బీహార్‌లో జముయ్‌ ఘటన మరువకముందే.. మరో దారుణం వెలుగుచూసింది. రోడ్డుపై యువతిని చుట్టుముట్టిన యువకులు.. దుర్భాషలు, వేధింపులకు గురిచేశారు. ఈ క్రమంలో అడ్డొచ్చిన యువకుడిపైనా దాడికి పాల్పడ్డారు. ఈ మొత్తం వ్యవహారాన్ని కొందరు వీడియో తీసి సోషల్‌ మీడియాలో పెట్టడంతో ఘటన వెలుగులోకి వచ్చింది. జముయ్‌లో యువతిపై వేధింపుల వీడియో వైరల్‌ అయిన కొద్ది రోజులకే సమస్తిపూర్‌లో ఇలాంటి మరో ఘటన బయటపడటం కలకలం రేపుతోంది.బీహార్‌లోని జగత్‌సింగ్‌పూర్‌ గ్రామంలో ఓ యువతి, ఆమెతో ఉన్న యువకుడిని బైక్‌లపై వచ్చిన కొందరు వ్యక్తులు అడ్డగించారు. అనంతరం యువతిని దుర్భాషలాడుతూ, రోడ్డుపైకి నెట్టేస్తూ వేధించినట్లు వీడియోలో కనిపిస్తోంది. స్థానికుల సమాచారం ప్రకారం.. యువతి, యువకుడు గ్రామీణ రహదారిపై ఫొటోలు తీసుకునేందుకు ఆగారు. అదే సమయంలో కొందరు వ్యక్తులు బైక్‌లపై అక్కడికి వచ్చి వారిని చుట్టుముట్టారు. యువతిపై అసభ్యకరంగా ప్రవర్తిస్తూ వేధింపులకు పాల్పడ్డారు. ఈ ఘటనకు సంబంధించిన వీడియో బుధవారం సోషల్‌ మీడియాలో వైరల్‌గా మారింది.వీడియోను పరిశీలించిన వెంటనే పోలీసులు చర్యలకు దిగారు. ఘటన జరిగిన ప్రాంతం, వీడియోలో కనిపిస్తున్న వ్యక్తుల వివరాలను నిర్ధారించే పనిలో ఉన్నామని పోలీసు అధికారి అరవింద్‌ ప్రతాప్‌ సింగ్‌ తెలిపారు. నిందితులను త్వరలోనే గుర్తించి పట్టుకుంటామని, ఈ ఘటనను తీవ్రంగా పరిగణిస్తున్నామని చెప్పారు. ఇదిలా ఉండగా.. కొన్ని రోజుల క్రితం బీహార్‌లోని జముయ్‌లోనూ ఇద్దరు పదో తరగతి విద్యార్థులు వేధింపులకు గురయ్యారు. కోచింగ్‌ క్లాసులు ముగించుకుని స్కూటర్‌పై వెళ్తుండగా కొందరు వ్యక్తులు వారిని అడ్డుకున్నారు. యువకుడి షర్ట్‌ కాలర్‌ పట్టుకుని అతడిని యువతి నుంచి దూరంగా లాగారు. యువతి అక్కడి నుంచి తప్పించుకునేందుకు ప్రయత్నించగా ఓ వ్యక్తి వెనుక నుంచి ఆమెను పట్టుకున్న దృశ్యాలు వీడియోలో నమోదయ్యాయి. ఆ వీడియో వైరల్‌ కావడంతో పోలీసులు స్పందించి ముగ్గురిని అరెస్టు చేశారు.#BREAKING 🚨 Samastipur Harassment IncidentFour men were arrested after a viral video showed a young woman being harassed, manhandled, and interrogated on a Samastipur bypass road.#Samastipur #BiharPolice #WomenSafety @BiharPolice_ @Samastipur_Pol pic.twitter.com/BaIxLcTTIK— jarvis ☠️ (@Vishii14) September 24, 2026మరోవైపు.. ఉత్తరప్రదేశ్‌లోని అమ్రోహాలో దారుణ ఘటన వెలుగుచూసింది. మతపరమైన ప్రాంతాలను చూపిస్తామంటూ హర్యానాకు చెందిన యువతిని అమ్రోహాకు తీసుకెళ్లి.. ఫామ్‌హౌస్‌లో అత్యాచారానికి పాల్పడినట్లు ఆరోపణలు వచ్చాయి. ఈ కేసులో ఇద్దరు యూపీ పోలీసు సిబ్బంది, ఇద్దరు సీఆర్‌పీఎఫ్‌ సిబ్బందిని పోలీసులు అరెస్టు చేశారు. వివరాల మేరకు.. ఫతేహాబాద్‌కు చెందిన సుమారు యువతి(24)ని సెప్టెంబర్‌ 20న ఓ మహిళా పరిచయస్తురాలు సంప్రదించి.. అమ్రోహాలోని మతపరమైన ప్రాంతాలకు వెళ్లేందుకు సీఆర్‌పీఎఫ్‌ సిబ్బంది మోహిత్‌ను కలవాలని సూచించినట్లు పోలీసులు తెలిపారు. సెప్టెంబర్‌ 21న సోనిపట్‌లో మోహిత్‌ను కలిసిన యువతి.. అతడితో కలిసి మీరట్‌కు వెళ్లగా అక్కడ సీఆర్‌పీఎఫ్‌ హెడ్‌ కానిస్టేబుల్‌ లాలారామ్‌ యాదవ్‌ వారితో చేరినట్లు సమాచారం.సెప్టెంబర్‌ 22న ఇద్దరూ కారులో యువతిని హసన్‌పూర్‌కు తీసుకెళ్తూ మార్గమధ్యలో యూపీ పోలీస్‌ ఎస్‌ఐ సంజయ్‌ తోమర్‌ను ఎక్కించుకున్నారు. అనంతరం అట్రాసి-హసన్‌పూర్‌ రహదారిలోని ఓ ఫామ్‌హౌస్‌కు తీసుకెళ్లి రెండు గదులు అద్దెకు తీసుకున్నట్లు పేర్కొన్నారు. పోలీస్‌ హెడ్‌ కానిస్టేబుల్‌ ప్రమోద్‌ అక్కడికి ఆహారం, మద్యం తీసుకొచ్చినట్లు యువతి ఫిర్యాదులో పేర్కొన్నట్లు అధికారులు తెలిపారు. అనంతరం, తనపై మోహిత్‌, లాలారామ్‌, సంజయ్‌ తనపై అత్యాచారానికి పాల్పడ్డారని ఆరోపించింది. తర్వాత ప్రమోద్‌ కూడా గదిలోకి వచ్చి అత్యాచారానికి ప్రయత్నించగా, అతడిని బయటకు నెట్టేసి తలుపు వేసుకున్నట్లు తెలిపింది. ఆ తర్వాత ఆన్‌లైన్‌లో పోలీస్‌ హెల్ప్‌లైన్‌ నంబర్‌ కోసం వెతికి బుధవారం ఉదయం 6 గంటల సమయంలో పోలీసులకు సమాచారం ఇచ్చింది.సమాచారం అందుకున్న హసన్‌పూర్‌, రాజబ్‌పూర్‌ పోలీసులు ఫామ్‌హౌస్‌కు చేరుకుని యువతిని రక్షించి.. నలుగురినీ అదుపులోకి తీసుకున్నారు. యూపీ ఎస్‌ఐ సంజయ్‌ తోమర్‌ను సస్పెండ్‌ చేసి శాఖాపరమైన చర్యలు ప్రారంభించారు. ఇద్దరు సీఆర్‌పీఎఫ్‌ సిబ్బందిపై కఠిన చర్యలు తీసుకోవాలని ఉన్నతాధికారులకు నివేదిక పంపినట్లు పోలీసులు తెలిపారు. ఘటన జరిగినట్లు ఆరోపిస్తున్న ఫామ్‌హౌస్‌ ఉత్తరాఖండ్‌కు చెందిన ఓ స్వతంత్ర ఎమ్మెల్యేకు చెందినదిగా పోలీసులు చెబుతున్నారు.जब रक्षक ही भक्षक बन जाएं, तो न्याय की उम्मीद किससे की जाए?भाजपा राज में नारी सुरक्षा केवल जुमला बनकर रह गई है।अमरोहा में पुलिसवालों द्वारा एक युवती के साथ किए गए सामूहिक बलात्कार की घटना बेहद शर्मनाक और गंभीर है। दोषियों के खिलाफ सख्त से सख्त कार्रवाई होनी चाहिए और पीड़िता… pic.twitter.com/0radOOYT6E— AAP (@AamAadmiParty) September 24, 2026

బిహార్‌ వరుస లైంగిక వేధింపుల ఘటనలు.. ఇప్పుడు నెట్టింట వైరల్‌ అవుతున్నాయి. జమయి జిల్లాలో పదో తరగతి బాలికపై వేధింపుల ఘటన మరువక ముందే.. సమస్తిపూర్‌లో ఇదే తరహా ఘటన చోటు చేసుకుంది. అయితే ఈ ఘటనపై అధికార, ప్రతిపక్షాల మధ్య విమర్శలు కొనసాగుతున్న వేళ.. జన సురాజ్‌ పార్టీ వ్యవస్థాపకుడు, ఎమ్మెల్యే ప్రశాంత్‌ కిషోర్‌ ఆసక్తికర వ్యాఖ్యలు చేశారు.గణేశ్‌ నవరాత్రుల సందర్భంగా.. అలీనగర్‌ బీజేపీ ఎమ్మెల్యే, భజన గాయని మైథిలీ ఠాకూర్‌ ఎప్పటిలాగే ప్రదర్శనలు ఇస్తూ వస్తున్నారు. ఈ క్రమంలో ఆమెకు సంబంధించిన ఓ వీడియో వైరల్‌ అయ్యింది. ‘‘ఒకప్పుడు సాయంత్రం 6 దాటితే బయట తిరిగేందుకు భయపడేవాళ్లం. ఇప్పుడు నేను ధైర్యంగా అర్ధరాత్రి 3గం. సమయంలోనూ బిహార్‌లో తిరగగలుగుతున్నా’’ అంటూ ఆమె ఈ ఏడాది ఫిబ్రవరిలో మాట్లాడింది. జమయి ఘటన నేపథ్యంతో ఆ వీడియో వైరల్‌ అవుతోంది.అయితే మైథిలి పేరును ప్రస్తావిస్తూ ప్రశాంత్‌ కిషోర్‌ విమర్శలు చేశారు. దర్బంగా ప్రజలు ఆమెను ఐకాన్‌గా భావించి ఓట్లు వేసి గెలిపించారని.. అయితే ఆమె మాత్రం అంబానీ కుటుంబ గణేశ్‌ ఉత్సవంలో ప్రదర్శన ఇస్తున్నారని వ్యాఖ్యానించారు. అదే సమయంలో మైథిలి నియోజకవర్గంలో శాంతి భద్రతల సమస్యలు నెలకొన్నాయని.. వరదలతో అక్కడి ప్రజలు ఇబ్బందులు పడుతున్నా ఆమె పట్టించుకోవడం లేదని మండిపడ్డారాయన.మీరో ఎమ్మెల్యే అందుకే రాత్రిళ్లు..బిహార్‌లో మహిళల భద్రతపై మైథిలీ ఠాకూర్‌ గతంలో చేసిన వ్యాఖ్యలను కూడా ప్రశాంత్‌ కిషోర్‌ ప్రస్తావించారు. ఆమె ఎమ్మెల్యే కావడంతో రాత్రిపూట బయట తిరగగలుగుతున్నారని.. కానీ సాధారణ బాలికలు, మహిళలకు అదే స్థాయిలో భద్రత ఉందా? అని ప్రశ్నించారు. సాధారణ అమ్మాయిలు రాత్రివేళ ఒంటరిగా బయటకు వెళ్లాలంటే భయపడే పరిస్థితి ఉందని, ఇప్పుడు అబ్బాయిలు కూడా రాత్రి బయటకు వెళ్లేముందు రెండుసార్లు ఆలోచించే పరిస్థితి వచ్చిందని ఆయన వ్యాఖ్యానించారు.‘వీడియో వైరల్‌ కాకపోతే.. ఘటన ఎలా బయటపడేది?’జముయి ఘటనకు సంబంధించిన వీడియో వైరల్‌ కావడంపైనా ప్రశాంత్‌ కిషోర్‌ పోలీసుల తీరును ప్రశ్నించారు. వీడియోను సోషల్‌ మీడియాలో షేర్‌ చేసిన వారిపై చర్యల గురించి మాట్లాడుతున్నారని.. కానీ ఆ వీడియో బయటకు రాకపోతే అసలు ఘటన వెలుగులోకి వచ్చేదెలా? అని ప్రశ్నించారు. బాధితులు తొలుత అధికారులను సంప్రదించకపోవడంతో సోషల్‌ మీడియాలో వెలుగులోకి వచ్చిన వీడియో ఆధారంగానే పోలీసులు కేసు దర్యాప్తు ప్రారంభించారు.‘చేసిన వారిపై చర్యలేవి?’వీడియోను ప్రసారం చేసిన వారిపై చర్యల గురించి మాట్లాడటానికి బదులుగా.. ఘటనకు పాల్పడిన వారిపై కఠిన చర్యలు తీసుకోవడమే ముఖ్యమని ప్రశాంత్‌ కిషోర్‌ వ్యాఖ్యానించారు. బిహార్‌లో మద్యం, ఇసుక మాఫియాలకు రాజకీయ రక్షణ ఉందంటూ కూడా ఆయన ఆరోపణలు చేశారు.‘బేటీ బచావో.. బేటీ పడావో’పైనా సెటైర్‌కేంద్ర ప్రభుత్వం నిర్వహిస్తున్న ‘బేటీ బచావో.. బేటీ పడావో’ కార్యక్రమాన్ని ప్రస్తావిస్తూ కూడా ప్రశాంత్‌ కిషోర్‌ వ్యంగ్యాస్త్రాలు సంధించారు. పరిస్థితి ఇలాగే ఉంటే.. ఇకపై అమ్మాయిలను వారే చదివించుకోవాలి, వారే కాపాడుకోవాలి అన్నట్టుగా ప్రభుత్వ వైఖరి ఉందంటూ ఆయన వ్యాఖ్యానించారు.మైథిలీ ఠాకూర్‌(25) బిహార్‌కు చెందిన ప్రముఖ జానపద గాయని. భోజ్‌పురి, హిందీ పాటలతో పాటు భక్తి భజన గీతాలతో గాయనిగా గుర్తింపు పొందారు. 2025 బిహార్‌ అసెంబ్లీ ఎన్నికల్లో అలీనగర్‌ నియోజకవర్గం నుంచి బీజేపీ తరఫున పోటీ చేసి ఎమ్మెల్యేగా ఎన్నికయ్యారు. రాజకీయాల్లోకి వచ్చిన తర్వాత కూడా సంగీత ప్రదర్శనలు కొనసాగిస్తున్నారు.ఇదీ చదవండి: ఉన్నట్లుండి ఏమైంది?.. ఎమ్మెల్యే రాజీనామాతో కలకలం

న్యూఢిల్లీ: నవరాత్రులు, దీపావళి సందర్భంగా వైష్ణోదేవి ఆలయ దర్శనానికి జమ్ము, కట్రా వెళ్లే భక్తుల రద్దీ పెరగనున్న నేపథ్యంలో ఉత్తర రైల్వే ప్రత్యేక ఏర్పాట్లు చేసింది. న్యూఢిల్లీ- మాతా వైష్ణోదేవి కట్రా స్పెషల్ ట్రైన్ సర్వీసులను పెంచడంతో పాటు జమ్మూ తవి-న్యూఢిల్లీ రాజధాని ఎక్స్‌ప్రెస్‌లో అదనపు కోచ్‌లను ఏర్పాటు చేయాలని నిర్ణయించింది.కట్రా స్పెషల్‌కు 14 ట్రిప్పులువివరాల ప్రకారం.. 04081 నంబర్ గల న్యూఢిల్లీ-శ్రీమాత వైష్ణోదేవి కట్రా స్పెషల్ ట్రైన్ అక్టోబర్ 12 నుంచి 25 వరకు మొత్తం 14 ట్రిప్పులు నడవనుంది. తిరుగు ప్రయాణంలో 04082 నంబర్ గల శ్రీమాత వైష్ణోదేవి కట్రా-న్యూఢిల్లీ స్పెషల్ ట్రైన్ అక్టోబర్ 13 నుంచి 26 వరకు 14 ట్రిప్పులు నడుస్తుంది.ఈ స్టేషన్లలో ఆగుతుందిఈ స్పెషల్ ట్రైన్ మార్గమధ్యంలో పానిపట్, కురుక్షేత్ర, అంబాలా కాంట్, లూధియానా, జలంధర్ కాంట్, పఠాన్‌కోట్ కాంట్, జమ్మూ తవి, షహీద్ కెప్టెన్ తుషార్ మహాజన్ రైల్వే స్టేషన్లలో ఆగుతుంది.రాజధాని ఎక్స్‌ప్రెస్‌లో అదనపు కోచ్‌లుపండుగల సమయంలో ప్రయాణికుల రద్దీని దృష్టిలో ఉంచుకుని జమ్ము తావి-న్యూఢిల్లీ రాజధాని ఎక్స్‌ప్రెస్‌లో అదనపు కోచ్‌లను కూడా ఏర్పాటు చేయనున్నారు. దీంతో జమ్మూ, కట్రా వెళ్లే ప్రయాణికులకు అదనపు సీట్లు అందుబాటులోకి రానున్నాయి.రద్దీ తగ్గే అవకాశంస్పెషల్ ట్రైన్‌కు అదనపు ట్రిప్పులు, రాజధాని ఎక్స్‌ప్రెస్‌లో అదనపు కోచ్‌ల ఏర్పాటు వల్ల న్యూఢిల్లీ, జమ్ము, కట్రా మధ్య ప్రయాణించే వారికి కొంత ఊరట లభించనుంది. సాధారణ రైళ్లపై ప్రయాణికుల రద్దీ ఒత్తిడి కూడా తగ్గే అవకాశం ఉంది. ఇదీ చదవండి: ఆటోవాలా లైఫ్‌లో.. సంపాదన మూరెడు.. చదువు ఖర్చు బారెడు!

వంట నూనెల దిగుమతులపై కస్టమ్స్‌ సుంకాన్ని తగ్గించడం ద్వారా దేశీయ మార్కెట్‌లో ధరల ఒత్తిడిని నియంత్రించేందుకు కేంద్ర ప్రభుత్వం చర్యలు చేపడుతోంది. అందులోభాగంగా ముడి, శుద్ధి చేసిన సన్‌ఫ్లవర్‌, సోయాబీన్‌, పామాయిల్‌ దిగుమతులపై దిగుమతి సుంకాన్ని 10 శాతం నుంచి 5 శాతానికి తగ్గిస్తున్నట్లు నోటిఫికేషన్‌ విడుదల చేసింది. ఈ సుంకాల మార్పులు ఆహార ద్రవ్యోల్బణం, వినియోగదారుల వ్యయం, దేశీయ నూనెగింజల రైతుల ప్రయోజనాలపై ప్రభావం చూపే కీలక అంశంగా నిలుస్తున్నాయి.దిగుమతి ఆధారిత సరఫరా..భారత్‌ తన వంట నూనెల అవసరాల్లో సుమారు మూడింట రెండొంతుల మేర దిగుమతులపై ఆధారపడుతోంది. పామాయిల్‌, సోయాబీన్‌ నూనె, సన్‌ఫ్లవర్‌ నూనె ప్రధాన దిగుమతి ఉత్పత్తులుగా ఉన్నాయి. అంతర్జాతీయ ధరలు, సరఫరా అంతరాయాలు, కరెన్సీ మారకం విలువ వంటి అంశాలు దేశీయ ధరలపై ప్రభావం చూపుతున్నాయి. దిగుమతి సుంకాల తగ్గింపు అమలైతే దిగుమతిదారుల వ్యయం తగ్గే అవకాశం ఉన్నప్పటికీ ఆ ప్రయోజనం వినియోగదారులకు పూర్తిగా బదిలీ అవుతుందా అనేది అంతర్జాతీయ ధరలు, రవాణా ఖర్చులు, రూపాయి మారకం విలువ, రిటైల్‌ మార్కెట్‌ పోటీ వంటి అంశాలపై ఆధారపడి ఉంటుంది.రైతుల ప్రయోజనాలపై దృష్టివంట నూనెల దిగుమతి సుంకాల విధానంలో వినియోగదారులకు ధరల ఉపశమనం కల్పించడంతోపాటు దేశీయ నూనెగింజల సాగు, రైతులకు లభించే ధరల పరిరక్షణ మధ్య సమతుల్యత కీలకం. దిగుమతులు చౌకగా మారడం దేశీయ ఉత్పత్తిదారుల ధరలపై ఒత్తిడిని పెంచే అవకాశం ఉందని పరిశ్రమ వర్గాలు గతంలో పేర్కొన్నాయి.ఇదీ చదవండి: మల్కాజిగిరి - కామారెడ్డి మధ్య రైల్వే ‘కవచ్ 4.0’

భారత ఎన్నికల సంఘంలో అంతర్గతంగా విభేదాలు ఉన్నాయంటూ వచ్చిన నివేదికల నేపథ్యంలో కాక్రోచ్‌ జనతా పార్టీ రంగంలోకి దిగింది. ఈసీ పనితీరు, ఓటు హక్కు పరిరక్షణ, ఎన్నికల సంస్కరణలపై కాసేపట్లో కీలక ప్రెస్‌మీట్‌ నిర్వహించనుంది. ‘హైజాకింగ్‌ ఆఫ్‌ ఇండియాస్‌ డెమోక్రసీ’ పేరుతో ఈ కార్యక్రమాన్ని నిర్వహిస్తున్నట్లు సీజేపీ ప్రకటించింది. ఇటు.. ఈసీని సంస్కరించాల్సిన అవసరం ఉందంటూ ఆ సంస్థ వ్యవస్థాపకుడు అభిజీత్‌ దీప్కే సోషల్‌ మీడియాలో స్పందించారు.ఈసీ వ్యవహారాలపై ఇకపై తమ ప్రధాన దృష్టి ఉంటుందని నిన్న సీజేపీ ప్రతినిధులు తెలిపారు. పార్టీ చీఫ్‌ స్పోక్స్‌పర్సన్‌ సౌరవ్‌ దాస్‌ మాట్లాడుతూ.. పాఠశాలలు, నిరుద్యోగం, మౌలిక వసతులు వంటి అంశాలపై తమ ప్రచారాలు కొనసాగుతున్నప్పటికీ, ప్రజలకు ఓటు హక్కును వినియోగించుకునే అవకాశం లేకపోతే వాటి ద్వారా ఆశించిన మార్పు సాధ్యం కాదని పేర్కొన్నారు. ఈసీపై తమకు ఉన్న అభ్యంతరాలను ఢిల్లీ ప్రెస్‌మీట్‌లో వివరిస్తామని చెప్పారు. ఎలక్షన్‌ కమిషన్‌ ఠీక్‌ కరో పేరిట కొత్త ఉద్యమం నడిచే అవకాశం ఉన్నట్లు తెలుస్తోంది.అసలేం జరిగింది?ఈసీలో ఎన్నికల కమిషనర్ల మధ్య బేదాభిప్రాయాలు నడుస్తున్నాయని.. పలు అంశాలపై ఆ ప్యానెల్‌లోనే అభ్యంతరాలు వ్యక్తం చేసినట్లు ‘ది ఇండియన్‌ ఎక్స్‌ప్రెస్‌’ ఓ సంచలన కథనం ప్రచురించింది. ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి.. గత పది నెలల్లో కనీసం 14 సందర్భాల్లో కొన్ని నిర్ణయాలు, ఆదేశాలపై లిఖితపూర్వకంగా అభ్యంతరాలు తెలిపింది. అలాగే కొత్త ఓటర్ల నమోదు, ఓటర్ల పేర్ల తొలగింపు–పునరుద్ధరణ, ఫారమ్‌–6లో మార్పులు, ఓటర్ల డేటాబేస్‌ నిర్వహణ, ఐటీ వ్యవస్థకు సంబంధించిన అంశాలపై ఈ అభ్యంతరాలు ఉన్నట్లు నివేదిక తెలిపింది. ఓటర్ల డేటాబేస్‌ కేంద్రీకృతం కావడంపై కూడా కమిషనర్లు ఆందోళన వ్యక్తం చేసినట్లు పేర్కొంది.ఫారమ్‌–6పై అభ్యంతరంకొత్త ఓటరుగా నమోదు చేసుకునేందుకు ఉపయోగించే ఫారమ్‌–6లో ఎస్‌ఐఆర్‌కు సంబంధించిన ప్రశ్నను చేర్చడంపై కూడా అభ్యంతరాలు వ్యక్తమైనట్లు నివేదిక పేర్కొంది. నిబంధనల్లో మార్పు లేకుండా ఫారమ్‌లో మార్పు చేయడంపై కమిషనర్లు ప్రశ్నలు లేవనెత్తినట్లు తెలిపింది. అంతేకాదు.. గోవాలో 97 మంది ఓటర్లకు సంబంధించిన కేసులోనూ సాఫ్ట్‌వేర్‌ సమస్య తలెత్తినట్లు ‘ఇండియన్‌ ఎక్స్‌ప్రెస్‌’ పేర్కొంది. అర్హులని అధికారులు నిర్ధారించినప్పటికీ, వారిని తిరిగి జాబితాలో చేర్చేందుకు అవసరమైన సాంకేతిక సదుపాయం సకాలంలో అందుబాటులో లేకపోయిందని నివేదించింది.పార్టీల నుంచి భిన్న స్పందనలు..ఈసీలోని అంతర్గత అభ్యంతరాలపై రాజకీయ పార్టీల నుంచి భిన్న స్పందనలు వచ్చాయి. ప్రతిపక్ష నేతలు ఈ పరిణామాలపై ఈసీ తీరును ప్రశ్నించగా.. బీజేపీ మాత్రం కమిషనర్ల మధ్య భిన్నాభిప్రాయాలు అంతర్గత ప్రజాస్వామ్య ప్రక్రియలో భాగమేనని పేర్కొంది. దీంతో ఈసీ వ్యవహారంపై రాజకీయంగానూ చర్చ మొదలైంది.ఈసీ వివరణ ఇదీ..అయితే ఈ కథనంపై ఈసీ స్పందించింది. కమిషన్‌లో భిన్నాభిప్రాయాలు, రాతపూర్వక సూచనలు, సాంకేతిక అభిప్రాయాలు సాధారణ ప్రక్రియలో భాగమేనని స్పష్టం చేసింది. ఎస్‌ఐఆర్‌తో సహా అన్ని కీలక నిర్ణయాలు ముగ్గురు కమిషనర్ల ఏకగ్రీవ నిర్ణయాలేనని పేర్కొంది. అంతర్గత నోట్స్‌లోని కొన్ని అంశాలను మాత్రమే చూపించడం వల్ల మొత్తం నిర్ణయ ప్రక్రియలోని మరో కోణం కనిపించదని తెలిపింది.ఇప్పుడు సీజేపీ ఏం చెబుతుంది?ఈ నేపథ్యంలోనే.. ఇప్పటివరకు స్కూల్స్‌ క్యాంపెయిన్‌ వంటి అంశాలపై దృష్టి పెట్టిన సీజేపీ హఠాత్తుగా ఈసీ సంస్కరణల అంశాన్ని ప్రధానంగా తీసుకోవడం ఆసక్తికరంగా మారింది. ఈసీ పనితీరు, ఓటు హక్కు, ఎన్నికల ప్రక్రియలో పారదర్శకతపై తమ వైఖరిని ఢిల్లీలో జరిగే ప్రెస్‌మీట్‌లో వెల్లడించనుంది. ‘ఎలక్షన్‌ కమిషన్‌ ఠీక్‌ కరో’ పేరుతో కొత్త ఉద్యమానికి శ్రీకారం చుడుతుందా? ఈసీపై ఏవైనా కీలక డిమాండ్లు, కార్యాచరణ ప్రకటిస్తుందా? అన్నదానిపై ఇప్పుడు ఉత్కంఠ నెలకొంది.ఇదీ చదవండి: ఐఐటీ బాంబే సాహిల్‌ కేసు.. సంచలన ఫుటేజీ బయటకు!

భారత ఇన్సూరెన్స్ నియంత్రణ, అభివృద్ధి సంస్థ (ఐఆర్‌డీఏఐ) దేశీయ బీమా రంగంలో పారదర్శకతను పెంచేందుకు, వినియోగదారుల ప్రయోజనాలను పరిరక్షించేందుకు పంపిణీ నిబంధనల్లో కీలక ప్రతిపాదనలు చేసింది. పాలసీల తప్పుడు విక్రయాలను (మిస్‌ సెల్లింగ్‌) అరికట్టడం, నిర్వహణ వ్యయాలను తగ్గించడం, క్లెయిమ్‌ల ప్రక్రియను సులభతరం చేయడమే లక్ష్యంగా ఈ మార్పులను తీసుకొచ్చింది.కమిషన్ విధానంలో మార్పులుఇప్పటివరకు ఇన్సూరెన్స్ ఏజెంట్లు, బ్రోకర్లకు పాలసీ ప్రారంభంలోనే ఒకేసారి అధిక మొత్తంలో కమిషన్ చెల్లించే పద్ధతి ఉంది. దీనివల్ల క్లయింట్‌కు అవసరం లేకపోయినా పాలసీలను అంటగట్టే ధోరణి పెరుగుతోందన్న విమర్శలు వచ్చాయి. దీన్ని నియంత్రించేందుకు ఐఆర్‌డీఏఐ కమిషన్ చెల్లింపులను పాలసీ కాలవ్యవధి ఉన్నన్ని రోజులు విస్తరించాలని ప్రతిపాదించింది. ఇకపై కస్టమర్‌కు నిరంతరం సేవలు అందించే సలహాదారుల శ్రమ ఆధారంగానే పారితోషికం లభిస్తుంది.నిర్వహణ వ్యయం తగ్గించేందుకు ప్రణాళికబీమా కంపెనీల నిర్వహణ వ్యయాన్ని అదుపు చేసేందుకు ఐఆర్‌డీఏఐ ఐదేళ్ల ప్రత్యేక ప్రణాళికను రూపొందించింది. దీని ప్రకారం లైఫ్ ఇన్సూరెన్స్ కంపెనీలు తమ నిర్వహణ వ్యయాన్ని రాబోయే ఐదేళ్లలో 12.5 శాతానికి, జనరల్ ఇన్సూరెన్స్ కంపెనీలు 20 శాతానికి తగ్గించుకోవాల్సి ఉంటుంది. అలాగే, బ్యాంకులు లేదా ఆర్థిక సంస్థలు రుణాలు ఇచ్చే సమయంలో నిర్బంధంగా బీమా పాలసీలను ముడిపెట్టడాన్ని ఐఆర్‌డీఏఐ నిషేధించింది.మోటార్ ఇన్సూరెన్స్‌పై ప్రత్యేక దృష్టిథర్డ్ పార్టీ మోటార్ ఇన్సూరెన్స్ వంటి నిర్బంధ పాలసీలలో కమీషన్లను తగ్గించి డిజిటల్ కొనుగోలు విధానాలను ప్రోత్సహించనుంది. అంతేకాకుండా, వాహనదారులు తమకు అనుకూలమైన సర్వీస్ సెంటర్లలో క్యాష్‌లెస్‌ సేవలందుకునే హక్కును కల్పించనుంది.వినియోగదారులకే ప్రయోజనంపంపిణీ ఏజెన్సీలను ప్రధానంగా మూడు విభాగాలుగా వర్గీకరించి సమర్థవంతంగా నియంత్రించనున్నారు. ‘బీమా సుగమ్‌’ వంటి డిజిటల్ ప్లాట్‌ఫారమ్‌ల విస్తరణతో సాధారణ పౌరులకు పాలసీల కొనుగోలు మరింత చవకగా, పారదర్శకంగా మారనుంది. ఈ కొత్త నిబంధనలు అమలులోకి వస్తే భారత బీమా రంగం ప్రపంచ ప్రమాణాలకు అనుగుణంగా మారి మరింత విశ్వసనీయతను సాధిస్తుందని మార్కెట్‌ వర్గాలు భావిస్తున్నాయి.ఇదీ చదవండి: మల్కాజిగిరి - కామారెడ్డి మధ్య రైల్వే ‘కవచ్ 4.0’

సూరత్: వినాయక చవితి వేడుకల సందర్భంగా గుజరాత్‌లోని సూరత్‌కు చెందిన ఓ యువ కళాకారుడు అద్భుతమైన సూక్ష్మ కళను ఆవిష్కరించాడు. పాటిల్ మయాంక్ దినేష్‌భాయ్ అనే కళాకారుడు కేవలం 6 మిల్లీమీటర్ల పరిమాణంలో ఉన్న వినాయకుడి విగ్రహాన్ని పెన్సిల్ మొనపై చెక్కాడు. ఈ సూక్ష్మ శిల్పాన్ని రూపొందించేందుకు ఐదు రోజుల పాటు ఎంతో ఏకాగ్రతతో పనిచేశానని మయాంక్ తెలిపారు. పెన్సిల్ మొనపై గణేశుడి విగ్రహాన్ని చెక్కాలనే ఆలోచన తనకు రెండేళ్ల క్రితం వచ్చిందని మయాంక్ చెప్పారు. తొలుత సరదాగా పెన్సిల్ మొనపై తన పేరులోని అక్షరాలను చెక్కినట్లు తెలిపారు. ఆ తర్వాత అదే విధంగా గణేశుడి విగ్రహాన్ని కూడా తయారు చేయవచ్చా అనే ఆలోచన వచ్చిందన్నారు. ఆ ప్రయత్నాన్ని కొనసాగించడంతో చివరకు 6 మిల్లీమీటర్ల గణేశ విగ్రహం రూపుదిద్దుకుందని వివరించారు.ఐదు రోజుల పాటు ఎంతో ఏకాగ్రతఇంత చిన్న పరిమాణంలో శిల్పాన్ని చెక్కడం సాధారణ విషయం కాదు. విగ్రహాన్ని రూపొందించేందుకు ఐదు రోజుల పాటు కష్టపడి, ఎంతో ఏకాగ్రతతో పనిచేసినట్లు మయాంక్ తెలిపారు. పెన్సిల్ మొనపై ఉన్న పరిమిత ప్రదేశంలో శిల్పాన్ని రూపొందించాల్సి రావడంతో ప్రతి కదలికను ఎంతో జాగ్రత్తగా నియంత్రించాల్సి వచ్చిందని చెప్పారు. చిన్నపాటి కదలిక కూడా శిల్పంపై ప్రభావం చూపే అవకాశం ఉండటంతో అత్యంత జాగ్రత్తగా పనిచేసినట్లు తెలిపారు. #WATCH | Gujarat | Surat artist Patel Mayank Dineshbhai crafts a 6 mm Lord Ganesha idol on a pencil tip, captivating devotees amidst grand Ganeshotsav celebrations across Gujarat https://t.co/r6zLHuubaS— ANI (@ANI) September 23, 2026సూక్ష్మ కళలో ప్రత్యేక ఆకర్షణసాధారణంగా వినాయక చవితి వేడుకల్లో భారీ విగ్రహాలు, భారీ మండపాలు ప్రత్యేక ఆకర్షణగా నిలుస్తాయి. అయితే మయాంక్ రూపొందించిన ఈ విగ్రహం అందుకు పూర్తి భిన్నంగా ఉంది. కేవలం 6 మిల్లీమీటర్ల పరిమాణంలో ఉన్నప్పటికీ గణేశుడి రూపాన్ని సూక్ష్మంగా తీర్చిదిద్దడం విశేషంగా మారింది. చిన్న స్థలంలోనూ కళాకారుడి నైపుణ్యం, సహనం, ఏకాగ్రత ఎంతటి ఫలితాన్ని ఇవ్వగలవో ఈ శిల్పం చూపిస్తోంది. ఈ సూక్ష్మ గణేశ విగ్రహాన్ని కేవలం కళాఖండంగా ఉంచుకోవాలని మయాంక్ భావించడం లేదు. సంప్రదాయ గణేశోత్సవ ఆచారాలను పాటిస్తూ, పూజ పూర్తయిన తర్వాత విగ్రహాన్ని నిమజ్జనం చేయనున్నట్లు తెలిపారు.ఇదీ చదవండి: Australia: ప్రభుత్వ డేటాలోకి ఓపెన్‌ఏఐ ఏజెంట్‌ చొరబాటు కలకలం

ఐఐటీ బాంబే విద్యార్థి సాహిల్‌ వాకోడే మృతి కేసు రోజుకో కొత్త మలుపు తిరుగుతోంది. పరీక్షలో మొబైల్‌ ఫోన్‌ వినియోగించాడనే ఆరోపణ.. ఆ తర్వాత చోటుచేసుకున్న పరిణామాలు.. కుల వివక్ష, వేధింపుల ఆరోపణలు.. ప్రొఫెసర్‌పై నమోదైన కేసు.. తాజాగా వెలుగులోకి వచ్చిన సీసీటీవీ దృశ్యాలు.. చివరి గంటల్లో స్నేహితురాలితో సాహిల్‌ మాట్లాడిన మాటలు.. ఇలా ఈ వ్యవహారంలో పలు అంశాలు దర్యాప్తులో కీలకంగా మారాయి.మరణానికి కొన్ని గంటల ముందు సాహిల్‌(Sahil Wakode) తన సన్నిహిత స్నేహితురాలితో ఫోన్‌లో మాట్లాడినట్లు దర్యాప్తు వర్గాలను ఉటంకిస్తూ ఓ జాతీయ మీడియా కథనం ప్రచురించింది. సెప్టెంబర్‌ 18న మధ్యాహ్నం సుమారు 2.30 గంటలకు జరిగిన ఈ సంభాషణే అతని చివరి ఫోన్‌ కాల్‌ అని తెలుస్తోంది.ఆ కాల్‌లో “నేను తప్పు చేశాను. నా థర్మోడైనమిక్స్‌ పేపర్‌ కూడా సరిగ్గా రాయలేదు.. ఇప్పుడు ఇదీ జరిగింది” అని సాహిల్‌ చెప్పినట్లు స్నేహితురాలు దర్యాప్తు అధికారులకు తెలిపినట్లు సమాచారం. ఆ తర్వాత ఆమె ఎన్నిసార్లు ఫోన్‌ చేసినా సాహిల్‌ స్పందించలేదట. ఈ సంభాషణలో సాహిల్‌ తాను కుల వివక్ష ఎదుర్కొన్నట్లు వ్యాఖ్యలు చేయలేదని కూడా దర్యాప్తు వర్గాలు తెలిపినట్లు సదరు కథనం వెల్లడించింది.పరీక్ష హాల్లో అసలేం జరిగింది?సెప్టెంబర్‌ 18న పరీక్ష జరుగుతున్న సమయంలో సాహిల్‌ మొబైల్‌ ఫోన్‌ ఉపయోగించినట్లు.. చాట్‌జీపీటీ ఉపయోగించి సమాధానాలు తెలుసుకునే ప్రయత్నాలు చేశారంటూ ఆరోపణలు వచ్చాయి. పరీక్షా హాల్లో ఇన్విజిలేటర్‌గా ఉన్న ప్రొఫెసర్‌ సూర్యనారాయణ దుల్లా అతడిని ప్రశ్నించాడని, ఆయన అవమానించడంతోనే ఆ భారంతో సాహిల్‌ బలవనర్మరణానికి పాల్పడ్డాడన్నది ప్రధాన అభియోగం.తాజాగా బయటకు వచ్చిన ఫుటేజీలో.. ముందు వరుసలో కూర్చున్న సాహిల్‌ వద్దకు ప్రొఫెసర్‌ వెళ్లి మాట్లాడటం కనిపిస్తోంది. సాహిల్‌ తన సీటు నుంచి లేచి, మళ్లీ కూర్చుని.. అనంతరం తన వద్ద ఉన్న మొబైల్‌ ఫోన్‌ను ప్రొఫెసర్‌కు ఇచ్చినట్లు దృశ్యాల్లో కనిపించింది. కొద్దిసేపు ఇద్దరి మధ్య సంభాషణ జరిగిన తర్వాత సాహిల్‌ తన వస్తువులను సర్దుకుని పరీక్షా హాలు నుంచి బయటకు వెళ్లినట్లు ఫుటేజీ ఆధారంగా తెలుస్తోంది.IIT Bombay case: CCTV footage from the examination hall has surfaced. Sahil Wakode is seen being taken outside the examination hall by Prof. #Suryanarayanadoolla after being caught cheating in the exam.#IITBombay #SahilWakode #CCTV #Mumbai pic.twitter.com/E5LekwfkDF— Rajesh kumar (@journorajeshk) September 23, 2026పోలీసులు ముఖ్యంగా పరీక్ష ముగియడానికి ముందు 12.30 నుంచి 12.45 గంటల మధ్య జరిగిన పరిణామాలను పరిశీలిస్తున్నారు. ఆ సమయంలో సాహిల్‌ తన జేబులోని ఏదో చూస్తున్నట్లు, దానిని గమనించిన ప్రొఫెసర్‌ అతడిని పక్కకు తీసుకెళ్లినట్లు దర్యాప్తు వర్గాలు తెలిపాయి. ఆ కొన్ని నిమిషాల్లో ఇద్దరి మధ్య ఏం మాట్లాడారన్నది తెలుసుకునేందుకు పరీక్షా హాల్లో ఉన్న విద్యార్థుల వాంగ్మూలాలను కూడా పోలీసులు నమోదు చేస్తున్నారు.ఆ తర్వాత ఏం జరిగింది?పరీక్షా హాలు నుంచి బయటకు వచ్చిన సాహిల్‌ మధ్యాహ్నం సుమారు 1.25 గంటలకు తన హాస్టల్‌ గదికి వెళ్లినట్లు సీసీటీవీ ఆధారాలను పరిశీలించిన పోలీసులు గుర్తించినట్లు సమాచారం. ఆ తర్వాత అతడు బయటకు రాలేదని తెలుస్తోంది. కొన్ని గంటల అనంతరం హాస్టల్‌ గదిలో సాహిల్‌ మృతదేహం గుర్తించారు.ఈ ఘటనతో ఐఐటీ బాంబే క్యాంపస్‌లో తీవ్ర ఆందోళన మొదలైంది. విద్యార్థులు పెద్ద ఎత్తున నిరసనలు చేపట్టారు. విద్యార్థి సంక్షేమం, మానసిక ఆరోగ్య సహాయం, ఫిర్యాదుల పరిష్కార వ్యవస్థతోపాటు ఘటనపై స్వతంత్ర దర్యాప్తు కోరుతూ పలు డిమాండ్లు చేశారు.‘కుల వివక్షకు గురయ్యాడు’.. తల్లిదండ్రుల ఆరోపణసాహిల్‌ గతంలో తనకు కులపరమైన అవమానాలు, వివక్ష ఎదురవుతున్నాయని తల్లిదండ్రులతో చెప్పినట్లు వారు ఆరోపిస్తున్నారు. తన కుమారుడు ప్రొఫెసర్‌ దుల్లా(Suryanarayanadoolla) నుంచి వివక్ష ఎదుర్కొంటున్నాడని తండ్రి రవీంద్ర వాకోడే ఆరోపించారు. తమ కుమారుడి మృతికి బాధ్యులైన వారిని వెంటనే అరెస్టు చేయాలని తల్లిదండ్రులు డిమాండ్‌ చేస్తున్నారు. పోలీసులు నమోదు చేసిన ఎఫ్‌ఐఆర్‌లో ప్రొఫెసర్‌ సూర్యనారాయణ దుల్లా సహా పలువురిపై ఆత్మహత్యకు ప్రేరేపించిన ఆరోపణలు, ఎస్సీ/ఎస్టీ (అట్రాసిటీస్‌) చట్టంలోని నిబంధనలు చేర్చారు. కేసు దర్యాప్తును ముంబై క్రైమ్‌ బ్రాంచ్‌ చేపట్టింది.ప్రొఫెసర్‌కు ఐఐటీ ఫ్యాకల్టీ మద్దతుమరోవైపు ప్రొఫెసర్‌ దుల్లాకు ఐఐటీ బాంబే ఫ్యాకల్టీ ఫోరం మద్దతుగా నిలిచింది. పరీక్షలో అనధికారికంగా మొబైల్‌ వినియోగించిన ఘటనను ఇన్విజిలేటర్‌గా నివేదించడం తన విధుల్లో భాగమేనని ఫోరం పేర్కొంది. ఇతర ఐఐటీలకు చెందిన కొందరు ఫ్యాకల్టీ వర్గాలు కూడా దుల్లాకు న్యాయమైన దర్యాప్తు జరగాలని కోరాయి.అయితే విద్యార్థుల ఆందోళనల నేపథ్యంలో దుల్లాను డీన్‌ పదవి నుంచి తొలగించారు. తాజాగా ఆయనను సెలవుపై వెళ్లాలని ఐఐటీ బాంబే కోరింది. ఇది దర్యాప్తు పూర్తయ్యే వరకు తీసుకున్న చర్యగా స్పష్టమవుతోంది.ఆ వ్యవహారంపై వెనక్కి.. క్షమాపణలుసాహిల్‌ పరీక్షలో మొబైల్‌ ఫోన్‌ ద్వారా ప్రశ్నపత్రాన్ని చాట్‌జీపీటీలోకి అప్‌లోడ్‌ చేసి సమాధానాలు పొందేందుకు ప్రయత్నించాడని ఐఐటీ బాంబే తొలుత బహిరంగ ప్రకటన చేసింది. ఆ ఘటనను అతడి మృతితో ముడిపెట్టేలా సంస్థ ప్రకటన చేయడంతో తీవ్ర విమర్శలు వచ్చాయి. అయితే తర్వాత ఐఐటీ బాంబే తన ప్రకటనపై వెనక్కి తగ్గింది. ఘటనకు దారితీసిన పరిస్థితులు ఇంకా దర్యాప్తులో ఉన్నందున అప్పటికే వాటిని నిర్ధారించినట్లుగా పేర్కొనడం తగదని చెబుతూ సంస్థ క్షమాపణలు చెప్పింది.10 మందితో ప్రత్యేక కమిటీకేసు మరింత సంక్లిష్టంగా మారడంతో ఐఐటీ బాంబే బోర్డ్‌ ఆఫ్‌ గవర్నర్స్‌ 10 మంది సభ్యులతో ఉన్నతస్థాయి కమిటీని ఏర్పాటు చేసింది. ఐఐటీ పాలక్కాడ్‌ బోర్డ్‌ ఆఫ్‌ గవర్నర్స్‌ చైర్మన్‌ ప్రొఫెసర్‌ రమేశ్‌ వెంకటేశ్వరన్‌ ఈ కమిటీకి నేతృత్వం వహిస్తున్నారు. కమిటీలో ఫ్యాకల్టీ సభ్యులతోపాటు విద్యార్థి ప్రతినిధులు, సైకియాట్రిస్ట్‌ తదితరులు ఉన్నారు. ఘటనకు సంబంధించిన పరిస్థితులను పరిశీలించి వారంలో నివేదిక ఇవ్వాలని కమిటీని ఆదేశించారు.ప్రతి కోణంలో దర్యాప్తుసాహిల్‌ మొబైల్‌ ఫోన్‌ను పోలీసులు ఫోరెన్సిక్‌ పరీక్షకు పంపినట్లు సమాచారం. ఫోన్‌ డేటాను క్లోన్‌ చేసి.. అతడి చాట్స్‌, చివరి సంభాషణలు, ఘటనకు ముందు ఎవరెవరితో మాట్లాడాడన్న అంశాలను కూడా పరిశీలిస్తున్నారు. పరీక్షా హాల్లో ఏం జరిగిందో, ప్రొఫెసర్‌–సాహిల్‌ మధ్య సంభాషణ ఏంటో, గతంలో వారిద్దరి మధ్య ఏమైనా పరిచయం లేదా వివాదం ఉందా అనేదానిపైనా దర్యాప్తు సాగుతోంది. ఇదిలా ఉండగా.. కేసుపై ఊహాగానాలు, తప్పుడు సమాచారం ప్రచారం చేయొద్దని ముంబై పోలీసులు ప్రజలు, మీడియాను కోరారు. ఐఐటీ బాంబే అలుమ్ని అసోసియేషన్‌ కూడా ఎలాంటి ‘మీడియా ట్రయల్‌’ లేకుండా నిష్పక్షపాతంగా, వేగంగా దర్యాప్తు జరగాలని కోరింది.ఇదీ చదవండి: మీ నూనె.. మా నూనె

బెంగళూరు: కర్ణాటకలో అధికార పార్టీకి ఊహించని షాక్‌ తగిలింది. కాంగ్రెస్‌ ఎమ్మెల్యే సంచలన నిర్ణయం తీసుకున్నారు. అసంతృప్తి కారణంగా ఎమ్మెల్యే యశ్వంత్‌ రాయగౌడ పాటిల్‌ తన పదవికి రాజీనామా చేశారు. అనంతరం, అసెంబ్లీ స్పీకర్‌ జీఎస్‌ పాటిల్‌కు తన రాజీనామా లేఖ పంపించారు. దీంతో, ఆయన రాజీనామా అంశంపై పొలిటికల్‌ చర్చ మొదలైంది.కాగా, విజయపుర జిల్లా ఇండీ నియోజకవర్గాన్ని కరువు ప్రభావిత ప్రాంతంగా ప్రకటించకపోవడంపై ఆయన అసంతృప్తి వ్యక్తం చేస్తూ తన పదవికి రాజీనామా చేశారు. ఇండీ తాలూకా 2026-27 ఖరీఫ్‌ సీజన్‌లో తీవ్ర వర్షాభావ పరిస్థితులను ఎదుర్కొంటోందని పాటిల్‌ తన లేఖలో పేర్కొన్నారు. సీజన్‌ ప్రారంభంలో కొంత వర్షం పడటంతో రైతులు అప్పులు చేసి విత్తనాలు, ఎరువులు కొనుగోలు చేసి పంటలు సాగు చేశారని.. ఆ తర్వాత సకాలంలో వర్షాలు లేకపోవడంతో పంటలు ఎండిపోయాయని తెలిపారు. ప్రజలు, పశువులకు తాగునీటి కొరత కూడా ఏర్పడిందని వివరించారు.ఇండీని కరువు ప్రాంతంగా ప్రకటించాలని ఆగస్టు 28న ముఖ్యమంత్రి, ఉప ముఖ్యమంత్రికి వినతిపత్రం ఇచ్చినప్పటికీ స్పందన రాలేదని పాటిల్‌ ఆరోపించారు. విజయపుర జిల్లాలో మొత్తం 13 తాలూకాల్లో 11 ఇప్పటికే కరువు ప్రభావిత ప్రాంతాలుగా ప్రకటించగా.. ఇండీ, చడచన్‌ మాత్రమే మిగిలిపోయాయని తెలిపారు. రాష్ట్రవ్యాప్తంగా ఇప్పటివరకు 188 తాలూకాలను కరువు ప్రభావిత ప్రాంతాలుగా ప్రకటించినట్లు ఆయన పేర్కొన్నారు.‘ఒత్తిడి తెచ్చేవారికే ప్రాధాన్యం’అధికార కాంగ్రెస్‌ పార్టీ ఎమ్మెల్యేగా ప్రభుత్వానికి ఇబ్బంది కలగకూడదనే ఉద్దేశంతో ఇప్పటివరకు తన డిమాండ్లను సంయమనంతోనే వినిపించానని పాటిల్‌ తెలిపారు. అయితే తన అభిప్రాయాలు, నియోజకవర్గ ప్రజల సమస్యలకు తగిన ప్రాధాన్యం దక్కడం లేదని ఆవేదన వ్యక్తం చేశారు. ప్రస్తుత రాజకీయ వాతావరణంలో ప్రభావవంతమైన వ్యక్తులు, ఒత్తిడి తెచ్చేవారికే ప్రాధాన్యం లభిస్తోందని.. తనలాంటి సౌమ్యంగా వ్యవహరించే నేతల న్యాయమైన డిమాండ్లను కూడా పట్టించుకోవడం లేదని వ్యాఖ్యానించారు. ప్రజల ఆశలు, ఆకాంక్షలకు అనుగుణంగా పనిచేయలేకపోతున్నందునే స్వచ్ఛందంగా ఎమ్మెల్యే పదవికి రాజీనామా చేస్తున్నట్లు ఆయన స్పష్టం చేశారు.రెండోసారి రాజీనామా.. ఇదిలా ఉండగా.. పాటిల్‌ రాజీనామా చేయడం ఇది రెండోసారి. ఆగస్టు 3న డీకే శివకుమార్‌ నేతృత్వంలో జరిగిన కేబినెట్‌ విస్తరణలో తనకు చోటు దక్కకపోవడంతో అప్పట్లోనూ ఎమ్మెల్యే పదవికి రాజీనామా చేశారు. అయితే కాంగ్రెస్‌ అధిష్ఠానం జోక్యంతో ఆ రాజీనామాను ఉపసంహరించుకున్నారు. తాజాగా తన నియోజకవర్గాన్ని కరువు ప్రభావిత ప్రాంతంగా ప్రకటించకపోవడాన్ని కారణంగా చూపుతూ మరోసారి రాజీనామా చేయడం కర్ణాటక కాంగ్రెస్‌లో చర్చనీయాంశంగా మారింది.ఇదీ చదవండి: యూపీని నాలుగు భాగాలుగా చేస్తాం..

కర్ణాటక : చిత్రదుర్గ రేణుకాస్వామి హత్యకేసులో బెంగళూరు పరప్పన జైల్లో ఉన్న రెండవ నిందితుడు, నటుడు దర్శన్‌కు హైకోర్టులో మరో ఎదురుదెబ్బ తగిలింది. 14వ నిందితుడు ప్రదూష్‌ అప్రూవర్‌ కావడాన్ని వ్యతిరేకిస్తూ దర్శన్‌ భార్య విజయలక్ష్మి దాఖలు చేసిన పిటిషన్‌ను బుధవారం హైకోర్టు కొట్టివేసింది. జస్టిస్‌ వీ.శ్రీశానంద విచారించారు. ట్రయల్‌ కోర్టు ఉత్తర్వుల్లో జోక్యం చేసుకోవాల్సిన అవసరం లేదని పేర్కొన్నారు. ఈ కేసులో సాక్షిగా మారిన ప్రదూష్‌ ను క్రాస్‌ ఎగ్జామిన్‌ చేయడానికి మీకు పూర్తి హక్కు ఉందని విజయలక్ష్మికి జడ్జి సూచించారు. విచారణ సమయంలో మీ క్లయింట్‌ (దర్శన్‌) హాజరు కావడానికి ఇప్పటికే అనుమతి ఇచ్చారన్నారు. ప్రదూష్‌ జైల్లో మొబైల్‌ఫోన్‌తో ఇతరులను చట్టవిరుద్ధంగా సంప్రదించాడని, ఒత్తిడికిలోనై సాక్షిగా మారాడని చేసిన వాదనలను జడ్జి తిరస్కరించారు. ప్రాథమిక సమాచారం ప్రకారం ప్రదూష్‌ భార్యతో మాట్లాడారు, ఇందులో ఎలాంటి దోషం లేదన్నారు. మరుసటిరోజే సాక్షిగా మారేందుకు ప్రాసిక్యూషన్‌ అంగీకరించడంలో కూడా ఎలాంటి తప్పులేదని అభిప్రాయపడ్డారు.

గ్రేటర్ నోయిడా: ఉత్తరప్రదేశ్‌లోని గ్రేటర్ నోయిడా సమీపంలో యమునా ఎక్స్‌ప్రెస్‌వేపై ఘోర రోడ్డు ప్రమాదం చోటుచేసుకుంది. ప్రయాణికులతో వెళ్తున్న స్లీపర్ బస్సులో అర్ధరాత్రి ఒక్కసారిగా మంటలు చెలరేగాయి. ఈ ప్రమాదంలో 9 మంది సజీవ దహనమయ్యారు. మృతుల సంఖ్య మరింత పెరిగే అవకాశం ఉందని అధికారులు భావిస్తున్నారు. అగ్నిప్రమాదంలో బస్సు పూర్తిగా దగ్ధమైంది.పొగతో మొదలై.. క్షణాల్లో మంటలుబిహార్ రిజిస్ట్రేషన్‌ ఉన్న స్లీపర్ బస్సు గ్రేటర్ నోయిడా నుంచి ఆగ్రా వైపు వెళ్తుండగా దయానత్‌పూర్ గ్రామం సమీపంలో ఈ ఘటన జరిగింది. తొలుత బస్సులో నుంచి పొగ రావడాన్ని ప్రయాణికులు గుర్తించారు. కొద్దిసేపటికే మంటలు బస్సు మొత్తం వ్యాపించాయి. డ్రైవర్ వెంటనే బస్సును రహదారి పక్కకు నిలిపివేయడంతో ప్రయాణికులు బయటకు వచ్చేందుకు ప్రయత్నించారు. ఈ క్రమంలో తీవ్ర తొక్కిసలాట, గందరగోళం నెలకొంది.బస్సులో పర్యాటకులుబస్సులో ఉన్నవారు పర్యాటకులని సమాచారం. మథుర నుంచి బృందావన్ వెళ్తుండగా జేవర్ సమీపంలో ప్రమాదం జరిగింది. ప్రయాణికుల్లో ఎక్కువ మంది వృద్ధ మహిళలు, చిన్నారులు ఉన్నట్లు అధికారులు తెలిపారు. కొంతమంది దివ్యాంగ పిల్లలు కూడా ఉన్నట్లు సమాచారం. గాయపడిన వారిని కైలాశ్‌ ఆసుపత్రికి తరలించి చికిత్స అందిస్తున్నారు.#WATCH | Greater Noida | A passenger says, "...I was asleep when someone banged on the door. When I woke up, there was already a huge crowd. I didn't pick up any of my belongings; I didn't even put on my shoes. I just grabbed my phone and stepped out. It was so crowded that people were shoving each other. I was pushed around, and someone eventually pulled me out. I don't remember anything else after that. It was completely filled with smoke; the scene was chaotic, and getting out was extremely difficult...It was so smoky that nothing was visible; people were suffocating inside. Very few managed to escape, only those who could push their way out amidst the shoving...Many people lost their lives...There were quite a few people behind me who probably couldn't make it out, as I myself got out quite late..."— ANI (@ANI) September 24, 2026మంటలు ఎలా వచ్చాయి?ప్రమాదానికి ఖచ్చితమైన కారణం ఇంకా తెలియరాలేదు. ఘటనపై పోలీసులు, అగ్నిమాపక సిబ్బంది దర్యాప్తు చేస్తున్నారు. మంటలను అదుపులోకి తీసుకురావడానికి ఫైర్ సిబ్బంది గంటల తరబడి శ్రమించారు. ప్రత్యక్ష సాక్షుల ప్రకారం బస్సులో మంటల సమయంలో పేలుళ్ల వంటి శబ్దాలు వినిపించాయి. బస్సులో టపాసులు ఉన్నాయా? అనే కోణంలోనూ అనుమానాలు వ్యక్తమయ్యాయి. అయితే దీనిపై అధికారిక నిర్ధారణ రావాల్సి ఉంది. పైభాగంలో చిక్కుకున్న ప్రయాణికులుబస్సు డబుల్ డెక్కర్ కావడంతో పైభాగంలో ఉన్న ప్రయాణికులు మంటల్లో చిక్కుకున్నట్లు ప్రత్యక్ష సాక్షులు తెలిపారు. మంటలు తీవ్రంగా వ్యాపించడంతో రహదారిపై వెళ్తున్న వాహనదారులు కూడా భయాందోళనకు గురయ్యారు. సమాచారం అందుకున్న వెంటనే యమునా ఎక్స్‌ప్రెస్‌వే ప్రైవేట్ సెక్యూరిటీ సిబ్బంది ఘటనా స్థలానికి చేరుకున్నారు. ప్రమాదం కారణంగా జేవర్ టోల్, ఫలైదా కట్ వద్ద ట్రాఫిక్‌ను కొంతసేపు నిలిపివేశారు.బయటపడటం చాలా కష్టమైందిప్రమాదం నుంచి బయటపడిన ఓ ప్రయాణికుడు తన అనుభవాన్ని వివరించాడు. తాను నిద్రలో ఉండగా ఎవరో తలుపు కొట్టారని, మేల్కొన్న తర్వాత అప్పటికే బస్సులో భారీగా పొగ కమ్ముకుందని చెప్పాడు. సామాన్లు తీసుకునే అవకాశం లేకపోవడంతో ఫోన్ మాత్రమే తీసుకుని బయటకు వచ్చానని తెలిపాడు. బస్సులో పొగ దట్టంగా ఉండటంతో ఏమీ కనిపించలేదని, బయటకు రావడానికి ప్రయాణికులు ఒకరినొకరు తోసుకుంటూ తీవ్రంగా ఇబ్బంది పడ్డారని వివరించాడు. తన వెనుక చాలామంది ఉన్నారని, వారిలో కొందరు బయటకు వచ్చారా లేదా తెలియదని చెప్పాడు.ఇదీ చదవండి: ఆ దేశాల్లో విడాకులే లేవు.. మరి విడిపోవాలనుకుంటే..

సాక్షి, న్యూఢిల్లీ: రబీ సీజన్‌కు కేంద్ర ప్రభు­త్వం ముందస్తు కసరత్తు ముమ్మరం చేసింది. వర్షపాతం లోటు, ప్రాంతాలవారీగా అసమా­న వర్షాలు, నేలలో తేమ, జలాశయాల్లో నీటి నిల్వలు, ఎల్‌నినో పరిస్థితుల నేపథ్యంలో కేంద్ర ప్రభుత్వం పంటల ప్రణాళికపై దృష్టి సారించింది. రాష్ట్రాలతో సమన్వయం చేసుకుంటూ విత్తనాలు, ఎరువుల లభ్యతను ముందుగానే నిర్ధారించడంతోపాటు నీటి లభ్యతకు అనుగుణంగా పంటల వైవిధ్యానికి ప్రాధాన్యం ఇవ్వాలని రాష్ట్రాలకు పలు సూచనలు చేసింది. తక్కువ నీటితో సాగయ్యే వాటిపై దృష్టిపెట్టండి.. రబీ పంటల సాగు అక్టోబరు నుంచి ప్రారంభం కానున్న నేపథ్యంలో నీటి లభ్యత, పంటల సాగు, విస్తీర్ణంపై రాష్ట్రాల వారీగా ప్రణాళిక అవసరమని కేంద్రప్రభుత్వం భావిస్తోంది. ముఖ్యంగా నీటి కొరత ఉండే ప్రాంతాల్లో అధిక నీటి అవసరం ఉన్న పంటలకు బదు­లుగా తక్కువ నీటితో సాగయ్యే పంటలను ప్రోత్సహించే అంశాన్ని పరిశీలిస్తోంది. ఈ నేపథ్యంలో రబీకి ముందే జలాశయాల్లోని నీటి నిల్వలను అంచనా వేయాలని రాష్ట్రాలకు ఇప్పటికే సూచనలు చేసింది. వర్షాధార ప్రాంతాల్లో పరిస్థితులకు అనుగుణంగా పంటల ఎంపికపై రైతులకు ముందస్తు సూచన­లు ఇవ్వాలని కృషి విజ్ఞాన కేంద్రాలకు మోదీ సర్కార్‌ ఆదేశాలు జారీచేసింది. నీటి లభ్యత తక్కువగా ఉన్న చోట తక్కువ నీటి అవసర­మయ్యే పప్పుధాన్యాలు, నూనెగింజలు తది­తర పంటలకు ప్రాధాన్యం ఇవ్వడం ద్వారా సాగునీటి ఒత్తిడిని తగ్గించే అవకాశం ఉందని పేర్కొంది. కేంద్ర వ్యవసాయ శాఖ ఇప్పటికే రాష్ట్రాలతో రబీ సన్నాహాలపై చర్చలు జరిపి, ప్రాంతీయ వ్యవసాయ పరిస్థితులకు అనుగుణంగా పంటల ప్రణాళిక రూపొందించాల్సిన అవసరాన్ని నొక్కిచెప్పింది. గత ఏడాది రబీ­లో 6.37 కోట్ల హెక్టార్లలో పంటల సాగు జరిగింది. ఈసారి 35 లక్షల నుంచి 45లక్షల హెక్టార్ల మేర సాగు తగ్గవచ్చని అంచనా వేస్తోంది. రబీ సీజన్‌లో శనగ, కంది వంటి పప్పుధాన్యాలు, నూనెగింజల సాగుకు కేంద్రం ప్రాధాన్యం ఇస్తోంది. గత ఏడాది పప్పుధాన్యాల సాగు 1.33 కోట్ల హెక్టార్లలో జరిగింది. ఈ ఏడాది అది 1.50కోట్ల హెక్టార్లకు పెంచాలని మోదీ ప్రభుత్వం లక్ష్యంగా నిర్ధేశించుకుంది. నూనె గింజల సాగును 94 లక్షల హెక్టార్ల నుంచి కోటి ఎకరాలకు పెంచేలా ప్ర­యత్నాలు చేస్తోంది. దేశీయంగా వీటి ఉత్పత్తి పెరిగితే దిగుమతులపై ఆధారపడటం తగ్గడంతోపాటు మార్కెట్లో సరఫరా పెరిగే అవకాశం ఉంటుందని ప్రభుత్వం యోచిస్తోంది. ఈ అంశంపై ఇప్పటికే రాష్ట్రాలతో ఒకసారి కేంద్రం సమీక్ష నిర్వహించింది. రబీ ప్రారంభం నాటికి నాణ్యమైన విత్తనాలు రైతులకు అందుబాటులో ఉండేలా చర్యలు తీసుకోవా­లని రాష్ట్ర ప్రభుత్వాలను ఆదేశించింది. జిల్లాలవారీగా విత్తన అవసరాలను ముందుగానే అంచనా వేసి సరఫరా చేయాలని సూచనలు చేసింది. యూరియా, డీఏపీ, ఎన్‌పీకే తదితర ఎరువులకు డిమాండ్‌ పెరగనున్న దృష్ట్యా సీజన్‌ ప్రారంభంలోనే కొరత ఏర్పడకుండా రాష్ట్రాల అవసరాలను ముందుగానే అంచనా వేసి సరఫరా చేయడంపై కేంద్రం దృష్టిసారించింది.

న్యూఢిల్లీ: ప్రధాన ఎన్నికల కమిషనర్‌(సీఈసీ), ఎన్నికల కమిషనర్ల(ఈసీ) నియామకం విషయంలో కీలక పరిణామం చోటుచేసుకుంది. సీఈసీ, ఈసీల ఎంపిక ప్యానెల్‌ నుంచి సుప్రీంకోర్టు ప్రధాన న్యాయమూర్తి(సీజేఐ)ని మినహాయిస్తూ 2023లో తీసుకొచ్చిన చట్టం చెల్లుబాటును సవాలు చేస్తూ దాఖలైన పిటిషన్లను విస్తృత రాజ్యాంగ ధర్మాసనానికి నివేదించాలా? వద్దా? అనే అంశంపై సుప్రీంకోర్టు ధర్మాసనం భిన్నాభిప్రాయాలు వ్యక్తం చేసింది. సుప్రీంకోర్టు న్యాయమూర్తులు జస్టిస్‌ దీపాంకర్‌ దత్తా, జస్టిస్‌ సతీష్‌ చంద్ర శర్మలతో కూడిన ద్విసభ్య ధర్మాసనం ఈ పిటిషన్లను ఐదు రోజులపాటు విచారించింది. వీటిని ఐదుగురు న్యాయమూర్తుల రాజ్యాంగ ధర్మాసనానికి నివేదించాలన్న కేంద్ర ప్రభుత్వ వినతిని అంగీకరించడానికి జస్టిస్‌ దత్తా నిరాకరించారు. ఇదే ధర్మాసనంలోని మరో న్యాయమూర్తి అయిన జస్టిస్‌ సతీష్‌ చంద్ర శర్మ.. జస్టిస్‌ దత్తా అభిప్రాయాలతో విభేదించారు. అభిప్రాయ భేదాల కారణంగా.. తదుపరి విచారణ కోసం తగినంత మంది సభ్యులతో కూడిన ప్రత్యేక ధర్మాసనాన్ని ఏర్పాటు చేసే అంశాన్ని సీజేఐ జస్టిస్‌ సూర్యకాంత్‌ పరిశీలనకు తీసుకెళ్లాలని నిర్ణయించారు. మరోవైపు ఇలాంటి రాజ్యాంగపరమైన అంశాల్లో కీలకమైన సమస్యలను పరిష్కరించడానికి శాశ్వత విస్తృత రాజ్యాంగ ధర్మాసనాన్ని ఏర్పాటు చేసే అవకాశాన్నీ పరిశీలించాలని సీజేఐని ధర్మాసనం కోరింది. 2023 మార్చి 2న ఐదుగురు న్యాయమూర్తులతో కూడిన సుప్రీంకోర్టు రాజ్యాంగ ధర్మాసనం చరిత్రాత్మక తీర్పు ఇచ్చింది. దీని ప్రకారం.. ప్రధానమంత్రి, లోక్‌సభలో ప్రతిపక్ష నేత, సీజేఐలతో కూడిన ఒక కమిటీ సిఫార్సు మేరకు సీఈసీ, ఈసీలను రాష్ట్రపతి నియమిస్తారు. కేంద్ర ఎన్నికల సంఘం సభ్యుల నియామకాలను కార్యనిర్వాహక వ్యవస్థ జోక్యం నుంచి తప్పించే లక్ష్యంతో సుప్రీంకోర్టు ఈ నిర్ణయం తీసుకుంది. తర్వాత 2023 డిసెంబర్‌లో పార్లమెంట్‌లో ‘చీఫ్‌ ఎలక్షన్‌ కమిషనర్, ఇతర ఎన్నికల కమిషనర్ల (నియామకం, సేవా షరతులు, పదవీకాలం) చట్టం–2023’తీసుకొచ్చారు. ఈ చట్టం ప్రకారం సీఈసీ, ఈసీ ఎంపికలో సీజేఐ ప్రమేయం ఉండదు. ఎంపిక కమిటీలో సీజేఐ స్థానంలో ప్రధానమంత్రి నామినేట్‌ చేసిన కేంద్ర మంత్రిని చేరుస్తారు. ఈ చట్టం రాజ్యాంగబద్ధతను సవాలు చేస్తూ సుప్రీంకోర్టులో పలు పిటిషన్లు దాఖలయ్యాయి. వీటిపై జస్టిస్‌ దత్తా ధర్మాసనం తాజాగా విచారణ జరిపింది. ఇవి రాజ్యాంగ ప్రాముఖ్యత కలిగిన కీలక ప్రశ్నలను లేవనెత్తుతున్నాయని, వీటిని ఐదుగురు న్యాయమూర్తుల రాజ్యాంగ ధర్మాసనానికి నివేదించాలన్న కేంద్ర ప్రభుత్వ వినతిని జస్టిస్‌ దత్తా తిరస్కరించారు. కానీ, జస్టిస్‌ సతీష్‌ చంద్ర శర్మ.. జస్టిస్‌ దత్తా అభిప్రాయాలతో విభేదించారు. ‘‘ఎన్నికలు స్వేచ్ఛాయుతంగా, నిష్పక్షపాతంగా జరగాలంటే ఎన్నికల సంఘం ఒక స్వతంత్ర సంస్థగా ఉండటమే కాకుండా, స్వతంత్రంగా వ్యవహరిస్తున్నట్లు కూడా కనిపించాలి. రాజ్యాంగ వ్యవస్థ సమగ్రతను, పవిత్రతను కాపాడే సమిష్టి బాధ్యత మంత్రి మండలిదే కాబట్టి ఆర్టికల్‌ 75(3) ప్రకారం ఆ బాధ్యతకు కట్టుబడి ఉన్న ఒక మంత్రి, ఒక సున్నితమైన రాజ్యాంగ పదవికి నియామకం విషయంలో ప్రభుత్వ అధినేత అభిప్రాయంతో విభేదిస్తారని ఆశించలేం’’అని జస్టిస్‌ దత్తా స్పష్టంచేశారు. 2023 నాటి చట్టాన్ని కేంద్రం సమర్థించుకుంది. భారత న్యాయవ్యవస్థలో కొలీజియం వ్యవస్థ ద్వారా న్యాయమూర్తులే న్యాయమూర్తులను నియమిస్తారని గుర్తుచేసింది. దీనిపై జస్టిస్‌ దత్తా స్పందించారు. న్యాయమూర్తులే న్యాయమూర్తులను నియమిస్తారంటూ తరచూ వినిపించే వాదనలో నిజం లేదన్నారు. స్వార్థ శక్తులు ప్రేరేపిత కథనాల ద్వారా ప్రజలకు ఈ విషయాన్ని నూరిపోశాయని ఆక్షేపించారు. అంతేకాకుండా కొలీజియం తీర్మానాల ఆధారంగా ప్రభుత్వం చేసే పక్షపాత నియామకాలను ప్రస్తావించారు. ఈ పక్షపాత వైఖరి కారణంగా ఆ నియామకాలు పవిత్రతను కోల్పోతాయని అన్నారు. న్యాయవ్యవస్థ కార్యనిర్వాహక శాఖ నుంచి స్వతంత్రంగా ఉండటంతోపాటు స్వయంగా సమర్థతను కలిగి ఉండాలని డాక్టర్‌ బి.ఆర్‌.అంబేద్కర్‌ ఆశించారని గుర్తుచేశారు. ప్రస్తుత పరిస్థితులను బట్టి చూస్తే అంబేద్కర్‌ ఆశయం అస్పష్టంగా మారి, తీవ్ర ఒత్తిడికి లోనైనట్లు కనిపిస్తోందని ఆయన పేర్కొన్నారు. ఏడు దశాబ్దాలుగా అధికారంలో ఉన్న ప్రతి ప్రభుత్వం.. రాజ్యాంగం స్వతంత్రంగా ఉండాలని ఉద్దేశించిన సంస్థలను తమ నియంత్రణలోకి తీసుకోవడం సౌకర్యంగా భావించిందని జస్టిస్‌ దత్తా చెప్పారు. శాశ్వత ధర్మాసనం ఏర్పాటు చేయాలి రాజ్యాంగపరమైన అంశాలున్న కేసులను విచారించడానికి ఐదుగురు న్యాయమూర్తులతో శాశ్వత ధర్మాసనాన్ని ఏర్పాటు చేసే అవకాశాన్ని పరిశీలించాల్సిందిగా సుప్రీంకోర్టు ధర్మాసనం బుధవారం భారత ప్రధాన న్యాయమూర్తిని కోరింది. విస్తృత ధర్మాసనాలకు పంపిన కేసుల పరిష్కారంలో అసాధారణ జాప్యం జరుగుతోందని గుర్తుచేసింది. ఇది తీవ్ర ఆందోళన కలిగించే అంశమని జస్టిస్‌ దీపాంకర్‌ దత్తా, జస్టిస్‌ సతీష్‌ చంద్ర శర్మలతో కూడిన ధర్మాసనం పేర్కొంది. ఒక కేసు చాలాకాలం పాటు పెండింగ్‌లో ఉండటం సంబంధిత సంస్థ ప్రతిష్టకు మంచిది కాదని, కాబట్టి ఆత్మపరిశీలన అవసరమని వెల్లడించింది. గణాంకాలను పరిగణనలోకి తీసుకుంటే, చాలాకాలంగా పెండింగ్‌లో ఉన్న కేసులు ఎప్పుడు పరిష్కారమవుతాయో ఎవరూ కచ్చితంగా చెప్పలేని పరిస్థితి ఉందని గుర్తుచేసింది. ఇది తాము కొత్తగా చెబుతున్న సంగతి కాదని.. బాధ్యతాయుతమైన పౌరులు పదేపదే ప్రస్తావిస్తున్నారని తెలియజేసింది. ప్రజల అభిప్రాయాన్ని తాము సమరి్థస్తున్నామని పే ర్కొంది. రాజ్యాంగపరమైన అంశాలను పరిష్కరించడం అత్యున్నత న్యాయస్థాన న్యాయమూర్తుల ప్రాథమిక బాధ్యత అని తేల్చిచెప్పింది.

న్యూయార్క్‌: ఐక్యరాజ్య సమితి సాధారణ సభ సమావేశాల కోసం న్యూయార్క్‌కు విచ్చేసిన భారత విదేశాంగ మంత్రి ఎస్‌.జైశంకర్‌ బుధవారం అమెరికా విదేశాంగ మంత్రి మార్కో రూబియోతో ప్రత్యేకంగా భేటీ అయ్యారు. రష్యా నుంచి ముడిచమురు, సహజ వాయువును కొని విదేశాలకు ఎగుమతిచేసే దేశాలపై గరిష్టంగా 100 శాతం పన్నులు విధించేందుకు ట్రంప్‌ తీసుకొచ్చిన ‘లిండ్సే ఓ గ్రాహమ్‌ రష్యా, ఇరాన్‌ ఆంక్షల చట్టం’కారణంగా భారత్‌పై ఆర్థికభారం పడనున్న నేపథ్యంలో ఈ అంశాన్ని రూబియో వద్ద జైశంకర్‌ ప్రస్తావించారు. కొత్త చట్టంతో భారత ప్రయోజనాలు ఏ విధంగా దెబ్బతింటాయో, అది ఏ విధంగా తమ దేశానికి ప్రతికూలమో రూబియోకు జైశంకర్‌ వివరించారు. ఇరుదేశాల వ్యూహాత్మక భాగస్వామ్యంపై జైశంకర్‌తో చర్చలు సానుకూల వాతావరణంలో కొనసాగాయని రూబియో ‘ఎక్స్‌’లో వెల్లడించారు.

ముంబై/న్యూఢిల్లీ: ఐఐటీ బాంబేలో రెండో ఏడాది బీ.టెక్‌ విద్యార్థి సాహిల్‌ వాకోడే బలవన్మరణ ఉదంతంలో ఇప్పటికే ముంబై నేరవిభాగ పోలీసులు దర్యాప్తు ఆరంభించగా కళాశాలలో అంతర్గతంగా ఈ ఘటన పూర్వపరాలను నిగ్గుతేల్చేందుకు ఐఐటీ బాంబే సిద్ధమైంది. విద్యార్థి ఆత్మహత్యకు దారితీసిన కారణాలను వెలికితీసేందుకు పది మంది సభ్యులతో ఉన్నతస్థాయి విచారణ కమిటీని ఏర్పాటుచేస్తున్నట్లు కాలేజీ బుధవారం ఒక ప్రకటనలో పేర్కొంది. సాహిల్‌ను ఆత్మహత్యకు పురిగొల్పినట్లు, కులం పేరుతో దూషించినట్లు ఆరోపణలు ఎదుర్కొంటున్న ప్రొఫెసర్‌ సూర్యనారాయణను కాలేజీ యాజమాన్యం బుధవారం సెలవుపై పంపింది. పరిపాలనా వ్యవహారాల డీన్‌ పోస్ట్‌ నుంచి తొలగించినా ఆయన ఇంకా ప్రొఫెసర్‌ పోస్ట్‌లో కొనసాగడంపై విద్యార్థి సంఘాల నుంచి అభ్యంతరాలు వెల్లువెత్తడంతో కాలేజీ ఈ నిర్ణయం తీసుకుంది. కాలేజీలో అంతర్గతంగా జరిగే విచారణ పారదర్శకంగా కొనసాగాలనే ఉద్దేశంతోనే ఆయనను సెలవు పంపినట్లు విశ్వసనీయ వర్గాలు వెల్లడించాయి. ఈ ఉన్నతస్థాయి కమిటీ త్వరలోనే ప్రొఫెసర్‌ సూర్యనారాయణను ప్రశ్నించనుంది. అయితే విద్యార్థి మరణానికి కులం రంగు పులమడంపై మహారాష్ట్ర నవ నిర్మాణ్‌సేన(ఎంఎన్‌ఎస్‌) పార్టీ అధ్యక్షుడు రాజ్‌ ఠాక్రే అభ్యంతరం వ్యక్తంచేశారు. అధికారం కోసం రాజకీయాలుచేసే వాళ్లకు కులం అనేది ఎప్పుడూ అత్యంత ప్రాధాన్యత ఉన్న అంశంగా కన్పిస్తుంది. ఈ కులం వలలో అమాయ విద్యార్థులు చిక్కుకోవద్దు. ఉద్యమాల పేరిట చదువులు, భవిష్యత్తు నాశనంచేసుకోవద్దు’’అని ఆయన హితవు పలికారు. దర్యాప్తు తర్వాత ఎవరు దోషులుగా తేలినా సరే చట్టప్రకారం శిక్షించాల్సిందేనని ఏబీవీపీ జాతీయ ప్రధాన కార్యదర్శి వీరేంద్రసింగ్‌ సోలంకీ డిమాండ్‌చేశారు. అయితే పుకార్లను వ్యాప్తిచేయొద్దని అధికారిక ప్రకటనలకు మాత్రమే మీడియా, విద్యార్థులు, నేతలు, కాలేజీ కట్టుబడి ఉండాలని ముంబై క్రైమ్‌ బ్రాంచ్‌ పోలీస్‌ విభాగం స్పష్టంచేసింది. ఆత్మహత్య ఘటన దర్యాప్తు, సాక్ష్యాధారాలపై పుకార్లు పుట్టిస్తే ఐటీ చట్టం కింద కేసులు నమోదుచేస్తామని హెచ్చరించింది. మరోవైపు క్యాంపస్‌ బయట వంచిత్‌ బహుజన్‌ అఘాడీ(వీబీఏ) నేత, రాజ్యాంగ నిర్మాత అంబేడ్కర్‌ మునిమనవడు సుజత్‌ అంబేడ్కర్‌ సారథ్యంలో నిరసన కార్యక్రమం జరిగింది. క్యాంపస్‌లోకి వచ్చేందుకు ప్రయతి్నంచిన వీళ్లను పోలీసులు అడ్డుకున్నారు. దీంతో స్వల్ప తోపులాట జరిగింది. పలువురిని పోలీసులు కస్టడీలోకి తీసుకున్నారు. ఐదేళ్ల బీటెక్‌ బెటర్‌: మాజీ ఐఐటీ ఢిల్లీ డైరెక్టర్‌ భారీ సిలబస్‌ ఒత్తిడితోనూ ఐఐటీల్లో విద్యార్థులు చదువును ఒత్తిడిగా భావించే ఆస్కారముందని, ఇందుకు పరిష్కారంగా ఐదేళ్ల బీ.టెక్‌ కోర్సును ప్రారంభిస్తే ఉత్తమ ఫలితాలను పొందవచ్చని మాజీ ఐఐటీ ఢిల్లీ డైరెక్టర్, బిట్స్‌ ఛాన్స్‌లర్‌ ప్రొఫెసర్‌ వి.రామ్‌గోపాల్‌ రావు అభిప్రాయపడ్డారు. ఈ మేరకు ఆయన ‘ఎక్స్‌’లో ఒక పోస్ట్‌పెట్టారు. ‘‘ఆరోపణలు ఎదుర్కొంటున్న ప్రొఫెసర్‌ నాకు వ్యక్తిగతంగా తెలుసు. అత్యుత్తమ అధ్యాపకుల్లో ఆయన ఒకరు’’అని అన్నారు. ‘‘ఐదేళ్ల బీ.టెక్‌ ఉత్తమం. కోచింగ్‌ సెంటర్లలో ఒకేతరహా ప్రశ్నలకు సమాధానాలు రాబట్టడంలో రాటుదేలిన విద్యార్థులు తీరా ఐఐటీల్లో చేరాక సొంతంగా సిలబస్‌ ప్రిపరేషన్, ఎగ్జామ్‌కు సంసిద్ధతలో కొంతవరకు నిజంగానే తడబడతారు. జేఈఈ అడ్వాన్స్‌డ్‌లో అద్భుత ర్యాంక్‌లతో ఐఐటీల్లో చేరిన వాళ్లు సైతం నా క్లాస్‌లో తడబడిన సందర్భాలున్నాయి. అందుకే ఐదేళ్ల బీ.టెక్‌ తెస్తే నెమ్మదిగా నేర్చుకునే వాళ్లకు ఇదెంతో సాయంగా ఉంటుంది’’అని ఆయన అన్నారు.

