Sri Sathya Sai District News

లేపాక్షి: స్థానిక ఓరియంటల్‌ ఉన్నత పాఠశాలలోని పోలింగ్‌ కేంద్రంలోకి టీడీపీ నేతలు వెళ్లగా... వైఎస్సార్‌సీపీ నేతలు అడ్డుకునే ప్రయత్నం చేశారు. అయినా ఎవరూ వినిపించుకోకపోవడంతో పోలీసులకు సమాచారం ఇచ్చారు. అయినా పట్టించుకోకపోవడంతో పోలింగ్‌ కేంద్రాల వద్ద బైఠాయించి నిరసన తెలిపారు. వెంటనే టీడీపీ నాయకులను బయటకు పంపించాలని డిమాండ్‌ చేశారు. విషయం తెలుసుకున్న ఎస్‌ఐతో పాటు పోలీసులు అక్కడికి చేరుకుని పోలింగ్‌ బూత్‌ల వద్ద ఉన్న టీడీపీ నాయకులను బయటకు పంపించారు. ఈ క్రమంలోనే వైఎస్సార్‌సీపీ నాయకులపై ఎస్‌ఐ దురుసుగా ప్రవర్తించారు. పోలీసుల చర్యలను వైఎస్సార్‌ సీపీ లేపాక్షి మండల కన్వీనర్‌ సయ్యద్‌ నిస్సార్‌, మాజీ వైస్‌ ఎంపీపీ అంజినరెడ్డి తప్పుపట్టారు.

సాక్షి, టాస్క్‌ఫోర్స్‌: రిగ్గింగ్‌ను అడ్డుకున్నారన్న కోపంతో టీడీపీ నేతలు దాడులకు దిగారు. బత్తలపల్లి మండలం మాల్యవంతంలోని రెండు పోలింగ్‌ కేంద్రాల్లో టీడీపీ నేతలు రిగ్గింగ్‌ చేస్తున్నట్లు సమాచారం అందడంతో జెడ్పీటీసీ అభ్యర్థి చల్లా మమత భర్త కోటి సురేష్‌ అక్కడికి చేరుకున్నారు. పోలీసులకు సమాచారం ఇచ్చినా వారు ఏం చేయలేకపోయారు. ఈ లోగా పోలింగ్‌ నుంచి బయటకు వచ్చిన టీడీపీ నాయకులు కోటి సురేష్‌బాబుపై దాడికి సిద్ధమయ్యారు. దీంతో ఆయన పోలీసులను రక్షణ కోరారు. ఈ క్రమంలోనే సీఐ ప్రభాకర్‌గౌడ్‌ తన వాహనంలో సురేష్‌ను తీసుకు వెళ్తుండగా...పచ్చమూక సీఐ వాహనంపై రాళ్ల దాడి చేసింది. దీంతో వాహనం అద్దాలు ధ్వంసమయ్యాయి. ఇదే సమయంలో అక్కడకు చేరుకున్న కొందరు వైఎస్సార్‌ సీపీ నేతలు కోటి సురేష్‌ను ద్విచక్రవాహనంలో బత్తలపల్లికి తీసుకువెళ్లారు. దీంతో తిరిగి మాల్యవంతం చేరుకున్న పచ్చమూక ఆ సమయంలో ఓటు వేయడానికి వచ్చిన వెంకటగారిపల్లికి చెందిన వైఎస్సార్‌సీపీ వర్గీయులతో వాగ్వాదానికి దిగారు. దీంతో పోలీసులు ఇరువర్గాల వారిని చెదరగొట్టారు. అనంతరం వెంకటగారిపల్లి గ్రామస్తులు ఇళ్లకు వెళ్లిపోగా, వారి వెనుకే వెళ్లిన టీడీపీ నాయకులు వారి ఇళ్లల్లోకి దూరి అడ్డు వచ్చిన వారిపై దాడులకు దిగారు. ఈ దాడుల్లో వైఎస్సార్‌సీపీ నేతలు కురుబ నారాయణస్వామి, వడ్డె కృష్ణయ్య, దివ్యాంగుడైన రామాంజనేయులు, అశోక్‌, గణేష్‌ గాయపడ్డారు. వీరిలో కురుబ నారాయణస్వామి పరిస్థితి విషమంగా ఉన్నట్లు సమాచారం. సమాచారం అందుకున్న పోలీసులు ఘటనా స్థలానికి చేరుకుని క్షతగాత్రులను 108లో ఆసుపత్రులకు తరలించారు. ధర్మవరం డీఎస్పీ జగన్నాథరాజు, ధర్మవరం రూరల్‌ సీఐ ప్రభాకర్‌గౌడు సిబ్బందితో పరిస్థితిని సమీక్షించారు. వెంకటగారిపల్లిలో బందోబస్తు ఏర్పాటు చేశారు. కాగా, వైఎస్సార్‌సీపీ నాయకులే తమపై దాడి చేశారని టీడీపీ నేతలు పోలీస్‌ స్టేషన్‌కు వెళ్లి ఫిర్యాదు చేశారు. మాల్యవంతంలో జెడ్పీటీసీ అభ్యర్థి భర్తపై దౌర్జన్యం వెంకటగారిపల్లిలో వైఎస్సార్‌సీపీ నాయకుల ఇళ్లల్లోకి చొరబడి దాడులు తీవ్రంగా గాయపడిన కురుబ నారాయణస్వామి.. పరిస్థితి విషమం

పుట్టపర్తి అర్బన్‌/ ధర్మవరం అర్బన్‌: ఆరోగ్య కేంద్రాల్లో ప్రజలకు మెరుగైన వైద్యసేవలు అందించాలని రాష్ట్ర స్థాయి వైద్య అధికారుల బృందం ఆదేశించింది. గురువారం పుట్టపర్తిలోని డీఎంహెచ్‌ఓ కార్యాలయంలో డీఎంహెచ్‌ఓ డాక్టర్‌ ఫైరోజాబేగం ఆధ్వర్యంలో అధికారులతో సమీక్ష నిర్వహించారు. రాష్ట్ర వైద్య బృందంలో హెచ్‌డబ్ల్యూసీ స్టేట్‌ జాయింట్‌ డైరెక్టర్‌ నరసింహనాయక్‌, రాష్ట్ర సమన్వయకర్త పీవీ కిరణ్‌, బయో మెడికల్‌ ఇంజినీర్‌ రమేష్‌, కమ్యూనిటీ ప్రాసెస్‌ మేనేజర్‌ సురేష్‌ ఉన్నారు. వారు మాట్లాడుతూ జాతీయ ఆరోగ్య కార్యక్రమాల పురోగతిపై ఆరాతీశారు. కేంద్ర, రాష్ట్ర ప్రభుత్వాల లక్ష్యాలు, సాధన, వైద్య సేవల నాణ్యతపై ఆరాతీశారు. అనంతరం అక్కడి నుంచి జిల్లాలోని పలు పీహెచ్‌సీ, యూపీహెచ్‌సీలను బృందం సభ్యులు పరిశీలించారు. ధర్మవరం ఏరియా ఆస్పత్రి, సాయినగర్‌ యూపీహెచ్‌సీ, చెన్నేకొత్తపల్లి, బత్తలపల్లి, పోతుకుంట, పీహెచ్‌సీలు, మార్గమధ్యంలోని విలేజ్‌ హెల్త్‌ క్లినిక్‌లను వైద్యబృందం సందర్శించింది. అక్కడ వైద్య సేవలు, రికార్డులు, మౌలిక సదుపాయాలు, ఆరోగ్య కార్యక్రమాల అమలుతీరును అడిగి తెలుసుకుంది. అర్బన్‌ హెల్త్‌సెంటర్లు, ఆయుష్మాన్‌ ఆరోగ్య కేంద్రాల్లో ప్రయోగశాల పరీక్షలు, మందుల లభ్యత, వ్యాధి నిరోధక టీకా, ఆరోగ్య సేవలపై వివరాలపై ఆరాతీశారు. అనంతరం హిందూపురంలోని జిల్లా ఆస్పత్రిని సందర్శించింది. కార్యక్రమంలో డీపీఎంఓ డాక్టర్‌ పద్మజ, ఎన్‌టీఆర్‌ వైద్య సేవల నోడల్‌ ఆఫీసర్‌ శ్రీదేవి, డీసీహెచ్‌ఎస్‌ డాక్టర్‌ శ్రీకాంతి, జిల్లా మలేరియా నివారణాధికారి చెన్నారెడ్డి, 104 నోడల్‌ ఆఫీసర్‌ పద్మజ, ధర్మవరం డిప్యూటీ డీఎంహెచ్‌ఓ భాగ్యలక్ష్మి, పీఓ సునీల్‌, ఎస్‌ఓ కళాధర్‌, సీహెచ్‌ఓ వన్నప్ప, డీపీహెచ్‌ఎన్‌ఓ వీరమ్మ, డెమో సుబ్రమణ్యం, వివిధ ఆస్పత్రుల వైద్యాధికారులు తదితరులు పాల్గొన్నారు. ఆయుస్మాన్‌ ఆరోగ్య కేంద్రం తనిఖీధర్మవరం రూరల్‌: ధర్మవరం మండలం పోతుకుంటలోని ఆయుస్మాన్‌ ఆరోగ్య మందిర్‌ను రాష్ట్ర వైద్య బృందం సభ్యులు గురువారం తనిఖీ చేసింది. ఆరోగ్య మందిర్‌లో ప్రజలకు అందుతున్న సేవలపై ఆరా తీసింది. దర్శనమల డాక్టర్‌ పుష్పలత, ఎన్‌హెచ్‌ఎం స్టాప్‌ శ్రీనివాసరెడ్డి, హెల్త్‌ సూపర్‌వైజర్‌ రాజశేఖర్‌రెడ్డి, ఎంఎల్‌హెచ్‌పీ గౌతమి తదితరులు పాల్గొన్నారు. ప్రాథమిక ఆరోగ్య కేంద్రాల్లో నాణ్యత ప్రమాణాల పెంపే లక్ష్యం బత్తలపల్లి: గ్రామీణ ప్రాంత ప్రజలకు మెరుగైన వైద్య సేవలు అందించడంతో పాటు ప్రాథమిక ఆరోగ్య కేంద్రాల్లో నాణ్యత ప్రమాణాలను మరింత పెంచడమే లక్ష్యమని రాష్ట్ర వైద్య బృందం సభ్యులు తెలిపారు. గురువారం వైద్యాధికారుల బృందం పీహెచ్‌సీని సందర్శించింది. ఆసుపత్రిలో అందుతున్న వైద్యసేవలను క్షేత్రస్థాయిలో పరిశీలించింది. కార్యక్రమంలో డీపీఎంఓ పద్మజ, డీపీఓ నాగరాజు, వైద్యాధికారులు అరుణ్‌కుమార్‌, విష్ణువర్ధన్‌, సిబ్బంది పాల్గొన్నారు. రాష్ట్ర స్థాయి వైద్య అధికారుల బృందం

కదిరి అర్బన్‌: కదిరి మండలం పట్నం జెడ్పీ హైస్కూల్‌లోని పోలింగ్‌ కేంద్రంలో కదిరికి చెందిన టీడీపీ నాయకులు కాటం మనోజ్‌తో పాటు మరికొంత మంది క్యూలో ఉన్న ఓటర్లను సైకిల్‌ గుర్తుకు ఓటేయాలని ఒత్తిడి తెచ్చారు. విషయం తెలుసుకున్న వైస్సార్‌ కాంగ్రెస్‌ పార్టీ జెడ్పీ చైర్మన్‌ అభ్యర్థి, కదిరి జెడ్పీటీసీ అభ్యర్థి వజ్ర భాస్కర్‌రెడ్డి అక్కడకు చేరుకుని సీఐ నిరంజన్‌రెడ్డితో వాగ్వాదానికి దిగారు. ఇతర ప్రాంతాలకు చెందిన టీడీపీ నేతలను పోలింగ్‌ కేంద్రంలోనికి ఎలా పంపుతున్నారని ప్రశ్నించారు. దీంతో పోలీసులు మనోజ్‌ను అక్కడినుంచి పంపించేశారు. ముత్యాలచెరువు పోలింగ్‌ కేంద్రంలో టీడీపీ నాయకులు వైఎస్సార్‌సీపీ ఏజెంట్లను బయటకు పంపి దొంగ ఓట్లు వేసుకున్నారు. వజ్ర భాస్కర్‌రెడ్డి పోలింగ్‌ కేంద్రానికి చేరుకుని ఏజెంట్లను తీసుకువెళ్లి కేంద్రంలో కూర్చోబెట్టారు. అప్పటికే టీడీపీ నాయకులు భారీగా ఓట్లు వేసుకున్నారు. అమెరికాలో ఉన్న వి.ధీరజ్‌రెడ్డి అనే వ్యక్తి ఓటు సైతం టీడీపీ నాయకులే వేసేశారు. కదిరి మండలం కొండమనాయునిపాళెం గ్రామంలోని పోలింగ్‌ బూత్‌లో టీడీపీ నాయకులు దొంగ ఓట్లు వేశారు. ● మడకశిర మండలంలోని గుండుమలలో పోలింగ్‌ ఏక పక్షంగా సాగింది. 20, 21, 22వ పోలింగ్‌ బూత్‌లలో వైఎస్సార్‌సీపీ ఏజెంట్లు లేకుండానే పోలింగ్‌ జరిగింది. దీంతో గుండుమల పంచాయతీలో ఎన్నికలను వైఎస్సార్‌సీపీ బహిష్కరించారు. మణూరులో పోలీసులు ఏకపక్షంగా వ్యవహరించి వైఎస్సార్‌సీపీకి పోలింగ్‌ ఏజెంట్లను అదుపులోకి తీసుకుని పోలీస్‌స్టేషన్‌కు తరలించగా..కూటమి నాయకులు భారీగా దొంగ ఓట్లు వేసుకున్నారు. మడకశిర మండలం మెళవాయిలో కూడా వైఎస్సార్‌సీపీ కార్యకర్తపై కూటమి నాయకులు దాడికి ప్రయత్నించారు. ● అగళి మండలంలోని ఆర్‌జీపల్లి పరిధిలోని రాగేలింగనహళ్లి–1 పోలింగ్‌ కేంద్రంలో మృతి చెందిన సిద్ద గంగప్ప ఓటును టీడీపీ కార్యకర్త వేశాడు. అక్కడే ఉన్న వైఎస్సార్‌సీపీ ఏజెంట్లు వెంటనే అభ్యతరం చేయడంతో ఇరువర్గాల మధ్య గొడవ జరిగింది.

ధర్మవరం అర్బన్‌: జెడ్పీటీసీ, ఎంపీటీసీ ఎన్నికల విధుల విధులకు వెళ్లి వచ్చే సిబ్బందికి ఎలాంటి ఇబ్బందులు కలగకూడదని జేసీ మౌర్య భరద్వాజ్‌ అధికారులను ఆదేశించారు.గురువారం పట్టణంలోని ప్రభుత్వ బాలికల జూనియర్‌ కళాశాలలో ఏర్పాటు చేసిన రిసెప్షన్‌ కేంద్రాన్ని జేసీ తనిఖీ చేశారు. రిసెప్షన్‌ కేంద్రంలో చేపట్టిన ఏర్పాట్లు, ఎన్నికల సిబ్బందికి కల్పించిన సౌకర్యాలు, ఎన్నికల విధులను ముగించుకొని వచ్చిన సిబ్బంది రిపెప్షన్‌ కేంద్రంలో అందజేయాల్సిన నివేదికలు, బ్యాలెట్‌ బాక్సులకు సంబంధించి చేసిన ముందస్తు ఏర్పాట్లను పరిశీలించారు. ఎన్నికల విధులకు సంబంధించి అన్ని ఏర్పాట్లను పకడ్బందీగా చేపట్టాలన్నారు. కార్యక్రమంలో ఆర్డీఓ రామభూపాల్‌రెడ్డి, తహసీల్దార్‌ దేవరాజ్‌, ఇతర అధికారులు పాల్గొన్నారు. రివాల్వర్‌తో హోంగార్డు హల్‌చల్‌చిలమత్తూరు: హిందూపురం హోంగార్డు నవీన్‌ రివాల్వర్‌తో పోలింగ్‌ కేంద్రం వద్ద హల్‌చల్‌ చేయడం చర్చనీయాంశమైంది. నవీన్‌ గురువారం చిలమత్తూరు జెడ్పీహెచ్‌ఎస్‌ పోలింగ్‌ కేంద్రం వద్ద ఎన్నికల విధులకు హాజరయ్యాడు. అయితే ఆయన ప్యాంట్‌ పైభాగంలో సినిమాటిక్‌ స్టైల్‌లో రివాల్వర్‌ ఉంచుకోవడాన్ని చూసి ఓటర్లు భయభ్రాంతులకు గురయ్యారు. ఎస్‌ఐ, సీఐ స్థాయి వ్యక్తులు వాడాల్సిన రివాల్వర్‌..హోంగార్డు వద్ద ఎలా ఉందని చర్చ జరిగింది. సదరు హోంగార్డు డీఎస్పీ రవిబాబు వద్ద పనిచేస్తారని పోలీసులు చెప్తుండగా.. ప్రజలు మాత్రం ఇది అధికార దుర్వినియోగానికి నిదర్శనమని చెప్పుకుంటున్నారు. ఉన్నతాధికారి వద్ద ఉండాల్సిన రివాల్వర్‌.. హోంగార్డు వద్దకు ఎందుకు వచ్చిందన్న ప్రశ్నలు ఉత్పన్నమవుతున్నాయి. ఓటు స్ఫూర్తికి ‘వంద’నం పుట్టపర్తి అర్బన్‌: మండలంలోని బొంతలపల్లికి చెందిన వందేళ్ల వయసున్న సత్తెమ్మ గురువారం పరిషత్‌ ఎన్నికల్లో ఓటేసి ఆదర్శంగా నిలిచారు. నడవలేని స్థితిలో ఉన్న ఆమెను కుటుంబ సభ్యుడు తోపుడు బండిపై తీసుకువచ్చి ఓటు వేయించారు.

హిందూపురం(చిలమత్తూరు): ప్రాదేశిక ఎన్నికల పోలింగ్‌ ముగిసిన అనంతరం అధికారులు బ్యాలెట్‌ బాక్సులను హిందూపురంలోని పాలిటెక్నిక్‌ కళాశాలకు చేర్చారు. అయితే పాలిటెక్నిక్‌ కళాశాల వద్ద విద్యుత్‌ సరఫరా లేదు. దీంతో ఏమి చేయాలో పాలుపోక మొబైల్‌ టార్చ్‌లతోనే వివరాలు నమోదు చేసి, బ్యాలెట్‌ బాక్సులను స్ట్రాంగ్‌ రూమ్‌ అధికారులకు అప్పజెప్పారు. అయితే, ఎందుకు విద్యుత్‌ సరఫరాలో అంతరాయం ఏర్పడిందనేదానికి అధికారులు సమాధానం చెప్పకపోవడంపై అభ్యర్థులో పలు అనుమానాలు వ్యక్తమవుతున్నాయి. హిందూపురం రూరల్‌, చిలమత్తూరు, లేపాక్షి మండలాల్లో జరిగిన పోలింగ్‌ బ్యాలెట్‌ బాక్సులు అన్నీ ఇక్కడికి చేర్చారు. కాగా, ఈ నెల 7న ఎన్నికల కౌంటింగ్‌ జరగనుంది. ఎన్నికల ఫలితాలపై అనుమానాలు పెనుకొండ రూరల్‌: మున్సిపల్‌ ఎన్నికల ఫలితాలపై అనుమానాలున్నాయని జనసేన పార్టీ రెబల్‌ అభ్యర్థి లోకేష్‌ చేసిన వీడియో సోషల్‌ మీడియాలో వైరల్‌ అవుతోంది. మున్సిపల్‌ ఎన్నికల్లో రెండోవార్డు అభ్యర్థిగా జనసేన నాయకుడు లోకేష్‌ రెబల్‌ అభ్యర్థిగా పోటీచేశాడు. పోలింగ్‌ రోజున వార్డులో పోలైన ఓట్లు 854 అని, అయితే కౌంటింగ్‌ సమయంలో 853 ఓట్లుగా అధికారులు నివేదిక ఇవ్వడంపై అనుమానం వ్యక్తం చేశాడు. అధికారుల తీరుపై స్పష్టత లేదని, పోలింగ్‌, కౌటింగ్‌ ప్రక్రియలు, స్ట్రాంగ్‌ రూమ్‌ భద్రత, సీసీ ఫుటేజీలు, కౌంటింగ్‌ ప్రక్రియలో 50 ఓట్లు కట్టలు కట్టే విధానంపై అనుమానాలకు బలం చేకూర్చిందని వీడియోలో తెలిపారు. పోలింగ్‌ నుంచి కౌంటింగ్‌ వరకు అన్ని రికార్డులు భద్రపరిచి, అధికారులు పరిశీలించాలన్నాడు. ఎన్నికల అధికారులు పారదర్శకంగా వ్యవహరించాలని, తనకు న్యాయం జరిగేదాకా పోరాటం చేస్తానని సోషల్‌ మీడియా వేదికగా ఆయన పంచుకున్నాడు. ‘హస్తం’ గుర్తు మాయం పరిగి: మండలంలోని కొడిగెనహళ్లి పంచాయతీ పరిధిలోని పోలింగ్‌బూత్‌లలో నేషనల్‌ కాంగ్రెస్‌ పార్టీ హస్తం గుర్తును జెడ్పీటీసీ అభ్యర్థుల ఇండెక్స్‌ బోర్డులో ప్రచురించకపోవడంపై ఆపార్టీ అభ్యర్థి ఎంఎస్‌ శ్రీనివాసులు తీవ్ర అసహనానికి గురయ్యారు. గురువారం మండల జెడ్పీటీసీ అభ్యర్థిగా కాంగ్రెస్‌ పార్టీ తరఫున జెడ్పీటీసీ బరిలో ఎంఎస్‌ శ్రీనివాసులు నిలిచిన అంశంలో పోలింగ్‌బూత్‌లలో అభ్యర్థి పేరు మాత్రమే ప్రచురించి, గుర్తును ప్రచురించకపోవడంపై ఆయన అధికారులతో వాగ్వాదం చేశారు. పోలింగ్‌ కేంద్రాల పరిశీలన గోరంట్ల: ఎంపీటీసీ, జెడ్పీటీసీ ఎన్నికల పోలింగ్‌ తీరును జిల్లా ఎన్నికల అధికారి, కలెక్టర్‌ శ్యాంప్రసాద్‌ స్వయంగా పరిశీలించారు. గురువారం ఆయన గోరంట్ల బాలుర ఉన్నత పాఠశాల ఆడిటోరియంలోని పోలింగ్‌ కేంద్రాన్ని, బాలుర ఉన్నత పాఠశాలలో ఏర్పాటు చేసిన 256, 257 పోలింగ్‌ కేంద్రాలతో పాటు మందలపల్లి బాలుర ఉన్నత పాఠశాలలో ఏర్పాటు చేసిన పోలింగ్‌ కేంద్రాన్ని సందర్శించారు. ఆయా కేంద్రాల వద్ద ఓటర్లు బారులు తీరి ఉండడాన్ని గమనించిన కలెక్టర్‌..ఆయా బూత్‌లలో ఓటర్ల సంఖ్యను అడిగి తెలుసుకున్నారు. ఓటర్లకు ఇబ్బందులు కలగకుండా అదనపు సిబ్బందిని ఏర్పాటు చేసి పోలింగ్‌ సవ్యంగా నిర్వహించాలని ఆదేశించారు. అంతకుముందు అడిషనల్‌ ఎస్పీ అంకిత సురానా కూడా గోరంట్ల బాలుర ఉన్నత పాఠశాల పోలింగ్‌ కేంద్రం వద్ద భద్రతా ఏర్పాట్లను పరిశీలించారు. పోలింగ్‌ సరళి పరిశీలన పుట్టపర్తి టౌన్‌: కొత్తచెరువు జిల్లా పరిషత్‌ ఉన్నత పాఠశాలలో జరుగుతున్న ఓటింగ్‌ సరళిని గురువారం జిల్లా ఎన్నికల పరిశీలకుడు అరుణ్‌బాబు పరిశీలించారు. ఎన్నికల అధికారులతో పోలింగ్‌పై ఆరా తీశారు. నిరంతరం పర్యవేక్షిస్తూ ఎన్నికల విధులు సమర్థవంతంగా నిర్వహించాలని ఆదేశించారు. ఆయన వెంట ఆర్డీఓ సువర్ణ ఉన్నారు.

● వైఎస్సార్‌సీపీ నేతలకు నోటీసులు, హౌస్‌ అరెస్టులు హిందూపురం టౌన్‌: ఎంపీటీసీ, జెడ్పీటీసీ ఎన్నికలు టీడీపీ నేతల దౌర్జన్యాలు, అరాచకాల నడుమ సాగాయి. పోలింగ్‌ కేంద్రాల వద్ద అడుగడుగునా వైఎస్సార్‌సీపీ అభ్యర్థులను, నేతలను అధికార దర్పంతో పోలీసులను ఉపయోగించుకుని టీడీపీ నేతలు అడ్డుకున్నారు. గురువారం పోలింగ్‌ సందర్భంగా వైఎస్సార్‌సీపీ రాష్ట్ర కార్యదర్శి చౌళూరు మధుమతిరెడ్డిని పోలీసులు హౌస్‌ అరెస్ట్‌ చేశారు. ముందస్తుగానే పోలీసులు ఆమెను నోటీసులు జారీ చేశారు. ఎన్నికల ప్రక్రియ పూర్తి అయ్యేవరకు మండలంలో ఎలాంటి గ్రామాల్లోనూ పర్యటించకూడదని ఆంక్షలు విధించారు. దీనిపై ఆమె తీవ్ర స్థాయిలో మండిపడ్డారు. వైఎస్సార్‌సీపీ నేతలను అడుగడుగునా అడ్డుకుంటూ ఏకపక్షంగా ఎన్నికలు జరుపుకుంటున్నారని ఆగ్రహం వ్యక్తం చేశారు. అలాగే చలివేందులలోనూ వైఎస్సార్‌సీపీ నాయకులను పోలీసులు స్టేషన్‌కు తరలించారు. దీనిపై వైఎస్సార్‌సీపీ నియోజకవర్గ సమన్వయకర్త దీపిక స్పందించి పోలీసులతో మాట్లాడిన అనంతరం వదిలివేశారు. గోళ్లాపురంలోనూ వైఎస్సార్‌సీపీ నేతలపై ఆంక్షలు విధించారు. అలాగే మండల వ్యాప్తంగా పలు వైఎస్సార్‌సీపీ నేతలపై పోలీసులు ఆంక్షలు విధించారు.

సాక్షి నెట్‌వర్క్‌:ధర్మవరం నియో జకవర్గంలోని ఎంపీటీసీ, జెడ్పీటీసీ ఎన్నికల్లో కూటమి నేతలు అధికారం అండతో రెచ్చిపోయారు. కొన్నిచోట్ల నేరుగా దాడులకు పాల్పడగా..మరికొన్ని ప్రాంతాల్లో పోలీసులతో ఆపని చేయించారు. ముఖ్యంగా బుధవారం అర్ధరాత్రే వైఎస్సార్‌ సీపీ అభ్యర్థులు, ఏజెంట్లు, ముఖ్య నాయకులను స్టేషన్లకు తరలించారు. దీంతో చాలా ప్రాంతాల్లో ఉదయమే పోలింగ్‌ కేంద్రంలో వైఎస్సార్‌సీపీ తరఫున ఏజెంట్లు లేకుండా పోయారు. ఆ తర్వాత నాయకులు ఏజెంట్లను కుర్చోబెట్టగలిగినా అప్పటికే కూటమి నేతలు భారీగా దొంగఓట్లు వేసుకున్నారు. అధికార పార్టీ నేతలు ఆదేశాలను పోలీసులు తూచా తప్పకుండా పాటించడంతో పోలింగ్‌ ఏకపక్షంగా సాగింది. ప్రజాస్వామ్యం అపహాస్యమైంది. ● బత్తలపల్లి మండలం మాజీ కన్వీనర్‌ బగ్గిరి బయపరెడ్డి, మాజీ సర్పంచులు సానే జయచంద్రారెడ్డి, చల్లా కరుణాకర్‌నాయుడు, నాయకులు కోళ్లమొరం దామోదర్‌రెడ్డి, ముష్టూరు సుధాకరరెడ్డి, పోట్లమర్రి సుధాకరరెడ్డిలను పోలీసులు గురువారం ఉదయమే అదుపులోనికి తీసుకుని అక్రమంగా స్టేషన్‌లో నిర్బంధించారు. ● తలుపుల రాష్ట్ర సంయుక్త కార్యదర్శి కుర్లిశివారెడ్డి, వైఎస్సార్‌ సీపీ రాష్ట్ర మున్సిపల్‌ వింగ్‌ కార్యదర్శి లింగాల కృపాకర్‌రెడ్డిని గురువారం పోలీసులు అక్రమ అరెస్టు చేశారు. పోలింగ్‌ ముగిసిన తరువాత వారిని తిరిగి ఇళ్లకు పంపించారు.

కూడేరు/ధర్మవరం అర్బన్‌: కూడేరు మండల పరిధిలోని కడదరకుంటలో పోలింగ్‌ బూత్‌లో విధులు నిర్వహిస్తున్న ఓపీఓ హరిత గౌడ్‌ (57) గుండె పోటుతో మృతి చెందారు. వివరాలు.. గురువారం ఎంపీటీసీ, జెడ్పీటీసీ ఎన్నికల పోలింగ్‌ బూత్‌లో హరిత విధులు నిర్వహిస్తున్నారు. ఆ సమయంలో ఆమె ఆస్వస్థకు గురయ్యారు. ఈ విషయాన్ని ఆమె పీఓ దృష్టికి తీసుకెళ్లారు. అయితే ఆయన కొద్దిసేపు పక్కకెళ్లి విశ్రాంతి తీసుకోవాలని సూచించారు. అక్కడే ఉన్న ఏఎన్‌ఎం ఆమెను పరీక్షించి కూడేరులోని పీహెచ్‌సీకి తరలించారు. అక్కడ డాక్టర్‌ వెంకట ప్రసాద్‌ వైద్య సేవలందించారు. ఆమెకు బీపీ, షుగర్‌ ఉండడంతో కొద్ధి సేపటి తర్వాత గుండె పోటుతో మృతి చెందారు. ఈమె డీహీరేహాళ్‌ మండలం కాదలూరు పాఠశాలలో ఎస్‌జీటీ ఉపాధ్యాయురాలుగా పని చేస్తున్నారు. సమాచారమందుకున్న ఆమె కుటుంబ సభ్యులు, బంధువులు పీహెచ్‌సీకి చేరుకొని మృత దేహాన్ని తీసుకెళ్లారు. ఇదిలా ఉండగా విశ్రాంతి తీసుకునేందుకు పీఓ అనుమతించకపోవడంతోనే ఆరోగ్య పరిస్థితి విషమించిందని కుటుంబ సభ్యులు ఆరోపించారు. ఉపాధ్యాయురాలి కుటుంబాన్ని ఆదుకోవాలి.. ఎన్నికల విధుల్లో ఆకస్మికంగా మృతిచెందిన టీచర్‌ కుటుంబాన్ని ప్రభుత్వమే ఆదుకోవాలని యూటీఎఫ్‌ రాష్ట్ర కార్యదర్శి శెట్టిపి జయచంద్రారెడ్డి, జిల్లా ప్రధాన కార్యదర్శి రామకృష్ణనాయక్‌, కార్యదర్శులు అమర్‌నారాయణరెడ్డి, నాగేంద్రమ్మ, రాష్ట్ర కౌన్సిలర్‌ మేరివరకుమారి, డివిజన్‌ నాయకులు ఆంజనేయులు, వెంకటకిషోర్‌, హరికృష్ణ, రామాంజనేయులు గురువారం ఒక ప్రకటనలో తెలిపారు. అనంతపురం జిల్లా కూడేరు మండలంలో జెడ్పీటీసీ, ఎంపీటీసీ ఎన్నికల విధులు నిర్వహిస్తున్న ఉపాధ్యాయురాలు హరితగౌడ్‌ ఎన్నికల విధుల్లో ఉంటూనే అనారోగ్యంతో మృతిచెందడం బాధాకరమని ప్రగాఢ సంతాపం వ్యక్తం చేశారు. ఎన్నికల విధుల్లో మృతిచెందిన టీచర్‌కు రాష్ట్ర ప్రభుత్వం అన్నివిధాలా ఆదుకోవాలని కోరారు. పీహెచ్‌సీలో చికిత్స పొందుతూ మృతి

పుట్టపర్తి అర్బన్‌: మండలంలోని పలు పోలింగ్‌ కేంద్రాలను కలెక్టర్‌ శ్యాం ప్రసాద్‌ గురువారం పరిశీలించారు. ఉదయం మండల పరిధిలోని కప్పలబండ, జగరాజుపల్లి తదితర గ్రామాల్లో పర్యటించారు. పోలింగ్‌ కేంద్రంలోకి వెళ్లి వెబ్‌క్యాస్టింగ్‌, సిబ్బంది పనితీరు, ఓటర్లకు కల్పించిన సౌకర్యాలను పరిశీలించారు. ఆయన వెంట ఎన్నికల అధికారులు, సిబ్బంది ఉన్నారు. జర్నలిస్టుపై సీఐ దౌర్జన్యం పుట్టపర్తి టౌన్‌: నల్లమాడ జిల్లా పరిషత్‌ ఉన్నత పాఠశాల పోలింగ్‌ కేంద్రం వద్ద విధినిర్వహణలో ఉన్న సీనియర్‌ జర్నలిస్టు, ఏపీజేడబ్ల్యూజేఎఫ్‌ జిల్లా కోశాధికారి బాబ్జాన్‌పై సీఐ శ్రీనివాసులు దురుసుగా ప్రవర్తించారు. పోలింగ్‌ కేంద్రం ఆవరణలో జరుగుతున్న ఘటనలను చిత్రీకరిస్తుండగా.. సీఐ అడ్డుకున్నారు. వెంటనే అక్కడి నుంచి వెళ్లిపోవాలంటూ బెదిరించారు. తాను అక్రిడేటెడ్‌ జర్నలిస్టునని, కలెక్టర్‌ ఇచ్చిన అక్రిడిటేషన్‌ కార్డు చూపించగా... దాన్ని లాక్కుని బెదిరించడంతో పాటు పక్కకు తోసేశారు. విధి నిర్వహణలో ఉన్న జర్నలిస్టుపై సీఐ దురుసు ప్రవర్తనను ఏపీడబ్ల్యూజేఎఫ్‌ జిల్లా అధ్యక్షుడు శివరామకృష్ణ తీవ్రంగా ఖండించారు. ఘటనపై ఉన్నతాధికారులు విచారణ జరిపి చర్యలు తీసుకోవాలని డిమాండ్‌ చేశారు. సీఐ శేఖర్‌ తీరుకు నిరసనగా ధర్నా గోరంట్ల: మంత్రి సవిత కనుసన్నల్లో నడుస్తూ వైఎస్సార్‌సీపీ నాయకులు, ఏజెంట్లు, చివరకు అభ్యర్థులను వేధిస్తున్న గోరంట్ల సీఐ శేఖర్‌ తీరును నిరసిస్తూ గురువారం మలసముద్రం గ్రామంలో వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌ ధర్నాకు దిగారు. గురువారం ఎంపీటీసీ, జెడ్పీటీసీ ఎన్నికల పోలింగ్‌ సందరంగా సీఐ శేఖర్‌ వైఎస్సార్‌ సీపీ నాయకులు, ముఖ్య నేతలను టార్గెట్‌ చేశారు. ఈ క్రమంలో ఉదయమే మలసముద్రానికి వెళ్లిన సీఐ శేఖర్‌ ఓ ఇంట్లో ఉన్న వైఎస్సార్‌సీపీ కార్యకర్తను, అతని కుటుంబీకులను తీవ్ర పదజాలంతో దూషించారు. సిబ్బందితో చుట్టుముట్టి భయభ్రాంతులకు గురిచేశారు. విషయం తెలుసుకున్న వైఎస్సార్‌ సీపీ జిల్లా అధ్యక్షురాలు ఉషశ్రీ చరణ్‌ వెంటనే అక్కడకు చేరుకుని సీఐ తీరును ఎండగట్టడంతో పాటు కార్యకర్తలతో కలిసి ధర్నాకు దిగారు. దీంతో ఆయన అక్కడి నుంచి వెళ్లిపోయారు. అలాగే పులేరు గ్రామంలో వైఎస్సార్‌సీపీ జెడ్పీటీసీ ఏజెంట్‌ను సీఐ చొక్కా పట్టుకొని పోలింగ్‌ బూత్‌ నుంచి బయటకు ఈడ్చుకురావడంపై ఆ పార్టీ కార్యకర్తలు తీవ్ర అగ్రహం వ్యక్తం చేశారు. అలాగే బూదిలి గ్రామంలో వైఎస్సార్‌సీపీ నాయకుడు శ్రీనివాసరెడ్డిపై సీఐ దుర్భాషలాడారు. సీఐ వ్యవహారశైలిపై ఎన్నికల కమిషన్‌ కు ఫిర్యాదు చేయనున్నట్లు ఉషశ్రీచరణ్‌ తెలిపారు. తురకవారిపల్లిలో రిగ్గింగ్‌కు విఫలయత్నం తాడిమర్రి: తాడిమర్రి మండలం తురకవారిపల్లిలో టీడీపీ నాయకులు రిగ్గింగ్‌కు విఫల యత్నం చేశారు. పోలింగ్‌ ప్రారంభం కాగానే మండలానికి చెందిన ప్రముఖ టీడీపీ నేత, వైఎస్సార్‌ జిల్లా పార్నపల్లి గ్రామానికి చెందిన అతని బావ సుమారు 50 మందితో కలిసి ఉదయం 6 గంటలకే పోలింగ్‌ స్టేషన్‌లో తిష్టవేశారు. రిగ్గింగ్‌కు ప్రయత్నిస్తుండగా... విషయం తెలుసుకున్న వైఎస్సార్‌సీపీ నేత గరుడమ్మగారి రూపేష్‌రెడ్డి తాడిమర్రి పోలీసుస్టేషన్‌కు వెళ్లి ఫిర్యాదు చేశారు. దీంతో ఎస్‌ఐ కృష్ణవేణి సిబ్బందితో వెళ్లి టీడీపీ నాయకులు, కార్యకర్తలను చెదర గొట్టారు. పోలీసులు వెళ్లిపోగానే మరోసారి రిగ్గింగ్‌కు ప్రయత్నించగా.. పీఓ (మహిళ)తో పాటు స్థానిక వైఎస్సార్‌సీపీ నేతలు, కార్యకర్తలు అడ్డుకున్నారు. చివరకు మధ్యాహ్నం 2 గంటల సమయంలో వైఎస్సార్‌ జిల్లా కల్లూరు, కొత్తపల్లి, సింగారం, చింతకాయమంద, వెలిదెండ్ల తదితర గ్రామాల నుంచి వచ్చిన వారితో కలసి మరోసారి రిగ్గింగ్‌ కోసం పోలింగ్‌ కేంద్రంలోకి వెళ్లడానికి ప్రయత్నించగా... పీఓ (మహిళ)తో పాటు గ్రామానికి చెందిన పొత్తూరు శేషం నాయుడు, పొత్తూరు విశ్వనాథ్‌, జేసీబీ రాజుతో పాటు పలువురు గ్రామస్తులు అడ్డుకున్నారు.

హిందూపురం(చిలమత్తూరు): హిందూపురంలో ఎమ్మెల్యే బాలకృష్ణ పీఏలు గూండాల్లా వ్యవహరించారు. పోలింగ్‌ కేంద్రాల్లోకి వెళ్లి వైఎస్సార్‌సీపీ ఏజెంట్లను బయటకు గెంటేసి యథేచ్ఛగా రిగ్గింగ్‌కు పాల్పడ్డారు. మరో గంటలో పోలింగ్‌ ముగుస్తుందనగా బాలకృష్ణ పీఏలు శ్రీనివాసరావు, బాలాజీ, సురేంద్ర చిలమత్తూరు పోలింగ్‌ కేంద్రాల్లో హల్‌చల్‌ చేశారు. చిలమత్తూరు–4వ ఎంపీటీసీ సెగ్మెంట్‌ పోలింగ్‌ బూత్‌లో ఉన్న వైఎస్సార్‌సీపీ ఏజెంట్లపై దాడికి యత్నించారు. ఓటర్లను, వైఎస్సార్‌సీపీ ఏజెంట్లను బెదిరించారు. అదే సమయంలో అక్కడికి వచ్చిన డీఎస్పీ రవిబాబు వైఎస్సార్‌సీపీ అభ్యర్థులు, ఏజెంట్లనే బయటకు తోసేసి వారికి సహకరించారు. దీంతో ఆగ్రహించిన వైఎస్సార్‌సీపీ నేతలు, ఏజెంట్లు పోలింగ్‌ కేంద్రం గేటు బయట నిరసనకు దిగారు. దీంతో ఆగ్రహించిన పోలీసులు అందరినీ చెదరగొట్టారు. జెడ్పీటీసీ నిర్బంధం ● ఉదయం చిలమత్తూరు జెడ్పీహెచ్‌ఎస్‌ పోలింగ్‌ కేంద్రంలోకి వెళ్లిన జెడ్పీటీసీ అభ్యర్థి పురుషోత్తమరెడ్డిని పోలీసులు గంటన్నర పాటు నిర్బంధించారు. అనంతరం జెడ్పీటీసీ అభ్యర్థితో పాటు ఎంపీటీసీ అభ్యర్థులను బయటకు నెట్టివేశారు. వైఎస్సార్‌ సీపీ నేతలు ధర్నాకు సిద్ధంగా కాగా, అభ్యర్థులను మాత్రం పోలింగ్‌ కేంద్రంలోకి వదిలారు. ఈ లోపు కూటమి నేతలు భారీగా రిగ్గింగ్‌కు పాల్పడ్డారు. ఇక హిందూపురం రూరల్‌ మండలం గొల్లాపురంలో పోలింగ్‌ కేంద్రం వద్దకు వెళ్లిన వైఎస్సార్‌సీపీ నియోజకవర్గ సమన్వయకర్త టీఎన్‌ దీపికపై దురుసుగా ప్రవర్తించారు. ఓటర్లను ప్రలోభపెడుతున్న టీడీపీ నాయకులను ఆమె అడ్డుకునేందుకు ప్రయత్నించగా...పోలీసులు దీపికనే నెట్టివేశారు. టీడీపీ నేతలా వ్యవహరించిన డీఎస్పీ హిందూపురం డీఎస్పీ రవిబాబు టీడీపీ నేతలా వ్యహరించారు. ఎమ్మెల్యే బాలకృష్ణ పీఏల ఆదేశాలతో అన్నీ తానై ఎంపీటీసీ, జెడ్పీటీసీ ఎన్నికల పోలింగ్‌ నడిపించారు. వైఎస్సార్‌సీపీ నాయకులపై బూతులు తిడుతూ లాఠీ చార్జీ చేయించారు. వైఎస్సార్‌సీపీ ఏజెంట్లను అరెస్టు చేశారన్న సమాచారంతో చిలమత్తూరు పోలీసు స్టేషన్‌ వద్ద వెళ్లిన ‘సాక్షి’ విలేకరి శ్రీధర్‌రెడ్డిపై కూడా డీఎస్పీ రవిబాబు బూతులతో రెచ్చిపోయారు. పోలింగ్‌ బూత్‌ల్లోకి చొరబడి హల్‌చల్‌ వైఎస్సార్‌సీపీ ఏజెంట్లను బయటకు గెంటేసి రిగ్గింగ్‌

● వైఎస్సార్‌సీపీ జెడ్పీటీసీ అభ్యర్థి, పోలింగ్‌ ఏజెంట్లపై దాడికి యత్నం ● పోలింగ్‌ కేంద్రం వద్ద ‘జై పరిటాల’ అంటూ నినదించిన పచ్చమూక సాక్షి టాస్క్‌ఫోర్స్‌: పరిషత్‌ ఎన్నికల సందర్భంగా గురువారం నల్లచెరువు మండలంలో ‘పరిటాల’ అనుచరులు రెచ్చిపోయారు. పోలింగ్‌కు అడుగడుగునా అడ్డంకులు సృష్టించారు. నల్లచెరువు జిల్లా పరిషత్‌ పాఠశాలలోని పోలింగ్‌ బూత్‌ల వద్దకు వచ్చిన అగంతకులు ‘జై పరిటాల శ్రీరాం’ అంటూ నినాదాలు చేస్తూ స్థానికులను భయభ్రాంతులకు గురిచేశారు. వీరిలో కొందరు దొంగఓట్లు వేసేందుకు ప్రయత్నించగా..వైఎస్సార్‌సీపీ ఏజెంట్లు అడ్డుకున్నారు. దీంతో పరిటాల బ్యాచ్‌ రెచ్చిపోయింది. నల్లచెరువు–1 ఎంపీటీసీ అభ్యర్థి భర్త ఆనంద్‌రెడ్డి, పోలింగ్‌ ఏజెంట్‌ సూర్య శేఖర్‌రెడ్డి, ప్రవీణ్‌కుమార్‌రెడ్డిపై దాడికి యత్నించి పోలింగ్‌ కేంద్రాల వద్ద భయానక వాతావరణాన్ని సృష్టించింది. పచ్చగూండాలు నల్లచెరువులో అలజడి సృష్టించినా పోలీసులు ప్రేక్షకపాత్ర పోషించారు. మరోవైపు వైఎస్సార్‌సీపీ జెడ్పీటీసీ అభ్యర్థి రవికుమార్‌రెడ్డిని మాత్రం పోలీసులు అడుగడుగునా అడ్డుకున్నారు. పోలింగ్‌ కేంద్రం బయటే ఉండాలంటూ ఆంక్షలు విధించారు. పరిటాల బ్యాచ్‌ను కట్టడి చేయలేని పోలీసులు వైఎస్సార్‌సీపీ ఏజెంట్లను అరెస్ట్‌చేసి కదిరి డీఎస్పీ కార్యాలయానికి తరలించారు. దొంగఓట్లకు చిలకం ప్లాన్‌ !పుట్టపర్తి అర్బన్‌: పుట్టపర్తి జెడ్పీటీసీ స్థానం నుంచి పోటీపడుతున్న జనసేన నేత చిలకం మధుసూదన్‌రెడ్డి ధర్మవరం నుంచి పెద్ద ఎత్తున నాయకులను, కార్యకర్తలను దింపి రిగ్గింగ్‌ చేయించడానికి విఫలయత్నం చేశారు. దొంగఓట్లు వేయించేందుకు ప్రయత్నించగా.. కార్లలో వచ్చిన కొత్త వ్యక్తులను గమనించిన వైఎస్సార్‌సీపీ జెడ్పీటీసీ అభ్యర్థి ఏవీ రమణారెడ్డి వారితో వాగ్వాదం చేసి పోలీసుల సహకారంతో అక్కడి నుంచి పంపించి వేశారు. ఇక పెడపల్లిలో గ్లాసు గుర్తుకు ఓటేయాలని చిలకం అభ్యర్థించగా, స్థానికులు గట్టిగా బుద్ధి చెప్పి పంపారు.

సాక్షి టాస్క్‌ఫోర్స్‌: పరిషత్‌ ఎన్నికలను కూటమి నాయకులు అపహాస్యం చేశారు. ముదిగుబ్బ జెడ్పీటీసీ అభ్యర్థి, బీజేపీ నాయకుడు ఆదినారాయణ యాదవ్‌ తన అనుచరులతో కలిసి మండలంలోని కొండగట్టుపల్లిలో ఉదయాన్నే సీసీ కెమెరాలను ఆఫ్‌ చేయించి రిగ్గింగ్‌ చేశారు. అలాగే సాయంత్రం ముదిగుబ్బ ప్రభుత్వ బాలుర హైస్కూల్‌లోని పోలింగ్‌ కేంద్రంలోకి వెళ్లిన ఆదినారాయణ యాదవ్‌, టీడీపీ ఎంపీటీసీ అభ్యర్థి చెందిన తుమ్మల నాయుడుతో కలిసి వైఎస్సార్‌సీపీ ఏజెంట్లను, అధికారులను భయపెట్టి రిగ్గింగ్‌ చేశారు. బీజేపీ, టీడీపీ నాయకులు రిగ్గింగ్‌ చేస్తున్న వీడియో సోషల్‌ మీడియాలో వైరల్‌గా మారాయి. దీంతో ముదిగుబ్బ ఎంపీటీసీ–1 వైఎస్సార్‌సీపీ ఎంపీటీసీ అభ్యర్థి చండ్రాయుడుతో పాటు వైఎస్సార్‌సీపీ శ్రేణులు పోలింగ్‌ కేంద్రం వద్ద ఆందోళనలకు దిగారు. రీపోలింగ్‌ చేపట్టాలని అధికారులకు వినతిపత్రం అందజేశారు. అలాగే గాండ్లవారిపల్లి బూత్‌ నంబర్‌ 62లోకి అనుచరులతో కలిసి ప్రవేశించిన బీజేపీ జెడ్పీటీసీ అభ్యర్థి ఆదినారాయణ వైఎస్సార్‌సీసీ ఏజెంట్లపై దాడి చేసి పోలింగ్‌ ముగిసే వరకు స్టేషన్‌లోనే కూర్చోబెట్టారు. వీడియోలో స్పష్టంగా దృశ్యాలు రీ పోలింగ్‌ నిర్వహించాలని వైఎస్సార్‌సీపీ అభ్యర్థుల ధర్నా

సాక్షి, పుట్టపర్తి ప్రజల మద్దతు కోల్పోయిన కూటమి నేతలు ‘పరిషత్‌ పోరు’లో రౌడీయిజం చేశారు. వైఎస్సార్‌ కాంగ్రెస్‌ పార్టీ కార్యకర్తలే లక్ష్యంగా దాడులకు తెగబడుతూ భయభ్రాంతులకు గురి చేశారు. పోలింగ్‌ కేంద్రాల నుంచి వైఎస్సార్‌సీపీ ఏజెంట్లను బయటికి పంపించి దొంగ ఓట్లు గుద్దుకున్నారు. నియంత్రించాల్సిన పోలీసులు ప్రేక్షకపాత్ర పోషించారు. పోలింగ్‌ కేంద్రాల సమీపంలోనే కూటమి నేతలు పార్టీ కండువాలు వేసుకుని ప్రచారం చేస్తూ.. నగదు పంపిణీ చేస్తున్నా పట్టించుకోని పోలీసులు... ఇదేంటని ప్రశ్నించిన వైఎస్సార్‌సీపీ నేతలపై లాఠీలు ఝుళిపించారు. గురువారం జిల్లా వ్యాప్తంగా నిర్వహించిన ఎంపీటీసీ, జెడ్పీటీసీ ఎన్నికల్లో పోలింగ్‌ ఏకపక్షంగా సాగింది. నిజమైన ఓటరు లేకున్నా.. కూటమి నేతలు బూత్‌లలోకి చొరబడి దొంగలతో ఓట్లు వేయించారు. అందువల్లే మధ్యాహ్నం వరకు మోస్తరుగా సాగిన పోలింగ్‌.. ఆ తర్వాత కూటమి నేతల రిగ్గింగ్‌తో ఒక్కసారిగా విపరీతంగా పెరిగిపోయింది. రెచ్చిపోయిన మంత్రి సవిత గ్యాంగ్‌.. మంత్రి సవిత ప్రాతినిధ్యం వహిస్తున్న పెనుకొండ నియోజకవర్గంలో టీడీపీ గూండాలు రెచ్చిపోయారు. వైఎస్సార్‌సీపీ కార్యకర్తల ఇంటి వద్దకు వచ్చి గొడవకు దిగారు. విషయం తెలుసుకున్న గోరంట్ల సీఐ శేఖర్‌.. అక్కడికి వెళ్లి వైఎస్సార్‌సీపీ కార్యకర్తలపై బూతులతో రెచ్చిపోయారు. లాఠీ ఝుళిపిస్తూ వీరంగం చేశారు. కొందరు పచ్చ గూండాలు వైఎస్సార్‌సీపీ కార్యకర్తలతో గొడవకు దిగుతుండగా.. మరోవైపు ఇంకొందరు పోలింగ్‌ కేంద్రాల్లోకి చొరబడి ఇష్టారాజ్యంగా రిగ్గింగ్‌ చేశారు. వైఎస్సార్‌సీపీ ఏజెంట్లను బయటికి పంపించి దొంగ ఓట్లు వేసుకున్నారు. అన్ని చోట్ల అదే తీరు.. జిల్లాలోని అన్ని పోలింగ్‌ కేంద్రాల్లో కూటమి నేతల దౌర్జన్యం కొనసాగింది. అధికారులు, పోలీసులు జీ హుజూర్‌ అంటూ తలొగ్గారు. నల్లమాడ, కదిరి, గోరంట్ల, చెన్నేకొత్తపల్లి, చిలమత్తూరు, ముదిగుబ్బ తదితర మండలాల్లోనూ కూటమి నేతలు హల్‌చల్‌ చేశారు. కదిరిలో వైఎస్సార్‌సీపీ జెడ్పీ చైర్మన్‌ అభ్యర్థి వజ్రభాస్కర్‌రెడ్డిని పోలీసులు అడ్డుకున్నారు. కొత్తచెరువులో పోలింగ్‌ కేంద్రాల్లోకి అనుమతించలేదని ‘తెలుగు తమ్ముళ్లు’ గొడవకు దిగారు. అగళి మండలం ఆర్‌జీపల్లిలో చనిపోయిన వారి పేర్లతోనూ ఓట్లు వేశారు. పచ్చమూకలు రిగ్గింగ్‌లు చేస్తూ వైఎస్సార్‌ సీపీ ఏజెంట్లను పోలింగ్‌ కేంద్రాల నుంచి గెంటివేయడంతో ముదిగుబ్బ, చిలమత్తూరులో వారు ఆందోళనలకు దిగారు. ఎంపీటీసీ, జెడ్పీటీసీ ఎన్నికల్లో కూటమి నేతల రౌడీయిజం వైఎస్సార్‌సీపీ ఏజెంట్లను బయటికి పంపించి దొంగ ఓట్ల పోలింగ్‌ హిందూపురం, పెనుకొండ, రాప్తాడు నియోజకవర్గాల్లో భారీ రిగ్గింగ్‌ నల్లమాడ, గోరంట్ల, చిలమత్తూరు, కదిరిలో కూటమి నేతల హల్‌చల్‌ పరిటాల అనుచరులు, బాలయ్య పీఏలు, మంత్రి సవిత గ్యాంగ్‌ దౌర్జన్యం దాడులను నియంత్రించకుండా ప్రేక్షకపాత్ర పోషించిన పోలీసులు

రాప్తాడు రూరల్‌: పరిషత్‌ ఎన్నికల్లో రాప్తాడు మండలం భోగినేపల్లిలో టీడీపీ శ్రేణులు యథేచ్చగా రిగ్గింగ్‌కు పాల్పడ్డారు. ఈ సమాచారం అందుకున్న మాజీ ఎమ్మెల్యే తోపుదుర్తి ప్రకాష్‌రెడ్డి ఘటనా స్థలానికి వెళ్లేందుకు ప్రయత్నించగా పోలీసులు అడ్డుకోవడంతో ఆయన నివాసం వద్ద తీవ్ర వాగ్వాదం, తోపులాట చోటుచేసుకుంది. టీడీపీ శ్రేణులు పోలింగ్‌ కేంద్రాల్లోకి చొరబడి రిగ్గింగ్‌కు పాల్పడుతుంటే అడ్డుకోవాల్సిన పోలీసులు తమను ఎందుకు అడ్డుకుంటున్నారని మాజీ ఎమ్మెల్యే ప్రకాష్‌రెడ్డి ప్రశ్నించారు. తగరకుంటలో రౌడీషీటర్‌ పోలింగ్‌ కేంద్రాలను ఆధీనంలోకి చేసుకుని రిగ్గింగ్‌కు పాల్పడుతున్నా పోలీసులు ప్రేక్షకపాత్ర వహించారని విమర్శించారు. గతంలో ఎమ్మెల్యేగా పనిచేసిన తాను ఫోన్‌ చేసినా శ్రీసత్యసాయి జిల్లా ఎస్పీ స్పందించడం లేదని, ప్రజా సమస్యలను ఉన్నతాధికారులు వినకపోతే ఎలా అని ప్రశ్నించారు. ప్రస్తుత పరిణామాలు చూస్తుంటే మళ్లీ ఫ్యాక్షన్‌ రాజకీయాలకు పురుడు పోసే పరిస్థితులు కనిపిస్తున్నాయని ఆందోళన వ్యక్తం చేశారు.

కనగానపల్లి/రామగిరి: రాప్తాడు నియోజకవర్గంలో అధికార టీడీపీ నాయకులు దౌర్జన్యాలు, దుర్మార్గాలకు తెగబడ్డారు. కనగానపల్లి మండలంలోని కోనాపురం, ముత్తువకుంట్ల, తగరకుంట, కనగానపల్లి గ్రామాలతో పాటు రామగిరి మండలంలోని పేరూరు, పెదకొండాపురం, మాదాపురం గ్రామాల్లో టీడీపీ నాయకులు దౌర్జన్యం చేసి ఉదయాన్నే వైఎస్సార్‌సీపీ ఏజెంట్లను బయటకు గెంటేశారు. తర్వాత టీడీపీ నాయకులు, గూండాలు పోలింగ్‌ కేంద్రాల్లోకి చొరబడి రిగ్గింగ్‌ చేసుకున్నారు. ప్రశ్నించిన వైఎస్సార్‌సీపీ నాయకులు, కార్యకర్తలపై దాడులకు కూడా తెగబడ్డారు. ఈ దాడులలో కనగానపల్లి మండలం బద్దలాపురం గ్రామానికి చెందిన వైఎస్సార్‌సీపీ కార్యకర్త పూజారి హరికి తలకు తీవ్రమైన గాయమైంది. ఇక పలు కేంద్రాల వద్ద పోలీస్‌ సిబ్బంది ఒకరిద్దరిని మాత్రమే పెట్టడంతో పాటు పోలీస్‌ అధికారులు కూడా అధికార పార్టీ నాయకులకే సహకరించారని వైఎస్సార్‌సీపీ నాయకులు ఆరోపించారు. ఎన్నికలు బహిష్కరణ పోలింగ్‌ కేంద్రాల వద్ద అధికార టీడీపీ నాయకులు, కార్యకర్తలు చేసిన దౌర్జన్యాలను భరించలేక కనగానపల్లి మండలంలోని కోనాపురం, కనగానపల్లి ముత్తువకుంట్ల ఎంపీటీసీ అభ్యర్థులు మల్లికార్జున, లక్ష్మిభారతి, అక్కమ్మతో పాటు జెడ్పీటీసీ అభ్యర్థి మల్లేసు ఎన్నికలను బహిష్కరిస్తున్నట్లు ప్రకటించి పోలింగ్‌ కేంద్రాల నుంచి బయటకు వచ్చేశారు. ఇతర రాష్ట్రాల వారితో ఓటింగ్‌ రామగిరి మండలంలో పది ఎంపీటీసీ స్థానాలుండగా, ఇప్పటికే ఏడు స్థానాలను బలవంతంగా ఏకగ్రీవం చేసుకున్నారు. మిగిలిన మూడు స్థానాలనూ దక్కించుకునేందుకు కర్ణాటక, చత్తీస్‌ఘడ్‌,బిహార్‌, ఒరిస్సా, ఉత్తర ప్రదేశ్‌కు చెందిన మూకలను రప్పించారు. వైఎస్సార్‌ సీపీ కార్యకర్తలు, మద్దతుదారులను భయభ్రాంతులకు గురిచేశారు. పేరూరు–1, పెద్దకొండాపురం ఎంపీటీసీ స్థానాలకు వైఎస్సార్‌సీపీ ఏజెంట్లు లేకుండా అడ్డుకోవడంతో ఆ పంచాయతీల్లోని ప్రజలు రోడ్డుపైకి వచ్చి ‘పరిటాల’ అరాచకాలపై నిరసన తెలిపారు. ఎన్నికలు బహిష్కరిస్తున్నట్లు ప్రకటించారు. కనగానపల్లి, రామగిరి మండలాల్లో ఏజెంట్లను బయటకు పంపి రిగ్గింగ్‌ పలుచోట్ల ఎన్నికలను బహిష్కరించిన వైఎస్సార్‌సీపీ ఏజెంట్లు, అభ్యర్థులు

సాక్షి, పుట్టపర్తి ‘పరిషత్‌’ పోరుకు రంగం సిద్ధమైంది. గురువారం ఉదయం 7 గంటల నుంచి పోలింగ్‌ జరగనుంది. అధికారులు జిల్లా వ్యాప్తంగా 1,320 పోలింగ్‌ కేంద్రాలు ఏర్పాటు చేశారు. మొత్తం 8,916 మంది ఎన్నికల విధుల్లో పాల్గొంటారు. ఇప్పటికే డిస్ట్రిబ్యూషన్‌ కేంద్రాల నుంచి ఎన్నికల సామగ్రి తీసుకున్న సిబ్బంది కేంద్రాలకు చేరుకుని ఏర్పాట్లు పూర్తి చేశారు. ఎంపీటీసీ స్థానాల్లో 990 మంది.. జిల్లాలోని 32 జెడ్పీటీసీ, 397 ఎంపీటీసీ స్థానాలు ఉండగా.. ఇప్పటికే 20 ఎంపీటీసీ స్థానాలు ఏకగ్రీవమయ్యాయి. ప్రస్తుతం 32 జెడ్పీటీసీ, 377 ఎంపీటీసీ స్థానాలకు ఎన్నికలు జరగనున్నాయి. 141 మంది జెడ్పీటీసీ బరిలో, 990 మంది ఎంపీటీసీ స్థానాల్లో పోటీ పడుతున్నారు. పోటాపోటీగా.. 17 జెడ్పీటీసీ స్థానాల్లో గెలుపొందిన పార్టీకే జెడ్పీ పీఠం దక్కుతుంది. వైఎస్సార్‌ కాంగ్రెస్‌ పార్టీ తరఫున కదిరి జెడ్పీటీసీ అభ్యర్థి వజ్రభాస్కర్‌రెడ్డి జెడ్పీ చైర్మన్‌ బరిలో ఉన్నారు. అయితే కూటమి నుంచి ఎవరు బరిలో ఉన్నారనే విషయం ఇప్పటికీ స్పష్టత లేదు. మరోవైపు కూటమిలోని మూడు పార్టీల్లో ఏ పార్టీకి జెడ్పీ చైర్మన్‌ సీటు కేటాయించారో కూడా కూటమి పెద్దలు బహిర్గతం చేయలేదు. టీడీపీ నేతలు మాత్రం మెజార్టీ సాధించిన తర్వాత చైర్మన్‌ ఎవరన్నది నిర్ణయిస్తే మేలు జరుగుతుందని భావిస్తున్నారు. జనసేన నేతలు మాత్రం ఇందుకు అభ్యంతరం తెలుపుతున్నారు. ముందే చైర్మన్‌ అభ్యర్థి ఎవరన్నది తేల్చాలని పట్టుబడుతున్నట్లు తెలుస్తోంది. అందరి దృష్టి ఆ స్థానాలపైనే.. జెడ్పీ చైర్మన్‌ రేసులో నిలిచిన వారి స్థానాలపైనే అందరూ దృష్టి సారించారు. కదిరి రూరల్‌ నుంచి వైఎస్సార్‌సీపీ జెడ్పీ చైర్మన్‌ అభ్యర్థి వజ్రభాస్కర్‌రెడ్డి బరిలో ఉన్నారు. అదేవిధంగా నల్లచెరువు నుంచి టీడీపీ నేత పరిటాల శ్రీరామ్‌ పోటీలో ఉన్నారు. ఇక జెడ్పీ పీఠంపై ఆశలుపెట్టుకున్న జనసేన నాయకుడు చిలకం మధుసూదన్‌రెడ్డి పుట్టపర్తి రూరల్‌ నుంచి పోటీ చేస్తున్నారు. దీంతో ఆయా స్థానాలపై అందరూ దృష్టిసారించారు. ఈ క్రమంలోనే జనసేన నేతను ఓడిస్తే పోటీ ఉండదని భావిస్తున్న టీడీపీ నేతలు ఆ మేరకు ప్రణాళికలు సిద్ధం చేసుకున్నట్లు తెలుస్తోంది. దీంతో ఆయా స్థానాల్లో ఎవరు గెలుస్తారనే దానిపై భారీ చర్చ నడుస్తోంది. పటిష్ట బందోబస్తు.. పరిషత్‌ ఎన్నికల్లో ఎలాంటి అవాంఛనీయ సంఘటనలు జరగకుండా కట్టుదిట్టమైన భద్రతా చర్యలు చేపట్టారు. పోలింగ్‌ సక్రమంగా సాగేలా ఇద్దరు అదనపు ఎస్పీలు, ఏడుగురు డీఎస్పీలు, 35 మంది సీఐలు, 62 మంది ఎస్‌ఐలు, 444 మంది ఏఎస్‌ఐ, హెడ్‌ కానిస్టేబుల్‌లు, 792 మంది పోలీసు సిబ్బంది, 71 మంది మహిళా పోలీసులు, 285 మంది హోం గార్డులు, 154 మంది ఏపీఎస్పీ బెటాలియన్‌ సిబ్బందిని నియమించారు. సమస్యాత్మక ప్రాంతాలపై ప్రత్యేక దృష్టి సారించినట్లు ఎస్పీ ఎస్‌.సతీష్‌కుమార్‌ తెలిపారు. రాప్తాడు, ధర్మవరం నియోజకవర్గాల పరిధిలో కొన్ని సమస్యాత్మక ప్రాంతాలు గుర్తించినట్లు ఎస్పీ వెల్లడించారు. నిబంధనలకు విరుద్ధంగా వ్యవహరిస్తే చట్టపరమైన చర్యలు తప్పవని హెచ్చరించారు. గోరంట్లలో సామగ్రి సరిచూసుకుంటున్న ఉద్యోగులు 32 జెడ్పీటీసీ, 377 ఎంపీటీసీ స్థానాలకు పోలింగ్‌ ఏర్పాట్లు పూర్తి చేసిన యంత్రాంగం పోలింగ్‌ కేంద్రాలకు తరలిన సిబ్బంది.. పటిష్ట భద్రత ఏకగ్రీవమైన ఎంపీటీసీ స్థానాలు.. రామగిరి మండలం: కుంటిమద్ది (సుకన్య), మాదాపురం (గంగాదేవి), ఎంసీ పల్లి (రాధాకృష్ణ), నసనకోట (భారతి), పేరూరు –2 (సుధాకర్‌), పోలేపల్లి (తిమ్మానాయుడు), రామగిరి (కురుబ రాజేశ్వరి) కనగానపల్లి మండలం: కేఎన్‌ పాళ్యం (జోగి అంజినప్ప), వేపకుంట (చిన్న కుళ్లాయప్ప), తగరకుంట (స్వాతి) సీకే పల్లి మండలం: బసంపల్లి (మద్దిలేటి రమణ), సీకే పల్లి–2 (నాగరాజు), మేడాపురం–1 (పసల లక్ష్మీకాంతమ్మ), నాగసముద్రం (ఓబులేసు), వెంకటాంపల్లి (అరుణ) బత్తలపల్లి మండలం: డి.చెర్లోపల్లి (వెంకటేశ్వర్‌రెడ్డి, బీజేపీ), మాల్యవంతం (నారాయణరెడ్డి), సంజీవపురం (చల్లా శ్రీనివాసులు), తంబాపురం (లక్ష్మీనారాయణ) చిలమత్తూరు మండలం: దేమకేతేపల్లి (వేణుగోపాల్‌)

అమరాపురం: ఎన్నికల విధులకు వచ్చిన మండలానికి అధికారులకు నాణ్యత లేని ఆహారం వడ్డించడంతో వారు ఆగ్రహం వ్యక్తం చేశారు. గురువారం మండలంలో జరిగే ప్రాదేశిక ఎన్నికల పోలింగ్‌కు సంబంధించి వివిధ నియోజకవర్గాల నుంచి అధికారులు వచ్చారు. ఈ సందర్భంగా వారికి బుధవారం మండలాధికారులు మధ్యాహ్నం రెండు గంటలైనా భోజనం వడ్డించలేదు. అనంతరం ఎన్నికల సిబ్బంది కోసం తెచ్చిన భోజనంలో అన్నం సరిగా ఉడకలేదని, సాంబారు నీళ్లగా ఉందని తాము ఇలాంటి ఆహారం ఎలా తినాలని ఎన్నికల అధికారులను నిలదీశారు. ఎన్నికల సిబ్బంది భోజనం సౌకర్యం కోసం ప్రభుత్వం నుంచి వచ్చిన నిధులతో ఇలాంటి ఆహారం వడ్డిస్తారా? ఇది తింటే తమ ఆరోగ్యం ఏమికాను అని అధికారులను సిబ్బంది ప్రశ్నించారు. అదే విధంగా కడుపు నింపుకోవడానికి ప్లేట్లు పట్టుకొని క్యూలో నిల్చోవాల్సిన దుస్థితి ఉండడంపై ఆవేదన వ్యక్తం చేశారు. కాగా ఎన్నికల కోసం వచ్చిన సిబ్బందికి సరిపడా ఆహారం పెట్టకపోవడంతో కొందరు బయట హోటళ్లకు వెళ్లినట్టు తెలుస్తోంది. ఇలాంటి పరిస్థితి పునరావృతం కాకుండా చూడాలని మండల ఎన్నికల అధికారులను ఉపాధ్యాయ సిబ్బంది కోరారు. ఈ సందర్భంగా ఎంపీడీఓ మాట్లాడుతూ ప్రతి ఒక్కరికీ భోజనం ఖర్చులకు డబ్బులను అందిస్తామని హామీ ఇవ్వడ్డంతో గొడవ సద్దుమణిగింది. అమరాపురంలో ఎన్నికల సిబ్బందికి ఉడకని అన్నం.. నీళ్ల సాంబారు సరిపడా భోజనం అందించకపోవడంపై సిబ్బంది ఆగ్రహం

హిందూపురం(చిలమత్తూరు): మున్సిపల్‌ ఎన్నికల ఓట్ల లెక్కింపులో అధికారం అండతో టీడీపీ నేతలు లెక్కలేనన్ని అక్రమాలు చేసి ప్రజాస్వామ్యాన్ని అపహాస్యం చేశారని వైఎస్సార్‌సీపీ నియోజకవర్గ సమన్వయకర్త టీఎన్‌ దీపిక మండిపడ్డారు. ముఖ్యంగా ఎమ్మెల్యే బాలకృష్ణ పీఏలు కౌంటింగ్‌ కేంద్రంలోనే తిష్టవేసి బ్యాలెట్‌బాక్సులు సైతం మార్చేశారన్నారు. బుధవారం ఆమె పట్టణంలోని వైఎస్సార్‌సీపీ కార్యాలయంలో చైర్‌పర్సన్‌ అభ్యర్థి షాజియా, వైఎస్సార్‌సీపీ కౌన్సిలర్లు, పార్టీ నాయకులతో కలిసి విలేకరులతో మాట్లాడారు. ప్రజల ఆశీస్సులు లేకపోయినా హిందూపురం మున్సిపాలిటీ దక్కించుకోవాలన్న లక్ష్యంతోనే అరాకచం చేశారన్నారు. కౌంటింగ్‌ రోజున ఉదయం నుంచి కౌంటింగ్‌ కేంద్రంలోనే తిష్ట వేసిన ఎమ్మెల్యే పీఏలు..ఓట్లు తారుమారు చేసి చైర్మన్‌ అభ్యర్థిని గెలిపించుకునే వరకు బయటకు రాలేదన్నారు. వారికి నిజంగా దమ్ముంటే కౌంటింగ్‌ సీసీటీవీ ఫుటేజీలను విడుదల చేయాలని, అప్పుడే నిజమైన విజయం ఎవరిదో తెలుస్తుందన్నారు. వైఎస్సార్‌సీపీ అభ్యర్థులు విజయం సాధించినా, ఒకటికి రెండుసార్లు రీకౌంటింగ్‌ చేయించి దుర్మార్గంగా వ్యవహరించారన్నారు. అధికారులకు గానీ, టీడీపీ నేతలకు గానీ నిజాయితీగా వ్యవహరించి ఉండే సీసీటీవీ ఫుటేజీలను విడుదల చేయాలని ఆమె సవాల్‌ విసిరారు. బ్యాలెట్‌ బాక్సులు మార్చేశారు: వేణురెడ్డి మున్సిపల్‌ ఎన్నికల కౌంటింగ్‌లో ఏకంగా బ్యాలెట్‌ బాక్సులనే మార్చేశారని వైఎస్సార్‌సీపీ నేత వేణురెడ్డి ఆరోపించారు. ఒక వార్డులో మూడు బాక్సులు ఉంటే...ఒక్కో బాక్సు లెక్కించాలని, కానీ అధికారులు అన్ని బాక్సుల్లోని ఓట్లు కలిపి లెక్కించారన్నారు. ఓడిపోతామనే భయంతోనే బ్యాలెట్‌ బాక్సులను మార్చేశారన్నారు. 29 వార్డులో వైఎస్సార్‌సీపీ అభ్యర్థి గంగిరెడ్డి విజయం సాధించగా, జీర్ణించుకోలేని టీడీపీ అభ్యర్థి, మాజీ చైర్‌ పర్సన్‌ రావెళ్ల లక్ష్మి బ్యాలెట్‌ పేపర్లను మార్చి అనైతికంగా గెలుపొందారని మండిపడ్డారు. 29 వార్డు ఓట్ల లెక్కింపులో తప్పిదాలు జరిగాయని, తమ అభ్యర్థి రీకౌంటింగ్‌కు డిమాండ్‌ చేయగా, ఆయన్ను బయటకు తోసేశారన్నారు. 49 వార్డులో బాక్సులోకి మరో బూత్‌లోని బ్యాలెట్‌ వచ్చిందని, ఇది ఎలా సాధ్యమో ఎన్నికల అధికారులే చెప్పాలన్నారు. ఇక 44వ వార్డులో ఆసిఫ్‌ 70 ఓట్లతో గెలిస్తే... రీకౌంటింగ్‌ పేరుతో టీడీపీ అభ్యర్థిని 1 ఓటుతో గెలిచినట్లు ప్రకటించారని ఆగ్రహం వ్యక్తం చేశారు. కౌంటింగ్‌ అక్రమాలపై ఎంతదాకై నా వెళ్తామని, ఎవరినీవదలేది లేదన్నారు. టీడీపీకి నిజంగా మైనార్టీలపై ప్రేమ ఉంటే ముస్లిం కౌన్సిలర్‌కు వైస్‌ చైర్మన్‌గా అవకాశం కల్పించాలని డిమాండ్‌ చేశారు. సమావేశంలో వైఎస్సార్‌ సీపీ కురుబ విభాగం రాష్ట్ర వర్కింగ్‌ ప్రెసిడెంట్‌ ఎన్‌ఏ శివ, పార్టీ రాష్ట్ర సంయుక్త కార్యదర్శి రామ్మూర్తి, సీనియర్‌ నేత బాలాజీ మనోహర్‌, జిల్లా కార్యదర్శి శివశంకర్‌రెడ్డి, ఎస్టీసెల్‌ రాష్ట్ర ప్రధాన కార్యదర్శి శంకరయ్య, మున్సిపల్‌ మాజీ వైస్‌ చైర్మన్‌ జబీఉల్లా, పార్టీ నాయకులు చంద్రశేఖర్‌రెడ్డి, గంగిరెడ్డి, కౌన్సిలర్లు బాబా తదితరులు పాల్గొన్నారు. ఎమ్మెల్యే పీఏలు రౌడీల్లా మారి అధికారులను భయపెట్టారు వైఎస్సార్‌ సీపీ అభ్యర్థులు గెలిచినా.. బయటకు తోసేశారు నిజంగా వారికి దమ్ముంటే కౌంటింగ్‌ సీసీటీవీ ఫుటేజీని బయటపెట్టాలి వైఎస్సార్‌సీపీ సమన్వయకర్త టీఎన్‌ దీపిక

శెట్టూరు: అధికార పార్టీ నాయకులు యథేచ్ఛగా ఎన్నికల కోడ్‌ ఉల్లంఘిస్తున్న అధికారులు పట్టించుకోవడం లేదు. మంగళవారం సాయంత్రంతో ఎన్నికల ప్రచారం, కార్యక్రమాలు ముగిసినప్పటికీ బుధవారం మండల కేంద్రంలోని ఎస్సీ కాలనీలో ఎమ్మెల్యే అమిలినేని తనయుడు యశ్వంత్‌ స్థానిక నాయకులు, కార్యకర్తలతో సమావేశం నిర్వహించడమే కాక గ్రామంలో పెద్దఎత్తున ర్యాలీ చేపట్టారు. పట్టపగలు అధికార పార్టీ నాయకులు కోడ్‌ ఉల్లంఘించి సమావేశాలు, ర్యాలీ చేస్తున్న అధికారులు, పోలీసులకు పట్టకపోవడంపై ప్రతిపక్ష పార్టీ నాయకులు, స్థానికులు విమర్శలు గుప్పిస్తున్నారు. బుధవారం (నేడు) ఎన్నికలు జరుగుతున్న నేపథ్యంలో మంగళవారం గ్రామంలో పర్యటించిన ఎమ్మెల్యే తనయుడు తమ పార్టీకి ఓటేయాలని ఎస్సీ కాలనీలో సీసీ రోడ్లు వేయడమే కాక అభివృద్ధి చేస్తామంటూ ఓటర్లను మభ్య పెట్టే ప్రయత్నం చేశారు. సమావేశం నిర్వహించిన ఎమ్మెల్యే తనయుడిపై చర్యలు చేపట్టాలని వైఎస్సార్‌సీపీ మండల నాయకులు డిమాండ్‌ చేస్తున్నారు.

