంత ఉపాధ్యాయులు సౌతీ జన్నీ తదితరులు పాల్గొని మాట్లాడారు.

● ఒకరికి కత్తిపోట్లు ● ముగ్గురు అరెస్ట్‌ కొరాపుట్‌: విద్యార్థి సంఘ ఎన్నికల నేపథ్యంలో ఉమ్మర్‌కోట్‌ పట్టణంలో ఉద్రిక్తత పరిస్థితులు నెలకొన్నాయి. నబరంగ్‌పూర్‌ జిల్లా ఉమ్మర్‌కోట్‌ పట్టణంలో విద్యార్థి సంఘం ఎన్నికల ప్రచారం కాలేజ్‌లో జరుగుతుంది. అదే సమయంలో బయట వ్యక్తులు కళాశాల ఎదుట గొడవపడ్డారు. అప్పటికే పోలీసులు సంఘటన స్థలానికి చేరుకొని వారిని చెదరగొట్టారు. సాయంత్రం డీఎన్‌కే కాలనీ వద్ద దీప్‌ కమల్‌ మహాపాత్రో అనే యువకుడు తన స్నేహితులతో ఇదే విషయం చర్చిస్తున్నాడు. ఇది తెలిసి సుమారు 40 మంది యువకులు అక్కడికి చేరుకొని దాడి చేశారు. దీప్‌ కమల్‌ కత్తి పోట్లుకు గురయ్యాడు. అంతలో పోలీసులు రావడం అల్లరి మూక పరారయ్యారు. వెంటనే దీప్‌ కమల్‌ని డీఎన్‌కే ఆస్పత్రికి తరలించారు. పరిస్థితి విషమించడంతో విశాఖపట్నంలోని ప్రైవేట్‌ ఆసుపత్రికి తీసుకెళ్లారు. ఈ ఘటనతో ఉమ్మర్‌కోట్‌లో వర్తక, వాణిజ్య సంస్థలు మూసివేశారు. వాహనాలు నిలిపివేసి ఆందోళనకి దిగారు. కొన్నిచోట్ల దాడుల జరిగాయి. పోలీసులు రంగంలోకి దిగి ఈ కత్తిపోట్లు కారణమైన అబ్దుల్‌ షేక్‌, రాహుల్‌ దీప్‌, రాజేష్‌ కలువాను అరెస్ట్‌ చేసి జైలుకి తరలించారు. డీఎస్పీ ఆధిత్య సేన్‌, ఐఐసీ సుబేంద్‌ సబర్‌, ఎస్‌ఐ కులభూషణ్‌ నాయక్‌ ఈ కేసు వివరాలు ప్రకటించారు. మిగతా వారిని అరెస్ట్‌ చేస్తామని ప్రకటించారు.

రాయగడ: స్థానిక రైల్వే స్టేషన్‌లో టికెట్‌ కొనుగోలు చేస్తున్న సమయంలో ఓ మహిళ అస్వస్థతకు గురై కుప్పకూలింది. వెంటనే ఆమెను ఆంబులెన్స్‌లో జిల్లా కేంద్ర ఆస్పత్రికి తరలిస్తుండగా గుండెపోటు రావడంతో మృతి చెందింది. ఈ విషాద ఘటన సోమవారం చోటు చేసుకుంది. సదరు సమితి పరిధిలోని మల్లిగాం గ్రామానికి చెందిన డి.సరస్వతి (65) తన కూమార్తెను అత్తారింట్లో విడిచిపెట్టేందు కు ఆంధ్రప్రదేశ్‌లోని బొబ్బిలికి వెళ్లాలని సోమవా రం ఉదయం బయలుదేరింది. ఈ క్రమంలో రాయగడ రైల్వే స్టేషన్‌లో టికెట్‌ కొనుగోలు చేస్తుండగా తల తిరిగి కిందపడిపోయింది. బీపీ తగ్గడంతో అస్వస్థతకు గురైనట్లు సమాచారం. అదే సమయంలో అక్కడ ఉన్న జర్నలిస్ట్‌ కె.కృష్ణమూర్తి పట్నాయక్‌ వెంటనే స్పందించి అంబులెన్స్‌కు సమాచారం అందించారు. అంబులెన్స్‌ సిబ్బంది స్టేషన్‌కు చేరుకుని మహిళకు ప్రాథమిక చికిత్స అందించారు. మెరుగైన చికిత్స కోసం జిల్లా హాస్పిటల్‌కు తరలిస్తుంగా గుండెపోటు వచ్చినట్లు సమాచారం. వైద్యులు పరీక్షించినప్పటికే అప్పటికే ఆమె మృతి చెందినట్లు ధ్రువీకరించారు. కుమార్తెను అత్తవారింటికి పంపించేందు కు ప్రయాణానికి సిద్ధమైన సరస్వతి మృతి చెందడంతో కుటుంబ సభ్యులు కన్నీరుమున్నీరయ్యారు.

రాయగడ: వైశ్యులంతా ఐక్యంగా ముందుకు సాగినప్పుడే సమాజ అభివృద్ధి సాద్యమని, ఐక్యతతోనే సామాజిక సమస్యలకు పరిష్కారమర్గాలు కనుగొనవచ్చని జిల్లా వెశ్య సంఘం అధ్యక్షుడు కింతలి ఆమర్‌నాఽథ్‌ అభిప్రాయపడ్డారు. సోమవారం జేకేపూర్‌లో నిర్వహించిన జిల్లా వైశ్య మహాసంఘం ఎగ్జిక్యూటీవ్‌ సభ్యుల సమావేశంలో ఆయన ప్రసంగించారు. సంఘం ద్వారా చేపడుతున్న ప్రజాహిత కార్యక్రమాలు వివరించారు. అదేవిధంగా భవిష్యత్‌లో సంఘం తరఫున చేపట్టనున్న సేవా కార్యక్రమాలకు సంబంధించి ప్రత్యేక ప్రణాళికను రూపొందిస్తున్నట్లు పేర్కొన్నారు. వైశ్యులందరినీ ఒకే వేదికపైకి తీసుకువచ్చి సమాజ అభ్యున్నతికి అవసరమైన అంశాలపై చర్చించడం ఈ మహాసభ ప్రధాన ఉద్దేశమని అన్నారు. వివిధ ప్రాంతాల్లోని వైశ్య సంఘాల మధ్య సమన్యయం పెంపొందించడం, పరస్పర సహకారంతో ముందుకు సాగడంతోనే చేపట్టే జనహిత కార్యక్రమాలు విజయవంతం అవుతాయని అభిప్రాపడ్డారు. భవిష్యత్‌లో ఇటువంటి తరహా కార్యక్రమాలు నిర్వహించడంతో సంఘం ఐక్యత బలపడటంతో పాటు వివిధ సమస్యలు అందరి దృష్టికి వచ్చి వాటి పరిష్కార మార్గాలను అన్వేషించే అవకాశం కలుగుతోందన్నారు. సమావేశంలో సంఘం ప్రముఖులు పాల్గొని వారి అభిప్రాయాలను వ్యక్తం చేశారు.

సోమవారం శ్రీ 12 శ్రీ అక్టోబర్‌ శ్రీ 2026తూర్పు కోస్తా రైల్వేలో..భువనేశ్వర్‌: డ్రోన్‌ నిఘాలో తూర్పు కోస్తా రైల్వే భారతీయ రైల్వేల్లో అగ్రస్థానంలో నిలిచింది. ప్రస్తుతం 11 డ్రోన్లతో మూడు డివిజన్ల పరిధిలోని 284 స్టేషన్లు, 2,708 రూట్‌ కిలోమీటర్ల మేర నిఘా నిర్వహిస్తోంది. రైల్వే భద్రత, ప్రయాణికుల రక్షణను మరింత బలోపేతం చేసేందుకు 2027 మార్చి నాటికి డ్రోన్ల సంఖ్యను 22కు పెంచాలని నిర్ణయించింది. ‘డ్రోఆక్‌ ఐ’తో నిరంతర నిఘా ‘డ్రోఆక్‌ ఐ–పరిశీలన, గుర్తింపు, నివారణ’ పేరుతో చేపట్టిన ఈ కార్యక్రమం రైల్వే రక్షక దళం (ఆర్‌పీఎఫ్‌) భద్రతా విధులకు మరింత బలాన్నిస్తోంది. అనుమానాస్పద కదలికలను గుర్తించడం, నేరాలను అరికట్టడం, సున్నిత ప్రాంతాల్లో నిఘా పెంచడం, రైల్వే ఆస్తులను పరిరక్షించడం దీని ప్రధాన లక్ష్యాలుగా రైల్వే శాఖ పేర్కొంది. ప్రస్తుతం ఖుర్దా రోడ్‌ మండలంలో నాలుగు, సంబల్‌పూర్‌లో ఆరు, రాయగడ మండలంలో ఒక డ్రోన్‌ను వినియోగిస్తున్నారు. వీటి నిర్వహణకు డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ (డీజీసీఏ) ధ్రువీకరణ పొందిన 160 మంది డ్రోన్‌ పైలట్లు సహకరిస్తున్నారు. మొత్తం 31 ఆర్‌పీఎఫ్‌ పోస్టుల పరిధిలో ఈ నిఘా వ్యవస్థ పనిచేస్తోంది. తొమ్మిది నెలల్లో 3,033 డ్రోన్‌ గస్తీలు ఈ ఏడాది జనవరి 1 నుంచి సెప్టెంబర్‌ 15 వరకు తూర్పు కోస్తా రైల్వే ఆర్‌పీఎఫ్‌ మొత్తం 3,033 డ్రోన్‌ గస్తీలు నిర్వహించింది. వీటిలో ఖుర్దా రోడ్‌ మండలంలో 680, రాయగడలో 1,024, సంబల్‌పూర్‌లో 1,329 గస్తీలు చేపట్టారు. వీటిలో 1,265 రెడ్‌ కోడ్‌ గస్తీలు అత్యంత కీలకమైన భద్రతా కార్యకలాపాలపై ప్రత్యేకంగా దృష్టి సారించాయి. రైల్వే మార్గాలను ధ్వంసం చేసే కుట్రలను అడ్డుకోవడం, రైళ్లపై రాళ్లు రువ్వే ఘటనలను నివారించడం, కేబుళ్ల చోరీలను గుర్తించడం, అగ్నిప్రమాదాలపై నిఘా ఉంచడం వంటి కార్యకలాపాలకు ఈ గస్తీలు ఉపయోగపడ్డాయి. మారుమూల ప్రాంతాల్లోనూ పర్యవేక్షణ నైట్‌ విజన్‌, థర్మల్‌ కెమెరాలతో కూడిన డ్రోన్లు అటవీ ప్రాంతాలు, కొండ మార్గాలు, సొరంగాలు, వంతెనలు, జనసంచారం తక్కువగా ఉండే రైల్వే మార్గాల్లో నిఘాకు ఉపయోగపడుతున్నాయి. ముఖ్యంగా కొరాపుట్‌ – రాయగడ–కిరండోల్‌ మార్గంలోని కష్టతరమైన ప్రాంతాల్లో వీటి సేవలు కీలకంగా మారాయి. రైల్వే స్టేషన్లు, కోచింగ్‌ యార్డులు, కీలక రైల్వే సంస్థాపనల పర్యవేక్షణతోపాటు పట్టాలు దాటడం, చోరీలు, రైల్వే భూముల ఆక్రమణలను గుర్తించడంలోనూ డ్రోన్లు సహకరిస్తున్నాయి. ప్రమాదాలు, విపత్తుల సమయంలో సహాయక చర్యలకు, దర్యాప్తులకు అవసరమైన సమాచారాన్ని అందిస్తున్నాయి. రథయాత్రలో కీలక సేవలు పూరీలో ఈ ఏడాది రథయాత్ర సందర్భంగా భారీగా తరలివచ్చిన భక్తుల రద్దీని నియంత్రించడంలో డ్రోన్‌ నిఘా కీలక పాత్ర పోషించింది. మహిళా ప్రయాణికుల భద్రత కోసం అమలు చేస్తున్న ‘మేరీ సహేలీ’ కార్యక్రమానికి ఈ వ్యవస్థ సహకరిస్తోంది. రైల్వే పరిసరాల పరిశుభ్రత, పర్యావరణ పరిరక్షణ, ప్రమాదకర ప్రాంతాల్లోని రైల్వే ఆస్తుల పర్యవేక్షణకు సైతం డ్రోన్లను వినియోగిస్తున్నారు. ప్రత్యక్ష నిఘాతోపాటు ఆడియో హెచ్చరికలు జారీ చేయడం ద్వారా అనధికారికంగా రైల్వే పట్టాలు దాటడం, రైళ్లపై రాళ్లు రువ్వడం వంటి చర్యలను నిరుత్సాహపరుస్తున్నారు. ఒక్క బృందంతో 8 నుంచి 10 కిలో మీటర్ల నిఘా ఒక డ్రోన్‌ బృదం సుమారు 8 నుంచి 10 కిలో మీటర్ల పరిధిని సమర్థంగా పర్యవేక్షించగలదు. దీంతో భద్రతా సిబ్బందిని అవసరమైన ప్రాంతాల్లో సమర్థంగా వినియోగించుకోవడంతోపాటు, విస్తృత ప్రాంతాల్లో నిఘాను బలోపేతం చేయవచ్చు. 2027 మార్చి నాటికి డ్రోన్ల సంఖ్యను 22కు పెంచడం ద్వారా రైల్వే ఆస్తుల పరిరక్షణ, నేరాల నివారణ, ప్రయాణికుల భద్రతను మరింత మెరుగుపరచాలని తూర్పు కోస్తా రైల్వే లక్ష్యంగా పెట్టుకుంది.

పర్లాకిమిడి: బాల్య వివాహాలు చట్టరీత్యా నేరమని పర్లాకిమిడి ఆదర్శ పోలీసు స్టేషన్‌ సిబ్బంది అన్నారు. పోలీసుఽ అధికారులు, బాలికల మధ్య స్నేహాపూరిత అనుబంధం, బాల్యవివాహాల నిర్మూలన, పోలీసుల పట్ల బాలబాలికలకు విశ్వాసం తెలియజేయడం కోసం పర్లాకిమిడి ఆదర్శ పోలీసు స్టేషన్‌ సిబ్బంది ‘జువెంటికా కార్యక్రమాన్ని పోలీసు స్టేషన్‌ కాన్ఫరెన్స్‌ హాల్‌లో ఆదివారం ఉదయం ఏర్పాటు చేశారు. ఈ కార్యక్రమం యూనిసెఫ్‌ సౌజన్యంతో జరిగింది. తొలుత స్థానిక మహారాజా ప్యాలెస్‌ జువెంటికా ర్యాలీని వివిధ పాఠశాలల విద్యార్థులు, పోలీసు అధికారులు, డి.సి.పి.ఓ అరుణ్‌ కుమార్‌ త్రిపాఠి ఆధ్వర్యంలో జరిగింది. ఈ ర్యాలీలో అన్వేష ప్రభుత్వ హోస్టల్‌ విద్యార్థులు 200 మంది పాల్గొన్నారు. అనంతరం పోలీసు స్టేషన్‌లో జరిగిన జువెంటికా కార్యక్రమంలో ఐఐసీ ప్రశాంత భూపతి, డీఎస్పీ నిరంజన్‌ బెహారా మాట్లాడారు. మహిళ పట్ల అసభ్యకరంగా ప్రవర్తించిన వారిపై కఠిన చర్యలు తీసుకుంటామన్నారు. పోలీసు స్టేషన్‌కు వచ్చి భయపడకుండా నిందితులపై ఫిర్యాదు చేయాలన్నారు. ఈ సదస్సులో జిల్లా శిశు సురక్షా అధికారి అరుణ్‌కుమార్‌, సఖీ వన్‌ స్టాప్‌సెంటర్‌ ఎడ్మిన్‌ష్ట్రేటర్‌ సునీతారోథో, అన్వేషా హోస్టల్‌ అధ్యక్షురాలు మినాతీ పండా, మహిళా, శిశు డెస్క్‌అధికారి, ఎస్‌ఐ స్వప్నా బెహరా తదితరులు పాల్గొని మాట్లాడారు.

● తరలివచ్చిన భక్తులుపర్లాకిమిడి: స్థానిక ఒకటో వార్డు పెట్రోలు బంకు వెనుక ఉన్న వాసవీ కన్యకా పరమేశ్వరీ ఆలయ జీర్ణోద్ధరణ, పూర్ణక అష్టోత్తర కలశ అభిషేకం, సంప్రోక్షణ మహోత్సవాలు ఆదివారం ఉదయం ఘనంగా జరిగాయి. ఆలయం పునర్నిర్మానానికి ప్రముఖ వ్యాపారవేత్త వైశ్యరాజు కాశీరాజు, ఆలయ కమిటీ అధ్యక్షులు వైశ్యరాజు బాలాజీ రాజు నిధులు వెచ్చించిన అనంతరం సంప్రోక్షణ, కలశ అభిషేకాలు, 108 మంది దంపతులచే పూజలు చేయించారు. కార్యక్రమంలో ఆలయ ప్రధాన పూజారి వనమాలి మాణిక్యశర్మ పూజలు చేయించగా, వైశ్యరాజు బాలాజీ, రాఽధిక దంపతులు, చాంబర్స్‌ ఆఫ్‌ కామర్స్‌ అధ్యక్షులు, ఆలయ కమిటీ కార్యదర్శి పొట్నూరు రామక్రిష్ణ దంపతుల ఆధ్వర్యంలో సంప్రోక్షణ కార్యక్రమాలు పూర్తిచేశారు. మధ్యాహ్నం భక్తులందరికీ అన్నప్రసాదాలు పంపిణీ చేశారు. అలాగే కన్యకాపరమేశ్వరీ ఆలయంలో శరన్నవరాత్రి సందర్భంగా అమ్మవారి విగ్రహాన్ని ఏర్పాటు చేసి కుంకుమ పూజలు ప్రారంభించారు.

పర్లాకిమిడి: దసరా నవరాత్రులు సందర్భంగా వాసవీ కన్యకాపరమేశ్వరీ ఆలయంలో నిర్వహిస్తున్న నవరాత్రి పూజల్లో బీజేపీ రాష్ట్ర ఉపాధ్యక్షుడు కోడూరు నారాయణ రావు పాల్గొన్నారు. ఆలయ అర్చకులు మణిశర్మ ప్రత్యేక పూజలు నిర్వహించి ఆశీర్వదించారు. ఈ సందర్భంగా ఆలయ కమిటీ అధ్యక్షుడు వైశ్యరాజు బాలజీరాజు అమ్మవారి చిత్రపటం, దుశ్శాలువతో సత్కరించి ప్రసాదాలు అందజేశారు. కాశీనగర్‌ బ్లాక్‌బీజేపీ నాయకులు రోక్కొం సతీష్‌, పిన్నింటి కిరణ్‌, రఘురాం రెడ్డి, నృసింహా చరణ్‌ పట్నాయక్‌, తదితరులు పాల్గొన్నారు. శైలపుత్రీ అవతారంలో దుర్గమ్మ.. పర్లాకిమిడి: పట్టణంలో అంకావీధి బాలసదన్‌ ఇంగ్లిష్‌ మీడియం పాఠశాలలో భాస్కరభట్ల రవిప్రసాద్‌ శర్మ, జోస్యుల ప్రదీప్‌ శర్మ పండితుల ఆధ్వర్యంలో శరన్నవరాత్రి ఉత్సవాలు ప్రారంభించారు. ఈ సందర్భంగా అమ్మవారు శైలపుత్రీ అవతారంలో భక్తులకు దర్శనం క ల్పించారు. పట్టణంలో 40మంది ముత్తైదువులతో నిత్య పసుపు కుంకుమ పూజలు చేయించారు. అలాగే రాజవీధిలో విశ్వనాథ కల్యాణ మండపమున దేవీ శరన్నవరాత్రి ఉత్సవాలు సందర్భంగా ప్రత్యేకంగా అమ్మవారి విగ్రహాన్ని పులఖండం రాంబాజ్జీ, ఆయన కుమారుడు పవన్‌కుమార్‌శర్మ అధిష్టించారు. ఆదివారం నుంచి పసుపు కుంకుమ పూజలు ముత్తైదువులు ఆచరించారు. ఆదిత్యుని సన్నిధిలో భక్తుల పాట్లు అరసవల్లి : ప్రత్యక్ష దైవం అరసవల్లి సూర్యనారాయణ స్వామి ఆలయంలో ఆదివారం భక్తులు పలు అవస్థలు పడ్డారు. ఉదయం నుంచే భానుడి ప్రతాపం అధికంగా ఉండటంతో భక్తులు తీవ్ర ఉక్కబోతకు గురయ్యారు. మంచినీటిని ఎక్కడికక్కడ ఏర్పాటు చేసినప్పటికీ పరిశుభ్రత పాటించకపోవడంతో ఇబ్బందులు పడ్డారు. ఎండ తాకిడికి వృద్ధులు, చిన్నారులు తీవ్ర అవస్థలు పడ్డారు. ఆలయం ముందు టెంట్లు చేయకపోవడంపై తీవ్ర విమర్శలు వ్యక్తమయ్యాయి. ప్రసాదాల విక్రయాల విషయంలో కూడా ఆన్‌లైన్‌ సేవలు మొరాయించాయి. ఒక్కసారిగా విక్రయాల విభాగంపై ఒత్తిడి రావడంతో సిబ్బంది కూడా ఇబ్బందులు పడ్డారు. బౌద్ధారామాల సందర్శన గార: శాలిహుండంలోని బౌద్ధారామాలను కా శీబుగ్గ పీఎంశ్రీ జిల్లా పరిషత్‌ ఉన్నత పాఠశాల విద్యార్థులు ఆదివారం సందర్శించారు. పర్యాటక ప్రాంతాల సందర్శనలో భాగంగా ఇక్కడికి వచ్చి శాలిహుండంలో బౌద్ధం వ్యాప్తి చెందిన విశేషాలను, అప్పటి కట్టడాలు, ఆరామాల చరిత్రను తెలుసుకున్నారు. గట్కా పోటీల్లో జిల్లా జట్టు ప్రతిభ నరసన్నపేట: స్కూల్‌ గేమ్స్‌లో భాగంగా కృష్ణా జిల్లా జగ్గయ్యపేటలో ఈ నెల 9, 10 తేదీల్లో నిర్వహించిన గట్కా పోటీల్లో జిల్లా జట్టు ప్రతిభ చూపి ఓవరాల్‌ చాంపియన్‌షిప్‌ను కై వసం చేసుకున్నారు. ఈ పోటీల్లో ఏకంగా 23 మంది బాలబాలికలు బంగారు పతకాలు, ఒకరు రజత పతకం సాధించారు. దీంతో రాష్ట్ర స్థాయిలో ఓవరాల్‌ చాంపియన్‌షిప్‌ కూడా జిల్లా జట్టుకు లభించిందని స్కూల్‌ గేమ్స్‌ ఫెడరేషన్‌ జిల్లా కార్యదర్శి ఎం.జ్యోతిరాణి తెలిపారు. స్థానిక గట్కా కోచ్‌ ఖగేశ్వరరావు ఆధ్వర్యంలో 32 మంది బాలబాలికలు ఈ పోటీల్లో పాల్గొన్నారు. మాస్టర్‌ అథ్లెటిక్స్‌ పోటీల్లో పతకాల పంట శ్రీకాకుళం న్యూకాలనీ: రాష్ట్రస్థాయి మాస్టర్స్‌ అథ్లెటిక్స్‌ పోటీల్లో సిక్కోలు వెటరన్‌ అథ్లెట్స్‌ పతకాల పంట పండించారు. గుంటూరులోని ఆచార్య నాగార్జునా యూనివర్సిటీ వేదికగా శని, ఆదివారాల్లో జరిగిన 45వ ఆంధ్రప్రదేశ్‌ మాస్టర్స్‌ అథ్లెటిక్స్‌ చాంపియన్‌షిప్‌–2026 పోటీల్లో శ్రీకాకుళం మాస్టర్‌ అథ్లెట్స్‌ 35 పతకాలు సాధించి సత్తాచాటారు. ఇందులో 13 బంగారు, ఏడు రజత, మరో 15 కాంస్య పతకాలు ఉన్నాయి.