మస్కట్‌: యునైటెడ్‌ అరబ్‌ ఎమిరేట్స్‌(యూఏఈ) నుంచి బయల్దేరిన నౌక అనూహ్యంగా హార్మూజ్‌ జలసంధిలో దాడికి గురైంది. ఆంటిక్వా, బార్బూడా జెండాతో యూఏఈ నుంచి 28 మంది నావికా సిబ్బందితో ‘ఎంవీ కేప్‌ దావో’సరకు రవాణా నౌక బయల్దేంది. అయితే సెప్టెంబర్‌ 23వ తేదీన హార్మూజ్‌లో నౌకను రెండు టార్పెడోలు ఢీకొట్టాయి. దీంతో నౌకలో ఇంజిన్‌ గది, ఇతర అవసరాలకు ఉపయోగించే గది ధ్వంసమయ్యాయి. ఈ దాడి ఘటనలో నౌకలో విధుల్లో ఉన్న సూరజ్‌ యాదవ్‌ అనే భారతీయ నావికుని తలకు తీవ్ర గాయమైంది. దాడి విషయం తెల్సి సమీపంలోని ఒమన్‌ రాయల్‌ నేవీ బలగాలు వెంటనే రంగంలోకి దిగాయి. ధ్వంసమైన నౌక నుంచి దాదాపు అందర్నీ తమ నౌకలోకి ఎక్కించి తీరానికి తీసుకొచ్చారు. తీవ్ర గాయంతో సూరజ్‌ చనిపోయాడని ఒమన్‌ రాజధాని మస్కట్‌లోని భారత రాయబార కార్యాలయం ప్రకటించింది. నౌకలో 19 మంది భారతీయులు ఉన్నట్లు తెలుస్తోంది. ‘‘సంబంధిత వర్గాలతో నిరంతరం సంప్రతింపులు జరు పుతున్నాం. 18 మంది నావికులను సురక్షితంగా స్వదేశానికి తీసుకొస్తాం’’అని ఇండియన్‌ ఎంబసీ హామీ ఇచ్చిది. సూరజ్‌ యాదవ్‌ ఉత్తరప్రదేశ్‌లోని దేవరియా ప్రాంతానికి చెందిన వ్యక్తి అని వెల్లడించింది. మృతుని కుటుంబానికి తన ప్రగాఢ సానుభూతి వ్యక్తంచేసింది. తమలో మరో వ్యక్తి యుద్ధానికి బలయ్యాడని ఫార్వర్డ్‌ సీమెన్స్‌ యూనియన్‌ ఆఫ్‌ ఇండియా(ఎఫ్‌ఎస్‌యూఐ) ఒక ప్రకటనలో ఆగ్రహం వ్యక్తంచేసింది.

(సాక్షి సెంట్రల్‌ డెస్క్) : ప్రతి ఉదయం.. అనకాపల్లి నుంచి అమృత్‌సర్‌ దాకా.. ప్రతి వంటిల్లు వేపుళ్లు, పోపులతో ఘుమఘుమలాడుతుంది. సాయంత్రమైతే బజ్జీలతో కళకళలాడుతుంది. ప్రాంతాన్ని బట్టి.. అభి‘రుచులు’మారతాయి. అలాగే వాడే నూనె కూడా మారుతుంది. ప్రస్తుతం కొలెస్ట్రాల్ , మధుమేహం, గుండెపోట్లు ముప్పు పెరుగుతున్న నేపథ్యంలో దేశంలోని వివిధ ప్రాంతాల్లో వాడే నూనెలపై ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌ (ఐసీఎంఆర్‌) ఓ అధ్యయనం నిర్వహించింది. ఇందులో భాగంగా పరిశోధకులు 18 వేల మందిని ప్రశ్నించారు. వారి ఆహార అలవాట్లను పరిశీలించారు. అనంతరం రూపొందించిన అధ్యయన వివరాలను తాజాగా అమెరికా హార్ట్‌ అసోసియేషన్‌ సెమినార్‌లో సమర్పించారు. దీని ప్రకారం మన దేశంలో వంట నిమిత్తం నెయ్యి, కొబ్బరి నూనె ఉపయోగించే వారిలో గుండెకు హాని చేసే ఎల్‌డీఎల్‌(లో–డెన్సిటీ లిపోప్రొటీన్‌) కొలెస్ట్రాల్‌ స్థాయిలు పెరిగే అవకాశం ఉంది. ముఖ్యంగా వేరుశనగ నూనెతో పోలిస్తే వీటిని ప్రధానంగా ఉపయోగించే వారిలో అధిక ఎల్‌డీఎల్‌ ముప్పు 3 రెట్లు ఎక్కువగా ఉన్నట్లు అధ్యయనం పేర్కొంది. రేషన్‌ షాపుల్లో పామాయిల్‌కు బదులుగా.. ఈ అధ్యయనంలో గుర్తించిన అంశాలు చాలా ప్రాధాన్యత కలిగినవని మద్రాస్‌ డయాబెటిక్‌ రీసెర్చ్‌ ఫౌండేషన్‌(ఎండీఆర్‌ఎఫ్‌)కు చెందిన డయాబెటాలజిస్ట్‌ డాక్టర్‌ అంజనా మోహన్‌ చెప్పారు. ఎండీఆర్‌ఎఫ్‌ కూడా ఈ అధ్యయనంలో పాలుపంచుకుంది. ‘‘రేషన్‌ షాపుల్లో పామాయిల్‌కు బదులుగా వేరుశనగ నూనెను సరఫరా చేయాలని మేం సిఫార్సు చేస్తున్నాం. ఇది ధర ఎక్కువగా ఉండొచ్చు. కానీ దీని వల్ల గుండె స్టెంట్‌లు, బైపాస్‌ సర్జరీలపై పెట్టే ఖర్చు తగ్గుతుంది’’అని డాక్టర్‌ మోహన్‌ పేర్కొన్నారు. అలాగనీ.. మనం అన్నీ మానేసుకుని కూర్చోవాల్సిన పనిలేదని.. కానీ ఎంత వాడుతున్నాం.. ఏది వాడుతున్నాం అన్న విషయంలో మాత్రం జాగ్రత్త అవసరమని చెప్పారు. » అధిక ఎల్‌డీఎల్‌ కొలె్రస్టాల్‌ ధమనుల గోడల్లో కొవ్వు పేరుకుపోవడానికి దారితీస్తుంది. దీనివల్ల గుండెపోటు, స్ట్రోక్‌ వంటి సమస్యల ముప్పు పెరుగుతుంది. మనం ఎంత నూనె తీసుకోవాలి? ఎంత తీసుకుంటున్నాం? సిఫార్సు: రోజుకు 27 గ్రాముల కొవ్వులు, వంట నూనెలుపట్టణాల్లో: రోజుకు 29.5 గ్రాములు. అంటే.. ఏడాదికి సుమారు 11 కిలోలుగ్రామాల్లో: రోజుకు 16.2 గ్రాములు. ఏడాదికి సుమారు 6 కిలోలు ఏ వంట నూనె ఎలా? వేరుశనగ నూనె: అధ్యయనంలో దీన్నే ప్రామాణిక నూనెగా తీసుకున్నారు. దక్షిణాదిన అధికంగా వినియోగించే ఈ నూనెతోనే మిగతావాటిని పోల్చారు. దీన్ని ప్రధానంగా ఉపయోగించే వారిలో ఎల్‌డీఎల్‌ పెరుగుదల తక్కువగా ఉంది.సన్‌ఫ్లవర్‌ నూనె: దక్షిణాదిన ఎక్కువగా ఉపయోగిస్తారు. ఎల్‌డీఎల్‌ ముప్పు వేరుశనగతో పోలిస్తే.. 1.5 రెట్లు ఎక్కువగా ఉంది. పామాయిల్‌: ఎల్‌డీఎల్‌ ముప్పు 1.7 రెట్లు ఎక్కువగా ఉంది. సోయాబీన్‌ నూనె: మహారాష్ట్ర, మధ్యప్రదేశ్, మిజోరం తదితర ప్రాంతాల్లో ఎక్కువగా వినియోగిస్తారు. ఎల్‌డీఎల్‌ ముప్పు 1.8 రెట్లుగా నమోదైంది. కొబ్బరి నూనె: ప్రధానంగా కేరళలో వినియోగించే ఈ నూనెను ఉపయోగించే వారిలో ఎల్‌డీఎల్‌ ముప్పు 2.9 రెట్లు అధికంగా కనిపించింది. వెన్న/నెయ్యి: భారత్‌లోని వివిధ ప్రాంతాల్లో విస్తృతంగా వినియోగిస్తారు. అధిక ఎల్‌డీఎల్‌ ముప్పు 3.4 రెట్లుగా నమోదైంది. ఆవ నూనె: ప్రధానంగా ఉత్తర, ఈశాన్య, మధ్య భారతదేశాల్లో వినియోగిస్తారు. వేరుశనగతో పోలిస్తే ఎల్‌డీఎల్‌ అధికంగా ఉండే ప్రమాదం 32% తక్కువగా కనిపించింది.

సాక్షి, న్యూఢిల్లీ: న్యూఢిల్లీ: భారత ఎన్నికల కమిషన్‌ పెను వివాదంలో చిక్కుకుంది. ఇద్దరు కమిషనర్లు లేవనెత్తిన అభ్యంతరాలను పట్టించుకోకుండానే ప్రధాన ఎన్నికల కమిషనర్, స్వతంత్రంగా నిర్ణయాలు తీసుకుంటున్నారని ‘ఇండియన్‌ ఎక్స్‌ప్రెస్‌’ప్రచురించిన పరిశోధనాత్మక కథనం దేశవ్యాప్తంగా రాజకీయ దుమారం రేపుతోంది. గత పది నెలల కాలంలో ఎన్నికల కమిషనర్లు సుఖ్‌బీర్‌ సింగ్‌ సంధూ, వివేక్‌జోషీలు మొత్తం 14 సార్లు వివిధ నిర్ణయాలపై తమ అభ్యంతరాలను లిఖితపూర్వకంగా వ్యక్తం చేశారని, అనధికారిక, అక్రమ ఉత్తర్వులంటూ తెలిపినప్పటికీ ఆ నిర్ణయాలు అమలయ్యాయని ఈ కథనం ఆరోపించింది. దీంతో సర్‌తోపాటు ఎన్నికల కమిషన్‌ తీరుతెన్నులపై ఇప్పటికే పలుమార్లు విమర్శలు, ఆరోపణలు గుప్పించిన ప్రతిపక్ష పార్టీలు ఇప్పుడు మరోసారి సీఈసీ జ్ఞానేశ్‌కుమార్‌పై తీవ్రస్థాయిలో విరుచుకుపడుతున్నాయి. ప్రధాన ఎన్నికల కమిషనర్‌గా ఉండే అర్హత ఆయనకు లేదని, వెంటనే రాజీనామా చేయాలని కాంగ్రెస్‌ పార్టీ డిమాండ్‌ చేయడగా, శివసేన (ఉద్ధవ్‌ ఠాక్రే), నేషనల్‌ కాంగ్రెస్‌ పార్టీ, ఆమ్‌ ఆద్మీపార్టీ, సీపీఐ(ఎం), టీఎంసీ, సమాజ్‌వాదీ పార్టీ, పీడీపీలు కూడా గొంతుకలిపాయి. అయితే ఎన్నికల కమిషన్‌ మాత్రం ఇండియన్‌ ఎక్స్‌ప్రెస్‌ కథనంపై ఒక ప్రకటన జారీ చేస్తూ అన్ని నిర్ణయాలు రాజ్యాంగబద్ధంగా తీసుకున్నవేనని, భిన్నాభిప్రాయాలు సహజమని స్పష్టం చేసింది. ఎన్నికల సంఘంపై, జ్ఞానేశ్‌ కుమార్‌పై తాము ఎప్పటి నుంచో అనుమానాలు వ్యక్తం చేస్తూనే ఉన్నా కేంద్రం పట్టించుకోలేదని కాంగ్రెస్‌ పార్టీ నేత, లోక్‌సభలో ప్రతిపక్ష నేత రాహుల్‌ గాంధీ బుధవారం ఎక్స్‌ వేదికగా ధ్వజమెత్తారు. కలిసికట్టుగా ఓట్‌ చోరీ చేసిన బీజేపీ, ఆర్‌ఎస్‌ఎస్, ఎన్నికల కమిషన్‌లు దేశద్రోహానికి పాల్పడ్డాయని ఆరోపించారు. ఎన్నికల కమిషన్‌ నిర్ణయాలపై ఇద్దరు కమిషనర్లు అభ్యంతరాలు వ్యక్తం చేయడంపై కాంగ్రెస్‌ పార్టీ అధ్యక్షుడు మల్లికార్జున ఖర్గే ఎక్స్‌పై వ్యాఖ్యానిస్తూ.. ఏళ్లుగా తాము లేవనెత్తిన అనుమానం ఇప్పుడు నిజమైందని అన్నారు. సీఈసీ తొలగింపు కోరుతూ ఏప్రిల్‌ 26న 73 మంది రాజ్యసభ సభ్యులు సెక్రటరీ జనరల్‌కు నోటీసు ఇచ్చారని, వర్షాకాల సమావేశాలింకా ప్రోరోగ్‌ కాలేదు కాబట్టి.. రాజ్యసభ ఛైర్మన్‌ ఈ నోటీసుపై ఇప్పుడైనా చర్య తీసుకుంటారా? అని ప్రశ్నించారు. పాత జాబితాతో మళ్లీ ఎన్నికలు: మమత ఎన్నికల కమిషన్‌లో అక్రమ నిర్ణయాలు అమలవుతున్నాయన్న కథనాలపై ప.బెంగాల్‌ మాజీ ముఖ్యమంత్రి మమత బెనర్జీ బుధవారం విమర్శలు చేశారు. ఈ ఏడాది మొదట్లో జరిగిన ఎన్నికలను బీజేపీ, ఈసీలు కలిసికట్టుగా చోరీ చేశాయని, వాటిని రద్దు చేసి సర్‌కు ముందునాటి ఓటర్ల జాబితాతో మళ్లీ ఎన్నికలు నిర్వహించాలని ఆమె ఫేస్‌బుక్‌ లైవ్‌లో డిమాండ్‌ చేశారు. జ్ఞానేశ్‌ కుమార్‌ను అరెస్టు చేయాలి: కేజ్రీవాల్‌ చీఫ్‌ ఎలక్షన్‌ కమిషనర్‌ (సీఈసీ) జ్ఞానేశ్‌ కుమార్‌ను అరెస్టు చేసి, విచారణ జరిపించాలని ఢిల్లీ మాజీ ముఖ్యమంత్రి, ఆమ్‌ ఆద్మీ పార్టీ నేత అరవింద్‌ కేజ్రీవాల్‌ బుధవారం డిమాండ్‌ చేశారు. ఎన్నికల కమిషన్‌లో అక్రమాలు చోటు చేసుకుంటున్నాయన్న విషయం ఇండియన్‌ ఎక్స్‌ప్రెస్‌ కథనం ద్వారా స్పష్టమైందని, మూడేళ్ల నాటి ఓటర్ల జాబితాలను పునరుద్ధరించాలని, ఢిల్లీ, మహారాష్ట్ర, పశ్చిమ బెంగాల్, మధ్యప్రదేశ్‌ తదితర రాష్ట్రాల అసెంబ్లీ ఎన్నికలను రద్దు చేసి తిరిగి నిర్వహించాలని డిమాండ్‌ చేశారు. భిన్నాభిప్రాయాలు సాధారణమే: ఈసీఐ ఎన్నికల సంఘంలో (ఈసీఐ) కమిషనర్ల మధ్య భిన్నాభిప్రాయాలు, అంతర్గత నోట్స్, సూచనలు ఉండటం సాధారణ పరిపాలనా ప్రక్రియలో భాగమేనని ఎన్నికల సంఘం స్పష్టం చేసింది. రాజ్యాంగంలోని ఆర్టికల్‌ 324, చట్టబద్ధ నిబంధనలు, సంస్థాగత సంప్రదాయాలకు అనుగుణంగా ఎన్నికల సంఘం పని చేస్తుందని బుధవారం ఓ ప్రకటనలో తెలిపింది. పారదర్శకత, చట్టపరమైన నిబంధనల అమలు, పరిపాలనా క్రమశిక్షణను నిర్ధారించేందుకు లిఖితపూర్వక నోట్స్, అభిప్రాయాలు, సాంకేతిక సూచనలు, అంతర్గత తనిఖీలు నిరంతరం కొనసాగుతుంటాయని వెల్లడించింది. ఎన్నికల సంఘం తీసుకున్న అన్ని చర్యలు చట్టాలు, కమిషన్‌ ఆదేశాలకు అనుగుణంగానే ఉన్నాయని స్పష్టం చేసింది. గత పది నెలల్లో నమోదైన కొన్ని అంతర్గత నోట్స్, అభిప్రాయాల ఆధారంగా మొత్తం పరిస్థితిని అర్థం చేసుకోవడం సాధ్యం కాదని ఎన్నికల సంఘం తెలిపింది. ఓటర్ల జాబితా సవరణ, ఎస్‌ఐఆర్‌ సహా గత ఏడాది కాలంలో తీసుకున్న నిర్ణయాలన్నీ ఏకగ్రీవ నిర్ణయాలేనని స్పష్టం చేసింది. ఈసీఐనెట్‌లో అనధికారిక మార్పులు, డేటా తారుమారు, ఇతర జోక్యాలను నిరోధించేందుకు భద్రతా చర్యలు అమలు చేస్తున్నట్లు పేర్కొంది. ఎలక్టోరల్‌ రిజి్రస్టేషన్‌ ఆఫీసర్లు (ఈఆర్‌ఓలు), జిల్లా ఎన్నికల అధికారులు (డీఈఓలు) తమకు చట్టం కల్పించిన అధికారాల మేరకు ఓటర్ల నమోదు, పేర్ల తొలగింపు వంటి ప్రక్రియలను నిర్వహిస్తున్నారని స్పష్టం చేసింది. ఇద్దరు కమిషనర్లు చేసిన ఆరోపణలు 1. అక్టోబర్‌ 28, 2025: తగిన అనుమతుల్లేకుండానే ఎన్నికల కమిషన్‌ పేరుతో లేఖలు, ఆదేశాలు జారీ అయ్యాయని సంధూ అభ్యంతరం. 2. ఏప్రిల్‌ 16, 2026: ఎన్నికల కమిషన్‌ ప్రవేశపెట్టిన కొత్త ఐటీ మాడ్యూళ్లు/పోర్టల్స్‌ వివరాలు మీడియా ద్వారా తెలుసుకున్నానన్న సంధు. 3. ఏప్రిల్‌ 16, 2026: కమిషన్‌ అనుమతి లేకుండానే అధికారిక సమాచాం జారీ4. ఏప్రిల్‌ 16, 2026: కమిషన్‌ సమావేశాలకు సంబంధించిన అజెండా ఏడాదిగా ఇవ్వడం లేదని, మినిట్స్‌ నమోదు చేయడం లేదన్న జోషీ 5. ఏప్రిల్‌ 16, 2026: కమిషన్‌ అధికారులు అనుమతుల్లేకుండానే విదేశీ పర్యటలు 6. ఏప్రిల్‌ 24, 2026: అనుమతి లేకుండా సమాచారాన్ని జారీ చేయవద్దన్న జోషీ7. మే 16, 2026: ఫారం–6లో మార్పులు చేయరాదని జోషీ. తర్వాత ఏకీభవించిన సంధూ 8. మే 29, 2026: ఓటర్ల జాబితా సమాచారాన్ని కేంద్రీకృతం చేస్తున్నారన్న జోషీ 9. జూలై 29, 2026: విధుల విభజనలో మార్పులు చేశారని కేబినెట్‌ కార్యదర్శికి ఫిర్యాదు 10. జూలై 29, 2026: విధుల కేటాయింపుపై ఉన్న అభ్యంతరాలను మరోసారి ప్రస్తావిస్తూ, సంబంధిత అధికారిపై చర్యలు తీసుకోవాలని సంధు కూడా కేబినెట్‌ కార్యదర్శికి లేఖ రాశారు. 11. జూలై 30, 2026: కొత్త విధుల కేటాయింపు ఉత్తర్వును జోషి, సంధులు ఇద్దరూ రద్దు చేశారు. 12. ఆగస్టు 12, 2026: బెంగాల్‌లో ఓట్లపై ఏర్పాటైన ట్రిబ్యునళ్లలో ఎన్నికల కమిషన్‌ తరఫున అప్పీళ్లు దాఖలు చేయడానికి ఎవరు అనుమతి ఇచ్చారని సంధూ ప్రశ్నించారు. 13. ఆగస్టు 13, 2026: ఫారం–6లో చేసిన మార్పు చట్టవిరుద్ధమని ప్రకటించిన సంధూ 14. ఆగస్టు 14, 2026: ఈఆర్‌ఓలకు ఈసీఐ నెట్‌ను యాక్సెస్‌ చేసే అవకాశం లేకపోవడంపై అభ్యంతరం

సాక్షి, న్యూఢిల్లీ: దేశవ్యాప్తంగా ప్రతిపాదించిన మూడు రోజుల బ్యాంకు సమ్మె నేపథ్యంలో ఖాతాదారుల సౌకర్యార్థం కేంద్ర ప్రభుత్వం కీలక నిర్ణయం తీసుకుంది. సెప్టెంబర్‌ 27న (ఆదివారం)∙అన్ని ప్రభుత్వ రంగ బ్యాంకులు, ప్రాంతీయ గ్రామీణ బ్యాంకులు సాధారణంగా పనిచేయనున్నట్లు కేంద్ర ఆర్థిక శాఖ బుధవారం ఒక ప్రకటనలో తెలిపింది. యునైటెడ్‌ ఫోరం ఆఫ్‌ బ్యాంక్‌ యూనియన్స్‌ (యూఎఫ్‌బీయూ) సెప్టెంబర్‌ 28 నుంచి 30 వరకు 3 రోజుల దేశవ్యాప్త బ్యాంకు సమ్మెకు పిలుపునిచ్చింది. దీనికి ముందు సెప్టెంబర్‌ 26, 27 తేదీలు వారాంతపు సెలవు రోజులు కావడంతో వరుసగా ఐదు రోజుల పాటు బ్యాంకింగ్‌ సేవలకు అంతరాయం ఏర్పడే అవకాశం ఉంది. ఈ నేపథ్యంలో బ్యాంకింగ్‌ సేవల్లో ఎలాంటి అంతరాయం లేకుండా కొనసాగేందుకు అవసరమైన చర్యలు తీసుకున్నట్లు ప్రభుత్వం వెల్లడించింది. కాగా, ప్రతిపాదిత సమ్మెను వాయిదా వేయాలని బ్యాంకు యూనియన్లకు ప్రభుత్వం, బ్యాంకు యాజమాన్యాలు విజ్ఞప్తి చేశాయి.

లక్నో: ఉత్తరప్రదేశ్‌లోని బరేలీ జిల్లాలో ఓ బాలికపై అత్యాచారం జరగడంతో గ్రామ పంచాయతీలో పరిష్కరించేందుకు ప్రయత్నించారు. 16 ఏళ్ల బాలిక, మైనర్ బాలుడి కుటుంబాలపై ఒత్తిడి తెచ్చి రాజీకి అంగీకరించేలా చేశారని, బాలికకు 18 ఏళ్లు నిండిన తర్వాత ఆమెను అదే బాలుడికి ఇచ్చి వివాహం చేయాలని పంచాయతీ నిర్ణయించినట్లు సమాచారం. మరోవైపు, బాలిక కుటుంబం ఇచ్చిన ఫిర్యాదు ఆధారంగా పోలీసులు కేసు నమోదు చేసి దర్యాప్తు కొనసాగిస్తున్నారు.బాలిక కుటుంబం పోలీసులను ఆశ్రయించిన తర్వాత గ్రామ పంచాయతీ సమావేశం నిర్వహించినట్లు తెలుస్తోంది. చట్టపరమైన చర్యలు తీసుకోకుండా ఇరు కుటుంబాలు రాజీకి రావాలని ఒత్తిడి చేసినట్లు ఆరోపణలు ఉన్నాయి. సోమవారం బాలిక, బాలుడికి రోకా, తిలక్ కార్యక్రమాలు కూడా నిర్వహించారు. బాలికకు 18 ఏళ్లు నిండిన తర్వాత వివాహం జరిపించాలని పంచాయతీ నిర్ణయించింది.బాలిక తల్లి పోలీసులకు ఇచ్చిన ఫిర్యాదు ప్రకారం.. అదే గ్రామానికి చెందిన ఆ బాలుడు సుమారు ఏడాది క్రితం తన కుమార్తెను బెదిరించి అభ్యంతరకర ఫొటోలు తీసుకున్నాడు. వాటిని బయటపెడతానని బెదిరిస్తూ దాదాపు ఏడాది పాటు ఆమెను లైంగికంగా వేధించాడు. భయంతో ఉన్న బాలికను కుటుంబ సభ్యులు ప్రశ్నించడంతో ఆమె జరిగిన విషయాన్ని వెల్లడించింది. అనంతరం కుటుంబ సభ్యులు బాలుడి ఇంటికి వెళ్లగా అక్కడ కూడా బెదిరింపులు ఎదురయ్యాయని ఫిర్యాదులో పేర్కొన్నారు. దీంతో షీష్‌గఢ్ పోలీస్ స్టేషన్‌లో ఫిర్యాదు చేశారు.బాలికపై అత్యాచారానికి సంబంధించిన సమాచారం అందడంతో కేసు నమోదు చేసినట్లు బరేలీ పోలీసులు తెలిపారు. బాలికను వైద్య పరీక్షలకు పంపించామని, నిందితుడైన బాలుడిని అదుపులోకి తీసుకుని విచారిస్తున్నామని చెప్పారు. బరేలీ పోలీసు అధికారి అరుణ్ కుమార్ సింగ్ తదుపరి చర్యలు కొనసాగుతున్నాయని తెలిపారు. ఇరు కుటుంబాలు రాజీకి అంగీకరించినట్లు చెబుతున్నప్పటికీ, అసలు ఫిర్యాదు ఆధారంగా పోలీసుల దర్యాప్తు కొనసాగుతోంది. ఈ వ్యవహారంలో గ్రామ పంచాయతీ జోక్యం, కుటుంబాలపై జరిగినట్లు ఆరోపిస్తున్న ఒత్తిడిపై కూడా ఇప్పుడు దృష్టి నెలకొంది.

పట్నా: బిహార్‌ జముయీలో ఇటీవల మైనర్ బాలికపై లైంగిక వేధింపుల కేసు దేశవ్యాప్తంగా సంచలనం సృష్టించిన సంగతి తెలిసిందే. తాజాగా ఆ కేసు విచారణలో ఒక ఊహించని మలుపు చోటుచేసుకుంది. ఈ కేసులో పోలీసులు లోతైన విచారణ చేపట్టగా ప్రధాన నిందితుడైన నందన్ యాదవ్ తండ్రి, గత 23 ఏళ్లుగా పరారీలో ఉన్న నేరస్థుడని తెలిసింది. 23 ఏళ్ల క్రితం రెండు హత్యలు చేసి నిందితుడు పరారీలో ఉన్నాడు. తాజాగా పోలీసులకు ఆ సమాచారం అందగా ఆయనను అదుపులోకి తీసుకున్నారు.ఏం జరిగింది?జముయీ జిల్లా ప్రతాప్‌పూర్ గ్రామంలో 2003, ఏప్రిల్ 3వ తేదీన వ్యాపార వివాదాల కారణంగా డి.పి. యాదవ్, పుణే యాదవ్ అనే ఇద్దరు సోదరులు దారుణంగా హత్యకు గురయ్యారు. బాధితుల తల్లి ఇచ్చిన ఫిర్యాదు మేరకు గణోరి యాదవ్‌ను ఈ కేసులో నిందితుడిగా ఉ‍న్నాడు. అప్పటి నుండి గత రెండు దశాబ్దాలుగా పోలీసులకు దొరకకుండా గణోరి యాదవ్‌ పరారీలో ఉన్నాడు, అయితే అతని కుమారుడి నేరంపై పోలీసులు విచారణ చేయగా అసలు విషయం వెలుగులోకి వచ్చింది. ఈక్రమంలో పోలీసులు ఎట్టకేలకు పట్టుకున్నారు. తాజాగా అతడిని కోర్టులో ప్రవేశపెట్టగా, న్యాయస్థానం జ్యుడీషియల్ కస్టడీకి తరలించింది.బాలికపై లైంగిక దాడికొద్దిరోజుల క్రితం రోడ్డుపై వెళ్తున్న ఒక పదో తరగతి విద్యార్థిపై దాడి చేసి, అతనితో ఉన్న మైనర్ బాలికను వేధించారు. ఈ ఘటన సోషల్‌ మీడియాలో వైరల్‌గా మారి దేశవ్యాప్తంగా సంచలనం సృష్టించింది. ఆ కేసులో గణోరి యాదవ్ కుమారుడు నందన్ యాదవ్ అరెస్టయ్యాడు. అయితే, పోలీస్ కస్టడీ నుండి తప్పించుకోవడానికి నందన్ యాదవ్ ప్రయత్నించడంతో అతనిపై కాల్పులు జరిపారు. ఆ ఘటనలో అతని కాలుకు గాయమైంది. ఈ బాలిక వేధింపుల కేసులో పోలీసులు ఇప్పటివరకు ఐదుగురిని అరెస్ట్ చేయగా, మరో ఇద్దరు మైనర్లను అదుపులోకి తీసుకున్నారు.లాయర్ల దాడిఅయితే ఈ కేసులో నిందిుతుడిగా ఉన్న హరేరామ్ యాదవ్ అనే వ్యక్తిపై కోర్టు ఆవరణలో లాయర్లు దాడి చేశారు. లాయర్లు కాక ముందు తామంతా మనుషులమని ఈ ఘటనతో జముయు ప్రాంతానికి దేశవ్యాప్తంగా చెడ్డపేరు వచ్చిందని అన్నారు. ఇది చదవండి: బాలికపై లైంగిక దాడి నిందితుడి ఎన్‌ కౌంటర్‌

ఆమె చదువుకోలేదు. కానీ చదువు విలువ తెలుసు. అందుకే అష్టకష్టాలకోర్చి మరీ పిల్లల్ని చదివించింది. ఆర్థిక కష్టాలు, ఆకలి, నిద్రలేని రాత్రులు, ప్రమాదాలు అనారోగ్యం, ఇలా విధి ఎన్ని పరీక్షలు పెట్టినా ఆ తల్లి ఎక్కడా తలొగ్గలేదు. పిల్లల చదువును కొనసాగించేందుకు ఆమె పడిన కష్టాలు అన్నీ ఇన్నీ కావు. అందుకే తన ఉన్నతికి పాటుపడిన ఆ తల్లి త్యాగాలను ఆ కొడుకు స్మరించుకున్నారు. తన తల్లి ఏళ్ల తరబడి చేసిన త్యాగాలకు దక్కిన తొలి ప్రతిఫలం ఈ కుర్చీ అంటూ ఆయన భావోద్వేగానికి గురయ్యారు.కూలీగా, చెత్త ఏరుకునే మనిషిగా పనిచేస్తూ తన కుమారుడిని ఐఐటీ (IIT) చదివించి, ఐఎఫ్‌ఎస్ (IFS) అధికారినే చేసిన ఒక తల్లి విజయగాథ నెట్టింట వైరల్‌గా మారింది. మహారాష్ట్రకు చెందిన సాఖుబాయి పదిభార్ చదువుకోకపోయినా చదువు అంటే ప్రాణం. కుటుంబ పోషణ కోసం గ్రామంలో రోజువారీ కూలీగా, ఆ తర్వాత ముంబైలోని మురికివాడల్లో చెత్త ఏరుకునే వ్యక్తిగా (Ragpicker) పనిచేశారు.ఇన్నీ కష్టాల మధ్య కొడుకును ఉన్నత చదువు చదించారు. ఆమె చేసిన త్యాగాలు,ఆమె కుమారుడు ఐఐటి మద్రాస్‌లో చదువుకుని, ఆ తర్వాత ఇండియన్ ఫారెస్ట్ సర్వీస్‌లో చేరిన ఆమె కుమారుడు గౌతమ్ పడిభర్ ప్రస్థానంలో కీలక పాత్ర పోషించాయి. View this post on Instagram A post shared by Gautam Padibhar IFS (@gautam_ifs) ఇదీ చదవండి: పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌సాఖుబాయి కుమారుడు గౌతమ్ పదిభార్ మహారాష్ట్రలోని జల్నాలో ఉన్న జవహర్ నవోదయ విద్యాలయంలో చదువుకున్నారు. ఎలాంటి అధికారిక కోచింగ్ లేకుండానే జేఈఈ (JEE) పరీక్షలో ఉత్తీర్ణత సాధించి, ఐఐటీ మద్రాస్‌లో బీటెక్ పూర్తి చేశారు. ఇంజనీరింగ్ తర్వాత యూపీఎస్సీ (UPSC) ఇండియన్ ఫారెస్ట్ సర్వీస్ (IFS) పరీక్ష-2022లో ఆల్ ఇండియా ర్యాంక్ 139 సాధించారు. 2023 ఛత్తీస్‌గఢ్ కేడర్ ఐఎఫ్‌ఎస్ అధికారిగా ఎంపికయ్యారు. ప్రస్తుతం ఆయన ఛత్తీస్‌గఢ్‌లోని కాంగర్ వ్యాలీ నేషనల్ పార్క్ డైరెక్టర్‌గా బాధ్యతలు నిర్వర్తిస్తున్నారు.ఇదీ చదవండి: 23 ఏళ్ల తరువాత అమెరికా డ్రీమ్స్‌ వదిలి ‘అమ్మ’దగ్గరికిభావోద్వేగ క్షణంగౌతమ్ ఇటీవల తన తల్లికి సంబంధించిన ఒక భావోద్వేగ క్షణాన్ని ఇన్‌స్టాగ్రామ్‌లో పంచుకున్నారు. ఇటీవల తన తల్లి సాఖుబాయిని తన ఆఫీస్‌కు ఆహ్వానించిన గౌతమ్, ఆమెను తన అధికారిక కుర్చీలో కూర్చోబెట్టారు. "నా జీవితంలో నేను సాధించిన ప్రతిదానికీ నా అమ్మే కారణం. పోరాట పటిష్టతను, కష్టపడే తత్త్వాన్ని, పెద్ద కలలు కనే స్వేచ్ఛను నాకిచ్చింది అమ్మే" అంటూ ఆమె ప్రయాణాన్ని గుర్తు చేసుకొని గౌతమ్ ఎమోషనల్‌ అయ్యారు.ఇదీ చదవండి: లండన్‌ - ఢిల్లీ ఇండిగో విమానంలో పొగలు, ఎమర్జెన్సీ ల్యాండింగ్‌

సాక్షి, హైదరాబాద్: SIR ప్రక్రియలోని లోపాలపై ఇద్దరు ఎన్నికల కమిషనర్లు (ECs) అభ్యంతరం వ్యక్తం చేశారంటూ 'ఇండియన్ ఎక్స్‌ప్రెస్'లో వచ్చిన కథనంపై బీఆర్‌ఎస్‌ వర్కింగ్ ప్రెసిడెంట్ కేటీ రామారావు స్పందించారు. అత్యున్నత న్యాయస్థానం ఈ వ్యవహారాన్ని సుమోటా తీసుకొని విచారణ జరపాలని డిమాండ్‌ చేశారు. నిష్పక్షపాత విచారణ జరిపే విశ్వసనీయత సుప్రీంకోర్టుకు తప్ప మరే ఇతర సంస్థకూ లేదని కేటీఆర్‌ పేర్కొన్నారు.ప్రస్తుతం భారత ఎన్నికల సంఘం పనితీరు, విశ్వసనీయతపై తీవ్రమైన సంక్షోభం నెలకొందని కేటీఆర్‌ అన్నారు. ఎస్‌ఐఆర్‌ ప్రక్రియపై అనేక ప్రశ్నలు, సందేహాలు ఉన్నాయనా, తాజా వార్తలతో మరింత అనుమానాలకు తావిస్తోందని వ్యాఖ్యానించారు. రాజ్యాంగబద్ధమైన సంస్థపై వచ్చిన ఆరోపణలపై దీనిపై విచారణ జరిపేందుకు సుప్రీంకోర్టు తప్ప మరే ఇతర సంస్థపైనా నమ్మకం ఉంచలేమన్నారు. మాజీ ఎన్నికల కమిషనర్లు చెబుతున్న అంశాలను సుప్రీంకోర్టు పరిగణనలోకి తీసుకుని, ఈ విషయంపై స్యూమోటో కింద విచారణ జరపాలన్నారు దీనివల్ల కొన్ని సమాధానాలు లభిస్తాయని, నిజం బయటపడుతుందనే ఆశాభావాన్ని వ్యక్తం చేశారు.ఇదీ చదవండి: సీఈసీ జ్ఞానేష్‌ కుమార్‌ జైలుకెళ్లాల్సిందే : సంజయ్ రౌత్ ఆగ్రహంకాగా ఎస్‌ఐఆర్‌ ప్రక్రియలో ఎన్నికల కమిషన్‌లో అంతర్గత విభేదాలు ఉన్నాయంటూవచ్చిన నివేదిక ప్రకంపనలు రేపుతోంది. ఈ ఆరోపణల నేపథ్యంలోప్రధాన ఎన్నికల కమిషనర్ జ్ఞానేష్ కుమార్‌పై తక్షణమే చర్చలు తీసుకోవాలని ప్రతిపక్షాలు డిమాండ్‌ చేస్తున్నాయి.BRS Working President @KTRBRS key remarks on objections raised by two Election Commissioners over the SIR process.There is now a serious crisis of confidence in the functioning of the Election Commission.The objections reportedly raised by two Election Commissioners over the… pic.twitter.com/kj9YsDsam1— KTR Updates (@KTRMediaUpdates) September 23, 2026

సాక్షి, ఢిల్లీ: కేంద్ర ఎన్నికల కమిషనర్ల నియామకం కేసుపై సుప్రీం కోర్టు సంచలన వ్యాఖ్యలు చేసింది. ఈసీ నియామక ప్రక్రియపై సందేహం వ్యక్తం చేసింది. ఈసీ స్వతంత్రంగా ఉండడమే కాదు స్వతంత్రంగా కనిపించాలి కూడా అని జస్టిస్ దీపాంకర్ ‍దత్తా వ్యాఖ్యానించారు. ప్రధాని నామినేట్ చేసిన క్యాబినెట్ మంత్రి, ప్రధానిమంత్రి కి వ్యతిరేకంగా ఓటు వేయలేరు కదా అని ధర్మాసనం ప్రశ్నించింది. ఈ నేపథ్యంలో ఎన్నికల కమిషనర్ల చట్టం 2023ను సవాల్ చేస్తూ దాఖలైన పిటిషన్లను రాజ్యాంగ ధర్మాసనానికి రిఫర్ చేసింది.

SIR row -CEC Gyanesh Kumar ఎన్నికల కమిషన్‌లో అంతర్గత విభేదాలు ఉన్నాయంటూ ఇండియన్ ఎక్స్‌ప్రెస్ నివేదిక ప్రకంపనలు రేపుతోంది. ఎస్‌ఐఆర్‌లో చాలా అవకతవకలున్నాయని ఇప్పటికే ప్రతిపక్షాలు మండిపడుతున్న నేపథ్యంలో ఈ ఆరోపణలు పెద్ద దుమారాన్నే రాజేశాయి. తక్షణమే ప్రధాన ఎన్నికల కమిషనర్ (CEC) జ్ఞానేశ్ కుమార్‌ రాజీనామా చేయాలన్న డిమాండ్‌ ఊపందుకుంది.సంజయ్ రౌత్ ఆగ్రహంఎస్‌ఐఆర్‌ విషయంలో ఇద్దరు ఎన్నికల కమిషనర్ల అభ్యంతరాలను సీఈసీ జ్ఞానేశ్ కుమార్ పట్టించుకోలేదని శివసేన (యూబీటీ) ఎంపీ సంజయ్ రౌత్ ఆరోపించారు. ఈ నేపథ్యంలో జ్ఞానేశ్ కుమార్‌ను పదవి నుంచి తొలగించడంతో పాటు ఆయనపై చట్టపరమైన చర్యలు తీసుకోవాలని రౌత్ డిమాండ్ చేశారు.10 నెలల్లో ఎన్నికల సంఘం తీసుకున్న చర్యలపై ఇద్దరు ఎన్నికల కమిషనర్లు (సుఖ్‌బీర్ సింధు సంధు, వివేక్ జోషి) 14 సార్లు అభ్యంతరాలు వ్యక్తం చేసినప్పటికీ, జ్ఞానేశ్ కుమార్ వాటిని పట్టించుకోలేదని ఓ మీడియా నివేదిక వెల్లడించింది. ఫారం-6 , ఇతర అంశాలపై వారు లేవనెత్తిన అభ్యంతరాలను విస్మరించి ముందుకు వెళ్లారని రౌత్ ఆరోపించారు.కఠిన చర్యలకు డిమాండ్జ్ఞానేశ్ కుమార్‌ను వెంటనే తొలగించి ఆయనపై చట్టపరమైన చర్యలు తీసుకోవాలని, లేదంటే రాష్ట్రపతి జోక్యం చేసుకుని ఆయన్ను బర్తరఫ్ చేయాలని రౌత్ డిమాండ్ చేశారు.అమిత్ షా నంబర్ వన్ నేరస్థుడు. ప్రధాని దేశాన్ని కాపాడాలనుకుంటే, అమిత్ షాను మంత్రివర్గం నుండి తొలగించాలని రౌత్ చాలా తీవ్రంగా స్పందించారు. అంతేకాదు మోదీ చర్య తీసుకోకపోతే, మూడు రక్షణ దళాలకు అధిపతి అయిన రాష్ట్రపతిని జ్ఞానేష్ కుమార్‌ను తొలగించమని కోరుతాను. రాష్ట్రపతి కూడా చర్య తీసుకోకపోతే, అటువంటి 'హుకుమ్‌షాహోన్' (నిరంకుశ పాలకులు) నుండి దేశాన్ని రక్షించడానికి ఆర్మీ చీఫ్ ముందుకు రావాలంటూ సంచలన వ్యాఖ్యలు చేశారు. ఈ మొత్తం అంశంపై న్యాయవ్యవస్థ స్వయంగా స్పందించి తగిన చర్యలు తీసుకోవాలని సంజయ్ రౌత్ కోరారు.ప్రతిపక్షాల ఆగ్రహం SIR ప్రక్రియతో బీజేపీ ఆటలాడుతోందని డీఎంకే అధికార ప్రతినిధి TKS ఎలాంగోవన్ బుధవారం మండిపడ్డారు. వారు ఈ దేశం నుండి ముస్లింలను తొలగించాలనుకుంటున్నారు. అదే వారి ఉద్దేశ్యం. వారు దీనిని హిందూ దేశంగా మార్చాలనుకుంటున్నారు, కానీ అది అసాధ్యం. ఎందుకంటే చట్టం ప్రకారం, ప్రజలు ఓటర్లుగా నమోదై చాలా కాలంగా ఇక్కడ నివసిస్తున్నారు, వారిని జీవించడానికి అనుమతించాలి. SIR ద్వారా ప్రభుత్వం వారి పేర్లను ఓటర్ల జాబితాల నుండి తొలగించలేదని విమర్శించారు. ఆ ప్రక్రియపై కాంగ్రెస్ పార్టీతో పాటు లోక్‌సభలో ప్రతిపక్ష నాయకుడు రాహుల్ గాంధీ ఇప్పటికే తీవ్ర స్థాయిలో విమర్శలు గుప్పించారు. ఈ వివాదంపై స్పందించిన శివసేన (యూబీటీ) ఎమ్మెల్యే ఆదిత్య థాక్రే కూడా ఎన్నికల సంఘంపై తీవ్ర ఆరోపణలు చేశారు. ఈసీ ఒక పార్టీకి ఏజెంట్‌గా మారి భారతదేశాన్ని "ప్రపంచంలోనే అతిపెద్ద మాజీ ప్రజాస్వామ్య దేశంగా" మార్చిందని, లక్షలాది మంది భారతీయుల ఓటు హక్కును హరించివేసిందని మండిపడ్డారు. జ్ఞానేశ్ కుమార్ కేంద్ర హోంమంత్రి అమిత్ షా ఆదేశాల మేరకే ఈ దేశద్రోహానికి పాల్పడ్డారని, పశ్చిమ బెంగాల్, బిహార్ ఎన్నికల్లో బీజేపీ గెలవడానికి ఈ కుట్రే కారణమని రౌత్ ఆరోపించారు. ఈ వ్యవహారంపై కాంగ్రెస్ పార్టీ ఎంపీ అభిషేక్ సింఘ్వీ ఈ రోజు తర్వాత విలేకరుల సమావేశం నిర్వహించనున్నారు.దీంతో మరింత చర్చకు దారి తీసే అవకాశం ఉంది. మరోవైపు ఓటరు జాబితాల ప్రత్యేక సమగ్ర సవరణ (SIR) విషయంలో సభ్యుల మధ్య కీలక సమస్యలు ఉన్నాయని 'ఇండియన్ ఎక్స్‌ప్రెస్'లో వచ్చిన కథనాన్ని ఖండిస్తూ భారత ఎన్నికల సంఘం (ECI) ఒక ప్రకటన విడుదల చేసింది. గత ఏడాది కాలంలో తాము తీసుకున్న నిర్ణయాలన్నీ ఏకగ్రీవంగానే జరిగాయని, ఏ సంస్థలోనైనా చర్చల సమయంలో భిన్నమైన అభిప్రాయాలు, పరిశీలనలు వ్యక్తమవ్వడం సహజమని స్పష్టం చేసింది. తుది నిర్ణయం తీసుకునే ముందు జరిగే నిర్ణయ-ప్రక్రియలో ఇదొక భాగం. కేవలం ఆ ముగ్గురు కమిషనర్లే కాకుండా, ఎన్నికల వ్యవస్థను మెరుగు పరచడానికి కమిషన్‌కు తమ సూచనలను అందించే పూర్తి అధికారం కమిషన్‌లోని ప్రతి అధికారికి ఉంటుంది ECI బుధవారం మధ్యాహ్నం విడుదల చేసిన ప్రకటనలో తెలిపింది.ప్రస్తుతం ఎన్నికల సంఘంలో ముగ్గురు అత్యున్నత స్థాయి అధికారులు ఉన్నారు: ప్రధాన ఎన్నికల కమిషనర్ జ్ఞానేష్‌కుమార్, ఎన్నికల కమిషనర్లు సుఖ్‌బీర్ సింగ్ సంధు, వివేక్ జోషి. అయితే తమకు తెలియకుండానే ఎన్నికల సంఘం తీసుకున్న అనేక నిర్ణయాలపై ఇద్దరు ఎన్నికల కమిషనర్లు అధికారికంగా అభ్యంతరం వ్యక్తం చేశారన్న వార్తలు సంచలనం రేపుతున్నాయి. ఇదీ చదవండి: 3 రోజుల సమ్మె : బ్యాంకులకు ఆర్థిక మంత్రిత్వ శాఖ కీలక ఆదేశాలు

కోల్‌కతా: పశ్చిమబెంగాల్‌ సీఎం సువేందు అధికారి చేసిన చర్య ఇప్పుడు నెట్టింట్ల వైరల్‌గా మారింది. ఆ రాష్ట్రంలో అక్రమంగా నిల్వ ఉంచిన నిషేదిత దగ్గు సిరఫ్‌లను పెద్ద మెుత్తంలో అధికారులు పట్టుకున్నారు. అయితే వాటిని ధ్వంసం చేయడం కోసం సువేందు అధికారే స్వయంగా రంగంలోకి దిగారు. నిషేదిత దగ్గు సిరఫ్‌లను అధికారులు రోడ్డుపై ఉంచగా వాటిపై రోడ్డు రోలర్‌ నడిపి ధ్వంసం చేశారు.'నషా ముక్త్ భారత్ 2029' (వ్యసన రహిత భారత్ 2029) ప్రచారంలో భాగంగా సీఎం ఈ చర్యలు తీసుకున్నట్లు అధికారులు తెలిపారు. నిషేదిత దగ్గు సిరఫ్‌లతో ఎకో పార్క్‌లో ఏర్పాటు చేసిన కార్యక్రమంలో సువేందు రోడ్డు రోలర్‌ నడిపి మూడు లక్షలకు పైగా దగ్గు మందు సీసాలను ధ్వంసం చేశారు.భారత్‌ను మాదకద్రవ్యాల రహిత దేశంగా మార్చాలనే ఉద్దేశంతో కేంద్ర ప్రభుత్వం ( సామాజికన్యాయం, సాధికారత మంత్రిత్వ శాఖ) ఆధ్వర్యంలో 'నషా ముక్త్ భారత్ అభియాన్' (NMBA) పేరుతో ఆగస్టు 15, 2020 న ఈ కార్యక్రమం ప్రారంభించింది. ఇందులో భాగంగా పశ్చిమబెంగాల్‌లో ఈ చర్యలు చేపట్టారు.దగ్గు సిరఫ్‌లు ఎందుకు ధ్వంసంనేడు యువత అక్రమ మత్తు కోసం 'కోడీన్' వంటి మత్తు పదార్థాలు కలిగిన కొన్ని రకాల దగ్గు సిరప్‌లను విపరీతంగా దుర్వినియోగం చేస్తున్నారు. డాక్టర్ల ప్రిస్క్రిప్షన్ లేకుండా లభించే ఈ ఫార్మా సిరప్‌లను డ్రగ్స్‌కు ప్రత్యామ్నాయంగా వాడుతూ కొందరు వ్యసనపరులుగా మారుతున్నారు. సమాజాన్ని, ముఖ్యంగా యువతను పట్టిపీడిస్తున్న ఈ ప్రమాదకర వ్యసన సంస్కృతిని పూర్తిగా అణచివేయడం కోసమే ' ఈ నిర్ణయం తీసుకున్నారు.#WATCH | Kolkata | West Bengal CM Suvendu Adhikari today drove a tractor and destroyed over three lakh banned cough syrup bottles at Eco Park as a part of 'Nasha Mukt Bharat 2029' campaign(Video source: West Bengal CM Suvendu Adhikari's social media handle) pic.twitter.com/twEq3a5b5m— ANI (@ANI) September 23, 2026

సాక్షి, లక్నో : ఉత్తరప్రదేశ్ మంత్రి ఓం ప్రకాష్ రాజ్‌భర్, కుల గణన తర్వాత రాష్ట్రాన్ని నాలుగు భాగాలుగా విభజిస్తామని ప్రకటించడం సంచలన రేపింది. యూపీని విభజించాలని పదే పదే డిమాండ్‌ చేస్తున్న సుహెల్దేవ్ భారతీయ సమాజ్ పార్టీ అధినేత రాజ్‌భర్ తాజా వ్యాఖ్యలతో దేశంలోనే అత్యధిక జనాభా కలిగిన ఈ రాష్ట్రాన్ని విభజించాలనే దాదాపు రెండు దశాబ్దాల నాటి చర్చ మళ్లీ తెరపైకి వచ్చింది.ఎన్నికలు జరగనున్న ఉత్తరప్రదేశ్‌ను బుందేల్‌ఖండ్, పూర్వాంచల్, అవధ్ ప్రదేశ్ ,పశ్చిమ్ ప్రదేశ్ అనే నాలుగు కొత్త రాష్ట్రాలుగా విభజించాలనే ప్రతిపాదనను రాజ్‌భర్ పదేపదే వినిపిస్తున్నారు. కులగణన తర్వాత రాష్ట్ర విభజన జరగవచ్చని ప్రధాని నరేంద్ర మోదీ తనకు హామీ ఇచ్చార న్నారు. సెప్టెంబర్ 20న డియోరియాలో జరిగిన ఒక కార్యక్రమంలో ఆయన ఈ వ్యాఖ్యలు చేశారు. పూర్వాంచల్ ఏర్పడిన రోజున ముఖ్యమంత్రి పదవి రాజ్‌భర్ కుమారుడికే దక్కుతుందని ఆయన ధీమా వ్యక్తం చేశారు.కూటమిలో భిన్నాభిప్రాయాలుయూపీలో అధికారంలో ఉన్న బీజేపీతో SBSP పొత్తులో ఉన్న సంగతి తెలిసిందే. రాజ్‌భర్‌ వ్యాఖ్యలో కూటమిలో ఒక్కసారిగా కలకలం రేగింది. ముఖ్యంగా బీజేపీ మిత్రపక్షమైన అధినేత సంజయ్ నిషాద్ రాజ్‌భర్ వ్యాఖ్యలను ఖండించారు. తమ పార్టీ అటువంటి విభజనకు అనుకూలంగా లేదని చెప్పారు. ఇది ప్రజల్ని తప్పుదారి పట్టించే వ్యాఖ్యలని కొట్టిపారేశారు. రాష్ట్రం అన్ని రంగాల్లో వేగంగా అభివృద్ధి చెందుతోందని, రాష్ట్రాన్ని విభజించాల్సిన అవసరం లేదని తెలిపారు. మరోవైపు బీజేపీ నేత సంజీవ్ బల్యన్ మాత్రం రాజ్‌భర్ వ్యాఖ్యలను సమర్థించారు. చిన్న రాష్ట్రాలు ఏర్పడితే ప్రజలకు త్వరితగతిన న్యాయం, మెరుగైన వైద్యం (AIIMS) అందుతాయని అభిప్రాయపడ్డారు.ఇదీ చదవండి : పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌సమాజ్‌వాదీ పార్టీ ఏమందంటేఎస్పీ అధినేత అఖిలేష్ యాదవ్, సీనియర్ నేత శివపాల్ యాదవ్ ఈ విభజన డిమాండ్‌ను తీవ్రంగా వ్యతిరేకించారు. దేశాన్ని, రాష్ట్రాలను విడగొట్టాలని చూసేవాళ్ళు దేశాన్ని కూడా విభజించాలనుకుంటారని అఖిలేష్ మండిపడ్డారు. చిన్న రాష్ట్రాల వల్ల ఆర్థిక వ్యవస్థ బలహీనపడుతుందని శివపాల్ యాదవ్ పేర్కొన్నారు.కాగా 2000 సంవత్సరంలో ఉత్తర ప్రదేశ్ నుండి ఉత్తరాఖండ్ విడిపోయింది. ఆ తర్వాత 2012 అసెంబ్లీ ఎన్నికలకు ముందు నాటి ముఖ్యమంత్రి మాయావతి కూడా ఉత్తర ప్రదేశ్‌ను నాలుగు భాగాలుగా విభజించాలని డిమాండ్ చేస్తూ అసెంబ్లీలో తీర్మానం ఆమోదించారు. అప్పట్లో పాలనా సౌలభ్యం, అభివృద్ధి కోసమే ఈ డిమాండ్ తెరపైకి వచ్చింది. భారతదేశంలో ప్రస్తుతం రెండు దశల్లో జనాభా గణన జరుగుతోంది. ఈ ప్రక్రియ వచ్చే ఏడాది ఫిబ్రవరి నాటికి పూర్తయ్యే అవకాశం ఉంది.ఇదీ చదవండి: 3 రోజుల సమ్మె : బ్యాంకులకు ఆర్థిక మంత్రిత్వ శాఖ కీలక ఆదేశాలు

సాక్షి, ఢిల్లీ: భారతీయ జనతా పార్టీ కీలక నిర్ణయం తీసుకుంది. పలు రాష్ట్రాలకు కొత్త ఇన్‌చార్జ్‌‌లను నియమిస్తూ ఆదేశాలు జారీ చేసింది. ఆంధ్రప్రదేశ్‌ బీజేపీ ఇన్‌ఛార్జ్‌గా అరవింద్ భదౌరియా, సహ ఇంచార్జ్‌గా వనతి శ్రీనివాసన్‌ నియ‌మితుల‌య్యారు. తెలంగాణ బీజేపీ ఇన్‌ఛార్జ్‌గా సునీల్ బన్సల్‌ని కొనసాగించనుంది. సహ ఇన్‌ఛార్జ్‌లుగా అభయ్‌ పాటిల్‌, రేఖాశర్మను నియమించింది. యూపీ బీజేపీ ఇన్‌ఛార్జ్‌గా వినోద్‌ తావ్డే, మహారాష్ట్ర బీజేపీ ఇన్‌ఛార్జ్‌గా బైజయంత్‌ పాండా.. ఛత్తీస్‌గఢ్‌, హర్యానా ఇన్‌ఛార్జ్‌గా స్మృతి ఇరానీని నియమిస్తూ ఆదేశాలు జారీ చేసింది. తమిళనాడు, ఉత్తరాఖండ్ బీజేపీ ఇన్‌చార్జిగా రాంమాధవ్ ఎంపిక‌య్యారు. ఒడిశా ఇన్‌ఛార్జ్‌గా పురందేశ్వరి, తమిళనాడు కో ఇన్‌ఛార్జ్‌గా డీకే అరుణ, కర్ణాటక కో ఇన్‌ఛార్జ్‌ డాక్టర్ కాసం వెంకటేశ్వర్లును నియమించింది. ఈ నియామకాలు తక్షణమే అమల్లోకి వస్తాయని పార్టీ జాతీయ ప్రధాన కార్యదర్శి తరుణ్ చుగ్ ప్రకటన విడుదల చేశారు. ఉత్తరప్రదేశ్‌ ఇన్‌చార్జి: వినోద్‌ తావ్డే , ఇన్‌చార్జిలు: జగదీశ్‌ పటేల్‌, మేధా కులకర్ణి, ప్రదీప్‌ వర్మ, అనంత్‌ ఓజాఢిల్లీ ఇన్‌చార్జి: వినయ్‌ సహస్రబుద్ధేగుజరాత్‌ఇన్‌చార్జి: తరుణ్‌ చుగ్‌హిమాచల్‌ప్రదేశ్‌ఇన్‌చార్జి: శ్రీకాంత్‌ శర్మ भारतीय जनता पार्टी के राष्ट्रीय अध्यक्ष श्री @NitinNabin ने विभिन्न राज्यों के निम्नलिखित प्रदेश प्रभारियों और सह प्रभारियों की नियुक्तियां की है।ये नियुक्तियां तत्काल प्रभाव से लागू होंगी। pic.twitter.com/S3as4bSf3q— BJP (@BJP4India) September 23, 2026ఇదీ చదవండి: బీజేపీ కీలక నిర్ణయం

సాక్షి,ముంబై: బ్యాంకు సిబ్బంది తలపెట్టిన మూడు రోజుల దేశవ్యాప్త సమ్మె కారణంగా కేంద్ర ప్రభుత్వం కీలక నిర్ణయం తీసుకుంది. ​ ప్రజలకు అసౌకర్యంం కలగకుండా బ్యాంకింగ్ సేవలకు అంతరాయం కలగకుండా చూసేందుకు, సెప్టెంబర్ 27న (ఆదివారం) అన్ని ప్రభుత్వ రంగ బ్యాంకులు ప్రాంతీయ గ్రామీణ బ్యాంకులు సాధారణంగా పనిచేస్తాయని ఆర్థిక మంత్రిత్వ శాఖ బుధవారం ఒక ప్రకటనలో తెలిపింది.బ్యాంక్ వినియోగదారుల సంక్షేమం, సౌకర్యమే ప్రభుత్వానికి అత్యంత ప్రాధాన్యత అని ఆర్థిక మంత్రిత్వ శాఖ తెలిపింది. సమ్మెను వాయిదా వేయాలని ప్రభుత్వం, బ్యాంక్ యాజమాన్యాలు యూనియన్లకు విజ్ఞప్తి చేశాయని, అలాగే అత్యవసర బ్యాంకింగ్ సేవలు నిరంతరాయంగా కొనసాగేలా చర్యలు తీసుకున్నాయని ఆ ప్రకటన వెల్లడించింది. యూనియన్ల ఆందోళనలలో చాలా వరకు పరిష్కరించామనీ, మిగిలినవి పరిశీలనలో ఉన్నాయనిపేర్కొంది. బ్యాంకింగ్ సిబ్బంది సంక్షేమం కోసం ప్రభుత్వం చర్యలు తీసుకుంటున్న నేపథ్యంలో బ్యాంక్ ఉద్యోగులు సమ్మెలకు దిగకుండా, చర్చల ద్వారా సమస్యలను పరిష్కరించుకోవడానికి కృషి చేయాలని , బ్యాంకింగ్ సేవలకు అంతరాయం కలగకుండా చూడాలని ఆర్థిక మంత్రిత్వ శాఖ తన ప్రకటనల కోరింది. తాజా ఆదేశాల ప్రకారం ప్రతిపాదిత 3 రోజుల బ్యాంక్ సమ్మె నేపథ్యంలో సెప్టెంబర్ 27 ఆదివారం నాడు బ్యాంకులు యథావిధిగా తమ సేవలను అందించనున్నాయి. ఇదీ చదవండి: మెర్సిడెస్ వర్క్‌షాప్‌లో భారీ అగ్నిప్రమాదం : కాలి బూడిదైన లగ్జరీ కార్లుకాగా ఐదు రోజుల పని దినాల విధానాన్ని అమలు చేయాలని, పెర్ఫార్మెన్స్ లింక్డ్ ఇన్సెంటివ్' (PLI) పథకాన్ని ఉపసంహరించుకోవాలని కోరుతూ ప్టెంబర్ 26, 27 తేదీలలో వచ్చే వారాంతపు సెలవులతో కలిసి, సెప్టెంబర్ 28 నుండి 30 వరకు 'యునైటెడ్ ఫోరమ్ ఆఫ్ బ్యాంక్ యూనియన్స్' (UFBU) తలపెట్టిన మూడు రోజుల దేశవ్యాప్త సమ్మె ను ప్రకటించిన సంగతి తెలిసిందే.ఇదీ చదవండి : పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌

థానే: పర్యూషణ పర్వదినాల సమయంలో మెంతికూరతో వండిన ఆహారపదార్థాలను లంచ్‌బాక్సులో తెచ్చినందుకు పాఠశాల యాజమాన్యం విద్యార్థులకు జ‌రిమానా విధించిన ఘ‌ట‌న మ‌హారాష్ట్ర‌లోని థానే జిల్లాలో వెలుగు చూసింది. భయందర్ ఈస్ట్‌లోని త‌పోవ‌న్ విద్యాల‌య‌ పాఠశాల యాజమాన్యం విద్యార్థులకు రూ.50 జరిమానా విధించడమే కాక బదులుగా రూ.20 చెల్లించి క్యాంటీన్‌లో తినాలంటూ బలవంతం చేశారన్న వార్తలు జిల్లా వ్యాప్తంగా తీవ్ర దుమారం సృష్టించాయి. ఈ విషయంలో విద్యార్థుల తల్లిదండ్రుల ఆరోపణలపై వివరణ కోరుతూ మీరా భయందర్‌ మున్సిపల్‌ కార్పొరేషన్‌ విద్యా విభాగం పాఠశాలకు నోటీసు జారీ చేసింది. ఈ ఆరోపణలపై పాఠశాల ఇంకా స్పందించలేదు. అయితే త‌పోవ‌న్ విద్యాల‌య‌పై ఇలాంటి ఆరోప‌ణ‌లు రావ‌డం ఇదే మొద‌టిసారి కాద‌ని స్థానికులు చెబుతున్నారు.కాగా మతపరమైన ఆచారాలు, పండుగలు పేరిట నిర్దిష్ట ఆహారాన్ని మాత్రమే తినితీరాలని బలవంతం చేయడమేమింటూ సోషల్‌ మీడియా వేదికగా పలువురు తీవ్ర ఆగ్రహం వ్యక్తంచేస్తున్నారు. మతపరమైన ఆచారాల ముసుగులో విద్యార్థుల ప్రాథమిక ఆహారపు ఎంపికలు, రోజువారీ ఆహార అలవాట్లను నిర్దేశించడమేమింటంటూ విజయ్‌ అనే యూజర్‌ ‘ఎక్స్‌’ వేదికగా మండిపడ్డారు. కఠిన ఆహార నియమాల పర్వం ‘పర్యూషణ్‌’ పర్యుషణ పర్వ్‌ అనేది జైన మతంలో ఉపవాసం, ఆధ్యాత్మిక చింతనకు అంకితమైన ఒక ప్రధాన వార్షిక పండుగ. ఈ పండుగ సమయంలో ఆ మతానుయాయులు, అభిమానులు ఆకు కూరలు, దుంపలను తినకుండా ఉండటంతో సహా కఠినమైన ఆహార నియమాలను పాటిస్తారు. ఇదీ చ‌ద‌వండి: తుకారాం ముండే లేటెస్ట్ వార్నింగ్‌

విచారణలో ఉన్న కేసులకు సంబంధించిన అఫిడవిట్లు, కోర్టు పత్రాలను సోషల్ మీడియా వేదికలపై ప్రదర్శించడం పట్ల బాంబే హైకోర్టు విజయ్ మాల్యాపై తీవ్ర ఆగ్రహం వ్యక్తం చేసింది. కోర్టు పరిధిలోని అంశాలను సామాజిక మాధ్యమాల్లో ఉంచడం న్యాయస్థానాల సమర్థతను, స్వతంత్రతను దిగజార్చేలా ఉందనడంలో సందేహం లేదని ధర్మాసనం హెచ్చరించింది.జస్టిస్ మిలింద్ జాధవ్ నేతృత్వంలోని ఏకసభ్య ధర్మాసనం ఈ మేరకు మాల్యా తరఫు సీనియర్ అడ్వకేట్ అమిత్ దేశాయ్‌కు స్పష్టమైన ఆదేశాలు జారీ చేసింది. ఎన్‌ఫోర్స్‌మెంట్ డైరెక్టోరేట్ (ఈడీ) దాఖలు చేసిన అఫిడవిట్ సెప్టెంబర్ 9న విచారణకు రావాల్సి ఉండగా అధికారికంగా కోర్టుకు సమర్పించడానికి ముందే (సెప్టెంబర్ 8 నాటి రాత్రి) మాల్యా దాన్ని తన సోషల్ మీడియా ఖాతాలో పోస్ట్ చేసినట్లు ఈడీ న్యాయవాది ఆశిష్ మెహతా ధర్మాసనం దృష్టికి తెచ్చారు.దీనిపై స్పందించిన న్యాయమూర్తి, ‘ఇది ఏమాత్రం సరైన ప్రవర్తన కాదు. విషయం చాలా తీవ్రమైనది. భవిష్యత్తులో ఇలాంటి చర్యలు పునరావృతం కాకుండా క్లయింట్‌ను హెచ్చరించండి. ఏవైనా వాదనలు లేదా నివేదికలు ఉంటే నేరుగా కోర్టుకే సమర్పించాలి తప్ప సోషల్ మీడియాలో కాదు’ అని స్పష్టం చేశారు.కేసు నేపథ్యంభారత బ్యాంకుల నుంచి తీసుకున్న రూ.9,000 కోట్లకు పైగా రుణాలను ఎగవేసి కింగ్‌ఫిషర్ ఎయిర్‌లైన్స్ ద్వారా నిధుల మళ్లింపు (మనీ లాండరింగ్)కు పాల్పడ్డారనే ఆరోపణలను మాల్యా ఎదుర్కొంటున్నారు. రూ.14,131.6 కోట్ల విలువైన ఆస్తులను స్టేట్ బ్యాంక్ ఆఫ్ ఇండియా నేతృత్వంలోని బ్యాంకుల సమాఖ్యకు కన్సార్టియం ద్వారా అప్పగించినందున తనపై ఉన్న క్రిమినల్ కేసులను కొట్టివేయాలని కోరుతూ మాల్యా 2020లో పిటిషన్ దాఖలు చేశారు. అయితే, బ్యాంకుల రికవరీ చర్యల వల్ల క్రిమినల్ తీవ్రత తగ్గిపోదని, మనీ లాండరింగ్ నేరం చెల్లదని ఈడీ తీవ్రంగా అభ్యంతరం తెలిపింది. తదుపరి విచారణలో ఎస్‌బీఐ కౌంటర్ అఫిడవిట్ దాఖలు చేయాలని ఆదేశిస్తూ కేసు విచారణను అక్టోబర్ 13కు వాయిదా వేసింది.ఇదీ చదవండి: పరుగులు తీస్తున్న బంగారం ధరలు.. ఈరోజు రేటు ఎంతంటే..

ముంబై: ఐఐటీ-బాంబే విద్యార్థి సాహిల్ వాకోడే మృతి కేసులో నిందితులుగా ఆరోపణలు ఎదుర్కొంటున్న సంస్థ అధికారులను అరెస్ట్ చేయకపోతే నిరాహార దీక్ష చేపడతానని మృతుని తండ్రి రవీంద్ర వాకోడే ప్రకటించారు. ముంబై చేరుకున్న ఆయన మంగళవారం క్రైమ్ బ్రాంచ్ అధికారులను కలిశారు. తన కుమారుడి మృతికి బాధ్యులపై చర్యలు తీసుకోవాలని కోరారు. ఐఐటీ-బాంబేలో బీటెక్ రెండో సంవత్సరం చదువుతున్న సాహిల్ గత వారం క్యాంపస్‌లో మృతి చెందాడు. సాహిల్ తల్లిదండ్రులు తమ కుమారుడు కుల ఆధారిత వేధింపులు, వివక్షను ఎదుర్కొన్నాడని ఆరోపించారు. ఈ నేపథ్యంలో భారతీయ న్యాయ సంహిత (బీఎన్‌ఎస్‌), ఎస్సీ, ఎస్టీ (అత్యాచారాల నిరోధక) చట్టంలోని సంబంధిత సెక్షన్ల కింద ఎఫ్‌ఐఆర్ నమోదైంది.సాహిల్ మృతికి దారితీసిన పరిస్థితులను పరిశీలించేందుకు ఐఐటీ-బాంబే బోర్డ్ ఆఫ్ గవర్నర్స్ 10 మంది సభ్యులతో కమిటీని ఏర్పాటు చేసింది. ఐఐటీ-పాలక్కాడ్ బోర్డ్ ఆఫ్ గవర్నర్స్ చైర్మన్ ప్రొఫెసర్ రమేశ్ వెంకటేశ్వరన్ నేతృత్వంలోని ఈ కమిటీ వారం రోజుల్లో నివేదిక సమర్పించాల్సి ఉంది. ఇందులో ఐఐటీ-బాంబేకు చెందిన ముగ్గురు అధ్యాపకులు, ముగ్గురు విద్యార్థులు, రిటైర్డ్ ఐఏఎస్ అధికారి, మాజీ విజిలెన్స్ అధికారి, ఓ సైకియాట్రిస్ట్ ఉన్నారు. కమిటీ వివరాలను కేంద్ర విద్యాశాఖకు కూడా పంపినట్లు సంస్థ అధికారి తెలిపారు.ఈ కేసులో పేరున్న ప్రొఫెసర్ సూర్యనారాయణ దూల్లాపై వేధింపులకు ప్రేరేపించినట్లు ఆరోపణలు ఉన్నాయి. విచారణ పూర్తయ్యే వరకు ఆయన సెలవుపై వెళ్లాలని సంస్థ సూచించింది. అయితే కొందరు అధికారులు రాజీనామా చేయాలన్న విద్యార్థుల డిమాండ్లను బోర్డు అంగీకరించలేదని సమాచారం. సాహిల్‌కు న్యాయం చేయాలని కోరుతూ మంగళవారం సాయంత్రం ఎనర్జీ సైన్స్ అండ్ ఇంజినీరింగ్ విభాగానికి చెందిన విద్యార్థులు క్యాంపస్‌లో శాంతియుత ర్యాలీ నిర్వహించారు. అదే సమయంలో ప్రొఫెసర్ దూల్లాకు కూడా పలువురు విద్యార్థులు మద్దతు తెలిపారు.సాహిల్ మృతికి సంబంధించిన పరిణామాల నేపథ్యంలో ఐఐటీ-బాంబేలో పరీక్షల భద్రతా ఏర్పాట్లపైనా ప్రశ్నలు తలెత్తాయి. తనిఖీలు ఉన్నప్పటికీ సహిల్ పరీక్షా హాల్లోకి మొబైల్ ఫోన్ ఎలా తీసుకెళ్లగలిగాడన్న దానిపై చర్చ జరుగుతోంది. పరీక్షా హాళ్ల బయట, వాష్‌రూమ్‌ల వద్ద కూడా భద్రతా సిబ్బందిని ఏర్పాటు చేశామని ఓ అధ్యాపకుడు తెలిపారు. అయితే తనిఖీలు కొన్ని సందర్భాల్లో నామమాత్రంగానే ఉంటాయని, అనుమతించిన వస్తువులతో పాటు ఫోన్‌ను దాచుకుని తీసుకెళ్లే అవకాశం ఉందని ఓ విద్యార్థి పేర్కొన్నాడు.ఇదీ చదవండి: Mumbai: షుగర్‌ వ్యాధిగ్రస్తులకు గణపయ్య ప్రసాదం

రాజస్థాన్‌లోని జైపూర్‌లో మెర్సిడెస్ వర్క్‌షాప్‌లో భారీ అగ్నిప్రమాదం సంభవించింది. జైపూర్‌లోని బాలాజీ మార్కెట్‌లోని వర్క్‌షాప్‌లో జరిగిన ఈ ప్రమాదంలో సుమారు ఎనిమిది కార్లు, ఖరీదైన విడిభాగాలు (స్పియర్ పార్ట్స్), యాక్సెసరీలు పూర్తిగా దగ్ధమయ్యాయి.మంగళవారం అర్ధరాత్రి దాటిన తర్వాత ఈ ఘటన చోటుచేసుకుంది. దీనికి సంబంధించిన దట్టమైన పొగ ఐదు కిలోమీటర్ల దూరం వరకు కనిపించింది. ఈ ప్రమాదానికి సంబంధిచిన వీడియో నెట్టింట వైరల్‌గా మారింది.ఫైర్ ఆఫీసర్ ఉషా శర్మ తెలిపిన వివరాల ప్రకారం, మంటలను అదుపు చేయడానికి సుమారు 10 ఫైర్ ఇంజిన్లు మోహరించారు. దాదాపు రెండు గంటల పాటు శ్రమించి, రెండు డజన్లకు పైగా ట్రిప్పులతో మంటలనును పూర్తిగా అదుపులోకి తెచ్చారు. వర్క్‌షాప్‌లో కొత్త, పాత వాహనాలు కలిపి మొత్తం 50కి పైగా కార్లు పార్క్ చేశారు. అగ్నిమాపక సిబ్బంది, పోలీసులు సకాలంలో స్పందించి పలు కార్లను సురక్షితంగా బయటకు తరలించడంతో పెను ప్రమాదం తప్పింది. అయితే అదృష్టవశాత్తూ ఈ ప్రమాదంలో ఎలాంటి ప్రాణనష్టం జరగలేదని అధికారులు వెల్లడించారు.ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?షార్ట్ సర్క్యూట్ కారణంగా ఈ అగ్నిప్రమాదం సంభవించి ఉండవచ్చని ప్రాథమిక విచారణలో తేలింది. అయితే, దీనిపై పూర్తి విచారణ జరుగుతోందని పోలీసు అధికారులు వెల్లడించారు. మరోవైపు జైపూర్‌లోని నారాయణ్ సింగ్ సర్కిల్ సమీపంలో ఒక మాల్‌లో కూడా మరో అగ్నిప్రమాదం జరగగా, రెండు ఫైర్ టెండర్లు అర్ధగంటలోపే మంటలను అదుపు చేశాయి. जयपुर में करोडों रूपये की लग्जरी गाड़ियाँ जल कर खाक.सीतापुरा के T&T मोटर्स वर्कशॉप में देर रात आग का तांडव. आधा दर्जन दमकलों ने घंटों की मशक्कत के बाद पाया काबू. pic.twitter.com/aDA4OZ7TNs— Balmukund Joshi (@balmukundjoshi) September 23, 2026ఇదీ చదవండి : పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌

ముంబై: ముంబైలో జరుగుతున్న గణేశ్‌ ఉత్సవాల్లో భాగంగా అంధేరీ ఈస్ట్‌లోని సాకినాక్యాచా మహారాజ్ గణపతికి భారీ మోదకాన్ని నైవేద్యంగా సమర్పించారు. ప్రముఖ చెఫ్ హర్ష్ కేడియా, ఆయన బృందం కలిసి ఏకంగా 350 కిలోల బరువున్న, 4.5 అడుగుల ఎత్తైన షుగర్‌ఫ్రీ మోదకాన్ని తయారు చేశారు. 20 గంటలకు పైగా శ్రమించి సిద్ధం చేసిన ఈ భారీ మోదకాన్ని అనంతరం భక్తులకు ప్రసాదంగా పంపిణీ చేశారు.20 గంటల శ్రమతో భారీ మోదకంసాకినాక్యాచా మహారాజ్ గణపతి విగ్రహం వద్ద సమర్పించేందుకు ప్రత్యేకంగా ఈ మోదకాన్ని రూపొందించారు. తయారీ పూర్తయ్యాక ప్రత్యేక ఏర్పాట్లతో మండపానికి తరలించి, నిర్వాహకుల అనుమతితో గణపతి విగ్రహం ముందు ఉంచారు. అనంతరం భక్తులకు ప్రసాదంగా అందజేశారు.చక్కెర లేని ప్రత్యేక తయారీచెఫ్ హర్ష్ కేడియా షుగర్‌ఫ్రీ, ఆరోగ్యాన్ని దృష్టిలో ఉంచుకున్న పండుగ వంటకాలకు ప్రసిద్ధి చెందారు. ఈ భారీ మోదకాన్ని కూడా షుగర్‌ఫ్రీ పద్ధతిలో తయారు చేశారు. దీనిపై భారతదేశంలో పండించిన కోకోతో తయారు చేసిన చాక్లెట్ పొరను ఉపయోగించారు. తయారీ, రవాణా, వేదికపై ఉంచే సమయంలో ఆహార భద్రతకు సంబంధించిన జాగ్రత్తలు పాటించినట్లు కేడియా తెలిపారు.‘ఎంతో భావోద్వేగం’ఈ భారీ మోదకం తయారీ ఓ వంటకానికి సంబంధించిన రికార్డు కాదని కేడియా పేర్కొన్నారు. గణేశుడికి సమర్పించే నైవేద్యం కావడంతో ఇది ఎంతో భావోద్వేగంతో కూడుకున్నదని సోషల్ మీడియా పోస్టులో తెలిపారు. ఎంతో ప్రేమతో మోదకాన్ని తయారు చేసి గణపతి మండపానికి తీసుకొచ్చినట్లు చెప్పారు.భక్తులకు ప్రసాదంగా పంపిణీభారీ మోదకాన్ని కేవలం ప్రదర్శన కోసం తయారు చేయలేదు. గణపతికి నైవేద్యంగా సమర్పించిన తర్వాత నిర్వాహకుల అనుమతితో భక్తులకు ప్రసాదంగా పంచారు. సాకినాక్యాచా మహారాజ్ ముందు ఉంచిన ఈ భారీ మోదకానికి సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.42 అడుగులకు పైగా సాకినాక్యాచా మహారాజ్సాకినాక్యాచా మహారాజ్ గణపతి విగ్రహం 42 అడుగులకు పైగా ఎత్తుతో ఉంది. 2026లో ముంబైలో అత్యంత ఎత్తైన గణేశ విగ్రహంగా గుర్తింపు పొందింది. అయితే ఖేత్వాడిలోని మరో గణేశ మండపం కూడా తమ విగ్రహం 42 అడుగులకు పైగా ఉందని సమాచారం. కాగా షుగర్‌ వ్యాధిగ్రస్తులు నిరభ్యంతరంగా ఈ ప్రసాదం తినవచ్చని నిర్వాహకులు తెలిపారు. ఇదీ చదవండి: బుకర్‌ ప్రైజ్‌ 2026.. తుది జాబితాలో ఆరు నవలలు

న్యూఢిల్లీ: ఉత్తరప్రదేశ్‌లోని 10 రాజ్యసభ స్థానాలకు ఎన్నికల సంఘం తాజాగా ఎన్నికల షెడ్యూల్‌ను ప్రకటించింది. అక్టోబర్‌ 16న ఉదయం 9 గంటల నుంచి సాయంత్రం 4 గంటల వరకు పోలింగ్‌ జరగనుంది. అదే రోజు సాయంత్రం 5 గంటలకు ఓట్ల లెక్కింపు ప్రారంభమవుతుంది. ఎన్నికల ప్రక్రియ అక్టోబర్‌ 19లోపు పూర్తవుతుంది.బీజేపీకి 8 స్థానాలు?403 మంది సభ్యులున్న యూపీ అసెంబ్లీలో ప్రస్తుతం 397 మంది సభ్యులున్నారు. బీజేపీ, దాని మిత్రపక్షాలకు కలిపి 289 మంది ఎమ్మెల్యేలు ఉండగా.. సమాజ్‌వాదీ పార్టీకి 101 మంది, కాంగ్రెస్‌కు ఇద్దరు ఎమ్మెల్యేలు ఉన్నారు. ప్రస్తుత బలాబలాల ఆధారంగా బీజేపీ నేతృత్వంలోని కూటమి 8 రాజ్యసభ స్థానాలను నిలబెట్టుకునే అవకాశం ఉందని, ఎస్పీ తన స్థానాలను రెండుకు పెంచుకోవచ్చని ‘హిందుస్థాన్ టైమ్స్’ పేర్కొంది.బీఎస్పీకి రాజ్యసభలో..బహుజన్ సమాజ్ పార్టీకి ప్రస్తుతం రాజ్యసభలో ఉన్న ఏకైక సభ్యుడు రాంజీ గౌతమ్ పదవీకాలం నవంబర్‌ 25తో ముగియనుంది. యూపీ అసెంబ్లీ, శాసన మండలి, లోక్‌సభలోనూ బీఎస్పీకి ప్రస్తుతం ప్రాతినిధ్యం లేదని నివేదిక తెలిపింది. దీంతో తాజా ఎన్నికల తర్వాత పార్లమెంట్‌లో ఆ పార్టీ ప్రాతినిధ్యం పూర్తిగా ముగిసే పరిస్థితి ఏర్పడింది.క్రాస్‌ ఓటింగ్‌పై రెండు పార్టీల్లోనూ ఉత్కంఠ2024 ఫిబ్రవరిలో జరిగిన రాజ్యసభ ఎన్నికల్లో ఎస్పీ ఎమ్మెల్యేల క్రాస్‌ ఓటింగ్‌తో బీజేపీ 8 స్థానాలను గెలుచుకుందని నివేదిక పేర్కొంది. ఈసారి కూడా క్రాస్‌ ఓటింగ్‌ అంశం రాజకీయంగా చర్చనీయాంశంగా మారింది. రాబోయే అసెంబ్లీ ఎన్నికల్లో టికెట్లపై కొందరు ఎమ్మెల్యేల్లో ఉన్న అసంతృప్తి ప్రభావం చూపవచ్చని హిందుస్థాన్ టైమ్స్ విశ్లేషించింది.సెప్టెంబర్‌ 29న నోటిఫికేషన్‌రాజ్యసభ ఎన్నికలకు సెప్టెంబర్‌ 29న నోటిఫికేషన్‌ విడుదల కానుంది. నామినేషన్ల దాఖలుకు అక్టోబర్‌ 6 చివరి తేదీ. అక్టోబర్‌ 7న నామినేషన్ల పరిశీలన, అక్టోబర్‌ 9 వరకు ఉపసంహరణకు అవకాశం ఉంటుంది.ఎమ్మెల్సీ స్థానాలకూ ఎన్నికలుయూపీలో 11 ఎమ్మెల్సీ స్థానాలకు కూడా ఎన్నికల షెడ్యూల్‌ ప్రకటించారు. ఐదు గ్రాడ్యుయేట్‌, ఆరు టీచర్‌ నియోజకవర్గాల స్థానాలకు అక్టోబర్‌ 23న ఉదయం 8 గంటల నుంచి సాయంత్రం 4 గంటల వరకు పోలింగ్‌ జరగనుంది. అక్టోబర్‌ 27న ఓట్ల లెక్కింపు చేపడతారు. ఈ ఎన్నికల ప్రక్రియ అక్టోబర్‌ 31లోపు పూర్తవుతుంది.

