Crime News

జార్ఖండ్‌లోని సెరైకెలా-ఖర్సావాన్ జిల్లాలో మహిళను దారుణంగా హత్య చేసిన ఘటన దిగ్భ్రాంతి రేపింది. ఆమె శరీర భాగాలు నిందితుడి ఇంట్లోని వంటపాత్రలో కన్పించడం తీవ్ర కలకలం రేపింది. కుచాయి పోలీస్‌స్టేషన్‌ పరిధిలోని జొంబ్రో గ్రామంలో ఈ నెల 10వ తేదీన ఘటన చోటుచేసుకుంది.రాష్ట్రీయ కోల్ సేన (RKS) ఈ ఘటనకు సంబంధించిన వెల్లడించిన వివరాల ప్రకారం బిశ్వాసి సోయ్‌(47)ఈ నెల 10వ తేదీన గ్రామ సమీపంలోని మార్కెట్‌లో బియ్యపు సారా విక్రయించేందుకు వెళ్లింది. అక్కడే రాత్రవడంతో బంధువు పైలూష్‌ ముండా ఇంట్లో ఆగింది. అక్కడ అందరూ కలిసి బియ్యపు సారా తాగి, నిద్రకు ఉపక్రమించారు. అయితే, అర్ధరాత్రి సమయంలో బిశ్వాసిపై పైలూష్‌ లైంగికదాడికి యత్నించాడు. ఆమె ప్రతిఘటించడంతో చంపేశాడు. ఆపైన శరీరాన్ని ముక్కలుగా నరికాడు. కొంతభాగాన్ని గ్రామ శివారులోని మురుగు కాల్వలో పడేశాడు. మిగతా భాగాల్ని ఇంట్లోని పొయ్యిపై ఉన్న వంటపాత్రలో పడేశాడు. బిశ్వాసి కనిపించకపోయేసరికి భర్త గ్రామస్తులతో కలిసి వెతుకులాట ప్రారంభించాడు. మురుగు కాల్వతోపాటు, ఇంట్లోని వంటపాత్రలో వారికి బిశ్వాసి శరీర భాగాలు కనిపించడంతో పోలీసులకు ఫిర్యాదు చేశారు.శరీర భాగాలను తిన్నాడా? నిందితుడి ఇంటి వరండాలో రక్తపు మరకలు కనిపించడంతో అనుమానం వచ్చిన గ్రామస్తులు పైలూష్‌ను నిలదీశారు. బిశ్వాసిని ఏదో అడవి జంతువు చంపేసిందని చెప్పి వారిని తప్పుదోవ పట్టించేందుకు ప్రయత్నించడంతో అనుమానాలు మరింత బలపడ్డాయి. చివరికి వంట చేసేందుకు పొయ్యిపై పెట్టిన ఒక పెద్ద పాత్రలో శరీర భాగాలు కనిపించడంతో నిందితుడు వాటిని తిన్నాడనే వార్తలు వ్యాపించాయి. అయితే ఈ వార్తలను బాధితురాలి మేనల్లుడు నవీన్ సోయ్ ఖండించారు. కానీ వంట కోసం ఉద్దేశించిన పాత్రలో శరీర భాగాలు లభించిన మాట వాస్తవమేనని ఆయన ధృవీకరించారు. ఇదీ చదవండి: నాగా సంప్రదాయ సంస్థలపై గౌహతి హైకోర్టు ఆగ్రహంబాధితురాలి భర్త ఫిర్యాదు మేరకు పోలీసులు కేసు నమోదు చేశారు. మహిళ హత్యకు గురైందని, దర్యాప్తు కొనసాగుతోందని ఎస్పీ మనోజ్ స్వర్గియారి తెలిపారు. నిందితుడిని పైలూష్‌ ముండాను అరెస్ట్ చేసి గురువారం జ్యుడీషియల్ కస్టడీకి పంపినట్లు ఆయన పేర్కొన్నారు. ఇదీ చదవండి: తల్లిపై కత్తితో కొడుకు దాడి : తర్వాత భవనంపైనుంచి పడి..!

అస్సాం రాజధాని గువహటిలో విషాద ఘటన చోటు చేసుకుంది. 9వ తరగతి విద్యార్థి తల్లిని పదునైన ఆయుధంతో తీవ్రంగా గాయపర్చాడు. ఆ తర్వాత నగరంలోని ఏబీసీ (ABC) ప్రాంతంలో ఉన్న ఒక భవనంపై నుండి పడి ఆ బాలుడు మరణించడం కలకలం రేపింది. ఈ రెండు సంఘటనల నేపథ్యంలో అసలు ఏం జరిగిందో అనే దానిపై పోలీసులు ఆరా తీస్తున్నారు.తూర్పు జ్యోతినగర్‌లోని హల్దీ మిల్ ప్రాంతంలో మైనర్‌ విద్యార్థి తన తల్లి చంద్రాణి కలితపై దాడి చేయడంతో ఆమె తీవ్రంగా గాయపడింది. దాడి జరిగిన వెంటనే చంద్రాణిని గువహటి మెడికల్ కాలేజ్ అండ్ హాస్పిటల్ (GMCH) కు తరలించారు. ప్రస్తుతం ఆమె ఐసీయూలో చికిత్స పొందుతోంది. ప్రస్తుతం ఆమె పరిస్థితి విషమంగానే ఉన్నట్టు తెలుస్తోంది. తల్లినికత్తితో పొడిచిన తర్వాత ఆ బాలుడు తన ఇంటి నుండి బయటకు నడుచుకుంటూ వెళ్తున్న దృశ్యాలు ఆ ప్రాంతంలోని సీసీటీవీ (CCTV) ఫుటేజీలో రికార్డయ్యాయి. ఆ తర్వాత ఆ బాలుడు గువహటిలోని ఏబీసీ ప్రాంతంలో ఒక భవనంపై నుండి పడిపోయాడు. తీవ్ర గాయాలపాలైన అతను చికిత్స పొందుతూ మరణించాడు. బాలుడి మరణానికి గల కారణాలు ఇంకా స్పష్టంగా తెలియరాలేదు. తల్లిపై ఎందుకు దాడి చేశాడు? భవంనంపై అతనే పడిపోయాడా? లేక మరెవ్వరైనా తోసేసి ఉంటారా? అసలు ఏం జరిగిందనే వివరాలు ఇంకా తెలియాల్సి ఉంది. ఇదీ చదవండి: ఎన్విడియా కొత్త సీఈఓ ఎవరు? రేసులో భారత సంతతి దిగ్గజాలు

హైదరాబాద్‌, ఘట్‌కేసర్‌: ఓఆర్‌ఎస్‌ ప్యాకెట్‌ అనుకొని ఓ మహిళ ఎలుకల మందు తాగిన సంఘటన ఘట్‌కేసర్‌ పీఎస్‌ పరిధిలో జరిగింది. ఎదులాబాద్‌కు చెందిన తోటకూర రాములమ్మ (73) గురువారం స్థానిక ఆర్‌ఎంపీ వైద్యుడిని సంప్రదించింది. రెండు రోజులుగా నీరసంగా ఉందని, ఓఆర్‌ఎస్‌ తాగినా కూడా తగ్గలేదని చెప్పింది.ఆమె కొడుకుకు సందేహం వచ్చి హుటాహుటిన ఇంటికి వెళ్లి ఆమె తాగి పారేసిన ఖాళీ కవర్‌ను చూడగా అది ఎలుకల మందు ప్యాకెట్‌. ఆర్‌ఎంపీ వైద్యుడి సూచన మేరకు వెంటనే ఆమెను ఘట్‌కేసర్‌లోని ప్రభుత్వ ఆస్పత్రికి తరలించారు. అయినప్పటికీ ఫలితం దక్కలేదు, రాములమ్మ చికిత్స పొందుతూ గురువారం రాత్రి మరణించింది. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.ఇదీ చదవండి: ”ఏమైంది బిడ్డా.. లే అమ్మా.. నా గతి ఏం కావాలె!”

మక్తల్‌: ‘మనం బీదవాళ్లం బిడ్డా.. ఇంట్లో మీ నాయన కూడా లేడు.. నాకు నిన్ను చదివించేందుకు చేతకాదు.. కూలీనాలీ చేసి చదివించాలె.. చదువు బంద్‌ చేయమ్మా.. నేను బతికి ఉండగానే నీకు పెండ్లి చేస్తా.. నా కళ్లతో నీ పెండ్లి చూస్తానమ్మ.. నా మాట వినమ్మా అంటివి.. నా మాట వినకుండా.. అమ్మా! నేను ప్రభుత్వ ఉద్యోగం వచ్చే వరకు చదువుతా! నువ్వే నా మాట వినమ్మా అంటివి.. ఇప్పుడు ఏమైంది బిడ్డా.. ఇట్ల పండుకున్నవ్‌.. లే అమ్మా.. నా గతి ఏం కావాలె’అంటూ కూతు రు అనిత మృతదేహం వద్ద తల్లి వెంకటమ్మ రోదించిన తీరు అక్కడున్న వారి మనసులను కలచివేసింది.ఓ యువకుడి వేధింపులతో యువతి ఆత్మహత్యకు పాల్పడిన సంఘటన మండలంలోని జౌళ్లాపురంలో చోటుచేసుకుంది. ఈ ఘటనకు సంబంధించి వివరాలిలా.. జౌళ్లాపురం గ్రామానికి చెందిన హన్మంతు, వెంకటమ్మ దంపతుల కూతురు అనిత(23) హైదరాబాద్‌లోని సిటీ కాలేజీలో డిగ్రీ పూర్తిచేసింది. ఆ తర్వాత పీజీ కోసం దరఖాస్తు చేసుకుంది.రోదిస్తున్న అనిత తల్లి వెంకటమ్మఈ క్రమంలో గతేడాది తండ్రి హన్మంతు రోడ్డు ప్రమాదంలో మృతిచెందాడు. దీంతో తల్లి వెంకటమ్మ ఒక్కగానొక్క కూతురుతో కలిసి జీవిస్తోంది. అయితే అనిత మహబూబ్‌నగర్‌ జిల్లా చిన్నచింతకుంట మండలంలోని అమ్మాపూర్‌ గ్రామానికి చెందిన అనిల్‌తో సన్నిహితంగా ఉంటూ తరుచుగా ఫోన్‌లో మాట్లాడేదని, ఈ క్రమంలో తాను ఇంకా చదువుకుంటానని, ఉద్యోగం చేయాలని చెప్పడం.. వారిద్దరి మధ్య భేదాభిప్రాయాలు రావడంతో ఆ యువకుడిని దూరం పెట్టినట్లు గ్రామస్తులద్వారా తెలిసింది. యువకుడు మాత్రం తరచూ ఫోన్‌ చేసి పెళ్లి చేసుకోవాలని వేధింపులకు గురిచేసేవాడని గ్రామస్తులు పేర్కొన్నారు.యువకుడి వేధింపులు ఎక్కువ కావడంతో తీవ్ర మనస్తాపానికి గురైన అనిత శుక్రవారం గ్రామ సమీపంలోని ఓ షెడ్డులో ఉరివేసుకుని బలవన్మరణానికి పాల్పడింది. ఆ తర్వాత ఇంట్లో కూతురు కనిపించడం లేదని తల్లి వెంకటమ్మ చుట్టుపక్కల వారిని అడగగా గ్రామ సమీపంలోని షెడ్డులో ఉరివేసుకుని మృతిచెందినట్లు గుర్తించి పోలీసులకు సమాచారం అందించారు.మక్తల్‌ సీఐ రాంలాల్, ఎస్‌ఐ రాజు గ్రామానికి చేరుకొని మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించారు. పోస్టుమార్టం అనంతరం మృతదేహాన్ని కుటుంబీకులకు అప్పగించగా సాయంత్రం స్వగ్రామంలో అంత్యక్రియలు నిర్వహించారు. ఈ ఘటనపై తల్లి ఫిర్యాదు మేరకు అనిల్‌పై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.ముఖ్య గమనిక: మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: అండర్‌-19 క్రికెటర్‌ మృతి.. తల్లిదండ్రుల సంచలన ఆరోపణలు!

విజయవాడ: కృష్ణలంక రామయ్య లాడ్జిలో మహిళా దారుణ హత్య.కు గురైన ఘటన స్థానికంగా కలకలం రేపింది. ఓ యువకుడితో కలిసి లాడ్జికి వచ్చిన ఎర్రమ్మ అనే మహిళ..అదే యువకుడి చేతిలో ప్రాణాలు కోల్పోయింది. వివరాల్లోకి వెళితే.. తన భార్య రెండు రోజులుగా కనిపించడం లేదని సూర్యారావుపేట స్టేషన్‌లో ఆమె భర్త ఫిర్యాదు చేశాడు. సదరు మహిళ భర్త ఫిర్యాదు ఆధారంగా దర్యాప్తు చేపట్టిన పోలీసులకు.. ఈరోజు కృష్ణలంక రామయ్య లాడ్జిలో మహిళ దారుణ హత్యకు గురైన విషయాన్ని కనుగొన్నారు. బస్టాండ్‌ ఎదురుగా ఉన్న రామయ్య లాడ్జిలో ఆ మహిళ విగత జీవిగా పడి ఉండటాన్ని గుర్తించారు.అయితే ఆ మహిళను హత్య చేసిన తర్వాత ఆ యువకుడు లాడ్జి గదికి తాళం వేసి పరారయ్యాడు. ఈ ఘటనపై కేసు నమోదు చేసుకున్న కృష్ణలంక, సూర్యారావుపేట పోలీసులు.. పరారైన నిందితుడి కోసం గాలింపు చర్యలు చేపట్టారు. ఇదీ చదవండి: 5.6 అడుగుల అమ్మాయిలే కావాలి.. శరీరంపై మచ్చలు ఉండకూడదు!

కర్ణాటక : నిత్యం మద్యం తాగి గొడవపడుతున్న భర్త ప్రవర్తనతో విసిగిపోయిన భార్య చాకుతో పొడిచి అతన్ని హత్యచేసింది. ఈ ఘటన బెంగళూరు కెంపేగౌడనగర పోలీస్‌స్టేషన్‌ పరిధిలో బుధవారం రాత్రి జరిగింది. వివరాలు.. మాలాశ్రీ (39), రాజశేఖర్‌ (43) దంపతులు కెంపేగౌడ నగర లక్ష్మీపుర 1వ క్రాస్‌లో నివాసం ఉంటున్నారు. వీరికి సంతానం లేదు. రాజశేఖర్‌ ఓ ప్రైవేటు బ్యాంక్‌లో లోన్‌ విభాగంలో పనిచేస్తున్నాడు. ఉదయం బాగానే ఉండి, రాత్రి ఆఫీసు నుంచి రాగానే మద్యం మత్తులో గొడవపడి, నీకు పిల్లలు పుట్టలేదని దూషించేవాడు. వంట చేయలేదని.. యథాప్రకారం రాత్రి 10 గంటలకు ఇంటికి వచ్చి చూడగా భార్య వంట చేయలేదని రగడకు దిగాడు. మాలాశ్రీ సహనం కోల్పోయి వంటింట్లో నుంచి కత్తి తీసుకుని భర్తను ఎద, కడుపులో పొడిచింది. అతడు రక్తపుమడుగులో కుప్పకూలిపోయాడు. ఇరుగుపొరుగు అంబులెన్స్‌ను పిలిపించి విక్టోరియా ఆసుపత్రికి తరలించారు. అప్పటికే చనిపోయాడని వైద్యులు తెలిపారు. కెంపేగౌడనగర పోలీసులు చేరుకుని పరిశీలించారు. హతుని సోదరుని ఫిర్యాదు మేరకు కేసు నమోదు చేసి మాలాశ్రీని అదుపులోకి తీసుకున్నారు.

సాక్షి, భద్రాద్రి కొత్తగూడెం: మూఢనమ్మకాలు... ఓ గిరిజన గ్రామంలో తీవ్ర విషాదాన్ని నింపాయి. ఈ దుర్ఘటన భద్రాద్రి కొత్తగూడెం జిల్లాలో చోటుచేసుకుంది. మంత్రాలు చేస్తున్నారనే అనుమానంతో ఇద్దరు వృద్ధులను దారుణంగా హత్య చేయగా.. ఈ ఘటనతో తమ కుటుంబానికీ ప్రమాదం పొంచి ఉందనే భయంతో మరో దంపతులు ఆత్మహత్యాయత్నానికి పాల్పడ్డారు. చికిత్స పొందుతూ భార్యాభర్తలిద్దరూ మృతిచెందడంతో ఆ గ్రామంలో నాలుగు వారాల వ్యవధిలో నలుగురు ప్రాణాలు కోల్పోయారు.పోలీసుల వివరాల ప్రకారం.. జిల్లాలోని ఆళ్లపల్లి ఏజెన్సీలోని బుడుగుల గ్రామానికి చెందిన మడకం భీమయ్య, పద్దం మాసయ్యలను మంత్రాల నెపంతో.. దుండగులు దారుణంగా హత్య చేశారు. అనంతరం వారి మృతదేహాలను చెక్‌డ్యామ్‌ సమీపంలోని అటవీ ప్రాంతంలో పూడ్చిపెట్టారు.ఈ జంట హత్యల ఘటన నాలుగు వారాల తర్వాత వెలుగులోకి వచ్చింది. దీంతో కేసును దర్యాప్తు చేస్తున్న పోలీసులు ఐదుగురు నిందితులను గుర్తించారు. ఈ ఘటనతో గ్రామంలో భయాందోళనలు నెలకొన్నాయి.ఇదిలా ఉండగా.. తమ కుటుంబాన్ని కూడా హత్య చేస్తారనే భయంతో పద్దం రాంబాబు, సునీత దంపతులు ఆత్మహత్యాయత్నానికి పాల్పడ్డారు. తీవ్ర అస్వస్థతకు గురైన వారిని గ్రామ ప్రజలు ఆస్పత్రికి తరలించి చికిత్స అందించినప్పటికీ ఫలితం లేకపోయింది. సునీత నిన్న మృతిచెందగా.. పరిస్థితి విషమించడంతో రాంబాబు ఈరోజు మరణించాడు. దీంతో మూఢనమ్మకాల భయంతో ఒకే గ్రామంలో నలుగురు మృతిచెందడం స్థానికంగా తీవ్ర విషాదాన్ని నింపింది.ఇదీ చదవండి: విషాదం.. నీటి కుంటలో పడి నలుగురు మృతి

అమెరికాలో ఒళ్లు గగుర్పొడిచే ఘటన చోటుచేసుకుంది. కనిపించకుండా పోయిన 11 నెలల బాలుడు దాదాపు 24 గంటల పాటు భూమిలో పాతిపెట్టిన స్థితిలో ఉన్నప్పటికీ ప్రాణాలతో బయటపడ్డాడు. దక్షిణ కరోలినా రాష్ట్రంలోని అటవీ ప్రాంతంలో ఓ కుక్కను ఉంచే ఇనుప బోనులో బాలుడిని పెట్టి మట్టితో కప్పేశారు. దాదాపు ఒ‍క అడుగు లోతులో పాతిపెట్టిన ఆ బోను నుంచి చిన్నారి ఏడుపు వినిపించడంతో సహాయక సిబ్బంది అతడిని గుర్తించారు.బాలుడిని కోయా షార్ప్‌గా గుర్తించారు. మంగళవారం మధ్యాహ్నం అతడిని గుర్తించే సమయానికి ఓ టవల్‌లో చుట్టి బోనులో ఉంచారు. అప్పటికే బాలుడి పరిస్థితి విషమంగా ఉన్నప్పటికీ ప్రాణాలతో ఉన్నాడు. సహాయక సిబ్బంది తవ్వకాలు చేపడుతున్న సమయంలో బోను లోపలి నుంచి ఏడుపు వినిపించింది. వెంటనే అతడిని బయటకు తీసి ఆస్పత్రికి తరలించారు.లెక్సింగ్టన్ కౌంటీ షెరీఫ్ జే కూన్ ఈ ఘటనపై స్పందిస్తూ.. ‘‘దేవుడు నిజంగా గొప్పవాడు. కొద్దిసేపటి క్రితమే 11 నెలల చిన్నారి కోయాను ప్రాణాలతో కనుగొన్నాం. సజీవంగా పాతిపెట్టినప్పటికీ ప్రాణాల కోసం పోరాడుతూ ఏడుస్తున్నాడు’’ అని పేర్కొన్నారు.దాదాపు 100 మంది పోలీసు, అత్యవసర సహాయక సిబ్బంది గాలింపు చర్యల్లో పాల్గొన్నారు. బాలుడి తండ్రి తరఫు తాత ఇంటికి సుమారు 45 మీటర్ల దూరంలోని అటవీ ప్రాంతంలో ఇటీవల తవ్విన ఆనవాళ్లను అధికారులు గుర్తించారు. బోను చుట్టూ చుట్టిన టవల్ కారణంగా లోపలికి కొంత గాలి చేరి ఉండవచ్చని, అది చిన్నారి ప్రాణాలతో బయటపడటానికి దోహదపడి ఉండవచ్చని షెరీఫ్ తెలిపారు.ఏయే పరిణామాలు చోటుచేసుకున్నాయి?విచారణ వివరాల ప్రకారం.. సోమవారం తండ్రి తరఫు నానమ్మ సంరక్షణలో ఉన్న సమయంలో బాలుడు కనిపించకుండా పోయాడు. మైఖేల్ కామర్ (25) ఇంటికి వచ్చి చిన్నారిని చూసుకుంటున్నాడు. నానమ్మ ఓ పనిమీద బయటకు వెళ్లిన సమయంలో అతడు బాలుడితో ఉన్నాడు. అయితే మరో సంరక్షకుడు బాధ్యతలు తీసుకునేందుకు వచ్చినప్పుడు కామర్, చిన్నారి ఇద్దరూ కనిపించలేదు.కుటుంబ సభ్యులు అధికారులకు సమాచారం ఇవ్వడంతో గాలింపు మొదలైంది. కామర్ తండ్రికి చెందిన ఇంటి తలుపులు తెరిచి ఉండటాన్ని, లోపల చిన్నారి వస్తువులు కనిపించడాన్ని పోలీసులు గుర్తించారు. అయితే తండ్రీకొడుకుల ఆచూకీ లభించలేదు. నిఘా కెమెరాల దృశ్యాలను పరిశీలించగా, కామర్ చిన్నారి లేకుండా పలు ప్రాంతాల్లో కనిపించినట్లు తెలిసింది.సోమవారం రాత్రి బేట్స్‌బర్గ్‌లోని ఓ ఆస్తి ప్రాంగణంలో ఉన్న భవనంలో కామర్‌ను పోలీసులు గుర్తించి అదుపులోకి తీసుకున్నారు. చొరబాటు, అరెస్టును అడ్డుకోవడం వంటి అభియోగాలు నమోదు చేశారు. అయితే అప్పటికి బాలుడు అతడి వద్ద లేడు. మంగళవారం కూడా కొనసాగిన గాలింపులో చిన్నారి ఆచూకీ లభించింది.కామర్‌పై మరిన్ని అభియోగాలు నమోదు చేయాలా అనే విషయంపై న్యాయవాదులతో అధికారులు చర్చిస్తున్నారు. మరోవైపు కోయా ఆస్పత్రిలోనే చికిత్స పొందుతున్నాడు. అతడు పూర్తిగా కోలుకోవాలని వైద్యులు, అధికారులు ఆశిస్తున్నారు. ఈ ఘటనపై దర్యాప్తు కొనసాగుతోంది.

సాక్షి, బెంగళూరు: బెంగళూరులో దారుణం చోటు చేసుకుంది. వివాహేతర సంబంధాన్ని వ్యతిరేకించాడని ప్రియుడి,అ తని స్నేహితుల సాయంతో తల్లి కన్న కొడుకునే హత్య చేసిందో తల్లి. నమ్మించి గొంతుకోసిన ఈ ఘటన కర్ణాటకలోని బెళగావి జిల్లాలో చోటుచేసుకుంది. మృతుడిని బెంగళూరులోని ఆర్.టి. నగర్‌కు చెందిన విజయ్ నారాయణ్‌గా గుర్తించారు.విజయ్ తల్లి మీనా నారాయణ్ (బ్యూటీ పార్లర్ మేనేజర్) తన వద్ద డ్రైవర్‌గా పనిచేస్తున్న మహారాష్ట్రకు చెందిన రాకేష్ జముని అనే వ్యక్తితో వివాహేతర సంబంధాన్ని కొనసాగిస్తోంది. ఈ విషయం తెలిసిన విజయ్ తీవ్రంగా వ్యతిరేకించాడు. తమ బంధానికి విజయ్ అడ్డుగా ఉన్నాడని భావించి, అతడిని అంతమొందించేందుకు తల్లి, ఆమె ప్రియుడు కలిసి ప్లాన్ చేశారు. ఇందులో భాగంగానే కర్ణాటక రాజ్యోత్సవ వేడుకలు చూపిస్తామని విజయ్‌ని బెళగావికి రప్పించారు. నవంబర్ 1న (కర్ణాటక రాజ్యోత్సవ రోజు) జాతీయ రహదారి పక్కన ఉన్న నిర్మానుష్య ప్రాంతంలో మీనా, రాకేష్, రాకేష్‌కి చెందిన నలుగురు స్నేహితులు కలిసి విజయ్‌ని కర్ణాటక జెండాతో ఉరివేసి (గొంతు నులిమి) హత్య చేశారు.ఇదీ చదవండి: 10 ఏళ్లలో అద్భుతం : క్యాన్సర్‌, అల్జీమర్స్‌ ఇక చరిత్రే!విజయ్ మొబైల్ ఫోన్ కాల్ డిటైల్ రికార్డ్స్ (CDR) ఆధారంగా పరిశీలించగా, ఈ కుట్ర బయటపడింది. స్వయంగా అతని తల్లికే ప్రమేయం ఉన్నట్లు తేలడంతో కేసు నమోదు చేసి దర్యాప్తు చేపట్టారు. ఈ కేసులో తల్లి మీనా,ప్రియుడు రాకేశ్, స్నేహితులైన సచిన్, మనోజ్, తమ్మన్న, ఏక్‌నాథ్ అనే ఆరుగురు నిందితులను పోలీసులు అరెస్టు చేశారు.ఇదీ చదవండి: భారీ కొండచిలువపై జారుడు బండ ఆట, వైరల్‌ వీడియో

పెద్దవూర: ముగ్గురు గురుకుల విద్యార్థులపై ఓ మైనర్ల గ్యాంగ్‌ విచక్షణారహితంగా దాడి చేసింది. నల్లగొండ జిల్లా పెద్దవూరలో‌ ఈ దారుణ ఘటన చోటుచేసుకుంది. చీకట్లో నేలపై కూర్చోబెట్టి ముగ్గురు విద్యార్థుపై మైనర్ల గ్యాంగ్ దాడి చేసింది. కాళ్లతో తంతూ, పిడిగుద్దుల వర్షం కురిపించింది. విచ్చలవిడిగా తలపై, శరీరంపై దాడి చేసింది మైనర్ గ్యాంగ్. సినిమా తరహాలో ఫీల్ అవుతూ దాడికి దిగడంతో ముగ్గురు విద్యార్థులకు గాయాలయ్యాయి. బాధిత విద్యార్థులు స్థానిక గురుకులానికి చెందిన వారిగా తెలిసింది. గురుకులంలో ఉండాల్సిన గురువులు, సెక్యూరిటీ లేకపోవడంతోనే ఘటన జరిగినట్లు ఆరోపణలు వస్తున్నాయి. దాడి జరుగుతున్న సమయంలో ఒకరు వీడియో కూడా తీశారు. దాడి అనంతరం బాధిత ముగ్గురు విద్యార్థులు అక్కడి నుంచి పరుగులు తీసినట్లు తెలుస్తోంది.

ఖమ్మం: జిల్లాలో ఆలస్యంగా వెలుగులోకి వచ్చిన దారుణ ఘటన కలకలం రేపుతోంది. వివాహేతర సంబంధం విషయాన్ని కుటుంబ సభ్యులకు చెబుతాడన్న కారణంతో పదో తరగతి విద్యార్థిని ఇద్దరు కలిసి హత్య చేసినట్లు ఆరోపణలు వెలువడ్డాయి. బాలుడికి కూల్‌డ్రింక్‌లో విషం కలిపి తాగించడంతో తీవ్ర అస్వస్థతకు గురయ్యాడు. సుమారు 20 రోజుల పాటు ఆసుపత్రిలో చికిత్స పొందినప్పటికీ చివరకు ప్రాణాలు కోల్పోయాడు. ఈ ఘటన ఖమ్మం జిల్లా కల్లూరు మండలం చిన్న కోరుకొండ గ్రామంలో చోటుచేసుకుంది.వివరాల్లోకి వెళ్తే.. చిన్న కోరుకొండ గ్రామానికి చెందిన రవి (15) పదో తరగతి చదువుతున్నాడు. అదే గ్రామానికి చెందిన అపర్ణ, అజయ్‌ మధ్య ఉన్న వివాహేతర సంబంధం గురించి రవికి తెలిసినట్లు సమాచారం. దీంతో తమ సంబంధం బయటపడుతుందనే భయంతో అపర్ణ, అజయ్‌ బాలుడిని అంతమొందించాలని కుట్ర పన్నినట్లు ఆరోపణలు ఉన్నాయి. ఈ పథకంలో భాగంగా రవికి కూల్‌డ్రింక్‌లో విషం కలిపి తాగించారు. చివరకు చికిత్స పొందుతూనే బాలుడు మృతి చెందాడు.బాలుడి మృతిపై పోలీసులు కేసు నమోదు చేసి దర్యాప్తు చేపట్టారు. విచారణలో అపర్ణ, అజయ్‌ల పాత్ర వెలుగులోకి రావడంతో ఇద్దరినీ అరెస్ట్‌ చేశారు. అనంతరం నిందితులను న్యాయస్థానంలో హాజరుపరిచి రిమాండ్‌కు తరలించారు. వివాహేతర సంబంధం బయటపడుతుందనే భయంతో అభం శుభం తెలియని బాలుడి ప్రాణాలు తీసిన ఘటన స్థానికంగా తీవ్ర విషాదాన్ని నింపింది. ఈ ఘటన ఆలస్యంగా వెలుగులోకి రావడంతో గ్రామంలో చర్చనీయాంశంగా మారింది.

సాక్షి, నల్గొండ: భార్యకు అండగా ఉండాల్సిన భర్తే ఆమె ప్రాణాలు తీశాడు. జీవితాంతం తోడుంటానన్న వ్యక్తే ఆమె పాలిట మృత్యువయ్యాడు. ఈ విషాదకర ఘటన నల్గొండ జిల్లాలో చోటుచేసుకుంది.పోలీసులు తెలిపిన వివరాల ప్రకారం.. నల్గొండ జిల్లాలో, హెడ్‌క్వార్టర్స్‌లో హోంగార్డ్‌గా మెహబూబ్‌ బీ విధులు నిర్వహిస్తున్నారు. కొంతకాలంగా భార్యాభర్తల మధ్య తరచూ గొడవలు జరుగుతున్నాయి. ఈ క్రమంలోనే ఇద్దరి మధ్య మరోసారి వివాదం తలెత్తినట్లు తెలుస్తోంది. దీంతో ఆగ్రహానికి గురైన భర్త సతీష్‌ భార్యను గొంతు నులిమి హత్య చేసినట్లు పోలీసులు పేర్కొన్నారు. ఘటనపై కేసు నమోదు చేసి దర్యాప్తు చేపట్టారు. అలాగే, హత్యకు సంబంధించిన పూర్తి విషయాలపై ఆరా తీస్తున్నారు.ఇదీ చదవండి: రోజూ రాత్రి భర్తకు నిద్ర మాత్రలు ఇచ్చి.. ప్రియుడితో!

అక్రమ సంబంధానికి భర్త అడ్డుగా ఉన్నాడనే కారణంతో భర్తను ప్రియుడితో కలసి భార్య హత్య చేసింది. కలబురగి జిల్లా మల్‌ఖేడ్‌లో జరిగిన హత్యకు సంబంధించిన వివరాలు ఇలా.. మల్‌ఖేడ్‌ బస్టాండ్‌ సమీపంలో కంప్యూటర్‌ సెంటర్‌ నడుపుకునే సిద్ధరామకు భార్య అంబిక, ఇద్దరు పిల్లలు ఉన్నారు. మారుతి అనే వ్యక్తితో అంబిక అక్రమ సంబంధం పెట్టుకుంది. రోజూ భర్తకు నిద్ర మాత్రలు ఇచ్చి వారు కలిసేవారు.ఈ క్రమంలో ఓ రోజు భర్త సిద్ధరామకు మెలుకువ రావడంతో అక్రమ సంబంధం బయటపడుతుందని భయపడ్డారు. దీంతో ఎలాగైనా భర్తను చంపేయాలని ప్రియుడు మారుతితో కలసి అంబిక ప్లాన్‌ వేసింది. సిద్ధరామ నవంబర్‌ 2 రాత్రి బయటకు వెళ్లి నవంబర్‌ 3 ఉదయం ఇంటికి తిరిగి వచ్చాడు. ఆ తర్వాత నిద్ర లేపేసరికి శరీరం చల్లబడిపోయి చనిపోయాడని అంబిక మొదట పోలీసులకు ఫిర్యాదు చేసింది. తన భర్త స్నేహితులతో కలిసి పారీ్టకి వెళ్లాడని మళ్లీ నమ్మించే ప్రయత్నం చేసింది. అయితే సిద్ధరామ తల్లి బసమ్మ తన కొడుకు మృతదేహాన్ని పరిశీలించగా.. అతని మెడపై రక్కుడు గాయాలు, ముక్కు, చెవులు, నోటి నుంచి రక్తం రావడం గమనించింది. కోడలిపై అనుమానం రావడంతో పోలీసులకు ఫిర్యాదు చేసింది. అంబికను పోలీసులు అదుపులోకి తీసుకుని విచారించగా ప్రియుడు మారుతితో కలసి చంపేసినట్లు ఒప్పుకుంది. అక్రమ సంబంధానికి అడ్డుగా ఉన్నాడనే కారణంతోనే భర్తను ప్లాన్‌ ప్రకారం హతమార్చినట్లు తెలిపారు. కలబురగి ఎస్పీ అద్దూరు శ్రీనివాసులు పర్యవేక్షణలో మల్‌ఖేడ్‌ పోలీసులు ఈ కేసును ఛేదించి నిందితులను జైలుకు పంపారు రాయచూరు రూరల్‌(కర్ణాటక):ఇదీ చదవండి: ప్రాణం తీసిన అక్రమ సంబంధం

చెన్నై: తిరువళ్లూరు జిల్లా ఎల్లాపురం యూనియన్‌ సెంగారై గ్రామానికి చెందిన మణిమేఘలై(24)కు ఆంధ్రప్రదేశ్‌ రాష్ట్రం తిరుపతి జిల్లా నాగలాపురం సమీపంలోని కారణి ప్రాంతానికి చెందిన రాజేష్ తో వివాహం జరిగింది. రాజేష్‌ చెన్నైలోని ఎయిర్‌పోర్టు వద్ద ట్రావెల్స్‌ సరీ్వసును నిర్వహిస్తున్నాడు. మణిమేఘలై–రాజేష్‌ దంపతులకు ముగ్గురు పిల్లలు వున్నారు. కాగా మణిమేఘలైకు అదే ప్రాంతానికి చెందిన దుర్గాప్రసా«ద్‌కు మధ్య అక్రమ సంబంధం వున్నట్టు తెలుస్తోంది. ఈక్రమంలో భర్తతో రాజేష్ తో ఏర్పడిన మనస్పర్థల కారణంగా ఇరువురు విడిపోయి, సెంగారై ప్రాంతంలో మణిమేఘలై నివాసం వుంటూ తేరువాయి కండ్రిగ సిప్‌కాట్‌లోని పరిశ్రమలో నర్సుగా విధులు నిర్వహిస్తోంది. ఇదిలా వుండగా మణిమేఘలై గత కొద్ది రోజుల నుంచి దుర్గాప్రసాద్‌తో మాట్లాడడం మానేసింది. దీంతో మణిమేఘలై పని చేస్తున్న పరిశ్రమ వద్దకు వెళ్లి దుర్గాప్రసాధ్‌ అక్కడ ఆమె ప్రవర్తన గుర్తించి ఆరా తీశారు. మణిమేఘలైకు అదే పరిశ్రమలో పని చేసే సూపర్‌వైజర్‌గా పని చేస్తున్న మరో వ్యక్తితో సన్నిహితంగా మెలుగుతున్నట్టు తెలియడంతో.. ఆదివారం మణిమేఘలైతో మాట్లాడాలని పిలిపించి పెనాలూరుపేట అటవీ ప్రాంతానికి తీసుకెళ్లాడు. అక్కడ ఇద్దరి మధ్య తీవ్ర వాగ్వాదం జరిగి ఆగ్రహంతో దుర్గాప్రసాద్‌ మణిమేఘలైను హత్య చేసి అక్కడి నుంచి పరారయ్యాడు. స్థానికుల సమాచారంతో ఘటనా స్థలానికి వచ్చిన పోలీసులు మృతదేహాన్ని శవపరీక్ష నిమిత్తం తిరువళ్లూరు ప్రభుత్వ వైద్యశాలకు తరలించి నిందితుడిని అరెస్టు చేసి విచారణ చేపట్టారు.

హనుమకొండ జిల్లా: ఇంట్లో పనులు చేయకుండా ఫోన్‌లో ఎందుకు మాట్లాడుతున్నావని భర్త మందలించడంతో మనస్తాపానికి గురైన భార్య ఉరేసుకుని ఆత్మహ్యతకు పాల్పడింది. ఈ ఘటన హనుమకొండ జిల్లా ఐనవోలు మండల కేంద్రంలో చోటు చేసుకుంది. ఎస్సై కొంక అశోక్‌ కథనం ప్రకా రం.. బిహార్‌లోని నలంద జిల్లా మహత్వాన్‌ గ్రామానికి చెందిన గౌతమ్‌ పాశ్వాన్, రాధాకుమారి(20) దంపతులు సుమారు నాలుగేళ్ల క్రితం జీవనోపాధి నిమిత్తం మండల కేంద్రానికి వచ్చారు. గౌతమ్‌ పాశ్వాన్‌ ప్రస్తుతం వివిధ యజమానుల వద్ద హమాలీ, కూలీ పనులకు వెళ్తున్నాడు. ఆదివారం సాయంత్రం గౌతమ్‌ పాశ్వాన్‌ కూలీ పనులు ముగించుకుని ఇంటికి వచ్చాడు. ఈ సమయంలో రాధాకుమారి ఫోన్‌లో మాట్లాడుతూ కనిపించింది. దీంతో ఇంట్లో పనులు చేయకుండా ఫోన్‌లో ఎందుకు మాట్లాడుతున్నావని మందలించాడు. దీంతో మనస్తాపానికి గురైన రాధాకుమారి ఇంట్లో ఉరేసుకుని ఆత్మహత్యకు పాల్ప డింది. ఈ ఘటనపై మృతురాలి భర్త గౌతమ్‌ పాశ్వాన్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

కర్ణాటక: ప్రియునితో జల్సాలకు భర్త అడ్డుగా ఉన్నాడని అతన్ని కాటికి పంపిన మహిళ ఉదంతమిది. బెంగళూరు ఎలక్ట్రానిక్‌ సిటీలో వెలుగు చూసింది. పోలీసులు తెలిపిన వివరాలు మేరకు... ఎల్రక్టానిక్‌ సిటీ ఠాణా పరిధిలోని దొడ్డతోగూరులో అనిత (35), ఉపేంద్ర (40) దంపతులు నివసిస్తున్నారు. అక్టోబరు 10న తెల్లవారుజామున ఉపేంద్ర ఇంట్లో చనిపోయాడు. గుండెపోటుతో పోయాడంటూ అనిత బోరున ఏడ్చింది. తరువాత అంత్యక్రియలు జరిపించారు. మృతుని సోదరుడు అనుమానంతో పోలీసులకు ఫిర్యాదు చేశాడు. దీంతో కేసు నమోదు చేసుకుని మృతదేహాన్ని వెలికితీసి పోస్టుమార్టం చేయించగా గొంతు నులిమి చంపారని తేలింది. దీంతో అనిత, ప్రియున్ని అదుపులోకి తీసుకుని విచారించగా అంతా వివరించింది. స్థానికుడు మధుసూధన్‌ (45)తో చాలా ఏళ్లుగా అక్రమ సంబంధం ఉందని, భర్త తరచూ గొడవ పడేవాడు. భర్త నిద్రపోయాక ప్రియుడు మధుసూధన్‌కి ఫోన్‌ చేసి ఇంటికి రప్పించింది. ఇద్దరూ కలిసి ఉపేంద్రను గొంతు పిసికి చంపారు, ప్రియుడు వెళ్లిపోయాక అనిత డ్రామా ప్రారంభించింది. చివరకు గుట్టు రట్టయింది.

కర్నూలు: జిల్లాలో ఘోర రోడ్డు ప్రమాదం చోటుచేసుకుంది. ఆదోని మండలం నెట్టేకల్‌ క్రాస్‌ వద్ద ఓ ఆటో.. కారును బలంగా ఢీకొట్టిన ఘటనలో ఓ మహిళ మృతి చెందగా, 10 మందికి తీవ్ర గాయాలయ్యాయి. అందులో ముగ్గురు చిన్నారులు కూడా ఉన్నట్లుగా తెలుస్తోంది.పోలీసులు తెలిపిన వివరాల ప్రకారం.. ఏపీ, కర్నూలు జిల్లాలోని, ఆదోని మండలం నెట్టేకల్‌ క్రాస్‌రోడ్డు వద్ద వలస కూలీలకు వెళ్ళి, తిరిగి వస్తుండగా ఓ ఆటో అదుపుతప్పి కారును బలంగా ఢీకొంది. దీంతో ఈ ఘటనలో మహేశ్వరి (25) అనే మహిళ అక్కడికక్కడే మృతి చెందింది. ఆటోలో ప్రయాణిస్తున్న మరో 10 మంది తీవ్ర గాయాలపాలయ్యారు. క్షతగాత్రుల్లో ముగ్గురు చిన్నారులు కూడా ఉన్నారు. ప్రమాదం జరిగిన వెంటనే స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు ప్రమాదానికి సంబంధించిన వివరాలు సేకరించారు.అయితే, ఈ ప్రమాదానికి గురైన వారంతా ఆదోని మండలం కపటి గ్రామానికి చెందిన వారిగా పోలీసులు గుర్తించారు. క్షతగాత్రులను చికిత్స నిమిత్తం దగ్గర్లోని ప్రభుత్వ ఆసుపత్రికి తరలించారు. దీంతో ఈ ఘటనపై కేసు నమోదు చేసుకున్న పోలీసులు.. ప్రమాదానికి గల ఇతర కారణాలపై దర్యాప్తు చేపట్టారు.ఇదీ చదవండి: విషాదం.. పదవ తరగతి విద్యార్థి అనుమానాస్పద మృతి?

సాక్షి, న్యూఢిల్లీ: 30కి పైగా తీవ్రమైన క్రిమినల్ కేసుల్లో నిందితుడిగా ఉన్న పంజాబ్ గ్యాంగ్‌స్టర్ గుర్విందర్ అలియాస్ అఫ్రిదిని పోలీసులు భారత్‌కు తీసుకొచ్చారు. ఇథియోపియాలో అతడిని అరెస్ట్ చేసిన పోలీసులు ఆదివారం ఢిల్లీకి తీసుకొచ్చారు. అనంతరం పంజాబ్ పోలీసులు తమ అదుపులోకి తీసుకున్నారు. అఫ్రిదిపై పంజాబ్ ప్రభుత్వం రూ.5 లక్షల రివార్డు కూడా గతంలో ప్రకటించింది.పంజాబ్‌లోని తరన్ తారన్‌ జిల్లాకు చెందిన అఫ్రిది.. డోనీ బాల్-ప్రభ్ దస్సువాల్ గ్యాంగ్‌లో కీలకంగా వ్యవహరిస్తున్నట్లు పోలీసులు ఆరోపిస్తున్నారు. ఐదు హత్య కేసులతో పాటు హత్యాయత్నం, బెదిరింపులు, అక్రమ వసూళ్లతో పాటు అక్రమ ఆయుధాల నిరోధక చట్టం కింద నమోదైన కేసుల్లో అతడు నిందితుడిగా ఉన్నాడు. పంజాబ్‌లో జరిగిన పలు కీలక హత్యల వెనుక అఫ్రిది ప్రమేయం ఉన్నట్లు పోలీసులు అనుమానిస్తున్నారు.2025 మార్చిలో నకిలీ పాస్‌పోర్టుతో అఫ్రిది ముంబై నుంచి యూఏఈకి పారిపోయాడు. అనంతరం టర్కీ, కెన్యా, అంగోలా మీదుగా ఇథియోపియాకు చేరుకున్నాడు. అతడి కోసం ఇంటర్‌పోల్ రెడ్ నోటీసు కూడా జారీ అయింది.పంజాబ్ పోలీసులు చేపట్టిన ‘ఆపరేషన్ షాహిద్’లో భాగంగా పది నెలల పాటు అంతర్జాతీయ స్థాయిలో నిఘా కొనసాగించి అతడిని పట్టుకున్నారు. అంతేకాదు ఆఫ్రికా దేశం నుంచి పరారీలో ఉన్న నేరస్థుడిని పంజాబ్ పోలీసులు భారత్‌కు తీసుకురావడం ఇదే తొలిసారి అని పోలీసు వర్గాలు వెల్లడించాయి. ప్రస్తుతం అతడిని పంజాబ్‌కు తరలించి తదుపరి చట్టపరమైన చర్యలు చేపట్టనున్నారు.ఇదీ చదవండి: ఇరాన్‌తో యుద్ధానికి ముగింపు.. చైనా సాయం కోరుతున్న అమెరికా?

సాక్షి: హైదరాబాద్‌: హిమాయత్‌సాగర్‌ ఓఆర్‌ఆర్‌పై ఘోర రోడ్డు ప్రమాదం చోటుచేసుకుంది. టిప్పర్‌ను ఆటో ఢీకొన్న ఘటనలో ఇద్దరు అక్కడికక్కడే మృతిచెందగా, మరో 10 మందికి పైగా తీవ్రంగా గాయపడ్డారు.కొత్తూరు సమీపంలో ఓ కార్యక్రమంలో పనిచేసి తిరిగి వెళ్తుండగా ఈ ప్రమాదం జరిగినట్లుగా తెలుస్తోంది. ప్రమాద సమయంలో ఆటోలో మొత్తం 17 మంది ఉన్నట్లుగా సమాచారం. అయితే, ఆటో వేగంగా వచ్చి టిప్పర్‌ను ఢీకొట్టడంతో ఈ దుర్ఘటన చోటుచేసుకున్నట్లు తెలుస్తోంది. వివరాలు అందుకున్న పోలీసులు వెంటనే ఘటనా స్థలానికి చేరుకుని, క్షతగాత్రులను చికిత్స నిమిత్తం సమీపంలోని ఆస్పత్రికి తరలించారు. ప్రమాదానికి సంబంధించిన పూర్తి వివరాలు ఇంకా తెలియాల్సి ఉంది.

సరస్సు వద్దకు తీసుకెళ్తే.. అక్కాచెల్లెళ్లిద్దరు ఆహ్లాదం అనుకున్నారు.. అమ్మ చేయి పట్టుకుని బుడిబుడి అడుగులు వేశారు. సరదాగా ఆడుకున్నారు. పార్కంతా కలియదిరిగారు. తెల్లవారితే అందరి ఇళ్లలో దీపావళి వెలుగులు.. కానీ, తన భర్త చేసిన మోసంతో జీవితంలో కారు చీకట్లు అలుముకున్నాయి. తన గుండెలో గూడుకట్టుకున్న ఆవేదన, ఆక్రందనలకు మరణమే శరణ్యమనుకుంది. తాను చనిపోతే పిల్లలిద్దరు అనాథలవుతారని భావించి చున్నీతో పిల్లలిద్దరిని నడుముకు కట్టుకుంది. ఏంటమ్మా ఇలా చేస్తున్నావని చిన్నారులు అడిగేలోపే సరస్సులో దూకింది. ముగ్గురూ విగతజీవులయ్యారు. భర్త వివాహేతర సంబంధం మిగిలి్చన పెనువిషాదమిది.వరంగల్‌: కన్నవారిని కాదనుకుంది. సామాజిక వర్గాలు వేరైనా ప్రేమించిన వ్యక్తిని వివాహం చేసుకుంది. తన భర్త మరో మహిళతో వివాహేతర సంబంధం పెట్టుకోవడంతో మనస్తాపం చెందింది. ఇటు తల్లిగారింటికి వెళ్లలేదు. భర్త మోసం తట్టుకోలేక చావే దిక్కనుకుంది. కానీ, పిల్లలు దిక్కులేని వారవుతారనే భావనతో వారితో సహా ఆత్మహత్యకు పాల్పడింది. ఈ హృదయ విదారక ఘటన పాకాలలో చోటుచేసుకుంది. హనుమకొండ జిల్లా బైరాన్‌పల్లి గ్రామానికి చెందిన ఈరెల్లి మమత(30) చిన్నతనం నుంచి వరంగల్‌ జిల్లా గీసుకొండ మండలం ఎలుకురి్తహవేలిలోని అమ్మమ్మ ఇంటి వద్ద ఉండి చదువుకుంది. చదువుకునే సమయంలో అదే గ్రామానికి చెందిన సుమన్‌ అనే యువకుడితో ప్రేమలో పడింది. ఇద్దరి సామాజిక వర్గాలు వేరు. పెద్దలకు ఇష్టంలేకపోయినా వారిని వదిలి ఆరేళ్ల క్రితం కులాంతర వివాహం చేసుకుంది. సుమన్‌ ట్రాక్టర్‌ డ్రైవర్‌గా పనిచేస్తుండగా, మెడికల్‌ డిపొ్లమా చదివిన మమత నర్సంపేటలోని ఓ ప్రైవేట్‌ ఆస్పత్రిలో పనిచేస్తోంది. వారికి హర్షిణి(4), కావ్య(3) ఇద్దరు కూతుళ్లు ఉన్నారు. హర్షిణి నర్సరీ చదువుతుండగా కావ్య ఇంటివద్దే ఉంటోంది. భర్త మరో మహిళతో వివాహేతర సంబంధం..వారిద్దరి సంసారం సజావుగా సాగుతుండగా సుమన్‌ గ్రామంలోని తనఇంటి సమీపంలోని ఓ మహిళతో 6 నెలల నుంచి వివాహేతర సంబంధం పెట్టుకున్నాడు. ఈ విషయం తెలిసిన మమత మానసికంగా కుంగిపోయింది. సొంత వారిని వదులుకుని ఇష్టపడిన వ్యక్తిని ప్రేమ వివాహం చేసుకుంటే భర్త నమ్మించి మోసం చేశాడనే ఆవేదన చెందింది. ఈ విషయమై గ్రామంలోని పెద్ద మనుషులు రెండుసార్లు పంచాయితీ పెట్టి సుమన్‌ను హెచ్చరించారు. అతను తీరు మార్చుకోకపోగా ఆ మహిళతో పలుమార్లు ఇంట్లోనుంచి వెళ్లిపోయాడు. పోలీస్‌ కేసు కూడా నమోదైంది. ఈ క్రమంలో సుమన్, మమ త నర్సంపేట మండలం ముగ్దుంపురంలోని బంధువుల ఇంట్లో ఉంటున్నారు. రెండు రోజుల క్రితం సదరు మహిళతో కలిసి మళ్లీ వెళ్లిపోయాడు. దీంతో మమత ఎలుకుర్తి హవేలిలో తన ఇంటికి వెళ్లింది. శుక్రవారం రాత్రి ఆ మహిళ తరఫు భర్త, బంధువులు తన ఇంటికి వచ్చి తీవ్రంగా దూషించారు. అవమానంగా భావించిన మమత శనివారం ఉదయం డ్యూటీకి వెళ్తున్నానని చెప్పి ఇద్దరు కూతుళ్లను వెంటబెట్టుకుని పాకాల సరస్సుకు వచ్చి చున్నీతో నడుముకు కట్టుకుని దూకి ఆత్మహత్య చేసుకుంది. పిల్లలతో కాసేపు గడిపి..సరస్సు పార్కులో మమత పిల్లలతో కాసేపు గడిపింది. తాను ఆత్మహత్య చేసుకుంటున్నానని హైదరాబాద్‌లో ఉన్న బంధువులకు వాట్సాప్‌ ద్వారా లొకేషన్‌ వివరాలు పంపింది. తన వెంట తెచ్చుకున్న బ్యాగు, సెల్‌ఫోన్‌ బోటింగ్‌ పాయింట్‌ సమీపంలో పెట్టింది. అప్రమత్తమైన బంధువులు గ్రామంలోని కుటుంబ సభ్యులకు తెలిపి వెంటనే మమతకు ఫోన్‌ చేయగా బోటింగ్‌ సిబ్బంది ఫోన్‌ లిఫ్ట్‌ చేశారు. ఇద్దరు పిల్లలతో వచ్చిన మహిళ ఆత్మహత్య చేసుకుంటానని తెలిపిందని, వెంటనే కాపాడాలని కోరగా.. పార్కు, కట్ట ప్రాంతంలో వెతికి బోటింగ్‌ పాయింట్‌ వద్దకు చేరుకోగా ముగ్గురి మృతదేహాలు నీటిపై తేలాయి. ఎస్సై గుగులోతు రాంమోహన్‌కు సమాచారం తెలియడంతో అక్కడికి చేరుకుని కుటుంబ సభ్యులకు సమాచారం అందించారు. వరంగల్‌ ఈస్ట్‌జోన్‌ డీసీపీ అంకిత్‌కుమార్‌ ఘటనా స్థలానికి చేరుకుని మృతదేహాలను పరిశీలించి వివరాలు సేకరించారు. నర్సంపేట ఏసీపీ రవీందర్‌రెడ్డి, నర్సంపేట, దుగ్గొండి సీఐలు శ్రీనివాస్, శంకర్‌రావు వివరాలు సేకరించారు. తహసీల్దార్‌ నంగునూరి రమేశ్‌ సమక్షంలో పంచనామా నిర్వహించి ముగ్గురి మృతదేహాలను పోస్టుమార్టం నిమిత్తం నర్సంపేటకు తరలించారు. తల్లీకూతుళ్ల మృతదేహాలను చూసి బంధువులు, అక్కడికి వచ్చిన ప్రతిఒక్కరూ కంటతడి పెట్టుకున్నారు. సుమన్‌ పరారీలో ఉన్నట్లు తెలుస్తోంది.

బెంగళూరు: కర్ణాటకలో దారుణ ఘటన చోటుచేసుకుంది. పెళ్లి విషయంపై మాట్లాడుకుందామని ప్రియురాలిని జలపాతం వద్దకు తీసుకెళ్లిన ఓ వ్యక్తి.. ఆమెతో వాగ్వాదం తర్వాత గొంతు నులిమి హత్య చేశాడు. అనంతరం మృతదేహాన్ని కొండ వాలుపై పడేసి అక్కడి నుంచి పారిపోయాడు. పోలీసుల దర్యాప్తులో ఈ హత్య విషయం వెలుగులోకి వచ్చింది.బెలగావి జిల్లాకు చెందిన బసప్ప సత్తన్నవర్ (29) ఈ కేసులో నిందితుడు. అతడు బిహార్‌లో సశస్త్ర సీమా బల్ (ఎస్‌ఎస్‌బీ) 21వ బెటాలియన్‌లో కానిస్టేబుల్‌గా పనిచేస్తున్నాడు. మృతురాలు రక్షిత సరికర్ (23). వీరిద్దరూ గత నాలుగేళ్లుగా ప్రేమలో ఉన్నారు. రక్షితను పెళ్లి చేసుకుంటానని బసప్ప హామీ ఇచ్చినట్లు సమాచారం. అయితే పెళ్లి విషయం వీరిద్దరి మధ్య తరచూ గొడవలకు కారణమయ్యేదని తెలుస్తోంది.పోలీసుల వివరాల ప్రకారం.. అక్టోబర్ 28న పెళ్లి, భవిష్యత్తు గురించి మాట్లాడుకుందామని చెప్పి బసప్ప రక్షితను కర్ణాటకలోని గోకాక్ జలపాతం వద్దకు తీసుకెళ్లాడు. అక్కడ ఇద్దరి మధ్య వాగ్వాదం జరిగింది. ఈ క్రమంలో బసప్ప ఆమెపై దాడి చేశాడు. చెవిపై కొట్టి, అనంతరం గొంతు నులిమి హత్య చేసినట్లు పోలీసులు తెలిపారు. హత్య చేసిన తర్వాత జలపాతం సమీపంలోని కొండ వాలుపై రక్షిత మృతదేహాన్ని పడేసి అక్కడి నుంచి వెళ్లిపోయాడు. రక్షిత ఇంటికి తిరిగి రాకపోవడంతో కుటుంబ సభ్యులు ఆమె కోసం వెతికారు. అనంతరం పోలీసులను ఆశ్రయించారు. నవంబర్ 1న ఆమె కనిపించడం లేదంటూ ఫిర్యాదు చేశారు.ఈ ఘటనపై దర్యాప్తు చేపట్టిన పోలీసులు రక్షిత అదృశ్యం వెనుక హత్య ఉన్నట్లు గుర్తించారు. బసప్పను విచారించిన అనంతరం రక్షిత హత్య కేసులో అతడిని అరెస్టు చేశారు. ప్రస్తుతం అతడిని న్యాయస్థానం జ్యుడీషియల్ కస్టడీకి పంపింది. ఈ ఘటనపై పోలీస్ స్టేషన్‌లో కేసు నమోదైంది. హత్యకు సంబంధించిన ఇతర వివరాలు, ఘటన వెనుక ఉన్న పరిస్థితులపై పోలీసులు తదుపరి దర్యాప్తు కొనసాగిస్తున్నారు.