భువనేశ్వర్‌: ఎనిమిదేళ్ల విరామం తర్వాత ఒడిశాలో ఈ నెల 15న జరగనున్న విద్యార్థి సంఘ ఎన్నికలు ఉత్కంఠ రేపుతున్నాయి. నామినేషన్ల పరిశీలన, తిరస్కరణలు, ఉపసంహరణలతో ఎన్నికల సందడి ఊపందుకోగా, పలు కళాశాలలు, విశ్వవిద్యాలయాల్లో ఉద్రిక్తతలు చోటుచేసుకున్నాయి. మరోవైపు, ఎన్నికల ప్రక్రియలో అక్రమాలు చోటు చేసుకుంటున్నాయంటూ అధికార బీజేపీ, ప్రతిపక్ష బీజేడీ, కాంగ్రెస్‌ల మధ్య ఆరోపణలు, ప్రత్యారోపణలు రాజకీయ వేడిని పెంచాయి. అక్టోబర్‌ 15న పోలింగ్‌తోపాటు ఫలితాల ప్రకటన కూడా జరగనుంది. 1,196 నామినేషన్ల తిరస్కరణ రాష్ట్రవ్యాప్తంగా నామినేషన్లు దాఖలు చేసిన 8,370 మందిలో 1,196 మంది అభ్యర్థుల పత్రాలను అధికారులు తిరస్కరించారు. మిగిలిన 7,174 మంది పోటీకి అర్హత సాధించారు. వీరిలో 405 మంది నామినేషన్లను ఉపసంహరించుకోవడంతో తుది జాబితాలో 6,769 మంది అభ్యర్థులు నిలిచారు. ఉన్నత విద్యాశాఖ ఈ జాబితాను విడుదల చేసింది. 1,600 మందికిపైగా ఏకగ్రీవ విజయం ఎన్నికల బరిలో నిలిచిన వారిలో కళాశాల స్థాయిలో 1,620 మంది, విశ్వవిద్యాలయ స్థాయిలో 33 మంది అభ్యర్థులు ఏకగ్రీవంగా ఎన్నికయ్యారు. అధ్యక్ష పదవికి 1,149 మంది, ప్రధాన కార్యదర్శి పదవికి 758 మంది పోటీ పడుతున్నారు. కీలక పదవుల కోసం అభ్యర్థులు ప్రచారాన్ని ముమ్మరం చేయడంతో క్యాంపస్‌లలో ఎన్నికల సందడి నెలకొంది. జాబితాలపై వివాదాలు.. క్యాంపస్‌లలో ఉద్రిక్తతలు ఉత్కళ విశ్వవిద్యాలయంలోని కామర్స్‌ బ్లాక్‌లో అభ్యర్థుల జాబితా ప్రకటించకపోవడంతో ఉద్రిక్తత నెలకొని విద్యార్థుల మధ్య ఘర్షణకు దారితీసింది. కటక్‌లోని శైలబాల మహిళా కళాశాలలో ఏబీవీపీ అభ్యర్థుల నామినేషన్లు తిరస్కరణకు గురికావడంతో విద్యార్థులు కళాశాల గేటు వద్ద ఆందోళనకు దిగారు. బాలాసోర్‌లోని ఫకీర్‌ మోహన్‌ విశ్వవిద్యాలయం కొత్త క్యాంపస్‌లోనూ పలువురు అభ్యర్థుల పేర్లను నామినేషన్ల అనంతరం జాబితా నుంచి తొలగించారని ఆరోపిస్తూ విద్యార్థులు నిరసన తెలిపారు. దీనిపై స్పందించిన ఉపకులపతి, కొందరు విద్యార్థులు గడువు ముగిసిన తర్వాత రావడంతో వారి దరఖాస్తులను స్వీకరించలేదని స్పష్టం చేశారు. క్యాంపస్‌ వివాదం.. రాజకీయ దుమారం విద్యార్థి సంఘ ఎన్నికల్లో అవకతవకలు జరుగుతున్నాయంటూ ప్రతిపక్ష బీజేడీ, కాంగ్రెస్‌ అధికార బీజేపీపై విమర్శలు గుప్పించాయి. అధికార పార్టీకి అనుకూలంగా రాష్ట్ర యంత్రాంగం వ్యవహరిస్తోందని ఆరోపించాయి. ఓటమి భయంతో బీజేపీ నాయకులు, కార్యకర్తలు హింసకు పాల్పడటంతోపాటు నామినేషన్లు దాఖలు చేసిన అభ్యర్థులను అపహరించారని బీజేడీ ఆరోపించింది. పట్టాముండైలోని మదన్‌పూర్‌ యూకే మహాబీర్‌ మహావిద్యాలయానికి చెందిన బిజూ ఛాత్ర జనతా దళ్‌ అభ్యర్థి అపహరణ ఘటనను ఉదాహరణగా పేర్కొంది. బీజేపీకి విజయావకాశాలు లేని కళాశాలల్లో ఎన్నికలను నిరవధికంగా వాయిదా వేయాలని ప్రిన్సిపాళ్లపై ఒత్తిడి తెస్తున్నారని బీజేడీ విద్యార్థి విభాగం అధ్యక్షురాలు ఈప్సితా సాహు ఆరోపించారు. తమకు అనుకూలమైన అభ్యర్థుల విజయానికి మార్గం సుగమం చేసేందుకు రాష్ట్ర ప్రభుత్వం పరిపాలనా యంత్రాంగాన్ని దుర్వినియోగం చేస్తోందని కాంగ్రెస్‌ విద్యార్థి విభాగం అధ్యక్షుడు బిభూతి భూషణ్‌ మహాపాత్రో విమర్శించారు. ఎనిమిదేళ్ల తర్వాత జరుగుతున్న ఈ ఎన్నికలు విద్యార్థి సంఘాల బలాబలాలకు పరీక్షగా మారడంతోపాటు రాష్ట్ర రాజకీయ పార్టీల మధ్య ఆధిపత్య పోరుకు వేదికగా నిలుస్తున్నాయి. పోలింగ్‌కు సమయం దగ్గరపడుతున్న కొద్దీ క్యాంపస్‌లలో ఉత్కంఠ మరింత పెరుగుతోంది.

ఇచ్ఛాపురం: బాహుదానదిపై కొత్త వంతెన నిర్మాణాన్ని తక్షణమే చేపట్టాలని వైఎస్సార్‌ సీపీ ఇచ్ఛాపురం నియోజకవర్గ సమన్వయకర్త సాడి శ్యామ్‌ప్రసాద్‌రెడ్డి ప్రభుత్వాన్ని డిమాండ్‌ చేశారు. కొత్తవంతెన నిర్మాణం కోరుతూ ఆదివారం పార్టీ నాయకులతో కలిసి బ్రిడ్జిపై ధర్నా చేపట్టారు. ఈ సందర్భంగా ఆయన మాట్లాడుతూ నియోజకవర్గ కేంద్రమైన ఇచ్ఛాపురం పట్టణానికి చుట్టపక్కల గ్రామాలను అనుసంధానం చేసే బ్రిడ్జి 2023 మే 3న కూలిపోయిందన్నారు. అప్పటి వైఎస్సార్‌సీపీ ప్రభుత్వం కొద్దిరోజుల వ్యవధిలోనే రూ.40లక్షలు కేటాయించి ప్రత్నామ్నాయ ఏర్పాట్లు చేసిందని, అక్కడికి కేవలం మూడు నెలల వ్యవధిలో నూతన వంతెన నిర్మాణానికి రూ.20 కోట్లు కేటాయించిందని గుర్తు చేశారు. వంతెన నిర్మాణానికి అవసరమైన సాయిల్‌ టెస్ట్‌లు కూడా పూర్తిచేశారని తెలిపారు. కూలిన బ్రిడ్జిని పరిశీలించిన అప్పటి ఎమ్మెల్యే అశోక్‌బాబు,ఎంపీ రామ్మోహన్‌న్నాయుడు తామ అధికారంలోనికి వచ్చిన ఆరునెలల్లోనే బ్రిడ్జి నిర్మాణాన్ని పూర్తిచేస్తామని ఇచ్చిన మాటను నిలబెట్టుకోవాలని డిమాండ్‌ చేశారు. ఇప్పుడు మాత్రం అందుకు విరుద్ధంగా వంతెన నిర్మాణ పనులను రద్దు చేసిందన్నారు. మున్సిపల్‌ ఎన్నికలు వస్తున్నందన ప్రజలను మభ్యపెట్టడానికే రూ..19 కోట్లు కేటాయిస్తున్నట్లు ఎమ్మెల్యే ప్రకటించారని, అవి ఏ పనులకు కేటాయించారో తెలియజేయాలన్నారు. కార్యక్రమంలో జిల్లా పార్టీ ఉపాధ్యక్షుడు పైల దేవదాస్‌రెడ్డి, జిల్లా మహిళా విభాగం అధ్యక్షురాలు ఉలాల భారతిదివ్య, మాజీ మున్సిపల్‌ చైర్‌పర్సన్‌ పిలక రాజలక్ష్మి, ఎంపీపీ బోరపుష్ప, పట్టణ, మండల అధ్యక్షుడు ప్రకాషరావు పట్నాయక్‌, ఆశి కృష్ణారెడ్డి, పార్టీ నాయకులు ప్రత్తి అన్వేష్‌, పిలక యాదవరెడ్డి, ఉలాల కోదండరామ్‌, చాట్ల తులసీదాస్‌రెడ్డి, కారింగి మోహన్‌రావు, పిలక దేవరాజ్‌, సాలిన గాంధీ, కాళ్ల సత్యం, సుగ్గు ప్రేమ్‌కుమార్‌, సాడి దుర్యోధనరెడ్డి, సీహెచ్‌ తిరుపతి, సీహెచ్‌ లోహిదాస్‌, పి.తేజ, కాళ్ల మదన్‌, ఎండీ షఫీ, రెయ్యి నారాయణ, ధర్మతేజ, వంశీ పాల్గొన్నారు.

కొరాపుట్‌: జయపూర్‌లో అంతర్జాతీయ బాలికల, చిన్నారుల దినోత్సవం ఆదివారం ఘనంగా జరిగింది. జయపూర్‌ సిటీ గర్‌ల్స్‌ హైస్కూల్‌ నుంచి బాలికలు సైకిల్‌ ర్యాలీ చేపట్టారు. పర్యావరణ పరిరక్షణ కోసం కృషి చేస్తున్న సీవా స్వచ్ఛంద సంస్థ అధ్యక్షుడు అజయ్‌ కుమార్‌ మిశ్రా ర్యాలీని ప్రారభించారు. ఈ ర్యాలీ నెహ్రు నగర్‌, ఎంజీ రోడ్డు, మెయిన్‌ రోడ్డు, ఎన్‌కేటీ రోడ్డు, పీఆర్‌ పేట, కుంబారు వీధుల మీదుగా హరిశ్చంద్ర గుడ వరకు జరిగింది. అక్కడ బాలికలకు స్వయం రక్షణ కోసం ప్రత్యేక శిక్షణ శిబిరం నిర్వహించారు. ఈ కార్యక్రమంలో సీవా కార్యదర్శి ప్రతాప్‌ పట్నాయక్‌, సభ్యులు కె.మెహన్‌రావు, ఎస్‌.రాజ్‌శేఖర్‌, ప్రదిప్త కుమార్‌ సాహు, ధనపతి పరజ, కావ్యాంజలి పాల్గొన్నారు.

● బరిలో 32 మంది అభ్యర్థులు ● అధ్యక్ష పదవికి చతుర్ముఖ పోటీ రాయగడ: స్థానిక అటానమస్‌ కళాశాలలో 2026–27 విద్యా సంవత్సరానికి సంబంధించి విద్యార్థి సంఘం ఎన్నిల సందడి నెలకొంది. నామినేషన్ల పరిశీలన, ఉపసంహరణ ప్రక్రియ ముగియడంతో తుది అభ్యర్థుల జాబితా విడుదలైంది. మొత్తం 32 మంది అభ్యర్థులు ఎన్నికల బరిలో నిలిచారు. అధ్యక్ష పదవికి నలుగురు పోటీ పడుతుండటంతో ప్రధాన పోరు ఆసక్తికరంగా మారింది. అధ్యక్ష బరిలో.. విద్యార్థి సంఘ అధ్యక్ష పదవికి జగదీష్‌ నాయక్‌, సుమిత్‌ రత్నాలు, తుషార్‌ కాంత్‌ తురుక్‌, బుద్ధదేవ్‌ హుయిక పోటీ పడుతున్నారు. ఉపాధ్యక్ష పదవికి విశ్వజీత్‌ నాయక్‌, బబులా నాయక్‌, శుభలక్ష్మీ నాయక్‌లు బరిలో ఉన్నారు. ప్రధాన పదవులకు పోటీ ఇలా.. సాధారణ కార్యదర్శి పదవికి కిలక భాను, చందన్‌ కరకరియా, ముఖేష్‌ సునా, రుద్రనారాయణ గౌడొలు పోటీ చేస్తున్నారు. సహ కార్యదర్శి పదవికి రాహుల్‌ కరకరియా, శివమ్‌ కుమార్‌ డాకువా, హితేస్‌ కుమార్‌ ఛత్రియాలు పోటీలో ఉన్నారు.

మల్కన్‌గిరి: మల్కన్‌గిరి జిల్లాలో ప్రత్యేక సమగ్ర ఓటర్ల జాబితా సవరణ–2026లో భాగంగా ఓటర్ల జాబితాను మరింత కచ్చితంగా, పారదర్శకంగా రూపొందించేందుకు విస్తృత కార్యక్రమాలు చేపట్టారు. ఇందులో భాగంగా రాష్ట్రవ్యాప్తంగా ప్రత్యేక ప్రచార కార్యక్రమాలు నిర్వహించారు. జాబితా నుంచి తొలగించిన అర్హులైన ఓటర్లు ఫారం–6 ద్వారా తమ పేర్లును జాబితాలో చేర్చుకునే అవకాశం కల్పించారు. జిల్లా యంత్రాంగం వెల్లడించిన వివరాల ప్రకారం గణన సమయంలో 47,355 మంది, ముసాయిదా ఓటర్లు జాబితా ప్రచురణ అనంతరం మరో 1,189 మంది పేర్లను తొలగించారు. వీరిలో ఇప్పటికే 9,854 మంది ఓటర్ల వివరాలను పరిశీలించారు. ఈ తనిఖీల్లో పొరపాటున తొలగించిన 66మంది ఓటర్లును గుర్తించి వీరిలో 43 మందిని తిరిగి చేర్చేందుకు దరఖాస్తులు స్వీకరించారు. కొత్త, యువ ఓటర్ల నుంచి 367 దరఖాస్తులు అందగా, జిల్లా వ్యాప్తంగా మొత్తం 410 దరఖాస్తులు స్వీకరించారు. జిల్లాలో వివిధ ప్రాంతాల్లో మొత్తం 104 ప్రత్యేక శిబిరాలను ఏర్పాటు చేశారు. మల్కన్‌గిరి నియోజకవర్గంలో కలిమెల, పోడియా చిత్రకొండ సమితిలో మల్కన్‌గిరి పురపాలక ప్రాంతంలో మొత్తం 28,542 మంది ఓటర్లు పేర్లు తొలగించారు. వీరిలో ఇప్పటివరకు 4,909 మంది ఓటర్ల వివరాలు పరిశీలించగా 36మంది పేర్లు పొరపాటున తొలగించినట్లు గుర్తించారు. ఈ ప్రాంతంలో మొత్తం 228 దరఖాస్తులు స్వీకరించగా సేవలందించేందుకు 47 ప్రత్యేక శిబిరాలు ఏర్పాటు చేశారు. చిత్రకొండ నియోజకవర్గ పరిధిలో మత్తిలి, చిత్రకొండ, ఖోయిర్‌పూట్‌, కోరుకొండ, బలిమెల ప్రాంతాల్లో 57 శిబిరాలు ఏర్పాటు చేశారు.

భువనేశ్వర్‌: ఈ నెల 15న జరగనున్న విద్యార్థి సంఘ ఎన్నికల నేపథ్యంలో భద్రతా ఏర్పాట్లు, శాంతిభద్రతల పరిరక్షణపై డీజీపీ బినయతోష్‌ మిశ్రా ఉన్నతస్థాయి సమీక్ష నిర్వహించారు. డీజీపీ క్యాంపు కార్యాలయం నుంచి జిల్లా ఎస్పీలు, రేంజ్‌ ఐజీలు, డీఐజీలతో వీడియో కాన్ఫరెన్స్‌ ద్వారా సమావేశమై పోలీసు యంత్రాంగానికి పలు ఆదేశాలు జారీ చేశారు. ఎన్నికల సమయంలో కళాశాల ప్రాంగణాల్లో హింసకు తావులేకుండా చూడాలని, పోలింగ్‌ ప్రక్రియను ప్రశాంతంగా నిర్వహించడంతోపాటు ఎన్నికల అనంతరం ఘర్షణలు జరగకుండా ముందస్తు చర్యలు తీసుకోవాలని డీజీపీ ఆదేశించారు. హింసాత్మక ఘటనలు జరిగిన తర్వాత స్పందించడం కంటే, ముందస్తు చర్యలతో వాటిని నివారించడంపై దృష్టి సారించాలని స్పష్టం చేశారు. ఇందుకోసం కళాశాల యాజమాన్యాలతో నిరంతరం సంప్రదింపులు జరిపి ఉద్రిక్తతలు తలెత్తే అవకాశం ఉన్న ప్రాంతాలను గుర్తించి అప్రమత్తంగా ఉండాలని సూచించారు. అవసరమైనప్పుడు వెంటనే జోక్యం చేసుకుని పరిస్థితిని అదుపులోకి తీసుకురావాలని ఆదేశించారు. కళాశాలల వారీగా సున్నిత పరిస్థితులను అంచనా వేసి, అవసరానికి అనుగుణంగా పోలీసు బలగాలను మోహరించాలని డీజీపీ సూచించారు. ఎన్నికలకు సంబంధించిన ఆందోళనలు, వివాదాలను తీవ్రంగా పరిగణించి చట్టప్రకారం తక్షణ చర్యలు తీసుకోవాలని స్పష్టం చేశారు. సమావేశంలో ఇంటెలిజెన్స్‌ డైరెక్టర్‌ ఆర్‌.పి. కోచె, అదనపు డీజీపీ రాజేష్‌ కుమార్‌, భువనేశ్వర్‌–కటక్‌ జంట నగరాల అదనపు పోలీసు కమిషనర్‌ నరసింగ్‌ భోలా, రాష్ట్రంలోని రేంజ్‌ ఐజీలు, డీఐజీలు, అన్ని జిల్లాల ఎస్పీలు పాల్గొన్నారు.

కొరాపుట్‌: దసరా శరన్నవరాత్రులు అంగరంగ వైభవంగా ప్రారంభం అయ్యాయి. ఆదివారం కొరాపుట్‌, నబరంగ్‌పూర్‌ జిల్లాల్లో వేలాది అమ్మవారి దేవాలయాలలో పూజలు ప్రారంభించారు. జయపూర్‌ మహారాణి పేట లో గల శ్రీ వాసవీ కన్యకా ప్రమేశ్వరి దేవాలయంలో అఖండ దీపం ఏర్పాటు చేసి ప్రత్యేక పూజలు ప్రారంభించారు. రాజరిక దసరా నేపథ్యం ఉన్న జయపూర్‌ రాజా నగర్‌ లో 65 అడుగుల ఎత్తు గల పెండల్‌ ఈ ఏడాది ప్రత్యేక ఆకర్షణ గా నిలిచింది. జయపూర్‌ రాజ వంశ సంప్రదాయం ప్రకారం పూర్వపు రాజ ధాని నందపూర్‌ లో చారిత్రాత్మక 32 మెట్ల సింహాసనం వద్ద జయపూర్‌ దేవదాయ శాఖ తరఫున అపరాజిత పూజ కోసం ప్రత్యేక ఆహ్వానం ఇచ్చారు. కుంద్రాలో అమ్మవారి దేవాలయాలను జయపూర్‌ రాజరిక దసరా తరఫున దేవేంద్ర బాహిణీపతి ఆహ్వానం అందించారు. నబరంగ్‌పూర్‌ జిల్లా కేంద్రంలో మా బండారు ఘరణి శక్తి పీఠం నుండి రాజ ఖడ్గంతో భారీ ఊరేగింపు జరిగింది. యువత ఆయుధ అఖడాలలో ఆయుధాలు పూజలు చేశారు. శక్తి పీఠం తరఫున వేద పండితులు రాజ వంశీయులకు ఆహ్వానం అందించారు. మెయిన్‌ రోడ్డులో భారీ రంగురంగుల విద్యుద్దీకరణ ఏర్పాటు చేశారు.