న్యూఢిల్లీ: ఆలయానికి వెళ్లిన బాలిక.. పెన్నులు, పుస్తకాలు కొనడానికి వెళ్లిన విద్యార్థిని.. స్నేహితుడిని కలవడానికి వెళ్లిన మరో బాలిక.. ఆరేళ్ల చిన్నారి.. ఢిల్లీలో కేవలం 12 రోజుల వ్యవధిలో నలుగురు మైనర్లపై అత్యాచార ఘటనలు చోటుచేసుకున్నాయి. వీటిలో ఓ 17 ఏళ్ల బాలిక ప్రాణాలు కోల్పోయింది. వరుస ఘటనలు దేశ రాజధానిలో మహిళలు, బాలికల భద్రతపై మరోసారి ఆందోళన కలిగిస్తున్నాయి.పార్కులో 17 ఏళ్ల బాలికపై దారుణంసోమవారం రాత్రి కల్కాజీ ఆలయం సమీపంలోని ఆస్తా కుంజ్ పార్కులో 17 ఏళ్ల బాలిక తన స్నేహితుడితో కలిసి ఉండగా ముగ్గురు వ్యక్తులు పోలీసులమని చెప్పి, వారిని అడ్డుకున్నారు. అనంతరం బాలికపై అత్యాచారానికి పాల్పడినట్లు ఆరోపణలు ఉన్నాయి. ఈ కేసులో అసిఫ్, హేమంత్, అతడి సోదరుడు ముఖేశ్‌ను పోలీసులు అరెస్టు చేశారు.ఆరేళ్ల చిన్నారిపైనా అత్యాచారంఅదే సోమవారం ఢిల్లీలోని దేశ్‌బంధు గుప్తా రోడ్ సమీపంలో ఆరేళ్ల బాలికపై అత్యాచారం జరిగినట్లు పోలీసులు తెలిపారు. ఈ కేసులో నిందితుడిని అదుపులోకి తీసుకున్నారు.స్టేషనరీ కోసం వెళ్లి.. సెప్టెంబర్ 16న సదర్ బజార్‌లో ఆరో తరగతి చదువుతున్న బాలిక స్టేషనరీ కొనడానికి ఇంటి నుంచి బయటకు వెళ్లింది. ఓ దుకాణ యజమాని ఆమెను దుకాణంలోకి తీసుకెళ్లి అత్యాచారానికి పాల్పడినట్లు ఆరోపణలు ఉన్నాయి. ఈ కేసులో నిందితుడిని పోలీసులు అరెస్టు చేశారు.స్నేహితుడిని కలవడానికి వెళ్లి..సెప్టెంబర్ 10న స్వరూప్ నగర్‌లో 17 ఏళ్ల బాలిక తనకు తెలిసిన వ్యక్తిని కలవడానికి వెళ్లింది. అక్కడ ఆమెపై పలువురు అత్యాచారానికి పాల్పడ్డారు. అనంతరం ఆమె మృతదేహం లభించింది. ఈ కేసులో నలుగురిని అరెస్టు చేయగా, వారిలో ముగ్గురు మైనర్లు ఉన్నారు.పోక్సో.. జువెనైల్ చట్టాల ప్రకారం..నలుగురు బాధితులు 18 ఏళ్లలోపు వారు కావడంతో అన్ని కేసుల్లోనూ పోక్సో చట్టం వర్తిస్తుంది. ప్రత్యేక కోర్టులు, బాధితురాలి గుర్తింపును వెల్లడించకపోవడం, సాధ్యమైనంత వరకు విచారణను ఏడాదిలో పూర్తి చేయడం వంటి నిబంధనలు ఈ చట్టంలో ఉన్నాయి. అయితే పోక్సో కేసుల పెండింగ్ కారణంగా విచారణలు ఆలస్యం అవుతున్నాయని కథనం పేర్కొంది.మైనర్ నిందితుల విషయంలో ప్రత్యేక నిబంధనలుస్వరూప్ నగర్ కేసులో అరెస్టైన ముగ్గురు మైనర్ల విషయంలో జువెనైల్ జస్టిస్ చట్టంలోని నిబంధనలు కీలకంగా మారుతున్నాయి. 16 నుంచి 18 ఏళ్ల మధ్య వయసున్న బాలుడు ఘోరమైన నేరానికి పాల్పడినట్లు ఆరోపణలు ఎదుర్కొంటే, జువెనైల్ జస్టిస్ బోర్డు అంచనా అనంతరం అతడిని పెద్దవాడిగా విచారించే అవకాశం ఉంటుంది. 16 ఏళ్లలోపు వారిపై మాత్రం ఈ విధానం వర్తించదు.ఢిల్లీలో నేరాల గణాంకాలుఎన్‌సీఆర్‌బీ 2023 నివేదిక ప్రకారం ఢిల్లీలో 1,088 అత్యాచార కేసులు నమోదయ్యాయి. 2024 గణాంకాల్లో 19 ప్రధాన మెట్రో నగరాల్లో ఢిల్లీలో అత్యాచార కేసులు 1,058గా నమోదయ్యాయి. 2026 జనవరిలో ఢిల్లీ పోలీసుల గణాంకాల ప్రకారం మహిళలపై నేరాలు 5 నుంచి 8 శాతం తగ్గినట్లు, కేసుల పరిష్కార రేటు 95 శాతానికి పైగా ఉన్నట్లు వెల్లడించింది. అయితే 2025కు సంబంధించిన ఎన్‌సీఆర్‌బీ పూర్తి గణాంకాలు ఇంకా విడుదల కాలేదు. వరుస ఘటనల నేపథ్యంలో బహిరంగ ప్రదేశాల్లో పోలీసుల గస్తీ, భద్రతా ఏర్పాట్లు, వేగవంతమైన దర్యాప్తు వంటి అంశాలపై దృష్టి సారించాల్సిన అవసరం ఉందనే చర్చ జరుగుతోంది. ఇదీ చదవండి: 360 డిగ్రీల అద్భుత ‘స్కైడోమ్’.. చూసి తీరాల్సిందే!

బెంగళూరు: మండ్యలో మహిళా ఎస్‌ఐ సవితా పాటిల్‌కి చెంపదెబ్బ కొట్టిన కేసులో తుమకూరు రూరల్‌ ఎమ్మెల్యే సురేష్‌గౌడ కుమార్తె ఐశ్వర్య బేషరతుగా క్షమాపణ చెప్పింది. ఆగస్టు 12న ఆమె స్థానిక ఆలయంలో దర్శనం కోసం రాగా, ఎస్‌ఐ సవితా నిలిపేయడంతో గొడవ జరిగి చెంపమీద కొట్టడం, తిరిగి ఎస్‌ఐ ఆమెను చెంప దెబ్బ కొట్టడం తెలిసిందే. ఇరువురూ కేసులు కూడా పెట్టుకున్నారు. ఎస్‌ఐ క్యాతనహళ్లి పోలీస్‌ స్టేషన్‌లో ఫిర్యాదు చేస్తూ, కోర్టులో కూడా కేసు వేశారు. ఐశ్వర్య బెయిల్‌ కోసం దరఖాస్తు చేసుకోగా, జడ్జి అంగీకరించలేదు. మీరు క్షమాపణలు చెప్పాలని ఆదేశించడంతో ఈ మేరకు ఐశ్వర్య ఓ వీడియోలో క్షమాపణలు కోరింది.ఇదీ చదవండి: Gachibowli: క్యాబ్‌ ఎక్కుతుండగా... ముద్దుపెట్టిన సెక్యూరిటీ గార్డు

జైపూర్‌: రాజస్థాన్‌లోని జైపూర్‌లో మరో ప్రత్యేక ఈవెంట్ వేదిక అందుబాటులోకి రానుంది. కుకాస్‌లోని ఐటీసీ మెమెంటోస్ పక్కన ‘స్కైడోమ్’ పేరుతో భారీ శాశ్వత ఇమర్సివ్ ఈవెంట్ డోమ్‌ను ఏర్పాటు చేస్తున్నారు. 60 మీటర్ల వ్యాసం, 21 మీటర్ల ఎత్తుతో నిర్మిస్తున్న ఈ డోమ్‌లో ఒకేసారి 5 వేల మందికి పైగా కార్యక్రమాలను వీక్షించే అవకాశం ఉంటుంది. 2026 అక్టోబర్ చివరి నాటికి ఇది ప్రజలకు అందుబాటులోకి రానున్నట్లు నిర్వాహకులు తెలిపారు.చుట్టూ 360 డిగ్రీల దృశ్యాలుస్కైడోమ్ ప్రత్యేకత దాని 360 డిగ్రీల ప్రొజెక్షన్ సాంకేతికత. ఇందుకోసం 17 క్రిస్టీ 50,000-ల్యూమెన్ లేజర్ ప్రొజెక్టర్లను ఉపయోగిస్తున్నారు. దీంతో డోమ్ లోపలి భాగంతో పాటు బయటి షెల్‌పైనా విభిన్న దృశ్యాలను ప్రదర్శించవచ్చు. ఒకే వేదికను వివిధ కార్యక్రమాలకు అనుగుణంగా పూర్తిగా మార్చుకునేలా దీన్ని రూపొందిస్తున్నారు.పెళ్లి నుంచి కాన్ఫరెన్స్ వరకు..లగ్జరీ వివాహాలు, అంతర్జాతీయ సదస్సులు, సాంస్కృతిక కార్యక్రమాలు, డ్యాన్స్ ప్రదర్శనలు, కచేరీలు, ఫ్యాషన్ షోలు, ఎగ్జిబిషన్లు, బ్రాండ్ ఈవెంట్లు వంటి అనేక కార్యక్రమాలను ఇక్కడ నిర్వహించవచ్చు. ప్రతి కార్యక్రమానికి అనుగుణంగా డోమ్‌లోని దృశ్యాలను మార్చుకునే అవకాశం ఉంటుంది. దీంతో ఒకే రోజు వేర్వేరు కార్యక్రమాలకు వేర్వేరు వాతావరణాన్ని సృష్టించవచ్చు.యోగా, ఆధ్యాత్మిక కార్యక్రమాలకూ..కేవలం వినోద కార్యక్రమాలకే కాకుండా వెల్‌నెస్ కార్యక్రమాలు, భారీ యోగా సెషన్లు, ఆధ్యాత్మిక సమావేశాలకూ స్కైడోమ్‌ను ఉపయోగించవచ్చని నిర్వాహకులు చెబుతున్నారు. అంటే ఒకవైపు భారీ వినోద కార్యక్రమానికి వేదికగా ఉండే ఇదే ప్రదేశం.. మరోవైపు ప్రశాంతమైన యోగా లేదా ఆధ్యాత్మిక కార్యక్రమానికి అనుగుణంగానూ మారిపోతుంది.30 వేల చదరపు అడుగుల విస్తీర్ణంస్కైడోమ్‌లో 30,000 చదరపు అడుగులకు పైగా ఇండోర్ స్పేస్ ఉంటుంది. 60 మీటర్ల వ్యాసం, 21 మీటర్ల ఎత్తుతో పాటు అదనంగా విశాలమైన అవుట్‌డోర్ ప్రాంతాన్ని కూడా అభివృద్ధి చేస్తున్నారు. సుమారు 30,000 చదరపు అడుగుల ల్యాండ్‌స్కేప్డ్ లాన్, 20,000 చదరపు అడుగుల బ్యాక్-ఆఫ్-హౌస్ స్థలం కూడా అభివృద్ధిలో భాగంగా ఉన్నట్లు ఈవెంట్‌ఫాక్స్ పేర్కొంది. View this post on Instagram A post shared by SKYDOME (@skydomevenue)కుకాస్‌లోనే ఎందుకు?జైపూర్‌లోని కుకాస్ ప్రాంతం ఇప్పటికే హాస్పిటాలిటీ, డెస్టినేషన్ వెడ్డింగ్‌లకు కీలక ప్రాంతంగా మారింది. అనేక లగ్జరీ హోటళ్లకు సమీపంలో ఉన్న ఈ ప్రాంతంలోనే స్కైడోమ్‌ను ఏర్పాటు చేస్తున్నారు. సంప్రదాయ బ్యాంక్వెట్ హాళ్లు, లాన్లు, తాత్కాలిక నిర్మాణాలకు భిన్నంగా శాశ్వతంగా రూపొందించిన ఈ వేదిక.. వివిధ రకాల భారీ కార్యక్రమాలకు కొత్త అవకాశాన్ని అందించనుంది. 2026 అక్టోబర్ చివరి వారాల్లో స్కైడోమ్ ప్రారంభమయ్యే అవకాశం ఉంది. ఇదీ చదవండి: త్వరలో మోదీ అమెరికా పర్యటన.. ట్రంప్‌తో ద్వైపాక్షిక భేటీ?

నదీ ప్రవాహంలో కొట్టుకుపోతున్న రోజుల వయసున్న ఏనుగు పిల్లను మత్స్యకారులు ప్రాణాలకు తెగించి కాపాడారు. దాదాపు నాలుగు కిలోమీటర్లు పడవల్లో వెంబడించి.. అలసిపోయిన ఆ చిన్నారిని ఒడ్డుకు చేర్చారు. అటవీశాఖ సిబ్బంది సంరక్షణ అనంతరం రెండు గంటల పాటు గాలించి చివరకు దాని తల్లిని గుర్తించారు. నీటిలోకి వచ్చి తన బిడ్డను చేరదీసిన తల్లి ఏనుగు దృశ్యం అక్కడున్న వారిని కదిలించింది.పశ్చిమ బెంగాల్‌లోని జల్పాయిగురి జిల్లా గజోల్డోబా సమీపంలో సెప్టెంబర్‌ 21న ఈ ఘటన జరిగింది. టీస్తా నదిలో మూడు, నాలుగు రోజుల వయసున్న ఏనుగు పిల్ల ప్రవాహంలో కొట్టుకుపోతుండటాన్ని నార్త్‌ బెంగాల్‌ ఫిషర్‌మెన్‌ ఫోరం సభ్యులు గుర్తించారు. వెంటనే మిథు దాస్‌, బిశ్వనాథ్‌ దాస్‌, రాజేశ్‌ దాస్‌, గోపాల్‌ దాస్‌, బబ్లు దాస్‌ పడవల్లో దాన్ని వెంబడించారు.నాలుగు కిలోమీటర్లు వెంబడించి..తీవ్ర ప్రవాహం కారణంగా ఏనుగు పిల్లను దాదాపు నాలుగు కిలోమీటర్ల మేర నదిలో కొట్టుకుపోతూ వెళ్లింది. మత్స్యకారులు పడవలను దాని వెంట నడిపి.. ఎట్టకేలకు దాన్ని జాగ్రత్తగా పైకి ఎత్తుకుని పడవలోకి చేర్చారు. ఒడ్డుకు తీసుకొచ్చే వరకు చిన్నారిని ఓదారుస్తూ, జాగ్రత్తగా సంరక్షించారు.రెండు గంటల తర్వాత తల్లి చెంతకు..సమాచారం అందుకున్న బైకుంఠపూర్‌ అటవీశాఖ అధికారులు ఏనుగు పిల్లకు అవసరమైన సంరక్షణ అందించారు. అనంతరం తల్లి ఏనుగు కోసం గాలింపు చేపట్టారు. దాదాపు రెండు గంటల తర్వాత గుంపును గుర్తించి.. పిల్లను తల్లి దగ్గరకు చేర్చారు. తన బిడ్డను చూసిన తల్లి ఏనుగు నీటిలోకి వచ్చి దానికి పాలు ఇచ్చింది.ప్రస్తుతం ఏనుగు పిల్ల, తల్లి రెండింటినీ అటవీశాఖ అధికారులు గుంపుతో కలిసి పర్యవేక్షిస్తున్నారు. సకాలంలో స్పందించి ఏనుగు పిల్ల ప్రాణాలను కాపాడిన మత్స్యకారులపై ప్రశంసలు వెల్లువెత్తుతున్నాయి.Humanity. ❤️Fishermen rescue elephant calf from Teesta River in Gajoldoba, reunite it with mother. pic.twitter.com/uQL4EEW32L— Mayukh Biswas (@MayukhDuke) September 21, 2026

తమిళనాడులోని ప్రభుత్వ విద్యార్థుల హాస్టళ్ల మెనూలో బీఫ్‌ను చేర్చే అంశం చర్చకు వచ్చింది. కొందరు విద్యార్థులు బీఫ్‌ను మెనూలో చేర్చాలని కోరడంతో విజయ్‌ సర్కార్‌ స్పందించింది. సంబంధిత అధికారులతో చర్చించిన తర్వాత నిర్ణయం తీసుకుంటామని సామాజిక న్యాయశాఖ మంత్రి వన్నీ అరసు తెలిపారు. ఈ క్రమంలో తీవ్ర అభ్యంతరాలు వ్యక్తం అవుతున్నాయి.చెన్నైలోని సైదాపేటలో ఉన్న ఎం.సి. రాజా సోషల్‌ జస్టిస్‌ హాస్టల్‌ను మంత్రి వన్నీ అరసు తాజాగా పరిశీలించారు. అనంతరం మీడియాతో మాట్లాడుతూ హాస్టళ్లలో విద్యార్థుల అభిప్రాయాలకు అనుగుణంగా మెనూలో మార్పులు చేస్తున్నట్లు చెప్పారు. ప్రస్తుతం హాస్టళ్లలో చికెన్‌, మటన్‌ వంటి నాన్‌వెజ్‌ వంటకాలు అందిస్తున్నామని.. సోమవారాల్లో బిర్యానీ కూడా అందించనున్నట్లు తెలిపారు.మటన్‌ ఖరీదు.. బీఫ్‌ కోరిన విద్యార్థులుగ్రామీణ ప్రాంతాల నుంచి వచ్చిన కొందరు విద్యార్థులు మటన్‌ ధర ఎక్కువగా ఉండటంతో తాము తరచూ తినలేమని చెప్పి.. దాని స్థానంలో బీఫ్‌ను మెనూలో చేర్చాలని కోరినట్లు మంత్రి వివరించారు. అలాగే విద్యార్థుల ఫీడ్‌బ్యాక్‌ ఆధారంగా హాస్టల్‌ మెనూను దశలవారీగా మారుస్తున్నామని మంత్రి తెలిపారు. గతంలో మెనూలో ఉన్న ఉప్మా, సెమియా కిచిడీ వంటి కొన్ని వంటకాలను తొలగించి.. ఇడ్లీ, దోస వంటి అల్పాహారాలను చేర్చినట్లు చెప్పారు.తీవ్రంగా వ్యతిరేకించిన కృష్ణసామిబీఫ్‌ను హాస్టల్‌ మెనూలో చేర్చే అంశాన్ని పరిగణనలోకి తీసుకోవడంపై పలువురు అభ్యంతరాలు వ్యక్తం చేశారు. పుత్తియా తమిళగం పార్టీ అధ్యక్షుడు డాక్టర్‌ కే. కృష్ణసామి అభ్యంతరం వ్యక్తం చేశారు. మంత్రి తన వ్యాఖ్యలను వెంటనే ఉపసంహరించుకోవాలని డిమాండ్‌ చేశారు. హాస్టల్‌ విద్యార్థులకు ప్రొటీన్లు, విటమిన్లు, ఖనిజాలు, కొవ్వులు వంటి పోషకాలు సమతుల్యంగా అందేలా ఆహార మెనూ ఉండాలని ఆయన పేర్కొన్నారు.తమిళనాడు ప్రభుత్వ హాస్టళ్లలో రోజూ గుడ్లు, వారానికి కనీసం రెండుసార్లు చికెన్‌, మటన్‌ అందించాలని తాను కోరుతున్నట్లు కృష్ణసామి తెలిపారు. బీఫ్‌ విషయంలో మంత్రి చేసిన వ్యాఖ్యలు తగవని, ఈ అంశాన్ని ముందుకు తీసుకెళ్లకూడదని ఆయన కోరారు. అయితే వివాదం నేపథ్యంలో మంత్రి మంత్రి వన్నీ అరసు మరోసారి స్పందించారు. ఈ అంశం పరిశీలనలో మాత్రమే ఉందని అన్నారాయన. హాస్టళ్లలోని విద్యార్థులందరి అభిప్రాయాలు ఒకేలా లేవని, అందుకే అధికారులతో చర్చించిన తర్వాతే నిర్ణయం తీసుకుంటామని చెప్పారు.ఇదీ చదవండి: నాకింత విషమిచ్చి చంపేయండి.. జడ్జి ముందు నటి కన్నీరు

న్యూఢిల్లీ: ప్రధాని నరేంద్ర మోదీ డిసెంబరులో అమెరికా పర్యటనకు వెళ్లనున్నారు. ఫ్లోరిడాలో డిసెంబరు 14, 15 తేదీల్లో జరగనున్న జీ20 శిఖరాగ్ర సమావేశంలో మోదీ పాల్గొననున్నారని అధికారిక వర్గాలు తెలిపాయి. ఈ సందర్భంగా ప్రధాని అమెరికా అధ్యక్షుడు డొనాల్డ్ ట్రంప్‌తో ద్వైపాక్షిక భేటీ జరిపే అవకాశం ఉన్నట్లు సమాచారం. ఫ్లోరిడాలోని ట్రంప్ నేషనల్ డోరల్ మియామి రిసార్ట్‌లో జీ20 సమావేశం జరగనుంది. అయితే మోదీ పర్యటనపై కేంద్ర ప్రభుత్వం ఇప్పటివరకు అధికారిక ప్రకటన చేయలేదు. సాధారణంగా ఇలాంటి పర్యటనల వివరాలను ప్రభుత్వం పర్యటన ఖరారయ్యాక అధికారికంగా వెల్లడిస్తుంది.ప్రస్తుతం భారత్-అమెరికా మధ్య వాణిజ్యం, రక్షణ, ఇంధనం, సాంకేతికత తదితర రంగాల్లో చర్చలు కొనసాగుతున్నాయి. రష్యా నుంచి భారత్ చమురు కొనుగోలు చేస్తున్న నేపథ్యంలో భారత దిగుమతులపై 100 శాతం సుంకం విధిస్తామన్న ట్రంప్ హెచ్చరికల నేపథ్యంలో మోదీ-ట్రంప్ భేటీకి ప్రాధాన్యత ఏర్పడింది. అమెరికాలో భారత రాయబారి సెర్గియో గోర్ ఇటీవల మాట్లాడుతూ.. జీ20 సందర్భంగా ట్రంప్ కలవాలనుకునే ముఖ్య నేతల్లో మోదీ కూడా ఉంటారని అన్నారు. గత జూన్‌లో ఫ్రాన్స్‌లో జరిగిన జీ7 సదస్సు సందర్భంగా మోదీ, ట్రంప్ చివరిసారిగా సమావేశమయ్యారు. ఆ సమయంలో వాణిజ్యం, రక్షణ, ఇంధనం, సాంకేతిక రంగాల్లో ద్వైపాక్షిక సహకారంపై చర్చించారు.భారత్-అమెరికా మధ్య ద్వైపాక్షిక వాణిజ్యం ప్రస్తుతం సుమారు 240 బిలియన్ డాలర్లుగా ఉందని అమెరికా అధికారులు చెబుతున్నారు. రాబోయే సంవత్సరాల్లో దీనిని 500 బిలియన్ డాలర్లకు పెంచాలనే లక్ష్యంతో ఇరు దేశాలు పనిచేస్తున్నాయి. విస్తృత ద్వైపాక్షిక వాణిజ్య ఒప్పందంపై కూడా చర్చలు కొనసాగుతున్నాయి. ఇదే జీ20 సదస్సు సందర్భంగా భారత్, అమెరికా, జపాన్, ఆస్ట్రేలియాతో కూడిన క్వాడ్ దేశాల నేతల సమావేశం కూడా జరిగే అవకాశం ఉంది. కృత్రిమ మేధ, కీలక ఖనిజాలు, అభివృద్ధి చెందుతున్న సాంకేతికతలు, విపత్తు సహాయం వంటి అంశాలపై క్వాడ్ సహకారాన్ని మరింత బలోపేతం చేయడంపై చర్చలు జరిగే అవకాశం ఉంది. అమెరికా పర్యటన అనంతరం మోదీ కెనడాలో కూడా ద్వైపాక్షిక పర్యటన చేసే అవకాశం ఉందని దౌత్య వర్గాలు తెలిపాయి. ఇదీ చదవండి: షాకిస్తున్న దాల్‌ సరస్సు.. ఏవీ నాటి అందాలు?

బెంగళూరు: హాసన్‌లో ఓ వివాహిత ఇంటి నుంచి వెళ్లిపోవడం స్థానికంగా చర్చనీయాంశంగా మారింది. అనైతిక సంబంధాల కారణంగా కుటుంబాల్లో వివాదాలు పెరుగుతున్నాయనే చర్చ జరుగుతున్న నేపథ్యంలో ఈ ఘటన వెలుగులోకి వచ్చింది. రాజశేఖర్, ప్రియాంక దంపతులు హాసన్‌లో నివాసం ఉంటున్నారు. ఇటీవల ప్రియాంక ఇంటి నుంచి వెళ్లిపోయింది. దీంతో ఆందోళనకు గురైన భర్త రాజశేఖర్ ఆమె కోసం వెతకడం ప్రారంభించాడు. ఈ క్రమంలో ప్రియాంక గతంలోనే మరో వ్యక్తిని వివాహం చేసుకుందని, ఆ విషయాన్ని తనకు చెప్పకుండా తనతో మళ్లీ పెళ్లి చేశారని ఆరోపించాడు.ప్రియాంక తన మొదటి భర్తను వదిలేసి తన వద్దకు వచ్చిందని, ఇప్పుడు మళ్లీ అతని వద్దకే వెళ్లి ఉంటుందనే అనుమానం వ్యక్తం చేశాడు. తనను, తన కుటుంబాన్ని మోసం చేశారని రాజశేఖర్ ఆవేదన వ్యక్తం చేశాడు. ఈ విషయం తెలుసుకున్న రాజశేఖర్ కుటుంబ సభ్యులు ప్రియాంక తల్లిదండ్రులను ప్రశ్నించారు. తమకు వాస్తవాలు దాచిపెట్టి పెళ్లి చేశారంటూ ఇరు కుటుంబాల మధ్య వాగ్వాదం జరిగినట్లు సమాచారం. ఘటనపై పూర్తి వివరాలు తెలియాల్సి ఉంది.కుమార్తెను ప్రేమించాడని.. చంపేశారు దొడ్డబళ్లాపురం: కుమార్తెను ప్రేమిస్తున్న యువకున్ని ఆమె తల్లితండ్రులు హత్య చేసిన ఘటన దావణగెరె జిల్లా మొళకాల్మూరు తాలూకా తళవారహళ్లిలో వెలుగుచూసింది. వివరాల మేరకు.. హానగల్‌ గ్రామానికి చెందిన నాగేశ్‌ (22), పొరుగూరు రుద్రమ్మనహళ్లికి చెందిన యువతి, రెండేళ్లుగా ప్రేమలో ఉన్నారు. తమ కూతురి జోలికి రావద్దని యువతి తల్లిదండ్రులు అనేకసార్లు నాగేశ్‌ను హెచ్చరించినా మార్పు రాలేదు. ఆగ్రహానికి లోనైన యువతి తల్లిదండ్రులు మాట్లాడాలని నాగేశ్‌ని తళవారహళ్లి వద్ద నిర్జన ప్రదేశానికి పిలిపించారు. అక్కడ రాళ్లు, కత్తులతో హత్య చేసి పరారయ్యారు. 2 రోజుల కిందట జరిగిన హత్య మంగళవారం బయటపడింది. మొళకాల్మూరు పోలీసులు దర్యాప్తు చేపట్టారు, ఇంతలోనే నిందితులు ఊరు వదిలి పరారయ్యారు.

ముంబై/రాయ్‌పూర్‌: వినాయక చవితి వేడుకల్లో గణపయ్యలు ఒక్కో చోట ఒక్కో ప్రత్యేకతను సంతరించుకుని అలరిస్తున్నారు. ముంబైలోని మాతుంగా మార్కెట్‌లో గణపతికి ఏకంగా 250 కిలోల వివిధ రకాల పూలతో ప్రత్యేక అలంకరణలు చేశారు. ఈ పూల అలంకరణల కోసం ఈ 12 రోజులకు సుమారు రూ.10 లక్షలు ఖర్చవుతుండగా.. మొత్తం ఉత్సవాల నిర్వహణకు రూ.25 లక్షలకు పైగా వ్యయం అవుతోంది. తమిళనాడులోని సేలం జిల్లా నుంచి ఆలయ అలంకరణల్లో నైపుణ్యం కలిగిన ఆరుగురు డెకరేటర్లను ప్రత్యేకంగా రప్పించారు.ఇక ఛత్తీస్‌గఢ్‌లోని రాయ్‌పూర్‌లోని బజరంగ్‌ చౌక్‌లో ఏర్పాటు చేసిన ‘సిక్కే వాలే గణేశ్‌’ మరో ప్రత్యేక ఆకర్షణగా నిలిచింది. శివ శక్తి యువ సమితి ఆధ్వర్యంలో ఏర్పాటు చేసిన ఈ గణపతి విగ్రహాన్ని ఏకంగా 50 వేల భారతీయ నాణేలతో అలంకరించారు. రూ.1 నుంచి రూ.20 వరకు గల నాణేలను విగ్రహంలోని వివిధ భాగాల్లో ప్రత్యేక నమూనాల్లో అమర్చారు. దూరం నుంచి చూస్తే మెరుపులతో కనిపించే ఈ విగ్రహాన్ని దగ్గరగా పరిశీలిస్తే వేలాది నాణేలు కనిపిస్తాయి.మాతుంగా గణపతి అలంకరణలో ఒక్కో రకమైన పూల ధర కిలోకు సుమారు రూ.250 వరకు ఉందని స్థానికులు తెలిపారు. గణేశోత్సవాల సందర్భంగా నాలుగు దశల్లో పూల అలంకరణలను మార్చనున్నారు. ఈ ప్రత్యేక అలంకరణలు, నాణేలతో చేసిన గణపతి విగ్రహాలను చూసేందుకు భక్తులు, సందర్శకులు పెద్ద సంఖ్యలో తరలివస్తున్నారు. దీంతో ముంబైలో పూల గణపతి.. రాయ్‌పూర్‌లో నాణేల గణపతిగా ఈ రెండు విగ్రహాలు ప్రత్యేక ఆకర్షణగా మారాయి.ఇదీ చదవండి: షాకిస్తున్న దాల్‌ సరస్సు.. ఏవీ నాటి అందాలు?

అప్పటికే నలుగురి ప్రాణాలు పోయాయి.. ఇంట్లో ముగ్గురు చిన్నారులు బందీలుగా ఉన్నారు. బయట భారీగా పోలీసులు మోహరించగా.. లోపల ఏం జరుగుతోందో తెలియని పరిస్థితి. దాదాపు ఎనిమిది గంటల పాటు సాగిన ఈ హైడ్రామాకు చివరికి పోలీసులు చేపట్టిన ఆపరేషన్‌తో తెరపడింది.ఉత్తరప్రదేశ్‌లోని ఆజంగఢ్‌ జిల్లాలో దారుణ ఘటన చోటుచేసుకుంది. ఓ వ్యక్తి తన భార్య, కొడుకుతో పాటు ఇద్దరు పూజారుల్ని కాల్చి చంపాడు. ఆపై తన ముగ్గురు పిల్లలనే ఇంట్లోనే బంధీలుగా చేసుకుని పోలీసులకు చుక్కలు చూపించాడు. సుమారు ఎనిమిది గంటల పాటు హైడ్రామా కొనసాగగా.. పోలీసులు ఆపరేషన్‌ చేపట్టి నిందితుడిని ఎన్‌కౌంటర్‌ చేశారు.ఆజంగఢ్‌లోని అహ్రౌలా పోలీస్‌స్టేషన్‌ పరిధి శంభూపూర్‌ గ్రామంలో ఈ ఘటన జరిగింది. అరవింద్‌ సింగ్‌ తుపాకీతో కాల్పులు జరిపి తన భార్యతో పాటు మరో ఇద్దరిని హత్య చేసినట్లు సమాచారం అందడంతో పోలీసులు, ఉన్నతాధికారులు వెంటనే అక్కడికి చేరుకున్నారు. ఘటనా స్థలానికి భారీగా పోలీసు బలగాలతో పాటు ఫోరెన్సిక్‌ బృందాన్ని తరలించారు.ఇంట్లో పిల్లలు బందీలుకాల్పుల అనంతరం అరవింద్‌ సింగ్‌ తన పిల్లలను ఇంట్లో బందీలుగా ఉంచినట్లు పోలీసులు గుర్తించారు. పరిస్థితి అత్యంత ఉద్రిక్తంగా మారడంతో పోలీసులు ఆచితూచి ఆపరేషన్‌ చేపట్టారు. దాదాపు ఎనిమిది గంటల పాటు కొనసాగిన ఉత్కంఠ.. చివరకు కాల్పులతో ముగిసింది. పోలీసుల చర్యలో ముగ్గురు పిల్లలను సురక్షితంగా బయటకు తీసుకువచ్చారు.పోలీసుల కాల్పుల్లోనే..పిల్లలను రక్షించే క్రమంలో పోలీసులు జరిపిన కాల్పుల్లో అరవింద్‌ సింగ్‌ మృతి చెందినట్లు అధికారులు వెల్లడించారు. ఘటనకు సంబంధించి పూర్తి వివరాలను సేకరిస్తున్నారు. నిందితుడు ఉపయోగించిన ఆయుధం, హత్యలకు దారితీసిన కారణాలు, మృతుల మధ్య సంబంధాలపై దర్యాప్తు కొనసాగుతోంది.ఫోరెన్సిక్‌ ఆధారాల సేకరణఘటనపై సమాచారం అందుకున్న వెంటనే సీనియర్‌ పోలీసు అధికారులు సంఘటనా స్థలాన్ని పరిశీలించారు. అక్కడ ఆధారాలను సేకరించేందుకు ఫోరెన్సిక్‌ బృందం రంగంలోకి దిగింది. కేసులో తదుపరి చట్టపరమైన చర్యలు కొనసాగుతున్నాయని ఆజంగఢ్‌ సీనియర్‌ సూపరింటెండెంట్‌ ఆఫ్‌ పోలీస్‌ డాక్టర్‌ అనిల్‌ కుమార్‌ తెలిపారు.ఇదీ చదవండి: ఎయిర్‌ హోస్టెస్‌ ట్రైనింగ్‌ తీసుకుంది.. చివరకు!

శ్రీనగర్‌: కశ్మీర్ అందాలకు ప్రతీకగా నిలిచిన శ్రీనగర్‌లోని ప్రసిద్ధ దాల్ సరస్సు ఇప్పుడు తీవ్ర పర్యావరణ సమస్యలతో సతమతమవుతోంది. ఒకప్పుడు బాలీవుడ్ సినిమాలు, పాటల్లో అద్భుతంగా కనిపించిన ఈ దాల్‌ సరస్సు ఇప్పుడు మురుగునీరు, చెత్త, కలుపు మొక్కలతో నిండిపోయి ద‍ర్శనమిస్తోంది. ఒక అధ్యయనం ప్రకారం శ్రీనగర్‌లో రోజూ ఉత్పత్తయ్యే సుమారు 201 మిలియన్ లీటర్ల మురుగునీటిలో 73 శాతం శుద్ధి కాకుండానే ఈ జల వనరుల్లోకి చేరుతోంది. రోజూ 147 మిలియన్ లీటర్ల మురుగు?దాల్ సరస్సు, జీలం నది శ్రీనగర్‌తో పాటు మొత్తం కశ్మీర్‌కు కీలకమైన జల వనరులు. అయితే గత కొన్ని దశాబ్దాలుగా పెరిగిన జనాభా, ఆక్రమణలు, చెత్త, మురుగునీరు, డ్రైనేజీ వ్యవస్థలో లోపాలు వీటిని కాలుష్యం బారిన పడేలా చేస్తున్నాయి. ముఖ్యంగా శుద్ధి చేయని మురుగునీరు సరస్సులోకి చేరడం ఆందోళన కలిగిస్తోంది. నగరంలో ప్రతిరోజూ ఉత్పత్తయ్యే 201 మిలియన్ లీటర్ల మురుగునీటిలో 73 శాతం శుద్ధి కావడం లేదు. ఫలితంగా దాదాపు 147 మిలియన్ లీటర్ల మురుగునీరు ప్రతిరోజూ దాల్, జీలం నదికి చేరుతోంది.మురుగు ఒక్కటే కారణం కాదు..దాల్ సరస్సు పరిస్థితి దిగజారడానికి మురుగునీటితో పాటు చెత్త, ఆక్రమణలు, భవన నిర్మాణాలు, లోపభూయిష్ట డ్రైనేజీ వ్యవస్థ, నీటి సహజ ప్రవాహానికి ఏర్పడుతున్న అడ్డంకులని స్థానికులు, కార్యకర్తలు చెబుతున్నారు. దాల్ గేట్, సహజ కాలువలు వంటి నీటి ప్రవాహ మార్గాల్లో అడ్డంకులు ఏర్పడటంతో సరస్సులోని నీరు సరిగా బయటకు వెళ్లలేకపోతోందని వారు అంటున్నారు. దీంతో నీటి ప్రవాహం మందగించి, మురికి పేరుకుపోయే పరిస్థితి ఏర్పడుతోంది. సరస్సు చుట్టుపక్కల జరుగుతున్న నిర్మాణాలు, నూతన రహదారులపైనా స్థానికులు ఆందోళన వ్యక్తం చేస్తున్నారు.కమలాల స్థానంలో కలుపు మొక్కలుస్థానికుడు ఇజాజ్ అహ్మద్ మాట్లాడుతూ తన చిన్నతనంలో ప్రజలు దాల్ సరస్సు నీటితో వుజూ చేసుకుని నమాజ్ చేసేవారని గుర్తుచేశారు. ఇప్పుడు నీటి నుంచి దుర్వాసన వస్తోందని, దాన్ని తాకడం కూడా ఇబ్బందిగా మారిందని చెప్పారు. గతంలో సరస్సులో పసుపు, తెలుపు రంగుల కమల పుష్పాలు కనిపించేవని, ఇప్పుడు సరస్సులోని పలు చోట్ల దట్టమైన కలుపు మొక్కలు కనిపిస్తున్నాయన్నారు. మరో స్థానికుడు అబ్దుల్ రజాక్ కూడా గతంలోని దాల్ లేక్‌తో పోలిస్తే ఇప్పుడు పరిస్థితి పూర్తిగా మారిపోయిందన్నారు.ఉపాధిపైనా ప్రభావందాల్ లేక్ కశ్మీర్ పర్యాటక రంగానికి ముఖ్యమైన గుర్తింపు. ఈ సరస్సు అందాలు.. దేశ, విదేశీ పర్యాటకులను ఆకర్షిస్తుంటాయి. అయితే సరస్సు పరిస్థితి ఇలాగే కొనసాగితే పర్యాటకుల రాక తగ్గే అవకాశం ఉందని స్థానికులు ఆందోళన వ్యక్తం చేస్తున్నారు. ఫలితంగా పర్యాటక రంగంపై ఆధారపడిన వారి జీవనోపాధిపైనా ప్రభావం పడవచ్చంటున్నారు. మరోవైపు ప్రతి సంవత్సరం సరస్సు శుభ్రత కోసం యంత్రాలను ఏర్పాటు చేస్తున్నప్పటికీ అవి కొంతకాలానికే ఒడ్డున నిలిచిపోతున్నాయని ఓ స్థానికుడు తెలిపారు.‘ఫొటోలు కాదు.. మురుగు ఆపాలి’దాల్‌ సరస్సు పరిరక్షణకు సంబంధించిన కార్యకర్త తారిఖ్ పత్లూ తెలిపిన వివరాల ప్రకారం కాగితాలపై ప్రణాళికలు రూపొందించడం లేదా అరకొరగా శుభ్రత కార్యక్రమాలు చేపట్టడం సరిపోదు. ఇంజినీరింగ్ లోపాలు, శిక్షణ పొందిన సిబ్బంది కొరత, కొన్ని విధానపరమైన సమస్యలు కూడా సరస్సును ప్రభావితం చేస్తున్నాయని ఆయన పేర్కొన్నారు. శ్రీనగర్‌లోని సుమారు 80 పంప్ స్టేషన్లను ప్రస్తావిస్తూ, వాటి ద్వారా శుద్ధి చేయని మురుగునీరు సరస్సులు, నదుల్లోకి చేరుతున్నట్లు ఆయన ఆరోపించారు. ఈ డీవాటరింగ్ పంప్ స్టేషన్లను మురుగునీటి శుద్ధి కేంద్రాలుగా (ఎస్టీపీ) మార్చాలని సూచించారు. కాలుష్యం వల్ల జల జీవావరణం కూడా ప్రభావితమవుతోందని ఆయన అన్నారు.ప్రభుత్వం ఏం చేస్తోంది? పరిష్కారం ఏంటి?వాతావరణ నిపుణుడు డాక్టర్ తౌసీఫ్ భట్ మాట్లాడుతూ దాల్ లేక్, జీలం నదిని కేవలం నీటి వనరులుగా కాకుండా కశ్మీర్ జీవనాధారం, ఆర్థిక వ్యవస్థ, గుర్తింపుతో ముడిపడిన వనరులుగా చూడాలని అన్నారు. శ్రీనగర్‌లో ఒక్కొక్కరు రోజుకు సుమారు 120 నుంచి 150 లీటర్ల నీటిని వినియోగిస్తారని, నగరంలోని కొన్ని ప్రాంతాల్లో ఇప్పటికీ మురుగునీటి కనెక్షన్ల సమస్య ఉందని తెలిపారు. నిపుణుల సూచనల ప్రకారం సరస్సు నుంచి కలుపు, బురద తొలగించడమే కాకుండా ముందుగా శుద్ధి చేయని మురుగునీరు సరస్సులోకి చేరకుండా చూడటం, అవసరమైన ప్రాంతాల్లో ఎస్టీపీలు ఏర్పాటు చేయడం, పాత ఎస్టీపీల సామర్థ్యాన్ని పెంచడం, పంప్ స్టేషన్లను సమీక్షించడం, సహజ నీటి ప్రవాహ మార్గాలను పునరుద్ధరించడం, చెత్త వేయకుండా కఠిన చర్యలు తీసుకోవడం తక్షణం చేపట్టాల్సి ఉంది.ఇదీ చదవండి: చాట్‌జీపీటీ, జెమినీలను వణికిస్తున్న ‘జేవ్‌ ఏఐ’!

బెంగళూరు: ‘నా బ్యారక్‌లో నైజీరియా మహిళా ఖైదీలు నన్ను హింసిస్తున్నారు. వారు నన్ను చంపేస్తామని చెబుతున్నారు’ అని నటి పవిత్రగౌడ జడ్జి ముందు విలపించింది. చిత్రదుర్గ రేణుకాస్వామి హత్యకేసులో పరప్పన జైల్లో ఉన్న ఆమె బెయిలు కోసం బెంగళూరు 59 సీసీహెచ్‌ కోర్టులో పిటిషన్‌ వేశారు. మంగళవారం వీడియో కాన్ఫరెన్స్‌ ద్వారా విచారణ జరిగింది. పవిత్రగౌడ విలపిస్తూ గోడును వెళ్లబోసుకుంది. తన బ్యారక్‌లో నైజీరియా మహిళా నిందితులు ఉన్నారని, గతంలో వేధిస్తున్నారని జైలు అధికారులకు ఫిర్యాదు చేశానని తెలిసి మరింత సతాయిస్తున్నారని, హత్య చేస్తామని బెదిరిస్తున్నారని పవిత్ర రోదించింది. తనకు చనిపోవాలని ఉందని, విషం కావాలని విలపిస్తూ చెప్పిందని ఆమె న్యాయవాదులు తెలిపారు. హైకోర్టుకు దర్శన్‌ భార్య రేణుకాస్వామి హత్యకేసులో అప్రూవర్‌గా మారతానని ప్రకటించిన ప్రదోశ్‌కు వ్యతిరేకంగా రెండో నిందితుడు, నటుడు దర్శన్‌ భార్య విజయలక్ష్మి మళ్లీ హైకోర్టులో పిటిషన్‌ దాఖలు చేశారు. అతడు దర్శన్‌కు శత్రువని, స్వార్థం కోసం అప్రూవర్‌ అవుతున్నాడని, అనుమతించరాదని కోరారు.

సాక్షి, న్యూఢిల్లీ: ‘రక్షణ కల్పించాల్సిన పోలీసుల తీరు ఇలా ఉంటే.. సామాన్య మహిళలు న్యాయం కోసం పోలీసు స్టేషన్‌కు వెళ్లేందుకు ఎలా సాహసిస్తారు?‘అంటూ దేశ సర్వోన్నత న్యాయస్థానం తీవ్ర ఆందోళన వ్యక్తం చేసింది. మహిళను వేధించిన కేసులో ఆరోపణలు ఎదుర్కొంటున్న జూబ్లీహిల్స్‌ మాజీ సీఐ యు.శ్రీనివాసులు రెడ్డి వ్యవహారంపై సుప్రీంకోర్టు తీవ్రంగా స్పందించింది. తదుపరి విచారణ ముగిసే వరకు పిటిషనర్‌ను అరెస్ట్‌ చేయొద్దని పోలీసులను ఆదేశించింది. అయితే, కేసు దర్యాప్తునకు ఆయన పూర్తిగా సహకరించాలని షరతు విధించింది. ఈ వ్యవహారంపై తెలంగాణ ప్రభుత్వానికి, బాధితురాలికి (రెండో ప్రతివాది) నోటీసులు జారీ చేస్తూ, తదుపరి విచారణను నవంబర్‌ 30కి వాయి­దా వేసింది. కుటుంబ వివాదాల నేపథ్యంలో 2021లో తనను ఆశ్ర­యించి­న ఓ వివాహితను అప్పటి జూబ్లీహిల్స్‌ సీఐ శ్రీనివాసులు రెడ్డి నమ్మించి లోబరుచుకున్నాడనేది ప్రధాన ఆరోపణ. ఆమెను బెదిరించి లైంగికంగా వేధించడంతోపాటు రూ.1.80 కోట్లు వసూలు చేశా­డని బాధితురాలు పోలీసులకు ఫిర్యాదు చేసింది. భౌతికంగా దాడి చేయడమే కాకుండా, బలవంతంగా అబార్షన్‌ చేయించాడని ఆరోపించింది. స్థానికంగా కేసు నమోదు కాకపోవడంతో ఆమె డీజీపీని ఆశ్రయించగా కేసు నమోదైంది. ఈ కేసులో ముందస్తు బెయిల్‌ కోసం హైకోర్టు­ను ఆశ్రయించి భంగపడ్డ ఆయన సుప్రీంకోర్టులో పిటిషన్‌ దాఖలు చేశారు. ఈ పిటిషన్‌ను జస్టిస్‌ బీవీ నాగరత్న, జస్టిస్‌ ఆర్‌.మహదేవన్‌లతో కూడిన ధర్మాసనం విచారించింది. లైంగిక దాడి జరగలేదు: సీఐ తరఫు న్యాయవాది శ్రీనివాసులు రెడ్డి తరఫున సీనియర్‌ న్యాయవాది దామా శేషాద్రి నాయుడు వాదనలు వినిపిస్తూ.. ఇదొక ఆర్థిక లావాదేవీల వివాదమని, బాధితురాలు ఆరోపిస్తున్నట్లుగా ఎలాంటి లైంగిక దాడి జరగలేదని విన్నవించారు. ఐదేళ్లుగా వారిద్దరి మధ్య సాన్నిహిత్యం ఉందని, పరస్పర అంగీకారంతోనే ఇద్దరూ కలిసి పర్యటనలకు వెళ్లారని తెలిపారు. బాధితురాలి తరఫు న్యాయవాది వాదిస్తూ.. సీఐ తన హోదాను అడ్డుపెట్టుకుని ఆ మహిళను తీవ్రంగా వేధించాడని, ఇది పరస్పర అంగీకారంతో జరిగిన వ్యవహారం కాదని స్పష్టం చేశారు. నిందితుడు అజ్ఞాతంలోకి వెళ్లాడని కోర్టు దృష్టికి తీసుకెళ్లారు.

సాక్షి, స్పెషల్‌ డెస్క్‌: మానవాళి మనుగడకు అత్యంత కీలకమైన భూగ్రహ సహజ రక్షణ వ్యవస్థలు చరిత్రలోనే ఎన్నడూ లేనంత ప్రమాదకర స్థాయికి దిగజారాయని పర్యావరణ శాస్త్రవేత్తలు తీవ్ర ఆందోళన వ్యక్తం చేశారు. భూమిపై జీవం సురక్షితంగా వర్ధిల్లడానికి నిర్దేశించిన తొమ్మిది ప్రాకృతిక భూగ్రహ పరామితుల్లో ఇప్పటికే ఏడు పరామితులు సురక్షిత పరిధిని గతేడాదే దాటేశాయని.. ఈ ఏడాది పర్యావరణ విధ్వంసం మరింత పెరిగి ఇవి అధిక ప్రమాదకర రేఖకు అతిచేరువగా జరిగాయని ప్లానెటరీ హెల్త్‌ చెక్‌–2026 వార్షిక నివేదిక వెల్లడించింది.జర్మనీలోని పాట్స్‌డామ్‌ ఇన్‌స్టిట్యూట్ ఫర్‌ క్‌లైమేట్‌ ఇంపాక్ట్‌ రీసెర్చ్‌ (పీఐకే) ఆధ్వర్యంలోని 60 మంది అంతర్జాతీయ శాస్త్రవేత్తల బృందం ఈ నివేదికను రూపొందించింది. న్యూయార్క్‌లో జరుగుతున్న క్లైమేట్‌ వీక్‌ వేదికగా తాజాగా విడుదలైన ఈ నివేదికలో కర్బన నిల్వలు, మానవ నిర్మిత నూతన రసాయన పదార్థాల ముప్పును ప్రత్యేకంగా ప్రస్తావించింది. బలహీనపడుతున్న కార్బన్‌ సింక్‌లు మానవ తప్పిదాల వల్ల వాతావరణంలోకి వెలువడే కర్బన ఉద్గారాలను పీల్చుకుంటూ భూమిని కాపాడుతున్న అడవులు, చిత్తడి నేలలు, సముద్రాల శోషణ సామర్థ్యం వేగంగా క్షీణిస్తోందని నివేదిక స్పష్టం చేసింది. ఇంతకాలం సహజ రక్షణ కవచాలుగా నిలిచిన ఈ కర్బన నిల్వల సామర్థ్యాన్ని మనం వాస్తవానికంటే ఎక్కువ అంచనా వేసి ఉండొచ్చని నివేదిక ప్రధాన రచయిత డా.బోరిస్‌ సాక్షెవ్‌స్కీ హెచ్చరించారు. ముఖ్యంగా భూమికి ఊపిరితిత్తులాంటి అమెజాన్‌ వర్షాధార అడవులు కోలుకోలేని స్థాయికి చేరి గడ్డి భూములుగా మారే ప్రమాదం పొంచి ఉందని నివేదిక పేర్కొంది. అదే జరిగితే అవి వాతావరణం నుంచి కర్బనాన్ని పీల్చుకుంటూ భూతాపాన్ని తగ్గించటానికి బదులుగా, భూమిలో ఉన్న కర్బనాన్ని వాతావరణంలోకి వదిలేసి భూతాపాన్ని మరింత పెంచుతాయి. రసాయన కాలుష్యంతో మునుపెన్నడూ లేని సంక్షోభం ప్లాస్టిక్‌ వంటి ప్రకృతిలో శతాబ్దాలపాటు ఉండిపోయే రసాయనాలు, సింథటిక్‌ పదార్థాల కాలుష్యం మానవాళికి పెనుసవాల్‌గా మారింది. మనుషులు తయారు చేసి వాడుతున్న లక్షలాది రకాల సరికొత్త రసాయనాలు పర్యావరణాన్ని కలుషితం చేస్తుండగా వాటి దీర్ఘకాలిక ప్రభావాలను అంచనా వేయడం కూడా అసాధ్యంగా మారుతోంది. గతంలో మానవ కాలుష్యానికి దూరంగా ఉన్నాయని భావించిన సముద్రగర్భాలు సైతం ఈ ప్రమాదకర వ్యర్థాలతో నిండిపోతున్నాయని ప్లానెట్‌ హెల్త్‌ చెక్‌ నివేదిక పేర్కొంది. ఇది సముద్ర జీవుల ఆహార గొలుసును, సమస్త జీవావరణ సమగ్రతను దెబ్బతీస్తోందని ఆందోళన వ్యక్తం చేసింది. కార్యాచరణకు ఇదే చివరి అవకాశం వాతావరణ మార్పులు, జీవావరణ క్షీణత, భూవినియోగ మార్పులు, మంచినీటి సంక్షోభం, రసాయనాల ప్రవాహం, ప్లాస్టిక్‌ కాలుష్యం, సముద్రాల ఆమ్లీకరణ అనే ఏడు రంగాలు ప్రమాదం అంచున ఉన్నాయని నివేదిక తెలిపింది. కేవలం ఓజోన్‌ పొర పరిరక్షణలోనే పురోగతి కనిపించింది. కార్పొరేట్‌ కంపెనీలు పర్యావరణ నష్టాలను దాచిపెట్టే ధోరణిని వీడాలని నిపుణులు కోరారు. పరిస్థితి విషమిస్తున్నప్పటికీ ఆశావహమైన విషయం ఏమిటంటే.. దీన్ని చక్కదిద్దే శాస్త్రీయ పరిజ్ఞానం మానవాళి వద్ద ఉందని పీఐకేకు చెందిన ప్రముఖ శాస్త్రవేత్త డాక్టర్‌ జోహన్‌ రాక్‌స్ట్రోమ్‌ స్పష్టం చేశారు. కర్బన ఉద్గారాలను తగ్గించి ప్రకృతిని పునరుద్ధరించకపోతే భవిష్యత్‌ తరాల మనుగడ ప్రశ్నార్థకంగా మారుతుందని హెచ్చరించారు.

ముంబై: ఐఐటీ బాంబే కాలేజీలో బీటెక్‌ విద్యార్థి సాహిల్‌ వకోడె ఆత్మహత్యకు పరీక్షగదిలో చాట్‌జీపీటీ ఉపయోగించడమూ పరోక్షంగా కారణమనే వాదనల నేపథ్యంలో అసలు ఆ రోజు ఏం జరిగిందని తెల్సుకునేందుకు పోలీసులు రంగంలోకి దిగారు. పరీక్షాహాల్‌లో రికార్డయిన సీసీటీవీ ఫుటేజీని స్వాధీనంచేసుకుని పరిశీలిస్తున్నారు. మొబైల్‌ను సాహిల్‌ ఎగ్జామ్‌హాల్‌లో ఉపయోగించినట్లు నమోదైందా? పరీక్షగదిలోనే విద్యారి్థని ఇన్విజిలేటర్‌ సూర్యనారాయణ ప్రశ్నించారా? అనే వివరాలపై స్పష్టతరానుంది.అయితే సాహిల్‌ను పరీక్ష గదిలో ప్రొఫెసర్‌ సూర్యనారాయణ పట్టుకున్నారని, ఎగ్జామ్‌ రాయకుండా అడ్డుకుని బయటకు తీసుకెళ్లి ప్రశ్నించినట్లు సీసీటీవీలో రికార్డయినట్లు విశ్వసనీయ వర్గాలు వెల్లడించాయి. ఆరోజు మధ్యాహ్నం 12.30 నుంచి 12.45 గంటల మధ్య రికార్డయిన ఫుటేజీలో ఈ విషయం ఉన్నట్లు తెలుస్తోంది. ప్రొఫెసర్‌ మందలింపు తర్వాత సాహిల్‌ 1.15 గంటలకు నేరుగా పవయీ హాస్టల్‌కు నడుచుకుంటూ వెళ్లి సాయంత్రం సీలింగ్‌ ఫ్యాన్‌కు ఉరేసుకుని చనిపోయాడు. ప్రొఫెసర్‌ కులం పేరుతో దూషిస్తే సాహిల్‌ కాలేజీలోని ఎస్సీ/ఎస్టీ విభాగానికి ఫిర్యాదుచేయలేదని ఐఐటీ బాంబే అధ్యాపక సంఘం అధ్యక్షుడు వెల్లడించారు. ఏడాదికాలంగా వేధిస్తున్నాడు.. ఘటనపై సాహిల్‌ తండ్రి రవీంద్ర, తల్లి సొనాలీ మంగళవారం మాట్లాడారు. ‘‘ఏడాదికాలంగా మా అబ్బాయిని ప్రొఫెసర్‌ సూర్యనారాయణ వేధిస్తున్నాడు. ఆయనది ఎక్కువ కులమని, మనది తక్కువ కులమని సూర్యనారాయణ అన్నట్లు సాహిల్‌ గతంలో నాకు చెప్పి బాధపడ్డాడు. ప్రొఫెసర్, కాలేజీ డైరెక్టర్‌ శిరీష్ లను అరెస్ట్‌చేయాలి’’అని రవీంద్ర డిమాండ్‌చేశారు. ‘‘వేధింపులే అబద్ధమనుకుంటే దళిత విద్యార్థులే ఎందుకు ఎక్కువగా ఆత్మహత్యలకు పాల్పడుతున్నారు?’’అని తల్లి సొనాలీ ప్రశ్నించారు. సీలింగ్‌ బదులు వాల్‌–మౌంటెడ్‌ ఫ్యాన్లు.. సీలింగ్‌ ఫ్యాన్‌కు సాహిల్‌ ఉరేసుకోవడంతో వాటిని ఉపయోగించకూడదని యాజ మాన్యం నిర్ణయించింది. విద్యార్థుల హాస్టళ్ల నుంచి వాటిని తొలగించే ప్రక్రియ ఆరంభించారు. వాటి స్థానంలో గోడకు బిగించే వాల్‌–మౌంటెడ్‌ ఫ్యాన్లను కొత్తవి తెప్పించారు. హాస్టల్‌తోపాటు కాలేజీ అనుబంధ భవనాల్లో వీటినే బిగించనున్నారు. ఫ్యాన్లు మార్చినంత మాత్రాన సమస్య సమసిపోదని ఎన్సీపీ(ఎస్పీ) నేత అనీశ్‌ గవాండే అసహనం వ్యక్తంచేశారు. విద్యార్థుల ఒత్తిళ్లకు కొత్త ఫ్యాన్లు సమాధానమా? అని ఆయన ప్రశ్నించారు.

సాక్షి, న్యూఢిల్లీ: వందేమాతరం పాడడానికి నిరాకరించినందుకు శిక్షించకూడదని సుప్రీంకోర్టు మంగళవారం కేంద్ర ప్రభుత్వానికి స్పష్టం చేసింది. ‘మనఃసాక్షి కారణాల’వల్ల జాతీయ గీతం పాడడానికి నిరాకరించిన పిల్లలకు రక్షణ కల్పించిన 1986 నాటి తీర్పును దృష్టిలో పెట్టుకోవాలని సూచించింది. మతపరమైన కారణాలతో జాతీయ గీతం పాడేందుకు నిరాకరించే వ్యక్తులకు క్రిమినల్‌ శిక్షలు విధించరాదని మౌఖికంగా తేల్చిచెప్పింది. జాతీయ గీతం ఏది? దాని చరణాలు ఎన్ని? వంటి అంశాలను నిర్ణయించడం కోర్టు పరిధిలో లేదని తెలిపింది. ప్రజల మనఃసాక్షికి సంబంధించిన అభ్యంతరాలను, ముఖ్యంగా మత విశ్వాసాల కారణంగా గీతాన్ని పాడలేని వ్యక్తుల హక్కులను పరిశీలిస్తామని పేర్కొంది.వందేమాతరం పూర్తి గీతాన్ని పాడడాన్ని తప్పనిసరి చేస్తూ కేంద్రం ఇటీవల జారీ చేసిన ఉత్తర్వును సవాలు చేస్తూ కర్ణాటక సంగీత విద్వాంసుడు టి.ఎం.కృష్ణ దాఖలు సుప్రీంకోర్టును ఆశ్రయించారు. పిటిషన్‌ దాఖలు చేశారు. దీనిపై ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జాయ్‌మాల్య బాగ్చి, జస్టిస్‌ వి.మోహనాతో కూడిన ధర్మాసనం మంగళవారం విచారణ చేపట్టింది. 1971 నాటి ‘ప్రివెన్షన్‌ ఆఫ్‌ ఇన్‌సల్ట్స్‌ టూ నేషనల్‌ హానర్‌ యాక్ట్‌’కు 2026లో చేసిన సవరణను సవాలు చేస్తూ ఈ పిటిషన్‌ దాఖలైంది. దీనిపై కౌంటర్‌ అఫిడవిట్‌ దాఖలు చేయాలని కేంద్రాన్ని ఆదేశిస్తూ ధర్మాసనం ఉత్తర్వులు జారీ చేసింది. ‘బిజోయ్‌ ఇమ్మాన్యుయేల్‌’ తీర్పును పాటించాలి విచారణ సందర్భంగా ధర్మాసనం కీలక వ్యాఖ్యలు చేసింది. 1986లో ‘బిజోయ్‌ ఇమ్మాన్యుయేల్‌ వర్సెస్‌ స్టేట్‌ ఆఫ్‌ కేరళ’కేసులో సుప్రీంకోర్టు ఇచ్చిన తీర్పులో మనఃస్సాక్షి కారణాలతో జాతీయ గీతాన్ని పాడని విద్యార్థుల హక్కులను రక్షించడాన్ని గుర్తుచేసింది. అదే సూత్రం ప్రస్తుత వ్యవహారంలోనూ వర్తిస్తుందని పేర్కొంది. మతపరమైన కారణాలతో వందేమాతరాన్ని పాడని వ్యక్తిపై క్రిమినల్‌ చర్యలు ఉండకూడదని వెల్లడించింది. ‘జాతీయ గీతం ఏది? ఎన్ని చరణాలు ఉండాలి? అనేది ప్రజాస్వామ్య ప్రభుత్వ పరిధిలోని అంశమని తెలియజేసింది. తమ హక్కులకు విఘాతం కలుగుతోందని భావించే వ్యక్తి లేదా మనఃసాక్షి కారణంగా జాతీయ గీతం పాడేందుకు నిరాకరించే వారిని శిక్షించకూడదని స్పష్టంచేసింది. 1986 నాటి తీర్పును పరిగణనలోకి తీసుకోవాలని ప్రభుత్వానికి సూచించింది. చివరి నాలుగు చరణాలపైనే అభ్యంతరం కృష్ణ దాఖలు చేసిన పిటిషన్‌లో ప్రధానంగా వందేమాతరంలోని చివరి నాలుగు చరణాలపై అభ్యంతరం వ్యక్తం చేశారు. ఆ చరణాల్లో దుర్గ, లక్షి్మ, సరస్వతి వంటి హిందూ దేవతల ప్రస్తావనలు ఉన్నాయని న్యాయస్థానం దృష్టికి తెచ్చారు. అలాంటి చరణాలను పౌరులు తప్పనిసరిగా పాడేలా చేయడం అంటే ఒక నిర్దిష్ట మతపరమైన లేదా భావజాలపరమైన విశ్వాసాన్ని వ్యక్తం చేయాల్సిందిగా బలవంతం చేయడమే అవుతుందని అభిప్రాయపడ్డారు. ఇది రాజ్యాంగంలోని లౌకికవాద సూత్రానికి విరుద్ధమని పేర్కొన్నారు. ‘నేషనల్‌ సాంగ్‌’ అంటే ఏమిటో చట్టంలో స్పష్టత లేదు ‘‘2026 నాటి సవరణ చట్టంలో ‘నేషనల్‌ సాంగ్‌’అంటే ఏమిటో స్పష్టంగా నిర్వచించలేదు. దీనివల్ల చట్టాన్ని దుర్వీనియోగం చేసే అవకాశం ఉంది. అలాగే కేంద్ర హోంశాఖ జారీ చేసిన మెమోరాండం గెజిట్‌లో ప్రచురించలేదు’’అని పిటిషనర్‌ కృష్ణ తరపు న్యాయవాది డాక్టర్‌ ఎస్‌.మురళీధర్‌ ధర్మాసనం దృష్టికి తీసుకొచ్చారు. వందేమాతరం విషయంలో ఇంతకాలం రెండు చరణాలకే ఉన్న సంప్రదాయాన్ని ప్రభుత్వం ఒక్కసారిగా ఆరు చరణాలకు మార్చిందని వాదించారు. దీనిపై జాతీయ స్థాయిలో ఏకాభిప్రాయం సాధించకుండా సవరణను తొందరగా తీసుకొచ్చారని పేర్కొన్నారు. ‘డిస్టర్బెన్స్‌’అనే పదం అస్పష్టం 2026 జనవరి 28, జూలై 9 తేదీల్లో కేంద్ర హోంశాఖ జారీ చేసిన ఆదేశాలను కూడా కృష్ణ సవాలు చేశారు. ఈ ఆదేశాల ప్రకారం వందేమాతరంలోని మొత్తం ఆరు చరణాలను అధికారిక వెర్షన్‌గా పేర్కొని, ప్రభుత్వ, అధికారిక, సాంస్కృతిక, వేడుకల్లో సామూహికంగా ఆలపించేందుకు మార్గదర్శకాలు ఇచ్చినట్లు తన పిటిషన్‌లో పేర్కొన్నారు. ఈ ఆదేశాలకు 2026 సవరణ చట్టంలోని శిక్షా నిబంధనలను కలిపి చూస్తే.. ఆరు చరణాలను పాడటం తప్పనిసరి చేసినట్లవుతుందని కృష్ణ వాదించారు. సవరించిన చట్టంలోని డిస్టర్బెన్స్‌ (అంతరాయం) అనే పదం స్పష్టత లేకుండా ఉందని కృష్ణ తన పిటిషన్‌లో పేర్కొన్నారు.నక్సలైట్ల ఆలోచనల ప్రకారం కాదు అమెరికా జాతీయ గీతంలో ‘ఇన్‌ గాడ్‌ వి ట్రస్ట్‌’వంటి పదాలు ఉన్నాయని జస్టిస్‌ జోయ్‌మాల్య బాగ్చి ప్రస్తావించారు. అమెరికాను సానుకూల లౌకికవాదానికి ఉదాహరణగా పేర్కొంటారని గుర్తుచేశారు. అనంతరం కేంద్ర ప్రభుత్వం తరఫున సొలిసిటర్‌ జనరల్‌ తుషార్‌ మెహతా వాదనలు వినిపించారు. పిటిషనర్‌ లేవనెత్తిన అంశాలను వ్యతిరేకించారు. ‘‘లౌకికవాదం ఇంత సంకుచితంగా ఉండకూడదు. చట్టాల రూపకల్పన అనేది రా జ్యాంగం ప్రకారమే జరుగుతుంది. నక్సలైట్ల ఆలోచనలకు అనుగుణంగా చట్టాల రూపకల్పన ఉండకూడదు’’అని వ్యాఖ్యానించారు.తుషార్‌ మెహతా వ్యాఖ్యలతో కోర్టు ప్రాంగణం ఒక్కసారిగా వేడెక్కింది. మురళీధర్‌ తీవ్ర అభ్యంతరం వ్యక్తం చేశారు. ఆ వ్యాఖ్యను ఉపసంహరించుకోవాలని తుషార్‌ మెహతాను కోరారు. ప్రభుత్వ న్యాయాధికారి అలా మాట్లాడడం సరైంది కాదన్నారు. అయితే, సొలిసిటర్‌ జనరల్‌ తన వ్యాఖ్యలను వెనక్కి తీసుకోలేదు. చట్టాన్ని గౌరవించని వారి గురించి తాను మాట్లాడనని స్పష్టం చేశారు. ‘‘నేను చెప్పినదాన్నే మళ్లీ చెప్పగలను. ఎవరైనా చట్ట ప్రకారమే నడుచుకోవాలి. నేను అన్నదానికి నాకు ఎలాంటి పశ్చాత్తాపం లేదు. అది రాజ్యాంగబద్ధమైన మార్గమని చెప్పాను.నక్సలైట్లు కోరుకునేది కాదని చెప్పాను. అందుకు నాకు ఎలాంటి విచారం లేదు’’అని సొలిసిటర్‌ జనరల్‌ అన్నారు. ఇద్దరి మధ్య వాదోపవాదనలు జరుగుతున్న సమయంలో జస్టిస్‌ సూర్యకాంత్‌ జోక్యం చేసుకున్నారు. ‘‘మనం రాజ్యాంగ వ్యాఖ్యానికి సంబంధించిన న్యాయపరమైన అంశానికే పరిమితం అవుదాం’’అని సూచించారు. ఆ తర్వాత కూడా మురళీధర్‌ తీవ్ర అభ్యంతరం వ్యక్తం చేయగా, ‘‘ఆ వ్యాఖ్య లను మేం పరిగణనలోకి తీసుకోవడం లేదు. రాజ్యాంగ అంశానికే పరిమితం అవుతున్నాం’’అని జస్టిస్‌ బాగ్చి పేర్కొన్నారు.

లక్నో: ఉత్తరప్రదేశ్‌లోని బలరాంపూర్‌లో గణేశ్‌ నిమజ్జన ఊరేగింపు సమయంలో వినిపించిన భారీ డీజే శబ్దం మధ్య ఓ పాఠశాల విద్యార్థిని (7) తరగతి గదిలో అకస్మాత్తుగా కుప్పకూలి మృతి చెందింది. అయితే, డీజే శబ్దమే బాలిక మృతికి ప్రత్యక్ష కారణమని ఇప్పటివరకు అధికారికంగా నిర్ధారించలేదు. పోలీసులు ఘటనపై దర్యాప్తు చేస్తున్నారు.బలరాంపూర్‌ నగరంలోని డివైన్‌ పబ్లిక్‌ స్కూల్‌లో రెండో తరగతి గదిలో ఈ ఘటన చోటుచేసుకుంది. బాలిక వైష్ణవి తరగతి గదిలో ఉండగా సమీప రహదారి నుంచి గణేశ్‌ నిమజ్జన ఊరేగింపు వెళ్లింది. ఆ సమయంలో డీజేను పెద్ద శబ్దంతో వినిపించినట్లు కుటుంబ సభ్యులు, స్థానికులు పేర్కొన్నారు. బాలిక అస్వస్థతకు గురై తరగతి గదిలోనే కుప్పకూలిన అనంతరం ఆసుపత్రికి తరలించగా మృతి చెందినట్లు సమాచారం.ఈ ఘటనకు సంబంధించిన సుమారు 3 నిమిషాల 2 సెకన్ల సీసీటీవీ దృశ్యాలు కూడా వెలుగులోకి వచ్చాయి. తరగతి గదిలో విద్యార్థులు కూర్చుని ఉండగా బయట నుంచి డీజే శబ్దం వినిపించింది. ఆ సమయంలో విద్యార్థులు బయట వైపు చూస్తున్న దృశ్యాలు కూడా ఉన్నాయి. అయితే ఈ దృశ్యాల ఆధారంగా డీజే శబ్దం, బాలిక మృతికి మధ్య వైద్యపరమైన ప్రత్యక్ష సంబంధాన్ని నిర్ధారించలేమని నివేదికలు స్పష్టం చేశాయి.సామాజిక మాధ్యమాల్లో ఘటనకు సంబంధించిన సమాచారం వెలుగులోకి రావడంతో పోలీసులు కేసును పరిశీలించడం ప్రారంభించారు. కుటుంబ సభ్యుల నుంచి ఇప్పటివరకు పోలీసులకు ఎలాంటి రాతపూర్వక లేదా మౌఖిక ఫిర్యాదు అందలేదని అధికారులు తెలిపారు. ప్రాంతీయ పోలీసు అధికారి ఆదేశాలతో ఘటనాస్థలం, పాఠశాల, నిమజ్జన ఊరేగింపు మార్గం, పరిసర ప్రాంతాల్లోని సీసీటీవీ దృశ్యాలను పరిశీలిస్తున్నారు.డీజే అధిక శబ్దంతో మోగించడంపై నిబంధనలు ఉల్లంఘించినట్లు దర్యాప్తులో తేలితే, సంబంధిత వ్యక్తులపై నిబంధనల ప్రకారం చర్యలు తీసుకుంటామని పోలీసులు తెలిపారు. బాలిక మృతికి కచ్చితమైన కారణం, డీజే శబ్దంతో దానికి ఏమైనా సంబంధం ఉందా? అనే అంశాలపై దర్యాప్తు పూర్తయిన తర్వాత స్పష్టత వచ్చే అవకాశం ఉంది. 🚨 BALRAMPUR, UP : A 7-year-old Class 2 student, Vaishnavi, died after suddenly falling ill at school while a Ganesh immersion procession with loud DJ music passed nearby. Police are investigating; a direct link between the DJ noise and her death is yet to be confirmed. pic.twitter.com/Y3Ez68l2VC— indiainlast24hr (@indiain24hr) September 22, 2026

గుజరాత్‌లోని సూరత్‌లో రూ.10,000 బకాయి చెల్లింపు వివాదం భారీ అగ్నిప్రమాదానికి దారితీసింది. యజమాని దుకాణానికి నిప్పుపెట్టాడు ఓ మాజీ అకౌంటెంట్‌. నిందితుడు వినోద్‌ పండిట్‌ సావాలే(33)ను సూరత్‌ క్రైమ్‌ బ్రాంచ్‌ అరెస్ట్‌ చేసింది. సెప్టెంబర్‌ 9న సరోలి ప్రాంతంలోని శ్యామ్‌ సంగిణి టెక్స్‌టైల్‌ మార్కెట్‌లో జరిగిన ఈ ఘటనలో సుమారు 14 దుకాణాలు దగ్ధమయ్యాయి. వస్త్రాలు, ఇతర వస్తువులు కలిపి దాదాపు రూ.24 కోట్ల నష్టం జరిగినట్లు పోలీసులు తెలిపారు.సావాలే 2026 ఏప్రిల్‌లో నెలకు సుమారు రూ.30,000 జీతంతో ఓ దుకాణంలో అకౌంటెంట్‌గా చేరాడు. పని విషయంలో యజమానితో విభేదాలు రావడంతో ఉద్యోగం మానేశాడు. తనకు సుమారు రూ.10,000 చెల్లించాల్సి ఉందని అతను చెప్పినట్లు పోలీసులు తెలిపారు. ఆ మొత్తంపై ఏర్పడిన వివాదంతో ఆగ్రహానికి గురై అగ్నిప్రమాదానికి పథకం వేసినట్లు దర్యాప్తులో తేలిందని పోలీసులు చెప్పారు.పోలీసులు తెలిపిన వివరాల ప్రకారం.. సావాలే తొలుత దుకాణానికి నిప్పుపెట్టేందుకు ప్రయత్నించినా విఫలమయ్యాడు. అనంతరం సుమారు రూ.150 విలువైన పెట్రోల్‌ను ప్లాస్టిక్‌ సంచి, సీసాలో తీసుకుని సెప్టెంబర్‌ 8 రాత్రి 9 గంటల సమయంలో మార్కెట్‌కు చేరుకున్నాడు. అర్ధరాత్రి 12.30 గంటల సమయంలో మార్కెట్‌ నిర్మానుష్యంగా మారిన తర్వాత ఐదో అంతస్తులోని మెట్ల సమీపం నుంచి వెళ్లి, దుకాణం బయట ఉన్న వస్త్రాల పెట్టెలు, పార్సిళ్లపై పెట్రోల్‌ పోసి నిప్పంటించినట్లు పోలీసులు తెలిపారు.తెల్ల రుమాలుతో ముఖాన్ని కప్పుకుని బ్యాగ్‌తో మార్కెట్‌లోకి వచ్చిన వ్యక్తి దృశ్యాలు సీసీటీవీలో నమోదయ్యాయి. సూరత్‌ పోలీసుల ‘విశ్వాస్‌ ప్రాజెక్ట్‌’ రెండో దశలోని 1,500కు పైగా సీసీటీవీ కెమెరాల దృశ్యాలను పరిశీలించి, అనుమానితుడి రాకపోకలను వెనుకకు, ముందుకు ట్రాక్‌ చేయడంతో సావాలేను గుర్తించారు. అగ్నిప్రమాదం వీడియో సామాజిక మాధ్యమాల్లో వైరల్‌ కావడం, కేసు నమోదైన విషయం తెలియడంతో అతను ఫోన్‌ స్విచ్ఛాఫ్‌ చేసి భార్య, బిడ్డతో సూరత్‌ నుంచి వెళ్లిపోయినట్లు పోలీసులు చెప్పారు. రాజస్థాన్‌లోని ఖాటు శ్యామ్‌ ఆలయం, ఆ తర్వాత అయోధ్యకు వెళ్లిన అతను తిరిగి సూరత్‌కు వచ్చినప్పుడు దిండోలిలోని ఫ్లవర్‌ గార్డెన్‌ సమీపంలో అరెస్టయ్యాడు.పోలీసుల అంచనా ప్రకారం నష్టం సుమారు రూ.24 కోట్లు కాగా, సూరత్‌ అదనపు పోలీస్‌ కమిషనర్‌ కరణ్‌రాజ్‌ వాఘేలా మొత్తం నష్టం దాదాపు రూ.25 కోట్లుగా పేర్కొన్నారు. పెట్రోల్‌ ఎలా సమకూర్చుకున్నాడు, ఈ ఘటన వెనుక మరెవరైనా ఉన్నారా? అనే అంశాలపై దర్యాప్తు కొనసాగుతోంది. పెట్రోల్‌ విక్రయించిన పంపు నిర్వాహకుడి పాత్రను కూడా పోలీసులు పరిశీలిస్తున్నారు.

పంజాబ్‌లో మాదకద్రవ్యాల వ్యతిరేక ప్రచారంలో భాగంగా బీజేపీ చేపట్టిన ‘నషా ముక్త్ పంజాబ్ యాత్ర’ 4 మార్గాల్లో దాదాపు 4,000 కిలోమీటర్లు సాగనుంది. రాష్ట్రంలోని మొత్తం 117 అసెంబ్లీ నియోజకవర్గాలను కవర్‌ చేసిన అనంతరం సెప్టెంబర్‌ 30న జలంధర్‌లో యాత్ర ముగియనుంది. సెప్టెంబర్‌ 18న పఠాన్‌కోట్‌లోని మాధోపూర్‌ నుంచి బీజేపీ జాతీయ అధ్యక్షుడు నితిన్‌ నబిన్‌ తొలి విడతను ప్రారంభించారు. ముగింపు కార్యక్రమానికి కేంద్ర హోంమంత్రి అమిత్‌ షా హాజరయ్యే అవకాశం ఉంది.బీజేపీకి ఈ యాత్ర కేవలం మాదకద్రవ్యాల సమస్యపై ప్రచార కార్యక్రమం మాత్రమే కాదని రాజకీయ విశ్లేషణలో పేర్కొంటున్నారు. శిరోమణి అకాలీదళ్‌తో దీర్ఘకాలిక పొత్తు 2020లో ముగిసిన తర్వాత పంజాబ్‌లో స్వతంత్రంగా విస్తరించేందుకు పార్టీ ప్రయత్నిస్తోంది. గతంలో సాధారణంగా 117 అసెంబ్లీ స్థానాల్లో 23 చోట్లే బీజేపీ పోటీ చేసేది. ఇప్పుడు మొత్తం 117 స్థానాల్లో పోటీ చేయాలని పార్టీ నాయకత్వం చెబుతోంది.గత (2022) పంజాబ్‌ అసెంబ్లీ ఎన్నికల్లో బీజేపీ 73 స్థానాల్లో పోటీ చేసి 2 స్థానాల్లో మాత్రమే గెలిచింది. రాష్ట్రవ్యాప్తంగా దాదాపు 6.6 శాతం ఓట్లు సాధించింది. 2024 లోక్‌సభ ఎన్నికల్లో మొత్తం 13 స్థానాల్లోనూ స్వతంత్రంగా పోటీ చేసి ఓట్ల వాటాను సుమారు 18.5 శాతానికి పెంచుకుంది. అయితే ఒక్క లోక్‌సభ స్థానాన్ని కూడా గెలుచుకోలేకపోయింది. 24 అసెంబ్లీ నియోజకవర్గాల్లో మాత్రం ఆధిక్యంలో నిలిచింది.సంస్థాగత బలం పెంచుకోవడం కీలకం ఈ నేపథ్యంలో గ్రామీణ ప్రాంతాల్లో పార్టీ సంస్థాగత బలం పెంచుకోవడం బీజేపీకి కీలకంగా మారింది. రాష్ట్ర అధ్యక్షుడు కేవల్‌ సింగ్‌ ధిల్లాన్‌, రాష్ట్ర ఇన్‌ఛార్జ్‌ సతీశ్‌ పూనియా మొత్తం 117 స్థానాల్లో స్వతంత్రంగా పోటీ చేసే వైఖరిని పునరుద్ఘాటించారు. జిల్లా, మండల, గ్రామ స్థాయిల వరకు బృందాలను నిర్మించడంపై ధిల్లాన్‌ దృష్టి పెట్టారు. రైతుల సంక్షేమం, పారిశ్రామిక పునరుద్ధరణ, మాదకద్రవ్యాల సమస్యను కూడా ఆయన ప్రస్తావించారు.మాధోపూర్‌లో నితిన్‌ నబిన్‌ మాదకద్రవ్యాలపై 5 అంశాల కార్యాచరణను వివరించారు. అక్రమ రవాణాదారులపై చర్యలు, అంతర్రాష్ట్ర-అంతర్జాతీయ సరఫరా మార్గాలను అడ్డుకోవడం, మాదకద్రవ్యాల ద్వారా సంపాదించిన ఆస్తుల స్వాధీనం, వైద్య-మానసిక పునరావాసం, ఉపాధ్యాయులు, వైద్యులు, మత సంస్థలు, క్రీడాకారులు, యువజన సంఘాల భాగస్వామ్యం ఇందులో ఉన్నాయి.అయితే మాదకద్రవ్యాల సమస్యపై గతంలోనూ పంజాబ్‌లో అనేక హామీలు వచ్చాయి. అధికార ఆమ్‌ఆద్మీ పార్టీ బీజేపీ ప్రచారాన్ని ప్రశ్నిస్తూ, 2007–2017 మధ్య అకాలీదళ్‌తో కలిసి బీజేపీ అధికారంలో ఉన్న విషయాన్ని ప్రస్తావిస్తోంది. సరిహద్దు దాటి జరిగే అక్రమ రవాణాపై కేంద్ర సంస్థల బాధ్యతను కూడా భగవంత్‌ మాన్‌, అరవింద్‌ కేజ్రీవాల్‌ ప్రస్తావించారు.అందువల్ల సెప్టెంబర్‌ 30తో యాత్ర ముగిసిన తర్వాత బీజేపీకి అసలు పరీక్ష మొదలుకానుంది. 4,000 కిలోమీటర్ల యాత్ర ద్వారా ఏర్పడిన రాజకీయ ఉత్సాహాన్ని 117 నియోజకవర్గాల్లో గ్రామ, బూత్‌ స్థాయి సంస్థగా ఎంతవరకు మార్చగలదన్నదే 2027 పంజాబ్‌ అసెంబ్లీ ఎన్నికల ముందు కీలకంగా మారనుంది.