● కలెక్టర్‌ ఎ.శ్యామ్‌ ప్రసాద్‌ ప్రశాంతి నిలయం: ప్రజలు సేంద్రియ ఆహార పదార్థాలు, చిరుధాన్యాలను రోజూవారి ఆహారంలో భాగం చేసుకోవాలని జిల్లా కలెక్టర్‌ ఎ.శ్యామ్‌ప్రసాద్‌ తెలిపారు. బుధవారం రెవెన్యూ భవన్‌లోని పీజీఆర్‌ఎస్‌ హాల్‌లో బుధవారం సుస్థిర ఆహార విధానాలపై ప్రత్యేక అవగాహన, పదార్థాల ప్రదర్శన, విక్రయాల కార్యక్రమాన్ని ఆంధ్రప్రదేశ్‌ కాలుష్య నియంత్రణ మండలి ఆధ్వర్యంలో ఏర్పాటు చేసిన కార్యక్రమాన్ని జిల్లా కలెక్టర్‌ ప్రారంభించారు. ఈ సందర్భంగా ఆయన మాట్లాడుతూ కేంద్ర ప్రభుత్వ మిషన్‌ లైఫ్‌లోని ఏడు ప్రధాన అంశాల ఆధారంగా సుస్థిర జీవన శైలిపై ప్రజలకు అవగాహన కల్పిస్తున్నట్టు తెలియజేశారు. ఈ సంధర్బంగా 12 రకాల సేంద్రియ ఆహార ఉత్పత్తులు, పౌష్టికాహార ఉత్పత్తులు తదితర పదార్థాలను నిర్వాహకులు ప్రదర్శించారు. వాటి వినియోగం, ఆరోగ్య ప్రయోజనాలు, పర్యావరణానికి కలిగే ప్రయోజనాలపై ప్రజలకు అవగాహన కల్పించారు. ఈ కార్యక్రమంలో ఆంధ్రప్రదేశ్‌ కాలుష్య నియంత్రణ మండలి పర్యావరణ ఇంజనీర్‌ శశికళ, డీఆర్‌డీఏ ప్రాజెక్ట్‌ డైరెక్టర్‌ నరసయ్య, స్వయం సహాయక సంఘాల మహిళలు, మహిళా పారిశ్రామికవేత్తలు, సంబంధిత అధికారులు పాల్గొన్నారు. ఆలయంలో అరాచకీయంచిలమత్తూరు: టీడీపీ నాయకులు తమ రాజకీయాలకు ఆఖరికి శివుడిని కూడా వదలలేదు. మండల పరిధిలోని అప్పనపల్లి సమీపంలో వెలసిన భైరవేశ్వరస్వామి ఆలయంలో ఓటరు స్లిప్పులను పంపిణీ చేశారు. ప్రశాంతత కోసం, తమ కష్టాలను దేవుడికి చెప్పుకునేందుకు వచ్చిన భక్తులు ఈ దృశ్యాన్ని చూసి ఆ పార్టీ నాయకులను తిట్టుకుంటూ మరీ వెళ్లిపోయారు. దేవదాయశాఖ పరిధిలోని ఆలయంలో చిలమత్తూరు–3 టీడీపీ నాయకులు ఓటర్లకు స్లిప్పులు పంపిణీ చేస్తారంటూ ప్రజలు ఆగ్రహం వ్యక్తం చేస్తున్నారు. ఇలా యథేచ్ఛగా కోడ్‌ ఉల్లంఘనలకు పాల్పడుతున్నా అధికారులు గానీ, పోలీసులు గానీ ఎందుకు చర్యలు తీసుకోవడం లేదంటూ స్థానికులు ప్రశ్నిస్తున్నారు. యువకుడి ప్రాణాలు బలిగొన్న ‘ఎస్‌ఆర్‌సీ’ ● బీటీపీ కాలువ పనుల్లో నిర్లక్ష్యంగా ఎమ్మెల్యే స్వంత కంపెనీ ● కనీస హెచ్చరిక బోర్డులు లేకపోవడంతోనే ప్రమాదం జరిగిందంటున్న మండల వాసులు బ్రహ్మసముద్రం: కళ్యాణదుర్గం ఎమ్మెల్యే అమిలినేని సురేంద్రబాబుకు చెందిన ఎస్‌ఆర్‌సీ కంపెనీ నిర్లక్ష్యం కారణంగా ఓ నిండు ప్రాణాన్ని బలి తీసుకుంది. స్థానికులు తెలిపిన వివరాల మేరకు.. పొబ్బర్లపల్లి గ్రామ సమీపంలో ఎస్‌ఆర్‌సీ కన్‌స్ట్రక్షన్స్‌ ఆధ్వర్యంలో ఇటీవల పనులు ప్రారంభించారు. బీటీపీ కాలువ పనుల కోసం రోడ్డుకు రెండు వైపుల గుంతలు తవ్వి అలానే వదిలేశారు. మండల పరిధిలోని శాంతినగర్‌కు చెందిన బసాపురం రాఘవేంద్ర(17) మంగళవారం పొబ్బర్లపల్లికి వెళ్లాడు. పని ముగిశాక రాత్రి శాంతినగర్‌కు వెళ్తుండగా పొబ్బర్లపల్లి గ్రామ సమీపంలోకి రాగానే ద్విచక్ర వాహనం బీటీపీ కాలువ గుంతలో పడింది. ప్రమాదంలో రాఘవేంద్ర అక్కడికక్కడే మృతిచెందాడు. ఎస్‌ఆర్‌సీ యాజమాన్యం నిర్వాకం కారణంగానే యువకుడు మరణించినట్టు పలువురు వాపోతున్నారు. కాగా బీటీపీ కాలువ పనుల కోసం గుంతలు తవ్విన ప్రాంతంలో కనీస హెచ్చరిక బోర్డులు లేకపోవడం గమనార్హం. ఎన్నికల విధుల రెమ్యూనరేషన్‌ పెంపు అనంతపురం న్యూ టౌన్‌: స్థానిక సంస్థల 2వ సాధారణ ఎన్నికల విధుల్లో పాల్గొనే సిబ్బంది రెమ్యూనరేషన్‌, ఆహార అలవెన్సులను పెంచుతూ పంచాయతీ రాజ్‌ శాఖ ఉత్తర్వులు జారీ చేసింది. ఈనెల మూడవ తేదీన విడుదల చేసిన 1086 ప్రభుత్వ ఉత్తర్వుల మేరకు సవరించిన ధరల వివరాలిలా ఉన్నాయి. ప్రిసైడింగ్‌ అధికారి (పీఓ), కౌంటింగ్‌ సూపర్‌వైజర్‌లకు రోజుకు రూ.500 లేదా ఏక మొత్తంగా రూ.2 వేలు చెల్లిస్తారు. పోలింగ్‌ అధికారి (ఏపీఓ/ఓపీఓ)కి రోజుకు రూ.400 లేదా ఏక మొత్తంగా రూ. 1600లు ఇస్తారు. కౌంటింగ్‌ సహాయకులకు రోజుకు రూ.450 లేదా ఏక మొత్తంగా రూ.1350లు ఇస్తారు. క్లాస్‌ ఫోర్త్‌ లేదా కార్యాలయ సహాయకులకు రోజుకు రూ.350 లేదా ఏక మొత్తంగా రూ.1400లు, చివరకు ఏక మొత్తంగా రూ.2వేలకు పెంచినట్లు ఆదేశాలిచ్చారు.

సాక్షి, టాస్క్‌ఫోర్స్‌: పరిషత్‌ ఎన్నికల పోలింగ్‌కు ముందే టీడీపీ గూండాలు దౌర్జన్యానికి దిగుతూ పోలీసులకు సవాల్‌ విసురుతున్నారు. బత్తలపల్లి మండలం మాల్యవంతం గ్రామంలో బుధవారం రాత్రి వైఎస్సార్‌సీపీ నాయకులపై టీడీపీ గూండాలు దాడులకు దిగారు. పోలింగ్‌ సిబ్బంది గ్రామంలోని కేంద్రానికి చేరుకోగా, ఎం.చెర్లోపల్లి గ్రామానికి చెందిన వైఎస్సార్‌సీపీ నేతలు ప్రతాప్‌రెడ్డి, కృష్ణారెడ్డి, పురుషోత్తంరెడ్డి, లక్ష్మీరెడ్డి, రామకృష్ణారెడ్డి తదితరులు వారి వద్దకు వెళ్లారు. ఎన్నికల సిబ్బందితో ఏజెంట్‌ ఫారాలను నింపే విషయంపై చర్చిస్తుండగా.. గ్రామానికి చెందిన టీడీపీ నేతలు, పచ్చ గూండాలు దాదాపు 30 మంది అక్కడికి చేరుకుని వైఎస్సార్‌ సీపీ నేతలపై కుర్చీలతో దాడులకు పాల్పడ్డారు. దీంతో ఇరువర్గాల వారి మధ్య తోపులాట జరిగింది. అక్కడే ఉన్న పోలీసులు వైఎస్సార్‌సీపీ నేతలనే అక్కడి నుంచి తోసుకుంటూ వెళ్లి బలవంతంగా వాహనం ఎక్కించారు. వాహనంలో వెళ్తున్న వారిపైనా టీడీపీ గూండాలు రాళ్లతో దాడులకు పాల్పడ్డారు. ఈ దాడిలో వాహనం అద్దాలు ధ్వంసమయ్యాయి. దీంతో గ్రామం బయట వాహనాన్ని నిలిపి తనిఖీ చేస్తుండగా... వారిని తరుముతూ వచ్చిన పచ్చగూండాలు మరోసారి రాళ్లదాడి చేశారు. ఈ ఘటనపై వైఎస్సార్‌సీపీ నేతలు పోలీసులకు ఫిర్యాదు చేశారు. ఏజెంట్లపై దాడులకు ప్రణాళిక జెడ్పీటీసీ, ఎంపీటీసీ ఎన్నికల్లో రిగ్గింగ్‌ చేయాలని భావిస్తున్న టీడీపీ నేతలు...వైఎస్సార్‌సీపీ ఏజెంట్లపై దాడులు చేసేందుకు ప్రణాళిక రచిస్తున్నట్లు తెలుస్తోంది. ముఖ్యంగా బత్తలపల్లి, ఓబుళాపురం, దంపెట్ల పోలింగ్‌ కేంద్రాల్లో దౌర్జన్యాలకు దిగి, అల్లర్లు సృష్టించి వైఎస్సార్‌సీపీ ఏజెంట్లను కూర్చోకుండా దాడులకు దిగే అవకాశం ఉన్నట్లు టీడీపీ కార్యకర్తలే చర్చించుకుంటున్నారు. కేవలం టీడీపీ వర్గీయులు మాత్రమే ఓటు వేసేలా ప్రణాళికలు సిద్ధం చేసుకున్నట్లు సమాచారం. తద్వారా ఏకపక్షంగా ఓటింగ్‌ జరిగేలా పచ్చ గూండాలు ఏర్పాటు చేసుకున్నట్లు తెలిసింది. బత్తలపల్లి మండలంలో జరుగుతున్న పరిణామాలపై ఎస్పీ సతీష్‌కుమార్‌ ప్రత్యేక చొరవ చూపాలని మండల ప్రజలు, ప్రతిపక్ష పార్టీల నేతలు కోరుతున్నారు. నేడు వేతనంతో కూడిన సెలవు ప్రశాంతి నిలయం: ఎంపీటీసీ, జెడ్పీటీసీ ఎన్నికల పోలింగ్‌ నేపథ్యంలో గురువారం జిల్లాలోని అన్ని పరిశ్రమల్లో పనిచేసే కార్మికులకు వేతనంతో కూడిన సెలవు ప్రకటించినట్లు జిల్లా ఎన్నికల అధికారి, కలెక్టర్‌ శ్యాం ప్రసాద్‌ తెలిపారు. ఈ మేరకు బుధవారం ఒక ప్రకటన విడుదల చేశారు. పరిశ్రమల యాజమాన్యాలు వారి కార్మికులకు వేతనంతో కూడిన సెలవు ఇవ్వాలని కలెక్టర్‌ ఆదేశించారు.

● అధికారులకు కలెక్టర్‌ ఆదేశంపుట్టపర్తి అర్బన్‌: జెడ్పీటీసీ, ఎంపీటీసీ ఎన్నికల పోలింగ్‌ సజావుగా జరిగేలా తగు చర్యలు తీసుకోవాలని కలెక్టర్‌ శ్యాంప్రసాద్‌ అధికారులను ఆదేశించారు. బుధవారం ఆయన కొత్తచెరువు బాలికల ఉన్నత పాఠశాలలో ఏర్పాటు చేసిన డిస్ట్రిబ్యూషన్‌ కేంద్రాన్ని, ఓట్ల లెక్కింపు కేంద్రాన్ని పరిశీలించారు. అనంతరం కలెక్టర్‌ మాట్లాడుతూ... స్ట్రాంగ్‌ రూంల భద్రతకు కట్టుదిట్టమైన చర్యలు తీసుకోవాలని, సీసీ కెమెరాలతో నిరంతర నిఘా ఉంచాలన్నారు. పోలింగ్‌ కేంద్రాల్లో తాగునీరు, వైద్యసదుపాయం తదితర సౌకర్యాలు కల్పించాలన్నారు. అలాగే కేంద్రాల్లో విద్యుత్‌ సరఫరా నిరంతరం ఉండేలా చూసుకోవాలని, ఓటర్లు ఎండలో ఇబ్బందులు పడకుండా షామియానాలు ఏర్పాటు చేయాలన్నారు.

ఓడీచెరువు: స్థానిక మండల పరిషత్‌ కార్యాలయంలో ఏర్పాటు చేసిన డిస్ట్రిబ్యూషన్‌ సెంటర్‌ను బుధవారం జాయింట్‌ కలెక్టర్‌ మౌర్య భరద్వాజ్‌ పరిశీలించారు. పోలింగ్‌ సమయంలో ఎలాంటి సమస్యలు తలెత్తకుండా చర్యలు తీసుకోవాలన్నారు. పోలింగ్‌ సిబ్బందికి అవసరమైన బ్యాలెట్‌ బాక్సులు, బ్యాలెట్‌ పేపర్లు, ఇతర ఎన్నికల మెటీరియల్‌ను సక్రమంగా పంపిణీ చేయాలన్నారు. అన్ని పోలింగ్‌ కేంద్రాల్లో సీసీటీవీ కెమెరాల నిఘా ఉండేలా చర్యలు తీసుకోవాలని ఆదేశించారు. జేసీ వెంట రిటర్నింగ్‌ అధికారి రాజేంద్రకుమార్‌రెడ్డి, తహసీల్దార్‌ శ్రీనివాసులురెడ్డి, ఎంపీడీఓ శివరాంప్రసాద్‌రెడ్డి పాల్గొన్నారు.

● ఎన్నికలు ఏకపక్షం చేసుకునేందుకు టీడీపీ నేతలు కుట్ర చేస్తున్నారు ● అధికార పార్టీ నేతల సూచన మేరకు పోలీసులు నడుచుకుంటున్నారు ● వైఎస్సార్‌సీపీ జిల్లా అధ్యక్షురాలు ఉషశ్రీ చరణ్‌ పెనుకొండ రూరల్‌: ప్రజాస్వామ్యాన్ని పరిరక్షించాల్సిన పోలీసులు పచ్చనేతల కనుసన్నల్లో నడుస్తూ స్వేచ్ఛను హరిస్తున్నారని వైఎస్సార్‌ సీపీ జిల్లా అధ్యక్షురాలు ఉషశ్రీచరణ్‌ మండిపడ్డారు. గురువారం ఆమె మున్సిపల్‌ చైర్మన్‌ అభ్యర్థి శ్రీనివాసులు నివాసంలో విలేకరులతో మాట్లాడారు. ఎంపీటీసీ, జెడ్పీటీసీ ఎన్నికల నేపథ్యంలో వైఎస్సార్‌ సీపీ అభ్యర్థులు, కార్యకర్తలను పోలీసులు టార్గెట్‌ చేశారన్నారు. సోమందేపల్లి ఎస్‌ఐ టీడీపీ నేతల సూచన మేరకు వైఎస్సార్‌సీపీ నేతలు, కార్యకర్తలపై అక్రమంగా బైండోవర్‌ కేసులు నమోదు చేశారని ఆవేదన వ్యక్తం చేశారు. ఇక పెనుకొండలో ఎంపీటీసీ నామినేషన్ల సమయంలో వైఎస్సార్‌సీపీ అభ్యర్థి నామినేషన్‌ను పత్రాలను ఓ టీడీపీ నాయకుడు లాక్కెళ్తుండగా. ..అడ్డుకోవాల్సిన ఎస్‌ఐ వెంకటేశ్వర్లు...టీడీపీ నేతలతో కలిసి ఈ వ్యవహారానికి సహకారం అందించినట్లు వీడియోలో కనిపిస్తోందన్నారు. ఇక గోరంట్ల సీఐ శేఖర్‌ ఆ మండలంలోని రెడ్డిచెరువుపల్లి, పూలేరు గ్రామాల్లోని వైఎస్సార్‌సీపీ కార్యకర్తలు, నాయకులపై అక్రమంగా కేసులు పెడుతూ ఇబ్బందులకు గురిచేస్తున్నారన్నారు. ముందస్తు చర్యల్లో భాగంగా కేసులు పెడుతున్నామని చెబుతున్న పోలీసులు...టీడీపీ వాళ్లపై ఎందుకు కేసులు నమోదు చేయడం లేదని ప్రశ్నించారు. వైఎస్సార్‌ సీపీ అభ్యర్థులు, ఏంజెట్లను భయబ్రాంతులకు గురిచేసి పోలింగ్‌ కేంద్రాల నుంచి బయటకు పంపేందుకు సిద్ధమైనట్లు తెలుస్తోందన్నారు. ఇందుకు పోలీసులు సహకరిస్తున్నట్లు స్పష్టంగా అర్థమవుతోందని, దీనిపై పోలీసు ఉన్నతాధికారులకు ఫిర్యాదు చేస్తామన్నారు. సమావేశంలో వైఎస్సార్‌ సీపీ వాల్మీకి విభాగం రాష్ట్ర అధ్యక్షుడు పొగాకు రామచంద్ర పాల్గొన్నారు. చిరుత దాడి.. మేకల కాపరి మృతి అమరాపురం: మేకలకు కాపలాగా పడుతున్న కాపరిపై చిరుత దాడి చేసి ప్రాణం తీసింది. ఈ ఘటన బుధవారం తెల్లవారుజామున అమరాపురం మండల పరిధిలోని వి.అగ్రహారంలో చోటుచేసుకుంది. స్థానికులు తెలిపిన వివరాల మేరకు...వి.అగ్రహారం గ్రామానికి చెందిన అళ్లదారు చంద్రప్ప (68) జీవాలను మేపుకుంటూ జీవనం సాగిస్తున్నాడు. ప్రస్తుతం ఆయన కర్ణాటక సరిహద్దులోని తన పొలంలో నివాసం ఉంటున్నారు. రోజు మాదిరిగానే మేకలను మేతకు తీసుకెళ్లి రాత్రి ఇంటి ఆవరణలో మంచంపై నిద్రకు ఉపక్రమించాడు. అర్ధరాత్రి వేళ మేకల కోసం ఓ చిరుత చంద్రప్ప దాన్ని తరిమేందుకు ప్రయత్నించాడు. అయితే చిరుత ఒక్కసారిగా చంద్రప్ప తలపై దాడి చేసింది. ఈ ఘటనలో తీవ్రంగా గాయపడిన ఆయన అక్కడికక్కడే మృతి చెందాడు. చిరుత దాడిచేసిన సమయంలో చంద్రప్ప వేసిన కేకలతో ఇంట్లో ఉన్న అతని భార్య మహదేవమ్మ వెంటనే బయటకు వచ్చి చూడగా.. అప్పటికే అతను ప్రాణాలు కోల్పోయాడు. ఇప్పటికై నా అటవీశాఖ అధికారులు చిరుత బోన్లను ఏర్పాటు చేసి వి.అగ్రహారం పరిసర ప్రాంతాల్లో బీట్‌ ఏర్పాటు చేయాలని ప్రజలు కోరుతున్నారు. ధర్మవరంపై దృష్టి సారించండి ● కలెక్టర్‌, ఎస్పీలకు ఈసీ ఆదేశం ధర్మవరం: ఎంపీటీసీ, జెడ్పీటీసీ ఎన్నికల వేళ అత్యంత సున్నిత కేంద్రాలున్న ధర్మవరం నియోజకవర్గంపై ప్రత్యేక దృష్టి సారించాలని, ఈ మేరకు పకడ్బందీ ఏర్పాట్లు చేయాలని రాష్ట్ర ఎన్నికల సంఘం జిల్లా కలెక్టర్‌, ఎస్పీలకు కీలక ఆదేశాలను జారీ చేసింది. వైఎస్సార్‌సీపీ ఎమ్మెల్సీ లేళ్ల అప్పిరెడ్డి బుధవారం ఎన్నికల కమిషన్‌ను కలిసి ధర్మవరంలోని పరిస్థితి వివరించగా, ఈసీ అధికారులకు ఉత్తర్వులను జారీ చేసింది. ధర్మవరం, బత్తలపల్లి, ముదిగుబ్బ, తాడిమర్రి మండలాల్లోని పోలింగ్‌ కేంద్రాలు, కౌంటింగ్‌, స్ట్రాంగ్‌ రూంలలో తప్పనిసరిగా సీసీటీవీ కెమెరాలు అర్చడంతోపాటు వీడియోగ్రఫీ ఏర్పాటు చేయాలని ఈసీ ఆదేశించింది. అంతేకాక పటిష్టమైన భద్రత ఏర్పాటు చేసి పోలింగ్‌ ఏజెంట్లు, అభ్యర్థులకు రక్షణ కల్పించాల్సిన బాధ్యత పోలీసులదేనని, అందుకు తగ్గట్లుగా అదనపు పోలీస్‌ బలగాలను సమకూర్చుకోవాలని, పోలింగ్‌ ప్రశాంతంగా పూర్తి చేయాలని ఆదేశాలు జారీ చేసింది.

అనంతపురం ఎడ్యుకేషన్‌: రాష్ట్రంలో అధికార పార్టీ దౌర్జన్యాలు, దుర్మార్గాలు కొనసాగుతూనే ఉన్నాయని మాజీ ఎంపీ గోరంట్ల మాధవ్‌ ధ్వజమెత్తారు. గురువారం ఎంపీటీసీ, జెడ్పీటీసీ ఎన్నికల పోలింగ్‌ నేపథ్యంలో తమ పార్టీ నాయకులు బయట తిరగకుండా గృహ నిర్బంధాలు చేస్తున్నారని ఆరోపించారు. ఇందులో భాగంగానే బుధవారం తనను గృహ నిర్బంధం చేశారని తెలిపారు. ఈ సందర్భంగా ఆయన మాట్లాడుతూ స్థానిక సంస్థల ఎన్నికల ప్రక్రియను అధికార పార్టీ నాయకులు శాసిస్తున్నారని, ఎన్నికల పేరుతో ఎంపికలు చేసుకుంటున్నారని ఎద్దేవా చేశారు. ఎన్నికలు జరుగుతున్న తీరుపై ఈసీ స్పందించాలని ఆశిస్తున్నానని తెలిపారు. అధికార పార్టీల నాయకులు దౌర్జన్యాలు చేసుకునేందుకు వైఎస్సార్‌సీపీ నేతలను హౌస్‌ అరెస్టులు చేస్తున్నారని విమర్శించారు. రాష్ట్రంలో ప్రజాస్వామ్యం ఖూనీ అవుతోందని, రాజ్యాంగ వ్యవస్థలన్నీ కుప్పకూలుతున్నాయని ఆవేదన వ్యక్తం చేశారు. ఇలాంటి ఎన్నికలు దేశంలో ఎప్పుడూ జరగలేదని వ్యాఖ్యానించారు. గురువారం జరుగనున్న ఎంపీటీసీ, జెడ్పీటీసీ ఎన్నికల పోలింగ్‌ను ప్రశాంతంగా, నిష్పక్షపాతంగా జరిగేలా ఎన్నికల సంఘం ప్రత్యేక దృష్టి సారించాలని గోరంట్ల మాధవ్‌ డిమాండ్‌ చేశారు. లక్ష్మీకి నాణ్యమైన వైద్యం అందించండి● జీజీహెచ్‌ వైద్యులకు రాష్ట్ర బాలల హక్కుల పరిరక్షణ కమిషన్‌ చైర్‌పర్సన్‌ సూచన అనంతపురం సిటీ: రాప్తాడు ఉన్మాది రంపం దాడిలో గాయపడి జిల్లా సర్వజనాస్పత్రిలో చికిత్స పొందుతున్న లక్ష్మికి నాణ్యమైన వైద్యం అందించాలని జీజీహెచ్‌ వైద్యులకు రాష్ట్ర బాలల హక్కుల పరిరక్షణ కమిషన్‌ చైర్‌పర్సన్‌ వేటుకూరి ఏవీఎస్‌ సూర్యనారాయణరాజు సూచించారు. కమిషన్‌ సభ్యులు, చల్లా మధుసూదనరావుతో కలిసి బుధవారం జీజీహెచ్‌ను ఆయన సందర్శించారు. చికిత్స పొందుతున్న లక్ష్మిని పరామర్శించి, ఆమె ఆరోగ్య స్థితిపై వైద్యులను అడిగి తెలుసుకున్నారు. బాలిక సంపూర్ణంగా కోలుకునే వరకూ అవసరమైన అన్ని రకాల చికిత్సలూ అందజేయాలన్నారు. ఈ కార్యక్రమంలో జీజీహెచ్‌ సూపరింటెండెంట్‌ డాక్టర్‌ మల్లీశ్వరి, డిప్యూటీ ఆర్‌ఎంఓ డాక్టర్‌ కరుణ, సీఎస్‌ ఆర్‌ఎంఓ డాక్టర్‌ సుధారాణి, ఆర్థో సర్జన్‌ డాక్టర్‌ గౌస్‌, డీసీపీఓ మంజునాథ్‌, చైల్డ్‌ హెల్ప్‌లైన్‌ 1098 కృష్ణమాచారి, డీసీపీయూ యూనిట్‌ ప్రొటెక్షన్‌ ఆఫీసర్‌ చంద్రకళ తదితరులు పాల్గొన్నారు. తండ్రీకొడుకులపై దుండగుల దాడిగుత్తి: పట్టణంలోని జెడ్‌.వీరారెడ్డి కాలనీకి చెందిన తండ్రీ కొడుకులు గంగరాజు, చరణ్‌లపై బుధవారం సుమారు పది మంది కట్టెలు, రాడ్లు, పైప్‌లతో విచక్షణారహితంగా దాడి చేశారు. గంగరాజు ఇంటిలో నిద్రిస్తున్న సమయంలో గుర్తు తెలియని వ్యక్తులు గుంపుగా వచ్చి దాడికి పాల్పడ్డారు. అడ్డొచ్చిన కుమారుడు చరణ్‌పై కూడా దాడికి చేయడమే కాక చంపుతామంటూ బెదిరింపులకు దిగారు. మూక దాడిలో గాయపడిన తండ్రీ కొడుకులను స్థానికులు, కుటుంబసభ్యులు చికిత్స నిమిత్తం ప్రభుత్వాసుపత్రికి తరలించారు. ఘటనపై బాధితులు పోలీసులకు ఫిర్యాదు చేశారు. దాడి చేసిన వారెవరు.. ఎందుకు దాడికి పాల్పడ్డారనే విషయాలు విచారణలో వెల్లడి కావాల్సివుంది.

ఎంపీటీసీ, జెడ్పీటీసీ ఎన్నికల వేళ నామినేషన్లు వేయడానికి వస్తున్న వైఎస్సార్‌సీపీ వర్గీయులను రెండు రోజులు నామినేషన్లు వేయనీకుండా రాప్తాడు, రామగిరి, కనగానపల్లి, ఆత్మకూరు, చెన్నేకొత్తపల్లి, అనంతపురం రూరల్‌ మండలాల్లో పచ్చనేతలు అడ్డుకొన్న సంగతి తెలిసిందే. నామినేషన్‌ వేయడానికి వస్తున్న అభ్యర్థులపై రాళ్ల దాడులు చేయడం, అలాగే మహిళలు అని కూడా చూడకుండా నామినేషన్‌ పత్రాలను వారి వద్ద నుంచి బలవంతంగా లాక్కోవడం వంటి సంఘటనలు చోటు చేసుకున్నాయి. నియోజకవర్గ వ్యాప్తంగా ఒక్క నామినేషన్‌ పడకూడదనే పరిటాల ఆదేశాలతో అన్ని స్థానాలను ఏకగ్రీవం చేయాలని పచ్చనేతలు కుట్రలు పన్నారు. చివరకు ఎన్నికల కమిషన్‌ దృష్టికి వైఎస్సార్‌సీపీ నేతలు తీసుకెళ్లడంతో మూడోరోజున పోలీసుల భద్రతతో వైఎస్సార్‌సీపీ నేతలు అడపాదడపా నామినేషన్‌ పత్రాలను దాఖలు చేయాల్సి వచ్చింది. ● గతంలో రామగిరిలో పది ఎంపీటీసీ స్థానాలకు గాను తొమ్మిది స్థానాలను వైఎస్సార్‌సీపీ కైవసం చేసుకుంది. కానీ రాష్ట్రంలో చంద్రబాబు ప్రభుత్వం అధికారంలోకి వచ్చాక ఎంపీటీసీలను కిడ్నాప్‌ చేసి చివరకు వారిని ప్రలోభాలు, భయభ్రాంతులకు గురిచేస్తూ ఒక్క ఎంపీటీసీతోనే ఎంపీపీ పీఠాన్ని టీడీపీ కై వసం చేసుకుంది. ● ప్రస్తుతం గ్రామాల్లో ప్రజలు తీవ్ర ఇబ్బందులు పడుతూ చివరకు సొంత గ్రామాలను సైతం వదలి ఇతర ప్రాంతాలకు వలసలు వెళ్తున్నారు. రక్తపాతం వదలి నియోజకవర్గంలోని అన్ని చెరువులకు సాగు నీరందిస్తే తాము పంటలను సాగుచేసుకుంటూ కుటుంబపోషణ చేసుకుంటామని ప్రజలు కోరుతున్నారు. కానీ పరిటాల అరాచకాలతో ఆ పరిస్థితులు మచ్చుకైనా కనిపించడం లేదు.

మడకశిరరూరల్‌: మడకశిర నగర పంచాయతీ ఎన్నికల్లో టీడీపీ నాయకులు దౌర్జన్యాలు, రిగ్గింగ్‌తోనే గెలిచారని వైఎస్సార్‌సీపీ నియోజకవర్గ సమన్వయకర్త ఈర లక్కప్ప ఆరోపించారు. బుధవారం సాయంత్రం పట్టణంలోని పార్టీ కార్యాలయంలో ఆయన విలేకరుల సమావేశంలో మాట్లాడారు. ఎన్నికల కౌంటింగ్‌ వేళ అధికార పార్టీ నాయకులు అక్రమాలకు పాల్పడి గెలిచారని తెలిపారు. బ్యాలెట్‌ భద్రపరిచిన స్ట్రాంగ్‌రూము వద్ద రాత్రిపూట ఎందుకు విద్యుత్‌ సరఫరా నిలిపివేశారో అధికారులు సమాధానం చెప్పాలన్నారు. అధికార పార్టీ నాయకులు చెప్పిన విధంగా తమ పార్టీ అభ్యర్థులు స్ట్రాంగ్‌ రూం వద్ద నుంచి వైఎస్సార్‌సీపీ అభ్యర్థులను పోలీసులు ఎందుకు పంపించేశారో తెలపాలని ప్రశ్నించారు. పట్టణంలో మూడు దశాబ్దాలుగా ఓటు పడని ప్రాంతంలో ఈ ఎన్నికల్లో ఎలా పడిందో ప్రజలందరికీ తెలుసని తెలియజేశారు. గ్లాసు గుర్తు ఎవరిదో మడకశిర వాసులకు తెలియదని, అలాంటి చోట వేల ఓట్లు ఎలా పోలయ్యాయో అధికార పార్టీ నాయకులు చెప్పగలరా అని నిలదీశారు. అధికారులు టీడీపీ నాయకులు కుమ్మకై అక్రమాలకు పాల్పడి గెలిచారని, ఇది ప్రజా తీర్పు కాదని స్పష్టం చేశారు. స్థానిక ఎమ్మెల్యే ఎంఎస్‌ రాజుకు ప్రజాస్వామ్యం అంటే ఏమాత్రం గౌరవం లేదని పేర్కొన్నారు. ఈ ఎన్నికల్లో నైతిక విజయం వైఎస్సార్‌సీపీదే అని, తమ పార్టీ అభ్యర్థులకు ఓటేసిన ప్రజలందరికీ కృతజ్ఞతలు తెలిపారు. నాయకులు, కార్యకర్తలు ధైర్యంగా ఉండాలని రాబోయేది వైఎస్సార్‌సీపీ ప్రభుత్వమేన్నారు. జెడ్పీటీసీ, ఎంపీటీసీ ఎన్నికలైన పారదర్శకంగా నిర్వహించాలని అధికారులకు తెలియజేశారు. కార్యక్రమంలో రాష్ట్ర ఎస్సీ సెల్‌ కార్యదర్శి తిప్పేస్వామి, పట్టణ ఉపాధ్యక్షులు గోపి, మైనార్టీ నాయకులు ఆన్స్‌ర్‌, నాయకులు మారుతి, శ్రీనివాసులు తదితరులు పాల్గొన్నారు. ఎన్నికలు, కౌంటింగ్‌ వేళ కుట్రలు, కుతంత్రాలు గ్లాసు గుర్తు ఎవరిదో తెలియని మడకశిరలో వేల ఓట్లు ఎలా పడ్డాయి? విలేకరుల సమావేశంలో ఈర లక్కప్ప

కదిరి టౌన్‌: మున్సిపల్‌ ఎన్నికల్లో అధికారిక కూటమి చైర్మన్‌ అభ్యర్థి గెలిచినా నైతిక విజయం మాత్రం వైఎస్సార్‌సీపీదే అని కదిరి నియోజకవర్గ సమన్వయకర్త బీఎస్‌ మక్బూల్‌ పేర్కొన్నారు. బుధవారం కదిరిలోని ఆ పార్టీ కార్యాలయంలో ఏర్పాటు చేసిన సమావేశంలో మక్బూల్‌, మాజీ ఎమ్మెల్యే అత్తార్‌ మాట్లాడుతూ.. మున్సిపల్‌ ఎన్నికల్లో పాలక పక్షం అధికారులు, పోలీసుల సహకారంతో గెలుచుకున్నారని ఆరోపించారు. చంద్రబాబు ప్రభుత్వం అరాచకాలు, దౌర్జన్యాలు, బెదిరింపులకు గురి చేసినా ఓటర్లు తమకే ఓటు వేశారని పేర్కొన్నారు. మున్సిపల్‌ ఎన్నికల్లో పట్టణ ప్రజలు చూపిన ఆప్యాయత, ఆదరణను ఎల్లప్పుడూ గుర్తుంచుకుంటామని తెలిపారు. పోలింగ్‌, కౌంటింగ్‌ వేళ వైఎస్సార్‌సీపీ నాయకులను హౌస్‌ అరెస్టు చేసి అధికార పార్టీ ముఖ్య నాయకులు తమ పన్నాగాలను అమలు చేశారని చెప్పారు. ఎన్ని కుట్రలు, కుతంత్రాలు పన్నిన కదిరి పట్టణ ప్రజలు తమకు 17 కౌన్సిలర్‌ స్థానాలు అందించినందుకు కృతజ్ఞతలు తెలియజేశారు. ప్రజా తీర్పును శిరసావహిస్తూ వారి సమస్యల పరిష్కారానికి కృషి చేస్తామని స్పష్టం చేశారు. ఈ సమావేశంలో ఆ పార్టీ జిల్లా ప్రధాన కార్యదర్శి కె.వి.ప్రణీత్‌రెడ్డి, పట్టణ అధ్యక్షుడు షేక్‌ బాబ్జాన్‌, మైనార్టీ రాష్ట్ర ప్రధాన కార్యదర్శి సాదత్‌ అలీఖాన్‌, నాయకులు తదితరులు పాల్గొన్నారు. ఎన్నికల విధులకు సచివాలయ ఉద్యోగులుకళ్యాణదుర్గం రూరల్‌: సచివాలయ ఉద్యోగులను ఎన్నికల విధులకు కేటాయిస్తున్నట్టు డివిజనల్‌ స్థాయి రెవెన్యూ అధికారులు బుధవారం రాత్రి ఉత్తర్వులు జారీ చేశారు. కళ్యాణదుర్గం నియెజకవర్గం వ్యాప్తంగా గురువారం జెడ్పీటీసీ, ఎంపీటీసీ ఎన్నికలు నిర్వహిస్తున్నారు. ఉన్నతాధికారులు ఇచ్చిన ఆదేశాలతో ఎన్నికల విధుల్లో సచివాలయ ఉద్యోగులు పాల్గొనాల్సి ఉంటుంది. వివిధ సచివాలయాల్లో పని చేస్తున్న 98 మందిని ఎన్నికల విధులు అప్పజెప్పడంతో ఉద్యోగులు కంగుతిన్నారు. తాము గురువారం జరగాల్సిన ఎన్నికల్లో ఓటు హక్కు వినియోగించాల్సి ఉందని, ఉన్నతాధికారుల ఆదేశాలు ఉద్యోగులమైన తామే ఓటు హక్కు వినియోగించుకోలేక పోతున్నామని వారు వాపోతున్నారు. దీనిపై ఉన్నాతాధికారులను వివరణ కోరగా స్పందించలేదు. ప్రజల ఆదరణ, ఆప్యాయతను గుర్తుంచుకుంటాం విలేకరుల సమావేశంలో బీఎస్‌ మక్బూల్‌, అత్తార్‌ చాంద్‌బాషా

● స్వల్ప తేడాతో ఓటమి చవి చూసిన వైఎస్సార్‌సీపీ అభ్యర్థులు పుట్టపర్తి టౌన్‌/కదిరి టౌన్‌: నామినేషన్ల పర్వం నుంచి అధికార కూటమి నేతలు ఎన్ని ఇబ్బందులు పెట్టినా..దౌర్జన్యం చేసిన పోరాడారు. ప్రజల ఆశీస్సులతో చివరివరకూ నిలిచారు. స్వల్పతేడాతో ఓటమి చవిచూశారు. అయినా ప్రజానీకం మాత్రం శభాష్‌ అంటూ వారిని మెచ్చుకుంటోంది. నైతిక విజయం మీదేనంటూ కీర్తిస్తోంది. ఇలా స్పల్ప తేడాతో ఓటమి చెందిన వారిలో పుట్టపర్తి అభ్యర్థులే ఎక్కువ మంది ఉన్నారు. పుట్టపర్తి 16 వార్డు వైఎస్సార్‌ సీపీ అభ్యర్థి కవిత కేవలం 3 ఓట్ల తేడాతో ఓటమి చెందారు. అలాగే 17 వార్డు నుంచి వైఎస్సార్‌సీపీ తరఫున పోటీ చేసిన సాయిలీల కూడా 17 ఓట్లతో సీటు కోల్పోయారు. ఇక 20 వార్డు నుంచి పోటీ చేసిన వైఎస్సార్‌సీపీ అభ్యర్థి సావిత్రి 19 ఓట్లు, 24 వార్డు నుంచి పోటీ చేసిన వెంకటేష్‌ 22 స్వల్ప ఓట్లతో ఓటమి చెందారు. వీరి పోరాటస్ఫూర్తిని ప్రజలే మెచ్చుకుంటున్నారు. శభాష్‌ అంటూ భుజం తట్టారు. ● కదిరి 18వ వార్డుకు చెందిన వైఎస్సార్‌సీపీ అభ్యర్థి సుమీయా 52 ఓట్లతో, 38వ వార్డుకు చెందిన వైఎస్సార్‌సీపీ అభ్యర్థి దాదాపీర్‌ 21 ఓట్లతో పరాజయం చెందారు. అధికార పార్టీ ఆగడాలను అడ్డుకుని ప్రజా ఆశీస్సులతో తుదికంటూ పోరాటం చేసిన వారిని జనం మెచ్చుకుంటున్నారు. డిస్ట్రిబ్యూషన్‌ కేంద్రం పరిశీలన పుట్టపర్తి అర్బన్‌: పరిషత్‌ ఎన్నికల్లో భాగంగా ఈనెల 5న ఎంపీటీసీ, జెడ్పీటీసీ ఎన్నికల పోలింగ్‌ నిర్వహించనుండగా అధికారులు ఏర్పాట్లలో నిమగ్నమయ్యారు. ఈ క్రమంలో పుట్టపర్తి ఎంపీడీఓ కార్యాలయంలో ఎన్నికల సామగ్రి పంపిణీ కేంద్రం ఏర్పాటు చేశారు. మంగళవారం జేసీ మౌర్య భరద్వాజ్‌ కేంద్రాన్ని తనిఖీ చేశారు. బ్యాలెట్‌ పెట్టెలు, బ్యాలెట్‌ పేపర్లు, ఇంక్‌, ఇతర సామగ్రి పంపిణీ వేగవంతం చేయాలన్నారు. పోలింగ్‌ కేంద్రాలకు వెళ్లే సిబ్బందికి అవసరమైన రవాణా సదుపాయం, భోజనాలు, తాగునీరు, వైద్య సదుపాయం అందుబాటులో ఉంచాలన్నారు. జేసీ వెంట ఆర్‌ఓ రమేష్‌బాబు, ఎంపీటీఓ నరేష్‌ కృష్ణ సిబ్బంది ఉన్నారు. ‘ముసురు’కున్న మేఘం ● జిల్లాలోని 15 మండలాల్లో తుంపర పుట్టపర్తి అర్బన్‌: ముసురు తుపాను ప్రభావంతో జిల్లాలో 15 మండలాల్లో తుంపర వర్షం కురవగా తక్కిన మండలాల్లో ఆకాశం మేఘావృతమైంది. సోమవారం రాత్రి నుంచి మంగళవారం ఉదయం వరకూ జిల్లాలోని 15 మండలాల్లో వర్షం కురిసిందని వాతావరణ శాఖ అధికారులు తెలిపారు. అత్యధికంగా కదిరి మండలంలో 22.4 మి.మీ వర్షపాతం నమోదైంది. ఎన్‌పీకుంట మండలంలో 20.6, నల్లచెరువు 10.6, అగళి 8.6, మడకశిర 7.4, తనకల్లు 5.6, గాండ్లపెంట 4.8, ముదిగుబ్బ 3.2, సీకేపల్లి 2.4, కనగానపల్లి 2.2, ధర్మవరం, తాడిమర్రి, పెనుకొండ, ఓడీచెరువు మండలాల్లో 1.2 మి.మీ చొప్పున వర్షం కురిసినట్లు అధికారులు వెల్లడించారు. ముసురు ప్రభావంతో మరో రెండు రోజులూ జిల్లాకు వర్ష సూచన ఉన్నట్లు తెలిపారు. ఉమ్మడి జిల్లాకు వర్ష సూచనఅనంతపురం అగ్రికల్చర్‌: ఉమ్మడి అనంతపురం జిల్లాకు రాగల మూడు రోజులు వర్షాలు కురిసే అవకాశం ఉన్నట్లు రేకులకుంట వ్యవసాయ పరిశోధనా స్థానం ప్రధాన శాస్త్రవేత్త డాక్టర్‌ జి.నారాయణస్వామి మంగళవారం ఒక ప్రకటనలో తెలిపారు.

● వైఎస్సార్‌ సీపీ అభ్యర్థి విజయాన్ని జీర్ణించుకోలేని పచ్చనేతలు ● రెండుసార్లు కౌంటింగ్‌... మూడోసారికీ పట్టు ● నిబంధనలు ఒప్పుకోవని విజేతను ప్రకటించిన అధికారులు హిందూపురం టౌన్‌: స్థానిక సంస్థల ఎన్నికల్లో అధికారం అండతో దౌర్జన్యకాండ సాగించిన కూటమి నేతలు...చివరకు ప్రజల మద్దతుతో విజయం సాధించినా...అడ్డుకునే ప్రయత్నం చేశారు. రీకౌంటింగ్‌ పేరుతో తారుమారు చేయాలనుకున్నారు. అయినా ఒక్క ఓటుతో వైఎస్సార్‌సీపీ అభ్యర్థి విజయం సాధించారు. తొలుత 10, ఆతర్వాత 6, మూడోసారి ఒక్కఓటు స్థానిక ప్రభుత్వ మహిళా పాలిటెక్నిక్‌ కళాశాలలో ఏర్పాటు చేసిన కౌంటింగ్‌ కేంద్రంలో మంగళవారం ఉదయం ఓట్ల లెక్కింపు ప్రారంభమైంది. ఆది నుంచీ ఎమ్మెల్యే బాలకృష్ణ పీఏలు దౌర్జన్యం చేస్తూ అధికారులును గుప్పిట్లో పెట్టుకుని ఏకపక్షంగా వ్యవహరించారు. ఈ క్రమంలోనే 12వ వార్డు నుంచి వైఎస్సార్‌సీపీ అభ్యర్థిగా పోటి చేసిన బాబా 10 ఓట్లతో విజయం సాధించారు. దీన్ని జీర్ణించుకోలేని టీడీపీ నాయకులు రీకౌంటింగ్‌కు పట్టుబట్టారు. దీంతో అధికారులు మరోసారి లెక్కించగా 6 ఓట్లతో బాబా విజయం సాధించారు. అయినా మళ్లీ రీ కౌంటింగ్‌కు ‘పచ్చ’నేతలు డిమాండ్‌ చేశారు. మనస్థాపం చెందిన బాబా కౌంటింగ్‌ కేంద్రంపై నుంచి కిందకు దూకే ప్రయత్నం చేశాడు. పోలీసులు, అక్కడున్నవారు అతడికి నచ్చజెప్పి కిందికి తీసుకువచ్చారు. దీంతో బాబా రోదిస్తూ అక్కడే కూర్చుండిపోయాడు. అధికార పార్టీ నేతల ఒత్తిళ్లకు తలొగ్గిన అధికారులు ఆర్డీఓ ఆనంద్‌కుమార్‌, మున్సిపల్‌ కమిషనర్‌ మల్లికార్జున సమక్షంలో మరోసారి ఓట్లు లెక్కించగా బాబా ఒక్క ఓటుతో విజయం సాధించారు. దీంతో టీడీపీ నేతలు మరోసారి లెక్కించాలని పట్టుబట్టినా అధికారులు అందుకు సమ్మతించలేదు. చివరకు గెలుపొందిన బాబాకు అధికారులు డిక్లరేషన్‌ అందజేశారు. కౌంటింగ్‌ కేంద్రాన్ని పరిశీలించిన ఎస్పీ హిందూపురం టౌన్‌: పట్టణంలోని ప్రభుత్వ మహిళా పాలిటెక్నిక్‌ కళాశాలలో ఏర్పాటు చేసిన కౌంటింగ్‌ కేంద్రాన్ని మంగళవారం ఎస్పీ సతీష్‌ కుమార్‌ సందర్శించి భద్రతా ఏర్పాట్లను క్షేత్రస్థాయిలో పరిశీలించారు. ఈ సందర్భంగా పోలీసు బందోబస్తు విధులు, భద్రతా చర్యలను సమీక్షించి, కమాండ్‌ కంట్రోల్‌ రూమ్‌ ద్వారా సీసీ కెమెరాల దృశ్యాలను పర్యవేక్షించారు. అలాగే కౌంటింగ్‌ కేంద్రాల పరిస్థితులను పరిశీలించారు. ఈ సందర్బంగా ఆయన మాట్లాడుతూ... ఓట్ల లెక్కింపు ప్రక్రియ సజావుగా పూర్తయ్యేలా పోలీసు అధికారులు, సిబ్బంది విధులు నిర్వహించాలని సూచించారు. భద్రతా ఏర్పాట్లలో ఎలాంటి లోటుపాట్లకు తావివ్వకూడదని సూచించారు. కౌంటింగ్‌ అనంతరం కూడా ఎలాంటి అవాంఛనీయ ఘటనలు చోటుచేసుకోకుండా ముందస్తు చర్యలు చేపట్టాలని, శాంతిభద్రతల పరిరక్షణకు నిరంతరం నిఘా కొనసాగించాలని ఆదేశించారు. పట్టణంలో 144 సెక్షన్‌, 30 పోలీస్‌ యాక్ట్‌ అమలులో ఉంటుందని, నిబంధనలు ఉల్లంఘిస్తే చర్యలు తీసుకుంటామని చెప్పారు. సౌకర్యాల పరిశీలన ధర్మవరం రూరల్‌: పట్టణంలోని బీఎస్‌ఆర్‌ ప్రభుత్వ ఉన్నత పాఠశాలలో ఏర్పాటు చేసిన కౌంటింగ్‌ కేంద్రాన్ని జిల్లా ఎన్నికల పరిశీలకులు అరుణ్‌బాబు మంగళవారం పరిశీలించారు. కౌంటింగ్‌ కేంద్రాల వద్ద చేపట్టిన భద్రతా ఏర్పాట్లు, సీసీ కెమెరాల నిఘా, టేబుళ్లు అమరిక, అభ్యర్థులు, ఏజెంట్ల ప్రాంగణాలను ప్రత్యక్షంగా పరిశీలించి అధికారులకు సూచనలు చేశారు. ఎన్నికల సంఘం నిబంధనల మేరకు ఓట్ల లెక్కింపు ప్రక్రియను అత్యంత పారదర్శకంగా నిర్వహించాలని సిబ్బందికి ఆదేశించారు. కౌంటింగ్‌ ఏజెంట్లు, అధికారులు, మీడియా ప్రతినిధులకు అవసరమైన మౌలిక వసతులు తాగునీరు, సమాచార కేంద్రం వంటి సౌకర్యాలు కల్పించాలని సంబంధిత అధికారులకు సూచించారు.

● జెడ్పీటీసీ బరిలో 234 మంది, ఎంపీటీసీ బరిలో 1,949 మంది పుట్టపర్తి/పుట్టపర్తి అర్బన్‌: పరిషత్‌ ఎన్నికల్లో ప్రచారం ఘట్టం మంగళవారం సాయంత్రంతో ముగిసింది. వారం రోజులుగా ఆయా పార్టీల అభ్యర్థులు గ్రామాల్లో ప్రచారం హోరెత్తించారు. వైఎస్సార్‌సీపీ జెడ్పీటీసీ, ఎంపీటీసీ అభ్యర్థులు ఇంటింటికీ తిరిగి ఓట్లు అభ్యర్థించారు. వైఎస్సార్‌ సీపీ హయాంలో జరిగిన అభివృద్ధి కావాలంటే ఫ్యాన్‌ గుర్తు ఓటేయాలని కోరారు. ఇక బహిరంగ ప్రచార పర్వం ముగియడంతో అభ్యర్థులంతా ఓటర్లను ప్రసన్నం చేసుకునే పనిలో పడ్డారు. 5న జరగనున్న పోలింగ్‌ కోసం దూర ప్రాంతాల్లో ఉంటున్న ఓటర్లను స్వగ్రామాలకు పిలిపించేందుకు ఏర్పాట్లు చేస్తున్నారు. ఉపాధి నిమిత్తం బెంగళూరు, హైదరాబాద్‌ తదితర పట్టణాలకు వెళ్లిన వారికోసం ప్రత్యేక బస్సులు పంపి రప్పిస్తున్నారు. జిల్లాలోని 32 జెడ్పీటీసీ స్థానాల నుంచి 234 మంది, 397 ఎంపీటీసీ స్థానాల నుంచి 1,949 మంది అభ్యర్థులు పోటీలో ఉన్నారు.

కదిరి టౌన్‌: స్థానిక సంస్థల ఎన్నికల వేళ కూటమి ప్రభుత్వం వైఎస్సార్‌సీపీ అభ్యర్థులను లక్ష్యంగా చేసుకుని వేధింపులకు పాల్పడుతోంది. అధికారం అండతో పోలీసులను ఉసిగొల్పి తీవ్ర ఇబ్బందులకు గురిచేస్తోంది. ఈ క్రమంలోనే వైఎస్సార్‌సీపీ రాష్ట్ర ఆర్గనైజింగ్‌ కార్యదర్శి (యాక్టివిటీ), కదిరి జెడ్పీటీసీ స్థానం నుంచి బరిలో నిలిచిన వైఎస్సార్‌ సీపీ జెడ్పీ ‘చైర్మన్‌’ అభ్యర్థి వజ్ర భాస్కర్‌రెడ్డి ఇంటిపైకి పోలీసులను ఉసిగొల్పింది. ఈక్రమంలోనే కదిరి డీఎస్పీ శివనారాయణస్వామి ఆధ్వర్యంలో పోలీసులు ఆదివారం రాత్రి రిలయన్స్‌ డిజిటల్‌ అపార్ట్‌మెంట్‌లో ఉన్న వజ్రభాస్కర్‌రెడ్డి ఇంటిని చుట్టుముట్టారు. ఎవరినీ లోపలికి అనుమతించకుండా దాదాపు మూడు గంటల సేపు సోదాలు చేశారు. ఈ సోదాల్లో వజ్రభాస్కర్‌రెడ్డి ఇంట్లో రూ.9 లక్షలు లభించగా కదిరి తహసీల్దార్‌ రెడ్డిశేఖర్‌, ఎంపీడీఓ పోలప్ప ఆధ్వర్యంలో పంచనామా చేశారు. ఆ డబ్బు తన కుమార్తె కళాశాల ఫీజు కోసం దాచి ఉంచానని వజ్ర భాస్కర్‌రెడ్డి అధికారులకు తెలిపారు. ఇందుకు సంబంధించిన ఆధారాలు సైతం చూపించారు. దీంతో వారు ఆ మొత్తాన్ని తిరిగి ఆయనకు అప్పజెప్పారు. స్థానిక సంస్థల ఎన్నికల్లో జెడ్పీ చైర్మన్‌ అభ్యర్థిగా ఉన్న వజ్ర భాస్కర్‌రెడ్డిని భయభ్రాంతులకు గురిచేయాలనే ఉద్దేశంతోనే కూటమి ప్రభుత్వం పోలీసు యంత్రాంగం ద్వారా ఇలాంటి చర్యలకు పాల్పడుతోందని వైఎస్సార్‌ సీపీ నాయకులు ఆగ్రహం వ్యక్తం చేశారు. ఎవరెన్ని ఇబ్బందులు పెట్టినా జెడ్పీ పీఠం కై వసం చేసుకోవడం ఖాయమని ఈ సందర్భంగా వజ్ర భాస్కర్‌రెడ్డి తేల్చిచెప్పారు. వజ్ర భాస్కర్‌రెడ్డి ఇంటిపై పోలీసుల దాడి

● తుపాను సహాయక చర్యల కోసం కమాండ్‌ కంట్రోల్‌ రూం : కలెక్టర్‌ ప్రశాంతి నిలయం: మురసు తుపాను ప్రభావం జిల్లాపై ఉండే అవకాశం ఉందని, ప్రజలు అప్రమత్తంగా ఉండాలని కలెక్టర్‌ శ్యాంప్రసాద్‌ సూచించారు. ఈ మేరకు సోమవారం ఆయన ఓ ప్రకటన విడుదల చేశారు. తుపాను సమయంలో తక్షణ సహాయ చర్యల కోసం కలెక్టరేట్‌లో 08555–289039 నంబరుతో కమాండ్‌ కంట్రోల్‌ రూం ఏర్పాటు చేసినట్లు వెల్లడించారు. తుపాను సమయంలో ఎవరికి ఏ ఇబ్బంది తలెత్తినా కంట్రోల్‌రూంను సంప్రదించి సాయం పొందవచ్చన్నారు. అత్యవసరమైతే తప్ప ప్రజలకు బయటకు వెళ్లకూడదని సూచించారు. అలాగే లోతట్టు ప్రాంతాల్లోని అప్రమత్తంగా ఉండాలన్నారు. ఎక్కడైనా చెట్లు, విద్యుత్‌ స్థంభాలు నేలకొరగడం, రహదారులపై నీరు నిలిచిపోవడం తదితర సమస్యలు ఎదురైనప్పుడు వెంటనే కంట్రోల్‌ రూమ్‌కు సమాచారం అందించాలని కోరారు. ప్రకృతి సేద్యంతో ఆరోగ్యకరమైన ఆహారం గుడిబండ: రసాయనాలు లేని ప్రకృతి వ్యవసాయంతో పండించే ఉత్పత్తులతో ఆరోగ్యకర ఆహారం లభిస్తుందని, తద్వారా మానవాళికి పరిపూర్ణ ఆరోగ్యం లభిస్తుందని ఐర్లాండ్‌ దేశానికి చెందిన ప్రముఖ చెఫ్‌ డారీనా అలెన్‌ పేర్కొన్నారు. సోమవారం ఆమె గుడిబండ మండలంలోని జవనడుకు గ్రామంలో పర్యటించారు. ప్రకృతి వ్యవసాయ పద్ధతుల్లో సాగు చేసిన పంటలను పరిశీలించారు. ప్రకృతి వ్యవసాయం కోసం వాడే కషాయాలు, జీవామృతం తయారీ విధానాలను అడిగి తెలుసుకున్నారు. ఈ సందర్భంగా మాట్లాడుతూ... సహజ సిద్ధమైన ఎరువులు, కషాయాలతో పంటలు పండించడం అభినందనీయమన్నారు. ఐర్లాండ్‌ వంటి దేశాల్లో కూడా ప్రకృతి ఆహారానికి ఆదరణ ఉందని, ఇక్కడి రైతులు అనుసరిస్తున్న సాగు పద్ధతులు తనకు ఎంతో స్ఫూర్తినిచ్చాయన్నారు. అనంతరం పలువురు రైతుల క్షేత్రాలను సందర్శించారు. మృతుల పేర్లతో ఓటరు స్లిప్‌ల పంపిణీ బత్తలపల్లి: పరిషత్‌ ఎన్నికల్లో భాగంగా 5వ తేదీ పోలింగ్‌ జరగనుండగా..ఓటరు స్లిప్‌ల పంపిణీ జరుగుతోంది. సోమవారం మండలంలోని పలు గ్రామాల్లో బీఎల్‌ఓలు ఓటరు స్లిప్‌లను అందజేస్తున్నారు. అయితే ఇప్పటికే చనిపోయిన వారి పేరుతో ఉన్న ఓటరు స్లిప్పులను కూడా అందజేస్తుండడం గమనార్హం. చనిపోయిన వారి ఓటరు స్లిప్పులు ఇవ్వడమేంటని స్థానికులు ప్రశ్నిస్తే.. ఉన్నతాధికారుల ఆదేశాల మేరకు ఓటరు స్లిప్పులు పంపిణీ చేస్తున్నట్లు బీఎల్‌ఓలు సమాధానమిస్తున్నారు.

అనంతపురం అగ్రికల్చర్‌: తీవ్ర వర్షాభావ పరిస్థితుల వల్ల లక్షలాది హెక్టార్లలో పంటలు దెబ్బతిన్నాయని, కరువు రైతుకు కేంద్ర, రాష్ట్ర ప్రభుత్వాల నుంచి సాయం అందేలా చూడాలని అనంతపురం జిల్లా కలెక్టర్‌ ఆనంద్‌ విజ్ఞప్తి చేశారు. ఖరీఫ్‌కు సంబంధించి ఇటీవల రాష్ట్ర ప్రభుత్వం కరువు మండలాలను ప్రకటించిన నేపథ్యంలో వాస్తవ పరిస్థితులు అధ్యయనం చేసేందుకు ఇంటర్‌ మినిస్టీరియల్‌ సెంట్రల్‌ టీం (ఐఎంసీటీ) పేరుతో కేంద్ర ప్రభుత్వం నుంచి ఉన్నతస్థాయి అధికారుల బృందం సోమవారం జిల్లాలో పర్యటించింది. కేంద్ర ప్రభుత్వ వ్యవసాయ, రైతు సంక్షేమ మంత్రిత్వశాఖ సంయుక్త కార్యదర్శి చిన్మయ్‌ గోట్మారా కేంద్ర బృందానికి టీం లీడర్‌గా వ్యవహరించగా... ఆయనతో పాటు ఆరుగురు అధికారులు బృందంలో ఉన్నారు. క్షేత్రస్థాయి పర్యటనకు ముందు కలెక్టరేట్‌ రెవెన్యూ భవన్‌లో అనంతపురం, శ్రీసత్యసాయి జిల్లాల్లో నెలకొన్న కరువు పరిస్థితులు, పశుగ్రాసం సమస్య, తాగునీటి, పండ్లతోటల స్థితిగతులపై ఆయా శాఖలు ఏర్పాటు చేసిన ఫొటోఎగ్జిబిషన్‌ను వారు తిలకించారు. అనంతరం ఉమ్మడి అనంతపురం, కర్నూలు జిల్లాల అధికారులతో సమీక్షా సమావేశం నిర్వహించారు. ఇన్‌పుట్‌ సబ్సిడీ అందించి ఆదుకోండి ఖరీఫ్‌లో వర్షాభావ పరిస్థితుల వల్ల అనంతపురం జిల్లాలోని 30 కరువు మండలాల్లో 1,96,681 మంది రైతులకు సంబంధించి 2,29,136 హెక్టార్లలో పంటలు దెబ్బతినడంతో రూ.999.77 కోట్ల నష్టం వాటిల్లిందని కలెక్టర్‌ ఆనంద్‌ తెలిపారు. ఇన్‌పుట్‌ సబ్సిడీ నిబంధనల మేరకు జిల్లా రైతులకు రూ.280.41 కోట్ల సాయం అందించాలని కేంద్ర కరువు బృందాన్ని కోరారు. అలాగే శ్రీ సత్యసాయి జిల్లాలోని 29 కరువు మండలాల పరిధిలో 1,44,818 మంది రైతులకు చెందిన 1,28,972 హెక్టార్లలో పంటలు దెబ్బతినడంతో రూ.682.34 కోట్ల నష్టం జరిగిందన్నారు. నిబంధనల మేరకు రూ.173.11 కోట్ల ఇన్‌పుట్‌ సబ్సిడీ అందించాలని విజ్ఞప్తి చేశారు. అనంతపురం జిల్లాకు సంబంధించి పశుశాఖకు రూ.24.93 కోట్లు, రూరల్‌ వాటర్‌ సప్లయ్‌కి రూ.15.57 కోట్లు, అర్బన్‌ వాటర్‌ సప్లయ్‌కి రూ.1.75 కోట్లు, డ్వామా పరిధిలో రూ.61.39 కోట్ల మేర కేంద్రం నుంచి సాయం అందేలా చర్యలు తీసుకోవాలని వినతిపత్రం అందజేశారు. అనంతరం మండలాల్లో కేంద్ర బృందం సభ్యులు క్షేత్రస్థాయి పర్యటన కొనసాగించారు. దెబ్బతిన్న పంటలను పరిశీలించి రైతులతో ముఖాముఖి నిర్వహించారు. నేడు బత్తలపల్లి మండలంలో పర్యటన బత్తలపల్లి: కరువు అంచనా వేసేందుకు కేంద్రం బృందం మంగళవారం బత్తలపల్లి మండలంలోని బత్తలపల్లి, గుమ్మల్లకుంట, దంపెట్ల, రామాంజులపల్లి గ్రామాల్లో పర్యటించనున్నట్లు మండల ఏఓ ఓబిరెడ్డి తెలిపారు. ‘అనంత’కు రూ.280.41 కోట్లు, శ్రీసత్యసాయికి రూ.173.11 కోట్లు ఇవ్వండి అనంతపురం జిల్లా పర్యటనలో కేంద్ర కరువు బృందానికి కలెక్టర్‌ ఆనంద్‌ వినతి

విద్యార్థిని గోపిక కుటుంబ సభ్యులకు ధైర్యం చెబుతున్న వైఎస్‌ జగన్‌ మణిపాల్‌ ఆస్పత్రి వద్ద అభిమానులకు వైఎస్‌ జగన్‌ అభివాదం రాప్తాడు జెడ్పీ హైస్కూల్‌లో ఉన్మాది హేమంత్‌ ఎలక్ట్రిక్‌ రంపంతో దాడి చేయడంతో తీవ్ర గాయాలపాలై బెంగళూరు ఓల్డ్‌ హెచ్‌ఏఎల్‌ రోడ్డులోని మణిపాల్‌ ఆస్పత్రిలో చికిత్స పొందుతున్న విద్యార్థిని గోపికను సోమవారం మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి పరామర్శించారు. అండగా ఉంటామని, అధైర్యపడొద్దని కుటుంబ సభ్యులకు ధైర్యం చెప్పారు. ఆయన వెంట మాజీ మంత్రి ఉషశ్రీచరణ్‌, మాజీ ఎమ్మెల్యే తోపుదుర్తి ప్రకాష్‌రెడ్డి, మాజీ ఎంపీ గోరంట్ల మాధవ్‌ తదితరులు ఉన్నారు. – సాక్షి, పుట్టపర్తి:

● కలెక్టర్‌ ఏ శ్యాం ప్రసాద్‌ప్రశాంతి నిలయం: జిల్లాలో సుగంధ, ఔషధ మొక్కల పెంపకంపై ప్రత్యేక దృష్టి సారిస్తున్నట్లు కలెక్టర్‌ శ్యాంప్రసాద్‌ తెలిపారు. సోమవారం కలెక్టరేట్‌లో కలెక్టర్‌ శ్యాంప్రసాద్‌ అధ్యక్షతన సుగంధ,ఔషధ మొక్కల పెంపకంపై సమీక్ష నిర్వహించారు. రాష్ట్ర మెడిసినల్‌ మొక్కలు బోర్డు సీఈఓ చంద్రశేఖర్‌ సమావేశంలో ముఖ్య అతిథిగా పాల్గొన్నారు.ఈ సమావేశంలో భాగంగా మొక్కల పెంపకంలో భాగస్వాములైన వివిధ ప్రభుత్వ శాఖల అధికారులకు సుగంధ, ఔషద మొక్కల పెంపకంపై లక్ష్యాన్ని నిర్దేశించారు. ఈ పథకం ద్వారా జిల్లాలో సుమారు 1,300 నుంచి 1,500 హెక్లార్టలో మొక్కల పెంపకం చేపట్టాలని నిర్ణయించారు. ఆసక్తి గల రైతులను,అనువైన భూములను గుర్తించాలని కలెక్టర్‌ ఆదేశించారు. సమావేశంలో డీఎఫ్‌వో చక్రపాణి, సోషల్‌ ఫారెస్ట్రీ డీఎఫ్‌ఓ శ్రీనివాసులు, ఉద్యాన శాఖ అధికారి జయకుమార్‌, వ్యవసాయం డీఏఓ కృష్టయ్య, డ్వామా పీడీ విజయప్రసాద్‌, సెరికల్చర్‌ జేడీ శోభారాణి,అధికారులు పాల్గొన్నారు. 4న పంపిణీ కేంద్రాలకు చేరుకోవాలి.. జెడ్పీటీసీ, ఎంపీటీసీ ఎన్నికల విధులకు నియమించిన ఉద్యోగులు ఈనెల 4న ఉదయం 6 గంటలకే మండలాల పంపిణీ కేంద్రాలకు చేరుకోవాలని కలెక్టర్‌ ఏ శ్యాం ప్రసాద్‌ ఆదేశించారు. సోమవారం కలెక్టర్‌ ఏ.శ్యాంప్రసాద్‌ ఎన్నికల నిర్వహణపై సంబంధిత అధికారులతో సమీక్షించారు. 5న పోలింగ్‌ నేపథ్యంలో ఈ నెల 4న పీఓలు,ఓపీఓలు,ఏపీవోలు ఉదయం 6 కల్లా పంపిణీ కేంద్రాలకు చేరుకొని ఎన్నికల విధుల్లో పాల్గొనాలని అధికారులను ఆదేశించారు. హత్య కేసు నిందితుడు అరెస్టు పెనుకొండ రూరల్‌: హత్యకేసు నిందితుడిని పోలీసులు సోమవారం అరెస్టు చేశారు. వివరాలను సీఐ శేఖర్‌ విలేకరులకు వెల్లడించారు. మున్సిపాలిటీ పరిధిలోని ఇస్లాపురానికి చెందిన గొల్ల శ్రీనివాసులు వ్యవసాయం చేస్తూ జీవనం సాగిస్తున్నాడు. ఆదివారం శ్రీనివాసులు పొలం వద్దకు వెళ్తుండగా.. అదే గ్రామానికి చెందిన గొల్ల సత్యమప్ప గడారుతో మోది హత్య చేశాడు. మృతుని సోదరుడు రవీంద్రనాథ్‌ అడ్డుకునే ప్రయత్నం చేయడంతో అతనికీ గాయాలయ్యాయి. కేసు నమోదు చేసిన పోలీసులు దర్యాప్తు చేపట్టారు. నిందితుడిని హరిపురం జాతీయ రహదారిపై అదుపులోకి తీసుకున్నారు. స్థానిక కోర్టులో హాజరుపరచగా న్యాయమూర్తి రిమాండ్‌కు ఆదేశించినట్లు సీఐ తెలిపారు.

ఓడీచెరువు: ప్రజలకు మంచి చేసి ఉంటే కూటమి ప్రభుత్వానికి భయమెందుకని మాజీ ఎమ్మెల్యే దుద్దుకుంట శ్రీధర్‌ రెడ్డి ప్రశ్నించారు. మండలంలోని కొండకమర్ల, గాజుకుంటపల్లి, నల్లగుట్లపల్లి, వేమారెడ్డిపల్లి, ఎంబీక్రాస్‌, చౌడంపల్లిలో సోమవారం ఆయన పార్టీ కార్యకర్తలతో సమావేశాలు నిర్వహించారు. ఎంపీటీసీ, జెడ్పీటీసీ ఎన్నికల ప్రచార వ్యూహాలపై దిశా నిర్దేశం చేశారు. ఈ సందర్భంగా ఆయన మాట్లాడుతూ ప్రజాస్వామ్యబద్ధంగా ఎన్నికలు ఎదుర్కోవాలి గానీ టీడీపీకి ఓటు వేయకపోతే సంక్షేమ పథకాలు నిలిపివేస్తామని బెదిరింపులు ఎందుకని ‘పల్లె’ను ఉద్దేశించి ప్రశ్నించారు. సంక్షేమ పథకాలు ఆపడానికి పల్లె అబ్బ సొమ్మేమీ ఇవ్వడం లేదని, ఏ ఒక్క సంక్షేమ పథకాన్ని ఆపినా కోర్టుకీడ్చి పథకాలు తిరిగి అమలు చేయించే బాధ్యత తనదని పేర్కొన్నారు. తాను ప్రారంభించిన పనులకు మళ్లీ శిలాఫలకాలు వేయించుకుంటున్నారని ఎద్దేవా చేశారు. కూటమి నాయకులు ఎన్నికల వేళ అధికారాన్ని అడ్డు పెట్టుకుని అరాచకాలు చేస్తారన్నారు. తమ పార్టీ కార్యకర్తలు ఎవరి జోలికి వెళ్లరని, తమ జోలికి వస్తే మాత్రం సహించవద్దని, అన్నిటికీ అండగా ఉంటానని భరోసా ఇచ్చారు. మండలంలోని 14 ఎంపీటీసీలు, జెడ్పీటీసీగా రాజు నాయుడును గెలిపించి జగనన్నకు కానుకగా ఇద్దామని కోరారు. కార్యక్రమంలో మండల కన్వీనర్‌ లక్ష్మీరెడ్డి, జడ్పీటిసి అభ్యర్థి రాజునాయుడు, ఎంపిటిసి అభ్యర్థులు కుర్లి దామోదర్‌ రెడ్డి, సురేంద్రరెడ్డి, ఆనంద నాయక్‌, క్రిష్ణ వర్దన్‌, శ్యామల, అశ్వర్థమ్మ, హరిత, సహారాభాను, దివాకర్‌ రెడ్డి, భాగ్యలక్ష్మీ, శైలజ, దొడ్డెమ్మ, గంగులమ్మ, నిర్మల తదితరులు పాల్గొన్నారు.

ఎర్రవల్లి: జాతీయ రహదారి–44పై ఆగి ఉన్న డీసీఎంను కారు వెనుక నుంచి ఢీకొన్న ప్రమాదంలో ఓ వ్యక్తి మృతి చెందగా, మరొకరు గాయపడ్డారు. కోదండాపురం ఎస్‌ఐ తరుణ్‌కుమార్‌రెడ్డి తెలిపిన మేరకు.. నంబులపూలకుంట మండలం రెడ్డివారిపల్లెకు చెందిన మల్లికార్జున (39), తన బంధువుల కుమారుడు పల్లపు బాలాజీతో కలిసి ఆదివారం కారులో హైదరాబాద్‌కు బయల్దేరారు. బంధువులను అక్కడ దించి సొంతూరికి తిరిగి వెళ్తుండగా సోమవారం తెల్లవారుజామున ధర్మవరం స్టేజీ సమీపంలో నిలిపి ఉన్న డీసీఎంను కారు వెనుక నుంచి ఢీకొట్టింది. ఈ ప్రమాదంలో మల్లికార్జునకు తీవ్ర గాయాలు కాగా, బాలాజీ స్వల్పంగా గాయపడ్డారు. స్థానికులు వారిని కర్నూలు ప్రభుత్వాస్పత్రికి తరలించగా, అప్పటికే మల్లికార్జున మృతి చెందినట్లు వైద్యులు నిర్ధారించారు. మృతుడి భార్య లక్ష్మీదేవి ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. తోడేలు దాడిలో ముగ్గురికి తీవ్ర గాయాలు పావగడ: తాలూకాలోని వళ్లూరు దళితవాడ వద్ద తోడేలు దాడిలో సోమవారం ఉదయం ముగ్గురు తీవ్రంగా గాయపడ్డారు. బాధితుల వివరాల మేరకు.. స్థానిక ముత్యాలమ్మ అనే మహిళ ఊరి బయటకు సోమవారం తెల్లవారుజామున బహిర్భూమికి వెళ్లింది. ఆ సమయంలో తోడేలు ఉన్నపళంగా ఆమైపె దాడి చేసింది. ఈ దాడిలో తీవ్రంగా గాయపడింది. విషయం తెలుసుకున్న ముత్యాలమ్మ కుటుంబ సభ్యులు రామన్న, ఉష తోడేలును తరిమే ప్రయత్నం చేశారు. వారిపైనా తిరిగబడి దాడి చేసింది. గ్రామస్తులు గాయపడిన ముగ్గురిని స్థానిక ప్రభుత్వాస్పత్రికి తరలించారు. తీవ్ర గాయాలైన ముత్యాలమ్మ ను మెరుగైన చికిత్స కోసం తుమకూరు జిల్లా ప్రభుత్వాస్పత్రికి తరలించారు. కాగా, ముగ్గురిని గాయపరిచిన తోడేలు కూడా కుక్కల దాడిలో మృతి చెందడం గమనార్హం.

