tamil nadu

చెన్నై: తమిళనాడు రాజకీయాల్లో ఎమ్మెల్యేల కొనుగోలు వ్యవహారం తీవ్ర కలకలం రేపుతోంది. తమ పార్టీ ఎమ్మెల్యేలను కొనుగోలు చేసేందుకు డీఎంకే, అన్నాడీఎంకే నేతలు ప్రయత్నిస్తున్నారని అధికార టీవీకే మంత్రి నిర్మల్ కుమార్ సంచలన ఆరోపణలు చేశారు. ఒక్కో ఎమ్మెల్యేకు ఏకంగా రూ.60 నుంచి 70 కోట్ల వరకు ఆఫర్లు ఇస్తున్నారని వెల్లడించారు. అయితే ఈ ఆరోపణలను డీఎంకే, అన్నాడీఎంకే, బీజేపీ ఖండించాయి.ఈ వ్యవహారంలో డీఎంకే అధ్యక్షుడు ఎంకే స్టాలిన్, ఉప ముఖ్యమంత్రి ఉదయనిధి స్టాలిన్ ప్రమేయం ఉందని నిర్మల్ కుమార్ ఆరోపించారు. అయితే ఈ ఆరోపణలకు సంబంధించి డీఎంకే తీవ్రంగా స్పందించింది. తమకు టీవీకే ఎమ్మెల్యేలను కొనుగోలు చేయాల్సిన అవసరం లేదని స్పష్టం చేసింది. గత జూలైలోనూ ఇలాంటి వ్యవహారం వెలుగులోకి వచ్చింది. ప్రభుత్వంపై ప్రతిపాదిత అవిశ్వాస తీర్మానంలో వ్యతిరేకంగా ఓటు వేయాలని టీవీకే ఎమ్మెల్యేకు రూ.35 కోట్లు ఆఫర్ చేశారన్న ఆరోపణలపై పోలీసులు ఎనిమిది మందిని అరెస్టు చేశారు. వీరిలో ఓ ఎన్నికల వ్యూహకర్త కూడా ఉన్నారు. మాజీ డీఎంకే మంత్రి వి. సెంథిల్ బాలాజీ సోదరుడిపైనా కేసు నమోదైంది.మంత్రి ఆరోపణలను డీఎంకే అధికార ప్రతినిధి టీకేఎస్ ఇళంగోవన్ ఖండించారు. అధికారంలో కొనసాగేందుకు టీవీకేనే రాజకీయ బేరసారాలకు పాల్పడుతోందని ఎదురుదాడి చేశారు. ఎన్నికల అనంతరం ఆరుగురు అన్నాడీఎంకే ఎమ్మెల్యేలు రాజీనామా చేసి టీవీకేలో చేరిన విషయాన్ని ప్రస్తావించారు. దీనిని టీవీకే సోఫా మోడల్‌గా అభివర్ణించారు. నవంబర్ 13వ తేదీ తమిళనాడు రాజకీయాల్లో కీలకంగా మారనుంది. ఆ రోజు టీవీకే ప్రభుత్వం అసెంబ్లీలో మెజారిటీ నిరూపించుకుని ఆరు నెలలు పూర్తవుతాయి. దీంతో మరోసారి విశ్వాస పరీక్షకు అవకాశం ఏర్పడవచ్చన్న చర్చ జరుగుతోంది.234 మంది సభ్యులున్న తమిళనాడు అసెంబ్లీలో ప్రభుత్వ ఏర్పాటుకు 118 మంది ఎమ్మెల్యేల మద్దతు అవసరం. ప్రస్తుతం టీవీకేకు 109 మంది ఎమ్మెల్యేలు ఉన్నారు. మరో తొమ్మిది మంది మద్దతు అవసరం. కాంగ్రెస్, వీసీకే, ఐయూఎంఎల్ మిత్రపక్షాలుగా మద్దతు ఇస్తుండగా, సీపీఐ, సీపీఎం బయట నుంచి మద్దతు ప్రకటిస్తున్నాయి. మరోవైపు కాంగ్రెస్ డీఎంకే కూటమిని వీడి టీవీకే కూటమిలో చేరడం రాష్ట్ర రాజకీయ సమీకరణాలను మార్చింది. 2029 లోక్‌సభ ఎన్నికల్లో టీవీకే-కాంగ్రెస్ కూటమి తమకు సవాలుగా మారవచ్చని బీజేపీ వర్గాలు భావిస్తున్నాయి.ఇదీ చదవండి: సీజేపీకి పాక్ నేతలతో లింకు.. కేంద్రం సంచలన ఆరోపణ!

రంజీ ట్రోఫీ 2026-27లో త‌మిళ‌నాడు జ‌ట్టు మూడో విజ‌యాన్ని సాధించింది. ఎలైట్‌ గ్రూప్‌-డిలో భాగంగా చండీగ‌ఢ్‌తో జ‌రిగిన మ్యాచ్‌లో త‌మిళ‌నాడు ఇన్నింగ్స్ 259 ప‌రుగుల తేడాతో ఘ‌న విజ‌యాన్ని అందుకుంది. ఫాలోఆన్ ఆడిన చండీగ‌ఢ్ త‌మ రెండో ఇన్నింగ్స్‌లో 64.5 ఓవ‌ర్ల‌లో 218 ప‌రుగుల‌కు కుప్ప‌కూలింది. ఓపెన‌ర్ అర్జున్ ఆజాద్ (60), కెప్టెన్ మ‌న‌న్ వోహ్రా (59) అర్థ‌సెంచ‌రీల‌తో రాణించగా, మ‌రో ఓపెన‌ర్ నెహాల్ పజ్నీ (26) ప‌ర్వాలేద‌నిపించాడు. త‌మిళ‌నాడు బౌల‌ర్ల‌లో అజిత్ రామ్ ఏడు వికెట్ల‌తో చండీగ‌ఢ్ ప‌త‌నాన్ని శాసించ‌గా, కెప్టెన్ సాయి కిషోర్ రెండు, శ‌ర‌వ‌ణ కుమార్ ఒక వికెట్ తీశాడు. అంత‌క‌ముందు త‌మిళ‌నాడు తొలి ఇన్నింగ్స్‌ను 7 వికెట్ల న‌ష్టానికి 571 ప‌రుగుల వ‌ద్ద డిక్లేర్ చేసింది. ప్ర‌దోశ్ రంజ‌న్ (335 బంతుల్లో 208) డ‌బుల్ సెంచ‌రీ బాద‌గా, అజిత్ రామ్ (115 నాటౌట్‌) శ‌త‌కం సాధించాడు. ఇక చండీగ‌ఢ్ త‌మ తొలి ఇన్నింగ్స్‌లో 94 ప‌రుగుల‌కే కుప్ప‌కూలింది. సోను యాద‌వ్ 4 వికెట్లు తీయ‌గా, శ‌ర‌వ‌ణ కుమార్‌, సాయి కిషోర్‌లు చెరో 2 వికెట్లు ప‌డ‌గొట్టారు. ఈ మ్యాచ్ ద్వారా త‌మిళ‌నాడు క్రికెట‌ర్ అజిత్ రామ్ రంజీ ట్రోఫీలో చ‌రిత్ర సృష్టించాడు. త‌మిళ‌నాడు తరఫున ఒక రంజీ మ్యాచ్‌లో సెంచ‌రీతో పాటు ఐదు వికెట్ల హాల్ న‌మోదు చేసిన నాలుగో క్రికెట‌ర్‌గా అజిత్ రామ్ నిలిచాడు. గ‌తంలో ఏజీ రామ్‌సింగ్ 1935-36లో (121 నాటౌట్‌; 6-32 వ‌ర్సెస్ హైద‌రాబాద్‌), బీసీ అల్వా 1950-51లో (138, 5-82 వ‌ర్సెస్ మైసూరు), ఎస్ వాసుదేవ‌న్ 1978-79లో (100 నాటౌట్‌, 5-21 వ‌ర్సెస్ కేర‌ళ‌) తొలి మూడు స్థానాల్లో ఉన్నారు. ఇక త‌మిళ‌నాడు ఆడిన నాలుగు మ్యాచ్‌ల్లో మూడు విజ‌యాలు, ఒక డ్రాతో గ్రూప్‌-డిలో తొలి స్థానంలో కొన‌సాగుతుంది.రైల్వేస్ టార్గెట్ 379 ప‌రుగులుగ్రూప్‌-డిలో భాగంగా రైల్వేస్ జ‌ట్టు ఎదుట ముంబై 379 ప‌రుగుల టార్గెట్‌ను ఉంచింది. ప్ర‌స్తుతం రైల్వేస్ జ‌ట్టు వికెట్ న‌ష్టానికి 22 ప‌రుగులు చేసింది. ఇషాన్ గోయ‌ల్ (15) క్రీజులో ఉన్నాడు. అంత‌క‌ముందు ముంబై త‌మ రెండో ఇన్నింగ్స్‌ను 4 వికెట్ల న‌ష్టానికి 234 ప‌రుగులకు డిక్లేర్ చేసింది. ఓపెన‌ర్ దివ్యాన్ష్ స‌క్సేనా (136 బంతుల్లో 100 నాటౌట్‌) అజేయ సెంచ‌రీ సాధించ‌గా, మ‌రో ఓపెన‌ర్ అంగ్‌క్రిష్ ర‌ఘువంశీ (79) అర్థ‌సెంచ‌రీ చేశాడు. ఆఖ‌ర్లో స‌ర్ఫ‌రాజ్ ఖాన్ (25 బంతుల్లో 29 నాటౌట్‌) మెరిశాడు. రైల్వేస్ త‌మ తొలి ఇన్నింగ్స్‌లో 259 ప‌రుగుల‌కు ఆలౌట్ కాగా, అంత‌క‌ముందు ముంబై జ‌ట్టు త‌మ తొలి ఇన్నింగ్స్‌లో 396 ప‌రుగుల‌కు ఆలౌటైంది. అంగ్‌క్రిష్ ర‌ఘువంశీ, స‌ర్ఫ‌రాజ్ ఖాన్‌, అకాశ్ ఆనంద్‌, షామ్స్ ములానీ అర్థ‌సెంచ‌రీలు సాధించారు.115 not out & 7/48 Ajith Ram becomes only the fourth Tamil Nadu player to score a century and take a five-wicket haul in the same Ranji Trophy match. The last TN player to achieve this feat was their Ranji Trophy-winning captain, S. Vasudevan, in 197 #tnca #ranji #tamilnadu https://t.co/FuVjhozjkM— dk_drjr (@DineshK57215640) November 5, 2026 A memorable win, a strong bowling partnership! Ajith Ram S and Sai Kishore share their thoughts on Tamil Nadu’s performance against Uttarakhand in the Ranji Trophy 2026-27. 🤩 #RanjiTrophy #TamilNaduCricket #TNCA #TNCricket https://t.co/VjiGhEgB2a— TNCA (@TNCACricket) October 21, 2026ఇదీ చదవండి: ఆల్‌టైమ్‌ టాప్‌-5 వన్డే క్రికెటర్లు వీరే!.. కోహ్లికి దక్కని చోటు#HBD Kohli: 10 రోజుల ప‌నిలో 626 ప‌రుగులు

కర్ణాటక: ఇంట్లో తన కుమార్తెతో పట్టుబడిన పనిమనిషిని దారుణంగా హత్య చేశాడో వ్యాపారి. ఈ సంఘటన బెంగళూరులోని యలహంక పోలీస్‌స్టేషన్‌ పరిధిలో జరిగింది. కేరళలోని పాలక్కాడ్‌కు చెందిన కిరణ్‌ (24) హతుడు కాగా, తమిళనాడుకు చెందిన ఆనంద్‌ (45) నిందితుడు. వివరాలు.. ఆనంద్‌ స్వీట్‌కార్న్, తినుబండారాల తయారీ ఫ్యాక్టరీ నిర్వహిస్తున్నాడు. అతని వద్ద కిరణ్‌ కొన్నేళ్లుగా పని చేస్తున్నాడు. ఆనంద్‌ పెద్ద కుమార్తె (19) మైసూరులో పీయూసీ చదవుతూ ఇటీవల సెలవులపై ఇంటికి వచ్చింది. ఆమెతో కిరణ్‌కు చనువు పెరిగి శారీరక సంబంధానికి దారితీసింది. ఊరికి వెళ్తున్నామని చెప్పి.. మంగళవారం ఉదయం పనిమీద తమిళనాడుకు వెళ్తానని చెప్పి ఆనంద్‌ దంపతులు వెళ్లిపోయారు. అయితే రాత్రికి హఠాత్తుగా తిరిగివచ్చారు. ఆ సమయంలో ఇంట్లో కుమార్తెతో కిరణ్‌ ఏకాంతంగా ఉండడం చూసిన ఆనంద్‌ అగ్రహోదగ్రుడయ్యాడు. కుమార్తెను భార్యతో బంధువుల ఇంటికి పంపించాడు. కిరణ్‌ని ఇంట్లోనే నిర్భంధించి బ్యాట్‌తో చితకబాదడంతో కుప్పకూలిపోయాడు. ఆనంద్‌ అతన్ని ఆటోలో ఆస్పత్రికి తీసికెళ్లగా అప్పటికే చనిపోయాడని వైద్యులు తెలిపారు. ఆస్పత్రి సిబ్బంది ఇచ్చిన సమాచారంతో పోలీసులు విచారించగా అంతా బయటపడింది. మృతదేహాన్ని ఆస్పత్రికి తరలించి కేరళలోని కుటుంబీకులకు సమాచారమిచ్చారు. మరోవైపు నిందితున్ని అరెస్టు చేశారు.

సాక్షి, చెన్న: శాసనసభ ప్రతిపక్ష నాయకుడు ఉదయనిధి స్టాలిన్‌ సోషల్‌ మీడియా వేదికగా రాష్ట్ర ప్రభుత్వంపై, సీఎం విజయ్‌పై తీవ్రస్థాయిలో విరుచుకుపడ్డారు. రేషన్‌ షాపుల ద్వారా ప్రజలకు పంపిణీ చేసేందుకు కొనుగోలు చేసిన ఉల్లిపాయల వ్యవహారంలో ప్రభుత్వం తీవ్రంగా విఫలమైందని ఆయన ఆరోపించారు. ఎమ్మెల్యేలను కొనుగోలు చేయడం తెలిసిన డమ్మీ సీఎంకి ఉల్లిపాయలు కొనడం తెలీదా? అని ప్రశ్నించారు. సహకార శాఖ ద్వారా ఈ ప్రభుత్వం ఉల్లిపాయలను కొనుగోలు చేసిన తీరే వీరి అసమర్థతకు అద్దం పడుతోందని మండి పడ్డారు. ఎటువంటి ముందస్తు నాణ్యతా పరిశీలన లేకుండా నేషనల్‌ అగ్రికల్చరల్‌ కోఆపరేటివ్‌ మార్కెటింగ్‌ ఫెడరేషన్‌ నుండి 450 టన్నుల ఉల్లిపాయలను కొనుగోలు చేశారని మండిపడ్డారు. రైల్వే టెర్మినల్‌లోనే వదిలేశారు.. మహారాష్ట్ర నుండి రైలులో వచ్చిన ఆ ఉల్లిపాయలు పూర్తిగా కుళ్ళిపోయి, నిరుపయోగంగా ఉండటంతో ఆ విషయాన్ని కప్పిపుచ్చేందుకు కొరుక్కుపేటై రైల్వే టెర్మినల్‌లోనే అధికారులు వదిలేశారని ఆయన ఆరోపించారు. దుర్గంధం వస్తుండటంతో, ఆ ఉల్లిపాయలతో ప్రభుత్వానికి ఎలాంటి సంబంధం లేదని అబద్ధాలు ప్రచారం చేయడం విచారకరంగా పేర్కొన్నారు. కుళ్ళిపోయిన ఆ ఉల్లిపాయలలో కొంత భాగాన్ని తిరుచ్చి గాంధీ మార్కెట్‌లో విక్రయించడానికి లారీల్లో పంపారని, అయితే వ్యాపారులు ఆ ఉల్లిపాయలను చూడకుండా కొనలేమని నిరాకరించడంతో లారీ డ్రైవర్లు ఏమి చేయాలో తోచక ఇబ్బంది పడుతున్నారని తెలిపారు.ప్రజా సంక్షేమాన్ని గాలికి వదిలేశారు.. ఒకవైపు ఉల్లి ధరలు పెరిగి ప్రజలు కన్నీళ్లు పెడు తుంటే, ఎలాంటి పట్టింపు లేకుండా ఉప ఎన్నికల పనుల్లో బిజీగా మారిపోయారని ఎద్దేవా చేశారు. గతంలో రేషన్‌ షాపుల్లో రూ30 కే పొన్ని బియ్యం ఇస్తామని చెప్పి, టెండర్లు లేకుండా సాధారణ బియ్యాన్నే పాలిష్‌ చేసి అమ్ముతున్న వ్యవహారంపై తాను ప్రశి్నస్తే సమాధానం చెప్పకుండా దాటవేశారని గుర్తుచేశారు. ఈ నాసిరకం ఉల్లిపాయల కొనుగోలుకు బాధ్యులెవరో, దీనిని కప్పిపుచ్చేందుకు ప్రయతి్నంచిన వారెవరో సీఎం సమాధానం చెప్పాలని ఉదయనిధి స్టాలిన్‌ డిమాండ్‌ చేశారు.

ఓవైపు బంగాళాఖాతంలో అల్పపీడనం బలపడుతూ వాయుగుండంగా మారుతోంది. మరోవైపు దేశంలోని పలు ప్రాంతాల్లో తుపాను ప్రభావం కొనసాగుతోంది. దీంతో వచ్చే రెండు, మూడు రోజుల్లో దేశవ్యాప్తంగా వాతావరణం మారనుంది. ఆంధ్రప్రదేశ్‌, తెలంగాణ సహా సుమారు 13 రాష్ట్రాల్లో వర్షాలు కురిసే అవకాశం ఉందని వాతావరణ అంచనాలు చెబుతున్నాయి. అయితే ఇదే సమయంలో మరో ఆందోళనకర పరిణామం తెరపైకి వచ్చింది. పసిఫిక్‌ మహాసముద్రంలో ఎల్‌నినో ప్రభావం బలపడుతుండటంతో రానున్న నెలల్లో భారత్‌లో వర్షపాతంపై ఎలాంటి ప్రభావం పడుతుందన్న చర్చ మొదలైంది.భారత వాతావరణ శాఖ అంచనాల ప్రకారం.. బంగాళాఖాతంలో ఏర్పడిన అల్పపీడనం అక్టోబర్‌ 31 నాటికి వాయుగుండంగా బలపడే అవకాశం ఉంది. అనంతరం పశ్చిమ వాయవ్య దిశగా కదులుతూ ఆంధ్రప్రదేశ్‌ తీరం వైపు చేరనుంది. దీని ప్రభావంతో ఆంధ్రప్రదేశ్‌లోని కోస్తా ప్రాంతాల్లో వర్షాలు కురిసే అవకాశం ఉంది. తెలంగాణలోనూ అక్కడక్కడా ఉరుములు, మెరుపులతో కూడిన భారీ, మోస్తరు వర్షాలు పడవచ్చని అధికారులు అంచనా వేశారు. వీటితో పాటు ఒడిశా, ఛత్తీస్‌గఢ్‌, జార్ఖండ్‌, బీహార్‌, ఉత్తరప్రదేశ్‌, పశ్చిమ బెంగాల్‌, సిక్కిం, ఉత్తరాఖండ్‌ రాష్ట్రాల్లోనూ వర్షాలు కురిసే సూచనలున్నాయి. దక్షిణాది రాష్ట్రాలైన కర్ణాటక, కేరళ, తమిళనాడులోనూ కొన్ని ప్రాంతాల్లో వర్షాలు పడే అవకాశం ఉంది. అండమాన్‌ నికోబార్‌ దీవుల్లో భారీ వర్షాలు కురిసే సూచనలున్నాయి.ఎల్‌నినోతో భారత్‌కు ముప్పు?ఇదిలా ఉంటే.. ఎల్‌నినో ప్రభావం బలపడుతుండటం భారత్‌కు ఆందోళన కలిగించే అంశంగా మారుతోంది. ఎల్‌నినో అంటే పసిఫిక్‌ మహాసముద్రంలోని భూమధ్యరేఖ ప్రాంతంలో సముద్ర ఉపరితల ఉష్ణోగ్రతలు సాధారణం కంటే ఎక్కువగా పెరగడం. ఈ మార్పు ప్రపంచవ్యాప్తంగా గాలుల దిశ, వాతావరణ పరిస్థితులు, వర్షపాతంపై ప్రభావం చూపుతుంది. ముఖ్యంగా భారత్‌లో రుతుపవనాలపై ఎల్‌నినో ప్రభావం పడే అవకాశం ఉంటుంది. పసిఫిక్‌ మహాసముద్రంలో ఉష్ణోగ్రతలు పెరిగినప్పుడు భారత ఉపఖండంలో వర్షపాతం తగ్గే పరిస్థితులు ఏర్పడవచ్చు. ఫలితంగా కొన్ని ప్రాంతాల్లో వర్షాభావం, వ్యవసాయానికి నీటి కొరత, జలాశయాల్లో నీటి నిల్వలు తగ్గడం వంటి సమస్యలు తలెత్తే ప్రమాదం ఉంటుంది. అయితే ఎల్‌నినో ఏర్పడిందంటే దేశమంతా కచ్చితంగా కరువు వస్తుందని అర్థం కాదు. దాని ప్రభావం ప్రాంతాన్ని బట్టి, ఇతర సముద్ర వాతావరణ పరిస్థితులను బట్టి మారుతుంటుంది.91B UPDATE | NORTH TAMIL NADU & SOUTH ANDHRA COASTS UNDER WATCH The well-marked low-pressure area over the South Andaman Sea and adjoining Southeast Bay of Bengal is expected to intensify into a Depression while tracking westward to west-northwestward towards the West-Central Bay of Bengal. Track & Intensity: Both ECMWF EPS and GEFS ensembles indicate a broad west-northwestward movement towards the Andhra Pradesh coast. However, significant differences remain regarding the system's intensity and eventual track. The interaction between the Indo-Pacific subtropical ridge and an approaching mid-latitude westerly trough will be crucial in determining the system's movement. Weak steering currents could result in slower movement or temporary stalling near the coast. Moderate vertical wind shear, dry-air intrusion and poor low-to-mid-level organisation may initially restrict intensification. However, improving upper-level divergence, anticyclonic outflow and moisture convergence could support further strengthening over the West-Central Bay. A Deep Depression or stronger system cannot be ruled out, although confidence remains limited. Rainfall Outlook – Tamil Nadu: Rainfall activity is expected to increase across northern coastal Tamil Nadu from Sunday night (1 November) or early Monday (2 November) as the system approaches the western Bay. Chennai, Tiruvallur, Chengalpattu, Kancheepuram and adjoining northern coastal districts could experience increasing rain and thunderstorms, with moderate to heavy spells possible during 2–4 November. If the system slows or stalls close to the coast, persistent moisture convergence and rainbands could produce prolonged heavy rainfall, with isolated very heavy rainfall possible. Key Watch Point: The exact coastal approach, intensity and interaction with the westerly trough remain uncertain. A stronger northward track would shift the heaviest rainfall towards Andhra Pradesh, while a slower or more southerly track could significantly enhance rainfall over extreme northern Tamil Nadu, including Chennai. Overall: The first week of November remains an important Northeast Monsoon watch period for North Tamil Nadu and South Andhra Pradesh. The next 24–48 hours will be crucial for track and intensity confidence. #91B #NEM2026 #ChennaiRains #TamilNaduWeather #BayOfBengal— Rainstorm - வானிலை பதிவுகள் (@RainStorm_TN) October 31, 2026ఈశాన్య రుతుపవనాలపై ప్రభావం.. అమెరికా వాతావరణ సంస్థ NOAA అక్టోబర్‌ 8న విడుదల చేసిన నివేదిక ప్రకారం.. ఎల్‌నినో పరిస్థితులు వేగంగా బలపడుతున్నాయి. 2027 జనవరి–మార్చి మధ్య కూడా బలమైన లేదా అత్యంత బలమైన ఎల్‌నినో కొనసాగేందుకు 83 శాతానికి పైగా అవకాశాలున్నాయని అంచనా వేసింది. మరోవైపు ప్రపంచ వాతావరణ సంస్థ (WMO) అక్టోబర్‌ 14న విడుదల చేసిన దక్షిణాసియా శీతాకాల వాతావరణ అంచనాల్లో.. అక్టోబర్‌ నుంచి డిసెంబర్‌ వరకు భారత్‌లోని చాలా ప్రాంతాల్లో సాధారణం కంటే తక్కువ వర్షపాతం నమోదయ్యే అవకాశం ఉందని పేర్కొంది. ముఖ్యంగా ఈశాన్య రుతుపవనాలపై ఆధారపడే దక్షిణాది రాష్ట్రాలపై ఈ ప్రభావం చూపనుంది.ఈశాన్య రుతుపవనాల వల్ల ప్రధానంగా తమిళనాడు, పుదుచ్చేరి, కోస్తాంధ్ర, రాయలసీమ, దక్షిణ కర్ణాటక, కేరళ ప్రాంతాల్లో వర్షాలు కురుస్తాయి. వీటిలో తమిళనాడుకు ఈ రుతుపవనాలు అత్యంత కీలకం. ఆ రాష్ట్రంలోని తీర ప్రాంతాల్లో వార్షిక వర్షపాతంలో దాదాపు 60 శాతం వరకు ఈ సీజన్‌లోనే నమోదవుతుంది. అయితే దక్షిణాది అంతటా ఒకే స్థాయిలో వర్షాలు కురవవు. కొన్ని ప్రాంతాల్లో సాధారణం కంటే ఎక్కువ, మరికొన్ని చోట్ల తక్కువ వర్షపాతం నమోదయ్యే అవకాశం ఉంటుంది. ఇదీ చదవండి: లండన్‌లో ఉన్నా అమ్మా.. కట్‌ చేస్తే పూణేలో మిస్టరీ డెత్‌.. ఆన్‌లైన్‌ ఆర్డర్లే అసలు క్లూ!

చెన్నై: తమిళనాడు ముఖ్యమంత్రి, టీవీకే అధినేత విజయ్‌ నిరుద్యోగులకు తీపి కబురు అందించారు. ప్రభుత్వ ఉద్యోగాల కోసం పోటీపడుతున్న అభ్యర్థులకు భారీ ఊరటనిస్తూ కీలక నిర్ణయం తీసుకున్నారు. ప్రభుత్వ ఉద్యోగ నియామక పరీక్షలకు దరఖాస్తు చేసుకునే అభ్యర్థులకు గరిష్ఠ వయోపరిమితిలో ఐదేళ్లపాటు సడలింపు ప్రకటించారు. ఈ నిర్ణయంతో వయోపరిమితి కారణంగా ఇప్పటివరకు ఉద్యోగ పరీక్షలకు దూరమైన వేలాది మంది అభ్యర్థులకు మరో అవకాశం లభించనుంది.ప్రభుత్వ ఉద్యోగ ఆశావహుల నుంచి వచ్చిన విజ్ఞప్తులను పరిగణనలోకి తీసుకుని ఈ నిర్ణయం తీసుకున్నట్లు ప్రభుత్వం అధికారిక ప్రకటన వెల్లడించింది. ఇప్పటికే అమల్లో ఉన్న వయోపరిమితి సడలింపులకు అదనంగా ఈ ఐదేళ్ల మినహాయింపు వర్తించనుంది.గ్రూప్స్‌ అభ్యర్థులకు భారీ ఊరటతాజా నిర్ణయం ప్రకారం గ్రూప్‌-1 ఉద్యోగాలకు జనరల్‌ కేటగిరీ అభ్యర్థుల గరిష్ఠ వయోపరిమితి 32 ఏళ్ల నుంచి 37 ఏళ్లకు పెరగనుంది. రిజర్వేషన్‌ కేటగిరీ అభ్యర్థులకు 37 ఏళ్ల నుంచి 42 ఏళ్లకు పెంచారు. దివ్యాంగ అభ్యర్థుల్లో జనరల్‌ కేటగిరీ వారికి 42 నుంచి 47 ఏళ్లకు, రిజర్వేషన్‌ కేటగిరీ వారికి 47 నుంచి 52 ఏళ్లకు వయోపరిమితిని పెంచారు. అలాగే, గ్రూప్‌-2 ఉద్యోగాలకు జనరల్‌ కేటగిరీ అభ్యర్థుల వయోపరిమితిని 30 నుంచి 35 ఏళ్లకు పెంచారు. జనరల్‌ కేటగిరీకి చెందిన దివ్యాంగ అభ్యర్థులకు 40 నుంచి 45 ఏళ్లకు పెంచుతూ నిర్ణయం తీసుకున్నారు. ఈ ఉద్యోగాలకు రిజర్వేషన్‌ కేటగిరీ అభ్యర్థులకు ఇప్పటికే గరిష్ఠ వయోపరిమితి లేదు.కాగా, ఈ కొత్త నిబంధనలు ఐదేళ్లపాటు అమల్లో ఉంటాయి. దీంతో తమిళనాడులో ప్రభుత్వ ఉద్యోగాల కోసం సిద్ధమవుతున్న అభ్యర్థులకు పోటీ పరీక్షల్లో పాల్గొనేందుకు మరింత సమయం, అవకాశాలు లభించనున్నాయి.ఇదీ చదవండి: ఉత్తరాఖండ్ హెలికాప్టర్ ప్రమాదం.. వైరలవుతున్న చివరి సెల్ఫీ !

తమిళనాడు రాజకీయాల్లో కీలక పరిణామం చోటుచేసుకుంది. దివంగ‌త మాజీ సీఎం జ‌య‌ల‌లిత స‌న్నిహితురాలు, ఒకప్పుడు అన్నాడీఎంకేలో కీలక పాత్ర పోషించిన వీకే శశికళకు మరోసారి రాజకీయంగా ఎదురుదెబ్బ తగిలింది. ఆల్‌ ఇండియా పురట్చి తలైవర్‌ మక్కల్‌ మున్నేట్ర కళగం (AIPTMMK) నుంచి ప్రధాన కార్యదర్శి శశికళను తొలగిస్తున్నట్లు ఆ పార్టీ వ్యవస్థాపక అధ్యక్షుడు చక్రవర్తి సంచలన ప్రకటన చేశారు.ఎన్నికల అనంతరం పార్టీ కార్యకలాపాలకు శశికళ దూరంగా ఉంటున్నారనే కారణంతో ఈ నిర్ణయం తీసుకున్నట్లు వెల్లడించారు. చెన్నైలోని వలసరవాక్కంలోని పార్టీ ప్రధాన కార్యాలయంలో మీడియాతో మాట్లాడిన చక్రవర్తి.. ఎన్నికల తర్వాత శశికళ పార్టీ కార్యక్రమాల్లో పాల్గొనడం లేదని.. ఆమెను కలిసేందుకు కూడా తనకు అవకాశం లభించలేదని తెలిపారు.ఈ నిర్ణయాన్ని ఇప్పటికే ఎన్నికల సంఘానికి తెలియజేసినట్లు చెప్పారు. త్వరలోనే నూతన ప్రధాన కార్యదర్శిని నియమిస్తామని చెప్పారు. తమిళనాడులోని ప్రస్తుత ప్రభుత్వానికి వ్యతిరేకంగా పార్టీ రెండు తీర్మానాలు కూడా ఆమోదించినట్లు చక్రవర్తి తెలిపారు. అన్నాడీఎంకే (AIADMK) నుంచి బహిష్కరణకు గురైన అనంతరం ఈ ఏడాది ప్రారంభంలో శశికళ కొత్త రాజకీయ పార్టీని ప్రకటించారు. ఆల్ ఇండియా పురట్చి తలైవర్ మక్కల్ మున్నేట్ర కళగం పేరుతో పార్టీని ఏర్పాటు చేశారు.కొబ్బరి తోటను పార్టీ ఎన్నికల గుర్తుగా నిర్ణయించారు. అంతేకాకుండా నలుపు, తెలుపు, ఎరుపు రంగులతో పార్టీ జెండాను కూడా పరిచయం చేశారు. అందులో అన్నాదురై, ఎంజీఆర్, జయలలిత చిత్రాలను పొందుపరిచారు. ఆదాయానికి మించిన ఆస్తుల కేసులో దోషిగా తేలడంతో శశికళను అన్నాడీఎంకే పార్టీ నుంచి బహిష్కరించిన విషయం తెలిసిందే.ఇదీ చదవండి: రక్తవర్ణంలోకి మారిన ఆకాశం.. అర్నబ్‌ తుపాన్‌ ప్రభావమేనా?

సాక్షి, చెన్నై: తమిళ ప్రముఖ నటుడు ధనుష్‌ రాజకీయ అరంగేట్రంపై తమిళనాడు రాజకీయాల్లో తీవ్ర ఉత్కంఠ నెలకొంది.ఓఎంఆర్‌ రోడ్డులోని ఓ ప్రైవేట్‌ కళాశాలలో నిర్వహించిన ధనుష్‌ ఛారిటీ మూవ్‌మెంట్‌ మహిళా ప్రతినిధుల సమావేశంలో ఆయన పంపిణీ చేసిన బహుమతి పెద్ద వివాదానికి దారితీసింది. ఈ సమావేశానికి హాజరైన వెయ్యికి పైగా మహిళా ప్రతినిధులకు ధనుష్‌ దీపావళి కానుకగా రూ.1.3 కోట్ల విలువైన వెండి కామాక్షి దీపా లను బహుకరించారు. అయితే, ఆ దీపాల అడుగుభాగంలో కమలం (తామర) గుర్తు చెక్కి ఉండటం కలకలం రేపింది. ధనుష్‌ స్థాపిస్తున్న తమిళగ ఎళుచ్చి కళగం అనే కొత్త పారీ్టకి, బీజేపీకి సంబంధాలు ఉన్నాయని, బీజేపీనే ఆయనను వెనుక ఉండి నడిపిస్తోందని విమర్శలు బయలు దేరాయి. టీమ్‌ వివరణ ఈ ఆరోపణలను ధనుష్‌ ఛారిటీ మూవ్‌మెంట్‌ ప్రతినిధులు తీవ్రంగా ఖండించారు. తామర గుర్తు అనేది కేవలం ఆభరణ తయారీదారుడి ముద్ర మాత్రమే తప్ప, ఏ పార్టీ ఎన్నికల గుర్తు కాదని స్పష్టం చేశారు. కాగా, : ఒకవైపు బీజేపీ, మరోవైపు ఏఐఏడీఎంకే అన్నాడీఎంకే ధనుష్‌ను తమవైపు తిప్పుకునేందుకు ప్రయత్నిస్తున్నాయని, కాంగ్రెస్‌ నాయకులు మాత్రం ఢిల్లీ నాయకత్వం ప్లాన్‌ డీ పేరుతో సెలబ్రిటీలను వాడుకుంటోందని ఆరోపిస్తున్నారు. ధనుష్‌ పార్టీ వైపు డాక్టర్‌ రామదాస్‌ కుమార్తె చూపు? పీఎంకే అధినేత డాక్టర్‌ రామదాస్‌, ఆయన కుమారుడు అన్బుమణి రామదాస్‌ మధ్య చెలరేగిన విభేదాల పర్యవసానాలు ఇంకా కొనసాగుతున్నాయి. ఇటీవల ఎన్నికల అనంతరం వీరిద్దరూ రాజీ పడినప్పటికీ, రాందాస్‌ కుమార్తె గాందీమతి మాత్రం ఈ పరిణామాలపై తీవ్ర అసంతృప్తి తో ఉన్నట్లు సమాచారం. తండ్రి నిర్ణయాల పై కోపంతో ఉన్న గాందీమతి, నటుడు ధనుష్‌ స్థాపించబోయే నూతన పార్టీలో చేరేందుకు ఆసక్తి చూపుతున్నట్లు తెలిసింది.ధనుష్‌ను కలిసి తన భవిష్యత్తు రాజకీయ అడుగులపై చర్చించేందుకు ఆమె సమయం కోరినట్లు రాజకీయ వర్గాల్లో ప్రచారం జరుగుతోంది.

సాక్షి,చెన్నై: ఒకవైపు దక్షిణాది రాష్ట్రాల్లో ‘అర్నబ్’ తుఫాన్‌ అలజడి సృష్టిస్తుంటే.. మరోవైపు జైలు శిక్ష అనుభవిస్తున్న ఖైదీలు సైలెంట్‌గా తమ పని కానిచ్చేశారు. ప్రభుత్వ యంత్రాంగం తుఫాన్ సహాయక చర్యల్లో తలామునకలవుతుంటే, అదును చూసిన ఖైదీలు జైలు సిబ్బందిపై దాడి చేశారు. జైలు నుంచి పరారయ్యారు.పోలీసుల వివరాల మేరకు.. తమిళనాడు రాష్ట్రం తేని జిల్లా సబ్‌జైలు నుంచి 17 మంది ఖైదీలు తప్పించుకోవడం కలకలం రేపుతోంది. సమాచారం అందుకున్న జిల్లా పోలీసు యంత్రాంగం ఖైదీల కోసం 16 బృందాలుగా విడిపోయి గాలింపు చర్యలు చేపట్టింది. ఈ గాలింపు చర్యల్లో ఒక ఖైదీని అదుపులోకి తీసుకోగా.. మరో 16 మంది కోసం పోలీసుల వేట కొనసాగుతోంది.జైల్లో మొత్తం 17 మంది ఖైదీలు ఒకే గదిలో ఉన్నారు. ఖైదీలలో ఒకరికి ఆరోగ్యం బాగోలేదని సమాచారం అందడంతో జైలు సిబ్బంది ఆ గదిలోకి వెళ్లారు. ఆ సమయంలోనే ఖైదీలు తప్పించుకునేందుకు ప్లాన్‌ చేశారు. ఖైదీలు ముందస్తు ప్లాన్‌లో భాగంగా ఫిట్స్ (మూర్ఛ) వచ్చినట్లు నటించారు. సిబ్బందిపై దాడి చేసిన ఖైదీలు అక్కడి నుండి పారిపోయినట్లు సౌత్ జోన్ ఇన్‌స్పెక్టర్ జనరల్ ఆఫ్ పోలీస్ విజయేంద్ర బిదరి తెలిపారు.ఖైదీల దాడి సమయంలో తేని జిల్లా జైల్లో విధులు నిర్వహిస్తున్న పోలీసు సిబ్బంది తంగపాండి తీవ్రంగా గాయపడ్డారు. అత్యవసర చికిత్స నిమిత్తం ఆయనను జి.విలక్కు ప్రభుత్వ ఆసుపత్రికి తరలించారు. మరో ఇద్దరు జైలు సిబ్బందికి స్వల్ప గాయాలయ్యాయని పేర్కొన్నారు.గాలింపు చర్యల్లో భాగంగా పోలీసులు పొరుగు జిల్లాల్లో భద్రతను కట్టుదిట్టం చేయడంతో పాటు వాహనాల తనిఖీలను ముమ్మరం చేశారు. దిండిగల్ జిల్లా ఎస్పీ ఎస్. జయకుమార్ మాట్లాడుతూ.. ముందస్తు జాగ్రత్తగా జిల్లాలో 16 చోట్ల చెక్‌పోస్టులను ఏర్పాటు చేసినట్లు తెలిపారు. దిండిగల్-తేని రహదారిపై కూడా వాహనాలను ముమ్మరంగా తనిఖీ చేస్తున్నారు.మధురై, దిండిగల్, ఇడుక్కి జిల్లాల పోలీసులను అప్రమత్తం చేశారు. పరారైన ఖైదీలను గుర్తించేందుకు వీలుగా వారి ఫొటోలను అన్ని పోలీస్‌స్టేషన్‌లు, చెక్‌పోస్టులకు పంపించారు. ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు తెలిపారు. ఇదీ చదవండి : రూ. 600 కోట్ల సుపారీ ప్లాన్.. కర్ణాటక పాలిటిక్స్‌లో బిగ్గెస్ట్ ట్విస్ట్!

సాక్షి,చెన్నై: తమిళనాడులో అధికార తమిళగ వెట్రి కజగం (టీవీకే)పై దుమారం చెలరేగింది. టీవీకేకి చెందిన స్థానిక నేత ఒకరు కాలేజీ విద్యార్థినిపై లైంగిక వేధింపులకు పాల్పడటం రాష్ట్ర రాజకీయాల్లో సంచలనం రేపింది.కుండపోతగా కురుస్తున్న వర్షంలో లిఫ్ట్‌ ఇస్తానని నమ్మించిన నిందితుడు విద్యార్థినిపై దారుణానికి ఒడిగట్టినట్లు తెలుస్తోంది. బాధితురాలి ఫిర్యాదు మేరకు ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు.నాగర్‌కోయిల్‌లోని ఓ కళాశాలలో ఎంఏ రెండో సంవత్సరం చదువుతున్న విద్యార్థిని, తన తోటి స్నేహితురాలితో కలిసి (వారిలో ఒకరు టీవీకే కార్యకర్త) కాలేజీ ముగిసిన తర్వాత బస్సు కోసం ఎదురు చూస్తున్నారు. ఆ సమయంలో అటుగా వచ్చిన టీవీకే కేంద్ర జిల్లా కార్యవర్గ కమిటీ సభ్యుడైన క్రిస్టోఫర్.. తాను కూడా అదే మార్గంలో వెళ్తున్నానని చెప్పి వారిని నమ్మించి కారు ఎక్కించుకున్నాడు.మార్గం మధ్యలో ముందుగా ఓ విద్యార్థిని దించాడు. ఆ తర్వాత మరో విద్యార్థినితో క్రిస్టోఫర్ మాట్లాడుతూ.. ‘నేను కులశేఖరం వెళ్తున్నాను, నిన్ను కూడా అక్కడే దించుతాను’అంటూ నమ్మించాడు. అయితే మార్గమధ్యంలో కారును నిర్మానుష్య ప్రాంతానికి తీసుకెళ్లాడు. అక్కడ ఆ విద్యార్థినిపై లైంగిక వేధింపులకు పాల్పడ్డాడు.అక్కడి నుంచి పరారయ్యాడు. బాధితురాలి ఫిర్యాదు మేరకు తమిళనాడు పోలీసులు నిందితుడిపై కేసు నమోదు చేసి గాలింపు చర్యలు చేపట్టారు.విపక్షాల తీవ్ర నిరసనలు.. విమర్శల వర్షంఈ ఘటన తమిళనాడు రాజకీయాల్లో పెను ప్రకంపనలు సృష్టిస్తోంది. అధికార, ప్రతిపక్ష పార్టీలు ఈ అంశంపై తీవ్రంగా స్పందిస్తున్నాయి. ఈ ఘటనపై డీఎంకే ఎంపీ కనిమొళి స్పందించారు. కాలేజీ విద్యార్థినిపై లైంగిక వేధింపులకు పాల్పడిన తన పార్టీ నేతపై ఎలాంటి చర్యలు తీసుకుంటారని ప్రశ్నించారు. టీవీకే పార్టీ నేరస్థులకు నిలయంగా మారిందని మండిపడ్డారు. బాధితురాలికి తక్షణ రక్షణ కల్పించాలని, నిందితుడిపై నిష్పక్షపాతంగా చట్టపరమైన చర్యలు తీసుకోవాలని డిమాండ్ చేశారు. ఒకవేళ న్యాయం జరగకపోతే ప్రజాసంఘాలతో కలిసి ప్రజాస్వామ్య పద్ధతిలో ఆందోళనలు చేపడతామని హెచ్చరించారు.అన్నాడీఎంకే విమర్శలుమరోవైపు అన్నాడీఎంకే కూడా తీవ్రస్థాయిలో విమర్శలు గుప్పించింది. సొంత పార్టీ సభ్యుల నుంచే మహిళలకు రక్షణ కల్పించలేని వ్యక్తి పదవిలో కొనసాగే నైతిక అర్హత లేదని ఎక్స్ వేదికగా దుయ్యబట్టింది. టీవీకే రాజకీయ పార్టీనా లేక కామాంధుల అడ్డానా? అని నిలదీసింది. ఈ ఘటనపై టీవీకే పార్టీ నుంచి ఇంకా ఎలాంటి అధికారిక స్పందన వెలువడలేదు. జిల్లా స్థాయి నేత అక్రమాలకు పాల్పడటం రాష్ట్రవ్యాప్తంగా చర్చనీయాంశమైంది.

బీజేపీతో విభేదాలు.. కేంద్ర ప్రభుత్వ తీరుపై విమర్శలు.. ప్రధాని మోదీపై ప్రశంసలు.. ఇలా ఒకే వేదికపై భిన్నమైన వ్యాఖ్యలతో మాజీ తమిళనాడు బీజేపీ అధ్యక్షుడు కె. అన్నామలై మరోసారి వార్తల్లో నిలిచారు. కాక్రోచ్ జనతా పార్టీ (సీజేపీ) నిరసనకారులపై ఢిల్లీ పోలీసులు తీసుకున్న చర్యలను తప్పుబట్టిన ఆయన.. అంతమాత్రాన తాను సీజేపీకి మద్దతు ఇస్తున్నట్లు భావించవద్దని స్పష్టం చేశారు. ప్రజాస్వామ్యంలో ప్రతి రాజకీయ పార్టీకి పోరాడే హక్కు ఉందని పేర్కొన్నారు.గురువారం తన ‘వీ ద లీడర్స్‌’ ఉద్యమం నిర్వహించిన కార్యక్రమంలో మాట్లాడిన అన్నామలై.. సీజేపీ ఎజెండా వేరని, తమ ఎజెండా వేరని అన్నారు. అయితే, నిరసనకారులు తప్పు చేసి ఉంటే చట్ట ప్రకారం చర్యలు తీసుకోవాలని, కక్ష సాధింపు ధోరణితో వ్యవహరించకూడదని సూచించారు. అరెస్టులు చట్టబద్ధంగా, నిర్దేశిత విధానాలకు అనుగుణంగా జరగాలని స్పష్టం చేశారు. దేశ సార్వభౌమత్వానికి ముప్పు ఉందని భావిస్తే నిఘా సంస్థలు, ఇతర భద్రతా వ్యవస్థలు ఉన్నాయని అన్నామలై గుర్తుచేశారు. అలాంటి అంశాలపై చర్యలు తీసుకోవాలే తప్ప, సామాజిక మాధ్యమాల్లో ఆరోపణలు చేస్తూ అనవసర భయాందోళనలు సృష్టించకూడదని వ్యాఖ్యానించారు. అదే సమయంలో ఎన్నికల సంఘం, సుప్రీంకోర్టు వంటి ప్రజాస్వామ్య సంస్థలపై ప్రజలకు ఉన్న విశ్వాసాన్ని దెబ్బతీసే ప్రయత్నాలను అంగీకరించలేమన్నారు.తన దేశభక్తిపై ఎవరూ పాఠాలు చెప్పాల్సిన అవసరం లేదని అన్నామలై ఘాటు వ్యాఖ్యలు చేశారు. దేశంలోని పలు రాష్ట్రాల్లో పనిచేసిన అనుభవం తనకు ఉందని, భారతదేశ ఐక్యత, సార్వభౌమత్వం గురించి తనకు తెలుసని పేర్కొన్నారు. ప్రధాని నరేంద్ర మోదీ మంచి పనులు చేస్తున్నారని ప్రశంసించిన అన్నామలై.. ఆయనకు మద్దతు ఇస్తూనే, తప్పుగా అనిపించిన అంశాలను ప్రశ్నించడానికి వెనుకాడబోనని స్పష్టం చేశారు.ఇటీవల సీజేపీ నేతలు సౌరవ్ దాస్, అశుతోష్ రంకాలను నిర్బంధించడంపై కూడా అన్నామలై అభ్యంతరం వ్యక్తం చేశారు. ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ అక్టోబర్ 10న సీజేపీ కార్యకర్తలు చేపట్టిన నిరసనల సందర్భంగా ఢిల్లీ పోలీసులు చర్యలు తీసుకున్నారు. ఈ వ్యవహారంలో పోలీసుల తీరును అన్నామలై ప్రశ్నించడం బీజేపీ వర్గాల్లో విమర్శలకు దారితీసింది. 2011లో గుజరాత్ ముఖ్యమంత్రిగా ఉన్నప్పుడు మోదీ చేసిన వ్యాఖ్యలను కూడా అన్నామలై ప్రస్తావించారు. అప్పట్లో రాంలీలా మైదానంలో అవినీతి వ్యతిరేక నిరసనకారులపై పోలీసుల చర్యలను మోదీ వ్యతిరేకించారని గుర్తుచేశారు. గతంలో ఇలాంటి చర్యలను ప్రశ్నించిన మోదీ.. ఇప్పుడు అదే తరహా విమర్శలు ఎదురవుతున్నప్పుడు అరెస్టులు, నిర్బంధాలు ఎందుకు చోటుచేసుకుంటున్నాయని ప్రశ్నించారు.అంతేకాదు, సీజేపీని వ్యతిరేకించే క్రమంలో బీజేపీ ఆ పార్టీకి దేశవ్యాప్తంగా ఉచిత ప్రచారం కల్పిస్తోందా? అని నిలదీశారు. అధికారంలో ఉండి కూడా బీజేపీ కొత్త శత్రువులను సృష్టించుకుంటోందని విమర్శించారు. అన్నామలై వ్యాఖ్యలపై తమిళనాడు బీజేపీ అధికార ప్రతినిధి నారాయణన్ తిరుపతి తీవ్రంగా స్పందించారు. అన్నామలై ప్రశ్నలు శాంతియుత నిరసనలకు, ఉద్దేశపూర్వకంగా చట్టాన్ని ఉల్లంఘించడానికి మధ్య ఉన్న తేడాను మసకబారుస్తున్నాయని విమర్శించారు. 2026 జూన్‌లో బీజేపీని వీడిన అన్నామలైకు ఆ పార్టీని విమర్శించే స్వేచ్ఛ ఉందని పేర్కొన్నారు.ఇదీ చదవండి: ఐపీఎస్‌ అంకితా శర్మకు బిగ్‌ షాక్‌.. ఇలా జరిగిందేంటి?