సాధారణంగా చిన్నప్పుడు చాలామంది పిల్లలకు ఏదో ఒక వాహనం అంటే ఇష్టం ఉంటుంది. అలాగే.. హిమాచల్‌ప్రదేశ్‌కు చెందిన నెహా ఠాకూర్‌కు ట్రక్కులపై ఎక్కువ ఆసక్తి ఉండేది. ఆ ఆసక్తి చివరికి ఆమె కెరీర్‌గా మారింది.నెహా ఠాకూర్‌ తండ్రి ట్రక్‌ డ్రైవర్‌ కావడంతో చిన్నప్పటి నుంచే ఆమెకు ట్రక్కులతో పరిచయం ఏర్పడింది. తండ్రి ట్రక్‌లోనే స్కూల్‌కు తీసుకెళ్లేవారని, అప్పటి నుంచే ఆ వాహనం తనను ఎంతగానో ఆకర్షించేదని నెహా చెబుతుంది. తండ్రిని చూస్తూ పెరిగిన నెహాకు ఆయన కేవలం తండ్రి మాత్రమే కాదు.. తొలి రోల్‌ మోడల్‌ కూడా.ఎయిర్‌ హోస్టెస్‌గా ట్రైనింగ్అయితే.. చదువు పూర్తయ్యాక ఆమె నేరుగా ట్రక్‌ డ్రైవింగ్‌లోకి రాలేదు. గ్రాడ్యుయేషన్‌ తర్వాత చండీగఢ్‌ వెళ్లి ఎయిర్‌ హోస్టెస్‌గా శిక్షణ తీసుకుంది. కానీ.. కొంతకాలానికి తనకు నిజంగా ఇష్టమైనది ఏంటో గుర్తించి మళ్లీ ట్రక్కుల వైపు అడుగులు వేసింది.2022లో ట్రక్‌ నడపడం ప్రారంభించిన నెహాకు ఈ నిర్ణయంలో తండ్రి పూర్తి మద్దతు ఇచ్చారు. అప్పటి నుంచి రోడ్లపైనే ఆమెకు కొత్త ప్రపంచం కనిపించింది. కొండలు, వర్షాలు, పొడవైన ప్రయాణాలు, ట్రక్కులో సరుకు ఎక్కించడం, దించడం.. ఇలా తన రోజువారీ జీవితంలో ఎదురయ్యే ప్రతి అనుభవాన్ని సోషల్‌ మీడియాలో పంచుకోవడం మొదలుపెట్టింది.క్లిష్టమైన మార్గంలో కూడా..ఒకసారి చాలా మంది ట్రక్‌ డ్రైవర్లు కూడా వెళ్లడానికి ఇష్టపడని ఓ క్లిష్టమైన మార్గంలో నెహా ట్రక్‌ నడిపింది. ఆ ప్రయాణానికి సంబంధించిన రీల్‌ సోషల్‌ మీడియాలో వైరల్‌గా మారి లక్షలాది వ్యూస్‌ సాధించింది. ఇంత చిన్న వయసులో అంత ధైర్యంగా ట్రక్‌ నడపడం చూసి చాలామంది ఆశ్చర్యపోయారు.అయితే.. నెహాకు సోషల్‌ మీడియాలో కంటెంట్‌ చేయడం కోసం ప్రత్యేకంగా ఏదైనా వెతకాల్సిన అవసరం లేదు. తాను ప్రతిరోజూ చేసే పనులే తన కంటెంట్‌గా మారుతున్నాయని ఆమె చెబుతుంది. ట్రక్‌ స్టార్ట్‌ చేసినప్పుడే తన కెమెరా కూడా స్టార్ట్‌ అవుతుందని, ప్రయాణంలో కనిపించే ప్రతి అనుభవాన్ని రికార్డ్‌ చేస్తానని చెబుతుంది.చిన్నప్పుడు తండ్రి ట్రక్‌లో స్కూల్‌కు వెళ్లిన నెహా.. ఇప్పుడు అదే ట్రక్‌ను తానే నడుపుతూ తనకంటూ ఓ ప్రత్యేక గుర్తింపు తెచ్చుకుంది. ఎయిర్‌ హోస్టెస్‌ కావాలనే కోరిక నుంచి ట్రక్‌ డ్రైవర్‌గా మారిన ఆమె ప్రయాణం.. మనకు నచ్చిన పనిని ఎంచుకుంటే కెరీర్‌ కూడా మన జీవితంలోనే దొరుకుతుందనే విషయాన్ని గుర్తుచేస్తుంది.

రాయిపూర్: బీజాపూర్‌లోని ఉట్లా అడవిలో మావోయిస్టులకు సంబంధించిన కీలక డంప్‌ను భద్రతా బలగాలు స్వాధీనం చేసుకున్నాయి. ఇటీవలే లొంగిపోయిన కేడర్ల నుండి అందిన నిఘా సమాచారం ఆధారంగా భద్రతా దళాలు సెర్చ్‌ ఆపరేషన్‌ నిర్వహించగా పెద్దఎత్తున ఆయుధాల డంప్‌ దొరికింది. అందులో చైనాకు సంబంధించిన ఆయుధాలు సైతం ఉన్నట్లు తెలుస్తోంది.బైరామ్‌ ఘడ్‌ పోలీస్‌ స్టేషన్‌ పరిధిలోని ఉట్లా గ్రామ పరిధిలో సెప్టెంబర్‌ 20న అధికారులు సెర్చ్‌ ఆపరేషన్ నిర్వహించారు. అయితే లొంగిపోయిన మావోయిస్టులు అందించిన సమచారం ఆధారంగా అనుమానిత ప్రదేశంలో త్రవ్వగా పెద్దఎత్తున ఆయుధాల డంప్‌ దొరికినట్లు పేర్కొన్నారు. చైనా హ్యాండ్ గ్రెనేడ్ 49 లైవ్ SLR రౌండ్లు, 15 రౌండ్ల .315 బోర్, BGL కార్ట్రిడ్జ్‌లు 15, నాలుగు SLR మ్యాగజైన్లు స్వాధీనం చేసుకున్నట్లు తెలిపారు.దానితో పాటు 315 బోర్ మ్యాగజైన్ , SLR/ LMG రైఫిల్ అనేది, INSAS రైఫిల్ అనేది, 315 బోర్ గన్, BGL లాంచర్ 2, BGL సెల్ 17 స్వాధీనం చేసుకున్నట్లు తెలిపారు. మావోయిస్టుల ఆయుధాల స్వాధీన పరచుకోవడం కోసం భద్రతబలగాలు పెద్దఎత్తున సెర్చ్ ఆఫరేషన్‌ నిర్వహిస్తున్నాయి. అదేవిధంగా అడవిలో మైన్ల తొలగింపు తదితర చర్యలు చేపడుతున్నాయి.ఈ నెల ప్రారంభంలో బీజాపూర్‌ పిడియా, కుప్పగూడ ప్రాంతాలలో నిర్వహించిన సెర్చ్ ఆపరేషన్‌లో 14 మావోయిస్టుల డంప్‌లను అధికారులు స్వాధీనం చేసుకున్నారు. కాగా ఇటీవల కాలంలో కేంద్రబలగాలు మావోయిస్టులపై పెద్దఎత్తున ఉక్కుపాదం మోపిన సంగతి తెలిసిందే. ఆపరేషన్‌ కగార్‌లో భాగంగా మావోయిస్టుల కీలక నేతలను కేంద్రబలగాలు అంతమెుందించాయి. ఈ నేపథ్యంలో పెద్దమెుత్తంలో అగ్రనాయకులు పోలీసుల ఎదుట లొంగిపోయారు.

Abhishek Sujit Sharma Success story పట్టుదల, కృషి ఉండాలేగానీ అడ్డంకులన్నీ విజయానికి బాటలు వేస్తాయి. ముంబైలోని ఒక మురికివాడ నుంచి ఐఐటీ ఢిల్లీ దాకాఎదిగిన వైనం స్ఫూర్తి దాయకం. జేఈఈ అడ్వాన్స్‌డ్‌లో 199 మార్కులు సాధించి, OBC-NCL కేటగిరీలో 415 ర్యాంక్ (All India Rank 2,456) సాధించాడు. దీని ద్వారా ఐఐటీ ఢిల్లీలో సీటు సంపాదించి, తన కమ్యూనిటీ నుంచి తొలి ఐఐటీయన్‌గా నిలిచిన అభిషేక్ సుజిత్ శర్మ సక్సెస్‌ స్టోరీ ఇది.ముంబైలోని లోకమాన్య తిలక్ నగర్‌లోని హరద్ ఛావుల్‌లో ఒక చిన్న అద్దె గదిలో (నెలకు రూ. 3,000) నలుగురు సభ్యుల కుటుంబంతో అభిషేక్ నివసించేవాడు. అతని తండ్రి ఒక స్టీల్ ఫ్యాబ్రికేషన్ కంపెనీలో కార్మికుడిగా ఉన్నారు. కనీస వసతులు కూడా లేక, అనేక ఆర్థిక ఇబ్బందుల మధ్య అభిషేక్‌ చదువు సాగేది. దీంతో ఖరీదైన కోచింగ్‌లు అన్న ప్రశ్నేలేదు. ఆన్‌లైన్ క్లాసులపైనే ఆధారపడేవాడు. ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?మొబైల్ డేటా అయిపోయిన ప్రతిసారీ, పక్కింటి వారి వైఫై (Wi-Fi) కనెక్షన్‌ని ఉపయోగించుకోవడానికి అతను తన ఇంటి టెర్రస్ పైకి ఎక్కేవాడు. ఆ టెర్రసే కొంతకాలం అతనికి క్లాస్‌రూమ్‌లా మార్చుకుని జేఈఈ అడ్వాన్స్‌డ్ (JEE Advanced) ప్రిపేర్‌ అయ్యేవాడు. అభిషేక్‌కు సౌకర్యంగా ఉండాలని అతని తల్లిదండ్రులు నేలపై పడుకుని మంచాన్ని అతనికి కేటాయించారు. చివరికి జేఈఈ అడ్వాన్స్‌డ్‌లో 199 మార్కులు సాధించి, ఓబీసీ-ఎన్‌సీఎల్ విభాగంలో 415వ ర్యాంకును పొందారు. తొలి ఐఐటియన్‌గా తన కుటుంబానికి గర్వంగా నిలవడమే కాడు, తనలాంటి ఎంతోమంది స్ఫూర్తిగా నిలిచాడు.ఇదీ చదవండి: రూ. 2 లక్షల కోట్లు : జపాన్‌కు ధీటుగా హై-స్పీడ్ బుల్లెట్ రైలు

ఉత్తరప్రదేశ్‌లోని లఖింపూర్ ఖేరీలో దారుణ ఘటన చోటు చేసుకుంది. తన ప్రియురాలు తమ సంబంధాన్ని ముగించడంతో ఆగ్రహానికి గురైన 27 ఏళ్ల యువకుడు ప్రియురాల్ని కాల్చి చంపాడు. అనంతరం తాను ఆత్మహత్య చేసుకొని చనిపోయిన ఘటన కలకలం రేపింది.ఈ ఘటన సోమవారం ఉదయం 11:30 గంటల ప్రాంతంలో చిల్డ్రన్స్ అకాడమీ స్కూల్‌లో జరిగింది. మృతురాలిని 26 ఏళ్ల ఉపాధ్యాయురాలు నిషాత్ ఫాతిమాగా గుర్తించారు. ఆమె సుమారు ఏడాదిగా ఇక్కడ పనిచేస్తోంది నిషత్ ఫాతిమా, సౌద్‌లు కొంతకాలంగా ప్రేమలో ఉన్నారని, అయితే ఇటీవలే ఫాతిమా ఆ సంబంధానికి స్వస్తి పలికిందని పోలీసులు తెలిపారు. అందుకే అతను ఈ దారుణానికి పాల్పడినట్టు వెల్లడించారు.ఇదీ చదవండి: రూ. 2 లక్షల కోట్లు : జపాన్‌కు ధీటుగా హై-స్పీడ్ బుల్లెట్ రైలు సంఘటన ఎలా జరిగింది? పోలీసులు సమాచారం ప్రకారం ప్రియురాలు తనతో సంబంధాన్ని తెంచుకుందన్న కోపంతో 27 ఏళ్ల మొహమ్మద్ సౌద్ లఖింపూర్ ఖేరీలోని 'చిల్డ్రన్స్ అకాడమీ స్కూల్'లోకి ప్రవేశించాడు. ఒక సంచిలో పిస్టల్‌ను దాచుకుని పాఠశాలకు వచ్చాడు. ఫాతిమాను కింది అంతస్తుకు పిలిచి, ఆ తర్వాత ఆమెను పై అంతస్తులోని ఒక కారిడార్‌లోకి తీసుకెళ్లాడు. వారు పైకి వెళ్తుండగా, ఒక సిబ్బంది వారిని అనుసరించారని ఒక సీనియర్ పోలీసు అధికారి తెలిపారు. కారిడార్‌లో సంభాషణ జరుగుతుండగా, సౌద్ పిస్టల్‌ను బయటకు తీసి ఫాతిమా తలపై కాల్చాడు. ఆ తర్వాత అతను కూడా కాల్చుకున్నాడు. దీంతో ఇద్దరూ అక్కడికక్కడే మరణించారు.విద్యార్థులు, సిబ్బంది చూస్తుండగానే ఈ ఘటన జరగడంతో పాఠశాలలో తీవ్ర భయాందోళనలు నెలకొన్నాయి.విద్యార్థులు చూస్తుండగానే, సౌద్ ఫాతిమాను చేయి పట్టుకుని పై అంతస్తుకు లాక్కెళ్తున్న దృశ్యాలు సీసీటీవీ ఫుటేజీలో కనిపించాయి. అతను ఆమెను లాక్కెళ్తుండగా ఫాతిమా ప్రతిఘటించినట్లు కూడా ఈ దృశ్యాల ద్వారా తెలుస్తోంది. పోస్ట్‌మార్టం నివేదిక తర్వాతే మరిన్ని వివరాలు తెలుస్తాయని, దర్యాప్తు కొనసాగుతుందని పోలీసులు వెల్లడించారు.ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?

సొంత హై-స్పీడ్ బుల్లెట్ రైలు ప్రాజెక్ట్‌లో భారతదేశం జపాన్‌ను అధిగమించి దూసుకు పోనుంది. దేశీయంగా మరింత రైల్వే సాంకేతికతను అభివృద్ధి చేసి, విదేశీ సాంకేతికతపై ఆధారపడటాన్ని తగ్గించుకోవడానికి భారతీయ రైల్వే శాఖ సొంతంగా గంటకు 350 కి.మీ వేగంతో వెళ్లే 'B35' బుల్లెట్ రైళ్లను అభివృద్ధి చేయనుంది. 2030 నాటికి ఈ స్వదేశీ బుల్లెట్ రైళ్లతో పాటు అవసరమైన మౌలిక వసతులను సిద్ధం చేయాలని భారత్ లక్ష్యంగా పెట్టుకుంది.2030 నాటికి ఈ స్వదేశీ బుల్లెట్ రైళ్లను అభివృద్ధి చేయడంతో పాటు, వాటిని నడపడానికి అవసరమైన మౌలిక సదుపాయాలను కూడా నిర్మించాలని భారతదేశం లక్ష్యంగా పెట్టుకుంది. ముంబై అహ్మదాబాద్ హై స్పీడ్ రైల్ (MAHSR) ప్రాజెక్ట్ కోసం కేంద్ర మంత్రివర్గం అధిక బడ్జెట్‌ను ఆమోదించిన తర్వాత ఈ పరిణామం చోటుచేసుకుంది. దీని మొత్తం వ్యయం ఇప్పుడు రూ. 2 లక్షల కోట్లకు పైగా చేరింది. ఇది 2015లో వేసిన తొలి అంచనాకు దాదాపు రెట్టింపు. ఈ ప్రాజెక్టుకు నిధులు సమకూర్చేందుకు కేంద్ర బడ్జెట్ నుంచి సుమారు రూ. 1 లక్ష కోట్లు రానున్నాయి. డిసెంబర్ 2024లో తన ప్రస్తుత E5 సిరీస్ రైళ్ల తయారీని క్రమంగా నిలిపివేస్తామని, 2030 నాటికి కొత్త 'E10' రైళ్ల ఉత్పత్తిని ప్రారంభించనున్నట్లు జపాన్ ప్రకటించింది. ఈ నేపథ్యంలోనే భారత్ తన స్వతంత్ర తయారీపై దృష్టి పెట్టింది.🚨India plans to develop its own 350 kmph bullet train by 2030, with the upcoming B35 train aimed at matching Japan’s next-generation E10 Shinkansen.🇮🇳 The indigenous B28 trains are expected to begin trials in 2027 at speeds of up to 249 kmph. pic.twitter.com/A0WJHBW0ZT— Beats in Brief 🗞️ (@beatsinbrief) September 22, 2026B28 రైళ్లు, సిగ్నలింగ్ వ్యవస్థB35 తో పాటు గంటకు 280 కి.మీ వేగంతో నడిచే 'B28' హై-స్పీడ్ రైళ్లను కూడా భారత్ అభివృద్ధి చేస్తోంది. అలాగే, రైలు వేగాన్ని నియంత్రించడానికి, రైళ్ల మధ్య సురక్షితమైన దూరాన్ని పాటించడానికి చైనా CTCS తరహాలోనే స్వదేశీ 'భారత్ రైలు కంట్రోల్ సిస్టమ్' (BTCS) ను రూపొందిస్తున్నారు. రైల్వే మంత్రిత్వ శాఖ గతంలో విడుదల చేసిన వివరాల ప్రకారం, ముంబై-అహ్మదాబాద్ కారిడార్ MAHSR ప్రాజెక్ట్ 508 కిలోమీటర్ల మేర ఈ ప్రాజెక్ట్ వ్యయం రూ. 2 లక్షల కోట్లకు పైగా చేరింది. ఇందులో భాగంగా గుజరాత్, మహారాష్ట్ర, దాద్రా & నగర్ హవేలీ గుండా వెళ్లే 508 కి.మీ మార్గంలో ముంబై, సూరత్, అహ్మదాబాద్‌లతో సహా మొత్తం 12 స్టేషన్లు నిర్మించనున్నారు.ఇంటిగ్రల్ కోచ్ ఫ్యాక్టరీ (ICF), భారత్ ఎర్త్ మూవర్స్ లిమిటెడ్ (BEML)తో కలిసి ఈ కొత్త రైలు సెట్‌లను డిజైన్ చేసి తయారు చేస్తున్నాయి.ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?

సాక్షి, న్యూఢిల్లీ: జాతీయ గీతం ‘వందేమాతరం’ ఆలాపనపై సుప్రీంకోర్టు కీలక వ్యాఖ్యలు చేసింది. వందేమాతరంలోని అన్ని చరణాలు తప్పనిసరిగా పాడాలనే నిబంధనపై స్పష్టమైన అభిప్రాయాన్ని వ్యక్తం చేసింది. అన్ని చరణాలు పాడని వారిపై ఎలాంటి క్రిమినల్ చర్యలు తీసుకోకూడదని సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ స్పష్టం చేశారు.వందేమాతరం గీతంలోని ఆరు చరణాల ఆలాపనను తప్పనిసరి చేయడాన్ని సవాల్ చేస్తూ ప్రముఖ సంగీత విద్వాంసుడు టీఎం కృష్ణ సుప్రీంకోర్టులో పిటిషన్ దాఖలు చేశారు. ఈ పిటిషన్‌పై విచారణ జరిపిన సీజేఐ జస్టిస్ సూర్యకాంత్ నేతృత్వంలోని ధర్మాసనం ఈ వ్యాఖ్యలు చేసింది.వ్యక్తిగత నిర్ణయమే..వందేమాతరంలో ఎన్ని చరణాలు పాడాలనేది పూర్తిగా ప్రతి ఒక్కరి వ్యక్తిగత నిర్ణయమని ధర్మాసనం పేర్కొంది. అన్ని చరణాలు ఆలపించని వారిపై క్రిమినల్ కేసులు లేదా చట్టపరమైన చర్యలు తీసుకోవడం తగదని తేల్చిచెప్పింది. ఈ అంశానికి సంబంధించి వందేమాతరం సవరణ చట్టం, అలాగే దీనికి సంబంధించిన మార్గదర్శకాలపై పూర్తి వివరాలతో సమాధానం ఇవ్వాలని కేంద్ర ప్రభుత్వానికి సుప్రీంకోర్టు నోటీసులు జారీ చేసింది. దీనిపై రాతపూర్వక సమాధానం సమర్పించడానికి కేంద్రానికి రెండు వారాల గడువు ఇచ్చింది.

పాట్నా: బిహార్‌లోని జముయి జిల్లాలో జరిగిన మైనర్ జంట (బాలుడు, బాలిక) వేధింపుల ఉదంతం ఆ రాష్ట్రంలో తీవ్ర రాజకీయ దుమారానికి దారితీసింది. ఈ ఘటనపై స్పందిస్తూ జముయి బిహార్ మంత్రి శ్రేయసి సింగ్ చేసిన వ్యాఖ్యలు వివాదాస్పదంగా మారాయి. సెప్టెంబర్ 19వ జముయి-లఖిసరాయ్ రోడ్డులో సాయంత్రం కోచింగ్ ముగించుకుని స్కూటీపై ఇంటికి తిరిగి వస్తున్న 10వ తరగతి చదువుతున్న బాలుడు,బాలికను కొందరు దుండగులు అడ్డుకున్నారు. చట్టాన్ని తమ చేతుల్లోకి తీసుకున్న ఆ గుంపు, ఆ మైనర్లపై దాడి చేయడమే కాకుండా, బాలిక పట్ల అత్యంత అసభ్యకరంగా ప్రవర్తించారు. ప్రాధేయపడుతున్నప్పటికీ వదలకండా వేధించిన ఈ ఘటనకు సంబంధించిన వీడియో సోషల్ మీడియాలో వైరలైంది.ఈ ఘటనపై స్థానిక ఎమ్మెల్యే, రాష్ట్ర మంత్రి శ్రేయసి సింగ్ మాట్లాడుతూ.. సమాజంలో ఇటువంటి ఘటనలు సిగ్గుచేటని ఖండించారు. అయితే, ఇదే సమయంలో ఆమె మాట్లాడుతూ..‘మోరల్‌ పోలీసింగ్‌ను మరింత హుందాగా, డీసెంట్‌ పద్ధతిలో కూడా చేయవచ్చు’ అనే అర్థం వచ్చేలా వ్యాఖ్యానించడం వివాదాస్పదమైంది. చట్టసభల్లో ఉండి, బాధ్యతాయుతమైన పదవిలో ఉన్న ఒక మంత్రి ఇలాంటి వ్యాఖ్యలు చేయడం మోరల్‌ పోలీసింగ్‌ను పరోక్షంగా సమర్థించినట్లే ఉందంటూ ప్రతిపక్షాలు, నెటిజన్లు ఆమెపై తీవ్రస్థాయిలో మండిపడుతున్నారు. బాధితుల తరఫు నుంచి ఎలాంటి ఫిర్యాదు అందనప్పటికీ, సోషల్ మీడియాలో వీడియో వైరల్ అయిన వెంటనే స్పందించి పోలీసులు సుమోటోగా కేసు నమోదు చేశారని, ఇప్పటికే ముగ్గురు నిందితులను అరెస్టు చేశారని ఆమె తెలిపారు. పోలీసుల చర్యలపై తాము సంతృప్తిగా ఉన్నామని పేర్కొన్నప్పటికీ, ఆమె చేసిన మోరల్‌ పోలీసింగ్‌ వ్యాఖ్యలు మాత్రం ప్రస్తుతం రాజకీయంగా పెద్ద చర్చకు దారితీశాయి. ఈ ఘటనపై జాతీయ మహిళా కమిషన్‌తో పాటు బిహార్ రాష్ట్ర మహిళా కమిషన్ కూడా సుమోటోగా స్పందించి కఠిన చర్యలు తీసుకోవాలని ఆదేశించాయి. ఇదీ చదవండి : బాలికపై లైంగిక దాడి.. నిందితుడి ఎన్‌కౌంటర్‌

మధ్యప్రదేశ్‌కు చెందిన ఒక బీజేపీ ఎమ్మెల్యే, గర్బా కార్యక్రమాల్లో ముస్లింల ప్రవేశంపై చేసిన వ్యాఖ్యలు పెద్ద దుమారాన్ని రేపాయి. ఈ వ్యాఖ్యలపై ప్రతిపక్ష కాంగ్రెస్, AIMIM పార్టీలు తీవ్ర ఆగ్రహం వ్యక్తం చేశాయి. గర్బా ఉత్సవాల్లో అన్యమతస్థులు ప్రవేశించకుండా ఉండటానికి, హిందువులనే నిర్ధారించడానికి నిర్వాహకులు ఆధార్ కార్డులను పరిశీలించాలన్న డిమాండ్ రేపిన దుమారానికి మధ్య ఈ వ్యాఖ్యలు మరింత అగ్గిని రాజేశాయి.మధ్యప్రదేశ్ రాజధాని భోపాల్‌లోని హుజూర్ నియోజకవర్గ బీజేపీ ఎమ్మెల్యే రమేశ్వర్ శర్మ ఒక బహిరంగ సభలో మాట్లాడుతూ... ముస్లిం యువకులు గర్బా వేడుకలకు ఒంటరిగా కాకుండా తమ సోదరీమణులు, కూతుళ్లను కూడా వెంటబెట్టుకుని రావాలని అన్నారు. ఆ తర్వాత తర్వాత వ్యంగ్యంగా నవ్వుతూ దీనికి కుర్రాళ్లు కూడా సిద్ధంగా ఉన్నారనడం,దానికి ప్రేక్షకుల నుంచి హర్షధ్వానాలు వ్యక్తం కావడం మరింత ఆందోళన రేపింది.అంతేకాదు ముస్లింలు పూర్తిగా హిందూ ధర్మంలోకి మారాలనుకుంటే తాము స్వాగతిస్తామని, 'జై శ్రీరామ్' అని నినాదాలు చేస్తూ నుదుటిపై తిలకం ధరించాలని పేర్కొన్నారు. గర్బాను ప్రదర్శనగా మార్చడానికి ప్రయత్నిస్తే లేదా 'లవ్ జిహాద్'కు పాల్పడితే యువత తగిన సమాధానం చెప్పడానికి సిద్ధంగా ఉండాలని హెచ్చరించారు.ఎమ్మెల్యే వ్యాఖ్యలను భోపాల్ సెంట్రల్ కాంగ్రెస్ ఎమ్మెల్యే ఆరిఫ్ మసూద్ తీవ్రంగా ఖండించారు. రమేశ్వర్ శర్మ వ్యాఖ్యలు అత్యంత నీచమైనవని, ఆయన తన పద్ధతి మార్చుకోవాలని హెచ్చరించారు. ముస్లింలకు గర్బాతో ఎలాంటి సంబంధం లేదని స్పష్టం చేశారు.ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?అలాగే ఏఐఎంఐఎం (AIMIM) మధ్యప్రదేశ్ అధ్యక్షుడు మొహ్సిన్ అలీ ఖాన్ మాట్లాడుతూ.. ఈ రకమైన ప్రకటనలు దేశాన్ని విభజించేలా ఉన్నాయని, బీజేపీ ముస్లిం నాయకులు తమ సొంత కుటుంబసభ్యులను గర్బాకు తీసుకెళ్తారా అని ప్రశ్నించారు.

పట్నా: దేశవ్యాప్తంగా సంచలనం సృష్టించిన బిహార్‌ మైనర్‌ బాలికలపై లైంగిక వేదింపుల కేసులో కీలక పరిణామం చోటు చేసుకుంది. ఆ ఘటనలో ప్రధాన నిందితుడిపై పోలీసులు కాల్పులు జరిపారు. ప్రస్తుతం నిందితుడు ఆసుపత్రిలో చికిత్స పొందుతున్నాడు. నిందితుడు పారిపోవడానికి ప్రయత్నించడంతోనే కాల్పులు జరిపినట్లు పోలీసులు పేర్కొన్నారు.పోలీసులు వివరాల ప్రకారం.. ఈ కేసులో ప్రధాన నిందితుడుగా ఉన్న నందన్‌ యాదవ్‌ మద్వా కొండ ప్రాంత సమీపంలో దాక్కున్నాడు. ఆ సమాచారం తెలుసుకున్న పోలీసులు అతడిని చుట్టుముట్టి పట్టుకోవడానికి ప్రయత్నించగా అతను పారిపోవడానికి యత్నించారు. దీంతో వెంటనే అప్రమత్తమైన పోలీసులు అతని ఎడమకాలుపై కాల్పులు జరిపారు.అయితే బాధితులకు సంబంధించి వైరల్‌ అయిన వీడియోలో సదరు యువకుడు ఎర్ర కండువా ధరించిన యువకుడిగా గుర్తించారు. ఈ కేసుకు సంబంధించి ఇదివరకూ ఆరుగురిని అరెస్టు చేశారు.నిందితులలో ముగ్గురి వయస్సు 35 నుంచి 40 సంవత్సరాల మధ్య ఉండగా, మిగిలిన ముగ్గురు మైనర్లు అని తెలిపారు. అసలేం జరిగింది? జముయీ జిల్లా కేంద్రానికి చెందిన ఒక టీనేజీ అమ్మాయి, టీనేజీ అబ్బాయి ఒకే స్కూల్‌లో పదో తరగతి చదువుతున్నారు. సెప్టెంబర్‌ 19వ తేదీన కోచింగ్‌ సెంటర్‌లో క్లాసుకు వెళ్లి అటు నుంచి ప్రముఖ పర్యాటక ప్రాంతమైన మడ్వా పహాడ్‌కు వెళ్లి తిరిగొస్తుండగా వీళ్లను గమనించిన కొందరు ఆగంతకులు మార్గమధ్యంలో వీళ్లను లఖీసరాయ్‌ రోడ్డుపై 7 గంటల సమయంలో అడ్డగించి దారుణంగా వేధించారు. వదిలేయాలని అమ్మాయి కాళ్లావేళ్లా పడిన కనికరం చూపలేదు. అమ్మాయిపై లైంగికదాడికి యత్నించారు. ఇదంతా ఒక ఆగంతకుడు తన మొబైల్‌లో చిత్రీకరించాడు. టీనేజీ అబ్బాయిని కొట్టారు. పారిపోయేందుకు ప్రయత్నించిన టీనేజర్లను వెంటబడిమరీ ఆగంతకులు వేధించారు. అల్లరిమూకలో ఒకడు అమ్మాయిని గట్టిగా అదిమిపట్టి ఎత్తుకెళ్లే ప్రయత్నంచేశాడు. ఈ దారుణోదంతం తాలూకు వీడియో ఆదివారం రాత్రి సామాజిక మాధ్యమాల్లో ప్రత్యక్షమైంది.ఈ ఘటన దేశవ్యాప్తంగా సంచలనం సృష్టించింది. తాజాగా ఆ కేసుకు సంబంధించిన నిందితులను పోలీసులు అరెస్ట్ చేశారు.ఇది చదవండి: బిహార్‌లో దుశ్శాసన పర్వం

డిజిటల్ లావాదేవీలకు ఆదరణ పెరుగుతున్న వేళ పెట్రోల్ బంకుల్లో కీలక పరిణామం చోటుచేసుకుంది. అక్టోబర్ 16 నుంచి రూ.2,000కు మించిన యూపీఐ చెల్లింపులను స్వీకరించబోమని మధ్యప్రదేశ్, పంజాబ్ రాష్ట్రాల పెట్రోల్ పంప్ డీలర్ల సంఘాలు ప్రకటన చేశాయి. కేంద్ర ప్రభుత్వం ప్రతిపాదించిన 0.4 శాతం మర్చంట్ డిస్కౌంట్ రేట్ (ఎండీఆర్‌) భారాన్ని మోయడం తమ వల్ల కాదని డీలర్లు స్పష్టం చేశారు.లాభాల స్వల్పతేడానే కారణంమధ్యప్రదేశ్ పెట్రోలియం డీలర్స్ అసోసియేషన్ అధ్యక్షుడు అజయ్ సింగ్ కథనం ప్రకారం.. ఇంధన విక్రయాలపై డీలర్లకు లభించే నికర లాభం (ప్రాఫిట్ మార్జిన్) కేవలం 0.5 శాతం మాత్రమే. ఇటువంటి తక్కువ మార్జిన్‌పై 0.4 శాతం ఎండీఆర్‌ చార్జీ విధిస్తే వ్యాపారం మరింత నష్టాల్లోకి జారుకుంటుంది. సగటున ఒక్కో పెట్రోల్ పంప్‌లో రోజుకు రూ.2,000 కంటే ఎక్కువ విలువైన యూపీఐ లావాదేవీలు చేసే కస్టమర్లు సుమారు 100 మంది వరకు ఉంటారని, దీనివల్ల రోజుకు రూ.590 చొప్పున నెలకు సుమారు రూ.17,700 వరకు డీలర్ నష్టపోవాల్సి వస్తుందని గణాంకాలతో వివరించారు.కార్డు చెల్లింపులకు మినహాయింపురూ.2,000 కంటే ఎక్కువ యూపీఐ చెల్లింపులు నిలిపివేసినప్పటికీ వినియోగదారులకు ఇబ్బంది కలగకుండా డెబిట్, క్రెడిట్ కార్డుల చెల్లింపులు ఎలాంటి పరిమితి లేకుండా కొనసాగుతాయని అసోసియేషన్ స్పష్టం చేసింది. గతంలో కార్డు లావాదేవీలకు ఎండీఆర్‌ చార్జీల నుంచి మినహాయింపు ఇచ్చినట్లే ప్రత్యేక పరిస్థితులను పరిగణనలోకి తీసుకుని యూపీఐ లావాదేవీలకు కూడా పూర్తి చార్జీ మినహాయింపు ఇవ్వాలని కేంద్ర పెట్రోలియం, ఆర్థిక మంత్రిత్వ శాఖలతో పాటు ఆయిల్ మార్కెటింగ్ కంపెనీలకు డీలర్లు విజ్ఞప్తి చేశారు.వినియోగదారులపై ప్రభావంపంజాబ్ డీలర్స్ అసోసియేషన్ కూడా ఈ నిర్ణయానికి మద్దతు తెలిపింది. ప్రభుత్వం లేదా ఆయిల్ కంపెనీలు ఎండీఆర్‌ భారాన్ని ఉపసంహరించుకోకపోతే అక్టోబర్ 16 నుంచి డిజిటల్ కస్టమర్లు బంకుల్లో రూ.2,000 దాటితే కార్డులు లేదా నగదు చెల్లింపులపై ఆధారపడక తప్పని పరిస్థితి ఏర్పడింది.ఇదీ చదవండి: బంగారం కొనాలా? ఆగాలా?.. ఈరోజు కొత్త రేట్లు ఇవే..

ముంబై: మహారాష్ట్రలో యూనిఫాం సివిల్‌ కోడ్‌ (UCC) అమలుకు సంబంధించి ఏర్పాటు చేసిన కమిటీలో విభేదాలు చోటుచేసుకున్నాయి. కమిటీ సభ్యుడు, బాంబే హైకోర్టు మాజీ న్యాయమూర్తి జస్టిస్‌ (రిటైర్డ్‌) ఆర్‌.సి. చవాన్‌ తన పదవికి రాజీనామా చేశారు. కమిటీ పనిచేస్తున్న విధానం, ప్రజల అభిప్రాయాలను తెలుసుకునే పద్ధతిపై ఆయన అసంతృప్తి వ్యక్తం చేశారు.మహారాష్ట్రలో UCC అమలుకు అవసరమైన నిబంధనలు, సూచనలు రూపొందించేందుకు రాష్ట్ర ప్రభుత్వం ఈ ఏడాది జూలైలో ఏడుగురు సభ్యులతో కమిటీని ఏర్పాటు చేసింది. సుప్రీంకోర్టు మాజీ న్యాయమూర్తి జస్టిస్‌ రంజనా దేశాయ్‌ దీనికి అధ్యక్షత వహిస్తున్నారు. సెప్టెంబర్‌ 19న కమిటీ సమావేశం జరిగింది. ఈ సమావేశం ముగిసిన తర్వాత జస్టిస్‌ చవాన్‌ తన రాజీనామాను ఈమెయిల్‌ ద్వారా చైర్‌పర్సన్‌కు పంపించారు.ఈ సమావేశంలో ప్రజల అభిప్రాయాలు తెలుసుకునేందుకు రూపొందించిన ప్రశ్నావళిని ఖరారు చేయడం ప్రధాన అంశంగా ఉంది. దీనిపై జస్టిస్‌ చవాన్‌ కొన్ని సూచనలు చేశారు. ప్రజలు కేవలం ‘అవును’ లేదా ‘కాదు’ అని మాత్రమే సమాధానం ఇచ్చేలా ప్రశ్నలు ఉండకూడదని ఆయన అభిప్రాయపడ్డారు. ప్రజలు తమ అభిప్రాయాలను వివరంగా చెప్పే అవకాశం ఉండాలని సూచించారు. అలాగే ప్రశ్నావళిని నిపుణులతో పరిశీలింపజేసిన తర్వాత ఖరారు చేయాలని కోరారు.అయితే అప్పటికే చైర్‌పర్సన్‌ జస్టిస్‌ రంజనా దేశాయ్‌ ప్రశ్నావళిని సిద్ధం చేసి సభ్యులకు పంపించినట్లు జస్టిస్‌ చవాన్‌ తన రాజీనామా లేఖలో పేర్కొన్నారు. వెబ్‌సైట్‌ సిద్ధమైన తర్వాత దాన్ని అందులో పెట్టాలని నిర్ణయించినట్లు తెలిపారు. అదే సమావేశంలో కమిటీలో సభ్యుడు కానటువంటి ఓ వ్యక్తి కూడా పాల్గొన్న విషయాన్ని ఆయన ప్రస్తావించారు. వెబ్‌సైట్‌లో కొన్ని మార్పులు చేయాలని ఆ వ్యక్తి సూచించగా.. వారం రోజుల్లో అవసరమైన పనులు పూర్తి చేయాలని చైర్‌పర్సన్‌ అధికారులను ఆదేశించినట్లు తెలిపారు.ఈ క్రమంలో.. కమిటీ ఉద్దేశం మహారాష్ట్ర ప్రజల అభిప్రాయాలను తెలుసుకోవడం, వివిధ అంశాలపై ఏకాభిప్రాయం తీసుకురావడమేనని తాను భావించానని జస్టిస్‌ చవాన్‌ చెప్పారు. ఆలస్యంగా జరిగే వివాహాలు, కుటుంబ సమస్యలు, అస్థిరమైన వివాహ బంధాలు, వివాదాల పరిష్కారంలో జాప్యం వంటి అంశాలపై ప్రజల అభిప్రాయాలు తెలుసుకోవాల్సి ఉందని పేర్కొన్నారు. అయితే ప్రస్తుతం ప్రజల నుంచి కేవలం ‘అవును’, ‘కాదు’ అనే సమాధానాలను తీసుకుని వాటిని గణాంకాలుగా విశ్లేషించడానికే ప్రాధాన్యం ఇస్తున్నట్లు తనకు అనిపించిందని తెలిపారు. ఈ విధానం తన ఆలోచనలకు భిన్నంగా ఉండటంతో కమిటీ నుంచి తప్పుకుంటున్నట్లు ఆయన చెప్పారు.ఈ నేపథ్యంలో UCC ఎలా ఉండాలనే దానిపై కూడా జస్టిస్‌ చవాన్‌ తన అభిప్రాయాలను రాజీనామా లేఖలో పేర్కొన్నారు. చట్టం లింగ భేదం లేకుండా అందరికీ సమానంగా వర్తించేలా ఉండాలని సూచించారు. వివాహం, విడిపోవడం, ఆస్తి పంపకం, వారసత్వం, పిల్లల సంరక్షణ వంటి అంశాలపై స్పష్టమైన నిబంధనలు ఉండాలని తెలిపారు.అలాగే, వ్యక్తిగత సంబంధాలకు సంబంధించి పెద్దలకు తమ నిర్ణయాలు తీసుకునే స్వేచ్ఛ ఉండాలని ఆయన అన్నారు. పిల్లలందరికీ సమాన హక్కులు కల్పించాలని, 18 ఏళ్ల వయసు వచ్చే వరకు వారి చదువు, సంరక్షణ బాధ్యత తల్లిదండ్రులదే కావాలని సూచించారు. అయితే కమిటీ పనితీరు, విధానాలపై తన అభిప్రాయాలకు భిన్నంగా నిర్ణయాలు జరుగుతున్నందునే రాజీనామా చేస్తున్నట్లు జస్టిస్‌ చవాన్‌ తెలిపారు.ఇదీ చదవండి: ప్రముఖ స్టాండప్‌ కమెడియన్‌ షోలు రద్దు.. రాహుల్‌ కారణమా?

ఆన్‌లైన్‌లో చిన్నారుల భద్రతను బలోపేతం చేసే దిశగా టెక్ దిగ్గజం గూగుల్ అత్యంత కీలక నిర్ణయం తీసుకుంది. తమ ప్లాట్‌ఫారమ్‌ల్లో కనిపించే చిన్నారుల లైంగిక వేధింపుల సమాచారం(సీఎస్‌ఏఎం)ను ఇకపై నేరుగా భారత సైబర్ క్రైమ్ సమన్వయ కేంద్రానికి (I4C) అందజేయడానికి అంగీకరించింది. కేంద్ర హోం మంత్రిత్వ శాఖ ఆధ్వర్యంలో పనిచేసే I4Cకి ఈ డేటాను పంపడం ద్వారా భారత చట్ట అమలు సంస్థలకు వేగంగా సమాచారం అందుతుంది.పాత పద్ధతికి స్వస్తి.. నేరుగా నివేదనఇంతకాలం గూగుల్, మెటా వంటి గ్లోబల్ టెక్ సంస్థలు భారతదేశంలో గుర్తించిన సీఎన్‌ఏఎం కంటెంట్‌ను ముందుగా అమెరికాకు చెందిన నేషనల్ సెంటర్ ఫర్ మిస్సింగ్ అండ్ ఎక్స్‌ప్లోయిటెడ్ చిల్డ్రన్ (ఎన్‌సీఎంఈసీ)కి పంపేవి. అక్కడ పరిశీలించిన అనంతరం ఆ నివేదికలు భారత ఏజెన్సీలకు చేరేవి. ఈ ప్రక్రియ వల్ల విలువైన సమయం వృథా అవుతోందని, అత్యవసర పరిస్థితుల్లో బాధితులకు తక్షణ రక్షణ కల్పించడం ఆలస్యమవుతోందని భారత ప్రభుత్వం ఆందోళన వ్యక్తం చేసింది. ఈ క్రమంలోనే ఢిల్లీ ప్రభుత్వం టెక్ కంపెనీలపై ఒత్తిడి పెంచింది. ఇటీవల మెటా సైతం ఇదే నిర్ణయం తీసుకోగా తాజాగా గూగుల్ కూడా భారత విజ్ఞప్తికి నిలబడింది.ఒత్తిడి పెంచిన బీబీసీ దర్యాప్తుఇటీవల బీబీసీ ఐ(BBC Eye) చేసిన పరిశోధనలో ఇన్‌స్టాగ్రామ్‌లో కొన్ని శోధన పదాల (సెర్చ్‌ టర్మ్స్‌) ద్వారా చిన్నారుల లైంగిక ప్రసార ఛానెళ్లకు దారితీసే ప్రకటనలు కనిపిస్తున్నట్లు వెల్లడైంది. ఈ తీవ్ర పరిణామంపై మెటా అధినేత మార్క్ జుకర్‌బర్గ్ బహిరంగ క్షమాపణలు కూడా చెప్పారు. ఈ ఉదంతం తర్వాత గూగుల్, మైక్రోసాఫ్ట్ వంటి సంస్థలపై తక్షణ చర్యల కోసం కేంద్రం నుంచి ఒత్తిడి పెరిగింది.యూట్యూబ్‌తో పాటు మెటా ప్లాట్‌ఫారమ్‌లకు అత్యధిక వినియోగదారులు ఉన్న అతిపెద్ద మార్కెట్ భారతదేశమే. ఐటీ చట్టం సెక్షన్ 67B ప్రకారం చట్టపరమైన బాధ్యతలను నెరవేరుస్తూ కాలయాపన లేకుండా నేరస్థులను పట్టుకోవడానికి ఈ ప్రత్యక్ష రిపోర్ట్‌ విధానం దోహదపడుతుందని నిపుణులు భావిస్తున్నారు.ఇదీ చదవండి: బంగారం కొనాలా? ఆగాలా?.. ఈరోజు కొత్త రేట్లు ఇవే..

న్యూఢిల్లీ: కాంగ్రెస్‌ ఎంపీ రాహుల్‌ గాంధీతో కలిసి వేదిక పంచుకున్న స్టాండప్‌ కమెడియన్‌ పులకిత్‌ మణి.. ఉత్తరప్రదేశ్‌లో జరగాల్సిన తన షోలను రద్దు చేసుకున్నారు. నోయిడా, లక్నో, కాన్పూర్‌లో నిర్వహించాల్సిన కార్యక్రమాలను రద్దు చేస్తున్నట్లు ఆయన ఇన్‌స్టాగ్రామ్‌ ద్వారా వెల్లడించారు.ఇటీవల మధ్యప్రదేశ్‌లోని ఇండోర్‌లో కాంగ్రెస్‌ నిర్వహించిన ‘ఛాత్రోం కీ గూంజ్‌’ కార్యక్రమంలో రాహుల్‌ గాంధీతో కలిసి పులకిత్‌ మణి వేదిక పంచుకున్నారు. ఈ సందర్భంగా ప్రధాని నరేంద్ర మోదీతో పాటు బీజేపీ నేతలను ప్రస్తావిస్తూ హాస్య వ్యాఖ్యలు, మిమిక్రీ చేశారు. ఆ తర్వాత పులకిత్‌ మణి తన నోయిడా షోను అనుకోని పరిస్థితుల కారణంగా రద్దు చేస్తున్నట్లు ప్రకటించారు. ప్రేక్షకులకు కలిగిన అసౌకర్యానికి క్షమాపణలు చెప్పారు.అయితే లక్నో, కాన్పూర్‌ షోల విషయంలో మాత్రం ఆయన మరో కారణాన్ని వెల్లడించారు. పదేపదే బెదిరింపులు రావడంతో ఆ రెండు కార్యక్రమాలను కూడా రద్దు చేస్తున్నట్లు ఇన్‌స్టాగ్రామ్‌ స్టోరీలో పేర్కొన్నారు. ఇదిలా ఉండగా ఇండోర్‌ కార్యక్రమంలో రాహుల్‌ గాంధీ చేసిన వ్యాఖ్యలపై బీజేపీ నేతలు తీవ్రంగా స్పందించారు. బీజేపీ జాతీయ అధికార ప్రతినిధి సీఆర్‌ కేశవన్‌.. కార్యక్రమంలో చేసిన హాస్య ప్రదర్శనపై విమర్శలు చేశారు. కేంద్ర విద్యాశాఖ మంత్రి ప్రహ్లాద్‌ జోషి కూడా రాహుల్‌ గాంధీపై విమర్శలు గుప్పించారు. ప్రధాని మోదీ కుటుంబాన్ని ఉద్దేశించి చేసిన వ్యాఖ్యలు రాజకీయ సంస్కృతికి విరుద్ధమని ఆయన పేర్కొన్నారు. పులకిత్‌ మణి ఉత్తరప్రదేశ్‌లో వరుసగా మూడు షోలను రద్దు చేసుకోవడం చర్చనీయాంశంగా మారింది. ఇదీ చదవండి: రైల్లో తప్పిపోయి.. చాట్‌జీపీటీ సాయంతో ఇంటికి చేరిక

న్యూఢిల్లీ: చాట్‌జీపీటీ కేవలం ప్రశ్నలకు సమాధానాలు ఇవ్వడం, ఈమెయిల్స్ రాయడం వంటి పనులకే పరిమితం కాలేదు. తప్పిపోయిన ఓ వృద్ధుడిని అతడి కుటుంబ సభ్యుల వద్దకు చేర్చడంలోనూ ఉపయోగపడింది. పంజాబ్‌కు చెందిన చమన్ లాల్ అనే వృద్ధుడు అమృత్‌సర్ తీర్థయాత్ర సందర్భంగా తన బృందం నుంచి తప్పిపోయి పొరపాటున బిహార్ వెళ్లే రైలు ఎక్కారు. చివరకు గయ చేరుకున్న ఆయనకు ఓ స్థానిక వ్యక్తి చాట్‌జీపీటీ, ఇంటర్నెట్ సాయంతో స్వగ్రామాన్ని గుర్తించి కుటుంబ సభ్యుల వద్దకు చేర్చేందుకు సహకరించారు.తీర్థయాత్రలో బృందం నుంచి విడిపోయిన వృద్ధుడులుధియానాలోని ఫతేగఢ్ గుజరాన్ గ్రామానికి చెందిన చమన్ లాల్ సెప్టెంబర్ 11న పంజాబ్ ప్రభుత్వ ముఖ్యమంత్రి తీర్థయాత్ర పథకం కింద అమృత్‌సర్‌లోని స్వర్ణ దేవాలయాన్ని దర్శించేందుకు వెళ్లారు. అయితే అక్కడ ఆయన తన బృందంలోని ఇతర సభ్యుల నుంచి విడిపోయారు. అనంతరం అమృత్‌సర్ రైల్వే స్టేషన్‌కు చేరుకున్న ఆయన పొరపాటున బిహార్ వెళ్లే రైలు ఎక్కారు. చివరకు గయ చేరుకున్నారు. కుటుంబ సభ్యులు తెలిపిన వివరాల ప్రకారం చమన్ లాల్‌కు జ్ఞాపకశక్తికి సంబంధించిన సమస్యలు ఉన్నాయి. దీంతో తన ఇంటి పూర్తి చిరునామాను చెప్పలేకపోయారు.స్థానికుడి కంటపడిన చమన్ లాల్గయ రైల్వే స్టేషన్ సమీపంలో నీరజ్‌ అనే వ్యక్తి చమన్ లాల్‌ను గుర్తించారు. ఆయన ఆందోళనగా, ఆకలితో కనిపించడంతో నీరజ్‌ తన ఇంటికి తీసుకెళ్లి భోజనం పెట్టారు. వృద్ధుడికి తన గ్రామం పేరు ‘ఫతేగఢ్ గుజరాన్’ మాత్రమే గుర్తుంది. దీంతో నీరజ్‌ ఆయన కుటుంబ సభ్యుల ఆచూకీ కోసం ప్రయత్నించడం ప్రారంభించారు. సుమారు నాలుగు రోజుల పాటు చమన్ లాల్‌ను తన వద్దే ఉంచుకున్నారు.చాట్‌జీపీటీతో గ్రామం కోసం వెతుకులాటచమన్ లాల్ పంజాబీ భాషలో చెప్పిన పేర్లు, గ్రామం పేరును ఆధారంగా చేసుకుని నీరజ్‌ ఆన్‌లైన్‌లో వెతకడం ప్రారంభించారు. ఇందులో భాగంగా ఓపెన్‌ఏఐకి చెందిన చాట్‌జీపీటీని కూడా ఉపయోగించారు. గ్రామం పేరుకు సంబంధించిన వివిధ పదాల కలయికలతో చాట్‌జీపీటీ, ఇంటర్నెట్‌లో దాదాపు మూడు రోజుల పాటు సమాచారం వెతికారు.లుధియానాలో గ్రామం ఆచూకీ లభ్యంచివరకు లుధియానా జిల్లాలోని మచ్చీవాడా సాహిబ్ సమీపంలో ఫతేగఢ్ గుజరాన్ అనే గ్రామం ఉన్నట్లు గుర్తించారు. ఆ తర్వాత నీరజ్‌.. చమన్ లాల్‌ను వెంట తీసుకుని గయాజీ నుంచి పంజాబ్ వరకు ప్రయాణించారు. లుధియానా చేరుకున్న అనంతరం మచ్చీవాడా ప్రాంతంలో స్థానికులను అడుగుతూ, చమన్ లాల్ ఫొటోను చూపిస్తూ గ్రామం గురించి సమాచారం సేకరించారు. ఓ స్థానిక వ్యక్తి చమన్ లాల్‌ను గుర్తించారు. ఆయన కోసం గాలిస్తున్న సమయంలో సోషల్ మీడియాలో చమన్ లాల్ ఫొటోను గతంలో చూసినట్లు తెలిపారు. అనంతరం కృష్ణ లాల్ అనే వ్యక్తి చమన్ లాల్ కుటుంబ సభ్యులను సంప్రదించారు. ఈ విధంగా అమృత్‌సర్‌లో తప్పిపోయిన చమన్ లాల్ కొన్ని రోజుల తర్వాత సురక్షితంగా తన కుటుంబ సభ్యులను కలుసుకున్నారు. వృద్ధుడి ఆచూకీ గుర్తించడంలో స్థానికుల ప్రయత్నాలతో పాటు చాట్‌జీపీటీ, ఇంటర్నెట్ కూడా సహాయకారిగా నిలిచాయి. ఇదీ చదవండి: చాట్‌జీపీటీ, జెమినీలను వణికిస్తున్న ‘జేవ్‌ ఏఐ’!

దేశ ఆర్థిక సార్వభౌమాధికారం, భవిష్యత్తు ప్రగతిపై ప్రముఖ విశ్లేషకులు ఆనంద్ రంగనాథన్ చేసిన వ్యాఖ్యలు జాతీయ స్థాయిలో ఆర్థిక, రాజకీయ చర్చకు తెరలేపాయి. భారతదేశం సమష్టి ప్రభుత్వ రుణం (కేంద్ర, రాష్ట్రాల అప్పులు) రూ.280 లక్షల కోట్లకు పైగా దాటిందని వ్యాఖ్యానించడం ఇప్పుడు ఆర్థిక వేత్తల్లోనూ, సాధారణ పౌరుల్లోనూ కలవరాన్ని కలిగిస్తోంది. ఓ ఇంటర్వ్యూలో రంగనాథన్‌ మాట్లాడుతూ ఈ వ్యాఖ్యలు చేశారు.అసలు అప్పుల భారం ఎంత?అధికారిక రికార్డులు పరిశీలిస్తే పరిస్థితి తీవ్రత అర్థమవుతుంది. కేంద్ర ప్రభుత్వ సర్దుబాటు చేసిన నికర రుణం 2026 మార్చి నాటికి దాదాపు రూ.200.53 లక్షల కోట్లుగా ఉంది. 2026-27 ఆర్థిక సంవత్సరం ముగిసే సమయానికి ఇది రూ.218.63 లక్షల కోట్లకు పెరుగుతుందని అంచనా వేస్తున్నారు. ఇందులో అంతర్గత రుణాలు రూ.207.70 లక్షల కోట్లు కాగా, విదేశీ రుణాలు రూ.7.11 లక్షల కోట్లుగా ఉన్నాయి. కేంద్రంతో పాటు రాష్ట్రాల అప్పులను కలిపితే మొత్తం ప్రభుత్వ రుణం రూ.270-రూ.280 లక్షల కోట్లకు చేరుకుందని నిపుణులు పేర్కొంటున్నారు. ఎఫ్ఆర్బీఎమ్ చట్టం ప్రకారం కేంద్ర ప్రభుత్వ రుణం జీడీపీలో 40 శాతంగానూ, ఉమ్మడి రుణం 60 శాతంగానూ ఉండాలి. కానీ ప్రస్తుతం ఈ పరిమితిని దాటి అప్పులు పెరిగిపోవడం ఆర్థిక క్రమశిక్షణపై ప్రశ్నలను లేవనెత్తుతోంది.ప్రభుత్వ నికర అప్పుల అంచనా (రూ.లక్షల కోట్లలో)2025-26 మార్చి 31 నాటికి: రూ.200.532026-27 మార్చి 31 నాటికి: రూ.218.63సవాళ్లు.. భిన్న దృక్పథాలుఈ రుణ భారంపై ప్రధానంగా రెండు రకాల వాదనలు వినిపిస్తున్నాయి.వడ్డీల భారం - అనుత్పాదక వ్యయం: ఆనంద్ రంగనాథన్ హెచ్చరించినట్లుగా 2026-27 బడ్జెట్‌లో వడ్డీ చెల్లింపులకే రూ.14 లక్షల కోట్లకు పైగా కేటాయించాల్సి వస్తోంది. ప్రభుత్వ పన్ను ఆదాయంలో ప్రతి రూపాయిలో దాదాపు 40 పైసలు కేవలం వడ్డీలకే పోతుండడం గమనార్హం. ఇది భవిష్యత్తులో విద్య, వైద్యం, సంక్షేమం వంటి రంగాలకు చేసే వ్యయాన్ని తీవ్రంగా తగ్గిస్తుంది.మూలధన వ్యయం - వృద్ధి వ్యూహం: భాజపా ప్రతినిధి ప్రదీప్ భండారీ వంటి నాయకులు దీన్ని సమర్థిస్తున్నారు. మౌలిక వసతులు, రహదారులు, ప్రాజెక్టుల నిర్మాణానికి (మూలధన వ్యయం) చేసే అప్పులు దేశ భవిష్యత్తు ఆర్థిక వృద్ధికి ఆస్తులను సృష్టిస్తాయని, భారత్ వేగంగా అభివృద్ధి చెందుతున్న ఆర్థిక వ్యవస్థ కావడం వల్ల ఈ రుణం ప్రమాదకరం కాదని వారి వాదన.సామాన్యుడిపై ప్రభావం ఏమిటి?వృద్ధి రేటు మెరుగ్గా ఉన్నంత కాలం డెట్-టు-జీడీపీ నిష్పత్తి అదుపులోనే ఉన్నట్లు అనిపించినా ఏ కారణంచేతనైనా ఆర్థిక వ్యవస్థ నెమ్మదిస్తే అసలు సమస్య మొదలవుతుంది. పెరుగుతున్న వడ్డీల భారం వల్ల పన్నుల భారాన్ని పెంచడమో లేదా ప్రజా ఉపయోగకర పథకాలకు నిధుల కోత విధించడమో జరుగుతుంది. ఆస్తుల సృష్టికి చేసే అప్పు స్వాగతించదగినదే అయినప్పటికీ ఉచితాలు, అనుత్పాదక వ్యయాల కోసం చేసే అప్పులు రాబోయే తరాల భవిష్యత్తును అంధకారం చేస్తాయి. ప్రజాధనం వడ్డీలకు జమ కాకుండా దేశ ప్రగతికి వినియోగపడేలా కఠిన ఆర్థిక నియంత్రణ అవసరమని నిపుణులు చెబుతున్నారు.ఇదీ చదవండి: బంగారం కొనాలా? ఆగాలా?.. ఈరోజు కొత్త రేట్లు ఇవే..

న్యూఢిల్లీ: ఢిల్లీలో కొత్త ట్రాఫిక్‌ చలాన్‌ నిబంధనలపై న్యాయవాదులు తీవ్ర అభ్యంతరం వ్యక్తం చేస్తున్నారు. చలాన్‌పై అభ్యంతరం ఉంటే.. ముందుగా అధికారులకే ఫిర్యాదు చేయాలి.. ఒకవేళ అక్కడ కూడా తిరస్కరణకు గురైతే కోర్టును ఆశ్రయించాలి. అలా చేసేముందు చలాన్‌ మొత్తంలో 50 శాతం చెల్లించాలన్న నిబంధనపై వారు ఆందోళన వ్యక్తం చేస్తున్నారు. అయితే, ఈ నిబంధనను వ్యతిరేకిస్తూ సోమవారం ఢిల్లీ జిల్లా కోర్టుల న్యాయవాదులు విధులకు దూరంగా ఉండి నిరసన తెలిపారు.ట్రాఫిక్‌ చలాన్‌ విషయంలో ఈ నిబంధన వాహనదారులకు మరిన్ని ఇబ్బందులు తెచ్చిపెట్టేలా ఉందన్న చర్చ మొదలైంది. దాంతో తప్పుగా చలాన్‌ వేశారని భావించే వ్యక్తి ముందుగా నిర్ణీత అధికారికి అభ్యంతరం చెప్పాలి. అక్కడ కూడా తన వాదనకు అనుకూలంగా నిర్ణయం రాకపోతే కోర్టును ఆశ్రయించవచ్చు. అయితే కోర్టుకు వెళ్లే ముందు చలాన్‌ మొత్తంలో సగం చెల్లించాల్సి ఉంటుంది. ఈ 50 శాతం నిబంధనే ఇప్పుడు ప్రధాన వివాదంగా మారింది.ఈ మార్పులు సెంట్రల్‌ మోటార్‌ వెహికల్‌ రూల్స్‌ (CMVR), 1989లోని రూల్‌ 167కు చేసిన సవరణలతో వచ్చాయి. దీంతో కొత్త రూల్‌ 167(5) ప్రకారం.. చలాన్‌ జారీ అయిన తర్వాత వాహనదారుడికి రెండు అవకాశాలు ఉంటాయి. చలాన్‌లో పేర్కొన్న జరిమానాను చెల్లించడం లేదా నిర్ణీత పోర్టల్‌తో దానిని సవాలు చేయడం. ఇలా అభ్యంతరం తెలిపేటప్పుడు అందుకు సంబంధించిన పత్రాలు, ఆధారాలను కూడా సమర్పించాల్సి ఉంటుంది.అయితే, చలాన్‌ను సవాలు చేసేందుకు 45 రోజుల గడువు ఉంటుంది. ఈ సమయంలోనే అధికారిని ఆశ్రయించకపోతే చలాన్‌ను అంగీకరించినట్టుగా పరిగణిస్తారు. అయినప్పటికీ ఒకవేళ వాహనదారుడి అభ్యంతరాన్ని అధికారి తిరస్కరిస్తే.. ఆ తర్వాత సంబంధిత కోర్టును ఆశ్రయించవచ్చు. అయితే దీనికన్నా ముందే చలాన్‌ మొత్తంలో 50 శాతం చెల్లించాల్సి ఉంటుంది.ఈ నిబంధనపైనే న్యాయవాదులు ప్రధానంగా ప్రశ్నలు లేవనెత్తుతున్నారు. చలాన్‌ సరైనదా? కాదా? అనే విషయాన్ని తుది నిర్ణయంగా తేల్చాల్సింది న్యాయస్థానమేనని వారు చెబుతున్నారు. ప్రభుత్వ అధికారి ముందుగా అభ్యంతరాన్ని తిరస్కరించిన తర్వాతే కోర్టును ఆశ్రయించే అవకాశం కల్పించడం వల్ల న్యాయపరమైన హక్కులకు ఇబ్బంది కలగొచ్చని అభిప్రాయపడుతున్నారు. అంతేకాకుండా ముందుగానే 50 శాతం జరిమానా చెల్లించాల్సిన నిబంధన సామాన్యులకు భారంగా మారుతుందని అంటున్నారు.మరోవైపు ట్రాఫిక్‌ నిబంధనల ఉల్లంఘనకు ప్రత్యేక పరిస్థితులు కూడా కారణం కావచ్చని న్యాయవాదులు చెబుతున్నారు. అత్యవసర వైద్య పరిస్థితి, తీవ్రమైన ట్రాఫిక్‌ జామ్‌ వంటి సందర్భాల్లో అనుకోకుండా నిబంధన ఉల్లంఘించే పరిస్థితి రావచ్చని పేర్కొంటున్నారు. అలాంటి సందర్భాల్లో తమ వాదనను కోర్టు ముందు వివరించే అవకాశం ఉండాలని కోరుతున్నారు. ఈ నేపథ్యంలో కొత్త చలాన్‌ విధానంపై ఢిల్లీలోని జిల్లా కోర్టుల బార్‌ అసోసియేషన్లు ఇప్పటికే అభ్యంతరం వ్యక్తం చేయగా.. సెప్టెంబర్‌ 20న సర్క్యులర్‌ జారీ చేశాయి. దీంతో తాజాగా న్యాయవాదులు విధులకు దూరంగా ఉండటంతో ఈ అంశం మరింత చర్చనీయాంశంగా మారింది.ఇదీ చదవండి: చాట్‌జీపీటీ, జెమినీలను వణికిస్తున్న ‘జేవ్‌ ఏఐ’!

ఐదు నక్షత్రాల హోటల్‌.. ఖరీదైన సదుపాయాలు.. అత్యాధునిక భద్రతా ఏర్పాట్లు ఉంటాయేమోనని ఎవరైనా అనుకుంటారు. అలా అనుకునే ఆ సీనియర్‌ ఐఏఎస్‌ అధికారి భార్య కూడా వెళ్లింది. సరిగ్గా అప్పుడే ఆమె ఎక్కన లిఫ్ట్‌ పని చేయకుండా పోయింది. అలా అరగంట గడిచాక.. ఆమెను బయటకు తీస్తే.. బతుకు జీవుడా అనుకుంటూ ఏడుస్తూ వెళ్లిపోయింది. అయితే ఆ తర్వాతే అసలు కథ మొదలైంది..ఓ వైద్య సదస్సుకు హాజరయ్యేందుకు వచ్చిన సీనియర్‌ ఐఏఎస్‌ అధికారి భార్యతో పాటు మరో వైద్యుడు, వైద్య సిబ్బంది లిఫ్ట్‌లో చిక్కుకుపోయారు. లిఫ్ట్‌లో ఉన్న సంప్రదింపు నంబర్‌కు పలుమార్లు ఫోన్‌ చేసినా వెంటనే స్పందన రాలేదు. చివరకు విషయం అధికారుల దృష్టికి వెళ్లడంతో నగరపాలక సంస్థ ఫైర్‌ బ్రిగేడ్‌, విద్యుత్‌, ఆరోగ్య విభాగాల సిబ్బంది అక్కడికి చేరుకుని ముగ్గురినీ సురక్షితంగా బయటకు తీసుకొచ్చారు. దాదాపు 20 నుంచి 25 నిమిషాల తర్వాత వాళ్లు బయటకు వచ్చారు.మధ్యప్రదేశ్‌ భోపాల్‌లోని అరీరా హిల్స్‌ ప్రాంతంలోని కోర్ట్‌యార్డ్‌ బై మారియట్‌ హోటల్‌లో ఆదివారం ఉదయం ఈ ఘటన జరిగింది. లిఫ్ట్‌లో చిక్కుకున్న వారిని బయటకు తీసిన తర్వాత అధికారులు అక్కడితో ఆగలేదు. ఘటనకు అసలు కారణమేంటి? లిఫ్ట్‌ నిర్వహణ ఎలా ఉంది? అత్యవసర పరిస్థితుల్లో ప్రయాణికులను రక్షించే పరికరాలు ఉన్నాయా? అనే కోణాల్లో హోటల్‌ భద్రతా ఏర్పాట్లను పరిశీలించారు. ఈ తనిఖీల్లో కీలకమైన ఆటోమేటిక్‌ రెస్క్యూ డివైస్‌ (ARD) లిఫ్ట్‌లో లేదని గుర్తించారు. అంతేకాదు.. లిఫ్ట్‌లకు చేయాల్సిన నెలవారీ నిర్వహణ కూడా సకాలంలో జరగలేదని తేలింది. ఆగస్టు 31న చేయాల్సిన మెయింటెనెన్స్‌ పెండింగ్‌లో ఉన్నట్లు అధికారులు గుర్తించారు. లిఫ్ట్‌ తనిఖీతో ఆగకుండా హోటల్‌లోని అగ్నిమాపక భద్రతా ఏర్పాట్లను కూడా అధికారులు పరిశీలించారు. ఫైర్‌ సేఫ్టీ పరికరాలు, అత్యవసర తరలింపు మార్గాలు, ఎగ్జిట్‌ గేట్లను తనిఖీ చేశారు. నిర్దేశిత ప్రమాణాలకు అనుగుణంగా కొన్ని ఏర్పాట్లు లేవని నగరపాలక సంస్థ తెలిపింది.ఇక ఆరోగ్య విభాగం హోటల్‌ ఫుడ్‌ సేఫ్టీ లైసెన్స్‌తో పాటు సంబంధిత పత్రాలను కూడా పరిశీలించింది. అంటే ఒక లిఫ్ట్‌ ఆగిపోవడంతో మొదలైన తనిఖీలు.. హోటల్‌ మొత్తంలోని భద్రతా వ్యవస్థలపైకి వెళ్లాయన్నమాట. వరుస లోపాలు బయటపడటంతో హోటల్‌లోని మూడు లిఫ్ట్‌లను భోపాల్‌ నగరపాలక సంస్థ తాత్కాలికంగా సీజ్‌ చేసింది. ఈ హోటల్‌ను గతంలోనూ తనిఖీ చేసి, భద్రతా ప్రమాణాలు పాటించాలని నోటీసులు ఇచ్చినట్లు అధికారులు తెలిపారు. అయినప్పటికీ లిఫ్ట్‌ నిర్వహణ, ఫైర్‌ సేఫ్టీకి సంబంధించిన లోపాలు మళ్లీ కనిపించడంతో తాజా చర్యలు తీసుకున్నట్లు పేర్కొన్నారు. ఇది ఇక్కడితోనే ఆగిపోయిందని అనుకుంటున్నారా?.ఇప్పుడు నగరమంతా తనిఖీలుఈ ఘటనతో భోపాల్‌ నగరపాలక సంస్థ మరింత విస్తృత తనిఖీలకు సిద్ధమైంది. నగరంలోని హోటళ్లు, ఆసుపత్రులు, బహుళ అంతస్తుల భవనాలు, వాణిజ్య సముదాయాల్లో ఉన్న లిఫ్ట్‌లను తనిఖీ చేయాలని నిర్ణయించింది. లిఫ్ట్‌లకు సకాలంలో మెయింటెనెన్స్‌ జరుగుతోందా? ఏడీఆర్‌ వంటి భద్రతా పరికరాలు ఉన్నాయా? అవసరమైన ధ్రువపత్రాలు సక్రమంగా ఉన్నాయా? అనే అంశాలను పరిశీలించనుందట. భద్రతా ప్రమాణాలు ఉల్లంఘించిన సంస్థలపై చర్యలు తీసుకుంటామని నగరపాలక సంస్థ కమిషనర్‌ సంస్కృతి జైన్‌ ఆదేశాలు జారీ చేశారు. హోటళ్లు, ఆసుపత్రులు, బహుళ అంతస్తుల భవనాల నిర్వాహకులు లిఫ్ట్‌ల నిర్వహణతో పాటు అన్ని భద్రతా ఏర్పాట్లను నిర్దేశిత ప్రమాణాల ప్రకారం ఎప్పటికప్పుడు పరిశీలించుకోవాలని అధికారులు సూచించారు. ఒకవేళ ఆ లిఫ్ట్‌లో ఐఏఎస్‌ అధికారి భార్య సహా ముగ్గురు చిక్కుకోకపోయి ఉంటే.. ఈ లోపాలన్నీ ఇంత త్వరగా వెలుగులోకి వచ్చేవా అనే ప్రశ్న ఇప్పుడు నెట్టింట చర్చనీయాంశంగా మారింది.ఇదీ చదవండి: ఎస్సై మర్డర్‌ కేసులో బిగ్‌ ట్విస్ట్‌

ఆర్టిఫిషియల్‌ ఇంటెలిజెన్స్‌ (ఏఐ) రంగంలో మరో కొత్త మోడల్‌ చర్చనీయాంశంగా మారింది. టైప్‌సేఫ్‌ ఏఐ సంస్థ అభివృద్ధి చేసిన ‘జేవ్‌’(jev) మోడల్‌.. విడుదలైన కొద్దిసేపటికే వేగంగా వినియోగదారులను ఆకట్టుకున్నట్లు సమాచారం. సెప్టెంబర్‌ 15న ఈ మోడల్‌ను విడుదల చేశారు. సోమవారం వెల్లడైన వివరాల ప్రకారం.. విడుదలైన 24 గంటల్లోనే అత్యధికులు ‘జేవ్‌’ను ఉపయోగించడం ప్రారంభించారు.చాట్‌జీపీటీ, జెమినీలకు ఎలా భిన్నం?జేవ్‌ను చాట్‌జీపీటీ, జెమినీ తరహా సాధారణ ఏఐచాట్‌బాట్‌గా భావించకూడదు. అవి ప్రధానంగా ప్రశ్నలకు సమాధానాలు ఇవ్వడం, కథనాలు రాయడం, ఇ-మెయిల్స్‌ రూపొందించడం వంటి పనులకు ఉపయోగపడతాయి. అయితే జేవ్‌ ప్రధానంగా నిర్దిష్ట సమాచారం ఆధారంగా నిర్ణయాలు తీసుకోవడంలో సహాయపడేలా రూపొందించారు.ఉదాహరణకు.. ఒక సంస్థకు వేలాది కస్టమర్‌ ఫిర్యాదులు వస్తున్నాయని అనుకుందాం. వాటిలో చెల్లింపులకు సంబంధించిన సమస్యలు ఏవి, సాంకేతిక ఇబ్బందులు ఏవి, తక్షణమే ఉద్యోగి జోక్యం అవసరమైన కేసులు ఏవి అనే విషయాలను గుర్తించడంలో ‘జేవ్‌’సహాయపడుతుంది. ముందుగా నిర్దేశించిన ఎంపికల్లో ఒకదాన్ని ఎంచుకోవడంతోపాటు.. ఆ నిర్ణయంపై తనకు ఎంత నమ్మకం ఉందో కూడా తెలియజేయగలదు.ఏయే పనులకు ఉపయోగపడుతుంది?జేవ్‌ ప్రధానంగా సాఫ్ట్‌వేర్‌ సంస్థలు, కస్టమర్‌ కేర్‌ విభాగాలు, డెవలపర్లకు ఉపయోగపడేలా రూపొందించారు. కస్టమర్‌ ఫిర్యాదులను సంబంధిత విభాగాలకు పంపడం, ఒక పనిలో ఉన్న ప్రమాదాన్ని అంచనా వేయడం, ఏఐ ఇచ్చిన సమాధానాలను పరిశీలించడం, ఒక పనిని ఆటోమేటిక్‌గా చేయాలా లేదా మానవుడి జోక్యం అవసరమా అనే నిర్ణయాల్లో దీనిని ఉపయోగించవచ్చు.జేవ్‌ ప్రత్యేకతలు ఏమిటి?సుదీర్ఘమైన సమాధానాలు ఇవ్వడం కంటే.. వేగంగా నిర్ణయాలు తీసుకోవడం జేవ్‌ ప్రధాన లక్ష్యంగా కనిపిస్తోంది. ఎంపికల్లో సరైనదాన్ని ఎంచుకోవడం, సమాచారాన్ని వివిధ కేటగిరీలుగా విభజించడం, స్కోర్లు ఇవ్వడం వంటి పనులను ఇది చేయగలదు. మోసాలను గుర్తించడం, కస్టమర్‌ ఫిర్యాదులను వర్గీకరించడం, కంటెంట్‌ను పరిశీలించడం, ఏఐ ఏజెంట్లు తదుపరి చర్యను ఎంచుకోవడంలో సహాయపడటం వంటి పనులకు జేవ్‌ను ఉపయోగించవచ్చు. అయితే బారీస్థాయిలో వినియోగం పెరిగిన తర్వాతే దీని వాస్తవ సామర్థ్యం, పనితీరు గురించి మరింత స్పష్టత వచ్చే అవకాశం ఉంది. జేవ్‌ ఏఐ త్వరలో అందిరికీ అందుబాటులోకి రానున్నదని సమాచారం.ఇదీ చదవండి: కేతన్ హత్య కేసు: సియా కుటుంబంపై మరిన్ని అనుమానాలు!

సాక్షి, చెన్నై: వీసీకే నేత, ఎంపీ తిరుమావళవన్‌ ప్రయాణిస్తున్న కార్‌ రిజిస్ట్రేషన్‌ నంబర్‌ తాజాగా చర్చకు దారి తీసింది. టీఎన్‌ 07 సీఎం 2031 నెంబర్‌తో ఆ కారు ఉండటం ఈ చర్చకు కారణం. 2031లో తమిళనాట జరిగే అసెంబ్లీ ఎన్నికలలో తిరుమా సీఎం అన్న నినాదాన్ని సూచించే విధంగా ఈ నెంబర్‌ ఉన్నట్టు ప్రచారం ఊపందుకుంది. ఆ నంబర్‌ ప్లేట్‌ భవిష్యత్‌ సీఎం పదవికి సంకేతమని ఆయన పార్టీ శ్రేణులు వీసీకే వర్గాలు ఉత్సాహంగా సోషల్‌ మీడియాలో వైరల్‌ చేస్తుండటం గమనార్హం. కాగా, విజయ్‌ నటించిన చిత్రంలో ఆయన ఉపయోగించిన కారు రిజిస్ట్రేషన్ నంబర్‌ టీఎన్‌ 07 సీఎం 2026గా చూపించారు. ఆ మేరకు 2026లో విజయ్‌ సీఎం కావడంతో తిరుమా కూడా సీఎం కావడం తథ్యమన్నట్టుగా వీసీకే వర్గాలు ఉత్సాహం చూపిస్తుండటం ఈ చర్చకు ప్రధాన కారణంగా మారింది. ఇదీ చదవండి: యూపీ, ఉత్తరాఖండ్‌లో 11 రాజ్యసభ సీట్లకు ఎన్నికల షెడ్యూల్‌

నదులు, చెరువుల్లో చెత్త పారబోయడం ఒక ఎత్తయితే.. పేరుకుపోయిన ఆ చెత్తకంపుతో ముక్కు మూసుకుని పట్టించుకోకుండా వెళ్లిపోతుంటాం మనం. కానీ సురేంద్ర అలాంటోడు కాదు. ఎవరో వస్తారని.. ఏదో చేస్తారని.. ఎదురు చూడడం అతనికి చేత కాదు. చిన్నప్పటి నుంచే నీళ్లలోకి దిగి.. తన చేతులతోనే చెత్తను తొలగిస్తూ పర్యావరణ పరిరక్షణకు తనవంతు ప్రయత్నం చేస్తున్నాడు. అలా సోషల్‌ మీడియాలో ‘బిట్టూ తబాహీ’గా గుర్తింపు పొందిన అతడు.. ఇప్పుడు యమునా నదిని శుభ్రం చేసే మిషన్‌ చేపట్టాడు. సెప్టెంబర్‌ 20న ప్రపంచ శుభ్రత దినోత్సవం సందర్భంగా.. యమునా నదిని శుభ్రం చేసే కార్యక్రమాన్ని బిట్టూ తబాహీ చేపట్టారు. అతడి వెంట వచ్చిన వాలంటీర్లు సుమారు నాలుగున్నర గంటలపాటు యమునా ఒడ్డును శుభ్రం చేశారు. ఈ సమయంలో ఏకంగా 585 కిలోల చెత్తను తొలగించారు. ప్లాస్టిక్‌ వ్యర్థాలతో పాటు పూలు, దండలు, పూజా సామగ్రి, ఇతర చెత్తను ఒడ్డునుంచి సేకరించారు. స్థానికులు కూడా ఈ కార్యక్రమంలో పాల్గొని అతడికి సహకరించారు. బిట్టూ తబాహీ అసలు పేరు సురేంద్ర సింగ్‌ చౌదరి. మధ్యప్రదేశ్‌లోని రాజ్‌గఢ్‌ జిల్లా బియోరాకు చెందిన అతడు స్కూల్‌ పిల్లాడిగా ఉన్నప్పుడే నదులు, బహిరంగ ప్రదేశాల శుభ్రతపై దృష్టి పెట్టాడు. అతడి సోషల్‌ మీడియా ఖాతాల్లో చెత్తతో నిండిన ప్రాంతాల్లోకి వెళ్లి స్వయంగా శుభ్రం చేస్తున్న వీడియోలు కనిపిస్తాయి. పెద్ద యంత్రాలు, భారీ సిబ్బంది లేకుండానే సాధారణ పరికరాలతో చెత్తను తొలగించడం అతడి ప్రత్యేకతగా మారింది. అజ్నార్‌ నదితోనే అసలు గుర్తింపు..బిట్టూకు భారీగా గుర్తింపు తెచ్చింది మధ్యప్రదేశ్‌లోని అజ్నార్‌ నది. ప్లాస్టిక్‌, చెత్త, ఆల్గీతో నది దాదాపు డంపింగ్‌ యార్డులా మారిన పరిస్థితిని చూసి.. జనవరి 26న అక్కడ శుభ్రత కార్యక్రమాన్ని ప్రారంభించాడు. తొలుత కొందరు స్నేహితులు అతడితో కలిసి పనిచేసినా.. ఆ తర్వాత వారు తప్పుకోవడంతో బిట్టూ ఒంటరిగానే నదిలోకి దిగి చెత్త తొలగించడం కొనసాగించాడు. వారాలపాటు ఈ పని చేస్తూ ప్లాస్టిక్‌, సీసాలు, ఇతర వ్యర్థాలను బయటకు తీశాడు. అతడు చేస్తున్న పనిని వీడియోలుగా సోషల్‌ మీడియాలో పోస్టు చేయడంతో అవి వైరల్‌ అయ్యాయి. నదిని శుభ్రం చేయడానికి బిట్టూ తన సొంత డబ్బుతో అవసరమైన సామగ్రిని కొనుగోలు చేశాడు. కొందరు మాత్రం పిల్లాడు సోషల్‌ మీడియా ప్రచారం కోసమే చేస్తున్నాడంటూ విమర్శించారు. కానీ బిట్టూ మాత్రం తన పని తాను చేసుకుంటూ పోయాడు. ఆయన ప్రశంసతో వెలుగులోకిఅజ్నార్‌ నదిని శుభ్రం చేస్తున్న బిట్టూ వీడియోలు సోషల్‌ మీడియాలో విస్తృతంగా వైరల్‌ కావడంతో ప్రముఖ పారిశ్రామికవేత్త ఆనంద్‌ మహీంద్రా కూడా స్పందించారు. బియోరాకు చెందిన ఈ యువకుడిని తన ‘మండే మోటివేషన్‌’గా పేర్కొంటూ ఆయన బిట్టూ చేసిన పనిని ప్రశంసించారు. దీంతో బిట్టూ కథ దేశవ్యాప్తంగా మరింతగా వైరల్‌ అయింది. జెన్‌జీకి ఇలాంటి కుర్రాళ్ల స్ఫూర్తి కచ్చితంగా ఉండాలనే అభిప్రాయం సర్వత్రా వ్యక్తమైంది. విదేశీ సంస్థ నుంచి ఉద్యోగ ఆఫర్‌!బిట్టూ చేసిన పని అంతర్జాతీయ స్థాయిలోనూ దృష్టిని ఆకర్షించింది. నెదర్లాండ్స్‌కు చెందిన పర్యావరణ సంస్థ ది ఓషన్‌ క్లీనప్‌ వ్యవస్థాపకుడు, సీఈవో బోయన్‌ స్లాట్‌.. సోషల్‌ మీడియాలో బిట్టూ పనిపై స్పందిస్తూ అతడిని తమ సంస్థలో పనిచేయాలని ఆహ్వానించారు. ఈ ఆహ్వానం కూడా సోషల్‌ మీడియాలో వైరల్‌ అయింది. ఆ తర్వాత బిట్టూ తన శుభ్రత కార్యక్రమాన్ని ఒక్క నదికే పరిమితం చేయకుండా దేశంలోని వివిధ ప్రాంతాలకు తీసుకెళ్లాలని నిర్ణయించుకున్నాడు. ఏ రాష్ట్రానికి వెళ్లాలి, ఎక్కడి నదిని శుభ్రం చేయాలి అంటూ సోషల్‌ మీడియాలో ప్రజలను సూచనలు కూడా కోరాడు.ఇప్పుడు యమునా! తర్వాత ఎక్కడంటే..అజ్నార్‌ నది తర్వాత బిట్టూ దృష్టి మధ్యలో చిన్నాచితకా కాలువలు, చెరువులపై పడింది. ఆ తర్వాత దేశ రాజధానికి చేరి .. యమునా నదిని శుభ్రం చేయాలని డిసైడ్‌ అయ్యాడు. ఈ క్రమంలోనే అతని పిలుపునకు వందల మంది వలంటీర్లు ముందుకు వచ్చారు. మూడు రోజులపాటు యమునా పరిసరాల్లో శుభ్రత కార్యక్రమాన్ని నిర్వహిస్తున్నాడు. తొలి రోజే.. అదీ నాలుగు గంటల్లోనే వందల కిలోల చెత్తను తొలగించడంతో ఈ కార్యక్రమం మరోసారి సోషల్‌ మీడియాలో చర్చనీయాంశమైంది. తదుపరి తన శుభ్రత కార్యక్రమాన్ని గురుగ్రామ్‌లోని ఖేడ్కీ దౌలాకు తీసుకెళ్లనున్నట్లు బిట్టూ వెల్లడించాడు. ఒక చిన్న పట్టణానికి చెందిన యువకుడు.. ప్రభుత్వ యంత్రాంగం కోసం ఎదురుచూడకుండా తన చేతులతోనే నదిలోని చెత్తను తొలగించడం మొదలుపెట్టాడు. ఆ పని వీడియోలుగా మారి సోషల్‌ మీడియాలో వైరల్‌ అయింది. ఇప్పుడు అదే వైరల్‌ ప్రయాణం అతడిని యమునా ఒడ్డుకు, అక్కడి నుంచి దేశవ్యాప్తంగా శుభ్రత కార్యక్రమాల వైపు తీసుకెళ్తోంది.

