national

న్యూఢిల్లీ: ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌ను పదవి నుంచి తొలగించాలంటూ కాంగ్రెస్ పార్టీ చేపట్టిన ఆందోళన కార్యక్రమంపై బీజేపీ తీవ్రంగా స్పందించింది. ఆ మాక్‌ పార్లమెంటులో రాహుల్ గాంధీని నకిలీ ప్రధానమంత్రిగా కూర్చోబెట్టండి’ అంటూ బీజేపీ ఎంపీ సంబిత్ పాత్ర ఎద్దేవా చేశారు.నిన్న( శనివారం) ప్రతిపక్ష పార్టీలు నిర్వహించిన మాక్ పార్లమెంట్ సమావేశంలో జ్ఞానేశ్ కుమార్‌పై ప్రజా అభిశంసన ప్రక్రియను ప్రారంభిస్తున్నట్లు కాంగ్రెస్ ప్రకటించింది. దేశంలో ఇటీవల జరిగిన ఎన్నికలు అక్రమాలకు గురయ్యాయని, బీజేపీ నేతృత్వంలోని ఎన్డీఏ ప్రభుత్వం ప్రజల తీర్పుతో ఏర్పడిన ప్రభుత్వం కాదని కాంగ్రెస్ నేతలు ఆరోపించారు.ఈ పరిణామాలపై బీజేపీ ఎంపీ సంబిత్ పాత్ర తీవ్రంగా స్పందించారు. కాంగ్రెస్ పార్టీ ఎన్నికల్లో బీజేపీని ఓడించలేక, ఆందోళనల ద్వారా ప్రభుత్వాన్ని కూల్చేందుకు ప్రయత్నిస్తోందని ఆరోపించారు. రాహుల్ గాంధీని ఉద్దేశించి మాట్లాడుతూ.. ‘‘మాక్ పార్లమెంట్‌లో ట్రెజరీ బెంచ్‌పై రాహుల్ గాంధీని కూర్చోబెట్టండి. ఆయన టీషర్ట్‌ను పక్కనపెట్టి కుర్తా పైజామా ధరించాలి. అక్కడ ప్రతిరోజూ భజనలు చేస్తూ, ఆయన్ను ‘ప్రధానమంత్రి.. ప్రధానమంత్రి’ అంటూ పిలవండి. మాక్ పార్లమెంట్‌లో ఆయనను నకిలీ ప్రధానమంత్రిగా చేసుకోండి’’ అని వ్యంగ్యంగా వ్యాఖ్యానించారు.అయితే కాంగ్రెస్ అసలు లక్ష్యం ఎన్నికల సంస్కరణలు కాదని, అధికార మార్పిడేనని సంబిత్ పాత్ర ఆరోపించారు. ‘‘రాహుల్ గాంధీ అయినా, ఆయన అనుచరులైనా వారి ఉద్దేశం ఒక్కటే. SIRపై పోరాటం చేయడం కాదు, విద్యార్థుల భవిష్యత్తు గురించి ఆలోచించడం కాదు. ఎన్నికల్లో ప్రజలు పదేపదే తిరస్కరించినప్పటికీ, ఎన్నికలను ఎదుర్కోకుండా అధికారాన్ని చేజిక్కించుకోవడం, ప్రభుత్వాన్ని మార్చడం వారి లక్ష్యం’’ అని విమర్శించారు.ప్రత్యేక ఓటర్ల జాబితా సవరణ (SIR) ప్రక్రియలో అక్రమాలు జరిగాయని కాంగ్రెస్ ఆరోపిస్తోంది. ఈ వ్యవహారంలో ఎన్నికల సంఘం పక్షపాతంగా వ్యవహరిస్తోందని, ముఖ్యంగా సీఈసీ జ్ఞానేశ్ కుమార్ పాత్రపై అనుమానాలు ఉన్నాయని పేర్కొంటోంది. SIRకు సంబంధించిన పలు నిర్ణయాలు మిగిలిన ఇద్దరు ఎన్నికల కమిషనర్లకు తెలియకుండా తీసుకున్నారంటూ ఓ పత్రికలో వచ్చిన కథనాన్ని కూడా కాంగ్రెస్ ప్రస్తావిస్తోంది. ఈ నేపథ్యంలోనే జ్ఞానేశ్ కుమార్‌ను పదవి నుంచి తొలగించాలని డిమాండ్ చేస్తోంది.ఈ ఆందోళనల్లో పాల్గొన్న విద్యార్థి సంఘం AISA నాయకురాలు నేహా బోరాపైనా సంబిత్ పాత్ర విమర్శలు చేశారు. బంగ్లాదేశ్‌లో 2024లో జరిగిన విద్యార్థి ఉద్యమం, షేక్ హసీనా ప్రభుత్వం పతనమైన పరిణామాలను ప్రస్తావిస్తూ.. భారత్‌లోనూ నేపాల్, బంగ్లాదేశ్ తరహా పరిస్థితులను సృష్టించేందుకు ప్రయత్నాలు జరుగుతున్నాయని ఆరోపించారు.అంతేకాకుండా, గతంలో సర్జికల్ స్ట్రైక్స్ సహా పలు సందర్భాల్లో భారత పోలీసు వ్యవస్థ, సాయుధ దళాలపై ప్రతిపక్ష నేతలు విమర్శలు చేశారని సంబిత్ పాత్ర అన్నారు. ‘‘భారత్‌లో పాకిస్థాన్ తరహా పరిస్థితులు కావాలనుకుంటున్నారా? భారత సైన్యం, పోలీసులు ప్రభుత్వంపై తిరుగుబాటు చేస్తారని భావిస్తే మీరు భ్రమల్లో ఉన్నట్లే. భారత్ ఏదో అరటి రిపబ్లిక్ కాదు’’ అని ఘాటుగా వ్యాఖ్యానించారు.

ఉత్తరాఖండ్‌లో ఘోర హెలికాప్టర్ ప్రమాదం చోటు చేసుకున్న సంగతి తెలిసిందే ఈ ప్రమాదంలో హెలికాప్టర్‌లో ప్రయాణిస్తున్న ఐదుగురు ప్రయాణికులతో పాటు పైలట్ కూడా ప్రాణాలు కోల్పోయారు. అయితే ప్రమాదం జరగడానికి ముందు టేకాఫ్‌ అయ్యే ముందు అందులోని ప్రయాణికుడు తీసుకున్న వీడియో ఇప్పుడు వైరల్‌గా మారింది. హెలికాప్టర్ టేకాఫ్‌కు సిద్ధమవుతున్న సమయంలో ఆ ప్రయాణికుడు చిరునవ్వుతో వీడియో రికార్డ్ చేశారు. అయితే, ఆ ప్రయాణమే ఆయనకు చివరి ప్రయాణంగా మారడం విషాదాన్ని నింపింది.టేకాఫ్‌కు ముందు సెల్ఫీ వీడియోమృతుల్లో ఒకరైన 41 ఏళ్ల ప్రతాప్ బచిహళ్లి నింగరాజు ఈ సెల్ఫీ వీడియోను రికార్డ్ చేశారు. బద్రీనాథ్ హెలిప్యాడ్ నుంచి డెహ్రాడూన్‌కు వెళ్లేందుకు హెలికాప్టర్ సిద్ధమవుతున్న సమయంలో ఆయన ఈ వీడియో తీశారు. వీడియోలో నింగరాజు చిరునవ్వుతో కనిపిస్తున్నారు. ఈ వీడియో హెలికాప్టర్ ప్రమాదం జరిగిన కొన్ని గంటల తర్వాత బయటకు వచ్చింది.ఈ ప్రమాదంలో ఐదుగురు ప్రయాణికులతో పాటు హెలికాప్టర్ పైలట్ హిమాంశు సబర్వాల్ మరణించారు. మృతులను ప్రతాప్ బచిహళ్లి నింగరాజు, అరుణ్ సాలుంఖే, సుధీర్ కె., హెచ్.ఎస్. నటరాజ్, శంకర్‌గౌడ వి.బి.గా గుర్తించారు. వీరంతా కర్ణాటకలోని బెంగళూరుకు చెందినవారు. పైలట్ హిమాంశు సబర్వాల్ ఢిల్లీ నివాసి.ఏం జరిగింది?ఎం/ఎస్ ట్రాన్స్ భారత్ ఏవియేషన్ ప్రైవేట్ లిమిటెడ్ సంస్థ నిర్వహిస్తున్న ఈ హెలికాప్టర్ మధ్యాహ్నం సుమారు 1.14 గంటలకు బద్రీనాథ్ నుంచి బయలుదేరింది. ఆ సమయంలో ప్రాంతంలో మంచు కురుస్తోంది. హెలికాప్టర్ టేకాఫ్ అయిన కొద్దిసేపటికే హాథీ పర్వత్ ప్రాంతం సమీపంలో అధికారులతో సంబంధాలు తెగిపోయాయి.చివరకు మధ్యాహ్నం సుమారు 2.20 గంటల సమయంలో జోషిమఠ్ పరిధిలోని చాయ్ గ్రామం సమీపంలో కొండ వాలుపై హెలికాప్టర్ కూలిపోయినట్లు అధికారులు వెల్లడించారు. ఈ ప్రమాదంలో హెలికాప్టర్ పూర్తిగా ప్రమాదానికి గురై అందులో ఉన్న ఆరుగురూ మరణించారు.దర్యాప్తు ప్రారంభంఈ ఘటనపై ప్రాథమిక అంచనా వేయడానికి భారత విమానయాన నియంత్రణ సంస్థ (డీజీసీఏ) ప్రత్యేక బృందాన్ని డెహ్రాడూన్‌కు పంపించింది. ప్రమాదానికి గల కారణాలను తెలుసుకునేందుకు అధికారులు చర్యలు చేపట్టారు.ఉత్తరాఖండ్ ముఖ్యమంత్రి పుష్కర్ సింగ్ ధామి ఈ ఘటనపై తీవ్ర విచారం వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. ప్రమాదానికి గల కారణాలను పూర్తిస్థాయిలో విచారించాలని సంబంధిత అధికారులను ఆదేశించారు. పదేళ్లలో 12 హెలికాప్టర్ ప్రమాదాలుఉత్తరాఖండ్‌లో తాజాగా జరిగిన ఈ ప్రమాదం గత పదేళ్లలో చోటుచేసుకున్న హెలికాప్టర్ ప్రమాదాల పరంపరలో మరో విషాద ఘటనగా నిలిచింది. 2016 నుంచి 2026 వరకు రాష్ట్రంలో శుక్రవారం జరిగిన ప్రమాదంతో కలిపి మొత్తం 13 హెలికాప్టర్ ప్రమాదాలు చోటుచేసుకున్నాయి. వీటిలో ఆరు ప్రమాదాల్లో కనీసం 27 మంది ప్రాణాలు కోల్పోయారు. మిగిలిన ఏడు ప్రమాదాల్లో ఎలాంటి ప్రాణనష్టం జరగలేదు. తాజాగా జరిగిన ప్రమాదంలో ఆరుగురు మరణించడంతో మరోసారి హెలికాప్టర్ ప్రయాణాల భద్రతపై ఆందోళనలు వ్యక్తమవుతున్నాయి.ఇదీ చదవండి: తుకారం ముండే ఎంట్రీతో

త్వరలో దేశం మెుత్తం దీపావళి సంబురాలు జరుపుకోబోతుంది. దీంతో దేశం మెుత్తం పాల ఉత్పత్తులు, మిఠాయిలు ఇతరాత్రా తీపి పదార్థాలకు డిమాండ్ విపరీతంగా ఉంటుంది. దీనిని ఆసరాగా చేసుకొని బ్లాక్‌ మార్కెట్‌ రెచ్చిపోతుంది. నాసిరకం ఆహర పదార్థాలతో పాటు గడువు ముగిసిన స్వీట్లను అమ్ముతూ వినియోగదారులను ఆరోగ్యంతో చెలగాటం ఆడుతుంది. ఈ నేపథ్యంలో మహారాష్ట్ర ఎఫ్‌డీఏ డైరెక్టర్‌ తుకారం ముండే పలు ప్రాంతాల్లోని ఆహార పదార్థాల గోదాములపై రైడ్‌ నిర్వహించారు.దీపావళి వచ్చిందంటే స్వీట్లు, పాల ఉత్పత్తులు, పండుగకు సంబంధించిన చిరుతిళ్లకు భారీగా డిమాండ్ పెరుగుతుంది. పండుగ సందర్భంగా మిఠాయి దుకాణాలు రకరకాల స్వీట్లతో కళకళలాడుతుంటాయి. అయితే ఈ పండుగ సందడిలో ఆహార పదార్థాల నాణ్యత, భద్రతపై ఇప్పుడు అనేక అనుమానాలు వ్యక్తమవుతున్నాయి. ముఖ్యంగా కల్తీ స్వీట్లు, స్వీట్ల తయారీలో కృత్రిమ రంగుల అధిక వినియోగం, అపరిశుభ్ర వాతావరణంలో ఆహార పదార్థాల తయారీ వంటి అంశాలు వినియోగదారులను ఆందోళనకు గురిచేస్తున్నాయి.ఈ నేపథ్యంలో మహారాష్ట్ర అధికారులు ఆహర పదార్థాలు నిలువ ఉంచే గోదాములపై కీలక తనిఖీలు చేపట్టారు. ఈ వివరాలను మహారాష్ట్ర ఎఫ్‌డీఏ కమిషనర్ తుకారాం ముండే వెల్లడించారు. భివాండి, అంబర్‌నాథ్, పడ్ఘా ప్రాంతాల్లోని పలు గోదాములపై అధికారులు దాడులు నిర్వహించినట్లు తెలిపారు. సుమారు నెలన్నర రోజుల పాటు ఈ గోదాముల కార్యకలాపాలపై అధికారులు నిఘా పెట్టారు. ఈ పరిశీలనలో కొన్ని గోదాముల్లో గడువు ముగిసిన ఆహార పదార్థాలను ధ్వంసం చేసినట్లు అధికారిక రికార్డుల్లో నమోదు చేస్తున్నప్పటికీ, వాస్తవంగా వాటిని రహస్యంగా తిరిగి ప్యాకింగ్ చేసి మార్కెట్లో విక్రయిస్తున్నట్లు గుర్తించారు. .ఈ దాడుల్లో కోట్ల రూపాయల విలువైన పాడైపోయిన ఆహార పదార్థాలను అధికారులు స్వాధీనం చేసుకున్నారు. ఈ అక్రమాలకు పాల్పడినట్లు ఆరోపణలు ఎదుర్కొంటున్న 34 మందిని అరెస్టు చేశారు. గడువు ముగిసిన ఆహార పదార్థాలను ధ్వంసం చేయకుండా తిరిగి విక్రయిస్తున్న వ్యవహారం తీవ్ర ఆందోళన కలిగిస్తోంది.ఈ దాడులతో పాటు మహారాష్ట్ర వ్యాప్తంగా ఉన్న అన్ని వాణిజ్య గోదాములు, కోల్డ్ స్టోరేజ్ కేంద్రాలకు ఎఫ్‌డీఏ కీలక ఆదేశాలు జారీ చేసింది. విక్రయించడానికి ఏమాత్రం పనికిరాని ఆహార పదార్థాలు తిరిగి వినియోగదారుల వద్దకు చేరకుండా చర్యలు తీసుకోవాలని స్పష్టం చేసింది. అలాంటి ఆహార పదార్థాలను తిరిగి ప్యాకింగ్ చేయడం, వాటిని మళ్లీ విక్రయించడం వంటి చర్యలకు ఎట్టి పరిస్థితుల్లోనూ అనుమతి లేదని ఆదేశాల్లో పేర్కొంది. ముదురు రంగుల్లో కనిపించే స్వీట్ల పట్ల అప్రమత్తంగా ఉండాలని అధికారులు సూచించారు.దీపావళి సందర్భంగా స్వీట్ల నాణ్యతపై కూడా ఎఫ్‌డీఏ కమిషనర్ తుకారాం ముండే పలు సూచనలు చేశారు. ముఖ్యంగా స్వీట్లు, పండుగకు సంబంధించిన చిరుతిళ్లపై తయారీ తేదీ, గడువు తేదీ (Expiry Date) తప్పనిసరిగా ఉండాలని స్పష్టం చేశారు. ఈ నిబంధనలను పాటించని వారిపై ఇప్పటికే చర్యలు ప్రారంభించినట్లు వెల్లడించారు.అలాగే స్వీట్ల తయారీలో కృత్రిమ రంగులను అధికంగా వినియోగించడంపై ఆయన ఆందోళన వ్యక్తం చేశారు. ముఖ్యంగా ముదురు రంగుల్లో కనిపించే మోతీచూర్ లడ్డూలను కొనుగోలు చేసే విషయంలో వినియోగదారులు జాగ్రత్తగా ఉండాలని సూచించారు. స్వీట్లకు ఆకర్షణీయమైన రంగులు తీసుకురావడానికి అధిక మోతాదులో కృత్రిమ రంగులు కలపడం ఆరోగ్యానికి హానికరంగా మారే అవకాశం ఉందని హెచ్చరించారు.కొనుగోలుదారులకు జాగ్రత్తలుదీపావళి పండుగ సమయంలో స్వీట్లు, ఇతర ఆహార పదార్థాలను కొనుగోలు చేసేటప్పుడు వినియోగదారులు మరింత అప్రమత్తంగా ఉండాలని అధికారులు సూచిస్తున్నారు. ముఖ్యంగా స్వీట్ల ప్యాకెట్లపై గడువు తేదీని తప్పనిసరిగా పరిశీలించాలి. తయారీ తేదీ, ప్యాకింగ్ వివరాలు సరిగా ఉన్నాయో లేదో చూసుకోవాలి. అసాధారణంగా ముదురు రంగుల్లో కనిపించే స్వీట్లను కొనుగోలు చేయకుండా జాగ్రత్త పడాలని పేర్కొన్నారు.ఇదీ చదవండి: రైతులకు డబ్బులొచ్చాయి

కోల్‌కతా: పశ్చిమ బెంగాల్ మాజీ పర్యాటక, సాంస్కృతిక శాఖ మంత్రి, తృణమూల్ కాంగ్రెస్ నేత ఇంద్రనీల్ సేన్‌ను ఎన్‌ఫోర్స్‌మెంట్ డైరెక్టరేట్ (ఈడీ) పోలీసులు అరెస్ట్ చేశారు. దుర్గాపూజా ప్రివ్యూ షోలు, ప్రత్యేక ప్రవేశ పాస్‌ల విక్రయాల ‍వ్యవహారంలో అవినీతి ఆరోపణలు ఎదుర్కొంటున్న ఆయనను పోలీసులు అదుపులోకి తీసుకున్నారు. ఈ అక్రమ ఆరోపణల కేసులో రూ.50–60 కోట్ల మేర అవినీతి జరిగినట్లు సమాచారం.బుధవారం మధ్యాహ్నం సాల్ట్‌లేక్‌లోని సీజీఓ కాంప్లెక్స్‌లో ఉన్న ఈడీ కార్యాలయంలో అధికారులు సేన్‌ను కనీసం నాలుగు గంటలపాటు విచారించారు. అనంతరం కోల్‌కతా పోలీసుల డిటెక్టివ్ విభాగం అధికారులు ఆయనను నగర పోలీస్ ప్రధాన కార్యాలయమైన లాల్‌బజార్‌కు తరలించి విచారణ కొనసాగించారు. అనంతరం అరెస్ట్ చేసినట్లు సమాచారం.మాస్‌ఆర్ట్ సొసైటీ (MassArt Society) అనే సంస్థ కార్యకలాపాల్లో ఆర్థిక అక్రమాలు జరిగాయన్న ఆరోపణలపై ఈడీ, కోల్‌కతా పోలీసులు వేర్వేరుగా దర్యాప్తు చేస్తున్నారు. ఈ సంస్థతో ఇంద్రనీల్ సేన్, ఆయన భార్య మధుచ్ఛంద సేన్‌కు సంబంధాలు ఉన్నట్లు ఆరోపణలు ఉన్నాయి.ఈడీ ప్రాథమిక అంచనా ప్రకారం, ఈ వ్యవహారంలో సుమారు రూ.50 కోట్ల నుంచి రూ.60 కోట్ల వరకు అక్రమాలు జరిగి ఉండవచ్చని అనుమానిస్తున్నారు. అయితే, ఈ మొత్తం దర్యాప్తు సంస్థ ప్రాథమిక అంచనా మాత్రమేనని, ఆరోపణలు ఇంకా విచారణలో ఉన్నాయని గమనించాలి.దుర్గాపూజా ప్రత్యేక పాస్‌ల విక్రయాలపై కేసు2021లో దుర్గాపూజాకు యునెస్కో (UNESCO) అంతర్జాతీయ గుర్తింపు లభించిన తర్వాత మాస్‌ఆర్ట్ సొసైటీ ఏర్పాటైనట్లు పీటీఐ వార్తా సంస్థ వెల్లడించింది. 2022 నుంచి 2025 మధ్యకాలంలో దుర్గాపూజా వేడుకలకు ప్రత్యేక ప్రవేశం కల్పిస్తామంటూ ప్రజలకు పాస్‌లు విక్రయించి పెద్ద మొత్తంలో డబ్బు వసూలు చేసినట్లు సంస్థపై ఆరోపణలు ఉన్నాయి.అంతేకాకుండా, తమ సంస్థకు యునెస్కో స్పాన్సర్‌షిప్ లేదా ప్రత్యక్ష గుర్తింపు ఉన్నట్లు ప్రజలకు నమ్మకం కలిగించారని ఫిర్యాదుదారుడు ఆరోపించారు. అయితే, యునెస్కోతో ఎలాంటి వాణిజ్య ఒప్పందం కుదరలేదని ఫిర్యాదులో పేర్కొన్నట్లు సమాచారం.వసూలు చేసిన డబ్బును వ్యక్తిగత ప్రయోజనాల కోసం వినియోగించినట్లు కూడా ఆరోపణలు వచ్చాయి. ఈ ఆరోపణలపై దర్యాప్తు కొనసాగుతోంది.జూన్‌లో కేసు నమోదుఈ వ్యవహారంపై జయదీప్ ముఖర్జీ ఇచ్చిన ఫిర్యాదు ఆధారంగా కోల్‌కతాలోని బౌబజార్ పోలీస్ స్టేషన్‌లో జూన్‌లో కేసు నమోదైంది. ఇంద్రనీల్ సేన్, ఆయన భార్య మధుచ్ఛందతో పాటు మాస్‌ఆర్ట్ సొసైటీకి చెందిన మరికొందరిని కేసులో నిందితులుగా చేర్చారు. అనంతరం ఈడీ కూడా ప్రత్యేకంగా దర్యాప్తు ప్రారంభించింది.మాస్‌ఆర్ట్ సొసైటీలో మధుచ్ఛంద సేన్ అధ్యక్షురాలిగా, ధ్రుబజ్యోతి బోస్ కార్యదర్శిగా, సయంతన్ మిత్ర ఉపాధ్యక్షుడిగా, రంజన్ ఛటర్జీ కోశాధికారిగా ఉన్నట్లు ఈడీ వర్గాలను ఉటంకిస్తూ కథనం పేర్కొంది.ఈ కేసులో అరెస్ట్ నుంచి రక్షణ కల్పించాలని కోరుతూ ఇంద్రనీల్ సేన్ గతంలో కలకత్తా హైకోర్టును ఆశ్రయించినప్పటికీ, ఆయన పిటిషన్‌ను కోర్టు తిరస్కరించింది. ఆ ఉత్తర్వును సవాలు చేస్తూ ఆయన సుప్రీంకోర్టును ఆశ్రయించారు. సువేందు ఆరోపణలుఇంద్రనీల్ సేన్ అరెస్ట్ నేపథ్యంలో పశ్చిమ బెంగాల్ ముఖ్యమంత్రి సువేందు అధికారి రాజకీయ వ్యాఖ్యలు చేశారు. ఈ వ్యవహారంలో సేన్ ఒక్కరే లేరని, మమతా బెనర్జీకి కూడా ఈ వ్యవహారం గురించి తెలిసి ఉండవచ్చని ఆయన ఆరోపించారు. “ఇంద్రనీల్, మమతా ఒకే కారులో ప్రయాణిస్తూ పాటలు పాడేవారు” అని వ్యాఖ్యానించిన అధికారి, ఈ కేసులో మరికొందరి పేర్లు కూడా వెలుగులోకి రావచ్చని అన్నారు. ప్రస్తుతం దుర్గాపూజా ప్రివ్యూ షోలు, ప్రత్యేక ప్రవేశ పాస్‌ల విక్రయాల ద్వారా వసూలైన డబ్బు ఎక్కడికి వెళ్లింది? ఆర్థిక లావాదేవీల్లో ఎవరెవరి పాత్ర ఉంది? యునెస్కోతో సంబంధాలున్నట్లు ప్రచారం చేయడంలో వాస్తవాలేమిటి? అనే అంశాలపై ఈడీ, కోల్‌కతా పోలీసులు దర్యాప్తు కొనసాగిస్తున్నారు.ఇదీ చదవండి: 22 మంది భారతీయులు మృతి

న్యూఢిల్లీ: పశ్చిమాసియాలో కొనసాగుతున్న ఉద్రిక్తతలపై భారత విదేశాంగ శాఖ కీలక వివరాలు ప్రకటించింది. ఈ ఘర్షణల కారణంగా ఇప్పటివరకు 22 మంది భారతీయులు ప్రాణాలు కోల్పోయినట్లు తెలిపింది. వారిలో 14 మంది భారతీయ నావికులు ఉన్నారని పేర్కొంది. ఈ వివరాలు విదేశాంగ శాఖ అధికార ప్రతినిధి రణధీర్ జైస్వాల్ ప్రకటించారు.ఆయన మాట్లాడుతూ.. “ఈ ప్రాంతంలో నెలకొన్న పరిస్థితులపై మేము తీవ్రంగా ఆందోళన చెందుతున్నాం. దురదృష్టవశాత్తూ, ఘర్షణలు జరుగుతున్న ప్రాంతంలో 22 మంది భారతీయులు ప్రాణాలు కోల్పోయారు. వారిలో 14 మంది నావికులు ఉన్నారు” అని ఆయన పేర్కొన్నారు.గల్ఫ్ ప్రాంతంలో నివసిస్తున్న భారతీయులు, అక్కడ పనిచేస్తున్న నౌకా సిబ్బంది భద్రతకు ప్రభుత్వం అత్యంత ప్రాధాన్యం ఇస్తోందని చెప్పారు. భారత దౌత్య కార్యాలయాలు అక్కడి భారతీయులతో నిరంతరం సంప్రదింపులు జరుపుతున్నాయని వెల్లడించారు. ఇదే సమయంలో, ప్రాంతీయ ఉద్రిక్తతలకు సంబంధించిన ఘటనల్లో సౌదీ అరేబియాలో ముగ్గురు భారతీయులు మరణించినట్లు జైస్వాల్ పేర్కొన్నారు.పశ్చిమాసియాలోని భారత దౌత్య కార్యాలయాలు పరిస్థితులను నిశితంగా పరిశీలిస్తూ, ప్రమాదకర సముద్ర మార్గాల్లో పనిచేస్తున్న భారతీయ కార్మికులు, నావికుల భద్రత, సంక్షేమం కోసం చర్యలు తీసుకుంటున్నాయని పేర్కొన్నారు.కాగా సౌదీ అరేబియాలో విమాన ప్రయాణాలకు అంతరాయం ఏర్పడటంతో ఇబ్బందులు ఎదుర్కొంటున్న భారతీయులకు, ముఖ్యంగా ఉమ్రా యాత్రకు వెళ్లిన భక్తులకు సహాయం చేసేందుకు జెడ్డాలోని భారత కాన్సులేట్ జనరల్ కొత్త ప్రయాణ సూచనలను జారీ చేసింది. భారత్‌కు తిరిగి రావాలనుకునే ప్రయాణికుల కోసం అదనపు విమాన సర్వీసులు, ప్రత్యామ్నాయ మార్గాల వివరాలను వెల్లడించింది.సౌదీ విమానయాన అధికారులతో పాటు వాణిజ్య విమానయాన సంస్థలు, భారతీయ సమాజ ప్రతినిధులతోనూ సంప్రదింపులు జరుపుతున్నట్లు అధికారులు తెలిపారు. జెడ్డా, మదీనా విమానాశ్రయాల నుంచి సౌదీ విమానయాన సంస్థలు భారత్‌కు విమానాలను నడుపుతున్నాయని, ఇతర అంతర్జాతీయ విమానయాన సంస్థల ద్వారా వాటి అనుసంధాన కేంద్రాల మీదుగా ఒక స్టాప్‌తో భారతదేశానికి చేరుకునే అవకాశం ఉందని కాన్సులేట్ పేర్కొంది. ఇదీ చదవండి: బౌద్దసన్యాసికి భిక్షవేసిన యాచకుడు

న్యూఢిల్లీ: వీపీఆర్ ప్రొడక్షన్స్‌ నిర్వహించిన మిస్టర్‌ ఇండియా ఇంటర్నేషనల్‌ కాస్మోస్‌ సీజన్‌-7 పోటీల్లో తెలంగాణకు చెందిన శ్రీనివాస్ రెడ్డి విజేతగా నిలిచారు. అదే విధంగా బెస్ట్ క్యాస్టూమ్- మేల్‌ అవార్డును సైతం గెలుచుకున్నారు. ఈ వేడుకలో గతేడాది 2025 విజేత మిస్టర్‌ ఇండియా విన్నర్‌ డాక్టర్‌ సందీప్ చేతుల మీదుగా శ్రీనివాస్ రెడ్డి విజేత అవార్డును అందుకున్నారు.అమెరికాలో సాఫ్ట్‌వేర్ ఇంజినీర్‌గా పనిచేస్తున్న శ్రీనివాస్ రెడ్డి తన ప్రతిభ, ఆత్మవిశ్వాసం, స్టేజ్ ప్రెజెన్స్‌తో న్యాయనిర్ణేతలను ఆకట్టుకున్నారు. ఈ సందర్భంగా VRP Productions నేషనల్ డైరెక్టర్ డా. ఎం. రీతు రావు, శ్రీనివాస్ రెడ్డికి హృదయపూర్వక అభినందనలు తెలిపారు. ఆయన విజయానికి మార్గదర్శకత్వం వహించిన మెంటర్, స్టేట్ కోఆర్డినేటర్, జ్యూరీ ఛైర్‌పర్సన్ విజయలక్ష్మి కవ్వం సేవలను సైతం అభినందించారు. వీఆర్‌పీ ప్రొడక్షన్స్‌ వామని క్రియేషన్స్‌ ఆధ్వర్యంలో నిర్వహించిన ఈ ప్రతిష్ఠాత్మక పోటీల్లో శ్రీనివాస్ రెడ్డి సాధించిన విజయం తెలంగాణకు గర్వకారణంగా నిలిచిందని పలువురు ప్రశంసించారు. ఈ సందర్భంగా ఆయనకు హృదయపూర్వక అభినందనలు తెలిపారు.

సమాజంలో ఎన్నో బంధాలుంటాయి. కానీ అత్త – కోడలు బంధం మాత్రం చాలా ప్రత్యేకం. రక్తసంబంధం కాకపోయినా, మనసుతో ముడిపడిన బంధం ఇది. ఒక తల్లి తన కూతురిని మరో ఇంటికి పంపిస్తే, ఆ ఇంట్లో మరో తల్లి ఆమెను కూతురిగా స్వీకరిస్తుంది. ఇక్కడే అత్తాకోడళ్ల మధ్య అసలైన ప్రేమ, అనుబంధాలు మొదలవుతాయి.నిజామాబాద్‌: టీవీ సీరియల్స్, సినిమాల్లో చూపించినట్టు అత్తా–కోడళ్లంటే గొడవలు, కుట్రలు, కన్నీళ్లు మాత్రమే కాదు.. ఇద్దరి మధ్య ప్రేమ ఉంటే ఆ ఇల్లే స్వర్గమవుతుందని నిరూపిస్తున్న వారు ఎందరో.. ఒకప్పుడు ‘అత్తను చూస్తే కోడలికి, కోడలిని చూస్తే అత్తకు గిట్టదు‘ అనే మాట ఇప్పుడు పాతదైపోయింది. నేటి అత్తలు కోడలిని కూతురిగా ఆదరిస్తున్నారు.. నేటి కోడళ్లు అత్తను కన్నతల్లిగా ఆరాధిస్తున్నారు. అత్తల దినోత్సవం సందర్భంగా అత్తాకోడళ్ల అనుబంధంపై ‘సాక్షి’ ప్రత్యేక కథనం. ఈ అత్తల దినోత్సవం రోజున ఒక్కసారి... ప్రతి కోడలు తన అత్తకు ‘అమ్మా‘ అని ప్రేమగా పిలిచి, ప్రతి అత్త తన కోడలిని ‘నా కూతురు‘ అని గర్వంగా చెప్పుకుంటే.. ఆ ఆనందమే వేరు. ఇప్పటి అత్తలు మారారు. ఉద్యోగం చేసే కోడలిని ‘ఇంటి పని చేయలేదు‘ అని నిందించడం లేదు. పైగా ‘అలసిపోయావ్, కాసేపు విశ్రాంతి తీసుకో‘ అంటూ కూతురిలా లాలిస్తున్నారు. కోడలి పుట్టినరోజును కూతురి పుట్టినరోజులా ఘనంగా జరుపుతున్న అత్తలు ఎందరో. తన చీరలనే కోడలికి ఇచ్చి మురిసిపోతున్న అత్తలు సమాజంలో ఎందరో ఉన్నారు. ‘నా కూతురు తన అత్తగారింట్లో సంతోషంగా ఉండాలని నేను ఎలా కోరుకుంటానో, నా కోడలు కూడా నా ఇంట్లో అలాగే సంతోషంగా ఉండాలి‘ అని చెప్పే అత్తలే ఆదర్శం.ఇద్దరూ అర్థం చేసుకోవాలి ‘కోడలు వచ్చేది కోడలిగా కాదు, కూ తురిగా. అత్త ఉండేది అత్తగా కాదు, తల్లిగా. ఈ ఇద్దరూ అర్థం చేసుకుంటే ఆ కుటుంబంలో గొడవలకు చోటే ఉండదు. ‘మాది ఉమ్మడి కుటుంబం.. మా అత్తమ్మ క్రమశిక్షణ కారణంగా నేటికీ మా ఇంట్లో గొడవలు అనేవి లేకుండా కలిసి మెలిసి ఉంటున్నాం. ఇద్దరు కోడళ్లను తన కూతురుతో సమానంగా చూడటమే అందుకు కారణం. టీవీ సీరియల్స్‌ ప్రభావం మా కుటుంబంపై ఉండదు. – కోడళ్లు స్రవంతి, దివ్యతో అత్త దుమాని గంగామణి, ఆర్మూర్‌ తల్లితో సమానంగా చూసుకుంటుంది నాకు(సునీత) మా బావతో 30 ఏళ్ల క్రితం పెళ్లయ్యింది. మేన కోడలిని కావడంతో నన్ను మా అత్తమ్మ తన కడుపులో పుట్టిన బిడ్డలా చూసుకుంటోంది. 15 ఏళ్ల క్రితం మా మరిదికి డాక్టర్‌ రేణుకతో పెళ్లయ్యింది. నాతో సమానంగా చిన్న కోడలిని సైతం బిడ్డలా చూసుకోవడం ఆమె గొప్పతనం. బంధువులు మమ్మల్ని ఆదర్శంగా తీసుకుంటారు. – కోడళ్లు సునీత, రేణుకతో అత్త జక్కుల రాజుబాయి, ఆర్మూర్‌మా అత్తమ్మ ప్రేమతో.. మా అత్తమ్మ ప్రే మ కారణంగా నేటికీ మాది ఉమ్మడి కుటుంబంగా ఉంది. మాతో పాటు మా పిల్లలను సైతం తన కడుపులో పెట్టుకొని చూసుకుంటుంది. తోటి కోడళ్లమైన మా మధ్య చిన్నచిన్న మనస్పర్థలు వచ్చినా మా అత్తమ చూపే ప్రేమ కారణంగానే పట్టించుకోకుండా కలిసి పోతాం. మాతోపాటు మా పిల్లల బాధ్యతను సైతం ప్రేమగా చూసుకోవడం ఆమెలోని గొప్పతనం. – కోడళ్లు లాస్య, సంఘవితో అత్త కొక్కెర సత్తమ్మ, ఆర్మూర్‌ అత్తల్లో ముత్యం లలిత డొంకేశ్వర్‌(ఆర్మూర్‌): అత్త అంటే ఆంక్షలు విధించే వ్యక్తి కాదు... అమ్మలా ప్రేమను పంచే రూపమని నిరూపిస్తున్నారు డొంకేశ్వర్‌ మండలం దత్తాపూర్‌ గ్రామానికి చెందిన ముత్యం లలిత. లలిత తన ఇద్దరు కోడళ్లు భాగ్యలక్ష్మి, వకులను సొంత కూతుళ్లలా గుండెల్లో పెట్టుకుని చూసుకుంటున్నారు. ప్రస్తుతం ఇద్దరు కోడళ్లు లెక్చరర్లుగా ఉద్యోగ బాధ్యతల్లో బిజీగా ఉండటంతో, లలితే ఇంటి బాధ్యతలను భుజాన వేసుకున్నారు. మనవళ్లు, మనవరాళ్లను ఎంతో ప్రేమగా, దగ్గరుండి చూసుకుంటున్నారు. మనస్పర్థలకు తావులేకుండా అత్తాకోడళ్ల బంధానికి సరికొత్త అర్థం చెబుతూ లలిత నేటి తరానికి ఆదర్శంగా నిలుస్తున్నారు. – కోడళ్లు భాగ్యలక్ష్మి, వకులతో అత్త లలిత అమ్మ తరువాత అమ్మకోడళ్లు కూడా అత్తను అత్తగా కాకుండా అమ్మలా చూస్తున్నారు. అనారోగ్యంతో ఉన్న అత్తకు తల్లిలా సేవ చేస్తూ, ఆఫీసు నుంచి వస్తూనే అత్తకు ఇష్టమైన టీ పెట్టి ఇస్తున్న కోడళ్లు, పండగలప్పుడు తన తల్లికే కాకుండా అ త్తకు కూడా చీర కొంటున్న కోడళ్లు.. ఈ బంధం ఎంత గొప్పదో చెబుతున్నారు. ‘అమ్మ తర్వాత అమ్మే అత్త. నా భర్తను ఇంత మంచి వ్యక్తిగా పెంచిన ఆమెకు సేవ చేయడం నా అదృష్టం‘ అంటున్న కోడళ్ల మాటలు ఈ బంధానికి ఉన్న గొప్పతనాన్ని చాటుతున్నాయి. ఒకరి మనసును ఒకరు అర్థం చేసుకుంటే, చిన్న చిన్న విషయాలను భూతద్దంలో చూడకపోతే ఆ ఇల్లు నిత్యం దీపావళే.

తిరువనంతపురం: కేరళ అధికారులు కీలక నిర్ణయం తీసుకున్నారు. రాబోయే మండల-మకరవిళక్కు యాత్రా కాలంలో సత్రం–పుల్లుమేడు అటవీ మార్గం ద్వారా.. శబరిమలకు ప్రయాణించే యాత్రికులకు ఆరోగ్య పరీక్షలు నిర్వహించనున్నట్లు తెలిపారు. గుండె జబ్బులు, మధుమేహం, అధిక రక్తపోటు లేదా ఇతర ఆరోగ్య సమస్యలు భక్తులకు పంపా మార్గాన్ని ఉపయోగించమని సూచించనున్నట్లు పేర్కొన్నారు.ఇడుక్కి జిల్లా కలెక్టర్ డాక్టర్ దినేశన్ చెరువత్, తేని జిల్లా కలెక్టర్ వి. శివకృష్ణమూర్తి అధ్యక్షతన జరిగిన అంతర్రాష్ట్ర సమన్వయ సమావేశంలో ఈ నిర్ణయం తీసుకున్నారు. ఈ అటవీ మార్గంలో గంటల తరబడి నిటారుగా నడవాల్సి ఉంటుంది, ఇది ఆరోగ్య సమస్యలు ఉన్న యాత్రికులకు ప్రమాదకరమని అధికారులు భావించారు. అదే విధంగా మార్గం పొడవునా వైద్య సౌకర్యాలు, తాగునీటి సరఫరా, రవాణా, భద్రతా ఏర్పాట్లను పటిష్టం చేయనున్నట్లు అధికారులు తెలిపారు. దానితో పాటు తమిళనాడు సరిహద్దు సమీపంలో అదనపు వైద్య బృందాలు, శిబిరాలను ఏర్పాటు చేయనున్నట్లు తెలిపారు.దానితో పాటు అటవీ శాఖ ఆధ్వర్యంలో జీరో పాయింట్, పుల్లుమేడు, కళుతకుళి వద్ద త్రాగునీరు, మజ్జిగ, ఇతరు స్నాక్స్‌కు సంబంధించిన మూడు అదనపు పర్యావరణ దుకాణాలను తెరవనున్నట్లు ప్రకటించారు. పుల్లుమేడు, సన్నిధానం మధ్య ఒక అదనపు వాచర్‌ను నిర్మిస్తారు, అలాగే ప్రతి 500 మీటర్లకు ఇద్దరు పర్యావరణ సంరక్షకులను నియమిస్తారు. ఆరుగురు సభ్యులతో కూడిన ర్యాపిడ్ రెస్పాన్స్ టీమ్, పగటిపూట డ్రోన్ నిఘాను కూడా ఏర్పాటు చేస్తారు.యాత్రా భద్రతపై అవగాహన కల్పించేందుకు తేని పరిపాలన యంత్రాంగం లక్షకు పైగా సమాచార కరపత్రాలను పంపిణీ చేయడంతో పాటు, 24 గంటల కాల్ సెంటర్ను ఏర్పాటు చేసి, కాలినడకన ప్రయాణించే యాత్రికులకు రిఫ్లెక్టర్ బ్యాండ్లను అందించనుంది. మోటార్ వెహికల్స్ డిపార్ట్మెంట్కు చెందిన ఆరు బృందాలు ఇరవై నాలుగు గంటలూ గస్తీ నిర్వహిస్తాయి. జీపు ఛార్జీలను నిర్ధారించి, పలు భాషల్లో ప్రదర్శిస్తారు. అలాగే, ఆహార పదార్థాలపై అధిక ధరలు వసూలు చేసే వారిపై కఠిన చర్యలు తీసుకుంటారు.ఉప్పుపార, కోళికానం మధ్య 15 ప్రదేశాలలో త్రాగునీటిని సరఫరా చేయనున్నట్లు అధికారులు ప్రకటించారు. మాదకద్రవ్యాల దుర్వినియోగం, అక్రమ రవాణాను నివారించడానికి మంజుమల, కుమిలి, పెరియార్, పీర్మేడ్లో నియంత్రణ గదులు పనిచేస్తాయి, వీటితో పాటు 24 గంటల ఎక్సైజ్ పర్యవేక్షణ కూడా ఉంటుందని అధికారులు పేర్కొన్నారు.ఇదీ చదవండి: థాంక్యూ విజయ్‌

తమిళనాడు సీఎం విజయ్‌కు ఎయిర్‌ఇండియా కృతజ్ఞతలు తెలిపింది. విమాన ఇంధనంపై విలువు ఆధారిత పన్ను వ్యాట్‌ తగ్గించడంతో విమానయాన సంస్థలకు నిర్వహణ ఖర్చులు తగ్గనున్నాయని పేర్కొంది.విమాన ఇంధనంపై పన్ను తగ్గింపు వల్ల విమానయాన సంస్థల నిర్వహణ వ్యయాలు తగ్గడంతో పాటు రాష్ట్రంలో విమాన కనెక్టివిటీ మెరుగుపడుతుందని పేర్కొంది.ఈ నిర్ణయంపై టాటా గ్రూప్‌కు చెందిన ఎయిర్ ఇండియా హర్షం వ్యక్తం చేస్తూ తమిళనాడు ముఖ్యమంత్రి విజయ్‌కు, రాష్ట్ర ప్రభుత్వానికి కృతజ్ఞతలు తెలిపింది.ఎయిర్‌ ఇండియా తన ప్రకటనలోఎయిర్ ఇండియా తన ప్రకటనలో “ఏవియేషన్ టర్బైన్ ఫ్యూయల్‌ (ఏటీఎఫ్‌)పై వ్యాట్‌ను తగ్గించిన తమిళనాడు గౌరవ ముఖ్యమంత్రి విజయ్‌ (@TVKVijayHQ), రాష్ట్ర ప్రభుత్వానికి ఎయిర్ ఇండియా హృదయపూర్వక కృతజ్ఞతలు తెలియజేస్తోంది. చెన్నై విమానాశ్రయంలో వ్యాట్‌ను 29 శాతం నుంచి 16 శాతానికి, రాష్ట్రంలోని ఇతర విమానాశ్రయాల్లో 1 శాతానికి తగ్గించడం స్వాగతించదగిన నిర్ణయం. దీనివల్ల నిర్వహణ ఖర్చులు తగ్గి, విమాన కనెక్టివిటీ మెరుగుపడుతుంది” అని ఎయిర్ ఇండియా ఎక్స్‌లో పేర్కొంది.మా విమాన సర్వీసుల నెట్‌వర్క్‌ను మరింత బలోపేతం చేయడంతో పాటు తమిళనాడు ప్రజలకు మెరుగైన సేవలు అందించేందుకు ఎదురుచూస్తున్నాం” అని తెలిపింది. విమాన ఇంధనంగా ఉపయోగించే ఏవియేషన్ టర్బైన్ ఫ్యూయల్‌ (ఏటీఎఫ్‌)పై తమిళనాడు ప్రభుత్వం ఇప్పటివరకు వసూలు చేస్తున్న 29 శాతం వ్యాట్‌ను చెన్నై విమానాశ్రయంలో 16 శాతానికి తగ్గించింది. రాష్ట్రంలోని ఇతర విమానాశ్రయాల్లో ఈ పన్నును కేవలం 1 శాతానికి తగ్గించింది. ఈ నిర్ణయాన్ని స్వాగతిస్తూ తాజాగా ఎయిర్‌ఇండియా ధన్యవాదాలు తెలిపింది.అక్టోబర్ 23న పన్ను తగ్గింపు ప్రకటనతమిళనాడు ప్రభుత్వం 2026 అక్టోబర్ 23, శుక్రవారం ఈ పన్ను తగ్గింపును ప్రకటించింది. రాష్ట్రంలో విమాన ఇంధనంపై అధిక పన్నులు విధిస్తున్నారంటూ విమానయాన సంస్థలు చాలా కాలంగా ఆందోళన వ్యక్తం చేస్తున్నాయి. ఈ నేపథ్యంలో ప్రభుత్వం తీసుకున్న నిర్ణయం విమానయాన రంగానికి గణనీయమైన ఊరటనివ్వనుంది.తమిళనాడులో ఇప్పటివరకు ఏటీఎఫ్‌పై 29 శాతం వ్యాట్‌ అమల్లో ఉండేది. దేశంలోని అత్యధిక పన్ను రేట్లు ఉన్న రాష్ట్రాల్లో తమిళనాడు కూడా ఒకటిగా నిలిచింది. దీంతో పొరుగు రాష్ట్రాల విమానాశ్రయాలతో పోలిస్తే చెన్నైలో విమాన ఇంధనం నింపుకోవడం విమానయాన సంస్థలకు చాలా ఖరీదైన వ్యవహారంగా ఉండేది. అధిక పన్నుల కారణంగా విమానయాన సంస్థలు చెన్నై విమానాశ్రయంలో ఎక్కువ మొత్తంలో ఇంధనం నింపుకోవడానికి ఆసక్తి చూపేవి కావు. ఈ నేపథ్యంలో తమిళనాడు ప్రభుత్వం కీలక నిర్ణయం తీసుకుంది. నవంబర్ 1 నుంచి కొత్త పన్ను రేట్లు అమలురాష్ట్ర వాణిజ్య పన్నులు, రిజిస్ట్రేషన్ శాఖ జారీ చేసిన నోటిఫికేషన్ ప్రకారం, షెడ్యూల్డ్ విమానయాన సంస్థలకు సరఫరా చేసే విమాన ఇంధనంపై సవరించిన పన్ను రేట్లకు గవర్నర్ ఆమోదం తెలిపారు. కొత్త పన్ను రేట్లు 2026 నవంబర్ 1 నుంచి అమల్లోకి వస్తాయి. ఈ రేట్లు 2027 అక్టోబర్ 31 వరకు కొనసాగుతాయి.కొత్త విధానం ప్రకారం చెన్నై విమానాశ్రయంలో ఇంధనం నింపుకునే విమానయాన సంస్థలకు 16 శాతం వ్యాట్‌ వర్తిస్తుంది. కోయంబత్తూరు, మదురై, తిరుచ్చిరాపల్లి వంటి ఇతర విమానాశ్రయాల నుంచి కార్యకలాపాలు నిర్వహించే విమానయాన సంస్థలకు 1 శాతం వ్యాట్‌ మాత్రమే వర్తించనుంది.ఈ కొత్త పన్ను విధానానికి సంబంధించి ఇంధన విక్రయదారులు కొన్ని నిబంధనలు పాటించాల్సి ఉంటుంది. ఇంధనం కొనుగోలు చేసే విమానయాన సంస్థలు సంతకం చేసిన డిక్లరేషన్లను సేకరించి, వాటిని తమ నెలవారీ పన్ను రిటర్నులతో పాటు సంబంధిత మదింపు అధికారులకు సమర్పించాలి.దక్షిణాది రాష్ట్రాలతో సమానంగా తమిళనాడు పన్నురేట్లుఈ నిర్ణయంతో విమాన ఇంధనంపై పన్నులను ఇప్పటికే తగ్గించిన ఇతర దక్షిణాది రాష్ట్రాల సరసన తమిళనాడు చేరింది. ప్రస్తుతం కేరళలో ఏటీఎఫ్‌పై 1 శాతం వ్యాట్‌ అమల్లో ఉంది. ఆంధ్రప్రదేశ్‌, తెలంగాణ రాష్ట్రాలు కూడా విమాన ఇంధనంపై పన్ను రేట్లను 1 శాతానికి తగ్గించాయి.తమిళనాడు ప్రభుత్వం తీసుకున్న తాజా నిర్ణయం వల్ల చెన్నైతో పాటు రాష్ట్రంలోని ఇతర విమానాశ్రయాల నుంచి విమాన సర్వీసులను విస్తరించేందుకు విమానయాన సంస్థలకు ప్రోత్సాహం లభించవచ్చు. ముఖ్యంగా ప్రాంతీయ విమాన సర్వీసులను పెంచాలనుకునే సంస్థలకు తక్కువ పన్ను రేట్లు ప్రయోజనకరంగా మారనున్నాయి.ఇదీ చదవండి: రోడ్డు ప్రమాదంలో ఆరుగురు మృతి

రియాద్‌: సౌదీ అరేబియాలో నెలకొన్న ఉద్రిక్తతల దృష్ట్యా భారత విమానయాన సంస్థ ఇండిగో కీలక నిర్ణయం తీసుకుంది. సౌదీకి విమాన సర్వీసుల రద్దును మరికొంత కాలం పొడిగినస్తున్నట్లు ప్రకటించింది. సౌదీ అరేబియాలోని విమానాశ్రయాలు, చమురు క్షేత్రాలు, ఇతర కీలక మౌలిక సదుపాయాలపై డ్రోన్లు, క్షిపణులతో దాడులు జరుగుతున్న నేపథ్యంలో ఈ నిర్ణయం తీసుకుంది. ఈ విషయాన్ని రియాద్‌లోని భారత రాయబార కార్యాలయం ఈ రోజు (శుక్రవారం) ఈ ప్రకటన విడుదల చేసింది.సౌదీలోని భారత రాయబార కార్యాలయం ఎక్స్‌ వేదికగా ఈ వివరాలు వెల్లడించింది. రియాద్‌: అక్టోబర్ 31, 2026 వరకు (ఆ రోజు సహా) రాకపోకల విమానాలు రద్దు.జెడ్డా: అక్టోబర్ 27, 2026 వరకు (ఆ రోజు సహా) విమాన సర్వీసులు రద్దు.దమ్మామ్‌: అక్టోబర్ 27, 2026 వరకు (ఆ రోజు సహా) విమాన సర్వీసులు రద్దు.మదీనా: అక్టోబర్ 27, 2026 వరకు (ఆ రోజు సహా) విమాన సర్వీసులు రద్దు.ఇతర భారతీయ విమానయాన సంస్థల సర్వీసులు కూడా రద్దుదానితో పాటు సౌదీ అరేబియాకు విమాన సర్వీసులను నిలిపివేసిన సంస్థల్లో ఇండిగోతో పాటు ఇతర భారతీయ విమానయాన సంస్థలు కూడా ఉన్నాయి. ఎయిర్ ఇండియా, ఎయిర్ ఇండియా ఎక్స్‌ప్రెస్‌: అన్ని మార్గాల్లో విమాన సర్వీసులను అక్టోబర్ 24 వరకు నిలిపివేశాయి. ఆకాశ ఎయిర్‌: అన్ని మార్గాల్లో విమాన సర్వీసులను అక్టోబర్ 27 వరకు నిలిపివేసింది.ప్రాంతీయ భద్రతా పరిస్థితులను బట్టి విమానాల రద్దు గడువులో మరిన్ని మార్పులు చోటుచేసుకునే అవకాశం ఉంది.ప్రయాణికులు సంబంధింత విమానాశ్రయాలకు వెళ్లే ముందు తమ విమానాల తాజా పరిస్థితిని సంబంధిత విమానయాన సంస్థల ద్వారా నిర్ధారించుకోవాలని తెలిపింది. కాగా ఇటీవల సౌదీపై హౌతీల దాడులు తీవ్రతరమయ్యాయి. బుధవారం దమ్మామ్‌లోని కింగ్ ఫహద్ అంతర్జాతీయ విమానాశ్రయంపై జరిగిన దాడిలో ఒక భారతీయుడు ప్రాణాలు కోల్పోగా, మరో ఇద్దరు గాయపడ్డారు. ఇదే రోజు సౌదీ అరామ్‌కోకు చెందిన షైబా చమురు క్షేత్రంపై జరిగిన మరో దాడిలో కూడా ఒక భారతీయుడు గాయపడ్డాడు.ఇదీ చదవండి: వచ్చిన 79 ఏళ్లలో ఇదే తొలిసారి

ముంబై: భారత్‌ను విచ్ఛిన్నం చేయాలని దుష్టశక్తుల కుట్రలు పన్నుతున్నాయని ఆర్ఎస్ఎస్ చీఫ్ మోహన్ భగవత్ సంచలన వ్యాఖ్యలు చేశారు. భారత్‌ను బలహీనపరిచేందుకు ప్రపంచవ్యాప్తంగా ‘రెజీమ్ చేంజ్’ ఆపరేషన్లు జరుగుతున్నాయని ఆరోపించారు. ఈ రోజు (మంగళవారం)నాగ్‌పూర్‌లో జరిగిన ఆర్‌ఎస్‌ఎస్‌ విజయదశమి వేడుకల్లో ఆయన మాట్లాడారు. తమ స్వార్థ ప్రయోజనాల కోసం ఇతర దేశాల్లో పాలన మార్పునకు ప్రయత్నిస్తున్న శక్తులకు భారత్ అభివృద్ధి చెందడం అడ్డంకిగా మారిందన్నారు.భారత్, హిందువులు, ఆర్‌ఎస్‌ఎస్‌ను విచ్ఛిన్నం చేసే మార్గాలపై దుష్టశక్తులు ఆలోచిస్తున్నాయని అధికార దాహంతో ఉన్న కొందరు నాయకులు కూడా ఇలాంటి ప్రయత్నాలకు సహకరిస్తున్నారని ఆరోపించారు. ఈ నేపథ్యంలో ఇటీవల ఫ్రాన్స్‌, అల్బేనియా, బంగ్లాదేశ్‌, నేపాల్‌లో జరిగిన పరిణామాలను ప్రస్తావించారు. పాశ్చాత్య దేశాల నుంచి వస్తున్న తుఫాను ప్రపంచ క్రమాన్ని, సాంస్కృతిక విలువలను దెబ్బతీస్తోందని ఆవేదన వ్యక్తం చేశారు.పరిపాలనా వ్యవస్థ మారితే పరిస్థితులు మారతాయన్న వాదన గతంలోనూ నిజం కాలేదని, ఇప్పుడూ కావడం లేదని వ్యాఖ్యానించారు. భారత్‌లోనూ ఇలాంటి ప్రయత్నాలు జరుగుతున్నాయని గత కొన్ని దశాబ్దాలుగా భారత్ అనుసరిస్తున్న దృఢమైన విధానాలు, బలమైన నాయకత్వం ప్రభావం చూపాయని వెల్లడించారు. దేశం, ప్రపంచం పట్ల యువతలో బాధ్యత పెరగడం సానుకూల పరిణామమన్న భగవత్ ..ఆ కారణంగానే సమాజంలో పెరుగుతున్న కుట్రపూరిత ప్రయత్నాలను చైతన్యంతో అడ్డుకోగలిగామని వ్యాఖ్యానించారు.అభివృద్ధి చెందుతున్న దేశంలో సమస్యలు ఉండటం సహజమేనని ప్రజాస్వామ్యంలో సమస్యలపై నిరసనలు, ఉద్యమాలు సహజమని స్పష్టంచేశారు. అయితే నిరసనలే లక్ష్యం కాకూడదు.. సమస్యలకు పరిష్కారం చూపడమే ఉద్యమాల అసలు ఉద్దేశమై ఉండాలని సూచించారు. శాంతి, శాంతిభద్రతల పరిరక్షణకు ప్రభుత్వం, అధికారులు, రాజకీయ నాయకులు కృషి చేయాలని ఈ సందర్భంగా మోహన్ భగవత్ నాయకులకు సూచించారు. ఇదీ చదవండి: అభిజిత్ దీప్కే పేరుతో డబ్బులు వసూలు

సాక్షి, ఢిల్లీ: ఢిల్లీలోని బవానా పీఎస్‌ పరిధిలో కాల్పుల కలకలం రేగింది. ఓ వ్యాపారి పై దుండగులు ఐదురౌండ్ల కాల్పులు జరిపారు. ఆయనను బెదిరించి అతని నుంచి డబ్బులు లాక్కొనే యత్నం చేశారు. దీంతో ఈ ఘటన వివరాలు తెలుసుకున్న పోలీసులు వెంటనే రంగంలోకి దిగారు. సీసీటీవీ ఆధారంగా నిందితుల కోసం గాలింపులు చేపడుతున్నారు. అయితే వ్యాపారి ఎవరు కాల్పులకు ఏదైనా వ్యక్తిగత కారణాలు ఉన్నాయా అనే వివరాలు తెలియాల్సి ఉంది.

తిరువనంతపురం: శబరిమలో యాత్రికుల రద్దీ కారణంగా ప్రముఖ ప్రయాణ మార్గాల్లో భారీ ట్రాఫిక్ జామ్ ఏర్పడింది. ఎరుమేలి నుండి నిలక్కల్ వరకు సుమారు 7 కిలోమీటర్ల మేర వాహనాలు బారులు తీరి నిలిచిపోయినట్లు సమాచారం. అలాగే కుమ్మిళి నుండి నిలక్కల్ వరకు కూడా విపరీతమైన రద్దీ కారణంగా భారీ ట్రాఫిక్ ఉన్నట్లు అధికారులు నివేదించారు. యాత్రికలు ట్రాఫిక్‌ రద్దీ దృష్ట్యా తగిన విధంగా ప్రయాణ ఏర్పాట్లు చేసుకోవాలని సూచించారు.ఎప్పుడు, ఎలా జరిగింది?ఈ భారీ ట్రాఫిక్ అంతరాయం ఈ రోజు (ఆదివారం) తెల్లవారుజామున 3:16 గంటల ప్రాంతంలో చోటుచేసుకుంది. దీనికి సంబంధించిన దృశ్యాలు (విజువల్స్) కూడా వెలువడ్డాయి. యాత్రికుల సంఖ్య అకస్మాత్తుగా విపరీతంగా పెరగడం, తనిఖీ కేంద్రాల వద్ద వాహనాల బారులు ఎక్కువ కావడంతో ఈ పరిస్థితి తలెత్తినట్లు తెలుస్తోంది.ప్రయాణికులకు హెచ్చరికఈ మార్గాల్లో ప్రయాణించాలనుకునే భక్తులు, వాహనదారులు పరిస్థితిని గమనించి, తమ ప్రయాణాన్ని తదనుగుణంగా ప్లాన్ చేసుకోవాలని అధికారులు సూచిస్తున్నారు. అదనపు సమయాన్ని కేటాయించుకుని ప్రయాణించడం మంచిదని సూచించారు.

కోల్‌కతాలో నిన్న ( శనివారం) ప్రసిద్ధ చోర్‌బాగన్‌ దుర్గాపూజా మండపం వద్ద భారీ తొక్కిసలాట జరిగిన సంగతి తెలిసిందే. తాజాగా ఆ ఘటనకు సంబంధించి పోలీసులు ఏడుగురిని అరెస్టు చేశారు. వారిలో కార్యక్రమ నిర్వహాకులు సైతం ఉన్నట్లు తెలుస్తోంది. అయితే అరెస్టైన వారి వివరాలు తెలియాల్సి ఉంది.ఏం జరిగింది?ఉత్తర కోల్‌కతాలోని ప్రసిద్ధ చోర్‌బాగన్ దుర్గాపూజా మండపం వద్ద శనివారం (అక్టోబర్ 17) రాత్రి పెను విషాదం చోటుచేసుకుంది. భారీ వర్షం కురుస్తున్న సమయంలో మండపం లోపలికి వచ్చే ఎంట్రీ, బయటకు వెళ్లే ఎగ్జిట్ మార్గాల్లో ఒకేసారి తీవ్ర రద్దీ ఏర్పడి, ఒక్కసారిగా తొక్కిసలాట చోటుచేసుకుంది. ఈ దుర్ఘటనలో ఇప్పటివరకూ 19 మంది మృతి చెందగా, మరో 25 మంది తీవ్రంగా గాయపడ్డారు. ప్రాణాలు కోల్పోయిన వారిలో అత్యధికులు మహిళలు, చిన్నారులే ఉన్నారు.ఈ ఘోర ప్రమాదం జరిగిన వెంటనే క్షతగాత్రులను కోల్‌కతా మెడికల్ కాలేజ్ అండ్ హాస్పిటల్‌కు తరలించారు. ఆసుపత్రికి హుటాహుటిన చేరుకున్న పశ్చిమ బెంగాల్ ముఖ్యమంత్రి సువేందు అధికారి బాధితులను పరామర్శించారు. మృతుల కుటుంబాలకు రూ. 25 లక్షల చొప్పున ఎక్స్‌గ్రేషియాతో పాటు కుటుంబంలో ఒకరికి గ్రూప్-డి ప్రభుత్వ ఉద్యోగం కల్పిస్తామని సీఎం ప్రకటించారు.అలాగే బాధితుల కోసం మెడికల్ కాలేజీలో ప్రాథమిక అత్యవసర సదుపాయాలు సరిగ్గా లేకపోవడంతో క్షతగాత్రులను ప్రైవేట్ ఆసుపత్రులకు రెఫర్ చేయాల్సి వస్తోందని అక్కడి ఇంటర్న్ వైద్యులు తెలిపారు. కాగా, ఈ ఘటనపై పశ్చిమ బెంగాల్ ప్రభుత్వం, కోల్‌కతా పోలీసులు ప్రజల సహాయార్థం 8003455678, 03322141310 హెల్ప్‌లైన్ నంబర్లను విడుదల చేశారు.ఇదీ చదవండి: నా ముందే ప్రాణాలు వదిలింది

సాక్షి, ఢిల్లీ: కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కేకు ఢిల్లీ కోర్టు ఈ రోజు (శనివారం) షరతులతో కూడిన విడుదల మంజూరు చేసింది. దీప్కేను ప్రత్యేక ఎగ్జిక్యూటివ్ మేజిస్ట్రేట్ ఎదుట హాజరుపరచగా, రూ.50,000 బాండ్ సమర్పించాలని, శాంతిభద్రతలకు విఘాతం కలిగించబోనని హామీ ఇవ్వాలని ఆదేశించినట్లు సమాచారం. సీఈసీ వ్యతిరేఖ నిరసనల్లో భాగంగా, కనాట్ ప్లేస్‌ వైపు ర్యాలీగా వెళ్లేందుకు సిద్ధమైన ఆయనను శుక్రవారం పోలీసులు అదుపులోకి తీసుకుని అనంతరం అరెస్టు చేశారు. దీప్కేతో పాటు అఖిల భారత విద్యార్థి సంఘం (ఏఐఎస్ఏ) అధ్యక్షురాలు నేహా బోరాను పోలీసులు శుక్రవారం అదుపులోకి తీసుకున్నారు. అయితే, ఆమెను శనివారం తెల్లవారుజామున విడుదల చేశారు. కాగా ఈ రోజు దీప్కేకు బెయిల్ మంజూరు చేశారు.ఎన్నికల అక్రమాలపై నిరసనగా కనాట్ ప్లేస్‌లో శుక్రవారం సాయంత్రం ‘లెహ్రా దో తిరంగా’ పేరుతో త్రివర్ణ పతాకాన్ని ఎగురవేస్తూ ర్యాలీ నిర్వహించేందుకు యువ నాయకులు ప్రణాళిక రూపొందించారు. ఈ కార్యక్రమానికి ముందుగానే పోలీసులు ముందు జాగ్రత్త చర్యల్లో భాగంగా దీప్కే, నేహా బోరాలను అదుపులోకి తీసుకున్నట్లు వెల్లడించారు. పోలీసుల చర్యల నేపథ్యంలోనూ విద్యార్థులు, ఇతర నిరసనకారులు చిన్నచిన్న ర్యాలీలు నిర్వహిస్తూ జాతీయ జెండాలను ప్రదర్శించారు.ఇదిలా ఉండగా, సీజేపీ నాయకులు ఆశుతోష్ రంకా, సౌరవ్ దాస్ ప్రస్తుతం జ్యుడీషియల్ కస్టడీలో ఉన్నారు. జంతర్ మంతర్ వద్ద నిరసన ప్రదేశంగా ఉన్న ప్రాంతాన్ని గత వారం రద్దు చేయడంతో, అక్కడ అక్రమంగా ప్రవేశించారనే ఆరోపణలపై వారిని అదుపులోకి తీసుకున్నారు. మరోవైపు, నేహా బోరా, అభిజీత్ దీప్కేల అరెస్టులపై ప్రతిపక్ష నాయకులు స్పందిస్తూ, జాతీయ జెండాను ప్రదర్శించడం నేరం కాదని పేర్కొంటూ యువ నాయకులకు మద్దతు తెలిపారు. ఈ నేపథ్యంలో అభిజిత్‌ దీప్కేకు ఈ రోజు ఢిల్లీ కోర్టు బెయిల్‌ మంజూరు చేసింది.ఇదీ చదవండి: దీప్కే ఎక్కడ?