భువనేశ్వర్‌: పూరీ శ్రీ జగన్నాథ స్వామి ఆలయంలో శరన్నవరాత్రుల సందర్భంగా పదహారు రోజుల షోడశ పూజలు లేదా షోళ పూజల్లో భాగంగా నిర్వహిస్తున్న విశిష్టమైన దుర్గా మాధవ ఉపాసన తొలి దశ ముగిసింది. ఆది వారం నుంచి మలి దశ యాత్ర ప్రారంభమైంది. మూలాష్టమి సందర్భంగా శ్రీకారం చుట్టిన తొలి ఎనిమిది రోజులు దుర్గా మాధవులు విమలా దేవి ఆలయంలో పూజలకు తెర దించి చివరి ఎనిమిది రోజులపాటు నిర్వహించే శాక్త గుండిచా యాత్ర లేదా గుప్త గుండిచా యాత్ర ప్రారంభం అయింది. ఈ సందర్భంగా దుర్గా మాధవులు నారాయణి ఆలయానికి వేంచేస్తారు. శరన్నవరాత్రుల సందర్భంగా శ్రీ క్షేత్రం సంప్రదాయంలో మాధవుడు శ్రీ జగన్నాథ స్వామి తత్త్వానికి ప్రతీకగా, దుర్గాదేవి ఆదిపరాశక్తి స్వరూపంగా పూజలందుకుంటారు. నారాయణి ఆలయానికి దుర్గా మాధవులు షోడశ పూజల్లో తొమ్మిదో రోజైన పవిత్ర అశ్విని శుక్ల పక్ష ప్రతిపద తిథి పురస్కరించుకుని ఆదివారం నుంచి చివరి ఎనిమిది రోజులపాటు దుర్గా మాధవులను ప్రత్యేక విమానంలో నారాయణి ఆలయానికి తీసుకువెళతారు. అక్కడ పూజలు నిర్వహించిన అనంతరం తిరిగి శ్రీ మందిరానికి తీసుకు వస్తారు. ఈ సందర్భంగా రత్న సింహాసనంపై పూజలందుకునే మాధవునితో రత్న భాండాగారంలోని దుర్గాదేవి నారాయణి ఆలయానికి వేంచేయడం ఈ యాత్ర విశేషం.

రాయగడ: అలుగు (పాంగొలిన్‌) పుర్రేలను అక్రమంగా విక్రయించేందుకు ప్రయత్నిస్తున్న ముగ్గురు వ్యక్తులను అటవీ శాఖ అధికారులు పట్టుకున్నారు. శనివారం ఉదయం సుమారు 11.30 గంటల ప్రాంతంలో పట్టణంలోని ఒఆర్‌ఎంఏఎస్‌ కార్యాలయం వెనుక ఉన్న మైదానంలో ఈ ఘటన చోటు చేసుకుంది. నిందితుల నుంచి నాలగు కిలోగ్రాములకు పైగా బరువు ఉన్న అలుగు పుర్రెను స్వాధీనం చేసుకున్నట్లు అటవీ శాఖ వర్గాలు తెలిపాయి. జిల్లా అటవీ శాఖ అధికారి ఆదేశాల మేరకు రాయగడ అటవీ రేంజ్‌ అధికారి అనిల్‌ కుమార్‌ పాణిగ్రహి ఈ దాడి నిర్వహించారు. ఈ ఘటనలో జిల్లాలోని పనసపుట్‌ గ్రామానికి చెందిన జగన్‌ హిమిరిక, కుంభికొట గ్రామానికి చెందిన నీలాంబర్‌ ఖొస్ల, పురుషొత్తం ఖొస్లలను అదుపులోకి తీసుకున్నారు. ఈ అక్రమ వ్యాపారంలో మరెవరైనా పాల్గొన్నారా అనే కోణంలో అసిస్టెంట్‌ కన్జర్వేటర్‌ ఆఫ్‌ ఫారెస్ట్‌ సతీస్‌ కుమార్‌ ధారువా దర్యాప్తు చేస్తున్నారు. బ్యాడ్మింటన్‌ పోటీల్లో క్రీడాకారుని ప్రతిభ రాయగడ: భువనేశ్వర్‌లోని పొఖరిపుట్‌లో ఈ నెల తొమ్మిది నుంచి 11వ తేదీ వరకు నిర్వహించిన ఆల్‌ ఒడిశా 40వ రాష్ట్రస్థాయి బ్యాడ్మింటన్‌ చాంపియన్‌షిప్‌ మిక్స్‌డ్‌ డబుల్స్‌ విభాగంలో రాయగడకు చెందిన పంతాల చక్రవర్తి, గంజాంకు చెందిన ఎ.సాయి లక్ష్మీరావు జోడీ రన్నరప్‌గా నిలిచింది. వివిధ ప్రాంతాలకు చెందిన క్రీడాకారులు పాల్గొనగా మిక్స్‌డ్‌ డబల్స్‌ విభాగంలో చక్రవర్తి–సాయి లక్ష్మీరావు జోడి ప్రతిభ కనబరిచి ద్వితీయ స్థానాన్ని సాధించింది. క్రీడాభిమానులు, అధికారులు వీరిని అభినందించారు. వంశధారలో మునిగి బాలుడు మృతి రాయగడ: జిల్లాలోని గుణుపూర్‌ ప్రాంతంలో గల వంశధార నదిలో స్నానానికని వెళ్లిన ఏడో తరగతి విద్యార్థి నీటిలో మునిగి మృతి చెందాడు. మృతుడిని సమితిలోని చాలకంబ పంచాయతీ పరిధిలోని పొడాసింగ్‌ గ్రామానికి చెందిన ఖిరొసింధు సబర్‌ (12) గా గుర్తించారు. గుణుపూర్‌లో గల ప్రభుత్వ ఉన్నత పాఠశాలలో చదువుతున్న సబర్‌ అనారోగ్యంతో పాఠశాల నుంచి సెలవుపై ఇంటికి శుక్రవారం నాడు వచ్చాడు. ఆదివారం ఉదయం అతడి తండ్రి బనసబర్‌ సైకిల్‌ పై పొలానికి వెళ్లాడు. వంశధార నది సమీపంలో నది ఉండటంతో, తన స్నేహితులతో కలసి బాలుడు నది వద్దకు వెళ్లాడు. అక్కడ స్నానం చేస్తుండగా ప్రమాదవశాత్తు నీటిలో మునిగిపోయాడు. సమాచారం తెలుసుకున్న గుణుపూర్‌ పోలీసులు మృతదేహన్ని స్వాధీనం చేసుకుని పొస్టుమార్టం కొసం గుణుపూర్‌ సబ్‌ డివిజన్‌ ఆస్పత్రికి తరలించారు. కొరాపుట్‌: జయపూర్‌లో విక్రం దేవ్‌ యునివర్సిటీ అభివృద్ధి కోసం కాంగ్రెస్‌ పార్టీ అనుబంధ విద్యార్థి విభాగం ఎన్‌ఎస్‌యూఐ జెండాపై పోటీ చేస్తున్న అభ్యర్థులను గెలిపించాలని జ యపూర్‌ ఎమ్మెల్యే తారా ప్రసాద్‌ బాహీణిపతి విజ్ఞప్తి చేశారు. ఆదివారం జయపూర్‌ పట్టణంలో ఓ హోటల్‌ జరిగిన మీడియా సమావేశంలో మాట్లాడారు. ప్రస్తుతం యునివర్సిటీ మరమ్మత్తుల కోసం రూ.20 కోట్లు నిధులు మంజురయ్యాయన్నారు. గత ప్రభుత్వం హయంలో ఓవర్‌ బ్రిడ్జి నిర్మాణం జరిగిందన్నారు. వర్సిటీ గా హోదా పొందిందన్నారు. ఈ విడత కూడా కొత్త బస్టాండ్‌, మెడికల్‌ ఎదురుగా రెండు హా స్టళ్లు నిర్మిస్తున్నామన్నారు. రానున్న రోజుల్లో స్థానిక యువతకి ప్రభుత్వ గ్రూప్‌ సీ, డీ స్థాయి ఉద్యోగాల కోసం పోరాటం చేస్తామన్నారు. ప్రస్తుతం పోటీ చేస్తున్న విద్యార్థులను గెలిపిస్తే మరింత అభివృద్ధి జరుగుతుందన్నా రు. తమ అభ్యర్థులు గెలిచిన తర్వాత మంచి ఫ్యాకల్టీ కోసం కృషి చేస్తామని తెలిపారు.

● ఎనిమిది పతకాలను కొల్లగొట్టిన మల్కన్‌గిరి జిల్లా క్రీడాకారులు మల్కన్‌గిరి: రాష్ట్రస్థాయి అథ్లెటిక్స్‌ పోటీల్లో మల్కన్‌గిరి జిల్లాకు చెందిన విద్యార్థులు ప్రతిభ కనబర్చారు. కేంద్రుఝర్‌లో ఈ నెల ఏడో తేదీ నుంచి నిర్వహించిన పాఠశాల అఽథ్లెటిక్స్‌ పోటీల్లో ఎనిమిది పతకాలతో మెరిశారు. 14 సంవత్సరాల్లోపు బాలురు విభాగంలో ముదిలిపోఢ ప్రభుత్వ ఎస్‌ఎస్‌డీ పాఠశాలకు చెందిన విద్యార్థి పీతావాస్‌ శిషా 400 మీటర్ల పరుగు పోటీల్లో స్వర్ణ పతకం, 100, 200 మీటర్ల పరుగు పోటీల్లో కాంస్య పతకాలు సాంధించాడు. అలాగే 4/100 మీటర్ల రిలే పరుగులో జగన్నాథ్‌ నాయక్‌, ఆకాశ్‌ బందం, సలీమ్‌ పాడ్కమి, అభి మాడ్కామిలతో కూడిన జట్టు మూడో స్థానంలో నిలిచి కాంస్య పతకాన్ని కై వసం చేసుకుంది. ఈ పోటీల్లో మల్కన్‌గిరి జిల్లా క్రీడాకారులు రెండు పసిడి, ఒక రజతం, ఐదు కాంస్య పతకాతో మొత్తం ఎనిమిది పతకాలు సాధించి జిల్లాకు గౌరవం తెచ్చారు. జిల్లాకు ఆదివారం చేరుకున్న క్రీడాకారులకు జిల్లా విద్యాశాఖ అధికారి చిత్తరంజాన్‌ పాణిగ్రాహి, జిల్లా క్రీడా అధికారి మున్న తురక్‌, జిల్లా శారీరక విద్యాధికారి కార్తీక్‌ చంద్రబెహర, టీమ్‌ మేనేజర్లు, కోచ్‌లు, వ్యాయామ ఉపాధ్యాయులకు స్వాగతం పలికి అభినందనలు తెలియజేశారు.

రాయగడ: దసర ఉత్సవాల్లో భాగంగా ఆదివారం నుంచి శరన్నవరాత్రులు ఘనంగా ప్రారంభమయ్యాయి. ఉత్తరాంధ్ర ఆరాధ్య దైవంగా పూజలందుకుంటున్న మజ్జిగౌరీ అమ్మవారి మందిరం విద్యుత్‌ దీపాలతో ధగధగ లాడుతుంది. అమ్మవారు బంగారు ఆభరణాలతో భక్తులకు దర్శనం ఇచ్చారు. అమ్మవారి స్వర్ణ అలంకరణలో చూసి తరించేందుకు భక్తులు పెద్ద సంఖ్యలో తరలి రావడంతో మందిరం భక్తులతో కిటకిటలాడింది. ఈ సందర్భంగా అమ్మవారికి ప్రత్యేక పూజలను నిర్వహించారు. ఇదిలాఉండగా స్థానిక కస్తూరీనగర్‌లోని సత్యనారాయణ మందిరం ప్రాంగణంలో కొలువైయున్న లక్ష్మీదేవి అమ్మవారికి నవరాత్రులను పురస్కరించుకుని ప్రత్యేకంగా అలంకరించి పూజా కార్యక్రమాలు చేపట్టారు. అలాగే స్థానిక బాలాజీనగర్‌లోని శ్రీకల్యాణవేంకటేశ్వర మందిరంలో ఉన్న రాజ్యలక్ష్మీదేవి అమ్మవారికి ఆలయ ప్రధాన అర్చకులు భాస్కరాచార్యులు ఆధ్వర్యంలో నవావరణ అర్చన, పుష్పాలంకరణ పూజలు జరిగాయి.

కంచిలి : ప్రకృతి వినాశనానికి పాల్పడితే సహించేది లేదని సీపీఐ సీనియర్‌ నాయకుడు చాపర సుందరలాల్‌ అన్నారు. నువాగడ గ్రామంలో హరిచంద్ర అధ్యక్షతన ప్రకృతి సంరక్షణ సమావేశం ఆదివారం నిర్వహించారు. ఈ సందర్భంగా సుందరలాల్‌ మాట్లాడుతూ ప్రభుత్వాలు మొక్కలు నాటమని చెబుతూనే మరోవైపు కార్పొరేట్లకు మైనింగ్‌ కోసం అడవులను, కొండలను లీజుకు పర్మిషన్లు ఇవ్వడం దారుణమన్నారు. స్థానికులను సంప్రదించకుండా కొండను తవ్వడానికి రావడం సరికాదన్నారు. పార్టీ జిల్లా కార్యవర్గ సభ్యుడు సాలిన నారాయణస్వామి మాట్లాడుతూ ఈ ప్రాంతంలో కొండలనే కాకుండా ఇక్కడి భూములపై కూడా రాజకీయ నాయకుల కన్ను పడిందన్నారు. గిరిజనులకు ఆధారమైన కొండలను తవ్వడం వల్ల ఉపరితల జలాలతోపాటు భూగర్భ జలాలు కూడా కలుషితమై నీరు దొరకని పరిస్థితులను సృష్టిస్తున్నారని మండిపడ్డారు. సమావేశంలో జిల్లా సహాయ కార్యదర్శి లండ వెంకటరావు, మండల పార్టీ నేత అయినింటి లోకనాథం, స్థానికులు జైరాం, లిమ్మ, బొబ్బి, తొబిరో, ఈశ్వర్‌, గణేష్‌, నాలుగు గ్రామాల ప్రజలు పాల్గొన్నారు.

భువనేశ్వర్‌: పాఠశాలలో అవకతవకలు, సమస్యలు నెలకొన్నాయని ఆరోపిస్తూ మయూర్‌భంజ్‌ జిల్లా శ్యామ్‌సుందర్‌పూర్‌ ఏకలవ్య ఆదర్శ నివాస పాఠశాలకు చెందిన సుమారు 500 మంది విద్యార్థులు శనివారం నిరసన చేపట్టారు. పాఠశాల నుంచి బంగిరిపోసి మండల కార్యాలయం వరకు సుదీర్ఘంగా 10 కిలోమీటర్లు పాదయాత్ర చేశారు. సమస్యలపై పలుమార్లు ఫిర్యాదు చేసినా అధికారులు స్పందించలేదని విద్యార్థులు ఆరోపించారు. తమ సమస్యలను మండల యంత్రాంగం, జిల్లా కలెక్టర్‌ దృష్టికి తీసుకెళ్లేందుకే పాదయాత్ర చేపట్టినట్లు తెలిపారు. ఈ నిరసనపై స్పందించిన అధికారులు సమస్యల పరిష్కారానికి చర్యలు ప్రారంభించారు.

మల్కన్‌గిరి: తల్లిదండ్రులపై కన్నకొడుకే దాడి చేసి తీవ్రంగా గాయపరిచాడు. ఈ సంఘటన మల్కన్‌గిరి జిల్లా మాత్తిలి సమితి ఉదళిబేడా పంచాయతీ బాలిగూడ గ్రామంలో శనివారం చోటుచేసుకుంది. కుటుంబ కలహాల నేపథ్యంలో సంతోష్‌ పాణిగ్రాహి అనే వ్యక్తి తల్లిదండ్రులపై విచక్షణ రహితంగా దాడి చేశారు. ముందుగా తల్లిను జుట్టుపట్టుకొని కొట్టడాన్ని చూసిన తండ్రి ప్రప్పుల్ల పాణిగ్రాహి అడ్డుకునే ప్రయత్నం చేయగా అతనిపై కూడా బ్లేడుతో దాడి చేసి గొంతు, చెంపలను కోసేశాడు. ఈ సంఘటనను చూసి స్థానికులు అడ్డుకొని బాధితులను రక్షించి చికిత్స నిమిత్తం మాత్తిలి ఆరోగ్య కేంద్రానికి తరలించారు. అనంతరం పోలీసులకు సమాచారం ఇవ్వడంతో ఐసీ దీపాంజాలి ప్రధన్‌ ఆరోగ్య కేంద్రం వద్దకు చేరుకోని ప్రప్పుల్లతో మాట్లాడి వివరాలు తెలుసుకొని ఫిర్యాదు నమోదు చేసుకున్నారు. అనంతరం దాడికి పాల్పడిన సంతోష్‌ పాణిగ్రాహిని అరెస్టు చేశారు. ఘన నివాళి కొరాపుట్‌: ఉత్కళ మణి గోపబందు దాస్‌ జయంతి ఘనంగా జరిగింది. కొరాపుట్‌ జిల్లా కేంద్రంలో గోప బందు దాస్‌ విగ్రహానికి ప్రముఖులు నివాళులర్పించారు. గోప బందు ఒడిశాకి చేసిన సేవలు గుర్తు చేసుకున్నారు. ఈ కార్యక్రమంలో కొరాపుట్‌ ఎమ్మెల్యే రఘురాం మచ్చో, డీసీసీ అధ్యక్షుడు రుపక్‌ తురకు, మల్కన్‌గిరి మాజీ ఎమ్మెల్యే నిమయ్‌ సర్కార్‌, భవానీ మిశ్ర, ప్రభుత్వ అధికారులు పాల్గొన్నారు. వేతనాల కోసం నిరసన టెక్కలి రూరల్‌: మండలంలోని రావివలస గ్రామంలో గల ఓస్వాల్‌ మినరల్స్‌ ఫెర్రో అల్లాయిస్‌ ఫ్యాక్టరీ వద్ద శనివారం ఫ్యాక్టరీలో పనిచేసే కార్మికులు నిరసన వ్యక్తం చేశారు. ఫ్యాక్టరీలో పనిచేస్తున్న కార్మికులకు రెండు నెలల జీతాలు చెల్లించకుండా సామగ్రిని తరలిస్తుండడంతో కార్మికులు అడ్డుకున్నారు. ఫ్యాక్టరీ యాజమాన్యం పోలీసుల దృష్టికి తీసుకువెళ్లడంతో స్పందించిన పోలీసులు ఇరు వర్గాల వారిని పిలిచి సమస్యలు అడిగి తెలుసుకున్నారు. అ నంతరం కార్మికులకు రావాల్సిన మొత్తం జీతాలను చెల్లించాలని తెలపగా.. యాజమాన్యం నాలుగైదు రోజుల్లో చెల్లిస్తామని చెప్పినట్లు పోలీసులు తెలిపారు.

రాయగడ: మానసిక ఆరోగ్య సమస్యలపై సమాజంలో అవగాహన పెంపొందించడంతో పాటు బాధితులకు అందుబాటులో ఉన్న వైద్య సేవలు, చట్టపరమైన హక్కులపై ప్రజలకు అవగాహన కల్పించడమే లక్ష్యంగా జిల్లాలోని రామనగుడ సమితి కార్యాలయంలో ప్రపంచ మానసిక ఆరోగ్య దినోత్సవాన్ని శనివారం నిర్వహించారు. గుణుపూర్‌ తాలూకా న్యాయసేవల కమిటీ ఆధ్వర్యంలో జరిగిన ఈ అవగాహన కార్యక్రమంలో న్యాయ, వైద్య, రెవెన్యూ, పోలీసు శాఖల అధికారులు పాల్గొని మానసిక ఆరోగ్యం ప్రాధాన్యాన్ని వివరించారు. కార్యక్రమానికి గుణపూర్‌ అదనపు జిల్లా న్యాయమూర్తి దేవదత్త పట్నాయక్‌ ముఖ్యఅతిథిగా హాజరై కార్యక్రమాన్ని ప్రారంభించారు. గౌరవ అతిథులుగా గుణుపూర్‌ ఎస్‌డీజేఎం విజయలక్ష్మీ మహాపాత్రో, రామనగుడ సామాజిక ఆరోగ్య కేంద్రం ఇన్‌చార్జి వైద్యాధికారి డాక్టర్‌ అభిషేక్‌ పట్నాయక్‌, సమితి అభివృద్ధి అధికారి ప్రద్యుమ్న మండల్‌, తహసీల్దార్‌ ప్రాణకృష్ణ పాణిగ్రహి, రామనగుడ పోలీస్‌ స్టేషన్‌ అధికారి కిరణ్‌ బాల సామల్‌లు పాల్గొన్నారు. మానసిక ఆరోగ్య సమస్యలను నిర్లక్ష్యం చేయకుండా అవసరమైన సమయంలో వైద్య సహాయం పొందాలని వక్తలు సూచించారు.