ప్రజాస్వామ్యంలో ప్రశ్నిస్తే విదేశీ ఏజెంట్లుగా ముద్ర వేస్తారా? పోలీసుల చర్యలపై సమాధానం చెప్పకుండా విమర్శకులపై ఎదురుదాడి చేస్తారా? అంటూ తమిళనాడు మాజీ బీజేపీ అధ్యక్షుడు కె. అన్నామలై కేంద్ర ప్రభుత్వంపై తీవ్ర విమర్శలు చేశారు. ఢిల్లీలో కాక్రోచ్ జనతా పార్టీ (సీజేపీ) నేతలపై పోలీసులు తీసుకున్న చర్యలు, ముందస్తు నిర్బంధ ప్రక్రియల చట్టబద్ధతపై ఆయన ప్రశ్నలు సంధించారు. ప్రజాస్వామ్యంలో నిరసన తెలిపే హక్కును కాపాడాల్సిన బాధ్యత ప్రభుత్వానికి ఉందని స్పష్టం చేశారు.సీజేపీ నేతలపై ఢిల్లీ పోలీసుల చర్యలను అన్నామలై గతంలోనే తప్పుబట్టారు. తాజాగా సోషల్ మీడియా వేదికగా స్పందిస్తూ.. చట్టబద్ధమైన ప్రక్రియను ఉల్లంఘించారని ప్రశ్నిస్తే వివిధ రకాలుగా దాడులు చేస్తారని, చివరకు విదేశీ ఏజెంట్లుగా ముద్ర వేస్తారని వ్యాఖ్యానించారు. ప్రభుత్వాన్ని ప్రశ్నించినంత మాత్రాన ఎవరినీ దేశ వ్యతిరేకులుగా చిత్రీకరించకూడదని పరోక్షంగా హితవు పలికారు.ఇదే సమయంలో తాను బీజేపీకి రాజీనామా చేసిన విషయాన్ని గుర్తుచేస్తూ.. జూన్‌ 5, 2026న పార్టీని వీడినట్లు అన్నామలై స్పష్టం చేశారు. సీజేపీ నిరసన పద్ధతులతో తాను ఏకీభవించడం లేదని, ఆ సంస్థ అనుసరిస్తున్న కొన్ని విధానాలు తప్పుదారి పట్టించేవిగా భావిస్తున్నానని తెలిపారు. అయితే, ఒక అంశంపై నిరసన తెలిపేందుకు, ప్రశ్నించేందుకు, తమ వాదన వినిపించేందుకు ఆ సంస్థకు హక్కు ఉందా అని అడిగితే కచ్చితంగా ఉందనే చెబుతానని పేర్కొన్నారు. ఇదే సమయంలో సీజేపీ నేతలపై పోలీసుల చర్యలకు సంబంధించి అన్నామలై కేంద్ర ప్రభుత్వాన్ని ఐదు అంశాలపై వివరణ కోరారు.కేంద్రానికి ఐదు ప్రశ్నలు👉జంతర్‌ మంతర్‌ నిరసనలకు అనుమతి: సీజేపీ నిరసనకు అనుమతి కోరిన తర్వాత జంతర్‌ మంతర్‌ను నిరసన స్థలంగా ఎందుకు తొలగించారో చెప్పాలని ప్రశ్నించారు.👉ప్రత్యేక ఎగ్జిక్యూటివ్‌ మేజిస్ట్రేట్ల అధికారాలు: పోలీసు అధికారులు ప్రత్యేక ఎగ్జిక్యూటివ్‌ మేజిస్ట్రేట్లుగా వ్యవహరిస్తున్నప్పుడు వారికి ఉన్న అధికారాల పరిధి ఏమిటని అడిగారు.👉బెయిల్‌ విచారణ: అక్టోబర్‌ 13న అరెస్టయిన సీజేపీ సభ్యులకు సంబంధించిన బెయిల్‌ విచారణలో అనుసరించిన విధానంపై వివరణ కోరారు.👉ష్యూరిటీల తిరస్కరణ: ఎనిమిది మంది ష్యూరిటీలను తిరస్కరించడానికి కారణాలేమిటని ప్రశ్నించారు.👉పోలీసుల చర్యలు: నీట్‌ నిరసనల సందర్భంగా పెల్లెట్‌ గన్స్‌ వినియోగం, ప్రామాణిక నిర్వహణ విధానాల ఉల్లంఘన ఆరోపణలపై సమాధానం చెప్పాలని డిమాండ్‌ చేశారు. అలాగే, హైకోర్టు దృష్టికి వ్యవహారం వెళ్లిన తర్వాత ప్రత్యేక ఎగ్జిక్యూటివ్‌ మేజిస్ట్రేట్‌ నిర్బంధంలో ఉన్న సీజేపీ కార్యకర్తలను విడుదల చేసిన విషయాన్ని కూడా అన్నామలై ప్రస్తావించారు.బీజేపీ ఉచిత ప్రచారం చేస్తోందా?ఈ వ్యవహారంపై అన్నామలై మరో ఆసక్తికరమైన ప్రశ్న లేవనెత్తారు. సీజేపీని బీజేపీ నిజంగా వ్యతిరేకిస్తోందా? లేక ఆ పార్టీకి ఉచితంగా ప్రచారం కల్పిస్తోందా? అని ప్రశ్నించారు. ప్రతిపక్ష పార్టీల ఓట్లను చీల్చేందుకు సీజేపీని పెద్ద రాజకీయ శక్తిగా చూపించాలనే ఉద్దేశం ఉందా అని సందేహం వ్యక్తం చేశారు. సీజేపీకి ఇంతకంటే మెరుగైన ప్రచార బృందం దొరకదన్న రీతిలో బీజేపీపై వ్యంగ్యాస్త్రాలు సంధించారు.అన్నామలైపై బీజేపీ ఎదురుదాడిఅన్నామలై విమర్శలకు తమిళనాడు బీజేపీ అధికార ప్రతినిధి నారాయణన్‌ తిరుపతి ఘాటుగా స్పందించారు. పార్టీని వీడిన తర్వాత అన్నామలై తన వైఖరిని మార్చుకున్నారని ఆరోపించారు. ఎస్‌ఐఆర్‌ విషయంలో గతంలో ఆయన అనుకూలంగా మాట్లాడారని గుర్తుచేశారు. తమిళనాడులో పెద్ద సంఖ్యలో నకిలీ ఓటర్లు ఉన్నారని, వారిని తొలగించాల్సిన అవసరం ఉందని గతంలో అన్నామలై పేర్కొన్నారని అన్నారు. అప్పుడు ఈ ప్రక్రియను సమర్థించిన అన్నామలై.. ఇప్పుడు బీజేపీని వీడిన తర్వాత సీజేపీ, కాంగ్రెస్‌ లేవనెత్తుతున్న అభ్యంతరాలకు మద్దతు ఇవ్వడం ఏమిటని ప్రశ్నించారు.మాజీ ఐపీఎస్‌ అధికారి అయిన అన్నామలైకి శాంతిభద్రతల పరిరక్షణలో పోలీసుల బాధ్యతలు తెలుసని, అలాంటప్పుడు వారి చర్యలను ప్రశ్నించడం గతంలో ఆయన నిర్వహించిన బాధ్యతలకు విరుద్ధంగా ఉందని వ్యాఖ్యానించారు. మొత్తంగా.. సీజేపీ నేతల నిరసనలు, ఢిల్లీ పోలీసుల చర్యలతో మొదలైన వివాదం ఇప్పుడు అన్నామలై వర్సెస్‌ బీజేపీగా మారింది. దీంతో ఈ వ్యవహారం రాజకీయంగా మరింత ఆసక్తికరంగా మారింది.ఇదీ చదవండి: అయ్యప్ప భక్తులకు అలర్ట్‌.. శబరిమలలో కొత్త రూల్స్‌!

ఫైనాన్స్ ఇన్‌ఫ్లుయెన్సర్‌ ఆత్మహత్య చేసుకోవడం కలకలం రేపింది. వేధింపుల కారణంగానే తన కుమారుడు తీవ్ర మానసిక ఒత్తిడికి గురై ప్రాణాలు తీసుకున్నాడంటూ తండ్రి ఆరోపిస్తున్నారు. ఇన్‌స్టాగ్రామ్‌లో 13 లక్షలకు పైగా ఫాలోవర్లు కలిగిన ఇన్‌ఫ్లుయెన్సర్ చెన్నైలో ఆత్మహత్యకు పాల్పడ్డారు. వెంచర్ స్టూడియో సీఈఓ తన కుమారుడిని ఆన్‌లైన్‌లో వేధించారంటూ మృతుడి తండ్రి ఆరోపిస్తున్నారు.ఫైనాన్స్ విత్ హరీష్.. పేరుతో ఇన్‌స్టాగ్రామ్, యూట్యూబ్‌లో ఆర్థిక అంశాలకు కంటెంట్‌ను అందిస్తున్నాడు. హరీష్.. చెన్నైలో తాను అద్దెకు ఉంటున్న విల్లాలో ఉరివేసుకుని మరణించినట్లు సమాచారం. వెంచర్ స్టూడియో జెమూరియా ఇంక్ సీఈఓ జేసన్ శామ్యూల్ తన కుమారుడిని లక్ష్యంగా చేసుకుని వేధించారని హరీష్ తండ్రి ఆరోపించారు.శామ్యూల్ చేసిన ఆరోపణల నేపథ్యంలో మెటా సంస్థ హరీష్ ఇన్‌స్టాగ్రామ్ ఖాతాను నిలిపివేసిందని.. ఆ తర్వాత హరీష్ కొత్త ఖాతా ద్వారా వీడియోలు విడుదల చేస్తున్నాడని తెలిపారు. ఈ పరిణామాల క్రమంలో హరీష్ తీవ్ర ఒత్తిడికి గురయ్యాడని.. దీంతో తన కుమారుడి ఆత్మహత్యకు దారితీసిందని ఆయనపేర్కొన్నారు. ఈ ఘటనపై పోలీసుల విచారణ జరిపించాలని కూడా ఆయన డిమాండ్ చేశారు. ఈ ఘటనపై జేసన్ శామ్యూల్.. ఎక్స్‌ వేదికగా స్పందించారు. హరీష్ మరణవార్త తనను తీవ్ర దిగ్భ్రాంతికి గురిచేసిందని తెలిపారు. అయితే, తాను హరీష్‌ను వేధింపులకు గురిచేయలేదని.. ఆయన వెల్లడించిన కొన్ని వివరాల్లో తప్పులను మాత్రమే ఎత్తిచూపానని స్పష్టం చేశారు. హరీష్‌కు సెబీ గుర్తింపు పొందిన రిజిస్టర్డ్ ఇన్వెస్ట్‌మెంట్ అడ్వైజర్ లైసెన్స్ లేదని.. అలాగే తనకు ఏఎంఎఫ్‌ఐ లైసెన్స్ ఉన్నట్లు తప్పుగా ప్రచారం చేశారని శామ్యూల్ ఆరోపించారు. హరీష్ ఇటీవలే అసోసియేషన్ ఆఫ్ మ్యూచువల్ ఫండ్స్ ఇన్ ఇండియా నుంచిలా ఏఆర్‌ఎన్‌ నంబర్ పొందారని పేర్కొన్నారు.ఇదీ చదవండి: భార్యను కొట్టానని నిరూపిస్తారా?

సాక్షి, చెన్నై: తమిళనాడులోని ఈరోడ్ జిల్లాలో దారుణం చోటు చేసుకుంది. నాలుగు సవర్ల బంగారు పుస్తెల తాడుకోసం సహోద్యోగిని దారుణంగా హత్య చేసిన ఉదంతం రాజకీయ దుమారాన్ని రాజేసింది. హోంశాఖను పర్యవేక్షిస్తున్న ముఖ్యమంత్రి సీ. జోసెఫ్ విజయ్‌పై డిఎంకే అధ్యక్షుడు ఎంకే స్టాలిన్ తీవ్రస్థాయిలో విరుచుకుపడ్డారు.అసలు ఏం జరిగిందంటే..రామనాథపురం జిల్లాకు చెందిన ఉత్తిర అనే మహిళ, తిరుప్పూర్ జిల్లా పళ్లగౌండంపాలయంలోని ఒక ప్రైవేట్ ఆసుపత్రిలో నర్సుగా పనిచేస్తోంది. అక్టోబర్ 15న మిస్‌ అయిందంటూ భర్త పోలీసులకు ఫిర్యాదు చేశారు. అక్టోబర్ 17న పెరుందురై సమీపంలోని విజయమంగళం టోల్ గేట్ వద్ద ఆమె మృతదేహం లభ్యమైంది. ఈ కేసులో విచారణ చేపట్టిన పోలీసులు ఉత్తిర సహోద్యోగి శరవణన్‌ను నిందితుడిగా గుర్తించారు. బంగారం కోసమే నిందితుడు ఆమెను తన ద్విచక్ర వాహనంపై తీసుకెళ్లి, హత్య చేసి ఆమె తాళిను దొంగిలించాడని ఈరోడ్ జిల్లా పోలీసులు తెలిపారు. అక్టోబర్ 19న శరవణన్‌ను అరెస్టు చేసి, దొంగిలించిన నగలను స్వాధీనం చేసుకున్న పోలీసులు, న్యాయస్థానంలో హాజరుపరచగా కోర్టు రిమాండ్ విధించింది.రాజుకున్న రాజకీయంఈ హత్య ఉదంతంతో తమిళనాడులో శాంతిభద్రతల అంశంపై తీవ్ర రాజకీయ దుమారం రేగింది. సీఎం విజయ్‌ కేవలం పేరుకే హోంశాఖను తన వద్ద ఉంచుకున్నారు. మిగతా శాఖల బాధ్యతలను ఇతర మంత్రులకు పంచిపెట్టినట్లే, పోలీస్ శాఖను కూడా ఎవరికైనా అవుట్‌సోర్సింగ్ ఇచ్చారా?" అంటూ స్టాలిన్ మండిపడ్డారు. మాదకద్రవ్యాలను వదిలేయండి, క్రీడలను స్వీకరించండి అన్న విజయ్ ఇచ్చిన పిలుపును గుర్తుచేస్తూ.. "ముఖ్యమంత్రి గారూ, మీ నిర్లక్ష్యం ప్రజల ప్రాణాలను తీస్తోంది. ముందు మీరు విశ్రాంతిని వదిలేసి, మీ శాఖపై పూర్తి దృష్టి పెట్టండి" అని స్టాలిన్ ఎద్దేవా చేశారు. అలాగే శివగంగ జిల్లాలో బెయిల్‌పై బయటకొచ్చిన వ్యక్తి హత్యకు గురికావడం, అలాగే శ్రీలంకకు దాదాపు 135 కిలోల మెథాంఫెటమిన్ ద్రవాన్ని అక్రమంగా తరలించడానికి యత్నిస్తూ టీవీకే (TVK) మాజీ నిర్వాహకుడు భూబాలన్ పట్టుబడటం వంటి అంశాలను ప్రస్తావిస్తూ రాష్ట్రంలో శాంతిభద్రతలు క్షీణించాయని స్టాలిన్ ఆరోపించారు.ఇదీ చదవండి: దసరా పండుగ : సింగర్‌ ఇంటికి కొత్త లగ్జరీ కారుటీవీకే స్పందనమరోవైపు, అక్రమ రవాణా ఆరోపణలు ఎదుర్కొంటున్న భూబాలన్‌ను పార్టీ నుంచి వెంటనే బహిష్కరించినట్లు టీవీకే తెలిపింది. నాయకులతో ఫోటోలు దిగే ప్రతి ఒక్కరి నేపథ్యాన్ని తనిఖీ చేయడం సాధ్యం కాదని పేర్కొంది. స్టాలిన్ విమర్శలపై విజయ్ నేరుగా స్పందించనప్పటికీ, ఇటీవల అసెంబ్లీలో మాట్లాడుతూ.. నేరాల పెరుగుదలకు కేవలం కొన్ని నెలల తమ ప్రభుత్వాన్ని బాధ్యత వహించలేమని, గత డీఎంకే పాలనలోనే డ్రగ్స్ విచ్చలవిడిగా మారాయని, నేరాల నియంత్రణకు తమ ప్రభుత్వం కఠిన చర్యలు తీసుకుంటుందని విజయ్ స్పష్టం చేశారు. ఇదీ చదవండి: హాట్‌ టాపిక్‌ : ధనుష్‌ పొలిటికల్‌ ఎంట్రీపై టీవీకే స్పందన

తమిళనాడులో నటుడు ధనుష్ రాజకీయ అరంగేట్రం చేయనున్నారనే ఊహాగానాలపై అధికార తమిళగ వెట్రి కజగం (టీవీకే) పార్టీ స్పందించింది. సినిమా రంగం నుంచి ముఖ్యమంత్రి పీఠం వరకు సీఎం జోసెఫ్ విజయ్ సాగించిన ప్రయాణం సరికొత్త రాజకీయ "స్టార్టప్‌లకు" ఒక స్ఫూర్తిగా మారిందని టీవీకే పేర్కొనడం విశేషం. ధనుష​ రాజకీయ అరంగేట్రంపై ఇంకా ఎలాంటి అధికారిక స్పష్టత రానప్పటికీ, అధికార పార్టీ స్వయంగా విజయ్ ప్రయాణాన్ని ఒక స్ఫూర్తిగా అభివర్ణించడంతో, మరో తమిళ సూపర్‌ స్టార్ ఎంట్రీ ఖాయమేనా అనేది ఆసక్తికరంగా మారింది.కోయంబత్తూర్‌లో దాదాపు 3,000 మంది కార్యవర్గ సభ్యుల సమక్షంలో ధనుష్ అభిమాన సంఘాన్ని "ధనుష్ నర్పణి ఇయక్కమ్" (ధనుష్ వెల్ఫేర్ మూవ్‌మెంట్)గా మార్చడంతో నెట్టింట తీవ్ర చర్చ మొదలైంది. ఈ సమావేశంలో మాజీ జర్నలిస్ట్, అన్నాడీఎంకే ఎంపీ రబి బెర్నార్డ్ క్రమశిక్షణ, సంక్షేమ కార్యకలాపాల గురించి మాట్లాడగా, ఒక ఇస్రో శాస్త్రవేత్త ప్రేరణాత్మక ప్రసంగం చేశారు. అయితే ఈ సమావేశానికి ధనుష్ హాజరుకాలేదు, ఎలాంటి రాజకీయ ప్రవేశం గురించి ఆయన ప్రకటించలేదు.ఈ పరిణామంపై టీవీకే ప్రతినిధి ఎం. సత్యకుమార్ మీడియాతో మాట్లాడుతూ రాజకీయాల్లోకి రావాలని భావించే వారికి టీవీకే స్ఫూర్తిగా నిలవడం సంతోషకర మన్నారు. విజయ్ ఈ స్థాయికి చేరుకోవడానికి దశాబ్దాల పాటు కష్టపడ్డారని గుర్తుచేశారు. విజయ్ తన కెరీర్ అత్యున్నత దశలో ఉన్నప్పుడే నటనను విడిచి పెట్టారని చెబుతూ, రాజకీయాల పట్ల ఆయన చేసిన త్యాగం చాలా గొప్పదని వ్యాఖ్యానించారు.మరోవైపు విజయ్ దీనికోసం 30 ఏళ్లు కృషి చేశారు. ఇది అంత సులభం కాదని సత్యకుమార్ పేర్కొన్నారు. భవిష్యత్తులో వేరే రాజకీయ శక్తులు పుట్టుకొచ్చినా, వాటి బలం, నిలకడ చాలా ముఖ్యమని అభిప్రాయపడ్డారు. భవిష్యత్తులో రాజకీయాల్లోకి రావాలనుకునే వారికి విజయ్ ప్రయాణం ఒక టెంప్లేట్‌లా మారుతుందని, అయితే పార్టీని నడపడం, ఎన్నికల్లో గెలవడం అనేది పూర్తి స్థాయి నిబద్ధతను కోరుకుంటుందని సత్యకుమార్ హెచ్చరించడం గమనార్హం.ఇదీ చదవండి: దసరా పండుగ : సింగర్‌ ఇంటికి కొత్త లగ్జరీ కారుకాగా తమిళనాడులో సినిమా, రాజకీయాలు ఎప్పుడూ ముడిపడి ఉన్నాయనడానికి సీఎన్ అన్నాదురై, ఎం. కరుణానిధి, ఎంజీ రామచంద్రన్, జే జయలలిత లాంటి దిగ్గజాలే ఉదాహరణ. అయితే శివాజీ గణేశన్, విజయకాంత్, శరత్‌కుమార్, కమల్ హాసన్ వంటి నటులు రాజకీయాల్లోకి వచ్చినా అత్యున్నత పదవిని అధిరోషించలేకపోయారు. సూపర్‌స్టార్ రజనీకాంత్ రాజకీయాల నుంచే తప్పుకున్నారు. ఇప్పుడు విజయ్ సాధించిన ఘనవిజయం, సీఎం పీఠాన్ని అధిరోహించిన నేపథ్యంలో ధనుష్‌ ఎంట్రీ ఊహాగానాలు మళ్లీ వార్తల్లో నిలిచాయి.ఇదీ చదవండి: టీవీకేకు రూ.13.3 కోట్ల విరాళాలు, 99 శాతం ఆ ఇద్దరి నుంచే!విజయ్‌ ఎన్నికల రాజకీయాల్లోకి ఎంట్రీకోసం చాలాకాలం ముందునుంచే తన పునాదిని బలం చేసుకున్నారు. అభిమాన సంఘాన్ని సంక్షేమ వేదికగా మార్చారు. ఉచిత భోజనం, విద్యార్థులకు సాయం, లైబ్రరీలను తెరవడం, న్యాయ సహాయం అందించడం వంటి సేవా కార్యక్రమాలతో మద్దతుదారులను కూడగట్టారు. కాలక్రమేణా ఈ నెట్‌వర్కే టీవీకే పార్టీకి బలమైన పునాదిగా మారింది ప్రస్తుతం ధనుష్ అభిమాన సంఘం కూడా అదే బాటలో నడుస్తోంది.

సాక్షి, చెన్నై: తమిళనాడు ముఖ్యమంత్రి విజయ్ స్థాపించిన టీవీకే (TVK - తమిళగ వెట్రి కళగం) పార్టీకి 2025–26 ఆర్థిక సంవత్సరంలో విరాళాల రూపంలో రూ. 13.3 కోట్లు వచ్చాయి.ఈ మొత్తం విరాళాల్లో 99 శాతానికి పైగా సొమ్ము కేవలం ఇద్దరి మంత్రుల నుంచే రావడం గమనార్హం. భారత ఎన్నికల సంఘానికి (ECI) సమర్పించిన నివేదికల ద్వారా టీవీకే పార్టీ ఇచ్చిన సమాచారంతో ఈ విషయాలు వెలుగులోకి వచ్చింది.నలుగురు దాతల నుండి స్వచ్ఛంద విరాళాల రూపంలో రూ. 13.3 కోట్లు స్వీకరించినట్లు విజయ్ నేతృత్వంలోని టీవీకే ఈసీకి సమర్పించిన నివేదికలో పేర్కొంది. ఇందులో 99 శాతం నిధులు క్రీడలు మరియు ప్రజాపనుల శాఖ మంత్రి ఆదవ్ అర్జున, మరో మంత్రి ఆర్.వి. రంజిత్‌కుమార్ నుండే అందాయి. ఎన్నికల సంఘానికి సమర్పించిన వివరాల ప్రకారం ఆదవ్ అర్జున రూ. 8.2 కోట్లు, రంజిత్‌కుమార్ రూ. 5 కోట్లు విరాళంగా ఇచ్చారు. మొత్తం విరాళాలలో 60 శాతానికి పైగా వాటాతో, ఆదవ్ అర్జున ఈ పార్టీకి అతిపెద్ద దాతగా నిలిచారు. వీరితో పాటు, మరో తూత్తుకుడికి చెందిన 'స్నో షో' (Snow Sho) డిమాండ్ డ్రాఫ్ట్ (DD) రూపంలో రూ. 5 లక్షలు ఇచ్చింది. అదే చిరునామాతో ఉన్న 'స్నో ఎక్స్‌పోర్ట్స్ & ఇంపోర్ట్స్' కంపెనీ కూడా DD ద్వారా మరో రూ. 5 లక్షలు విరాళంగా అందించింది.ఇదీ చదవండి: నీటి బుడగ జీవితం గురించి బోధిస్తుండగానే ప్రాణం పోయింది!మరోవైపు తమిళనాడులోని ఇతర ప్రధాన పార్టీలకు వచ్చి విరాశాలను పరిశీలిస్తే 2025–26 ఆర్థిక సంవత్సరంలో ఏఐఏడీఎంకే (AIADMK) సుమారు రూ. 161.35 కోట్ల స్వచ్ఛంద విరాళాలను పొందినట్లు ఎన్నికల సంఘం గణాంకాలు వెల్లడిస్తున్నాయి. ఇందులో కోల్‌కతాకు చెందిన 'టైగర్ అసోసియేట్స్' (Tiger Associates) సంస్థ రూ. 135 కోట్లు విరాళంగా ఇచ్చి, అతిపెద్ద దాతగా నిలిచింది.ఇక డీఎంకే సుమారు రూ. 191.19 కోట్ల విరాళాలను స్వీకరించగా, ఇందులో కూడా 'టైగర్ అసోసియేట్స్' సంస్థే రూ. 125 కోట్లతో అతిపెద్ద దాతగా నిలవడం విశేషం.ఇదీ చదవండి: ఖాతాలో రూ. 3.7 లక్షలు మాయం : ఎస్‌బీఐకి షాకిచ్చిన కేరళ హైకోర్టుకాగా 'టైగర్ అసోసియేట్స్' సంస్థ ప్రముఖ లాటరీ వ్యాపారి సంటియాగో మార్టిన్‌కు (Santiago Martin) సంబంధించిన వ్యాపార భాగస్వామితో అనుసంధానమై ఉంది. ఈ సంస్థ డెసిగ్నేటెడ్ పార్ట్‌నర్ సుబ్బయ్యన్ నాగరాజన్, సంటియాగో మార్టిన్‌కు సుదీర్ఘకాలంగా వ్యాపార భాగస్వామిగా ఉన్నట్లు కార్పొరేట్ రికార్డుల ద్వారా తెలుస్తోంది. 2024 ఫిబ్రవరిలో సుప్రీంకోర్టు ఎలక్టోరల్ బాండ్ల పథకాన్ని రద్దు చేయడానికి ముందు, మార్టిన్ కు చెందిన 'ఫ్యూచర్ గేమింగ్ అండ్ హోటల్ సర్వీసెస్' సంస్థే అత్యధికంగా ఎలక్టోరల్ బాండ్లను కొనుగోలు చేసింది. ఆ పథకం ద్వారా ఫ్యూచర్ గేమింగ్ సంస్థ డీఎంకే పార్టీకి రూ. 509 కోట్లు విరాళంగా ఇచ్చినట్లు గతంలో బయటపడిన సంగతి తెలిసిందే.

రాజకీయాల్లో ప్రత్యర్థులంటే ఒకరిపై ఒకరు కత్తులు దూసుకుంటారు! ఎన్నికల బరిలో హోరాహోరీగా తలపడతారు. కానీ విరాళాల దగ్గరకు వచ్చేసరికి మాత్రం ఇద్దరికీ ఒకే సంస్థ నుంచి భారీగా నిధులు అందాయి. తమిళనాడులో రాజకీయ ప్రత్యర్థులైన డీఎంకే, అన్నాడీఎంకేలకు కోల్‌కతాకు చెందిన టైగర్ అసోసియేట్స్ ఏకంగా రూ.260 కోట్లు విరాళంగా ఇచ్చింది. 2025-26 ఆర్థిక సంవత్సరానికి సంబంధించిన ఈ వివరాలు ఇప్పుడు ఆసక్తికరంగా మారాయి. ఎన్నికల సంఘానికి సమర్పించిన నివేదికలను ఉటంకిస్తూ పీటీఐ ఈ విషయాన్ని వెల్లడించింది. ఇంతకీ ఏ పార్టీకి ఎన్ని కోట్లు వచ్చాయి? ఈ సంస్థకు లాటరీ కింగ్ శాంటియాగో మార్టిన్‌తో ఉన్న సంబంధమేంటి?.తమిళనాడులో ప్రధాన రాజకీయ ప్రత్యర్థులుగా ఉన్న డీఎంకే, అన్నాడీఎంకేలకు టైగర్ అసోసియేట్స్ భారీ మొత్తంలో విరాళాలు అందించింది. 2025-26 ఆర్థిక సంవత్సరంలో అన్నాడీఎంకేకు రూ.135 కోట్లు, డీఎంకేకు రూ.125 కోట్లు ఇచ్చింది. ఈ రెండు పార్టీలకు కలిపి వచ్చిన రూ.352.55 కోట్ల విరాళాల్లో ఈ ఒక్క సంస్థ వాటానే దాదాపు 74 శాతం ఉండటం గమనార్హం. అన్నాడీఎంకేకు అందిన మొత్తం రూ.161.36 కోట్ల విరాళాల్లో టైగర్ అసోసియేట్స్ వాటా దాదాపు 84 శాతం. ఇక డీఎంకేకు వచ్చిన రూ.191.19 కోట్ల విరాళాల్లో ఈ సంస్థ వాటా 65 శాతానికి పైగా ఉంది. అంతకుముందు 2024-25 ఆర్థిక సంవత్సరంలో ఈ రెండు పార్టీలకు కలిపి రూ.110 కోట్లు ఇచ్చిన టైగర్ అసోసియేట్స్.. తాజాగా ఆ మొత్తాన్ని రెట్టింపునకు పైగా పెంచింది.లాటరీ కింగ్‌తో లింక్.. ఏంటీ కథ?టైగర్ అసోసియేట్స్‌కు లాటరీ వ్యాపారవేత్త శాంటియాగో మార్టిన్‌తో వ్యాపార సంబంధాలున్నట్లు కార్పొరేట్ రికార్డులు సూచిస్తున్నాయి. ఈ సంస్థలో డిజిగ్నేటెడ్ పార్ట్‌నర్‌గా ఉన్న సుబ్బయన్ నాగరాజన్.. మార్టిన్‌కు దీర్ఘకాల వ్యాపార సహచరుడు. వీరిద్దరూ మరో సంస్థలోనూ భాగస్వాములుగా ఉన్నట్లు రికార్డులు వెల్లడిస్తున్నాయి. గతంలో మార్టిన్‌కు చెందిన ఫ్యూచర్ గేమింగ్ అండ్ హోటల్ సర్వీసెస్ సంస్థ ఎన్నికల బాండ్ల పథకం ద్వారా అత్యధిక మొత్తంలో బాండ్లను కొనుగోలు చేసింది. 2024 ఫిబ్రవరిలో సుప్రీంకోర్టు ఈ పథకాన్ని రద్దు చేసిన తర్వాత బహిర్గతమైన వివరాల ప్రకారం.. ఆ సంస్థ డీఎంకేకు రూ.509 కోట్ల విలువైన ఎన్నికల బాండ్లను అందించింది. అయితే, టైగర్ అసోసియేట్స్, ఫ్యూచర్ గేమింగ్ వేర్వేరు సంస్థలుగా ఉన్నాయి.ట్రస్టుల నుంచి కోట్ల విరాళాలుడీఎంకే, అన్నాడీఎంకేలకు ఎలక్టోరల్ ట్రస్టుల నుంచి కూడా భారీగా విరాళాలు అందాయి. ట్రయంఫ్ ఎలక్టోరల్ ట్రస్ట్ డీఎంకేకు రూ.15 కోట్లు, అన్నాడీఎంకేకు రూ.5 కోట్లు ఇచ్చింది. జైభారత్ ఎలక్టోరల్ ట్రస్ట్ నుంచి ఈ పార్టీలకు వరుసగా రూ.4 కోట్లు, రూ.3 కోట్లు అందాయి. ప్రూడెంట్ ఎలక్టోరల్ ట్రస్ట్ డీఎంకేకు రూ.25 కోట్లు ఇచ్చింది. ఈ మూడు ట్రస్టులు కలిపి రెండు పార్టీలకు రూ.52 కోట్లు అందించాయి. టైగర్ అసోసియేట్స్‌తో పాటు ఈ మూడు ట్రస్టుల విరాళాలను కలిపితే రూ.312 కోట్లు అవుతాయి. అంటే రెండు పార్టీలకు అందిన మొత్తం విరాళాల్లో దాదాపు 88.5 శాతం ఈ నాలుగు సంస్థల నుంచే వచ్చినట్లు లెక్కలు చెబుతున్నాయి.డీఎంకేకు మొత్తం విరాళాలు తగ్గినా..డీఎంకేకు 2024-25 ఆర్థిక సంవత్సరంలో రూ.365.82 కోట్ల విరాళాలు అందగా, 2025-26లో ఆ మొత్తం రూ.191.19 కోట్లకు తగ్గింది. అయినప్పటికీ టైగర్ అసోసియేట్స్ నుంచి వచ్చిన విరాళాలు మాత్రం రూ.50 కోట్ల నుంచి రూ.125 కోట్లకు పెరిగాయి. మరోవైపు, అన్నాడీఎంకేకు వచ్చిన మొత్తం రూ.161.36 కోట్ల విరాళాల్లోనూ ఈ సంస్థదే ప్రధాన వాటా. తమిళనాడు అసెంబ్లీ ఎన్నికలకు ముందు ఫిబ్రవరి, మార్చి నెలల్లో ఈ పార్టీలకు గణనీయమైన విరాళాలు అందాయి. ఆ ఎన్నికల్లో నటుడు విజయ్ స్థాపించిన టీవీకే విజయం సాధించడంతో డీఎంకే అధికారాన్ని కోల్పోయింది. ప్రత్యర్థి పార్టీలకు ఒకే సంస్థ నుంచి వందల కోట్ల విరాళాలు అందడం ఇప్పుడు ఆసక్తికరంగా మారింది.ఇదీ చదవండి: దీప్కే ఎక్కడ?

తమిళనాడు: నాలుగేళ్లుగా ప్రేమించుకున్న ఓ జంట పెద్దల అంగీకారంతో పెళ్లి చేసుకుంది. అయితే పెళ్లైన రోజే వారి మధ్య గొడవ జరగడంతో చివరకు విడిపోవాల్సి వచ్చింది. ఉదయం పెళ్లి చేసుకున్న ఈ జంట.. సాయంత్రానికే విడిపోయిన ఘటన స్థానికంగా చర్చనీయాంశంగా మారింది.కేరళలోని పరశాలైకు చెందిన 26 ఏళ్ల యువతి తిరువనంతపురంలోని ఓ ప్రైవేట్ ఆస్పత్రిలో ఫార్మాసిస్ట్‌గా పనిచేస్తోంది. తమిళనాడులోని కన్యాకుమారి జిల్లా కుళచ్చల్‌కు చెందిన రూబెన్ (31) సైనికుడిగా పనిచేస్తున్నాడు. వీరిద్దరికీ ఫేస్‌బుక్ ద్వారా పరిచయం ఏర్పడగా.. కొద్దిరోజుల్లోనే అది ప్రేమగా మారింది. అలా నాలుగేళ్లుగా ప్రేమించుకున్న వీరు పెళ్లి చేసుకొని కొత్త జీవితాన్ని ప్రారంభించాలని నిర్ణయించుకున్నారు. తొలుత యువతి కుటుంబ సభ్యులు వీరి ప్రేమ వివాహానికి అంగీకరించకపోయినా.. ఆ తర్వాత ఒప్పుకున్నారు.ఈ క్రమంలో గత సోమవారం ఇద్దరికీ వివాహం జరిపించారు. పెళ్లి అనంతరం అదే రోజు సాయంత్రం వివాహ రిసెప్షన్‌ను ఏర్పాటు చేశారు. పెళ్లి ఆనందంలో రూబెన్ మద్యం సేవించి వధువు తండ్రి ఎదుట తూలుతూ కనిపించాడు. దీంతో ఆయన రూబెన్‌ను ప్రశ్నించడంతో ఇద్దరి మధ్య వాగ్వాదం జరిగింది. గొడవను ఆపేందుకు భార్య ప్రయత్నించగా.. రూబెన్ ఆమెపై చేయి చేసుకున్నాడు. అంతేకాకుండా ఆమె తండ్రిపైనా దాడి చేశాడు.అనంతరం రూబెన్ అక్కడి నుంచి వెళ్లిపోవడంతో బాధితురాలు, ఆమె తండ్రి పోలీస్ స్టేషన్‌లో ఫిర్యాదు చేశారు. పెళ్లైన రోజే భర్త ప్రవర్తనతో విసిగిపోయిన యువతి చివరకు అతడితో విడిపోవాలని నిర్ణయించుకుంది. తండ్రితో కలిసి తన పుట్టింటికి వెళ్లిపోయింది. నాలుగేళ్ల ప్రేమ.. పెద్దల అంగీకారంతో జరిగిన పెళ్లి.. చివరకు ఒక్కరోజులోనే విడిపోవడంతో ఈ ఘటన చర్చనీయాంశంగా మారింది.ఇదీ చదవండి: ఆరు నెలల్లో నేనే కమిషనర్‌గా వస్తా..

సోషల్‌ మీడియాలో పాపులారిటీ కోసం చేసిన చిలిపి పని మదురైకి చెందిన ఇన్‌స్టాగ్రామ్ ఇన్‌ఫ్లుయెన్సర్ వీరమణికి చుక్కలు చూపించారు నెటిజన్లు. దీపావళి సందర్భంగా స్వీట్లు వస్తాయని ఆశించి తన చిరునామాను ఆన్‌లైన్‌లో షేర్‌ చేశాడు. అదే అతనికి భారీ తలనొప్పులు తెచ్చిపెట్టింది. దెబ్బకి ఊరు వదిలి పారిపోవాలని నిర్ణయించుకున్నాడు. తనకెదైన వింత అనుభవాన్ని, గోడును వెళ్లబోసుకుంటూ సోషల్‌ మీడియాలోపోస్ట్‌ చేసిన వీడియోలు వైరల్‌గా మారాయి.రానున్న దీపావళి పండుగ సందర్భంగా, తనకు ఎవరైనా సరే ఒక స్వీట్ బాక్స్ పంపాలని కోరుతూ వీరమణి ఇటీవల ఇన్‌స్టాగ్రామ్‌లో ఒక వీడియో పోస్ట్ చేశారు. పంపుతారనే ఆశతో వీరమణి తన ఫోన్ నంబర్, ఇంటి చిరునామాను సోషల్ మీడియాలో షేర్ చేయడం. ఇక అంతే ఆయన పేరు మీద నకిలీ 'క్యాష్-ఆన్-డెలివరీ' (COD) ఆర్డర్ల వెల్లువ మొదలైంది. ఇందులో టెలివిజన్లు, రెఫ్రిజిరేటర్లు, వాషింగ్ మెషీన్లు, ఇతర గృహోపకరణాలు ఉన్నట్లు సమాచారం. ఒక టెలివిజన్ ఆర్డర్ విలువ రూ. 1.69 లక్షలు ఉంటుందని తెలిపారు. అంతేకాదు రూ. 70 కోట్ల విలువైన T-90 మిలిటరీ ట్యాంక్, అంబులెన్స్, రాకెట్ కోసం కూడా సీవోడీ రావడంతో వీరమణి బెంబేలెత్తిపోయాడు. ఇక ఆపండిరా బాబోయ్‌ అంటూ ఆయన మొత్తు కున్నాడు.

విజయవాడ: తమిళనాడు ముఖ్యమంత్రి విజయ్‌ మంగళవారం సాయంత్రం 4.30 గంటలకు ఇంద్రకీలాద్రిలో అమ్మవారిని దర్శించుకున్నారు. అంతకుముందు విజయ్‌కు ఆలయ మర్యాదలతో దేవాదాయ శాఖ అధికారులు, దుర్గగుడి అర్చకులు పూర్ణకుంభంతో ఘన స్వాగతం పలికారు. దుర్గమ్మ సన్నిధిలో విజయ్‌ ప్రత్యేక పూజల్లో పాల్గొన్నారు. ముఖ్యమంత్రిగా విజయ్‌ బాధ్యతలు స్వీకరించాక ఆయన ఆంధ్రప్రదేశ్‌కు రావడం ఇదే మొదటిసారి.కాగా, విజయ్‌ చెన్నై నుంచి విమానంలో గన్నవరం ఎయిర్‌పోర్టుకి చేరుకున్నారు. అక్కడి నుంచి విజయ్ నేరుగా ఇంద్రకీలాద్రి చేరుకున్నారు. విజయ్‌ పున్నమి ఘాట్‌లో జరుగుతున్న విజయవాడ ఉత్సవ్ 2.0లోనూ పాల్గొననున్నారు. మంగళవారం రాత్రి 9 గంటలకు ఆయన చెన్నై వెళ్తారు. ఇదీ చదవండి: ఎవరీ నేహా బోరా? దేశవ్యాప్తంగా వైరల్‌..

తమిళనాడు తన 69 శాతం రిజర్వేషన్‌ను ఒక చట్టం ద్వారా, రాష్ట్రపతి ఆమోదంతో, తొమ్మిదవ షెడ్యూలును అనుసరించి కాపాడుకుంది. ఆంధ్రప్రదేశ్‌ అందుకు భిన్నంగా కేవలం ప్రభుత్వ ఉత్తర్వులకే పరిమితమై, న్యాయస్థానాల నిరాకరణకు గురయింది. 2026 అక్టోబర్‌ 9న సుప్రీంకోర్టు ఆంధ్రప్రదేశ్‌ ప్రభుత్వ ఎస్‌.ఎల్‌.పి.(సి) నెం. 35539/2026ను కొట్టివేసింది. దీంతో స్థానిక సంస్థలలో వెనుకబడిన తరగతులకు 34 శాతం రిజర్వేషన్‌ను కార్యనిర్వాహక ఉత్తర్వు ద్వారా కాపాడే ప్రయత్నం ముగిసింది. జస్టిస్‌ దీపాంకర్‌ దత్తా, జస్టిస్‌ షీల్‌ నాగు ధర్మాసనం హైకోర్టు తీర్పు సమంజసమైనదని పేర్కొంటూ, రాష్ట్ర ఏకీకృత కుటుంబ సర్వేను అసలు ఏ చట్టం కింద నిర్వహించారని ప్రశ్నించింది. నాకు ఆశ్చర్యం కలగలేదు. రాజ్యాంగ రక్షణ ఉన్న చట్టం మాత్రమే చేయగలిగిన పనిని ప్రభుత్వ ఉత్తర్వు చేయలేదని నేను ఏళ్లుగా చెబుతున్నాను.కోర్టులు ఏం తీర్పు చెప్పాయి?2026 అక్టోబర్‌ 1న ఆంధ్రప్రదేశ్‌ హైకోర్టు డివిజన్‌ బెంచ్‌ (ప్రధాన న్యాయమూర్తి లిసా గిల్, జస్టిస్‌ చల్లా గుణరంజన్‌).. కె. కృష్ణమూర్తి (2010), వికాస్‌ కిషన్‌రావు గవాలి (2021) తీర్పులను వర్తింపజేస్తూ, ఎస్సీ, ఎస్టీ, బీసీ రిజర్వేషన్‌లు కలిపి 50 శాతం మించిన మేరకు జి.వో. ఎం.ఎస్‌. నెం. 105 (గ్రామీణ, 20.08.2026), జి.వో. ఆర్‌.టి. నెం. 1065 (పట్టణ, 19.08.2026) లను రద్దు చేసింది. రాష్ట్ర న్యాయవాదే మొత్తం రిజర్వేషన్లు గ్రామీణ సంస్థలలో 61.08 శాతం, పట్టణ సంస్థలలో 49.24 శాతం అని పేర్కొన్నారు.ఈ గణాంకాల ప్రకారం గ్రామీణ బీసీ కోటా 34 శాతం నుండి సుమారు 23 శాతానికి తగ్గుతుంది. బిర్రు ప్రతాప్‌ రెడ్డి (2020) తీర్పు తర్వాత 2021 ఎన్నికలు జరిగింది సరిగ్గా ఈ స్థాయిలోనే. పట్టణ సంస్థలలో మాత్రం మూడో వంతు కోటా నిలిచింది. బీసీలు 50.42 శాతం అని చెప్పే సర్వే, గవాలి తీర్పు కోరే ప్రత్యేక కమిషన్‌ విచారణకు ప్రత్యామ్నాయం కాదని కోర్టు తేల్చింది. ఆ కమిషన్‌ నివేదికను కనీసం ఆమోదించను కూడా లేదని గమనించింది. సరైన డేటాతో తిరిగి రావటానికి రాష్ట్ర ప్రభుత్వానికి స్వేచ్ఛ ఇచ్చింది.తెలిసీ చేసిన తప్పుడు వాగ్దానం!ఆంధ్రప్రదేశ్‌ జనాభాలో సగానికి పైగా వెనుకబడిన తరగతులే. కేంద్రంలోని ఎన్డీఏ ప్రభుత్వానికి తెలుగుదేశం పార్టీ 16 మంది లోక్‌సభ సభ్యులతో వెన్నెముక. అంతటి బలమున్న పార్టీ ఆర్టికల్‌ 31–సి కింద అసెంబ్లీ చేత చట్టం చేయించి, రాష్ట్రపతి ఆమోదం కోసం రిజర్వ్‌ చేసి, ఆర్టికల్‌ 31–బి కింద తొమ్మిదవ షెడ్యూలులో చేర్పించి రాజ్యాంగ రక్షణ కల్పించి ఉండవచ్చు. అప్పుడు మాత్రమే 50 శాతాన్ని మించి రిజర్వేషన్లు ఇవ్వటం సాధ్యమయ్యేది. అలా కాకుండా ఏపీ, తెలంగాణ హైకోర్టు తీర్పులకు, గౌరవనీయ సుప్రీంకోర్టు తీర్పులకు వ్యతిరేకంగా ప్రభుత్వం కార్యనిర్వాహక ఉత్తర్వులు జారీ చేసింది. ప్రభుత్వ ఉత్తర్వులు నిలవవని పూర్తిగా తెలిసి కూడా ఆంధ్రప్రదేశ్‌ ప్రభుత్వం ప్రజలకు తప్పుడు వాగ్దానం చేసింది.తమిళనాడు 1990 నుండి 69 శాతం రిజర్వేషన్‌ ఇస్తోంది. 50 శాతం పరిమితి వచ్చిన తర్వాత అక్కడి పార్టీలు విషయాన్ని కోర్టులకే వదిలేయలేదు. 1992 నవంబర్‌ 24న సమావేశమ య్యాయి. 1993 నవంబర్‌ 6న సామాజిక న్యాయ సమావేశం నిర్వహించాయి. 1993 డిసెంబర్‌లో అసెంబ్లీ, ఆర్టికల్‌ 31–సి కింద బిల్లు ఆమోదించింది. ఆ చట్టం 1994 జూలై 19న నోటిఫై అయింది. పార్లమెంట్‌ 1994 ఆగస్టు 24, 25 తేదీల్లో 76వ రాజ్యాంగ సవరణను ఆమోదించింది. తమిళనాడు రాష్ట్రం ఆర్టికల్‌ 31–సి కింద చేసిన చట్టాలకు రాష్ట్రపతి 1994 సెప్టెంబర్‌ 1న ఆమోదం తెలిపి, ఆర్టికల్‌ 31–బి కింద వాటిని తొమ్మిదవ షెడ్యూలలో ఎంట్రీ 257–ఎ గా చేరుస్తూ నోటిఫికేషన్‌ జారీ చేశారు. ప్రత్యర్థులు కలిసి నడిచారు.ఆర్టికల్‌ 342–ఎ(3) కింద రాష్ట్ర జాబితా2021లో వచ్చిన 105వ రాజ్యాంగ సవరణ నుండి, ఆర్టికల్‌ 342–ఎ(3) ప్రతి రాష్ట్రానికీ తన అవసరాల కోసం, కేంద్ర జాబితాకు భిన్నమైన నమోదులతో సామాజికంగా, విద్యాపరంగా వెనకబడిన తరగతుల జాబితాను సిద్ధం చేసి నిర్వహించే అధికారం ఇస్తోంది. ఆలిండియా బ్యాక్‌వర్డ్‌ క్లాసెస్‌ ఫెడరేషన్, ఆంధ్రప్రదేశ్‌ హైకోర్టులో దాఖలు చేసిన రిట్‌ పిటిషన్‌ (డబ్లు్య.పి. నెం. 36399 ఆఫ్‌ 2025) ఇంకా పెండింగులో ఉంది.స్థానిక సంస్థలు, ప్రవేశాలు, పోస్టులు– సర్వీసులు, సంక్షేమ చర్యలు అనే అన్ని రాష్ట్ర అవసరాల కోసం అటువంటి జాబితాను సిద్ధం చేసి నిర్వహించాలని, 2023లో ప్రారంభించిన కుల, సామాజిక–విద్యా సర్వేను పూర్తి చేయాలని రాష్ట్రాన్ని ఆదేశిస్తూ మాండమస్‌ ఇవ్వమని అది కోరుతోంది. 2014–19 సర్వే ఫలితాల్లాగే దాని ఫలితాలను కూడా ప్రచురించలేదు. ఆర్టికల్‌ 15(4), 16(4), 243–డి(6), 243–టి(6)ల కింద రిజర్వేషన్‌.. డేటా ఆధారంగా గుర్తించిన తరగతిపై నిలుస్తుంది కాబట్టి ఈ జాబితా ఉపయోగకరం. అన్ని బీసీ వర్గాలను ఒకే బ్లాక్‌గా పరిగణించినప్పుడు ప్రాతినిధ్యం దక్కని అత్యంత వెనుకబడిన వర్గాలైన సంచార, అర్ధ–సంచార, విముక్త జాతులను ఇది లోపలికి తెస్తుంది.చట్టం, రాష్ట్రపతి ఆమోదం, తొమ్మిదవ షెడ్యూలు.. ఏ జనాభా వెనుకబాటుతనాన్ని గణాంకాలపై నిర్మించాలో వాటిని అందిస్తుంది. 50 శాతం పరిమితిని దాటాలంటే ఆర్టికల్‌ 342–ఎ(3) కింద సమకాలీన, కచ్చితమైన డేటా అవసరం. దాని ఆధారంగా ఓబీసీల రాజకీయ వెనుకబాటుతనాన్ని గ్రామ పంచాయతీ, మున్సిపాలిటీల వారీగా ఒక ప్రత్యేక కమిషన్‌ నిర్ధారించి, తమిళనాడు మాదిరిగా తగిన చట్టం ద్వారా రిజర్వేషన్లు కల్పించాలి. అప్పుడు మాత్రమే 50 శాతం పరిమితికి మించిన రిజర్వేషన్లకు రక్షణ లభిస్తుంది.ఆర్టికల్‌ 342–ఎ(3) కింద సిద్ధం చేసి నిర్వహించే (సామాజికంగా, విద్యాపరంగా వెనుకబడిన తరగతులపై) వాస్తవ ఇంటింటి సర్వే / విచారణ లేకుండా, తమిళనాడు మాదిరిగా రాజ్యాంగ సవరణ ద్వారా తప్ప, ఏ రిజర్వేషనూ 50 శాతం మించరాదు. లేదంటే, వికాస్‌ కిషన్‌రావు గవాలి కేసులో చెప్పిన ట్రిపుల్‌ టెస్ట్‌ సంతృప్తి చెందకుండా 50 శాతం రిజర్వేషన్లను కూడా కాపాడలేము. వికాస్‌ కిషన్‌రావు గవాలి కేసులో ఎన్నికలను రద్దు చేశారు. 50 శాతం లోపు జరిగిన ఎన్నికలనూ రద్దు చేసి, ఓపెన్‌ కేటగిరీ కింద తిరిగి ఎన్నికలు నిర్వహించాలని ఆదేశించారు.లోపించిన నిబద్ధతఆంధ్రప్రదేశ్‌ అఖిలపక్ష అసెంబ్లీ తీర్మానం చేసి, ఢిల్లీకి అఖిలపక్ష ప్రతినిధి బృందాన్ని పంపడం ద్వారా వెనుకబడిన తరగతుల రిజర్వేషన్‌ చట్టాన్ని ఆమోదింపజేసుకోవాలి. రాష్ట్ర చట్టానికి పార్లమెంట్‌ ఆమోదం కోసం ఒత్తిడి చేసి, ఆర్టికల్‌ 31–బి కింద రక్షణ కోసం ఆ రాష్ట్ర చట్టాన్ని తొమ్మిదవ షెడ్యూలులో చేర్చటానికి రాష్ట్రపతి ఆమోదాన్ని కోరాలి. ఈలోగా ఆర్టికల్‌ 342–ఎ(3) కింద విచారణ జరిపి సామాజికంగా, విద్యాపరంగా వెనుకబడిన తరగతుల జాబితాను సిద్ధం చేయాలి.గ్రామ పంచాయతీ, మండల, జిల్లా పరిషత్, మున్సిపాలిటీ, మున్సిపల్‌ కార్పోరేషన్‌ల వారీగా తగిన రిజర్వేషన్లు ఇవ్వటానికి ఓబీసీల రాజకీయ వెనుకబాటుతనాన్ని నిర్ధారించమని ప్రత్యేక కమిషన్‌ను కోరాలి. చర్యలను సమర్థించుకోవటానికి బదులు, సంబంధిత పార్టీలనూ కలిసి శాసనం చేసి, తమిళనాడు చట్టం మాదిరిగా రాజ్యాంగ రక్షణ కోసం భారత రాష్ట్రపతి ఆమోదం పొందాలి. మన నాయకులకు పార్లమెంటులో సంఖ్యాబలం ఉంది. వెనుకబడిన తరగతుల రిజర్వేషన్ల విషయంలో లోపించింది... సంకల్పం, నిబద్ధత, దృఢనిశ్చయమే. - జస్టిస్‌ వి. ఈశ్వరయ్య (రిటైర్డ్‌), వ్యాసకర్త జాతీయ వెనుకబడిన తరగతుల కమిషన్, దమాజీ చైర్‌పర్సన్, ఆంధ్రప్రదేశ్‌ హైకోర్టు మాజీ తాత్కాలిక ప్రధాన న్యాయమూర్తి

సాక్షి, చెన్నై: తమిళనాడు అభివృద్ధి ప్రస్థానానికి నాయకత్వం వహించేందుకు సీఎం విజయ్‌తో చేతులు కలుపుతాననని ప్రధాని నరేంద్ర మోదీ వ్యాఖ్యానించారు. తమిళనాడులో ప్రభుత్వాలు మారుతూ వచ్చినా, తమిళనాడు అభివృద్ధి, ఇక్కడి ప్రజలకు సేవ చేయాలన్న తన సంకల్పం మాత్రం ఎప్పుడూ స్థిరంగా ఉన్నాయని స్పష్టం చేశారు. తాజాగా కూడా అదే సంకల్పంతో సీఎం విజయ్‌తో కలిసి తమిళనాడు అభివృద్ధి ప్రయాణాన్ని ముందుకు తీసుకెళ్తున్నానని ప్రకటించారు. ఐఐటీ క్యాంపస్‌లో జరిగిన కార్యక్రమంలో ప్రధాని మోదీ ప్రసంగించారు. ‘‘ఈ రోజు మన దేశానికి, తమిళనాడుకు చాలా ముఖ్యమైన రోజు. ఈ రోజు ప్రారంభించిన ప్రాజెక్టులు తమిళనాడు యువతకు వివిధ ఉపాధి అవకాశాలను కల్పిస్తాయి. పవిత్రమైన నవరాత్రి పండుగ ఈ రోజు నుంచి ప్రారంభమవుతుంది’’ అని వ్యాఖ్యలు చేశారు. ఈ పవిత్రమైన రోజున, శివుని శక్తి పీఠం కొలువై ఉన్న తమిళనాడులో తాను ఉన్నానని, ఈ పుణ్యక్షేత్రమైన తమిళనాడు నుండి, దేశ ప్రజలకు నవరాత్రి శుభాకాంక్షలు తెలియజేస్తున్నానని ప్రకటించారు. తనకు ఐఐటి మద్రాస్‌లోని బ్రెయిన్‌ రీసెర్చ్‌ సెంటర్‌ను సందర్శించే అవకాశం లభించిందని, ఈ రంగంలో జరుగుతున్న పరిశోధనలు ప్రజారోగ్య రంగంలో కొత్త అవకాశాలనుసృష్టిస్తాయన్నారు. అలాగే, చెన్నై మెట్రోలో మరో విస్తరణను ప్రారంభించే అవకాశం తనకు లభించిందన్నారు. తాను ముఖ్యమంత్రిగా ఉన్నప్పుడు, కరుణానిధి, జయలలితలతో చాలాసార్లు సంభాషించే అవకాశం లభించిందన్నారు. ప్రధానమంత్రి అయ్యాక, జయలలిత, ఓపీఎస్, పళనిస్వామి, స్టాలిన్‌ వంటి వారితో కలిసి పనిచేసే అవకాశం దొరికిందన్నారు. ప్రభుత్వాలు మారుతూ వచ్చినా, తమిళనాడు అభివృద్ధి, ఇక్కడి ప్రజలకు సేవ చేయాలన్న తన సంకల్పం మాత్రం ఎప్పుడూ స్థిరంగా ఉన్నాయన్నారు. తాజాగా అదే సంకల్పంతో, సీఎం విజయ్‌తో కలిసి తమిళనాడు అభివృద్ధి యాత్రను ముందుకు తీసుకువెళ్తున్నట్టు తెలిపారు. ఇదీ చదవండి: జ్ఞానేశ్‌పై మరో అస్త్రంతో ఇండియా కూటమి!