పూణె: మహారాష్ట్రలోని పూణేకు చెందిన రియల్టర్ కేతన్ అగర్వాల్ హత్య కేసులో సరికొత్త అనుమానాలు తెరపైకి వచ్చాయి. తన కుమారుడి హత్య కుట్రలో కేతన్ కాబోయే భార్య సియా గోయల్ కుటుంబ సభ్యుల పాత్ర కూడా ఉండొచ్చని అతని తండ్రి విశాల్ అగర్వాల్ అనుమానం వ్యక్తం చేశారు. ఈ కేసులో నిందితులందరికీ మరణశిక్ష విధించాలని ఆయన డిమాండ్ చేశారు.జూన్ 18న లోహగఢ్ కోట నుంచి కేతన్ అగర్వాల్‌ను కిందకు తోసేయడంతో ఆయన మృతి చెందారు. ఈ కేసులో సియా గోయల్, ఆమె ప్రియుడు చెతన్ చౌదరి, అతని స్నేహితుడు రితేశ్ హాంగేలను పోలీసులు అరెస్టు చేశారు. తాజాగా పుణే రూరల్ పోలీసులు 5,000 పేజీల ఛార్జ్‌షీట్‌ను కోర్టులో దాఖలు చేశారు. కాగా తాను ఇంకా ఛార్జ్‌షీట్‌ను పూర్తిగా చదవలేదని విశాల్ అగర్వాల్ తెలిపారు. దాని ప్రతిని పొందేందుకు ఇప్పటికే కోర్టును ఆశ్రయించినట్లు చెప్పారు. ఛార్జ్‌షీట్‌ను పరిశీలించిన తర్వాతే మరిన్ని విషయాలపై మాట్లాడతానని అన్నారు.అయితే సియా తండ్రి, తల్లి, సోదరుడు, మామ, అత్త కూడా హత్య కుట్రలో భాగస్వాములై ఉండొచ్చని తాను అనుమానిస్తున్నట్లు విశాల్ చెప్పారు. ఇదిలా ఉండగా.. సియా గోయల్, సహ నిందితుడు చెతన్ చౌదరి రహస్యంగా వివాహం చేసుకున్నారన్న వార్తలపై కూడా కేతన్ తండ్రి ప్రశ్నలు లేవనెత్తారు. ఆ విషయం నిజమైతే.. తన కుమారుడితో సియా వివాహానికి ఆమె కుటుంబం ఎందుకు ప్రయత్నించిందని ప్రశ్నించారు.ఈ కేసులో త్వరితగతిన విచారణ చేపట్టాలని, ప్రముఖ న్యాయవాది ఉజ్వల్ నికమ్‌ను ప్రత్యేక పబ్లిక్ ప్రాసిక్యూటర్‌గా నియమించాలని గతంలో మహారాష్ట్ర ముఖ్యమంత్రి దేవేంద్ర ఫడణవీస్‌ను కోరినట్లు విశాల్ తెలిపారు. తన డిమాండ్లపై ఇప్పటివరకు స్పష్టమైన సమాధానం రాలేదని, మరోసారి ప్రభుత్వాన్ని కోరనున్నట్లు చెప్పారు. తన కుమారుడిని హత్య చేసిన వారందరికీ మరణశిక్ష విధించడమే తన ప్రధాన డిమాండ్ అని విశాల్ అగర్వాల్ పునరుద్ఘాటించారు.ఇదీ చదవండి: భారత్‌కు యూఎన్‌ఎస్‌సీలో శాశ్వత సభ్యత్వం

సాక్షి, చెన్నై: చెన్నైలో సంచలనం సృష్టించిన ఎస్‌ఐ రాజ్‌ అనుమానాస్పద మృతి కేసుకు సంబంధించి విస్మయాన్ని కలిగించే నిజాలు వెలుగులోకి వచ్చాయి. ఆత్మహత్య చేసుకున్నాడని భావించిన ఈ ఘటన వెనుక భార్య, ఆమె ప్రియుని ఘాతుకమే ప్రధాన కారణమని పోలీసుల దర్యాప్తులో తేలింది. చెన్నై నుంగంబాక్కంకు చెందిన రాజ్‌ (58) పుదుపేట ఆర్మ్‌డ్‌ ఫోర్స్‌ మోటార్‌ విభాగంలో సబ్‌–ఇన్‌స్పెక్టర్‌గా పనిచేస్తున్నారు. ఆయనకు భార్య సెల్వ రాణి, ఇద్దరు కుమార్తెలు, ఒక కుమారుడు ఉన్నారు. నాలుగు రోజులుగా రాజ్‌ సెలవులో ఉన్నారు. ఆదివారం మధ్యాహ్నం రాజ్‌ ఇంటి మొదటి అంతస్తులో నిద్రిస్తున్న సమయంలో ఒక్కసారిగా ఇంట్లో నుంచి దట్టమైన పొగలు వచ్చాయి. శరీరం అంతా మంటలతో రాజ్‌ కేకలు వేయడంతో, సెల్వ రాణి చుట్టుపక్కల వారి సహాయంతో ఆయనను కిల్‌పాక్కం ప్రభుత్వ ఆసుపత్రికి తరలించగా అప్పటికే మరణించారు. తొలుత రాజ్‌ పోక్సో కేసులో చిక్కుకున్నాడని, ఆ మనస్తాపంతోనే ఆత్మహత్య చేసుకున్నాడని అంతా భావించారు. దర్యాప్తులో భాగంగా పోలీసులు ఇంటి సమీపంలోని సీసీటీవీ కెమెరాలను పరిశీలించగా.. ఘటన జరిగిన సమయంలో ఒక యువకుడు తన ముఖాన్ని దాచుకుంటూ హడావుడిగా ఇంటి నుండి బయటకు పారిపోతున్న దృశ్యాలు రికార్డయ్యాయి. దీనిపై పోలీసులు సెల్వరాణిని తమదైన శైలిలో ప్రశ్నించడంతో మొత్తం వ్యవహారం బయటపడింది. సెల్వరాణికి గతంలోనే వివాహమై, మొదటి భర్తకు దూరమయ్యాక రాజ్‌ను రెండో వివాహం చేసుకుంది. వీరిద్దరికి వయసులో 26 ఏళ్ల వ్యత్యాసం ఉంది. ఆహారంలో నిద్ర మాత్రలు కలిపి..అయితే గత మూడు నెలలుగా సెల్వరాణి సెల్‌ఫోన్‌లో ఎక్కువ సమయం గడపడాన్ని రాజ్‌ గమనించి ప్రశ్నించాడు. ఈ విషయమై దంపతుల మధ్య తరచూ గొడవలు జరుగుతుండేవి. దీంతో ఆగ్రహించిన సెల్వరాణి తన ప్రియుడు దేవాను ఇంటికి రప్పించి, రాజ్‌కు నిద్ర మాత్రలు కలిపిన ఆహారం తినిపించింది. గాఢ నిద్రలో ఉన్న రాజ్‌పై పెట్రోల్‌ పోసి సజీవ దహనం చేసి ఆత్మాహుతి చేసుకున్నట్టుగా నాటకం రచించినట్టు విచారణలో తేలింది. ఈ ఘటనకు సంబంధించి సెల్వ రాణిని అరెస్ట్‌ చేయగా, పరారీలో ఉన్న ప్రియుడి కోసం గాలిస్తున్నారు. ఇదీ చదవండి: సాంబారు గిన్నెలో పడి మహిళ మృతి

ఢిల్లీ: యూపీ, ఉత్తరాఖండ్‌లలో 11 రాజ్యసభ సీట్లకు ఈసీ ఎన్నికల షెడ్యూలు విడుదల చేసింది. యూపీలో 10 సీట్లకు, ఉత్తరఖండ్‌లో ఒక సీటుకు ఎన్నిక జరగనుంది. పశ్చిమ బెంగాల్‌లో రుక్మిణి నాయక్‌ రాజీనామాతో ఖాళీ అయిన స్థానానికి ఉప ఎన్నిక జరగనుంది. యూపీ, ఉత్తరాఖండ్ రాజ్యసభ ఎంపీల పదవీ కాలం నవంబర్ 25తో ముగుస్తుంది.కేంద్ర మంత్రి హర్దీప్ సింగ్ పూరి, ఎంపీలు అరుణ్ సింగ్ ,గీత అలియాస్ చంద్రప్రభ, నీరజ్ శేఖర్ , బ్రి జ్ లాల్ , ప్రొఫెసర్ రామ్ గోపాల్ యాదవ్, రాంజీ ,బి ఎల్ వర్మ, సీమ నరేష్, బన్సల్ రిటైర్‌ కానున్నారు. సెప్టెంబర్ 29న నామినేషన్ల స్వీకరణ ప్రారంభం కానుంది. అక్టోబర్ 16న పోలింగ్, అదే రోజు కౌంటింగ్ జరగనుంది.ఇదీ చదవండి: ‘చిన్న విషయమే..’ జముయి ఘటనపై షాకింగ్‌ వ్యాఖ్యలు

దేశ రాజధాని ఢిల్లీలో మరో దారుణ ఘటన వెలుగుచూసింది. పోలీసులమని చెప్పి ఓ మైనర్‌ బాలికను బెదిరించిన ముగ్గురు వ్యక్తులు ఆమెపై సామూహిక అత్యాచారానికి పాల్పడ్డారు. దక్షిణ ఢిల్లీలోని కల్కాజీ మందిరం దగ్గర ఉన్న పార్కులో సోమవారం రాత్రి ఈ ఘటన చోటుచేసుకుంది. ఈ కేసులో ఓ వ్యక్తిని పోలీసులు అరెస్టు చేయగా.. మరో ఇద్దరి కోసం గాలిస్తున్నారు.పోలీసుల వివరాల ప్రకారం.. 17 ఏళ్ల బాలిక సోమవారం సాయంత్రం తన 17 ఏళ్ల స్నేహితుడితో కలిసి కల్కాజీ మందిరానికి వెళ్లింది. అక్కడ పూజాలు చేశాక.. ఆలయానికి పక్కనే ఉన్న పార్కుకు వెళ్లారు. వాళ్లు ఒంటరిగా ఉండడం గమనించిన ముగ్గురు.. తాము పోలీసులమంటూ వాళ్లను బెదిరించారు. వాళ్లలో ఇద్దరూ ఆ బాలుడ్ని మాట్లాడాలని పక్కకు తీసుకెళ్లగా.. ఒకడు బాలికను తుపాకీ, కత్తితో బెదిరించి లైంగిక దాడికి పాల్పడ్డాడు. అనంతరం మిగిలిన ఇద్దరూ కూడా ఆమెపై అఘాయిత్యానికి పాల్పడ్డారు. ఘటన గురించి బయటకు చెబితే తీవ్ర పరిణామాలు ఉంటాయని ఇద్దరినీ బెదిరించి అక్కడి నుంచి వెళ్లిపోయారు. అయితే కాసేపటికి అటుగా వెళ్తున్న కొందరు బాధితులను గుర్తించి.. పోలీసులకు సమాచారం అందించారు.సీసీటీవీలతో నిందితుల కోసం..కల్కాజీ మందిరం–ఇస్కాన్‌ ఆలయాన్ని కలిపే మార్గంలోని పార్కులో ఘటన జరిగినట్లు పోలీసులకు రాత్రి 8.45 గంటలకు పీసీఆర్‌ కాల్‌ వచ్చింది. వెంటనే అక్కడికి చేరుకున్న పోలీసులు బాలికను వైద్య పరీక్షల కోసం ఆసుపత్రికి తరలించారు. ఆమె వాంగ్మూలం ఆధారంగా కేసు నమోదు చేసి దర్యాప్తు చేపట్టారు. పార్కుతో పాటు పరిసర ప్రాంతాల్లోని సీసీటీవీ ఫుటేజీలను పోలీసులు పరిశీలించారు. ఘటన జరిగిన సమయంలో అక్కడ ఉన్నవారు, పరిసరాల్లో సంచరించిన వ్యక్తుల వివరాలను సేకరించారు. నిందితుల కోసం ప్రత్యేక బృందాలను ఏర్పాటు చేసి గాలింపు చేపట్టారు.పోలీసులపై కాల్పులు.. కుడికాలికి బుల్లెట్‌దర్యాప్తులో భాగంగా ఓ నిందితుడు ఢిల్లీలోని అమర్‌ కాలనీ పరిధిలోని డీఎం ఆఫీస్‌ రోడ్డువైపు వస్తున్నట్లు పోలీసులకు సమాచారం అందింది. దీంతో అక్కడ వలపన్ని అతడిని పట్టుకునేందుకు ప్రయత్నించారు. పోలీసులు అడ్డుకోగానే నిందితుడు కాల్పులు జరిపాడు. లొంగిపోవాలని హెచ్చరించినప్పటికీ మూడు రౌండ్లు కాల్పులు జరిపాడు.దీంతో పోలీసులు జరిపిన ఎదురుకాల్పుల్లో నిందితుడి కుడికాలికి బుల్లెట్‌ తగిలింది. గాయపడ్డ అతన్ని అదుపులోకి తీసుకుని చికిత్స కోసం ఆసుపత్రికి తరలించారు. అతని పేరు అసిఫ్‌ అని.. ఓఖ్లా మండీలో పనిచేస్తున్నాడని పోలీసులు వెల్లడించారు. మిగిలిన ఇద్దరు నిందితుల కోసం గాలింపు కొనసాగుతోంది. ఈ ఘటనపై పోక్సో సహా సంబంధిత చట్టాల కింద కేసు నమోదు చేశారు.Minor Girl Allegedly Sexually Assaulted at Astha Kunj Park; Accused Injured in Police EncounterA 17-year-old girl was allegedly sexually assaulted by three men at Delhi’s Astha Kunj Park after the accused allegedly posed as policemen and separated her from her male friend,… pic.twitter.com/6vtUPaPHnk— Atulkrishan (@iAtulKrishan1) September 22, 2026పది రోజుల్లో నాలుగో ఘటనఢిల్లీలో పది రోజుల వ్యవధిలో మైనర్లపై అత్యాచారానికి సంబంధించిన నాలుగు ఘటనలు వెలుగుచూడటం ఆందోళన కలిగిస్తోంది. సెప్టెంబర్‌ 13న స్వరూప్‌నగర్‌లో 17 ఏళ్ల బాలికపై నలుగురు అత్యాచారానికి పాల్పడి హత్య చేశారు. సెప్టెంబర్‌ 16న సదర్‌బజార్‌లో 10 ఏళ్ల బాలికపై లైంగిక దాడి జరిగింది. సెప్టెంబర్‌ 21న కిషన్‌గంజ్‌లో ఆరేళ్ల బాలికపై 34 ఏళ్ల వ్యక్తి లైంగిక దాడికి పాల్పడ్డాడు. తాజాగా కల్కాజీ ఘటన ఈ వరుసలో చేరింది. ఇదీ చదవండి: ఆ అమ్మాయిని అలా వేధించడం కామన్‌ అంట!

తమిళనాడులో టీవీకే ప్రభుత్వం మరో కీలక పథకం ఆచరణలోకి తెచ్చింది. పాఠశాల విద్యార్థుల కోసం అమలు చేస్తున్న ఉచిత అల్పాహార పథకం మరింత విస్తరించింది. ఇప్పటివరకు 1 నుంచి 5వ తరగతి విద్యార్థులకు మాత్రమే అందుతున్న పథకాన్ని.. ఇప్పుడు 6 నుంచి 8వ తరగతి వరకు విస్తరించారు. ముఖ్యమంత్రి సి. జోసెఫ్‌ విజయ్‌ మంగళవారం ఉదయం చెన్నై తిరువాన్మియూర్‌లోని గాంధిగ్రామం ప్రభుత్వ పాఠశాలలో దీనిని ప్రారంభించారు.‘పెరుం‌తలైవర్‌(మహానేత) కామరాజర్‌ బ్రేక్‌ఫాస్ట్‌ స్కీమ్‌’ పేరుతో అమలు చేస్తున్న ఈ పథకం విస్తరణతో రాష్ట్రవ్యాప్తంగా అదనంగా 15.30 లక్షల మంది విద్యార్థులు ప్రయోజనం పొందనున్నారు. 15,454 ప్రభుత్వ, ఎయిడెడ్‌ పాఠశాలల్లో 6, 7, 8వ తరగతి చదువుతున్న విద్యార్థులకు ఉచితంగా ఉదయం అల్పాహారం అందనుంది. ఇప్పటివరకు ప్రాథమిక తరగతులకే పరిమితమైన ఈ పథకం తొలిసారి మధ్య పాఠశాల స్థాయికి చేరింది.పథకం ప్రారంభ కార్యక్రమంలో భాగంగా విజయ్‌ పాఠశాలకు చేరుకుని విద్యార్థులతో మాట్లాడారు. అనంతరం వారికి అల్పాహారం వడ్డించి, వారితో కలిసి కూర్చుని తిన్నారు. గాంధిగ్రామం పాఠశాలలో ప్రారంభ కార్యక్రమం సందర్భంగా 217 మంది విద్యార్థులు అల్పాహారం తీసుకున్నారు. వారికి పొంగల్‌, సాంబార్‌, స్వీట్‌ వడ్డించినట్లు సమాచారం. విద్యార్థులతో వారి చదువు, తరగతుల గురించి కూడా విజయ్‌ మాట్లాడారు. ఈ విస్తరణ కోసం 2026–27 ఆర్థిక సంవత్సరంలో టీవీకే ప్రభుత్వం అదనంగా రూ.217.63 కోట్లు కేటాయించింది. దీంతో అల్పాహార పథకానికి మొత్తం కేటాయింపు రూ.724 కోట్లకు చేరింది.🔔 | பெருந்தலைவர் காமராஜர் காலை உணவு திட்ட விரிவாக்கத்தினை தொடங்கி வைத்தார் முதலமைச்சர் விஜய் ! #Kamarajar | #CMJosephVijay pic.twitter.com/2sraGsQ0tE— Prakash Vijay (@PrakazVijay_Of) September 22, 2026#CMJosephVijay had breakfast with schoolchildren during the expansion of Perunthalaivar Kamarajar’s Breakfast Scheme..⭐ pic.twitter.com/JUPrGFAkDf— Laxmi Kanth (@iammoviebuff007) September 22, 2026రెండు జిల్లాల్లో మాత్రం నో..అసెంబ్లీ ఉప ఎన్నికల నేపథ్యంలో ఎన్నికల ప్రవర్తనా నియమావళి అమల్లో ఉన్న చెంగల్పట్టు, తిరుప్పూర్‌ జిల్లాల్లో మాత్రం ఈ విస్తరణను మంగళవారం నుంచి అమలు చేయలేదు. మదురాంతకం, ధరాపురం నియోజకవర్గాలకు అక్టోబర్‌ 6న ఉప ఎన్నికలు జరగనున్న నేపథ్యంలో ఈ రెండు జిల్లాలకు మినహాయింపు ఇచ్చారు. మిగిలిన రాష్ట్రంలోని అర్హత ఉన్న పాఠశాలల్లో పథకం అమల్లోకి వచ్చింది.చెన్నై నగర పరిధిలోని 447 ప్రభుత్వ, ప్రభుత్వ సాయంతో నడిచే పాఠశాలలకు సమీకృత వంటశాలల(ఒకే దగ్గర వండి) ద్వారా అల్పాహారం అందించనున్నారు. ఇతర నగరాలు, మున్సిపాలిటీలు, వాటికి ఆనుకుని ఉన్న పట్టణ ప్రాంతాల్లోని 2,150 పాఠశాలలకు కూడా ఇదే రీతిలో ఆహారం సరఫరా చేస్తారు. గ్రామీణ, పట్టణ శివారు ప్రాంతాల్లోని 12,857 పాఠశాలల్లో స్థానికంగా వంట చేసి విద్యార్థులకు అందించే ఏర్పాట్లు చేశారు.మెనూలో ఏం ఉంటుందంటే..విద్యార్థులకు అందించే అల్పాహారంలో ఉప్పుమా, కిచిడీ, పొంగల్‌ వంటి వంటకాలు ఉన్నాయి. వారంలో కొన్ని రోజులు చిరుధాన్యాలతో కూడిన ఆహారాన్ని కూడా అందించేలా ప్రణాళిక రూపొందించారు. భవిష్యత్తులో మెనూలో ప్రొటీన్‌ శాతం పెంచేందుకు నిపుణులతో ప్రత్యేక కమిటీని ఏర్పాటు చేసినట్లు పాఠశాల విద్యాశాఖ మంత్రి రాజ్‌మోహన్‌ తెలిపారు. కొత్త మెనూను ముందుగా ప్రయోగాత్మకంగా పరిశీలించిన తర్వాత అమలు చేయనున్నట్లు చెప్పారు.తల్లిదండ్రులకు విజయ్‌ పేరుతో మెసేజ్‌పథకం విస్తరణ సందర్భంగా విద్యార్థుల తల్లిదండ్రుల మొబైల్‌ నంబర్లకు ముఖ్యమంత్రి విజయ్‌ పేరుతో SMSలు కూడా పంపించారు. రాష్ట్రవ్యాప్తంగా పథకం విస్తరణపై తల్లిదండ్రులకు సమాచారం అందించేలా ఈ సందేశాలను పంపినట్లు స్థానిక నివేదికలు పేర్కొన్నాయి.స్టాలిన్‌ హయాంలోనే..తమిళనాడులో పాఠశాల పిల్లలు ఉదయం ఆకలితో తరగతులకు హాజరుకాకుండా చూడటం, పోషకాహారాన్ని అందించడం, పాఠశాల హాజరు–చదువుపై ఏకాగ్రతను మెరుగుపరచడం లక్ష్యంగా ఈ అల్పాహార పథకాన్ని 2022లో ప్రారంభించారు. తొలుత ప్రభుత్వ పాఠశాలల్లో 1 నుంచి 5వ తరగతి విద్యార్థులకు అమలు చేసి, ఆ తర్వాత ఎయిడెడ్‌ స్కూళ్లకు కూడా విస్తరించారు. తాజా నిర్ణయంతో 6 నుంచి 8వ తరగతి విద్యార్థులూ ఈ పథకం పరిధిలోకి వచ్చారు.ఇదీ చదవండి: ఆయన వయసు 125 ఏళ్లు.. సర్‌ షాక్‌

కొత్త ఐఫోన్ 18 ప్రో మ్యాక్స్‌పై ఓ వింత పరీక్షకు సంబంధించిన వీడియో సోషల్ మీడియాలో వైరల్‌గా మారింది. మరిగే చాయ్‌లో ఐఫోన్‌ను దాదాపు మూడు నిమిషాల పాటు ఉంచారు. ఆ తర్వాత ఫోన్ పరిస్థితి ఎలా ఉందో చూపించారు. యాపిల్‌ సంస్థ ఇటీవల ఐఫోన్ 18 ప్రో సిరీస్‌ను విడుదల చేసింది. ఇందులో ఐఫోన్ 18 ప్రో, ఐఫోన్ 18 ప్రో మ్యాక్స్ మోడళ్లు ఉన్నాయి. తొలి విక్రయాలు ప్రారంభమైన సమయంలోనే ఐఫోన్ 18 ప్రో మ్యాక్స్‌కు సంబంధించిన ఈ వింత పరీక్ష వీడియో సోషల్ మీడియాలో వైరల్‌గా మారింది. This is actually WILD... Bro literally dipped the brand new iPhone 18 Pro Max into boiling hot tea.💀 https://t.co/M8FpA1WjFV— Bhuvan (@Bhuvan_RJ46) September 19, 2026వైరల్ వీడియోలో ఇద్దరు వ్యక్తులు రోడ్డుపక్కన ఉన్న చాయ్ దుకాణం వద్దకు వెళ్లారు. అక్కడ ఐఫోన్ 18 ప్రో మ్యాక్స్‌ను కెమెరా ఆన్ చేసి పరీక్షించారు. అనంతరం మరుగుతున్న చాయ్‌లో ఫోన్‌ ఉంచారు. కొత్త ఐఫోన్‌లో థర్మల్ ప్రొటెక్షన్ ఎలా పనిచేస్తుందో చూడటమే ఈ పరీక్ష ఉద్దేశమని వీడియోలో తెలిపారు. మూడు నిమిషాల అనంతరం ఫోన్‌ను బయటకు తీశారు. ఆ ఫోన్‌లోకి తేమ వెళ్లినట్లు తెలియజేశారు. ఫోన్‌ను బయటకు తీసిన తర్వాత నీటితో శుభ్రం చేసి, మళ్లీ ఉపయోగించేందుకు ప్రయత్నించారు. కెమెరాను ఆన్ చేసి ఫొటోలు, వీడియోలు రికార్డ్ చేశారు. ఈ వైరల్ వీడియోలో ఫోన్ కొంతవరకు పనిచేసినట్లు చూపించినప్పటికీ, మరిగే చాయ్‌లో స్మార్ట్‌ఫోన్‌ను ఉంచడం మంచిది కాదు. అధిక ఉష్ణోగ్రత, ద్రవం, ఆవిరి వంటి పరిస్థితులు ఎలక్ట్రానిక్ పరికరానికి నష్టం కలిగిస్తాయి.

మలాడ్: ముంబైలోని మలాడ్ ప్రాంతంలో ఏర్పాటు చేసిన ఓ గణేశ్ మండపం ఇప్పుడు ప్రత్యేక ఆకర్షణగా మారింది. సాధారణంగా భారీ విగ్రహాలు, భారీ అలంకరణలతో కనిపించే గణేశ్ మండపాలకు బదులుగా.. ఇక్కడ కేవలం ఒక ఇంచి పరిమాణంలో ఉన్న గణేశుడి విగ్రహం భక్తులను ఆకట్టుకుంటోంది. ధన్‌జీవాడీ చా ధన్‌రాజ్ గణపతి మండపంలో ఈ సూక్ష్మ గణేశ విగ్రహాన్ని ఏర్పాటు చేశారు. దీని ప్రత్యేకత ఏమిటంటే.. ఈ చిన్న గణశుడిని ఓ శివలింగం లోపల ఉంచారు. శివుడికి సంబంధించిన అంశాలతో గణేశుడిని అలంకరించడంతోపాటు, ఆయనను నందిపై నిలబెట్టారు.శివలింగంలో ఉన్న చిన్న రంధ్రం ద్వారా మాత్రమే ఈ విగ్రహాన్ని స్పష్టంగా చూడగలం. విగ్రహం అతి చిన్నదిగా ఉండటంతో భక్తులు తమ మొబైల్ ఫోన్లలో 3x డిజిటల్ జూమ్ ఉపయోగించి వినాయకుడని దర్శించుకుంటున్నారు. ఈ చిన్న గణేశుడి చుట్టూ కైలాస పర్వతాన్ని తలపించేలా ప్రత్యేక సెటప్ ఏర్పాటు చేశారు. పత్తితో చేసిన అలంకరణను ఆకాశాన్ని సూచించేలా ఉపయోగించారు. మండపంలో తొలుత వెండి ఆభరణాలతో అలంకరించిన పెద్ద గణేశ విగ్రహం భక్తులకు కనిపిస్తుంది. దాని పక్కనే ప్రత్యేక ఆకర్షణగా సూక్ష్మ గణపతిని పెట్టారు. ఇదీ చదవండి: పాలు.. నేలపాలు.. బకెట్లతో ఎగబడిన జనం!

హిసార్: హర్యానాలోని హిసార్ జిల్లాలో ఓ గ్రామంలో ప్రేమ వివాహాలపై వివాదాస్పద తీర్మానం వెలువడింది. ఒకే గ్రామానికి చెందిన వారు ప్రేమ వివాహాలు చేసుకుంటే సామాజిక బహిష్కరణకు గురిచేయాలని గ్రామ పెద్దల సమావేశం నిర్ణయించింది. ఈ వివాహాలకు మద్దతు ఇచ్చే కుటుంబ సభ్యులు, బంధువులపైనా చర్యలు తీసుకోవాలని ప్రతిపాదించింది. ఆర్యా నగర్ గ్రామంలో ఆదివారం జరిగిన సామాజిక పంచాయతీకి సుమారు 1,000 మంది హాజరయ్యారు. గ్రామ పెద్ద కుల్వంత్ గోస్లా అధ్యక్షతన జరిగిన సమావేశంలో ఈ తీర్మానం చేశారు. గ్రామంలో ఇటీవల మూడు ప్రేమ వివాహాలు జరగడమే ఈ నిర్ణయానికి కారణమని స్థానికులు తెలిపారు. ఈ మూడు జంటల్లో రెండు వేర్వేరు కులాలకు చెందినవారు కాగా, మరో జంట ఒకే కులానికి చెందినదని సమాచారం.ప్రేమ వివాహాలపై గ్రామస్తుల అభిప్రాయాలను తెలుసుకునేందుకు ఓ కమిటీ ఇంటింటికీ వెళ్లాలని సమావేశంలో నిర్ణయించారు. అయితే గ్రామ సర్పంచ్ రతన్ సింగ్ ఈ నిర్ణయంతో గ్రామ పంచాయతీకి ఎలాంటి సంబంధం లేదని స్పష్టం చేశారు. తాను సమావేశానికి హాజరైనప్పటికీ, తీర్మానం అధికారిక గ్రామ పంచాయతీ నిర్ణయం కాదని చెప్పారు. ఈ వ్యవహారంపై హిసార్ ఎస్పీ సిద్ధాంత్ జైన్ స్పందిస్తూ.. ఈ ఉదంతాన్ని పరిశీలిస్తున్నమని, ఇలాంటి వివాహాలు చేసుకున్న జంటల రక్షణకు పోలీసులు అవసరమైన చర్యలు తీసుకుంటారని చెప్పారు. ఇదీ చదవండి: హనుమాన్ చాలీసా పఠిస్తూ.. వానరానికి అంత్యక్రియలు!

మందసౌర్: మధ్యప్రదేశ్‌లోని మందసౌర్ జిల్లాలో అరుదైన ఘటన చోటుచేసుకుంది. అనారోగ్యంతో మృతిచెందిన ఓ వానరానికి గ్రామస్థులు ఘనంగా వీడ్కోలు పలికారు. వానరం మృతదేహాన్ని అలంకరించి, ఊరేగింపు నిర్వహించడంతో పాటు హనుమాన్ చాలీసా పఠిస్తూ ప్రార్థనలు చేశారు. ఇందుకు సంబంధించిన దృశ్యాలు సోషల్ మీడియాలో వైరల్‌గా మారాయి.మందసౌర్ జిల్లా మల్హార్‌గఢ్ తహసీల్ పరిధిలోని బడి గుడ్బేలి గ్రామంలో ఈ ఘటన జరిగింది. కొన్ని రోజులుగా ఆ కోతి గ్రామంలోనే సంచరిస్తోంది. స్థానికులు తెలిపిన వివరాల ప్రకారం.. ఆ కోతి కొంతకాలంగా అనారోగ్యంతో బాధపడుతూ మృతిచెందింది. విషయం తెలుసుకున్న గ్రామస్థులు పెద్ద సంఖ్యలో అక్కడికి చేరుకున్నారు.కోతికి గౌరవప్రదంగా వీడ్కోలు పలకాలని గ్రామస్తులు నిర్ణయించారు. మృతదేహాన్ని సంప్రదాయబద్ధంగా అలంకరించి.. బ్యాండ్‌ వాయిద్యాలతో గ్రామంలో అంతిమయాత్ర నిర్వహించారు. ఈ సందర్భంగా గ్రామస్తులు సామూహికంగా హనుమాన్ చాలీసా పఠించారు. కోతి ఆత్మకు శాంతి కలగాలని ప్రార్థించారు. రామకథ ప్రవచనకర్త మానస్ మాధురి సీతా బెహన్ కూడా గ్రామస్తులతో కలిసి అంతిమయాత్రలో పాల్గొన్నారు. వానరం పట్ల గ్రామస్తులు చూపిన సానుభూతి, సేవాభావాన్ని ఆమె అభినందించారు. ఇదీ చదవండి: పాలు.. నేలపాలు.. బకెట్లతో ఎగబడిన జనం!

పాల్ఘర్: మహారాష్ట్రలోని పాల్ఘర్ జిల్లాలో ముంబై-అహ్మదాబాద్ జాతీయ రహదారిపై పాల ట్యాంకర్ బోల్తాపడింది. ట్యాంకర్‌లోని పాలు రోడ్డుపై పెద్దఎత్తున పారడంతో స్థానికులు, అటుగా వెళ్తున్న వాహనదారులు అక్కడికి చేరుకున్నారు. కొందరు బాటిళ్లు, బకెట్లు, ఇతర పాత్రల్లో పాలను సేకరించడం కనిపించింది. ఈ ఘటనలో డ్రైవర్ స్వల్పంగా గాయపడ్డాడు.తావా గ్రామం సమీపంలో సోమవారం మధ్యాహ్నం ఈ ప్రమాదం జరిగింది. ముంబై వైపు వెళ్తున్న పాల ట్యాంకర్ మధ్యాహ్నం 3 గంటల సమయంలో అదుపుతప్పి బోల్తాపడినట్లు సమాచారం. ప్రమాదానికి గల పూర్తి కారణాలపై పోలీసులు దర్యాప్తు చేస్తున్నారు. ట్యాంకర్ బోల్తాపడిన వెంటనే అందులోని పాలు బయటకు వచ్చి హైవేపై ప్రవహించాయి. దీంతో రహదారిలో కొంత భాగం పాలతో నిండిపోయింది. ప్రమాదాన్ని గమనించిన స్థానికులు, అటుగా వెళ్తున్న వాహనదారులు అక్కడికి చేరుకున్నారు. కొందరు బాటిళ్లు, బకెట్లు, ఇతర పాత్రల్లో పాలను తీసుకెళ్లారు.ఈ ప్రమాదంలో ట్యాంకర్ డ్రైవర్ స్వల్పంగా గాయపడినట్లు అధికారులు తెలిపారు. ఇతరులకు ఎలాంటి గాయాలు లేదా ప్రాణనష్టం జరిగినట్లు సమాచారం లేదు. ప్రమాదం జరిగిన వెంటనే అక్కడ కొంతసేపు వాహనాల రాకపోకలకు అంతరాయం ఏర్పడింది. కార్లు, లారీలు సహా పలు వాహనాలు రోడ్డుపై నిలిచాయి.ప్రమాదానికి గురైన ట్యాంకర్‌ను రహదారి నుంచి తొలగించిన అనంతరం వాహనాల రాకపోకలు క్రమంగా సాధారణ స్థితికి వచ్చాయి. ట్యాంకర్ ఎలా అదుపుతప్పింది? ప్రమాదానికి దారితీసిన పరిస్థితులు ఏమిటన్న దానిపై పోలీసులు దర్యాప్తు చేస్తున్నారు. ముంబై-అహ్మదాబాద్ హైవే మహారాష్ట్ర, గుజరాత్‌లను కలిపే కీలక మార్గం కావడంతో ఇక్కడ ప్రతిరోజూ భారీగా ప్రయాణికుల, సరకు వాహనాలు రాకపోకలు సాగిస్తాయి.ఇదీ చదవండి: తేనెను వదిలేసి.. 8,000 తేనెటీగలు చోరీ!

బిహార్‌ జముయిలో మోరల్‌ పోలీసింగ్‌ పేరిట జరిగిన దారుణం.. దేశవ్యాప్తంగా చర్చనీయాంశంగా మారింది. పదో తరగతి విద్యార్థిని, ఆమె స్నేహితుడిపై ఓ గ్యాంగ్‌ దాడి చేయడం.. ఆమెను లైంగికంగా వేధించిన ఘటన దేశవ్యాప్తంగా కలకలం రేపుతోంది. ఈ దారుణంపై పోలీసుల దర్యాప్తు, వరుస అరెస్టుల మధ్యే.. బిహార్‌ మంత్రి చేసిన వ్యాఖ్యలు చర్చనీయాంశంగా మారాయి. ఘటనను ఖండించడం మాట అటుంచి. అప్పుడప్పుడు ఇలాంటివి జరుగుతుంటాయి అనడంతో రాజకీయ దుమారం రేగింది.జముయి ఘటనపై ప్రతిపక్షాలు బిహార్‌లో ‘జంగిల్‌ రాజ్‌’ నడుస్తోందంటూ ప్రభుత్వాన్ని లక్ష్యంగా చేసుకున్నాయి. దీనిపై స్పందించిన మంత్రి శ్రవణ్‌ కుమార్‌.. ‘ఇది ఓ చిన్న ఘటన. ఐసోలేటెడ్‌ ఇన్సిడెంట్స్‌ అప్పుడప్పుడు జరుగుతుంటాయి. ప్రపంచంలో నేరం పూర్తిగా అంతం కాలేదు’ అంటూ వ్యాఖ్యానించారు. అయితే ఈ వ్యాఖ్యలపై తీవ్ర విమర్శలు వెల్లువెత్తాయి. ఇంత తీవ్రమైన ఘటనను సాధారణ నేరంగా చూడకూడదని ప్రతిపక్షాలు మండిపడ్డాయి. దీంతో తన వ్యాఖ్యలను పొరపాటుగా అర్థం చేసుకున్నారని.. నిందితులపై కఠిన చర్యలు తీసుకుంటామని ఆయన చెప్పుకొచ్చారు. గతంలో నితీశ్‌కుమార్‌, ఇప్పుడు సామ్రాట్‌ చౌద్రీ ఇలా ఎవరి హయాంలో అయినా ఇలాంటివి జరిగాయి. ఆ సమయాల్లో కఠిన చర్యలు తీసుకున్నారు. ఇప్పుడు అదే పని చేస్తాం అని అన్నారాయన. అయినప్పటికీ మంత్రి తీరుపై పలువురు మండిపడుతున్నారు. मंत्री श्रवण कुमार ने जमुई घटना हुई लड़की के साथ छेड़खानी की गई है उसे पर कहा बिहार में छुटपुट घटनाएं हो रही है उसे पर हम इनकार नहीं कर सकते हैं।हम उसे दुखी हैं फिर से ऐसी घटना दोबारा ना हो कानून के हिसाब से दोषियों पर कार्रवाई की जाएगी अपराध मुक्त पूरी दुनिया भी नहीं है छिट… pic.twitter.com/IQ0TYNAsVG— Sadan Singh Rajput (@SadanJee) September 22, 2026మరోవైపు మంత్రి వ్యాఖ్యలపై జేడీయూ నేత, పార్టీ రాష్ట్ర అధ్యక్షుడు ఉమేశ్‌ కుశ్వాహా కూడా స్పందిస్తూ.. తాను, మంత్రి చేసిన వ్యాఖ్యలను నోరు జారి చేసినవిగా(స్లిప్‌ ఆఫ్‌ ది టంగ్‌)గా అభివర్ణించారు. ఇలాంటి ఘటనలకు పాల్పడిన వారిపై గతంలోనూ చర్యలు తీసుకున్నామని, ఇకపైనా ఎవరినీ వదిలిపెట్టబోమని ఆయన స్పష్టం చేశారు.అసలేం జరిగిందంటే..సెప్టెంబర్‌ 19న మడ్వా పహాడ్‌ ప్రాంతంలో కోచింగ్‌ క్లాస్‌ ముగించుకుని స్కూటర్‌పై తిరిగి వస్తున్న పదో తరగతి విద్యార్థులు.. ఓ గ్యాంగ్‌ బారినపడ్డారు. వారి వాహనాన్ని అడ్డుకున్న నిందితులు ఇద్దరినీ కిందకు దించి దాడి చేశారు. బాలుడిని కాలర్‌ పట్టుకుని లాగగా.. బాలిక రక్షించే ప్రయత్నం చేసింది. ఇంతలో ముసుగులో ఉన్న ఓ వ్యక్తి దూసుకొచ్చి బలవంతంగా ఆమెను ఎత్తుకుని పరిగెత్తే ప్రయత్నం చేశాడు. ఆ సమయంలో ఆమెను అతను అసభ్యంగా తాకాడు. అయితే ఆమె స్నేహితుడు వెంటపడి ఆమెను విడిపించగలిగాడు. ఇద్దరూ తమను వదిలేయాలని వేడుకున్నప్పటికీ గ్యాంగ్‌ కొంతసేపు వారిని వేధించారు. చివరకు.. చేతులెత్తి బతిమాలడంతో అక్కడి నుంచి వెళ్లేందుకు అనుమతింంచారు. ఈ ఘటనను గ్యాంగ్‌లోని ఒకరు వీడియో తీసి సోషల్‌ మీడియాలో పెట్టడంతో విషయం వెలుగులోకి వచ్చింది. తన స్నేహితురాలిని కాపాడుకున్న ఆ యువకుడు తెగువపై ‍ప్రశంసలు కురిశాయి.ముగ్గురు అరెస్ట్‌, ఏడుగురి గుర్తింపువీడియో వైరల్‌ కావడంతో పోలీసులు వెంటనే దర్యాప్తు చేపట్టారు. ఇప్పటివరకు ముగ్గురు నిందితులను అరెస్ట్‌ చేశారు. వీడియో, ఇతర ఆధారాల ఆధారంగా మొత్తం ఏడుగురిని గుర్తించినట్లు అధికారులు తెలిపారు. మిగిలిన వారి కోసం ప్రత్యేక దర్యాప్తు బృందం (SIT) గాలిస్తోంది. పోక్సోతో పాటు సంబంధిత బీఎన్‌ఎస్‌ సెక్షన్ల కింద కేసు నమోదు చేశారు.వీడియో షేర్‌ చేసినా చిక్కులేఘటనకు సంబంధించిన వీడియోను సోషల్‌ మీడియాలో వైరల్‌ చేసిన ఖాతాలపైనా పోలీసులు చర్యలు ప్రారంభించారు. బాలిక మైనర్‌ కావడంతో ఆమె గుర్తింపు బయటపడేలా వీడియోను ప్రసారం చేయడం చట్టరీత్యా నేరమని పోలీసులు హెచ్చరించారు. ఇప్పటివరకు 13 ఫేస్‌బుక్‌, 12 ఇన్‌స్టాగ్రామ్‌, 7 ఎక్స్‌ ఖాతాలు.. మొత్తం 32 సోషల్‌ మీడియా అకౌంట్లను గుర్తించి తొలగింపు చర్యలకు పంపినట్లు అధికారులు తెలిపారు.మహిళా కమిషన్ల జోక్యంఘటనపై జాతీయ మహిళా కమిషన్‌ సుమోటోగా స్పందించింది. నిందితులపై చట్టప్రకారం కఠిన చర్యలు తీసుకోవాలని బిహార్‌ డీజీపీని ఆదేశించి.. ఏడు రోజుల్లోగా నివేదిక ఇవ్వాలని కోరింది. రాష్ట్ర మహిళా కమిషన్‌ కూడా జిల్లా యంత్రాంగం నుంచి వివరాలు కోరింది.రాజకీయ దుమారంఈ ఘటనపై కాంగ్రెస్‌ నేత రాహుల్‌ గాంధీ తీవ్రంగా స్పందించారు. బీజేపీ పాలిత రాష్ట్రాల్లో ఘోరమైన పాలన నడుస్తోందని.. మహిళలకు రక్షణ కరువైందని ఆవేదన వ్యక్తం చేశారు. బాలిక చేతులు జోడించి వేడుకున్నప్పటికీ గ్యాంగ్‌ ఆమెను వేధించడం తీవ్ర ఆందోళనకరమని పేర్కొన్నారు. నిందితులందరినీ గుర్తించి పోక్సో చట్టం కింద కఠిన చర్యలు తీసుకోవాలని డిమాండ్‌ చేశారు. బిహార్‌ ప్రతిపక్ష నేత తేజస్వీ యాదవ్‌ కూడా ప్రభుత్వంపై విమర్శలు గుప్పించారు.మరోవైపు అధికార పక్షం మాత్రం ఘటనపై ప్రభుత్వం సీరియస్‌గా ఉందని, దోషులుగా తేలిన ఎవరినీ వదిలిపెట్టబోమని చెబుతోంది. పోలీసులు ఇప్పటికే అరెస్టులు చేపట్టడంతో పాటు మిగిలిన నిందితుల కోసం గాలిస్తున్నారు. దీంతో జముయి ఘటనలో అసలు నిందితులందరినీ ఎప్పుడు పట్టుకుంటారు? మంత్రి వ్యాఖ్యలపై తీవ్ర విమర్శల వేళ ప్రభుత్వం ఏ విధంగా స్పందిస్తుంది? అనేది ఇప్పుడు చర్చనీయాంశంగా మారింది.

బెంగళూరు: చిత్రదుర్గ రేణుకాస్వామి హత్య కేసులో మొదటి నిందితురాలు, పరప్పన జైల్లో ఉన్న నటి పవిత్రగౌడ.. తల్లిదండ్రులు, కూతురి యోగక్షేమాలు చూసుకోవలసి ఉన్నందున బెయిల్‌ను మంజూరు చేయాలని కోర్టులో పిటిషన్‌ దాఖలు చేసింది. ప్రభుత్వ న్యాయవాది అభ్యంతరాలు చెప్పడంతో విచారణను కోర్టు వాయిదా వేసింది. ఈ హత్య కేసు విచారణ సాగుతున్న బెంగళూరు 59న సెషన్స్‌ కోర్టులో సోమవారం బెయిల్‌ అర్జీపై వాదనలు సాగాయి. నాపై వచ్చిన ఆరోపణలు అబద్ధం, అనారోగ్య సమస్యలున్నాయి, కుటుంబాన్ని చూసుకోవాలి అని పవిత్ర పేర్కొంది. ఇదీ చదవండి: స్కూటీ అదుపుతప్పి లోయలోపడ్డ యువతి

ఒకప్పుడు విద్యార్థుల సమస్యలు పరిష్కరించేందుకు కేవలం రూ.150 పరిపాలనా గ్రాంట్‌తో ప్రారంభమైన ఢిల్లీ యూనివర్సిటీ స్టూడెంట్స్ యూనియన్ (డీయూఎస్‌యూ) నేడు దేశవ్యాప్తంగా ఆసక్తి రేకెత్తించే కీలక విద్యార్థి రాజకీయ వేదికగా మారింది. 1947లో చిన్నపాటి విద్యార్థి సంఘంగా మొదలైన ఈ ప్రయాణం.. ప్రత్యక్ష ఎన్నికలు, రాజకీయ పార్టీల అనుబంధ విద్యార్థి సంఘాల ప్రవేశం, ఆందోళనలు, కోర్టు జోక్యాలు, ప్రచార నిబంధనల ఉల్లంఘనల మధ్య 78 ఏళ్లలో అనేక మలుపులు తిరిగింది.రూ.150తో పుట్టిన సంఘం..1922 మేలో సెంట్రల్ లెజిస్లేటివ్ అసెంబ్లీ చట్టం ద్వారా ఢిల్లీ యూనివర్సిటీ ఏర్పడింది. తొలుత సెయింట్ స్టీఫెన్స్, రామ్‌జాస్, హిందూ కాలేజీలు మూడు ప్రధాన కాలేజీలుగా ఉండగా.. ఆర్ట్స్, సైన్స్ విభాగాలతో విశ్వవిద్యాలయం ప్రారంభమైంది. స్వాతంత్య్రానికి కేవలం తొమ్మిది రోజుల ముందు, 1947లో యూనివర్సిటీ ఎగ్జిక్యూటివ్ కౌన్సిల్ విద్యార్థుల కోసం సంఘాన్ని ఏర్పాటు చేయడానికి ప్రారంభ ఖర్చులుగా రూ.150 ఇవ్వాలని నిర్ణయించింది. అలా డీయూఎస్‌యూకు పునాది పడింది. ప్రస్తుతం ఈ సంఘం 91 కాలేజీల్లో 7 లక్షలకు పైగా విద్యార్థులకు ప్రాతినిధ్యం వహిస్తోంది. ఎన్నికల్లో సుమారు 40 శాతం వరకు పోలింగ్ నమోదవుతోంది.1954లో తొలి ఓటు.. పద్ధతి మాత్రం వేరు1947-49 మధ్య డీయూఎస్‌యూ రాజ్యాంగాన్ని రూపొందించారు. 1949 ఏప్రిల్ 9న అప్పటి ప్రధాని జవహర్‌లాల్ నెహ్రూ డీయూఎస్‌యూను అధికారికంగా ప్రారంభించారు. అయితే తొలి అధికారిక ఎన్నిక 1954లో జరిగింది. అప్పట్లో విద్యార్థులు నేరుగా అధ్యక్షుడిని ఎన్నుకునేవారు కాదు. ముందుగా కాలేజీ కౌన్సిలర్లను ఎన్నుకుని, వారు డీయూఎస్‌యూ కేంద్ర పదవులకు నాయకులను ఎంపిక చేసేవారు. తొలి దశలో విద్యార్థి సంక్షేమం, లైబ్రరీ నిబంధనలు, సమస్యల పరిష్కారం వంటి అంశాలే ప్రధానంగా ఉండేవి.1972 ఆందోళన.. 1973లో ప్రత్యక్ష ఎన్నికలు1960లలో ఏబీవీపీ, కాంగ్రెస్‌కు అనుబంధమైన ఎన్‌ఎస్‌యూఐ, వామపక్ష విద్యార్థి సంఘాలు వంటి సంస్థలు డీయూఎస్‌యూ రాజకీయాల్లోకి రావడంతో పోటీ క్రమంగా రాజకీయ రంగు సంతరించుకుంది. 1972లో విద్యార్థులు 50 రోజుల పాటు ఆందోళన చేసి ప్రత్యక్ష ఎన్నికలు నిర్వహించాలని డిమాండ్ చేశారు. పరిపాలన అంగీకరించడంతో 1973లో అధ్యక్షుడు, ఉపాధ్యక్షుడు, కార్యదర్శి, సంయుక్త కార్యదర్శి నాలుగు ప్రధాన పదవులకు ప్రత్యక్ష ఎన్నికలు జరిగాయి. ఆ ఎన్నికల్లో నాలుగు పదవులనూ ఏబీవీపీ అభ్యర్థులు గెలుచుకున్నారు. న్యాయ విభాగం నుంచి ఎన్నికైన అరుణ్ జైట్లీ ఉపాధ్యక్షుడిగా, ఆ తర్వాతి ఏడాది అధ్యక్షుడిగా బాధ్యతలు చేపట్టారు.1991లో ఎన్నికల రద్దు.. మండల్ కమిషన్ సిఫారసుల అమలుకు వ్యతిరేకంగా జరిగిన రిజర్వేషన్ ఆందోళనల నేపథ్యంలో 1991లో తొలిసారి డీయూఎస్‌యూ ఎన్నికలు రద్దయ్యాయి. అనంతరం విద్యార్థి ఎన్నికల్లో పెరుగుతున్న ప్రచార వ్యయం, వాహన ర్యాలీలు తదితర అంశాలపై 2005లో సుప్రీంకోర్టు జోక్యం చేసుకుంది. జేఎం లింగ్డో కమిటీ మార్గదర్శకాలను రూపొందించింది. ఒక్కో అభ్యర్థి ప్రచారానికి గరిష్ఠంగా రూ.5,000 ఖర్చు చేయాలని, పోస్టర్లు, ముద్రిత ప్రచార సామగ్రి, వాహనాలు, లౌడ్‌స్పీకర్ల వినియోగంపై పరిమితులు విధించాలని సిఫారసు చేసింది. సుప్రీంకోర్టు ఈ సిఫారసులను విద్యార్థి ఎన్నికలకు మార్గదర్శకంగా ఆమోదించింది. అయితే నిబంధనల ఉల్లంఘనలపై తరువాత కూడా వివాదాలు కొనసాగాయి.2023 నుంచి మళ్లీ హైకోర్టు నిఘాకోవిడ్ కారణంగా డీయూఎస్‌యూ ఎన్నికలు నాలుగేళ్లపాటు నిలిచిపోయాయి. 2023లో ఎన్నికలు తిరిగి ప్రారంభమైనప్పుడు గోడలు, మెట్రో స్టేషన్లు, యూనివర్సిటీ గేట్లపై అక్రమ పోస్టర్లు, బ్యానర్లు, గ్రాఫిటీపై విమర్శలు వచ్చాయి. 2024లో ఢిల్లీ హైకోర్టు ప్రజా ఆస్తులను అభ్యర్థులు, విద్యార్థి సంఘాలే తమ ఖర్చుతో శుభ్రం చేసి పునరుద్ధరించే వరకు ఓట్ల లెక్కింపును నిలిపివేసింది. 2026 ఎన్నికల ప్రచార సమయంలోనూ హింస, నిబంధనల ఉల్లంఘనలపై కోర్టు తీవ్రంగా స్పందించింది. తాజా చర్యల్లో 140 మంది అభ్యర్థులకు నోటీసులు జారీ కాగా, కోర్టు విజయోత్సవ ర్యాలీలపై కూడా నిషేధం విధించింది.ఇదీ చదవండి: నవరాత్రి వేళ.. అద్దెకు ‘గర్బా’ పార్ట్‌నర్‌ వివాదం!

న్యూఢిల్లీ: రాత్రి 11 గంటల సమయంలో స్టేషనరీ వస్తువులు కొనేందుకు బయటికొచ్చిన 11 ఏళ్ల అమ్మాయిని 56 ఏళ్ల టైలర్‌ మక్సూద్‌ రేప్‌చేసిన ఘటన ఢిల్లీలో చోటుచేసుకుంది. సెప్టెంబర్‌ 16వ తేదీన సదర్‌ బజార్‌ ప్రాంతంలో జరిగిన ఈ అత్యాచార ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం బాలిక గత బుధవారం రాత్రి బయటికొస్తుంటే వెళ్లొద్దని తల్లి వారించింది. సమీపంలోని బంధువుల దుకాణానికే వెళ్లొస్తానని చెప్పి బయల్దేరింది. అయితే మార్గమధ్యంలో మక్సూద్‌ అమ్మాయిని గమనించి మాయమాటలు చెప్పి టైలర్‌ షాప్‌కు తీసుకెళ్లి కుర్చీకి కట్టేసి నోట్లో ఒక వస్త్రం కుక్కి అరుపులు వినపడకుండా చేశాడు. అరిస్తే పొడిచి చంపేస్తానని కత్తెరతో బెదిరించి అత్యాచారానికి పాల్పడ్డాడు. మధ్యలో బయటకు వచ్చినప్పుడు ఇతనికి అమ్మాయి తల్లి తారసపడింది. మా అమ్మాయిని చూశారా? అని అడిగితే లేదు అని బుకాయించాడు. తర్వాత భయపడిపోయి వెంటనే అమ్మాయిని దుకాణం నుంచి బయటకు గెంటేశాడు. ఇది చూసిన పొరుగువ్యక్తి ముజామిల్‌ ఖురేషి వెంటనే తల్లికి సమాచారం ఇచ్చాడు. ఇంటికెళ్లిన అమ్మాయి తనకు జరిగిన ఘోరం చెప్పడంతో తల్లి పోలీసులకు ఫిర్యాదుచేసింది. వెంటనే రంగంలోకి దిగిన పోలీసులు అదే రాత్రి మక్సూద్‌ను అరెస్ట్‌చేసి జ్యుడీషియల్‌ కస్టడీలో భాగంగా జైలుకు తరలించారు. నార్త్‌ డిస్ట్రిక్‌ మహిళా పోలీస్‌స్టేషన్‌లో కేసు నమోదుచేసి దర్యాప్తు ఆరంభించారు.

సాక్షి, న్యూఢిల్లీ: కారణాలను ముందుగా తెలియజేయకుండానే చేసిన అరెస్ట్‌ను కోర్టు కొట్టివేసిన సందర్భాల్లో.. అదే వ్యక్తిని తిరిగి అరెస్ట్‌ చేయాల్సిన సందర్భాల్లో పోలీసులకు స్వయం నిర్ణయాధికారం లేదని సుప్రీంకోర్టు స్పష్టం చేసింది. మళ్లీ అరెస్ట్‌ చేయాలంటే సంబంధిత జ్యుడీషియల్‌ మేజిస్ట్రేట్ అనుమతి తప్పనిసరి అని స్పష్టతనిచ్చింది. సోమవారం జస్టిస్‌ ఉజ్జల్‌ భుయాన్, జస్టిస్‌ అతుల్‌ చందూర్కర్‌ల ధర్మాసనం ఈ మేరకు మార్గదర్శకాలు జారీ చేసింది. రాజ్యాంగంలోని ఆర్టీకల్‌ 22(1) కింద కల్పించిన హక్కును ఉల్లంఘించి జరిగిన తొలి అరెస్ట్‌ చెల్లదని కోర్టు ప్రకటించినట్లయితే అదే కేసులో నిందితుడిని తిరిగి అరెస్ట్‌ చేయడానికి ప్రత్యేక విధానాన్ని పాటించాల్సి ఉంటుందని వివరించింది. అరెస్ట్‌కు కారణాలను లిఖితపూర్వకంగా తెలపాలి అదే కేసులో నిందితుడిని మళ్లీ అరెస్ట్‌ చేయాల్సిన అవసరముందంటూ పోలీసులు మేజిస్ట్రేట్‌ను ఆశ్రయించే ముందు.. అందుకు గల కారణాలతో లిఖితపూర్వకంగా జ్యుడీషియల్‌ మేజిస్ట్రేట్ కు దరఖాస్తు చేసుకోవాలి. ఆ దరఖాస్తుకు తొలి అరెస్ట్‌ చేసిన పోలీసు అధికారికి పైస్థాయిలో ఉన్న తక్షణ అధికారి ఆమోదం/ఎండార్స్‌మెంట్‌ ఉండాలని ఈ సందర్భంగా ధర్మాసనం స్పష్టం చేసింది. తొలి అరెస్ట్‌ సమయంలో కారణాలను ఎందుకు తెలియజేయలేకపోయారో కూడా దరఖాస్తులో విధిగా పోలీసులు స్పష్టం చేయాల్సి ఉంటుందని కూడా ధర్మాసనం పేర్కొంది. అదే అధికారికి మళ్లీ అరెస్ట్‌ అధికారం ఉండరాదు రాజ్యాంగ హక్కును ఉల్లంఘించిన అదే అధికారికి మళ్లీ అరెస్ట్‌ చేసే నిర్ణయాధికారాన్ని అప్పగించడం సరికాదని ధర్మాసనం పేర్కొంది. ఇలాంటి సందర్భాల్లో మళ్లీ అరెస్ట్‌ ప్రక్రియను న్యాయపరమైన పర్యవేక్షణలోనే అమలు చేయాలని జస్టిస్‌ ఉజ్జల్‌ భుయాన్‌ తెలిపారు. మేజిస్ట్రేట్ దరఖాస్తును వీలైనంత త్వరగా పరిశీలించాలని, ఈలోగా కేసు దర్యాప్తును మరో పోలీసు అధికారికి అప్పగించాలని ఆదేశించింది. మేజిస్ట్రేట్ సంతృప్తి చెందితేనే రీ–అరెస్ట్‌ తొలి అరెస్ట్‌ సమయంలో అందుకు కారణాలను తెలియజేయలేకపోవడానికి నిజమైన, సమంజసమైన కారణాలు ఉన్నాయని మే జిస్ట్రేట్‌ నిర్ధారించాలి. అనంతరం ఆ కారణాలను నిందితుడికి తెలియజేసి, అతడిని మళ్లీ అరెస్ట్‌ చేయాల్సిన అవసరం ఉందని కూడా మేజిస్ట్రేట్ భావించినప్పుడే.. దర్యాప్తు సంస్థకు రీ–అరెస్ట్‌కు అనుమతి ఇవ్వవచ్చని ధర్మాసనం స్పష్టం చేసింది. పోలీసుపై శాఖాపరమైన విచారణ ఆర్టీకల్‌ 22(1) ఉల్లంఘనకు కారణమైన పోలీసు అధికారిపై శాఖాపరమైన విచారణ చేపట్టాలని కూడా ధర్మాసనం ఆదేశించింది. విచారణలో ఆ అధికారి తప్పిదం నిర్ధారణ అయితే శాఖాపరమైన చర్యలు తీసుకోవడంతోపాటు, ఆ విషయాన్ని సంబంధిత అధికారి సరీ్వస్‌ బుక్‌లో నమోదు చేయాలని పేర్కొంది. కేసు దర్యాప్తును కూడా తొలి అరెస్ట్‌ చేసిన అధికారికి కాకుండా మరో అధికారికి అప్పగించాలని ఉన్నతాధికారులను ఆదేశించింది. ప్రత్యేక చట్టాల కింద అరెస్టులకూ వర్తింపు ఆర్టీకల్‌ 22(1) నిబంధన కేవలం ఒక నిర్దిష్ట చట్టం ప్రత్యేక చట్టాల కింద జరిగే అరెస్ట్‌లకే కాదు, అన్ని రకాల అరెస్ట్‌లకూ వర్తిస్తుందని పేర్కొంది. ఈ నిబంధన ఉల్లంఘన వల్ల తమకు వాస్తవంగా నష్టం జరిగిందని నిందితుడు ప్రత్యేకంగా నిరూపించాల్సిన అవసరం లేదని ధర్మాసనం స్పష్టం చేసింది. ఎందుకంటే అరెస్ట్‌కు కారణాలను తెలుసుకోవడం ప్రాథమిక హక్కుగా అని పేర్కొంది. ఆర్టీకల్‌ 22(1) ఉల్లంఘన కారణంగా తొలి అరెస్ట్‌ రద్దయిన తర్వాత అదే వ్యక్తిని తిరిగి అరెస్ట్‌ చేసిన సందర్భాన్ని బెయిల్‌పై విడుదల చేసిన తర్వాత మళ్లీ అరెస్ట్‌ చేసినట్లుగా పరిగణించరాదని కూడా ధర్మాసనం వివరించింది. గతంలో ‘మిహిర్‌ రాజేశ్‌ షా వర్సెస్‌ స్టేట్‌ ఆఫ్‌ మహారాష్ట్ర (2025)’కేసులో సుప్రీంకోర్టు ఇచ్చిన తీర్పులోని సూత్రాలను మరింత విస్తరిస్తూ.. రీ–అరెస్ట్‌ విషయంలో ఈ అదనపు విధానపరమైన రక్షణలను తాజాగా నిర్దేశించింది. రాజ్యాంగం కల్పించిన హక్కుల దురి్వనియోగాన్ని అరికట్టడమే ఈ మార్గదర్శకాల ఉద్దేశమని ధర్మాసనం పేర్కొంది. కారణం తెలపకపోవడం హక్కుల ఉల్లంఘనే పోలీసులు నిందితుడి అరెస్ట్‌కు గల కారణాలను ముందుగానే తెలియజేయక పోవడం ప్రాథమిక హక్కుల ఉల్లంఘన కిందికి వస్తుందని సుప్రీంకోర్టు పేర్కొంది. ‘దీనివల్ల రాజ్యాంగంలోని ఆర్టీకల్‌ 21 ప్రకారం అతడి జీవించే హక్కు, వ్యక్తిగత స్వేచ్ఛ హక్కును హరించినట్లే. అంతిమంగా చట్ట ఇది విరుద్ధమైన చర్య. ఆర్టీకల్‌22(1) నిబంధనలను పరిమిత భావన తో చూడొద్దు. వ్యక్తి స్వేచ్ఛను కాపాడటమే వీటి ఉద్దేశం. అంతేకాదు, అరెస్ట్‌కు గల కారణాలను కచ్చితంగా లిఖితపూర్వకంగా, నిందితుడికి అర్థమయ్యే భాషలోనే తెలియజేయాలి’అని నొక్కి చెప్పింది.

న్యూఢిల్లీ: దశాబ్దాలుగా ఓటు హక్కును వినియోగించుకుంటున్న 125 ఏళ్ల తాతకు సైతం ఎన్నికల అధికారులు ఎస్‌ఐఆర్‌ నోటీస్‌ అందజేశారు. ఢిల్లీలోని సదర్‌బజార్‌ శాసనçసభ నియోజకవర్గం పరిధిలో 125 ఏళ్ల శ్యామ్‌ ముఖీజియాకు ఓటు ఉంది. పాత ఢిల్లీ పరిధిలో ఇతనే అత్యంత వృద్ధ ఓటరుగా గుర్తింపు పొందారు. అయినాసరే నీ పేరులో తప్పులు ఉన్నాయని, సంబంధిత నిర్ధారణ పత్రాలు లేదా డాక్యుమెంట్లు చూపించాలంటూ ఈయనకు తాజాగా ఈసీ అధికారులు ఎస్‌ఐఆర్‌ నోటీస్‌ పంపించారు. ఇంకొంత మంది ప్రముఖులకూ నోటీస్‌లు మాజీ ఆర్‌బీఐ గవర్నర్‌ బిమల్‌ జలాన్, భారత వాయుసేన మాజీ చీఫ్‌ ఎన్‌ఏకే బ్రౌనీ, సీనియర్‌ సుప్రీంకోర్టు న్యాయవాది అభిషేక్‌ మను సింఘ్వీ, మాజీ ఐఆర్‌ఎస్‌ అధికారి ఉదిత్‌ రాజ్, కేంద్ర ప్రత్యక్ష పన్నుల బోర్డ్‌(సీబీడీటీ) చైర్మన్‌ ప్రమోద్‌ చంద్ర మోదీ, ఢిల్లీ హైకోర్టు న్యాయమూర్తి జస్టిస్‌ ప్రతీక్‌ జలాన్, మాజీ సుప్రీంకోర్టు ప్రధాన న్యాయమూర్తి బీఆర్‌ గవాయ్‌ భార్య తేజస్వీ భూషణ్, సుప్రీంకోర్టు మాజీ ప్రధాన న్యాయమూర్తి డీవై చంద్రచూడ్‌ భార్య కల్పన, సీనియర్‌ సుప్రీంకోర్టు న్యాయవాది ఇందిరా జైసింగ్, చరిత్రకారుడు రోమిలా థాపర్, ఢిల్లీ ఆర్చ్‌బిషప్‌ అనిలకౌటో, సీనియర్‌ సీపీఐ నేత అన్నీ రాజాలకూ తాజాగా ఎస్‌ఐఆర్‌ నోటీస్‌లు పంపించారు.

సాక్షి, న్యూఢిల్లీ: జాతీయ రహదారుల వెంబడి సంచరించే వీధి పశువులకు షెల్టర్లు నిర్మించాలన్న ఆదేశాలపై జాతీయ రహదారుల ప్రాధికార సంస్థ (ఎన్‌హెచ్‌ఏఐ) సుప్రీంకోర్టును ఆశ్రయించింది. ఆశ్రయాల నిర్మాణం వల్ల తమపై రూ.7 వేల కోట్ల భారీ ఆర్థిక భారం పడుతుందని, ఈ బాధ్యతను స్థానిక, రాష్ట్ర ప్రభుత్వ యంత్రాంగాలే చేపట్టాలని కోరింది. జాతీయ రహదారులపైకి వీధి పశువులు, జంతువులు ప్రవేశించి, రాకపోకలకు ఆటంకం కలిగించకుండా దేశవ్యాప్తంగా పశువుల షెల్టర్లు నిర్మించాలని మే 19వ తేదీన జస్టిస్‌ విక్రమ్‌ నాథ్‌ నేతృత్వంలోని ప్రత్యేక ధర్మాసనం ఎన్‌హెచ్‌ఏఐను ఆదేశించింది. ఈ ఆదేశాలను సవాల్‌ చేస్తూ సంస్థ తరఫున సొలిసిటర్‌ జనరల్‌ తుషార్‌ మెహతా సోమవారం ప్రధాన న్యాయమూర్తి జస్టిస్‌ సూర్యకాంత్‌ సారథ్యంలోని ధర్మాసనం ఎదుట వాదనలు వినిపించారు. పశువుల షెల్టర్ల నిర్మాణ బాధ్యతను స్థానిక, జిల్లా యంత్రాంగాలే తీసుకోవాలని ఆయన అన్నారు. ఇది తమకు ఉద్దేశించిన ప్రత్యేక బాధ్యత కాదని పేర్కొన్నారు. అంతేకాదు, దేశవ్యాప్తంగా అన్ని ప్రాంతాల్లో ఎన్‌హెచ్‌ఏఐ ఒక్కటే ఈ బాధ్యతను తీసుకోలేదన్నారు. వీధి కుక్కలు, పశువుల నిర్వహణ, ప్రభుత్వ అధికారుల బాధ్యతలపై సుప్రీంకోర్టులో జరుగుతున్న విస్తృత విచారణల సందర్భంగా ఆయన ఈ అంశాన్ని ప్రస్తావించారు. రహదారిపైకి జంతువులు రాకుండా చూడటం, వాటి యజమానులకు జరిమానాలు విధించడం, వాటికి షెల్టర్లు ఏర్పాటు చేయడం వంటివి రాష్ట్ర ప్రభుత్వాల పరిధిలోకే వస్తాయని కోర్టుకు విన్నవించారు. నేషనల్‌ హైవేస్‌ అథారిటీ ఆఫ్‌ ఇండియా చట్టం–1988, కంట్రోల్‌ ఆఫ్‌ నేషనల్‌ హైవేస్‌ (ల్యాండ్‌ అండ్‌ ట్రాఫిక్‌) చట్టం–2002ల ప్రకారం తమ చట్టబద్ధమైన అధికార పరిధి, ప్రాథమిక బాధ్యత కేవలం జాతీయ రహదారుల అభివృద్ధి, నిర్వహణ, యాజమాన్యం, ట్రాఫిక్‌ సంబంధిత విధులను నియంత్రించడానికే పరిమితమని వివరించారు. తమ పిటిషన్‌పై విచారణకు జస్టిస్‌ విక్రమ్‌ నాథ్‌ సారథ్యంలో ప్రత్యేక ధర్మాసనాన్ని మళ్లీ ఏర్పాటు చేయాలని కోరారు. ఇందుకు సానుకూలత వ్యక్తం చేసిన జస్టిస్‌ సూర్యకాంత్‌ ప్రత్యేక ధర్మాసనం ఏర్పాటు చేస్తామని ప్రకటించారు.

జముయీ/న్యూఢిల్లీ: బిహార్‌లో ఇద్దరు టీనేజీ విద్యార్థులను ఏడుగురు ఆగంతకులు దారుణంగా వేధించిన ఘటన సంచలనం సృష్టించింది. ఈ దుశ్శాసన పర్వంపై రాష్ట్రంలోని బీజేపీ ప్రభుత్వంపై సర్వత్రా విమర్శలు వెల్లువెత్తుతున్నాయి. దీంతో వెంటనే రంగంలోకి దిగిన పోలీసులు ముగ్గురు నిందితులను అదుపులోకి తీసుకుని మరో నలుగురి కోసం వేట మొదలెట్టారు. అసలేం జరిగింది? జముయీ జిల్లా కేంద్రానికి చెందిన ఒక టీనేజీ అమ్మాయి, టీనేజీ అబ్బాయి ఒకే స్కూల్‌లో పదో తరగతి చదువుతున్నారు. సెప్టెంబర్‌ 19వ తేదీన కోచింగ్‌ సెంటర్‌లో క్లాసుకు వెళ్లి అటు నుంచి ప్రముఖ పర్యాటక ప్రాంతమైన మడ్వా పహాడ్‌కు వెళ్లి తిరిగొస్తుండగా వీళ్లను గమనించిన కొందరు ఆగంతకులు మార్గమధ్యంలో వీళ్లను లఖీసరాయ్‌ రోడ్డుపై 7 గంటల సమయంలో అడ్డగించి దారుణంగా వేధించారు. వదిలేయాలని అమ్మాయి కాళ్లావేళ్లా పడిన కనికరం చూపలేదు. అమ్మాయిపై లైంగికదాడికి యత్నించారు. ఇదంతా ఒక ఆగంతకుడు తన మొబైల్‌లో చిత్రీకరించాడు. టీనేజీ అబ్బాయిని కొట్టారు. పారిపోయేందుకు ప్రయత్నించిన టీనేజర్లను వెంటబడిమరీ ఆగంతకులు వేధించారు. అల్లరిమూకలో ఒకడు అమ్మాయిని గట్టిగా అదిమిపట్టి ఎత్తుకెళ్లే ప్రయత్నంచేశాడు. ఈ దారుణోదంతం తాలూకు వీడియో ఆదివారం రాత్రి సామాజిక మాధ్యమాల్లో ప్రత్యక్షమైంది. విషయం తెల్సి రంగంలోకి దిగిన పోలీసులు వీడియోలోని బైక్‌ నంబర్‌ప్లేట్‌ ఆధారంగా ముగ్గురిని అరెస్ట్‌చేశారు. మరో నలుగురి కోసం గాలిస్తున్నారు. సబ్‌ డివిజనల్‌ మహిళా పోలీస్‌ ఆఫీసర్‌ దీప్తీ మోనాలీ సారథ్యంలో ప్రత్యేక దర్యాప్తు బృందాన్ని ఏర్పాటు చేసినట్లు జుమాయీ ఎస్పీ బిశ్వజీత్‌ దయాళ్‌ తెలిపారు. భారతీయ న్యాయసంహిత చట్టం, పోక్సో చట్టాల్లోని పలు సెక్షన్ల కింద కేసు నమోదు చేశారు. అంధభక్తులకు ఇది సాధారణం: రాహుల్‌ ఘటనపై కాంగ్రెస్‌ అగ్రనేత రాహుల్‌ గాంధీ తీవ్ర ఆగ్రహం వ్యక్తంచేశారు. బిహార్‌లోని బీజేపీ ప్రభుత్వహయాంలో అమ్మాయిలకు రక్షణలేకుండా పోయిందన్నారు. ‘‘టీనేజీ అమ్మాయి చేతులు జోడించి బతిమాలింది. అయినాసరే వాళ్లు అత్యంత జుగుప్సాకరంగా ప్రవర్తించారు. వాళ్లకీ స్వేచ్ఛ ఎవరిచ్చారు?. అమ్మాయి ఏడు గంటలకు కూడా రోడ్డుపై వెళ్లలేని దుస్థితి ఎందుకొచ్చింది? ఇది పితృస్వామ్య వ్యవస్థ తాలూకు దురహంకారం కాదా? ఇంతటి దారుణ ఘటనను కొందరు అంధభక్తులు సాధారణ విషయంగా చిత్రీకరించే దుస్సాహసం చేస్తున్నారు. అందుకే ఇలాంటి అల్లరిమూకలు తామేదో ‘సంస్కృతి’ని కాపాడే వ్యక్తులుగా ఇలాంటి దారుణాలకు తెగిస్తున్నారు. నిందితులను పోక్సో చట్టం కింద విచారించి కఠిన శిక్షలు వేయాలి’’అని రాహుల్‌ డిమాండ్‌చేశారు. ఘటనపై బిహార్‌ శాసనసభలో విపక్ష నేత, ఆర్జేడీ చీఫ్‌ తేజస్వీ యాదవ్‌ స్పందించారు. ‘‘బీజేపీ నేత సామ్రాట్‌ చౌదరి అసమర్థమైన బిహార్‌ సీఎంగా మిగిలిపోయారు. ఇలాంటి ఘటనకు ప్రధాని మోదీ బాధ్యతవహించాల్సిందే’’అని డిమాండ్‌ చేశారు. నివేదిక కోరిన జాతీయ మహిళా కమిషన్‌ ఘటనపై జాతీయ మహిళా కమిషన్‌ సుమోటోగా స్పందించింది. వెంటనే నిందితులను అరెస్ట్‌చేసి చట్టప్రకారం కఠినచర్యలు తీసుకోవాలని బిహార్‌ డీజీపీకి జాతీయ మహిళా కమిషన్‌ చైర్‌పర్సన్‌ విజయ రహాత్కార్‌ ఆదేశాలు జారీచేశారు. ఏడు రోజుల్లోపు ఈ అంశంలో నివేదిక ఇవ్వాలని సూచించారు. ఘటనపై బిహార్‌ మహిళా కమిషన్‌ చైర్‌పర్సన్‌ అప్సరా మిశ్రా సైతం జిల్లా మేజిస్ట్రేట్ ను నివేదిక కోరారు. ఘటనపై తృణమూల్‌కాంగ్రెస్, ఆమ్‌ ఆద్మీ పార్టీ తీవ్ర అభ్యంతరం వ్యక్తంచేశాయి. ఘటనలో పోలీసులు వేగంగా స్పందించి ఎలాంటి ఫిర్యాదు అందకపోయినా కేసు నమోదుచేసి దర్యాప్తు చేస్తున్నారని బీజేపీ అధికార ప్రతినిధి నీరజ్‌ కుమార్‌శర్మ చెప్పారు.

పసిఫిక్‌ మహాసముద్రంలో ఎల్‌నినో ప్రభావం తీవ్ర స్థాయికి చేరింది. విస్తృతంగా ఉపయోగించే ఒక కొలమానం ప్రకారం ఉష్ణమండల పసిఫిక్‌ సముద్ర ఉపరితల ఉష్ణోగ్రత సాధారణ సగటు కంటే 3.07 డిగ్రీల సెల్సియస్‌ అధికంగా నమోదైంది. దీంతో 2015-16లో నమోదైన అత్యంత తీవ్ర ఎల్‌నినో స్థాయిని ప్రస్తుత పరిస్థితి సమం చేసింది. ఇప్పటికే మధ్య అమెరికాలో కరవు, పంట నష్టం, నీటి కొరత, ఇండోనేషియాలో అడవుల్లో మంటలు వంటి ప్రభావాలు కనిపిస్తున్నాయి.బర్కిలీ ఎర్త్‌కు చెందిన వాతావరణ శాస్త్రవేత్త, ఐక్యరాజ్యసమితి వాతావరణ మార్పు నివేదికల సహ రచయిత జీక్‌ హాస్‌ఫాదర్‌ ఈ వివరాలను వెల్లడించారు. ఆయన తెలిపిన వివరాల ప్రకారం సెప్టెంబర్‌ కూడా ఇప్పటివరకు నమోదైన అత్యధిక ఉష్ణోగ్రత వ్యత్యాసం ఉన్న నెలగా మారే అవకాశం ఉంది. చివరి వారంలో అనూహ్య మార్పు సంభవించకపోతే ఈ రికార్డు నమోదయ్యే అవకాశం ఉందని ఆయన తెలిపారు. ఈ గణాంకాలు అమెరికా జాతీయ సముద్ర, వాతావరణ పరిపాలన సంస్థ నుంచి సేకరించిన ఉపగ్రహాలు, సముద్రంలో ఏర్పాటు చేసిన కొలమాన పరికరాల సమాచారంపై ఆధారపడ్డాయి.ఎల్‌నినోను పసిఫిక్‌లోని నినో 3.4 ప్రాంతంలోని రోజువారీ సముద్ర ఉపరితల ఉష్ణోగ్రతలను 30 ఏళ్ల సగటుతో పోల్చి కొలుస్తారు. అయితే అమెరికా జాతీయ సముద్ర, వాతావరణ పరిపాలన సంస్థ ఇటీవల రెలటివ్‌ ఓషియానిక్‌ నినో ఇండెక్స్‌ అనే మరో కొలమానాన్ని ప్రవేశపెట్టింది. ఇది విస్తృత ఉష్ణమండల సముద్ర ప్రాంతాల్లోని వేడిమిని కూడా పరిగణనలోకి తీసుకుంటుంది. ఈ కొలమానం ప్రకారం ప్రస్తుత ఎల్‌నినో ఇప్పటికీ గత రికార్డును దాటలేదు. అయితే భవిష్యత్తులో దాన్ని అధిగమించే అవకాశం ఉందని శాస్త్రవేత్తలు అంచనా వేస్తున్నారు.తీవ్ర పరిణామాలు!ఎల్‌నినో అనేది ఉష్ణమండల పసిఫిక్‌లో ఏర్పడే సహజ వాతావరణ చక్రంలోని వేడి దశ. తూర్పు నుంచి పడమర వైపు సాధారణంగా వీచే వాణిజ్య పవనాలు బలహీనపడినప్పుడు పశ్చిమ పసిఫిక్‌లో పేరుకుపోయిన వేడి నీరు తూర్పు వైపు కదిలి ఉపరితలానికి చేరుతుంది. దీని ప్రభావంతో పసిఫిక్‌ వెలుపల కూడా వర్షపాతం, తుపానులు, వాతావరణ ప్రసరణలో మార్పులు చోటుచేసుకుంటాయి.మధ్య అమెరికాలో ఎల్‌నినోతో సంబంధం ఉన్న కరవు కారణంగా జంతువులు చనిపోతాయి, పంటలు దెబ్బతింటాయి. నీటి కొరతతో పనామా కాలువ కార్యకలాపాలపైనా ప్రభావం పడింది. ప్రపంచ వాణిజ్యంలో సుమారు 5 శాతం ఈ కాలువ గుండా సాగుతుంది. జలాశయ నీటిపై ఆధారపడే కాలువలో నౌకల రాకపోకల సంఖ్యను అధికారులు తగ్గించారు. ఇండోనేషియాలో ఎల్‌నినోతో ముడిపడిన కరవు పరిస్థితులు అడవుల్లో మంటలు వ్యాపించడానికి అనుకూలంగా మారాయి.ముందు రోజుల్లో ఎల్‌నినో తీవ్రత ఎలా మారుతుంది, దాని ప్రభావంతో ప్రపంచంలోని వివిధ ప్రాంతాల్లో వర్షపాతం, కరవు, అడవుల మంటలు, నీటి లభ్యతపై ఎలాంటి మార్పులు వస్తాయన్నది కీలకంగా మారనుంది.