శ్రీకాకుళం న్యూకాలనీ: జిల్లా స్థాయి అథ్లె టిక్స్‌ చాంపియన్‌షిప్‌ పోటీలు ఆదివారం ఉత్సాహభరితంగా సాగాయి. శ్రీకాకుళం నగరంలోని కోడిరామ్మూర్తి స్టేడియం వేదికగా అండర్‌–14, అండర్‌–16 వయో విభాగాల్లో బాలబాలికలకు వేర్వేరుగా ఈ పోటీలను నిర్వహించారు. జిల్లా నలుమూలల నుంచి 400 మందికిపైగా బాలబాలికలు హాజరయ్యారు. ఆద్యంతం హోరాహోరీగా సాగిన ఈ పోరులో పలు వురు అథ్లెటిక్స్‌ క్రీడాకారులు సత్తాచాటారు. విజేతలకు అథ్లెటిక్స్‌ అసోసియేషన్‌ రాష్ట్ర అధ్యక్షుడు, జిల్లా అధ్యక్షుడు కొన్న మధుసూదనరావు, రాష్ట్ర సలహాదారు నౌపడ విజయ్‌కుమార్‌, జిల్లా ప్రధాన కార్యదర్శి మెంటాడ సాంబమూర్తి విజేతలకు పతకాలు, ప్రశంసా పత్రాలను అందజేశారు. అంతకుముందు ఈ అథ్లెటిక్స్‌ పోటీలను ఒలింపిక్‌ సంఘ జిల్లా ముఖ్య సలహాదారు పి.సుందరరావు మాస్టారుతో కలిసి అథ్లెటిక్స్‌ సంఘ ముఖ్య ప్రతినిధులు ప్రారంభించారు. ఇక్కడ విజేతలుగా నిలిచి, మెరుగైన ట్రాక్‌రికార్డులు కలిగిన అథ్లెట్స్‌ను జాతీయ, రాష్ట్ర స్థాయి అథ్లెటిక్స్‌ చాంపియన్‌షిప్‌ పోటీలకు పంపించనున్నట్టు కొన్న మధుసూదనరావు తెలిపారు.

ఎచ్చెర్ల: విపత్తుల నిర్వహణలో విద్యార్థుల భాగస్వామ్యం అత్యంత కీలకమని కలెక్టర్‌ స్వప్నిల్‌ దినకర్‌ పుండ్కర్‌ తెలిపారు. శనివారం శివానీ ఇంజినీరింగ్‌ కాలేజీలో ఇండియన్‌ రెడ్‌క్రాస్‌ శ్రీకాకుళం చాప్టర్‌ ఆధ్వర్యంలో మూడు రోజులు పాటు నిర్వహించే రాష్ట్రస్థాయి జూనియర్‌ రెడ్‌ క్రాస్‌ స్టడీ కమ్‌ ట్రైనింగ్‌ ప్రొగ్రాంలో ఆయన ముఖ్య అతిథిగా పాల్గొన్నారు. ఇండియన్‌ రెడ్‌క్రాస్‌ సోసైటీ రాష్ట్రశాఖ చైర్మన్‌ పైడి రామారావు మాట్లాడుతూ రాష్ట్ర విభజన తర్వాత తొలిసారిగా జూనియర్‌ రెడ్‌ క్రాస్‌ తరఫున ఇలాంటి కార్యక్రమం నిర్వహిస్తున్నామన్నారు. టెట్‌కు పకడ్బందీ ఏర్పాట్లు శ్రీకాకుళం పాతబస్టాండ్‌: జిల్లాలో ఈ నెల 11వ తేదీ నుంచి 15వ తేదీ వరకు నిర్వహించనున్న ఆంధ్రప్రదేశ్‌ ఉపాధ్యాయ అర్హత పరీక్ష (టెట్‌) ప్రత్యేక కంప్యూటర్‌ ఆధారిత పరీక్షలను ప్రశాంత వాతావరణంలో పకడ్బందీగా నిర్వహించా లని కలెక్టర్‌ స్వప్నిల్‌ దినకర్‌ పుండ్కర్‌ ఆదేశించారు. శనివారం నిర్వహించిన టెలి కాన్ఫరెన్స్‌ లో అధికారులతో ఆయన మాట్లాడారు. పరీక్ష ల కోసం జిల్లా పరిధిలో ఐదు కేంద్రాలను ఏ ర్పాటు చేశామని, అభ్యర్థులకు ఎలాంటి అ సౌ కర్యం కలగకూడదని తెలిపారు. అప్రెంటిస్‌షిప్‌నకు దరఖాస్తుల ఆహ్వానం శ్రీకాకుళం అర్బన్‌: ఐటీఐ పాస్‌ అయిన అభ్య ర్థులకు ఆర్టీసీలో అప్రెంటిస్‌షిప్‌ కోసం దరఖాస్తులను ఆహ్వానిస్తున్నట్లు జిల్లా ప్రజారవాణా అధికారి సీహెచ్‌ అప్పలనారాయణ తెలిపారు. ఈ మేరకు శనివారం ఓ ప్రకటనలో పేర్కొన్నా రు. శ్రీకాకుళం జిల్లాలో డీజిల్‌ మెకానిక్‌, మో టార్‌ మెకానిక్‌, ఎలక్ట్రీషియన్‌, వెల్డర్‌, డ్రాఫ్ట్‌ మన్‌ సివిల్‌, ఐటీఐ పాస్‌ అయిన అభ్యర్థులు డబ్ల్యూడబ్ల్యూడబ్ల్యూ.అప్రెంటిస్‌షిప్‌ఇండియా.జీఓవీ.ఇన్‌ వెబ్‌సైట్‌లో ఈనెల 11వ తేదీ నుంచి 26వ తేదీ లోపు అప్రెంటిస్‌షిప్‌ కోసం, వారి పేర్లను రిజిస్టర్‌ చేసుకోవాలని అప్పలనారాయణ పేర్కొన్నారు. రిజిస్ట్రేషన్‌ చేసుకున్న శ్రీకాకుళం జిల్లా అభ్యర్థులు ఈనెల 30వ తేదీన సర్టిఫికెట్స్‌ వెరిఫికేషన్‌ కోసం, ఒరిజినల్‌ సర్టిఫికెట్లతో ఉదయం 10 గంటలకు ఆర్టీసీ జోనల్‌ స్టాఫ్‌ ట్రైనింగ్‌ కాలేజీ, వీటీ అగ్రహారం, విజయనగరంలో హాజరు కావాలని తెలిపారు. శ్రీకాకుళం క్రైమ్‌ : జిల్లాలో మిగిలిన 12 మద్యం దుకాణాల లైసెన్సులకు ప్రభుత్వం మరోమా రు నోటిఫికేషన్‌ జారీ చేసింది. ఈ నెల 19న దరఖాస్తుల స్వీకరణ గడువు అని, 21న లాటరీ ప్రక్రియ జరుగుతుందని జిల్లా ఎకై ్సజ్‌ వర్గాలు పేర్కొన్నాయి గర్భం దాల్చిన హాస్టల్‌ విద్యార్థిని టెక్కలి: టెక్కలిలోని ఓ బాలికల వసతి గృహానికి చెందిన విద్యార్థిని గర్భం దాల్చిన విష యం శనివారం బహిర్గతమైంది. కొన్నాళ్ల కిందట సెలవులకు ఇంటికి వెళ్లిన విద్యార్థిని హాస్ట ల్‌కు చేరుకున్నాక నెలసరి రాకపోవడంతో వార్డెన్‌ ఇంటికి కబురు పంపించారు. వారు యువతిని ఇంటికి తీసుకెళ్లిపోయారు. ఓ యువకుడితో వివాహం జరిపించే క్రమంలో ఇరువురికి విభేదాలు రావడంతో ఈ విషయం బహిర్గతమైంది. అదే చోట మరో వ్యక్తి మృతి జి.సిగడాం(పొందూరు): జి.సిగడాం మండలం పెనుబర్తి గ్రామ సమీపంలో రైలు పట్టాలపై మరో మృతదేహం లభ్యమైంది. రైల్వే పోలీసులు ఇచ్చిన సమాచారం మేరకు.. మృతుడు ఇదే జిల్లా ఆమదాలవలస మండలం మెట్టక్కివలస హట్కో కాలనీకి చెందిన వంకర రామారావు(40)గా గుర్తించారు. మృతుడు రై లు నుంచి జారి పడి ఉండవచ్చని తెలిపారు. రామా రావుకు ఇంకా వివాహం కాలేదు. మృతదేహాన్ని శ్రీకాకుళం రిమ్స్‌కు తరలించారు. ఇదే ప్రదేశంలో ఈ నెల 6న అస్సోంకు చెందిన హిమశ్రీబోరో మృతి చెందింది. ఏటీఎంలో కొత్తరకం మోసం..? టెక్కలి రూరల్‌: స్థానిక ఆర్టీసీ కాంప్లెక్స్‌ సమీపంలోని గల ఎస్‌బీఐ ఏటీఎం వద్ద కొత్త రకం మోసం బయటపడినట్లు స్థానికులు తెలిపారు. సున్నాపల్లి గ్రామానికి చెందిన సుమంత్‌ అనే వ్యక్తి ఏటీఎం నుంచి రూ. 5000, అలానే మరో వ్యక్తి సైతం రూ. 8000 విత్‌డ్రా చెయ్యగా వారి అకౌంట్‌లో డబ్బులు కట్‌ అయినట్లు వారి సెల్‌కి మెసేజ్‌ వచ్చినప్పటికీ డబ్బులు బయటకు రాకపోవంతో వారు ఆందోళన చెంది బయటకు వెళ్లిపోయారు. ఇంతలో మరో వ్యక్తి వచ్చి డబ్బులు వచ్చే మార్గంలో అడ్డుగా రేకు ఉన్నట్లు గుర్తించి తొలగించడంతో ఆ డబ్బులు బయటకు వచ్చినట్లు గుర్తించారు. అయితే ఈ రేకు ఎవరైనా ఏర్పాటు చేశారా..? లేక మరే దైనా కారణమా అన్నదానిపై పూర్తిస్థాయిలో విచారణ చేపట్టాలని స్థానికులు కోరారు.

రాయగడ: స్థానిక బాలాజీనగర్‌లోని శ్రీకళ్యాణవేంకటేశ్వర మందిరం ప్రాంగణంలో శనివారం పోలేరు అమావాస్యని పురస్కరించుకుని ప్రత్యేక పూజలను నిర్వహించారు. ఆలయ ప్రధాన అర్చకులు భాస్కరాచార్యుల ఆధ్వర్యంలో జరిగిన పూజల్లో మహిళలు పెద్ద సంఖ్యలో పాల్గొన్నారు. పువ్వులు, పండ్లు తదితర పూజా సామగ్రితో అమ్మవారిని ఆరాధించి కుటుంబ శ్రేయస్సు, సుఖసంతోషాలు కలగాలని ప్రార్ధించారు. సమలేశ్వరి ఆలయాన్ని సందర్శించిన గవర్నర్‌ దంపతులు మహాలయ సందర్భంగా శనివారం రాష్ట్ర గవర్నర్‌ డాక్టర్‌ హరి బాబు కంభంపాటి సతీసమేతంగా సంబల్‌పూర్‌లోని మా సమలేశ్వరి ఆలయాన్ని సందర్శించారు. ఈ సందర్భంగా వారు ఒడిశా ప్రజల శ్రేయస్సు, సంక్షేమం కోసం ప్రార్థించినట్లు తెలిపారు. – భువనేశ్వర్‌ ప్రముఖ వైద్యుడు రఘునందన్‌ మహారణ కన్నుమూత రాయగడ: రాయగడ ప్రాంతంలో వైద్య సేవలందిస్తూ ప్రజల ఆదరాభిమానాలను పొందిన విశ్రాంత వైద్యుడు, రిటైర్డు జిల్లా ముఖ్యవైద్యాధికారి డాక్టర్‌ రఘునందన్‌ మహారణ (87) కున్నుమూశారు. కొంతకాలంగా అనారోగ్యంతో బాధపడుతూ స్థానిక న్యూకాలనీలోని తన నివాసంలోనే చికిత్స పొందుతూ శుక్రవారం తుది శ్వాస విడిచారు. ఆయన మృతి వార్తతో స్థానికంగా విషాదం నెలకొంది. అతనికి కుమారుడు ఉన్నారు. స్కూటీ దగ్ధం మల్కన్‌గిరి: మల్కన్‌గిరి జిల్లా చిత్రకొండ సమితి కేంద్రంలో హైస్కూల్‌ వీధిలో ఇంటి వద్ద నిలిపి ఉన్న ఓ స్కూటీలో శుక్రవారం అర్ధరాత్రి మంటలు చెలరేగి పూర్తిగా దగ్ధమైంది. దీంతో పాటు స్కూటీ నిలిపిన స్థలాంలో ఉన్న దుకాణంలోని సామగ్రి కూడా ధ్వంసమైంది. దుకాణానికి మంటలు వ్యాపించి ఫ్రిజ్‌, గ్యాస్‌ స్టవ్‌ ఇతర సామగ్రి కాలిపోయాయి.

పర్లాకిమిడి: స్థానిక శ్రీక్రిష్ణచంద్ర గజపతి స్వయం ప్రతిపత్తి కళాశాల విద్యార్థి సంఘం కౌన్సిల్‌ ఎన్నికలకు సంబంధించి నామినేషన్లు వేసే ప్రక్రియలో అవకతవకలు జరిగాయంటూ శనివారం సాయంత్రం విద్యార్థులు ఆందోళన చేపట్టారు. దీంతో ఎటువంటి ఉద్రిక్తలకు దారితీయకుండా కళాశాల వద్ద పోలీసు బలగాలు మోహరించారు. అయితే శుక్రవారం జరిగిన నామినేషన్ల పర్వంలో విద్యార్థులు వివిధ పదవులకు వేసిన నామినేషన్లు తుది అభ్యర్థుల జాబితాలో ఇద్దరు గడువు పూర్తయిన తరువాత వారి నామినేషన్లు ప్రిన్సిపాల్‌ అంగీకరించారనే కోపంతో విద్యార్థులు శనివారం సాయంత్రం కళాశాల గేటు బయట ఆందోళన చేపట్టారు. దీంతో కొంతసేపు ఉద్రిక్తత ఏర్పడింది. విద్యార్థి సంఘం ప్రెసిడెంటు, ఉపాధ్యక్షులు, సాధారణ కార్యదర్శి, సైన్స్‌ సోసూటీ సెక్రటరీ, స్పోర్ట్స్‌, గర్‌ల్స్‌ కామన్‌ రూం సెక్రటరీ పదవులకు విద్యార్థినీ విద్యార్థులు అధిక సంఖ్యలో నామినేషన్లు వేయగా వాటిలో 36 స్టూడెంట్స్‌ ఎలక్షన్‌ గైడ్‌లైన్స్‌ ప్రకారం చెల్లిన నామినేషన్లుగా తుది జాబితాలో ప్రిన్సిపాల్‌ రాధాకాంత భుయ్యాన్‌ ప్రకటించారు. వీటిలో రెండు నామినేషన్లు నిన్నగడువు తీరిన తరువాత మధ్యాహ్నం 3.30 గంటలకు వచ్చి నామినేషన్లు వేశారని విద్యార్థులు ఆరోపిస్తున్నారు. దీనిపై సమగ్రమంగా సీసీ పూటేజీ ద్వారా దర్యాప్తు చేయాలని విద్యార్థులు నిరసన వ్యక్తం చేశారు. మోడల్‌ పోలీసు అధికారి ప్రశాంత్‌ భూపతి శాంతి భద్రతలకు విఘాతం కలుగుకుండా బందోబస్తు ఏర్పాటు చేశారు.

కొరాపుట్‌: అంతర్రాష్ట్ర బైక్‌ దొంగల ముఠాని జయపూర్‌ పట్టణ పోలీసులు అరెస్ట్‌ చేశారు. శనివారం సాయంత్రం జయపూర్‌ పట్టణ పోలీస్‌ స్టేషన్‌లో ఎస్‌డీపీఓ అర్చనా మిట్టల్‌ ఈ కేసు వివరాలు ప్రకటించారు. గత నెల 29 న చత్తీస్‌గఢ్‌ రాష్ట్రం బస్తర్‌కి చెందిన భవేష్‌ వర్మ వ్యక్తిగత పని మీద జయపూర్‌ వచ్చారు. అతని బైక్‌ దొంగలు పాలవ్వడంతో పోలీస్‌ స్టేషన్‌లో ఫిర్యాదు చేశారు. దాంతో పోలీసులు ఈ కేసుని సవాల్‌ గా తీసుకొని దర్యాప్తు చేశారు. పట్టణ సమీపంలో హన్నాగుడ కి చెందిన రాహుల్‌ బాగ్‌,నందపూర్‌ సమితి కొదం గుడ గ్రామానికి చెందిన బలబద్ర పంగి లను అదుపు లోనికి తీసుకొని ప్రశ్నించారు. వారు తాము దొంగతనాలు చేసినట్లు అంగీకరించారు. వారిచ్చిన సమాచారం మేరకు వివిధ ప్రాంతాలలో 15 బైక్‌ లు రికవరీ అయ్యాయి. అందులో ఆంధ్ర ప్రదేశ్‌ లో సాలూరు,విశాఖ పట్నం,గుంటూరు లకు చెందిన 3 బైక్‌లు, చత్తీస్‌గఢ్‌ రాష్ట్రానికి చెందిన 4 బైక్‌లు, ఉత్తర్‌ ప్రదేశ్‌ కి చెందిన ఒక బైక్‌, ఒడిశాకి చెందిన 7 బైక్‌ లు స్వాధీనం చేసుకున్నారు. ఈ ముఠాలో మరి కొందరు నిందితులు ఉన్నారని, వారి కోసం గాలింపులు జరుగుతున్నాయని ఎస్‌డీపీఓ ప్రకటించారు. సమావేశంలో ఐఐసీ ఉల్లాస్‌ కుమార్‌ రౌత్‌, తదితరులు పాల్గొన్నారు.

పర్లాకిమిడి: సెంచూరియన్‌ వర్సిటీ క్యాంపస్‌లో ఇంజినీరింగ్‌ రంగంలో ‘కృత్రిమ మేధస్సు, మెషిన్‌ లెర్నింగ్‌ ఆవర్తనాలు’ అనే అంశంపై గత రెండువారాలుగా నిర్వహించిన అధ్యాపక అభివృధ్ధి కార్యక్రమం శనివారంతో ముగిసింది. కార్యక్రమంలో ఎన్‌ఐటీ పాట్న, సెంచూరియన్‌ వర్సిటీ పర్లాకిమిడి సంయుక్తంగా నిర్వహించారు. దీనికి భారత ప్రభుత్వ సాంకేతిక సమాచార మంత్రిత్వ శాఖ సహకరించింది. ముగింపు వేడుకల్లో ఎన్‌ఐటీ వరంగల్‌కు చెందిన అసోసియేట్‌ ప్రొఫెసర్‌ డాక్టర్‌ ప్రవీణ్‌ పట్నాయిక్‌ ముఖ్యఅతిథిగా విచ్చేసి ఉపన్యాసం ఇచ్చారు. ఎఫ్‌డీపీ సమన్వయ కర్త డాక్టర్‌ ప్రజ్ఞా పరమితా ప్రధాన్‌ స్వాగత ఉపన్యాసం చేయగా, ఇంజినీరింగ్‌ స్కూల్‌, స్కూల్‌ఆఫ్‌ కంప్యూటర్‌, డేటా సైన్స్‌ డీన్‌ డాక్టర్‌ ప్రఫుల్ల కుమార్‌ పండా, రిజిస్ట్రార్‌ డాక్టర అనితాపాత్రో, పాల్గొన్నారు. అనంతరం విశిష్ట అతిథులను సత్కరించారు.

భువనేశ్వర్‌: రాష్ట్ర వ్యాప్తంగా శనివారం పవిత్ర మహాలయ అమావాస్య పురస్కరించుకుని శనివారం పూర్వీకులకు నివాళులర్పించేందుకు పితృ తర్పణం, శ్రాద్ధ కర్మలను నిర్వహించారు. ఈ సందర్భంగా పూర్వీకుల ఆశీస్సులు కోరుతూ, వారికి శ్రాద్ధకర్మ, తిల తర్పణం, పిండప్రదానం పూజాదులతో కొలనులు, పుష్కరిణిలు ఇతరేతర పవిత్ర జలాశయాల తీరాలు కిటకిటలాడాయి. ప్రధానంగా పూరీ, భువనేశ్వర్‌ ప్రాంతాల్లో ఈ సందడి అధికంగా తారసపడింది. భువనేశ్వర్‌లో బిందు సాగర్‌ మహాలయ పితృ కార్యాలకు పేరొందింది. అమావాస్యతో మహాలయ పితృ పక్షం ముగిసి దేవీ పక్షం ఆరంభమైంది. ఈ సమయం దుర్గాదేవి ఆగమనానికి, శక్తి ఆరాధనకు సంకేతంగా భావిస్తారు. 19 మంది వైద్యుల నియామకంపర్లాకిమిడి: గజపతి జిల్లాలో పలు ఆయుష్‌ ఆస్పత్రుల్లో డాక్టర్ల కొరత నివారించేందుకు తన సిఫారసుతో జిల్లాలో 19 మంది డాక్టర్లను ప్రభుత్వం నియమించినట్టు రాష్ట్ర బీజేపీ ఉపాధ్యక్షుడు, మాజీ ఎమ్మెల్యే కోడూరు నారాయణరావు అన్నారు. పర్లాకిమిడి డోలా ట్యాంకు రోడ్డులో ఉన్న బీజేపీ కార్యాలయంలో కోడూరు నారాయణ రావు తన పార్టీ అనుచరులతో శనివారం విలేకర్ల సమావేశం నిర్వహించారు. ఆదివాసీ బహుళ ప్రాంతమైన గజపతి జిల్లాలో ప్రభుత్వ ఆస్పత్రుల్లో డాక్టర్ల కొరత వల్ల ప్రజలు పొరుగు రాష్ట్రంలోని శ్రీకాకుళం, విశాఖపట్నం వెళ్లి ప్రభుత్వ ఆయుష్మాన్‌ ఆరోగ్య కార్డుల ద్వారా జబ్బులకు లక్షలాది రూపాయలు ఖర్చు పెడుతున్నారన్నారు. అయినా నాణ్యమైన వైద్యం అందటంలేదన్న విమర్శలు వెల్లువెత్తుతున్న నేపథ్యంలో పర్లాకిమిడి కేంద్ర ప్రభుత్వ ఆస్పత్రికి నలుగురు స్పెషలిస్టులు, ఇతర ఆయుష్‌ ప్రభుత్వ సామాజిక ఆరోగ్య కేంద్రాల్లో 15 మంది డాక్టర్లు ఈ నెల 16 తరువాత విధుల్లో చేరుతారన్నారు. త్వరలోనే మరికొంత మంది డాక్టర్లను భర్తీ చేస్తామన్నారు. బీజేపీ సాధారణ కార్యదర్శి జగన్నాథ మహాపాత్రో, కౌన్సిలరు, బీజేపీ యువజన నాయకులు బాలకృష్ణ పాత్రో తదితరులు పాల్గొన్నారు.