సాక్షి,చెన్నై: త‌మిళ‌నాడులో ఆసక్తి ప‌రిణామాలు చోటు చేసుకున్నాయి. తమిళనాడులో తమిళగ వెట్రి కళ‌గం (టీవీకే) పార్టీ అధినేతగా రాజకీయాల్లోకి వచ్చి ముఖ్యమంత్రి పీఠాన్ని అధిష్టించిన సీఎం విజయ్, దేశ ప్రధాని నరేంద్ర మోదీతో కలిసి ఒకే వేదికను పంచుకోవడం, కలిసి అధికారికంగా పబ్లిక్ ఈవెంట్ నిర్వహించడం ఇదే మొదటిసారి. కేవలం సభల్లో పాల్గొనడమే కాకుండా, ఇద్దరు అగ్రనేతలు ఒకే మెట్రో రైలులో పక్కపక్కనే కూర్చుని ప్రయాణించడం, సాధారణ ప్రయాణికులతో ముచ్చటించిన వీడియోలో సోష‌ల్ మీడియాలో వైర‌ల్ అవుతున్నాయి. చెన్నై నగర రవాణా చరిత్రలో ఒక మైలురాయిగా నిలిచిన చెన్నై మెట్రో రైల్ ప్రాజెక్ట్ రెండో దశ ప్రారంభోత్సవం అత్యంత వైభవంగా జరిగింది. ఈ పర్యటనలో భాగంగా ప్రధాని మోదీ, సీఎం విజయ్ సంయుక్తంగా ఈ ప్రాజెక్ట్‌ను జాతికి అంకితం చేశారు. దాదాపు రూ. 4,900 కోట్ల అంచనా వ్యయంతో నిర్మించిన ఈ మెట్రో ఫేజ్-2 మొదటి విడతలో భాగంగా పూనమల్లి బైపాస్ నుంచి వడపలని వరకు సుమారు 15 కిలోమీటర్ల మేర విస్తరించిన ఎలివేటెడ్ మార్గంలో రైలు సర్వీసులు ప్రారంభమయ్యాయి.ఈ తొలి మార్గంలో ప్రారంభంలో 15 రైళ్లను అందుబాటులో ఉంచగా.. రద్దీ వేళల్లో ప్రతి 10 నిమిషాలకు, సాధారణ సమయాల్లో ప్రతి 15 నిమిషాలకు ఒక రైలు నడుస్తాయని అధికారులు వెల్లడించారు. మెట్రో ప్రారంభంతో పాటు, దేశ ఆర్థిక వ్యవస్థను, రాష్ట్ర మౌలిక వసతులను బలోపేతం చేసే లక్ష్యంతో రూ. 13వేల‌ కోట్లకు పైగా విలువైన పలు కీలక అభివృద్ధి ప్రాజెక్టులకు ప్రధాని మోదీ శంకుస్థాపనలు, ప్రారంభోత్సవాలు చేశారు.జాతీయ రహదారులు, రైల్వేలు, చెన్నై పోర్ట్, వావొ చిదంబరనార్ పోర్ట్‌తో పాటు పెట్రోలియం రంగంలో చెన్నై పెట్రోలియం కార్పొరేషన్ లిమిటెడ్, మనాలీ రిఫైనరీలో గ్రూప్ లూబ్ ఆయిల్ బేస్ స్టాక్స్ ప్రాజెక్ట్‌కు ప్రధాని శంకుస్థాపనలు చేశారు. తమిళనాడు రాజకీయాల్లో మారుతున్న తాజా పరిణామాల నేపథ్యంలో.. విజయ్, మోదీతో కలిసి ఇలా ముఖాముఖిగా మెట్రోలో పర్యటించడం రాజకీయ వర్గాల్లో తీవ్ర చర్చనీయాంశంగా మారింది. ఈ కార్యక్రమం ముగిసిన వెంటనే ప్రధాని మోదీ ప్రసిద్ధ జలకంఠేశ్వర ఆలయాన్ని సందర్శించి పూజలు నిర్వహించారు. అనంతరం ఆయన ఐఐటీ మద్రాస్ వేదికగా జరిగిన అధికారిక కార్యక్రమంలో పాల్గొన్నారు#WATCH | Chennai, Tamil Nadu: Prime Minister Narendra Modi undertakes a ride on the Chennai Metro from Porur Bypass Station to Poonamallee Bypass Station and back. CM C. Joseph Vijay also present. (Source: DD News) https://t.co/OBPay5hnYo— ANI (@ANI) October 11, 2026

ప్రశాంతంగా టీ తాగుతున్నాడు.. చుట్టూ అంతా మామూలుగానే ఉంది.. ఇంతలోనే ఒక్కసారిగా దూసుకొచ్చిన కారు అక్కడి పరిస్థితిని తలకిందులు చేసింది. రెప్పపాటులో అతడిని ఢీకొట్టింది. ఏం జరిగిందో తెలుసుకునేలోపే ప్రమాదం జరిగిపోయింది. ఈ భయానక ఘటనకు సంబంధించిన సీసీటీవీ దృశ్యాలు ఇప్పుడు కలకలం రేపుతున్నాయి.తమిళనాడులోని తూత్తుకుడి జిల్లాలో సాత్తాన్‌కుళం సమీపంలో ఈ ఘటన చోటుచేసుకుంది. ఓ టీ దుకాణం బయట టీ తాగుతున్న వ్యక్తిని కారు ఢీకొట్టింది. సాధారణంగా కనిపించిన ఆ క్షణాలు.. ఒక్కసారిగా ప్రమాదకరంగా మారిపోయాయి. ఈ ఘటనకు సంబంధించిన దృశ్యాలు సీసీటీవీ కెమెరాలో రికార్డయ్యాయి. కాసేపు ఆగి టీ తాగుతున్న వ్యక్తికి ఇలాంటి ప్రమాదం ఎదురవుతుందని ఎవరూ ఊహించలేదు. అయితే ప్రమాదంలో అతడికి ఎటువంటి గాయాలు కాకపోవడంతో అందరూ ఊపిరి పీల్చుకున్నారు. ప్రమాద సమయంలో కారు వేగం చూసి అక్కడున్న వారంతా ఒక్కసారిగా ఖంగితిని షాక్‌ కొట్టిన విధంగా చూస్తూ ఉండిపోయారు. எங்கடா இங்க இருந்த பைக்-அ காணோம்..! அதிவேகத்தில் வந்த காரால் நடந்த விபத்து... நூலிழையில் உயிர் தப்பிய இளைஞர்... பதறவைக்கு சிசிடிவி காட்சி #Tuticorin | #Accident | #CCTV | #PolimerNews https://t.co/PTRfvKu0Mo— Polimer News (@polimernews) October 11, 2026Video credit.. Polimer News

చెన్నై: తమిళనాడులో ఉప ఎన్నికల విజయం ముఖ్యమంత్రి, తమిళగ వెట్రి కళగం (టీవీకే) అధినేత విజయ్‌కు రాజకీయంగా కొత్త ఉత్సాహాన్నిచ్చాయి. ధారాపురం, మదురాంతకం నియోజకవర్గాల్లో పార్టీ అభ్యర్థులు విజయం సాధించడంతో అసెంబ్లీలో టీవీకే బలం 107 నుంచి 109కి పెరిగింది. ఈ విజయాలపై హర్షం వ్యక్తం చేసిన విజయ్‌.. మహిళలపై అవమానకర వ్యాఖ్యలు చేసిన వారికి, వ్యక్తిగత దూషణలకు దిగిన వారికి, రాజకీయ ద్రోహానికి పాల్పడిన వారికి ప్రజలు గట్టి సమాధానం చెప్పారని వ్యాఖ్యానించారు.డబ్బులతో ఓట్లు కొనుగోలు చేయకుండానే ప్రజల మద్దతు సాధించామని పేర్కొన్నారు. ధారాపురంలో టీవీకే అభ్యర్థి పి. సత్యబామ, మదురాంతకంలో మరగతం కుమారవేల్‌ విజయాలు సాధించడంపై విజయ్‌ అభినందనలు తెలిపారు. ఈ ఫలితాలు తన వ్యక్తిగత విజయమో, పార్టీకి మాత్రమే దక్కిన విజయమో కాదని పేర్కొన్నారు. మహిళలపై అవమానకర వ్యాఖ్యలకు, వ్యక్తిగత దూషణలకు, విశ్వసనీయ నాయకులు, కార్యకర్తలకు ద్రోహం చేసిన వారికి వ్యతిరేకంగా ప్రజలు ఇచ్చిన తీర్పుగా అభివర్ణించారు. ప్రచార సమయంలో సత్యబామపై చేసిన వ్యాఖ్యలను విజయ్‌ తీవ్రంగా తప్పుబట్టారు. డీఎంకే అధినేత ఎం.కె. స్టాలిన్‌ వ్యాఖ్యలు మహిళల గౌరవాన్ని దెబ్బతీసేలా ఉన్నాయని విమర్శించారు. అలాగే, పార్టీ మారిన అభ్యర్థులను విమర్శించిన అన్నాడీఎంకే తీరునూ ప్రశ్నించారు. ఈ విజయాలు రాజకీయ మర్యాదకు, వ్యక్తిగత గౌరవానికి, ప్రజాస్వామ్యానికి, అన్నింటికంటే ఓటర్ల తీర్పుకు నిదర్శనమని వ్యాఖ్యానించారు.అయితే, ఈ విజయాలు పార్టీకి రాజకీయంగా ఊపునిచ్చినా.. ప్రభుత్వానికి సంపూర్ణ మెజారిటీని మాత్రం అందించలేదు. అసెంబ్లీలో సంఖ్యాబలం, మిత్రపక్షాల మద్దతు, ఎన్నికల హామీల అమలు.. ఇలా విజయ్‌ సర్కారు ముందున్న సవాళ్లు ఇంకా అలాగే ఉన్నాయి.మెజారిటీ కష్టాలు తప్పవా?234 స్థానాలున్న తమిళనాడు అసెంబ్లీలో సాధారణ మెజారిటీకి 118 మంది ఎమ్మెల్యేల మద్దతు అవసరం. తాజా విజయాలతో టీవీకే బలం 109కి చేరినా.. మెజారిటీకి ఇంకా తొమ్మిది స్థానాల దూరంలోనే ఉంది. తిరుచ్చి ఈస్ట్‌, కరూర్‌, విరాలిమలై, పెరుందురై, అంబాసముద్రం స్థానాలకు ఉప ఎన్నికలు జరగాల్సి ఉంది. ఈ ఐదు స్థానాలనూ టీవీకే గెలుచుకున్నా పార్టీ బలం 114కే చేరుతుంది. అంటే సొంతంగా మెజారిటీ సాధించాలంటే మరో నాలుగు స్థానాలు తక్కువవుతాయి. ఇతర మద్దతుదారుల సహకారం కొనసాగితే ప్రభుత్వం మెజారిటీని నిలబెట్టుకునే అవకాశం ఉన్నప్పటికీ, సంఖ్యాబలం విషయంలో సమస్య పూర్తిగా పరిష్కారం కాలేదు. అందుకే తాజా విజయాలను ప్రభుత్వ స్థిరత్వానికి పూర్తి భరోసాగా చూడలేని పరిస్థితి ఉంది.కూటమి సమన్వయమే కీలకంప్రభుత్వ ఏర్పాటులో ఐదుగురు ఎమ్మెల్యేలున్న కాంగ్రెస్‌ మద్దతు టీవీకేకు కీలకంగా మారింది. గతంలో డీఎంకేతో కలిసి పనిచేసిన కాంగ్రెస్‌.. ఎన్నికల అనంతరం విజయ్‌ పార్టీకి మద్దతు ప్రకటించడం రాష్ట్ర రాజకీయాల్లో ప్రాధాన్యం సంతరించుకుంది. వీసీకే, ఐయూఎంఎల్‌, సీపీఐ, సీపీఎం కూడా ప్రభుత్వానికి మద్దతుగా నిలిచాయి. టీవీకే మిగిలిన ఐదు స్థానాలనూ గెలుచుకుని, ఇతర మిత్రపక్షాల మద్దతు కొనసాగితే కాంగ్రెస్‌ లేకుండానూ మెజారిటీ సాధ్యమయ్యే పరిస్థితి ఉండొచ్చు. అయినప్పటికీ, కాంగ్రెస్‌తోపాటు ఇతర మిత్రపక్షాల రాజకీయ ప్రయోజనాలను సమన్వయం చేసుకోవడం విజయ్‌కు ముఖ్యమైన బాధ్యత. ప్రభుత్వ విధానాలు, బడ్జెట్‌, సంక్షేమ పథకాలు, కీలక నిర్ణయాల విషయంలో కూటమి ఏకాభిప్రాయాన్ని సాధించడం అవసరం. తాజా విజయాలు పార్టీకి ఊరటనిచ్చినా, ఆ విజయాలను పాలనా విజయాలుగా మార్చుకోగలిగితేనే టీవీకేకు దీర్ఘకాలిక రాజకీయ ప్రయోజనం దక్కనుంది.ఇదీ చదవండి: సీజేపీ ధర్నా ఎఫెక్ట్‌.. కేంద్రం కీలక ఆదేశాలు!

సాక్షి,చెన్నై: పెట్టీ భామ అన్నారు.. పల్టీ భామా అంటూ బాడీ షేమింగ్‌ చేశారు. అయినా సరే, ఉబికి వస్తున్న కన్నీళ్లను చీర కొంగుతో తుడుచుకున్నారే తప్ప.. ఆమె ఎవరినీ తూలనాడలేదు. ‘గత ఎన్నికల్లో గెలుపు కోసం రూ.31 కోట్లు పెట్టా.. వాటిల్లో రూపాయి కూడా ఇవ్వలేదు. మంత్రులు బస చేసేందుకు గదులు బుక్‌ చేయడానికి మాత్రమే రూ.14 లక్షలు వెచ్చించానంటూ’ ప్రత్యర్థుల ఆరోపణలను వీడియోల ద్వారా ఎదుర్కొన్నారు. కానీ, ఈ విమర్శలు, కుట్రలేవీ ఆమె విజయాన్ని అడ్డుకోలేకపోయాయి!. తమిళనాడు ఉపఎన్నికల్లో ఆమె విజయదుందుభి మోగించారు. అటు పార్టీ అధినేత, సీఎం విజయ్‌.. ఇటు శ్రేణులు ‘సత్యభామ గెలిచింది’ అంటూ సంబరాల్లో మునిగేలా చేశారు. తమిళనాడు రాజకీయాల్లో కోలీవుడ్ స్టార్‌ హీరో విజయ్‌ స్థాపించిన తమిళగ వెట్రి కళగం తన రాజకీయ ప్రయాణంలో తొలి అడుగులోనే అంచనాలను తలకిందులు చేసింది. ప్రభుత్వ ఏర్పాటులో సవాళ్లు ఎదురైనా.. సీఎం విజయ్‌ తన జనరంజక పాలనతో ప్రశంసలందుకుంటున్నారు. అందుకు రాష్ట్రంలో తాజాగా జరిగిన రెండు అసెంబ్లీ స్థానాల ఉప ఎన్నికలు ఒక రెఫరెండమ్‌లా నిలిచాయి. ధారాపురం, మధురాంతకం బైపోల్ ఎన్నికల్లో టీవీకే అభ్యర్థులు పి.సత్యభామ, మరగతం కుమారవేల్‌ ఘన విజయం సాధించారు. A party leader is resorting into body shaming is the worst ever. Can’t expect the workers to be better than the party leader! Hitting 52 week low everyday ft. @mkstalin https://t.co/GFpwxFBv19— Vignesh (@vignesh_txt) October 2, 2026 టీవీకే జోరు.. సత్యభామ ఘనవిజయంరిజర్వ్‌డ్ నియోజకవర్గమైన ధారాపురం బైపోల్‌లో టీవీకే అభ్యర్థి పి.సత్యభామ తన సమీప ప్రత్యర్థిపై 9,471 ఓట్ల మెజారిటీతో విజయం సాధించారు. గత సాధారణ ఎన్నికల్లో అన్నాడీఎంకే తరఫున పోటీ చేసి గెలుపొందిన సత్యభామ.. ఆ తర్వాత జరిగిన పరిణామాలతో ఆ పార్టీని వీడారు. ఎమ్మెల్యే పదవికి రాజీనామా చేయడంతో ఇక్కడ ఉప ఎన్నిక అనివార్యమైంది. పార్టీ మారినప్పటికీ నియోజకవర్గంలో ఆమెకున్న వ్యక్తిగత పట్టు, విజయ్‌ క్రేజ్ కలసికట్టుగా పనిచేసి ఈ స్థానంలో పార్టీకి విజయాన్ని సునాయసం చేశాయి.మరోవైపు మధురాంతకం అసెంబ్లీ స్థానంలో బరిలోకి దిగిన టీవీకే అభ్యర్థి మరగతం కుమారవేల్ భారీ మెజారిటీతో సత్తా చాటారు. ఆమె మొత్తం 19,241 ఓట్ల మెజారిటీతో (మొత్తం 70,916 ఓట్లు) తన సమీప ప్రత్యర్థుల్ని ఓడించారు. ఈ స్థానంలో డీఎంకే అభ్యర్థి ఐ.పరంధామన్ రెండో స్థానంలో (51,675 ఓట్లు), అన్నాడీఎంకే అభ్యర్థి కనిత సంపత్ మూడో స్థానంలో నిలిచారు.తమిళనాట ప్రధాన రాజకీయ పార్టీలైన డీఎంకే, అన్నాడీఎంకే లాంటి ఉద్ధండుల మధ్య విజయ్‌ కొత్తగా పెట్టిన టీవీకే పార్టీ ఈ స్థాయిలో ప్రభావం చూపడం రాష్ట్ర రాజకీయాల్లో పెను సంచలనంగా మారింది. రాబోయే రాజకీయ సమీకరణాలకు ఇది బిగ్ ట్రైలర్‌ లాంటిదని, తమిళనాడు రాజకీయాల్లో టీవీకే ఒక బలమైన శక్తిగా ఎదుగుతోందనడానికి ఈ ఉప ఎన్నికల ఫలితాలే నిదర్శనమని రాజకీయ విశ్లేషకులు అభిప్రాయపడుతున్నారు. ఇదీ చదవండి : టీవీకే అభ్యర్థిపై స్టాలిన్‌ దారుణ వ్యాఖ్యలు!?

సాక్షి,న్యూఢిల్లీ: దేశ వ్యాప్తంగా పలు రాష్ట్రాల్లో జరిగిన ఉప ఎన్నికల్లో అధికార పార్టీల హవా కొనసాగింది. తమిళనాడు, పశ్చిమ బెంగాల్‌ ఉప ఎన్నికల్లో అధికార టీవీకే, బీజేపీ అభ్యర్థులు విజయం సాధించారు.తమిళనాడులో రెండు కీలక శాసనసభ స్థానాలకు జరిగిన ఉప ఎన్నికల్లో తమిళగ వెట్రి కళగం పార్టీ అభ్యర్థులు సంచలన విజయం సాధించి తమ సత్తా చాటారు. మధురాంతకం (ఎస్సీ) నియోజకవర్గంలో టీవీకే అభ్యర్థిగా పోటీ చేసిన మరగతం కుమారవేల్‌ తన సమీప ప్రత్యర్థులపై 19,241 ఓట్ల మెజారిటీతో ఘన విజయం సాధించారు. ధారాపురం (ఎస్సీ) నియోజకవర్గం నుంచి పోటీ చేసిన సత్యభామ ధారాపురం తన సమీప డీఎంకే అభ్యర్థి సుగన్యపై 9,471 ఓట్లతో పై చేయి సాధించారు. గతంలో అన్నాడీఎంకే తరఫున గెలిచి, ఆ తర్వాత టీవీకేలో చేరిన ఈ ఇద్దరు మహిళా నేతలు, తాజా ఉప ఎన్నికల్లోనూ అదే జోరును కొనసాగించి పార్టీకి తొలి దశలోనే బలమైన విజయాన్ని అందించారు. పశ్చిమ బెంగాల్‌లో జరిగిన ఉప ఎన్నికల్లో బీజేపీ అఖండ విజయాన్ని నమోదు చేసింది. ముఖ్యంగా ముస్లిం జనాభా అధికంగా ఉన్న ప్రాంతాల్లోనూషూ కమలదళం సత్తా చాటడం రాజకీయ వర్గాల్లో చర్చనీయాంశమైంది. బెంగాల్ రాజకీయాల్లో అత్యంత ప్రతిష్టాత్మకమైన నందీగ్రామ్ నియోజకవర్గంలో బీజేపీ అభ్యర్థి హసి రాణి రాత్‌ సుమారు 1.22 లక్షలకు పైగా భారీ ఓట్ల మెజారిటీతో ఘన విజయం సాధించారు.హసి రాణి రాత్ మొత్తం 1,64,427 ఓట్లు సాధించగా, ఆమె సమీప కాంగ్రెస్ అభ్యర్థి మిలన్ ప్రధాన్ 41,674 ఓట్లతో సరిపెట్టుకోవాల్సి వచ్చింది. ఈ స్థానంలో బీజేపీ తన పట్టును మరింత నిలుపుకుంది. ముస్లిం జనాభా దాదాపు 70 శాతం వరకు ఉన్న ముర్షిదాబాద్‌లోని రెజినగర్ స్థానాన్ని బీజేపీ భారీ మెజారిటీతో కైవసం చేసుకోవడం విశేషం. బీజేపీ అభ్యర్థి శంకరవ్‌ సర్కార్‌ మొత్తం 1,29,914 ఓట్లు సాధించి విజయదుందుభి మోగించారు. ఆయన తన సమీప ప్రత్యర్థి, ఆమ్‌ జనతా ఉన్నయన్‌ పార్టీ అభ్యర్థి గోలామ్‌ నబీ ఆజాద్‌పై 75,816 ఓట్ల భారీ మెజారిటీతో గెలుపొందారు. గులామ్‌ నబీ ఆజాద్‌ 54,098 ఓట్లు (26.29%) పొందారు.సాధారణంగా ముస్లిం ఓటర్లు ఎక్కువగా ఉండే ఈ ప్రాంతంలో టీఎంసీ, కాంగ్రెస్ లేదా ఇతర ప్రాంతీయ పార్టీల మధ్యే ప్రధాన పోటీ ఉండేది. కానీ, తాజా ఎన్నికల్లో బీజేపీ అభ్యర్థి ఏకంగా 63.14 శాతానికి పైగా ఓట్లను రాబట్టి ఈ స్థానంలో చరిత్రాత్మక విజయం సాధించడం గమనార్హం.

దేశవ్యాప్తంగా నాలుగు రాష్ట్రాల్లో జరిగిన ఆరు ఉప ఎన్నికల ఫలితాలపై ఉత్కంఠ నెలకొంది. ముఖ్యంగా పశ్చిమ బెంగాల్‌లోని నందిగ్రామ్‌, రేజీనగర్‌ స్థానాల ఫలితాలపై రాజకీయ వర్గాల్లో ఆసక్తి నెలకొంది. మరోవైపు తమిళనాడులోని మదురాంతకం, ధారాపురం స్థానాలు టీవీకే అధినేత, సీఎం విజయ్‌కు కీలకంగా మారాయి. అస్సాంలోని నాగావ్‌ లోక్‌సభ స్థానం, పుదుచ్చేరిలోని తట్టాంచావడి అసెంబ్లీ స్థానం ఫలితాలు కూడా ఆయా పార్టీల రాజకీయ బలాబలాలకు పరీక్షగా నిలవనున్నాయి. ఈ ఆరు స్థానాల్లో ఓటర్లు ఎవరికి మద్దతు పలికారు? ఏ పార్టీలకు ఎలాంటి ఫలితాలు ఎదురుకానున్నాయి? అన్నది ఆసక్తికరంగా మారింది.తమిళనాడులో భారీ భద్రతతమిళనాడులో మదురాంతకం, ధారాపురం అసెంబ్లీ నియోజకవర్గాల ఉప ఎన్నికల ఓట్ల లెక్కింపునకు అధికారులు ఏర్పాట్లు పూర్తి చేశారు. చెంగల్పట్టు జిల్లా ఆత్తూరులోని ఇంటిగ్రేటెడ్ సోషల్ డెవలప్‌మెంట్ ట్రైనింగ్‌ సెంటర్‌ వద్ద మదురాంతకం కౌంటింగ్‌ నేపథ్యంలో భద్రతను కట్టుదిట్టం చేశారు. మరోవైపు తిరుప్పూర్‌లోని ఎల్‌ఆర్‌జీ ప్రభుత్వ ఆర్ట్స్‌ అండ్‌ సైన్స్‌ మహిళా కళాశాల వద్ద ధారాపురం ఓట్ల లెక్కింపు కోసం భారీ భద్రత ఏర్పాటు చేశారు. అక్టోబర్‌ 6న ఈ రెండు నియోజకవర్గాల్లో పోలింగ్‌ జరిగింది. కౌంటింగ్‌ నేపథ్యంలో ఫలితాలపై రాజకీయ వర్గాల్లో ఉత్కంఠ నెలకొంది. ఈ రెండు స్థానాల్లో ఓటర్లు ఎవరికి పట్టం కట్టారన్నది తేలనుంది.#WATCH | Tiruppur, Tamil Nadu: Security has been tightened at LRG Government Arts and Science College for Women ahead of the counting of votes for the Dharapuram Assembly by-election. https://t.co/DLZnJtMdwv— ANI (@ANI) October 9, 2026బెంగాల్‌లో కట్టుదిట్టం..పశ్చిమ బెంగాల్‌లోని నందిగ్రామ్‌, రేజీనగర్‌ అసెంబ్లీ నియోజకవర్గాల ఉప ఎన్నికల ఓట్ల లెక్కింపునకు అధికారులు అన్ని ఏర్పాట్లు పూర్తి చేశారు. నందిగ్రామ్‌లోని కవి సుకాంత సెకండరీ టీచర్స్‌ ట్రైనింగ్‌ ఇన్‌స్టిట్యూట్‌లో, రేజీనగర్‌ కౌంటింగ్‌ కోసం బహరంపూర్‌ గర్ల్స్‌ కాలేజీలో ఏర్పాట్లు చేశారు. రెండు కేంద్రాల వద్ద మూడు అంచెల భద్రతను ఏర్పాటు చేశారు. ఉదయం 8 గంటలకు ఓట్ల లెక్కింపు ప్రారంభం కానుంది. పోలింగ్‌ సందర్భంగా పలు పార్టీలు అక్రమాలపై ఆరోపణలు చేయడంతో కౌంటింగ్‌ కేంద్రాల వద్ద భద్రతకు ప్రాధాన్యం ఇచ్చారు. ఈ రెండు స్థానాల ఫలితాలు బెంగాల్‌ రాజకీయాల్లో ఎలాంటి ప్రభావం చూపుతాయన్న దానిపై ఆసక్తి నెలకొంది.ఫలితాలపై ఉత్కంఠ..ఉప ఎన్నికల ఫలితాలపై రాజకీయ వర్గాల్లో ఉత్కంఠ నెలకొంది. ఈ ఫలితాలు ఎవరికి అనుకూలంగా ఉంటాయి? ఓటర్లు ఎవరికి పట్టం కడతారు? అన్న అంశాలపై సర్వత్రా ఆసక్తి కనిపిస్తోంది. ఎన్నికల బరిలో నిలిచిన అభ్యర్థులతో పాటు ఆయా పార్టీల నాయకుల్లోనూ ఫలితాలపై ఉత్కంఠ నెలకొంది. ఈ ఉప ఎన్నికలను ప్రధాన రాజకీయ పార్టీలు ప్రతిష్ఠాత్మకంగా తీసుకున్నాయి. ముఖ్యంగా ఉప ఎన్నికల్లో వచ్చే ఫలితాలు ఆయా నియోజకవర్గాల్లో పార్టీల బలాబలాలను అంచనా వేయడానికి ఒక అవకాశంగా నిలవనున్నాయి.#WATCH | Chennai, Tamil Nadu: Security has been tightened at the Integrated Social Development Training Centre in Aathur, Chengalpattu district, ahead of the counting of votes for the Madurantakam Assembly constituency by-election, scheduled to begin today. Polling was held on October 6.— ANI (@ANI) October 9, 2026విజయం సాధించిన పార్టీలు తమకు ప్రజల మద్దతు పెరిగిందని చెప్పుకునే అవకాశం ఉండగా, ఆశించిన ఫలితాలు రాకపోతే ఓటమికి గల కారణాలపై పార్టీలు సమీక్షించుకోవాల్సి ఉంటుంది. మరోవైపు, అభ్యర్థుల గెలుపోటములపై అనుచరులు, పార్టీ శ్రేణులు ఆసక్తిగా ఎదురుచూస్తున్నాయి. ఓట్ల లెక్కింపు పూర్తయ్యే వరకు ఉత్కంఠ కొనసాగనుంది. ఆరు ఉప ఎన్నికల ఫలితాలు రాజకీయ సమీకరణాలపై ఎలాంటి ప్రభావం చూపుతాయి? ఏయే పార్టీలకు ఎలాంటి ఫలితాలు ఎదురవుతాయి? అన్నది తేలాలంటే అధికారిక ఫలితాల కోసం వేచి చూడాల్సిందే.ఇదీ చదవండి: సీఈసీ రాజీనామా చేయాల్సిందే..

ఒంటినిండా బంగారం, డబ్బుల కట్టలతో సోషల్‌మీడియాలో రీల్స్‌ చేసి ఎదురు దెబ్బతిని వార్తల్లో నిలిచిన యూట్యూబర్ మధుమితకు ఇపుడు మరో షాక్‌ తగిలింది. దీనికి సంబంధించి ఈ వివాదం నెట్టింట వైరల్‌గామారింది. తమిళనాడులోని తిరునెల్వేలికి చెందిన 89 ఏళ్ల ఒక బిల్డింగ్ కాంట్రాక్టర్ ఫిర్యాదు ప్రకారం మధుమితపై రాజక్కమంగళం పోలీసులు ఒక కేసు నమోదు చేశారు. ఎందుకో తెలుసా? 2022లో ఒక 89 ఏళ్ల భవన నిర్మాణ కాంట్రాక్టర్ నుండి ఐదు సవర్ల బంగారు గొలుసును ఆమె దొంగిలించిందన్న ఆరోపణతో ఈ కేసు నమోదైంది. తనను మాయ చేసి గొలుసు తీసుకుందని,తిరిగి ఇమ్మని అడిగితే బెదిరించిందని ఆయన ఆరోపించారు. ఇదీ చదవండి: నానా పటేకర్‌ లాస్ట్‌ మెసేజ్‌, చివరి ప్రసంగం: కన్నీళ్లు రాక మానవు!సదరు కాంట్రాక్టర్ ఫిర్యాదు ప్రకారం, నడుము నొప్పికి ఫిజియోథెరపీ చేయించుకుంటున్న సమయంలో ఆ కాంట్రాక్టర్‌కు మధుమితతో పరిచయం ఏర్పడింది. 2022లో మధుమిత అతనికి ఫోన్ చేసి తిరునెల్వేలి కోర్టు దగ్గర తనను తీసుకుని బస్ స్టాండ్ వద్ద దింపమని కోరింది. అతను తన కారులో ఆమెను తీసుకెళ్లి దింపిన తర్వాత, తాను మెడలో వేసుకున్న ఐదు సవర్ల గొలుసు కనిపించకపోవడాన్ని గమనించాడు. దాన్ని తిరిగి ఇవ్వాలని మధుమితను అడిగారు దీనికి ఆమె బెదిరించిందని యన ఆరోపించారు. దీంతో ఈ వ్యవహారం ఇపుడు నెట్టింట వైరల్‌గా మారింది.

తమిళగ వెట్రి కగళం అధినేత, తమిళనాడు ముఖ్యమంత్రి జోసెఫ్‌ సి విజయ్‌ ఆస్తుల వ్యవహారంలో దాఖలైన పిటిషన్‌పై మద్రాస్‌ హైకోర్టులో విచారణ ఉత్కంఠ రేపుతోంది. ఎన్నికల అఫిడవిట్‌లో సుమారు రూ.30 కోట్ల విలువైన ఆస్తుల వివరాలు ఆయన వెల్లడించలేదని.. కాబట్టి ఎన్నిక రద్దు చేయాలన్నది పిటిషనర్‌ వాదన. దీనిపై కోర్టు కీలక ప్రశ్నలు సంధించింది.విజయ్‌ పెరంబూరు అసెంబ్లీ నియోజకవర్గం నుంచి గెలుపొందారు. ఆయన ఎన్నికను సవాల్‌ చేస్తూ ఓటరు ఎస్‌.దినేశ్‌ హైకోర్టును ఆశ్రయించారు. అఫిడవిట్‌లో ఆస్తుల వివరాల విషయంలో పలు లోపాలు, తప్పుడు ప్రకటనలు ఉన్నాయని పిటిషనర్‌ ఆరోపించారు. ముఖ్యంగా పన్రూటిలోని సుమారు రూ.30 కోట్ల విలువైన ఆస్తిని అఫిడవిట్‌లో పేర్కొనలేదని పిటిషనర్‌ తరఫు న్యాయవాది వాదించారు. అయితే విజయ్‌ తన అఫిడవిట్‌లో సుమారు రూ.600 కోట్ల ఆస్తులు ప్రకటించిన నేపథ్యంలో.. మరో రూ.30 కోట్ల ఆస్తులను వెల్లడించకపోవడం ‘అవినీతి చర్య’గా పరిగణించవచ్చా? అని న్యాయస్థానం ప్రశ్నించింది.పన్రూటి ఆస్తితో పాటు కొడైకెనాల్‌లోని విల్పట్టి గ్రామంలో 50 సెంట్ల భూమిని విజయ్‌ కొనుగోలు చేసిన ఆస్తిగా పేర్కొన్నప్పటికీ.. రెవెన్యూ రికార్డుల్లో అది ప్రభుత్వ పోరంబోకు భూమిగా ఉందని పిటిషనర్‌ తరఫు న్యాయవాది కోర్టు దృష్టికి తీసుకెళ్లారు. మరోవైపు పోరూర్‌ ఆస్తికి సంబంధించిన విస్తీర్ణం, కొనుగోలు ధరపైనా అభ్యంతరాలు వ్యక్తం చేశారు.ఈ ఆరోపణలను విజయ్‌ ఖండించారు. అఫిడవిట్‌లోని చిన్నచిన్న లోపాలు, ఆస్తుల వివరాల్లో తేడాలు తన ఎన్నికను చెల్లుబాటు కాకుండా చేయడానికి కారణం కాదని ఆయన తరఫు సీనియర్‌ న్యాయవాది గోపాల్‌ శంకరనారాయణన్‌ వాదించారు. పిటిషనర్‌ ఆరోపణలు ఎన్నికల ఫలితాన్ని ఎలా ప్రభావితం చేశాయో కూడా వివరించలేదని పేర్కొన్నారు.ఇదే అంశంపై విచారణ సందర్భంగా జస్టిస్‌ వీ లక్ష్మీనారాయణన్‌ కీలక వ్యాఖ్యలు చేశారు. ఆస్తుల వివరాలను సిద్ధం చేసేటప్పుడు విజయ్‌ తన చార్టర్డ్‌ అకౌంటెంట్‌పై ఆధారపడి ఉండొచ్చని, సీఏ కొన్ని ఆస్తులను పొరపాటున మిస్‌ చేసి ఉంటే అందుకు ఎన్నికను రద్దు చేయాలా? అని ప్రశ్నించారు. అలాగే రూ.600 కోట్ల ఆస్తులు ప్రకటించిన వ్యక్తి మరో రూ.30 కోట్ల ఆస్తులను వెల్లడించకపోవడం వల్ల ఓటర్ల నిర్ణయంపై నిజంగా ప్రభావం పడుతుందా? అని కూడా ప్రశ్నించారు.2026 అసెంబ్లీ ఎన్నికల్లో పెరంబూరు నుంచి విజయ్‌ 1,20,365 ఓట్లు సాధించగా, ప్రత్యర్థి ఆర్‌.డి. శేఖర్‌కు 66,650 ఓట్లు వచ్చాయి. విజయ్‌ 53,715 ఓట్ల మెజార్టీతో గెలిచారు. ఈ నేపథ్యంలో అఫిడవిట్‌లో ఆస్తుల వివరాలపై వచ్చిన ఆరోపణలు ఎన్నికల ఫలితాన్ని ప్రభావితం చేశాయా అన్న అంశం కూడా విచారణలో ప్రాధాన్యం సంతరించుకుంది.విజయ్‌ తన ఎన్నికను సవాల్‌ చేసిన పిటిషన్‌ను కొట్టివేయాలని కోరుతూ హైకోర్టును ఆశ్రయించారు. ఈ పిటిషన్‌పై తదుపరి వాదనలు ఇవాళ అక్టోబర్‌ 8న కొనసాగనున్నాయి. దీంతో కోర్టు తదుపరి విచారణపై ఆసక్తి నెలకొంది.ఇదీ చదవండి: త్వరలో.. విజయ్‌ అన్నయ్యసారె!

సాక్షి,చెన్నై: తమిళనాడు ప్రభుత్వం ప్రతిష్టాత్మకంగా తలపెట్టిన అన్నన్‌ సీర్‌(అన్నయ్య సారె) పథకం అమలుకు సంబంధించి సాంఘిక సంక్షేమ శాఖ కార్యదర్శి ఎం. పల్లవి బల్దేవ్‌ అధికారిక ఉత్తర్వులు జారీ చేశారు. ఈ పథకానికి అవసరమైన ఆర్థిక అనుమతులు మంజూరు చేస్తూ షరతులను ప్రకటించారు. పథకం ఉద్దేశం.. తమిళనాడులో వివాహం చేసుకోబోయే వధువులకు ప్రభుత్వ కానుకగా 8 గ్రాముల (22 క్యారెట్ల) బంగారు నాణెం , పట్టు చీరను అందించడమే ఈ పథకం ప్రధాన లక్ష్యం. కుటుంబ వార్షిక ఆదాయం రూ. 2.5 లక్షల వరకు ఉన్న వధువులకు మాత్రమే ఈ పథకం వర్తిస్తుంది. ప్రభుత్వ ఉత్తర్వు వెలువడిన తేదీ నుండి జరిగే వివాహాలకు ఈ పథకం వర్తిస్తుందని స్పష్టం చేశారు. సామాజిక సంక్షేమ శాఖ డైరెక్టర్‌ విజ్ఞప్తి మేరకు, తొలి విడతగా ప్రస్తుత ఆర్థిక సంవత్సరానికి రూ. 812 కోట్ల నిధులను ప్రభుత్వం కేటాయించింది. అర్హులు దరఖాస్తు చేసుకోవడానికి త్వరలోనే ఒక ప్రత్యేక వెబ్‌సైట్‌ను ప్రారంభించనున్నారు. కాగా, ఎన్నికల సమయంలో కుటుంబ వార్షిక ఆదాయ పరిమితిని రూ. 5 లక్షల వరకు ఇస్తామని హామీ ఇచ్చినప్పటికీ, ప్రస్తుతం అమలు చేసేటప్పుడు ఆ ఆదాయ పరిమితిని రూ. 2.5 లక్షలకు తగ్గించడం రాజకీయంగా , ప్రజావర్గాలలో చర్చకు దారితీసింది. కాగా, గతంలో అన్నాడీఎంకే హయంలో తాళికి బంగారం పేరిట పథకాన్ని అమలు చేస్తూ వచ్చారు. దీనిని డీఎంకే సర్కారు తుంగలో తొక్కగా, తాజాగా మెరుగులు దిద్ది అన్నయ్య సారెగా అమలుకు సీఎం విజయ్‌ టీవీకే సర్కారు సన్నద్దం కావడం విశేషం.

భద్రతా విధుల్లో ఏ మాత్రం తగ్గొద్దని, ప్రజలకు నిరంతరం అత్యుత్తమ సేవలు అందించాలని శిక్షణ ముగించుకున్న పోలీసు అధికారులకు సీఎం విజయ్‌ పిలుపు నిచ్చారు. ఉనమాంచ్చేరిలోని పోలీసు అకాడమీలో జరిగిన పతకాల ప్రదానంకు సీఎం విజయ్‌ హాజరయ్యారు. సాక్షి, చైన్నె : సీఎం విజయ్‌ బుధవారం సుడిగాలి పర్యటన చేశారు. ముందుగా ఆవిన్‌ పాల ఉత్పత్తి పరిశ్రమలో ఆకస్మికంగా తనిఖీలు చేశారు. మాధవరంలో పర్యటించిన ఆయన తమిళనాడు సహకార పాల ఉత్పత్తిదారుల సంస్థ ఆవిన్‌ ఆధ్వర్యంలో రూ.2.23 కోట్ల వ్యయంతో కొత్తగా నిర్మించిన స్టేట్‌ సెంట్రల్‌ ల్యాబొరేటరీ అదనపు భవనాన్ని ప్రారంభించారు. అనంతరం మాధవరం డెయిరీ కార్యకలాపాలను పరిశీలించడంతో పాటు, అక్కడ జరుగుతున్న కొత్త పాలఉత్పత్తి ప్లాంట్‌ నిర్మాణ పనులను ఆయన తనిఖీ చేశారు. ఇక్కడ బ్యూరో ఆఫ్‌ ఇండియన్‌ స్టాండర్డ్స్‌, ఎఫ్‌ఎస్‌ఎస్‌ఏఐ నిబంధనల ప్రకారం తాగునీటి పరీక్షలు , తమిళనాడు కాలుష్య నియంత్రణ బోర్డు మార్గదర్శకాల ప్రకారం మురుగునీటి పరీక్షలను అత్యంత కచ్చితత్వంతో నిర్వహించేందుకు ఈ అత్యాధునిక ల్యాబ్‌ ఏర్పాటు చేశారు. అంతర్జాతీయ ప్రమాణాలకు అనుగుణంగా ఆవిన్‌, జిల్లా పాల ఉత్పత్తిదారుల సహకార సంఘాల నాణ్యతా పరీక్షలను ఇది వేగంగా నిర్వర్తించనుంది.మాధవరం డెయిరీ నేపథ్యం..ఈ సందర్భంగా సీఎం విజయ్‌ పేర్కొన్నట్టుగా సమాచార శాఖ విడుదల చేసినప్రకటనలో 1963లో ప్రభుత్వం, యూనిసెఫ్‌ సంయుక్త సహకారంతో రోజుకు 50,000 లీటర్ల సామర్థ్యంతో ఈ ఉత్పత్తి కేంధ్రం ప్రారంభమైందని గుర్తుచేశారు. కాలక్రమేణా మౌలిక వసతులు మెరుగుపరచబడి, ప్రస్తుతం రోజుకు దాదాపు 4.50 లక్షల లీటర్ల పాలను పద్ధతిగా ప్రాసెస్‌ చేసే స్థాయికి చేరుకుందని వివరించారు.ప్రస్తుతం సగటున 120 వాహనాల ద్వారా ఉత్తర చైన్నె ప్రాంత ప్రజలకు నిరంతరం పాల పంపిణీ సజావుగా సాగుతోంది. ఈ పంపిణీ ప్రక్రియను తాను స్వయంగా పరిశీలించినట్టు గుర్తు చేశారు.పెరంబూరు కార్యాలయంలో..పెరంబూరులోని తన ఎమ్మెల్యే కార్యాలయానికి సీఎం విజయ్‌ ఉదయం వెళ్లారు.అక్కడ ఆయన ప్రజల నుంచి స్వయంగా విజ్ఞప్తులను స్వీకరంచారు. వాటిని పరిశీలించి తక్షణమే పరిష్కరించే విధంగా అధికారులను ఆదేశించారు. అలాగే,నియోజకవర్గంలో ఉన్న సమస్యలను గురించి కార్యాలయ సిబ్బందిని అడిగి తె లుసుకుని, త్వరితగతిన పరిష్కరించాలని ఆదేశించారు.పోలీసుల శిక్షణలో నవశకంచెంగల్పట్టు జిల్లా ఊనమాంచ్చేరిలోని తమిళనాడు పోలీస్‌ ఉన్నత శిక్షణ సంస్థ వేదికగా జరిగిన డిప్యూటీ సూపరింటెండెంట్‌ ఆఫ్‌ పోలీస్‌ అధికారుల 14వ విడత శిక్షణ ముగింపు పరేడ్‌ సాయంత్రం జరిగింది. ఇందులో సీఎం విజయ్‌ పాల్గొన్నారు. తొలి సారిగా అకాడమికి వచ్చిన ఆయనకు అధికారుల గౌరవ వందనాన్ని సమర్పించారు.. ఈ విడతలో 11 మంది మహిళా అధికారులు, 14 మంది పురుష అధికారులు సహా మొత్తం 25 మంది డీఎస్పీ అభ్యర్థులు ఒక సంవత్సరం పాటు (52 వారాలు) అత్యంత కఠినమైన ప్రాథమిక శిక్షణను విజయవంతంగా పూర్తి చేసుకున్నారు. కేవలం చట్టాలు, పరిపాలనాంశాలే కాకుండా.. సైబర్‌ నేరాల కట్టడి, సాంకేతికత, ఆధునిక డిజిటల్‌ నేర పరిశోధన పద్ధతుల్లో వీరికి ప్రత్యేక శిక్షణనిచ్చారు. అలాగే, ఎస్టీఎఫ్‌ ఆధ్వర్యంలో 10 రోజుల అటవీ మనుగడ శిక్షణ, ట్రెక్కింగ్‌, ఈత, ఆయుధాల నిర్వహణ, మార్షల్‌ ఆర్ట్స్‌ వంటి అంశాలలోనూ అభ్యర్థులు రాణించారు. అత్యుత్తమ ప్రతిభను కనబరిచి అత్యున్నత పురస్కారమైన గౌరవ ఖడ్గంను డి. ఆనీష్‌ ప్రదీప్‌ సీఎం విజయ్‌ నుంచి అందుకున్నారు. రజత పతకాన్ని కార్తిక, కాంస్య పతకాన్ని పి.ఎస్‌. దివ్య అందుకున్నారు. ‘‘బాధ్యతాయుతమైన ప్రమాణం.. కనిపించే భయాలకు, పక్షపాతాలకు తావులేకుండా.. చట్టం ముందు అందరూ సమానమేనన్న భావనతో, ప్రజలందరికీ నిష్పక్షపాతంగా న్యాయం అందిస్తామని’’ కొత్త డీఎస్పీలు ఈసందర్భంగా ప్రతిజ్ఞ చేశారు. ఈ కార్యక్రమంలో అసెంబ్లీ స్పీకర్‌ జె.సి.టి. ప్రభాకర్‌, పలువురు రాష్ట్ర కేబినెట్‌ మంత్రులు, ప్రభుత్వ ప్రధాన కార్యదర్శి డాక్టర్‌ సాయికుమార్‌, డిజిపి మహేష్‌ కుమార్‌ అగర్వాల్‌ తదితర ఉన్నతాధికారులు పాల్గొన్నారు. ఈసందర్భంగా సీఎం విజయ్‌ పోలీసు అధికారులకు , శిక్షణ ముగించిన వారికి భరోసా ఇచ్చే విధంగా వ్యాఖ్యలు చేశారు. విధి నిర్వహణలో తగ్గ వద్దు అని, తప్పు చేసిన వారెంతటి వారైనా సరే ఉపేక్షంచ వద్దు అని ఆదేశించారు.రూ.152.26 కోట్లతో కొత్త కేంద్రం నిర్మాణంచైన్నె నగర ప్రజల భవిష్యత్తు పాల అవసరాలను దృష్టిలో ఉంచుకుని, మాధవరంలో రోజుకు 7 లక్షల లీటర్ల పాలను నిర్వహించే సామర్థ్యంతో రూ.152.26 కోట్ల వ్యయంతో సరికొత్త ఆటోమేటిక్‌ టెక్నాలజీతో కూడిన భారీ పాల ప్లాంట్‌ నిర్మాణం వేగంగా జరుగుతోందని గుర్తుచేశారు. ఈ నిర్మాణ పనులను పరిశీలించిన , పనులను మరింత వేగవంతం చేయాలని అధికారులను ఆదేశించానని పేర్కొన్నారు. అదే సమయంలో సీఎం విజయ్‌ను అక్కడిపాల ఉత్పత్తి దారులు, పరిశ్రమలలోపనిచేసే కార్మికులు కలిసి తమ సమస్యలను విన్నవించుకున్నారు. ఇక్కడి నుంచి బయటకు వస్తున్న సమయంలో ప్రధాన గేట్‌ వద్ద ఓ సెక్యూరిటీ సిబ్బంది సీఎం విజయ్‌తో సెల్పీదిగడం విశేషం. ఈ కార్యక్రమంలో పాల, డెయిరీ అభివృద్ధి శాఖ మంత్రి సి. విజయలక్ష్మి, శాసనసభ్యులు ఎం.ఎల్‌. విజయ్‌ ప్రభు, ఎన్‌. సెంథిల్‌ కుమార్‌, తమిళనాడు హౌసింగ్‌ బోర్డ్‌ చైర్మన్‌ వి. శివ, ఇతర ప్రభుత్వ ఉన్నతాధికారులు పాల్గొన్నారు.