గత నెలలో బెంగళూరులో నగరంలో ఒకే కుటుంబానికి చెందిన ఏడుగుర్ని ఒక క్యాబ్‌ డ్రైవర్‌ అత్యంత పాశవికంగా నరికి చంపిన సామూహిక హత్యాకాండలో నిందితుడి ఇందుశేఖర్ (అలియాస్ శేఖర్) కుమార్తె పాత్రపై పలు అనుమానాలు వ్యక్తమవుతున్నాయి. అత్యంత అమానవీయ హత్యకాండలో ఆమె.. తన తండ్రికి ప్రతీదశలోనూ సహకరించిందని బలమైన అనుమానాలు వ్యక్తమవుతున్నాయి. కూతురు సహకారంతోనే కుటుంబంలోని బంధువుల్ని అత్యంత సులువుగా హత్య చేసినట్లు తెలుస్తోంది. ఈ కోణంలో విచారిస్తున్న పోలీసులు.. ఆమెను అదుపులోకి తీసుకుని దర్యాప్తును తీవ్రతరం చేశారు. బెంగళూరులో ఒకే కుటుంబానికి చెందిన ఏడుగురిని ఒక క్యాబ్ డ్రైవర్ అత్యంత కిరాతకంగా నరికి చంపిన సామూహిక హత్యాకాండలో నిందితుడి 17 ఏళ్ల మైనర్ కుమార్తె పాత్రపై పోలీసులు తీవ్రంగా విచారిస్తున్నారు. ఈ భయంకరమైన నేరంలో ఆమె తన తండ్రికి ప్రతి దశలోనూ సహకరించిందనే బలమైన అనుమానాలతో పోలీసులు ఆమెను కస్టడీలోకి తీసుకున్నారు.అంతా శత్రువులని కూతురికి మాయమాటలు చెప్పాడా?నిందితుడైన ఇందుశేఖర్ తన 17 ఏళ్ల కుమార్తెను తీవ్రంగా బ్రెయిన్‌వాష్ చేసి మాయమాటలు చెప్పినట్లు పోలీసులు అనుమానిస్తున్నారు. తన భార్యతో పాటు కుటుంబ సభ్యులంతా శత్రువులని, వారందరినీ చంపేస్తేనే ఆస్తి మొత్తం మనకే దక్కుతుందని, తద్వారా వారు ఆర్థికంగా స్థిరపడగలరని నమ్మించి ఈ నేరంలో కుమార్తెను భాగస్వామిని చేసినట్లు తెలుస్తోంది.కుమార్తెతోనే ఫోన్లు చేయించి బంధువుల్ని ఆహ్వానించాడా?నిందితుడు మొదట తన భార్య సునీతను హత్య చేసిన తర్వాత, అతని కుమార్తె ద్వారానే ఆమె నానమ్మ (రూపావతి)కి ఫోన్ చేయించి ఇంటికి రప్పించినట్లు పోలీసులు భావిస్తున్నారు. అలాగే తన పిన్నులను, బాబాయ్‌లకు కుటుంబాలను కూడా విందుకు ఆహ్వానించేలా ఆమెతోనే ఫోన్ చేయించాడని, ఆ సమయంలో తల్లి ఊరెళ్లిందని అబద్ధం చెప్పించాడని తెలుస్తోంది.విడివిడిగా పిలిచి హత్యలు..దాదాపు 15 నుండి 20 రోజుల వ్యవధిలో ఈ ఏడుగురిని విడివిడిగా పిలిపించి ఇందుశేఖర్ హత్య చేశాడు. అక్టోబర్‌ 16వ తేదీ నుంచి అక్టోబర్‌ 31 మధ్యలో ఈ హత్యలు చేసినట్లు పోలీసులు వెల్లడించారు. ప్రతి హత్య జరిగిన తర్వాత హత్య జరిగిన స్థలంలో ఎటువంటి రక్తం మరకలు లేకుండా శుభ్రం చేయడానికి, సాక్ష్యాలను పూర్తిగా తుడిచేయడానికి ఈ మైనర్ అమ్మాయి తండ్రికి సహాయం చేసినట్లు ఆరోపణలు ఉన్నాయి. హత్య చేసిన అనంతరం మృతదేహాలను ప్యాక్ చేసి, కారులో వేర్వేరు ప్రాంతాలకు తరలించి పడేయడంలో కూడా ఆమె తండ్రికి అండగా నిలిచిందనేది ప్రాధమికంగా బలంగా వినబడుతున్న మాట. పోలీసుల తనిఖీల్లో దొరక్కుండా ఉండేందుకు, కారులో కూతురు ఉంటే ఎవరికీ అనుమానం రాదనే ప్లాన్‌తో ఇందుశేఖర్ ఆమెను తనతో పాటు తీసుకెళ్లి మరీ వాటిని పడేసినట్లు అనుమానిస్తున్నారు. చనిపోయిన వారి మొబైల్‌ ఫోన్లు దగ్గరే పెట్టుకుని..ఈ హత్యలు తర్వాత ఎటువంటి అనుమానం రాకుండా ఉండేందుకు వారి మొబైన్లను సైతం తమ వద్దే పెట్టుకుని తప్పుడు మెసేజ్‌లు పంపేవారట. తాము టూర్‌కు వెళ్లామని చనిపోయిన వారి మొబైల్‌ ఫోన్ల నుంచి మెసేజ్‌లు చేసేవారనేది విశ్వసనీయ సమాచారం. తాము క్షేమంగా ఉన్నామని ఆ మెసేజ్‌ల సందేశం ద్వారా పంపేవారని చెబుతున్నారు. ఈ మెసేజ్‌లు పంపడంలో కూడా కూతురు పాత్ర ఉన్నట్లు పోలీసులు గుర్తించినట్లు తెలుస్తోంది.ఇదీ చదవండి: అల్లుడి కిరాతకం

హైదరాబాద్‌: తన ప్రేమ ప్రతిపాదనను తిరస్కరించిందన్న కోపంతో ఆమెపై ద్వేషం పెంచుకున్నాడు. ఇంట్లో ఎవరు లేని సమయంలో యువతిపై ఓ యువకుడు లైంగిక దాడికి పాల్పడ్డాడు. ఈ సంఘటన దుండిగల్‌ పోలీస్‌ స్టేషన్‌ పరిధిలో చోటు చేసుకుంది. పోలీసుల కథనం ప్రకారం.. నిజామాబాద్‌ జిల్లాకు చెందిన రంజాన్‌(23) గత ఎనిమిది నెలల కిత్రం నగరానికి వలస వచ్చి దుండిగల్‌లో ఉంటూ ర్యాపిడో డ్రైవర్‌గా పని చేస్తున్నాడు. ఇతని ఇంటి పక్కనే నివసిస్తున్న ఓ యువతి(19) డిగ్రీ చదువుతోంది. కాగా గత కొంత కాలంలో రంజాన్‌ యువతిని తనను ప్రేమించాలని వేధించాడు. ప్రేమ ప్రతిపాదనను తిరస్కరించడంతో ఆమెపై కోపం పెంచుకున్నాడు. శుక్రవారం ఉదయం 6 గంటల సమయంలో యువతి ఇంట్లో ఎవరు లేని సమయంలో ఆమె ఇంట్లోకి ప్రవేశించి లైంగిక దాడికి పాల్పడ్డాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు నిందితుడిని అదుపులోకి తీసుకున్నారు.

మూఢ నమ్మకాలు జడలు విప్పడంతో వికృత చేష్టలు బయటపడ్డాయి. సమాధి నుంచి యువతి తల, చేతులు తీసుకొని వెళ్లిన దారుణ ఘటన చోటుచేసుకుంది. వివరాల్లోకి వెళ్తే.. ఒడిశా నబరంగ్‌పూర్‌ జిల్లా నర్సింగ్‌ గుడ గ్రామంలో నీలాద్రి మజ్జి (27) అనే యువతి చికెన్‌ ఫాక్స్‌ (గాలి జల్లింపు) వ్యాధితో మృతి చెందింది.ఇలా చనిపోయిన అవివాహితని దహనం చేయకూడదని, సమాధి చేయాలని గిరిజనులు నిర్ణయించారు. అదేరోజు మరో ప్రచారాలు జరిగాయి. ఇటువంటి అవివాహిత గాలి జల్లింపుతో చనిపోతే ఆమె తల, చేతులతో పూజలు చేస్తే ప్రత్యేక శక్తులు వస్తాయని ప్రచారాలు జరిగాయి. దీంతో గ్రామస్తులు 21 రోజులు ఆ సమాధి దగ్గర రాత్రింబవళ్లు కాపాలా కాశారు. మృతదేహానికి రక్షణగా ఉన్నారు. అనంతరం వదిలేశారు. అయితే మరణించిన 42వ రోజు ఆ మార్గం గుండా వెళ్తున్న వ్యక్తులకు సమాధి తవ్వితీసిన ఆనవాళ్లు కనిపించాయి. అంతేకాకుండా ఆ ప్రాంతంలో క్షుద్ర పూజలు జరిగిన వస్తువులు ఉన్నాయి. ఈ విషయం దావాణంలా వ్యాపించడంతో పరిసర గ్రామాల ప్రజలు పెద్ద ఎత్తున అక్కడికి చేరుకున్నారు. పోలీసులు సంఘటన స్థలానికి చేరుకొని పరిస్థితిని సమీక్షించారు. ఫోరెన్సిక్‌ బృందం సమక్షంలో సమాధిని మరలాతవ్వారు. అయితే మృతదేహంకి తల, చేతులు లేకపోవడంతో అందరూ నివ్వెరపోయారు. క్లూస్‌ టీం ఆ ప్రాంతంలో దర్యాప్తు ప్రారంభించింది. పోలీసులు కేసు నమెదు చేసి తల కోసం గాలిస్తున్నారు.ఇదీ చదవండి: భార్యను హత్య చేసిన ఏఆర్‌ కానిస్టేబుల్‌

హనుమకొండ జిల్లా: ప్రేమించి పెళ్లాడిన భర్తే కాలయముడిగా మారాడు. అనుమానం పెనుభూతంగా మారడంతో పోలీసు కానిస్టేబుల్‌గా విధులు నిర్వర్తిస్తున్న వ్యక్తి భార్యను హత్య చేసి ఆనవాళ్లు దొరకకుండా సంచిలో మూటగట్టి గోదావరిలో విసిరేసిన ఘటన ఇది. ఇందుకు సంబంధించి భద్రాద్రి కొత్తగూడెం జిల్లా కొత్తగూడెం త్రీటౌన్, బూర్గంపాడు పోలీసుల కథనం ప్రకారం వివరాలిలా ఉన్నాయి. ఇన్‌స్టాలో పరిచయం..భద్రాద్రి జిల్లా టేకులపల్లి మండలానికి చెందిన నరేందర్‌ కొత్తగూడెంలో ఏఆర్‌ కానిస్టేబుల్‌గా విధులు నిర్వర్తిస్తున్నాడు. ఆయనకు ఇన్‌స్టాగ్రామ్‌లో రెండేళ్ల క్రితం ములుగు జిల్లా ఏటూరునాగారానికి చెందిన భవాని(30)తో పరిచయం ఏర్పడగా వేర్వేరు కులాలు కావడంతో పెళ్లికి ఇరువురి కుటుంబాలు అంగీకరించలేదు. దీంతో ఆలయంలో ప్రేమవివాహం చేసుకున్నాక కొత్తగూడెం ప్రగతినగర్‌లో కాపురం పెట్టారు. భవానికి తొలి సంతానంగా జన్మించిన శిశువు కొద్ది రోజులకే అనారోగ్యంతో మృతి చెందింది. ప్రస్తుతం నాలుగు నెలల గర్భిణి. అయితే, ఆమెకు గతంలో ఇతరులతో పరిచయం ఉందంటూ నరేందర్‌ అనుమానం పెంచుకోగా, ఇటీవల ఇన్‌స్టాలో ఇంకొందరితో చాటింగ్‌ చేస్తోందని గొడవ పడినట్లు తెలిసింది. ఈ విషయమై ఇద్దరి మధ్య తరచూ విబేధాలు తలెత్తడంతో 3వ తేదీన రాత్రి ఘర్షణ పడడంతో ఇంట్లోనే ఆమెను హత్య చేసిన నరేందర్‌ తన స్వగ్రామం వెళ్లిపోయాడు. అక్కడ తన కుటుంబీకులకు విషయం చెప్పి ఒకరిని తీసుకుని కొత్తగూడెం వచ్చి భవాని మృతదేహాన్ని మూటగట్టి 4వ తేదీన రాత్రి వాహనంలో తీసుకెళ్లి భద్రాచలం బ్రిడ్జి పైనుంచి గోదావరి నదిలో విసిరేశాడు. అప్పటికే భవాని కుటుంబ సభ్యులు ఆమె కనిపించడం లేదని పోలీసులకు ఫిర్యాదు చేయగా విచారిస్తున్నారు. ఇంతలోనే నరేందర్‌ శుక్రవారం పోలీసులకు లొంగిపోగా హత్య సంఘటన వెలుగులోకి వచ్చింది. బూర్గంపాడు సమీపాన మృతదేహంభవానిని నరేందర్‌ హత్య చేసినట్లు అంగీకరించి పోలీసులకు లొంగిపోవడంతో గాలింపు మొదలుపెట్టారు. కొత్తగూడెం, భద్రాచలం, బూర్గంపాడు పోలీసులు శుక్రవారం ఉదయం నుంచి గజ ఈతగాళ్లతో నదిలో గాలించి బూర్గంపాడు సమీపాన మృతదేహాన్ని గుర్తించారు. ఆ తర్వాత భద్రాచలం ఏరియా ఆస్పత్రి మార్చురీకి తరలించారు. కొత్తగూడెం డీఎస్పీ ఆదినారాయణ, పలు స్టేషన్ల సీఐలు ఇంద్రసేనారెడ్డి, యాసిన్, జితేందర్‌ గాలింపును పర్యవేక్షించారు. కాగా, మృతదేహం తరలింపులో నరేందర్‌కు ఎవరు సహకరించారు, అందులో కుటుంబీకులే ఉన్నారా.. భార్యను ఆయన ఎలా హత్య చేశాడన్న తదితర వివరాలు తెలియాల్సి ఉంది.ఇదీ చదవండి: కొడుకు బతికి ఉండగానే శ్మశానానికి..

వివాహేతర సంబంధం ఇద్దరి ప్రాణాలు బలిగొంది. భర్తతో గొడవపడిన వివాహిత ప్రియుడితో కలిసి రైలు కిందపడి ఆత్మహత్య చేసుకుంది. ఈ ఘటన తాలూకాలోని ఇండువాల్‌ సమీపంలో రైల్వే ట్రాక్‌ల వద్ద జరిగింది. క‌ర్ణాట‌క‌ మండ్య తాలూకా గున్నైకనహళ్లి గ్రామానికి చెందిన సహాన(27) బెంగళూరులోని ఒక ప్రైవేట్‌ కంపెనీలో పనిచేస్తుండేది.ఆ సమయంలో, పావగడ సమీపంలోని అరసికెరె నివాసి, బెంగళూరులో ఆటో డ్రైవర్‌గా పనిచేస్తున్న వీరేశ్‌తో ప్రేమలో పడి, వివాహం చేసుకుంది. దంపతులు బెంగళూరులో నివాసం ఉంటున్నారు. వీరికి ఐదు సంవత్సరాల కుమార్తె, రెండు సంవత్సరాల కుమారుడు ఉన్నారు. కాగా రాపిడ్‌ బైకర్‌ రాహుల్‌తో సహానకు పరిచయం ఏర్పడి అక్రమ సంబంధానికి దారితీసింది. ఈ విషయం భర్త వీరేశ్‌కు తెలియడంతో మందలించాడు. దీంతో దంపతుల మధ్య గొడవలు జరుగుతున్నాయి. ఈక్రమంలో రాహుల్‌తో కలిసి మండ్యకు చేరిన సహన... తాలూకాలోని ఇండువాల్‌ సమీపంలో హైవే సర్వీస్ రోడ్డు పనులు జరుగుతున్న ప్రదేశం వద్ద శుక్రవారం తెల్లవారుజామున సుమారు 1.50 గంటల సమయంలో మైసూరు–బెంగళూరు ప్యాసింజర్‌ రైలు కింద దూకి ఆత్మహత్య చేసుకున్నారు. రైల్వే పోలీసులు మృతదేహాలను పరిశీలించి మిమ్స్‌ మార్చురీకి తరలించారు.కేసు దర్యాప్తులో ఉంది. ఇదీ చదవండి: క్లబ్‌లో మభ్యపెట్టి..హోటల్‌లో అత్యాచారం

బొమ్మనహళ్లి: బెంగళూరు టూర్‌కు వచ్చిన రాజస్థానీ యువతి (26)పై అత్యాచారం జరిగిందని మడివాళ ఠాణాలో కేసు నమోదైంది. ఫిర్యాదు మేరకు వివరాలు.. జైపూర్‌ నగరానికి చెందిన యువతి అక్టోబర్‌ 4న పర్యటన నిమిత్తం బెంగళూరుకు వచ్చింది. ఆమె హోసూరు రోడ్‌లోని ఒక హోటల్‌ గదిలో బస చేసింది. ఆ తర్వాత, ఆమె కమ్మనహళ్లిలోని స్నేహితురాలి ఇంట్లో 10 రోజులు ఉండి, తిరిగి అదే హోటల్‌కు వచ్చింది. గత నెల 24న కోరమంగళలోని ఒక క్లబ్‌కు వెళ్లగా సమీర్‌ (26) అనే యువకుడు ఆమెకు సిగరెట్‌ అంటించుకోవడానికి లైటర్‌ ఇచ్చి పరిచయం చేసుకున్నాడు. ఆ తర్వాత, ఇద్దరూ కలిసి మద్యం తాగి మొబైల్‌ నంబర్లు మార్చుకున్నారు. నిందితుడు ఆ యువతిని ప్రలోభపెట్టి మరో హోటల్‌లో గదిని బుక్‌ చేసి తీసుకెళ్లాడు. ఆమె మద్యం మత్తులో ఉన్నప్పుడు ఆమెపై అత్యాచారం చేసి పారిపోయాడు. ఘటన జరిగిన నాలుగు రోజుల తర్వాత ఆమె 28వ తేదీన ఫిర్యాదు చేసింది. పోలీసులు గాలించి నిందితున్ని అరెస్టు చేసి పరప్పన అగ్రహార జైలుకు పంపారు.

చిత్తూరు: ఆ ఇద్దరిదీ విడదీయలేని స్నేహబంధం.. ఎక్కడికి వెళ్లినా కలిసే వెళ్లేవారు.. కష్టసుఖాలను ఒకరితో ఒకరు పంచుకునేవారు. చిన్నతనంలోనే తల్లిని కోల్పోయిన ఆ ఇద్దరు బాలికలు ఒకరికొకరు తోడుగా ఉంటూ ఆ లోటును మరచిపోయేవారు. అలాంటి ప్రాణస్నేహితులు ఒక్కసారిగా ఆత్మహత్యాయత్నానికి పాల్పడటం స్థానికులను కలచివేసింది. వారిలో ఒకరు మృత్యుఒడికి చేరగా.. మరొకరు ఆస్పత్రిలో మృత్యువుతో పోరాడుతున్నారు. అసలు ఆ చిన్నారులకు ఏం కష్టమొచ్చింది? వారి మనసుల్లో ఎలాంటి వేదన దాగి ఉంది? అన్న ప్రశ్నలు అందరినీ కలచివేస్తున్నాయి. మున్సిపల్‌ పరిధిలోని కాకవేడు ఎస్టీ కాలనీలో ఈ విషాద ఘటన చోటుచేసుకుంది. స్థానికుల వివరాల మేరకు.. కాలనీకి చెందిన ఎ. విజయక్‌ కుమార్తె మౌనిక (15), సెంథిల్‌ కుమార్తె జీవిత (17) బుధవారం సాయంత్రం విషపు గుళికలు మింగి ఆత్మహత్యాయత్నానికి పాల్పడ్డారు. రాత్రి వారి పరిస్థితిని గుర్తించిన స్థానికులు వెంటనే ఆస్పత్రికి తరలించారు. అయితే పరిస్థితి విషమించడంతో మౌనిక చికిత్స పొందుతూ మృతిచెందింది. అపస్మారక స్థితిలో ఉన్న జీవితకు నగరి ఏరియా ఆస్పత్రిలో ప్రథమ చికిత్స అందించి మెరుగైన వైద్యం కోసం తిరుపతి రుయా ఆస్పత్రికి తరలించారు. ప్రస్తుతం ఆమె అక్కడ చికిత్స పొందుతోంది. తల్లిని కోల్పోయి.. ఒకరికొకరు తోడుగా.. మౌనిక, జీవిత చిన్ననాటి నుంచే ప్రాణస్నేహితులు. ఇరుగుపొరుగు ఇళ్లలోనే నివసించడంతో బాల్యం నుంచే వారి మధ్య విడదీయలేని అనుబంధం ఏర్పడింది. మౌనిక తొమ్మిదో తరగతి వరకు చదివి చదువు మానేయగా.. జీవిత పదో తరగతి పరీక్షల్లో ఉత్తీర్ణత సాధించలేక ఇంటివద్దే ఉంటోంది. ఇద్దరూ చిన్న వయసులోనే తల్లులను కోల్పోయారు. తల్లి ప్రేమకు దూరమైన ఆ చిన్నారులు ఒకరికొకరు ఆప్యాయతను పంచుకుంటూ పెరిగారు. ఎక్కడికి వెళ్లినా కలిసే వెళ్లేవారు. ఒకరికి మరొకరు తోడుగా ఉంటూ తమ బాల్యాన్ని గడిపారు. మౌనిక తండ్రి సంరక్షణలో ఉండగా.. జీవిత తండ్రి దూర ప్రాంతంలో ఉండటంతో అవ్వాతాతల వద్ద పెరుగుతోంది. ఇంతటి అనుబంధం కలిగిన ఇద్దరూ ఒకేసారి ఆత్మహత్యాయత్నానికి పాల్పడటం కాలనీవాసులను తీవ్ర దిగ్భ్రాంతికి గురిచేసింది. ఎప్పుడూ చలాకీగా కనిపించే ఆ చిన్నారుల మనసుల్లో అంతటి వేదన ఏముంది? తమ బాధను ఎవరితోనూ పంచుకోలేనంత కష్టం ఏమొచ్చింది? అన్నది అంతుచిక్కని ప్రశ్నగా మిగిలింది.విచారణలో వాస్తవాలు వెలుగులోకి.. ఈ విషాద ఘటనపై పోలీసులు కేసు నమోదు చేసి దర్యాప్తు చేస్తున్నారు. విద్యారి్థనుల సెల్‌ఫోన్లలోని డేటాను పరిశీలిస్తూ ఆత్మహత్యాయత్నానికి దారితీసిన పరిస్థితులపై ఆరా తీస్తున్నారు. జీవిత కోలుకున్న తర్వాత ఆమె వాంగ్మూలం ద్వారా మరిన్ని వివరాలు వెలుగులోకి వచ్చే అవకాశం ఉంది. కారణాలు ఇంకా తెలియాల్సి ఉంది. కలిసి నవ్వుతూ.. కలిసి తిరుగుతూ గడిపిన ఆ ఇద్దరు బాల్య స్నేహితుల్లో ఒకరు ఇక లేరన్న వార్త కాలనీవాసుల హృదయాలను కలచివేస్తోంది. మరో చిన్నారి అయినా కోలుకుని క్షేమంగా తిరిగి రావాలని అందరూ కోరుకుంటున్నారు.

సాక్షి, నిజామాబాద్‌: జిల్లాలో విషాద ఘటన చోటుచేసుకుంది. చెరువులో ప్రమాదవశాత్తు పడిన కుమార్తెను కాపాడబోయి తండ్రి ప్రాణాలు కోల్పోయాడు. ఈ క్రమంలో తండ్రి, కుమార్తె ఇద్దరూ నీటిలో మునిగి మృత్యువాతపడ్డారు. ఈ ఘటన కామారెడ్డి మండలం కోటాల్‌పల్లి గ్రామంలోని గోరిగారి చెరువులో చోటుచేసుకుంది.స్థానికుల వివరాల ప్రకారం.. గ్రామానికి చెందిన సంకరి పెద్ద నర్సింలు (60), ఆయన కుమార్తె సోమిశెట్టి రజిత (40) చెరువు వద్దకు వెళ్లారు. ఈ క్రమంలో రజిత ప్రమాదవశాత్తు చెరువులో జారిపడింది. గమనించిన తండ్రి ఆమెను కాపాడేందుకు వెంటనే నీటిలోకి దిగాడు.అయితే, కుమార్తెను రక్షించే ప్రయత్నంలో నర్సింలు కూడా నీటిలో మునిగిపోయాడు. దీంతో ఇద్దరూ ప్రాణాలు కోల్పోయారు. సమాచారం అందుకున్న అగ్నిమాపక సిబ్బంది చెరువు వద్దకు చేరుకుని గాలింపు చర్యలు చేపట్టి, తండ్రి, కుమార్తె మృతదేహాలను వెలికితీశారు.అనంతరం పోలీసులు మృతదేహాలను కామారెడ్డి ఏరియా ఆసుపత్రికి తరలించారు. ఈ ఘటనతో కోటాల్‌పల్లి గ్రామంలో విషాదఛాయలు అలుముకున్నాయి. ఘటనపై దేవునిపల్లి పోలీసులు కేసు నమోదు చేసి దర్యాప్తు చేస్తున్నారు.ఇదీ చదవండి: జార్ఖండ్‌లో ఘోర ప్రమాదం.. మృతుల్లో చిన్నారులు, మహిళలు..

రాంచీ: జార్ఖండ్‌లో ఘోర రోడ్డు ప్రమాద ఘటన చోటుచేసుకుంది. కుంతి జిల్లాలో జనాలపైకి ఓ లారీ దూసుకెళ్లడంతో ఏడుగురు అక్కడికక్కడే మృతిచెందారు.. మృతుల్లో ముగ్గురు చిన్నారులు, ముగ్గురు మహిళలు ఉన్నారు. ఈ ఘటనలో పలువురు తీవ్రంగా గాయపడ్డారు. ప్రమాదం జరిగిన వెంటనే స్థానికులు పోలీసులకు సమాచారం అందించారు. దీంతో పోలీసులు ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను ఆస్పత్రికి తరలించారు. ఈ ప్రమాదానికి లారీ డ్రైవర్‌ అతి వేగమే కారణమని సమాచారం. ఈ ఘటనపై మరింత సమాచారం తెలియాల్సి ఉంది. #WATCH | Khunti, Jharkhand: Visuals from the spot after seven people died and one sustained injuries in a tragic road accident in the Karra police station area of Khunti district. An overspeeding truck ran over several people who had gathered at the spot following an accident involving a scooty rider.— ANI (@ANI) November 6, 2026ఇదీ చదవండి: దారుణం : భార్యను కుర్చీకి కట్టేసి పెట్రోల్‌ పోసి నిప్పంటించాడు!

బెంగళూరు: కర్ణాటకలో దారుణ హత్య ఘటన వెలుగుచూసింది. భార్యతో గొడవల నేపథ్యంలో ఓ వ్యక్తి ఆమె గొంతు కోసి హత్య చేశాడు. అనంతరం అత్తకు ఫోన్ చేసి ‘నీ కూతురు పద్మను చంపేశాను’ అని చెప్పాడు. ఆ తర్వాత నేరుగా పోలీస్‌ స్టేషన్‌కు వెళ్లి లొంగిపోయాడు. బెంగళూరు సమీపంలోని ఓ గ్రామంలో ఈ ఘటన చోటుచేసుకుంది. మృతురాలిని పద్మ (30)గా గుర్తించారు. ఆమె గౌరిబిదనూరు పట్టణానికి చెందినవారు. నిందితుడు ఆమె భర్త చంద్ర (34).చిక్కబళ్లాపురం జిల్లాలోని తాటహళ్లి గ్రామంలో ఈ ఘటన జరిగింది. పద్మ తన పుట్టింటికి వెళ్లగా.. మాట్లాడాలని చెప్పి భర్త ఆమెను ఇంటి నుంచి బయటకు తీసుకెళ్లాడు. గ్రామ శివారులోని ఓ తోటలో ఆమెను హత్య చేసినట్లు ఆరోపణలు ఉన్నాయి. ఆ తర్వాత గౌరిబిదనూరు గ్రామీణ పోలీస్‌ స్టేషన్‌కు వెళ్లి లొంగిపోయాడు. నేరాన్ని అంగీకరించినట్లు సమాచారం.మరోవైపు నరసమ్మ సిద్ధలఘట్ట గ్రామీణ పోలీస్‌ స్టేషన్‌లో హత్యపై ఫిర్యాదు చేశారు. ఘటనా స్థలంలో పోలీసులు ప్రాథమికంగా పరిశీలించగా.. మృతురాలి మెడపై పదునైన ఆయుధంతో చేసిన లోతైన గాయం కనిపించింది. అలాగే కత్తితో పొడిచినట్లు అనుమానిస్తున్న మరో ఒకటి లేదా రెండు గాయాలను గుర్తించారు.మృతురాలి తల్లి తెలిపిన వివరాల ప్రకారం.. భార్యాభర్తల మధ్య దాదాపు రెండేళ్లుగా గొడవలు జరుగుతున్నాయి. అయితే హత్యకు కచ్చితమైన కారణం ఇంకా తెలియరాలేదు. తదుపరి దర్యాప్తులో అసలు కారణం వెల్లడికానుంది.

ఉత్తర ప్రదేశ్‌లోని ఓ గ్రామంలో దారుణం చోటు చేసుకుంది. భార్యకు వివాహేతర సంబంధం ఉందనే అనుమానంతో, ఆమెను కుర్చీకి కట్టి, పెట్రోల్ పోసి నిప్పంటించి హత్య చేశాడు. అనంతరం పిల్లలతో కలిసి పరారయ్యాడు. ఈ ఘటనపై పోలీసులు కేసు నమోదు చేసి, నిందితుడిని అరెస్టు చేశారు. ఛిబ్రామౌ పోలీస్ స్టేషన్ పరిధిలోని జగత్‌పూర్ గ్రామంలో ఈ దారుణం జరిగింది. మృతురాలిని 30 ఏళ్ల సోనమ్‌గా గుర్తించారు.పోలీసుల సమాచారం ప్రకారం నిందితుడు సుఖ్‌బీర్ సింగ్ అలియాస్ మోను2015లో 11 ఏళ్ల క్రితం సోనమ్‌ను ప్రేమ వివాహం చేసుకున్నారు.వీరికి ఒక కుమారుడు, ఒక కుమార్తె ఉన్నారు. ఆర్థిక ఇబ్బందుల కారణంగా, కుటుంబాన్ని పోషించుకునేందుకు హర్యానాలోని హిసార్‌లో ప్రైవేట్ ఉద్యోగం చేస్తున్నాడు. దీపావళి సందర్భంగా ఇటీవల అతను తిరిగి తన స్వగ్రామానికి వచ్చాడు. ఈక్రమంలో తన భార్యకు వివాహేతర సంబంధం ఉందని అనుమానించాడు. ఈ విషయమై ఆమెతో వాగ్వాదం జరిగింది. నవంబర్ 5వ తేదీ ఉదయం, అతను తన ఇద్దరు పిల్లలతో కలిసి బయటకు వెళ్లి, కొద్దిసేపటి తర్వాత ఒక సీసాలో పెట్రోల్ తెచ్చి భార్యపై పోసి నిప్పంటించాడు. ఈ తర్వాత, భార్యను గదిలో బంధించి పారిపోయాడు. భారీగా చెలరేగడంతో ఆమె సజీవ దహనమైంది.సోనమ్‌ కేకలు విన్న స్థానికులు ప్రమత్తమయ్యారు. వెంటనే పోలీసులకు, అగ్నిమాపక సిబ్బందికి సమాచారం అందించారు. సమాచారం అందుకున్న పోలీసులు, ఫైర్ సిబ్బంది ఘటనాస్థలానికి చేరుకుని మంటలను అదుపులోకి తీసుకురావడానికి సుమారు గంటన్నర సమయం పట్టింది. పోలీస్ సూపరింటెండెంట్ వినోద్ కుమార్ సంఘటనా స్థలాన్ని పరిశీలించారు. నిందితుడు సుఖ్‌బీర్‌ను అరెస్టు చేశారు. కేసు నమోదు చేసి, చట్టపరమైన చర్యలు తీసుకుంటున్నట్లు తెలిపారు.ఇదీ చదవండి : డాగ్‌ ఎటాక్‌ : రక్తసిక్తమైన నటి ముఖం, మాయని మచ్చ..అందుకే!పెద్దల సమక్షంలో పంచాయతీ ఇటీవల ఒంటికి వచ్చిన సుఖ్‌బీర్‌కు భార్యకు వివాహేతర సంబంధం ఉందని అనుమానించాడు. ఈ విషయంలో భార్యాభర్తల మధ్య వివాదం ముదరడంతో, గ్రామంలోని పెద్దల సమక్షంలో పంచాయతీ నిర్వహించారు. ఇకపై ఆ యువకుడితో మాట్లాడబోనని సోనమ్ అంగీకరించింది. భర్తతోనే కలిసి ఉంటానని కూడా చెప్పింది. అయినా సుఖబీర్‌ అనుమానం తగ్గలేదు. భార్యతో మళ్లీ గొడవకు దిగిన సుఖ్‌బీర్‌ చివరికి ఈ ఘాతుకానికి పాల్పడ్డాడు. మరోవైపు సోనమ్‌తో సంబంధం ఉందని సుఖబీర్‌ అనుమానించిన ఆ యువకుడు అదే రోజు విషం తాగాడు. దీంతో అతడిని ఆస్పత్రికి తరలించారు. ప్రస్తుతం అతను కోలుకుంటున్నట్లు సమాచారం.ఇదీ చదవండి: ఇది కదా సంబరాల దీపావళి ... సెలవులే సెలవులు!

జైపూర్‌: రాజస్థాన్‌లో దారుణ ఘటన చోటుచేసుకుంది. అప్పులు తీర్చేందుకు ఆవును అమ్మాలని భర్త భావించగా.. భార్య అందుకు నిరాకరించింది. దీంతో భార్యాభర్తల మధ్య వాగ్వాదం జరిగింది. ఆగ్రహానికి గురైన భర్త పికప్‌ వాహనంతో భార్యపైకి దూసుకెళ్లి తొక్కించి చంపాడు. అనంతరం పోలీస్‌ స్టేషన్‌కు వెళ్లి తానే హత్య చేసినట్లు ఒప్పుకున్నాడు.మృతురాలిని చుంకీ దేవి(52)గా గుర్తించారు. నిందితుడు ఆమె భర్త చున్నీలాల్ కుమావత్ (56). ఈ ఘటన బుధవారం సాయంత్రం సికార్ జిల్లా కోలిడా గ్రామంలో జరిగింది. ప్రాథమిక దర్యాప్తు ప్రకారం.. చున్నీలాల్‌కు సుమారు రూ.15 లక్షల అప్పు ఉంది. ఆర్థిక సాయం చేయాలని తన ఇద్దరు కుమారులను అడిగినా.. వారి ఆదాయం పరిమితంగా ఉండటంతో సాయం చేయలేకపోయారు.బుధవారం మధ్యాహ్నం 3 గంటల నుంచి 4 గంటల మధ్య చున్నీలాల్ ఇంటికి తిరిగొచ్చాడు. అప్పులు తీర్చేందుకు ఆవును అమ్మాలని భార్యకు చెప్పాడు. అయితే ఆమె అందుకు అభ్యంతరం చెప్పడంతో ఇద్దరి మధ్య గొడవ జరిగింది. దీంతో కోపోద్రిక్తుడైన చున్నీలాల్ ఇంటికి సుమారు 100 మీటర్ల దూరంలో భార్యపైకి తన పికప్‌ వాహనాన్ని నడిపించాడు. నిందితుడు డ్రైవర్‌గా పనిచేస్తున్నాడు."చున్నీలాల్ ఆవును అమ్మాలనుకున్నాడు. అయితే అతడి భార్య ఆ నిర్ణయాన్ని వ్యతిరేకించింది. ఆమె నిరాకరించడంతో ఆగ్రహానికి గురైన అతడు ఇంటికి సుమారు 100 మీటర్ల దూరంలో ఆమెపైకి వాహనాన్ని నడిపించినట్లు ఆరోపణలు ఉన్నాయి. ప్రాథమిక దర్యాప్తులో నిందితుడికి సుమారు రూ.15 లక్షల అప్పులు ఉన్నట్లు తేలింది. డబ్బు విషయంపై కుటుంబ సభ్యులతో తరచూ గొడవపడేవాడు" అని స్టేషన్ హౌస్ ఆఫీసర్ రాకేశ్ కుమార్ మీనా తెలిపారు.నిందితుడి పెద్ద కుమారుడు తన భార్యతో కలిసి ఉత్తరప్రదేశ్‌లో పనిచేస్తున్నాడు. చిన్న కుమారుడికి ఏడాది క్రితమే వివాహమైంది. హత్య జరిగిన సమయంలో అతడు పని నిమిత్తం ఖాటూలో ఉన్నాడు. ఇద్దరు కుమారులూ టైల్స్ వేసే పనిలో ఉన్నారు. పోలీసులు చున్నీలాల్‌ను అదుపులోకి తీసుకున్నారు. వైద్య పరీక్షల అనంతరం తదుపరి చర్యలు తీసుకోనున్నారు.

కర్ణాటక: ఎన్నో ఆశలతో అత్తింట కాలుమోపిన వివాహితకు నిత్యం వేధింపులు ఎదురయ్యాయి. దీంతో ఫ్యాన్‌కు ఉరివేసుకొని ఆత్మహత్య చేసుకుంది. ఈఘటన రూరల్‌ పోలీసు స్టేషన్‌ పరిధిలోని నాయనహళ్లి గ్రామంలో చోటుచేసుకొంది. మృతురాలి తల్లిదండ్రులు పోలీసులకు ఇచ్చిన ఫిర్యాదు మేరకు... ఆరు నెలల కిందట బెంగళూరు కెఆర్‌ పురం బిదరెహల్లి గ్రామానికి చెందిన కృష్ణమూర్తి కుమార్తె ప్రతిభ(26)ను చింతామణి తాలూకా నాయనహళ్లి గ్రామానికి చెందని బచ్చనగారి కృష్ణారెడ్డి కొడుకు రఘుకు ఇచ్చి వివాహం చేశారు. అయితే రోజూ ఆమెకు వేధింపులు ఎదురయ్యాయి. రోజూ ఉదయం మాత్రమే వంట చేయాలి. మధ్యాహ్నం, రాత్రి ఆ వంటలనే ఆరగించాలి. కూరగాయలు కుళ్లిపోయినా వాటితోనే వంటలు చేయాలి. ఇలా రకరకాలుగా వేధించారు. అప్పటికే ఆమె మూడు నెలల గర్భిణి. ఈ వేధింపులు తాళలేక ఫ్యాన్‌కు ఉరివేసుకొని ఆత్మహత్య చేసుకుంది. ఎస్పీ పద్మిని సాహో, డీఎస్పీ రఘు, తహసీల్దార్‌ సుదర్శన్‌ యాదవ్‌ ఘటన స్థలాన్ని సందర్శించారు. మృతదేహానికి పోస్టుమార్టం నిర్వహించి బంధువులకు అప్పగించారు. భర్త రఘును పోలీసులు ఆరెస్టు చేశారు.ఇదీ చదవండి: పాల ధరల పెంపు.. 35 శాతం పెరిగిన బస్సు ఛార్జీలు!

కర్ణాటక: ఇంట్లో తన కుమార్తెతో పట్టుబడిన పనిమనిషిని దారుణంగా హత్య చేశాడో వ్యాపారి. ఈ సంఘటన బెంగళూరులోని యలహంక పోలీస్‌స్టేషన్‌ పరిధిలో జరిగింది. కేరళలోని పాలక్కాడ్‌కు చెందిన కిరణ్‌ (24) హతుడు కాగా, తమిళనాడుకు చెందిన ఆనంద్‌ (45) నిందితుడు. వివరాలు.. ఆనంద్‌ స్వీట్‌కార్న్, తినుబండారాల తయారీ ఫ్యాక్టరీ నిర్వహిస్తున్నాడు. అతని వద్ద కిరణ్‌ కొన్నేళ్లుగా పని చేస్తున్నాడు. ఆనంద్‌ పెద్ద కుమార్తె (19) మైసూరులో పీయూసీ చదవుతూ ఇటీవల సెలవులపై ఇంటికి వచ్చింది. ఆమెతో కిరణ్‌కు చనువు పెరిగి శారీరక సంబంధానికి దారితీసింది. ఊరికి వెళ్తున్నామని చెప్పి.. మంగళవారం ఉదయం పనిమీద తమిళనాడుకు వెళ్తానని చెప్పి ఆనంద్‌ దంపతులు వెళ్లిపోయారు. అయితే రాత్రికి హఠాత్తుగా తిరిగివచ్చారు. ఆ సమయంలో ఇంట్లో కుమార్తెతో కిరణ్‌ ఏకాంతంగా ఉండడం చూసిన ఆనంద్‌ అగ్రహోదగ్రుడయ్యాడు. కుమార్తెను భార్యతో బంధువుల ఇంటికి పంపించాడు. కిరణ్‌ని ఇంట్లోనే నిర్భంధించి బ్యాట్‌తో చితకబాదడంతో కుప్పకూలిపోయాడు. ఆనంద్‌ అతన్ని ఆటోలో ఆస్పత్రికి తీసికెళ్లగా అప్పటికే చనిపోయాడని వైద్యులు తెలిపారు. ఆస్పత్రి సిబ్బంది ఇచ్చిన సమాచారంతో పోలీసులు విచారించగా అంతా బయటపడింది. మృతదేహాన్ని ఆస్పత్రికి తరలించి కేరళలోని కుటుంబీకులకు సమాచారమిచ్చారు. మరోవైపు నిందితున్ని అరెస్టు చేశారు.

లక్నో: ఉత్తరప్రదేశ్‌లోని ఆగ్రాకు చెందిన సాఫ్ట్‌వేర్ ఇంజినీర్ ప్రాంజిల్ పాఠక్ (35) గురుగ్రామ్‌లోని ఓ హోటల్‌లో అనుమానాస్పద పరిస్థితుల్లో మృతి చెందారు. హోటల్ గదిలోని జకూజీలో ఆయన విగతజీవిగా కనిపించారు. త్వరలోనే పెళ్లి జరగాల్సి ఉండటంతో ఆగ్రాలోని కుటుంబ సభ్యులు పెళ్లి ఏర్పాట్లలో ఉండగా ఈ విషాదం చోటుచేసుకుంది.ప్రాంజిల్ పాఠక్ యూకేలోని మాంచెస్టర్‌లో ఓ బహుళజాతి సంస్థలో సాఫ్ట్‌వేర్ ఇంజినీర్‌గా పనిచేస్తున్నారు. ఇటీవలే ఆయన భారత్‌కు వచ్చారు. ఉత్తరాఖండ్‌లోని రిషికేశ్‌లో స్నేహితులతో కలిసి సెలవులు గడిపారు. అనంతరం సోమవారం ఢిల్లీకి చేరుకున్నారు.ఢిల్లీలోని ఇందిరాగాంధీ అంతర్జాతీయ విమానాశ్రయంలో తన స్నేహితుడిని విమానం ఎక్కించిన తర్వాత గురుగ్రామ్‌కు వెళ్లారు. రాత్రి అక్కడే ఉండేందుకు సెక్టార్-53లోని ఓరసమ్ హోటల్‌లో గది బుక్ చేసుకున్నారు. హోటల్‌లోని 302వ గదిలో బస చేశారు.రాత్రి 8 గంటల సమయంలో హోటల్ సిబ్బందికి ఏదో అనర్థం జరిగి ఉంటుందనే అనుమానం వచ్చింది. దీంతో గది తలుపు తెరిచి చూడగా, బాత్రూమ్‌లోని జకూజీ నీటిలో ప్రాంజిల్ అపస్మారక స్థితిలో కనిపించారు. వెంటనే వైద్యుడిని పిలిపించగా, ఆయన అప్పటికే మృతి చెందినట్లు నిర్ధారించారు.సమాచారం అందుకున్న సెక్టార్-53 పోలీసులు హోటల్‌కు చేరుకున్నారు. ఫోరెన్సిక్ బృందాన్ని కూడా రప్పించి గదిలో ఆధారాలు సేకరించారు. అనంతరం మృతదేహాన్ని పోస్టుమార్టం కోసం తరలించారు.పోలీసులు హోటల్‌లోని నిఘా కెమెరాల దృశ్యాలను పరిశీలిస్తున్నారు. మూడో అంతస్తుతో పాటు హోటల్ ప్రధాన ప్రవేశ, నిష్క్రమణ ద్వారాల వద్ద ఉన్న కెమెరాల రికార్డులను తనిఖీ చేశారు. ప్రాంజిల్ గదిలోకి వెళ్లిన తర్వాత మరో వ్యక్తి అక్కడికి వచ్చినట్లు దృశ్యాల్లో కనిపించలేదని పోలీసులు తెలిపారు. గది లోపలి నుంచి తాళం వేసి ఉండటాన్ని కూడా గుర్తించారు.జకూజీలో స్నానం చేస్తున్న సమయంలో గుండెపోటు రావడం, కాలు జారి పడిపోవడం లేదా నీటిలో మునిగి ఊపిరాడకపోవడం వంటి కారణాలపై పోలీసులు దర్యాప్తు చేస్తున్నారు. అయితే ఇప్పటివరకు మరణానికి కచ్చితమైన కారణాన్ని నిర్ధారించలేదు. పోస్టుమార్టం నివేదిక వచ్చిన తర్వాతే అసలు విషయం తేలనుంది.ప్రాంజిల్‌కు త్వరలో వివాహం జరగాల్సి ఉంది. ఆగ్రాలో కుటుంబ సభ్యులు పెళ్లి ఏర్పాట్లు చేస్తున్నారు. సెలవుల కోసం భారత్‌కు వచ్చిన ఆయన హఠాత్తుగా మరణించడంతో కుటుంబంలో విషాదం నెలకొంది. పోలీసులు దర్యాప్తు కొనసాగిస్తున్నారు.

సాక్షి,హైదరాబాద్‌: మీర్‌పేట్‌ పీఎస్ పరిధిలోని జయశ్రీ కాలనీలో దారుణం చోటుచేసుకుంది. కుటుంబ సభ్యులపై కత్తితో దాడి చేశాడు అల్లుడు. దీంతో ఇద్దరు మృతి చెందారు. తన అత్త, భార్య, కూతురు, మరొకరిపై నిందితుడు కత్తితో దాడి చేశాడు. దీంతో నిందితుడి అత్త నిరంజన్‌ బీ, బావమరిది భార్య రేష్మ మృతి చెందారు. బావమరిది యూసుఫ్‌కు తీవ్రగాయాలు అయ్యాయి. కుటుంబ కలహాల వల్లే ఈ దాడి జరిగింది. ఉదయం పీఎస్‌లో బాధితులు ఫిర్యాదు చేశారు. రక్షణ కల్పించడంలో పోలీసులు విఫలమయ్యారని విమర్శలు వస్తున్నాయి. ఈ హత్యల ఘటన స్థానికంగా భయభ్రాంతులకు గురైంది.పరారీలో ఉన్న సిద్ధిక్‌నిందితుడు సిద్ధిక్‌ పరారీలో ఉన్నాడు. అతడి కోసం పోలీసులు గాలింపు చర్యలు చేపట్టారు. అతడి నుంచి ప్రాణ హాని ఉందని అతడి కుటుంబ సభ్యులు ఫిర్యాదు చేశారని పోలీసులు తెలిపారు. అతడికి ఫోన్‌ చేసి పిలిపించేలోపే దారుణానికి పాల్పడ్డాడని వివరించారు. సిద్ధిక్‌ ఇటీవల హైదరాబాద్‌ వచ్చాడని అన్నారు. సిద్ధిక్‌ భార్య పుట్టింట్లో ఉం‍టోందని తెలిపారు. ఇదీ చదవండి: హార్మూజ్ విషయంలో భారత్‌కు భారీ ఊరట

అమెరికా పౌరులనే లక్ష్యంగా చేసుకుని క్రిప్టో కరెన్సీ, డిజిటల్‌ అరెస్ట్‌ పేరుతో సాగిస్తున్న అంతర్జాతీయ సైబర్‌ మోసాల వ్యవహారాన్ని హైదరాబాద్‌ ఈడీ అధికారులు వెలుగులోకి తెచ్చారు. ఫేక్‌ కాల్‌ సెంటర్లను ఏర్పాటు చేసి గత మూడేళ్లుగా వేలాది మందిని మోసం చేస్తున్న ముఠా ఆటకట్టించింది. ఈ వ్యవహారంలో దాదాపు రూ.400 కోట్ల మేర క్రిప్టో లావాదేవీలు జరిగినట్లు ఈడీ అధికారులు అనుమానిస్తున్నారు.హర్షల్‌ రావల్‌ నేతృత్వంలోని ముఠా తొలుత హైదరాబాద్‌లోని మాదాపూర్‌లో ఫేక్‌ కాల్‌ సెంటర్‌ ఏర్పాటు చేసింది. అక్కడి నుంచి అమెరికా పౌరులకు ఫోన్లు చేసి క్రిప్టో కరెన్సీ, డిజిటల్‌ అరెస్ట్‌ పేరుతో భయపెట్టి డబ్బులు వసూలు చేసేది. అయితే, మాదాపూర్‌ కాల్‌ సెంటర్‌పై దాడులు జరగడంతో నిందితులు తమ మకాంను పంజాబ్‌లోని పాటియాకు మార్చారు. అక్కడ మరో ఫేక్‌ కాల్‌ సెంటర్‌ ఏర్పాటు చేసి మోసాలను కొనసాగించారు.ఈ కేసులో హర్షిల్‌ రావల్‌, ప్రణవ్‌ పితాదియా, చేతన్‌ ముంజల్‌ను ఈడీ అధికారులు అరెస్ట్‌ చేశారు. పాటియాలో మరో ముగ్గురినీ అదుపులోకి తీసుకుని హైదరాబాద్‌కు తీసుకొచ్చారు. వీరి ముఠా ఇప్పటివరకు వేలాది మంది అమెరికా పౌరులను మోసం చేసినట్లు దర్యాప్తులో గుర్తించారు. మోసాల ద్వారా వచ్చిన సొమ్మును తరలించేందుకు వందల సంఖ్యలో మ్యూల్‌ బ్యాంకు ఖాతాలను ఉపయోగించినట్లు పోలీసులు తేల్చారు.అలాగే అమెరికా నుంచి క్రిప్టో కరెన్సీ రూపంలో తీసుకున్న డబ్బులను.. హవాలా మార్గాల్లో బదిలీ చేసినట్లుగా ఈడీ అనుమానిస్తోంది. దీంతో ఈ అంతర్జాతీయ మోసాల వ్యవహారంపై అమెరికాతో పాటు భారత్‌లోని పలు ప్రాంతాల్లో అధికారులు సోదాలు నిర్వహించారు. క్రిప్టో లావాదేవీల ద్వారా సుమారు రూ.400 కోట్ల మేర మోసాలకు పాల్పడినట్లు భావిస్తున్నారు.మరోవైపు, ఈ మోసాల వెనుక ఉన్న ఆర్థిక లావాదేవీలు, ఇతర నిందితుల పాత్రపై ఈడీ దర్యాప్తు కొనసాగిస్తోంది. ఫేక్‌ కాల్‌ సెంటర్ల నుంచి విదేశీ పౌరులను లక్ష్యంగా చేసుకుని సాగిన ఈ వ్యవహారంలో వందలాది బ్యాంకు ఖాతాలు, క్రిప్టో లావాదేవీలు, హవాలా మార్గాలు బయటపడటం కలకలం రేపుతోంది. అంతర్జాతీయ సైబర్‌ మోసాల వెనుక ఉన్న మిగతా నెట్‌వర్క్‌ను గుర్తించడంపై అధికారులు దృష్టి పెట్టినట్లుగా తెలుస్తోంది.ఇదీ చదవండి: జైలు నుంచి తప్పించుకున్న ఖైదీ.. సినిమాను తలపించేలా ఛేజింగ్‌!

అమెరికాలో జైలు నుంచి తప్పించుకున్న ఓ హంతకుడి కోసం సాగిన వారం రోజుల వేటకు ఎట్టకేలకు తెరపడింది. జీవిత ఖైదు అనుభవిస్తున్న 28 ఏళ్ల జాకబ్‌ అలెన్‌ మోర్లీని పోలీసులు తిరిగి పట్టుకున్నారు. అమెరికాలోని టెన్నెస్సీ రాష్ట్రంలో ఈ ఘటన చోటుచేసుకుంది.2022లో తనతో కలిసి పనిచేసే సహోద్యోగి కోడీ బిర్చ్‌ఫీల్డ్‌ను హత్య చేసిన కేసులో మోర్లీకి కోర్టు జీవిత ఖైదు విధించింది. దీంతో అతడిని టిప్టన్‌విల్లేలోని నార్త్‌వెస్ట్‌ కరెక్షనల్‌ కాంప్లెక్స్‌ జైలులో ఉంచారు. అయితే అక్టోబర్‌ 25న రాత్రి 11.30 గంటల సమయంలో జైలు కంచెను దాటి అతడు పరారయ్యాడు. అనంతరం సమీపంలోని ఓ వ్యవసాయ క్షేత్రం నుంచి వాహనాన్ని దొంగిలించాడు.దీంతో అప్రమత్తమైన పోలీసు అధికారులు అతడి కోసం గాలింపు చేపట్టారు. టెన్నెస్సీ దర్యాప్తు సంస్థకు అందిన సమాచారంతో ఇల్లినాయిస్‌లోని ఓ ప్రాంతంలో మోర్లీ దాక్కున్నట్లు గుర్తించారు. అక్కడి నుంచి ఓ ట్రక్కును కూడా దొంగిలించినట్లు పోలీసులకు సమాచారం అందింది. దీంతో ఆటోమేటిక్‌ నంబర్‌ ప్లేట్‌ రీడర్‌ టెక్నాలజీ సాయంతో ఆ వాహనం కదలికలను గుర్తించారు. నిందితుడు మిస్సోరీ మీదుగా వెళ్తున్నట్లు తెలుసుకుని స్థానిక పోలీసులను అప్రమత్తం చేశారు.ఈ క్రమంలో మిస్సోరీ హైవే పోలీసులు కారోల్‌ కౌంటీలో మంగళవారం ఉదయం 11.34 గంటలకు పోలీసులు పట్టుకోవడానికి వచ్చినప్పుడు నిందితుడు ఎదురు తిరగకుండా, తప్పించుకునే ప్రయత్నం చేయకుండా ఉండటంతో ఎలాంటి సమస్య ఎదురుపడకుండా మోర్లీని అదుపులోకి తీసుకున్నారు. అతడు ప్రయాణిస్తున్న వాహనంలో గతంలో చోరీకి గురైన మూడు తుపాకులను కూడా స్వాధీనం చేసుకున్నట్లుగా తెలుస్తోంది. అయితే ఈ ఆపరేషన్‌లో స్థానిక, రాష్ట్ర, కేంద్ర దర్యాప్తు సంస్థలతో పాటు ఎఫ్‌బీఐ, యూఎస్‌ మార్షల్స్‌ సర్వీస్‌ తదితర విభాగాలు పాల్గొన్నాయి.కాగా, మోర్లీ 2022లో తన సహోద్యోగి బిర్చ్‌ఫీల్డ్‌ను తుపాకీతో కాల్చి చంపాడు. అనంతరం మృతదేహాన్ని తన ఇంటి కింద ఓ లోహపు పెట్టెలో దాచినట్లు కోర్టు రికార్డులు తెలిపాయి. ఈ హత్య కేసులో 2025 జూన్‌లో అతడికి శిక్ష పడగా.. హత్యతో పాటు సాక్ష్యాలను తారుమారు చేయడం, ఇంట్లోకి చొరబడటం, పోలీసుల నుంచి తప్పించుకోవడం వంటి నేరాల్లోనూ అతడు దోషిగా తేలాడు. దీంతో జైలు నుంచి తప్పించుకున్న తర్వాత అతడి ఆచూకీ తెలిపిన వారికి తొలుత 2,500 డాలర్ల బహుమతి ప్రకటించగా, అనంతరం మరో 15 వేల డాలర్లు కూడా పెంచారు.ఇదీ చదవండి: ఆయుధమా? వైన్‌ బాటిలా? అసలేం జరుగుతోంది?