పర్లాకిమిడి: గజపతి జిల్లా రాయఘడ బ్లాక్‌ మర్లబ ఘాటి పర్సల్‌ గ్రామం వద్ద కారులో 23 ప్లాస్టిక్‌ క్యాన్‌లలో నాటుసారాను నువాగడ బ్లాక్‌ ఖోజురిపదా గ్రామానికి అక్రమంగా రవాణా చేసుండగా ఎకై ్సజ్‌ పోలీసులు శనివారం మధ్యాహ్నం పట్టుకున్నారు. దసరా పూజలు సందర్భంగా పర్లాకిమిడి అబ్కారీశాఖ బృందం పెట్రోలింగ్‌ నిర్వహించారు. 460 లీటర్ల నాటుసారా క్యాన్లను పట్టుకున్నారు. ఈ కేసుకు సంబంధించి కారుడ్వైర్‌ గగన శోబోరోను అరెస్టుచేసి కోర్టుకు తరలించినట్టు ఎస్‌ఐ తిరుపతి పట్నాయక్‌ తెలియజేశారు. ఈ పెట్రోలింగ్‌లో అబ్కారీ ఓఐసీ భుబన్‌ కుమార్‌ బెహరా, ఏ.ఎస్‌.ఐ నీలాంబర్‌ నాయక్‌, సర్వేశ్వరరావు, ఎం.ధర్మారాజు, మినాతీ పాయక్‌ తదితరులు పాల్గొన్నారు.

సంకల్ప బలం.. చిత్రకళ నుంచి విలువిద్య వైపు... పాయల్‌ గీసిన చిత్రాలు, ఆమె పట్టుదల గురించి సామాజిక మాధ్యమాల్లో ప్రచారమైన సమాచారం విలువిద్య శిక్షకుడు కుల్దీప్‌ వేద్వాన్‌ దృష్టిని ఆకర్షించింది. 2023లో ఆమె ప్రతిభను గుర్తించిన ఆయ న, జమ్మూ కశ్మీర్‌లోని కత్రాలో ఉన్న శ్రీ మాతా వైష్ణోదేవి ఆలయ బోర్డు ఆర్చరీ అకాడమీలో శిక్షణకు అవకాశం కల్పించారు. సాధారణ విలుకారులు చేతులతో విల్లును పట్టుకుని బాణాన్ని సంధిస్తారు. కానీ పాయల్‌ విషయంలో అది సాధ్యం కాదు. అందుకే ఆమె శారీరక సామర్థ్యాలకు అనుగుణంగా ప్రత్యేక యంత్రాంగాన్ని రూపొందించారు. దాని సహాయంతో భుజం, శరీర కదలికలను సమన్వయం చేసుకుంటూ బాణాలు సంధించడం నేర్చుకున్నారు. తొలి ప్రయత్నాలు సులభంగా సాగలేదు. అయినప్పటికీ, ప్రతి వైఫల్యాన్ని కొత్త పాఠంగా స్వీకరించి సాధన కొనసాగించారు. గురువు మార్గదర్శకత్వం, సాంకేతిక సహకారం, ఆమె పట్టుదల కలిసి పాయల్‌ను పోటీ స్థాయి విలుకారిణిగా తీర్చిదిద్దాయి. ఆసియా పారా గేమ్స్‌పై ఆశలు తదుపరి లక్ష్యం ఆసియా స్థాయి పోటీలు. 2026 అక్టోబర్‌ 18 నుంచి 24 వరకు జపా న్‌లోని ఐచి–నగోయాలో జరగనున్న ఆసియా పారా గేమ్స్‌పై పారా క్రీడాభిమానుల దృష్టి ఉంది. ఈ పోటీల్లో పాయల్‌ పాల్గొనడం, భారత జట్టులో ఆమె ఎంపిక అధికారికంగా నిర్ధారితమైన తర్వాతే ప్రకటించడం సముచితం.

మల్కన్‌గిరి: సమగ్ర శిక్ష మల్కన్‌గిరి కార్యాలయం ఆధ్వర్యంలో జిల్లా స్థాయి సేవా సంకల్ప్‌ అభియాన్‌లో భాగంగా ఉపన్యాసం, చిత్రలేఖన పోటీలు నిర్వహించారు. ఈ కార్యక్రమానికి మల్కన్‌గిరి ఎమ్మెల్యే నర్సింగ్‌ మాడ్కమి ముఖ్య అతిథిగా హాజరై విద్యార్థులను ప్రోత్సహించారు. సేవ సంకల్ప్‌ అభియాన్‌ ప్రాముఖ్యతను వివరించారు. ఈ కార్యక్రమాన్ని ప్రతి సమితిలో నిర్వహించి అక్కడ ప్రతిభను చాటిన విద్యార్థులను జిల్లా స్థాయికి ఎంపిక చేశారు. వారికి శనివారం జిల్లా స్థాయిలో నిర్వహించిన పోటీల్లో బహుమతులు అందజేశారు. ఈ కార్యక్రమాన్ని జిల్లా విద్యాశాఖ అధికారి చిత్తరంజాన్‌ పాణిగ్రాహి, ఎంపీ ప్రతినిధి సంజయ్‌ సర్కార్‌, ఎమ్మెల్యే ప్రతినిధి నిహార్‌ రంజాన్‌ రౌయి, సమితి విద్యాశాఖ అధికారి గౌరంగా సాజన్‌, ఉపాధ్యాయులు, విద్యార్థులు పాల్గొన్నారు.

కొఠియా గ్రామాల్లో..కొరాపుట్‌: ఆంధ్రా–ఒడిశా వివాదాస్పద ప్రాంతం కొఠియాలో ఆంధ్రా పోలీసులు విస్తృత తనిఖీలు చేపట్టారు. శనివారం కొరాపుట్‌ జిల్లా పొట్టంగి సమితి కొఠియా గ్రామ పంచాయతీ దొర్ల తాడి వలస, మూల తాడి వలస, దూలి బద్ర గ్రామాల సరిహద్దుల్లో ఉన్న కొండ ప్రాంతాల్లో తనిఖీలు జరిగాయి. త్వరలో ఆంధ్రప్రదేశ్‌లో స్థానిక సంస్థల ఎన్నికలు జరగనుండడంతో పార్వతీపురం సబ్‌ డివిజన్‌ డీఎస్పీ సీహెచ్‌.వి.శేషయ్య నేతృత్వంలో ఈ తనిఖీలు జరిగాయి. దాడుల్లో రూ.లక్ష విలువ గల 14 డ్రమ్ములలో నిల్వ ఉంచిన 2,800 లీటర్ల బెల్లం ఊట, 3 లీటర్ల నాటు సారా ధ్వంసం చేశారు. తయారీదారులు పరారయ్యారు.

భువనేశ్వర్‌: మహాలయ అమావాస్య సందర్భంగా ఒడిశాలోని బొలంగీర్‌, సంబల్‌పూర్‌ ప్రాంతాల్లో కొలువైన మా సమలేశ్వరి దేవి ధవళముఖి అలంకరణలో భక్తులకు దర్శనం ప్రసాదించడం విశేషం. ఏడాదికోసారి జరిగే ఈ ప్రత్యేక అలంకరణలో అమ్మవారు తెల్లని ముఖవర్ణంతో దర్శనం ప్రాప్తిస్తుంది. శక్తిస్వరూపిణి అయిన సమలేశ్వరి దేవిని ఈ రూపంలో దర్శించుకోవడానికి భక్తులు ఆసక్తి చూపుతారు. ధవళముఖి అలంకరణను గంగా దర్శన అలంకరణ అని కూడా పిలుస్తారు. ఈ అలంకరణలో అమ్మవారిని గంగా మాత స్వరూపంతో అనుసంధానిస్తారు. ధవళముఖి రూపంలో దేవిని దర్శించుకోవడం గంగానదిలో పవిత్ర స్నానం చేసిన పుణ్యఫలాన్ని అందిస్తుందని భక్తుల విశ్వాసం. తెల్లని వర్ణం పవిత్రతకు ప్రతీకగా నిలిచే ఈ అలంకరణ మహాలయ అమావాస్యకు ఆధ్యాత్మిక ప్రాధాన్యాన్ని చేకూరుస్తుంది. మహాలయ పర్వదినాన సమలేశ్వరి దేవి ధవళముఖి దర్శనం ఒడిశా భక్తి సంప్రదాయంలో ప్రత్యేక స్థానాన్ని కలిగి ఉంది. అమ్మవారి అనుగ్రహం కోసం భక్తులు ప్రత్యేక పూజలు నిర్వహిస్తూ దర్శనం చేసుకుంటారు.

● నాగు పాము కాటుతో పాములు పట్టే వ్యక్తి మృతిభువనేశ్వర్‌: సోషల్‌ మీడియాలో రీల్స్‌ కోసం విషపూరిత పాములతో సాహసం చేసిన ఓ వ్యక్తి చివరకు ప్రాణాలు కోల్పోయాడు. నాగు పామును పట్టుకుని వీడియో చిత్రీకరిస్తుండగా పాము కాటుకు గురై 28 ఏళ్ల తపన్‌ కుమార్‌ ప్రధాన్‌ మృతి చెందాడు. ఈ విషాద ఘటన పూరీ జిల్లాలో చోటుచేసుకుంది. పూరీ సదర్‌ పోలీస్‌స్టేషన్‌ పరిధిలోని కాంతాపూర్‌ గ్రామానికి చెందిన తపన్‌ పాములను పట్టడంలో నైపుణ్యం సంపాదించాడు. ఇళ్లలోకి చొరబడే పాములను పట్టుకుని సురక్షితంగా తరలించేవాడు. తన నైపుణ్యంతో పలు సందర్భాల్లో పాములను పట్టుకున్న అతడు, వాటితో ఆడుకుంటున్న వీడియోలను సోషల్‌ మీడియాలోనూ తరచూ పోస్ట్‌ చేసేవాడు. ఈ క్రమంలో తన ఇంటి వరండాలో నాగు పామును పట్టుకుని రీల్‌ చిత్రీకరిస్తుండగా ప్రమాదం చోటుచేసుకుంది. చిత్రీకరణ సమయంలో పాము అతని వేళ్లు, మోచేయి, పై చేయిపై కాటు వేసినట్లు సమాచారం. దీంతో కుటుంబ సభ్యులు తొలుత అతడిని సమీపంలోని ప్రైవేట్‌ ఆసుపత్రికి, అనంతరం పూరీ జిల్లా ప్రధాన ఆస్పత్రికి తరలించారు. అయితే, అప్పటికే అతడు మృతి చెందినట్లు వైద్యులు ప్రకటించారు. ఈ ఘటనపై పోలీసులు దర్యాప్తు ప్రారంభించారు. సోషల్‌ మీడియాలో గుర్తింపు కోసం చేసే సాహసాలు ఎంతటి ప్రమాదకర పరిణామాలకు దారితీయవచ్చో తపన్‌ మృతి మరోసారి హెచ్చరిస్తోంది.

● రైలు ఢీకొని 140 గొర్రెలు మృతి కాశీబుగ్గ: రైలు పట్టాలపై మూగజీవాల మృత్యుఘోష వినిపించింది. పూండి–రౌతుపురం రైల్వే స్టేషన్‌, నందిగాం మండలం దేవాడ పరిధి రైలు పట్టాలకు ఆనుకుని ఉన్న పరిసరాల్లో 140 గొర్రెలను కొందరు పెంపకందారులు మేతకు తీసుకువచ్చారు. సా యంత్రం 4.30 గంటల సమయంలో ట్రాక్‌ పైనుంచి జీవాలను దాటిస్తుండగా విశాఖ వైపు వెళ్లే ఎక్స్‌ప్రెస్‌ రైలు వాటిపై నుంచి దూసుకెళ్లింది. మొత్తం 140 జీవాలు మృతి చెందాయి. క్షణాల్లో జరిగిన ఘోరాన్ని చూసి పెంపకందారులైన లండ తిరుపతిరావు తదితరులు కుప్పకూలారు. లబోదిబోమంటూ విలపించారు. మృతి చెందిన జీవాల విలువ రూ. 14లక్షలకుపైగానే ఉంటుందని బాధితులు తెలిపారు.

కొరాపుట్‌: ఎనిమిదేళ్ల అనంతరం కళాశాలల్లో విద్యార్థి సంఘాలకు ప్రభుత్వం ఎన్నికలు నిర్వహించడంతో సందడి ఏర్పడింది. కొరాపుట్‌, నబరంగ్‌పూర్‌ జిల్లాల్లో నామినేషన్లు వేయడం ప్రారంభించారు. బీజేపీ అనుబంధ విద్యార్థి సంఘం ఏబీవీపీ, బీజేడీ విద్యార్థి విభాగం, కాంగ్రెస్‌ విద్యార్థి విభాగం ఎన్‌ఎస్‌యూఐలు తమ ఉనికిని కాపాడుకోవడానికి అభ్యర్థులను రంగంలోనికి దించుతున్నాయి. అవిభక్త కొరాపుట్‌ జిల్లాలో ఏకై క యునివర్సిటీ అయిన జయపూర్‌ విక్రందేవ్‌ విశ్వ విద్యాలయంలో కోలాహల వాతావరణం నెలకొంది. ఈ ఎన్నికల నేపథ్యంలో వివాదాలు జరగకుండా ఉండడానికి పోలీసులు పెద్ద ఎత్తున మెహరించారు. జయపూర్‌ ఎస్‌డీపీఓ అర్చనా మిట్టల్‌ స్వయంగా యునివర్సిటీ ప్రాంతంలో మకాం వేశారు. గుర్తింపు కార్డులు లేని వారిని క్యాంపస్‌లోనికి అనుమతి ఇవ్వడం లేదు. సమస్యలు ఉంటే తనను నేరుగా సంప్రదించాలని అర్చనా మిట్టల్‌ ప్రకటించారు. మరోవైపు నబరంగ్‌పూర్‌ జిల్లా కేంద్రంలో ప్రతిపక్ష బీజేడీ తన విద్యార్థి విభాగం తరఫున అభ్యర్థులను పోటీలో దింపింది. నబరంగ్‌పూర్‌ కాలేజ్‌లో ప్రెసిడెంట్‌గా రోహన్‌ కుమార్‌ బిసోయి బరిలో దిగారు. దీంతో పోటీ రసవత్తరంగా మారింది. కొరాపుట్‌ డీఏవీ కాలేజ్‌లో పోటీలో దిగిన అత్యధిక అభ్యర్థుల నామినేషన్లు తిరస్కరించారు. దీంతో అభ్యర్థులు ఆందోళనకి దిగారు. పోటీ చేసే వారిలో అత్యధికులు క్లాసులకు హాజరుకావడం లేదు. సరైన హాజరు పోవడంతో ఏన్నికల అధికారులు తొలగించారు. సిమిలిగుడ కాలేజ్‌ వద్ద పెద్ద ఎత్తున ప్రచారం జరుగుతుంది.

కొరాపుట్‌: క్రీడలతోనే మానసిన ఉల్లాసం సాధ్యమని జయపూర్‌ ఎమ్మెల్యే తారా ప్రసాద్‌ భాహిణిపతి అన్నారు. కొరాపుట్‌ జిల్లా కేంద్రంలోని స్పోర్ట్స్‌ కాంప్లెక్స్‌లో జరిగిన అండర్‌–17 రాష్ట్రస్థాయి బాలుర ఫుట్‌ బాల్‌ పోటీలలో ముఖ్యఅతిథిగా ప్రసంగించారు. వేర్వేరు ప్రాంతాలకు చెందిన వారితో క్రీడల్లో పాల్గొనడం ద్వారా స్నేహ సంబంధాలు మెరుగుపడడంతోపాటు క్రీడా నైపుణ్యం పెరుగుతుందన్నారు. ఈ నెల 11వ తేదీ వరకు జరిగే పోటీలలో యువత క్రీడా స్ఫూర్తిని పాటిస్తూనే విజయాన్ని అందుకోవాలని పిలుపునిచ్చారు. అంతకు ముందు లక్ష్మీపూర్‌ ఎమ్మెల్యే పవిత్ర శాంతతో కలిసి క్రీడాజ్యోతి వెలిగించి పోటీలు ప్రారంభించారు. కార్యక్రమంలో కొరాపుట్‌ ఎమ్మెల్యే రఘురాం మచ్చో, కొరాపుట్‌ మున్సిపల్‌ చైర్మన్‌ లలెటెందు రంజన్‌ శెఠి, క్రీడా అధికారులు పాల్గొన్నారు.

భువనేశ్వర్‌: ఒడిశా అభివృద్ధి ప్రణాళికలు, ప్రజా సంక్షేమ కార్యక్రమాల అమలుపై ముఖ్యమంత్రి మోహన్‌ చరణ్‌ మాఝీ, గవర్నర్‌ డాక్టర్‌ హరిబాబు కంభంపాటి చర్చించారు. శుక్రవారం భువనేశ్వర్‌లోని లోక్‌భవన్‌లో గవర్నర్‌ను ముఖ్యమంత్రి మర్యాదపూర్వకంగా కలిశారు. ఈ సందర్భంగా రాష్ట్రంలో కొనసాగుతున్న అభివృద్ధి పనుల పురోగతి, భవిష్యత్‌లో చేపట్టనున్న కీలక ప్రాజెక్టులు, ప్రజలకు మెరుగైన సేవలు అందించేందుకు తీసుకోవాల్సిన చర్యలపై ఇరువురూ తమ అభిప్రాయాలను పంచుకున్నారు. రాష్ట్ర ప్రగతిని మరింత వేగవంతం చేయడంతోపాటు, సంక్షేమ పథకాల అమలును సమర్థంగా ముందుకు తీసుకెళ్లడంపై దృష్టి సారించారు. రానున్న రోజుల్లో ప్రభుత్వం అనుసరించనున్న అభివృద్ధి ప్రాధాన్యాలు, ప్రజల అవసరాలకు అనుగుణంగా చేపట్టాల్సిన కార్యక్రమాలపైనా చర్చలు జరిగినట్లు సమాచారం.

మల్కన్‌గిరి: ఉత్కళమణి గోపబంధు దాస్‌ 149వ జయంతి కార్యక్రమాన్ని మల్కన్‌గిరి జిల్లా కలెక్టర్‌ కార్యాలయం ప్రాంగణంలో శుక్రవారం ఘనంగా నిర్వహించారు. ఈ సందర్భంగా ఆయన చిత్రపటానకి పూలమాలలు వేసి ఘనంగా నివాళులర్పించారు. ఆయన సేవలను కొనియాడారు. జిల్లా సమాచార, ప్రజాసంబంధాల శాఖ సిబ్బందితో పాటు జిల్లాలోని వివిధ మీడియా ప్రతినిధులు పాల్గొని గోపబంధుదాస్‌ సామాజిక, జర్నలిజం రంగాలకు అందించిన సేవలు, ఒడిశా రాష్ట్ర నిర్మాణంలో ఆయన పాత్రలను స్మరించుకున్నారు. కార్యక్రమంలో డీఐపీఆర్‌ ప్రమిళ మాఝి, సీనియర్‌ జర్నలిస్టు రత్నకర్‌ దాస్‌ పాల్గొన్నారు.రోడ్డు ప్రమాదంలో బార్‌ అసోసియేషన్‌ అధ్యక్షుడికి తీవ్ర గాయాలు కొరాపుట్‌: నబరంగ్‌పూర్‌ జిల్లా బార్‌ అసోసియేషన్‌ అధ్యక్షుడు సంతోష్‌ మిశ్ర (పింటూ) తీవ్ర గాయాలపాలయ్యారు. నబరంగ్‌పూర్‌ జిల్లా కోర్టు నుంచి నివాసానికి బైక్‌పై తిరిగి వస్తుండగా బండి అదుపు తప్పింది. ఈ ఘటనలో కుడి కాలు ఛిద్రమైంది. స్థానికులు నబరంగ్‌పూర్‌ జిల్లా కేంద్రాస్పత్రికి తరలించగా పరిస్థితి విషమించింది. వెంటనే జయపూర్‌లోని ప్రైవేటు ఆస్పత్రికి తరలించారు. అక్కడ వైద్యులు చేతులెత్తేయడంతో కొరాపుట్‌ జిల్లా కేంద్రంలోని సాహిద్‌ లక్ష్మణ్‌ నాయక్‌ ప్రభుత్వ వైద్య కళాశాలకి తరలించారు. అక్కడ నుంచి వైజాగ్‌ తీసుకెళ్లారు. ఆరుబయటే పాఠాల బోధన సారవకోట: మహాశింగి పంచాయతీ రేగులపాడు గ్రామంలో విద్యార్థులకు చెట్టు కింద పాఠాలు బోధిస్తున్నారు. ఇక్కడున్న పాఠశాల భవనం శిథిలం కావడంతో ఇటీవల కూలగొట్టారు. దీంతో ఉపాధ్యాయుని హరిత గ్రామంలోని ఓ ఇంటి వద్ద తరగతులు ప్రారంభించారు. రెండు రోజుల కిందట భవానీ, అయ్యప్పదీక్షలు వేసేందుకు సిద్ధం కావడంతో ఇంటిని అప్పాజెప్పాలని యజమాని సూచించడంతో ఉపాధ్యాయుని అదే ఇంటి బయట ఉన్న చెట్టు కింద పాఠాలు బోధిస్తున్నారు. ‘సాంకేతికతతో తపాలా సేవలు సులభతరం’ శ్రీకాకుళం అర్బన్‌: మారుతున్న కాలానికి అనుగుణంగా తపాలా సేవలను సులభతరం చేస్తూ ప్రజలకు అత్యుత్తమ సేవలు అందించడమే లక్ష్యమని శ్రీకాకుళం డివిజన్‌ పోస్టల్‌ సూపరింటెండెంట్‌ వి.హరిబాబు తెలిపారు. శుక్రవారం శ్రీకాకుళంలోని తపాలా సూపరింటెండెంట్‌ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. భారత తపాలా శాఖ ఆధ్వర్యంలో డివిజన్‌ పరిధిలో అక్టోబరు 9వ తేదీ నుంచి 15వ తేదీ వరకు జాతీయ తపాలా వారోత్సవాలను ఘనంగా నిర్వహిస్తున్నట్లు పేర్కొన్నారు. ప్రపంచ తపాలా దినోత్సవం సందర్భంగా ఒకే తపాలా నెట్‌వర్క్‌–అనంతమైన అవకాశాలు అనే ప్రధాన అంశంతో ఈ వేడుకలు సాగుతాయని స్పష్టం చేశారు. 12న తపాలా బిళ్లల సేకరణపై అవగాహన దినోత్సవం, 13న ఆర్థిక సమ్మేళితత్వం, పౌర కేంద్రీకృత సేవల దినోత్సవం, 14న మెయిల్స్‌, పార్సిళ్ల దినోత్సవం, 15న సాంకేతికత, ఆవిష్కరణల దినోత్సవాలను నిర్వహిస్తున్నట్లు వివరించారు. వాహనం ఢీకొని విశ్రాంత ఆర్మీ ఉద్యోగి మృతి నందిగాం: నర్సిపురం పంచాయతీ కోమటూరుకు చెందిన విశ్రాంత ఆర్మీ ఉద్యోగి ఇప్పిలి షణ్ముఖరావు(39) గురువారం రాత్రి జరిగిన రోడ్డు ప్రమాదంలో మృతి చెందారు. పోలీసులు తెలిపిన వివరాల ప్రకారం.. కోమటూరుకు చెందిన జనార్దనరావు, జయలక్ష్మీ దంపతులకు షణ్ముఖరావు ఒక్కడే కుమారుడు. ఆర్మీలో పనిచేసి ఆరు నెలల క్రితం ఉద్యోగ విరమణ పొందారు. గ్రామంలో పొట్టేళ్ల ఫారమ్‌ ఏర్పాటు చేసుకొని జీవనం సాగిస్తున్నాడు. గురువారం రాత్రి 9 గంటలకు పొట్టేళ్ల మేత కోసం ద్విచక్ర వాహనంపై టెక్కలి వెళ్లి తిరిగి 11.45 గంటల ప్రాంతంలో వస్తుండగా టెక్కలి మండలం శాసనాం వద్ద గుర్తు తెలి యని వాహనం ఢీకొట్టింది. తల మీదుగా చ క్రం వెళ్లడంతో అక్కడికక్కడే మృతి చెందాడు. షణ్ముఖరావుకు భార్య దివ్య, ఇంటర్‌ చదువుతున్న ఇద్దరు కుమార్తెలు, 8వ తరగతి చదువు తున్న కుమారుడు ఉన్నారు. నందిగాం ఎస్సై షేక్‌ మహమ్మద్‌ ఆలీ కేసు నమోదు చేశారు.