న్యూఢిల్లీ: పార్లమెంట్ నియోజకవర్గాల పునర్విభజన (డీలిమిటేషన్) ప్రతిపాదనలపై చర్చించేందుకు అఖిలపక్ష సమావేశాన్ని ఏర్పాటు చేయాలని ఏఐసీసీ అధ్యక్షుడు మల్లికార్జున ఖర్గే ప్రధానమంత్రి నరేంద్ర మోదీని కోరారు. ఈ విషయమై ‍ప్రధాని మోదీకి ఈ రోజు (శుక్రవారం) లేఖ రాశారు. దేశ రాజ్యాంగంపై ప్రభావం చూపే సవరణ బిల్లును పార్లమెంట్‌లో మరోసారి బలవంతంగా ఆమోదింపజేయడానికి ప్రయత్నించవద్దని ప్రధానికి సూచించారు.ప్రధాని మోదీకి రాసిన లేఖలో ఖర్గే పలు అంశాలను ప్రస్థావించారు. ఆగస్టు 13న పార్లమెంట్ వర్షాకాల సమావేశాలు నిరవధికంగా వాయిదా పడినప్పటి నుంచి ఇప్పటికే 64 రోజులు గడిచిపోయాయని, అయినప్పటికీ పార్లమెంట్ ఉభయ సభలను ఇంకా అధికారికంగా ప్రోరోగ్‌ చేయలేదని ఆయన పేర్కొన్నారు. ఈ పరిస్థితి అసాధారణమైనదని, ఇంతటి జాప్యం గతంలో చోటుచేసుకోలేదని ఖర్గే తన లేఖలో వివరించారు. డీలిమిటేషన్‌పై ఏదైనా రాజ్యాంగ సవరణ బిల్లును పార్లమెంట్‌లో ప్రవేశపెట్టడానికి ముందే అఖిలపక్ష సమావేశాన్ని ఏర్పాటు చేయాలని తాను తొలిసారిగా ఏప్రిల్ 11న ప్రధానిని కోరినట్లు ఖర్గే గుర్తుచేశారు.అయితే, ఆ విజ్ఞప్తిని ప్రధాని పట్టించుకోలేదని అనంతరం ఏప్రిల్ 14వ తేదీ రాత్రి ఆలస్యంగా సంబంధిత బిల్లులను బహిరంగపరిచారని, ఏప్రిల్ 16న ప్రత్యేక పార్లమెంట్ సమావేశాలను ఏర్పాటు చేశారని పేర్కొన్నారు. డీలిమిటేషన్‌కు సంబంధించిన రాజ్యాంగ సవరణ బిల్లుకు లోక్‌సభలో అవసరమైన మూడింట రెండొంతుల మెజారిటీ లభించలేదని, ఏప్రిల్ 17న నిర్ణయాత్మక తేడాతో ఆ బిల్లు విఫలమైందని ఖర్గే తన లేఖలో తెలిపారు. ఆ తర్వాత కూడా అఖిలపక్ష సమావేశం ఏర్పాటు చేయాలన్న తమ అభ్యర్థనను పునరుద్ఘాటిస్తూ జూలై 16న, ఆగస్టు 27న ప్రధానమంత్రి మోదీకి లేఖలు రాసినట్లు ఖర్గే తెలిపారు. ఇప్పుడు నాలుగోసారి ఇదే విజ్ఞప్తి చేస్తున్నానని చెప్పారు. కొత్తగా ప్రతిపాదిస్తున్న డీలిమిటేషన్ విధానాలను ఖరారు చేసి పార్లమెంట్ పరిశీలనకు తీసుకురావడానికి ముందే, వాటిపై సమగ్రంగా చర్చించేందుకు అఖిలపక్ష సమావేశాన్ని ఏర్పాటు చేయాలని ప్రధానిని కోరారు.డీలిమిటేషన్‌కు సంబంధించిన కొత్త ప్రతిపాదనలపై రాజకీయ పార్టీలన్నింటికీ తగినంత సమయం ఇవ్వాలని ఖర్గే సూచించారు. ఆయా పార్టీలు తమలో తాము చర్చించుకోవడంతో పాటు, ఇతర రాజకీయ పార్టీలతోనూ, ఈ అంశంతో సంబంధం ఉన్న అన్ని వర్గాలతోనూ సంప్రదింపులు జరిపేందుకు అవకాశం కల్పించాలని పేర్కొన్నారు. ఇంతటి ప్రాధాన్యం ఉన్న అంశంపై విస్తృత చర్చలు జరగాల్సిన అవసరం ఉందని ఆయన తన లేఖలో స్పష్టం చేశారు.గతంలో ప్రయత్నించినట్లుగా, దేశ రాజ్యాంగంపై సుదూర ప్రభావం చూపే రాజ్యాంగ సవరణ బిల్లును పార్లమెంట్‌లో మరోసారి బలవంతంగా ఆమోదింపజేయడానికి ప్రయత్నించవద్దని ఖర్గే ప్రధానిని హెచ్చరించారు. గతంలో అలాంటి ప్రయత్నం విఫలమైందని ప్రస్తావిస్తూ, “దయచేసి మరోసారి రాజ్యాంగంపై విస్తృత ప్రభావం చూపే బిల్లును పార్లమెంట్‌లో బలవంతంగా ఆమోదింపజేయడానికి ప్రయత్నించవద్దు. గతంలో మీరు చేసిన ప్రయత్నం తగిన ఫలితాన్ని ఎదుర్కొంది” అని తన లేఖలో పేర్కొన్నారు.ఇదీ చదవండి: బీజేపీ మంత్రి భర్తపై సంచలన ఆరోపణ

ముంబై: మహారాష్ట్రలోని పాఠశాలల్లో వడా పావ్‌ను తిరిగి అందుబాటులోకి తీసుకురావాలంటూ ఓ విద్యార్థి (ఎఫ్‌డీఏ) కమిషనర్, ఐఏఎస్ అధికారి తుకారాం ముండేకు విజ్ఞప్తి చేశారు. దీనిపై ఆయన స్పందించిన తీరు ఇప్పుడు సోషల్ మీడియాలో వైరల్‌గా మారింది. విద్యార్థి అడిగిన ప్రశ్నకు ఆయన సహనంగా సమాధానమిస్తూ, ఆరోగ్యకరమైన ఆహారం తీసుకోవడం ఎంత ముఖ్యమో సదరు విద్యార్తికి వివరించారు. తుకారాంను విద్యార్థి ప్రశ్నిస్తూ “పాఠశాలల్లో వడా పావ్‌ను నిషేధించారు. కానీ నేను, నా స్నేహితులు దాన్ని తిరిగి తీసుకురావాలని కోరుకుంటున్నాం. దీనిపై మీరేమంటారు?” అని అడిగాడు. దీనికి ముండే చిరునవ్వుతో స్పందించారు. “వడా పావ్ తినకపోతే మన జీవితం ఆగిపోదు. దానికి బదులుగా మంచి పోషకాలు కలిగిన ఆహారం తీసుకుంటే మీరు మరింత ఆరోగ్యంగా, మెరుగ్గా ఎదుగుతారు” అని చెప్పారు.నూనెలో బాగా వేయించిన చిరుతిళ్లకు దూరంగా ఉండాలని విద్యార్థికి ఆయన సూచించారు. ఇలాంటి ఆహార పదార్థాల్లో శరీరానికి అవసరమైన పోషకాలు తగినంతగా ఉండవని వివరించారు. పిల్లలు ప్రొటీన్లు అధికంగా ఉండే ఆహారాన్ని తీసుకోవాలని, ఎదుగుదలకు అవసరమైన పోషకాలు అందేలా ఆహారపు అలవాట్లను మార్చుకోవాలని సూచించారు.వడా పావ్‌తో మొదలైన వీరి సంభాషణ చైనీస్ స్ట్రీట్ ఫుడ్‌ వరకు వెళ్లింది. చైనీస్ ఆహార పదార్థాల గురించి విద్యార్థి అడిగినప్పుడు, వాటిలో కొన్నింటిని తయారు చేసేందుకు కృత్రిమ రంగులు, రసాయనాలు ఉపయోగించే అవకాశం ఉందని ముండే హెచ్చరించారు. రుచికి మాత్రమే ప్రాధాన్యం ఇవ్వకుండా ఆరోగ్యానికి మేలు చేసే ఆహారాన్ని ఎంచుకోవాలని సూచించారు. ఈ వీడియోపై సోషల్ మీడియాలో పలువురు స్పందిస్తూ, చిన్నారిపై ఆగ్రహం వ్యక్తం చేయకుండా ఓర్పుతో, అవగాహన కల్పించే విధంగా మాట్లాడిన అధికారిని ప్రశంసిస్తున్నారు.పాఠశాలల్లో, వాటి పరిసర ప్రాంతాల్లో అధిక కొవ్వు, చక్కెర, ఉప్పు కలిగిన ఆహార పదార్థాల వినియోగాన్ని తగ్గించేందుకు మహారాష్ట్ర ప్రభుత్వం చేపట్టిన చర్యల్లో భాగంగానే ఈ పరిణామం చోటుచేసుకుంది. తుకారాం ముండే జారీ చేసిన ఆదేశాల ప్రకారం, పాఠశాల క్యాంటీన్లలోనే కాకుండా పాఠశాల ప్రాంగణానికి 50 మీటర్ల పరిధిలో వడా పావ్, సమోసాలు, బర్గర్లు, పిజ్జాలు, చిప్స్, గ్యాస్ కలిపిన శీతల పానీయాల విక్రయాలు, ప్రకటనలు, పంపిణీపై నిషేధం విధించారు.ఈ ఆదేశాల నేపథ్యంలో పాఠశాల క్యాంటీన్లలో వడా పావ్, సమోసాలు, శీతల పానీయాల స్థానంలో ఇడ్లీ, దోశ, పోహా, ఉప్మా, తాజా పండ్లు, మజ్జిగ వంటి ఆరోగ్యకరమైన ఆహార పదార్థాలను అందుబాటులోకి తీసుకొస్తున్నట్లు సమాచారం. పిల్లలకు ఇంటి నుంచి తయారు చేసిన భోజనాన్ని పంపించాలని తల్లిదండ్రులకు సైతం చెబుతున్నారు.ఇదీ చదవండి: పోలీసులపై మద్రాస్‌ కోర్టు ఆగ్రహం

చైన్నై: తమిళనాడు ప్రభుత్వంపై మద్రాస్‌ హైకోర్టు తీవ్ర వ్యాఖ్యలు చేసింది. భారతదేశంలోనే అత్యంత సున్నితమైన, ఉగ్రవాద ప్రభావిత ప్రాంతంగా భావించే జమ్మూకశ్మీర్‌లోనే RSS తన రూట్ మార్చ్‌లను నిర్వహించినప్పుడు.. తమిళనాడులో ఎందుకు పదే పదే ఆంక్షలు విధిస్తున్నారని ప్రశ్నించింది. ప్రభుత్వం తన స్వంత పౌరులను శత్రువులుగా పరిగణిస్తోందని మద్రాస్ హైకోర్టు తీవ్ర వ్యాఖ్యలు చేసింది. (RSS) రూట్‌ మార్చ్‌కు ప్రభుత్వం అనుమతులు నిరాకరించిడంపై దాఖలైన పిటిషన్‌ను హైకోర్టు ఈ రోజు (బుధవారం) విచారించింది.రాష్ట్రవ్యాప్తంగా అక్టోబర్ 18, 25, నవంబర్ 1 తేదీల్లో ఆర్ఎస్ఎస్ ‘రూట్ మార్చ్’ (పథ సంచలన్) ప్రదర్శనలను చేపట్టాలని పోలీసులను అనుమతి కోరింది. అయితే దీనికి పోలీసులు అనుమతి నిరాకరించారు. దీనిపై హైకోర్టులో రాష్ట్రీయ స్వయంసేవక్ సంఘ్ (RSS) ఉత్తర తమిళనాడు కార్యదర్శి వి.జి. జగదీశన్ పిటిషన్ దాఖలు చేశారు. దీని విచారణ సందర్భంగా హైకోర్టు తీవ్ర వ్యాఖ్యలు చేసింది.కోర్టు తన వ్యాఖ్యల్లో.. "రాష్ట్రంలో ఏ పార్టీ అధికారంలోకి వచ్చినా సరే, ఇలాంటి ప్రదర్శనల దరఖాస్తులను తిరస్కరించడమే పనిగా పెట్టుకుంటోంది. ప్రజాస్వామ్యంలో ఈ ధోరణి సరైంది కాదు. ప్రతి సంవత్సరం వీరు దరఖాస్తు చేసుకోవడం, పోలీసులు నిరాకరించడం, ఆపై కోర్టులు అనుమతులు ఇవ్వడం సర్వసాధారణంగా మారింది. గడిచిన సంవత్సరాల్లో జరిగిన ప్రదర్శనల్లో ఎక్కడైనా హింస చెలరేగిందా? అలాంటప్పుడు 2026 లో ప్రత్యేకంగా వచ్చిన ఇబ్బంది ఏమిటి? మీకున్న అసలు భయం ఏమిటి?" అని నేరుగా ప్రభుత్వాన్ని ప్రశ్నించింది.కేవలం RSS మాత్రమే కాకుండా, ద్రవిడార్ కజగం (DK) లాంటి భిన్న భావజాలాలున్న సంస్థలు లేదా రాజకీయ పార్టీలు నిర్వహించే బైక్ ర్యాలీలు, ప్రదర్శనలను కూడా పోలీసులు ఇలాగే అడ్డుకుంటున్నారని కోర్టు గుర్తుచేసింది. శాంతిభద్రతల పేరుతో పదే పదే అనుమతులు నిరాకరిస్తూ.. పోలీస్ శాఖే స్వయంగా తనపై నెగెటివ్ పబ్లిసిటీని కొనితెచ్చుకుంటోందని కోర్టు వ్యాఖ్యానించింది. ప్రజాస్వామ్య వ్యవస్థలో నిబంధనలకు లోబడి, శాంతియుతంగా ఊరేగింపులు మరియు భావప్రకటన చేయడం పౌరుల ప్రాథమిక హక్కు. అధికారులు పూర్తిగా నిషేధాలు విధించకుండా, కొన్ని షరతులతో కూడిన అనుమతులు ఇవ్వవచ్చని కోర్టు స్పష్టం చేసింది.గతంలో సుప్రీంకోర్టు, హైకోర్టులు ఇచ్చిన మార్గదర్శకాలను పరిగణనలోకి తీసుకుని, ఈ ప్రదర్శనలకు సంబంధించి ప్రభుత్వం పోలీసులు ఒక శాంతియుతమైన పరిష్కారాన్ని కనుగొనాలని కోర్టు సూచించింది. ఆర్ఎస్ఎస్ ర్యాలీలకు అనుమతి ఇచ్చే అంశంపై పూర్తి స్థాయి నివేదిక మరియు పోలీసుల స్పందనను సమర్పించాలని ఆదేశిస్తూ తదుపరి విచారణను వాయిదా వేసింది.ఇదీ చదవండి:దివ్యాంగులకు కేంద్రం గుడ్‌న్యూస్‌

సాక్షి, ఢిల్లీ: పేదల సామాజిక భద్రతకు మరింత భరోసా కేంద్ర ప్రభుత్వం మరింత భద్రత కల్పించబోతున్నట్లు కేంద్రమంత్రి కిషన్‌ రెడ్డి తెలిపారు. దివ్యాంగుల పెన్షన్ అర్హతకు వైకల్యం 80% నుంచి 40% కు తగ్గించామని 18 ఏళ్ల కనీస వయోపరిమితి తొలగించామని.. పుట్టినప్పటి నుంచే అర్హులైన దివ్యాంగులకు పెన్షన్ అందేలా కేంద్ర క్యాబినెట్‌లో కీలక నిర్ణయం తీసుకున్నట్లు పేర్కొన్నారు. దివ్యాంగుల కేంద్ర పెన్షన్ సహాయం 25% పెంచినట్లు తెలిపారు.ఈ రోజు జరిగిన క్యాబినెట్ భేటీలో కేంద్ర ప్రభుత్వం పలు కీలక నిర్ణయాలు తీసుకుంది. కేంద్ర సామాజిక భద్రతా పింఛన్ల పథకానికి రూ.53,428 కోట్లు కేటాయించింది. జాతీయ సామాజిక సహాయ కార్యక్రమం (NSAP) కొనసాగింపునకు ఆమోదం తెలిపింది. 2026–27 నుంచి 2030–31 వరకు ఐదేళ్లపాటు పథకం అమలు చేయనున్నట్లు పేర్కొంది. పథకం కోసం రూ.53,428 కోట్ల నిధుల కేటాయింపునేషనల్ సోషల్ అసిస్టెన్స్ ప్రోగ్రామ్ పేరు ప్రధానమంత్రి సామాజిక సహాయ యోజనగా మార్పువృద్ధాప్య పింఛను పథకం పేరు ప్రధానమంత్రి వృద్ధావస్థ పింఛను యోజనగా మార్పువితంతు పింఛను పథకం పేరు ప్రధానమంత్రి విధవా పింఛను యోజనగా మార్పుదివ్యాంగుల పింఛను పథకం పేరు ప్రధానమంత్రి దివ్యాంగజన్ పింఛను యోజనగా మార్పుజాతీయ కుటుంబ ప్రయోజన పథకం పేరు ప్రధానమంత్రి పరివార్ లాభ్ యోజనగా మార్పుదివ్యాంగుల పింఛనులో వయస్సు ఆధారంగా ఆర్థిక సాయం పెంపు0–79 ఏళ్ల దివ్యాంగులకు నెలకు రూ.375 పింఛను80 ఏళ్లు, అంతకంటే ఎక్కువ వయస్సు ఉన్న దివ్యాంగులకు నెలకు రూ.625 పింఛను

చెడపకురా చెడేవు అన్న సామెత మనం తరుచుగా వింటూనే ఉంటాం ఎవరికైనా చెడు చేద్దామని తలిస్తే మనకే మెుదలుగా చెడు జరుగుతుందని దీని అర్థం బిహార్‌లో సరిగ్గా ఇటువంటి ఘటనే జరిగింది. ట్రైన్‌లో వెళుతున్న ఓ ప్రయాణికుడి ఫోన్ కాజేద్దామనుకున్న దొంగని.. సదరు వ్యక్తి గట్టిగా పట్టుకున్నారు. అంతలేనే ట్రైన్‌ కదలడంతో దానితో పాటు తీసుకెళ్లాడు.. కొంత దూరం తీసుకెళ్లి విడువగా బొక్కా బోర్లా పడ్డాడు.. ఈ ఘటన ఇప్పుడు సోషల్‌ మీడియాలో వైరల్‌గా మారింది. వివరాల్లోకి వెళితే.. బీహార్‌లోని భాగల్‌పూర్ జిల్లాలో ఉన్న శివనారాయణ్‌పూర్ రైల్వే స్టేషన్‌లో ట్రైన్ బయలుదేరుతున్న సమయంలో ఓ ప్రయాణికుడి మొబైల్ ఫోన్‌ను తెరిచి ఉన్న కిటికీ గుండా లాక్కునేందుకు ఓ వ్యక్తి ప్రయత్నించాడు. అయితే, కోచ్‌లో ఉన్న ప్రయాణికులు వెంటనే స్పందించి అతడిని పట్టుకున్నారు. అతడు అక్కడి నుంచి తప్పించుకోకుండా అతడి చేతులను గట్టిగా పట్టుకున్నారు. ఇంతలో రైలు కదలడంతో ఆ వ్యక్తి రైలు బయట వేలాడే పరిస్థితి ఏర్పడింది.రైలు ముందుకు కదులుతున్న కొద్దీ ఆ వ్యక్తి తీవ్రంగా ఇబ్బంది పడుతున్నట్లు వీడియోలో కనిపించింది. ప్లాట్‌ఫామ్‌పై ఉన్నవారు ఈ దృశ్యాన్ని చూస్తూ ఉండిపోయారు. ప్రయాణికులు అతడిని పట్టుకుని ఉండటంతో కొంతదూరం పాటు రైలు బయటకు వేలాడుతూ వెళ్లాడు అనంతరం వాళ్లు వదిలేయడంతో అతడు ప్లాట్‌ఫామ్‌పై పడిపోయాడు. ఆ తర్వాత భద్రతా సిబ్బంది అతడిని అదుపులోకి తీసుకున్నట్లు తెలుస్తోంది. అయితే సదరు దొంగకు ఏమైనా గాయాలు అయ్యాయా అనే విషయం తెలియాల్సి ఉంది.అయితే, అనుమానిత దొంగను పట్టుకునే క్రమంలో ప్రయాణికులు అనుసరించిన విధానంపై కూడా తీవ్ర విమర్శలు వస్తున్నాయి. కదులుతున్న రైలు బయట ఒక వ్యక్తిని పట్టుకుని వేలాడదీయడం వల్ల అతడితో పాటు అతడిని పట్టుకున్న ప్రయాణికులు కూడా తీవ్రంగా గాయపడే అవకాశం ఉంది. రైలు వేగం పెరిగితే పరిస్థితి మరింత ప్రమాదకరంగా మారవచ్చు. పట్టుతప్పి పడిపోతే ప్రాణాపాయం కూడా సంభవించే అవకాశాలున్నాయని నెటిజన్లు కామెంట్లు చేస్తున్నారు.దొంగతనానికి ప్రయత్నించిన వ్యక్తిని శిక్షించడం సరైందే కానీ దానికి ఓ పద్దతి ఉండాలి అని అంటున్నారు. రైలులో లేదా రైల్వే స్టేషన్‌లో దొంగతనానికి ప్రయత్నిస్తున్న వ్యక్తులు కనిపిస్తే ప్రయాణికులు తమ ప్రాణాలను ప్రమాదంలోకి నెట్టే విధంగా వారిని ఎదుర్కోవద్దని సూచిస్తున్నారు. ఇలాంటి ఘటనలను వెంటనే రైల్వే సిబ్బంది దృష్టికి తీసుకెళ్లాలి. అలాగే ప్రభుత్వ రైల్వే పోలీసు (GRP), రైల్వే ప్రొటెక్షన్ ఫోర్స్ (RPF) అధికారులకు సమాచారం అందించాలని విజ్ఞప్తి చేస్తున్నారు. ఇదీ చదవండి: ఈడ్చుకెళ్లారు. ఎక్కడ పడితే అక్కడ కొట్టారు Shocking: At Shivnarayanpur Railway Station, a thief tried to snatch a mobile phone from a moving train and run away, but he was caught and held through the window https://t.co/Eii1vALd4u— Ramesh Speaks (@rameshofficial0) October 12, 2026

సాక్షి, న్యూఢిల్లీ: ఇటీవల ఢిల్లీలో చేపట్టిన సీఈసీ వ్యతిరేఖ ఆందోళనలో పాల్గొన్న విద్యార్థులతో లోక్‌సభ ప్రతిపక్ష నేత రాహుల్‌ గాంధీ భేటీ అయ్యారు. ఢిల్లీలోని తన అధికారిక నివాసంలో రాహుల్ గాంధీ ఒక 'హై-టీ' సమావేశాన్ని ఏర్పాటు చేశారు. ఈ భేటీలో ఇండియా (INDIA) కూటమి నాయకులతో పాటు, సీఈసీ వ్యతిరేక ఉద్యమంలో పాల్గొంటున్న సివిల్ సొసైటీ కార్యకర్తలు, యువజన, విద్యార్థి సంఘాల ప్రతినిధులు పాల్గొన్నారు.ఈ భేటీలో పోలీసుల చేతిలో గాయాలైన NSUI విద్యార్థులు ప్రత్యేకంగా రాహుల్‌ని కలిశారు. తమను పోలీసులు రోడ్లపై ఈడ్చెకళ్లారని ఇష్టారీతిన కొట్టారని ఈ సందర్బంగా ఆందోళనకారులు రాహుల్‌ గాంధీతో వాపోయారు. దీనిపై ఆవేదన వ్యక్తం చేసిన రాహుల్‌ గాంధీ పోలీసులు దాడి చేసిన వీడియో ఆధారాలు సేకరించాలని బాధ్యులకు తగిన శిక్షలు పడేలా చర్యలు తీసుకుంటామని రాహుల్‌ ఈ వారికి హామీ ఇచ్చారు అనంతరం రాహుల్ మాట్లాడుతూ "కేరళకు చెందిన అతిర ఒక చెవి వినికిడిని కోల్పోయింది. ఆ చెవిపై దెబ్బ తగలడంతో ఆమెకు ఒక చెవి వినపడకుండా అయ్యింది. ఆమె ఇక వినలేకపోతుంది. గతసారి నేను మీకు కళ్ళు కోల్పోయిన ఒక బాలుడిని చూపించాను. ఇప్పుడు, ఆమెకు చెవి వినపడకుండా అయ్యింది," అని అన్నారు.కాగా గత వారం రోజులుగా ఢిల్లీ నిరసనలతో అట్టుడుకుతుంది. అక్టోబర్‌ 6న ఈసీ కార్యాలయం (ఎన్నికల సంఘం ఆఫీస్) మరియు ఆకాశవాణి భవన్ వద్ద విపక్ష ఎంపీలు ఆందోళనలు చేపట్టారు అక్టోబర్ 10 (శనివారం) కాక్రోచ్ జనతా పార్టీ, విద్యార్థి సంఘాలు, జంతర్ మంతర్ వద్ద పెద్ద ఎత్తున నిరసనకు పిలుపునిచ్చాయి. అక్టోబర్ 12న రాహుల్ గాంధీ నేతృత్వంలో ఇండి కూటమి వేలాది మంది కార్యకర్తలతో సుప్రీంకోర్టు వైపు భారీ నిరసన మార్చ్ నిర్వహించింది.ఈ నిరసనల నేపథ్యంలో కేంద్రప్రభుత్వం కఠిన ఆంక్షలు విధించింది. అక్టోబర్‌ 10న ఢిల్లీని అష్ట దిగ్భందనం చేసింది. జంతర్ మంతర్ వద్దకు చేరుకోవడానికి ప్రయత్నించిన విద్యార్థులు, యువజన సంఘాలపై పోలీసులు లాఠీలతో దాడి చేశారని నిరసనకారులు పేర్కొన్నారు. ఈ లాఠీఛార్జ్‌లో పలువురు NSUI విద్యార్థి నాయకులు, యువకులు తీవ్రంగా గాయపడ్డారు. ఈ బాధితులతో రాహుల్‌ ఈ రోజు తన అధికారిక నివాసంలో భేటీ అయ్యారు. ఇదీ చదవండి: యూపీలో బీజేపీ నేత బంధీ

సాక్షి, న్యూఢిల్లీ: ఎస్‌ఐఆర్‌ కంటే ముందు కాంగ్రెస్‌ ఎన్ని ఎన్నికల్లో గెలిచిందని కేంద్ర హోంశాఖ మంత్రి అమిత్‌షా ప్రశ్నించారు. ప్రజల మద్దతు కోసం రాహుల్‌ ఇష్ఠారీతిన అబద్ధాలు చెబుతున్నారన్నారు. ఇండి కూటమి నేతలపై ఈ రోజు (మంగళవారం) తీవ్ర ఆగ్రహం వ్యక్తం చేస్తూ మాట్లాడారు.రాహుల్ దురుద్దేశంతోనే ఎస్‌ఐఆర్‌ ప్రక్రియపై తప్పుడు ప్రచారం చేస్తున్నారని 2029 ఎ‍న్నికల్లో ప్రజలు ఎవరివైపు ఉంటారో తేల్చుకుందామని కాంగ్రెస్‌ కు సవాల్‌ విసిరారు. రాహుల్ గాంధీతో పాటు కాంగ్రెస్ మిత్రపక్షాలు 2029 సార్వత్రిక ఎన్నికల్లో మరో ఘోర పరాజయానికి సిద్ధంగా ఉండాలని అమిత్ షా హెచ్చరించారు. వచ్చే ఎన్నికల్లో కూడా ఎన్డీఏ పూర్తి మెజారిటీతో అధికారంలోకి రాబోతోందని, కాంగ్రెస్‌కు వరుసగా ఇది నాలుగో ఓటమి కాబోతోందని జోస్యం చెప్పారు. రాహుల్ గాంధీ ఎస్‌ఐఆర్ (SIR) ప్రక్రియను వ్యతిరేకించడం వెనుక ఉన్న అసలు ఉద్దేశం చొరబాటుదారులను రక్షించడమేనని అమిత్ షా ఆరోపించారు.కాంగ్రెస్ ఆడుతున్న ఈ రాజకీయ రంగులను దేశ ప్రజలు పూర్తిగా అర్థం చేసుకున్నారని, వారి మాటలను నమ్మే పరిస్థితిలో లేరని అన్నారు. రాజ్యాంగ సంస్థలపై బురదజల్లడం రాహుల్‌కు అలవాటుగా మారిందని ఎన్నికల్లో ఓడిపోయిన ప్రతిసారీ ఆత్మపరిశీలన చేసుకోకుండా... ఎన్నికల సంఘం, ఈవీఎంలు లేదా సుప్రీంకోర్టు వంటి రాజ్యాంగ సంస్థలపై బురదజల్లడం ఏంటని ప్రశ్నించారు. ప్రజల మద్దతు కోల్పోయిన రాహుల్ గాంధీ, కేవలం దురుద్దేశంతోనే ఇష్టారీతిన అబద్ధాలు ప్రచారం చేస్తున్నారని ఆగ్రహం వ్యక్తం చేశారు.ఇదీ చదవండి: బాధ్యతల నుండి విముక్తి కల్పించండి

సాక్షి, న్యూ ఢిల్లీ: లోక్‌సభ ప్రతిపక్షనేత రాహుల్‌ గాంధీ నివాసంలో ఇండి కూటమి నేతల సమావేశం ముగిసింది. సీఈసీకి జ్ఞానేష్ కుమార్ కు వ్యతిరేకంగా పోరాటం కొనసాగించాలని నిర్ణయించినట్లు విపక్షాలు తెలిపాయి. అదే విధంగా జంతర్ మంతర్ ను నిరసన ప్రదేశంగా కొనసాగించాలని డిమాండ్ చేస్తున్నట్లు పేర్కొన్నాయి. మీటింగ్ అనంతరం ఇండి కూటమి నేతలు మాట్లాడుతూరాహుల్ మాట్లాడుతూ.. "ప్రజాస్వామ్యాన్ని బ్రతికించాలనే మా తాపత్రేయం దేశంలో ఎన్నికల వ్యవస్థ నాశనం చేశారు. మోదీ, అమిత్‌షా, జ్ఞానేష్‌ కుమార్‌కు ఉచ్చు బిగుస్తోంది. దేశంలో ప్రజాస్వామ్యం ఖూనీ అయ్యింది. ధ్వంసమైన ప్రజాస్వామ్యాన్ని కాపాడటమే మా లక్షం". అని అన్నారు. ఏఐసీసీ అధ్యక్షుడు ఖర్గే మాట్లాడుతూ..తమ పోరాటం విజయవంతమైందని నిన్న సుప్రీంకోర్టుకు విపక్షాలు చేపట్టిన ధర్నాలో ఎన్నడూ లేని స్థాయిలో భారీ సంఖ్యలో యువత పాల్గొన్నారని పేర్కొన్నారు. సీఈసీ జ్ఞానేష్ కుమార్ కు ఎట్టి పరిస్థితుల్లో శిక్ష తప్పదని రాబోయే రోజుల్లో మా పోరాటం కొనసాగుతుందని ఆర్జేడీ నేత తేజస్వీయాదవ్‌ పేర్కొన్నారు. ఆందోళనపై భయంతోనే జంతర్ మంతర్ ను మూసివేశారని జంతర్ మంతర్ ను నిరసన ప్రదేశంగా కొనసాగించాలని సీపీఐ జాతీయ ప్రధాన కార్యదర్శి డి. రాజా ప్రభుత్వానికి అల్టిమేటం జారీ చేశారు. ఇదీ చదవండి: రాహుల్‌కు పిటిషన్ వేయడం రాదు

సాక్షి, న్యూఢిల్లీ: సుప్రీంకోర్టులో సరిగ్గా పిటిషన్‌ వేయడం సైతం లోక్‌సభ ప్రతిపక్ష నేత రాహుల్‌ గాంధీకి రావడం లేదని కేంద్రమంత్రి పీయూష్‌ గోయల్‌ విమర్శించారు. నిన్న ఎస్‌ఐఆర్‌పై విపక్షాలు వేసిన పిటిషన్‌లో 14 లోపాలు రిజిస్ట్రీ గుర్తించిందన్నారు. ఈ రోజు (మంగళవారం) ఢిల్లీలో ఆయన మీడియా సమావేశం నిర్వహించారు.పీయూష్‌ గోయల్‌ మాట్లాడుతూ.. ఈసీకి వ్యతిరేకంగా సరైన ఆధారాలుంటే కోర్టుకు ఎందుకు సమర్పించలేదన్నారు. మీరు గెలిచిన రాష్ట్రాల్లో ఎస్‌ఐఆర్‌ సక్రమమా ఓడిన చోట అక్రమమా అని ప్రశ్నించారు. రాహుల్‌ గాంధీ దేశంలో అరాచకం సృష్టించాలని చూస్తున్నారు. అసత్యాలతో రాజకీయం చేసే యత్నం చేస్తున్నారన్నారని పీయూష్‌ గోయల్‌ విమర్శించారు.కాగా ఢిల్లీలో ఎన్నికల ప్రధాన కమిషనర్‌ జ్ఞానేశ్‌ కుమార్‌, సర్‌కు వ్యతిరేకంగా జరిగిన నిరసనలపై దాఖలైన పిటిషన్ల విచారణ వాయిదా పడింది. ఈ నిరసనల సందర్భంగా పోలీసుల చర్యలు, రాజకీయ నాయకులు, న్యాయవాదులు, జర్నలిస్టుల నిర్బంధం, ప్రజా రవాణాపై ఆంక్షలు తదితర అంశాలపై సుప్రీంకోర్టులో పలు పిటిషన్లు దాఖలయ్యాయి. వీటిపై స్పందన తెలియజేస్తూ నివేదికలు, కౌంటర్లు దాఖలు చేసేందుకు కేంద్రం తరఫున సొలిసిటర్‌ జనరల్‌ తుషార్‌ మెహతా గడువు కోరింది. అయితే అందుకు న్యాయస్థానం అంగీకరించింది.ప్రధాన న్యాయమూర్తి జస్టిస్‌ సూర్యకాంత్‌, జస్టిస్‌ జోయ్‌మాల్య బాగ్చి, జస్టిస్‌ వి.మోహనలతో కూడిన ధర్మాసనం మంగళవారం ఈ పిటిషన్లను విచారించాల్సి ఉంది. అయితే జస్టిస్‌ మోహన అనారోగ్యానికి గురికావడంతో విచారణను అక్టోబర్‌ 15కు వాయిదా వేయాలని సీజేఐ బెంచ్‌ భావించింది. ఈ లోపు కేంద్రం గడువు కోరడంతో.. వాయిదాకు ఇరుపక్షాల న్యాయవాదులు అభ్యంతరం వ్యక్తం చేయలేదు. ఇదీ చదవండి: అక్టోబర్‌ 15న విచారణ

సాక్షి, న్యూఢిల్లీ: కేంద్ర ప్రభుత్వం కీలక నిర్ణయం తీసుకుంది. పలు రాష్ట్రాలకు నూతన గవర్నర్లను నియమిస్తూ ఆదేశాలు జారీ చేసింది. కేరళం గవర్నర్‌గా ఓం ప్రకాశ్‌ మాథూర్‌ని నియమించింది. తమిళనాడు గవర్నర్‌గా రాజేంద్ర విశ్వనాథ్‌ అర్లేకర్‌, ఒడిశా గవర్నర్‌గా బ్రజ్‌ మోహన్‌ రాయ్‌, కర్ణాటకకు డా. సుధా యాదవ్, ఉత్తరఖండ్‌ డా. ధల్‌సింగ్‌ బిసెన్‌, సిక్కిం గవర్నర్‌గా దుష్యంత్‌ గౌతమ్‌ లను నియమించింది.

తిరువనంతపురం: కేరళ అసెంబ్లీ కీలక నిర్ణయం తీసుకుంది. సీఈసీ జ్ఞానేష్ కుమార్‌ను ఆ పదవి నుంచి తొలగించాలని డిమాండ్ చేస్తూ కేరళ శాసనసభ ఒక తీర్మానాన్ని ఆమోదించింది. ఆ రాష్ట్ర ముఖ్యమంత్రి వి.డి. సతీశన్ ఈ తీర్మానాన్ని అసెంబ్లీలో ప్రవేశపెట్టారు. ఈ తీర్మానాన్ని ముగ్గురు బీజేపీ ఎమ్మెల్యేలు వ్యతిరేకించారు.ఈ సందర్భంగా ముఖ్యమంత్రి మాట్లాడుతూ..ఓటర్ల జాబితా ప్రత్యేక సమగ్ర సవరణ (SIR) ప్రక్రియలో తీవ్రమైన లోపాలు ఉన్నాయని, మైనారిటీలు, వలస కార్మికులు, అణగారిన వర్గాలు యువ ఓటర్ల ఓటు హక్కును సాంకేతిక మార్పులతో తొలగించడం ద్వారా ప్రజాస్వామ్య విలువలకు భంగం కలుగుతోందని ఆరోపించారు. కనుక ఎన్నికల కమిషన్ విశ్వసనీయతను కాపాడటానికి సీఈసీని తొలగించాలని తీర్మానం చేశారు.అంతేకాకుండా ఎన్నికల కమిషనర్ల నియామక ప్యానెల్‌ను పునర్వ్యవస్థీకరించాలని ఆ ప్యానెల్‌లో ప్రధానమంత్రి, ప్రతిపక్షనేత, సీజేఐ సభ్యులుగా ఉండాలని సూచించారు. ఈ తీర్మానాన్ని ప్రతిపక్ష లెఫ్ట్ డెమోక్రటిక్ ఫ్రంట్ (LDF) బలపరిచింది. ఇదీ చదవండి: సీఈసీకి వ్యతిరేకంగా విపక్షాల ర్యాలీ

అప్‌డేట్స్‌(12-10-2026) 7.14PMరాహుల్ పిటిషన్‌ సుప్రీంకోర్టులో రేపు విచారణ? చీఫ్‌ జస్టిస్‌ సూర్యకాంత్ నేతృత్వంలో విచారణ?6.15 PMసుప్రీం కోర్టులో రాహుల్‌ గాంధీ పిటిషన్‌సీఈసీ జ్ఞానేష్‌ కుమార్‌పై పిటిషన్‌ సీఈసీ ఏకపక్ష నిర్ణయాలు రద్దు చేయాలిసీఈసీ అక్రమాలపై విచారణ జరపాలిపిటిషన్‌ను రేపు విచారించే అవకాశం4:44 PMసుప్రీంకోర్టును ఆశ్రయించిన రాహుల్‌ లీగల్‌ టీమ్‌ఓట్‌ చోరీపై సుప్రీంలో పిటిషన్‌నిర్ణీత సమయంలో సుప్రీంకోర్టు చేరుకోని రాహుల్‌ దాంతో సుప్రీంలో పిటిషన్‌ వేసిన రాహుల్‌ లీగల్‌ టీమ్‌ 4:17PMసుప్రీంలో స్వయంగా పిటిషన్‌ వేయనున్న రాహుల్‌రాహుల్‌తో పాటు మరో ఏడుగురు నేతలుసుప్రీంకోర్టుకు పాదయాత్రగా ఇండికూటమి నేతల మార్చ్‌భారీగా పాల్గొన్న ఇండి కూటమి నేతలుఎస్‌ఐఆర్‌ ప్రక్రియ నిలిపివేయాలని ఇండి కూటమి నేతల డిమాండ్‌ఢిల్లీలో మరోసారి హైటెన్షన్‌ వాతావరణం నెలకొంది. సీఈసీ రాజీనామా డిమాండ్‌తో విపక్షాలు కన్నాట్‌ ప్లేసు నుంచి సుప్రీంకోర్టుకు ర్యాలీగా బయిలుదేరాయి. సీఈసీ రాజీనామా డిమాండ్‌. ఎస్‌ఐఆర్‌ ప్రక్రియను వెంటనే ఆపాలని విపక్షాలు డిమాండ్ చేస్తున్నాయి. దీంతో ఉద్రిక్త వాతావరణం నెలకొంది. ఎన్నికల వ్యవస్థలో అవకతవకలు 'ఓట్ చోరీ' ఆరోపణలపై 'ఇండి' కూటమి నేతలతో, లోక్‌సభ ప్రతిపక్ష నేత రాహుల్ గాంధీ నేతృత్వంలో ఈ ర్యాలీ నిర్వహిస్తున్నారు.ర్యాలీ సందర్భంగా సీఈసీ జ్ఞానేష్‌ కుమార్‌పై రాహుల్ సంచలన ‍వ్యాఖ్యలు చేశారు. ఆయన గురించి పూర్తి సమాచారం తన వద్ద ఉందని రెండు వందల మంది అధికారులు తనతో టచ్‌లో ఉన్నారని పేర్కొన్నారు. సీఈసీకి వ్యతిరేకంగా న్యాయపోరాటం చేస్తాం ఎట్టి పరిస్థితుల్లో జ్ఞానేశ్‌ కుమార్‌ రాజీనామా చేయాల్సిందేనని పేర్కొన్నారు. సుప్రీంకోర్టులో జ్ఞానేశ్‌ కుమార్‌పై పిటిషన్‌ వేస్తామన్నారు.కాగా విపక్షాలను కలవడానికి సీజేఐ అపాయింట్‌మెంట్ నిరాకరించారు. సుప్రీంకోర్టు ప్రధాన న్యాయమూర్తి (CJI) జస్టిస్ సూర్యకాంత్‌ను కలిసి మెమొరాండం సమర్పించాలని తొలుత విపక్ష నేతలు భావించారు. అయితే కోర్టులో చర్చించాల్సిన అంశాలు కోర్టు పరిశీలనలో ఉన్నందున, పరిపాలనాపరమైన విషయాల్లో కోర్టు జోక్యం చేసుకోలేదని పేర్కొంటూ సీజేఐ ఈ భేటీని నిరాకరించారు.శాంతిభద్రతల సమస్యలను దృష్టిలో ఉంచుకుని ఈ నిర్ణయం తీసుకున్నట్లు ఆయన లేఖ ద్వారా వివరించారు. ఢిల్లీ నిరసనల వేళ న్యాయవాదులు, కక్షిదారులు ,కోర్టు సిబ్బంది రాకపోకలకు ఎలాంటి అడ్డంకులు సృష్టించకూడదని సీజేఐ స్పష్టమైన ఆదేశాలు జారీ చేశారు. ఇదీ చదవండి: జంతర్‌ మంతర్‌పై సంచలన నిర్ణయం#WATCH | Delhi: INDIA bloc MPs, including Lok Sabha LoP Rahul Gandhi, hold protest march The alliance has called a march to the Supreme Court today. They have also announced that they would file a petition before the apex court in connection with CEC Gyanesh Kumar matter and their allegations with respect to the SIR process.— ANI (@ANI) October 12, 2026

చెన్నై: ప్రస్తుతం ప్రపంచం ఎదుర్కొంటున్న సమస్యలకు పరిష్కారాలు చూపించే సామర్థ్యం జెన్‌-జీ యువతకు ఉందని ప్రధానమంత్రి నరేంద్ర మోదీ అన్నారు. యువత తమ భవిష్యత్తును విశాల దృక్పథంతో చూడాలని, పెద్ద కలలు కనాలని, వినూత్నంగా ఆలోచిస్తూ నిర్భయంగా ముందుకు సాగాలని పిలుపునిచ్చారు. చెన్నైలోని నందంబాక్కంలో జైగోపాల్‌ గరోడియా హిందూ విద్యాలయ మెట్రిక్యులేషన్‌ హయ్యర్‌ సెకండరీ పాఠశాల స్వర్ణోత్సవ వేడుకల్లో ఆయన పాల్గొని ప్రసంగించారు.ఆయన మాట్లాడుతూ ‘‘నేడు ప్రపంచం అనేక సమస్యలకు పరిష్కారాల కోసం ఎదురుచూస్తోంది. ఆ పరిష్కారాలను అందించే సామర్థ్యం మీలో ఉంది. ప్రతి యువకుడు తన భవిష్యత్తును విశాలమైన దృక్పథంతో చూడాలని నేను కోరుకుంటున్నాను. ఎందుకంటే ఇది మీ సమయం.. మీకు లభించిన గొప్ప అవకాశం.మీలో ప్రతి ఒక్కరూ నిర్భయంగా ఉండేందు్కు మీకు మీరే అవకాశం ఇచ్చుకోండి. మీ ఆలోచనలపై పనిచేయండి. పెద్ద కలలు కనండి. భిన్నంగా ఆలోచించండి. ఎలాంటి భయం లేకుండా ముందుకు సాగండి’ అని అన్నారు.అభివృద్ధి చెందిన భారతదేశ నిర్మాణానికి అవసరమైన కొత్త ఆలోచనలు, పరిష్కారాలు కేవలం దేశ భవిష్యత్తునే కాకుండా ప్రపంచ భవిష్యత్తును కూడా ప్రభావితం చేస్తాయని పేర్కొన్నారు. తాను వారణాసి (కాశీ) ప్రజల ప్రతినిధినని మోదీ ఈ సందర్భంగా పేర్కొన్నారు. నిర్భయంగా జీవించాలనే స్ఫూర్తిని అందించే మహాకవి సుబ్రహ్మణ్య భారతి రచనలను ప్రస్తావిస్తూ యువతకు కీలక సందేశమిచ్చారు. భారతదేశంలో అపారమైన అవకాశాలు ఉన్నాయని, యువత తమ సమయాన్ని సద్వినియోగం చేసుకోవాలని అన్నారు.ఢిల్లీ నిరసనలు.. మోదీ వ్యూహంకాగా సీఈసీ జ్ఞానేశ్‌ కుమార్‌కు ‍వ్యతిరేకంగా సీజేపీ ఆధ్యర్యంలో నిన్న (ఆదివారం) ఢిల్లీలో పెద్దఎత్తున నిరసనలు జరిగిన సంగతి తెలిసిందే. ప్రస్తుతం దేశంలోని జెన్‌-జీ యువతకు ప్రతినిధి పార్టీగా గుర్తింపు పొందిన సీజేపీ వ్యవస్థాపకుడు అభిజీత్‌ దీప్కే, మరో ఇద్దరు నేతలు సౌరవ్‌ దాస్‌, ఆశుతోష్‌ రంకాలను ముంబయి నుంచి ఢిల్లీకి చేరుకున్న విమానం దిగిన కొద్దిసేపటికే పోలీసులు అదుపులోకి తీసుకున్నారు. వీరితో పోటు మాజీ సీఎంలో మమతా బెనర్జీ, అరవింద్ కేజ్రీవాల్‌ ఇతరులను అరెస్ట్ చేశారు. మెుత్తంగా 3,000 మందిని కూడా నిర్బంధించినట్లు సమాచారం.సుప్రీం కీలక ఆదేశాలుఢిల్లీలో నిరసనల నేపథ్యంలో విధించిన ఆంక్షలపై సుప్రీంకోర్టు ఆదివారం ప్రత్యేక విచారణ చేపట్టింది. అత్యవసర పరిస్థితుల్లో తప్ప మిగిలిన అన్ని చోట్లా బారికేడ్లను తొలగించాలని అధికారులను ఆదేశించింది. అలాగే, పెద్ద సంఖ్యలో ప్రజలు ఒకచోట గుమికూడకుండా నిషేధించే భారతీయ నాగరిక్‌ సురక్షా సంహిత (బీఎన్‌ఎస్‌ఎస్‌), 2023లోని సెక్షన్‌ 163 అమలును ఉపసంహరించుకోవాలని సూచించింది.ఇదీ చదవండి: ఢిల్లీ నిరసనల్లో అమ్మాయిల దాడులు

రాంచీ: జార్ఖండ్‌లోని వేదాంత గ్రూప్‌కు సంబంధించిన బొకారో ఇఎస్ఎల్ (ESL) స్టీల్ ప్లాంట్‌లో ఈ రోజు (ఆదివారం) ప్రమాదం జరిగింది. విషవాయువులు లీకై ఒక ఎగ్జిక్యూటివ్, మరో ఇంజనీర్ మృతిచెందారు. ప్లాంట్‌లోని బ్లాస్ట్ ఫర్నెస్-1 వద్ద వీరు పనిచేస్తుండగా అకస్మాత్తుగా విషవాయువు (కార్బన్ మోనాక్సైడ్ కావచ్చునని ) భావిస్తున్నారు.ప్రమాదం జరిగిన వెంటనే స్పందించి ఆ ఇద్దరినీ అత్యవసర వైద్యం కోసం ఆసుపత్రికి తరలించినప్పటికీ ఫలితం లేకుండా పోయిందని కంపెనీ సిబ్బంది తెలిపారు. అయితే ఈ ప్రమాదంపై సమగ్రమైన స్వతంత్ర దర్యాప్తు జరిపిస్తామని, నివేదిక ఆధారంగా తగిన చర్యలు తీసుకుంటామని యాజమాన్యం ప్రకటించింది.ఇదీ చదవండి: ఇదేంది మామ కొంచెం ఉంటేనా

న్యూఢిల్లీ: ఢిల్లీలో కేంద్ర ఎన్నికల సంఘానికి వ్యతిరేకంగా జరుగుతున్న నిరసనకు ముందు యూట్యూబర్ ధ్రువ్ రాఠీని గురుగ్రామ్‌లో పోలీసులు అదుపులోకి తీసుకోవడం చర్చనీయాంశంగా మారింది. అంతకుముందు అక్టోబర్ 8న బెంగళూరులో జరిగిన ఎన్నికల జాబితాల సవరణ వ్యతిరేక కార్యక్రమంలో కూడా ఆయన పాల్గొన్నారు. ఈ నేపథ్యంలో, జర్మన్ పౌరసత్వం కలిగి ఉన్నారని ప్రచారంలో ఉన్న రాఠీ దేశీయ రాజకీయ ఆందోళనల్లో పాల్గొనడంపై మాజీ పోలీస్ కమిషనర్, బీజేపీ నేత భాస్కర్ రావు కేంద్ర హోం శాఖకు ఫిర్యాదు చేశారు.రాఠీ పౌరసత్వం, పాస్‌పోర్ట్, వీసా నిబంధనల ఉల్లంఘనలపై సమగ్ర దర్యాప్తు జరపాలని ఆయన కోరారు. భారత రాజ్యాంగం ప్రకారం నిరసన తెలిపే హక్కుల విషయంలో భారత పౌరులకు, విదేశీయులకు మధ్య స్పష్టమైన వ్యత్యాసం ఉంది. భావ ప్రకటనా స్వేచ్ఛ (ఆర్టికల్ 19(1)(ఎ)), శాంతియుతంగా సమావేశమయ్యే హక్కు (ఆర్టికల్ 19(1)(బి)) కేవలం భారత పౌరులకు మాత్రమే రాజ్యాంగం కల్పించిన ప్రాథమిక హక్కులు. ఇవి విదేశీయులకు వర్తించవు. చట్టం ముందు సమానత్వం (ఆర్టికల్ 14), జీవించే హక్కు, వ్యక్తిగత స్వేచ్ఛ (ఆర్టికల్ 21) దేశంలో ఉన్న విదేశీయులకు కూడా లభించినప్పటికీ, అవి రాజకీయ నిరసనల్లో పాల్గొనే ప్రత్యేక హక్కును కల్పించవు.భారతదేశంలో పర్యటించే విదేశీ పౌరుల కార్యకలాపాలు దేశ ఇమ్మిగ్రేషన్ చట్టాలు, వీసా నిబంధనలకు లోబడి ఉండాలి. సాధారణంగా టూరిస్ట్ లేదా సందర్శక వీసాలపై వచ్చే విదేశీయులు భారతదేశ అంతర్గత రాజకీయ వ్యవహారాల్లో, నిరసనల్లో లేదా ర్యాలీల్లో పాల్గొనడం వీసా నిబంధనల ఉల్లంఘన కిందకు వస్తుంది. ఎవరైనా ఈ షరతులను ఉల్లంఘించినట్లు తేలితే, వారికి ఇచ్చిన వీసా అనుమతిని రద్దు చేయడం లేదా వారిని దేశం నుంచి బహిష్కరించడం (డిపోర్టేషన్) వంటి చట్టపరమైన చర్యలను ప్రభుత్వం తీసుకోవచ్చు.గతంలో కూడా నిరసనల్లో పాల్గొన్న విదేశీయులపై భారత ప్రభుత్వం చర్యలు తీసుకున్న దాఖలాలు ఉన్నాయి. ముఖ్యంగా 2019–2020లో జరిగిన పౌరసత్వ సవరణ చట్టం (సీఏఏ) వ్యతిరేక ఆందోళనల్లో పాల్గొన్న ఒక నార్వే పర్యాటకురాలితో పాటు మొత్తం ఐదుగురు విదేశీయులను వీసా నిబంధనలు ఉల్లంఘించినందుకు దేశం విడిచి వెళ్లాల్సిందిగా అధికారులు ఆదేశించారు. ఈ ఉదాహరణలు విదేశీయులు రాజకీయ నిరసనల్లో పాల్గొంటే ఇమ్మిగ్రేషన్ పరమైన పరిణామాలు ఎదుర్కోవాల్సి ఉంటుందని స్పష్టం చేస్తున్నాయి.ఇదే క్రమంలో ప్రముఖ ఆర్థికవేత్త జీన్ డ్రెజ్ అంశాన్ని ఉదాహరణగా తీసుకుంటే.. ఆయన బెల్జియంలో జన్మించినప్పటికీ 2002లోనే భారత పౌరసత్వం పొందారు కాబట్టి ఆయన పూర్తిస్థాయి భారత పౌరుడిగా నిరసన తెలిపే హక్కు కలిగి ఉన్నారు. ధ్రువ్ రాఠీ విషయానికి వస్తే, ఆయనపై ప్రస్తుతం విచారణ జరపాలని ఫిర్యాదు మాత్రమే అందింది తప్ప ఆయన చట్టాన్ని ఉల్లంఘించినట్లు ఎలాంటి అధికారిక తీర్పు రాలేదు. రాఠీ వాస్తవ పౌరసత్వ హోదా, ఆయనకున్న వీసా నిబంధనల పరిశీలన తర్వాతే అధికారులు ఒక నిర్ణయానికి రానున్నారు.ఇదీ చదవండి: మెట్రో, ఇంటర్నెట్ పునరుద్ధరణకు ‘సుప్రీం’ ఆదేశాలు

డెహ్రాడూన్‌: ఉత్తరాఖండ్‌లో భూకంపం తీవ్ర కలకలం రేపింది. ఉత్తరకాశీ జిల్లాలో ఈ రోజు శనివారం సాయంత్రం భూమి స్వల్పంగా కంపించింది. రిక్టర్ స్కేలుపై దీని తీవ్రత 4.2గా నమోదైనట్లు తెలిపింది. భూకంప కేంద్రం ఉత్తరకాశీ ప్రాంతంలో భూమికి 11 కిలోమీటర్ల లోతులో భూకంపం సంభవించినట్లు జాతీయ భూకంప విజ్ఞాన కేంద్రం తెలిపింది. అయితే ఈ భూకంపం కారణంగా ఎటువంటి ధన ప్రాణ నష్టం సభవించనట్లు తెలుస్తోంది.కాగా ఒ‍క్కరోజు వ్యవధిలో భూమి రెండోసారి కంపించింది. అంతకుముందు సుమారు నాలుగు గంటల వ్యవధిలోనే రాష్ట్రంలోని బాగేశ్వర్ జిల్లాలోనూ స్వల్ప తీవ్రతతో భూమి కంపించింది. మధ్యాహ్నం 3 గంటల 40 నిమిషాల 53 సెకన్ల సమయంలో సంభవించిన ఈ భూకంపం తీవ్రత రిక్టర్ స్కేలుపై 2.8గా నమోదైంది. భూకంప కేంద్రం భూమికి ఐదు కిలోమీటర్ల లోతులో ఉన్నట్లు జాతీయ భూకంప శాస్త్ర కేంద్రం వెల్లడించింది. ఒక్కరోజులోనే రెండు సార్లు భూమి కంపించడంతో ప్రజలు ఆందోళనకు గురయ్యారు.ఇదీ చదవండి:రాహుల్ హెచ్చరిక

సాక్షి, ఢిల్లీ: జంతర్‌ మంతర్‌ వద్ద అరెస్టుల పర్వం కొనసాగుతుంది. జంతర్‌మంతర్‌ వద్ద సీజేపీ చేపట్టిన నిరసనకు బెంగాల్‌ మాజీ సీఎం మమతా బెనర్జీ, ఢిల్లీ మాజీ సీఎం అరవింద్‌ కేజ్రీవాల్‌ మద్దతు ప్రకటించారు. ఈ నేపథ్యంలో జంతర్‌ మంతర్‌ వద్దకు వస్తున్న ఇద్దరిని పోలీసులు అదుపులోకి తీసుకున్నారు. అదేవిధంగా మాజీ సీఎంలు పినరయి విజయన్‌,మాణిక్ సర్కార్‌ను అరెస్టు చేశారు. దీంతో జంతర్‌ మంతర్‌ వద్ద తీవ్ర ఉద్రిక్తత చోటు చేసుకుంది.సెంట్రల్ ఢిల్లీలోని సౌత్ అవెన్యూలో బస్ స్టాండ్ వద్ద నిరసన తెలుపుతున్న తృణమూల్ కాంగ్రెస్ అధినేత్రి, ఆమె పార్టీకి చెందిన పలువురు ఎంపీలతో పాటు అదుపులోకి తీసుకున్నారు. మమతాతో పాటు ఆమె పార్టీకి చెందిన ఐదుగురు ఎంపీలను పోలీసులు అదుపులోకి తీసుకుని బస్సులో తరలించారు. నిరసన సమయంలో మమతా బెనర్జీ నోటికి బ్యాండేజ్ వేసుకుని కూర్చున్నారు.అరెస్టుల అనంతరం మమత మాట్లాడూతూ "ప్రభుత్వం మాతో దురుసుగా ప్రవర్తిస్తోంది.ప్రజల గొంతును బలోపేతం చేయడానికి మేము, భారత కూటమిగా, మా పోరాటాన్ని కొనసాగిస్తాము," అని ఆమె అన్నారు. అదేవిధంగా ఉదయం నుంచి అరవింద్ కేజ్రీవాల్‌ పోలీసుల నిర్బందంలో ఉండగా నిరసనలో చేరడానికి తన ఇంటి నుంచి బయటకు వెళ్లేందుకు ప్రయత్నించగా, ఆయనను కూడా అదుపులోకి తీసుకున్నారు.కేరళ మాజీ ముఖ్యమంత్రి పినరయి విజయన్, సీపీఎం ఎంపీ జాన్ బ్రిట్టాస్‌లతో సహా పలువురిని పోలీసులు అదుపులోకి తీసుకుని ఛత్రసాల్ స్టేడియంలోని నిర్బంధ కేంద్రానికి తరలించారు.కాగా సీఈసీ జ్ఞానేష్‌ కుమార్‌కు వ్యతిరేకంగా చేపట్టిన ఢిల్లీలో తీవ్ర ఉద్రిక్తంగా మారింది. సీజేపీ నిరసనకు మద్దతుగా వస్తున్న వారిని ఎక్కడికక్కడ పోలీసులు అదుపులోకి తీసుకున్నారు. ఈ నేపథ్యంలోనే ఆందోళనలకు తరలివస్తున్న సీజేపీ నేతలు అభిజిత్‌ దీప్కే, సౌరవ్‌దాస్‌, అశుతోష్‌ రాంకాను విమానంలోనే పోలీసులు అరెస్టు చేశారు. ప్రస్తుతం ఢిల్లీలో తీవ్రమైన ఆంక్షలు కొనసాగుతున్నాయి.సీఈసీకి వ్యతిరేకంగా చేపట్టిన ఆందోళలనలకు ప్రభుత్వం అనుమతి లేకపోవడంతో ఎక్కడికక్కడ పోలీసులు అరెస్టు చేస్తున్నారు. ఇదీ చదవండి: అభిజిత్‌ దీప్కే ఇంట్లో విషాదం

సాక్షి, ఢిల్లీ: అమెరికా ఉపాధ్యక్షుడు జేడీ వాన్స్‌ భారతీయులపై చేసిన వ్యాఖ్యలను భారత విదేశాంగ శాఖ ఖండించింది. అవి అనవసరమైన తీవ్ర అభ్యంతరకరమైన వ్యాఖ్యలంటూ మండిపడింది. వలసదారుల సేవలను విస్మరించడం అన్యాయమని గ్రీన్ కార్డ్ కఠిన చర్యల నేపథ్యంలో, విదేశీ కార్మికులను "ఒప్పంద సేవకులు"గా అభివర్ణిస్తూ వాన్స్ చేసిన వ్యాఖ్యలు అనవసరమైనవిగా ఖండించింది.భారత్ తన ప్రకటనలో " ప్రతిభావంతుల బదిలీ ఇరు దేశాల ఆర్థిక వ్యవస్థలకు విలువను చేకూరుస్తుందని, ఎందుకంటే ఇది భారతీయులకు అవకాశాలను కల్పించడమే కాకుండా, అమెరికా కంపెనీలకు అత్యాధునిక ప్రతిభ, ఆవిష్కరణలు, పరిశోధన, ఉత్పాదకత, పోటీతత్వం, ఉద్యోగ కల్పనలతో పాటు అమెరికాలోని వాటాదారుల సంపదను కూడా సృష్టిస్తుందని అందువల్ల ఇది రెండు దేశాలకు అపారమైన పరస్పర ప్రయోజనం చేకూర్చే అంశం, ఈ ప్రక్రియలోని భాగస్వాములందరూ ఈ వాస్తవాన్ని గ్రహించగలరని మా అంచనా. అమెరికా ప్రకటించిన చర్యలు రెండు దేశాల ఉమ్మడి ఆకాంక్షలను ముందుకు తీసుకెళ్లవు," అని మంత్రిత్వ శాఖ ప్రకటన విడుదల చేసింది.యజమాని-ప్రాయోజిత గ్రీన్ కార్డ్ ప్రక్రియలో ఒక కీలకమైన దశ అయిన శాశ్వత కార్మిక ధృవీకరణ (PERM) కార్యక్రమంలో పాల్గొనకుండా, మైక్రోసాఫ్ట్ , టాటా, విప్రో, ఇన్ఫోసిస్, అడోబ్, కాగ్నిజెంట్, HCL, క్యాప్‌జెమిని అనే ఎనిమిది ఐటీ సంస్థలను యునైటెడ్ స్టేట్స్ నిషేధించిన తర్వాత ఈ ఖండన వచ్చింది. ఈ విధానం అమెరికన్ కార్మికులను ఉద్యోగ మార్కెట్ నుండి దూరం చేస్తోందని ఆరోపించింది.జేడీవాన్స్ ఏమన్నారు?హెచ్‌-1బీ వీసా విధానాన్ని తప్పుడు దోవలో వినియోగించుకుంటూ అమెరికన్ల ఉద్యోగాలకు ఎసరు పెడుతున్నారంటూ ‌ తీవ్రస్థాయిలో విరుచుకుపడ్డారు. అమెరికన్‌ ఉద్యోగులను తొలగించి.. వారి స్థానంలో తక్కువ వేతనాలకు విదేశీయులతో పనిచేయించుకుంటున్నారని ఆరోపించారు. పైగా విదేశీ ఉద్యోగులను ‘వెట్టి చాకిరీ చేసే బానిసలు’గా ఉపయోగించుకోవడాన్ని సహించబోమని స్పష్టం చేశారు.ఈ క్రమంలో దిగ్గజ కంపెనీ మైక్రోసాఫ్ట్‌నే లక్ష్యంగా చేసుకుని ఆయన విరుచుకుపడ్డారు. గత ఏడాది 6,000 మంది అమెరికన్‌ ఉద్యోగులను తొలగించగా.. అదే సమయంలో 6,300 హెచ్‌-1బీ వీసాలు పొందిందని వాన్స్‌ పేర్కొన్నారు. ఈ వ్యవహారంపై చర్యలు తీసుకుంటూ, విదేశీ ఉద్యోగులకు గ్రీన్‌కార్డుల కోసం దరఖాస్తు చేసే ప్రక్రియలో మైక్రోసాఫ్ట్‌పై ఆంక్షలు విధిస్తున్నట్లు ప్రకటించారు.ఒక్కో ఉద్యోగికి బదులుగా..మైక్రోసాఫ్ట్‌ అమెరికన్‌ ఉద్యోగులను తొలగిస్తూ.. విదేశీ ఉద్యోగుల నియామకాలను కొనసాగించడంపై వాన్స్‌ తీవ్ర అభ్యంతరం వ్యక్తం చేశారు. గత ఏడాది సంస్థ 6,000 మంది అమెరికన్లను ఉద్యోగాల నుంచి తొలగించిందని, అదే సమయంలో 6,300 హెచ్‌-1బీ వీసాలు పొందిందని, దాదాపు 3,000 గ్రీన్‌కార్డుల ప్రక్రియలకు సంబంధించిన ప్రయోజనాలు పొందిందని చెప్పారు.“మైక్రోసాఫ్ట్‌ గొప్ప అమెరికన్‌ సంస్థే. కానీ అమెరికన్లకు ఉద్యోగాలు ఇవ్వాలి. అమెరికన్‌ ఉద్యోగులను తొలగించి వారి స్థానంలో విదేశీ ఉద్యోగులతో వెట్టి చాకిరీ చేయించుకోలేరు” అని వాన్స్‌ వ్యాఖ్యానించారు. లెక్కలు చూస్తే.. తొలగించిన ప్రతి అమెరికన్‌ ఉద్యోగికి బదులుగా 1.5 మంది విదేశీ ఉద్యోగులను తీసుకున్నట్లుగా ఉందని ఆరోపించారు. ఇలాంటి విధానాన్ని అమెరికా ఇంతకాలం అనుమతించడం సిగ్గుచేటని విమర్శించారు. తాజాగా దీనిపై భారత్ ఆగ్రహం వ్యక్తం చేసింది. ఇదీ చదవండి:హెచ్‌-1బీ వీసాలపై వాన్స్‌ ఆగ్రహం

ఢిల్లీ: రేపు శనివారం (అక్టోబర్‌ 10) ఢిల్లీలో ప్రత్యేక ఆంక్షల నేపథ్యంలో రైల్వేశాఖ కీలక నిర్ణయం తీసుకుంది. ఢిల్లీ, హజ్రత్ నిజాముద్దీన్ రైల్వే స్టేషన్లకు 10 గంటల పాటు రైళ్ల రాకపోకలను రద్దు చేస్తున్నట్లు పేర్కొంది. ఈ మేరకు రైల్వే మంత్రిత్వ శాఖ కీలక ప్రకటన విడుదల చేసింది. మరోవైపు శాంతిభద్రతల కారణాల రీత్యా ఢిల్లీలోని అన్ని మెట్రో రైల్వే స్టేషన్లను పోలీసులు మూసివేస్తున్నట్లు సమాచారం.ఈ అంశంపై కేంద్ర రైల్వే మంత్రిత్వ శాఖ విడుదల చేసిన ప్రకటనలో.. "ఢిల్లీలోని న్యూఢిల్లీ, హజ్రత్ నిజాముద్దీన్ రైల్వే స్టేషన్ల పరిసర ప్రాంతాల్లో అక్టోబర్ 10న ఉదయం 4 గంటల నుంచి మధ్యాహ్నం 2 గంటల వరకు తీవ్ర రోడ్డు రద్దీ ఏర్పడే అవకాశం ఉందని నిఘా వర్గాల సమాచారం. ట్రాఫిక్ సలహాలు ఈ విషయాన్నే సూచిస్తున్నాయి. సెంట్రల్ ఢిల్లీలో ప్రతిపక్ష పార్టీలు ప్రణాళికాబద్ధంగా నిర్వహించనున్న నిరసన ప్రదర్శనల నేపథ్యంలో ఈ పరిస్థితి తలెత్తవచ్చు" అని ప్రకటనలో తెలిపింది.ప్రయాణికులు గతంలో ఎదుర్కొన్న ఇబ్బందులు మళ్లీ పునరావృతం కాకుండా చూసేందుకు రైల్వే శాఖ ముందస్తు చర్యలు చేపట్టిందని మంత్రిత్వ శాఖ వివరించింది. ఈ నేపథ్యంలో అక్టోబర్ 10వ తేదీ శనివారం ఉదయం 4 గంటల నుంచి మధ్యాహ్నం 2 గంటల మధ్య న్యూఢిల్లీ లేదా హజ్రత్ నిజాముద్దీన్ స్టేషన్లకు చేరుకోవాల్సిన అన్ని మెయిల్, ఎక్స్‌ప్రెస్ రైళ్లను అవి బయలుదేరాల్సిన ప్రారంభ స్టేషన్‌ నుంచే రద్దు చేస్తున్నట్లు ప్రకటించింది.హౌరా, సీల్దా రాజధాని ఎక్స్‌ప్రెస్ రైళ్లు రద్దుఢిల్లీలో శనివారం తీవ్ర ట్రాఫిక్ రద్దీ ఏర్పడే అవకాశం ఉన్న నేపథ్యంలో, పశ్చిమ బెంగాల్ నుంచి బయలుదేరే రెండు రాజధాని ఎక్స్‌ప్రెస్ రైళ్లను ఈస్టర్న్ రైల్వే రద్దు చేసింది. అక్టోబర్ 9వ తేదీ శుక్రవారం ప్రారంభం కావాల్సిన ఈ రైళ్లు, మరుసటి రోజు ఢిల్లీలోని న్యూఢిల్లీ, హజ్రత్ నిజాముద్దీన్ రైల్వే స్టేషన్ల పరిసరాల్లో ఏర్పడే అవకాశం ఉన్న రోడ్డు రద్దీ కారణంగా రద్దయ్యాయి.రద్దయిన రైళ్లలో 12301 నంబర్ హౌరా–న్యూఢిల్లీ రాజధాని ఎక్స్‌ప్రెస్, 12313 నంబర్ సీల్దా–న్యూఢిల్లీ రాజధాని ఎక్స్‌ప్రెస్ ఉన్నాయి. ఈ రెండు రైళ్లు అక్టోబర్ 9వ తేదీన తమ ప్రయాణాన్ని ప్రారంభించాల్సి ఉంది. అయితే ఢిల్లీలో నిరసన ప్రదర్శనల కారణంగా రోడ్డు రవాణాకు అంతరాయం ఏర్పడే అవకాశం ఉండటంతో రైల్వే అధికారులు ఈ నిర్ణయం తీసుకున్నారు.నిరసనకు అనుమతి లేదుఅయితే సర్‌లో అవకతవకలు జరిగాయని ఆరోపిస్తూ ఢిల్లీలోని జంతర్‌ మంతర్‌ వద్ద సీజేపీ చేపట్టిన ఆందోళనకు పోలీసులు అనుమతి నిరాకరించారు. గతంలో జరిగిన ఆందోళనలో హింసాత్మక ఘటనల నేపథ్యంలో అనుమతి నిరాకరించినట్లు పోలీసులు తెలిపారు. అయినప్పటికీ రైల్వేశాఖ రైళ్లను రద్దు చేయడం గమనించదగ్గ విషయం.ఇదీ చదవండి: సీజేపీ నిరసనకు అనుమతి నిరాకరణ

తిరువనంతపురం: శబరిమల యాత్రా కాలం సమీపిస్తుండటంతో , సాంప్రదాయ ఎరుమేలి-పంప అటవీ ట్రెక్కింగ్ మార్గానికి ప్రవేశం కల్పించే అంశం ప్రాధాన్యత సంతరించుకుంది. మండల-మకరవిళక్కు కాలంలో 30.7 కిలోమీటర్ల ఈ మార్గాన్ని యాత్రికులు ఇరవై నాలుగు గంటలూ ఉపయోగించుకునేందుకు అనుమతి ఇవ్వాలని పూంజర్ ఎమ్మెల్యే ఎం.జె. సెబాస్టియన్ కోరారు.ప్రవేశాన్ని 24 గంటల పాటు పొడిగించడం వల్ల యాత్రికుల రాకపోకలను నియంత్రించడంలో, రద్దీని తగ్గించడంలో సాంప్రదాయ అటవీ యాత్రను భక్తులకు మరింత సౌకర్యవంతంగా మార్చడంలో సహాయపడుతుందని మిస్టర్ సెబాస్టియన్ వాదించారు. తగిన భద్రతా ఏర్పాట్లు చేయగలిగినప్పుడు ఆంక్షల అవసరం సెబాస్టియన్ ప్రశ్నించారు. యాత్రికులను రోజంతా సురక్షితంగా మార్గాన్ని ఉపయోగించుకోవడానికి అనుమతించగలిగితే, ఆంక్షలను కొనసాగించాల్సిన అవసరం లేదు. దీనికి వ్యతిరేకంగా కోర్టు ఆదేశం లేనంత వరకు, యాత్రికులను ఇరవై నాలుగు గంటలూ ట్రెక్కింగ్ చేయడానికి అనుమతించాలని ఆయన అన్నారు.అటవీ అధికారులు వ్యతిరేకత అయితే , అటవీ అధికారులు ఈ ప్రతిపాదనపై , ముఖ్యంగా చీకటి పడిన తర్వాత యాత్రికులు అడవిలోకి ప్రవేశించే అవకాశంపై తీవ్ర ఆందోళన వ్యక్తం చేశారు. అటవీ శాఖకు చెందిన ఒక సీనియర్ అధికారి తెలిపిన వివరాల ప్రకారం, అళుతకడవ్, పంబ మధ్య ఉన్న మార్గంలో దాదాపు 18 కిలోమీటర్ల మేర దట్టమైన అడవి గుండా వెళుతుంది, ఇక్కడ వన్యప్రాణులు స్వేచ్ఛగా సంచరిస్తాయి.ఇది వన్యప్రాణులు స్వేచ్ఛగా సంచరించే ప్రాంతం, అవి రాత్రిపూట ఈ ట్రెక్కింగ్ మార్గాన్ని ఉపయోగిస్తాయి. ఈ సమయంలో యాత్రికులను వెళ్లనివ్వడం వాటి భద్రతకు తీవ్రమైన ముప్పు కలిగిస్తుంది,” అని అధికారి అన్నారు.మానవ-వన్యప్రాణుల తారసపడే అవకాశాలను తగ్గించడమే ప్రస్తుత ఆంక్షల ముఖ్య ఉద్దేశ్యమని తెలిపారు. అడవిలో నీటి లభ్యతలో కాలానుగుణ మార్పులు ఉంటాయని కూడా అధికారులు సూచించారు.ఈ మార్గంలో విషపూరిత సర్పాలతో సహా రాత్రిపూట సంచరించే వన్యప్రాణులు ఉన్నాయని అటవీ శాఖ కూడా స్పష్టం చేసింది. రాత్రి పొద్దుపోయే వరకు యాత్రికుల రాకపోకలను పొడిగించడం వల్ల, ఆ వేళల్లో సహజంగా చురుకుగా ఉండే జంతువులు తారసపడే అవకాశాలు పెరగవచ్చని అధికారులు హెచ్చరిస్తున్నారు.ఇదీ చదవండి: శబరిమల భక్తులకు గుడ్‌న్యూస్‌

ఢిల్లీ: శబరిమల రోప్‌వే ప్రాజెక్టుకు కొత్త ఊపు రానుంది. వివరణాత్మక ప్రాజెక్ట్ నివేదిక (DPR) తయారీని , అవసరమైన అనుమతులను వేగవంతం చేయడానికి కేంద్రం, కేరళ అంగీకరించడంతో ప్రతిపాదిత శబరిమల రోప్‌వే పట్టాలెక్కే అవకాశం ఉంది. కేరళ ముఖ్యమంత్రి వీడీ సతీశన్ , కేంద్ర రోడ్డు రవాణా , రహదారుల శాఖ మంత్రి నితిన్ గడ్కరీల మధ్య జరిగిన సమావేశంలో, ఈ ప్రాజెక్టు రెండేళ్లలో పూర్తి చేయాలని లక్ష్యంగా పెట్టుకున్నట్లు సమచారం అందుతోంది.శబరిమల కొండ పుణ్యక్షేత్రానికి ప్రవేశం, రవాణా సౌకర్యాలను మెరుగుపరిచే ప్రయత్నాలలో భాగంగా , గత కొన్నేళ్లుగా శబరిమల రోప్‌వే ప్రతిపాదన పరిశీలనలో ఉంది. చర్చల ప్రకారం, అటవీ ప్రాంతం గుండా రోప్‌వే నిర్మాణానికి సంబంధించిన అనేక అడ్డంకులను ఇప్పటికే పరిష్కరించారు. ఈ ప్రాజెక్టును ముందుకు తీసుకెళ్లడానికి అటవీ శాఖ అవసరమైన అవగాహనలకు చేరుకుంది.అయితే , యాత్రికుల రవాణా కోసం రోప్‌వే ఉపయోగించాలనే ప్రతిపాదన ఇంకా పరిశీలనలోనే ఉంది. ప్యాసింజర్ రోప్‌వే కార్యకలాపాల వల్ల అటవీ పర్యావరణ వ్యవస్థ, వన్యప్రాణులపై ప్రభావం గురించి , అడవిలో పెరిగిన మానవ కార్యకలాపాలు శబ్దం తదితర కారణల వల్ల కలిగే ఆటంకం గురించి ఆందోళనలు వ్యక్తమయ్యాయి.ఈ ఆందోళనల దృష్ట్యా, రోప్‌వేను సాధారణ యాత్రికుల రాకపోకల కంటే, ప్రధానంగా సామాగ్రి రవాణా, అత్యవసర వైద్య సహాయం కోసం పరిగణించే అవకాశం ఉంది. దీని తుది పరిధి డీపీఆర్ సంబంధిత అధికారుల నుండి అవసరమైన అనుమతులపై ఆధారపడి ఉంటుంది.అయితే మరోవైపు శబరిమల యాత్రపై కేరళ ప్రభుత్వం కీలక ప్రకటన చేసింది. రాబోయే శబరిమల మండలం-మకరవిళక్కు యాత్రకు యాత్రికులకు అనుకూలమైన సదుపాయాలను కల్పించడానికి స్థానిక స్వయం పరిపాలన శాఖ , జిల్లా యంత్రాంగాలు పూర్తిగా సిద్ధంగా ఉన్నాయని స్థానిక స్వయం పరిపాలన శాఖ మంత్రి కె.ఎం. షాజీ తెలిపారు. యాత్రికులకు మెరుగైన సేవలు అందించేందుకు క్షేత్రస్థాయిలో ప్రత్యక్షంగా జోక్యం చేసుకోవాలని స్థానిక స్వపరిపాలన శాఖ యోచిస్తోందని మంత్రి పేర్కొన్నారు.శబరిమల మార్గాల్లోని ఎడతవళాలను (యాత్రికుల విడిది కేంద్రాలు) కేవలం విశ్రాంతి స్థలాల నుండి సమగ్ర సమాచార కేంద్రాలుగా మార్చాలనేది ఒక కీలక ప్రతిపాదన ఉన్నట్లు పేర్కొన్నారు. యాత్రికులకు ముఖ్యమైన గమ్యస్థానాలకు దూరాలు, అందుబాటులో ఉన్న రవాణా సౌకర్యాలు, అత్యవసర హెల్ప్ లైన్ నంబర్లు,సమీపంలోని ఆసుపత్రులు, రెస్టారెంట్లు ఆహార సౌకర్యాలు తదితర వాటిపై పూర్తి స్థాయిలో అవగాహన కల్పించనున్నట్లు పేర్కొన్నారు.