కరీంనగర్‌ సిటీ/కొత్తపల్లి(కరీంనగర్‌): శాతవాహన యూనివర్సిటీలో ఆదివారం ఆత్మహత్య చేసుకున్న చంద్రకళ (30) మృతికి ప్రేమ వేధింపులే కారణమని పోలీసులు తేల్చారు. ఇందుకు కారణమైనట్లు ఆరోపణలు ఎదుర్కొంటున్న నిందితుడిని కొత్తపల్లి పోలీసులు అరెస్ట్‌ చేసి రిమాండ్‌కు తరలించారు. సీఐ బిల్లా కోటేశ్వర్‌ తెలిపిన వివరాల ప్రకారం.. రంగారెడ్డి జిల్లా షాద్‌నగర్‌కు చెందిన దక్కలి చిన్నయ్య, లక్ష్మమ్మ దంపతుల మూడో కుమార్తె చంద్రకళ (30) కరీంనగర్‌లోని శాతవాహన విశ్వవిద్యాలయంలో ఎల్‌ఎల్‌బీ ద్వితీయ సంవత్సరం చదువుతోంది. ఉద్యోగం కోసం హెదరాబాద్‌లో కోచింగ్‌ తీసుకుంటున్న సమయంలో మంచిర్యాల జిల్లా శ్రీరాంపూర్‌కు చెందిన గజ్జల హరికృష్ణతో పరిచయం ఏర్పడి ప్రేమగా మారింది. చంద్రకళను వివాహం చేసుకుంటానని రెండేళ్లుగా నమ్మిస్తూ వస్తున్నాడు. కొంతకాలం తర్వాత పెళ్లికి నిరాకరించడమే కాకుండా, శారీరకంగా, మానసికంగా వేధిస్తున్నాడు. ఆదివారం ఉదయం ఇద్దరి మధ్య ఫోన్లో గొడవ జరిగింది. ‘నువ్వు చస్తే మరో అమ్మాయిని పెళ్లి చేసుకుంటా’ అని హరికృష్ణ వేధించడంతో చంద్రకళ తాను ఉంటున్న వసతిగృహంలోని గదిలో మధ్యాహ్నం 2.30 గంటల సమయంలో ఫ్యాన్‌కు ఉరేసుకుని ఆత్మహత్య చేసుకుంది. మృతదేహనికి సోమవారం పోస్టుమార్టం నిర్వహించి, కుటుంబసభ్యులకు అప్పగించారు. విద్యార్థి, దళిత సంఘాల నిరసన చంద్రకళ కుటుంబానికి న్యాయం చేయాలని పలు విద్యార్థి, పౌరహక్కులు, దళిత సంఘాల నాయకులు ఆస్పత్రికి చేరుకుని ధర్నాకు దిగారు. యూనివర్సిటీలో తరగతులు బహిష్కరించారు. విద్యార్థిని కుటుంబానికి రూ.50లక్షల ఎక్స్‌గ్రేషి యా, ఒకరికి ఉద్యోగం ఇవ్వాలని.. నిర్లక్ష్యంగా వ్యవహరించిన వార్డెన్లను సస్పెండ్‌ చేయాలని డిమాండ్‌ చేశారు. విషయం తెలుసుకున్న ఎస్‌యూ వీసీ ఉమేశ్‌కుమార్, రిజి్రస్టార్‌ సతీశ్‌ కుమార్‌ ఆస్పత్రికి చేరుకుని మృతురాలి తల్లిదండ్రులను ఓదార్చారు. ఆందోళన చేస్తున్న విద్యార్థి, దళిత సంఘాల నాయకులతో మాట్లాడారు. మృతురాలి కుటుంబానికి రూ.4లక్షల ఎక్స్‌గ్రేషియా, కుటుంబంలో ఒకరికి ఔట్‌సోర్సింగ్‌ ఉద్యోగం ఇస్తామని హామీ ఇచ్చారు. తక్షణసాయంగా రూ.1.50 లక్షలు అందించారు. ఆందోళన చేసినవారిలో దళిత లిబరేషన్‌ ఫ్రంట్‌ రాష్ట్ర ప్రధాన కార్యదర్శి మర్వాడి సుదర్శన్, పౌరహక్కుల సంఘం రాష్ట్ర సహాయ కార్యదర్శి కుమారస్వామి, పౌరహక్కుల సంఘం ఉమ్మడి జిల్లా అధ్యక్షుడు లక్ష్మణ్, విరసం ఉమ్మడి జిల్లా కన్వీనర్ రాజయ్య, శాతవాహన యూనివర్సిటీ విద్యార్థి సంఘం నాయకుడు కరికె మహేశ్, ఎస్‌ఎఫ్‌ఐ జిల్లా అధ్యక్షుడు అరవింద్, ఏఐఎస్‌ఎఫ్‌ శాతవాహన యూనివర్సిటీ కన్వీనర్ వరుణ్‌ శివాజీ పాల్గొన్నారు. కనిపించని వార్డెన్లు, ఇన్‌చార్జిలు వసతిగృహంలో ఆత్మహత్య చేసుకున్న చంద్రకళ మృతదేహాన్ని చూసేందుకు హెచ్‌వోడీలు, వార్డెన్లు, కేర్‌టేకర్లు రాకపోవడం బాధకరమని పలువురు విద్యార్థులు పేర్కొన్నారు. ఎస్‌యూ మహిళా వసతిగృహంలో సుమారు 400 మందికి పైగా విద్యార్థినులు ఉంటారు. వీరి పర్యవేక్షణకు ఇద్దరు వార్డెన్లు, ఒక కేర్‌టేకర్‌ ఉన్నారు. నిరంతరం విద్యార్థులకు అందుబాటులో ఉండాల్సిన వార్డెన్లు కంటికి కూడా కనిపించరని విద్యార్థులు చెబుతున్నారు. నెలలో ఒకటి రెండుసార్లు మాత్రమే వచ్చి వెళ్తారని ఆరోపిస్తున్నారు. చంద్రకళ ఆత్మహత్య విషయంలో వార్డెన్లు, కేర్‌ టేకర్ల పర్యవేక్షణ లోపం కూడా ఉందని పేర్కొంటున్నారు. హాస్టల్‌లో విద్యార్థినుల ప్రవర్తనపై తప్పనిసరిగా దృష్టి సారించేలా అధికారులు చర్యలు తీసుకోవాలని కోరుతున్నారు. ఇదీ చదవండి: భాగ్యశ్రీని బండరాయితో మోది.. కిరాతకంగా హత్య!

తిరుపతి రూరల్‌: నాయుడుపేట–పూతలపుట్టు జాతీయ రహదారికి ఆనుకుని తిరుపతి రూరల్‌ మండలం సి.మల్లవరం వద్ద హత్యకు గురైన యువతి ఆచూకీని పోలీసులు గుర్తించారు. మృతురాలు చిత్తూరు జిల్లా, రొంపిచర్ల మండలం, లక్ష్మీనారాయణ కాలనీకి చెందిన భాగ్యశ్రీగా నిర్ధారించారు. తిరుపతి నగరంలోని ఎస్టీవీ నగర్‌లో ఉన్న ఓ ప్రైవేట్‌ పీజీ హాస్టల్‌లో నివసిస్తూ ఎస్‌బీఐ బ్యాంక్‌ క్రెడిట్‌ కార్డుల విభాగంలో కాంట్రాక్ట్‌ ఉద్యోగిగా ఆమె పనిచేస్తున్నట్లు గుర్తించారు. గత నెల 30న భాగ్యశ్రీ ఫోన్‌ స్విచ్చాఫ్‌ అయిందని, మరుసటి రోజు 31వ తేదీ రాత్రి హత్యకు గురైన యువతి ఫొటో సోషల్‌ మీడియాలో వైరల్‌ కావడంతో ఆమె తల్లిదండ్రులు వేణుగోపాల్, లక్ష్మీదేవి గుర్తించారు. అనంతరం తిరుపతి రూరల్‌ పోలీసులను సంప్రదించి మృతదేహాన్ని పరిశీలించి యువతి ఒంటిపై ఉన్న దుస్తులు, నగలను చూసి ఆమె తమ కుమార్తె భాగ్యశ్రీ అని నిర్ధారించారు. ఈ ఘటనపై మృతురాలి తండ్రి వేణుగోపాల్‌ ఇచ్చిన ఫిర్యాదు మేరకు తిరుపతి రూరల్‌ పోలీసులు కేసు నమోదు చేశారు. దర్యాప్తు ముమ్మరం హత్యకు గురైన భాగ్యశ్రీ ఉద్యోగం చేస్తున్న కార్యాలయంతో పాటు ఆమెతో సన్నిహితంగా ఉన్న వారి వివరాలను సేకరించుకున్న పోలీసులు గత రెండు రోజులుగా కార్యాలయంలో విధులకు హాజరుకాకుండా ఉన్న వారి వివరాలను కూడా సేకరించినట్టు సమాచారం. అయితే మృతురాలి సెల్‌ఫోన్‌ లభించలేదు. ఆమె నివాసముంటున్న పీజీ హాస్టల్‌ వద్దకు ఎవరెవ్వరు వచ్చి ఆమెను కలిసేవారు, 30వ తేదీ ఎన్నిగంటలకు పీజీ నుంచి బయటకు వెళ్లిందన్న వివరాలను కూడా అక్కడి సీసీ టీవీ పుటేజీ ద్వారా పోలీసులు సేకరించారు. ఈ కేసు మిస్టరీని త్వరలోనే ఛేదిస్తామని తిరుపతి రూరల్‌ సీఐ మద్దయ్యచారి తెలిపారు. ఇదీ చ‌ద‌వండి: అయ్యో మ‌ల్ల‌య్యా.. ఎంత పని జ‌రిగింద‌య్యా!

గుజరాత్‌లోని సూరత్‌లో దారుణ ఘటన చోటుచేసుకుంది. మొబైల్‌ ఫోన్‌ విషయంలో తండ్రితో జరిగిన గొడవ ప్రాణాల మీదకు తెచ్చింది. తండ్రి తన ఫోన్‌ను నేలకేసి కొట్టడంతో ఆగ్రహానికి గురైన 22 ఏళ్ల యువతి.. ప్రెషర్‌ కుక్కర్‌ మూత, కత్తితో దాడి చేసి ఆయనను హత్య చేసినట్లు ఆరోపణలు ఎదుర్కొంటోంది. ఈ ఘటనకు సంబంధించి కాజల్‌ అలియాస్‌ విక్రమ్‌ను అమ్రోలి పోలీసులు అరెస్టు చేశారు.ఈ ఘటన అక్టోబర్‌ 31న రాత్రి 10.30 గంటల సమయంలో జరిగింది. రమేశ్‌సిన్హ్‌ రాజ్‌పుత్‌ తన భార్య మంజుబెన్‌, చిన్న కుమార్తెతో కలిసి ఇంట్లో ఉన్నారు. ఈ క్రమంలో ఇంటి విషయానికి సంబంధించి ఆయనకు కాజల్‌తో గొడవ జరిగింది. మొదట చిన్నపాటి వాగ్వాదంగా మొదలైన వివాదం క్రమంగా ముదిరింది. ఇంటి పనుల విషయంలో కాజల్‌ను తండ్రి మందలించారు. అనంతరం ఆమె మొబైల్‌ ఫోన్‌ను లాక్కొని నేలకేసి కొట్టారు.దీంతో తీవ్ర ఆగ్రహానికి గురైన కాజల్‌.. ప్రెషర్‌ కుక్కర్‌ మూత తీసుకుని తండ్రి తలపై పలుమార్లు కొట్టింది. అనంతరం వంటగదిలోని కత్తితో ఆయన పొట్టలో పొడిచింది. దీంతో ఆమె తండ్రికి తీవ్ర గాయాలై రక్తస్రావం జరిగింది.గాయాలైనప్పటికీ రమేశ్‌సిన్హ్‌ ఇంటి బయట ఉన్న అరుగువైపు పరిగెత్తారు. కొంతదూరం వెళ్లాక కుప్పకూలిపోయారు. దాడిలో తీవ్రంగా గాయపడిన ఆయన ప్రాణాలు కోల్పోయారు. కుటుంబ సభ్యులు 108 అంబులెన్స్‌ సేవలకు సమాచారం అందించారు. వైద్య సిబ్బంది అక్కడికి చేరుకుని రమేశ్‌సిన్హ్‌ను పరీక్షించగా.. అప్పటికే ఆయన మృతి చెందినట్లు నిర్ధారించారు. అనంతరం ఆయన భార్య మంజుబెన్‌.. కుమార్తెపై అమ్రోలి పోలీస్‌ స్టేషన్‌లో ఫిర్యాదు చేశారు. ఈ ఫిర్యాదు ఆధారంగా పోలీసులు కాజల్‌ను అరెస్టు చేసి హత్య కేసు నమోదు చేశారు. ప్రస్తుతం ఆమె న్యాయస్థాన ఆదేశాల మేరకు జ్యుడీషియల్‌ కస్టడీలో ఉంది.పోలీసులేమన్నారంటే..అమ్రోలి పోలీస్‌ స్టేషన్‌ పరిధిలోని కోసాడ్‌ ఆవాస్‌ హెచ్‌-5లో అక్టోబర్‌ 31న ఈ ఘటన జరిగినట్లు సూరత్‌ పోలీస్‌ ఏసీపీ పార్థ్‌ చోవాటియా తెలిపారు. ఇంటి పనుల విషయంలో తండ్రి కూతురిని మందలించడంతో ఇద్దరి మధ్య గొడవ మొదలైందని చెప్పారు. ఆగ్రహానికి గురైన కాజల్‌ తొలుత నాన్‌స్టిక్‌ పెనం తీసుకుని తండ్రిపై దాడి చేసిందని, ఆ తర్వాత వంటగది కత్తితో దాడి చేసిందని వివరించారు.తీవ్ర గాయాలైన తండ్రిని ఆస్పత్రికి తరలించగా.. వైద్యులు అప్పటికే మృతి చెందినట్లు ప్రకటించారని తెలిపారు. నిందితురాలిని అరెస్టు చేసి ప్రస్తుతం న్యాయస్థాన కస్టడీకి పంపినట్లు వెల్లడించారు. హత్యకు దారితీసిన పరిస్థితులు, ఇంట్లో జరిగిన పరిణామాల క్రమంపై పోలీసులు దర్యాప్తు చేస్తున్నారు. చిన్నపాటి కుటుంబ వివాదం చివరకు హత్యకు దారితీయడంతో కోసాడ్‌ ఆవాస్‌ ప్రాంత వాసులు దిగ్భ్రాంతికి గురయ్యారు.

Gujarat SD Pay Scam గుజరాత్‌లోని అమ్రేలి జిల్లాలో రూ. 1,200 కోట్ల డిజిటల్ వాలెట్ యాప్‌ భారీ స్కాం దేశవ్యాప్తంగా సంచలనం సృష్టించింది. తక్కువ పెట్టుబడితో రోజు వారీ భారీ లాభాలు ఆశజూపి, లక్షలాది మందిని మోసం చేసిన వైనాన్ని పోలీసులు గుర్తించారు. మల్టీ-లెవల్ మార్కెటింగ్ ద్వారా ఈ ఆపరేషన్ నడిపి ఇన్వెస్టర్లను నట్టేట ముంచేశారు. చివరికి యాప్‌ను తొలగించడంతో ఈ మోసం వెలుగులోకి వచ్చింది.సైబర్ క్రైమ్ పోలీసుల వివరాల ప్రకారం గుజరాత్‌కు చెందిన 'SD Pay' (అప్నా పే) డిజిటల్ వ్యాలెట్ యాప్ ద్వారా ఇన్వెస్టర్లను మోసం చేసి రూ. 1,200 కోట్ల సైబర్ స్కామ్‌కి పాల్పడ్డారు. సెమినార్లు, జూమ్ కాల్‌లు , వివిధ మార్కెటింగ్ పద్ధతుల ద్వారా వారిని నమ్మించి, వారి పొదుపు సొమ్మును కాజేసింది. వడోదరకు చెందిన 48 ఏళ్ల ఉపాధ్యాయిని సింగిల్‌ మదర్‌. ఆమెకు కాలేజీలో చదివే ఒక కొడుకు ఉన్నాడు. ఈ యాప్‌ మాయలో పడి తన 2025లో 1BHK అపార్ట్‌మెంట్‌ను అమ్మి మరీ రూ. 9.5 లక్షలను అప్నా పే డిజిటల్ వాలెట్ యాప్‌లో పెట్టుబడిగా పెట్టారు. అంతేకాదు మరో 31 మంది స్నేహితులను, బంధువులను కూడా ఇందులో చేర్పించింది. 2026 మధ్యకాలానికి ఆమె డిజిటల్ వాలెట్‌లో రూ. 50 లక్షలకు చేరినట్టు చూపింంచింది. అంతలోనే 2026 మధ్యలో ఆ యాప్ మూసి వేశారు. దీంతో తాను మోస పోయినట్టు గ్రహించారు.గతంలో నెట్‌వర్క్ మార్కెటింగ్ వ్యాపారం చేసేఈమె, 2025 జూలైలో వడోదరలో 'SD Pay'ని నిర్వాహకుణ్నిని కలిశారు. మొదట ఆమె ఈ ఆప్‌లో చేరేందుకు నిరాకరించింది. కానీ 'ఎస్క్రో వాలెట్' (escrow wallet) , కొన్ని పత్రాలను చూపించారు. అయినా ఆమె ఒప్పుకోలేదు. ఇక చివరి అస్త్రంగా సంతకం చేసిన ఒక ఖాళీ చెక్కును ఇచ్చి,నమ్మకం లేకపోతే, ఇందులో కావలసిన మొత్తాన్ని రాసుకుని ఎప్పుడైనా నగదు తీసు కోవచ్చు అని చెప్పారు. అంతే ఆమె పూర్తిగా వారి మాయలో పడిపోయానని చెప్పుకొచ్చారు. చివరికి ఇనీషియల్ పబ్లిక్ ఆఫరింగ్ (IPO) ప్రారంభిస్తుందని పెట్టుబడిదారులను నమ్మించారు.మరో కేసులో, సురేంద్రనగర్‌కు చెందిన ఒకరు ఈ లాభాలతో రాబడులతో ఇల్లు కొనుగోలు చేయాలనే ఆశతో, పర్సనల్‌ లోన్‌, గోల్డ్‌ లోన్‌ తీసుకొని మరీ రూ. 60 లక్షలు పెట్టుబడి పెట్టినట్లు సమాచారం. సూరత్‌కు చెందిన ఒక పెట్టుబడిదారుడు తన ప్రారంభ రూ. 1,000 పెట్టుబడిని రూ కోటిగా మార్చి, సుమారు 1.6 లక్షల మంది పెట్టుబడిదారులతో కూడిన సిఫార్సుల నెట్‌వర్క్‌ను అభివృద్ధి చేసినట్లు దర్యాప్తు అధికారులు గుర్తించారు. ఇదీ చదవండి: పెళ్లికి ఆహ్వానించిన యువకుడు : బెంజ్‌కార్‌ గిఫ్ట్‌, నెటిజన్లు క్యూ!ఈ కుంభకోణంలో ప్రధాన నిందితుడైన ధవల్ పటేల్, 2024లో ఈ మొబైల్ అప్లికేషన్‌ను ప్రారంభించాడు. దీని ద్వారా ఉచిత బిల్లు చెల్లింపులు, మొబైల్ రీచార్జ్‌ల పేరుతో ఎక్కువ లాభాలు ఇస్తామని నమ్మించింది. సెమినార్లు, జూమ్ కాల్స్‌తో ఆకట్టు కోవడంతో పాటు, బాధితులకు ఖాళీ సంతకం చేసిన చెక్కులు ఇచ్చి కూడా నమ్మకం కలిగించారు. దాదాపు 15 లక్షల మంది ఈ యాప్‌ను డౌన్‌లోడ్ చేసుకున్నారు. అలా సుమారు 6.52 లక్షల బ్యాంకు ఖాతాల ద్వారా రూ. 1,211 కోట్లు కాజేశారు.2026 సెప్టెంబర్‌లో అమ్రేలి జిల్లాలో ఈ కుంభకోణం బయటపడింది. బాధితుల ఫిర్యాదు మేరకు 18 కేసులు నమోదు చేశారు. 12 మంది నిందితులను అరెస్టు చేసి, గుర్తించారు. ఇప్పటివరకు రూ. 1,200 కోట్లకు పైగా మోసం జరిగినట్లు నిర్ధారణ అయింది. వీరి మెసాలు పలు రాష్ట్రాలకు విస్తరించినట్టు గుర్తించారు. ఆరు కంపెనీలకు చెందిన 38 బ్యాంకు ఖాతాలను, 16 మంది కంపెనీ డైరెక్టర్లు నిర్వహిస్తున్న మరో 72 ఖాతాలను కూడా గుర్తించారు.

హైదరాబాద్‌, రహమత్‌నగర్‌: సహజీవనానికి అడ్డుగా ఉన్నాడని ఐదేళ్ల బాలుడి గొంతునులిమి అత్యంత దారుణంగా ప్రాణం తీశాడు.. తండ్రి వరస అయిన కిరాతకుడు. రాత్రంతా గదిలోనే ఉండి తెల్లవారుజామున తల్లి వచ్చాక నిలదీయడంతో అక్కడి నుంచి పరారయ్యాడు.బోరబండ ఎస్‌హెచ్‌వో రవికుమార్‌ తెలిపిన వివరాల ప్రకారం.. నిజామాబాద్‌çకు చెందిన పవార్‌ దుర్గ(23) భర్త మధు కొంత కాలం క్రితం అనారోగ్యంతో మృతి చెందాడు. దీంతో ఓ కుమారుడు, కుమార్తెను నిజామాబాద్‌లో ఉంటున్న బావ వద్ద ఉంచి.. çహృద్రోగ సమస్యతో బాధపడుతున్న చిన్న కొడుకు విజయ్‌(5)తో కలిసి దుర్గ బోరబండలో ఉండేది. ఫుట్‌పాత్‌పై ఇనుప వస్తువులు తయారు చేసే దుకాణంలో పనిచేసేది.ఈ క్రమంలో నిజామాబాద్‌కు చెందిన నల్లవరపు విద్యాసాగర్‌(33)కు ఆమెతో పరిచయం ఏర్పడింది. నాలుగు నెలల క్రితం బోరబండ అజాంనగర్‌ బీబ్లాక్‌లో ఇల్లు అద్దెకు తీసుకుని వీరు సహజీవనం చేస్తున్నారు. ఆమె ప్రైవేటు ఆసుపత్రిలో ఉద్యోగం చేస్తుండగా.. అతడు పని వదిలేసి మద్యం తాగుతూ ఇంట్లోనే ఉండేవాడు. దుర్గ ఇంట్లో లేని సమయంలో బాలుడిని తరచూ కొట్టేవాడు.ఆదివారం సాయంత్రం విజయ్‌ని ఇంట్లోనే వదిలి తల్లి నైట్‌ డ్యూటీకి వెళ్లింది. మద్యం మత్తులో ఇంటికి వచ్చిన విద్యాసాగర్‌ నిద్రిస్తున్న విజయ్‌ గొంతు నులిమి తీవ్రంగా కొట్టాడు. దీంతో బాలుడు ప్రాణాలు వదిలాడు. ఇంట్లోనే రాత్రంతా ఉన్నాడు. అనంతరం ఏమీ తెలియనట్లు దుర్గ పనిచేసే ఆసుపత్రికి ఫోన్‌ చేసి విజయ్‌కు ఫిట్స్‌ వచ్చి కిందపడిపోయాడని చెప్పాడు.ఆమె ఇంటికి వచ్చి చూడగా విజయ్‌ చనిపోగా.. మెడపై గాయాలు కనిపించాయి. విద్యాసాగర్‌ను నిలదీయడంతో తలుపు మూసి ఆమె గొంతు నులిమే ప్రయత్నం చేశాడు. ఆమె అరుపులు విన్న చుట్టుపక్కల వారు రావడంతో పారిపోయాడు. జూబ్లీహిల్స్‌ డీసీపీ రమణారెడ్డి, ఎస్‌ఆర్‌ నగర్‌ ఏసీపీ రాఘవేంద్రరావు, బోరబండ ఎస్‌హెచ్‌వో రవికుమార్‌లు సంఘటన స్థలానికి చేరుకొని పరిశీలించారు. కేసు నమోదు చేశారు.ఇదీ చదవండి: తిన్న ప్లేట్లను కడిగేందుకు వెళ్లి... విషాదం!

కర్ణాటక: ప్రేమించాలంటూ పోకిరీ నానా విధాలుగా వేధించడంతో తట్టుకోలేక ఉజ్వల భవిత ఉన్న యువతి బలవన్మరణానికి పాల్పడింది. ఈ విషాద సంఘటన హాసన్‌ జిల్లా సకలేశపుర తాలూకా బాళగోడు గ్రామంలో జరిగింది. వివరాలు.. భవిత–నాగేశ్‌ దంపతుల కూతురు హిమా (23), హిమా మంగళూరులో బీటెక్‌ చివరి ఏడాది చదువుతోంది. గ్రామంలో ఆమెకు బాల్య మిత్రుడైన నౌషాద్‌ ప్రేమించాలని వేధించేవాడు. గతంలో షికార్లకు వెళ్లినప్పుడు తీసుకున్న ఫోటోలను చూపిస్తూ బెదిరింపులకు పాల్పడసాగాడు. కొన్ని ఫోటోలను ఇంటర్నెట్‌లో పోస్టు చేయగా, వాటిని తొలగించాలని హిమా వేడుకొంది. కానీ అతడు పట్టించుకోకుండా సతాయించసాగాడు. దీంతో విరక్తి చెందిన హిమా ఇంటిలో ఎవరూ లేని సమయంలో పురుగుల మందు తాగి ఆత్మహత్య చేసుకుంది. ఉన్న ఒక్క కుమార్తెను పోగొట్టుకున్న తల్లిదండ్రులు కన్నీరుమున్నీరవుతున్నారు. ఎమ్మెల్యే సిమెంట్‌ మంజు ఆమె మృతదేహాన్ని దర్శించి తల్లిదండ్రులను ఓదార్చారు. నిందితునిపై కఠిన చర్యలు తీసుకోవాలని ఎమ్మెల్యే పోలీసులకు సూచించారు. ఇదీ చదవండి: మహిళా ఉద్యోగులే టార్గెట్‌.. సిరిసిల్లలో వేధింపుల బాగోతం!

హైదరాబాద్‌, జవహర్‌నగర్‌: అప్పటివరకూ స్నేహితులంతా కలిసి ఆహ్లాదంగా గడిపారు. అక్కడే వంట చేసుకొని తిని ప్లేట్లు కడిగేందుకు క్వారీ గుంతలో దిగగా.. ప్రమాదవశాత్తు నీటిలో మునిగి ఇద్దరు మృత్యువాత పడిన దుర్ఘటన జవహర్‌నగర్‌ పోలీస్‌స్టేషన్‌ పరిధిలో ఆదివారం చోటుచేసుకుంది.పోలీసులు తెలిపిన వివరాల ప్రకారం.. యాప్రాల్‌కు చెందిన ఐదుగురు స్నేహితులు రోహిత్‌ (18), సియాన్‌ (18), రక్షిత్, మురారి, పీయూష్‌ ఈత కోసం మల్కారం క్వారీ వద్దకు వెళ్లారు. క్వారీ గుంత సమీపంలోనే వంట చేసుకొని తిన్నారు. ఈ క్రమంలో తిన్న ప్లేట్లను క్వారీ నీటిలో కడుక్కునే క్రమంలో అవి నీటిలోకి జారిపోయాయి. వాటి కోసం సియాన్, రోహిత్‌ క్వారీలోకి దిగగా ప్రమాదవశాత్తు నీటిలో మునిగిపోయారు.తోటి స్నేహితులు ఎంత ప్రయత్నించినా ఆచూకీ లభించలేదు. సమాచారం అందుకున్న జవహర్‌నగర్‌ పోలీసులు ఘటన స్థలానికి చేరుకుని డీఆర్‌ఎఫ్‌ కంట్రోల్‌ రూమ్‌కు సమాచారం అందించారు. డీఆర్‌ఎఫ్‌ సిబ్బంది గాలింపు చర్యలు చేపట్టి సియాన్, రోహిత్‌ మృతదేహాలను నీటిలోంచి వెలికితీశారు. కాగా.. రోహిత్‌ సీవీఆర్‌, సియాన్‌ సీఎంఆర్ కళాశాలల్లో బీటెక్‌ చదువుతున్నట్లు సమాచారం.ఇదీ చదవండి: పతకం అందుకున్న కొద్దిసేపటికే.. మారథాన్‌లో విషాదం!

రాజన్నసిరిసిల్ల జిల్లా కేంద్రంలోని ప్రభుత్వ జనరల్‌ ఆస్పత్రిలో చాలా కాలంగా ఓ మహిళా డాక్టర్‌ పనిచేస్తున్నారు. ఆమె భర్త హైదరాబాద్‌లో వైద్యుడిగా సేవలందిస్తున్నారు. ప్రభుత్వ ఆస్పత్రిలోని ఓ కీలక అధికారి తన చాంబర్‌లోనే, తన వద్దనే ఉండాలని, బయట ఎందుకు కూర్చుంటున్నారని సదరు మహిళా డాక్టర్‌ను వేధిస్తున్నారు. అధికారి చాంబర్‌లో కూర్చోవడం ఇష్టం లేని ఆ మహిళా డాక్టర్‌ వేరే చాంబర్‌లో కూర్చుంటున్నారు. దీన్ని దృష్టిలో ఉంచుకుని సదరు డాక్టరమ్మకు మెమోలు ఇవ్వడం, వేతనం ఆపేస్తాను.. సరెండర్‌ చేస్తానంటూ వేధిస్తున్నాడు. అతని వేధింపులు భరించలేని ఆ మహిళా డాక్టర్‌ నేరుగా కలెక్టర్‌ను కలిసి వేధింపులపై గోడు వెల్లబోసుకున్నట్లు సమాచారం. కలెక్టర్‌కు ఫిర్యాదు చేసిన పది రోజులకు మళ్లీ ఆ మహిళా డాక్టర్‌కు సదరు ఆస్పత్రి ముఖ్య అధికారి మెమో జారీ చేసి వేధిస్తున్నాడు.జిల్లా కేంద్రంలోని ఓ ప్రభుత్వ ఆఫీస్‌కు దక్షిణ తెలంగాణ ప్రాంతానికి చెందిన ఓ జిల్లా నుంచి మహిళా అధికారి వచ్చారు. ఆమె భర్త స్థానికంగా లేకపోవడంతో ఆఫీస్‌లో పనిచేసే ఓ ఉద్యోగి కన్నుపడింది. ఆమె ఆఫీస్‌ పని ఏది చెప్పినా సదరు పురుష ఉద్యోగి ఏదో వంక చెబుతూ చేయడం లేదు. ఇదేమిటని ఉన్నతాధికారులకు ఫిర్యాదు చేసింది. కానీ అతనిపై చర్యలేమీ లేవు. సదరు ఉద్యోగి మరింత కోపం పెంచుకుని ఆమెను లైంగికంగా, మానసికంగా వేధించడం మొదలుపెట్టాడు. విసిగిపోయిన సదరు అధికారి సిరిసిల్ల పోలీసులకు ఫిర్యాదు చేశారు. పోలీసులు తమదైన శైలిలో కౌన్సెలింగ్‌ చేశారు.అది సిరిసిల్ల ఫారెస్ట్‌ రేంజ్‌ ఆఫీస్‌. ఆ ఆఫీస్‌కు కొత్తగా మహిళా ఉద్యోగి వచ్చారు. విధి నిర్వహణలో చురుగ్గా ఉండే ఆ మహిళా ఉద్యోగిపై ఫారెస్ట్‌ రేంజ్‌ అధికారి శ్రీహరి ప్రసాద్‌ కన్నుపడింది. ఎలాగైనా లొంగదీసుకోవాలని లైంగిక వేధింపులకు గురిచేశాడు. సెల్‌ఫోన్‌కు రాత్రి వేళల్లో అసభ్యంగా మెసేజ్‌లు చేశాడు. ఎఫ్‌ఆర్‌వో వేధింపులు భరించలేక సదరు మహిళా ఉద్యోగి ఉన్నతాధికారులకు ఫిర్యాదు చేశారు. ఆధారాలు పరిశీలించిన అటవీశాఖ ఉన్నతాధికారులు సదరు ఫారెస్ట్‌ రేంజ్‌ అధికారి శ్రీహరిప్రసాద్‌ను సస్పెండ్‌ చేశారు.సహకార విద్యుత్‌ సరఫరా సంఘం(సెస్‌) పరిధిలో పనిచేసే ఓ మహిళా ఉద్యోగిని అదే ఆఫీస్‌లో పనిచేసే రవి అనే జూనియర్‌ అకౌంట్స్‌ ఆఫీసర్‌ లైంగిక వేధింపులకు గురిచేశాడు. ఆ వేధింపులు భరించలేక ఉన్నతాధికారులకు ఫిర్యాదు చేయగా అధికారులు విచారణ చేపట్టారు. సదరు ఉద్యోగి రవిని అక్టోబర్‌ 1న సస్పెండ్‌ చేశారు. సిరిసిల్ల: మహిళలు ఏ స్థాయిలో పనిచేస్తున్నా కీచకుల వేధింపులు ఆగడం లేదు. ఇక్కడ.. అక్కడ.. అనే తేడా లేకుండా విధుల్లో మహిళలు కనిపిస్తే చాలు కొందరు మృగాళ్లుగా వ్యవహరిస్తున్నారు. ఇటీవల జిల్లాలో పనిచేసే ప్రదేశాల్లో వేధింపులు ఎక్కువయ్యాయి. ప్రభుత్వ, ప్రైవేటు సంస్థల్లోనూ మహిళా ఉద్యోగిణులు సహచరులతో వేధింపులకు గురవుతున్నారు. ప్రభుత్వ శాఖలతోపాటు బీడీలు చేసే చో ట, గార్మెంట్‌ రంగంలో పనిచేసే ప్రదేశాల్లోనూ వేధింపులు వెంటాడుతూనే ఉన్నాయి. అయితే చాలా మంది బయటకు చెప్పుకోలేక కుమిలిపోతున్నారు. మొక్కుబడిగా అంతర్గత కమిటీలుపని స్థలాల్లో మహిళలపై లైంగిక వేధింపుల నిరోధానికి 2013లో ప్రభుత్వం చట్టం తెచ్చింది. ప్రభుత్వ, ప్రైవేటు ఆఫీస్‌లు.. వ్యాపార, వాణిజ్య సంస్థల్లో అంతర్గత ఫిర్యాదుల కమిటీ (ఇంటర్నల్‌ కంప్‌లైంట్స్‌ కమిటీ–ఐసీసీ)లను ఏర్పాటు చేసింది. ఫిర్యాదులపై అంతర్గతంగా విచారణ చేసి చర్యలు తీసుకునేలా చట్టాన్ని రూపొందించారు. కానీ జిల్లాలో ఎన్నో ఫోక్సో కేసులు నమోదవుతున్నా అంతర్గతంగా విచారణలు చేస్తున్నా.. ఐసీసీ కమిటీలు మహిళలను వేధిస్తున్న కేసుల్లో మొక్కుబడిగానే పనిచేస్తున్నారు. జిల్లాలో 200లకు పైగా ప్రభుత్వ ఆఫీసులు, ప్రైవేటు సంస్థల్లో ఐసీసీ కమిటీలను వేయాల్సి ఉండగా.. కొన్నింట్లోనే కమిటీలు వేసినట్లు రికార్డులు చెబుతున్నాయి. అవీ కూడా మొక్కుబడిగానే పని చేస్తున్నాయి. ఐసీసీ కమిటీల నిర్మాణంమహిళలు పనిచేసే ప్రైవేటు సంస్థలు, సహకార సంఘాల్లోనూ అంతర్గత ఫిర్యాదుల కమిటీని ఏర్పాటు చేయాల్సి ఉంటుంది. ఇందులో ఆఫీస్‌ లేదా సంస్థ సీనియర్‌ మహిళా ఉద్యోగి చైర్‌పర్సన్‌గా, మరో ఇద్దరు ఇందులో ఒక్కరు మహిళ, మరొకరు మహిళ కానీ వ్యక్తులు, లేదా న్యాయశాస్త్రం చట్టాలపై అవగాహన కలిగిన వ్యక్తులు, మరో వ్యక్తి సమాజ సేవకులు సభ్యులుగా ఉంటారు. మహిళల నుంచి ఐసీసీకి ఫిర్యాదులు వచ్చినప్పుడు విషయం బయటకు చెప్పకుండా అంతర్గతంగా విచారణ చేపట్టి చర్యలు తీసుకోవాల్సి ఉంటుంది. బాధిత మహిళలకు ఫిర్యాదు చేసినట్లు రశీదు ఇవ్వాల్సి ఉంటుంది. జిల్లాలో కలెక్టర్‌కు ఫిర్యాదు చేసినా.. మహిళా ఉద్యోగులపై వేధింపులు ఆగకపోవడం చర్చనీయాంశమైంది.ఇదీ చ‌ద‌వండి: బౌద్ధ పట్టణాన్ని ‘దున్నేస్తున్నారు’..!ఐసీసీ సిపార్సుల మేరకు..నేరం తీవ్రతను బట్టి వేధించిన వ్యక్తిని బదిలీ చేయడం, ఉద్యోగం నుంచి తొలగించడం, హెచ్చరించి వదిలేయడం, ప్రమోషన్‌ నిలుపుదల చేయడం, జరిమానా విధించడం, బాధితురాలికి ఇప్పించడం వంటి చర్యలు తీసుకోవాల్సి ఉంటుంది. 90 రోజుల్లో శిక్ష విధించాలి. విచారణ నివేదికను కలెక్టర్‌ లేదా జిల్లా మహిళా, శిశుసంక్షేమశాఖ అధికారికి అందించాల్సి ఉంటుంది. కానీ జిల్లాలో ఐసీసీ కమిటీ నిర్మాణం, సిపార్సులు పెద్దగా లేవు. పోలీస్‌ శాఖ ఆధ్వర్యంలో షీటీమ్‌లు విద్యాసంస్థల్లో, బస్టాండుల్లో, ఉపాధిహామీ కూలీలకు అవగాహన కల్పిస్తున్నారు. షీటీమ్‌ అవగాహన సదస్సులు తప్ప ఐసీసీ కమిటీల ఏర్పాటు అంతగా లేదు. ఇప్పటికైనా జిల్లాలో పూర్తి స్థాయిలో ఐసీసీ కమిటీలను నియమించి చర్యలు తీసుకోవాల్సిన అవసరం ఎంతైనా ఉంది. నేరుగా ఫిర్యాదు చేయండిప్రభుత్వ, ప్రైవేటు ఆఫీస్‌లు, ఇతర పనిచేసే చోట మహిళా ఉద్యోగులకు, వర్కర్లపై ఎవరైనా అసభ్యంగా ప్రవర్తిస్తే నాకు ఫిర్యాదు చేయండి. నేను విచారణ చేపట్టి చర్యలు తీసుకుంటాను. వాస్తవాలపై కలెక్టర్‌కు నివేదించి సదరు ఉద్యోగులపై చర్యలు తీసుకుంటాం. జిల్లాలో మహిళల భద్రతకు అత్యంత ప్రాధాన్యతనిస్తున్నాం. కాలేజీ స్థా యిలోనూ ‘గుడ్‌ టచ్‌.. బ్యాడ్‌ టచ్‌’పై అవగాహన కల్పిస్తున్నాం. జిల్లాలో షీ టీమ్‌ పనిచేస్తుంది. ఎవరైనా లైంగికంగా వేధిస్తే వెంటనే పోలీసులకు ఫిర్యాదు చేయండి. – మహేశ్‌ బీ గీతే, ఎస్పీ

హైదరాబాద్‌, గచ్చిబౌలి: మారథాన్‌లో అపశృతి చోటుచేసుకుంది. ఇందులో పాల్గొన్న సాఫ్ట్‌వేర్‌ ఇంజినీర్‌ గుండెపోటుతో మృతి చెందారు. గచ్చిబౌలి ఇన్‌స్పెక్టర్‌ కె.సైదులు తెలిపిన వివరాల ప్రకారం.. మణికొండ అల్కాపురి కాలనీకి చెందిన కొమ్మినేని గోపి (36) నాలుగేళ్లుగా ఐబీఎం కంపెనీ సీనియర్‌ కన్సల్టెంట్‌గా పని చేస్తున్నారు.ఆదివారం ఉదయం ఎన్‌ఈబీ స్పోర్ట్స్‌ ఆధ్వర్యంలో గచ్చిబౌలి స్టేడియంలో నిర్వహించిన ‘హైదరాబాద్‌ హైటెక్‌ ఫుల్‌ మారథాన్‌’లో ఆయన పాల్గొన్నారు. పరుగు పూర్తి చేసి పతకం అందుకున్న అనంతరం 8.45 గంటల సమయంలో అల్పాహారం చేసేందుకు వెళ్లే క్రమంలో.. ఒక్కసారిగా కుప్పకూలారు. వెంటనే సహచరులు, నిర్వాహక బృందం సీపీఆర్‌ చేశారు. ఆ తర్వాత గచ్చిబౌలిలోని ఓ ప్రైవేట్‌ ఆస్పత్రికి తరలించారు. పరిశీలించిన వైద్యులు అప్పటికే గోపి మృతి చెందినట్లు చెప్పారు.ప్రాథమిక విచారణలో గుండెపోటు కారణంగానే ఆయన మరణించినట్లు తెలుస్తోందని ఇన్‌స్పెక్టర్‌ తెలిపారు. మృతుడికి భార్య, మూడేళ్ల కుమారుడు ఉన్నట్లు సమాచారం. అప్పటి వరకు సరదాగా మాట్లాడిన గోపి విగతజీవిగా మారడంతో రన్నర్లు విషాదంలో మునిగారు. కేసు దర్యాప్తు చేస్తున్నట్లు పోలీసులు తెలిపారు.ఇదీ చదవండి: విద్యార్థినులపై దాడి చేసిన హేమంత్‌ కథ ముగిసినట్టేనా?

అనంతపురం ఎడ్యుకేషన్‌: రాష్ట్రవ్యాప్తంగా సంచలనం సృష్టించిన అనంతపురం జిల్లా రాప్తాడులో విద్యార్థినులపై ఎలక్ట్రిక్‌ రంపంతో దాడికి పాల్ప డిన ఘటనలో ఉన్మాది డుంబు అలియాస్‌ హేమంత్‌పై పోలీసులు ఆదివారం కాల్పులు జరిపారు. ఈ కాల్పుల్లో గాయపడ్డ నిందితుడిని ఆస్పత్రికి తరలించారు.ఎస్పీ జగదీష్‌ తెలిపిన వివరాల ప్రకారం.. నిందితుడిని పట్టుకునేందుకు 25 ప్రత్యేక పోలీసు బృందాలను ఏర్పాటు చేశారు. రాత్రంతా గాలింపు చర్యలు చేపట్టారు. నిందితుడు ఆత్మకూరు సమీపంలోని అడవుల్లో ఉన్నాడనే పక్కా సమాచారంతో పోలీసులు అక్కడికి వెళ్లారు. ఈ క్రమంలో అక్కడ నిందితుడిని గుర్తించి పట్టుకునే ప్రయత్నం చేస్తున్న పోలీసులపై అతడు ఒక్కసారిగా కత్తితో దాడికి యత్నించాడు. దీంతో రాప్తాడు సీఐ వెంకటేశ్వర్లు చేతికి గాయాలయ్యాయి.తీవ్రంగా గాయపడ్డ నిందితుడు హేమంత్‌ను సర్వజన ఆస్పత్రికి తరలిస్తున్న పోలీసులు.అయితే ఆత్మరక్షణ కోసం పోలీసులు ఆరు రౌండ్ల కాల్పులు జరపాల్సి వచ్చింది. ఈ కాల్పుల్లో నిందితుడి మోకాళ్లలోకి మూడు బుల్లెట్లు దూసుకెళ్లి తీవ్రంగా గాయపడ్డాడు. వెంటనే అతడిని పట్టుకుని అనంతపురం సర్వజన ఆస్పత్రికి తరలించారు. ప్రస్తుతం అక్కడ చికిత్స పొందుతున్నాడు.రాప్తాడు జిల్లా పరిషత్‌ ఉన్నత పాఠశాలలో శనివారం ఉదయం పదో తరగతి విద్యార్థిని గోపిక తరగతి గదిలో చదువుకుంటుండగా చెట్లు కోసే ఎలక్ట్రిక్‌ రంపంతో హేమంత్‌ విచక్షణారహితంగా దాడి చేసిన విషయం తెలిసిందే. అడ్డుకునేందుకు ప్రయత్నించిన మరో విద్యార్థిని లక్ష్మీపైనా దాడికి తెగబడ్డాడు. దాడిలో తీవ్రంగా గాయపడిన గోపికను మెరుగైన వైద్యం కోసం బెంగళూరులోని మణిపాల్‌ ఆస్పత్రికి తరలించగా, మరో విద్యార్థిని లక్ష్మీ అనంతపురం సర్వజన ఆస్పత్రిలో చికిత్స పొందుతోంది.జాతీయ రహదారిపై ఆందోళన..నిందితుడిని కఠినంగా శిక్షించాలని డిమాండ్‌ చేస్తూ ఆదివారం రాప్తాడులో ప్రజలు పెద్దఎత్తున ఆందోళనకు దిగారు. జాతీయ రహదారిపై బైఠాయించి నిరసన తెలియజేశారు. దీంతో రాప్తాడు నుంచి జాతీయరహదారిపై సుమారు మూడు కిలోమీటర్ల మేర వాహనాలు నిలిచిపోయి ట్రాఫిక్‌ స్తంభించింది. ఇదే సమయంలో నిందితుడిపై పోలీసులు కాల్పులు జరిపారనే సమాచారం అందడంతో పలువురు టపాసులు కాల్చి సంబరాలు చేసుకున్నారు.ఇదీ చదవండి: పచ్చమూకల ఉన్మాదకాండ

మొయినాబాద్‌: స్నేహితుడి బర్త్‌డే సందర్భంగా చేసుకున్న పార్టీ ఇద్దరు విద్యార్థుల ప్రాణాలు తీసింది. ఈ సంఘటన రంగారెడ్డి జిల్లా మొయినాబాద్‌ మున్సిపల్‌ పరిధిలోని పెద్దమంగళారంలో శుక్రవారం అర్ధరాత్రి చోటుచేసుకుంది. పోలీసులు, స్థానికులు తెలిపిన వివరాల ప్రకారం.. రాజేంద్రనగర్‌లోని అత్తాపూర్‌కు చెందిన మోక్ష సాయిచరణ్‌ (19), నగరంలోని బల్కంపేటకు చెందిన యశ్వంత్‌ (20) మొయినాబాద్‌లోని కేజీరెడ్డి ఇంజనీరింగ్‌ కళాశాలలో బీటెక్‌ మూడో సంవత్సరం చదువుతున్నారు. శుక్రవారం వీరితోపాటు చదివే స్నేహితుడి పుట్టినరోజు ఉండడంతో పది మంది కలిసి మొయినాబాద్‌లో బర్త్‌డే పార్టీ చేశారు. అనంతరం మద్యం పార్టీ చేసుకోవడానికి బాటిళ్లు తీసుకుని పెద్దమంగళారం రోడ్డులోని పద్మావతి ఫంక్షన్‌హాల్‌ వెనుకవైపునకు వెళ్లారు. అర్ధరాత్రి ఒంటిగంట సమయంలో పోలీస్‌ పెట్రోలింగ్‌ వాహనం సైరన్‌ వేసుకుంటూ వెళ్లడంతో విద్యార్థులు భయపడి పక్కనే ఉన్న పంట పొలాల్లోకి పరుగులు తీశారు. అక్కడ రైతు అడవి పందుల నుంచి కాపాడుకోవాలని వరిచేను చుట్టూ ఓ వైరుతో కంచె వేసి దానికి కరెంట్‌ షాక్‌ పెట్టాడు. ప్రమాదవశాత్తు ఆ తీగలకు తగిలి విద్యుదాఘాతంతో ఇద్దరు విద్యార్థులు మృతి చెందారు. పోలీసులకు సమాచారం అందించడంతో ఘటనా స్థలానికి చేరుకుని వివరాలు సేకరించారు. మృతదేహాలను ఉస్మానియా మార్చురీకి తరలించారు. ఈ మేరకు కేసు నమోదు చేసి దర్యాప్తు చేస్తున్నారు. ఇద్దరు విద్యార్థుల మృతితో కళాశాలలో విషాదఛాయలు అలుముకున్నాయి. కాగా ప్రమాద స్థలాన్ని శనివారం ఉదయం చిలుకూరు సెక్షన్‌ విద్యుత్‌ ఏఈ శివరామకృష్ణ పరిశీలించారు.

వికారాబాద్: ఆ తల్లి మనసు పాషాణమైంది.. తాను లేకుంటే కన్న కొడుకులు నిరాదరణకు గురవుతారన్న వేదనతో ఉరి వేసి ఇద్దరినీ కడతేర్చింది. తర్వాత తానూ ఉరి వేసుకుని తనువు చాలించింది. ఈ హృదయ విదారక సంఘటన శనివారం మధ్యాహ్నం వికారాబాద్‌ జిల్లా ధారూరు మండలం చింతకుంటలో చోటుచేసుకుంది. స్థానికులు, కుటుంబీకులు తెలిపిన వివరాల ప్రకారం.. గ్రామానికి చెందిన పట్లోళ్ల భూపతిరెడ్డి తొమ్మిదేళ్ల క్రితం రంగారెడ్డి జిల్లా చేవెళ్ల మండలం మడికట్టు గ్రామానికి చెందిన వాసవి (28)ని వివాహం చేసుకున్నాడు. వీరికి సహర్షరెడ్డి (8), వేదార్షరెడ్డి (4) కుమారులు. భార్యాభర్తలు నాలుగేళ్లుగా వికారాబాద్‌లో ఉంటున్నారు. భర్త తాండూరులోని ఓ ప్రైవేటు కళాశాలలో లెక్చరర్‌గా, భార్య వికారాబాద్‌లోని ఓ ప్రైవేటు పాఠశాల లో తెలుగు టీచర్‌గా పనిచేస్తున్నారు. శనివారం ఉదయం భార్యాభర్తలు పిల్లలతో కలిసి చింతకుంట గ్రామానికి వచ్చారు. భార్య, పిల్లలను ఇంట్లో వదిలిపెట్టిన భూపతిరెడ్డి తిరిగి వికారాబాద్‌ వెళ్లిపోయాడు. ఇంట్లో ఉన్న అత్తామామలు పొలం పనులకు వెళ్లారు. పిల్లలతో ఒంటరిగా ఉన్న వాసవి తొలుత కుమారు లిద్దరినీ ఉరివేసి చంపింది. వారు చనిపోయారని నిర్ధారించుకున్న తర్వాత తాను కూడా ఉరివేసుకుని ఆత్మహత్య చేసుకుంది. ఘట న స్థలానికి చేరుకున్న ధారూరు సీఐ రఘురామ్, ఎస్‌ఐ సురేశ్‌ మృతదేహాలను వికారాబాద్‌ ప్రభుత్వ ఆస్పత్రికి తరలించారు.

జనగామ జిల్లా: ఇష్టంలేని పెళ్లి సంబంధంతో మనస్తాపానికి గురైన ఓ యువతి రైలులోనుంచి దూకి ఆత్మహత్య చేసుకుంది. ఈ ఘటన జనగామ జిల్లా రఘునాథపల్లి మండల పరిధిలో శనివారం తెల్ల వారుజామున చోటుచేసుకుంది. రైల్వే హెడ్‌ కానిస్టేబుల్‌ ఉపేందర్‌ తెలిపిన వివరాల ప్రకారం.. జనగామ జిల్లా నర్మెట మండలం అమ్మాపురానికి చెందిన కుంటి బాబురావు కుటుంబం సుమారు 20 ఏళ్ల క్రితం భద్రాద్రి కొత్తగూడెం జిల్లా లక్ష్మీదేవిపల్లి మండలం శేషగిరినగర్‌ కాలనీకి వెళ్లి స్థిరపడ్డారు. బాబురావు ఎలక్ట్రీషియన్‌గా పనిచేస్తూ కుటుంబాన్ని పోషిస్తున్నాడు. ఆయన కుమార్తె శ్రావణి (24) ప్రైవేట్‌ ఉద్యోగం చేస్తూ జీవనం సాగిస్తోంది. చిన్నప్పటినుంచి తల్లిదండ్రుల గారాలపట్టిగా పెరిగిన ఆమెకు కొంతకాలం క్రితం మేనబావతో వివాహం నిశ్చయమైంది.రైలు ప్రయాణంలో విషాదం..గత నెల30వ తేదీ (శుక్రవారం) రాత్రి పెళ్లిదుస్తులు కొనుగోలు చేసేందుకు శ్రావణి మణుగూరు ఎక్స్‌ప్రెస్‌ రైలులో సికింద్రాబాద్‌కు బయలుదేరింది. ప్రయాణ సమయంలో ఒకట్రెండుసార్లు కుటుంబ సభ్యులతో ఫోన్‌ లో మాట్లాడింది. శనివారం తెల్ల వారుజామున సుమారు 2.30 గంటల సమయంలో రఘునాథపల్లి మండల శివారు ప్రాంతంలో రైలులోనుంచి దూకి ఆత్మహత్య చేసుకున్నట్లు రైల్వే పోలీసులు గుర్తించారు.టికెట్‌ ఆధారంగా గాలింపు..ఖమ్మం సమీపంలోకి రైలు వచ్చాక శ్రావణి ఫోన్‌కాల్స్‌ స్వీకరించకపోవడంతో ఆందోళన చెందిన కుటుంబ సభ్యులు ఆమె రిజర్వేషన్‌ టికెట్‌ను హైదరాబాద్‌లో ఉంటున్న మేనబావకు పంపించారు. అతను హుటాహుటిన జనగామ రైల్వేస్టేషన్‌కు చేరుకున్నారు. రైలు జనగామ స్టేషన్‌లో ఆగగానే టికెట్‌ ఆధారంగా రిజర్వేషన్‌ బోగీలో తనిఖీ చేయగా ఆమె బ్యాగు మాత్రమే కనిపించింది. శ్రావణి కనిపించకపోవడంతో వెంటనే రైల్వే పోలీసులకు సమాచారం అందించాడు. దీంతో అప్రమత్తమైన పోలీసులు గాలింపు చేపట్టగా తెల్లవారుజామున రఘునాథపల్లి సమీపంలో రైల్వే పట్టాల పక్కన ఆమె మృతదేహాన్ని గుర్తించారు. కుటుంబ సభ్యులు మృతదేహాన్ని శ్రావణిది గుర్తించారు.తల్లిదండ్రులకు తీరని శోకం..మేనబావతో వివాహం ఇష్టం లేకపోవడం, అనారోగ్య సమస్యలతో మనస్తాపానికి గురై ఈ నిర్ణయం తీసుకున్నట్లు రైల్వే పోలీసులు చెప్పారు. ఈ నెల 29న ఆమె వివాహం జరగాల్సి ఉండగా, ఉద్యోగం చేస్తూ జీవితంలో స్థిరపడుతున్న కుమార్తె ఇక లేదన్న వార్తతో తల్లిదండ్రులు, కుటుంబ సభ్యులు కన్నీరు మున్నీరుగా విలపించారు. పెళ్లి సందడి ఉండాల్సిన ఇంట్లో విషాదం అలుముకుంది. మృతురాలి తల్లిదండ్రుల ఫిర్యాదు మేరకు రైల్వే హెడ్‌ కానిస్టేబుల్‌ ఉపేందర్‌ కేసు నమోదు చేశారు. మృతదేహానికి జనగామ జిల్లా ఆస్పత్రిలో పోస్టుమార్టం నిర్వహించిన అనంతరం కుటుంబ సభ్యులకు అప్పగించారు. ఘటనపై దర్యాప్తు కొనసాగుతున్నట్లు ఉపేందర్‌ తెలిపారు.

ఏలూరు జిల్లా: భార్యాభర్తల మధ్య జరిగిన వివాదం చివరకు హత్యకు దారితీసిన విషాద సంఘటన నూజివీడు మండలం మీర్జాపురం గ్రామంలో చోటుచేసుకుంది. పోలీసుల కథనం ప్రకారం జంగారెడ్డిగూడేనికి చెందిన శివరాత్రి దుర్గాప్రసాద్, జ్యోతి దంపతులు బంధువుల ఇంట్లో వివాహ వేడుక కోసం వారం రోజుల క్రితం మీర్జాపురం వచ్చారు. ఈ నెల 28న వివాహం, 29న రిసెప్షన్‌ పూర్తయ్యాయి. శుక్రవారం ఉదయం కొందరు బంధువులు వెళ్లిపోగా, అనారోగ్యంతో ఉన్న మరొక బంధువును పరామర్శించేందుకు కుటుంబసభ్యులంతా వేరే ఊరు వెళ్లారు. దీంతో ఇంట్లో దుర్గాప్రసాద్, జ్యోతి మాత్రమే ఉన్నారు. ఈ క్రమంలో ఉదయం ఇద్దరి మధ్య ఏ విషయంపై మనస్పర్థలు వచ్చాయో తెలియదు కానీ తీవ్ర గొడవ జరిగింది. ఆవేశానికి గురైన దుర్గాప్రసాద్‌ భార్య జ్యోతి చెంపలపై బాదుతూ, మోకాలితో గుండెలపై దారుణంగా దాడి చేశాడు. ఆమె కేకలు విని కాపాడేందుకు చుట్టుపక్కల వారు పరుగెత్తుకొచ్చినప్పటికీ అతడు ఆగకుండా కొట్టడంతో జ్యోతి స్పృహతప్పి కిందపడిపోయింది. తీవ్రంగా గాయపడి కదలకుండా ఉన్న ఆమెను వెంటనే సమీపంలోని ఆర్‌ఎంపీ వైద్యుడి వద్దకు తరలించగా, అప్పటికే మృతి చెందినట్లు నిర్ధారించారు. స్థానికులు 112కు సమాచారం అందించడంతో నూజివీడు రూరల్‌ సీఐ ఐవీ నాగేంద్రకుమార్, రూరల్‌ ఎస్సై జి.జ్యోతీబసు సిబ్బందితో ఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం నూజివీడు ఏరియా ఆసుపత్రికి తరలించి, కేసు నమోదు చేసి దర్యాప్తు చేస్తున్నారు.