సాక్షి, న్యూఢిల్లీ: పార్టీ ఫిరాయింపుల వ్యవహారంలో తనపై తెలంగాణ హైకోర్టు విధించిన అనర్హత వేటును సవాల్‌ చేస్తూ ఖైరతాబాద్‌ ఎమ్మెల్యే దానం నాగేందర్‌ సుప్రీంకోర్టులో దాఖలు చేసిన పిటిషన్‌పై బుధవారం విచారణ జరగనుంది. ఈ కేసును అత్యవసరంగా విచారించాలన్న దానం తరఫు న్యాయవాది విజ్ఞప్తి, విచారణను బుధవారం చేపట్టాలన్న ప్రతివాదుల అభ్యర్థన మేరకు ప్రధాన న్యాయమూర్తి (సీజేఐ) జస్టిస్‌ సూర్యకాంత్‌ నేతృత్వంలోని ధర్మాసనం ఈ నిర్ణయం తీసుకుంది. సోమవారం దానం తరఫు సీనియర్‌ న్యాయవాది ముకుల్‌ రోహత్గీ ఈ వ్యవహారాన్ని ధర్మాసనం ముందు మెన్షన్‌ చేశారు. సిట్టింగ్‌ ఎమ్మెల్యేపై హైకోర్టు అనర్హత వేటు వేసిందని, వాస్తవానికి స్పీకర్‌ ఆ పిటిషన్‌ను ముందే తిరస్కరించారని ధర్మాసనం దృష్టికి తీసుకెళ్లారు. పార్టీ తరఫున కాకుండా వేరొకరి ఫిర్యాదు మేరకు ఈ పరిణామాలు చోటుచేసుకున్నాయన్నారు. ఒకవేళ కేంద్ర ఎన్నికల సంఘం ఉప ఎన్నికల నోటిఫికేషన్‌ జారీ చేస్తే ఇబ్బందులు వస్తాయని, కాబట్టి మంగళవారమే ఈ కేసును అత్యవసరంగా విచారించాలని కోరారు. అయితే, ప్రతివాదుల తరఫు న్యాయవాది కల్పించుకుని.. ఈ విచారణను మంగళవారం కాకుండా బుధవారం చేపట్టాలని కోరారు. అనంతరం ధర్మాసనం విచారణ బుధవారం చేపడతామని స్పష్టం చేసింది. కండువా కప్పుకుంటే పార్టీ మారినట్లా? హైకోర్టు తీర్పుపై శనివారం మధ్యాహ్నం సుప్రీంకోర్టులో దానం నాగేందర్‌ ఎస్‌ఎల్‌పీ దాఖలు చేశారు. ఎమ్మెల్యేల అనర్హత వ్యవహారంలో స్పీకర్‌ తీసుకునే నిర్ణయాలను న్యాయస్థానాలు సమీక్షించడానికి వీల్లేదన్నది ఆయన ప్రధాన వాదన. స్పీకర్‌ తీసుకున్న నిర్ణయం సరైనదేనని, అందులో ఆర్టీకల్‌ 226 కింద హైకోర్టు జోక్యం చేసుకోకూడదని అప్పీలులో పేర్కొన్నారు. తాను బీఆర్‌ఎస్‌ సభ్యత్వాన్ని వదులుకోలేదని, కాంగ్రెస్‌ సభ్యత్వం కూడా తీసుకోలేదని స్పష్టం చేశారు. కేవలం మెడలో మూడు రంగుల కండువా వేసుకున్నంత మాత్రాన కాంగ్రెస్‌లో చేరినట్లు కాదన్నారు. దానం పిటిషన్‌పై నిర్ణయం తీసుకునే ముందు తమ వాదనలు కూడా వినాలని కోరుతూ ఏలేటి మహేశ్వర్‌రెడ్డితోపాటు బీఆర్‌ఎస్‌ ఎమ్మెల్యే పాడి కౌశిక్‌ రెడ్డి సుప్రీంకోర్టులో కేవియట్‌ పిటిషన్లు దాఖలు చేసిన విషయం తెలిసిందే.

సోషల్ మీడియాలో వ్యూస్, లైక్స్ కోసం చేసే కొన్ని పనులు కొన్నిసార్లు జీవితాల్నే తలక్రిందులు చేస్తుంటాయి. తాజాగా సోషల్‌ మీడియాలో వైరలవుతున్న ఘటనే ఇందుకు నిదర్శనం. వ్యక్తిగత జీవితం విషయంలో ఎంత జాగ్రత్తగా ఉన్నా తక్కువేనని, హఠాత్తుగా తీసుకునే నిర్ణయాలు భవిష్యత్తును మార్చేస్తాయని ఈ ఘటన నిరూపిస్తోంది. వివాహానికి ముందు ఏర్పాటు చేసిన బ్యాచిలర్ పార్టీలో స్నేహితులు ఇచ్చిన ఓ సర్ప్రైజ్ వీడియో కారణంగా ఏకంగా పెళ్లే రద్దయిన ఈ ఉదంతం నెట్టింట తీవ్ర చర్చనీయాంశమైంది. త్వరలో వివాహం చేసుకోబోయే ఓ యువతికి, ఆమె స్నేహితులు బ్యాచిలర్ పార్టీని ఏర్పాటు చేశారు. ఈ పార్టీలో కాబోయే వధువుకు ఊహించని విధంగా ఒక సర్‌ప్రైజ్ ఇవ్వాలని ముందుగానే ప్లాన్ చేసుకున్నారు. ఇందులో భాగంగా పార్టీ జరుగుతుండగా, వధువు మాజీ ప్రియుల చేత శుభాకాంక్షలు చెప్పిస్తూ వీడియోలు తీశారు. బ్యాచిలర్‌ పార్టీలో స్నేహితురాలిచ్చిన ఈ సర్ప్రైజ్ చూసి వధువు షాక్ అవగా, ఆ సమయంలో ఆమె ఇచ్చిన రియాక్షన్‌ను వీడియో తీశారు. అంతటితో ఆగకుండా ఆ సర్ప్రైజ్ వీడియోను సోషల్ మీడియాలో పోస్ట్ చేశారు. ఎక్స్‌ వేదికగా భవేష్‌ గుజరాతి అనే యూజర్‌ ఈ వీడియోను షేర్‌ చేశారు. క్షణాల్లో అది నెట్టింట తెగ వైరల్ అయింది. పెళ్లి రద్దు చేసుకున్న వరుడు..అయితే, సోషల్ మీడియాలో విపరీతంగా చక్కర్లు కొట్టిన ఈ వీడియో కాస్తా నేరుగా కాబోయే పెళ్లికొడుకు దృష్టికి వెళ్లింది. కాబోయే భార్య బ్యాచిలర్ పార్టీలో మాజీల వీడియోలను ప్రదర్శించడం, పైగా అది పబ్లిక్‌గా వైరల్ కావడంతో ఆ వరుడు,అతని కుటుంబ సభ్యులు తీవ్ర దిగ్భ్రాంతికి గురయ్యారు. ఈ పరిణామంతో తీవ్ర మనస్తాపానికి, అసంతృప్తికి గురైన అతను.. నేను ఇంత మంచి అమ్మాయిని వివాహం చేసుకోలేను అంటూ పెళ్లిని రద్దు చేసుకుంటున్నట్లు ప్రకటించి అందరినీ షాక్‌కు గురిచేశాడు.వీడియో డిలీట్ చేసిన వధువు..ఈ అనూహ్య పరిణామాన్ని అసలు ఊహించని ఆ వధువు ఒక్కసారిగా కంగుతింది. క్షణాల వ్యవధిలో పెళ్లి క్యాన్సిల్ కావడంతో దిగ్భ్రాంతికి గురైన ఆమె, వెంటనే ఇన్‌స్టాగ్రామ్ నుండి ఆ వివాదాస్పద సర్ప్రైజ్ వీడియోను తొలగించింది.వ్యక్తిగత జీవితానికి, సరదా సరదాలకూ ఒక హద్దు ఉంటుంది.. చిలిపి చేష్టలతో జీవితాలనే పాడు చేసుకుంటారు. ప్రతి విషయాన్ని సోషల్ మీడియాలో పెట్టాలని చూస్తే ఇలాగే ఉంటుంది అంటూ నెటిజన్లు రకరకాలుగా కామెంట్లు చేస్తున్నారు. ఈ విషయం ఇంత దూరం వస్తుందని ఆ అమ్మాయి ఊహించి ఉండదు అని కొందరు అభిప్రాయపడుతుంటే, ఇలాంటి సర్ప్రైజ్‌లు అవసరమా? అని మరికొందరు ప్రశ్నిస్తున్నారు. This video reportedly reached the groom, and he called off the wedding. She has since deleted the video from her Instagram. https://t.co/30iXcfXdvL— Bhavesh Gujrati (@Bhaveshlivelife) September 9, 2026

మంచి చదువు.. మంచి జాబ్.. మంచి జీతం.. ఇవన్నీ ఉన్నా కొంతమందికి ఆ ఉద్యోగంలో సంతోషం ఉండదు. రోజూ ఎదురయ్యే పని ఒత్తిడి, ఎక్కువ గంటలు పనిచేయడం వల్ల చివరకు మనశ్శాంతి కరువైపోతుంది. యూకేకు చెందిన 30 ఏళ్ల లిజ్ ఈస్ట్ విషయంలోనూ ఇదే జరిగింది.లిజ్ క్రిమినల్ డిఫెన్స్ లాయర్‌గా నాలుగేళ్లు పనిచేశారు. ఆ సమయంలో కోర్టులకు వెళ్లడం, జైళ్లకు వెళ్లడం, క్లయింట్లతో మాట్లాడటం, ఆఫీస్ పనులు చేయడం ఇలా రోజంతా బిజీగా ఉండేవారు. మొదట్లో ఉద్యోగం బాగానే అనిపించినా.. రోజులు గడిచేకొద్దీ పని ఒత్తిడి ఆమెను బాగా ఇబ్బంది పెట్టింది. రోజూ ఇంత ఒత్తిడితోనే జీవించాలా?, ఇదేనా తన జీవితం?, అని ఆమె ఆలోచించడం మొదలుపెట్టారు. ముఖ్యంగా లండన్‌లోని పని సంస్కృతి, ఎక్కువ గంటలు పని చేయడం, రాత్రి ఆలస్యంగా ఇంటికి వెళ్లడం తనకు నచ్చలేదని లిజ్ చెప్పారు.భర్తను చూసి వచ్చిన ఆలోచనలిజ్ భర్త డాగ్ వాకింగ్, డాగ్ బోర్డింగ్ చేస్తుంటాడు. అతను తన పనిని ఎంతో ఇష్టంగా చేస్తుండటాన్ని లిజ్ గమనించారు. తాను మాత్రం ప్రతి వీకెండ్ పని చేయడానికి భయపడుతుంటే.. తన భర్త మాత్రం ఎంతో ఉత్సాహంగా పని చేస్తున్నాడని ఆమెకు అనిపించింది. దీంతో చివరకు లాయర్ ఉద్యోగాన్ని వదిలేసి డాగ్ వాకింగ్ బిజినెస్ ప్రారంభించాలని నిర్ణయించుకుంది.అయితే.. కొత్త బిజినెస్ మొదలుపెట్టిన వెంటనే ఆదాయం రావడం కష్టం కాబట్టి, ఖర్చుల కోసం కొంతకాలం స్థానిక పబ్‌లో ఉద్యోగం చేశారు. మరోవైపు తన డాగ్ వాకింగ్ బిజినెస్ కోసం కస్టమర్లను సంపాదించడం మొదలుపెట్టారు.రోజుకు రూ.51 వేలు!లిజ్ ప్రయత్నం వృథా కాలేదు. ఏడాది తిరిగేలోపే ఆమెకు రెగ్యులర్ కస్టమర్లు పెరిగిపోయారు. ఇప్పుడు రోజుకు నాలుగు గ్రూప్ వాక్స్ నిర్వహిస్తోంది. రోజూ సుమారు 20 నుంచి 30 కుక్కలను చూసుకుంటోంది. ఒక్క కుక్కకు గంటకు సుమారు 14 పౌండ్లు అంటే దాదాపు రూ.1,800 చార్జ్ చేస్తోంది. దీంతో రోజుకు ఆమె టర్నోవర్ 300 నుంచి 400 పౌండ్ల వరకు ఉంటోంది. అంటే భారత కరెన్సీలో దాదాపు రూ.38 వేల నుంచి రూ.51 వేల వరకు.అంతేకాదు.. లాయర్‌గా పనిచేసినప్పుడు కంటే ఇప్పుడు నెలకు ఎక్కువ సంపాదిస్తున్నానని లిజ్ చెబుతోంది. ముఖ్యంగా గతంలో పనిచేసిన సమయంతో పోలిస్తే ఇప్పుడు సగం గంటలే పనిచేస్తున్నానని చెప్పింది.లాయర్ ఉద్యోగం వదిలి కుక్కలు నడిపే పని చేయడంతో కొంతమంది ఆమెను విమర్శించారు. ఇంత చదువుకుని చివరకు డాగ్ వాకర్‌గా మారావా? అంటూ ప్రశ్నించారు. అయితే వారి మాటలను లిజ్ పట్టించుకోలేదు. లా చదివిన ఆరేళ్లలో తాను చాలా విషయాలు నేర్చుకున్నానని, అవి ఇప్పటికీ తన జీవితంలో ఉపయోగపడుతున్నాయని చెబుతోంది.డబ్బు కోసం పని చేయొద్దుడాగ్ వాకింగ్ ద్వారా ఇప్పుడు మంచి ఆదాయం వస్తున్నప్పటికీ.. డబ్బు కోసమే ఈ పని ఎంచుకోవద్దని లిజ్ అంటున్నారు. కుక్కలను నిజంగా ఇష్టపడాలి, బయట తిరుగుతూ పనిచేయడం ఇష్టంగా ఉండాలని చెబుతోంది.తనకు మాత్రం ఇప్పుడు ఉదయం లేచి పనికి వెళ్లడం చాలా సంతోషంగా ఉంటుందని లిజ్ చెబుతోంది. గతంలో ఉద్యోగానికి వెళ్లాలంటే ఒత్తిడిగా అనిపించేదని, ఇప్పుడు మాత్రం తన పని అంటే ఎంతో ఇష్టమని అంటోంది. తన దగ్గర లా డిగ్రీ ఎప్పటికీ ఉంటుందని.. భవిష్యత్తులో అవసరమైతే మళ్లీ లీగల్ రంగంలోకి వెళ్లొచ్చని లిజ్ చెబుతోంది. అయితే.. ప్రస్తుతం చేస్తున్న పనిని తాను ఎంతగానో ఇష్టపడుతున్నందున, తిరిగి లాయర్‌గా పనిచేసే ఆలోచన లేదని స్పష్టం చేశారు.ఇదీ చదవండి: ఊహించని షాక్.. పని వేగంగా చేయడమే శాపమైంది!

కేరళని భారీ వర్షాలు అతలాకుతలం చేస్తున్నాయి. భారీ వర్షాల కారణంగా కొండచరియలు విరిగిపడడంతో పాటు ఇతర కారణాలతో ఐదుగురు మృతిచెందారు. పెద్దఎత్తున వర్షాలు పడే అవకాశం ఉండడంతో వాతావరణ శాఖ కీలక సూచనలు జారీ చేసింది. పతనంతిట్ట, కొట్టాయం, అలప్పుజ, ఎర్నాకులం, ఇడుక్కి మరియు త్రిస్సూర్ జిల్లాలకు ఎల్లో అలర్ట్ జారీ చేసింది.నిన్న (ఆదివారం) ఉదయం ఇడుక్కి, మలప్పురం సహా పలు జిల్లాల్లో కురిసిన భారీ వర్షాలు బీభత్సం సృష్టించాయి. కొండచరియలు విరిగిపడటం, బురద ప్రవాహాలు, ఆకస్మిక వరదల వంటి వేర్వేరు ఘటనల్లో ఐదుగురు మృతి చెందారు. మరో ఇద్దరు గల్లంతయ్యారు.మరోవైపు నార్త్‌ ఇండియాలోనూ వర్షం బీభత్సం సృష్టింస్తోంది. ఉత్తర ప్రదేశ్‌లోని అనేక ప్రాంతాల్లో వర్ష ప్రభావం ఇంకా కొనసాగుతోంది. ఉన్నావ్‌లోని మురికివాడల్లో భారీగా నీరు చేరడంతో పడవలతో సహాయక చర్యలు చేపడుతున్నారు. గుజరాత్‌లోని భావ్‌నగర్ రాజ్‌కోట్‌లో ఆదివారం అరగంట పాటు కురిసిన భారీ వర్షానికే రహదారులు నీటితో నిండిపోయాయి. భావ్‌నగర్‌లోని మహువా రాజ్‌కోట్‌లోని గోండల్‌లో 4.5 అంగుళాల వర్షపాతం నమోదు కాగా, రాజ్‌కోట్‌లోని గోండల్‌లో 3.5 అంగుళాల వర్షపాతం నమోదైంది.జునాగఢ్‌లోని గిర్నార్ అడవిలో ఆకస్మిక వరద సంభవించింది. ఆత్మేశ్వర మహాదేవ్ ఆలయానికి వెళ్తున్న పిల్లలు, వృద్ధులతో సహా 40 మందికి పైగా భక్తులు చిక్కుకుపోయారు. అటవీ శాఖ, అగ్నిమాపక సిబ్బంది భక్తులను రక్షించారు.

సాక్షి,చెన్నై: వందేళ్లు గుర్తుండిపోయేలా రూ.1,200 కోట్ల అంచనా వ్యయంతో, 20 లక్షల చదరపు అడుగుల విస్తీర్ణంలో కొత్త సచివాలయ-శాసనసభ సముదాయాన్ని నిర్మించాలని సీఎం విజయ్ నేతృత్వంలోని ప్రభుత్వం ప్రతిపాదించింది. అయితే చెన్నైలోని మెరీనా బీచ్ సమీపంలోని పట్టినాపక్కంలో తలపెట్టిన ఈ ప్రాజెక్ట్‌పై రాజకీయ దుమారం రేగింది. ఈ ప్రతిపాదనను డీఎంకే అధినేత ఎంకే స్టాలిన్ తీవ్రంగా వ్యతిరేకిస్తున్నారు.తీర ప్రాంతంలో నివసించే మత్స్యకారుల ఇళ్లను, వారి జీవనోపాధిని ఈ ప్రతిపాదిత ప్రాజెక్ట్ దెబ్బతీస్తుందని స్టాలిన్ ఆందోళన వ్యక్తం చేశారు. ఈ ప్రాజెక్ట్‌ను వ్యతిరేకిస్తున్న మత్స్యకార సంఘాలకు డీఎంకే పూర్తి మద్దతు ఇస్తుందని, ప్రభుత్వం తన ఉత్తర్వులను వెనక్కి తీసుకోకపోతే తాము కూడా ప్రత్యక్ష నిరసనల్లో పాల్గొంటామని స్పష్టం చేశారు.జ్యోతిష్యుల సలహా మేరకేనా?ఇప్పటికే రద్దీగా ఉండే ప్రాంతంలో కొత్త సచివాలయం అవసరం ఏముందని స్టాలిన్ ప్రభుత్వాన్ని నిలదీశారు. గతంలో డీఎంకే ప్రభుత్వం సచివాలయాన్ని నిర్మించిన ఒమాందూరార్ ఎస్టేట్ వంటి ప్రత్యామ్నాయ స్థలాలు చాలానే ఉన్నాయని గుర్తుచేశారు. అయితే, ముఖ్యమంత్రి కార్యాలయం సముద్రం వైపు ఉండాలని జ్యోతిష్యులు సలహా ఇవ్వడం వల్లే ప్రభుత్వం పట్టినాపక్కం ప్రాంతాన్ని ఎంపిక చేసినట్లు వార్తలు వస్తున్నాయని ఆరోపించారు. ఇలాంటి సముదాయాలు సీఎం పనిచేయడానికి ఉద్దేశించినవే కానీ, సముద్రం వైపు చూస్తూ కూర్చోవడానికి కాదు అంటూ ఆయన ఎద్దేవా చేశారు.ట్రాఫిక్,పర్యావరణ సమస్యలు ప్రతిపాదిత స్థలం చుట్టూ అనేక పాఠశాలలు ఉన్నాయని, ఇప్పటికే అక్కడ తీవ్రమైన ట్రాఫిక్ రద్దీ ఉందని స్టాలిన్ పేర్కొన్నారు. అక్కడ భారీ ప్రభుత్వ సముదాయం వస్తే విద్యార్థులకు, స్థానికులకు నరకం చూపుతుందన్నారు. మరోవైపు ప్రభుత్వానికి బయటి నుంచి మద్దతు ఇస్తున్న సీపీఐ(ఎం) కూడా తీర ప్రాంత పర్యావరణ ముప్పును ప్రస్తావిస్తూ ఈ ప్రాజెక్ట్‌ను వ్యతిరేకించింది. మిత్రపక్షాల మాటను కూడా లెక్కచేయకుండా టీవీకే ప్రభుత్వం ఏకపక్షంగా నిర్ణయాలు తీసుకుంటోందని స్టాలిన్ మండిపడ్డారు.ప్రభుత్వం క్లారిటీ ఈ విమర్శలపై ప్రభుత్వం తరఫున పీడబ్ల్యూడీ మంత్రి ఆధవ్ అర్జున స్పందిస్తూ.. ప్రస్తుతం సచివాలయ సముదాయానికి సంబంధించి సమగ్ర ప్రాజెక్ట్ నివేదిక రూపొందించాలని మాత్రమే ఆదేశించామని, దీనిపై ఇప్పటివరకు ఎలాంటి తుది నిర్ణయం తీసుకోలేదని స్పష్టం చేశారు.ఇదీ చదవండి : సీఎం విజయ్ ‘ప్రధాని’ కలలు?.. చురకలంటించిన కాంగ్రెస్‌!

టీమిండియా స్టార్ ఆల్‌రౌండ‌ర్ ర‌వీంద్ర జ‌డేజా భార్య‌, గుజ‌రాత్ మంత్రి రివాబా జ‌డేజా జెన్‌జీతో క‌లిసి డ్యాన్స్ చేసిన వీడియో సోష‌ల్ మీడియాలో వైర‌ల్‌గా మారింది. విష‌యంలోకి వెళితే.. ఇటీవ‌లే భార‌త ప్ర‌ధాని నరేంద్ర మోదీ పుట్టిన‌రోజును పుర‌స్క‌రించుకొని జామ్‌న‌గ‌ర్‌లోని డీకేవీ క‌ళాశాల‌లో 'ఆశీర్వాద్ నో దివ్‌డో' పేరుతో భ‌జ‌న కార్య‌క్ర‌మాన్ని నిర్వ‌హించారు. ఈ కార్య‌క్ర‌మానికి హాజ‌రైన రాష్ట్ర విద్యాశాఖ మంత్రి రివాబా జ‌డేజా శ్రీకృష్ణుని భ‌క్తిలో లీన‌మ‌య్యారు. రివాబాతో క‌లిసి జెన్ జెడ్ యువ‌త కూడా కృష్ణ త‌న్మ‌య‌త్వంలో మునిగిపోయి భ‌జ‌న చేస్తూ డ్యాన్సులు చేయ‌డం ఆక‌ట్టుకుంది. ఎప్పుడూ హుందాగా న‌డుచుకునే రివాబా భ‌క్తి పార‌వ‌శ్యంలో మునిగిపోయి నృత్యం చేయ‌డం సోష‌ల్ మీడియాలో వైరల్‌గా మారింది. కార్య‌క్ర‌మంలో భాగంగా రివాబా గాయ‌కుడితో క‌లిసి వేదిక‌పైకి వ‌చ్చారు. గాయ‌కుడితో క‌లిస పాట పాడుతూ అడుగులు క‌లిపారు. ఆమె భ‌క్తి ప్ర‌ద‌ర్శ‌న ఆ కార్య‌క్ర‌మానికే హైలైట్‌గా నిలిచింది. దీంతో కార్య‌క్ర‌మానికి వ‌చ్చిన యువ‌త కూడా రివాబాతో క‌లిసి చిందేస్తూ ఉత్సాహంగా చ‌ప్ప‌ట్లు కొడుతూ కృష్ణ త‌న్మ‌య‌త్వంలో మునిగిపోయారు. ఈ కార్యక్రమానికి జిల్లా ఇన్‌చార్జి ధన్‌సుఖ్ భండేరి, మేయర్ మోనికాబెన్ వ్యాస్, బీజేపీ కార్పొరేటర్లు, మహిళా నాయకులు, పార్టీ కార్యకర్తలు హాజరయ్యారు. ఇక ర‌వీంద్ర జ‌డేజా ఇటీవ‌లే శ్రీలంక‌తో టెస్టు సిరీస్‌లో పాల్గొన్నాడు. ఆ టెస్టు సిరీస్‌ను టీమిండియా 1-0తో కైవ‌సం చేసుకుంది. సిరీస్‌లో జ‌డేజా రెండు మ్యాచ్‌లు క‌లిపి 8 వికెట్లు తీయ‌డంతో పాటు బ్యాట్‌తో మూడు ఇన్నింగ్స్‌లు కలిపి 65 ప‌రుగులు చేశాడు.🔥 RIVABA JADEJA — ROYAL GRACE, CLASS & CONFIDENCE! 👑🇮🇳She can have 100 Mahua Moitras and Priyanka Vadras for breakfast! 😎🔥Gujarat’s Education Minister, Rivaba Jadeja @Rivaba4BJP , comes from a royal family and carries herself with elegance, humility, and dignity.✅ No…— Akshay Kumar (@akshay_vicky) September 21, 2026ఇదీ చదవండి: జపాన్‌తో చారిత్రక మ్యాచ్‌.. చిక్కుల్లో భార‌త క్రికెట‌ర్‌

గురుగ్రామ్‌లో బైకర్ శివానీ చౌహాన్‌ను కారు ఢీకొట్టి పరారైన ఘటన వివాదం ఇంకా కొనసాగుతుండగానే, జైపూర్‌లో మరో హిట్ అండ్ రన్ ఘటన కలకలం రేపింది. జైపూర్‌లో జరిగిన రోడ్డు ప్రమాదంలో ఓ స్కూటర్ డ్రైవర్ ప్రాణాలు కోల్పోయాడు. వేగంగా వచ్చిన మహీంద్రా థార్ (Mahindra Thar) వాహనం ఢీకొనడంతో 57 ఏళ్ల నవల్ శర్మ మృతి చెందారు. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. ప్రమాదం ఎలా జరిగింది? జైపూర్‌లోని సాంగనేర్ ప్రాంతానికి చెందిన నవల్ శర్మ శనివారం ఉదయం తన స్కూటర్‌పై పని నిమిత్తం బయలుదేరారు. అదే సమయంలో వెనుక నుంచి వేగంగా దూసుకొచ్చిన బ్లాక్‌ థార్ స్కూటర్‌ను బలంగా ఢీకొట్టింది. అనంతరం అక్కడినుంచి ఆపకుండా వెళ్లిపోయింది. దీంతో తీవ్రంగా గాయపడిన నవల్ శర్మ ప్రాణాలు కోల్పోయారు. పోస్టుమార్టం అనంతరం ఆయన మృతదేహాన్ని కుటుంబ సభ్యులకు అప్పగించారు. Jaipur - A black Mahindra Thar rammed into a scooty in Sanganer and killed 57-year-old Naval Sharma, police said. The SUV driver fled the scene after the collision. The entire incident was captured on CCTV. The accident took place on September 19.Police have launched a search for… pic.twitter.com/NEmmVvRMpi— NextMinute News (@nextminutenews7) September 21, 2026 ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?సీసీటీవీ ఫుటేజీ ఆధారంగా థార్ వాహనాన్ని, అందులో ఉన్నవారిని గుర్తించేందుకు పోలీసులు దర్యాప్తు వేగవంతం చేశారు. బైకర్‌ ఘటన జరిగిన వారంలోపే జైపూర్‌లో ఈప్రమాదం చోటుచేసుకోవడం గమనార్హం.ఆ కేసులో నిందితులను రాజస్థాన్‌లో అరెస్ట్ చేసిన సంగతి విదితమే.ఇదీ చదవండి: అయోధ్య విరాళాల గోల్‌మాల్‌, సిట్‌ సంచలన నివేదిక

అయోధ్య రామమందిరంలో విరాళాల చోరీకి సంబంధించిన కేసు విచారణలో భాగంగా సంచలన విషయాలు సుప్రీంకోర్టు ముందు నిలిచాయి. విరాళాల చోరీ ఘటనలపై విచారణ జరుపుతున్న ఎస్‌ఐటీ ((SIT) దర్యాప్తు తుది దశకు చేరుకుందని, సెప్టెంబర్ 25 నాటికి ఛార్జ్‌షీట్ దాఖలు చేయనున్నట్లు సోలిసిటర్ జనరల్ తుషార్ మెహతా సుప్రీంకోర్టుకు తెలిపారు. ఈ సందర్భంగా సిట్‌ దర్యాప్తులో కీలక విషయాలను సుప్రీం ముందుంచారు. ఛార్జిషీట్‌పై చట్ట ప్రకారం చర్యలు తీసుకోవాలని కోర్టు మేజిస్ట్రేట్‌ను ఆదేశించింది.రామ మందిరంలో విరాళాల దొంగతనానికి సంబంధించిన నూట ఐదు ఘటనలు ఆలయ సీసీటీవీలో నమోద య్యాయని సోమవారం సుప్రీంకోర్టుకు తెలియజేశారు. మొత్తం 105 సార్లు విరాళాల చోరీ సంఘటనలు రికార్డైనట్లు తెలిపింది. ఈ కేసుకు సంబంధించి ఎఫ్‌ఐఆర్‌లో పేర్కొన్న ఎనిమిది మంది నిందితులతో పాటు ఇతరులను కూడా అరెస్ట్ చేసినట్లు కోర్టుకు నివేదించారు.ఆరోపిత విరాళాల దొంగతనానికి సంబంధించిన కేసు విచారణ సందర్భంగా సుప్రీంకోర్టు సిట్‌ స్టేటస్ రిపోర్టును సమీక్షించింది. విచారణ సందర్భంగా, ఇప్పటివరకు జరిగిన అరెస్టుల సంఖ్య, విరాళాల దొంగతనానికి సంబంధించి సేకరించిన సాక్ష్యాధారాల గురించి కోర్టుకు తెలియజేశారు. అందుబాటులో ఉన్న సాక్ష్యాధారాలను కూడా కోర్టుకు సమర్పించారు. సీసీటీవీ ఫుటేజ్, సాక్షుల వాంగ్మూలాలు, ఇతర సాక్ష్యాధారాలకు సంబంధించిన వివరాలను కూడా పంచుకున్నారు. మరోవైపు ఎస్‌ఐటీ నివేదిక కాపీని ఇవ్వాలని పిటిషనర్లు కోరగా, సుప్రీంకోర్టు తోసిపుచ్చింది. ప్రధాన న్యాయమూర్తి నేతృత్వంలోని ధర్మాసనం, ఈ విషయాన్ని సెషన్స్ జడ్జి చేతుల నుండి బయటకు తీసుకెళ్లడానికి తాము ఇష్టపడటం లేదని, తదుపరి దర్యాప్తు అవసరమని భావిస్తేనే ఉత్తర్వులు జారీ చేస్తామని పేర్కొంది.చట్టపరమైన చర్యలు తీసుకోవాలని మేజిస్ట్రేట్‌ను కోర్టు ఆదేశించింది. నిందితులను గుర్తించడానికి సీసీటీవీ ఫుటేజ్, ఇతర సామాగ్రిని ఎలా విశ్లేషించారో స్టేటస్ రిపోర్టులో వివరించారు. ఇచ్చిన సమాచారం మొత్తాన్ని సుప్రీంకోర్టు రికార్డులోకి తీసుకుంది. ఇదీ చదవండి: సీనియర్‌ నటి కన్నుమూత, ప్రముఖుల సంతాపం కాగా ఈ వివాదం వెలుగులోకి రావడంతో రామమందిర ట్రస్ట్ ప్రముఖులు చంపత్ రాయ్, అనిల్ మిశ్రాలను వారి పదవుల నుండి తొలగించారు. ఈ విషయంలో సుప్రీంకోర్టు జోక్యం చేసుకోవడానికి ముందే, ట్రస్ట్ అభ్యర్థన మేరకు రాష్ట్ర ప్రభుత్వం జూన్ 13న లక్నో డివిజనల్ కమిషనర్ విజయ్ విశ్వాస్ పంత్ నేతృత్వంలో ముగ్గురు సభ్యుల సిట్ (ప్రత్యేక దర్యాప్తు బృందం)ను ఏర్పాటు చేసింది.ఈ కమిటీ జూన్ 23న రాష్ట్ర ప్రభుత్వానికి తన ప్రాథమిక నివేదికను సమర్పించి, అనేక కఠినమైన సిఫార్సులను చేసింది.ఎఫ్ఐఆర్‌లో అవినాష్ శుక్లా, అనుకల్ప్ మిశ్రా, లవ్‌కుష్ మిశ్రా, మనీష్ కుమార్ యాదవ్, కరుణేష్ పాండే, రామశంకర్ మిశ్రా, సుభాష్ శ్రీవాస్తవ, రామ్ శంకర్ యాదవ్ అలియాస్ టిన్ను అనే ఎనిమిది మందితో పాటు ఇతర గుర్తుతెలియని వ్యక్తులను నిందితులుగా పేర్కొన్నారు. వారందరినీ అరెస్టు చేసి, కేసులు నమోదు చేశారు. కాగా మాజీ సైనికాధికారి జితేంద్ర మిశ్రాను కొత్త రామ మందిర ట్రస్ట్‌ సీఈవోగా నియమించిన సంగతి తెలిసిందే. ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

ఢిల్లీ: కాంగ్రెస్ అగ్రనేత సోనియా గాంధీకి సంబంధించి ఓ పాత కేసులో ఢిల్లీ సెషన్స్ కోర్టు కీలక తీర్పు వెలువరించింది. భారత పౌరసత్వం పొందకముందే ఓటరు జాబితాలో ఆమె పేరు చేర్చారనే ఫిర్యాదును తోసివేస్తూ మెజిస్ట్రేట్ కోర్టు ఇచ్చిన ఉత్తర్వులను ఢిల్లీ ప్రత్యేక కోర్టు (సెషన్స్ కోర్టు) రద్దు చేసింది. ఈ కేసుకు సంబంధించి తగిన కారణాలతో కూడిన ఉత్తర్వులు ఇవ్వాలని మెజిస్ట్రేట్ కోర్టును ప్రత్యేక న్యాయమూర్తి విశాల్ గోగ్నే ఆదేశించారు.సోనియా గాంధీకి 1983లో భారతీయ పౌరసత్వం రాగా, అంతకంటే ముందే అంటే 1980 నాటి ఓటరు జాబితాలో ఆమె పేరును చేర్చారంటూ న్యాయవాది వికాస్ త్రిపాఠి గతంలో మెజిస్ట్రేట్ కోర్టులో ఫిర్యాదు చేశారు. అయితే, ఎలాంటి పోలీసుల స్టేటస్ రిపోర్టు కోరకుండా, సరైన కారణాలు చూపకుండానే మెజిస్ట్రేట్ కోర్టు ఆ పిటిషన్‌ను కొట్టివేసిందని సెషన్స్ కోర్టు తప్పుపట్టింది.పోలీసుల నుంచి నివేదిక కోరకుండా, చట్టపరమైన నిబంధనలను పరిశీలించకుండా మెజిస్ట్రేట్ కోర్టు తొందరపాటుగా వ్యవహరించిందని కోర్టు పేర్కొంది. ఈ నేపథ్యంలో పిటిషన్‌ను తిరిగి పరిశీలించి, కొత్త వాదనలు విన్న తర్వాత తగిన ఉత్తర్వులు జారీ చేయాలని మెజిస్ట్రేట్ కోర్టును ఆదేశిస్తూ.. తదుపరి విచారణను సెప్టెంబర్ 29కి సెషన్స్ కోర్టు వాయిదా వేసింది.

మహారాష్ట్ర ఫుడ్ సేఫ్టీ కమిషనర్ తుకారాం ముండే (Tukaram Mundhe) ఇటీవలి కాలంలో హోటళ్లు, పరిశుభ్రత అంటూ నిబంధనలను పాటించని రెస్టారెంట్లపై కొరాడా ఝళిపిస్తున్నారు. అదిరింపులు, బెదిరింపులకు ఏమాత్రం వెరవకుండా చిన్న, చిన్న హోటళ్లనుంచి విలావంతమైన రెస్టారెంట్ల వరకు ఫుడ్‌ సేఫ్టీ పాటించని వారికి నోటీసులు జారీ చేస్తున్నారు. ఈ క్రమంలో ఒక కార్డియాలజిస్ట్‌ డాక్టర్ అశోక్ సేథ్, ఆదివారం (సెప్టెంబర్ 20) సాయంత్రం ముంబైలోని జేడబ్ల్యూ మారియట్ హోటల్‌లో తనకెదురైన అనుభవాన్ని పంచుకున్నారు. ఈ వ్యవహారంపై ఆయన వ్యాఖ్యలు నెట్టింట సంచలనంగా మారాయి. ఫోర్టిస్ హెల్త్‌కేర్ ఛైర్మన్, హృద్రోగ నిపుణుడైన డా. సేథ్‌ డిన్నర్‌ కోసం హోటల్‌ కెళ్లారు. ఇంతలో ఆయన టేబుల్‌పై ఉన్న ఒక చిన్న బొద్దింక దర్శన మిచ్చింది. దీంతో అక్కడ పాటిస్తున్న ఫుడ్‌ సేఫ్టీపై వ్యంగ్యంగా రాసుకొచ్చారు. జేడబ్ల్యూ మారియట్ (JW Marriott) హోటల్‌పై సోషల్ మీడియాలో వ్యంగ్యాస్త్రాలు సంధించారు.ఆ హోటల్ రెస్టారెంట్‌లో , విదేశీ ప్రతినిధులతో కలిసి భోజనం చేస్తుండగా, డైనింగ్ టేబుల్‌పై బొద్దింక కనిపించడం తీవ్ర పరిశుభ్రతా లోపాలకు అద్దం పడుతోందని ఆయన మండిపడ్డారు.ఇదీ చదవండి: క్యాబ్‌ డ్రైవర్‌ నిర్లక్ష్యం : ఇండిగో ఉద్యోగిని దుర్మరణం Look who came for dinner unexpectedly. ‘Roachie’ - a baby *cockroach was on our table wanting to share our dinner at the Romano restaurant at JW Marriott , Sahar , Mumbai, Saturday night*!!! Despite our persuasion ‘ Roachie’ refused to leave . Maybe wanted Piazza and not… pic.twitter.com/w1h92KZiaU— Dr. Ashok Seth (@Dr_AshokSeth) September 20, 2026విలాసవంతమైన హోటల్‌లో ‘రోచీ’ఆ బొద్దింకకు రోచీ అని పేరు పెట్టారు. అనూహ్యంగా రాత్రి భోజనానికి ఎవరు వచ్చారో చూడండి. ‘ రోచీ’- ఒక చిన్న బొద్దింక, శనివారం రాత్రి ముంబైలోని సహార్‌లో ఉన్న జేడబ్ల్యూ మారియట్‌లోని రొమానో రెస్టారెంట్‌లో మాతో పాటు భోజనం చేయాలని చూస్తూ మా టేబుల్ మీదకు వచ్చింది!!!” అని ఆయన ఎక్స్‌లో ఒక వీడియోను పోస్ట్ చేశారు. అంతేకాదు తాము ఎంత నచ్చజెప్పినా, అది అక్కడినుంచి వెళ్ళడానికి నిరాకరించిందని బహుశా దానికి పాస్తా కాకుండా పిజ్జా కావాలేమో అంటూ వ్యంగ్య బాణాలు సంధించారు. ఈ పరిణామాన్ని చూసి ఆకలి చచ్చిపోయిందని, భోజనం పూర్తి చేయకుండానే తాము అక్కడి నుంచి వచ్చేశామని తెలిపారు. విదేశీ అతిథుల ముందు ఇది దేశానికి అవమానకరమని ఆయన ఆవేదన వ్యక్తం చేశారు. ఈ సందర్భంగా మహారాష్ట్ర ఫుడ్ సేఫ్టీ కమిషనర్ తుకారాం ముండేని ట్యాగ్‌ చేస్తే ఈ విషయంపై దృష్టి సారిస్తారని ఆశిస్తున్నట్లు డాక్టర్ సేథ్‌ పేర్కొన్నారు. మరి దీనికిమీద ముండే ఎలా స్పందిస్తారో వేచి చూడాలి. ఇదీ చదవండి: సీనియర్‌ నటి కన్నుమూత, ప్రముఖుల సంతాపం

సాక్షి,న్యూఢిల్లీ: అత్యాచారానికి గురై, అత్యంత కిరాతకంగా ప్రాణాలు కోల్పోయిన 17 ఏళ్ల సౌజన్య కేసులో కీలక పరిణామం చోటు చేసుకుంది. దీంతో బాధితురాలి కుటుంబం గత 14 ఏళ్లుగా చేస్తున్నపోరాటానికి ఎట్టకేలకు సుప్రీంకోర్టులో న్యాయం జరగనుంది. తొలుత ఈ కేసు కేంద్ర, రాష్ట్ర దర్యాప్తు సంస్థలు విచారణ చేపట్టినా నిజానిజాలను రాబట్టలేకపోయాయి. అయితే, ఓ దినపత్రికలో వచ్చిన కథనంతో ఈ కేసులో తీగ లాగితే డొంక కదిలింది. ఆ పత్రికా కథనం ఆధారంగా సౌజన్య తల్లి సుప్రీంకోర్టును ఆశ్రయించగా... అత్యున్నత న్యాయస్థానం కేసును రీ-ఇన్వెస్టిగేషన్ (పునర్‌విచారణ) చేయాలని ఆదేశాలు జారీ చేసింది.కర్ణాటకలోని ధర్మస్థల ప్రాంతంలో (ఉజిరే) దశాబ్దానికి పైగా సంచలనం సృష్టించిన 17 ఏళ్ల విద్యార్థిని సౌజన్య అత్యాచారం మరియు హత్య కేసుకు సంబంధించి సుప్రీంకోర్టు సంచలన తీర్పు వెలువరించింది. సుదీర్ఘకాలంగా న్యాయం కోసం పోరాడుతున్న బాధితురాలి కుటుంబానికి అండగా నిలుస్తూ, ఈ కేసులో తాజా దర్యాప్తునకు సుప్రీంకోర్టు సోమవారం (సెప్టెంబర్ 21) ఆదేశాలు జారీ చేసింది. అంతేకాకుండా, ఈ దర్యాప్తు పురోగతికి సంబంధించిన నివేదికను మూడు నెలల్లోగా సమర్పించాలని స్పష్టం చేసింది.కేసు నేపథ్యం అక్టోబర్ 2012లో 17 ఏళ్ల సౌజన్యపై అత్యాచారం జరిగి, ఆపై ఆమె హత్యకు గురయ్యారు. బాధితురాలి కుటుంబ సభ్యుల ఫిర్యాదుతో కర్ణాటక పోలీసులు రంగంలోకి దిగారు. ఈ కేసుకు సంబంధించి తొలుత కర్ణాటక సీఐడీ దర్యాప్తు చేపట్టింది. కానీ, కేసు కొలిక్కి రాకపోవడంతో సౌజన్య తల్లిదండ్రుల విజ్ఞప్తి మేరకు సీబీఐ దర్యాప్తు చేపట్టింది. అయినప్పటికీ అసలు దోషులు ఎవరనేది మాత్రం తేలలేదు. ఈ కేసులో ప్రధాన నిందితుడిగా పేర్కొంటూ సంతోష్ రావును సీబీఐ అరెస్టు చేసింది. అయితే, పలుమార్లు జరిగిన విచారణలో తగిన ఆధారాలు లేవని ప్రత్యేక సీబీఐ కోర్టు తేల్చడంతో, 2023 జూన్ 16న అతన్ని నిర్దోషిగా విడుదల చేసింది.సుప్రీంకోర్టును ఆశ్రయించిన తల్లి ఈ క్రమంలో, గత దర్యాప్తుల్లో లోపాలు ఉన్నాయని, కీలకమైన సాక్ష్యాలను విస్మరించారని బెంగళూరుకు చెందిన ఓ మీడియా సంస్థ కథనం వెలువరించింది. ఆ కథనంలోని అంశాలు, తన కుమార్తెకు న్యాయం కోసం తాను మొదటి నుంచి చేస్తున్న పోరాటంలోని అంశాలతో సరిపోలడంతో.. సౌజన్య తల్లి కుసుమావతి గౌడ సుప్రీంకోర్టులో పిటిషన్ దాఖలు చేశారు. ఆ పిటిషన్‌పై తాజాగా సుప్రీంకోర్టు విచారణ చేపట్టింది.కర్ణాటక హైకోర్టు గతంలో పిటిషన్‌ను తోసిపుచ్చినప్పటికీ, ఈ కేసులో లోతైన దర్యాప్తు అవసరమని సర్వోన్నత న్యాయస్థానం అభిప్రాయపడింది. తాజా విచారణలో సీబీఐ దర్యాప్తు తీరుపై తీవ్ర అసంతృప్తి వ్యక్తం చేసిన సుప్రీంకోర్టు, కేసును మళ్లీ దర్యాప్తు చేయాలని స్పష్టం చేసింది. సుప్రీంకోర్టు తీసుకున్న ఈ తాజా నిర్ణయంతో సౌజన్య కుటుంబానికి, ప్రజా సంఘాలకు ఎట్టకేలకు న్యాయం జరుగుతుందనే ఆశలు మళ్లీ చిగురించాయి.

విధి నిర్వహణ అనంతరం ఇంటికి తిరిగి వస్తున్న ఇండిగో ఎయిర్‌లైన్స్ (IndiGo Airlines) మహిళా ఉద్యోగి తిరిగి రాని లోకాలకు తరలిపోయిన ఘటన తీవ్ర విషాదాన్ని మిగిల్చింది. ముంబైలో పని ముగించుకుని క్యాబ్‌లో తిరిగి వస్తుండగా జరిగిన ఒక ఘోర రోడ్డు ప్రమాదంలో ఆమె కన్నుమూసింది. ఈ ప్రమాదం సెప్టెంబర్ 18న బోరివాలి ఈస్ట్‌లోని వెస్ట్రన్ ఎక్స్‌ప్రెస్ హైవేపై జరిగింది.ముంబైలోని మీరా రోడ్ నివాసి,ముప్పై రెండేళ్ల కైనూర్ మిస్త్రీ, కంపెనీ అందించిన క్యాబ్‌లో తన షిఫ్ట్ ముగించుకుని ఇంటికి తిరిగి వస్తుండగా ఈ ప్రమాదం చోటు చేసుకుంది. డ్రైవర్ నియంత్రణ కోల్పోవడంతో కారువంతెన రెయిలింగ్‌ను ఢీకొట్టింది. దీంతో వెనుక సీటులో కూర్చున్న మిస్త్రీకి తలకు తీవ్ర గాయం అయింది. ఆమెను వెంటనే ఆసుపత్రికి తరలించగా, చికిత్స పొందుతూ మరణించారు. మిస్త్రీకి ఎనిమిదేళ్ల కుమారుడు ఉన్నాడు.క్యాబ్ డ్రైవర్ విజయ్ ఖోస్‌పై పోలీసులు కేసు నమోదు చేశారు.నిర్లక్ష్యంగా వాహనం నడపడం, ప్రాణాలకు ప్రమాదం కలిగించడం వంటి అభియోగాలపై కేసు నమోదు చేసినప్పటికీ కైనూర్ మిస్త్రీ మృతి నేపథ్యంలో, నిర్లక్ష్యం కారణంగా జరిగిన మరణంపై కింద కేసు నమోదు చేశారు.ఇండిగో తన ఉద్యోగుల రవాణా కోసం 'మయూరేష్ టూర్ అండ్ ట్రావెల్స్' సంస్థతో ఒప్పందం కుదుర్చుకుంది. ఉద్యోగులకు కల్పించే రవాణా సౌకర్యాల భద్రతపై మరోసారి ప్రశ్నలు తలెత్తుతున్నాయి. ఇదీ చదవండి: సీనియర్‌ నటి కన్నుమూత, ప్రముఖుల సంతాపం

బెంగళూరులో ఇళ్లకు విధిస్తున్న కొత్త రుసుముపై దుమారం రేగుతోంది. ఆస్తి పన్ను చెల్లించే వారికి కొత్తగా ‘సాఫ్ట్‌వేర్ ఛార్జీ’ కనిపిస్తోంది. గ్రేటర్ బెంగళూరు అథారిటీ (GBA) పరిధిలోని ఐదు నగర కార్పొరేషన్లు ఆస్తి పన్ను సంబంధిత ఆన్‌లైన్ సేవలకు ఈ అదనపు రుసుమును వసూలు చేస్తున్నాయి. నివాస ఆస్తులకు ఏడాదికి రూ.200, వాణిజ్య, వసతియేతర, మిశ్రమ వినియోగ ఆస్తులకు రూ.1,000 చొప్పున ఈ ఛార్జీని నిర్ణయించినట్లు తాజా నివేదికలు వెల్లడించాయి. ఈ రుసుము ప్రస్తుత ఆర్థిక సంవత్సరం మధ్యలో పన్ను డిమాండ్‌లో కనిపించడం, దీనిపై ముందస్తు స్పష్టమైన ప్రజా ప్రకటన లేకపోవడం చర్చకు దారితీసింది.గ్రేటర్ బెంగళూరు అథారిటీ ప్రత్యేక కమిషనర్‌ (రెవెన్యూ, ఐటీ) మునీష్‌ మౌద్గిల్‌ మాత్రం ఈ ఛార్జీని సమర్థించారు. ఆస్తి పన్ను వసూళ్లు, ఈ-ఖాతా వంటి పౌర సేవలకు ఉపయోగిస్తున్న డిజిటల్‌ వ్యవస్థలను అభివృద్ధి చేయడం, నిర్వహించడం, అప్‌గ్రేడ్‌ చేయడం, డేటా భద్రత వంటి వాటికి నిరంతరం ఖర్చవుతుందని అధికారులు చెబుతున్నారు. గ్రేటర్ బెంగళూరు అథారిటీకి ఈ ఐటీ మౌలిక వసతుల కోసం ప్రత్యేక ఆదాయ వనరు లేకపోవడంతో ‘యూజర్‌ పేస్‌’ విధానంలో ఈ రుసుమును విధించినట్లు వివరణ ఇచ్చారు. ఆన్‌లైన్‌ సేవల ద్వారా సమయం, సౌలభ్యం లభిస్తున్న నేపథ్యంలో నివాస ఆస్తికి ఏడాదికి రూ.200 తక్కువ మొత్తమేనని అధికారులు పేర్కొన్నారు.అయితే, కొత్త ఛార్జీపై ప్రాపర్టీ యజమానులు, పౌర సంఘాలు, ప్రతిపక్ష నాయకుల నుంచి ప్రశ్నలు వస్తున్నాయి. ఆస్తి పన్నులోనే పౌర సేవల నిర్వహణ ఖర్చులు భాగమై ఉన్నప్పుడు సాఫ్ట్‌వేర్‌ నిర్వహణ కోసం ప్రత్యేకంగా ఎందుకు వసూలు చేస్తున్నారనే ప్రశ్నతో పాటు, రూ.200, రూ.1,000 మొత్తాలను ఎలా నిర్ణయించారు? వాటి ద్వారా ఎంత ఆదాయం వస్తుంది? ఏ చట్టపరమైన నిబంధన ఆధారంగా ఈ రుసుమును విధించారు? అనే అంశాలపై స్పష్టత కోరుతున్నారు.ఈ కొత్త ఫీజు నిర్మాణం ఆస్తి పన్నుకే పరిమితం కాలేదు. తాజా నివేదికల ప్రకారం ఈ-ఖాతా ఫైనల్‌ ప్రాసెసింగ్‌కు రూ.400, బీ-ఖాతా నుంచి ఏ-ఖాతాకు మార్పిడికి నివాస ఆస్తులకు రూ.2,000, వసతియేతర ఆస్తులకు రూ.10,000 వంటి సాఫ్ట్‌వేర్‌ సంబంధిత ఛార్జీలు కూడా ఉన్నాయి. లేఅవుట్‌ ఖాతా, కొత్త ఖాతా నమోదు, ఈ-ఖాతా పత్రాల పునర్ముద్రణ వంటి కొన్ని సేవలకు కూడా వేర్వేరు రుసుములు నిర్ణయించినట్లు సమాచారం.ఇదీ చదవండి: చిన్న నగరాల్లో ఇళ్ల ధరలకు రెక్కలు..

Mithu Mukherjee Passes away ప్రముఖ బెంగాలీ సీనియర్ నటి మిథు ముఖర్జీ (71) కన్నుమూశారు. 1970, 1980 దశకాలలో నటిగా ప్రజాదరణ పొందిన మిథు దాదాపు ఏడాది పాటు క్యాన్సర్‌తో బాధపడుతూ ముంబైలోని ఒక ప్రైవేట్ ఆసుపత్రిలో ఆదివారం రాత్రి తుదిశ్వాస విడిచారు. ఉత్తమ్ కుమార్, సౌమిత్ర ఛటోపాధ్యాయ , రంజిత్ మల్లిక్ వంటి బెంగాలీ చిత్ర పరిశ్రమకు చెందిన పలువురు అగ్రశ్రేణి నటులతో ఆమె నటించారు. దాదాపు రెండు దశాబ్దాల పాటు బెంగాలీ చిత్ర పరిశ్రమను ఏలిన మిథు ముఖర్జీ అస్తమయంపై పలువురు నటీనటులు, ఇతర సినీ ప్రముఖులు సంతాపం వెలిబుచ్చారు. నటుడు, నిర్మాత ప్రోసేన్‌జిత్ ఛటర్జీ ఎక్స్‌ వేదికగా ఆమె మృతికి సంతాపం తెలిపారు. మిథు ముఖోపాధ్యాయ మరణం అత్యంత బాధాకరం. ఆమె జ్ఞాపకాలు , ఆమె చేసిన కృషి మన మధ్య ఎప్పటికీ నిలిచి ఉంటాయంటూ నివాళులర్పించారు. ఆల్ ఇండియన్ సినీ వర్కర్స్ అసోసియేషన్ (AICWA) కూడా సోషల్‌ మీడియా ద్వారా ఈ దిగ్గజ నటికి హృదయపూర్వక నివాళులు అర్పించింది.মিঠু মুখোপাধ্যায়ের প্রয়াণের খবর অত্যন্ত বেদনাদায়ক। তাঁর স্মৃতি ও তাঁর কাজ আমাদের মধ্যে চিরকাল বেঁচে থাকবে। গভীর শ্রদ্ধা। pic.twitter.com/IUNbvHnXC1— Prosenjit Chatterjee (@prosenjitbumba) September 21, 2026 1955లో కోల్‌కతాలో జన్మించిన మిథు ముఖర్జీ, 1972లో చిత్తా బోస్ దర్శకత్వం వహించిన 'షేష్ పర్బా' (Shesh Parba) చిత్రంతో 17 ఏళ్ల వయసులో సినీ పరిశ్రమలోకి అడుగుపెట్టారు. ఈ చిత్రంలో ఆమె షమిత్ భంజా సరసన నటించారు. అయితే, దినెన్ గుప్తా దర్శకత్వంలో వచ్చిన 'మార్జినా అబ్దుల్లా' (Marjina Abdulla) మూవీ ఆమెను టాప్‌స్టార్‌గా నిలబెట్టింది. బెంగాలీ సినిమాలతో పాటు 'ఖాన్ దోస్త్', 'సఫేద్ ఝూట్',', 'దిల్లగి', 'దో లడ్కే దోనో కడ్కే' వంటి హిందీ చిత్రాల్లో కూడా నటించారు. 1990లో వచ్చిన చంద్ర బారోట్ చిత్రం 'ఆశ్రిత' ఆమె కెరీర్‌లో చివరి సినిమా. ఆ తర్వాత ఆమె సినిమాలకు దూరంగా ప్రైవేట్ జీవితాన్ని గడిపారు. ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

ముంబై: ఐఐటీ బాంబే కీలక నిర్ణయం తీసుకుంది. ఐఐటీ విద్యార్థి సాహిల్ రవీంద్ర వకోడే ఆత్మహత్య ఘటనలో ఆరోపణలు ఎదుర్కొంటున్న ప్రొఫెసర్‌ సూర్యనారాయణ దుల్లాను ‌సస్పెండ్‌ చేసింది. డీన్‌ ఆఫ్‌ స్టూడెంట్‌ అఫైర్స్‌ విధుల నుంచి తొలగిస్తూ ఉత్తర్వులు జారీ చేసింది. సహిల్‌ ఆత్మహత్య ఘటనలో విద్యార్థికి న్యాయం జరగాలని విద్యార్థులు పెద్దఎత్తున ఆందోళనలు చేపట్టిన నేపథ్యంలో ఈ కీలక నిర్ణయం తీసుకుంది.ఏం జరిగింది?ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సాహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు విద్యార్థులు తెలిపారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.ఈ నేఫథ్యంలో సహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించారు. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.ఈ ఉద్రిక్తతల నడుమ ఐఐటీ బొంబై ప్రొఫెసర్‌ సత్యనారాయణ దుల్లాను డీన్ ఆఫ్‌ స్టూడెంట్‌ అఫైర్స్‌ బాధ్యతల నుంచి తొలగిస్తూ ఆదేశాలిచ్చింది. కాగా ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. ఈ నేపథ్యంలో ఏం జరుగుతుందో వేచిచూడాలి.

లాతూర్ జిల్లా సెంట్రల్‌ సహకార బ్యాంకు (డీసీసీబీ) బోర్డు డైరెక్టర్లుగా పదేళ్ల కాలపరిమితి దాటిన వారిని వెంటనే తొలగించాలని ఆర్‌బీఐ సంచలన ఉత్తర్వులు జారీ చేసింది. మహారాష్ట్ర సహకార శాఖ మంత్రి, నేషనలిస్ట్ కాంగ్రెస్ పార్టీ (ఎన్‌సీపీ) నాయకుడు బాబాసాహెబ్ పాటిల్‌తో పాటు మరో ఏడుగురు డైరెక్టర్లు తమ పదవులకు అనర్హులని ఆర్‌బీఐ స్పష్టం చేసింది. బ్యాంకింగ్ రెగ్యులేషన్ యాక్ట్ 1949 (సవరణ చట్టం 2025)లోని సెక్షన్ 10A(2A)(i), సెక్షన్ 56 నిబంధనల ప్రకారం డీసీసీ బ్యాంకుల డైరెక్టర్ల గరిష్ట పదవీకాలం 10 ఏళ్లకు మించకూడదు.చట్టపరమైన పోరాటం.. ఆర్‌బీఐ నిర్ణయంఈ వ్యవహారంపై బ్యాంకు సభ్యుడు సతీష్ శేషరావు జాధవ్ దాఖలు చేసిన పిటిషన్‌పై బాంబే హైకోర్టు (ఔరంగబాద్ బెంచ్) కీలక ఆదేశాలు ఇచ్చింది. ఆ ఆదేశాల మేరకు ఆర్‌బీఐ అసిస్టెంట్ జనరల్ మేనేజర్ కపిల్ గోస్వామి ఈ అధికారిక ఉత్తర్వులను విడుదల చేశారు.మే 25, 2026: నిబంధనలు ఉల్లంఘించి 10 ఏళ్లకు పైగా కొనసాగుతున్న 8 మంది డైరెక్టర్లపై చర్యలు తీసుకోవాలని సతీష్ జాధవ్ ఆర్‌బీఐ చీఫ్ జనరల్ మేనేజర్‌కు ఫిర్యాదు చేశారు.ఆగస్టు 3, 2026: పిటిషనర్ ఫిర్యాదుపై ఆరు వారాల్లోగా తగిన నిర్ణయం తీసుకోవాలని ఆర్‌బీఐని బాంబే హైకోర్టు ఆదేశించింది.సెప్టెంబరు 4 - 10, 2026: ఆర్‌బీఐ నోటీసులకు స్పందిస్తూ సెప్టెంబరు 10న ఏడుగురు డైరెక్టర్లు తమ రాజీనామా లేఖలను బ్యాంకు ఛైర్మన్, ఎండీ హనుమంత్ జాధవ్‌కు సమర్పించారు.సెప్టెంబరు 18, 2026: నిబంధనల ప్రకారం అనర్హులైన బోర్డు సభ్యుల తొలగింపు ప్రక్రియను తక్షణమే అమలు చేయాలని లాతూర్ డీసీసీబీ యాజమాన్యాన్ని ఆర్‌బీఐ ఆదేశించింది. సహకార వ్యవస్థలో పారదర్శకతను పెంచేందుకు ఆర్‌బీఐ తీసుకున్న ఈ నిర్ణయం మహారాష్ట్ర రాజకీయాల్లోనూ, సహకార బ్యాంకింగ్ వర్గాల్లోనూ కలకలం రేపింది.ఇదీ చదవండి: వెళ్లిపోయాడనుకునేలోపే మళ్లీ ఐదేళ్ల పదవి!

దేశవ్యాప్తంగా బ్యాంకులు మరోసారి సమ్మె బాట పట్టనున్నాయి. సెప్టెంబర్ 28 నుండి 30, 2026 వరకు దేశవ్యాప్తంగా బ్యాంకుల సమ్మె జరగనుంది. వారానికి ఐదు రోజుల పనిదినాల (5-Day Banking) అమలుతో పాటు మరికొన్ని డిమాండ్ల సాధన కోసం యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) ఈ దేశవ్యాప్త సమ్మెకు పిలుపునిచ్చింది.ఈ నేపథ్యంలో సమ్మె ప్రభావంతో ఖాతాదారులకు ఎలాంటి ఇబ్బందులు కలగకుండా ప్రభుత్వ రంగ బ్యాంకు స్టేట్ బ్యాంక్ ఆఫ్ ఇండియా (SBI), ముందస్తు జాగ్రత్తలు తీసుకోవాలని తమ కస్టమర్లకు కీలక సూచనలు జారీ చేసిందిసెప్టెంబర్ 28, 29 మరియు 30 తేదీల్లో ఈ సమ్మె జరుగుతుంది. ఐదు రోజుల పాటు అంతరాయం కలగనుంది. సెప్టెంబర్ 26 (శనివారం), సెప్టెంబర్ 27 (ఆదివారం) వారాంతపు సెలవులు కావడంతో, మొత్తంగా 5 రోజుల పాటు బ్రాంచ్ సేవలకు అంతరాయం ఏర్పడే అవకాశం ఉంది. ఈ సమ్మె నేపథ్యంలో ముఖ్యమైన పనులను ముందుగానే పూర్తి చేసుకోవాలని, డిజిటల్ ఛానెల్స్‌ను ఉపయోగించుకోవాలని SBI కోరింది.అయితే సమ్మెకాలంలో బ్రాంచ్‌లపై ఆధారపడే సేవలు, భౌతిక పత్రాలు అవసరమైన పనులు , చెక్కుల క్లియరెన్స్ వంటి ప్రక్రియలు ఆలస్యం కావచ్చు లేదా నిలిచిపోవచ్చు. కానీఇంటర్నెట్ బ్యాంకింగ్, మొబైల్ బ్యాంకింగ్, YONO, UPI సేవలు యథావిధిగా పనిచేస్తాయి. ఏటీఎంలు సీఎస్పీలు, కస్టమర్ సర్వీస్ పాయింట్లు (CSPs) అందుబాటులో ఉంటాయని స్పష్టం చేసింది.

జంతర్‌ మంతర్‌ వేదికగా నీట్‌ పేపర్‌లీక్‌ వ్యవహారం, విద్యా వ్యవస్థలో అవకతవకలపై ఉద్యమం చేసి జాతీయ స్థాయిలో గుర్తింపు తెచ్చుకుంది కాక్రోచ్‌ జనతా పార్టీ. అయితే ఇప్పుడు అది ప్రదర్శిస్తున్న వైఖరి తీవ్ర విమర్శలకు తావిస్తోంది. స్కూళ్ల బాగు కోసం మీద దేశవ్యాప్త క్యాంపెయిన్‌ నడుపుతున్న ఈ సంస్థ.. పక్షపాత ధోరణి ప్రదర్శిస్తోందనే చర్చ జోరుగా నడుస్తోంది. ఈ తరుణంలో సీజేపీ ఓ స్పష్టత ఇచ్చే ప్రయత్నం చేస్తోంది. ‘స్కూల్‌ ఠీక్‌ కరో’, ‘ఆదివాసీ స్కూల్‌ ఠీక్‌ కరో’ పేరుతో సీజేపీ పలు రాష్ట్రాల్లో పాఠశాలలను తనిఖీలు నిర్వహిస్తోంది. అయితే ఈ కార్యక్రమంపై మరో ప్రశ్న కూడా తెరపైకి వచ్చింది. బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో దూకుడుగా వ్యవహరిస్తుండగా.. ప్రతిపక్షాలు అధికారంలో ఉన్న రాష్ట్రాల్లో మాత్రం మెతక ధోరణికే పరిమితమవుతోందట. దీంతో ఇదేనా కాక్రోచ్‌ల ఫెయిర్‌నెస్‌? అనే ప్రశ్న పుట్టుకొచ్చింది.జూన్‌ 6న ఢిల్లీ జంతర్‌ మంతర్‌ వద్ద ప్రారంభమైన సీజేపీ ఆందోళన.. అప్పటి కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా డిమాండ్‌తో సాగింది. పరీక్షల పేపర్‌ లీకులు, నియామకాల్లో అవకతవకలు వంటి అంశాలపై 37 రోజులపాటు ఉద్యమం జరిగింది. జూలై 25న ప్రధాన్‌ రాజీనామా చేసిన తర్వాత సీజేపీ విజయోత్సవ సంబురాలు చేసుకుంది. అయితే ఆ వెంటనే దాని దృష్టి ప్రభుత్వ పాఠశాలల వైపు మళ్లింది. ఆగస్టు 15న మహారాష్ట్రలోని హింగోలీ జిల్లాలో ‘స్కూల్‌ ఠీక్‌ కరో’ కార్యక్రమాన్ని ప్రారంభించింది. పాఠశాలల్లో తాగునీరు, మరుగుదొడ్లు, బెంచీలు, భవనాల పరిస్థితి వంటి అంశాలను పరిశీలిస్తూ.. సమస్యలను వీడియోల రూపంలో బయటకు తీసుకొస్తోంది. ఆపై ఆదివాసీ స్కూళ్లపైనా ఈ క్యాంపెయిన్‌ను ఉధృతం చేసింది. బీజేపీ పాలిత రాష్ట్రాల్లో దూకుడు..స్కూల్‌ ఠీక్‌ కరో కోసం మహారాష్ట్ర, రాజస్థాన్‌, ఉత్తరప్రదేశ్‌ వంటి బీజేపీ పాలిత రాష్ట్రాల్లో సీజేపీ జాతీయ నాయకత్వం ప్రత్యక్షంగా రంగంలోకి దిగింది. ఉత్తరప్రదేశ్‌లో పరీక్షల అక్రమాలపై నిరసనల్లో పాల్గొన్న ఆ సంస్థ.. తర్వాత నోయిడాలో ప్రభుత్వ పాఠశాలను తనిఖీ చేసింది. రాజస్థాన్‌లో పాఠశాలల పరిస్థితిపై తనిఖీలు చేపట్టింది. మహారాష్ట్ర తన స్వరాష్ట్రం కావడంతో సీజేపీ నేత అభిజీత్‌ దీప్కే స్వయంగా రంగంలోకి దిగి ఉద్యమించారు. సెప్టెంబర్‌ 17న గడ్చిరోలిలో ఆదివాసీ పాఠశాలల కోసం ప్రత్యేక ప్రచారాన్ని కూడా ప్రారంభించారు. అంతేకాదు తమ పోరాటం వల్లే హర్యానా ప్రభుత్వంలో పాఠశాలల రిపేర్‌ల కోసం కదలిక వచ్చిందని గర్వంగా ప్రకటించుకుంది. ప్రతిపక్ష రాష్ట్రాల్లో మరోలా!బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో ఒత్తిడి పెంచగా.. బీజేపీయేతర రాష్ట్రాల్లో మాత్రం మరోలా సాగింది. ఆమ్‌ ఆద్మీ పార్టీ అధికారంలో ఉన్న పంజాబ్‌, కాంగ్రెస్‌ పాలిత కర్ణాటకలోనూ సీజేపీ బృందాలు పాఠశాలలను తనిఖీ చేశాయి. పంజాబ్‌లో సౌరవ్‌ దాస్‌ నేతృత్వంలోని బృందం లూధియానాలో మూడు ప్రభుత్వ పాఠశాలలను పరిశీలించింది. ‘స్కూల్స్‌ ఆఫ్‌ ఎమినెన్స్‌’లోని స్విమ్మింగ్‌ పూల్‌, ఏఐ ల్యాబ్‌, కంప్యూటర్‌ ల్యాబ్‌ వంటి సౌకర్యాలను ప్రశంసించడంతో పాటు కొన్ని లోపాలను గుర్తించింది.ఈ విషయాలను విద్యాశాఖ మంత్రి హర్జోత్‌ సింగ్‌ బైన్స్‌ దృష్టికి తీసుకెళ్లగా.. ఆప్‌ జాతీయ కన్వీనర్‌ అరవింద్‌ కేజ్రీవాల్‌ సీజేపీకి ధన్యవాదాలు తెలిపారు. గుర్తించిన సమస్యలను వెంటనే పరిష్కరిస్తామని చెప్పారు. ఇక కర్ణాటకలో సీజేపీ బృందం బెంగళూరు ప్రభుత్వ పాఠశాలల్లో ఉపాధ్యాయుల కొరత, భవనాల భద్రత, పారిశుధ్య సమస్యలను గుర్తించింది. ‘స్కూల్‌ ఠీక్‌ కరో’ను రాష్ట్రంలోని 31 జిల్లాలకు విస్తరించనున్నట్లు ప్రకటించి, విద్యాశాఖ మంత్రి మధు బంగారప్పతో సమావేశమైంది.కాంగ్రెస్‌ ట్విస్ట్‌అయితే సీజేపీ ఉద్యమంపై కాంగ్రస్‌ అభ్యంతరాలు వ్యక్తం చేస్తోంది. తమ పాలిత రాష్ట్రాల్లో నెగెటివ్‌ ఫీడ్‌ బ్యాక్‌ ఇవ్వడంపై కౌంటర్‌ ఇచ్చింది. బీజేపీయేతర రాష్ట్రాల్లో చేసినట్టే.. మిగతా రాష్ట్రాల్లోనూ పక్షపాతం లేకుండా అడిటింగ్‌ చేపట్టాలని సీజేపీకి సూచిస్తోంది. అదే దృష్టితో, అదే ప్రశ్నలతో, అదే ధైర్యంతో తనిఖీలు చేయండి అంటూ సచిన్‌ పైలట్‌ చురకలు అంటించారు. అయితే సీజేపీ వ్యవస్థాపకుడు అభిజీత్‌ దీప్కే ఈ విమర్శలను తోసిపుచ్చారు. పంజాబ్‌, కర్ణాటక, జార్ఖండ్‌లోనూ తమ బృందాలు పర్యటించి పాఠశాలల సమస్యలను ప్రభుత్వాల దృష్టికి తీసుకెళ్లాయని చెప్పారు.అందుకే ఇప్పుడు చర్చ సీజేపీ ఎక్కడికి వెళ్లిందన్నదానిపై కాదు.. ఎక్కడ ఎంత ఒత్తిడి తీసుకొచ్చిందన్నదే*. రాష్ట్రాన్ని బట్టి పరిస్థితులకు అనుగుణంగా వైఖరి మారిందా? లేక రాజకీయ తేడా ప్రభావం చూపిందా? అన్న ప్రశ్నలు మాత్రం కొనసాగుతున్నాయి. దీనికి సమాధానం సీజేపీ రానున్న రోజుల్లో చేపట్టే కార్యక్రమాల తీరు మరింత స్పష్టత ఇవ్వొచ్చు. ఇదిలా ఉంటే.. పాఠశాలల్లోని సమస్యలు బయటకు రావడం, వాటిపై ప్రభుత్వాలు స్పందించడం మాత్రం ఈ క్యాంపెయిన్‌ ద్వారా కనిపిస్తున్న పరిణామం.

చెన్నై: ద్రవిడ ఉద్యమ నేత, ద్రవిడ కజగం (డీకే) వ్యవస్థాపకుడు ఈవీ రామసామి నాయక్కర్‌ (పెరియార్)పై తన వైఖరిని మాజీ తమిళనాడు బీజేపీ అధ్యక్షుడు కె. అన్నామలై స్పష్టం చేశారు. మహిళా విముక్తి, కుల నిర్మూలన కోసం పెరియార్ చేసిన కృషిని తాను అంగీకరిస్తున్నానని, అయితే ఆయన నాస్తిక భావజాలాన్ని, బ్రాహ్మణ వ్యతిరేక వైఖరిని మాత్రం పూర్తిగా ఖండిస్తున్నానని తెలిపారు. సెప్టెంబర్ 17న పెరియార్ జయంతి సందర్భంగా అన్నామలై చేసిన నివాళిపై కొందరు మద్దతుదారుల నుంచి విమర్శలు వచ్చిన నేపథ్యంలో ఈ వివరణ ప్రాధాన్యత సంతరించుకుంది.సెప్టెంబర్ 20న మదురైలో జరిగిన కార్యక్రమంలో ‘వీ ద లీడర్స్’ కార్యకర్తలను ఉద్దేశించి అన్నామలై మాట్లాడారు. మహిళా సాధికారత, కుల వివక్ష నిర్మూలన అంశాల్లో పెరియార్ చేసిన కృషిని అంగీకరిస్తున్నామని చెప్పారు. అయితే పెరియార్ నాస్తిక భావాలను, బ్రాహ్మణ వ్యతిరేక వైఖరిని మాత్రం పూర్తిగా తిరస్కరిస్తున్నట్లు స్పష్టం చేశారు. పెరియార్ 147వ జయంతి సందర్భంగా సెప్టెంబర్ 17న అన్నామలై సోషల్ మీడియా వేదికగా నివాళి అర్పించారు. సామాజిక సంస్కరణ ఉద్యమాల్లో పెరియార్ కీలక పాత్ర పోషించారని, తమిళనాడు సామాజిక, రాజకీయ చరిత్రపై చెరగని ప్రభావం చూపారని ఆయన పేర్కొన్నారు. అసమానతలు, మూఢనమ్మకాలపై పెరియార్ తన జీవితంలో ఎక్కువ భాగం పోరాడారని కూడా అన్నారు.అన్నామలై నివాళిపై ఆయన మద్దతుదారుల్లో కొందరు అభ్యంతరం వ్యక్తం చేశారు. హిందూ మతపరమైన అంశాలతో అనుబంధం ఉన్న నాయకుడిగా కనిపించే అన్నామలై, నాస్తిక, హేతువాద భావజాలంతో గుర్తింపు పొందిన పెరియార్‌ను ఎందుకు ప్రశంసించారని ప్రశ్నించారు. పెరియార్ విగ్రహాలు, ఆలయాల సమీపంలో నాస్తిక సందేశాల అంశంపై అన్నామలై గతంలో చేసిన వ్యాఖ్యలను కూడా కొందరు గుర్తుచేశారు.పెరియార్ రాజకీయ చరిత్రలో అనేక వైరుధ్యాలు ఉన్నాయని అన్నామలై పేర్కొన్నారు. హిందీ వ్యతిరేక ఉద్యమానికి సంబంధించి 1935, 1965లో పెరియార్ చేసిన వ్యాఖ్యలను ఉదాహరణగా ప్రస్తావించారు. అలాగే కాంగ్రెస్, డీఎంకేతో పెరియార్‌కు ఉన్న రాజకీయ సంబంధాలను కూడా ఆయన ప్రస్తావించారు. 1961లో అప్పటి మద్రాస్ ముఖ్యమంత్రి కె. కామరాజ్‌కు ఓటు వేయాలని పెరియార్ పిలుపునిచ్చారని తెలిపారు.హిందూ ఆలయాల వెలుపల నాస్తిక సందేశాలతో ఉన్న విగ్రహాల విషయంలోనూ అన్నామలై తన వైఖరిని పునరుద్ఘాటించారు. ‘వీ ద లీడర్స్’ అధికారంలోకి వస్తే అలాంటి విగ్రహాలను ఇతర బహిరంగ ప్రదేశాలకు తరలిస్తామని చెప్పారు. అయితే వాటిని ధ్వంసం చేయబోమని, గౌరవప్రదంగా మరోచోటికి తరలిస్తామని స్పష్టం చేశారు. ఆలయంలోకి వెళ్లే భక్తులకు నేరుగా నాస్తిక సందేశాలు ఎదురుకాకూడదన్నది తన అభిప్రాయమని తెలిపారు.బీజేపీ నుంచి వైదొలిగిన అనంతరం అన్నామలై ‘వీ ద లీడర్స్’ అనే కొత్త రాజకీయ ఉద్యమాన్ని ప్రారంభించారు. ఈ నేపథ్యంలో పెరియార్‌పై ఆయన చేసిన తాజా వ్యాఖ్యలు తన రాజకీయ, భావజాల వైఖరిని స్పష్టం చేసే ప్రయత్నంగా కనిపిస్తున్నాయి. పెరియార్ సామాజిక సంస్కరణలలోని మహిళా హక్కులు, కుల నిర్మూలన అంశాలను అంగీకరిస్తూనే.. ఆయన నాస్తిక, బ్రాహ్మణ వ్యతిరేక భావజాలాన్ని మాత్రం అంగీకరించబోనని అన్నామలై తేల్చి చెప్పారు.ఇదీ చదవండి: నవరాత్రి వేళ.. అద్దెకు ‘గర్బా’ పార్ట్‌నర్‌ వివాదం!