దిస్ఫూర్‌: అస్సాంలో ఘోర రోడ్డు ప్రమాదం జరిగింది. బార్పేటా జిల్లాలో జాతీయ రహదారి 27పై బీఎస్‌ఎఫ్ సిబ్బందితో వెళ్తున్న బస్సు ప్రమాదానికి గురైంది. ఈ ప్రమాదంలో ఆ బస్సు డ్రైవర్‌ మృతిచెందగా అందులో వెళుతున్న 32 మంది బీఎస్‌ఎఫ్ సిబ్బంది గాయపడ్డారు. వీరిలో 14 మందికి తీవ్ర గాయాలయ్యాయి. దీంతో వారిని వెనువెంటనే ఆసుపత్రికి తరలించి చికిత్స అందిస్తున్నారు.వివరాల్లోకి వెళితే ఆ రాష్ట్రంలో జరిగిన ఎన్నికల విధులు పూర్తి చేసుకుని బీఎస్‌ఎఫ్ జవాన్లతో ధుబ్రి వైపు తిరిగివస్తుంది... ఆ సమయంలో హౌలీ సమీపంలో ఈ ప్రమాదం జరిగినట్లు తెలుస్తోంది. ట్రక్కు ముందువైపు భాగాన్ని బలంగా ఢీకొట్టినట్లు సమాచారం. గాయపడిన వారిలో ఒక జవాను పరిస్థితి అత్యంత విషమంగా ఉన్నట్లు సమాచారం. ప్రస్తుతం ఆయన ఆసుపత్రిలోని ఇంటెన్సివ్ కేర్ యూనిట్ (ఐసీయూ)లో చికిత్స పొందుతున్నారు. మిగిలిన గాయపడిన జవాన్లకు కూడా వైద్య చికిత్స అందిస్తున్నారు.కాగా, ఈ ప్రమాదంలో బస్సు డ్రైవర్ సాంసుల్ హక్ (42) అక్కడికక్కడే మృతి చెందాడు. ఆయన గోల్‌పారా జిల్లాలోని షిమ్లిటోలా పరిధిలో ఉన్న గరోయిమారీ గ్రామానికి చెందిన వ్యక్తిగా గుర్తించారు.ప్రమాదం జరిగిన వెంటనే హౌలీ పోలీసులు ఘటనా స్థలానికి చేరుకున్నారు. ప్రమాదానికి గల కారణాలను తెలుసుకునేందుకు ప్రాథమిక దర్యాప్తు ప్రారంభించారు.

సాక్షి, ఢిల్లీ: బారకంబా పీఎస్‌ వద్ద లోక్‌సభ ప్రతిపక్ష నేత రాహుల్‌ గాంధీని తెలంగాణ సీఎం రేవంత్ రెడ్డి, కేరళ సీఎం వీడీ సతీశన్‌ కలిశారు. గతంలో ఎన్నికల్లో గెలవడానికి ఈడీ,సీబీఐని వాడేవారని ఇప్పుడు ఏకంగా ఈసీని దుర్వినియోగం చేస్తున్నారని రేవంత్ రెడ్డి ఆరోపించారు. ఇది కాంగ్రెస్‌ సమస్య కాదని దేశ ప్రజల సమస్యన్నారు. అంతకు మందు రాహుల్‌ గాంధీని అరెస్ట్ చేసిన పోలీసులు బారకంబా పోలీస్‌ స్టేషన్‌కు తరలించారు. దీంతో కాంగ్రెస్‌ శ్రేణులు పెద్దఎత్తున పీఎస్‌కు చేరుకున్నాయి.సీఈసీకి వ్యతిరేకంగా జంతర్‌ మంతర్‌ వద్ద విపక్ష ఎంపీలు చేపట్టిన నిరసన తీవ్ర ఉద్రిక్తంగా మారింది. నిరసనలో పాల్గొన్న లోక్‌సభ ప్రతిపక్ష నేత రాహుల్ గాంధీతో పాటు ప్రియాంకగాంధీని పోలీసులు అరెస్టు చేశారు. దీంతో తీవ్ర ఉద్రిక్తత నెలకొంది. ఎంపీలు చేస్తున్న నిరసనకు అనుమతి లేదంటూ పోలీసులు వారించడంతో ఇండి కూటమి ఎంపీలు వారితో వాగ్వాదానికి దిగారు.కాగా అంతకుముందు ఈసీ కార్యాలయాలనికి వెళ్లడానికి విపక్ష ఎంపీలు సిద్ధమయ్యారు. సాగర్‌రత్న హోటల్ వద్ద మూడు బస్సులు ఏర్పాటు చేశారు. దీంతో ఆ ప్రాంతంలో ఉద్రిక్త వాతావరణం నెలకొంది. విపక్ష ఎంపీలు ఏఐసీసీ అధ్యక్షుడు ఖర్గేతో ఏర్పాటు చేసిన లంచ్‌ మీటింగ్ ముగిసింది. దీంతో ఎంపీలంతా ర్యాలీగా బయిలుదేరడానికి సిద్దమయ్యారు. ఈసీ కార్యాలయం వరకూ విపక్ష ఎంపీల మార్చ్‌ నిర్వహించనున్నట్లు తెలిపారు. దీంతో జన్‌పథ్‌ పరిసర ప్రాంతాల్లో పోలీసులు భద్రతను కట్టుదిట్టం చేశారు. ఈ సందర్భంగా ఖర్గే మాట్లాడుతూ మోదీ ప్రభుత్వం రాజ్యాంగాన్ని అవమానిస్తోందని ప్రజాస్వామ్యాన్ని కూలదోస్తున్నారని అన్నారు. సీఈసీకి వ్యతిరేకంగా పోరాటం కొనసాగిస్తామని ప్రజల ఓటు హక్కును మోదీ ప్రభుత్వం కాలరాస్తోందని ఆగ్రహం వ్యక్తం చేశారు. సీఈసీ తీరును ప్రజల్లోకి తీసుకెళతామని ఎన్ని కేసులు పెట్టినా భయపడే ప్రసక్తే లేదని తేల్చిచెప్పారు. ఎట్టి పరిస్థితుల్లో సీఈసీ జ్ఞానేష్ కుమార్‌ రాజీనామా చేయాల్సిందేనని లోక్‌సభ ప్రతిపక్ష నేత రాహుల్‌ గాంధీ తేల్చిచెప్పారు. నిన్న సీఈసీని కలవడానికి వెళ్తే అడ్డుకున్నారని కాసేపట్లో జంతర్‌ మంతర్‌ వద్ద ఆందోళనకు దిగుతామన్నారు. తనపై నమోదు చేసిన ఎఫ్‌ఐఆర్‌ తనకు మెడల్‌తో సమానమని రాహుల్‌ అన్నారు. కాంగ్రెస్ నేతలు మాట్లాడుతూ రాజ్యాంగం ప్రజాస్వామ్య పరిరక్షణ కోసం ఉద్యమం చేస్తున్నామని ప్రధాని రాజీనామా చేసేంత వరకూ ఉద్యంమం కొనసాగుతుందన్నారు. నిన్నటి మాదిరిగా ఈ రోజు సైతం ఆందోళనలు కొనసాగుతాయన్నారు.

లక్నో: ఉత్తరప్రదేశ్‌లోని సుల్తాన్‌పూర్ జిల్లాలో ఈ రోజు (బుధవారం) తెల్లవారుజామున ఘోర రోడ్డు ప్రమాదం జరిగింది. పుర్వాంచల్ ఎక్స్‌ప్రెస్‌వేపై టెన్నిస్ క్రీడాకారులతో వెళ్తున్న కారు ఓ ట్రక్కును వెనుక నుంచి ఢీకొనడంతో ముగ్గురు టెన్నిస్ క్రీడాకారులు మృతి చెందారు. మరో ముగ్గురు తీవ్రంగా గాయపడ్డారు. ఈ ఘటన ధన్‌పట్‌గంజ్ పోలీస్ స్టేషన్ పరిధిలోని సుఖ్‌బదేరి సమీపంలో ఉదయం సుమారు 5.30 గంటలకు జరిగింది. ఈ వివరాలను పోలీసులు తెలిపారు.పోలీసుల వివరాల ప్రకారం.. ఆరుగురు టెన్నిస్ క్రీడాకారులు లక్నోలో జరిగిన ఓ క్రీడా కార్యక్రమంలో పాల్గొని తిరిగి దేవరియాకు వెళ్తున్నారు. వారు ప్రయాణిస్తున్న కారు అతివేగంతో ప్రయాణిస్తూ ముందు వెళ్తున్న ట్రక్కును వెనుక నుంచి ఢీకొట్టింది. అయితే ప్రమాద సమయంలో కారు గంటకు సుమారు 100 కిలోమీటర్ల వేగంతో వెళ్తున్నట్లు పోలీసులు తెలిపారు.ట్రక్కును ఢీకొనడంతో కారు పూర్తిగా నుజ్జునుజ్జయిపోయినట్లు అధికారులు తెలిపారు. దీంతో అందులోని వారంతా కారులోనే చిక్కుకోని పోగా పోలీసులు స్థానికుల సహాయంతో కారు తలుపులు పగులగొట్టి అందులో ఉన్న వారిని బయటకు తీశారు. అనంతరం ఆరుగురినీ సమీపంలోని ఆసుపత్రికి తరలించారు. అక్కడ వైద్యులు ముగ్గురు అప్పటికే మృతి చెందినట్లు నిర్ధారించారు. మృతులు దేవరియాకు చెందిన నిత్య ప్రజాపతి (22), ఇర్ఫాన్ అన్సారీ (20), బీహార్‌లోని భాగల్‌పూర్‌కు చెందిన అనికేత్ (24)గా పోలీసులు గుర్తించారు.ఈ ప్రమాదంలో గాయపడిన వారిని ఆనంద్ యాదవ్ (23), రాజు (22), పశ్చిమ బెంగాల్‌లోని బీర్భూమ్‌కు చెందిన జయంతో శర్మ (30)గా గుర్తించారు. వీరిని మెరుగైన చికిత్స కోసం అయోధ్య మెడికల్ కాలేజీకి తరలించినట్లు పోలీసులు తెలిపారు. ప్రమాద సమయంలో కారులో ఉన్న వారిలో ఎక్కువ మంది నిద్రలో ఉన్నారని, ఢీకొన్న సమయంలో ఒక్కసారిగా కుదుపు రావడంతో మేల్కొన్నామని జయంతో శర్మ పోలీసులకు తెలిపినట్లు అధికారులు చెప్పారు. ఇదీ చదవండి: టీడీపీ నేత వేధింపులు

ఢిల్లీ: భారత వాయుసేన (IAF) తదుపరి చీఫ్ ఆఫ్ ది ఎయిర్ స్టాఫ్‌గా ఎయిర్ మార్షల్ అశుతోష్ దీక్షిత్ నియమితులయ్యారు. కేంద్రప్రభుత్వం ఆయనను నియమిస్తూ ఆదేశాలు జారీ చేసింది. ప్రస్తుతం వైస్ చీఫ్ ఆఫ్ ది ఎయిర్ స్టాఫ్‌గా సేవలందిస్తున్న ఆయన, ఈ నెల అక్టోబర్ 31న చీఫ్‌ ఆఫ్‌ది ఎయిర్‌ స్టాఫ్‌గా బాధ్యతలు స్వీకరించనున్నారు. ఎయిర్ మార్షల్ అశుతోష్ దీక్షిత్‌కు PVSM, AVSM, VM, VSM వంటి ప్రతిష్ఠాత్మక సైనిక పురస్కారాలు అందుకున్నారు. ఆయన నేషనల్ డిఫెన్స్ అకాడమీ (NDA), డిఫెన్స్ సర్వీసెస్ స్టాఫ్ కాలేజ్ (DSSC), నేషనల్ డిఫెన్స్ కాలేజ్ (NDC)లో ఆయన విద్యాభ్యాసం పూర్తి చేశారు.అశుతోష్‌ దీక్షిత్ వాయుసేనలో ఆయన అనేక కీలకమైన ఆపరేషనల్, వ్యూహాత్మక బాధ్యతలను నిర్వహించారు. హెడ్‌క్వార్టర్స్ ఇంటిగ్రేటెడ్ డిఫెన్స్ స్టాఫ్‌లో చీఫ్ ఆఫ్ ఇంటిగ్రేటెడ్ డిఫెన్స్ స్టాఫ్ (CISC)గా పనిచేశారు. అనంతరం ఎయిర్ ఆఫీసర్ కమాండింగ్-ఇన్-చీఫ్, సెంట్రల్ ఎయిర్ కమాండ్ విధులను నిర్వర్తించారు.తన సుదీర్ఘ వాయుసేన కెరీర్‌లో ఎయిర్ మార్షల్ అశుతోష్ దీక్షిత్ కీలకమైన సైనిక ఆపరేషన్లలోనూ పాల్గొన్నారు. ముఖ్యంగా ఆపరేషన్ సఫేద్ సాగర్, ఆపరేషన్ రక్షక్లో ఆయన పాలుపంచుకున్నారు. ఫైటర్ పైలట్‌గా, టెస్ట్ పైలట్‌గా, శిక్షకుడిగా, ఫ్రంట్‌లైన్ ఫైటర్ బేస్ కమాండర్‌గా, అలాగే ఉన్నతస్థాయి వ్యూహాత్మక,ఆపరేషనల్ బాధ్యతలు నిర్వహించారు. ఇప్పుడు భారత వాయుసేన అత్యున్నత పదవిని చేపట్టనున్నారు. ఇదీ చదవండి: హర్ముజ్‌లో తీవ్ర ఉద్రిక్తత

ఢిల్లీ: హర్ముజ్ జలసంధిలో మరోసారి తీవ్ర ఉద్రిక్తత చోటు చేసుకుంది. పనామా జెండాతో ప్రయాణిస్తున్న వాణిజ్య నౌక MT On Peaceపై మంగళవారం దాడి జరిగింది. ఈ దాడిలో మొత్తం 12 మంది సిబ్బంది గాయపడగా, వారిలో 11 మంది భారతీయులు ఉన్నారు. ఈ ఘటనపై భారత్‌ తీవ్ర ఆగ్రహం వ్యక్తం చేసింది. దాడిని ఖండిస్తున్నట్లు విదేశాంగ శాఖ ప్రకటన విడుదల చేసింది.భారత విదేశాంగ శాఖ తన ప్రకటనలో “హర్ముజ్ జలసంధి మీదుగా ప్రయాణిస్తున్న పనామా జెండాతో ఉన్న వాణిజ్య నౌక MT On Peaceపై మంగళవారం జరిగిన దాడిని మేము ఖండిస్తున్నాం. నౌకలో ఉన్న మొత్తం 19 మంది సిబ్బందిలో 17 మంది భారతీయులు ఉన్నారు. మొత్తం 12 మంది సిబ్బంది గాయపడినట్లు తెలిసింది. వారిలో 11 మంది భారతీయులు ఉన్నారు” అని తెలిపింది.ఈ ప్రాంతంలో వాణిజ్య నౌకలపై వరుసగా జరుగుతున్న దాడులు తీవ్ర ఆందోళన కలిగిస్తున్నాయని భారత ప్రభుత్వం విచారణ వ్యక్తం చేసింది. ఈ దాడులను తక్షణమే నిలిపివేయాలని హెచ్చరికలు జారీ చేసింది. వాణిజ్య నౌకలు, నావికులు, పౌర మౌలిక సదుపాయాలను లక్ష్యంగా చేసుకోవడం వెంటనే ఆగిపోవాలి. అంతర్జాతీయ జలమార్గాల ద్వారా నౌకాయానం, వాణిజ్య కార్యకలాపాలను వీలైనంత త్వరగా పునరుద్ధరించాలి” అని పేర్కొంది.గాయపడిన నౌక సిబ్బందిని ఒమన్ అధికారుల సహాయంతో నౌక నుంచి సురక్షితంగా తరలించినట్లు విదేశాంగ మంత్రిత్వ శాఖ తెలిపింది. గాయపడిన వారిని ఒమన్‌లోని ఖసబ్ ప్రాంతానికి తరలించి వైద్య చికిత్స అందిస్తున్నట్లు పేర్కొంది. గాయపడిన వారికి వైద్య సహాయం అందించడంలో సహకరించిన ఒమన్ అధికారులకు భారత ప్రభుత్వం కృతజ్ఞతలు తెలిపింది.అయితే, MT On Peaceపై జరిగిన ఈ దాడికి ఎవరు బాధ్యులన్నది భారత విదేశాంగ మంత్రిత్వ శాఖ ఇప్పటివరకు అధికారికంగా వెల్లడించలేదు. ఇదీ చదవండి: రాష్ట్ర నేతనే బురిడీ కొట్టించిన కిలాడీ

చండీగఢ్‌: ఈ రోజుల్లో పెళ్లి పేరుతో అమ్మాయిలు, లేదా అబ్బాయిలు ఇతరులను బురిడీ కొట్టించడం సాధారణంగా మారింది. తప్పుడు వివరాలు చెప్పి తీరా పెళ్లయ్యాక డబ్బు లేదా ఆస్తులతో ఉడాయిస్తుంటారు. అయితే పంజాబ్‌లోనే ఇలాంటి తరహా జరిగింది. అయితే ఇందులో పెద్ద విశేషమేముంది అనుకుంటున్నారా? అయితే ఆ మహిళ మోసం చేసింది సాదా సీదా వ్యక్తిని కాదు రాష్ట్ర స్థాయి నాయకున్ని ఈ స్టోరీ తెలుసుకోవాలనుందా అయితే ఓ లుక్కేయ్యండి!వివరాల్లోకి వెళితే.. AAP జాయింట్ సెక్రటరీ అమరీందర్ సింగ్ మండోఫల్ కు 2026 ఫిబ్రవరిలో మన్విందర్ కౌర్‌తో వివాహం జరిగింది. ఆ సమయంలో మహిళను ఆమె కుటుంబ సభ్యులు PCS అధికారిగా పరిచయం చేశారు, అంతేకాకుండా తనకు అంతకు ముందు పెళ్లి కాలేదని చెప్పారు. కాగా కొద్ది నెలలకే ఆమహిళ ఇంటి నుంచి బంగారం, వెండి ఆభరణాలు, ఇతర విలువైన వస్తువులను తీసుకుని వెళ్లిపోయింది. తీరా ఆమె గురించి ఆరా తీస్తే పెళ్లికి ముందు ఆమె చెప్పినవన్నీ అబద్ధాలు అని తేలింది. ఈ వివరాలను అమరీందర్ సింగ్ చెప్పారు. అంతే కాకుండా తనకు ఆమె వయస్సు విషయంలోనూ అబద్ధాలు చెప్పారని తెలిపారువివాహం అనంతరం ఆ మహిళ గురించి తాను సమాచారం సేకరించగా, ఆమెకు గతంలోనే పెళ్లి జరిగిందని, ఆ వివాహం విడాకులతో ముగిసిందని తెలిసిందని తెలిపారు. అంతేకాకుండా ఆమెకు 18 ఏళ్ల కుమారుడు కూడా ఉన్నాడన్నారు. తప్పుడు గుర్తింపు, తప్పుదారి పట్టించే సమాచారాన్ని ఆధారంగా చేసుకుని తనను పెళ్లి చేసుకునేలా మోసం చేశారని ఆయన ఆరోపించారు. అమరీందర్ సింగ్ మండోఫల్ జిల్లా పరిషత్ సభ్యుడిగా, అలాగే మార్కెట్ కమిటీ సిర్హింద్ చైర్మన్‌గా కూడా ఉన్నారు.కాగా ఈ వివాహ వేడుకకు పంజాబ్ అసెంబ్లీ స్పీకర్ కుల్తార్ సింగ్ సంధ్వాన్, క్యాబినెట్ మంత్రి తరుణ్‌ప్రీత్ సింగ్ సౌండ్ సహా పలువురు ప్రముఖ AAP నేతలు, ప్రజాప్రతినిధులు హాజరయ్యారు. వివాహ వేడుకకు సంబంధించిన ఫొటోలు, వీడియోలు కూడా బయటకు వచ్చాయి. వాటిలో రాజకీయ నాయకులు దంపతులతో కలిసి వేడుకల్లో పాల్గొంటూ, భాంగ్రా చేస్తూ కనిపించారు. రాష్ట్రంలో అధికార పార్టీలో ఉన్న ప్రముఖ నాయకుడినే మహిళ బురిడీ కొట్టించడం ఇప్పుడు ఆ రాష్ట్రంలో సంచలనంగా మారింది.మండోఫల్ ఫిర్యాదు మేరకు పోలీసులు మోసం, ఫోర్జరీకి సంబంధించిన కేసును ఆరుగురిపై నమోదు చేశారు. కేసులో మన్విందర్ కౌర్‌తో పాటు ఆమె సోదరుడు తర్లోచన్ సింగ్, తల్లి వరిందర్‌జిత్ కౌర్, బంధువు నరిందర్ సింగ్ గోల్డీ, వదిన రుపిందర్ కౌర్, మాజీ గ్రామ సర్పంచ్ సురిందర్ సింగ్ రాణాలను నిందితులుగా పేర్కొన్నారు. ఇదీ చదవండి: గుజరాత్‌లో ఘోర రోడ్డు ప్రమాదం

అహ్మదాబాద్‌: గుజరాత్‌లో ఘోర రోడ్డు ప్రమాదం జరిగింది. భావ్‌నగర్‌ జిల్లాలో ఒక ట్రక్కును వేగంగా వెళుతున్న కారు ఢీకొట్టింది. ఈ ప్రమాద ఘటనలో ఏడుగురు అక్కడికక్కడే మృతిచెందారు. రోడ్డు ప్రమాద వివరాలు తెలుసుకున్న పోలీసులు వెంటనే అక్కడికి చేరుకొని కేసు నమోదు చేసుకొని దర్యాప్తు ప్రారంభించారు.అయితే ఈ ప్రమాదం ఎలా జరిగింది అనే వివరాలు తెలియాల్సి ఉంది.ఇదీ చదవండి: క్యాబినెట్ కీలక నిర్ణయాలు

సాక్షి, ఢిల్లీ: ఈ రోజు ( మంగళవారం) జరిగిన క్యాబినెట్‌ భేటీలో కేంద్ర ప్రభుత్వం కీలక నిర్ణయాలు తీసుకుంది. రవాణా, లాజిస్టిక్స్ రంగాల సమగ్ర అభివృద్ధికి ఇంటిగ్రేటెడ్ ట్రాన్స్‌పోర్ట్ అండ్ లాజిస్టిక్స్ అథారిటీ ఏర్పాటుకు కేంద్ర కేబినెట్ ఆమోదం తెలిపింది. అదేవిధంగా రూ.500 కోట్లకు పైబడిన ప్రాజెక్టుల పర్యవేక్షణ, చిన్న, మధ్యతరహా సంస్థల కోసం రూ.10 వేల కోట్ల గ్రోత్ ఫండ్‌కు గ్రీన్‌ సిగ్నల్‌ ఇచ్చింది. అధిక సామర్థ్యం ఉన్న సంస్థల్లో ఈక్విటీ పెట్టుబడులు పెట్టి తయారీ, సాంకేతికత, ఎగుమతులు, ఉపాధికి ప్రోత్సాహం ఇచ్చే విధంగా క్యాబినెట్ భేటీలో కీలక నిర్ణయం తీసుకున్నారు.ఇదీ చదవండి: ఒక కన్నుకు బదులుగా మరో కన్ను

చెన్నై: టీవీకేకు మద్రాస్‌ హైకోర్ట్‌ షాకిచ్చింది. గ్రానైట్‌ వ్యాపారి ఆర్ వీరమణికి సంబంధించిన పోక్సో కేసులో కీలక ఆదేశాలు జారీ చేసింది. డీఎంకే ప్రభుత్వంపై ఆరోపణలు చేసిన (టీవీకే) నేతలతో పాటు ఆ పార్టీ ఐటీ విభాగంపై పరువునష్టం దావా వేయడానికి DMKకు అనుమతి ఇచ్చింది. ఆ పార్టీ ప్రధాన కార్యదర్శి దురైమురుగన్ తరఫున దాఖలైన పిటిషన్‌ను విచారించిన జస్టిస్ కె. గోవిందరాజన్ తిలకవతి ఈ ఆదేశాలు జారీ చేశారు.డీఎంకే తన పిటిషన్‌లో టీవీకే నేతలు ఆధవ్ అర్జున, సీటీఆర్ నిర్మల్ కుమార్‌తో పాటు టీవీకే ఐటీ విభాగాన్ని ప్రతివాదులుగా పేర్కొంది. వీరమణికి సంబంధించిన పోక్సో కేసులో డీఎంకే తన గత ప్రభుత్వ హయాంలో తగిన చర్యలు తీసుకోలేదని, ఆయనకు రక్షణ కల్పించిందని టీవీకే నేతలు, ఆ పార్టీ ఐటీ విభాగం ఆరోపించాయని డీఎంకే పిటిషన్‌లో పేర్కొంది. ఈ ఆరోపణలు తమ పార్టీ ప్రతిష్ఠను దెబ్బతీసేలా ఉన్నాయనివాదించింది.ఈ వ్యవహారంలో డీఎంకే రూ.1.01 కోట్ల నష్టపరిహారం కోరింది. అంతేకాకుండా, తమపై మరిన్ని పరువునష్టం కలిగించే ఆరోపణలు చేయకుండా ఆధవ్ అర్జున, సీటీఆర్ నిర్మల్ కుమార్, టీవీకే ఐటీ విభాగాన్ని ఆదేశించాలని, సోషల్ మీడియా ప్లాట్‌ఫారమ్‌లలో ఇప్పటికే చేసిన ఆరోపణలకు సంబంధించిన పోస్టులు, వీడియోలను తొలగించేలా ఆదేశాలు ఇవ్వాలని కూడా కోర్టును కోరింది. వీరమణిపై ఫిర్యాదు 2025 అక్టోబర్ 6న అందగా, మరుసటి రోజే అంటే అక్టోబర్ 7న పోక్సో చట్టం కింద ఎఫ్‌ఐఆర్ నమోదు చేశామని డీఎంకే తన పిటిషన్‌లో తెలిపింది. ఫిర్యాదు అందిన వెంటనే పోలీసులు చర్యలు తీసుకున్నారని, కేసు దర్యాప్తులో తమ ప్రభుత్వం లేదా పార్టీ ఎలాంటి జోక్యం చేసుకోలేదని డీఎంకే వాదించింది.అయితే, ఈ కేసులో పోలీసులు ఈ ఏడాది ఫిబ్రవరిలో క్లోజర్ రిపోర్ట్ దాఖలు చేయడానికి ప్రయత్నించగా, పోక్సో కోర్టు జోక్యం చేసుకుని దర్యాప్తును తాజాగా కొనసాగించాలని ఆదేశించింది. అనంతరం దర్యాప్తు చట్టప్రకారం కొనసాగిందని డీఎంకే పేర్కొంది. కేసులో తాము ఎలాంటి జోక్యం చేసుకోలేదని, నిందితుడితో తమకు ఎలాంటి సంబంధం లేదా కుమ్మక్కు లేదని కూడా పార్టీ స్పష్టం చేసింది.ఇదిలా ఉండగా, టీవీకే నేతల తరఫున వాదించిన అడ్వకేట్ జనరల్ విజయ్ నారాయణన్ ఈ దావా నిర్వహణపై అభ్యంతరం వ్యక్తం చేశారు. మంత్రులుగా అధికారిక హోదాలో తమపై కేసు వేస్తున్నందున, సివిల్ ప్రొసీజర్ కోడ్‌లోని సెక్షన్ 80(1) ప్రకారం ముందస్తు నోటీసు ఇవ్వాల్సి ఉంటుందని ఆయన వాదించారు. ఆ నోటీసు ఇవ్వకుండా నేరుగా దావా వేయడం చట్టపరంగా సాధ్యం కాదని తెలిపారు.వీరమణి కేసు నేపథ్యంజెమ్ గ్రానైట్స్‌కు చెందిన పారిశ్రామికవేత్త ఆర్. వీరమణిపై మైనర్ బాలికలపై లైంగిక దాడికి పాల్పడ్డారనే ఆరోపణలతో పోక్సో చట్టం కింద కేసులు నమోదయ్యాయి. ఆయనను కఠినమైన గూండాస్ చట్టం కింద కూడా నిర్బంధించారు. ఇప్పటివరకు వీరమణిపై నాలుగు కేసులు నమోదైనట్లు సమాచారం. వాటిలో మూడు పోక్సో చట్టం కింద ఉండగా, మరో కేసు ఆత్మహత్యకు ప్రేరేపించినట్లు వచ్చిన ఆరోపణలకు సంబంధించినది. ఆయనకు సంబంధించిన అనుమానాస్పద ఆర్థిక లావాదేవీలపైనా పోలీసులు దర్యాప్తు చేస్తున్నారు.వీరమణితో పాటు ఆయనకు సంబంధం ఉన్నట్లు ఆరోపణలు ఎదుర్కొంటున్న శాంతి, మహేంద్ర సిమ్హన్ అనే మరో ఇద్దరిని కూడా పోలీసులు అరెస్టు చేసి న్యాయ రిమాండ్‌కు పంపారు. అనంతరం చెన్నై నగర పోలీస్ కమిషనర్ ఎ. అమల్‌రాజ్ ఆదేశాల మేరకు గూండాస్ చట్టం కింద నిర్బంధించిన 14 మందిలో వీరమణి, శాంతి, మహేంద్ర సిమ్హన్ కూడా ఉన్నారు.కాగా ఈ కేసు అంశమై తమిళనాడు ముఖ్యమంత్రి విజయ్‌ మాజీ ముఖ్యమంత్రి స్టాలిన్‌ మధ్య పెద్ద మాటల యుద్ధమే నడిచింది. ఈ నేపథ్యంలో మద్రాస్‌ హైకోర్టు కీలక ఆదేశాలు జారీ చేసింది. ఇదీ చదవండి: 30 మంది మృతి

చంఢీగఢ్: పంజాబ్‌లోని లుధియానాలో 60 ఏళ్ల మాజీ గ్రామ సర్పంచ్ నవ్‌తేజ్ సింగ్ అలియాస్ నీతూని దుండగులు అత్యంత దారుణంగా కాల్చి చంపారు. భూ వివాదం నేపథ్యంలో ఆయన సోదరుడు, కుటుంబ సభ్యులే ఈ హత్యకు పాల్పడి ఉండొచ్చని మృతుడి కుటుంబ సభ్యులు ఆరోపిస్తున్నారు.వివరాల్లోకి వెళితే.. నిన్న (శనివారం) నవ్‌తేజ్ సింగ్ తన టయోటా ఇన్నోవాలో ఇంటికి తిరిగి వెళ్తుండగా, లాధువాల్ ప్రాంతంలో ఇద్దరు వ్యక్తులు బైక్‌పై ఆయన వాహనాన్ని వెంబడించారు. అనంతరం 13 రౌండ్లవరకూ కాల్పులు జరిపారు. కాల్పుల్లో తీవ్రంగా గాయపడిన నవ్‌తేజ్ సింగ్‌ను కుటుంబ సభ్యులు వెంటనే ఆసుపత్రికి తరలించారు. అయితే వైద్యులు పరీక్షించి ఆయన అప్పటికే మృతి చెందినట్లు నిర్ధారించారు. ఈ కాల్పుల ఘటన మొత్తం నవ్‌తేజ్ సింగ్ ప్రయాణిస్తున్న ఇన్నోవాలోని డ్యాష్‌క్యామ్‌లో రికార్డయింది.అయితే తన తండ్రిని పథకం ప్రకారం హత్య చేశారని మృతుడి కుమారుడు ఆరోపిస్తున్నారు. పోలీసుల ఫిర్యాదులో ఈ హత్యకు సంబంధించి తన బాబాయి పాల్ సింగ్, ఆయన కుటుంబ సభ్యులు, ప్రస్తుత గ్రామ సర్పంచ్ సహా మొత్తం ఎనిమిది మంది పేర్లను ఫిర్యాదులో పేర్కొన్నారు.డ్యాష్‌క్యామ్‌లో నమోదైన దృశ్యాలు, కాల్పుల ఘటనకు సంబంధించిన ఇతర ఆధారాలను పోలీసులు పరిశీలిస్తున్నారు. నిందితులను గుర్తించి పట్టుకునేందుకు దర్యాప్తు కొనసాగుతోంది.

సాక్షి, ముంబై: మహారాష్ట్రలో భారీ అగ్నిప్రమాదం చోటుచేసుకుంది. ముంబై భూలేశ్వర్‌లోని నాలుగు అంతస్థుల భవనంలో పెద్దఎత్తున మంటలు చెలరేగాయి. దీంతో అగ్నిమాపక సిబ్భంది వెంటనే అక్కడికి చేరుకొని మంటలు ఆర్పుతున్నారు. కాగా దురదృష్టవశాత్తు ఈ ప్రమాదంలో భవనంపై ఓ వ్యక్తి చిక్కుకున్నారు. దీంతో సహాయక సిబ్బంది అతనిని కాపాడడానికి తీవ్రంగా యత్నిస్తోంది.

పాకిస్థాన్‌పై కేంద్ర హోం మంత్రి అమిత్‌షా కీలక వ్యాఖ్యలు చేశారు. యూపీలో తయారవుతున్న బ్రహ్మోస్ క్షిపణులు పాకిస్థాన్‌కు “ కంటి మీద కునుకు లేకుండా చేస్తున్నాయన్నారు. ఈ రోజు శుక్రవారం గ్రేటర్ నోయిడాలోని ఇండియా ఎక్స్‌పో సెంటర్ అండ్ మార్ట్‌లో యూపీ ట్రెడిషన్‌ ఇంటర్నేషనల్‌ ట్రేడ్‌ షో నాలుగో ఎడిషన్‌ను ఆయన ప్రారంభించారు.ఈ సందర్భంగా ఆయన మాట్లాడారు.ఈ కార్యక్రమంలో అమిత్‌షా మాట్లాడుతూ “ నేడు ఉత్తరప్రదేశ్‌లో తయారవుతున్న బ్రహ్మోస్ క్షిపణులు పాకిస్థాన్‌కు కునుకు లేకుండా చేస్తున్నాయి. రాష్ట్రంలో జరుగుతున్న మార్పుకు ఇది ప్రధాన సూచిక” అని అన్నారు. అదేవిధంగా అమేథీలో తయారవుతున్న ఏకే-203 అసాల్ట్ రైఫిళ్లు కూడా నక్సలైట్లు, ఉగ్రవాదులకు కునుకు లేకుండా చేస్తున్నాయని అమిత్ షా పేర్కొన్నారు. ఉత్తరప్రదేశ్‌లో రక్షణ రంగ ఉత్పత్తుల తయారీ విస్తరిస్తోందని చెప్పడానికి బ్రహ్మోస్ క్షిపణులు, ఏకే-203 రైఫిళ్ల తయారీ ఉదాహరణలని ఆయన స్పష్టం చేశారు.లక్నోలోని బ్రహ్మోస్ ఇంటిగ్రేషన్ అండ్ టెస్టింగ్ ఫెసిలిటీ సెంటర్ను ఉత్తరప్రదేశ్ డిఫెన్స్ ఇండస్ట్రియల్ కారిడార్‌లో భాగంగా 2025 మేలో ప్రారంభించారు. సూపర్‌సోనిక్ క్రూయిజ్ క్షిపణి బ్రహ్మోస్‌కు సంబంధించిన అసెంబ్లీ, ఇంటిగ్రేషన్, పరీక్షల పనులు ఈ కేంద్రంలో జరుగుతున్నాయి. అక్కడ తయారైన తొలి బ్యాచ్ బ్రహ్మోస్ క్షిపణులను 2025 అక్టోబర్‌లో అధికారికంగా పంపించారు.ఈ కేంద్రాన్ని సుమారు ₹300 కోట్ల పెట్టుబడితో, దాదాపు 200 ఎకరాల విస్తీర్ణంలో ఏర్పాటు చేశారు.‘భారత్ వృద్ధి కొనసాగుతుందిప్రపంచవ్యాప్తంగా అనేక సవాళ్లు ఉన్నప్పటికీ భారత్ తన ఆర్థిక వృద్ధిని కొనసాగించిందని అమిత్ షా అన్నారు. ప్రధాని నరేంద్ర మోదీ ప్రభుత్వం అనుసరిస్తున్న ఆర్థిక, వాణిజ్య విధానాలు ఎగుమతి అవకాశాలను విస్తరించాయని ఆయన పేర్కొన్నారు. “భారత్ పురోగతిని చూడలేని వారు దానిని భరించలేరని దుయ్యబట్టారు. ప్రధాని నరేంద్ర మోదీ హయాంలో భారత్ అనేక దేశాలతో స్వేచ్ఛా వాణిజ్య ఒప్పందాలు (FTAs) కుదుర్చుకుందని ఆయన తెలిపారు.ఈ ఒప్పందాల వల్ల భారత పరిశ్రమలకు ఎగుమతి అవకాశాలు గణనీయంగా పెరిగాయని, వివిధ ప్రతికూల పరిస్థితులను ఎదుర్కొంటూనే భారత్ తన ఆర్థిక వృద్ధిని కొనసాగించిందని షా అన్నారు.డిఫెన్స్ ఇండస్ట్రియల్ కారిడార్‌లోకి వస్తున్న పెట్టుబడులు కేవలం ఉత్తరప్రదేశ్‌లోనే కాకుండా దేశవ్యాప్తంగా రక్షణ ఉత్పత్తుల అభివృద్ధికి దోహదపడుతున్నాయని ఆయన చెప్పారు.యూపీలో మాఫియా పాలన2017లో బీజేపీ ప్రభుత్వం అధికారంలోకి వచ్చిన తర్వాత ఉత్తరప్రదేశ్‌లో శాంతిభద్రతల పరిస్థితిలో పెద్ద మార్పు వచ్చిందని అమిత్ షా అన్నారు. “ఒకప్పుడు యూపీలో మాఫియా పాలన ఉండేది. 2017లో బీజేపీ ప్రభుత్వం ఏర్పడింది, యోగి ఆదిత్యనాథ్ ముఖ్యమంత్రిగా బాధ్యతలు చేపట్టారు. యోగి ప్రభుత్వం రాష్ట్రవ్యాప్తంగా మాఫియాను విజయవంతంగా నిర్మూలించింది. దీనివల్ల పెట్టుబడులకు అనుకూలమైన వాతావరణం ఏర్పడింది” అని ఆయన అన్నారు.

పట్నా: బిహార్‌ జముయీలో ఇటీవల మైనర్ బాలికపై లైంగిక వేధింపుల కేసు దేశవ్యాప్తంగా సంచలనం సృష్టించిన సంగతి తెలిసిందే. తాజాగా ఆ కేసు విచారణలో ఒక ఊహించని మలుపు చోటుచేసుకుంది. ఈ కేసులో పోలీసులు లోతైన విచారణ చేపట్టగా ప్రధాన నిందితుడైన నందన్ యాదవ్ తండ్రి, గత 23 ఏళ్లుగా పరారీలో ఉన్న నేరస్థుడని తెలిసింది. 23 ఏళ్ల క్రితం రెండు హత్యలు చేసి నిందితుడు పరారీలో ఉన్నాడు. తాజాగా పోలీసులకు ఆ సమాచారం అందగా ఆయనను అదుపులోకి తీసుకున్నారు.ఏం జరిగింది?జముయీ జిల్లా ప్రతాప్‌పూర్ గ్రామంలో 2003, ఏప్రిల్ 3వ తేదీన వ్యాపార వివాదాల కారణంగా డి.పి. యాదవ్, పుణే యాదవ్ అనే ఇద్దరు సోదరులు దారుణంగా హత్యకు గురయ్యారు. బాధితుల తల్లి ఇచ్చిన ఫిర్యాదు మేరకు గణోరి యాదవ్‌ను ఈ కేసులో నిందితుడిగా ఉ‍న్నాడు. అప్పటి నుండి గత రెండు దశాబ్దాలుగా పోలీసులకు దొరకకుండా గణోరి యాదవ్‌ పరారీలో ఉన్నాడు, అయితే అతని కుమారుడి నేరంపై పోలీసులు విచారణ చేయగా అసలు విషయం వెలుగులోకి వచ్చింది. ఈక్రమంలో పోలీసులు ఎట్టకేలకు పట్టుకున్నారు. తాజాగా అతడిని కోర్టులో ప్రవేశపెట్టగా, న్యాయస్థానం జ్యుడీషియల్ కస్టడీకి తరలించింది.బాలికపై లైంగిక దాడికొద్దిరోజుల క్రితం రోడ్డుపై వెళ్తున్న ఒక పదో తరగతి విద్యార్థిపై దాడి చేసి, అతనితో ఉన్న మైనర్ బాలికను వేధించారు. ఈ ఘటన సోషల్‌ మీడియాలో వైరల్‌గా మారి దేశవ్యాప్తంగా సంచలనం సృష్టించింది. ఆ కేసులో గణోరి యాదవ్ కుమారుడు నందన్ యాదవ్ అరెస్టయ్యాడు. అయితే, పోలీస్ కస్టడీ నుండి తప్పించుకోవడానికి నందన్ యాదవ్ ప్రయత్నించడంతో అతనిపై కాల్పులు జరిపారు. ఆ ఘటనలో అతని కాలుకు గాయమైంది. ఈ బాలిక వేధింపుల కేసులో పోలీసులు ఇప్పటివరకు ఐదుగురిని అరెస్ట్ చేయగా, మరో ఇద్దరు మైనర్లను అదుపులోకి తీసుకున్నారు.లాయర్ల దాడిఅయితే ఈ కేసులో నిందిుతుడిగా ఉన్న హరేరామ్ యాదవ్ అనే వ్యక్తిపై కోర్టు ఆవరణలో లాయర్లు దాడి చేశారు. లాయర్లు కాక ముందు తామంతా మనుషులమని ఈ ఘటనతో జముయు ప్రాంతానికి దేశవ్యాప్తంగా చెడ్డపేరు వచ్చిందని అన్నారు. ఇది చదవండి: బాలికపై లైంగిక దాడి నిందితుడి ఎన్‌ కౌంటర్‌

సాక్షి, ఢిల్లీ: కేంద్ర ఎన్నికల కమిషనర్ల నియామకం కేసుపై సుప్రీం కోర్టు సంచలన వ్యాఖ్యలు చేసింది. ఈసీ నియామక ప్రక్రియపై సందేహం వ్యక్తం చేసింది. ఈసీ స్వతంత్రంగా ఉండడమే కాదు స్వతంత్రంగా కనిపించాలి కూడా అని జస్టిస్ దీపాంకర్ ‍దత్తా వ్యాఖ్యానించారు. ప్రధాని నామినేట్ చేసిన క్యాబినెట్ మంత్రి, ప్రధానిమంత్రి కి వ్యతిరేకంగా ఓటు వేయలేరు కదా అని ధర్మాసనం ప్రశ్నించింది. ఈ నేపథ్యంలో ఎన్నికల కమిషనర్ల చట్టం 2023ను సవాల్ చేస్తూ దాఖలైన పిటిషన్లను రాజ్యాంగ ధర్మాసనానికి రిఫర్ చేసింది.

కోల్‌కతా: పశ్చిమబెంగాల్‌ సీఎం సువేందు అధికారి చేసిన చర్య ఇప్పుడు నెట్టింట్ల వైరల్‌గా మారింది. ఆ రాష్ట్రంలో అక్రమంగా నిల్వ ఉంచిన నిషేదిత దగ్గు సిరఫ్‌లను పెద్ద మెుత్తంలో అధికారులు పట్టుకున్నారు. అయితే వాటిని ధ్వంసం చేయడం కోసం సువేందు అధికారే స్వయంగా రంగంలోకి దిగారు. నిషేదిత దగ్గు సిరఫ్‌లను అధికారులు రోడ్డుపై ఉంచగా వాటిపై రోడ్డు రోలర్‌ నడిపి ధ్వంసం చేశారు.'నషా ముక్త్ భారత్ 2029' (వ్యసన రహిత భారత్ 2029) ప్రచారంలో భాగంగా సీఎం ఈ చర్యలు తీసుకున్నట్లు అధికారులు తెలిపారు. నిషేదిత దగ్గు సిరఫ్‌లతో ఎకో పార్క్‌లో ఏర్పాటు చేసిన కార్యక్రమంలో సువేందు రోడ్డు రోలర్‌ నడిపి మూడు లక్షలకు పైగా దగ్గు మందు సీసాలను ధ్వంసం చేశారు.భారత్‌ను మాదకద్రవ్యాల రహిత దేశంగా మార్చాలనే ఉద్దేశంతో కేంద్ర ప్రభుత్వం ( సామాజికన్యాయం, సాధికారత మంత్రిత్వ శాఖ) ఆధ్వర్యంలో 'నషా ముక్త్ భారత్ అభియాన్' (NMBA) పేరుతో ఆగస్టు 15, 2020 న ఈ కార్యక్రమం ప్రారంభించింది. ఇందులో భాగంగా పశ్చిమబెంగాల్‌లో ఈ చర్యలు చేపట్టారు.దగ్గు సిరఫ్‌లు ఎందుకు ధ్వంసంనేడు యువత అక్రమ మత్తు కోసం 'కోడీన్' వంటి మత్తు పదార్థాలు కలిగిన కొన్ని రకాల దగ్గు సిరప్‌లను విపరీతంగా దుర్వినియోగం చేస్తున్నారు. డాక్టర్ల ప్రిస్క్రిప్షన్ లేకుండా లభించే ఈ ఫార్మా సిరప్‌లను డ్రగ్స్‌కు ప్రత్యామ్నాయంగా వాడుతూ కొందరు వ్యసనపరులుగా మారుతున్నారు. సమాజాన్ని, ముఖ్యంగా యువతను పట్టిపీడిస్తున్న ఈ ప్రమాదకర వ్యసన సంస్కృతిని పూర్తిగా అణచివేయడం కోసమే ' ఈ నిర్ణయం తీసుకున్నారు.#WATCH | Kolkata | West Bengal CM Suvendu Adhikari today drove a tractor and destroyed over three lakh banned cough syrup bottles at Eco Park as a part of 'Nasha Mukt Bharat 2029' campaign(Video source: West Bengal CM Suvendu Adhikari's social media handle) pic.twitter.com/twEq3a5b5m— ANI (@ANI) September 23, 2026

సాక్షి, ఢిల్లీ: భారతీయ జనతా పార్టీ కీలక నిర్ణయం తీసుకుంది. పలు రాష్ట్రాలకు కొత్త ఇన్‌చార్జ్‌‌లను నియమిస్తూ ఆదేశాలు జారీ చేసింది. ఆంధ్రప్రదేశ్‌ బీజేపీ ఇన్‌ఛార్జ్‌గా అరవింద్ భదౌరియా, సహ ఇంచార్జ్‌గా వనతి శ్రీనివాసన్‌ నియ‌మితుల‌య్యారు. తెలంగాణ బీజేపీ ఇన్‌ఛార్జ్‌గా సునీల్ బన్సల్‌ని కొనసాగించనుంది. సహ ఇన్‌ఛార్జ్‌లుగా అభయ్‌ పాటిల్‌, రేఖాశర్మను నియమించింది. యూపీ బీజేపీ ఇన్‌ఛార్జ్‌గా వినోద్‌ తావ్డే, మహారాష్ట్ర బీజేపీ ఇన్‌ఛార్జ్‌గా బైజయంత్‌ పాండా.. ఛత్తీస్‌గఢ్‌, హర్యానా ఇన్‌ఛార్జ్‌గా స్మృతి ఇరానీని నియమిస్తూ ఆదేశాలు జారీ చేసింది. తమిళనాడు, ఉత్తరాఖండ్ బీజేపీ ఇన్‌చార్జిగా రాంమాధవ్ ఎంపిక‌య్యారు. ఒడిశా ఇన్‌ఛార్జ్‌గా పురందేశ్వరి, తమిళనాడు కో ఇన్‌ఛార్జ్‌గా డీకే అరుణ, కర్ణాటక కో ఇన్‌ఛార్జ్‌ డాక్టర్ కాసం వెంకటేశ్వర్లును నియమించింది. ఈ నియామకాలు తక్షణమే అమల్లోకి వస్తాయని పార్టీ జాతీయ ప్రధాన కార్యదర్శి తరుణ్ చుగ్ ప్రకటన విడుదల చేశారు. ఉత్తరప్రదేశ్‌ ఇన్‌చార్జి: వినోద్‌ తావ్డే , ఇన్‌చార్జిలు: జగదీశ్‌ పటేల్‌, మేధా కులకర్ణి, ప్రదీప్‌ వర్మ, అనంత్‌ ఓజాఢిల్లీ ఇన్‌చార్జి: వినయ్‌ సహస్రబుద్ధేగుజరాత్‌ఇన్‌చార్జి: తరుణ్‌ చుగ్‌హిమాచల్‌ప్రదేశ్‌ఇన్‌చార్జి: శ్రీకాంత్‌ శర్మ भारतीय जनता पार्टी के राष्ट्रीय अध्यक्ष श्री @NitinNabin ने विभिन्न राज्यों के निम्नलिखित प्रदेश प्रभारियों और सह प्रभारियों की नियुक्तियां की है।ये नियुक्तियां तत्काल प्रभाव से लागू होंगी। pic.twitter.com/S3as4bSf3q— BJP (@BJP4India) September 23, 2026ఇదీ చదవండి: బీజేపీ కీలక నిర్ణయం

పట్నా: దేశవ్యాప్తంగా సంచలనం సృష్టించిన బిహార్‌ మైనర్‌ బాలికలపై లైంగిక వేదింపుల కేసులో కీలక పరిణామం చోటు చేసుకుంది. ఆ ఘటనలో ప్రధాన నిందితుడిపై పోలీసులు కాల్పులు జరిపారు. ప్రస్తుతం నిందితుడు ఆసుపత్రిలో చికిత్స పొందుతున్నాడు. నిందితుడు పారిపోవడానికి ప్రయత్నించడంతోనే కాల్పులు జరిపినట్లు పోలీసులు పేర్కొన్నారు.పోలీసులు వివరాల ప్రకారం.. ఈ కేసులో ప్రధాన నిందితుడుగా ఉన్న నందన్‌ యాదవ్‌ మద్వా కొండ ప్రాంత సమీపంలో దాక్కున్నాడు. ఆ సమాచారం తెలుసుకున్న పోలీసులు అతడిని చుట్టుముట్టి పట్టుకోవడానికి ప్రయత్నించగా అతను పారిపోవడానికి యత్నించారు. దీంతో వెంటనే అప్రమత్తమైన పోలీసులు అతని ఎడమకాలుపై కాల్పులు జరిపారు.అయితే బాధితులకు సంబంధించి వైరల్‌ అయిన వీడియోలో సదరు యువకుడు ఎర్ర కండువా ధరించిన యువకుడిగా గుర్తించారు. ఈ కేసుకు సంబంధించి ఇదివరకూ ఆరుగురిని అరెస్టు చేశారు.నిందితులలో ముగ్గురి వయస్సు 35 నుంచి 40 సంవత్సరాల మధ్య ఉండగా, మిగిలిన ముగ్గురు మైనర్లు అని తెలిపారు. అసలేం జరిగింది? జముయీ జిల్లా కేంద్రానికి చెందిన ఒక టీనేజీ అమ్మాయి, టీనేజీ అబ్బాయి ఒకే స్కూల్‌లో పదో తరగతి చదువుతున్నారు. సెప్టెంబర్‌ 19వ తేదీన కోచింగ్‌ సెంటర్‌లో క్లాసుకు వెళ్లి అటు నుంచి ప్రముఖ పర్యాటక ప్రాంతమైన మడ్వా పహాడ్‌కు వెళ్లి తిరిగొస్తుండగా వీళ్లను గమనించిన కొందరు ఆగంతకులు మార్గమధ్యంలో వీళ్లను లఖీసరాయ్‌ రోడ్డుపై 7 గంటల సమయంలో అడ్డగించి దారుణంగా వేధించారు. వదిలేయాలని అమ్మాయి కాళ్లావేళ్లా పడిన కనికరం చూపలేదు. అమ్మాయిపై లైంగికదాడికి యత్నించారు. ఇదంతా ఒక ఆగంతకుడు తన మొబైల్‌లో చిత్రీకరించాడు. టీనేజీ అబ్బాయిని కొట్టారు. పారిపోయేందుకు ప్రయత్నించిన టీనేజర్లను వెంటబడిమరీ ఆగంతకులు వేధించారు. అల్లరిమూకలో ఒకడు అమ్మాయిని గట్టిగా అదిమిపట్టి ఎత్తుకెళ్లే ప్రయత్నంచేశాడు. ఈ దారుణోదంతం తాలూకు వీడియో ఆదివారం రాత్రి సామాజిక మాధ్యమాల్లో ప్రత్యక్షమైంది.ఈ ఘటన దేశవ్యాప్తంగా సంచలనం సృష్టించింది. తాజాగా ఆ కేసుకు సంబంధించిన నిందితులను పోలీసులు అరెస్ట్ చేశారు.ఇది చదవండి: బిహార్‌లో దుశ్శాసన పర్వం

కేరళని భారీ వర్షాలు అతలాకుతలం చేస్తున్నాయి. భారీ వర్షాల కారణంగా కొండచరియలు విరిగిపడడంతో పాటు ఇతర కారణాలతో ఐదుగురు మృతిచెందారు. పెద్దఎత్తున వర్షాలు పడే అవకాశం ఉండడంతో వాతావరణ శాఖ కీలక సూచనలు జారీ చేసింది. పతనంతిట్ట, కొట్టాయం, అలప్పుజ, ఎర్నాకులం, ఇడుక్కి మరియు త్రిస్సూర్ జిల్లాలకు ఎల్లో అలర్ట్ జారీ చేసింది.నిన్న (ఆదివారం) ఉదయం ఇడుక్కి, మలప్పురం సహా పలు జిల్లాల్లో కురిసిన భారీ వర్షాలు బీభత్సం సృష్టించాయి. కొండచరియలు విరిగిపడటం, బురద ప్రవాహాలు, ఆకస్మిక వరదల వంటి వేర్వేరు ఘటనల్లో ఐదుగురు మృతి చెందారు. మరో ఇద్దరు గల్లంతయ్యారు.మరోవైపు నార్త్‌ ఇండియాలోనూ వర్షం బీభత్సం సృష్టింస్తోంది. ఉత్తర ప్రదేశ్‌లోని అనేక ప్రాంతాల్లో వర్ష ప్రభావం ఇంకా కొనసాగుతోంది. ఉన్నావ్‌లోని మురికివాడల్లో భారీగా నీరు చేరడంతో పడవలతో సహాయక చర్యలు చేపడుతున్నారు. గుజరాత్‌లోని భావ్‌నగర్ రాజ్‌కోట్‌లో ఆదివారం అరగంట పాటు కురిసిన భారీ వర్షానికే రహదారులు నీటితో నిండిపోయాయి. భావ్‌నగర్‌లోని మహువా రాజ్‌కోట్‌లోని గోండల్‌లో 4.5 అంగుళాల వర్షపాతం నమోదు కాగా, రాజ్‌కోట్‌లోని గోండల్‌లో 3.5 అంగుళాల వర్షపాతం నమోదైంది.జునాగఢ్‌లోని గిర్నార్ అడవిలో ఆకస్మిక వరద సంభవించింది. ఆత్మేశ్వర మహాదేవ్ ఆలయానికి వెళ్తున్న పిల్లలు, వృద్ధులతో సహా 40 మందికి పైగా భక్తులు చిక్కుకుపోయారు. అటవీ శాఖ, అగ్నిమాపక సిబ్బంది భక్తులను రక్షించారు.

ముంబై: ఐఐటీ బాంబే కీలక నిర్ణయం తీసుకుంది. ఐఐటీ విద్యార్థి సాహిల్ రవీంద్ర వకోడే ఆత్మహత్య ఘటనలో ఆరోపణలు ఎదుర్కొంటున్న ప్రొఫెసర్‌ సూర్యనారాయణ దుల్లాను ‌సస్పెండ్‌ చేసింది. డీన్‌ ఆఫ్‌ స్టూడెంట్‌ అఫైర్స్‌ విధుల నుంచి తొలగిస్తూ ఉత్తర్వులు జారీ చేసింది. సహిల్‌ ఆత్మహత్య ఘటనలో విద్యార్థికి న్యాయం జరగాలని విద్యార్థులు పెద్దఎత్తున ఆందోళనలు చేపట్టిన నేపథ్యంలో ఈ కీలక నిర్ణయం తీసుకుంది.ఏం జరిగింది?ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సాహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు విద్యార్థులు తెలిపారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.ఈ నేఫథ్యంలో సహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించారు. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.ఈ ఉద్రిక్తతల నడుమ ఐఐటీ బొంబై ప్రొఫెసర్‌ సత్యనారాయణ దుల్లాను డీన్ ఆఫ్‌ స్టూడెంట్‌ అఫైర్స్‌ బాధ్యతల నుంచి తొలగిస్తూ ఆదేశాలిచ్చింది. కాగా ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. ఈ నేపథ్యంలో ఏం జరుగుతుందో వేచిచూడాలి.

ఢిల్లీ యూనివర్సిటీ స్టూడెంట్ యూనియన్ ఎన్నికల్లో ఏబీవీపీ విజయం సాధించింది. ఏబీవీపీ నేత యష్ దబాస్ అధ్యక్షునిగా ఎన్నికయ్యారు. ఆయనకు మెుత్తంగా 24,576 ఓట్లు వచ్చాయి. వైస్ ప్రెసిడెంట్ పోస్టును ఇండిపెండెంట్ అభ్యర్థి దీపాన్షు గెలుచుకున్నారు. కార్యదర్శిగా రియాచావ్డి (ఏబీవీపీ) సంయుక్త కార్యదర్శిగా ఎన్నికైన లక్ష్ రాజ్ సింగ్ (ఏబీవీపీ ) ఎన్నికయ్యారు.ప్రధాన విద్యార్థి సంఘాల మధ్య హోరాహోరీగా జరిగిన పోటీ అనంతరం ఈ ఫలితాలు వెలువడ్డాయి. అఖిల్ భారతీయ విద్యార్థి పరిషత్ (ఏబీవీపీ), నేషనల్ స్టూడెంట్స్ యూనియన్ ఆఫ్ ఇండియా (ఎన్‌ఎస్‌యూఐ), ఏఐఎస్ఏ-ఎస్ఎఫ్ఐ కూటములు ఈ ఎన్నికల్లో పోటీచేశాయి. ఈ రోజు (శనివారం) ఉదయం 8 గంటలకు నార్త్ క్యాంపస్‌లోని యూనివర్సిటీ స్పోర్ట్స్ స్టేడియం మల్టీపర్పస్ హాల్‌లో ఓట్ల లెక్కింపు ప్రారంభమైంది. అనేక రౌండ్ల పాటు పోటీ హోరాహోరీగా సాగగా చివరకు ఏబీవీపీ అభ్యర్థి యష్‌ దబాస్‌ను విజయం వరించింది. కాగా ఈ విజయంపై బీజేపీ రాష్ట్ర అధ్యక్షుడు రాంచందర్‌ రావు స్పందించారు. పంజాబ్, మంగళూరు, కేరళ, ఢిల్లీ విశ్వవిద్యాలయాలలో ఏబీవీపీ గెలిచిందని దీనిపై రాహుల్ గాంధీ సిగ్గుతో తల దించుకోవాలని తన ఎక్స్ ఖాతాలో ట్వీట్ చేశారు. "ఢిల్లీ విశ్వవిద్యాలయ ఎన్నికలలో ఏబీవీపీ ఘన విజయం సాధించింది. స్వార్థ ప్రయోజనాలతో నడిచే, యువత సంరక్షకులమని చెప్పుకునే వారి దుర్మార్గపు ప్రయత్నాలన్నీ విద్యార్థులను తప్పుదోవ పట్టించడంలో విఫలమయ్యాయి.భారతదేశపు విద్యార్థులు, జెన్‌-జీ భారత్‌కి అదే విధంగా ప్రధాని మోదీకి మద్దతుగా నిలుస్తున్నారు.ఏబీవీపీ కార్యకర్తకు..విజేతలైన అభ్యర్థులందరికీ నా అభినందనలు." అని ఎక్స్‌ ఖాతాలో ట్వీట్‌ చేళారు.

బెంగళూరు: కేంద్ర హోంమంత్రి అమిత్‌షా అస్వస్థకు గురయ్యారు. ఈ రోజు ( శనివారం) ఉదయం ఆయన అనారోగ్యంతో ఉండడంతో ఆసుపత్రి ప్రారంభోత్సవానికి హాజరుకాలేకపోయారు. అమిత్‌షా రాక కోసం ప్రజలంతా ఎదురుచూస్తుండగా ఆయన అస్వస్థకు గురయ్యారని కార్యక్రమానికి హాజరుకాలేరని ఆయన వ్యక్తిగత సిబ్బంది ప్రకటించారు.కర్ణాటక హుబ్లీలో కేఎల్‌ఈ ఆసుపత్రి, మెడికల్‌ రీసెర్చ్‌ సెంటర్‌ని ఈ రోజు శనివారం అమిత్‌షా ప్రారంభించాల్సి ఉంది. ఈ నేపథ్యంలో నిన్న రాత్రి కర్ణాటకాకు అమిత్‌షా చేరుకుని హోటలలో బస చేశారు. అయితే ఈ రోజు 11 గంటలకు ఆసుపత్రి ప్రారంభోత్సవం జరగాల్సి ఉంది. దీంతో ఆ కార్యక్రమానికి పెద్ద ఎత్తున ప్రజలు రావడంతో పాటు కళాశాల సిబ్బంది ఆయన రాక కోసం వేచి చూశారు. ఈ నేపథ్యంతో ఆయన అస్వస్థకు గురయ్యారని ప్రారంభోత్సవ కార్యక్రమానికి రాలేరని ఆయన వ్యక్తిగత సిబ్బంది ప్రకటించారు.అస్వస్థతకు గురై హోటల్‌లోనే వైద్యుల వద్ద చికిత్స పొందుతున్నాడని వర్గాలు తెలిపాయి. అమిత్‌షా అస్వస్థతకు గురైన విషయం తెలుసుకొని కేంద్ర మంత్రి ప్రహ్లాద్ జోషి, బీజేపీ రాష్ట్ర అధ్యక్షుడు బి.వై. విజయేంద్ర, ఎంపీలు బసవరాజ్ బొమ్మై, ఇరన్న కడాడి, మాజీ మంత్రి మురుగేశ్ నిరానీ, ఎమ్మెల్యేలు సీసీ పాటిల్ తదితరులు ఆయనను పరామర్శించారు.

తమిళనాడు రాజకీయాల్లో సీఎం విజయ్ సృష్టించిన సంచలనం అంతా ఇంతా కాదు.. ఎటువంటి అంచనాలు లేకుండా బరిలోకి దిగి దశాబ్ధాలుగా ఉన్న పార్టీలకే చెక్ పెట్టి అధికారంలోకి వచ్చారు. ఈ నేపథ్యంలోనే వచ్చిన నాటి నుంచి తనదైన పాలనా మార్కును చూపిస్తున్న విజయ్‌ ఇప్పుడు మరో అద్భుత పథకం అమలు చేయడానికి సిద్ధమయ్యారు. ప్రభుత్వ ఆసుపత్రులలో జన్మించే బంగారు తల్లులకు కానుకగా గ్రాము పుత్తడి ఇచ్చే పథకాన్ని త్వరలో ప్రారంభించనున్నారు.తమిళనాడు ప్రజలకు విజయ్‌ ఇచ్చిన ఎన్నికల హామీలలో ప్రధానమైనది.. ప్రభుత్వ ఆసుపత్రులలో జన్మించిన నవజాత శిశువులకు ఒక గ్రాము బంగారు ఉంగరాల బహుమతి. ఈ నేపథ్యంలోనే 'తైమామన్ తంగ మోతిరం' (మేనమామ బంగారు ఉంగరం) పథకం సెప్టెంబర్ 28న లాంఛనంగా ప్రారంభించబడుతునట్లు సమాచారం. అయితే దీనికి ఈ ఏడాది జూన్ 22 నుండి ప్రభుత్వ ఆసుపత్రులలో జన్మించిన పిల్లలందరూ అర్హులుగా ప్రభుత్వం నిర్ణయించింది. ప్రభుత్వ లెక్కలుప్రభుత్వ లెక్కల ప్రకారం తమిళనాడులో ఏటా సుమారు 7.8 లక్షల జననాలు నమోదవుతాయి. వీటిలో దాదాపు 99.9 శాతం ప్రసవాలు ఆసుపత్రులలో జరుగుతుండగా, సుమారు 4.2 లక్షలు - అంటే 53 శాతం - ప్రభుత్వ ఆసుపత్రులలో జరుగుతున్నాయి. తమిళనాడు శాశ్వత నివాసితులై, ఆర్.సి.హెచ్. గుర్తింపు సంఖ్యతో పి.ఐసి.ఎం.ఇ.లో నమోదు చేసుకున్న తల్లుల నవజాత శిశువులకు ఈ పథకం వర్తిస్తుంది. ప్రతి ఉంగరానికి ఒక ప్రత్యేకమైన సీరియల్ నంబర్ ఉంటుందని అది ట్యాంపర్-ప్రూఫ్ ప్యాకేజింగ్‌లో సరఫరా చేయబడుతుంది. మొదటి దశలో ఇప్పటికే 1.28 లక్షల ఉంగరాలను సేకరించినట్లు ప్రభుత్వం తెలిపింది.రెండు నియోజకవర్గాలకు బైపోల్‌ తమిళనాడులో మధురాంతకం, ధరాపురం నియోజకవర్గాలలో అక్టోబర్‌ 6న ఉపఎన్నికలు జరుగనున్నాయి. ఈ నేపథ్యంలో అక్కడ ఉపఎన్నికల కోసమని ప్రవర్తనా నియమావళి (Model Code of Conduct) అమల్లోకి వచ్చింది. దీంతో ప్రస్తుతానికి ఆ రెండు నియోజకవర్గాల్లో ఈ పథకం అమలు తాత్కాలికంగా నిలిచిపోనుంది.

ఢిల్లీ: కేంద్ర ప్రభుత్వం కీలక నిర్ణయం తీసుకుంది. పాకిస్థాన్‌ కేంద్రంగా పనిచేస్తున్న షెహజాద్‌ భట్టి నెట్‌వర్క్‌ (SBN)ను ఉగ్రవాద సంస్థగా ప్రకటించింది. ఈ వివరాలను కేంద్ర హోంమంత్రి అమిత్‌ షా ఎక్స్ వేదికగా తెలిపారు. ఉగ్రవాదంపై ప్రధాని మోదీ అనుసరిస్తున్న ‘జీరో టాలరెన్స్‌’ విధానంలో భాగంగా ఈ నిర్ణయం తీసుకున్నట్లు ఆయన పేర్కొన్నారు.ఈ నేపథ్యంలో కేంద్ర హోంమంత్రి అమిత్‌ షా ఎక్స్‌ వేదికగా స్పందిస్తూ.. “ఈ ముఠా సరిహద్దుల గుండా ఆయుధాలు, పేలుడు పదార్థాలు, మాదకద్రవ్యాల స్మగ్లింగ్‌లో పాలుపంచుకోవడంతో పాటు, యువతను, చిన్న నేరస్థులను ఉగ్రవాదం వైపు ప్రేరేపిస్తోంది. భారతదేశ ప్రజాస్వామ్య వ్యవస్థను, మత సామరస్యాన్ని లక్ష్యంగా చేసుకుని ఈ సిండికేట్‌ విద్వేషపూరిత డిజిటల్‌ కంటెంట్‌ను కూడాప్రచురించింది” అని పేర్కొన్నారు. ఈ నేపథ్యంలో ఆ సంస్థను నిషేధించినట్లు తెలిపారు.షెహజాద్‌ భట్టి నెట్‌వర్క్‌ (SBN) అమాయక యువతను, స్థానిక నేరస్థులను ఉపయోగించుకుని సరిహద్దుల నుంచి ఆయుధాలు, పేలుడు పదార్థాలు, మాదకద్రవ్యాలను అక్రమంగా రవాణా చేయడం, ఉగ్రవాద కార్యకలాపాలకు పాల్పడటం ద్వారా దేశ ప్రజాస్వామ్య వ్యవస్థకు, మత సామరస్యానికి, అంతర్గత భద్రతకు తీవ్ర ముప్పు కలిగించడం లక్ష్యంగా పెట్టుకున్న సంస్థ అని కేంద్ర హోంశాఖ విడుదల చేసిన గెజిట్‌ నోటిఫికేషన్‌లో పేర్కొంది.నిషేధిత ఉగ్రవాద సంస్థల జాబితా ఉన్న చట్టంలోని మొదటి షెడ్యూల్‌లో షెహజాద్‌ భట్టి నెట్‌వర్క్‌ (SBN)ను చేర్చేందుకుUAPAలోని సెక్షన్‌ 35(1)(a)ను కేంద్రం ఉపయోగించింది. ఎస్‌బీఎన్‌ ‘ఉగ్రవాదంలో’ పాలుపంచుకుందని, భారతదేశంలో వివిధ ఉగ్రవాద చర్యలకు పాల్పడిందని కేంద్రం భావిస్తున్నందున ఈ చర్య తీసుకున్నట్లు తెలిపింది.