సాక్షి, హైదరాబాద్‌: ప్రజల సొమ్ముకు, కేసుల్లో సీజ్‌ చేసిన వస్తువులకు రక్షణగా ఉండాల్సిన పోలీసే అక్రమాలకు పాల్పడడం జరిగింది. కేసు దర్యాప్తులో భాగంగా స్వాధీనం చేసుకున్న ఫోన్‌ నుంచి డబ్బులు బదిలీ చేయడంతోపాటు, అదే కేసులో సీజ్‌ చేసిన బంగారాన్ని తాకట్టుపెట్టాడు. ఈ ఘటన హైదరాబాద్‌లోని మీర్‌పేట్‌ పోలీస్‌స్టేషన్‌ పరిధిలో చోటుచేసుకుంది.పోలీసుల వివరాల ప్రకారం.. మీర్‌పేట్‌ పోలీస్‌స్టేషన్‌లో కానిస్టేబుల్‌గా పనిచేస్తున్న శ్రవణ్‌ ఈ వ్యవహారానికి పాల్పడినట్లు ఆరోపణలు వచ్చాయి. ఓ కేసులో పోలీసులు స్వాధీనం చేసుకున్న ఫోన్‌ నుంచి రూ.1.70 లక్షలను తన బంధువుల ఖాతాలకు బదిలీ చేసినట్లు గుర్తించారు. అంతేకాకుండా, అదే కేసులో పోలీసులు సీజ్‌ చేసిన బంగారాన్ని కూడా కానిస్టేబుల్‌ శ్రవణ్‌ తాకట్టుపెట్టినట్లు వెలుగులోకి వచ్చింది.విధుల్లో ఉండి బాధ్యతగా వ్యవహరించాల్సిన పోలీసే ఇలా చేయడంతో ఈ ఘటన పోలీసు వర్గాల్లో విస్మయం కలిగించింది. ఈ వ్యవహారంపై అధికారులు విచారణ చేపట్టి, కానిస్టేబుల్‌ శ్రవణ్‌పై కేసు నమోదు చేశారు. అనంతరం అతడిని అరెస్ట్‌ చేసి రిమాండ్‌కు తరలించినట్లుగా తెలుస్తోంది.ఇదీ చదవండి: 10 గంటలు నిర్బంధించి.. చిత్రహింసలు

సాక్షి, లక్నో: ఉత్తరప్రదేశ్ లోని ప్రయాగ్‌రాజ్ (అలహాబాద్) సమీపంలోని ఒక సాధారణ ఇంట్లో భూమిలో మూడు డ్రమ్ముల నిండా కోట్ల రూపాయల నగదు పూడ్చిపెట్టిన ఘటన కలకలం రేపింది. ఆ డ్రమ్ములను నల్లటి ప్లాస్టిక్ కవర్లతో చుట్టి జాగ్రత్తగా భూమిలో పాతిపెట్టడం దిగ్భ్రాంతి రేపింది. ఇద్దరు సోదరులు గుట్టు చప్పుడు కాకుండా దాచిపెట్టిన ఈ నల్లధనాన్ని పోలీసులు స్వాధీనం చేసుకున్నారు.ఇటీవల గ్రామస్థులకు, ఈ సోదరులకు మధ్య గొడవ జరగడంతో ఈ విషయం వెలుగు చూసింది. ప్రయాగ్‌రాజ్ పోలీస్ కమిషనరేట్‌ పరిధిలోని గంగానగర్ జోన్, నవాబ్‌గంజ్ పోలీస్ స్టేషన్ పరిధిలోని రామ్‌నగర్ (బరాయ్‌పూర్) గ్రామంలో ఈ ఘటన చోటు చేసుకుంది.ఒక ఇంట్లోని గదిలో దాదాపు 5 మీటర్ల లోతున మూడు భారీ ప్లాస్టిక్ బ్లూడ్రమ్ములో భారీ ఎత్తున నగదు దాచి ఉంచారనే సమాచారం మేరకు నవాబ్‌గంజ్ , సోరావ్ పోలీస్ స్టేషన్ల ఉమ్మడి పోలీస్‌ బృందం దాడి చేసింది. ఈ క్రమంలో ఇంట్లోని ఒక గదిలో ఇటీవల తవ్వినట్లు అనుమానం వచ్చి, కూలీలతో తవ్వించగా లోపల మూడు ప్లాస్టిక్ డ్రమ్ములు బయటపడ్డాయి. ఈ డ్రమ్ములను నల్లటి ప్లాస్టిక్ కవర్లతో చుట్టి జాగ్రత్తగా భూమిలో పాతిపెట్టారు. వాటిని తెరచి చూడగా రూ. 500 నోట్ల కట్టలతో నిండిపోయి ఉన్నాయి. వీటి విలువ రూ. 5 కోట్ల నుండి రూ. 10 కోట్ల వరకు ఉండవచ్చని అంచనా. డబ్బు లెక్కింపు కోసం ఆదాయపన్ను (IT) శాఖ ,ఇతర ఆర్థిక విచారణ సంస్థలకు సమాచారం అందించారు. వారు వచ్చిన తర్వాతే కచ్చితమైన సొమ్ము ఎంత అనేది తేలనుంది.Blue Drum Reveals Hidden Cash in Prayagraj! Police have unearthed three drums filled with cash allegedly buried beneath a house in Baraipur-Ramnagar. Gangapar DCP Sonam Kumar says the money has been seized and an investigation is underway. #Prayagraj #UttarPradesh #CashRecovery #CrimeNews #BlueDrum #Cash— Dynamite News (@DynamiteNews_) October 29, 2026అనుమానాలుఈ ఇల్లు రాకేష్ యాదవ్, రాజేష్ యాదవ్ అనే సోదరులకు చెందినది. వీరు గతంలో పూణేలో సాధారణ ఉద్యోగాలు చేసేవారు. 2020లో కోవిడ్ లాక్‌డౌన్ సమయంలో ఉద్యోగాలు వదిలేసి సొంత గ్రామానికి తిరిగొచ్చారు .గ్రామానికి వచ్చిన అతి తక్కువ సమయంలోనే వారు ఎకరాల కొద్దీ స్థలాలు, ట్రాక్టర్లు కొనడం, విచ్చలవిడిగా డబ్బు ఖర్చు చేయడం ప్రారంభించారు. ఒక సాధారణ ఉద్యోగం చేసేవారికి ఇంత డబ్బు ఎక్కడిది అని గ్రామస్థులు ఆశ్చర్యపోయారు. దీనికి తోడు ఇటీవల గ్రామస్థులకు, ఈ సోదరులకు మధ్య గొడవ జరిగినప్పుడు, ఒక స్థానికుడు పోలీసులకు ఫోన్ చేసి వీరి వద్ద భారీగా నల్లధనం ఉందని ఫిర్యాదు చేశారు.After Corpse in Blue Drum, Now Crores of Rupees Found in Blue Drum in #UttarPradesh.. #Prayagraj, UP: 3 Drums Filled with Notes Found Buried in the Ground In Baraipur village of Nawabganj, 3 drums filled with 500-500 rupee notes have been found buried under a house. So far, the count has reached 4 crore, with an estimate of up to 60 crore in total. Police have taken 4 people into custody.— Siraj Noorani (@sirajnoorani) October 29, 2026 ఇదీ చదవండి: షాకిచ్చిన కర్ణాటక : లీటరు పాల ధర రూ. 8 పెంపుకేసు నమోదు స్థానికుడి సమాచారం ఆధారంగా దాడి చేసిన పోలీసులు నగదును స్వాధీనం చేసుకుని, ఆ ఇంటిని సీల్ చేశారు. కుటుంబానికి చెందిన ఒకరిని అదుపులోకి తీసుకోగా, అతను మార్చి మార్చి సమాధానాలు చెబుతున్నాడని పోలీసులు తెలిపారు.ఇదీ చదవండి: రూ. కోటిన్నర జీతం వదిలేసిన టెకీ జంట, ఎందుకో తెలుసా?

గుజరాత్‌లోని మెహసానా జిల్లా ఖేరాలు తాలూకాలో దారుణం చోటు చేసుకుంది. ప్రేమించిన పాపానికి 31 ఏళ్ల వ్యక్తిని అమ్మాయి తరపు కుటుంబ సభ్యులే చింతచెట్టుకు కట్టేసి కొట్టి చంపిన వైనం దిగ్భ్రాంతి రేపింది.పోలీసుల సమాచారంప్రకారం సిద్ధపూర్ తాలూకాలోని వాఘరోల్ గ్రామానికి చెందిన రంజీత్‌జీ చతుర్‌జీ ఠాకూర్ (31) సిద్ధపూర్‌లోని 'చోళమండలం ఇన్వెస్ట్‌మెంట్ అండ్ ఫైనాన్స్ కంపెనీ'లో క్రెడిట్ మేనేజర్‌గా పనిచేస్తున్నారు. తంగానా గ్రామానికి చెందిన జగాజీ రాంచోడ్‌జీ ఠాకూర్ కుమార్తెతో రంజీత్‌జీకి గత రెండేళ్లుగా ప్రేమ వ్యవహారం ఉంది. వీరి ప్రేమ విషయం కుటుంబానికి తెలియడంతో వారు దారుణానికి తెగబడ్డారు.ఏం జరిగింది?మంగళవారం పని నిమిత్తం మోటార్ సైకిల్‌పై బయటకు వెళ్లిన రంజీత్‌జీ, ఆ రాత్రి ప్రియురాలిని కలవడానికి తంగానా గ్రామానికి వెళ్లారు. ఈ సందర్భంగా అమ్మాయి కుటుంబ సభ్యులు వారిని బంధించారు. బుధవారం ఉదయం రంజీత్‌జీ కుటుంబ సభ్యులకు ఈ విషయం తెలియడంతో, రంజీత్‌ తండ్రి చతుర్‌జీ బాద్‌సంగ్‌జీ ఠాకూర్, బాబాయి, ఇతర బంధువులు తంగానా గ్రామానికి చేరుకున్నారు. కానీ అప్పటికే రంజీత్‌ శవంగా మారిపోయాడు. అక్కడున్న చింతచెట్టు కింద ఒక ఇనుప మంచంపై గొనె సంచితో కప్పి ఉన్న మృతదేహాన్ని గమనించారు. అతడి డెడ్‌ బాడీని పరిశీలించగా వీపు, మెడ, మోకాళ్లు సహా శరీర భాగాలపై తీవ్ర గాయాలు, నల్లటి దెబ్బలు కనిపించాయి. చెట్టంత ఎదిగిన కొడుకుని చింతచెట్టుకు కట్టేసి, కర్రలతో అమానుషంగా కొట్టారని, తీవ్ర గాయాలతో రంజీత్‌ అక్కడికక్కడే మరణించాడని ఆరోపిస్తూ మృతుడి కుటుంబ సభ్యులు పోలీసులకు ఫిర్యాదు చేశారు. తర్వాత మృతదేహాన్ని మంచంపై వదిలేసి, ఆ యువతిని తీసుకుని వెళ్లిపోయారని తమ ఫిర్యాదులో పేర్కొన్నారు.ఇదీ చదవండి: నెక్ట్స్‌ లెవల్‌ : దోసె, ఫిల్టర్‌ కాఫీకి జర్మన్‌ యువకుడు ఫిదా!బాధితుడి తండ్రి ఫిర్యాదు మేరకు ఖేరాలు పోలీసులు కేసు నమోదు చేసి, మృతదేహాన్ని పోస్టుమార్టం నిమిత్తం తరలించారు. పోలీసులు నలుగురు నిందితుల, హంసాబెన్ జగాజీ ఠాకూర్ (యువతి తల్లి), హితేష్‌జీ జగాజీ ఠాకూర్ (యువతి సోదరుడు), భీమాజీ రాంచోడ్‌జీ ఠాకూర్ (యువతి బాబాయి), రామాజీ కేషాజీ ఠాకూర్ (సాక్రి గ్రామానికి చెందిన వ్యక్తి) కేసు నమోదు చేశారు. పోస్ట్‌మార్టమ్‌ నివేదిక తరువాత తదుపరి చట్టపరమైన చర్యలు వేగవంతం చేశామని తెలిపారు. ఇదీ చదవండి: రూ. కోటిన్నర జీతం వదిలేసిన టెకీ జంట, ఎందుకో తెలుసా?

తెలంగాణ, నందిపేట్‌(ఆర్మూర్‌): అల్లారుముద్దుగా పెంచుకున్న కూతురు తనకు తెలియకుండా ప్రేమ వివాహం చేసు కోవడాన్ని అవమానంగా భావించిన ఓ తండ్రి ఆత్మహత్య చేసుకున్నాడు. నిజామాబాద్‌ జిల్లా నందిపేట మండలం వెల్మల్‌ గ్రామంలో చోటుచేసుకున్న ఘటనపై పోలీసులు, స్థాని కులు తెలిపిన వివరాలిలా ఉన్నాయి.వెల్మల్‌ గ్రామానికి చెందిన బండకాడి రాజన్న (50)కు నలుగురు కూతుళ్లు. ముగ్గురికి వివాహమైంది. చిన్నకూతురు (19) ట్రిపుల్‌ ఐటీలో చదువుతోంది. ఆమె గ్రామానికి చెందిన యువ కుడిని ప్రేమించింది. ఒకే సామాజిక వర్గానికి చెందిన వారిద్దరు పారిపోయి బుధవారం పెళ్లి చేసుకున్నారు.అయితే కూతురు ప్రేమ వివాహం చేసుకోవడంతో పరువు పోయిందని మనస్తాపానికి గురైన రాజన్న.. గ్రామ శివారులోని పొలంలో చెట్టుకు ఉరివేసుకుని ఆత్మహత్య చేసుకున్నాడు. మృతుడి భార్య బండకాడి లక్ష్మి ఇచ్చిన ఫిర్యాదు మేరకు కేసు నమోదు చేసుకున్నామని ఎస్సై వినయ్‌ తెలిపారు.ఇదీ చదవండి: నాన్నా.. 'పిల్లలను పెంచడం నాతో కావడంలేదు! నేను చనిపోతున్నా!

తెలంగాణ, కొల్చారం (నర్సాపూర్‌): ఇద్దరూ ఆడపిల్లలు.. భర్త గుండెపోటుతో మరణం.. బతుకు పోరాటంలో ఆర్థిక ఇబ్బందులతో తీవ్ర మానసిక ఒత్తిడికి గురైన ఓ తల్లి తన పిల్లలను నదిలోకి తోసేసి, తానూ దూకి ఆత్మహత్యకు పాల్పడింది. ఎస్‌ఐ మొహినుద్దీన్‌ తెలిపిన వివరాలు.. కామారెడ్డి జిల్లా ఎల్లారెడ్డి మండలం మల్కాపూర్‌ గ్రామానికి చెందిన గంగుల బాలకృష్ణయ్య కుమార్తె సరిత (27) పదేళ్ల క్రితం ప్రేమ వివాహం చేసుకుంది.ఇద్దరు ఆడపిల్లలు వైష్ణవి (7), శాన్విక (6) పుట్టిన ఏడేళ్లకే సరిత భర్త గుండెపోటుతో మరణించాడు. దీంతో సరిత ఇద్దరు పిల్లలను తల్లిదండ్రుల వద్దే ఉంచి హైదరాబాద్‌ వెళ్లి పనులు చేసుకుంటూ పిల్లలను చదివిస్తోంది. ఈనెల 26వ తేదీన హైదరాబాదు నుంచి స్వగ్రామానికి చేరుకుంది. 27నాడు ఉదయం ఏడుపాయల దేవాలయానికి వెళ్తానంటూ ఇద్దరు పిల్లలను తీసుకెళ్లింది. దర్శనం అనంతరం తండ్రికి ఫోన్‌ చేసి.. ఆర్థిక పరిస్థితి భారంగా ఉందని, ఇద్దరు ఆడపిల్లలను పెంచడం తనతో కావడం లేదంటూ ఆవేదన చెందింది. అనంతరం మంజీరా నదిలో దూకి చనిపోతున్నట్లు చెప్పి ఫోన్‌ కట్‌ చేసింది.కుటుంబ సభ్యులు పోలీసులకు సమాచారం అందించడంతో మెదక్‌ రూరల్‌ సీఐ కృష్ణమూర్తి, ఎస్‌ఐ సిబ్బందితో కలిసి నది వెంట గాలించినా రాత్రి వరకు ఆచూకీ లభించలేదు. బుధవారం ఉదయం మెదక్‌ జిల్లా కొల్చారం మండలం చిన్న ఘనపూర్‌ శివారులోని మొదటి బ్రిడ్జి సమీపంలో పోలీసులు మృతదేహాలను వెలికితీశారు. కేసు నమోదు చేసుకొని, దర్యాప్తు చేస్తున్నట్లు ఎస్‌ఐ తెలిపారు.ఇదీ చదవండి: ఏడీఏలో సీనియర్ శాస్త్రవేత్త ఆత్మహత్య కలకలం

హైదరాబాద్‌: వివాహితపై సామూహిక అత్యాచారానికి పాల్పడిన ముగ్గురు నిందితులను కంచన్‌బాగ్‌ పోలీసులు మంగళవారం అరెస్ట్‌ చేశారు. పోలీసుల కథనం ప్రకారం... బాలాపూర్‌ రోషన్‌దౌలా ప్రాంతానికి చెందిన మహ్మద్‌ ఫయాజ్‌ (30) మయన్మార్‌కు చెందిన ఓ యువతిని (19)ని ఈ ఏడాది మే నెలలో వివాహం చేసుకున్నాడు. మద్యానికి బానిసైన మహ్మద్‌ ఫయాజ్‌ తన స్నేహితులను ఇంటికి తీసుకొచ్చి వారిని సైతం సుఖపెట్టాలని భార్యపై ఒత్తిడి చేసేవాడు. ఈ క్రమంలో ఆమెను ఫయాజ్‌ స్నేహితులైన నూర్‌ కమల్‌(30), ముజీబ్‌(29), జియా ఉర్‌ రెహమాన్‌ ఆలియాస్‌ ఇబ్రహీం(30)లు ఆమెను ఇంట్లోనే నిర్బంధించి సామూహికంగా అత్యాచారానికి పాల్ప డ్డారు. ఈ క్రమంలో ఇంటి యజమాని కరెంటు బిల్లు, అద్దె నిమిత్తం ఇంటికి రాగా ఈ దారుణం బయటపడింది. ఈ మేరకు బాధితురాలు కంచన్‌బాగ్‌ పోలీసులకు ఫిర్యాదు చేసింది. పోలీసులు ఆమెను భరోసా కేంద్రానికి పంపించి ముగ్గురు నిందితులను మంగళవారం అరెస్ట్‌ చేశారు. ఫయాజ్‌ పరారీలో ఉన్నాడు.

హైదరాబాద్: గుర్తుతెలియని వ్యక్తి ఓ యువతిపై కత్తితో దాడి చేసి పారిపోయాడు. మలక్‌పేట ఇన్‌స్పెక్టర్‌ వెంకట్‌రెడ్డి తెలిపిన వివరాలు... సూర్యాపేట జిల్లా అర్వపల్లి మండలం పర్సాయిపల్లికి చెందిన హేమలత(34) గడ్డిఅన్నారం ఏ1 పకోడా ఎదురుగా ఉన్న ఓ అపార్ట్‌మెంట్‌లో ఫ్లాట్‌ అద్దెకు తీసు కుని మరో నలుగురు అమ్మాయిలతో కలిసి గ్రూప్‌ పరీక్షలకు సన్నద్ధమవుతోంది. తోటివారు బయటికి వెళ్లగా ఆమె గదిలో చదువుకుంటోంది. గుర్తుతెలియని వ్యక్తి వచ్చి తలుపు తట్టాడు. పక్క పోర్షన్‌ వారికి ఫుడ్‌ డెలివరీ తెచ్చానని, దాహం వేస్తోందంటూ మంచినీళ్లు అడిగాడు. నీళ్లు తాగిన తర్వాత ఆమె ను తాకేందుకు యతి్నంచగా నెట్టివేసింది. కత్తితో ఆమె కడుపులో పొడిచి, సెల్‌ఫోన్‌ తీసుకుని పరారయ్యాడు. పొరుగువారు ఇచ్చిన సమాచారం మేరకు పోలీసులు వచ్చి ఆమెను మలక్‌పేటలోని ఓ ప్రైవేట్‌ ఆసుపత్రికి తరలించారు. బాధితురాలి ఆరోగ్య పరిస్థితి విషమంగా ఉన్నట్లు సమాచారం. నిందితుడి జాడ కోసం పోలీసులు సీసీ ఫుటేజీలను పరిశీలిస్తున్నారు. ఇదీ చదవండి: ‘అందరికీ థ్యాంక్యూ చెప్పండి’.. లేఖలో సమంత ప్రస్తావన

హైదరాబాద్‌: ప్యాకెట్‌ మనీ కోసం ర్యాపిడో నడిపిస్తూ కిడ్నాప్‌నకు గురైన ఓ ఇంజనీరింగ్‌ విద్యార్థి చాకచక్యంగా తప్పించుకున్న ఘటన గోపాలపురం పోలీసుస్టేషన్‌ పరిధిలో చోటు చేసుకుంది. బాధితుడి కథనం ప్రకారం... పటాన్‌చెరులోని ఎల్లంకి ఇంజనీరింగ్‌ కాలేజ్‌లో భార్గవ్‌ అనే విద్యార్థి తృతీయ సంవత్సరం చదువుతున్నాడు. బీఎన్‌రెడ్డినగర్‌లోని స్నేహితుడు కల్యాణ్‌ వద్ద ఉంటూ ప్యాకెట్‌ మనీ కోసం వారంరోజులు తన ద్విచక్ర వాహనంతో ర్యాపిడో నడిపిస్తున్నాడు. ఈ నెల 25వ తేదీ రాత్రి 10.45 గంటల సమయంలో ద్విచక్ర వాహనంతో సికింద్రాబాద్‌ ఒలిఫెంటా బ్రిడ్జి పిల్లర్‌ నంబర్‌ 1154 వద్ద రైడ్‌ కోసం వేచిచూస్తున్నాడు. అదే సమయంలో గంజాయి మత్తులో ఉన్న ఇద్దరు వ్యక్తులు ఆటోలో వచ్చి డబ్బుల కోసం భార్గవ్‌ను బెదిరించారు. కత్తులు చూపించి బెదిరిస్తూ ద్విచక్ర వాహనం కీస్, పర్సు లాక్కుని అతడిని బలవంతంగా ఆటోలో ఎక్కించుకున్నారు. అక్కడి నుంచి కాచిగూడకు తీసుకువెళ్లారు. అటు నుంచి రామంతాపూర్‌ తీసుకెళ్లి అతడి ఫోన్‌ లాక్‌ తీసి, ఫోన్‌పే పాస్‌వర్డ్‌ తీసుకున్నారు. రాత్రి 12.30 గంటల సమయంలో భార్గవ్‌ సమయస్ఫూర్తితో తప్పించుకుని తన స్నేహితుడికి ఫోన్‌ చేసి ఇంటికి వెళ్లిపోయాడు. తర్వాత అతని ఫోన్‌పే నుంచి నిందితులు రూ.700 నిఖత్‌ తస్లీమ్‌ అనే వ్యక్తికి బదిలీ చేసుకున్నారు. మరునాడు బాధితుడి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. నిందితులను అదుపులోకి తీసుకున్నట్లు తెలిసింది.

హైదరాబాద్‌: ఆ చిన్నారికి లోకమంటే ఏమిటో కూడా తెలియదు. అమ్మానాన్నలే తన ప్రపంచం. వారి చేతులు పట్టుకుని నడవడం, వారి ఒడిలో ఆడుకోవడం తప్ప జీవితంలో ఇంకేమీ తెలియని రెండేళ్ల పసిపాప. కానీ ఆ తల్లిదండ్రులే తమ బిడ్డను చంపి.. ఆపై తామూ తనువు చాలించడంతో ఆ కుటుంబంలో విషాదం నిండిపోయింది. ఆర్థ్ధిక ఇబ్బందుల నేపథ్యంలో ఓ కుటుంబం తీసుకున్న తీవ్ర నిర్ణయం మూడు ప్రాణాలను బలిగొంది. కేపీహెచ్‌బీ పోలీస్‌స్టేషన్‌ పరిధిలో సోమవారం అర్ధరాత్రి జరిగిన ఘటన మంగళవారం మధ్యాహ్నం వెలుగులోకి వచ్చింది. చుట్టుపక్కలవారు ఎన్నిసార్లు తలుపులు కొట్టినా తీయకపోవడంతో పోలీసులకు ఫోన్‌ చేయగా వారు వచ్చి తలుపులు బద్దలు కొట్టడంతో విషయం బయటపడింది. వివరాలు ఇలా ఉన్నాయి.. పశ్చిమబెంగాల్‌కు చెందిన దంపతులు గోపీనాథ్‌ (31), సమంత (26)లు తన రెండేళ్ల కుమార్తె స్నిగ్ధ (2)తో కలిసి కేపీహెచ్‌బీకాలనీ రమ్యాగ్రౌండ్‌ సమీపంలో నివాసముంటున్నారు. గోపీనాథ్‌ బతుకుదెరువు కోసం పదేళ్ల క్రితమే నగరానికి రాగా మూడేళ్ల కిందట కుటుంబంతో కలిసి కేపీహెచ్‌బీకి వచ్చాడు. గోపీనాథ్‌ గచ్చిబౌలిలోని ఓ హోటల్‌లో చెఫ్‌గా పనిచేస్తుండగా సమంత గృహిణి. అయితే గత కొంతకాలంగా ఆర్థిక ఇబ్బందులతో బాధపడుతున్నట్లు వారి కుటుంబసభ్యుల ద్వారా తెలిసింది. ఆ కారణంగానే వారు తీవ్ర ఒత్తిడికి గురైనట్లు పోలీసులు ప్రాథమికంగా భావిస్తున్నారు. తొలుత చిన్నారిని హతమార్చే క్రమంలో ఆహారపదార్థంలో గుర్తుతెలియని విషం కలిపిపెట్టారు. కుమార్తె చనిపోయిందని నిర్ధారించుకున్న తర్వాత దంపతులిద్దరూ ఫ్యాన్‌కు ఉరేసుకుని ఆత్మహత్య చేసుకున్నారు. గోడపై ఆఖరి సందేశం... ‘ఇది చాలా కాలం క్రితమే మేము తీసుకున్న నిర్ణయం. దీనికి మరెవరూ బాధ్యులు కారు. ఈ నిర్ణయాన్ని మేమే తీసుకున్నాం. కాబట్టి దయచేసి మా సిబ్బందిని గానీ లేదా స్నేహితులను గానీ దీని గురించి అడగకండి. మేము తప్పు చేస్తున్నామని మాకు తెలుసు. కానీ మాకు వేరే మార్గం లేదు. మమ్మల్ని క్షమించండి.. గుర్తుంచుకోండి.. మేము దీన్ని సొంతంగానే చేశాం. కాబట్టి దయజేసి ఎవరినీ ఏమీ అడగకండి’ అంటూ గోడలపై సందేశం రాశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. ఇదీ చ‌ద‌వండి: ప్రైవేట్‌ హాస్పిటల్స్‌లో బిల్లుల మాయాజాలంపోలీసులకు లభ్యమైన మరో లేఖ.. గోపీనాథ్‌ రాసి ఉన్న మరో లేఖ సైతం పోలీసులకు లభ్యమైంది. ‘మేము లేకపోతే బేబీ జీవితం చాలా కష్టంగా గడుస్తుందని సమంత చెప్పింది. ఎవరికైనా ఏమైనా చెప్పాల్సింది ఉందా? అని సమంతను అడిగితే, ఆమె కూడా ఎవరికీ ఏమి చెప్పాల్సింది లేదు..అందరికీ థ్యాంక్యూ చెప్పండి అని చెప్పింది. అందుకే మేము బేబీని కూడా మాతో పాటు తీసుకెళ్తున్నాం. మీరందరూ బాగుండాలి.’అని రాసిన లేఖను పోలీసులు గుర్తించారు. అలాగే ఆ లేఖలో ఎవరెవరికి ఎంత ఇవ్వాలో కూడా రాసి ఉంది. ఈ లేఖతో ఆర్థిక ఇబ్బందుల కారణంగానే వీరు ఆత్మహత్యకు పాల్పడ్డారన్న పోలీసుల ప్రాథమిక నిర్ధారణకు మరింత బలం చేకూరినట్లయ్యింది. గోపీనాథ్, సమంతల కుటుంబ సభ్యులను పిలిపించి పోలీసులు విచారిస్తున్నారు.ఇదీ చదవండి: మంచినీళ్లు అడిగాడు.. కత్తితో పొడిచాడు

రంగారెడ్డి జిల్లా: మున్సిపల్‌ కార్యాలయంలో ఉద్యోగం ఇప్పిస్తానని మాయమాటలు చెప్పి ఓ వివాహితను రిసార్ట్స్‌లోకి తీసుకెళ్లి లైంగిక దాడికి పాల్పడిన సంఘటన ఘట్‌కేసర్‌ పీఎస్‌ పరిధిలో సోమవారం జరిగింది. ఇన్‌స్పెక్టర్‌ పి.కిరణ్‌ తెలిపిన మేరకు.. మల్లాపూర్‌కు చెందిన ఓ మహిళ (30) భర్తతో విడిపోయి టైలరింగ్‌ పనిచేస్తూ జీవనం సాగిస్తోంది. యాదాద్రి భువనగిరి జిల్లా భువనగిరికి చెందిన జగన్‌మోహన్‌ మోత్కూరు మున్సిపాలిటీలో మేనేజర్‌గా పనిచేస్తున్నాడు. ఇతడితో మహిళకు 4 నెలల క్రితం ఫోన్‌ ద్వారా పరిచయం ఏర్పడింది. తాను భువనగిరి మేనేజర్‌గా పని చేస్తానని, రూ.5 లక్షలు ఇస్తే మున్సిపల్‌ ఆఫీసులో ప్రభుత్వ ఉద్యోగం ఇప్పిస్తానని నమ్మబలికాడు. దీంతో ఆమె సోమవారం రూ.4.5 లక్షలు సిద్ధం చేసుకోగా, జగన్‌మోహన్‌ కారులో వెళ్లి మల్లాపూర్‌లో ఎక్కించుకుని భువనగిరికి బయలుదేరారు. ప్రయాణించే సమయంలోనే డబ్బు తీసుకొని కారులో భద్రపరుచుకున్నాడు. భువనగిరికి వెళ్లకుండా ఎదులాబాద్‌ డివిజన్‌ అవుషాపూర్‌ వద్ద శ్రీనిధి రిసార్ట్స్‌లోకి కారును మళ్లించగా బాధితురాలు అనుమానంతో ప్రశ్నించింది. డబ్బులు తీసుకునే అధికారి రిసార్ట్స్‌లో ఉన్నాడని బదులిచ్చాడు. లోపలికి వెళ్లిన అనంతరం రిసార్ట్స్‌లోని ఓ గదిలోకి తీసుకెళ్లి లైంగిక దాడికి పాల్పడ్డాడు. అధికారిని కలుద్దామని ఆమె కోరడంతో కారులో ఎక్కించుకుని ఆమె ముఖంపై చేతులతో దాడి చేసి బయటకు తోసేసి వెళ్లిపోయాడు. బాధితురాలు 100కు డయల్‌ చేయగా ఘట్‌కేసర్‌ పోలీసులు వచ్చి భరోసా కేంద్రానికి తరలించారు. బాధితురాలి ఫిర్యాదు మేరకు జగన్‌మోహన్‌ను పోలీసులు అదుపులోకి తీసుకున్నారు.

భర్త చేతిలో భార్య దారుణ హత్యకు గురైన ఘటన కోలారు నగరంలోని శ్రీనివాసపురం సర్కిల్‌లో చోటు చేసుకుంది. నగర సమీపంలోని మూరాండహళ్లిలో నివాసం ఉంటున్న స్నేహ(26) హత్యకు గురైన మహిళ. స్నేహను భర్త రామచంద్ర కత్తితో పొడిచి తమ ముగ్గురు పిల్లల ఎదుటే హతమార్చాడు. కోలారు తాలూకా నందంబళ్లి గ్రామానికి చెందిన స్నేహకు కెందట్టి గ్రామానికి చెందిన రామచంద్రతో ఆరేళ్ల క్రితం వివాహమైంది. వీరు కెందట్టిలో నివాసం ఉంటున్నారు. వీరికి ముగ్గురు సంతానం కలిగారు. అయితే రామచంద్ర ఒక హత్య కేసుకు సంబంధించి కొంతకాలంగా జైలులో ఉంటున్నాడు. ఇటీవల స్నేహ జీవనోపాధి కోసం కెందట్టిని వదిలి నగర సమీపంలోని మూరాండళ్లిలో నివాసం ఉంటోంది. కాగా జైలు నుంచి తిరిగి వచ్చిన రామచంద్ర భార్య నడతను అనుమానిస్తూ తరచుగా గొడవ పడేవాడు. ఘటనా స్థలంలో పరిశీలిస్తున్న పోలీసులు ఆదివారం రాత్రి ఇద్దరి మధ్య తీవ్ర స్థాయిలో గొడవ జరిగింది. స్నేహ భర్తపై ఫిర్యాదు చేయడానికి తన ముగ్గురు పిల్లలతో కలిసి ఆటోలో పోలీస్‌ స్టేషన్‌కు బయలుదేరింది. దీంతో రామచంద్ర సినీ ఫక్కీలో వెంబడించి శ్రీనివాసపురం సర్కిల్‌ వద్ద ఆటోను అడ్డగించి స్నేహను ఆటో నుంచి కిందకు దించి తీవ్రస్థాయిలో ఆవేశానికి లోనై కత్తితో పొడిచి చంపాడు. ఘటనను ప్రత్యక్షంగా చూసిన పిల్లలు ముగ్గురు నిర్ఘాంతపోయారు. విషయం తెలిసి గల్‌పేటె పోలీసులు ఘటనా స్థలానికి చేరుకుని పరిశీలించారు. రామచంద్రను అదుపులోకి తీసుకుని కేసు నమోదు చేసుకుని దర్యాప్తు చేస్తున్నారు. ఇదీ చదవండి: మీ కూతురును తీసుకెళ్లండి.. లేకుంటే చంపేస్తాను!

భువనగిరిటౌన్‌: ఆన్‌లైన్‌ బెట్టింగ్‌ యాప్‌ల మాయాజాలంలో చిక్కుకుని, చేసిన అప్పులు తీర్చలేక ఓ ప్రైవేట్‌ ఫైనాన్స్‌ ఉద్యోగి బలవన్మరణానికి పాల్పడ్డాడు. యాదాద్రి భువనగిరి జిల్లా రాజాపేట మండలం రేణిగుంట గ్రామానికి చెందిన గంధమల్ల భరత్‌కుమార్‌ (35) మూడేళ్లుగా భువనగిరి పట్టణంలో నివాసముంటూ ఓ ఫైనాన్స్‌ సంస్థలో పనిచేస్తున్నాడు. ఇతనికి భార్య, ఐదేళ్ల కుమార్తె ఉంది. గతంలో భరత్‌కుమార్‌ బెట్టింగ్‌ యాప్‌ల ద్వారా భారీగా డబ్బులు పోగొట్టుకోవడంతో కుటుంబ సభ్యులు 115 గజాల ప్లాటు, 10 గుంటల వ్యవసాయ భూమిని అమ్మేసి అప్పులు తీర్చారు. ఆ తర్వాత కొంతకాలం హైదరాబాద్‌ ఉప్పల్‌లో నివాసం ఉండి, పెద్దల సమక్షంలో సయోధ్య కుదిరాక భువనగిరికి తిరిగొచ్చాడు.ప్రస్తుతం భార్య కాన్పుకోసం తన పుట్టినిల్లు అయిన బొమ్మలరామారం మండలం తిరుమలాపురానికి వెళ్లింది. ఈ క్రమంలో ఆదివారం రాత్రి భార్య వాట్సాప్‌కు భరత్‌ వరుస సందేశాలు పంపించాడు. ‘నన్ను క్షమించు బుజ్జీ.. ఒకసారి కాదు మూడుసార్లు తప్పు చేశాను.. నన్ను ఎవరూ క్షమించరు.. పాపను జాగ్రత్తగా చూసుకో.. బై’అంటూ మెసేజ్‌ చేశాడు. అనంతరం ఇంట్లో ఫ్యానుకు ఉరివేసుకుని ఆత్మహత్య చేసుకున్నాడు.ముఖ్య గమనిక: మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: మీ కూతురును తీసుకెళ్లండి.. లేకుంటే చంపేస్తాను!

కరీంనగర్‌ రూరల్‌: కరీంనగర్‌ జిల్లా కేంద్రం బొమ్మకల్‌ పరిధి షెల్ఫీనగర్‌లో మగ సంతానం కోసం భార్యను ఓ భర్త హత్య చేశాడు. కరీంనగర్‌ రూరల్‌ సీఐ నిరంజన్‌రెడ్డి తెలిపిన వివరాల మేరకు.. పెద్దపల్లి జిల్లా లాలపల్లి గ్రామానికి చెందిన న్యాతరి చంద్రయ్య కుమార్తె స్వరూపతో కరీంనగర్‌కు చెందిన దావు చంద్రకుమార్‌కు 18 ఏళ్ల క్రితం వివాహమైంది.వివాహమైన 12 ఏళ్ల వరకు పిల్లలు పుట్టకపోవడంతో మరో వివాహం చేసుకుంటానంటూ భార్యను చంద్రకుమార్‌ వేధింపులకు గురిచేసేవాడు. ఈ క్రమంలో ఆ దంపతులకు ఆడపిల్ల జన్మించింది. అయినప్పటికీ మగ సంతానం కావాలంటూ మద్యం తాగి వచ్చి తరచూ భార్యను కొట్టేవాడు. ఆదివారం రాత్రి కూడా స్వరూపను తీవ్రంగా వేధించాడు.అత్తామామలకు ఫోన్‌ చేసి స్వరూపను తీసుకెళ్లాలని లేకుంటే చంపేస్తానంటూ బెదిరించాడు. సోమవారం ఉదయం తమ కుమార్తె అపస్మారక స్థితిలో ఉందనే సమాచారంతో కుటుంబసభ్యులు వచ్చారు. స్వరూపను ప్రభుత్వ ఆస్పత్రికి తరలించగా అప్పటికే మృతిచెందినట్లు వైద్యులు నిర్ధారించారు. తమ కూతురును భర్తే గొంతునులిమి హత్య చేశాడని తండ్రి ఇచ్చిన ఫిర్యాదు మేరకు కేసు దర్యాప్తు చేస్తున్నట్లు సీఐ తెలిపారు.ఇదీ చదవండి: అనుమానంతోనే అర్ధాంగి హత్య

విజయనగరం జిల్లా: రాజాం మున్సిపాల్టీ పరిధి కొండంపేటలో ఈ నెల 25న జరిగిన లలితకుమారి మృతికి సంబంధించిన కేసులో భర్తే హత్య చేసినట్లు పోలీసులు నిర్ధారించారు. ఈ మేరకు కేసు వివరాలను రాజాం టౌన్‌ సర్కిల్‌ కార్యాలయంలో సీఐ డి.నవీన్‌కుమార్‌ విలేకరుల సమావేశంలో సోమవారం వెల్లడించారు.కొండంపేట గ్రామానికి చెందిన గుడివాడ సీతారామరాజుతో 2003లో లలితకుమారికి వివాహం జరిగింది. 2017లో విద్యుత్‌శాఖలో ఆమె ఉద్యోగం సాధించి వీరఘట్టంలో విధులు నిర్వహించేది. ఉద్యోగరీత్యా సహచర ఉద్యోగులతో చనువుగా ఉండడం భర్త సహించేవాడు కాదు. అప్పటి నుంచి అనుమానించడంతో పాటు ప్రతి చిన్నవిషయానికి ప్రశ్నించడం మొదలు పెట్టాడు. దీంతో అక్కడి నుంచి రాజాం, మళ్లీ చీపురుపల్లి ఆమెకు ట్రాన్స్‌ఫర్‌ అయింది. ఆమె రాత్రి సమయాల్లో ఆలస్యంగా ఇంటికి రావడంతో అనుమానం మరింత బలపడింది. దీంతో తరచూ గొడవలు పడేవారు. ఆమెపై తీవ్రంగా అనుమానం పెంచుకున్న సీతారామరాజు ఆమె తన మాట వినదని గ్రహించి ఆమెను అంతమొందించాలని పథకం వేసుకున్నాడు. పథకం ప్రకారమే హత్యచేసి రోడ్డు ప్రమాదంలా నమ్మించాలని చూశాడు. చివరకు పోలీసుల ధర్యాప్తులో హత్యగా నిర్దారణ అయ్యిందని సీఐ వెల్లడించారు. అటు తల్లి మృతి, ఇటు తండ్రి జైలు పాలు కావడంతో ఇద్దరు పిల్లలు అనాథలుగా మారారు.హత్య చేశాడిలా.. భార్యను హత్యచేసేందుకు పథక రచన చేసిన సీతారామరాజు ముందుగా తాను కొనుగోలుచేసిన గొడ్డలిని దాచుకున్నాడు. ఎప్పుడు గొడవ జరిగినా లలిత కుమారి విశాఖపట్నంలోని పుట్టింటికి వెళ్లిపోయేది. పిల్లల కోసం భర్తతో సర్దుకుని కాపురం చేసేది. శనివారం రాత్రి కూడా భార్యాభర్తల మధ్య గొడవ జరగడం, ఆమె బ్యాగు సర్దుకోవడంతో ఎలాగైనా పుట్టింటికి వెళ్లిపోతుందనుకున్నాడు. అనుకున్న ప్రకారమే ఆదివారం వేకువజామున ఆమె బయలుదేరుతున్న సమయంలో నిన్ను బస్టాప్‌లో డ్రాప్‌ చేస్తానని చెప్పి స్కూటీ డ్రైవ్‌ చేసుకుంటూ ఇద్దరు కలిసి స్కూటీపై ఇంటి నుంచి బయల్దేరారు. పథకం ప్రకారం గొడ్డలి దాచిపెట్టిన స్థలానికి వచ్చి స్కూటీ ఆపి ఆమెతో గొడవ పడ్డాడు. శ్మశానవాటిక సమీపంలో తుప్పల్లో దాచిన గొడ్డలి తీసి తలపై బలంగా నరకడంతో ఆమె అక్కడికక్కడే మృతిచెందింది. మృతదేహాన్ని అక్కడినుంచి పక్కకు లాగేసి స్కూటీ రోడ్డుపై పడేసి వెళ్లిపోయాడు. ప్రమాదం జరిగిందని నమ్మించే ప్రయత్నంలో తనకేమీ తెలియదన్నట్లు వ్యవహరించాడు. విషయం తెలుసుకున్న పోలీసులు సంఘటనా స్థలానికి చేరుకుని వివరాలు ఆరా తీసి భర్తే ఆమెను హత్యచేశాడని నిర్ధారించుకుని అదుపులోకి తీసుకున్నారు. సమీపంలోని సీసీ పుటేజీని పరిశీలించామని అందులో ఇద్దరూ స్కూటీపై వచ్చినట్లు రికార్డ్‌ అయిందని సీఐ చెప్పారు. అలాగే ఆమెను గొడ్డలితో నరకగా రక్తం నిందితుడి చేతికి తుళ్లడం వంటి ఆధారాలతో అరెస్టుచేసి రిమాండ్‌కు తరలించామని సీఐ వెల్లడించారు. సమావేశంలో ఎస్సై మహ్మద్‌ సల్మాన్‌ బేగ్, ఏఎస్సై డి.రాజశేఖర్, సిబ్బంది ఉన్నారు.

బెంగళూరు: కర్ణాటక మాజీ ముఖ్యమంత్రి సిద్ధరామయ్యకు సంబంధించిన స్టింగ్‌ వీడియో కేసులో దర్యాప్తు సందర్భంగా మహిళా పోలీసు అధికారిపై దాడి జరిగినట్లు ఆరోపణలు వచ్చాయి. నిందితుడి ఇంట్లో సోదాలు నిర్వహిస్తున్న సమయంలో అతడి భార్య, ఆమె స్నేహితురాలు తనపై దాడి చేశారని బైడరహళ్లి పోలీస్‌ స్టేషన్‌కు చెందిన మహిళా పోలీసు అధికారి కవిత జి.ఎం. ఫిర్యాదు చేశారు. ఈ ఘటన అక్టోబర్‌ 23న బెంగళూరులోని యశ్వంత్‌పురలో చోటుచేసుకుంది.కవిత అక్టోబర్‌ 24న ఇచ్చిన ఫిర్యాదు ప్రకారం.. సాయంత్రం 5 గంటల నుంచి 6 గంటల మధ్య ఈ ఘటన జరిగింది. భరత్‌ నగర్‌లోని లక్ష్య రాయల్‌ మేనర్‌ అపార్ట్‌మెంట్‌లో నివసిస్తున్న మోహన్‌ గౌడ ఇంట్లో సోదాలు నిర్వహించేందుకు ఆమె తన పోలీసు బృందంతో కలిసి వెళ్లారు.సోదాల సమయంలో మోహన్‌ గౌడ భార్య పవిత్ర సహకరించలేదని, తన మొబైల్‌ ఫోన్‌ను అప్పగించేందుకు నిరాకరించారని కవిత ఆరోపించారు. ఈ క్రమంలో పవిత్ర, ఆమె స్నేహితురాలు తనపై దాడి చేశారని ఫిర్యాదులో పేర్కొన్నారు.ఈ ఘర్షణలో తన బంగారు బ్రాస్‌లెట్‌ కనిపించకుండా పోయిందని కవిత తెలిపారు. అయితే, పోలీస్‌ స్టేషన్‌కు తిరిగి వచ్చిన తర్వాతే ఈ విషయం గుర్తించినట్లు చెప్పారు. దీంతో సోదాల సమయంలో చిత్రీకరించిన వీడియోను పరిశీలించారు. నిందితుడి గదిలోని మంచంపై తన బ్రాస్‌లెట్‌ పడిపోయినట్లు ఆ వీడియోలో గుర్తించారు.ఈ ఘటనపై పోలీసులు పవిత్రతో పాటు ఆమె స్నేహితురాలిపై కేసు నమోదు చేశారు. విధుల్లో ఉన్న ప్రభుత్వ ఉద్యోగిని అడ్డుకునేందుకు దాడి చేయడం లేదా నేరపూరిత బలప్రయోగానికి పాల్పడినట్లు భారతీయ న్యాయ సంహిత, 2023లోని సెక్షన్‌ 132 కింద అభియోగాలు నమోదు చేశారు.ఇదిలా ఉండగా, సిద్ధరామయ్యకు సంబంధించిన స్టింగ్‌ వీడియోను పంపిణీ చేసినట్లు ఆరోపణలు ఎదుర్కొంటున్న మోహన్‌ గౌడ, ఇతరుల ఆచూకీ గుర్తించేందుకు సైబర్‌ క్రైమ్‌ పోలీసులు ప్రయత్నాలు కొనసాగిస్తున్నారు. ఈ కేసులో వీడియో పంపిణీకి సంబంధించిన దర్యాప్తుతో పాటు, సోదాల సమయంలో పోలీసు అధికారిపై దాడి జరిగిందన్న ఆరోపణలపై తదుపరి చర్యలు కీలకంగా మారాయి.ఇదీ చదవండి: మాజీ ఎమ్మెల్యే హఫీజ్ ఖాన్‌పై టీడీపీ గూండాలు దాడికి యత్నం

హైదరాబాద్‌: స్నానం చేసేందుకు నీటిని వేడి చేస్తుండగా ప్రమాదవశాత్తు వాటర్‌ హీటర్‌ తగిలి ఓ వివాహిత మృతి చెందింది. ఈ విషాద ఘటన నగరంలోని బోరబండ పోలీస్‌స్టేషన్‌ పరిధిలో ఉన్న భరత్‌నగర్‌లో ఆదివారం సాయంత్రం చోటుచేసుకుంది. రెండు నెలల పసిబాబును వదిలి ఆమె మృతి చెందడంతో కుటుంబంలో విషాదం నెలకొంది.పోలీసుల వివరాల ప్రకారం.. భరత్‌నగర్‌లో అబ్దుల్‌ రవూఫ్‌ తన భార్య అయేషాబేగంతో కలిసి అద్దె ఇంట్లో నివసిస్తున్నాడు. రవూఫ్‌ ప్లంబర్‌గా పనిచేస్తున్నాడు. ఈ దంపతులకు రెండు నెలల క్రితమే బాబు జన్మించాడు. ఈ క్రమంలో ఆదివారం సాయంత్రం అయేషాబేగం స్నానం చేసేందుకు నీటి బకెట్‌లో వాటర్‌ హీటర్‌ను పెట్టింది. అయితే, ప్రమాదవశాత్తు హీటర్‌ తగలడంతో విద్యుదాఘాతానికి గురై ఆమె అక్కడికక్కడే మృతి చెందింది.కింద పోర్షన్‌లో నివసిస్తున్నవారు బాబు ఏడుపులు విని పైకి వచ్చి చూడగా.. అప్పటికే అయేషాబేగం మృతి చెంది ఉంది. దీంతో కుటుంబసభ్యులు తీవ్ర విషాదంలో మునిగిపోయారు. మృతురాలి కుటుంబసభ్యుల ఫిర్యాదు మేరకు బోరబండ పోలీసులు కేసు నమోదు చేశారు. ఘటనకు సంబంధించి దర్యాప్తు చేస్తున్నట్లు పోలీసులు తెలిపారు.ఇదీ చదవండి: అప్పుల బాధ తట్టుకోలేక.. కూతురికి లొకేషన్ షేర్ చేసి.!

మెదక్‌ (నర్సాపూర్‌): అప్పులు తీర్చే మార్గం లేకపోవడంతో వ్యక్తి అత్మహత్యకు పాల్పడ్డాడు. ఈ ఘటన మండలంలోని తిమ్మాపూర్‌లో శనివారం చోటు చేసుకుంది. ఎస్‌ఐ అమరేందర్‌రెడ్డి, మృతుని కుటుంబ సభ్యుల వివరాల ప్రకారం.. తిమ్మాపూర్‌ గ్రామానికి చెందిన వెంకగోని నర్సింహాగౌడ్‌(45)కు భార్య సంతోష, ఇద్దరు కూతుళ్లు ఉన్నారు. కుటుంబంతో కలిసి గాగిల్లాపూర్‌కు వలసవెళ్లారు. అతను ప్రైవేటు కంపెనీలో డీసీఎం డ్రైవర్‌గా పనిచేస్తుండగా, భార్య కూలీపనులు చేస్తుంది. కాగా ఇద్దరు చెల్లెళ్ల పెళ్లికి, గ్రామంలో నూతనంగా నిర్మించిన ఇంటికి అప్పులయ్యాయి. అప్పు ఎలా తీర్చాలని.. తన ఇద్దరు కూతుళ్ల పెళ్లి ఎలాచేయాలని బాధపడేవాడు. కాగా శనివారం ఉదయం గ్రామంలో పని ఉందని భార్యకు చెప్పి వచ్చాడు. అనంతరం తన ఫోన్‌ నుంచి ఇంటి ఫోన్‌కు బాయ్‌ అమ్ములు అంటూ మెసేజ్‌తోపాటు లొకేషన్‌ షేర్‌ చేశాడు. కాల్‌మీ అని మెసేజ్‌ చేసినా రిప్లే రాకపోవడం, ఫోన్‌ లిఫ్ట్‌ చేయకపోవడంతో విషయం గ్రామస్తులకు చెప్పారు. తిమ్మాపూర్‌గేట్‌ సమీపంలోని అడవిలో చెట్టుకు ఉరివేసుకున్నాడు. భార్య ఫిర్యాదు మేరకు పోలీసులు కేసు నమోదు చేశారు.

విజయనగరం జిల్లా: ఏపీ ట్రాన్స్‌కోలో చీపురుపల్లి ఏఈగా విధులు నిర్వర్తిస్తున్న లలిత కుమారి రోడ్డు పక్కన విగతజీవిగా అనుమానాస్పద స్థితిలో మృతి చెందిందనే వార్త రాజాం పరిసరాల్ని చుట్టుముట్టేసింది. తొలుత అందరూ రోడ్డు ప్రమాదంగానే భావించినా..పోలీసుల రాకతో సీన్‌ మారింది. ఆమె హత్యకు గురైనట్లు ప్రాథమిక ఆధారాల్ని సేకరించిన పోలీసులు రంగంలోకి దిగి దర్యాప్తు వేగవంతం చేశారు. పోలీసులు, మృతురాలి బంధువులు, స్థానికుల కథనం మేరకు ఈ ఘటన వివరాలిలా ఉన్నాయి. చీపురుపల్లిలో విద్యుత్‌శాఖలో ఏఈగా పని చేస్తున్న సలాది లలిత కుమారి (43) రాజాం పట్టణ శివార్లలోని కొండంపేటలో భర్త సీతారామరాజు, పిల్లలు యువరాజు, మధురతో నివాసం ఉంటున్నారు. భర్త గుడివాడ సీతారామరాజు (రాజు) రాజాంలో ఫుట్‌వేర్‌ షాపు నడుపుతున్నాడు. లలిత ప్రతి రోజూ మాదిరిగానే ఆదివారం ఉదయం సుమారు 4.30 గంటల సమయంలో యోగా క్లాస్‌కు తన ద్విచక్రవాహనంపై ఇంటి నుంచి బయల్దేరి వెళ్లింది. కొద్దిసేపటి తరువాత మార్గమధ్యంలో శ్మశాన వాటిక వద్ద రోడ్డు పక్కన లలిత మృతదేహం పడి ఉండడాన్ని స్థానికులు గమనించారు. వెంటనే దగ్గరకు చేరుకుని పరిశీలించి మృతిచెందినట్లు నిర్ధారించి పోలీసులకు సమాచారం అందించారు. దీంతో సంఘటనా స్థలానికి చేరుకున్న పోలీసులు లలిత పడి ఉన్న ప్రాంతాన్ని సమీపంలో పడి ఉన్న ద్విచక్రవాహనంపై ఆరా తీశారు. తొలుత రోడ్డు ప్రమాదం జరిగి ఉంటుందని భావించారు. లోతుగా పరిశీలించిన అనంతరం హత్యగా నిర్ధారించారు. ఆధారాల సేకరణ స్థానికులు సైతం లలితది రోడ్డు ప్రమాదంగా భావించి బోరుమన్నారు. ఇంతలోనే పోలీసులు సంఘటనా స్థలానికి చేరుకుని రోడ్డు ప్రమాదానికి భిన్నంగా ఇక్కడి పరిస్థితులు ఉండడంతో అనుమానాస్పద మృతి కోణంలో ఆధారాలు సేకరించేందుకు సిద్ధమయ్యారు. ఆమె వాడిన వాహనం ఎక్కడా దెబ్బ తినకపోవడం.. మృతురాలి ఒంటిపై ప్రమాద ఘటనకు సంబంధించిన గాయాలు లేకపోవడం, తలపై బలమైనా ఆయుధంతో దాడి చేసినట్లు గుర్తించి క్లూస్‌ టీంకు సమాచార మిచ్చారు. వారి ఆధారాల సేకరణతో పోలీసులు డాగ్‌ స్క్వాడ్‌ను రంగంలోకి దించారు. పోలీసు జాగిలం హత్య జరిగిన ప్రదేశం నుంచి నేరుగా మృతురాలి భర్త వద్దకు వెళ్లి ఆగడంతో పోలీసుల అనుమానం బలపడింది. వెంటనే ఆమె భర్తను అదుపులోకి తీసుకుని ప్రశ్నిస్తున్నారు. అనుమానంతోనే హత్య.. తమ కుమార్తె చీపురుపల్లిలో విద్యుత్‌ శాఖలో జేఈగా పనిచేస్తుంది. ఉద్యోగ రీత్యా బయటకు వెళ్లినప్పుడు తోటి ఉద్యోగులతో మాట్లాడేటప్పుడు తన అల్లుడు అనుమానిస్తుండేవాడని, దీంతో భార్యభర్తల మధ్య తరచూగా గొడవలు జరుగుతున్నాయని.. అనుమానంతో తమ బిడ్డను అల్లుడు తరచూ వేధించేవాడని ఈ దుస్థితికి ఆయనే కారణమై ఉండొచ్చని మృతురాలి మృతురాలి తల్లిదండ్రులు విశ్రాంత రైల్వే ఉద్యోగి సలాది నాగేశ్వరరావు, తల్లి నిర్మల మీడియాకు వివరించారు. దోషుల్ని పట్టుకోవాలని పోలీసుల్ని కోరారు. ప్రమాదం కాదు.. ఘటనా స్థలాన్ని ఆదివారం ఉదయం చీపురుపల్లి డీఎస్పీ ఎస్‌.రాఘవులు పరిశీలించారు. ఇది రోడ్డు ప్రమాద ఘటన కాదని.. హత్య ఘటన కోణంలో దర్యాప్తు జరుగుతోందని చెప్పారు. మృతురాలి భర్తపై అనుమానాలు వెల్లడించారు. రాజాం టౌన్‌ సీఐ నవీన్‌కుమార్‌ దర్యాప్తు చేస్తున్నారని, అమె భర్తతోపాటు వెనుక ఎవరెవరు ఉన్నారే కోణంలో పరిశీలన జరుగుతున్నాయని పేర్కొన్నారు.