తనకల్లు: మండలంలోని చీకటిమానిపల్లిలో రమాదేవి అనే మహిళ మెడలోని బంగారు గొలుసును సోమవారం గుర్తు తెలియని వ్యక్తి అపహరించాడు. పోలీసులు తెలిపిన మేరకు.. గ్రామానికి చెందిన రమాదేవి తెల్లవారుజామున తన ఇంటి ముందు ముగ్గు వేస్తుండగా.. ఆమె మెడలో ఉన్న బంగారు చైన్‌ను గుర్తు తెలియని వ్యక్తి లాక్కెళ్లిపోయాడు. గమనించిన రమాదేవి గట్టిగా కేకలు వేసింది. అయితే అప్పటికే అగంతకుడు అక్కడి నుంచి ఉడాయించాడు. బంగారు గొలుసు విలువ దాదాపు రూ. 5 లక్షలు ఉంటుందని బాధితురాలు వాపోయింది. కేసు దర్యాప్తు చేస్తున్నట్లు పోలీసులు తెలిపారు. టమాటాల వాహనం బోల్తాఅమడగూరు: మండల పరిధిలోని గోపాల్‌నాయక్‌ తండా సమీపంలో బొలెరో వాహనం అదుపు తప్పి బోల్తాపడింది. ఓడీచెరువు మండలం బోగానిపల్లి, నల్లగుట్లపల్లికి చెందిన నాగిరెడ్డి, రామమోహన్‌ నాయుడు బొలెరో వాహనంలో మొలకలచెరువుకు సోమవారం టమాటాలు తరలిస్తుండగా ప్రమాదం చోటుచేసుకుంది. అందులో ప్రయాణిస్తున్న రైతులు, డ్రైవర్‌ సురక్షితంగా బయటపడ్డారు. తాగునీటి కోసం రాస్తారోకో గుడిబండ: మండలంలోని పలు గ్రామాల్లో పూజారపల్లి, ఎస్‌.రాయాపురం, కొంకల్లు గ్రామాల్లో తాగునీటి సమస్యతో అల్లాడుతున్నారు. సమస్యను అధికారులకు తెలియజేసినా పట్టించుకోలేదు. దీంతో పూజారపల్లి గ్రామ మహిళలు రోడ్డెక్కారు. సోమవారం ఖాళీ బిందెలతో మందలపల్లి నుంచి మడకశిర వైపుకు వెళ్లే రహదారిలో తాగునీటి సమస్య పరిష్కరించాలని రోడ్డుపై బైఠాయించి, నిరసన తెలియజేశారు. మహిళలు మాట్లాడుతూ గత 15 రోజులుగా గ్రామాల్లో తాగునీటి సమస్య తీవ్రంగా ఉందని, సంబంధిత శాఖ అధికారులకు పలుమార్లు విన్నపించినా పట్టించుకోలేదని ఆవేదన వ్యక్తం చేశారు. రోజూ నీటి కోసం మైళ్ల దూరం వెళ్లాల్సి వస్తోందని వాపోయారు. తక్షణమే యంత్రాంగం స్పందించకుంటే ఎంపీడీఓ కార్యాలయాన్ని ముట్టడిస్తామని హెచ్చరించారు. ఇప్పటికై నా ఉన్నత అధికారులు గ్రామంలో తాగునీటి సమస్యను తీర్చాలని గ్రామ ప్రజలు, మహిళలు కోరారు.

హిందూపురం టౌన్‌: రైల్వేస్టేషన్‌లో విక్రయదారుల దౌర్జన్యాలు హెచ్చుమీరుతున్నాయి. ప్రయాణికులపై ఏకంగా దాడి చేయబోయిన ఘటన హిందూపురం రైల్వేస్టేషన్‌లో సోమవారం చోటు చేసుకుంది. వివరాలు.. త్రివేండ్రం ఎక్స్‌ప్రెస్‌ రైలు హిందూపురం రైల్వేస్టేషన్‌లో సోమవారం మధ్యాహ్నం 3 గంటల సమయంలో ఆగింది. రైలులో ప్రయాణిస్తున్న భార్యాభర్తలు స్టేషన్‌ ప్ల్లాట్‌ఫారంపై విక్రయిస్తున్న అరటిపండ్లు కొనుగోలు చేయబోయారు. రెండు పండ్లు ఇవ్వాలని వ్యాపారిని అడిగారు. రెండు పండ్లు నేను ఇవ్వను.. ఒకటి, రెండు పండ్లు అమ్ముకునే వాడిలా కనిపిస్తున్నానా..? అంటూ ప్రయాణికులపై దుర్భాషలాడాడు. ప్రయాణికులు అతనితో వాదించగా.. విక్రయదారుడు మళ్లీ దుర్భాషలాడాడు. పత్రికలో రాయలేని మాటలతో వారిపై విరుచుకుపడ్డాడు. అరటి పండ్లు కోసే చిన్న కత్తితో వారిపై దాడి చేయడానికి యత్నించాడు. అంతటితో ఆగకుండా అక్కడే ఉన్న కట్టెతో దాడి చేయబోయాడు. కిందకు రండి మీ అంతు చూస్తానంటూ బెదిరింపు ధోరణితో ఊగిపోయాడు. స్టేషన్‌ మాస్టర్‌ సిగ్నల్‌ ఇవ్వడంతో రైలు ముందుకు వెళ్లిపోయింది. ట్రైన్‌ వెళ్లకపోయి ఉంటే అతను రైలు ప్రయాణికులపై దాడి చేసేవాడని స్థానికులు చర్చించుకున్నారు. దీనిపై రైల్వే పోలీసులు స్పందించి దురుసుగా వ్యవహరించిన అరటిపండ్ల వ్యాపారిపై చర్యలు తీసుకోవాలని ప్రయాణికులు కోరుతున్నారు. అరటిపండ్లు కోసే కత్తితో దాడి చేయబోయిన విక్రయదారుడు హిందూపురం రైల్వేస్టేషన్‌ ప్ల్లాట్‌ఫారంపై ఘటన

ఇప్పటికీ కళ్లముందే భయానక ఘటనఅనంతపురం ఎడ్యుకేషన్‌: అదో విద్యాలయం.. ఉదయం పది గంటల సమయం.. తరగతి గది అంతా నిశ్శబ్దం.. ఉపాధ్యాయిని పాఠం బోధిస్తోంది.. విద్యార్థినులంతా చక్కగా వింటుంటే.. అంతలోనే నిశ్శబ్దంగా ఉన్న గదిలో ఒక్కసారిగా అలజడి...అందరూ ఉలిక్కి పడి వెనక్కి చూశారు.. కరెంటు రంపంతో తలుపును కోస్తున్నట్లు కనిపించింది.. విషయాన్ని తేలికగా తీసుకున్న విద్యార్థులు..యధావిధిగా పాఠంలో పడిపోయారు.. ఉన్నపళంగా ఒక్క ఉదుటన ఉన్మాది బాలికల వైపు దూసుకొచ్చాడు.. ఓ విద్యార్థినిపై దాడికి తెగబడ్డాడు.. ఏమైందో..ఏం జరుగుతోందో.. తేరుకునేలోపే రక్తం ధారల్లా చిమ్ముతోంది.. గది అంతా హాహాకారాలు.. ఆర్తనాదాలు.. అంతలోనే సాహస‘లక్ష్మి’గా వీరోచితంగా తిరగబడింది.. తోటి స్నేహితురాలిపై ఉన్మాది దాడిని ప్రతిఘటించింది.. అడ్డుకోయిన ఆమైపెనా దాడికి తెగబడ్డాడు.. రక్తపుమడుగులో నిస్సహాయంగా పడి ఉన్న బాలికను చూసి.. ఉన్మాది అక్కడి నుంచి ఉడాయించాడు.. ప్రశాంతంగా ఉన్న పాఠశాలలో జరిగిన ఈ ఘాతుకం.. దావానంలా వ్యాపించింది.. భయానికి తలవంచని బాలిక తెగువ.. మానవత్వం, ఆమె సాహసాన్ని ఎందరో ప్రశంసిస్తున్నారు. ఇద్దరిదీ విడదీయలేని స్నేహం రాప్తాడు మండలం అయ్యవారిపల్లికి చెందిన వెంకటరాముడు, నరసమ్మ కుమార్తె గోపిక, రాప్తాడు నాగరాజు, రమాదేవి కుమార్తె లక్ష్మి ఆరోతరగతి నుంచే స్నేహంగా ఉంటున్నారు. పాఠశాలలోనూ పక్కపక్కనే కూర్చునేవారు. ప్రతి విషయాన్ని ఒకరితో ఒకరు పంచుకునేవారు. ఇద్దరి మధ్య ఎంతో ఆత్మీయత ఉంది. కళ్ల ముందే ప్రాణస్నేహితురాలిపై దాడి జరుగుతుంటే లక్ష్మీ తట్టుకోలేకపోయింది. ప్రాణభయంతో పరుగులు.. ఉన్మాది తరగతి గదిలోకి ఎలక్ట్రిక్‌ రంపంతో చొరబడి తలుపును కట్‌ చేసిన అనంతరం నేరుగా గోపిక వద్దకు వెళ్లి ఆమె మెడపై దాడి చేశాడు. అనుకోకుండా జరిగిన ఈ ఘటనతో తరగతి గదిలోని విద్యార్థినులంతా భయంతో బయటకు పరుగులు తీశారు. ఉపాధ్యాయిని కూడా అక్కడి నుంచి వెళ్లిపోయారు. కానీ, స్నేహితురాలు లక్ష్మి మాత్రం తన ప్రాణాన్ని పణంగా పెట్టి ఉన్మాది దాడిని అడ్డుకుంది. స్నేహితురాలి ప్రాణాలను కాపాడాలన్న ఆరాటంతో ఉన్మాది దాడిని అడ్డుకునేందుకు వీరోచితంగా యత్నించింది. స్నేహితురాలిని కాపాడబోయి.. తన దాడిని అడ్డుకునేందుకు ప్రయత్నించిన లక్ష్మిపై కూడా ఆగ్రహంతో ఉన్మాది రంపంతో దాడి చేశాడు. దీంతో ఆమె కూడా గాయపడింది. ప్రస్తుతం ఆస్పత్రిలో చికిత్స పొందుతోంది. ప్రాణభయంతో ఎవరూ సాహసం చేసి ముందుకు వెళ్లలేని ఘటన.. అయినా ఆ బాలిక వెనక్కి తగ్గకుండా తన స్నేహితురాలి ప్రాణాలు కాపాడేందుకు తన ప్రాణాలను సైతం లెక్కచేయకుండా ఎదురొడ్డి నిలవడం అందరినీ ఆశ్చర్యపరుస్తోంది. తనకేమవుతుందోనన్న ఆలోచన కంటే స్నేహితురాలి ప్రాణాలను కాపాడాలన్న తపనే ఆ సమయంలో లక్ష్మిలో కనిపించింది. స్నేహానికి నిదర్శనం.. సమాజానికి స్ఫూర్తి సాధారణంగా ప్రమాదం ఎదురైనప్పుడు ప్రాణభయంతో మనుషులు తమను తాము కాపాడుకునేందుకు ప్రయత్నిస్తారు. అలాంటిది ఓ పాఠశాలలో కళ్ల ముందే స్నేహితురాలిపై రంపంతో దాడి జరుగుతుంటే అందరూ భయంతో పరుగులు తీసిన వేళ.. లక్ష్మీ మాత్రం తన ప్రాణాలను పణంగా పెట్టి అడ్డుకునేందుకు యత్నిం చింది. ఆమె చేసింది సాహసం మాత్రమే కాదు.. స్నేహానికి, ఆత్మీయతకు, తోటి బాలిక పట్ల బాధ్యతకు నిలువెత్తు నిదర్శనం. స్నేహితురాలి ప్రాణాలు కాపాడేందుకు ఉన్మాదిపై తిరగబడిన బాలిక రక్తం చిందుతున్నా వీరోచితంగా ప్రతిఘటన లక్ష్మిని వెంటాడుతున్న భయానక జ్ఞాపకం బాలిక ధైర్యసాహసాలకు వెల్లువెత్తుతున్న ప్రశంసలు తన స్నేహితురాలిని కాపాడేందుకు ప్రయత్నించిన సందర్భాన్ని లక్ష్మీ గుర్తు చేసుకుంటూ కన్నీటి పర్యంతమైంది. ‘ నా కళ్ల ముందే నా స్నేహితురాలిపై ఎలక్ట్రిక్‌ రంపంతో దాడి చేస్తుంటే చూడలేకపోయాను.. నాకు ఏమవుతుందో కూడా ఆలోచించకుండా తెగించి అడ్డుకోబోయా. బైక్‌పై వచ్చిన ఉన్మాది.. ఎలక్ట్రిక్‌ రంపాన్ని పాఠశాల ఆవరణలోనే ఆన్‌ చేసుకొని లోపలికి చొరబడ్డాడు. వచ్చీరాగానే తరగతి గది తలుపును కట్‌ చేశాడు. ఏదైనా పని చేస్తారేమోనని మొదట అందరం చూస్తుండిపోయాం. కానీ నేరుగా మా వద్దకు వచ్చి గోపిక మెడపై రంపం పెట్టాడు. భయంతో మా స్నేహితులంతా బయటకు పరుగులు తీశారు. నేను ఆ దృశ్యాన్ని చూడలేక, నా స్నేహితురాలిని పక్కకు నెట్టే ప్రయత్నం చేశా. దీంతో నా పైనా దాడి చేశాడు. ఆ సమయంలో నాకు భయం అనిపించలేదు. కానీ ఇప్పుడు తలచుకుంటేనే భయమేస్తోంది. ఇప్పటికీ నా కళ్ల ముందు ఘటనే కదలాడుతోంది. పాపం.. నాఫ్రెండ్‌.. ఆ బాధను ఎలా భరించిందో..అంటూ కన్నీటి పర్యంతమవుతోంది.

అనంతపురం సిటీ: రాప్తాడులో ఉన్మాది హేమంత్‌ జరిపిన రంపం దాడిలో తీవ్రంగా గాయపడిన లక్ష్మీకి అనంతపురం జీజీహెచ్‌ ఆర్థో విభాగం వైద్యులు సోమవారం శస్త్రచికిత్స చేశారు. రాప్తాడు పాఠశాల విద్యార్థిని గోపికపై హేమంత్‌ దాడి చేస్తున్న సమయంలో లక్ష్మీ ధైర్యంగా ఎదుర్కొన్న విషయం విదితమే. హేమంత్‌ దాడిని అడ్డుకునే క్రమంలో ఎలక్ట్రిక్‌ రంపం తగిలి లక్ష్మీ కాళ్లకు లోతైన గాయాలయ్యాయి. ఘటన అనంతరం జీజీహెచ్‌లో అడ్మిషన్‌లో ఉన్న లక్ష్మీకి సోమవారం ఉదయం ఆర్థో విభాగం అసోసియేట్‌ ప్రొఫెసర్‌ డాక్టర్‌ బీఎండీ గౌస్‌ నేతృత్వంలో అనస్థీషియా డాక్టర్‌ మధుసూదన్‌, అసోసియేట్‌ ప్రొఫెసర్‌ డాక్టర్‌ నాగరాజు నాయక్‌, డాక్టర్‌ సౌజన్య, ఆర్థో, అనస్థీషియా విభాగం పీజీలు, ఓటీ సిబ్బంది దాదాపు రెండు గంటలకు పైగా శ్రమించి శస్త్రచికిత్సను విజయవంతంగా పూర్తి చేశారు. బాలిక పాదంలో తెగిన నరాలు, బొటనవేలి సమీపంలో జాయింట్‌ను శస్త్రచికిత్సలో సరిచేశారు. ఆర్థో విభాగం వైద్యులను జీజీహెచ్‌ ఉన్నతాధికారులు అభినందించారు. ప్రస్తుతం బాలిక ఆరోగ్యం నిలకడగా ఉందని వైద్యులు తెలిపారు.

● ఆస్పత్రిలో చికిత్స పొందుతూ తండ్రి మృతి పావగడ: తాలూకాలోని తిమ్మమ్మనహళ్లిలో విషాదఛాయలు అలుముకున్నాయి. వివరాలు.. తిమ్మమ్మనహళ్లికి చెందిన తండ్రి రామాంజినప్ప, కుమారుడు చరణ్‌ కదిరి నరసింహస్వామి దర్శనానికి వెళ్లి తిరిగి వెళ్తుండగా.. కదిరికి ఆరు కిలోమీటర్ల దూరంలో టాటా ఏస్‌ వాహనం టైర్‌ పేలి వాహనం రోడ్డు పక్కనున్న డివైడర్‌ను ఢీకొని బోల్తా పడింది. ఈ ప్రమాదంలో తండ్రి రామాంజినప్ప తీవ్రంగా గాయపడ్డాడు. కుమారుడు చరణ్‌ ఘటనా స్థలంలోనే ప్రాణాలు కోల్పోయాడు. అనంతపురం ఆస్పత్రిలో చికిత్స పొందుతూ రామాంజినప్ప మృతి చెందాడు. అంత్యక్రియలు గ్రామంలో సోమవారం సాయంత్రం నిర్వహించారు. ఈ ఘటనతో గ్రామంలో విషాదఛాయలు అలుముకున్నాయి. గుర్తు తెలియని శవం లభ్యం సోమందేపల్లి(పరిగి):సోమందేపల్లి మండలంలో సోమవారం సాయంత్రం గుర్తు తెలియని మృతదేహాన్ని స్థానికులు గుర్తించారు. మండలంలోని గుడిపల్లి పవర్‌ ఇండస్ట్రియల్‌ ఏరియా పరిధి బెల్‌ కంపెనీ కాంపౌండ్‌ వద్ద విగతజీవిగా పడి ఉన్న గుర్తు తెలియని శవాన్ని గుర్తించిన స్థానికులు పోలీసులకు సమాచారం ఇచ్చారు. అక్కడికి చేరుకున్న పోలీసులు విచారణ అనంతరం అనాథ శవంగా పేర్కొన్నారు.

అరాచకం రాజ్యమేలింది. ప్రజాస్వామ్యం ఖూనీ అయ్యింది. కూటమి దాష్టీకాలు పతాకస్థాయికి చేరాయి. ఎన్నికలు అపహాస్యమయ్యాయి. హామీలు నెరవేర్చి..ప్రజల హృదయాలు గెలుచుకోవడం చేతగాని పాలకులు కుటిల నీతితో వ్యవహరించారు. ఎన్నికల యంత్రాంగాన్ని, పోలీసు వ్యవస్థను గుప్పిట్లో పెట్టుకుని దాడులు, దౌర్జన్యాలు, ఓట్ల రిగ్గింగ్‌ను ప్రోత్సహించారు. మున్సి‘పోల్స్‌’లో ఓటర్ల తీర్పునకు విలువ లేకుండా చేశారు. ఆదివారం జరిగిన మునిసిపల్‌ ఎన్నికల పోలింగ్‌ సందర్భంగా అనంతపురం నగర పాలక సంస్థతో పాటు తాడిపత్రి, కళ్యాణదుర్గం తదితర ప్రాంతాల్లో అధికార పార్టీ దాష్టీకాలు చూసి ప్రజలు భీతిల్లిపోయారు. అనంతపురం: ఓటమి భయం వెన్నులో వణుకు పుట్టిస్తుండడంతో అధికార కూటమి పార్టీలు అనంతపురం నగర పాలక సంస్థ ఎన్నికల్లో అరాచకానికి తెరలేపాయి. పోలింగ్‌ కేంద్రాలను టీడీపీ, బీజేపీ గూండాలు రాజకీయ క్రీడా మైదానాలుగా, అక్రమాల అడ్డాగా మార్చేశారు. ● 30వ డివిజన్‌లోని 30/3 పోలింగ్‌ కేంద్రంలో రిగ్గింగ్‌ జరిగింది. హమాలీ కాలనీలోని బీఆర్‌ అంబేడ్కర్‌ నగర పాలక యూపీ పాఠశాలలోని పోలింగ్‌ కేంద్రం వద్దకు వైఎస్సార్‌ కడపకు చెందిన చిన్నా అనే వ్యక్తి, బీజేపీ అభ్యర్థి అశోక్‌రెడ్డికి పోలింగ్‌ ఏజెంట్‌ ఉన్న ఆదిశేషు పోలింగ్‌బూత్‌లోకి చొచ్చుకెళ్లి.. సిబ్బందిని, ఏజెంట్లను బయటకు పంపి.. తలుపులు మూసివేసి బ్యాలెటర్‌ పేపర్లను తీసుకుని రిగ్గింగ్‌కు పాల్పడ్డారు. ● 31వ డివిజన్‌లో టీడీపీ కార్పొరేటర్‌ అభ్యర్థి బొమ్మినేని శివ యల్లనూరు మండలం నుంచి భారీగా మహిళలను రప్పించి దొంగ ఓట్లు వేయించేందుకు ప్రయత్నించారు. వైఎస్సార్‌సీపీ నాయకులు, కార్యకర్తలతో పాటు కార్పొరేటర్‌ అభ్యర్థి నాగార్జునరెడ్డి గుర్తించి అడ్డుకోవడంతో ఉద్రిక్తత నెలకొంది. అదే సమయంలో బీజేపీ మేయర్‌ అభ్యర్థి అజేష్‌బాబు అక్కడకు చేరుకుని ఘర్షణలకు ఆజ్యం పోశారు. విషయం తెలుసుకున్న వైఎస్సార్‌సీపీ జిల్లా అధ్యక్షుడు అనంత వెంకట్రామిరెడ్డి, మేయర్‌ అభ్యర్థి రమేష్‌గౌడ్‌, తదితరులు అక్కడకు చేరుకోగా.. పోలీసులు అత్యుత్సాహంతో వారిని అక్కడి నుంచి తోసేసి.. రిగ్గింగ్‌కు అవకాశం కల్పించారు. ఇదే డివిజన్‌లో ఎమ్మెల్యే దగ్గుపాటి ప్రసాద్‌ తన అనుచరులను లోపలికి పంపించి రిగ్గింగ్‌కు ప్రయత్నించాడు. ఈ క్రమంలో వైఎస్సార్‌సీపీ మహిళా నేతలు అడ్డుకుని..తిరగబడ్డారు. దీంతో ఎమ్మెల్యే వెనుదిరగాల్సి వచ్చింది. ఏజెంట్‌, అభ్యర్థులు, నాయకులపై దాడులు నగరంలోని 40వ డివిజన్‌ గుడ్‌ చిల్డ్రన్స్‌ స్కూల్‌ పోలింగ్‌ కేంద్రం వద్ద టీడీపీ నేతలు అనంతపురం రూరల్‌, ఆత్మకూరు, రాప్తాడు, కనగానపల్లి, చెన్నేకొత్తపల్లి మండలాలకు చెందిన వారిని రప్పించి రిగ్గింగ్‌కు యత్నించడంతో పాటు వైఎస్సార్‌సీపీ ఏజెంట్‌ లోకనాథ్‌పై దాడి చేశారు. ఈ విషయం తెలుసుకున్న వైఎస్సార్‌సీపీ జిల్లా అధ్యక్షుడు అనంత అక్కడికి చేరుకుని పోలీసుల వైఖరిపై తీవ్ర ఆగ్రహం వ్యక్తం చేశారు. అక్కడ జరిగిన తోపులాటలో వైఎస్సార్‌సీపీ జిల్లా ఉపాధ్యక్షుడు కొండ్రెడ్డి ప్రకాష్‌రెడ్డి చేతికి గాయమైంది. అలాగే 45వ డివిజన్‌ జ్ఞాన సరస్వతి స్కూల్‌ పోలింగ్‌ కేంద్రం వద్ద టీడీపీ శ్రేణుల దౌర్జన్యాన్ని అడ్డుకోబోయిన వైఎస్సార్‌సీపీ కార్పొరేటర్‌ అభ్యర్థి అనిల్‌కుమార్‌రెడ్డి, ఆయన సోదరుడు విశ్వనాథరెడ్డి, తండ్రి రామాంజనేయులరెడ్డిపై మద్యం మత్తులో ఉన్న టీడీపీ శ్రేణులు విచక్షణారహితంగా దాడి చేశారు. 39వ డివిజన్‌ వైఎస్సార్‌సీపీ కార్పొరేటర్‌ అభ్యర్థి సాకే చంద్రశేఖర్‌ ఇంటిపై మాజీ డిప్యూటీ మేయర్‌ గంపన్న వర్గీయులు ఇటుకలు, రాళ్లతో దాడికి తెగబడ్డారు. బ్యాలెట్‌ బాక్సులు ఎత్తుకెళ్లే యత్నం కోర్టు రోడ్డులోని శ్రీ చైతన్య స్కూల్‌లోని పోలింగ్‌ బూత్‌ నుంచి బ్యాలెట్‌ బాక్సులను ఎత్తుకెళ్లేందుకు టీడీపీ అల్లరి మూకలు ప్రయత్నించాయి. ఇంతలో స్పెషల్‌ పార్టీ పోలీసులు వారిని అదుపులోకి తీసుకున్నారు. 1, 23, 30, 61 డివిజన్లలోనూ వైఎస్సార్‌సీపీ ఏజెంట్లను బయటకు నెట్టేసి.. రిగ్గింగ్‌కు పాల్పడ్డారని అభ్యర్థులు ఆందోళన చేపట్టారు. 30వ డివిజన్‌లో వైఎస్సార్‌సీపీ మేయర్‌ అభ్యర్థి రమేష్‌ గౌడ్‌, కార్పొరేటర్‌ అభ్యర్థి వెన్నం శివారెడ్డి నిరసనకు దిగగా.. పోలీసులు లాఠీచార్జ్‌ చేశారు. స్థానికేతరులతో సైక్లింగ్‌ అనంతపురం ఎడ్యుకేషన్‌: మున్సిపల్‌ ఎన్నికల్లో కూటమి నేతలు ఇతర ప్రాంతాలకు చెందిన వారిని రప్పించి రిగ్గింగ్‌కు పాల్పడ్డారు. 48వ డివిజన్‌లో టీడీపీ శ్రేణులు దొంగ ఓట్లు వేస్తుండటాన్ని వైఎస్సార్‌సీపీ కార్పొరేటర్‌ అభ్యర్థి చింతకుంట మధు గమనించి అడ్డుకున్నారు. ఆగ్రహించిన టీడీపీ శ్రేణులు ‘మా ప్రభుత్వంలో మేము దొంగ ఓట్లు వేయించుకోకూడదా?’ అంటూ దాడికి దిగారు. దొంగ ఓట్లను ‘దండు’కున్నారు.. 41వ డివిజన్‌లో టీడీపీకి చెందిన ‘చంద్ర దండు’ ప్రకాష్‌నాయుడు దగ్గరుండి దొంగ ఓట్లు వేయించారు. అనంతపురం రూరల్‌ మండలం పాపంపేట, పిల్లిగుండ్లకాలనీతో పాటు ఆత్మకూరు మండలం నుంచి పెద్ద ఎత్తున దొంగ ఓటర్లను రప్పించి ఓట్లు సైక్లింగ్‌ చేయించారు. అక్రమాలను వైఎస్సార్‌సీపీ, స్వతంత్ర అభ్యర్థులు అడ్డుకునేందుకు ప్రయత్నించడంతో ఉద్రిక్త పరిస్థితులు నెలకొన్నాయి. ఈ క్రమంలో స్వతంత్ర అభ్యర్థిపై ప్రకాష్‌నాయుడు దాడికి యత్నించాడు. గంగారాం.. వీరంగం.. 40వ డివిజన్‌లో టీడీపీ నాయకుడు గంగారాం వీరంగం సృష్టించాడు. పోలింగ్‌ బూత్‌లను పూర్తిగా తమ ఆధీనంలోకి తీసుకున్నారని, టీడీపీ కార్యకర్తలు లోపలికి వెళ్లి దొంగ ఓట్లు వేశారని వైఎస్సార్‌సీపీ నేతలు విమర్శించారు. ఈ అక్రమాలను అడ్డుకునేందుకు ప్రయత్నించిన వైఎస్సార్‌సీపీ ఏజెంట్‌ గవ్వల లోకనాథ్‌పై ఎమ్మెల్యే దగ్గుపాటి అనుచరులు దాడి చేశారు. తాడిపత్రిలో యథేచ్ఛగా రిగ్గింగ్‌ తాడిపత్రిటౌన్‌: పోలీసుల సహకారం.. అధికార టీడీపీ నేతల అరాచకం నడుమ తాడిపత్రి మున్సిపల్‌ ఎన్నికల్లో రిగ్గింగ్‌ యథేచ్ఛగా జరిగింది. ఉదయం ఏడు గంటలకే పట్టణ పోలీస్‌ స్టేషన్‌కు కూతవేటు దూరంలో ఉన్న 5వ వార్డు పోలింగ్‌ కేంద్రం వద్ద ఓటేసేందుకు వెళ్లిన వైఎస్సార్‌సీపీ నాయకుడు హాజీపై పోలీసుల ఎదుటే నడి రోడ్డుపై ‘పచ్చ’ మూకలు దాడి చేసి గాయపరిచాయి. పోలింగ్‌ కేంద్రాల బయట మకాం వేసి.. ప్రతిపక్ష వైఎస్సార్‌సీపీ నాయకులు, కార్యకర్తలు, అభ్యర్థులు, సానుభూతిపరులను పోలింగ్‌ కేంద్రాల దరిదాపులకు రాకుండా కట్టడి చేశారు. 48 మున్సిపల్‌ వార్డులకు గాను రెండు, మూడు వార్డులు మినహా మిగిలిన ఏ వార్డులోనూ వైఎస్సార్‌సీపీ పోలింగ్‌ ఏజెంట్లు కూర్చోలేకపోయారు.

రొద్దం: ఓటమి భయంతోనే టీడీపీ అరాచకాలకు, అన్యాయాలకు పాల్పడుతోందని వైఎస్సార్‌సీపీ జిల్లా అధ్యక్షురాలు, మాజీ మంత్రి ఉషశ్రీచరణ్‌ విమర్శించారు. ఆదివారం పెనుకొండ పట్టణంలోని తన కార్యాలయంలో ఆమె విలేకరులతో మాట్లాడారు. ప్రజాస్వామ్య హక్కులను కాలరాస్తూ ప్రతిపక్షనేతలను అడ్డుకోవడం సరికాదన్నారు. ప్రజల మద్దతుతో వైఎస్సార్‌సీపీ ముందుకు సాగుతుంటే టీడీపీ నాయకులు భయంతో అక్రమ చర్యలకు పాల్పడుతున్నారని మండిపడ్డారు. దీనికి ప్రజలే తగిన సమాధానం చెబుతారన్నారు. పులివెందులలో ప్రజాస్వామ్యం అపహాస్యమైందని, ప్రతిపక్షనేతను అడ్డుకోవడం వారి అరాచకాలకు నిదర్శనమన్నారు. జగన్‌ను విమర్శించే స్థాయా నీది? రాష్ట్రంలో జరుగుతున్న అరాచకాలను కప్పిపుచ్చాలనుకుంటే ప్రజలు ఎవరు నమ్మరని, వైఎస్సార్‌సీపీ అధినేత వైఎస్‌ జగన్‌ని విమర్శించే స్థాయి మంత్రి సవితకు లేదన్నారు. ఓటమి భయంతో గోరంట్లలో వైఎస్సార్‌సీపీ అభ్యర్థులకు సంబంధించి నామినేషన్‌ పత్రాలను నీ అనుచరుడు సుబ్బారెడ్డి ఆర్‌ఓ చేతిలో నుంచి తీసుకొని చింపేసిన దృశ్యాలను అందరూ చూశారని పేర్కొన్నారు. ప్రజల మద్దతుతో గెలవలేక కూటమి నాయకులు ఎన్నికల్లో అరాచకాలకు పాల్పడుతున్నారన్నారు.

కదిరి టౌన్‌: వైఎస్సార్‌సీపీ పట్టణాధ్యక్షుడు షేక్‌ బాబ్జాన్‌ను పోలీసులు అక్రమంగా అరెస్టు చేశారు. ఆదివారం పట్టణంలోని 18వ వార్డు పోలింగ్‌ కేంద్రం వద్దకు కొందరు మహిళలు బురఖా వేసుకొని వచ్చి దొంగ ఓట్లు వేస్తున్నారు. గమనించిన షేక్‌ బాబ్జాన్‌ విషయాన్ని కదిరి రూరల్‌ సర్కిల్‌ ఇన్‌స్పెక్టర్‌ నాగేంద్రకు చెప్పాడు. దీనికి ఆయన స్పందించకపోవడంతో దొంగ ఓట్లు వేస్తున్న మహిళలను షేక్‌ బాబ్జాన్‌ అడ్డుకున్నాడు. దీంతో సీఐ నాగేంద్ర షేక్‌ బాబ్జాన్‌ను అక్రమంగా అరెస్టు చేశారు. దొంగ ఓటర్లను అడ్డుకోకపోగా తమ నాయకుడిని ఎలా అరెస్టు చేస్తారంటూ వైఎస్సార్‌సీపీ నాయకులు, కార్యకర్తలు పోలీసు జీపు ముందు నిరసన తెలిపారు. అనంతరం బాబ్జాన్‌ను పట్టణ పోలీస్‌స్టేషన్‌కు తరలించి సొంత పూచికత్తుపై విడిచిపెట్టారు. వైఎస్సార్‌సీపీ నాయకులపై దాడి మున్సిపల్‌ పరిధిలోని నిజాంవలీ కాలనీలో 18 వార్డుకు చెందిన వైఎస్సార్‌సీపీ నాయకులు మైను, ప్యారి, షబ్బీర్‌, నదీమ్‌పై టీడీపీ నాయకులు హైదర్‌వలీ, జావీదు, మౌలాలి, టకాఫ్‌ బాబా, అద్దు, జబ్బీర్‌, ఖాదర్‌, సిద్ధిక్‌ దాడి చేశారు. అలాగే వైఎస్సార్‌సీపీ పట్టణాధ్యక్షుడు బాబ్జాన్‌ ఇంట్లోకి చొరబడి మహిళలపై దాడి చేశారు. దాడిలో ప్యారి, మైను, షబ్బీర్‌, నదీమ్‌కు తీవ్ర గాయాలయ్యాయి. వెంటనే వారిని కదిరి ఆస్పత్రికి తరలించారు. కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు. పరామర్శించిన బీఎస్‌ మక్బూల్‌ దాడి జరిగిన విషయం తెలుసుకున్న కదిరి నియోజకవర్గ సమన్వయకర్త బీఎస్‌ మక్బూల్‌ పార్టీ నేత బాబ్జాన్‌ ఇంటి వద్దకు వెళ్లి మహిళలను, దాడిలో గాయపడి ఆస్పత్రిలో చికిత్స పొందుతున్న వారిని పరామర్శించారు. అనంతరం బీఎస్‌ మక్బూల్‌ మాట్లాడుతూ మాజీ మున్సిపల్‌ చైర్‌పర్సన్‌ కుటుంబంపై దాడి చేయడం అమానుషమన్నారు. ఓటమి భయంతోనే టీడీపీ నేతలు అరాచకాలకు తెరలేపారన్నారు. మహిళలు, చిన్నారులపై దాడి చేయడం సిగ్గుచేటన్నారు. దాడి ఘటనకు కారణమైన కదిరి రూరల్‌ సీఐ నాగేంద్రను సస్పెండ్‌ చేయాలని డిమాండ్‌ చేశారు. ఆయనపై ఎస్పీకి ఫిర్యాదు చేస్తామన్నారు. మాజీ ఎమ్మెల్యే అత్తార్‌ చాంద్‌బాషా, వైఎస్సార్‌సీపీ రాష్ట్ర కార్యదర్శి పూలశ్రీనివాసరెడ్డి, పీఏసీ సభ్యులు ఎస్‌ఎండీ ఇస్మాయిల్‌, రాష్ట్ర ఎస్‌ఈసీ సభ్యులు డాక్టర్‌ బత్తల హరిప్రసాద్‌, మైనార్టీ రాష్ట్ర ప్రధాన కార్యదర్శి సాదత్‌అలీఖాన్‌ పాల్గొన్నారు.

పుట్టపర్తి: పుట్టపర్తి మున్సిపాలిటీకి జరిగిన ఎన్నికల్లో ఓడిపోతామని తెలిసి టీడీపీ నేతలు బ్యాలెట్‌ పేపర్లను కలర్‌ జిరాక్సులు తీయించి ఒక్కో పోలింగ్‌ బూత్‌లో 100 నుంచి 200 వరకూ దొంగ ఓట్లు వేయించారని మాజీ ఎమ్మెల్యే దుద్దుకుంట శ్రీధర్‌రెడ్డి విమర్శించారు. ఆదివారం పట్టణంలోని పార్టీ కార్యాలయంలో ఆయన విలేకరులతో మాట్లాడారు. పుట్టపర్తి పక్కనే ఉన్న బుక్కపట్నం, కొత్తచెరువు మండల కేంద్రాల్లో ఉన్న జిరాక్స్‌, స్కానింగ్‌ సెంటర్లలో బ్యాలెట్‌ పత్రం (సీరియల్‌ నంబర్‌ 0007441)ను కలర్‌ జిరాక్సులు తీయించారన్నారు. బుక్కపట్నంలోని పోలీస్‌స్టేషన్‌ పక్కనే ఉన్న కలర్‌ జిరాక్సు సెంటర్‌ ద్వారా తీసిన పత్రాలతో 7వ వార్డు కౌన్సిలర్‌ అభ్యర్థి గెలుపు కోసం దొంగ ఓట్లు వేసి హైటెక్‌ దొంగలుగా మారారని ఆగ్రహం వ్యక్తం చేశారు. ప్రతి వార్డులోనూ ఇదే విధంగా దొంగ ఓట్లు వేశారన్నారు. దీనిపై వెంటనే కేంద్ర, రాష్ట్ర ఎన్నికల కమిషన్‌కు, డీజీపీకి, జిల్లా ఎన్నికల అధికారికి , స్థానిక రిటర్నింగ్‌ అధికారికి ఫిర్యాదు చేసినట్లు చెప్పారు. ఓడిపోతామనే ఇలా దొంగ ఓట్ల సంస్కృతికి పాల్పడినట్లు మండిపడ్డారు. బుక్కపట్నం నుంచి పుట్టపర్తికి వచ్చిన ఓ టీడీపీ నాయకుడే దీనికి కారణమన్నారు. విచారణ జరిపి కఠిన చర్యలు తీసుకోవాలన్నారు. ఈ విషయం తెలియగానే పోలీసులు పుట్టపర్తి, కొత్తచెరువు, బుక్కపట్నం మండలాల్లోని జిరాక్సు, స్కానింగ్‌ సెంటర్లను మూసివేయించారని పేర్కొన్నారు. కూటమి నేతలు చిత్తు చిత్తుగా ఓడిపోతున్నారని ప్రజలకు తెలిసిపోయిందన్నారు. ఇదే విధానాన్ని వచ్చే జెడ్పీటీసీ, ఎంపీటీసీ ఎన్నికల్లో సైతం కొనసాగిస్తారని తస్మాత్‌ జాగ్రత్త అంటూ వైఎస్సార్‌సీపీ శ్రేణులకు, సంబంధిత అధికారులకు సూచించారు. కలర్‌ జిరాక్సు బ్యాలెట్‌ పేపర్ల తతంగం సీఎం చంద్రబాబు, స్థానిక ఎమ్మెల్యే పల్లె సింధూర, మాజీ ఎమ్మెల్యే పల్లె రఘునాథరెడ్డి కనుసన్నల్లోనే జరిగిందన్నారు. అధికారులు తగిన చర్యలు తీసుకోకపోతే ఆందోళనలకు సిద్ధమవుతామన్నారు. ఓడిపోతామని తెలిసే టీడీపీ నేతలు బరి తెగించారు చర్యలు తీసుకోకపోతే ఆందోళనలు చేస్తాం పుట్టపర్తి మాజీ ఎమ్మెల్యే శ్రీధర్‌రెడ్డి

కళ్యాణదుర్గం: మున్సిపల్‌ ఎన్నికల్లో అధికార టీడీపీ ఓటమి భయంతో అడ్డదారులు తొక్కింది. అభ్యర్థులను గెలిపించుకునేందుకు రిగ్గింగ్‌కు పాల్పడింది. కళ్యాణదుర్గంలో వైఎస్సార్‌సీపీకి పట్టు ఉన్న వార్డుల్లో ఓసారి ఎమ్మెల్యే అమిలినేని సురేంద్రబాబు, మరోసారి ఆయన తనయుడు యశ్వంత్‌, ఇంకోసారి వ్యక్తిగత కార్యదర్శి రాకేష్‌, టీడీపీ జెడ్పీటీసీ అభ్యర్థి గోళ్ల వెంకటేశులు, టీడీపీ నాయకులు డిష్‌ మురళి, అబ్దుల్‌ రహీం, ప్రకాష్‌తో పాటు పలువురు టీంలుగా ఏర్పడి దొంగ ఓట్లు వేయించేందుకు యత్నించారు. దొడగట్టలోని ఒకటి, రెండు వార్డుల్లో ఎమ్మెల్యే చాటున 40 మంది పార్టీ శ్రేణులో పోలింగ్‌ కేంద్రాల్లోకి చొరబడి రిగ్గింగ్‌ చేశారని వైఎస్సార్‌సీపీ నాయకులు ఆందోళనకు దిగారు. ఈ క్రమంలో టీడీపీ, వైఎస్సార్‌సీపీ శ్రేణుల మధ్య తోపులాట జరిగింది.

వెన్నపూసపల్లిలో.. అనంతపురం : ఎల్లనూరు మండలంలో జేసీ అనుచరుల ఆగడాలు శ్రుతిమించి పోతున్నాయి. స్థానిక ఎన్నికల వేళ మండలంలోని గ్రామాల్లో ప్రశాంత వాతావరణాన్ని దెబ్బతీసేలా జేసీ గూండాలు దుశ్చర్యలకు పాల్పడుతున్నారు. ఆదివారం ఎల్లనూరు మండలం వెన్నపూసపల్లిలో తీవ్ర ఉద్రిక్తతలు నెలకొన్నాయి. గ్రామంలో ఉన్న టీడీపీ గూండాలు వైఎస్సార్‌సీపీ నాయకులను భయభ్రాంతులకు గురిచేసేలా దాడులకు తెగబడ్డారు. అలానే భోగాతి నారాయణరెడ్డి వర్గీయులకు చెందిన కార్లను ధ్వంసం చేశారు. ఆదివారం గ్రామంలో టీడీపీ అభ్యర్థులు ప్రచారం చేశారు. ప్రచారం పూర్తయ్యాక కూడా డ్రమ్స్‌తో ఊరేగింపు చేస్తుండగా అదే సమయంలో వైఎస్సార్‌సీపీ నాయకుడు రామేశ్వరరెడ్డి పాల కోసం వెళ్తుంటే ఎదురుగా వస్తున్న టీడీపీ నాయకుడు గంగా రాజేష్‌రెడ్డి, అనుచరులతో కలిసి కర్రలతో దాడికి దిగారు. దాడిని అడ్డుకోబోయిన భార్య రమాదేవి పైనా దాడి చేయడమే కాక సర్దిచెబుతున్న కూతురు దుస్తులు చించేసినట్టు తెలుస్తోంది. అదే విధంగా అల్లుడు సుధాకర్‌రెడ్డికి చెందిన కారును కూడా టీడీపీ మూకలు ధ్వంసం చేశారు. విషయం తెలుసుకున్న మల్లాగుండ్ల గ్రామానికి చెందిన వైఎస్సార్‌సీపీ నాయకుడు కొండారెడ్డి తన అనుచరులతో కలిసి వెన్నపూసపల్లికి వస్తుండగా మార్గ మధ్యంలో బొలెరో వాహనాన్ని టీడీపీ గూండాలు అడ్డుకొని ఇద్దరు వైఎస్సార్‌సీపీ కార్యకర్తలపై దాడి చేసి, బొలెరో వాహనానికి నిప్పుపెట్టారు. అదే విధంగా పుత్తా దీప, సుధాకర్‌రెడ్డిలకు చెందిన కార్లను ధ్వంసం చేశారు. అలాగే రెండు ద్విచక్ర వాహనాలు పాక్షికంగా ధ్వంసం చేశారు. తాము వైఎస్సార్‌సీపీ మద్దతుదారులు కావడంతో తమ కార్లు, బైక్‌లను ధ్వంసం చేశారని బాధిత కుటుంబ సభ్యులు వాపోతున్నారు. టీడీపీ గూండాల దాడులకు మరింత ఆజ్యం పోసేందుకు తాడిపత్రి మాజీ ఎమ్మెల్యే జేసీ ప్రభాకర్‌రెడ్డి 16 కార్లలో అనుచరులతో గ్రామానికి వెళ్తుండగా యల్లనూరు పోలీసుస్టేషన్‌ వద్ద పుట్లూరు సీఐ వంశీకృష్ణ, యల్లనూరు ఎస్‌ఐ రామాంజినేయరెడ్డిలు ఆయన్ను అడ్డుకున్నారు. అనంతరం ఆయన్ను తాడిపత్రికి పంపించేశారు. ధర్నా చేస్తున్న వైఎస్సార్‌సీపీ నాయకులు, (ఇన్‌సెట్‌లో) వివరాలు వెల్లడిస్తున్న బాలా రమేష్‌ బాబు వైఎస్సార్‌సీపీ నాయకుడిపై దాడి, అడ్డుకోబోయిన భార్యనూ వదలని వైనం సర్ది చెప్పేందుకు వచ్చిన కూతురి దుస్తులు చించేసిన జేసీ గూండాలు కార్లు, ద్విచక్ర వాహనాలు ధ్వంసం ఇళ్లపై దాడి చేసిన టీడీపీ మూకలు గాంధీజీ విగ్రహం వద్ద పెద్ద ఎత్తున నిరసన యాడికి: స్థానిక ఎన్నికల వేళ మండలంలో వైఎస్సార్‌సీపీ నాయకులు, అభ్యర్థులపై, వారి ఇళ్లపై టీడీపీ గూండాలు దాడులకు తెగబడుతున్నారు. మండల కేంద్రంలో ఏడు ఎంపీటీసీ స్థానాలకు పోటీ చేస్తున్న వైఎస్సార్‌సీపీ అభ్యర్థులే టార్గెట్‌గా అధికార పార్టీ మూకలు దాడులు చేశాయి. ఆదివారం యాడికి–4 ఎంపీటీసీ అభ్యర్థి అలివేలమ్మ ఇంటిలోని ఫర్నీచర్‌, సామగ్రిని టీడీపీ గూండాలు ధ్వంసం చేయడమే కాక యాడికి–5 ఎంపీటీసీ అభ్యర్థిని రజియాకు చెందిన వాహనాన్ని రాళ్లతో దాడి చేశారు. విషయం తెలుసుకున్న వైఎస్సార్‌సీపీ సీనియర్‌ నాయకుడు బాలా రమేష్‌బాబు, నాయకులు మండల కేంద్రంలో గాంధీ విగ్రహం వద్ద పెద్దఎత్తున ధర్నా చేపట్టారు. ఈ సందర్భంగా ఆయన మాట్లాడుతూ దాడులకు పాల్పడిన వారిపై తక్షణమే చర్యలు తీసుకోవాలని డిమాండ్‌ చేశారు. జిల్లా ఎస్పీ ఈ ఘటనపై వెంటనే స్పందించి సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని విజ్ఞప్తి చేశారు. ఎన్నికల సమయంలో ఇలాంటి అల్లర్లు పునరావృతం కాకుండా పోలీసులు పటిష్ట చర్యలు చేపట్టాలని కోరారు. బాలా రమేష్‌ ఇంటిపై రాళ్ల దాడికి యత్నం యాడికి మండల కేంద్రంలోని బాలా రమేష్‌ బాబు ఇంటిపై ఆదివారం సాయంత్రం రాళ్లతో దాడి చేసేందుకు వస్తున్న టీడీపీ వర్గీయులను వైఎస్సార్‌సీపీ నాయకులు, కార్యకర్తలు అడ్డుకున్నారు. ఈ క్రమంలో ఇరువర్గాల మధ్య ఘర్షణ వాతావరణం నెలకొంది. టీడీపీ వర్గీయులపై వైఎస్సార్‌సీపీ నాయకులు ఎదురు దాడి చేశారు. దీంతో పచ్చ రౌడీలు అక్కడి నుంచి పరారయ్యారు. ఈ ఘటనతో మండల కేంద్రంలో ఒక్కసారిగా ఉద్రిక్త పరిస్థితులు నెలకొన్నాయి.

పుట్టపర్తి టౌన్‌: పుట్టపర్తి మున్సిపాలిటీ పరిధిలోని 27వ వార్డులో కలెక్టర్‌ శ్యాంప్రసాద్‌ ఆదివారం ఓటు హక్కు వినియోగించుకున్నారు. సామాన్యుడిలా క్యూ లైన్‌లో నిలబడి ఆయన ఓటేశారు. అనంతరం 4, 5, 6 వార్డుల్లో పోలింగ్‌ కేంద్రాలను పరిశీలించారు. ఈ సందర్భంగా కలెక్టర్‌ మాట్లాడుతూ ప్రజాస్వామ్యంలో ఓటు హక్కు అత్యంత విలువైనదని, ప్రతి పౌరుడు బాధ్యతగా భావించి ఎన్నికల్లో ఓటు హక్కును వినియోగించుకోవాలని సూచించారు. ఎన్నికలకు సహకరించిన అందరికీ కృతజ్ఞతలు● కలెక్టర్‌ ఏ.శ్యాంప్రసాద్‌ ప్రశాంతి నిలయం: జిల్లాలోని 6 మున్సిపాలిటీల పరిధిలోని 218 వార్డులకు నిర్వహించిన ఎన్నికలు ప్రశాంతంగా జరిగేందుకు సహకరించిన అందరికీ కలెక్టర్‌ శ్యాంప్రసాద్‌ కృజ్ఞతలు తెలిపారు. ఆదివారం జిల్లాలో మున్సిపల్‌ ఎన్నికలు ముగిసిన అనంతరం కలెక్టరేట్‌లో ఎస్పీ సతీష్‌కుమార్‌తో కలసి కలెక్టర్‌ మాట్లాడారు. జిల్లా వ్యాప్తంగా 72.53 శాతం పోలింగ్‌ నమోదైనట్లు తెలిపారు. ఎన్నికలు విజయవంతంగా నిర్వహించేందుకు సహకరించిన పోలీసు సిబ్బంది, మీడియా ప్రతినిధులు, కంట్రోల్‌ రూమ్‌ సిబ్బంది, కలెక్టరేట్‌ సిబ్బంది, ఓటింగ్‌లో ఉత్సాహంగా పాల్గొన్న ప్రజలకు జిల్లా యంత్రాంగం తరఫున కృతజ్ఞతలు తెలిపారు. ఎస్పీ సతీష్‌ కుమార్‌ మాట్లాడుతూ నవంబర్‌ 3న జరగనున్న ఓట్ల లెక్కింపు ప్రక్రియతో పాటు జెడ్పీటీసీ, ఎంపీటీసీ ఎన్నికలను కూడా ఇదే రీతిలో విజయవంతంగా నిర్వహించేందుకు అధికార యంత్రాంగం సిద్ధంగా ఉందన్నారు.

సాక్షి, పుట్టపర్తి/పెనుకొండ రూరల్‌/ధర్మవరం/మడకశిర/కదిరిటౌన్‌: చెదురు మదురు ఘటనల మధ్య మున్సిపల్‌ ఎన్నికల పోలింగ్‌ ముగిసింది. జిల్లాలోని పుట్టపర్తి, కదిరి, ధర్మవరం, పెనుకొండ, మడకశిర, హిందూపురం మున్సిపాలిటీల్లో ఆదివారం పోలింగ్‌ జరిగింది. ధర్మవరంలో బీజేపీ, జనసేన పార్టీ నేతలు రాళ్లు రువ్వుకున్నారు. అధికార పార్టీ నేతలు మడకశిరలో పోలింగ్‌ కేంద్రాలను ఆక్రమించి రిగ్గింగ్‌కు యత్నించారు. ధర్మవరంలో రాళ్లు రువ్వుకున్న కూటమి నేతలు ధర్మవరం పట్టణంలోని 11వ వార్డులోని ఎన్నికల కేంద్రం వద్ద బీజేపీ, జనసేన నాయకులు బాహాబాహీకి దిగారు. జనసేన కౌన్సిలర్‌ అభ్యర్థి అడ్డగిరి శ్యాం, బీజేపీ అభ్యర్థి జూటూరు వెంకటేశ్‌ వర్గీయులు ఎవరికి వారు పోలింగ్‌ కేంద్రంలో తమ ఆధిపత్యం కోసం యత్నించారు. అయితే వారి మధ్య వాగ్వివాదం ముదరడంతో ఇరువర్గాలు రాళ్లు రువ్వుకున్నాయి. పోలింగ్‌ కేంద్రాల ఆక్రమణకు యత్నం మడకశిర నగర పంచాయతీ ఎన్నికల్లో కూటమి నాయకులు హల్‌చల్‌ చేశారు. 9, 17, 18, 19, వార్డుపోలింగ్‌ కేంద్రాలను ఆక్రమించుకొని రిగ్గింగ్‌ చేసేందుకు కూటమి నేతలు చేసిన ప్రయత్నాలు ఫలించలేదు. పెద్ద ఎత్తున దొంగ ఓట్లు వేసేందుకు మనుషులను రప్పించారు. అయితే వైఎస్సార్‌సీపీ నాయకులు వారికి అవకాశం ఇవ్వకుండా అడ్డుకున్నారు. కూటమి ఎమ్మెల్యేలకు జీ హుజూర్‌ ఎన్నికల నిబంధనల్లో భాగంగా పోలీసులు అత్యుత్సాహం ప్రదర్శించారు. పుట్టపర్తిలో బందోబస్తులో పాల్గొన్న సీఐ (ఆర్మ్‌డ్‌ రిజర్వు) డీ.మహేశ్‌ అత్యుత్సాహం ప్రదర్శించారు. పుట్టపర్తి ఎమ్మెల్యే పల్లె సింధూరారెడ్డి వచ్చిన సమయంలో ఆమెతో పాటు పదుల సంఖ్యలో అనుమతించారు. అదే సమయంలో అక్కడే ఉన్న వైఎస్సార్‌సీపీ కార్యకర్తలను చెదరగొట్టారు. పెనుకొండలో రిగ్గింగ్‌కు యత్నం మంత్రి సవిత ప్రాతినిధ్యం వహిస్తున్న పెనుకొండలో టీడీపీ నేతలు రిగ్గింగ్‌ చేసేందుకు ప్రయత్నించారు. వైఎస్సార్‌సీపీ ఏజెంట్లు ప్రతిఘటించడంతో ఇరు వర్గాల మధ్య తోపులాట చోటు చేసుకుంది. 4వ వార్డు వైఎస్సార్‌సీపీ అభ్యర్థి భాస్కర్‌ యాదవ్‌ వివరాలమేరకు.. జూనియర్‌ కళాశాల మైదానంలో ఏర్పాటు చేసిన పోలింగ్‌ బూత్‌ నంబర్‌ 4–1లోకి సాయంత్రం 4:20 గంటల ప్రాంతంలో ఐదుగురు టీడీపీ వర్గీయులు చొరబడ్డారు. వైఎస్సార్‌సీపీ ఏజెంట్‌ తయ్యూబ్‌ను బలవంతంగా బయటకు పంపి రిగ్గింగ్‌ చేసుకునేందుకు యత్నించారు. అతను ప్రతిఘటించడంతో పెనుగులాట జరిగింది. అభ్యర్థి పోలీసులను ఆశ్రయించడంతో అక్కడికి చేరుకున్న పోలీసులు టీడీపీ మూకలను పంపివేశారు. కదిరిలో వైఎస్సార్‌సీపీ నాయకుల హౌస్‌ అరెస్ట్‌ ఓటమి భయంతో కదిరి పట్టణంలోని వైఎస్సార్‌సీపీ నాయకులను పోలీసులు హౌస్‌ అరెస్ట్‌ చేశారు. కదిరి నియోజకవర్గ సమన్వయకర్త బీఎస్‌ మక్బూల్‌, మాజీ ఎమ్మెల్యే అత్తార్‌ చాంద్‌బాషా, జిల్లా ప్రధాన కార్యదర్శి కేవీ ప్రణీత్‌రెడ్డి, ఆయన తండ్రి రమేష్‌రెడ్డిలను హౌస్‌ అరెస్టు చేశారు. ధర్మవరంలో రాళ్లు రువ్వుకున్న కూటమి నేతలు మడకశిరలో రిగ్గింగ్‌కు ప్రయత్నాలు అధికార పక్షానికి కొమ్ము కాసిన పోలీసు వ్యవస్థ పుట్టపర్తి పోలింగ్‌ కేంద్రాల్లో సీఐ మహేశ్‌ ఓవరాక్షన్‌ వైఎస్సార్‌సీపీ కార్యకర్తలే టార్గెట్‌ బెదిరింపులు ‘పురం’లో టీడీపీ నేతల ప్రలోభాలు హిందూపురం టౌన్‌: పట్టణంలో మున్సిపల్‌ ఎన్నికల పోలింగ్‌ జరుగుతున్న వేళ పలు వార్డుల్లో టీడీపీ నేతలు అత్యుత్సాహం ప్రదర్శించారు. మున్సిపాలిటీలోని 52 వార్డుల్లో 156 పోలింగ్‌ కేంద్రాలను ఏర్పాటు చేయగా, పోలింగ్‌ కేంద్రాల వద్ద టీడీపీకి ఓటు వేయాలంటూ ఓటర్లను ప్రలోభపెట్టారు. టీడీపీ అభ్యర్థులకు, నేతలకు పోలీసులు వత్తాసు పలుకుతూ వ్యవహరించడం గమనార్హం. వైఎస్సార్‌సీపీకి సంబంధించిన అభ్యర్థులను, నేతలను పలు చోట్ల భయభ్రాంతులకు గురి చేశారు. పట్టణంలోని శ్రీకంఠపురంలో 14వ వార్డు పోలింగ్‌ బూత్‌ వద్ద టీడీపీ నాయకులు ఎక్కువ మంది చేరడంతో రిగ్గింగ్‌ జరుగుతుందన్న అనుమానంతో వైఎస్సార్‌సీపీ అభ్యర్ధి, నేతలు పోలీసులకు సమాచారం ఇచ్చారు. దీంతో పోలీసులు అక్కడికి చేరుకుని టీడీపీ వారిని పంపించివేశారు. ముద్దిరెడ్డిపల్లిలో 48వ వార్డు పోలింగ్‌ కేంద్రం వద్ద ఉన్న వైఎస్సార్‌సీపీ నేతలపై టీడీపీ చైర్మన్‌ అభ్యర్థి మంజునాథ్‌, నాయకులు దురుసుగా ప్రవర్తించారు. అయితే పోలీసులు అక్కడికి చేరుకుని వైఎస్సార్‌సీపీ నేతలను వన్‌టౌన్‌ పోలీస్‌స్టేషన్‌కు తరలించడం గమనార్హం. విషయం తెలుసుకున్న సాక్షి విలేకరులు వన్‌టౌన్‌ పోలీస్‌స్టేషన్‌ వద్దకు వెళ్లగా, ఫోటోలు తొలగిస్తేనే వదులుతామని నిర్బంధించే ప్రయత్నం చేశారు. న్యాయవాది వెంకటరెడ్డి అక్కడికి రావడంతో పోలీసులు విలేకరులను వదిలిపెట్టారు.

ముదిగుబ్బ: అతిగా మద్యం సేవించి వ్యక్తి మృతి చెందిన ఘటన మండలంలోని మలకవేమల క్రాస్‌ సమీపంలో చోటు చేసుకుంది. స్థానికులు తెలిపిన మేరకు వివరాలు తలుపుల మండలం సజ్జలకుంటపల్లి గ్రామానికి చెందిన కుళ్లాయప్ప కూలి పనులు చేసుకుంటూ జీవిస్తున్నాడు. అతిగా మద్యం సేవించడంతో మృతిచెందినట్టు తెలుస్తోంది. కాగా కుళ్లాయప్ప మలకవేమల క్రాస్‌ ఎందుకు వచ్చాడు? పూటుగా మద్యం సేవించడంతోనే మృతి చెందాడా లేక కారణం ఏమైనా ఉందా అనేది తెలియాల్సి ఉంది. పట్నం ఏఎస్‌ఐ వెంకటరాముడు సంఘటనా స్థలానికి చేరుకొని మృతికి గల కారణాలను ఆరా తీశారు. కేసు నమోదు చేసుకొని దర్యాప్తు చేస్తున్నారు. మృతుడికి భార్య, కుతూరు ఉన్నారు. బాలిక కుటుంబానికి అండగా ఉంటాం ● పాఠశాల విద్యాశాఖ డైరెక్టర్‌ తమీమ్‌ అన్సారియా అనంతపురం ఎడ్యుకేషన్‌: రాప్తాడు జెడ్పీహెచ్‌ఎస్‌లో ఉన్మాది చేతిలో తీవ్రంగా గాయపడిన పదో తరగతి విద్యార్థిని గోపిక కుటుంబాన్ని పాఠశాల విద్యాశాఖ డైరెక్టర్‌ తమీమ్‌ అన్సారియా ఆదివారం పరామర్శించారు. బెంగళూరులోని మణిపాల్‌ ఆస్పత్రికి వెళ్లి బాలిక తల్లిదండ్రులను కలిసి వారికి ధైర్యం చెప్పారు. ఈ సందర్భంగా గోపిక ఆరోగ్య పరిస్థితి, ఆస్పత్రిలో అందిస్తున్న వైద్య సేవల గురించి వైద్యులు, తల్లిదండ్రులను అడిగి తెలుసుకున్నారు. బాలిక ఆస్పత్రి నుంచి డిశ్చార్జ్‌ అయ్యే వరకు విద్యాశాఖ తరఫున అన్ని విధాలా సహాయ సహకారాలు అందించాలని సంబంధిత అధికారులను ఆదేశించారు. బాలిక కుటుంబానికి ప్రభుత్వం, విద్యాశాఖ అండగా ఉంటుందని భరోసానిచ్చారు. ఆమె వెంట ఆర్జేడీ శామ్యూల్‌, జిల్లా విద్యాశాఖ అధికారి డాక్టర్‌ అయూబ్‌ హుస్సేన్‌, సమగ్రశిక్ష ఏపీసీ శైలజ ఉన్నారు. మనస్తాపమా.. మరేదైనా కారణామా? ● మద్యం మానేయాలని మందలించడంతో వ్యక్తి ఆత్మహత్య ● మృతుడి కాళ్లు నేలపై ఉండడం.. కర్రకు ఉరివేసుకోవడంపై అనుమానాలు ● విచారణలో తేలనున్న నిజాలు బత్తలపల్లి: మద్యం మానేయాలని సహచరిణి చెప్పడంతో మనస్తాపానికి గురై వ్యక్తి ఆత్మహత్యకు పాల్పడిన సంఘటన మండలంలోని కట్టకిందపల్లి గ్రామ శివారు గంగాదేవి చెరువు సమీపంలో చోటు చేసుకుంది. పోలీసులు తెలిపిన మేరకు వివరాలు.. మహరాష్ట్రలోని పూణే జిల్లా లోనావాలా మండలం కునేనామా గ్రామానికి చెందిన నిక్లాస్‌ విజయ్‌ వాఘ్మోరే(48) తన భార్య మరణించడంతో మంగళ్‌ నిక్లాస్‌ వాఘ్మోరేతో గత కొంతకాలంగా సహజీవనం చేస్తున్నాడు. వీరు ఉపాధి నిమిత్తం గతేడాది నవంబర్‌లో బత్తలపల్లి మండలం కట్టకిందపల్లికి వలస వచ్చారు. బొగ్గుల తయారీ పనులు చేస్తూ, కట్టకిందపల్లి చెరువు వద్ద తాత్కాలిక గుడారాలు వేసుకొని అక్కడే ఉంటున్నారు. అయితే విజయ్‌ మద్యానికి బానిసవ్వడంతో మంగళ్‌ ఆ అలవాటు మానేయాలని పలుమార్లు మందలించింది. దీంతో తీవ్ర మనస్థాపానికి గురైన అక్టోబర్‌ 31న (శనివారం రాత్రి) పక్కన ఉన్న తాత్కాలిక గుడారానికి విజయ్‌ వెళ్లాడు. ఆదివారం ఉదయం మంగళ్‌ లేచి గుడారంలోకి వెళ్లి చూసేసరికి కర్రకు తాడుతో ఉరివేసుకొని ఉండటాన్ని గమనించి పోలీసులకు సమాచారం ఇచ్చింది. విషయం తెలుసుకున్న వెంటనే బత్తలపల్లి ఏఎస్‌ఐ రాము తమ సిబ్బందితో అక్కడికి చేరుకుని వివరాలను సేకరించారు. మృతదేహాన్ని పోస్టుమార్టం నిమిత్తం ధర్మవరం ప్రభుత్వాసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు. మృతుడి తొలి భార్యకు ఇద్దరు కుమారులు, మంగళ్‌కు కుమార్తె ఉన్నారు. ఇదిలా ఉండగా మృతుడి కాళ్లు నేలకు ఆనుకొని ఉండడం కర్రకు ఉరి వేసుకొని ఆత్మహత్యకు పాల్పడడం పలు అనుమానాలకు తావిస్తోంది. పోలీసులు లోతైన విచారణ జరిపితే వాస్తవాలు బయటకు వస్తాయని గ్రామస్తులు అంటున్నారు.

ఉరవకొండ: స్థానిక శాంతినగర్‌కు చెందిన వైఎస్సార్‌సీపీ నాయకుడు సతీష్‌ రాఘవేంద్రపై ఆదివారం రాత్రి గుర్తు తెలియని వ్యక్తులు దాడి చేసి తీవ్రంగా గాయపరిచారు. బాధితుడు సతీష్‌ తెలిపిన వివరాల మేరకు.. రాయంపల్లి రోడ్డు వద్దనున్న బసవరాజు సీఫాం నుండి ఇంటికెళ్తున్న సతీష్‌, వైఎస్సార్‌సీపీ సోషల్‌ మీడియా ఇన్‌చార్జ్‌ శంకర్‌లను ఆరుగురు గుర్తు తెలియని వ్యక్తులు అడ్డుకున్నారు. ఇందులో ఒకరు శంకర్‌ను పట్టుకోగా మిగిలిన వారు సతీష్‌పై దాడికి తెగబడ్డారు. దాడిలో తీవ్రంగా గాయపడిన సతీష్‌ను ఉరవకొండ ప్రభుత్వ ఆసుపత్రికి తరలించి చికిత్స అందిస్తున్నారు. విషయం తెలుసుకున్న వైఎస్సార్‌సీపీ నాయకులు బసవరాజు, పట్టణ అధ్యక్షులు ఈడిగ ప్రసాద్‌లు సతీష్‌ను పరామర్శించేందుకు ఆస్పత్రికి చేరుకున్నారు. అనంతరం వారు బాధితుడు సతీష్‌తో కలిసి విలేకరులతో మాట్లాడారు. మంత్రి కేశవ్‌, ఆయన సోదరుడు పయ్యావుల శీనప్ప డైరెక్షన్‌లోనే టీడీపీ గూండాలు దాడి తెగబడినట్టు ఆరోపించారు. దాడి సమయంలో ‘నువ్వు శీనప్ప అన్ననే అంటావా.. అంతా మగాడివా అంటూ’కర్రలతో దాడి చేసినట్టు తెలిపారు. టీడీపీ నాయకులు ఉరవకొండ–2, 9 ఎంపీటీసీ స్థానాలు ఏకగ్రీవం చేసుకోవడానికి ప్రయత్నించగా, అక్కడ పోటీ చేస్తున్న వైఎస్సార్‌సీపీ అభ్యర్థులను సతీష్‌ కాపాడినందుకే టీడీపీ నాయకులు జీర్ణించుకోలేక దాడులకు ఒడిగట్టారని మండిపడ్డారు. దాడి కారకులను పోలీసులు పట్టుకొని చట్టప్రకారం చర్యలు తీసుకోవాలని వారు డిమాండ్‌ చేశారు. టీడీపీ గూండాల దాడులకు భయపడేది లేదని, వాటిని ధైర్యంగా ఎదుర్కొంటామని వైఎస్సార్‌సీపీ నాయకులు స్పష్టం చేశారు. తీవ్ర గాయాలతో ఆస్పత్రి చేరిన సతీష్‌ రాఘవేంద్ర బాధితుడిని పరామర్శించిన వైఎస్సార్‌సీపీ నాయకులు మంత్రి, ఆయన సోదరుడి ఆదేశాల మేరకే దాడి చేశారంటూ ఆరోపణ

పెద్దవడుగూరు: మండలంలో వైఎస్సార్‌సీపీ అభ్యర్థులు చేస్తున్న ఎన్నికల ప్రచారానికి ప్రజాదరణ పెరుగుతోంది. దీన్ని జీర్ణించుకోలేని టీడీపీ మూకలు అలజడులకు తెరలేపారు. వైఎస్సార్‌సీపీ అభ్యర్థులు ఎక్కడ ప్రచారం చేస్తున్నా అక్కడ ప్రత్యక్షమై గొడవలు సృష్టించడానికి ప్రత్నిస్తున్నారని జెడ్పీటీసీ అభ్యర్థి నిర్మలమ్మ తెలిపారు. ఆదివారం మండల పరిధిలోని కండ్లగూడూరు, దిమ్మగుడి గ్రామంలో ప్రచారం చేస్తున్న తనను, తన కోడలిని టీడీపీ మూకలు బెదిరించారని ఆమె తెలిపారు. తమకు ప్రజల ఆదరణ ఉన్నంత వరకు వెనకడుగు వేయమని ఈ సందర్భంగా నిర్మలమ్మ తేల్చి చెప్పారు.

● డ్రైవర్‌ అతివేగం కారణంగా టైర్‌ బరస్ట్‌ ● అదుపుతప్పిన వాహనం.. ఒకరు మృతి, 19 మందికి గాయాలు ● ఇద్దరి పరిస్థితి విషమం నల్లమాడ(ఓడీచెరువు): పుట్టెంట్రుకల కార్యానికి కదిరి శ్రీ లక్ష్మీనరసింహస్వామి ఆలయానికి వచ్చి తిరిగి సొంతూరుకు బొలేరో వెళ్తుండగా టైర్‌ బరస్టవ్వడంతో వాహనం అదుపు తప్పింది. ప్రమాదంలో చిన్నయ్య(35) మృతి చెందగా, రామాంజినప్ప, కుషాల్‌ తీవ్రంగా గాయపడ్డారు. స్థానికులు తెలిపిన వివరాల మేరకు కర్ణాటక రాష్ట్రం తుమకూరు జిల్లా నాగలమడక మండలం తిమ్మంపల్లికి చెందిన చిన్నయ్య తన కుమారుడి పుట్టెంట్రుకుల కార్యం నిమిత్తం కదిరి పట్టణంలోని ప్రముఖ క్షేత్రం శ్రీ లక్ష్మీనారసింహుడి ఆలయానికి 20 మంది కుటుంబసభ్యులు, బంధువులతో వచ్చారు. శుభకార్యం ముగించుకుని జీతో బొలేరో(కేఏ06 ఏసీ 2952) సొంతూరుకి వెళ్తుండగా నల్లమాడ మండలంలోని పులగంపల్లి వద్దకు రాగానే బొలేరో టైర్‌ బరస్టయ్యింది. దీంతో వాహనం బోల్తా పడగా, ప్రమాద దాటికి చిన్నయ్య ఆస్పత్రికి వెళ్లే లోపు మృతి చెందాడు. అలానే ఇద్దరి పరిస్థితి విషమంగా ఉండగా మిగిలిన 17 మందికి స్వల్ప గాయాలయ్యాయి. మృతుడి భార్య ధనలక్ష్మి ఫిర్యాదు మేరకు పోలీసులు దర్యాప్తు చేస్తున్నారు. గడారుతో మోదడంతో వ్యక్తి మృతి పెనుకొండ రూరల్‌: గడారుతో బలంగా మోదడంతో వ్యక్తి మృతి చెందిన సంఘటన మున్సిపాలిటీ పరిధిలోని ఇస్లాపురం గ్రామంలో చోటు చేసుకుంది. పోలీసులు, గ్రామస్తులు తెలిపిన వివరాల మేరకు.. ఇస్లాంపురానికి చెందిన శ్రీనివాసులు(45) వ్యవసాయం చేసుకుంటూ జీవనం సాగిస్తున్నారు. శ్రీనివాసులు ఆదివారం సాయంత్రం ఇంటి వద్ద భోజనం ముగించి, ద్విచక్ర వాహనంలో పొలం వద్దకు వెళ్తుండగా, ఇంటి పక్కన ఉండే సత్యమయ్య గడారుతో శ్రీనివాసులు తలపై బలంగా మోదాడు. అప్రమత్తమైన కుటుంబ సభ్యులు అడ్డుకొని, హుటాహుటిన పెనుకొండ ప్రభుత్వాసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. దీనిపై ఎస్‌ఐ వెంకటేశ్వర్లును వివరణ కోరగా, కుటుంబ సభ్యులు ఫిర్యాదు మేరకు విచారణ చేపడతున్నట్టు తెలిపారు. మృతుడికి భార్య లక్ష్మిదేవి, కుమారుడు ఉన్నారు.

హిందూపురం(చిలమత్తూరు): రాష్ట్రంలో అరాచక పాలన నడుస్తోందని వైఎస్సార్‌సీపీ నియోజకవర్గ సమన్వయకర్త టీఎన్‌ దీపిక ధ్వజమెత్తారు. రాప్తాడులో జెడ్పీహెచ్‌ఎస్‌లో పదో తరగతి విద్యార్థినిపై ఉన్మాది రంపంతో దాడి చేయడం హేయమైన చర్య అని మండిపడ్డారు. ఆదివారం పట్టణంలోని పార్టీ కార్యాలయంలో ఆమె విలేకరులతో మాట్లాడారు. రాప్తాడు ఘటన తనను తీవ్రంగా కలచివేసిందన్నారు. రాష్ట్రంలో విచ్చలవిడిగా గంజాయి, మద్యం విక్రయాలు జరుగుతుండడం వల్లే బాలికలపై దురాగతాలు జరుగుతున్నాయన్నారు. శాంత్రి భద్రతల పరిరక్షణ పోలీసులు పూర్తిగా విఫలం అయ్యారని, కేవలం వైఎస్సార్‌సీపీ శ్రేణులను వేధింపులకు గురిచేయడం, అక్రమ కేసులు బనాయించడంపైనే శ్రద్ధ పెడుతుండడంతో రాష్ట్రంలో దొంగతనాలు, దోపిడీలు, అత్యాచారాలు, హత్యలు చోటు చేసుకుంటున్నాయని విమర్శించారు. రాప్తాడు ఘటనకు పాల్పడిన నిందితుడిపై పోలీసులు కఠినంగా వ్యవహరించాలని, ఇలాంటి ఘటనలు పునరావృతం కాకుండా గట్టి చర్యలు తీసుకోవాలని డిమాండ్‌ చేశారు. ఘటనకు బాధ్యత వహిస్తూ ముఖ్యమంత్రి చంద్రబాబు, హోం మినిస్టర్‌ అనిత, ఎమ్మెల్యే పరిటాల సునీత తమ పదవులకు రాజీనామా చేయాలని డిమాండ్‌ చేశారు. ఎన్నికల్లో ‘ఎల్లో తాలిబన్ల’ అరాచకాలు రాష్ట్రంలో జరుగుతున్న మున్సిపల్‌ ఎన్నికల్లో అధికార టీడీపీ నేతలు అరాచకాలు సృష్టిస్తున్నారని టీఎన్‌ దీపిక పేర్కొన్నారు. పోలింగ్‌ బూత్‌లలో చొరబడి దౌర్జన్యంగా దొంగ ఓట్లు వేయడం దుర్మార్గమని, ఇలాంటి పోకడలు ఎన్నికల ప్రక్రియనే అపహాస్యం చేసేలా ఉందని ఎద్దేవా చేశారు. పులివెందులలో టీడీపీ మూకలకు పోలీసులు సహకరించడం వారి చేతగానితనానికి నిదర్శనమన్నారు. ఎల్లో తాలిబన్లులు చేసిన విధ్వంసకాండ దేశంలో మరెక్కడా జరగలేదని, రాష్ట్రంలో ప్రజలు ప్రశాంత వాతావరణం జీవించే పరిస్థితి లేదని తెలియజేశారు. టీడీపీ మూకలు దౌర్జన్యాలు, దుర్మార్గాలను ప్రజలు గమనిస్తున్నారని రాబోయే ఎన్నికల్లో ప్రజలు గట్టి గుణపాఠం చెప్పడం తథ్యమని స్పష్టం చేశారు. రాప్తాడులో బాలికపై దాడి కలచివేసింది శాంతిభద్రతల పరిరక్షణలో పోలీసులు విఫలం సమన్వయకర్త టీఎన్‌ దీపిక

కదిరి టౌన్‌: రాప్తాడులో అభంశుభం తెలియని విద్యార్థినిపై రంపం దాడి చేయడం అమానుషమని వైఎస్సార్‌సీపీ కదిరి నియోజకవర్గ సమన్వయకర్త బీఎస్‌ మక్బూల్‌ శనివారం పేర్కొన్నారు. విద్యార్థినిపై దాడిని తీవ్రంగా ఖండిస్తున్నామన్నారు. బాధిత విద్యార్థినికి మెరుగైన వైద్యసేవలు అందించి ఆమె త్వరగా కోలుకునేలా ప్రభుత్వం ప్రత్యేక శ్రద్ధ చూపాలని కోరారు. ఈ దారుణానికి పాల్పడిన నిందితుడిని చట్టప్రకారం కఠనంగా శిక్షించాలని ఆయన డిమాండ్‌ చేశారు. ఇలాంటి ఘటనలు పునరావృతం కాకుండా పోలీసు యంత్రాంగం పటిష్టమైన చర్యలు తీసుకోవాని సూచించారు. విద్యార్థిని త్వరాగా కోలుకోవాలని సంపూర్ణ ఆరోగ్యంతో తిరిగి రావాలని ఆకాంక్షించారు. విద్యార్థిని కుటుంబానికి వైఎస్సార్‌సీపీ అండగా ఉంటుందని ప్రకటించారు. విద్యార్థినిపై దాడి చేసిన దుండగుడిని కఠినంగా శిక్షించాలి ధర్మవరం అర్బన్‌: అనంతపురం జిల్లా రాప్తాడు ప్రభుత్వ ఉన్నత పాఠశాలలో పదో తరగతి విద్యార్థినిపై దాడిచేసిన దుండగుడిని కఠినంగా శిక్షించాలని పీఎస్‌యూ రాష్ట్ర అధ్యక్షుడు మంజుల నరేంద్ర డిమాండ్‌ చేశారు. పట్టణంలోని కళాజ్యోతి సర్కిల్‌లో శనివారం పీఎస్‌యూ నాయకులు నిరసన వ్యక్తం చేశారు. ఈ సందర్భంగా ఆయన మాట్లాడుతూ ప్రభుత్వ పాఠశాలలో పదో తరగతి చదువుకుంటున్న విద్యార్థినిపై దుండగుడు తరగతి గదిలోకి ప్రవేశించి చెక్కమొద్దులు కోసే రంపపు మిషన్‌తో దాడి చేయడం దారుణమన్నారు. ప్రభుత్వ పాఠశాలకు కూతవేటు దూరంలో పోలీస్‌స్టేషన్‌, డీఎస్పీ కార్యాలయం ఉన్నా ఘటన జరిగిందంటే రాష్ట్రంలో శాంతిభద్రతలు ఎలా ఉన్నాయో అర్థం చేసుకోవచ్చన్నారు. రోడ్డు ప్రమాదంలో ఒకరు మృతి ● మరొకరికి తీవ్ర గాయాలు బుక్కరాయసముద్రం: రెడ్డిపల్లి సమీపంలో అనంతపురం తాడిపత్రి రహదారిపై జరిగిన రోడ్డు ప్రమాదంలో ఒకరు మృతి చెందగా మరొకరికి తీవ్రగాయాలయ్యాయి. పోలీసులు తెలిపిన వివరాలు.. పామిడి మండలం సొరకాయలపేట గ్రామానికి చెందిన సురేష్‌(40) చెన్నంపల్లిలో వివాహం చేసుకున్నాడు. ఽశనివారం సురేష్‌ తన మామ మిడతల నాగన్నతో కలిసి బైక్‌పై ఎస్‌ఆర్‌ఐటీ కళాశాల వద్దకు సొంత పనిమీద బయలుదేరారు. రెడ్డిపల్లి సమీపంలో కుక్క అడ్డు రావడంతో బైక్‌ అదుపుతప్పి కిందపడ్డారు. సురేష్‌ తల డివైడర్‌కు తగలడంతో తీవ్రగాయాల పాలై అక్కడిక్కడే మృతి చెందారు. నాగన్నకు తీవ్రగాయాలయ్యాయి. స్థానికులు నాగన్నను 108 వాహనంలో అనంతపురం ప్రభుత్వాసుపత్రికి తరలించారు. పోలీసులు కేసు నమోదు చేసుకుని దర్యాప్తు చేపట్టారు.