రోడ్డుపై వెళ్తున్న ఓ యువతి బైక్‌ను కారు ఢీకొట్టడం.. ఆమె కిందపడిపోయినా వాహనాన్ని ఆపకుండా వెళ్లిపోవడం.. ఆ ఘటనకు సంబంధించిన వీడియోలు సోషల్‌ మీడియాలో వైరల్‌ కావడం.. గురుగ్రామ్‌లో జరిగిన ఈ వ్యవహారం ఇప్పుడు నెట్టింట తీవ్ర చర్చకు దారితీసింది. తనను కారు కావాలనే వెంబడించి ఢీకొట్టారని బైకర్‌ ‘రెబల్‌ వీల్స్‌ సియా’ ఆరోపిస్తుండగా.. నిందితుడి తరఫు న్యాయవాది మాత్రం తప్పంతా బైకర్లదేనని అంటున్నాడు.గురుగ్రామ్‌ గోల్ఫ్‌ కోర్స్‌ రోడ్డుపై ఆదివారం ఈ ఘటన జరిగింది. సియా తన ఏప్రిలియా ఆర్‌ఎస్‌ 457 స్పోర్ట్స్‌ బైక్‌పై తోటి బైకర్లతో కలిసి వెళ్తోంది. ఆ సమయంలో తెల్లరంగు సెడాన్‌ తమను వెంబడించిందని ఆమె చెబుతోంది. కారులోని వారు తనకు దగ్గరగా వచ్చి ఇబ్బందికరంగా ప్రవర్తించారని, దూరంగా ఉండాలని తాను సూచించినా.. బైక్‌ను ఆపాలని సైగలు చేశారని ఆమె ఆరోపించింది. చివరకు కారు పక్క నుంచి వచ్చి తన బైక్‌ను ఢీకొట్టడంతో రోడ్డుపై పడిపోయానని తెలిపింది.‘నేను అక్కడికక్కడే చనిపోయేదాన్ని’ప్రమాదంపై తొలిసారి స్పందించిన సియా.. నిందితుడు కల్యాణ్‌ బైన్‌స్లా చేసిన వ్యాఖ్యలకు ఘాటుగా కౌంటర్‌ ఇచ్చింది. ‘నాపై జాలిపడుతున్నానని చెబుతున్నారు. నిజంగా జాలిపడితే ప్రమాదం తర్వాత ఎందుకు ఆపలేదు?’ అని ప్రశ్నించింది. తనను కారు చాలా దూరం వెంబడించిందని చెబుతూ.. ‘నేను అక్కడికక్కడే చనిపోయేదాన్ని. ఎముకలు విరిగిపోయేంత తీవ్ర గాయాలు కూడా అయ్యుండొచ్చు’ అని పేర్కొంది.కారు తనను వెంబడించలేదన్న వాదనను కూడా ఆమె ఖండించింది. ‘నా జుట్టు కనిపించింది.. నా దగ్గరకు వచ్చారు.. ఆపాలని సైగ చేశారు. అలాంటప్పుడు బైక్‌పై మహిళ ఉందో లేదో తెలియదని ఎలా చెబుతారు?’ అని ప్రశ్నించింది. ప్రమాదానికి సంబంధించిన రెండు వీడియోల్లోనూ కారు తన బైక్‌ వైపు లేన్‌ మార్చి ఢీకొట్టిన దృశ్యాలు స్పష్టంగా ఉన్నాయని తెలిపింది.This isn't hit and run... it's hit and kill 🖐️Car No: HR 30Y 4949In Gurugram, first a female bike rider was harassed by 4 louts sitting in a Verna car, they made vulgar vulgar gestures When the girl stopped them from doing so and told them to leave, the beasts rammed her… pic.twitter.com/W1141MIGSJ— Ravi Pandey🇮🇳 (@ravipandey2643) September 14, 2026కొత్త వీడియో.. మరో కోణంలో ఢీకొట్టిన దృశ్యంఈ ఘటనకు సంబంధించి సియా వెనుకే వస్తున్న మరో బైకర్‌ రికార్డు చేసిన వీడియో కూడా వెలుగులోకి వచ్చింది. అందులో కారు సియా బైక్‌ వైపు వచ్చి ఢీకొట్టినట్లు కనిపిస్తోంది. కారు తమను చాలా దగ్గరగా వెంబడించిందని, డ్రైవర్‌ కిటికీ దించి ఆపాలని సైగ చేశాడని ఆ బైకర్‌ ఆరోపించాడు. ప్రమాదం తర్వాత కారు వెళ్లిపోవడంతో తాను దాన్ని వెంబడించి డ్రైవర్‌ ముఖాన్ని కెమెరాలో రికార్డు చేశానని చెప్పాడు. ప్రమాదం కారణంగా సియాకు చేతులు, కాళ్లకు గాయాలయ్యాయి. అయితే రైడింగ్‌ గేర్‌ ధరించి ఉండటంతో తీవ్ర గాయాలు తప్పాయని ఆమె కుటుంబ సభ్యులు తెలిపారు. బైక్‌ మాత్రం దెబ్బతింది.‘కారులో నలుగురు.. మద్యం మత్తులో ఉన్నారు’సియా సోదరుడు కూడా సంచలన ఆరోపణలు చేశాడు. ప్రమాదం జరిగిన వెంటనే తనకు సియా ఫోన్‌ చేసి.. ఎవరో కారుతో ఢీకొట్టి వెళ్లిపోయారని చెప్పిందన్నాడు. కారులో నలుగురు ఉన్నారని, వారంతా మద్యం మత్తులో ఉన్నట్లు కనిపించారని ఆమె చెప్పినట్లు వెల్లడించాడు. కారులోని వారు అసభ్యకరమైన సైగలు చేశారని కూడా ఆరోపించాడు. సియా తండ్రి ఈ ఘటనను సాధారణ ప్రమాదంగా చూడలేమని, ఇది హత్యాయత్నంగా భావిస్తున్నామని అన్నారు. రోడ్డుపై పెద్దగా ట్రాఫిక్‌ కూడా లేదని.. అలాంటి సమయంలో ఈ ప్రమాదం జరగడం అనుమానాలకు తావిస్తోందని పేర్కొన్నారు.‘తప్పంతా బైకర్లదే’.. నిందితుడి తరఫు వాదనగురుగ్రామ్‌ హిట్‌ అండ్‌ రన్‌ కేసులో ఆరోపణలు ఎదుర్కొంటున్న కల్యాణ్‌ బైన్స్లా బాడీబిల్డర్‌, జిమ్‌ ట్రైనర్‌. తన ఇన్‌స్టాగ్రామ్‌ ప్రొఫైల్‌లో ‘ఇంటర్నేషనల్‌ కబడ్డీ ప్లేయర్‌’, ‘ఇండియన్‌ రగ్బీ టీమ్‌ సభ్యుడు’గా రాసుకున్నాడు. హిట్‌ అండ్‌ రన్‌ కేసులో క‌ల్యాణ్‌ బైన్‌స్లా తరఫు న్యాయవాది మాత్రం పూర్తిగా భిన్నమైన వాదన వినిపించారు. కారులో నలుగురు ఉన్నారని.. వారిలో బంధువులు కూడా ఉన్నారని చెప్పారు. బైకర్లు రోడ్డుపై అడ్డంకిగా మారుతున్నారని, వారి కారణంగా తరచూ ప్రమాదాలు జరుగుతున్నాయని ఆరోపించారు. కారు ఫుట్‌పాత్‌ను తప్పించుకునే క్రమంలో కొంచెం ఎడమవైపు వెళ్లిందని.. అదే సమయంలో యువతి కుడివైపు రావడంతో ఢీకొట్టిందని న్యాయవాది చెప్పారు. ప్రమాదం తర్వాత ఆపకపోవడానికి కారణం అక్కడ గుమిగూడిన వారు దాడి చేస్తారనే భయమేనని, ఆ పరిస్థితుల్లో కారు వెళ్లిపోయిందని తెలిపారు. సియా సోషల్‌ మీడియాలో ఫాలోవర్లు, వ్యూస్‌ కోసం ఘటనను ప్రచారం చేస్తోందని కూడా ఆరోపించారు. ఆమె బైక్‌ వేగం గంటకు 140–170 కిలోమీటర్ల వరకు ఉందని వాదించారు.కారు ఎవరిది?ప్రమాదానికి ఉపయోగించిన కారు హరియాణాలోని పల్వాల్‌కు చెందిన మ‌నీష్‌ పేరుతో రిజిస్టర్‌ అయి ఉన్నట్లు పోలీసులు తెలిపారు. అయితే తాను ఆ సమయంలో కారులో లేనని మ‌నీష్‌ స్పష్టం చేశాడు. తాను ఆర్మీలో పనిచేస్తున్నానని, ఘటన జరిగిన సమయంలో అసోంలో విధుల్లో ఉన్నానని చెప్పాడు. ఆదివారం తన కుటుంబానికి చెందిన కారును ఓ స్నేహితుడు తీసుకెళ్లాడని.. సోషల్‌ మీడియాలో వీడియో వైరల్‌ అయిన తర్వాతే ప్రమాదం విషయం తనకు తెలిసిందని వివరించాడు.పోలీసుల దర్యాప్తుకల్యాణ్‌ బైన్స్లా మాత్రం తాను కావాలనే బైకర్‌ను ఢీకొట్టలేదని చెబుతున్నాడు. బైకర్‌ అధిక వేగంతో వెళ్తుండగా, తాను కారు మలుపు తిప్పే సమయంలో ఢీకొన్నట్లు అతడి వాదన. ప్రమాదం తర్వాత అక్కడి నుంచి వెళ్లిపోవడానికి బైకర్ల గుంపు దాడి చేస్తుందనే భయమే కారణమని కూడా అతడి తరఫున వాదన వచ్చింది. అయితే మహిళా బైకర్‌ మాత్రం కారు తనను ఉద్దేశపూర్వకంగా వెంబడించి ఢీకొట్టిందని ఆరోపిస్తోంది. ఈ రెండు వాదనలపై పోలీసులు దర్యాప్తు చేస్తున్నారు. ఘటనకు సంబంధించిన వీడియోలు సోషల్‌ మీడియాలో వైరల్‌ కావడంతో గురుగ్రామ్‌ పోలీసులు ఈ వ్యవహారాన్ని సుమోటోగా తీసుకుని కేసు నమోదు చేశారు. ప్రస్తుతం వైరల్‌ వీడియోలు, ప్రత్యక్ష సాక్షుల వాంగ్మూలాలు, కారు వివరాల ఆధారంగా దర్యాప్తు కొనసాగుతోంది. అసలు ప్రమాదం ఎలా జరిగింది? కారు ఉద్దేశపూర్వకంగా బైక్‌ను ఢీకొట్టిందా? లేక ప్రమాదవశాత్తూ జరిగిందా? అన్నది పోలీసుల దర్యాప్తులో తేలాల్సి ఉంది.ఇదీ చదవండి: బీజేపీ బిగ్‌ విక్టరీ

ఢిల్లీ: బ్రిక్స్ సదస్సులో తీసుకునే నిర్ణయాల అమలు కోసం ఒక ప్రత్యేక యంత్రాంగాన్నే ఏర్పాటు చేయాల్సిన అవసరం ఉందని ప్రధాని మోదీ అన్నారు. ఢిల్లీలో భరతమండపం వేదికగా జరుగుతున్న బ్రిక్స్‌ శిఖరాగ్ర సదస్సులో మోదీ ప్రారంభోపన్యాసం చేశారు. వచ్చే 20ఏళ్ల కాలానికి అవసరమైన ఎజెండాను రూపొందించాల్సిన అవసరం ఉందని నిర్ణీత గడువులోగా నిర్ణయాల అమలు కోసం వ్యవస్థను బలోపేతం చేయాలన్నారు.మోదీ మాట్లాడుతూ.. "ప్రస్తుతం గ్లోబల్ సౌత్ అనేక సమస్యలను ఎదుర్కొంటుందని ప్రజల మేలు కోసం దేశాలన్నీ కలిసి పని చేయాల్సి ఉంది ప్రపంచ పరిపాలన మరింత మెరుగుపడాల్సి ఉంది. పరస్పరం గౌరవం, ఏకాభిప్రాయంతో ముందుకు వెళ్తున్నాం" అని మోదీ అన్నారు. అయితే అంతకుముందు ప్రధాని మోదీ అబూదాబి యువరాజు మహమ్మద్ బిన్ జాయద్ అలీ నహియాన్‌తో హైదరాబాద్‌ హౌస్‌లో సమావేశమయ్యారు. ఇరు దేశాధినేతలు మలేషియా, ఇథీయోపియా దేశాధినేతలతో రక్షణ రంగంలో సహకారం అంశంపై చర్చలు జరిపారు.కాగా మరికోద్దిసేపట్లో సాయంత్రం 5:45 గంటలకు ప్రధానమంత్రి నరేంద్ర మోదీతో ద్వైపాక్షిక చర్చలు జరపనున్నారు. గల్వాన్ ఘర్షణల తర్వాత తొలిసారిగా జిన్‌పింగ్‌ భారత్ లో అడుగుపెట్టారు. చైనా అధ్యక్షుడితో ఆ దేశానికి చెందిన వ్యాపార ,అధికార ప్రతినిధి బృందంతో ఢిల్లీకి చేరుకుంది. గతంతో పోలిస్తే ఈ సారి పెద్ద మెుత్తంలో అధికార బృందం జిన్‌పింగ్‌తో ఉంది. భారత్‌తో ఆర్థిక వ్యాపార సంబంధాలను మరింత మెరుగుపరచుకోవాలని చైనా భావిస్తోన్నట్లు సమాచారం.

ఢిల్లీ: 18వ బ్రిక్స్ శిఖరాగ్ర సదస్సుకు భారత్‌ అతిథ్యమివ్వడంతో ప్రపంచ దేశాధినేతలు భారత్‌కు తరలివచ్చారు. దీంతో ఇప్పుడు ప్రపంచవ్యాప్తంగా అందరి దృష్టి భారత్‌పై పడింది. ఈ నేపథ్యంలో ఈ అంతర్జాతీయ శిఖరాగ్రసదస్సుకు ఆతిథ్యమిస్తున్న భరతమండపం ప్రత్యేకతలు ఏంటి..దానిని ఎ‍ప్పుడు నిర్మించారు. అనే వివరాలపై సర్వత్రా ఆసక్తి నెలకొంది.ప్రపంచ దేశాల అగ్రనేతలు హాజరవుతున్న అత్యంత ప్రతిష్టాత్మకమైన 2026 బ్రిక్స్ (BRICS) శిఖరాగ్ర సదస్సుకు భారత్ రాజధాని న్యూఢిల్లీ వేదికైంది. ఈ వార్షిక సదస్సు కోసం దేశ నడిబొడ్డున ఉన్న అత్యాధునిక 'భారత్ మండపం' సర్వాంగ సుందరంగా ముస్తాబైంది. అయితే ఇది వరకే రష్యా అధ్యక్షుడు వ్లాదిమిర్ పుతిన్, చైనా అధ్యక్షుడు షీ జిన్‌పింగ్‌తో సహా పలువురు ప్రపంచ స్థాయి నాయకులు ఈ సదస్సులో పాల్గొనేందుకు ఢిల్లీకి చేరుకున్నారు.భరత మండపం నిర్మాణంప్రగతి మైదాన్ కాంప్లెక్స్‌లో 123 ఎకరాల విస్తీర్ణంలో రూ.2,700 కోట్ల వ్యయంతో ఈ వేదికను నిర్మించారు. 2023లో ప్రారంభమైన ఈ సముదాయం నేడు భారతదేశ ఆతిథ్య సామర్థ్యానికి ప్రతీకగా నిలిచింది. 12వ శతాబ్దపు 'అనుభవ మండపం' స్ఫూర్తితో దీనికి 'భారత్ మండపం' అని నామకరణం చేశారు.నటరాజ విగ్రహం ప్రత్యేకతఈ సముదాయంలో ఏర్పాటు చేసిన 27 అడుగుల ఎత్తు, 18 టన్నుల బరువు కలిగిన భారీ నటరాజ విగ్రహం ప్రత్యేక ఆకర్షణగా నిలిచింది. అష్టధాతువులతో తమిళనాడు శిల్పులు దీనిని అద్భుతంగా మలిచారు. ప్రధాన సమావేశ మందిరం భవనం 'శంఖం' ఆకారంలో రూపొందించబడింది. ఇది చేతన శక్తిని, శుభారంభాన్ని సూచిస్తుంది. సూర్య శక్తి, జీరో నుంచి ఇస్రో సాధించిన ప్రయాణం, పంచ మహాభూతాల ప్రాముఖ్యతను తెలిపేలా దీని లోపలి బయటి డిజైన్లు భారతీయ నాగరికతను ప్రతిబింబిస్తున్నాయి.భారత్ మండపంలో వివిధ హాళ్లు150 దేశాల ప్రతినిధులకు సరిపడే సామర్థ్యం ఉన్న ఈ హాలులో కీలకమైన ద్వైపాక్షిక, బహుపాక్షిక చర్చలు జరుగుతున్నాయి. సాంకేతికతకు పెద్దపీట వేస్తూ నిర్వహించిన 'భారత్ ఇన్నోవేట్స్' కార్యక్రమం ఇక్కడే జరిగింది. డ్రోన్ టెక్నాలజీతో పాటు భారత్ సాధించిన నూతన సాంకేతిక ఆవిష్కరణలను ప్రపంచానికి చాటిచెప్పారు.హాల్ నెం. 14: బ్రిక్స్ బిజినెస్ ఫోరం సమావేశాలు ఇక్కడ జరుగుతున్నాయి. పారిశ్రామికవేత్తలు, పెట్టుబడిదారులు పాల్గొనే ఈ వేదికపై ప్రధాని నరేంద్ర మోదీ, రష్యా అధ్యక్షుడు పుతిన్ వ్యాపార వర్గాలనుద్దేశించి ప్రసంగించనున్నారు.హాల్ నెం. 5: ప్రపంచ వ్యాప్తంగా విచ్చేసిన సుమారు 1,200 నుంచి 1,400 మంది జర్నలిస్టుల కోసం ఇంటర్నేషనల్ మీడియా సెంటర్‌ను ఏర్పాటు చేశారు.ఈ సదస్సులో రష్యా-ఉక్రెయిన్ యుద్ధం, మధ్యప్రాచ్య సంక్షోభాలు, ఉగ్రవాద నిరోధక విధానాలు మరియు ఆర్టిఫిషియల్ ఇంటెలిజెన్స్ (AI) సవాళ్లపై ప్రపంచ నేతలు చర్చిస్తున్నారు. అలాగే బ్రిక్స్ దేశాల మధ్య ద్వైపాక్షిక వాణిజ్య విధానాలను చర్చించనున్నారు.కట్టుదిట్టమైన భద్రతభారత్ మండపంలో భద్రతా వ్యవస్థ అత్యంత అత్యాధునిక సాంకేతికతతో, అభేద్యమైన కోటను తలపించేలా అంతర్జాతీయ ప్రమాణాలతో నిర్మించబడింది. అంతర్జాతీయ సదస్సులు జరిగే సమయంలో ఇక్కడ శత్రు దుర్భేద్యమైన మల్టీ-లేయర్డ్ (బహుళ అంచెల) భద్రతా వలయాన్ని ఏర్పాటు చేస్తారు. ఈ ప్రాంగణంలోని ప్రధాన సెక్యూరిటీ ప్రత్యేకతలు భారత్ మండపం చుట్టూ సుమారు 5 కిలోమీటర్ల మేర బహుళ అంచెల భద్రతా వలయం ఉంటుంది. ఔటర్ రింగ్‌లో ఢిల్లీ పోలీస్ మరియు పారామిలటరీ బలగాలు కాపలా ఉంటే, అంతర్గత కోర్ జోన్‌లో (నేషనల్ సెక్యూరిటీ గార్డ్) కమాండోలతో పాటు ప్రత్యేక దళాలు మోహరిస్తాయి.ఆర్టిఫిషియల్ ఇంటెలిజెన్స్, ఫేషియల్ రికగ్నైజేషన్: ఇక్కడి నిఘా వ్యవస్థలో AI సాంకేతికతను ఉపయోగిస్తారు. హై-రిజల్యూషన్ సీసీటీవీ కెమెరాలకు ఫేషియల్ రికగ్నిషన్ సిస్టమ్ అనుసంధానించబడి ఉంటుంది. ఇది అనుమానాస్పద వ్యక్తులను లేదా నేరస్థుల డేటాబేస్‌లో ఉన్న ముఖాలను క్రౌడ్‌లో సైతం క్షణాల్లో గుర్తించి అలర్ట్ చేస్తుంది.డ్రోన్ సిస్టమ్స్ ఆకాశ మార్గం నుండి ఎలాంటి ముప్పు రాకుండా భవనం చుట్టూ అత్యాధునిక యాంటీ-డ్రోన్ డిఫెన్స్ సిస్టమ్స్ అప్రమత్తంగా ఉంటాయి. అనుమతి లేని ఏ డ్రోన్ లేదా ఫ్లయింగ్ ఆబ్జెక్ట్ అయినా ఈ పరిధిలోకి వస్తే వాటిని జామ్ చేయడం లేదా కూల్చివేయడం జరుగుతుంది. ఇలా భరతమండపంకు ఆధునాతనమైన ఎన్నో ప్రత్యేకతలు ఉన్నాయి.

భారత్‌ ఆతిథ్యంగా జరుగుతున్న బ్రిక్స్ సదస్సు వేళ భారత్‌కు దౌత్య పరంగా కీలక విజయం లభించింది. 18వ బ్రిక్స్ శిఖరాగ్ర సదస్సులో సభ్యదేశాలన్నీ *"న్యూఢిల్లీ డిక్లరేషన్"*కు ఏకగ్రీవంగా ఆమోదం తెలిపాయి. గతంలో పశ్చిమాసియా యుద్ధంపై విభేదాల కారణంగా విదేశాంగ మంత్రుల సమావేశంలో ఉమ్మడి ప్రకటన వెలువడకపోయినా, ఈసారి నాయకుల స్థాయిలో ఏకాభిప్రాయం వెలువడనుంది.న్యూఢిల్లీ డిక్లరేషన్‌లో అత్యంత ప్రధాన సందేశంగా "సంభాషణ (Dialogue), దౌత్యం (Diplomacy) ద్వారానే వివాదాలకు పరిష్కారం" అనే సూత్రాన్ని పునరుద్ఘాటించారు. ఉక్రెయిన్ యుద్ధం, పశ్చిమాసియా సంక్షోభం వంటి అంతర్జాతీయ ఘర్షణల నేపథ్యంలో ఇదే భారత్ నిరంతరం చెబుతున్న వైఖరిని ప్రధాని మోదీ పదే పదే స్పష్టం చేస్తున్నారు. ఈ నేపథ్యంలో కీలక ప్రకటన వెలువడింది. న్యూ ఢిల్లీ డిక్లరేషన్ ప్రధాన అంశాలుఅంతర్జాతీయ వివాదాలకు యుద్ధం కంటే చర్చలు, దౌత్యమే పరిష్కార మార్గమని స్పష్టం.ఉగ్రవాదాన్ని అన్ని రూపాల్లో ఖండిస్తూ దానికి ఎలాంటి సమర్థన ఉండదని పునరుద్ఘాటింపు.ఐక్యరాజ్యసమితి భద్రతా మండలి సహా ప్రపంచ పాలనా వ్యవస్థల్లో సమగ్ర సంస్కరణలకు మద్దతు.అభివృద్ధి చెందుతున్న దేశాలకు అంతర్జాతీయ నిర్ణయాల్లో మరింత ప్రాతినిధ్యం కల్పించాలనే డిమాండ్.వాణిజ్యం, పెట్టుబడులు, సాంకేతికత, డిజిటల్ సహకారం, ప్రత్యామ్నాయ చెల్లింపు వ్యవస్థలపై సహకారాన్ని మరింత బలోపేతం చేయాలనే నిర్ణయం.బ్రిక్స్ విస్తరణ తర్వాత ఇరాన్–యూఏఈ వంటి విభేదాలున్న దేశాలను ఒకే ప్రకటనపై ఏకాభిప్రాయానికి తీసుకురావడం భారత్ అధ్యక్షతకు పెద్ద పరీక్షగా నిలిచింది. అయినప్పటికీ ఈ పరీక్షలో సభ్యదేశాలన్నిటినీ ఏకతాటిపైకి తేవడం దౌత్య పరంగా భారత్‌కు కీలక విజయం.బ్రిక్స్ నాయకుల సమావేశం ముగిసిన అనంతరం సాయంత్రం 4 గంటలకు న్యూఢిల్లీ డిక్లరేషన్‌తో కూడిన ఉమ్మడి ప్రకటన అధికారికంగా విడుదల కానుంది. ఇందులో భారత్‌కు ఐక్యరాజ్యసమితి భద్రతా మండలి శాశ్వత సభ్యత్వానికి మద్దతు, బహుపాక్షిక ప్రపంచ వ్యవస్థ బలోపేతంపై కీలక ప్రకటనలు ఉండే అవకాశం ఉండనున్నట్లు సమాచారం.

ఢిల్లీ: 18 అంతర్జాతీయ బ్రిక్స్ సదస్సుకు భారత్‌ అతిథ్య నివ్వనున్న సంగతి తెలిసిందే. ఈ నెల 12,13 ఢిల్లీలోని భరత మండపంలో జరిగే ఈ సదస్సుకు ప్రపంచ అగ్రనేతలతో పాటు విదేశీ ప్రతినిధులు, ఉన్నతాధికారులు ఢిల్లీకి రానున్నారు. ఈ నేపథ్యంలో కేంద్రం అత్యంత కఠిన ఆంక్షలు విధించనుంది. సెప్టెంబర్ 11 నుంచి 13 వరకు నగరంలోని పలు ప్రాంతాల్లో ట్రాఫిక్ ఆంక్షలు, మార్గాల మళ్లింపులు అమల్లో ఉండనున్నాయి.రేపు బ్రిక్స్ ప్రారంభం కానున్న నేపథ్యంలో నేటి నుంచి (శుక్రవారం) ఢిల్లీ డైరెక్టరేట్‌ ఆఫ్‌ ఎడ్యుకేషన్‌ పరిధిలోని అన్ని ప్రభుత్వ, ప్రభుత్వ సహాయంతో నడిచే, గుర్తింపు పొందిన ప్రైవేట్‌ పాఠశాలలకు సెలవు ప్రకటించారు. దీంతో ఢిల్లీ ప్రభుత్వ కార్యాలయాలు, స్వయంప్రతిపత్తి సంస్థలు, ఢిల్లీ ప్రభుత్వ పరిధిలోని ప్రభుత్వ రంగ సంస్థలు కూడా ఆ రోజు పనిచేయవు. వారాంతం అనంతరం పాఠశాలలు సోమవారం నుంచి తిరిగి ప్రారంభమయ్యే అవకాశం ఉంది.ఢిల్లీ మెట్రో సేవలు కొనసాగింపుఅయితే బ్రిక్స్‌ సదస్సు నేపథ్యంలో ఢిల్లీ మెట్రో రైలు సేవలు పూర్తిగా నిలిపివేయడం లేదు. నగరవ్యాప్తంగా మెట్రో సేవలు కొనసాగుతాయి. అయితే సుప్రీంకోర్టు మెట్రో స్టేషన్‌లోని ఢిల్లీ మెట్రో మ్యూజియాన్ని సెప్టెంబర్ 11 నుంచి 13 వరకు మూసివేయనున్నారు. 35కుపైగా రహదారులపై ప్రభావం పడే అవకాశం ఉందని అధికారులు తెలిపారు. విదేశీ ప్రముఖులు, వీవీఐపీల కాన్వాయ్‌ల రాకపోకల కోసం ఢిల్లీ ట్రాఫిక్‌ పోలీసులు ప్రత్యేక ఏర్పాట్లు చేశారు. సుమారు 4,800 మంది ట్రాఫిక్‌ సిబ్బందిని విధుల్లో మోహరించారు. వీవీఐపీ రాకపోకలు, కాన్వాయ్‌ రిహార్సల్స్‌ సమయంలో 22 ప్రాంతాల్లో ట్రాఫిక్‌ను మళ్లించనున్నారు.మథురా రోడ్‌, సర్దార్‌ పటేల్‌ మార్గ్‌, శాంతి పథ్‌, జనపథ్‌, అశోకా రోడ్‌, బరాఖంబా రోడ్‌, టాల్‌స్టాయ్‌ మార్గ్‌, ఆఫ్రికా అవెన్యూ రోడ్‌, నీతి మార్గ్‌, ఏపీజే అబ్దుల్‌ కలాం రోడ్‌ తదితర 35కుపైగా రహదారులపై వివిధ సమయాల్లో ట్రాఫిక్‌ ఆంక్షలు లేదా మళ్లింపులు ఉండవచ్చని అధికారులు తెలిపారు.బస్సులు, క్యాబ్‌లకు మార్గ మళ్లింపులుసదస్సు జరిగే రోజుల్లో పరిస్థితిని బట్టి బస్సుల రూట్లను మళ్లించడం లేదా కొంతకాలం నియంత్రించడం జరగవచ్చని అధికారులు పేర్కొన్నారు. క్యాబ్‌ సేవలు మాత్రం యధావిధిగా కొనసాగనున్నట్లు పేర్కొన్నారు. అత్యవసరం కాని ప్రయాణాలను ముందుగా ప్లాన్‌ చేసుకోవాలని, బయలుదేరే ముందు తాజా ట్రాఫిక్‌ పరిస్థితులను పరిశీలించాలని ఢిల్లీ వాసులకు అధికారులు సూచించారు.

ఇస్లామాబాద్‌: పాకిస్థాన్‌ తన వక్రబుద్ధిని మరోసారి బయిటపెట్టింది. భారత్‌లోని సిక్కు పుణ్యక్షేత్రమైన శ్రీహేమ్‌కుండ్‌ సాహిబ్‌ను దర్శించుకునేందుకు వస్తున్న యాత్రికులను ఎన్‌వోసీ 'నో అబ్జెక్షన్‌ సర్టిఫికేట్‌' పేరుతో అడ్డుకుంది. దీంతో యాత్రికులు నిరాశ చెందాల్సి వచ్చింది. అయితే, తమ ప్రయాణానికి NOC అవసరమని అధికారులు ముందుగా ఎలాంటి సమాచారం ఇవ్వలేదని దీంతో తమ విమానాన్ని కోల్పోయి విమానాశ్రయంలోనే చిక్కుకుపోయామని ఆవేదన వ్యక్తం చేశారు.యాత్రికుల వివరాల ప్రకారం శుక్రవారం తెల్లవారుజామున 2.10 గంటలకు ఫైసలాబాద్ నుంచి షార్జాకు విమానంలో వెళ్లి, అక్కడి నుంచి ఢిల్లీకి చేరుకోవాల్సి ఉంది. అయితే విమానాశ్రయంలో NOC కోసం అధికారులు పట్టుబట్టడంతో వారు ప్రయాణం చేయలేకపోయారు. అంతకుముందు నంకానా సాహిబ్‌లో పాకిస్థాన్ పంజాబ్ సిక్కు మైనారిటీ మంత్రి, పాకిస్థాన్ సిక్కు గురుద్వారా ప్రబంధక్ కమిటీ (PSGPC) అధ్యక్షుడు రమేశ్ అరోరా, ఎవాక్యూ ట్రస్ట్ ప్రాపర్టీ బోర్డు డిప్యూటీ సెక్రటరీ నాసిర్ ముష్తాక్ యాత్రికులను కలిశారు.విమాన మార్గంలో భారత్‌కు వెళ్లకుండా అట్టారి–వాఘా భూసరిహద్దు ద్వారా రోడ్డు మార్గంలో పంపిస్తామని వారు హామీ ఇచ్చినట్లు సింగ్ తెలిపారు. అయితే NOC విషయాన్ని ముందుగా తమకు ఎవరూ చెప్పలేదని, విమానాశ్రయంలో అధికారులు NOC అడిగినప్పుడు దాన్ని సమకూర్చాలని రమేశ్ అరోరాను కోరినా ఆయన తమకు సహాయం చేయలేకపోయారని సింగ్ పేర్కొన్నారు. యాత్రికులకు ఢిల్లీ, అమృత్‌సర్, శ్రీ ఆనంద్‌పూర్ సాహిబ్, శ్రీ హేమ్‌కుండ్ సాహిబ్‌లను సందర్శించేందుకు భారత వీసాలు ఇప్పటికే మంజూరయ్యాయి.అట్టారి–వాఘా భూసరిహద్దు మూసివేయడంతో తమకు విమాన మార్గం తప్ప మరో మార్గం లేకుండా పోయిందని యాత్రికులు తెలిపారు. శ్రీ హేమ్‌కుండ్ సాహిబ్ యాత్ర కోసం భారత్ 92 మంది సిక్కు భక్తులకు వీసాలు జారీ చేసిందని పపిందర్ సింగ్ చెప్పారు. ప్రయాణం, వసతి, ఇతర ఏర్పాట్ల కోసం వారు దాదాపు 2 కోట్ల పాకిస్థాన్ రూపాయలు ఖర్చు చేశారని, ఇప్పుడు ప్రయాణానికి అనుమతి లభించక తీవ్ర నిరాశకు గురయ్యారని తెలిపారు. ఫైసలాబాద్–షార్జా విమానం ఇప్పటికే మిస్ కావడంతో, షార్జా నుంచి ఢిల్లీకి వెళ్లాల్సిన తదుపరి విమానం సైతం మిస్ అయ్యే పరిస్థితి ఏర్పడిందన్నారు.ప్రస్తుతం యాత్రికులు విమానాశ్రయంలోనే ఉండి, పాకిస్థాన్ ప్రభుత్వం సమస్యను పరిష్కరించి అట్టారి–వాఘా భూసరిహద్దు ద్వారా భారత్‌కు వెళ్లేందుకు ప్రత్యేక అనుమతి ఇవ్వాలని కోరుతున్నారు. హేమ్‌కుండ్ సాహిబ్ యాత్రను సకాలంలో పూర్తి చేసుకునే అవకాశం కల్పించాలని వారు పాకిస్థాన్ ప్రభుత్వానికి విజ్ఞప్తి చేశారు.

జైపూర్‌: రాజస్థాన్‌లోని క్విక్‌ కామర్స్‌ సంస్థలపై ఆహరభద్రత అధికారులు చేసిన తనిఖీల్లో సంచలన విషయాలు వెలుగులోకి వచ్చాయి. ప్రముఖ ఈ క్విక్-కామర్స్ సంస్థలైన బ్లింకిట్‌, జెప్టో సంస్థలు నిర్వహిస్తున్న డార్క్ స్టోర్లపై ఆహార భద్రత శాఖ అధికారులు తనిఖీలు నిర్వహించారు. ఈ తనిఖీల్లో గడువు ముగిసిన ఆహార పదార్థాలు, దెబ్బతిన్న ఉత్పత్తులు, సరైన ఉష్ణోగ్రతలో నిల్వ చేయని పాల ఉత్పత్తులు పెద్ద మొత్తంలో గుర్తించారు. దీంతో వాటిని సీజ్‌ చేసి తనిఖీల నిమిత్తం ‍ల్యాబ్‌కు తరలించినట్లు పేర్కొన్నారు. జగత్‌పురాలోని Zepto డార్క్ స్టోర్లో సుమారు 1,550 పాల ఉత్పత్తుల ప్యాకెట్లు సరైన ఉష్ణోగ్రతలో నిల్వ చేయడం లేదని అధికారులు గుర్తించారు. పాలు, పెరుగు, మజ్జిగ వంటి డెయిరీ ఉత్పత్తులను నిర్దేశిత తక్కువ ఉష్ణోగ్రతల్లోనే ఉంచాలి. అయితే అక్కడి రిఫ్రిజరేషన్ యూనిట్లలో ఉష్ణోగ్రత 6 నుంచి 14 డిగ్రీల సెల్సియస్ మధ్య నమోదైంది. దీంతో అక్కడ నిల్వ ఉంచిన సుమారు 1,550 ప్యాకెట్లను అధికారులు ధ్వంసం చేసినట్లు తెలిపారు.అదే స్టోర్‌లో గడువు ముగిసిన సుమారు 7 కిలోల ఆహార పదార్థాలు కూడా బయటపడ్డాయని వాటిని ధ్వంసం చేసినట్లు పేర్కొన్నారు.అనంతరం జైపూర్‌లోని ఆదర్శ్ నగర్‌లో ఉన్న Blinkit డార్క్ స్టోర్ను తనిఖీ చేశారు. అక్కడ సుమారు 800 పాల ఉత్పత్తుల ప్యాకెట్లతో పాటు మరికొన్ని గడువు ముగిసిన దెబ్బతిన్న ఆహార పదార్థాలు సైతం గణనీయమైన పరిమాణంలో ఉన్నట్లు గుర్తించారు. అవన్నీ అక్కడికక్కడే ధ్వంసం చేశారు. అంతేకాకుండా పాలు, ఫుడ్-గ్రేడ్ నెయ్యి, Paper Boat కార్బొనేటెడ్ వాటర్ నమూనాలను సేకరించి ప్రయోగశాల పరీక్షలకు పంపించారు. ఈ పరీక్షల నివేదికల ద్వారా ఆ ఉత్పత్తుల నాణ్యతపై మరింత స్పష్టత వస్తుందని అధికారులు తెలిపారు.ఈ తనిఖీలపై ఫుడ్ సేఫ్టీ కమిషనర్ అవిచల్ చతుర్వేది మాట్లాడుతూ, ఆహార పదార్థాల నిల్వలో నిర్దేశిత ఉష్ణోగ్రతలు, పరిశుభ్రత ప్రమాణాలు తప్పనిసరిగా పాటించాలని స్పష్టం చేశారు. గడువు ముగిసిన, పాడైన ఉత్పత్తులను వెంటనే తొలగించి ధ్వంసం చేయాలని సంబంధిత సంస్థలకు ఆదేశాలు జారీ చేసినట్లు తెలిపారు. అలాగే డార్క్ స్టోర్లలో పరిశుభ్రత, కోల్డ్-చైన్ నిర్వహణ, ఆహార నిల్వ విధానాల్లో ఉన్న లోపాలను వెంటనే సరిచేయాలని అధికారుల బృందం సూచించింది.మొత్తంగా, జైపూర్‌లో జరిగిన ఈ తనిఖీల్లో సుమారు 2,350 డెయిరీ ఉత్పత్తుల ప్యాకెట్లను, అలాగే గడువు ముగిసిన మరియు దెబ్బతిన్న ఇతర ఆహార పదార్థాలను ధ్వంసం చేశారు. ముఖ్యంగా పాల ఉత్పత్తులను సరైన ఉష్ణోగ్రతలో నిల్వ చేయకపోవడం, గడువు ముగిసిన వస్తువులు స్టోర్లలో ఉండటం, పరిశుభ్రత లోపాలు వంటి అంశాలను అధికారులు తీవ్రంగా పరిగణించారు. సేకరించిన నమూనాల ప్రయోగశాల పరీక్షల ఫలితాల ఆధారంగా తదుపరి చర్యలు ఉండే అవకాశం ఉందని తెలిపారు.

రాంచీ: స్పెషల్‌ ఇంటెన్సివ్‌ (SIR) ప్రక్రియలో దుమారం చెలరేగింది. భారత్‌ ఓటర్ల జాబితాలో అఫ్ఘనిస్థాన్‌ దేశస్థుల పేర్లు నమోదవ్వడంపై రాజకీయంగా వివాదానికి దారి తీసింది. ప్రస్తుతం ఈ అంశం జార్ఘండ్‌లో చర్చాంశనీయంగా మారింది. జార్ఖండ్‌లో చేపట్టిన ఎస్‌ఐఆర్‌ ప్రక్రియ వివాదాలకు దారి తీసింది. జంషెడ్‌పూర్ తూర్పు అసెంబ్లీ నియోజకవర్గంలోని 286వ పోలింగ్ స్టేషన్ ఓటర్ల జాబితాలో అసిల్ ఖాన్, మహమ్మద్ అస్లాం, మహమ్మద్ ఇబ్రహీం అనే ముగ్గురు అఫ్గానిస్థానీయుల పేర్లు వరుసగా 30, 31, 33 నంబర్లతో ఓటర్ల లిస్టులో కనిపించాయి. దీంతో ప్రతిపక్షాలు ఆందోళన వ్యక్తం చేశాయి. విదేశీయుల పేర్ల ఎస్‌ఐఆర్‌ జాబితాలో ఎలా వచ్చాయంటూ ప్రశ్నించారు.ఈ విషయంపై బీజేపీ రాష్ట్ర అధికార ప్రతినిధి సందీప్ వర్మ జేఎంఎం- కాంగ్రెస్ ప్రభుత్వం లక్ష్యంగా విమర్శలు చేశారు. ఓటు బ్యాంకు రాజకీయాల కోసం విదేశీ చొరబాటుదారుల పేర్లను ఓటర్ల జాబితాలో చేర్చడానికి ప్రయత్నాలు జరుగుతున్నాయని, తమ పార్టీ మొదటి నుంచీ చెబుతూనే ఉందన్నారు. దీనికి బాధ్యులైన వారిపై కఠిన చర్యలు తీసుకోవాలని డిమాండ్ చేశారు. జార్ఖండ్ ప్రధాన ఎన్నికల అధికారి కె. రవికుమార్ ఈ అంశంపై మాట్లాడుతూ " ఓటర్ల జాబితాలో విదేశీయులను చేర్చడం ఒక తీవ్రమైన విషయం. ఈ విషయంపై దర్యాప్తు ప్రారంభించాం. ఆ వ్యక్తులకు ఎవరు సహాయం చేశారు, ఏ ప్రక్రియ ద్వారా వారి పేర్లను ఓటర్ల జాబితాలో చేర్చారు అనే దానిపై దృష్టి సారిస్తాం. ఇందులో ప్రమేయం ఉన్నట్లు తేలిన వారిపై క్రిమినల్ చర్యలు తీసుకుంటాం," అని ఆయన స్పష్టం చేశారు.అదే విధంగా ఓటర్ల జాబితాలో ఆ మూడు పేర్లు ఎలా చేర్చబడ్డాయి, ఈ ప్రక్రియలో ఏదైనా వ్యక్తి లేదా నెట్‌వర్క్ పాత్ర ఉందా అనే విషయాన్ని నిర్ధారించడానికి దర్యాప్తు సంస్థలు పనిచేస్తున్నాయని పేర్కొన్నారు.

సాక్షి, ఢిల్లీ: కేంద్ర కేబినెట్‌ కీలక నిర్ణయం తీసుకుంది. హౌరా- చెన్నై కారిడార్‌లో భాగంగా విశాఖ, విజయవాడ మీదుగా నాలుగు లేన్ల నిర్మాణానికి అంగీకారం తెలిపింది. ముంబై- చెన్నై కారిడార్‌లో భాగంగా గుంతకల్లు, రేణిగుంట మీదుగా నాలుగు లేన్ల నిర్మాణం చేపట్టనున్నట్లు తెలిపింది. అదే విధంగా దేశంలో 7 హై డెన్సిటీ రైల్వే కారిడార్ల అభివృద్ధికి కేంద్ర కేబినెట్ ఆమోదం తెలిపింది. ప్రయాణికుల రద్దీ తగ్గించేందుకు భారతీయ రైల్వేల భారీ ప్రణాళికలో భాగంగా ఢిల్లీ–హౌరా, ఢిల్లీ–ముంబై కారిడార్లకు ప్రాధాన్యం ప్రకటించింది. ఢిల్లీ–చెన్నై మార్గంలో విజయవాడ కీలక స్టేషన్‌గా అదేవిధంగా హౌరా–చెన్నై కారిడార్‌లో విశాఖపట్నం స్టేషన్‌కు ప్రాధాన్యం ఇవ్వనున్నట్లు పేర్కొంది. ముంబై–చెన్నై మార్గంలో రేణిగుంట, గుంతకల్‌ అభివృద్ధి కి ఊతం ఇవ్వనున్నట్లు తెలిపింది. ఈ అంశమై రైల్వేశాఖ మంత్రి మాట్లాడుతూ పలు మార్గాల్లో నాలుగో లైన్ పనులు చేపట్టడంతో పాటు మరికొన్ని కారిడార్లు డీపీఆర్, ఆమోద దశలో ఉన్నాయని తెలిపారు. కేంద్ర నిర్ణయాలతో సరుకు రవాణా, ప్రయాణికుల సేవల సామర్థ్యం పెరగనుందని రైళ్ల సమయపాలన మెరుగుపడుతుందని కేంద్రమంత్రి ఆశాభావం వ్యక్తం చేశారు.

చెన్నై: డీఎంకే అధినేత ‍స్టాలిన్‌పై తమిళనాడు సీఎం విజయ్‌ బాడీషేమింగ్‌ చేసారన్న ఆరోపణలపై తాజాగా ఆయన స్పందించారు. అసెంబ్లీలో మాట్లాడుతుండగా తాను చేసిన హావభావం అనుకోకుండా జరిగిందని, అది ఏ విధంగానూ ఉద్దేశపూర్వకంగా చేసింది కాదని స్పష్టం చేశారు. వ్యక్తిగతంగా ఎవరినైనా బాధపెట్టాలనే ఉద్దేశంతో తాను ఆ చర్య చేయలేదని తెలిపారు. ఈ మేరకు తన ఎక్స్‌ ఖాతాలో ట్వీట్‌ చేశారు.ఈ విషయమై తన వివరణను ఎక్స్‌ ఖాతాలో పోస్ట్ చేస్తూ... “2026 సెప్టెంబర్ 7న శాసనసభలో పోలీసు శాఖ గ్రాంట్‌పై నా సమాధాన ప్రసంగం సందర్భంగా, మధ్యలో అనుకోకుండా కనిపించిన నా బాడీ లాంగ్వేజ్ ఏ విధంగానూ ఉద్దేశపూర్వకమైనది కాదు. అందువల్ల, ఎవరి వ్యక్తిగత భావాలను బాధపెట్టే ఉద్దేశంతో చేసిన చర్యగా దాన్ని అర్థం చేసుకోవద్దని కోరుతున్నాను” అని పేర్కొన్నారు.కాగా విజయ్ ప్రసంగం అనంతరం డీఎంకే ఎమ్మెల్యేలు అసెంబ్లీ స్పీకర్ జేసీడీ ప్రభాకర్ ఛాంబర్‌ వెలుపల నిరసనకు దిగారు. విజయ్ చేసిన వ్యాఖ్యలను అసెంబ్లీ రికార్డుల నుంచి తొలగించాలని వారు డిమాండ్ చేశారు. అనంతరం మార్షల్స్ జోక్యం చేసుకుని డీఎంకే ఎమ్మెల్యేలను అక్కడి నుంచి బలవంతంగా తొలగించారు.అదే సమయంలో సీపీఐ(ఎం) నేత పి. షణ్ముగం కూడా విజయ్‌పై తీవ్రంగా స్పందించారు. విజయ్ తన హావభావం ద్వారా ముఖ్యమంత్రి ఎంకే స్టాలిన్‌పై వ్యక్తిగత దాడికి పాల్పడ్డారని ఆయన ఆరోపించారు. ముఖ్యంగా, స్టాలిన్ గతంలో మీసా నిర్బంధ సమయంలో ఎదుర్కొన్న దాడి కారణంగా దెబ్బతిన్న దవడను విజయ్ అనుకరించినట్లుగా కనిపించిందని షణ్ముగం పేర్కొన్నారు.ఎమర్జెన్సీ కాలంలో ప్రజాస్వామ్యాన్ని పరిరక్షించేందుకు దేశవ్యాప్తంగా పెద్ద ఎత్తున పోరాటాలు జరిగాయని, అదే సమయంలో తీవ్ర అణచివేత, అకృత్యాలు చోటుచేసుకున్నాయని షణ్ముగం తన ఎక్స్ పోస్టులో గుర్తుచేశారు. ఆ సమయంలో మాజీ ముఖ్యమంత్రి ఎంకే స్టాలిన్‌ను పోలీసులు దారుణంగా కొట్టడంతో ఆయన దవడ విరిగిందని తెలిపారు. ఎవరైనా ఒకరి శారీరక రూపాన్ని ఎగతాళి చేయడం ఖండించదగిన విషయం. ముఖ్యమంత్రి స్వయంగా అలా చేయడం బాధ్యతారాహిత్యమైన చర్యని షణ్ముగం విమర్శించారు.వివాదం ఎందుకు?ఈ వివాదానికి కారణమైన ఘటన నిన్న సోమవారం తమిళనాడు అసెంబ్లీలో విజయ్ చేసిన ప్రసంగంలో చోటు చేసుకుంది. అధికారంలో ఉన్న డీఎంకేపై విజయ్ తీవ్ర విమర్శలు చేశారు. తన ప్రసంగంలో మీసా కాలం గురించి ప్రస్తావిస్తున్న సమయంలో విజయ్ దవడను చూపించారు. ఈ హావభావాన్ని చాలామంది స్టాలిన్‌కు గతంలో జరిగిన దాడి, దాని కారణంగా ఆయన దవడ విరిగిన ఘటనకు సూచనగా భావించారు. దీంతో విజయ్ ఉద్దేశపూర్వకంగా స్టాలిన్ శారీరక పరిస్థితిని ఎగతాళి చేశారనే ఆరోపణలు వచ్చాయి.అయితే ఇప్పుడు విజయ్ ఇచ్చిన వివరణ ప్రకారం, ఆ హావభావం అనుకోకుండా జరిగినదే తప్ప, ఎవరినైనా వ్యక్తిగతంగా అవమానించాలన్న లేదా బాధపెట్టాలన్న ఉద్దేశం తనకు లేదని ఆయన స్పష్టం చేశారు. We have seen Chief Ministers like a statesman, #MKStalin, speak respectfully in the Assembly; we have seen #Kalaignar speak sense with wit and wisdom; we have seen Madam #Jayalalithaa speak with confidence, elan and elegance; we have seen #EPS and #OPS speak sincerely and… pic.twitter.com/ry1bNWoLcL— Prakash Raghavadass (@PrakashRaghav) September 7, 2026

చెన్నై: కౌలాలంపూర్ నుంచి జెడ్డాకు వెళ్తున్న మలేషియా ఎయిర్‌లైన్స్ విమానం MH156లోని నంబర్-2 ఇంజిన్‌లో అకస్మాత్తుగా సమస్య తలెత్తింది. దీంతో అప్రమత్తమైన ఫైలట్లు దీనిని వెంటనే సోమవారం సాయంత్రం చెన్నై విమానాశ్రయంలో అత్యవసరంగా ల్యాండ్ చేశారు. ప్రయాణ సమయంలో విమానంలో 186 మంది ప్రయాణికులు ఉన్నారు.విమానం వాస్తవానికి చెన్నై విమానాశ్రయానికి సాయంత్రం చేరుకోవాల్సి ఉంది. అయితే అత్యవసర పరిస్థితి కారణంగా ముందుగానే చెన్నైకి మళ్లించిన విమానం ముందుగానే సురక్షితంగా ల్యాండ్ అయింది. అత్యవసర పరిస్థితిని దృష్టిలో ఉంచుకుని విమానాశ్రయంలో అవసరమైన అత్యవసర స్పందనా ఏర్పాట్లన్నీ సిద్ధం చేసినట్లు విమానయాన అధికారులు తెలిపారు.విమానం సురక్షితంగా ల్యాండ్ అయిందని, విమానంలోని ప్రయాణికులందరూ క్షేమంగా ఉన్నారని చెన్నై విమానాశ్రయానికి చెందిన ఓ సీనియర్ అధికారి తెలిపారు.ప్రస్తుతం విమానంలో తలెత్తిన సాంకేతిక సమస్యపై మలేషియా ఎయిర్‌లైన్స్ సాంకేతిక బృందాలు, సంబంధిత అధికారులు పరిశీలన చేస్తున్నారు. ఇంజిన్‌లో అసలు ఎలాంటి సమస్య తలెత్తిందనే దానిపై మరిన్ని వివరాలు ఇంకా తెలియాల్సి ఉంది.

దక్షిణాఫ్రికాలోని సన్ సిటీలో జరిగిన '2026 ఐపీఎఫ్ వరల్డ్ పవర్‌లిఫ్టింగ్ ఛాంపియన్‌షిప్‌ల'లో జూనియర్ మహిళల 47 కేజీల విభాగంలో భార‌త్‌కు చెందిన 21 ఏళ్ల అథ్లెట్ కీయా కునాల్ బెన‌ర్జీ రజత పతకాన్ని సాధించింది. పోటీ సమయానికి కేవలం 45.70 కేజీల బరువున్న కీయా, తన శరీర బరువుకు మూడు రెట్ల కంటే ఎక్కువ బరువైన 140 కేజీల డెడ్‌లిఫ్ట్‌ను ఎత్తి సంచలనం సృష్టించింది. పవర్‌లిఫ్టింగ్ రంగంలో తన అద్భుత ప్రదర్శనతో భారతదేశానికి కీర్తి తెచ్చిన ఆమెకు కొంతమంది ఆన్‌లైన్ వేధింపుల‌తో స్వాగతం పలకడం క‌ల‌క‌లం రేపింది. ఆమె ఘ‌న‌త‌ను పొగ‌డాల్సింది పోయి ఆన్‌లైన్ వేదిక‌గా ఆమె పేరిట న‌కిలీ ఖాతాలు వెలిశాయి. అంత‌టితో ఆగ‌కుండా కొంత‌మంది ఆమె ముఖాన్ని, శ‌రీరాన్ని ఏఐ సాయంతో అస‌భ్య‌క‌ర‌రీతిలో మార్ఫింగ్ చేసి వాటిని వైరల్ చేశారు. దీంతో సోషల్ మీడియాలో లైంగిక వేధింపుల‌కు పాల్ప‌డ్డారు. జాతి వివక్ష వ్యాఖ్య‌ల‌తో ఆమెను మాన‌సికంగా ఒత్తిడికి లోన‌య్యేలా చేశారు.ఇదే విష‌య‌మై కీయా కునాల్ మాట్లాడుతూ.. "పవర్‌లిఫ్టింగ్ అనేది నన్ను నేను సవాలు చేసుకోవడానికి మాత్రమే తప్ప సోషల్ మీడియా ప్రచారం కోసం కాదు. ఆట‌లో పోటీ ప‌డి గెల‌వ‌డ‌మే త‌ప్ప ఇలాంటి వేధింపుల‌తో వ‌చ్చే పేరు, ఫాలోవ‌ర్లు నాకొద్దు. నా అనుమతి లేకుండా ఏఐ చిత్రాలను సృష్టించడం దారుణం. డెడ్‌లిఫ్ట్ ఇష్టపడే ఒక సాధారణ అమ్మాయిగా బతికే ప్రశాంతమైన జీవితం మాత్రమే నాకు కావాలి. ప్లీజ్ న‌న్ను స్వేచ్ఛ‌గా బ‌తక‌నివ్వండి" అని కీయా కునాల్ బెన‌ర్జీ ఆవేద‌న వ్య‌క్తం చేసింది.ఇక కీయా కునాల్ పాల్గొన్న‌ టోర్న‌మెంట్ విష‌యానికొస్తే..ఫ్రాన్స్‌కు చెందిన ఇనెస్ హెర్బాక్స్ 165 కేజీలతో స్వర్ణం సాధించగా, ఐర్లాండ్‌కు చెందిన బ్లాత్‌నైడ్ ఓడ్వైర్‌ కూడా 140 కేజీలే ఎత్తిన‌ప్ప‌టికీ, నియమాల ప్రకారం ఓ'డ్వైర్‌ను అధిగమించి కీయా రజత పతకాన్ని కైవసం చేసుకుంది. 140 కేజీల డెడ్‌లిఫ్ట్‌తో పాటు స్కౌట్‌లో 90 కేజీలు, బెంచ్ ప్రెస్‌లో 50 కేజీలు.. మొత్తం కలిపి 280 కేజీల బరువును ఎత్తి ఓవ‌రాల్ విభాగంలో ఐదో స్థానంలో నిలిచింది. ప‌వ‌ర్‌లిఫ్టింగ్‌లో భార‌త్‌కు ప‌త‌కం తీసుకొచ్చి దేశ ఖ్యాతిని ఇనుమ‌డింప‌చేసిన కీయా కునాల్‌కు సంతోషంతో స్వాగ‌తం ప‌ల‌కాల్సింది పోయి న‌ర‌క కూపంలోకి నెట్టేశారు.वज़न 47 किलो Deadlift 140 किलो !ये हैं Keyaa Banerji!IPF World Championships में 140 KG वजन उठाकर Junior Silver Medal जीतकर Keyaa ने देश का नाम रोशन किया है।ये सिर्फ एक मेडल नहीं, बल्कि मेहनत, अनुशासन और हौसले की जीत है।जब कोई युवा अपने सपने को जुनून बना लेता है, तो… pic.twitter.com/s91X2i3e2U— Ashok Kumar IPS (@AshokKumar_IPS) September 3, 2026Keyaa Banerjee breaks silence on social media fake accounts and impersonation#KeyaaBanerjee #Powerlifting #IndianPowerlifting #IndiaSports pic.twitter.com/iEa7dlZiJo— Sports Today (@SportsTodayofc) September 7, 2026Read: సీపీఎల్‌లో న‌బీ విధ్వంసం.. ఆ జట్టుకు వరుస విజయాలు!

చెన్నై-బెంగళూరు హైవేపై ఘోర రోడ్డు ప్రమాదం జరిగింది. రోడ్డుపై వెళుతుండగా కారు అదుపుతప్పి డివైడర్‌ను ఢీకొట్టింది. ఈ ప్రమాద ఘటనలో నలుగురు అక్కడికక్కడే మృతిచెందారు. మరో నలుగురికి తీవ్రగాయాలయ్యాయి. మృతులంతా బెంగళూరు వాసులుగా తెలుస్తోంది. తిరుమల నుంచి వెళ్తుండగా బంగారుపేట వద్ద ఈ ప్రమాదం చోటు చేసుకుంది. వివరాలు తెలుసుకున్న పోలీసులు వెంటనే ఘటనా స్థలానికి చేరుకొని కేసు నమోదు చేసుకున్నారు. క్షతగాత్రులను ఆసుపత్రికి తరలించారు.

భోపాల్: మధ్యప్రదేశ్‌లో తీవ్ర విషాదం చోటు చేసుకుంది. సాగర్‌ జిల్లాలో కల్తీ మద్యం సేవించి పదిమంది మృతిచెందారు. మృతులంతా అక్కడి ఘూఘర్, నౌరాజ్, బరాజ్ తదితర గ్రామాలకు చెందినవారిగా అధికారులు గుర్తించారు. ఈ ఘటనపై పూర్తి స్థాయిలో విచారణ చేపట్టనున్నట్లు పేర్కొన్నారు.అయితే నిన్న శనివారం మద్యం సేవించిన అనంతరం బాధితుల ఆరోగ్యం ఒక్కసారిగా క్షీణించింది. దీంతో ఆందోళన చెందిన కుటుంబసభ్యులు వారిని ఆసుపత్రికి తరలించారు. అయితే అప్పటికే పరిస్థితి విషమించడంతో వారు మృతిచెందిట్లు వైద్యులు ప్రకటించారు. మరి కొంతమందికి చికిత్స అందిస్తున్నారు. అయితే ఈ మరణాలకు కల్తీ మద్యమే కారణమై ఉండొచ్చని అధికారులు అనుమానిస్తున్నప్పటికీ, పోస్టుమార్టం నివేదికలు వచ్చే వరకు అధికారికంగా కారణాన్ని నిర్ధారించలేదు. మృతుల సంఖ్య మరింత పెరిగే అవకాశం ఉందని అధికారులు తెలిపారు.యూపీ నుంచి కల్తీ మద్యం సరఫరా?ఈ ఘటనపై ప్రాథమిక దర్యాప్తులో కీలక విషయాలు వెలుగులోకి వచ్చినట్లు సమాచారం. సాగర్‌కు సరిహద్దుగా ఉన్న ఉత్తరప్రదేశ్‌లోని లలిత్‌పూర్ కేంద్రంగా ఓ అక్రమ మద్యం సరఫరా నెట్‌వర్క్ పనిచేస్తున్నట్లు పోలీసులు అనుమానిస్తున్నారు.నిందితులు లలిత్‌పూర్‌లో నకిలీ మద్యాన్ని తయారు చేసి, సాగర్ సరిహద్దు గ్రామాలకు తరలించినట్లు దర్యాప్తులో వెల్లడైనట్లు సమాచారం.నకిలీ మద్యాన్ని అసలైన బ్రాండ్ల మాదిరిగా కనిపించేలా నకిలీ లేబుళ్లు, క్యాప్‌లు, క్యూఆర్ కోడ్‌లు ఉపయోగించినట్లు పోలీసులు గుర్తించినట్లు తెలుస్తోంది. కార్లు, మోటార్‌సైకిళ్ల ద్వారా ఈ మద్యాన్ని వివిధ ప్రాంతాలకు తరలించినట్లు అనుమానిస్తున్నారు.బాంద్రీ, బరోడియా, ఘూఘారా ఖుర్ద్, నౌరాజ్, బరాజ్ తదితర గ్రామాలకు ఈ నకిలీ మద్యం చేరినట్లు దర్యాప్తు అధికారులు అనుమానిస్తున్నారు. మద్యం ఎక్కడి నుంచి వచ్చింది? ఎవరెవరు సరఫరా చేశారు? స్థానికంగా ఎవరైనా ఈ అక్రమ నెట్‌వర్క్‌కు సహకరించారా? అనే కోణాల్లో పోలీసులు విచారణ చేస్తున్నారు.ఘటనపై సీఎం సీరియస్సాగర్‌లో జరిగిన మరణాలపై మధ్యప్రదేశ్ ముఖ్యమంత్రి మోహన్ యాదవ్ తీవ్రంగా స్పందించారు. ఘటనాస్థలికి సంబంధిత మంత్రి, ఉన్నతాధికారులు వెళ్లి పరిస్థితిని పరిశీలించాలని ఆదేశించారు. పూర్తి స్థాయి దర్యాప్తు చేపట్టి, బాధ్యులపై కఠిన చర్యలు తీసుకోవాలని స్పష్టం చేశారు.

సాక్షి, ఢిల్లీ : దేశ రాజధానిలో ఘోర ప్రమాదం జరిగింది. సత్యనికేతన్‌ ప్రాంతంలో విద్యార్థుల పేయింగ్ గెస్ట్ అకామిడేషన్ ఉన్న భవనంగా ఒక్కసారిగా కుప్పకూలింది. . ఈ ప్రమాదంలో ఒకరు మృతిచెందారు. మరో పదిమందికి గాయాలు కాగా వారిలో ముగ్గురు పరిస్థితి విషమంగా ఉన్నట్లు తెలుస్తోంది. ప్రమాద సమయంలో ఆ భవనంలో దాదాపుగా 25 మంది విద్యార్థులున్నట్టు తెలుస్తోంది. అయితే భవనం కూలడానికి గల కారణాలు తెలియాల్సి ఉంది.

కోల్‌కతా: కొన్ని సార్లు మనం ఏదో గొప్పగా చేయాలనుకున్న పనే మనకు ఇబ్బందులు తెచ్చిపడుతుంది. తాజాగా బెంగాల్‌ సీఎం సువేందు అధికారి పరిస్థితి అలానే ఉంది. బెంగాల్‌ టూరిజంను ప్రపంచస్థాయిలో డెవలఫ్‌ చేద్దామనుకొని అన్ని హంగులతో ఒక నిమిషం నిడివి గల వీడియోని రూపొందించారు. అయితే అదే ఇప్పుడు ట్రోలింగ్‌కు గురవుతుంది. అసలు ఈ టూరిజం వీడియోల బెంగాల్‌ ఎక్కడుందంటూ నెటిజన్స్‌ ఆయనను తీవ్రంగా ట్రోల్‌ చేస్తున్నారు.ఇటీవల వెస్ట్ బెంగాల్ సీఎం సువేందు అధికారి రాష్ట్రంలోని పర్యాటక మౌలిక సదుపాయాల అభివృద్ధికి రూ. 500 కోట్ల నిధులను ప్రకటించారు. అంతేకాకుండా నిన్న (శుక్రవారం) బెంగాల్ సాంస్కృతిక వారసత్వాన్ని భారతదేశం భిన్నంగా భావించే చోటు' అనే క్యాచ్‌లైన్‌తో ఒక లోగోనుఎంతో ఆర్భాటంగా విడుదల చేశారు. ఈ సందర్భంగా సువేందు మాట్లాడుతూ" మనం మన రాష్ట్రంలో పర్యాటక మౌలిక సదుపాయాలను నాశనం చేశాం. పర్యాటకులు మన రాష్ట్రంలోని డార్జిలింగ్, కాలింపాంగ్ మీదుగా సిక్కింకు వెళతారు. దీనిని మార్చడానికి మేము నిశ్చయించుకున్నాము," అని అన్నారు.అయితే ఈ సందర్భంగా విడుదల చేసిన వీడియో ఇప్పుడు ఆయనకు తలనొప్పిగా మారింది. బెంగాల్ టూరిజం వీడియోలో.. ఈఫిల్ టవర్, రష్యాలోని సెయింట్ బాసిల్ కేథడ్రల్, పిరమిడ్లు, రియోలోని క్రైస్ట్ ది రిడీమర్ ఉన్నాయి. బెంగాల్‌కు చెందిన ప్రసిద్ధ హౌరా వంతెన మాత్రమే అలా వచ్చి వెళ్లిపోతుంది. దీంతో ఇది చూసిన నెటిజన్స్‌ ఇక్కడ అసలు బెంగాల్ ఎక్కడ ఉంది అని సోషల్‌ మీడియాలో పోస్టులు పెడుతున్నారు. అసలు ఇందులో బెంగాల్‌కు సంబంధించిన ప్రదేశాలు ఎక్కడున్నాయని ప్రశ్నిస్తున్నారు.పొలిటికల్‌ సెటైర్స్‌అయితే ఈ టూరిజం వీడియోపై స్వంత పార్టీలోనే తీవ్ర విమర్శలు వ్యక్తమయ్యాయి. బీజేపీ సీనియర్ నేత త్రిపుర, మేఘాలయ మాజీ గవర్నర్ తథాగత రాయ్ దీనిపై తీవ్ర విమర్శలు చేశారు. ఇది "మూర్ఖపు" "అనుభవం లేని వీడియో" అని అభివర్ణించారు. వెంటనే దానిని తొలగించాలని డిమాండ్ చేశారు. "పశ్చిమ బెంగాల్‌పై తీసిన వీడియోలో మాస్కో, ఈజిప్ట్, రియో ​​డి జనీరో దృశ్యాలు ఎందుకు ఉండాలి?" అని ప్రశ్నించారు. దీనిని రూపొందించిన వ్యక్తిని మత్స్యశాఖకు లేదా అలాంటి మరేదైనా విభాగానికి బదిలీ చేయాలని నేను సూచిస్తున్నాను అని వ్యంగ్యంగా మాట్లాడారు. టీఎంసీ ఎంపీ డెరెక్ ఓబ్రెయన్ "ఈ వీడియోకు 'చెత్త' అనే పదం కూడా చాలా తక్కువైనది అని ఎక్స్ ఖాతాలో ట్వీట్ చేశారు. West Bengal tourism video for the new era 🔥 pic.twitter.com/djVMEihL6n— AniAdhikary (@aniadhikaryy) September 4, 2026

ఆవు బొమ్మను చూసిన ఓ లేగదూడ అమాయకంగా దాని దగ్గరకు వెళ్లింది. డెయిరీ వ్యాన్‌పై ఉన్న ఆవు ఫొటోలోని నిండైన పొదుగు నుంచి పాలు తాగేందుకు ప్రయత్నించింది. అది బొమ్మ అని తెలియక.. ఆకలితో, అమ్మ కోసం వెతుకుతున్నట్టుగా వ్యాన్‌ను అనుసరించిన దృశ్యం చూపరులను కదిలించింది. నిజం తెలియని ఆ చిన్న ప్రాణి, తల్లి కోసం పడిన తపన ఇక్కడ కనిపిస్తుంది. ఇక్కడ ఎంతో సహజసిద్ధంగా కారులో నుంచి వీడియో తీస్తున్నట్లు ఉంది. అయితే ఇది ఏఐ వీడియో.అయినప్పటికీ ఈ వీడియో చూస్తూ చాలామంది నవ్వుతూనే.. భావోద్వేగానికి లోనయ్యారు. బంధం అంటే ఇదేనేమో.. తల్లిని వెతికే మనసు అనేది ఇలానే ఉంటుంది కదా అని భావోద్వేగానికి లోనవుతున్నారు.. దాంతో ఈ వీడియో వీక్షకులను విశేషంగా ఆకట్టుకుంటుంది. ఇందులో అత్యంత పవిత్రమైన తల్లి- బిడ్డ మధ్య ఉండే బంధం ఉండటంతో వీడియో సోషల్‌ మీడియాలో వైరల్‌గా మారింది. తల్లి స్పర్శ అనేది బిడ్డకు ధైర్యాన్ని, రక్షణ ఇచ్చేది కావడం ఒకటైతే, భావోద్వేగాలతో ముడిపడి ఉంటుంది కాబట్టి వీడియోను వీక్షకులు అమితంగా ఇష్టపడుతూ తెగ వైరల్‌ చేస్తున్నారు. The ancients called it physis, the nature that precedes reason! Before we learn to speak, we learn to seek.A calf saw a cow image and without knowing the illusion from reality, walked towards it seeking milk.It is what Aristotle meant by saying: " Some bonds are not taught by… pic.twitter.com/UZDizeT3Kv— WireClicks (@Wireclicks) September 4, 2026

ఢిల్లీ: జీఎస్‌ఎల్‌వీ-ఎఫ్‌17 ప్రయోగం విజయవంతమవడంపై ప్రధాని మోదీ హర్షం వ్యక్తం చేశారు. ఇది దేశం గర్వించదగిన సమయమని ఈ విజయంతో అంతరిక్ష రంగంలో భారత్‌ సత్తా మరోసారి ప్రపంచానికి తెలిసిందన్నారు. ఈ మేరకు ప్రధాని మోదీ తన అధికారిక ఎక్స్‌ ఖాతాలో పోస్ట్ చేశారు. ప్రధాని మోదీ తన ఎక్స్‌ ఖాతాలో "ఇది ఇస్రో (ISRO) సాధించిన మరో అద్భుతమైన విజయం, మన దేశానికి గర్వకారణమైన క్షణం. భారతదేశపు మొట్టమొదటి ఇమేజింగ్ ఉపగ్రహం 'EOS-05'ను జియోసింక్రోనస్ కక్ష్యలోకి మోసుకెళ్లిన GSLV-F17 ప్రయోగం విజయవంతమైంది. భారత అంతరిక్ష రంగానికి ప్రత్యేక గుర్తింపునిచ్చే అత్యుత్తమ పనితీరు, ఆవిష్కరణలు ,సామర్థ్యాలకు నిదర్శనంగా నిలుస్తుంది. ఇస్రో ,భారతీయ పరిశ్రమల మధ్య పెరుగుతున్న భాగస్వామ్యం మన అంతరిక్ష కార్యక్రమానికి కొత్త బలాన్ని, విస్తృతిని చేకూర్చడమే కాకుండా, మొత్తం అంతరిక్ష వ్యవస్థలో భారతదేశ సామర్థ్యాలను మరింత విస్తృతం చేస్తోంది. అని తన మోదీ పోస్ట్ చేశారు.కాగా ఈ రోజు ఉదయం భారత అంతరిక్ష పరిశోధన సంస్థ (ఇస్రో) చేపట్టిన జీఎస్‌ఎల్‌వీ-ఎఫ్‌17 ప్రయోగం విజయవంతమైంది. శుక్రవారం తెల్లవారుజామున 2.55 గంటలకు శ్రీహరికోటలోని సతీష్‌ ధావన్‌ అంతరిక్ష కేంద్రం నుంచి రాకెట్‌ నింగిలోకి దూసుకెళ్లింది.రెండో ప్రయోగ వేదిక నుంచి బయలుదేరిన జీఎస్‌ఎల్‌వీ-ఎఫ్‌17.. సరిగ్గా 18 నిమిషాల తర్వాత 3.13 గంటలకు 2,367 కిలోల బరువున్న ఈఓఎస్‌-05ను సబ్‌-జియోసింక్రోనస్‌ ట్రాన్స్‌ఫర్‌ ఆర్బిట్‌ (సబ్‌-జీటీఓ)లోకి విజయవంతంగా ప్రవేశపెట్టింది. ఉపగ్రహం 170 కి.మీ. పెరీజీ, 28,934 కి.మీ. అపోజీ(భూమికి అత్యంత దూరం) ఉన్న కక్ష్యలోకి చేరింది.దీని ప్రత్యేకతలుఇక ఈఓఎస్‌-05ను ఇస్రో సైంటిస్టులు ‘స్మార్ట్‌ బాయ్‌’ అని పిలవడానికి కారణం దాని అత్యాధునిక నిఘా సామర్థ్యాలే. భూస్థిర కక్ష్యలో ఉండి భారత ఉపఖండాన్ని ప్రతి 10 నిమిషాలకు ఒకసారి చిత్రీకరించగల ఈ ఉపగ్రహం.. అధిక రిజల్యూషన్‌తో స్పష్టమైన చిత్రాలను అందిస్తుంది. మల్టీస్పెక్ట్రల్‌, హైపర్‌స్పెక్ట్రల్‌ కెమెరాలతో పంటలు, అడవులు, నీటి వనరులు, ఖనిజ సంపదతో పాటు వరదలు, తుపాన్లు, కార్చిచ్చుల వంటి విపత్తులను దాదాపు రియల్‌టైమ్‌లో పర్యవేక్షించగలదు. సరిహద్దుల్లోని కీలక ప్రాంతాలపై నిఘా పెట్టడంలోనూ ఇది ఎంతో ఉపయోగపడుతుంది.

కోల్‌కతా: పశ్చిమబెంగాల్‌లో టీఎంసీ అధికారం కోల్పోయిన తర్వాత పరిస్థితులు ఏ విధంగా మారాయో ప్రత్యేకించి చెప్పాల్సిన అవసరం లేదు. టీఎంసీ నేతలపై దాడులు, ఆ పార్టీకి చెందిన నాయకుల తిరుగుబాటు, నాయకులపై కేసులు ఇలా ఆ పార్టీకి మెుత్తంగా వ్యతిరేక పవనాలు వీస్తున్నాయి. తాజాగా కోల్‌కతాలోని స్థానికంగా గల టీఎంసీ కార్యాలయంపై గుర్తు తెలియని వ్యక్తులు దాడి చేశారు. ఈదృశ్యాలు అక్కడి సీసీటీవీలలో నమోదయ్యాయి.సీసీటీవీలలో నమోదైన దృశ్యాలలో.. మాస్కులు, హెల్మెట్లు ధరించిన ధరించిన కొంతమంది వ్యక్తులు టీవీ స్క్రీన్‌లు, ప్రింటర్, ఇతర వస్తువులను తీసుకుని బయటకు నడుచుకుంటూ వెళ్తున్న దృశ్యాలు నమోదయ్యాయి. అందులోని ఫర్నిచర్ ,ఎలక్ట్రానిక్ పరికరాలు ధ్యంసమైనట్లు కనిపిస్తోంది. అయితే దాడి ఏవరు చేశారనే సంగతి మాత్రం ఇంతవరకూ తెలియలేదు. కోల్‌కతాలోని కామాక్ స్ట్రీట్‌లోని తృణమూల్ కాంగ్రెస్ కార్యాలయంలో ఈ ఘటన జరిగినట్లు ఆ పార్టీ నాయకులు తెలిపారు.కాగా ఈ ఘటనపై టీఎంసీ జాతీయ ప్రధాన కార్యదర్శి అభిషేక్ బెనర్జీ తీవ్ర ఆగ్రహం వ్యక్తం చేశారు. ఆయన మాట్లాడూతూ.." బీజేపీ కార్యకర్తలు ఆయుధాలతో తెల్లవారుజామున 4.30 గంటల ప్రాంతంలో పార్టీ కార్యాలయంలోకి చొరబడి, లోపల ఉన్న వారిపై దాడి చేసి, వారి ఫోన్లను లాక్కున్నారు. ఫర్నిచర్‌ను ధ్వంసం చేసి, ప్రాంగణాన్ని దోచుకున్నారు. దీనిని "చట్టబద్ధమైన పాలనపై జరిగిన అవమానకరమైన దాడి" అన్ని అన్నారు.అయితే పార్టీ ఆఫీసుపై దాడి జరిగిన సమయంలో కార్యకర్తలు, న్యాయవాదులు పోలీసులకు ఫోన్‌ చేసినట్పటికీ తక్షణమే స్పందించలేదని ఆగ్రహం వ్యక్తం చేశారు. ఈ దాడిలో పాల్గొన్న ప్రతి ఒక్కరినీ తక్షణమే అరెస్టు చేయాలని టీఎంసీ డిమాండ్ చేస్తుందని పేర్కొన్నారు. అయితే ఈ అంశమై రాష్ట్రంలో శాంతిభద్రతలు క్షీణించాయని వాటిపై తక్షణమే చర్యలు తీసుకోవాలని రాష్ట్రపతితో పాటు బెంగాల్ గవర్నర్‌కు టీఎంసీ లేఖ రాసింది. Attack on TMC Office in #KolkataMP Abhishek Banerjee alleged that an attack took place on the TMC office in Kolkata in the early hours of the morning. He stated that the staff were assaulted and furniture and equipment were destroyed.TMC leaders accused BJP workers of being… pic.twitter.com/WWMMx5G4qn— Siraj Noorani (@sirajnoorani) September 3, 2026

ఢిల్లీ: అతివేగం, నిర్లక్ష‍పు డ్రైవింగ్‌ వాహనదారుల పట్ల శాపంగా మారింది. తాజాగా ఢిల్లీలో అతివేగంతో దూసుకవచ్చిన థార్‌ వాహనం రెండు ‍ప్రాణాలను బలిగొంది. ద్విచక్రవాహనంపై వెళుతున్న ఇద్దరు వ్యక్తులను థార్‌ వాహనం ఢీకొట్టడంతో ఇద్దరు వ్యక్తులు అక్కడికక్కడే మృతిచెందారు. అనంతరం వాహనదారుడు తప్పించుకునే యత్నం చేయడంతో స్థానికులు అతనిని పట్టుకొని పోలీసులకు అప్పగించారు.నిన్న బుధవారం రాత్రి ఢిల్లీ కంటోన్మెంట్‌ ప్రాంతంలో ఈ ఘటన జరిగింది.మృతులు అంజు, సుఖ్‌బీర్‌గా గుర్తించారు. ప్రమాద ఘటన వివరాలు తెలుసుకున్న పోలీసులు వెంటనే అక్కడికి చేరుకొని మృతదేహాలను పోస్ట్‌మార్టం పరీక్ష కోసం ఆసుపత్రికి తరలించారు. నిందితుడు అక్కడే రోహిణిలో ప్రాంతంలో పాడి వ్యాపారం చేస్తున్నట్లు పోలీసులు పేర్కొన్నారు. రోడ్డు ప్రమాదానికి గల కారణాలపై ఆరా తీస్తున్నారు.