కేరళలో 2013లో నమోదైన కేసులో నిందితురాలిగా ఉండి, 13 ఏళ్లుగా పోలీసులకు చిక్కకుండా ఉన్న 44 ఏళ్ల మహిళ తన ఇద్దరు పిల్లలను ఇప్పుడు తిరిగి కలుసుకున్నారు. నిందితురాలి ఆచూకీ గుర్తించేందుకు పోలీసులు చేపట్టిన ప్రత్యేక చర్యల్లో భాగంగా అక్టోబర్ 21న ఆమెను అరెస్ట్ చేయగా, కోర్టులో బెయిల్ లభించిన తర్వాత పిల్లలతో రెండు రోజులు గడిపారు.కాసర్‌గోడ్ జిల్లాలోని చీమేణి ప్రాంతానికి చెందిన ఆ మహిళను పతనంతిట్ట జిల్లాలోని తిరువల్లలో చిత్తరిక్కల్ పోలీసులు అదుపులోకి తీసుకున్నారు. 2013లో తనకు అప్పటికి 12 ఏళ్ల వయసున్న కుమారుడిపై దాడి చేశారనే ఆరోపణలతో ఆమెపై కేసు నమోదైంది. బాలల న్యాయ చట్టం కింద కేసు నమోదు చేసి అరెస్ట్ చేసిన పోలీసులు, ఆమెను న్యాయస్థానం ముందు హాజరుపరిచారు. బెయిల్‌పై విడుదలైన తర్వాత ఆమె అజ్ఞాతంలోకి వెళ్లిపోయారు.వైవాహిక వివాదంతో మొదలైన కేసుఆ మహిళ తన భర్తతో కలిసి చీమేణిలో నివసించేవారు. ఈ దంపతులకు ఒక కుమారుడు, ఒక కుమార్తె ఉన్నారు. ఆమె చిత్తరిక్కల్ సమీపంలోని కంబలూరులో కుట్టు దుకాణం నిర్వహించేవారు. 2013లో భార్యాభర్తల మధ్య విభేదాలు తలెత్తిన నేపథ్యంలో, అప్పటికి 12 ఏళ్ల వయసున్న కుమారుడు తండ్రితో కలిసి చిత్తరిక్కల్ పోలీస్ స్టేషన్‌కు వెళ్లి తల్లి తనపై దాడి చేశారని ఫిర్యాదు చేశాడు.ఈ ఫిర్యాదు ఆధారంగా పోలీసులు కేసు నమోదు చేసి ఆమెను అరెస్ట్ చేశారు. బెయిల్‌పై బయటకు వచ్చిన అనంతరం ఆమె రాష్ట్రంలోని వివిధ ప్రాంతాల్లో నివసించారు. ఇదిలా ఉండగా, ఆమె భర్త మరో మహిళను వివాహం చేసుకున్నారు. కుమారుడు తండ్రి వద్దే ఉండగా, కుమార్తెను నానమ్మ పెంచారు.వృద్ధురాలికి సంరక్షకురాలిగా పనిపోలీసులు చేపట్టిన తాజా దర్యాప్తులో భాగంగా కొచ్చిలోని ఒక నర్సింగ్ ఏజెన్సీ ద్వారా ఆమె ఆచూకీ గుర్తించారు. ఆ ఏజెన్సీ ద్వారా తిరువల్లలో ఒక వృద్ధురాలికి సంరక్షకురాలిగా ఆమె పనిచేస్తున్నట్లు తెలుసుకున్నారు. అనంతరం పోలీసులు ఆమెను అదుపులోకి తీసుకుని కోర్టులో హాజరుపరిచారు.అక్కడే 13 ఏళ్లుగా దూరంగా ఉన్న తల్లిని కలుసుకునేందుకు ఆమె ఇద్దరు పిల్లలు వచ్చారు. ప్రస్తుతం 25 ఏళ్ల వయసున్న కుమారుడు, తన తల్లిపై ఉన్న కేసును కొనసాగించేందుకు ఆసక్తి లేదని కోర్టుకు తెలిపాడు. ఈ మేరకు అఫిడవిట్ సమర్పించడంతో న్యాయస్థానం ఆమెకు బెయిల్ మంజూరు చేసింది.పిల్లలతో శాశ్వతంగా ఉండాలని ఆశబెయిల్‌పై విడుదలైన తర్వాత ఆమె కుమార్తె, కుమారుడితో రెండు రోజులు గడిపారు. ఇద్దరు పిల్లలకూ వివాహాలు అయ్యాయి. తన తల్లిని తిరిగి తమతో ఉండాలని వారు కోరుకుంటున్నట్లు పోలీసులు తెలిపారు. 2013లో తండ్రి చెప్పడంతోనే ఫిర్యాదు చేశామని ఇప్పుడు పిల్లలు చెబుతున్నట్లు పోలీసులు వెల్లడించారు. తాను చూసుకుంటున్న వృద్ధురాలికి ప్రత్యామ్నాయం ఎవరినైనా ఏర్పాట్లు చేసి, కోర్టుకు సంబంధించిన మిగిలిన ప్రక్రియలు పూర్తయ్యాక తిరిగి వస్తానని ఆమె పిల్లలకు హామీ ఇచ్చారు. ఈ కేసుపై తదుపరి విచారణను వచ్చే నెలకు వాయిదా వేసినట్లు పోలీసులు తెలిపారు. ఆ విచారణలో ఫిర్యాదుదారుడి అభిప్రాయాన్ని కోర్టు పరిగణనలోకి తీసుకోనుంది.ఇదీ సంగతి: 30 నుంచి ఢిల్లీలో ఉండాలంటూ కాంగ్రెస్ ఎంపీలకు ఆదేశం

సాక్షి, హైదరాబాద్‌: సినిమా స్టోరీని తలపించేలా పోలీస్‌ ఆఫీసర్‌ అవతారమెత్తి గన్‌లతో కిడ్నాప్‌లు, దౌర్జన్యాలకు పాల్పడుతున్న మోస్ట్‌ వాంటెడ్, డేంజరస్‌ క్రిమినల్‌పై సైబరాబాద్‌ కమిషనర్‌ ఎం రమేష్‌ ఉక్కుపాదం మోపారు. ఐదు రకాల దొంగ పేర్లతో చెలామణి అవుతూ పదేపదే నేరాలకు పాల్పడుతున్న నాగారాజు రఘు వర్మ (29)పై శనివారం పీడీ చట్టాన్ని ప్రయోగించారు. ఇతనిని గూండాగా ప్రకటిస్తూ.. చర్లపల్లి సెంట్రల్‌ జైలుకు తరలించారు. డ్రైవర్‌ నుంచి.. క్రైమ్‌ సామ్రాజ్యానికి.. ఆంధ్రప్రదేశ్‌లోని పశ్చిమ గోదావరి జిల్లా పోడూరు మండలానికి చెందిన నాగరాజు రఘు వర్మ కొన్నేళ్ల క్రితం ఉపాధి కోసం హైదరాబాద్‌కు వలస వచ్చాడు. తొలుత డ్రైవర్‌గా జీవితాన్ని ప్రారంభించిన ఇతగాడు.. విలాసవంతమైన జీవితాన్ని గడపాలనే కోరికతో నేరాల బాట పట్టాడు. ఈక్రమంలోనే ఖాకీ అవతారమెత్తిన నాగరాజు. తానొక పెద్ద పోలీస్‌ అధికారిని అంటూ అమాయక బాధితులకు ఎర వేయడం మొదలుపెట్టాడు. బాధితులను టార్గెట్‌ చేసి, వారిపై వివిధ పోలీస్‌ స్టేషన్లలో కేసులు నమోదయ్యాయని నమ్మించేవాడు. ‘మిమ్మల్ని అరెస్ట్‌ చేస్తాం, చట్టపరమైన కఠిన చర్యలు ఉంటాయి’ అని భయభ్రాంతులకు గురిచేసేవాడు. ఆ తర్వాత కేసుల నుంచి కాపాడతామంటూ నమ్మించి డబ్బు వసూలు చేసేవాడు. అంతటితో ఆగకుండా బాధితులను ఏకంగా కిడ్నాప్‌ చేసి, తుపాకులు చూపించి వారి వద్ద ఉన్న నగదును దోచుకునేవాడు. 2017 నుంచి 2026 మధ్య కాలంలో14 రకాల కేసులలో ప్రధాన నిందితుడు.జైలు నుంచి రాగానే మళ్లీ పంజా.. సాధారణంగా పీడీ చట్టం పడితే నేరస్థుల్లో భయం వస్తుంది. కానీ ఈ ఇతను మాత్రం జైలు నుంచి విడుదలైన ప్రతిసారీ పాత నేరాలనే మరింత స్పీడ్‌గా రిపీట్‌ చేసేవాడు. జైలు నుంచి బయటకు రాగానే పోలీస్‌ అధికారిగా నటిస్తూ కిడ్నాప్, దోపిడీలకు సంబంధించిన మరో నాలుగు కొత్త కేసులకు తెరలేపాడు. దీంతో రంగంలోకి దిగిన జగద్గిరిగుట్ట పోలీసులు అత్యంత చాకచక్యంగా ప్లాన్‌ వేసి ఇతని ఆట కట్టించి, కటకటాల వెనక్కి నెట్టారు. గతంలో రెండుసార్లు (2021, 2024) పీడీ చట్టం విధించినా బుద్ధి మార్చుకోకుండా, సమాజంలో పదేపదే భయాందోళనలు సృష్టిస్తున్న నాగరాజు రఘు వర్మపై సైబరాబాద్‌ కమిషనర్‌ మరోసారి పీడీ యాక్ట్‌ ఉత్తర్వులు జారీ చేశారు.

కరీంనగర్‌: వారిద్దరు ప్రాణ స్నేహితులు. ఇద్దరి వయసు 21 ఏళ్లు. ఒకే కాలనీలో ఉంటారు. దేవీ నవరాత్రోత్సవాల్లో మాలాధారణ చేశారు. రోజు దుర్గమ్మకు పూజలు చేస్తూ మండపంలో భజన చేశారు. గురువారం రాత్రి అమ్మవారిని నిమజ్జనం చేశారు. తమ మాల వితరణ చేసేందుకు శుక్రవారం ఉదయం కారులో ఏడుగురు మిత్రులు కలిసి విజయవాడ కనకదుర్గ ఆలయానికి వెళ్లి మొక్కులు అప్పగించారు. రాత్రి తిరుగు ప్రయాణమవగా శనివారం వేకువజామున హుజూరాబాద్‌లో జరిగిన రోడ్డు ప్రమాదంలో ప్రాణ స్నేహితులు ప్రాణాలు విడిచారు. దీంతో రామగుండంలోని హౌజింగ్‌బోర్డు కాలనీలో విషాదం నెలకొంది. అన్నకు తోడుగా ఉంటానంటివి కదా చిన్నా.. ‘మూడేళ్లుగా దుర్గమ్మ మాలాధారణ చేసుకుంటివి.. డిగ్రీ పూర్తి చేసి ప్రైవేట్‌ కంపెనీలో ఈయేడు ఉద్యోగం చూసుకొని అన్నకు తోడుగా ఉంటానని చెప్పితివి కదురా కొడుకా’ అంటూ బట్టారి జీవిత తన కుమారుడి మృతదేహంపై పడి రోదించడంతో అక్కడున్నవారు కంటతడి పెట్టారు. బట్టారి సీతారాములు–జీవిత దంపతులకు ముగ్గురు కుమారులు కాగా సీతారాములు ఐదేళ్ల క్రితమే మృతిచెందాడు. వీరి పెద్ద కుమారుడు చక్రాధర్‌ పెద్దపల్లి కోర్టు ఉద్యోగి. రెండో కుమారుడు అరవింద్‌ (మృతుడు), మూడో కుమారుడు తేజ ఇంటరీ్మడియట్‌ చేస్తున్నాడు. వీరి కుటుంబాన్ని పెద్ద కుమారుడు పోషిస్తున్నాడు. కుటుంబ సమస్యలను గుర్తించి డిగ్రీ పూర్తికాగానే ఉద్యోగం చేస్తానని చెప్పి కానరాని లోకాలకు వెళ్లాడని అరవింద్‌ సోదరులు గుండెలవిసేలా రోదించారు. చివరగా శుక్రవారం రాత్రి 11.30లకు ఫోన్‌ చేసి రెండు గంటల్లోగా ఇంటికి చేరుకుంటామని చెప్పిన మాటలను గుర్తు చేసుకుంటూ విలపించారు. రోదిస్తున్న సాయినాథ్‌ తల్లి కవిత ఇంటికి రాకుండానే వెళ్లిపోయావా కొడుకా..‘పదిహేనేళ్ల నుంచి దుర్గమ్మ మాలాధారణ చేస్తివి.. ఎంతో నిష్టగా నవరాత్రుల్లో పాల్గొంటివి.. నాకు పని దొరికితే దుర్గమ్మను దర్శించుకుంటానని మొక్కితివి.. ఎన్టీపీసీలో పని దొరికే.. మొక్కు తీర్చుకునేందుకు విజయవాడ దుర్గమ్మ చెంతకు వెళ్లితివి.. ఇంటికి రాకుండానే ప్రాణాలు వదిలితివి కదురా కొడుకా’ అంటూ మచ్చ సాయినాథ్‌(21) తల్లి కవిత రోదిస్తున్న తీరు కంటతడి పెట్టించింది. హౌజింగ్‌బోర్డు కాలనీకి చెందిన మచ్చ రాజేశ్‌–కవిత దంపతులకు సాయినాథ్, హర్ష కుమారులు. రాజేశ్‌ సెంట్రింగ్‌ పనులు చేస్తుండగా, కవిత వంద రోజుల పనికి వెళుతూ ఇద్దరు కుమారులను చదివిస్తున్నారు. సాయినాథ్‌ ఐటీఐ (ఎలక్ట్రిషియన్‌) పూర్తి చేసి రెండునెలల క్రితం ఎన్టీపీసీలో అప్రెంటీస్‌ చేస్తున్నాడు. పదిహేనేళ్లుగా (ఆరేళ్ల వయసు నుంచి) దుర్గాదేవి మాలాధారణ చేసుకుంటున్నాడు. పదహారోసారి దుర్గమ్మకు మొక్కులు అప్పగించి మాల వితరణ చేసి ఇంటికి వస్తున్న క్రమంలో శుక్రవారం అర్ధరాత్రి ఇంటికి ఫోన్‌ చేసి‘ఇప్పుడే దాబా హోటల్‌లో తిని కారెక్కినం అమ్మా’ అంటూ మాట్లాడిన గంటల వ్యవధిలోనే రోడ్డు ప్రమాదంలో మృతి చెందిన విషయం తెలిసి ఒక్కసారిగా నిశ్చేషు్టలయ్యారు.పలువురి పరామర్శమచ్చ సాయినాథ్, బట్టారి అరవింద్‌ రోడ్డు ప్రమాదంలో మృతిచెందగా శనివారం వారి కుటుంబసభ్యులను కార్పొరేటర్లు దారంగుల కుమార్, ఇసంపెల్లి అంజులు, కాంగ్రెస్‌ సీనియర్‌ నాయకుడు అయోధ్యసింగ్‌ఠాకూర్, బీఆర్‌ఎస్‌ రాష్ట్ర నాయకుడు కౌశికహరి, మాజీ కార్పొరేటర్‌ కౌశిక లత, ఉపాధ్యాయులు ఠాకూర్‌ బల్వన్‌సింగ్, ఠాకూర్‌రాంసింగ్, రజిని పరామర్శించారు.

బ్రిటన్‌లో ఓ మహిళను వ్యక్తిగత వీడియోతో బెదిరించి పెళ్లి చేసుకుని, టార్చర్‌ పెట్టిన మహమ్మద్ అలక్కావీ (25)అనే వ్యక్తికి కోర్టు 26 ఏళ్లకు పైగా జైలు శిక్ష విధించింది. పెళ్లి తర్వాత మూడేళ్ల పాటు భార్యను శారీరకంగా, లైంగికంగా వేధించడంతో పాటు ఆమె జీవితంపై పూర్తి నియంత్రణ చెలాయించినట్లు విచారణలో వెల్లడైంది. బాధితురాలు మాయా అనే మారుపేరుతో తొలిసారిగా తన అనుభవాలను వెల్లడించారు. తనను వేధించిన వ్యక్తికి శిక్ష పడటం ఎంతో సంతృప్తినిచ్చిందని ఆమె తెలిపారు.మాయా వయసు 2021 సెప్టెంబరులో 20 ఏళ్లు. ఆమె పాలస్తీనాలో కుటుంబంతో కలిసి నివసించేవారు. అలక్కావీ ఇన్‌స్టాగ్రామ్‌లో సందేశం పంపడంతో వారి పరిచయం మొదలైంది. ఇద్దరి మధ్య సంభాషణలు పెరిగాయి. రెండు వారాల్లోనే అతడు పెళ్లి ప్రతిపాదన చేశాడు. కుటుంబ సభ్యులకు ఈ సంబంధంపై సందేహాలున్నప్పటికీ, అదే ఏడాది డిసెంబరులో మాయా రెండు వారాల పర్యటన కోసం బ్రిటన్‌కు వెళ్లారు.అక్కడ ఆమెకు తెలియకుండా చిత్రీకరించిన నగ్న వీడియోను చూపించి అలక్కావీ బెదిరింపులకు దిగాడు. ఆ వీడియోను తన ముస్లిం కుటుంబ సభ్యులకు, పాలస్తీనాలోని స్నేహితులకు, యజమానికి పంపిస్తానని హెచ్చరించాడు. దీంతో భయాందోళనలకు గురైన మాయా అతడి ఒత్తిడికి లొంగిపోయారు. మే నెల చివరి నాటికి లండన్‌కు రావాలని అతడు ఆదేశించగా, మరుసటి రోజే ఇద్దరికీ మతపరమైన వివాహం జరిగింది.వివాహాన్ని చట్టబద్ధంగా నమోదు చేయడానికి అలక్కావీ నిరాకరించడంతో తొలుత మాయాకు కారణం అర్థం కాలేదు. తర్వాత అతడికి అప్పటికే మరో భార్య ఉన్నట్లు, మరో మహిళతో కవల పిల్లలు కూడా ఉన్నట్లు తెలిసింది. వివాహమైన వెంటనే గర్భం దాల్చాలని ఒత్తిడి చేసిన అతడు, ప్రతిరోజూ రాత్రి గర్భ నిర్ధారణ పరీక్ష చేయించేవాడు. పెళ్లైన మొదటి వారంలోనే, నెలసరి సమయంలో తన ఇష్టానికి వ్యతిరేకంగా లైంగిక దాడికి పాల్పడ్డాడని మాయా తెలిపారు. “ఆగమని వేడుకున్నా అతడు పట్టించుకోలేదు. నోటిపై చేతిని పెట్టి త్వరగా ముగిస్తాను అని పదేపదే చెప్పాడని ఆమె గుర్తుచేసుకున్నారు.ఐదు వారాల గర్భవతిగా ఉన్నప్పుడు అలక్కావీ తొలిసారి ఆమెపై భౌతిక దాడికి పాల్పడ్డాడు. వండిన స్పఘెట్టి బొలోనీస్ వంటకంలో మాంసం, పాస్తాను కలపలేదనే కారణంతో ఆహారాన్ని ఆమెపై విసిరి, వీపుపై పిడిగుద్దులు కురిపించాడు. తర్వాత ఆమెను సిగరెట్లతో కాల్చడం, తిట్టడం, అరవడం, లైంగిక దాడులకు పాల్పడటం కొనసాగించాడు.ఆమె సంపాదనను కూడా తీసుకుంటూ.. ఆమె సంపాదనపై కూడా అతడు అధికారం చెలాయించాడు. యూనివర్సల్ క్రెడిట్‌ కోసం దరఖాస్తు చేయించి, ఖాతాలో డబ్బు పడగానే తీసుకునేవాడు. ఏ వస్తువు కొనాలన్నా అనుమతి తీసుకోవాలని, నిర్దిష్టమైన శుభ్రత నియమాలు పాటించాలని ఒత్తిడి చేసేవాడు. తనను, పిల్లలను చంపేస్తాడనే భయంతో అతడిని ఎదిరించలేకపోయానని మాయా చెప్పారు.రెండో బిడ్డకు గర్భవతిగా ఉన్న సమయంలో అలక్కావీ తనను మెట్లపై నుంచి తోసేందుకు ప్రయత్నించడాన్ని చూసిన మాయా తల్లి.. తొలుత పోలీసులను ఆశ్రయించారు. అరెస్టయిన రోజున కూడా తన ఇష్టానికి వ్యతిరేకంగా సిజేరియన్ చేయించుకోవాలని అలక్కావీ ఒత్తిడి చేశాడని మాయా తెలిపారు. తర్వాత కుమారుడికి జన్మనిచ్చిన ఆమెను తిరిగి తన వద్దకు రప్పించేందుకు అతడు ఫోన్లు, సందేశాలతో వేధించాడు. ఆమె అంగీకరించకపోవడంతో మళ్లీ ఆ వీడియోతో బెదిరించాడు. చివరకు పిల్లల భద్రత కోసం పోలీసులకు వాంగ్మూలం ఇవ్వాలని మాయా నిర్ణయించుకున్నారు.కింగ్‌స్టన్ క్రౌన్ కోర్టులో జరిగిన విచారణలో అలక్కావీ బలవంతపు వివాహం, రెండు అత్యాచారాల కేసుల్లో దోషిగా తేలాడు. శిశువుకు పాలిస్తున్న సమయంలో కూడా మాయాపై అత్యాచారానికి పాల్పడినట్లు నిర్ధారణ అయింది. విచారణ మధ్యలో ఆమెను బెదిరించడం, ఉద్దేశపూర్వకంగా గొంతు నులిమి హింసించడం, సాక్షిని బెదిరించడం, వేధింపులకు పాల్పడటం వంటి నేరాలను అతడు అంగీకరించాడు.న్యాయమూర్తి సైమన్ హెప్టన్‌స్టాల్.. మొత్తం మీద అలక్కావీ 26 ఏళ్ల ఆరు నెలల వరకు జైలు శిక్ష అనుభవించేలా తీర్పు ఇచ్చారు. ప్రస్తుతం మాయా కళాశాలలో కౌన్సెలింగ్, థెరపీకి సంబంధించిన విద్యను అభ్యసిస్తున్నారు. పిల్లల కోసం కథల పుస్తకాలు రాసి, బొమ్మలు వేయాలనేది ఆమె లక్ష్యం. “వేధింపుల తర్వాత కూడా జీవితం ఉంటుంది. జీవితాంతం భయంతో, హింసను భరిస్తూ ఉండాల్సిన అవసరం లేదు” అని ఆమె ఇతర మహిళలకు సందేశమిచ్చారు.లండన్ మెట్రోపాలిటన్ పోలీసుల తరఫున దర్యాప్తు చేపట్టిన డిటెక్టివ్ సూపరింటెండెంట్ లూయిస్ కాలిన్స్ మాయా ధైర్యాన్ని ప్రశంసించారు. బాధితులు స్నేహితులు, కుటుంబ సభ్యులు, వైద్యులు, సహాయక సంస్థలు లేదా పోలీసులను సంప్రదించాలని సూచించారు.

ఓ యువకుడి అపహరణ, హత్య ఘటన పంజాబ్‌లో కలకలం రేపింది. పాటియాలా జిల్లాలోని దకలా ప్రాంతానికి చెందిన నవాబ్‌ ఖాన్‌ బైక్‌పై వెళ్తుండగా ఓ నల్లరంగు మహీంద్రా స్కార్పియో ఆయనను ఢీకొట్టింది. ఆ తర్వాత కారులో నుంచి దిగిన కొందరు వ్యక్తులు ఆయనపై దాడి చేసి, బలవంతంగా అదే వాహనంలో తీసుకెళ్లారు. చివరకు సంగ్రూర్‌ జిల్లాలోని కాలా ఝర్‌ గ్రామం సమీపంలో జాతీయ రహదారి పక్కన ఉన్న కాలువలో ఆయన మృతదేహం లభ్యమైంది.ప్రాథమిక వివరాల ప్రకారం.. దకలా ప్రాంతంలోని ఓ పెట్రోల్‌ బంకు సమీపంలో నవాబ్‌ ఖాన్‌ తన బైక్‌పై వెళ్తున్నారు. అదే సమయంలో అక్కడికి వచ్చిన నల్లరంగు స్కార్పియో ఆయన బైక్‌ను ఢీకొట్టింది. దీంతో నవాబ్‌ ఖాన్‌ రోడ్డుపై పడిపోయారు. వెంటనే ఆ వాహనంలో నుంచి కొందరు వ్యక్తులు కిందికి దిగి ఆయనపై దాడి చేసినట్లు సమాచారం. అనంతరం ఆయనను బలవంతంగా స్కార్పియోలో ఎక్కించుకుని అక్కడి నుంచి తీసుకెళ్లినట్లు తెలుస్తోంది.ఈ ఘటన తర్వాత నవాబ్‌ ఖాన్‌ ఆచూకీపై అనుమానాలు నెలకొన్నాయి. మరోవైపు, సంగ్రూర్‌ జిల్లాలోని కాలా ఝర్‌ గ్రామం సమీపంలో జాతీయ రహదారిని ఆనుకుని ఉన్న కాలువలో ఓ మృతదేహాన్ని గుర్తించారు. అది దకలా నివాసి దర్శన్‌ ఖాన్‌ కుమారుడు నవాబ్‌ ఖాన్‌దిగా పోలీసులు గుర్తించారు. ఆయనను హత్య చేసిన తర్వాత మృతదేహాన్ని కాలువలో పడేసి ఉంటారని అనుమానిస్తున్నారు. పోలీసులు మృతదేహాన్ని స్వాధీనం చేసుకుని, పాటియాలాలోని రాజీంద్ర ఆసుపత్రి మార్చురీకి తరలించారు.ఈ కేసు దర్యాప్తులో భాగంగా దకలాలోని పెట్రోల్‌ బంకు సమీపంలో నమోదైన సీసీటీవీ దృశ్యాలు వెలుగులోకి వచ్చినట్లు సమాచారం. అపహరణకు పాల్పడినట్లు అనుమానిస్తున్న వ్యక్తులను గుర్తించేందుకు పోలీసులు ఈ దృశ్యాలను పరిశీలిస్తున్నారు.ఇదిలా ఉండగా, ఈ ఘటనకు సంబంధం ఉన్నట్లు భావిస్తున్న మరో వీడియో కూడా సామాజిక మాధ్యమాల్లో ప్రచారంలో ఉంది. అందులో నల్లరంగు స్కార్పియో రోడ్డుపై వెళ్తుండగా, వాహనం వెలుపల ఓ వ్యక్తి చేయి వేలాడుతూ కనిపిస్తోంది. అయితే, ఆ వాహనంలో నవాబ్‌ ఖాన్‌ ఉన్నారనే విషయాన్ని పోలీసులు అధికారికంగా ధ్రువీకరించలేదు.ప్రస్తుతం అనుమానితులను గుర్తించి పట్టుకునేందుకు పోలీసులు దాడులు నిర్వహిస్తున్నట్లు సమాచారం. నవాబ్‌ ఖాన్‌ను ఎందుకు అపహరించారు? ఈ ఘటన వెనుక ఎవరున్నారు? హత్యకు దారితీసిన కారణాలేంటి? అనే అంశాలు దర్యాప్తులో తేలాల్సి ఉంది.ఇదీ చదవండి: కుంగ్‌ఫూ ఫైటర్‌లా చైనా రోబోట్‌.. వీడియో చూస్తే షాకే!

మహబూబాబాద్‌: తొమ్మిది నెలల బిడ్డను వదిలి ఆత్మహత్య చేసుకోవడానికి మనసెలా వచ్చిందమ్మా.. అంటూ గ్రామస్తులంతా కంటతడిపెట్టిన ఘటన మానుకోట జిల్లా గార్ల మండలం సీతంపేట గ్రామంలో చోటుచేసుకుంది. ఈ ఘటనకు సంబంధించి పోలీసులు, స్థానికులు తెలిపిన వివరాల ప్రకారం.. సీతంపేటకు చెందిన మోకాళ్ల శేఖర్‌ అదే గ్రామానికి చెందిన మహేశ్వరి (21) నాలుగేళ్ల ఏళ్ల క్రితం ప్రేమించి పెళ్లి చేసుకున్నారు. వీరికి 9 నెలల పాప శరణ్య, రెండేళ్ల కుమారుడు దేవాన్ష్ సంతానం. శుక్రవారం ఉదయం 9 గంటలకు ఇంట్లో నుంచి వెళ్లిన మహేశ్వరి ఎంతసేపటికీ ఇంటికి రాకపోవడంతో కుటుంబ సభ్యులు సమీపంలో వెతకడం ప్రారంభించారు. ఈక్రమంలో సీతంపేట శివారు వ్యవసాయ బావిలో మహేశ్వరి మృతదేహం కనిపించడంతో స్థాని కు ల సాయంతో వెలికితీశారు. తల్లి మృతితో 9 నెలల చిన్నారి పాల కోసం ఏడుస్తున్న తీరు పలువురిని కలిచివేసింది. అయితే మహేశ్వరి ఆత్మహత్యకు గల కారణాలు తెలియలేదు. మృతురాలి తల్లి బత్తుల వినోద ఫిర్యాదు మేరకు ఎస్సై సాయికుమార్‌.. మహేశ్వరి మృతదేహాన్ని పోస్టుమార్టం నిమిత్తం మానుకోట ఏరియా ఆస్పత్రికి తరలించి కేసు నమోదు చేసి దర్యాప్తు చేస్తున్నారు. భార్య మందలించిందని నమిలిగొండలో వ్యక్తి ఆత్మహత్యస్టేషన్‌ఘన్‌పూర్‌: జనగామ జిల్లా స్టేషన్‌ఘన్‌పూ ర్‌ మండలంలోని నమిలిగొండకు చెందిన నీల కుమార్‌(42) పురుగుల మందుతాగి చికిత్స పొందుతూ మృతిచెందాడు. కుమార్‌ భార్య నీల స్వప్న పోలీసులకు అందించిన ఫిర్యాదు మేరకు వివరాలిలా ఉన్నాయి.. కుమార్‌ వ్యవసాయం చేస్తూ కుటుంబాన్ని పోషిస్తుంటాడు. అయితే కొన్ని సంవత్సరాలుగా కుమార్‌ మద్యానికి బానిసయ్యాడు. దీంతో మూడేళ్లుగా అనారోగ్యానికి గురయ్యాడు. ఈనెల 21న రాత్రి కుమార్‌ మద్యం సేవించి ఇంటికి రావడంతో ఆరోగ్యం బాగాలేదు కదా.. మద్యం ఎందుకు తాగా వని భార్య మందలించింది. దీంతో వ్యవసాయ భూమి వద్దకు వెళ్లి మనస్తాపంతో మద్యం మత్తులో పురుగుల మందు తాగి రాత్రి 11 గంటలకు కుటుంబ సభ్యులకు ఫోన్‌ చేసి చెప్పాడు. దీంతో భార్య, కుటుంబసభ్యులు చికిత్స నిమిత్తం వరంగల్‌లోని ఎంజీఎం ఆస్పత్రికి తరలించగా.. చికిత్స పొందు తూ శుక్రవారం మృతిచెందాడు. మృతుడికి భార్య, ఇద్దరు కుమారులు ఉన్నారు. భార్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ వెంకటేశ్వర్లు తెలిపారు.

హన్మకొండ: ప్రేమ పేరుతో యువ కుడి వేధింపులు భరించ లేక ఓ యువతి ఆత్మహత్య చేసుకుంది. ఈ ఘటన హనుమకొండ జిల్లా దామెర మండలం ముస్త్యాల పల్లిలో శుక్రవారం చోటుచేసు కుంది. ఎస్సై ఇమ్మడి వీరభద్ర రావు తెలిపిన వివరాల ప్రకారం.. గ్రామానికి చెందిన కట్ట స్నేహ (22) పీజీ పూర్తిచేసి కొంతకాలంగా ఇంటివద్ద ఉంటుంది.ఇదే గ్రామానికి చెందిన జీడిమెట్ల శ్రీధర్‌ కొంతకాలంగా ఆ యువతిని ప్రేమిస్తున్నానంటూ వేధిస్తున్నాడు. తనను పెళ్లిచేసుకోవాలని, లేని పక్షంలో తనతో వాట్సాప్‌లో చేసిన చాటింగ్‌ బంధువులకు పంపిస్తానని బెదిరింపులకు పాల్పడ్డాడు. ఈ విష యం యువతి తన తల్లిదండ్రులకు తెలపగా శ్రీధర్‌ను పెద్దమనుషుల సమక్షంలో మందలించారు. అయిన ప్పటికి మరో నంబర్‌ నుంచి ఫోన్‌ చేస్తూ తననే పెళ్లి చేసుకోవాలని, లేని పక్షంలో చంపుతానని బెదిరించాడు.దీంతో తీవ్ర మనస్తాపానికి గురైన యువతి శుక్రవారం తెల్లవారుజామున ఇంటి సమీపంలోని బావిలోదూకి ఆత్మహత్య చేసుకుంది. సమాచారం అందుకున్న ఎస్సై సంఘటనస్థలానికి చేరుకొని, మృతదేహాన్ని వరంగల్‌ ఎంజీఎం మార్చురీకి తరలించారు. మృతురాలి తండ్రి ఫిర్యాదు మేరకు కేసు నమోదుచేసి దర్యాప్తు ప్రారంభించినట్లు ఎస్సై తెలిపారు.ముఖ్య గమనిక: మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: అమెరికాలో తెలంగాణ యువతి మృతి..

ఉత్తరప్రదేశ్‌లో తీవ్ర విషాదం చోటుచేసుకుంది. డెంగ్యూ బారినపడి భర్త మృతి చెందగా.. ఆయన మరణించిన నాలుగు గంటలకే భార్య కూడా కన్నుమూసింది. దీంతో ఆ కుటుంబంలో తీరని విషాదం నెలకొంది. తల్లిదండ్రులిద్దరినీ కోల్పోయిన నలుగురు పిల్లలు అనాథలుగా మిగిలారు. భార్యాభర్తలిద్దరి అంత్యక్రియలను ఒకే చితిపై నిర్వహించడంతో గ్రామంలో విషాదఛాయలు అలుముకున్నాయి.స్థానికుల వివరాల ప్రకారం.. ఉత్తరప్రదేశ్‌, మైన్‌పురి జిల్లా ఎలావ్‌ పోలీస్‌ స్టేషన్‌ పరిధిలోని కసద్‌ గ్రామానికి చెందిన ముకేశ్‌ కుమార్‌ (48) వ్యవసాయం చేసుకుంటూ కుటుంబాన్ని పోషించుకుంటున్నాడు. ఇతనకి భార్య దీప, ఒక కూతురు, ముగ్గురు కుమారులున్నారు. అయితే కొన్నిరోజుల క్రితం ఆయనకు తీవ్రంగా జ్వరం రావడంతో కుటుంబ సభ్యులు ఆస్పత్రికి తీసుకెళ్లారు. పరిస్థితి విషమంగా మారడంతో వైద్యుల సూచన మేరకు ఆగ్రాకు తరలించారు. అక్కడ పరీక్షించిన వైద్యులు డెంగ్యూ సోకినట్లు గుర్తించి తగిన చికిత్స అందించారు. అదేవిధంగా మరోవైపు ఆయన భార్య దీప (42) కూడా జ్వరంతో బాధపడుతూ ఆగ్రాలోని మరో ఆస్పత్రిలో చికిత్స పొందుతోంది.అయితే బుధవారం రాత్రి 9.30 గంటల సమయంలో చికిత్స పొందుతూ ముకేశ్‌ మృతి చెందాడు. దీంతో భర్త మరణవార్త తెలిసిన భార్య దీప మనోవేదనకు గురై, నాలుగు గంటల తరువాత ఆమె కూడా మృతిచెందింది. గడిచిన కొన్ని గంటల వ్యవధిలోనే ఆ కుటుంబం ఇద్దరినీ కోల్పోవడం, ఒకే రాత్రి తల్లిదండ్రులిద్దరూ దూరం కావడం కుటుంబంలో తీరని శోకం మిగిల్చింది. ఈ ఘటన అక్కడి గ్రామస్థులను కలచివేసింది. అయితే దీప మరణానికి గల స్పష్టమైన కారణాలు ఇంకా తెలియరాలేదు.గురువారం ముకేశ్‌, దీప మృతదేహాలు గ్రామానికి చేరుకోవడంతో కుటుంబ సభ్యులు కన్నీరుమున్నీరుగా విలపించారు. గ్రామస్థులు సైతం పెద్ద సంఖ్యలో తరలివచ్చి నివాళులర్పించారు. అనంతరం సాయంత్రం భార్యాభర్తల అంతిమయాత్రను ఒకేసారి నిర్వహించి, ఒకే చితిపై అంత్యక్రియలు పూర్తి చేశారు. కుటుంబానికి అండగా నిలిచిన తల్లిదండ్రులిద్దరినీ కోల్పోయిన ఆ పిల్లలను చూసి గ్రామస్థులు మోయలేని కన్నీటి భారంగా చలించిపోయారు.ఇదీ చదవండి: రోడ్డు ప్రమాదంలో ఆంధ్ర యువ అథ్లెట్‌ దుర్మరణం

కృష్ణా జిల్లా బందరు(మచిలీపట్నం): మండలంలో గుర్తు తెలియని వ్యక్తి దారుణ హత్యకు గురయ్యాడు. హంతకులు మృతదేహాన్ని ముక్కలుగా నరికి మొండెం ఒక ఊరిలో.. కాళ్లు, చేతులు మరో ఊరిలో పడేశారు. వాటిని చూసిన రెండు ఊళ్ల జనం హడలెత్తిపోయారు. వివరాలు.. మచిలీపట్నం మండలం వాడపాలెం పంటకాలువలో బుధవారం గుర్తు తెలియని ఓ వ్యక్తి మొండెంను గ్రామస్తులు గుర్తించారు. తల, కాళ్లు, చేతులు లేకుండా మొండెం ఒక్కటే నీళ్లలో తేలుతూ కనిపించటంతో భయంతో వణికిపోయారు. ఊరి పెద్దలు వెంటనే బందరు రూరల్‌ పోలీసులకు సమాచారం ఇచ్చారు. అలాగే పీటీపాలెం మురుగు కాలువలో తల, కాళ్లు, చేతులు తేలుతూ కనిపించటంతో ఆందోళనకు గురైన గ్రామస్తులు కూడా పోలీసులకు సమాచారం అందించారు. దీంతో పోలీసులు ఘటనాస్థలాలకు చేరుకొని ఆయా భాగాలను స్వాదీనం చేసుకున్నారు. సీఐ యేసుబాబు మృతుడి అవయవాలను మచిలీపట్నం సర్వజనాస్పత్రికి తరలించారు. మృతునికి 40 ఏళ్ల వయసు ఉంటుందని సీఐ చెప్పారు. హతుడిని గుర్తించేందుకు, హంతకులను పట్టుకునే దిశగా దర్యాప్తు చేస్తున్నట్లు సీఐ తెలిపారు.

హైదరాబాద్‌: చెల్లెలి పెళ్లయిన రెండు రోజులకే అక్క మరణించడంతో ఆ కుటుంబంలో విషాద ఛాయలు అలుముకున్నాయి. ఈ ప్రమాదంలో పెళ్లి కోసం ఒంగోలు నుంచి వచ్చిన మరో యువకుడు తీవ్ర గాయాలకు గురై ఆసుపత్రిలో చికిత్స పొందుతున్నాడు. రాజేంద్రనగర్‌ ఎస్‌ఐ రాఘవేందర్‌ తెలిపిన వివరాల ప్రకారం బండ్లగూడ కాళీమందిర్‌ అభ్యుదయ నగర్‌లో పరిశుద్ధరావు తన కుటుంబ సభ్యులతో నివసిస్తున్నాడు. పెద్ద కుమార్తె ఐశ్వర్య (25) ప్రైవేటు స్కూల్‌లో టీచర్‌గా పనిచేస్తోంది. రెండవ కుమార్తె వివాహం రెండు రోజుల క్రితం జరిగింది. ఈ క్రమంలో ఒంగోలు నుంచి పెళ్లికి వచ్చిన మాథ్యూస్‌(26) తో కలసి మంగళవారం టిఫిన్‌ చేయడానికి కాళీమందిర్‌ వద్దకు బైక్‌పై వచ్చారు. టిఫిన్‌ చేసి తిరిగి అభ్యుదయ నగర్‌ వైపు వెళుతున్నారు. ఓ లారీకి కాళీమందిర్‌ వద్ద పూజలు చేసుకుని కిస్మత్‌పూర్‌ వైపు వెళుతుండగా బైక్‌ నడుపుతున్న మాథ్యూస్‌ లారీని దాటుకుని వెళ్లాలనుకుని అదుపుతప్పి పడిపోయారు. ఈ సంఘటనలో లారీ కింద పడిన ఐశ్వర్య అక్కడికక్కడే మృతి చెందింది. మాథ్యూస్‌ తీవ్రంగా గాయపడ్డాడు. ఎస్‌ఐ రాఘవేందర్‌ సంఘటన స్థలానికి చేరుకుని లారీని స్వాధీనం చేసుకున్నారు. లారీ నడుపుతున్న యువకుడు పారిపోయాడు. కేసు నమోదు చేసుకున్న పోలీసులు దర్యాప్తు చేస్తున్నారు.

ఆంధ్రప్రదేశ్‌: శ్రీకాకుళం జిల్లా రూరల్‌ మండలం పెదగనగళ్లవానిపేట వద్ద సముద్రంలో మునిగి నలుగురు మృతిచెందారు. పోలీసుల కథనం ప్రకారం.. శ్రీకాకుళం కొత్తరోడ్‌ జంక్షన్‌ వద్ద నెక్స్‌్టఎరా ప్రైవేట్‌ లిమిటెడ్‌ కంపెనీ ఆన్‌లైన్, సోషల్‌ మీడియాలో వచ్చే ఉత్పత్తుల విక్రయానికి సంబంధించి 125 మంది యువతీ యువకులకు వారం రోజులుగా శిక్షణ ఇస్తోంది.దసరా సందర్భంగా మంగళవారం సెలవు ప్రకటించడంతో విజయనగరం జిల్లా రామభద్రాపురం ప్రాంతానికి చెందిన మర్రి మహేశ్వరి (18), గొల్లపల్లి పావని (19), కొండ్ల మాధవి (19), పార్వతీపురం మన్యం జిల్లా వీరఘట్టంకు చెందిన బిడ్డిక విక్రమ్‌ (25) మరో 21 మందితో కలిసి పెదగనగళ్లవానిపేట బీచ్‌కు వెళ్లారు. అక్కడ నాగావళి, సముద్రం కలిసే ప్రాంతమైన ‘మగ’ వద్ద సెల్ఫీలు తీసుకుంటుండగా మహేశ్వరి, పావని కొట్టుకుపోయి మృతిచెందారు. మాధవి అనే యువతి కూడా కొట్టుకుపోతుండగా బిడ్డిక విక్రమ్‌ అనే యువకుడు రక్షించేందుకు వెళ్లాడు. అయితే ఇద్దరూ గల్లంతయ్యారు. వీరిద్దరి మృతదేహాలు బుధవారం తీరానికి చేరాయి. రూరల్‌ ఎస్‌ఐ సురేష్‌ కేసు నమోదు చేశారు.ఇదీ చదవండి: బిష్ణోయ్‌ కేసు.. కేంద్రం నిబంధనలు అతనికి ఎలా ప్లస్ అవుతున్నాయి?

బెంగళూరు: భార్య అక్రమ సంబంధం పెట్టుకోవడంతో మనస్తాపం చెందిన భర్త ఆత్మహత్యకు పాల్పడ్డాడు. ఈ సంఘటన అనేకల్‌ తాలూకా నెరిగా గ్రామంలో చోటుచేసుకుంది. గ్రామానికి చెందిన మునికృష్ణ(35)కు పదేళ్ల క్రితం మునికృష్ణకు నయన అనే మహిళతో వివాహం జరిగింది. దంపతులకు ఆరు సంవత్సరాల వయసున్న కుమారుడు ఉన్నాడు. ప్రస్తుతం నయన గర్భవతి. మునికృష్ణ ఆటో నడుపుతూ కుటుంబాన్ని పోషిస్తున్నాడు. నయనకు వరుసకు సోదరుడయ్యే కుమార్‌ అనే వ్యక్తితో అక్రమ సంబంధం ఏర్పడింది. నయనతో కలిసి ఉండే అశ్లీల ఫొటోలు, వీడియోలు మునికృష్ణకు కుమార్‌ వాట్సాప్‌ చేసేవాడు. నయన కడుపులో పెరుగుతున్నది తన బిడ్డే అంటూ ఎగతాలి చేసేవాడు. దీంతో మనస్తాపం చెందిన మునికృష్ణ ఇంట్లో ఉరివేసుకుని ఆత్మహత్య చేసుకున్నాడు. సర్జాపుర పోలీసులు కేసు నమోదు చేసుకున్నారు. ఇదీ చదవండి: భారీగా పెరిగిన సన్న బియ్యం ధర..!

హైదరాబాద్: సామాజిక మాధ్యమాలలో నకిలీ ఖాతాలతో హనీ ట్రాప్, సైబర్‌ బ్లాక్‌మెయిలింగ్‌కు పాల్పడిన ఓ వ్యక్తిని సోమవారం సైదాబాద్‌ పోలీసులు అరెస్ట్‌ చేశారు. పురానీహవేలిలో సోమవారం చార్మినార్ జోన్‌ డీసీపీ ఖారే కిరణ్‌ ప్రభాకర్‌ వివరాలను వెల్లడించారు. భద్రాద్రి కొత్తగూడెం జిల్లా ముత్యాలంపాడుకు చెందిన కొండబత్తుల పవన్‌ కుమార్‌ (23) కూకట్‌పల్లి బాలాజీనగర్‌ ప్రాంతంలో నివాసముంటున్నాడు. ఇతను అమ్మాయిల పేర్లతో నకిలీ ఫేస్‌బుక్, ఇన్‌స్ట్రాగామ్‌ ఖాతాలను సృష్టించాడు. ఈ ఖాతాలతో ఫ్రెండ్స్‌కు, ఇతర వ్యక్తులకు రిక్వెస్ట్‌లు పంపి అమ్మాయిలాగా చాటింగ్‌ ప్రారంభించి క్రమంగా లైంగిక సంభాషణల వైపు మళ్లిస్తాడు. అనంతరం నగ్న చిత్రాలను పంపించి బాధితుల నుంచి కూడా నగ్న ఫోటోలను సేకరించి తన పెన్‌డ్రైవ్‌లో, ఇతర సోషల్‌ మాధ్యమాల్లో సేవ్‌ చేస్తున్నాడు. అమ్మాయిలా నటిస్తూ తన అన్న పవన్‌ సంప్రదిస్తాడని పేర్కొంటాడు. ఆ తరువాత ఇతను రంగంలోకి దిగి కాల్స్, వాట్సాప్, సోషల్‌ మీడియా ద్వారా బాధితులను సంప్రదిస్తాడు. కొందరిని వ్యక్తిగతంగా కూడా కలుస్తుంటాడు. బాధితుల నగ్నఫోటోలు, వీడియోలను చూపిస్తూ తన చెల్లితో పోలీస్‌స్టేషన్‌లో ఫిర్యాదు చేయిస్తానని బెదిరింపులకు పాల్పడుతూ భారీగా డబ్బులను వసూలు చేశాడు. ఈ విధంగా పలువురి వద్ద డబ్బులను వసూలు చేయడమే కాకుండా పలు ప్రాంతాల్లో పని చేసే సమయంలో ముందస్తుగా జీతాలు తీసుకున్నాడు. మరో ఇద్దరు అపరిచిత వ్యక్తుల నుంచి రూ.6.8 లక్షలు, రూ.7 లక్షలు వసూలు చేశాడు. స్నేహితుడిని కూడా హనీట్రాప్‌ చేసి రూ.4 లక్షలను వసూలు చేశాడు. ఈ హనీట్రాప్, బ్లాక్‌మెయిలింగ్‌లో డాక్టర్లు, వ్యాపారవేత్తలు, లెక్చరర్లు, ప్రైవేటు ఉద్యోగులు, డెలివరీ బాయ్స్, గిగ్‌ డ్రైవర్లు ఉన్నట్లు పోలీసులు తెలిపారు. బాధితుడి ఫిర్యాదు మేరకు సైదాబాద్‌ పోలీసులు కేసు నమోదు చేసుకొని సోమవారం పవన్‌ కుమార్‌ను అరెస్ట్‌ చేసి రిమాండ్‌కు తరలించారు. నిందితుడి నుంచి రెండు సెల్‌ఫోన్లు, ల్యాప్‌టాప్, 16జీబీ పెన్‌డ్రైవ్‌ను స్వా«దీనం చేసుకొని రిమాండ్‌కు తరలించారు.

ఉత్తరప్రదేశ్‌: డాక్టర్‌ కావాలనే కల.. ఎన్నో ఆశలు.. ఉజ్వల భవిష్యత్తుపై ఎన్నో ఆకాంక్షలు. కానీ ఇంతలోనే ఓ వైద్య విద్యార్థిని జీవితం విషాదాంతమైంది. ఎంబీబీఎస్‌ ఫైనల్‌ ఇయర్‌ చదువుతున్న 24 ఏళ్ల శగున్‌ సైనీ హాస్టల్‌ గదిలో విగతజీవిగా కనిపించడం తీవ్ర కలకలం రేపింది. ముజఫర్‌నగర్‌లోని బేగరాజ్‌పూర్‌ మెడికల్‌ కాలేజీలో సోమవారం రాత్రి ఈ ఘటన చోటుచేసుకుంది.హర్యానాలోని కైతల్‌ జిల్లాకు చెందిన శగున్‌ సైనీ.. ఉత్తరప్రదేశ్‌లోని ముజఫర్‌నగర్‌లో ఉన్న బేగరాజ్‌పూర్‌ మెడికల్‌ కాలేజీ హాస్టల్‌లో ఉంటూ 2023 బ్యాచ్‌ ఎంబీబీఎస్‌ విద్యార్థినిగా చదువుతోంది. సోమవారం రాత్రి ఆమె గది తలుపు చాలాసేపటి నుంచి లోపలి వైపుగా మూసి ఉండటాన్ని గుర్తించిన తోటి విద్యార్థినులు హాస్టల్‌ భద్రతా సిబ్బందికి సమాచారం అందించారు. దీంతో సిబ్బంది గది వెనుకవైపు ఉన్న కిటికీలో నుంచి చూడగా.. శగున్‌ ఆత్మహత్య చేసుకుని ఫ్యాన్‌కు వేలాడుతూ కనిపించింది. వెంటనే సిబ్బంది స్థానిక పోలీసులకు సమాచారం అందించారు.సమాచారం అందుకున్న పోలీసులు ఘటనా స్థలానికి చేరుకుని గది తలుపులు పగులగొట్టి మృతదేహాన్ని కిందకు దించారు. అనంతరం పోస్టుమార్టం నిమిత్తం ఆస్పత్రికి తరలించారు. ఫోరెన్సిక్‌ బృందం కూడా గదిని పరిశీలించి ఆధారాలు సేకరించింది. ఈ ఘటనతో కాలేజీ ప్రాంగణంలో తీవ్ర విషాదం నెలకొంది.అయితే, వైద్య విద్యలో కీలక దశలో ఉన్న శగున్‌ ఈ నిర్ణయం తీసుకోవడానికి గల కారణాలు ఇంకా తెలియరాలేదు. పోలీసులు అన్నీ కోణాల్లో దర్యాప్తు చేస్తూ కుటుంబ సభ్యులకు సమాచారం అందించారు. అలాగే, ఈ ఘటనపై కేసు నమోదు చేసుకున్న పోలీసులు ఆమె మరణానికి దారితీసిన పరిస్థితులపై విచారణ కొనసాగిస్తున్నారు.ఇదీ చదవండి: ఢిల్లీలో కలకలం .. వ్యాపారిపై ఐదు రౌండ్ల కాల్పులు

హైదరాబాద్‌: పండగవేళ ఆనందంగా గడపాల్సిన కుటుంబంలో ఓ యువకుడి తొందరపాటు నిర్ణయం విషాదాన్ని నింపింది. షేర్‌మార్కెట్‌లో నష్టపోయి మనస్థాపంతో సాఫ్ట్‌వేర్‌ ఉద్యోగి బలవన్మరణానికి పాల్పడ్డాడు. చైతన్యపురి ఎస్‌ఐ రమేష్‌ తెలిపిన మేరకు.. చైతన్యపురి సాయినగర్‌ కాలనీలో నివసించే రిటైర్డ్‌ ప్రభుత్వ ఉద్యోగి తమ్మిశేట్టి శ్రీనివాస్‌ కుమారుడు ప్రవీణ్‌ (34) సాఫ్ట్‌వేర్‌ కంపెనీలో ఉద్యోగం చేస్తున్నాడు. ఇతనికి మూడు నెలల క్రితం వివాహం జరిగింది. షేర్‌ మార్కెట్‌లో పెట్టుబడి పెట్టి ప్రవీణ్‌ తీవ్రంగా నష్టపోయాడు. ఆదివారం ఇంట్లో నుంచి బయటకు వెళ్లిన ప్రవీణ్‌ రాత్రి వరకు తిరిగి రాకపోవటంతో చైతన్యపురి పోలీసులు మిస్సింగ్‌ కేసు నమోదు చేశారు. పెట్రోల్‌ బంక్‌ సమీపంలో బిల్డింగ్‌ వద్ద మృతదేహం చైతన్యపురి పెట్రోల్‌ బంక్‌ సమీపంలోని ఎయిర్‌టెల్‌ షోరూం బిల్డింగ్‌ వద్ద ఓ వ్యక్తి చనిపోయి ఉన్న విషయాన్ని స్థానికులు సోమవారం ఉదయం పోలీసులకు సమాచారం ఇచ్చారు. సంఘటనా స్థలానికి చేరుకున్న పోలీసులు ప్రవీణ్‌ మృతదేహంగా గుర్తించి కుటుంబ సభ్యులకు సమాచారం ఇచ్చారు. మృతదేహాన్ని పోస్ట్‌మార్టంకు తరలించారు. షేర్‌ మార్కెట్‌లో పెట్టుబడుల వల్ల సుమారు రూ.35 లక్షల వరకు నష్టపోయిన ప్రవీణ్‌ కుటుంబంలో, బంధువులలో పరువు పోతుందని మనస్థాపంతో ఆత్మహత్యకు పాల్పడినట్లు విచారణలో తెలిసిందని ఎస్‌ఐ తెలిపారు. ఇదీ చదవండి: జీతం బాగున్నా జాబ్‌ వదిలేస్తున్నారు.. అసలు కారణం ఇదే!

మొదటి భర్తతో విడాకులు, రెండవ భర్తతో గొడవలు.. మరో వ్యక్తితో వివాహేతర సంబంధం.. చివరకు ప్రియుడితో కలిసి భర్తనే హతమార్చిందో మహిళ. అనంతరం దుండగులు ఇంట్లోకి చొరబడి భర్తను హత్య చేశారంటూ పోలీసులను నమ్మించే ప్రయత్నం చేసింది. అయితే, పోలీసుల విచారణలో అసలు విషయం బయటపడింది. ఈ ఘటన హర్యానాలోని ఫరీదాబాద్‌లో చోటుచేసుకుంది.ఉత్తరప్రదేశ్‌లోని హాథ్రస్‌ జిల్లాకు చెందిన గోపాల్‌ ఫరీదాబాద్‌లోని ఓ కంపెనీలో 20 ఏళ్లుగా మెషిన్‌ ఆపరేటర్‌గా పనిచేస్తున్నాడు. 16 ఏళ్ల క్రితం అదే కంపెనీలో పనిచేసే కాజల్‌తో పరిచయం ప్రేమగా మారింది. అప్పటికే పెళ్లయి, ఐదేళ్ల కుమార్తె ఉన్న కాజల్‌ మొదటి భర్తను విడిచిపెట్టి గోపాల్‌ను పెళ్లి చేసుకుంది. అయితే, కొంతకాలంగా బౌన్సర్‌గా పనిచేస్తున్న యోగేంద్రతో కాజల్‌కు సంబంధం ఏర్పడటంతో భార్యాభర్తల మధ్య తరచూ గొడవలు మొదలయ్యాయి.ఈ క్రమంలో కాజల్‌.. ప్రియుడు యోగేంద్రతో కలిసి గోపాల్‌ను హతమార్చేందుకు ప్లాన్‌ వేసుకుంది. అక్టోబర్‌ 13న పిల్లలతో ఫరీదాబాద్‌కు వచ్చిన కాజల్‌.. మరుసటి రోజు యోగేంద్రను కూడా పిలిపించింది. రాత్రి మద్యం తాగి ఇంటికి వచ్చిన భర్త గోపాల్‌.. భార్యతో కలిసి నిద్రపోయాడు. ఈ సమయంలో కాజల్‌ కూరగాయలు కోసే కత్తితో గాఢ నిద్రలో ఉన్నటువంటి అతడి గొంతుపై పలుమార్లు దాడి చేయడంతో.. తీవ్ర రక్తస్రావంతో గోపాల్‌ అక్కడికక్కడే ప్రాణాలు విడిచాడు.హత్య అనంతరం దుండగులు ఇంట్లోకి వచ్చి భర్తపై దాడి చేశారని కాజల్‌ అందరినీ నమ్మించసాగింది. అయితే, ఆమె ప్రవర్తిస్తున్న తీరుపై పోలీసులకు అనుమానం రాగా, విచారణలో ప్రియుడితో కలిసి హత్య చేసినట్లు తేలింది. అలాగే, గోపాల్‌ సోదరుడు అశోక్‌ అతడి కుమార్తెపై అనుమానం వ్యక్తం చేసినప్పటికీ, ఆమెకు హత్యతో ఎటువంటి సంబంధం లేదని పోలీసుల విచారణలో తేలింది. దీంతో పోలీసులు ఈ హత్యకు కారకులైన కాజల్‌, ఆమె ప్రియుడు యోగేంద్రను అరెస్ట్‌ చేసి, కేసు దర్యాప్తు చేపట్టారు.ఇదీ చదవండి: భార్య నడతపై భర్తకు అనుమానం..!