హిందూపురం టౌన్‌: ఎకై ్సజ్‌ అధికారుల శనివారం ముమ్మర తనిఖీలు చేపట్టి కర్ణాటక మద్యం స్వాధీనం చేసుకున్నారు. ఎన్నికల వేళ కర్ణాటక మద్యం ఏరులై పారుతుండడంపై శనివారం సాక్షి దినపత్రికలో ‘హద్దు దాటుతున్న కిక్కు’ అనే శీర్షికపై కథనం వెలువడడంతో ఎకై ్సజ్‌ అధికారులు స్పందించారు. చెక్‌పోస్టులు, కర్ణాటక తరలివచ్చే మార్గాల్లో ముమ్మరంగా తనిఖీలు చేపట్టి 42 లీటర్ల 398 కర్ణాటక మద్యం ప్యాకెట్లు స్వాధీనం చేసుకుని, ఐదుగురిపై కేసులు నమోదు చేశారు. ఈ మేరకు శనివారం స్థానిక ఎకై ్సజ్‌ సీఐ లక్ష్మీదుర్గయ్య వివరాలు వెల్లడించారు. హిందూపురం ఎకై ్సజ్‌ స్టేషన్‌ పరిధిలో పరిగి మండలం ధనాపురం క్రాస్‌ రోడ్డులో ద్విచక్ర వాహనం మీద కర్ణాటక మద్యం తరలిస్తున్న ఒక వ్యక్తిను అరెస్ట్‌ చేసిన అతని వద్ద నుంచి 96 మద్యం ప్యాకెట్లు స్వాధీనం చేసుకున్నామన్నారు. అలాగే సూగూరు క్రాస్‌లో ఒక వ్యక్తి నుంచి 83 కర్ణాటక మద్యం ప్యాకెట్లను, తూమకుంట తనిఖీ కేంద్రం వద్ద ఇద్దరు వ్యక్తుల నుంచి 106 కర్ణాటక మద్యం ప్యాకెట్లు, పూలకుంట క్రాస్‌ వద్ద ఒక వ్యక్తి నుంచి 12 కర్ణాటక మద్యం ప్యాకెట్లను స్వాధీనం చేసుకుని అరెస్ట్‌ చేసినట్లు చెప్పారు. అలాగే 9 మంది పాత ముద్దాయిల మీద బైండోవర్‌ కేసులు నమోదు చేశామన్నారు. కల్లు శాంపిల్స్‌ 11, మద్యం శాంపిల్స్‌ 3 సేకరించి, ల్యాబ్‌కు పంపినట్లు వివరించారు. దాడుల్లో తూమకుంట చెక్‌పోస్ట్‌ సీఐ వెంకటేష్‌, ఎస్‌ఐలు పృథ్వి, వెంకటేష్‌, ట్రైనీ ఎస్‌ఐలు పృథ్వి, వినయ్‌ కుమార్‌రెడ్డి, సిబ్బంది పాల్గొన్నారు.

అనంతపురం ఎడ్యుకేషన్‌/అనంతపురం సిటీ: పాఠాలు చెప్పే తరగతి గది.. విద్యార్థుల కేరింతలతో కళకళలాడాల్సిన పాఠశాల ప్రాంగణం.. ఒక్కసారిగా భయానక దృశ్యాలకు వేదికై ంది. పదో తరగతి విద్యార్థిని గోపికపై విద్యుత్‌ రంపంతో దాడి చేసిన డుంబు అలియాస్‌ హేమంత్‌.. ఆమె కిందపడిపోవడంతో అక్కడి నుంచి వెళ్లిపోయేందుకు ప్రయత్నించాడు. అయితే వాకిలి వద్దకు వెళ్లి వెనక్కి చూడగా గోపిక లేచి కూర్చున్నట్లు గుర్తించాడు. అంతే.. మళ్లీ వెనక్కి వచ్చి ఆమైపె విచక్షణారహితంగా దాడి చేశాడు. అడ్డుకునేందుకు ప్రయత్నించిన మరో విద్యార్థిని లక్ష్మీని కూడా వదల్లేదు. రాప్తాడు జిల్లా పరిషత్‌ ఉన్నత పాఠశాలలో శనివారం ఉదయం జరిగిన ఈ ఘటన కలకలం రేపింది. కాగా నిందితుడు మద్యం మత్తులోనే ఈ ఘాతుకానికి పాల్పడినట్లు తెలుస్తోంది. ప్రేమ పేరుతో వేధింపులే కారణమా? ధర్మవరం మండలం నాగలూరుకు చెందిన హేమంత్‌ తల్లిదండ్రులు చనిపోవడంతో అయ్యవారిపల్లిలోని తన సోదరి వద్ద ఉంటూ టమాట మండీలో పనిచేస్తున్నాడు. కొంతకాలంగా రాప్తాడు మండలం అయ్యవారిపల్లికి చెందిన వెంకటరాముడు, నరసమ్మ దంపతులకు కుమార్తె గోపికను ప్రేమ పేరుతో వేధిస్తున్నాడని, ఆమె నిరాకరించడంతో ఈ దాడికి పాల్పడినట్లు సమాచారం. ఈ కోణంలో పోలీసులు దర్యాప్తు చేస్తున్నారు. పాఠశాలకు వచ్చే ముందు మద్యం సేవించినట్లు తెలిసింది. సీసీ కెమెరాలే కీలకం... ఘటన అనంతరం పోలీసులు పాఠశాలలోని సీసీ కెమెరాల హార్డ్‌డిస్క్‌ను స్వాధీనం చేసుకున్నారు. నిందితుడు పాఠశాలలోకి వచ్చిన సమయం, అక్కడ ఉన్న వ్యవధి, బయటకు వెళ్లిన మార్గాన్ని పరిశీలించారు. ధర్మవరం వైపు వెళ్లినట్లు గుర్తించి రైల్వేగేటు సమీపంలో నిందితుడిని అదుపులోకి తీసుకున్నారు. పిల్లలను బడికి ఎలా పంపాలి? ఆస్పత్రి వద్దకు చేరుకున్న గోపిక, లక్ష్మీ బంధువులు తీవ్ర ఆగ్రహం వ్యక్తం చేశారు. ఇంతమంది ఉపాధ్యాయులు, సిబ్బంది, వాచ్‌మన్‌ ఉన్న పాఠశాలలోకి ఒక వ్యక్తి విద్యుత్‌ రంపంతో ఎలా ప్రవేశించాడని ప్రశ్నించారు. తమ పిల్లల భద్రతకు ఎవరు బాధ్యత వహిస్తారని నిలదీశారు. ‘మాకు కేసులు వద్దు.. వాడిని అప్పగించండి. పాఠశాలలో బాధ్యతారహితంగా వ్యవహరించిన వారిపైనా చర్యలు తీసుకోవాలి’ అంటూ కన్నీరుమున్నీరయ్యారు. నిందితుడిని మాకప్పగించండి ప్రేమోన్మోది హేమంత్‌పై తాము పోలీసులకు ఎలాంటి ఫిర్యాదు చేయబోమని, నిందితుడిని తమకు అప్పగిస్తే మిగిలిన పని తామే చేసుకుపోతామని బాధితురాలి బంధువులు ఆగ్రహంతో వ్యక్తం చేశారు. గంజాయికి అలవాటుపడిన హేమంత్‌ జులాయిగా మారి పలుమార్లు తమ అమ్మాయిని వేధింపులకు గురి చేస్తూ వచ్చాడని, ఈ విషయాన్ని గతంలో తాము పోలీసుల దృష్టికి తీసుకెళ్లినా వారు పట్టించుకోలేదన్నారు. అప్పుడే పోలీసులు స్పందించి ఉంటే ఈ దుస్థితి వచ్చేది కాదన్నారు. తోపుదుర్తి ప్రకాష్‌రెడ్డి పరామర్శ.. రాప్తాడు ఘటనలో గాయపడిన బాలికను వైఎస్సార్‌సీపీ రాప్తాడు సమన్వయకర్త తోపుదుర్తి ప్రకాష్‌రెడ్డి, పంచాయతీరాజ్‌ విభాగం వెన్నపూస రవీంద్రారెడ్డి, ప్రసన్నాయపల్లి మహానందరెడ్డి, ఐద్వా సావిత్రి తదితరులు ఆస్పత్రికి చేరుకుని క్షతగాత్రులను పరామర్శించారు. మద్యం మత్తులోనే గోపికపై దాడి చేసిన నిందితుడు హేమంత్‌ ! ఇలాగైతే పిల్లలను ప్రభుత్వ బడులకు ఎలా పంపాలంటున్న తల్లిదండ్రులు దిగ్భ్రాంతికి గురయ్యానంటున్న ఉపాధ్యాయురాలు

పుట్టపర్తి టౌన్‌: దేశ సమగ్రత, ఐక్యతకు కృషి చేసిన సర్ధార్‌ వల్లభాయ్‌ పటేల్‌ జీవితం నేటి యువతకు స్ఫూర్తిదాయకమని అడిషనల్‌ ఎస్పీ అంకిత సురానా పేర్కొన్నారు. సర్దార్‌ వల్లభాయ్‌ పటేల్‌ జయంతిని పురస్కరించుకొని జిల్లా పోలీస్‌ శాఖ అధ్వర్యంలో శనివారం రన్‌ ఫర్‌ యూనిటీ కార్యక్రమాన్ని నిర్వహించారు. అడిషనల్‌ ఎస్పీ జెండా ఊపి కార్యక్రమాన్ని ప్రారంభించారు. పెట్రోల్‌బంక్‌ సమీపంలోని రింగ్‌రోడ్డు నుంచి ఎస్పీ కార్యాలయం వరకు ర్యాలీ కొనసాగింది. అనంతరం పోలీస్‌ కార్యాలయంలో సర్దార్‌ వల్లబాయ్‌ పటేల్‌ చిత్రపటానికి పూల మాలవేసి నివాళులర్పించారు. దేశ సమగ్రత కోసం పటేల్‌ చేసిన త్యాగాన్ని గుర్తు చేసుకొన్నారు. అనంతరం దేశం యెక్క సమైక్యతా భధ్రత కాపడుతానని పోలీసులతో ప్రతిజ్ఞ చేయించారు. కార్యక్రమంలో ఏఓ వేణుగోపాల్‌, సూపరింటెండెంట్‌ సరస్వతి, ఆర్‌ఐలు వలి, ఆర్‌ఎస్‌ఐ ప్రసాద్‌, సిబ్బంది పాల్గొన్నారు రాష్ట్రస్థాయి ఖోఖో పోటీలకు ఎంపిక ముదిగుబ్బ: కొడవండ్లపల్లి జిల్లా పరిషత్‌ ఉన్నత పాఠశాలలో 9వ తరగతి చదువుతున్న ఎ. కళ్యాణి అనే విద్యార్థి రాష్ట్రస్థాయి ఖోఖో పోటీలకు ఎంపికై ంది. గత శుక్రవారం ఉరవకొండ జిల్లా పరిషత్‌ ఉన్నత పాఠశాలలో జిల్లా స్కూల్‌ గేమ్స్‌ ఫెడరేషన్‌ ఆధ్వర్యంలో నిర్వహించిన అండర్‌–14 విభాగంలో పోటీల్లో ప్రతిభ కనబరిచి రాష్ట్ర స్థాయికి ఎంపికై నట్లు హెచ్‌ఎం ఆర్‌. రామానాయుడు, పీడీ శాంత లింగం తెలిపారు. ఈ సందర్భంగా ఎంపికై న విద్యార్థిని అభినందించారు. ఉపాధ్యాయులు రమేష్‌, చితంబర్‌రెడ్డి, ప్రమీల తదితరులు పాల్గొన్నారు. రాష్ట్ర స్థాయి హాకీ పోటీలకు ఎంపిక ముదిగుబ్బ జిల్లా పరిషత్‌ బాలికల ఉన్నత పాఠశాలలో 9వ తరగతి చదువుతున్న హర్షిత అండర్‌–14 రాష్ట్ర స్థాయి హాకీ పోటీలకు ఎంపికై ంది. ఈ సందర్భంగా శనివారం రాష్ట్ర స్థాయికి ఎంపికై న హార్షితను పాఠశాల హెచ్‌ఎం రమాదేవి, వ్యాయామ ఉపాధ్యాయురాలు రేఖ, హాకీ కోచ్‌ షెక్షావలి, ఉపాధ్యాయులు అభినందించారు. నేటి నుంచి కేంద్ర బృందం పర్యటన బత్తలపల్లి: కరువు పరిస్థితులను అంచనా వేసేందుకు ఉమ్మడి అనంతపురం జిల్లాలో ఆదివారం నుంచి 4వ తేదీ వరకు కేంద్ర బృందం పర్యటించనున్నట్లు తహసీల్దార్‌ ఈశ్వర్‌ప్రసాద్‌, ఏఎస్‌ఓ డాక్టర్‌ కెఎస్‌.లక్ష్మీనరసింహశర్మ శనివారం ఓ ప్రకటనలో తెలిపారు. ఇందులో భాగంగా నవంబర్‌ 3న బత్తలపల్లి, గుమ్మల్లకుంట, దంపెట్ల, రామాంజులపల్లిలో పర్యటించనుందని పేర్కొరు. ఆయా గ్రామాల్లో పంటల పరిస్థితి, రైతులకు జరిగిన పెట్టుబడి నష్టం, సాగు, తాగునీటి కొరత వంటి అంశాలను పరిశీలించనున్నట్లు తెలిపారు. రైతులతో నేరుగా మాట్లాడి వివరాలను సేకరించనున్నట్లు పేర్కొన్నారు. కేంద్ర ప్రభుత్వానికి సమగ్ర నివేదిక.. క్షేత్రస్థాయిలో సేకరించిన వివరాలు, పంట నష్టానికి సంబంధించిన ఆధారాలు, రైతుల అభిప్రాయాల ఆధారంగా బృందం కేంద్ర ప్రభుత్వానికి సమగ్ర నివేదిక సమర్పించనున్నట్లు తెలిపారు. ఈ నివేదిక ఆధారంగా కరువు సహాయ చర్యలు, పరిహారానికి సంబంధించిన తదుపరి నిర్ణయాలు తీసుకునే అవకాశం ఉందని పేర్కొన్నారు. కేంద్ర బృందం పర్యటనకు సంబంధించి మండలంలో అవసరమైన ఏర్పాట్లు పూర్తి చేసినట్లు వివరించారు.

పెనుకొండ రూరల్‌: ప్రతి పోలింగ్‌ బూత్‌లోనూ పీఓలు, ఏపీఓలు అప్రమత్తంగా, నిబంధనలకనుగుణంగా విధులు నిర్వర్తించాలని కలెక్టర్‌ శ్యాంప్రసాద్‌ ఆదేశించారు. ఎన్నికల కమిషన్‌ నిబంధనల మేరకు ఎన్నికల ప్రక్రియను చేపట్టాలని, ఎక్కడా పొరపాట్లకు తావులేకుండా అప్రమత్తంగా ఉండాలన్నారు. శనివారం పట్టణంలోని ప్రభుత్వ డిగ్రీ కళాశాలలో ఎన్నికల సిబ్బందికి అందజేసిన ఎన్నికల సామగ్రిని కలెక్టర్‌ తనిఖీ చేశారు. కలెక్టర్‌ మాట్లాడుతూ ఎలాంటి పొరపాట్లకు తావులేకుండా పకడ్బందీగా ఎన్నికలు జరగాలని అధికారులను ఆదేశించారు. స్ట్రాంగ్‌ రూములు, డిస్ట్రిబ్యూషన్‌ సెంటర్‌లో భద్రత చర్యలు, ఎన్నికల నిబంధనలు అమలు చేయాలన్నారు. ఆర్డీఓ ఆనంద్‌ కుమార్‌, మున్సిపల్‌ కమిషనర్‌ సతీష్‌ కుమార్‌, ఎన్నికల సిబ్బంది పాల్గొన్నారు. 300 మందిని విధులకు కేటాయింపు.. మున్సిపాలిటీ పరిధిలోని 23 వార్డులు ఉండగా, 28 పోలింగ్‌ బూత్‌లను ఏర్పాటు చేశారు. అధికారులు ఒక్కో బూత్‌కు ఆరుగురు సిబ్బందిని నియమించారు. 28 బూత్‌లకు మొత్తం 168 మంది ఎన్నికల సిబ్బంది కాగా, అదనపు సిబ్బంది, భద్రతా సిబ్బంది, ట్రాన్స్‌పోర్ట్‌, కార్యాలయ సిబ్బంది మొత్తం 300 మంది దాకా ఎన్నికల విధులకు కేటాయించారు. కాగా, మున్సిపల్‌ ఎన్నికల పోలింగ్‌ విధులకు వెళ్లాల్సిన ఉద్యోగులకు సక్రమంగా భోజన సౌకర్యం కల్పించకపోవడంతో అవస్థలు పడ్డారు. ఒకటే భోజన కౌంటర్‌ ఏర్పాటు చేయడంతో ఉద్యోగులు క్యూలో ఇబ్బందులు పడాల్సి వచ్చింది. కలెక్టర్‌ శ్యాం ప్రసాద్‌

హిందూపురంటౌన్‌: మున్సిపల్‌ ఎన్నికలు ప్రశాంతంగా జరిగేలా పటిష్ట భద్రత ఏర్పాట్లు చేపట్టాలని ఎస్పీ సతీష్‌కుమార్‌ ఆదేశించారు. శనివారం హిందూపురంలోని వన్‌టౌన్‌, టూటౌన్‌ పోలీస్‌స్టేషన్ల పరిధిలోని సమస్యాత్మక ప్రాంతాలైన మోతుకుపల్లి, హస్నాబాద్‌, రహమత్‌పురంలోని పోలింగ్‌ కేంద్రాలను డీఎస్పీ రవిబాబుతో కలిసి ఆయన పరిశీలించారు. భద్రతా ఏర్పాట్లపై సమీక్షించారు. ఈ సందర్భంగా ఎస్పీ మాట్లాడుతూ ఎన్నికల విధుల్లో ఎలాంటి నిర్లక్ష్యానికి తావులేకుండా ప్రతి ఒక్కరూ అప్రమత్తంగా ఉండాలని ఆదేశించారు. సమస్యాత్మక, అత్యంత సమస్యాత్మక పోలింగ్‌ కేంద్రాల వద్ద అదనపు బందోబస్తు ఏర్పాటు చేసి, నిరంతర నిఘా ఉంచాలన్నారు. పోలింగ్‌ కేంద్రాల వద్ద గుంపులుగా ఉండకూడదన్నారు. ఓటర్లు ప్రశాంతంగా క్యూలో వెళ్లి ఓటు హక్కును వినియోగించుకునేలా ఏర్పాట్లు చేయాలని ఆదేశించారు. అనుమతి లేని వ్యక్తులను పోలింగ్‌ కేంద్రాల్లోకి అనుమతించరాదని, స్ట్రాంగ్‌ రూమ్‌, కౌంటింగ్‌ కేంద్రాల వద్ద పటిష్ట భద్రత కల్పించి, సీసీ కెమెరాల ద్వారా నిరంతర పర్యవేక్షణ చేపట్టాలన్నారు. రౌడీషీటర్లు, సమస్యాత్మక వ్యక్తుల కదలికలపై ప్రత్యేక నిఘా ఉంచాలన్నారు. చిన్న అవాంఛనీయ ఘటన జరిగినా వెంటనే ఉన్నతాధికారుల దృష్టికి తీసుకురావాలన్నారు. సీఐ ప్రసాద్‌బాబు, కరీం, జనార్దన్‌, ఆంజనేయులు, సిబ్బంది పాల్గొన్నారు. ప్రశాంతంగా ఓటు హక్కు వినియోగించుకోవాలి ఎస్పీ సతీష్‌కుమార్‌

● జాయింట్‌ కలెక్టర్‌ మౌర్య భరద్వాజ్‌ కదిరిటౌన్‌ /కదిరి అర్బన్‌: ఎన్నికల కౌంటింగ్‌ ప్రక్రియ పారదర్శకంగా జరిగేలా అన్ని చర్యలూ తీసుకోవాలని అధికారులను జాయింట్‌ కలెక్టర్‌ మౌర్య భరద్వాజ్‌ ఆదేశించారు. శనివారం కదిరి ప్రభుత్వ బాలికల ఉన్నత పాఠశాలలోని ఓట్ల లెక్కింపు కేంద్రాన్ని పరిశీలించారు. కౌంటింగ్‌ కేంద్రంలో భద్రత ఏర్పాట్లు, స్ట్రాంగ్‌ రూమ్‌ల పనితీరు, లెక్కింపు కేంద్రాల్లో ఏర్పాట్లను ఆయన పరిశీలించారు. సిబ్బందికి కేటాయించిన విధులు, సీసీ కెమెరాల నిఘా, విద్యుత్‌, తాగునీటి సౌకర్యం, వైద్య సదుపాయం తదితర అంశాలపై అధికారులకు సూచనలు ఇచ్చారు. అనంతరం ఎంపీడీఓ కార్యాలయంలోని ఎంపీటీసీ, జెడ్పీటీసీ పోస్టల్‌ బ్యాలెట్‌ కేంద్రాన్ని పరిశీలించారు. పోలింగ్‌ ప్రక్రియ సజావుగా జరగడానికి అవసరమైన చర్యలు తీసుకోవాలని సంబంధిత అధికారులను ఆదేశించారు. కార్యక్రమంలో ఆర్డీఓ కళావతి, కదిరి ఇన్‌చార్జ్‌ కమిషనర్‌ క్రాంతికుమార్‌, తహసీల్దార్‌ రెడ్డిశేఖర్‌, రెవెన్యూ సిబ్బంది తదితరులు పాల్గొన్నారు. 300 మంది సిబ్బందితో పటిష్ట బందోబస్తు పుట్టపర్తి టౌన్‌: పుట్టపర్తి మున్సిపాలిటీ పరిధిలో ఆదివారం జరగనున్న పోలింగ్‌కు 300 మందితో పటిష్ట బందోబస్తు ఏర్పాటు చేసినట్లు డీఎస్పీ మాణిక్యరావ్‌ తెలిపారు. శనివారం పుట్టపర్తి డీఎస్పీ కార్యాలయంలో ఆయన ఎన్నిక విధులపై సిబ్బందికి సూచనలు చేశారు. డీఎస్పీ మాట్లాడుతూ పుట్టపర్తి పరిధిలో పోలింగ్‌ ప్రశాంతంగా జరిగేందుకు చర్యలు తీసుకున్నట్లు తెలిపారు. పటిష్ట బందోబస్తు ఏర్పాటు చేసినట్లు తెలిపారు. ఒక డీఎస్పీ, ఐదుగురు సీఐలు, ఎనిమిది మంది ఎస్‌ఐలు, 285 మంది పోలీస్‌ సిబ్బంది విధుల్లో ఉంటారని తెలిపారు. ఎన్నికల నియమావళి ప్రతి ఒక్కరూ కచ్చితంగా పాటించాలని ఆదేశించారు. నిబంధనలు ఉల్లంఘించిన వారిపై చట్ట ప్రకారం చర్యలు ఉంటాయని హెచ్చరించారు. ఎన్నికల లెక్కింపు వరకు 30 పోలీస్‌ యాక్ట్‌, 144 యాక్ట్‌ అమలులో ఉంటుందన్నారు.

సాక్షి, పుట్టపర్తి పురపాలక సంఘాల ఎన్నికల పర్వం తుది అంకానికి చేరుకుంది. జిల్లా పరిధిలో ఆరు మున్సి పాలిటీలకు ఎన్నికలు జరగనున్నాయి.ఆరు మున్సిపల్‌ చైర్మన్లతో పాటు 218 వార్డులకు పోలింగ్‌ జరగనుంది. ఇప్పటికే ప్రచార పర్వం ముగిసింది. అభ్యర్థులు, రాజకీయ పార్టీల నేతలు ఓటర్ల తీర్పు కోసం ఉత్కంఠతతో ఎదురుచూస్తున్నారు. అయితే, ఈ ఎన్నికల్లో కూటమిలో కలహాలు పొడచూపాయి. దీంతో ఎన్నికల్లో కూటమి పార్టీల మధ్య సమన్వయ లోపం లోపించింది.. టీడీపీ, జనసేన, బీజేపీ కలిసి ఎన్నికల బరిలోకి దిగినా క్షేత్రస్థాయిలో మాత్రం పరిస్థితులు భిన్నంగా ఉన్నాయన్న చర్చ సాగుతోంది. బీజేపీ, జనసేన అభ్యర్థులకు స్థానిక టీడీపీ నేతల నుంచి ఆశించిన మద్దతు లభించలేదని ఆ పార్టీల నాయకులే ఆవేదన వ్యక్తం చేస్తున్నారు. మరోవైపు వైఎస్సార్‌సీపీ అభ్యర్థులు ఎన్నికల ప్రక్రియ మొదలైనప్పటి నుంచి సమన్వయంతో అత్యధిక స్థానాల్లో గెలుపే లక్ష్యంగా ముందుకు సాగుతున్నారు. ఆశించిన స్థాయిలోనే ఎక్కువ స్థానాల్లో విజయం సాధిస్తామని ధీమా వ్యక్తం చేస్తున్నారు. కూటమిలో అంతర్గత పోరు.. కూటమి పొత్తులో భాగంగా మిత్రపక్షాలకు సహకరించాల్సింది. అయితే చాలా చోట్ల ఆ పరిస్థితి కనిపించలేదు. తమ పార్టీ అభ్యర్థులు పోటీ చేస్తున్న వార్డుల్లో మిత్రపక్షాల నాయకులు సహకరించకపోవడం, అంతర్గతంగా మరో వర్గానికి మద్దతు ఇవ్వడం వంటి పరిణామాలు కూటమి అభ్యర్థులను కష్టాల్లో నెట్టాయి. ఎన్నికల వేళ పార్టీ నాయకుల మధ్య నెలకొన్న విభేదాలు ఓట్ల బదిలీపై ప్రభావం చూపుతాయని కూటమి పార్టీల తరఫున బరిలో దిగిన అభ్యర్థులు సతమతం అవుతున్నారు. వైఎస్సార్‌సీపీకి అనుకూలంగా మారే అవకాశం.. కూటమి పార్టీల్లో నెలకొన్న విభేదాలు వైఎస్సార్‌సీపీకి అనుకూలంగా మారే అవకాశం ఉంది. చంద్రబాబు ప్రభుత్వంపై వ్యతిరేకతతో కూటమి పార్టీలకు ప్రచారంలోనూ ఆటుపోట్లు ఎదురయ్యాయి. ఈ నేపథ్యంల చాలా వార్డుల్లో వైఎస్సార్‌సీపీ అభ్యర్థులు తమ ప్రచారాన్ని సమన్వయంతో నిర్వహించడంతో పాటు స్థానిక నాయకుల మద్దతుతో ఓటర్లను ఆకట్టుకున్నారు. ప్రజాస్వామ్య బద్దంగా ఓటింగ్‌ జరిగితే చైర్మన్‌ సీట్లతో పాటు అత్యధిక వార్డు స్థానాలకువైఎస్సార్‌సీపీ కై వసం చేసుకునే అవకాశం ఉంటుంది. నేడే మున్సిపోల్స్‌ ఆరు మున్సిపాలిటీలకు ఎన్నికలు మొత్తం 218 వార్డుల్లో పోలింగ్‌ ఓటర్ల తీర్పుపై అభ్యర్థులు, రాజకీయ పార్టీల ఉత్కంఠ కూటమిలో కలహం.. ఫ్యాన్‌కు కలిసిరానున్న కాలం బీజేపీ, జనసేన అభ్యర్థులకు సహకరించని ‘తెలుగు తమ్ముళ్లు’

అనంతపురం ఎడ్యుకేషన్‌: ప్రభుత్వ పాఠశాలల్లో వరుస ఘటనలు ఆందోళన కలిగిస్తున్నాయి. ఒకచోట విద్యార్థులు గంజాయి మత్తులో పాఠశాలకు వస్తుంటే.. మరోచోట మద్యం మత్తులో బడికి చేరుతున్న పరిస్థితులు వెలుగుచూస్తున్నాయి. మరో పాఠశాలలో కల్లు సేవించిన ఘటన కలకలం రేపింది. ఇంకోచోట విద్యార్థులే చోరీలకు పాల్పడ్డారు. ఇవన్నీ ఒకవైపు ఉంటే.. తాజాగా రాప్తాడు జిల్లా పరిషత్‌ ఉన్నత పాఠశాలలో ఏకంగా పదో తరగతి బాలికపై విద్యుత్‌ రంపంతో ఓ ఉన్మాది దాడి చేయడం కలవరపాటుకు గురిచేసింది. నెల వ్యవధిలో అనంతపురం నగర, పరిసర ప్రాంతాల్లో వెలుగుచూసిన ఈ ఘటనలు ప్రభుత్వ పాఠశాలల్లో పర్యవేక్షణ, క్రమశిక్షణ, విద్యార్థుల భద్రతపై ప్రశ్నలు లేవనెత్తుతున్నాయి. గంజాయి మత్తులో బడికి.. మద్యం మత్తులోనూ అనంతపురంలోని ఓ పాఠశాలలో కొందరు విద్యార్థులు గంజాయి సేవించి బడికి వచ్చిన ఘటన ఉపాధ్యాయుల దృష్టికి వచ్చింది. మరో పాఠశాలలో విద్యార్థులు మద్యం మత్తులో పాఠశాలకు వచ్చినట్లు గుర్తించి కౌన్సెలింగ్‌ ఇచ్చినట్లు తెలిసింది. చిన్న వయసులోనే మత్తు పదార్థాల వైపు ఆకర్షితులవుతున్న విద్యార్థుల పరిస్థితి ఆందోళన కలిగిస్తోంది. కల్లు తాగి తరగతికి.. విద్యారణ్యనగర్‌ జిల్లా పరిషత్‌ ఉన్నత పాఠశాలలో కొందరు విద్యార్థులు కల్లుతాగడం కలకలం రేపింది. బడి గోడ దూకి కల్లుతాగి తిరిగి లోపలికి రావడం పాఠశాలల పర్యవేక్షణ తీరుపై చర్చకు దారితీసింది. మరోవైపు పాపంపేట ఉన్నత పాఠశాలలో విద్యార్థులు చోరీలకు పాల్పడిన ఘటన కూడా వెలుగులోకి వచ్చింది. వరుసగా చోటుచేసుకున్న ఈ పరిణామాలు విద్యార్థుల్లో క్రమశిక్షణ, నైతిక విలువలు, పాఠశాలల పర్యవేక్షణపై ఆందోళన కలిగిస్తున్నాయి. రాప్తాడులో రక్తపాతం.. ఈ ఘటనలు మరువకముందే రాప్తాడు జిల్లా పరిషత్‌ ఉన్నత పాఠశాలలో శనివారం మరో దారుణం చోటుచేసుకుంది. పదో తరగతి విద్యార్థిని గోపికపై హేమంత్‌ అనే వ్యక్తి విద్యుత్‌ రంపం మిషన్‌తో విచక్షణారహితంగా దాడి చేశాడు. అడ్డుకునేందుకు ప్రయత్నించిన మరో విద్యార్థిని లక్ష్మీని కూడా గాయపరిచాడు. భద్రతా ఏర్పాట్లు ఏవీ? రాప్తాడు ఘటనలో నిందితుడు విద్యుత్‌ రంపంతో ఏకంగా తరగతి గదిలోకి ప్రవేశించడం పాఠశాల భద్రతా వ్యవస్థపై అనేక ప్రశ్నలు లేవనెత్తుతోంది. సాధారణంగా పాఠశాల గేటు వద్ద పర్యవేక్షణ ఉండాల్సి ఉండగా, ఘటన జరిగిన సమయంలో వాచ్‌మన్‌ అక్కడ లేకపోవడం గమనార్హం. నిర్మాణ పనులు జరుగుతున్న పాఠశాలలోకి బయటి వ్యక్తులు సులభంగా ప్రవేశించే పరిస్థితి ఎలా ఏర్పడిందన్నది విచారణలో తేలాల్సి ఉంది. విద్యార్థులు తరగతి గదుల్లో ఉన్న సమయంలో వారి భద్రతకు బాధ్యత వహించాల్సిన యంత్రాంగం అప్రమత్తంగా ఉండాల్సిన అవసరాన్ని ఈ ఘటన గుర్తుచేస్తోంది. విద్యార్థుల భవిష్యత్తుపై ఆందోళన ఒకవైపు మత్తు పదార్థాలకు ఆకర్షితులవుతున్న విద్యార్థులు.. మరోవైపు పాఠశాలల్లో చోరీలు, క్రమశిక్షణా లోపాలు.. ఇంకోవైపు బయటి వ్యక్తుల నుంచి భద్రతకు ముప్పు.. ఇలా విభిన్న సమస్యలు ఒకదాని వెంట ఒకటి వెలుగుచూస్తుండటంతో తల్లిదండ్రులు ఆందోళన చెందుతున్నారు. విద్యార్థుల ప్రవర్తనలో మార్పులను ఉపాధ్యాయులు ఎప్పటికప్పుడు గుర్తించడంతోపాటు కౌన్సెలింగ్‌ ఇవ్వాలి. గంజాయి, మద్యం వంటి మత్తు పదార్థాల బారిన పడకుండా అవగాహన కల్పించాలి. అధికారులు ఇప్పటికై నా మేల్కొంటారా? ప్రభుత్వ పాఠశాలల్లో కేవలం పాఠాలు చెప్పడం, హాజరు నమోదు చేయడమే కాకుండా విద్యార్థుల ప్రవర్తన, భద్రత, మానసిక స్థితి, పాఠశాల వాతావరణంపైనా ప్రత్యేక దృష్టి సారించాల్సిన అవసరం ఉంది. పాఠశాలల్లోకి బయటి వ్యక్తుల ప్రవేశాన్ని నియంత్రించడం, గేట్ల వద్ద పర్యవేక్షణ, సీసీ కెమెరాల నిర్వహణ, మత్తు పదార్థాలపై అవగాహన కార్యక్రమాలు, విద్యార్థులకు కౌన్సెలింగ్‌ వంటి చర్యలు చేపట్టాలి. ప్రభుత్వ పాఠశాలల్లో పరిస్థితులను సమీక్షించి లోపాలను సరిదిద్దాలని తల్లిదండ్రులు కోరుతున్నారు. ప్రభుత్వ పాఠశాలల్లో ఏం జరుగుతోంది? ఒకే నెలలో అనంతపురంలో వరుస ఘటనలు గంజాయి.. మద్యం మత్తులో విద్యార్థులు పాపంపేటలో కల్లు సేవనం.. చోరీల కలకలం రాప్తాడులో పదో తరగతి బాలికపై రంపంతో దాడి పిల్లలను బడులకు పంపాలంటేనే భయపడుతున్న తల్లిదండ్రులు

పరిగి: ఓటుతో కూటమి ప్రభుత్వానికి బుద్ధి చెప్పాలని మాజీ మంత్రి, వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌ ఓటర్లకు పిలుపునిచ్చారు. శనివారం ఆమె శాసనకోటలో జెడ్పీటీసీ అభ్యర్థి సత్యప్రకాష్‌, ఎంపీటీసీ అభ్యర్థి నరేష్‌బాబుతో కలిసి ఎన్నికల ప్రచారం చేపట్టారు. ఈసందర్భంగా ఇంటింటికీ వెళ్లి కూటమి ప్రభుత్వ వైఫల్యాలను ఎండట్టారు. అలాగే గత వైఎస్సార్‌సీపీ ప్రభుత్వంలో వైఎస్‌ జగన్‌మోహన్‌రెడ్డి చేసిన అభివృద్ది, సంక్షేమ పథకాలను ప్రజలకు వివరించారు. ఫ్యాను గుర్తుకు ఓటు వేసి ప్రజాస్వామ్య విలువను కూటమి నేతలకు తెలిసొచ్చేలా చేయాలని పిలుపునిచ్చారు. రావణకాష్టంగా రాష్ట్రం సీఎం చంద్రబాబు ప్రభుత్వం స్థానిక సంస్థల ఎన్నికల్లో వైఎస్సార్‌సీపీ అభ్యర్థులపై దాడులు, అక్రమ కేసులు బనాయించి రాష్ట్రాన్ని రావణకాష్టంగా మార్చిందని ఉషశ్రీచరణ్‌ ధ్వజమెత్తారు. అడ్డదారుల్లో అధికార యంత్రాంగాన్ని వాడుకుంటూ ప్రజాస్వామ్యాన్ని అపహాస్యం చేసేలా ప్రవర్తించడం దుర్మార్గమైన చర్యగా అభివర్ణించారు. పై స్థాయి నాయకుల నుంచి క్రింది స్థాయి కేడర్‌ వరకూ ఇలా రాష్ట్రాన్ని, ప్రజా సంపదను దోచేస్తూ అవినీతిలో కూరుకుపోయారన్నారు. ఇప్పటికై నా బుద్ధి తెచ్చుకుని వ్యవహరిస్తే కనీసం మానవతావిలువలు కాపాడిన వ్యక్తులుగా నిలుస్తారని లేదంటే చరిత్రహీనులుగా మిగిలిపోతారని ఆగ్రహం వ్యక్తం చేశారు. ప్రతి ఒక్కరూ నిర్భయంగా ఫ్యాను గుర్తుకు ఓటేసి తమ పార్టీ అభ్యర్థులను అఖండ మెజార్టీతో గెలిపించాలని కోరారు. కార్యక్రమంలో మండల కన్వీనర్‌ నరసింహమూర్తి, నాయకులు, కార్యకర్తలు పాల్గొన్నారు. వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌

ధర్మవరం అర్బన్‌: అర్హులందరికీ పోషకాహారం అందాలని జిల్లా కలెక్టర్‌ శ్యాంప్రసాద్‌ పేర్కొన్నారు. పట్టణంలోని ఎరగుంట సర్కిల్‌లోనున్న సీడీపీఓ కార్యాలయాన్ని శనివారం కలెక్టర్‌ ఆకస్మికంగా తనిఖీ చేశారు. కార్యాలయంలోని రికార్డులను క్షుణ్ణంగా పరిశీలించారు. రికార్డుల నిర్వహణ, బయోమెట్రిక్‌ హాజరును తనిఖీ చేశారు. ఉద్యోగుల హాజరు రిజిస్టర్లను తనిఖీ చేసి సిబ్బంది విధులపై ఆరా తీశారు. అనంతరం కలెక్టర్‌ మాట్లాడుతూ అంగన్‌వాడీ కేంద్రాల ద్వారా గర్భిణులు, బాలింతలు, చిన్నారులకు అందిస్తున్న సరుకులు నాణ్యతతో నిర్దేశిత పరిమాణంలో క్రమం తప్పకుండా పంపిణీ చేయాలన్నారు. అంగన్‌వాడీ కేంద్రాల్లోని పిల్లలకు ఎప్పటికప్పుడు బరువు, ఎత్తు కొలతలు తీసి తీవ్ర పోషణ లోపం ఉన్న పిల్లలను గుర్తించి ప్రత్యేక శ్రద్ధ వహించాలని ఆదేశించారు. అంగన్‌వాడీ కేంద్రాల్లో తాగునీరు, విద్యుత్‌, మరుగుదొడ్ల సౌకర్యాలు సరిగ్గా ఉండేలా చూసుకోవాలని తెలిపారు. సీడీపీఓ, సూపర్‌వైజర్లు తరచూ అంగన్‌వాడీ కేంద్రాలను పరిశీలించి లోపాలు ఉంటే వెంటనే సరిదిద్దాలని ఆదేశించారు. విధుల్లో నిర్లక్ష్యం వహిస్తే సహించేదిలేదని హెచ్చరించారు. ఐసీడీఎస్‌ సూపర్‌వైజర్లు, సిబ్బంది ఉన్నారు. కలెక్టర్‌ శ్యాంప్రసాద్‌

ఓడీచెరువు: ఓటర్లను అయోమయంలో పడవేసి లబ్ది పొందాలనే ఉద్దేశంతో కావాలనే అధికారులు బ్యాలెట్‌ పేపర్లలో సీరియల్‌ నంబరు మార్పు చేసినట్లు ఎంపీటీసీ అభ్యర్థులు వాపోతున్నారు. నామినేషన్ల ఉపసంహరణ అనంతరం బరిలో ఉన్న అభ్యర్థులతో కూడిన బ్యాలెట్‌ నమూనా రిటర్నింగ్‌ అధికారి సంతకం చేసి అభ్యర్థులకు ఇచ్చారు. అభ్యర్థులు నమూనా బ్యాలెట్‌ ముద్రించి ఇంటింటా ప్రచారంలో పంపిణీ చేస్తున్నారు. అయితే మండల పరిషత్‌ కార్యలయంలో నోటీసు బోర్డులో వున్న నమూనా వేరుగా ఉంది. సీరియల్‌ నెంబర్‌ మారిపోయి పైనవున్న అభ్యర్థులు కిందకు, కింద ఉన్న అభ్యర్థులు పై వరుసలోకి మారడంతో అభ్యర్థులు అయోమయంలో పడిపోయారు. రిటర్నింగ్‌ అధికారిని వివరణ కోరగా ఆర్డీఓ కార్యాలయంలో మార్పు చేశారని, నోటీసు బోర్డులో చూసుకోవాల్సిన బాధ్యత అభ్యర్థులదేనని చెప్పుకొచ్చారు.

● జిల్లా వైఎస్సార్‌సీపీ అధ్యక్షురాలు ఉషశ్రీచరణ్‌ పరిగి: కూటమి ప్రభుత్వంలో బాలికలకు భద్రత కరువైంది. గత సార్వత్రిక ఎన్నికల సమయంలో బాలికల రక్షణకు ప్రత్యేక చట్టాలు తెస్తామని చెప్పిన నాయకులు.. అధికారంలోకొచ్చిన తర్వా త విస్మరించారని.. రాప్తాడులో జరిగిన ఘటనలో బాధితులకు ప్రభుత్వం ఏం న్యాయం చేసిందని వైఎస్సార్‌సీపీ జిల్లా అధ్యక్షురాలు, మాజీ మంత్రి ఉషశ్రీచరణ్‌ నిలదీశారు. ఈసందర్భంగా శనివారం ఆమె మాట్లాడుతూ రాప్తాడు జెడ్పీ ఉన్నత పాఠశాలలో పదోతరగతి విద్యార్థినిపై దారుణంగా దాడి చేసి, అడ్డుకోబోయిన విద్యార్థినిని గాయ పరిచిన దుర్మార్గుడిపై చర్యలు తీసుకోవడంలో విఫలమైందని విమర్శించారు. సాక్షాత్తూ హోం మంత్రి అనిత, మంత్రి నారాలోకేష్‌ స్పందించకపోవడం విచారకరమన్నారు. పరిటాల సునీత ఇలాఖాలో వరుస దారుణాలు జరుగుతున్నా పట్టించుకునేవారు లేరని విమర్శించారు. రాప్తాడు ఉదంతంపై మంత్రి సవిత నోరెందుకు మూగబోయిందని ఉషశ్రీచరణ్‌ ప్రశ్నించారు. పాఠశాల తరగతి గదిలోకి రంపంతో వచ్చి విద్యార్థినిపై అఘాయిత్యానికి పాల్పడిన ఘటన మంత్రులకు తెలియదా? అంటూ ధ్వజమెత్తారు. ఇదే రాప్తాడు నియోజకవర్గంలోని ఏడుగుర్రాలపల్లిలో దళిత బాలికపై సామూహిక అత్యాచారం చేసిన కేసులో ఎంతమందిని శిక్షించారన్నది ఇప్పటికీ ప్రశ్నార్థకమేనన్నారు.

పుట్టపర్తి: స్థానిక సంస్థల ఎన్నికల వేళ కొత్తచెరువు మండలంలో టీడీపీకి షాక్‌ తగిలింది. కొత్తచెరువు మండలం నారేపల్లి, కదిరేపల్లి గ్రామాలకు చెందిన టీడీపీ నాయకులు ఆ పార్టీని వీడి వైఎస్సార్‌సీపీలో చేరారు. మాజీ ఎమ్మెల్యే దుద్దుకుంట శ్రీధర్‌రెడ్డి శనివారం వారికి కండువాలు కప్పి పార్టీలోకి సాదరంగా ఆహ్వానించారు. ఆయా గ్రామాలకు చెందిన చెండ్రాయుడు, రామన్న, ప్రసాద్‌, పోతులయ్య తదితర నాయకులతో పాటు సుమారు 20 కుటుంబాలకు చెందిన వారు పార్టీలో చేరారు. ఈ సందర్భంగా ఆయన మాట్లాడుతూ వైఎస్సార్‌సీపీ ప్రతి ఒక్కరికీ న్యాయం చేస్తుందని, స్థానిక ఎన్నికల్లో కష్ట పడేవారిని గుర్తిస్తుందన్నారు. అన్ని స్థానాల్లోనూ గెలిచి రావాలని సూచించారు. పుట్టపర్తి: బుక్కపట్నం మండలం మదిరేబైలు తండాలో టీడీపీకి షాక్‌ తగిలింది. టీడీపీ అభివృద్ధికి కృషి చేసిన శనివారం సాయంత్రం పుట్టపర్తిలోని పార్టీ కార్యాలయంలో మాజీ ఎమ్మెల్యే దుద్దుకుంట ఽశ్రీధర్‌రెడ్డి వారికి కండువాలు వేసి పార్టీలోకి ఆహ్వానించారు. పార్టీలో చేరిన వారిలో రాజుకుమార్‌ నాయక్‌, రవినాయక్‌, బాలునాయక్‌, విజయ్‌నాయక్‌, అమరనాథ్‌ నాయక్‌, రమణనాయక్‌, బి. రమణానాయక్‌, తదితర 20 కుటుంబాలకు చెందిన వారు ఉన్నారు. ఈ సందర్భంగా మాజీ ఎమ్మెల్యే మాట్లాడుతూ అందరూ కలిసికట్టుగా పని చేసి ఎన్నికల్లో వైఎస్సార్‌సీపీ అభ్యర్థులను గెలిపించాలన్నారు.

● ఎన్నికల నిర్వహణకు అధికార యంత్రాంగం ఏర్పాట్లు పూర్తి ● ప్రతి పోలింగ్‌ కేంద్రం వద్ద పటిష్ట బందోబస్త్‌ పుట్టపర్తి టౌన్‌: మున్సిపల్‌ ఎన్నికల సమరంలో కీలక ఘట్టమైన పోలింగ్‌ ప్రక్రియ ఆదివారం జరగనుంది. అభ్యర్థుల భవితవ్యాన్ని తేల్చే పోలింగ్‌కు ఎన్నికల యంత్రాంగం సర్వం సిద్ధం చేసింది. రాజకీయ పార్టీల ప్రచార హోరు శుక్రవారం ముగిసింది. ఇప్పుడు ఓటరు తీర్పుపై ఉత్కంఠ నెలకొంది. జిల్లా వ్యాప్తంగా ఆరు మున్సిపాలిటీల్లో ఆదివారం జర గనున్న ఎన్నికల పోలింగ్‌కు అధికారులు సర్వం సిద్ధం చేశారు. పుట్టపర్తి మున్సిపాలిటీలో వార్డులు 28, పోలింగ్‌ బూతులు 29, పీఓలు 35, ఏపీఓలు 35, ఓపీఓలు 139 మందిని నిమించారు. పెనుకొండలో వార్డులు 23, బూతులు 28, పీఓలు 34, ఏపీఓలు 34, ఓపీఓలు 130 మందిని నియమించారు. 7 గంటలకు పోలింగ్‌ ప్రారంభం: ఆదివారం ఉదయం 6 గంటల నుంచి 7 గంటల వరకు ఏజెంట్ల ఆధ్వర్యంలో మాక్‌పోలింగ్‌ ఉంటుంది. 7 గంటల నుంచి పోలింగ్‌ ప్రారంభమై సాయంత్రం 5 గంటల వరకు కొనసాగుతుంది. ఓటర్లు గుర్తింపు కార్డు లేదా ఎన్నికల సంఘం ఆమోదించిన ఇతర గుర్తింపు పత్రాలతో పోలింగ్‌ కేంద్రాల వద్దకు వెళ్లి తమ ఓటు హక్కును వినియోగించుకోవచ్చు. పోలింగ్‌ కేంద్రాల వద్ద పటిష్ట బందోబస్త్‌: ఎన్నికల భద్రత కోసం 1,500 మంది సిబ్బందిని నియమించారు. పోలింగ్‌ కేంద్రాలను సమస్యాత్మక, అత్యంత సమస్యాత్మక కేంద్రాలుగా గుర్తించారు. అందుకనుగుణంగా భద్రతా చర్యలు చేపట్టారు. సివిల్‌ పోలీసులతోపాటు ఏఆర్‌, స్పెషల్‌ పార్టీ ఏపీఎస్సీ బలగాలను నియమించారు. శాంతిభద్రతల పరిరక్షణకు ప్రత్యేక పోలీస్‌ బృందాలు, రూట్‌ మొబైల్స్‌, 61 స్ట్రెకింగ్‌ ఫోర్స్‌లతో నిరంతరం గస్తీ పర్యవేక్షణ చేపడుతున్నట్లు అధికారులు తెలిపారు. ఎన్నికల నియమావళిని అమల్లో ఉంచుకొని పోలింగ్‌ కేంద్రాల వద్ద 30 యాక్ట్‌ 144 సెక్షన్‌తోపాటు పోలింగ్‌ కేంద్రాల చుట్టూ 100 మీటర్లు ఆంక్షలు విఽధించిట్లు తెలిపారు.

ధర్మవరం: పట్టణంలో పీఆర్‌టీవీధిలో విషాదం చోటుచేసుకుంది. 23వ వార్డు వైఎస్సార్‌సీపీ కౌన్సిలర్‌ అభ్యర్థి సింహం రామంజినేయులు సతీమణి సింహం అనసూయమ్మ (48) గుండెపోటుతో మృతిచెందింది. ఎన్నికల ప్రచారంలో గురువారం సాయంత్రం వరకు తిరిగి ఇంటికి రాగా హఠాత్తుగా ఛాతిలో నొప్పి రావడంతో కుటుంబ సభ్యులు ఆస్పత్రికి తరలించారు. అయితే అప్పటికే ఆమె మృతి చెందినట్లు వైద్యులు తెలపడంతో కుటుంబ సభ్యులు కన్నీరు మున్నీరయ్యారు. విషయం తెలుసుకున్న మాజీ ఎమ్మెల్యే కేతిరెడ్డి వెంకటరామిరెడ్డి వైఎస్సార్‌సీపీ కౌన్సిలర్‌ అభ్యర్థి రామంజినేయులు ఇంటికి వెళ్లి అతనిని పరామర్శించారు. కౌన్సిలర్‌ అభ్యర్థి సతీమణి గుండెపోటుతో మృతి

● ఈయూ రాష్ట్ర అధ్యక్షుడు నరసయ్య మడకశిర: ఆర్టీసీ సీసీఎస్‌ ఎన్నికల్లో తప్పకుండా విజయం సాధించాలని ఎంప్లాయీస్‌ యూనియన్‌ రాష్ట్ర అధ్యక్షుడు నరసయ్య కోరారు. పట్టణంలో పావగడ రోడ్డులో ఉన్న శివాలయంలో శుక్రవారం మడకశిర ఆర్టీసీ డిపో ఈయూ కార్యవర్గ సమావేశం జరిగింది. ఆయన మాట్లాడుతూ సీసీఎస్‌ ఎన్నికలు ఆర్టీసీ మనుగడకు ఎంతో ప్రాముఖ్యమన్నారు. ఈ ఎన్నికల్లో ఈయూ నుంచి పోటీ చేసే అభ్యర్థులను కచ్చితంగా గెలిపించే బాధ్యత డిపో కమిటీలపై ఉందని తెలిపారు. సీసీఎస్‌ ఎన్నికల్లో అభ్యర్థుల గెలుపునకు కృషి చేస్తామని డిపో కమిటీ సభ్యులు తెలిపారు. కార్యక్రమంలో జోనల్‌ అధ్యక్ష కార్యదర్శులు శేఖర్‌, ఖాన్‌, రాష్ట్ర నాయకులు నబీ రసూల్‌, రజినల్‌ అధ్యక్ష, కార్యదర్శులు జీవైసీ రావు, శ్రీనివాసు, రీజినల్‌ ప్రచార కార్యదర్శి ఆదినారాయణ, రీజనల్‌ వర్కింగ్‌ ప్రెసిడెంట్‌ నారాయణ స్వామి, రీజనల్‌ సభ్యులు కల్లప్ప, నాగ శేషు, కృష్ణమూర్తి ,సిద్ధగంగప్ప, మడకశిర డిపో అధ్యక్ష, కార్యదర్శులు రఫీక్‌, రంగనాథ్‌, డిపో కోశాధికారి ప్రకాష్‌ నాయుడ్‌ తదితరులు పాల్గొన్నారు. సాంకేతిక పురోగతితోనే దేశాభివృద్ధి ● ఎస్కేయూ వైస్‌ ఛాన్సలర్‌ ఎన్‌వీఆర్‌ జ్యోతికుమార్‌ అనంతపురం: సాంకేతిక పురోగతితోనే దేశాభివృద్ధి సాధ్యమని, మారుతున్న ఆధునిక పరిణామాలకు అనుగుణంగా విద్యార్థులు నిరంతరం తమ నైపుణ్యాలను మెరుగుపరుచుకోవాలని శ్రీకృష్ణదేవరాయ విశ్వవిద్యాలయం ఉపకులపతి (వైస్‌ ఛాన్సలర్‌) ఎన్‌.వీ.ఆర్‌. జ్యోతికుమార్‌ పిలుపునిచ్చారు. శ్రీ కృష్ణదేవరాయ విశ్వవిద్యాలయ ఇంజినీరింగ్‌ , సాంకేతిక కళాశాలలో కంప్యూటర్‌ సైన్స్‌ ఇంజినీరింగ్‌ విభాగం ఆధ్వర్యంలో ’ఫ్యూజన్‌ – 2కే26’ పేరిట రెండు రోజుల జాతీయస్థాయి సాంకేతిక సదస్సు శుక్రవారం ఘనంగా ప్రారంభమైంది. విద్యార్థుల్లో సాంకేతిక పరిజ్ఞానాన్ని పెంపొందించడం, సృజనాత్మకతను వెలికితీయడమే ధ్యేయంగా నిర్వహిస్తున్న కార్యక్రమానికి ప్రిన్సిపాల్‌ ఆర్‌.రామచంద్ర అధ్యక్షత వహించారు. ముఖ్య అతిథిగా హాజరైన వీసీ జ్యోతికుమార్‌ మాట్లాడుతూ విద్యార్థులు కేవలం చదువుకే పరిమితం కాకుండా పరిశోధనలు, నూతన ఆవిష్కరణలపై ప్రత్యేక దృష్టి సారించాలని సూచించారు. ప్రత్యేక అతిథిగా విచ్చేసిన జేఎన్టీయూ అనంతపురం వీసీ హెచ్‌.సుదర్శనరావు మాట్లాడుతూ విద్యార్థులు పుస్తక పరిజ్ఞానానికే పరిమితం కాకుండా ప్రయోగాత్మక జ్ఞానాన్ని పెంపొందించుకోవాలన్నారు. అనంతరం విద్యార్థులు పత్ర సమర్పణలు (పేపర్‌ ప్రజెంటేషన్లు), ప్రాజెక్ట్‌ ప్రదర్శనలు, క్విజ్‌ పోటీల్లో పాల్గొని తమ నైపుణ్యాలను ప్రదర్శించారు. కార్యక్రమంలో వైస్‌ ప్రిన్సిపాల్‌ జె.లత, సదస్సు కన్వీనర్‌ డి.గౌసియా బేగం, సహ కన్వీనర్లు డాక్టర్‌ పి.ఆర్‌. రాజేష్‌ కుమార్‌, యూ.ధనుంజయ తదితరులు పాల్గొన్నారు

పావగడ: తాలూకాలోని అరసికెరె పోలీస్‌స్టేషన్‌ పరిధిలోని కేటీ హళ్లి గ్రామంలో ప్రభుత్వా ఆస్పత్రికి ఎదురుగా గురువారం రాత్రి జరిగిన రోడ్డు ప్రమాదంలో ఇద్దరు యువకులు దుర్మరణం పాలయ్యారు. మరో ఇద్దరు యువకులు చావు బతుకుల మధ్య ఆస్పత్రిలో కొట్టుమిట్టాడుతున్నారు. వివరాలు... మొళకాల్మూరు తాలూకా మల్లూర హళ్లి వాసి సుదీప్‌ గొర్రెల కాపరి. జీవాలను ఎక్కడ మేపినా రాత్రికి కేటీ హళ్లికి వచ్చి ఉదయమే వెళ్లేవాడు. ఈ నేపథ్యంలోనే బల్లిబట్లు గ్రామం నుంచి సుదీప్‌తో పాటు మరో యువకుడు ద్విచక్ర వాహనంపై కేటీ హళ్లి వస్తున్నారు. మరోవైపు పావగడ తాలూకా కరియమ్మనపాళ్యకు చెందిన రైతు నాగరాజు పని నిమిత్తం మరో యువకుడితో కలిసి కేటీ హళ్లికి వస్తున్నారు. అయితే కేటీ హళ్లి ప్రభుత్వాస్పత్రి వద్ద రెండు బైకులు ఢీ కొన్నాయి. క్షతగాత్రులను వెంటనే తుమకూరు జిల్లా ఆస్పత్రికి తరలించారు. చికిత్స పొందుతూ సుదీప్‌ (24), నాగరాజు (35) చనిపోయారు. మరో ఇద్దరి పరిస్థితి కూడా విషమంగా ఉంది. అరసికెరె పోలీసులు సంఘటనా స్థలాన్ని పరిశీలించారు. అతి వేగమే ప్రమాదాలకు కారణమని, రోడ్డు భద్రత నిబంధనాలు పాటించాలని ఎస్‌ఐ విజయ్‌ కుమార్‌ తెలిపారు. రైలు కింద పడి డిగ్రీ విద్యార్థి మృతి ● ప్రేమ వ్యవహారమే కారణమా? రాప్తాడు రూరల్‌: ప్రేమ వ్యవహారం ఓ డిగ్రీ విద్యార్థి ప్రాణం తీసిందా? ప్రేమించిన యువతితో పెళ్లి విషయంలో పెద్దల నుంచి అభ్యంతరాలు ఎదురుకావడంతో మనస్తాపానికి గురయ్యాడా? అనంతపురం నగరానికి చెందిన షేక్‌ అయాజ్‌ (21) రైలు కింద పడి మృతి చెందిన ఘటనలో ఈ ప్రశ్నలు తెరపైకి వస్తున్నాయి. రాప్తాడు మండల పరిధిలోని పండమేరువంక రైల్వే బ్రిడ్జి సమీపంలో గురువారం అర్ధరాత్రి దాటిన తర్వాత అయాజ్‌ రైలు కింద పడి మృతి చెందాడు. సమాచారం అందుకున్న రైల్వే పోలీసులు శుక్రవారం ఘటనా స్థలానికి చేరుకుని పరిశీలించారు. మృతుడి వద్ద లభించిన మొబైల్‌ ఫోన్‌ ఆధారంగా కుటుంబ సభ్యులను గుర్తించి సమాచారం అందించారు. తండ్రి ఫిర్యాదు మేరకు కేసు నమోదు చేశారు. ప్రేమ వ్యవహారమే ఈ ఘటనకు కారణమని తెలిసింది. షేక్‌ అయాజ్‌ డిగ్రీ తృతీయ సంవత్సరం చదువుతున్నాడు. మరోవైపు ఓ బిల్డర్‌ వద్ద పార్ట్‌టైం ఉద్యోగం చేస్తున్నాడు. అతడి తండ్రి షేక్‌ జాఫర్‌ ఆర్టీఏ కార్యాలయంలోని ఓ ప్రైవేట్‌ ఏజెంట్‌ వద్ద సహాయకుడిగా పనిచేస్తున్నాడు. రెండేళ్ల క్రితం అనారోగ్యంతో కుమార్తెను కోల్పోయిన ఆ కుటుంబానికి, ఇప్పుడు ఒక్కగానొక్క కుమారుడు కూడా దూరం కావడంతో తల్లిదండ్రులు కన్నీరుమున్నీరవుతున్నారు. వీడియో చుట్టూ అనుమానాలు.. అయాజ్‌ ఓ యువతిని గాఢంగా ప్రేమించాడని, పెళ్లి విషయంలో పెద్దల నుంచి అంగీకారం లభించకపోవడంతో మనస్తాపానికి గురైనట్లు తెలిసింది. మరోవైపు, ఘటనకు ముందు అయాజ్‌ ఓ వీడియో తీసి యూట్యూబ్‌లో అప్‌లోడ్‌ చేశాడని, ఆ తర్వాత అది తొలగించబడినట్లు ప్రచారం జరుగుతోంది.

హిందూపురం (చిలమత్తూరు): మున్సిపల్‌ ఎన్నికల్లో టీడీపీకి గెలుపు అవకాశాలు లేవని అంతర్గత సర్వేల్లో తేలడంతో షూటింగ్‌లో జరిగిన ప్రమాదంలో తీవ్రంగా గాయపడిన ఎమ్మెల్యే బాలకృష్ణ విశ్రాంతి తప్పనిసరి అయినా ఎన్నికల ప్రచారానికి పురంలో పర్యటిస్తున్నారు. మున్సిపల్‌ ఎన్నికల ప్రచారం శుక్రవారం ఆఖరిరోజు కావడంతో ఎమ్మెల్యే బాలకృష్ణ ఎన్‌టీఆర్‌ విగ్రహం వద్ద బహిరంగ సభ ఏర్పాటు చేశారు. బాలకృష్ణ సభకు కుర్చీలన్నీ ఖాళీగా కనిపించాయి. కొందరు బాలకృష్ణ మాట్లాడుతున్న సమయంలో లేచి వెళ్లిపోయారు. జనాలు ఆసక్తి చూపించకపోవడంతో బయట నుంచి కూలీ ఖర్చులు చెల్లించి జనాలను రప్పించారు. వారికి కూడా సమయం అరయిపోవడంతో ఒక్కొక్కరుగా లేచి వెళ్లిపోయారు. దీంతో ఎమ్మెల్యే బాలకృష్ణ తీవ్ర అసహనంతో కనిపించారు. ఎన్నికల ప్రచారానికి జనాలని తీసుకురావడం కూడా తెలియదా అని పీఏలపై ఆగ్రహం వ్యక్తం చేసినట్లు తెలిసింది. యథేచ్ఛగా కోడ్‌ ఉల్లంఘన.. శుక్రవారం సాయంత్రం ఐదు గంటలకే ఎన్నికల ప్రచారం ముగియగా, ఎమ్మెల్యే బాలకృష్ణ 5.30 గంటలైనా సభలో ప్రసంగించి ఎన్నికల కోడ్‌ ఉల్లంఘించారు. కోడ్‌ ఉల్లంఘన జరుగుతున్నా అధికార యంత్రాంగం కనీసం చెప్పే ప్రయత్నం కూడా చేయలేదు.

మడకశిరరూరల్‌: మండల పరిధిలోని భీమరాయనపల్లికి చెందిన మల్బరీ రైతు నారాయణస్వామి షెడ్‌లో మల్బరీ ఆకు, పురుగులపై గుర్తు తెలియని వ్యక్తులు విష ప్రయోగం చేశారు. బాధిత రైతు వివరాల మేరకు.. నారాయణస్వామి.. పట్టు గుడ్లు పెంపకం చేపట్టారు. రెండు రోజుల్లో పట్టు పురుగులను చంద్రికల్లోకి వదలాల్సి ఉంది. గురువారం రాత్రి షెడ్‌లో ఉన్న మల్బరీ ఆకు, పురుగులపై విష ప్రయోగం చేశారు. శుక్రవారం ఉదయం వెళ్లి చూడగా మల్బరీ సూట్‌లోనే పురుగులు చనిపోయి దాదాపు రూ. 2 లక్షల వరకు నష్టం జరిగింది. విషయం తెలుసుకున్న పట్టు పరిశ్రమశాఖ ఏడీ హనుమంతరాయ సిబ్బందితో వెళ్లి చనిపోతున్న పట్టు పరుగులను పరిశీలించారు. వైఎస్సార్‌సీపీ మద్దతుదారుడనే.. మల్బరీ సూట్‌లో చనిపోయిన పట్టు పురుగులను రాష్ట్ర వైఎస్సార్‌సీపీ ఎస్‌ఈసీ సభ్యుడు వైసీ గోవర్థన్‌రెడ్డి, రాష్ట్ర రైతు విభాగం కార్యదర్శి రామిరెడ్డి, రాష్ట్ర పంచాయతీరాజ్‌ విభాగం కార్యదర్శి నాగభూషణరెడ్డి నాయకులతో కలిసి పరిశీలించారు. ఎస్‌ఈసీ సభ్యుడు మాట్లాడుతూ నారాయణస్వామి వైఎస్సార్‌సీపీ మద్దతుదారుడు కావడం, పైగా ఎంపీటీసీ అభ్యర్థి ఆర్‌ వెంకటేశులు గెలుపుకు ప్రచారం చేస్తుండడంతో జీర్ణించుకోలేక రాజకీయ కక్షతోనే ఇలా చేశారని విమర్శించారు. ప్రశాంతంగా ఉన్న ప్రాంతంలో ఇలాంటి ఘటనలు జరుగడం చాలా దురదృష్టకరమన్నారు. నిందితులపై కఠిన చర్యలు తీసుకోవాలని బాధిత రైతు పోలీసులకు ఫిర్యాదు చేశారన్నారు. రెండు లక్షలకు పైగా నష్టం

పుట్టపర్తి టౌన్‌: జర్నలిస్టులపై దాడులు అరికట్టాలని ఏపీడబ్ల్యూజేఎఫ్‌ జిల్లా అధ్యక్షుడు శివరామకృష్ణతో పాటు జర్నలిస్టులు కలెక్టర్‌ శ్యాంప్రసాద్‌ను కోరారు. నంద్యాల జిల్లా ఆత్మకూరు రూరల్‌ సాక్షి విలేకరి సుబ్బారెడ్డిపై దుండగులు జరిపిన దాడిని ఖండిస్తూ దాడి చేసిన వారిపై చర్యలు తీసుకోవాలని శుక్రవారం కలెక్టర్‌ కార్యాలయంలో కలెక్టర్‌కు వినతిపత్రం అందజేశారు. శివరామకృష్ణ మాట్లాడుతూ విధి నిర్వహణలో ఉన్న జర్నలిస్టులపై దాడి చేయడం పత్రికా స్వేచ్ఛను దెబ్బతీయడమేనని పేర్కొన్నారు. దాడికి పాల్పడిన వారందరినీ గుర్తించి కఠిన చర్యలు తీసుకోవాలని డిమాండ్‌ చేశారు. జర్నలిస్టులపై దాడులు జరిగిన ప్రతిసారి నిరసనలు వ్యక్తం చేయడం వినతిపత్రాలు అందించడం మినహా శాఽశ్వత పరిష్కారం చూపలేదన్నారు. విషయాన్ని ఉన్నతాధికారుల దృష్టికి తీసుకెళ్తామని కలెక్టర్‌ శ్యాంప్రసాద్‌ హామీ ఇచ్చారు. కార్యక్రమంలో సాక్షి ప్రతినిధి దివిటి రాజేష్‌, జర్నలిస్టులు కేశవరెడ్డి, సాయికృష్ణారెడ్డి, విజయశేఖర్‌రెడ్డి, అంజిప్రసాద్‌, నాగరాజు, గోపాల్‌, శ్రీనివాసులు, సతీష్‌బాబు, గంగాద్రి తదితరులు పాల్గొన్నారు.

సాక్షి టాస్క్‌ఫోర్స్‌: తలుపుల మండలంలోని ఈదులకుంట్లపల్లి ఫీల్డ్‌ అసిస్టెంట్‌ దేవేంద్రనాయక్‌ ఈదులకుంట్లపల్లి టీడీపీ ఎంపీటీసీ అభ్యర్థి గోవిందునాయక్‌కు మద్దతుగా రాజనాలవాండ్లపల్లిలో ఎన్నికల ప్రచారంలో పాల్గొన్నారు. రాష్ట్ర ఎన్నికల కమిషన్‌ ఆదేశాల ఉద్యోగులు ఎన్నికల ప్రచారంలో పాల్గొన కూడదని నిబంధనలున్నాయి. అయినా గోవిందునాయక్‌ ఎన్నికల ప్రచారంలో పాల్గొనడంపై విమర్శలొస్తున్నాయి. ప్రజలు నిలదీయడంతో దిగొచ్చిన బాబు ప్రభుత్వం ● సీఐటీయూ రాష్ట్ర ఉపాధ్యక్షుడు ఓబులు ● సమ్మె విరమించిన సత్యసాయి కార్మికులు కూడేరు: సత్యసాయి తాగునీటి ప్రాజెక్ట్‌లో పనిచేస్తున్న కార్మికులు శుక్రవారం సమ్మె విరమించి విఽధుల్లోకి చేరారు. కూడేరు మండల పరిధిలోని పీఏబీఆర్‌ డ్యాం వద్ద ఉన్న సత్యసాయి ప్రాజెక్ట్‌లో ప్రధాన పైపులైన్‌ మోటర్లు ఆన్‌ చేసి గ్రామాలకు తాగునీటి సరఫరాకు కార్మికులు చర్యలు చేపట్టారు. సీఐటీయు రాష్ట్ర ఉపాధ్యక్షుడు ఓబులు, సత్యసాయి తాగునీటి ప్రాజెక్ట్‌ యూనియన్‌ అధ్యక్షుడు మధుసూదన్‌ మాట్లాడుతూ పెండింగ్‌లో ఉన్న 4 నెలల వేతనాలు, ఇతర సమస్యల పరిష్కారం కోసం ఈ నెల 16 నుంచి నిరవధిక సమ్మె చేపట్టారన్నారు. స్థానిక సంస్థల ఎన్నికల ప్రచారంలో ప్రజలు తాగునీటి సమస్యపై కూటమి నేతలను నిలదీయడంతో ప్రభుత్వం దిగి వచ్చి ప్రాజెక్ట్‌ బీఆర్‌ఓ అకౌంట్‌లోకి రూ.18 కోట్లు జమ చేసిందన్నారు. ఈ నగదు 6 నెలల వేతనాలకు మాత్రమే సరిపోతుందన్నారు. ప్రజల తాగునీటి అవసరాలను, కార్మికుల ఆర్ధిక ఇబ్బందులను దృష్టిలో ఉంచుకొని ప్రభుత్వం కార్మికులకు ప్రతి నెల 5న వేతనాలు ఇచ్చేందుకు చర్యలు చేపట్టాలన్నారు. లేదంటే మళ్లీ కార్మికులు సమ్మెబాట పడతారని హెచ్చరించారు. టీడీపీకి మద్దతివ్వలేదని ఇంటిని కూల్చేశారు కుందుర్పి: ఎన్నికల్లో మద్దతు ఇవ్వలేదని టీడీపీ నాయకులు చక్రానాయక్‌, గోపాల్‌నాయక్‌, రాజూనాయక్‌ కక్షకట్టి తన ఇంటిని రెండు రోజుల క్రితం కూల్చేశారని ఎస్‌.మల్లాపురం తండాకు చెందిన సుజాతాబాయి ఆవేదన వ్యక్తం చేశారు. ఈ మేరకు డీఎస్పీ కార్యాలయంలో ఫిర్యాదు చేశానని చెప్పారు. అయితే పోలీసులు ఏం జరిగిందో తెలుసుకోవడానికి సంఘటన స్థలానికి కూడా రాలేదని తెలిపారు. ఎమ్మెల్యే అమిలినేని ఆదేశాల మేరకే పోలీసులు స్పందించడం లేదని వైఎస్సార్‌సీపీ నాయకులు బుజ్జీనాయక్‌, కృష్ణానాయక్‌, నరశింహులు తదితరులు ఆవేదన వ్యక్తం చేశారు. కర్ణాటక మద్యం స్వాధీనం విడపనకల్లు: ఉరవకొండ ఎకై ్సజ్‌ పోలీసు సిబ్బంది శుక్రవారం మండల కేంద్రంలోని కర్ణాటక మద్యం విక్రయిస్తున్న ఒక వ్యక్తిని అదుపులోకి తీసుకున్నారు. విడపనకల్లు గ్రామానికి చెందిన గునక రామాంజనేయులు అనే వ్యక్తి నుంచి 25 హైవార్‌ుడ్స, చీర్స్‌ విస్కీ, టెట్రా ప్యాకెట్లు స్వాధీనం చేసుకుని, అతడిపై కేసు నమోదు చేశారు. ఎన్నికల నేపథ్యంలో ఎవరైనా అక్రమంగా మద్యం విక్రయాలు నిర్వహిస్తే.. వారిపై చట్టపరమైన చర్యలు తీసుకుంటామని ఉరవకొండ ప్రొహిబిషన్‌ అండ్‌ ఎకై ్సజ్‌ ఇన్‌స్పెక్టర్‌ రవిచంద్ర తెలిపారు.

● ఓటర్లకు డబ్బులు పంపిణీ చేస్తున్న టీడీపీ నేతలు ● పలు ప్రాంతాల్లో పింఛన్‌ మొత్తం ఇస్తూ ఓటు అభ్యర్థన ● చర్యలు తీసుకోవాలని మాజీ ఎమ్మెల్యే దుద్దుకుంట ఫిర్యాదు పుట్టపర్తి అర్బన్‌: ఓటు అడిగితే ‘ఏం చేశారని ఓటు అడుగుతున్నారు’ అని జనం ముఖం మీదే ప్రశ్నిస్తున్నారు. బాబ్బాబు అంటూ బతిమాలినా ప్రచారానికి ఎవరూ రావడం లేదు. స్థానిక సంస్థల ఎన్నికల్లో పోలింగ్‌కు ముందే ఓటమి ఖాయమని తెలుసుకున్న కూటమి పార్టీల నేతలు ఓటర్లకు తాయిళాలు పంచుతూ ప్రలోభాలకు గురిచేస్తున్నారు. ఈ క్రమంలోనే శుక్రవారం పుట్టపర్తి మున్సిపాలిటీ పరిధిలోని ఓటర్లు పచ్చనేతలు డబ్బులు పంచుతూ సోషల్‌ మీడియాకు చిక్కారు. ఆ ఫొటోలు వైరల్‌గా మారాయి. అలాగే సచివాలయ సిబ్బందిని బెదిరించి వారు పంచాల్సిన ఎన్టీఆర్‌ భరోసా పింఛన్ల మొత్తాన్ని టీడీపీ ఎంపీటీసీ అభ్యర్థులే పంచుతూ ఓట్లు అభ్యర్థిస్తున్నారు. అమడగూరు మండలం జేకేపల్లిలో ఎంపీటీసీ అభ్యర్థి వెంకటరమణ శుక్రవారం ఓటర్లకు టీడీపీ కరపత్రంతో పాటు ఎన్టీఆర్‌ భరోసా పింఛన్‌ మొత్తాన్ని అందజేశారు. కూటమికి ఓటు వేయకపోతే వచ్చేనెల నుంచి పింఛన్‌ రద్దవుతుందని ఓ వృద్ధుని బెదిరిస్తున్న వీడియో, ఫొటోలు సోషల్‌ మీడియాలో హల్‌చల్‌ చేశాయి. ఇలా ఓటర్లను ప్రలోభాలకు గురిచేస్తున్న వారిపై కఠిన చర్యలు తీసుకోవాలని, నిబంధనలకు విరుద్ధంగా వ్యవహరించిన వారి నామినేషన్‌ రద్దు చేయాలని మాజీ ఎమ్మెల్యే దుద్దుకుంట శ్రీధర్‌రెడ్డి డీఆర్‌డీఏ పీడీ, రాష్ట్ర ఎన్నికల కమిషన్‌, కేంద్ర ఎన్నికల సంఘానికి ఫిర్యాదు చేశారు. ఇందుకు సంబంధించిన ఫొటోలు, వీడియోలను వారికి పంపారు. అలాగే టీడీపీ అభ్యర్థులకు పింఛన్‌ డబ్బులు ఇచ్చి పంపిణీ చేయించిన వారిపైనా చర్యలు తీసుకోవాలని కోరారు.