సాక్షి, ములుగు జిల్లా: పాలంపేటలోని ‘గొల్లల గుడి’ని జాతీయ ప్రాధాన్య కట్టడంగా గుర్తిస్తూ కేంద్ర ప్రభుత్వం అధికారికంగా ప్రకటించింది. ఈ మేరకు కేంద్ర సాంస్కృతిక మంత్రిత్వశాఖ పరిధిలోని భారత పురావస్తు అధ్యయన విభాగం (ఏఎస్‌ఐ) జారీ చేసిన గెజిట్ ఆఫ్ ఇండియా (ప్రత్యేక సంచిక) పార్ట్‌- IIలోని సెక్షన్‌ 3 ఉప సెక్షన్‌ (ii) కింద ప్రచురితమైంది.“ప్రాచీన కట్టడాలు-పురావస్తు ప్రదేశాలు-అవశేషాల చట్టం-1958” (1958నాటి 24వ చట్టం)లోని సెక్షన్ 4, ఉప-సెక్షన్ (3) కింద సంక్రమించిన అధికారాల మేరకు ‘ఏఎస్‌ఐ’ ఈ ప్రకటన జారీ చేసింది. ములుగు జిల్లా పాలంపేట గ్రామంలోని యునెస్కో ప్రపంచ వారసత్వ ప్రదేశం ‘కాకతీయ రుద్రేశ్వర’ (రామప్ప) ఆలయానికి నైరుతి దిశలో ఈ ‘గొల్లల గుడి’ ఉంటుంది. ఇది తూర్పు ముఖంగా గల మండపం, దాని చుట్టూ మూడు గర్భాలయాలతో కూడిన ‘త్రికూటాలయం’గా కనిపిస్తుంది. దీని ప్రహరీ శిల్పాలంకృతమై, పైకప్పు అంచు నిర్మాణం, ద్వారబంధాల వద్ద చెక్కిన హంసల వరుసతో, ‘సునిశిత రంధ్రాల వల’ పనితనంతో ఈ ఆలయం ఎంతో విశిష్టమైనదిగా అలరారుతోంది.ఈ ప్రధాన ఆలయానికి ముందు వైపున రెండు ప్రత్యేక ఉప ఆలయాలు ఎంతో అందంగా చెక్కిన ద్వారపాలకుల విగ్రహాలతో అలంకృతమై ఉంటాయి. వీటికి ముందు గల అంతరాలయాల అంచులు కూడా చక్కని తెరలతో శోభాయమానంగా కనిపిస్తాయి. ప్రధాన ఆలయ నిర్మాణం ముందు భాగాన మండపం గుండా మధ్యలో గల ప్రధాన మందిరానికి మార్గం ఉంటుంది. దీనికి ఉత్తర, దక్షిణ, పశ్చిమ దిశలలో అంతరాలయాలతో మూడు గర్భాలయాలు కూడా ఉంటాయి. ఆలయ కుడ్యాలపై కనిపించే వివిధ గూళ్లలో విష్ణుమూర్తి, లక్ష్మి, గణేశుడు, మహిషాసురమర్దిని విగ్రహాలు దర్శనమిస్తాయి. జంతువుల ఆకారాలు, పుష్పాలంకరణతో కూడిన ఎత్తయిన వేదికపై ఈ ఆలయం నిర్మితమైంది.

లక్నో: అయోధ్య ట్రస్ట్‌ సీఈవోగా ఎయిర్‌ మార్షల్‌ జితేంద్ర మిశ్రా ఎంపికయ్యారు. ఆయనను అయోధ్య ట్రస్ట్ సీఈవోగా ఎంపికచేస్తూ రామ జన్మభూమి ట్రస్ట్‌ ప్రకటన విడుదల చేసింది. జితేంద్ర మిశ్రా 39 ఏళ్ల పాటు ఎయిర్‌ఫోర్స్‌లో సేవలందించారు. కాగా రామ జన్మభూమి తీర్థక్షేత్ర ట్రస్ట్ తన మొట్టమొదటి చీఫ్ ఎగ్జిక్యూటివ్ ఆఫీసర్ (సీఈవో)కి దరఖాస్తులను ఆహ్వనించిన సంగతి తెలిసిందే. దాదాపు 5,500కి పైగా వచ్చిన దరఖాస్తులను పరిశీలించిన అనంతరం ముగ్గురు సభ్యుల నిపుణుల కమిటీ జితేంద్ర మిశ్రాను సీఈఓగా ఎంపిక చేసింది.జరిటైర్డ్ జస్టిస్ ప్రమోద్ కోహ్లీ, రిటైర్డ్ లెఫ్టినెంట్ జనరల్ విష్ణుకాంత్ చతుర్వేది, నిపుణుల కమిటీ సభ్యుడు సురేష్ హవ్డేలతో కూడిన ప్యానెల్ ఈ ఎంపిక ప్రక్రియను చేపట్టింది. మొత్తం 5,585 దరఖాస్తులను క్షుణ్ణంగా సమీక్షించి, 16 మంది అభ్యర్థులతో ముఖాముఖి నిర్వహించినట్లు ట్రస్ట్ ‘ఎక్స్’ (ట్విట్టర్) వేదికగా వెల్లడించింది. జులై 11 నుంచి 18 వరకు దరఖాస్తులు స్వీకరించగా, 600 మార్కుల మూల్యాంకన విధానం ద్వారా అభ్యర్థుల అర్హతలను పరిశీలించారు. ప్రాథమిక పరిశీలన అనంతరం 3,577 మందికి ఫారాలు పంపగా, కనీసం 470 మార్కులు సాధించిన 108 మంది అర్హత పొందారు.వీరికి నాలుగు రోజుల పాటు వర్చువల్ ఇంటర్వ్యూలు నిర్వహించి, వారి ప్రతిభ ఆధారంగా 17 మందిని గ్రేడ్లుగా విభజించారు. చివరికి నిబద్ధత, దార్శనికత ఆధారంగా అత్యుత్తమమైన ముగ్గురిని ఎంపిక చేసి ట్రస్ట్‌కు సమర్పించారు. ట్రస్ట్ సభ్యుడు విమలేంద్ర మోహన్ ప్రతాప్ మిశ్రా మరణం, కానుకల చోరీ ఆరోపణలు, మాజీ ప్రధాన కార్యదర్శి చంపత్ రాయ్, సభ్యుడు అనిల్ మిశ్రాల రాజీనామాల అనంతరం ఏర్పడిన ఖాళీల నేపథ్యంలో ఈ నియామకాలు ప్రాధాన్యం సంతరించుకున్నాయి.

కోల్‌కతా: పశ్చిమబెంగాల్‌ మాజీ ముఖ్యమంత్రి మమతా బెనర్జీ కుటుంబంలో తీవ్ర విషాదం నెలకొంది. ఈ రోజు (మంగళవారం) ఆమె మేనకోడలు బ్రిస్టీ ముఖర్జీ ఆత్మహత్య చేసుకుంది. అయితే ఆత్మహత్యకు గల కారణాలు తెలియాల్సి ఉంది. రాంపూర్‌హాట్ ప్రాంతంలోని కుసుంబా గ్రామంలో ఉన్న తన ఇంటి రెండో అంతస్తులోని ఓ గదిలో బ్రిస్టీ ముఖర్జీ ఉరివేసుకున్న స్థితిలో కనిపించారు. దీంతో విషయం తెలుసుకున్న పోలీసులు ఆమె మృతదేహాన్ని స్వాధీనం చేసుకొని పోస్టుమార్టం పరీక్ష కోసం నిమిత్తం ఆసుపత్రికి తరలించారు.అనంతరం పోలీసులు మాట్లాడుతూ ఆమె మృతికి దారితీసిన పరిస్థితులపై దర్యాప్తు కొనసాగుతోందని చెప్పారు. పోస్టుమార్టం నివేదికతో పాటు ఇతర న్యాయపరమైన, విధి సంబంధిత విచారణలు పూర్తయిన తర్వాత ఆమె మరణానికి దారితీసిన అసలు పరిస్థితులు స్పష్టమవుతాయని పోలీసు అధికారి తెలిపారు.అయితే కుటుంబ సభ్యులు తెలిపిన వివరాల ప్రకారం, బ్రిస్టీ ముఖర్జీ కొంతకాలంగా విడాకుల ప్రక్రియను ఎదుర్కొంటున్నారు. గత కొన్ని సంవత్సరాలుగా ఆమె డిప్రెషన్‌తో బాధపడుతున్నారని, అందుకు చికిత్స సైతం తీసుకుంటున్నారని కుటుంబ సభ్యులు తెలిపారు.బ్రిస్టీ ముఖర్జీ తండ్రి నిహార్ ముఖర్జీ. స్థానిక తృణమూల్ కాంగ్రెస్ నాయకుడిగా ఉన్నారు. ప్రస్తుతం బ్రిస్టీ ముఖర్జీ మృతికి సంబంధించిన అన్ని కోణాల్లో పోలీసులు దర్యాప్తు చేస్తున్నారు. పోస్టుమార్టం నివేదిక, కుటుంబ సభ్యుల వాంగ్మూలాలు, ఇతర విధి సంబంధిత విచారణల ఆధారంగా ఆమె మరణానికి దారితీసిన పూర్తి పరిస్థితులను నిర్ధారించనున్నారు.

ఢిల్లీ: కేంద్రప్రభుత్వం కీలక నిర్ణయం తీసుకుంది. మణిపూర్‌లో జనగణన (సెన్సస్) కార్యకలాపాలను వాయిదా వేస్తున్నట్లు ప్రకటించింది. మణిపూర్ ప్రజల మనోభావాలు, ఆకాంక్షలను దృష్టిలో ఉంచుకుని ప్రతిపాదిత జనగణన ప్రక్రియను వాయిదా వేయాలని నిర్ణయించినట్లు తెలిపింది. కేంద్ర హోంశాఖ మంత్రి అమిత్‌షా అధ్యక్షతన ఈ కీలక సమావేశం జరిగింది.గత కొంతకాలంగా మణిపూర్‌లో నిరసనలు మిన్నంటాయి. నేషనల్ రిజిస్టర్ ఆఫ్ సిటిజన్స్ (NRC) అమలు చేసేకంటే ముందే రాష్ట్రంలో జనగణన ప్రక్రియను వాయిదా వేయాలని మణిపూర్‌లోని ప్రజలు డిమాండ్ చేశారు. దీంతో మణిపూర్ ప్రజల మనోభావాలు, ఆకాంక్షలను దృష్టిలో ఉంచుకుని ప్రతిపాదిత జనగణన ప్రక్రియను వాయిదా వేయాలని నిర్ణయించినట్లు కేంద్రం తెలిపిందిఈ సమావేశం ముగిసిన అనంతరం ఆ రాష్ట్ర ముఖ్యమంత్రి యుమ్నం ఖేమ్‌చంద్ సింగ్ మాట్లాడుతూ.. ప్రజల గొంతును విన్నందుకు ప్రధాని నరేంద్ర మోదీ, హోంమంత్రి అమిత్ షా తో పాటు ఇతర కేంద్ర నాయకులకు కృతజ్ఞతలు తెలిపారు. అలాగే మణిపూర్ ప్రజల కోరికలను నెరవేర్చడంలో నిరంతరం మద్దతు ఇస్తున్నందుకు బీజేపీ అధ్యక్షుడు నితిన్ నబీన్‌కు ఆయన ధన్యవాదాలు తెలిపారు.మణిపూర్‌లో ఎన్‌ఆర్‌సీని అమలు చేయాలని ఇటీవల న్యూఢిల్లీలో క్యాంపెయిన్ నిర్వహించిన 14 సివిల్ సొసైటీ ఆర్గనైజేషన్స్ నాయకులు, బీజేపీ ఎమ్మెల్యేల ప్రతినిధి బృందం చేసిన కృషిని ఆయన అభినందించారు. కేంద్ర నాయకులు, అధికారులతో వారు క్రమం తప్పకుండా జరిపిన సంప్రదింపుల వల్లే ఈ రోజు ఈ నిర్ణయం సాధ్యమైందని ముఖ్యమంత్రి చెప్పారు.తొలుత ఎన్‌ఆర్‌సీని పూర్తి చేయకుండానే కేంద్రం జనగణన నిర్వహిస్తామని స్పష్టం చేయడంతో గత వారం మణిపూర్‌లో ఉద్రిక్తతలు చోటుచేసుకున్నాయి. ఎన్‌ఆర్‌సీ లేకుండా జనగణనను సమర్థించలేమని మైతేయి, నాగా వర్గాలు ఈ నిర్ణయాన్ని వ్యతిరేకించగా, కుకీ-జో కౌన్సిల్ మాత్రం దీనికి భిన్నమైన వైఖరిని తీసుకుంది.కాగా, 2023 నుంచి రాష్ట్రంలో చెలరేగిన మైతేయి-కుకీ జాతి హింసాకాండ కారణంగా 50,000 మందికి పైగా నిర్వాసితులయ్యారు. 250 మందికి పైగా ప్రాణాలు కోల్పోయారు. కాగా ఈ రోజు ( సోమవారం) న్యూఢిల్లీలో జరిగిన అత్యున్నత స్థాయి భేటీలో మణిపూర్ గవర్నర్ అజయ్ కుమార్ భల్లా, ముఖ్యమంత్రి యుమ్నం ఖేమ్‌చంద్ సింగ్, కేంద్ర హోం కార్యదర్శి గోవింద్ మోహన్ సహా పలువురు ఉన్నతాధికారులు పాల్గొన్నారు.

లక్నో: ఎస్పీ అధినేత అఖిలేష్ యాదవ్‌కి AIMIM నేత షాదాబ్ చౌహాన్ కీలక సూచన చేశారు. అఖిలేష్‌ యాదవ్‌ వచ్చే ఎన్నికల్లో గెలిచి ఉత్తరప్రదేశ్ ముఖ్యమంత్రిగా ప్రమాణ స్వీకారం చేయాలంటే తప్పనిసరిగా ఎంపీ అసదుద్దీన్ ఒవైసీ మద్దతు తీసుకోవాల్సిందేనన్నారు. అలా లేకపోతే ముఖ్యమంత్రి కావాలని ఆయన కలలు కనలేరని పేర్కొన్నారు. ఉత్తరప్రదేశ్‌లో వచ్చే ఏడాది అసెంబ్లీ ఎన్నికలు జరగనున్నాయి. దీంతో అక్కడి పొలిటికల్ పార్టీలు అధికారమే లక్షంగా వ్యుహా ప్రతివ్యూహాలు రచిస్తున్నాయి. ఎస్పీ అధినేత అఖిలేష్ యాదవ్ ఇటీవల జరిగిన లోక్‌సభ ఎన్నికల్లో అమలు చేసిన ‘PDA’ రాజకీయ వ్యూహాం లక్షంగా షాదాబ్ చౌహాన్ వ్యాఖ్యానించారు. PDA అంటే ‘పిఛ్‌డే, దళిత్, అల్పసంఖ్యాక్’ — అంటే వెనుకబడిన తరగతులు, దళితులు, మైనారిటీలు అని సమాజ్‌వాదీ పార్టీ వివరిస్తోంది.పీడీఏలోని A పదం అసదుద్దీన్‌ ఓవైసీనిని సూచించేలా ఉండాలని షాదాబ్ చౌహాన్ వ్యాఖ్యానించారు. “అఖిలేష్ యాదవ్ ముఖ్యమంత్రి కావాలనుకుంటే, ఆయన అసదుద్దీన్ ఒవైసీ మద్దతు తీసుకోవాల్సి ఉంటుంది అఖిలేష్ యాదవ్ PDAలో ‘A’ అంటే అసదుద్దీన్ ఒవైసీ ఉండే వరకు, ఆయన అధికారంలోకి రావాలని కలలు కూడా కనలేరు” అని అన్నారు.ముస్లింలు తమ ఓట్లు తమ ప్రయోజనాలను ప్రతిబింబించే నాయకుడిని ఎన్నుకునేలా ఉపయోగపడాలని నిర్ణయించుకున్నారని అఖిలేష్ యాదవ్ రాజకీయ వ్యూహం అసదుద్దీన్ ఒవైసీ లేకుండా పూర్తికాదన్నారు. AIMIM ఉత్తరప్రదేశ్‌లో ఒక ముఖ్యమైన రాజకీయ ప్రత్యామ్నాయంగా కొనసాగుతోందని, అఖిలేష్ యాదవ్ తన ఎన్నికల అవకాశాలను బలోపేతం చేసుకోవాలంటే ఒవైసీ పార్టీతో సహకారం అవసరమని ఆయన సూచించారు.

సాక్షి, ఢిల్లీ: నేపాల్‌ వరదల్లో గల్లంతైన భారతీయులపై విదేశాంగ శాఖ కీలక ప్రకటన విడుదల చేసింది. ఆకస్మిక వరదల్లో మెుత్తంగా 287 మంది భారతీయులు గల్లంతు కాగా వారిలో 88 మంది సురక్షితంగా బయిటపడినట్లు తెలిపింది. గల్లంతైన వారిలో 128 మంది ఎన్నారైలు ఉన్నట్లు పేర్కొంది. గల్లంతైన వారి కోసం భారత సహాయక బృందాలు గాలింపులు చేపడుతున్నట్లు విదేశాంగ శాఖ ప్రకటన విడుదల చేసింది.120 మంది భారతీయులు చైనా నుంచి నేపాల్‌ చేరుకున్నట్లు తెలిపింది. అదే విధంగా మృతుల డీఎన్ఏ పరీక్షల వివరాల కోసం ఆరు ఫోరెన్సిక్ టీములను కేంద్ర ప్రభుత్వం నేపాల్ పంపినట్లు పేర్కొంది. హైడ్రో పవర్ ప్రాజెక్టు నుంచి నలుగురు భారతీయులు సురక్షితంగా బయటపడినట్లు తెలిపింది. నేపాల్–టిబెట్ వరదలు: ప్రస్తుత వివరాలు1. మొత్తం పరిస్థితి • నేపాల్–టిబెట్ మానవతా సంక్షోభం విపత్కరం. • 633 మరణాలు, 2,980 మంది మిస్సింగ్ • నేపాల్: 626 మరణాలు, 2,426 తప్పిపోయినవారు (517 విదేశీయులు, 300+ భారతీయులు). • 3,700+ మంది రక్షణ, 2,400+ మందిని 14 సైనిక హెలికాప్టర్‌లు గాలివెంటన్. • 11,000+ భద్రతా సిబ్బంది సెర్చ్ అండ్ రెస్క్యూ. • రోడ్లు/వంతెనలు నాశనం, బురద, కొండచరియలు, వర్షం, కఠిన భూభాగం యాక్సెస్‌ను పరిమితం చేస్తున్నాయి. • నేపాల్ అంతర్జాతీయ సహాయం స్వీకరిస్తోంది. భారత్, ఇతర దేశాలు మద్దతు ఇస్తున్నాయి. 2. ఆంధ్రప్రదేశ్ – 13 మంది జాడ తెలియదు • 13 మంది AP సంబంధితులు జాడ తెలియదు (7 AP నివాసులు + 6 AP మూలం NRIలు/విదేశీయులు). • 6 మంది NRIలలో 4 మంది ఇషా ఫౌండేషన్ గ్రూప్‌కు సంబంధించినవారు. AP నివాసులు – 7: 1 అన్నండేవర వెంకట్రామ్ — 9663722477 | కాకినాడ/బెంగళూరు 2 అన్నండేవర అనఘ — 9663766711 | కాకినాడ/బెంగళూరు 3 చొప్పరాపు రమేష్ బాబు — 8861299006 | కృష్ణా/కనూరు | గైరాంగ్ ఇమ్మిగ్రేషన్ ఆఫీస్, చైనా 4 సంతోష్ సాహు — 447860430921 | పార్వతీపురం | NRT–లండన్ 5 స్పందన్ సాహు — 447587741850 6 పాధ్య సురభి మన్మథ్ — కాంటాక్ట్ అందుబాటులో లేదు 7 సైనా కుమారి సాహు — కాంటాక్ట్ అందుబాటులో లేదు AP మూలం NRIలు/విదేశీయులు – 6: 8. వి.ఎల్. బాల సుబ్రమణ్యం — 7416410673 | గైరాంగ్ | ఇషా ఫౌండేషన్9. అట్లూరి శశి కుమార్ — +1-6095778200 | గైరాంగ్ | ఇషా ఫౌండేషన్10. నిమ్మగడ్డ రాజ్యలక్ష్మి — 7416083300 | గైరాంగ్ | ఇషా ఫౌండేషన్11. కె. గోవింద్ — 6367167312 | ఇషా ఫౌండేషన్12. సుహాసిని రెడ్డి కండిమల్ల — కాంటాక్ట్/లొకేషన్ అందుబాటులో లేదు13. రంగనాథ్ — 8790040944 | ధుంచే/స్యాబ్రుబేసి | న్యూజిలాండ్ పౌరుడు (AP సంబంధం) 3. భాస్కర్ శాస్త్రి & కుటుంబం – ఆదోని, కర్నూలు • భాస్కర్ శాస్త్రి, మణి శారద, రఘునాద శాస్త్రి, హంశిక సురక్షితంగా ఉన్నారు. • రఘునాద శాస్త్రికి తీవ్ర పల్మనరీ ఎడిమా వచ్చి ఆక్సిజన్ అవసరం. • 28 ఆగస్టు: సాగా చేరి హోటల్‌లో ఆక్సిజన్ ఏర్పాటు. • 29 ఆగస్టు: న్యాలామ్ కౌంటీ చేరారు (కొడారి సరిహద్దుకు సుమారు 50 కి.మీ.). • కొడారి → కాఠ్మండు వైపు కదలనున్నారు (సరిహద్దు, వాతావరణం, రోడ్ పరిస్థితులపై ఆధారపడి). • కీలక అవసరం: కొడారి–కాఠ్మండు ప్రయాణానికి పోర్టబుల్ ఆక్సిజన్/ఆక్సిజన్ ఉన్న వాహనం ఏర్పాటు చేయాలి. • 30/31 ఆగస్టు కాఠ్మండు చేరే అవకాశం. 1 సెప్టెంబర్ 2026 కాఠ్మండు–ముంబై–హైదరాబాద్ ఫ్లైట్ ధృవీకరించబడింది.కాంటాక్ట్స్:భాస్కర్ శాస్త్రి: 94401 96543 | హంశిక: 9036536111 | గ్రూప్ కోఆర్డినేటర్: +977 9843057721 | మూన్ హిమాలయ అడ్వెంచర్: +977 9860455963 / +977 1-5924890

లక్నో: మరో ఆరు నెలల్లో ఉత్తరప్రదేశ్‌లో అసెంబ్లీ ఎన్నికలు జరగనున్న సంగతి తెలిసిందే. ఈ నేపథ్యంలో ఆ రాష్ట్రంలో ఇప్పటినుంచే పొలిటికల్ హీట్ నెలకొంది. తాజాగా ఆ రాష్ట్ర సీఎం యోగీ ఆదిత్యనాథ్‌, ఎస్పీ అధినేత అఖిలేష్ యాదవ్‌పై సంచలన వ్యాఖ్యలు చేశారు. ఎస్పీ అంటేనే దోపిడీ, వసూళ్లు.. దొంగల ముఠా అంటూ ఘాటు వ్యాఖ్యలు చేశారు. సమాజ్‌ వాద్ పార్టీ అధికారంలో ఉండగా రాష్ట్ర ఖజానాను దోచుకున్నారని ఇందుకు గానూ అఖిలేష్ యాదవ్‌ యూపీ ప్రజలకు బహిరంగ క్షమాపణలు చెప్పాలని యోగీ డిమాండ్ చేశారు.ఈ రోజు (శనివారం) డియోరియాలో రూ.305 కోట్లకు పైగా విలువైన 80 అభివృద్ధి పనులకు శంకుస్థాపన చేశారు. ఈ సందర్భంగా ఎస్పీపై యోగీ ఆదిత్యనాథ్ తీవ్రస్థాయిలో విరుచుకపడ్డారు. “ఎస్పీ అంటే దోపిడీ, వసూళ్లు. ఎస్పీ అంటే దొంగల ముఠా గత ప్రభుత్వాల హయాంలో ఉత్తరప్రదేశ్‌కు అభివృద్ధి లేకపోవడం, శాంతిభద్రతలు క్షీణించడం, నేరగాళ్ల ప్రభావం పెరగడం వంటి పరిస్థితులు ఉండేవి. ఒకప్పుడు ఉత్తరప్రదేశ్‌లో మాఫియాలదే సమాంతర ప్రభుత్వం. బీజేపీ అధికారంలోకి వచ్చాక పరిస్థితి పూర్తిగా మారిపోయింది" అన్నారు.రాష్ట్రంలో మాఫియా వ్యవస్థను అణచివేశామని ఉత్తరప్రదేశ్ ప్రతిష్ఠను మెరుగుపరిచామని చెప్పారు.ఇప్పుడు ఉత్తరప్రదేశ్‌కు మంచి పేరు వచ్చింది. మాఫియాలను మట్టుబెట్టాం. మహిళలు, వ్యాపారుల భద్రతకు భంగం కలిగించే వారికి రెండు చోట్లే స్థానం ఉంది.. ఒకటి జైలు, మరొకటి నరకం అంటూ యోగి ఘాటుగా వ్యాఖ్యానించారు. అభివృద్ధి, సుపరిపాలనకు ప్రజలు ఎన్నుకునే ప్రజాప్రతినిధులే కారణమని ఆయన అన్నారు. మంచి ప్రజాప్రతినిధులను ఎన్నుకుంటే మంచి ప్రభుత్వం వస్తుందని, దాని ఫలితంగానే అభివృద్ధి, సంపద, ఉపాధి అవకాశాలు ప్రజలకు అందుతాయని పేర్కొన్నారు.ఎన్సెఫలైటిస్ మరణాలపై ఎస్పీ-కాంగ్రెస్‌ను టార్గెట్ చేసిన యోగిఈ సందర్భంగా తూర్పు ఉత్తరప్రదేశ్‌ను దశాబ్దాలుగా వెంటాడిన ఎన్సెఫలైటిస్ సమస్యను కూడా యోగి ప్రస్తావించారు. ప్రతి ఏడాది జూలై 15 నుంచి నవంబర్ 15 మధ్య డియోరియా, మహారాజ్‌గంజ్, గోరఖ్‌పూర్, సిద్ధార్థ్‌నగర్, కుషీనగర్, సంత్ కబీర్ నగర్, బస్తీ జిల్లాల్లో ఈ వ్యాధి తీవ్ర ప్రభావం చూపేదని తెలిపారు.ఈ సమస్యను కేవలం వ్యాధిగా చూడలేమని, అప్పటి సమాజ్‌వాదీ పార్టీ, కాంగ్రెస్ ప్రభుత్వాల నిర్లక్ష్యానికి ఇది నిదర్శనమని యోగి ఆరోపించారు. గత 40 ఏళ్లలో ఎన్సెఫలైటిస్ కారణంగా సుమారు 50 వేల మంది అమాయక చిన్నారులు ప్రాణాలు కోల్పోయారని, కానీ ఎస్పీ లేదా కాంగ్రెస్‌కు చెందిన ముఖ్యమంత్రులు, ప్రధానమంత్రులు ఈ పరిస్థితిని పరిశీలించేందుకు కూడా ముందుకు రాలేదని తీవ్రంగా విమర్శించారు.

చెన్నై: తమిళనాడు ముఖ్యమంత్రి జోసెఫ్ విజయ్ అక్కడి పుజల్‌ జైలులో ఆకస్మిక పర్యటన చేశారు. కారాగారంలో ఖైదీల బాగోగులు ఆరా తీశారు. ఖైదీలకు అందిస్తున్న ప్రాథమిక సౌకర్యాలు, వైద్య సంరక్షణ, ఆహార నాణ్యత, వృత్తి శిక్షణా కేంద్రాలను తనీఖీ చేశారు. అనంతరం ఖైదీలకు అందిస్తున్న సహాయ సహకారాలు తదితర విషయాలపై నేరుగా మాట్లాడి తెలుసుకున్నారు.ముఖ్యమంత్రిగా బాధ్యతలు చేపట్టాక పలు కీలక నిర్ణయాలు తీసుకుంటున్న విజయ్‌ శుక్రవారం పుజల్‌ సెంట్రల్‌ జైలులో ఆకస్మిక పర్యటన చేశారు. తన పర్యటన సందర్భంగా విజయ్, పుజల్ సెంట్రల్ జైలు-1లోని క్వారంటైన్ జోన్, సందర్శకుల హాల్, జైలు ఆసుపత్రి, రీహాబిలిటేషన్‌ సెంటర్, మహాత్మా గాంధీ కమ్యూనిటీ కళాశాలలోని తరగతి గదులు, గ్రంథాలయం, అధునాతన కంప్యూటర్ శిక్షణా కేంద్రం, హై-సెక్యూరిటీ బ్లాక్, ఉరితీత ప్రాంతంతో సహా పలు కీలక సౌకర్యాలను తనిఖీ చేశారు.అనంతరం అక్కడే వస్త్రాలు తయారు చేసే పవర్‌లూమ్ విభాగాన్ని, అలాగే టైలరింగ్ యూనిట్‌ను సమీక్షించారు. ఆయన ఖైదీలకు అందించే ఆహార నాణ్యతను స్వయంగా తనిఖీ చేసి, వారి సమస్యలు, అవసరాలను నేరుగా వినడానికి వారితో సంభాషించారు. జైలు సందర్శన అనంతరం ముఖ్యమంత్రి ఎం-3 పుజల్ పోలీస్ స్టేషన్‌ను అక్కడి పోలీసు అధికారులతో రోజువారీ కార్యకలాపాలను సమీక్షించారు, స్టేషన్ రిజిస్టర్లను పరిశీలించారు. సబ్-ఇన్‌స్పెక్టర్ గది, కంప్యూటర్ గది, లాకప్ సౌకర్యాలను తనిఖీ చేశారు.ముఖ్యమంత్రి పర్యటనలో సీఎంతో పాటు పోలీస్ డైరెక్టర్ జనరల్, జైళ్లు జైళ్ల డిప్యూటీ ఇన్‌స్పెక్టర్ జనరల్ (చెన్నై రేంజ్) టి. పళని, జైళ్ల సూపరింటెండెంట్ కృష్ణరాజ్ మరియు ఇతర సీనియర్ ప్రభుత్వ అధికారులు పాల్గొన్నారు.

బెంగళూరు ట్రాఫిక్‌ గురించి ప్రత్యేకించి చెప్పాల్సిన అవసరం లేదు. దేశంలోనే అత్యధిక ట్రాఫిక్‌ జామ్‌ కలిగిన నగరంగా ఈ సిటీకి పేరు. ఈ నేపథ్యంలోనే నగర ట్రాఫిక్‌ సమస్యలను పౌరులకు తెలియజేయడాని అక్కడి ట్రాఫిక్ పోలీసులు వినూత్నంగా ప్రచారం చేస్తున్నారు. ట్రాఫిక్‌ నియంత్రణలో ఎదురయ్యే సవాళ్లు తదితర సమస్యలు తెలుసుకోవడానికి ‘కాప్ ఫర్ ది డే’ కార్యక్రమాన్ని ప్రారంభించారు. దీని ద్వారా నగరవాసులు ఒక రోజు ట్రాఫిక్ పోలీస్ సిబ్బందితో కలిసి పనిచేస్తూ, నగరంలో ట్రాఫిక్ నిర్వహణలో ఎదురయ్యే సవాళ్లను ప్రత్యక్షంగా తెలుసుకునే అవకాశం కల్పిస్తున్నారు. దీంతో ట్రాఫిక్ పోలీసుల విధులు, బాధ్యతలను స్వయంగా అర్థం చేసుకోవడంతో పాటు, రహదారులను మరింత సురక్షితంగా, సాఫీగా మార్చేందుకు తమ సూచనలు అందించేందుకు ఈ కార్యక్రమం ఉపయోగపడుతుందని తెలిపారు. ఈ కార్యక్రమానికి సంబంధించిన వివరాలను సోషల్ మీడియా ద్వారా వెల్లడించారు. ట్రాఫిక్ పోలీసుల దృష్టికోణంలో బెంగళూరు ట్రాఫిక్‌ను అనుభవించాలని, విధి నిర్వహణలో వారు ఎదుర్కొనే సమస్యలను తెలుసుకోవాలని పిలుపునిచ్చారు. కార్యక్రమంలో పాల్గొన్న అనంతరం తమ అనుభవాలను, రహదారి భద్రతకు సంబంధించిన సూచనలను పోలీసులతో పంచుకోవచ్చని తెలిపారు.బెంగళూరు సిటీ ట్రాఫిక్ విభాగం జాయింట్ కమిషనర్ ఆఫ్ పోలీస్ కార్తిక్ రెడ్డి, ఐపీఎస్ మాట్లాడుతూ, ఈ కార్యక్రమాన్ని గతంలో విజయవంతంగా నిర్వహించామని, ఇప్పుడు మరోసారి అందుబాటులోకి తీసుకొచ్చామని తెలిపారు. పీక్ అవర్స్‌లో ట్రాఫిక్‌ను నియంత్రించడం, వాహనాల రాకపోకలను క్రమబద్ధీకరించడం వంటి విధుల్లో ట్రాఫిక్ సిబ్బంది ఎదుర్కొనే సవాళ్లను పౌరులు ప్రత్యక్షంగా తెలుసుకునే అవకాశం ఉంటుందని చెప్పారు. ప్రజలు పెద్ద సంఖ్యలో పాల్గొని తమ అభిప్రాయాలను పంచుకోవాలని ఆయన కోరారు.ఎలా నమోదు చేసుకోవాలి ?ఈ కార్యక్రమంలో పాల్గొనాలనుకునే వారు ముందుగా BTP ASTraM యాప్‌ను డౌన్‌లోడ్ చేసుకోవాలి. మొబైల్ నంబర్‌తో రిజిస్టర్ చేసుకుని యాప్‌లోకి లాగిన్ అయిన తర్వాత హోమ్ పేజీలో కనిపించే “Traffic Cop for a Day” ఆప్షన్‌ను ఎంచుకోవాలి. అనంతరం అడిగిన వివరాలను నమోదు చేసి దరఖాస్తును సబ్మిట్ చేయాలి.రిజిస్ట్రేషన్ విజయవంతమైన తర్వాత, ఎంపికకు సంబంధించిన తదుపరి సమాచారాన్ని అనుసరించి కార్యక్రమంలో పాల్గొనవచ్చు. ఈ కార్యక్రమం ద్వారా ట్రాఫిక్ పోలీసుల రోజువారీ విధులను దగ్గరగా తెలుసుకోవడంతో పాటు, బెంగళూరు ట్రాఫిక్ సమస్యలకు పరిష్కారాలపై పౌరులు తమ అభిప్రాయాలను నేరుగా పోలీసు విభాగంతో పంచుకునే అవకాశం లభించనుంది.

పాట్నా: బిహార్‌లో తీవ్ర ఉద్రిక్తత నెలకొంది. 70వ బీపీఎస్సీ పరీక్షలో అవకతవకలు జరిగాయని ఆరోపిస్తూ విద్యార్థులు చేసిన నిరసన హింసాత్మకంగా మారింది. విద్యార్థులతంగా పెద్ద ఎత్తున నిరసన చేపడుతూ ముఖ్యమంత్రి సమ్రాట్ చౌదరి నివాసం వైపు భారీ ర్యాలీగా తరలివెళ్లారు. పోలీసులు ఏర్పాటు చేసిన బారికేడ్లను తొలగించి ముందుకు సాగడంతో ఉద్రిక్త పరిస్థితులు నెలకొన్నాయి. దీంతో ఆందోళనకారులను అడ్డుకునేందుకు పోలీసులు లాఠీచార్జ్ చేయడంతో పాటు వాటర్‌ క్యానన్లను ప్రయోగించారు.ప్రధానంగా 70వ బీపీఎస్సీ పరీక్షలో అవకతవకలు జరిగాయని ఆరోపిస్తూ ఆ పరీక్షను రద్దు చేయాలని విద్యార్థులు డిమాండ్ చేస్తున్నారు. అలాగే పరీక్షల నిర్వహణలో స్పష్టత, నియామక ప్రక్రియలో పారదర్శకత, ఒకే పరీక్ష విధానం అమలు చేయాలని వారు కోరుతున్నారు. పాట్నాలోని గార్డనిబాగ్ ప్రాంతంలో కొంతకాలంగా ఈ అంశాలపై విద్యార్థుల ఆందోళనలు కొనసాగుతున్నాయి.ఈ నేపథ్యంలో ఈ రోజు (మంగళవారం) పట్నా,గాంధీ మైదాన్‌ నుంచి ఉదయం 10 గంటల ప్రాంతంలో విద్యార్థుల మార్చ్‌ ప్రారంభమైంది. పోటీ పరీక్షలు, ప్రభుత్వ ఉద్యోగాల నియామకాలకు సంబంధించిన తమ డిమాండ్లను పరిష్కరించాలని నినాదాలు చేస్తూ విద్యార్థులు ముఖ్యమంత్రి నివాసం వైపు కదిలారు. మార్గమధ్యంలో పోలీసులు భారీగా బారికేడ్లు ఏర్పాటు చేసినప్పటికీ, వాటిని దాటుకుని విద్యార్థులు ముందుకు వెళ్లడంతో పోలీసులతో ఘర్షణ చోటుచేసుకుంది.సోమవారం విద్యార్థి ప్రతినిధులు బీహార్ ప్రభుత్వంతో చర్చలు జరిపారు. చర్చలు సానుకూలంగా సాగాయని విద్యార్థి నాయకులు చెప్పినప్పటికీ, తమ డిమాండ్లపై స్పష్టమైన హామీ లభించకపోవడంతో ఆందోళన కొనసాగించాలని నిర్ణయించారు. ముఖ్యమంత్రి సమ్రాట్ చౌదరితో నేరుగా సమావేశం కావాలని వారు పట్టుబట్టారు. ముఖ్యమంత్రిని కలిసే అవకాశం లేకపోతే విద్యాశాఖ మంత్రితో మాట్లాడేందుకు సిద్ధమని, ఇతర అధికారులతో చర్చించబోమని స్పష్టం చేశారు.విద్యార్థుల ఆందోళనకు భూసంబంధిత సమస్యలపై నిరసన చేస్తున్న రైతుల బృందం కూడా మద్దతుగా చేరింది. రైతులు నల్ల జెండాలతో నిరసనలో పాల్గొనడంతో భద్రతను మరింత పెంచి నిరసన ప్రదేశంలో సీఆర్‌పీఎఫ్ బలగాలను మోహరించారు.ఇదిలా ఉండగా, విద్యార్థుల సమస్యలను పరిష్కరించేందుకు బీహార్ ప్రభుత్వం ‘విద్యార్థి సహయోగ్ శివిర్’ పేరుతో నెలవారీ కార్యక్రమాన్ని ప్రారంభిస్తున్నట్లు సీఎం సమ్రాట్ చౌదరి ప్రకటించారు.ప్రతి నెల నాలుగో మంగళవారం విద్యా సంస్థల్లో ఈ శిబిరాలను నిర్వహించి విద్యార్థుల సమస్యలను సంబంధిత అధికారుల దృష్టికి తీసుకెళ్లి పరిష్కరిస్తామని తెలిపారు. ఆన్‌లైన్‌లో ఫిర్యాదులు నమోదు చేసి వాటి పరిష్కార స్థితిని తెలుసుకునే అవకాశం కూడా కల్పిస్తామని ప్రభుత్వం వెల్లడించింది.

ఢిల్లీ: బాలీవుడ్ నటి, ఎంపీ కంగనా రనౌత్ మరోసారి సంచలన ‍వ్యాఖ్యలు చేశారు. కాక్రోచ్ జనతా పార్టీ (CJP) వ్యవస్థాపకుడు అభిజిత్ దీప్కే ఇంగ్లీష్ మాట్లాడే విధానాన్ని.. తన లాంగ్వేజ్‌తో పోలుస్తూ ఓ వైరల్ రీల్‌ను తన సోషల్‌ మీడియా వేదికలో షేర్ చేశారు. దీంతో సీజేపీ, కంగనా రనౌత్ మధ్య మరోసారి పొలిటికల్ హీట్ నెలకొంది.సోషల్ మీడియా వేదికగా షేర్ చేసిన రీల్‌లో తొలుత అభిజిత్త్ దీప్కే ఇంగ్లీష్‌లో మాట్లాడుతున్న దృశ్యాలను చూపించి, ఆ తర్వాత కంగనా ఇంగ్లీష్‌లో ప్రసంగిస్తున్న వీడియోను చూపించారు. దీనికి “12వ తరగతి చదివిన కంగనా, బోస్టన్ యూనివర్సిటీ చదివిన దీప్కే ఇంగ్లీష్ స్థాయి.. ఒకరు ఫైర్, మరొకరికి రీబూట్ అవసరం” అన్నట్లుగా సెటైర్ వేశారు. అనంతరం ఇంగ్లీష్‌ మాట్లాడ రాకపోవడం వల్ల తను ఎదుర్కొన్న అనుభవాల్ని పంచుకున్నారు.‘కాఫీ విత్ కరణ్’ కార్యక్రమంలో తన ఇంగ్లీష్‌పై నటి సోనమ్ కపూర్ ఎగతాళి చేశారని ఆమె గుర్తుచేసుకున్నారు. అయితే ఆ అవమానాలే తనను మరింత బలంగా ఎదగడానికి ప్రేరేపించాయని తెలిపారు. సినీ పరిశ్రమలో తాను ఎదుర్కొన్న పోరాటాల నుంచి ఎన్నో విషయాలు నేర్చుకున్నానని అన్నారు. ముఖ్యంగా బయట నుంచి వచ్చిన వారిని ఇంగ్లీష్ రాదనే కారణంతో ఎగతాళి చేయడం సరికాదని ఆమె అభిప్రాయపడ్డారు.CJPపై కంగనా కౌంటర్లుCJP సభ్యులతో కంగనాకు సోషల్ మీడియాలో మాటల యుద్ధం జరగడం ఇదే తొలిసారి కాదు. ఇటీవల CJP అధికార ప్రతినిధి సౌరవ్ దాస్ తనపై చేసిన వ్యాఖ్యలకు కూడా కంగనా ఘాటుగా స్పందించారు. 28 ఏళ్ల వయసున్న వ్యక్తి తనను విమర్శించడం గురించి ప్రస్తావిస్తూ.. తాను 20 ఏళ్లుగా ప్రజాజీవితంలో ఉన్నానని, తన వయసులోనే రెండు జాతీయ అవార్డులు అందుకున్నానని కంగనా కౌంటర్ ఇచ్చారు.అంతేకాదు, తాను ప్రస్తుతం ఎంపీగా ఉండటంతో పాటు నటి, దర్శకురాలు, నిర్మాత, స్క్రీన్‌రైటర్, పారిశ్రామికవేత్తగా కూడా పలు బాధ్యతలు నిర్వహిస్తున్నానని చెప్పారు. తన స్థాయిలో ఉన్న వ్యక్తి ఎదుర్కొనే ఒత్తిడి, బాధ్యతలు అర్థం చేసుకోవడం.. విమర్శలు చేసే వారికి సాధ్యం కాదంటూ ఘాటు వ్యాఖ్యలు చేశారు.

సాక్షి, ఢిల్లీ: కాక్రోచ్‌ జనతా పార్టీ కీలక ప్రకటన చేసింది.విద్యార్థులపై ఎఫ్ఐఆర్ల రద్దుకై కేంద్రం వ్యవహారిస్తున్న వైఖరికి నిరసనగా భారీ ర్యాలీ చేపట్టనున్నట్లు ప్రకటించింది. సెప్టెంబర్‌ 5న ఇండియా గేట్ నుంచి ఢిల్లీ పోలీస్ హెడ్ క్వార్టర్ వరకు నిరసన ప్రదర్శన చేపట్టనున్నట్లు ప్రకటించింది. నీట్ వ్యతిరేక నిరసనల్లో విద్యార్థులపై నమోదైన ఎఫ్‌ఐఆర్‌లను ఉపసంహరించుకుంటామని కేంద్రం హామీ ఇచ్చి ఇప్పుడు కాలయాపన చేస్తుందని ప్రకటించింది. ఈ నేపథ్యంలోనే ర్యాలీ చేపట్టనున్నట్లు తెలిపింది.ఏం జరిగింది?నీట్‌పేపర్‌ లీకేజ్‌కు నిరసనగా జూలై 20న జంతర్‌ మంతర్‌ వద్ద జరిగిన విద్యార్థుల “సంసద్‌ చలో” నిరసన పార్లమెంట్‌ వైపు వెళ్లడంతో ఉద్రిక్తంగా మారింది. పోలీసులు నిరసనకారులను ఆపేందుకు లాఠీచార్జ్‌, టియర్‌ గ్యాస్‌ వంటి చర్యలు చేపట్టారు. నిరసనకారులు పోలీసుల ఆదేశాలను పట్టించుకోకుండా ముందుకు వెళ్లడం, బారికేడ్లను దాటేందుకు ప్రయత్నించడం, ఘర్షణలు జరగడం వంటి కారణాలతో కేసులు నమోదు చేశామని పోలీసులు తెలిపారు.అయితే ఆందోళనల విరమణలకై జరిగిన ఒప్పందంలో కేంద్ర ప్రభుత్వం విద్యార్థుల నిరసనకారులపై నమోదైన ఎఫ్‌ఐఆర్‌లను ఉపసంహరించుకుంటామని హామీ ఇచ్చినట్లు విద్యార్థులు తెలిపారు. ఇప్పుడు వాటిని నెరవేర్చడంలో ఆలస్యం చేస్తున్నందున సెప్టెంబర్‌ 5 న.. యువజన మార్చ్‌ నిర్వహిస్తామని ప్రకటించింది.

సాక్షి, ఢిల్లీ: దేశవ్యాప్తంగా ఉన్న ‍ప్రభుత్వ పాఠశాలల పరిస్థితిపై కాక్రోచ్‌ జనతా పార్టీ కన్వీనర్ అభిజీత్ దీప్కే అన్ని రాష్ట్రాల విద్యాశాఖ మంత్రులకు లేఖ రాశారు. ప్రస్తుతం ప్రభుత్వ పాఠశాలల పరిస్థితిపై ఆందోళన వ్యక్తం చేశారు. ప్రభుత్వ పాఠశాలల్లోని విద్యార్థులకు ప్రాథమిక సౌకర్యాలు లేవని దీంతో దేశ అభివృద్ధి ఎలా సాధ్యమవుతుందని లేఖలో ప్రశ్నించారు.? ప్రజా విద్యను ప్రాధాన్యతగా తీసుకొని పాఠశాలలను మెరుగుపరచాల్సిన అవసరం ఉందని పేర్కొన్నారు.అభిజిత్‌ దీప్కే ప్రస్తుత సమస్యను పరిష్కరించే ముందు ప్రస్తుత పరిస్థితి గురించి సమాచారం అందుబాటులో ఉండాలని పేర్కొన్నారు. దీంతో మీ మంత్రిత్వ శాఖ కింది వివరాలను బహిరంగంగా అందించాలని కోరుతున్నానని లేఖలో పేర్కొన్నారు. ఈ నేపథ్యంలో కింది పది పాయింట్లను వివరాలు అందించాలని కోరారు. గత ఐదేళ్లలో రాష్ట్రంలో ఎన్ని ప్రభుత్వ పాఠశాలలు పునరుద్ధరించబడ్డాయి? ప్రస్తుతం ఎన్ని మరమ్మతులు లేదా పూర్తి పునర్నిర్మాణం అవసరం. ప్రస్తుతం ఎన్ని ఉపాధ్యాయ పోస్టులు మంజూరు చేయబడ్డాయి? ఎన్ని భర్తీ అయ్యాయి? ఎన్ని ఖాళీగా ఉన్నాయి. గత ఐదేళ్లలో ప్రభుత్వ పాఠశాలలకు ఎంత నిధులు కేటాయించబడ్డాయి? అందులో ఎంత ఖర్చు చేశారు? ప్రతి విద్యార్థికి నాణ్యమైన విద్యకు సహేతుకమైన ప్రాప్యత ఉండేలా ఎన్ని అదనపు ప్రభుత్వ పాఠశాలలు అవసరం బోధనతో పాటు ప్రభుత్వ పాఠశాల ఉపాధ్యాయులకు ఏ ఏ బోధనేతర విధులు, బాధ్యతలు అప్పగించబడ్డాయి? ప్రస్తుతం ఎన్ని ప్రభుత్వ పాఠశాలలకు కంప్యూటర్లు, డిజిటల్ లెర్నింగ్ సౌకర్యాలు, శుభ్రమైన పనిచేసే టాయిలెట్లు, సరైన క్రీడా సౌకర్యాలు & పరికరాలు ఉన్నాయి?అని అన్నిరాష్ట్రాల విద్యాశాఖలను ప్రశ్నించారు. ఇది రాజకీయం గురించి కాదని కేవలం విద్యార్థుల భవిష్యత్తు గురించి మాత్రమేనని లేఖలో పేర్కొన్నారు.ప్రతి విద్యార్థికి సురక్షితమైన తరగతి గది, శుభ్రమైన తాగునీరు, పనిచేసే టాయిలెట్, కూర్చోవడానికి బెంచీ, బోధించే ఉపాధ్యాయుడు తప్పనిసరిగా అందుబాటులో ఉండాలని కోరారు.మీ మంత్రిత్వ శాఖ ఈ సమాచారాన్ని బహిరంగం చేసి, అవసరమైన చర్యలు తీసుకుంటుందని ఆశిస్తున్నాం. అని లేఖలో పేర్కొన్నారు.

సాక్షి, ఢిల్లీ: కావేరీ నదీ జలాల విడుదల వివాదంపై సుప్రీంకోర్టు కీలక ఆదేశాలు జారీ చేసింది. నీటి వాటా విడుదలలో ఏవైనా అభ్యంతరాలు లేదా ఫిర్యాదులు ఉంటే వాటిని కావేరీ జలాల నిర్వహణ సంస్థ (CWMA) ముందే లేవనెత్తాలని తమిళనాడు ప్రభుత్వానికి స్పష్టం చేసింది. కర్ణాటక నుంచి తమకు రావాల్సిన అదనపు నిష్పత్తి నీటి వాటాను విడుదల చేసేలా ఆదేశించాలని కోరుతూ తమిళనాడు ప్రభుత్వం దాఖలు చేసిన పిటిషన్‌ను జస్టిస్ విక్రమ్ నాథ్, జస్టిస్ సందీప్ మెహతాలతో కూడిన ధర్మాసనం విచారించింది.వివరాల్లోకి వెళితే.. కావేరీ నీటి నియంత్రణ కమిటీ (CWRC) ఆగస్టు 12 నుండి 15 రోజుల పాటు ప్రతిరోజూ తమిళనాడుకు 12,000 క్యూసెక్కుల నీటిని విడుదల చేయాలని కర్ణాటకను ఆదేశించింది. ఈ నిర్ణయాన్ని కావేరీ జలాల నిర్వహణ సంస్థ (CWMA) కూడా సమర్థించింది. అయితే వాటా న్యాయపరంగా తమకు దక్కడం లేదని తమిళనాడు ప్రభుత్వం సుప్రీంకోర్టులో పిటిషన్ దాఖలు చేసింది. తమిళనాడు తరఫున హాజరైన సీనియర్ న్యాయవాది సి.ఎస్. వైద్యనాథన్ వాదనలు వినిపిస్తూ, తమకు దక్కాల్సిన సరైన నిష్పత్తిలో నీరు అందడం లేదని ధర్మాసనానికి తెలిపారు. దురదృష్టవశాత్తూ క్షేత్రస్థాయిలో నీటి విడుదల సక్రమంగా జరగడం లేదని ఆయన ఆవేదన వ్యక్తం చేశారు. దీనిపై విచారణ జరిపిన ధర్మాసనం ఈ అంశాన్ని సంబంధిత అథారిటీ (CWMA) సమావేశంలోనే లేవనెత్తాలని సుప్రీంకోర్టు సూచించింది.గత విచారణలో కర్ణాటక ప్రభుత్వం తరఫున సీనియర్ న్యాయవాది శ్యామ్ దివాన్ సమర్పించిన నీటి విడుదల వివరాల చార్ట్‌ను ధర్మాసనం ప్రస్తావించింది. ఆ చార్ట్ ప్రకారం CWMA ఆదేశాల మేరకే తమిళనాడుకు నీటిని విడుదల చేసినట్లు కనిపిస్తోందని బెంచ్ వ్యాఖ్యానించింది. దీనిపై వైద్యనాథన్ స్పందిస్తూ, నిష్పత్తి ప్రకారం నీటిని విడుదల చేయడానికి CWMA దిశా నిర్దేశం చేయడం లేదని, దీనివల్ల తమిళనాడులోని రైతులకు తాము ఒక్క చుక్క నీటిని కూడా విడుదల చేయలేకపోతున్నామని, కానీ కర్ణాటక మాత్రం తమ రైతులకు నీటిని ఇచ్చుకుంటోందని వాదించారు. దీంతో సుప్రీంకోర్టు ఈ కేసు తదుపరి విచారణను ఆగస్టు 31కి వాయిదా వేస్తూ, ఆ రోజు నాటికి తాజా పరిస్థితిపై నివేదిక (అప్‌డేటెడ్ స్టేటస్) సమర్పించాలని ఇరు రాష్ట్రాలను ఆదేశించింది.అంతకుముందు ఆగస్టు 17న జరిగిన విచారణలో కూడా CWMA ఆదేశాలను కర్ణాటక తప్పనిసరిగా పాటించాలని సుప్రీంకోర్టు స్పష్టం చేసింది.తమిళనాడు ప్రభుత్వం కోర్టుకు తెలిపిన వివరాల ప్రకారం, వర్షపాతం తక్కువగా ఉన్న ఈ సంవత్సరంలో తమకు రావలసిన న్యాయమైన వాటా దక్కడం లేదు. CWRC కేటాయించిన పరిమాణం కంటే, పొరుగున ఉన్న కర్ణాటక విడుదల చేసిన నీటి పరిమాణం చాలా తక్కువగా ఉందని తమిళనాడు తన పిటిషన్‌లో పేర్కొంది.జూలై 28న జరిగిన CWRC సమావేశంలో జూలై 29 నుండి 15 రోజుల పాటు రోజుకు 3,500 క్యూసెక్కుల నీటిని విడుదల చేయాలని కర్ణాటకను ఆదేశించినప్పటికీ, జూలై 29 నుండి ఆగస్టు 2 వరకు బిలిగుండ్లు వద్ద కేవలం 158 నుండి 550 క్యూసెక్కుల లోపే నీరు అందిందని తమిళనాడు ప్రభుత్వం తెలిపింది.తమిళనాడు ప్రభుత్వం విడుదల చేసిన పత్రికా ప్రకటన ప్రకారం.. ఆగస్టు 3 నాటికి కర్ణాటకలోని కేఆర్‌ఎస్, కబిని, హారంగి, హేమవతి జలాశయాలలో మొత్తం నీటి నిల్వ 77.537 టీఎంసీలుగా ఉంది. కాబట్టి తమిళనాడుకు చెందాల్సిన వాటాను నిష్పత్తి ప్రకారం విడుదల చేయడానికి కర్ణాటకకు ఎటువంటి ఇబ్బంది లేదని స్పష్టం చేసింది.కర్ణాటకలోని కేఆర్‌ఎస్, కబిని డ్యామ్‌ల క్యాచ్‌మెంట్ ఏరియాలలో ఇటీవల కురిసిన వర్షాల కారణంగా, బిలిగుండ్లు వద్ద తమిళనాడుకు అందాల్సిన నిష్పత్తి నీరు 26.954 టీఎంసీలుగా ఉండాలని పేర్కొంది. దీనితో పోలిస్తే కావేరీ జలాల నిర్వహణ సంస్థ (CWMA) కేటాయించిన 4.536 టీఎంసీలు చాలా తక్కువని తమిళనాడు ఆరోపించింది. మొత్తంగా కర్ణాటక ప్రభుత్వం తమిళనాడుకు ఇవ్వాల్సిన 26.954 టీఎంసీల న్యాయమైన వాటాను పంచుకోవడంలో విఫలమైందని తమిళనాడు ప్రభుత్వం తన అధికారిక ప్రకటనలో వెల్లడించింది.

వర్షాకాలం వచ్చిందంటే చాలు.. పాముల సంచారం పెరుగుతుంది. పొలాలు, ఇళ్ల పరిసరాలు, గోదాములు, పొదలు.. ఇలా ఎక్కడైనా అవి కనిపించే అవకాశం ఉంటుంది. ఈ సమయంలో పాము కాటు ఘటనలు కూడా పెరుగుతాయి. అయితే ఈ సీజన్‌లో దేశవ్యాప్తంగా తాజా గణాంకాలు మరీ ఆందోళనకరంగా ఉన్నాయి. సకాలంలో చికిత్స అందకపోవడం ఒక కారణమైతే.. కొన్ని నిర్ణయాలు పరిస్థితిని మరింత విషమంగా మారుస్తున్నాయని వైద్య నిపుణులు చెబుతున్నారు. చాలా సందర్భాల్లో పాము విషం కంటే.. కాటు తర్వాత మనుషులు చేసే పొరపాట్లే ప్రాణాల మీదకు తెస్తున్నాయి. ఆలస్యం చేయకుండా సరైన వైద్య సహాయం పొందడం లేదు. దానికి బదులు సొంత వైద్యంతో సరిపెట్టుకుంటున్నారు. ఇదే ప్రాణాలు పోవడానికి కారణమవుతోంది. అదే సమయంలో మరికొందరు.. తాత్కాలిక ఉపశమనం పేరిట చేస్తున్న ప్రయత్నాలు కూడా మరణాల సంఖ్యను పెంచుతున్నాయి. అలాంటప్పుడు పాము కాటు వేసిన చోట కోత పెట్టడం.. నోటితో విషాన్ని పీల్చే ప్రయత్నం చేయడం, ఆకుపసరుల్లాంటివి రాయడం, కాటేసిన చోట గట్టిగా తాడు.. గుడ్డలు కట్టడం, పామును పట్టుకోవడానికి ప్రయత్నించడం ఇలా సినిమాల్లో చూపించినట్లు చేయడం కరెక్ట్‌ కాదా?.. వైద్యులు, నిపుణులు ఏం చెబుతున్నారంటే.. నోటితో విషం పీల్చొచ్చా?పాము కాటు వేసిన వెంటనే చాలామందికి గుర్తొచ్చేది సినిమాల్లో కనిపించే సన్నివేశాలే. కాటు వేసిన చోట కోత పెట్టి.. నోటితో విషాన్ని పీల్చడం ద్వారా ప్రాణాలు కాపాడినట్లు సినిమాల్లో చూపిస్తారు. పొలం పనులు చేసుకునేవాళ్లు.. ఎక్కువగా ఇదే చేస్తుంటారని, ఆ తర్వాత ఆకుపసరులాంటివి రాయడం చేస్తుంటారని గుర్తు చేస్తున్నారు. కానీ వాస్తవంలో ఇది పూర్తిగా తప్పు పద్ధతి అని వైద్యులు చెబుతున్నారు. నోటితో విషాన్ని పీల్చడం వల్ల శరీరంలోకి వెళ్లిన విషాన్ని బయటకు తీయడం సాధ్యం కాదని.. పైగా నోటిలో గాయాలు ఉంటే ప్రమాదం పెరగవచ్చని నిపుణులు హెచ్చరిస్తున్నారు. అలాగే కాటు వేసిన ప్రాంతంలో కోతలు పెట్టడం వల్ల రక్తస్రావం, ఇన్ఫెక్షన్‌ వంటి సమస్యలు రావచ్చు కూడా. గట్టిగా కట్టడం కూడా ప్రమాదమేపాము కాటు తర్వాత చాలామంది విషం వ్యాపించకుండా ఉండేందుకు కాటేసిన పైభాగంలో తాడు, గుడ్డను బిగుతుగా కడుతుంటారు. కానీ ఇలా చేయడం వల్ల రక్త ప్రసరణ ఆగిపోయి కణజాలం దెబ్బతినే ప్రమాదం ఉందని వైద్యులు చెబుతున్నారు. కాటు వేసిన అవయవాన్ని కదలకుండా స్థిరంగా ఉంచడం మాత్రమే చేయాలి. బిగుతైన వస్తువులు, ఉంగరాలు, గాజులు, కడియాలు ఉంటే వెంటనే తొలగించాలి. వాపు పెరిగితే ఇవి సమస్యగా మారొచ్చు.ముందుగా చేయాల్సింది ఇదేపాము కాటుకు గురైన వ్యక్తిని ముందుగా ప్రశాంతంగా ఉంచాలి. భయం, ఆందోళన వల్ల గుండె వేగం పెరిగి రక్త ప్రసరణ వేగవంతం కావడంతో విషం వ్యాప్తి చెందే అవకాశం పెరగవచ్చు. కాటు వేసిన చేతి లేదా కాలును ఎక్కువగా కదపకుండా చూడాలి. బాధితుడు స్వయంగా నడిచి వెళ్లకుండా.. ఇతరుల సహాయంతో వీలైనంత త్వరగా ఆసుపత్రికి తరలించాలి.పామును పట్టుకోవాలా?..కాటు వేసిన పాము ఏదో తెలుసుకుంటే చికిత్స సులభమవుతుందని చాలామంది భావిస్తారు. దీంతో కొందరు పామును పట్టుకోవడానికి లేదా చంపడానికి ప్రయత్నిస్తారు. ఇది మరింత ప్రమాదకరమని వైద్యులు హెచ్చరిస్తున్నారు. పాము రంగు, ఆకారం వంటి వివరాలను దూరం నుంచి గుర్తుంచుకుంటే సరిపోతుంది. పామును పట్టుకుని ఆసుపత్రికి తీసుకెళ్లాల్సిన అవసరం లేదని స్పష్టం చేస్తున్నారు.లక్షణాలు కనిపించకపోయినా జాగ్రత్తప్రతి పాము కాటులోనూ విషం శరీరంలోకి వెళ్లకపోవచ్చు. కానీ కాటు విషపూరితమా కాదా అనేది సాధారణ వ్యక్తులు వెంటనే గుర్తించడం కష్టం. అందుకే ప్రతి పాము కాటును అత్యవసర పరిస్థితిగానే పరిగణించాలని వైద్యులు సూచిస్తున్నారు. కొన్ని పాముల విషం నాడీ వ్యవస్థపై ప్రభావం చూపుతుంది. మరికొన్ని రక్తం గడ్డకట్టే ప్రక్రియను దెబ్బతీస్తాయి. ఇంకొన్ని కణజాలాలు, కిడ్నీలపై ప్రభావం చూపే అవకాశం ఉంటుంది. శ్వాస తీసుకోవడంలో ఇబ్బంది, తీవ్రమైన వాపు, బలహీనత, రక్తస్రావం వంటి లక్షణాలు కనిపిస్తే వెంటనే అత్యవసర చికిత్స అవసరం.యాంటీ స్నేక్‌ వెనం ఎప్పుడు ఇస్తారు?పాము కాటు వేసిన ప్రతి ఒక్కరికీ యాంటీ స్నేక్‌ వెనం (ఏఎస్‌వీ) అవసరం ఉండకపోవచ్చు. బాధితుడి పరిస్థితి, లక్షణాలు, వైద్య పరీక్షల ఆధారంగా వైద్యులు నిర్ణయం తీసుకుంటారు. అయితే విష ప్రభావం ఉన్నట్లు గుర్తిస్తే ఆలస్యం చేయకుండా ఏఎస్‌వీ అందించడం కీలకం. అందుకే పాము కాటు తర్వాత ఇంటి చిట్కాలపై ఆధారపడకుండా ఆసుపత్రికి చేరుకోవడమే అత్యంత ముఖ్యం.ఆ ఐదు నిమిషాలే డిసైడ్‌ చేస్తాయిపాము కాటు వేసినప్పుడు భయం సహజం. కానీ ఆ భయంతో చేసే పొరపాట్లే ప్రమాదాన్ని పెంచుతాయి. నోటితో విషం పీల్చడం, కోతలు పెట్టడం, తాడు బిగించడం, పామును పట్టుకోవడం వంటి చర్యలకు దూరంగా ఉండాలి. పాము కాటు వేస్తే.. ముందుగా విషంతో కాదు.. అపోహలతో పోరాడాలి. సరైన సమయంలో సరైన చికిత్స పొందితే ప్రాణాలను కాపాడుకోవచ్చు.ఇదీ చదవండి: నేనంటే దెయ్యాలకు హడల్‌.. నా కౌగిలికి వచ్చేయండి

ఢిల్లీ: భారత్‌ తరపున పలు దేశాల్లో రాయబారిగా పనిచేసిన తననే ఎస్‌ఐఆర్‌ పేరుతో తీవ్ర ఇబ్బందులకు గురిచేస్తున్నారని మాజీ దౌత్యవేత్త నవదీప్ సూరి అసహానం వ్యక్తం చేశారు. తన ఓటరు వివరాలు 2003 నాటి రికార్డులతో సరిపోలడం లేదని, భారత పౌరసత్వాన్ని నిరూపించేందుకు పత్రాలు సమర్పించాలని అధికారులు కోరినట్లు ఆయన తెలిపారు.ఓటర్ల జాబితా సవరణ కోసం చేపడుతున్న స్పెషల్ ఇంటెన్సివ్ రివిజన్ (SIR) ప్రక్రియపై పలు ప్రశ్నలు లేవనెత్తారు.గతంలోనవదీప్ సూరి యూఏఈ, ఈజిప్ట్ సహా పలు దేశాల్లో భారత రాయబారిగా పనిచేశారు. అంతేకాకు ఆయన ఆస్ట్రేలియాలో భారత హైకమిషనర్‌గానూ సేవలందించారు.పంజాబ్‌లో SIR ప్రక్రియలో తనకు ఎదురైన అనుభవాన్ని ఆయన ఆదివారం వరుస పోస్టుల ద్వారా వెల్లడించారు.ఆయన మాటల్లో “పంజాబ్‌లో SIR విషయంలో నా అనుభవాన్ని పంచుకుంటున్నాను. BLO (బూత్ లెవల్ ఆఫీసర్) వద్దకు వెళ్లి ఓటర్ ఐడీ, ఆధార్ కార్డు సమర్పించాను. అన్నీ సక్రమంగానే ఉన్నాయని నాకు హామీ ఇచ్చారు. అయితే ఈరోజు ఒక వాలంటీర్ నుంచి సందేశం వచ్చింది. 2003 నాటి SIR వివరాలతో కొన్ని అంశాలు సరిపోలడం లేదని అందులో తెలిపారు” అని పేర్కొన్నారు.“నోటీసు తీసుకునేందుకు రావాలని, ఆ తర్వాత నేను భారతీయ పౌరుడినని నిరూపించే కొన్ని నిర్దిష్టంగా పేర్కొనని పత్రాలతో మళ్లీ రావాలని చెప్పారు. నేను 2003లో భారత్‌లో లేనని చెప్పాను. దాంతో పాస్‌పోర్ట్‌ను ఆధారంగా చూపించాలని వారు సూచించారు” అని ఆయన తెలిపారు. తన వద్ద ఓటర్ ఐడీ, ఆధార్‌తో పాటు ఇతర పత్రాలు కూడా ఉన్నాయని సూరి చెప్పారు. అయితే, “మూడు దేశాల్లో భారతదేశానికి ప్రాతినిధ్యం వహించిన తర్వాత కూడా నా పౌరసత్వాన్ని నిరూపించుకోవడంలో నాకు ఇబ్బంది ఎదురైతే, సాధారణ పౌరుడి పరిస్థితి ఏమిటి?” అని ఆయన ప్రశ్నించారు. కాగా ఎస్‌ఐఆర్‌ ప్రక్రియలో గతంలోనూ కొంతమంది ప్రముఖులకు ఇలాంటి ఘటనలే ఎదురయ్యాయి. దీంతో సంబంధిత రికార్డులను పరిశీలించిన తర్వాత వాటిని అధికారులు స్పష్టీకరించి పరిష్కరించారు.