తమిళనాడులో కర్ణాటక సరిహద్దుకు సమీపంలోని అసనూర్‌ వద్ద కదులుతున్న కారుపైకి అడవి ఏనుగు ఎక్కడంతో అందులోని ప్రయాణికులు తీవ్ర భయాందోళనకు గురయ్యారు. బెంగళూరు-దిండిగల్‌ జాతీయ రహదారిపై ఈ ఘటన చోటుచేసుకుంది. మైసూరు నుంచి కోయంబత్తూరుకు వెళ్తున్న కారు వద్దకు ఓ ఏనుగు అకస్మాత్తుగా వచ్చి, దానిపై కాలును పెట్టింది. కిటికీ వైపు తొండాన్ని చాచింది. ఏనుగు వాహనం పక్కనే ఉన్న సమయంలో కారులోని ప్రయాణికులు కదలకుండా ఉండిపోయారు. వారు హారన్‌ మోగించడం లేదా ఒక్కసారిగా వాహనాన్ని కదిలించడం చేయలేదు.వెనుక నుంచి మరో వాహనంలో వస్తున్న వ్యక్తి ఈ ఘటనను వీడియోలో చిత్రీకరించారు. కొద్దిసేపటి తర్వాత ఏనుగు తన కాలును కిందకు దించి కారు వెనుక వైపు నుంచి వెళ్లి రహదారిని దాటింది. అనంతరం తిరిగి అడవిలోకి వెళ్లిపోయింది. ఈ ఘటనలో ప్రయాణికులకు ఎలాంటి గాయాలు కాలేదు. ఏనుగు కారు పక్క అద్దాన్ని మాత్రం దెబ్బతీసినట్లు సమాచారం. వాహనానికి పెద్దగా నష్టం జరగలేదు. ఈ ఘటనలో ప్రయాణికులు ఎలాంటి గాయాలు లేకుండా బయటపడ్డారు.అసనూర్‌ ప్రాంతం అడవులతో కూడిన రహదారి మార్గంలో ఉంది. ఈ ప్రాంతం ఏనుగుల సంచారానికి కీలకమైన మార్గాల్లో ఒకటిగా ఉంది. సమీపంలోని చామరాజనగర్‌ అడవులు, బందీపూర్‌ పులుల అభయారణ్యం వైపు కూడా ఏనుగులు సంచరిస్తుంటాయి. దీంతో ఈ రహదారిపై వాహనదారులకు తరచూ వన్యప్రాణులు ఎదురయ్యే పరిస్థితులు ఉంటాయి.అడవి ప్రాంతాల గుండా ప్రయాణించే వాహనదారులు వన్యప్రాణులు కనిపించినప్పుడు వాహనంలోనే ఉండి, సురక్షిత దూరాన్ని పాటించాలని అటవీ అధికారులు సూచిస్తున్నారు. ఏనుగులకు ఆహారం ఇవ్వడం, వాటి దగ్గర వాహనాలను ఆపడం, హారన్‌ మోగించడం లేదా ఆకస్మిక కదలికలు చేయడం ప్రమాదాన్ని పెంచుతుందని హెచ్చరిస్తున్నారు. ఇదీ చదవండి: భూకంపం తర్వాత రాజకీయ భూకంపం.. మోదీ సీఎం ఎలా అయ్యారు?

సాక్షి, చెన్నై : ధారాపురం ఉప ఎన్నికలలో పోటీచేసిన టీవీకే అభ్యర్థి సత్యభామా వ్యాఖ్యలు చేసినట్టుగా ఓ వీడియో ఎన్నికల వేళ వైరల్‌గా మారింది. ఆ వీడియోలో ఆమె తాను గత ఎన్నికలలో రూ. 31 కోట్లు ఖర్చు పెట్టినట్టుగా వ్యాఖ్యలు చేసి ఉన్నారు. అయితే, ఇది మార్ఫింగ్ అని ఆమె స్పష్టం చేశారు. తన విజయ అవకాశాలను దెబ్బతీయాలనే దురుద్దేశంతోనే కొందరు ఈ అసత్య ప్రచారానికి తెరలేపారని, ఈ నకిలీ వీడియోపై ఎన్నికల సంఘానికి అధికారికంగా ఫిర్యాదు చేయనున్నట్లు తెలిపారు. అయితే డీఎంకే ఒక అడుగు ముందుకు వేసి సచివాలయంలోని ఎన్నికల ప్రధాన అధికారి అర్చనా పట్నాయక్ ఈ వీడియో గురించి వివరించారు. ఆమె గత ఎన్నికలో 31 కోట్లు ఖర్చు పెట్టినట్టుగా పేర్కొని ఉన్న నేపథ్యంలో ఇది పూర్తిగా అనర్హత వేటు పరిధిలోకి వస్తుందని సూచించారు. అభ్యర్థికి ఎన్నికల కమిషన్‌ నిర్ణయించిన గరిష్ట పరిమితికంటే అత్యధికంగా ఖర్చు పెట్టినట్టుగా ఆమె స్వయంగా అంగీకరించి ఉన్న దృష్ట్యా, తక్షణ విచారణతో అనర్హత వేటు వేయాలని కోరారు.అలాగే 3 సంవత్సరాల పాటుగా ఆమె ఎన్నికలలో పోటీ చేయడానికి వీలు లేకుండా తగిన చర్యలు తీసుకోవాలని కోరారు. అదే సమయంలో సీపీఎం కార్యదర్శి షణ్ముగం తరపున సైతం ఎన్నికల కమిషన్‌కు ఈ వ్యవహారంపై ఫిర్యాదు చేయడం గమనార్హం.ఇదీ చదవండి: రోజుకు 18 గంటలు పని.. సీఎం బిజీ బిజీ: లక్ష్మి

సాక్షి, చెన్నై: తమిళనాట మరో నటుడు త్వరలో రాజకీయాల్లోకి రాబోతున్నట్టుగా సంకేతాలు జోరందుకున్నాయి. నటుడు ధనుష్‌ కొంతకాలంగా సేవా కార్యక్రమాల ద్వారా అభిమానులను ఉత్సాహపరుస్తు న్నారు. తాజాగా ఎన్నికల కమిషన్‌ వద్ద పార్టీ పేరును రిజిస్టర్‌ చేయించినట్టుగా తమిళ నాట చర్చ జోరందుకుంది. తమిళగ ఎళుచ్చి కళగం(తమిళ చైతన్యం) పేరిట ఈ పార్టీ పేరును ఎన్నికల కమిషన్‌ వద్ద నమోదుకు పంపించిన సమాచారంతో ఆయన అభిమా నులు ఉత్సాహం వ్యక్తం చేస్తున్నారు. ఇటీ వల ధనుష్‌ చేస్తున్న కార్యక్రమాలు, అభిమా నులను ఉద్దేశించి చేసిన ప్రసంగాలు, సేవా కార్యక్రమాలు ఆయన రాజకీయ ప్రవేశంపై ఊహాగానాలకు బలం చేకూర్చాయి. ఈ పరిస్థితుల్లో తమిళనాట తాజాగా జరుగు తున్న ఉప ఎన్నికల ఫలితాల తదుపరి ధనుష్‌ కార్యాచరణ వేగవంతం కానున్నట్టు ఆయన అభిమాన సంఘాలు పేర్కొంటు న్నాయి. ఈ నెలాఖరులో రాజకీయ ప్రకటన అంటూ పార్టీ పేరును ప్రస్తావిస్తూ సామాజిక మాధ్యమాల్లో చర్చలతో హాట్‌ టాపిక్‌గా మారుస్తున్నాయి. దీంతో తమిళనాట ఆసక్తికర చర్చ ఊపందుకుంది.

భారతదేశ గోల్డ్‌ లోన్‌ మార్కెట్‌లో తమిళనాడు రికార్డు సృష్టించింది. దేశవ్యాప్తంగా నమోదైన మొత్తం పసిడి రుణ పోర్ట్‌ఫోలియోలో ఒక్క తమిళనాడు వాటానే ఏకంగా 32 శాతంగా నమోదు కావడం ఆర్థిక రంగాన్ని ఆశ్చర్యానికి గురిచేసింది. బ్యాంకింగ్, నాన్-బ్యాంకింగ్ ఫైనాన్షియల్ కంపెనీల తాజా నివేదికలు, అధికారిక సమాచారం ప్రకారం.. దేశంలో మరే రాష్ట్రం కూడా ఈ స్థాయిలో పసిడి రుణాలను పొందలేదని స్పష్టమవుతోంది.ఇందుకు కారణాలేమిటి?ఈ అసాధారణ వృద్ధి వెనుక తమిళనాడు ప్రత్యేకమైన సామాజిక-ఆర్థిక పరిస్థితులు, బ్యాంకింగ్ నెట్‌వర్క్ కీలక పాత్ర పోషించాయి. రాష్ట్రంలో సూక్ష్మ, చిన్న, మధ్య తరహా పరిశ్రమలు (ఎంఎస్‌ఎంఈ), వ్యవసాయ రంగానికి అత్యవసర నిధులు అవసరమైనప్పుడు బంగారంపై రుణాలు తీసుకోవడమే అత్యంత వేగవంతమైన, సరసమైన మార్గంగా భావిస్తారు. ఇతర సాంప్రదాయ రుణాలతో పోలిస్తే గోల్డ్ లోన్స్ మంజూరు త్వరగా జరగడం, ప్రాసెసింగ్ సులభంగా ఉండటంతో అక్కడి వర్తకులు, రైతులతో పాటు మధ్యతరగతి ప్రజలు కూడా ఎక్కువగా ఈ మార్గాన్నే ఎంచుకుంటున్నారు.విస్తృత నెట్‌వర్క్‌తమిళనాడులో సహకార బ్యాంకులు, జాతీయ బ్యాంకులు, ప్రముఖ ఎన్‌బీఎఫ్‌సీల విస్తృతమైన నెట్‌వర్క్ ఉండటం కూడా ఈ వృద్ధికి మరో ప్రధాన కారణం. మహిళల సాధికారత, స్వయం సహాయక బృందాల ఆర్థిక కార్యకలాపాల్లో బంగారం తాకట్టు రుణాలు కీలక సాధనంగా మారాయి.అయితే, మొత్తం దేశీయ గోల్డ్ లోన్ పోర్ట్‌ఫోలియోలో దాదాపు మూడో వంతు భాగం ఒక్క రాష్ట్రంలోనే కేంద్రీకృతమై ఉండటం పట్ల ఆర్థిక నిపుణులు విశ్లేషణలు జరుపుతున్నారు. ఇది ఒక వైపు తమిళనాడులో క్రెడిట్ అందుబాటును హైలైట్‌ చేస్తున్నప్పటికీ, మరోవైపు చిన్న తరహా రుణాల కోసం బంగారంపైనే ఎక్కువగా ఆధారపడుతున్న తీరును సూచిస్తోందని విశ్లేషిస్తున్నారు. ఏదేమైనా, బంగారం ఆధారిత రుణాల విస్తరణలో తమిళనాడు దేశానికే ఒక సరికొత్త దిక్సూచిగా నిలిచింది.ఇదీ చదవండి: ఆహార ద్రవ్యోల్బణంపై కొత్త ఆందోళన! ధరలకు రెక్కలు..

ఉప ఎన్నికల పోలింగ్‌.. అప్‌డేట్స్‌ నందిగ్రామ్‌లో అత్యధిక పోలింగ్‌: ఉదయం 11 గంటల వరకు 43.95% ఓటింగ్‌ నమోదైంది.రెజీనగర్‌: ఉదయం 11 గంటల వరకు 38.71% పోలింగ్‌ జరిగింది.తట్టాంచావడి (పుదుచ్చేరి): 39.16% ఓటర్లు ఓటు హక్కు వినియోగించుకున్నారు.ధారాపురం (తమిళనాడు): 37.28% పోలింగ్‌ నమోదైంది.మదురాంతకం: ఉదయం 11 గంటలకు 35.55% పోలింగ్‌తో ఐదు స్థానాల్లో అత్యల్పంగా నిలిచింది.నాగావ్‌ లోక్‌సభ ఉపఎన్నిక: కాంగ్రెస్‌ అభ్యర్థి శిబామోని బోరా కుమార్తె మాట్లాడుతూ.. తమ కుటుంబం ఆమె గెలుపుపై “100 శాతం నమ్మకంతో” ఉందని, భారీ మెజారిటీతో విజయం సాధిస్తారని ధీమా వ్యక్తం చేశారు. ఉదయం 9 గంటల వరకు బెంగాల్‌లో భారీ పోలింగ్‌: నందిగ్రామ్‌లో 20.89%, రెజీనగర్‌లో 18.05% పోలింగ్‌ నమోదైంది.రెజీనగర్‌లో హుమాయున్‌ కబీర్‌ అదుపులోకి: ఓటు వేసిన అనంతరం తన పార్టీ కార్యాలయానికి చేరుకున్న ఎమ్మెల్యే హుమాయున్‌ కబీర్‌ను పోలీసులు అదుపులోకి తీసుకున్నారు. ఆయన కుమారుడు గోలామ్‌ నబీ ఆజాద్‌ రెజీనగర్‌ బైపోల్‌లో పోటీ చేస్తున్నారు.నాగావ్‌లో కాంగ్రెస్‌ అభ్యర్థి ఓటు: కాంగ్రెస్‌ అభ్యర్థి శివమోని బోరా ఓటు వేశారు. తాము తప్పకుండా గెలుస్తామని ధీమా వ్యక్తం చేశారు.ధరాపురంలో ఓటేసిన టీవీకే అభ్యర్థి: తమిళనాడులోని ధరాపురం అసెంబ్లీ బైపోల్‌లో టీవీకే అభ్యర్థి పి. సత్యబామ ఓటు వేశారు.తమిళనాడులో రెండు చోట్ల పోలింగ్‌: మదురాంతకం, ధరాపురం అసెంబ్లీ స్థానాల్లో ఉదయం 7 గంటలకు పోలింగ్‌ ప్రారంభమైంది. రెండు చోట్లా కట్టుదిట్టమైన భద్రత ఏర్పాటు చేశారు.నాగావ్‌లో త్రిముఖ పోరు: అసోంలోని నాగావ్‌ లోక్‌సభ బైపోల్‌లో బీజేపీ, కాంగ్రెస్‌, ఏఐయూడీఎఫ్‌ మధ్య ప్రధాన పోటీ నెలకొంది. ఉదయం నుంచే పోలింగ్‌ కేంద్రాల వద్ద ఓటర్లు, ముఖ్యంగా మహిళలు క్యూ కట్టారు.బెంగాల్‌లో భారీ భద్రత: నందిగ్రామ్‌, రెజీనగర్‌ బైపోల్స్‌ కోసం 71 కంపెనీల కేంద్ర బలగాలను మోహరించారు. దేశంలో ఇవాళ ఆరు స్థానాలకు ఉప ఎన్నికలు నిర్వహిస్తోంది ఎన్నికల సంఘం. మూడు రాష్ట్రాలు, పుదుచ్చేరి కేంద్ర పాలిత ప్రాంతంలో ఐదు అసెంబ్లీ స్థానాలు, అలాగే ఒక లోక్‌సభ స్థానానికి పోలింగ్‌ జరుగుతోంది. సాయంత్రం 6 గంటల వరకు ఓటర్లు తమ హక్కును వినియోగించుకోనున్నారు. తమిళనాడులో మదురాంతకం, ధారాపురం.. పశ్చిమ బెంగాల్‌లో నందిగ్రామ్, రేజీనగర్.. పుదుచ్చేరిలో తట్టాంచావడి అసెంబ్లీ స్థానాలకు.. అలాగే అసోంలోని నాగావ్‌ లోక్‌సభ స్థానానికి ఎన్నికలు జరుగుతున్నాయి. ఈ ఉప ఎన్నికల్లో అందరి దృష్టినీ ఆకర్షిస్తున్నవి తమిళనాడులోని మదురాంతకం, ధారాపురం స్థానాలు. నటుడు విజయ్‌ నేతృత్వంలోని తమిళగ వెట్రి కళగం (టీవీకే) ప్రభుత్వం ఏర్పడిన తర్వాత జరుగుతున్న తొలి ఉప ఎన్నికలు కావడంతో వీటి ఫలితాలకు రాజకీయంగా ప్రాధాన్యం ఏర్పడింది. ఈ రెండు స్థానాలూ ఎస్సీ రిజర్వ్‌డ్‌ నియోజకవర్గాలు. ఏప్రిల్‌లో జరిగిన అసెంబ్లీ ఎన్నికల్లో మదురాంతకంలో మారగతం కుమారవేల్‌, ధారాపురంలో పి. సత్యబామ అన్నాడీఎంకే తరఫున గెలిచారు. అనంతరం వారు ఎమ్మెల్యే పదవులకు రాజీనామా చేసి విజయ్‌ నేతృత్వంలోని టీవీకే ప్రభుత్వానికి మద్దతు ఇచ్చి ఆ పార్టీలో చేరారు. దీంతో ఈ రెండు స్థానాలకు ఉప ఎన్నికలు అనివార్యమయ్యాయి. ఇక్కడ టీవీకే, డీఎంకే, అన్నాడీఎంకే, సీపీఐ మధ్య ప్రధాన పోటీ నెలకొంది. మదురాంతకంలో 2,12,639 మంది ఓటర్లు, ధారాపురంలో 2,22,406 మంది ఓటర్లు తమ ఓటు హక్కు వినియోగించుకోనున్నారు. విజయ్‌ ప్రభుత్వం అధికారంలోకి వచ్చిన తర్వాత ప్రజల్లో తనకు ఉన్న ఆదరణ ఎంత? అసెంబ్లీ ఎన్నికల తర్వాత టీవీకే బలం పెరిగిందా? అన్నది ఈ ఫలితాలతో కొంతవరకు అంచనా వేయొచ్చు.నందిగ్రామ్‌లో బీజేపీకి తొలి పరీక్షపశ్చిమ బెంగాల్‌లోని నందిగ్రామ్, రేజీనగర్ స్థానాల్లో కూడా ఇవాళే పోలింగ్‌ జరగనుంది. ఇటీవలే రాష్ట్రంలో 15 ఏళ్ల తృణమూల్‌ కాంగ్రెస్‌ పాలనకు తెరదించి బీజేపీ అధికారంలోకి వచ్చింది. దీంతో కొత్త ప్రభుత్వానికి ఇవి తొలి ఎన్నికల పరీక్షగా మారాయి. ముఖ్యంగా నందిగ్రామ్‌ ఫలితం ఆసక్తికరంగా మారింది. సీఎం, బీజేపీ నేత సువేందు అధికారి అసెంబ్లీ ఎన్నికల్లో నందిగ్రామ్‌తో పాటు భవానీపూర్‌లోనూ పోటీ చేసి రెండు చోట్ల గెలిచారు. అనంతరం భవానీపూర్‌ స్థానాన్ని కొనసాగించడంతో నందిగ్రామ్‌ సీటు ఖాళీ అయింది. ఇప్పుడు అక్కడ జరిగే ఉప ఎన్నిక సువేందు అధికారి వ్యక్తిగత ప్రభావానికి కూడా పరీక్షగా మారింది. రేజీనగర్‌ స్థానంలోనూ బహుముఖ పోటీ నెలకొంది. అధికార బీజేపీతో పాటు తృణమూల్‌ కాంగ్రెస్‌, కాంగ్రెస్‌, సీపీఎం తదితర పార్టీలు బరిలో ఉన్నాయి.నాగావ్‌లో బీజేపీ వర్సెస్‌ కాంగ్రెస్‌అసోంలోని నాగావ్‌ లోక్‌సభ నియోజకవర్గం ఉప ఎన్నిక మరో కీలక పోరు. 2024 లోక్‌సభ ఎన్నికల్లో కాంగ్రెస్‌ తరఫున గెలిచిన ప్రద్యుత్‌ బోర్దొలోయ్‌ తర్వాత పార్టీ మారి బీజేపీలో చేరి అసెంబ్లీ ఎన్నికల్లో పోటీ చేయడంతో లోక్‌సభ సభ్యత్వానికి రాజీనామా చేశారు. దీంతో ఈ స్థానానికి ఉప ఎన్నిక వచ్చింది.నాగావ్‌లో సుమారు 19.02 లక్షల మంది ఓటర్లు ఉన్నారు. మొత్తం 1,339 పోలింగ్‌ కేంద్రాలను ఏర్పాటు చేశారు. బీజేపీ అభ్యర్థి దేవాశిష్‌ శర్మ, ఏఐయూడీఎఫ్‌ అధినేత బద్రుద్దీన్‌ అజ్మల్‌, కాంగ్రెస్‌ అభ్యర్థి శిబామణి బోరా మధ్య త్రిముఖ పోటీ నెలకొంది. కాంగ్రెస్‌ నుంచి ఈ సీటును బీజేపీ కైవసం చేసుకుంటుందా? లేక కాంగ్రెస్‌ తన పాత స్థానాన్ని నిలబెట్టుకుంటుందా? అన్నది ఆసక్తికరంగా మారింది.పుదుచ్చేరిలోనూ బరిలో..పుదుచ్చేరిలోని తట్టాంచావడి అసెంబ్లీ స్థానానికి కూడా ఇవాళే పోలింగ్‌ జరుగుతోంది. ముఖ్యమంత్రి ఎన్‌. రంగసామి రెండు నియోజకవర్గాల నుంచి గెలిచి ఒక స్థానాన్ని కొనసాగించడంతో తట్టాంచావడి సీటు ఖాళీ అయింది. దీంతో ఉప ఎన్నిక అనివార్యమైంది.9న ఫలితాలుఆరు స్థానాలకు ఇవాళ పోలింగ్‌ ముగిసిన తర్వాత అక్టోబర్‌ 9న ఓట్ల లెక్కింపు చేపడతారు. ఈ ఫలితాలు ఆయా రాష్ట్రాల్లో అధికార పార్టీలకు ప్రజల నుంచి వస్తున్న స్పందనకు ఒక సంకేతంగా నిలవనున్నాయి. ముఖ్యంగా తమిళనాడులో విజయ్‌ ప్రభుత్వానికి తొలి ఎన్నికల పరీక్ష కావడంతో మదురాంతకం, ధారాపురం ఫలితాలపై రాజకీయ వర్గాల్లో ఆసక్తి నెలకొంది.ఇదీ చదవండి: సర్‌ నిరసనలు.. కాంగ్రెస్‌కు షాకిచ్చిన ఆప్‌

తమిళనాడు రాష్ట్రం మాదిరిగా స్థానిక సంస్థలు, విద్యా సంస్థలు, ప్రభుత్వ ఉద్యోగాలలో ఎస్సీ, ఎస్టీ, ఓబీసీల జనాభాకు అనుగుణంగా రిజర్వేషన్లు కల్పించడంతో పాటు రాజ్యాంగంలోని అధికరణ 31బీ ప్రకారం సంబంధిత చట్టాలను 9వ షెడ్యూల్‌లో చేర్చడానికి ఏం చర్యలు తీసుకుంటున్నారు? ఈ నెల 28వ తేదీ డెడ్‌లైన్‌.. ఇదే చివరి అవకాశం. ఆ లోగా చెప్పాల్సిందే. – చంద్రబాబు ప్రభుత్వానికి హైకోర్టు ఆదేశం సాక్షి, అమరావతి: బీసీలకు దక్కాల్సిన న్యాయమైన రిజర్వేషన్లను కేవలం కాగితాలకే పరిమితం చేస్తూ చట్టం ముందు చెల్లుబాటు కాని జీవోలను తెచ్చి బీసీలను వంచిస్తున్న చంద్రబాబు ప్రభుత్వానికి హైకోర్టు గట్టి ఝలక్‌ ఇచ్చింది. తమిళనాడు రాష్ట్రం మాదిరిగా స్థానిక సంస్థలు, విద్యా సంస్థలు, ప్రభుత్వ ఉద్యోగాలలో ఎస్సీ, ఎస్టీ, ఓబీసీల జనాభాకు అనుగుణంగా రిజర్వేషన్లు కల్పించడంతో పాటు రాజ్యాంగంలోని అధికరణ 31బీ ప్రకారం సంబంధిత చట్టాలను 9వ షెడ్యూల్‌లో చేర్చడానికి ఏం చర్యలు తీసుకుంటున్నారో చెప్పాలని ప్రభుత్వాన్ని ఆదేశించింది.ఆల్‌ ఇండియా బీసీ ఫెడరేషన్‌ ఏపీ విభాగం గౌరవాధ్యక్షుడు ఆలా వెంకటేశ్వర్లు 2025లో దాఖలు చేసిన పిటిషన్‌లో ఏడాదికాలంగా సమాధానం ఇవ్వకుండా వాయిదాలు కోరుతూ చంద్రబాబు ప్రభుత్వం తాత్సారం చేస్తూ వస్తోంది. కానీ ఇక జీవోలతో కాలయాపన కాకుండా.. బీసీ రిజర్వేషన్లకు చట్టబద్ధమైన రక్షణ కల్పిస్తారా? లేదా? అన్నది తేల్చాల్సిన పరిస్థితి వచ్చేసింది. దీనిపై కౌంటర్‌ దాఖలుకు ఈనెల 28 వరకు హైకోర్టు డెడ్‌లైన్‌ విధించింది. కౌంటర్‌ దాఖలుకు ఇదే చివరి అవకాశమని తేల్చి చెప్పేసింది. దీంతో ప్రభుత్వం ఖంగుతిన్నది. స్థానిక సంస్థల్లో 34 శాతం బీసీ రిజర్వేషన్లపై ఇప్పటికే హైకోర్టు తీర్పు వెలువడిన నేపథ్యంలో తాజా ఆదేశం ప్రభుత్వాన్ని మరింత ఇరకాటంలోకి నెట్టింది. ఇక సుప్రీంకోర్టులో పోరాటం పేరుతో తప్పించుకోవడం సాధ్యం కాదు. బీసీలకు శాశ్వత రిజర్వేషన్ల కోసం చట్టం తీసుకొస్తారా? లేదా? అన్నది తేల్చాల్సిందే. బీసీలు అడుగుతున్నట్లు జీవోలు కాదు.. చట్టం కావాలి. హామీలు కాదు.. రాజ్యాంగ రక్షణ కావాలి. చట్టం చేస్తారా లేదా చెప్పాల్సిందే.. ఇంతకాలం ఈ కీలక అంశానికి సమాధానం ఇవ్వకుండా అటు బీసీలను, ఇటు కోర్టును తప్పుదోవ పట్టిస్తూ, చెల్లని జీవోలతో 34 శాతం రిజర్వేషన్లు కల్పించి స్థానిక ఎన్నికల్లో రాజకీయ లబ్ధి పొందాలనుకున్న ప్రభుత్వా­నికి హైకోర్టు ఆదేశం శరాఘాతమనే చెప్పాలి. ఇక బీసీ రిజర్వేషన్ల విషయంలో చంద్రబాబు తన వైఖరిని బయటపెట్టక తప్పని పరిస్థితి ఏర్పడింది. బీసీ రిజర్వేషన్ల కోసం చట్టం తెస్తారా? లేదా? అన్న దానిపై స్పష్టతనివ్వాల్సి ఉంటుంది. స్థానిక ఎన్నికల్లో బీసీలకు 34 శాతం రిజర్వేషన్లు కల్పిస్తూ ఇచి్చన జీవోలను హైకోర్టు కొట్టేయ­డంతో సుప్రీంకోర్టులో న్యాయ పోరాటం చేస్తామంటూ హడావుడి చేస్తున్న ప్రభుత్వానికి హైకోర్టు తాజా ఆదేశం ఊహించని పరిణామమే. ప్రభుత్వం దాఖలు చేసిన పిటిషన్‌ను సుప్రీంకోర్టు కొట్టేయడం ఖాయమని తెలిసినా న్యాయ పోరాటం అంటూ బాబు డ్రామా­ను రక్తికట్టిస్తున్నారు. బీసీలకు రాజ్యాధికారం ఇవ్వడం ఇష్టం లేని బాబు చట్టం తెచ్చే అవకాశమే లేదని టీడీపీలోని బీసీ నేతలే ఆఫ్‌ ది రికార్డ్‌గా చెబుతున్నారు. తూతూ మంత్రంగా కమిషన్‌.. రహస్యంగా నివేదికబీసీల కోసం ఏదో చేస్తున్నామనే రీతిలో రాజీవ్‌ రంజన్‌ మిశ్రా నేతృత్వంలో డెడికేటెడ్‌ కమిషన్‌ను ఏర్పాటు చేశారు. ప్రభుత్వం ఇక్కడే తన వక్రబుద్ధిని బయటపెట్టింది. సమగ్ర కుటుంబ సర్వే చేయించాల్సిన ప్రభుత్వం ఆ పని చేయకుండా అంతర్గతంగా కమిషన్‌ను అడ్డుకుంది. ఇంటింటికి వెళ్లి కుటుంబ వివరాలు సేకరించి, వాటి ఆధారంగా బీసీ జనాభా, వెనుకబాటుతనాన్ని లెక్కించాల్సిన కమిషన్‌... ఆ పని చేయకుండా, ప్రభుత్వం ఆధ్వర్యంలో పనిచేసే ప్రణాళిక విభాగం సేకరించిన గణాంకాలపై ఆధారపడింది.ఆ గణాంకాలనే తీసుకుని, తామే క్షేత్రస్థాయిలో వాటిని సేకరించినట్లు కలరింగ్‌ ఇచ్చింది. సమగ్ర సర్వే ఏదీ చేయకపోయినా కూడా ఏదో చేసినట్లు ఈ కమిషన్‌ తన నివేదికను ప్రభుత్వానికి సమరి్పంచింది. ఈ నివేదికను రహస్యంగా ఉంచింది. దానిని హైకోర్టు అడిగినా బహిర్గతం చేయలేదు. అందులో రహస్యం ఏముందని నిలదీయడంతో హైకోర్టుకు సీల్డ్‌ కవర్‌లో నివేదిక ఇచ్చింది. రహస్యంగా ఉంచడంతో ప్రభుత్వంపై ప్రజలకు పలు అనుమానాలొచ్చాయి. క్యాబినెట్‌ ఆమోదించని నివేదికతో బీసీ రిజర్వేషన్లా? విచారణ సందర్భంగా రాష్ట్ర ప్రభుత్వానికి హైకోర్టు ధర్మాసనం కీలక ప్రశ్నను సంధించింది. అసలు రాజీవ్‌ రంజన్‌ కమిషన్‌ నివేదికను పరిగణనలోకి తీసుకునే బీసీలకు 34 శాతం రిజర్వేషన్లు కల్పించారా? అని ప్రశి్నంచింది. కమిషన్‌ మొత్తం నివేదికను పరిగణనలోకి తీసుకోలేదని, కొంత భాగాన్నే తీసుకున్నామని ప్రభు­త్వం చెప్పింది. పైపెచ్చు సదరు కమిషన్‌ నివేదికను ఇంకా ఆమోదించలేదని చెప్పింది. మరి మొత్తం నివేదికను కాకుండా కొంత నివేదికనే ఎందుకు పరిగణనలోకి తీసుకున్నట్లు? క్యాబినెట్‌ ఆమోదించని నివేదిక ఆధారంగా బీసీలకు చాలీచాలని రిజర్వేషన్లు ఎందుకు ఇచి్చనట్లు? దీనికి ప్రభుత్వం వద్ద సమాధానమే లేదు. డొల్ల కమిషన్‌ అని తేల్చిన ధర్మాసనంబీసీల సాధికారిత విషయంలో చిత్తశుద్ది ఉంటే, చంద్రబాబు ఆ కమిషన్‌ నివేదికను బహిర్గతం చేసి, దానిపై మేధావుల నుంచి అభిప్రాయాలను తీసుకుని ఉండేవారు. కమిషన్‌ నివేదిక ఆధారంగా చట్టం చేసి కేంద్రానికి పంపేవారు. కేంద్రంలో తనకున్న పలుకుబడితో దానిని రాజ్యాంగంలోని 9వ షెడ్యూల్‌లో చేర్చి ఉండేవారు. అయితే చంద్రబాబు ఇదేమీ చేయకుండా చెల్లని జీవోలను తెచ్చి బీసీలను వంచించారు. అంతే కాదు, బీసీ రిజర్వేషన్ల కల్పనకు రాజీవ్‌ రంజన్‌ కమిషన్‌ వద్ద ఎలాంటి డేటా లేదని హైకోర్టు ధర్మాసనం తన తీర్పులో తేల్చి చెప్పింది. దీంతో ఆ కమిషన్‌ డొల్ల కమిషన్‌ అని తేలిపోయింది. హైకోర్టు ఆక్షేపించినా కూడా చంద్రబాబు ప్రభుత్వం పట్టించుకోకుండా ఆ డొల్ల కమిషన్‌ గడువును మళ్లీ పొడిగించింది. ప్రభుత్వం సాంకేతిక అభ్యంతరాలుబీసీ రిజర్వేషన్ల విషయంలో వాస్తవాలు కోర్టు ముందుంచేందుకు పిటిషన్లు దాఖలు చేసిన వారిపై చంద్రబాబు ప్రభుత్వం ఎదురు దాడి చేసింది. బీసీలకు న్యాయమైన రిజర్వేషన్లు కల్పించేందుకు చట్టపరంగా ఇప్పటి వరకు ఏం చేస్తున్నారన్న దానిపై హైకోర్టు ఎక్కడ ప్రశి్నస్తుందో.. అందుకు తామెక్కడ వాస్తవం చెప్పాల్సి వస్తుందోనన్న ఉద్దేశంతో పిటిషనర్ల అర్హతలపై ప్రభుత్వం సాంకేతిక అభ్యంతరాలను లేవనెత్తింది. ముఖ్యంగా చట్టపరమైన ఇబ్బందులను అధిగమించి బీసీలకు వారి జనాభా ప్రాతిపదికన రిజర్వేషన్లు ఎలా కల్పించాలన్న దానిపై హైకోర్టుకు సహకరించేందుకు వచ్చిన హైకోర్టు విశ్రాంత న్యాయమూర్తి, సుప్రీంకోర్టు సీనియర్‌ న్యాయవాది, జాతీయ బీసీ కమిషన్‌ పూర్వ చైర్మన్, ఆల్‌ ఇండియా బీసీ ఫెడరేషన్‌ వ్యవస్థాపక అధ్యక్షుడు వంగల ఈశ్వరయ్యను లక్ష్యంగా చేసుకుంది.సామాజిక–ఆర్థిక సంక్షేమ చర్యల కోసం సామాజికంగా వెనుకబడిన తరగతుల జాబితాను రూపొందించి నిర్వహించేలా ప్రభుత్వాన్ని ఆదేశించాలని కోరుతూ ఆల్‌ ఇండియా బీసీ ఫెడరేషన్‌ ఏపీ విభాగం గౌరవాధ్యక్షుడు ఆలా వెంకటేశ్వర్లు 2025లో దాఖలు చేసిన వ్యాజ్యంలో తనను రెండో పిటిషనర్‌గా చేర్చుకుని వాదనలు వినాలని హైకోర్టును ఈశ్వరయ్య కోరితే, దాన్ని ప్రభుత్వం తీవ్రంగా వ్యతిరేకించింది. అనుబంధ పిటిషన్‌ దాఖలుపై ఈశ్వరయ్య అర్హతలు ప్రశి్నంచిన ప్రభుత్వం, ఆయన పిటిషనర్‌గా చేరితే తమకు వచి్చన నష్టం ఏంటో కోర్టుకు చెప్పలేదు. బీసీల విషయంలో జాతీయ స్థాయిలో పోరాటాలు చేస్తున్న ఈశ్వరయ్య తాను కోర్టు ముందు వాస్తవాలను ఉంచేందుకే వచ్చానని చెప్పినా వినిపించుకోలేదు. బాబు మోసాలను బయటపెడతారనే.. గత విచారణ సమయంలో ఈశ్వరయ్యపై ఓ ప్రభుత్వ న్యాయవాది దురుసుగా మాట్లాడారు. బీసీల విషయంలో చంద్రబాబు మోసాలను బయటపెడుతున్న ఈశ్వరయ్య కోర్టులో కూడా ఎక్కడ వాటిని బయటపెడతారోనని భయపడుతోంది. అయితే పలు అంశాలపై న్యాయస్థానం లేవనెత్తిన పలు సందేహాలను ఆయన నివృత్తి చేశారు. దీంతో చివరకు న్యాయస్థానం ఆల్‌ ఇండియా బీసీ ఫెడరేషన్‌ దాఖలు చేసిన వ్యాజ్యంలో జోక్యానికి సముఖత వ్యక్తం చేసింది. తమిళనాడు రాష్ట్రం మాదిరిగా స్థానిక సంస్థలు, విద్యా సంస్థలు, ప్రభుత్వ ఉద్యోగాలలో ఎస్సీ, ఎస్టీ, ఓబీసీల జనాభాకు అనుగుణంగా రిజర్వేషన్లు కల్పించడంతో పాటు రాజ్యాంగంలోని అధికరణ 31బీ ప్రకారం సంబంధిత చట్టాలను 9వ షెడ్యూల్‌లో చేర్చడానికి ఏం చర్యలు తీసుకుంటున్నారో చెప్పాలని ప్రభుత్వాన్ని ఆదేశిస్తూ కీలక ఉత్తర్వులిచ్చింది. తమిళనాడు తరహాలో రిజర్వేషన్లకు ఏం చేస్తున్నారు?చంద్రబాబు ప్రభుత్వాన్ని నిలదీసిన హైకోర్టు సాక్షి, అమరావతి: రాష్ట్రంలో ఎస్సీ, ఎస్టీ, ఓబీసీలకు తమిళనాడు తరహాలోనే స్థానిక సంస్థలు, విద్యా, ఉపాధి అవకాశాల్లో వారి జనాభా ప్రాతిపదికన రిజర్వేషన్లు కల్పించేందుకు ఏం చర్యలు తీసుకుంటున్నారో చెప్పాలని హైకోర్టు సోమవారం రాష్ట్ర ప్రభుత్వాన్ని ఆదేశించింది. అలాగే అందుకు సంబంధించిన చట్టాలను రాజ్యాంగంలోని 9వ షెడ్యూల్‌లో చేర్చేందుకు తీసుకుంటున్న చర్యలను కూడా తెలియచేయాలని, పూర్తి వివరాలతో కౌంటర్‌ దాఖలు చేయాలని ప్రభుత్వాన్ని ఆదేశించింది. ఇప్పటికే ఆరుసార్లు సమయం తీసుకున్న నేపథ్యంలో కౌంటర్‌ దాఖలుకు ఇదే చివరి అవకాశమని తేల్చి చెప్పింది. ఇందుకు సంబంధించి దాఖలైన పిటిషన్‌ను విచారించిన న్యాయమూర్తి జస్టిస్‌ బీఎస్‌ భానుమతి తదుపరి విచారణను ఈ నెల 28కి వాయిదా వేశారు. ఆర్టీకల్‌ 342ఏ(3)ను అమలుచేయాలి రాజ్యాంగంలోని ఆర్టీకల్‌ 342ఏ(3) ప్రకారం స్థానిక సంస్థల్లో రిజర్వేషన్లు, విద్యా సంస్థల్లో ప్రవేశాలు, ప్రభుత్వ ఉద్యోగాలు ఇతర సామాజిక–ఆర్థిక సంక్షేమ చర్యల కోసం సామాజికంగా వెనుకబడిన తరగతుల జాబితాను రూపొందించి నిర్వహించేలా ప్రభుత్వాన్ని ఆదేశించాలని కోరుతూ ఆల్‌ ఇండియా బీసీ ఫెడరేషన్‌ ఏపీ విభాగం గౌరవాధ్యక్షుడు ఆలా వెంకటేశ్వర్లు హైకోర్టులో పిటిషన్‌ దాఖలు చేశారు. 2023లో ప్రారంభించిన సమగ్ర కుటుంబ సర్వేను వెంటనే పూర్తి చేసి, తగిన చర్యలు తీసుకోవడానికి వీలుగా ఆ సర్వే ఫలితాలను వీలైనంత త్వరగా ప్రచురించాలని ఆయన తన వ్యాజ్యంలో కోర్టును కోరారు.అంతేకాక తమిళనాడు మాదిరిగా స్థానిక సంస్థలు, విద్యా సంస్థలు, ప్రభుత్వ ఉద్యోగాలలో ఎస్సీ, ఎస్టీ, ఓబీసీల జనాభాకు అనుగుణంగా రిజర్వేషన్లు కల్పించడంతో పాటు రాజ్యాంగంలోని అధికరణ ఆర్టీకల్‌ 31బి ప్రకారం సంబంధిత చట్టాలను రాజ్యాంగంలోని 9వ షెడ్యూల్‌లో చేర్చడానికి సత్వర చర్యలు తీసుకునేలా ప్రభుత్వాన్ని ఆదేశించాలని ఆయన హైకోర్టును అభ్యర్థించిన విషయం తెలిసిందే.కాగా, ఆలా వెంకటేశ్వర్లు దాఖలు చేసిన పిటిషన్‌లో సుప్రీంకోర్టు సీనియర్‌ న్యాయవాది, అఖిల భారత వెనుకబడిన తరగతుల ఫెడరేషన్‌ వ్యవస్థాపక అధ్యక్షుడు వంగల ఈశ్వరయ్య ఇటీవల ఇంప్లీడ్‌ పిటిషన్‌ దాఖలు చేశారు. బీసీలను చంద్రబాబు నాయుడు ప్రభుత్వం మోసం చేస్తోందని పేర్కొన్నారు. అయితే ఈ ఇంప్లీడ్‌ పిటిషన్‌ దాఖలు పట్ల రాష్ట్ర ప్రభుత్వం తరఫున అడ్వొకేట్‌ జనరల్‌ (ఏజీ) దమ్మాలపాటి శ్రీనివాస్‌ తాజాగా తీవ్ర అభ్యంతరం వ్యక్తం చేయడం గమనార్హం. ఇదేనా సర్కార్‌ చిత్తశుద్ధి ‘‘కౌంటర్‌ దాఖలు చేయాలని రాష్ట్ర ప్రభుత్వానికి ఇదే కోర్టు ఆరుసార్లు సమయం ఇచ్చింది. ,అయినా కూడా ఇప్పటికీ కౌంటర్‌ దాఖలు చేయలేదు. బీసీల విషయంలో ప్రభుత్వానికి ఎంత చిత్తశుద్ధి ఉందో ఇది తెలియచేస్తోంది. మేము దాఖలు చేసిన వ్యాజ్యంలో ఈశ్వరయ్య రెండో పిటిషనర్‌గా చేరితే ప్రభుత్వానికి ఎలాంటి నష్టం లేదు. అయినా కూడా ప్రభుత్వం అభ్యంతరం చెప్పడం విస్మయపరుస్తోంది’’. – పిటిషనర్‌ తరఫు సీనియర్‌ న్యాయవాది కేజీ కృష్ణమూర్తి వాదనలుచట్టం చేయడం మినహా మరో మార్గం లేదుబీసీలకు న్యాయమైన రిజర్వేషన్లు దక్కాలంటే చట్టం చేయడం మినహా మరో మార్గం లేదు. చట్టాలు చేసేందుకు రాష్ట్రాలకు రాజ్యాంగం ఎప్పుడో వెసులుబాటునిచ్చింది. ఇటీవలి ధర్మాసనం ఉమ్మడి తీర్పు కేవలం స్థానిక ఎన్నికల రిజర్వేషన్లకే పరిమితమైంది. ధర్మాసనం ముందున్న వ్యాజ్యాలకు, నా ఈ వ్యాజ్యానికి ఏ మాత్రం సంబంధం లేదు. కేవలం స్థానిక సంస్థల్లో రిజర్వేషన్లు మాత్రమే కోరడం లేదు. విద్యా, ఉపాధి అవకాశాల్లో కూడా సామాజిక వెనుకబాటుతనం ఆధారంగా రిజర్వేషన్లు కోరుతున్నాం. అంతేకాక ప్రభుత్వం ఏర్పాటుచేసిన డెడికేటెడ్‌ కమిషన్‌ వద్ద ఎలాంటి డేటా లేదని ఇటీవలి ఉమ్మడి తీర్పులో ధర్మాసనం స్పష్టంగా పేర్కొంది.అసలు డెడికేటెడ్‌ కమిషన్‌ నివేదికను ప్రభుత్వం ఇప్పటి వరకు బహిర్గతం చేయలేదు. బీసీల వెనుకబాటుతనంపై అధ్యయనం చేసి అందుకు అనుగుణంగా రిజర్వేషన్లు కల్పించాల్సిన బాధ్యత రాష్ట్ర ప్రభుత్వంపై ఉంది. సమగ్ర కుటుంబ సర్వే నిర్వహించకుండా చట్ట ప్రకారం చెల్లని విధంగా బీసీలకు రిజర్వేషన్లు ఇచ్చారు. ఇంటింటికెళ్లి సమగ్ర కుటుంబ సర్వే నిర్వహిస్తేనే బీసీ లెక్కలు తేలతాయి. తెలంగాణలో కూడా ఇలాగే చేసి బీసీలకు 42 శాతం రిజర్వేషన్లు ఇచ్చారు. నేను జాతీయ బీసీ కమిషన్‌ చైర్మన్‌గా మూడేళ్ల పాటు పనిచేశాను.బీసీల వెనుకబాటుతనం, స్థితిగతులతో పాటు చట్టపరమైన అంశాలపై చాలా అవగాహన ఉంది. ఈ నేపథ్యంలో కోర్టుకు వాస్తవాలు తెలియచేయాలన్న ఉద్దేశంతోనే ఈ వ్యాజ్యంలో రెండో పిటిషనర్‌గా చేరాలని నిర్ణయించుకున్నాను. దీనిని కూడా ప్రభుత్వం వ్యతిరేకించడం దురదృష్టకరం. నేను ప్రభుత్వానికి వ్యతిరేకంగా పోరాటం చేయడం లేదు. బీసీల సంక్షేమ కోసమే పోరాటం చేస్తున్నాను. చట్టం చేసి రాష్ట్రంలో ఎస్సీ, ఎస్టీ ఓబీసీలకు తమిళనాడు తరహాలోనే స్థానిక సంస్థలు, విద్యా, ఉపాధి అవకాశాల్లో వారి జనాభా ప్రాతిపదికన రిజర్వేషన్లు కల్పించేలా ప్రభుత్వాన్ని ఆదేశించాలని కోరుతున్నాం. చట్టం చేయడానికి ప్రభుత్వం ఎందుకు వెనుకడుగు వేస్తుందో అర్థం కావడం లేదు. – సీనియర్‌ న్యాయవాది వంగల ఈశ్వరయ్య వాదనలు

సాక్షి, చెన్నై: త‌మిళ రాజ‌కీయాల్లో త‌న‌దైన ముద్ర వేసిన బీజేపీ రాష్ట్ర మాజీ అధ్య‌క్షుడు 'వి ది లీడర్స్ ఫౌండేషన్' వ్యవస్థాపకుడు కే. అన్నామలై సొంత దారిలో ముందుకు సాగుతున్నారు. వివిధ కార్య‌క‌లాపాల‌తో ప్ర‌జ‌లతో మ‌మేకం అయ్యేందుకు ఆయ‌న ప్ర‌య‌త్నిస్తున్నారు. ముఖ్యంగా యువ‌త‌, మ‌హిళ‌ల‌ను ఆక‌ట్టుకునేలా కార్య‌క్ర‌మాలు చేప‌డుతున్నారు. ఇందులో భాగంగా ఈనెల 15న కోయంబత్తూరులో అబ్దుల్‌ కలాం సెంటర్‌ ఫర్‌ ఎథిక్స్‌ అండ్‌ పాలిటిక్స్‌ అనే రాజకీయ శిక్షణ కేంద్రాన్ని ప్రారంభించనున్నట్లు అన్నామలై ప్రకటించారు. రాబోయే స్థానిక సంస్థల ఎన్నికలను దృష్టిలో ఉంచుకుని, పోటీ చేయాలనుకునే అభ్యర్థులకు సరైన మార్గదర్శకత్వం, రాజకీయ పాఠాలు అందించడమే ఈ కేంద్రం ప్రధాన లక్ష్యమని ఆయన తెలిపారు.మాజీ రాష్ట్రపతి డాక్టర్‌ ఏపీజే అబ్దుల్‌ కలాం జయంతిని పురస్కరించుకుని ఈనెల 15న ఈ కేంద్రాన్ని ప్రారంభిస్తున్నామని, మొదటి రోజు 100 మంది మహిళలు ఈ శిక్షణా కార్యక్రమంలో చేరనున్నారని అన్నామలై తన ఎక్స్‌ ఖాతాలో పేర్కొన్నారు. వి ది లీడర్స్‌ సంస్థ ఆధ్వర్యంలో ప్రతి నెలా ఒక ప్రత్యేక సామాజిక అంశంపై అవగాహన కార్యక్రమాలు నిర్వహిస్తున్నారు. ఇందులో భాగంగా అక్టోబర్‌ నెలను మహిళల భద్రత, సాధికారత’ థీమ్‌తో నిర్వహించనున్నారు. వివిధ రంగాల్లో విశేష సేవలు అందించిన మహిళలను గుర్తించి, వారికి కామరాజ్‌అవార్డును అందజేసి అన్నామలై సత్కరిస్తారు. మహిళల ఆర్థిక పురోగతికి మద్దతుగా అక్టోబర్‌ మూడో వారంలో కృష్ణగిరి జిల్లాలో 5,000 మంది మహిళలతో కూడిన స్వయం సహాయక బృందాన్ని నమోదు చేయనున్నట్లు తెలిపారు.నాలుగేళ్లలో 21,397 పోక్సో కేసులుత‌మిళ‌నాడులో మహిళలపై లైంగిక వేధింపుల కేసులు గణనీయంగా పెరుగుతున్నాయని అన్నామ‌లై ఆందోళ‌న వ్య‌క్తం చేశారు. 2020 – 2024 మధ్య కాలంలో పోక్సో, లైంగిక దాడి, వేధింపులు, ఈవ్‌ టీజింగ్‌, కిడ్నాప్‌ వంటి నేరాల కింద మొత్తం 26,145 కేసులు నమోదయ్యాయని తెలిపారు. వీటిలో 21,397 కేసులు పోక్సో చట్టం కింద నమోదైన కేసులు ఉన్నాయ‌ని వెల్ల‌డించారు.'ఆమె' ఇప్ప‌టికీ వెనుకంజేపరిపాలన, నిర్ణయాధికార పదవుల్లో మహిళల భాగస్వామ్యం ఇప్పటికీ తక్కువగానే ఉందని అన్నామ‌లై పేర్కొన్నారు. త‌మ సంస్థ త‌ర‌పున 128 పేజీల సమగ్ర మహిళా విధాన పత్రాన్ని ఆయ‌న‌ విడుదల చేశారు. 2026 తమిళనాడు శాసనసభ ఎన్నికల్లో పోటీ చేసిన మొత్తం అభ్యర్థుల్లో మహిళలు 11.01 శాతం మాత్రమేనని తెలిపారు. లోక్‌సభలో 13.8 శాతం, కేంద్ర మంత్రివర్గంలో 5.6 శాతం మాత్రమే మహిళలు ఉన్నారని చెప్పారు. మంత్రివర్గంలో మహిళలకు సమాన అవకాశాలు కల్పించడమే త‌మ‌ లక్ష్యమ‌న్నారు. సురక్షితమైన, ఆరోగ్యకరమైన, ఆర్థిక స్వాతంత్య్రం ఉన్న సమాజాన్ని నిర్మించడమే త‌మ సంస్థ‌ ముఖ్య ఉద్దేశమని అన్నామలై పేర్కొన్నారు.ఇదీ చ‌ద‌వండి: ఇండియా కూట‌మిలోకి టీవీకేత్వ‌ర‌లో మార్కెట్‌లోకి పుస్తకంతాను రాసిన పుస్త‌కం 'అన్‌ఫినిష్డ్ హోప్' త్వ‌ర‌లో మార్కెట్‌లో అమ్మకానికి రానుంద‌ని అన్నామ‌లై తెలిపారు. అమెజాన్ ద్వారా ముందుగానే పుస్త‌కాన్ని బుక్ చేసుకోవ‌చ్చ‌ని వెల్ల‌డించారు. దీనికి సంబంధించిన లింక్‌ను ఎక్స్‌లో షేర్ చేశారు. ఈ పుస్తకం అమ్మకం ద్వారా వచ్చే ఆదాయం మొత్తం 'వి ది లీడర్స్ ఫౌండేషన్' చేపట్టిన సేవా కార్యక్రమాలకు వినియోగిస్తామ‌ని చెప్పారు. అపార‌మైన వ‌న‌రులు ఉన్న‌ప్ప‌టికీ మ‌న దేశం సాధించాల్సిన ప్ర‌గ‌తి సాధించ‌లేద‌న్న భావ‌న‌తో తాను ఈ పుస్త‌కం రాసిన‌ట్టు అన్నామ‌లై వెల్ల‌డించారు.