శనివారం శ్రీ 10 శ్రీ అక్టోబర్‌ శ్రీ 2026● నామి కళాశాల నిరవధిక మూసివేత ● అధ్యక్ష పదవికి ఐదు నామినేషన్లు రాయగడ: స్థానిక అటానమస్‌ కళాశాలలో ఈ నెల 15 వ తేదీన జరగనున్న విద్యార్థి సంఘం ఎన్నికల ప్రక్రియకు శ్రీకారం చుట్టారు. ఎన్నికల సందడితో విద్యార్థులు వివిధ పదవులకు పోటీ చేసేందుకు సిద్ధమయ్యారు. ఈ క్రమంలో శుక్రవారం నాడు ఎన్నికలకు సంబంధించి నామినేషన్ల ప్రక్రియ ప్రారంభమైంది. నామినేషన్ల ప్రక్రియ పూర్తయ్యే సరికి విద్యార్థి సంఘం అధ్యక్ష పదవి కోసం ఐదుగురు పోటీ పడుతుండగా ఉపాధ్యక్ష పదవి కోసం ముగ్గురు, కార్యదర్శి పదవి కోసం నలుగురు, సహాకార్యదర్శి పదవి కోసం మరో ముగ్గురు తమ తమ నామినేషన్లను దాఖలు చేశారు. శనివారం నాడు నామినేషన్ల ఉపసంహరణ కార్యక్రమం ఉంటుందని ఎన్నికల అధికారిగా వ్యవహరిస్తున్న అటానమాస్‌ కళాశాల అధ్యక్షులు పి.అరుణ్‌ కుమార్‌ తెలియజేశారు. ఈ నెల 15 వ తేదీన జరగనున్న ఎన్నికలను ప్రశాంతంగా నిర్వహించేందుకు అన్ని చర్యలు చేపట్టమని ఆయన తెలిపారు. ఎన్నికలు పూర్తయ్యే రోజు సాయంత్రం ఫలితాలను ప్రకటిస్తామని చెప్పారు.భువనేశ్వర్‌: ఎనిమిదేళ్ల విరామం తర్వాత ఒడిశాలో తిరిగి జరుగుతున్న విద్యార్థి సంఘ ఎన్నికలు పలు కళాశాలల్లో ఉద్రిక్తతలకు దారితీశాయి. విద్యార్థుల ఆందోళనలు, అశాంతి నేపథ్యంలో భద్రక్‌ జిల్లాలోని మూడు కళాశాలల్లో ఎన్నికలను రద్దు చేయగా, నామి డిగ్రీ కళాశాలను నిరవధికంగా మూసివేస్తున్నట్లు అధికారులు ప్రకటించారు. రాష్ట్ర వ్యాప్తంగా కళాశాలల్లో శుక్రవారం విద్యార్థి సంఘ ఎన్నికలకు నామినేషన్ల దాఖలు ప్రక్రియ ముగిసింది. చెల్లుబాటైన నామినేషన్ల జాబితా ప్రచురణతో వివిధ క్యాంపస్‌లలో ఎన్నికల సందడి నెలకొంది. తమ అభ్యర్థులకు మద్దతు కూడగట్టుకునేందుకు విద్యార్థి సంఘాలు ప్రయత్నాలను ముమ్మరం చేశాయి. భద్రక్‌ మహిళా కళాశాల, నామి డిగ్రీ కళాశాల, ఒగొరొపొడ కళాశాలల్లో ఎన్నికలను రద్దు చేశారు. దీనిపై విద్యార్థులు ఆగ్రహం వ్యక్తం చేస్తూ, ఎన్నికలు నిర్వహించాలని, కళాశాలలను తిరిగి తెరవాలని డిమాండ్‌ చేశారు. ఈ నేపథ్యంలో నామి డిగ్రీ కళాశాలను శుక్రవారం మధ్యాహ్నం 12.30 గంటల నుంచి తదుపరి ఉత్తర్వులు జారీ అయ్యేంత వరకు నిరవధికంగా మూసివేస్తున్నట్లు కళాశాల అధికారులు ప్రకటించారు. కలెక్టర్‌ కార్యాలయం ముట్టడి నయాగఢ్‌ జిల్లాలోని ఇట్టామట్టి బన్సీధర్‌ కళాశాలలో ఎన్నికలకు బదులుగా ఎంపిక విధానంలో విద్యార్థి ప్రతినిధులను నియమించాలన్న నిర్ణయంపై విద్యార్థులు తీవ్ర నిరసన వ్యక్తం చేశారు. నిబంధనల ప్రకారం ఎన్నికలు నిర్వహించాలని డిమాండ్‌ చేస్తూ జిల్లా కలెక్టర్‌ కార్యాలయం ఎదుట బైఠాయించి ఆందోళన చేపట్టారు. పలుచోట్ల ఏకగ్రీవ ఎన్నికలు జాజ్‌పూర్‌ జిల్లాలోని ధర్మశాల కళాశాలలో అధ్యక్షుడితో సహా 17 మంది అభ్యర్థులు ఏకగ్రీవంగా ఎన్నికయ్యారు. అలాగే కియోంఝర్‌ జిల్లాలోని ఝుంపురా పంచాయతీ సమితి కళాశాలలో 13 మంది అభ్యర్థులు ఏకగ్రీవంగా ఎన్నికై నట్లు సమాచారం. అభ్యర్థులు శనివారం ఉదయం 10 గంటల నుంచి మధ్యాహ్నం 1 గంట వరకు తమ నామినేషన్లను ఉపసంహరించుకోవచ్చు. తుది అభ్యర్థుల జాబితాను మధ్యాహ్నం 3 గంటలకు ప్రకటించనున్నారు. రాష్ట్రంలోని 13 విశ్వవిద్యాలయాలు, 328 కళాశాలల్లో ప్రత్యక్ష ఎన్నికలు నిర్వహించనుండగా, మరో 205 విద్యాసంస్థల్లో ఎంపిక విధానం ద్వారా విద్యార్థి ప్రతినిధులను ఎన్నుకోనున్నారు. నామినేషన్ల ఉపసంహరణ అనంతరం అక్టోబర్‌ 14న ‘నేనెందుకు పోటీ చేస్తున్నాను’ అనే అంశంపై అభ్యర్థులు తమ అభిప్రాయాలను వెల్లడించే సమావేశం నిర్వహించనున్నారు. అక్టోబర్‌ 15న ఉదయం 8 గంటల నుంచి మధ్యాహ్నం 2 గంటల వరకు పోలింగ్‌ జరగనుంది. అనంతరం అదే రోజు మధ్యాహ్నం 2 గంటలకు ఓట్ల లెక్కింపు ప్రారంభించి, ఫలితాలను ప్రకటిస్తారు. కొత్తగా ఎన్నికై న విద్యార్థి ప్రతినిధుల ప్రమాణ స్వీకార కార్యక్రమం అక్టోబర్‌ 16న నిర్వహించనున్నారు. టిట్లాగఢ్‌కు జిల్లా హోదా కోరుతూ కళాశాల ఎన్నికల బహిష్కరణ భువనేశ్వర్‌: టిట్లాగఢ్‌కు జిల్లా హోదా కల్పించాలనే దీర్ఘకాలిక డిమాండ్‌ నెరవేరకపోవడాన్ని నిరసిస్తూ, బొలంగీర్‌ జిల్లాలోని టిట్లాగఢ్‌ డీఏవీ అటానమస్‌ కళాశాల విద్యార్థులు విద్యార్థి సంఘ ఎన్నికలను బహిష్కరించాలని నిర్ణయించారు. ఈ మేరకు శుక్రవారం ప్రకటించిన విద్యార్థులు, ఎన్నికల నామినేషన్ల ప్రక్రియకు దూరం పాటించినట్లు వెల్లడించారు. టిట్లాగఢ్‌ను ప్రత్యేక జిల్లాగా ప్రకటించాలనే డిమాండ్‌ 1992 నుంచి కొనసాగుతోంది. దశాబ్దాలుగా ఆందోళనలు, వివిధ రూపాల్లో నిరసనలు చేపట్టినా ప్రభుత్వం నుంచి సానుకూల స్పందన లభించలేదని విద్యార్థులు అసంతృప్తి వ్యక్తం చేశారు. తమ డిమాండ్‌ను నెరవేర్చడంలో జరుగుతున్న జాప్యానికి నిరసనగా ఈ నిర్ణయం తీసుకున్నట్లు తెలిపారు. టిట్లాగఢ్‌కు అధికారికంగా జిల్లా హోదా కల్పించే వరకు విద్యార్థి సంఘ ఎన్నికల్లో పాల్గొనబోమని స్పష్టం చేశారు. తమ నిరసన ద్వారా ప్రభుత్వంపై ఒత్తిడి పెంచి, చిరకాల డిమాండ్‌ సాధించుకోవచ్చని ఆశాభావం వ్యక్తం చేశారు.

రాయగడ: స్థానిక రైతుల కాలనీలోని నవజీవన్‌ ట్రస్టు ఆధ్వర్యంలో శుక్రవారం నిరుపేదలైన 40 మంది ఆదివాసీ వృద్ధ మహిళలకు ఉచితంగా నిత్యావసరాలను పంపిణీ చేశారు. బియ్యం, నూనె, బంగాళదుంపలు, కందిపప్పు వంటి తదితర నిత్యవసరాలను పంపిణీ చేసినట్లు ట్రస్టు నిర్వాహకురాలు ఎం.నళిని తెలిపారు. ప్రతినెలా ఆదివాసీ వృద్ధ మహిళలకు ట్రస్టు ద్వారా నిత్యావసర వస్తువులను పంపిణీ చేస్తున్నట్లు ఆమె తెలిపారు. తిరుపతిలోని ట్రస్టు వ్యవస్థాపకులు డాక్టర్‌ శ్రీధర్‌ ఆచార్య ఆదివాసీ, హరిజన ప్రాంతమైన ఈ ప్రాంతంలో ట్రస్టును ఏర్పాటు చేసి ఎంతోమంది నిరుపేదలకు ఆశాదీపంగా ఆదుకుంటున్నారని తెలిపారు. అదేవిధంగా ఈ ట్రస్టు ద్వారా సుమారు వందమందికి పైగా నిరుపేదలైన అనాథ, ఆదివాసీ యువతులకు ఉచితంగా భోజన, వసతి సౌకర్యం కల్పించడంతో పాటు వారికి చదువు కూడా చెప్పిస్తున్నారని వెల్లడించారు. ఆయుష్మాన్‌ కార్డుల దుర్వినియోగం మల్కన్‌గిరి: జిల్లాలోని పలు గ్రామాలకు చెందిన రోగులను సేకరించి విశాఖపట్నంకు తరలిస్తూ దళారులు ఆయష్మాన్‌ కార్డుల్లో లక్షలు దోచుకుంటున్నారని చిత్రకొండ ఎమ్మెల్యే మంగు ఖీలో ఆరోపించారు. ఈ మేరకు సమారు 50 మంది రోగులతో విశాఖపట్నం నుంచి మల్కన్‌గిరికి వచ్చిన ఒక బస్సును ఆయన శుక్రవారం అడ్డుకున్నారు. దళారులు గ్రామాల్లో తిరుగుతూ రోగులకు ఆయుష్మాన్‌ కార్డులపై వైద్య పరీక్షలు చేయిస్తామని చెప్పి ఇతర రాష్ట్రాలకు తరలిస్తున్నారని పేర్కొన్నారు. శుక్రవారం అడ్డుకున్న బస్సులో 50 మంది వరకు రోగులు ఉన్నారు. దీంతో దళారులను పట్టుకొని విచారించగా ఖోయిర్‌పూట్‌ సమితి కూడుములగూమ్మకు చెందిన ఒక వ్యక్తి తరిస్తున్నట్లు తెలిసింది. దీంతో ఆయనపై కేసు నమోదు చేయాలని ఎమ్మెల్యే డిమాండ్వ చేశారు. వారి కార్డుల్లో ఉన్నటువంటి డబ్బులు లూటీ చేస్తున్నారని ఆరోపించారు. ఎస్‌ఈబీసీల స్థితిగతులపై అధ్యయనానికి కమిషన్‌ భువనేశ్వర్‌: రాష్ట్రంలో సామాజికంగా, విద్యాపరంగా వెనుకబడిన తరగతుల (ఎస్‌ఈబీసీ) జనాభా, స్థానిక సంస్థల్లో వారి రాజకీయ ప్రాతినిధ్యాన్ని అంచనా వేసేందుకు ఒడిశా ప్రభుత్వం ప్రత్యేక కమిషన్‌ ఏర్పాటు చేసింది. ఈ మేరకు రాష్ట్ర ఎస్సీ, ఎస్టీ అభివృద్ధి, బలహీన వర్గాలు, వెనుకబడిన తరగతుల సంక్షేమ శాఖ ఉత్తర్వులు జారీ చేసింది. ఒడిశా హైకోర్టు విశ్రాంత న్యాయమూర్తి జస్టిస్‌ ప్రమత్‌ పట్నాయక్‌ కమిషన్‌ చైర్‌పర్సన్‌గా, విశ్రాంత ఐఏఎస్‌ అధికారి బిజయ్‌ కుమార్‌ పృష్టి సభ్యుడిగా నియమితులయ్యారు. ఆ శాఖ ప్రత్యేక కార్యదర్శి సుజాత మిశ్రా సభ్య కార్యదర్శిగా వ్యవహరిస్తారు. పంచాయతీలు, పట్టణ స్థానిక సంస్థల్లోని మొత్తం జనాభాలో ఎస్‌ఈబీసీల వాటాను కమిషన్‌ అంచనా వేయనుంది. ఆయా సంస్థల్లో వారికి ప్రస్తుతం ఉన్న రాజకీయ ప్రాతినిధ్యాన్ని పరిశీలించడంతోపాటు, జనాభా నిష్పత్తితో పోలిస్తే వారి రాజకీయ ప్రాతినిధ్యంలో ఉన్న లోటుపాట్లు, వాటి స్వభావం, ప్రభావాలను అధ్యయనం చేయనుంది. గ్రామీణ, పట్టణ స్థానిక సంస్థల్లో ఎస్‌ఈబీసీల సామాజిక, రాజకీయ ప్రాతినిధ్యంపై సమగ్ర అధ్యయనం చేపట్టాలని ముఖ్యమంత్రి మోహన్‌ చరణ్‌ మాఝీ నిర్ణయించిన నేపథ్యంలో ప్రభుత్వం ఈ కమిషన్‌ను ఏర్పాటు చేసింది.

● అంగన్‌వాడీ కార్యకర్తల తీరుపై ప్రెస్‌ అండ్‌ మీడియా వెల్ఫేర్‌ అసోసియేషన్‌ ఆగ్రహం రాయగడ: అంగన్‌వాడీ కేంద్రాల్లో పిల్లలకు ఆహార పంపిణీ, విద్యా బోధన, ఇతర సౌకర్యాల నిర్వహణలో ఉన్న లోపాలను వెలుగులోకి తెచ్చేందుకు వెళ్లిన జర్నలిస్ట్‌ పై దురుసుగా ప్రవర్తించడమే కాకుండా, అనంతరం సమూహంగా చేరి బెదిరింపులకు పాల్పడ్డారనే ఆరోపణలు రాయగడ జిల్లాలో చర్చనీయాంశంగా మారాయి. ఈ ఘటనపై తీవ్ర ఆగ్రహం వ్యక్తం చేసిన ప్రెస్‌ అండ్‌ మీడియా వెల్ఫేర్‌ అసోసియేషన్‌ నిష్పక్షపాత విచారణ జరిపి బాధ్యులపై తగిన చర్యలు తీసుకోవాలని డిమాండ్‌ చేసింది. ఈ మేరకు సమీకృత శిశు అభివృద్ధి ప్రాజెక్టు అధికారి (ఐసిడిఎస్‌) కు ఉద్దేశించిన వినతిపత్రాన్ని సూపర్‌వైజర్‌ సుబుధ్ది సబర్‌కు అసోసియేషన్‌ ప్రతినిధులు శుక్రవారం అందజేశారు. ఒక ఒడియా దినపత్రిక జిల్లా ప్రతినిధి విజయ్‌ కుమార్‌ మహారాణ అక్టోబర్‌ 3న సదరు సమితి పరిధిలో గల బైరాగి హాలువ పంచాయతీలోని గురురాజగుడ అంగన్‌వాడీ కేంద్రానికి వార్త సేకరణ కోసం వెళ్లగా.. అంగన్‌వాడీ కార్యకర్త ఆయనతో దురుసుగా ప్రవర్తించారు. ఆ తర్వాతి రోజు కూడా బెదిరింపులు వచ్చాయి. దీనిపై విచారణ జరపాలని పాత్రికేయులు కోరారు.

రాయగడ: గ్రామీణ ప్రాంతాల యువతులు, మహిళలకు డిజిటల్‌ విద్యను చేరువ చేసేందుకు ఇండియన్‌ మెటల్స్‌ అండ్‌ ఫెర్రో ఎల్లాయిస్‌ (ఇంఫా) ప్లాంట్‌ యాజమాన్యం, వంశీధర్‌ ఇలా ఫౌండేషన్‌ సంయుక్తంగా వినూత్న కార్యక్రమానికి శ్రీకారం చుట్టాయి. ఈ–శిక్షా ఎక్స్‌ప్రెస్‌ పేరుతో ప్రారంభించిన మోబైల్‌ విద్యా వాహనం గ్రామ గ్రామాణా పర్యటిస్తూ కంప్యూటర్‌ విద్యను అందించనుంది. డిజిటల్‌ యుగంలో కంప్యూటర్‌ పరిజ్ఞానం ఎంతో అవసరమైనప్పటికీ గ్రామీణ ప్రాంతాల్లోని అనేక మంది విద్యార్థులు రవాణ, సౌకర్యాల కొరత, దూరభారం కారణంగా విద్యకు దూరమవుతున్నారు. ఈ సమస్యను అధిగమించి గ్రామీణ ప్రాంతాల ప్రజలకు వారి గ్రామాల్లోనే డిజిటల్‌ విద్యను అందించాలనే లక్ష్యంతో కార్యక్రమాన్ని ప్రారంభించారు. ఈ విద్యా వాహనం ద్వారా ప్రాథమిక కంప్యూటర్‌ పరిజ్ఞానంతో పాటు మైక్రోసాఫ్టు ఆఫీస్‌, ఇంటర్‌నెట్‌ వినియోగం, ఆర్టిఫిషియల్‌ ఇంటిలిజెన్స్‌, సైబర్‌ భద్రత వంటి అంశాల్లో శిక్షణ అందించనున్నారు. దీని వల్ల గ్రామీణ యువతులు, మహిళలు ఆధునిక సాంకేతిక పరిజ్ఞానాన్ని నేర్చుకుని తమ నైపుణ్యతను పెంపొందించుకునే అవకాశం కలుగుతుంది. పైకపడ గ్రామానికి చెందిన పుష్పాంజలి హికక ఈ కార్యక్రమం ద్వారా ప్రయోజనం పొందుతున్న విద్యార్థినుల్లో ఒకరు. ఆమె గ్రామం నుంచి పాఠశాల సుమారు ఎనిమిది కిలొమీటర్ల దూరంలో ఉండడంతో రాకపొకలకు ఇబ్బందులు ఎదురయ్యేవి. బస్సు సౌకర్యం లేకపొవడంతో దూర ప్రాంతాలకు వెళ్లి విద్యను అభ్యసించడం కష్టంగా ఉండేది. ఇప్పుడు గ్రామానికి డిజిటల్‌ విద్య చేరువ కావడంతొ ఆమె ఆనందం వ్యక్తం చేస్తున్నారు. గ్రామీణ ప్రాంతాల్లొ డిజిటల్‌ అక్షరాస్యతను పెంపొందించడం, యువతులు, మహిళలకు సాంకేతిక విద్యను అందుబాటులొకి తీసుకురావడం ఈ కార్యక్రమ ప్రధాన ఉద్దేశ్యమని నిర్వాహకులు తెలిపారు. ఇంఫా, వంశీధర్‌ ఇళా పండా ఫౌండేషన్‌ చేపట్టిన ఈ కార్యక్రమం గ్రామీణ విద్యారంగంలొ కొత్త అవకాశాలకు మార్గం చూపుతుందని ఆశాభావం వ్యక్తం చేసారు. ఈ కార్యక్రమంలో కొలనార ఉపాధ్యక్షుడు హలధర్‌ హిమిరిక, ఈ–శిక్షా ఉపాధ్యాయురాలు అర్చనా మహాపాత్ర, ఇంఫా తెరువలి డిజీఎం క్షీతీస్‌ మహాపాత్రొ , యూనిట్‌ హెడ్‌ జివి రాకేష్‌ తదితరులు ప్రారంభోత్సవంలో పాల్గొన్నారు.