ఢిల్లీ: ప్రస్తుతం దేశాన్ని పీడిస్తున్న సమస్యలలో నిరుద్యోగం ప్రధానమైనది. ఏళ్ల తరబడి పెద్ద పెద్ద చదువులు చదివినా దానికి సరిపడా ఉద్యోగం దొరకక యువతంతా ఉద్యోగాల కోసం తల్లడిల్లిపోతున్నారు. పెద్దచదువులు చదివినా దాని సరిపడా ఉద్యోగం దొరకక చిన్నా చితక జాబ్‌తో సరిపెట్టుకుంటున్నారు. ఈ నేపథ్యంలో నిరుద్యోగులకు ఒక గుడ్‌ న్యూస్‌ అందింది. దేశంలో కేవలం కేంద్ర ప్రభుత్వంలోనే ఎనిమిది లక్షలకు పైగా ఉద్యోగ ఖాళీలున్నట్లు కేంద్రం తెలిపింది.నీమచ్‌కు చెందిన ఆర్టీఐ కార్యకర్త చంద్రశేఖర్ గౌర్ ఉద్యోగాల ఖాళీలపై ఆర్టీఐ దాఖలు చేశారు. దానికి బదులిస్తూ కేంద్ర ఆర్థిక మంత్రిత్వ శాఖలోని పే రీసెర్చ్ యూనిట్ 2024 మార్చి 1 నాటి గణాంకాలను వివరాలను వెల్లడించింది. కేంద్ర ప్రభుత్వానికి చెందిన సివిలియన్‌ ఉద్యోగాల్లో ఏకంగా 8,23,656 పోస్టులు ఖాళీగా ఉన్నట్లు ప్రభుత్వ గణాంకాలు తెలిపాయి. ఈ లెక్కల్లో ప్రభుత్వ రంగ బ్యాంకులు, ప్రభుత్వ రంగ సంస్థలు PSUలను మినహాయించుకొని ఈ లెక్కలు ప్రకటించింది. ఇందులో అత్యధిక ఖాళీలు రక్షణ మంత్రిత్వ శాఖ సివిలియన్‌ విభాగంలో ఉన్నాయి. మొత్తం 5,56,248 పోస్టులు మంజూరై ఉండగా కేవలం 3,14,005 మంది మాత్రమే పనిచేస్తున్నారు. దీంతో 2,42,243 పోస్టులు ఖాళీగా ఉన్నాయి. ఇది మొత్తం మంజూరైన పోస్టుల్లో దాదాపు 43.5 శాతం. అయితే ఈ సంఖ్యలు సైన్యం, నేవీ, వైమానిక దళంలోని ఉద్యోగాలకు సంబంధించినవి కావని, కేవలం రక్షణ శాఖ సివిలియన్‌ ఉద్యోగాలకే సంబంధించినవని అధికారులు స్పష్టం చేశారు.రైల్వేలోదేశంలో అతిపెద్ద ప్రభుత్వ ఉద్యోగ సంస్థల్లో ఒకటైన రైల్వేల్లోనూ భారీగా ఖాళీలు ఉన్నాయి. రైల్వేల్లో 14,79,701 పోస్టులు మంజూరై ఉండగా 12,39,576 మంది మాత్రమే ఉద్యోగాల్లో ఉన్నారు. దీంతో 2,40,125 పోస్టులు ఖాళీగా ఉన్నాయి. రైల్వేల్లోని ఖాళీలే ఆర్టీఐ ద్వారా వెల్లడైన మొత్తం ఖాళీల్లో దాదాపు 30 శాతం కావడం గమనార్హం. హోం మంత్రిత్వ శాఖఅంతర్గత భద్రత, పరిపాలనలో కీలకమైన కేంద్ర హోం మంత్రిత్వ శాఖలో 1,10,885 పోస్టులు ఖాళీగా ఉన్నాయి. ఈ శాఖలో మొత్తం 11,18,233 పోస్టులు మంజూరై ఉండగా 10,07,348 మంది మాత్రమే పనిచేస్తున్నారు. రక్షణ శాఖ సివిలియన్‌ విభాగం, రైల్వేలు, హోం శాఖలను కలిపితే దాదాపు 5.93 లక్షల పోస్టులు ఖాళీగా ఉన్నాయి. అంటే మొత్తం ఖాళీల్లో దాదాపు మూడొంతులు ఈ మూడు ప్రధాన సంస్థల్లోనే ఉన్నాయి.పోస్టల్‌డిపార్ట్‌మెంట్ ఆఫ్ పోస్ట్స్‌లో 2,53,124 పోస్టులకు గాను 1,91,578 మంది పనిచేస్తున్నారు. దీంతో 61,546 పోస్టులు ఖాళీగా ఉన్నాయి. డిపార్ట్‌మెంట్ ఆఫ్ రెవెన్యూలో 1,79,374 పోస్టులు మంజూరై ఉండగా 1,09,712 మంది మాత్రమే విధుల్లో ఉన్నారు. దీంతో 69,662 పోస్టులు ఖాళీగా ఉన్నాయి. ఇది మంజూరైన పోస్టుల్లో దాదాపు 39 శాతం కావడం విశేషం.వ్యవసాయంవ్యవసాయం, పశుసంవర్ధక రంగాల్లోనూ సిబ్బంది కొరత కనిపిస్తోంది. వ్యవసాయ, రైతు సంక్షేమ శాఖలో 5,420 పోస్టులకు గాను 3,565 మంది మాత్రమే పనిచేస్తున్నారు. దీంతో 1,855 పోస్టులు ఖాళీగా ఉన్నాయి. పశుసంవర్ధక, పాడి పరిశ్రమ శాఖలో 2,393 పోస్టులకు గాను కేవలం 1,015 మంది పనిచేస్తుండగా 1,378 పోస్టులు ఖాళీగా ఉన్నాయి. అంటే ఈ శాఖలో దాదాపు 58 శాతం పోస్టులు ఖాళీగా ఉన్నాయి.పర్యావరణ శాఖపర్యావరణ శాఖలోనూ పరిస్థితి ఆందోళనకరంగానే ఉంది. పర్యావరణ, అటవీ, వాతావరణ మార్పుల మంత్రిత్వ శాఖలో 5,127 పోస్టులకు గాను 3,170 మంది మాత్రమే పనిచేస్తున్నారు. దీంతో 1,957 పోస్టులు, అంటే దాదాపు 38 శాతం పోస్టులు ఖాళీగా ఉన్నాయి. కార్మిక, ఉపాధి మంత్రిత్వ శాఖలో 6,302 పోస్టులకు గాను 3,684 మంది మాత్రమే పనిచేస్తుండగా 2,618 పోస్టులు ఖాళీగా ఉన్నాయి.ఆరోగ్య రంగంఆరోగ్య రంగంలోనూ ఖాళీలు ఉన్నాయి. ఆరోగ్య, కుటుంబ సంక్షేమ శాఖలో 27,427 పోస్టులకు గాను 25,845 మంది పనిచేస్తున్నారు. దీంతో 1,582 పోస్టులు ఖాళీగా ఉన్నాయి. ఆరోగ్య పరిశోధన శాఖలో 62 పోస్టులకు గాను కేవలం 28 మంది మాత్రమే పనిచేస్తుండగా 34 పోస్టులు ఖాళీగా ఉన్నాయి. ఆయుష్ శాఖలో 432 పోస్టులకు గాను 199 మంది మాత్రమే పనిచేస్తున్నారు. దీంతో 233 పోస్టులు ఖాళీగా ఉన్నాయి.దేశంలోని శాస్త్ర, సాంకేతిక రంగాలకు చెందిన కీలక శాఖల్లోనూ ఖాళీలు ఉన్నాయి. అణుశక్తి శాఖలో 37,250 పోస్టులకు గాను 27,016 మంది మాత్రమే పనిచేస్తుండగా 10,234 పోస్టులు ఖాళీగా ఉన్నాయి. అంతరిక్ష శాఖలో 19,200 పోస్టులకు గాను 15,074 మంది పనిచేస్తున్నారు. దీంతో 4,126 పోస్టులు ఖాళీగా ఉన్నాయి. ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖలో కూడా 1,681 పోస్టులు ఖాళీగా ఉన్నాయి.దేశ అత్యున్నత పరిపాలనా కార్యాలయాల్లోనూ ఖాళీలు ఉండటం గమనార్హం. రాష్ట్రపతి సచివాలయంలో 803 పోస్టులు మంజూరై ఉండగా 516 మంది మాత్రమే పనిచేస్తున్నారు. దీంతో 287 పోస్టులు, అంటే 35.74 శాతం ఖాళీగా ఉన్నాయి. ఇక ప్రధానమంత్రి కార్యాలయంలో (PMO) 441 పోస్టులకు గాను 315 మంది మాత్రమే పనిచేస్తున్నారు. దీంతో 126 పోస్టులు, అంటే 28.57 శాతం ఖాళీగా ఉన్నాయి.ఈ భారీ ఖాళీలపై ఆర్టీఐ కార్యకర్త చంద్రశేఖర్ గౌర్ ఆందోళన వ్యక్తం చేశారు. దేశంలో నిరుద్యోగం, ప్రభుత్వ ఉద్యోగాల కోసం పోటీ పెరుగుతున్న సమయంలో ఇంత పెద్ద సంఖ్యలో పోస్టులు ఖాళీగా ఉండటం ఆందోళనకరమని పేర్కొన్నారు. యువతకు ఉపాధి కల్పించడంతో పాటు ప్రభుత్వ శాఖల పనితీరు మెరుగుపడేందుకు ఈ ఖాళీలను అత్యంత ప్రాధాన్యతతో, మిషన్‌ మోడ్‌లో భర్తీ చేయాలని ఆయన ప్రభుత్వాన్ని కోరారు.

లక్నో: ఉత్తరప్రదేశ్ గోరఖ్‌పూర్‌లో ఇండిగో విమానానికి పెను ప్రమాదం తప్పింది. 178 మంది ప్రయాణికులు, సిబ్బందితో ఢిల్లీ నుంచి గోరఖ్‌పూర్ వెళ్తున్న ఇండిగో ఫ్లైట్ 6E 2381 ల్యాండింగ్ సమయంలో విమానం వెనుక భాగం రన్‌వేను తాకింది. దీంతో వెంటనే అప్రమత్తమైన ఫైలట్‌ వెంటనే గో-అరౌండ్ చేసి విమానాన్ని మళ్లీ గాల్లోకి తీసుకెళ్లడంతో పెనుప్రమాదం తప్పింది. అనంతరం ఎయిర్ ట్రాఫిక్ కంట్రోల్ (ATC) నుంచి అనుమతి తీసుకుని కొద్దిసేపటి తర్వాత విమానాన్ని రెండో ప్రయత్నంలో సురక్షితంగా విమానాశ్రయంలో ల్యాండ్ చేశారు. దీంతో పెను ప్రమాదం తప్పింది. విమానం ల్యాండ్ అయిన తర్వాత నిర్వహించిన సాధారణ తనిఖీల్లో దాని వెనుక భాగంలోని ఆక్సిలరీ పవర్ యూనిట్ (APU) సమీపంలో గీతలు, రాపిడి గుర్తులు కనిపించాయి. దీంతో విమానాన్ని తాత్కాలికంగా సేవల నుంచి తొలగించారు.ప్రస్తుతం విమానంపై సాంకేతిక తనిఖీలు, మరమ్మతులు జరుగుతున్నాయని అవసరమైన సాంకేతిక అనుమతులు లభించిన తర్వాత మాత్రమే విమానాన్ని తిరిగి కార్యకలాపాల్లోకి తీసుకురానున్నట్లు ఇండిగో సిబ్బంది ప్రకటించారు. ఈ ప్రభావంతో గోరఖ్‌పూర్ నుంచి ఢిల్లీ వెళ్లాల్సిన ఇండిగో ఫ్లైట్ 6E-5013 సుమారు 5 గంటల 30 నిమిషాలు ఆలస్యంగా బయలుదేరింది. కాగా ఇటీవల ఇండిగో విమానంలో తరచుగా ఇబ్బందులు తలెత్తుతున్నాయి. కోల్‌కతా–చెన్నై 6E-723 విమానంలో ల్యాండింగ్‌కు ముందు ఎడమ ఇంజిన్ పనిచేయకుండా పోయింది. చెన్నైలో ఫుల్ ఎమర్జెన్సీ ప్రకటించగా, 224 మంది ఉన్న విమానం ఒక ఇంజిన్‌తో సురక్షితంగా ల్యాండ్ అయింది.ఆగస్టు 13న భువనేశ్వర్–కోల్‌కతా ఇండిగో విమానంలో ప్రయాణికులు ఎక్కుతున్న సమయంలో పైలట్ సాంకేతిక సమస్యను గుర్తించారు. భద్రతా కారణాలతో ఆ విమానాన్ని రద్దు చేశారు. ఇలాంటి ఘటనలు తరుచుగా జరగడం ప్రయాణికులకు ఆందోళన కలిగించే విషయం

ఢిల్లీ: ఆర్ట్ ఆఫ్ లివింగ్ ఫౌండేషన్‌కు సుప్రీంకోర్టులో భారీ ఊరట లభించింది. 2016లో ఢిల్లీలోని యమునా నది వరద మైదానాల్లో నిర్వహించిన ‘వరల్డ్ కల్చర్ ఫెస్టివల్’ కారణంగా పర్యావరణానికి నష్టం జరిగిందన్న ఆరోపణలపై విధించిన రూ.5 కోట్ల జరిమానాను తిరిగి చెల్లించాలని ఆదేశించింది. ఈ కార్యక్రమం వల్ల యమునా నది సున్నితమైన పర్యావరణ వ్యవస్థకు నష్టం జరిగినట్లు నిర్ధారించే ప్రత్యక్ష ఆధారాలు లేవని సుప్రీంకోర్టు స్పష్టం చేసింది. దీంతో ఆర్ట్ ఆఫ్ లివింగ్ ఆధ్వర్యంలోని రిజిస్టర్డ్ పబ్లిక్ చారిటబుల్ ట్రస్ట్ వ్యక్తి వికాస్ కేంద్ర చెల్లించిన రూ.5 కోట్ల మొత్తాన్ని ఢిల్లీ డెవలప్‌మెంట్ అథారిటీ (DDA) తిరిగి చెల్లించాలని ఆదేశించింది. ఈ రోజు శనివారం ఈకేసును విచారించిన సుప్రీంక్రోర్టు కీలక తీర్పు ఇచ్చింది.2017లో ఎన్జీటీ జరిమానా2016 మార్చి 11 నుంచి 13 వరకు ఢిల్లీలో యమునా నది ఒడ్డున ‘వరల్డ్ కల్చర్ ఫెస్టివల్’ నిర్వహించారు. కార్యక్రమం కోసం యమునా వరద మైదానాలను సిద్ధం చేయడం వల్ల పర్యావరణానికి నష్టం జరిగిందని ఆరోపణలు వచ్చాయి. దీంతో ఈ వ్యవహారంపై విచారణ జరిపిన నేషనల్ గ్రీన్ ట్రిబ్యునల్ (NGT) 2017 డిసెంబర్‌లో ఆర్ట్ ఆఫ్ లివింగ్‌ను నష్టానికి బాధ్యులుగా పేర్కొంది. పర్యావరణ నష్టానికి పరిహారంగా రూ.5 కోట్ల జరిమానా చెల్లించాలని ఆదేశించింది. అయితే ఆ కేసుపై విచారణ జరిపిన సుప్రీం కోర్టు తాజాగా ఆ కేసులో ఆర్ట్ ఆఫ్ లివింగ్‌ తప్పిదమేమి లేదని తేల్చింది. పర్యావరణానికి జరిగిన నష్టాన్ని కార్యక్రమంతో నేరుగా అనుసంధానించే ఆధారాలు లేవని కోర్టు పేర్కొంది.DDAపైనాా సుప్రీంకోర్టు ఆగ్రహంఈ సందర్భంగా యమునా వరద మైదానాలను పరిరక్షించడంలో DDA తన బాధ్యతను సక్రమంగా నిర్వర్తించలేదని సుప్రీంకోర్టు వ్యాఖ్యానించింది.అదే సమయంలో, యమునా వరద మైదానాల పునరుద్ధరణకు సంబంధించి NGT ఇచ్చిన ఆదేశాల ప్రకారం చేపట్టిన పనులను DDA కొనసాగించాలని సుప్రీంకోర్టు స్పష్టం చేసింది. ఈ వ్యవహారం చాలా ఏళ్ల పాటు సుప్రీంకోర్టులో ఎన్నో ఏళ్లపాటు న్యాయపోరాటంగా కొనసాగగా తాజా సుప్రీం తీర్పుతో ఆర్ట్‌ ఆఫ్‌ లివింగ్‌ సంస్థకు ఉపశమనం లభించింది. ఆర్ట్ ఆఫ్ లివింగ్ ఫౌండేషన్ వ్యవస్థాపకుడు శ్రీ శ్రీ రవిశంకర్ 1981లో స్థాపించారు.

భారతీయ వాయుసేన (IAF) మాజీ వైస్ చీఫ్ ఎయిర్ మార్షల్ నాగేష్ కపూర్ వివాదాస్పద వ్యాఖ్యలు చేశారు. 2030ల మధ్య నాటికి సర్వీసులోకి రానున్న 'తేజస్ ఎంకే-2' యుద్ధ విమానాలు ఫ్రంట్‌లైన్ పాత్రలో ఆపరేషనల్‌గా అంతగా ఉపయోగపడవని ఆయన స్పష్టం చేశారు .చైనా,పాక్ లు అత్యాధునిక 5,6వ తరగతి యుద్ధ విమానాలను సమకూర్చుకుంటున్న నేపథ్యంలో, కేవలం 4వ తరగతికి చెందిన తేజస్ ఎంకే-2పై భారత్ పూర్తిగా ఆధారపడటం సరికాదని ఆయన అభిప్రాయపడ్డారు. ఈ నేపథ్యంలో స్వదేశీ యుద్ధ విమానాల తయారీ సంస్థ హిందుస్థాన్ ఏరోనాటిక్స్ లిమిటెడ్ (HAL) పనితీరుపై తీవ్ర అసంతృప్తి వ్యక్తం చేశారు. భారత సరిహద్దుల్లో వ్యూహాత్మక సవాళ్లు ఎదురవుతున్న తరుణంలో, హెచ్‌ఏఎల్ (HAL) సంస్థ తీవ్రమైన జాప్యం ప్రదర్శిస్తోందని ఎయిర్ మార్షల్ మండిపడ్డారు. తేజస్ ఎంకే-1ఏ (Tejas Mk-1A) విమానాల సరఫరాలో తీవ్ర ఆలస్యం జరుగుతోందని, అమెరికాకు చెందిన జీఈ ఎఫ్‌404 ఇంజిన్ల డెలివరీలో వైఫల్యం విడిభాగాల అనుసంధాన సమస్యలే దీనికి కారణమని వెల్లడించారు. ఇచ్చిన మాట ప్రకారం నిర్దేశిత సమయానికి విమానాలను అందించడంలో హెచ్‌ఏఎల్ విఫలమవుతోందని, వాయుసేనకు ఉన్న అత్యవసర పరిస్థితి ఆ సంస్థలో కనిపించడం లేదని ఆరోపించారు.తేజస్ ఎంకే-2 మొదటి విమాన ప్రయోగం అనేకసార్లు వాయిదా పడుతూ వచ్చి, ప్రస్తుతం 2027 మధ్యకాలానికి మళ్లింది. ఈ నేపథ్యంలో భారత్ కేవలం స్వదేశీ అభివృద్ధి కోసం దశాబ్దాల పాటు వేచి చూడకుండా, అంతర్జాతీయ భాగస్వామ్యాల వైపు మొగ్గాలని ఎయిర్ మార్షల్ సూచించారు. యూరప్‌కు చెందిన ఎఫ్‌సీఏఎస్ (FCAS) లేదా జీసీఏపీ (GCAP) వంటి ప్రతిష్టాత్మక 6వ తరగతి యుద్ధ విమానాల తయారీ ప్రాజెక్ట్‌లలో భారత్ భాగస్వామి కావాలని ఆయన గట్టిగా వాదించారు.మరోవైపు, భారత్ ఎంతో ప్రతిష్టాత్మకంగా చేపట్టిన తొలి స్వదేశీ స్టెల్త్ ఫైటర్ ప్రాజెక్ట్ 'ఏఎంసీఏ' (AMCA) నుంచి హెచ్‌ఏఎల్ సంస్థను తొలగించడం గమనార్హం. ఆర్థిక, పారిశ్రామిక అర్హతల ప్రాతిపదికన ప్రైవేట్ రంగ కంపెనీలకే ప్రాధాన్యం దక్కింది. టాటా అడ్వాన్స్‌డ్ సిస్టమ్స్, ఎల్&టీ-బీఈఎల్,భారత్ ఫోర్జ్-బీఈఎల్ కన్సార్టియమ్‌లు ఈ ప్రాజెక్ట్ రేసులో ముందుకు దూసుకెళ్లాయి.మొత్తంగా చూస్తే, సరికొత్త సాంకేతికతతో కూడిన 5వ, 6వ తరగతి విమానాలను సమీకరించడంలో భారత్ వేగం పెంచాల్సిన అవసరం ఎంతైనా ఉంది. లేదంటే రాబోయే దశాబ్దాల్లో గగనతల రక్షణ రంగంలో సాంకేతిక అంతరాలు ఏర్పడే ప్రమాదం ఉందని యుద్ధ రంగ నిపుణులు అభిప్రాయపడుతున్నారు.. స్వదేశీ తయారీ అత్యంత కీలకమైనప్పటికీ, కాలానికి తగినట్లుగా వేగంగా స్పందించాల్సిన అవసరం సైతం ఎంతైనా ఉందని పేర్కొంటున్నారు.హిందుస్థాన్ ఏరోనాటిక్స్ లిమిటెడ్‌హిందుస్థాన్ ఏరోనాటిక్స్ లిమిటెడ్ (HAL) అనేది భారత ప్రభుత్వ రక్షణ మంత్రిత్వ శాఖ పరిధిలోని ఏకైక ప్రభుత్వ రంగ విమాన తయారీ సంస్థ.రక్షణ రంగంలో భారతదేశాన్ని స్వయంసమృద్ధ (ఆత్మనిర్భర్) దేశంగా మార్చడానికి, విదేశాలపై ఆధారపడటాన్ని తగ్గించడానికి ప్రభుత్వం ఈ సంస్థ ద్వారా యుద్ధ విమానాలను తయారు చేయిస్తుంది. విదేశాల (రష్యా, ఫ్రాన్స్, అమెరికా వంటి దేశాల) నుండి యుద్ధ విమానాలను భారీ వ్యయంతో కొనుగోలు చేయడం కంటే, దేశీయంగానే సొంత సాంకేతికతను అభివృద్ధి చేసుకోవడం దీని ప్రధాన లక్ష్యం

న్యూఢిల్లీ: భారతీయ జనతా పార్టీ (బీజేపీ) జాతీయ అధ్యక్షుడు నితిన్ నబీన్ నూతనంగా నియమితులైన జాతీయ కార్యవర్గంతో శనివారం ఢిల్లీలోని పార్టీ ప్రధాన కార్యాలయంలో ఉన్నత స్థాయి సమావేశం నిర్వహించారు. పార్టీని క్షేత్రస్థాయిలో బలోపేతం చేయడం, యువతకు మరింత చేరువకావడం తదితర అంశాలపై ఈ భేటీలో ప్రధానంగా చర్చించారు.త్వరలో జరగనున్న ఉత్తరప్రదేశ్, ఉత్తరాఖండ్, పంజాబ్, మణిపూర్, గోవా అసెంబ్లీ ఎన్నికల కార్యాచరణతో పాటు కేంద్ర ప్రభుత్వ సంక్షేమ పథకాలు, అభివృద్ధి కార్యక్రమాలను ప్రజల్లోకి తీసుకెళ్లడంపై నేతలకు దిశానిర్దేశం చేశారు. అత్యంత పిన్న వయస్కుడైన బీజేపీ జాతీయ అధ్యక్షుడిగా నిలిచిన నబీన్.. త్వరలోనే వివిధ రాష్ట్రాల పార్టీ అధ్యక్షులు, ఇన్‌ఛార్జులు, బీజేపీ పాలిత రాష్ట్రాల ముఖ్యమంత్రులతో కూడా వరుస సమావేశాలు నిర్వహించనున్నారు. Delhi: BJP national president Nitin Nabin chaired an introductory meeting with the BJP’s new team of national office-bearers at the party headquarters in Delhi(Source: ANI Picture Service) pic.twitter.com/deDwtFmgNw— ANI (@ANI) August 22, 2026ఇటీవలే ప్రకటించిన 65 మంది సభ్యుల నూతన కార్యవర్గంలో 13 మంది జాతీయ ఉపాధ్యక్షులు, 8 మంది ప్రధాన కార్యదర్శులు ఉన్నారు. ఉపాధ్యక్షులుగా వసుంధర రాజే సింధియా, తీరథ్ సింగ్ రావత్, రామ్ మాధవ్ తదితరులు నియమితులయ్యారు. జాతీయ ప్రధాన కార్యదర్శిగా (సంస్థాగత) బీఎల్‌ సంతోష్ కొనసాగుతుండగా, సంయుక్త ప్రధాన కార్యదర్శులుగా శివప్రకాష్, సౌదాన్ సింగ్ వ్యవహరించనున్నారు. వినోద్ తావ్డే, సునీల్ బన్సల్, బిప్లవ్ కుమార్ దేవ్, స్మృతి ఇరానీ, సతీష్ పూనియా, గజేంద్ర పటేల్, హరీష్ ద్వివేది, సంజయ్ భాటియా ప్రధాన కార్యదర్శులుగా బాధ్యతలు చేపట్టారు.జాతీయ కోశాధికారిగా కేంద్ర మంత్రి పీయూష్ గోయల్ నియమితులయ్యారు. ఐటీ విభాగాధిపతిగా అమిత్ మాల్వియా స్థానంలో దీపక్ మ్హాస్కే, యువమోర్చా అధ్యక్షుడిగా తేజస్వి సూర్య స్థానంలో హేమాంగ్ జోషిని నియమించారు. నూతన కార్యవర్గానికి ప్రధానమంత్రి నరేంద్ర మోదీ ‘ఎక్స్ ’వేదికగా శుభాకాంక్షలు చెబుతూ.. అనుభవం, యువశక్తి కలగలసిన ఈ బృందం ప్రజాసేవలో ముందంజలో ఉంటుందని ఆకాంక్షించారు.ఇది కూడా చదవండి: అమెరికా వీసా రూల్స్ దెబ్బకు భారతీయ జంట విలవిల

శ్రీనగర్‌: జమ్మూకశ్మీర్‌పై భారత్‌లోని అమెరికా రాయభారి కీలక ప్రకటన చేశారు. జమ్మూకశ్మీర్‌ భారత్‌లో అంతర్భాగమని అమెరికా రాయబారి సెర్జియో గోర్‌ స్పష్టం చేశారు. రెండు రోజుల పర్యటనలో భాగంగా ఈ రోజు బుధవారం శ్రీనగర్‌కు వచ్చిన ఆయన జమ్మూకశ్మీర్‌, లద్దాఖ్‌లో పర్యటించారు. ఈ సందర్భంగా అమెరికా ట్రావెల్‌ అడ్వైజరీపై సైతం పలు కీలక వ్యాఖ్యలు చేశారు.ఒమర్‌ అబ్దుల్లాతో జరిగిన సమావేశంపై గోర్‌ మాట్లాడుతూ.. ‘‘ కాశ్మీర్‌ భారత్‌లోని ముఖ్యమైన భాగం. నేను తొలిసారి ఇక్కడికి వచ్చాను. ఇది అద్భుతమైన అందమైన ప్రాంతం మా సమావేశం ఎంతో స్నేహపూర్వకంగా జరిగింది. ఇరు దేశాల మధ్య సంబంధాలను మరింత బలోపేతం చేసేందుకు ఎదురుచూస్తున్నాం’’ అని తెలిపారు. గోర్‌తో జరిగిన భేటీపై ఒమర్‌ అబ్దుల్లా మాట్లాడుతూ.. అమెరికా-భారత్‌ సంబంధాలపై, ముఖ్యంగా జమ్మూకశ్మీర్‌కు సంబంధించిన అంశాలపై చర్చించినట్లు తెలిపారు. ‘‘మాకు చాలా మంచి సమావేశం జరిగింది. ఇరు దేశాల సంబంధాలపై చర్చించే అవకాశం లభించింది. ముఖ్యంగా జమ్మూకశ్మీర్‌కు అమెరికా ఏ విధంగా సహకరించగలదనే అంశంపై మాట్లాడాం. కొన్ని పాత సమస్యలు ఉన్నాయి. వాటిని కాలక్రమంలో పరిష్కరించేందుకు మేము కృషి చేస్తాం. ఈ చర్చలను మరింత ముందుకు తీసుకెళ్లాలని భావిస్తున్నాం’’ అని ఆయన అన్నారు.వాషింగ్టన్‌, న్యూఢిల్లీ, శ్రీనగర్‌ మధ్య ఈ చర్చలు కొనసాగుతాయని ఒమర్‌ అబ్దుల్లా చెప్పారు. ‘‘అమెరికా, జమ్మూకశ్మీర్‌ మధ్య సంబంధాలు రాబోయే సంవత్సరాల్లో మరింత విస్తరించి, బలోపేతం అవుతాయని మేము ఎంతో ఆశాభావంతో ఉన్నాం’’ అని తెలిపారు.అమెరికా ట్రావెల్‌ అడ్వైజరీపై కీలక వ్యాఖ్యలుగోర్‌ పర్యటనలో అత్యంత కీలకమైన అంశాల్లో అమెరికా జారీ చేసిన జమ్మూకశ్మీర్‌ ప్రయాణ హెచ్చరిక సైతం ఒకటి. అమెరికా తన పౌరులకు జారీ చేసే ట్రావెల్‌ అడ్వైజరీలను క్రమం తప్పకుండా సమీక్షిస్తుందని గోర్‌ తెలిపారు. జమ్మూకశ్మీర్‌కు సంబంధించిన ప్రస్తుత ప్రయాణ హెచ్చరికను కూడా పునఃపరిశీలించే అవకాశం ఉందని ఆయన సూచించారు.కాశ్మీర్‌ లోయలో భద్రతా పరిస్థితులు మెరుగుపడుతున్నాయని ప్రశంసించిన గోర్‌.. ట్రావెల్‌ అడ్వైజరీని మార్చడంపై తాను ప్రస్తుతం ఎలాంటి ‘‘పెద్ద ప్రకటన’’ చేయలేనని స్పష్టం చేశారు. అయితే దానిని తగ్గించే అంశాన్ని అమెరికా ప్రభుత్వం పరిశీలించవచ్చని చెప్పారు.‘‘ఈ ప్రాంతాన్ని మరింత సురక్షితంగా, భద్రంగా మార్చేందుకు న్యూఢిల్లీ, ఇక్కడి ముఖ్యమంత్రి, జమ్మూకశ్మీర్‌ ప్రభుత్వం కొన్ని అద్భుతమైన చర్యలు తీసుకున్నాయని మేము భావిస్తున్నాం. అందువల్ల అమెరికా తన పౌరులకు జారీ చేసిన ప్రయాణ హెచ్చరికను తగ్గించాల్సిన అవసరం ఉందా అనే విషయాన్ని మేము పరిశీలిస్తాం’’ అని గోర్‌ తెలిపారు.‘‘ఇది ఎంతో అందమైన ప్రాంతం. చాలా మంది అమెరికన్లు ఇక్కడికి వచ్చి ఈ ప్రాంత అందాలను ఆస్వాదిస్తారని నేను భావిస్తున్నాను’’ అని ఆయన అన్నారు.ప్రస్తుతం అమెరికా ట్రావెల్‌ అడ్వైజరీలో ఎలాంటి మార్పును అధికారికంగా ప్రకటించలేదు. అయితే గోర్‌ వ్యాఖ్యలు మాత్రం ఈ అంశాన్ని వాషింగ్టన్‌ పరిశీలిస్తున్నట్లు సూచిస్తున్నాయి. జమ్మూకశ్మీర్‌ ప్రభుత్వం అంతర్జాతీయ పర్యాటకులను ఆకర్షించేందుకు ప్రయత్నిస్తున్న నేపథ్యంలో అమెరికా ప్రయాణ హెచ్చరికను సడలిస్తే కాశ్మీర్‌ పర్యాటక రంగానికి మరింత ఊతం లభించే అవకాశం ఉంది.గతంలోనూ అమెరికా దౌత్యవేత్తలు జమ్మూకశ్మీర్‌ను సందర్శించారు. ముఖ్యంగా 2024 జమ్మూకశ్మీర్‌ అసెంబ్లీ ఎన్నికలకు ముందు రాజకీయపరమైన కార్యక్రమాల సందర్భంగా అమెరికా దౌత్యవర్గాలు ఈ ప్రాంతంలో పర్యటించాయి. అయితే గోర్‌ చేసిన తాజా వ్యాఖ్యలు ప్రత్యేక ప్రాధాన్యం సంతరించుకున్నాయి. జమ్మూకశ్మీర్‌ను ‘‘భారత్‌లో ముఖ్యమైన భాగం’’గా ఆయన పేర్కొనడం, అదే సమయంలో అమెరికా ట్రావెల్‌ అడ్వైజరీని తగ్గించే అంశాన్ని పరిశీలిస్తామని చెప్పడం న్యూఢిల్లీతో పాటు శ్రీనగర్‌లోనూ చర్చనీయాంశంగా మారింది.ఆపరేషన్‌ సిందూర్‌ తర్వాత జమ్మూకశ్మీర్‌లో గోర్‌ పర్యటించడం ఇదే తొలిసారి. ఆయన అమెరికా రాయబారిగా మాత్రమే కాకుండా.. అధ్యక్షుడు డొనాల్డ్‌ ట్రంప్‌ దక్షిణ, మధ్య ఆసియా వ్యవహారాల ప్రత్యేక ప్రతినిధిగానూ వ్యవహరిస్తున్నారు. ఈ నేపథ్యంలో ఆయన పర్యటనకు ప్రాధాన్యం ఏర్పడింది. ప్రాంతీయంగా వ్యూహాత్మక పరిణామాలు వేగంగా మారుతున్న సమయంలో అమెరికా నుంచి జమ్మూకశ్మీర్‌కు ఉన్నతస్థాయి దౌత్యపరమైన పర్యటన జరగడం ప్రాధాన్యంగా మారింది.గతంలో పలుమార్లు వివాదాస్పదంగాకాగా గతంలో పలుమార్లు అమెరికా జమ్ముకశ్మీర్‌ విషయంలో వివాదాస్పదంగా వ్యాఖ్యానించింది. 2003లో అమెరికా స్టేట్‌ డిపార్ట్‌మెంట్‌ అధికారిక మార్గదర్శకాల్లో కశ్మీర్‌ ప్రాంతం భారత్‌, పాకిస్థాన్‌, చైనా ఆధీనంలోని ప్రాంతాలతో కూడిన “disputed region” అని పేర్కొంది. 2019లో ఆర్టికల్‌ 370 రద్దు తర్వాత కూడా అమెరికా తన విధానంలో ఎలాంటి మార్పు లేదని, భారత్‌, పాకిస్థాన్‌ కశ్మీర్‌పై నేరుగా చర్చించుకోవాలని చెప్పింది. 2021లోనూ బైడెన్‌ ప్రభుత్వం ఇదే వైఖరిని కొనసాగిస్తూ కు మద్దతు ఇస్తున్నట్లు తెలిపింది. ఈనేపథ్యంలో ప్రస్తుతం సెర్గియో గోర్‌ ఈవిధంగా వ్యాఖ్యానించడం గమనార్హం.

భోపాల్‌: ఇటీవల కాలంలో జెన్‌-జీ ఉద్యమం దేశవ్యాప్తంగా ఎంత ప్రాముఖ్యత సంపాదించిందో తెలిసిందే. నీట్‌ పేపర్‌ లీకేజ్‌కు వ్యతిరేకంగా జరిగిన ఈ ఉద్యమం కేంద్ర విద్యాశాఖ మంత్రి ధర్మేంద్రప్రధాన్ రాజీనామాతో ముగిసింది. అయితే జెన్‌-జీ యువతకున్న పవరేంటో ఈ ప్రొటెస్ట్‌తో దేశం మెుత్తం తెలిసింది. కాగా ఇప్పుడు తాజాగా వారి తర్వాత తరం జెన్‌ అల్పా ఉద్యమ బాట పట్టారు. భోపాల్‌లోని తమ స్కూల్‌ విలీనానికి నిరసనగా రోడ్లెక్కారు.భోపాల్‌లోని రీజినల్ స్కూల్‌ ‘జెన్ ఆల్ఫా’ ఈ రోజు (బుధవారం) విద్యార్థులు నిరసనకు దిగారు. డెమాన్‌స్ట్రేషన్ మల్టీపర్పస్ స్కూల్‌ (DMS)లను కేంద్రీయ విద్యాలయ సంగఠన్‌ (KVS)లో విలీనం చేయాలన్న ప్రతిపాదనను వ్యతిరేకిస్తూ పాఠశాల ఎదుట ఆందోళన నిర్వహించారు. ఈ సందర్భంగా విద్యార్థులు పెద్ద ఎత్తున నినాదాలు చేస్తూ విలీన నిర్ణయాన్ని వెనక్కి తీసుకోవాలని డిమాండ్ చేశారు. ఈ విలీనంతో తమ విద్యాసంస్థకు ఉన్న ప్రత్యేక గుర్తింపు, విద్యా ప్రయోగాల లక్ష్యం దెబ్బతినే అవకాశం ఉందని వారు ఆందోళన వ్యక్తం చేశారు.DMS స్కూల్స్ అంటే ఏమిటి?డెమాన్‌స్ట్రేషన్ మల్టీపర్పస్ స్కూల్స్‌ను రీజినల్ స్కూల్స్‌గానూ పిలుస్తారు. ఇవి 1965 డిసెంబర్‌ నుంచి నేషనల్ కౌన్సిల్ ఆఫ్ ఎడ్యుకేషనల్ రీసెర్చ్ అండ్ ట్రైనింగ్‌ (NCERT) ఆధ్వర్యంలో కొనసాగుతున్నాయి. భోపాల్, అజ్మీర్, మైసూరు, భువనేశ్వర్‌ నగరాల్లో ఈ ప్రయోగాత్మక పాఠశాలలను ఏర్పాటు చేశారు. కొత్త బోధనా పద్ధతులను అభివృద్ధి చేయడం, విద్యారంగంలో వినూత్న విధానాలను ప్రయోగించడం, వాటి ఫలితాలను పరిశీలించడం ఈ పాఠశాలల ప్రధాన ఉద్దేశంగా ఉంది.ఈ పాఠశాలలను KVSలో విలీనం చేయడం వల్ల వాటి ప్రత్యేక విద్యా విధానం, ప్రయోగాత్మక స్వభావం దెబ్బతినే ప్రమాదం ఉందని విద్యార్థులు, పాఠశాలతో సంబంధం ఉన్న సభ్యులు పేర్కొన్నారు. పరిపాలనా వ్యవస్థ మారితే విద్యా ప్రయోగాలు, పరిశోధనలకు ఇబ్బందులు ఎదురయ్యే అవకాశం ఉందన్నారు. నిరసన అనంతరం విద్యార్థులు తమ అభ్యంతరాలు, డిమాండ్లతో కూడిన వినతిపత్రాన్ని రీజినల్ కాలేజీ ప్రిన్సిపాల్‌ ప్రొఫెసర్‌ ఎస్‌.కే. గుప్తాకు సమర్పించారు. విలీన నిర్ణయాన్ని తక్షణమే ఉపసంహరించుకోవాలని కోరారు.తమ డిమాండ్లపై అధికారులు త్వరగా స్పందించకపోతే ఆందోళనను దశలవారీగా తీవ్రతరం చేస్తామని విద్యార్థులు హెచ్చరించారు. శాంతియుత నిరసనలు కొనసాగించడంతో పాటు సంబంధిత అధికారులు, శాఖల దృష్టికి తమ సమస్యను తీసుకెళ్తామని స్పష్టం చేశారు. ప్రయోగాత్మక విద్యా కేంద్రాలుగా ఉన్న ఈ సంస్థలను మరింత బలోపేతం చేయాలని, వాటి అసలు లక్ష్యాన్ని కొనసాగించాలని డిమాండ్ చేశారు. భోపాల్‌లో ప్రారంభమైన ఈ నిరసన.. రీజినల్ స్కూల్స్‌ను KVSలో విలీనం చేసే ప్రతిపాదనపై విద్యార్థుల నుంచి వస్తున్న తొలి బహిరంగ వ్యతిరేకతగా నిలిచింది.भोपाल में ‘Gen Alpha Protest’! Regional School को केंद्रीय विद्यालय में मर्ज करने के प्रस्ताव के खिलाफ 300 से ज्यादा छात्र सड़क पर उतरे, बोले—“Save DMS” #GenAlpha #Bhopal #KhabarMirror pic.twitter.com/e7F4rH4sWY— Khabar Mirror (@KhabarMirror) August 19, 2026

చెన్నై: తమిళనాడులో సీఎం కార్యాలయ మార్పు రాజకీయంగా తీవ్ర దుమారం రేపుతోంది. ఇటీవల ముఖ్యమంత్రి సి.జోసెఫ్ విజయ్‌ కొత్త కార్యాలయానికి మారాలన్న నిర్ణయం కొత్త రాజకీయ వివాదానికి దారితీసింది. ముఖ్యమంత్రి కార్యాలయాన్ని చెన్నైలోని ఫోర్ట్‌ సెయింట్‌ జార్జ్‌ నుంచి నామక్కల్‌ కవింగర్‌ మాలిగైకి మార్చేందుకు ప్రభుత్వం చర్యలు చేపట్టింది. అయితే ఈ టెండర్ల ప్రక్రియలో అవకతవకలు జరిగాయని బీజేపీ నాయకులు ఆరోపిస్తున్నారు.బీజేపీ నేత సీఆర్‌ కేశవన్‌ ఈ అంశంపై స్పందిస్తూ.. కొత్త టీవీకే ప్రభుత్వం ప్రభుత్వ టెండర్ల ప్రక్రియలో పారదర్శకత తీసుకొస్తామని పదేపదే చెబుతోందని, అయితే కొత్త ముఖ్యమంత్రి కార్యాలయానికి సంబంధించిన టెండర్‌ ప్రక్రియలో అనేక అవకతవకలు జరిగినట్లు ప్రముఖ దినపత్రికలో వచ్చిన కథనం వెల్లడించిందని అన్నారు. ఆయన మాట్లాడుతూ "టెండర్‌ విలువ సుమారు రూ.5.5 కోట్లు. టెండర్‌ ప్రక్రియలో అనేక అక్రమాలు జరిగినట్లు వార్తా కథనాలు పేర్కొంటున్నాయి. టీవీకే ప్రభుత్వం అధికారంలోకి వచ్చి కేవలం 100 రోజులు మాత్రమే అయ్యింది. అప్పుడే ప్రభుత్వం ఈ ఆరోపణలతో పరిశీలనకు గురవుతోంది. అయితే, టెండర్‌లో అవకతవకలు ఉన్నాయని ఒక ఆంగ్ల దినపత్రికలో కథనం వచ్చింది. టెండర్‌ను ఆన్‌లైన్‌లో కూడా ఆహ్వానించలేదని అందులో పేర్కొన్నారు. ప్రభుత్వం దీనిపై వివరణ ఇవ్వాలి" అని కేశవన్‌ అన్నారు.అయితే ఈ ఆరోపణలు మంత్రి, టీవీకే నేత ఆధవ్‌ అర్జున ఖండించారు. టెండర్‌ ప్రక్రియలో అక్రమాలు జరిగాయన్న వార్తలు పూర్తిగా అవాస్తవమని ఆయన స్పష్టం చేశారు.ముఖ్యమంత్రి విజయ్‌ తన కోసం మాత్రమే సౌకర్యవంతమైన కార్యాలయం కోరుకోవడం లేదని, తనతో కలిసి పనిచేసే అధికారులు, సిబ్బందికి కూడా మెరుగైన పని వాతావరణం ఉండాలనే ఉద్దేశంతోనే కార్యాలయాన్ని తాత్కాలికంగా మార్చాలని నిర్ణయించారని చెప్పారు.ప్రస్తుతం ముఖ్యమంత్రి కార్యాలయంలో అధికారులు, సిబ్బంది పనిచేస్తున్న ప్రదేశం 100 చదరపు అడుగుల కంటే కూడా తక్కువగా ఉందని ఆధవ్‌ అర్జున తెలిపారు. అందుకే తాత్కాలికంగా కార్యాలయాన్ని మరో భవనానికి మార్చే ప్రణాళిక రూపొందించామని చెప్పారు.ముఖ్యమంత్రి విజయ్‌ చాలా సాధారణంగా, సౌకర్యాలకు పెద్దగా ప్రాధాన్యం ఇవ్వకుండా పనిచేసే వ్యక్తి అని ఆయన అన్నారు. ఎన్నికల ప్రచార సమయంలో కూడా సాధారణ హోటల్‌లో లేదా వ్యాన్‌లో విశ్రాంతి తీసుకోవడానికి ఆయన సిద్ధంగా ఉండేవారని పేర్కొన్నారు.టెండర్‌ ప్రక్రియలో పూర్తిస్థాయి పారదర్శకత ఉండేలా చూస్తామని మంత్రి హామీ ఇచ్చారు. ప్రభుత్వ ఖజానాకు ఎలాంటి నష్టం జరగకుండా చర్యలు తీసుకుంటామని, ఎలాంటి బినామీ కంపెనీలను ఉపయోగించబోమని ఆయన స్పష్టం చేశారు.

సాక్షి, ఢిల్లీ: పీఎం కేర్ ఫండ్‌ వివరాలపై కేంద్రం కీలక ప్రకటన చేసింది. పీఎం కేర్‌ ఫండ్స్‌లో ప్రస్తుతం రూ. 8,452 కోట్లు ఉన్నట్లు ప్రకటించింది. ఆ నిధులన్నీ FDల రూపంలో ఉన్నాయని తెలిపింది.ఇప్పుడు కరోనా లేనందున ఖర్చులు దాదాపు ఆగిపోయాయి. కేవలం కరోనా వల్ల తల్లిదండ్రులను కోల్పోయిన పిల్లల సహాయం కోసం మాత్రమే కొద్దిగా ఖర్చు చేస్తున్నారు.కరోనా మహమ్మారి సమయంలో కేంద్ర ప్రభుత్వం మార్చి 27, 2020న ప్రత్యేకంగా 'పీఎం కేర్స్ ఫండ్' పేరుతో పబ్లిక్ చారిటబుల్ ట్రస్ట్‌ను ఏర్పాటు చేసింది. కరోనా వంటి అత్యవసర పరిస్థితులను ఎదుర్కొనేందుకు మరియు బాధితులకు సహాయం అందించేందుకు ఈ నిధిని సృష్టించారు. దీని ద్వారా కరోనా సమయంలో తల్లిదండ్రులను కోల్పోయిన పిల్లల పేరుమీద బ్యాంకులో ప్రత్యేకంగా రూ. 10 లక్షల కార్పస్ ఫండ్ డిపాజిట్ చేస్తారు.18 ఏళ్లు నిండిన తర్వాత వారికి రూ. 10 లక్షల నుండి ప్రతి నెలా కొంత చొప్పున స్టైపెండ్ (నెలవారీ ఖర్చులు) ఇస్తారు. 23 ఏళ్లు నిండిన తర్వాత మొత్తం రూ. 10 లక్షల సొమ్మును ఒకేసారి వారి చేతికి అందిస్తారు. అర్హులైన అనాథ పిల్లలను గుర్తించి, వారి పేరు మీద కేంద్ర ప్రభుత్వమే ఈ రూ. 10 లక్షల ఫిక్స్‌డ్ డిపాజిట్ బాండ్లను/పాస్‌బుక్‌లను అందజేస్తుంది.

సాక్షి, ఢిల్లీ: ఇటీవల కాంగ్రెస్‌ అగ్రనాయకులు సోనియాగాంధీ జాతీయగేయం వందేమాతరాన్ని పూర్తిగా ఆలపించకుండా అడ్డుకునేందుకు ప్రయత్నించారంటూ వివాదం చెలరేగింది. తాజాగా దీనిపై కాంగ్రెస్‌ అధ్యక్షుడు మల్లికార్జున ఖర్గే తీవ్రంగా స్పందించారు. తాము పాడిన వందేమాతరం గతంలో మహాత్మా గాంధీ, జవహర్‌లాల్‌ నెహ్రూ, మాజీ ప్రధాని అటల్‌ బిహారీ వాజ్‌పేయి పాడినదేనని ఆయన స్పష్టం చేశారు. అది నేరమైతే మహాత్మా గాంధీ, నెహ్రూలపైనా కేసులు పెట్టాలని సంచలన వ్యాఖ్యలు చేశారు.స్వాతంత్య్ర దినోత్సవం సందర్భంగా శనివారం ఢిల్లీలోని కాంగ్రెస్‌ ప్రధాన కార్యాలయంలో ఖర్గే జాతీయ పతాకాన్ని ఆవిష్కరించిన అనంతరం వందేమాతరం ఆలాపన జరిగింది. అయితే గాయకులు వందేమాతరంలోని పూర్తి వెర్షన్‌ను ఆలపిస్తుండగా సోనియా గాంధీ ఖర్గే వైపు సైగ చేసి, అనంతరం గాయకులకు కూడా ఏదో చెప్పినట్లు కనిపించిందని బీజేపీ ఆరోపించింది. ఆమె వందేమాతరం పూర్తి ఆలాపనను ఆపించేందుకు ప్రయత్నించారని బీజేపీ నేతలు విమర్శించారు.అయితే కాంగ్రెస్‌ ఈ ఆరోపణలను ఖండించింది. ఖర్గే చాలాసేపు నిల్చోవడంతో ఆయనకు కుర్చీ ఏర్పాటు చేయాలని సోనియా గాంధీ నిర్వాహకులకు సైగ చేశారని కాంగ్రెస్‌ నేత ఉదిత్‌ రాజ్‌ తెలిపారు. వందేమాతరం గీతాన్ని ఆపాలని ఆమె ఎలాంటి సూచన చేయలేదని స్పష్టం చేశారు. ఖర్గే ఆరోగ్యం బాగోలేదని, ఎక్కువసేపు నిల్చోలేరని ఆయన పేర్కొన్నారు.ఈ వ్యవహారంపై సోమవారం సోనియా గాంధీ, రాహుల్‌ గాంధీలపై ఢిల్లీ పోలీసులకు ఫిర్యాదు నమోదైంది. వందేమాతరం గీతాలాపనను అడ్డుకునేందుకు ఉద్దేశపూర్వకంగా ప్రయత్నించారంటూ వారిపై ఎఫ్‌ఐఆర్‌ నమోదు చేయాలని ఫిర్యాదుదారు కోరారు. తాజాగా దీనిపై ఏఐసీసీ అధ్యక్షుడు మల్లికార్జున్‌ ఖర్గే తీవ్రంగా స్పందించారు. ఖర్గే మాట్లాడుతూ.. ‘‘మేము పాడిన వందేమాతరం మహాత్మా గాంధీ పాడినదే. జవహర్‌లాల్‌ నెహ్రూ పాడినదే. గత 18 ఏళ్లుగా మేము అదే వందేమాతరాన్ని పాడుతున్నాం. వాజ్‌పేయి ప్రభుత్వ హయాంలోనూ ఇదే పాడారు. ప్రధానమంత్రి నరేంద్ర మోదీ గుజరాత్‌ ముఖ్యమంత్రిగా 12 ఏళ్లపాటు ఇదే వందేమాతరం పాడారు’’ అని అన్నారు.‘‘మేము చేసినదే నేరమైతే.. గత 18 ఏళ్లుగా ఇదే నేరం జరుగుతున్నట్లే. అదే నేరమైతే మహాత్మా గాంధీపై కేసు పెట్టండి. నెహ్రూపైనా కేసు పెట్టండి’’ అని ఖర్గే వ్యాఖ్యానించారు. జాతీయ గీతాలు, జాతీయ గీతాలాపనకు సంబంధించి కాంగ్రెస్‌ పార్టీ అనేక దశాబ్దాల క్రితమే తీర్మానం చేసిందని, ప్రస్తుతం విమర్శలు చేస్తున్న వారిలో చాలామంది పుట్టకముందే కాంగ్రెస్‌ ఈ అంశంపై నిర్ణయం తీసుకుందని ఆయన పేర్కొన్నారు.ఇదిలా ఉండగా, వందేమాతరం వివాదం మరింత ముదిరింది. సోమవారం గోవాలో జరిగిన కాంగ్రెస్‌ కార్యక్రమంలో ఖర్గే స్వయంగా వందేమాతరాన్ని ఆలపించారు. అయితే ఈసారి గీతంలోని తొలి రెండు చరణాలను మాత్రమే పాడారు. గోవా కాంగ్రెస్‌ సదస్సు ప్రారంభానికి ముందు ఖర్గేతో పాటు ఇతర కాంగ్రెస్‌ నేతలు వందేమాతరం ఆలపించారు.మరోవైపు, ఈ ఏడాది ప్రారంభంలో కేంద్ర ప్రభుత్వం వందేమాతరం గీతాన్ని పూర్తి రూపంలో బహిరంగ సమావేశాలు, పాఠశాలలు, అధికారిక ప్రభుత్వ కార్యక్రమాలు తదితర సందర్భాల్లో ఆలపించడాన్ని తప్పనిసరి చేసింది. అంతేకాకుండా వందేమాతరం ఆలాపనను ఉద్దేశపూర్వకంగా అడ్డుకోవడం, అంతరాయం కలిగించడం లేదా నిలిపివేయడం నేరంగా పరిగణించేలా పార్లమెంట్‌లో బిల్లును కూడా ఆమోదించింది.దీంతో కాంగ్రెస్‌ ప్రధాన కార్యాలయంలో జరిగిన వందేమాతరం ఆలాపనపై బీజేపీ చేసిన ఆరోపణలు, సోనియా గాంధీపై వచ్చిన ఫిర్యాదు, కాంగ్రెస్‌ ఇచ్చిన వివరణలతో ఈ అంశం రాజకీయంగా మరింత వివాదాస్పదంగా మారింది

ఢిల్లీ: ప్రస్తుతం సోషల్‌ మీడియా ప్రాముఖ్యత గురించి ప్రత్యేకించి చెప్పాల్సిన అవసరం లేదు. ఇటీవల దేశంలో జరిగిన జెన్‌జీ ఉద్యమం నుంచి తమిళనాడులో విజయ్‌ వరకూ సోషల్‌ మీడియా ఆదారంగానే తమ ప్రచారాన్ని సాగించారు. ఈ నేపథ్యంలోనే బీజేపీ సైతం కీలక నిర్ణయం తీసుకుంది. గత 11 ఏళ్లుగా సోషల్‌ మీడియా కన్వీనర్‌గా బాధ్యతలు స్వీకరించిన అమిత్ మాల్వీయా స్థానంలో దీపక్ మాస్కేకు బాధ్యతలు అప్పగించింది. త్వరలో కొన్ని రాష్ట్రాలలో ఎన్నికలు జరగనున్న నేపథ్యంలో కీలక నిర్ణయం తీసుకుంది.బీజేపీ జాతీయ అధ్యక్షుడు నితీన్ నబీన్‌ ఈ రోజు కొత్త జాతీయ కార్యవర్గ బృందాన్ని ప్రకటించిన సంగతి తెలిసిందే. బీజేపీ జాతీయ బృందంలో భారీ మార్పులు చేపట్టింది. ఇందులో భాగంగా సోషల్ మీడియా విభాగానికి దీపక్ మాస్కేను కన్వీనర్‌గా నియమించింది. ఆయనకు పృతి గాంధీ, శివానంద్ ద్వివేది, అలోక్ భట్, అరుణ్ యాదవ్‌లు సోషల్ మీడియా కో-కన్వీనర్లుగా నియమించింది. రానున్న ఎన్నికల్లో సోషల్‌ మీడియానే కీలక పాత్ర పోషించనున్న నేపథ్యంలో ఈ నిర్ణయం తీసుకున్నట్లు తెలుస్తోంది.దీపక్ మాస్కే నేపథ్యందీపక్ మాస్కే ఛత్తీస్‌గఢ్‌ రాష్ట్రానికి చెందినవారు. ఇటీవల జరిగిన బీహార్, ఛత్తీస్‌గఢ్, పశ్చిమ బెంగాల్ అసెంబ్లీ ఎన్నికలలో బీజేపీ విజయంలో ఆయన కీలక పాత్ర పోషించారు. ఈ రాష్ట్రాల్లో పార్టీ అద్భుత విజయాలు సాధించడంలో ఆయన వ్యూహాలు తోడ్పడ్డాయి. ఎన్నికల డేటాను సేకరించడం, విశ్లేషించడంలో ఆయనకు మంచి పట్టు ఉంది. ప్రభుత్వ సంక్షేమ పథకాల లబ్ధిదారుల డేటాను విశ్లేషించి, పార్టీని ప్రజల్లోకి బలంగా తీసుకెళ్లడానికి నివేదికలు రూపొందించారు.కమ్యూనికేషన్ వ్యూహానికి అనిల్ బలూనీపార్టీ కమ్యూనికేషన్ విభాగంలో సైతం కీలక మార్పులు చేసింది. మీడియా కోఆర్డినేటర్‌గా అనిల్ బలూనీని నియమించింది. ఆయనకు జాయింట్ కోఆర్డినేటర్లుగా ఆశిష్ ఉషా అగర్వాల్, ప్రదీప్ భండారీ, సిద్ధార్థ్ యాదవ్‌లను నియమంచింది.రాజకీయ పార్టీలు ఓటర్లు, పార్టీ కార్యకర్తలను నేరుగా చేరుకోవడానికి డిజిటల్ వేదికలపై మరింతగా ఆధారపడుతున్న సమయంలో ఈ నియామకాలు జరిగాయి. తాజా బృందంలో అనుభవజ్ఞులైన నాయకులతో పాటు సంస్థాగత, క్షేత్రస్థాయి అనుభవం ఉన్న నేతలకు ప్రాధాన్యం ఇచ్చారు. అదే సమయంలో కొత్త తరం నాయకులకు కూడా కీలక బాధ్యతలు అప్పగించారు.మోదీ అభినందనలునూతనంగా ఏర్పాటైన కార్యవర్గ బృందానికి ప్రధాని మోదీ అభినందనలు తెలిపారు.“కొత్తగా నియమితులైన ఈ బృందంలో సంస్థాగత అనుభవం, శక్తి, క్షేత్రస్థాయి అనుసంధానం కలిసివున్నాయి. పార్టీని మరింత బలోపేతం చేయడంతో పాటు ప్రజాసేవపై దృష్టి సారించడంలో వారు తమ వంతు కృషి చేస్తారని నమ్ముతున్నాను. వారికి నా శుభాకాంక్షలు” అని మోదీ పేర్కొన్నారు.మరోవైపు ఇప్పటివరకు బీజేపీ ఐటీ విభాగానికి సుదీర్ఘకాలంగా సేవలంధించిన అమిత్ మాలవీయ కొత్త బృందానికి అభినందనలు తెలిపారు. సోషల్ మీడియా విభాగం అధిపతిగా తన స్థానంలో దీపక్ మాస్కే బాధ్యతలు స్వీకరించనున్నారని పేర్కొన్నారు.“దీపక్ మాస్కే జీకి ప్రత్యేకంగా అభినందనలు. ఆయన ఇకపై బీజేపీ సోషల్ మీడియా విభాగానికి నాయకత్వం వహించనున్నారు. అలాగే కో-కన్వీనర్లుగా నియమితులైన పృతి గాంధీ, శివానంద్ ద్వివేది, అలోక్ భట్, అరుణ్ యాదవ్‌లకు శుభాకాంక్షలు” అని అమిత్ మాలవీయ తెలిపారు.బీజేపీ నయా టీమ్‌లో పలువురు సీనియర్ నేతలకు ప్రాధాన్యమైన బాధ్యతలు దక్కాయి. రాజస్థాన్ మాజీ ముఖ్యమంత్రి వసుంధర రాజే, మాజీ కేంద్ర మంత్రి స్మృతి ఇరానీ, రామ్ మాధవ్, పీయూష్ గోయల్, బైజయంత్ జయ్ పాండా తదితరులకు కీలక బాధ్యతలు అప్పగించారు. అదే సమయంలో పార్టీ సంస్థాగత వ్యవహారాల్లో కీలక పాత్ర పోషిస్తున్న బీఎల్ సంతోష్‌ను జాతీయ ప్రధాన కార్యదర్శిగా కొనసాగించారు. ఆయనకు సహాయంగా శివప్రకాశ్, సౌదాన్ సింగ్‌లను జాతీయ సంయుక్త ప్రధాన కార్యదర్శులుగా నియమించారు.

సాక్షి, ఢిల్లీ: ఆదాయానికి మించి ఆస్తుల కేసులో లోక్‌సభ ప్రతిపక్ష నేత రాహుల్‌ గాంధీకి ఊరట లభించింది. తదుపరి ఉత్తర్వులు వెలువడే వరకు హైకోర్టు విచారణను కొనసాగించవద్దని అలహాబాద్‌ కోర్టుకు.. సుప్రీంకోర్టు ఆదేశాలు జారీ చేసింది.. సీబీఐ, ఈడీలు హైకోర్టుకు ఎలాంటి నివేదిక సమర్పించరాదని తెలిపింది. ఈ కేసును విచారించిన సీజేఐ జస్టిస్ సూర్యకాంత్, జస్టిస్ జయమాల్య బాగ్చి, జస్టిస్ వి. మోహన్‌లతో కూడిన ధర్మాసనం ఈ తీర్పు ఇ‍చ్చింది.ఆదాయానికి మించి ఆస్తుల కేసులో రాహుల్ గాంధీపై నమోదైన పిటిషన్‌ను విచారించిన అలహాబాద్ హైకోర్టు ధర్మాసనం, ఈ ఆరోపణలపై సీబీఐ (CBI), ఎన్‌ఫోర్స్‌మెంట్ డైరెక్టరేట్ (ED) దర్యాప్తు జరపాలని ఆదేశించింది. దర్యాప్తు పురోగతికి సంబంధించి నివేదికలు సమర్పించాలని, ఈడీ కూడా తగిన చర్యలు తీసుకోవచ్చని పేర్కొంది. తాజాగా ఈ కేసుపై విచారణ జరిపిన సుప్రీంకోర్టు ఆ విచారణను నిలిపివేయాలని ఆదేశించింది. ఈ వ్యవహారంలో ఆరోపణలు అంత తీవ్రమైనవి అయితే మీ ఏజెన్సీలు ఇప్పటివరకు ఎందుకు మౌనంగా ఉన్నాయని ధర్మాసనం నిలదీసింది. "కోర్టు నుంచి ఆదేశాలు రావాల్సిందేనా? మీ అంతట మీరుగా సుమోటోగా ఎలాంటి చర్యలు తీసుకోలేదా?" అని జస్టిస్ బాగ్చి దర్యాప్తు అధికారులను ప్రశ్నించారు.కోర్టులో ఇరు పక్షాల వాదనలు.. రాహుల్ గాంధీ తరఫున సీనియర్ న్యాయవాది కపిల్ సిబల్ వాదనలు వినిపిస్తూ.. పిటిషనర్ విఘ్నేష్ శిశిర్‌కు ఈ కేసులో పిటిషన్ దాఖలు చేసే అర్హత లేదని ప్రశ్నించారు. ఇది చట్టబద్ధత లేని, పూర్తిగా కక్షసాధింపు చర్య అని, పిటిషనర్ పదేపదే ఇలాంటి ప్రయత్నాలు చేస్తున్నారని కోర్టుకు తెలిపారు. సీబీఐ కేవలం ఫిర్యాదును ధృవీకరించడం మించి ఏమీ చేయలేదని ఆయన పేర్కొన్నారు.కేంద్ర దర్యాప్తు సంస్థల తరఫున హాజరైన అదనపు సొలిసిటర్ జనరల్ (ASG) ఎస్.వి. రాజు వాదిస్తూ.. ఇప్పటివరకు ఈ కేసులో తమ పాత్రేమీ లేదని, ఒకవేళ ఫిర్యాదులో గమనించదగ్గ నేరాలు ఉన్నట్లు తేలితే అది చాలా తీవ్రమైన విషయమవుతుందని తెలిపారు. కాగా, రాహుల్ గాంధీపై వచ్చిన అక్రమాస్తుల ఆరోపణలను ధృవీకరించాలని సీబీఐ, ఈడీలను ఆదేశిస్తూ అలహాబాద్ హైకోర్టు లక్నో బెంచ్ జూలై 20న ఉత్తర్వులు జారీ చేయడం తెలిసిందే. సీబీఐ సమర్పించిన అఫిడవిట్‌లపై అసంతృప్తి వ్యక్తం చేసిన హైకోర్టు, దీనిపై వ్యక్తిగతంగా మరో అఫిడవిట్ దాఖలు చేయాలని ఆదేశించింది. ఈ హైకోర్టు ఉత్తర్వులను సవాల్ చేస్తూ రాహుల్ గాంధీ సుప్రీంకోర్టును ఆశ్రయించగా ప్రస్తుతానికి ఆయనకు ఊరట లభించింది.

పాట్నా: బీహార్‌లోని గయా జిల్లాలో విషాద ఘటన చోటుచేసుకుంది. బావిలోని మోటార్‌ను రిపేర్ చేయడానికి బావిలోకి దిగి విషవాయువులు పీల్చి తాత, తండ్రి, మనువలు చనిపోయారు. ఈ విషాద ఘటన నిన్న (శుక్రవారం) గయా జిల్లా డోభీ పోలీస్ స్టేషన్ పరిధిలోని గర్ కర్మౌనీ గ్రామంలో జరిగింది.వివరాల్లోకి వెళితే.. బావిలో మోటార్‌ను మరమ్మతు కోసం తండ్రి, కుమారుడు సహా చమారీ మాంఝీ, ఆయన కుమారులు దిల్‌చంద్ మాంఝీ, వికాస్ చౌదరి, విజయ్ చౌదరి అందులోకి దిగారు. ఈ క్రమంలో మోటార్‌ను మరమ్మతు చేస్తుండగా విషవాయువులు విడుదలయ్యాయి దీంతో ఊపిరాడక వారు మృతి చెందారు. వివరాలు తెలుసుకున్న పోలీసులు అక్కడికి చేరుకొని విచారణ చేపట్టారు.ఈ విషయమై గయా జిల్లా ఎస్‌ఎస్‌పీ సుశీల్ కుమార్ మాట్లాడుతూ, "బావిలో విషవాయువు కారణంగా ఊపిరాడక నలుగురు మృతి చెందినట్లు ప్రాథమిక సమాచారం వెల్లడిస్తుంది.పోలీసులు బావిలో నుంచి నలుగురి మృతదేహాలను వెలికితీశారు. ఘటనపై అధికారులు దర్యాప్తు చేపట్టారు. బావి వంటి మూసివున్న ప్రదేశాల్లో ప్రమాదకర వాయువులు పేరుకుపోయి ఉండే అవకాశం ఉండటంతో, సరైన భద్రతా చర్యలు లేకుండా లోపలికి వెళ్లడం ప్రమాదకరం" అని అన్నారు.ఈ ఘటనపై బీహార్ ముఖ్యమంత్రి సమ్రాట్ చౌదరి తీవ్ర విచారం వ్యక్తం చేశారు. గయాజీలో బావిలో విషవాయువుకు గురై నలుగురు మృతి చెందిన వార్త ఎంతో బాధాకరంగా ఉందని, మృతుల కుటుంబాలకు ప్రగాఢ సానుభూతి తెలిపారు. మృతుల కుటుంబాలకు తక్షణమే ఒక్కొక్కరికి రూ.4 లక్షల చొప్పున ఎక్స్‌గ్రేషియా అందించాలని సంబంధిత అధికారులను ఆదేశించారు. బాధిత కుటుంబాలకు అవసరమైన అన్ని రకాల సహాయ సహకారాలు అందించాలని అధికారులను ఆదేశించారు.

ఢిల్లీ: భారత దేశ 80వ స్వాతంత్ర్య దినోత్సవ వేడుకల వేళ ఢిల్లీలోని ఎర్రకోటపై సరికొత్త చరిత్ర ఆవిష్కృతమైంది. ప్రధానమంత్రి నరేంద్ర మోదీ నేతృత్వంలో జరిగిన స్వాతంత్ర్య దినోత్సవ వేడుకల్లో తొలిసారిగా జాతీయ గేయం ‘వందే మాతరం’ను పూర్తిస్థాయిలో ఆలపించారు. అనంతరం సంప్రదాయబద్ధంగా జాతీయ గీతం జనగణమనను ఆలపించారు. ఈ ఏడాది ‘వందే మాతరం’ 150 సంవత్సరాల చరిత్రను పూర్తి చేసుకుంటున్న సందర్భంగా వందేమాతరంపై ప్రత్యేక చట్టం తెచ్చిన సంగతి తెలిసిందే.ఇటీవల కేంద్ర ప్రభుత్వం ‘వందే మాతరం’కు అధికారిక కార్యక్రమాల్లో ప్రత్యేక ప్రాధాన్యం కల్పించే మార్గదర్శకాలను తీసుకువచ్చింది. ఈ నేపథ్యంలో నిన్న (శుక్రవారం) స్వాతంత్ర్య దినోత్సవం వేడుకల సందర్భంగా రాష్ట్రపతి ద్రౌపది ముర్ము జాతిని ఉద్దేశించి చేసిన ప్రసంగానికి ముందు, ముగింపులోనూ ‘వందే మాతరాన్ని గేయాన్ని ఆలపించారు. అనంతరం జాతీయ గీతాన్ని ఆలపించారు. స్వదేశీ ఉద్యమ కాలంలో ‘వందే మాతరం’ ప్రజల గీతంగా మారిందని రాష్ట్రపతి తన ప్రసంగంలో పేర్కొన్నారు. బంకించంద్ర చటోపాధ్యాయ రచించిన ‘వందే మాతరం’ భారత స్వాతంత్ర్య ఉద్యమంలో కీలక పాత్ర పోషించింది. బ్రిటిష్ పాలనకు వ్యతిరేకంగా భారతీయులను ఏకం చేసిన ప్రధాన దేశభక్తి గీతాల్లో దీని ప్రాముఖ్యత అంతా ఇంతా కాదు. దేశభక్తి, మాతృభూమిపై గౌరవం, స్వాతంత్ర్య స్ఫూర్తికి ప్రతీకగా ఈ గీతం ప్రజల్లో విశేష ఆదరణ పొందింది. 2026లో 150 ఏళ్ల సందర్భంగా నిర్వహిస్తున్న ప్రత్యేక కార్యక్రమాల్లో దీని చారిత్రక ప్రాధాన్యాన్ని దేశవ్యాప్తంగా గుర్తుచేస్తున్నారు. ఎర్రకోట స్వాతంత్ర్య దినోత్సవ వేడుకల్లో తొలిసారిగా ‘వందే మాతరం’కు అత్యంత ప్రాధాన్యత ఇచ్చారు.

న్యూఢిల్లీ: దేశంలో అత్యుత్తమ ప్రతిభ కనబరిచిన పోలీస్‌ నాయకత్వాన్ని గుర్తిస్తూ ఫేమ్‌ ఇండియా, ఏషియా పోస్ట్‌ సంయుక్తంగా 100 మంది ఉత్తమ పోలీస్‌ చీఫ్‌ల జాబితాను విడుదల చేశాయి. వీరిలో వి.వి.రాకేష్ రెడ్డి పి.(ఎస్.పి.గోల్పారా).. అసోం, గుండాలరెడ్డి రాఘవేంద్ర (ఎస్పీ ఝార్సుగూడ), ఒడిషా ఇద్దరు తెలుగు రాష్ట్రాలకు చెందిన అధికారులు చోటు దక్కించుకున్నారు. నేర నియంత్రణ, శాంతిభద్రతల పరిరక్షణ, ప్రజలకు అనుకూలమైన పోలీసింగ్‌, సాంకేతికత వినియోగం, పారదర్శక పరిపాలన, సంక్షోభ సమయాల్లో వేగవంతమైన నిర్ణయాలు, ప్రజలతో విశ్వాసపూర్వక సంబంధాలు వంటి అంశాల్లో విశేషంగా పనిచేసిన అధికారులను ఈ జాబితాకు ఎంపిక చేశారు.ఒక సమాజం నిజమైన అభివృద్ధి సాధించాలంటే ప్రజలు సురక్షితంగా ఉన్నామనే భావన కలిగి ఉండాలని, ఆ భద్రతే విద్య, వ్యాపారం, పరిశ్రమలు, సామాజిక జీవితం సజావుగా ముందుకు సాగేందుకు పునాదిగా నిలుస్తుందని ఫేమ్‌ ఇండియా పేర్కొంది. చట్టవ్యవస్థను కాపాడటం కేవలం పోలీసుల బాధ్యత మాత్రమే కాకుండా రాష్ట్ర అభివృద్ధికి కీలకమైన వెన్నుముకగా పనిచేస్తుందని తెలిపింది. జిల్లా పోలీస్‌ చీఫ్‌లు, ప్రధాన పోలీస్‌ విభాగాల అధిపతులు ఎస్పీ, ఎస్‌ఎస్‌పీ, డీసీపీ, కమిషనర్‌ వంటి హోదాల్లో ఉన్నప్పటికీ వారి బాధ్యతలు అత్యంత విస్తృతంగా ఉంటాయంది. నేరాలను నియంత్రించడం, మహిళలు-పిల్లలకు రక్షణ కల్పించడం, సైబర్‌ నేరాలు-సంఘటిత నేరాలను అరికట్టడం, ట్రాఫిక్‌ను నిర్వహించడం, సంక్షోభ పరిస్థితుల్లో వేగంగా స్పందించడం వంటి బాధ్యతలతో పాటు ప్రజల విశ్వాసాన్ని కూడా వారు సంపాదించాల్సి ఉంటుందని పేర్కొంది.ఫేమ్‌ ఇండియా ఎడిటర్‌ ధీరజ్‌ కుమార్‌ మాట్లాడుతూ, నిర్మాణాత్మక జర్నలిజాన్ని ప్రోత్సహించడం తమ సంస్థ లక్ష్యాల్లో భాగమని, సమాజంపై సానుకూల ప్రభావం చూపుతున్న పరిపాలకులు, ప్రజాసేవకుల పనితీరును వెలుగులోకి తీసుకురావడంలో ఫేమ్‌ ఇండియా చాలాకాలంగా కృషి చేస్తోందని తెలిపారు. దేశవ్యాప్తంగా చట్టవ్యవస్థను పర్యవేక్షిస్తున్న అనేక మంది జిల్లా పోలీస్‌ చీఫ్‌లు, యూనిట్‌ అధిపతుల నుంచి 100 మందిని ఎంపిక చేయడం కష్టమైన ప్రక్రియని పేర్కొన్నారు.ఫేమ్‌ ఇండియా మేనేజింగ్‌ ఎడిటర్‌ అనిల్‌ సింగ్‌ మాట్లాడుతూ, ఈ సర్వే నిరంతర ప్రక్రియ అని, అధికారుల పనితీరు, ప్రజాసేవా రికార్డును భవిష్యత్తులోనూ పరిశీలిస్తామని చెప్పారు. తదుపరి దశలో ఈ 100 మంది నుంచి భారత్‌లోని టాప్‌ 25 పోలీస్‌ చీఫ్‌లను ఎంపిక చేసి, ఫేమ్‌ ఇండియా రాబోయే సంచికలో ప్రచురించనుంది. ఎంపికయ్యే ఆ 25 మంది అధికారులకు ప్రత్యేక సన్మానాలు కూడా నిర్వహించనున్నట్లు నిర్వాహకులు వెల్లడించారు.కాగా ఈ గౌరవంపై గుండాలరెడ్డి రాఘవేంద్ర స్పందించారు. “ఇది మొత్తం జార్సుగూడ పోలీసు కుటుంబం సాధించిన సమిష్టి విజయం. వృత్తి నైపుణ్యం, సున్నితత్వం, సాంకేతికత, వినూత్న ఆలోచనలతో ప్రజలకు సేవ చేయడంతో పాటు నేరాలపై ఏమాత్రం సహనం లేకుండా పనిచేయడమే మా లక్ష్యం” అని రాఘవేంద్ర తెలిపారు.గుండాల రెడ్డి రాఘవేంద్ర నేపథ్యంజార్సుగూడ జిల్లా ఎస్పీగా పనిచేస్తున్న , ఐపీఎస్‌ దేశవ్యాప్తంగా అత్యుత్తమంగా పనిచేస్తున్న టాప్‌ 100 ఐపీఎస్‌ అధికారులలో గుర్తింపు పొందారు. ఎస్పీగా బాధ్యతలు స్వీకరించినప్పటి నుంచి సాంకేతికత ఆధారిత దర్యాప్తు, ముందస్తు నేర నియంత్రణ, మాదకద్రవ్యాల కట్టడి, సైబర్‌ నేరాల ఛేదన, కేసుల వేగవంతమైన దర్యాప్తు, బలహీన వర్గాల రక్షణతో పాటు పోలీసులపై ప్రజల్లో విశ్వాసాన్ని పెంపొందించడంపై రాఘవేంద్ర ప్రత్యేక దృష్టి సారించారు. ఆయన నాయకత్వంలో జార్సుగూడ పోలీసులు రాష్ట్రంలోని జిల్లా వారీ ప్రగతి డ్యాష్‌బోర్డ్‌లో మొదటి స్థానం, తప్పిపోయిన చిన్నారులను గుర్తించడంలో 95.7 శాతం ట్రేసింగ్‌ రేటు సాధించడంతో పాటు హత్యలు, దోపిడీలు, ఏటీఎం కేసులను విజయవంతంగా ఛేదించారు. అలాగే భారీగా మాదకద్రవ్యాలు, ఆయుధాలను స్వాధీనం చేసుకోవడంతో పాటు పోక్సో, ఇతర కీలక క్రిమినల్‌ కేసుల్లో దోషులకు శిక్షలు పడేలా చేశారు.