ఢిల్లీ: దేశంలో ఉప ఎన్నికల సందడి నెలకొననుంది. అక్టోబర్‌ 6న నాలుగు రాష్ట్రాలు, ఒక కేంద్ర పాలిత ప్రాంతంలో ఆరు స్థానాలకు పోలింగ్‌ జరగనుంది. వీటిలో ఐదు అసెంబ్లీ స్థానాలు కాగా.. ఒకటి లోక్‌సభ స్థానం. తమిళనాడులో రెండు, పశ్చిమ బెంగాల్‌లో రెండు, పుదుచ్చేరిలో ఒక అసెంబ్లీ స్థానం, అసోంలో ఒక లోక్‌సభ స్థానానికి ఓటింగ్‌ నిర్వహించనున్నారు. ఆరు స్థానాలకు రేపు జరగనుండగా.. అక్టోబర్‌ 9న ఓట్ల లెక్కింపు ఎన్నికల ఫలితాలు విడుదల కానున్నాయి.తమిళనాడు.. రాష్ట్రంలోని మదురంతకం (ఎస్సీ), ధారాపురం (ఎస్సీ) అసెంబ్లీ నియోజకవర్గాలకు ఉప ఎన్నికలు జరగనున్నాయి. ఈ రెండు స్థానాలు అప్పటి ఎమ్మెల్యేల రాజీనామాలతో ఖాళీ అయ్యాయి. ఈ ఎన్నికలు తమిళనాడులో అధికార టీవీకే ప్రభుత్వానికి కీలక రాజకీయ పరీక్షగా మారాయి.పశ్చిమ బెంగాల్‌.. హైప్రొఫైల్‌ నందిగ్రామ్, రెజీనగర్ స్థానాలకు పోలింగ్‌ జరగనుంది. నందిగ్రామ్‌ సీటు సీఎం సువేందు అధికారి రాజీనామాతో ఖాళీ కాగా.. రెజీనగర్‌ స్థానం హుమాయున్‌ కబీర్‌ రాజీనామాతో ఖాళీ అయింది. ఈ రెండు స్థానాల్లోనూ ప్రధాన పార్టీల మధ్య పోటీ ఆసక్తికరంగా మారింది.పుదుచ్చేరి.. తట్టంచావడి అసెంబ్లీ స్థానానికి ఉప ఎన్నిక జరగనుంది. ముఖ్యమంత్రి ఎన్‌. రంగసామి ఈ నియోజకవర్గానికి రాజీనామా చేసి మరో స్థానాన్ని కొనసాగించడంతో ఈ సీటు ఖాళీ అయింది.అసోం.. నాగావ్‌ లోక్‌సభ నియోజకవర్గానికి ఉప ఎన్నిక నిర్వహించనున్నారు. కాంగ్రెస్‌ ఎంపీ ప్రద్యుత్‌ బోర్దోలోయ్‌ రాజీనామా చేయడంతో ఈ స్థానం ఖాళీ అయింది. అసెంబ్లీ ఎన్నికల తర్వాత జరుగుతున్న ఈ ఉప ఎన్నికపై రాజకీయంగా ఆసక్తి నెలకొంది.కాగా, ప్రస్తుతం తమిళనాడులోని మదురంతకం, ధారాపురం ఉప ఎన్నికలు ప్రత్యేక ఆసక్తిని రేపుతున్నాయి. రెండు స్థానాల్లోనూ టీవీకే, డీఎంకే, ఏఐఏడీఎంకే మధ్య బహుముఖ పోటీ నెలకొంది. ముఖ్యమంత్రి, టీవీకే అధినేత విజయ్‌ స్వయంగా వరుసగా ప్రచారం నిర్వహించడం ఈ ఎన్నికలకు ప్రాధాన్యం పెంచింది. రెండు సీట్లను గెలిస్తే అసెంబ్లీలో టీవీకే బలం పెరగనుండటంతో.. ఫలితాలు విజయ్‌ ప్రభుత్వానికి రాజకీయంగా కీలక సంకేతంగా మారే అవకాశం ఉంది.పశ్చిమ బెంగాల్‌లో నందిగ్రామ్, రెజీనగర్‌ ఫలితాలపైనా ఉత్కంఠ నెలకొంది. ముఖ్యంగా నందిగ్రామ్‌లో బీజేపీ అభ్యర్థి హసిరాయ్‌ రాథ్‌కు సీనియర్‌ నేతలు ప్రచారం చేయగా.. కాంగ్రెస్‌ అభ్యర్థి మిలన్‌ ప్రధాన్‌ కూడా చివరి దశలో ప్రచారాన్ని ముమ్మరం చేశారు. రెజీనగర్‌లో టీఎంసీ, కాంగ్రెస్‌, ఏజేయూపీ, తిరుగుబాటు టీఎంసీ వర్గం మధ్య పోటీ సాగుతోంది. ఓటర్ల జాబితా SIR అంశం కూడా ఈ ఎన్నికల రాజకీయ చర్చలో కీలకంగా మారింది. అందువల్ల ఆరు స్థానాల్లో ఫలితాలు కేవలం ఖాళీ సీట్ల భర్తీగా కాకుండా.. ఆయా రాష్ట్రాల్లో పార్టీల బలాబలాలకు, నేతల రాజకీయ ప్రతిష్ఠకు పరీక్షగా మారాయి. ఇదీ చదవండి: బెంగాల్‌లో ట్విస్ట్‌.. తిరుగుబాటు నేతలకు మమత గట్టి వార్నింగ్‌

సాక్షి,చెన్నై: ప్రజలకు రక్షణగా నిలవాల్సిన ఖాకీలే అక్రమాలకు పాల్పడితే శిక్ష ఏ స్థాయిలో ఉంటుందో తమిళనాడు ప్రభుత్వ తాజా చర్యలు మరోసారి నిరూపించాయి. లంచం డిమాండ్ చేయడం, డిజిటల్ రూపంలోనూ వసూలు చేయడం వంటి ఆరోపణలపై తమిళనాడు వ్యాప్తంగా ఐదుగురు పోలీసులపై కఠినమైన శాఖాపరమైన చర్యలు తీసుకోవడం రాష్ట్రంలో చర్చాంశనీయంగా మారింది. సీఎం సి. జోసెఫ్ విజయ్ నేతృత్వంలోని ప్రభుత్వం రాష్ట్రంలో అవినీతిని ఏమాత్రం సహించేది లేదనే స్పష్టమైన సంకేతాలను ఈ ఘటన ద్వారా పంపింది.తిరునెల్వేలి, చెన్నై పరిసర ప్రాంతాలలో జరిగిన వేర్వేరు ఘటనల్లో పోలీసులు రూ.1,000 నుంచి రూ.10,000 వరకు లంచాలు డిమాండ్ చేసినట్లు ఆరోపణలు వచ్చాయి. సాంకేతికతను సామాన్యులకు మేలు చేసేందుకు కాకుండా, అవినీతికి అడ్డుపెట్టుకోవాలని చూసిన కిందిస్థాయి సిబ్బందికి సీఎం విజయ్ ప్రభుత్వం గట్టి షాక్ ఇచ్చింది.వాహన తనిఖీల సమయంలో ద్విచక్ర వాహనదారుడిని రూ.1,000 డిమాండ్ చేసిన హెడ్ కానిస్టేబుల్ సోర్ణరాజ్, నగదు లేకపోవడంతో నేరుగా తన జీపే నంబర్‌కు డబ్బులు వేయించుకున్నట్లు విచారణలో తేలింది. ఈ దారుణానికి పాల్పడిన ఆయన్ను తక్షణమే సస్పెండ్ చేశారు.దొంగిలించబడిన ద్విచక్ర వాహనాన్ని బాధితునికి అప్పగించేందుకు ఎస్‌ఐ శివరాజ్, కానిస్టేబుల్ వివేక్ కలిసి జీ-పే ద్వారా రూ.10,000 వసూలు చేశారు. ఈ ఆరోపణలు రుజువు కావడంతో ఇద్దరినీ సస్పెండింగ్ వేటు పడింది. లంచం డిమాండ్ చేసిన ఎస్‌ఐపై విజిలెన్స్ విచారణ జరిపించి వెంటనే సస్పెండ్ చేయించారు. గతంలో అన్నానగర్ స్టేషన్‌లో పనిచేస్తున్న సమయంలో లంచం తీసుకున్నట్లు తేలిన ఎస్‌ఐ మరీశ్వరన్‌ను ఏకంగా సర్వీసు నుంచే తొలగిస్తూ అత్యంత కఠినమైన నిర్ణయం తీసుకున్నారు.సీఎం విజయ్ పాలనా దక్షతకు ఇదే నిదర్శనంతమిళనాడులో శాంతిభద్రతల పరిరక్షణతో పాటు పోలీస్ శాఖలో ప్రక్షాళన దిశగా ముఖ్యమంత్రి సి. జోసెఫ్ విజయ్ తీసుకుంటున్న నిర్ణయాలు ప్రజల నుంచి ప్రశంసలు అందుకుంటున్నాయి. అధికారంలోకి వచ్చిన నాటి నుంచి అవినీతి రహిత పాలనే ధ్యేయంగా అడుగులు వేస్తున్న సీఎం విజయ్, చిన్నస్థాయి అవినీతిని కూడా ఉపేక్షించేది లేదని ఈ చర్యల ద్వారా నిరూపించారు.పోలీసు వ్యవస్థలో బాధ్యతాయుతమైన పారదర్శకతను తీసుకురావడంలోనూ, ప్రజలకు సత్వర న్యాయం అందించడంలోనూ సీఎం విజయ్ అమలు చేస్తున్న కఠినమైన నిబంధనలు అభినందనీయం. అక్రమాలకు పాల్పడే ఎంతటి వారైనా చట్టం ముందు సమానులేనని, ప్రభుత్వ యంత్రాంగంలో అవినీతికి తావులేదని ఈ ఘటన నిరూపిస్తోంది. ఇదీ చదవండి : శభాష్‌ వేల్‌ మురగన్‌

కొరుక్కుపేట: తమిళనాడు వ్యాప్తంగా ప్రభుత్వ బస్సుల్లో మహిళలు, బాలికలు, ట్రాన్స్‌జెండర్లకు ఉచిత ప్రయాణం కల్పించే పథకాన్ని ముఖ్యమంత్రి విజయ్‌ శుక్రవారం ప్రారంభించారు. దీంతో ఇప్పుడు ఏసీ బస్సులు మినహా అన్ని బస్సుల్లో ప్రయాణించడం సాధ్యమవుతుంది. ఈనేపథ్యంలో ప్రభుత్వ బస్సుల్లో రద్దీ పెరిగే అవకాశం ఉంది. ప్రయాణికులతో ఎలా ప్రవర్తించాలనే దానిపై రవాణా సంస్థ అధికారులు బస్సు డ్రైవర్లు, కండక్టర్లకు సూచనలు జారీ చేశారు. ముఖ్యంగా కండక్టర్లు కూర్చుని ప్రయాణికులకు టిక్కెట్లు ఇవ్వకూడదు. వారు ఉన్న చోటుకే వెళ్లి టిక్కెట్లు ఇవ్వాలి. స్వేచ్ఛాయుత ప్రయాణం పట్ల ఎలాంటి ఉదాసీనత ఉండకూడదు. ప్రయాణికులు మాట్లాడకూడదని, బస్సు ఎక్కిన తర్వాత, దిగిన తర్వాత తలుపులు మూసివేయాలని సూచించారు. ఈ విషయ మై చెన్నై మెట్రోపాలిటన్‌ ట్రాన్స్‌పోర్ట్‌ కార్పొరేషన్‌ అధికారి మాట్లాడుతూ నగర బస్సులను పక్కన నిలిపి, ప్రయాణికులను ఎక్కించుకోవడం, దించడం చేయాలని కండక్టర్లు, డ్రైవర్లకు సూచించారు. ఈ పనిలో 7,000 మంది పాల్గొంటున్నారు. వారి కోసం 4 కేంద్రాలలో శిక్షణా కోర్సులు నిర్వహించినట్లు పేర్కొన్నారు. ఇందులో మహిళా ప్రయాణికులతో ట్రాన్స్‌పోర్టు సిబ్బంది కఠినంగా ప్రవర్తించవద్దని సూచించినట్లు వెల్లడించారు.

నగరంలో పెరుగుతున్న రోడ్డు ప్రమాదాలను అరికట్టేందుకు, ప్రాణనష్టాన్ని పూర్తిగా తగ్గించేందుకు చెన్నై ట్రాఫిక్‌ పోలీసులు అత్యంత కఠిన చర్యలకు ఉపక్రమించారు. ట్రాఫిక్‌ నిబంధనలను బేఖాతరు చేస్తూ రోడ్లపైకి వస్తున్న వాహనదారులకు షాక్‌ ఇస్తూ, స్పాట్‌ ఫైన్‌ (అక్కడికక్కడే జరిమానా) విధానాన్ని మళ్లీ అమల్లోకి తెచ్చారు. చెన్నై పోలీస్‌ కమిషనర్‌ అమల్‌రాజ్‌ ఆదేశాల మేరకు, ట్రాఫిక్‌ పోలీస్‌ అదనపు కమిషనర్‌ చాముండేశ్వరి ఈ తనిఖీలను మరింత ముమ్మరం చేశారు. ఇందు లో భాగంగా రాబోయే 10 రోజుల పాటు నగరంలోని ప్రధాన రహదారులు, రద్దీగా ఉండే జంక్షన్లు, ప్రమాదాలు ఎక్కువగా జరిగే (బ్లాక్‌ స్పాట్స్‌) ప్రాంతాలపై పోలీసులు ప్రత్యేక నిఘా ఉంచనున్నారు. ఉల్లంఘనలపైన కొరడా : ఎలాంటి నెంబర్‌ ప్లేట్‌ లేకుండా, లేదా నిబంధనలకు విరుద్ధంగా ఫ్యాన్సీ, అస్పష్టమైన నెంబర్‌ ప్లేట్లు అమర్చి తిరిగే వాహనాలు, టూ–వీలర్లపై ముగ్గురు ప్రయాణించడం, కారు నడిపేటప్పుడు , పక్కన కూర్చునేవారు సీట్‌ బెల్ట్‌ ధరించకపోవడం, నిరుత్సాహకరంగా, వేగంగా వాహనాలు నడపడం, ట్రాఫిక్‌ సిగ్నల్స్‌ ఉల్లంఘించడం, నిబంధనలు ఉల్లంఘించినట్లు తేలితే ఎలాంటి మినహాయింపు లేకుండా అక్కడికక్కడే భారీ జరిమానాలు విధించనున్నారు. వాహనదారులు అందరూ రోడ్డు భద్రతా నియమాలను తూచా తప్పకుండా పాటించి, పోలీసుల తనిఖీలకు సహకరించాలని అధికారులు కోరారు. కాగా, ఇది వరకు పోలీసులు స్పాట్‌ ఫైన్లను కొంత కాలం పక్కన పెట్టి ఈ చలాన్ల రూపంలో జరిమానా విధిస్తూ వచ్చిన విషయం తెలిసిందే. అయితే, ఈ చలాన్లను చెల్లించకుండా వాహనదారులు తప్పించుకుంటూ వస్తున్నారు. ఈ చలాన్ల బకాయిలు పెద్ద ఎత్తున పేరుకు పోతున్నాయి. ఈ దృష్ట్యా, మళ్లీ స్పాట్‌ ఫైన్‌ చలాన్‌ విధానం అమలులోకి తెచ్చారు. సాక్షి, చెన్నై:

సాక్షి, చెన్నై: తమిళనాడు సీఎం విజయ్‌ నేతృత్వంలోని తమిళిగ వెట్రి కళగం(టీవీకే) కాంగ్రెస్‌ పార్టీ నేతృత్వంలోని ఇండియా కూటమిలో చేరింది. చెన్నైలో జరిగిన ఇండియా కూటమి పార్టీల సమావేశానికి టీవీకే తరఫున ఇద్దరు మంత్రులు హాజరయ్యారు. వారికి కాంగ్రెస్‌ నాయకులు ఆహ్వానం పలికారు. ఇండియా కూటమిలో కొద్ది నెలల క్రితం వరకు తమిళనాట డీఎంకే కీలకంగా ఉంటూ వచ్చింది. అసెంబ్లీ ఎన్నికల అనంతరం కాంగ్రెస్‌ పార్టీ తమిళనాడులో ప్రభుత్వం ఏర్పాటుకు టీవీకేకు మద్దతివ్వడంతో డీఎంకే పార్టీ ఇండియా కూటమి నుంచి వైదొలగింది.ఇటీవల ఢిల్లీలో జరిగిన ఇండియా కూటమి సమావేశానికి డీఎంకే హాజరుకాలేదు. టీవీకే కూడా ఆ సమావేశానికి వెళ్లలేదు. గత నెలలో తమిళనాట టీవీకే నేతృత్వంలో ‘మత సామరస్య సామాజిక న్యాయ విజయ కూటమి (సెక్యులర్‌ సోషల్‌ జస్టిస్‌ విక్టరీ అలయన్స్‌)’ ఆవిర్భవించింది. ఇందులో ఇండియా కూటమిలోని సీపీఎం, సీపీఐ మాత్రం చేరలేదు. ఈ పరిస్థితులలో ఎన్నికల ప్రధాన కమిషనర్‌ (సీఈసీ) జ్ఞానేష్‌ కుమార్‌ రాజీనామా డిమాండ్‌తో పోరాటాలకు ఇండియా కూటమి నిర్ణయించింది. ఇందులో భాగంగా చెన్నైలోని సత్యమూర్తి భవన్‌లో ఇండియా కూటమి సంప్రదింపుల సమావేశం జరిగింది. ఈ సమావేశంలో టీవీకే పార్టీ అధికారికంగా పాల్గొనడం రాష్ట్ర రాజకీయాల్లో చర్చకు దారి తీసింది.ఈ సమావేశానికి టీవీకే తరఫున మంత్రులు ఆధవ్‌ అర్జున, మరియా విల్సన్‌ హాజరై కూటమికి మద్దతు ప్రకటించారు. తమిళనాడు కాంగ్రెస్‌ కమిటీ అధ్యక్షుడు మాణిక్యం ఠాకూర్‌ అధ్యక్షతన జరిగిన ఈ సమావేశంలో ఎండీఎంకే నేత వైగో, వీసీకే నేత తిరుమావళవన్, సీపీఎం రాష్ట్ర కార్యదర్శి షణ్ముగం, సీపీఐ తరపున రవీంద్రనాథ్, ఐయూఎంఎల్‌ తరపున అబూబకర్‌ తదితర కూటమి పార్టీల ముఖ్య నేతలు, ఎంపీలు పాల్గొన్నారు. సీఈసీ రాజీనామా డిమాండ్‌తో పోరాటాలను ఉధృతం చేయాలని నిర్ణయించారు. అనంతరం, మాణిక్యం ఠాగూర్‌ మీడియాతో మాట్లాడారు. ఇండియా కూటమిలో టీవీకే చేరడం ప్రతిపక్ష ఐక్యతకు చారిత్రక రోజని వ్యాఖ్యానించారు. తమిళనాడులో బీజేపీకి వ్యతిరేకంగా రాజకీయ పోరాటం మరింత ఆసక్తికరంగా మారుతుందని చెప్పారు.ఓటర్ల జాబితా అంశంపై ఆందోళనలుమరోవైపు ఓటర్ల జాబితా ప్రత్యేక సమగ్ర సవరణ సర్‌పై ఇండియా కూటమి ఆందోళనలకు సిద్ధమవుతోంది. ఈ ప్రక్రియపై అభ్యంతరాలు వ్యక్తం చేస్తూ ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తోంది. ఇందులో భాగంగా అక్టోబర్‌ 13, 14 తేదీల్లో రాష్ట్రవ్యాప్తంగా జిల్లా స్థాయిలో నిరసనలు చేపట్టాలని కూటమి నిర్ణయించినట్లు ఠాగూర్‌ తెలిపారు. అక్టోబర్‌ 15న కూటమిలోని ఏడు పార్టీలకు చెందిన అగ్రనేతలతో భారీ ఆందోళన నిర్వహించనున్నట్లు చెప్పారు. అంతకుముందు అక్టోబర్‌ 6న ఇండియా కూటమి ఎంపీలు ఢిల్లీలోని కేంద్ర ఎన్నికల సంఘం కార్యాలయం వరకు మార్చ్‌ నిర్వహించనున్నట్లు తెలిపారు.ఇదీ చదవండి: విజయ​ టార్గెట్‌గా స్టాలిన్‌ బిగ్‌ అటాక్‌.. దెబ్బకు డిఫెన్స్‌లో టీవీకే?

ఆసియా గేమ్స్ 2026లో స్వర్ణ పతకం సాధించిన టీమిండియా జట్టులో సభ్యుడిగా ఉన్న వాషింగ్టన్ సుందర్‌కు తమిళనాడు ప్రభుత్వం భారీ నజరానా ప్రకటించింది. స్వర్ణ పతకం గెలుచుకున్న సుందర్‌కు రూ. 75 లక్షల రివార్డు ప్రకటించినట్లు తమిళనాడు సీఎం జోసెఫ్ విజయ్ తెలిపారు. తమిళనాడు స్పోర్ట్స్ డెవలప్‌మెంట్ అథారిటీ (ఎస్‌డీఏటీ) ద్వారా సుందర్‌కు ప్రోత్సాహకాన్ని అందించనున్నారు. ఇక పాకిస్తాన్‌తో జరిగిన ఫైనల్లో వాషింగ్టన​ సుందర్ మంచి ప్రదర్శన కనబరిచాడు. 4 ఓవర్లు బౌలింగ్ వేసిన సుందర్ కేవలం 29 పరుగులు మాత్రమే ఇచ్చి రెండు కీలక వికెట్లు పడగొట్టాడు. లక్ష్యానికి 19 దూరంలో పాకిస్తాన్ నిలిచిపోవడం వెనుక సుందర్ కీలకపాత్ర వహించాడు. తద్వారా భారత్ స్వర్ణ పతకం కైవసం చేసుకోగా.. పాక్ రజతానికే పరిమితమైంది. 2023లో రుతురాజ్ సారథ్యంలోనూ టీమిండియా గోల్డ్ మెడల్ అందుకున్న సంగతి తెలిసిందే.సీఎం విజ‌య్ స్పందిస్తూ.. "జ‌పాన్‌లో జ‌రుగుతున్న‌ ఆసియా క్రీడల్లో పురుషుల క్రికెట్ విభాగంలో స్వర్ణ పతకం సాధించి చారిత్ర‌క ఘ‌న‌త సాధించిన టీమిండియాకు, జట్టులో సభ్యుడైన తమిళనాడుకు చెందిన క్రికెటర్ వాషింగ్టన్ సుందర్‌కు నా హృదయపూర్వక అభినందనలు. సుందర్ సాధించిన ఈ ఘనతను ప్రశంసిస్తూ, తమిళనాడు ప్రభుత్వం తరఫున ₹75 లక్షల ప్రతిష్టాత్మక నగదు బహుమతిని అందజేయడం జరుగుతుంది. ఆయన విజయం యువతరానికి కొత్త స్ఫూర్తిని, ఆత్మవిశ్వాసాన్ని అందిస్తుంది. దేశం త‌ర‌ఫున‌ సుందర్ క్రికెట్ మ్యాచ్‌లలో రాణించి, మరెన్నో మైలురాళ్లను సాధించాలని నేను ఆకాంక్షిస్తున్నాను." అని చెప్పుకొచ్చారు.మ్యాచ్ విషయానికొస్తే.. తొలుత బ్యాటింగ్ చేసిన టీమిండియా 20 ఓవర్లలో 6 వికెట్ల నష్టానికి 211 పరుగులు చేసింది. అభిషేక్ శర్మ (61), తిలక్ వర్మ (51 నాటౌట్‌) అర్థసెంచరీలు చేయగా, శివమ్ దూబే (27), ఇషాన్ కిషన్ (20) రాణించారు. పాక్ బౌలర్లలో అహ్మద్ దనియాల్, అరాఫత్ మిన్హస్ చెరో 2 వికెట్లు పడగొట్టారు. అనంతరం పాకిస్తాన్ 20 ఓవర్లలో 6 వికెట్ల నష్టానికి 192 పరుగులకు పరిమితమైంది. హసన్ నవాజ్ (96) తృటిలో సెంచరీ చేజార్చుకోగా, సయీమ్ అయూబ్ (29) పర్వాలేదనిపించాడు. భారత బౌలర్లలో అక్షర్ పటేల్‌, సుందర్‌, శివమ్ దూబే తలా రెండు వికెట్లు తీశారు.ஜப்பானில் நடைபெற்றுவரும் 20-வது ஆசிய விளையாட்டுப் போட்டிகளில், ஆடவர் கிரிக்கெட் பிரிவில் தங்கப் பதக்கம் வென்று சாதனை படைத்துள்ள இந்திய ஆடவர் அணிக்கும், அவ்வணியில் இடம்பெற்றுள்ள தமிழ்நாட்டைச் சேர்ந்த கிரிக்கெட் வீரர் வாஷிங்டன் சுந்தர் அவர்களுக்கும் எனது மனமார்ந்த வாழ்த்துகளையும்,… pic.twitter.com/dZqIKrHujI— CMOTamilNadu (@CMOTamilnadu) October 3, 2026ఇదీ చదవండి: విరాట్ కోహ్లి చెత్త రికార్డు

సాక్షి, చెన్నై: తమిళనాడులో వ్యవసాయ ఉత్పత్తుల ఎగుమతుల పేరుతో కోట్లాది రూపాయల డిపాజిట్లను సమీకరించి భారీ కుంభకోణానికి పాల్పడిన యూనిక్‌ ఎక్స్‌పోర్ట్స్‌ గుట్టును ఎన్‌ఫోర్స్‌మెంట్‌ డైరెక్టరేట్‌(ఈడీ) రట్టు చేసింది. ఈరోడ్‌ కేంద్రంగా ఏర్పాటు చేసిన ఈ నకిలీ సంస్థ 35,759 మంది నుంచి రూ.1,417.86 కోట్లు వసూలు చేసింది. ఈ నిధులను దారి మళ్లించడానికి మోసపూరిత మార్గాలను ఎంచుకుంది. ఈ కంపెనీలో నలుగురు ఉద్యోగులే పనిచేస్తుండగా, వారికి జీతాల రూపంలో రూ.390.90 కోట్లు చెల్లించినట్లు దొంగ లెక్కలు చూపింది. అలాగే రూ.719 కోట్లను కంపెనీ యజమానులు, వారి కుటుంబ సభ్యులు, స్నేహితులకు చెందిన 100కి పైగా బ్యాంకు ఖాతాలకు బదిలీ చేశారు. రూ.79.56 కోట్ల విలువైన ఉల్లిపాయలు, వాణిజ్య సరుకులు కొనుగోలు చేసినట్లు నకిలీ పత్రాలను సృష్టించారు. ఈ విషయం తెలుసుకున్న బాధితుల ఫిర్యాదుతో ఈరోడ్‌ క్రైమ్‌ బ్రాంచ్‌ నమోదు చేసిన కేసు ఆధారంగా ఈడీ అధికారులు విచారణ జరిపి, సంస్థ యజమాని నవీన్‌ కుమార్, అతని సహచరుడు ముత్తుసెల్వంను అరెస్ట్‌ చేశారు.ఇదీ చతవండి: నెలకు రూ.లక్ష సంపాదిస్తేనే బెంగళూరులో జీవితం

తమిళనాడు రాజకీయాల్లో ధారాపురం ఉప ఎన్నిక వేడి పుట్టిస్తోంది. అధికార పార్టీ టీవీకే అభ్యర్థి సత్యభామపై డీఎంకే అధినేత, మాజీ సీఎం ఎంకే స్టాలిన్‌ చేసిన వ్యాఖ్యలు ఇప్పుడు మరో వివాదానికి దారితీశాయి. ఆమెను ‘పెట్టీ బామా’, ‘పల్టీ బామా’ అని సంబోధించడంతో.. అవి బాడీ షేమింగ్‌ కామెంట్లేనన్న విమర్శలు వెల్లువెత్తాయి. తక్షణమే స్టాలిన్‌ క్షమాపణ చెప్పాలంటూ డిమాండ్లు వినిపిస్తున్నాయి. తమిళనాడు అసెంబ్లీ ఎన్నికల్లో సత్యభామ ధారాపురం నుంచి అన్నాడీఎంకే అభ్యర్థిగా గెలిచారు. ఎన్నికలు ముగిసిన కొద్ది వారాలకే ఎమ్మెల్యే పదవికి రాజీనామా చేసి తమిళగ వెట్రి కగళం పార్టీలో చేరారు. అయితే ఇప్పుడు అదే నియోజకవర్గం ఉప ఎన్నికలో టీవీకే అభ్యర్థిగా బరిలోకి దిగారు. ఆమె పార్టీ మార్పుపై డీఎంకే, అన్నాడీఎంకేలు తీవ్ర విమర్శలు చేస్తున్నాయి. డబ్బులు తీసుకుని పార్టీ మారారంటూ ఆరోపణలు చేయగా.. సత్యభామ ఆ ఆరోపణలను ఖండించారు. ఈ క్రమంలోనే ధారాపురంలో ప్రచారం చేసిన స్టాలిన్‌.. ప్రజలు ఆమెను ‘పెట్టీ బామా’ అని పిలుస్తున్నారని, మరో పేరు ‘పల్టీ బామా’ అని అన్నారు. అనంతరం ఆమె శరీరాకృతిని ప్రస్తావిస్తూ చేసిన వ్యాఖ్యలు వివాదానికి కారణమయ్యాయి.టీవీకే ఫైర్‌..స్టాలిన్‌ వ్యాఖ్యలపై టీవీకే నేతలు తీవ్రంగా స్పందించారు. సత్యభామను కించపరిచేలా, ఆమె శారీరక రూపాన్ని ఉద్దేశించి మాట్లాడారని మండిపడ్డారు. ఇది మహిళలను, దళిత సమాజాన్ని అవమానించడమేనని టీవీకే నేత, ఆరోగ్యశాఖ మంత్రి అరుణ్‌రాజ్‌ విమర్శించారు. స్టాలిన్‌ క్షమాపణ చెప్పాలని డిమాండ్‌ చేశారు. టీవీకే మరో మంత్రి కీర్తన కూడా ఈ వ్యాఖ్యలను ఖండించారు. A party leader is resorting into body shaming is the worst ever. Can’t expect the workers to be better than the party leader! Hitting 52 week low everyday ft. @mkstalin pic.twitter.com/GFpwxFBv19— Vignesh (@vignesh_txt) October 2, 2026ముందే మొదలైన ‘సూట్‌కేస్‌’ రచ్చ..సత్యభామ పార్టీ మారినప్పటి నుంచే ధారాపురం ఉప ఎన్నికలో ఆమె చుట్టూ వివాదం నడుస్తోంది. డీఎంకే ఆమెను ‘పెట్టీ బామా’ అంటూ విమర్శిస్తూ ప్రచారం చేస్తోంది. పార్టీ మారేందుకు డబ్బులు తీసుకున్నారన్న ఆరోపణలను సత్యభామ మాత్రం కొట్టిపారేశారు. తాను ఎలాంటి తప్పు చేయలేదని, తనపై తప్పుడు ప్రచారం జరుగుతోందని ఆమె చెబుతున్నారు. ఈ క్రమంలోనే మొన్నీమధ్యే జరిగిన టీవీకే ప్రచార సభలో సత్యభామ భావోద్వేగానికి గురయ్యారు. తనపై అసభ్యకరమైన, అవమానకరమైన వ్యాఖ్యలు చేస్తున్నారని, ఎన్నికల్లో తనపై ఎంతో ఒత్తిడి ఉందని చెబుతూ వేదికపైనే కన్నీళ్లు పెట్టుకున్నారు. పక్కనే ఉన్న ముఖ్యమంత్రి, టీవీకే అధినేత విజయ్‌ ఆమెను ఓదార్చారు. అయితే ఈ పరిణామంపై కూడా డీఎంకే సెటైర్‌ వేసింది. స్వీట్‌ బ్రో సభలో కన్నీటి డ్రామానా? వహ్‌వా అంటూ డీఎంకే సీనియర్‌ నేత కనిమొళి సెటైర్లు వేశారు. ఇదిలా ఉంటే ధారాపురంతో పాటు మదురాంతకంలోనూ ఉప ఎన్నిక అక్టోబర్‌ 6న జరగనుంది. డీఎంకే నుంచి ఎస్. సుగన్య, ఏఐఏడీఎంకే నుంచి కె. భానుమతి, నామ్‌ తమిళర్‌ కట్చి నుంచి ఎం. కార్తిక ధారాపురం బరిలో ఉన్నారు. ప్రచారం చివరి దశకు చేరుకున్న వేళ టీవీకే అభ్యర్థి సత్యభామ చుట్టూ సాగుతున్న ఈ మాటల యుద్ధం రాజకీయంగా మరింత వేడి పెంచుతోంది.ఇదీ చదవండి: పూజారుల్ని ఇక కోర్టే ఎంపిక చేస్తుందా?

తమిళనాడు రాజకీయాల్లో మాటల తూటాలు పేలుతున్నాయి. ఉపఎన్నికల వేళ టీవీకే అధినేత, సీఎం విజయ్‌ మౌనంపై డీఎంకే చీఫ్‌ స్టాలిన్‌ నేరుగా గురిపెట్టారు. దేశంలో సర్‌, సీఈసీ జ్ఞానేశ్‌ కుమార్‌ వివాదంపై ఎందుకు మాట్లాడటం లేదంటూ ప్రశ్నించిన స్టాలిన్‌.. ‘బీజేపీ అంటే అంత భయమా?’ అంటూ విజయ్‌ను నిలదీశారు. ‘నోరు మంచిదైతే ఊరు మంచిదవుతుంది’ అన్నట్టుగా.. దేశవ్యాప్తంగా నేతలు స్పందిస్తున్న అంశాలపై విజయ్‌ ఎందుకు మౌనంగా ఉన్నారని ప్రశ్నించారు. అంతేకాదు.. బీజేపీకి టీవీకే ఒక శాఖ అంటూ విజయ్‌ ఒప్పుకున్నారని సంచలన వ్యాఖ్యలు చేశారు.ఉప ఎన్నికల సందర్భంగా ధారాపురంలో ఎన్నికల ప్రచారం నిర్వహించిన స్టాలిన్‌.. విజయ్‌ను నేరుగా టార్గెట్‌ చేశారు. ‘విజయ్‌.. మీకు ఏం భయం? దేశంలో అందరు నాయకులు మాట్లాడుతున్న అంశంపై మీరు నోరు ఎందుకు విప్పడం లేదు? బీజేపీ అంటే అంత భయమా?’ అంటూ ప్రశ్నించారు. ధారాపురం ప్రచారంలో విజయ్‌ నిజం మాట్లాడారని, టీవీకే బీజేపీకి ఒక శాఖలా ఉందని విజయ్‌ అంగీకరించారని తాను భావిస్తున్నట్లు వ్యాఖ్యానించారు. ‘నిప్పు లేనిదే పొగ రాదు’ అన్నట్టుగా.. విజయ్‌ వైఖరిపై తమ అనుమానాలు మరింత బలపడుతున్నాయని స్టాలిన్‌ వ్యాఖ్యల ద్వారా సంకేతాలిచ్చారు.‘సీఎంలా వ్యవహరించాలి’విజయ్‌ రాజకీయంగా మరింత బాధ్యతగా వ్యవహరించాలని స్టాలిన్‌ సూచించారు. సీఎంలా ప్రవర్తించాలి.. చౌకబారు మంత్రిలా మారొద్దు అంటూ విమర్శించారు. అసెంబ్లీలో MISA అంశాన్ని ప్రస్తావిస్తూ విజయ్‌ చేసిన వ్యాఖ్యలు, చేతి సంజ్ఞలపైనా స్టాలిన్‌ మండిపడ్డారు. తాను 1976లో MISA కింద నిర్బంధంలో ఉన్న సమయంలో ఎదుర్కొన్న ఘటనలను గుర్తుచేసిన స్టాలిన్‌.. తన జైలు అనుభవాన్ని ఎగతాళి చేసేలా విజయ్‌ వ్యవహరించారని ఆరోపించారు. దీంతో అసెంబ్లీ గౌరవం దెబ్బతిందని వ్యాఖ్యానించారు. అయితే తన సంజ్ఞ ఉద్దేశపూర్వకంగా చేసినది కాదని విజయ్‌ అప్పటికే వివరణ ఇచ్చారు.ఒకే రోజు.. ప్రత్యర్థుల రోడ్‌షోలుఉపఎన్నికల నేపథ్యంలో శుక్రవారం తమిళనాడులో రాజకీయ వేడి మరింత పెరిగింది. విజయ్‌ మధురాంతకంలో టీవీకే అభ్యర్థి మరగతం కుమారవేల్‌కు మద్దతుగా భారీ రోడ్‌షో నిర్వహించారు. మరోవైపు స్టాలిన్‌ ధారాపురంలో సుమారు 2.5 కిలోమీటర్ల మేర రోడ్‌షో నిర్వహించారు. ‘ఎదురెదురుగా నిలిస్తే మాటలే మంటలు రేపుతాయి’ అన్నట్టుగా.. ఒకే రోజు ఇద్దరు నేతలు రోడ్డెక్కడం తమిళనాడు రాజకీయాల్లో ఆసక్తిని పెంచింది. అక్టోబర్‌ 6 ఉపఎన్నికలు దగ్గరపడుతున్న కొద్దీ టీవీకే, డీఎంకే మధ్య పోటీ మరింత రసవత్తరంగా మారుతోంది. ఇదీ చదవండి: పీఎం కానుకల వేలం గడువు నెలాఖరుకు పొడిగింపు..

సాక్షి, చైన్నె: ప్రపంచ తమిళ సమాఖ్య (వరల్డ్‌ తమిళ ఫెడరేషన్‌) నాయకుడు పి.నెడుమారన్‌ కుమారుడు మాణిక్యం నెడుమారన్‌ (57) శుక్రవారం ఆస్ట్రేలియాలోని మెల్బోర్న్‌లో కన్నుమూశారు. చిన్న వయసులోనే బౌద్ధమతాన్ని స్వీకరించిన ఆయన సన్యాసిగా జీవితాన్ని గడుపుతున్నారు. కొంతకాలంగా తీవ్ర అనారోగ్యంతో బాధపడుతూ ఆస్పత్రిలో చికిత్స పొందుతున్నారు. చికిత్స ఫలించకపోవడంతో భారత కాలమానం ప్రకారం శుక్రవారం ఉదయం 8:45 గంటలకు ఆయన తుదిశ్వాస విడిచారు. ఆయన భౌతికకాయానికి మెల్బోర్న్‌లోనే బౌద్ధ సంప్రదాయాల ప్రకారం అంత్యక్రియలు నిర్వహించనున్నట్లు సమాచారం. పాస్‌పోర్ట్‌ నిలిపివేత (పాస్‌పోర్ట్‌ జప్తు) కారణంగా నెడుమారన్‌ దంపతులు ఆస్ట్రేలియా వెళ్లలేకపోయారని, దీంతో తమ కుమారుడి చివరి చూపునకు, అంత్యక్రియలకు కూడా హాజరుకాలేని పరిస్థితి ఏర్పడిందని ప్రపంచ తమిళ సమాఖ్య ఒక ప్రకటనలో తెలిపింది.

తమిళనాడులో ఉచిత బస్‌ ప్రయాణ పథకం ‘వెట్రి పయనం’ ప్రభుత్వం మరింత విస్తరించింది. శుక్రవారం చెన్నైలో జరిగిన కార్యక్రమంలో సి. జోసెఫ్‌ విజయ్‌ దీనిని ప్రారంభించారు. ఈ సందర్భంగా మహిళల బస్సులో కాసేపు ఆయన కండక్టర్‌ అవతారం ఎత్తారు. స్వయంగా టికెట్లు కొట్టి ప్రయాణికులతో మాట్లాడారు. ఆ సమయంలో కొందరు అమ్మాయిలు ఆయన్ని సర్‌ప్రైజ్‌ చేశారు. గాంధీ జయంతి సందర్భంగా ఇవాళ తమిళనాడు ముఖ్యమంత్రి సి. జోసెఫ్‌ విజయ్‌ ‘వెట్రి పయనం’ పథకాన్ని విస్తరించారు. ఈ పథకం కింద రాష్ట్రంలోని 12,695 ప్రభుత్వ బస్సుల్లో మహిళలు, ట్రాన్స్‌జెండర్‌లకు ఉచిత ప్రయాణ సౌకర్యం కల్పించనున్నారు. సాధారణ, ఎక్స్‌ప్రెస్‌, డీలక్స్‌ సర్వీసులకు కూడా ఈ అవకాశం వర్తిస్తుందని విజయ్‌ ప్రభుత్వం తెలిపింది. లబ్ధిదారులకు ఆదాయ పరిమితి ఉండదని, ప్రయాణాల సంఖ్యపైనా ఎలాంటి పరిమితి లేదని స్పష్టం చేసింది. తాజా విస్తరణతో రోజుకు సుమారు 84.32 లక్షల మంది మహిళలు లబ్ధి పొందుతారని, ఉద్యోగాలు, కళాశాలలు, ఆస్పత్రులకు వెళ్లే వారికి ప్రయాణ భారం తగ్గుతుందని విజయ్‌ సర్కార్‌ అంటోంది. విజయ్‌ జేబులో చాక్లెట్లుపథకం ప్రారంభ కార్యక్రమంలో సీఎం విజయ్‌ మహిళల బస్సులోకి వెళ్లి ప్రయాణికులతో మాట్లాడారు. స్వయంగా టికెట్లు అందించారు. ఈ సందర్భంగా మహిళలు, విద్యార్థులు ఉత్సాహం వ్యక్తం చేశారు. కళాశాల విద్యార్థులు కొందరు ఆయనకు చాక్లెట్లు ఇవ్వగా.. ఆయన వాటిని జేబులో దాచుకున్నారు. ఈ దృశ్యాలు వైరల్‌ అవుతున్నాయి. CM Vijay is personally handing out tickets to women on the women's bus.College students are sharing 'Dairy Milk' chocolates, adding to the excitement! 😅❤️ pic.twitter.com/NOy11JqpzK— Actor Vijay Team (@ActorVijayTeam) October 2, 2026మహిళల ఆర్థిక భారం తగ్గించడం, ప్రజా రవాణాను మరింత వినియోగంలోకి తీసుకురావడం లక్ష్యంగా ఈ ఉచిత బస్‌ ప్రయాణ పథకాన్ని ప్రభుత్వం అమలు చేస్తోందని సీఎం విజయ్‌ ఈ సందర్భంగా చెప్పారు. పథకం విస్తరణతో మరిన్ని ప్రాంతాల్లో మహిళలకు ప్రయోజనం అందనుందని అన్నారాయన.అయితే ఈ పథకంపై కొందరు ప్రశంసలు వ్యక్తం చేస్తుండగా.. అవసరమైన వర్గాలకే పరిమితం చేయకుండా అందరికీ వర్తింపజేయడం వల్ల రవాణా సంస్థల ఆదాయంపై భారం పడే అవకాశం ఉందని పలువురు అభిప్రాయపడ్డారు. మరోవైపు విజయ్‌ సర్కార్‌ నిర్ణయం వల్ల తమ ఉపాధికి దెబ్బ పడుతుందని చెబుతూ ప్రైవేట్‌ బస్సుల యాజమాన్యం తాజాగా ఒక్కరోజు సమ్మె చేసింది. ఇదీ చదవండి: గాంధీ గురించి జెన్‌జీ అభిప్రాయమిదేనా?