కొరాపుట్‌: రోడ్డు ప్రమాదంలో భార్యాభర్తలు మృతి చెందిన విషాదకర ఘటన జరిగింది. శుక్రవారం నబరంగ్‌పూర్‌ జిల్లా కేంద్రంలోని ఇచ్చావతి గుడ కి చెందిన సుశాంత్‌ పాణీగ్రాహీ (55), అతని భార్య మీనాక్షి పాణీ గ్రాహీ (50) ఉమ్మర్‌కోట్‌ పట్టణం నుంచి నబరంగ్‌పూర్‌ కి తమ కారులో బయల్దేరారు. డాబుగాం సమీపంలో దమనాగుడ వద్ద కారు అదుపు తప్పి చెట్టుని ఢీ కొంది. ఘటనా స్థలంలోనే భార్యాభర్తలు మృతి చంఎదారు. కారును సుశాంత్‌ నడుపుతున్నాడు. మితిమీరిన వేగం వల్ల ప్రమాదం జరిగినట్లు తెలిసింది. డాబుగాం అగ్ని మాపక సిబ్బంది సంఘటన స్థలానికి చేరుకుని మృతదేహాలను వెలికి తీసి డాబుగాం ప్రభుత్వ వైద్యశాలకు తరలించారు.

టెక్కలి: కోటబొమ్మాళి మండలం దంత ప్రాథమికోన్నత పాఠశాలలో శుక్రవారం నిర్వహించిన స్కూల్‌ మేనేజ్‌మెంట్‌ ఎన్నికల్లో కోరం లేని సభ్యులు బరితెగించారు. తమకు అనుకూలంగా ఎన్నికలు నిర్వహించాలని ఉపాధ్యాయులతో వాగ్వాదానికి దిగారు. ఈ క్రమంలో ఎస్‌ఎంసీ మినిట్స్‌ పుస్తకాలను చించేశారు. అక్కడే పోలీసులు ఉన్నప్పటికీ ప్రేక్షత పాత్రకే పరిమితమయ్యారు. గత నెల 29న ఇదే పాఠశాలలో ఎన్నికలు నిర్వహించగా కోరం లేని సభ్యులు తమకు అనుకూలంగా ఎన్నికలు నిర్వహించాలని పట్టుబట్టడం, మిగిలిన వారువ్యతిరేకించడంతో చివరి నిమిషంలో ఎన్నికలను వాయిదా వేసిన సంగతి తెలిసిందే. తాజాగా ఎన్నికలోనూ అదే సీన్‌ రిపీట్‌ అయ్యింది. ప్రధానోపాధ్యాయుడు తవిటినాయుడు పర్యవేక్షణలో ఎన్నికల ప్రక్రియ ఆరంభించారు. రెండో సారి ఎన్నికలు జరుగుతున్నా కనీసం మండల స్థాయి అధికారులు హాజరుకాకపోవడం పలు సందేహా వ్యక్తమవుతున్నాయి. కోరం లేని సభ్యులు మినిట్స్‌ పుస్తకాలను చించేసినా కోటబొమ్మాళి ఎస్‌ఐ వి.సత్యనారాయణ, సిబ్బంది కట్టడి చేయకపోవడంపై విమర్శలు వ్యక్తమయ్యాయి. ఎన్నికలను మరోసారి వాయిదా వేయడంతో మెజారిటీ కోరం కలిగిన సభ్యులు విస్తుపోయారు. తమకు అనుకూలంగా ఎన్నిక నిర్వహించాలన్న కోరం లేని సభ్యులు ఎస్‌ఎంసీ ఎన్నికల మినిట్స్‌ పుస్తకాలు చించివేత మరోసారి ఎస్‌ఎంసీ ఎన్నికలు వాయిదా

● చిత్రకొండ సమితిలో 1500 కిలోల గంజాయి పట్టివేత మల్కన్‌గిరి: గంజాయి అక్రమ రవాణా గుట్టురట్టయింది. మల్కన్‌గిరి జిల్లా చిత్రకొండ సమితి జోడాంబు పోలీసులు కొండ ప్రాంతాల్లో దాడులు నిర్వహించి భారీగా గంజాయి నిల్వలను గుర్తించారు. ఓ గోతులో నాలుగు ఇనుప ప్రెస్సింగ్‌ బాక్సులతో పాటు 1500 కిలోల గంజాయిని స్వాధీనం చేసుకున్నారు. గురువారం పెట్రోలింగ్‌ నిర్వహిస్తున్న సమయంలో పోలీసులకు సదారాం గ్రామ సమీపంలోని అటవీ ప్రాంతంలో గంజాయి ఉన్నట్టు సమాచారం వచ్చింది. దీంతో జోడాంబు పోలీసుస్టేషన్‌ ఐఐసీ మానోరంజాన్‌ సాహు నేతృత్వంలో ఉన్న ఆంధ్ర–ఒడిశా సరిహద్దు గ్రామంలో దాడులు చేసి.. అక్కడ అక్రమంగా రవాణా చేసేందుకు సిద్ధంగా ఉన్న గంజాయి బస్తాలను స్వాధీనం చేసుకున్నారు. పట్టుబడ్డ గంజాయిని జిల్లా ఎస్పీ వినోద్‌ పటెల్‌ ఆదేశాల మేరకు చిత్రకొండ ఎస్‌డీపీవో ప్రదోష్‌ ప్రధాన్‌ ఆధ్వర్యంలో తూకం వేయగా 1500 కిలోలు ఉన్నట్టు తేలింది. బహిరంగ మార్కెట్‌లో దీని విలుల కోటిన్నర రూపాయలు ఉంటుందని అధికారులు వెల్లడించారు. కేసునమోదు చేసి గంజాయి ఎవరిదో అనే కోణంలో దర్యాప్తు చేస్తామన్నారు. కలిమెల సమితిలో 25 కిలోలు స్వాధీనం : ఇద్దరు అరెస్టు మల్కన్‌గిరి జిల్లా కలిమెల సమితి పోలీసులు గురువారం రాత్రి వాహన తనిఖీలు చేస్తుండగా గంజాయి అక్రమ రవాణా వెలుగు చూసింది. ఈ సందర్భంగా 22 కిలోల గంజాయిని స్వాధీనం చేసుకొని ఇద్దరిని అరెస్టు చేశారు. కలిమెల ఐఐసీ ప్రభుదత్తు తెలిపిన వివరాలు ప్రకారం.. గంజాయి అక్రమ రవాణాను నివారించే క్రమంలో కలిమెల సమితి యం.వి.90 గ్రామం వద్ద పెట్రోలింగ్‌ చేస్తుండగా.. తెలంగాణా రిజిస్ట్రేషన్‌ నెమ్‌ప్లేట్‌ ఉన్న ఆటో అనుమానాస్పదంగా వెళ్తుండగా.. దారి ఆపి తనిఖీ చేశారు. దీంతో అందులో 22 కిలోల గంజాయి పట్టుబడడంతో అందులో ఉన్న ఇద్దరు వ్యక్తుపై కేసు నమోదు చేసి అరెస్టు చేశారు. పట్టబడిన గంజాయి విలువ రూ. మూడు లక్షలు ఉంటుందని చెప్పారు. పట్టుబడిన వ్యక్తులు కలిమెల సమితి పురుషగూఢ గ్రామానికి చెందిన చంద్ర సోల్బం, రామమూర్తి సోల్బంగా గుర్తించారు. నిందితులను కోర్టుకు తరలించామన్నారు.

భువనేశ్వర్‌: బిజూ జనతా దళ్‌ (బీజేడీ) అధ్యక్షుడు, మాజీ ముఖ్యమంత్రి నవీన్‌ పట్నాయక్‌ భారతీయ జనతా పార్టీ నేతృత్వంలోని డబుల్‌ ఇంజిన్‌ ప్రభుత్వంపై తీవ్ర స్థాయిలో విమర్శలు గుప్పించారు. ఈ ప్రభుత్వం ఒడిశా ప్రతిష్టను దెబ్బతీసి, గత బీజేడీ ప్రభుత్వ అభివృద్ధి విజయాలను బలహీనపరిచిందని ఆయన ఆరోపించారు. భువనేశ్వర్‌ ఉత్తర అసెంబ్లీ నియోజకవర్గంలోని ఆర్‌టిఓ గ్రౌండ్‌లో శుక్రవారం జరిగిన బీజేడీ జన సంపర్క్‌ పాదయాత్ర సందర్భంగా భారీ జనసమూహాన్ని ఉద్దేశించి నవీన్‌ పట్నాయక్‌ మాట్లాడారు. రాష్ట్ర అభివృద్ధి, ప్రజా సేవ తమ పార్టీ లక్ష్యంగా పేర్కొన్నారు. కార్యక్రమంలో వేలాది మంది బీజేడీ కార్యకర్తలు, నాయకులు, మద్దతుదారులతో పాటు పలువురు సీనియర్‌ పార్టీ నాయకులు పాల్గొన్నారు. ఈ సందర్భంగా నవీన్‌ పట్నాయక్‌ మాట్లాడుతూ బీజేడీ ప్రభుత్వ హయాంలో ఒడిశా గణనీయమైన అభివృద్ధిని సాధించి దేశంలో ఒక ఆదర్శ రాష్ట్రంగా ఆవిర్భవించిందని పేర్కొన్నారు. డబుల్‌ ఇంజిన్‌ ప్రభుత్వం ఒడిశా ప్రతిష్టను దెబ్బతీసింది అని ఆయన ఆరోపించారు. పార్టీ కార్యకర్తలు ప్రతి ఇంటికీ వెళ్లి, బీజేపీ ప్రభుత్వ వైఫల్యాలు ప్రజలకు తెలియజేయాలని బీజేడీ అధినేత కోరారు. అభివృద్ధి, ప్రజా సంక్షేమం పట్ల తమ పార్టీ నిబద్ధతను పునరుద్ఘాటిస్తూ, ప్రజలతో తమ సంబంధాన్ని బలోపేతం చేసుకోవాలని, ప్రభుత్వ లోపాలపై ప్రజలకు అవగాహన కల్పించాలని పట్నాయక్‌ బీజేడీ నాయకులకు, కార్యకర్తలకు పిలుపునిచ్చారు. బీజేడీ అక్టోబర్‌ 2న రాష్ట్ర వ్యాప్త జన సంపర్క్‌ పాదయాత్రను ప్రారంభించింది. నెల రోజుల పాటు జరిగే ఈ కార్యక్రమం ఒడిశా వ్యాప్తంగా ప్రజలతో మమేకమై పార్టీ రాజకీయ అజెండాను, బీజేపీ నేతృత్వంలోని రాష్ట్ర ప్రభుత్వ పనితీరు తెలియజేయడం లక్ష్యంగా పెట్టుకుంది.

పర్లాకిమిడి: గజపతి జిల్లాలో పర్లాకిమిడి, మోహన బ్లాక్‌ పాణిగండా అటవీ సెక్షన్‌లో రెండు పులిచర్మాలను స్వాధీనం చేసుకుని, ఆరుగురు నిందితులను అరెస్టు చేసినట్టు జిల్లా ముఖ్యఅటవీ అధికారి కె.నాగరాజు తెలియజేశారు. స్థానిక దేవగిరి రేంజ్‌ కార్యాలయంలో శుక్రవారం సాయంత్రం ఏర్పాటు చేసిన విలేకరుల సమావేశంలో వివరాలు వెల్లడించారు. తొలుత పర్లాకిమిడి కొత్త బస్టాండులో నిన్న రాత్రి ఇద్దరు నిందితులు ఇతర రాష్ట్రాలకు ఒక బ్యాగులో పులిచర్మంను ఇద్దరు నిందితులు గోర్రిల రవి (4), ప్రఫుల్ల ఘంట (42) తరలిస్తుండగా ఏసీఎఫ్‌ షైనీశ్రీదాస్‌ టీంకు దొరికిపోయారు. వీరిలో గోర్రిల రవి కాశీనగర్‌ పోలీస్‌స్టేషన్‌, హడ్డుబంగి వాసి కాగా, మరొకరు ప్రఫుల్ల ఘంట కాశీనగర్‌ బ్లాక్‌ పరిడా గ్రామానికి చెందిన వాడు. వీరి వద్ద నుంచి ఒక పులిచర్మం, మోటారు సైకిల్‌, రెండు మొబైల్‌ ఫోన్లను స్వాధీనం చేసుకుని వారిపై వన్యమృగాల చట్టం కింద కేసు పెట్టి కోర్టుకు తరలించినట్లు డీఎఫ్‌ఓ నాగరాజు తెలిపారు. అలాగే మరో కేసులో శుక్రవారం ఉదయం అక్రమంగా పులిచర్మాలు కలిగి ఉన్నారని అందిన సమాచారం మేరకు ఏసీఎఫ్‌ షైనిశ్రీ దాస్‌ బృందం, మోహన అటవీ రేంజ్‌ అధికారి లక్ష్మీప్రసాద్‌ బిశోయి బృందం కలిసి ఉదయం 11.30కు పాణిగండ సెక్షన్‌లో తులసినగర్‌ గ్రామంలో మోహన అటవీ రేంజ్‌ అధికారులు కాపుకాసి నలుగురు నిందితులు, ఒక పులిచర్మం వారి వద్ద నుంచి స్వాధీనం చేసుకున్నారు. ఈ కేసులో నలుగురు నిందితులు జగా మల్లిక్‌ (36) కంధమాల్‌ జిల్లా దరింగిబడి బ్లాక్‌ తియారిగాం, బిజయనంద నాయక్‌ (23) దసింగిబడి గ్రామం, దరింగిబడి పీఎస్‌, కంధమల్‌, అడవ పోలీసుష్టేషన్‌, పాణిగండ గ్రామానికి చెందిన త్రిలోచన పాత్రో(35), దరింగిబడి పి.యస్‌. కంధమల్‌ జిల్లా, దసింగిబడి గ్రామానికిచెందిన దీపక్‌కుమార్‌నాయక్‌ (25)గా గుర్తించినట్టు డీఎఫ్‌ఓ నాగరాజు తెలియజేశారు. వీరి వద్ద నుంచి ఒక పులిచర్మం, రెండు మోటారు సైకిళ్లు, నాలుగు సెల్‌ఫోన్లను స్వాధీనం చేసుకుని వారిపై వన్యప్రాణుల సంరక్షణ చట్టం కింద మోహనా అటవీ రేంజ్‌ కార్యాలయంలో కేసు నమోదు చేశారు.

రాయగడ: ఉత్కళమణి పండిట్‌ గోపబంధు దాస్‌ 149వ జయంతిని జేకేపూర్‌, రాయగడలో శుక్రవారం ఘనంగా జరుపుకున్నారు. ఉపాధ్యాయులు, విద్యార్థులు, జేకేపేపర్‌ మిల్‌ ప్రజా సంబంధాల శాఖ అధికారి హరిహర ఖమారి, జిల్లా పరిషత్‌ మాజీ సభ్యుడు పట్నాన గౌరి శంకర్‌లు గోపబంధు దాస్‌ విగ్రహానికి పూలమాలలు వేసి నివాళులర్పించారు. అదేవిధంగా స్థానిక ఉత్కళ సమ్మేళిని రాయగడ శాఖ ఉపాధ్యక్షుడు, ప్రముఖ న్యాయవాది బ్రజసుందర్‌ నాయక్‌, ఉత్కళ సాహిత్య సమాజ్‌ అధ్యక్షులు, విద్యావేత్త డీకే మహంతి, శివప్రసాద్‌ మిశ్రా, కార్తీక్‌ మిశ్రో, సెంచూరియన్‌ విశ్వవిద్యాలయం ప్రాంతీయ డైరక్టర్‌ డాక్టర్‌ రాజేష్‌ పాడి, ఉత్కళ సమ్మేళిని సహా కార్యదర్శి సుదర్శన్‌ పాడి తదితరులు గాంధీపార్క్‌లోని గోపబంధు దాస్‌ విగ్రహానికి పూలమాలలు వేసి నివాళులర్పించారు. దాస్‌ సేవలు ఈ సందర్భంగా వక్తలు కొనియాడారు.

● సీడీఎంవో మానస్‌ రంజాన్‌ పండా జోష్‌మల్కన్‌గిరి: క్షయ రహిత జిల్లాగా మల్కన్‌గిరిని మార్చాలని సీడీఎంవో, జిల్లా వైద్యాధికారి మానస్‌ రంజాన్‌ పండా జోష్‌ అన్నారు. ఇందులో భాగంగా క్షేత్రస్థాయిలో వ్యాధిగ్రస్తులను గుర్తించడానికి తీసుకోవాల్సి చర్యలపై శుక్రవారం ప్రత్యేక కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ.. క్షయ వ్యాధిగ్రస్తులను గుర్తించి వారికి మెరుగైన వైద్యాన్ని అందించాలని, అలాగే వ్యాధిపై ప్రజాల్లో అవగహన కాల్పించాలని సిబ్బందిని ఆదేశించారు. క్షయవ్యాధి నివారణలో విశేష కృషి చేసి ధ్రువపత్రాలు పొందిన ప్రజాప్రతినిధుల అంకితభావం ఇతరులకు స్ఫూర్తిదాయకమన్నారు. అందరి సమిష్టి సహకారంతోనే జిల్లాను క్షయవ్యాధి రహితంగా మార్చడం సాధ్యమవుతుందని స్పష్టం చేశారు. కార్యక్రమంలో భాగంగా క్షయవ్యాధి నివారణకు కృషి చేస్తున్న స్థానిక ప్రజాప్రతినిధులకు సీడీఎంవో, పీహెచ్‌వో పండా చేతుల మీదగా ప్రశంసా పత్రాలను అందజేశారు. ఈ సందర్భ్‌ంగా పాంప్రీపాణి నాయబ్‌, సర్పంచ్‌ ఖిఆల్లనా గోలోరీ, పెడవఢ సర్పంచ్‌ బనితా కురామి పాల్గొన్నారు.

కొరాపుట్‌: ఆంధ్రా–ఒడిశా రాష్ట్రాల ఉమ్మడి సమన్వయంతో నడుస్తున్న మాచ్‌ ఖండ్‌ జల విద్యుత్‌ కేంద్రంలో ప్రమాదం జరిగింది. కొరాపుట్‌ జిల్లా లమ్తాపుట్‌ సమితి ఒనక ఢిల్లి సమీపం లో మాచ్‌ఖండ్‌ లో జల విద్యుత్‌ కేంద్రం కేబుల్‌ లో పేలుడు జరిగింది. మొదట ప్రాజెక్టులోని 132 బై 11 కేవీ బ్యాక్‌ ఫీడింగ్‌ ట్రాన్స్‌ఫార్మర్‌లో పేలుడు సంభవించింది. దీంతో 11 కేవీ కేబుల్‌ పేలిపోయింది. అదే సమయంలో అక్కడ విధులలో ఉన్న తాత్కాలిక ఉద్యోగి రామ పరజా వీపునకు నిప్పంటుకుంది. దీంతో ఆయన ప్రాణభయంతో కేకలు వేశాడు. వెంటనే సహోద్యోగులు అతడిని రక్షించారు. తీవ్రంగా గాయపడిన బాధితుడిని లమ్తాపుట్‌ ప్రభుత్వ ఆస్పత్రికి అనంతరం ఆశా కిరణ్‌ ఆస్పత్రికి తరలించారు.