గాంధీనగర్‌: గుజరాత్‌లో నవరాత్రి వేడుకలు సమీపిస్తున్న వేళ సోషల్ మీడియాలో వైరల్ అవుతున్న ‘రెంట్ ఏ గర్బా పార్ట్‌నర్’ ప్రకటనలు వివాదానికి దారితీశాయి. రూ.1,000 నుంచి రూ.2,000 వరకు ప్యాకేజీలను పేర్కొంటూ ఇన్‌స్టాగ్రామ్‌లో దర్శనమిస్తున్న ఈ పోస్టులపై అహ్మదాబాద్ సైబర్ క్రైమ్ పోలీసులు ప్రజలను అప్రమత్తం చేశారు. గుర్తుతెలియని ఖాతాలకు డబ్బులు పంపవద్దని సూచించారు. స్థానికులు, బజరంగ్ దళ్ కార్యకర్తలు ఈ పోస్టులపై అభ్యంతరం వ్యక్తం చేసి విచారణకు డిమాండ్ చేశారు.రూ.1,000 నుంచి ప్యాకేజీలు?వైరల్ అవుతున్న పోస్టుల్లో ‘సిల్వర్’, ‘గోల్డ్’, ‘ప్లాటినమ్’ పేర్లతో ప్యాకేజీలను పేర్కొన్నారు. సిల్వర్ ప్యాకేజీకి రెండు గంటల గార్బా సహచర్యానికి రూ.1,000, గోల్డ్ ప్యాకేజీకి నాలుగు గంటలకు రూ.1,500, ప్లాటినమ్ ప్యాకేజీకి రాత్రంతా రూ.2,000గా చూపించారు. సరిపోలే దుస్తులు, డ్యాన్స్ నేర్పడం, సెల్ఫీలు, ఇన్‌స్టాగ్రామ్ రీల్స్, ఫొటోలు వంటి ఆఫర్లు ఉన్నట్లు పోస్టుల్లో పేర్కొన్నారు. కొన్ని పోస్టుల్లో అదనపు సేవలు, అధిక ధరలను కూడా చూపించారు.డబ్బులు పంపొద్దన్న సైబర్ పోలీసులుఅహ్మదాబాద్ సైబర్ క్రైమ్ సెల్ ఈ పోస్టులను గత ఐదు, ఆరు రోజులుగా పరిశీలిస్తున్నట్లు ఏసీపీ హార్దిక్ మండాకియా తెలిపారు. గుర్తుతెలియని ప్రకటనలను నమ్మి డబ్బులు పంపవద్దని పోలీసులు హెచ్చరించారు. ఇప్పటికే డబ్బులు పంపినవారు సైబర్ పోలీసులను సంప్రదించాలని సూచించారు. సేవలు అందిస్తామని చెబుతున్న వ్యక్తుల గుర్తింపును ధ్రువీకరించుకున్న తర్వాతే వ్యక్తిగత వివరాలు లేదా చెల్లింపులు చేయాలని సూచించారు. ગરબા માટે ભાડે પાર્ટનરની પોસ્ટ વાયરલ#Garba #GarbaPartner #RentAPartner #Navratri #GarbaNight #ViralPost #SocialMediaTrend #GujaratNews pic.twitter.com/k3OcNjGwvx— Sandesh (@sandeshnews) September 20, 2026అసలు సేవలు ఉన్నాయా?ఈ ట్రెండ్ సెప్టెంబర్ మధ్యలో కృష్ణ్ మిస్త్రీ అనే ఇన్‌స్టాగ్రామ్ వినియోగదారు చేసిన వ్యంగ్య పోస్టుతో ప్రారంభమైనట్లు తెలుస్తోంది. ‘ఈ నవరాత్రి వేళ ఒంటరిగా డ్యాన్స్ చేయొద్దు’ అనే నినాదంతో మూడు ప్యాకేజీలను చూపించిన ఆ పోస్టును వినోదం, సోషల్ మీడియా ఎంగేజ్‌మెంట్ కోసమే చేశామని ఖాతాదారు తెలిపారు. విపరీతంగా వైరల్ కావడంతో ఆ పోస్టును తొలగించారు. అనంతరం అహ్మదాబాద్, సూరత్, ముంబై తదితర ప్రాంతాలకు చెందిన ఇతర ఖాతాల్లోనూ ఇలాంటి పోస్టులు కనిపించాయి.మీమ్స్‌గానే పోస్టులు?మీడియా పరిశీలనలో కొన్ని పోస్టులు చేసిన పేజీల నిర్వాహకులు వాటిని మీమ్స్ లేదా జోక్స్‌గా అభివర్ణించినట్లు సమాచారం. వాస్తవంగా అద్దెకు గర్బా పార్ట్‌నర్లు అందుబాటులో లేరని కూడా కొన్ని పేజీల్లో స్పష్టం చేసినట్లు సమాచారం. అయినప్పటికీ సైబర్ అధికారులు సంబంధిత ఇన్‌స్టాగ్రామ్ ఖాతాలపై నిఘా కొనసాగిస్తున్నారు.విచారణకు స్థానికుల డిమాండ్ఈ పోస్టులపై స్థానికుల నుంచి కూడా అభ్యంతరాలు వ్యక్తమయ్యాయి. సూరత్ బజరంగ్ దళ్ కార్యకర్త ప్రతాప్ రాజ్‌పురోహిత్.. నవరాత్రి అంటే దేవీ ఆరాధన, భక్తి, సంప్రదాయ గార్బా వేడుకలకు సంబంధించిన పండుగ అని పేర్కొంటూ, ఈ తరహా పోస్టులపై అభ్యంతరం తెలిపారు. గుజరాత్ బజరంగ్ దళ్ ప్రాంతీయ సహ కన్వీనర్ జ్వలిత్ మెహతా కూడా పోస్టుల వెనుక ఉన్నవారిని గుర్తించి వారి ఉద్దేశాలపై విచారణ జరపాలని కోరారు.నవరాత్రి వేళ అప్రమత్తంగుజరాత్‌లో నవరాత్రి సందర్భంగా సొసైటీలు, బహిరంగ ప్రదేశాల్లో పెద్ద ఎత్తున గర్బా కార్యక్రమాలు జరుగుతాయి. వేడుకలు సమీపిస్తున్న కొద్దీ ఈవెంట్లు, దుస్తులు, సమావేశాలకు సంబంధించిన సోషల్ మీడియా ప్రచారం పెరుగుతుంది. ఈ నేపథ్యంలో వైరల్ అవుతున్న ‘రెంట్ ఏ గర్బా పార్ట్‌నర్’ పోస్టులపై పోలీసులు నిఘా పెట్టారు. అయితే ఈ నిర్దిష్ట పోస్టుల కారణంగా డబ్బు కోల్పోయినట్లు ఇప్పటివరకు అధికారికంగా కేసులు నమోదైనట్లు సమాచారం లేదు. ఇదీ చదవండి: భూ వివాదం: సీఎం ఇంటిముందు టవర్‌ ఎక్కిన మహిళ

లక్నో: ఉత్తరప్రదేశ్‌ రాజధాని లక్నోలోని హజ్రత్‌గంజ్‌ ప్రాంతంలో ఓ మహిళ టవర్ ఎక్కడంతో కలకలం చెలరేగింది. తమ భూమికి సంబంధించిన వివాదంలో న్యాయం కోరుతూ ఆగ్రాకు చెందిన తుల్సా అనే మహిళ ఈ చర్యకు పాల్పడింది. ఈ ప్రాంతం ఉత్తరప్రదేశ్‌ ముఖ్యమంత్రి నివాసానికి సమీపంలో ఉండటంతో పోలీసులు, అగ్నిమాపక సిబ్బంది వెంటనే అప్రమత్తమయ్యారు. మీడియాకు అందిన సమాచారం ప్రకారం.. భూమికి సంబంధించిన వివాదంతో తుల్సా తీవ్ర ఆవేదనకు గురైనట్లు తెలుస్తోంది. తన భూమిని మన్‌సింగ్‌ అనే వ్యక్తి ఆక్రమించుకున్నాడని ఆమె ఆరోపిస్తున్నది. ఈ విషయంపై నిరసన వ్యక్తం చేస్తూ ఆమె గోల్ఫ్‌ చౌరాహా వద్ద జూ గేట్‌ నంబర్‌ 3 సమీపంలోని టవర్‌ ఎక్కింది.విషయం తెలుసుకున్న పోలీసులు, అగ్నిమాపక సిబ్బంది సంఘటనా స్థలానికి చేరుకున్నారు. వెంటనే సహాయక చర్యలు చేపట్టారు. టవర్‌పై ఉన్న మహిళను కిందకు తీసుకురావడానికి అగ్నిమాపక సిబ్బంది హైడ్రా వాహనాన్ని ఉపయోగించారు. దాని సహాయంతో ఆమెను సురక్షితంగా కిందకు తీసుకొచ్చారు. అనంతరం పోలీసులు ఆమెను అడిగి వివరాలు తెలుసుకున్నారు. ఈ ఘటనలో మహిళకు లేదా ఇతరులకు ఎలాంటి గాయాలు కాలేదు. ఈ వివాదానికి సంబంధించిన మరిన్ని వివరాలు తెలియాల్సి ఉంది. ఇదీ చదవండి: Bigg Boss-20: మేరీ కోమ్‌పై యుంగ్ డీఎస్‌ఏ సంచలన వ్యాఖ్యలు

విద్యార్థి మృతి ఘటనపై ఐఐటీ బాంబే యూటర్న్‌ తీసుకుంది. తొలుత ఈ ఘటనకు సంబంధించిన పరిణామాలపై పలు వివరాలు వెల్లడించిన యాజమాన్యం.. ఇప్పుడు ఆ స్టేట్‌మెంట్‌పై క్షమాపణలు కోరింది. దర్యాప్తు పూర్తికాకముందే నిర్ధారణ కాని విషయాలను తమ ప్రకటనలో పేర్కొనడం తమ తప్పిదమే అని ఒప్పుకుంది. ఘటనకు సంబంధించిన వాస్తవాలు అధికారుల దర్యాప్తులో తేలాల్సి ఉన్నందున.. అప్పటివరకు ఏ విషయం అనేది నిర్ధారణకు రావడం సరికాదని వ్యాఖ్యానించింది.ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. పరీక్ష సమయంలో మొబైల్‌ ఫోన్‌(చాట్‌జీపీటీ) వినియోగించాడన్న ఆరోపణలు రావడం, ఆ తర్వాత అధ్యాపకులు అతడితో మాట్లాడటం వంటి పరిణామాలను ఐఐటీ బాంబే తన తొలి ప్రకటనలో వెల్లడించింది. అయితే ఆ ఘటనలకు, సహిల్‌ మృతికి మధ్య సంబంధం ఏమిటన్నది ఇంకా నిర్ధారణ కాలేదు. ప్రస్తుతం పోలీసులు ఈ వ్యవహారంపై దర్యాప్తు కొనసాగిస్తున్నారు. ఈ నేపథ్యంలోనే ఇంతకు ముందు ఇచ్చిన ప్రకటనను వెనక్కి తీసుకుంటూ ఐఐటీ బాంబే క్షమాపణలు చెప్పడం ప్రాధాన్యం సంతరించుకుంది.ఎవరీ సహిల్‌ వాకోడే?మహారాష్ట్రలోని యవత్మాల్‌కు చెందిన సహిల్‌ వాకోడే ఐఐటీ బాంబేలో ఎనర్జీ సైన్స్‌ అండ్‌ ఇంజినీరింగ్‌ విభాగంలో రెండో సంవత్సరం బీటెక్‌ చదువుతున్నాడు. చదువులోనూ మంచి ప్రతిభ కనబరిచేవాడని కుటుంబ సభ్యులు తెలిపారు. తొలి ఏడాదిలో అతడికి 8.5 సీజీపీఏ వచ్చింది. బ్యాడ్మింటన్‌, స్కేటింగ్‌లోనూ చురుకుగా పాల్గొనేవాడు. ఇంజినీరింగ్‌ పూర్తయ్యాక సివిల్‌ సర్వీసెస్‌కు సిద్ధం కావాలని భావించేవాడని అతడి తల్లి తెలిపారు.పరీక్షలో అసలేం జరిగింది?తోటి విద్యార్థులు చెబుతున్న వివరాల ప్రకారం.. సెప్టెంబర్‌ 18న సహిల్‌కు రెండు పరీక్షలు ఉన్నాయి. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని సంస్థ తన తొలి ప్రకటనలో పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు కుటుంబం, విద్యార్థుల వర్గాలు తెలిపాయి.అయితే ఐఐటీ బాంబే ప్రకారం సహిల్‌పై ఎలాంటి అధికారిక క్రమశిక్షణ చర్యలు ప్రారంభించలేదు. అధ్యాపకులు, విభాగాధిపతి అతడితో మాట్లాడి కౌన్సెలింగ్‌ ఇచ్చారని.. ఈ ఘటన అతడి విద్యా భవిష్యత్తుపై ప్రభావం చూపదని హామీ ఇచ్చారని సంస్థ తెలిపింది. ఆ తర్వాత సహిల్‌ హాస్టల్‌ గదికి వెళ్లాడు. సాయంత్రం అతడు మృతిచెందినట్లు గుర్తించారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.FIR.. క్రైమ్‌ బ్రాంచ్‌కు కేసుసహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద కూడా సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించింది. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.క్యాంపస్‌లో మూడు రోజుల ఆందోళనఘటనపై ఐఐటీ బాంబే విద్యార్థులు భారీగా ఆందోళనకు దిగారు. స్వతంత్ర దర్యాప్తు కోరుతూ.. ప్రొఫెసర్‌ దుల్లాపై చర్యలు, విద్యార్థుల మానసిక ఆరోగ్య సేవలను బలోపేతం చేయడం, అధ్యాపకుల ప్రవర్తనపై మార్గదర్శకాలు వంటి పలు డిమాండ్లు చేశారు. మూడు రోజుల ఆందోళన తర్వాత విద్యార్థులు ఉంచిన 18 డిమాండ్లపై యాజమాన్యం అంగీకారం తెలిపినట్లు తాజా నివేదికలు వెల్లడించాయి.ఎవరీ ప్రొఫెసర్‌ దూల్లా?ఐఐటీ బాంబే ఎనర్జీ సైన్స్‌ అండ్‌ ఇంజినీరింగ్‌ విభాగానికి చెందిన ప్రొఫెసర్‌ సూర్యనారాయణ దూల్లా పవర్‌ సిస్టమ్స్‌, స్మార్ట్‌ గ్రిడ్స్‌, మైక్రోగ్రిడ్స్‌పై పరిశోధనలు చేస్తున్నారు. నాగార్జున యూనివర్సిటీలో బీటెక్‌, ఐఐటీ బాంబేలో ఎంటెక్‌, ఐఐటీ ఢిల్లీలో పీహెచ్‌డీ చేశారు. ఐఐటీ బాంబేలో ప్రొఫెసర్‌గా పనిచేయడంతోపాటు హాస్టల్‌ వార్డెన్‌, డీన్‌ ఆఫ్‌ స్టూడెంట్‌ అఫైర్స్‌గా కూడా బాధ్యతలు నిర్వర్తించారు. సహిల్‌ పరీక్ష రాసిన సమయంలో దూల్లా ఇన్విజిలేటర్‌గా ఉన్నారు. ప్రస్తుతం సహిల్‌ కుటుంబం చేసిన ఆరోపణలతో ఆయన పేరు కేసులో నమోదైంది. ఈ వ్యవహారంపై దర్యాప్తు కొనసాగుతోంది. డైరెక్టర్‌ రాజీనామాకు సిద్ధమా?ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. అయితే అధ్యాపకుల వర్గం మాత్రం ప్రొఫెసర్‌ దుల్లాకు మద్దతుగా నిలిచినట్లు సమాచారం. ఆయన పరీక్షా పర్యవేక్షకుడిగా తన బాధ్యతలను నిబంధనల ప్రకారమే నిర్వర్తించారని పేర్కొంది.తాజాగా ఐఐటీ బాంబే యూటర్న్‌ఈ మొత్తం వ్యవహారంలో తాజాగా మరో కీలక పరిణామం చోటుచేసుకుంది. విద్యార్థి మృతికి ముందు జరిగిన పరిణామాలపై తాము విడుదల చేసిన తొలి ప్రకటనలో వివరాలను పేర్కొనడం సరికాదని ఐఐటీ బాంబే తాజాగా క్షమాపణలు చెప్పింది. ఘటనకు దారితీసిన పరిస్థితులు ఇంకా సంబంధిత అధికారుల దర్యాప్తులోనే ఉన్నాయని.. అవి అధికారికంగా నిర్ధారణ కాకముందే వాటిని వివరించడం లేదా ఒక నిర్దిష్టంగా వర్ణించడం తగదని స్పష్టం చేసింది. దీంతో దర్యాప్తుపై ఉత్కంఠ నెలకొంది.ఇదీ చదవండి: ఐఐటీ ఘటన: ఆ కీలక డిమాండ్లు ఏంటంటే..

తమిళ సినీ పరిశ్రమలో విజయ్‌–అజిత్‌ ఫ్యాన్‌ వార్‌కు ప్రత్యేక పరిచయం అక్కర్లేదు. అయితే ఇటీవల లండన్‌లో ఈ ఇద్దరు స్టార్‌ హీరోలు కలిసిన దృశ్యాలు అభిమానుల్లో కొత్త ఉత్సాహం నింపాయి. ఓ కారు రేసు సందర్భంగా విజయ్‌, అజిత్‌ ఆప్యాయంగా పలకరించుకోవడంతో.. ఇక ఫ్యాన్‌ వార్‌కు తెరపడుతుందేమోనని చాలామంది భావించారు. కానీ పట్టుమని పది రోజులు కూడా గడవకముందే మరో ఆసక్తికర పరిణామం తెరపైకి వచ్చింది.అజిత్‌ అభిమానులు ఏకంగా రాజకీయ పార్టీని ప్రారంభించారు. కల్లకురిచ్చి జిల్లా ఉలుందూరుపేట సమీపంలోని ఎలవనాసూర్‌కోటైలో సెప్టెంబర్‌ 20న ‘తమిళగ మక్కల్‌ కళగం’ పేరుతో పార్టీని ప్రకటించి జెండాను ఆవిష్కరించారు. తమిళనాడు వ్యాప్తంగా అజిత్‌ అభిమానులను ఒకే వేదికపైకి తీసుకురావడమే తమ ఉద్దేశమని నిర్వాహకులు తెలిపారు. అంతేకాదు.. పార్టీ రాష్ట్ర ప్రధాన కార్యదర్శి పదవిని ఖాళీగా ఉంచారు. అజిత్‌ రాజకీయాల్లోకి వస్తే ఆ బాధ్యతను ఆయనకే అప్పగించాలన్న ఉద్దేశంతోనే ఈ పదవిని ఖాళీగా ఉంచినట్లు నిర్వాహకులు ప్రకటించారు. ఇతర పదవులకు మాత్రం తమ ప్రతినిధులను నియమించారు. అయితే ఈ పార్టీకి అజిత్‌కు నేరుగా సంబంధం లేదని, ఆయన స్వయంగా పార్టీని ప్రారంభించలేదని నిర్వాహకులే స్పష్టం చేశారు. కానీ, ఆయన కచ్చితంగా రాజకీయాల్లోకి రావాల్సిందేనంటూ ఓ పిలుపు మాత్రం ఇచ్చారు."தமிழக மக்கள் கழகம்" என்ற புதிய அரசியல் கட்சியை துவங்கிய அஜித் ரசிகர்கள்... ”அஜித் சாரும் வரவேண்டும்...” என அழைப்பு விடுத்து ரசிகர்கள் பேட்டி#AjithKumar | #Fans | #Ulundurpet | #TNPolitics | #PuthiyathalaimuraiTV pic.twitter.com/z4gyZCQcVh— PttvOnlinenews (@PttvNewsX) September 20, 2026విజయ్‌ ఫ్యాన్స్‌ ఆట మొదలు..అజిత్‌ అభిమానులు పార్టీ విషయంలో అంత స్పష్టమైన ప్రకటన చేసినా.. విజయ్‌ అభిమానులు ఊరుకోవడం లేదు. ‘పట్టుమని నలుగురు కూడా లేరు కదరా!’ అంటూ ఆటాడుకుంటున్నారు. పైగా కొత్త పార్టీ జెండా కూడా విజయ్‌ నేతృత్వంలోని తమిళగ వెట్రి కళగం(టీవీకే) జెండాను పోలి ఉందంటూ మీమ్స్‌, ట్రోలింగ్‌తో స్పందిస్తున్నారు. ‘టీవీకేను కాపీ చేశారంటూ’ కామెంట్లు పెడుతున్నారు. అయితే ఈ పరిణామం అజిత్‌ అభిమానులకు కోపం తెప్పిస్తోంది.అప్పుడే వచ్చి ఉండేవాడు కదా!తమిళనాట అజిత్‌ పొలిటికల్‌ ఎంట్రీ గురించి డిస్కషన్‌ ఏనాడో క్లోజ్‌ అయ్యింది. సినీ కెరీర్‌లో ఉన్నప్పుడు అజిత్‌ కుమార్‌కు, తమిళనాడు మాజీ సీఎం జయలలితతో వ్యక్తిగతంగా మంచి అనుబంధం ఉండేది. జయలలిత తనను సొంత కొడుకులా అభిమానించేవారని అజిత్‌ గతంలో స్వయంగా చెప్పేవారు. అజిత్‌–షాలిని వివాహానికి జయలలిత హాజరై వారిని ఆశీర్వదించారు. ఆ తర్వాత కూడా అజిత్‌, షాలిని ఆమెను పోయెస్‌ గార్డెన్‌ నివాసానికి వెళ్లి తరచూ కలిసేవారు. ఒకానొకటైంలో అజిత్‌ అభిమానులు ఆయన్ని అమ్మకు వారసుడిగా ప్రచారం చేసుకున్నారు కూడా. అది అన్నాడీఎంకే నుంచి అభ్యంతరాలకు దారి తీసింది.అయితే.. అజిత్‌ మాత్రం రాజకీయాలకు దూరంగానే ఉన్నారు. జయలలిత మరణించిన సమయంలో షూటింగ్‌లో ఉన్న ఆయన.. ఆ తర్వాత కుటుంబంతో కలిసి ఆమె సమాధి వద్ద నివాళులర్పించారు. అజిత్‌కు రాజకీయాలపై ఆసక్తి లేదన్న విషయం అభిమానులకు కూడా తెలుసు. అయినా ఆయన అభిమానులు మాత్రం ప్రత్యేకంగా పార్టీ పెట్టి.. ఆయన కోసం కీలక పదవిని ఖాళీగా ఉంచడం చర్చనీయాంశమైంది.డ్యామేజ్‌ కంట్రోల్‌లో అజిత్‌?!అజిత్‌ ప్రస్తుతం విదేశీ పర్యటనలో ఉన్నారు. తాజా రేసింగ్‌లో ఆయనకు ఐదో స్థానం వచ్చినట్లు తెలుస్తోంది. దీంతో అభిమానుల నిర్వాకం ఆయనకు కాస్త ఆలస్యంగా తెలిసినట్లు తెలుస్తోంది. పైగా విజయ్‌ ఫ్యాన్స్‌ ట్రోలింగ్‌ చేస్తుండడంపైనా ఆయన తన సన్నిహితుల వద్ద అసంతృప్తి వ్యక్తం చేసినట్లు ప్రచారం జరుగుతోంది.అజిత్‌కు సోషల్‌ మీడియా అకౌంట్లు లేవు. ఏది ఉన్నా ఆయన మేనేజర్‌ సురేష్‌ చంద్ర అఫీషియల్‌గా ప్రకటిస్తుంటారు. దీంతో ఇవాళో, రేపో ఆయన నుంచి అధికారిక ప్రకటన వెలువడొచ్చనే ప్రచారం తమిళనాట కొనసాగుతోంది.విజయ్‌ రాజకీయాల్లోకి వచ్చాక..తమిళనాడులో సినీ తారల రాజకీయ ప్రవేశం కొత్త విషయం కాదు. అయితే విజయ్‌ రాజకీయాల్లోకి వచ్చి తమిళగ వెట్రి కళగం ఏర్పాటు చేసి ఏకంగా సీఎం కావడం.. అక్కడి సీని వర్గాల్లో చర్చనీయాంశంగా మారింది. విజయ్‌ను ఫాలో అవుతూ మరికొందరు అదే బాట పట్టడం డీఎంకే-అన్నాడీఎంకేలకు అసహనం తెప్పిస్తోంది. సినిమావాళ్లు తమిళ రాజకీయాలను నాశనం చేస్తున్నారంటూ అభ్యంతరాలు వ్యక్తం చేస్తున్నాయి ఈ రెండు పార్టీలు. ఈ తరుణంలో ఇప్పుడు అజిత్‌ అభిమానుల తాజా నిర్ణయంపై ఆసక్తి మరింత పెరిగింది. పార్టీ ప్రకటనతో ఫ్యాన్‌ వార్‌ మరో లెవల్‌కు వెళ్తుందా? లేక తన అభిమానుల దూకుడుకు అజిత్‌ స్వయంగా బ్రేకులు వేస్తారా? అభిమానుల తీరుపై గతంలోనే తన వైఖరిని స్పష్టం చేసిన అజిత్‌.. ఈసారి ఎలాంటి నిర్ణయం తీసుకుంటారన్నదే ఇప్పుడు అసలు ట్విస్ట్‌!.ఇదీ చదవండి: జెన్‌జీల కోసం ఏం చేయబోతున్నారంటే..

ముంబై: ‘బిగ్‌బాస్ 20’లో కంటెస్టెంట్ యుంగ్ డీఎస్‌ఏ.. దిగ్గజ బాక్సర్ మేరీ కోమ్‌పై తనకున్న గౌరవాన్ని మరోసారి తెలియజేశారు. తమ మధ్య ఎలాంటి పరిస్థితులు ఎదురైనా ఆమె విషయంలో తాను ఎప్పుడూ ఒక హద్దును పాటిస్తానని అన్నారు. మేరీ కోమ్‌తో తన అనుబంధం గురించి యుంగ్ మాట్లాడుతూ.. ఆమెపై తనకున్న గౌరవం ఇప్పటిది కాదని చెప్పాడు. స్కూల్‌లో చదువుకునే రోజుల్లోనే ఆమె విజయాల గురించి పాఠ్యాంశాల్లో చదివామని, ఆమె ప్రయాణం గురించి ఉపాధ్యాయులు చెప్పేవారని గుర్తుచేసుకున్నాడు.మేరీ కోమ్ తన దృష్టిలో పట్టుదల, క్రమశిక్షణ, విజయానికి ప్రతీక అని యుంగ్ చెప్పాడు. అంతర్జాతీయ స్థాయిలో భారత్‌కు ప్రాతినిధ్యం వహించి, ఎన్నో పతకాలు సాధించిన ఆమె ప్రయాణం తనపై ప్రభావం చూపిందని పేర్కొన్నాడు. మేరీ కోమ్‌పై తనకున్న అభిమానాన్ని వివరిస్తూ, గతంలో తాను సరదాగా చెప్పిన మాటలను కూడా యుంగ్ గుర్తుచేసుకున్నాడు. ‘నా తల్లి మేరీ కోమ్ అయి ఉంటే.. నేను ర్యాప్ చేయడం కోసం ప్రయత్నించేవాడినని అనుకోవడం లేదు. ఇంట్లోనే ఉండి చదువుకునేవాడిని’ అని అప్పట్లో చెప్పినట్లు తెలిపాడు.తమ మధ్య ఎలాంటి పరిస్థితులు ఎదురైనా మేరీ కోమ్‌ను తాను ఎప్పటికీ అగౌరవపరచబోనని యుంగ్ స్పష్టం చేశాడు. ఆమెతో వ్యవహరించేటప్పుడు ఒక నిర్దిష్ట హద్దును పాటిస్తానని చెప్పాడు. ఆమె జీవిత ప్రయాణం తన దృష్టిలో ప్రత్యేకమైన గౌరవాన్ని కలిగిస్తుందని పేర్కొన్నాడు. ఇదిలా ఉండగా.. గేమ్‌లో మహీ విజయ్ నుంచి తగిన మద్దతు లభించలేదని యుంగ్ ఇటీవల బాధపడ్డాడు. ఆమెను తాను తల్లిలా భావించానని, ఆమె ప్రవర్తన తనను తీవ్రంగా బాధించిందని చెబుతూ భావోద్వేగానికి గురయ్యాడు.ఇదీ చదవండి: ఐఐటీ బాంబేలో ఆందోళనలు.. విద్యార్థుల డిమండ్‌లివే..

ముంబై: ఐఐటీ బాంబేలో విద్యార్థి ఆత్మహత్య ఘటనపై మూడు రోజులుగా జరుగుతున్న నిరసనలు సోమవారం కూడా కొనసాగుతున్నాయి. విద్యార్థులు చేసిన డిమాండ్లపై చర్చించేందుకు సంస్థ బోర్డ్ ఆఫ్ గవర్నర్స్ సోమవారం ప్రత్యేక సమావేశం నిర్వహించనుంది. అనంతరం ఐఐటీ బాంబే డైరెక్టర్ శిరీష్ కేదారే విద్యార్థులతో టౌన్‌హాల్ సమావేశం నిర్వహించనున్నారు. సోమవారం అన్ని తరగతులను రద్దు చేశారు.డైరెక్టర్ రాజీనామా.. స్వతంత్ర దర్యాప్తువిద్యార్థులు సమర్పించిన 18కి పైగా డిమాండ్లలో డైరెక్టర్ కేదారే రాజీనామా, ఆయన పదవీకాలంలో జరిగిన నలుగురు విద్యార్థుల మృతిపై స్వతంత్ర దర్యాప్తు చేపట్టడం ఉన్నాయి. అయితే ఈ రెండు డిమాండ్లను ఐఐటీ యాజమాన్యం అంగీకరించలేదు. శుక్రవారం జరిగిన విద్యార్థి ఆత్మహత్య ఘటనపై స్వతంత్ర కమిటీ ఏర్పాటు చేయాలని విద్యార్థులు కోరారు. ఈ కమిటీలో ప్రొఫెసర్లు, విద్యార్థుల ప్రతినిధులు, బయటి సభ్యులు ఉండాలని, సెప్టెంబర్ 30లోగా నివేదికను బహిరంగపరచాలని డిమాండ్ చేశారు.పరీక్షలో కాపీ ఆరోపణల తర్వాత విషాదంశుక్రవారం పరీక్షలో కాపీయింగ్‌కు పాల్పడ్డాడనే ఆరోపణలు ఎదుర్కొన్న ఐఐటీ బాంబే రెండో సంవత్సరం బీటెక్ విద్యార్థి మరణించాడు. ఈ ఘటన అనంతరం క్యాంపస్‌లో నిరసనలు తీవ్రరూపం దాల్చాయి. మృతిచెందిన విద్యార్థి షెడ్యూల్డ్ కులానికి చెందినవాడని అతని తల్లిదండ్రులు తెలిపారు. కుల వివక్ష కారణంగా తమ కుమారుడిని ఆత్మహత్యకు ప్రేరేపించారని ఆరోపిస్తూ.. మాజీ డీన్ ఆఫ్ స్టూడెంట్ అఫైర్స్, విద్యార్థి ప్రొఫెసర్ సూర్యనారాయణ దూల్లాపై పోలీసులకు ఫిర్యాదు చేశారు. కాగా ఆదివారం డైరెక్టర్ కేదారే, సీనియర్ అధ్యాపకులు, విద్యార్థుల మధ్య సుమారు 90 నిమిషాల పాటు సమావేశం జరిగింది. ఈ సమావేశాన్ని విద్యార్థులు లైవ్‌స్ట్రీమ్ చేశారు. విద్యార్థులు దూల్లాను సస్పెండ్ చేయాలని కోరగా, నిబంధనల ప్రకారం చర్యలు తీసుకుంటామని కేదారే తెలిపారు.హాస్టల్ గదుల్లో ఫ్యాన్ల మార్పుక్యాంపస్‌లో వరుసగా విద్యార్థుల ఆత్మహత్యలు చోటుచేసుకున్న నేపథ్యంలో హాస్టల్ గదుల్లోని సీలింగ్ ఫ్యాన్లను తొలగించి, వాటి స్థానంలో గోడకు అమర్చే ఫ్యాన్లను ఏర్పాటు చేసే అంశాన్ని ఐఐటీ బాంబే యాజమాన్యం పరిశీలిస్తోంది. అయితే ఫ్యాన్లను మార్చాలనే నిర్ణయం ఆత్మహత్యల ఘటనలకు సంబంధం లేదని, అంతకుముందే తీసుకున్నదేనని అధికారులు తెలిపారు. ఇదీ చదవండి: కెనడాలో విమాన ప్రమాదం.. ఇద్దరు భారత విద్యార్థుల దుర్మరణం

ముంబై: ముంబైలోని ప్రసిద్ధ గణేశ మండపాల్లో ఒకటైన శివ్డీ చా రాజా (Shivdi Cha Raja).. ఈ వినాయక చవితికి 75వ వార్షికోత్సవాన్ని జరుపుకుంటోంది. ఈ సందర్భంగా ప్రత్యేక ఉత్సవాలను నిర్వహిస్తున్నారు. నిర్వాహకులు నీటి అడుగున కొలువైన పురాతన ద్వారకా నగరం థీమ్‌తో భారీ మండపాన్ని ఏర్పాటు చేశారు. గత 75 ఏళ్లుగా ఎన్నో సామాజిక కార్యక్రమాలు చేపట్టిన కమిటీ నిర్వాహకులు ఈ ఏడాది భక్తులకు సరికొత్త అనుభూతిని అందించాలనే సంకల్పంతో ఈ వినూత్న మండపాన్ని తీర్చిదిద్దారు. #WATCH | Mumbai: Immersive visual details of the underwater Dwarka theme created at the 'Shivdi Cha Raja' pandal in Mumbai.Marking its 75th anniversary, the mandal has crafted a unique subaquatic experience featuring the Ganpati idol amidst artificial marine ruins and sea life.… pic.twitter.com/QotxTWc7HK— ANI (@ANI) September 20, 2026గోమతి నది, అరేబియా సముద్రం మధ్య నీటి గర్భంలో మునిగిపోయిన పౌరాణిక ద్వారకా నగరాన్ని తలపించేలా ఈ మండపాన్ని అత్యంత సుందరంగా తీర్చిదిద్దారు. వినాయక విగ్రహంతో పాటు కృత్రిమ సముద్ర జీవులు, జలచరాలు, చారిత్రక శిథిలాల నమూనాలను ఏర్పాటు చేసి నీటి అడుగున ఉన్న వాతావరణాన్ని కళ్లకు కట్లినట్లు ఏర్నాటు చేశారు. స్వామివారిని దర్శించుకోవడంతో పాటు ఈ విభిన్నమైన విజువల్ సెట్టింగ్‌ను ప్రత్యక్షంగా చూసే అవకాశాన్ని ఈ వేదిక భక్తులకు కల్పిస్తోంది.#WATCH | Mumbai: Shivdi Cha Raja Mandal president Shrikant Jadhav said, "This year marks the 75th anniversary of 'Shivdi Cha Raja'. Over these 75 years, through the 'Raja Mandal', we have undertaken numerous social initiatives annually. This year, we decided to do something… https://t.co/0HAxxgXXWR pic.twitter.com/LmsYnaATpv— ANI (@ANI) September 21, 2026శివ్డీ చా రాజా దర్శనంతో పాటు ఈ ప్రత్యేక ద్వారకా నగరం ప్రదర్శనను తిలకించేందుకు మహారాష్ట్రతో పాటు దేశవ్యాప్తంగా వివిధ ప్రాంతాల నుంచి భక్తులు భారీ సంఖ్యలో తరలివస్తున్నారు. సాంప్రదాయబద్ధంగా మొత్తం 11 రోజుల పాటు ఈ వినాయకుడి ప్రతిమ మండపంలోనే పూజలందుకుంటుంది. ద్వారకా నమూనా ప్రత్యేక ప్రదర్శనను ప్రతిరోజూ మధ్యాహ్నం 12:00 గంటల నుండి సాయంత్రం సుమారు 6:00 లేదా 7:00 గంటల వరకు సందర్శకుల కోసం తెరిచి ఉంచుతున్నారు.ఈ నీటి అడుగున ద్వారకా ప్రదర్శన రూపకల్పనకు కమిటీ నిర్వాహకులు ఎంతో కష్టపడ్డారు. ప్లాటినం జూబ్లీ ఉత్సవాల సందర్భంగా దేశం నలుమూలల నుండి వచ్చే భక్తులకు సరికొత్త అనుభూతిని పంచాలన్న పట్టుదలతో ఈ సవాలును స్వీకరించామని, శివ్డీ చా రాజా ఆశీస్సులతో ఈ భారీ ప్రాజెక్ట్ విజయవంతమైందని కమిటీ అధ్యక్షుడు శ్రీకాంత్ జాదవ్ తెలిపారు.ఇదీ చదవండి: ఎల్‌ నినోకు చెక్‌.. గణపయ్యల నిమజ్జనానికి సరికొత్త విధానం!

తిరువనంతపురం: కేరళలో కురుస్తున్న భారీ వర్షాలు తీవ్ర విలయాన్ని సృష్టిస్తున్నాయి. ఎడతెరిపి లేకుండా కురుస్తున్న వర్షాల వల్ల కొండచరియలు విరిగిపడటం, ఆకస్మిక వరదలు సంభవించడంతో ఐదుగురు ప్రాణాలు కోల్పోగా, మరో ఇద్దరు గల్లంతయ్యారు. రాష్ట్రవ్యాప్తంగా నెలకొన్న విపత్కర పరిస్థితుల దృష్ట్యా సహాయక చర్యలను వేగవంతం చేయాలని అధికారులకు ఆదేశాలు అందాయి. ప్రతి గంటకు ఒకసారి క్షేత్రస్థాయి పరిస్థితులను సమీక్షిస్తూ నిరంతరం అప్రమత్తంగా ఉండాలని ముఖ్యమంత్రి యంత్రాంగాన్ని ఆదేశించారు.నది ఉధృతిలో కొట్టుకుపోయిన బృందంమలప్పురం జిల్లా నిలంబూర్-అమరంబలం పరిధిలోని కొట్టపుళ నది వద్ద తీవ్ర విషాదం చోటుచేసుకుంది. వండూర్ ప్రాంతానికి చెందిన ఐదుగురు వ్యక్తులు నదిలో స్నానం చేయడానికి దిగగా, అకస్మాత్తుగా వరద ఉధృతి పెరగడంతో వారంతా నీటి ప్రవాహంలో కొట్టుకుపోయారు. ఈ ప్రమాదంలో ఒకరిని స్థానికులు రక్షించగా, సహాయక సిబ్బంది ఇద్దరి మృతదేహాలను వెలికితీశారు. గల్లంతైన మిగిలిన ఇద్దరి ఆచూకీ కోసం గాలింపు చర్యలు ముమ్మరంగా కొనసాగుతున్నాయి. సీఎం ఆదేశాల మేరకు విపత్తు నిర్వహణ దళం ప్రత్యేక బృందాలు అక్కడ రెస్క్యూ ఆపరేషన్ చేపడుతున్నాయి.కొండచరియలు విరిగిపడి మహిళ దుర్మరణంకొట్టాయం జిల్లా తీకోయి సమీపంలోని వేలత్తుస్సేరి వద్ద కొండచరియలు విరిగిపడిన ఘటనలో చెన్నైకి చెందిన సంగీత అరుల్ లాల్ (35) అనే మహిళ ప్రాణాలు కోల్పోయింది. ఆమె తన స్నేహితుడితో కలిసి స్కూటర్‌పై వాగమన్ నుంచి తిరిగి వస్తుండగా రోడ్డుపైకి భారీగా మట్టి పెళ్లలు దూసుకురావడంతో ఈ ప్రమాదం జరిగింది. తీవ్ర గాయాలపాలైన ఆమె స్నేహితుడు ఆసుపత్రిలో చికిత్స పొందుతున్నాడు. మరోవైపు, ఇడుక్కి జిల్లా కొట్టకంబుర్‌లో వర్షం నుంచి తప్పించుకోవడానికి ఒక షెడ్డులో ఆశ్రయం పొందిన ముగ్గురిపై కొండచరియలు విరిగిపడటంతో ఇద్దరు అక్కడికక్కడే మరణించగా, మరో మహిళ తీవ్రంగా గాయపడింది.ఆరెంజ్ అలర్ట్ జారీ.. ముమ్మరంగా సహాయక చర్యలురాష్ట్రంలో మరో నాలుగు రోజుల పాటు పలు ప్రాంతాల్లో భారీ నుంచి అతి భారీ వర్షాలు, ఉరుములతో కూడిన జల్లులు కురిసే అవకాశం ఉందని భారత వాతావరణ శాఖ (ఐఎండీ)హెచ్చరించింది. కొట్టాయం, ఇడుక్కి జిల్లాలకు ‘ఆరెంజ్ అలర్ట్’ ప్రకటించడంతో అధికార యంత్రాంగం అప్రమత్తమైంది. ప్రజలకు వాతావరణ సమాచారాన్ని ఎస్ఎంఎస్ రూపంలో చేరవేస్తున్నారు. కొండచరియలు విరిగిపడే ప్రమాదం ఉన్న ప్రాంతాలు, నదీ పరీవాహక లోతట్టు ప్రాంతాల ప్రజలను సురక్షిత ప్రాంతాలకు తరలించేందుకు జిల్లా కలెక్టర్లు తగిన చర్యలు చేపట్టారు.ఇదీ చదవండి: ఎల్‌ నినోకు చెక్‌.. గణపయ్యల నిమజ్జనానికి సరికొత్త విధానం!

ఇండోర్: ఎల్‌నినో ప్రభావం కారణంగా దేశంలోని నదులు, చెరువులు, కుంటలు ఎండిపోయాయి. ఇటువంటి పరిస్థితుల్లో గణపయ్యల నిమ‍జ్జనం పెద్ద సవాల్‌గా నిలిచింది. ఎండిపోయిన నీటి వనరుల్లో గణపతి విగ్రహాలను వేయాల్సిరావడం పలువురిలో ఆవేదన కలిగిస్తున్నది. ఈ పరిస్థితిని అర్థం చేసుకున్న మధ్యప్రదేశ్‌లోని ఇండోర్‌ మున్సిపల్‌ కొర్పొరేషన్‌ సరికొత్త విధానాన్ని అమలు చేస్తోంది. గణేశ్ నిమజ్జనానికి సంబంధించి ఇండోర్ మున్సిపల్ కార్పొరేషన్ (ఐఎంసీ) ప్రత్యేక ఏర్పాట్లు చేస్తోంది. నగరవ్యాప్తంగా ప్రజల నుంచి నిమజ్జనానికి సిద్ధమైన గణేశ్ విగ్రహాలను సేకరించేందుకు 100కుపైగా కేంద్రాలను ఏర్పాటు చేసింది.సేకరించిన గణేశ్ విగ్రహాలను సంప్రదాయ ఆచారాల ప్రకారం సెప్టెంబర్ 25, 26 తేదీల్లో మున్సిపల్‌ అధికారులు నిమజ్జనం చేయనున్నారు. ధార్ రోడ్డులోని జవహర్ టేక్రి క్వారీలో వర్షపు నీటితో ఏర్పడిన జలాశయంలో ఈ విగ్రహాలను నిమజ్జనం చేయనున్నట్లు అధికారులు తెలిపారు. మతపరమైన భావోద్వేగాలు దెబ్బతినకుండా నిమజ్జనం నిర్వహణకు ఐఎంసీ ఇంజినీర్లు ప్రత్యేక హైడ్రాలిక్ ప్లాట్‌ఫామ్‌ను రూపొందించారు. విగ్రహాలను ఈ ప్లాట్‌ఫామ్‌పై ఉంచి యాంత్రిక విధానంలో వాటిని నీటిలోకి దించనున్నారు.అనంతరం నియంత్రిత ఓపెనింగ్ వ్యవస్థ ద్వారా విగ్రహాలు నీటి ఉపరితలం కిందకు చేరేలా ఏర్పాట్లు చేశారు. ఈ విధానం ద్వారా విగ్రహాలను నేరుగా చేతులతో నీటిలోకి దించే అవసరం ఉండదని అధికారులు తెలిపారు. మరోవైపు గణేశ్‌ నిమజ్జనం సందర్భంగా భారీ శోభాయాత్రలు జరిగే అవకాశం ఉండటంతో నగరంలోని ఏడు కిలోమీటర్ల ఊరేగింపు మార్గంలో రోడ్ల పునరుద్ధరణ, నిర్వహణ పనులను అధికారులు వేగవంతం చేశారు.ఇదీ చదవండి: ఏఐతో వైద్యరంగం గందరగోళం.. సమస్య ఎక్కడుంది?

దేశ రాజకీయాల్లో జెన్‌జీ చుట్టూ కొత్త ఫోకస్‌ కనిపిస్తోంది. విద్యార్థులు, యువత సమస్యలను ప్రధానంగా ప్రస్తావిస్తూ కాంగ్రెస్‌ నేత రాహుల్‌ గాంధీ వరుస కార్యక్రమాలతో ముందుకెళ్తున్నారు. ‘చత్రోన్‌ కీ గూంజ్‌’ వేదికగా విద్య, ఉద్యోగాలు, పోటీ పరీక్షలు వంటి అంశాలను ప్రస్తావిస్తూ కేంద్ర ప్రభుత్వంపై ఆయన విమర్శలు చేస్తున్నారు. దీంతో యువతను చేరుకోవడంపై అధికార, ప్రతిపక్ష శిబిరాల్లోనూ కసరత్తు మొదలైంది.ఇదే సమయంలో ప్రధాని నరేంద్ర మోదీ కూడా యువతతో మరింతగా మమేకం కావాలని ప్రయత్నాలు చేస్తూ వస్తున్నారు. కేబినెట్‌ భేటీలతో పాటు తరచూ జరుగుతున్న పార్టీ సమావేశాల్లోనూ ఎంపీలకు, నేతలకు దిశానిర్దేశం చేస్తూ వస్తున్నారు. సోషల్‌ మీడియాను విస్తృతంగా ఉపయోగించుకోవడంతో పాటు.. ఇన్‌స్టాగ్రామ్‌, రీల్స్‌ వంటి డిజిటల్‌ వేదికల ద్వారా జెన్‌జీకి దగ్గర కావాలని దిశానిర్దేశం చేసినట్లు సమాచారం. ఈ క్రమంలోనే.. రాహుల్‌ గాంధీకి మోదీ ‘తురుపుముక్క’గా భావిస్తున్న చిరాగ్‌ పాస్వాన్‌ నుంచి కౌంటర్‌కు రంగం సిద్ధమైంది.ఎన్డీయే మిత్రపక్షం లోక్‌ జనశక్తి పార్టీ (రామ్‌విలాస్‌) తాజా జెన్‌జీపై ప్రత్యేకంగా దృష్టి పెట్టింది. కేంద్ర మంత్రి, ఎల్‌జేపీ (రామ్‌విలాస్‌) అధినేత చిరాగ్‌ పాస్వాన్‌ యూత్‌ బోలె తో(Youth Bole To) పేరుతో కొత్త కార్యక్రమానికి శ్రీకారం చుట్టనున్నారు. ఈ కార్యక్రమాన్ని రాహుల్‌ గాంధీ యువత కార్యక్రమాలకు కౌంటర్‌ అనే చర్చ జోరందుకుంది.తొలి కార్యక్రమ ఉద్దేశం ఏంటంటే..పాట్నాలోని వెటర్నరీ గ్రౌండ్‌లో ‘Youth Bole To’ తొలి కార్యక్రమం జరగనుంది. ఇందులో చిరాగ్‌ పాస్వాన్‌ బిహార్‌ యువతతో, ముఖ్యంగా జెన్‌జీ ప్రతినిధులతో నేరుగా మాట్లాడనున్నారు. విద్య, ఉద్యోగాలు, స్కిల్‌ డెవలప్‌మెంట్‌, ఎంటర్‌ప్రెన్యూర్‌షిప్‌, టెక్నాలజీ, డిజిటల్‌ యుగంలో ఎదురవుతున్న సవాళ్లపై యువతతో చర్చించనున్నారు.యువత తమ ప్రశ్నలు, అభిప్రాయాలు, సూచనలను నేరుగా చిరాగ్‌ ముందుంచేలా కార్యక్రమాన్ని రూపొందించారు. పార్టీ బిహార్‌ అధ్యక్షుడు సురేంద్ర వివేక్‌ మాట్లాడుతూ.. యువతను ఓటుబ్యాంకుగా చూడటం లేదని, వారి సమస్యలు, ఆకాంక్షలను తెలుసుకుని వాటిపై చర్చించడమే తమ ఉద్దేశమని తెలిపారు.రాహుల్‌ ఫోకస్‌.. ఎన్డీయేలో కదలికఇటీవలి కాలంలో రాహుల్‌ గాంధీ విద్యార్థులు, యువతతో వరుసగా సమావేశాలు నిర్వహిస్తున్నారు. ‘చత్రోన్‌ కీ గూంజ్‌’ కార్యక్రమాల్లో విద్య, ఉద్యోగాలు, పోటీ పరీక్షలు, యువత భవిష్యత్తు వంటి అంశాలను ప్రస్తావిస్తున్నారు. కేంద్ర ప్రభుత్వ విధానాలపై విమర్శలు చేస్తూ.. యువత సమస్యలను రాజకీయ చర్చలోకి తీసుకొస్తున్నారు. ఒకానొక దశలో ఇవి విమర్శలకు దారి తీస్తున్నప్పటికీ.. యువతను ఆకర్షిస్తున్నాయనే చర్చా నడుస్తోంది. దీంతో జెన్‌జీని ఎవరు ఎలా చేరుకుంటారన్నది రాజకీయంగా ఆసక్తికరంగా మారింది. అటు రాహుల్‌ గాంధీ ప్రత్యక్ష కార్యక్రమాలతో యువతను కలుస్తుండగా.. ఇటు మోదీ ప్రభుత్వం డిజిటల్‌ వేదికలపై దృష్టి పెడుతోంది. ఇప్పుడు ఎన్డీయే తరఫున చిరాగ్‌ పాశ్వాన్‌ ప్రత్యక్షంగా జెన్‌జీతో సంభాషించేందుకు ప్రత్యేక వేదికను సిద్ధం చేస్తున్నారు.బిహార్‌ నుంచి యూపీకి..చిరాగ్‌ వ్యూహం బిహార్‌తోనే ఆగడం లేదు. సెప్టెంబర్‌ 24న పాట్నా.. ఆ తర్వాత సెప్టెంబర్‌ 27న ప్రయాగ్‌రాజ్‌లో తదుపరి ‘Youth Bole To’ కార్యక్రమాన్ని నిర్వహించనున్నారు. ఆ తర్వాత యూపీలోని ఇతర నగరాల్లోనూ యువతను కలిసే కార్యక్రమాలు చేపట్టనున్నారు. ఇక్కడే ఎన్నికల లెక్కలు కూడా తెరపైకి వస్తున్నాయి. బిహార్‌ రాజకీయాల్లో కీలక పరిణామాలు జరుగుతున్న సమయంలో చిరాగ్‌ తన సొంత పార్టీకి యువతలో మరింత కనెక్ట్‌ పెంచుకునే ప్రయత్నం చేస్తున్నారు. మరోవైపు 2027లో ఉత్తరప్రదేశ్‌ అసెంబ్లీ ఎన్నికలు జరగనున్నాయి. ఈ నేపథ్యంలో.. రాష్ట్రవ్యాప్తంగా యువతను చేరుకునే కార్యక్రమాలు పార్టీ విస్తరణకు ఉపయోగపడే అవకాశం ఉంది. అదే సమయంలో ఎన్నికలు జరగబోయే ఇతర రాష్ట్రాల్లోనూ ఈ తరహా కౌంటర్‌ కార్యక్రమాలు నిర్వహించాలని బీజేపీ, మిత్రపక్షాలకు ఢిల్లీ హైకమాండ్‌ సూచించినట్లు తెలుస్తోంది.యువతే టార్గెట్‌.. కొత్త వ్యూహంబిహార్‌లో మొదలై యూపీకి విస్తరించనున్న ఈ కార్యక్రమం ద్వారా చిరాగ్‌ లాంటి యువనేతతో.. యువతతో నేరుగా మమేకమయ్యేందుకు ప్రయత్నిస్తున్నారు. విద్య, ఉద్యోగాలు, నైపుణ్యాభివృద్ధి, స్టార్టప్‌లు, టెక్నాలజీ వంటి అంశాలపై జెన్‌జీతో చర్చించనున్నారు. మరోవైపు ఎన్డీయే కూడా యువతను చేరుకునే ప్రయత్నాలకు ప్రాధాన్యత ఇస్తోంది.రాహుల్‌ గాంధీ జెన్‌జీతో మమేకమవుతూ యువత సమస్యలను ప్రస్తావిస్తూ కేంద్ర ప్రభుత్వంపై విమర్శలు చేస్తున్న సమయంలో.. అధికార పక్షం కూడా యువతను చేరుకునేందుకు వివిధ మార్గాలను అనుసరిస్తోంది. ఈ నేపథ్యంలోనే చిరాగ్‌ పాస్వాన్‌ ‘Youth Bole To’ కార్యక్రమంతో రంగంలోకి దిగుతున్నారు.మోదీ తురుపుముక్కగా చిరాగ్‌ పాస్వాన్‌ను రాజకీయ వర్గాల్లో కొందరు అభివర్ణిస్తున్న నేపథ్యంలో.. ఆయన చేపడుతున్న ఈ కార్యక్రమానికి ప్రాధాన్యత ఏర్పడింది. ముఖ్యంగా బిహార్‌ నుంచి యూపీ వరకు జెన్‌జీని ఆకట్టుకునేలా ప్రత్యక్ష కార్యక్రమాలు నిర్వహించడం.. రాబోయే ఎన్నికల నేపథ్యంలో ఎన్డీయే వ్యూహంలో భాగంగానే రాజకీయ వర్గాలు చూస్తున్నాయి.

సాక్షి, చెన్నై: చెన్నైలోని మైలాపూర్‌లో ఉన్న విధై బర్తింగ్‌ సెంటర్‌ అండ్‌ హాస్పిటల్‌ అరుదైన రికార్డును నమోదు చేసింది. ఒక గర్భిణి తొలిసారిగా నీటిలో ప్రసవం పొందింది. తల్లి కోరికలను పరిగణనలోకి తీసుకుని, భద్రత , గౌరవానికి ప్రాధాన్యతనిస్తూ ప్రసవ సంరక్షణ అందించినట్లు ఆసుపత్రి వ్యవస్థాపకురాలు, మెడికల్‌ డైరెక్టర్‌ డాక్టర్‌ జె. నందిని తెలిపారు. శనివారం జరిగిన సమావేశంలో ఆమె మాట్లాడుతూ... నీటిలో ప్రసవం అనేది ఒక పద్ధతి. దీనిలో వైద్యపరంగా ఆరోగ్యంగా ఉన్న గర్భిణి ప్రసవ సమయంలో పరిస్థితులు అనుకూలంగా ఉంటే, ప్రత్యేకంగా రూపొందించిన గోరువెచ్చని నీటి కొలనులో బిడ్డకు జన్మనిస్తుంది. ఇది ప్రసవ సమయంలో విశ్రాంతి తీసుకోవడానికి , సౌకర్యవంతమైన భంగిమలలో కదలడానికి అవకాశం కల్పిస్తుందన్నారు. అయితే, ఈ పద్ధతి గర్భిణులందరికీ అనుకూలమైనది కాదని, వైద్య బృందం తల్లి , బిడ్డ ఆరోగ్యాన్ని నిరంతరం పర్యవేక్షించిన తర్వాత మాత్రమే నీటిలో ప్రసవం నిర్వహిస్తారన్నారు. అవసరమైన సమయంలో వైద్య సహాయం అందించడానికి కూడా ఏర్పాట్లు చేసినట్లు పేర్కొన్నారు.

బెంగళూరు: ప్రభుత్వ కార్యాలయంలో పని చేయించుకోవాలంటే అధికారులకు డబ్బులు ఇవ్వాల్సిందేనా? విధులు నిర్వర్తించినందుకు ‘టిప్‌’ పేరుతో అధికారులకు నగదు ఇవ్వడం తప్పుకాదా? కర్ణాటక కాంగ్రెస్‌ మంత్రి కేఎం శివలింగే గౌడ వ్యాఖ్యలు ఇప్పుడు ఈ ప్రశ్నలనే తెరపైకి తెచ్చాయి. అధికారులు సకాలంలో ప్రజల పనులు పూర్తి చేస్తే వారికి ‘టిప్‌’ లేదా ‘గౌరవ ధనం’ ఇవ్వడంలో తప్పేమీ లేదన్నట్లుగా మంత్రి మాట్లాడటం తీవ్ర దుమారం రేపింది. మంత్రి మాటలపై ప్రజలు కార్యక్రమంలోనే అభ్యంతరం వ్యక్తం చేయడంతో కొద్దిసేపు వాగ్వాద వాతావరణం నెలకొంది. దీనికి సంబంధించిన వీడియో సోషల్‌ మీడియాలో వైరల్‌గా మారింది.హాసన్‌ జిల్లాలో నిర్వహించిన ప్రజా ఫిర్యాదుల కార్యక్రమంలో మంత్రి శివలింగే గౌడ అధికారుల పనితీరుపై మాట్లాడారు. ఈ సందర్భంగా అధికారులు ప్రజలకు సంబంధించిన పనులను సకాలంలో పూర్తి చేస్తే వారికి ‘టిప్‌’ ఇవ్వడంలో తప్పేమీ లేదన్న భావన వచ్చేలా వ్యాఖ్యలు చేశారు. ‘అధికారులు ప్రజల పని చేస్తే వారికి లంచం ఇవ్వడం ధర్మమే’ అన్నట్లుగా మంత్రి మాట్లాడినట్లు వీడియోలో వినిపిస్తోంది. మంత్రి వ్యాఖ్యలపై అక్కడే ఉన్న ఓ వ్యక్తి తీవ్ర అభ్యంతరం వ్యక్తం చేశారు. అధికారులు తమ విధులను నిర్వర్తించేందుకు ప్రజలు ఎందుకు లంచం ఇవ్వాలని ప్రశ్నించారు. మంత్రి వ్యాఖ్యలు లంచాలను ప్రోత్సహించేలా ఉన్నాయని ఆగ్రహం వ్యక్తం చేశారు. దీంతో కార్యక్రమంలో కొద్దిసేపు ఉద్రిక్త వాతావరణం నెలకొంది. మరికొందరు కూడా అభ్యంతరం వ్యక్తం చేయడంతో మంత్రి తన వ్యాఖ్యలను వివరిస్తూ వివరణ ఇచ్చారు.అధికారులు ప్రజల నుంచి బలవంతంగా డబ్బులు వసూలు చేయకూడదన్నదే తన ఉద్దేశమని మంత్రి చెప్పారు. నిజాయితీగా పనిచేసే అధికారులను గౌరవించాలనే ఉద్దేశంతోనే ‘టిప్‌’ గురించి ప్రస్తావించానని, తాను లంచాలను ప్రోత్సహించడం లేదని స్పష్టం చేశారు. పరిస్థితి తీవ్రతరం కాకుండా హాసన్‌ డిప్యూటీ కమిషనర్‌ కేఎస్‌ లతా కుమారి జోక్యం చేసుకుని ఆందోళన వ్యక్తం చేస్తున్న వారిని సముదాయించే ప్రయత్నం చేశారు.“Giving money to officials respectfully is a duty” - Karnataka Minister K.M. Shivalinge Gowda’s remark on citizens paying bribes to government officials triggers public outrage.Congress ruled India for decades, during which corruption became deeply entrenched.#Congress_Exposed pic.twitter.com/xeEghu15eK— Sanatan Prabhat (Kannada) (@Sanatan_Prabhat) September 20, 2026బీజేపీకి రాజకీయ అస్త్రం..మంత్రి వ్యాఖ్యలపై ప్రతిపక్ష బీజేపీ తీవ్రంగా స్పందించింది. వీడియోను సోషల్‌ మీడియాలో షేర్‌ చేస్తూ.. కాంగ్రెస్‌ ప్రభుత్వంలో లంచాల వ్యవహారం ఏ స్థాయిలో ఉందో మంత్రి మాటలే బయటపెట్టాయని ఆరోపించింది. సాధారణ ప్రజల జేబుల నుంచి డబ్బులు తీసుకోవడాన్ని సమర్థించే ప్రభుత్వానికి ప్రజలే తగిన సమాధానం చెబుతారని విమర్శించింది. బీజేపీ ఎమ్మెల్సీ సీటీ రవి కూడా మంత్రి వ్యాఖ్యలను తప్పుబట్టారు. లంచంగా కనీసం రూ.10 అడిగినా తనకు ఫిర్యాదు చేయాలని ముఖ్యమంత్రి డీకే శివకుమార్‌ గతంలో చెప్పిన విషయాన్ని గుర్తుచేశారు. అదే ప్రభుత్వానికి చెందిన మంత్రి ఇప్పుడు అధికారులకు ‘గౌరవంగా లంచం ఇవ్వండి’ అన్నట్లుగా మాట్లాడటం విరుద్ధంగా ఉంది. లంచం ఇవ్వడం లేదా తీసుకోవడం మీకు సహజంగా అనిపించవచ్చు.. కానీ కర్ణాటక ప్రజలకు కాదు అంటూ ఘాటు విమర్శలు గుప్పించారు.ఇదీ చదవండి: సర్‌ పేరుతో 7.8 కోట్ల ఓట్ల గల్లంతు

మోరల్‌ పోలీసింగ్‌ పేరిట యువజంటలపై తరచూ దాడులు జరుగుతున్న ఘటనలు చూస్తున్నదే. అయితే ఇక్కడ ఓ యువజంటపై కొందరు వ్యక్తులు దాడికి పాల్పడిన తీరు మరీ దుర్మార్గంగా ఉందనే అభిప్రాయాలు వ్యక్తమవుతున్నాయి. యువకుడిని పక్కకు లాగిన అనంతరం.. యువతిని కొందరు చుట్టుముట్టారు. పైగా వారిలో ఒకడు ఆమెను బలవంతంగా ఎత్తుకెళ్లేందుకు ప్రయత్నించాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.రాత్రివేళ ఓ యువజంటపై ఓ గ్యాంగ్‌ దాడికి దిగింది. యువకుడ్ని కొందరు లాగిపడేయగా.. ఆమె ప్రతిఘటించే ప్రయత్నం చేసింది. అందులో ముసుగుతో ఉన్న ఒకడు హఠాత్తుగా దూసుకొచ్చి ఆ యువతిని బలవంతంగా ఎత్తుకెళ్లే ప్రయత్నం చేశాడు. ఆ టైంలో అసభ్యంగా తాకుతూ ఈడ్చుకెళ్లాడు. ఆమె భయంతో కేకలు వేయగా.. యువకుడు వాళ్లను అడ్డుకునే ప్రయత్నం చేశాడు. అయితే ఆ యువకుడు ఆమెను విడిపించి.. అక్కడి నుంచి ఇద్దరూ పరుగులు తీశారు. మరో వీడియోలో కాస్త దూరంలో వాళ్లిద్దరూ బైక్‌పై కూర్చోగా.. ఆ టైంలోనూ ఆ రాక్షసులు వాళ్లతో వాగ్వాదానికి దిగారు. చివరకు యువతీయువకుడు చేతులెత్తి బతిమాలడంతో.. వాళ్లను అక్కడి నుంచి పోనిచ్చారు. అయితే ఆ తర్వాత ఏం జరిగిందనే దానిపై స్పష్టత లేకుండా పోయింది.ఈ వీడియోలు బయటకు రావడం, వైరల్‌ కావడంతో.. ఘటనపై సోషల్‌ మీడియాలో తీవ్ర ఆగ్రహం వ్యక్తమవుతోంది. మోరల్‌ పోలీసింగ్‌ పేరుతో ఎవరినీ వేధించే లేదంటే మహిళపై అసభ్యంగా ప్రవర్తించే హక్కు ఎవరికీ లేదని పలువురు పేర్కొంటున్నారు. వీడియోలో కనిపిస్తున్న వ్యక్తులను గుర్తించి వెంటనే చర్యలు తీసుకోవాలని డిమాండ్‌ చేస్తున్నారు.తాజా ఘటన బిహార్‌లోని జమూయి ప్రాంతంలో జరిగినట్లు తెలుస్తోంది. ఇదే రీజియన్‌లో ఈ మధ్యకాలంలో జరిగిన మూడో ఘటన ఇది. దీంతో నెటిజన్లు అక్కడి పోలీసులపై తీవ్ర స్థాయిలో మండిపడుతున్నారు. వాళ్లది ముమ్మాటికీ ఆ యువతిని రేప్‌ చేసే ఉద్దేశంగా కనిపిస్తోందంటూ కామెంట్లు చేస్తున్నారు. మహిళను బలవంతంగా పట్టుకోవడం, ఆమెతో అసభ్యంగా ప్రవర్తించడం వంటి చర్యలపై చట్టపరంగా కఠిన చర్యలు తీసుకోవాలని నెటిజన్లు కోరుతున్నారు. మహిళల భద్రతపై ఇలాంటి ఘటనలు మరోసారి ఆందోళన కలిగిస్తున్నాయని పేర్కొంటున్నారు.ప్రేమజంటలను అడ్డుకోవడం, వేధించడం, దాడి చేయడం పేరేదైనా.. చట్టాన్ని చేతుల్లోకి తీసుకోవడం నేరమే. మహిళను చుట్టుముట్టి బలవంతంగా ఎత్తుకెళ్లేందుకు ప్రయత్నించడం, అసభ్యంగా ప్రవర్తించడం మరింత తీవ్రమైన అంశమంటూ పలువురు ఆగ్రహం వ్యక్తం చేస్తున్నారు. మరీ ముఖ్యంగా మోరల్‌ పోలీసింగ్‌ పేరిట ఇలా ప్రవర్తించడం రేపిస్టుల మనస్తత్వమని ఏకిపారేస్తున్నారు. సదరు వీడియోపై బిహార్‌ పోలీసులు ఇంకా స్పందించాల్సి ఉంది. ఇదీ చదవండి: మనుషులా? మానవ మృగాలా?

జోధ్‌పూర్‌: భారతదేశ భూభాగంపై తొలిసారిగా జపాన్‌ యుద్ధ విమానాలు కార్యకలాపాలు నిర్వహించడం భారత్, జపాన్‌ మధ్య రక్షణ సహకారంలో ఒక ప్రధాన మైలురాయి అని ఎయిర్‌ చీఫ్‌ మార్షల్‌ అమర్‌ప్రీత్‌ సింగ్‌ చెప్పారు. ఆదివారం రాజస్థాన్‌లోని జైపూర్‌ ఎయిర్‌ఫోర్స్‌ స్టేషన్‌లో భారత్, జపాన్‌ యుద్ధ విమానాలు సంయుక్తంగా విన్యాసాలు నిర్వహిస్తున్నాయి. ఈ నెల 9న ప్రారంభయైన ఈ కార్యక్రమం 22న ముగుస్తుంది. స్వదేశీ తేజస్, ఎస్‌యూ–30ఎంకేఐ, రఫేల్‌ సహా భారత వైమానిక దళానికి చెందిన అగ్రశ్రేణి విమానాలు, అలాగే జపాన్‌ వైమానిక స్వీయ–రక్షణ దళానికి చెందిన ఎఫ్‌–2ఈ యుద్ధ విమానాలు సంయుక్తంగా వీర్‌ గార్డియన్‌–2026 పేరిట జరిగిన వైమానిక విన్యాసాల్లో పాల్గొన్నాయి. జపాన్‌ వాయుసేన స్వీయ–రక్షణ దళం చీఫ్‌ ఆఫ్‌ స్టాఫ్‌ జనరల్‌ టకేహిరో మోరితా సైతం ఇందులో భాగస్వాములయ్యారు. టకేహిరో మోరితా ఒక పైలట్‌తో కలిసి తేజస్‌ ఫైటర్‌ జెట్‌ను నడిపారు. ఎయిర్‌ చీఫ్‌ మార్షల్‌ అమర్‌ప్రీత్‌ సింగ్‌ ఒంటరిగా మరో తేజస్‌ జెట్‌ను నడపడం విశేషం. పరస్పర గౌరవం, భాగస్వామ్యానికి చిహ్నంగా ఇద్దరు వైమానిక దళాధిపతులు బ్యాడ్జ్‌లను మార్చుకున్నారు. భారత్‌కు జపాన్‌ యుద్ధ విమానాలను పంపడం అనేది ఇరుదేశాల మధ్య రక్షణ సహకారానికి ప్రతీక అని టకేహిరో మోరితా చెప్పారు.

లక్నో: ఉత్తరప్రదేశ్‌లో బీజేపీ పాలన కాలంలో 151 బీఆర్‌ అంబేడ్కర్‌ విగ్రహాలు నేలమట్టమయ్యాయని సమాజ్‌వాదీ పార్టీ(ఎస్పీ)చీఫ్‌ అఖిలేశ్‌ యాదవ్‌ తీవ్ర ఆరోపణలు చేశారు. 72 జిల్లాల్లో చోటుచేసుకున్న ఈ ఘటనలకు సంబంధించి బీజేపీ ప్రభుత్వం ఇప్పటి వరకు 14 మందిని మాత్రమే అరెస్ట్‌ చేసిందని ఆయన తెలిపారు. రాజ్యాంగాన్ని మార్చేందుకు ప్రయత్నించి, విఫలమైన బీజేపీయే ఉద్దేశపూర్వకంగా వీటిని కూల్చివేసిందని ఆరోపించారు. అఖిలేశ్‌ ఆదివారం లక్నోలో మీడియాతో మాట్లాడారు. ‘‘ గత 15 ఏళ్ల బీజేపీ పాలనాకాలంలో మొత్తంగా 151 అంబేడ్కర్‌ విగ్రహాలు పాక్షికంగా లేదా పూర్తిగా ధ్వంసమయ్యాయి. మొత్తంగా చూస్తే ఏడాదికి 15 విగ్రహాల చొప్పున నాశనంచేశారు. 45 ఘటనల్లో గుర్తు తెలియని వ్యక్తులపై కేసులు నమోదయ్యాయి. 84 కేసుల్లో ఎటువంటి చర్యలు తీసుకోలేదు. లెక్కలోకి రాని ఘటనలు చాలా ఉన్నాయి. బీజేపీ, ఆ పార్టీ సిద్ధాంతాలను అనుసరించే వారు ముందుగా దేశ రాజ్యాంగాన్నే లక్ష్యంగా చేసుకుంటారని పేర్కొన్నారు. రాజ్యాంగం, అంబేడ్కర్, ఆయన అనుచరులంటే బీజేపీకి ఎటువంటి గౌరవం లేదు’’అని అఖిలేశ్‌ విమర్శించారు. అయోధ్య రామాలయం నిధులను సక్రమంగా వినియోగించుకోవడం, పక్కదారి పట్టకుండా చూడటమే అసలైన సనాతన ధర్మమని బీజేపీపై విరుచుకుపడ్డారు. యూపీలో పేపర్‌ లీకేజీలు పెరిగాయన్నారు. వచ్చే ఎన్నికల్లో ప్రతి అసెంబ్లీ నియోజకవర్గంలోనూ బీజేపీకి 27 వేల వరకు ఓట్లను తగ్గించేందుకు కృషి చేస్తున్నామని అఖిలేశ్‌ చెప్పారు. ప్రతి నియోజకవర్గం నుంచి తమ పార్టీకి అదనంగా 27 వేల ఓట్లు పడేలా కార్యాచరణను రూపొందించినట్లు వివరించారు.

న్యూఢిల్లీ: పర్యావరణ పరిరక్షణకు దేశ అత్యున్నత న్యాయస్థానం గణనీయమైన కృషి చేస్తున్నట్లు సుప్రీంకోర్టు న్యాయమూర్తి జస్టిస్‌ బీవీ నాగరత్న చెప్పారు. మానవ కేంద్రీకృత విధానం నుంచి పర్యావరణ కేంద్రీకృత విధానానికి సుప్రీంకోర్టు మారుతోందని ఆమె వ్యాఖ్యానించారు. పర్యావరణ సంబంధిత తీర్పు అనేది ముందుచూపుతో కూడిన ప్రక్రియ అని స్పష్టంచేశారు. భవిష్యత్తుపై సరైన స్పృహతో వర్తమానంలో చర్యలు తీసుకోవాల్సిన బాధ్యత కోర్టులపై ఉందని సూచించారు.ఢిల్లీలోని విజ్ఞాన్‌ భవన్‌లో నేషనల్‌ గ్రీన్‌ ట్రిబ్యునల్‌(ఎన్‌జీటీ) ఆధ్వర్యంలో ఆదివారం ‘పర్యావరణం, వాతావరణ గతిశీలత భవిష్యత్తు’ అనే అంశంపై రెండు రోజుల పాటు జరిగిన అంతర్జాతీయ సదస్సు ముగింపు సమావేశంలో జస్టిస్‌ నాగరత్న ప్రసంగించారు. పర్యావరణ చట్టం అనేది ప్రకృతిని ఆస్తిగా, సరుకుగా లేదా వనరుగా పరిగణించే ధోరణిని విడిచిపెట్టాలని పేర్కొన్నారు. మానవులు ప్రకృతిలో అంతర్భాగమేనని భారతీయ సంప్రదాయాలు ఎప్పటినుంచో చాటిచెబుతున్నాయని గుర్తుచేశారు. ప్రకృతికి ఎవరూ అతీతం కాదని వ్యాఖ్యానించారు. ఇటీవలి కాలంలో సుప్రీంకోర్టు సహా అనేక న్యాయస్థానాలు పర్యావరణ న్యాయం అనే భావనకు నిర్దిష్టమైన అర్థాన్ని ఇవ్వడంలో కీలకంగా వ్యవహరించాయని అన్నారు. అభివృద్ధితోపాటు పర్యావరణ పరిరక్షణపై కచ్చితంగా దృష్టి పెట్టాలని పిలుపునిచ్చారు. అభివృద్ధికి, పర్యావరణ పరిరక్షణకు మధ్య, ప్రస్తుత అవసరాలకు, భవిష్యత్‌ ప్రయోజనాలకు మధ్య సమన్వయం తప్పనిసరిగా ఉండాలని తేల్చిచెప్పారు.ఇదీ చ‌ద‌వండి: కాపాడాల్సింది పోయి.. కాజేశాడు

వయనాడ్‌: అక్రమార్కుల నుంచి స్వాదీనం చేసుకున్న సరుకును జాగ్రత్తగా భద్రపర్చాల్సిన ఓ పోలీసు కక్కుర్తిపడ్డాడు. పోలీస్‌గా రక్షించాల్సిందిపోయి ఏకంగా దొంగతనం చేశాడు. గుట్టుచప్పుడు కాకుండా ఆ సరుకును కొట్టేశాడు. చివరికి సస్పెన్షన్‌కు గురయ్యాడు. కేరళంలోని వయనాడ్‌లో ఈ ఘటన చోటుచేసుకుంది. జూన్‌ 7న సుల్తాన్‌ బతేరీ సమీపంలోని దొట్టప్పన్‌కుళం వద్ద పోలీసులు అక్రమంగా నిల్వ ఉంచిన నిషేధించిన పొగాకు ఉత్పత్తులను స్వా«దీనం చేసుకున్నారు. ఇందుకు సంబంధించిన ఏడు పెద్ద సంచుల నిండా పొగాకు ఉత్పత్తులను కోర్టు ఆదేశాల మేరకు సుల్తాన్‌ బతేరి పోలీస్‌ స్టేషన్‌లోని ఓ గదిలో భద్రపరిచారు. అదే పోలీస్‌ స్టేషన్‌లో విధులు నిర్వహిస్తున్న హెడ్‌ కానిస్టేబుల్‌ టి.సబిత్‌ వీటిపై కన్నేశాడు. రాత్రి ఎవరూ లేని సమయంలో స్టేషన్‌ రైటర్‌ డెస్క్ లో ఉన్న తాళం చెవితో ఆ గదిని తెరిచాడు. అందులో పొగాకు ఉత్పత్తులున్న సంచులన్నింటనీ తన కారులో తీసుకెళ్లి వేరే వ్యక్తికి విక్రయించేశాడు. ఏమీ తెలియనట్టుగా విధులకు హాజరవుతున్నాడు. సెపె్టంబర్‌ 10వ తేదీన గదిని తనిఖీ చేయగా చోరీ విషయం బయటపడింది. గది తాళం యథా ప్రకారం ఉండటంతో ఇది ఇంటి దొంగల పనేనని అధికారులు అనుమానించారు. సీసీటీవీ ఫుటేజీని పరిశీలించడంతో హెడ్‌ కానిస్టేబుల్‌ సబిత్‌ నిర్వాకం బయటపడింది. సబిత్‌ను వెంటనే సస్పెండ్‌ చేశారు. అరెస్ట్‌చేసేలోపే పరారైన అతని కోసం ప్రత్యేక బృందం రంగంలోకి దిగి 10 రోజులపాటు వెంటాడి ఎట్టకేలకు ఆదివారం ఎర్నాకులం జిల్లాలో పట్టుకున్నారు.

న్యూఢిల్లీ: ముగ్గురు భారతీయ టెక్నాలజీ నిపుణులు ‘ఓపెన్‌ ఏఐ’ వ్యవస్థలను విజయవంతంగా హ్యాక్‌ చేశారు. ఆంత్రోపిక్‌కు సంబంధించిన క్లాడ్‌ టూల్స్‌ ఉపయోగించి ఓపెన్‌ ఏఐ సిస్టమ్స్‌లోకి ప్రవేశించారు. అందులోని లోపాన్ని గుర్తించారు. కృత్రిమ మేధ సేవలు అందించే ‘ఓపెన్‌ ఏఐ’ఇటీవల నిర్వహించిన ‘బగ్‌–»ౌంటీ’ ప్రోగ్రామ్‌లో భాగంగానే వారు ఈ వ్యవస్థలను హ్యాక్‌ చేశారు. ఈ ముగ్గురు టెక్‌ నిపుణులు మోహన్‌ పెద్దపాటి, హర్ష్ జైశ్వాల్, రాహుల్‌ మియానీ సైబర్‌ సెక్యూరిటీ స్టార్టప్‌ ‘హ్యాక్‌ట్రాన్‌ ఏఐ’లో పనిచేస్తున్నారు. వీరిలో మోహన్‌ పెద్దపాటి తెలుగు యువకుడే కావడం విశేషం. ఈ ముగ్గురూ ‘బగ్‌–బౌంటీ’లో భాగంగా ఓపెన్‌ ఏఐ ఉద్యోగుల ఖాతాలను, అలాగే ఆ కంపెనీ ప్రైవేట్‌ గిట్‌హబ్‌ ఎన్విరాన్‌మెంట్‌ను యాక్సెస్‌ చేయగలిగారు. ఓపెన్‌ ఏఐ ప్రైవేట్‌ రిపోజిటరీకి యాక్సెస్‌ పొంది, లోపాన్ని కనిపెట్టినందుకు ముగ్గురు నిపుణుల బృందానికి 6,500 డాలర్ల(రూ.5.5 లక్షలు) బçహుమతి లభించింది. మోహన్‌ పెద్దపాటి హ్యాక్‌ట్రాన్‌ ఏఐకి సంబంధించిన సీటీఓ, సహ వ్యవస్థాపకుడు. వెబ్‌ ఎక్స్‌ప్లాయిటేషన్, సోర్స్‌కోడ్‌ రివ్యూ, మొబైల్‌ అప్లికేషన్‌ సెక్యూరిటీలో నైపుణ్యం కలిగిన సెక్యూరిటీ పరిశోధకుడు. ఆంధ్రప్రదేశ్‌లో నూజివీడు ట్రిపుల్‌ ఐటీలో కంప్యూటర్‌ సైన్స్‌ అభ్యసించాడు.

సాక్షి, చెన్నై: నాగర్‌కోయిల్‌–బెంగళూరు ఎక్స్‌ ప్రెస్‌ రైలుకు ఆదివారం ఉదయం పెను ప్రమా దం తప్పింది. తమిళనాడు ధర్మపురి జిల్లాలోని ముత్తంపట్టి–శివాడి స్టేషన్ల మధ్య ఉన్న పర్వత మార్గంలో బెంగళూరుకు ప్రయాణిస్తుండగా కొండచరియల నుండి దొర్లుకుంటూ వచ్చిన ఒక బండరాయి ఇంజన్‌ భాగంలో రైలు చక్రాల వద్ద ఉన్న షాక్‌ అబ్జార్బర్‌ను బలంగా ఢీకొట్టింది. భారీ శబ్దం వచ్చిన వెంటనే డ్రైవర్‌ బ్రేక్‌ వేశాడు. రైలు వేగం తక్కువగా ఉండడం, డ్రైవర్‌ సమయస్ఫూర్తితో పెను ప్రమాదం తప్పింది. వేకువజామున కురిసిన భారీ వర్షాల కారణంగా కొండచరియలు విరిగి ట్రాక్‌పైకి బండ రాయి దొర్లుకొచ్చిందని సమాచారం. కాగా, దెబ్బతిన్న రైలును వెంటనే సమీపంలోని ధర్మపురి స్టేషన్‌కు తరలించారు. సాంకేతిక నిపుణులు దెబ్బతిన్న భాగాలకు మరమ్మతు చేయడంతో, రైలు అరగంట ఆలస్యంగా బెంగళూరుకు బయలుదేరింది. కొండల మధ్య ఉన్న ఈ రైల్వే లైన్‌లో వర్షాకాలంలో కొండచరియలు విరిగిపడకుండా మూడు అంచెల వైర్‌ మెష్‌ (రక్షణ కంచె) నిర్మించే పనులు జరుగుతున్నాయి. రాయి పడిన ప్రాంతంలో కంచె లేకపోవడం ఘటనకు కారణం. ధర్మపురి రైల్వే పోలీసులు కేసు నమోదు చేసి దర్యాప్తు చేస్తున్నారు.