సాక్షి, ఢిల్లీ: రేపు ఆగస్టు 15 స్వాతంత్య్ర దినోత్సవాన్ని పురస్కరించుకొని ఢిల్లీలో హై అలర్ట్ ప్రకటించారు. ఎర్రకోట చుట్టూ బహుళ అంచెల భద్రత ఏర్పాటు చేశారు. ఎర్రకోట చూట్టూ వెయ్యి కెమెరాలతో పటిష్ట నిఘా ఏర్పాటు చేశారు. ఈ సందర్భంగా ఢిల్లీలోకి వచ్చే వాహనాలన్నిటినీ తనిఖీ చేపడుతున్నారు.భారత్ రేపు తన 80వ స్వాతంత్ర్య దినోత్సవాన్ని జరుపుకుంటోంది. రేపు ఆగస్టు 15 సందర్భంగా ప్రధాని ఎర్రకోటపై జాతీయ జెండా ఎగురవేస్తారు. మన జాతీయ గేయం 'వందేమాతరం' రాసి 150 ఏళ్లు పూర్తయిన సందర్భాన్ని పురస్కరించుకొని స్వాతంత్ర్య దినోత్సవ చరిత్రలోనే మొదటిసారిగా ఎర్రకోటపై వందేమాతరం గేయాన్ని ఆలపించనున్నారు.ఎర్రకోట నుండి ప్రధాని చేసే ప్రసంగాన్ని ఆర్టిఫిషియల్ ఇంటెలిజెన్స్ (AI) ఆధారిత 'భాషిణి' అనువాదకం ద్వారా దేశంలోని 22 అధికారిక భాషల్లోకి ఒకే సమయంలో అనువదించి ప్రసారం చేస్తారు. దీనివల్ల ఎవరి మాతృభాషలో వారు ప్రసంగాన్ని స్పష్టంగా వినవచ్చు.

సాక్షి, ఢిల్లీ: దేశ చరిత్రలో అత్యంత బాధాకరమైన అధ్యాయాలలో దేశ విభజన ఒకటని ప్రధాని మోదీ అన్నారు. ఈ రోజు ఆగస్టు 14 "విభజన భయానక స్మృతి దినం" సందర్భంగా ఎక్స్‌ ఖాతాలో విభజన దినోత్సవ విషాద ‍స్మృతులను ఆయన పంచుకున్నారు. దేశ విభజన అంతులేని జీవితాలను ఛిన్నాభిన్నం చేసిందని, కుటుంబాలను నిర్వాసితులను చేసిందని అపారమైన మానవ వేదనకు కారణమైందని ప్రధాన మంత్రి పేర్కొన్నారు.ప్రధాని ఎక్స్‌ ఖాతాలో "ఈరోజు మనం విభజన విషాధ స్మృతి దినాన్ని పాటిస్తున్నాము. విభజన కారణంగా ప్రభావితమైన ప్రతి ఒక్కరి ధైర్యాన్ని మనం గుర్తుచేసుకుంటున్నాము. ఇది అనేక జీవితాలను ఛిన్నభిన్నం చేసిన చారిత్రక క్షణం... కుటుంబాలు నిర్వాసితులయ్యాయి, ప్రియమైన వారిని కోల్పోయారు అపారమైన బాధను అనుభవించారు. " అని ప్రధాని మోదీ రాసుకొచ్చారు. ఈ విషాదాన్ని తట్టుకుని నిలబడిన వారి పట్టుదలను ఆ సందర్భంగా ఆయన కొనియాడారు.ఊహించని కష్టాలు ఎదురైనప్పటికీ, చాలా మంది తమ జీవితాలను మళ్లీ నిర్మించుకుని దేశ అభివృద్ధికి ఎంతో కృషి చేశారని తెలిపారు. "వారి జీవిత ప్రయాణాలు మానవ ఆత్మ యొక్క బలాన్ని మనకు గుర్తుచేస్తాయి. మన దేశంలో ఐక్యతను, సౌభాత్రాన్ని కాపాడుకోవాలనే మన సంకల్పాన్ని ఈ రోజు మరింతగా బలోపేతం చేయాలి. ఒక వికసిత్ భారత్‌ను నిర్మించడానికి అందరం కలిసికట్టుగా కృషి చేద్దాం" అని ఆయన జోడించారు.కాగా విభజన బాధితులకు విదేశాంగ మంత్రి ఎస్. జైశంకర్ సైతం నివాళులర్పించారు. భారతదేశ విభజన వల్ల జరిగిన అపారమైన మానవ వేదనను ఆయన గుర్తుచేసుకున్నారు. ఎంతటి కష్టాలు ఎదురైనా తమ జీవితాలను తిరిగి నిర్మించుకున్న ప్రజల ధైర్యాన్ని మరియు పట్టుదలను ఆయన ప్రశంసించారు.లక్షలో సంఖ్యలో మరణాలు1947లో జరిగిన దేశ విభజన మానవ చరిత్రలోనే అత్యంత పెద్ద విషాదకరమైన వలసలలో ఒకటి. బ్రిటిష్ పాలన ముగిసిన తర్వాత భారతదేశం, పాకిస్తాన్ దేశాలుగా విడిపోయింది. ఆ సమయంలో దాదాపు 1 కోటి 50 లక్షల మంది ప్రజలు సరిహద్దులు దాటారు. విభజన రేఖల వల్ల రెండు వైపులా తీవ్రమైన మతకల్లోలాలు జరిగాయి. ప్రజలు తమ ఇళ్లు, భూములు, వ్యాపారాలను ఉన్నపళంగా వదిలి శరణార్థులుగా మారారు. రవాణాపై దాడులు శరణార్థులతో వెళ్తున్న రైళ్లు, బస్సులు నడిచి వెళ్తున్న కాన్వాయ్‌లపై దాడులు జరిగాయి. సుమారు 2 లక్షల నుండి 20 లక్షల మంది వరకు చనిపోయారని అంచనా. లక్షలాది మంది ప్రజలు తమ సర్వస్వాన్ని కోల్పోయి, ఏళ్ల తరబడి శరణార్థుల శిబిరాల్లో మగ్గిపోయారు. ఆ రోజు ప్రాణాలు కోల్పోయిన, నిరాశ్రయులైన ప్రజల త్యాగాల జ్ఞాపకార్థం 2021 నుండి ఏటా ఈ రోజును "విభజన భయానక స్మృతి దినం" గా జరుపుకుంటున్నారు.

సాక్షి, ఢిల్లీ: ప్రధానమంత్రి ఆవాస్ యోజన–గ్రామీణ్ (PMAY-G 2.0) కింద తెలంగాణ రాష్ట్రానికి సమగ్ర ప్రాతిపదికన ఒకేసారి 11,56,915 ఇళ్లను కేటాయించాలని రాష్ట్ర మంత్రి పొంగులేటి శ్రీనివాసరెడ్డి కేంద్ర ప్రభుత్వాన్ని కోరారు. బుధవారం న్యూఢిల్లీలో కేంద్ర వ్యవసాయ, గ్రామీణాభివృద్ధి శాఖ మంత్రి శివరాజ్ సింగ్ చౌహాన్‌ను పొంగులేటి కలిసి వినతి పత్రం అందించారు.గతంలో ముఖ్యమంత్రి రేవంత్ రెడ్డి రాసిన లేఖను ఈ సందర్భంగా కేంద్రమంత్రికి గుర్తుచేశారు. రాష్ట్రంలో ఇళ్ల కేటాయింపు ప్రక్రియను వేగవంతం చేయాలని విజ్ఞప్తి చేశారు.ఏడాది క్రితమే సర్వే పూర్తి.. మంజూరులోనే జాప్యంరాష్ట్రవ్యాప్తంగా ‘ఆవాస్ ప్లస్–2024’ యాప్ ద్వారా అత్యంత పారదర్శకంగా ఇంటింటి సర్వే నిర్వహించామని మంత్రి పొంగులేటి వివరించారు. ఈ సర్వేలో 11.56 లక్షలకు పైగా గ్రామీణ పేద కుటుంబాలు ఇళ్లకు అర్హులుగా తేలాయని తెలిపారు. వీటికి సంబంధించి సూపర్ చెక్, అనర్హుల తొలగింపు ప్రక్రియలన్నీ ఏడాది క్రితమే పూర్తయినప్పటికీ, కేంద్రం నుంచి లక్ష్యాల ప్రకటనలో జాప్యం జరుగుతోందన్నారు. తెలంగాణలో గత 12 ఏళ్లుగా పేదలకు ఇళ్ల నిర్మాణం నిలిచిపోయి తీవ్రమైన డిమాండ్ పేరుకుపోయినందున, ఒకేసారి ఈ ఇళ్లన్నింటినీ మంజూరు చేయాలని కోరారు.ఇంటి నిర్మాణానికి రూ.5 లక్షల ఆర్థిక సాయంPMAY-G కింద ఇచ్చే కేంద్ర వాటా, సాధారణ రాష్ట్ర వాటాతో సంబంధం లేకుండా ప్రతి పేద కుటుంబం ఇల్లు నిర్మించుకునేందుకు రూ.5 లక్షల ఆర్థిక సహాయం అందించాలని రాష్ట్ర ప్రభుత్వం చారిత్రాత్మక నిర్ణయం తీసుకుందని పొంగులేటి వెల్లడించారు. ఇందుకు అవసరమైన నిధులను ఇప్పటికే రాష్ట్ర బడ్జెట్‌లో కేటాయించినట్లు స్పష్టం చేశారు.తెలంగాణ పర్యటనకు రావాల్సిందిగా ఆహ్వానంకేంద్ర మంత్రి శివరాజ్ సింగ్ చౌహాన్‌ను తెలంగాణలో పర్యటించాల్సిందిగా పొంగులేటి సాదరంగా ఆహ్వానించారు. స్వయంగా రాష్ట్రానికి వచ్చి PMAY-G 2.0 కింద ఇళ్ల కేటాయింపును ప్రకటిస్తే, తెలంగాణలోని గ్రామీణ పేదలకు కొండంత అండగా నిలుస్తుందని, అది చారిత్రాత్మక ఘట్టంగా మారుతుందని పేర్కొన్నారు. మంత్రి పొంగులేటి విజ్ఞప్తిపై కేంద్ర మంత్రి సానుకూలంగా స్పందిస్తూ, తెలంగాణలో పర్యటించేందుకు అంగీకరించారు.కేంద్ర మంత్రిని కలిసిన వారిలో ఎంపీలు మల్లు రవి, వేం నరేందర్ రెడ్డి, చామల కిరణ్‌కుమార్ రెడ్డి, సురేష్ షెట్కార్, రామసహాయం రఘురాం రెడ్డి, అనిల్‌కుమార్ యాదవ్‌తో పాటు తెలంగాణ హౌసింగ్ కార్పొరేషన్ మేనేజింగ్ డైరెక్టర్ వీ.పీ.గౌతమ్ తదితరులు ఉన్నారు.

సాక్షి, ఢిల్లీ: రాష్ట్రపతి ద్రౌపది ముర్ము మంగళవారం ‘వందేమాతరం’ బిల్లుకు ఆమోదం తెలిపారు. దీంతో "ది ప్రివెన్షన్ ఆఫ్ ఇన్సల్ట్స్ టు నేషనల్ హానర్ బిల్", 2026 ఇక చట్టంగా మారింది. ఇకపై జాతీయ గీతం ‘జనగణమన’కు ఉన్న చట్టపరమైన రక్షణే జాతీయ గేయం ‘వందేమాతరం’కు సైతం వర్తించనుంది.‘వందేమాతరం’ ఆలాపనను ఉద్దేశపూర్వకంగా అడ్డుకోవడం, నిలిపివేయడం లేదా ఆ పాట పాడుతున్న సభకు అంతరాయం కలిగించడం ఇకపై నేరంగా పరిగణిస్తారు. గతంలో Prevention of Insults to National Honour Act కింద జాతీయ గీతం ఆలాపనను అడ్డుకోవడం లేదా అంతరాయం కలిగించడం మాత్రమే శిక్షార్హమైన నేరంగా ఉండేది. ఈ నిబంధనను ఇప్పుడు జాతీయ గేయం ‘వందేమాతరం’కు కూడా వర్తించేలా చట్టాన్ని సవరించారు.ఈ నేరాలకు గరిష్ఠంగా మూడేళ్ల జైలు శిక్ష, జరిమానా లేదా రెండూ విధించే అవకాశం ఉంది. రెండోసారి, ఆ తర్వాత జరిగే ప్రతి నేరానికి కనీసం ఏడాది జైలు శిక్ష ఉంటుంది. గత చట్టంలో ‘వందేమాతరం’కు ఇలాంటి ప్రత్యేక చట్టపరమైన రక్షణ లేదు.ఈ బిల్లును రాజ్యసభ జూలై 29న, లోక్‌సభ జూలై 30న ఆమోదించాయి. అనంతరం రాష్ట్రపతి ఆమోదంతో ఇది చట్టంగా మారింది. దీంతో ‘వందేమాతరం’కు జాతీయ గీతం ‘జనగణమన’తో సమానమైన చట్టపరమైన రక్షణ లభించింది. ఇదిలా ఉండగా, ఈ ఏడాది స్వాతంత్ర్య దినోత్సవ వేడుకల్లో తొలిసారిగా ఎర్రకోట ప్రాకారాల నుంచి ‘వందేమాతరం’ ఆలపించనున్నారు. కేంద్ర హోం మంత్రిత్వ శాఖ ఈ విషయాన్ని వెల్లడించింది.జాతీయ గేయం, జాతీయ గీతం రెండింటినీ ఒకే కార్యక్రమంలో ఆలపించినప్పుడు ముందుగా ‘వందేమాతరం’, ఆ తర్వాత ‘జనగణమన’ ఆలపించాలని ప్రభుత్వం ఇప్పటికే స్పష్టం చేసింది. ఈ ఏడాది జనవరి 28న కేంద్ర హోం మంత్రిత్వ శాఖ జాతీయ గేయం ఆలాపనకు సంబంధించి తొలిసారిగా ప్రత్యేక ప్రోటోకాల్‌ను జారీ చేసింది.అధికారిక కార్యక్రమాల్లో రాష్ట్రపతి రాక, జాతీయ పతాకావిష్కరణ, గవర్నర్ల ప్రసంగాలు వంటి సందర్భాల్లో ‘వందేమాతరం’లోని మొత్తం ఆరు చరణాలను, సుమారు 3 నిమిషాల 10 సెకన్ల వ్యవధిలో ఆలపించాలని ఆదేశించింది.

శ్రీనగర్‌: జమ్మూకశ్మీర్‌ డిప్యూటీ సీఎం సురీందర్ చౌదరికాన్వాయ్‌లోని ఒక వాహనం ఢీకొని బీహార్‌కు చెందిన ఒక వ్యక్తి దుర్మరణం చెందారు. ప్రమాదం జరిగిన వెంటనే వాహన డ్రైవర్, సెక్యూరిటీ సిబ్బంది కిందకు దిగి తీవ్రంగా గాయపడిన భరత్ కాపర్‌ను ప్రభుత్వ మెడికల్ కాలేజీ ఆసుపత్రికి తరలించారు. అయితే అప్పటికే ఆయన మృతి చెందినట్లు వైద్యులు ప్రకటించారు. మృతుడు భరత్ కాపర్ , బీహార్‌లోని సమస్తిపూర్ నివాసి అని తెలుస్తోంది. నిన్న శనివారం రాత్రి సుమారు 9గంటల ప్రాంతంలో జమ్మూ శివారు ప్రాంతమైన గంగ్యాల్‌లో రోడ్డు దాటుతుండగా, వేగంగా వస్తున్న స్కార్పియో వాహనం ఆయన్ను ఢీకొట్టింది. అయితే జమ్మూకశ్మీర్‌ డిప్యూటీ సీఎం సురీందర్ చౌదరిని ఆయన నివాసంలో దించి వస్తున్న కాన్వాయ్‌లోనిదే ఆ స్కార్పియో వాహనమని తెలుస్తోంది.ఈ ఘటనపై సమాచారం అందుకున్న పోలీసులు వెంటనే సంఘటనా స్థలానికి చేరుకుని పరిస్థితిని సమీక్షించారు. ఈ మేరకు కేసు నమోదు చేసి దర్యాప్తు చేపట్టినట్లు అధికారులు వెల్లడించారు. రాత్రి వేళల్లో నగర ప్రాంతాల్లో అధికారిక కాన్వాయ్‌ల రాకపోకలు, రోడ్డు భద్రతపై ఈ ఘటన స్థానికంగా తీవ్ర ఆందోళనలను రేకెత్తించింది.

ప్రపంచ ఆదివాసీ దినోత్సవం సందర్భంగా మనం ఆదివాసీల హక్కులు, అడవులు, జీవన విధానం గురించి మాట్లాడుతుంటాం. కానీ అత్యంత విలువైన వారి వారసత్వమైన మాతృభాష గురించి మాత్రం తక్కువగా ఆలోచిస్తాం. ఒక భాష కేవలం సంభాషణ సాధనం కాదు. అది ఒక జాతి చరిత్ర, సంస్కృతి, జానపద విజ్ఞానం, ప్రకృతి పరిజ్ఞానం, జీవన తత్వాన్ని మోసుకెళ్లే సజీవ సంపద. అందుకే ఒక భాష అంతరించిపోతే, ఆ భాషతో పాటు ఒక ప్రపంచ దృష్టికోణం కూడా శాశ్వతంగా కనుమరుగవుతుంది.తెలంగాణ, ఆంధ్రప్రదేశ్, ఛత్తీస్‌గఢ్, ఒడిశా ప్రాంతాల్లో నివసించే కోయల మాతృభాష అయిన ‘కోయతూర్‌’ నేడు సవాళ్లను ఎదుర్కొంటోంది. గ్రామాల్లో పెద్దలు ఇప్పటికీ కోయతూర్‌లో మాట్లాడుతున్నప్పటికీ, కొత్త తరం విద్య, ఉపాధి, పట్టణీకరణ ప్రభావంతో తెలుగు, హిందీ లేదా ఆంగ్ల భాషల వైపు మొగ్గు చూపుతోంది. ఇంట్లోనే మాతృభాష వినిపించని పరిస్థితి ఏర్పడితే, ఆ భాషకు భవిష్యత్తు మరింత సంక్లిష్టమవుతుంది. ఇది కేవలం కోయ భాష సమస్య మాత్రమే కాదు. భారతదేశంలో అనేక ఆదివాసీ భాషలు ఇదే పరిస్థితిని ఎదుర్కొంటున్నాయి. యునెస్కో ప్రమాదంలో ఉన్న భాషల జాబితాలో భారతదేశానికి చెందిన అనేక భాషలు ఉన్నాయి. ఆంధ్రప్రదేశ్, తెలంగాణ ప్రాంతాలకు చెందిన కుపియా, గదబ, కొలామి, నాయకి, తోటి భాషా రూపాలు, అలాగే అండమాన్‌ దీవులలోని గ్రేట్‌ అండమానీస్, ఓంజీ వంటివారి భాషలు కూడా మాట్లాడేవారి సంఖ్య తగ్గిపోతోంది.ఆదివాసీ భాషలు అంతరించిపోవడానికి అనేక కారణాలు ఉన్నాయి. పట్టణాలకు వలసలు, మాతృభాషలో విద్య లేకపోవడం, ప్రభుత్వ వ్యవహారాల్లో స్థానిక భాషలకు తగిన ప్రాధాన్యం లేకపోవడం, ఉద్యోగ అవకాశాల కోసం ఆధిపత్య భాషలను ఎంచు కోవడం వంటి అంశాలు కలిసి ఈ పరిస్థితిని తీసుకొచ్చాయి. భాషను కోల్పోవడం అనేది ఒక్కసారిగా జరిగే సంఘటన కాదు; ప్రతి తరం కొద్దికొద్దిగా దూరమవుతూ చివ రకు ఆ భాష మాట్లాడేవారు లేకుండా పోతారు. ‘‘మాకు వీలై నంతలో భాషను కాపాడుకునే ప్రయత్నం చేస్తున్నాం. ఇప్ప పూవుతో చాక్లెట్లు, లడ్డూలు చేస్తున్నాం. ఈ ఉత్పత్తులకు ‘పుంగార’ అనే పేరు పెట్టాము. పుంగార్‌ అంటే మా కోయ భాషలో పువ్వు అని అర్థం’’ అని చెప్పారు భద్రాచలంకు చెందిన స్వయం సహాయక సంఘ మహిళ సమ్మక్క.ఆదివాసీ పిల్లలకు మంచి విద్య, ఉపాధి అవకాశాలు కల్పించడం ఎంత అవసరమో, అంతే అవసరం వారిలో మాతృభాషపై గౌరవాన్ని పెంపొందించడం. తెలుగు, హిందీ, ఆంగ్ల భాషలు నేర్చుకోవడం తప్పు కాదు. కానీ వాటిని నేర్చుకునే క్రమంలో వారి భాషను మరచిపోవడం మాత్రం ఒక సాంస్కృతిక నష్టంగా మిగిలిపోతుంది.ప్రభుత్వాలు ఆదివాసీ ప్రాంతాల్లో మాతృభాష ఆధారిత ప్రాథమిక విద్యను బలోపేతం చేయడం, వారి భాషలో పాఠ్యపుస్తకాలు, నిఘంటువులు, డిజిటల్‌ కంటెంట్‌ రూపొందించడం, భాష తెలిసిన ఉపాధ్యాయులను నియమించడం, జానపద గేయాలు, కథలు, సామెతలను డిజిటల్‌ రూపంలో భద్రపరచడం వంటి చర్యలు చేపట్టాలి.2020లో ఆదిలాబాద్‌ జిల్లా కలెక్టర్‌గా పనిచేసిన దివ్య దేవరాజన్‌ అక్కడి గోండుల సమస్యలు తెలుసుకోవడానికి స్వయంగా ఒక ట్యూటర్‌ని నియమించుకొని గోండు భాషను నేర్చుకున్నారు. ఆదివాసీ గూడేల్లో వారి అరుగుల మీద కూర్చొని వారి భాషలోనే ఆమె మాట్లాడుతున్నప్పుడు వారంతా వారి కష్టాలన్నీ ధైర్యంగా చెప్పుకునేవారు. దివ్య లాంటి అధికారులు ఆదివాసీ ప్రాంతాల్లో ఉండాల్సిన అవసరం ఉంది. భాషను కాపాడటం అంటే ఒక భాషను మాత్రమే కాదు, ఒక జాతి చరిత్రను, ప్రకృతితో ముడిపడిన జీవన తత్వాన్ని, వేల ఏళ్ల సాంస్కృతిక వారసత్వాన్ని కాపాడటమే. భాష బతికితేనే జాతి బతుకుతుంది.– శ్యాం మోహన్‌, ఆదివాసీ జీవనంపై అధ్యయనం చేస్తున్న జర్నలిస్ట్‌ (నేడు ప్రపంచ ఆదివాసీ దినోత్సవం)

చంఢీగఢ్: శిరోమణి అకాలీ దళ్‌ కీలక నిర్ణయం తీసుకుంది. ఇటీవల కేంద్రం తీసుకవచ్చిన డీలిమిటేషన్ , మహిళా రిజర్వేషన్ బిల్లు అమలుకు తమ పార్టీ మద్దతు ప్రకటించింది. ప్రధానమంత్రి నరేంద్ర మోదీతో, శిరోమణి అకాలీ దళ్ అధ్యక్షుడు సుఖ్‌బీర్ సింగ్ బాదల్ భేటీ అయిన ఒక రోజు అనంతరమే ఈ నిర్ణయాన్ని ప్రకటించింది. ఈ మద్దతుతో రాబోయే పంజాబ్ అసెంబ్లీ ఎన్నికల్లో శిరోమణి–బీజేపీ కూటమి మళ్లీ ఏర్పడే అవకాశాలు బలంగా కనిపిస్తున్నాయిసుఖ్‌బీర్ సింగ్ బాదల్ శనివారం ఒక ప్రకటన విడుదల చేశారు. "దేశంలో మహిళా రిజర్వేషన్ బిల్లును వెంటనే అమలు చేయాలని అకాలీ దళ్ డిమాండ్ చేస్తోంది. అలాగే అన్ని రాష్ట్రాల్లో అసెంబ్లీ సీట్లను ఏకరీతిగా 50 శాతం పెంచాలన్న కేంద్ర ప్రభుత్వ ప్రతిపాదనకు SAD మద్దతు ఇస్తుంది. ఈ మేరకు శిరోమణి అకాలీ దళ్.. చండీగఢ్‌లో జరిగిన పార్టీ సీనియర్ నాయకుల సమావేశంలో నిర్ణయం తీసుకుంది” అని బాదల్ ‘ఎక్స్’లో తెలిపారు.పార్లమెంట్ ముందున్న కీలక అంశాలపై సవివరంగా చర్చించిన అనంతరం.. అన్ని రాష్ట్రాలకు సమాన ప్రాతినిధ్యం కల్పించే విధంగా న్యాయమైన, సమతుల్య డీలిమిటేషన్ జరగాలని శిరోమణి అకాలీ దళ్ డిమాండ్ చేసిందని ఆయన పేర్కొన్నారు.గతంలో డీలీమిటేషన్‌కు వ్యతిరేకంగాఅయితే ఆసక్తికరమైన విషయం ఏమిటంటే.. కేంద్ర ప్రభుత్వం తొలిసారి ఏప్రిల్‌లో డీలిమిటేషన్ బిల్లును పార్లమెంట్‌లో ప్రవేశపెట్టినప్పుడు అకాలీ దళ్ దానిని వ్యతిరేకించింది. ప్రతిపక్ష పార్టీలతో కలిసి ఆ పార్టీ బిల్లుకు వ్యతిరేకంగా ఓటు వేసింది. ఆసమయంలో పంజాబ్‌కు ఈ బిల్లు వివక్ష చూపుతోందని అకాలీ దళ్ ఆరోపించింది. పంజాబ్‌కు సీట్ల సంఖ్యలో స్వల్ప పెరుగుదల మాత్రమే లభిస్తుండగా, పొరుగు రాష్ట్రాలు మరింత ఎక్కువ సీట్లు పొందే అవకాశం ఉందని పార్టీ పేర్కొంది.ఈ నేపథ్యంలో ఇటీవల మోదీతో భేటీ అయిన అనంతరం ఆ నిర్ణయాన్ని మార్చుకుంటూ డీలిమిటేషన్‌ బిల్లులకు మద్దతు తెలపడం విశేషం.2020లో తెగిపోయిన దాదాపు రెండున్నర దశాబ్దాల బంధంబీజేపీ–శిరోమణి అకాలీ దళ్ మధ్య దాదాపు రెండున్నర దశాబ్దాలుగా కొనసాగిన పొత్తు 2020లో తెగిపోయింది. అప్పట్లో వివాదాస్పదమైన మూడు వ్యవసాయ చట్టాల నేపథ్యంలో అకాలీ దళ్.. నేషనల్ డెమోక్రటిక్ అలయన్స్ (NDA) నుంచి వైదొలగాలని నిర్ణయించింది. ఈ నేపథ్యంలో మరోసారి ఈ రెండు పార్టీలు కలిసే పోటీ చేసే అవకాశం ఉన్నట్లు తెలుస్తోంది.

సాక్షి, ఢిల్లీ: మహిళా రిజర్వేషన్ బిల్లుపై లోక్‌సభ ప్రతిపక్ష నేత రాహుల్‌ గాంధీ, కేంద్రమంత్రి కిరణ్‌ రిజిజు మధ్య ఎక్స్ వేదికగా మాటల యుద్ధం నడిచింది. మహిళా రిజర్వేషన్ బిల్లుకు మద్దతు ఇవ్వాలని ఆయన రాహుల్‌ను సవాల్ చేశారు. దీనికి రాహుల్ గాంధీ కౌంటర్ ఇస్తూ, మహిళా రిజర్వేషన్ చట్టాన్ని ఇదివరకే కాంగ్రెస్‌ ఆమోదం తెలిపిందని దాన్ని డీలిమిటేషన్‌తో ఎందుకు అనవసరంగా ముడిపెడుతున్నారని రాహుల్‌ కౌంటరిచ్చారు.అసలే ఏమైందంటేకిరణ్ రిజిజు తన ఎక్స్ ఖాతాలో మహిళలకు మరింత భావప్రకటన స్వేచ్ఛ ఉండాలని రాహుల్ గాంధీ మాట్లాడిన వీడియోను షేర్ చేస్తూ, లోక్‌సభలో ప్రతిపక్ష నేత (LoP) రాహుల్ గాంధీ వైఖరిలో స్పష్టమైన మార్పు కనిపిస్తోంది “ఇది కాంగ్రెస్ నుంచి వచ్చిన సానుకూల సందేశంలా కనిపిస్తోంది. మహిళల విషయంలో రాహుల్ గాంధీ ఆలోచనా విధానంలో స్పష్టమైన మార్పు కనిపిస్తోంది” అని అన్నారు. మహిళా రిజర్వేషన్ బిల్లుకు కాంగ్రెస్ ఎలాంటి షరతులు లేకుండా మద్దతు ఇవ్వాలని కూడా ఆయన కోరారు.రాహుల్ గాంధీ కౌంటర్కిరణ్‌ రిజిజు చేసిన ఈ పోస్ట్‌కు రెండు గంటలు కూడా గడవకముందే రాహుల్ గాంధీ నుంచి సమాధానం వచ్చింది. 2023లోనే మహిళా రిజర్వేషన్ బిల్లు కాంగ్రెస్ మద్దతుతో పార్లమెంట్‌లో ఆమోదం పొందింది అనే విషయం కేంద్రమంత్రికి గుర్తు చేశారు.“ఈ బిల్లు ఇప్పటికే ఏకగ్రీవంగా, కాంగ్రెస్ పూర్తి మద్దతుతో ఆమోదించబడింది. అయితే మూడు సంవత్సరాలు గడిచినా ఇది ఎందుకు అమలు కాలేదు? ఇప్పుడు దీన్ని డీలిమిటేషన్‌తో ఎందుకు అనవసరంగా ముడిపెట్టాలని మీరు కోరుకుంటున్నారు?” అని ఆయన ప్రశ్నించారు.2023లో ఆమోదమైన చట్టాన్ని ఎలాంటి షరతులు లేకుండా అమలు చేయాలని కేంద్రాన్ని రాహుల్ గాంధీ డిమాండ్ చేశారు.మహిళా కోటా, డీలిమిటేషన్ అంశంమహిళా రిజర్వేషన్ బిల్లు లేదా ‘నారీ శక్తి వందన్ అధినియమ్’ 2023లో లోక్‌సభ, రాజ్యసభల్లో ఆమోదించబడింది. లోక్‌సభతో పాటు రాష్ట్రాల అసెంబ్లీల్లో కూడా 33 శాతం సీట్లను మహిళలకు రిజర్వ్ చేయడం ఈ చట్టం లక్ష్యం. అయితే 2023లో ఆమోదించిన చట్టం అమలును భవిష్యత్తులో నిర్వహించే జనగణనతో ముడిపెట్టింది. దీంతో పార్లమెంటరీ నియోజకవర్గాల పునర్విభజన (డీలిమిటేషన్) ప్రక్రియతో ముడిపెట్టాలన్న ప్రభుత్వ నిర్ణయం కారణంగా ప్రతిష్టంభన ఏర్పడింది. ప్రతిపాదిత డీలిమిటేషన్ ప్రక్రియలో లోక్‌సభ మొత్తం సీట్ల సంఖ్యను ప్రస్తుత 543 నుంచి 850కి పెంచే అవకాశం ఉంది. అందులో 33 శాతం అంటే 273 సీట్లు మహిళలకు రిజర్వ్ చేయబడతాయి.గొడవ ఎందుకు?2011 జనగణన ఆధారంగా జనాభా ప్రాతిపదికన డీలిమిటేషన్ చేపడితే దక్షిణాది రాష్ట్రాల కంటే జనాభా పెరుగుదల ఎక్కువగా ఉన్న ఉత్తరాది రాష్ట్రాలకు అన్యాయంగా ఎక్కువ ప్రయోజనం కలుగుతుందని ప్రతిపక్ష పార్టీలు వాదిస్తున్నాయి. ఈ నేపథ్యంలోనే ఏప్రిల్‌లో జరిగిన ప్రత్యేక పార్లమెంట్ సమావేశాల్లో రాజ్యాంగ (131వ సవరణ) బిల్లు ఆమోదించేందుకు చేసిన ప్రయత్నం విఫలమైంది. ఇప్పుడు వర్షాకాల సమావేశాల్లో ఈ చట్టాన్ని ఆమోదింపజేయడానికి ప్రభుత్వం మరోసారి ప్రయత్నిస్తోంది.కాగా ఈ అంశమై కిరణ్ రిజిజు ఆగస్టు 5న రాహుల్ గాంధీతో 50 నిమిషాల పాటు చర్చలు జరిపారు. మహిళా రిజర్వేషన్‌ను డీలిమిటేషన్‌తో ముడిపెట్టడం ఆమోదయోగ్యం కాదని రాహుల్ గాంధీ కేంద్ర మంత్రి రిజిజుకు స్పష్టం చేసినట్లు తెలుస్తోంది. ఆగస్టు 6న కూడా రిజిజు ఫోన్ ద్వారా రాహుల్ గాంధీని సంప్రదించినట్లు సమాచారం. ఈసారి కాంగ్రెస్ ఈ అంశంపై అంతర్గతంగా చర్చించడంతో పాటు, తన ఇండియా కూటమి భాగస్వామ్య పార్టీలతో సైతం చర్చించి, అనంతరం తమ వైఖరిని తెలియజేస్తుందని రాహుల్ చెప్పినట్లు తెలుస్తోంది.

చైనా అరుణాచల్ ప్రదేశ్‌లోని ప్రాంతాల పేర్లను మార్చేందుకు ప్రయత్నాలు చేస్తున్న విషయం ఇదివరకు తెలిసిందే. అయితే, దీనికి ప్రతిస్పందనగా భారత్‌ ఆ రాష్ట్రంలోని 27 కీలక ప్రాంతాలు, భౌగోళిక ప్రదేశాలను సర్వే ఆఫ్ ఇండియా అధికారిక మ్యాప్‌లో గుర్తించింది. ఈ ప్రాంతాలను స్థానికులు, స్వదేశీయులలో అవగాహన పెంచేదిశగా అరుణాచల్ ప్రదేశ్ ప్రభుత్వంతో సంప్రదించి ఈ నిర్ణయం తీసుకున్నట్లు కేంద్ర హోం మంత్రిత్వ శాఖ తెలిపింది.చైనా అరుణాచల్ ప్రదేశ్‌ను 'జాంగ్నాన్‌'గా పేర్కొంటూ అక్కడి ప్రాంతాలకు కొత్త పేర్లు పెడుతోంది. ఈ చర్యలను భారత్‌ తీవ్రంగా వ్యతిరేకిస్తూ వస్తోంది. కేవలం పేర్లు మార్చడం ద్వారా భూభాగంపై హక్కులు మారవని భారత్‌ మరోసారి స్పష్టం చేసింది.అయితే, తాజాగా సర్వే ఆఫ్ ఇండియా అధికారికంగా గుర్తించిన మ్యాప్‌ ప్రాంతాల్లో వాస్తవాధీన రేఖ (LAC) సమీపంలోని లాంగ్జు కూడా ఉంది. 1959లో చైనా దళాలు ఈ ప్రాంతంలోకి ప్రవేశించడం భారత్-చైనా సరిహద్దు ఉద్రిక్తతలకు తొలి ప్రధాన ఘటనల్లో ఒకటిగా నిలిచింది. ఎగువన ఉన్నటువంటి సుబన్సిరి జిల్లాలోని సమీప మాజా గ్రామాన్ని కూడా ఈ జాబితాలో చేర్చారు.అదేవిధంగా డ్జో లా (Dzo La), రిజా లా (Riza La), పుకుర్ లా (Pukur La) వంటి వ్యూహాత్మకంగా కీలకమైన ఎత్తైన పర్వత మార్గాలు ఉన్నాయి. 1962 భారత్-చైనా యుద్ధం ప్రారంభంలో దాడులు జరిగిన ప్రాంతాల్లో ఒకటైన థాగ్ లా (Thag La) కూడా ఈ అధికారిక మ్యాప్‌లో భాగమే.27 ప్రదేశాల జాబితా..అలాగే, 1962 భారత్-చైనా యుద్ధంలో కీలక పాత్ర పోషించిన జస్వంత్ గఢ్, షేర్-ఎ-థాపా మెమోరియల్ వంటి చారిత్రక ప్రాంతాలతో పాటు చాంగ్లాంగ్ జిల్లాలోని జైరాంపూర్‌ను కూడా ఈ జాబితాలో ఉంది. ఇది తూర్పు అరుణాచల్ ప్రదేశ్, మయన్మార్ సరిహద్దు ప్రాంతాల భద్రతా దళాల కదలికలకు ముఖ్యమైన కేంద్రం.అయితే, భారత భూభాగాలకు కల్పిత పేర్లు పెట్టేందుకు చైనా చేస్తున్న ప్రయత్నాలు 'ఆధారరహిత కథనాలను సృష్టించే ప్రయత్నాలు' మాత్రమేనని న్యూఢిల్లీ పేర్కొంది. ఇటువంటి చర్యలు వాస్తవ పరిస్థితులను ఎప్పటికీ మార్చలేవని స్పష్టం చేయడంతోపాటు ఇలాంటి చర్యలు ద్వైపాక్షిక సంబంధాలను మెరుగుపరిచే ప్రయత్నాలకు ఆటంకం కలిగించవచ్చని భారత్‌ హెచ్చరించింది.చైనా తొలిసారిగా 2017లో అరుణాచల్ ప్రదేశ్‌లోని ఆరు ప్రాంతాలు, 2021లో 15 ప్రాంతాలు, 2023లో మరో 11 ప్రాంతాలకు పేర్లు మార్చినట్లు ప్రకటించింది. దీంతో అరుణాచల్ ప్రదేశ్ భారతదేశంలో విడదీయరాని భాగమని భారత్‌ నిరంతరం స్పష్టం చేస్తోంది. అయితే, చైనా చేపట్టే పరిపాలనా లేదా మ్యాప్‌లకు సంబంధించిన చర్యలు భారతదేశ చట్టపరమైన, భౌగోళిక హక్కులపై ఎలాంటి ప్రభావం చూపవని ఈ సందర్భంగా పేర్కొంది.

తిరువనంతపురం: ఒక సైకోచేసిన వింతఘటన ఆ విమానంలోని ప్రయాణికులందరినీ ఊపిరి బిగపట్టుకునేలా చేసింది. బాటిక్ ఎయిర్ కు చెందిన OD-231 విమానం మలేషియాలోని కౌలాలంపూర్ నుంచి వస్తుంది. అంతా ప్రయాణంలో సేదతీరుతుండగా ఒక్కసారిగా అందులోని ప్రయాణికుడు అకస్మాత్తుగా తన సీటు నుంచి లేచి ఎమర్జెన్సీ ఎగ్జిట్ తలుపు తెరవడానికి ప్రయత్నించాడు.దీంతో అందులోని వారంతా ఒక్కసారిగా తీవ్రభయాందోళనలకు గురయ్యారు.ఏం జరిగింది?విమానం గాల్లో ప్రయాణిస్తున్న సమయంలో, 36 ఏళ్ల జంషీర్ అతనిక్కల్ అనే ప్రయాణికుడు అకస్మాత్తుగా తన సీటు నుంచి లేచి ఎమర్జెన్సీ ఎగ్జిట్ తలుపు తెరవడానికి ప్రయత్నించాడు.అంతే కాకుండా తలుపు వద్ద ఉన్న విండో ప్యానెల్‌ను కూడా బలంగా కొట్టి దెబ్బతీశాడు. దీంతో ఇది గమనించిన ప్రయాణికులు వెంటనే సిబ్బందికి సమాచారం అందించారు.క్యాబిన్ క్రూ వెంటనే స్పందించి, కొంతమంది ప్రయాణికుల సహాయంతో అతడిని అదుపులోకి తీసుకున్నారు. అయితే విమానం క్రూజింగ్ ఎత్తులో ఉండగా క్యాబిన్ లోపలి–బయటి గాలి పీడన మధ్య భారీ తేడా ఉండటంతో ఎమర్జెన్సీ తలుపు తెరవడం సాధారణంగా సాధ్యం కాలేదు దీంతో పెను ప్రమాదం తప్పింది. అయితే విమానం కొచ్చిలో ‍ల్యాండ్‌ అయిన అనంతరం అతడిని సిబ్బంది అతడిని అదుపులోకి తీసుకుని స్థానిక పోలీసులకు అప్పగించారు. అతడి మానసిక పరిస్థితి, ఇతర కారణాలపై దర్యాప్తు జరుపుతున్నట్లు పోలీసులు తెలిపారు.అప్ప‌ట్లో రోడ్ల‌పై, రైల్వే స్టేష‌న్లు, బ‌స్టాండ్ల‌లో సైకోల‌ను చూశాం... ఇప్పుడు విమానాల్లో కూడా అలాంటి సైకోల‌ను చూస్తున్నాం.కౌలాలంపూర్–కొచ్చి బాటిక్ ఎయిర్ విమానంలో ఎమర్జెన్సీ డోర్ తెరవబోయిన ప్రయాణికుడు.గాల్లోనే ఎమర్జెన్సీ డోర్ తెరవడానికి 36 ఏళ్ల జంషీర్ అతానిక్కల్… pic.twitter.com/ubhOoZNxME— greatandhra (@greatandhranews) August 7, 2026

సాక్షి,ఢిల్లీ: జంతర్‌ మంతర్‌ వద్ద జరిగిన నిరసనలో విద్యార్థులపై జరిగిన దాడిపై కేంద్ర హోం మంత్రి అమిత్‌ షా క్షమాపణలు చెప్పాలని విపక్షాలు డిమాండ్‌ చేశాయి. ఈ మేరకు విపక్ష ఎంపీలు పార్లమెంటు ఎదుట ప్లకార్డులు పట్టుకొని ఆందోళన చేపట్టారు. అమిత్‌షా కనపడడం లేదని పార్లమెంటు సమావేశాలకు ఎందుకు హాజరు కావడం లేదని ఎంపీలు ప్రశ్నించారు. "అమిత్‌ షా జవాబ్‌ దేవ్" అని ప్లకార్డులు పట్టుకొని ఆందోళన చేశారు. అయితే ఎంపీల నిరసన సమయంలో భారీగా వర్షం పడుతున్నా వెనక్కి తగ్గలేదు. వానకు తడుస్తూనే నిరసన చేపట్టారు.కాగా ప్రస్తుతం జరుగుతున్న పార్లమెంట్ వర్షాకాల సమావేశాలకు కేంద్ర హోంమంత్రి అమిత్ షా సభకు హాజరుకాకపోవడంపై అధికార, ప్రతిపక్షాల మధ్య తీవ్ర రాజకీయ దుమారం రేగుతోంది. జూలై 20న ఢిల్లీలో 'నీట్ యూజీ పేపర్ లీకేజీకి వ్యతిరేకంగా నిరసనలు తెలిపిన విద్యార్థులపై పోలీసులు, రాపిడ్ యాక్షన్ ఫోర్స్ బలగాలు లాఠీఛార్జ్, పెల్లెట్ గన్లను ఉపయోగించాయని ప్రతిపక్షాలు ఆరోపిస్తున్నాయి. హోంశాఖ పరిధిలోని పోలీసుల చర్యలపై అమిత్ షా సభకు వచ్చి సమాధానం చెప్పాలని పట్టుబడుతున్నాయి.అయితే అమిత్ షా పార్లమెంట్‌కు దూరంగా లేరని, ఆయన రోజంతా పార్లమెంట్ హౌస్‌లోని తన ఛాంబర్ లోనే ఉంటూ అధికారిక విధులు నిర్వహిస్తున్నారని బీజేపీ సీనియర్ నేత రవిశంకర్ ప్రసాద్ స్పష్టం చేశారు. ప్రతిపక్షాల గందరగోళమే కారణమని ప్రతిపక్షాలు నిరంతర నిరసనలతో సభను సజావుగా సాగనివ్వడం లేదని, సభను నడవనిస్తే అమిత్ షా వచ్చి ఖచ్చితంగా సమాధానం ఇస్తారని తెలిపారు.

సాక్షి, ఢిల్లీ: ఈ రోజు శుక్రవారం (ఆగస్టు 7) జాతీయ చేనేత దినోత్సవం సందర్భంగా ప్రధాని మోదీ దేశ ప్రజలకు కీలక విజ్ఞప్తి చేశారు. చేనేత హ్యాండ్లూమ్ ఉత్పత్తులను కొనుగోలు చేసి, ఆ వీడియోలను చేనేత కార్మికులకు మద్దతుగా సోషల్ మీడియాలో వీడియోల రూపంలో పంచుకోవాలని ప్రధాని పిలుపునిచ్చారు. స్నేహితుల దినోత్సవంఎంత ఉత్సాహంగా జరుపుకుంటామో, అదే ఉత్సాహంతో జాతీయ చేనేత దినోత్సవాన్ని కూడా జరుపుకోవాలని కోరారు.ఇన్‌స్టాగ్రామ్‌లో విడుదల చేసిన వీడియోలో ప్రధాని మోదీ మాట్లాడుతూ.. "1905 ఆగస్టు 7న స్వదేశీ ఉద్యమం ప్రారంభమైంది. బ్రిటిష్ పాలనకు వ్యతిరేకంగా భారత స్వాతంత్ర్య పోరాటంలో ఈ ఉద్యమం కీలక పాత్ర పోషించిందని, దేశ ప్రజలను ఏకం చేయడంతో పాటు స్వావలంబనకు ప్రతీకగా నిలిచింది" అని పేర్కొన్నారు. జాతీయ చేనేత దినోత్సవం కూడా అదే స్పూర్తిని గుర్తు చేసే సందర్భంగా భావించాలని ప్రధాని అన్నారు.దేశవ్యాప్తంగా అనేక మంది నేత కార్మికులు చిన్న చిన్న ఇళ్లలోనే పనిచేస్తూ, విభిన్న రకాల చేనేత వస్త్రాలను అద్భుతమైన నైపుణ్యంతో తయారు చేస్తున్నారని కొనియాడారు. ప్రతి ఒక్కరూ కనీసం ఒక హ్యాండ్లూమ్ ఉత్పత్తిని కొనుగోలు చేయాలని, దానిని చూపిస్తూ ఒక చిన్న వీడియో చిత్రీకరించి సోషల్ మీడియాలో పంచుకోవాలని ప్రధాని మోదీ సూచించారు.ఇలా చేయడం ద్వారా మరింత మంది చేనేత ఉత్పత్తులను కొనుగోలు చేయడానికి ప్రేరణ పొందుతారని, నేత కార్మికులకు విస్తృత మద్దతు లభిస్తుందని ఆయన చెప్పారు. "ఆత్మనిర్భర్ భారత్ నిర్మించడమే మన లక్ష్యమని. అందుకోసం సమాజంలోని అత్యంత చిన్న, పేద కుటుంబాలు కూడా ఆర్థికంగా బలోపేతం కావాలి. ప్రజల మద్దతు పెరిగితే భారతీయ నేత కార్మికుల ప్రతిభ, వారి అద్భుతమైన కళాత్మక నైపుణ్యం ప్రపంచవ్యాప్తంగా మరింత గుర్తింపు పొందుతుంది” అని ప్రధాని మోదీ ఇన్‌స్టా వేదికగా పేర్కొన్నారు.

ఒక తండ్రి... కన్న బిడ్డలను అల్లారుముద్దుగా పెంచాడు. తన రెక్కలు ముక్కలు చేసుకుని జీవితాంతం కష్టపడి సంపాదించాడు. వారిని గొప్పగా చదివించి, ఉన్నత స్థానాల్లో నిలబెట్టాడు. కానీ చివరికి తన జీవిత ప్రయాణం ముగిసే సమయానికి ఆయన పక్కన నిలిచింది మాత్రం ఆ కుటుంబం కాదు... ఓ వృద్ధాశ్రమం.హరియాణాలోని సోనిపట్‌కు చెందిన ఓ ప్రముఖ వ్యాపారవేత్త చివరి రోజులు ఒంటరితనంతో గడిపారు. జీవితమంతా కుటుంబం కోసం శ్రమించిన ఆయన, చివరికి వృద్ధాశ్రమంలో తుదిశ్వాస విడిచారు. అంతకంటే బాధాకరమైన విషయం ఏమిటంటే? ఆయన అంత్యక్రియలకు సొంత కుమార్తెలు కూడా రాలేదు.వీడియో కాల్ పెట్టండి...కన్నతండ్రి మరణించారని తెలుసుకున్న కుమార్తెలు కడసారి చూపుకైనా రాలేకపోయారు. తండ్రి చివరి ప్రయాణాన్ని వీడీయో కాల్‌రూపంలో మొబైల్ స్క్రీన్‌లో చూసేశారు. అలోచిస్తేనే బాధతో గుండెభారంగా మారుతున్న ఈ ఘటనలో.. చివరికి వారు తండ్రి అంత్యక్రియల ఖర్చుల కోసం రూ.5,100 పంపించి తమ బాధ్యత ముగిసిందని భావించినట్లుగా ఈ వీడియోలో వారి సన్నివేశం కనిపిస్తోంది. అయితే, ఈ సంఘటన ప్రస్తుతం ఒక ప్రశ్నగా మారి సమాజం ముందు నిలబెడుతోంది.బతికి ఉన్నప్పుడు కంటపడని కన్నప్రేమ.. కన్నుమూశాక వీడియో కాల్ దర్శనం! ఎటు పోతోంది ఈ సమాజం?!రెక్కలు ముక్కలు చేసుకుని పెంచి పెద్ద చేసిన కన్నప్రేమ పట్ల ఆప్యాయత, బాధ్యతలు ఏమైపోతున్నాయి? నేటి సమాజంలో యంత్రాల్లా మారుతున్న మానవ సంబంధాలు, మంటగలిసిపోతున్న నైతిక విలువలకు ఈ దృశ్యమే… pic.twitter.com/CCMMyqFMhl— V.C. Sajjanar, IPS (@SajjanarVC_IPS) August 5, 2026సాంకేతికత మనుషులనే కాకుండా.. పూర్తిగా మనసులను మరింత దూరం చేసింది. ఎన్ని కోట్లు సంపాదించినా... ఎంత పెద్ద పదవుల్లో ఉన్నా... తల్లిదండ్రుల చివరి క్షణాల్లో వారి పక్కన నిలబడలేకపోతే ఆ విజయం విలువ ఏమిటి? జీవితాంతం మన కోసం కష్టపడిన వాళ్లకు చివరి వీడ్కోలు కూడా ఇవ్వలేకపోతే అది అభివృద్ధా? లేక అనుబంధాల ఓటమా? అనే ఆలోచనలు ఇలాంటి ఘటనలు పదే పదే గుర్తు చేస్తున్నాయి.వృద్ధాశ్రమాలు పెరుగుతున్నాయి... వీడియో కాల్స్, ఆన్‌లైన్ మనీ ట్రాన్స్‌ఫర్లు పెరుగుతున్నాయి... కానీ ఆప్యాయత, మమకారం, బాధ్యత కూడా అదే స్థాయిలో పెరుగుతున్నాయా అనే ప్రశ్న కూడా వెంటాడుతోంది. తల్లిదండ్రులు కోరుకునేది కోట్ల ఆస్తులు కాదు... వద్దాప్య చివరి రోజుల్లో నాలుగు ఓదార్పు మాటలు, పక్కన నిలిచే సొంత మనుషులు మాత్రమే. ఒకప్పుడు పిల్లల కోసం తమ జీవితాన్నే అంకితం చేసిన తల్లిదండ్రులు... నేడు వృద్ధాశ్రమాల్లో ఒంటరిగా కన్నుమూయాల్సి వస్తే, అది ఒక్క కుటుంబం వైఫల్యం మాత్రమే కాదు... సమాజమంతా ఆలోచించాల్సిన అంశం కూడా.

సాక్షి, ఢిల్లీ: లోక్‌సభ రేపటికి వాయిదా పడింది. విపక్షాలు పెద్దఎత్తున నిరసనలు చేయడంతో లోక్‌సభ వాయిదా వేస్తున్నట్లు స్పీకర్ ఓం బిర్లా ప్రకటించారు. కాగా ఈ నెల 13తో పార్లమెంట్ వర్షాకాల సమావేశాలు ముగియనున్నాయి. దీంతో పార్లమెంట్ ప్రత్యేక సమావేశాలు నిర్వహించే యోచనలో కేంద్రం ఉన్నట్లు తెలుస్తోంది.ఈ నెల 16,17,18 తేదీలలో ప్రత్యేక సమావేశాలు నిర్వహించి డీలిమిటేషన్‌, మహిళా బిల్లులపై చర్చించేలా కేంద్రం యోచిస్తున్నట్లు సమాచారం. కాగా ఇదివరకే లోక్‌సభలో డీలిమిటేషన్ బిల్లు, 2026 పై చర్చ ఈ ఏడాది ఏప్రిల్ 16న జరిగింది. కేంద్ర న్యాయ శాఖ మంత్రి అర్జున్ రామ్ మేఘవాల్ ఈ బిల్లును సభలో ప్రవేశపెట్టారు.జనాభా ప్రాతిపదికన సీట్లు పెంచితే మెుదటి నుంచి జనాభా నియంత్రణను పకడ్బందీగా అమలు చేసిన దక్షిణాది రాష్ట్రాలు నష్టపోతాయని ఉత్తరాది రాష్ట్రాల (UP, బీహార్) సీట్లు రాజకీయ బలం భారీగా పెరుగుతాయని విపక్షాలు వ్యతిరేకించాయి. దానితో పాటు మహిళా రిజర్వేషన్‌తో లింక్ పెట్టడంతో మహిళా రిజర్వేషన్‌ను ప్రస్తుతమున్న సీట్లలోనే తక్షణమే అమలు చేయాలని విపక్షాలు డిమాండ్ చేశాయి. ఈ నేపథ్యంలో బిల్లులు ప్రత్యేక మెజారిటీ లేక చట్టసభలలో వీగిపోయాయి.

సాక్షి,ఢిల్లీ: ఎయిరిండియా విమానానికి పెను ప్రమాదం తప్పింది. విమానం గాల్లో ప్రయాణిస్తుండగా ఒక్కసారిగా కుదుపులకు గురయ్యింది. దీంతో ఫైలట్ చాకచక్యంగా వ్యవహరించి ఢిల్లీ ఎయిర్‌పోర్టులో ఎమర్జెన్సీ ల్యాండింగ్‌ చేశారు. కొంతమంది ప్రయాణికులకు గాయాలయ్యాయని అది మినహా ప్రయాణికులు, సిబ్బంది సేఫ్‌ అని విమానయాన సంస్థ ప్రకటించింది. పెనుప్రమాదం తప్పడంతో అంతా ఊపీరి పీల్చుకున్నారు. అయితే విమానం ఎందుకు కుదుపులకు గురయింది అనే విషయం తెలియాల్సి ఉంది.

సాక్షి, చెన్నై: తమిళనాడు తంజావూరులో తీవ్ర ఉద్రిక్తత నెలకొంది. ఉదయనిధి స్టాలిన్‌ అరెస్టును వ్యతిరేకిస్తూ డీఎంకే కార్యకర్తలు పెద్దఎత్తున ఆందోళనలను చేపడుతున్నారు. తంజావురులో షాపులని మూయిస్తున్నారు. అరెస్టును నిరసిస్తూ సీఎం విజయ్‌ దిష్టిబొమ్మ తగలబెట్టేందుకు యత్నించారు. దీంతో టీవీకే, డీఎంకే కార్యకర్తల మధ్య తీవ్ర ఘర్షణ నెలకొంది. ఇరుపార్టీల నేతలు పరస్పరం రాళ్లదాడి చేసుకున్నారు. దీంతో పలువురికి గాయాలయ్యాయి.కావేరి ఇష్యూ నుంచి టాపిక్‌ను డైవర్ట్ చేయడానికి ఉదయనిధిని అరెస్టు చేయించారని డీఎంకే నేతలు ఆరోపిస్తున్నారు.డీఎంకే నిరసనలకు పన్నీర్‌ సెల్వం నాయకత్వం వహిస్తున్నారు. అరెస్టును నిరసిస్తూ రాష్ట్రవ్యాప్తంగా ఆందోళనననలు చేపట్టనున్నట్లు తెలుస్తోంది.కాగా సీఎం, విజయ్‌ సినీనటి త్రిషపై అభ్యంతకర వ్యాఖ్యలు చేశారనే ఆరోపణలతో ఉదయనిధి స్టాలిన్‌ను పోలీసులు అరెస్టు చేశారు. దీంతో తమిళనాడులో ఉద్రిక్తకర పరిస్తితులు ఏర్పడ్డాయి.మరోవైపు డీఎంకే అధినేత స్టాలిన్ డీఎంకే కేంద్రకార్యాలయానికి చేరుకున్నారు. ఉదయనిధి అరెస్టుపై పార్టీ నేతలతో చర్చలు జరుపుతున్నారు. తదనంతరం తీసుకోవాల్సిన చర్యలపై సమాలోచనలు జరుపుతున్నట్లు తెలుస్తోంది. కాగా తమిళనాడు ప్రతిపక్ష నాయకుడు ఉదయనిధి స్టాలిన్ దాఖలు చేసిన ముందస్తు బెయిల్ పిటిషన్‌ను మద్రాస్ హైకోర్టు మరికాసేపట్లో విచారించనున్నట్లు సమాచారం.పార్లమెంటులో చర్చకాగా ఉదయనిధి అరెస్టు అంశం ఉదయనిధి అరెస్టుపై పార్లమెంటులో గందరగోళం చెలరేగింది. తమిళనాడులో భావప్రకటనా స్వేచ్ఛ లేకుండా పోయిందని ఆ పార్టీ ఎంపీ తిరిచ్చి శివ అన్నారు. రాష్ట్రంలో శాంతిభద్రతలు అదుపుతప్పాయన్నారు. అయితే లా అండ్‌ అర్డర్‌ అనేది రాష్ట్ర పరిధిలోని అంశంమని రాజ్యసభ స్పీకర్‌ బదులిచ్చారు. 🚨🇮🇳 #BREAKING — DMK cadres staged a protest in Thanjavur, condemning the arrest of opposition leader Udhayanidhi Stalin.Protesters also burned an effigy of Chief Minister Vijay during the demonstration.#TamilNadu #DMK #Thanjavur #UdhayanidhiStalin pic.twitter.com/G3qUtWQGUm— WarPolitics (@TheWarPolitics0) August 4, 2026

సాక్షి, ఢిల్లీ: ఈ20 పెట్రోల్‌కు వ్యతిరేకంగా ఆప్‌ నేతలు చేపట్టిన ఛలో ప్రధాని నివాస్‌ ర్యాలీని ఢిల్లీ పోలీసులు అడ్డుకున్నారు. దీంతో రోడ్డుపైనే భైటాయించిన ఆప్‌ కన్వీనర్‌ అరవింద్‌ కేజ్రీవాల్‌, మనీశ్‌ సిసోడియా, సంజయ్‌ సింగ్‌లు.. ఇథనాల్‌ ఇంధనానికి వ్యతిరేకంగా నినాదాలు చేశారు. ఈ20 పెట్రోల్‌కు వ్యతిరేకంగా ఆప్‌ రెండు లక్షలకు పైగా సంతకాల సేకరణ చేపట్టిన సంగతి తెలిసిందే. ఈ క్రమంలో మంగళవారం ప్రధాని నరేంద్ర మోదీ నివాసానికి ర్యాలీగా వెళ్లి.. ఆయనకు ఆ ప్రతిని అప్పగించాలని కేజ్రీవాల్‌ భావించారు. అయితే.. పోలీసులు అడ్డుకోవడంతో అక్కడే భైఠాయించి నిరసన తెలుపుతున్నారు.ఈ సందర్భంగా మాజీ సీఎం కేజ్రీవాల్‌ మాట్లాడుతూ.. ‘‘ప్రధాని మోదీ అమెరికా అధ్యక్షుడు డొనాల్డ్‌ ట్రంప్‌ ఒత్తిడికి లోనుకావద్దు. అమెరికా నుంచి ఎథనాల్‌ కొనుగోళ్లను నిలిపివేయాలి. దేశంలో E20 పెట్రోల్‌ విధానాన్ని బలవంతంగా అమలు చేయొద్దు. ఈ అంశంపై ప్రధానిని కలిసే విషయమై లేఖలు పంపాం. సమస్య పరిష్కారం అయ్యే వరకు మా పోరాటం కొనసాగుతుంది’’ అని స్పష్టం చేశారు.#WATCH | Delhi: AAP National Convenor Arvind Kejriwal says, "I want to say that PM Modi should not come under pressure from US President Trump. He should stop buying ethanol from the USA and stop imposing E20 on our country. I hope that the Prime Minister will call us. We have… https://t.co/HCiUUO0dW0 pic.twitter.com/xCNkecugvT— ANI (@ANI) August 4, 2026ఇథనాల్‌ కలిపిన పెట్రోల్‌ వాడకం వల్ల వాహనాల ఇంజిన్‌ సామర్థ్యం పాడవుతుందని వాదిస్తున్న కేజ్రీవాల్‌.. ప్రజలకు ఇంధనం వేసుకునే సమయంలో ప్యూర్ పెట్రోల్‌, ఇథనాల్ పెట్రోల్‌ అనే రెండు ఆప్షన్స్‌ ఇవ్వాలని డిమాండ్‌ చేస్తున్నారు. ప్రస్తుతం పార్లమెంటు సమావేశాలు జరుగుతున్న సమయంలోనే.. ఈ అంశంపై చర్చ జరగాల్సిన అవసరం ఉందని అంటున్నారాయన. "కొన్ని రోజుల క్రితం ప్రధానికి ఉద్దేశించి ఆన్‌లైన్ వినతిపత్రం ప్రారంభించాం. చాలా తక్కువ సమయంలోనే సుమారు 2,33,238 మంది దానిపై సంతకం చేశారు. నా కార్యాలయం నుంచి అరెస్టులంటే భయపడని 100 మందితో కలిసి ప్రధాని నివాసానికి బయలుదేరుతాను. ఈ వినతిపత్రాన్ని ఆయనకు స్వయంగా అందించి, ఇథనాల్ విధానంలో ఉన్న లోపాల గురించి చర్చించాలని కోరతాం" అని కేజ్రీవాల్‌ ఇంతకు ముందే ప్రకటించారు.

కోల్‌కతా: తృణముల్‌ కాంగ్రెస్‌కు మరోషాక్‌ తగిలింది. నేతాజీ సుభాష్ చంద్రబోస్ మునిమనవడు చంద్రకుమార్ బోస్ తృణమూల్ కాంగ్రెస్ (TMC) పార్టీకి రాజీనామా చేశారు. "వ్యక్తిగత కారణాల" వల్లే తాను ప్రాథమిక సభ్యత్వానికి స్వస్తి పలుకుతున్నట్లు ఆయన ప్రకటించారు. ఈ మేరకు పార్టీ అధినేత్రి మమతా బెనర్జీకి తన రాజీనామా లేఖను పంపారు.పశ్చిమబెంగాల్‌ సాధారణ ఎన్నికల్లో ఓటమితో మమతా బెనర్జీకి మెుదలైన బ్యాడ్‌ టైమ్‌ ఇప్పట్లో ఆగేలా లేదు..అంతర్గత విబేధాల కారణంగా సుమారు 20 మంది ఎంపీలు టీఎంసీ నుంచి వేరుపడే ప్రయత్నాలు చేయడం, అలాగే రిషిబ్రతా బెనర్జీ, సందీప్ సాహా వంటి అసమ్మతి ఎమ్మెల్యేలపై పార్టీ బహిష్కరణ వేటు వేయడం వంటి పరిణామాలు పశ్చిమ బెంగాల్ రాజకీయాల్లో సంచలనం సృష్టించాయి. ఈ నేపథ్యంలోనే చాలా మంది నేతలు ఇప్పటికే తృణముల్‌కు గుడ్‌బై చెప్పారు. తాజాగా ఆ బాటలోనే చంద్రకుమార్‌ బోస్‌ నిలిచారు. వ్యక్తిగత కారణాలతోనే టీఎంసీకి రాజీనామా చేస్తున్నట్లు ప్రకటించారు.ఈ సందర్భంగా చంద్రకుమార్‌ బోస్‌ .. "వ్యక్తిగత కారణాల దృష్ట్యా, నేను అఖిల భారత తృణమూల్ కాంగ్రెస్ ప్రాథమిక సభ్యత్వానికి తక్షణమే రాజీనామా చేస్తున్నాను. మీ భవిష్యత్ ప్రయత్నాలన్నింటిలోనూ మీకు, ఏఐటీసీకి నా శుభాకాంక్షలు" అని బోస్ పార్టీ అధినేత్రి మమతా బెనర్జీకి రాసిన తన రాజీనామా లేఖలో పేర్కొన్నారు.రాజకీయ నేపథ్యం2016లో అమిత్ షా సమక్షంలో బీజేపీలో చేరిన ఆయన, 2019 లోక్‌సభ ఎన్నికల్లో కోల్‌కతా దక్షిణ నియోజకవర్గం నుంచి బీజేపీ అభ్యర్థిగా పోటీ చేసి ఓడిపోయారు. అనంతరం ఎస్‌ఐఆర్‌ స్పెషల్ ఇంటెన్సివ్ రివిజన్ (SIR) విచారణకు హాజరు కావాలని నోటీసులు రావడంతో ఆయన బీజేపీని వీడారు. స్వాతంత్ర్య సమరయోధుడు నేతాజీ సుభాష్ చంద్రబోస్ మునుమడైన తన పౌరసత్వాన్నే ఎలా సందేహిస్తారంటూ ఆయన అప్పట్లో తీవ్రంగా ప్రశ్నించారు. ఈ కారణాలతో బీజేపీని వీడి బెంగాల్ అసెంబ్లీ ఎన్నికలకు కొన్ని వారాల ముందు, ఏప్రిల్ 12న చంద్రకుమార్ బోస్ తృణమూల్ కాంగ్రెస్‌లో చేరారు. ఆ సమయంలో తాను బీజేపీలో చేరడం పెద్ద "తప్పు" అని ఆయన అభివర్ణించారు.

సాక్షి, ఢిల్లీ: బిహార్‌లో ప్రశాంత్‌ కిషోర్‌ విజయంతో బీజేపీకి మరో ఎదురుదెబ్బ తగిలిందని ఢిల్లీ మాజీ ముఖ్యమంత్రి అరవింద్ కేజ్రీవాల్‌ అ‍న్నారు.ఈ విజయంతో బీజేపీపై ప్రజల్లో ఏ విధంగా వ్యతిరేకత ఉందో స్పష్టంగా అర్థమైందన్నారు.బిహార్‌ అసెంబ్లీ ఉపఎన్నికల్లో ఘన విజయం సాధించిన జనసూరజ్‌ పార్టీ అధినేత ప్రశాంత్‌ కిషోర్‌కు అభినందనలు చెబుతూ ఎక్స్‌ ఖాతాలో పోస్ట్ చేశారు.అరవింద్ కేజ్రీవాల్ తన ఎక్స్ ఖాతాలో " బీజేపీ తన జాతీయ అధ్యక్షుడి సీటును కూడా కోల్పోయింది. బంకిపూర్ నుంచి ప్రశాంత్ కిషోర్ జీ భారీ మెజారిటీతో గెలుపొందారు. ఆయనకు హృదయపూర్వక అభినందనలు. బీజేపీ పట్టు పూర్తిగా చేజారిపోయింది. నిధుల దుర్వినియోగం, పత్రాల లీకులు, ఈ20... మోదీ ప్రభుత్వంపై ప్రజల్లో తీవ్ర అసంతృప్తి నెలకొని ఉంది. అహంకారం బద్దలవుతోంది. దేశ ప్రజలు మార్పునకు స్పష్టమైన సంకేతం ఇచ్చారు," అని ఆయన రాసుకొచ్చారు.మరోవైపు ప్రశాంత్‌ కిషోర్‌ను అభినందిస్తూ బిహార్‌ ముఖ్యమంత్రి సామ్రాట్ చౌదరి ఎక్స్‌లో పోస్ట్ చేశారు."ప్రజాస్వామ్య మహోత్సవంలో, బంకిీపూర్ అసెంబ్లీ ఉప ఎన్నికలో ప్రజలు జన సురాజ్‌ను ఎన్నుకున్నారు. ప్రజల నిర్ణయాన్ని గౌరవిస్తూ, విజయం సాధించిన శ్రీ ప్రశాంత్ కిషోర్ గారికి నా హృదయపూర్వక అభినందనలు తెలియజేస్తున్నాను," అని పేర్కొన్నారు.కాగా దేశంలోని బంకీపూర్, మంజల్‌పూర్, దతియా అసెంబ్లీ నియోజక వర్గాల ఉప ఎన్నికల ఓట్ల లెక్కింపు సోమవారం జరిగింది. బిహార్‌లోని బంకీపూర్ నియోజకవర్గంలో జనసురాజ్ పార్టీ అభ్యర్థి ప్రశాంత్ కిశోర్ గెలుపొందారు. ఆయన 19 వేలకు పైగా ఓట్ల ఆధిక్యంతో బీజేపీ నేత నీరజ్‌ కుమార్‌పై విజయం సాధించారు.గుజరాత్‌లోని మంజల్‌పూర్ నియోజకవర్గంలో భారతీయ జనతా పార్టీ అభ్యర్థి సతేంద్రభాయ్ పటేల్ (సతీశ్‌ పటేల్) విజయం సాధించారు. ఆయనకు మొత్తం 55,481 ఓట్లు పడగా 30,630 ఓట్ల తేడాతో గెలిచారు. కాంగ్రెస్‌ అభ్యర్థి భిఖంభాయి రబారీ రెండో స్థానానికి పరిమితమయ్యారు. మధ్యప్రదేశ్‌లోని దతియా నియోజకవర్గంలో కాంగ్రెస్ అభ్యర్థి ఘనశ్యామ్ సింగ్ విజయం సాధించారు. ఆయనకు మొత్తం 66757 ఓట్లు రాగా, 6,016 తేడాతో బీజేపీ అభ్యర్థి అశుతోష్‌ తివారీపై గెలుపొందారు.