రాయగడ: పట్టణాన్ని పరిశుభ్రంగా, కాలుష్యరహితంగా మార్చాల్సిన వ్యర్థాల నిర్వహణ ప్రాజెక్టులో అక్రమాలు జరుగుతున్నాయనే ఆరోపణలు కలకలం రేపుతున్నాయి. స్థానిక మజ్జిగౌరి అమ్మవారి మందిరానికి సమీపంలోని పాత డంపింగ్‌ యార్డులో పేరుకుపోయిన చెత్తను శాసీ్త్రయ పద్ధతిలో వేరు చేసి శుద్ధి చేసి, పునర్వినియోగానికి తరలించాల్సి ఉండగా సంబంధిత కాంట్రాక్టు సంస్థ వ్యర్థాలను పూర్తి స్థాయిలో ప్రాసెసింగ్‌ చేయకుండానే ట్రక్కుల ద్వారా ఇతర ప్రాంతాలకు తరలిస్తోందనే విమర్శలు వినిపిస్తున్నాయి. మరోవైపు గతంలో పనులు పూర్తి కాకపోయినా 63 శాతం పూర్తయినట్లు రికార్డుల్లో చూపించారనే ఆరోపణలు కూడా వెలుగులోకి రావడంతో మున్సిపాలిటీ అధికారులు, కాంట్రాక్టు సంస్ధ పనితీరుపై అనుమానాలు వ్యక్తమవుతున్నాయి. ఈ వ్యవహారంపై విజిలెన్స్‌ విచారణ జరిపితే వాస్తవాలు వెలుగులోకి వస్తాయని పట్టణంలోని పలువురు ప్రజలు, మేధావులు కోరుతున్నారు. మున్సిపాలిటీ పరిధిలోని పాత డంపింగ్‌ యార్డులో ఏళ్ల తరబడి పేరుకుపోయిన వ్యర్థాలను తొలగించేందుకు గత ఏడాది అక్టోబరు 10వ తేదీన సుమారు రూ.3.19 కోట్లతో టెండర్‌ ప్రక్రియ చేపట్టారు. అయితే నిర్ణీత గడువులోగా పనులు పూర్తి కాలేదని ఆరోపణలు ఉన్నాయి. ఈ క్రమంలో డంపింగ్‌ యార్డులో రెండుసార్లు అగ్నిప్రమాదాలు చొటు చేసుకోవడం, చెత్త దహనం కారణంగా పర్యావరణ కాలుష్యం, ప్రజారోగ్య సమస్యలు తలెత్తడం ఆందోళన కలిగించింది. ఈ వ్యవహారంపై మున్సిపాలిటీ కార్యనిర్వాహణ అధికారి కులదీప్‌ కుమార్‌ ను మీడియా ప్రతినిధులు ప్రశ్నించగా, టెండర్‌ పొందిన సంస్థ రోజుకు 500 నుంచి 600 మెట్రిక్‌ టన్నుల వ్యర్థాలను నిర్వహిస్తోందని, ఇప్పటివరకు సుమారు 10 వేల నుంచి 15 వేల మెట్రిక్‌ టన్నుల వ్యర్థాలను విశాఖపట్నంలోని సిమెంట్‌ కర్మాగారానికి పంపినట్లు తెలిపారు. వ్యర్థాలను వేరు చేసే ప్రక్రియను మున్సిపాలిటీ సిబ్బంది పర్యవేక్షిస్తున్నారని వెల్లడించారు.

రాయగడ: ప్రభుత్వ సంక్షేమ పథకాలను ప్రజలకు చేరువ చేయడం, అర్హులైన లబ్ధిదారులకు ఆర్థిక సహాయాన్ని అందించడం, ప్రజల్లో సామాజిక సేవాభావాన్ని పెంపొందించడం లక్ష్యంగా రాయగడ సమితి కార్యాలయం ప్రాంగణంలో శుక్రవారం నాడు సేవా సంకల్ప్‌ అభియాన్‌లో భాగంగా సేవా సేతు శిబిరాన్ని నిర్వహించారు. కార్యక్రమంలో భాగంగా నిర్వహించిన రక్తదాన శిబిరంలో 27 యూనిట్ల రక్తాన్ని సేకరించారు. వివిధ ప్రభుత్వ పథకాల కింద లబ్ధిదారులకు ఆర్థిక ప్రోత్సాహాకాలు, బ్యాంక్‌ రుణాలు, ఇతర ప్రయోజనాలను అందజేశారు. 500 మందికి పైగా ప్రజలు, ప్రజా ప్రతినిధులు, అధికారులు పాల్గొన్న ఈ కార్యక్రమం సేవా కార్యక్రమాలు, ప్రభుత్వ పథఽకాలపై అవగాహనకు వేదికగా నిలిచింది. సమితి అధ్యక్షురాలు టున్ని హుయిక, ప్రత్యేక అభివృధ్ది మండళి పాధ్యాక్షురాలు మంజుల మినియాక, జిల్లా పరిషత్‌ సభ్యురాలు సంద్యా పులక బిజేపీ నాయకులు కాలీరాం మాఝి, బసంత ఉలక, శివకుమార్‌ పట్నాయక్‌, రజితా కొరాడ, ఎబిడిఒ కాళుచరణ్‌ నాయక్‌, కొంచాడ అశ్విని, శివశంకర్‌ ఉలక హాజరయ్యారు. వివిధ పథకాల కింద ఆర్థిక సహాయం శ్రమ శాఖ ఆధ్వర్యంలో ఇద్దరు లబ్ధిదారులకు ఒక్కోక్కరికీ రూ. 50 వేలు చొప్పున వివాహ ప్రోత్సాహక సహాయం, మరో ఇద్దరికి ఒక్కొక్కరికి మూడు లక్షల రూపాయల చొప్పున మరణాంతర సహాయాన్ని అందించారు. గృహ నిర్మాణ పథకం కింద ఇద్దరికి రూ. 20 వేలు చొప్పున, అంత్యోదయ గృహ నిర్మా ణం పూర్తి చేసేందుకు మరో లబ్ధిదారునికి పది వేల రూపాయలు ప్రోత్సాహకాన్ని అందజేశారు. అలాగే 11 మందికి కొత్త రేషన్‌ కార్డులను పంపిణీ చేశారు.

రాయగడ: జిల్లాలోని సికరపాయిలో శుక్రవారం రాత్రి పాతకక్షల నేపథ్యంలో జరిగిన కత్తితో దాడి ఘటనలో ఒకరు మృతి చెందగా మరొకరికి తీవ్రగాయాలయ్యాయి. ఘటనలో మృతి చెందిన వ్యక్తి బుడాగుడ గ్రామానికి చెందిన మహేష్‌ కడ్రక (32) గా గుర్తించగా గాయాలకు గురైన వ్యక్తి అదే గ్రామానికి చెందిన రొహన్‌ కడ్రక గా గుర్తించారు. సమాచారం తెలుసుకున్న పోలీసులు సంఘటన స్థలానికి చేరుకుని మృతదేహాన్ని స్వాధీనం చేసుకుని క్షతగాత్రుని సమీపంలో గల హస్పటల్‌కు చికిత్స కోసం తరలించారు. పోలీసులు తెలియజేసిన వివరాల ప్రకారం.. జిల్లాలోని కళ్యాణసింగుపూర్‌ పోలీస్‌ స్టేషన్‌ పరిధిలో గల సికరపాయి గ్రామంలో బలిజాత్ర జరుగుతుంది. బలిజాత్రను చూసేందుకు వెళ్లిన రొహన్‌, మహేష్‌ లపై కొందరు యువకులు కత్తితో దాడి చేశారు. ఈ ఘటనలో మహేష్‌ తీవ్రగాయాలకు గురై అక్కడిక్కడే కుప్పకూలిపోయాడు. పాత కక్షల నేపథ్యంలో ఇరు వర్గాల మధ్య గత కొంతకాలంగా వాగ్వాదాలు చోటు చేసుకున్నట్లు పోలీసుల ప్రాథమిక దర్యాప్తులో తేలింది. దాడి చేసిన వ్యక్తులు అక్కడి నుండి పరారైనట్లు సమాచారం. ఈ మేరకు కేసు నమోదుచేసిన పోలీసులు దర్యాప్తు చేస్తున్నారు. ఉరి వేసుకుని బాలిక ఆత్మహత్య ఎచ్చెర్ల : కుప్పిలి పంచాయితీ యాతపేటకు చెందిన ముంత గీత (17) అనే బాలిక శుక్రవారం ఇంట్లో ఫ్యాన్‌కు ఉరివేసుకుని ఆత్మహత్య చేసుకుంది. ఎచ్చెర్ల ఎస్సై జి.లక్ష్మణరావు, గ్రామస్తులు తెలిపిన వివరాల ప్రకారం.. గీత తండ్రి ఎర్రయ్య ఉపాధి నిమిత్తం చేపల వేటకు గుజరాత్‌ వెళ్లాడు. తల్లి రమణమ్మ కూలి పనిచేస్తూ జీవనం సాగిస్తోంది. వీరికి ముగ్గురు బిడ్డలు. పెద్ద కుమార్తెకు వివాహం కాగా, చిన్న కుమారుడు స్థానిక జెడ్పీ ఉన్నత పాఠశాలలో చదువుతున్నాడు. రెండో కుమార్తె గీత పదో తరగతి చదివి ఇంటి వద్దే ఉంటోంది. ఈ క్రమంలో లావేరు మండలం కేశవరాయునిపాలెం గ్రామానికి చెందిన ఓ యువకుడితో పరిచయం ఏర్పడింది. వీరిని చూసి తల్లి మందలించింది. దీంతో గీత మనస్థాపానికి గురై ఉరి వేసుకుంది. తల్లి వచ్చి చూసేసరికి ఫ్యాన్‌కు వేలాడుతుండటంతో ఇరుగుపొరుగు వారికి చెప్పింది. అప్పటికే మృతి చెందినట్లు గుర్తించిన స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం రిమ్స్‌కు తరలించారు. తల్లి ఫిర్యాదుమేరకు ఎచ్చెర్ల ఎస్సై కేసు నమోదు చేసి దర్యాప్తు చేస్తున్నారు. నేటి నుంచి జూనియర్‌ కాలేజీలకు దసరాల సెలవులు శ్రీకాకుళం న్యూకాలనీ: ఇంటర్మీడియెట్‌ కోర్సులను అందిస్తున్న అన్ని యాజమాన్యాల జూనియర్‌ కళాశాలలకు ప్రభుత్వం శనివారం నుంచి ఈ నెల 20వ తేదీ వరకు దసరా సెలవులు ప్రకటించింది. మరళా ఈ నెల 21న తరగతులు పునఃప్రారంభంకానున్నాయని పేర్కొంది. సెలవుల్లో ప్రత్యేక క్లాసులు, శిక్షణ అంటూ తరగతులు నిర్వహిస్తే శాఖాపరమైన చర్యలు తప్పవని ఇంటర్‌బోర్డు జిల్లా ఆర్‌ఐఓ రేగ సురేష్‌కుమార్‌ స్పష్టం చేశారు.

రాయగడ: దెబ్బతిన్న మలిగుడ రైల్వే మార్గాన్ని ఈస్ట్‌కోస్ట్‌ రైల్వే జనరల్‌ మేనేజర్‌ పరమేశ్వర్‌ పంక్వాల్‌ బుధవారం సందర్శించారు. భూస్థలనం కారణంగా దెబ్బతిన్న రైల్వేట్రాక్‌ పునరద్ధరణ పనులను ప్రత్యక్షంగా పరిశీలించి, యుద్ధ ప్రాతిపదికన కొనసాగుతున్న పనుల పురోగతిపై అధికారులతో సమీక్ష నిర్వహించారు. ఆయనతో పాటు ఈస్ట్‌కోస్ట్‌ రైల్వే చీఫ్‌ ఇంజినీర్‌ రాజేష్‌ శఖావత్‌, రాయగడ డివిజనల్‌ మేనేజర్‌ అమితాబ్‌ సింఘాల్‌తో పాటు నిర్మాణ విభాగం ఉన్నతాధికారులు, డివిజినల్‌ అధికారులు ఉన్నారు. పునరుద్ధరణ పనులు జరుగుతున్న ప్రాంతంలోనే అధికారులు 24 గంటల పాటు పర్యవేక్షణ కొనసాగిస్తూ దెబ్బతిన్న రైల్వే మార్గాన్ని వీలైనంత త్వరగా సాధారణ స్థితికి తీసుకురావడానికి చేపడుతున్న చర్యలను జీఎంకు వివరించారు. మలిగుడ రైల్వేబ్రిడ్జి సమీపంలోని 215–17 నుంచి 215–26 వరకు, అలాగే మలిగుడ స్టేషన్‌ యార్డులో 217–25 నుంచి 217 –36 వరకు భూస్థలనం కారణంగా రైల్వే మార్గం దెబ్బతిన్నట్లు అధికారులు తెలిపారు. పునరుద్ధరణ ప్రాంతంలో ప్రాథమిక వైద్య సదుపాయాలతో మెడికల్‌ హెల్త్‌ క్యాంప్‌ ఏర్పాటు చేసినట్లు అధికారులు తెలిపారు. కాగా రాత్రివేళల్లోనూ పనులు నిరంతరాయంగా కొనసాగించేందుకు కార్మికులకు తగిన ఆహారం, పునరుద్ధరణ ప్రాంతాల్లో సరైన లైటింగ్‌ సదుపాయాలు కల్పించాలని జీఎం సూచించారు. రూ.5 కోట్లతో హిర్లి డొంగురు అభివృద్ధి కొరాపుట్‌: నబరంగ్‌పూర్‌ జిల్లా కేంద్రంలో ఉన్న హిర్లి డొంగురు పర్వతాన్ని రూ.5 కోట్ల వ్యయంతో పర్యాటక ప్రాంతంగా అభివృద్ధి చేస్తామని జిల్లా ప్లానింగ్‌ బోర్డు చైర్మన్‌, నబరంగ్‌పూర్‌ ఎమ్మెల్యే గౌరీ శంకర్‌ మజ్జి ప్రకటించారు. గురువారం హిర్లి పర్వతంపై అభివృద్ధి పనులకు శంకుస్థాపన చేశారు. పర్వతం పైకి వెడల్పు రహదారి, వ్యూ పాయింట్‌ భవనం, విద్యుత్‌, తాగునీరు, పార్క్‌, మరుగుదొడ్లు, ఉద్యానవనం, అతిథి గృహం తదితర నిర్మా ణాలు జరుగుతాయని ప్రకటించారు. కార్యక్రమంలో కలెక్టర్‌ మహేశ్వర్‌ స్వయ్‌, ప్లానింగ్‌ బోర్డు కార్యదర్శి సురేష్‌ శాస్త్రి పాల్గొన్నారు. బాధ్యతల స్వీకరణకు ముందే బదిలీ కొరాపుట్‌: నబరంగ్‌పూర్‌ జిల్లా నూతన కలెక్టర్‌గా రానున్న అన్యదాస్‌ బాధ్యతల స్వీకరణకు ముందే బదిలీ అయ్యి సంచలనం సృష్టించారు. రాష్ట్ర కుటుంబ సంక్షేమ కార్యదర్శిగా ఉన్న అన్యదాస్‌ని నబరంగ్‌పూర్‌ జిల్లా కలెక్టర్‌గా నియమించిన విషయం తెలిసిందే. అర్ధరాత్రి హైడ్రామా జరిగి అధికార పార్టీ నాయకులు ఆమెని నబరంగ్‌పూర్‌ జిల్లాకి రాకుండా అడ్డుకున్నారు. వెంటనే ప్రభుత్వం ఆమెని నువాపడా జిల్లా కలెక్టర్‌గా నియమిస్తూ ఆదేశాలు జారీ చేసింది. గతంలో అన్యదాస్‌ నబరంగ్‌పూర్‌ డీఆర్‌డీఏ పీడీగా ఉన్నప్పుడు బీజేపీ నాయకులతో వివాదం జరిగింది. అప్పట్లో ఆమెకి వ్యతిరేకంగా బీజేపీ నబరంగ్‌పూర్‌ బంద్‌ నిర్వహించింది. ఈ నేపథ్యంలో తిరిగి అన్యదాస్‌ని నబరంగ్‌పూర్‌ జిల్లా కలెక్టర్‌గా నియమించడంతో పార్టీ నాయకులకు మింగుడు పడలేదు. వెనువెంటనే ప్రభుత్వంపై ఒత్తిడి చేసి అన్యదాస్‌ని నువాపడా కలెక్టర్‌గా బదిలీ చేయించారు. మరోవైపు నబ రంగ్‌పూర్‌ కలెక్టర్‌గా మధుస్మితని ప్రభుత్వం నియమించింది. విద్యార్థి సంఘ ఎన్నికలు రద్దు భువనేశ్వర్‌: క్యాంపస్‌లో నెలకొన్న పరిస్థితుల నేపథ్యంలో జాజ్‌పూర్‌లోని వ్యాసనగర్‌ అటానమస్‌ కళాశాల విద్యార్థి సంఘ ఎన్నికలను రద్దు చేసింది. ఎన్నికల కమిటీ, అకడమిక్‌ కమిటీ ఏకగ్రీవ నిర్ణయం మేరకు ఈ నిర్ణయం తీసుకున్నట్లు కళాశాల ప్రకటించింది. తదు పరి ఉత్తర్వులు వెలువడే వరకు కళాశాలను మూసివేస్తున్నట్లు తెలిపింది. విద్యార్థులు శుక్రవారం ఉదయం లోగా హాస్టళ్లను ఖాళీ చేయా లని ఆదేశించింది. ఇదిలా ఉండగా, జాజ్‌పూర్‌ జిల్లాలోని ఖైరాబాద్‌ ముగ్‌పాల్‌లో ఉన్న యూఎన్‌ఎస్‌ మహావిద్యాలయం కూడా క్యాంపస్‌లో +3 విద్యార్థి సంఘ ఎన్నికలను రద్దు చేసింది. క్యాంపస్‌లో నెలకొన్న పరిస్థితుల నేపథ్యంలో బోధనా, బోధనేతర సిబ్బంది సభ్యుల ఏకగ్రీవ నిర్ణయం మేరకు ఎన్నికలను రద్దు చేసినట్లు కళాశాల ప్రకటనలో పేర్కొంది.

పర్లాకిమిడి: కాశీనగర్‌, గుణుపురం సబ్‌డివిజన్ల మధ్య వంశధార నదిపై ఆంధ్రప్రదేశ్‌ ప్రభుత్వం నిర్మించ తలపెట్టిన నేరడి సాగునీరు, తాగునీటి ప్రాజెక్టును వ్యతిరేకిస్తూ దండకారణ్య అభివృద్ధి ప్రచార స్టీరింగ్‌ కమిటీ నిర్ణయం తీసుకుంది. వంశధార ప్రాజెక్టు వల్ల నష్టపోతున్న గజపతి జిల్లాలో కాశీనగర్‌, గుణుపురం సబ్‌ డివిజన్‌ను సందర్శించడానికి విచ్చేయునున్న టెక్నికల్‌ కమిటీ పర్యటన రద్దు చేయాలని దండకారణ్య అభివృద్ధి స్టీరింగ్‌ కమిటీ చైర్మన్‌ గౌర చంద్ర త్రిపాఠి కోరుతున్నారు. ఇటీవలే సుప్రీంకోర్టు నేరడి బ్యారేజి నిర్మాణంపై ఆంధ్రప్రదేశ్‌కు అనుకూలంగా తీర్పును వెల్లడించింది. నేరడి వద్ద వంశధార నదిపై ప్రాజెక్టు నిర్మిస్తే గజపతి జిల్లా కాశీనగర్‌ వంశధార పరివాహక ప్రాంతంలో ఏడు గ్రామాలు, రాయగడ జిల్లా గుణుపురం సబ్‌ డివిజన్‌లో 106 ఎకరాల వ్యవసాయ భూమితో పాటు కొన్ని గ్రామాలు ముంపునకు గురవుతాయని ఆయన వెల్లడించారు. ఈ సందర్భంగా భుభనేశ్వర్‌లో దండకారణ్య డెవలప్‌మెంట్‌ కమిటీ చైర్మన్‌ గౌరచంద్ర త్రిపాఠి వంశధార నదీ జలాల వివాద ట్రిబ్యునల్‌, చైర్మన్‌ సూపర్‌వైజర్‌ కమిటీ అధ్యక్షులు జి.నందమోహన్‌ ఈస్ట్రన్‌, మహానది సెంట్రల్‌ వాటర్‌ కమిషన్‌, సెక్రటరీ ఆదిత్య ఎస్‌ఎస్‌ బులియాను ఇటీవల కలిశారు. వంశధార పరివాహక ప్రాంతంలో నివసిస్తున్న రైతులు తమ జీవనోపాధిని కోల్పోతున్నారని, వారికి న్యాయం చేయాలని ఒడిశా నదీజలాల వివిద ట్రిబ్యునల్‌ అధికారులను, ఒడిషా ప్రభుత్వ టెక్నికల్‌ బృందాన్ని కోరుతున్నారు. వంశధార నదిపై నిర్మించనున్న నేరడి ప్రాజెక్టు వల్ల ముంపునకు గురవుతున్న గ్రామాల ప్రజలు, రైతులకు పునరావాస ప్యాకేజిని ఇవ్వాలని ఒడిశా రాష్ట్ర ముఖ్యమంత్రి మోహన్‌ చరణ్‌ మఝికి కూడా ఒక లేఖను రాశారు. గజపతిజిల్లా కాశీనగర్‌ బ్లాక్‌ వంశధార పరివాహక ప్రాంతంలో నివశిస్తున్న బూదర, వన్న, గౌరి, ఖరడ గ్రామాల ప్రజలు ఇప్పటికే పలు దఫాలు నిరసన వ్యక్తం చేశారు. కాశీనగర్‌ ప్రాంత రైతాంగంను ఆదుకుని వారి న్యాయమైన డిమాండ్లను ఏపీ ప్రభుత్వం పరిశీలించి, సరైన నిర్ణయం తీసుకోవాలని జిల్లా పరిషత్‌ అధ్యక్షులు గవర తిరుపతి రావు, ఎమ్మెల్యే రూపేష్‌ పాణిగ్రాహి డిమాండ్‌ చేస్తున్నారు.

కొరాపుట్‌: కొరాపుట్‌, నబరంగ్‌పూర్‌ జిల్లాల్లో బంద్‌ ప్రశాంతంగానూ పరిపూర్ణంగాను ముగిసింది. గురువారం ఉదయం 6 గంటల నుంచి సాయంత్రం 6 వరకు ఈ బంద్‌ జరిగింది. ముందే పెద్ద ఎత్తున ప్రచారం జరగడంతో ఆంధ్రా, చత్తీస్‌గఢ్‌, తెలంగాణ రాష్ట్రాల నుంచి రావాల్సిన వాహనాలు నిలిచిపోయాయి. బంద్‌ ప్రభావం జయపూర్‌ పట్టణం పై గట్టిగా పడింది. ఎమ్మెల్యే తారా ప్రసాద్‌ బాహిణీపతి అనుచరులు జయపూర్‌,బొరిగుమ్మ ప్రాంతాల్లో బంద్‌ విజయవంతం చేశారు. పోలీసుల వైఖరి వివాదాస్పదం కాగా ఎమ్మెల్యే ఉన్నతాధికారులకు ఫిర్యాదు చేశారు. మరో వైపు కొరాపుట్‌ జిల్లా కేంద్రం లో డీసీసీ అధ్యక్షుడు రుపక్‌ తురుక్‌, లక్ష్మీపూర్‌ లో ఎమ్మెల్యే పవిత్ర శాంత,నబరంగ్‌ఫూర్‌ లో మాజీ డీసీసీ అధ్యక్షుడు మున్నా త్రిపాఠిలు బంద్‌ ని ప్రత్యక్షంగా పర్యవేక్షించారు.