పుట్టపర్తి టౌన్‌: మున్సిపల్‌ ఎన్నికల్లో ప్రచారానికి తెరపడింది. ఇన్నాళ్లు ర్యాలీలు, సభలు, సమావేశాలతో హోరెత్తిన పట్టణాల్లో ఒక్కసారిగా నిశ్శబ్దం అలుముకుంది. బహిరంగ ప్రచారం ముగియడంతో అభ్యర్థులు తమ వ్యూహాలకు పదును పెట్టారు. ప్రచారానికి సమయం ముగిసినా ఓటర్లను తమ వైపు తిప్పుకొనే ప్రయత్నాలు మాత్రం తెర వెనుక ముమ్మరంగా సాగిస్తున్నారు. ఇంటింటి మంతనాలు.. ప్రచార పర్వం ముగియడంతో అభ్యర్థులు నేరుగా ఓటర్ల ఇళ్లకు వెళ్లి కలుస్తున్నారు. చివరి నిమిషంలో ఓటర్ల మద్దతు కూడగట్టేందుకు స్థానిక నాయకుల ద్వారా మంతనాలు సాగిస్తున్నారు. తమకు అనుకూలంగా ఓటు వేయాలంటూ ఓటర్లను అభ్యర్థిస్తున్నారు. కొందరు అభ్యర్థులు నగదు, ఇతర ప్రలోభాలకు పాల్పడుతున్నారని తెలుస్తోంది. పెద్ద ఎత్తున డబ్బులు చేతులు మారుతున్నాయనే ప్రచారం సాగుతోంది. ప్రతి ఓటు కీలకమే... అభ్యర్థుల్లో టెన్షన్‌ మున్సిపల్‌ ఎన్నికల్లో వార్డుల వారీగా పోటీ తీవ్రంగా ఉండడంతో అభ్యర్థుల్లో తీవ్ర ఉత్కంఠ నెలకొంది. గెలుపుపై ఎవరికివారు ధీమా వ్యక్తం చేస్తున్నప్పటికీ లోలోన మాత్రం ఓటర్ల మనోగతంపై లెక్కలు వేసుకుంటున్నారు. ఏ వార్డులో ఎవరికి అనుకూల పరిస్థితులు ఉన్నాయి... ఎక్కడ ప్రత్యర్థి బలంగా ఉన్నారు, ఎక్కడ ఓట్లు చీలే అవకాశం ఉంది...తదితర అంశాలపై చర్చిస్తున్నారు. ముఖ్యంగా స్వల్ప మెజార్టీతో ఫలితాలు తారుమారయ్యే అవకాశం ఉన్న వార్డులపై ప్రత్యేక దృష్టి సారిస్తున్నారు. పోలింగ్‌కు సర్వం సిద్ధం.. జిల్లాలోని రెండు నగర పంచాయతీలు, నాలుగు మున్సిపాలిటీల్లో ఆదివారం పోలింగ్‌ నిర్వహించేందుకు అధికారులు అన్ని ఏర్పాట్లు పూర్తి చేశారు. పోలింగ్‌ కేంద్రాల వద్ద భద్రత, ఓటర్లకు అవసరమైన సౌకర్యాల కల్పనపై ప్రత్యేక దృష్టి సారించారు. ప్రచార పర్వం ముగియడంతో ఇప్పుడు అభ్యర్థుల భవితవ్యం ఓటర్ల చేతుల్లోకి వెళ్లింది. అభ్యర్థుల హామీలు, రాజకీయ సమీకరణాల మధ్య ఓటర్ల తీర్పు ఎలా ఉండబోతోందన్నది ఆసక్తికరంగా మారింది. మూగబోయిన మైకులు... తెర వెనుక మంతనాలు ఓటర్లను ప్రసన్నం చేసుకునేందుకు అభ్యర్థుల పాట్లు రెండు నగర పంచాయతీలు, నాలుగు మున్సిపాలిటీల్లో రేపు పోలింగ్‌ గెలుపోటములపై రాజకీయ పార్టీలలో ఉత్కంఠ ‘పుర’పోరుపై జిల్లా పోలీసు యంత్రాంగం ప్రత్యేక దృష్టి సారించింది. పోలింగ్‌ ప్రశాంతంగా సాగేందుకు 2 వేల మందిని నియమించింది. నవంబర్‌ 1న పోలింగ్‌ 787 కేంద్రాల్లో జరగనుండగా...ఆయా ప్రాంతాల్లో పటిష్ట భద్రతా చర్యలు చేపట్టింది. సమస్యాత్మక, అత్యంత సమస్యాత్మక పోలింగ్‌ కేంద్రాలుగా గుర్తించిన ప్రాంతాల్లో అదనపు బలగాల మోహరింపుతో పాటు సీసీ కెమెరాలతో నిఘా ఏర్పాటు చేస్తోంది. మరోవైపు పరిషత్‌ ఎన్నికల హడావుడి కూడా ప్రారంభం కావడంతో ఎక్కడా ఎలాంటి అవాంఛనీయ సంఘటనలు చోటుచేసుకోకుండా పక్కా ప్రణాళికతో పోలీసు అధికారులు ముందుకుసాగుతున్నారు.

పుట్టపర్తి టౌన్‌: మున్సిపల్‌ ఎన్నికల్లో భాగంగా ఆదివారం నిర్వహించే పోలింగ్‌కు పటిష్ట బందోబస్తు ఏర్పాట్లు చేస్తున్నట్లు ఎస్పీ సతీష్‌కుమార్‌ వెల్లడించారు. జిల్లాలోని రెండు నగర పంచాయతీలు, నాలుగు మున్సిపాలిటీల్లో ఎన్నికలు సజావుగా, ప్రశాంత వాతావరణంలో నిర్వహించేందుకు తగు చర్యలు చేపట్టామన్నారు. ఈ మేరకు శుక్రవారం ఆయన ఒక ప్రకటన విడుదల చేశారు. పోలింగ్‌ రోజున విధుల్లో 1,500 మంది పోలీసు సిబ్బంది విధుల్లో ఉంటారన్నారు. ఇందులో సివిల్‌ పోలీసులతోపాటు ఏఆర్‌, స్పెషల్‌ పార్టీ, ఏపీఎస్పీ బలగాలు ఉంటాయన్నారు. పోలింగ్‌ కేంద్రాలను సాధారణ, సమస్యాత్మక, అత్యంత సమస్యాత్మక కేంద్రాలుగా విభజించి అక్కడి పరిస్థితులకు అనుగుణంగా భద్రతా చర్యలు చేపట్టినట్లు వెల్లడించారు. పోలింగ్‌ రోజున ఎక్కడ ఎలాంటి ఘటనలు చోటుచేసుకోకుండా రూట్‌ మొబైల్స్‌, స్ట్రెకింగ్‌ ఫోర్స్‌లతో నిరంతరం గస్తీ ఏర్పాటు చేశామన్నారు. అత్యవసర పరిస్థితులు సమర్థవంతంగా ఎదుర్కొనేందుకు స్పెషల్‌ స్ట్రైకింగ్‌ ఫోర్స్‌లను సిద్ధం చేసినట్లు పేర్కొన్నారు. పోలింగ్‌ కేంద్రాల వద్ద 30 యాక్ట్‌, 144 సెక్షన్‌ అమల్లో ఉంటుందన్నారు. పోలింగ్‌ కేంద్రాల చుట్టూ 100 మీటర్లు ఆంక్షలు విధించామన్నారు. నగదు, మద్యం అక్రమ రవాణాను నియంత్రించడంతోపాటు ఇతర ప్రాంతాల వ్యక్తులు జిల్లాలో ప్రవేశించకుండా సరిహద్దులో నిరంతరం తనిఖీలు చేపట్టామన్నారు. పోలింగ్‌ కేంద్రాల పరిసర ప్రాంతాల్లోనూ సీసీ కెమెరాల ఏర్పాటు చేసి కంట్రోల్‌రూమ్‌ నుంచి పర్యవేక్షణ ఏర్పాటు చేసినట్లు ఎస్పీ పేర్కొన్నారు. ఎవరైనా అల్లర్లు సృష్టించినా, అధికారుల విధులకు ఆటంకం కలిగించినా కఠిన చర్యలు తప్పవని హెచ్చరించారు. ఎన్నికల సమయంలో ఎవరైనా శాంతిభద్రతలకు విఘాతం కలిగించినా, నిబంధనలు ఉల్లంఘించినా పోలీసులకు సమాచారం ఇవ్వాలని సూచించారు. పోలింగ్‌ కేంద్రాల పరిశీలన.. కదిరి టౌన్‌: మున్సిపల్‌ ఎన్నికల నేపథ్యంలో ఎస్పీ సతీష్‌కుమార్‌ శుక్రవారం కదిరిలోని ప్రభుత్వ బాలికల కళాశాలో ఏర్పాటు చేసిన ఎన్నికల కేంద్రం, స్ట్రాంగ్‌ రూమ్‌, కౌంటింగ్‌ కేంద్రాలను పరిశీలించారు. ఎన్నికల సామగ్రి తీసుకునేందుకు వచ్చే సిబ్బందికి, విధి నిర్వహణలో ఉన్న అధికారులకు ఎలాంటి ఇబ్బందులు కలగకుండా అవసరమైన బారికేడ్లు ఏర్పాటు చేయాలని సూచించారు. అనంతరం పట్నం పోలింగ్‌ కేంద్రాన్ని ఆయన పరిశీలించారు. ఓటర్లు ఎలాంటి భయాందోళనకు గురికాకుండా స్వేచ్ఛగా ఓటు హక్కును వినియోగించుకునేలా భద్రత చర్యలు చేపట్టాలన్నారు. ఎస్పీ వెంట ఆర్డీఓ కళావతి, డీఎస్పీ శివనారాయణస్వామి, మున్సిపల్‌ కమిషనర్‌ క్రాంతికుమార్‌, తహసీల్దార్‌ రెడ్డి శేఖర్‌ తదితరులు ఉన్నారు. ప్రజలు స్వేచ్ఛగా ఓటు వేసేలా భద్రతా చర్యలు పోలింగ్‌ కేంద్రాల వద్ద 30 యాక్ట్‌ అమలు నిబంధనలు ఎవరు ఉల్లంఘించినా కఠిన చర్యలు ఎస్పీ సతీష్‌కుమార్‌ వెల్లడి

కదిరి టౌన్‌: ప్రజల ఆశీర్వాదంతో మున్సిపల్‌ ఎన్నికల్లో తప్పకుండా వైఎస్సార్‌సీపీ జెండా ఎగురవేస్తామని ఆ పార్టీ నియోజకవర్గ సమన్వయకర్త బీఎస్‌ మక్బూల్‌ అన్నారు. శుక్రవారం ఆయన పట్టణంలోని వైఎస్సార్‌సీపీ కార్యాలయంలో విలేకరులతో మాట్లాడారు. చంద్రబాబు నేతృత్వంలోని కూటమి ప్రభుత్వం రాష్ట్రంలో కొలువుదీరాక కదిరి మున్సిపాలిటీలో అభివృద్ధి కుంటుపడిందన్నారు. అలవిగాని హామీలతో అధికారంలోకి వచ్చిన కూటమి నేతలు... రెండున్నరేళ్ల పాలనలో ఏ ఒక్క హామీని పూర్తిగా నెరవేర్చలేకపోయారన్నారు. ముఖ్యంగా కదిరి పట్టణంలో తాగునీరు, డ్రైనేజీ, రోడ్లు, పారిశుధ్యం, మౌలిక వసతుల కల్పనపై ఏమాత్రం దృష్టి సారించలేదన్నారు. సమస్యలు పరిష్కరించాల్సిన పాలకులు వాటిని పట్టించుకోకపోవడంతో ప్రజలు తీవ్ర ఇబ్బందులు పడుతున్నారన్నారు. ఇప్పుడు మున్సిపల్‌ ఎన్నికల్లో మళ్లీ ప్రజలను మోసం చేయడానికి కూటమి నాయకులు వస్తున్నారని, వారి కుట్రలను తిప్పికొట్టాలని పిలుపునిచ్చారు. అధికార పార్టీ నేతలు కదిరి ఓటర్లను ఎన్ని ప్రలోభాలకు గురిచేసినా, భయభ్రాంతులకు గురి చేసినా వైఎస్సార్‌సీపీ ప్రచారానికి ప్రజలు బ్రహ్మరథం పట్టారన్నారు. ప్రజల ఆశీర్వాదంతో చైర్మన్‌ స్థానంతోపాటు కౌన్సిలర్‌ స్థానాలను అత్యధికంగా గెలుచుకుని, కదిరిలో వైఎస్సార్‌సీపీ జెండా ఎగురవేస్తామని మక్బూల్‌ ధీమా వ్యక్తం చేశారు. కుల, మత, రాజకీయాలకు అతీతంగా సంక్షేమ పథకాలు అందించిన ఘనత ఒక్క వైఎస్సార్‌సీపీకే దక్కిందన్నారు. మున్సిపల్‌ ఎన్నికల పోలింగ్‌ రోజున ప్రజలు స్వేచ్ఛగా ఓటు హక్కును వినియోగించేలా చర్యలు చేపట్టాలని పోలీసు ఉన్నతాధికారులను మక్బూల్‌ కోరారు. రెండున్నరేళ్లుగా పట్టణంలో అభివృద్ధి కుంటుపడింది ప్రజలు స్వేచ్ఛగా ఓటు వేసేలా అధికారులు చొరవ చూపాలి వైఎస్సార్‌సీపీ నియోజకవర్గ సమన్వయకర్త బీఎస్‌ మక్బూల్‌

మడకశిర: ఎన్నికల ముందు ప్రస్తుత మడకశిర ఎమ్మెల్యే ఎంఎస్‌ రాజు ఎన్నో హామీలు గుప్పించారు. గెలిచి రెండేళ్లు దాటిపోతున్నా ఆ హామీలును మాత్రం పట్టించుకోవడం లేదు. ముఖ్యంగా మడకశిర నగర పంచాయతీ సుందరీకరణ (బ్యూటిఫికేషన్‌) కూటమి ప్రభుత్వంలో ఆరంభ శూరత్యంగానే మిగిలింది. ఎమ్మెల్యే అయిన వెంటనే బ్యూటిఫికేషన్‌ పనులను ఎమ్మెల్యే ఎంఎస్‌ రాజు హడావుడి చేసి ప్రారంభించారు. నాటి నుంచి నేటి దాకా ఆ పనులు ఒక్క అడుగు కూడా ముందుకు పడలేదు. కలగానే రింగు రోడ్డు.. మడకశిరలో రోజురోజుకూ ట్రాఫిక్‌ పెరిగిపోతోంది. దీంతో ప్రజలు తీవ్ర ఇబ్బందులు పడుతున్నారు. 2024లో ముఖ్యమంత్రి అయిన వెంటనే చంద్రబాబు మడకశిర మండలంలోని గుండుమల గ్రామాన్ని సందర్శించారు. అప్పుడు మడకశిరంగా ఎన్నో హామీలు ఇచ్చారు.ఇందులో ప్రధానమైనది రింగ్‌ రోడ్డు నిర్మాణం. రూ.60 కోట్లతో రింగ్‌రోడ్డు ఏర్పాటు చేస్తామని నిండు సభలో ముఖ్యమంత్రి ప్రకటించారు. స్థానిక ఎమ్మెల్యే ఎంఎస్‌ రాజు కూడా రింగ్‌ రోడ్డు సాధించడంలో విఫలమయ్యారని పట్టణ ప్రజలు అసంతృప్తి వ్యక్తం చేస్తున్నారు. మడకశిర చెరువుకు కృష్ణా జలాలేవీ? మడకశిర చెరువులో నీరు ఉంటే పట్టణ ప్రజలకు తాగునీటి సమస్య ఉండదు. ఈచెరువులో నీరులేకపోతే పట్టణ ప్రజలు తాగునీటికి ఇబ్బందులు పడాల్సిన పరిస్థితి. ఈ ఏడాది వర్షాలు రాక మడకశిర చెరువులోకి నీరు చేరలేదు. ఈక్రమంలో స్థానిక ఎమ్మెల్యే ఎంఎస్‌ రాజు చొరవ తీసుకుని మడకశిర చెరువును కృష్ణా జలాలతో నింపుతారని పట్టణ ప్రజలు ఆశించారు. అయితే ఆయన పట్టించుకోకపోవడంతో మడకశిర పట్టణ ప్రజలకు తాగునీటి సమస్య ముంచుకొచ్చే ప్రమాదం ఏర్పడింది. చెరువు సమీపంలోని ఊటబావిలో నీరు కూడా క్రమంగా తగ్గుతుండడమే దీనికి నిదర్శనం. ఇదిలా ఉండగా వైఎస్సార్‌సీపీ ప్రభుత్వ హయాంలో మడకశిర చెరువును రెండుసార్లు కృష్ణా జలాలతో నింపడంతో అప్పడు తాగునీటి సమస్యే ఉత్పన్నం కాలేదని ప్రజలు గుర్తు చేసుకుంటున్నారు. మడకశిర సుందరీకరణ పనులు ప్రారంభించి వదిలేసిన ఎమ్మెల్యే ఎంఎస్‌ రాజు నేటికీ కార్యరూపం దాల్చని రింగ్‌ రోడ్డు నిర్మాణం ట్రాఫిక్‌తో నిత్యం ప్రజల అవస్థలు మడకశిర చెరువును కృష్ణా జలాలు నింపడంలోనూ విఫలం తాగునీటి సమస్య ముంచుకొస్తున్నా పట్టని వైనం

హిందూపురం టౌన్‌: స్థానిక సంస్థల ఎన్నికల్లో భాగంగా మున్సిపాలిటీల్లో పోలింగ్‌కు రంగం సిద్ధమైంది. ఆదివారం పోలింగ్‌ జరగనుండగా....జిల్లాలోని అన్ని మున్సిపాలిటీల్లో శుక్రవారం సాయంత్రానికే మద్యం దుకాణాలు మూతపడ్డాయి. అయితే జిల్లాకు కూతవేటు దూరంలోనే కర్ణాటక సరిహద్దు ఉండటంతో.. రాత్రింబవళ్లు మద్యం అక్కడి నుంచి తరలివస్తోంది. చెక్‌పోస్టులో పోలీసుల నిఘా లేకపోవడంతో యథేచ్ఛగా మద్యం అక్రమ రవాణా, విక్రయాలు కొనసాగుతున్నాయి. సరిహద్దే కీలకం.. జిల్లాలోని 32 మండలాల్లో 16 మండలాలకు కర్ణాటక సరిహద్దులో ఉన్నాయి. ముఖ్యంగా మడకశిర, హిందూపురం నియోజకవర్గాలు పూర్తిగా కర్ణాటక సరిహద్దులో ఉండటంతో ఆయా ప్రాంతాల్లో కర్ణాటక మద్యం ఏరులై పారుతోంది. కర్ణాటక మద్యం జాతీయ రహదారిపైనే వాహనాల్లో యథేచ్ఛగా జిల్లాలోకి ప్రవేశిస్తున్నా... కొడికొండ, తూమకుంట చెక్‌పోస్టుల్లో పట్టించుకునే నాథుడే లేరు. దీంతో ఆంధ్రలో మద్యం దుకాణాలు మూసి ఉన్నప్పటికీ బెల్టు షాపుల ద్వారా విచ్చలవిడిగా విక్రయాలు జరుగుతున్నాయి. మత్తులోదించి..ఓట్లు కొల్లగొట్టేందుకు ప్లాన్‌.. కూటమి అభ్యర్థులు ఓటర్లను ప్రలోభాలకు గురిచేసేందుకు మద్యం పంపిణీ ప్రారంభించారు. ఇందుకోసం ఎక్కువగా హిందూపురం సమీపంలోని కర్ణాటక సరిహద్దులో ఉన్న మద్యం దుకాణాలపై ఆధారపడుతున్నారు. పట్టణానికి కర్ణాటక రాష్ట్రం సమీపంలో ఉండటంతో ఇరు ప్రాంతాల మధ్య నిత్యం రాకపోకలు సాగుతుంటాయి. వ్యాపార, వ్యక్తిగత అవసరాలతో పాటు వివిధ పనుల నిమిత్తం ప్రజలు ఇరు ప్రాంతాల మధ్య ప్రయాణిస్తుంటారు. ఈ నేపథ్యంలో ఎన్నికల సమయంలో మద్యం అక్రమ రవాణాకు ఆస్కారం లేకుండా చూడటం ఎకై ్సజ్‌ అధికారులకు పెను సవాలుగా మారింది. జిల్లాలోని మున్సిపాలిటీల పరిధిలో మద్యం దుకాణాలు బంద్‌ కావడంతో పలువురు కూటమి పార్టీల అభ్యర్థులు సరిహద్దు కర్ణాటక ప్రాంతం నుంచి, అలాగే బెల్టు షాపుల నుంచి మద్యాన్ని తీసుకురావడానికి ప్రయత్నాలు చేస్తున్నారు. మద్యాన్ని నిల్వ చేసినా, విక్రయించినా, నిబంధనలు ఉల్లంఘించినా కఠిన చర్యలు తీసుకోవాల్సిన అధికారులు ఆ దిశగా చర్యలు చేపట్టడం లేదు. ముఖ్యంగా చెక్‌పోస్టుల్లో నిఘా కొరవడడంతో కర్ణాటక మద్యం సరిహద్దు దాటి జిల్లాలోకి దర్జాగా వస్తున్నట్లు తెలుస్తోంది. కర్ణాటక ఎకై ్సజ్‌ అధికారులతో సమన్వయం.. మద్యం అక్రమ రవాణాను అరికట్టేందుకు హిందూపురం ఎకై ్సజ్‌ అధికారులు, కర్ణాటక ఎకై ్సజ్‌ అధికారులతోనూ సంప్రదింపులు జరిపారు. సరిహద్దు ప్రాంతాల్లో తీసుకోవాల్సిన చర్యలు, తనిఖీల నిర్వహణపై ఇప్పటికే సమావేశం నిర్వహించి ఎన్నికల సమయంలో అనుసరించాల్సిన కార్యాచరణపై సమీక్షించారు. అయినప్పటికీ మద్యం అక్రమ రవాణాకు బ్రేక్‌ పడలేదు. ఎన్నికల వేళ జిల్లాలో మద్యం షాపుల బంద్‌ కూతవేటు దూరంలోని కర్ణాటక నుంచి మద్యం రవాణా జాతీయ రహదారిపై చెక్‌పోస్టులు దాటి జిల్లాలోకి సరఫరా కళ్లుమూసుకున్న అధికారులు.. ఏరులై పారుతున్న మద్యం నాలుగు బృందాలతో తనిఖీలు నవంబర్‌ 1న మున్సిపల్‌ పోలింగ్‌ జరగనున్న నేపథ్యంలో మద్యం విక్రయాలపై ఆంక్షలు విధించాం. శుక్రవారం సాయంత్రానికే మద్యం దుకాణాలను బంద్‌ చేయించాం. స్థానిక సంస్థల పోలింగ్‌, కౌంటింగ్‌ రోజుల్లో మద్యం దుకాణాలు మూసివేయాలని నోటీసులు జారీ చేశాం. నాలుగు బృందాలతో పూర్తి స్థాయిలో తనిఖీలు చేపడుతున్నాం. సరిహద్దులపై నిఘా ఏర్పాటు చేశాం. చెక్‌పోస్టుల్లోనూ తనిఖీలు ముమ్మరం చేశాం. – లక్ష్మీదుర్గయ్య, ఎకై ్సజ్‌ సీఐ, హిందూపురం

ధర్మవరం అర్బన్‌: మున్సిపల్‌ ఎన్నికల నేపథ్యంలో శుక్రవారం సాయంత్రం పట్టణంలో పోలీసుల ఫ్లాగ్‌ మార్చ్‌ నిర్వహించారు. ఎస్పీ సతీష్‌కుమార్‌ ఆధ్వర్యంలో పట్టణ ప్రధాన రహదారుల్లో 300 మంది పోలీసులు ర్యాలీ నిర్వహించారు. అనంతరం ఎస్పీ మాట్లాడుతూ.. ధర్మవరం మున్సిపాలిటీ పరిధిలోని 48 వార్డుల్లో 134 పోలింగ్‌ కేంద్రాలు ఉన్నాయని, వీటిలో 10 నుంచి 11 కేంద్రాలను సమస్యాత్మక, అత్యంత సమస్యాత్మక ప్రాంతాలుగా గుర్తించి ప్రత్యేక నిఘా ఏర్పాటు చేసామన్నారు. పోలింగ్‌ జరిగేసమయంలో ఎవరైనా అల్లర్లు, గొడవలు సృష్టించినా, ఓటర్లను బెదిరించినా శాంతిభద్రతలకు విఘాతం కలిగించినా ఉపేక్షించేది లేదని హెచ్చరించారు. కార్యక్రమంలో డీఎస్పీలు జగన్నాథ్‌రాజు, శ్రీనివాసులు, సీఐలు రెడ్డెప్ప, జయనాయక్‌, ప్రభాకర్‌, మహమ్మద్‌ అలి, లింగన్న, బొజ్జప్ప, సునిత, ఎస్‌ఐలు, పోలీసు సిబ్బంది పాల్గొన్నారు.

● అధికారులకు కలెక్టర్‌ ఆదేశం పుట్టపర్తి అర్బన్‌: స్థానిక సంస్థల ఎన్నికల్లో పోస్టల్‌ బ్యాలెట్‌ వేసే సర్వీసు ఓటర్లకు హెల్ప్‌డెస్క్‌ ద్వారా అవగాహన కల్పించాలని కలెక్టర్‌ శ్యాం ప్రసాద్‌ సిబ్బందిని ఆదేశించారు. శుక్రవారం ఆయన పుట్టపర్తి ఎంపీడీఓ కార్యాలయంలో జరుగుతున్న పోస్టల్‌ బ్యాలెట్‌ ఓటింగ్‌ కేంద్రాన్ని పరిశీలించారు. ఈ సందర్భంగా కలెక్టర్‌ మాట్లాడుతూ... పోస్టల్‌ బ్యాలెట్‌ కవర్లు, డిక్లరేషన్‌ ఫారాల్లో నమోదు చేయాల్సిన వివరాలను ఎలాంటి తప్పుల్లేకుండా పూరించేలా ఓటర్లకు అవగాహన కల్పించాలన్నారు. కలెక్టర్‌ వెంట ఆర్‌ఓ రమేష్‌ బాబు, ఎంపీడీఓ నరేష్‌ కృష్ణ సిబ్బంది పాల్గొన్నారు. పోస్టల్‌ బ్యాలెట్ల గడువు పొడిగింపు పుట్టపర్తి టౌన్‌: పరిషత్‌ ఎన్నికల్లో భాగంగా ఎంపీటీసీ, జెడ్పీటీసీ పోస్టల్‌ బ్యాలెట్ల గడువు పొడిగించినట్లు అదనపు జిల్లా ఎన్నికల అధికారి విజయలక్ష్మి తెలిపారు. ఈ మేరకు శుక్రవారం ఆమె ఒక ప్రకటన విడుదల చేశారు. పరిషత్‌ ఎన్నికల విధులు ఉన్న ఉద్యోగులు, సిబ్బంది పోస్టల్‌ బ్యాలెట్‌ వేసేందుకు గతంలో అక్టోబర్‌ 30, నవంబర్‌ 1వ తేదీ ఎన్నికల రిటర్నింగ్‌ అధికారి కార్యాలయంలో అవకాశం కల్పించామన్నారు. అయితే ఎన్నికల కమిషన్‌ పోలింగ్‌ గడువును పొడిగించిన దృష్ట్యా పోస్టల్‌ బ్యాలెట్‌ గడువును కూడా నవంబర్‌ 3వ తేదీ వరకూ పొడిగించినట్లు ఆమె వెల్లడించారు. సర్వీసు ఓటర్లు సంబంధిత ఫెసిలిటేషన్‌ కేంద్రాల్లో తమ ఓటు హక్కును వినియోగించాలని కోరారు. మద్యం దుకాణాలు బంద్‌ పుట్టపర్తి టౌన్‌: మున్సిపల్‌ ఎన్నికల దృష్ట్యా జిల్లాలోని వివిధ మున్సిపాలిటీ పరిధిలో ఉన్న మద్యం దుకాణాలను బంద్‌ చేస్తున్నట్లు ప్రొహిబిషన్‌, ఎకై ్సజ్‌ జిల్లా అధికారి నరసింహులు తెలిపారు. ఈ మేరకు శుక్రవారం ఆయన ఒక ప్రకటన విడుదల చేశారు. నవంబర్‌ 1వ తేదీ (ఆదివారం) పోలింగ్‌ ఉంటుందని, అందువల్ల శుక్రవారం సాయంత్రం 5 గంటల నుంచి 1వ తేదీ సాయంత్రం 5 గంటల వరకూ మద్యం దుకాణాలు బంద్‌ చేసేలా చర్యలు తీసుకున్నామన్నారు. అలాగే మున్సిపల్‌ ఓట్ల లెక్కింపు జరిగే నవంబర్‌ 3వ తేదీ (మంగళవారం) కూడా మద్యం షాపులు బంద్‌ చేస్తున్నట్లు వెల్లడించారు.

ధర్మవరం: ధర్మవరానికి సిల్క్‌సిటీగా పేరుంది.. గత ప్రభుత్వంలో అభివృద్ధి, ప్రశాంతతకు పేరుగాంచింది. కూటమి ప్రభుత్వం ఏర్పాటైన తర్వాత రెండున్నరేళ్లలో అభివృద్ధి లేదు..పట్టణ పరిశుభ్రత ప్రశ్నార్థకంగా మారింది.ఇక్కడ ప్రాతినిధ్యం వహిస్తున్న మంత్రి సత్యకుమార్‌ అమరావతికే పరిమితమయ్యారు. ఈ నేపథ్యంలో స్థానికంగా టీడీపీ, బీజేపీ, జనసేన నేతల అక్రమ వసూళ్లు, అరాచకాలు, బెదిరింపులు, వేధింపులు తారస్థాయికి చేరాయి. ఇటీవల జరిగిన మున్సిపల్‌ ఎన్నికల నామినేషన్ల ప్రక్రియలో కూటమి నేతలు సాగించిన దౌర్జన్యకాండ రాష్ట్రవ్యాప్తంగా సంచనలంగా మారింది. ధర్మవరం మున్సిపాలిటీ పరిధిలో 41,500 గృహాలు, 1.45 లక్షల జనాభా ఉంది. 1,06,250 మంది ఓటర్లు ఉన్నారు. వారిలో పురుషులు 52,310 మంది, మహిళలు 53,925 మంది ఉన్నారు. పట్టణంలో మొత్తం 41వేల దాకా గృహ, వాణిజ్య సముదాయాలు ఉన్నాయి. అందుకు తగ్గట్టుగా పారిశుధ్య కార్మికులు అందుబాటులో లేరు. దీంతో పట్టణ పరిశుభ్రత ప్రశ్నార్థకంగా మారింది. పట్టణ జనాభాకు తగ్గట్టుగా 500 మందికి పైగా పారిశుధ్య కార్మికులు ఉండాలి. అయితే ప్రస్తుతం 253 మంది దాకా కార్మికులు ఉన్నారు. వీరిలో శాశ్వత పారిశుధ్య కార్మికులు 123 మంది, ఆప్కాస్‌ కింద 43 మంది, తాత్కాలిక కార్మికులు 87 మంది పని చేస్తున్నారు. వీరిలో 25 మంది దాకా ఇతర విభాగాల్లో పని చేస్తున్నారు. దీంతో 48 వార్డుల్లో పని చేయడం తలకు మించిన భారంగా మారింది. దీంతో పట్టణంలో ఎటుచూసినా చెత్తాచెదారం పేరుకుపోయింది. వైఎస్సార్‌సీపీ ప్రభుత్వంలో వార్డుకు ఇద్దరు, ముగ్గురు పారిశుధ్య కార్మికులు ఉండేవారు. సచివాలయ ఉద్యోగులను పర్యవేక్షణ ఉండేది. తద్వారా డ్రైన్లలో పూడిక తీత, చెత్త సేకరణ సక్రమంగా జరిగేది. మొత్తం 13 చెత్తసేకరణ ట్రాక్టర్‌లు, 3 కాంపాక్టర్‌లు మాత్రమే పని చేస్తున్నాయి. అధికారుల అలసత్వం.. అభివృద్ధికి శాపం.. మున్సిపాలిటీలో అఽధికారుల అలసత్వం, అవినీతి అభివృద్ధికి శాపంగా మారింది. ఇంజినీరింగ్‌ విభాగంలో నూతనంగా వేసిన రోడ్లలో నాణ్యత లోపించింది. అధికార పార్టీ నేతల ఒత్తిళ్లకు తలొగ్గి, వారిచ్చే తాయిళాలకు లొంగి బిల్లులు మంజూరు చేస్తున్నారన్న ఆరోపణలు ఉన్నాయి. టౌన్‌ ప్లానింగ్‌లో ఎవరైనా ఇళ్లు నిర్మించుకునేందుకు పర్మిషన్‌ తీసుకోవాలంటే డబ్బులు ఇచ్చుకోవాల్సిన పరిస్థితి వచ్చింది. అంతేకాక 10 సెంట్లకు పైగా నిర్మించే నిర్మాణాలకు మాత్రమే సెల్లార్‌ అనుమతి ఇవ్వాలన్న నిబంధన ఉన్నా.. ఇష్టారాజ్యంగా అనుమతి ఇస్తున్నారు. దీంతో టౌన్‌ ప్లానింగ్‌ విభాగంలో పెద్ద ఎత్తున అవినీతి జరుగుతోంది. జనన, మరణ ధ్రువీకరణ సర్టిఫికెట్‌ల జారీ విషయంలోనూ అధికారుల అలసత్వం కనిపిస్తోంది. పెచ్చుమీరుతున్న అరాచకాలు, అక్రమ వసూళ్లు బెంబెలెత్తుతున్న ధర్మవరం ప్రజలు నియోజకవర్గ అభివృద్ధిని గాలికొదిలేసిన మంత్రి సత్యకుమార్‌

కళ్యాణదుర్గం: కళ్యాణదుర్గంలోని గిరిజన గురుకుల పాఠశాల ప్రిన్సిపాల్‌ ఎం.ప్రవీణ్‌కుమార్‌పై సస్పెన్షన్‌ వేటు పడింది. ప్రిన్సిపాల్‌ పాఠశాలలోని ఔట్‌ సోర్సింగ్‌ సిబ్బందితో మసాజ్‌ చేయించుకుంటున్నారన్న నేపథ్యంలో ‘సాక్షి’లో ఈనెల 25న ‘వేధింపుల్లో ప్రవీణుడు’ శీర్షికన కథనం ప్రచురితమైంది. దీనిపై విచారణ జరిపిన ఏపీటీడబ్ల్యూఆర్‌ఈ సొసైటీ కార్యదర్శి ఐఏఎస్‌ ఎం.గౌతమి గురుకుల ప్రిన్సిపాల్‌ ప్రవీణ్‌ కుమార్‌ను సస్పెండ్‌ చేస్తూ ఉత్తర్వులు జారీ చేశారు. అమిలినేని ప్రసన్నం కోసం నానాతిప్పలు.. సస్పెండ్‌ ఉత్తర్వులు రాగానే గిరిజన సంఘం నేతలతో కలిసి ఎమ్మెల్యే అమిలినేని సురేంద్రబాబు వద్దకు వెళ్లి ప్రసన్నం చేసుకునేందుకు ప్రిన్సిపాల్‌ ప్రవీణ్‌కుమార్‌ నానా తిప్పలు పడ్డారు. వైస్‌ ప్రిన్సిపాల్‌కు బాధ్యతలు అప్పగింత .. ప్రిన్సిపాల్‌ ప్రవీణ్‌ కుమార్‌ను సస్పెండ్‌ చేయడంతో గురుకుల పాఠశాల ప్రిన్సిపాల్‌గా అదే పాఠశాలలో పనిచేస్తున్న వైస్‌ ప్రిన్సిపాల్‌ (తెలుగు టీజీటీ) ఎంఎన్‌. బ్రహ్మానందయ్యకు బాధ్యతలు అప్పగించాలని గురుకుల కార్యదర్శి ఆదేశాలు జారీ చేశారు. ఫార్మసీ ఫలితాలు విడుదల అనంతపురం: జేఎన్‌టీయూఏ పరిధిలో గత ఆగస్టు, సెప్టెంబర్‌ మాసాల్లో నిర్వహించిన ఎం.ఫార్మసీ, బీఫార్మసీ, ఫార్మా–డి పరీక్ష ఫలితాలు గురువారం విడుదలయ్యాయి. www. jntuaresults.in వెబ్‌సైట్‌లో చూడవచ్చు.

పుట్టపర్తి అర్బన్‌: గత వైఎస్సార్‌సీపీ ప్రభుత్వంలో అర్హులైన ప్రతి ఒక్కరికీ ప్రతినెలా పింఛన్లు అందించారు. కూటమి ప్రభుత్వం ఏర్పాటైన తర్వాత రెండున్నరేళ్లలో ఉన్నవాటిని కోత పెట్టారు.. కొత్త పింఛన్లు ఒక్కటీ ఇవ్వలేదు. ఎంతో ఆశతో దరఖాస్తు చేసుకున్న పేదలు.. ఈ నెలలో అందిస్తారని ఎదురుచూస్తే.. చివరకు నిరాశే మిగులుతోంది. జిల్లాలో సుమారు 2,74,578 పింఛన్లు ఉండగా ప్రస్తుతం 2,56,883 పింఛన్లకు నగదు పంపిణీ చేస్తున్నారు. దీంతో రెండున్నర ఏళ్లలో సుమారు 17,695 పింఛన్లను కోత వేశారు. అయితే ప్రభుత్వం త్వరలో స్థానిక సంస్థలు సమీపిస్తున్నా యని.. కొత్త పింఛన్లకోసం దరఖాస్తులు స్వీకరించారు. జిల్లాలో సుమారు 56,195 మంది వృద్ధులు, వితంతువులు, దివ్యాంగులు, మంచం పట్టిన రోగులు దరఖాస్తు చేసుకున్నారు. రెండున్నర ఏళ్లలో 17,695 పింఛన్ల కోత.. ఎన్నికల సమయంలో 50 ఏళ్లకే బీసీ, ఎస్సీ, ఎస్టీ, మైనార్టీలకు పింఛన్‌ ఇస్తామని చంద్రబాబు అధికారంలోకి వచ్చారు. హామీని విస్మరించారు. ప్రభు త్వం అధికారంలోకొచ్చి రెండున్నర ఏళ్లు అయ్యింది. జిల్లాలో సుమారు 17,695 పింఛన్లు కోత వేశారు. అప్పట్లో 2,74,578 మందికి పింఛన్లు వస్తుండగా ప్రస్తుతం ఈనెల 30న అధికారులు పంపిణీ చేయనున్న పింఛన్లు 2,56,883 ఉన్నాయి. దీంతో ఒక్క జిల్లాలోనే 17,695 పింఛన్లు తొలగించారని లబ్ధిదారులు ఆవేదన వ్యక్తం చేస్తున్నారు. నిత్యం కలెక్టరేట్‌కు, ఆర్డీఓ కార్యాలయానికి ప్రతి వారం పీజీఆర్‌ఎస్‌లో దరఖాస్తులు వెల్లువెత్తుతున్నాయి. అయినా ఏమి చేయలేక అధికారులు చేతులెత్తేశారు. ప్రభుత్వం అనుమతి కోసం దరఖాస్తులు పంపామని వస్తాయని చెప్తున్నారు. ప్రచారం సరే..పింఛన్ల ఏవీ? జిల్లాలో సుమారు 1.80 లక్షల మంది కొత్త పింఛన్ల కోసం ఎదురుచూస్తున్నారు. వారంతా స్థానిక సంస్థల్లో ఓటు వేయక పోతే కూటమి పార్టీలకు డిపాజిట్లు గల్లంతయ్యే ప్రమాదం ఉంది. దీంతో ఎక్కడా పింఛన్‌ పేరు కూడా ఎత్తకుండా ప్రచారం చేస్తు న్నారు. ఎక్కడైనా ప్రజలు నిలదీస్తే ఎన్నికల కోడ్‌ పూర్తికాగానే ఇస్తామని చెప్తున్నారు. ఇక ఎన్నికలు ముగిసిన తర్వాత ఇప్పటికే దివ్యాంగ పింఛన్లపై సర్వే చేసి రీ వెరిఫికేషన్‌ చేసి జాబితాను సిద్ధం చేశారు. అందులో సుమారు 35 వేల మందికి రీ వెరిఫికేషన్‌ చేసి ఉంచారు. ఎంతమందికి పింఛన్లు వస్తాయో.. ఎన్ని కోత పడతాయోనని అర్హులు ఆందోళన చెందుతున్నారు. నేటి నుంచి పింఛన్లు పంపిణీ.. మున్సిపల్‌ ఎన్నికల పోలింగ్‌ ఉండడంతో నవంబర్‌ 1న పంపిణీ చేయాల్సిన పింఛన్లు ఈనెల 30న పంపిణీ చేయనున్నట్లు కలెక్టర్‌ శ్యాం ప్రసాద్‌ ఆదేశాలు జారీ చేశారు. 30న అందుబాటులో లేని కార్డుదారులకు నవంబర్‌ 4,5 తేదీల్లో పంపిణీ ఉంటుందన్నారు. మున్సిపల్‌ ఎన్నికల ఓటింగ్‌ , కౌంటింగ్‌ ఉంటాయన్నారు. కొత్త పింఛన్ల కోసం 56,195 మంది ఎదురుచూపు రెండున్నరేళ్లలో 17,695 మందికి కోత

ప్రశాంతి నిలయం: స్థానిక సంస్థల ఎన్నికలకు పకడ్బందీ ఏర్పాట్లు చేస్తున్నట్లు కలెక్టర్‌ శ్యాంప్రసాద్‌ తెలిపారు. సమస్యాత్మక, అత్యంత సమస్యాత్మక ప్రాంతాల్లోని పోలింగ్‌ కేంద్రాల్లో సీసీ కెమెరాలతో నిఘా ఏర్పాటు చేశామన్నారు. అలాగే పటిష్ట భద్రతా చర్యలు చేపట్టామన్నారు. గురువారం ఆయన మున్సిపల్‌, పరిషత్‌ ఎన్నికల నిర్వహణపై కలెక్టరేట్‌లో సంబంధిత అధికారులతో సమీక్షించారు. ఈ సందర్భంగా మాట్లాడుతూ మున్సిపల్‌ ఎన్నికల పోలింగ్‌ నవంబర్‌ 1వ తేదీన ఉంటుందని, పీఓలు, ఏపీఓలు, ఓపీఓలు ఈనెల 31వ తేదీన ఆయా మున్సిపాలిటీల పరిధిలో ఏర్పాటు చేసిన కేంద్రాలకు చేరుకుని ఎన్నికల సామగ్రి తీసుకువెళ్లాలన్నారు. ఎంపీటీసీ, జెడ్పీటీసీ ఎన్నికల విధుల్లో ఉన్న సిబ్బందికి ఈనెల 30వ తేదీనే మండల పరిషత్‌ కార్యాలయాల్లో ఉద్యోగులకు పోస్టల్‌ బ్యాలెట్‌ సదుపాయం కల్పించామన్నారు. పాఠశాలలకు సెలవు.. మద్యం దుకాణాల బంద్‌.. ఎంపీటీసీ, జెడ్పీటీసీ ఎన్నికల పోలింగ్‌ కేంద్రాలుగా ఉపయోగించే పాఠశాలలకు నవంబర్‌ 4, 5వ తేదీల్లో, ఓట్ల లెక్కింపు కేంద్రాలుగా ఉపయోగించే విద్యాసంస్థలకు నవంబర్‌ 7వ తేదీన సెలవు ప్రకటించినట్లు కలెక్టర్‌ వెల్లడించారు. సంబంధిత పాఠశాలల యాజమాన్యాలు ముందస్తుగా విద్యార్థులకు, తల్లిదండ్రులకు సమాచారం తెలియజేయాలని సూచించారు. ఎంపీటీసీ, జెడ్పీటీసీ స్థానాలకు నవంబర్‌ 5వ తేదీన పోలింగ్‌ జరగనుండగా 3వ తేదీ సాయంత్రం 5 గంటల నుంచి నవంబర్‌ 5వ తేదీ సాయంత్రం 5 గంటల వరకు సంబంధిత పోలింగ్‌ ప్రాంతాల్లోని మద్యం దుకాణాలన్నీ మూసివేయాలని ఆదేశించామన్నారు. అలాగే నవంబర్‌ 7వ తేదీన ఓట్ల లెక్కింపు ఉంటుందని, ఆ రోజు కూడా కౌంటింగ్‌ జరిగే ప్రాంతాల్లో మద్యం దుకాణాలు బంద్‌ చేయాలని ఆదేశించామన్నారు. పోలింగ్‌, కౌంటింగ్‌ తేదీల్లో మద్యం దుకాణాలు బంద్‌ ఆయా ప్రాంతాల్లోని పాఠశాలలకూ సెలవులు కలెక్టర్‌ శ్యాం ప్రసాద్‌ వెల్లడి

● కలెక్టర్‌ శ్యాం ప్రసాద్‌ ప్రశాంతి నిలయం: జిల్లాలోని పాఠశాలల సమీప ప్రాంతాల్లో రోడ్డు ప్రమాదాల నివారణ చర్యలు చేపట్టాలని అధికారులను కలెక్టర్‌ ఏ.శ్యాం ప్రసాద్‌ ఆదేశించారు. గురువారం కలెక్టర్‌ అధ్యక్షతను జిల్లా స్థాయి రోడ్డు భద్రతా కమిటీ సమావేశం నిర్వహించారు. పంచాయతీ రోడ్లు, ప్రధానదారులకు,జాతీయ రహదారులు కలిసే ప్రాంతాల్లో స్పీడ్‌ బ్రేకర్లు, హెచ్చరిక బోర్డులు, రోడ్‌ మార్కింగ్స్‌ తదితర భద్రతా చర్యలు చేపట్టాలని పంచాయతీ రాజ్‌ అధికారులను కలెక్టర్‌ ఆదేశించారు. జాతీయ రహదారులపై ప్రతి 40 కిలో మీటర్లకు పెట్రోలింగ్‌ ఏర్పాటు చేసి, నిరంతర పర్యవేక్షణ చేస్తున్నట్లు జాయతీ రహదారుల పర్యవేక్షణ అధికారి శ్రావణ్‌ కుమార్‌ తెలిపారు. మెరుగైన వైద్య సేవలు అందించాలి.. కేంద్ర, రాష్ట్ర ప్రభుత్వాలు అమలు చేస్తున్న పథకాలను పక్కాగా అమలు చేస్తూ ప్రజలకు మెరుగైన వైద్య సేవలు అందించేందుకు చర్యలు తీసుకోవాలని కలెక్టర్‌ ఏ.శ్యాం ప్రసాద్‌ వైద్య ఆరోగ్య శాఖల అధికారులను ఆదేశించారు. గురువారం కలెక్టరేట్‌లో కలెక్టర్‌ చాంబర్‌లో కలెక్టర్‌ మిషన్‌ ఇంద్ర ధనుస్సు, ప్రధాన మంత్రి జన ఆరోగ్య యోజన, జిల్లాలో హెచ్‌ఐవీ పరిస్థితిపై వీడియో కాన్ఫరెన్స్‌ నిర్వహించారు. సమావేశంలో డీఎంహెచ్‌ఓ ఫైరోజా బేగం, ఐసీడీఎస్‌ పీడీ ప్రమీళ, సీడీపీఓలు, జిల్లా ఎయిడ్స్‌ కంట్రోల్‌ అధికారులు, వైద్య సిబ్బంది పాల్గొన్నారు. పోస్టల్‌ బ్యాలెట్ల పంపిణీ పక్కాగా సాగాలి : జేసీపుట్టపర్తి: పరిషత్‌ ఎన్నికల విధుల్లో ఉన్న ఉద్యోగులకు ఈ నెల 30వ తేదీనే పోస్టల్‌ బ్యాలెట్‌ అందిస్తామని జాయింట్‌ కలెక్టర్‌ మౌర్య భరద్వాజ్‌ తెలిపారు. గురువారం ఆయన బుక్కపట్నం ఎంపీడీఓ కార్యాలయంలో పోస్టల్‌ బ్యాలెట్‌ కేంద్రం, స్ట్రాంగ్‌ రూంలు, ఎన్నికల సామాగ్రిని పరిశీలించారు. సర్వీసు ఓటర్లకు పోస్టల్‌ బ్యాలెట్ల పంపిణీ, స్వీకరణ పక్కాగా జరగాలని అధికారులను ఆదేశించారు. పోస్టల్‌ బ్యాలెట్‌ ప్రక్రియ పూర్తి పారదర్శకంగా నిర్వహించాలన్నారు. రికార్డులు పక్కాగా నమోదు చేయాలన్నారు. జేసీ వెంట జెడ్పీ సీఈఓ వెంకటసుబ్బయ్య, డిప్యూటీ సీఈఓ, అధికారులు, సిబ్బంది పాల్గొన్నారు. ఇంటర్‌ పరీక్ష ఫీజు గడువు పొడిగింపు పుట్టపర్తి టౌన్‌: ఇంటర్మీడియట్‌ పబ్లిక్‌ పరీక్ష ఫీజు చెల్లింపు గడువును నవంబర్‌ 10వ తేదీ వరకూ పొడిగించినట్లు జిల్లా ఇంటర్‌ విద్యాశాఖ అధికారి చెన్నకేశవ ప్రసాద్‌ తెలిపారు. ఈ మేరకు ఇంటర్‌బోర్డు నిర్ణయం తీసుకున్నట్లు ఆయన గురువారం ఒక ప్రకటనలో తెలిపారు. ముందుగా నిర్ణయించిన మేరకు ఇంటర్‌ ఫస్ట్‌ ఇయర్‌, సెకండ్‌ ఇయర్‌ వార్షిక పరీక్ష ఫీజు చెల్లింపునకు ఈనెల 29వ తేదీతో గడువు ముగిసిందన్నారు. కానీ విద్యార్థుల తల్లిదండ్రుల కోరిక మేరకు గడువు పొడిగించినట్లు వెల్లడించారు. ఈ నేపథ్యంలో నవంబర్‌ 10తేదీ వరకు ఎలాంటి అపరాధ రుసుము లేకుండా ఫీజు చెల్లించవచ్చన్నారు. రూ.1,000 అపరాధ రుసుముతో నవంబర్‌ 17వ తేదీ వరకూ ఫీజు చెల్లించవచ్చన్నారు. సదరం స్లాట్ల విడుదలకు ఈసీ అనుమతి అనంతపురం ఎడ్యుకేషన్‌: దివ్యాంగులకు ఊరట లభించింది. సదరం ధ్రువీకరణ పత్రాల జారీ కోసం సాధారణ వైద్య పరీక్షల శిబిరాలు నిర్వహించేందుకు రాష్ట్ర ఎన్నికల సంఘం అనుమతిచ్చింది. ఈ మేరకు రాష్ట్ర ఎన్నికల సంఘం కమిషనర్‌ ఈ నెల 24న ఉత్తర్వులు జారీ చేసినట్లు విభిన్న ప్రతిభావంతులు, వయోవృద్ధుల సంక్షేమ శాఖ అధికారి తెలిపారు. ఇప్పటివరకు సదరం ధ్రువీకరణ పత్రాలు పొందని అర్హులైన దివ్యాంగులు ఈ అవకాశాన్ని సద్వినియోగం చేసుకోవాలని సూచించారు.

ఓట్ల విభజనలోనూ రాజకీయం? ● విభజన వెనుక అధికార పార్టీ ఒత్తిళ్లు అంటూ ఆరోపణలు ● రాచానపల్లిలో ఒక ఎంపీటీసీకి 1,620.. మరో స్థానానికి 4,061 ఓట్లు ● కక్కలపల్లి ఎంపీటీసీ స్థానంలో అత్యధికంగా 5,011 ఓట్లు ● 36 ఎంపీటీసీ స్థానాల్లో 1.28 లక్షల మంది ఓటర్లు..137 పోలింగ్‌ కేంద్రాలు ● ఏడు ఎంపీటీసీ స్థానాలు ఏకగ్రీవం... తక్కిన 29 స్థానాలకు నవంబరు 5న పోలింగ్‌ రాప్తాడు రూరల్‌: అనంతపురం రూరల్‌ మండలంలో స్థానిక సంస్థల ఎన్నికల వేళ ఎంపీటీసీ స్థానాల వారీగా ఓటర్ల సంఖ్యలో కనిపిస్తున్న వ్యత్యాసాలు చర్చనీయాంశంగా మారాయి. ఓటర్ల విభజన ఏ ప్రాతిపదికన చేపట్టారు? ఎందుకు ఈ వ్యత్యాసం వచ్చింది? అన్న ప్రశ్నలకు అధికారులు సమాధానం చెప్పాల్సి ఉంది. రూరల్‌ మండలంలో ఒక ఎంపీటీసీ స్థానంలో వెయ్యికి పైగా ఓటర్లు ఉంటే.. మరికొన్ని స్థానాల్లో 5 వేల మంది దాకా ఓటర్లు ఉన్నారు. రాచానపల్లి పంచాయతీలోని రెండు ఎంపీటీసీ స్థానాల మధ్య ఓటర్ల సంఖ్యలో భారీ వ్యత్యాసం ఉండడం అనుమానాలకు తావిస్తోంది. ఈ విభజన వెనుక అధికార పార్టీ నేతల ఒత్తిళ్లు ఉన్నాయంటూ ప్రజలు ఆరోపిస్తున్నారు. అనంతపురం రూరల్‌ మండలంలోని 36 ఎంపీటీసీ స్థానాల పరిధిలో మొత్తం 1,28,125 మంది ఓటర్లు ఉన్నారు. వీరిలో రాచానపల్లి–1 ఎంపీటీసీ స్థానంలో అత్యల్పంగా 1,620 మంది ఓటర్లు ఉన్నారు. మరోవైపు కక్కలపల్లి ఎంపీటీసీ స్థానంలో అత్యధికంగా 5,011 మంది ఓటర్లు ఉన్నారు. ఓటర్ల సంఖ్యలో ఈ భారీ వ్యత్యాసం స్థానాల విభజనపై ఆసక్తికర చర్చకు దారితీస్తోంది. రాచానపల్లిలోనే అసలు చర్చ.. రాచానపల్లి పంచాయతీలో రెండు ఎంపీటీసీ స్థానాల మధ్య ఓటర్ల సంఖ్యలో కనిపిస్తున్న తేడా మరింత చర్చనీయాంశమైంది. రాచానపల్లి–1 ఎంపీటీసీ స్థానంలో 1,620 మంది ఓటర్లు ఉండగా, రాచానపల్లి–2 ఎంపీటీసీ స్థానం పరిధిలో 4,061 మంది ఓటర్లు ఉన్నారు. ఈ రెండు స్థానాల మధ్య ఏకంగా 2,441 ఓట్ల వ్యత్యాసం ఉంది. అయితే ఈసారి ఒక స్థానంలో 4,000 మందికి పైగా ఓటర్లు ఉండగా, మరో స్థానంలో 1,620 మందికే పరిమితం కావడంపై ప్రశ్నలు లేవనెత్తుతున్నారు. ఈ మార్పులకు కారణాలేమిటో అధికారులకే తెలియాలి. ఓటర్ల విభజన ఏ ప్రాతిపదికన చేపట్టారు? గతంలో ఉన్న ఓటర్ల సంఖ్యతో పోలిస్తే ఈసారి ఇంతటి వ్యత్యాసం ఎందుకు వచ్చింది? అనే ప్రశ్నలకు అధికారులు సమాధానం చెప్పాల్సి ఉంది. అర్బన్‌ పరిధిలో 11.. రాప్తాడులో 25 అనంతపురం రూరల్‌ మండలంలోని 36 ఎంపీటీసీ స్థానాల్లో 11 అనంతపురం అర్బన్‌ అసెంబ్లీ నియోజకవర్గ పరిధిలో ఉండగా, మరో 25 రాప్తాడు అసెంబ్లీ నియోజకవర్గ పరిధిలో ఉన్నాయి. మండల వ్యాప్తంగా 65,043 మంది మహిళలు, 63,071 మంది పురుషులు, 11 మంది ఇతర ఓటర్లు కలిపి మొత్తం 1,28,125 మంది ఓటర్లు ఉన్నారు. మహిళా ఓటర్లు పురుషుల కంటే 1,972 మంది అధికంగా ఉన్నారు. 36 ఎంపీటీసీ స్థానాలకు గాను ఏడు స్థానాలు ఏకగ్రీవం అయ్యాయి. తక్కిన 29 స్థానాలకు నవంబరు 5న పోలింగ్‌ జరగనుంది. 7న ఫలితాలు విడుదలకానున్నాయి.

సాక్షి, పుట్టపర్తి ‘‘మాట తప్పం... మడమ తిప్పం’’ మా పార్టీ విధానమిది... హామీ ఇస్తే నెరవేర్చితీరుతామంటూ మున్సిపల్‌ ఎన్నికల ప్రచారంలో దూసుకుపోతున్న వైఎస్సార్‌ కాంగ్రెస్‌ పార్టీ అభ్యర్థులకు ప్రజలు బ్రహ్మరథం పడుతున్నారు. ఏ వీధికి వెళ్లినా.. జగనే రావాలి అంటూ కదం తొక్కుతున్నారు. ఇక మూడు పార్టీల కండువాలతో ప్రచారాలకు వెళ్తున్న కూటమి నాయకులకు ఎదురు దెబ్బలు తగులుతూనే ఉన్నాయి. మూడు పార్టీల నాయకుల మధ్య సఖ్యత లేకపోవడం..రెండున్నరేళ్ల పాలనలో ఏం చేశారని ప్రజలు నిలదీస్తుండటంతో ఆయా పార్టీల అభ్యర్థులు దిక్కుతోచని స్థితిలో పడ్డారు. స్పందన కరువు.. ‘సంక్షేమ పథకాలన్నీ మీరే తీసుకున్నారు..అర్హులమైనా మాకు ఇవ్వకుండా వేధించారు..ఇప్పుడు మా ఓట్లు అడిగేందుకు మీకు ముఖం ఎలా వచ్చింది’ అంటూ జనం నిలదీస్తుండగా...మున్సిపల్‌ ఎన్నిక ల ప్రచారానికి కూటమి ముఖ్యనేతలు వెనుకంజ వేస్తున్నారు. అందుకే ప్రచారంలో పెద్దగా హడావుడి కనిపించడం లేదు. కూటమి అభ్యర్థుల వెంట పట్టుమని పది మంది కూడా ఉండటం లేదు. దీంతో ఎలాగైనా సరే.. ఎన్నికల్లో నెగ్గాలనే ఉద్దేశంతో కూటమి నాయకులు పలు విధాలుగా ప్రజల్ని ప్రలోభాలకు గురి చేయాలని ప్రయత్నిస్తున్నారు. పదవులు, డబ్బు ఎరవేస్తున్నారు. పుట్టపర్తి మున్సిపాలిటీ చైర్మన్‌ అభ్యర్థిగా వైఎస్సార్‌సీపీ తరఫున బరిలో దిగిన బోయ అవినాష్‌.. ఫుల్‌ జోష్‌లో ఉన్నారు. స్థానికుడు, విద్యావంతుడు, చురుకై న వ్యక్తిగా జనాల్లోకి దూసుకెళ్తున్నారు. మాజీ ఎమ్మెల్యే దుద్దుకుంట శ్రీధర్‌రెడ్డితో పాటు ప్రచారంలో పాల్గొంటూ అందరి మన్ననలు పొందాడు. ఇంటింటికీ వెళ్లి ఓట్లు అభ్యర్థిస్తుండగా...ప్రజల నుంచి ఆయనకు ప్రతి వార్డులోనూ భారీగా మద్దతు లభిస్తోంది. మరోవైపు కూటమి తరఫున జనసేన నుంచి మేకల ఈశ్వర్‌ బరిలో ఉన్నప్పటికీ.. అతని పేరే చాలామందికి తెలియకపోవడం గమనార్హం. ఓడీ చెరువు మండలానికి చెందిన వ్యక్తి కావడంతో స్థానిక ప్రజల్లో ఆదరణ లభించలేదు. అంతేకాకుండా ఈశ్వర్‌ జనసేన నేత కావడంతో టీడీపీ నుంచి సరైన మద్దతు లేదని తెలిసింది. మంత్రి సత్యకుమార్‌ ప్రాతినిధ్యం వహిస్తున్న ధర్మవరంలో మున్సిపల్‌ చైర్మన్‌ అభ్యర్థిగా టీడీపీ నేత పరిసె సుధాకర్‌కు అవకాశం ఇచ్చారు. అయితే కూటమిలోని మూడు పార్టీల పెద్దలు పక్క ఊళ్లకు వెళ్లిపోవడంతో ఆయన ఒంటరయ్యారు. ఇక వైఎస్సార్‌సీపీ తరఫున కాచర్ల ఆంజనేయులుకు భారీ మద్దతు లభిస్తోంది. వైఎస్సార్‌సీపీ మాజీ ఎమ్మెల్యే కేతిరెడ్డి వెంకటరామిరెడ్డి స్వయంగా ప్రచారం చేస్తుండటంతో భారీ ఊపొచ్చింది. కూటమి తరఫున మంత్రి సత్యకుమార్‌ (బీజేపీ) అనంతపురంలో ప్రచారం చేస్తుండగా.. పరిటాల శ్రీరామ్‌ (టీడీపీ) కదిరి, నల్లచెరువులో, చిలకం మధుసూదన్‌రెడ్డి (జనసేన) పుట్టపర్తి రూరల్‌లో ప్రచారంలో బిజీగా ఉన్నారు. దీంతో టీడీపీ అభ్యర్థి పరిసెన సుధాకర్‌ ఒంటరి అయ్యారు. దశాబ్దాలుగా రాజకీయాల్లో ఉంటూ పెనుకొండ పట్టణ ప్రజలందరికీ సుపరిచితుడైన వాల్మీకి శ్రీనివాసులు వైఎస్సార్‌సీపీ తరఫున పెనుకొండ మున్సిపల్‌ చైర్మన్‌ అభ్యర్థిగా బరిలో దిగారు. సీనియర్‌ కావడంతో పాటు సుదీర్ఘ రాజకీయ జీవితంలో ఎంతోమందికి సుపరిచితుడు కావడంతో అన్ని వర్గాల నుంచి మద్దతు లభిస్తోంది. మరోవైపు కూటమి పార్టీల తరఫున టీడీపీ నేత త్రివేంద్రమూర్తి బరిలో దిగారు. అయితే చంద్రబాబు ప్రభుత్వంపై ఉన్న వ్యతిరేకత తనపై చూపుతోందని సన్నిహితుల వద్ద ఆయన ఆవేదన వ్యక్తం చేశారు. దీనికితోడు పెనుకొండలో మంత్రి సవిత ప్రచారానికి వెళ్లగా.. జనసేన కార్యకర్తలే ఆమైపె తిరగబడ్డారు. ఈ పరిణామాలన్నీ గమనిస్తే కూటమి అభ్యర్థులకు మిత్రపక్షాల నుంచి మద్దతు లేదని తెలుస్తోంది. పొత్తులో భాగంగా మడకశిర మున్సిపల్‌ చైర్మన్‌ సీటును జనసేనకు ఇచ్చారు. అయితే టీడీపీ నేతలు పక్కా ప్లాన్‌తో ఆయన నామినేషన్‌ తిరస్కరణయ్యేలా చూశారు. ఇదే అదనుగా మాజీ ఎమ్మెల్సీ గుండుమల తిప్పేస్వామి తమ్ముడి సతీమణి గుండుమల శారద అప్పటికప్పుడు జనసేనలో చేరి బీ–ఫారం సమర్పించారు. దీంతో జనసేన కార్యకర్తలు అసమ్మతిగా ఉన్నారు. కూటమి పార్టీల ఆగడాలను గమనించిన పట్టణ ఓటర్లు వైఎస్సార్‌సీపీ వైపు తిరిగారు. అందువల్లే వైఎస్సార్‌ కాంగ్రెస్‌ పార్టీ తరఫున పోటీ చేస్తున్న ఓం కుమార్‌కు భారీ ఆదరణ లభిస్తోంది. కూటమి ధర్మం పాటించకుండా మిత్రపక్షాలను గుండుమల తిప్పేస్వామి అణచివేస్తున్నారని జనసైనికులు మండిపడుతున్నారు. మాజీ ఎమ్మెల్యే అత్తార్‌ చాంద్‌బాషా సతీమణి అత్తార్‌ పర్వీన్‌ కదిరి మున్సిపల్‌ చైర్‌పర్సన్‌ వైఎస్సార్‌సీపీ అభ్యర్థిగా బరిలోకి దిగడంతో టీడీపీ అంచనాలు తారుమారయ్యాయి. కూటమి తరఫున అభ్యర్థి ఎంపికలోనే మల్లగుల్లాలు పడ్డారు. చివరికి మైనార్టీలకే అప్పజెప్పారు. మరోవైపు కదిరి ఎమ్మెల్యే కందికుంటతో వివాదం కారణంగా జనసేన, బీజేపీ నుంచి ఎలాంటి మద్దతు లేకపోవడం తెలిసిందే. పరిటాల శ్రీరామ్‌ను నల్లచెరువు జెడ్పీటీసీ అభ్యర్థిగా తెచ్చుకోవడం ‘తెలుగు తమ్ముళ్ల’కు రుచించడం లేదని తెలిసింది. సినీనటుడు నందమూరి బాలకృష్ణ ప్రాతినిధ్యం వహిస్తున్న హిందూపురంలో మైనార్టీ ఓటర్లే కీలకం. వైఎస్సార్‌సీపీ తరఫున డి.షాజియా బరిలో దిగారు. కూటమి పార్టీల నుంచి టీడీపీ నేత మంజునాథ్‌ చైర్మన్‌ అభ్యర్థిగా పోటీలో నిలిచారు. పట్టణంలో మైనార్టీ ఓట్లు కీలకం కావడంతో షాజియాకు భారీగా మద్దతు లభిస్తోంది. దీంతో తాము గెలవలేమని తెలుసుకున్న టీడీపీ నేతలు ఎమ్మెల్యే బాలకృష్ణనే రంగంలోకి దింపారు. రెండు రోజుల క్రితం బాలకృష్ణతో పాటు ఆయన సతీమణి హిందూపురంలో ప్రచారం చేశారు. ఇన్నాళ్లూ కనిపించని బాలకృష్ణ కేవలం ఎన్నికల సమయంలో ప్రత్యక్షం కావడంపై ప్రజల్లో విమర్శలు వెల్లువెత్తాయి. మున్సిపల్‌ ఎన్నికల ప్రచారం జిల్లాలో జోరుగా సాగుతోంది. బరిలో నిలిచిన అభ్యర్థులు ఇంటింటికీ వెళ్లి ఓట్లు అభ్యర్థిస్తున్నారు. బహిరంగ ప్రచారానికి మరో 24 గంటలే గడువు ఉండటంతో ప్రచారం జోరు పెంచారు. వైఎస్‌ జగన్‌ హయాంలో జరిగిన అభివృద్ధి, సంక్షేమం గురించి వివరిస్తూ ఓట్లు అడుగుతున్న వైఎస్సార్‌సీపీ అభ్యర్థులకు అపూర్వ ఆదరణ లభిస్తుండగా...రెండున్నరేళ్ల కూటమి పాలనలో చేసిన మంచి ఏమీ లేక...నోటికొచ్చినట్లు మాట్లాడుతున్న కూటమి అభ్యర్థుల ప్రచారానికి స్పందన కరువైంది. కదిరిలో అత్తార్‌.. హుషార్‌.. అవినాష్‌.. ఫుల్‌ జోష్‌.. హిందూపురం.. మైనార్టీల పరం.. మడకశిరలోనూ ‘ఫ్యాన్‌’ జోరు.. పెనుకొండ.. శ్రీనివాసులుకు అండ.. ధర్మవరంలో చేనేతల భారీ మద్దతు..

● 1 నుంచి పట్టాలెక్కనున్న వందేభారత్‌ రైళ్లు హత్య కేసు నిందితుడు అరెస్ట్‌ ముదిగుబ్బ: ముదిగుబ్బలో జరిగిన బేల్దారి రామాంజనేయులు హత్య కేసు నిందితుడిని పోలీసులు అరెస్ట్‌ చేశారు. గురువారం సీఐ రామసుబ్బయ్య తెలిపిన మేరకు.. నరేష్‌, రామాంజనేయులు బావా బావమరిది. వీరిద్దరూ ఒకే ఇంటి నిర్మాణ పనులు చేస్తూ జీవనం సాగించేవారు. అయితే నరేష్‌ను రామాంజనేయులు తరచూ తిడుతుండేవాడు. విసిగిపోయిన నరేష్‌ అక్కడే ఉన్న ఇనుప రాడ్‌తో రామాంజనేయులు తలపై బలంగా బాది, అక్కడి నుంచి ఉడాయించాడు. రామాంజనేయులును 108 ద్వారా ఆసుపత్రికి తరలించగా, చికిత్స పొందుతూ అదే రోజు మృతి చెందాడు. దొరిగిల్లు వద్ద వాహనాలు తనిఖీ చేస్తుండగా బైకుపై వచ్చిన నిందితుడు పోలీసులను చూసి పారిపోతుండగా, వెంబడించి పట్టుకున్నారు. అతని వద్ద నుంచి నేరానికి ఉపయోగించిన ఇనుప రాడ్డు, పల్సర్‌ బైకును స్వాధీనం చేసుకున్నారు. కాగా 24 గంటల్లోపే నిందితుడిని అరెస్టు చేయడంతో సీఐను ఉన్నతాధికారులు అభినందించారు. ప్రయాణికురాలి మెడలోని గొలుసు మాయం గుత్తి: ఆర్టీసీ బస్సులో ప్రయాణిస్తున్న లక్ష్మిదేవి అనే ప్రయాణికురాలి మెడలోని బంగారు గొలుసు దొంగలు అపహరించారు. గుంతకల్లు మండలం ఇమాంపురానికి చెందిన లక్ష్మిదేవి గుత్తి బస్టాండ్‌లో అనంతపురం వెళ్లేందుకు బస్సు ఎక్కింది. శివారు ప్రాంతంలోని మాతృశ్రీ ఆస్పత్రి వద్దకు వెళ్లగానే లక్ష్మిదేవి మెడలోని నాలుగు తులాల గొలుసు కనిపించలేదు.వెంటనే అప్రమత్తమైన ఆమె.. బస్సు ఆపాలని చెప్పింది. అయితే డ్రైవర్‌ బస్సును ఆపకుండా పామిడి పోలీసు స్టేషన్‌కు తీసుకెళ్లాడు. కాగా, చోరీ జరిగిన ప్రాంతం తమ పరిధిలోకి రాదని, గుత్తిలో ఫిర్యాదు చేసుకోవాలని పోలీసులు చెప్పారు. దీంతో బాధితురాలు గుత్తికి వెళ్లి పోలీసులకు ఫిర్యాదు ఇస్తుండగా తీసుకోలేదు. గుత్తి, పామిడి పోలీస్‌ స్టేషన్లలో రెండుచోట్లా ఫిర్యాదు తీసుకోకపోవడంతో బాధితురాలు లబోదిబోమంటోంది. ప్రజల పరిస్థితి వర్ణనాతీతం కూటమి ప్రభుత్వం ఏర్పడిన్పటి నుంచి మున్సిపాలిటీలో పారిశుధ్యం అధ్వానంగా ఉంది. తాగునీరు వారం రోజులైనా సరిగ్గా రావడం లేదు. చెత్త సేకరణ ట్రాక్టర్‌లు నెలకు రెండు సార్లు కూడా రావడం లేదు. ఇంతటి దారుణమైన పరిస్థితి ఎప్పుడూ చూడలేదు. – గుండా ఈశ్వరయ్య, చేనేత కార్మికుడు, ధర్మవరం గుంతకల్లు: దేశంలోనే మొట్టమొదటి వందేభారత్‌ స్లీపర్‌ కోచ్‌ (నిద్రించే సౌకర్యం ఉన్న రైలు బోగీ) రైళ్లు గుంతకల్లు, అనంతపురం, ధర్మవరం రైల్వేస్టేషన్ల మీదుగా (డైలీ) రాకపోకలు సాగించనున్నట్లు డివిజన్‌ కార్యాలయ వర్గాలు తెలిపాయి. ఈ రైళ్లను వర్చువల్‌ పద్ధతిన ప్రధాని మోదీ, రైల్వే శాఖ మంత్రి అశ్విని వైష్ణవ్‌ ప్రారంభిస్తున్నట్లు తెలిపాయి. బెంగళూరు– ఛత్రపతి శివాజీ మహరాజ్‌ టెర్మినల్‌ (ముంబై)– బెంగళూరు మధ్య నవంబర్‌ 1 నుంచి పట్టాలెక్కించడానికి రైల్వే బోర్డు అనుమతులు జారీ చేసినట్లు తెలిపాయి. ఈ రైళ్లలో మొత్తం 16 కోచ్‌లు ఉంటాయి. అందులో 3 ఏసీ 11, టూటైర్‌ ఏసీ 4, ఫస్ట్‌ క్లాస్‌ 01 ఉంటాయి. ముంబై– బెంగళూరు మధ్య దాదాపు 1118 కి.మీ ప్రయాణానికి 22 గంటలకు పైగా సమయంలో పట్టేది. దాదాపు 6 గంటలపైగా సమయం ఆదా చేస్తున్నట్లు డివిజన్‌ కార్యాలయ వర్గాలు తెలిపాయి. వందేభారత్‌ స్లీపర్‌ కోచ్‌ రైళ్లు రాకపోకల వివరాలు .. బెంగళూరు రైల్వే జంక్షన్‌లో (27652) నవంబర్‌ 1న సాయంత్రం 7.45 గంటలకు బయల్దేరి ధర్మవరం జంక్షన్‌కు రాత్రి 10.10 గంటలకు, అనంతపురం రైల్వేస్టేషన్‌కు 10.28, గుంతకల్లు జంక్షన్‌కు 11.20, రాయచూర్‌కు అర్ధరాత్రి 01.03 గంటలకు, యాదగిరికి 1.43 గంటలకు, వాడి జంక్షన్‌కు 2.50 గంటలకు, కలబురిగి జంక్షన్‌కు 3.08 గంటలకు, షోలాపూర్‌కు తెల్లవారుజూమున 4.20 గంటలకు, పూణే జంక్షన్‌కు ఉదయం 8 గంటలకు, కళ్యాణి జంక్షన్‌కు ఉదయం 10.42 గంటలకు ఇక చివరగా ఛత్రపతి మహారాజ్‌ శివాజీ టెర్మినల్‌ స్టేషన్‌కు మరుసటి రోజు (నవంబర్‌ 2) ఉదయం 11.55 గంటలకు చేరుతుందన్నారు. ఇక ఛత్రపతి మహారాజ్‌ శివాజీ టెర్మినల్‌ సేష్టన్‌ (27651) నుంచి మరో వందే భారత్‌ స్లీపర్‌ కోచ్‌ రైలు నవంబర్‌ 1న రాత్రి 8.10 గంటలకు బయల్దేరనుంది. కళ్యాణి జంక్షన్‌కు 20.48 గంటలకు, పూణే జంక్షన్‌కు 11.40 గంటలకు, కలబురిగి జంక్షన్‌కు తెల్లవారుజూమున 4.13 గంటలకు, వాడి జంక్షన్‌కు ఉదయం 5.05 గంటలకు, యాదగిరి రైల్వేస్టేషన్‌కు 5.08 గంటలకు, రాయచూర్‌కు 6.03 గంటలకు, గుంతకల్లు జంక్షన్‌కు 7.30, అనంతపురానికి 8.38 గంటలకు, ధర్మవరం జంక్షన్‌కు 9.40 గంటలకు,బెంగళూరు జంక్షన్‌కు మధ్యాహ్నం 12.00 గంటలకు చేరుతుందన్నారు.