కోల్‌కతా: పశ్చిమ బెంగాల్‌ రాజధాని కోల్‌కతాలో దుర్గామాత మండపం వద్ద తొక్కిసలాట ఘటనలో మృతుల సంఖ్య 19కి చేరుకుంది. మృతదేహాలను గుర్తించే ప్రక్రియ ఇంకా పూర్తి కాలేదు. 25 మంది గాయపడ్డారు. ఈ దుర్ఘటనపై పోలీసులు దర్యాప్తు వేగవంతం చేశారు. చోర్‌బగన్‌ దుర్గా పూజ మండపం నిర్వాహకులతోపాటు ఏడుగురిని అరెస్టు చేసినట్లు అదివారం ప్రకటించారు. సుమోటోగా కేసు నమోదు చేసినట్లు చెప్పారు. దర్యాప్తులో భాగంగా శనివారం రాత్రి 14 మందిని అదుపులోకి తీసుకొని ప్రశ్నించారు. ఏడుగురిని అరెస్టు చేశామని, మరికొన్ని అరెస్టులు జరిగే అవకాశం ఉందని వెల్లడించారు.పూజా మండపం కమిటీ కార్యదర్శి రాజ్‌కుమార్‌ సియోదా, ఉపాధ్యక్షుడు శంతను దూబే, ఇద్దరు ప్రైవేట్‌ సెక్యూరిటీ ఏజెన్సీ ఉద్యోగులతో పాటు మరికొందరు నిర్బంధంలోకి తీసుకున్నామని పోలీసులు వివరించారు. ఏడుగురు నిందితులను పోలీసులు ఆదివారం స్థానిక కోర్టులో హాజరుపర్చారు. వారిని తమ కస్టడీకి అప్పగించాలని కోర్టును కోరారు. దుర్గా మాత మండపం వద్ద తొక్కిసలాట నేపథ్యంలో బెంగాల్‌ ప్రభుత్వం అప్రమత్తమైంది.రాష్ట్రవ్యాప్తంగా ప్రధాన దుర్గా పూజా మండపాల వద్ద భద్రతా ఏర్పాట్లను సమీక్షించేందుకు ఒక ఉన్నత స్థాయి కమిటీని ఏర్పాటు చేసింది. ఈ ఆదివారం కోల్‌కతాలోని పలు మండపాలను తనిఖీ చేసింది. భద్రతా ఏర్పాట్లను పరిశీలించింది. కమిటీలో విపత్తు నిర్వహణ శాఖ కార్యదర్శి రాజే‹Ù, అగ్నిమాపక సేవల డైరెక్టర్‌ జనరల్‌ అనుజ్‌ శర్మ, ఎస్‌టీఎఫ్‌ డీజీపీ జావేద్‌ షమీమ్‌ సభ్యులుగా ఉన్నారు.బాధితులకు అమిత్‌ షా పరామర్శతొక్కిసలాటలో గాయపడి కోల్‌కతాలో ఒక ప్రైవేట్‌ ఆసుపత్రిలో చికిత్స పొందుతున్న 14 మంది బాధితులను కేంద్ర హోం మంత్రి అమిత్‌ షా ఆదివారం పరామర్శించారు. వైద్యులతో మాట్లాడారు. బాధితుల ఆరోగ్య పరిస్థితి, వారికి అందుతున్న చికిత్స గురించి అడిగి తెలుసుకున్నారు. ముగ్గురు క్షతగాత్రులతో అమిత్‌ స్వయంగా మాట్లాడారు. ధైర్యంగా ఉండాలని సూచించారు. ప్రభుత్వం ఆదుకుంటుందని భరోసా ఇచ్చారు. అంతకుముందు కోల్‌కతాలో కాళీఘాట్‌ ఆలయాన్ని అమిత్‌ షా సందర్శించారు.రూ.25 లక్షల పరిహారం, ప్రభుత్వ ఉద్యోగంతొక్కిసలాటలో మరణించిన వారి కుటుంబాలకు రూ.25 లక్షల చొప్పున పరిహారం, గ్రూప్‌–డి ప్రభుత్వ ఉద్యోగం ఇవ్వనున్నట్లు రాష్ట్ర ముఖ్యమంత్రి సువేందు అధికారి ప్రకటించారు. క్షతగాత్రులకు రూ.5 లక్షలు చొప్పున అందజేస్తామని చెప్పారు. వారి వైద్య ఖర్చులను రాష్ట్ర ప్రభుత్వమే భరిస్తుందని అన్నారు.తొక్కిసలాటపై సమగ్ర విచారణకు ప్రత్యేక దర్యాప్తు బృందాన్ని(సిట్‌) ఏర్పాటు చేస్తున్నట్లు తెలిపారు. అక్కడ విధుల్లో ఉన్న తాత్కాలిక హోంగార్డులు నిర్లక్ష్యంగా ఉన్నారా? అనే కోణంలోనూ దర్యాప్తు చేపట్టాలని అధికారులను ఆదేశించారు. దుర్గాపూజ మండపాల వద్ద వీఐపీ గేట్లను ఏర్పాటు చేసే పద్ధతిని రద్దు చేయాలని యోచిస్తున్నట్లు సీఎం తెలిపారు. భక్తుల ప్రవేశం, నిష్క్రమణ కోసం కచ్చితమైన ఏర్పాట్లు చేయాలని పేర్కొన్నారు.మండపం కూలబోతోందంటూ అనౌన్స్‌మెంట్‌!మండపం కూలిపోయే స్థితిలో ఉందని, ప్రజలను ఖాళీ చేయాలంటూ కోరుతున్న ప్రకటనకు సంబంధించిన వీడియో ఫుటేజ్‌ లభించిందని, ఆ ప్రకటన ఎవరు చేశారో గుర్తించేందుకు ప్రయత్నిస్తున్నామని పోలీసు ఉన్నతాధికారి వెల్లడించారు. దుర్గామాత మండపం వద్ద అకస్మాత్తుగా భారీ వర్షం కురవడం, ఆ తర్వాత జనసమూహాన్ని నియంత్రించడంలో నిర్వాహకులు విఫలం కావడం, తప్పుదోవ పట్టించే ప్రకటనలు చేయడం, దాంతో భక్తుల్లో గందరగోళం నెలకొనడంతో తొక్కిసలాట జరిగినట్లు భావిస్తున్నామని పోలీసు అధికారి తెలిపారు.ఘటనా స్థలంలో పోలీసు సిబ్బంది, ప్రైవేట్‌ సెక్యూరిటీ గార్డులు తగినంత మంది లేకపోవడం వల్ల పరిస్థితి మరింత దిగజారినట్లు గుర్తించారు. సీసీటీవీ కెమెరా ఫుటేజీని సేకరించామని, స్థానికులు, ప్రత్యక్ష సాక్షుల వాంగ్మూలాలను నమోదు చేశామని వివరించారు. తొక్కిసలాట సమయంలో ప్రవేశ ద్వారం గుండా బయటకు వెళ్లిపోవడానికి జనమంతా ఒకేసారి ఎగబడ్డారని, ఆ దారి ఇరుకుగా ఉండటం ప్రమాదానికి కారణమైందని పేర్కొన్నారు. ప్రవేశం, నిష్క్రమణ, జనసమూహం కదలికలకు సంబంధించి సరైన సమాచారం లేకపోవడంతో గందరగోళానికి వారు గురయ్యారని తెలిపారు. మండపానికి ఆనుకుని ఉన్న రహదారులపై సెక్షన్‌ 163 కింద నిషేధాజ్ఞలు విధించారు. వేదిక చుట్టూ ఉన్న రహదారులపై ప్రజలు గుమికూడకుండా నిషేధించారు.ప్రభుత్వ వైఫల్యం వల్లే: టీఎంసీఘటనపై విపక్ష తృణమూల్‌ కాంగ్రెస్‌ పార్టీ తీవ్ర ఆగ్రహం వ్యక్తంచేసింది. ప్రభుత్వ వైఫల్యం వల్లే ఈ దుర్ఘటన జరిగినట్లు ఆరోపించింది. జన సమూహ నియంత్రణకు ఏర్పాట్లు చేయకపోవడం, పోలీసుల కొరత, అత్యవసరంగా స్పందించే వ్యవస్థ లేకపోవడంతో భక్తులు ప్రాణాలు కోల్పోయారని పేర్కొంది. ఈ మేరకు ఆదివారం సోషల్‌ మీడియాలో పోస్టుచేసింది. తొక్కిసలాట జరిగిన ప్రదేశంలో తగినంత మంది పోలీసు సిబ్బంది, పౌర వాలంటీర్లు, అంబులెన్సులు లేవని విమర్శించింది. పూజా నిర్వహణ కమిటీలో ముఖ్యమంత్రి సువేందు మేనల్లుడు దేవదీప్‌ సైతం ఉన్నారని తృణమూల్‌ కాంగ్రెస్‌ నేత అభిõÙక్‌ బెనర్జీ వెల్లడించారు.మళ్లీ దుర్గా పూజ చేసుకోబోంతొక్కిసలాటలో మృతిచెందినవారి కుటుంబ సభ్యులు కన్నీరు మున్నీరయ్యారు. మృతదేహాలను తీసుకెళ్లేందుకు ఆదివారం ఆసుపత్రికి చేరుకున్నారు. కొందరు దుఃఖంతో మాటలు రాక నిశ్చేష్టులయ్యారు. మరికొందరు ఇక తిరిగిరాని తమ ఆప్తులను స్మరించుకుంటూ కన్నీరు పెట్టుకున్నారు. తమ జీవితంలో మళ్లీ దుర్గా పూజ ఉండదని అన్నారు. ఈసారి పండుగ ఎప్పటికీ మర్చిపోలేని చేదు జ్ఞాపకాలనే మిగిల్చిందని ఆవేదన వ్యక్తచేశారు.ఇదీ చదవండి: తమిళనాట ​వర్ష బీభత్సం.. చెన్నై సహా పలు జిల్లాలకు ‘ఆరెంజ్ అలర్ట్’

బెంగళూరు: అనుమానం పెనుభూతమైంది. భార్య నడతపై భర్తకు అనుమానం రావడంతో కత్తితో పొడిచి దారుణంగా హత్య చేసి, పోలీసులకు లొంగిపోయాడు. ఈ ఘటన కెలమంగలం పోలీస్‌ స్టేషన్‌ పరిధిలో చోటు చేసుకుంది. వివరాల మేరకు.. డెంకణీకోట తాలూకా కెలమంగలం సమీపంలోని అగ్గొండపల్లి గ్రామానికి వెంకట కొద్ది సంవత్సరాల క్రితం బంధువు అనిల్‌ కుమార్‌ను ప్రేమించి పెళ్లి చేసుకుంది. వీరికి ఎనిమిదేళ్ల బాలిక ఉంది.ప్రస్తుతం అగ్గొండపల్లిలో ఓ అద్దె ఇంట్లో నివాసం ఉంటున్నారు. అనిల్‌ కుమార్‌కు తాగుడు అలవాటు ఉంది. భార్య నడతపై అనుమానం రావడంతో గొడవపడేవాడు. శనివారం రాత్రి మద్యం మత్తులో ఇంటికెళ్లిన అనిల్‌ కుమార్‌ భార్యతో గొడవపడ్డాడు. ఆవేశంతో భార్యను కత్తితో దాడి చేసి దారుణంగా హత్య చేశాడు. అనంతరం కెలమంగలం పోలీసులకు లొంగిపోయాడు. వెంటనే పోలీసులు ఘటనా స్థలానికి చేరుకుని పరిశీలించారు. రుక్మణి మృతదేహాన్ని పోస్టుమార్టం నిమిత్తం ఆస్పత్రికి తరలించారు. ఈ ఘటనపై డెంకణీకోట డీఎస్పీ ఆనందర్‌రాజ్‌ నేతృత్వంలో ప్రత్యేక బృందం పోలీసులు విచారణ చేపట్టారు.ఇదీ చదవండి: షర్ట్‌ లేకుండా టైగర్‌ ష్రాఫ్‌.. ఏక్‌నాథ్‌ షిండేపై విమర్శలు

తెలంగాణ: ‘స్కూల్‌ టెన్షన్‌.. లైఫ్‌ టెన్షన్‌.. డిప్రెషన్‌తో విజయవాడ మెంటల్‌ హాస్పిటల్‌కు వెళ్లినా టెన్షన్‌ తగ్గడం లేదు. లివర్‌ పాడైంది.. లంగ్స్‌ పాడైపోయాయి.. చెడిపోయాయి.. దేని మీద ఇంట్రెస్ట్‌ లేదు, టెన్షన్‌ తగ్గటం లేదు.. షుగర్‌ వచ్చిందనుకున్నా.. టెన్షన్‌ తగ్గడం లేదు.. మందులు వాడుతున్నా తగ్గటం లేదు.. నన్ను క్షమించండి.. నా కుటుంబాన్ని కాపాడండి.. నా పిల్లలను బాగా చూసుకోండి’ అంటూ లేఖ రాసిన ఓ ప్రభుత్వ ఉపాధ్యాయులు ఎన్నెస్పీ కాల్వలో దూకి గల్లంతయ్యాడు.ఖమ్మం జిల్లా పెనుబల్లి మండలం కొత్తకారాయిగూడెం గ్రామానికి చెందిన దొడ్డపునేని వెంకటేశ్వరరావు (42) కొండ్రుపాడులోని ప్రభుత్వ పాఠశాలలో హిందీ పండిట్‌గా పనిచేస్తున్నాడు. ఆయన ఆదివారం ఉదయం బైక్‌పై బయటకు వెళ్లి తిరిగి రాలేదు. దీంతో కుటుంబసభ్యులు గాలిస్తుండగా గ్రామ సమీపంలోని ఎన్నెస్పీ కాల్వ వద్ద వాహనం కనిపించింది.అందులో పరిశీలించగా లేఖ లభించింది. టెన్షన్‌తో ఇబ్బంది పడుతున్నట్టు అందులో పేర్కొన్న ఆయన ‘అన్నయ్య, తమ్ముడు, అమ్మానాన్న, అత్తయ్య, మామయ్య, శేషగిరి మీరంతా మా పిల్లలను బాగా చేసుకోండి’ అని కోరాడు. కాల్వలో దూకినట్టు భావిస్తూ వెంకటేశ్వరావు కోసం గ్రామస్తులు, పోలీసులు గజ ఈతగాళ్లతో కలిసి గాలిస్తున్నారు.ఇదీ చదవండి: మాజీ ఐపీఎస్‌ భార్య హత్య కేసులో కీలక పరిణామం

తూర్పుగోదావరి: ఆర్టీసీ బస్సులో సీటు విషయమై ఇరు వర్గాలకు జరిగిన ఘర్షణలో ఒకరికి గాయాలు కాగా, ఇద్దరు అస్వస్థతకు గురయ్యారు. తుని నుంచి రాజమహేంద్రవరం బయలుదేరిన బస్సులో శనివారం రాత్రి ఈ ఘటన జరిగింది. పోలీసుల కథనం ప్రకారం తునిలో రాజమహేంద్రవరం వెళుతున్న బస్సులో రాజమహేంద్రవరం సుబ్బారావు నగర్‌కు చెందిన గారా అప్పారావు తన భార్య, తన తమ్ముడి ఇద్దరు కుమారైలు, మనమరాలితో కలిసి బస్సు ఎక్కాడు. ఇదే బస్సులో ఏలేశ్వరం మండలం సిరిపురం గ్రామానికి చెందిన నలుగురు మహిళలు ఎక్కారు. వారి మధ్య మధ్య సీటు విషయమై వివాదం జరిగింది. సిరిపురం గ్రామానికి చెందిన మహిళలు తమ బంధువులకు ఫోన్‌ చేసి, బస్సులో తమపై దాడి జరిగిందని తెలిపారు. దీంతో వారికి సంబంధించిన 30 మంది యువకులు సిరిపురం సమీపంలోని చిన్నింపేట జాతీయ రహదారిపై బస్సును ఆపి అప్పారావుపై దాడి చేశారు. ఈ ఘటనలో అప్పారావుకు గాయాలు కాగా, తమ్ముడి కుమారైలకు ఆందోళనతో ఫిట్స్‌ వచ్చాయి. వెంటనే అప్పారావు తన బంధువులకు ఫోన్‌ చేసి తనపై దాడి జరిగిందని చెప్పడంతో వారు మూడు కార్లల్లో చిన్నింపేటకు చేరుకున్నారు. ఇరువర్గాల మధ్య వాదన జరగగా, సమాచారం అందుకున్న పోలీసులు సంఘటనా స్థలానికి చేరుకుని వివాదాన్ని సద్దుమణిగించారు. గాయపడిన వారికి ప్రత్తిపాడు ప్రభుత్వాసుపత్రికి తరలించగా మెరుగైన చికిత్స నిమిత్తం కాకినాడ తీసుకువెళ్లారు. పోలీసులు కేసు నమోదు చేసి దర్యాప్తు చేస్తున్నారు.

కర్ణాటక: లారీ ఢీకొని కేరళ యువతి మరణించిన సంఘటన నెలమంగల తాలూకా వీరనంజిపుర వద్ద జరిగింది. అలినా (24) మృతురాలు. ఈమె స్నేహితుడు అల్బిన్‌తో కలిసి దేవరాయనదుర్గ కొండ టూర్‌కు వచ్చింది. తిరిగి బైక్‌పై వెళ్తుండగా వీరనంజిపుర వద్ద లారీ ఢీకొంది. ప్రమాదంలో అలినా అక్కడే మృతిచెందగా, అల్బిన్‌ గాయపడ్డాడు. కేరళకు చెందిన వీరు బెంగళూరులో ఓ కాలేజీలో చదువుకుంటూ ఇందిరానగరలో పీజీ హాస్టల్‌ ఉండేవారు. పోలీసులు కేసు నమోదు చేసుకున్నారు.ఇదీ చదవండి: నెంబర్‌ ప్లేట్‌ స్థానంలో ‘ఘోస్ట్‌’ కారుతో పోలీసులపైకే!

సాక్షి హైదరాబాద్‌: వాహన తనిఖీలు నిర్వహిస్తున్న అత్తాపూర్‌ పోలీసుల పైకి నెంబర్‌ ప్లేట్‌ లేని కారులో దూసుకువచ్చిన యువకుడిని అత్తాపూర్‌ పోలీసులు అరెస్టు చేసి కోర్టులో హాజరపరిచారు. న్యాయమూర్తి యువకుడికి జ్యూడిషియల్‌ రిమాండ్‌కు తరలించారు. ఇన్‌స్పెక్టర్‌ సీతయ్య తెలిపిన మేరకు.. గురువారం అర్ధరాత్రి పిల్లర్‌ నంబర్‌ 133 వద్ద అత్తాపూర్‌ పోలీసులు వాహన తనిఖీలు నిర్వహిస్తుండగా ఓ యువకుడు ‘ఘోస్ట్‌’ అని ఆంగ్లంలో రాసి ఉన్న నెంబర్‌ ప్లేట్‌ లేని కారులో వేగంగా దూసుకువచ్చి పోలీసులను చూసి అదే వేగంతో వెనక్కు వెళ్లాడు. పోలీసులు వాహనాన్ని ఆపేందుకు ప్రయత్నించగా మరింత వేగంతో ముందుకు దూసుకువచ్చాడు.మితిమీరిన వేగంతో ఉండడంతో పోలీసులు అప్రమత్తమై పక్కకు జరగడంతో పెను ప్రమాదం తప్పింది. నెంబర్‌ ప్లేటుపై గోస్ట్‌ అని రాసి ఉంది.శుక్రవారం సీసీ కెమెరాలు జల్లెడ పట్టి చివరకు టోలిచౌకి సాలార్జంగ్‌ కాలనీకి చెందిన మహమ్మద్‌ ఫయాద్‌ఉద్దీన్‌(20)గా గుర్తించారు. సుజుకి ఫ్రాంక్స్‌ కారును, నిందితుడిని అదుపులోకి తీసుకొని కేసులు నమోదు చేశారు.ఇదీ చదవండి: భక్తులపై దూసుకెళ్లిన ట్రక్‌.. 11 మంది మృతి

గ్వాలియర్‌: దసరా నవరాత్రుల సందర్భంగా అమ్మవారి దర్శనం కోసం వేచి చూస్తున్న భక్తులపైకి మృత్యుశకటం దూసుకొచ్చి 15 మందిని బలి తీసుకుంది. ట్రక్కును అదుపుచేయడానికి ప్రయత్నించిన ఇద్దరు పోలీసులు సహా 25 మంది గాయపడ్డారు. మృతుల్లో టీనేజర్లు ఎక్కువగా ఉన్నారు. మధ్యప్రదేశ్‌లోని గ్వాలియర్‌ జిల్లాలోని శీతలా మాత ఆలయం వద్ద శనివారం అర్ధరాత్రి తర్వాత 1.30 గంటల సమయంలో ఈ దుర్ఘటన చోటుచేసుకుంది.పంజాబ్‌ రిజిస్ట్రేషన్‌ నంబర్‌తో ఉన్న ట్రక్కు ధాన్యం లోడ్‌తో వెళ్తూ చినార్‌ రోడ్డులోని నోఎంట్రీ జోన్‌లోకి ప్రవేశించింది. వేగంగా వెళ్తూ ఎదురుగా ఒక్కసారిగా భారీ స్థాయిలో జనం కన్పించడంతో డ్రైవర్‌ ట్రక్కు బ్రేకులు వేయగా అవి ఫెయిల్‌ అయ్యాయి. దీంతో ట్రక్కును ఎడమవైపునకు తిప్పగా శీతలామాత ఆలయ గోడను ఢీకొట్టి దానిని బద్దలుకొట్టి ఆలయ బయట దర్శనం కోసం వేచి ఉన్న భక్తుల మీదకు దూసుకెళ్లింది. దీంతో 15 మంది అక్కడిక్కడే ప్రాణాలు కోల్పోయారు. రోడ్డు పక్కన ఉన్న దుకాణాలను, ఆలయ ప్రవేశ ద్వారాన్ని సైతం ట్రక్కు నాశనంచేసింది.ట్రక్కు అత్యంత వేగంగా ఢీకొనడంతో ఆలయ గోడ కూలిపోయింది. దాని శిథిలాల కింద భక్తులు చిక్కుకుపోయారు. భక్తులు ట్రక్కు కింద నలిగిపోవడంతో ఆ ప్రాంతం రక్తసిక్తంగా మారింది. ట్రక్కు డ్రైవర్‌ వెంటనే అక్కడి నుంచి పారిపోగా పోలీసులు వేటాడిమరీ పట్టుకున్నారు. ‘‘నో–ఎంట్రీ జోన్‌లోకి ట్రక్కును పోనిచ్చిన డ్రైవర్‌ ఒక్కసారిగా ఎదురుగా భక్తులు అడ్డురావడంతో ఎడమవైపునకు తిప్పాడు. ఒకవేళ ట్రక్కు నేరుగా ముందుకు వెళ్లి ఉంటే 600 నుంచి 700 మంది భక్తులపైకి దూసుకెళ్లి ఉండేది. ప్రాణనష్టం ఊహించనంతగా జరిగేది’’ అని కలెక్టర్‌ రుచిరా చౌహాన్‌ అభిప్రాయపడ్డారు.విధుల నుంచి ఎస్పీ తొలగింపుశీతలా మాత ఆలయం వద్ద జరిగిన ప్రమాదంలో భక్తులు ప్రాణాలు కోల్పోవడం పట్ల ప్రధాని మోదీ తీవ్ర విచారం వ్యక్తం చేశారు. బాధిత కుటుంబాలకు ప్రగాఢ సానుభూతి తెలియజేశారు. మృతుల కుటుంబాలకు రూ.2 లక్షల చొప్పున, గాయపడిన వారికి రూ.50,000 చొప్పున నష్టపరిహారం ఇస్తామని ప్రకటించారు. తీవ్రంగా గాయపడిన వారి చికిత్స ఖర్చులను ప్రభుత్వమే భరిస్తుందని మధ్యప్రదేశ్‌ ముఖ్యమంత్రి మోహన్‌ యాదవ్‌ తెలిపారు.జనం మీదకు దూసుకొచ్చిన ట్రక్కు. గుమికూడిన భక్తులుమృతుల కుటుంబాలకు రూ.4 లక్షల చొప్పున, తీవ్రంగా గాయపడినవారికి రూ.2 లక్షల చొప్పున, స్వల్పంగా గాయపడిన వారికి రూ.50,000 చొప్పున ఆర్థిక సహాయాన్ని ప్రకటించారు. ఈ దుర్ఘటనపై సమగ్ర విచారణ జరపాలని అధికారులను ఆదేశించారు. విధుల్లో నిర్లక్ష్యం వహించినందుకు గ్వాలియర్‌ సిటీ పోలీస్‌ ఎస్పీని విధుల నుంచి తొలగించాలని ముఖ్యమంత్రి ఆదేశించారు. ఈయనతోపాటు ముగ్గురు సీఐలు, ఒక ట్రాఫిక్‌ ఇన్‌స్పెక్టర్, ఒక హెడ్‌ కానిస్టేబుల్, ముగ్గురు కానిస్టేబుళ్లను సస్పెండ్‌ చేయాలని ఆదేశాలు జారీ చేశారు.ఘటనపై మేజిస్టీరియల్‌ విచారణకు కలెక్టర్‌ ఆదేశించారు. విచారణ అధికారిగా అదనపు జిల్లా మేజి్రస్టేట్‌ సీబీ ప్రసాద్‌ను నియమించారు. వారం రోజుల్లోపు నివేదిక సమర్పించాలని ఆదేశించారు. ట్రక్కు ఢీకొన్న ఘటనలో భక్తులు మృతిచెందడంపై కేంద్ర హోం మంత్రి అమిత్‌ షా, కాంగ్రెస్‌ అధ్యక్షుడు మల్లికార్జున ఖర్గే, పార్టీ అగ్రనేత రాహుల్‌ గాం«దీ, జ్యోతిరాదిత్య సింధియా, బీజేడీ చీఫ్‌ నవీన్‌ పట్నాయక్‌ తదితరులు సంతాపం ప్రకటించారు. నిషేధిత ప్రాంతంలోకి ఎలా వచ్చింది?శీతలా మాత ఆలయం గ్వాలియర్‌ నుంచి 20 కిలోమీటర్ల దూరంలో ఉంది. ఇది 125 ఏళ్ల చరిత్ర కలిగిన ఆలయం. నవరాత్రి ఉత్సవాల సందర్భంగా దర్శనం కోసం నిత్యం వేలాది మంది భక్తులు ఈ ఆలయానికి తరలివస్తున్నారు. ఆలయానికి ఒక కిలోమీటర్‌ దూరంలోనే వాహనాలను ఆపేస్తున్నారు. సైకిల్‌ కూడా వెళ్లడానికి వీలులేని నిషేధిత ప్రాంతంలోకి భారీ ట్రక్కు ఎలా ప్రవేశించిందనే ప్రశ్నలు తలెత్తుతున్నాయి. ట్రక్కును ఆపే ప్రయత్నంలో ఇద్దరు పోలీసు సిబ్బంది గాయపడ్డారు. ట్రక్కు తుఫానులా దూసుకొచ్చిందని, క్షణాల్లో విధ్వంసం సృష్టించిందని ప్రత్యక్ష సాక్షులు చెప్పారు. ట్రక్కు ఫిట్‌నెస్‌ కండీషన్‌ను తెల్సుకునేందుకు ట్రక్కును పరిశీలించాలని ఆర్‌టీఓను ప్రభుత్వం ఆదేశించింది.ఇదీ చదవండి: పంజాబ్‌లో ఘోర రోడ్డు ప్రమాదం.. కారు ఢీకొని 8 మంది కూలీలు మృతి

పార్వతీపురం మన్యం: తప్పుడు ఫిర్యాదులతో వేధింపులు తాళలేక మనస్తాపానికి గురై తల్లి అనారోగ్యంతో మృతి చెందగా, ఆ బాధను తట్టుకోలేకపోయిన కుమారుడు ఉరివేసుకుని ప్రాణ ం తీసుకున్నాడు ఈ ఘటన విజయనగరం జిల్లా లక్కవరపుకోట మండలం కళ్లేపల్లి గ్రామంలో శుక్రవారం జరిగింది. కేవలం 25 రోజుల వ్యవధిలో తల్లీకొడుకులు పాలిక దేముడమ్మ(46), సురేష్‌(27) మృతి చెందడంతో గ్రామంలో విషాదం అలుముకుంది. తల్లీకొడుకులపై తప్పుడు ఫిర్యాదులు చేసి పోలీస్‌స్టేషన్‌కు రప్పించి వేదనకు గురిచేసిన మహిళపై బాధిత కుటుంబం ఎల్‌.కోట పోలీసులకు ఫిర్యాదు చేసింది. ఈ ఘటనకు సంబందించి ఎస్సై జె.రామకృష్ణ, బాధిత కుటుంబ సభ్యులు తెలిపిన వివరాలిలా ఉన్నాయి. కళ్లేపల్లి గ్రామానికి చెందిన పాలిక సురేష్‌ ఆటో నడుపుకుంటూ తల్లిదండ్రుల వద్ద ఉంటూ జీవనం సాగిస్తున్నాడు. ఈ క్రమంలో విశాఖపట్నానికి చెందిన భర్తకు దూరంగా 12 సంవత్సరాల బాలుడితో ఉంటున్న ఓ వివాహితతో సురేష్‌కు పరిచయం ఏర్పడింది. ఈ విషయం ఆమె ఇంట్లో తెలియడంతో వారిద్దరికీ ఓ గుడిలో పెళ్లి చేశారు. అప్పటి నుంచి వారిద్దరూ కొన్నాళ్లు విశాఖపట్నంలో.. మరి కొన్నాళ్లు కళ్లేపల్లి గ్రామంలో ఉండేవారు. ఈ నేపథ్యంలో కొద్ది రోజుల తరువాత తనకు భర్తతో విడాకులు తీసుకుందని మాయమాటలు చెప్పి బలవంతంగా గుడిలో పెళ్లి చేశారంటూ సురేష్‌ ఆమెకు దూరంగా ఉండడం మొదలు పెట్టాడు. ఈ క్రమంలో ఆమె గత నెల 17వ తేదీన విశాఖపట్నం నాలుగవ పట్టణ పోలీస్‌స్టేషన్‌లో సురేష్‌తో పాటు కుటుంబ సభ్యులపై ఫిర్యాదు చేసింది. ఈ మేరకు పోలీసులు సురేష్‌ కుటుంబాన్ని పోలీస్‌స్టేషన్‌కు పిలిచి విచారణ చేశారు. అనంతరం కౌన్సెలింగ్‌ చేసి ఇంటికి పంపించేశారు. ఈ ఘటనతో మనస్తాపానికి లోనై ఆరోగ్యం క్షీణించిన సురేష్‌ తల్లి దేముడమ్మ గతనెల 22వ తేదీన మృతి చెందింది. మరోమారు సదరు మహిళ ఈ నెల 14న అదే పోలీస్‌స్టేషన్‌లో ఫిర్యాదు చేయడంతో సురేష్‌ తండ్రి పాలిక సత్యనారాయణ, ఆయన ఇద్దరు కుమార్తెలు, ఇద్దరు అల్లుళ్లను పోలీస్‌ స్టేషన్‌కు రావాలని పోలీసులు ఫోన్‌ చేశారు. దీంతో సురేష్‌ మినహా అందరూ వెళ్లారు. సురేష్‌ పోలీస్‌స్టేషన్‌కు రాకపోవడంతో 15వ తేదీకి మళ్లీ రావాలని పోలీసులు సూచించారు. తల్లి మరణించి కర్మకాండలు పూర్తి కాలేదు. గ్రామ పొలిమేర దాటకూడదన్న ఉద్దేశంతో సురేష్‌ పోలీస్‌స్టేషన్‌కు హాజరు కాలేదు. సురేష్‌ రావాల్సిందేనని పోలీసులు పట్టుపట్టడంతో చేసేది లేక గ్రామంలో ఉన్న తన సొంత ఇంటిలో గురువారం రాత్రి ఫ్యాన్‌కు ఉరి వేసుకుని ఆత్మహత్యకు పాల్పడ్డాడు. దీంతో కుటుంబ సభ్యులు ఎల్‌.కోట పోలీసులకు ఫిర్యాదు చేయగా శవ పంచనామా నిర్వహించి మృతదేహాన్ని ఎస్‌.కోట సీహెచ్‌సీకి తరలించారు. మృతుడి తండ్రి సత్యనారాయణ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై జె.రామకృష్ణ తెలిపారు.

గుజరాత్‌ ఘోర ప్రమాదం చోటు చేసుకుంది. ఓ రసాయన పరిశ్రమలో భారీ పేలుడు సంభవించి.. పలువురు కార్మికులు దుర్మరణం పాలయ్యారు. భరూచ్‌ జిల్లా వాగ్రా తాలూకాలోని సాయఖా జీఐడీసీలో ఉన్న సింజీల్‌ ఫార్మాకెమ్‌ పరిశ్రమలో శుక్రవారం అర్ధరాత్రి సమయంలో ఈ ఘోరం సంభవించింది. రియాక్టర్‌ పేలడంతో ఐదుగురు కార్మికులు ప్రాణాలు కోల్పోయారు. మరో ఆరుగురు తీవ్రంగా గాయపడినట్లు తాజా నివేదికలు వెల్లడించాయి. పేలుడు అనంతరం రసాయన వాయువు లీకవడంతో పరిశ్రమ ప్రాంగణంతో పాటు పరిసర ప్రాంతాల్లో దట్టమైన పొగ అలుముకుంది. సమాచారం అందుకున్న అధికారులు, అత్యవసర సిబ్బంది అక్కడికి చేరుకుని సహాయక చర్యలు చేపట్టారు.హైడ్రోజనేషన్‌ ప్రక్రియలో పేలుడుపరిశ్రమలో రసాయనాల తయారీ ప్రక్రియ కొనసాగుతుండగా ఈ ప్రమాదం జరిగినట్లు ప్రాథమిక సమాచారం. హైడ్రోజనేషన్‌ ప్రక్రియలో ఉపయోగిస్తున్న సుమారు 15 వేల లీటర్ల సామర్థ్యం గల రియాక్టర్‌ పేలినట్లు తెలుస్తోంది. పేలుడు తీవ్రతకు యంత్ర పరికరాలు దెబ్బతినడంతో పాటు వాటి శకలాలు పరిశ్రమ ప్రాంగణంలో చెల్లాచెదురుగా పడిపోయాయి. కొన్ని శకలాలు ఫ్యాక్టరీ వెలుపలికి కూడా ఎగిరిపడ్డాయి.15 కిలోమీటర్ల దూరం వరకు శబ్దంపేలుడు శబ్దం సుమారు 15 కిలోమీటర్ల దూరం వరకు వినిపించినట్లు పరిసర గ్రామాల ప్రజలు తెలిపారు. భారీ శబ్దంతో స్థానికులు భయాందోళనలకు గురయ్యారు. పేలుడు అనంతరం ప్లాంటులో, దాని చుట్టుపక్కల దట్టమైన పొగ కమ్ముకుంది. మీథిలీన్‌ డైక్లోరైడ్‌ (MDC) వాయువు లీకైనట్లు తెలుస్తోంది. దీంతో అక్కడ పనిచేస్తున్న కొందరు కార్మికులు, ఇతరులకు కళ్ల మంట వంటి ఇబ్బందులు ఎదురైనట్లు సమాచారం.క్షతగాత్రులకు ఆస్పత్రుల్లో చికిత్సప్రమాదంలో గాయపడిన కార్మికులను భరూచ్‌, వడోదరలోని ఆస్పత్రులకు తరలించినట్లు నివేదికలు తెలిపాయి. మృతదేహాలను భరూచ్‌ సివిల్‌ ఆస్పత్రికి తరలించారు. ఐదుగురు కార్మికులు మృతి చెందినట్లు పలు తాజా కథనాలు వెల్లడించగా, గాయపడిన వారి సంఖ్యపై కొన్ని నివేదికల్లో ఐదుగురు, మరికొన్నింటిలో ఆరుగురిగా పేర్కొన్నారు. అధికారికంగా తుది సంఖ్య నిర్ధారణ కావాల్సి ఉంది.ప్రమాదానికి కారణాలపై దర్యాప్తుఘటనపై పోలీసులు, జిల్లా అధికారులు విచారణ చేపట్టారు. గుజరాత్‌ కాలుష్య నియంత్రణ మండలి, పారిశ్రామిక భద్రత–ఆరోగ్య విభాగం అధికారులు కూడా పరిశీలన ప్రారంభించినట్లు సమాచారం. రియాక్టర్‌ పేలడానికి దారితీసిన పరిస్థితులు ఏమిటి? తయారీ ప్రక్రియలో సాంకేతిక లోపం ఏదైనా తలెత్తిందా? పరిశ్రమలో భద్రతా నిబంధనలు పాటించారా? అనే అంశాలపై దర్యాప్తు చేస్తున్నారు. ప్రమాదానికి కచ్చితమైన కారణం మాత్రం విచారణ పూర్తయిన తర్వాతే వెల్లడికానుంది.ఇదీ చదవండి: కాలువలో పడ్డ బస్సు.. 8 మంది మృతి

కొచ్చి కలమస్సేరి స్పా కేంద్రంగా వెలుగుచూసిన సామూహిక అత్యాచారం కేసులో అలప్పుళకు చెందిన శరణ్య కీలక పాత్ర పోషించినట్లు పోలీసులు చెబుతున్నారు. ప్రధాన నిందితుడు శ్రీరాజ్‌ ముఠాలోకి మహిళలను తీసుకురావడంలో ఆమె సహకరించినట్లు అనుమానిస్తున్నారు. బాధితురాలు కూడా శరణ్య తనను ఎక్కువగా వేధించిందని పోలీసులకు తెలిపింది. మాదకద్రవ్యాలు తీసుకున్న తర్వాత ఆమె ప్రవర్తనలో మార్పులు వస్తాయని పోలీసులు పేర్కొంటున్నారు.అయితే, శ్రీరాజ్‌ స్పాలకు మహిళలను పంపించడంతోపాటు, అక్కడి సమస్యలను పరిష్కరించి యజమానుల నుంచి డబ్బులు వసూలు చేసేవాడని ఆరోపణలున్నాయి. శరణ్య మహిళలను గుర్తించి, వారితో సంప్రదింపులు జరిపి ముఠాలోకి తీసుకొచ్చేదని పోలీసులు అనుమానిస్తున్నారు. దీంతో మొదట్లో అదే స్పాలో పనిచేయడానికి వచ్చిన ఆమె.. శ్రీరాజ్‌తో పరిచయం ఏర్పడిన తర్వాత నేరాల్లో భాగస్వామిగా మారినట్లు దర్యాప్తులో గుర్తించారు.ఈ కేసులో శరణ్య రెండో నిందితురాలు కాగా, బాధితురాలు తప్పించుకునేందుకు ప్రయత్నించినప్పుడు మరో నిందితుడు సంజయ్‌ అడ్డుకున్నట్లు ఆరోపణలున్నాయి. దీంతో పోలీసులు నిందితులను ఘటన జరిగినట్లు ఆరోపణలు ఎదుర్కొంటున్న లాడ్జికి తీసుకెళ్లి ఆధారాలు సేకరించారు. గతంలోనూ అక్కడ ఇలాంటి ఘటనలు జరిగినట్లు ఫిర్యాదులు అందగా, బాధితురాలిని ఇంటర్వ్యూ పేరుతో ఆహ్వానించిన ‘డిలైట్‌ స్పా’లోనూ ఆధారాలు సేకరించారు.అలాగే, బాధితురాలికి మత్తు పదార్థాలు ఇచ్చి రాత్రంతా అత్యాచారానికి పాల్పడినట్లు ఆరోపణలున్నాయి. అయితే, లాడ్జిలోని సీసీటీవీ ఫుటేజీని తొలగించడంతో దాన్ని తిరిగి పొందేందుకు పోలీసులు ప్రయత్నిస్తున్నారు. గదిలోకి మరో ఇద్దరు వచ్చినట్లు బాధితురాలు చెప్పింది. అయితే, ఆమె అక్కడి నుంచి తప్పించుకున్న తర్వాతే వారు వచ్చి ఉంటారని పోలీసులు అనుమానిస్తున్నారు. ఈ విషయంపై మరింత లోతుగా విచారణ జరుపుతున్నట్లు పోలీసులు తెలిపారు.ఇదీ చదవండి: కూతుర్ని చూపిస్తానని చెప్పి, భార్యను పొడిచి చంపేశాడు

బెంగళూరు: ఒకప్పుడు సంచలనం సృష్టించిన భర్త హత్య కేసులో జీవితఖైదు అనుభవిస్తున్న శుభా శంకరనారాయణకు నిరాశ ఎదురైంది. ఆమెతోపాటు ఈ కేసులో శిక్ష అనుభవిస్తున్న ప్రియుడు డి. అరుణ్‌ వర్మ పెట్టుకున్న క్షమాభిక్ష అర్జీని కర్ణాటక ప్రభుత్వం తిరస్కరించింది. గురువారం జరిగిన రాష్ట్ర మంత్రివర్గ సమావేశంలో ఈ అర్జీపై చర్చించిన అనంతరం తిరస్కరించాలని నిర్ణయించినట్లు హోం మంత్రి ప్రియాంక్‌ ఖర్గే వెల్లడించారు.ఇష్టం లేని పెళ్లే కారణమా?2003లో జరిగిన ఈ హత్య అప్పట్లో తీవ్ర సంచలనం రేపింది. న్యాయ విద్యార్థినిగా ఉన్న శుభాకు ఇష్టం లేకుండానే గిరీశ్‌తో వివాహం చేశారని, ఈ నేపథ్యంలో ఆమె తన ప్రియుడు అరుణ్‌ వర్మతో కలిసి భర్తను హత్య చేసేందుకు కుట్ర పన్నిందని కేసు దర్యాప్తులో ఆరోపణలు వెలుగుచూశాయి. పథకం ప్రకారం గిరీశ్‌ను రింగ్‌రోడ్డుకు తీసుకెళ్లి హత్యాయత్నం చేయగా, తీవ్ర గాయాలపాలైన ఆయన ఆస్పత్రిలో చికిత్స పొందుతూ మరణించారు.ఈ కేసులో నిందితులుగా ఉన్న శుభా శంకరనారాయణ, అరుణ్‌ వర్మలకు బెంగళూరు కోర్టు జీవితఖైదు విధించింది. అప్పటి నుంచి వారు శిక్ష అనుభవిస్తున్నారు.గవర్నర్‌ నుంచి ప్రభుత్వానికి ఫైల్‌శిక్ష నుంచి క్షమాభిక్ష కోరుతూ శుభా, అరుణ్‌ వర్మ గవర్నర్‌కు అర్జీ సమర్పించారు. గవర్నర్‌ ఆ ఫైల్‌ను రాష్ట్ర ప్రభుత్వ పరిశీలనకు పంపించారు. గురువారం మంత్రివర్గ సమావేశంలో దీనిపై చర్చించి అర్జీని తిరస్కరించినట్లు హోం మంత్రి ప్రియాంక్‌ ఖర్గే మీడియాకు వివరించారు. దీంతో ఈ కేసులో శిక్ష అనుభవిస్తున్న ఇద్దరికీ క్షమాభిక్ష లభించలేదు.ఇదీ చదవండి: హైదరాబాద్‌ పీవీ ఎక్స్‌ప్రెస్‌వేపై కార్ల బీభత్సం! భారీగా ట్రాఫిక్‌ జామ్‌!

పిల్లలు తమకు ఎదురైన విషయాలను భయం లేకుండా పెద్దలతో పంచుకోగలగాలి. మనసులోని మాట చెప్పేందుకు జంకకూడదు.. తమకు జరిగినది చెబితే తిడతారేమో, తప్పుపడతారేమోనన్న భయం వారిలో ఉండకూడదు. ఇటీవల వచ్చిన ఇరుముడి సినిమా ఇచ్చిన సందేశం కూడా ఇదే. పిల్లలు భయం వీడి తమకు ఎదురైన అనుభవాలను చెప్పగలిగితేనే.. వారి సమస్యలు వెలుగులోకి వస్తాయి. ఇందుకు నిదర్శనంగా.. పాఠశాలలో ‘గుడ్‌ టచ్‌.. బ్యాడ్‌ టచ్‌’ పాఠం చెబుతున్న సమయంలో ఏడేళ్ల బాలిక తనపై జరుగుతున్న వేధింపులను టీచర్‌కు వెల్లడించింది.స్కూల్‌లో గుడ్‌ టచ్‌.. బ్యాడ్‌ టచ్‌పై పాఠం చెబుతున్న సమయంలో.. ఏడేళ్ల బాలిక తమ ఇంట్లో అద్దెకు ఉంటున్న అంకుల్‌ చేస్తున్న పనుల గురించి చెప్పడంతో టీచర్‌ షాక్‌కు గురయ్యారు. తనకు ఎదురవుతున్నది లైంగిక వేధింపులనే విషయం కూడా తెలియని ఆ చిన్నారి.. తనకు జరిగినదంతా వివరించింది. దీంతో విషయం తల్లిదండ్రుల దృష్టికి వెళ్లగా.. వారు పోలీసులను ఆశ్రయించారు. ఈ ఘటన మహారాష్ట్రలోని నాగ్‌పూర్‌లో చోటుచేసుకుంది.పోలీసులకు అందిన ఫిర్యాదు ప్రకారం.. రాజేశ్‌ కనోజియా అనే వ్యక్తి ఆ బాలిక ఇంట్లో అద్దెకు ఉంటున్నాడు. చాక్లెట్లు ఇస్తానని ఆశ చూపి తన గదిలోకి పిలిచేవాడని అక్కడ ఆమెను అనుచితంగా తాకి లైంగికంగా వేధించేవాడట. ఈ విషయం బయటపెడితే తీవ్ర పరిణామాలు ఎదుర్కోవాల్సి వస్తుందని.. బాలిక తండ్రిని చంపేస్తానని కూడా బెదిరించినట్లు సమాచారం.నాలుగు నెలలపాటు.. ఫిర్యాదు ప్రకారం.. ఈ ఘటనలు జూన్‌ 30 నుంచి అక్టోబర్‌ 13 మధ్య జరిగినట్లు తెలుస్తోంది. పాఠశాలలో గుడ్‌ టచ్‌–బ్యాడ్‌ టచ్‌ గురించి చెబుతున్నప్పుడు బాలిక తనకు ఎదురైన అనుభవాన్ని టీచర్‌తో పంచుకుంది. దీంతో విషయం తల్లికి తెలియగా, ఆమె పోలీసులను ఆశ్రయించారు. పోలీసులు పోక్సో చట్టంతోపాటు సంబంధిత నిబంధనల కింద కేసు నమోదు చేసి నిందితుడిని అరెస్టు చేశారు. ప్రస్తుతం దర్యాప్తు కొనసాగుతోంది.పిల్లల మాట వినడం ఎందుకు ముఖ్యం?పిల్లలు తమకు ఎదురైన ఇబ్బందులను చెప్పేందుకు భయపడకుండా చూడటం పెద్దల బాధ్యత. వారి మాటలను తేలిగ్గా తీసుకోకుండా, శ్రద్ధగా వినాలి. తమకు అసౌకర్యంగా అనిపించే స్పర్శ గురించి నమ్మకమైన పెద్దలకు చెప్పవచ్చని చిన్న వయసు నుంచే అవగాహన కల్పించాలి. నాగ్‌పూర్‌ ఘటనలో బాలిక తన అనుభవాన్ని టీచర్‌తో పంచుకోవడం వల్లే విషయం వెలుగులోకి వచ్చింది. పిల్లలకు మాట్లాడే స్వేచ్ఛ ఇవ్వడం, వారు చెప్పేది నమ్మకంగా వినడం ఎంత అవసరమో ఈ ఘటన మరోసారి గుర్తుచేస్తోంది.ఇదీ చదవండి: ‘ఏయ్‌.. నేను నీ బాస్‌ని’ రెచ్చిపోయిన ఐఏఎస్‌

అన్నమయ్య జిల్లా: మదనపల్లెలో దారుణ ఘటన చోటుచేసుకుంది. ఓ ప్రైవేట్ లాడ్జిలో భర్త తన భార్యను బీర్ బాటిల్‌తో తలపై కొట్టి హత్య చేశాడు. బుధవారం అర్ధరాత్రి జరిగిన ఈ ఘటన గురువారం ఉదయం వెలుగులోకి రావడంతో స్థానికంగా కలకలం రేపింది. భార్యను హత్య చేసిన అనంతరం నిందితుడు పోలీస్ స్టేషన్‌కు వెళ్లి లొంగిపోవడం ఈ ఘటనలో మరో కీలక పరిణామం.పోలీసుల వివరాల ప్రకారం.. హత్యకు గురైన మహిళ కర్ణాటక రాష్ట్రంలోని కోలార్ జిల్లా ముళబాగల్‌కు చెందినవారిగా గుర్తించారు. ఆమె భర్త నవీద్ భాష మదనపల్లెలోని ఓ ప్రైవేట్ లాడ్జిలో ఆమెపై దాడి చేశాడు. బీర్ బాటిల్‌తో తలపై బలంగా కొట్టడంతో ఆమె ప్రాణాలు కోల్పోయింది. అర్ధరాత్రి సమయంలో ఈ ఘటన చోటుచేసుకున్నట్లు పోలీసులు వెల్లడించారు.భార్యను హత్య చేసిన అనంతరం నిందితుడు నవీద్ భాష మదనపల్లె వన్‌టౌన్ పోలీస్ స్టేషన్‌కు వెళ్లి లొంగిపోయాడు. ఈ ఘటనపై సమాచారం అందుకున్న పోలీసులు లాడ్జికి చేరుకుని ఘటనా స్థలాన్ని పరిశీలించారు. వివరాలు సేకరించి కేసు నమోదు చేశారు. నిందితుడిని అదుపులోకి తీసుకుని విచారిస్తున్నారు.అయితే భార్యను హత్య చేయడానికి గల కారణాలు ఇంకా తెలియరాలేదు. భార్యాభర్తల మధ్య ఏవైనా విభేదాలు ఉన్నాయా? హత్యకు దారితీసిన పరిస్థితులు ఏమిటి? అనే కోణాల్లో పోలీసులు దర్యాప్తు చేస్తున్నారు. విచారణ పూర్తయిన తర్వాత ఘటనకు సంబంధించిన మరిన్ని వివరాలు వెల్లడయ్యే అవకాశం ఉంది.

హైదరాబాద్‌: అశోక్‌నగర్‌లో బుధవారం రాత్రి వ్యక్తి దారుణ హత్య తీవ్ర కలకలం రేపింది. నారాయణగూడ, హిమాయత్‌నగర్‌ వెళ్లే బ్రిడ్జి సమీపంలో కిరాణా షాపు పక్కన నిద్రిస్తున్న సుభాష్‌ (40)పై గుర్తుతెలియని వ్యక్తులు దాడి చేశారు. సుత్తితో ముఖం, తలపై విచక్షణారహితంగా కొట్టగా అతడు తీవ్ర గాయాలతో అక్కడికక్కడే మృతి చెందాడు. సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. మృతదేహాన్ని గాంధీ మార్చురీకి తరలించారు. మృతుడు సుభాష్‌ వద్ద ఎలాంటి ఆధారాలు లభించలేదు. బీఎస్‌ఎస్‌ సెక్షన్‌ 103(1) కింద కేసు నమోదు చేసిన పోలీసులు దర్యాప్తు చేపట్టారు. హత్యకు కారణాలు, నిందితుల వివరాలు తెలుసుకునేందుకు వివిధ కోణాల్లో విచారణ జరుపుతున్నారు. గాలింపు చర్యలు చేపట్టామని చిక్కడపల్లి ఇన్‌స్పెక్టర్‌ ఎల్‌.మధుబాబు తెలిపారు. ఘటనాస్థలాన్ని డీసీపీ రక్షితక్రిష్ణమూర్తి, అడిషనల్‌ డీసీపీ జోగుల నర్సయ్య, ఏసీపీ రణధీర్‌రెడ్డి, క్లూస్‌ బృందం పర్యేవేక్షించారు. ఇదీ చదవండి: HYD: మటన్‌ బిర్యానీలో మనిషి దంతం

చివ్వెంల (సూర్యాపేట): ప్రేమ పేరుతో నమ్మించి మైనర్‌ బాలికపై పలుమార్లు లైంగికదాడికి పాల్పడిన నిందితునికి 35 సంవత్సరాల జైలుశిక్ష విధిస్తూ సూర్యాపేట జిల్లా మొదటి అదనపు న్యాయమూర్తి పి.శివరామ్‌ప్రసాద్‌ మంగళవారం తీర్పు వెల్లడించారు. సూర్యాపేట పట్టణానికి చెందిన మైనర్‌ బాలికతో, భగత్‌సింగ్‌నగర్‌ ప్రాంతానికి చెందిన కొమ్ము దయాకర్‌ ఇన్‌స్ట్రాగామ్‌లో పరిచయం పెంచుకుని, ప్రేమిస్తున్నానని చెప్పి నమ్మించాడు. 2023 జూన్‌ 2న బాలిక తన చిన్నమ్మ ఇంటికి వెళ్లింది. ఆరోజు రాత్రి బాలిక ఉన్న ఇంట్లోకి దయాకర్‌ చొరబడి అత్యాచారం చేశాడు. తర్వాత కూడా పలుమార్లు బాలిక ఇంట్లో, సూర్యాపేటలోని ఓ లాడ్జ్‌లో ఆమెపై అత్యాచారం చేశాడు. 2023 జూలై 17న బాలికను ఆమె ఇంటినుంచి తీసుకువెళ్లాడు. తొలుత ఖమ్మంకు వెళ్లి, తర్వాత విజయవాడకు చేరుకున్నారు. అక్కడ దయాకర్‌ స్నేహితుడి రూమ్‌లో ఉంటూ, అక్కడే ఉన్న శ్రీ వెంకటేశ్వరస్వామి ఆలయంలో బాలికకు తాళి కట్టి, రెండు రోజులపాటు స్నేహితుడి రూమ్‌లోనే ఉన్నారు. కుమార్తె కనిపించకపోవడంతో తండ్రి స్థానిక పోలిస్‌ స్టేషన్‌లో పిర్యాదు చేశాడు. విషయం తెలుసుకున్న దయాకర్‌ బాలికను సూర్యాపేటకు తీసుకొచ్చి వాళ్ల ఇంటికి దగ్గరలో వదిలి వెళ్లిపోయాడు. కేసు దర్యాప్తు చేసిన పోలీసులు నిందితుడిని అదుపులోకి తీసుకుని రిమాండ్‌కు తరలించారు. పలువురు సాక్షులను విచారించిన న్యాయమూర్తి.. నిందితునికి 35 సంవత్సరాల జైలు శిక్షతో పాటు, రూ.7 లక్షలు బాధితురాలికి డీఎల్‌ఎస్‌ఎ ద్వారా చెల్లించాలని తీర్పు వెల్లడించారు.