సాక్షి, న్యూఢిల్లీ: దేశవ్యాప్తంగా జరుగుతున్న ఓటర్ల జాబితాల ప్రత్యేక సవరణ (ఎస్‌ఐఆర్‌) ప్రక్రియ ముసుగులో కేంద్ర ప్రభుత్వం భారీ కుట్రకు తెరతీసిందని కాంగ్రెస్‌ ఆరోపించింది. కోట్ల మంది అర్హులైన ఓటర్ల పేర్లను జాబితాల నుంచి అధికారులు అక్రమంగా తొలగిస్తున్నారని కాంగ్రెస్‌ ప్రధాన కార్యదర్శి జైరాం రమేశ్‌ విమర్శించారు. ‘‘కేంద్ర హోంమంత్రి అమిత్‌ షా కనుసన్నల్లోనే ఈ తతంగం నడుస్తోంది. ఎస్‌ఐఆర్‌ అంటే స్పెషల్‌ ఇంటెన్సివ్‌ రివిజన్‌. కానీ ఇప్పుడు అది షా ప్రోద్భలంతో జరుగుతున్న ఓట్ల తొలగింపు(షా ఇన్‌స్టిగేటెడ్‌ రిమూవల్‌­–ఎస్‌ఐఆర్‌) ప్రక్రియగా తయారైంది’’ అని ఆయన వ్యాఖ్యానించారు. ‘‘ఎస్‌ఐఆర్‌ తొలి రెండు దశల్లోనే ఏకంగా 7.8 కోట్ల మంది ఓటర్ల పేర్లను తొలగించారు. ఎస్‌ఐఆర్‌ ప్రక్రియ ప్రారంభానికి ముందున్న మొత్తం ఓటర్లలో ఇది దాదాపు 13 శాతానికి సమానం. మూడో దశలోనూ భారీ ఎత్తున ఓట్ల గల్లంతు జరుగుతోంది. మూడో దశలో 12 రాష్ట్రాలు, రెండు కేంద్ర పాలిత ప్రాంతాల్లోని 36.06 కోట్ల మంది ఓటర్లను పరిశీలించగా, అందులో ఇప్పటికే 6.18 కోట్ల మంది పేర్లను తొలగించారు. ఓటరు జాబితాలో పేర్లను కొనసాగించుకోవాలంటే అదనపు పత్రాలు సమరి్పంచాలంటూ మరో 5.43 కోట్ల మందికి ఎన్నికల సంఘం నోటీసులు జారీ చేసింది. సరైన సమయంలో ఈ పత్రాలు సమరి్పంచకపోతే ఈ 15 శాతం మంది ఓటర్ల పేర్లు గల్లంతయ్యే ప్రమాదముంది’’ అని జైరాం ఆందోళన వ్యక్తంచేశారు. బీజేపీ పాలిత రాష్ట్రాల్లో గోప్యత ‘‘ఈ ప్రక్రియలో పారదర్శకత పూర్తిగా లోపించింది. కర్ణాటక, తెలంగాణ, జార్ఖండ్‌ లాంటి రాష్ట్రాల్లో తొలగింపు ప్రమాదం ఉన్న ఓటర్ల జాబితాలను ప్రజలకు అందుబాటులో ఉంచగా, ఢిల్లీలో ప్రజల ఒత్తిడి మేరకు సెపె్టంబర్‌ 19న విడుదల చేశారు. బీజేపీ పాలిత రాష్ట్రాల్లో ఈ జాబితాలను కనీసం బహిర్గతం చేయకుండా గోప్యంగా ఉంచారు’’ అని దుయ్యబట్టారు. వివిధ రాష్ట్రాల్లో ఓట్లు కోల్పోయిన, తొలగింపు ప్రమాదం ఉన్న ఓటర్ల గణాంకాలను జైరాం రమేశ్‌ వెల్లడించారు. ఈ జాబితాలో ఢిల్లీ 53.73 శాతం ఓట్ల తొలగింపు ముప్పుతో తొలి స్థానంలో ఉండగా, చండీగఢ్‌ 52.58 శాతంతో రెండో స్థానంలో నిలిచింది. తెలంగాణలో ఏకంగా 48.90 శాతం మంది పేర్లు గల్లంతవడమో, నోటీసులు అందుకోవడమో జరిగి జాబితాలో మూడో స్థానంలో ఉందని వెల్లడించారు. జార్ఖండ్‌లో 39.57 శాతం, హరియాణాలో 37.5 శాతం, ఉత్తరాఖండ్‌లో 35.71 శాతం, మేఘాలయలో 35.36 శాతం, మహారాష్ట్రలో 33.88 శాతం ఓట్లకు గండం పొంచి ఉందని వివరించారు. కర్ణాటకలో 27.6 శాతం, ఒడిశాలో 23.67 శాతం, ఆంధ్రప్రదేశ్‌లో 21.17 శాతం, పంజాబ్‌లో 15.23 శాతం మేర ఓటర్లు జాబితా నుంచి గల్లంతయ్యే ప్రమాదంలో ఉన్నారని ఆరోపించారు. అద్వానీకి సర్‌ నోటీసు కేంద్ర మంత్రి జైశంకర్, ఢిల్లీ సీఎం రేఖా గుప్తాకు కూడా న్యూఢిల్లీ: ఢిల్లీలో చేపట్టిన ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌) సర్వేలో పలువురు ప్రముఖులకు సైతం నోటీసులు జారీ అయ్యాయి. బీజేపీ దిగ్గజ నేత, మాజీ ఉప ప్రధాని ఎల్‌కే అద్వానీకి సైతం ఎస్‌ఐఆర్‌ నోటీస్‌ వచి్చంది. సర్‌ కింద అందజేసిన ధ్రువీకరణ పత్రాల్లో వ్యత్యాసాలున్నాయని, మరిన్ని ఆధారాలను సమర్పించాలని అధికారులు వారిని కోరారు. 98 ఏళ్ల అద్వానీతోపాటు ఆయన కుమార్తె ప్రతిభ, కోడలు గీతికలకూ ఈ నోటీసులు అందాయి. 2002 నాటి సర్‌ ఓటరు జాబితాలో వీరి పేర్లు లేవని పేర్కొన్నారు. మాజీ ఉపరాష్ట్రపతి జగదీప్‌ ధన్‌ఖడ్, ప్రస్తుత ఎలక్షన్‌ కమిషనర్‌ సుఖ్బీర్‌ సింగ్‌ సంధూ, విదేశాంగ మంత్రి ఎస్‌.జై శంకర్, ఆయన భార్య క్యోకో, విదేశాంగ శాఖ కార్యదర్శి విక్రమ్‌ మిస్రీ, మాజీ జవహర్‌లాల్‌ నెహ్రూ విశ్వవిద్యాలయ వైస్‌ఛాన్స్‌లర్‌ జగదీశ్‌ కుమార్, మాజీ ఢిల్లీ లెఫ్టినెంట్‌ గవర్నర్‌ నజీబ్‌ జంగ్, మాజీ నీతి ఆయోగ్‌ ఉపాధ్యక్షుడు అరవింద్‌ పనగరియా, సెబీ ఛైర్మన్‌ తుహిన్‌ కాంత పండే, సీబీఐ డైరెక్టర్‌ ప్రవీణ్‌ సూద్, ఢిల్లీ మాజీ ఉపముఖ్యమంత్రి మనీశ్‌ సిసోడియా, ఢిల్లీ ముఖ్యమంత్రి రేఖా గుప్తాలకు సైతం ఎస్‌ఐఆర్‌ నోటీసులు వచ్చాయి. సిసోడియా, భార్య సీమ, కుమారుడు మీర్‌కూ నోటీసులందాయి. తల్లిదండ్రుల పేర్లలో వ్యత్యాసాలున్నాయంటూ మీర్‌కు పంపిన నోటీసులో పేర్కొన్నారు. సిసోడియా భార్య సీమకు పంపిన నోటీసులో ధ్రువీకరణ పత్రాలతో ఆమె పేరు సరిపోలడం లేదని పేర్కొన్నారు. ఢిల్లీలో నోటీస్‌లు అందుకున్న వాళ్ల పేర్లన్నీ ఢిల్లీ శాసనసభ పరిధిలో ఉన్నట్లు తెలుస్తోంది. మాజీ ఆర్మీ చీఫ్‌కు సైతం.. భారత ఆర్మీ మాజీ చీఫ్‌ ఉపేంద్ర ద్వివేది, ఆయన భార్యకు సైతం ఎస్‌ఐఆర్‌ నోటీసులు వచ్చాయి. మంత్రి ఎస్‌. జైశంకర్, సుప్రీంకోర్టు మాజీ ప్రధాన న్యాయమూర్తి జస్టిస్‌ రంజన్‌ దేశాయ్, ఆయన కుటుంబసభ్యులకు, ఆమ్‌ ఆద్మీ పార్టీ చీఫ్‌ కేజ్రీవాల్‌కూ ఈసీ అధికారులు ఎస్‌ఐఆర్‌ నోటీసులు అందజేశారు.

వాడియా: నిరక్షరాస్యత, అజ్ఞానం, పేదరికం, కరువు కాటకాలు, ఉపాధి అవకాశాలు లేకపోవడం మహిళల పాలిటి శాపంగా మారుతున్నాయి. బతుకు తెరువు కోసం బలవంతంగా వ్యభిచార వృత్తిలోకి దిగాల్సి వస్తోంది. చిన్న వయసులోనే మనసు చంపుకొని పరాయి పురుషులకు ఒళ్లు అప్పగించాల్సిన దుస్థితి ఎదురవుతోంది. గుజరాత్‌ రాష్ట్రం బనస్కాంత జిల్లాలోని వాడియా గ్రామంలో దశాబ్దాలుగా ఈ అనాచారం కొనసాగుతోంది. ఇదొక గిరిజన గ్రామం. అహ్మదాబాద్‌కు 200 కిలోమీటర్ల దూరంలో ఉంటుంది. గ్రామ జనాభా 750 కాగా, వీరిలో 350 మంది మహిళలు. దాదాపు అందరూ పడుపు వృత్తిలో∙కొనసాగుతున్నారు. భర్తలు, కుటుంబ సభ్యులే వారిని ప్రోత్సహిస్తుంటారు. ఏజెంట్లుగా మారి విటులను తీసుకొస్తుంటారు. నిత్యం ఉదయాన్ని రోడ్డు పక్కన నిలబడి విటులతో బేరమాడే దృశ్యాలు ఇక్కడ సర్వసాధారణం. దీంతో వాడియాకు ‘వ్యభిచారుల గ్రామం’గా పేరు స్థిరపడింది. వ్యభిచారం నుంచి తప్పించుకోవాలంటే ఒకే ఒక్క మార్గం చిన్న వయసులో నిశ్చితార్థం చేసుకోవడం. తమ బిడ్డలను ఈ రొంపిలోకి దింపడం ఇష్టపడని తల్లులు వారికి 7 నుంచి 13 ఏళ్లలోపే పొరుగు గ్రామాల పురుషులతో నిశ్చితార్థం జరిపిస్తుంటారు. నిశ్చితార్థం జరిగినవారు, పెళ్లి చేసుకున్నవారు ఈ వృత్తికి ప్రవేశించడానికి అనుమతి లేదు. 18 ఏళ్లలోపు వివాహాలు జరుగుతుంటాయి. అంటే ఇవన్నీ బాల్య వివాహాలే. వాడియా గ్రామంలో వ్యభిచారం తరతరాలుగా కొనసాగుతుండడం గమనార్హం. సామూహిక నిశ్చితార్థాలు, వివాహాలు వాడియాలో వ్యభిచారం నుంచి మహిళలను తప్పించడానికి కొన్ని స్వచ్ఛంద సంస్థలు కృషి చేశాయి. వారికి ఉపాధి అవకాశాలు కల్పించే ప్రయత్నాలు జరిగాయి. కొందరు స్వయం ఉపాధితో జీవితాలు మార్చుకున్నారు. మరికొందరు మాత్రం అదే వృత్తిలో కొనసాగుతున్నారు. కొందరికి ప్రభుత్వం నుంచి భూములు ఇప్పించినప్పటికీ కరువు వల్ల పంటల సాగు చేయలేని పరిస్థితి. 2012లో కీలక పరిణామం చోటుచేసుకుంది. ఎన్జీఓలు వాడియాలో సామూహిక నిశ్చితార్థాలు, వివాహాలకు శ్రీకారం చుట్టాయి. బాలికలను చేరదీసి నిశ్చితార్థాలు జరిపించాయి. దాంతో గ్రామంలో కొంత మార్పు వచి్చనట్లు స్థానికులు చెప్పారు. వ్యభిచారం మాత్రం అంతం కాలేదని అన్నారు. ‘వ్యభిచారుల గ్రామం’ అన్న చెడ్డపేరు తొలగిపోలేదని ఆవేదన వ్యక్తంచేశారు. అసలు తండ్రి ఎవరో.. వాడియాలో 19 ఏళ్ల ఓ యువతి తన దీనగాథ వినిపించింది. ఆమె అమ్మమ్మ, అమ్మ వ్యభిచారంలోనే మగ్గిపోయారు. అనారోగ్యం పాల య్యేదాకా ఒళ్లమ్ముకున్నారు. ఆ యువతికి మాత్రం ఈ వృత్తి ఇష్టం లేదు. విటులు తమ ఇంటికి రావడం చూస్తూ పెరిగింది. తన అసలు తండ్రి ఎవరో కూడా తెలియదని చెప్పింది. చదువుపై ఇష్టంతో పాఠశాలలో చేరింది. 11 ఏళ్లకు ఆమెకు నిశ్చితార్థం జరిపించారు. నర్సింగ్‌ విద్య పూర్తిచేసింది. 18 ఏళ్లకు వివాహం జరిగింది. వ్యభిచారానికి దూరంగా మెరుగైన జీవితం కోసం ఆరాటపడుతోంది.

సాక్షి, చెన్నై: నటుడు అజిత్‌కుమార్‌ అభిమా­ను­లు కొత్త రాజకీయ పార్టీని ప్రకటించారు. తమిళగ మక్కల్‌ కళగం (తమిళనాడు పీపుల్స్‌ పా­ర్టీ) పేరుతో ఈ కొత్త రాజకీయ పార్టీని ఆది­వారం ప్రకటించారు. అజిత్‌ అభిమానులు కల్లకురిచి జిల్లాలోని ఉలందూరుపేటలో పార్టీ జెండాను ఆవిష్కరించారు. పా­ర్టీ వ్యవస్థాపక అధ్యక్షుడిగా ఆబిత్, రాష్ట్ర కార్యదర్శిగా రామ్‌కుమార్, కోశాధికారిగా మహమ్మద్‌ షా నియమితులయ్యారు. అజిత్‌ రాజకీయాల్లోకి వ­స్తే బాధ్యతలు స్వీకరించేందుకు వీలుగా రా­ష్ట్ర ప్రధాన కార్యదర్శి పదవిని ఖాళీగా ఉంచారు.

సాక్షి, చెన్నై: తమిళనాడులోని మధురైలో అరగంటకు పైగా ఓ విమానం ఆకాశంలో చక్కర్లు కొట్టింది. ల్యాండింగ్‌ సమయంలో వాతావరణం అనుకూలించక పోవడంతోనే ఈ పరిస్థితి ఏర్పడింది. వంద మందితో ముంబై నుంచి మధురైకు ఆదివారం మధ్యాహ్నం విమానం బయలు దేరింది. ఇది 3.20 గంటలకు మధురై విమానాశ్రయంలో ల్యాండ్‌ అవ్వాల్సి ఉంది. అయితే ఆ సమయంలో హఠాత్తుగా ఉరుములు, మెరుపులు, ఈదురు గాలులతో కూడిన వర్షం పడింది. దీంతో విమానం ల్యాండింగ్‌కు పైలట్లు సాహసించలేదు. ఫలితంగా ఆ విమానం మధురై నుంచి విరుదునగర్‌ వైపుగా గాల్లో అరగంటకు పైగా చక్కర్లు కొట్టింది. కాసేపు ఒకే చోట విమానం ఆగినట్టుగా చూసిన ప్రజలు భయపడ్డారు. క్రమంగా గాలి తీవ్రత, వర్షం తగ్గుముఖం పట్టడంతో సాయంత్రం 4 గంటలకు పైలట్లు సురక్షితంగా ఆ విమానాన్ని ల్యాండ్‌ చేశారు.

కృత్రిమ మేధ (ఏఐ) విప్లవానికి పాత కాగిత పుస్తకాలే కీలక ఇంధనంగా మారుతున్నాయి. ఓపెన్‌ ఏఐ, మెటా, ఆంత్రోపిక్‌ వంటి టెక్‌ దిగ్గజాలు వేల సంఖ్యలో పాత పుస్తకాలను టోకున కొనుగోలు చేస్తూ వాటిని ఏఐ పరిపుష్టి కోసం విధ్వంసకరంగా వాడుతుండటం ఆందోళన కలిగిస్తోంది. బ్రూక్లిన్‌కు చెందిన బుక్‌బాబ్‌ వంటి హోల్‌సేల్‌ దుకాణాల నుంచి ఒక్కో విడతలో 50 వేల నుంచి లక్ష వరకు పాత పుస్తకాలను ఏఐ కంపెనీలు సేకరిస్తున్నట్లు సమాచారం.పాత పుస్తకాలే ఎందుకు?ఇంటర్నెట్‌లో నాణ్యత లేని, ఏఐ రూపొందించిన సమాచారం పెరిగిపోవడంతో ‘మోడల్‌ కొలాప్స్‌’ముప్పు ఏర్పడుతోంది. ఒక ఏఐ లార్జ్‌ లాంగ్వేజ్‌ మోడల్‌ తన పనితీరును, తెలివితేటలను శాశ్వతంగా కోల్పోయి పనికిరాకుండా పోయే పరిస్థితే ఇది. ఈ సమస్య నుంచి గట్టెక్కడానికి ఆయా కంపెనీలు ఒక ఉపాయం ఆలోచించాయి. అదేమిటంటే.. 2022కి ప్రచురితమైన పుస్తకాలన్నీ పూర్తిగా మానవ మేధస్సును ఉపయోగించి మాత్రమే రాసినవి కావడంతో వాటిపై ఆధారపడాలని నిర్ణయించాయి. అయితే ఆయా పుస్తక రచయితలు, ప్రచురణ సంస్థల నుంచి కాపీరైట్‌ దావా లు పెరుగుతున్నాయి. దీంతో ఏఐ కంపెనీల కన్ను ఇప్పటివరకు ఆన్‌లైన్‌లో అందుబాటులోకి రాని, దశాబ్దాల నాటి పాత పుస్తకాలపై పడింది. సెకండ్‌ హ్యాండ్‌ పుస్తక షాపుల నుంచి అలాంటి పాత పుస్తకాలను చట్టబద్ధంగా కొనుక్కొనే అవకాశం ఉండటంతో ఏఐ కంపెనీలు ఈ చవకైన మార్గాన్ని ఎంచుకుంటున్నాయి. ప్రాజెక్ట్‌ పనామా పేరిట ఏఐ సంస్థ ఆంత్రోపిక్‌ ఏకంగా 1.9 లక్షల పాత పుస్తకాలను సేకరించింది. 20 లక్షల భౌతిక పుస్తకాలను సెకండ్‌ హ్యాండ్‌ మార్కెట్ల నుంచి కొనుగోలు చేయాలని ఆంత్రోపిక్‌ లక్ష్యంగా పెట్టుకున్నట్లు ఆ ప్రాజెక్టుకు వ్యతిరేకంగా కోర్టుల్లో దాఖలైన పత్రాలు పేర్కొంటున్నాయి. ఇలా లక్షలాదిగా సేకరించిన పుస్తకాల బైండింగ్‌ను హైడ్రాలిక్‌ కట్టింగ్‌ మెషీన్లతో కత్తిరించి లక్షలాది విడి పేజీలను హైస్పీడ్‌ పారిశ్రామిక స్కానర్లలో వేస్తున్నారు. నిమిషాల వ్యవధిలో పేజీలన్నీ స్కాన్‌ అయ్యాక కాగితాలను మెషీన్లలో వేసి స్క్రాప్‌గా మార్చి రీసైక్లింగ్‌కు పంపుతున్నారు. ఈ ప్రక్రియను పుస్తక ప్రేమికులు డిస్ట్రక్టివ్‌ స్కానింగ్‌గా పిలుస్తున్నారు. దీనివల్ల పాత పుస్తకాలు శాశ్వతంగా అంతరించిపోతున్నాయంటున్నారు.

ఒంటరిగా భోజనం చేయటం వల్ల మానసిక సమస్యలు తలెత్తే ప్రమాదం ఉందని తాజా అంతర్జాతీయ పరిశోధనలు స్పష్టం చేస్తున్నాయి. అదే సమయంలో, కలిసి భోజనం చేసే అలవాటు మానసిక ఆరోగ్యానికి ఎంతో మేలు చేస్తుందని పరిశోధకులు చెబుతున్నారు.ఒక్కరే భోంచేస్తే నష్టాలివే..⇒ మానసిక ఒత్తిడి: నిరంతరం ఒంటరిగా తినడం వల్ల ఒంటరితనం, ఆందోళన, డిప్రెషన్‌ పెరిగే అవకాశం ఉంది.⇒ ఆరోగ్యకరమైన అలవాట్లకు దూరం: ఒంటరిగా తినేవారు ప్రాసెస్‌ చేసిన ఆహారాన్ని ఎక్కువగా తీసుకోవడం, స్క్రీన్‌ చూస్తూ సరిగ్గా నమలకుండా తినడం వంటివి చేస్తుంటారు.⇒ మెదడుపై ప్రభావం: నిరంతరం ఒంటరిగా తినేవారిలో జ్ఞాపకశక్తికి సంబంధించిన మెదడు భాగాలు (హిప్పోక్యాంపస్‌) కుదించుకుపోతున్నట్లు గుర్తించారు.కలిసి తినడం వల్ల లాభాలు⇒ ఫీల్‌ గుడ్‌ హార్మోన్లు: కుటుంబం లేదా స్నేహితులతో తిన్నప్పుడు మెదడులో ఎండార్ఫిన్లు, ఆక్సిటోసిన్‌ విడుదలయి ఒత్తిడిని తగ్గిస్తాయి.⇒ డిప్రెషన్‌కి చెక్‌: జపాన్‌లో 65–74 ఏళ్ల వారిపై చేసిన అధ్యయనంలో.. ఒకే ఇంట్లో ఉన్నప్పటికీ రోజూ ఒంటరిగా తినే వృద్ధుల్లో డిప్రెషన్‌ ముప్పు ఎక్కువగా ఉన్నట్లు తేలింది.⇒ వరల్డ్‌ హ్యాపీనెస్‌ రిపోర్ట్‌: 1.5 లక్షల మందిపై జరిపిన విశ్లేషణ ప్రకారం, ఇతరులతో తరచూ భోజనం పంచుకునే వారిలో జీవిత సంతృప్తి, భావోద్వేగ స్థిరత్వం అధికంగా ఉంటోంది.మొత్తానికి, డిజిటల్‌ యుగంలో నేరుగా కలుసుకోవడం తగ్గుతున్న తరుణంలో, రోజుకు కనీసం ఒక్క పూట అయినా సహోద్యోగులు లేదా కుటుంబ సభ్యులతో కలిసి తినడం మానసిక ఉల్లాసానికి, అనుబంధాల బలానికి అత్యంత ఆవశ్యకం అని పరిశోధనలు తేల్చేశాయి.

భోజ్‌పురి నటి కాజల్‌ రాఘవాణి పాల్గొన్న కార్యక్రమంలో భారీగా జనం గుమిగూడడంతో బిహార్‌లోని బిహార్‌ షరీఫ్‌లో గందరగోళ పరిస్థితి ఏర్పడింది. నగల దుకాణం ప్రారంభోత్సవానికి వచ్చిన కాజల్‌ను చూసేందుకు అభిమానులు పెద్ద సంఖ్యలో చేరుకున్నారు. పరిస్థితి అదుపు తప్పడంతో ఆమెను అక్కడి నుంచి సురక్షితంగా బయటకు తరలించారు. అనంతరం తాను క్షేమంగానే ఉన్నానని కాజల్‌ సామాజిక మాధ్యమాల ద్వారా వెల్లడించారు.కాజల్‌ రాఘవాణి నగల దుకాణం ప్రారంభోత్సవానికి ముఖ్య అతిథిగా హాజరయ్యారు. ఆమె రాకతో దుకాణం వద్ద అభిమానుల సంఖ్య భారీగా పెరిగింది. నటి ఫొటోలు, సెల్ఫీలు తీసుకునేందుకు పలువురు ప్రయత్నించడంతో అక్కడ తోపులాట మొదలైంది. జనాన్ని నియంత్రించడం నిర్వాహకులు, భద్రతా సిబ్బందికి కష్టంగా మారింది.పరిస్థితి మరింత ఉద్రిక్తంగా మారడంతో షోరూమ్‌ నిర్వాహకుడు, భద్రతా సిబ్బంది కాజల్‌ను అక్కడి నుంచి బయటకు తీసుకెళ్లేందుకు ప్రయత్నించారు. డ్రైవర్‌ గేట్‌ ద్వారా ఆమెను బయటకు తీసుకెళ్లినట్లు సమాచారం. మరోవైపు, కాజల్‌ ఉందని భావించి ఓ కారుపై జనం దాడి చేయడంతో దాని అద్దాలు దెబ్బతిన్నాయి. కాజల్‌ ఆ కారులో ఉన్నారా లేదా అనే విషయంలో వివరాలు భిన్నంగా ఉన్నాయి. అయితే ఆమెను సురక్షితంగా తరలించినట్లు జాతీయ మీడియా కథనాలు ధ్రువీకరిస్తున్నాయి.ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి. కాజల్‌ తర్వాత వీడియో విడుదల చేసి తాను క్షేమంగా ఉన్నానని అభిమానులకు తెలిపారు. తనకు మద్దతుగా నిలిచిన వారికి కృతజ్ఞతలు చెబుతూ, ఇదే ఆదరణ కొనసాగించాలని కోరారు.కార్యక్రమానికి పరిపాలనా అనుమతి తీసుకున్నారా లేదా అనే అంశంపైనా వివాదం మొదలైంది. అనుమతి తీసుకోలేదని పోలీసులు చెబుతుండగా, జిల్లా అధికారులకు కార్యక్రమం గురించి లేఖ ద్వారా సమాచారం ఇచ్చామని, సెప్టెంబర్‌ 17న అనుమతి కోసం దరఖాస్తు చేశామని షోరూమ్‌ నిర్వాహకుడు చెబుతున్నట్లు నివేదికలు పేర్కొన్నాయి. ఈ వ్యవహారంపై నిర్వాహకులకు నోటీసు ఇవ్వనున్నట్లు పోలీసులు తెలిపారు.కాజల్‌ రాఘవాణి 2013లో ‘రిహై’ చిత్రంతో భోజ్‌పురి సినిమాల్లోకి ప్రవేశించారు. ఇప్పటివరకు 50కుపైగా చిత్రాల్లో నటించారు. తాజాగా ‘భోజ్‌పురి బవాల్‌’లో పాల్గొన్న ఆమె.. త్వరలో ‘రైజ్‌ అండ్‌ ఫాల్‌ 2’లో కనిపించనున్నారు. View this post on Instagram A post shared by Kajal Sharda🦋 (@kajalraghwani)

బెంగళూరులో రద్దీగా ఉన్న రహదారిపై ఓ మహిళా బైకర్‌ చేసిన పని ఇప్పుడు సామాజిక మాధ్యమాల్లో చర్చనీయాంశంగా మారింది. ట్రాఫిక్‌లో ఆటో నడుపుతున్న మరో మహిళను గమనించిన బైకర్‌ అలీషా అన్సారీ.. ఆమెకు చాక్లెట్‌ పంపించి, ఆమె శ్రమను అభినందించారు. మహిళలు ఒకరికొకరు అండగా నిలవచ్చని చెప్పేలా ఈ ఘటన నిలిచింది.అలీషా తన సామాజిక మాధ్యమ ఖాతాలో ఈ ఘటనకు సంబంధించిన వీడియోను పోస్ట్‌ చేశారు. భారీ ట్రాఫిక్‌ మధ్య బైక్‌పై వెళ్తున్న ఆమెకు సమీపంలో ఓ మహిళ ఆటో నడుపుతూ కనిపించారు. వెంటనే తన బైక్‌పై ఉన్న బ్యాగ్‌ నుంచి ఓ చాక్లెట్‌ను తీసుకున్నారు.ఆ చాక్లెట్‌ను నేరుగా ఇవ్వడానికి అవకాశం లేకపోవడంతో పక్కనే ఉన్న ద్విచక్ర వాహనదారుడి సాయాన్ని అలీషా కోరారు. అతను చాక్లెట్‌ను తీసుకుని ఆటోలో ఉన్న మహిళకు అందించారు. తన చిన్న బహుమతి ఆమెకు చేరిందని నిర్ధారించుకున్న తర్వాత అలీషా బొటనవేలు పైకెత్తి అభినందనలు తెలిపారు.అనంతరం కెమెరా వైపు తిరిగిన అలీషా.. కష్టమైన పనులను ఎంచుకుని తమ పిల్లలు, కుటుంబాలు, తల్లిదండ్రుల కోసం శ్రమించే మహిళల గురించి మాట్లాడారు. ఈ వీడియోకు “మహిళలైనా, పురుషులైనా.. ప్రతి ఒక్కరి శ్రమ ప్రత్యేకమే” అన్నారు.సాధారణంగా బెంగళూరు ట్రాఫిక్‌ అంటే హారన్‌లు, తొందరపాటు, అసహనం కనిపించే పరిస్థితి. అలాంటి రద్దీలో ఇద్దరు అపరిచిత మహిళల మధ్య జరిగిన ఈ చిన్న సంఘటన నెటిజన్లను ఆకట్టుకుంది. పెద్ద బహుమతి కాకపోయినా, ఎదుటివారి కష్టాన్ని గుర్తించి ప్రోత్సహించడం ముఖ్యమని పలువురు స్పందించారు. ఈ వీడియోకు వచ్చిన స్పందనలు.. గజిబిజి జీవితంలో చిన్నపాటి దయ, పరస్పర ప్రోత్సాహం కూడా ఇతరులపై సానుకూల ప్రభావం చూపగలదనే విషయాన్ని మరోసారి వెలుగులోకి తెచ్చాయి. View this post on Instagram A post shared by Alisha Ansari | Fitness & rider influencer | Bangalore (@dimple_with_dumbbell)

బిహార్‌లోని అలీనగర్‌ ఎమ్మెల్యే, జానపద గాయని మైథిలీ ఠాకూర్‌ (26) ఖరీదైన రోల్స్‌ రాయిస్‌ కారులో కనిపించడంతో సామాజిక మాధ్యమాల్లో ట్రోలింగ్‌ ఎదుర్కొన్నారు. ఈ వ్యవహారంపై బీజేపీ ఎంపీ కంగనా రనౌత్‌ స్పందిస్తూ మైథిలీకి మద్దతుగా నిలిచారు.మైథిలీ ఠాకూర్‌ 2025లో రాజకీయాల్లోకి ప్రవేశించారు. ప్రస్తుతం బిహార్‌లోని అలీనగర్‌ నియోజకవర్గానికి ఎమ్మెల్యేగా ఉన్నారు. ఇటీవల పంచాయత్‌ ఆజ్‌తక్‌ కార్యక్రమంలో తన నియోజకవర్గంలో చేస్తున్న పనుల గురించి ఆమె మాట్లాడారు. ఇదే సమయంలో ఆమెపై సామాజిక మాధ్యమాల్లో విమర్శలు, ట్రోలింగ్‌ మొదలైంది.మైథిలీ సుమారు రూ.13 కోట్ల విలువైన రోల్స్‌ రాయిస్‌ కారులో కనిపించారు. దీనికి సంబంధించిన ఫొటోలు, వీడియోలు వైరల్‌ అయ్యాయి. ఎమ్మెల్యేగా ఎన్నికైన తర్వాతే ఆమె ఈ కారును కొనుగోలు చేశారంటూ పలువురు పోస్టులు చేశారు. అయితే ఆ కారుకు యజమాని ఎవరో మాత్రం ధ్రువీకరించలేదు.ఎన్నికల అఫిడవిట్‌లో మైతిలీ ఒక హోండా యాక్టివా స్కూటర్‌, రూ.3 నికర ఆస్తులను ప్రకటించారు. దీంతో కొన్ని నెలల్లోనే రూ.13 కోట్ల కారును ఎలా కొనుగోలు చేశారంటూ సామాజిక మాధ్యమాల్లో ప్రశ్నలు, ట్రోలింగ్‌ మొదలయ్యాయి. అయితే కారును ఆమె కొనుగోలు చేశారనే విషయాన్ని ఏ ప్రముఖ సంస్థ కూడా నిర్ధారించలేదు.ఈ ట్రోలింగ్‌పై కంగనా రనౌత్‌ ఇన్‌స్టాగ్రామ్‌ స్టోరీ ద్వారా స్పందించారు. “మేము ప్రజలకు సేవ చేయడానికి రాజకీయాల్లోకి వచ్చాం. కానీ మాకు ఉద్యోగం, వృత్తి, జీవితం, ప్రజాదరణ కూడా ఉన్నాయి” అని ఆమె పేర్కొన్నారు. ప్రజల డబ్బును వాడాలన్న ఆసక్తి తమకు లేదని, అయితే రాజకీయాల్లో ఉన్నవారు ఎప్పుడూ పేదరికంలోనే, ఎలాంటి సౌకర్యాలు లేకుండా ఉండాలని ఆశించడం తర్కరహితమని అన్నారు.మైథిలీపై జరుగుతోన్న చర్చలో ప్రధానంగా కారు యాజమాన్యం, ఆమె ఎన్నికల అఫిడవిట్‌లో ప్రకటించిన ఆస్తుల వివరాలపైనే ప్రశ్నలు కొనసాగుతున్నాయి. కారు యజమాని గురించి స్పష్టత వచ్చే వరకు ఈ అంశంపై వస్తున్న వాదనలను నిర్ధారిత వాస్తవాలుగా చూడలేం.Bihar MLA Maithili Thakur, who declared a Honda Activa and ₹3 net worth in her election affidavit, arrived in a ₹13 crore Rolls Royce. Ownership remains unconfirmed. https://t.co/QxgulIqrzq— 🚨Indian Gems (@IndianGems_) September 20, 2026

ఇటీవల కేంద్రప్రభుత్వం చేపట్టిన ఎస్‌ఐఆర్‌ ప్రక్రియ పలు వివాదాలకు దారితీసిన సంగతి తెలిసిందే. ఆధారాలు సరిపోలడం లేదంటూ ప్రముఖులకు సైతం ఎన్నికల సంఘం నోటీసులు ఇవ్వడం వారు మాకే నోటిసులిస్తారా అంటూ ఎన్నికల సంఘాన్ని ప్రశ్నించడం ఇలా ఈ అంశం వివాదాస్పదమవుతూ వచ్చింది. అయితే ఈ సారి ఆ జాబితాలో ఏకంగా భారత విదేశాంగ శాఖ మంత్రి చేరారు. గతంలో ఇచ్చిన వివరాలతో ప్రస్తుత వివరాలు సరిపోవడం లేదంటూ ఎన్నికల సంఘం ఆయనకు నోటీసులు జారీ చేసింది.ఢిల్లీలో చేపట్టిన ప్రత్యేక ఓటర్ల జాబితా సవరణ (SIR) ప్రక్రియలో పలువురు ప్రముఖులకు ఎన్నికల సంఘం నోటీసులు జారీ చేసింది. కేంద్ర మంత్రి ఎస్. జైశంకర్, ఆయన భార్య క్యోకో జైశంకర్, మాజీ ఆర్మీ చీఫ్ జనరల్ ఉపేంద్ర ద్వివేది, ఆయన భార్య సునీత ద్వివేది, సీబీఐ డైరెక్టర్ ప్రవీణ్ సూద్, ఆయన కుటుంబ సభ్యులు నోటీసులు అందుకున్న వారిలో ఉన్నారు. ప్రస్తుత ఓటరు వివరాలను 2002లో జరిగిన గత సవరణలోని రికార్డులతో అనుసంధానం చేయలేకపోవడం లేదా పేర్లు, కుటుంబ వివరాల్లో తేడాలు ఉండటమే ఇందుకు కారణాలుగా ఎన్నికల సంఘం అధికారులు పేర్కొన్నారు.జైశంకర్ దంపతులు, ప్రవీణ్ సూద్ కుటుంబ సభ్యులు, జనరల్ ఉపేంద్ర ద్వివేది దంపతులను “అన్‌మ్యాప్డ్ విత్ లాస్ట్ SIR” విభాగంలో చేర్చారు. అంటే ప్రస్తుత ఓటరు జాబితాలోని వారి వివరాలను గత SIR సమయంలో రూపొందించిన ఓటరు జాబితాతో అనుసంధానం చేయలేకపోయినట్లు అర్థం. వీరంతా న్యూఢిల్లీ అసెంబ్లీ నియోజకవర్గ పరిధిలో ఓటర్లుగా నమోదై ఉన్నారు. అయితే నోటీసు అందుకోవడం వల్ల ఓటు హక్కు రద్దయిందని లేదా ఓటరు జాబితా నుంచి పేరు తొలగిస్తారని అర్థం కాదని ఢిల్లీ ఎన్నికల ప్రధాన అధికారి స్పష్టం చేశారు.మాజీ ఢిల్లీ ఉపముఖ్యమంత్రి మనీష్ సిసోడియా, ఆయన కుటుంబ సభ్యులకు సైతం నోటీసులు వచ్చాయి. సిసోడియా భార్య సీమా సిసోడియా వివరాల్లో పేరుకు సంబంధించిన తేడాను, కుమారుడు మీర్ సిసోడియా రికార్డులో తల్లిదండ్రుల పేరుకు సంబంధించిన తేడాను అధికారులు గుర్తించారు. మాజీ సుప్రీంకోర్టు న్యాయమూర్తి రంజనా దేశాయ్, ఆమె భర్త ప్రకాశ్ దేశాయ్, కుమారుడు మైక్ దేశాయ్, కోడలు సాక్షి దేశాయ్ పేర్లు కూడా “అన్‌మ్యాప్డ్” విభాగంలో ఉన్నాయి. సీపీఎం ఎంపీ జాన్ బ్రిట్టాస్ కుటుంబ సభ్యులకూ వివిధ కారణాలతో నోటీసులు జారీ అయ్యాయి.పలువురు సీనియర్ అధికారులు కూడా SIR నోటీసులు అందుకున్నారు. విదేశాంగ కార్యదర్శి విక్రమ్ మిస్రీ, సెబీ చైర్మన్ తుహిన్ కాంత పాండే, ప్రధానమంత్రి ప్రిన్సిపల్ సైంటిఫిక్ అడ్వైజర్ అజయ్ కుమార్ సూద్, ఆరోగ్య శాఖ కార్యదర్శి పుణ్య సలిల శ్రీవాస్తవ తదితరులను “అన్‌మ్యాప్డ్ విత్ లాస్ట్ SIR” కేటగిరీలో చేర్చారు. మరికొందరు అధికారుల రికార్డుల్లో పేరు లేదా కుటుంబ వివరాలకు సంబంధించిన తేడాలను అధికారులు గుర్తించారు.ఎన్నికల సంఘం ప్రకారం, నోటీసులు అందుకున్న ఓటర్లు సంబంధిత ఎన్నికల నమోదు అధికారికి తమ వివరణతో పాటు అవసరమైన పత్రాలను సమర్పించాల్సి ఉంటుంది. వాటిని పరిశీలించిన అనంతరం అధికారి తగిన నిర్ణయం తీసుకుంటారు. ఎవరి పేరునూ విచారణకు అవకాశం ఇవ్వకుండా తొలగించబోమని, నిర్ణయం కారణాలతో కూడినదిగా మరియు అప్పీల్ చేసుకునే అవకాశం ఉండేలా ఉంటుందని ఢిల్లీ ఎన్నికల ప్రధాన అధికారి తెలిపారు. నోటీసుల పరిష్కార ప్రక్రియను అక్టోబర్ 29లోగా పూర్తి చేసి, తుది ఓటరు జాబితాను నవంబర్ 4న ప్రచురించనున్నట్లు తెలిపారు.

తీర్థయాత్రకు వెళ్లిన పంజాబ్‌కు చెందిన ఓ వృద్ధుడు దారి తప్పి తన ఇంటికి వందల కిలోమీటర్ల దూరంలో ఉన్న గయకు చేరుకున్నాడు. ఓ వ్యక్తి చాట్‌జీపీటీ సాయంతో చివరకు ఆయనను కుటుంబంతో కలిపారు. లుధియానా జిల్లాలోని ఫతేగఢ్ గుజ్రాన్ గ్రామానికి చెందిన చమన్ లాల్ సెప్టెంబర్ 11న పంజాబ్ ప్రభుత్వం అమలు చేస్తున్న ముఖ్యమంత్రి తీర్థయాత్ర పథకం ద్వారా హర్మందిర్ సాహిబ్‌ను దర్శించేందుకు అమృత్‌సర్ వెళ్లారు.అయితే, ఆయనకు కొంతకాలంగా జ్ఞాపక శక్తికి సంబంధించిన సమస్యలు ఉన్నాయని కుటుంబ సభ్యులు తెలిపారు. అమృత్‌సర్‌లో ఎక్కడో ఆయన తన బృందం నుంచి తప్పిపోయి.. చివరకు రైల్వే స్టేషన్ సమీపంలోకి చేరుకున్నారు. అక్కడి నుంచి బిహార్ వెళ్లే రైలు ఎక్కి.. ఇంటికి 1,200 కిలోమీటర్లకు పైగా దూరంలోని గయకు చేరుకున్నారు.అక్కడే గయకు చెందిన నీరజ్ ఆయనను మొదట గమనించాడు. చమన్ లాల్ ఆందోళనగా.. ఆకలితో కనిపించడంతో పాటు తాను ఎవరో ఎక్కడి నుంచి వచ్చారో కూడా సరిగ్గా చెప్పలేకపోయారు. ఆయన చెప్పగలిగిన ఏకైక సమాచారం తన గ్రామం పేరు ఫతేగఢ్ గుజ్రాన్. నీరజ్ ఆయనను తన ఇంటికి తీసుకెళ్లి భోజనం పెట్టి.. ఆశ్రయం కల్పించారు. కుటుంబంతో కలిసి నాలుగు రోజుల పాటు ఆయనను చూసుకున్నాడు. అదే సమయంలో ఆ వృద్ధుడి కుటుంబాన్ని ఎలా గుర్తించాలా? అని ప్రయత్నించాడు.చమన్ లాల్ కేవలం పంజాబీ మాత్రమే మాట్లాడటం నీరజ్‌కు తొలి ఆధారంగా మారింది. గ్రామం పేరును ఆధారంగా చేసుకుని అది పంజాబ్‌లో ఎక్కడ ఉందో తెలుసుకునేందుకు ఆన్‌లైన్‌లో శోధించడం ప్రారంభించాడు. ఇందుకోసం చాట్‌ జీపీటీతో పాటు సాధారణ ఇంటర్నెట్ సెర్చ్‌లను కూడా ఉపయోగించాడు. మూడు రోజుల పాటు సాగిన శోధన చివరకు ఫలించింది. లుధియానా జిల్లాలోని మచ్చివారా సాహిబ్ సమీపంలో ఫతేగఢ్ గుజ్రాన్ అనే గ్రామం ఉన్నట్లు ఆయన గుర్తించాడు. గ్రామం ఆచూకీ లభించిన తర్వాత.. చమన్ లాల్‌ను ఒంటరిగా పంపకుండా నీరజ్ స్వయంగా ఆయనతో కలిసి గయ నుంచి లుధియానా వరకు, అక్కడి నుంచి మచ్చివారా వరకు ప్రయాణించాడు.మచ్చివారాలో నీరజ్ చమన్ లాల్ ఫొటోను స్థానికులకు చూపిస్తూ.. ఎవరైనా ఆయనను గుర్తుపడతారేమోనని ప్రయత్నించాడు. అప్పుడు ఆ ప్రాంతానికి చెందిన కృష్ణన్ లాల్ ఆ వృద్ధుడిని గుర్తించారు. వెంటనే కుటుంబ సభ్యులకు సమాచారం చేరింది. చమన్ లాల్ మనవడు సుఖ్‌చైన్ సింగ్ మచ్చివారాకు చేరుకుని.. ఆయన తన తాతేనని నిర్థారించాడు. అమృత్‌సర్‌లో చమన్ లాల్ కోసం కుటుంబ సభ్యులు విస్తృతంగా గాలించారని.. పోలీసులకు కూడా సమాచారం ఇచ్చామని సుఖ్‌చైన్ సింగ్ తెలిపారు.గ్రామస్తులు, బంధువులు ఆయన ఫొటోను సోషల్ మీడియాలో విస్తృతంగా షేర్ చేసి.. ఎక్కడైనా ఆయన కనిపిస్తే సమాచారం అందించాలని కోరారు. తన తాతను సురక్షితంగా చూసుకోవడంతో పాటు, గయ నుంచి పంజాబ్ వరకు స్వయంగా తీసుకొచ్చి ఇంటికి చేర్చిన నీరజ్‌కు సుఖ్‌చైన్ సింగ్ కృతజ్ఞతలు తెలిపారు.అనంతరం చమన్ లాల్ కుటుంబ సభ్యులు నీరజ్‌ను తమ ఇంటికి ఆహ్వానించి, పూలమాలలు వేసి సత్కరించారు. ఆయనకు నగదు, దుస్తులు కూడా అందించారు. గయాలో నిర్మాణ రంగంలో పనిచేసే నీరజ్ మాట్లాడుతూ.. ఇబ్బందుల్లో ఉన్న వృద్ధుడిని చూసి తాను అలా వెళ్లిపోలేకపోయానని చెప్పారు. గ్రామం పేరు తెలిసిన తర్వాత ఆయన కుటుంబాన్ని కనిపెట్టడం తన వ్యక్తిగత బాధ్యతగా భావించానని తెలిపారు.ఇదీ చదవండి: సినిమా రేంజ్‌లో.. బస్సు హైజాక్‌!

నందిగ్రామ్‌లో వరుసగా చోటుచేసుకున్న పరిణామాలను చూస్తే.. ఇది కేవలం ఓ ఉప ఎన్నికకు సంబంధించిన పరిణామంగా మాత్రమే కనిపించడం లేదు. తృణమూల్‌ కాంగ్రెస్‌లో అంతర్గత సంక్షోభం, పార్టీ పేరు-గుర్తుపై ఎన్నికల సంఘం నిర్ణయం, మమతా బెనర్జీ వర్గం అభ్యర్థి పోటీ నుంచి తప్పుకోవడం, వెంటనే కాంగ్రెస్‌ అభ్యర్థి మిలన్‌ ప్రధాన్‌కు మద్దతు ప్రకటించడం, ఆ తర్వాతే 2007 నందిగ్రామ్‌ కేసుల్లో ఆయన అరెస్టు కావడం.. ఇవన్నీ ఒకదాని వెంట ఒకటి జరగడంతో నందిగ్రామ్‌ రాజకీయ ప్రాధాన్యం మరింత పెరిగింది.మిలన్‌ అరెస్టుకు పెండింగ్‌లో ఉన్న 4 నాన్‌-బెయిలబుల్‌ వారెంట్లే కారణమని పోలీసులు చెబుతుండగా, అరెస్టు చేసిన సమయాన్ని కాంగ్రెస్‌, మమతా వర్గాలు ప్రశ్నిస్తున్నాయి. బీజేపీ మాత్రం ఇది న్యాయ ప్రక్రియలో భాగమేనని చెబుతోంది. గతంలో పరస్పరం తీవ్రంగా పోరాడిన రెండు పార్టీల మధ్య నందిగ్రామ్‌ వేదికగా ఏర్పడిన అసాధారణ రాజకీయ సమీకరణాన్ని సూచిస్తోంది. అక్టోబర్‌ 6న జరగనున్న పోలింగ్‌ వరకు మిలన్‌ ప్రధాన్‌ బెయిల్‌ పొందుతారా, కాంగ్రెస్‌ ఆయన గైర్హాజరీలో ప్రచారాన్ని ఎలా కొనసాగిస్తుంది, కాంగ్రెస్‌కు మమతా మద్దతు ఎంతవరకు కొనసాగుతుంది, ఈ పరిణామాలు తృణమూల్‌ అంతర్గత సంక్షోభంపై ఎలాంటి ప్రభావం చూపుతాయన్నదే ఇప్పుడు నందిగ్రామ్‌లో కీలకంగా మారింది.కాంగ్రెస్‌ అభ్యర్థికి మమత మద్దతు పశ్చిమ బెంగాల్‌లోని నందిగ్రామ్‌ అసెంబ్లీ నియోజకవర్గ ఉప ఎన్నికలో కాంగ్రెస్‌ అభ్యర్థి మిలన్‌ ప్రధాన్‌కు తృణమూల్‌ కాంగ్రెస్‌ అధినేత్రి మమతా బెనర్జీ మద్దతు ప్రకటించారు. అక్టోబర్‌ 6న జరగనున్న ఉప ఎన్నిక బరిలో తమ వర్గం నుంచి నిలబెట్టిన సంచిత ప్రధాన్‌ పోటీ నుంచి తప్పుకున్న కొన్ని గంటలకే మమత ఈ నిర్ణయం తీసుకున్నారు.మిలన్‌ ప్రధాన్‌కు మద్దతు ప్రకటించిన మమత.. కాంగ్రెస్‌ను సోదర పార్టీ, సహజ మిత్రపక్షంగా అభివర్ణించారు. దేశ ప్రయోజనాల దృష్ట్యా, ఇండియా కూటమిని బలోపేతం చేయడానికే ఈ నిర్ణయం తీసుకున్నట్లు తెలిపారు. బెంగాల్‌ నుంచి ప్రతిపక్ష కూటమి భవిష్యత్తుపై సందేశం ఇవ్వాలనుకుంటున్నట్లు పేర్కొన్నారు.నందిగ్రామ్‌తో పాటు రెజినగర్‌ ఉప ఎన్నిక నేపథ్యంలో తృణమూల్‌ కాంగ్రెస్‌లో అంతర్గత వివాదం నెలకొంది. ఈ వివాదం నేపథ్యంలో ఎన్నికల సంఘం తృణమూల్‌ కాంగ్రెస్‌ పేరు, సంప్రదాయ ‘గడ్డి పువ్వు’ గుర్తును స్తంభింపజేసింది. మమతా బెనర్జీ వర్గానికి, అసమ్మతి వర్గానికి వేర్వేరు పేర్లు, గుర్తులను కేటాయించింది.మిలన్‌ ప్రధాన్‌ నందిగ్రామ్‌ భూసేకరణ ఉద్యమానికి సంబంధించిన 2007 కేసులో మమత మద్దతు ప్రకటించిన కొద్దిసేపటికే అరెస్టయ్యారు. అనంతరం ఆయనను జైలుకు పంపారు. కాంగ్రెస్‌ నేతలు ఈ అరెస్టును విమర్శించారు. రాహుల్‌ గాంధీ దీనిని రాజకీయ కక్ష సాధింపుగా అభివర్ణిస్తూ పార్టీ పోరాడుతుందని అన్నారు.కాంగ్రెస్‌ సీనియర్‌ నేత అధీర్‌ రంజన్‌ చౌధురి మాత్రం తాజా పరిణామాన్ని తక్షణ రాజకీయ సఖ్యతగా చూడొద్దని అన్నారు. మరోవైపు, బెంగాల్‌ ప్రదేశ్‌ కాంగ్రెస్‌ అధ్యక్షుడు శుభంకర్‌ సర్కార్‌ మద్దతును స్వాగతించారు. బీజేపీ రాష్ట్ర అధ్యక్షుడు సామిక్‌ భట్టాచార్య మాత్రం కాంగ్రెస్‌, తృణమూల్‌ మధ్య సాధ్యమైన అవగాహనను తిరస్కరించారు.నందిగ్రామ్‌ ఉప ఎన్నిక ఫలితాలు అక్టోబర్‌ 6న జరగనున్న పోలింగ్‌ తర్వాత వెలువడనున్నాయి. ఈ ఉప ఎన్నికలో తాజా రాజకీయ సమీకరణాలు ఎలా ప్రభావం చూపుతాయన్నది తదుపరి కీలక అంశంగా మారింది.

హిమాచల్‌ప్రదేశ్‌లోని మండీకి చెందిన నేహా ఠాకూర్‌ చిన్నప్పటి నుంచి ఉన్న భారీ ట్రక్కులపై ఆసక్తిని వృత్తిగా మార్చుకున్నారు. గ్రాడ్యుయేషన్‌ తర్వాత చండీగఢ్‌లో విమాన సహాయకురాలి శిక్షణ తీసుకున్నప్పటికీ, చివరకు ట్రక్‌ డ్రైవింగ్‌నే వృత్తిగా ఎంచుకున్నారు. ప్రస్తుతం ఆమె హిమాచల్‌ప్రదేశ్‌ తొలి మహిళా ట్రక్ డ్రైవర్‌గా గుర్తింపు పొందారు.నేహాకు చిన్నప్పటి నుంచే పెద్ద టైర్లు, భారీ ట్రక్కులంటే ఆసక్తి ఉండేది. ఆమె తండ్రి కూడా ట్రక్ డ్రైవర్‌ కావడంతో ఆయన పనితీరు, కష్టపడే విధానం నేహాపై ప్రభావం చూపాయి. తండ్రి తరచూ ట్రక్‌లోనే ఆమెను పాఠశాలకు తీసుకెళ్లేవారు. 2022లో ట్రక్ నడపాలని నేహా నిర్ణయించుకున్నప్పుడు ఆమె తండ్రి పూర్తి మద్దతు ఇచ్చారు. అప్పటి నుంచి ఆమె ట్రక్ డ్రైవింగ్‌ ప్రారంభించారు. ఆ నిర్ణయంతో హిమాచల్‌ప్రదేశ్‌లో తొలి మహిళా ట్రక్ డ్రైవర్‌గా నిలిచారు.అయితే అంతకుముందు నేహా మరో వృత్తి వైపు అడుగులు వేశారు. గ్రాడ్యుయేషన్‌ పూర్తి చేసిన తర్వాత చండీగఢ్‌కు వెళ్లి విమాన సహాయకురాలి వృత్తిపరమైన శిక్షణ తీసుకున్నారు. విమానయాన రంగంలో కొనసాగేందుకు అవకాశం ఉన్నప్పటికీ, తనకు చిన్నప్పటి నుంచి ఉన్న ట్రక్ డ్రైవింగ్‌ ఆసక్తినే ఎంచుకున్నారు. ఈ నిర్ణయానికి కుటుంబం కూడా మద్దతు ఇచ్చింది.ట్రక్ నడపడమే కాకుండా తన రోజువారీ జీవితాన్ని కూడా నేహా సామాజిక మాధ్యమాల్లో వీడియోల రూపంలో పంచుకుంటున్నారు. వర్షం, ఎండ వంటి వాతావరణ పరిస్థితులతో సంబంధం లేకుండా ట్రక్‌కు సంబంధించిన వీడియోలను ఆమె షేర్‌ చేస్తున్నారు. ట్రక్‌ ప్రారంభమైన వెంటనే తన కెమెరా కూడా ప్రారంభమవుతుందని ఆమె ఓ వీడియోలో చెప్పింది. ప్రస్తుతం నేహా ట్రక్ డ్రైవింగ్‌ అనుభవాలు, రోజువారీ ప్రయాణాలను వీడియోల ద్వారా షేర్‌ చేస్తున్నారు. దీంతో ఆమె వృత్తి ప్రయాణం సామాజిక మాధ్యమాల్లో మరింతగా దృష్టిని ఆకర్షిస్తోంది. View this post on Instagram A post shared by Instagram’s @Creators (@creators)

ముంబై: ముంబై కోస్టల్‌ రోడ్డుపై ఇవాళ (ఆదివారం) తెల్లవారుజామున ఘోర ప్రమాదం జరిగింది. అతివేగంగా దూసుకెళ్లిన బీఎండబ్ల్యూ కారు అదుపుతప్పి బ్రిడ్జి గోడను ఢీకొట్టి కింద పడిపోయింది. ఈ ప్రమాదంలో ముగ్గురు అక్కడికక్కడే మృతి చెందగా.. మరో యువకుడు తీవ్ర గాయాలతో ఆస్పత్రిలో చికిత్స పొందుతున్నాడు.బీఎండబ్ల్యూ కారు మెరైన్‌ డ్రైవ్‌ నుంచి హాజీఅలీ వైపు కోస్టల్‌ రోడ్డుపై వెళ్తుండగా ఈ ఘటన చోటుచేసుకుంది. అతివేగం కారణంగా కారు నడుపుతున్న వ్యక్తి నియంత్రణ కోల్పోయినట్లు పోలీసులు తెలిపారు. కారు ముందుగా బ్రిడ్జి గోడను ఢీకొట్టి.. అక్కడి నుంచి కిందకి పడిపోయింది. ప్రమాదం జరిగిన ప్రాంతంలో కార్ల పార్కింగ్‌ పనులు జరుగుతున్నాయి. ప్రమాదంపై తెల్లవారుజామున 5:20 గంటల సమయంలో కోస్టల్‌ రోడ్‌ కంట్రోల్‌ రూమ్‌కు సమాచారం అందింది. కారులో ఉన్న నలుగురినీ వెంటనే నాయర్‌ ఆస్పత్రికి తరలించారు. అయితే వైద్యులు ముగ్గురు అప్పటికే మృతి చెందినట్లు నిర్థారించారు.మృతులను షనాయ్‌ గజ్జల్‌(21), ధైర్య దర్శన్‌ సేథ్‌(17), ఆదిత్య జకాస్నియా(19)గా గుర్తించారు. తీవ్రంగా గాయపడిన ఆదిత్య కల్పేశ్వర్‌ ఓస్వాల్‌(23)కు ఐసీయూలో చికిత్స అందిస్తున్నారు. అతని పరిస్థితి విషమంగా ఉన్నట్లు వైద్యులు తెలిపారు. ప్రమాదానికి అసలు కారణం ఏమిటన్న దానిపై పోలీసులు దర్యాప్తు చేపట్టారు.Three killed, one injured as speeding BMW crashes on Coastal Road in Mumbai.#Mumbai #BMWcrash pic.twitter.com/Mt0fXslLdN— Ravinder Singh (@ravindraJourno) September 20, 2026ఇదీ చదవండి: హైదరాబాద్‌లో ఒరిగిన భవనం.. ఎలా కూల్చేశారంటే..

వల్సాడ్: గుజరాత్‌లోని వల్సాడ్ జిల్లా వాపీ పారిశ్రామిక ప్రాంతంలో ఆశ్చర్యకర ఘటన చోటుచేసుకుంది. అక్కడ ఉన్న ఒక కంపెనీ ప్రాంగణంలో విషరహిత పాము ఒకటి అపస్మారక స్థితిలో పడి ఉండటాన్ని గుర్తించి రెస్క్యూ చేశారు. ఆ సమయంలో ఆ పాము శరీరంలో ఎలాంటి కదలికలు లేకపోవడంతో పాటు దాని పరిస్థితి విషమంగా మారింది. సాధారణంగా పాము కనిపిస్తే భయంతో దూరంగా పరుగులు తీసే పరిస్థితుల్లో, అక్కడ కనిపించిన దృశ్యం అందరినీ ఆశ్చర్యపరిచింది.అపస్మారక స్థితిలో ఉన్న పామును చూసిన జంతు ప్రేమికుడు సంజయ్ పవార్ వెంటనే స్పందించారు. మూగజీవి ప్రాణాన్ని కాపాడేందుకు ఆయన వెంటనే దానికి సీపీఆర్ (కార్డియోపల్మోనరీ రిససిటేషన్) ప్రక్రియను ప్రారంభించారు. తన నోటితో ఆ పాము నోట్లోకి గాలిని ఊదుతూ కొంత సమయం పాటు నిరంతరం శ్వాస అందించే ప్రయత్నం చేశారు. ఆయన ప్రయత్నం ఫలించి, కాసేపటికి పాము శరీరంలో మెల్లగా కదలికలు మొదలయ్యాయి.సంజయ్ పవార్ అందించిన అత్యవసర సాయంతో పాము ప్రాణాపాయం నుంచి బయటపడటంతో అక్కడున్న వారంతా ఊపిరి పీల్చుకున్నారు. ఈ ఘటనకు సంబంధించిన దృశ్యాలను అక్కడి వ్యక్తులు వీడియో తీసి సామాజిక మాధ్యమాల్లో పోస్ట్ చేయగా, అది కాస్తా వైరల్‌గా మారింది. కేవలం మనుషులకే కాకుండా, మూగజీవుల పట్ల కూడా కరుణ, ప్రేమను ప్రదర్శించవచ్చని నిరూపించిన సంజయ్ పవార్‌ను నెటిజన్లు ప్రశంసిస్తున్నారు. ఇదీ చదవండి: Uttarakhand: నకిలీ పత్రాలతో ఎంబీబీఎస్ అడ్మిషన్లు?

డెహ్రాడూన్‌: ఉత్తరాఖండ్‌లో ఎంబీబీఎస్ రాష్ట్ర కోటా అడ్మిషన్లలో భారీ అక్రమాలు జరిగినట్లు ఆరోపణలు వెల్లువెత్తడంతో ప్రభుత్వం అప్రమత్తమైంది. దాదాపు 350 మంది అభ్యర్థుల స్థానికత, కేటగిరీ సర్టిఫికెట్లు అనుమానాస్పదంగా ఉన్నాయంటూ విజిల్‌బ్లోయర్ ప్రదీప్ బహుగుణ సమర్పించిన జాబితా ఆధారంగా వైద్య విద్యాశాఖ మంత్రి సుబోధ్ ఉనియాల్ జిల్లా స్థాయి విచారణకు ఆదేశించారు.ఈ వ్యవహారంపై సమగ్ర దర్యాప్తు జరిపి వారం రోజుల్లోగా నివేదిక సమర్పించాలని డెహ్రాడూన్ జిల్లా మేజిస్ట్రేట్‌ను మంత్రి ఆదేశించారు. ఇటీవల స్వాతంత్య్ర సమరయోధుల ఆధారిత (ఎఫ్‌ఎప్‌డీ) నకిలీ ధ్రువపత్రాలను సమర్పించినందుకు గాను నలుగురు అభ్యర్థుల ఎంబీబీఎస్ ప్రవేశాలను అధికారులు రద్దు చేసిన నేపథ్యంలో ఈ తాజా విచారణ తెరపైకి వచ్చింది. అనుమానిత జాబితాలోని పలువురు అభ్యర్థులు బీహార్, ఉత్తరప్రదేశ్, పశ్చిమ బెంగాల్ వంటి ఇతర రాష్ట్రాల్లో పాఠశాల విద్యను అభ్యసించడమో లేదా ఉత్తరాఖండ్ వెలుపల నుంచి ‘నీట్’ పరీక్ష రాయడమో చేసినప్పటికీ, ఇక్కడ రాష్ట్ర కోటా సీట్లను పొందడంపై తీవ్ర అనుమానాలు వ్యక్తమవుతున్నాయి.అలాగే పలు సర్టిఫికెట్ల నంబర్లు రికార్డుల్లో కనిపించకపోవడం, పోర్టల్స్‌లోని వివరాల్లో తేడాలు, ఒకే చిరునామాతో అనేక పత్రాలు అనుసంధానమై ఉండటం వంటి లోపాలు బయటపడ్డాయి. ప్రస్తుతం ఎంబీబీఎస్ కౌన్సెలింగ్ ప్రక్రియ కొనసాగుతుండగానే ఈ ధ్రువపత్రాల పునఃపరిశీలనను వేగవంతంగా పూర్తి చేయాలని అధికారులు నిర్ణయించారు. దీనికి తోడు నకిలీ రిజర్వేషన్ పత్రాల అంశంపై డెహ్రాడూన్ పోలీసుల ప్రత్యేక దర్యాప్తు బృందం కూడా విచారణ జరుపుతోంది. దర్యాప్తులో నకిలీ సర్టిఫికెట్లు సమర్పించినట్లు రుజువైతే సదరు అభ్యర్థుల సీట్లను తక్షణమే రద్దు చేయడంతో పాటు, వారిని భవిష్యత్ ప్రవేశాలకు బ్లాక్‌లిస్ట్ చేయడం, వారిపై చట్టపరమైన క్రిమినల్ కేసులు నమోదు చేయడం వంటి కఠిన చర్యలు తీసుకుంటామని అధికారులు తెలిపారు. ఇదీ చదవండి: మోస్ట్‌ వాంటెడ్‌.. బ్రిజేష్‌ గంజూ కథ ముగిసింది!

వెనకాలే వస్తున్న వాహనాలు.. చుట్టూ వింత చూపులు.. రాత్రి వేళ నిశ్శబ్దంగా ఉన్న ఢిల్లీ రోడ్లు.. స్కూటర్‌పై ఒంటరి ప్రయాణం.. వెనుక నుంచి వస్తున్న వాహనాలు.. చీకటిలో తనవైపు నిలిచిపోయిన చూపులు.. మొదట ఇదంతా ఓ సాధారణ రాత్రి రైడ్‌లానే అనిపించింది. కానీ కొన్ని నిమిషాలు గడిచేసరికి పరిస్థితి మారిపోయింది. ఒకటి తర్వాత మరొకటి ఎదురైన ఘటనలతో ఆ ప్రయాణం చివరకు భయానక అనుభవంగా మారింది.రాత్రివేళ మహిళలు ఎదుర్కొనే పరిస్థితులను స్వయంగా తెలుసుకోవాలనుకున్న ఓ కంటెంట్‌ క్రియేటర్‌ ఈ ప్రయోగం చేశాడు. BeJaintle పేరుతో ఇన్‌స్టాగ్రామ్‌లో కంటెంట్‌ చేసే అతడు.. ఇంట్లోనే మహిళ మాదిరిగా కనిపించే మేకప్‌ వేసుకుని, డ్రెస్‌ ధరించి, తలకు దుపట్టా కప్పుకున్నాడు. ఆ తర్వాత స్కూటర్‌ తీసుకుని ఢిల్లీ రోడ్లపైకి బయలుదేరాడు.మొదట చూపులు.. ఆ తర్వాత వెంటపడటం!రోడ్డుపైకి వచ్చిన కొద్దిసేపటికే తనవైపు పలువురు చూస్తున్నారని క్రియేటర్‌ గుర్తించాడు. ఎక్కడికి వెళ్లినా ఆ చూపులు తనను వెంబడిస్తున్నట్లు అనిపించాయని అతడు వీడియోలో పేర్కొన్నాడు. ఒక దశలో ఇద్దరు వ్యక్తులు తనను గమనిస్తూ స్కూటర్‌ను అనుసరించారని అతడు ఆరోపించాడు. మొదట దూరంగా కనిపించిన వారు.. క్రమంగా తనకు దగ్గరగా రావడానికి ప్రయత్నించారని చెప్పాడు. మరో సందర్భంలో స్కూటర్‌ నడుపుతుండగానే ఓ వ్యక్తి తన దగ్గరకు వచ్చి మాట్లాడటం ప్రారంభించాడని తెలిపాడు.చీకటి రోడ్డుపై ఆటోలు.. అసలు టెన్షన్‌ అక్కడితో ఆగలేదు. ప్రయాణంలో రెండు ఆటోలు తన స్కూటర్‌ మార్గంలోకి పదేపదే వచ్చినట్లు క్రియేటర్‌ చెప్పాడు. ఓ ఆటో డ్రైవర్‌ తన స్నేహితులు వీడియో తీస్తున్నారని గుర్తించిన తర్వాత ఆగిపోయాడని అతడు తెలిపాడు. మరో డ్రైవర్‌ మాత్రం తన స్కూటర్‌ వైపు పలుమార్లు వాహనాన్ని మళ్లించినట్లు ఆరోపించాడు. ఆ వాహనం చివరకు అక్కడి నుంచి వెళ్లిపోవడంతో ఊపిరి పీల్చుకున్నానని చెప్పాడు.‘ఇక చాలు..’ అంటూ ముగింపురెండు గంటలు గడిచేసరికి అతడి ఉత్సాహం మొత్తం భయంగా మారిపోయింది. పదేపదే ఎదురైన చూపులు, అనుసరిస్తున్నట్లు అనిపించిన వ్యక్తులు, తన దారిలోకి వస్తున్న వాహనాలతో తాను తీవ్ర అసౌకర్యానికి గురయ్యానని చెప్పాడు. గత రెండు గంటల్లో నాకు చాలా అసహ్యంగా అనిపించింది. ఆటోవాళ్లు, సైకిల్‌ వాళ్లు.. అందరూ చూస్తూనే ఉన్నారు. రాత్రివేళ అమ్మాయిలు ఒంటరిగా బయటకు రావడం నిజంగా సురక్షితం కాదనిపించింది అంటూ తన అనుభవాన్ని పంచుకున్నాడు. చివరకు ఆ ప్రయోగాన్ని మధ్యలోనే ఆపేశాడు. మహిళ వేషంలో చేసిన ఆ రాత్రి ప్రయాణం.. కేవలం సోషల్‌ మీడియా ప్రయోగంగా మొదలై, తనకు భయాన్ని మిగిల్చిన అనుభవంగా మారింది.ఈ వీడియో సోషల్‌ మీడియాలో చర్చకు దారితీసింది. మహిళలు రాత్రివేళ ఒంటరిగా ప్రయాణించే సమయంలో ఎదుర్కొనే అవాంఛిత చూపులు, అనుసరణ, వేధింపులపై పలువురు స్పందించారు. అయితే ఒక్క వ్యక్తి చేసిన ఈ ప్రయోగాన్ని ఆధారంగా చేసుకుని ఢిల్లీలో మహిళల భద్రతపై విస్తృతమైన నిర్ధారణకు రావడం సరికాదని మరికొందరు అభిప్రాయపడ్డారు. మొత్తానికి ఈ వీడియో సోషల్‌ మీడియాలో తెగ వైరల్‌ అవుతోంది. He Dressed as a Woman and Rode Through Delhi at Night. What He Experienced in 2 Hours Is Now Raising Questions About Women’s Safety.A Delhi-based content creator conducted a social experiment by dressing as a woman and riding a scooty through the capital after dark.His… pic.twitter.com/5eVM92jtLp— News Insider 24x7 (@newsinsider24x7) September 19, 2026ఇదీ చదవండి: గణేశ్‌ మండపం వద్ద కరెంట్‌ షాక్‌.. మహిళ, బాలిక మృతి

భోపాల్‌ : పేపర్‌ లీకేజీలతో పాటు ఇతర సమస్యలతో ఇబ్బందులు పడుతున్న విద్యార్థులకు అండగా నిలిచేందుకు లోక్‌సభ ప్రతిపక్ష నేత రాహుల్ గాంధీ ప్రతిష్టాత్మకంగా నిర్వహిస్తున్న ‘ఛాత్రోన్ కీ గూంజ్’ కార్యక్రమం రాజకీయ దుమారానికి దారితీసింది.మధ్యప్రదేశ్‌ ఇండోర్‌లో నిర్వహించిన ఈ కార్యక్రమంలో స్టాండప్ కమెడియన్ పుల్కిత్ మణి ప్రధాని నరేంద్ర మోదీని అనుకరిస్తూ మిమిక్రీ చేయడంపై బీజేపీ తీవ్ర ఆగ్రహం వ్యక్తం చేసింది. ఈ ఘటనపై కేంద్ర మంత్రులు సహా పలువురు బీజేపీ నేతలు కాంగ్రెస్ పార్టీ తీరును తీవ్రంగా ఖండించారు.కిరణ్ రిజిజు ఎక్స్‌ వేదికగా స్పందిస్తూ.. కాంగ్రెస్ పార్టీ కమెడియన్లు, జోకర్ల పార్టీగా మారిపోయిందని, వారు శాశ్వతంగా రాజకీయాల నుంచి కనుమరుగయ్యారని ఆర్‌ఐపీ వ్యాఖ్యలు చేశారు.రాహుల్ గాంధీ, కాంగ్రెస్ పార్టీ నైతిక దివాలాకోరుతనానికి అట్టడుగు స్థాయికి దిగజారాయని కేంద్ర విద్యాశాఖ మంత్రి ప్రహ్లాద్ జోషి ధ్వజమెత్తారు. విద్యార్థుల సంభాషణ వేదికను ఉపయోగించుకుని ప్రధానిని అపహాస్యం చేయడం వారిలో మానవతా దృక్పథం లోపించడాన్ని స్పష్టంగా చూపుతోందన్నారు. బీజేపీ నాయకుడు సీఆర్ కేశవన్ మాట్లాడుతూ.. రాహుల్ గాంధీ ఇలాంటి వ్యక్తులతో వేదికను పంచుకోవడమే కాక, ఆ వ్యాఖ్యలకు నవ్వుతూ మద్దతు తెలిపారని ఆరోపించారు. ఇది కాంగ్రెస్ పార్టీ చవకబారు సంస్కృతిని ప్రతిబింబిస్తోందని విమర్శించారు. ఈ వివాదానికి కారణం ఏమిటి?ఇండోర్‌లో విద్యార్థులను దృష్టిలో ఉంచుకుని నిర్వహించిన 'ఛాత్రోన్ కీ గూంజ్' కార్యక్రమంలో స్టాండప్ కమెడియన్ పుల్కిత్ మణి రాహుల్ గాంధీతో కలిసి వేదికను పంచుకున్నారు. ఆ సమయంలో ఆయన చేసిన మిమిక్రీ ప్రదర్శన దేశ రాజకీయాల్లో పెద్ద దుమారాన్ని రేపింది. ఈ కార్యక్రమంలో రాహుల్ గాంధీ ప్రభుత్వంపై, ముఖ్యంగా పేపర్ లీక్‌లు, నిరుద్యోగం, విద్యా వ్యవస్థలోని లోపాలపై తీవ్ర విమర్శలు గుప్పించారు. విద్యార్థులు విద్యా వ్యవస్థపై కోల్పోయిన నమ్మకాన్ని తిరిగి తీసుకురావడమే ఈ కార్యక్రమ ఉద్దేశమని పేర్కొన్నారు. అయితే, ఇదే వేదికపై కమెడియన్ పుల్కిత్ మణి చేసిన ప్రదర్శన ప్రస్తుతం అధికార, ప్రతిపక్షాల మధ్య తీవ్ర వాగ్వాదానికి దారితీసింది.ఈ వివాదానికి కేంద్ర బిందువుగా మారిన పుల్కిత్ మణి ఒక ప్రొఫెషనల్ స్టాండప్ కమెడియన్.ఆయన 2021 నుంచి ప్రొఫెషనల్‌గా స్టాండప్ కామెడీ ప్రదర్శనలు ఇస్తున్నారు. లైవ్ షోలు, కామెడీ క్లిప్‌లు, ప్రముఖుల మిమిక్రీ , పొలిటికల్ సెటైర్లతో సోషల్ మీడియాలో మంచి గుర్తింపు తెచ్చుకున్నారు. సోషల్ మీడియా వేదికగా ఆయనకు లక్షలాది మంది ఫాలోవర్లు ఉన్నారు. ప్రస్తుత కాలంలో యువతను ఆకట్టుకునేలా సమకాలీన రాజకీయ, సామాజిక అంశాలపై కామెడీ స్కిట్‌లు చేయడం ఆయన శైలి. #WATCH | Indore, Madhya Pradesh: At the 'Chhatron Ki Goonj' programme in Indore, Lok Sabha LoP and Congress MP Rahul Gandhi says, "...The 'andhbhakt' says development is not needed. Modi ji is an incarnation of Vishnu. But the andhbhakt never asks questions. An andhbhakt will… pic.twitter.com/0Xa5b70O8h— ANI (@ANI) September 19, 2026

న్యూఢిల్లీ: బ్రిజేష్‌ గంజూ.. ఒకప్పుడు గ్రామానికి ఏకగ్రీవంగా ఎన్నికైన సర్పంచ్‌. ఆ తర్వాత నిషేధిత మావోయిస్టు సంస్థ టీఎస్‌పీసీ (తృతీయ సమ్మేళన్‌ ప్రెజెంటేషన్‌ కమిటీ) అగ్రనేతగా ఎదిగాడు. అనంతరం రూ.30 లక్షల రివార్డు ఉన్న మోస్ట్‌ వాంటెడ్‌ మావోయిస్టుగా మారి.. చివరకు ఉత్తర్‌ప్రదేశ్‌ ఏటీఎస్‌ (యాంటీ టెర్రరిస్ట్‌ స్క్వాడ్‌) ఎన్‌కౌంటర్‌లో హతమయ్యాడు. జార్ఖండ్‌లో దాదాపు రెండు దశాబ్దాలుగా మావోయిస్టులకు సమాంతరంగా టీఎస్‌పీసీ కార్యకలాపాలు సాగించడంలో అతడు కీలకంగా వ్యవహరించాడు.2004లో ప్రత్యేక సంస్థ ఏర్పాటుబ్రిజేష్‌ సింగ్‌ గంజూ అలియాస్‌ గోపాల్‌ సింగ్‌ భోక్తా, దులార్‌చంద్‌ గంజూ, రంజన్‌, ఫుల్‌చంద్‌ గంజూ తదితర పేర్లతోనూ చలామణి అయ్యాడు. జార్ఖండ్‌లోని చత్రా జిల్లా లావాలౌంగ్‌ పోలీస్‌ స్టేషన్‌ పరిధి లుట్టూ సోహావన్‌ గ్రామం అతడి స్వస్థలం. 2004లో నిషేధిత సీపీఐ (మావోయిస్టు)కి వ్యతిరేకంగా సమాంతర సంస్థను ఏర్పాటు చేశాడు. అదే తర్వాత టీఎస్‌పీసీగా విస్తరించింది.మావోయిస్టులతో సుదీర్ఘ ఆధిపత్య పోరుచత్రాతోపాటు రాంచీ, హజారీబాగ్‌, రామ్‌గఢ్‌, పలామూ, లాతేహార్‌ జిల్లాలతో పాటు బిహార్‌లోని కొన్ని ప్రాంతాల్లో టీఎస్‌పీసీ కార్యకలాపాలు పెరిగాయి. మావోయిస్టులతో ఆధిపత్యం కోసం రెండు దశాబ్దాలపాటు ఘర్షణలు కొనసాగాయి. ఈ క్రమంలో ఇరువర్గాల మావోయిస్టులతోపాటు పలువురు గ్రామీణులు, ఇతరులు ప్రాణాలు కోల్పోయారు.మావోయిస్టు కార్యకలాపాలతోపాటు ‘ముఖియా’టీఎస్‌పీసీకి నాయకత్వం వహిస్తున్న సమయంలోనే బ్రిజేష్‌ గంజూ రాజకీయంగానూ గ్రామస్థాయిలో గుర్తింపు పొందాడు. 2010లో లావాలౌంగ్‌ పంచాయతీకి ఏకగ్రీవంగా ముఖియాగా ఎన్నికయ్యాడు. అయితే ఆ తర్వాత కూడా అతడి పేరు మావోయిస్టుల జాబితాలో చేరింది. భద్రతా బలగాల నిఘా పెరగడంతో చాలాకాలంగా పరారీలో ఉన్నాడు.రూ.30 లక్షల రివార్డుబ్రిజేష్‌ గంజూపై జార్ఖండ్‌ ప్రభుత్వం రూ.25 లక్షల రివార్డు ప్రకటించింది. జాతీయ దర్యాప్తు సంస్థ (ఎన్‌ఐఏ) మరో రూ.5 లక్షల రివార్డు పెట్టింది. దీంతో అతడిపై మొత్తం రూ.30 లక్షల రివార్డు ఉంది.రామనగర్‌లో ఎన్‌కౌంటర్‌బనారస్‌లోని రామనగర్‌ ప్రాంతంలోని టెంగ్రా మోడ్‌ లంకా మైదానంలో ఆదివారం ఉదయం ఈ ఎన్‌కౌంటర్‌ జరిగినట్లు ఝార్ఖండ్‌ పోలీసులు తెలిపారు. బైక్‌పై బ్రిజేష్‌ గంజూ వెళ్తున్న సమాచారంతో యూపీ ఏటీఎస్‌ అక్కడ మోహరించింది. ఉదయం సుమారు 5 గంటలకు అతడిని అడ్డుకోగా, కాల్పులు జరిపినట్లు పోలీసులు తెలిపారు. ప్రతిగా ఏటీఎస్‌ జరిపిన కాల్పుల్లో గాయపడిన అతడిని ఆసుపత్రికి తరలించగా.. వైద్యులు మృతిచెందినట్లు ప్రకటించారు. ఈ ఘటనలో ఏటీఎస్‌ డీఎస్పీ విపిన్‌ రాయ్‌, హవల్దార్‌ నితేంద్ర కృష్ణ బుల్లెట్‌ప్రూఫ్‌ జాకెట్లకు కూడా తూటాలు తగిలాయి. ప్రమాదం నుంచి వారు సురక్షితంగా బయపడ్డారు.ఇదీ చదవండి: నేపాల్‌ వరదలు.. 40 పిరమిడ్లు కట్టేంత శిథిలాలు

కోల్‌కతా: పశ్చిమ బెంగాల్‌లో అక్టోబర్‌ 6న జరగనున్న అసెంబ్లీ ఉప ఎన్నికల వేళ అరెస్టులు ఘటనలు రాజకీయంగా చర్చనీయాంశంగా మారాయి. రెజీనగర్‌ ఉప ఎన్నికలో స్వతంత్ర అభ్యర్థిగా పోటీ చేస్తున్న సైఫుల్‌ ఇస్లాంను తాజాగా పోలీసులు అరెస్ట్‌ చేశారు. 2021 అసెంబ్లీ ఎన్నికల సమయంలో రెండు వర్గాల మధ్య జరిగిన ఘర్షణకు సంబంధించిన ఐదేళ్ల నాటి కేసులో సెప్టెంబర్‌ 19న ఈ అరెస్ట్‌ చేసినట్లు పోలీసులు వెల్లడించారు. కాగా, సైఫుల్‌ ఇస్లాం.. హుమాయూన్‌ కబీర్‌ నేతృత్వంలోని ఆమ్‌ జనతా ఉన్నయన్‌ పార్టీ (AJUP)తో సంబంధం కలిగి ఉన్నారు. బెర్హంపూర్‌ పోలీస్‌ స్టేషన్‌ పరిధిలో నమోదైన కేసులో ఆయనను అరెస్ట్‌ చేసినట్లు ఓ పోలీసు అధికారి పీటీఐకి తెలిపారు.ఒక్కరోజులో ఇద్దరు అభ్యర్థుల అరెస్ట్‌అంతకుముందు.. నందిగ్రామ్‌ ఉప ఎన్నికలో కాంగ్రెస్‌ అభ్యర్థి మిలన్‌ ప్రధాన్‌ను కూడా పోలీసులు అరెస్ట్‌ చేశారు. భూసేకరణకు వ్యతిరేకంగా జరిగిన ఆందోళనల సమయంలో నమోదైన దాదాపు రెండు దశాబ్దాల నాటి కేసులో సెప్టెంబర్‌ 18న ఆయనను అదుపులోకి తీసుకున్నారు. దీంతో ఉప ఎన్నికలకు ముందు వరుసగా ఇద్దరు అభ్యర్థులు అరెస్ట్‌ కావడం రాజకీయ వర్గాల్లో చర్చకు దారితీసింది.ముఖ్యమంత్రి సువేందు అధికారి నందిగ్రామ్‌తో పాటు భవానీపూర్‌ నుంచి కూడా గెలవడంతో నందిగ్రామ్‌ స్థానానికి రాజీనామా చేశారు. మరోవైపు, 2026 అసెంబ్లీ ఎన్నికల్లో నవదా స్థానాన్ని నిలుపుకోవడంతో హుమాయూన్‌ కబీర్‌ గెలిచిన రెజీనగర్‌ స్థానం ఖాళీ అయింది. దీంతో ఈ రెండు స్థానాలకు అక్టోబర్‌ 6న ఉప ఎన్నికలు జరగనున్నాయి.ఇదిలా ఉండగా, రెండు వర్గాల మధ్య ఉద్రిక్తతలు సృష్టించేందుకు కుట్ర జరిగిందన్న ఆరోపణలపై నమోదైన కేసులో AJUP అధినేత హుమాయూన్‌ కబీర్‌కు పోలీసులు నోటీసులు జారీ చేశారు. సోమవారం విచారణ అధికారుల ఎదుట హాజరుకావాలని ఆదేశించారు. సెప్టెంబర్‌ 14న ఈ కేసు నమోదు చేసినట్లు సీనియర్‌ పోలీసు అధికారి తెలిపారు. బెర్హంపూర్‌లో ఇటీవల నిర్వహించిన మీడియా సమావేశంలో పోలీసులు ఓ ఆడియో రికార్డింగ్‌ను వినిపించారు. రెండు వర్గాల మధ్య ఉద్రిక్తతలు రెచ్చగొట్టే కుట్రకు సంబంధించిన సూచనలు ఆ సంభాషణలో ఉన్నాయని పోలీసులు పేర్కొన్నారు. కాగా, ఉప ఎన్నికలకు ముందు వరుస అరెస్టులు, పోలీసుల దర్యాప్తులతో బెంగాల్‌లో రాజకీయ వాతావరణం వేడెక్కింది.టీఎంసీకి భారీ షాక్‌.. ఇదిలా ఉండగా.. పశ్చిమ బెంగాల్‌లో ఉప ఎన్నికల వేళ రాజకీయ పరిణామాలు ఆసక్తికరంగా మారాయి. నందిగ్రామ్‌, రెజీనగర్‌ స్థానాల్లో అభ్యర్థుల విషయంలో కీలక మార్పులు చోటుచేసుకున్నాయి. నందిగ్రామ్‌లో టీఎంసీ అభ్యర్థి సంచితా ప్రధాన్‌ డే నామినేషన్‌ ఉపసంహరించుకుని, కాంగ్రెస్‌ అభ్యర్థి మిలన్‌ ప్రధాన్‌కు మద్దతు ప్రకటించినట్లు వార్తా కథనాలు వెల్లడించాయి. అయితే, ఆ తర్వాత మిలన్‌ ప్రధాన్‌ పాత కేసులో అరెస్టయ్యారు. రెజీనగర్‌లోనూ టీఎంసీ అభ్యర్థి రబియుల్‌ ఆలం చౌధురి నామినేషన్‌ ఉపసంహరణపై తొలుత ప్రకటన చేసినప్పటికీ, అనంతరం తన నిర్ణయాన్ని మార్చుకుని పోటీలో కొనసాగనున్నట్లు ప్రకటించినట్లు కథనాలు పేర్కొన్నాయి. ఇదీ చదవండి: గణపతి మండపం వద్ద కరెంట్‌ షాక్‌.. మహిళ, బాలిక మృతి