ఉరవకొండ: ప్రసిద్ధిగాంచిన ఉరవకొండ గవి మఠ సంస్థానం పీఠాధిపతి పీఠంపై నెలకొన్న వివా దం గురువారం దేవదా య, ధర్మదాయ శాఖ అధికారులు విచారణ చేపట్టారు. గవిమఠం ఎనిమిదో పీఠాధిపతిగా కొనసాగిన చెన్నబసవ రాజేంద్రమహస్వామి ఈ ఏడాది జూలై 18న శివైక్యం పొందారు. పీఠాధిపతుల వారసత్వ హక్కుల విషయంలో ప్రస్తుత గవిమఠ ఉత్తరాధికారి డాక్టర్‌ కరిబసవరాజేంద్రస్వామి, ఆదోని చోకి మఠం పీఠాధిపతులు కల్యాణస్వామిజీ మధ్య వివాదం తలెత్తింది. దీంతో కర్నూలు దేవదాయ శాఖ డిప్యూటీ కమిషనర్‌ రామాంజనేయులు ఇద్దరు స్వామీజీల వాదనలు విన్నారు. ఈవిచారణలో గవిమఠం అసిస్టెంట్‌ కమిషనర్‌ సుధారాణి పాల్గొన్నారు. యువతి ఆత్మహత్యాయత్నం పావగడ: పట్టణంలోని బీఎస్‌ఎన్‌ఎల్‌ టవర్‌ ఎక్కి యువతి గురువారం ఆత్మహత్యాయత్నానికి పాల్పడింది.వివరాలు.. పావగడ తాలూకా దొడ్డేనహళ్లికి చెందిన గణేశ్‌, కుందుర్పి మండలం కరిగానపల్లికి చెందిన సింధు ప్రేమ పెళ్లి చేసుకున్నారు. అయితే భర్త గణేశ్‌ ఆమెను వదిలేసి వెళ్లిపోయాడు. న్యాయం చేయాలని పోలీసులను వేడుకోగా.. వారు పట్టించుకోలేదని పట్టణంలోని బీఎస్‌ఎన్‌ఎల్‌ టవర్‌ ఎక్కి ఆత్మహత్యాయత్నం చేయగా పోలీసులు, అగ్ని మాపకదళం ఆమెను కాపాడారు. రైలు ఢీకొని ఎలుగుబంట్ల మృత్యువాత డి.హీరేహాళ్‌(బొమ్మనహాళ్‌): డి.హీరేహాళ్‌ మండల పరిధిలోని కల్యం గ్రామ సమీపంలో రైలు ఢీకొని రెండు ఎలుగుబంట్లు మృత్యువాతపడ్డాయి. ఈవిషయాన్ని గమనించిన స్థానికులు అటవీశాఖ అధికారులకు సమచారం అందించారు. రాయదుర్గం ఫారెస్ట్‌ డిప్యూటీ రేంజ్‌ ఆఫీసర్‌ దామోదర్‌రెడ్డి ఘటన స్థలాన్ని పరిశీలించారు. ఏపీ హెచ్‌ఈఆర్‌ఎంసీ మెంబర్‌ సెక్రటరీగా కృష్ణయ్య అనంతపురం : ఆంధ్రప్రదేశ్‌ హయ్యర్‌ ఎడ్యుకేషన్‌ ఫీజు రెగ్యులేటరీ అండ్‌ మానిటరింగ్‌ కమిటీ (ఏపీ హెచ్‌ఈఆర్‌ఎంసీ) మెంబర్‌ సెక్రటరీ కమ్‌ చీఫ్‌ ఎగ్జిక్యూటివ్‌ ఆఫీసర్‌ (సీఈఓ)గా ప్రొఫెసర్‌ ఎస్‌.కృష్ణయ్య నియమితులయ్యారు. ఈ మేరకు రాష్ట్ర ప్రభుత్వ ప్రిన్సిపల్‌ సెక్రెటరీ జె.శ్యామలరావు గురువారం అధికారిక ఉత్తర్వులు జారీ చేశారు. ఈ పదవిలో ఆయన మూడేళ్ల పాటు కొనసాగనున్నారు. ఉన్నత విద్యలో ఫీజుల నియంత్రణ, పర్యవేక్షణ బాధ్యతలను ఆయన నిర్వహించనున్నారు. గొర్తి శ్రీనివాసరావు మృతి అనుమానాస్పదం ● జ్వాలాపురం శ్రీకాంత్‌ అనంతపురం కల్చరల్‌: విజయవాడ బ్రాహ్మణ క్రెడిట్‌ కోఆపరేటివ్‌ సొసైటీ మేనేజర్‌ గొర్తి శ్రీనివాసరావు మృతి బాధాకరమని, ఆయన మరణంపై అనుమానాలున్నాయని మాజీ ప్రభుత్వ సలహాదారు జ్వాలాపురం శ్రీకాంత్‌ అన్నారు. గురువారం ఆయన నగరంలోని వైఎస్సార్‌సీపీ కార్యాలయంలో విలేకరులతో మాట్లాడారు. గొర్తి శ్రీనివాసరావు తన సూసైడ్‌ నోట్‌లో పేర్కొన్న అంశాలపై నిష్పక్షపాతంగా విచారణ జరిపించాలని డిమాండ్‌ చేశారు. సొసైటీలోని బుచ్చి రాంప్రసాద్‌, ఎండీ చంద్రశేఖర్‌ ఆజాద్‌, సీఈవో నాగసాయి, బాలా త్రిపుర సుందరి పాత్రపై అనేక అనుమానాలున్నాయని, దీనిపై సమగ్ర విచారణకు వెంటనే ఆదేశించాలని డిమాండ్‌ చేశారు. కూటమి ప్రభుత్వం అధికారంలోకొచ్చిన రెండున్నరేళ్లలో బ్రాహ్మణ కార్పొరేషన్‌ను నిర్వీర్యం చేసిందని విమర్శించారు.

కదిరిలో ట్రాఫిక్‌ అస్తవ్యస్తంగా మారింది. పార్కింగ్‌ సౌకర్యం లేక ఎక్కడపడితే అక్కడ వాహనాలు నిలుపుతుండటంతో వలీసాబ్‌ రోడ్డు, చౌక్‌ బజారు, కూరగాయల మార్కెట్‌, రాయలసీమ సర్కిల్‌, వేమారెడ్డి సర్కిల్‌, అంబేద్కర్‌ సర్కిల్‌, ఇందిరాగాంధీ సర్కిల్‌, జీవీమాను సర్కిల్‌, కోనేరు సర్కిల్‌, రాయచోటి రోడ్డు నిత్యం రద్దీగా ఉంటోంది. సాయంత్రం వేళ ఈ సర్కిల్‌ మీదుగా వెళ్లాలంటే ట్రాఫిక్‌తో ఇబ్బందిగా మారింది. 13, 14, 15 వార్డుల్లో డ్రైనేజీ కాలువ లేకపోవడంతో మురుగునీరు రోడ్డుపైకి వస్తోంది. వాసన భరించలేకపోతున్నాం. దీనిపై కాలనీవాసులం ఎన్నోసార్లు అధికారులకు ఫిర్యాదు చేసినా వారు పట్టించుకోలేదు. – జగన్‌, కదిరి

ఇది 13వ వార్డులోని డ్రైనేజీ కాలువ పరిస్థితి. ఇళ్ల మధ్యలోనే ఉన్న ఈ కాలువలోనే 14, 15 వార్డులనుంచి వచ్చే మురుగునీరు పారాల్సి ఉంది. కాలువ నిర్మాణం జరగకపోవడంతో మురుగునీరు నిలిచిపోయి ఈ ప్రాంతమంతా దుర్వాసన వెదజల్లుతోంది. ఇది కదిరి తేరు బజారు. ఉదయం, సాయంత్రం వేళల్లో ఈ వీధిలోకి రావాలంటేనే జనం భయపడిపోతున్నారు. ధైర్యం చేసి ఎవరైనా వచ్చినా ట్రాఫిక్‌ చక్రబంధంలో ఇరుక్కుపోతారు. జనాభాకు తగ్గట్టుగా రోడ్లు విస్తరించకపోవడంతో జనం నరకం చూస్తున్నారు.

మడకశిర: మున్సిపల్‌ ఎన్నికలు ప్రశాంత వాతావరణంలో జరిగేలా జిల్లా వ్యాప్తంగా కట్టుదిట్టమైన భద్రతా చర్యలు చేపట్టామని ఎస్పీ సతీష్‌కుమార్‌ తెలిపారు. గురువారం ఆయన మడకశిర ఒకేషనల్‌ జూనియర్‌ కళాశాలలో ఏర్పాటు చేసిన నగర పంచాయతీ ఎన్నికల సామగ్రి పంపిణీ కేంద్రాన్ని పరిశీలించారు. అలాగే బ్యాలెట్‌ బాక్సులను భద్ర పరిచే స్ట్రాంగ్‌ రూంను కూడా ఆయన పరిశీలించారు. వడ్రపాళ్యం, శివాపురం పోలింగ్‌ కేంద్రాలను కూడా సందర్శించి పరిశీలన చేశారు. మున్సిపల్‌ అధికారులు, పోలీసులకు పలు సూచనలు చేశారు. ఎన్నికల ఏర్పాట్లపై ఆరా తీశారు. ఎన్నికల ప్రక్రియ సజావుగా జరగాలని ఆదేశాలు జారీ చేశారు. ఎలాంటి లోపాలు లేకుండా భద్రత కల్పించాలన్నారు. శాంతి భద్రతలకు ఎలాంటి భంగం కలగకుండా చర్యలు తీసుకోవాలన్నారు. పోలింగ్‌ స్వేచ్ఛగా జరగడానికి అవసరమైన చర్యలు తీసుకోవాలన్నారు. ఎస్పీ వెంట ఆర్డీఓ నాగ ప్రసన్నలక్ష్మి, డీఎస్పీ శివప్రసాద్‌, సీఐలు శివరాముడు, రాజ్‌కుమార్‌, మున్సిపల్‌ కమిషనర్‌ మురళీధర్‌, మహిళా పీఎస్‌ డీఎస్పీ శ్రీనివాసరావు ఉన్నారు. సమస్యాత్మక పోలింగ్‌ కేంద్రాల పరిశీలన గోరంట్ల: స్థానిక ఎన్నికల నేపథ్యంలో గోరంట్ల పట్టణంలోని బాలుర ఉన్నత పాఠశాల, మందలపల్లి ఉన్నత పాఠశాలల్లో సమస్యాత్మక పోలింగ్‌ కేంద్రాల గురువారం రాత్రి ఎస్పీ సతీష్‌కుమార్‌ పరిశీలించారు. కేంద్రాల వద్ద పటిష్టమైన భద్రతా ఏర్పాట్లు చేయాలని స్థానిక సీఐ బోయ శేఖర్‌ను ఆదేశించారు. ఎన్నికలు ప్రశాంత వాతావరణంలో జరిగేలా పటిష్టమైన భద్రతా ఏర్పాట్లు చేయాలని ఆదేశించారు. ఎస్పీ సతీష్‌కుమార్‌ వెల్లడి

ధర్మవరం: మున్సిపల్‌ ఎన్నికల్లో ఎలాగైనా గెలవాలన్న లక్ష్యంతో ‘పచ్చ’నేతలు చేస్తున్న కుట్రలను తిప్పికొడదామని మాజీ ఎమ్మెల్యే కేతిరెడ్డి వెంకటరామిరెడ్డి పిలుపునిచ్చారు. బుధవారం స్థానిక వైఎస్సార్‌ సీపీ కార్యాలయంలో ఏర్పాటు చేసిన బీఎల్‌ఏల సమావేశంలో ఆయన మాట్లాడారు. మున్సిపల్‌ ఎన్నికలలో బీఎల్‌ఏల పాత్ర చాలా కీలకమన్నారు. పోలింగ్‌ కేంద్రంలో మున్సిపల్‌ చైర్‌పర్సన్‌ ఓటుకు పింక్‌ కలర్‌ బ్యాలెట్‌ పేపర్‌, కౌన్సిలర్‌కు వైట్‌ కలర్‌ బ్యాలెట్‌ పేపర్లు అందుబాటులో ఉంటాయని, ఆరెండింటినీ ఒకే బ్యాలెట్‌ బాక్స్‌లో వేయాల్సి ఉంటుందన్నారు. బీఎల్‌ఏలు ఓటరు జాబితాను క్షుణ్ణంగా పరిశీలించాలన్నారు. అలాగే పోలింగ్‌ కేంద్రంలో అరాచక శక్తులు రిగ్గింగ్‌ యత్నించినా, సైక్లింగ్‌ చేయాలని చూసినా బీఎల్‌ఏలు వెంటనే పోలింగ్‌ ఆఫీసర్‌కు ఫిర్యాదు చేయాలన్నారు. పోలింగ్‌ ఆఫీసర్‌ పట్టించుకోకపోతే ఈసీకి ఫిర్యాదు చేస్తామని, అప్పుడు సదరు పోలింగ్‌ ఆఫీసర్‌ ఉద్యోగం ఊడటం ఖాయమన్నారు. కూటమి నాయకులు దౌర్జన్యాలకు పాల్పడితే ధైర్యంగా ఎదుర్కోవాలని, ప్రతి ఒక్కరికి కేతిరెడ్డి అండగా ఉంటారని భరోసానిచ్చారు. వైఎస్సార్‌సీపీ అధికారంలోకి రాగానే కార్యకర్తలు, పోలింగ్‌ ఏజెంట్లకు సముచిత స్థానం దక్కేలా చూస్తామన్నారు. అందరూ సమష్టిగా పని చేయాలన్నారు. సమావేశంలో పట్టణంలోని 48వార్డుల వైఎస్సార్‌సీపీ కౌన్సిలర్‌ అభ్యర్థులు, బీఎల్‌ఏలు పాల్గొన్నారు. వైఎస్సార్‌సీపీ శ్రేణులకు మాజీ ఎమ్మెల్యే కేతిరెడ్డి వెంకటరామిరెడ్డి పిలుపు ప్రతి బీఎల్‌ఏకు తాను అండగా ఉంటానని భరోసా

తనకల్లు: మండల పరిధిలోని కొక్కంటి క్రాస్‌లో బుధవారం ఆర్టీసీ డ్రైవర్‌ దుంగావత్‌ వేమన్న నాయక్‌పై నలుగురు యువకులు దాడి చేశారు. డ్రైవర్‌ను బస్సులో నుంచి కిందకు లాగి కాళ్లతో తన్నుతూ పిడిగుద్దులు కురిపించారు. ఘటనకు సంబంధించి స్థానికులు తెలిపిన మేరకు వివరాలు.. దుంగావత్‌ వేమన్న నాయక్‌ కదిరి ఆర్టీసీ డిపోలో డ్రైవర్‌గా పని చేస్తున్నాడు. విధుల్లో భాగంగా నాయక్‌ బుధవారం బెంగుళూరు నుంచి ఆర్టీసీ బస్సులో ప్రయాణికులతో కదిరికి బయలుదేరాడు. అయితే మార్గమధ్యంలో అన్నమయ్య జిల్లా పీటీఎం మండలం మద్దయ్యగారిపల్లికి చెందిన విశ్వనాథ్‌, మధుకుమార్‌, సునీల్‌, రాములుతో పులికల్లు వద్ద బైక్‌లకు సైడ్‌ ఇవ్వలేదని గొడవ జరిగింది. అక్కడి నుంచి యువకులు ద్విచక్ర వాహనాల్లో ఆర్టీసీ బస్సును వెంబడించి, కొక్కంటిక్రాస్‌ వద్ద హైవేపై బైక్‌లను అడ్డంగా ఉంచి బస్సును ఆపేశారు. బస్సులో ఉన్న డ్రైవర్‌ను బలవంతంగా కిందకు దించి విచక్షణారహితంగా దాడి చేశారు. అడ్డుకోబోయిన స్థానికులను బెదిరించడంతో ఆగ్రహించిన వారు యువకులను పట్టుకొని దేహశుద్ధి చేసి పోలీసులకు అప్పగించారు. యువకుల దాడిలో గాయపడిన డ్రైవర్‌ను చికిత్స నిమిత్తం తనకల్లు ప్రభుత్వాసుపత్రికి తరలించారు. కాగా దాడికి పాల్పడిన యువకుల్లో విశ్వనాథ్‌ మొలకలచెరువు మండలం నయనాచెరువు పంచాయతీ కార్యదర్శిగా పనిచేస్తున్నాడు. కేసు నమోదు చేసి దర్యాప్తు చేస్తున్నట్టు ఎస్‌ఐ దిలీప్‌కుమార్‌ తెలిపారు. నలుగురిపై కేసు నమోదు

పెనుకొండ రూరల్‌: స్థానిక సంస్థల ఎన్నికల్లో మంచిచేసే వారికే పట్టం కట్టాలని వైఎస్సార్‌ సీపీ జిల్లా అధ్యక్షురాలు ఉషశ్రీచరణ్‌ ప్రజలకు పిలుపునిచ్చారు. బుధవారం సాయంత్రం ఆమె పెనుకొండ మున్సిపాలిటీ పరిధిలోని కొండాపురం, మంగాపురం, కోనాపురం గ్రామాల్లో చైర్మన్‌ అభ్యర్థి శ్రీనివాసులుతో కలిసి ఎన్నికల ప్రచారంలో నిర్వహించారు. ప్రతి గడపకూ వెళ్లి ఫ్యాన్‌ గుర్తుకు ఓటేయాలని కోరారు. అనంతరం ఆమె మీడియాతో మాట్లాడారు. ఎన్నికల వేళ టీడీపీ నాయకులు అలవిగాని హామీలు గుప్పించి అధికారంలోకి వచ్చారని, ఆ తర్వాత వాటన్నింటినీ తుంగలోతొక్కి ప్రజలను మోసం చేశారన్నారు. నిజంగా రెండున్నరేళ్లలో వారు అభివృద్ధి చేసి ఉంటే స్థానిక సంస్థల ఎన్నికల్లో పోటీలో నిలిచేందుకు ఎందుకు భయపడుతున్నారని ప్రశ్నించారు. ఓటమి భయంతోనే బెదిరింపులు, దాడులకు పాల్పడుతున్నారన్నారు. క్రియాశీలకంగా పనిచేస్తున్న వైఎస్సార్‌ కార్యకర్తలు, నాయకులపై అక్రమంగా బైండోవర్‌ కేసులు నమోదు చేయిస్తున్నారన్నారు. అక్రమ కేసులతో భయపెట్టలేరన్న విషయం గుర్తించాలన్నారు. ప్రజలకు వైఎస్సార్‌ సీపీ జిల్లా అధ్యక్షురాలు ఉషశ్రీ చరణ్‌ పిలుపు

హిందూపురంలో రెండున్నరేళ్లుగా అరాచకశక్తులు రాజ్యమేలుతున్నాయి. ఎమ్మెల్యే బాలకృష్ణ నియోజకవర్గంలో ఉండగానే వైఎస్సార్‌సీపీ కార్యాలయంపై టీడీపీ గూండాలు దాడి చేశారు. ప్రజాస్వామ్యంలో ఇంత దౌర్జన్యం ఎక్కడైనా ఉంటుందా..? అక్రమ మైనింగ్‌, ఇసుక, మట్టి మాఫియా పేట్రేగిపోతోంది. అభివృద్ధి మాటున టీడీపీ నేతలు జేబులు నింపుకున్నారు. టీడీపీ నేతలకు ఓట్లు అడిగే అర్హతే లేదు. ప్రజల కనీస అవసరాలు తీర్చలేని టీడీపీ ఎన్నికల్లో ఓటమి చెందడం ఖాయం. అందుకే సినిమాలకే పరిమితమైన ఎమ్మెల్యే బాలకృష్ణ ప్రచారానికి వస్తున్నారు. – టీఎన్‌ దీపిక, వైఎస్సార్‌సీపీ నియోజకవర్గ సమన్వయకర్త, హిందూపురం తాగునీటికీ కరువు మా ప్రాంతంలో పది రోజులకు ఒకసారి నీళ్లు వస్తాయి. రోజువారీ అవసరాలకు ఆ నీళ్లు సరిపోవడం లేదు. అందుకే ట్యాంకర్ల ద్వారా నీళ్లు కొంటున్నాం. డ్రైనేజీలు సరిగా లేకపోవడంతో దోమలు వ్యాప్తి అధికంగా ఉంది. వర్షాలు పడితే మరింత ఇబ్బందికరంగా ఉంటుంది. – శారద, హిందూపురం రోడ్లపైనే మురుగు హిందూపురం మున్సిపాలిటీని అధ్వానంగా మార్చారు. అభివృద్ధి పనుల పేరుతో దోచుకుతిన్నారు. డ్రైన్లు లేక మురుగునీరు రోడ్లుపైనే ప్రవహిస్తోంది. మున్సిపల్‌ వర్కర్లు కొరత ఎక్కువగా ఉంది. ఉన్నవారితోనే ఎక్కువ పని చేయిస్తున్నారు. వర్షాలు వస్తే ఇళ్లలోకి, దుకాణాల్లోకి నీరు చేరుతుండటంతో ప్రజలు అవస్థలు పడుతున్నారు. – సురేష్‌ కుమార్‌, రైల్వే రోడ్డు, హిందూపురం

చెన్నేకొత్తపల్లి (కనగానపల్లి): స్థానిక సంస్థల ఎన్నికల పోలింగ్‌ కేంద్రాల వద్ద పటిష్ట భద్రతా ఏర్పాట్లు చేస్తున్నామని ఎస్పీ సతీష్‌కుమార్‌ తెలిపారు. బుధవారం ఆయన చెన్నేకొత్తపల్లిలోని ప్రభుత్వ పాఠశాలలో ఏర్పాటు చేస్తున్న పోలింగ్‌ కేంద్రాలను పరిశీలించారు. ఈ సందర్భంగా కేంద్రం పరిసరాలతో పాటు గదుల భద్రత గురించి పోలీసులతో ఆరా తీశారు. పోలింగ్‌ కేంద్రంలోకి ఎవ్వరూ చొరబడకుండా తగిన చర్యలు తీసుకోవాలన్నారు. అనంతరం మండలంలోని సమస్యాత్మక గ్రామాల్లో శాంతిభద్రతల గురించి పోలీసులతో మాట్లాడారు. అలాగే మండలంలోని ముష్టికోవెల గ్రామంలో ఏఎస్పీ మహేష్‌ ఆధ్వర్యంలో పోలీసులు కార్డెన్‌ సెర్చ్‌ నిర్వహించారు. వివిధ రాజకీయ పార్టీల నాయకుల ఇళ్లలో తనిఖీలు నిర్వహించారు. కార్యక్రమంలో రామగిరి సీఐ మహమ్మద్‌ అలీ, పోలీసులు పాల్గొన్నారు. కనగానపల్లిలో.. మండలంలోని మామిళ్లపల్లి, చంద్రాచెర్ల గ్రామాల్లో ఏఎస్పీ మహేష్‌ బుధవారం పర్యటించారు. ఓటు వేయడంలో ఎలాంటి ఇబ్బంది ఎదురైనా పోలీసుల దృష్టికి తీసుకురావాలని ప్రజలకు సూచించారు. తిరుమల ఎక్స్‌ప్రెస్‌ రద్దు తాడిపత్రి రూరల్‌: అర్నబ్‌ తుపాన్‌ కారణంగా విశాఖ నుంచి తాడిపత్రి మీదుగా గుంతకల్లుకు వెళ్లాల్సిన తిరుమల ఎక్స్‌ప్రెస్‌ (18521)ను బుధవారం రద్దు చేసినట్లు అధికారులు తెలిపారు. గుంతకల్లు నుంచి విశాఖ వెళ్లాల్సిన తిరుమల ఎక్స్‌ప్రెస్‌ యథావిధిగా బయలుదేరి వెళ్లింది. ధర్మవరం– మచిలీపట్నం వెళ్లే ఎక్స్‌ప్రెస్‌ (17216) నిర్ణీత వేళకే బయల్దేరింది.

● వై.ప్రణయ్‌రెడ్డి ధ్వజం అనంతపురం: స్థానిక సంస్థల ఎన్నికల్లో ప్రజాస్వామ్యబద్ధంగా పోటీ చేసి గెలిచే ధైర్యం లేకనే రాష్ట్ర ఆర్థిక శాఖ మంత్రి పయ్యావుల కేశవ్‌ అధికార దుర్వినియోగానికి పాల్పడుతున్నారని వైఎస్సార్‌సీపీ యువజన విభాగం రాయలసీమ జోనల్‌ అధ్యక్షుడు ప్రణయ్‌ రెడ్డి ధ్వజమెత్తారు. బుధవారం ఆ పార్టీ జిల్లా కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. పోలీసు యంత్రాంగాన్ని అడ్డుపెట్టుకుని వైఎస్సార్‌సీపీ అభ్యర్థులను కిడ్నాప్‌ చేయించారని ఆరోపించారు. మంత్రి కేశవ్‌ తన సొంత గ్రామమైన కౌకుంట్లలో ప్రజాస్వామ్యాన్ని పూర్తిగా పక్కన బెట్టి, తమ పార్టీ అభ్యర్థులను పోలీసుల సహాయంతో కిడ్నాప్‌ చేయించారని మండిపడ్డారు. అభివృద్ధి చేసింటే నామినేషన్లను ఎందుకు అడ్డుకున్నారు ఉరవకొండ నియోజకవర్గంలో మంత్రి పయ్యావుల అభివృద్ధి పనులు చేసి ఉంటే, ఎన్నికలను పారదర్శకంగా ఎదుర్కోవడానికి భయమెందుకని ప్రణయ్‌ రెడ్డి ప్రశ్నించారు. వైఎస్సార్‌సీపీ నాయకులు నామినేషన్‌ పత్రాలు దాఖలు చేయకుండా రాళ్లదాడి, బెదిరింపులు, పోలీసుల వేధింపులు, ముందస్తు అరెస్టులకు పాల్పడాల్సిన అవసరం మంత్రికి ఏమొచ్చిందో ప్రజలకు సమాధానం చెప్పాలని డిమాండ్‌ చేశారు. స్థానిక ఎన్నికల్లో ఓటమి భయంతోనే చంద్రబాబు ప్రభుత్వం పోలీసులను వాడుకుంటోందని ప్రణయ్‌రెడ్డి ఆరోపించారు. తమ పార్టీ శ్రేణులపై అక్రమ కేసులు బనాయించి భయపెట్టాలని చూస్తే తీవ్ర పరిణామాలు ఉంటాయని హెచ్చరించారు. ప్రతిపక్షాలకు నామినేషన్‌ వేసే హక్కు లేకుండా చేయడం రాజ్యాంగ విరుద్ధమని, దీనిపై ఎన్నికల కమిషన్‌ ప్రత్యేక దృష్టి సారించి తక్షణమే చర్యలు తీసుకోవాలని ఆయన డిమాండ్‌ చేశారు.

అమడగూరు: స్థానిక సంస్థల ఎన్నికల్లో ఉద్యోగులు యథేచ్ఛగా ‘కోడ్‌’ ఉల్లంఘిస్తున్నారు. నిబంధనలకు విరుద్ధంగా పార్టీ కార్యక్రమాల్లో పాల్గొంటున్నారు. బుధవారం అమడగూరులో పుట్టపర్తి ఎమ్మెల్యే పల్లె సింధూర రెడ్డి నిర్వహించిన ఎన్నికల ప్రచార కార్యక్రమంలో వీబీజీ రామ్‌జీ (ఉపాధి హామీ) ఫీల్డ్‌ అసిస్టెంట్‌ రామాంజనేయులు ‘కోడ్‌’ ఉల్లంఘనకు పాల్పడ్డారు. ఎమ్మెల్యే ప్రచార కార్యక్రమానికి అన్నీతానై వ్యవహరించారు. పార్టీ కార్యక్రమాల్లో ప్రభుత్వ ఉద్యోగులు పాల్గొనకూడదని కచ్చితమైన నిబంధన ఉన్నప్పటికీ ఏమాత్రం పట్టించుకోకుండా టీడీపీ తరఫున ప్రచారం సైతం నిర్వహించారు. అయినా జిల్లా ఉన్నతాధికారులు ఆయనపై ఎలాంటి చర్యలు తీసుకోలేదు. కోడ్‌ ఉల్లంఘనపై కలెక్టర్‌కు ఫిర్యాదు చేస్తామని పలువురు స్థానికులు తెలిపారు. టీడీపీకి ఓటేయండి..బిల్లులిప్పిస్తా పుట్టపర్తి అర్బన్‌: ‘‘మీకు టీడీపీకి ఓటు వేయండి...ఉపాధి హామీ పనుల్లో మీరు పనులు చేయకపోయినా నేను బిల్లులు ఇప్పిస్తా’’ అంటూ పెడపల్లి ఫీల్డ్‌ అసిస్టెంట్‌ గౌతం టీడీపీ తరఫున ఎన్నికల ప్రచారం నిర్వహించారు. బుధవారం పుట్టపర్తి మండలం పెడపల్లిలో టీడీపీ అభ్యర్థులు ఎన్నికల ప్రచారం నిర్వహించగా...ఫీల్డ్‌ అసిస్టెంట్‌ గౌతం వారివెంట నడుస్తూ ప్రచారం నిర్వహించారు. పలు గ్రామాల్లో తిరుగుతూ ‘‘మీకు పనులు చేయకపోయినా బిల్లులు చేయిస్తా... జాబ్‌ కార్డు విషయంలో అండగా ఉంటా’’ అని ఓట్లు అభ్యర్థించారు. ఫీల్డ్‌ అసిస్టెంట్లు, రేషన్‌ డీలర్లు ఎన్నికల ప్రచారంలో పాల్గొనకూడదని అధికారులు చెప్తున్నా... అవేమీ పట్టించుకోకుండా పచ్చకండువా వేసుకుని దర్జాగా ప్రచారం చేస్తున్నారు. పథకాలు నిలిచిపోతాయ్‌ హిందూపురం(చిలమత్తూరు): టీడీపీకి ఓటు వేయకపోతే పథకాలు నిలిచిపోతాయ్‌ జాగ్రత్త అంటూ మెప్మా అధికారులు మహిళా సంఘాల నాయకులను బెదిరించారు. టీడీపీ నేతల సూచనతో బుధవారం హిందూపురం రహమత్‌పురంలోని ఓ షాదీమహల్‌లో మెప్మా సంఘాలతో ఆర్‌పీలు సమావేశాలు ఏర్పాటు చేశారు. టీడీపీ అభ్యర్థులకు ఓటు వేయాలని, మహిళా సంఘాల సభ్యులతో ఓట్లు వేయించాలని హుకుం జారీ చేశారు. ఓటు వేయకపోతే సంక్షేమ పథకాలు నిలిచిపోతాయని బెదిరించారు. ఇలా.. ప్రతి ప్రభుత్వ శాఖలోనూ ఏదో విధంగా టీడీపీకి ఓటు పడేలా కుటిలయత్నానికి పాల్పడుతున్నారు. రెవెన్యూ అధికారులు ద్వారా పొజిషన్‌ పత్రాలు అందిస్తూ టీడీపీకి ఓటు వేయాలని ప్రజలకు చెబుతూ ఎన్నికల నియమావళికి విరుద్ధంగా వ్యవహరిస్తున్నారు. జిల్లాలో యథేచ్ఛగా కోడ్‌ ఉల్లంఘన టీడీపీ తరఫున ప్రచారం చేసిన ఫీల్డ్‌ అసిస్టెంట్లు ఓట్ల కోసం మహిళా సంఘాలతో ‘మెప్మా’ అధికారుల సమావేశం

అగళి: మండల పరిధిలోని నరసంబూది గ్రామంలో బుధవారం కేంద్ర కమిటీ సభ్యులు ఆశిష్‌, కవిత పర్యటించారు. జాతీయ మహిళా ఫ్రెండ్లీ ప్రోగ్రామ్‌కు నరసంబూది గ్రామ పంచాయతీ రాష్ట్రం నుంచి ఎంపికవ్వడంతో అందుకు సంబంధించిన మౌలిక వసతులను వారు పరిశీలించారు. అనంతరం పంచాయతీలో జరుగుతున్న అభివృద్ధి కార్యక్రమలపై గ్రామ సభ నిర్వహించారు. ముందుగా గ్రామ పంచాయతీ కార్యాలయంలోని వివిధ అభివృద్ధి రికార్డులను క్షుణ్ణంగా తనిఖీ చేశారు. అనంతరం గ్రామంలోని మౌలిక వసతుల కల్పన, విద్య, వైద్యం తదితర కార్యక్రమాలపై ఆరా తీశారు. అనంతరం స్థానిక ప్రజలతో ముఖాముఖిగా మాట్లాడి అందుతున్న ప్రభుత్వ సేవలు, గ్రామంలో కల్పిస్తున్న సౌకర్యాలు, ఉమెన్‌ ఫ్రెండ్లీ వాతావరణంపై నేరుగా అడిగి తెలుసుకున్నారు. ఈ కార్యక్రమంలో నోడల్‌ అధికారి మల్లీశ్వరి, ఓఎస్డీ శ్రీనాథ్‌ రెడ్డి, డీపీఓ వెంకటరత్నం, డీఆర్‌డీఏ పీడీ నరసయ్య, డీఈఓ కృష్ణప్ప, డీఎల్‌పీఓ నరసింహరెడ్డి, డిప్యూటీ తహసీల్దార్‌ సుబ్బరావు, మండల పరిషత్‌ పరిపాలనాధికారి రాజేంద్రప్రసాద్‌, డిప్యూటీ ఎంపీడీఓలు రెడ్డి ప్రకాష్‌, పద్మ, ఏఓ నాగరాజు, ఎస్‌ఐ రంగడుయాదవ్‌ తదితరులు పాల్గొన్నారు. గ్రామస్తులు, మహిళలకు అందుతున్న సేవలపై కేంద్ర కమిటీ సభ్యుల ఆరా

హిందూపురం(చిలమత్తూరు): జిల్లాలోనే అతిపెద్ద పట్టణంగా పేరుగాంచిన హిందూపురం మున్సిపాలిటీ పరిధి రోజు రోజుకూ విస్తరిస్తోంది. 52 వార్డులు...2.26 లక్షల జనాభా ఉన్న పట్టణం సమస్యల సుడిగుండంలో చిక్కుకుంది. అవినీతి, అక్రమాలకు నిలయంగా మారింది. స్థానికంగా ఎమ్మెల్యే బాలకృష్ణ ఉండకపోవడం, పీఏలకు అధికారాలు ఇవ్వడంతో దోపిడీలు, దౌర్జన్యాలకు కేంద్ర బిందువుగా మారిపోయింది. ఎమ్మెల్యే బాలకృష్ణ చుట్టపుచూపుగా వచ్చిపోతుండటంతో ఇక్కడి నేతలు, కాంట్రాక్టర్లు, అధికారులు కుమ్మక్కై దోచుకుతింటున్నారని ప్రజలు మండిపడుతున్నారు. కనీసం తాగేందుకు నీళ్లు ఇవ్వలేని పాలకులపై జనం గుర్రుగా ఉండగా.. మున్సిపల్‌ ఎన్నికల్లో టీడీపీకి ఓటమి భయం పట్టుకుంది. ఈ నేపథ్యంలో బాలకృష్ణ సతీమణి వసుంధర హిందూపురంలో ప్రచారం నిర్వహిస్తుండగా... తాజాగా బాలకృష్ణ కూడా ప్రచారం కోసం రావడంచర్చనీయాంశమైంది. నీరు కరువు.. మురుగు పరుగు.. పట్టణంలో తాగునీటి సమస్య తీవ్రంగా ఉంది. గొల్లపల్లి రిజర్వాయర్‌ నుంచి 10 రోజులకు ఒక్కసారి తాగునీరు సరఫరా చేస్తున్నారు. దీంతో ప్రజలు తమ అవసరాలకు ట్యాంకర్ల ద్వారా నీటిని కొనుగోలు చేస్తున్నారు. వచ్చే అరకొర నీటికీ ట్యాక్స్‌లు మాత్రం భారీగా వసూలు చేస్తున్నారని ప్రజలు వాపోతున్నారు. ఇక మురుగు కాల్వలు సరిగా లేకపోవడంతో వర్షాలు వచ్చినప్పుడు మురుగునీరు ఇళ్లలోకి, దుకాణాల్లోకి చేరుతుండటంతో ప్రజలు తీవ్ర అవస్థలు పడుతున్నారు. మురుగునీరు కొట్నూరు, శ్రీకంఠపురం చెరువుల్లో చేరుతుండగా.. ఆ నీరంతా కలుషితమవుతోంది. అభివృద్ధి పనుల్లో భారీ దోపిడీ.. ఇక మున్సిపాలిటీ పరిధిలో రూ.92 కోట్లతో చేపడుతున్న అభివృద్ధి పనుల్లో భారీగా అక్రమాలు జరిగాయి. ముఖ్యంగా ప్రధాన రోడ్లు, సీసీ రోడ్లు వంటివి నాసిరకంగా నిర్మించి భారీగా దోచేశారనే ఆరోపణలున్నాయి. అలాగే హిందూపురం ప్రజల నీటి అవసరాలు తీర్చే రూ.136 కోట్ల గొల్లపల్లి వాటర్‌ ప్రాజెక్ట్‌ పనుల్లో అక్రమాలకు పాల్పడుతున్నారు. ఎమ్మెల్యే బాలకృష్ణ నివాసం సమీపంలోనే వాటర్‌ ట్యాంకు నిర్మాణ పనులు జరుగుతుండగా, నాసిరకం స్టీల్‌ వాడి ట్యాంకు నిర్మాణం చేస్తున్నారు. ఇక మున్సిపాలిటీ పరిధిలోని కొట్నూరు రెవెన్యూ పొలంలో టీడీపీ నేతలు సర్వే నంబర్‌ 259–1లో రూ.కోట్లు విలువ చేసే మున్సిపల్‌ స్థలాన్ని కబ్జా చేసి అక్రమంగా షెడ్లు నిర్మాణం చేపట్టి వాడుకుంటున్నారు. దారితప్పిన శాంతిభద్రతలు.. చంద్రబాబు నేతృత్వంలోని కూటమి ప్రభుత్వం రాష్ట్రంలో కొలువుదీరిన తర్వాత హిందూపురం అత్యాచారాలు, హత్యలు, దోపిడీలు అధికం కాగా, శాంతి భద్రతలు పూర్తిగా అదుపుతప్పాయి. కూటమి నేతల సేవలో పోలీసు యంత్రాంగం తరిస్తుండటంతో సామాన్య ప్రజానీకం నరకం చూస్తున్నారు. నియోజకవర్గంలో వెలుగుచూసిన దొంగ నోట్ల వ్యవహారంలో టీడీపీ ముఖ్యనేత పాత్ర ఉండటం సంచలనం రేపింది. అయితే ఆ నోట్లను కూడా పోలీసులు టాయ్‌ నోట్లుగా చిత్రీకరించి దేశద్రోహం కేసు బదులు నామమాత్రపు కేసు పెట్టి మమ అనిపించారు. ఇక పట్టణంలో తాళాలు వేసిన ఇళ్లు, దుకాణాలను టార్గెట్‌ చేసిన దొంగలు.. వరుస చోరీలకు పాల్పడుతున్నారు. అయినా ఇంతవరకూ వారిని పట్టుకున్న దాఖల్లాల్లేవు. నలుగురు.. నాలుగు దిక్కులు.. బాలకృష్ణ చుట్టం చూపుగా వచ్చి శంకుస్థాపనలు, ప్రారంభోత్సవాలు చేసి వెళ్లిపోతుంటారు. ఆయన పీఏలు నలుగురు ఉండగా, నలుగురు నాలుగు దిక్కులు గా ఏర్పడి స్వప్రయోజనాలపైనే దృష్టిపెట్టి పట్టణ అభివృద్ధిని, సౌకర్యాల కల్పనను గాలికి వదిలేశారు. ఇసుక, మట్టి అక్రమ రవాణాతో పాటు భూకబ్జాలు, సెటిల్‌మెంట్లు చేస్తూ భారీగా దోచేస్తున్నారు. ఎవరైనా ప్రశ్నిస్తే అధికారం అండతో తీవ్ర ఇబ్బందులకు గురిచేస్తున్నారు. అందుకే వారి అవినీతి గురించి నోరు విప్పేందుకు కూడా ‘పురం’వాసులు భయపడిపోతున్నారు. లోటు బడ్జెట్‌లో మున్సిపాలిటీ.. హిందూపురం మున్సిపాలిటీకి ప్రాపర్టీ ట్యాక్స్‌ కేవలం రూ.16 కోట్లు మాత్రమే వస్తోంది. వచ్చిన ఆదాయంలో 80 శాతం గొల్లపల్లి నుంచి నీటి సరఫరాకే ఖర్చు చేస్తున్నారు. మిగిలిన మొత్తంతోనే అభివృద్ధి పనులు, సిబ్బందికి జీతాలు ఇవ్వాల్సిన పరిస్థితి. జిల్లా సర్వజనాసుపత్రిలో సమస్యలు.. హిందూపురంలోని జిల్లా ఆస్పత్రికి నిత్యం వేలాది మంది వస్తుంటారు. కానీ ఇక్కడ రోగులకు కనీస సౌకర్యాలు కరువయ్యాయి. 2024 ఫిబ్రవరిలో క్రిటికల్‌ కేర్‌ బ్లాక్‌ నిర్మాణానికి వైఎస్సార్‌సీపీ హయాంలో శంకుస్థాపన చేశారు. గత నెలలో టీడీపీ ఆర్భాటంగా క్రిటికల్‌ కేర్‌ బ్లాక్‌ ప్రారంభించినప్పటికీ పూర్తి స్థాయిలో పరికరాలు, సిబ్బంది, వైద్యుల నియామకాన్ని చేపట్టలేదు. తాగునీటి కష్టాలు ఇలా.. హిందూపురాన్ని పట్టించుకోని ఎమ్మెల్యే బాలకృష్ణ.. అవినీతి, అక్రమాలతో రాష్ట్రంలోనే పేరుగాంచిన వైనం అదుపు తప్పిన శాంతిభద్రతలతో ప్రజలకు నరకం కనీసం తాగునీరు కూడా ఇవ్వలేని పాలకులు మౌలిక వసతులు లేక అల్లాడిపోతున్న జనం మున్సి‘పోల్స్‌’లో పచ్చనేతలకు వాతపెట్టేందుకు జనం సిద్ధం ఓటమి భయంతో ప్రచారానికి వచ్చిన బాలకృష్ణ

● ఆదర్శ పాఠశాలను తనిఖీ చేసిన డీఈఓ అగళి: పదో తరగతి ఫలితాల్లో వందశాతం ఉత్తీర్ణత ఉత్తీర్ణత సాధించేందుకు ఉపాధ్యాయులంతా కృషి చేయాలని డీఈఓ కిష్టప్ప సూచించారు. బుధవారం ఆయన స్థానిక ఆదర్శ పాఠశాలను ఆకస్మికంగా తనిఖీ చేశారు. మధ్యాహ్న భోజనాన్ని రుచి చూశారు. హాస్టల్‌, సైన్స్‌, కంప్యూటర్‌ ల్యాబ్స్‌ సౌకర్యాలపై పలు సూచనలు చేశారు. ఈ సందర్భంగా ఆయన మాట్లాడుతూ.. వార్షిక పరీక్షల్లో పదో తరగతి, ఇంటర్మీడియెట్‌ విద్యార్థులు అత్యుత్తమ ప్రతిభ కనబరిచేలా వారిపై శ్రద్ధ చూపాలన్నారు. వెనుకబడిన ప్రతి విద్యార్థిని ఉపాధ్యాయులు దత్తత తీసుకుని చదివించాలన్నారు. డీఈఓ వెంట ఎంఈఓలు నాగేంద్ర, చంద్రశేఖర్‌ నాయుడు, ప్రిన్సిపాల్‌ విజయకుమారి, ఉపాధ్యాయులు ఉన్నారు.

హిందూపురం(చిలమత్తూరు): వైఎస్సార్‌సీపీతోనే మైనార్టీల సంక్షేమం సాధ్యమని ఆ పార్టీ రాష్ట్ర మైనార్టీ విభాగం అధ్యక్షుడు ఖాదర్‌ బాషా పేర్కొన్నారు. బుధవారం పట్టణంలోని వైఎస్సార్‌సీపీ కార్యాలయంలో ఆయన వైఎస్సార్‌సీపీ నియోజకవర్గ సమన్వయకర్త టీఎన్‌ దీపిక, మాజీ ఎమ్మెల్యే అబ్దుల్‌ ఘని, వైఎస్సార్‌సీపీ నేత ఇస్మాయిల్‌, మున్సిపల్‌ చైర్‌ పర్సన్‌ అభ్యర్థి డి.షాజియాతో కలిసి విలేకరులతో మాట్లాడారు. దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి మైనార్టీలకు 4 శాతం రిజర్వేషన్‌ తీసుకువచ్చారని గుర్తు చేశారు. ఆయన తనయుడు వైఎస్‌ జగన్‌మోహన్‌రెడ్డి 2019లో సీఎం అయ్యాక మైనార్టీలకు అన్ని రంగాల్లోనూ అవకాశాలు కల్పించారని కొనియాడారు. టీడీపీ మైనార్టీలను కేవలం ఓటు బ్యాంకుగానే చూస్తుందని, వైఎస్‌ జగన్‌ ముస్లిం మైనార్టీల సంక్షేమం, అభివృద్ధికి పాటుపడ్డారని స్పష్టం చేశారు. హిందూపురంలో మైనార్టీ మహిళకు చైర్‌పర్సన్‌ అభ్యర్థిగా అవకాశం కల్పించడమే కాక రాష్ట్రంలో 12 మందికి అవకాశం కల్పించి మైనార్టీలను గుర్తించారని తెలిపారు. పట్టణంలో దాదాపు 40 వేల మైనార్టీల ఓట్లు ఉన్నాయని, మైనార్టీలకు కనీసం మున్సిపల్‌ వైస్‌ చైర్మన్‌ పదవి ఇస్తామని ప్రకటన చేసే దమ్ము టీడీపీకి ఉందా అని ఖాదర్‌ బాషా ప్రశ్నించారు. మైనార్టీలు టీడీపీకి ఓటేస్తే వక్ఫ్‌ నల్లచట్టాలను తీసుకొచ్చిన బీజేపీకి ఓటేసినట్టే అని, మైనార్టీలు ఎవరూ టీడీపీకి ఓటేయొద్దని ఆయన పిలుపునిచ్చారు. వైఎస్సార్‌సీపీ అభ్యర్థి షాజియా, కౌన్సిలర్‌ అభ్యర్థుల ఫ్యాన్‌ గుర్తుకు ఓటు వేసి గెలిపించాలని ఆయన కోరారు. కార్యక్రమంలో మైనార్టీ నాయకులు చాంద్‌ బాషా, ఆసిఫుల్లా, ఫరూఖ్‌ తదితరులు పాల్గొన్నారు. టీడీపీకి ఓటేస్తే బీజేపీకి వేసినట్టే వైఎస్సార్‌సీపీ మైనార్టీ విభాగం రాష్ట్ర అధ్యక్షుడు ఖాదర్‌ బాషా

● టీడీపీ దౌర్జన్యాలను ధైర్యంగా ఎదుర్కొందాం ● పార్టీ శ్రేణులకు వైఎస్సార్‌సీపీ పార్లమెంట్‌ పరిశీలకుడు రమేష్‌రెడ్డి పిలుపు మడకశిర: ప్రజల మద్దతు కోల్పోయిన టీడీపీ నేతలకు స్థానిక సంస్థల ఎన్నికల్లో ఓటమి భయం పట్టుకుందని, అందువల్లే దాడులు, దౌర్జన్యాలకు తెగబడుతూ అరాచకాలు చేస్తున్నారని వైఎస్సార్‌ సీపీ హిందూపురం పార్లమెంట్‌ పరిశీలకుడు రమేష్‌రెడ్డి అన్నారు. బుధవారం ఆయన పార్టీ నియోజకవర్గ సమన్వయకర్త ఈరలక్కప్ప, పార్టీ ఎస్‌ఈసీ సభ్యుడు వైసీ గోవర్దన్‌రెడ్డిలతో కలిసి మడకశిరలో విలేకరులతో మాట్లాడారు. కూటమి ప్రభుత్వం అధికారంలోకి వచ్చి రెండున్నరేళ్లు పూర్తయినా ప్రజలకు వారు చేసిందేమీ లేదన్నారు. ఇచ్చిన హామీలు కూడా నెరవేర్చకుండా ప్రజలను మోసం చేశారని మండిపడ్డారు. ప్రజాస్వామ్యబద్ధంగా స్థానిక సంస్థల ఎన్నికలు జరిగితే అన్ని స్థానాల్లో వైఎస్సార్‌సీపీ ఘన విజయం సాధించడం తథ్యమన్నారు. చంద్రబాబుకు నిజంగా ధైర్యం ఉంటే స్థానిక సంస్థల ఎన్నికలను సజావుగా జరిపించాలని సవాల్‌ చేశారు. టీడీపీ నేతల దౌర్జన్యాలు, దుర్మార్గాలను ధైర్యంగా ఎదుర్కొందామని పార్టీ శ్రేణులకు ఆయన పిలుపునిచ్చారు. ఏ ఒక్క కార్యకర్తకు ఇబ్బంది కలిగినా ఊరుకోబోమన్నారు. పార్టీ అభ్యర్థుల గెలుపునకు సమష్టిగా పని చేయాలని కోరారు. సమావేశంలో మడకశిర నగర పంచాయతీ చైర్మన్‌ అభ్యర్థి ఓంకుమార్‌ తదితరులు పాల్గొన్నారు.

రామగిరి: మండలంలోని పెనుబోలు సమీపంలో జాతీయ రహదారిపై అక్రమంగా కర్ణాటకకు తరలిస్తున్న రేషన్‌ బియ్యాన్ని బుధవారం పట్టుకున్నట్టు ఎస్‌ఐ ప్రదీప్‌రాజ్‌ తెలిపారు. ఎన్నికల వేళ ముందస్తు సమాచారం మేరకు వాహనాలను తనిఖీ చేస్తుండగా గుత్తి నుంచి కర్ణాటక రాష్ట్రం కోలార్‌కు తరలిస్తున్న బియ్యంను పట్టుకున్నట్టు ఆయన తెలియజేశారు. ఈ క్రమంలో డ్రైవర్‌ రామును అదుపులోకి తీసుకొని, వాహనాన్ని సీజ్‌ చేసి కేసు నమోదు చేసినట్టు ఎస్‌ఐ వివరించారు. విద్యుత్‌ షాక్‌తో వ్యక్తి మృతికనగానపల్లి: విద్యుత్‌ షాక్‌కు గురై వ్యక్తి మృతి చెందిన సంఘటన బుధవారం మండల పరిధిలోని కేఎన్‌ పాళ్యంలో జరిగింది. స్థానికులు తెలిపిన వివరాల మేరకు కేఎన్‌ పాళ్యం సమీపంలో ఏర్పాటు చేస్తున్న విద్యుత్‌ సబ్‌స్టేషన్‌ నిర్మాణ పనుల్లో కంబదూరు మండలం కొత్తూరుకు చెందిన యల్లప్ప (35) కార్మికుడిగా పని చేస్తున్నాడు. ఈ సందర్భంగా విద్యుత్‌ లైన్లు అమర్చుతున్న సమయంలో అతడు విద్యుత్‌ షాక్‌కు గురై కిందపడిపోయాడు. తోటి కార్మికులు గుర్తించి అతడిని వెంటనే అనంతపురం ప్రభుత్వ ఆస్పత్రికి తరలిస్తుండగా మార్గమధ్యంలోనే మృతి చెందినట్టు తెలిపారు. రైలులో ఉత్తరప్రదేశ్‌ వాసి మృతిధర్మవరం: కర్ణాటక ఎక్స్‌ప్రెస్‌ రైలులో ఉత్తరప్రదేశ్‌ వాసి బుధవారం మృతి చెందినట్టు రైల్వే జీఆర్‌పీ పోలీసులు తెలిపారు. ఉత్తరప్రదేశ్‌కు చెందిన అజయ్‌కుమార్‌(36) బంధా నుంచి బెంగళూరుకు ప్రయాణిస్తున్నాడు. ఈ సమయంలో సీటులో కూర్చున్న అజయ్‌ ఒక్క సారిగా కూలిపోవడంతో గమనించిన ప్రయాణికులు ధర్మవరం రైల్వే పోలీసులకు సమాచారమిచ్చారు. స్పందించిన రైల్వే పోలీసులు చాంద్‌బాషా, మల్లికార్జున, జ్యోతిలు ధర్మవరంలో ఆగిన రైలులోకి వెళ్లి అజయ్‌ను రైల్వే వైద్యుడు పరీక్షించగా అప్పటికే మృతి చెందినట్టు నిర్ధారించగా, అజయ్‌ను రైలు నుంచి కిందకు దించారు. మృతుడి వద్ద లభించిన ఆధారాలతో కుటుంబసభ్యులకు సమాచారాన్ని అందించారు. అనంతరం మృతదేహాన్ని ధర్మవరం ప్రభుత్వ ఆసుపత్రికి తరలించి కేసు నమోదు చేసుకుని దర్యాప్తు చేస్తున్నట్టు రైల్వే పోలీసులు తెలిపారు. పొగాకుకు యువత గుడ్‌ బై చెప్పాలి పుట్టపర్తి అర్బన్‌: పొగాకు ఉత్పత్తుల వినియోగంతో యువతలో ఆయుర్దాయం తగ్గిపోతోందని, యువత ఆరోగ్య సమస్యలపై అవగాహన పెంచుకోవాలని డీఎంహెచ్‌ఓ డాక్టర్‌ ఫైరోజ్‌ బేగం పేర్కొన్నారు. పొగాకు రహిత యువత కోసం బుధవారం డీఎంహెచ్‌ఓ కార్యాలయం నుంచి వై.జంక్షన్‌ వరకు అవగాహన ర్యాలీ నిర్వహించారు. ఈ సందర్భంగా డీఎంహెచ్‌ఓ మాట్లాడుతూ పొగాకు వినియోగంతో అనర్థాలు, ఆరోగ్య సమస్యలు వస్తాయని, ధూమ పానంతో ఊపిరితిత్తుల క్యాన్సర్‌, నోటి క్యాన్సర్‌, గొంతు క్యాన్సర్‌ తదితర ప్రాణాంతక వ్యాధులు వచ్చి త్వరగా చనిపోయే ప్రమాదం ఉందని హెచ్చరించారు. ఆరోగ్యకరమైన జీవితాన్ని గడపాలంటే పొగాకుకు యువత గుడ్‌ బై చెప్పాలని, ఆరోగ్యానికి పునాది వేయాలని పేర్కొన్నారు. అనంతరం పొగాకుకు దూరంగా ఉంటామంటూ ప్రతిజ్ఞ చేశారు. కార్యక్రమంలో ప్రోగ్రాం ఆఫీసర్‌ డాక్టర్‌ సునీల్‌ కుమార్‌, ఎపిడెమియాలజిస్ట్‌ బాలాజీ నాయక్‌, డీపీఎంఓ నాగరాజు, డిప్యూటీ డెమో రామలక్ష్మి, ఎస్‌ఐ శ్రీహరి, సోషల్‌ వర్కర్‌ శమంతకమణి, సైకాలజిస్ట్‌లు రాణెమ్మ, రమణ తదితరులు పాల్గొన్నారు. గ్రానైట్‌ లారీ పైనుంచి పడి కార్మికుడి మృతి పావగడ: గ్రానైట్‌ లారీ నుంచి కింద పడి కార్మికుడు మృతి చెందిన ఘటన పావగడ పట్టణ పోలీసు స్టేషన్‌ పరిధిలో బుధవారం చోటు చేసుకుంది. పోలీసులు తెలిపిన మేరకు వివరాలు.. పావగడ పట్టణ పరిధి పళపల్లి గ్రామ సమీపంలోనున్న సొప్పులమ్మ ఆలయం వద్ద వెళ్తున్న గ్రానైట్‌ లారీ రోడ్డుపై వేసిన హంప్స్‌ కుదుపులకు అదిరింది. దీంతో లారీ వెనుక కూర్చున్న కార్మికుడు ప్రదీప్‌ దాస్‌ లారీపై నుంచి కిందపడడంతో తలకు తీవ్ర గాయమైంది. బాధితుడిని స్థానిక ప్రభుత్వాసుత్రికి తరలించగా పరిశీలించిన వైద్యులు అప్పటికే మృతి చెందినట్టు నిర్ధారించారు. మృతుడి తండ్రి రంజిత్‌ దాస్‌ తన కుమారుడి చావుకు లారీ డ్రైవర్‌ సయ్యద్‌ జబీర్‌ కారణమని, చంద్రబావి గ్రామం నుంచి గ్రానైట్‌ లారీలో బూపూరు తండాకు వెళ్తుండగా మార్గ మధ్యంలోని పళవల్లి గ్రామం వద్ద అజాగ్రత్తగా లారీని నడపడంతోనే తన కుమారుడు కిందపడి మృతి చెందాడని పోలీసులకు ఫిర్యాదు చేశాడు. ఈ మేరకు స్థానిక పోలీసులు కేసు నమోదు చేసి దర్యాప్తు చేస్తున్నారు.

పుట్టపర్తి: పోస్టల్‌ బ్యాలెట్ల భద్రత చాలా ముఖ్యం. ఎన్నికల ప్రక్రియ అత్యంత పారదర్శకంగా నిర్వహించాలి’ అని కలెక్టర్‌ శ్యాంప్రసాద్‌ అధికారులను ఆదేశించారు. సోమవారం పుట్టపర్తి మున్సిపాలిటీ పరిధిలోని చిన్నపల్లి ఉన్నత పాఠశాలలో ఏర్పాటు చేసిన పోస్టల్‌ బ్యాలెట్ల ఓటింగ్‌ కేంద్రాన్ని కలెక్టర్‌ ఆకస్మికంగా తనిఖీ చేశారు. ఎన్నికల అధికారుల హాజరు, ఎన్నికల ప్రక్రియ, సౌకర్యాలు, భద్రతా ఏర్పాట్లను పరిశీలించారు. ఓటింగ్‌ ప్రక్రియ పారదర్శకంగా జరగాలని, ఓటర్లకు ఎలాంటి అసౌకర్యం కలగకుండా జాగ్రత్తలు తీసుకోవాలని, ఎన్నికల నిబంధనలను కచ్చితంగా పాటించాలన్నారు. తాగునీరు, నీడ, వెలుతురు వంటి మౌలిక వసతులు కల్పించాలన్నారు. స్ట్రాంగ్‌ రూం, బ్యాలెట్‌ బాక్సుల వద్ద పటిష్టమైనభద్రత ఏర్పాటు చేయాలన్నారు. ఆయన వెంట కమిషనర్‌ శ్రీనివాసులు సిబ్బంది ఉన్నారు. లోటుపాట్లు ఉండకూడదు పుట్టపర్తి టౌన్‌: ఎన్నికల నిర్వహణలో ఎలాంటి లోటు పాట్లు లేకుండా ఎన్నికల నిబంధనలను కచ్చితంగా అమలు చేయాలని కలెక్టర్‌ శ్యాంప్రసాద్‌ సిబ్బందికి సూచించారు. మంగళవారం పుట్టపర్తి మున్సిపల్‌ కార్యాలయంలో నిర్వహించిన పోస్టల్‌ బ్యాలెట్‌ కేంద్రాన్ని ఆయన తనిఖీ చేసి వివరాలు అడిగి తెలుసుకున్నారు. కదిరి టౌన్‌: మున్సిపల్‌ ఎన్నికల్లో భాగంగా పట్టణంలోని బాలికల కళాశాల్లో జరిగే పోస్టల్‌ బ్యాలెట్‌ ఓటింగ్‌ సరళిని కలెక్టర్‌ శ్యాంప్రసాద్‌ మంగళవారం పరిశీలించారు. ఓటింగ్‌ కేంద్రాల్లో ఏర్పాట్లను పరిశీలించి, పోలీస్‌ అధికారులకు దిశానిర్ధేశం చేశారు. ఆయన వెంట డీఎస్పీ శివనారాయణస్వామి, సీఐ బి.వెంకటేశ్వర్లు, మున్సిపల్‌ ఇన్‌చార్జ్‌ కమిషనర్‌ క్రాంతికుమార్‌, తహసీల్దార్‌ రెడ్డిశేఖర్‌ తదితరులు పాల్గొన్నారు. ఓపెన్‌ టెన్త్‌, ఇంటర్‌ ప్రవేశాలకు 31 వరకు గడువు అనంతపురం ఎడ్యుకేషన్‌: ఆంధ్రప్రదేశ్‌ ఓపెన్‌ స్కూల్‌ సొసైటీ ఆధ్వర్యంలో 2026–27 విద్యా సంవత్సరానికి ఓపెన్‌ టెన్త్‌ (పదో తరగతి), ఇంటర్మీడియెట్‌ కోర్సుల్లో ప్రవేశాల గడువును ఈ నెల 31వ తేదీ వరకు పొడిగించినట్లు డీఈఓ అయ్యూబ్‌ హుస్సేన్‌ తెలిపారు. ఈ మేరకు మంగళవారం ఓ ప్రకటన విడుదల చేశారు. ప్రవేశాలు పొందాలనుకునే అర్హులైన అభ్యర్థులు అపరాధ రుసుము చెల్లించకుండా ఈ నెల 31వ తేదీలోగా తమ అడ్మిషన్ల ప్రక్రియను పూర్తి చేసుకోవాలని సూచించారు. చదువును మధ్యలో నిలిపివేసినవారు, ఇతర అర్హతలు కలిగి ఆసక్తిగల అభ్యర్థులు ఈ అవకాశాన్ని సద్వినియోగం చేసుకోవాలని కోరారు. మరిన్ని వివరాల కోసం 97042 22436 నంబర్‌ను సంప్రదించాలని డీఈఓ సూచించారు.

ముదిగుబ్బ: మండల కేంద్రంలో భవన నిర్మాణ పనులు చేస్తుండగా బావ, బావమరిది మధ్య తలెత్తిన వివాదం ఘర్షణకు దారి తీసింది. ఈ ఘటనలో తలకు తీవ్ర గాయాలైన బావ మృతి చెందాడు. సీఐ రామసుబ్బయ్య తెలిపిన వివరాలు.. బుక్కపట్నం మండలం గశికవారిపల్లికి చెందిన రామాంజినేయులు(40) అతని బావమరిది నరేష్‌ భవన నిర్మాణ పనులు చేస్తూ జీవనం సాగిస్తున్నారు. ఈ క్రమంలో మంగళవారం ముదిగుబ్బలోని ఓ భవన నిర్మాణ పనులు చేస్తుండగా ఇద్దరి మధ్య మాటామాటా పెరిగి ఘర్షణకు దారి తీసింది. ఈ ఘటనలో రామాంజినేయులు తలకు తీవ్ర గాయాలయ్యాయి. వెంటనే అతడిని చికిత్స నిమిత్తం 108లో బత్తలపల్లి ఆర్డీటీ ఆసుపత్రికి తరలిస్తుండగా మార్గమధ్యలో మృతి చెందాడు. పోలీసులు కేసు నమోదు చేసుకొని దర్యాప్తు చేపట్టారు. మృతుడికి భార్య లక్ష్మిదేవి, ఇద్దరు కుమారులు ఉన్నారు. మతి స్థిమితం లేని వ్యక్తిని చితకబాదిన కానిస్టేబుల్‌ నల్లచెరువు: మండల కేంద్రంలోని బురుజు గంగమ్మ ఆలయం వద్ద సోమవారం రాత్రి మతి స్థిమితం లేని వ్యక్తిపై నల్లచెరువు పోలీస్‌స్టేషన్‌లో పని చేస్తున్న కానిస్టేబుల్‌ బాబ్జాన్‌ అకారణంగా దాడి చేశాడు. బాధితుడి కుటుంబ సభ్యులు తెలిపిన వివరాలు.. శ్రీనివాసరెడ్డి అనే వ్యక్తికి కొన్ని రోజులుగా మతి స్థిమితం కోల్పోయి పగలు, రాత్రి తేడా లేకుంగా ఎక్కడ పడితే అక్కడ తిరుగుతూ ఉంటాడు. ఈక్రమంలో బురుజు గంగమ్మ ఆలయం వద్ద కూర్చొని ఉన్న శ్రీనివాసరెడ్డిని దగ్గరకు పిలిచిన కానిస్టేబుల్‌ అతడిని దుర్భాషలాడి చితక బాదాడు. మంగళవారం శ్రీనివాసరెడ్డికి అయిన గాయాలను కుటుంబ సభ్యులు మీడియాఎదుట ప్రదర్శించారు. జరుట్లరాంపురంలో చిరుతల కలకలం వజ్రకరూరు: జరుట్లరాంపురం గ్రామంలో చిరుతల సంచారం కలకలం రేపింది. వివరాలు.. మంగళవారం గ్రామానికి చెందిన హుసేన్‌సాబ్‌, గొల్ల రమేష్‌ తమ గొర్రెలను గ్రామ పరిసరాల్లో మేతకు తోలుకెళ్లారు. ఈక్రమంలో మూడు గొర్రెలు కనిపించకుండా పోవడంతో వాటిని వెతుక్కుంటూ వెళ్లారు. మూడు గొర్రెలను చంపి తింటున్న మూడు చిరుతలను చూసి వారు తీవ్ర భయాందోళనకు గురై అక్కడి నుంచి పరుగులు తీశా రు. ఈప్రాంతంలో చిరుతల సంచారం ఉన్నప్పటికీ అటవీ అధికారులు ఎలాంటి చర్యలు తీసుకోవడం లేదని గ్రామస్తులు మండిపడుతున్నారు.

గుమ్మఘట్ట: స్థానిక సంస్థల ఎన్నికల నేపథ్యంలో గ్రామాల్లో జోరుగా చర్చలు సాగుతున్నాయి. ఏ గ్రామంలో చూసినా రచ్చబండలపై ఇవే ముచ్చట్లు. ఏ నలుగురు కలిసినా రాజకీయంపైనే మాట్లాడుతున్నారు. ఎవరికి గెలుపు అవకాశాలు ఉన్నాయి.. ఏ అంశాలు కీలకం కానున్నాయి.. అంటూ చర్చోప చర్చలు చేస్తున్నారు. గుమ్మఘట్ట మండలంలో ఓ గ్రామంలో జరిగిన రాజకీయ సంభాషణ ‘సాక్షి’ పాఠకుల ముందుకు తెస్తున్నాం. మల్లి: ఏం రామన్నా.. యాడికి పోతున్నావ్‌. ఈ మధ్యన కనబడడంలేదు. రామన్న: ఏం లేదప్ప.. పొద్దున్న తోట్లోకి పోయినోన్ని.. సాయంత్రం ఇంటికి వస్తాను. మల్లి: తోట్లో ఎం వేసినావు? రామన్న: రెండు ఎకరాల్లో మొక్కజొన్న, ఎకరా మిరప, ఎకరా టమేట వేశానప్ప. మల్లి: అంతేనా.. అయితే పంటలు ఎట్లా వుండాయప్ప. రామన్న: పంటలు ఫర్వాలేదు. చేతికి వచ్చినప్పుడు కదప్పా. మల్లి: అదికూడా కరెక్టేలే. నమ్మాల్సిన మాటేకదా.. రామన్న: ఆ మిరపచెట్లకి ఆకుముడత రోగం పడింది. దానికి ఎన్ని మందులు కొట్టినా పోవడం లేదు. మల్లి: ఏం చేయాలో తెలీదు. మల్లి: మరి.. ఈసారి రాజకీయం ఎలా ఉంటుందంటావ్‌ రామన్న? రామన్న: ఈసారి యా పార్టీకి ఓటేయల్ల మల్లి.. మల్లి: చూడల్ల.. రామన్న: ఏడిది చూడల్ల..? కొత్త ఇల్లు కట్టుకుందామని చూస్తే ఈ గౌర్మెంట్‌ వచ్చినవుటి నుండి కొత్త ఇండ్లు ఇడిలేదు. మల్లి: నేను నీకు వైఎస్‌ జగన్‌ గౌర్మెంట్లోనే చెబితి. కొత్త ఇల్లు కట్టుకో అని చిలుకకు చెబినట్ల చెబితి. నువ్వే వినలేదు. ఆ గౌర్మెంట్లో కొత్త ఇండ్లు బాగిచ్చిరి. రెండేళ్ల నుండి నేను మా అమ్మకి ముసలోళ్ల ఫించెన్‌ చేబిద్దామంటే కొత్త ఫించెన్‌లు ఈలేదు. జగన్‌ గౌర్మెంట్లో ఆరు నెలలకోసారి కొత్త ఫించన్లు ఇచ్య. ఈ గౌరమెంట్లోన ఏదీ లేదు. రామన్న: జగన్‌ గౌరమెంట్లోన పంటల ఇన్సూరెన్స్‌ డబ్బు జగనే కట్టేశా. రైతు భరోసా కింద ఏడాదికి రూ.13,500 పడుతుండ. కూటమి ప్రభుత్వం అధికారంలోకి వస్తే ఏడాదికి రూ.20 వేలు ఇస్తామని చెప్పాడు. కేంద్ర ప్రభుత్వం తరఫున మోదీ 6 వేలు వేస్తున్నాడు. కూటమి ప్రభుత్వం తరఫున 5 వేలు వేస్తున్నాడు. మిగిలిన 9 వేల రూపాయలు ఎగ్గొట్టారు. ఈ చంద్రబాబు గౌరమెంట్లోన రైతులే ఇన్సూరెన్స్‌ డబ్బులు కట్టిరి. అంతే కాదు యూరియా దొరక్క పంటలు దెబ్బతింటున్నాయి. మల్లి: ఆర్‌బీకేల్లో అప్పడు యూరియా ఎంత కావాలంటే అంత ఇస్తుండిరి.ఈ గౌరమెంట్లోన ఎన్ని అవస్థలు పెట్టిరప్పా. (అంతలోనే వారి మధ్యలోకి ఓ యువకుడు వచ్చాడు.) శివ: ఏం మల్లి అన్న రాజకీయం గురించి జోరుగా మాట్లాడుతున్నారు. రామన్న: ఏమీ లేదు శివ. యా గౌరమెంట్లోన ఎట్లుండ అనేది మాట్లాడుతున్నాం అంతే. శివ: ఈ గవర్నమెంట్‌లో వలంటీర్‌ ఉద్యోగం వస్తుంది అనుకుంటి. వలంటీర్‌కు నెలకు రూ.10 వేలు ఇస్తామని చెప్పడంతో చంద్రబాబును నమ్మి ఓట్లు వేస్తిమి. అధికారంలో వచ్చాక చంద్రబాబు, పవన్‌ పంగనామాలు పెట్టిరి. అధికారంలోకి వచ్చాక దానిపై మాట్లాడడం లేదు. నాలాంటి నిరుద్యోగులకు నిరుద్యోగభృతి ఇస్తామని చెప్పి దానికీ మోసం చేసిరి. (ఇంతలోనే అటుగా వెళుతున్న పార్వతి వారితో మాట కలిపింది.) పార్వతి: ఏం రామ్‌ మామా..బాగుండావా! రామన్న: బాగున్నాను పార్వతి. అవును పార్వతి ఒక మాట అడుగుతాను ఏమీ అనుకోవు కదా! ఈసారి యా పార్టీకి ఓటేస్తావు? పార్వతి : డ్వాక్రా సంఘాల రుణాలన్నీ మాఫీ చేసినోళ్లకి. మల్లి: కరెక్టుగా చెప్పక్క.. పార్వతి: అన్యాయం అనకూడదు. కండ్లుపోతాయి. జగన్‌ గౌరమెంటు వుండింటే యాడాదికి 18 వేలు వస్తాండ. అవి పాయా. ఈయప్ప.. తెల్లగడ్డమాయప్ప ఆడబిడ్లకు నెలకు రూ.1500 ఇస్తానని చెప్పిండ. అధికారంలోకి వచ్చి మహిళలందరినీ మోసం చేశ. ఏడాదికి మూడు గ్యాస్‌ సిలిండర్‌లు ప్రీగా ఇస్తామని చెప్పా.. ఇవ్వలేదు. మేము ఇచ్చిన మాటకు కట్టుబడే పార్టీకి ఓటేస్తా రామ్‌ మామా.. నేను మిరప కూలి పనులకు పోవల్ల.. ఉంటాను. రామన్న: మేము కూడా అంతేలే. నేను తోట్లోకి నీళ్లు కట్టేకి పోతాను.. ఉంటాను మల్లి.

● మాజీ ఎమ్మెల్యే తోపుదుర్తి ప్రకాష్‌రెడ్డి రాప్తాడు రూరల్‌: పోలీసులపై తనకు గౌరవం ఉందని, అయితే తన పోరాటం టీడీపీకి తొత్తులుగా మారిన వారిపై మాత్రమేనని రాప్తాడు మాజీ ఎమ్మెల్యే, వైఎస్సార్‌సీపీ సమన్వయకర్త తోపుదుర్తి ప్రకాష్‌రెడ్డి మండిపడ్డారు. పోలీసు అధికారుల సంఘం నిర్వహించిన విలేకరుల సమావేశంపై మంగళవారం వీడియో విడుదల చేశారు. తన భాష తప్పయి ఉండొచ్చని, అయితే తాను చెప్పిన భావం మాత్రం మారదని స్పష్టం చేశారు. ఇటీవల నామినేషన్ల సందర్భంగా కురుబ బండి రాముడిపై హత్యాయత్నం జరిగి, ఆయన కోమాలోకి వెళ్లారని తెలిపారు. కనగానపల్లి వద్ద తమ పార్టీ కార్యకర్తలపై దాడులు చేసి, వాహనాలను ధ్వంసం చేశారని, ఈ ఘటనలపై ఎల్లో మీడియా ఎందుకు ప్రశ్నించడం లేదని నిలదీశారు. నామినేషన్లు అడ్డుకున్నది మీరు కాదా? ఎంపీటీసీ, జెడ్పీటీసీ నామినేషన్ల సమయంలో తమ అభ్యర్థులను అడ్డుకోవడం, నామినేషన్‌ పత్రాలను చించివేయడం వంటి ఘటనలు జరిగాయని, బాధ్యులపై చర్యలు తీసుకున్నారా అని ప్రకాష్‌రెడ్డి ప్రశ్నించారు. చెన్నేకొత్తపల్లిలో ఇస్మాయిల్‌ అనే పోలీసు అధికారి సహకారం వల్లే తమ అభ్యర్థులు నామినేషన్లు వేయగలిగారని, అనంతపురం, శ్రీసత్యసాయి జిల్లాల ఎస్పీలు బందోబస్తు ఏర్పాటు చేసి సహకరించారని గుర్తుచేశారు. పోలీసు వ్యవస్థపై వ్యతిరేకత లేదు పోలీసులు నిష్పక్షపాతంగా విధులు నిర్వహిస్తేనే ప్రజలు ప్రశాంతంగా నిద్రపోతారని ప్రకాష్‌రెడ్డి పేర్కొన్నారు. స్టీఫెన్‌ రవీంద్ర వంటి అధికారులు గతంలో ఫ్యాక్షన్‌ను అణచివేయడంలో కీలక పాత్ర పోషించారని గుర్తుచేశారు. 2016లో కనగానపల్లి వద్ద టీడీపీ నేతల దాడి నుంచి తనను కాపాడిన త్రిలోక్‌ వంటి అధికారులను తాను అభినందిస్తానన్నారు. పోలీసులంటే తనకు గౌరవముందని, అయితే అధికార పార్టీ ఒత్తిళ్లకు తలొగ్గి నేరాలకు అండగా నిలిచే వారినే వ్యతిరేకిస్తున్నానని స్పష్టం చేశారు. మళ్లీ రక్తచరిత్ర రావొద్దనే హెచ్చరిక 1995లో పరిటాల రవి హయాంలో జరిగినట్లు తాను పేర్కొన్న దౌర్జన్యాలు, ఫ్యాక్షన్‌ పరిస్థితులు మళ్లీ పునరావృతం కాకూడదనే ఉద్దేశంతోనే హెచ్చరించానని ప్రకాష్‌రెడ్డి తెలిపారు. తాను ఉపయోగించిన పరుష పదజాలం పోలీసులను ఉద్దేశించి కాదని, టీడీపీకి చెందిన గూండాలు, రౌడీలు, నేరాలకు పాల్పడుతున్న వారిని ఉద్దేశించి మాట్లాడానని ప్రకాష్‌రెడ్డి వివరణ ఇచ్చారు. ఆ భాష ఉపయోగించడం కూడా తప్పేనని అంగీకరించారు. అయితే ప్రజాస్వామ్యాన్ని, ఓటు హక్కును హరిస్తున్న పరిస్థితులపై తన పోరాటం కొనసాగుతుందని స్పష్టం చేశారు.