ఉప ఎన్నికల వేళ.. తమిళనాడు రాజకీయాల్లో మరోసారి మాటల యుద్ధం మొదలైంది. టీవీకే అధినేత, ముఖ్యమంత్రి విజయ్‌ ప్రచార సభలో చోటుచేసుకున్న ఓ భావోద్వేగ ఘటనపై డీఎంకే తీవ్ర విమర్శలు చేసింది. ధారాపురం ఉప ఎన్నిక ప్రచారంలో టీవీకే అభ్యర్థి సత్యభామ ప్రసంగిస్తూ కన్నీళ్లు పెట్టుకోగా.. విజయ్‌ ఆమెను ఓదార్చారు. ఈ ఘటనపై డీఎంకే నేత కనిమొళి తీవ్ర ఆరోపణలు చేశారు. ఇది ప్రజల సానుభూతి కోసం ఆడిన నాటకమంటూ విమర్శించారు.ధారాపురంలో జరిగిన ప్రచార కార్యక్రమంలో టీవీకే అభ్యర్థి సత్యభామ(Sathiyabama) మాట్లాడుతుండగా భావోద్వేగానికి గురై కన్నీళ్లు పెట్టుకున్నారు. వెంటనే వేదికపై ఉన్న విజయ్‌ ఆమెను ఆలింగనం చేసుకుని ఓదార్చారు. ఈ ఘటనపై స్పందించిన డీఎంకే నేత కనిమొళి.. మొత్తం పరిణామం ముందే ప్లాన్‌ చేసినట్లుగా ఉందని ఆరోపించారు.‘స్వీట్‌ బ్రో’ అంటూ వచ్చి..“మంత్రి రాజ్‌కుమార్‌కు ఫోన్‌ వస్తుంది. ఆయన మాట్లాడిన తర్వాత సత్యభామ చెవిలో ఏదో చెబుతారు. వెంటనే బాగా మాట్లాడుతున్న ఆమె కన్నీళ్లు పెట్టుకుంటారు. మహిళగా తాను ఒత్తిడిలో ఉన్నానని చెబుతారు. ఆ తర్వాత విజయ్‌ వచ్చి ఓదారుస్తారు. వెంటనే ప్రజల నుంచి స్పందన వస్తుంది. వేదికపైనైనా, ప్రచారంలోనైనా విజయ్‌ ఇలాంటి డ్రామాలు చేస్తున్నారు” అంటూ కనిమొళి ఆరోపించారు.టీవీకే నుంచి ఘాటు కౌంటర్‌కనిమొళి వ్యాఖ్యలపై టీవీకే నేత, తమిళనాడు విద్యాశాఖ మంత్రి ఏ. రాజ్‌మోహన్‌ తీవ్రంగా స్పందించారు. ఇవి దురుద్దేశపూరిత ఆరోపణలని ఖండించారు. సత్యభామ ప్రసంగాన్ని త్వరగా ముగించాలని మాత్రమే రాజ్‌కుమార్‌ సూచించారని, దానిని వక్రీకరించి విమర్శలు చేస్తున్నారని మండిపడ్డారు. “ఇలాంటి ఆరోపణలు విని ఆశ్చర్యపోయాను. ఇది పూర్తిగా అసత్యం. సభల్లో సమయాన్ని దృష్టిలో పెట్టుకుని ప్రసంగాలను కుదించాలని చెప్పడం సాధారణమే” అని రాజ్‌మోహన్‌ తెలిపారు.அழுத சத்தியபாமா அவர்கள் தேற்றிய முதலமைச்சர் விஜய் ! 🥹#CMVijayInDharapuram pic.twitter.com/vaXecdrwtq— Prakash Vijay (@PrakazVijay_Of) September 30, 2026ఎండలో గంటల తరబడి ప్రజలు.. విజయ్‌ ఎనిమిది గంటలకు పైగా ప్రయాణించి ఎండలో తడిసిపోయేంతగా ప్రచారం నిర్వహించారని, ప్రజలు కూడా గంటల తరబడి వేచి ఉన్నారని రాజ్‌మోహన్‌ చెప్పారు. ఇలాంటి పరిస్థితుల్లో ప్రసంగ సమయాన్ని తగ్గించాలని సూచించడం సాధారణ ప్రక్రియేనని పేర్కొన్నారు.గతంలోనూ పెద్ద సభల నిర్వహణలో రజనీకాంత్‌, కమల్‌హాసన్‌ వంటి ప్రముఖులకు కూడా సమయ పరిమితి గురించి సూచనలు ఇచ్చిన సందర్భాలు ఉన్నాయని గుర్తుచేశారు.కాంగ్రెస్‌ రియాక్షన్‌ఈ వివాదంపై తమిళనాడు కాంగ్రెస్‌ అధ్యక్షుడు మాణిక్యం ఠాగూర్‌ కూడా స్పందించారు. ఇతర పార్టీల ప్రచారాలను డ్రామా అంటూ విమర్శించడం సరికాదని అన్నారు. ప్రజలను కలిసేందుకు ఒక పార్టీ చేసే కార్యక్రమం ప్రచారమైతే, మరో పార్టీ చేస్తే డ్రామా ఎలా అవుతుందని ప్రశ్నించారు.ఇదీ చదవండి: అతన్ని ప్రజలు ఎట్టిపరిస్థితుల్లో క్షమించరు

చెన్నై: తమిళనాడులో అసెంబ్లీ ఉపఎన్నికల వేళ రాజకీయ పరిణామాలు ఆసక్తికరంగా మారుతున్నాయి. మాజీ మంత్రి, సీనియర్‌ అన్నాడీఎంకే(AIADMK) నేత ఎస్‌. సెమ్మలై అధికార టీవీకే పార్టీలో చేరారు. టీవీకే పార్టీ అధినేత, సీఎం విజయ్‌ ధారాపురంలో నిర్వహించిన బహిరంగ సభలో తన మద్దతుదారులతో కలిసి సెమ్మలై టీవీకే కండువా కప్పుకున్నారు.తమిళనాడులో ధారాపురం ఉపఎన్నికలో టీవీకే అభ్యర్థి, మాజీ అన్నాడీఎంకే నేత పి. సత్యబామకు మద్దతుగా నిర్వహించిన సభలో వీరి చేరిక జరిగింది. సేలం జిల్లాకు చెందిన సెమ్మలై.. అన్నాడీఎంకేలో సుదీర్ఘకాలం పనిచేశారు. 1984లో తారమంగళం అసెంబ్లీ నియోజకవర్గం నుంచి స్వతంత్ర అభ్యర్థిగా గెలిచిన ఆయన అనంతరం అన్నాడీఎంకేలో చేరారు. 2001లో జయలలిత నేతృత్వంలోని ప్రభుత్వంలో మంత్రిగా కూడా పనిచేశారు. అయితే, 2026 అసెంబ్లీ ఎన్నికల్లో అన్నాడీఎంకే నుంచి తనకు టికెట్‌ దక్కకపోవడంతో సెమ్మలై పార్టీకి దూరమయ్యారు.Former ADMK Minister Semmalai, who joined @TVKPartyHQ today, met Chief Minister Vijay! A setback for @EPSTamilNadu ahead of by-polls! pic.twitter.com/IGa6fcsTl3— George (@georgeviews) September 30, 2026జయలలిత మరణం తర్వాత తనకు ఎన్నికల్లో పోటీ చేసే అవకాశాలు నిరాకరించారని, ప్రస్తుతం అన్నాడీఎంకేలో నెలకొన్న విభేదాల నేపథ్యంలో ఆ పార్టీలో కొనసాగేందుకు తన మనస్సాక్షి అంగీకరించడం లేదని గతంలో ఆయన ప్రకటించారు. ఈ ఏడాది మే నెలలోనే టీవీకేలో చేరే తన నిర్ణయాన్ని సెమ్మలై వెల్లడించారు. తాజాగా టీవీకే పార్టీ తీర్థం పుచ్చుకున్నారు. ఇక ధారాపురం, మదురాంతకం (ఎస్సీ) నియోజకవర్గాలకు అక్టోబర్‌ 6న ఉపఎన్నికలు జరగనున్నాయి. అన్నాడీఎంకేకు చెందిన పి. సత్యబామ, మరగతం కుమారవేల్‌ రాజీనామా చేయడంతో ఈ రెండు స్థానాలు ఖాళీ అయ్యాయి. ఈ ఉపఎన్నికల్లో టీవీకే తరఫున మాజీ అన్నాడీఎంకే నేత పి. సత్యబామ ధారాపురం నుంచి బరిలో ఉన్నారు.సీఎం విజయ్‌ ప్రచారం.. ధారాపురం ఉపఎన్నికలో టీవీకే అభ్యర్థి సత్యబామకు మద్దతుగా విజయ్‌ బుధవారం భారీ బహిరంగ సభ నిర్వహించారు. ఈ నియోజకవర్గం పశ్చిమ తమిళనాడులో అన్నాడీఎంకేకు బలమైన ప్రాంతంగా ఉంది. కాగా, ధారాపురం సభలో సత్యబామ భావోద్వేగానికి గురయ్యారు. తనపై సోషల్‌ మీడియాలో అవమానకర వ్యాఖ్యలు, ఆరోపణలు చేస్తున్నారని ఆమె ఆవేదన వ్యక్తం చేశారు. తాను ఎలాంటి తప్పు చేయలేదని చెబుతూ ఆమె మాట్లాడిన సమయంలో విజయ్‌ ఆమెను ఓదార్చారు.ఇదీ చదవండి: కాంగ్రెస్‌లో బిగ్‌ ట్విస్ట్‌.. పీసీసీ చీఫ్‌ రాజీనామా

తమిళనాడు రాజకీయాల్లో సినిమా–రాజకీయాల అనుబంధం కొత్తది కాదు. కానీ ఇప్పుడు ఒకే సమయంలో ఇద్దరు స్టార్‌ హీరోల పేర్లు రాజకీయ చర్చలోకి రావడం ఆసక్తికరంగా మారింది. ఇప్పటికే హీరో విజయ్‌ రాజకీయాల్లోకి వచ్చి ముఖ్యమంత్రి పీఠం అధిరోహించగా.. తాజాగా మరో స్టార్‌ హీరో ధనుష్‌ పేరు రాజకీయ వర్గాల్లో చర్చకు వస్తోంది. దీనికి మరింత ఊతమిచ్చింది డీఎంకే ఎంపీ కనిమొళి చేసిన తాజా వ్యాఖ్య.ఉప ఎన్నికల ప్రచారంలో పాల్గొంటున్న కనిమొళి విజయ్‌ ప్రభుత్వ ఎన్నికల హామీలను ప్రస్తావిస్తూ.. ధనుష్‌ నటించిన ‘వేలైల్ల పట్టదారి’ (వీఐపీ) సినిమాను ఆమె గుర్తుచేశారు. ‘‘వేలైల్ల పట్టదారీలకు రూ.4 వేలు వచ్చాయా? రాలేదు. ధనుష్‌ మాత్రం రాజకీయాల్లోకి వచ్చేశారు’’ అంటూ కనిమొళి చేసిన వ్యాఖ్య ఇప్పుడు తమిళ రాజకీయాల్లో చర్చనీయాంశమైంది.అందుకే ధనుష్‌ ప్రస్తావన!కనిమొళి అసలు టార్గెట్‌ విజయ్‌ ప్రభుత్వమే. నిరుద్యోగ గ్రాడ్యుయేట్లకు నెలకు రూ.4 వేల సాయం, మహిళలకు రూ.2,500, ప్రతి కుటుంబానికి ఆరు గ్యాస్‌ సిలిండర్లు వంటి ఎన్నికల హామీల అమలుపై ఆమె ప్రశ్నలు సంధించారు. ఇందులో భాగంగానే ‘వేలైల్ల పట్టదారి’ సినిమాను ప్రస్తావించారు. ఆ చిత్రంలో ధనుష్‌ నిరుద్యోగ ఇంజినీరింగ్‌ గ్రాడ్యుయేట్‌గా నటించారు. సినిమా పేరును రాజకీయ విమర్శకు వాడటం ఒక ఎత్తయితే.. ‘‘ధనుష్‌ రాజకీయాల్లోకి వచ్చేశారు’’ అని ఆమె చెప్పడం మరో చర్చకు కారణమైంది.ఇక్కడే అసలు రాజకీయ ఆసక్తి మొదలవుతోంది. ధనుష్‌ ఇప్పటివరకు రాజకీయ పార్టీని ప్రకటించలేదు. ఎన్నికల్లో పోటీ చేస్తానని కూడా చెప్పలేదు. అయినప్పటికీ ఆయన రాజకీయ ప్రవేశంపై కొంతకాలంగా ఊహాగానాలు సాగుతున్నాయి.అసలు ధనుష్‌ ఏం చేశారు?జూలైలో అభిమానుల కార్యక్రమంలో ధనుష్‌ మాట్లాడుతూ.. సినిమా వేడుకలకే అభిమానుల ఐక్యతను పరిమితం చేయకుండా సంక్షేమ కార్యక్రమాల వైపు మళ్లాలని పిలుపునిచ్చారు. అభిమానులు ప్రజలకు ఉపయోగపడే కార్యక్రమాల్లో మరింత చురుగ్గా పాల్గొనాలని సూచించారు. ఈ వ్యాఖ్యలను కొందరు రాజకీయ సంకేతాలుగా చూశారు. అయితే ధనుష్‌ మాత్రం రాజకీయ పార్టీ ఏర్పాటు లేదా ఎన్నికల్లోకి రావడంపై ఎలాంటి అధికారిక ప్రకటన చేయలేదు.ఇక ఆయన అభిమాన సంఘాల కార్యకలాపాలు కూడా ఈ చర్చకు కారణమయ్యాయి. తమిళనాడులో పలు ప్రాంతాల్లో సంక్షేమ కార్యక్రమాలు నిర్వహించడం, అభిమానులను సామాజిక సేవ వైపు మళ్లించడం వంటి పరిణామాలు కనిపించాయి. దీంతో ధనుష్‌ రాజకీయాల్లోకి వస్తారా? అన్న ఊహాగానాలు మరింత ఊపందుకున్నాయి.డీఎంకేకు ధనుష్‌పై ఆసక్తి ఉందా?ఇదే ఇప్పుడు అసలు ప్రశ్న. కనిమొళి ధనుష్‌ పేరును విజయ్‌పై రాజకీయ విమర్శలోకి తీసుకురావడం యాదృచ్ఛికమేనా? లేదంటే ధనుష్‌ చుట్టూ పెరుగుతున్న రాజకీయ చర్చను డీఎంకే కూడా గమనిస్తోందా? అన్న చర్చ మొదలైంది. అయితే అదే వ్యాఖ్య ధనుష్‌ను ఒక్కసారిగా విజయ్‌కు ప్రత్యామ్నాయ సినీ ముఖంగా రాజకీయ చర్చలోకి తీసుకొచ్చింది.తమిళనాడులో ఇది చిన్న విషయం కాదు. ఎంజీఆర్‌, కరుణానిధి, జయలలిత, విజయకాంత్‌, కమల్‌హాసన్‌ వంటి సినీ ప్రముఖులు రాజకీయాల్లో కీలక పాత్ర పోషించారు. తాజాగా విజయ్‌ కూడా సినిమా నుంచి రాజకీయాల్లోకి వచ్చి అధికారాన్ని చేపట్టారు. ఈ నేపథ్యంలో మరో ప్రజాదరణ కలిగిన నటుడి పేరు రాజకీయ చర్చలోకి వస్తే సహజంగానే ఆసక్తి పెరుగుతుంది. పైగా ధనుష్‌ మామ(మాజీ) రజనీకాంత్‌ డీఎంకేకు దగ్గరే కావడం, విజయ్‌ రాజకీయాల్లోకి వచ్చాక ధనుష్‌ వైఖరిలో వచ్చిన మార్పు.. మున్ముందు ఈ ప్రయత్నాలకు మార్గం సుగమం చేయొచ్చనే చర్చా నడుస్తోంది.విజయ్‌కు ధనుష్‌ ప్రత్యామ్నాయమా?ఇప్పటి పరిణామాలను కలిపి చూస్తే.. ఒకవైపు విజయ్‌ ప్రభుత్వంపై డీఎంకే బహిరంగ విమర్శలు చేస్తోంది. మరోవైపు విజయ్‌ సినిమా నేపథ్యం నుంచే వచ్చిన ధనుష్‌ పేరు రాజకీయ చర్చలోకి వచ్చింది. ఈ రెండింటినీ కలిపి చూస్తే కనిమొళి వ్యాఖ్యకు రాజకీయంగా మరో అర్థం వెతికే ప్రయత్నం జరగడం సహజం.ధనుష్‌ నిజంగానే రాజకీయాల్లోకి వస్తారా? వస్తే సొంతంగా రంగంలోకి దిగుతారా? లేక ఏదైనా రాజకీయ పార్టీతో కలిసి అడుగులు వేస్తారా? అన్నది మాత్రం మున్ముందు ఆయన తీసుకునే నిర్ణయాలపై ఆధారపడి ఉంటుంది.ఇదీ చదవండి: అఖిలేష్‌ అంతగా అలగడానికి కారణం ఏంటంటే..?

తమిళనాడు ముఖ్యమంత్రి, తమిళగ వెట్రి కళగం అధ్యక్షుడు విజయ్‌ పార్టీ పశ్చిమ బెంగాల్‌లోకి అడుగుపెట్టిందంటూ వార్తలు వచ్చాయి. తూర్పు బర్ధమాన్‌ జిల్లాలోని ఫాగుపూర్‌లో టీవీకే పేరుతో ఓ కార్యాలయాన్ని కొందరు మద్దతుదారులు ప్రారంభించారు. దీంతో పార్టీ విస్తరణపై విజయ్‌ సీరియస్‌గా దృష్టి సారించారనే చర్చ జోరుందుకుంది. అయితే ఈ వార్తపై ఆ పార్టీ కేంద్ర నాయకత్వం ట్విస్ట్‌ ఇచ్చింది. సెప్టెంబర్‌ 27న ఫాగుపూర్‌లో టీవీకే పేరుతో కార్యాలయాన్ని ప్రారంభించారు. ఈ కార్యక్రమానికి పశ్చిమ బెంగాల్‌లోని పలువురు విజయ్‌ అభిమానులు, పార్టీ మద్దతుదారులు హాజరయ్యారు. తమను టీవీకే రాష్ట్ర సమన్వయకర్తలుగా చెప్పుకున్న కొందరు.. బెంగాల్‌లో పార్టీకి ఇప్పటికే వేలాది మంది మద్దతుదారులు ఉన్నారని తెలిపారు. తొలుత రాజకీయ కార్యక్రమాల కంటే సామాజిక సేవపై దృష్టి పెడతామని చెప్పారు. అయితే టీవీకే మాత్రం బెంగాల్‌లో తాము ఎలాంటి పార్టీ కార్యాలయాన్ని ఏర్పాటు చేయలేదని స్పష్టం చేసింది.Purba Bardhaman, West Bengal: Tamilaga Vettri Kazhagam (TVK) opened first party office in West Bengal at Fagupur. TVK West Bengal State Coordinator Chaitali Roy and party leaders from several districts attended the inauguration. pic.twitter.com/JUMKoCeMoL— IANS (@ians_india) September 27, 2026తమిళనాడు నుంచే ఆదేశాలంటూ..కార్యాలయం ప్రారంభించిన వారు.. తమిళనాడులోని పార్టీ నాయకత్వం నుంచి వచ్చిన సూచనల మేరకే కార్యాలయం ఏర్పాటు చేశామని పేర్కొన్నారు. సోషల్‌ మీడియా ద్వారా పార్టీకి ప్రచారం కల్పించడం, ఆ తర్వాత బెంగాల్‌లోని వివిధ ప్రాంతాల్లో ప్రజలను కలుసుకుని వారి సమస్యలను తెలుసుకోవడం తమ లక్ష్యమని చెప్పారు. విద్య, ఉపాధి అంశాలపై ప్రత్యేకంగా పనిచేస్తామని వెల్లడించారు.ఒక్కసారిగా టీవీకే షాక్‌!అయితే ఈ పరిణామంపై టీవీకే కేంద్ర నాయకత్వం భిన్నంగా స్పందించింది. పశ్చిమ బెంగాల్‌లో పార్టీ అధికారికంగా ఎలాంటి కార్యాలయం గానీ, సంస్థాగత శాఖ గానీ ఏర్పాటు చేయలేదని పార్టీ అధికార ప్రతినిధి సంకవి ద్యాన్నా తుహిన్‌ సామ్యూయేల్‌ స్పష్టం చేశారు. బెంగాల్‌లో జరిగిన కార్యక్రమం స్థానిక మద్దతుదారుల స్వతంత్ర ప్రయత్నం మాత్రమేనని, దానికి పార్టీ కేంద్ర నాయకత్వం నుంచి ఎలాంటి అధికారిక అనుమతి, మద్దతు లేదా సంస్థాగత సంబంధం లేదని తెలిపారు.ఇప్పట్లో విస్తరణ లేదటప్రస్తుతం టీవీకే దృష్టి పూర్తిగా తమిళనాడులోని రాజకీయ కార్యకలాపాలు, ఎన్నికల హామీల అమలు, ప్రజా కార్యక్రమాలపైనే ఉందని పార్టీ స్పష్టం చేసింది. పశ్చిమ బెంగాల్‌తోపాటు ఇతర రాష్ట్రాల్లో పార్టీ సంస్థాగత విస్తరణకు ఇప్పటివరకు ఎలాంటి అధికారిక ప్రణాళిక ప్రకటించలేదని తెలిపింది. దీంతో బెంగాల్‌లో ఆఫీస్‌ ప్రారంభం పార్టీ అధికారిక విస్తరణ కాదని తేలింది.Tamilaga Vettri Kazhagam (TVK) party headquarters has stated that it has not authorised any office outside Tamil Nadu and Puducherry, even as local organisers inaugurated what they called the party’s first West Bengal unit at Fagupur in Purba Bardhaman, writes @mahajournalist… pic.twitter.com/dZFhov3a0m— The Federal (@TheFederal_News) September 29, 2026విజయ్‌కు అక్కడా అభిమానులే..అయితే విజయ్‌కు తమిళనాడు వెలుపల కూడా అభిమానులు, మద్దతుదారులు ఉన్నారనడానికి ఈ ఘటన మరో ఉదాహరణగా నిలిచింది. గతంలో కేరళలోనూ టీవీకే పేరుతో పార్టీ కార్యాలయాలు ఏర్పాటు చేసేందుకు అభిమానులు ప్రయత్నించినట్లు వార్తలు వచ్చాయి. పార్టీ మాత్రం ప్రస్తుతం తమిళనాడుకే పరిమితమై రాజకీయంగా పనిచేస్తున్నట్లు స్పష్టం చేసింది. బెంగాల్‌లో టీవీకే పేరుతో కార్యాలయం ఏర్పడటం వెనుక స్థానిక అభిమానుల ఉత్సాహమే తప్ప.. పార్టీ అధికారిక నిర్ణయం లేదని కేంద్ర నాయకత్వం తేల్చిచెప్పింది.ఇదీ చదవండి: ఎవరి కోసం ఇదంతా విజయ్‌?

చెన్నైలోని ఓ కోర్టు యూట్యూబర్, రాజకీయ వ్యాఖ్యాత సవుకు శంకర్‌కు మూడేళ్ల జైలు శిక్ష విధించింది. ఓ టీవీకి చెందిన మహిళా న్యూస్ రీడర్‌పై చేసిన వ్యాఖ్యలకు సంబంధించిన కేసులో మంగళవారం ఎగ్మోర్ అదనపు చీఫ్ మెట్రోపాలిటన్ మేజిస్ట్రేట్ కోర్టు ఈ తీర్పు ఇచ్చింది. మహిళల వేధింపుల నిరోధక చట్టంలోని నిబంధనల కింద శంకర్‌ను కోర్టు దోషిగా తేల్చింది. ప్రాసిక్యూషన్ ప్రకారం.. ఆయన చేసిన వ్యాఖ్యలు పరువు నష్టం కలిగించేలా ఉండటంతో పాటు న్యూస్ రీడర్‌ను లక్ష్యంగా చేసుకున్నవిగా ఉన్నాయి. ఈ తీర్పుపై అప్పీల్ చేసేందుకు సవుకు శంకర్‌కు 30 రోజుల సమయం ఉంది. అయితే అప్పీల్ దాఖలు చేసే వరకు ప్రస్తుత శిక్షను నిలిపివేశారా లేదా అనే విషయం వెంటనే స్పష్టంగా తెలియలేదు.ఎవరీ సవుకు శంకర్?ఎ.శంకర్‌నే సవుకు శంకర్‌గా పిలుస్తారు. తమిళనాడు విజిలెన్స్ అండ్ యాంటీ కరప్షన్ విభాగంలో గతంలో ఉద్యోగిగా పనిచేసిన ఆయన అనంతరం యూట్యూబర్‌గా, రాజకీయ వ్యాఖ్యాతగా మారారు. తన సవుకు వేదికతో పాటు ఆన్‌లైన్ ఇంటర్వ్యూల ద్వారా రాజకీయ నాయకులు, పోలీసు అధికారులు, ఇతర ప్రభుత్వ సంస్థలపై ఆయన విమర్శలు చేస్తుంటారు. 2008లో ఇద్దరు ఉన్నతాధికారుల మధ్య జరిగిన సంభాషణ రికార్డు లీక్‌కు సంబంధించిన ఆరోపణలపై అరెస్టైన తర్వాత ఆయన పేరు ప్రజల్లోకి వచ్చింది. అనంతరం ఆయన బహిరంగ వ్యాఖ్యలకు సంబంధించి పలు కేసులు నమోదయ్యాయి. గత కేసుల్లోని ఆరోపణలను శంకర్ ఖండించారు. తనను అణచివేసేందుకు అప్పటి డీఎంకే ప్రభుత్వం అరెస్టులను ఉపయోగించిందని ఆరోపించారు. 2022 సెప్టెంబరులో న్యాయవ్యవస్థలో అవినీతి ఉందంటూ యూట్యూబ్ ఇంటర్వ్యూలో చేసిన వ్యాఖ్యలకు సంబంధించిన కోర్టు ధిక్కరణ కేసులో మద్రాస్ హైకోర్టు ఆయనకు 6 నెలల జైలు శిక్ష విధించింది. ఆ కేసుకు ప్రస్తుత తీర్పుతో సంబంధం లేదు. 2024 మేలో మహిళా పోలీసు సిబ్బందిపై అభ్యంతరకర వ్యాఖ్యలకు సంబంధించిన మరో ఆన్‌లైన్ ఇంటర్వ్యూ కేసులో కోయంబత్తూరు పోలీసులు ఆయనను అరెస్టు చేశారు.ఇక మాదకద్రవ్యాల కేసులో ఆయన ప్రయాణిస్తున్న కారులో 500 గ్రాముల గంజాయి లభించిందని పోలీసులు ఆరోపించారు. 2024 జూలైలో ఆయనకు బెయిల్ లభించినా, అనంతరం గూండాస్ చట్టం కింద ముందస్తు నిర్బంధంలో ఉంచారు. 2026 మే 19న తమిళనాడు ప్రభుత్వం మరో ముందస్తు నిర్బంధ ఉత్తర్వును రద్దు చేసింది. నిర్బంధాన్ని కొనసాగించేందుకు తగిన కారణాలు లేవని సలహా మండలి పేర్కొనడంతో ఈ నిర్ణయం తీసుకుంది. తాజా కేసులో ఆయన తదుపరి న్యాయపరమైన చర్యలు కీలకంగా మారనున్నాయి.

సాక్షి,చెన్నై: కోయంబత్తూరులో గట్కా స్మగ్లర్లను పట్టుకునే క్రమంలో ప్రాణాలను సైతం లెక్కచేయకుండా అత్యంత సాహసోపేతంగా వ్యవహరించిన హెడ్‌ కానిస్టేబుల్ ఎం.వేలుమురుగన్‌ను తమిళనాడు సీఎం విజయ్ అభినందించారు. చెన్నైలోని సచివాలయానికి ఆయనను ప్రత్యేకంగా ఆహ్వానించి సత్కరించారు.కోయంబత్తూరు జిల్లా కోవిల్‌పాళయం పోలీస్ స్టేషన్‌లో హెడ్‌ కానిస్టేబుల్‌గా పనిచేస్తున్న వేలుమురుగన్, గత ఆదివారం (సెప్టెంబర్ 27న) తన సిబ్బందితో కలిసి వాహనాల తనిఖీ చేపట్టారు. ఆ సమయంలో కర్ణాటక నుంచి అక్రమంగా నిషేధిత గుట్కా ఉత్పత్తులను తరలిస్తున్న అనుమానాస్పద ఎస్‌యూవీ కారును పోలీసులు ఆపడానికి ప్రయత్నించారు. పోలీసులు తనిఖీ చేస్తుండగా, కారులోని నిందితులు ఒక్కసారిగా వాహనాన్ని వేగంగా వెనక్కి తిప్పి పారిపోయేందుకు యత్నించారు. ఆ సమయంలో అప్రమత్తమైన కానిస్టేబుల్ వేలుమురుగన్ క్షణం కూడా ఆలోచించకుండా దూకి, వేగంగా వెళ్తున్న ఆ కారు పైకప్పును గట్టిగా పట్టుకున్నారు. నిందితులు కారును ఆపకుండా సుమారు 40 కిలోమీటర్ల దూరం వరకు వేగంగా పోనిచ్చినా, ప్రాణాపాయాన్ని లెక్కచేయకుండా వేలుమురుగన్ కారు పైకప్పు పైనే వేలాడుతూనే ఉన్నారు.చివరికి తిరుపూర్ జిల్లా అవినాశి సరిహద్దు ప్రాంతంలో పోలీసులు ఆ కారును అడ్డగించి, మూడేళ్ల నిందితులను అరెస్ట్ చేయడంతో పాటు భారీగా గుట్కాను స్వాధీనం చేసుకున్నారు. ఈ సాహస ఘటన దేశవ్యాప్తంగా సంచలనం సృష్టించడంతో పాటు సోషల్ మీడియాలో వైరల్ అయింది. ఈ నేపథ్యంలో సాహసం ప్రదర్శించిన కానిస్టేబుల్ వేలుమురుగన్ చూపిన తెగువను, ఆయన డ్యూటీ పట్ల నిబద్ధతను, సమయస్ఫూర్తి సీఎం విజయ్ కొనియాడారు. భవిష్యత్తులో విధుల్లో మరింత అప్రమత్తంగా ఉండాలని ఆయనకు సూచించారు. ఈ కార్యక్రమంలో రాష్ట్ర పోలీసు డైరెక్టర్ జనరల్ మహేష్ కుమార్ అగర్వాల్ కూడా పాల్గొన్నారు. Video - Chief Minister Joseph Vijay invited Head Constable Velmurugan to the Secretariat and felicitated him for his courageous efforts to prevent the smuggling of gutka in Coimbatore, risking his own life. https://t.co/rucSBnkDgC— Vignesh Theni (@Vignesh_twitz) September 29, 2026

చెన్నై: తమిళనాడులో వరుసగా జరుగుతున్న హత్యలను ప్రస్తావిస్తూ ముఖ్యమంత్రి సి.జోసెఫ్ విజయ్‌పై ప్రతిపక్ష నేత ఉదయనిధి స్టాలిన్ విమర్శలు చేశారు. విజయ్‌ ఎవరి కోసం ఈ రీల్స్ ప్రభుత్వాన్ని నడుపుతున్నారని ఉదయనిధి నిలదీశారు. రాష్ట్రంలో శాంతిభద్రతల పరిస్థితిపై ప్రజల్లో ఆందోళన పెరుగుతోందని పేర్కొంటూ ప్రభుత్వ స్పందన ఏదని ప్రశ్నించారు. తిరునెల్వేలిలో పట్టపగలే డాల్టన్, నికోలస్ అనే సోదరులు కత్తిపోట్లకు గురై హత్యకు గురైన ఘటన నేపథ్యంలో ఉదయనిధి ఈ వ్యాఖ్యలు చేశారు. చెన్నైలోని ఐస్ హౌస్ ప్రాంతంలో అజిత్ అనే యువకుడు గంజాయి విక్రయాల్లో పోటీకి సంబంధించిన వివాదం తర్వాత ఓ గ్యాంగ్ చేతిలో దాడికి గురై హత్యకు గురయ్యాడు.పరమక్కుడిలో కన్నగి అనే మహిళా పోలీసు కానిస్టేబుల్‌ను తోసివేయడంతో ఆమె మరణించారని, నేరాలను అడ్డుకోవాల్సిన పోలీసు సిబ్బందికే రక్షణ లేకుండా పోయిందని ఉదయనిధి తన సామాజిక మాధ్యమ పోస్టులో పేర్కొన్నారు. మైలాడుతురై, తిరువణ్ణామలై, సేలం, కన్యాకుమారి, తేనిలోని కుంబం ప్రాంతాల్లో 2 రోజుల్లో 9 హత్యలు నమోదయ్యాయని కూడా ఆయన ప్రస్తావించారు. వరుస హత్యలు జరుగుతున్న సమయంలో ప్రజలకు భద్రతపై నమ్మకం లేకుండా పోయిందని చెబుతూ.. “హత్యలు ఒకదాని తర్వాత ఒకటి జరుగుతుంటే, ప్రజలకు భద్రతా భావన లేకుండా పోయింది. ముఖ్యమంత్రి ఎవరి కోసం ఈ రీల్స్ ప్రభుత్వాన్ని నడుపుతున్నారు?” అని ప్రశ్నించారు. ముఖ్యమంత్రి విజయ్ శాంతిభద్రతల పరిస్థితి దిగజారుతున్నా పట్టించుకోవడం లేదని ఉదయనిధి ఆరోపించారు. మిక్సర్ తినడం ఆపి, హత్యల పరంపరను అడ్డుకునేందుకు కఠిన చర్యలు తీసుకుని ప్రజల్లో నమ్మకాన్ని పునరుద్ధరించాలని ఆయన కోరారు. ఈ ఘటనలపై ప్రభుత్వ తదుపరి చర్యలు, పోలీసుల దర్యాప్తులు కీలకంగా మారనున్నాయి.

తమిళనాడు రాజకీయాల్లో అధికార టీవీకే, ప్రతిపక్ష డీఎంకే మధ్య మాటల యుద్ధం మరింత ముదురుతోంది. గతంలో డీఎంకేను లక్ష్యంగా చేసుకుని ‘ఓం శక్తి.. పరాశక్తి’ నినాదాలతో టీవీకే అధినేత విజయ్‌ విరుచుకుపడ్డారు. అదే ఎన్నికల్లో బాగా వర్కవుట్‌ అయ్యింది కూడా. ఇప్పుడు.. ఉప ఎన్నికల వేళ ప్రతిపక్ష నేత ఉదయనిధి స్టాలిన్‌ దానికి కౌంటర్‌గా సరికొత్త నినాదాన్ని తెరపైకి తీసుకొచ్చారు.మదురాంతకంలో జరిగిన డీఎంకే సమావేశంలో ఉదయనిధి కొత్త నినాదాన్ని ప్రకటించారు. ‘ఓం కాళి.. జై కాళి.. టీవీకే ఒక ఒడుగాళి(తప్పించుకుని పారిపోయే పార్టీ)’ అంటూ పార్టీ శ్రేణులతో నినదించారు. గత రెండేళ్లుగా విజయ్‌ తమ పార్టీని లక్ష్యంగా చేసుకుని ‘ఓం శక్తి.. పరాశక్తి..డీఎంకే ఒక థీయ శక్తి(దుష్ట శక్తి)’ నినాదాన్ని పదేపదే ఉపయోగిస్తున్నారని ఆయన అన్నారు. అప్పట్లో తాము అధికారంలో ఉన్నామని.. ఆయన మాటలను తాము విన్నామని చెప్పారు. ఇప్పుడు సమాధానం ఇచ్చే అవకాశం తమకు వచ్చిందని వ్యాఖ్యానించారు.ఇచ్చిన హామీలు నెరవేర్చకుండా.. శాంతిభద్రతల వైఫ్యలంపై సమాధానం చెప్పకుండా విజయ్‌ తప్పించుకుని తిరుగుతున్నారని,పైగా రీల్స్‌.. ఫొటోషూట్‌ల మీదే టీవీకే సర్కార్‌ ఫోకస్‌ అంతా ఉంటుందోని మండిపడ్డారయన. ఈ సందర్భంగా పార్టీ కార్యకర్తలకు ఉదయనిధి కీలక సూచన చేశారు. విజయ్‌ పేరును నేరుగా ప్రస్తావించాల్సిన అవసరం లేదని.. ‘ఓం కాళి.. జై కాళి’తో పాటు టీవీకే పేరును ప్రస్తావిస్తూ ఈ నినాదాన్ని వినిపించాలని కోరారు. ఉప ఎన్నికల నేపథ్యంలో.. ఎన్నికల ప్రచార సభల్లోనే కాకుండా రాబోయే రోజుల్లోనూ ప్రజలను కలిసిన ప్రతిచోటా, ఇంటింటి ప్రచారంలోనూ దీన్ని పునరావృతం చేయాలని సూచించారు.కరూర్‌ ఘటనపైనా విమర్శలుఇదే సమయంలో కరూర్‌ తొక్కిసలాట ఘటనను ప్రస్తావిస్తూ ఉదయనిధి విజయ్‌పై విమర్శలు చేశారు. ఈ ఘటనలో 40 మందికిపైగా ప్రాణాలు కోల్పోయిన విషయాన్ని ప్రస్తావిస్తూ.. ఘటనపై ప్రత్యర్థి పార్టీ నాయకత్వం మీడియా, ప్రజల ప్రశ్నలకు సమాధానం ఇవ్వకుండా తప్పించుకుందని ఆయన ఆరోపించారు.ఎన్నికల ప్రచారంలో కొత్త నినాదంమదురాంతకం, ధారాపురం ఉపఎన్నికల నేపథ్యంలో తమిళనాడులో రాజకీయ ప్రచారం వేడెక్కింది. ఈ నేపథ్యంలో విజయ్‌ నినాదానికి ప్రతిగా ఉదయనిధి కొత్త నినాదాన్ని తీసుకురావడం చర్చనీయాంశంగా మారింది. ఇకపై ర్యాలీలు, బహిరంగ సభలు, ఇంటింటి ప్రచారంలోనూ ఈ నినాదాన్ని విస్తృతంగా వినిపించాలని డీఎంకే శ్రేణులకు ఆయన పిలుపునిచ్చారు.మరోవైపు.. విజయ్‌ కూడా డీఎంకేను లక్ష్యంగా చేసుకుని తన ప్రచారాన్ని కొనసాగిస్తున్నారు. దీంతో ‘ఓం శక్తి’–‘ఓం కాళి’ నినాదాల చుట్టూ తమిళనాడు రాజకీయ ప్రచారంలో కొత్త పోరు మొదలైంది.

కోల్‌కతా: తమిళనాడులో పార్టీ పెట్టిన తొలి ప్రయత్నంలోనే సంచలన విజయం సాధించిన టీవీకే.. ఇప్పుడు ఇతర రాష్ట్రాల్లో పాగా వేసే ప్రయత్నాలు ఆరంభించింది. తమిళనాడు సీఎం విజయ్‌ నేతృత్వంలోని టీవీకే పార్టీ పశ్చిమ బెంగాల్‌లో ఎంట్రీ ఇచ్చింది. ఈ మేరకు టీవీకే పార్టీ కార్యాలయాన్ని పుర్బా బర్ధమాన్ జిల్లాలోని బర్ధమాన్‌లో ఆదివారం ప్రారంభించారు. ఈ కార్యాలయాన్ని ఆ పార్టీ బెంగాల్‌ స్టేట్‌ కో-ఆర్డినేటర్‌ చైతాలి రాయ్‌ లాంఛనంగా ప్రారంభించారు. ఈ కార్యక్రమంలో పలు జిల్లాల నాయకులు పాల్గొన్నారు.ప్రస్తుతానికి రాజకీయ కార్యకలాపాల కంటే కూడా సామాజిక సేవ, సంక్షేమ కార్యక్రమాల ద్వారా సాధారణ ప్రజలకు చేరువ కావడమే తమ పార్టీ ప్రధాన ఉద్దేశమని పార్టీ నాయకులు అంటున్నారు. మరొకవైపు ఇప్పటికే పశ్చిమ బెంగాల్‌లో టీవీకే పార్టీ యాక్టివ్‌గా ఉన్నట్లు తెలుస్తోంది. ప్రధానంగా పుర్బా బర్ధమాన్ జిల్లాతో పాటు బీర్బం, బంకురా, పురూలియా జిల్లాల్లో ఆ పార్టీ చురుగ్గా సామాజిక కార్యకలాపాల్లో పాలు పంచుకున్నట్లు సమాచారం. ఈ ఏడాది వెస్ట్‌ బెంగాల్‌కు జరిగిన అసెంబ్లీ ఎన్నికల్లో బీజేపీ ఘన విజయం సాధించి అధికారాన్ని చేపట్టింది. దాంతో అప్పటివరకూ తనకు తిరుగులేదనుకున్న తృణమూల్‌ కాంగ్రెస్‌ భారీ ఎదురుదెబ్బ తగిలినట్లయ్యింది. ఆ ఎన్నికల్లో బీజేపీ 207 సీట్లతో అధికారం చేజిక్కించుకోగా, తృణమూల్‌ కాంగ్రెస్‌ 80 సీట్లకే పరిమితమై ఘోర ఓటమి పాలైంది.అయితే ఇప్పుడు పశ్చిమ బెంగాల్‌లో ఆ రెండు పార్టీలకు ప్రత్నామ్నాయ పార్టీగా ఎదగాలని భావిస్తున్న టీవీకే.. అందుకు తగ్గ రాజకీయ వ్యూహాన్ని సిద్ధం చేసుకునే క్రమంలో తొలి అడుగు వేయడంతో ఆ పార్టీ మరోసారి వార్తల్లో నిలిచింది. వచ్చే ఎన్నికల్లో గట్టి పోటీ ఇవ్వాలనే ఉద్దేశంలో భాగంగానే ఇప్పట్నుంచే ఆ పార్టీ తమ కార్యాచరణను ఆరంభించిందని విశ్లేషకులు అభిప్రాయపడుతున్నారు.ఇదీ చదవండి: అక్టోబర్ 2న ‘జైల్ భరో’కు సీజేపీ నేత అభిజీత్ దీప్కే పిలుపు!

చెన్నై: తమిళనాడులో సినిమాను తలపించేలా సాహసోపేతమైన ఘటన చోటుచేసుకుంది. నిషిద్ధ గుట్కాను అక్రమంగా తరలిస్తున్న స్మగ్లర్లను పట్టుకునేందుకు ఓ హెడ్ కానిస్టేబుల్ ప్రాణాలను సైతం లెక్కచేయకుండా వేగంగా వెళ్తున్న కారు పైకప్పుపై వేలాడుతూ సుమారు 40 కిలోమీటర్ల దూరం ప్రయాణించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.తమిళనాడు కోయంబత్తూరు సమీపంలోని విళంపరిచి ప్రాంతంలో కోవిల్‌పాళయం పోలీస్ స్టేషన్‌కు చెందిన పోలీసులు సాధారణ వాహన తనిఖీలు నిర్వహిస్తున్నారు. ఆ సమయంలో కర్ణాటక రిజిస్ట్రేషన్ నంబరుతో ఉన్న ఓ కారును ఆపి తనిఖీ చేయగా, దాని వెనుక భాగంలో నిషిద్ధ గుట్కా, ఇతర పొగాకు ఉత్పత్తులు ఉన్నట్లు గుర్తించారు.కారు వెనుక ఉన్న పొగాకు ఉత్పత్తులను పరిశీలించేందుకు ఎస్సై ముందుకు వెళ్లగా, కారులో ఉన్న ముగ్గురు నిందితులు పోలీసులను నెట్టేసి, కారుతో పరారయ్యేందుకు ప్రయత్నించారు. నిందితులు కారును వేగంగా పోనిస్తుండగా అప్రమత్తమైన హెడ్ కానిస్టేబుల్ వేల్మురుగన్ వెంటనే కారు పైకప్పుపైకి దూకి గట్టిగా పట్టుకున్నారు.కారు వేగంగా వెళ్తున్నప్పటికీ వేల్మురుగన్ ప్రమాదకర రీతిలో కారు పైకప్పుపైనే వేలాడుతూ ప్రయాణించారు. కోయంబత్తూరు సరిహద్దుల మీదుగా సాగిన ఈ కారు ఓ టోల్ ప్లాజా వద్దకు రాగా, డ్రైవర్ ఫాస్టాగ్‌ ద్వారా టోల్ చెల్లించి అక్కడి నుంచి హైవేపై మరింత వేగంగా దూసుకెళ్లాడు. ఈ దృశ్యాన్ని దారిలో వెళ్తున్న వాహనదారులు తమ మొబైల్ ఫోన్లలో రికార్డ్ చేశారు.ఈ ఘటనపై సమాచారం అందుకున్న సమీప తిరుపూర్ జిల్లా పోలీసులు, ఆంబులెన్స్ సిబ్బంది అప్రమత్తమయ్యారు. పోలీసులు, ఆంబులెన్సులు కారును నలువైపుల నుంచి చుట్టుముట్టి సుమారు 40 కిలోమీటర్ల దూరం తర్వాత అవినాశి రోడ్డులో ఆ కారును అడ్డుకున్నారు.కారు నిలిపివేయగానే అందులో ఉన్న నిందితుల్లో ఒకరిని వెంటనే అదుపులోకి తీసుకోగా, మరో ఇద్దరు పరారయ్యారు. అయితే గాలింపు చర్యలు చేపట్టిన పోలీసులు ఆ ఇద్దరిని కూడా పట్టుకున్నారు. నిందితులను రాజస్థాన్‌కు చెందిన బాಬು ధార (27), రాజేష్ (23), సురేష్‌లుగా గుర్తించారు. బెంగుళూరు నుంచి కోయంబత్తూరుకు ఈ నిషిద్ధ పొగాకు ఉత్పత్తులను అక్రమంగా సరఫరా చేస్తున్నట్లు విచారణలో తేలింది.కారు పైకప్పుపై ప్రాణాలకు తెగించి ప్రయాణించి స్మగ్లర్లను పట్టుకోవడంలో కీలక పాత్ర పోషించిన హెడ్ కానిస్టేబుల్ వేల్మురుగన్ ధైర్యసాహసాలను ప్రజలు, ఉన్నతాధికారులు ప్రశంసిస్తున్నారు. Headconstable Velmurugan of Kovilpalayam police station in #Coimbatore clung onto the roof rails of an SUV for about 40 km as three men from Rajasthan tried escape from the police with over 250 kg of gutkha. The video was shot by the crew of an NHAI ambulance. @THChennai pic.twitter.com/7pAt9m4ZVd— Wilson Thomas (@wilson__thomas) September 27, 2026ఇదీ చదవండి : ప్రముఖ సోషల్‌ మీడియా ఇన్‌ఫ్లుయెన్సర్ నిధి ఆత్మహత్య

సాక్షి,చెన్నై: సమాచార హక్కు చట్టం పరిధిలోకి శాంతిభద్రతల విభాగాన్ని తీసుకురాకుండా మినహాయింపునిస్తూ తమిళనాడు ప్రభుత్వం జారీ చేసిన వివాదాస్పద ఉత్తర్వులు తీవ్ర దుమారం రేపాయి. ప్రజా సంఘాలు, ప్రతిపక్షాల నుంచి పెద్ద ఎత్తున సీఎం విజయ్‌ ప్రభుత్వంపై తీవ్ర వ్యతిరేకత వచ్చింది. ఈ క్రమంలో ప్రభుత్వం తక్షణమే స్పందించి ఆ నిర్ణయాన్ని వెనక్కి తీసుకుంది.రాష్ట్రంలోని పబ్లిక్,శాంతిభద్రతల విభాగాన్ని ఆర్‌టీఐ చట్టం పరిధి నుంచి మినహాయిస్తూ ప్రభుత్వం ముందుగా గెజిట్ నోటిఫికేషన్ విడుదల చేసింది. ఈ నిర్ణయం అమల్లోకి వస్తే పోలీసు కస్టడీ మరణాలు, సామాజిక ఘర్షణలు, నిరసనలు, పోలీసు కాల్పులు వంటి సున్నితమైన అంశాలకు సంబంధించిన రికార్డులను పౌరులు ఆర్‌టీఐ ద్వారా అడిగి తెలుసుకునే అవకాశం కోల్పోతారు.దీనివల్ల ప్రభుత్వ పాలనలో పారదర్శకత లోపిస్తుందని, ప్రజాస్వామ్య హక్కులకు విఘాతమని రాజకీయ పార్టీలు, హక్కుల సంఘాలు తీవ్ర ఆగ్రహం వ్యక్తం చేశాయి. ప్రజాగ్రహం,తీవ్ర విమర్శల నేపథ్యంలో అప్రమత్తమైన ప్రభుత్వం.. వివాదం ముదరకముందే ఆ నోటిఫికేషన్‌ను రద్దు చేస్తున్నట్లు అధికారికంగా ప్రకటించింది. దీంతో ఈ వివాదానికి తాత్కాలికంగా తెరపడింది.ఇదీ చదవండి : 1200 కోట్లతో సచివాలయం, అసెంబ్లీ.. సీఎం విజయ్ సముద్రం చూసేందుకేనా!?

చెన్నై: కరూర్‌ తొక్కిసలాట ఘటనకు ఏడాది పూర్తైన సందర్భంగా తమిళనాడు ముఖ్యమంత్రి, టీవీకే అధినేత విజయ్‌ మృతులకు నివాళులర్పించారు. 2025 సెప్టెంబర్‌ 27న కరూర్‌లో జరిగిన ఈ విషాద ఘటన తమ జీవితాల్లో ఎప్పటికీ మానని గాయంగా మిగిలిపోయిందని ఆయన పేర్కొన్నారు. బాధిత కుటుంబాలు, తన మద్దతుదారులు, టీవీకే కుటుంబం ఈ విషాదాన్ని ఇప్పటికీ మరవలేకపోతున్నారని తెలిపారు.గతేడాది ఇదే రోజు.. సెప్టెంబర్‌ 27, 2025న కరూర్‌లో టీవీకే నిర్వహించిన సభలో భారీగా జనం తరలివచ్చారు. ఈ క్రమంలో చోటుచేసుకున్న తొక్కిసలాటలో 41 మంది ప్రాణాలు కోల్పోగా.. పలువురు గాయపడ్డారు. ఘటనకు ఏడాది పూర్తైన సందర్భంగా విజయ్‌ ఎక్స్‌ వేదికగా స్పందించారు. ఈ విషాదం తమ హృదయాల్లో మోస్తున్న బంధువుల జ్ఞాపకాలను మరింత బాధాకరంగా మార్చిందని విజయ్‌ అన్నారు. మృతుల కుటుంబాలు అనుభవిస్తున్న వేదనను మాటల్లో చెప్పలేమని పేర్కొన్నారు. ఒకరికొకరం ఓదార్పుగా, అండగా, ఆశ్రయంగా నిలుద్దామని తెలిపారు.కరూర్‌ ఘటనపై దర్యాప్తు కూడా కొనసాగుతోంది. తొలుత తమిళనాడు ప్రభుత్వం ప్రత్యేక దర్యాప్తు బృందాన్ని ఏర్పాటు చేసింది. అనంతరం ఈ కేసు దర్యాప్తును స్వతంత్రంగా, నిష్పక్షపాతంగా నిర్వహించాల్సిన అవసరం ఉందని పేర్కొంటూ సుప్రీంకోర్టు సీబీఐకి అప్పగించింది. ఈ ఘటనకు సంబంధించి కార్యక్రమానికి అనుమతులు, జన సమూహ నియంత్రణ, పోలీసుల మోహరింపు, అత్యవసర స్పందన వంటి అంశాలపై సీబీఐ దర్యాప్తు చేస్తోంది.என் நெஞ்சில் குடியிருக்கும் அனைவருக்கும் வணக்கம்.கடந்த வருடம். இதே நாள்.அதாவது 2025 செப்டம்பர் 27.என் வாழ்நாளில், நம் கரூர் சொந்தங்களின் வாழ்வில், நம் தமிழ்நாட்டு உறவுகளின் மனத்தில் ஆறாத ரணமாக, தீராத வலியாக, வேதனையான நிகழ்வு நடந்த நாள்.சொல்ல முடியாத சோகத்தைச் சுமந்து…— TVK Vijay (@TVKVijayHQ) September 27, 2026ఈ కేసులో టీవీకేకు చెందిన పలువురు నేతలను కూడా సీబీఐ విచారించింది. పార్టీ అధినేత విజయ్‌ను సైతం విచారణకు హాజరు కావాలని సీబీఐ సమన్లు జారీ చేసింది. కరూర్‌ విషాదంలో ప్రాణాలు కోల్పోయిన 41 మందిని గుర్తుచేసుకుంటూ విజయ్‌ వారికి ఘన నివాళి అర్పించారు. వారి జ్ఞాపకాలు ఎప్పటికీ తమతోనే ఉంటాయని పేర్కొన్నారు.ఇదీ చదవండి: ఘోర రోడ్డు ప్రమాదం.. బీజేపీ ఎమ్మెల్యేకు గాయాలు..