సాక్షి, హైదరాబాద్‌: ఆధ్యాత్మిక సాధనల పేరుతో ఓ వివాహితకు అసభ్యకర సందేశాలు పంపుతూ, ఆమె భర్తను చంపేస్తానని బెదిరించినట్లు ఆరోపణలు ఎదుర్కొంటున్న శ్రీచైతన్య గురూజీ అలియాస్‌ మేరెడ్డి సునీల్‌రెడ్డిపై పోలీసులు కేసు నమోదు చేశారు. హైదరాబాద్‌లోని జూబ్లీహిల్స్‌ రోడ్‌ నంబర్‌ 71లో శ్రీవిద్యా సాధనా సెంటర్‌ను సునీల్‌ రెడ్డి నిర్వహిస్తున్నారు. సునీల్‌రెడ్డి వేధింపుల కారణంగా ఓ సాఫ్ట్‌వేర్‌ ఇంజినీర్‌ కుటుంబంలో కలకలం రేపింది.హైదరాబాద్‌లోని జూబ్లీహిల్స్‌ రోడ్‌ నంబర్‌ 10, స్రవంతి నగర్‌కు చెందిన విష్ణుదీప్‌రెడ్డి సాఫ్ట్‌వేర్‌ ఇంజినీర్‌గా పనిచేస్తున్నారు. ఆయన భార్య శ్రీవిద్యా సాధనా సెంటర్‌కు వెళ్తున్నారు. ఈ క్రమంలో కేంద్రం నిర్వాహకుడైన మేరెడ్డి సునీల్‌రెడ్డి ఆధ్యాత్మిక సాధనల పేరుతో ఆమెతో సాన్నిహిత్యం పెంచుకున్నారని బాధితురాలి భర్త ఆరోపించారు. ఆ తర్వాత తన భార్యకు సునీల్‌రెడ్డి తరచూ అసభ్యకర సందేశాలు పంపుతూ, వ్యక్తిగత సంభాషణలు జరిపేవారని ఆయన ఫిర్యాదులో పేర్కొన్నట్లు సమాచారం. ఈ వ్యవహారం తన దృష్టికి రావడంతో భార్యకు పంపిన సందేశాల గురించి తెలుసుకుని ఆందోళనకు గురైనట్లు తెలిపారు.నిలదీస్తే చంపేస్తానని బెదిరింపులు?తన భార్యకు సందేశాలు పంపుతున్న విషయంపై విష్ణుదీప్‌రెడ్డి సాధనా కేంద్రానికి వెళ్లి ప్రశ్నించారు. అక్కడ సునీల్‌రెడ్డిని నిలదీయగా, ఆయన తీవ్ర ఆగ్రహం వ్యక్తం చేస్తూ తన జీవితాన్ని నాశనం చేస్తానని, మరోసారి అటువైపు వస్తే చంపేస్తానని బెదిరించినట్లు విష్ణుదీప్‌రెడ్డి ఆరోపించారు. ఈ పరిణామాలతో తమ వైవాహిక జీవితంలో తీవ్ర గందరగోళం ఏర్పడిందని పేర్కొన్నట్లు సమాచారం. తన భార్యకు పంపిన సందేశాలు, బెదిరింపులకు సంబంధించిన ఆధారాలను సేకరించిన ఆయన న్యాయస్థానాన్ని ఆశ్రయించారు. ఈ వ్యవహారంపై న్యాయస్థానం ఆదేశాల మేరకు జూబ్లీహిల్స్‌ పోలీసులు సునీల్‌రెడ్డిపై కేసు నమోదు చేసినట్లు తెలిసింది.బీఎన్‌ఎస్‌ 351(2) కింద కేసువిష్ణుదీప్‌రెడ్డి ఫిర్యాదులో పేర్కొన్న బెదిరింపుల అంశానికి సంబంధించి పోలీసులు భారతీయ న్యాయ సంహిత (బీఎన్‌ఎస్‌) సెక్షన్‌ 351(2) కింద కేసు నమోదు చేశారు. ఈ సెక్షన్‌ నేరపూరిత బెదిరింపులకు సంబంధించినది. ప్రస్తుతం ఈ వ్యవహారంపై పోలీసులు దర్యాప్తు చేస్తున్నట్లు సమాచారం.ఇదీ చదవండి: హనుమకొండలో కీచక ఎస్ఐ బాగోతం బట్టబయలు

లబ్బీపేట(విజయవాడతూర్పు): వెస్ట్‌ బైపాస్‌పై సోమవారం సాయంత్రం కారు ప్రమాదం జరిగితే, అది ఏ పోలీస్‌స్టేషన్‌ పరిధిలో జరిగిందో తహసీల్దార్‌ తేల్చాల్సి వచ్చింది. కారు ప్రమాదంలో నలుగురు మృత్యువాత పడటంపై రాష్ట్ర ముఖ్యమంత్రి, మాజీ ముఖ్యమంత్రి, పలువురు మంత్రులు స్పందించినా, పోలీసుల్లో మాత్రం చలనం లేకపోయింది. అది మా పరిధి కాదంటూ ఆ ప్రాంతానికి చుట్టు పక్కల ఉన్న భవానీపురం, కొత్తపేట పోలీస్‌స్టేషన్‌ల హౌస్‌ ఆఫీసర్స్‌ చెప్పడం ఆ శాఖ పనితీరుకు నిదర్శనంగా నిలుస్తుంది. నలుగురు సజీవ దహనం అయినట్లు వార్తలు వస్తున్నా వారిలో చలనం రాలేదు కదా కనీసం స్పందించాల్సింది పోయి మా పరిధి కాదంటూ తేల్చేశారు. ఘటన జరిగిన గంటన్నరకు ప్రమాదస్థలానికి ఇబ్రహీంపట్నం పోలీసులు చేరుకుని మృతదేహాలను ప్రభుత్వాస్పత్రి మార్చురీకి తరలించాల్సి వచ్చింది. తహసీల్దార్‌ తేల్చాల్సి వచ్చిందిప్రమాద ప్రాంతం నుంచి సోమవారం రాత్రి మృతదేహాలను ఇబ్రహీంపట్నం పోలీసులు ప్రభుత్వాస్పత్రికి తరలించారు. అయితే ప్రమాదం జరిగిన ప్రాంతంపై ఎవరికి వారు తమది కాదని చెపుతుండటంతో ఆ ప్రాంత తహసీల్దార్‌ రంగంలోకి దిగాల్సి వచ్చింది. తహసీల్దార్‌ ప్రమాద ప్రాంతంలోకి వెళ్లి తమ వద్ద ఉన్న ప్లాన్‌ ఆధారంగా ఆ ప్రాంతం భవానీపురం స్టేషన్‌ పరిధిలోకి వస్తుందని తేల్చాల్సి వచ్చింది. అప్పుడు భవానీపురం పోలీసులు స్పందించారు. కొత్తపేట, భవానీపురం స్టేషన్‌ల మధ్య ఘటన జరిగినా వాళ్లు స్పందించక పోవడంతో ఇబ్రహీంపట్నం వాళ్లు రావాల్సి వచ్చింది. సాధారణ విధులు పట్టించుకోరా?ప్రస్తుతం నగర పోలీసులకు అంతా ఉత్సవాల బందోబస్తు డ్యూటీ ఉన్నాయి. అయినప్పటికీ ఏదైనా ఘటన జరిగినప్పుడు స్పందించేందుకు కొందరు సిబ్బంది ఉంటారు. కానీ సోమవారం సాయంత్రం జరిగిన కారు ప్రమాదం, నలుగురు స్పాట్‌ డెడ్‌ అయిన ఘటనలో పోలీసులు వ్యవహరించిన తీరు సర్వత్రా విమర్శలకు తావిస్తోంది. ఉన్నతస్థాయి వ్యక్తులు స్పందించినా పోలీసుల్లో చలనం లేకపోవడంపై అన్ని వర్గాల నుంచి విమర్శలు వస్తున్నాయి. ఇదీ చ‌ద‌వండి: లే కన్నా.. ఇంటికెళ్దాం!

ఆ బాలికకు పదేళ్లే.. శివాలయానికి వెళ్లి భక్తితో స్వామివారికి మొక్కుకుంది. పూజ ముగించుకుని చేతులు జోడించి ప్రార్థిస్తున్న ఆ చిన్నారిపై ఓ కామాంధుడు కన్నేశాడు. ఆలయంలో ఎవరూ లేరని గమనించి ఆమెను బలవంతంగా పట్టుకుని లైంగిక దాడికి యత్నించాడు. ఈ దారుణ ఘటన ఆలయంలోని సీసీటీవీ కెమెరాల్లో ఈ ఘోరం రికార్డవడంతో స్థానికంగా తీవ్ర ఆగ్రహం వ్యక్తమవుతోంది.శివాలయానికి బాలిక ఒంటరిగా వెళ్లి పూజలు చేసింది. అనంతరం లింగానికి మొక్కుకుని చేతులు జోడించి ప్రార్థిస్తున్న సమయంలో ఓ వ్యక్తి అక్కడికి వచ్చాడు. ఆలయం బయట ఉన్న ట్యాంకు నుంచి నీళ్లు తీసుకునేందుకు వచ్చిన అతడు.. లోపల బాలిక ఒక్కతే ఉండటాన్ని గమనించాడు. ఆలయంలోకి ప్రవేశించి చిన్నారిని చేతులతో బలవంతంగా పట్టుకుని, ఆమె ఇష్టానికి వ్యతిరేకంగా కౌగిలించుకునేందుకు ప్రయత్నించాడు. దీంతో భయపడిపోయిన బాలిక గట్టిగా కేకలు వేయడంతో నిందితుడు అక్కడి నుంచి పారిపోయాడు. మహారాష్ట్ర పుణెలోని నిగ్డీ ప్రాంతంలో ఉన్న శివాలయంలో ఈ దారుణం జరిగింది.కుటుంబానికి చెప్పడంతో వెలుగులోకి..నిందితుడు వెళ్లిపోయిన తర్వాత బాలిక కన్నీటిపర్యంతమైంది. అనంతరం కుటుంబ సభ్యులకు జరిగిన విషయాన్ని వివరించింది. దీంతో వారు నిగ్డీ పోలీస్‌ స్టేషన్‌లో ఫిర్యాదు చేశారు. వెంటనే స్పందించిన పోలీసులు.. సీసీటీవీ ఫుటేజీల ఆధారంగా నిందితుడు విశాల్‌ సింగ్‌ను అరెస్ట్‌ చేశారు. అతడు ఉత్తరప్రదేశ్‌కు చెందిన వ్యక్తిగా, మెట్రో కాంట్రాక్టర్‌ వద్ద కూలీగా పనిచేస్తున్నట్లు ప్రాథమిక సమాచారం. సీనియర్‌ పోలీస్‌ ఇన్‌స్పెక్టర్‌ మహేశ్‌ బన్సోడే పర్యవేక్షణలో పోలీసులు కేసు దర్యాప్తు చేస్తున్నారు.చిన్నారుల భద్రతపై ఈ ఘటన మరోసారి ఆందోళన రేకెత్తించింది. దేవుడిని ప్రార్థించేందుకు వెళ్లిన బాలికకు ఆలయంలోనే ఇలాంటి అనుభవం ఎదురవడంపై స్థానికులు ఆగ్రహం వ్యక్తం చేస్తున్నారు.Shocking: Vishal Singh, a Metro construction contract worker, arrested for sexually assaulting a minor girl inside a temple in Nigdi’s Yamuna Nagar, Pune on Oct 11. CCTV captured the incident. Police booked him under BNS & POCSO. #Pune #Nigdi https://t.co/WB5Tnxf8mD— Amar Singh Chouhan (@amar_4inc) October 12, 2026

బిహార్‌: రాష్ట్రంలోని రాఘెపూర్‌ ప్రాంతంలో ఘోర ప్రమాదం చోటుచేసుకుంది. గంగానదిలో ప్రయాణిస్తున్న పడవ ఒక్కసారిగా బోల్తా పడటంతో 10 మంది మృతిచెందారు. అయితే, ఈ ప్రమాదంలో మరికొంత మంది గల్లంతైనట్లు సమాచారం.ప్రమాదం జరిగిన వెంటనే సమాచారం అందుకున్న అధికారులు, సహాయక బృందాలు ఘటనాస్థలానికి చేరుకుని సహాయక చర్యలు చేపట్టాయి. దీంతో గల్లంతైన వారి ఆచూకీ కోసం గాలింపు చర్యలు కొనసాగుతున్నాయి. అలాగే, మృతుల సంఖ్య మరింత పెరిగే అవకాశం ఉన్నట్లు అధికారులు భావిస్తున్నారు. అయితే, ప్రమాదానికి గల కారణాలు, పడవలో ప్రయాణిస్తున్న వారి సంఖ్యకు సంబంధించి పూర్తి వివరాలు ఇంకా తెలియాల్సి ఉంది.ఇదీ చదవండి: డ్రగ్స్ వ్యతిరేక కార్యకర్త దారుణ హత్య

దసరా పండుగ సందర్భంగా కొత్త జ్యువెలరీ షోరూమ్‌లో జరిగినచోరీ సంచలనంగా మారింది. ఓపెన్‌కు సిద్ధంగా ఉన్న క్షణాల్లోనే రూ. 8.28 కోట్ల విలువైన 5.5 కిలోల బంగారు ఆభరణాలు మాయమైన ఘటనకలకలం రేపింది. గుజరాత్‌లోని వడోదర నగరంలో చోటు చేసుకున్న ఈ ఘటనకు సంబంధించిన వివరాలు తెలుసుకుంటే షాకవ్వాల్సిందే. స్థానిక సాయి గణేష్ కాంప్లెక్స్‌లో 'శ్రీ అంబికా జ్యువెలర్స్' అనే కొత్త షోరూమ్ ప్రారంభోత్సవం కోసం ముంబై నుండి భారీగా బంగారు ఆభరణాలు తెప్పించారు. సేల్స్ మేనేజర్ వాష్‌రూమ్‌కి వెళ్లిన కేవలం 12 నిమిషాల వ్యవధిలోనే రెండు బ్యాగుల్లో ఉన్న అయిదున్నర కిలోల బంగారాన్ని కొట్టేశారు. ఈ ఘటనపై ముంబైకి చెందిన 'యుగన్ గోల్డ్ ప్రైవేట్ లిమిటెడ్' సేల్స్ మేనేజర్ హిమాంశు జైన్ ఇచ్చిన ఫిర్యాదు ఆధారంగా వడోదరలోని 'బాపోద్' (Bapod) పోలీస్ స్టేషన్‌లోకేసు నమోదైంది.ఘటన జరిగిన తీరిది..ఫిర్యాదుదారు హిమాంశు జైన్‌కు గుజరాత్‌లోని దకోర్ (Dakor) ప్రాంతంలో జ్యువెలరీ షాప్ నడుపుతున్న భవిక్‌కుమార్ సోని అనే వ్యాపారవేత్తతో 2017 నుండి పరిచయం ఉంది. దసరా సందర్భంగా వడోదరలో ప్రారంభించబోయే తన కొత్త షోరూమ్ కోసం సోని పెద్ద ఎత్తున బంగారు ఆభరణాల ఆర్డర్ ఇచ్చాడు. దాంతో ఆదివారం హిమాంశు జైన్ రూ. 8.28 కోట్ల విలువైన 5.5 కిలోల బంగారాన్ని వడోదరకు తీసుకువచ్చారు.షోరూమ్‌లో ఆభరణాలను ఉంచి సోని, హిమాంశు జైన్ సోదరుడు నీల్ ఇద్దరూ భోజనానికి బయటకు వెళ్లారు. ఆ సమయంలో రెండు బంగారం బ్యాగులు సురక్షితంగా ఉంటాయని సోని వారికి హామీ ఇచ్చి, షాపుకు బయటి నుండి తాళం వేసి వెళ్లాడు. అదే సమయంలో జైన్ వాష్‌రూమ్‌కి వెళ్లారు.జైన్ దాదాపు 12 నిమిషాల తర్వాత తిరిగి వచ్చేసరికి షాప్ తాళం తీసి ఉంది. లోపలికి వెళ్లేసరికి ఇతర ఆభరణాలు అక్కడే ఉన్నప్పటికీ, బంగారం ఉన్న రెండు ప్రధాన బ్యాగులు కనిపించకుండా పోయాయి. దీంతో ఒక్కసారిగా షాకైన జైన్‌ పోలీసులకు ఫిర్యాదు చేశాడు. సీసీటీవీ దృశ్యాల ప్రకారం నీలం రంగు టూ-వీలర్‌పై వచ్చిన ఇద్దరు అజ్ఞాత వ్యక్తులు ఆ బంగారు బ్యాగులతో పారిపోతున్నట్లు కనిపించింది.ఇదీ చదవండి: రూ. 1500 కోట్ల సామ్రాజ్యం : అప్పట్లో ఆలూ, ఉల్లి, మరిప్పుడు?మరోవైపు భోజనానికి వెళ్లిన ప్రధాన అనుమానితుడు భవిక్‌కుమార్ సోని, మార్గమధ్యలో తనకు కళ్ళు తిరుగుతున్నాయని చెప్పి అక్కడి నుండి వెళ్లిపోయాడు. ఆ తర్వాత అతని మొబైల్ ఫోన్ కూడా స్విచ్ ఆఫ్‌ అయింది. దీంతో పోలీసుల అనుమానాలు మరింత బలపడ్డాయి. పెద్ద మొత్తంలో బంగారం ఆర్డర్‌ ఇవ్వడం, షాప్‌ ఓపెనింగ్‌ ఇదంతా పక్కాప్లాన్‌తో చేసిన చోరీ అని అసిస్టెంట్ కమిషనర్ ఆఫ్ పోలీస్ (ACP) జి.బి. బాభణియా తెలిపారు. షాపు తాళం తీసి వారు లోపలికి ఎలా ప్రవేశించారనే దానిపైదర్యాప్తు చేస్తున్నామన్నారు. ప్రస్తుతం వడోదర పోలీసులు నాలుగు ప్రత్యేక బృందాలను ఏర్పాటు చేసి సీసీటీవీ ఆధారాలు, సాంకేతిక సర్వేలెన్స్ సహాయంతో నిందితుల కోసం వివిధ ప్రాంతాల్లో సోదాలు నిర్వహిస్తున్నారు.ఇదీ చదవండి: పాపులర్‌ టీవీ యాక్టర్‌ ఆత్మహత్య , రీల్‌ తండ్రి భావోద్వేగం

సాక్షి, హైదరాబాద్: గంజాయి అక్రమ రవాణా కేసులో కీలక నిందితుడిగా ఉన్న మహారాష్ట్ర కానిస్టేబుల్‌ సైబరాబాద్‌ పోలీసులకు ఝలక్‌ ఇచ్చాడు. ఇతడిని పట్టుకున్న పటాన్‌చెరు పోలీసులు గత మంగళవారం ఠాణాకు తీసుకువచ్చారు. బాత్‌రూంకి వెళ్లివస్తానని చెప్పిన అతగాడు అదును చూసుకుని పోలీసుస్టేషన్‌ నుంచి ఎస్కేప్‌ అయ్యాడు. ఈ విషయాన్ని సీరియస్‌గా తీసుకున్న పోలీసు కమిషనర్‌ ఎం.రమేష్‌ నిందితుడి కోసం ప్రత్యేక బృందాలను రంగంలోకి దింపారు. ఈ ఏడాది మేలో స్మగ్లింగ్‌ గుట్టురట్టు...పటాన్ చెరు పోలీసుస్టేషన్ డిటెక్టివ్‌ ఇన్‌స్పెక్టర్‌గా పని చేస్తున్న బి.రాజుకు ఈ ఏడాది మే 11న అందిన విశ్వసనీయ సమాచారం మేరకు ఈ స్మగ్లింగ్‌ గుట్టురట్టు అయింది. ఒడిశా నుంచి గంజాయిని తీసుకొస్తున్న రెండు వాహనాలు ముత్తంగి టోల్‌ప్లాజా ఎగ్జిట్‌–3 మీదుగా మహారాష్ట్ర వైపు వెళ్లనున్నాయన్నది ఆ సమాచారం సారాంశం. దీంతో ఆయన తన సిబ్బందితో ముత్తంగి టోల్‌ప్లాజా సమీపంలో నిఘా ఏర్పాటు చేసింది. అనుమానితంగా వస్తున్న ఎర్టిగా కారును ఆపి తనిఖీ చేశారు. అందులో ఉన్న నలుగురు విచారణలో డీసీఎంలో జరుగుతున్న రవాణాపై సమాచారం తెలిసింది. ఆ డీసీఎం వాహనం అంతకుముందు రోజు రాత్రి దారి తప్పి, ఆలయం ఎదురుగా ఉన్న సర్వీస్‌ రోడ్డుపై నిలిచిపోయినట్లు వాళ్లు చెప్పారు. దీంతో పోలీసులు వాళ్లు చూపించిన మార్గంలో వెళ్లి ఆ వాహనాన్ని గుర్తించారు. కోళ్ల దాణా బస్తాల మాటున ప్యాకెట్లు...డీసీఎం క్యాబిన్‌లో డ్రైవర్‌తో పాటు మరో ఇద్దరు ఉన్నట్లు పోలీసులు గుర్తించారు. వాహనంలో గంజాయి ఎక్కడ ఉందంటూ వారిని ప్రశ్నించగా, కోళ్ల దాణా బస్తాల్లో ఖాళీ ప్లాస్టిక్‌ ట్రేల వెనుక దాచిన ప్యాకెట్లను చూపించారు. అక్కడ ఉన్న బస్తాల్లో ప్యాకింగ్‌ టేపులతో చుట్టిన ప్యాకెట్లు బయటపడ్డాయి. మొత్తం 199 ప్యాకెట్లలో ఉన్న గంజాయిని వేరు చేసి 17 ప్లాస్టిక్‌ బస్తాల్లో ప్యాక్‌ చేసిన అధికారులు అది రూ.2.20 కోట్ల విలువైన 398.65 కిలోలుగా తేల్చారు. ఈ కేసులో మహారాష్ట్రలోని షోలాపూర్‌ జిల్లాకు చెందిన ప్రథాప్‌ హరిదాస్‌ పవార్, రంజీత్‌ రాజేంద్ర ఘడగే, బాలాజీ ధ్యానేశ్వర్‌ వన్మానే, ఆనంద్‌ మయ్యప్ప హోవల్, రోహిత్‌ బలాసో హోవల్, ఆడుంబర్‌ గజానంద్‌ చందన్ శివే, ఓ మైనర్‌ను నిందితులుగా పోలీసులు తమ ఎఫ్‌ఐఆర్‌లో పేర్కొని కొందరిపై అప్పట్లోనే చర్యలు తీసుకున్నారు. కీలకంగా వ్యవహరించిన షోలాపూర్‌ కానిస్టేబుల్‌....ఒడిశాలో ట్రిబ్యూన్‌ అనే వ్యక్తి నుంచి గంజాయిని సేకరించిన ముఠా మహారాష్ట్రలోని బుల్ధానా జిల్లాకు చెందిన మనీషా రామ్‌సింగ్‌ పౌడ్వాల్‌కు అందించడానికి బయలుదేరింది. ఎర్టిగా కారును ముందుగా పంపించి, పోలీసుల తనిఖీలపై నిఘా ఉంచేలా పథకం వేశారు. ఈ కేసులో మహారాష్ట్రలోని షోలాపూర్‌ జిల్లాలో ఉన్న రాజేశ్వనగర్‌కు చెందిన షోలాపూర్‌ రిజర్వ్‌ పోలీసు ఫోర్స్‌ కానిస్టేబుల్‌ చవాన్‌ వైభవ్‌ భగ్వాన్‌ (32) సైతం ఈ గ్యాంగ్‌లో కీలక పాత్ర పోషిస్తున్నట్లు పటాన్‌చెరు పోలీసులు తన దర్యాప్తులో గుర్తించారు. దీంతో గత మంగళవారం షోలాపూర్‌ వెళ్లిన వైభన్‌ను పట్టుకున్న పోలీసులు పటాన్‌చెరు ఠాణాకు తరలించారు. గత బుధవారం ఉదయం పోలీసుస్టేషన్‌ నుంచి అతడు ఎస్కేప్‌ అయ్యాడు. ఇతడి కోసం ప్రత్యేక బృందాలు ముమ్మరంగా గాలిస్తున్నాయి.

సాక్షి, హైదరాబాద్‌: సైబర్‌ నేరగాళ్లు ఏకంగా ఓ వ్యాపార సంస్థ సీఈఓ పేరుతోనే నకిలీ వాట్సాప్‌ ఖాతా సృష్టించి, ఆ సంస్థ ఖాతా నుంచి రూ.2.7 కోట్లను కొల్లగొట్టారు. సీఈఓనే సందేశాలు పంపినట్లు నమ్మించి అకౌంటెంట్‌తో విడతలవారీగా ఈ మొత్తాన్ని వివిధ బ్యాంకు ఖాతాలకు బదిలీ చేయించారు. అనుమానాస్పద జిప్‌ ఫైల్‌ను తెరిచిన తర్వాత వాట్సాప్‌ సంభాషణల్లో మార్పులు కనిపించడం, సీఈఓ పేరుతో మరో నంబర్‌ నుంచి సందేశాలు రావడం ఈ వ్యవహారంలో కీలక పరిణామాలు. చివరకు సదరు అకౌంటెంట్‌ సీఈఓను నేరుగా సంప్రదించి నిర్ధారించుకోవడంతో మోసం బయటపడింది. దీనిపై కేసు నమోదు చేసుకున్న సిటీ సైబర్‌ క్రైమ్‌ పోలీసులు దర్యాప్తు ప్రారంభించారు. నగరానికి చెందిన రెడ్‌ రోజ్‌ సూపర్‌ మార్కెట్‌ సంస్థ ఆర్థిక లావాదేవీలను పర్యవేక్షించే అకౌంటెంట్‌ మహమ్మద్‌ అబ్దుల్‌ సత్తార్‌కు సంస్థలోని ఓ ఉద్యోగి వాట్సాప్‌ నంబర్‌ నుంచి జిప్‌ ఫైల్‌ వచ్చింది. ఆయన సదరు ఫైల్‌ను తన ఫోన్‌లో డౌన్‌లోడ్‌ చేసుకుని తెరిచారు. అనంతరం అదే ఫైల్‌ను కంప్యూటర్‌లో తెరిచేందుకు ప్రయత్నించగా, అది హానికరమైన ఫైల్‌ కావచ్చంటూ అలెర్ట్‌ కనిపించింది. అయినప్పటికీ దాన్ని తెరవడంతో కంప్యూటర్‌ స్పందించడం ఆగిపోయింది. వెంటనే సంస్థ ఐటీ సిబ్బందిని సంప్రదించగా, వారు కంప్యూటర్‌ను పరిశీలించి సాధారణ స్థితికి తీసుకొచ్చారు. సమస్య పరిష్కారమైందని భావించిన అకౌంటెంట్‌ తిరిగి తన విధులు కొనసాగించారు. అయితే, ఆ తర్వాత ఆయన వాట్సాప్‌లో అనుమానాస్పద మార్పులు కనిపించాయి. రెడ్‌ రోజ్‌ సూపర్‌ మార్కెట్‌ సంస్థ సీఈఓ జియా ఉర్‌ రెహమాన్‌తో గతంలో జరిపిన వాట్సాప్‌ సంభాషణలు తొలగిపోయినట్లు అకౌంటెంట్‌ గుర్తించారు. అదే సమయంలో సీఈఓ పేరుతో మరో నంబర్‌తో కొత్త కాంటాక్ట్‌ కనిపించింది. ఆ నంబర్‌ నుంచి గతంలో సీఈఓతో జరిగిన సంభాషణలకు సంబంధించిన కొన్ని సందేశాలను పంపడంతో, అది నిజంగానే సీఈఓకు చెందిన నంబర్‌ అని అకౌంటెంట్‌ నమ్మాడు. ఈ నమ్మకాన్ని ఆసరాగా చేసుకున్న సైబర్‌ నేరగాళ్లు సంస్థ నిధులను ఇతర ఖాతాలకు బదిలీ చేయాలంటూ సీఈఓ మాదిరిగా అకౌంటెంట్‌కు సూచించారు. ఆ ఆదేశాలు నిజమైనవేనని భావించిన అకౌంటెంట్‌ ఒక్కో విడతగా డబ్బులు పంపడం ప్రారంభించారు. ఇలా ఈ నెల 1 నుంచి 8వ తేదీ వరకు సంస్థ బ్యాంకు ఖాతా నుంచి మొత్తం ఏడు లావాదేవీల్లో రూ.2.7 కోట్లు బదిలీ చేశారు. ఈ మొత్తాలు ఇండస్‌ఇండ్‌ బ్యాంక్, క్యాథలిక్‌ సిరియన్‌ బ్యాంక్, బంధన్‌ బ్యాంక్, ఫెడరల్‌ బ్యాంకులకు చెందిన వివిధ ఖాతాలకు బదిలీ అయ్యాయి. అక్టోబర్‌ 9న సీఈఓ పేరుతో ఉన్న వాట్సాప్‌ కాంటాక్ట్‌ నుంచి మరో రూ.50 లక్షలు బదిలీ చేయాలంటూ సందేశం వచ్చింది. దీంతో అనుమానించిన అకౌంటెంట్‌ ఆయనను నేరుగా సంప్రదించి ఆరా తీయడంతో మోసం వెలుగులోకి రావడంతో సైబర్‌ క్రైమ్‌ ఠాణాలో ఫిర్యాదు చేశారు. అకౌంటెంట్‌ తెరిచిన అనుమానాస్పద జిప్‌ ఫైల్‌ కారణంగానే మొబైల్, కంప్యూటర్‌ లేదా వాట్సాప్‌ సంభాషణలు హ్యాక్‌ అయి ఉండవచ్చని సంస్థ అనుమానం వ్యక్తం చేసింది. తొలుత సంస్థ ఉద్యోగి వాట్సాప్‌ను హ్యాక్‌ చేసిన సైబర్‌ నేరగాళ్లు దాని నుంచి అకౌంటెంట్‌కు జిప్‌ ఫైల్‌ పంపినట్లు పోలీసులు అనుమానిస్తున్నారు.

హైదరాబాద్‌: సామాజిక మాధ్యమాల ద్వారా పరిచయం పెంచుకుని బాలికను ప్రేమ పేరుతో మోసం చేసి, లైంగికంగా వేధించడంతో పాటు బ్లాక్‌మెయిలింగ్‌కు పాల్పడుతున్న వ్యక్తిపై బంజారాహిల్స్‌ పోలీసులు కేసు నమోదు చేశారు. పోలీసులు తెలిపిన మేరకు.. ఆసిఫ్‌నగర్‌కు చెందిన బాలికతో మహమ్మద్‌ ఖురేషీ సామాజిక మద్యమాల ద్వారా పరిచయం పెంచుకున్నాడు. అనంతరం బాలికకు సంబంధించిన చిత్రాలు, వీడియోలు సేకరించి వాటిని అడ్డుపెట్టుకుని బెదిరింపులకు పాల్పడ్డాడు. బంజారాహిల్స్‌లోని స్టార్‌ హోటల్‌ లీలాకు బాలికను పిలిపించి లైంగికంగా, శారీరికంగా వేధింపులకు పాల్పడ్డాడు. అంతేకాకుండా బాలిక నుంచి రూ.29 వేలు, బంగారు ఆభరణాలు, పాస్‌పోర్టు తీసుకున్నాడు. నెలసరి ఆలస్యం కావడంపై బాలిక ఆందోళన వ్యక్తంచేయగా, బలవంతంగా గర్భ నిరోధక మాత్రలను వేశాడు. నిందితుడి ఇంటికి వెళ్లి తల్లితో మాట్లాడేందుకు ప్రయత్నించగా ఇంటికి తాళం వేసి ఉంది. ఆరా తీయగా నిందితుడు తల్లితో కలిసి దుబాయ్‌కు పరారైనట్లు తెలుసుకున్నారు. బాధితురాలి తల్లి ఇచ్చిన ఫిర్యాదు మేరకు నిందితడు మహమ్మద్‌ ఖురేషీపై పోలీసులు పోక్సో చట్టం కింద కేసు నమోదు చేసి దర్యాప్తు చేస్తున్నారు.

ఏలూరు టౌన్‌: చదివింది పదో తరగతే అయినప్పటికీ, గుంటూరు జిల్లా డీఎస్పీనంటూ ప్రగల్భాలు పలుకుతూ, ఉద్యోగాలు ఇప్పిస్తాననే నెపంతో రూ.26 లక్షలు కాజేసిన ఓ అంతర్రాష్ట్ర నకిలీ పోలీసును ఏలూరు టూటౌన్‌ పోలీసులు అరెస్ట్‌ చేశారు. ఏలూరు జిల్లా పోలీస్‌ ప్రధాన కార్యాలయంలో జిల్లా ఎస్పీ కొమ్మి ప్రతాప్‌ శివకిశోర్‌ ఈ కేసుకు సంబంధించిన వివరాలను వెల్లడించారు. ఈ సమావేశంలో జిల్లా అదనపు ఎస్పీ వై.ప్రసాదరావు, ఏలూరు డీఎస్పీ డి.శ్రావణ్‌కుమార్, టూటౌన్‌ సీఐ అశోక్‌కుమార్, త్రీటౌన్‌ సీఐ కోటేశ్వరరావు తదితరులు పాల్గొన్నారు. కేసు పూర్వాపరాలు తెలంగాణ రాష్ట్రం, సూర్యాపేట జిల్లా మట్టపల్లి గ్రామానికి చెందిన బత్తుల శ్రీనివాస్‌ అలియాస్‌ శ్రీను పదో తరగతి వరకు చదివాడు. గోల్డ్‌ బిజినెస్‌ చేస్తున్నానని, గుంటూరు జిల్లాలో డీఎస్పీగా విధులు నిర్వర్తిస్తున్నానని నమ్మిస్తూ నిరుద్యోగులను, ఆర్థిక ఇబ్బందుల్లో ఉన్న మహిళలను మోసం చేయడాన్ని అలవాటుగా మార్చుకున్నాడు. పోలీసు యూనిఫాంలో హడావుడి చేస్తూ, లగ్జరీ హోటళ్లలో బస చేస్తూ మాయమాటలతో అమాయకులను నమ్మించేవాడు. ఈ క్రమంలోనే ఏలూరుకు చెందిన పాలిక రంగ వీరబాబు నుంచి రూ.18 లక్షలు, దండిపాటి గణేష్‌ నుంచి రూ.8 లక్షలు వసూలు చేసి, వారికి పోలీసు శాఖలో సబ్‌ ఇన్‌స్పెక్టర్‌ (ఎస్‌ఐ) ఉద్యోగాలు ఇప్పిస్తానని నమ్మబలికాడు. అనంతరం ఇద్దరికీ నకిలీ నియామక పత్రాలు అందజేయడమే కాకుండా, వారిచేత పోలీసు యూనిఫామ్, బూట్లు, బెల్టు, టోపీ, నేమ్‌ ప్లేట్లను కూడా కొనుగోలు చేయించాడు. తాము ఉద్యోగం సాధించామని సంబరపడ్డ బాధితులకు, అతడు నకిలీ డీఎస్పీ అని ఆలస్యంగా తెలియడంతో ఏలూరు టూటౌన్‌ పోలీసులను ఆశ్రయించారు. ఏలూరులో చిక్కిన నిందితుడు బాధితుల ఫిర్యాదు మేరకు క్రైమ్‌ నంబర్‌ 227/2026 కింద కేసు నమోదు చేసిన పోలీసులు, డీఎస్పీ శ్రావణ్‌కుమార్‌ పర్యవేక్షణలో టూటౌన్‌ సీఐ అశోక్‌కుమార్, ఎస్సై మధువెంకట రాజా, హెడ్‌కానిస్టేబుల్‌ రవిచంద్‌లతో కూడిన ప్రత్యేక బృందాన్ని రంగంలోకి దించారు. ఈ బృందం ఈ నెల 11న సాయంత్రం ఏలూరు ఫైర్‌స్టేషన్‌ సెంటర్‌ సమీపంలోని ఒక హోటల్‌లో నిందితుడిని అదుపులోకి తీసుకుంది. నిందితుడి వద్ద నుంచి రూ.5.50 లక్షల నగదు, నకిలీ అపాయింట్‌మెంట్‌ ఉత్తర్వులు, పోలీసు శాఖకు చెందిన రబ్బరు స్టాంపులు, పోలీసు యూనిఫామ్, వాకీటాకీలను స్వాధీనం చేసుకున్నారు. శ్రీనివాస్‌పై గతంలో రాజమహేంద్రవరం 2టౌన్, మట్టంపల్లి, సూర్యాపేట, నరసరావుపేట రూరల్, త్రిపురాంతకం, చిలకలూరిపేట పోలీస్‌స్టేషన్లలోనూ ఇదే తరహా కేసులు నమోదైనట్లు పోలీసులు తెలిపారు. నిందితుడిని చాకచక్యంగా పట్టుకున్న ఎస్సై బి.మధువెంకట రాజా, హెడ్‌కానిస్టేబుల్‌ కె.రవిచంద్‌లను జిల్లా ఎస్పీ ప్రత్యేకంగా అభినందించారు.

పెళ్లికి ముందు తనతో గడపాలని ఉందని చెప్పిన ఆ ‘సైకో ప్రియుడి’ మాటను ఆమె కాదనలేకపోయింది. సరదాగా డేటింగ్‌కు వెళ్లిన ఆ యువతికి అదే చివరి ప్రయాణమైంది. లోయలోకి తోసేసి చంపిన ఆ యువకుడు.. ఆపై అందరినీ ఏమార్చే ప్రయత్నం చేశాడు. కానీ, చివరకు పోలీసుల స్టైల్‌ ట్రీట్‌మెంట్‌తో జరిగిందంతా చెప్పేశాడు. యువ వ్యాపారవేత్త కేతన్‌ అగర్వాల్‌ ఘటన జరిగిన మహారాష్ట్రలోనే.. అదే తరహాలో ఈ దారుణం చోటుచేసుకోవడం గమనార్హం.కొల్హాపూర్‌ జిల్లా భూదర్‌గఢ్‌ తాలూకాకు చెందిన శ్రీపాద్‌ దినకర్‌ వదర్‌ (25), తరన్నుమ్‌ బషీర్‌ నాయక్‌ (23) ఐదేళ్లుగా ప్రేమించుకుంటున్నారు. అక్టోబర్‌ 9న శ్రీపాద్‌.. తరన్నుమ్‌ను నైక్వాడి జలపాతం వద్దకు విహారయాత్రకు తీసుకెళ్లాడు. ఇంజినీరింగ్‌ చదువుతున్న ఆమెకు మరో వ్యక్తితో వివాహం నిశ్చయమైంది. వచ్చే నెలలో నిఖా జరగాల్సి ఉంది. దీంతో తమ బంధాన్ని ఇక కొనసాగించలేనని ప్రియుడికి స్పష్టం చేసింది. ఈ విషయంపై ఇద్దరి మధ్య తీవ్ర వాగ్వాదం జరిగింది. అయితే ఆమె తన నిర్ణయాన్ని మార్చుకోకపోవడంతో ఆగ్రహానికి గురైన శ్రీపాద్‌.. పక్కా స్కెచ్‌ వేశాడు. చివరిసారిగా ఆమెతో గడపాలని ఉందని మాటలు చెప్పాడు. ఆమె కరిగిపోయి.. బయటకు వచ్చేందుకు అంగీకరించింది. అలా ఆమెను జలపాతం వద్దకు తీసుకెళ్లి ఎవరూ గమనించనిది చూసి పైనుంచి లోతైన లోయలోకి తోసేశాడు.ప్రమాదంగా చిత్రీకరించే యత్నం..తనపై అనుమానం రాకుండా ఉండేందుకు నిందితుడు పథకం వేశాడు. శనివారం భూదర్‌గఢ్‌ పోలీస్‌స్టేషన్‌కు వెళ్లి.. ఇద్దరూ సెల్ఫీ తీసుకుంటుండగా తరన్నుమ్‌ ప్రమాదవశాత్తూ జారిపడి లోయలో పడిపోయిందని చెప్పాడు. అయితే అతడి మాటలపై అనుమానం వచ్చిన పోలీసులు విచారించగా, చివరకు నేరాన్ని అంగీకరించాడు. దీంతో అతడిని అరెస్టు చేశారు.వెయ్యి అడుగుల లోతులో మృతదేహం..పోలీసులు, సహాయక సిబ్బంది సుమారు వెయ్యి అడుగుల లోతులో ఉన్న తరన్నుమ్‌ మృతదేహాన్ని వెలికితీశారు. పోస్టుమార్టం కోసం కొల్హాపూర్‌లోని సీపీఆర్‌ ఆస్పత్రికి తరలించి, అనంతరం కుటుంబ సభ్యులకు అప్పగించారు. యువతి మృతితో గ్రామంలో ఆగ్రహావేశాలు వ్యక్తమయ్యాయి. నిందితుడికి ఓ రాజకీయ నాయకుడితో సన్నిహిత సంబంధాలున్నాయని బాధితురాలి కుటుంబ సభ్యులు ఆరోపించారు. కేసు విచారణపై రాజకీయ ఒత్తిళ్లు లేకుండా నిష్పక్షపాత దర్యాప్తు జరపాలని, ఫాస్ట్‌ట్రాక్‌ కోర్టులో విచారణ చేపట్టాలని వారు డిమాండ్‌ చేశారు.ఇదిలా ఉండగా.. పుణేలో యువ వ్యాపారి కేతన్‌ అగర్వాల్‌ కేసు ఎంత సంచలనం సృష్టించిందో తెలియంది కాదు. జూన్‌ 18న లోహ్‌ఘడ్‌ కోట వద్ద కేతన్‌(26)ను లోయలోకి తోసేసి కాబోయే భార్య సియా గోయల్‌, ఆమె ప్రియుడు చేతన్‌ చౌద్రీ హత్య చేశారు. కేతన్‌తో వివాహం ఇష్టం లేకనే ఆమె ఈ ఘాతుకానికి పాల్పడినట్లు తర్వాత పోలీసుల దర్యా‍ప్తులో తేలింది. ఇదీ చదవండి: వాళ్లిద్దరికీ పెళ్లిళ్లు అయ్యాయి.. ఏలూరులో విషాదకర ఘటన

ఏలూరు జిల్లా: లేత వయసులో చిగురించిన ప్రేమ అది. వేర్వేరుగా పెళ్లిళ్లయి ఏళ్లు గడిచినా ఆ బంధం వీడలేదు. వారి ప్రవర్తనపై పెద్దలు హెచ్చరించడంతో, ఇక కలసి జీవించలేమని భావించి కలుపు మందు తాగి ఆత్మహత్యకు పాల్పడ్డారు. ఈ విషాదకర సంఘటన పెనుగొండ మండలంలో చోటుచేసుకుంది. పెనుగొండ ఎస్సై గంగాధర్‌ తెలిపిన వివరాల ప్రకారం... తూర్పుగోదావరి జిల్లా పెరవలి మండలం ఖండవల్లి గ్రామానికి చెందిన కొండేటి కిషోర్‌ (31), గూడూరి తేజశ్రీ గంగా మహాలక్ష్మి (36) చిన్నతనంలోనే ప్రేమించుకున్నారు. కులాలు వేరు కావడం, ఇతర కారణాల వల్ల వీరి వివాహానికి పెద్దలు అంగీకరించలేదు. దీంతో ఇద్దరికీ వేర్వేరు వ్యక్తులతో వివాహాలు జరిపించారు. కిషోర్‌కు కాకరపర్రుకు చెందిన కుమారితో వివాహమవగా ఒక బాబు ఉన్నాడు. తేజశ్రీకి తణుకు పరిధిలోని టీ.వేమవరానికి చెందిన నాగరాజుతో వివాహం జరగగా, వీరికి 13 ఏళ్ల కుమారుడు ఉన్నాడు. వివాహాలై పిల్లలు పుట్టినా వీరిద్దరి మధ్య సాన్నిహిత్యం కొనసాగింది. విషయం తెలుసుకున్న ఇరు కుటుంబాల పెద్దలు ఇటీవల ఇద్దరినీ తీవ్రంగా హెచ్చరించారు. తమను ఇక కలవనివ్వరని భావించిన వీరు, ఈ నెల 10న ఇళ్ల నుంచి వెళ్లిపోయారు. పెనుగొండ మండలం కామధేనువులంకకు చేరుకుని ఆదివారం కలుపు మందు తాగి, బంధువులకు ఫోన్‌ చేసి చెప్పారు. వెంటనే బంధువులు 108 వాహనంలో వారిని ప్రైవేటు ఆసుపత్రికి తరలిచారు. చికిత్స పొందుతూ ఆదివారం ఉదయం కిషోర్, సాయంత్రం తేజశ్రీ మృతి చెందారు. వీరి మృతితో నాలుగు కుటుంబాల్లో తీవ్ర విషాదం అలముకుంది. పోలీసులు కేసు నమోదు చేసి దర్యాప్తు చేస్తున్నారు.

హైదరాబాద్‌: భార్యపై అనుమానం పెంచుకు న్న భర్త గొంతుకోసి కి రాతకంగా ఆమెను హతమార్చిన సంఘటన రంగారెడ్డి జిల్లా బాలాపూర్‌ పోలీస్‌స్టేషన్‌ పరిధిలో చోటుచేసుకుంది. ఇన్‌స్పెక్టర్‌ నాగరాజు తెలిపిన వివరాల ప్రకారం.. కోల్‌ కతాకు చెందిన ముస్తఫా 20 ఏళ్ల క్రితం వలస వచ్చి జల్‌పల్లి కమాన్‌ ఎదురుగా ఉన్న న్యూబాబానగర్‌ బస్తీలో ఉంటున్నాడు. ముస్తఫా కూలి పని చేస్తుండగా, భార్య అజ్మీరా బేగం (30) ఫంక్షన్‌హాళ్ల లో పనిచేస్తోంది. వీరికి ముగ్గురు కుమారులు. ఇటీవల ఆమె ఎవరితోనో ఫోన్‌ మాట్లాడుతుందంటూ భర్త అనుమానం పెంచుకున్నాడు. ఈ విషయమై తరచూ గొడవలు సైతం జరుగుతున్నాయి. ఈ క్రమంలో సోమవారం రాత్రి 7.30 గంటల సమయంలో అజ్మీరా ఇంట్లో ఒంటరిగా ఉన్న సమయం చూసి ముస్తఫా కత్తితో గొంతుకోసి పరారయ్యాడు. అజ్మీరా తల్లిదండ్రులు పోలీ సులకు ఫిర్యాదు చేశారు. కాగా, నిందితు డు పోలీస్‌స్టేషన్‌లో లొంగిపోయినట్లు సమాచారం. ఇదీ చదవండి: ఆటోడ్రైవర్‌తో వివాహేతర సంబంధం చివరికి..!

హైదరాబాద్‌: లంచం తీసుకుంటూ అబ్దుల్లాపూర్‌మెట్‌ తహసీల్దార్‌ సుదర్శన్‌రెడ్డి అవినీతి నిరోధక శాఖ (ఏసీబీ) అధికారులకు పట్టుబడ్డారు. రూ.20 లక్షలు తీసుకుంటుండగా అధికారులు ఆయనను రెడ్‌హ్యాండెడ్‌గా పట్టుకున్నారు.ఈ ఘటనకు సంబంధించి తహసీల్దార్‌ సుదర్శన్‌రెడ్డితో పాటు సర్వేయర్‌ శ్రీనివాసులును కూడా ఏసీబీ అధికారులు అరెస్ట్‌ చేశారు. అయితే, ఈ లంచం వ్యవహారానికి సంబంధించిన పూర్తి వివరాలు ఇంకా తెలియాల్సి ఉంది.ఇదీ చదవండి: ‘అంతా మా డాడీ చూసుకుంటాడు లే!’

సాక్షి ప్రతినిధి, శ్రీకాకుళం : అస్సోం యువతి మరణం.. రైలు ప్రయాణాల్లో భద్రతను ప్రశ్నార్థకం చేసింది. కిక్కిరిసిన రైళ్లలో ఇబ్బందులు పడుతూ ప్రయాణాలు, రిజర్వేషన్‌ బోగీల్లోనూ పరిమితికి మించి ప్రయాణాలు, ఏఓబీలో రైళ్లలోనే గంజాయి అక్రమ రవాణాలు, అక్కడక్కడా మందు బాబుల విన్యాసాలు వంటివి ప్రయాణికులను నిత్యం భయపెడుతూనే ఉన్నాయి. మనం సేఫేనా..? రైలు ప్రయాణాల్లో మహిళలకు వేధింపులు జిల్లాలో సంఖ్యాపరంగా తక్కువే కానీ ఇచ్ఛాపురం, పలాస వంటి రైల్వే స్టేషన్లను చాలా మంది గంజాయి అక్ర మ రవాణాకు అడ్డాగా వాడుకుంటున్నారు. వారి వల్ల ఎప్పటికైనా ప్రమాదం పొంచే ఉంది. మరీ ముఖ్యంగా ఒడిశా నుంచి పశి్చమ బెంగాల్, అస్సోం వంటి సుదూర ప్రాంతాలకు వెళ్లే రైళ్లలో స్లీపర్, జనరల్‌ కోచ్‌లు అధ్వానంగా ఉంటున్నా యనే వాదన ఎప్పటి నుంచో ఉంది. మద్యపాన ప్రియులు, ఆకతాయిలు ఎక్కువగా ఉంటున్నారనే ఫిర్యాదులు చాలాకాలంగా వినిపిస్తూనే ఉంటున్నాయి. వీటిపై చర్యలు తీసుకున్న దాఖలాలేవీ లేవు. ఇక జనరల్‌ బోగీల్లో పరిస్థితి నానాటికీ మరీ దిగజారుతోంది. కనీసం నిలబడేందుకైనా చోటు లేని బోగీల్లో ఎప్పటికప్పుడు గొడవలు, తగాదాలు జరుగుతూనే ఉన్నాయి. ఈ బోగీలు మరీ పరిమితంగా ఉన్న పరిస్థితుల్లో సామాన్యులు ఈ అవస్థలు పడుతూనే ప్రయాణం సాగించాల్సి వస్తోంది. అవగాహన ఉందా..? రైల్‌ మదద్‌ వంటి యాప్‌లు రైల్వే టోల్‌ ఫ్రీ నంబర్ల గురించి జిల్లా ప్రయాణికులకు అంతగా అవగా హన కలి్పంచడం లేదు. అస్సోం యువతి విషయంలో యాప్‌లో ఫిర్యాదు చేసినా కాపాడలేకపోయారు. దీనిపై రైల్వే పోలీసులు చొరవ తీసుకుని అవగాహన కల్పించాల్సిన అవసరం ఉంది. ఊళ్లలో బెల్టు షాపుల వల్ల ఇబ్బడిముబ్బడిగా దొరుకుతున్న మద్యం వల్ల చాలా మంది తాగి ప్రయాణాలు చేస్తున్నారు. మద్యం తాగుతున్నప్పుడు అధికారులు పట్టుకుంటే కేసు అవుతుందని తెలిసి కూడా ఈ తప్పు చేస్తున్నారు. రైల్వే స్టేషన్ల బయట లెక్కకు మిక్కిలి షాపులు ఉండడంతో బయటే పని కానిచ్చేసి చక్కగా రైలెక్కుతున్నారు. ఈ వైఖరి మహిళలకు ఎప్పటికైనా అపాయకరమే.

సిద్ధిపేట జిల్లా: కత్తితో పొడిచి చంపేస్తానని బెదిరి స్తుండడంతో కోపంతో ఊగిపోయిన భార్య కారం పొడి చల్లి తాడుతో చెట్టుకు కట్టేసి భర్తను చంపేసింది. ఈ ఘటన సిద్దిపేట జిల్లా అక్కన్నపేట మండలం సేవాలాల్‌ మహారాజ్‌తండా గ్రామంలో ఆదివారం చోటుచేసుకుంది. గ్రామస్తుల వివరాల ప్రకారం.. తండాకు చెందిన రాజేశ్వరికి ఒక కూతురు ఉంది. భర్త చనిపోవడంతో 15 ఏళ్ల క్రితం నర్మెట మండలం మలకపేట్‌తండాకు చెందిన బానోతు భగవాన్‌ (43)తో వివాహం అయ్యింది. వీరిద్దరికి ఇద్దరు కుమార్తెలు, ఒక కుమారుడు ఉన్నారు. అయితే రాజేశ్వరి–భగవాన్‌ దంపతుల మధ్య తరచు గొడవలు జరుగుతున్నాయి. ఈ క్రమంలో ఆదివారం రాజేశ్వరి తల్లిగారింటికి వచ్చింది. భగవాన్‌ అక్కడకు వచ్చి కత్తితో అందరిని పొడిచి చంపేస్తానని బెదిరించాడు. దీంతో విసిగిపోయిన రాజేశ్వరి తన భర్తనుచెట్టుకు కట్టేసింది. ఆ తర్వాత కర్రతో పాటు పక్కనే ఉన్న బండరాళ్లతో కిరాతకంగా కొట్టి చంపేసింది. ఆ తర్వాత భర్తను తనే చంపేశానని నేరుగా పోలీస్‌స్టేషన్‌కు వెళ్లి లొంగిపోయింది. రాజేశ్వరికి మొదటి భర్తకు జన్మించిన కూతురును భగవాన్‌ వేధిస్తుండడంతో హత్య చేసినట్టు పోలీసులు అనుమానిస్తున్నారు.

తల్లిదండ్రులు సంపాదించిన సొమ్ముతో విలాసాలు.. పుట్టినరోజు కానుకగా ఖరీదైన మినీ కూపర్‌.. రయ్‌రయ్‌మంటూ రోడ్లపై దూసుకెళ్లే వేగం! ఆ స్పీడే ముగ్గురు అమాయకుల ప్రాణాలు బలిగొంది. ప్రమాదం తర్వాత అక్కడ గుమిగూడిన స్థానికులు కారు నడిపిన టీనేజర్‌ను నిలదీయగా.. ‘అంతా మా డాడీ చూసుకుంటాడు లే!’ అంటూ నిర్లక్ష్యంగా సమాధానమివ్వడం వాళ్లను దిగ్భ్రాంతికి గురి చేసింది. కేరళలోని కొచ్చి విమానాశ్రయం సమీపంలో ఆదివారం వేకువ జామున జరిగిన ఘోర ప్రమాదం.. తీవ్ర చర్చనీయాంశంగా మారింది. వేగంగా దూసుకెళ్లిన ఓ కారు.. ద్విచక్ర వాహనంపై వెళ్తున్న ముగ్గురి ప్రాణాలను తీసింది. ప్రమాదంలో మరణించిన దేవిక (21), గోపిక (22), ఇయాస్‌ (21).. ఈ ముగ్గురూ త్రిక్కక్కరలో ఓ దుకాణంలో పని చేస్తూ చదువుకుంటున్నారు. నిర్లక్ష్యంగా కారు నడిపి ముగ్గురి ప్రాణాలు తీయడమే కాదు.. నిలదీసిన స్థానికులతోనూ 19 ఏళ్ల సుహైల్‌ సజీవ్‌ దురుసుగా ‍ప్రవర్తించినట్లు తెలుస్తోంది. ఈ ఘటన స్థానికంగా తీవ్ర ఆగ్రహానికి దారితీసింది.CCTV captures the moment when a speeding Mini Cooper killed three youths near Nedumbassery airport in Ernakulam. Accused driver Suhail Sajeev, 19, is in custody. Police are verifying the claim that he was driving at 218 kmph and examining forensic and technical evidence. #Kerala #RoadSafety— Ashish (@KP_Aashish) October 12, 2026ఎర్నాకుళం జిల్లాలోని నెడుంబస్సేరిలో ఆదివారం తెల్లవారుజామున 2 గంటల సమయంలో ఈ ప్రమాదం జరిగింది. అర్ధరాత్రి డ్యూటీ ముగించుకుని టీ తాగి ఆ ముగ్గురు ఒకే స్కూటర్‌పై ఇళ్లకు బయల్దేరారు. ఈలోపు వేగంగా వచ్చిన మినీ కూపర్‌ ఢీకొట్టింది. వయనాడ్‌కు చెందిన దేవిక, పాలక్కాడ్‌కు చెందిన గోపిక, అలాగే కర్ణాటకకు చెందిన ఇజాజ్‌ తీవ్రంగా గాయపడ్డారు. స్థానికులు వారిని ఆస్పత్రికి తరలించినప్పటికీ ప్రాణాలు దక్కలేదు. సుహైల్‌ బ్యాక్‌గ్రౌండ్‌ సుహైల్‌ తండ్రి సజీవ్‌ జమాల్‌ ప్రముఖ టెక్స్‌టైల్‌ వ్యాపారి. తల్లి నూహా సజీవ్‌ కొచ్చి, అలప్పుజాలో డిజైన్‌ స్టూడియో, బ్రాండ్‌ నిర్వహిస్తోంది. ప్రమాదానికి కారణమైన కారు సజీవ్‌ పేరు మీద రిజిస్టర్‌ అయ్యి ఉంది. దానిని తల్లి నూహా అతనికి పుట్టినరోజు కానుకగా ఇచ్చినట్లు తెలుస్తోంది. ఈ కానుకే ఇప్పుడు ముగ్గురి ప్రాణాలు తీసింది. సుహైల్‌ గతంలోనూ అత్యంత వేగంగా కారు నడిపినట్లు పోలీసులు చెబుతున్నారు. గంటకు 218 కిలోమీటర్ల వేగంగా కారు నడిపిన వీడియోల్ని ఇన్‌స్టాగ్రామ్‌లో పోస్ట్‌ చేయగా.. పోలీసులు వాటిని పరిశీలిస్తున్నారు. #WATCH | Keralam | Three students killed in an accident involving a car and a scooter in Nedumbassery, Kochi. The police have detained the car driver, Suhail Sajeev, and registered a case. Visuals of the vehicles involved in the accident (11.10) https://t.co/eZRvm1ULuh— ANI (@ANI) October 12, 2026ఆస్పత్రి వద్ద దాడిమరోవైపు, నిందితుడు సుహైల్‌పై మృతుల స్నేహితులు దాడికి యత్నించారు. ఆదివారం అతన్ని వైద్య పరీక్షల కోసం పోలీసులు ఆస్పత్రికి తీసుకెళ్లగా.. బయటకు తీసుకెళ్తున్న సమయంలో వెనుక నుంచి తలపై కొట్టారు. పోలీసులు జోక్యం చేసుకుని దాడిని అడ్డుకోవడంతోపాటు, ఈ ఘటనకు సంబంధించి ఒకరిని అదుపులోకి తీసుకున్నారు.సీసీటీవీ దృశ్యాల్లో ప్రమాద తీవ్రతప్రమాద దృశ్యాల్లో మినీ కూపర్‌ అధిక వేగంతో దూసుకొచ్చి రహదారికి ఎడమవైపు వెళ్తున్న స్కూటర్‌ను ఢీకొట్టినట్లు కనిపించింది. ఢీకొన్న వేగానికి స్కూటర్‌పై వెనుక కూర్చున్న మహిళ గాల్లోకి ఎగిరిపడింది. స్కూటర్‌ పూర్తిగా ధ్వంసమవగా, కారు కూడా తీవ్రంగా దెబ్బతింది. విమానాశ్రయ పరిసరాల్లో అతివేగంతో జరిగే ప్రమాదాలను నివారించేందుకు పోలీసు పెట్రోలింగ్‌, ఇతర ముందస్తు చర్యలను పెంచుతామని అధికారులు తెలిపారు. రక్త పరీక్షల నివేదికలు, ఫోరెన్సిక్‌ పరిశీలన ఫలితాల ఆధారంగా తదుపరి చర్యలు తీసుకోనున్నారు.Aniyayama 3 uyiru poiduchu 😑 Appan karan 19th birthday gift Mini cooper vaangi kuduthanam night uh full ah kudichitu accident panitu irukkan 🤦🏼‍♂️ #Kerala https://t.co/xp1W4NV85V— Alpha ! (@DMK662000) October 12, 2026డ్రగ్స్‌ తీసుకున్నాడా?ప్రమాదంలో బైక్‌ నుజ్జునుజ్జు కాగా, కారు ముందు భాగంగా తీవ్రంగా దెబ్బతింది. కారు నడిపిన సుహైల్‌(19)ను స్థానికులు అడ్డుకుని పోలీసులకు సమాచారం ఇచ్చారు. పోలీసులు వచ్చే లోపు అతను అక్కడ వీరంగం సృష్టించారు. ప్రమాదానికి ముందు మద్యం సేవించినట్లు అతను పోలీసుల వద్ద ఒప్పుకున్నాడు. అయితే డ్రగ్స్‌ తీసుకున్నాడనే అనుమానాల నడుమ.. కారులో ఫోరెన్సిక్‌ బృందం పరిశీలనలు జరిపింది. అలాగే అతని బ్లడ్‌, యూరిన్‌ శాంపిల్స్‌ను ల్యాబ్‌లకు పంపారు. ఆ టెస్టుల ఫలితాలు రావాల్సి ఉంది. నిందితుడిపై భారతీయ న్యాయ సంహిత (బీఎన్‌ఎస్‌) కింద కేసు నమోదు చేశారు.ఇదీ చదవండి: బిర్యానీ కొంటున్నారా? అయితే ఇది మీకేనంట!