● ఎస్పీ సతీష్‌కుమార్‌ ధర్మవరం అర్బన్‌: స్థానిక సంస్థల ఎన్నికలను నిష్పక్షపాతంగా, ప్రశాంతంగా, స్వేచ్ఛగా నిర్వహించేలా పటిష్ట భద్రతా చర్యలు చేపట్టామని ఎస్పీ సతీష్‌కుమార్‌ తెలిపారు. ధర్మవరం పట్టణంలో మంగళవారం ఎన్నికల భద్రతా ఏర్పాట్లను జిల్లా ఎస్పీ క్షేత్రస్థాయిలో పరిశీలించారు. పట్టణంలోని సమస్యాత్మక ప్రాంతాలైన గూడ్స్‌షెడ్‌కొట్టాల, రాజేంద్రనగర్‌ ప్రాంతాల్లో పర్యటించి పరిస్థితులను సమీక్షించారు. అక్కడ ప్రచారాలు చేస్తున్న వివిధ పార్టీల అభ్యర్థులకు ఎలాంటి గొడవలకు వెళ్లకూడదని సూచించారు. అనంతరం బీఎస్‌ఆర్‌ మున్సిపల్‌ ఉన్నత పాఠశాలలో ఎన్నికల కోసం ఏర్పాటు చేసిన స్ట్రాంగ్‌ రూమ్‌, కౌంటింగ్‌ హాళ్లను ఎస్పీ తనిఖీ చేశారు. అందుబాటులో ఉన్న వసతులు, ఎన్నికల సామగ్రి భద్రతకు అత్యంత ప్రాధాన్యత ఇవ్వాలని సంబంధిత అధికారులకు సూచించారు. ఎన్నికల సమయంలో ఎవరైనా ఓటర్లను ప్రలోభపెట్టడం, బెదిరించడం, భయబ్రాంతులకు గురిచేయడం, ఓటు హక్కును వినియోగించుకోకుండా అడ్డుకోవడం లేదా శాంతిభద్రతలకు విఘాతం కలిగించడం వంటి చర్యలకు పాల్పడితే ఉపేక్షించేది లేదని హెచ్చరించారు. కమాండ్‌ కంట్రోల్‌ రూమ్‌ ప్రారంభం మున్సిపల్‌, జెడ్పీటీసీ, ఎంపీటీసీ ఎన్నికల భద్రతా ఏర్పాట్లను నిరంతరం పర్యవేక్షించేందుకు ధర్మవరం డీఎస్పీ కార్యాలయంలో మంగళవారం నూతన కమాండ్‌ కంట్రోల్‌ రూమ్‌ను ఎస్పీ సతీష్‌కుమార్‌ ప్రారంభించారు. పట్టణంతో పాటు గ్రామీణ ప్రాంతాల్లోని సమస్యాత్మక పోలింగ్‌ కేంద్రాల వద్ద సీసీ కెమెరాలు ఏర్పాటు చేసి వాటిని కమాండ్‌ కంట్రోల్‌ రూమ్‌కు అనుసంధానించడం ద్వారా నిరంతర నిఘా కొనసాగిస్తామని ఎస్పీ పేర్కొన్నారు. ఎస్పీ వెంట అడిషనల్‌ ఎస్పీ మహేష్‌, ధర్మవరం డీఎస్పీ జగన్నాథ్‌రాజు, శ్రీనివాసరావు, సీఐలు రెడ్డెప్ప, జయనాయక్‌, లింగన్న, ఎస్‌ఐలు, పోలీసు సిబ్బంది ఉన్నారు. కనగానపల్లి: మండలంలో సమస్యాత్మక గ్రామాలైన తూంచర్ల, బద్దలాపురం గ్రామాల్లో ఎస్పీ సతీష్‌ పర్యటించారు. ఈ సందర్భంగా స్థానిక పోలీస్‌ బలగాలతో కలసి ఆయన ప్లాగ్‌ మార్చ్‌ నిర్వహించారు. అనంతరం స్థానిక రాజకీయ పార్టీల నాయకులు, గ్రామస్తులతో సమావేశమై పలు సూచనలు చేశారు. అలాగే చెన్నేకొత్తపల్లి మండలంలోని న్యామద్దల, దామాజిపల్లి గ్రామాల్లో ఎస్పీ మహేష్‌ ఆధ్వర్యంలో పోలీసులు ప్లాగ్‌ మార్చ్‌ నిర్వహించారు.

పెనుకొండ రూరల్‌: సూపర్‌ సిక్స్‌ పేరుతో చంద్రబాబు ప్రభుత్వం ప్రజలను వంచించింది. స్థానిక సంస్థల్లో సూపర్‌ సిక్స్‌ మాట ఎత్తకుండా ప్రత్యర్థులపై విమర్షలు చేస్తూ ఓట్లను అభ్యర్థిస్తుందని వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌ అన్నారు. మంగళవారం పట్టణంలోని, దర్గాపేట, కొత్తపేట, మెయిన్‌ బజార్‌, కోర్టు రోడ్డు ప్రాంతాల్లో ఎన్నికల ప్రచారంలో పాల్గొన్నారు. ఇంటింటికీ వెళ్లి ఫ్యాన్‌ గుర్తుకు ఓటువేసి వైఎస్సార్‌సీపీ అభ్యర్థులను గెలిపించాలని కోరారు. ఈ సందర్భంగా ఉషశ్రీచరణ్‌ మాట్లాడుతూ గత ఎన్నికలప్పుడు ఇచ్చిన నిరుద్యోగ భృతి, ఆడబిడ్డ నిధి, ఏడాదికి మూడు సిలిండర్లను ఎంత మందికి ఇచ్చారో చెప్పాలని చంద్రబాబు ప్రభుత్వాన్ని డిమాండ్‌ చేశారు. పేదలకు మంచి చేసే దిశగా గత వైఎస్సార్‌సీపీ ప్రభుత్వం రూ.475 కోట్లతో పెనుకొండలో మెడికల్‌ కళాశాల నిర్మాణ పనులు చేపడితే వైఎస్సార్‌సీపీకి మంచి పేరు వస్తుందనే అక్కసుతో ఆ కళాశాల నిర్మాణాన్ని విస్మరించింది నిజం కాదా అని ప్రశ్నించారు. వైఎస్సార్‌సీపీ అభ్యర్థిగా కే. శ్రీనివాసులును చైర్మన్‌ అభ్యర్థిగా ఖరారు చేసిన తక్షణమే, వ్యక్తిపైనే కాకుండా కులం మీద టీడీపీ విష ప్రచారాలు మొదలు పెట్టిందన్నారు. రెండున్నరేళ్లలో చంద్రబాబు ప్రభుత్వం ప్రజలకు చేసి శూన్యమని విమర్శించారు. కార్యక్రమంలో వైఎస్సార్‌సీపీ వాల్మీకి విభాగం రాష్ట్ర అధ్యక్షుడు పొగాకు రామచంద్ర, కౌన్సిలర్‌ అభ్యర్థులు భాస్కర్‌ యాదవ్‌, బాబా పకృద్దీన్‌, సద్దాం, యాసిన్‌ తదితరులు పాల్గొన్నారు. వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌

చంద్రబాబు మోసకారి చంద్రబాబు అండ్‌ కో సార్వత్రిక ఎన్నికల్లో మహిళలకు ఎన్నో పథకాలు ఇస్తామని తీరా అధికారంలోకి రాగానే ఒక్క పథకం కూడా అమలు చేయకుండా మోసగించింది. మళ్లీ ఇప్పుడు ఏ మొహం పెట్టుకొని ఓట్లు అడగడానికి వస్తున్నారు. ఎక్కడ చూసినా మహిళలు తిరుగుబాటు చేస్తున్నారు. అందుకే వాళ్లు ఓట్లు అడగకుండా రోడ్‌ షోలు చేసుకుంటూ పోతున్నారు. ఫ్రీ గ్యాస్‌ అమలు కాలేదు. ఉచిత బస్సులో ఎక్కడానికి కూడా మహిళలు ఇష్టపడడం లేదు. రూ.18 వేలు ప్రతి ఏటా ఇస్తామని చెప్పి ఎగ్గొట్టారు. మోసం చంద్రబాబు రక్తంలోనే ఉంది. ప్రజలు గమనించాలి. – నాగమణి, బుక్కపట్నం పింఛన్లు తొలగించినందుకా.. సంక్షేమ పథకాలు ఎగ్గొట్టినందుకా.. 50 ఏళ్లకే పింఛన్‌ ఏమైందో చెప్పండి సూపర్‌ సిక్స్‌లో కోత విధించి ఓట్లు అడుగుతారా? చంద్రబాబు ప్రభుత్వ తీరుపై సర్వత్రా విమర్శలు పుట్టపర్తి: స్థానిక సంస్థల ఎన్నికల్లో చంద్రబాబుకు ఎందుకు ఓటు వేయాలని ఓటర్లు తమను తాము ప్రశ్నించుకుంటున్నారు. కూటమి ప్రభుత్వం ఏర్పడినప్పటి నుంచి జిల్లాలో ఒక్క సంక్షేమ పథకాన్ని కూడా సక్రమంగా అమలు చేయకుండా మోసగించారని , మళ్లీ ఇప్పుడు ఏ మొహం పెట్టుకొని ఓట్లు అడిగేందుకు వస్తున్నారని ఆగ్రహం వ్యక్తం చేస్తున్నారు. గత సార్వత్రిక ఎన్నికల్లో భాగంగా ఎన్నికలకు ముందు సూపర్‌ సిక్స్‌ , సూపర్‌ సెవెన్‌ పథకాలంటూ ఊదరగొట్టి తీరా గెలిచాక ఏ ఒక్క పథకాన్ని సక్రమంగా అమలు చేయకుండా చంద్రబాబు ప్రభుత్వం ప్రజలను మోసగించింది. ఖజానా ఖాళీ అని ఎన్నో సభల్లో బహిరంగంగానే చంద్రబాబు అండ్‌ కో చెప్పారు. ఫ్రీ గ్యాస్‌ పథకంలో ఒక్క విడత మాత్రం అరకొరగా లబ్ధిదారులకు నగదు వెనక్కు వచ్చింది. ఆ తర్వాత దాన్ని పట్టించుకున్న పాపానపోలేదని లబ్ధిదారులు వాపోతున్నారు. ఫ్రీ బస్సు అని చంద్రబాబు సర్కార్‌ గొప్పలు చెబుతున్నా... మహిళలు నిత్యం నరకం చూస్తున్నారు. బస్సుల సంఖ్య పెంచకుండా ఉన్న బస్సులతోనే ఫ్రీ బస్సు పథకం అమలు చేయడంతో మహిళలతో పాటు వృద్ధులు, దివ్యాంగులు, పురుషులు , ఉద్యోగులు నిత్యం ఇబ్బంది పడుతూ గొడవలకు దిగుతున్నారు. ఎన్టీఆర్‌ భరోసా పింఛన్‌ పథకంలో ప్రతి నెలా ఎవరొస్తారో ఎక్కడ పంపిణీ చేస్తారో తెలీని పరిస్థితి. అసలు లిస్టులో పేరు ఉంటుందో లేదో అన్న ఆందోళన లబ్ధిదారులకు తప్పడం లేదు. రెండేళ్లలో జిల్లాలో సుమారు 48 వేలకు పైగా పింఛన్లు కోత విధించారు. దీంతో అర్హులు కుటుంబాలు గడవడం కూడా లేదని ఆవేదన వ్యక్తం చేస్తున్నారు. ఎస్సీ, ఎస్టీ, బీసీ, మైనార్టీలకు 50 ఏళ్లకే పింఛన్‌ ఇస్తామని ఎన్నికలకు ముందు కూటమి నేతలు ఊదర గొట్టారు. అయితే ఇప్పటికీ ఆ హామీ అమలు కాక ఇబ్బంది పడుతున్నారు. ఇటీవల స్థానిక ఎన్నికలకు ముందు పింఛన్లు ఇస్తామని దరఖాస్తు చేసుకోవాలని పేదలను నమ్మించారు. దీంతో రాష్ట్ర వ్యాప్తంగా లక్షలాది మంది , జిల్లాలో 60 వేలకు పైగా దరఖాస్తు చేసుకున్నారు. సెప్టెంబర్‌ ముగిసింది, అక్టోబర్‌ కూడా ముగుస్తోంది ఇప్పటికీ ఆ హామీ అమలు చేయలేదు. మహిళకు ప్రతి ఏటా రూ.18 వేలు ఇస్తామని నమ్మబలికారు. నిరుద్యోగులకు ఉద్యోగం ఇస్తాం లేదంటే రూ.3 వేలు నిరుద్యోగ భృతి ఇస్తామని చెప్పినా ఒక్క నిరుద్యోగికి ఇప్పటికీ భృతి అందలేదు. తల్లికి వందనం పేరుతో ఇంట్లో ఎంత మంది చదువుకునే పిల్లలు ఉంటే అందరికీ రూ. 15 వేలు చొప్పున ఇస్తామని నమ్మించారు. తీరా మొదటి ఏడాది ఎగ్గొట్టారు. తర్వాత లబ్ధిదారుల సంఖ్యను తగ్గించడంతో పాటు కేవలం రూ.13 వేలు ఇచ్చి చేతులు దులుపుకున్నారు. రైతులకు అన్నదాత సుఖీభవ పేరుతో ప్రతి ఏటా రూ.20 వేలు ఏడాదిలో ఒకేసారి ఇస్తామని చెప్పారు. తీరా అధికారంలోకి రాగానే కేంద్రం ఇచ్చే రూ.6 వేలకు రాష్ట్రం మరో రూ.14 వేలు కలిపి అందజేస్తున్నారు. మొదటి ఏడాది రూపాయి ఇవ్వకుండానే గడిపేశారు. ఓడిపోతామనే దాడులు గత ఎన్నికల్లో చంద్రబాబుతో పాటు కూటమి నేతలు ఇచ్చిన హామీల్లో ఒక్క హామీని కూడా అమలు చేయలేదు. ప్రజలు తిరుగుబాటు చేస్తారనే ఉద్దేశంతోనే స్థానిక సంస్థల ఎన్నికల్లో ఎక్కడ చూసినా దాడులు సృష్టిస్తూ బెదరగొడుతున్నారు. చిన్న పదవుల కోసం ఇంతలా దిగజారి రాజకీయం చేయాలా? ఎన్నికలు పూర్తి పారదర్శకంగా జరిగితే వైఎస్సార్‌సీపీ కచ్చితంగా గెలుస్తుంది. ప్రజలను సక్రమంగా ఓట్లు వేసుకోనిస్తే చాలు. – ఆవుటాల గోపాల్‌రెడ్డి, బుచ్చయ్యగారిపల్లి పింఛన్ల హామీ అమలు ఎక్కడ? బీసీ, ఎస్సీ, ఎస్టీ, మైనార్టీలకు 50 ఏళ్లకే పింఛన్‌ ఇస్తామని చెప్పి అధికారంలోకి వచ్చిన చంద్రబాబు పథకాన్ని అమలు చేయకుండా మభ్య పెడుతున్నారు. కొత్త పింఛన్లు దేవుడెరుగు వస్తున్న వేలాది మంది పింఛన్లను సైతం తొలగించి కడుపుకొడుతున్నారు. స్థానిక ఎన్నికల కోసమే కొత్త పింఛన్ల కోసం దరఖాస్తులు తీసుకున్నారు. వితంతువులు రెండున్నర ఏళ్లుగా ఇబ్బంది పడుతున్నారు. కొత్త పింఛన్‌ ఇస్తారన్న ఆశ కూడా లేకుండా ఎన్నికల్లో ఓట్లు అడుగుతున్నారు. – గాండ్ల నరసింహులు, చిన్నబోయినపల్లి

పుట్టపర్తి: స్థానిక ఎన్నికలకు సంబంధించి అధికార పార్టీ అరాచకాల మధ్య మరో ఘట్టం ముగిసింది. నామినేషన్ల ఉపసంహరణకు మంగళవారం మధ్యాహ్నం మూడు గంటలకు గడువు తీరాక జిల్లా పరిషత్‌ ఎన్నికల బరిలో 141 మంది అభ్యర్థులు జాబితాలో మిగిలారు. మొత్తం 32 జెడ్పీటీసీ స్థానాలకు ఎన్నికలు జరగనున్నాయి. నవంబర్‌ 3న ఎన్నికలు పరిషత్‌ ఎన్నికల ప్రక్రియలో భాగంగా నామినేషన్ల ఉపసంహరణ చివరి రోజు పెద్ద సంఖ్యలో అభ్యర్థులు తమ నామినేషన్లను ఉపసంహరించుకున్నారు. కొందరు రెండు మూడు సెట్లు నామినేషన్లు వేయగా అన్ని పార్టీల నుంచి ఇద్దరు నుంచి ఐదు మంది వరకు తమ నామినేషన్లను దాఖలు చేశారు. నామినేషన్ల గడువు ముగిసేనాటికి 32 జడ్పీటీసీ స్థానాలకు మొత్తంగా 316 మంది అభ్యర్థులు తమ నామినేషన్లను నమోదు చేసుకున్న సంగతి తెలిసిందే. ఈనెల 24న నామినేషన్లను పరిశీలించగా 234 నామినేషన్లను ఆమోదించారు. తాజాగా మంగళవారం నామినేషన్ల ఉపసంహరణకు తుది గడువు కావడంతో అన్ని రాజకీయ పార్టీలకు చెందిన 93 మంది అభ్యర్థులు తమ నామినేషన్లను ఉపసంహరించుకున్నారు. ఎన్నికల అధికారులు తుది జాబితా ప్రకటించే సమయానికి ఎన్నికల బరిలో 141 మంది ఉన్నారు. వీరిని జెడ్పీటీసీ సభ్యులుగా ఎన్నుకునేందుకు నవంబర్‌ నెల మూడో తేదీన ఎన్నికలు నిర్వహించేందుకు అధికారులు సన్నాహాలు చేస్తున్నారు. తుది జాబితాలో అభ్యర్థుల పేర్లు వెల్లడి కావడంతో వారికి గుర్తులను కేటాయించారు. అదేవిధంగా బ్యాలెట్‌ పేపర్ల ముద్రణ కార్యక్రమం ప్రారంభమైంది. వచ్చే రెండు మూడు రోజుల్లో ఎన్నికల బరిలో నిలిచిన అభ్యర్థులకు సంబంధించిన బ్యాలెట్‌ పేపర్లు సిద్ధం కానున్నాయి. రసవత్తరంగా పోరు జిల్లాలో జెడ్పీటీసీ ఎన్నికల పోరు రసవత్తరంగా మారింది. జిల్లాలోని 32 జెడ్పీటీసీ స్థానాలకు ఏకంగా 141 మంది అభ్యర్థులు బరిలో నిలవడంతో రాజకీయ వేడి రాజుకుంది. ప్రధాన పార్టీ మధ్య హోరాహోరీ పోటీ నెలకొంది. గెలుపే లక్ష్యంగా అభ్యర్థులు వ్యూహాలకు పదునుపెడుతున్నారు. వైఎస్సార్‌సీపీ తరఫున 32 మంది బరిలో ఉండగా, టీడీపీ తరపున 26, జనసేన 3, బీజేపీ ముగ్గురు, కాంగ్రెస్‌ తరపున 20 మంది, సీపీఐ (ఎం) 1, బీఎస్పీ 5 మంది, ఇండిపెండెంట్లు 50 మంది, ఇతరులు 1 ఉన్నట్లు జెడ్పీ సీఈఓ వెంకటసుబ్బయ్య పేర్కొన్నారు. జిల్లాలో అన్ని స్థానాల్లోనూ వైఎస్సార్‌సీపీ పోటీ చేస్తుండగా కూటమి పొత్తులో భాగంగా బీజేపీకి, జనసేనకు చెరో 3 స్థానాలు కేటాయించింది. ఇందులో బీజేపీకి ముదిగుబ్బ, ఎన్‌పీకుంట, తాడిమర్రి మండలాలు, జనసేనకు పుట్టపర్తి, తలుపుల, గోరంట్ల మండలాలను కేటాయించింది. ఇందులో అత్యధికంగా తాడిమర్రిలో 9 మంది అభ్యర్థులు బరిలో ఉండగా, అమరాపురం, లేపాక్షి మండలాల్లో కేవలం ఇద్దరేసి మాత్రమే పోటీలో ఉన్నారు. అయితే జనసేన, బీజేపీలకు సీట్లు కేటాయించిన స్థానాల్లో టీడీపీ నాయకులు సహాయ నిరాకరణ చేస్తున్నట్లు తెలిసింది. ఎంపీటీసీ బరిలో 994 మందిపుట్టపర్తి అర్బన్‌: జిల్లాలోని 397 ఎంపీటీసీ స్థానాల బరిలో 994 మంది అభ్యర్థులు ఉన్నట్లు ఎన్నికల అధికారులు పేర్కొన్నారు. జిల్లాలోని 32 మండలాల్లో 397 ఎంపీటీసీ స్థానాలు ఉన్నాయి. వాటి కోసం మొత్తం 1932 నామినేషన్లు దాఖలయ్యాయి. మంగళవారం పలువురు అభ్యర్థులు తమ నామినేషన్లను ఉపసంహరించుకోవడంతో 994 మంది బరిలో నిలిచారు. ఇందులో వైఎస్సార్‌సీపీ తరఫున 376 మంది, టీడీపీ తరఫున 357 మంది, జనసేన 29, బీజేపీ 22 , కాంగ్రెస్‌ 60 , బీఎస్‌పీ 2, సీపీఐ (ఎం)5, ఇండిపెండెంట్స్‌ 142, ఇతర పార్టీల వారు 1 కలిపి మొత్తం 994 మంది బరిలో నిలిచారు. అతి తక్కువగా రామగిరిలో 7 మంది పోటీలో ఉండగా అత్యధికంగా మడకశిరలో 53 మంది, గోరంట్లలో 50 మంది పోటీ పడుతున్నారు. జిల్లాలో మొత్తం 21 ఎంపీటీసీ స్థానాలు ఏకగ్రీవం అయినట్లు అధికారులు ప్రకటించారు. అందులో బత్తలపల్లి మండలంలో 4, సీకేపల్లిలో 5, కనగానపల్లిలో 3, రామగిరిలో 7, చిలమత్తూరు, మడకశిరలో ఒక్కోటి ఏకగ్రీవం అయ్యాయి. అడ్డదారిలో 24 ఎంపీటీసీ స్థానాల ఏకగ్రీవం కనగానపల్లి: రాప్తాడు నియోజక వర్గ వ్యాప్తంగా ఉన్న ఆరు మండలాల్లో అధికార టీడీపీ అడ్డదారుల్లో 24 ఎంపీటీసీ స్థానాలకు ఏకగ్రీవం చేసుకుంది. ఇందులో రామగిరి మండలం నుంచి 7, చెన్నేకొత్తపల్లిలో 5, కనగానపల్లిలో 3, ఆత్మకూరులో 4, రాప్తాడులో 1, అనంతపురం రూరల్‌ మండలంలో 4 ఎంపీటీసీ స్థానాలను టీడీపీ అభ్యర్థులు ఏకగ్రీవం చేసుకున్నారు. టీడీపీ శ్రేణులు చేసిన దాడులు, దౌర్జన్యాలతో రామగిరి, చెన్నేకొత్తపల్లి మండలాల్లో నాలుగు చోట్ల వైఎస్సార్‌సీపీ అభ్యర్థులు నామినేషన్లు వేయలేకపోయారు. ఇక నామినేషన్ల పరిశీలనలో ఎన్నికల అధికారులు, సిబ్బందిని అడ్డం పెట్టుకొని చెన్నేకొత్తపల్లి, రామగిరి, కనగానపల్లి, ఆత్మకూరు. రాప్తాడు, రూరల్‌ మండలాల్లో వైఎస్సార్‌సీపీకి చెందిన 20 నామినేషన్లను తిరస్కరించారు. బలవంతపు ఏకగ్రీవం చిలమత్తూరు: మండలంలోని దేమకేతపల్లి ఎంపీటీసీ సెగ్మెంట్‌ను టీడీపీ నాయకులు బలవంతపు ఏకగ్రీవం చేశారు. అధికారులను బెదిరించి దౌర్జన్యంతో వైఎస్సార్‌సీపీ ఎంపీటీసీ అభ్యర్థి మద్దిలేటి ద్వారా అక్రమంగా నామినేషన్‌ ఉపసంహరణ చేయించారు. మండలంలో పలు ఎంపీటీసీ స్థానాలకు పోటీ చేస్తున్న అభ్యర్థులకు రెండు రోజులుగా నామినేషన్లు ఉపసంహరించుకోవాలని బేరసారాలకు దిగారు. విషయం తెలుసుకున్న వైఎస్సార్‌సీపీ ముఖ్య నేత వేణురెడ్డి, జెడ్పీటీసీ అభ్యర్థి పురుషోత్తంరెడ్డి, సీనియర్‌ నాయకులు జగన్‌మోహన్‌రెడ్డి, రాజారెడ్డి, అన్సార్‌ అహ్మద్‌లతో కలిసి ఆర్‌ఓతో మాట్లాడేందుకు ఎంపీడీఓ కార్యాలయానికి వెళ్లారు. అభ్యర్థి మద్దిలేటి ద్వారా పోటీలో కొనసాగుతున్నట్లు వినతిపత్రం ఇచ్చినా... టీడీపీ నేతల ఒత్తిళ్లతో దేమకేతపల్లి స్థానాన్ని ఏక్రగీవం చేశారు. జెడ్పీ బరిలో 141 మంది 93 మంది నామినేషన్ల ఉపసంహరణ 32 జెడ్పీటీసీ స్థానాలకు ఎన్నికలు వచ్చే నెల 3న పోలింగ్‌కు ఏర్పాట్లు బ్యాలెట్‌ పత్రాల ముద్రణలో అధికారుల బిజీ బిజీ

గుంతకల్లుటౌన్‌: స్థానిక సంస్థల ఎన్నికల్లో ఫ్యామిలీ పాలిటిక్స్‌ ఆసక్తిని రేకెత్తిస్తున్నాయి. ప్రజాసేవ చేయడానికి భార్యాభర్తలు వేర్వేరు వార్డుల నుంచి కౌన్సిలర్‌ అభ్యర్థులుగా ఎన్నికల బరిలో దిగారు. వైఎస్సార్‌సీపీ నుంచి రెండు జంటలు పోటీ చేస్తున్నాయి. బీసీ జనరల్‌కు కేటాయించిన 31వ వార్డులో ఆ పార్టీ పట్టణ ఉపాధ్యక్షుడు బోయ తిమ్మప్ప పోటీ చేస్తుండగా, బీసీ మహిళకు కేటాయించిన 32వ వార్డు నుంచి అతని భార్య బోయ కవిత బరిలో నిలిచారు. అలాగే ఎస్‌సీ జనరల్‌కు కేటాయించిన 42వ వార్డులో వైఎస్సార్‌సీపీ ఎస్సీసెల్‌ పట్టణ అధ్యక్షుడు మంగే నల్లన్న పోటీచేస్తుండగా, ఎస్సీ మహిళకు రిజర్వ్‌ అయిన 43వ వార్డు నుంచి అతడి భార్య మంగే నాగలక్ష్మి బరిలో దిగారు. వార్డులు వేర్వేరైనా విస్త్రృతంగా తిరుగుతూ ఫ్యాన్‌ గుర్తుకు ఓటేసి ప్రజలకు సేవ చేసుకునే అదృష్టాన్ని కల్పించాలని ఓటర్ల ఆశీర్వాదం తీసుకుంటున్నారు. 31,32 వార్డుల నుంచి వైఎస్సార్‌సీపీ కౌన్సిలర్‌ అభ్యర్థులుగా బరిలో దిగిన తిమ్మప్ప, కవిత దంపతులు పట్టణంలోని 42, 43 వార్డు వైఎస్సార్‌సీపీ కౌన్సిలర్‌ అభ్యర్థులుగా పోటీచేస్తున్న నల్లన్న, నాగలక్ష్మి దంపతులు

● రైలు ప్రమాద బాధితుడి కోసం బైక్‌పై 4 కిలోమీటర్ల ప్రయాణం రాప్తాడు రూరల్‌: కదులుతున్న రైలు నుంచి ప్రమాదవశాత్తు జారిపడి తీవ్రంగా గాయపడిన ఓ వ్యక్తిని కాపాడేందుకు 108 అంబులెన్స్‌ సిబ్బంది అసాధారణ సమయస్ఫూర్తిని ప్రదర్శించారు. ప్రమాద స్థలానికి అంబులెన్స్‌ వెళ్లేందుకు సరైన దారి లేకపోవడంతో ద్విచక్ర వాహనంపై సుమారు 4 కిలోమీటర్ల దూరం బాధితుడిని తీసుకొచ్చారు. 108 పైలట్‌ మన్నల రాము, అత్యవసర వైద్య సాంకేతిక నిపుణుడు (ఈఎంటీ) రామాంజినేయులు చూపిన చొరవపై ప్రశంసలు వెల్లువెత్తాయి. రైలు నుంచి ప్రమాదవశాత్తు జారిపడి.. ఉత్తరప్రదేశ్‌కు చెందిన ఓ వ్యక్తి మంగళవారం మైసూరు ఎక్స్‌ప్రెస్‌లో మధురై నుంచి బెంగళూరు వైపు ప్రయాణిస్తున్నాడు. ఈ క్రమంలో చిగిచెర్ల–జంగాలపల్లి రైల్వే స్టేషన్ల మధ్య రైలు తలుపు వద్ద నిలబడి ఉండగా ప్రమాదవశాత్తు కిందపడిపోయాడు. అదే సమయంలో రైల్వే ట్రాక్‌ను పరిశీలిస్తున్న ట్రాక్‌మ్యాన్‌ గాయపడిన వ్యక్తిని గుర్తించి వెంటనే 108 సిబ్బందికి సమాచారం అందించాడు. బైక్‌పై బాధితుడిని మోసుకొచ్చి సమాచారం అందుకున్న వెంటనే 108 పైలట్‌ మన్నల రాము, ఈఎంటీ రామాంజనేయులు ఘటనా స్థలానికి చేరుకున్నారు. అయితే అక్కడికి అంబులెన్స్‌ వెళ్లేందుకు సరైన రహదారి లేకపోవడంతో బాధితుడిని ఆసుపత్రికి తరలించడం సవాలుగా మారింది. దీంతో సిబ్బంది వెనుకడుగు వేయకుండా ట్రాక్‌మ్యాన్‌ ద్విచక్ర వాహనంతో క్షతగాత్రుడిని సుమారు 4 కిలోమీటర్ల దూరం తీసుకొచ్చారు. బాధితుడికి ప్రాథమిక చికిత్స అందిస్తూ అనంతపురం ప్రభుత్వ సర్వజనాసుపత్రికి తరలించారు. బాధితుడి పరిస్థితి విషమంగా ఉందని రైల్వే పోలీసులు తెలిపారు. ప్రాణాపాయ స్థితిలో ఉన్న వ్యక్తిని ఆసుపత్రికి చేర్చేందుకు 108 సిబ్బంది ప్రదర్శించిన మానవత్వం, సాహసాన్ని స్థానికులు, అధికారులు అభినందించారు.

అనంతపురం ఎడ్యుకేషన్‌: స్థానిక సంస్థల ఎన్నికల విధుల్లో పాల్గొనే సిబ్బందికి ఒక రోజు ప్రత్యేక ఆన్‌ డ్యూటీ (ఓడీ) సౌకర్యం కల్పించాలని ఎస్‌టీయూ జిల్లా అధ్యక్షుడు నీలూరు రమణారెడ్డి విజ్ఞప్తి చేశారు. మంగళవారం ఎస్‌టీయూ జిల్లా శాఖ కార్యాలయంలో నిర్వహించిన సమావేశంలో ఆయన మాట్లాడారు. మున్సిపల్‌ కార్పొరేషన్‌ పరిధిలో ఓటు హక్కు ఉన్న ఉద్యోగులు ఉదయం 7 నుంచి సాయంత్రం 5 గంటల్లోపు పోస్టల్‌ బ్యాలెట్‌ ద్వారా ఓటు వేయాలని సూచించారన్నారు. ఉదయం ఓటు వేసి తిరిగి విధులు నిర్వహించే ప్రాంతానికి చేరుకోవడం కష్టమవుతుందన్నారు. ఎస్‌టీయూ జిల్లా ప్రధాన కార్యదర్శి ఎస్‌. రామాంజనేయులు, రాష్ట్ర ఆర్థిక కమిటీ సభ్యుడు వి. రాజశేఖర్‌, జిల్లా ఆర్థిక కార్యదర్శి జి. మల్లికార్జున, రాష్ట్ర కౌన్సిలర్‌, రాష్ట్ర మున్సిపల్‌ ఉపాధ్యాయుల కమిటీ కన్వీనర్‌ బి. ఫణిభూషణ్‌, జిల్లా నాయకులు నిట్టూరు చంద్రశేఖరరావు, రామకృష్ణ, మల్లికార్జున, బాబ్జీ నాయక్‌, మహేశ్వర్‌రెడ్డి, గంగాధర్‌ పాల్గొన్నారు. మందకొడిగా ‘రబీ’ ● 15 వేల హెక్టార్ల వద్ద సాగుతున్న పరిస్థితి అనంతపురం అగ్రికల్చర్‌: వర్షాలు లేక రబీ మందకొడిగా ‘సాగు’తోంది. రబీ అంచనా 1.08 లక్షల హెక్టార్లు కాగా కాస్త అటుఇటుగా 15 శాతంతో ప్రస్తుతానికి 15 వేల హెక్టార్లలో పంటలు వేశారు. ప్రధానపంట పప్పుశనగ 61 వేలు హెక్టార్లు అంచనా వేయగా 11 వేల హెక్టార్లలో విత్తుకున్నారు. మంచి వర్షం వస్తే నల్లరేగళ్లలో పప్పుశనగ సాగయ్యే అవకాశం ఉంది. ఇక 16 వేల హెక్టార్లకు గానూ 200 హెక్టార్లలో వేరుశనగ, 12,398 హెక్టార్లకు గానూ 600 హెక్టార్లలో మొక్కజొన్న, 5 వేల హెక్టార్లకు గానూ 1,500 హెక్టార్లలో జొన్న, 1,663 హెక్టార్లకు గానూ 1,370 హెక్టార్లలో ఉలవ సాగు చేశారు. 900 హెక్టార్లలో పొద్దుతిరుగుడు, 100 హెక్టార్లలో అలసంద, 50 హెక్టార్లలో కుసుమ, పెసర 50 హెక్టార్లలో వేశారు. విస్తారంగా వర్షాలు కురవాల్సిన అక్టోబర్‌లో 100.6 మి.మీ గానూ ఇప్పటి వరకు 31.3 మి.మీ నమోదు కావడంతో రబీ నిరాశాజనకంగా ‘సాగు’తోంది. సరిహద్దులో పటిష్ట నిఘా రాయదుర్గం: స్థానిక ఎన్నికల నేపథ్యంలో మంగళవారం రాయదుర్గం మార్కెట్‌యార్డులో అనంతపురం ఎకై ్సజ్‌ డీసీ ప్రసాద్‌, ఈఎస్‌ రామమోహన్‌రెడ్డి ఆధ్వర్యంలో కర్ణాటక అధికారులతో సమన్వయ సమావేశం జరిగింది. కణేకల్లు, కళ్యాణదుర్గం, కంబదూరు, ఉరవకొండ ఎకై ్సజ్‌ సీఐలతో పాటు కర్ణాటక సరిహద్దు జిల్లాలోని మొలకాల్మూరు, చెళ్లకెర, బళ్లారి, చిత్రదుర్గం, సండూరు ఎకై ్సజ్‌ అధికారులు హాజరయ్యారు. ఈ సందర్భంగా డీసీ, ఈఎస్‌ మాట్లాడుతూ రెండు రాష్ట్రాల సరిహద్దు ప్రాంతాల్లో నిఘా పటిష్టం చేశామన్నారు. మద్యం, నాటుసారా, గంజాయి, నగదు, ఇతర వస్తువులు తరలిపోకుండా గట్టి భద్రత చర్యలు చేపట్టామన్నారు. ఉమ్మడి జిల్లాల వ్యాప్తంగా ప్రత్యేక చెక్‌పోస్టులు అందుబాటులోకి తీసుకొచ్చామని తెలిపారు. రాయదుర్గం చెక్‌పోస్టులోనే నగదు, వాహనాలను సీజ్‌ చేశామన్నారు. నేరస్తుల సమాచారాన్ని ఇచ్చిపుచ్చుకోవడంతో పాటు సమస్యత్మాక ప్రాంతాలను గుర్తించి, కలసి దాడులు నిర్వహించేలా అంగీకరించామన్నారు. గుర్తుతెలియని వ్యక్తి మృతి తాడిపత్రి రూరల్‌: తాడిపత్రి–కోమలి రైల్వేస్టేషన్‌ పరిధిలో సోమవారం రాత్రి గుర్తు తెలియని వ్యక్తి మృతి చెందాడని జీఆర్‌పీఎఫ్‌ హెడ్‌కానిస్టేబుల్‌ వరప్రసాద్‌ మంగళవారం తెలిపారు. 30 ఏళ్లలోపు వయస్సుగల మైనార్టీ వర్గానికి చెందిన వ్యక్తి రైల్వే ట్రాక్‌కు 10 అడుగుల దూరంలో మృతి చెందాడన్నారు. కీ మ్యాన్‌ అరవింద్‌ సమాచారం మేరకు సంఘటన స్థలానికి వెళ్లి పరిశీలించామని, అయితే ఎలాంటి అధారాలు లభించలేదన్నారు. మృతదేహాన్ని పోస్టుమార్టం నిమిత్తం తాడిపత్రి ప్రభుత్వ ఆసుపత్రికి తరలించినట్లు తెలిపారు. కుక్కల దాడిలో 8 గొర్రెల మృతి ముదిగుబ్బ: మండలంలోని సిరిగారిపల్లి గ్రామంలో మంగళవారం గొర్రెల మందపై కుక్కలు దాడి చేయడంతో 8 గొర్రెలు మృతి చెందినట్లు బాధితుడు మల్లికార్జున ఆవేదన వ్యక్తం చేశాడు. సుమారు రూ. 70వేల వరకు నష్టం వాటిల్లినట్లు వాపోయాడు.

బెళుగుప్ప: యలగలవంక సమీపంలో పచ్చిగడ్డి కోసం తోటలోకి వెళ్లిన బాలుడిపై ఎలుగుబంటి దాడి చేసి తీవ్రంగా గాయపరిచింది. బాధితుడి వివరాల మేరకు..కర్ణాటకలోని బళ్లారి జిల్లా సుండూరు తాలూకా ఆర్‌ గొల్లాహట్టి గ్రామానికి చెందిన వీరదొడ్డప్ప మరికొందరితో కలసి నాలుగు రోజుల క్రితం గొర్రెల మేపు కోసం యలగలవంక గ్రామానికి వచ్చారు. మంగళవారం ఉదయం వీరదొడ్డప్ప కుమారుడు విఠల్‌(13) మంగళవారం గొర్రె పిల్లల కోసం మంద సమీపంలోనే ఉన్న బొప్పాయి తోటలోకి పచ్చిగడ్డి కోసం వెళ్లాడు. పచ్చి గడ్డి కోస్తుండగా అక్కడే పిల్లలతో మాటువేసిన ఎలుగుబంటి ఒక్కసారిగా బాలుడిపై దాడి చేసి ముఖ బాగాన్ని ఛిద్రం చేసింది. బాలుడి అరుపులను సమీపంలోని కాపరులు పసిగట్టి కేకలు వేస్తూ వెళ్లడంతో ఎలుగుబంటి బాలుడిని వదలి పారిపోయింది. దాడి ఘటనలో తీవ్రంగా గాయపడిన బాలుడిని తొలుత కళ్యాణదుర్గం ప్రభుత్వాస్పత్రికి తరలించారు. అనంతరం పరిస్థితి విషమంగా ఉండటంతో బళ్లారి విమ్స్‌కు తరలించారు. విమ్స్‌లో పరిశీలించిన వైద్యులు బెంగళూరు తీసుకెళ్లాలని సూచించినట్లు బాలుడి కుటుంబ సభ్యులు తెలిపారు. రమనేపల్లి అటవీప్రాంతం సమీప గ్రామాల్లో వన్యమృగాలు వ్యవసాయ తోటల్లోకి వస్తూండటంతో రైతులు, వ్యవసాయకూలీలు భయాందోళనకు గురవుతున్నారు. ఇదిలా ఉండగా ఫారెస్ట్‌ బీట్‌ ఆపీసర్‌ పెద్దన్న బాధితుడి నుంచి వివరాలు సేకరించారు.

తాడిపత్రి రూరల్‌: పట్టణంలోని చింతల వేంకటరమణస్వామి దేవాలయంలో సోమవారం ఉదయం స్వామివారి కల్యాణోత్సవం, మధ్యాహ్నం రథోత్సవం వైభవంగా జరిగాయి. ఉదయం శ్రీదేవి, శ్రీభూదేవి సమేత చింతల వేంకటరమణస్వామి విగ్రహాలను ప్రత్యేకంగా అలంకరించి ప్రత్యేక పూజలు చేశారు. అనంతరం కల్యాణ వేదికపైకి వేదమంత్రాలు, మంగళ వాయిద్యాల నడుమ ఉత్సవ మూర్తులను ఊరేగింపుగా తీసుసుకొచ్చారు. తర్వాత అర్చకులు మురళి అయ్యంగార్ల ఆధ్వర్యంలో కల్యాణోత్సవాన్ని నిర్వహించారు. ఘనంగా రథోత్సవం భక్తుల హరినామస్మరణల మధ్య చింతల వేంకటరమణస్వామి రథోత్సవాన్ని సోమవారం మధ్యాహ్నం ఘనంగా నిర్వహించారు. మెయిన్‌ బజార్‌ మీదుగా ఊరేగింపు సాగింది. స్వామి, అమ్మవార్లను దర్శించుకునేందుకు పెద్ద సంఖ్యలో భక్తులు బారులు తీరి కర్పూర హారతులు, టెంకాయలను సమర్పించి మొక్కులు తీర్చుకున్నారు.

ముదిగుబ్బ: మండల పరిధిలోని రాళ్లనంతపురం క్రాస్‌ సమీపంలో సోమవారం ద్విచక్ర వాహనం అదుపు తప్పి నగేష్‌ (44) మృతి చెందాడు. సీఐ రామసుబ్బయ్య వివరాల మేరకు.. బుక్కపట్నం మండలం మారాలకు చెందిన నగేష్‌ బత్తలపల్లి నుంచి పశువుల దాణా తీసుకొని వెళ్తున్నాడు. రాళ్లనంతపురం గ్రామ సమీపంలోకి రాగానే ద్విచక్ర వాహనం అదుపు తప్పి కింద పడ్డాడు. ఈ ఘటనలో ఆయన అక్కడికక్కడే మృతి చెందాడు. మృతుడు వ్యవసాయ పనులు చేసుకుంటూ జీవనం సాగించేవాడు. మృతునికి భార్య, ఇద్దరు కుమార్తెలు, కుమారుడు ఉన్నారు. పోలీసులు కేసు నమోదు చేసుకొని దర్యాప్తు చేస్తున్నారు. లేపాక్షిలో మరొకరు.. లేపాక్షి: మండలంలోని శిరివరం గ్రామానికి చెందిన మంజునాథ్‌ (55) కంచిసముద్రం సమీపంలో సోమవారం ద్విచక్ర వాహనం అదుపు తప్పి మృతి చెందాడు. వివరాలు... మంజునాథ్‌ కంచిసముద్రంలోని బ్యాంకులో పని ముగించుకుని సొంత గ్రామానికి బయలు దేరాడు. అయితే కంచిసముద్రం దాటిన అనంతరం రోడ్డులో ఉన్న మిట్టను చూడకుండా వెళ్లడంతో వాహనం అదుపు తప్పడంతో అక్కడికక్కడే మృతి చెందాడు. మృతునికి భార్య సరోజమ్మ, కుమారుడు, కుమార్తె ఉన్నారు. పోలీసులు కేసు దర్యాప్తు చేస్తున్నారు.

● ఈ నెల 30వ తేదీ సాయంత్రం నుంచి నవంబర్‌ 1వ తేదీ సాయంత్రం వరకు మద్యం దుకాణాల మూసివేత ● కలెక్టర్‌, జిల్లా ఎన్నికల అధికారి శ్యాంప్రసాద్‌ వెల్లడి ప్రశాంతి నిలయం: మున్సిపల్‌ ఎన్నికలు జరిగే ప్రాంతాల్లో రెండు రోజుల పాటు మద్యం దుకాణాలు బంద్‌ కానున్నాయి. ఈనెల 30వ తేదీ సాయంత్రం 5 గంటల నుంచి నవంబర్‌ 1వ తేదీ సాయంత్రం 5 గంటల వరకు మద్యం అమ్మకాలు నిలిపివేయాలని కలెక్టర్‌, జిల్లా ఎన్నికల అధికారి శ్యాం ప్రసాద్‌ అధికారులను ఆదేశించారు. అలాగే ఓట్ల లెక్కింపు సందర్భంగా నవంబర్‌ 3వ తేదీ కూడా మద్యం దుకాణాలను మూసివేయాలన్నారు. మద్యం దుకాణాల యజమానులు ఎన్నికల నిబంధనలను తప్పని సరిగా పాటించాలన్నారు. విద్యాసంస్థలకు సెలవులు.. మున్సిపల్‌ ఎన్నికల నేపథ్యంలో పోలింగ్‌ కేంద్రాలుగా ఉన్న విద్యాసంస్థలకు ముందురోజైన అక్టోబర్‌ 31వ తేదీన సెలవు ప్రకటిస్తున్నట్లు కలెక్టర్‌, జిల్లా ఎన్నికల అధికారి శ్యాంప్రసాద్‌ తెలిపారు. అలాగే ఓట్ల లెక్కింపు సందర్భంగా నవంబర్‌ 3వ తేదీన ఓట్ల లెక్కింపు కేంద్రాలుగా ఉన్న విద్యాసంస్థలకు సెలవు ఇచ్చినట్లు ఆయన సోమవారం ఒక ప్రకటనలో వెల్లడించారు. మున్సిపల్‌ ఎన్నికల పోలింగ్‌, ఓట్ల లెక్కింపునకు అవసరమైన ఏర్పాట్ల కోసం పాఠశాలల, కళాశాలలను వినియోగిస్తున్న నేపథ్యంలో ఆయా విద్యాసంస్థలకు సెలవులను ప్రకటిస్తూ కలెక్టర్‌ ఉత్తర్వులు వెలువరించారు. నామినేషన్‌ విత్‌డ్రా కుట్ర బట్టబయలు ● అభ్యర్థి సంతకాన్ని ఫోర్జరీ చేసి ప్రపోజర్‌ ద్వారా విత్‌డ్రా చేసిన వైనం ● ప్రపోజర్‌ ఉంటే చాలన్న కమిషనర్‌ ఆడియో వైరల్‌ హిందూపురం(చిలమత్తూరు): మున్సిపల్‌ ఎన్నికల నామినేషన్ల ఉపసంహరణలో అధికారుల కుట్రలు ఒక్కొక్కటిగా బయటకు వస్తున్నాయి. అభ్యర్థి లేకుండానే ప్రపోజర్‌తోనే నామినేషన్‌ ఉపసంహరణ చేయడంపై సర్వత్రా విస్మయం వ్యక్తం అవుతోంది. అభ్యర్థి అనుమతి లేకుండా నామినేషన్‌ ఉపసంహరణకు అవకాశమే లేకపోగా, తన ప్రమేయం లేకుండానే నామినేషన్‌ ఉపసంహరణ జరిగిందంటూ 24వ వార్డులో స్వతంత్ర అభ్యర్థి కార్తిక్‌ ఫిర్యాదు చేసేందుకు కమిషనర్‌ మల్లికార్జున వద్దకు వెళ్లగా, అభ్యర్థి లేకున్నా ప్రపోజర్‌ ఉంటే ఉపసంహరణ చేయొచ్చని కమిషనర్‌ మాట్లాడిన ఆడియో సోషల్‌ మీడియాలో వైరల్‌గా మారింది. అభ్యర్థి ధ్రువీకరణ లేకుండా ప్రతిపాదకుడి అనుమతితో నామినేషన్‌ ఎలా ఉపసంహరించారని అభ్యర్థి ప్రశ్నించడం విశేషం. కాగా ఎన్నికల అధికారులు స్వతంత్ర అభ్యర్థికి బ్యాట్‌ గుర్తు కూడా కేటాయించినట్టు చూపే అధికారిక పత్రం కూడా వైరల్‌ అవుతోంది. ఈ అంశంపై ఎన్నికల కమిషన్‌ను ఆశ్రయిస్తామని బాధితులు కమిషనర్‌ మల్లికార్జునకు తెలపగా, నిరభ్యంతరంగా ఎక్కడైనా ఫిర్యాదు చేసుకోవచ్చని నిర్లక్ష్యంగా ఆయన సమాధానమివ్వడం గమనార్హం.

● సిబ్బందిని హెచ్చరించిన కలెక్టర్‌, ఎస్పీ ● హిందూపురంలోని కౌంటింగ్‌ కేంద్రాలు, స్ట్రాంగ్‌ రూమ్‌ల పరిశీలన హిందూపురం టౌన్‌: స్థానిక సంస్థల ఎన్నికల విధుల్లో ఉన్న సిబ్బంది నిత్యం అప్రమత్తంగా ఉంటూ విధులు నిర్వర్తించాలని, విధుల్లో నిర్లక్ష్యాన్ని ఏ మాత్రమూ సహించబోమని జిల్లా ఎన్నికల అధికారి, కలెక్టర్‌ శ్యాంప్రసాద్‌, ఎస్పీ సతీష్‌ కుమార్‌ హెచ్చరించారు. సోమవారం వారు స్థానిక సంస్థల ఎన్నికల సన్నాహాలు, భద్రతా ఏర్పాట్లను పరిశీలించారు. ఈ సందర్భంగా మున్సిపల్‌ కార్యాలయంలో ఎన్నికల నిర్వహణకు సంబంధించి రోజువారీ కార్యకలాపాలు, నమోదు ప్రక్రియ, ముందస్తు ఏర్పాట్లను క్షుణ్ణంగా పరిశీలించారు. అలాగే ఎంజీఎం పాఠశాలను సందర్శించి, ఎంపీటీసీ, జెడ్పీటీసీ ఎన్నికలకు సంబంధించి ప్రత్యేకంగా ఏర్పాటు చేసిన స్ట్రాంగ్‌ రూమ్‌, కౌంటింగ్‌ హాలులో భద్రతా ప్రమాణాలు, వసతులను తనిఖీ చేశారు. అదేవిధంగా పాలిటెక్నిక్‌ కళాశాల ప్రాంగణంలో మున్సిపల్‌ ఎన్నికల కోసం సిద్ధం చేసిన కౌంటింగ్‌ హాలు, స్ట్రాంగ్‌ రూమ్‌లను పరిశీలించారు. ఓట్ల లెక్కింపు రోజున ఎలాంటి లోటుపాట్లు, సాంకేతిక సమస్యలు తలెత్తకుండా పక్కా ప్రణాళికతో ముందస్తు చర్యలు చేపట్టాలని అధికారులను ఆదేశించారు. ప్రతి ఒక్కరూ సమన్వయంతో పనిచేయాలని, భద్రత పరంగా ఎలాంటి అవాంఛనీయ సంఘటనలు జరగకుండా గట్టి పోలీస్‌ బందోబస్తు ఏర్పాటు చేయాలని ఆదేశించారు. ఎన్నికల నియమావళికి అనుగుణంగా ఏర్పాట్లు పూర్తి చేయాలన్నారు. పోలింగ్‌, కౌంటింగ్‌ రోజున ప్రతి ఒక్కరూ అప్రమత్తంగా వ్యవహరించాలన్నారు. వారి వెంట పెనుకొండ ఆర్డీఓ ఆనంద్‌ కుమార్‌, మున్సిపల్‌ కమిషనర్‌ మల్లికార్జున, డీఎస్పీ రవిబాబు ఉన్నారు.

సోమందేపల్లి(పరిగి): చంద్రబాబు నాయకత్వంలోని రెండున్నరేళ్ల కూటమిపాలనలో నిజంగా అభివృద్ధి జరిగి ఉంటే స్థానిక సంస్థల ఎన్నికల్లో నిలబడేందుకు ఎందుకు భయపడుతున్నారని మాజీ మంత్రి, వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌ ప్రశ్నించారు. సోమవారం సోమందేపల్లి మండలంలోని ఈదులబలాపురంలో పార్టీ జెడ్పీటీసీ, ఎంపీటీసీ అభ్యర్థులతో ప్రత్యేక సమావేశాన్ని నిర్వహించారు. అనంతరం జెడ్పీటీసీ అభ్యర్థి రామక్క, ఎంపీటీసీ అభ్యర్థులతో కలిసి ఎన్నికల ప్రచార కార్యక్రమాన్ని నిర్వహించారు. ఈ సందర్భంగా ఉషశ్రీచరణ్‌ మాట్లాడుతూ.... స్థానిక సంస్థల ఎన్నికల్లో కూటమి నాయకులు అప్రజాస్వామికంగా వ్యవహరిస్తున్నారన్నారు. ఓటమి భయంతో దాడులు, దౌర్జన్యాలు చేస్తూ రాష్ట్రంలో శాంతిభద్రతలకు భంగం కలిగిస్తున్నారని ఆవేదన వ్యక్తం చేశారు. చివరకు వైఎస్సార్‌సీపీ ఎంపీటీసీ, జెడ్పీటీసీ అభ్యర్థుల నామినేషన్‌ పత్రాలను సైతం చించేస్తున్నారని, వీరి దుర్మార్గాన్ని దేశమంతా గమనిస్తోందన్నారు. హామీలు ఏమయ్యాయి? గతంలో చంద్రబాబు ఇచ్చిన ఎన్నికల వాగ్దానాలన్నీ నీటి మూటలయ్యాయని ఉషశ్రీచరణ్‌ మండిపడ్డారు. బీసీలకు 50 ఏళ్లకే పింఛన్‌, నిరుద్యోగ భృతి, 18 ఏళ్లు నిండిన ప్రతి మహిళకూ నెలకు రూ.1,500, వలంటీర్ల వ్యవస్థ కొనసాగించడం హామీలు ఏమయ్యాయని ప్రశ్నించారు. కనీసం సూపర్‌ సిక్స్‌ హామీలను సైతం నెరవేర్చకుండా డైవర్షన్‌ పాలిటిక్స్‌కు పాల్పడి ప్రజలను మభ్యపెడుతున్నారన్నారు. ఇక బీసీ సంక్షేమ శాఖ మంత్రిగా ఉన్న సవిత బీసీల కోసం ఏంచేసిందో చెప్పాలని ఉషశ్రీచరణ్‌ డిమాండ్‌ చేశారు. పెనుకొండ నియోజకవర్గంలో మంత్రి సవిత చేసిన అభివృద్ధి శూన్యమన్నారు. గతంలో బీసీలకు 50 ఏళ్లకే పింఛన్‌ ఇస్తామని ఇచ్చిన హామీ ఏమైందని సీఎం చంద్రబాబును ప్రశ్నించే దమ్ము నీకు లేదా? అంటూ ఎద్దేవా చేశారు. అభివృద్ధి పేరుతో ఇసుక, మట్టి, కంకర అక్రమ రవాణా చేస్తూ ప్రజాధనాన్ని కూటమి నేతలు దోచుకుంటున్నారన్నారు. నిరుపేదలకు కార్పొరేట్‌ వైద్యం అందించే లక్ష్యంతో పెనుకొండలో వైఎస్‌ జగన్‌మోహన్‌రెడ్డి మెడికల్‌ కళాశాల నిర్మాణానికి శ్రీకారం చుడితే...దాన్ని ఆపిన ఘనత టీడీపీ ప్రభుత్వానిదని ఉషశ్రీచరణ్‌ ఆగ్రహం వ్యక్తం చేశారు. ప్రజలన్నీ గమనిస్తున్నారని తప్పక బుద్ధి చెప్పితీరుతారన్నారు. కార్యక్రమంలో పార్టీ నియోజకవర్గ నేత చరణ్‌రెడ్డి, మండల కన్వీనర్‌ గజేంద్ర, జెడ్పీటీసీ మాజీ సభ్యుడు డీసీ అశోక్‌, మాజీ సర్పంచ్‌ నాగభూషణరెడ్డి, ఎంపీపీ అభ్యర్థి గోవిందమ్మగారి శ్రీనివాసులు, లక్ష్మీనరసప్ప, క్రిష్టప్ప, ఆదినారాయణరెడ్డి, వేణు, ఆంజనేయులునాయక్‌, కంబాలప్ప మండ్లి రామాంజి, మాజీ సర్పంచ్‌ రామాంజనేయులు, లాయర్‌ బాలాజీ తదితరులు పాల్గొన్నారు. మీ అభివృద్ధిపై నమ్మకముంటే ఎన్నికల్లో తలపడండి ప్రజాస్వామ్యబద్ధంగా పోరాడి గెలవండి నామినేషన్‌ పత్రాలను చింపేయడం ప్రజాస్వామ్య విరుద్ధం విలేకరుల సమావేశంలో మాజీ మంత్రి ఉషశ్రీచరణ్‌

● కదిరి మండల జెడ్పీటీసీ అభ్యర్థి వజ్ర భాస్కర్‌రెడ్డి కదిరి టౌన్‌: వైఎస్సార్‌సీపీ తరఫున జిల్లా పరిషత్‌ చైర్మన్‌ అభ్యర్థిగా తనకు అవకాశం కల్పించిన వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి, ముఖ్య నేత సజ్జల రామక్రిష్ణారెడ్డి, మాజీ మంత్రి పెద్దిరెడ్డి రామచంద్రారెడ్డి, ఎంపీ మిథున్‌రెడ్డికి కదిరి మండల జెడ్పీటీసీ అభ్యర్థి వజ్ర భాస్కర్‌రెడ్డి కృతజ్ఞతలు తెలిపారు. జగనన్నకు రుణపడి ఉంటానని ఆయన ఒక ప్రకటనలో పేర్కొన్నారు. పార్టీ జిల్లా అధ్యక్షురాలు ఉషశ్రీచరణ్‌, సమన్వయకర్తలు బీఎస్‌ మక్బూల్‌, టీఎన్‌ దీపిక, దుద్దుకుంట శ్రీధర్‌రెడ్డి, కేతిరెడ్డి వెంకటరామిరెడ్డి, తోపుదుర్తి ప్రకాష్‌రెడ్డి, ఈరలక్కప్పకు ధన్యవాదాలు తెలిపారు. జిల్లా పోలీస్‌ కార్యాలయంలో ఓపెన్‌ హౌస్‌ ఎగ్జిబిషన్‌ పుట్టపర్తి అర్బన్‌: పోలీసులు విధి నిర్వహణలో ఉపయోగించే ఆయుధాలు, వాటి పనితీరు, సాంకేతిక సాధనాలు, పోలీస్‌ బాధ్యతలపై ప్రతి ఒక్కరూ అవగాహన పెంచుకోవాలని ఏఆర్‌ డీఎస్పీ శ్రీనివాసులు పేర్కొన్నారు. సోమవారం జిల్లా పోలీస్‌ కార్యాలయంలో ఓపెన్‌ హౌస్‌ ఎగ్జిబిషన్‌ను ఏర్పాటు చేసి పోలీసులు ఉపయోగించే అన్ని రకాల ఆయుధాలపై విద్యార్థులకు అవగాహన కల్పించారు. ఈ సందర్భంగా డీఎస్పీ మాట్లాడుతూ పోలీస్‌ అమరవీరుల త్యాగాలను స్మరించుకుంటూ ప్రతి ఏటా అక్టోబర్‌ 21 నుంచి 31వ తేదీ వరకూ అమరవీరుల సంస్మరణ వారోత్సవాలను జరుపుకోవడం ఆనవాయితీ అన్నారు. పోలీసులు వాడే ఆయుధాల పనితీరు, వివిధ టీంలు ఏ సమయంలో ఏవిధంగా ఉపయోగపడతారో, నేరాలపై అప్రమత్తంగా ఎలా ఉండాలో, నేరస్తులను ఎలా గుర్తించాలో వివరించారు. కార్యక్రమంలో ఆర్‌ఐ ఉమామహేశ్వరరెడ్డి, ఆర్‌ఎస్‌ఐలు వెంకటేశ్వర్లు, వీరన్న, ప్రదీప్‌ సింగ్‌, ప్రసాద్‌ తదితరులు పాల్గొన్నారు. 31న రోల్‌ ప్లే, జానపద నృత్య పోటీలు పుట్టపర్తి: త్వరలో జరగనున్న జాతీయస్థాయి రోల్‌ ప్లే, జానపద నృత్య పోటీలకు సిద్ధం కావాలని డైట్‌ విద్యార్థులకు డైట్‌ కాలేజీ ప్రిన్సిపాల్‌ రామకృష్ణ పిలుపునిచ్చారు. 2026–27 సంవత్సరానికిగాను ఈ నెల 31న జిల్లాస్థాయి పోటీలు నిర్వహించనున్నట్లు చెప్పారు. విద్యార్థుల్లో సృజనాత్మకత, జీవన నైపుణ్యాలు, వ్యక్తిత్వ వికాసం, భారతీయ సంస్కృతీ సాంప్రదాయాలపై అవగాహన పెంపొందించడానికి రోల్‌ ప్లే, జానపద నృత్య పోటీలను నిర్వహిస్తున్నామన్నారు. జిల్లాలోని ఉన్నత పాఠశాలలు, కేజీబీవీల్లో చదువుతున్న 8, 9 తరగతుల విద్యార్థులు పోటీల్లో పాల్గొనవచ్చని సూచించారు. ఆరోగ్యం, పర్యావరణ పరిరక్షణ, బాధ్యతాయుత పౌరసత్వం, లింగ సమానత్వం, మాదక ద్రవ్యాల నివారణ, మానసిక ఆరోగ్యం , భద్రత తదితర అంశాలను ప్రతిబింబించేలా ఉండాలన్నారు. జిల్లా స్థాయిలో ఎంపికై న విద్యార్థులను రాష్ట్రస్థాయి పోటీలకు ఎంపిక చేస్తామన్నారు.

● మూడు పార్టీల్లో తెగని సీట్ల పంపకాలు ● ప్రచారంలో తిరగబడుతున్న మిత్రపక్షాలు ● జిల్లా వ్యాప్తంగా బయటపడుతున్న విభేదాలు ● మూడు కండువాలతో తిరగలేక నేతల అవస్థలు ● జనసేనను ఆదరించని టీడీపీ, బీజేపీ నాయకులు ● టీడీపీ టార్గెట్‌గా బీజేపీ, జనసేన విమర్శల పర్వం సాక్షి, పుట్టపర్తి స్థానిక సంస్థల ఎన్నికల్లో సీట్ల సర్దుబాటు కొలిక్కి రాకపోవడంతో కూటమి నాయకుల మధ్య విభేదాలు ఒక్కొక్కటిగా బట్టబయలవుతున్నాయి. మున్సిపాలిటీలు, మండలాల వారీగా తమకు తగిన ప్రాధాన్యం ఇవ్వలేదంటూ టీడీపీ నేతలపై జనసేన కార్యకర్తలు మండిపడుతున్నారు. మరోవైపు తమను సంప్రదించకుండానే.. జనసేనకు స్థానాలు కేటాయించారని ‘తెలుగు తమ్ముళ్లు’ అసమ్మతి రాగం అందుకున్నారు. దీంతో ప్రచారంలో విభేదాలు తలెత్తుతున్నాయి. మూడు కండువాలు వేసుకుని ప్రచారంలోకి వెళ్లాలని పార్టీ అధ్యక్షులు సూచిస్తున్నా.. క్షేత్రస్థాయిలో ఎవరికి వారుగా ముందుకెళ్తున్నారు. అయితే ప్రచారంలోనూ ఆధిపత్యపోరు అధికం కావడంతో అమాత్యులకూ అవమానం తప్పడం లేదు. తాజాగా మంత్రి సవితపై జనసేన కార్యకర్తలు తిరగబడిన ఘటన కూటమి పార్టీల్లో అంతర్గతపోరును బట్టబయలు చేసింది. ఇలాంటి పరిస్థితులు జిల్లా వ్యాప్తంగా ఉన్నాయి. చంద్రబాబు ప్రభుత్వంపై భారీ వ్యతిరేకత ఉన్న క్రమంలో జనసేన, బీజేపీ నేతలు దిక్కుతోచని స్థితిలో పడ్డారు. వేరుగా వెళ్దామంటే కూటమి పొత్తు అడ్డువస్తోంది. కలిసిపోదామంటే ఓటమి ఎదురొస్తోందని బీజేపీ, జనసేన నాయకులు బహిరంగంగానే వాపోతున్నారు. అందువల్లే ప్రస్తుతం మున్సిపల్‌ వార్డుల్లో ఎవరికి వారుగా ప్రచారం చేస్తున్నారు. బీజేపీ, జనసేనకు ఇచ్చిన స్థానాల్లోని టీడీపీ నేతలు వారికి వ్యతిరేకంగా ప్రచారం చేస్తున్నారు. పొరపాటున వారు గెలిస్తే రానున్న రోజుల్లో తమకు అవకాశం లేకుండా చేస్తారని భావిస్తున్న ‘తమ్ముళ్లు’ పొత్తుధర్మం మరచి జనసేన, బీజేపీ నేతలను ఓడించాలని విస్తృతంగా ప్రచారం చేస్తున్నారు. మరోవైపు జనసేన కార్యకర్తలు కూడా టీడీపీ అభ్యర్థులకు వ్యతిరేకంగా పోరాటం చేస్తున్నారు. జిల్లా కేంద్రం పుట్టపర్తిలోనూ మూడు పార్టీల నాయకుల మధ్య సఖ్యత కొరవడింది. మున్సిపాలిటీ పరిధిలో మూడు జెండాలు మోసుకు తిరుగుతున్నా.. గ్రామాల్లో ఐకమత్యం కనిపించడం లేదు. మూడు కండువాలు.. తలో దారిలో వెళ్తున్నాయి. మున్సిపల్‌ వార్డుల్లో ఎవరికి వారుగా ప్రచారం చేస్తున్నారు. మరోవైపు పుట్టపర్తి రూరల్‌ నుంచి జనసేన తరఫున జెడ్పీటీసీ అభ్యర్థిగా బరిలో నిలిచానని చెబుతూ చిలకం మధుసూదన్‌రెడ్డి తన అనుచరులతో జనాల్లోకి వెళ్తున్నారు. ఒక్క కండువా మాత్రమే కనిపిస్తోంది. పుట్టపర్తి రూరల్‌ సీటును జనసేనకు కేటాయించడం ‘తమ్ముళ్ల’కు రుచించలేదు. దీంతో చిలకం వెంట నడిచేందుకు ఎవరూ ముందుకురావడం లేదు. పెనుకొండలో ఎన్నికల ప్రచారానికి వెళ్లిన మంత్రి సవితపై జనసేన కార్యకర్తలు తిరగబడ్డారు. కూటమి ధర్మం పాటించరా? అంటూ ప్రశ్నించారు. మరో మంత్రి సత్యకుమార్‌ ప్రాతినిధ్యం వహిస్తున్న ధర్మవరంలోనూ ‘తెలుగు తమ్ముళ్ల’ పరిస్థితి ఇబ్బందికరంగా మారింది. మిత్రపక్షాలను ఇరకాటంలో పెట్టడమే కమలనాథుల పనిగా మారింది. ఇందులో భాగంగానే తాడిమర్రి, ముదిగుబ్బ సీట్లు జనరల్‌ అయినప్పటికీ పరిటాల శ్రీరామ్‌ పోటీ చేసేందుకు మంత్రి వర్గీయులు అంగీకరించలేదని తెలిసింది. అందువల్లే పరిటాల శ్రీరామ్‌ కదిరి నియోజకవర్గంలోని నల్లచెరువు నుంచి జెడ్పీటీసీగా నామినేషన్‌ దాఖలు చేశారని తెలుస్తోంది. స్థానిక సంస్థల ఎన్నికల వేళ కూటమి కాపురం కలగాపులగంగా మారింది. రాష్ట్రస్థాయి నేతలంతా ఆలింగనాలతో ఐక్యత చాటుతుండగా...స్థానిక నేతలు మాత్రం సమరానికి సై అంటూ కత్తులు నూరుతున్నారు. సర్దుకుపోదాంలే అనుకున్న నేతలు కూడా ఇప్పుడు మూడు పార్టీల జెండాలు వేసుకుని ప్రచారం చేసేందుకు ఇబ్బంది పడుతున్నారు. కొన్నిచోట్ల టీడీపీ, బీజేపీ నేతలు జనసేనను టార్గెట్‌ చేయగా... మరికొన్ని ప్రాంతాల్లో బీజేపీ, జనసేన నేతలు ‘పచ్చ’నాయకులతో పోటీకి సిద్ధమయ్యారు. సీట్లు తేలక... పోటాపోటీగా నామినేషన్లు పుట్టపర్తిలోనూ అదే తీరు.. ఏ మున్సిపాలిటీలో ఏ పార్టీకి ఎన్ని సీట్లు అనే దానిపై కూటమిలో ఇప్పటికీ స్పష్టత లేదు. దీంతో ఎవరికి వారుగా ప్రచారం చేస్తున్నారు. ఈ క్రమంలోనే ఎంటీపీసీ, జెడ్పీటీసీ స్థానాల్లో ఎవరికి వారుగా నామినేషన్లు దాఖలు చేయడంతో పాటు ప్రచారంలోనూ మూడు పార్టీల అభ్యర్థులు వేర్వేరుగా వెళ్తున్నారు. ‘పరిషత్‌’ నామినేషన్ల ఉపసంహరణకు గడువు ఒక్కరోజే ఉండటంతో జిల్లా స్థాయి నాయకుల ఎదుట పంచాయితీ పెట్టినట్లు తెలిసింది. గంటల వ్యవధిలోనే నామినేషన్లు ఉపసంహరించుకునేలా ఒత్తిళ్లు తెస్తున్నట్లు సమాచారం. అయితే మూడు పార్టీల మధ్య సఖ్యత కొరవడటంతోనే సమస్యలు ఉత్పన్నం అవుతున్నట్లు తెలిసింది. ఎవరికి వారుగా ఎన్నికలకు వెళ్తే ఓటమి ఖాయమని, అందువల్ల కలిసే ఉండాలని పార్టీ పెద్దలు సూచిస్తున్నారు. మంత్రి ఇలాకాల్లోనూ మారని తీరు.. ఓటమి భయంతోనే..

తాడిపత్రి రూరల్‌: అనంతపురం, సత్యసాయి జిల్లాల్లోని 5,125 అంగన్‌వాడీ కేంద్రాలకు అక్టోబర్‌ నెల పాల ప్యాకెట్లు సరఫరా కాలేదు. నిబంధనల మేరకు ప్రతి నెలా 1న పాల ప్యాకెట్లను సరఫరా చేయాల్సి ఉంది. మిగిలిన సరుకులతో పాటు పాల ప్యాకెట్లను గర్భిణులు, బాలింతలు, ప్రీస్కూలు చిన్నారులకు అందిస్తారు. ఈనెలలో 27 రోజులు కావొచ్చినా పాల సరఫరాపై కాంట్రాక్టర్‌ గానీ, అధికారులు గానీ పట్టించుకోవడం లేదు. పాలప్యాకెట్లు రాకపోవడంతో మిగిలిన సరుకులను సరఫరా చేయాలా లేక అవి వచ్చేంత వరకు వేచి ఉండాలో తెలియక అంగన్‌వాడీ టీచర్లు సతమతమవుతున్నారు. పాల సరఫరాపై సూపర్‌వైజర్లు సైతం స్పష్టత ఇవ్వడం లేదు. అనంతపురం, సత్యసాయి జిల్లాలోని 24 ఐసీడీఎస్‌ ప్రాజెక్టుల్లో 5125 అంగన్‌వాడీ కేంద్రాలు ఉన్నాయి. ఇందులో 8 వేల మందికి పైగా గర్భిణులు, 24 వేలకుపైగా బాలింతలు ఉన్నారు. 0 నుంచి ఆరేళ్లలోపు పిల్లలు 2.60 లక్షలకు పైగా ఉన్నారు. వీరికి ప్రతి నెలా 8 లక్షలకుపైగా లీటర్ల పాలు సరఫరా కావాల్సి ఉంది. గర్భిణులకు రోజూ 200 ఎంఎల్‌ చొప్పున నెలకు 5 నుంచి 6 లీటర్ల పాలను పంపిణీ చేయాల్సి ఉంది. ప్రీస్కూలు చిన్నారులకు 100 ఎంఎల్‌ చొప్పున అందించాలి. 27 రోజులుగా పాల సరఫరా ఆగిపోవడంతో పంపిణీ కూడా నిలిచిపోయింది. ఎన్నికలపైనే దృష్టి.. స్థానిక సంస్థల ఎన్నికలపై ప్రభుత్వం, అధికారులు బిజీగా ఉండటంతో పాల ప్యాకెట్ల సరఫరాపై ప్రత్యేక శ్రద్ధ వహించలేదన్న ఆరోపణలు ఉన్నాయి. రాష్ట్రంలో ప్రజా వ్యతిరేకత పాలను కప్పిపుచ్చుకునేందుకు ఏకగ్రీవాలను ప్రోత్సహించడం, హింసాత్మక సంఘటనలకు పురిగొల్పడంలో పాలకులు బిజీగా ఉన్నారు. పాలకులు చెప్పినట్టు అధికారులు జీహుజూర్‌ అంటూ తమవంతు సహకారం అందిస్తున్నారు. దీని కారణంగా పాల సరఫరాపై కేఎంఎఫ్‌తో డీల్‌ కుదుర్చుకోవడం, టెండర్ల ప్రక్రియను పూర్తి చేయడంలో తీవ్ర జాప్యం జరుగుతోందన్న విమర్శలున్నాయి. ఉమ్మడి అనంతపురం జిల్లాలోని 5,125 అంగన్‌వాడీ కేంద్రాలకు సరఫరా కాని పాలు ప్రతి నెలా రూ.8 లక్షల లీటర్లకు పైగా సరఫరా పట్టించుకోని ప్రభుత్వం, అధికారులు బకాయిల చెల్లింపు, ధరల పెంపుపై కేఎంఎఫ్‌ పట్టు.. అంగన్‌వాడీ కేంద్రాలకు అవసరమైన పాలను కర్ణాటక మిల్క్‌ ఫెడరేషన్‌ (కేఎంఎఫ్‌)నుంచి ఏపీ ప్రభుత్వం కొనుగోలు చేస్తోంది. కొనుగోలు చేసిన పాలను ప్యాకెట్ల రూపంలో ఐసీడీఎస్‌, ఏపీ డెయిరీ డెవలప్‌మెంట్‌ ఆపరేటివ్‌ ఫెడరేషన్‌ ద్వారా అంగన్‌వాడీ కేంద్రాలకు సరఫరా చేస్తోంది. రూ.కోట్ల బకాయిలు చెల్లించాలని, పెరిగిన ధరల వల్ల గిట్టుబాటు కావడం లేదని, లీటర్‌కు రూ.5 చొప్పున పెంచాలని కేఎంఎఫ్‌ డిమాండ్‌ చేస్తోంది. దీని కారణంగా 2026–27కు సంబంధించిన టెండర్ల ప్రక్రియ పూర్తి కాలేదు. ఈనేపథ్యంలో అంగన్‌వాడీ కేంద్రాలకు అక్టోబర్‌ నెల కోటా పాల సరఫరా నిలిచిపోయింది. నవంబర్‌ కోటాపై కూడా నీలినీడలు కమ్ముకున్నాయి. సక్రమంగా సరఫరా చేయాలి అక్టోబర్‌ కోటాకు సంబంధించిన పాల ప్యాకెట్లు అంగన్‌వాడీ కేంద్రాలకు రాలేదు. కోటా వస్తుందో రాదో తెలియక అంగన్‌వాడీ టీచర్లు తికమకపడుతున్నారు. ప్రతి నెలా ఎప్పుడు పడితే అప్పుడు వస్తున్నాయి. అధికారులు ఈ విషయాన్ని దృష్టిలో ఉంచుకుని సక్రమంగా సరఫరా అయ్యేలా చూడాలి. – రమాదేవి, అంగన్‌వాడీ వర్కర్స్‌, హెల్పర్స్‌ యూనియన్‌ ప్రధాన కార్యదర్శినిలిచిన పాల సరఫరా..