సోషల్‌ మీడియాలో లైక్స్‌, వ్యూస్‌ కోసం కొందరు హద్దులు దాటుతుంటారు. హోం టూర్‌ అంటూ ఇంటిని మొత్తం చూపించడమే కాకుండా.. అందులో ఉన్న బంగారం, నగదు, ఖరీదైన వస్తువులను సైతం కెమెరాకు ప్రదర్శిస్తుంటారు. తమ ఇంట్లో ఏముంది? ఎంత విలువైన వస్తువులున్నాయి? అనే విషయాలను తెలియకుండానే బహిరంగంగా చెప్పేస్తుంటారు. అలాంటి వారికి ఈ ఘటన ఓ గట్టి హెచ్చరిక తెలియజేస్తోంది.తమిళనాడులోని ఓ యూట్యూబర్‌ దంపతుల ఇంట్లో భారీ చోరీ జరిగింది. ఏకంగా 118 సవర్ల (944 గ్రాములు) బంగారు ఆభరణాలు, వజ్రాభరణాలు, నగదు అపహరణకు గురయ్యాయి. వాటి విలువ దాదాపుగా కోటి రూపాయల దాకా ఉన్నట్లు తెలుస్తోంది. సోషల్‌ మీడియా ఫాలోయింగ్‌ కోణంలోనూ పోలీసులు ఈ కేసు దర్యాప్తు చేస్తుండడం గమనార్హం.కన్యాకుమారి జిల్లా నాగర్‌కోయిల్‌ సమీపంలోని తమ్మట్టుకొణం వీఐపీ గార్డెన్‌లో వ్యాపారి కమ్‌ యూట్యూబర్‌ వినోద్‌కుమార్‌, యూట్యూబర్‌ మధుమిత దంపతులు నివసిస్తున్నారు. గురువారం సాయంత్రం కుటుంబంతో కలిసి బయటకు వెళ్లిన వారు రాత్రి ఇంటికి తిరిగి వచ్చేసరికి వెనుక తలుపు పగులగొట్టి ఉండటాన్ని గుర్తించారు. లోపలికి వెళ్లి చూడగా బెడ్‌రూమ్‌లోని బీరువా కూడా పగలకొట్టి ఉంది. అందులో ఉంచిన బంగారం, వజ్రాభరణాలు, నగదు కనిపించలేదు.రీల్స్‌లో అంతా కనిపించేలా..మధుమిత సోషల్‌ మీడియాలో బంగారు ఆభరణాలు, నగదు కట్టలను ప్రదర్శిస్తూ పలు వీడియోలు పోస్ట్‌ చేశారు. పూజా గదిలో, ఇంట్లో నగదు, బంగారం చూపించడం.. చిన్నారిపై నోట్లను చల్లడం వంటి దృశ్యాలు కూడా వీడియోల్లో ఉన్నాయి. అంతేకాదు, కుటుంబం ఎక్కడికి వెళ్తోంది, బంగారం కొనుగోలు చేస్తున్న విషయాలను కూడా సోషల్‌ మీడియాలో పంచుకుంటూ వచ్చారు.Kanyakumari influencer Madhumitha showed off her gold jewellery and cash in her reels.“Look how much gold I buy every month.”Now, thieves have reportedly broken into her house and escaped with 118 sovereigns of gold worth nearly ₹1 crore, along with cash.…— Oxomiya Jiyori 🇮🇳 (@SouleFacts) September 26, 2026పోస్టులే క్లూ ఇస్తాయా?చోరీపై రాజాక్కమంగళం పోలీసులు కేసు నమోదు చేసి దర్యాప్తు చేస్తున్నారు. ఇంటి వెనుక తలుపు కట్టింగ్‌ మెషీన్‌తో తెరిచి దొంగలు లోపలికి ప్రవేశించినట్లు ప్రాథమిక దర్యాప్తులో తేలింది. ఇంటి వద్ద, పరిసర ప్రాంతాల్లోని సీసీటీవీ ఫుటేజీని పోలీసులు పరిశీలిస్తున్నారు. ఫోన్‌ కాల్‌ రికార్డులు, దొంగల కదలికలపైనా దృష్టి పెట్టారు. ఈ కేసు దర్యాప్తు కోసం ఐదు ప్రత్యేక బృందాలను ఏర్పాటు చేసినట్లు తెలుస్తోంది.ఇదీ చదండి: వామ్మో.. పది వేల కోట్ల పరిహారమా తల్లి?

తమిళనాడులో పోక్సో కేసు వ్యవహారం రాజకీయంగా మరోసారి చర్చకు వచ్చింది. గ్రానైట్‌ వ్యాపారి వీరమణికి సంబంధించిన పోక్సో కేసును గతంలో అధికారంలో ఉన్న డీఎంకే ప్రభుత్వం దాచిపెట్టిందంటూ తమిళనాడు ముఖ్యమంత్రి విజయ్‌ ఆరోపించారు. ఈ వ్యవహారంపై డీఎంకే, అన్నాడీఎంకే ఎందుకు మౌనం వహిస్తున్నాయంటూ సీఎం ప్రశ్నించారు.మదురాంతకం ఉపఎన్నిక ప్రచారంలో పాల్గొన్న విజయ్‌.. ఈ కేసు గత డీఎంకే ప్రభుత్వ హయాంలోనే వెలుగులోకి వచ్చిందని, అయితే ఆ కేసును, దాని పూర్వాపరాలను ప్లాన్‌ ప్రకారమే దాచిపెట్టారని ఆరోపించారు. స్టాలిన్‌ సర్‌.. నోరు విప్పండి. ఈ విషయంలో అన్నాడీఎంకేతో పొత్తు పెట్టుకుని మౌనంగా ఉంటారా?’ అంటూ ప్రశ్నించారు. మహిళల భద్రత కోసం తామే పనిచేస్తున్నామని డీఎంకే చేస్తున్న ప్రచారాన్ని కూడా విజయ్‌ విమర్శించారు. వీరమణి ఎంతోమంది యువతుల జీవితాలను నాశనం చేశారని ఆరోపిస్తూ.. ప్రస్తుతం ఆయన జైలులో ఉన్నప్పటికీ డీఎంకే, అన్నాడీఎంకే ఈ అంశంపై ఎందుకు మాట్లాడటం లేదని ప్రశ్నల వర్షం కురిపించారు.పెన్‌డ్రైవ్‌తో మొదలై.. క్లోజర్‌ రిపోర్ట్‌ వరకు2025 అక్టోబర్‌లో ఓ స్వచ్ఛంద సంస్థకు గుర్తుతెలియని వ్యక్తి పెన్‌డ్రైవ్‌, లేఖ అందజేయడంతో ఈ వ్యవహారం వెలుగులోకి వచ్చింది. అందులో ఓ బాలికపై లైంగిక దాడికి సంబంధించిన వీడియో ఉందని పేర్కొంటూ వీరమణి పేరు ప్రస్తావించారు. అనంతరం పోలీసులు కేసు నమోదు చేసి దర్యాప్తు ప్రారంభించారు. సుమారు ఐదు నెలల విచారణ అనంతరం పోలీసులు క్లోజర్‌ రిపోర్టు దాఖలు చేశారు. వీడియోలో కనిపిస్తున్న బాలికను గుర్తించలేకపోవడం, ఒరిజినల్‌ వీడియో లభించకపోవడం, తగిన ఆధారాలు లేకపోవడం వంటి కారణాలను అందులో పేర్కొన్నారు. అయితే ప్రత్యేక పోక్సో కోర్టు ఈ క్లోజర్‌ రిపోర్టును అంగీకరించలేదు. మరింత దర్యాప్తు చేయాలని ఆదేశించింది.కోర్టు ఆదేశాలతో కేసులో కీలక మలుపుకోర్టు ఆదేశాల తర్వాత దర్యాప్తు వేగం పుంజుకుంది. వీడియోలో కనిపించిన బాలికను పోలీసులు గుర్తించి.. ఆమె వాంగ్మూలాన్ని మేజిస్ట్రేట్‌ ముందు నమోదు చేశారు. ఆ తర్వాత దర్యాప్తు విస్తరించడంతో మరికొందరు బాధితులు కూడా వెలుగులోకి వచ్చినట్లు పోలీసులు తెలిపారు. ఇప్పటివరకు ఏడుగురికి పైగా బాధితులను గుర్తించినట్లు తాజా నివేదికలు పేర్కొంటున్నాయి. వీరమణితో పాటు ఆయనకు చెందిన ఇద్దరు సహాయకులు మహేంద్ర సిమ్హన్‌, ఆయన భార్య శాంతిని ఆగస్టు 28న అరెస్టు చేశారు.విజయ్‌ సర్కార్‌ చర్యలుకేసు తీవ్రత పెరగడంతో తమిళనాడు ముఖ్యమంత్రి విజయ్‌ ప్రభుత్వం దర్యాప్తులో ఎలాంటి లోపాలకు తావులేకుండా చూడాలని ఆదేశించింది. గత దర్యాప్తులో ఎవరైనా నిర్లక్ష్యం వహించారా? కేసును బలహీనపరిచే ప్రయత్నం జరిగిందా? అన్న కోణాల్లోనూ విచారణ సాగుతోంది. పోలీసు వ్యవస్థలోని అధికారుల పాత్రపై కూడా సమీక్ష మొదలైంది. దీంతో ఈ కేసు కేవలం నిందితులపై దర్యాప్తుకే పరిమితం కాకుండా.. గతంలో కేసును హ్యాండిల్‌ చేసిన తీరుపైనా విచారణ జరుగుతున్న వ్యవహారంగా మారింది.విజయ్‌ సర్కార్‌పై స్టాలిన్‌ సమాధానం..ఇదిలా ఉండగా.. కేసును అడ్డుకున్నారంటూ గత డీఎంకే ప్రభుత్వంపై టీవీకే వర్గాల నుంచి ఆరోపణలు రావడంతో రాజకీయ దుమారం మొదలైంది. వీరమణిని కాపాడాలని తమ ప్రభుత్వం ఎలాంటి ఆదేశాలు ఇవ్వలేదని డీఎంకే అధినేత ఎంకే స్టాలిన్‌ స్పష్టం చేశారు. తనపై, తమ ప్రభుత్వంపై వస్తున్న ఆరోపణలు అసత్యం, పరువు నష్టం కలిగించేలా ఉన్నాయని ఆయన పేర్కొన్నారు. అంతేకాదు.. బాలికలకు న్యాయం జరగడమే ఈ వ్యవహారంలో అందరి ప్రధాన లక్ష్యం కావాలని స్టాలిన్‌ పేర్కొన్నారు. దీంతో వీరమణి కేసు ఇప్పుడు క్రిమినల్‌ దర్యాప్తుతో పాటు తమిళనాడు రాజకీయాల్లోనూ ప్రధాన చర్చగా మారింది.ఇదీ చదవండి: కర్ణాటక సీఎం నోట సంచలన వ్యాఖ్యలు..

చెన్నై: తమిళనాడు, కన్యాకుమారి జిల్లా నాగర్‌కోయిల్‌ సమీపంలోని తమ్మత్తుకోణం ప్రాంతంలో యూట్యూబర్‌ మధుమిత, ఆమె భర్త వినోద్‌కుమార్‌ ఇంట్లో భారీ చోరీ జరిగింది. దుండగులు ఇంట్లోకి ప్రవేశించి బంగారు, వజ్రాభరణాలతో పాటు పెద్ద ఎత్తున నగదును అపహరించినట్లు పోలీసులు తెలిపారు. ఈ ఘటన గురువారం సాయంత్రం నుంచి రాత్రి మధ్య చోటుచేసుకుంది. మధుమిత, వినోద్‌కుమార్‌ తమ కూతురితో కలిసి గురువారం సాయంత్రం దుస్తులు కొనుగోలు చేసేందుకు ఇంటి నుంచి బయటకు వెళ్లారు. రాత్రి తిరిగి వచ్చిన తర్వాత పడకగదిలోని బీరువా పగులగొట్టి ఉండటాన్ని గుర్తించారు. అందులో ఉంచిన బంగారు, వజ్రాభరణాలు కనిపించకపోవడంతో పోలీసులకు సమాచారం ఇచ్చారు. ఇంటి వెనుక తలుపు తాళాన్ని కటింగ్‌ యంత్రంతో కోసి దుండగుడు లోపలికి ప్రవేశించినట్లు పోలీసుల దర్యాప్తులో తేలింది. అనంతరం పడకగదిలోని బీరువా తాళాన్ని పగులగొట్టి అందులో ఉన్న నగలు, నగదును తీసుకెళ్లినట్లు గుర్తించారు. మధుమిత సామాజిక మాధ్యమాల్లో నగదు, బంగారు ఆభరణాలను చూపిస్తూ గతంలో పలు వీడియోలు చేసినట్లు స్థానిక కథనాలు పేర్కొన్నాయి. ఆ వీడియోలు కూడా చోరీకి సంబంధించిన దర్యాప్తులో పరిశీలనకు వస్తున్నట్లు సమాచారం. అయితే చోరీకి వీడియోలే కారణమని నిర్ధారించే ఆధారాలు ఇంకా వెల్లడికాలేదు. సమాచారం అందుకున్న రాజాక్కమంగళం పోలీసులు సంఘటనా స్థలానికి చేరుకుని దర్యాప్తు ప్రారంభించారు. పరిసరాల్లోని నిఘా కెమెరాల దృశ్యాలను సేకరించి పరిశీలిస్తున్నారు. నిందితుల కోసం 3 ప్రత్యేక పోలీసు బృందాలను ఏర్పాటు చేసి గాలింపు చేపట్టారు. దొంగిలించిన ఆభరణాలు, నగదును స్వాధీనం చేసుకోవడంతో పాటు నిందితులను గుర్తించడం దర్యాప్తులో తదుపరి కీలక అంశంగా ఉంది. மாச மாசம் நகைய வாங்குவேன்.. வீட்ல எவ்ளோ பணம் இருக்கு தெரியுமா? கழுத்து நிறைய நகைகள் அணிந்து, கட்டுக்கட்டாக பணத்தை அள்ளிப் போட்டு தொழிலதிபர் மனைவி லைவ் அப்டேட் கொடுத்தபடி வெளியிட்ட ரீல்ஸ் வீடியோவால், வீட்டின் பூட்டை உடைத்து ரூ.1 கோடி மதிப்பிலான நகைகள் கொள்ளையடித்து சென்ற கொள்ளையர்கள்.! மனைவியின் 'ரீல்ஸ்' வீடியோவால் 'ஃபீல்ஸ்' ஆன கணவர் #Kanyakumari | #ReelsVideo | #Theft | #PolimerNews— Polimer News (@polimernews) September 25, 2026

తమిళనాట ఉప ఎన్నికల వేడి పీక్స్‌కు చేరుతోంది. అక్టోబర్‌ 6న మదురాంతకం, ధారాపురం అసెంబ్లీ స్థానాలకు పోలింగ్‌ జరగనున్న వేళ.. సీఎం, టీవీకే అధినేత విజయ్‌ నేరుగా రంగంలోకి దిగారు. ఎన్నికల ప్రచారాన్ని బూత్‌ స్థాయికి తీసుకెళ్లాలని నిర్ణయించిన విజయ్‌.. శుక్రవారం మదురాంతకంలో పార్టీ బూత్‌ స్థాయి నేతలతో ప్రత్యేకంగా సమావేశం కానున్నారు. మధ్యాహ్నం 3 గంటలకు జరిగే ఈ భేటీలో క్షేత్రస్థాయి ప్రచారం, ఓటర్లను కలిసే విధానం, స్థానిక సమస్యలపై పార్టీ శ్రేణులకు దిశానిర్దేశం చేయనున్నారు.కాగా, ఉపఎన్నికలు ఇప్పుడు రాష్ట్ర రాజకీయాల్లో హాట్‌టాపిక్‌గా మారాయి. అధికారంలోకి వచ్చిన తర్వాత టీవీకే అధినేత, సీఎం విజయ్‌కు ఇవే తొలి ఉపఎన్నికలు కావడంతో ఆసక్తి మరింత పెరిగింది. మరోవైపు డీఎంకే అభ్యర్థులను ప్రకటించి రంగంలోకి దిగగా.. అన్నాడీఎంకే తనకు చేజారిన రెండు సీట్లను తిరిగి దక్కించుకునేందుకు ప్రచారాన్ని ముమ్మరం చేస్తోంది. మదురాంతకం నుంచి టీవీకే తరఫున కే. మరగతం కుమారవేల్‌, ధారాపురం నుంచి పి. సత్యబామను బరిలోకి దించింది. వీరిద్దరూ 2026 అసెంబ్లీ ఎన్నికల్లో అన్నాడీఎంకే తరఫున గెలిచిన తర్వాత ఎమ్మెల్యే పదవులకు రాజీనామా చేసి టీవీకేలో చేరారు. ఆ రాజీనామాల కారణంగానే ఈ రెండు స్థానాలకు ఉపఎన్నికలు వచ్చాయి. ఇప్పుడు అదే నియోజకవర్గాల నుంచి టీవీకే అభ్యర్థులుగా మళ్లీ పోటీ చేస్తున్నారు. ఈ ఉపఎన్నిక టీవీకేకు కీలక రాజకీయ సందర్భంగా మారింది. అక్టోబర్‌ 6న మదురాంతకంతో పాటు ధారాపురంలోనూ ఉపఎన్నిక జరగనుంది.ఇక, బూత్‌ ఏజెంట్ల సమావేశంలో మంత్రి ఎన్‌. ఆనంద్‌, మంత్రి ఆదవ్‌ అర్జున్‌ కూడా పాల్గొన్నారు. ప్రజా సమస్యల పరిష్కారంపై పార్టీ శ్రేణులకు దిశానిర్దేశం చేశారు. రోడ్లు, తాగునీరు వంటి ప్రాథమిక సమస్యలను గుర్తించి ఇంటింటికీ వెళ్లి ప్రజలను కలవాలని ఆనంద్‌ సూచించారు. అవసరాలను తెలుసుకునేందుకు మంత్రులు తమకు కేటాయించిన నియోజకవర్గాల్లో రెండు, మూడు రోజులపాటు ఎమ్మెల్యేలతో కలిసి ఉండి.. ప్రత్యేకంగా ఫిర్యాదులను పరిష్కరించనున్నారు.డీఎంకే నుంచి గట్టి పోటీ..టీవీకేకు పోటీగా డీఎంకే కూడా రెండు స్థానాల్లో అభ్యర్థులను ప్రకటించింది. మదురాంతకం నుంచి ఐ. పరంధామన్‌, ధారాపురం నుంచి ఎస్‌. సుగన్యను బరిలోకి దించింది. దీంతో రెండు నియోజకవర్గాల్లోనూ టీవీకే, డీఎంకే మధ్య నేరుగా పోటీ నెలకొంది.అన్నాడీఎంకేకు మరో లెక్క..ఇక ఈ రెండు సీట్లు గత అసెంబ్లీ ఎన్నికల్లో అన్నాడీఎంకే గెలుచుకున్నవే. ఆ పార్టీకి చెందిన ఇద్దరు ఎమ్మెల్యేలు టీవీకేలో చేరడంతో ఉపఎన్నికలు అనివార్యమయ్యాయి. దీంతో కోల్పోయిన స్థానాలను తిరిగి సాధించడంపై అన్నాడీఎంకే ఫోకస్‌ పెట్టింది. మదురాంతకంలో ఎస్‌. కనితా సంపత్‌, ధారాపురంలో కే. బానుమతిని అభ్యర్థులుగా నిలబెట్టింది. పార్టీ ప్రధాన కార్యదర్శి ఎడప్పాడి కె. పళనిస్వామి కూడా రెండు నియోజకవర్గాల్లో ప్రచారం చేయనున్నారు.అసలు పోరు ఇక్కడే..ఈ రెండు ఉపఎన్నికల్లో మూడు పార్టీలకు మూడు వేర్వేరు రాజకీయ లెక్కలు ఉన్నాయి. టీవీకేకు కొత్తగా ఏర్పడిన ప్రభుత్వంపై ప్రజా స్పందనను ఎన్నికల ద్వారా ఎదుర్కొనే అవకాశం ఉండగా.. డీఎంకే తన రాజకీయ ఉనికిని చాటుకునేందుకు బరిలో ఉంది. అన్నాడీఎంకే మాత్రం తన నుంచి వెళ్లిన మాజీ ఎమ్మెల్యేలు ఇప్పుడు టీవీకే తరఫున పోటీ చేస్తున్న నియోజకవర్గాల్లో తిరిగి పోటీ చేస్తోంది. ఇదే అంశం ప్రచారంలో ప్రధాన రాజకీయ అంశంగా మారింది. ఇక, మదురాంతకం, ధారాపురం రెండూ ఎస్సీ రిజర్వ్‌డ్‌ నియోజకవర్గాలు. అక్టోబర్‌ 6న పోలింగ్‌, అక్టోబర్‌ 9న ఓట్ల లెక్కింపు జరగనుంది. ఇదీ చదవండి: తమిళనాడు ఎప్‌స్టీన్‌ కేసులో కీలక పరిణామాలు

తమిళనాడులో ప్రముఖ గ్రానైట్‌ వ్యాపారవేత్త ఆర్‌.వీరమణిపై నమోదైన పోక్సో కేసు రోజుకో మలుపు తిరుగుతోంది. మైనర్లపై లైంగిక వేధింపుల ఆరోపణలతో వెలుగులోకి వచ్చిన ఈ వ్యవహారం ‘తమిళనాడు ఎప్‌స్టీన్‌ కేసు’గా చర్చనీయాంశమైంది. బాలికలపై లైంగిక దాడుల ఆరోపణలతో వీరమణి, ఆయన సహచరులు అరెస్టు కాగా.. గతంలో ఈ కేసును దర్యాప్తు చేసిన పోలీసుల పాత్రపైనా ఇప్పుడు విచారణ జరుగుతోంది. ఇదే సమయంలో కేసుకు కేంద్రంగా ఉన్న వీడియోను ఓ జాతీయ మీడియా సంస్థ తాజాగా బయటపెట్టడంతో వ్యవహారం మరింత సంచలనంగా మారింది.వీరమణి(84)పై ఆరోపణలకు కీలక ఆధారంగా పేర్కొంటున్న వీడియోను జాతీయ మీడియా సంస్థ యాక్సెస్‌ చేసి ప్రసారం చేసింది. అందులో ఓ బాలికతో ఆయన ఉన్నట్లు దృశ్యాలు చూపించింది. ఈ వీడియోను 2025 అక్టోబర్‌లోనే ఓ కాంగ్రెస్‌ నేత పోలీసులకు అందించినట్లు వెల్లడించింది. అయితే ఆ సమయంలో అధికారులు తగిన చర్యలు తీసుకోలేదని ఆయన ఆరోపించారు. మరోవైపు వీడియో స్పష్టత, ప్రామాణికతపై డీఎంకే ప్రశ్నలు లేవనెత్తింది. ఈ వీడియో వెలుగులోకి రావడంతో అప్పటి దర్యాప్తులో ఏం జరిగింది? పోలీసులకు ఆధారాలు అందినప్పటికీ కేసు ఎందుకు ముందుకు సాగలేదు? అన్న ప్రశ్నలు మరోసారి తెరపైకి వచ్చాయి.పెన్‌డ్రైవ్‌తో మొదలై.. క్లోజర్‌ రిపోర్ట్‌ వరకు2025 అక్టోబర్‌లో ఓ స్వచ్ఛంద సంస్థకు గుర్తుతెలియని వ్యక్తి పెన్‌డ్రైవ్‌, లేఖ అందజేయడంతో ఈ వ్యవహారం వెలుగులోకి వచ్చింది. అందులో ఓ బాలికపై లైంగిక దాడికి సంబంధించిన వీడియో ఉందని పేర్కొంటూ వీరమణి పేరు ప్రస్తావించారు. అనంతరం పోలీసులు కేసు నమోదు చేసి దర్యాప్తు ప్రారంభించారు.సుమారు ఐదు నెలల విచారణ అనంతరం పోలీసులు క్లోజర్‌ రిపోర్టు దాఖలు చేశారు. వీడియోలో కనిపిస్తున్న బాలికను గుర్తించలేకపోవడం, ఒరిజినల్‌ వీడియో లభించకపోవడం, తగిన ఆధారాలు లేకపోవడం వంటి కారణాలను అందులో పేర్కొన్నారు. అయితే ప్రత్యేక పోక్సో కోర్టు ఈ క్లోజర్‌ రిపోర్టును అంగీకరించలేదు. మరింత దర్యాప్తు చేయాలని ఆదేశించింది.కోర్టు ఆదేశాలతో కేసులో కీలక మలుపుకోర్టు ఆదేశాల తర్వాత దర్యాప్తు వేగం పుంజుకుంది. వీడియోలో కనిపించిన బాలికను పోలీసులు గుర్తించి.. ఆమె వాంగ్మూలాన్ని మేజిస్ట్రేట్‌ ముందు నమోదు చేశారు. ఆ తర్వాత దర్యాప్తు విస్తరించడంతో మరికొందరు బాధితులు కూడా వెలుగులోకి వచ్చినట్లు పోలీసులు తెలిపారు. ఇప్పటివరకు ఏడుగురికి పైగా బాధితులను గుర్తించినట్లు తాజా నివేదికలు పేర్కొంటున్నాయి. ఈ కేసులో వీరమణితో పాటు శాంతి, మహేంద్ర సిమ్హన్‌లను పోలీసులు అరెస్టు చేశారు. మరో మాజీ ఉద్యోగి గణేశన్‌ను కూడా డిజిటల్‌ ఆధారాల వ్యవహారంలో అరెస్టు చేసినట్లు జాతీయ మీడియా నివేదించింది.పాత దర్యాప్తుపైనే ఇప్పుడు ఫోకస్‌కేసు ఇక్కడితో ఆగలేదు. తొలుత దర్యాప్తు చేసిన పోలీసు అధికారుల వ్యవహారంపైనా అధికారులు దృష్టి పెట్టారు. అప్పట్లో కేసును ఎందుకు మూసివేయాలని నిర్ణయించారు? ఆధారాలు అందుబాటులో ఉన్నప్పటికీ దర్యాప్తు ఎందుకు ముందుకు సాగలేదు? తదితర అంశాలను పరిశీలిస్తున్నారు. పాత దర్యాప్తులో వ్యవహరించిన సీనియర్‌ పోలీసు అధికారులకు సమన్లు జారీ చేసినట్లు సమాచారం. అదే సమయంలో వీరమణికి సంబంధించిన కార్యాలయాలు, గెస్ట్‌హౌస్‌ తదితర ప్రాంతాల్లో సోదాలు నిర్వహించారు. కేసుతో సంబంధం ఉన్నట్లు అనుమానిస్తున్న మరికొందరి పాత్రపైనా దర్యాప్తు కొనసాగుతోంది.విజయ్‌ సర్కార్‌ చర్యలుకేసు తీవ్రత పెరగడంతో తమిళనాడు ముఖ్యమంత్రి విజయ్‌ ప్రభుత్వం దర్యాప్తులో ఎలాంటి లోపాలకు తావులేకుండా చూడాలని ఆదేశించింది. గత దర్యాప్తులో ఎవరైనా నిర్లక్ష్యం వహించారా? కేసును బలహీనపరిచే ప్రయత్నం జరిగిందా? అన్న కోణాల్లోనూ విచారణ సాగుతోంది. పోలీసు వ్యవస్థలోని అధికారుల పాత్రపై కూడా సమీక్ష మొదలైంది. దీంతో ఈ కేసు కేవలం నిందితులపై దర్యాప్తుకే పరిమితం కాకుండా.. గతంలో కేసును హ్యాండిల్‌ చేసిన తీరుపైనా విచారణ జరుగుతున్న వ్యవహారంగా మారింది.విజయ్‌ సర్కార్‌పై స్టాలిన్‌ రిప్లైఇదిలా ఉండగా.. కేసును అడ్డుకున్నారంటూ గత డీఎంకే ప్రభుత్వంపై టీవీకే వర్గాల నుంచి ఆరోపణలు రావడంతో రాజకీయ దుమారం మొదలైంది. వీరమణిని కాపాడాలని తమ ప్రభుత్వం ఎలాంటి ఆదేశాలు ఇవ్వలేదని డీఎంకే అధినేత ఎంకే స్టాలిన్‌ స్పష్టం చేశారు. తనపై, తమ ప్రభుత్వంపై వస్తున్న ఆరోపణలు అసత్యం, పరువు నష్టం కలిగించేలా ఉన్నాయని ఆయన పేర్కొన్నారు. అంతేకాదు.. బాలికలకు న్యాయం జరగడమే ఈ వ్యవహారంలో అందరి ప్రధాన లక్ష్యం కావాలని స్టాలిన్‌ పేర్కొన్నారు. దీంతో వీరమణి కేసు ఇప్పుడు క్రిమినల్‌ దర్యాప్తుతో పాటు తమిళనాడు రాజకీయాల్లోనూ ప్రధాన చర్చగా మారింది.అసలు ప్రశ్నలివే..ఇప్పుడు ఈ కేసులో అసలు ప్రశ్నలు ఎన్నో ఉన్నాయి. పోలీసులకు వీడియో ఎప్పుడు చేరింది? ఆధారాలు ఉన్నప్పటికీ తొలి దర్యాప్తు క్లోజర్‌ రిపోర్టు వరకు ఎందుకు వెళ్లింది? కోర్టు ఆదేశాల తర్వాతే బాధితులను గుర్తించే దిశగా దర్యాప్తు ఎలా ముందుకు సాగింది? ఈ అంశాలపై విజయ్‌ సర్కార్‌ దృష్టి సారించడంతో పాత దర్యాప్తు తీరుపైనా విచారణ జరుగుతోంది. మరోవైపు వీరమణిని కాపాడారన్న ఆరోపణలను స్టాలిన్‌ ఖండిస్తూ.. తమ ప్రభుత్వం ఎలాంటి ఆదేశాలు ఇవ్వలేదని స్పష్టం చేశారు. దీంతో నిందితులపై కేసు దర్యాప్తుతో పాటు.. గతంలో ఈ వ్యవహారాన్ని పోలీసులు ఎలా నిర్వహించారన్నది కూడా ఇప్పుడు కీలకంగా మారింది.ఇదీ చదవండి: విద్యార్థుల మెనూలోకి బీఫ్‌

తమిళనాడు: పొన్నేరి ప్రభుత్వ వైద్యశాలలో కంప్యూటర్‌ ఆపరేటర్‌గా పని చేస్తున్న అవుట్‌ సోర్సింగ్‌ సిబ్బందిపై వైద్యశాల ఆవరణలోనే పెట్రోల్‌ పోసి నిప్పటించిన సంఘటన రాష్ట్ర వ్యాప్తంగా సంచలనం కలిగించింది. తిరువళ్లూరు జిల్లా పొన్నేరి తాలుకా ప్రభుత్వ వైద్యశాలలో కంప్యూటర్‌ ఆపరేటర్‌గా రాజేశ్వరి(36) అవుట్‌ సోర్సింగ్‌గా పని చేస్తున్నారు. ఈమె సోమవారం సాయంత్రం విధులు ముగించుకుని ఇంటికి బయలుదేరే సమయంలో అక్కడికి వచ్చిన వ్యక్తి రాజేశ్వరిపై పెట్రోల్‌ పోశాడు. దీంతో యువతి భయంగా పరుగులు పెట్టగా వెంటనే ఆమెపై నిప్పును విసరడంతో మంటల్లో చిక్కుకుంది. భయంతో వైద్యశాలలోకి పరుగులు పెట్టిన మహిళను వైద్యశాల సిబ్బంది రక్షించి ప్రాధమిక చికిత్స అందించిన తరువాత మెరుగైన చికిత్స కోసం చెన్నై కీళ్‌పాక్కం వైద్యశాలకు తరలించి అక్కడ వైద్యసేవలను అందిస్తున్నారు. కాగా మహిళకు నిప్పు పెట్టిన వ్యక్తి అక్కడి నుంచి క్షణాల్లో పరారయ్యాడు. సమాచారం అందుకుని సంఘటన స్థలానికి వచ్చిన స్థానిక పోలీసులు సీసీటీవీ ఫుటేజి ఆధారంగా నిందితుడ్ని గుర్తించి రెండు ప్రత్యేక బృందాలుగా ఏర్పడిన గాలింపు చర్యలనుచేపట్టారు. నిందితుడు ప్రకాష్‌ మాధవరం సమీపంలోని శ్మశాన వాటిక వద్ద వున్నట్టు గుర్తించిన పోలీసులు అక్కడికి వెళ్లి అరెస్టు చేసే ప్రయత్నం చేశారు. దీంతో అతడు ఎదురుదాడికి దిగాడు. ప్రకాష్‌ ను పట్టుకోవడానికి యత్నించిన తమిళ్‌సెల్వవన్‌ను కత్తితో దాడి చేయడంతో అతడు గాయపడ్డాడు. వెంటనే ఇన్పెక్టర్‌ శివకుమార్‌ నిందితుడిపై కాల్పులు జరిపి అతడ్ని అరెస్టు చేశారు. అనంతరం నిందితుడ్ని చికిత్స కోసం చెన్నై స్టాన్లీ వైద్యశాలకు తరలించారు. ఈ సంఘటనవ స్తానికంగా తీవ్ర కలకలం రేపింది. కాగా సంఘటన స్థలాన్ని కలెక్టర్‌ కవిత పరిశీలించారు. బాధితురాలు రాజేశ్వరి ఆరోగ్య పరిస్థితి నిలకడగా వుందని, వెంటిలేటర్స్‌ అవసరం లేకుండానే ఆమె స్పందిస్తున్నారని కలెక్టర్‌ వివరించారు.

తమిళనాడులోని ప్రభుత్వ విద్యార్థుల హాస్టళ్ల మెనూలో బీఫ్‌ను చేర్చే అంశం చర్చకు వచ్చింది. కొందరు విద్యార్థులు బీఫ్‌ను మెనూలో చేర్చాలని కోరడంతో విజయ్‌ సర్కార్‌ స్పందించింది. సంబంధిత అధికారులతో చర్చించిన తర్వాత నిర్ణయం తీసుకుంటామని సామాజిక న్యాయశాఖ మంత్రి వన్నీ అరసు తెలిపారు. ఈ క్రమంలో తీవ్ర అభ్యంతరాలు వ్యక్తం అవుతున్నాయి.చెన్నైలోని సైదాపేటలో ఉన్న ఎం.సి. రాజా సోషల్‌ జస్టిస్‌ హాస్టల్‌ను మంత్రి వన్నీ అరసు తాజాగా పరిశీలించారు. అనంతరం మీడియాతో మాట్లాడుతూ హాస్టళ్లలో విద్యార్థుల అభిప్రాయాలకు అనుగుణంగా మెనూలో మార్పులు చేస్తున్నట్లు చెప్పారు. ప్రస్తుతం హాస్టళ్లలో చికెన్‌, మటన్‌ వంటి నాన్‌వెజ్‌ వంటకాలు అందిస్తున్నామని.. సోమవారాల్లో బిర్యానీ కూడా అందించనున్నట్లు తెలిపారు.మటన్‌ ఖరీదు.. బీఫ్‌ కోరిన విద్యార్థులుగ్రామీణ ప్రాంతాల నుంచి వచ్చిన కొందరు విద్యార్థులు మటన్‌ ధర ఎక్కువగా ఉండటంతో తాము తరచూ తినలేమని చెప్పి.. దాని స్థానంలో బీఫ్‌ను మెనూలో చేర్చాలని కోరినట్లు మంత్రి వివరించారు. అలాగే విద్యార్థుల ఫీడ్‌బ్యాక్‌ ఆధారంగా హాస్టల్‌ మెనూను దశలవారీగా మారుస్తున్నామని మంత్రి తెలిపారు. గతంలో మెనూలో ఉన్న ఉప్మా, సెమియా కిచిడీ వంటి కొన్ని వంటకాలను తొలగించి.. ఇడ్లీ, దోస వంటి అల్పాహారాలను చేర్చినట్లు చెప్పారు.తీవ్రంగా వ్యతిరేకించిన కృష్ణసామిబీఫ్‌ను హాస్టల్‌ మెనూలో చేర్చే అంశాన్ని పరిగణనలోకి తీసుకోవడంపై పలువురు అభ్యంతరాలు వ్యక్తం చేశారు. పుత్తియా తమిళగం పార్టీ అధ్యక్షుడు డాక్టర్‌ కే. కృష్ణసామి అభ్యంతరం వ్యక్తం చేశారు. మంత్రి తన వ్యాఖ్యలను వెంటనే ఉపసంహరించుకోవాలని డిమాండ్‌ చేశారు. హాస్టల్‌ విద్యార్థులకు ప్రొటీన్లు, విటమిన్లు, ఖనిజాలు, కొవ్వులు వంటి పోషకాలు సమతుల్యంగా అందేలా ఆహార మెనూ ఉండాలని ఆయన పేర్కొన్నారు.తమిళనాడు ప్రభుత్వ హాస్టళ్లలో రోజూ గుడ్లు, వారానికి కనీసం రెండుసార్లు చికెన్‌, మటన్‌ అందించాలని తాను కోరుతున్నట్లు కృష్ణసామి తెలిపారు. బీఫ్‌ విషయంలో మంత్రి చేసిన వ్యాఖ్యలు తగవని, ఈ అంశాన్ని ముందుకు తీసుకెళ్లకూడదని ఆయన కోరారు. అయితే వివాదం నేపథ్యంలో మంత్రి మంత్రి వన్నీ అరసు మరోసారి స్పందించారు. ఈ అంశం పరిశీలనలో మాత్రమే ఉందని అన్నారాయన. హాస్టళ్లలోని విద్యార్థులందరి అభిప్రాయాలు ఒకేలా లేవని, అందుకే అధికారులతో చర్చించిన తర్వాతే నిర్ణయం తీసుకుంటామని చెప్పారు.ఇదీ చదవండి: నాకింత విషమిచ్చి చంపేయండి.. జడ్జి ముందు నటి కన్నీరు

సాక్షి, చెన్నై: వీసీకే నేత, ఎంపీ తిరుమావళవన్‌ ప్రయాణిస్తున్న కార్‌ రిజిస్ట్రేషన్‌ నంబర్‌ తాజాగా చర్చకు దారి తీసింది. టీఎన్‌ 07 సీఎం 2031 నెంబర్‌తో ఆ కారు ఉండటం ఈ చర్చకు కారణం. 2031లో తమిళనాట జరిగే అసెంబ్లీ ఎన్నికలలో తిరుమా సీఎం అన్న నినాదాన్ని సూచించే విధంగా ఈ నెంబర్‌ ఉన్నట్టు ప్రచారం ఊపందుకుంది. ఆ నంబర్‌ ప్లేట్‌ భవిష్యత్‌ సీఎం పదవికి సంకేతమని ఆయన పార్టీ శ్రేణులు వీసీకే వర్గాలు ఉత్సాహంగా సోషల్‌ మీడియాలో వైరల్‌ చేస్తుండటం గమనార్హం. కాగా, విజయ్‌ నటించిన చిత్రంలో ఆయన ఉపయోగించిన కారు రిజిస్ట్రేషన్ నంబర్‌ టీఎన్‌ 07 సీఎం 2026గా చూపించారు. ఆ మేరకు 2026లో విజయ్‌ సీఎం కావడంతో తిరుమా కూడా సీఎం కావడం తథ్యమన్నట్టుగా వీసీకే వర్గాలు ఉత్సాహం చూపిస్తుండటం ఈ చర్చకు ప్రధాన కారణంగా మారింది. ఇదీ చదవండి: యూపీ, ఉత్తరాఖండ్‌లో 11 రాజ్యసభ సీట్లకు ఎన్నికల షెడ్యూల్‌

తమిళనాడులో టీవీకే ప్రభుత్వం మరో కీలక పథకం ఆచరణలోకి తెచ్చింది. పాఠశాల విద్యార్థుల కోసం అమలు చేస్తున్న ఉచిత అల్పాహార పథకం మరింత విస్తరించింది. ఇప్పటివరకు 1 నుంచి 5వ తరగతి విద్యార్థులకు మాత్రమే అందుతున్న పథకాన్ని.. ఇప్పుడు 6 నుంచి 8వ తరగతి వరకు విస్తరించారు. ముఖ్యమంత్రి సి. జోసెఫ్‌ విజయ్‌ మంగళవారం ఉదయం చెన్నై తిరువాన్మియూర్‌లోని గాంధిగ్రామం ప్రభుత్వ పాఠశాలలో దీనిని ప్రారంభించారు.‘పెరుం‌తలైవర్‌(మహానేత) కామరాజర్‌ బ్రేక్‌ఫాస్ట్‌ స్కీమ్‌’ పేరుతో అమలు చేస్తున్న ఈ పథకం విస్తరణతో రాష్ట్రవ్యాప్తంగా అదనంగా 15.30 లక్షల మంది విద్యార్థులు ప్రయోజనం పొందనున్నారు. 15,454 ప్రభుత్వ, ఎయిడెడ్‌ పాఠశాలల్లో 6, 7, 8వ తరగతి చదువుతున్న విద్యార్థులకు ఉచితంగా ఉదయం అల్పాహారం అందనుంది. ఇప్పటివరకు ప్రాథమిక తరగతులకే పరిమితమైన ఈ పథకం తొలిసారి మధ్య పాఠశాల స్థాయికి చేరింది.పథకం ప్రారంభ కార్యక్రమంలో భాగంగా విజయ్‌ పాఠశాలకు చేరుకుని విద్యార్థులతో మాట్లాడారు. అనంతరం వారికి అల్పాహారం వడ్డించి, వారితో కలిసి కూర్చుని తిన్నారు. గాంధిగ్రామం పాఠశాలలో ప్రారంభ కార్యక్రమం సందర్భంగా 217 మంది విద్యార్థులు అల్పాహారం తీసుకున్నారు. వారికి పొంగల్‌, సాంబార్‌, స్వీట్‌ వడ్డించినట్లు సమాచారం. విద్యార్థులతో వారి చదువు, తరగతుల గురించి కూడా విజయ్‌ మాట్లాడారు. ఈ విస్తరణ కోసం 2026–27 ఆర్థిక సంవత్సరంలో టీవీకే ప్రభుత్వం అదనంగా రూ.217.63 కోట్లు కేటాయించింది. దీంతో అల్పాహార పథకానికి మొత్తం కేటాయింపు రూ.724 కోట్లకు చేరింది.🔔 | பெருந்தலைவர் காமராஜர் காலை உணவு திட்ட விரிவாக்கத்தினை தொடங்கி வைத்தார் முதலமைச்சர் விஜய் ! #Kamarajar | #CMJosephVijay pic.twitter.com/2sraGsQ0tE— Prakash Vijay (@PrakazVijay_Of) September 22, 2026#CMJosephVijay had breakfast with schoolchildren during the expansion of Perunthalaivar Kamarajar’s Breakfast Scheme..⭐ pic.twitter.com/JUPrGFAkDf— Laxmi Kanth (@iammoviebuff007) September 22, 2026రెండు జిల్లాల్లో మాత్రం నో..అసెంబ్లీ ఉప ఎన్నికల నేపథ్యంలో ఎన్నికల ప్రవర్తనా నియమావళి అమల్లో ఉన్న చెంగల్పట్టు, తిరుప్పూర్‌ జిల్లాల్లో మాత్రం ఈ విస్తరణను మంగళవారం నుంచి అమలు చేయలేదు. మదురాంతకం, ధరాపురం నియోజకవర్గాలకు అక్టోబర్‌ 6న ఉప ఎన్నికలు జరగనున్న నేపథ్యంలో ఈ రెండు జిల్లాలకు మినహాయింపు ఇచ్చారు. మిగిలిన రాష్ట్రంలోని అర్హత ఉన్న పాఠశాలల్లో పథకం అమల్లోకి వచ్చింది.చెన్నై నగర పరిధిలోని 447 ప్రభుత్వ, ప్రభుత్వ సాయంతో నడిచే పాఠశాలలకు సమీకృత వంటశాలల(ఒకే దగ్గర వండి) ద్వారా అల్పాహారం అందించనున్నారు. ఇతర నగరాలు, మున్సిపాలిటీలు, వాటికి ఆనుకుని ఉన్న పట్టణ ప్రాంతాల్లోని 2,150 పాఠశాలలకు కూడా ఇదే రీతిలో ఆహారం సరఫరా చేస్తారు. గ్రామీణ, పట్టణ శివారు ప్రాంతాల్లోని 12,857 పాఠశాలల్లో స్థానికంగా వంట చేసి విద్యార్థులకు అందించే ఏర్పాట్లు చేశారు.మెనూలో ఏం ఉంటుందంటే..విద్యార్థులకు అందించే అల్పాహారంలో ఉప్పుమా, కిచిడీ, పొంగల్‌ వంటి వంటకాలు ఉన్నాయి. వారంలో కొన్ని రోజులు చిరుధాన్యాలతో కూడిన ఆహారాన్ని కూడా అందించేలా ప్రణాళిక రూపొందించారు. భవిష్యత్తులో మెనూలో ప్రొటీన్‌ శాతం పెంచేందుకు నిపుణులతో ప్రత్యేక కమిటీని ఏర్పాటు చేసినట్లు పాఠశాల విద్యాశాఖ మంత్రి రాజ్‌మోహన్‌ తెలిపారు. కొత్త మెనూను ముందుగా ప్రయోగాత్మకంగా పరిశీలించిన తర్వాత అమలు చేయనున్నట్లు చెప్పారు.తల్లిదండ్రులకు విజయ్‌ పేరుతో మెసేజ్‌పథకం విస్తరణ సందర్భంగా విద్యార్థుల తల్లిదండ్రుల మొబైల్‌ నంబర్లకు ముఖ్యమంత్రి విజయ్‌ పేరుతో SMSలు కూడా పంపించారు. రాష్ట్రవ్యాప్తంగా పథకం విస్తరణపై తల్లిదండ్రులకు సమాచారం అందించేలా ఈ సందేశాలను పంపినట్లు స్థానిక నివేదికలు పేర్కొన్నాయి.స్టాలిన్‌ హయాంలోనే..తమిళనాడులో పాఠశాల పిల్లలు ఉదయం ఆకలితో తరగతులకు హాజరుకాకుండా చూడటం, పోషకాహారాన్ని అందించడం, పాఠశాల హాజరు–చదువుపై ఏకాగ్రతను మెరుగుపరచడం లక్ష్యంగా ఈ అల్పాహార పథకాన్ని 2022లో ప్రారంభించారు. తొలుత ప్రభుత్వ పాఠశాలల్లో 1 నుంచి 5వ తరగతి విద్యార్థులకు అమలు చేసి, ఆ తర్వాత ఎయిడెడ్‌ స్కూళ్లకు కూడా విస్తరించారు. తాజా నిర్ణయంతో 6 నుంచి 8వ తరగతి విద్యార్థులూ ఈ పథకం పరిధిలోకి వచ్చారు.ఇదీ చదవండి: ఆయన వయసు 125 ఏళ్లు.. సర్‌ షాక్‌

సాక్షి,చెన్నై: వందేళ్లు గుర్తుండిపోయేలా రూ.1,200 కోట్ల అంచనా వ్యయంతో, 20 లక్షల చదరపు అడుగుల విస్తీర్ణంలో కొత్త సచివాలయ-శాసనసభ సముదాయాన్ని నిర్మించాలని సీఎం విజయ్ నేతృత్వంలోని ప్రభుత్వం ప్రతిపాదించింది. అయితే చెన్నైలోని మెరీనా బీచ్ సమీపంలోని పట్టినాపక్కంలో తలపెట్టిన ఈ ప్రాజెక్ట్‌పై రాజకీయ దుమారం రేగింది. ఈ ప్రతిపాదనను డీఎంకే అధినేత ఎంకే స్టాలిన్ తీవ్రంగా వ్యతిరేకిస్తున్నారు.తీర ప్రాంతంలో నివసించే మత్స్యకారుల ఇళ్లను, వారి జీవనోపాధిని ఈ ప్రతిపాదిత ప్రాజెక్ట్ దెబ్బతీస్తుందని స్టాలిన్ ఆందోళన వ్యక్తం చేశారు. ఈ ప్రాజెక్ట్‌ను వ్యతిరేకిస్తున్న మత్స్యకార సంఘాలకు డీఎంకే పూర్తి మద్దతు ఇస్తుందని, ప్రభుత్వం తన ఉత్తర్వులను వెనక్కి తీసుకోకపోతే తాము కూడా ప్రత్యక్ష నిరసనల్లో పాల్గొంటామని స్పష్టం చేశారు.జ్యోతిష్యుల సలహా మేరకేనా?ఇప్పటికే రద్దీగా ఉండే ప్రాంతంలో కొత్త సచివాలయం అవసరం ఏముందని స్టాలిన్ ప్రభుత్వాన్ని నిలదీశారు. గతంలో డీఎంకే ప్రభుత్వం సచివాలయాన్ని నిర్మించిన ఒమాందూరార్ ఎస్టేట్ వంటి ప్రత్యామ్నాయ స్థలాలు చాలానే ఉన్నాయని గుర్తుచేశారు. అయితే, ముఖ్యమంత్రి కార్యాలయం సముద్రం వైపు ఉండాలని జ్యోతిష్యులు సలహా ఇవ్వడం వల్లే ప్రభుత్వం పట్టినాపక్కం ప్రాంతాన్ని ఎంపిక చేసినట్లు వార్తలు వస్తున్నాయని ఆరోపించారు. ఇలాంటి సముదాయాలు సీఎం పనిచేయడానికి ఉద్దేశించినవే కానీ, సముద్రం వైపు చూస్తూ కూర్చోవడానికి కాదు అంటూ ఆయన ఎద్దేవా చేశారు.ట్రాఫిక్,పర్యావరణ సమస్యలు ప్రతిపాదిత స్థలం చుట్టూ అనేక పాఠశాలలు ఉన్నాయని, ఇప్పటికే అక్కడ తీవ్రమైన ట్రాఫిక్ రద్దీ ఉందని స్టాలిన్ పేర్కొన్నారు. అక్కడ భారీ ప్రభుత్వ సముదాయం వస్తే విద్యార్థులకు, స్థానికులకు నరకం చూపుతుందన్నారు. మరోవైపు ప్రభుత్వానికి బయటి నుంచి మద్దతు ఇస్తున్న సీపీఐ(ఎం) కూడా తీర ప్రాంత పర్యావరణ ముప్పును ప్రస్తావిస్తూ ఈ ప్రాజెక్ట్‌ను వ్యతిరేకించింది. మిత్రపక్షాల మాటను కూడా లెక్కచేయకుండా టీవీకే ప్రభుత్వం ఏకపక్షంగా నిర్ణయాలు తీసుకుంటోందని స్టాలిన్ మండిపడ్డారు.ప్రభుత్వం క్లారిటీ ఈ విమర్శలపై ప్రభుత్వం తరఫున పీడబ్ల్యూడీ మంత్రి ఆధవ్ అర్జున స్పందిస్తూ.. ప్రస్తుతం సచివాలయ సముదాయానికి సంబంధించి సమగ్ర ప్రాజెక్ట్ నివేదిక రూపొందించాలని మాత్రమే ఆదేశించామని, దీనిపై ఇప్పటివరకు ఎలాంటి తుది నిర్ణయం తీసుకోలేదని స్పష్టం చేశారు.ఇదీ చదవండి : సీఎం విజయ్ ‘ప్రధాని’ కలలు?.. చురకలంటించిన కాంగ్రెస్‌!