తమిళనాడు: తిరుపత్తూరు జిల్లా, నట్రంపల్లికి చెందిన పార్థసారథి(25), వెల్డర్‌గా పనిచేస్తున్నాడు. ఇతను సత్య(22)ను ప్రేమించి, 3 సంవత్సరాల క్రితం వివాహం చేసుకున్నాడు. వీరికి 3 నెలల పాప ఉంది. ఈ స్థితిలో, పార్థసారథికి సుందంపట్టి ప్రాంతానికి చెందిన ఓ వివాహిత పరిచయమై, వివాహేతర సంబంధంగ మారింది. అద్దె ఇంట్లో నివసించే వివాహేతర ప్రియురాలి ఇంటికి పార్థసారథి తరచుగా వెళ్లేవాడు. ఈస్థితిలో, శుక్రవారం మద్యం సేవించి ఇంటికి వెళ్లిన పార్థసారథికి, భార్య సత్యకు గొడవ జరిగింది. సాయంత్రం పార్థసారథి ఇంటి నుండి బయలుదేరి తన వివాహేతర ప్రియురాలి ఇంటికి వెళ్లాడు. పార్థసారథి మద్యం మత్తులో ఉండటంతో అతనిని స్నానం చేసి తిరిగి రమ్మని చెప్పింది. కానీ పార్థసారథి నిరాకరించి, ఆమెతో సంతోషంగా గడపాలని పట్టుబట్టాడు. అయితే ప్రియురాలు అందుకు నిరాకరించింది. దీంతో మనస్తాపం చెందిన పార్థసారథి, హఠాత్తుగా గదిలోకి వెళ్లి తలుపు గడియ పెట్టుకుని, ఉరి వేసుకుని ఆత్మహత్య చేసుకున్నాడు. ఈమేరకు పోలీసులు కేసు దర్యాప్తు చేస్తున్నారు.

హైదరాబాద్‌: బంగారు నగల తయారీలో వినియోగించే సైనైడ్‌ను రెండేళ్ల చిన్నారి చేతితో ముట్టుకుని.. వేళ్లను నోటిలో పెట్టుకోవడంతో అస్వస్థకు గురై మృతి చెందిన ఘటన జీడిమెట్ల పీఎస్‌ పరిధిలో ఆలస్యంగా వెలుగుచూసింది. ఇన్‌స్పెక్టర్‌ కె.రవికుమార్‌ వివరాల ప్రకారం.. చింతల్‌ శ్రీనివాస్‌ నగర్‌కు చెందిన గోపి, జానకి దంపతుల కూతురు నిషా (2)తో కలిసి ఈ నెల 7న స్థానికంగా ఉన్న విష్ణు జ్యువెలర్స్‌ దుకాణానికి వెళ్లారు. అక్కడ సైనైడ్‌ను నిషా చేతితో పట్టుకుంది. ఆ తర్వాత వేళ్లను నోటిలో పెట్టుకున్న దృశ్యాలు దుకాణంలోని సీసీ కెమెరాలో రికార్డయ్యాయి. ఇంటికి వెళ్లిన తర్వాత నిషా అపస్మారక స్థితికి చేరుకోవడంతో వెంటనే ఆస్పత్రికి తీసుకెళ్లారు. చికిత్స పొందుతూ మృతి చెందింది. బాలిక మృతికి జ్యువెలరీ షాప్‌ యాజమాన్యమే కారణమంటూ బంధువులు ఆందోళనకు దిగారు. షాపు యాజమాన్యం స్పందించకపోవడంతో చిన్నారి తల్లిదండ్రులు శనివారం జీడిమెట్ల పోలీసులకు ఫిర్యాదు చేశారు. కేసు దర్యాప్తులో ఉంది.

సాక్షి తెలంగాణ: మేడ్చల్‌ జిల్లా కౌకూర్‌లో చిన్నారి కిడ్నాప్‌ ఘటన కలకలం రేపింది. శనివారం బొల్లారం పోలీస్‌ స్టేషన్‌ పరిధిలోని విల్లా ఆర్కిడ్‌లో ఈ ఘటన చోటుచేసుకుంది. మిల్టన్‌ ఫెర్నాండెజ్‌ అనే వ్యక్తి తన కుమార్తె అరేలియా మౌజెస్‌ (5)తో కలిసి విల్లా నంబర్‌ 84లో ఉంటున్నారు.అదే విల్లాలో వాచ్‌మన్‌గా పనిచేస్తున్న విక్రమ్‌ కిడ్నాప్‌నకు పాల్పడి ఉంటారని స్థానికులు అనుమానిస్తున్నారు. చిన్నారిని విడిచిపెట్టాలంటే రూ.20 లక్షలు చెల్లించాలని డిమాండ్‌ చేసినట్లు తెలిసింది. బొల్లారం పోలీసులు రంగంలోకి దిగి దర్యాప్తు చేస్తున్నారు. చిన్నారి ఆచూకీ కోసం విల్లా పరిసరాల్లోని సీసీటీవీ కెమెరాల ఫుటేజీని పరిశీలిస్తున్నారు.దీని వెనుక ఎవరున్నారనే కోణంలో దర్యాప్తు చేస్తున్నారు. బొల్లారంలో కిడ్నాప్‌ అయిన ఈ చిన్నారి సికింద్రాబాద్‌ రైల్వే స్టేషన్‌ చుట్టుపక్క ప్రాంతాల్లో ఉన్నట్లు భావిస్తున్నారు. దీంతో మల్కాజ్‌గిరి పోలీసులు సికింద్రాబాద్‌లోని ఓ హోటల్‌తోపాటు పరిసర ప్రాంతాల్లో గాలింపు చేపట్టారు. శనివారం అర్ధరాత్రి సమయంలో డ్రోన్‌ కెమెరాలతోనూ పాప ఆచూకీ కోసం గాలించారు.ఇదీ చదవండి: ప్రేమ పేరుతో వేధింపులు.. 15 ఏళ్ల బాలిక బలవన్మరణం!

తెలంగాణ: ప్రేమపేరిట వేధింపులు భరించలేక ఓ విద్యార్థిని ఆత్మహత్య చేసుకున్న ఘటన రాజన్న సిరిసిల్ల జిల్లా చందుర్తి మండలం లింగంపేట గ్రామంలో చోటుచేసుకుంది. స్థానికులు, సీఐ రవీందర్‌ కథనం ప్రకారం.. లింగంపేటకు చెందిన గౌతమి (15) మండల కేంద్రంలోని ఓ ప్రైవేట్‌ స్కూల్లో పదో తరగతి చదువుతోంది. కొంతకాలంగా ఇదే స్కూల్‌లో చదువుతున్న పదో తరగతి విద్యార్థి, గౌతమిని ప్రేమ పేరుతో వేధింపులకు గురి చేస్తున్నాడు.ఈ విషయంలో సదరు విద్యార్థిని గత నెలలో గౌతమి కుటుంబ సభ్యులు హెచ్చరించినా అతడిలో మార్పు రాలేదు. తరచూ ఫోన్‌కాల్స్, ఇన్‌స్ట్రాగామ్‌ ద్వారా సందేశాలు పంపుతూ వేధింపులకు గురి చేశాడు. దీంతో తీవ్ర మనస్తాపానికి గురైన గౌతమి శనివారం ఇంట్లో ఉరేసుకుని ఆత్మహత్య చేసుకుంది. ఆత్మహత్యకు ముందు గౌతమి రాసిన సూసైడ్‌ నోట్‌ను పోలీసులు స్వాదీనం చేసుకున్నారు. మృతురాలి తల్లి ఫిర్యాదు మేరకు కేసు దర్యాప్తు చేస్తున్నట్లు సీఐ వివరించారు.గమనిక: మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: నిర్మల్‌ జిల్లాలో విషాదం.. విద్యుత్‌ షాక్‌తో యువకుడు మృతి

తెలంగాణ: నిర్మల్‌ జిల్లాలో విషాదకర ఘటన చోటుచేసుకుంది. పత్తి పంటకు నీరు పెడుతున్న ఓ యువ రైతు ప్రమాదవశాత్తు విద్యుత్‌ షాక్‌కు గురై ప్రాణాలు కోల్పోయాడు. చేతికొచ్చిన వయసులో యువకుడు మృతి చెందడంతో కుటుంబంలో విషాదం నెలకొంది.వివరాల్లోకి వెళ్తే.. నిర్మల్‌ జిల్లా మామడ మండలం పరిమండల్‌ గ్రామానికి చెందిన నూక నరేష్‌ (27) పత్తి చేనులో పంటకు నీరు పెడుతున్నాడు. ఈ క్రమంలో ప్రమాదవశాత్తు విద్యుత్‌ షాక్‌కు గురయ్యాడు.విద్యుదాఘాతానికి గురైన నరేష్‌ అక్కడికక్కడే మృతి చెందాడు. ఈ ఘటనతో గ్రామంలో విషాద ఛాయలు అలుముకున్నాయి. కుటుంబ సభ్యులు కన్నీరుమున్నీరుగా విలపిస్తున్నారు. ఘటనకు సంబంధించిన పూర్తి వివరాలు తెలియాల్సి ఉంది.ఇదీ చదవండి: నల్లొండలో దారుణం.. ఇద్దరు బాలికల కిడ్నాప్‌ యత్నం!

తెలంగాణ: నల్లగొండ జిల్లా నకిరేకల్‌లో ఇద్దరు మైనర్‌ బాలికలను కిడ్నాప్‌ చేసేందుకు ఓ ఆటో డ్రైవర్‌ యత్నించిన ఘటన కలకలం రేపింది. తమను కిడ్నాప్‌ చేసేందుకు ప్రయత్నిస్తున్నట్లు గుర్తించిన బాలికలు.. నడుస్తున్న ఆటోలో నుంచి కిందకు దూకారు. ఈ ఘటనలో ఓ బాలిక తీవ్రంగా గాయపడింది.వివరాల్లోకి వెళ్తే.. శాలిగౌరారం మండలం ఊట్కూరుకు వెళ్లేందుకు ఇద్దరు బాలికలు నకిరేకల్‌లో ఆటో ఎక్కారు. వారిని ఊట్కూరుకు తీసుకెళ్తానని నమ్మించిన డ్రైవర్‌.. అటువైపు వెళ్లకుండా కేతేపల్లి మండలం ఇనుపాముల గుట్ట వైపు ఆటోను మళ్లించాడు. ఈ క్రమంలో మరో వ్యక్తికి ఫోన్‌ చేసి మాట్లాడాడు.ఫోన్‌లో ఆటో డ్రైవర్‌ మాట్లాడిన మాటలు విన్న బాలికలు అప్రమత్తమయ్యారు. ఇద్దరు అమ్మాయిలు దొరికారని, ఇనుపాముల గుట్ట వద్దకు రావాలని అతడు మరో వ్యక్తికి చెప్పినట్లు సమాచారం. దీంతో తమను కిడ్నాప్‌ చేసేందుకు ప్రయత్నిస్తున్నారని భయపడిన బాలికలు.. కదులుతున్న ఆటోలో నుంచి రోడ్డుపైకి దూకారు. ఈ ఘటనలో ఓ బాలికకు తీవ్ర గాయాలయ్యాయి.బాలికలు రోడ్డుపై పడిపోవడాన్ని గమనించిన వాహనదారులు వెంటనే స్పందించి వారిని కాపాడారు. ఆటో డ్రైవర్‌ను పట్టుకునేందుకు ప్రయత్నించగా.. అతడు అక్కడి నుంచి పరారయ్యాడు. బాలికల అప్రమత్తతతో పెను ప్రమాదం తప్పింది. ఘటనకు సంబంధించిన పూర్తి వివరాలు తెలియాల్సి ఉంది.ఇదీ చదవండి: సాయికృష్ణ మర్మాంగంపై దారుణంగా కొట్టారు

నలుగురు కూతుళ్ల చివరన ఒక్కగానొక్క కొడుకు..బాగా చదివిస్తే ప్రయోజకుడై.. అవసానదశలో ఆలనాపాలన చూసుకుంటాడని పేద తల్లిదండ్రులు ఆశించారు. డిగ్రీ వరకు చదివించారు.. తాహతుకు తగ్గట్టు కూతుళ్లకు పెళ్లిళ్లు చేశారు. అష్టకష్టాలు పడి కుటుంబాన్ని నెట్టుకొస్తున్న సమయంలో కొడుక్కు ప్రైవేట్‌ కంపెనీలో ఉద్యోగం వచ్చిందని సంబరపడ్డారు. కొడుకు కుటుంబ పెద్దగా మారి ఒడిదుడుకులు లేకుండా సాగుతున్న సమయంలో ఉన్నపళంగా అతను అదృశ్యమయ్యాడన్న వార్తతో తల్లిదండ్రులు తల్లడిల్లిపోయారు. ఏ క్లూస్‌ దొరకని కష్టతరమైన కేసులెన్నో ఛేదించిన పోలీసులు.. జంగమ మంజునాథ మిస్సింగ్‌ కేసును మాత్రం నేటికీ కొలిక్కి తీసుకురాలేకపోయారు. అవసాన దశలో తల్లిదండ్రులు ఐదేళ్లుగా కొడుకు కోసం ఎదురుచూస్తూనే ఉన్నారు. అసలు వస్తాడో, రాడో తెలియక వేదన చెందుతున్నారు.అనంతపురం: కణేకల్లు మండలం 43 ఉడేగోళం గ్రామానికి చెందిన జంగమ మేఘనాథస్వామి, నీలమ్మ దంపతులకు నలుగురు కూతుళ్లు, కొడుకు జంగమ మంజునాథ్‌ సంతానం. కొడుకును ఉన్నతంగా చదివిస్తే.. భవిష్యత్‌ బాగుంటుందని కలలు కన్నారు. డిగ్రీ పూర్తి చేసిన మంజు.. ‘స్పందన’ ఫైనాన్స్‌ సంస్థలో ఉద్యోగంలో చేరాడు. తొలుత కదిరి, గుంతకల్లు, రాయదుర్గం బ్రాంచీల్లో అసిస్టెంట్‌ మేనేజర్‌గా పని చేసిన అతన్ని కంపెనీ యాజమాన్యం 2021లో చిత్తూరు జిల్లా పూతలపట్టు బ్రాంచ్‌ మేనేజర్‌గా పదోన్నతి కల్పించి బదిలీ చేసింది. అక్కడ ఉద్యోగంలో చేరిన తొమ్మిది నెలల్లోనే మంజు అదృశ్యమయ్యాడు. ఇప్పటి వరకూ జాడలేదు. అక్కడ ఏం జరిగిందంటే? బ్రాంచ్‌ మేనేజర్‌ మంజుతో పాటు అతని కింద పని చేసే మరో ముగ్గురు ఉద్యోగులు ఖాతాదారులకిచ్చిన లోన్‌ డబ్బులు ఎప్పటికప్పుడు రికవరీ చేయడం..ఆ మొత్తాలను సంస్థ కరెంటు అకౌంట్‌లో జమ చేసేవారు. బ్రాంచ్‌ మేనేజర్‌గా చేరినప్పటి నుంచి కిందిస్థాయిలో పని చేస్తున్న ఇద్దరు ఉద్యోగులతో సఖ్యత లేదని, వారు తరచూ తనతో గొడవ పడుతున్నారని. ప్రశాంతంగా ఉద్యోగం చేయలేకపోతున్నానని మంజు ఫోన్‌లో తల్లిదండ్రులకు చెప్పేవాడు. లోన్‌ డబ్బు రికవరీ..కరెంటు అకౌంట్‌లో జమ చేసే విషయంలో వివాదాలొస్తున్నట్లు చెప్పి మదనపడేవాడు. సరిగ్గా తొమ్మిది నెలల పాటు ఉద్యోగం చేసిన మంజు ఉన్నట్టుండి అదృశ్యమయ్యాడు. సంబంధిత ఫైనాన్స్‌ సంస్థ గానీ, అక్కడ పని చేసేవారుగానీ అతని ఆచూకీ కోసం ఏమాత్రమూ ప్రయతి్నంచలేదు. పైగా మంజు.. ఫైనాన్స్‌ డబ్బులను అపహరించాడని, అతనిపై చర్యలు తీసుకోవాలని పోలీసులకు ఫిర్యాదు చేసి చేతులు దులిపేసుకున్నారు. మంజునాథ్‌ తల్లిదండ్రులు నీలమ్మ, మేఘనాథస్వామి, అక్క జ్యోతి నిందితుడైతే భౌతికంగా చూపించాలి కదా! ‘ఫైనాన్స్‌ సంస్థ డబ్బులను మంజు అపహరించి, ఉడాయించి ఉంటే భౌతికంగానైనా పట్టుకొని పోలీసులు అరెస్ట్‌ చేయాలి కదా..!’ అని తల్లిదండ్రులు అంటున్నారు. అసలు తమ కొడుకు ఎక్కడ ఉన్నాడు? అతని అదృశ్యం వెనుక కానివాళ్ల హస్తముందా..? ఇంతకీ అతను ఎలా అదృశ్యమయ్యాడు? అనే మిస్టరీని పోలీసులు ఛేదించాల్సి ఉన్నా.. ఆ దిశగా విచారణ చేయడం లేదని వాపోతున్నారు. వీరిది నిరుపేద కుటుంబం. ఎకరా పొలం మాత్రమే ఉంది. కుటుంబ బాధ్యతంతా మేఘనాథ్‌స్వామి చూస్తున్నాడు. బర్ఫీలు తయారు చేసి ఊరూరా తిరిగి అమ్ముతూ కుటుంబాన్ని పోషిస్తున్నాడు. చేతికొచ్చిన కొడుకు ఉద్యోగంలో చేరడంతో కష్టాలు, కన్నీళ్లను తుడుస్తాడని ఎన్నో కలలు కన్నారు. మంజు కూడా ఉద్యోగంలో చేరాక కుటుంబ బాధ్యతలను తన భుజస్కంధాలపై మోశాడు. అదృశ్యం తర్వాత ఆ కుటుంబ పరిస్థితి తలకిందులైంది. మంజు చిన్న అక్క జ్యోతి కూడా ప్రస్తుతం తల్లిదండ్రుల వద్దే ఉంటోంది. ఆమెతో పాటు ఇద్దరు కొడుకులూ ఉంటున్నారు. కుటుంబ కష్టాలు మరిన్ని చుట్టుముట్టాయని వృద్ధ దంపతులు కన్నీటిపర్యంతమవుతున్నారు.మేం చచ్చేలోపైనా ఆచూకీ తెలపండి ‘మా కొడుకు బతికి ఉన్నాడా? చచ్చడా? బతికి ఉంటే ఎక్కడ ఉన్నాడు? చెప్పండి.. చచ్చుంటే ఎక్కడ చచ్చాడో చెప్పండి... కనీసం ఎముకలైనా ఇవ్వండి..కడసారి అవైనా చూసుకొని సమాధి కట్టుకొని కడుపుకోత తీర్చుకుంటాం’ అంటూ తల్లిదండ్రులు నీలమ్మ, మేఘనాథస్వామి కన్నీటి పర్యంతమవుతున్నారు. ‘మా కొడుకు ఆచూకీ కోసం తిరగని స్టేషన్‌ లేదు.. అడగని పోలీసూ లేడు. పూతల పట్టు పోలీసుస్టేషన్, చిత్తూరు జిల్లా ఎస్పీ ఆఫీసు, రాయదుర్గం, కణేకల్లు పోలీసు స్టేషన్ల చుట్టూ తిరిగి తిరిగి విసిగిపోయాం. హైకోర్టులో కేసు కూడా వేశాం. మా కొడుకుపై దొంగతనం నేరం మోపారు. వాడు డబ్బు కాజేసే రకం కాదు! మా బిడ్డను వెతికి తీసుకొస్తే ఎలాగోలా ఎన్ని లక్షలైనా కడతామని పూతలపట్టు పోలీసులను వేడుకున్నాం. అక్కడ వారం రోజుల పాటు ఉన్నాం.. అయినా పోలీసులు కరుణించలేదు. మొదట్లో నాలుగైదు రోజుల పాటు తూతూమంత్రంగా విచారణ చేసి, తర్వాత కేసును గాలికి వదిలేశారు’ అంటూ వారు వాపోయారు.

కరీంనగర్‌: పెద్దపల్లి జిల్లా, రామగుండం ఎన్టీపీసీ కృష్ణానగర్‌లో చైన్‌ స్నాచింగ్‌ కలకలం రేపింది. నడుచుకుంటూ వెళ్తున్న ఓ మహిళను లక్ష్యంగా చేసుకున్న ఇద్దరు దుండగులు పల్సర్‌ బైక్‌పై వెనుక నుంచి వచ్చి ఆమె మెడలో ఉన్న బంగారు గొలుసును అపహరించారు. ఊహించని ఘటనతో బాధితురాలు ఒక్కసారిగా షాక్‌కు గురైంది. చైన్‌ లాక్కున్న వెంటనే దుండగులు అదే బైక్‌పై వేగంగా అక్కడి నుంచి పరారయ్యారు.సమాచారం అందుకున్న పోలీసులు ఘటనాస్థలానికి చేరుకుని వివరాలు సేకరించారు. అలాగే, సమీపంలోని సీసీ కెమెరాల ఫుటేజీని పరిశీలిస్తూ దుండగుల కోసం గాలింపు చేపట్టారు. బైక్‌ నంబర్‌, నిందితుల ఆనవాళ్ల ఆధారంగా వారిని గుర్తించే పనిలో పోలీసులు నిమగ్నమయ్యారు.ఇదీ చదవండి: సుక్మాలో మందుపాతర పేలుడు.. నలుగురు జవాన్లకు తీవ్ర గాయాలు!

సాక్షి, తిరుపతి: తిరుపతిలో దారుణ సంఘటన వెలుగుచూసింది. తన భార్యను కాపురానికి పంపకపోతే మనవరాలి నగ్న ఫొటోలను సోషల్ మీడియాలో పోస్ట్ చేస్తానని అత్తను బెదిరించిన అల్లుడిని తిరుపతి గ్రామీణ పోలీసులు అరెస్టు చేశారు.చిత్తూరు జిల్లా పుంగనూరు సమీపంలోని కొత్తపల్లికి చెందిన బిరుదాల ఈశ్వర్‌రెడ్డి (35) కొంతకాలంగా తుమ్మలగుంటలో నివసిస్తున్నాడు. గతంలో ఓ మహిళను వివాహం చేసుకుని ఆమెతో విడిపోయాడు. చదువుకునే రోజుల్లో పరిచయమున్న రామానుజపల్లికి చెందిన కిన్నెరను రెండో వివాహం చేసుకున్నాడు. కిన్నెర కూడా తన మొదటి భర్తతో విడిపోయి కుమార్తెను తీసుకుని ఈశ్వర్‌రెడ్డితో కలిసి జీవించింది.బాలికపై అత్యాచారయత్నం.. తొలి కేసుగతేడాది జనవరిలో కిన్నెర కుమార్తెపై ఈశ్వర్‌రెడ్డి అత్యాచారయత్నానికి పాల్పడ్డాడు. దీంతో తిరుపతి గ్రామీణ పోలీసులు పోక్సో కేసు నమోదు చేసి అతడిని అరెస్టు చేసి జైలుకు పంపారు. అనంతరం బెయిల్‌పై బయటకు వచ్చిన ఈశ్వర్‌రెడ్డి.. భార్య కిన్నెరను తిరిగి తన వద్దకు రావాలని కోరాడు. అందుకు ఆమె నిరాకరించడంతో.. తన భార్యను కాపురానికి రాకుండా ఆమె తల్లి కమలమ్మ అడ్డుకుంటోందని భావించాడు. ఈ క్రమంలో కమలమ్మపై సీసాతో దాడి చేశాడు. ఈ ఘటనపై తిరుపతి పడమర పోలీసులు కేసు నమోదు చేశారు.అత్తపై వరుసగా ఒత్తిడిదాడిలో గాయపడిన కమలమ్మ ఆస్పత్రిలో చికిత్స తీసుకుని ఇంటికి వచ్చిన నెల రోజుల తర్వాత ఈశ్వర్‌రెడ్డి అక్కడికి వెళ్లాడు. కూతురిని తన వద్దకు పంపాలని ఆమెను బెదిరించాడు. దీనిపై కమలమ్మ ఫిర్యాదు చేయడంతో అతడిపై మరో కేసు నమోదైంది. ఈ పరిణామాల నేపథ్యంలో కమలమ్మ తన కుమార్తె కిన్నెరను దుబాయ్‌కి పంపించింది. మనవరాలిని మాత్రం తన వద్దే ఉంచుకుంది. దీంతో ఆగ్రహానికి గురైన ఈశ్వర్‌రెడ్డి.. కిన్నెరను దుబాయ్‌ నుంచి తిరిగి పిలిపించకపోతే బాలిక నగ్న ఫొటోను సామాజిక మాధ్యమాల్లో వైరల్‌ చేస్తానంటూ కమలమ్మను బెదిరించాడు.మార్ఫింగ్‌ చేసి బంధువులకు పంపి..అంతటితో ఆగకుండా బాలిక ఫొటోను మార్ఫింగ్‌ చేసి నగ్న ఫొటోగా మార్చి బంధువులకు పంపించాడు. దీంతో భయాందోళనకు గురైన కమలమ్మ పోలీసులను ఆశ్రయించింది. ఆమె ఫిర్యాదు మేరకు పోలీసులు మరోసారి పోక్సో చట్టం కింద కేసు నమోదు చేసి ఈశ్వర్‌రెడ్డిని అరెస్టు చేశారు.

ఉత్తరప్రదేశ్‌లోని మీరట్ జిల్లాలో ఒక మహిళ తన ప్రియుడితో కలిసి భర్తను హత్య చేసింది. ఆ తరువాత తన భర్త గుండెపోటుతో చనిపోయాడని అందరినీ నమ్మించింది. కానీ నేరం చేసిన వాళ్ల గుట్టు ఎప్పటికైనా రట్టు కాక తప్పదు. భర్త ఫోన్‌లోని చాట్‌, భార్య వివాహేతర సంబంధాన్ని, ప్రియుడితో కలిసి పన్నిన పన్నాగాన్ని బయటపెట్టింది. ఏం జరిగిందంటే..ఈ సంఘటన మీరట్‌లోని లోహియా నగర్‌లో జరిగింది. మృతుడు 30 ఏళ్ల తాలిబ్ కాగా, 27 ఏళ్ల ఇల్మా బ్యూటీషియన్‌గా పనిచేస్తోంది. వీరికి నాలుగేళ్ల క్రితం వివాహం అయింది. మూడేళ్ల పాప కూడా ఉంది. సెప్టెంబర్‌లో హత్య జరిగిన రోజు, తాలిబ్ పని ముగించుకుని ఇంటికి వచ్చిన తర్వాత అకస్మాత్తుగా అస్వస్థతకు గురయ్యాడని బంధువులకు చెప్పింది. అలా మంచంపై పడుకుని, ఇలా కొద్ది క్షణాల్లోనే ప్రాణాలొదిలేశాడని తన పెద్దన్నయ్య అక్రమ్‌, ఇతర బంధువులను నమ్మించింది. దీంతో కుటుంబ సభ్యులు ఇది సహజ మరణమేనని భావించి అతడి కర్మకాండల్ని పూర్తి చేశారు. ఇల్మా తాలిబ్ మొబైల్‌ను దాచి పెట్టేసింది. ఇక ఈ విషయం ఎవరికీ తెలియదు అనుకుంది. అక్టోబర్ 1న తాలిబ్ బంధువు రైస్ ఇల్మా ఇంటికి వచ్చాడు. ఆ తరువాత తాలిబ్‌ది సహజ మరణం కాదని అనుమానం కలిగింది. ఇంతలో బట్టల కింద దాచి పెట్టిన మృతుడి మొబైల్‌ను గుర్తించాడు. ఆ ఫోన్‌లో తాలిబ్‌కు, అమాన్‌కు మధ్య జరిగిన సంభాషణ లభించింది. అందులో తాలిబ్ తన భార్యతో మాట్లాడవద్దని అమాన్‌ను హెచ్చరించిన మెసేజ్‌లను గుర్తించారు. దీంతో అనుమానం వచ్చి కుటుంబ సభ్యులు గట్టిగా నిలదీయడంతో, ఇల్మా తన భర్తను తానే హత్య చేసినట్లు అంగీకరించింది. ఇదీ చదవండి: ఢిల్లీలో కుప్పకూలిన 5 అంతస్తుల భవనంతాలిబ్ తనను కొట్టేవాడని ఇల్మా హత్య జరిగిన తీరును వివరించింది. సెప్టెంబర్ 28న తనపై దాడి జరిగిన తర్వాత, ఆమె తన ప్రియుడు అమాన్‌కు ఫోన్ చేసింది. అమాన్ తన స్నేహితుడితో కలిసి వచ్చి, ముగ్గురూ కలిసి తాలిబ్‌ను కొట్టారు. ఆ తర్వాత అమాన్ ఒక చున్నీతో తాలిబ్ గొంతు నులిమి హత్య చేశాడు. అనంతరం అమాన్ ఇల్మాను పెళ్లి చేసుకుంటానని హామీ ఇచ్చాడు.ఇదీ చదవండి: రూ. 60 లక్షలు : థాయ్‌ మహిళ-యూపీవాలా సోషల్‌ మీడియా లవ్‌దీంతో వారు పోలీసులకు ఫిర్యాదు చేశారు. ఇల్మాను అదుపులోకి తీసుకున్నారు. మృతదేహాన్ని వెలికితీసి పోస్ట్‌మార్టం నిర్వహించేందుకు ఏర్పాట్లు చేస్తున్నామని కోత్వాలి సర్కిల్ ఆఫీసర్ సంగ్రామ్ సింగ్ తెలిపారు. జిల్లా మేజిస్ట్రేట్‌కు నివేదించామని, పోస్టుమార్టం నివేదిక ఆధారంగా తదుపరి చర్యలు తీసుకుంటామని చెప్పారు.ఇదీ చదవండి: నో షూస్‌, నో సూట్..1600 మీటర్ల రన్‌, అదీ చీరలో

ఏలూరు (ద్వారకాతిరుమల): మండలంలోని లక్ష్మీనగర్‌లో హైవే పక్కనే నిర్వహిస్తున్న వ్యభిచార ముఠా గుట్టును పోలీసులు మంగళవారం రాత్రి రట్టు చేశారు. ఎస్సై టి.సుధీర్‌కు అందిన విశ్వసనీయ సమాచారంతో సిబ్బందితో కలిసి సంబంధిత శిబిరాలపై దాడులు నిర్వహించారు.ఈ సందర్భంగా వ్యభిచారం చేస్తున్న 8 మంది మహిళలను, 8 మంది విటులను పోలీసులు అదుపులోకి తీసుకున్నారు. మొత్తం 16 మందిని అదుపులోకి తీసుకుని విచారించారు. హైవే పక్కనే కొంతకాలంగా ఈ కార్యకలాపాలు కొనసాగుతున్నట్లు పోలీసులకు సమాచారం అందినట్లు తెలిసింది.ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. వ్యభిచార ముఠా నిర్వహణ వెనుక ఎవరెవరు ఉన్నారు? ఈ కార్యకలాపాలు ఎంతకాలంగా కొనసాగుతున్నాయి? అనే కోణాల్లో పోలీసులు విచారణ చేపట్టారు. పూర్తి వివరాలు దర్యాప్తు అనంతరం వెల్లడయ్యే అవకాశం ఉంది.

ఒంగోలు: ఎన్‌ఏపీ రిజర్వాయర్‌లో షేక్‌ ఆయేషా (22) అనే యువతి అనుమానాస్పద స్థితిలో మృతి చెంది కనిపించింది. ఈ సంఘటన మంగళవారం వెలుగులోకి వచ్చింది. పోలీసుల కథనం ప్రకారం.. గుర్తు తెలియని వ్యక్తులు రమ్మన్నారని సోమవారం ఆయేషా ఇంటి నుంచి బయటకు వెళ్లింది. సాయంత్రం ఇంటికి రాక పోవడంతో కుటుంబ సభ్యులు పోలీసుస్టేషన్‌లో ఫిర్యాదు చేశారు. మంగళవారం ఉదయం ఎన్‌ఏపీ రిజర్వాయర్‌ నుంచి ఫిల్టర్‌ బెడ్‌లకు నీరు వెళ్లే గోడల మధ్య మృతదేహం బోర్లా పడి ఉండటాన్ని స్థానికులు గుర్తించారు. వెంటనే పోలీసులకు సమాచారం అందించారు. శవ పంచనామా నిర్వహించి పోలీసులు మృతదేహాన్ని వెలికి తీశారు. పోస్టుమార్టం కోసం మృతదేహాన్ని ప్రభుత్వ ఆస్పత్రికి తరలించారు. మృతదేహం చూసిన కుటుంబ సభ్యులు కన్నీరుమున్నీరై విలపించారు. ఆయేషా డిగ్రీ చదివింది. తండ్రి రెడిమేడ్‌ దుస్తుల షాపు నిర్వహిస్తున్నాడు. మృతిపై అనుమానాలు ఇదిలా ఉండగా సోమవారం సాయంత్రం ఓ గుర్తు తెలియని వ్యక్తి మృతురాలిని స్కూటీపై ఎక్కించుకుని వెళ్లాడని, అక్కడ మరొకరితో కలిసి ముగ్గురు మాట్లాడుకుంటున్నట్లు స్థానికులు చర్చించుకుంటున్నారు. ఆయేషా నైట్‌ డ్రెస్‌లో ఉంది. ఎడమకంటిపై దెబ్బలు ఉన్నాయి. డ్రెస్‌ చిరిగి ఉంది. మృతదేహం ఉన్న పరిస్థితులు చూస్తే పలు అనుమానాలకు తావిస్తోంది. ఆయేషా వెళ్లిన స్కూటీ ఎవరిది? అసలు ఆమెకు ఫోన్‌ చేసింది ఎవరు? ఆక్కడ ఉన్న మరో వ్యక్తి ఎవరన్న విషయాలు ప్రశ్నార్థకంగా మారాయి. మృతురాలిది ఆత్మహత్య? హత్య? అన్న విషయాలు మిస్టరీగా మారాయి. పోస్టుమార్టం రిపోర్ట్, పోలీసుల దర్యాప్తు ఆధారంగా అసలు విషయాలు తెలియరావాల్సి ఉంది. పోలీసులు కేసు నమోదు చేసి దర్యాప్తు చేస్తున్నారు. నా కుమార్తెను చంపేశారు తన కుమార్తెను చంపేశారని ఆయేషా తండ్రి షేక్‌ రహమత్‌ బాషా ఆరోపించారు. స్నేహితులు ఫోన్‌ చేయగా బయటకు వెళ్లినట్లు తెలుసుకున్నామన్నారు. మధ్యాహ్నం వెళ్లిన అమ్మాయి సాయంత్రానికి కూడా ఇంటికి రాకపోవడంతో ఫోన్‌ చేశామన్నారు. ఫోన్‌ కూడా స్విచ్‌ ఆఫ్‌ చేసి ఉందని, సాయంత్రం వరకు అమ్మాయి ఇంటికి రాలేదన్నారు. సాయంత్రం 7 గంటలకు ఫిర్యాదు చేద్దామని పోలీసుస్టేషన్‌కు వెళ్లగా ఎస్సై లేరని చెప్పారన్నారు. 9 గంటల వరకు ఉండి తమ కుమార్తె కనిపించడం లేదని ఎస్సైకి ఫిర్యాదు చేశామన్నారు. తెల్లవారిన తర్వాత ఎన్‌ఏపీ చెరువు వైపు వెళ్లగా అక్కడ స్కూటీ కనిపించిందని పేర్కొన్నారు. కొందరు గొర్రెలు కాసుకునే వారు తమ కుమార్తెతో మరికొందరు ఇక్కడ ఉన్నట్లు చూశామని చెప్పారన్నారు. తమ కుమార్తె గొంతు నులిమినట్లు కనిపిస్తోందని పేర్కొన్నారు. కంటిపై దెబ్బ తగిలి ఉందని, చేయి విరిగిందని, కాలు వద్ద గీసుకుపోయిందన్నారు. ఎవరో తన కుమార్తెను హత్య చేశారని, తమకు న్యాయం చేయండి.. అంటూ కన్నీరుమున్నీరై విలపించారు.ఇదీ చదవండి: రెండు తలల పాము రూ.కోటి

శ్రీ సత్యసాయి జిల్లా: ప్రేమను చంపుకోలేక ఓ యువకుడు ప్రాణం తీసుకున్న ఘటన మండల పరిధిలోని యనమలవాండ్లపల్లిలో మంగళవారం చోటు చేసుకుంది. వివరాలు. మండలంలోని యనమలవాండ్లపల్లికి చెందిన బ్రహ్మయ్య (21) కదిరిలోని తల్లి చంద్రమ్మతో కలిసి ఉంటున్నాడు. కరెంటు పనులు చేస్తూ తల్లికి చేదోడుగా ఉంటున్నాడు. అయితే కదిరి పట్టణంలోని ఓ వీధికి చెందిన బాలికను ప్రేమించాడు. ఆమెను పెళ్లి చేసుకుంటానని తల్లి చంద్రమ్మను బతిమలాడేవాడు. అందుకు బ్రహ్మయ్యకు తల్లి నచ్చజెప్పి సమీప బంధువుల గ్రామమైన చేలూరుకు పంపింది. వారం రోజులుగా అక్కడ ఉన్న బహ్మయ్య మంగళవారం మధ్యాహ్నం తన అమ్మమ్మ ఊరైన యనమలవాడ్లపల్లికి వెళ్లాడు. ఎవరూలేని సమయంలో ఇంటి వెనుక ఉన్న వేప చెట్టుకు ఉరి వేసుకుని ఆత్మహత్య చేసుకున్నాడు. ఈ విషయాన్ని కూలి పనులకు వెళ్లి ఇంటికి తిరిగి వచ్చిన బ్రహ్మయ్య అమ్మమ్మ ఇంటి వెనుక వైపున చూడగా.. అతను చెట్టుకు ఉరివేసుకొని కనిపించాడు. దీంతో వృద్ధురాలు గట్టిగా కేకలు వేసింది. ఆమె కేకలు విన్న స్థానికులు పరుగున అక్కడికి చేరుకొని బ్రహ్మయ్య మెడకు ఉన్న ఉరిని తొలగించి కిందకు దించారు. అయితే అప్పటికే బ్రహ్మయ్య మృతి చెందినట్లు స్థానికులు గుర్తించి పోలీసులకు సమాచారం అందించారు. సంఘటనా స్థలాన్ని పరిశీలించిన ఎస్‌ఐ మక్బూల్‌బాషా కేసు నమోదు చేసి దర్యాప్తు చేస్తునట్లు తెలిపారు. ‘ఐలవ్‌ మై వైఫ్‌.. ఐ హేట్‌ మై మామ్‌’ కదిరిలో నివాసం ఉంటున్న బ్రహ్మయ్య.. అదే పట్టణానికి చెందిన ఓ బాలికను ప్రేమించాడు.. ఆమెను పెళ్లి చేసుకుంటానని తల్లి చంద్రమ్మను బతిమలాడినా అందుకు ఆమె అంగీకరించలేదు. దీంతో అమ్మమ్మ ఊరైన యనమల వాండ్లపల్లికి వెళ్లిన బ్రహ్మయ్య.. అమ్మమ్మ ఇంటి గోడలపై ఆకులతో ‘ ఐలవ్‌ మై వైఫ్‌.. ఐ హేట్‌ మై మామ్‌’ అని పెద్ద అక్షరాలతో రాసి ఉరి వేసుకొని ఆత్మహత్య చేసుకోవడం కలకలం రేపింది.

తెలంగాణ: రంగారెడ్డి జిల్లా చేవెళ్లలో విషాద ఘటన చోటుచేసుకుంది. ఓ బైక్‌ను గుర్తుతెలియని వాహనం ఢీకొట్టింది. ఈ ప్రమాదంలో ఒకే కుటుంబానికి చెందిన ముగ్గురు మృతి చెందారు.స్థానికుల అందించిన వివరాల ప్రకారం.. మొయినాబాద్‌ మండలం మేడిపల్లి గ్రామానికి చెందిన కుమ్మరి మధు తన భార్య సావిత్రి, కుమారుడు, కుమార్తెలుగా తెలుస్తోంది. వీరు కుటుంబంతో కలిసి బైక్‌పై వెళ్తుండగా.. గొల్లపల్లి పరిధిలోని మజీద్‌ మలుపు వద్ద గుర్తుతెలియని ఓ వాహనం వీరి బైక్‌ను ఢీకొట్టింది. దీంతో ఇద్దరు దంపతులతో పాటు, కుమారుడు అక్కడికక్కడే ప్రాణాలను కోల్పోయారు. అయితే వారితో పాటు బైక్‌పై ప్రయాణిస్తున్న కుమార్తె ప్రమాదం నుంచి ప్రాణాలతో బయటపడింది.అలాగే, ప్రమాదం జరిగిన వెంటనే స్థానికులు పోలీసులకు సమాచారం అందించారు. దీంతో పోలీసులు ఘటనాస్థలానికి చేరుకుని ప్రమాదాన్ని పరిశీలించారు. మృతదేహాలను ఆస్పత్రికి తరలించారు. కాగా, బైక్‌ను ఢీకొట్టిన వాహనం, అలాగే ప్రమాదానికి గల పూర్తి వివరాలు ఇంకా తెలియాల్సి ఉంది.ఇదీ చదవండి: కర్నూలు జిల్లాలో అక్రమ టపాసుల నిల్వ.. పోలీసుల భారీ సీజ్‌!

ఆంధ్రప్రదేశ్‌: పండుగ వేళ బాణాసంచా అక్రమ నిల్వలకు అడ్డుకట్ట వేసేందుకు పోలీసులు తనిఖీలు ముమ్మరం చేశారు. ఈ క్రమంలో కర్నూలు జిల్లాలో అనుమతులు లేకుండా నిల్వ ఉంచిన భారీ టపాసుల డంప్‌ను పోలీసులు స్వాధీనం చేసుకున్నారు.పోలీసులకు అందిన సమాచారంతో ఎమ్మిగనూరు ప్రాంతంలో తనిఖీలు చేపట్టగా, అక్కడ ఎలాంటి అనుమతులు లేకుండా నిల్వ ఉంచిన 240 బాణాసంచా బాక్సులను గుర్తించారు. దీంతో వాటిని పోలీసులు సీజ్‌ చేశారు.అయితే, ఇంత పెద్ద మొత్తంలో బాణాసంచాను అనుమతులు లేకుండా ఎందుకు నిల్వ ఉంచారు? అనే కోణంలో పోలీసులు దర్యాప్తు చేస్తున్నారు. స్వాధీనం చేసుకున్న టపాసుల విలువ సుమారు రూ.10 లక్షలు ఉంటుందని అంచనా వేశారు. అలాగే అక్రమ నిల్వ, విక్రయాల వెనుక ఎవరున్నారు? అనే వివరాలను పోలీసులు ఆరా తీస్తున్నారు.ఇదీ చదవండి: శంషాబాద్‌ ఎయిర్‌పోర్ట్‌లో బంగారం పట్టివేత.. ప్రయాణికుడి పక్కా ప్లాన్‌!

సాక్షి, హైదరాబాద్‌: శంషాబాద్‌ రాజీవ్‌గాంధీ అంతర్జాతీయ విమానాశ్రయంలో భారీగా విదేశీ బంగారం పట్టుబడింది. సుమారు రూ.2.25 కోట్ల విలువైన 1.48 కిలోల బంగారాన్ని డీఆర్‌ఐ అధికారులు స్వాధీనం చేసుకున్నారు. తిరుచ్చి నుంచి వచ్చిన ఓ ప్రయాణికుడు ఈ బంగారాన్ని అక్రమంగా తరలిస్తున్నట్లు గుర్తించారు.అయితే, అధికారుల కళ్లుగప్పి బంగారాన్ని తరలించేందుకు ప్రయాణికుడు పక్కా ప్లాన్‌ వేసినట్లు తెలుస్తోంది. దుస్తుల కింద ప్రత్యేకంగా ఏర్పాటు చేసిన పౌచ్‌లో బంగారాన్ని దాచినట్లు సమాచారం. అలాగే విమానంలో దాచిన బంగారాన్ని బయటకు తీస్తుండగా డీఆర్‌ఐ అధికారులు అతడిని పట్టుకున్నారు.దీంతో ప్రయాణికుడి వద్ద ఉన్న 1.48 కిలోల బంగారాన్ని స్వాధీనం చేసుకున్నారు. పట్టుబడిన బంగారం విలువ సుమారు రూ.2.25 కోట్లు ఉంటుందని అధికారులు తెలిపారు. ప్రయాణికుడిని అరెస్ట్‌ చేసి, బంగారం ఎక్కడి నుంచి తీసుకొచ్చాడు? ఎక్కడికి తరలించాలనుకున్నాడు? అనే కోణంలో దర్యాప్తు చేస్తున్నారు.ఇదీ చదవండి: ఢిల్లీలో భూకంపం.. ఒక్కసారిగా కంపించిన భూమి!

సాక్షి ఆంధ్రప్రదేశ్‌: మనిషి ఆఖరి ప్రయాణం కూడా సాఫీగా సాగని దుస్థితి.. డాక్టర్‌ బీఆర్‌ అంబేద్కర్‌ కోనసీమ జిల్లాలో చోటుచేసుకుంది. వంతెన పనులు పూర్తికాకపోవడంతో మృతదేహాన్ని ప్రమాదకరంగా ఉన్న తాత్కాలిక వంతెనపై నుంచి తరలించాల్సి వచ్చింది. ఈ హృదయ విదారక ఘటన అమలాపురం రూరల్‌ మండలం వన్నెచింతలపూడి వీరయ్యపేటలో చోటుచేసుకుంది.గ్రామానికి వెళ్లే మార్గంలో వంతెన నిర్మాణం ఇంకా పూర్తికాకపోవడంతో స్థానికులు కొబ్బరి తోపులతో తాత్కాలికంగా దారి ఏర్పాటు చేసుకున్నారు. ఇదే ప్రమాదకర మార్గంలో నిత్యం రాకపోకలు సాగిస్తున్నారు. తాజాగా గ్రామానికి చెందిన ఓ వ్యక్తి మృతిచెందడంతో మృతదేహాన్ని తీసుకెళ్లేందుకు కుటుంబ సభ్యులు, స్థానికులు తీవ్ర ఇబ్బందులు ఎదుర్కొన్నారు. తప్పనిసరి పరిస్థితుల్లో అదే తాత్కాలిక వంతెనపై నుంచి మృతదేహాన్ని మోసుకెళ్లారు.బతికున్నప్పుడే కాదు.. చనిపోయిన తర్వాత కూడా అవస్థలేనా? అంటూ గ్రామస్తులు ఆవేదన వ్యక్తం చేస్తున్నారు. కనీసం ఆఖరి ప్రయాణమైనా గౌరవంగా సాగించే పరిస్థితి లేకపోవడం బాధాకరమని వాపోతున్నారు. ఇప్పటికైనా ప్రభుత్వం స్పందించి వంతెన నిర్మాణ పనులను వేగవంతం చేసి, తమ కష్టాలకు శాశ్వత పరిష్కారం చూపాలని గ్రామస్తులు డిమాండ్‌ చేస్తున్నారు.ఇదీ చదవండి: యూనివర్శిటీ విద్యార్థిని మృతి కేసు : నిందితుడిపై కాల్పులు

తిరుపతి: అక్రమ సంబంధానికి అడ్డుగా ఉన్నాడని ప్రియుడితో కలిసి భర్తను హత్య చేయించిన కేసులో భార్య నెల్లూరు చిత్ర, ఆమె ప్రియుడు తొండా కృష్ణమూర్తికి గూడూరు 7వ ఏడీజే కోర్టు న్యాయమూర్తి వెంకటనాగపవన్‌ జీవిత ఖైదుతో పాటుగా రూ.15 వేలు జరిమానా విధిస్తూ సోమవారం తీర్పు ఇచ్చినట్టు స్థానిక సీఐ ఎం.మురళీకృష్ణ తెలిపారు. సీఐ కథనం.. సూళ్లూరుపేట పట్టణంలోని గణపతినగర్‌కి చెందిన నెల్లూరు చిత్ర(26), జగదీష్‌కు పెద్దలు నిశ్చయించి వివాహం జరిపించారు.ఈ క్రమంలో తడ మండలం, పాములమిట్ట గ్రామానికి చెందిన తొండా కృష్ణమూర్తి (25)తో చిత్రకు ఏర్పడిన పరిచయం కాస్త అక్రమ సంబంధానికి దారితీసింది. వీరిద్దరి అక్రమ సంబంధానికి భర్త అడ్డుగా ఉన్నాడని భావించి 2023 అక్టోబర్‌ 14వ తేదీ రాత్రి ప్రియుడు కృష్ణమూర్తికి ఫోన్‌ చేసి తన భర్తను చంపేయాలని కోరింది. కృష్ణమూర్తి అదే రోజు రాత్రి 8 గంటల ప్రాంతంలో మోటార్‌ సైకిల్‌పై జగదీష్‌ను ఎక్కించుకుని మన్నారుపోలూరు క్రాస్‌ రోడ్డు సమీపంలోని పొలాల్లోకి తీసుకెళ్లాడు. అక్కడ ఇద్దరూ కలిసి మద్యం సేవించారు. జగదీష్‌కు మరింత ఎక్కువగా తాగించి బాగా మైకమెక్కాక పదునైన బ్లేడ్‌తో గొంతుకోసి పారిపోయాడు. జగదీష్‌ తీవ్రమైన రక్తస్రావంతో నడుచుకుంటూ వచ్చి జాతీయ రహదారి డివైడర్‌ మీద పడి చనిపోయాడు. అప్పటి సూళ్లూరుపేట ఇన్‌చార్జి సీఐ సోమయ్య దర్యాప్తు చేసి నిందితులను అరెస్ట్‌ చేశారు. ఆ తరువాత మరో సీఐ మధుబాబు తదుపరి దర్యాప్తు పూర్తి చేసి కోర్టులో చార్జిషీటు దాఖలా చేశారు. నేరం రుజువు కావడంతో ముద్దాయిలు నెల్లూరు చిత్ర, ఆమె ప్రియుడు తొండా కృష్ణమూర్తికి జీవితఖైదుతో పాటు జరిమానా విధిస్తూ న్యాయమూర్తి తీర్పు చెప్పారు.

పల్నాడు : ఒక హత్య కేసు దర్యాప్తు ఎనిమిదేళ్ల క్రితం జరిగిన మరో హత్య కేసు మిస్టరీని ఛేదించింది. పట్టణంలో ఇటీవల సంచలనం సృష్టించిన హత్య కేసులో నిందితుడిని అరెస్ట్‌ చేసి విచారించగా.. మరో పాత హత్య కేసు వెలుగులోకి వచ్చింది. హత్య చేసి వారి శరీర భాగాలను కత్తిరిస్తే బలం వస్తుందన్న వికృత ఆలోచనలతో నిందితుడు నేరాలకు పాల్పడుతున్నట్లు పల్నాడు జిల్లా ఎస్పీ జగదీష్‌ అదహళ్లి తెలిపారు. సోమవారం ఎస్పీ కార్యాలయంలో నిర్వహించిన విలేకర్ల సమావేశంలో వివరాలను ఆయన వెల్లడించారు.. గత నెల 29వ తేదీ కాసు బ్రహ్మానందరెడ్డి కాంప్లెక్స్‌ ఆవరణలో నిద్రిస్తున్న గాసి రాజేష్‌(35) హత్య జరగడం.. కత్తెరతో మృతుడి మర్మాంగంపై ఉన్న చర్మం కత్తిరించబడడం తెలిసిందే. మృతుడి కుటుంబ సభ్యుల ఫిర్యాదు మేరకు కేసు నమోదు చేసి సమీపంలో లభ్యమైన సీసీ కెమెరా పుటేజ్‌ ఆధారంగా నిందితుడు బరంపేటకు చెందిన కసుపర్తి నిఖిల్‌గా గుర్తించారు. అతన్ని అదుపులోకి తీసుకొని విచారించగా సంచలన విషయాలు వెలుగులోకి వచ్చాయి. ఎనిమిదేళ్ల నాటి హత్య కేసు ఛేదన.. ప్రస్తుత హత్యతో పాటు మరో హత్య కేసు వెలుగులోకి వచ్చింది. 2018 జనవరి నెలలో కోట సెంటర్‌లో నిద్రిస్తున్న నాగరాజు అనే వ్యక్తిని బండరాయితో కొట్టి హత్య చేసి అతని ఎడమచేతి మధ్యవేలును కత్తిరించుకొని వెళ్లినట్లు నిందితుడు నేరాన్ని అంగీకరించాడని ఎస్పీ తెలిపారు. ఇతరులను హత్యచేసి వారి శరీరా భాగాలను కత్తిరిస్తే తనకు బలం, శక్తులు వస్తాయని పదేపదే కలలు వచ్చేవని నిందితుడు విచారణలో వెల్లడించినట్లు ఎస్పీ తెలిపారు. ఈ కారణంతో ఒంటరిగా నిద్రిస్తున్న వ్యక్తులను లక్ష్యంగా చేసుకొని హత్యలు చేస్తున్నట్లు నిందితుడు తెలిపాడన్నారు. హత్యకు ఉపయోగించిన కత్తులను, హత్య సమయంలో నిందితుడు ధరించిన రక్తపు మరకలు కలిగిన దుస్తువులను అతని నుంచి స్వా«దీనం చేసుకున్నట్లు ఎస్పీ తెలిపారు. ఒక హత్య కేసు దర్యాప్తులో 8 ఏళ్ల నాటి హత్య కేసును వెలుగులోకి తీసుకురావటంలో కీలకంగా వ్యవహరించిన నరసరావుపేట డీఎస్పీ ఎం.హనుమంతరావు, వన్‌టౌన్‌ సీఐ షేక్‌ ఫిరోజ్, ఎస్‌ఐ వంశీ కృష్ణలను ప్రత్యేకంగా అభినందించారు.

నెల్లూరు జిల్లా: పాత వివాదాల నేపథ్యంలో ఓ యువకుడిపై నలుగురు వ్యక్తులు దాడి చేశారు. ఈ వీడియో సోమవారం సోషల్‌ మీడియాలో వైరలైంది. వెంకటాచలం సీఐ అంకమ్మ కథనం మేరకు.. ఇడిమేపల్లి పంచాయతీ పలుకూరువారిపాళెం గ్రామానికి చెందిన సంపత్‌ అనే యువకుడు గత నెల 16వ తేదీన వినాయక నిమజ్జనం సందర్భంగా చరణ్‌పై దాడి చేశాడు. ఇలా ఎందుకు చేశావని అదే గ్రామానికి చెందిన అంకయ్య.. సంపత్‌ను ప్రశ్నించాడు. అతను ఈ విషయాన్ని మనసులో పెట్టుకుని శేషు, అన్వేషి రవికి చెప్పాడు. గత నెల 28 తేదీన గ్రామ సమీపంలోని చెరువు వద్దకు నలుగురూ అంకయ్యను పిలిచి తీవ్రంగా దాడి చేయడమే కాకుండా, బీరు బాటిళ్లతో చంపేస్తామని బెదిరించారు. ఈ ఘటనపై బాధితుడు ఇచ్చిన ఫిర్యాదు మేరకు దాడికి పాల్పడిన నలుగురు వ్యక్తులపై హత్యాయత్నం కేసు నమోదు చేశామని సీఐ తెలిపారు.

కృష్ణా జిల్లా: ఇంట్లో ఫ్యాన్‌కు ఉరేసుకుని వివాహిత ఆత్మహత్యకు పాల్పడిన ఘటన మండల కేంద్రమైన తోట్లవల్లూరులో జరిగింది. వివరాల ప్రకారం.. గ్రామంలోని పీహెచ్‌సీకి సమీపంలో నివసించే పోతుగంటి సత్యన్నారాయణ చిన్న కుమార్తె లక్ష్మీప్రియాంక(27)కు గొల్లపూడికి చెందిన వేల్పూరి అశోక్‌కుమార్‌తో ఏడాదిన్నర క్రితం వివాహం జరిగింది. దంపతుల మధ్య గొడవలు జరగటంతో ఈ ఏడాది ఏప్రిల్‌ నుంచి లక్ష్మీప్రియాంక పుట్టింట్లోనే ఉంటోంది. గత శనివారం భర్త అశోక్‌కుమార్‌ కోర్టు నోటీస్‌ను లక్ష్మీప్రియాంకకు పంపించాడు. దీంతో ఆమె అదే రోజు గొల్లపూడిలోని భర్త ఇంటికి వెళ్లి వచ్చింది. సోమవారం తల్లిదండ్రులు సత్యన్నారాయణ, ధనలక్ష్మి విజయవాడలోని ఆస్పత్రికి వైద్యచికిత్స కోసం వెళ్లారు. ఇంట్లో ఎవరూ లేని సమయంలో ఉరేసుకుని ఆత్మహత్యకు పాల్పడింది. ఇంట్లో ఉరేసుకుని విగతజీవిగా ఉన్న కుమార్తె మృతదేహాన్ని చూసిన ఆమె తల్లిదండ్రులు కన్నీరుమున్నీరయ్యారు. తన ఆత్మహత్యకు భర్త, అత్త, చిన్నత్త, ఆడపడుచులే కారణమని మృతురాలు లక్ష్మీప్రియాంక రాసిన సూసైడ్‌ నోట్‌ పోలీసులకు లభ్యమైంది. ఘటనా ప్రాంతాన్ని తహసీల్దార్‌ కుసుమకుమారి, పమిడిముక్కల సీఐ చిట్టిబాబు సందర్శించి పరిశీలించారు. సత్యన్నారాయణ ఫిర్యాదు మేరకు ఎస్‌ఐ కిషోర్‌ కేసు నమోదు చేసి దర్యాప్తు చేస్తున్నారు. ఇదీ చదవండి: మూడేళ్ళ లవ్.. 3 సార్లు అబార్షన్..