మున్సిపల్‌ ఎన్నికల ప్రచారం జిల్లాలో ముమ్మరంగా సాగుతోంది. వైఎస్సార్‌సీపీ తరఫున బరిలో నిలిచిన మున్సిపల్‌ చైర్మన్‌ అభ్యర్థులు పార్టీ ముఖ్యనేతలు, నియోజకవర్గ సమన్వయకర్తలతో కలిసి సోమవారం ఇంటింటికీ వెళ్లి ఓట్లు అభ్యర్థించారు. వైఎస్‌ జగన్‌ హయాంలో జరిగిన అభివృద్ధి మళ్లీ చూడాలంటే ఫ్యాన్‌ గుర్తుకు ఓటు వేయాలని కోరారు. అలవిగాని హామీలిచ్చే నాయకులు వస్తారని, వారు ఇప్పటివరకూ ఏం చేశారో చెప్పాలని ప్రశ్నించాలన్నారు. రాష్ట్రంలో జనరంజక పాలన కావాలంటే వైఎస్సార్‌సీపీకి పట్టం కట్టాలని ఓటర్లను కోరారు. – సాక్షి నెట్‌వర్క్‌

గుంతకల్లుటౌన్‌: మున్సిపల్‌ ఎన్నికల వేళ టీడీపీ కుటీల రాజకీయం మరోసారి బట్టబయలైంది. పొత్తు ధర్మానికి తూట్లు పొడిచింది. పట్టణంలోని వివిధ వార్డుల పోటీ, సీట్ల సర్దుబాటు విషయమై కూటమి పార్టీల మధ్య చర్చలు జరిగినప్పటికీ జనసేన, బీజేపీకి కేటాయించిన 11 వార్డుల్లో కేవలం రెండు వార్డులు మినహా అన్నివార్డుల్లో సైతం టీడీపీ తమ పార్టీ అభ్యర్థులకు బీ–ఫారమ్‌లను అందజేసి వారిని బరిలోకి దింపింది. దీంతో ఆయా పార్టీ శ్రేణుల్లో గందరగోళం నెలకొంది. రెబల్‌గా వేసిన నామినేషన్లను విత్‌డ్రా చేయించాలని ఆయా పార్టీల జిల్లా నేతల నుంచి స్థానిక టీడీపీ నేతలపై ఒత్తిళ్లు తెచ్చినా ఎవరూ స్పందించలేదు. దీంతో పొత్తు ధర్మానికి తూట్లు పొడిచిన స్థానిక టీడీపీ నేతలపై బీజేపీ, జనసేన పార్టీల అభ్యర్థులు రగిలిపోతున్నారు. కూటమి పార్టీ నేతల్లో సమన్వయ లోపమే కారణమని పార్టీ వర్గాలు చర్చించుకుంటున్నాయి. ఎవరిదారి వారిదే.. గుంతకల్లు మున్సిపాల్టీలోని మొత్తం 48 వార్డుల్లో 11 వార్డులు(జనసేనకు 7, బీజేపీకి 4) సీట్లు కేటాయిస్తూ స్థానిక కూటమి పార్టీల నేతలు నిర్ణయించారు. బీజేపీకి 4, 8, 26, 33 వార్డులు, జనసేనకు 11, 14, 15, 22, 24, 30, 39 వార్డులు మిగిలిన 37 వార్డుల్లో టీడీపీ పోటీచేసేలా సర్దుబాటు చేసుకున్నారు. ఈ నేపథ్యంలో బీజేపీ, జనసేన జిల్లా అధినాయకులు కౌన్సిలర్లుగా పోటీచేస్తున్న అభ్యర్థులకు పంపిన బీ–ఫారమ్‌లను ఎన్నికల అధికారులకు సమర్పించారు. అయితే బీజేపీకి కేటాయించిన 33వ వార్డు, జనసేనకు కేటాయించిన 11వ వార్డు మినహా 46 వార్డుల్లోనూ టీడీపీ బరిలో దిగింది. వీరందరికీ ఆ పార్టీ జిల్లా అధ్యక్షుడు పంపిన బీ–ఫారమ్‌లను ఎన్నికల అధికారులకు అందజేశారు. కూటమి నాయకుల మధ్య చర్చలు జరిగినా సీట్ల సర్దుబాటులో ఎవరికి వారే యమునా తీరే అన్న చందంగా మారింది. దాఖలు చేసిన నామినేషన్‌లను టీడీపీ అభ్యర్థులు విత్‌డ్రా చేసుకోకపోవడంతో కూటమి పార్టీల మధ్యనే పోటీ అనివార్యం కానుంది. కూటమిలోనే ఒకరికొకరు రెబల్‌ అభ్యర్థులుగా మారారు. అప్పుడే వార్డుల్లో మూడు పార్టీల నేతలు కూడా విస్త్రృతంగా ప్రచారం చేసుకుంటున్నారు. అధినేత ఆదేశాలను లెక్కచేయని తమ్ముళ్లు కూటమి పార్టీల మధ్య జరిగిన సీట్ల సర్దుబాటు నేపథ్యంలో జనసేన, బీజేపీలకు కేటాయించిన వార్డుల్లో రెబల్‌గా టీడీపీ అభ్యర్థులు పోటీ చేయరాదని, అలా చేస్తే పార్టీ నుండి సస్పెన్షన్‌ చేస్తానని సాక్షాత్తు టీడీపీ అధినేత చంద్రబాబు చేసిన వ్యాఖ్యలకు సంబంధించి వీడియోలను జనసేన, బీజేపీ పార్టీ నాయకులు సామాజిక మాధ్యమాల్లో వైరల్‌ చేస్తున్నారు. మిత్ర ధర్మానికి తూట్లు పొడిచి అధినేత ఆదేశాలను ఖాతరు చేయని వారిపై ఎలాంటి చర్యలు తీసుకుంటారని ప్రశ్నిస్తున్నారు. పొత్తు ధర్మానికి టీడీపీ తూట్లు జనసేన, బీజేపీ వార్డుల్లోనూ టీడీపీ అభ్యర్థులకు బీఫారాలుగుత్తిలోనూ అంతే... గుత్తి: మున్సిపాలిటీలో అడిగినన్ని కౌన్సిలర్‌ స్థానాలు ఇవ్వలేదని, ఇచ్చిన మూడింటిలో కూడా టీడీపీ అభ్యర్థులు పోటీలో ఉండటంపై జనసైనికులు లోలోపల మదన పడుతున్నారు. ఇదేక్కడి పొత్తు ధర్మమని ప్రశ్నిస్తున్నారు. మున్సిపాలిటీ పరిధిలో మొత్తం 32 వార్డులు ఉన్నాయి. గుంతకల్లు నియోజకవర్గం జనసేన సమన్వయ కర్త వాసగిరి మణికంఠ తమ పార్టీకి ఏడు స్థానాలు అడిగారు. తర్వాత ఐదుకు ఆ తర్వాత నాలుగుకు, అటు తర్వాత మూడుకు దిగారు. అయినా మూడింటిలో కూడా పొత్తు ధర్మాన్ని విస్మరించి టీడీపీ అభ్యర్థులను రంగంలోకి దింపారు. దీంతో పోటీ అనివార్యమైంది. 32 వార్డుల్లో 27 వార్డులు ఏకగ్రీవం అయ్యాయి. ఇందులో కూటమిలోని భాగస్వాములైన జనసేన, బీజేపీ అభ్యర్థులు ఒక్కరు కూడా లేకపోవడం గమనార్హం. మిగతా ఐదింటిలో పోటీ ఉండదనుకుంటే టీడీపీ అభ్యర్థులు పోటీకి దిగారు. 2వ వార్డులో జనసేన అభ్యర్థిగా గద్దల కార్తీక్‌ , టీడీపీ తరుఫున కుమార్‌ బరిలో ఉన్నారు. అదే విధంగా 4వ వార్డులో జనసేన తరుపున తులసీరాం, టీడీపీ తరుపున వరలక్ష్మి బరిలో నిలిచారు. 26వ వార్డులో జనసేన తరుపున పోతురాజు చిన్న వెంకటేష్‌, టీడీపీ తరుపున గోపాల కృష్ణ బరిలో నిలిచారు. ఇక 10వ వార్డులో టీడీపీ తరుపున అబ్దుల్‌ వహాబ్‌, టీడీపీ రెబల్‌ శ్రీదేవి పోటీలో ఉన్నారు. 24వ వార్డులో సీపీఎం తరుఫున నిర్మల, బీజేపీ తరుఫున లక్ష్మి బరిలో నిలిచారు.

పుట్టపర్తి అర్బన్‌: గ్రామీణ రైతులకు వ్యవసాయంలో సాంకేతిక పరిజ్ఞానాన్ని అందించాలని ఏరువాక జిల్లా కోఆర్డినేటర్‌ బాలాజీ నాయక్‌ పేర్కొన్నారు. సోమవారం కొత్తచెరువు మండలం తిరుమలదేవరపల్లి, కొడపగానిపల్లి గ్రామాల్లో వ్యవసాయ కళాశాల విద్యార్థులతో కలిసి రైతు సదస్సు నిర్వహించారు. ఈ సందర్భంగా ఆయన మాట్లాడుతూ వ్యవసాయ కళాశాలల్లో ఉన్నత విద్యను పూర్తి చేసి క్షేత్రస్థాయిలో వ్యవసాయ అధ్యయనం కోసం వచ్చిన విద్యార్థులు రైతులతో కలిసి మెళకువలు నేర్చుకోవాలన్నారు. చదువు లేని ఎంతో మంది రైతులకు సాంకేతిక పరిజ్ఙానాన్ని అందించి వ్యవసాయంలో అండగా నిలవాలన్నారు. కార్యక్రమంలో ఏఓ సతీష్‌ , వీఏఏ ఫిరోజ్‌, జేసీ దివాకర్‌రెడ్డి వ్యవసాయ కళాశాల విద్యార్థులు, రైతులు పాల్గొన్నారు. హెచ్‌పీవీ వ్యాక్సిన్‌ వందశాతం పూర్తి చేయాలి నల్లచెరువు: మండల కేంద్రంలోని ప్రాథమిక ఆరోగ్య కేంద్రాన్ని సోమవారం డీఎంహెచ్‌ఓ డాక్టర్‌ ఫైరోజాబేగం ఆకస్మికంగా తనిఖీ చేశారు. ఈ సందర్భంగా ఆమె ఆస్పత్రిలోని పలు రికార్డులను, సిబ్బంది హాజరు రిజిస్టర్‌ను తనిఖీ చేశారు. మండలంలోని గర్భిణులు, బాలింతల ఆరోగ్య పరిస్థితిపై ఆరా తీశారు. గ్రామాల్లో నిర్వహించే హెల్త్‌ క్యాంపులకు తప్పని సరిగా డాక్టర్లు అందుబాటులో ఉండాలన్నారు. అలాగే హెచ్‌పీవీ వ్యాక్సిన్‌ వందశాతం పూర్తి చేయాలని ఆదేశించారు. కార్యక్రమంతో వైద్యాధికారులు డాక్టర్‌ అలేఖ్య, కల్పన, సీహెచ్‌ఓ రామచంద్రారెడ్డి సూపర్‌వైజర్లు సుధాకర్‌, రెడ్డెమ్మ, హెల్త్‌ అసిస్టెంట్లు సూర్యనారాయణరెడ్డి, ముస్తఫా తదితరులు పాల్గొన్నారు. మాజీ ఎమ్మెల్యే తోపుదుర్తి ప్రకాష్‌రెడ్డిపై కేసు నమోదుఅనంతపురం సెంట్రల్‌: రాప్తాడు మాజీ ఎమ్మెల్యే, వైఎస్సార్‌సీపీ నియోజకవర్గ సమన్వయకర్త తోపుదుర్తి ప్రకాష్‌రెడ్డిపై త్రీటౌన్‌ పోలీసులు కేసు నమోదు చేశారు. స్థానిక సంస్థల ఎన్నికల నేపథ్యంలో పోలీసులు ఏకపక్షంగా వ్యవహరిస్తున్నారంటూ మాజీ ఎమ్మెల్యే తోపుదుర్తి ప్రకాష్‌రెడ్డి పోలీసులను ఉద్దేశించి కొన్ని వ్యాఖ్యలు చేశారు. దీన్ని పోలీసు అధికారుల సంఘం అడహక్‌ కమిటీ సభ్యులు త్రిలోక్‌నాథ్‌, రాష్ట్ర కార్యవర్గ సభ్యులు జాఫర్‌, నాయకులు లక్ష్మినారాయణ, శివకుమార్‌, ఆనంద్‌ ఆ సంఘం కార్యాలయంలో ఖండించారు. అలాగే సామాజిక మాధ్యమాల్లో మాజీ ఎమ్మెల్యే వ్యాఖ్యలు వైరల్‌ కావడంతో పోలీసు ఉన్నతాధికారుల ఆదేశాలతో పలు సెక్షన్ల కింద కేసు నమోదు చేసినట్లు త్రీటౌన్‌ పోలీసులు తెలిపారు. దక్షిణ భారత టీటీ పోటీలకు ఆరుష్‌అనంతపురం సిటీ: విశాఖపట్నంలోని గీతం డీమ్డ్‌ యూనివర్సిటీలో ఈ నెల 30 నుంచి నవంబర్‌ 2వ తేదీ వరకు జరిగే దక్షిణ భారత అంతర విశ్వవిద్యాలయాల టేబుల్‌ టెన్నిస్‌ పోటీలకు అనంతపురంలోని ప్రభుత్వ మెడికల్‌ కళాశాల విద్యార్థి యూ.ఎస్‌. ఆరుష్‌ శ్రీవత్స ఎంపికయ్యాడు. డా.ఎన్టీఆర్‌ హెల్త్‌ యూనివర్సిటీ తరఫున ప్రథమ స్థానంలో ఎంపికై న ఆరుష్‌.. దక్షిణ భారత టేబుల్‌ టెన్నిస్‌ పోటీల్లో కెప్టెన్‌గా ప్రాతినిథ్యం వహించనున్నాడు. ఈ నేపథ్యంలో మెడికల్‌ కళాశాల ప్రిన్సిపాల్‌ డాక్టర్‌ ఎం.విజయశ్రీ సోమవారం తన చాంబర్‌లో ఆరుష్‌ను అభినందించారు. కార్యక్రమంలో ఫిజికల్‌ డైరెక్టర్‌ నరసింహ నాయక్‌, ఆరుష్‌ తండ్రి, ప్రముఖ న్యాయవాది యు.ఎస్‌. మధుసూదన శర్మ, స్పోర్ట్స్‌ కమిటీ సభ్యుడు డా. పునర్జీవన్‌ కుమార్‌, ఎన్‌ఎస్‌ఎస్‌ ప్రోగ్రాం ఆఫీసర్‌ డా. సునీల్‌, డా.బి.ఆంజనేయబాబు నాయక్‌ పాల్గొన్నారు. జీబీసీకి నీరు బంద్‌ విడపనకల్లు: గుంతకల్లు బ్రాంచ్‌ కెనాల్‌కు (జీబీసీ) సోమవారం సాగునీరు బంద్‌ చేశారు. జీబీసీకి నవంబర్‌ పదో తేదీ వరకు నీరు వదలాల్సి ఉంది. అయితే వర్షాభావ పరిస్థితుల కారణంగా రిజర్వాయర్‌లో నీరు తగ్గుముఖం పడుతోంది. ఇదే క్రమంలో తుపాను ప్రభావంతో రెండు రోజులపాటు వర్షాలు కురిసే అవకాశం ఉన్నట్లు వాతావరణ శాఖ ప్రకటించింది. దీంతో నీరు వృథా కాకూడదనే ఉద్దేశంతో జీబీసీకి నీరు బంద్‌ చేసినట్లు డీఈ మంజునాథ్‌ తెలిపారు. వర్షాలు కురవకపోతే రెండు రోజుల్లో నీటి విడుదలను పునరుద్ధరిస్తామని చెప్పారు.

ప్రశాంతి నిలయం: స్థానిక సంస్థల ఎన్నికలకు పకడ్బందీ ఏర్పాట్లు చేసినట్లు ఎన్నికల ప్రత్యేక పరిశీలకులు అరుణ్‌ బాబు, కలెక్టర్‌ శ్యాం ప్రసాద్‌ తెలిపారు. సోమవారం వారు ఎస్పీ సతీష్‌ కుమార్‌, జాయింట్‌ కలెక్టర్‌ మౌర్య భరద్వాజ్‌తో కలిసి కలెక్టరేట్‌లోని మినీ కాన్ఫరెన్స్‌ హాలులో ఎన్నికల నిర్వహణ, నామినేషన్లు, పోలింగ్‌ కేంద్రాలు, సిబ్బంది కేటాయింపు, భద్రతా ఏర్పాట్లపై సమీక్షించారు. ఈ సందర్భంగా కలెక్టర్‌ శ్యాంప్రసాద్‌, ప్రత్యేక పరిశీలకులు అరుణ్‌బాబు మాట్లాడుతూ, జిల్లాలోని ఆరు మున్సిపాలిటీల పరిధిలోని 218 వార్డులకు ఎన్నికలు నిర్వహించేందుకు అవసరమైన ఏర్పాట్లు పూర్తి చేశామన్నారు. మున్సిపల్‌ ఓటర్లు 3,85,168 మంది నవంబర్‌ 1వ తేదీ ఉదయం 7 గంటల నుంచి సాయంత్రం 5 గంటల వరకు మున్సిపల్‌ ఎన్నికల పోలింగ్‌ ఉంటుందన్నారు. అవసరమైన ప్రాంతాల్లో నవంబర్‌ 2వ తేదీన రీ–పోలింగ్‌ నిర్వహిస్తామన్నారు. నవంబర్‌ 3వ తేదీన ఓట్ల లెక్కింపు ఉంటుందన్నారు. జిల్లాలోని ఆరు మున్సిపాలిటీల పరిధిలో 218 వార్డులుండగా 3,85,168 మంది ఓటర్లుగా ఉన్నారన్నారు. ఇందులో పురుషులు 1,89,303 మంది కాగా, సీ్త్రలు 1,95,825 మంది, ఇతరులు 40 మంది ఉన్నారన్నారు. మొత్తంగా 458 పోలింగ్‌ కేంద్రాలు ఏర్పాటు చేశామన్నారు. ఇందులో సాధారణ కేంద్రాలు 289, సున్నితమైన కేంద్రాలు 101, అతి సున్నితమైన కేంద్రాలు 59 ఉన్నట్లు గుర్తించామన్నారు. మున్సిపల్‌ ఎన్నికల నిర్వహణకు రిజర్వ్‌ సిబ్బందితో కలసి మొత్తం 3,298 మంది సిబ్బందిని కేటాయించామన్నారు. వీరిలో 23 మంది జోనల్‌ అధికారులు, 61 మంది రూట్‌ అధికారులు, 75 మంది ఎన్నికల అధికారులు, 63 మంది సహాయ ఎన్నికల అధికారులు ఉన్నారన్నారు. అదనంగా మరో 71 మందిని మైక్రో అబ్జర్వర్లను నియమించినట్లు వెల్లడించారు. ఎంపిక చేసిన 36 కేంద్రాల్లో వెబ్‌క్యాస్టింగ్‌, 351 కేంద్రాల్లో వీడియోగ్రఫీ ఏర్పాటు చేస్తున్నట్లు వెల్లడించారు. మున్సిపల్‌ సంబంధించి ఫిర్యాదులు, సమాచారం కోసం 24 గంటలూ పనిచేసేలా 08555–289039 నంబరుతో కంట్రోల్‌ రూమ్‌ను ఏర్పాటు చేశామన్నారు. పరిషత్‌ ఓటర్లు 11,65,917 మంది.. జిల్లాలోని ధర్మవరం, పెనుకొండ, పుట్టపర్తి, కదిరి రెవెన్యూ డివిజన్ల పరిధిలో ఎంపీటీసీ, జెడ్పీటీసీ సాధారణ ఎన్నికల నిర్వహణకు విస్తృత ఏర్పాట్లు చేపట్టామని కలెక్టర్‌ అరుణ్‌బాబు, ఎన్నికల పరిశీలకుడు అరుణ్‌బాబు తెలిపారు. ఈ నెల 27వ తేదీన అభ్యర్థుల తుది జాబితాను విడుదల చేస్తామన్నారు. నవంబర్‌ 3న పోలింగ్‌, నవంబర్‌ 5న ఓట్ల లెక్కింపు ఉంటుందన్నారు. ఇప్పటివరకు జిల్లాలో 32 జెడ్పీటీసీ స్థానాలకు 316 నామినేషన్లు దాఖలు కాగా, పరిశీలన అనంతరం 234 నామినేషన్లు ఆమోదించినట్లు వెల్లడించారు. అలాగే 297 ఎంపీటీసీ స్థానాలకు 2,521 నామినేషన్లు దాఖలు రాగా, పరిశీలన అనంతరం 1,949 నామినేషన్లు ఆమోదించినట్లు వెల్లడించారు. జిల్లాలో పరిషత్‌ ఓటర్లు 11,65,917 మంది ఉన్నారన్నారు. ఇందులో పురుషులు 5,66,776 మంది కాగా, సీ్త్రలు 5,99,112 మంది, ఇతరులు 29 మంది ఉన్నారని వెల్లడించారు. ఎన్నికల నిర్వహణకు 1,320 పోలింగ్‌ కేంద్రాలు ఏర్పాటు చేశామని, ఇందులో 312 సాధారణ కేంద్రాలు, 469 సున్నితమైన కేంద్రాలు, 539 అతి సున్నితమైన కేంద్రాలుగా గుర్తించామని తెలిపారు. ఎంపీటీసీ, జెడ్పీటీసీ ఎన్నికల నిర్వహణకు 103 జోన్లు, 156 రూట్లుగా విభజించి మొత్తం 9,120 మంది పోలింగ్‌ సిబ్బందిని కేటాయించామన్నారు. అతి సున్నితమైన పోలింగ్‌ కేంద్రాల్లో మైక్రో అబర్జర్వర్లు, వెబ్‌క్యాస్టింట్‌ ఏర్పాటు చేయనున్ననట్లు వెల్లడించారు. స్ట్రాంగ్‌ రూమ్‌లు, ఓట్ల లెక్కింపు కేంద్రాల వద్ద సీసీటీవీ కెమెరాలు ద్వారా నిరంతర నిఘా ఉంచుతామని వివరించారు. ఎన్నికల ప్రక్రియలో ఎలాంటి అవాంఛనీయ ఘటనలకు తావులేకుండా పటిష్ట భద్రతా చర్యలు చేపట్టాలని, ఎన్నికల నియమావళిని కచ్చితంగా అమలు చేయాలని అధికారులకు కలెక్టర్‌, ఎన్నికల పరిశీలకులు ఆదేశించారు. సమావేశంలో ఎన్నికల అధికారులు, జిల్లా స్థాయి అధికారులు పాల్గొన్నారు. ఎన్నికల ప్రత్యేక పరిశీలకులు అరుణ్‌ బాబు, కలెక్టర్‌ శ్యాం ప్రసాద్‌ స్థానిక ఎన్నికల నిర్వహణపై కలెక్టరేట్‌లో అధికారులతో సమీక్ష జిల్లాలో 1,778 పోలింగ్‌ కేంద్రాలు, 12,400 మంది సిబ్బంది నియామకం

పుట్టపర్తి అర్బన్‌: స్థానిక సంస్థల ఎన్నికల షెడ్యూల్‌ ప్రకటించినప్పటి నుంచి కోడ్‌ అమల్లోకి వచ్చినా జిల్లా కేంద్రం పుట్టపర్తిలో మాత్రం దాని అమలును గాలికొదిలేశారు. నిత్యం కలెక్టర్‌, ఎస్పీ, ఆర్డీఓలు ఈ ప్రాంతంలోనే తిరుగుతున్నా ప్రచార కార్యక్రమాలు, సంక్షేమ పథకాలకు చెందిన పోస్టర్లు మాత్రం ఇంకా దర్శనమిస్తూనే ఉన్నాయి. కేవలం వైఎస్సార్‌సీపీకి చెందిన పోస్టర్లు, ఫ్లెక్సీలు, చిత్రాలను తొలగించి కూటమి పార్టీలకు చెందిన ఏ ఒక్కటీ తొలగించడం లేదని వైఎస్సార్‌సీపీ నాయకులు విమర్శిస్తున్నారు. ఎన్నికలు సమీపిస్తున్నాయని ఇటీవల స్థానిక ఎమ్మెల్యే, టీడీపీ నాయకులు, జిల్లా అధికారులు కలిసి పలు చోట్ల ప్రారంభోత్సవాలు చేసి శిలాఫలకాలు ఆవిష్కరించారు. అందులో ఫొటోలు, పార్టీ లోగోలు వేసుకున్నారు. కోడ్‌ వచ్చి దాదాపుగా రెండు వారాలవుతున్నా నేటికీ వాటిని తొలగించడం గానీ, ముసుగులు వేయడం కానీ చేయలేదు. పలు ప్రభుత్వ కార్యాలయాల వద్ద ఏర్పాటు చేసిన సంక్షేమ పథకాల పోస్టర్లు, ఫ్లెక్సీలు ఇప్పటికీ అలాగే వదిలేయడం విమర్శలకు తావిస్తోంది.

బొమ్మనహాళ్‌: జిల్లాలోనే ప్రసిద్ధి చెందిన దర్గాహోన్నూరు స్వామి దర్గా మతసామరస్యానికి ప్రతీకగా నిలుస్తోంది. దర్గాహొన్నూరు గ్రామంలో వెలసిన వన్నూర్‌స్వామి దర్గాలో ఈనెల 27 నుంచి నవంబర్‌ 1 వరకు ఉరుసు నిర్వహిస్తున్నట్లు దర్గా కమిటీ సభ్యులు తెలిపారు. తొలిరోజు మంగళవారం గంధం, 28న బుధవారం ఒకటవ దీపారాధన, 29న గురువారం రెండవ దీపారాధన, 30వ తేదీన శుక్రవారం ఉరుసే ఫరిఫ్‌ (దేవుడి సవారీ), 31న శనివారం జియారత్‌, నవంబర్‌ 1న ఫకీర్ల సభ ఉంటుందన్నారు. వన్నూరుస్వామి దర్గా చరిత్ర ఇది.. సుమారు 700 ఏళ్ల క్రితం ఈ ప్రాంతంలో పాలేగాళ్లు పరిపాలిస్తున్న సమయంలో మహహ్మద్‌ ప్రవక్త శిష్యుడైన సయ్యద్‌ సర్మస్‌ హుసేన్‌ చిస్తి మత ప్రచార నిమిత్తం దర్గాహోన్నూరుకు వచ్చారు. ఈ నేపథ్యంలో ఆయన హోన్నూరులో గవిపుల్లను నాటగా అది చిగురించడంతో తన ప్రచారం ఇక్కడి నుంచి ప్రారంభించారు. కానీ ఈ ప్రాంతంలో కులమతాలపోరు అధికంగా ఉండటంతో మత ప్రచారానికి బదులు హిందూ, ముస్లింల ఐక్యతకు విశేషంగా కృిషి చేశారు. ఇందుకు ముగ్దులైన పాలేగాళ్లు మండలంలోని కల్‌హోళ వద్ద 15 ఎకరాలు, రాయదుర్గం తాలుకాలోని కొండాపురం గ్రామంలో 1200 ఎకరాల మాన్యాన్ని ఇనామ్‌గా ఇచ్చారు. ఆప్పటి నుంచి ఆయన ఈ ప్రాంతంలో శాంతిస్ధాపనకు పాటుపడుతూ చివరికి హొన్నూర్‌లో సమాధి అయ్యారు. హొన్నూరు కాస్త దర్గాహోన్నూరుగా మారింది. ఆయన హిందూ ముస్లింకు ఆరాధ్యదైవంగా మారిపోయారు. అందరివీ అవే పేర్లు.. ప్రతి గురువారం వందలాది మంది భక్తుల ప్రత్యేక పూజలు , ప్రార్థనలు నిర్వహించి తమ మొక్కలను తీర్చుకుంటారు. ఈ ప్రాంతంలో తమ పిల్లలకు హిందూవులు వన్నూర్‌స్వామి, వన్నూరప్ప, వండ్రప్ప, వండ్రమ్మ, వన్నూరమ్మ అని ముస్లింలు అయితే వన్నూర్‌సాబ్‌, వన్నూర్‌వలి, వన్నూర్‌బీ అంటూ ఆ గ్రామంలో 90 శాతం మందికి పైగా స్వామివారి పేర్లు పెట్టుకోవడం అనవాయితీ. ఏటా స్వామి వారి ఉరుసు ఉత్సవాలను హిందూవులు, ముస్లింలు కలిసి ఘనంగా జరుపుకుంటున్నారు. ఈ ఉత్సవాల్లొ దర్గాహోన్నూర్‌ పంచాయతీలొని వన్నల్లి గ్రామంలో హిందూవుల ఇంటి వద్ద నుంచి గంధం తెచ్చి పూజా కార్యక్రమాలు ప్రారంభించడం విశేషం. సంవత్సర మంతా సంచారం వెళ్ళిన స్వామివారి షంషేర్‌ సవారీ గుర్రం ఉరుసు సమయానికి వచ్చి ఉరుసు అనంతరం వెళుతున్నట్లు గ్రామపెద్దలు తెలియజేస్తున్నారు. రేపటి నుంచి ఉరుసు ప్రారంభం 30న ఉరుసే షరీఫ్‌ ఏర్పాట్లు పూర్తి చేసిన నిర్వాహకులు

రాప్తాడు రూరల్‌: అనంతపురం రూరల్‌ మండలంలో ఎంపీటీసీ నామినేషన్‌ దాఖలు సందర్భంగా టీడీపీ శ్రేణుల దాడిలో తీవ్రంగా గాయపడిన కొడిమికి చెందిన బండి చినరాముడు శస్త్రచికిత్స జరిగినా ఇంకా కోమాలోనే ఉండటం కుటుంబ సభ్యులకు ఆందోళన కలిగిస్తోంది. ఈ నెల 22న కొడిమికి చెందిన కడియాల తిరుపాల్‌రెడ్డి ఎంపీటీసీ స్థానానికి నామినేషన్‌ దాఖలు చేసేందుకు రూరల్‌ ఎంపీడీఓ కార్యాలయానికి వెళ్లారు. ఆయనతో పాటు వైఎస్సార్‌సీపీ గ్రామ సీనియర్‌ నాయకుడు, మాజీ డీలరు, మండల కన్వీనరు బండి పవన్‌ చిన్నాన్న బండి చినరాముడు కూడా వెళ్లారు. కార్యాలయంలోకి వెళ్తున్న సమయంలో టీడీపీకి చెందిన కొందరు అడ్డుకుని నామినేషన్‌ పత్రాలను చించేందుకు ప్రయత్నించారు. ఈ క్రమంలో చినరాముడిపై రాయితో బలంగా కొట్టడంతో తలకు తీవ్ర గాయాలై అక్కడికక్కడే స్పృహ కోల్పోయాడు. శస్త్రచికిత్స జరిగినా కోమాలోనే.. తీవ్రంగా గాయపడిన చినరాముడును తొలుత సర్వజన ఆస్పత్రికి, పరిస్థితి విషమంగా ఉండటంతో ప్రైవేట్‌ ఆస్పత్రికి తరలించారు. తలలోని పుర్రెకు గాయం కావడంతో రెండు రోజుల కిందట శస్త్రచికిత్స నిర్వహించారు. అయినప్పటికీ బాధితుడు ఇంకా కోమాలోనే ఉండటంతో కుటుంబ సభ్యులు ఆందోళన చెందుతున్నారు. ఒక నామినేషన్‌ ప్రక్రియ సందర్భంగా చోటుచేసుకున్న దాడి ఓ వ్యక్తి ప్రాణాలకే ముప్పుగా మారడం కలవరపెడుతోంది. కేసు నమోదుతోనే సరిపెట్టొద్దు.. ఈ ఘటన సామాజిక మాధ్యమాల్లో విస్త్‌త్రతంగా ప్రచారం కావడంతో ఎన్నికల కమిషన్‌ తీవ్రంగా పరిగణించింది. అనంతరం పోలీసులు బాధితుడి ఫిర్యాదు మేరకు కేసు నమోదు చేశారు. పాపంపేటకు చెందిన భానుకోట రామాంజనేయులు, మద్దినేని కృష్ణ, భరత్‌చౌదరి, నందమూరినగర్‌కు చెందిన చల్లా జయకృష్ణ, మనోహర్‌నాయుడు, కురుగుంటకు చెందిన ధర్మేంద్రతో పాటు మరికొందరిపై బీఎన్‌ఎస్‌ 118 (1), 126(2), 223, 351(2), 3(5) సెక్షన్ల కింద కేసు నమోదైంది. వైద్య నివేదికల ఆధారంగా బాధ్యులపై చట్టప్రకారం కఠిన చర్యలు తీసుకోవాలని బాధిత కుటుంబ సభ్యులు కోరుతున్నారు. ఇలాంటి ఘటనలు పునరావృత్తం కాకుండా ఉన్నతాధికారులు కఠినంగా వ్యవహరించడంతో పాటు, ఎన్నికల సమయంలో అభ్యర్థులు, వారి అనుచరులకు తగిన రక్షణ కల్పించాలని పలువురు విజ్ఞప్తి చేస్తున్నారు. నామినేషన్‌ వేయడానికి వెళ్తే రాళ్లతో టీడీపీ నాయకుల దాడి శస్త్రచికిత్స జరిగినా కోలుకోని బాధితుడు ఆరుగురు టీడీపీ నాయకులతో పాటు మరికొందరిపై కేసు నమోదు

అనంతపురం: ఆవిష్కరణలు, సాంకేతిక పరిజ్ఞానం వ్యవస్థాపకతకు వేదికగా జేఎన్‌టీయూ అనంతపురంలో నిర్వహించిన జాతీయ స్థాయి ’ఇన్నోవేటర్స్‌ కాన్‌క్లేవ్‌–2026’ ఆదివారం ఘనంగా ముగిసింది. విస్తార విద్యానిధి ట్రస్ట్‌ ఆధ్వర్యంలో అక్టోబర్‌ 24, 25 తేదీల్లో నిర్వహించిన ఈ కార్యక్రమంలో 3,000 మందికి పైగా విద్యార్థులు, 300కు పైగా స్టార్టప్‌లు, 80 మందికి పైగా పరిశ్రమల ప్రముఖులు పాల్గొన్నారు. జేఎన్‌టీయూఏ వీసీ ప్రొఫెసర్‌ హెచ్‌.సుదర్శన రావు, ఎస్కేయూ వీసీ ప్రొఫెసర్‌ ఎన్‌.వి.ఆర్‌. జ్యోతికుమార్‌, ఏపీ ప్రభుత్వ మాజీ ప్రత్యేక ప్రధాన కార్యదర్శి జె.ఎ. చౌదరి, యాక్సెంచర్‌ గ్లోబల్‌ మేనేజింగ్‌ డైరెక్టర్‌ గోపాల్‌ పింగళి తదితరులు కార్యక్రమానికి హాజరయ్యారు. ఏఐ (ఆర్టిఫిషియల్‌ ఇంటెలిజెన్స్‌), సైబర్‌ భద్రతపై వర్క్‌షాప్‌లు, స్టార్టప్‌ ఇంక్యుబేషన్‌పై నిపుణులు విద్యార్థులకు మార్గనిర్దేశం చేశారు. వీసీ సుదర్శనరావు మాట్లాడుతూ విద్యాసంస్థలు, పరిశ్రమల మధ్య సమన్వయం పెంచడానికి, యువతలోని ఆవిష్కరణాత్మక ఆలోచనలను ప్రోత్సహించడానికి ఈ సదస్సు ఎంతగానో దోహదపడిందని వీసీ సుదర్శనరావు అన్నారు. అనంతరం కాన్‌క్లేవ్‌లో భాగంగా నిర్వహించిన విద్యార్థుల హ్యాకథాన్‌ విజేతలకు మొత్తం రూ.9 లక్షల నగదు పురస్కారాలను అందజేశారు. హ్యాకథాన్‌ విజేతలు: ప్రథమ బహుమతి (రూ.5 లక్షలు): టీమ్‌ మెడోరా (పీఈఎస్‌ కాలేజీ, రేవా, గీతం వర్సిటీల ఉమ్మడి బృందం) ద్వితీయ బహుమతి (రూ.3 లక్షలు): టీమ్‌ వింట్రా (బీఐటీఎం, బళ్లారి) తృతీయ బహుమతి (రూ.1 లక్ష): టీమ్‌ ఇంపీరియన్‌ (ముత్తాయమ్మాళ్‌ ఇంజినీరింగ్‌ కళాశాల, తమిళనాడు).

పెనుకొండ రూరల్‌: ఎన్నికల ప్రచారానికి వెళ్లిన రాష్ట్ర బీసీ సంక్షేమ శాఖ మంత్రి సవితను జనసేన నాయకులు, కార్యకర్తలు అడ్డుకున్నారు. మంత్రి సవిత ఆదివారం పెనుకొండ మున్సిపాలిటీ పరిధిలోని రెండో వార్డు వెంకటరెడ్డిపల్లికి ఎన్నికల ప్రచార నిమిత్తం వెళ్లారు. అక్కడే ప్రచారంలో ఉన్న జనసేన నాయకులు, కార్యకర్తలు పొత్తులో భాగంగా తమ పార్టీకి ఈ వార్డు కేటాయించి...మళ్లీ టీడీపీ అభ్యర్థిని ఎలా బరిలో నిలుపుతారని మంత్రిని నిలదీశారు. పార్టీ పెద్దల నిర్ణయం అంటూ మంత్రి సమర్థించుకునే ప్రయత్నం చేశారు. వార్డు కౌన్సిలర్‌ స్థానానికి జనసేన అభ్యర్థిగా పోటీలో ఉన్న లోకేష్‌ మాట్లాడుతూ పార్టీ సీనియర్లు అయిన తమతో చర్చించకుండానే ఏకపక్షంగా 13వ వార్డు జనసేనకు ఎలా కేటాయిస్తారని మంత్రిని ప్రశ్నించారు. తమ పార్టీకి అనుకూలమైన వార్డును.. అది కూడా తమతో చర్చించి ఇవ్వాలే గానీ మీరే ఏకపక్షంగా ఎలా నిర్ణయిస్తారని నిలదీశారు. పార్టీ అభ్యర్థిగా పోటీ చేస్తే బెదిరింపులకు దిగుతారా? పొత్తు ధర్మం ఎక్కడ పాటించారు? అంటూ మండిపడ్డారు. తన కార్యాలయానికి వస్తే మాట్లాడుకుందామంటూ మంత్రి అక్కడి నుంచి వెళ్లిపోయారు. తర్వాత జనసేన కార్యకర్తలు ఆగ్రహంతో ఊగిపోయారు. ‘మీ ఓట్ల కోసమైతే అందరూ కావాలంటూ మా ఇళ్ల వద్దకు వస్తారు. ఇప్పుడు మాత్రం మాతో మాట్లాడకుండా వెెళ్లిపోతారా? మేము మీ ఇంటి వద్దకు రావాలా? సీట్ల పంపిణీ మాకు తెలియకుండానే చేపట్టి, మా పార్టీని నమ్ముకుని పనిచేసిన వారికి అన్యాయం చేస్తారా? మా నాయకుడు పవన్‌ కల్యాణ్‌ లేకుంటే టీడీపీకి అధికారం వచ్చి ఉండేదే కాదు. పెనుకొండలో జనసేనకు విలువే లేకుండా చేశారు. నియోజకవర్గ వ్యాప్తంగా 240 స్టోర్లు (చౌక డిపోలు) ఉంటే.. జనసేన వారికి ఒక్కటి మాత్రమే కేటాయించారు. మార్కెట్‌ యార్డు డైరెక్టర్‌ పదవులు రెండు ఇచ్చి చేతులు దులుపుకొన్నారు. పార్టీ భవిష్యత్తు కోసం పోటీ చేస్తే బెదిరింపులకు దిగుతున్నారు. మా వెంట నడిచే వారి రేషన్‌ కార్డులు, పింఛన్లు తొలగిస్తామంటూ బెదిరిస్తున్నారు’ అని పెనుకొండ పట్టణ జనసేన కన్వీనర్‌, 2వ వార్డు అభ్యర్థి లోకేష్‌ ఆవేదన వెలిబుచ్చారు. పార్టీ అభ్యర్థిగా పోటీ చేస్తే బెదిరింపులకు దిగుతారా? పెనుకొండలో మంత్రి సవితను అడ్డుకున్న జనసేన నాయకులు, కార్యకర్తలు

● ప్రకటించిన వైఎస్సార్‌సీపీ జిల్లా అధ్యక్షురాలు ఉషశ్రీచరణ్‌పుట్టపర్తి: తన సేవా కార్యక్రమాలతో జిల్లా ప్రజలకు సుపరిచితుడైన కే.వజ్రభాస్కర్‌రెడ్డిని వైఎస్సార్‌సీపీ జిల్లా పరిషత్‌ చైర్మన్‌ అభ్యర్థిగా మాజీ సీఎం వైఎస్‌ జగన్‌మోహన్‌రెడ్డికి అధికారికంగా సిఫారసు చేసినట్లు వైఎస్సార్‌సీపీ జిల్లా అధ్యక్షురాలు ఉషశ్రీ చరణ్‌ పేర్కొన్నారు. ఆదివారం సాయంత్రం పుట్టపర్తిలోని పార్టీ కార్యాలయంలో పుట్టపర్తి, ధర్మవరం, కదిరి సమన్వయకర్తలు దుద్దుకుంట శ్రీధర్‌రెడ్డి, కేతిరెడ్డి వెంకటరామిరెడ్డి, మక్బూల్‌, హిందూపురం నాయకులు వేణురెడ్డితో ప్రత్యేకంగా సమావేశమయ్యారు. ఈ సందర్భంగా వారు మాట్లాడుతూ వజ్ర భాస్కర్‌రెడ్డి జిల్లా వ్యాప్తంగా అనేక సేవా కార్యక్రమాలు చేపట్టారని, కుల మతాలు, పార్టీలకు అతీతంగా ఆయనకు ఓటు వేసి అత్యధిక మెజార్టీతో గెలిపించాలని పిలుపునిచ్చారు. నూతనంగా ఏర్పాటైన జిల్లాలో మొదటి జెడ్పీ చైర్మన్‌ మన పార్టీ నాయకుడే కావాలని ఆకాంక్షించారు. కూటమి నాయకుల తీరు, వారు చేస్తున్న దురాగతాలను వైఎస్సార్‌సీపీ నాయకులు, కార్యకర్తలు ప్రజల్లోకి తీసుకెళ్లాలని సూచించారు. రెండున్నరేళ్లు అయినా ఇప్పటికీ అనేక సంక్షేమ పథకాలు అమలు చేయకుండా చంద్రబాబు మీన మేషాలు లెక్కిస్తున్నారని , ప్రజా సంక్షేమాన్ని గాలికొదిలేశారని విమర్శించారు. కూటమి నాయకులకు డిపాజిట్లు కూడా దక్కకుండా ఓడించాలని పిలుపునిచ్చారు.

అనంతపురం ఎడ్యుకేషన్‌: ఎంపీటీసీ, జెడ్పీటీసీ ఎన్నికల నామినేషన్ల దాఖలు ప్రక్రియలో రాష్ట్రవ్యాప్తంగా, ప్రత్యేకించి రాప్తాడు నియోజకవర్గంలో ప్రజాస్వామ్యాన్ని ఖూనీ చేసేలా దాడులు, దౌర్జన్యాలు జరిగాయని రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి ఆగ్రహం వ్యక్తం చేశారు. టీడీపీ నాయకులు, పోలీసులు, రౌడీలు కలిసి ఆర్గనైజ్డ్‌గా దాడులకు పాల్పడ్డారని ఆరోపించారు. ఆదివారం సాయంత్రం అనంతపురంలోని వైఎస్సార్‌సీపీ జిల్లా కార్యాలయంలో నిర్వహించిన విలేకరుల సమావేశంలో ఆయన మాట్లాడారు. నేరచరిత్ర ఉన్నవారిని ముందుపెట్టి, వారికి పోలీసులను కాపలాగా ఉంచి ధర్మవరం, పావగడ, అనంతపురం అర్బన్‌ తదితర ప్రాంతాల నుంచి వందలాది మందిని రప్పించి దాడులు చేయించారని తోపుదుర్తి ప్రకాష్‌రెడ్డి ఆరోపించారు. వైఎస్సార్‌సీపీ నాయకులను ఏకపక్షంగా బైండోవర్లు చేశారని విమర్శించారు. మొదటి రెండు రోజులూ అనేక చోట్ల నామినేషన్లు వేయనీయలేదని, చెన్నేకొత్తపల్లిలో పది మంది అభ్యర్థుల నామినేషన్లను చింపివేసి దాడులు చేశారని తెలిపారు. బసంపల్లి స్థానానికి నామినేషన్‌ దాఖలు చేసి వచ్చిన వ్యక్తిపై దాడి చేశారని, పోలీస్‌ స్టేషన్‌లోకి వెళ్లి మరీ దాడి చేసి.. అక్నాలెడ్జ్‌మెంట్‌ పత్రాన్ని లాక్కున్నారని ఆరోపించారు. సీసీ కెమెరాలను పరిశీలిస్తే వాస్తవాలు తెలుస్తాయన్నారు. రాష్ట్రవ్యాప్తంగా జరుగుతున్న దుర్మార్గాలను జాతీయ మీడియా ప్రసారం చేయడంతో కేంద్ర ఎన్నికల సంఘం నుంచి రాష్ట్ర ఎన్నికల సంఘానికి ఆదేశాలు వచ్చాయని, దీంతో చివరి రోజు నామినేషన్ల దాఖలుకు అధికారులు అనుమతించారని ప్రకాష్‌రెడ్డి తెలిపారు. అయినా ఒక్కో స్థానానికి ఒక్క అభ్యర్థితోనే నామినేషన్‌ వేయించాలని, డమ్మీ అభ్యర్థులతో వేయించకూడదంటూ పోలీసులు ఆంక్షలు విధించారని ఆరోపించారు. సుమారు 20కి పైగా నామినేషన్లను తిరస్కరించేలా చేశారని, ఐదు ఎంపీటీసీ స్థానాల్లో నామినేషన్లు వేయనీయలేదని మండిపడ్డారు. రిటర్నింగ్‌ అధికారులు టీడీపీ నాయకులతో కుమ్మక్కయ్యారని, పరిటాల సునీత ఆదేశాలతోనే నామినేషన్లను తిరస్కరించారని ఆరోపించారు. తిరస్కరించిన నామినేషన్లను పునఃపరిశీలించి అభ్యర్థులందరికీ న్యాయం చేయాలని డిమాండ్‌ చేశారు. రాప్తాడులో ప్రజాస్వామ్యాన్ని ఖూనీ చేశారు టీడీపీ నేతలు, పోలీసులు, రౌడీలు కలిసి దాడులకు తెగబడ్డారు తిరస్కరించిన నామినేషన్లను పునఃపరిశీలించాలి దౌర్జన్యాలపై విచారణ జరిపి చర్యలు తీసుకోవాలి రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి డిమాండ్‌ పోలింగ్‌, కౌంటింగ్‌లో ఈ పరిస్థితి వద్దు.. వంద హింసాత్మక ఘటనలు.. శాంతిభద్రతల విషయంలో చంద్రబాబు ప్రభుత్వం బిహార్‌ను ఎప్పుడో దాటిపోయిందని ప్రకాష్‌రెడ్డి విమర్శించారు. రాబోయే రోజుల్లో పోలింగ్‌, కౌంటింగ్‌ కేంద్రాల్లోనూ ఇదే తరహా దౌర్జన్యాలు జరిగితే చూస్తూ ఊరుకోబోమని హెచ్చరించారు. ఎన్నికల నియమావళికి విరుద్ధంగా వ్యవహరించిన అధికారులు, పోలీసులపై విచారణ జరిపి చర్యలు తీసుకోవాలని డిమాండ్‌ చేశారు. రాప్తాడు నియోజకవర్గ చరిత్రలో ఎన్నడూ లేనివిధంగా నామినేషన్ల సమయంలో హింస, దౌర్జన్యాలు చోటుచేసుకున్నాయని, ప్రజలు ఈ పరిణామాలను గమనిస్తున్నారని పేర్కొన్నారు. సమావేశంలో వైఎస్సార్‌సీపీ నాయకులు బండి పవన్‌కుమార్‌, సత్తిరెడ్డి, రామాంజనేయులు, బోనగిరి వరప్రసాద్‌రెడ్డి, లోకనాథరెడ్డి, ఈశ్వరయ్య, పాపంపేట ప్రసాద్‌రెడ్డి, భానుకోట శివ తదితరులు పాల్గొన్నారు. టీడీపీ గూండాలు, రౌడీలు వంద హింసాత్మక ఘటనలకు పాల్పడ్డారని ప్రకాష్‌రెడ్డి పేర్కొన్నారు. అనంతపురం రూరల్‌ మండలం కొడిమికి చెందిన రాముడి తలపై బండరాయితో మోదడంతో తీవ్రంగా గాయపడ్డారన్నారు. ఎంపీపీ అభ్యర్థి వరప్రసాద్‌రెడ్డిపై దాడి చేశారని, మహిళల చీరలు లాగుతూ దౌర్జన్యాలకు పాల్పడ్డారని తెలిపారు. ఆత్మకూరు మండలంలో టీడీపీ గూండాలకు టెంట్లు వేసి భోజన వసతి కల్పించారని విమర్శించారు. రాప్తాడులో రెండో రోజు తమ పార్టీ శ్రేణులు తిరగబడటంతో టీడీపీ గూండాలు పారిపోయారని చెప్పారు. 20కి పైగా నామినేషన్లు తిరస్కరించారు.. రౌడీలకు మండలాలు పంచి.. దాడులు

ప్రశాంతి నిలయం: స్వాతంత్య్ర స్పూర్తి, ఆత్మ పరివర్తన, విలువల ఆధారిత విద్య అంశాలతో ప్రశాంతి నిలయంలో రెండు రోజుల పాటు నిర్వహించిన సత్యసాయి పాఠశాలల 8వ జాతీయ సదస్సు ఆదివారం ముగింది. సాంస్కృతిక ప్రదర్శనలు బాలల హృదయాల్లో స్వరాజ్య స్ఫూర్తిని నింపాయి. సదస్సులో భాగంగా ఉత్తమ పనితీరు, నిబద్ధత కనబరచిన ఉపాధ్యాయులకు ఇచ్చే విశిష్ట గురుజన సమ్మాన్‌ పురస్కారాలను ఇండోర్‌కు చెందిన ఎస్‌.కె.సచ్దేవా, చైన్నెకి చెందిన కళ్యాణి సుందరరాజన్‌లకు సత్యసాయి సెంట్రల్‌ ట్రస్ట్‌ మేనేజింగ్‌ ట్రస్టీ ఆర్‌జే రత్నాకర్‌ చేతుల మీదుగా అందజేశారు. విద్య జ్ఞానాన్ని అందించే ప్రక్రియగానే కాకుండా మనిషిలో మానవత్వాన్ని వికసింపజేసే పరివర్తనా ప్రయాణంగా మారాలని వక్తలు సందేశాన్నిచ్చారు. అనంతరం భారతీయ స్వాతంత్య్ర సంగ్రామాన్ని, దేశ ఔన్నత్యాన్ని చాటేలా సత్యసాయి విద్యావిహార్‌ విశాఖ పట్నం విద్యార్థులు ‘స్వరాజ్‌ ఆఫ్‌ దిసోల్‌’, సత్యసాయి జ్ఞానపీఠ భద్రావతి విద్యార్థులు ‘ట్రూ ఫ్రీడమ్‌’ నాటికలను ప్రదర్శించారు. ప్రశాంతి నిలయంలో ముగిసిన సత్యసాయి పాఠశాలల జాతీయ సదస్సు

రాయదుర్గంటౌన్‌: మున్సిపల్‌ ఎన్నికల్లో ఆసక్తికర పరిణామం చోటుచేసుకుంది. ఎన్నికల బరిలో భార్యాభర్తలు నిలవడంతో ఈ దంపతుల పోటీ ప్రత్యేక ఆకర్షణగా నిలుస్తోంది. వైఎస్సార్‌సీపీ తరఫున మాజీ కౌన్సిలర్‌ లుబ్న గజాల 31వ వార్డు అభ్యర్థిగా పోటీ చేస్తుండగా, ఆమె భర్త గోనబావి నిజాముద్దీన్‌ సైతం మరో వార్డు 34 నుంచి బరిలో ఉన్నారు. 2021లో జరిగిన మున్సిపల్‌ ఎన్నికల్లో లుబ్న గజాల వైఎస్సార్‌సీపీ కౌన్సిలర్‌గా విజయం సాధించి కౌన్సిలర్‌గా వార్డు ప్రజలకు సేవలందించారు. ప్రస్తుతం జరుగుతున్న మున్సిపల్‌ ఎన్నికల్లోనూ ఆమె మరోసారి ప్రజల తీర్పును కోరుతుండగా వైఎస్సార్‌సీపీ వార్డు ఇన్‌చార్జ్‌గా ఉన్న ఆమె భర్త నిజాముద్దీన్‌ 34వ వార్డు కౌన్సిలర్‌ అభ్యర్థిగా బరిలో నిలిచి అదృష్టాన్ని పరీక్షించుకుంటున్నారు. ఒకే కుటుంబలో ముగ్గురు కౌన్సిలర్లు.. నిజాముద్దీన్‌ కుటుంబానికి రాజకీయంగా ప్రత్యేకత ఉంది. ఒకే కుటుంబంలో ముగ్గురు కౌన్సిలర్లుగా సేవలందించారు. 2000–05లో నిజాముద్దీన్‌ తల్లి జెహరాబీ కౌన్సిలర్‌గా పనిచేయగా 2014–19లో జెహరాబీ భర్త, నిజాముద్దీన్‌ తండ్రి గోనబావి సర్మాస్‌ వైఎస్సార్‌సీపీ కౌన్సిలర్‌గా గెలుపొంది సేవలందించారు. 2021 మున్సిపల్‌ ఎన్నికల్లో ఇంటి కోడలు, నిజాముద్దీన్‌ భార్య వైఎస్సార్‌సీపీ కౌన్సిలర్‌గా గెలుపొంది ప్రజలకు సేవలందించడం విశేషం.

యల్లనూరు: తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని ఆదివారం రాత్రి తిమ్మంపల్లిలోని నివాసంలో పుట్లూరు సీఐ వంశీ కృష్ణ, ఎస్‌ఐలు రామాంజనేయరెడ్డి, ధరణిబాబు అరెస్ట్‌ చేసి అనంతపురం తరలించారు. ఇటీవల జరిగిన ఎంపీటీసీ నామినేషన్ల ప్రక్రియలో తిమ్మంపల్లి వైఎస్సార్‌సీపీ ఎంపీటీసీ అభ్యర్థి మిద్దె మనీష నామినేషన్‌ను టీడీపీ నాయకులు అడ్డుకున్నారు. టీడీపీ నేతల ఒత్తిడితో తిమ్మంపల్లి వైఎస్సార్‌సీపీ అభ్యర్థిని మనీషను సాయంత్రం 5 గంటల వరకూ పోలీస్‌స్టేషన్‌లో పోలీసులు నిర్భంధించారు. ఈ క్రమంలో ఆదివారం పెద్దారెడ్డి వైఎస్సార్‌సీపీ నాయకులతో సమావేశమై పలు విషయాలపై చర్చించారు. ఈ తరుణంలో అక్రమ కేసులు బనాయించి ఆయనను అరెస్ట్‌ చేశారు. అనంతరం ఆయనను అనంతపురంలోని ఇంటికి తరలించారు. కాగా అంతకుముందు ఉదయం తిమ్మంపల్లి నుంచి తాడిపత్రికి వెళ్లకుండా పోలీసులు మాజీ ఎమ్మెల్యే కేతిరెడ్డి పెద్దారెడ్డిని అడ్డుకున్నారు. తాడిపత్రిలో గొడవల కారణంగా తిమ్మంపల్లిలోనే ఉండాలని సూచించారు. వైభవంగా గిరి రఽథోత్సవం పుట్టపర్తిటౌన్‌: పౌర్ణమిని పురస్కరించుకుని ఆదివారం పుట్టపర్తి పట్టణంలో సత్యసాయి గిరి రథోత్సవం వైభవంగా నిర్వహించారు. ముందుగా ప్రశాంతి నిలయం ముఖద్వారం వద్ద అందంగా అలకరించిన రథంలో సత్యసాయి చిత్రపటాన్ని ఉంచి ప్రత్యేక పూజలు చేశారు. అనంతరం రథాన్ని విద్యాగిరి, గోకులం, ఎనుములపల్లి, గణేష్‌ కూడలి,ె పెట్రోల్‌ బంక్‌, చింత తోపులు, శివాలయం వీధి, గోవిందయ్యపేట, పెద్దబజార్‌ మీదుగా ఊరేగించి, తిరిగి ప్రశాంతి నిలయానికి చేర్చారు. మహా మంగళ హారతులతో రథోత్సవం ముగించారు. కార్యక్రమంలో దేశ, విదేశీ భక్తులు పాల్గొన్నారు. వ్యక్తి ఆత్మహత్య ● ఘటనకు ముందు ఇంటికి ఫోన్‌ చేసి మరీ అఘాయిత్యం గాండ్లపెంట: మండలంలోని కటారుపల్లి పంచాయతీ గొల్లపల్లి దళితవాడకు చెందిన గజ్జి రామచంద్ర (43) తన వ్యవసాయబోరు వద్ద ఆదివారం రాత్రి ఉరేసుకుని ఆత్మహత్యకు పాల్పడ్డాడు. వివరాలు.. సాయంత్రం ఆయన రాగిమాను కుంట సమీపంలో ఉన్న వ్యవసాయబావి వద్దకు వెవెళ్లి ఇంటికి ఫోన్‌ చేసి ఉరి వేసుకుంటున్నానని చెప్పాడు. బంధువులు వ్యవసాయ బావి వద్దకు వెళ్లి కొన ఊపిరితో ఉన్న ఆయన ఆసుపత్రికి తీసుకెళ్లారు. వైద్యులు పరీక్షించి అప్పటికే చనిపోయాడని తెలిపారు. మృతుడికి భార్య సరోజమ్మ, ఒక కుమారుడు, కుమార్తె ఉన్నారు. పూర్తి వివరాలు పోలీసుల దర్యాప్తులో తెలియాల్సి ఉంది. దానిమ్మ కాయల దొంగలను పట్టుకున్న రైతులు మడకశిరరూరల్‌: మండలంలో నెల రోజుల నుంచి రాత్రి సమయంలో అయ్యవారిపల్లి, బుళ్లసముద్రం, ఈచిరెడ్డి తదితర గ్రామాల్లోని దానిమ్మ తోటల్లోకి ఇతర ప్రాంతాలకు చెందిన వ్యక్తులు వెళ్లి దానిమ్మ కాయలను దొంగిలించికెళుతున్నారు. నిఘా పెట్టిన రైతులు ఆదివారం రాత్రి అయ్యవారిపల్లి వద్ద దొంగలను పట్టుకున్నారు. దానిమ్మ రైతు జయపాల్‌ తెలిపిన వివరాల మేరకు.. ఇతర ప్రాంతాలకు చెందిన ముఠాసభ్యులు రాత్రి సమయంలో తోటలోకి చొరబడి దానిమ్మ కాయలను దొంగిలించికెళుతున్నారన్నారు. ఆదివారం రాత్రి తోటలో కాయలు దొంగిలిస్తుండగా కారులో తోట వద్దకు వెళ్లగా బస్తాలు పడి వేసి పరుగులు తీశారన్నారు. రైతులు అప్రమత్తమై దొంగలను పట్టుకుని పోలీసులకు అప్పగించారు. బట్టుబడిన వారిని పోలీసులు విచారిస్తున్నట్లు సమాచారం. ‘ఆపస్‌’ నూతన కార్యవర్గం అనంతపురం ఎడ్యుకేషన్‌: ఆంధ్రప్రదేశ్‌ ఉపాధ్యాయ సంఘం అనంతపురం జిల్లా నూతన కార్యవర్గాన్ని ఏకగ్రీవంగా ఎన్నుకున్నారు. అధ్యక్షురాలిగా కళ్యాణి, ప్రధాన కార్యదర్శిగా వై.రామన్న, గౌరవాధ్యక్షుడిగా టి.నారాయణస్వామి, జిల్లా సహాధ్యక్షుడిగా పి.శివప్రసాద్‌నాయుడు ఎన్నికయ్యారు. ఈ మేరకు ఆదివారం నగరంలో సమావేశం ఏర్పాటు చేశారు. ఈ సందర్భంగా అధ్యక్షురాలు, ప్రధాన కార్యదర్శి మాట్లాడుతూ ఉపాధ్యాయ సమస్యల పరిష్కారం కోసం నిరంతరం పోరాడుతామన్నారు.

విడపనకల్లు: మండల కేంద్రంలోని ఎంపీడీఓ కార్యాలయానికి ఆదివారం అధికారులు తాళం వేశారు. ప్రాదేశిక ఎన్నికల నిబంధనల ప్రకారం ఆదివారం కూడా ఎన్నికల అధికారులు కార్యాలయం తెరిచే ఉంచాలి. అయితే అధికారులు ఎన్నికల నిబంధనలకు విరుద్దంగా కార్యాలయానికి తాళం వేయడంతో పలు పార్టీలకు చెందిన ఎంపీటీసీ అభ్యర్థులు విత్‌ డ్రా చేసుకోవడానికి గంటల తరబడి కార్యాలయం వద్ద వేచి చూసినా .. అధికారులు రెండు గంటలైనా రాకపోవడంతో అభ్యర్థులు వెనుతిరిగారు. ఎన్నికల నిబంధనలు పాటించని ఆర్‌ఓ నరసారెడ్డిపై అభ్యర్థులు తీవ్ర అసహనం వ్యక్తం చేశారు. నిబంధనలు పాటించని ఏఆర్వో, మిగతా అధికారులపై కలెక్టర్‌ చర్యలు తీసుకోవాలని నామినేషన్‌ వేసిన ఎంపీటీసీ అభ్యర్థులు డిమాండ్‌ చేశారు.

సాక్షి నెట్‌వర్క్‌ : స్థానిక సంస్థల ఎన్నికల్లో టీడీపీ కుట్ర రాజకీయాలకు తెర తీసింది. వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్న ‘పచ్చ’ పార్టీ నేతలు...కోర్టులను సైతం తప్పుదోవ పట్టించే ఉద్దేశంతో ‘నకిలీ’ల వ్యవహారానికి తెరలేపారు. ఈ క్రమంలో టీడీపీ కార్యకర్తలతో వైఎస్సార్‌సీపీ తరఫున నామినేషన్లు దాఖలు చేయించారు. తర్వాత వాటిని ఇన్‌వ్యాలిడ్‌ చేయించి.. ఆయా స్థానాలను ఏకగ్రీవం చేసుకునే దిశగా ప్రణాళిక అమలు చేస్తున్నారు. వారి కుట్రలు, కుతంత్రాలు, అక్రమాలను చూసి ప్రజలు, ప్రజాస్వామ్యవాదులు విస్తుపోతున్నారు. ఉమ్మడి అనంతపురం జిల్లా వ్యాప్తంగా చాలాచోట్ల ‘నకిలీ’ అభ్యర్థుల వ్యవహారం వెలుగు చూసింది. తప్పుడు నామినేషన్‌లు వేశారు. బత్తలపల్లి మండలం డి.చెర్లోపల్లి ఎంపీటీసీ స్థానానికి దరూరి వెంకటనారాయణ, మాల్యవంతం ఎంపీటీసీ స్థానానికి రాజశేఖర్‌రెడ్డి, సంజీవపురం ఎంపీటీసీ స్థానానికి యర్రాయపల్లికి చెందిన చిలమకూరి ప్రసాద్‌ (టీడీపీ బీఎల్‌ఏ) వైఎస్సార్‌సీపీ తరఫున నామినేషన్లు దాఖలు చేశారు. వాస్తవానికి వీరు ముగ్గురూ గ్రామస్థాయిలో టీడీపీ నాయకులుగా చెలామణి అవుతున్నారు. ఆ పార్టీ ధర్మవరం నియోజకవర్గ ఇన్‌చార్జ్‌ పరిటాల శ్రీరామ్‌, ఇతర కీలక నేతలతో కలసి తిరిగిన ఫొటోలు కూడా సామాజిక మధ్యమాల్లో వైరల్‌ అవుతున్నాయి. కానీ వైఎస్సార్‌సీపీ అభ్యర్థులమంటూ నామినేషన్‌ వేసి టీడీపీ ‘నకిలీ’ రాజకీయానికి బాసటగా నిలిచారు. ఎంపీటీసీ నామినేషన్ల సందర్భంగా మూడు రోజులూ మండల కేంద్రం బత్తలపల్లిలో ‘పచ్చ’ మూకలు రౌడీయిజం చెలాయించాయి. వైఎస్సార్‌ సీపీ అభ్యర్థులు నామినేషన్లు వేయకుండా అడ్డుకున్నారు. ఈ విషయం జగమెరిగిన సత్యమే. ఇదే క్రమంలో టీడీపీ నేతలు సరికొత్త డ్రామాకు తెరలేపారు. వైఎస్సార్‌సీపీ అభ్యర్థుల పేరుతో టీడీపీ వారే నకిలీ నామినేషన్లు వేశారు. దీంతో ఎన్నికల అధికారులు మండలంలోని అన్ని స్థానాలకు వైఎస్సార్‌సీపీ అభ్యర్థులు నామినేషన్లు దాఖలు చేశారంటూ ఉన్నతాధికారులకు నివేదికలు పంపారు. టీడీపీ నాయకులు నకిలీ నామినేషన్లకు శ్రీకారం చుట్టడం, వారికి ఎన్నికల అధికారులు సహకరించడం ద్వారా ప్రజాస్వామ్య వ్యవస్థను అపహాస్యం చేశారని ప్రజలు మండిపడుతున్నారు. రాప్తాడు నియోజకవర్గం రామగిరి మండలంలో టీడీపీ ఎమ్మెల్యే పరిటాల సునీత వర్గీయులు వైఎస్సార్‌సీపీ తరఫున ఫేక్‌ నామినేషన్లు వేశారు. ఎంపీటీసీ నామినేషన్ల స్వీకరణ సందర్భంగా టీడీపీ నాయకులు భయానక వాతావరణం సృష్టించారు. దీంతో ప్రతిపక్ష వైఎస్సార్‌సీపీ అభ్యర్థులు మొదటి రెండు రోజులు మండలంలోని 10 ఎంపీటీసీ స్థానాల్లో ఒక్క దానికి కూడా నామినేషన్‌ వేయలేదు. అయితే మూడవ రోజు పోలీసుల బందోబస్తుతో వెళ్లి ఆరు స్థానాలకు వైఎస్సార్‌సీపీ అభ్యర్థులు నామినేషన్లు వేశారు. కానీ రామగిరి, పోలేపల్లి, మాదాపురం, నసనకోట స్థానాలకు నామినేషన్లు వేయలేకపోయారు. అయితే నామినేషన్ల పరిశీలనలో మాత్రం ఈ నాలుగు స్థానాలకు కూడా వైఎస్సార్‌సీపీ అభ్యర్థులు నామినేషన్లు వేసినట్లు ఎన్నికల అధికారులు చూపించి.. వాటిలో కొన్నింటిని తిరస్కరించినట్లు ప్రకటించారు. టీడీపీ వారే తమ పార్టీ పేరుతో ఫేక్‌ నామినేషన్లు వేయించారని వైఎస్సార్‌సీపీ నాయకులు ఆరోపిస్తున్నారు. వీటిని ఎన్నికల అధికారులు కూడా గుర్తించకుండా వాటికి పార్టీ గుర్తులు కూడా కేటాయించడంపై పలు అనుమానాలకు తావిస్తోందని తెలిపారు. వైఎస్సార్‌సీపీ పేరుతో ‘పచ్చ’ కార్యకర్తల నామినేషన్‌ తర్వాత ఇన్‌వ్యాలిడ్‌ అయ్యేలా ప్రణాళిక అమలు టీడీపీ నేతల తీరుపై ప్రజల మండిపాటు రామగిరిలోనూ అదే తీరు..బత్తలపల్లి మండలంలో..

సమస్యలు పరిష్కరించకుండా..హిందూపురం టౌన్‌: ‘మా సమస్యలు ఏం పరిష్కరించారు.. వార్డులో ఏం అభివృద్ధి చేశారని ఓట్లు అడిగేందుకు వస్తున్నారు. ఎన్నిసార్లు ఫోన్లు చేసినా స్పందించలేదు. రోడ్లు సరిగా లేవు. నీళ్లు ఎక్కడి పడితే అక్కడ నిలబడుతున్నాయి.. కాలువలు లేవు.. లైట్లు వెలగడం లేదు.. ఇంకా ఎన్నేళ్లు ఇలాగే ఉండాలి మేము.. హామీలు ఇచ్చిందే తప్ప తీర్చింది ఏమీ లేదు.. ఇప్పుడు మళ్లీ ఎలా ఓట్లు అడిగేందుకు వస్తున్నారు’ అంటూ హిందూపురంలో టీడీపీ నేతలను ప్రజలు నిలదీశారు. పట్టణంలోని 30వ వార్డు చాకలికుంట, ఇందినగర్‌ ప్రాంతాల్లో ప్రచారానికి వెళ్లిన టీడీపీ అభ్యర్థి, నేతలపై ప్రజలు ఆగ్రహం వ్యక్తం చేశారు. వేడెక్కిన రాజకీయ వాతావరణం జిల్లాలో మున్సిపల్‌ ఎన్నికల వేళ రాజకీయ వాతావరణం వేడెక్కుతోంది. ఓట్లు అభ్యర్థించేందుకు వార్డుల్లోకి వెళ్తున్న టీడీపీ కౌన్సిలర్‌ అభ్యర్థులు, నాయకులకు ప్రజల నుంచి నిలదీతలు ఎదురవుతున్నాయి. ఏళ్లుగా తమ వార్డుల్లో కనీస మౌలిక సదుపాయాలు కల్పించలేదని, ఇప్పుడు ఎన్నికలు రావడంతో ఓట్లు అడిగేందుకు ఎలా వస్తున్నారంటూ స్థానికులు మండిపడున్నారు. హిందూపురం, ధర్మవరం ప్రాంతాల్లో ఇలాంటి ఘటనలు వీడియోల ద్వారా బయటపడగా, మిగతా మున్సిపాలిటీల్లోనూ టీడీపీ నేతలకు ప్రజల నుంచి ప్రశ్నలు ఎదురవుతున్నాయి. స్థానిక సమస్యలపై టీడీపీ అభ్యర్థులు, నేతలపై ప్రజలు అసంతృప్తి వ్యక్తం చేస్తుండడంపై రాజకీయ వర్గాల్లో చర్చ సాగుతోంది. ఏం అభివృద్ధి చేశారో చెప్పండి? ఎన్నికల సమయంలో అభ్యర్థులు ఇంటింటికీ వెళ్లి ఓట్లు అభ్యర్థించడం సాధారణమే. అయితే ఈసారి కొన్ని వార్డుల్లో మాత్రం టీడీపీ అభ్యర్థులకు ప్రజల నుంచి ప్రశ్నలు ఉత్పన్నమవుతున్నాయి. తమ ప్రాంతాల్లో రోడ్లు సరిగా లేవని, డ్రైనేజీ వ్యవస్థ అస్తవ్యస్తంగా ఉందని, వర్షం పడితే నీరు నిలిచి రాకపోకలకు తీవ్ర ఇబ్బందులు ఎదురవుతున్నాయని స్థానికులు ఆవేదన వ్యక్తం చేస్తున్నారు. కూటమి పాలనలో తమ వార్డుల్లో ఎలాంటి సమస్యలు తీరలేదని ప్రజలు వాపోతున్నారు. సమస్యలను పరిష్కరించకుండా ఇప్పుడు ఓట్లు అడిగేందుకు రావడంపై అసహనం వ్యక్తం చేస్తున్నారు. అభివృద్ధి పనులపై స్పష్టమైన సమాధానం చెప్పాలని కొందరు అభ్యర్థులను నిలదీస్తున్నారు. సంక్షేమ పథకాలపైనా... ఓ వైపు మౌలిక సదుపాయాలు, అభివృద్ధిపై ప్రశ్నలు, నిలదీతలు ఎదురవుతుండగా మరోవైపు అర్హత ఉన్నప్పటికీ తమకు సంక్షేమ పథకాలు అందడం లేదని కొందరు ప్రజలు అభ్యర్థులపై ఆగ్రహం వ్యక్తం చేస్తున్నారు. అర్హతలు ఉన్నా.. నేతన్ననేస్తం పథకం ఇవ్వలేదని ప్రజలు టీడీపీ అభ్యర్థితో పాటు నేతలను నిలదీస్తున్నారు. ప్రజల నిలదీతలతో అధికార పక్ష అభ్యర్థులు ప్రచారానికి వెళ్లాలంటేనే ఆందోళన చెందుతున్నారు. మున్సిపల్‌ ఎన్నికల వేళ టీడీపీ అభ్యర్థులకు ప్రజల నుంచి సెగ వార్డుల్లోకి వస్తున్న నేతలను సమస్యలపై ప్రశ్నిస్తున్న వైనం అభివృద్ధి చేయకుండా ఇప్పుడు ఓట్లు ఎలా అడుగుతారని నిలదీత

పుట్టపర్తి అర్బన్‌: జిల్లా వ్యాప్తంగా వర్షం కురిసింది. శనివారం రాత్రి నుంచి ఆదివారం వరకూ జిల్లాలోని 30 మండలాల్లో 582 మి.మీ వర్షపాతం నమోదైనట్లు వాతావరణశాఖ అధికారులు పేర్కొన్నారు. గోరంట్ల మండలంలో అత్యధికంగా 56.2 మి.మీ వర్షపాతం నమోదైంది. తనకల్లులో 51.6 మి.మీ, చిలమత్తూరు 48.2, అమడగూరు 41.2, ఎన్‌పీ కుంట 32.4, నల్లచెరువు 31.4, పుట్టపర్తి 30.4, రామగిరి 26.2, కదిరి 24.4, నల్లమాడ 22.8, ఓడీచెరువు 22.4 మి.మీ వర్షం కురిసింది. అలాగే గాండ్లపెంటలో 21.2 మి.మీ, తలుపుల 18.4, పరిగి 17.6, బుక్కపట్నం 15.4, ధర్మవరం 15.2, హిందూపురం 14.6, బత్తలపల్లి 13.4, అగళి 11.6, మడకశిర 9.2, లేపాక్షి 9, ముదిగుబ్బ 8.6, రొద్దం 8.2, సీకేపల్లి 7.8, రొళ్ల 7, కొత్తచెరువు 6.2, పెనుకొండ 3.4, కనగానపల్లి 3.2, సోమందేపల్లి 2.6, తాడిమర్రి 2.2 మి .మీ వర్షపాతం నమోదైంది. ప్రజా సమస్యల పరిష్కార వేదిక రద్దు ప్రశాంతి నిలయం: స్థానిక సంస్థల ఎన్నికలు, మహర్నవమి పండుగ సందర్భంగా ప్రభుత్వం సెలవు ప్రకటించిందని, అందువల్ల రెవెన్యూ భవన్‌లో సోమవారం జరగాల్సిన పీజీఆర్‌ఎస్‌ కార్యక్రమాన్ని రద్దు చేసినట్లు కలెక్టర్‌ ఏ.శ్యాంప్రసాద్‌ ఒక ప్రకటనలో తెలిపారు. ప్రజలు ఈ విషయాన్ని గమనించాలని సూచించారు. పుట్టపర్తి టౌన్‌: స్థానిక సంస్థల ఎన్నికలు ముగిసేంత వరకు పోలీస్‌ కార్యాలయంలో ప్రతి సోమవారం నిర్వహిస్తున్న ప్రజా సమస్యల పరిష్కార వేదిక కార్యక్రమం రద్దు చేస్తున్నట్లు ఎస్పీ సతీష్‌కుమార్‌ తెలిపారు. ఈమేరకు ఆదివారం ఆయన ఒక ప్రకటన విడుదల చేశారు. పట్టణ, పల్లెల్లో నిర్వహిస్తున్న స్థానిక ఎన్నికల నేపథ్యంలో ఈ నిర్ణయం తీసుకున్నట్లు పేర్కొన్నారు. ఈ విషయాన్ని జిల్లా ప్రజలు గమనించాలని కోరారు. ప్రిన్సిపాల్‌పై విచారణకు ఆదేశం కళ్యాణదుర్గం: కళ్యాణదుర్గం గిరిజన గురుకుల పాఠశాల ప్రిన్సిపాల్‌ ఎం.ప్రవీణ్‌ కుమార్‌పై వచ్చిన ఆరోపణలపై జిల్లా గిరిజన సంక్షేమ అధికారి శ్రీనివాసరావు స్పందించారు. ఆదివారం ఆయన ఘటనపై సమగ్ర విచారణకు ఆదేశించారు. పాఠశాలలో జరిగిన ఘటన సోషల్‌ మీడియాతో పాటు పలు పత్రికల్లో కథనాలు రావడంతో కలెక్టర్‌.. చర్యల నిమిత్తం గురుకుల పాఠశాల కార్యదర్శికి నివేదికలు పంపినట్లు డీటీడబ్ల్యూఓ తెలిపారు. ఘటనను కలెక్టర్‌ ఓ.ఆనంద్‌ సీరియస్‌గా తీసుకున్నట్లు సమాచారం. అసిస్టెంట్‌ కుక్‌తో మసాజ్‌ చేయించుకున్న ప్రిన్సిపాల్‌ను సస్పెండ్‌ చేసేందుకు చర్యలు తీసుకుంటున్నట్లు విశ్వసనీయ సమాచారం.