సాక్షి, ఢిల్లీ: ఎంపీ పప్పూ యాదవ్‌పై దాడి జరిగింది. ఈరోజు ఆదివారం ఢిల్లీలోని ఆయన నివాసం వద్ద మీడియా సమావేశం నిర్వహిస్తూఉండగా ఓ వ్యక్తి అతనిపై చెప్పు విసిరారు. అనంతరం ఎంపీపై దాడికి యత్నించగా మద్ధతుదారులు అతనిని పట్టుకొని చితకబాదారు.అనంతరం అతనిని పోలీసులు అదుపులోకి తీసుకున్నారు.ఇటీవల అయోధ్య రామమందిర హుండీ చోరి విషయంలో ఇటీవల ప్రతిపక్షాలు పార్లమెంటు ఎదుట నిరసన చేపట్టాయి. ఈ సందర్భంగా పప్పుయాదవ్ సన్యాసి వేశం వేసి హూండీ పట్టుకొని నాటకం వేశారు. కాగా ఈ నాటకం హిందూ ధర్మాన్ని కించపరిచే విధంగా ఉందంటూ వారణాసిలోని కొందరు సన్యాసులు, లాయర్లు పోలీస్‌ స్టేషన్లలో ఫిర్యాదు చేశారు.ఆ నేపథ్యంలోనే లక్నోలోని ఓ హిందూ నాయకుడు పప్పూయాదవ్‌ తల తెచ్చిన వారికి రూ. 51 లక్షల రివార్డును ఇస్తానని ప్రకటించారు.ఇంతలోనే ఈ రోజు ఆయనపై దాడి జరిగింది. దాడి అనంతరం పప్పు యాదవ్ మాట్లాడుతూ "కొంతమంది బాబాలు ప్రతిరోజూ, "నన్ను చంపండి, కాల్చండి, నేను మీకు రూ. 51 లక్షలు ఇస్తాను. అంటున్నారు. అసలు నాతప్పేమిటి ఈ దాడి మీ కళ్ల ముందే జరిగింది. అసలు నేరం బ్రిజ్‌భూషణ్ తివారీ, చంపత్ రాయ్‌లది" అని అన్నారు.అయితే దాడి తర్వాత అక్కడ ఉద్రిక్తకర పరిస్తితులు ఏర్పడ్డాయి. ఎంపీ మద్దతుదారులు అతనిపై తీవ్రస్థాయిలో దాడికి యత్నించారు. దీంతో పోలీసులు అతి కష్టంమీద దాడి చేసిన వ్యక్తిని అక్కడి నుండి తరలించారు. కాగా నిందితుడు తనపై దాడికి కత్తి తీసుకవచ్చాడని పప్పూ యాదవ్ తెలిపారు.#Breaking - Delhi: Pappu Yadav attacked and brutally beaten A man with a knife tried to kill Pappu YadavPeople beat the man severely pic.twitter.com/uy5MQfRInS— NEWS WALA (@NEWSWALApy) August 2, 2026

లక్నో: లోక్‌సభ ప్రతిపక్ష నేత రాహుల్‌ గాంధీ, ఎంపీ పప్పూయాదవ్‌పై హిందూ సన్యాసులు, లాయర్లు ఫిర్యాదు చేశారు.అయోధ్య రామమందిర హుండీ చోరీ పేరుతో పార్లమెంట్‌ ఎదుట వీరు నాటకం వేశారన్నారు. ఆ నాటకం హిందూ ధర్మాన్ని సన్యాసులను అవమానించే విధంగా ఉందని వారణాసిలోని వివిధ పోలీస్‌ స్టేషన్లలలో ఫిర్యాదు చేశారు.హిందూ సాధువు బాలక్‌దాస్ దేవచార్య మాట్లాడుతూ "పార్లమెంటు బయట పప్పు యాదవ్ చేసిన చర్య ద్వారా, ఆయన కాషాయ వస్త్రాలను, సాధు సమాజాన్ని, శ్రీరాముడినీ అవమానించారు. ఇందులో ప్రమేయం ఉన్న ప్రతిపక్ష నాయకులందరిపై ఫిర్యాదు దాఖలు చేశాం, వారిపై చట్టపరమైన చర్యలు తీసుకోవాలని డిమాండ్ చేశాం," అని అన్నారు.అదే న్యాయవాది వినీత్ కుమార్ సింగ్ విలేకరులతో మాట్లాడుతూ ప్రతిపక్షం సనాతన ధర్మాన్ని అవమానిస్తోందన్నారు "నిన్న పార్లమెంటులో సనాతన ధర్మాన్ని అవమానించారని మేము భావిస్తున్న దానిపై ఫిర్యాదు చేశాము. పప్పు యాదవ్, రాహుల్ గాంధీలపై కేసు నమోదు చేయాలని కోరాము. మేము కేవలం వినతిపత్రం కాకుండా, కంటోన్మెంట్ పోలీసు అధికారులకు లిఖితపూర్వక ఫిర్యాదును సమర్పించాము." అని తెలిపారు.ఫిర్యాదు ఎందుకు కాగా దేశవ్యాప్తంగా సంచలనం సృష్టించిన అయోధ్య రామమందిర కానుకల దొంగతనాలపై పార్లమెంటు ఎదుట నిన్న (శుక్రవారం) కాంగ్రెస్‌ వినూత్న రీతిలో నిరసన చేపట్టింది. ఆ పార్టీ ఎంపీ పప్పూయాదవ్‌ కాషాయ వస్త్రాలు ధరించారు. పూజారి వేషంలో విరాళాల పెట్టె పట్టుకొని ముఖద్వారం వద్ద కూర్చొని నిరసన తెలిపారు.ఆ సమయంలో అక్కడి ఎంపీలు ప్రభుత్వానికి వ్యతిరేకంగా అరుస్తూ హుండీలో కానుకలు వేశారు. ఈ సందర్బంగా లోక్‌సభ ప్రతిపక్ష నాయకుడు రాహుల్‌ గాంధీ పప్పూయాదవ్‌కు నమస్కారం పెట్టి హుండీలో కానుకలు వేశారు. కాగా దీనిపై ఇప్పుడు ఫిర్యాదు చేశారు.

దిస్పూర్‌: అస్సాంలో భారీ వరదలు తీవ్ర వినాశనాన్ని సృష్టించాయి. వరదల కారణంగా మృతిచెందిన వారి సంఖ్య 82కి చేరుకుందని అక్కడి అధికారులు వెల్లడించారు. మృతుల సంఖ్య మరింతగా పెరిగే అవకాశం ఉందని ప్రకటించారు. రాష్ట్రవ్యాప్తంగా దాదాపు 1,92,799 మంది వరద ప్రభావిత ప్రాంతాల్లోనే ఉన్నట్లు పేర్కొన్నారు. వివిధ జిల్లాల్లో వరద తీవ్రతఅధికారుల వివరాల ప్రకారం.. అసోంలోని శివసాగర్, గోలాఘాట్, జోర్హాట్, నాగావ్, చరైడియో జిల్లాలలో వరద ప్రభావం ఇంకా కొనసాగుతోంది. వాటిలో అత్యధికంగా చరైడియో జిల్లాలో 77,456 మంది, తర్వాతి స్థానాల్లో శివసాగర్‌లో 63,492 మంది, జోర్హాట్‌లో 34,067 మంది ప్రజలు వరదల వల్ల ప్రభావితమయ్యారు. వరదల ప్రభావితమైన వారి కోసం 54 పునరావాస శిబిరాలు ఏర్పాటు చేశామని అందులో దాదాపు 13,000 మంది బాధితులు ఆశ్రయం పొందుతున్నారని పేర్కొన్నారు. మరో 26 రిలీఫ్ డిస్ట్రిబ్యూషన్ సెంటర్లు పనిచేస్తుండగా, వాటి ద్వారా 5,384 మందికి సాయం అందుతోందన్నారు. బాధితుల కోసం ఎన్డీఆర్‌ఎఫ్‌, ఎస్‌డీఆర్‌ఎఫ్‌లు రంగంలోకి దిగి సహాయక చర్యలను ముమ్మరంగా నిర్వహిస్తున్నాయని తెలిపారు.వరద బాధితులకు ప్రభుత్వ ఊరట వరద పీడిత ప్రాంతాల్లోని ప్రజలకు అండగా నిలిచేందుకు ప్రభుత్వం మరో కీలక నిర్ణయం తీసుకుంది. పీఎం సూర్య ఘర్ పెండింగ్ రాష్ట్ర సబ్సిడీ కింద 9,289 మంది లబ్ధిదారులకు రూ. 41.67 కోట్లను ప్రభుత్వం ఆమోదించింది. అస్సాం పవర్ డిస్ట్రిబ్యూషన్ కార్పొరేషన్ లిమిటెడ్ (APDCL) ఈ మొత్తాన్ని నేరుగా లబ్ధిదారుల బ్యాంకు ఖాతాల్లో జమ చేసేలా మంగళవారం (ఆగస్టు 4, 2026) నాటికి పూర్తి చేయాలని పవర్ డిపార్ట్‌మెంట్‌ను సీఎం ఆదేశించారు. అంతకు ముందు ప్రధాని మాట్లాడుతూ వరద బాధితులకు తక్షణ సాయం అందించేందుకు కేంద్ర, రాష్ట్ర ప్రభుత్వాలు సంయుక్తంగా కృషి చేస్తున్నాయని తెలిపారు. ఈ నాలుగు జిల్లాల్లోని వరద బాధితులందరికీ రుణాలు చెల్లించడంలో ఆరు నెలల మారటోరియం వర్తింపజేయాలని రాష్ట్ర స్థాయి బ్యాంకర్ల కమిటీ (SLBC) ప్రత్యేక సమావేశంలో నిర్ణయించారు.

ఢిల్లీ: ఆరేళ్ల క్రితం ఈశాన్య ఢిల్లీ అల్లర్ల సమయంలో చోటు చేసుకున్న హింసాత్మక ఘటనల్లో భాగంగా ఇంటెలిజెన్స్ బ్యూరో (ఐబీ)) ఆఫీసర్‌ అంకిత్ శర్మ దారుణ హత్యకు గురైన కేసులో ఆప్‌ మాజీ కౌన్సిలర్ తాహిర్ హుస్సేన్‌కు శిక్ష ఖరారు చేసింది ఢిల్లీ కోర్టు. ఇప్పటికే ఈ కేసులో తాహీర్‌ హుస్సేన్‌ దోషిగా తేల్చిన కోర్టు.. జీవిత ఖైదును శిక్షగా ఖరారు చేసింది. ఈ కేసులో ఐదుగుర్ని దోషులుగా తేల్చిన కోర్టు.. తాజాగా వారికి జీవిత ఖైదు విధించింది. ఈ మేరకు కోర్టు అదనపు సెషన్స్ జడ్జి (ASJ) ప్రవీణ్ సింగ్, మరణశిక్ష విధించాలన్న ప్రాసిక్యూషన్ అభ్యర్థనను తిరస్కరించి జీవితఖైదు విధించారు.కాగా, 2020, ఫిబ్రవరి 25వ తేదీన సీఏఏ అల్లర్ల సమయంలో ఐబీ ఆఫీసర్ అంకిత్ శర్మ దారుణ హత్యకు గురయ్యారు. ఆయన మృతదేహాన్ని చాంద్‌బాగ్ ప్రాంతంలోని ఓ డ్రైనేజీలో పడేశారు. ఈ ఘటన దేశవ్యాప్తంగా తీవ్ర సంచలనం సృష్టించింది. ఆ రోజు సాయంత్రం ఇంటి నుంచి బయటకు వెళ్లిన అంకిత్‌ శర్మ ఇక తిరిగి రాలేదు. ఆ రోజు అప్పుడే ఇంటికి వచ్చిన అంకిత్‌ శర్మ.. అల్లరి మూకలు స్థానికంగా రెచ్చిపోవడం గమనించారు. దాంతో బయటకు వెళ్లి వారిని సద్దుమణిచే యత్నం చేశారు. అలా ఆప్‌ కౌన్సిలర్‌గా ఉన్న హుస్సేన్‌ ఇంటికి వెళ్లిన అంకిత్‌ శర్మ హత్యకు గురయ్యారు. ఆ సమయంలో అంకిత్‌ శర్మను అతి దారుణంగా హత్య చేసి డ్రెయిన్‌లో పడేశారు. తన కొడుకు ఎంతకీ ఇంటికీ రాకపోయే సరికి ఆ మరుసటి రోజు ఫిబ్రవరి 26వ తేదీన పోలీసులకు ఫిర్యాదు చేశారు తండ్రి రవీందర్‌ కుమార్‌. దాంతో గాలింపు చర్యలు చేపట్టిన పోలీసులకు.. ఓ యువకుని మృతదేహం డ్రెయిన్‌లో ఉన్న విషయం గమనించడంతో అతను అంకిత్‌ శర్మగా నిర్దారణ అయ్యింది. దీనిపై హుస్సేన్‌తో పాటు 11 మందిపై కేసు నమోదైంది. అంకిత్‌ శర్మను అతి దారుణంగా హత్య చేశారు. విచారణలో అంకిత్‌ శర్మ 51 కత్తిపోట్లకు గురైనట్లు తేలింది.2023. మార్చిలో , అల్లర్లు, వివిధ వర్గాల మధ్య శత్రుత్వాన్ని ప్రేరేపించడం, హత్య, నేరపూరిత కుట్ర వంటి నేరాలకు సంబంధించి హుస్సేన్‌తో సహా 11 మంది నిందితులపై కోర్టు అభియోగాలను నమోదు చేసింది. ఆ సమయంలో తన గ్రూపును హుస్సేన్‌ రెచ్చగొట్టారనే ప్రాసిక్యూషన్‌ వాదనను కోర్టు సమర్ధించడంతో వారికి జైలు శిక్ష పడింది.తన బెయిల్‌కు చేసుకున్న అభ్యర్థనను కూడా అంతకుముందు ఢిల్లీ హైకోర్టు తిరస్కరించింది. హుస్సేన్‌పై అభియోగాలు తీవ్రంగా ఉండటంతో బెయిల్‌ ఇవ్వడానికి ఢిల్లీ కోర్టు నిరాకరించింది. గత తీర్పులో వారిని దోషులుగా తేల్చగా, తాజాగా వారికి శిక్షలు ఖరారు చేసింది.

సాక్షి, ఢిల్లీ: దేశవ్యాప్తంగా సంచలనం సృష్టించిన అయోధ్య రామమందిర కానుకల దొంగతనాలపై పార్లమెంటు ఎదుట శుక్రవారం కాంగ్రెస్‌ వినూత్న రీతిలో నిరసన తెలిపింది. ఆ పార్టీ ఎంపీ పప్పూయాదవ్‌ కాషాయ వస్త్రాలు ధరించారు. పూజారి వేషంలో విరాళాల పెట్టె పట్టుకొని ముఖద్వారం వద్ద కూర్చొని నిరసన తెలిపారు.ఆ సమయంలో అక్కడి ఎంపీలు ప్రభుత్వానికి వ్యతిరేకంగా అరుస్తూ హుండీలో కానుకలు వేశారు.హుండీలో కానుకలు పూజారి వేషంలో వచ్చిన పప్పూ యాదవ్‌ మంత్రాలు చదువుతూ పార్లమెంటు ఎదుట ముఖద్వారం వద్ద విరాళాల పెట్టె పట్టుకొని కూర్చున్నారు. దీంతో ఎంపీలంతా ఒక్కొక్కరిగా అతనికి హుండీలో విరాళాలు వేశారు. ఈ సందర్బంగా లోక్‌సభ ప్రతిపక్ష నాయకుడు రాహుల్‌ గాంధీ పప్పూయాదవ్‌కు నమస్కారం పెట్టి హుండీలో కానుకలు వేశారు. ఈ నిరసనలో ఎంపీలంతా ప్రభుత్వానికి వ్యతిరేకంగా నినాదాలు చేశారు. ఎంపీలు "అమిత్ షా పార్లమెంటుకు ఎందుకు గైర్హాజరయ్యారు?" అని రాసి ఉన్న బ్యానర్లను ప్రదర్శించారు.రామమందిర చోరీ కేసుజూన్ 2026లో వెలుగులోకి వచ్చిన అయోధ్య రామాలయ హుండీ చోరి ఘటన దేశవ్యాప్తంగా సంచలనం సృష్టించింది. భక్తుల నమ్మకాన్ని వమ్ము చేస్తూ ఆలయ లెక్కింపు సిబ్బంది, ఇతర నిందితులు కలిసి సుమారు రుూ. ఏడు కోట్ల నుండి రూ. 7.5 కోట్ల వరకు విరాళాల సొమ్మును కాజేసినట్లు ప్రాథమిక నివేదికలు తెలిపాయి. ఈ కేసులో ఇప్పటివరకు 8 మంది నిందితులను అరెస్ట్ చేసి జైలుకు పంపారు.ఈ సందర్భంగా ఎంపీ డింపుల్‌ యాదవ్ మాట్లాడుతూ "అయోధ్య విరాళాల చోరీ వెనుక బడా నేతలు ఉన్నారు. చిన్న చిన్న వ్యక్తులను జైల్లో వేస్తున్నారు. వేల కోట్ల రూపాయల చందా చోరీ జరిగింది. రసీదులు ఇవ్వకుండా పెద్ద ఎత్తున విరాళాలు చోరీ చేశారు. చాలామంది బంగారం వెండి నాణేలు కూడా ఇచ్చారు. వాటి వివరాలు లేవు. భక్తిశ్రద్ధలతో ఇచ్చిన విరాళాలను దొంగతనం చేశారు. విరాళాల చోరీ పైన పార్లమెంట్లో చర్చ జరగాలి. భక్తుల విశ్వాసంతో ఆటలాడుకుంటున్నారు విరాళాల చోరీ అంశాన్ని రాబోయే ఎన్నికల ఎజెండాగా మారుస్తాం" అని అన్నారు.BJP: "Don't question Ram Mandir donations"OPPOSITION: Brings a Baba to Parliament. 🟧@RahulGandhi + Opposition MPs just staged the most unique protest we've ever seen.Pappu Yadav cosplayed as Baba with a donation box outside Parliament. Message was clear:IF YOU WON'T GIVE…— Sananda Banik (@Sbwritesco) July 31, 2026

సాక్షి, ఢిల్లీ: ఈ రోజు (శుక్రవారం) మధ్యాహ్నం ప్రధాని నరేంద్ర మోదీ అధ్యక్షతన కేంద్ర క్యాబినెట్ (Union Cabinet) సమావేశం కానుంది. పార్లమెంట్ వర్షాకాల సమావేశాల్లో విపక్షాల ఆందోళనలు, తాజా బిల్లుల వ్యూహాలపై ఈ భేటీలో చర్చించనుంది. కాగా నిన్న రాత్రి ప్రధాని మోదీ అత్యంత కీలకమైన భద్రతపై క్యాబినెట్ కమిటీ అత్యవసర సమావేశాన్ని నిర్వహించారు. ఇంతలోనే క్యాబినేట్ మరోసారి సమావేశం కానుంది.ఈ రోజు జరగబోయే భేటీలో ఇటీవల ఆమోదం పొందిన జాతీయ గౌరవ నిరోధక సవరణ బిల్లు-2026, పేపర్ లీకేజీల నిరోధక బిల్లు వంటి కీలక అంశాలపై తదుపరి పార్లమెంటరీ వ్యూహాలను ఖరారు చేయనున్నారు.దానితో పాటు పశ్చిమాసియా యుద్ధ ప్రభావం వల్ల అంతర్జాతీయంగా ఎరువుల దిగుమతులకు ఆటంకం కలగవచ్చు. దేశంలోని రైతులకు రాబోయే రబీ సీజన్‌లో ఎరువుల కొరత రాకుండా, ప్రత్యామ్నాయ దేశాల నుంచి స్టాక్‌ను తెప్పించుకునే వ్యూహాత్మక ప్రణాళికను సిద్ధం చేసే అవకాశం ఉన్నట్లు తెలుస్తోంది.కాగా నిన్న జరిగిన భేటీలో పశ్చిమాసియాలో ప్రస్తుతం ఏర్పడిన పరిస్థితులు భారత రక్షణ, ఆర్థిక రంగాలపై దాని ప్రభావాన్ని సమీక్షించారు. ఈ సందర్బంగా యుద్ధ ప్రాంతాల్లో చిక్కుకున్న భారతీయ నావికులకు, ప్రవాస భారతీయుల రక్షణకు అత్యంత ప్రాధాన్యత ఇవ్వాలని ప్రధాని ఆదేశించారు. వారి కుటుంబాలకు సమాచారం, అత్యవసర సహాయం అందించేందుకు ప్రత్యేక సహాయక వ్యవస్థను ఏర్పాటు చేయాలన్నారు.అదే విధంగా పశ్చిమాసియా ఉద్రిక్తతల వల్ల ముడిచమురు, ఎల్‌పీజీ, ఎల్‌ఎన్‌జీ సరఫరాకు ఆటంకం కలగకుండా ప్రత్యామ్నాయ దేశాల నుంచి దిగుమతులను వేగవంతం చేయాలని నిర్ణయించారు. ఈ నేపథ్యంలో కేంద్ర క్యాబినేట్ మరోసారి భేటీ కాబోతుంది.కాగా విపక్షాల ఆందోళన కారణంగా రాజ్యసభ ఆగస్టు 3వరకూ వాయిదా వేసినట్లు స్పీకర్ ప్రకటించారు.

ముంబై: మహారాష్ట్ర భీవండిలో ఘోర ప్రమాదం జరిగింది. ఈ రోజు (శుక్రవారం) ఉదయం శిథిలావస్థకు చెందిన ఓ భవనం మరమ్మత్తులు చేస్తున్న సమయంలో కుప్పకూలింది. ఈ ఘటనలో తొమ్మిది మంది మృతి అక్కడికక్కడే మృతిచెందారు. మరో ముగ్గురికి గాయాలయ్యాయి. దీంతో వివరాలు తెలుసుకున్న సహాయక సిబ్బంది వెంటనే అక్కడికి చేరుకొని సహాయక చర్యలు ప్రారంభించారు.భీవండి నిజంపూర్ సిటీ మున్సిపల్ కార్పొరేషన్ ప్రాంతంలోని ఈ పురాతన భవనం శిథిలావస్థకు చేరుకుందని గతంలోనే మున్సిపల్ అధికారులు హెచ్చరించారు. అయినప్పటికీ ప‍ట్టించుకోకుండా భవన నిర్మాణ పనులు చేపట్టారు. దీంతో భవనం కుప్పకూలినట్లు అధికారులు తెలిపారు. ఘటనా వివరాలు తెలుసుకున్న వెంటనే భీవండి ఫైర్ సిబ్బంది, నేషనల్ డిజాస్టర్ రెస్పాన్స్ ఫోర్స్ (NDRF) బృందాలు భారీ యంత్రాల సహాయంతో సహాయక చర్యలు చేపట్టినట్లు పేర్కొన్నారు. ఇప్పటి వరకూ ఇద్దరి మృతదేహాలు వెలికితీశామని అధికారులు పేర్కొన్నారు.

సాక్షి, హైదరాబాద్: ఇటీవల జంతర్‌ మంతర్‌ వద్ద సీజేపీ చేపట్టిన నిరసనలలో ప్రధాని మోదీకి అభ్యంకతరంగా పోస్టులు చేశారంటూ మోటా ఇండియా హెడ్‌ అరుణ్‌ శ్రీనివాస్‌పై కేసు నమోదైంది. ఆయనతో పాటు పలువురి ఫేస్‌బుక్, ఇన్‌స్టాగ్రామ్ ఖాతాలపై ఇద్దరు బీజేపీ కార్యకర్తలు హైదరాబాద్ సైబర్ క్రైమ్ పోలీసులకు ఫిర్యాదు చేశారు. ప్రధాని మోదీకి సంబంధించినటువంటి అభ్యంతరకరమైన, తప్పుడు కంటెంట్‌ను తమ ఫ్లాట్‌పారమ్‌లపై (ఫేస్‌బుక్, ఇన్‌స్టాగ్రామ్) ప్రసారం కావడానికి అనుమతించారని,అటువంటి పోస్టులను తొలగించడంలో విఫలమయ్యారని ఫిర్యాదులో పేర్కొన్నారు. ఇన్‌స్టాగ్రామ్ బ్రౌజ్ చేస్తున్నప్పుడు, ప్రధానమంత్రిని అసభ్యకరంగా, అవమానకరంగా మరియు తప్పుదోవ పట్టించే విధంగా చిత్రీకరిస్తూ మార్ఫింగ్ చేయబడిన, డిజిటల్‌గా తారుమారు చేయబడిన అనేక వీడియోలు ,చిత్రాలు అందులో కనిపించాయని తెలిపారు.కాగా నీట్‌లీకేజ్‌కు బాధ్యత వహిస్తూ విద్యాశాఖ మంత్రి రాజీనామా చేయాలని కాక్రోచ్ జనతా పార్టీ ఢిల్లీలోని జంతర్ మంతర్ వద్ద పెద్ద ఎత్తున నిరసనలు చేపట్టింది. దీంతో మాజీ విద్యాశాఖ మంత్రి ధర్మేంద్రప్రధాన్ రాజీనామా చేశారు. మరిన్ని డిమాండ్లను సైతం కేంద్రం ముందుంచింది.

సాక్షి, ఢిల్లీ: పార్లమెంటులో ఇటీవల ఆమోదం పొందిన వందేమాతరం బిల్లుపై హైదరాబాద్‌ ఎంపీ అసదుద్దీన్‌ ఓవైసీ సంచలన వ్యాఖ్యలు చేశారు. వందేమాతరాన్ని జాతీయగీతంగా ప్రకటించే అంశంలో అప్పటి రాష్ట్రపతి ఒక పెద్ద తప్పు చేశారని తాను భావిస్తున్నట్లు తెలిపారు. వందేమాతరం దేవదేవతల ఆరాధనతో ముడిపడి ఉంటుందని. ఆయన ఎలాంటి అధికారిక తీర్మానం లేకుండానే దానిని 'జాతీయ గీతం'గా ప్రకటించారాని దాని కోసం ఒక తీర్మానం చేయాల్సిందన్నారు.వందేమాతరానికి చట్టపరమైన రక్షణ కల్పించేందుకు ఉద్దేశించిన 'ది ప్రివెన్షన్ ఆఫ్ ఇన్సల్ట్స్ టు నేషనల్ హానర్ (అమెండ్‌మెంట్) బిల్లు, 2026' ఇటీవలే ఉభయసభల్లో ఆమోదం పొందింది. రాష్ట్రపతి ఆమోదం తర్వాత ఈ బిల్లు చట్టరూపం దాల్చనుంది. వందేమాతరం ఆలపించకుండా ఉద్దేశపూర్వకంగా అడ్డుకోవడం, లేదా దాని గానానికి భంగం కలిగించడం, లేదా అవమానించడం వంటి చర్యలను క్రిమినల్ నేరంగా పరిగణిస్తారు. అయితే తాజాగా ఈ బిల్లుపై అసదుద్దీన్ ఓవైసీ విమర్శలు వ్యక్తం చేశారు.అసదుద్దీన్ మాట్లాడుతూ "మీరు 'జన గణ మన' పాడినప్పుడు, దానిలో మీకు ఏమి కనిపిస్తుంది? మీకు ఈ దేశం, దాని ప్రజలు కనిపిస్తారు. మీరు 'వందేమాతరం' పాడినప్పుడు, అది దేవదేవతల ఆరాధనతో ముడిపడి ఉంటుంది. ఇప్పుడు, దేశ స్వాతంత్ర్యం కోసం తమ ప్రాణాలను త్యాగం చేసిన ఆ 'ముజాహిదీన్-ఎ-ఆజాదీ' (స్వాతంత్ర్య సమరయోధుల) గురించి మీరేం చెబుతారు? 'జన గణ మన' ప్రజల కోసం వ్రాయబడింది. 1950లో రాజేంద్ర ప్రసాద్ ఒక పెద్ద తప్పు చేశారని నేను నమ్ముతున్నాను. ఆయన ఎలాంటి అధికారిక తీర్మానం లేకుండానే దానిని 'జాతీయ గీతం'గా ప్రకటించారు, కానీ దాని కోసం ఒక తీర్మానం ఆమోదించి ఉండాల్సింది. 'జాతీయ గీతం' నిర్వచనం ఎక్కడా ఇవ్వబడలేదు. (కేంద్ర ప్రభుత్వం) రాజ్యాంగంలోని 25, 26, 29 అధికరణలను ఉల్లంఘిస్తున్నారు." అని అన్నారు.

సాక్షి, ఢిల్లీ : పర్యావరణ అనుమతులపై సుప్రీంకోర్టు కీలక తీర్పు ఇచ్చింది. ముందస్తు పర్యావరణ అనుమతులు తీసుకోకుండా పనులు ప్రారంభించిన ప్రాజెక్టులకు, పర్యావరణ అనుమతులు ఇవ్వడాన్ని సుప్రీంకోర్టు తప్పుబట్టింది. కేంద్ర ప్రభుత్వం ఒక సాధారణ మెమోరాండమ్ (OM) ద్వారా పోస్ట్-ఫాక్టో (ముందు పని తరువాత అనుమతి) కుదరదని తెలిపింది. ఈ నేపథ్యంలో ఈ విధానాన్ని అమలు చేసేందుకు కేంద్రం జారీ చేసిన 2021 ఆఫీస్ మెమోరాండమ్‌ను రద్దు చేసింది.ఫాస్ట్ ఫ్యాక్టో పర్యావరణ అనుమతుల కోసం ఆఫీస్ మెమోరాండం మాత్రమే సరిపోదని తెలిపింది. ఎట్టిపరిస్థితుల్లో నోటిఫికేషన్ ఇవ్వాల్సిందేనని పేర్కొంది. చట్టబద్ధ నోటిఫికేషన్ ద్వారా అవసరమైతే పోస్ట్-ఫాక్టో (తర్వాతి దశలో) పర్యావరణ అనుమతులు ఇచ్చే అధికారం కేంద్ర ప్రభుత్వానికి ఉందని స్పష్టం చేసింది. ఈ తీర్పుతో భవిష్యత్తులో కేంద్ర ప్రభుత్వం చట్టపరమైన నోటిఫికేషన్ జారీ చేసి పోస్ట్-ఫాక్టో పర్యావరణ అనుమతుల వ్యవస్థను అమలు చేసే అవకాశం ఉంది.ఈ కేసు వివరాలు2006 నాటి పర్యావరణ ప్రభావ అంచనా నిబంధనల ప్రకారం ఏ ప్రాజెక్టు ప్రారంభించాలన్నా ముందస్తు పర్యావరణ అనుమతి తప్పనిసరిగా ఉండేది. అయితే, ముందస్తు అనుమతులు లేకుండా అక్రమంగా పనులు ప్రారంభించిన కంపెనీలు/ప్రాజెక్టులకు, తదనంతరం (పోస్ట్-ఫాక్టో) అనుమతులు మంజూరు చేసేందుకు కేంద్ర ప్రభుత్వం 2017లో ఒక నోటిఫికేషన్, 2021లో ఒక ఆఫీస్ మెమోరాండమ్ (OM) జారీ చేసింది."వనశక్తి" అనే పర్యావరణ పరిరక్షణ స్వచ్ఛంద సంస్థ సుప్రీంకోర్టును ఆశ్రయించింది. దీనిపై విచారణ జరిపిన న్యాయస్థానం — చట్టబద్ధమైన పర్యావరణ నిబంధనలను కేవలం కార్యాలయ ఉత్తర్వుల (OM) ద్వారా సవరించడం చెల్లదని, ఇది పర్యావరణ చట్టాల ఆశయానికి విరుద్ధమని పేర్కొంటూ 2021 OMను కొట్టివేసింది. అయితే, ఇప్పటికే గత అనుమతుల ఆధారంగా మొదలైన ప్రాజెక్టులు దెబ్బతినకుండా పాత అనుమతులను సమర్థించింది.

సాక్షి, ఢిల్లీ: పేపర్‌ లీక్‌పై ఏం జరిగిందో ప్రభుత్వానికి తెలియాలంటే బీజేపీ ఎంపీలు వారి పిల్లలను అడగాలని లోక్‌సభ ప్రతిపక్ష నేత రాహుల్‌ గాంధీ అ‍న్నారు. యాంటీ పేపర్ లీక్‌ బిల్లుపై లోక్‌సభలో చర్చ సందర్భంగా బుధవారం ఆయన మాట్లాడారు. నీట్‌ పేపర్‌ లీక్‌పై విద్యార్థులు శాంతియుత నిరసన చేపట్టారని అన్ని పార్టీలు విద్యార్థులు ఆందోళనను గౌరవించాలన్నారు. ఢిల్లీ వీధుల్లో జరిగింది నిరసన కాదని ‍అది భావప్రకటన స్వేచ్ఛని రాహుల్‌ గాంధీ కేంద్రాన్ని దుయ్యబట్టారు.విద్యావ్యవస్థ క్రూరంగా మారిపోయింది. విద్యను ప్రైవేటీకరించారు. విద్యను ఆరెస్సెస్‌మయం చేశారు. ఇది యూపీఏ పాలన.. మా మంత్రి రాజీనామా చేయరని మరో మంత్రి రాజ్‌నాథ్‌ అన్నారు. ధర్మేంద్ర ప్రదాన్‌ను విద్యాశాఖ మంత్రి అని మేం అనుకోలేదు. దేశంలో విద్యాశాఖను ఆరెస్సెస్‌నడిపిస్తోంది. దేశంలోని అన్ని యూనివర్సిటీలకు ఆరెస్సెస్‌ మనుషులే వీసీలుగా ఉన్నారు ఉన్నారు.భయాన్ని దాటుకుని విద్యార్థులు పోరాటం చేశారు. విద్యార్థులపై దాడికి హోం మంత్రే ఆదేశాలు ఇచ్చారు. విద్యార్థులపై పెల్లెట్స్‌ దాడికి హోం మంత్రే కారణం. నీట్‌పై చర్చ జరుగుతున్న సమయంలో హోం మంత్రి ఇప్పుడు ఇక్కడ ఎందుకు లేరు?. ఆయనకి ఇక్కడ కూర్చునే ధైర్యం లేదు. ఆయన భయంతో వణికిపోతున్నారు. పోలీసుల చర్యపై విద్యార్థులకు అమిత్‌ షా క్షమాపణలు చెప్పాలి అని రాహుల్‌ డిమాండ్‌ చేశారు.రిజిజు అభ్యంతరంకాగా రాహుల్‌ ప్రసంగంపై దుమారం చెలరేగింది. ఆయన చేసిన ‘ఇడియట్స్‌’ వ్యాఖ్యలతో ఎన్డీయే ఎంపీలు ప్రసంగాన్ని అడ్డుకునే ప్రయత్నం చేశారు. ఈ వ్యాఖ్యలపై అని పార్లమెంట్‌ వ్యవహారాల శాఖ మంత్రి కిరెన్‌ రిజిజు అభ్యంతరం వ్యక్యం చేశారు. అన్‌ పార్లమెంటరీ వ్యాఖ్యలను రికార్డుల నుంచి తొలగించాలని స్పీకర్‌ను కోరారు. ఆ సమయంలో స్పీకర్‌ ‘హుందాగా వ్యవహరించాలి’ అని సభ్యులను ఉద్దేశించి సూచించారు. రాహుల్‌వి తప్పుడు ఆరోపణలన్న కిరెన్‌ రిజిజు.. ఆధారాల్లేకుండా ఆయన ఎలా మాట్లాడతారని ప్రశ్నించారు. ‘‘విద్యార్థుల పేరుతో అనుచిత వ్యాఖ్యలు సరికాదు. హోం మంత్రే ఆదేశాలు ఇచ్చారని ఎలా అంటారు. రాహుల్‌ క్షమాపణలు చెప్పాలి’’ మంత్రి డిమాండ్‌ చేశారు.

నిన్నటి వరకు సోషల్‌ మీడియా మీమ్స్‌, చాటింగ్‌ల్లో మాత్రమే కనిపించిన జెన్‌ జీ భాష.. ఇప్పుడు దేశ అత్యున్నత ప్రజాస్వామ్య వేదికలోనూ వినిపించింది. రాజకీయ విమర్శలకు యువత వాడే స్లాంగ్‌ పదాలను ఎంపీలు ఉపయోగించడం ఆసక్తికర చర్చకు దారితీసింది. సాధారణంగా ఇన్‌స్టాగ్రామ్‌ రీల్స్‌, మీమ్స్‌, ఆన్‌లైన్‌ సంభాషణల్లో కనిపించే పదాలు.. తాజాగా లోక్‌సభ చర్చలోనూ చోటు దక్కించుకున్నాయి.నీట్‌ పేపర్‌ లీక్‌ అంశంపై జరిగిన చర్చలో శివసేన ఎంపీ శ్రీకాంత్‌ షిండే తొలుత Gen Z పదజాలాన్ని ప్రస్తావించారు. ప్రతిపక్షాల నిరసనలను విమర్శిస్తూ.. ‘MIA’ (Missing In Action), ‘FOMO’ (Fear Of Missing Out), ‘Delulu’ (Delusional) వంటి పదాలను ఉపయోగించారు. ఆ తర్వాత బీజేపీ ఎంపీ బాన్సురి స్వరాజ్‌ కూడా ‘Clock it’ అనే పదాన్ని తన ప్రసంగంలో ప్రస్తావించారు. తేజస్వి సూర్య సైతం ‘Delulu’, ‘source code’ వంటి పదాలను ఉపయోగిస్తూ తన వాదనను వినిపించారు.It's raining Gen Z lingo in Loksabha.BJP MP Bansuri Swaraj said that PM Modi clocked by bringing a bill against the Paper leak. https://t.co/ovC4uz8QKs pic.twitter.com/o2cNJtUT4k— Political Kida (@PoliticalKida) July 28, 2026 "Congress was having FOMO and staying in DELULU".Dr. Shrikant Shinde of Shivsena just bodied Congress in Loksabha in GenZ style! 😂 pic.twitter.com/LMN5IRUQmt— Political Kida (@PoliticalKida) July 28, 2026 అయితే ఎన్‌సీపీ ఎంపీ సుప్రియా సూలే మాత్రం ఈ కొత్త భాషపై ఆసక్తికర వ్యాఖ్యలు చేశారు. పార్లమెంట్‌లో చర్చ జరుగుతున్నది విద్యా వ్యవస్థలోని సమస్యలపై అని.. కేవలం కొత్త పదాల ప్రదర్శన కోసం కాదని సూచించారు. అయితే ఆ తర్వాత ఆమె కూడా ‘Delulu’ పదాన్ని ఉపయోగిస్తూ.. యువత మొత్తం తమవైపే ఉందని భావించొద్దని బీజేపీని ఉద్దేశించి వ్యాఖ్యానించడం చర్చనీయాంశమైంది.'Delulu' takes over #LokSabha: #TejasviSurya, #SupriyaSule clash over who has Gen Z's support🌍 Catch the day's latest news here ➠ https://t.co/40gdOz6FIS 🗞️ pic.twitter.com/B9cr59wJTm— Economic Times (@EconomicTimes) July 28, 2026అసలు ఈ Gen Z భాష పుట్టింది ఎక్కడ?Gen Z స్లాంగ్‌ అనేది ఏ ఒక్క వ్యక్తి కనిపెట్టిన భాష కాదు. ఇది ఇంటర్నెట్‌, సోషల్‌ మీడియా, మీమ్‌ సంస్కృతి, డిజిటల్‌ జీవనశైలి కలిసి సృష్టించిన కొత్త భాషా రూపం. సాధారణంగా 1997 నుంచి 2012 మధ్య జన్మించిన వారిని Gen Zగా పిలుస్తారు. ఈ తరం చిన్నప్పటి నుంచే స్మార్ట్‌ఫోన్లు, ఇంటర్నెట్‌, సోషల్‌ మీడియాతో పెరిగింది. అందుకే వీరి సంభాషణల్లో వేగం, సంక్షిప్తతకు ఎక్కువ ప్రాధాన్యం ఏర్పడింది.ఎక్కువ భావాన్ని తక్కువ పదాల్లో చెప్పడం, సరదాగా స్పందించడం, ఒక ప్రత్యేకమైన గుర్తింపును ఏర్పరచుకోవడం కోసం కొత్త పదాలు పుట్టుకొచ్చాయి. మొదట చిన్న ఆన్‌లైన్‌ గ్రూపులు, గేమింగ్‌ కమ్యూనిటీలు, సోషల్‌ మీడియా చర్చల్లో మొదలైన ఈ పదాలు.. TikTok, Instagram, YouTube వంటి వేదికల ద్వారా ప్రపంచవ్యాప్తంగా వ్యాపించాయి.మీమ్స్‌తో మొదలై..జెన్‌జీ భాష వ్యాప్తిలో మీమ్‌ కల్చర్‌ కీలక పాత్ర పోషించింది. ఒక సంఘటనను లేదంటే ఒక భావాన్ని సీరియస్‌గా కాకుండా సరదాగా చెప్పేందుకు యువత కొత్త పదాలను ఉపయోగించడం మొదలుపెట్టింది. ఒకప్పుడు కొత్త పదాలు సినిమాలు, టెలివిజన్‌, సంగీతం ద్వారా ప్రజల్లోకి వెళ్లేవి. ఇప్పుడు సోషల్‌ మీడియా ఆ స్థానాన్ని తీసుకుంది. ఒక వైరల్‌ వీడియో, ఒక మీమ్‌ లేదంటే ఒక ట్రెండ్‌ ద్వారా పుట్టిన పదం కొన్ని రోజుల్లోనే ప్రపంచవ్యాప్తంగా ప్రాచుర్యం పొందుతోంది. ఇలా డిజిటల్‌ ప్రపంచంలో పుట్టిన పదజాలం ఇప్పుడు రాజకీయాలు, వ్యాపారం, ప్రకటనలు వంటి రంగాల్లోకి కూడా ప్రవేశించింది.యువత ఎందుకు ఇష్టపడుతోంది?ఈ భాషలో కొన్ని పదాలకు ప్రత్యేకమైన అర్థాలు ఉన్నాయి. ‘Delulu’ అంటే వాస్తవానికి దూరమైన ఊహల్లో ఉండటం, ‘FOMO’ అంటే ఏదైనా అవకాశం కోల్పోతామేమో అన్న భయం, ‘MIA’ అంటే కనిపించకుండా పోవడం, ‘Clock it’ అంటే ఒక విషయాన్ని గుర్తించడం లేదా నిజాన్ని బయటపెట్టడం. ‘Rizz’ అంటే ఆకర్షించే వ్యక్తిత్వం, ‘Slay’ అంటే అద్భుతంగా చేయడం, ‘No cap’ అంటే నిజం చెబుతున్నాను అనే అర్థం. సోషల్‌ మీడియా, మీమ్‌ కల్చర్‌ ద్వారా ప్రాచుర్యంలోకి వచ్చిన ఈ పదాలు ఇప్పుడు యువత సంభాషణల్లో భాగమయ్యాయి.జెన్‌జీ భాషకు ప్రధాన ఆకర్షణ దాని సరళత, వేగం. సుదీర్ఘమైన భావాలను ఒకే పదంతో వ్యక్తం చేసే అవకాశం ఈ స్లాంగ్‌ ఇస్తోంది. అంతేకాదు.. ఒకే తరానికి చెందిన వారు ఒకే రకమైన పదాలను ఉపయోగించడం ద్వారా తమ మధ్య ప్రత్యేకమైన అనుబంధాన్ని కూడా ఏర్పరుచుకుంటున్నారు. ఇది కేవలం మాట్లాడే విధానంలో మార్పు కాదు.. డిజిటల్‌ యుగంలో ఒక తరం తన గుర్తింపును వ్యక్తం చేసుకునే మార్గంగా మారింది.వ్యాపారాలకు కూడా ఉపయోగమే..ఇప్పుడు కేవలం యువత సంభాషణలకే ఈ భాష పరిమితం కాలేదు. యువ ప్రేక్షకులను ఆకట్టుకోవాలనుకునే కంపెనీలు, బ్రాండ్లు కూడా ఈ పదజాలాన్ని గమనిస్తున్నాయి. ప్రకటనలు, సోషల్‌ మీడియా ప్రచారాల్లో యువతకు దగ్గరగా ఉండే భాషను ఉపయోగించేందుకు సంస్థలు ప్రయత్నిస్తున్నాయి. ఒక తరం ఎలా ఆలోచిస్తోంది, ఎలా స్పందిస్తోంది అనే విషయాలను అర్థం చేసుకోవడానికి ఈ స్లాంగ్‌ ఒక సాధనంగా మారింది.విమర్శలు కూడా..అయితే Gen Z భాషపై విమర్శలు కూడా ఉన్నాయి. అధికారిక వేదికల్లో ఇలాంటి స్లాంగ్‌ పదాలను ఉపయోగించడం సరైనదేనా అనే ప్రశ్నలు కొందరు లేవనెత్తుతున్నారు. ముఖ్యంగా విద్య, విధానాలు వంటి తీవ్రమైన అంశాలపై చర్చ జరిగే సమయంలో భాష మరింత గంభీరంగా ఉండాలని కొందరి అభిప్రాయం.భాష ఎప్పుడూ మారుతూ ఉంటుంది. ఒకప్పుడు కొత్తగా అనిపించిన ఎన్నో పదాలు ఇప్పుడు సాధారణ వాడుకలోకి వచ్చాయి. టెక్నాలజీ, సినిమాలు, వీధి సంస్కృతి నుంచి గతంలో పదాలు వచ్చినట్లే.. ఇప్పుడు సోషల్‌ మీడియా కొత్త పదాలకు వేదికగా మారింది. Gen Z భాష వెనుక అసలు కథ కొన్ని విచిత్రమైన పదాల కథ కాదు. ఇంటర్నెట్‌ యుగంలో పెరిగిన ఒక తరం తన భావాలను, ఆలోచనలను, గుర్తింపును వ్యక్తం చేసుకునేందుకు సృష్టించుకున్న కొత్త శైలి. అందుకే మీమ్స్‌, చాటింగ్‌ల నుంచి మొదలైన ఈ భాష.. ఇప్పుడు పార్లమెంట్‌ చర్చల వరకూ చేరింది.:::వెబ్‌ ప్రత్యేకం

కేంద్రమంత్రి జితేంద్ర సింగ్ మాట్లాడుతూఎన్నో ఎంట్రన్స్‌ పేపర్లు, ఉద్యోగ పరీక్షల పేపర్లు లీకయ్యాయిపేపర్‌ లీకేజ్‌కు పాల్పడిన ముఠా రూ. 10 కోట్లు చెల్లించాలిలీకేజ్‌కు పాల్పడిన నిందితులకు 10 ఏళ్ల జైలు శిక్షపేపర్‌ లీకేజ్‌ల కోసం ఫాస్ట్‌ ట్రాక్‌ కోర్టులు ఏర్పాటు చేయబోతున్నాంఈ బిల్లు ద్వారా బాధితులకు సత్వరం న్యాయం జరుగుతుంది. అఖిలేష్ యాదవ్ కామెంట్స్‌ యువత కేంద్రం మెడలు వంచింది.గతంలో రైతులు కూడా ఈ విధంగానే చేశారుధర్మేంద్రను తొలగించి ప్రధానిని కాపాడారుఎన్డీఏ హయాంలో అనేకసార్లు పేపర్‌లీకేజ్‌లు ఎన్డీఏ హయాంలోనే రామ్‌మందిర్‌లో చోరీ జరిగింది

సాక్షి, ఢిల్లీ: జంతర్‌ మంతర్‌ వద్ద నిరసనకారులకు ఆహరం పంపిణీ చేసిన వ్యక్తిని పోలీసులు విచారించిన తీరు ఇప్పుడు వివాదాస్పదంగా మారింది. జునైద్‌ అనే వ్యక్తి అక్కడి నిరసన కారులకు ఆహరం సరఫరా చేశారు. దీనిని గమనించిన పోలీసులు అతనిని భిన్న విధాలుగా ప్రశ్నించి చివరికి కళ్లకు గంతలు కట్టి ముస్సోరిలో వదిలేశారు. ఈ వివరాలను ఆ బాధితుడు సోషల్‌ మీడియావేదికగా పంచుకున్నారు.వివరాల్లోకి వెళితే గత శుక్రవారం జంతర్‌ మంతర్‌ వద్ద ఆందోళన చేస్తున్న నిరసనకారులకు జునైద్‌ ఆహరం సరఫరా చేస్తున్నాడు. అయితే ఆ సమయంలో ఢిల్లీ పోలీసులు అతని వద్దకు వచ్చి ప్రశ్నించడం మెుదలు పెట్టారు. నువ్వు ఈ ఆహరం ఎందుకు పంపిణీ చేస్తున్నావు. దీనికోసం నీకు ఎవరు సహాయం చేస్తున్నారు. రాత్రంతా పోలీసుల అదుపులో ఉంచుకొని ఆ బాధితుడు కళ్లకు గంతలు కట్టి క్యాబ్‌లో తీసుకెళ్లి ముస్సోరిలో వదిలివేశారని బాధితుడు ఆవేదన వ్యక్తం చేశారు.అయితే ఈ వివరాలు తెలుసుకున్న విద్యార్థుల న్యాయ సహాయ బృందం తనను సంప్రదించిందన జునైద్ తెలిపారు. కాగా ఢిల్లీలోని జంతర్‌ మంతర్‌ వద్ద కాక్రోచ్‌ జనతా పార్టీ ఆధ్వర్యంలో భారీ నిరసన కార్యక్రమం జరిగిన సంగతి తెలిసిందే. విద్యాశాఖ మంత్రి ధర్మేంద్ర ప్రధాన్‌ రాజీనామా కోసం ధర్నా చేయగా ఎట్టకేలకు మంత్రి రాజీనామా చేశారు. దీంతో సీజేపీ నిరసన ముగిసింది.Mohammad Junaid Used and Thrown by CJP Founders!!Mohammad Junaid who played the biggest part in CJP Protest by supplying Non Stop Bread Pakodas, Samosas, Biryani and various other dishes for 40 days is now feeling cheated by CJP Founders!!During an Interview the reporter… pic.twitter.com/L9j8qiwyaa— Rohit (@Iam_Rohit_G) July 26, 2026

తిరువనంతపురం: సంవత్సరాల తరబడి నెలకొన్న అనిశ్చితి, జాప్యం తర్వాత, కేరళ ప్రభుత్వం భూసేకరణ ప్రక్రియను ప్రారంభించడంతో అంగమాలి - శబరి రైల్వే ప్రాజెక్టుకు పెద్ద ఊపు వచ్చింది. దీర్ఘకాలంగా పెండింగ్లో ఉన్న ఈ ప్రాజెక్టుకు మార్గం సుగమం చేస్తూ, రాష్ట్ర ప్రభుత్వం భూసేకరణ ప్రక్రియను ప్రారంభించిందని కేంద్ర రైల్వే మంత్రి అశ్విని వైష్ణవ్ లోక్‌సభలో ప్రకటించారు. 2026-27 ఆర్థిక సంవత్సరంలో ఈ ప్రాజెక్టు కోసం భారతీయ రైల్వే ₹505 కోట్లు కేటాయించింది.ఈ సందర్బంగా మంత్రి మాట్లాడుతూ..కేంద్ర ప్రభుత్వం చేసిన అభ్యర్థన మేరకు కేరళ ప్రభుత్వం భూసేకరణ ప్రక్రియను ప్రారంభించిందని, శబరి రైల్వే లైన్ నిర్మాణానికి ఇది ఒక ముఖ్యమైన ముందడుగు అని మంత్రి తెలిపారు. జూలై 22న లోక్‌సభలో ఒక లిఖితపూర్వక సమాధానంలో ఆయన ఈ ప్రకటన చేశారు. భూసేకరణ ప్రక్రియకు సంబంధించి రైల్వే మంత్రిత్వ శాఖ రాష్ట్ర ప్రభుత్వంతో నిరంతరం సంప్రదింపులు జరుపుతోందని ఆయన పేర్కొన్నారు.అంగమాలి-శబరి రైల్వే ప్రాజెక్ట్ మరియు ఆలస్యానికి గల కారణాలు1997-98లో ఎరుమేలి మీదుగా వెళ్లే 111 కిలోమీటర్ల అంగమాలి-శబరి రైల్వే లైన్ను మంజూరు చేశారు. 7 కిలోమీటర్ల అంగమాలి-కాలడి సెక్షన్ నిర్మాణం , 10 కిలోమీటర్ల కాలడి-పెరుంబవూర్ సెక్షన్పై ప్రాథమిక పనులు ప్రారంభమయ్యాయి. అయితే, రాష్ట్ర ప్రభుత్వం నుండి తగినంత మద్దతు లేకపోవడం, భూసేకరణ మరియు రైల్వే అలైన్మెంట్కు సంబంధించిన నిరసనలు , న్యాయపరమైన వివాదాల కారణంగా ఈ ప్రాజెక్టు ఆలస్యమైంది.సవరించిన ప్రాజెక్టు వ్యయం ₹3,801 కోట్లకు పెరిగిందని, ఈ సవరించిన అంచనా ఆమోదం , ప్రాజెక్టు వ్యయ పంపిణీ కోసం కేరళ ప్రభుత్వానికి ప్రతిపాదనను సమర్పించినట్లు మంత్రి తెలిపారు.2024 ఆగస్టులో , కేరళ ప్రభుత్వం ఈ ప్రాజెక్టుకు షరతులతో కూడిన ఆమోదం ఇచ్చింది. అయితే, ప్రాజెక్టు వ్యయంలో 50% భరించడానికి రాష్ట్రం బేషరతుగా అంగీకరించాలని రైల్వే మంత్రిత్వ శాఖ కోరింది. ప్రాజెక్టు వ్యయంలో రాష్ట్రానికి ఉన్న 50% వాటాను ఉపయోగించి అవసరమైన భూమిని సేకరించాలని రైల్వే మంత్రి ముఖ్యమంత్రిని కూడా అభ్యర్థించారు.ప్రాజెక్టుకు అవసరమైన 302 హెక్టార్ల భూమిలో , ఇప్పటివరకు కేవలం 25 హెక్టార్లను మాత్రమే సేకరించారు. మిగిలిన 279 హెక్టార్లను ఇంకా సేకరించాల్సి ఉంది.అంగమలీ-శబరి రైల్వే ప్రాజెక్ట్ 14 ప్రతిపాదిత స్టేషన్లు అంగమలీ, కాలడి, పెరుంబవూరు, ఊడక్కలి, కొత్తమంగళం, మువాట్టుపుజా, వజకులం, తొడుపుజా, కరీంకున్నం, రామాపురం, భరణంగానం, చెమ్మలమట్టం, కంజిరపల్లి , ఎరుమేలి. ఈ ప్రాజెక్ట్ పూర్తయిన తర్వాత శబరిమల యాత్రికులకు ఎంతో ప్రయోజనం చేకూర్చడంతో పాటు, మధ్య కేరళ వ్యాప్తంగా అనుసంధానాన్ని, అభివృద్ధిని గణనీయంగా మెరుగుపరుస్తుందని అంతా భావిస్తున్నారు.

సాక్షి, హైదరాబాద్‌: ఎల్జీబీటీక్యూపై ఆర్‌ఎస్‌ఎస్‌ చీఫ్ మోహన్ భగవత్‌ కీలక వ్యాఖ్యలు చేశారు.ఎల్జీబీటీక్యూ వ్యక్తులు ఎప్పుడూ భారతీయ సమాజంలో అంతర్భాగంగానే ఉన్నారని, వారిని బహిష్కరించడం కాకుండా గౌరవం, ఆమోదం తెలపాలని అన్నారు. హైదరాబాద్‌లో జరిగిన ఓ కార్యక్రమంలో మోహన్ భగవత్ ఈ విధంగా మాట్లాడారు. భారతీయ సంప్రదాయాలు చాలాకాలం క్రితమే వీరిని గుర్తించాయని సమాజంలో వాటికి తగిన స్థానం కల్పించాయని ఆయన పేర్కొన్నారు.మోహన్ భగవత్ మాట్లాడుతూ.."ఎల్జీబీటీక్యూ కమ్యూనిటీలన్నీ సమాజంలో ఉన్నాయి. ఇటువంటి స్వభావాలు సమాజంలో సహజంగానే కనిపిస్తాయి. కొన్ని పుట్టుకతోనే ప్రకృతిసిద్ధంగా వస్తే, మరికొన్ని మనుషుల ఆలోచనా విధానం లేదా శారీరక ధోరణుల కారణంగా ఏర్పడతాయి.కమ్యూనిటీ సభ్యులను ఎట్టి పరిస్థితుల్లోనూ వెలివేయకూడదని ఆయన స్పష్టం చేశారు. మన సంప్రదాయం వారి ఉనికిని అంగీకరిస్తుంది. వారు కూడా మనుషులే, వారికి జీవించే హక్కు ఉంది. వారిని సమాజం నుంచి బహిష్కరించలేదు; విశాలమైన మన సామాజిక జీవన విధానంలో వారికి కూడా ఒక స్థానం ఉంది" అని తెలిపారు.భారతీయ సమాజం అటువంటి వర్గాల పట్ల పక్షపాతంతో వ్యవహరించకుండా చారిత్రాత్మకంగా మానవతా దృక్పథాన్నే అనుసరించిందని ఆయన తెలిపారు. నేటికీ వారికి స్వంత దేవతలు, పుణ్యక్షేత్రాలు ఉన్నాయని కుంభమేళాలో పాల్గొనే మహామండలేశ్వరులు కూడా వీరున్నారని ఆయన గుర్తుచేశారు. భారతీయ సమాజం సాంప్రదాయబద్ధంగా ఈ అంశాన్ని ఎప్పుడూ నిశ్శబ్దంగా, అత్యంత సానుకూల దృక్పథంతో అర్థం చేసుకుంటూ వారిని సమాజంలో అంతర్భాగంగానే చూసిందని ఆర్ఎస్ఎస్ చీఫ్ అన్నారు.గతంలోనూ ఇలా సమలింగ సంపర్కం, ఎల్జీబీటీక్యూ కమ్యూనిటీ గురించి మోహన్ భగవత్ బహిరంగంగా మాట్లాడటం ఇదే మొదటిసారి కాదు. 2023 జనవరిలో ఆర్‌ఎస్‌ఎస్ అనుబంధ పత్రికకు ఇచ్చిన ఇంటర్వ్యూలో ఆయన మాట్లాడుతూ.. ఎల్జీబీటీక్యూ వ్యక్తులు ఇతరులలాగే జీవించే హక్కు ఉన్న మనుషులు కాబట్టి, వారికి సొంత వ్యక్తిగత, సామాజిక స్థలం ఉండాలి" అని పేర్కొన్నారు. హిందూ గ్రంథాలు, పురాణాలను ఉదాహరణగా చూపుతూ, భారతీయ నాగరికత వారిని సామాజికంగా వెలివేయకుండా చారిత్రాత్మకంగా ఆమోదించిందని ఆయన వాదించారు.పెద్దల అంగీకారంతో కూడిన స్వలింగ సంబంధాలను 2018లో భారత సుప్రీంకోర్టు భారతీయ శిక్షాస్మృతి (IPC)లోని సెక్షన్ 377ను కొట్టివేసి నేరరహితం చేసింది. అయితే, స్వలింగ వివాహాలు, ఎల్జీబీటీక్యూ+ వర్గాలు కోరుతున్న అనేక ఇతర హక్కులు ఇప్పటికీ చట్టపరమైన గుర్తింపు పొందలేదు. స్వలింగ సంపర్కాన్ని సంచలనాత్మకంగా మార్చకూడదని, అది సమాజంలో ఒక సహజ వాస్తవమని భగవత్ గతంలో కూడా చెప్పారు. 2019 అక్టోషన్‌లో జరిగిన పుస్తకావిష్కరణ కార్యక్రమంలో మహాభారతంలోని శిఖండి వంటి పాత్రలను ఉదాహరణగా చూపుతూ, భారతీయ సమాజంలో లైంగిక వైవిధ్యం చాలా కాలంగా ఉందని ఆయన వాదించారు. "దీనిపై అనవసరమైన రాద్ధాంతం చేయడం సహాయపడదు" అని, కాలంతో పాటు సమాజం కూడా పరిణామం చెందాలని ఆయన అన్నారు.

కోల్‌కతా:ప్రధాని నరేంద్ర మోదీపై 'అసభ్యకరమైన' పోస్టర్‌ను ప్రదర్శించారనే ఆరోపణలతో ప్రముఖ బెంగాలీ నటి శ్రీలేఖ మిత్రపై ఫిర్యాదు నమోదైంది. కోల్‌కతాలో ఇటీవల జరిగిన విద్యార్థి నిరసనలో మోదీ చిత్రపటాన్ని అసభ్యకరరీతిలో ప్రదర్శించారని నటి శ్రీలేఖపై పలు పోలీసు స్టేషన్లలో ఫిర్యాదులు నమోదయ్యాయి.నిన్న (ఆదివారం) ఆనంద్‌పూర్ పోలీసు స్టేషన్‌లో బీజేపీ నాయకురాలు కేయా ఘోష్, నటి శ్రీలేఖ మిత్రపై అధికారికంగా ఫిర్యాదు చేశారు. కేవలం ఒకే చోట కాకుండా బిధాన్‌నగర్ సైబర్ క్రైమ్ పోలీస్ స్టేషన్‌తో సహా పలు జిల్లాల్లోని వివిధ పోలీసు స్టేషన్లలో ఆమెపై ఫిర్యాదులు దాఖలైనట్లు నివేదికలు వెల్లడించాయి.ఈ అంశమై బీజేపీ నేత మాట్లాడుతూ.. "దేశ ప్రధానిని అవమానించేలా ఒక అసభ్యకరమైన పోస్టర్‌ను ప్రదర్శించినందుకు నటి శ్రీలేఖ మిత్రపై ఫిర్యాదు దాఖలైంది, ఎఫ్‌ఐఆర్ నమోదు చేయబడింది. శ్రీలేఖ మిత్రను వీలైనంత త్వరగా అరెస్ట్ చేయాలి" అని పేర్కొన్నారు.నిరసన ప్రదర్శన నేపథ్యంNEET ప్రశ్నాపత్రం లీకేజీకి వ్యతిరేకంగా, కేంద్ర మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ శుక్రవారం కోల్‌కతా రోడ్లపై భారీ నిరసన ప్రదర్శన జరిగింది.ఈ నిరసనలో శ్రీలేఖ మిత్ర కూడా పాల్గొన్నారు. ఆ సమయంలో ఆమె ప్రధాని మోదీకి సంబంధించిన అభ్యంతరకరమైన/అసభ్యకరమైన చిత్రంతో ఉన్న పోస్టర్‌ను పట్టుకున్నట్లు ఫోటోలు వెలువడ్డాయి.అయితే దీనిపై శ్రీలేఖ మిత్ర తన సోషల్ మీడియా పేజీలో ఒక వీడియో స్టేషను విడుదల చేస్తూ ఘాటుగా స్పందించారు."నన్ను అరెస్ట్ చేయాలనుకుంటే అరెస్ట్ చేయండి; నన్ను ఉరిశిక్షకు పంపాలనుకుంటే ఉరిశిక్షకు పంపండి. దీనికి వ్యతిరేకంగా కూడా కచ్చితంగా ఒక ఉద్యమం వస్తుందని నేను నమ్ముతున్నాను" అని ఆమె సోషల్ మీడియా వేదికగా మండిపడ్డారు.

సాక్షి, ఢిల్లీ :ఢిల్లీలో విద్యార్థుల ఆందోళనలు తీవ్రస్థాయికి చేరుతుండడంతో అక్కడి ప్రభుత్వం కీలక నిర్ణయం తీసుకుంది. ఈ రోజు (శని, ఆదివారాలు) నుంచి ఆదివారం వరకూ రాజధాని నగరంలోని మద్యం షాపులన్నింటినీ రాత్రి 8 గంటలకే మూసివేయాలని ఆదేశాలు జారీ చేసింది.సాధారణంగా ఢిల్లీలో మద్యం షాపులు రాత్రి 10 గంటల వరకూ వైన్ షాపులు రాత్రి 10 గంటల వరకు తెరిచి ఉంటాయి. అయితే ప్రస్తుతం జంతర్ మంతర్ వద్ద నిరసనలు శాంతిభద్రతల దృష్ట్యా, నగరంలో ప్రస్తుత పరిస్థితులను సమీక్షించిన ఢిల్లీ పోలీసులు మద్యం షాపుల వేళలను కుదించాలని ప్రభుత్వానికి సూచించారు.కాగా ఇటీవలే ఎటువంటి ముందస్తు సమాచారం లేకుండా గురువారం రాత్రి కూడా ఎలాంటి ముందస్తు ప్రకటన లేకుండానే మద్యం షాపులను త్వరగా మూసివేయడంతో కొనుగోలుదారులు తీవ్ర ఇబ్బందులు పడ్డారు. దీంతో ప్రభుత్వం రాత్రి ఎనిమిది గంటలకే మద్యం షాపులను మూసివేయాలని ఆదేశాలు జారీ చేసింది.

సాక్షి, ఢిల్లీ: జంతర్ మంతర్‌ వద్ద జరుగుతున్న నిరసనలపై ఢిల్లీ పోలీసులు కీలక ప్రకటన చేశారు. జూలై 20 నుండి జూలై 24 మధ్య జంతర్ మంతర్ దాని పరిసర ప్రాంతాలలో నేర చరిత్ర ఉన్న సుమారు 400 మంది వ్యక్తులను ఢిల్లీ పోలీసుల ఫేషియల్ రికగ్నిషన్ సిస్టమ్ గుర్తించినట్లు తెలిపారు. వీరిలో కొందరికి జూలై 20న జరిగిన హింసాత్మక ఘటనలు, విధ్వంసంతో సంబంధం ఉన్నట్లు అనుమానిస్తున్నారు.నీట్‌ లీకేజ్‌పై నిరసనలతో ఢిల్లీలోని జంతర్‌మంతర్‌ వద్ద జులై 20 న భారీగా హింస చేలరేగిన సంగతి తెలిసిందే. తాజాగా పోలీసులు దానిపై విచారణను ముమ్మరం చేశారు. ఆ రోజున జరిగిన హింసాత్మక ఘటనల్లో నేరస్థులకు ఏమైనా సంబంధం ఉందా అనే కోణంలో దర్యాప్తు చేస్తున్నారు. పోలీసులు గుర్తించిన నేర చరిత్ర కలిగిన వ్యక్తులలో సాహిల్, మనోజ్ కుమార్, రూబల్ సాహిల్ సైఫీ ఉన్నారు. నిరసన సమయంలో వీరు ఏవైనా వ్యవస్థీకృత ముఠాలలో భాగస్వాములుగా ఉన్నారా లేదా అనే అంశాన్ని పోలీసులు తనిఖీ చేస్తున్నారు.పార్లమెంట్ వర్షాకాల సమావేశాల మొదటి రోజున, 'కాక్రోచ్ జనతా పార్టీ' (CJP) చేపట్టిన 'చలో సన్సద్' మార్చ్‌లో వేలాది మంది నిరసనకారులు పాల్గొన్నారు. విద్యా సంస్కరణలు చేపట్టాలని మరియు పరీక్షల్లో అక్రమాలకు బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని వారు డిమాండ్ చేశారు. హై-సెక్యూరిటీ జోన్‌లోని బారికేడ్లను బద్దలు కొట్టడానికి నిరసనకారులు ప్రయత్నించడంతో జూలై 20న హింస చెలరేగింది. తాజాగా దీనిపై పోలీసులు విచారణ ముమ్మరం చేశారు.

సాక్షి, ఢిల్లీ: ప్రధాని మోదీ మరో వీడియో విడుదల చేశారు. నిన్న అర్థరాత్రి (గురువారం) తను పోస్ట్ చేసిన వీడియోపై అభిప్రాయాలు తెలిపిన వారందరికీ ధన్యవాదాలు తెలిపారు. విలువైన సూచనలు చేసిన యువతకు ప్రత్యేక కృతజ్ఞతలని పేర్కొన్నారు. యువతరం ఇచ్చే విలువైన సలహాలు దేశ భవిష్యత్తుకు మరింతగా సహకరిస్తాయని మోదీ అభిప్రాయపడ్డారు. కేంద్ర కేబినేట్ భేటీ అనంతరం మోదీ ఈ వీడియోని విడుదల చేశారు.మోదీ మాట్లాడుతూ "ధన్యవాదాలు మిత్రులారా. నిన్న రాత్రి ఆలస్యంగా మిమ్మల్ని కలిసే అవకాశం నాకు లభించింది. నా వీడియోకు మీరు స్పందించిన తీరును, మీ సానుకూల సూచనలను నేను అభినందిస్తున్నాను. అందరికీ ధన్యవాదాలు..." అని అన్నారు. కాగా నిన్న (గురువారం) నీట్‌ లీకేజ్‌పై జరుగుతున్న నిరసనలపై మోదీ కీలక ప్రకటన చేశారు" నీట్ లీకేజ్‌పై కేంద్ర కేబినేట్‌లో పేపర్‌లీక్‌పై చర్యలు తీసుకుంటామన్నారు. పేపర్‌ లీకెజ్‌లపై కఠిన చర్యలు తీసుకునేలా నిర్ణయాలుంటాయని తెలిపారు. నిందితులపై కఠిన చర్యలు తీసుకునేలా ఫాస్ట్‌ ట్రాక్‌ కోర్టు ఏర్పాటు చేశామని పేర్కొన్నారు. ఈ వివరాలను ఇన్‌స్టా వేదికగా వెల్లడించారు. #WATCH | Prime Minister Narendra Modi shared a video on his Instagram handle;, "Thanks to the youngsters who watched my video yesterday and sent insightful suggestions."He says, "Thank you friends. I had the opportunity to meet you late last night. I appreciate the way you… https://t.co/B4hrqwPwic pic.twitter.com/t6hfaVcvET— ANI (@ANI) July 24, 2026

సాక్షి, ఢిల్లీ: పేపర్ లీకేజీల నిరసనలపై కాక్రోచ్ జనతా పార్టీ (CJP) చేపట్టిన ఆందోళనకు మద్దతు తెలిపిన మరుసటి రోజే, బాలీవుడ్ నటుడు సల్మాన్ ఖాన్ సామాజిక వేత్త సోనమ్ వాంగ్‌చుక్‌ను తన నిరాహార దీక్షను విరమించాలని కోరారు. వాంగ్‌చుక్‌కు తన ఇంటి నుంచి వండిన భోజనాన్ని పంపుతానని.. పేపర్ లీకేజీలపై ప్రధానమంత్రి ఇప్పటికే చర్యలు తీసుకుంటామని హామీ ఇచ్చినందున నిరసన తెలుపుతున్న విద్యార్థులను కూడా తమ ఇళ్లకు తిరిగి వెళ్లాలని విజ్ఞప్తి చేశారు.సల్మాన్‌ మాటల్లో "సోనమ్, ఇంకా చాలు బ్రో. దీన్ని ఇంకా పొడిగించవద్దు. అత్యవసరమైతే ఆ పట్టుదలను మరొక దాని కోసం ఉంచుకోండి—అయినా ఇప్పుడు దానికి అవసరం లేదనే భావిస్తున్నాను. ఏదైనా తినండి. నీకు కావాలంటే మా ఇంటి నుంచే భోజనం పంపిస్తాను" అని సల్మాన్ సోషల్ మీడియా పోస్ట్‌లో పేర్కొన్నారు.చదువు పరంగా, భద్రత పరంగా విద్యార్థులే దేశానికి మొదటి ప్రాధాన్యత అని, ప్రధాని నుంచి ఇప్పటికే హామీ లభించినందున వారు ఆందోళన చెందాల్సిన అవసరం లేదని సల్మాన్ నొక్కి చెప్పారు. "విద్యాపరంగా, భద్రత పరంగా విద్యార్థులే అత్యున్నత ప్రాధాన్యత. కాబట్టి వారు భయపడాల్సిన పనిలేదు, వారి తల్లిదండ్రులను ఆందోళనకు గురిచేయాల్సిన అవసరం లేదు. గౌరవనీయ ప్రధానమంత్రి ట్వీట్ చేశారు. ఈ లీకేజీకి బాధ్యులైన వారందరిపై ఆయన కఠిన చర్యలు తీసుకుంటారని నేను ఖచ్చితంగా నమ్ముతున్నాను. కాబట్టి విద్యార్థులారా, దయచేసి మీ ఇళ్లకు, మీ తల్లిదండ్రుల వద్దకు తిరిగి వెళ్లండి" అని సల్మాన్ తెలిపారు.రాజకీయ హైజాక్బాలీవుడ్ స్టార్ అంతకుముందు కూడా విద్యార్థుల నిరసనకు మద్దతు తెలపడమే కాకుండా, వారి ఉద్యమాన్ని ఎవరూ 'హైజాక్' చేయకూడదని హెచ్చరించారు. ఒక ఇన్‌స్టాగ్రామ్ పోస్ట్‌లో ఆయన విద్యార్థులు చేపట్టిన "శాంతియుత" నిరసనను ప్రశంసించడమే కాకుండా, వారిని "ధైర్యవంతులు, సాహసవంతులు" అని కొనియాడారు. "ఈ సమస్య విద్యార్థులకు, విద్యా వ్యవస్థకు మధ్య ఉన్నది. దీనిని రాజకీయంగా హైజాక్ చేయకూడదు. దీని శ్రేయస్సు అంతా మన దేశ విద్యార్థులకే దక్కాలి. ప్రభుత్వం కూడా వారికి పూర్తి మద్దతు ఇచ్చి, విద్యా వ్యవస్థను మరింత బలోపేతం చేస్తుందని నేను నమ్ముతున్నాను. ఇది అందరికీ మంచి జరిగే పరిస్థితి. అనుకూలమైన నిర్ణయం వస్తుందని ఆశిస్తూ ప్రార్థిస్తున్నాను. చదువుకోవాలనుకునే మీ అందరినీ దేవుడు ఆశీర్వదించుగాక" అని ఆయన అంతకుముందు రాసుకొచ్చారు.కాగా పర్యావరణ వేత్త సోనమ్‌ వాంగ్ చుక్‌ తన నిరాహార దీక్షను విరమింపజేశారు. కేంద్రమంత్రి జేపీ నడ్డా అతనికి నిమ్మరసం ఇచ్చి దీక్షను విరమింపజేశారు.