తమిళ సినీ పరిశ్రమలో విజయ్‌–అజిత్‌ ఫ్యాన్‌ వార్‌కు ప్రత్యేక పరిచయం అక్కర్లేదు. అయితే ఇటీవల లండన్‌లో ఈ ఇద్దరు స్టార్‌ హీరోలు కలిసిన దృశ్యాలు అభిమానుల్లో కొత్త ఉత్సాహం నింపాయి. ఓ కారు రేసు సందర్భంగా విజయ్‌, అజిత్‌ ఆప్యాయంగా పలకరించుకోవడంతో.. ఇక ఫ్యాన్‌ వార్‌కు తెరపడుతుందేమోనని చాలామంది భావించారు. కానీ పట్టుమని పది రోజులు కూడా గడవకముందే మరో ఆసక్తికర పరిణామం తెరపైకి వచ్చింది.అజిత్‌ అభిమానులు ఏకంగా రాజకీయ పార్టీని ప్రారంభించారు. కల్లకురిచ్చి జిల్లా ఉలుందూరుపేట సమీపంలోని ఎలవనాసూర్‌కోటైలో సెప్టెంబర్‌ 20న ‘తమిళగ మక్కల్‌ కళగం’ పేరుతో పార్టీని ప్రకటించి జెండాను ఆవిష్కరించారు. తమిళనాడు వ్యాప్తంగా అజిత్‌ అభిమానులను ఒకే వేదికపైకి తీసుకురావడమే తమ ఉద్దేశమని నిర్వాహకులు తెలిపారు. అంతేకాదు.. పార్టీ రాష్ట్ర ప్రధాన కార్యదర్శి పదవిని ఖాళీగా ఉంచారు. అజిత్‌ రాజకీయాల్లోకి వస్తే ఆ బాధ్యతను ఆయనకే అప్పగించాలన్న ఉద్దేశంతోనే ఈ పదవిని ఖాళీగా ఉంచినట్లు నిర్వాహకులు ప్రకటించారు. ఇతర పదవులకు మాత్రం తమ ప్రతినిధులను నియమించారు. అయితే ఈ పార్టీకి అజిత్‌కు నేరుగా సంబంధం లేదని, ఆయన స్వయంగా పార్టీని ప్రారంభించలేదని నిర్వాహకులే స్పష్టం చేశారు. కానీ, ఆయన కచ్చితంగా రాజకీయాల్లోకి రావాల్సిందేనంటూ ఓ పిలుపు మాత్రం ఇచ్చారు."தமிழக மக்கள் கழகம்" என்ற புதிய அரசியல் கட்சியை துவங்கிய அஜித் ரசிகர்கள்... ”அஜித் சாரும் வரவேண்டும்...” என அழைப்பு விடுத்து ரசிகர்கள் பேட்டி#AjithKumar | #Fans | #Ulundurpet | #TNPolitics | #PuthiyathalaimuraiTV pic.twitter.com/z4gyZCQcVh— PttvOnlinenews (@PttvNewsX) September 20, 2026విజయ్‌ ఫ్యాన్స్‌ ఆట మొదలు..అజిత్‌ అభిమానులు పార్టీ విషయంలో అంత స్పష్టమైన ప్రకటన చేసినా.. విజయ్‌ అభిమానులు ఊరుకోవడం లేదు. ‘పట్టుమని నలుగురు కూడా లేరు కదరా!’ అంటూ ఆటాడుకుంటున్నారు. పైగా కొత్త పార్టీ జెండా కూడా విజయ్‌ నేతృత్వంలోని తమిళగ వెట్రి కళగం(టీవీకే) జెండాను పోలి ఉందంటూ మీమ్స్‌, ట్రోలింగ్‌తో స్పందిస్తున్నారు. ‘టీవీకేను కాపీ చేశారంటూ’ కామెంట్లు పెడుతున్నారు. అయితే ఈ పరిణామం అజిత్‌ అభిమానులకు కోపం తెప్పిస్తోంది.అప్పుడే వచ్చి ఉండేవాడు కదా!తమిళనాట అజిత్‌ పొలిటికల్‌ ఎంట్రీ గురించి డిస్కషన్‌ ఏనాడో క్లోజ్‌ అయ్యింది. సినీ కెరీర్‌లో ఉన్నప్పుడు అజిత్‌ కుమార్‌కు, తమిళనాడు మాజీ సీఎం జయలలితతో వ్యక్తిగతంగా మంచి అనుబంధం ఉండేది. జయలలిత తనను సొంత కొడుకులా అభిమానించేవారని అజిత్‌ గతంలో స్వయంగా చెప్పేవారు. అజిత్‌–షాలిని వివాహానికి జయలలిత హాజరై వారిని ఆశీర్వదించారు. ఆ తర్వాత కూడా అజిత్‌, షాలిని ఆమెను పోయెస్‌ గార్డెన్‌ నివాసానికి వెళ్లి తరచూ కలిసేవారు. ఒకానొకటైంలో అజిత్‌ అభిమానులు ఆయన్ని అమ్మకు వారసుడిగా ప్రచారం చేసుకున్నారు కూడా. అది అన్నాడీఎంకే నుంచి అభ్యంతరాలకు దారి తీసింది.అయితే.. అజిత్‌ మాత్రం రాజకీయాలకు దూరంగానే ఉన్నారు. జయలలిత మరణించిన సమయంలో షూటింగ్‌లో ఉన్న ఆయన.. ఆ తర్వాత కుటుంబంతో కలిసి ఆమె సమాధి వద్ద నివాళులర్పించారు. అజిత్‌కు రాజకీయాలపై ఆసక్తి లేదన్న విషయం అభిమానులకు కూడా తెలుసు. అయినా ఆయన అభిమానులు మాత్రం ప్రత్యేకంగా పార్టీ పెట్టి.. ఆయన కోసం కీలక పదవిని ఖాళీగా ఉంచడం చర్చనీయాంశమైంది.డ్యామేజ్‌ కంట్రోల్‌లో అజిత్‌?!అజిత్‌ ప్రస్తుతం విదేశీ పర్యటనలో ఉన్నారు. తాజా రేసింగ్‌లో ఆయనకు ఐదో స్థానం వచ్చినట్లు తెలుస్తోంది. దీంతో అభిమానుల నిర్వాకం ఆయనకు కాస్త ఆలస్యంగా తెలిసినట్లు తెలుస్తోంది. పైగా విజయ్‌ ఫ్యాన్స్‌ ట్రోలింగ్‌ చేస్తుండడంపైనా ఆయన తన సన్నిహితుల వద్ద అసంతృప్తి వ్యక్తం చేసినట్లు ప్రచారం జరుగుతోంది.అజిత్‌కు సోషల్‌ మీడియా అకౌంట్లు లేవు. ఏది ఉన్నా ఆయన మేనేజర్‌ సురేష్‌ చంద్ర అఫీషియల్‌గా ప్రకటిస్తుంటారు. దీంతో ఇవాళో, రేపో ఆయన నుంచి అధికారిక ప్రకటన వెలువడొచ్చనే ప్రచారం తమిళనాట కొనసాగుతోంది.విజయ్‌ రాజకీయాల్లోకి వచ్చాక..తమిళనాడులో సినీ తారల రాజకీయ ప్రవేశం కొత్త విషయం కాదు. అయితే విజయ్‌ రాజకీయాల్లోకి వచ్చి తమిళగ వెట్రి కళగం ఏర్పాటు చేసి ఏకంగా సీఎం కావడం.. అక్కడి సీని వర్గాల్లో చర్చనీయాంశంగా మారింది. విజయ్‌ను ఫాలో అవుతూ మరికొందరు అదే బాట పట్టడం డీఎంకే-అన్నాడీఎంకేలకు అసహనం తెప్పిస్తోంది. సినిమావాళ్లు తమిళ రాజకీయాలను నాశనం చేస్తున్నారంటూ అభ్యంతరాలు వ్యక్తం చేస్తున్నాయి ఈ రెండు పార్టీలు. ఈ తరుణంలో ఇప్పుడు అజిత్‌ అభిమానుల తాజా నిర్ణయంపై ఆసక్తి మరింత పెరిగింది. పార్టీ ప్రకటనతో ఫ్యాన్‌ వార్‌ మరో లెవల్‌కు వెళ్తుందా? లేక తన అభిమానుల దూకుడుకు అజిత్‌ స్వయంగా బ్రేకులు వేస్తారా? అభిమానుల తీరుపై గతంలోనే తన వైఖరిని స్పష్టం చేసిన అజిత్‌.. ఈసారి ఎలాంటి నిర్ణయం తీసుకుంటారన్నదే ఇప్పుడు అసలు ట్విస్ట్‌!.ఇదీ చదవండి: జెన్‌జీల కోసం ఏం చేయబోతున్నారంటే..

హిందీ భాష విషయంలో తమ వైఖరిని మార్చుకోవాలంటూ సుప్రీంకోర్టు చేసిన వ్యాఖ్యల నేపథ్యంలోనూ తమిళనాడు ప్రభుత్వం వెనక్కి తగ్గడం లేదు. ఎట్టి పరిస్థితుల్లోనూ రాష్ట్రంలో జవహర్‌ నవోదయ విద్యాలయాల ఏర్పాటుకు భూమి కేటాయించబోమని పాఠశాల విద్యాశాఖ మంత్రి ఎ. రాజ్‌మోహన్‌ స్పష్టం చేశారు. అలాగే తమిళనాడు రెండు భాషల విధానానికే కట్టుబడి ఉంటుందని తెలిపారు.నవోదయ పాఠశాలల్లో మూడు భాషల విధానం అమలవుతుండటం, అందులో హిందీ ఉండటంపై తమిళనాడు విజయ్‌ ప్రభుత్వం అభ్యంతరం వ్యక్తం చేస్తోంది. ఈ క్రమంలో ప్రతి జిల్లాలో కచ్చితంగా భూములు ఇవ్వాలన్న సుప్రీం కోర్టు గత ఆదేశాలను సమీక్షించాలంటూ పిటిషన్‌ వేసింది. దీనిపై విచారణ జరిపిన ధర్మాసనం.. మైండ్‌ సెట్‌ మార్చుకోవాలంటూ తమిళనాడు ప్రభుత్వానికి చురకలు అంటించింది. అయితే హిందీకి తాము వ్యతిరేకం కాదని, తమిళానికి ప్రాధాన్యం ఇవ్వాలన్నదే తమ విధానమని మంత్రి రాజ్‌మోహన్‌ అంటున్నారు. సుప్రీంకోర్టు వ్యాఖ్యలు తుది తీర్పు కాదని, కేసు ఇంకా విచారణలోనే ఉందని పేర్కొన్నారు. మరోవైపు ఈ వ్యవహారంపై న్యాయనిపుణులతో సీఎం విజయ్‌ చర్చిస్తున్నట్లు సమాచారం.నవోదయ పాఠశాలల కోసం ప్రతి జిల్లాలో భూమిని గుర్తించాలంటూ గతంలో ఇచ్చిన ఆదేశాన్ని సుప్రీంకోర్టు సెప్టెంబర్‌ 17న వెనక్కి తీసుకోలేదు. మరో మూడు నెలల గడువు ఇచ్చింది. కేంద్రం, రాష్ట్రం చర్చల ద్వారా సమస్యను పరిష్కరించుకోవాలని సూచించింది. విచారణ సందర్భంగా జస్టిస్‌ బీవీ నాగరత్న నేతృత్వంలోని ధర్మాసనం.. తమిళనాడు హిందీపై తన ‘మైండ్‌సెట్‌’ మార్చుకోవాలని, రాష్ట్రంలో హిందీ బోధించకూడదనే వైఖరి ఉండకూడదని వ్యాఖ్యానించింది.ఈ పరిణామాల మధ్య తమిళనాడు ప్రతిపక్ష నేత, డీఎంకే నాయకుడు ఉదయనిధి స్టాలిన్‌ కూడా ప్రభుత్వ వైఖరికి మద్దతు తెలిపారు. రాష్ట్రానికి నవోదయ పాఠశాలలు అవసరం లేదని, ఇప్పటికే మోడల్‌, రెసిడెన్షియల్‌ పాఠశాలలు ఉన్నాయని పేర్కొన్నారు. అవసరమైతే ప్రత్యేక అసెంబ్లీ సమావేశం నిర్వహించి నవోదయ పాఠశాలలకు వ్యతిరేకంగా తీర్మానం చేయాలని సూచించారు. అదే సమయంలో హిందీకి తాము వ్యతిరేకం కాదని, హిందీని బలవంతంగా అమలు చేయడాన్నే వ్యతిరేకిస్తున్నామని స్పష్టం చేశారు.దీంతో తమిళనాడులో అధికార టీవీకే ప్రభుత్వం, ప్రధాన ప్రతిపక్షం డీఎంకే.. రాజకీయంగా పరస్పరం విభేదిస్తున్నప్పటికీ భాషా విధానం విషయంలో ఒకే వైఖరితో ముందుకు సాగుతున్న పరిస్థితి కనిపిస్తోంది. సుప్రీంకోర్టు సూచనలు, రాష్ట్ర ప్రభుత్వ పట్టుదల మధ్య ఈ వివాదం తదుపరి విచారణలో ఎలాంటి మలుపు తీసుకుంటుందన్నది ఆసక్తికరంగా మారింది.ఇదీ చదవండి: బెంగాల్‌లో బీజేపీ సర్కార్‌.. మరీ ఇంత ఘోరమా?

చెన్నై: హిందీని బలవంతంగా రుద్దడాన్ని వ్యతిరేకించడం అంటే ఆ భాషకు వ్యతిరేకం కావడం కాదని తమిళనాడు ప్రతిపక్ష నేత, డీఎంకే నాయకుడు ఉదయనిధి స్టాలిన్‌ స్పష్టం చేశారు. తాము దేశం నుంచి విడిగా వ్యవహరించడం లేదని, రాష్ట్ర భాషా ప్రత్యేకతను కాపాడుకుంటున్నామని చెప్పారు. హిందీ నేర్చుకోవడానికీ దేశభక్తికీ ఎలాంటి సంబంధం లేదని పేర్కొన్నారు. రాష్ట్రాలు తమకు అనుగుణమైన భాషా విధానాలను అనుసరించేందుకు అవకాశం కల్పించడం దేశ సమైక్యతను మరింత బలోపేతం చేస్తుందని అన్నారు.నవోదయ విద్యాలయాల ఏర్పాటుకు భూమిని గుర్తించే అంశంపై విచారణ సందర్భంగా సుప్రీంకోర్టు తమిళనాడు తన వైఖరిని పునఃపరిశీలించాలని సూచించిన నేపథ్యంలో ఉదయనిధి ఈ వ్యాఖ్యలు చేశారు. తమిళనాడు గడ్డపై హిందీ నేర్పించకూడదనే ధోరణి ఉండకూడదు అని జస్టిస్‌ బి.వి. నాగరత్న వ్యాఖ్యానించారు. కేంద్రం, రాష్ట్రం చర్చల ద్వారా సమస్యను పరిష్కరించుకోవాలని ధర్మాసనం సూచించింది. నవోదయ విద్యాలయాలు విద్యార్థులకు మరో విద్యా అవకాశాన్ని కల్పిస్తాయని పేర్కొంటూ.. పాఠశాలల ఏర్పాటుకు భూమిని గుర్తించేందుకు తమిళనాడుకు మరో మూడు నెలల గడువు ఇచ్చింది. తదుపరి విచారణను డిసెంబర్‌ 14కు వాయిదా వేసింది.ఈ నేపథ్యంలో ఉదయనిధి రెండు పేజీల ప్రకటన విడుదల చేశారు. తమిళనాడు హిందీకి వ్యతిరేకం కాదని, హిందీని బలవంతంగా రుద్దడాన్నే వ్యతిరేకిస్తున్నామని స్పష్టం చేశారు. తమిళనాడు రెండు భాషల విధానంతోనే విద్య, ఉపాధి, శాస్త్ర సాంకేతిక రంగాల్లో పురోగతి సాధిస్తోందని పేర్కొన్నారు. హిందీ తెలియకపోయినా తమిళులు వివిధ రంగాల్లో ఉన్నత స్థాయికి ఎదిగారని, ఇస్రోలోనూ పలువురు కీలక పదవుల్లో ఉన్నారని ఉదాహరించారు. తమిళనాడులో ఇప్పటికే పేద, వెనుకబడిన విద్యార్థులకు విద్య అందించే పాఠశాలలు ఉన్నందున నవోదయ విద్యాలయాల అవసరం లేదని ఉదయనిధి తెలిపారు. మూడు భాషల విధానం అమలయ్యే నవోదయ పాఠశాలలను రాష్ట్రంలో ఏర్పాటు చేయడాన్ని వ్యతిరేకించాలని కోరారు. ఈ అంశంపై ప్రత్యేక అసెంబ్లీ సమావేశం నిర్వహించి వ్యతిరేక తీర్మానం చేయాలని పిలుపునిచ్చారు.ఇదే సమయంలో సమగ్ర శిక్షా పథకం కింద తమిళనాడుకు రావాల్సిన రూ.3,548 కోట్లను మూడు భాషల విధానాన్ని అంగీకరించలేదనే కారణంతో కేంద్రం నిలిపివేసిందని ఉదయనిధి ఆరోపించారు. రాష్ట్రం రెండు భాషల విధానాన్ని కొనసాగిస్తున్నందుకు విద్యా నిధులను నిలిపివేయడం సరికాదని అన్నారు.ఇదీ చదవండి: తమిళనాట ట్విస్ట్‌.. విజయ్‌కు కొత్త టెన్షన్‌!

తమిళనాడు రాజకీయాల్లో టీవీకే-కాంగ్రెస్‌ పొత్తు మరో కొత్త మలుపు తీసుకుంది. విజయ్‌, రాహుల్‌ గాంధీ మధ్య ప్రధాని అభ్యర్థిత్వంపై మొదలైన చర్చ ఇప్పుడు కాంగ్రెస్‌ నేతల మధ్యే మాటల యుద్ధానికి దారితీసింది. రాహుల్‌ గాంధీని ప్రధాని అభ్యర్థిగా పొత్తు భాగస్వాములు అంగీకరించాల్సిందేనని మాజీ టీఎన్‌సీసీ అధ్యక్షుడు సెల్వపెరుంతగై స్పష్టం చేయగా.. అసలు రాహుల్‌కు వ్యతిరేకంగా టీవీకే ఎలాంటి అధికారిక నిర్ణయం తీసుకోలేదని కాంగ్రెస్‌ నేత ప్రవీణ్‌ చక్రవర్తి కౌంటర్‌ ఇచ్చారు. దీంతో పొత్తులో అంతా సవ్యంగానే ఉందా? లేక ప్రధాని అభ్యర్థి అంశం అసలు పంచాయితీగా మారిందా? అన్న చర్చ మొదలైంది.తమిళనాడులో టీవీకే-కాంగ్రెస్‌ పొత్తు అంశం మరోసారి చర్చనీయాంశంగా మారింది. 2029 లోక్‌సభ ఎన్నికల ప్రధాని అభ్యర్థిత్వంపై రెండు పార్టీల మధ్య భిన్నాభిప్రాయాలు వ్యక్తమవుతున్న వేళ.. కాంగ్రెస్‌తో పొత్తు పెట్టుకునే పార్టీలు రాహుల్‌ గాంధీని ప్రధాని అభ్యర్థిగా అంగీకరించాలని సెల్వపెరుంతగై వ్యాఖ్యానించారు. రాహుల్‌ ప్రధాని అభ్యర్థి అయితే.. పొత్తు భాగస్వాములు దాన్ని అంగీకరించాలని, అలా లేనప్పుడు అలాంటి పొత్తు అవసరం ఏమిటని ప్రశ్నించారు. కాంగ్రెస్‌ తమ నేతను ప్రధాని అభ్యర్థిగా బహిరంగంగా, స్పష్టంగా అంగీకరించే పార్టీలతోనే పొత్తు పెట్టుకోవడం సముచితమని పేర్కొన్నారు.‘పొత్తులో ఎలాంటి సమస్య లేదు’సెల్వపెరుంతగై వ్యాఖ్యలపై ప్రవీణ్‌ చక్రవర్తి స్పందిస్తూ.. పొత్తులో ఎలాంటి గందరగోళం లేదని అన్నారు. టీవీకే అధికారికంగా రాహుల్‌ గాంధీకి వ్యతిరేకంగా ఎలాంటి ప్రకటన చేయలేదని చెప్పారు. ఇటీవల జరిగిన కూటమి సమావేశంలో అన్ని భాగస్వామ్య పార్టీలు కలిసి చర్చించాయని, ముఖ్యమంత్రి విజయ్‌ కూడా సమావేశంలో ఉన్నారని తెలిపారు. అందరూ కలిసి మాట్లాడుకున్నారని, పొత్తు బలంగానే ఉందని పేర్కొన్నారు.‘నవ్వుతూ మాట్లాడితే ఒప్పందమా?’ప్రవీణ్‌ వ్యాఖ్యలకు సెల్వపెరుంతగై సోషల్‌ మీడియా వేదికగా మళ్లీ స్పందించారు. నాయకులు కలిసి నవ్వుతూ మాట్లాడుకోవడాన్ని ప్రధాని అభ్యర్థిత్వంపై అంగీకారంగా ఎలా పరిగణిస్తారని ప్రశ్నించారు. ముఖ్యమంత్రి విజయ్‌ లేదా టీవీకేలోని కీలక నేతల్లో ఎవరైనా రాహుల్‌ గాంధీయే ప్రధాని అభ్యర్థి అని స్పష్టంగా చెప్పారా? అని నిలదీశారు. అలా చెప్పి హామీ ఇచ్చి ఉంటే తనకు తెలియజేయాలని కోరారు.ఇదిలా ఉండగా.. ఇటీవల టీవీకేకు చెందిన కొందరు నేతలు 2029 లోక్‌సభ ఎన్నికల్లో విజయ్‌ను ప్రధాని అభ్యర్థిగా ప్రొజెక్ట్‌ చేస్తూ వ్యాఖ్యలు చేయడంతో ఈ అంశం తెరపైకి వచ్చింది. దీనికి భిన్నంగా కాంగ్రెస్‌ నేతలు రాహుల్‌ గాంధీని తమ ప్రధాని అభ్యర్థిగా ప్రస్తావిస్తున్నారు. ఈ నేపథ్యంలోనే పొత్తులోని రెండు వర్గాల మధ్య అభిప్రాయ భేదాలు బహిరంగమయ్యాయి. ప్రస్తుతం టీవీకే-కాంగ్రెస్‌ పొత్తులో అసలు పరీక్ష సీట్ల సర్దుబాటు కాదు.. ప్రధాని అభ్యర్థిత్వంపై ఏకాభిప్రాయం అనే చర్చ మొదలైంది.అసలు చిక్కు టీవీకేకే..ఈ వ్యవహారంలో టీవీకే ముందున్నది కీలకమైన ప్రశ్న. విజయ్‌ను ప్రధాని అభ్యర్థిగా ప్రొజెక్ట్‌ చేస్తున్న సొంత నేతల వ్యాఖ్యలకు బ్రేక్‌ వేయాలా? లేక రాహుల్‌ గాంధీ పేరుపై కాంగ్రెస్‌ కోరుతున్న స్పష్టత ఇవ్వాలా? అన్నది ఆ పార్టీ తేల్చుకోవాల్సి ఉంది. విజయ్‌ పేరుపై పట్టుబడితే కాంగ్రెస్‌తో పొత్తులో విభేదాలు మరింత బహిర్గతమయ్యే అవకాశం ఉంది. రాహుల్‌ అభ్యర్థిత్వానికి అంగీకారం తెలిపితే విజయ్‌ను ప్రధాని ముఖంగా ముందుకు తెస్తున్న నేతలకు సమాధానం చెప్పాల్సి ఉంటుంది. ఒకవైపు పొత్తు.. మరోవైపు ప్రధాని పీఠంపై ఆశలు.. ఈ రెండింటి మధ్య టీవీకే ఎలాంటి వైఖరి తీసుకుంటుందన్నదే ఇప్పుడు అసలు ఉత్కంఠ. విజయ్‌ మౌనం వీడి స్పష్టత ఇస్తారా? లేక ఈ పంచాయితీని కూటమి నేతలకే వదిలేస్తారా? అన్నది చూడాలి.ఇదీ చదవండి: సీఎం రెండో పెళ్లిపై బిగ్‌ ట్విస్ట్‌..

న్యూఢిల్లీ: తమిళనాడలో జవహర్ నవోదయ విద్యాలయాల ఏర్పాటుపై జరుగుతున్న న్యాయపోరాటంలో సుప్రీంకోర్టు ఆ రాష్ట్ర ప్రభుత్వానికి కీలక ఆదేశాలు జారీ చేసింది. తమిళనాడ గడ్డపై హిందీ బోధించకూడదనే ధోరణి కుదరదని, రాష్ట్ర ప్రభుత్వం తన వైఖరిని మార్చుకోవాలని సుప్రీంకోర్టు స్పష్టం చేసింది.జవహర్ నవోదయ పాఠశాలల ఏర్పాటుకు ప్రతి జిల్లాలో భూమిని కేటాయించాలంటూ డిసెంబర్ 15, 2025న ఇచ్చిన ఆదేశాలను వెనక్కి తీసుకోవాలని కోరుతూ తమిళనాడు ప్రభుత్వం దాఖలు చేసిన పిటిషన్‌పై జస్టిస్ బీవీ నాగరత్న, జస్టిస్ ఆగర్టిన్ జార్జ్ మాసిహ్‌లతో కూడిన ధర్మాసనం విచారణ చేపట్టింది.ఈ సందర్భంగా ధర్మాసనం మాట్లాడుతూ.. కేంద్ర నిధులతో నడిచే నవోదయ పాఠశాలల ఏర్పాటును రాష్ట్రంలోని విద్యా వ్యవస్థకు ముప్పుగా భావించవద్దని సూచించింది. మీరు మీ ఆలోచనా విధానాన్ని మార్చుకోవాలి. తమిళనాడ నేలపై హిందీ నేర్పించబడదు అనడం సరికాదు" అని జస్టిస్ నాగరత్న వ్యాఖ్యానించారు. అలాగే కేంద్ర-రాష్ట్ర ప్రభుత్వాలు పరస్పర చర్చల ద్వారా ఈ భేదాభిప్రాయాలను పరిష్కరించుకోవాలని కోర్టు హితవు పలికింది.నవోదయ పాఠశాలల ఏర్పాటు కోసం ప్రతి జిల్లాలో భూమిని గుర్తించాలన్న డిసెంబర్ 2025 నాటి ఆదేశాలను వెనక్కి తీసుకునేందుకు కోర్టు నిరాకరించింది. అయితే, ఈ ఆదేశాలను అమలు చేయడానికి రాష్ట్ర ప్రభుత్వానికి మరో మూడు నెలల సమయం మంజూరు చేసింది.తమిళనాడులో అమల్లో ఉన్న ద్విభాషా విధానానికి, నవోదయ పాఠశాలలు పాటించే త్రిభాషా విధానానికి (హిందీతో కలిపి) మధ్య ఉన్న వివాదంపై విచారణ జరిగింది.రాష్ట్ర ప్రభుత్వ తరఫున సీనియర్ న్యాయవాది జైదీప్ గుప్తా వాదనలు వినిపిస్తూ.. తమ రాష్ట్ర విద్యా విధానానికి, రాజ్యాంగ అధికారాలకు విరుద్ధంగా కేంద్రం హిందీని రుద్దాలని చూస్తోందని తెలిపారు. తమిళం రెండవ భాషగా ఉండాలనే అంశాన్ని పరిశీలించవచ్చని ధర్మాసనం పేర్కొంది. కేంద్ర, రాష్ట్ర ప్రభుత్వ కార్యదర్శులు ఈ అంశంపై చర్చలు జరపాలని సూచించిన కోర్టు, ఈ కేసుకు సంబంధించిన తదుపరి విచారణను డిసెంబర్ 14వ తేదీకి వాయిదా వేసింది.

మతాల మధ్య చిచ్చు పెట్టి తమ ప్రయోజనాలు చూసుకునే ప్రయత్నాలు ఎక్కడో జరుగుతుండొచ్చు. కానీ సామాన్యులు మాత్రం ప్రేమ, ఆప్యాయత, పరస్పర గౌరవానికే పెద్దపీట వేస్తున్నారు. తమిళనాడులోని నాగూర్‌ నుంచి ఇప్పుడు అలాంటి మానవీయతను చాటే ఓ అందమైన దృశ్యం వెలుగులోకి వచ్చింది. నాగపట్నం జిల్లాలోని నాగూర్‌ ఆండవర్‌ దర్గాకు ఆదివారం ఉదయం వధూవరుల కుటుంబ సభ్యులు, బంధువులు చేరుకున్నారు. అనంతరం దర్గా ప్రాంగణంలోని సన్నిధి వద్ద హిందూ సంప్రదాయం ప్రకారం వివాహ వేడుక నిర్వహించారు. వరుడు వధువు మెడలో తాళి కట్టగా.. అక్కడే ఉన్న దర్గా నిర్వాహకులు, ముస్లిం పెద్దలు, ఇరు కుటుంబాల సభ్యులు వధూవరులపై అక్షతలు చల్లి ఆశీర్వదించారు.ముస్లిం పెద్దల ఆశీర్వాదం..నాగూర్‌ దర్గా చైర్మన్‌, వారసత్వ ట్రస్టీ మొహమ్మద్‌ ఖలీఫా సాహిబ్‌ కూడా ఈ వేడుకలో పాల్గొని నూతన దంపతులను ఆశీర్వదించారు. నాగపట్నం జిల్లా చాలా కాలంగా మత సామరస్యానికి ప్రతీకగా నిలుస్తోందని ఆయన పేర్కొన్నారు. నాగూర్‌ దర్గాలో వివిధ మతాలకు చెందిన ప్రజలు రావడం, తమ ప్రత్యేక సందర్భాలను జరుపుకోవడం కొత్తేమీ కాదన్నారు.VIDEO | Nagapattinam: Hindu wedding held at Nagore Dargah, with people from both Hindu and Muslim communities attending the ceremony. pic.twitter.com/D2f4vQ83PH— Press Trust of India (@PTI_News) September 15, 2026వధూవరుల వివాహానికి సంబంధించిన వీడియోలు సోషల్‌ మీడియాలో విస్తృతంగా చక్కర్లు కొడుతున్నాయి. దర్గా నిర్వాహకులు హిందూ జంటను ఆశీర్వదిస్తున్న దృశ్యాలు నెటిజన్ల దృష్టిని ఆకర్షిస్తున్నాయి. నాగూర్‌ దర్గా భిన్న మతాల ప్రజలు కలిసి మెలిసి ఉండే సంప్రదాయానికి మరోసారి వేదికగా నిలిచిందంటూ పలువురు స్పందిస్తున్నారు. ఇలాంటి ఘటనలను భవిష్యత్‌ తరాలకు కూడా చూపించాల్సిన అవసరం ఉందని ఖలీఫా సాహిబ్‌ అభిప్రాయపడ్డారు. ఓవైపు పలువురి అభ్యంతరాలు.. మరోవైపు మతం ఏదైనా ఒకరి సంతోషంలో మరొకరు భాగస్వాములు కావచ్చనే సందేశాన్ని ఈ వివాహ వేడుక చాటిందనే కామెంట్లు నెట్టింట కనిపిస్తున్నాయి. ఇదీ చదవండి: నాగ్‌పూర్‌ హిట్‌ అండ్‌ రన్‌ కేసులో బిగ్‌ ట్విస్ట్‌

తమిళనాడు ముఖ్యమంత్రి, సినీ నటుడు విజయ్‌ కోసం లండన్‌లో భారీగా తరలివచ్చిన అభిమానులకు నిరాశ ఎదురైంది. లండన్‌లోని ప్రముఖ ‘ది షార్డ్‌’ భవనం వద్ద విజయ్‌ పాల్గొనాల్సిన కార్యక్రమాన్ని భద్రతా కారణాలతో అధికారులు రద్దు చేశారు. వందలాది మంది అభిమానులు గంటల తరబడి వేచి చూసిన అనంతరం ఈ ప్రకటన వెలువడింది.విజయ్‌ ప్రస్తుతం తమిళనాడుకు పెట్టుబడులు ఆకర్షించే లక్ష్యంతో అధికారిక పర్యటనలో భాగంగా యూకేలో ఉన్నారు. ఆయనను చూసేందుకు అభిమానులు మంగళవారం ‘ది షార్డ్‌’ వెలుపల పెద్ద సంఖ్యలో గుమిగూడారు. పలువురు అభిమానులు చాలా దూర ప్రాంతాల నుంచి వచ్చి గంటల తరబడి అక్కడే నిరీక్షించారు. అయితే భారీగా జనసమీకరణ జరగడంతో ప్రజల భద్రతకు ముప్పు ఏర్పడే అవకాశం ఉందని లండన్‌ మెట్రోపాలిటన్‌ పోలీసులు అభ్యంతరం వ్యక్తం చేశారు.‘అనుమతి రాలేదు.. కార్యక్రమం రద్దు’భద్రతా కారణాలతో కార్యక్రమానికి అవసరమైన అనుమతి లభించలేదని విజయ్‌ బృందం ప్రకటించింది. లౌడ్‌స్పీకర్‌ ద్వారా అభిమానులకు సమాచారం అందిస్తూ.. ప్రజల భద్రత దృష్ట్యా కార్యక్రమాన్ని రద్దు చేస్తున్నట్లు తెలిపింది. దీంతో విజయ్‌ను ప్రత్యక్షంగా చూసేందుకు వచ్చిన అభిమానులు తీవ్ర నిరాశకు గురయ్యారు. కొందరు అభిమానులు గంటల తరబడి ఎదురు చూసినట్లు పీటీఐ తెలిపింది.VIDEO | UK: Vijay fan greeting event in London called off due to 'health and safety' reasons after large number of people gather to see Tamil Nadu CM.Announcement was made by the authorities outside CM Vijay's hotel at the Shard in London on Tuesday.(Full video available on… pic.twitter.com/l4GDVUL6Fk— Press Trust of India (@PTI_News) September 15, 2026తలా-దళపతి.. విమర్శలకు టీవీకే కౌంటర్‌ఇదిలా ఉండగా.. విజయ్‌ లండన్‌ పర్యటనపై డీఎంకే విమర్శలు గుప్పించింది. రాష్ట్రానికి పెట్టుబడులు తీసుకురావడానికి లండన్‌ వెళ్లినట్లు చెబుతున్న విజయ్‌.. తన స్నేహితుడు, నటుడు అజిత్‌ కుమార్‌ పాల్గొన్న కార్‌ రేసును వీక్షించడంపై డీఎంకే నేతలు ప్రశ్నలు లేవనెత్తారు. పెట్టుబడుల పర్యటన పేరుతో వెళ్లి రేసు కార్యక్రమానికి హాజరయ్యారని విమర్శించారు. దీనిపై టీవీకే నేతలు స్పందిస్తూ.. విజయ్‌ అధికారిక పర్యటనలో ఉన్నప్పటికీ అజిత్‌ను కలవడంలో తప్పేముందని ప్రశ్నించారు. అంతేకాకుండా అంతర్జాతీయ రేసింగ్‌లో అజిత్‌కు ఉన్న గుర్తింపును తమిళనాడు బ్రాండ్‌ ప్రమోషన్‌కు ఉపయోగించుకోవచ్చని పేర్కొన్నారు.పెట్టుబడుల కోసం విజయ్‌ యూకే పర్యటనఇదిలా ఉండగా విజయ్‌ యూకే పర్యటన ప్రధానంగా తమిళనాడుకు భారీ పెట్టుబడులను తీసుకురావడంపైనే సాగుతోంది. రాష్ట్ర ప్రభుత్వ ప్రతినిధి బృందంతో కలిసి ఆయన పలువురు పారిశ్రామికవేత్తలు, సంస్థల ప్రతినిధులతో సమావేశమయ్యారు. ఈ పర్యటనలో సుమారు రూ.12,300 కోట్ల పెట్టుబడులకు సంబంధించిన పలు అవగాహన ఒప్పందాలు (MoUs) కుదిరినట్లు తమిళనాడు ప్రభుత్వం తెలిపింది. వీటి ద్వారా రాష్ట్రంలో 9,400కు పైగా హై-వాల్యూ ఉద్యోగాలు ఏర్పడే అవకాశం ఉందని అధికారులు పేర్కొన్నారు. తమిళనాడును ఆసియాలో అధునాతన తయారీ, సాంకేతిక రంగాలకు కీలక కేంద్రంగా తీర్చిదిద్దే లక్ష్యంతో ఈ పెట్టుబడుల కార్యక్రమాన్ని చేపట్టినట్లు ప్రభుత్వం వెల్లడించింది. విజయ్‌ తన యూకే పర్యటనను ముగించుకుని బుధవారం భారత్‌కు తిరిగి రానున్నట్లు సమాచారం.ఇదీ చదవండి: విజయ్‌పై అనుచిత కామెంట్ల ఎపిసోడ్‌లో బిగ్‌ ట్విస్ట్‌

చెన్నై: తమిళనాడు ముఖ్యమంత్రి విజయ్ యునైటెడ్ కింగ్‌డమ్ (యూకే) పర్యటనలో భాగంగా నాలుగు కీలక పెట్టుబడి ఒప్పందాలపై సంతకం చేశారు. రాష్ట్ర ప్రభుత్వ సమాచారం ప్రకారం, ఈ ఒప్పందాల విలువ దాదాపు రూ. 12,300 కోట్లు కాగా, దీనివల్ల సుమారు 9,000 ఉద్యోగాలు లభించే అవకాశం ఉందని అంచనా. టీవీకే ప్రభుత్వం అధికారంలోకి వచ్చిన మొదటి 100 రోజుల్లోనే రూ. 1 లక్ష కోట్లకు పైగా విలువైన పెట్టుబడి అవగాహన ఒప్పందాలపై సంతకాలు జరిగాయని ప్రభుత్వం వెల్లడించింది. ఇందులో భాగంగా చెన్నైలో 'గ్లోబల్ కెపాబిలిటీ సెంటర్' (GCC) ఏర్పాటు కోసం ఎర్నస్ట్ & యంగ్ (Ernst & Young) ద్వారా ఒక బ్రిటిష్ కంపెనీతో రూ. 1,000 కోట్ల ఒప్పందంపై కూడా విజయ్ సంతకం చేశారు. వీటిలో అతిపెద్ద ఒప్పందం 'సంవర్ధన మదర్‌సన్ ఇంటర్నేషనల్ లిమిటెడ్'తో జరిగింది. ఈ ఒప్పందంగా రూ. 11,000 కోట్ల పెట్టుబడితో కుదిరింది. దీని ద్వారా డిజైన్, ఇంజనీరింగ్, తయారీ, అసెంబ్లీ రంగాల్లో దాదాపు 7వేల ఉద్యోగాలు వస్తాయి.గ్లోబల్ కేపబిలిటీ సెంటర్ (చెన్నై): బ్రిటన్ కంపెనీతో ఎర్నెస్ట్ అండ్ యంగ్ (Ernst & Young) ద్వారా రూ. 1,000 కోట్ల ఒప్పందం కుదిరింది. దీని ద్వారా 2,000 ఉన్నత స్థాయి ఉద్యోగాలు లభించనున్నాయి సిగ్మా టెక్నాలజీ గ్రూప్: స్వీడన్‌కు చెందిన ఈ సంస్థ చెన్నై, తిరుచిరాపల్లిలో తమ కేంద్రాలను విస్తరించడానికి ఒప్పందం కుదుర్చుకుంది. దీని వల్ల 600 ఉద్యోగాలు రానున్నాయి. విల్సన్ పవర్ సొల్యూషన్స్: తిరువల్లూరు జిల్లాలో రూ. 300 కోట్ల పెట్టుబడితో మరో ఒప్పందం కుదిరింది. దీని ద్వారా దాదాపు 400 ఉద్యోగాలు లభిస్తాయి.ఫోకస్ రంగాలు: అధునాతన తయారీ (అడ్వాన్స్‌డ్ మ్యానుఫ్యాక్చరింగ్), ఆటోమొబైల్స్, ఎలక్ట్రిక్ వెహికల్స్, ఎలక్ట్రానిక్స్, మరియు గ్లోబల్ కేపబిలిటీ సెంటర్‌లపై ప్రభుత్వం ప్రధానంగా దృష్టి సారించింది. యూకే పర్యటనలో మోటార్ స్పోర్ట్స్ మరో ముఖ్యమైన అంశం తమిళనాడులో ప్రపంచ స్థాయి మోటార్ స్పోర్ట్స్ నగరాన్ని అభివృద్ధి చేయడం, రేసింగ్‌కు సంబంధించిన తయారీ మరియు అనుబంధ పరిశ్రమలలో అవకాశాలను సృష్టించడం వంటి ప్రభుత్వ ప్రణాళికలతో కూడా ఈ పర్యటనకు సంబంధం ఉన్నట్లు తెలుస్తోంది.ఈ పర్యటనలో భాగంగా ముఖ్యమంత్రి విజయ్ సిల్వర్‌స్టోన్ రేసింగ్ సర్క్యూట్‌ను సందర్శించి, ప్రముఖ నటుడు, రేసర్ అజిత్ కుమార్ పాల్గొన్న రేసును జెండా ఊపి ప్రారంభించారు. తమిళనాడులో ప్రపంచ స్థాయి మోటార్ స్పోర్ట్స్ సిటీని అభివృద్ధి చేయాలనే ప్రభుత్వ ప్రణాళికలో ఇది భాగం. ఇదీ చదవండి: బిర్యానీ గణేశుడు : షాపు యజమానికి భారీ షాక్‌ప్రతిపక్షం విమర్శలు- టీవీకే స్పందనఅయితే, ఈ పెట్టుబడుల ప్రోత్సాహం పారదర్శకత లోపించిందని ప్రతిపక్షాల నుంచి విమర్శలను కూడా రేకెత్తించింది. విజయ్ పర్యటన వివరాలు, సమావేశాలపై పారదర్శకత కొరవడిందంటూ ప్రతిపక్షాల నుంచి విమర్శలు వ్యక్తమైన నేపథ్యంలో టీవీకే స్పందించింది . దేశంలోని ఇతర రాష్ట్రాలతో పోటీ పడుతున్న నేపథ్యంలో (పోటీ ఫెడరలిజం), ఎంఓయూలు కుదిరిన వెంటనే వివరాలను అధికారికంగా వెల్లడిస్తామని తెలిపింది.సెప్టెంబర్ 16 వరకు యూకేలోనే ఉండనున్న విజయ్ మరిన్ని ఒప్పందాలు చేసుకునే అవకాశం ఉంది.

దేశవ్యాప్తంగా బొజ్జ గణపయ్య వేడుకలు ఘనంగా జరుగుతుండగా, తమిళనాడులోని తిరునెల్వేలిలో ఒక బిర్యానీ దుకాణం యజమానికి భారీ షాక్‌ తగిలింది. గణేశుడిని అవమానించాడనే ఆరోపణల కింద పోలీసులు అరెస్ట్ చేశారు. ఏమైంది అంటే.. తమిళనాడులోని పలు నగరాల్లో వినాయక విగ్రహాలను ప్రతిష్టించి ప్రత్యేక ప్రార్థనలతో వాతావరణం సందడిగా ఉంది. ఇంత కోలాహలం మధ్య తిరునెల్వేలిలోని బిర్యానీ దుకాణం యజమాని 30 ఏళ్ల జయంత్‌ను పోలీసులు అదుపులోకి తీసుకున్నారు. దుకాణం బయటగణపతి బిర్యానీ తింటున్నట్లుగా ఒకబ్యానర్‌ ఏర్పాటు చేసిశాడు.ఇదే వివాదానికి దారి తీసింది. మతపరమైన మనోభావాలను దెబ్బతీశాడంటూ 42 ఏళ్ల సెల్వరాజ్ అనే వ్యక్తి ఈ ఫిర్యాదు చేశారు. దీంతో ఈ పరిణామం చోటు చేసుకుంది.తమిళనాడులో వాడవాడలా వినాయక చతుర్థి వేడుకలు ఘనంగా జరుగుతున్నాయి. చెన్నైలోని కపాలీశ్వరర్ ఆలయంలో ఉదయం గణపతి హోమంతో వేడుకలు ప్రారంభమయ్యాయి. నర్తన వినాయకర్ విగ్రహానికి ప్రత్యేక అభిషేకం నిర్వహించి, బంగారు కవచంతో అలంకరించారు.మధురై మీనాక్షి సుందరేశ్వరర్ ఆలయంలో 7 అడుగుల ఎత్తైన ముక్కురుణి వినాయకుడికి ప్రత్యేక పూజలు జరిగాయి. భక్తుల కోసం భారీ ముక్కురుణి కొడకట్టై (కుడుములు) తయారు చేశారు. తిరుచిరాపల్లిలో రాక్‌ఫోర్ట్ పై ఉన్న ఈ ఆలయంలో 417 మెట్లు ఎక్కి వేలాది మంది భక్తులు దర్శనం చేసుకున్నారు. 25 కేజీల కుడుము నైవేద్యంతో 14 రోజుల పెరువిళా వేడుకలు ప్రారంభమయ్యాయి.అంతేకాదు తిరువన్నామలైలో 51,000 రుద్రాక్షలతో తయారు చేసిన గణేశ విగ్రహం ప్రత్యేక ఆకర్షణగా నిలిచింది.మధురైలో దర్భ గడ్డితో తయారు చేసిన వినాయక విగ్రహాన్ని ఏర్పాటు చేశారు. కోయంబత్తూర్‌లో కోయంబత్తూర్‌లో రూ. 5 లక్షల విలువైన 500 రూపాయల నోట్లతో కూడిన దండతో విగ్రహాన్ని అలంకరించగా, చెన్నైలోని టి.నగర్‌లో కరెన్సీ నాణేలతో చేసిన విగ్రహం అందరినీ ఆకట్టుకుంది.కాగా తమిళనాడు వ్యాప్తంగా నిమజ్జన ఊరేగింపులు సెప్టెంబర్ 19, 20 తేదీల్లో జరగనున్నాయి. ఇందుకోసం పెద్ద ఎత్తున పోలీసు బలగాలను వినియోగించనున్నారు. పర్యావరణ నిబంధనల దృష్ట్యా పట్టినాబాక్కం, నీలంకరై బీచ్‌లలోని సాంప్రదాయ నిమజ్జన ప్రాంతాలపై ఆంక్షలు కొనసాగుతున్నాయి.

తమిళనాడులో రాజకీయ సమీకరణాలు ఆసక్తికర మలుపు తిరిగాయి. విజయ్‌ ఏర్పాటు చేయబోయే సెక్యులర్‌ కూటమికి దూరంగా ఉంటామని వామపక్ష పార్టీలు స్పష్టం చేశాయి. అంతేకాదు.. 120 రోజుల విజయ్‌ పాలనపై తీవ్ర విమర్శలకు సిద్ధపడినట్లు బహిరంగంగా ప్రకటించాయి. ఇది చాలదన్నట్లు త్వరలో జరగబోయే ఉప ఎన్నికల్లో ఒంటరిగా పోటీ చేస్తామని ప్రకటించాయి. ఇవన్నీ డీఎంకేకు లాభం చేకూర్చే నిర్ణయాలేనని, ప్రతిపక్షానికి మళ్లీ అవి దగ్గరవుతున్నాయా? అనే చర్చా జోరందుకుంది.తమిళనాడులో అక్టోబర్‌ 6న జరగనున్న రెండు అసెంబ్లీ ఉప ఎన్నికల్లో సీపీఐ, సీపీఎం కలిసి పోటీ చేయాలని నిర్ణయించాయి. మదురాంతకంలో సీపీఎం, ధారాపురంలో సీపీఐ అభ్యర్థులను బరిలోకి దించనున్నాయి. సెప్టెంబర్‌ 15న అభ్యర్థులను ప్రకటించనున్నారు. ఈ ఎన్నికల్లో టీవీకే నేతృత్వంలోని కూటమితో పాటు డీఎంకే, అన్నాడీఎంకే–బీజేపీ కూటమి, నామ్‌ తమిళర్‌ కట్చి ఇప్పటికే రంగంలో ఉన్నాయి. వామపక్షాల తాజా నిర్ణయంతో పోరు ఐదు కోణాల్లో సాగనుంది. అయితే ఈ పోటీ వల్ల ప్రభుత్వానికి ఎలాంటి ముప్పు లేదని.. విజయ్‌ ప్రభుత్వానికి తమ మద్దతు కొనసాగుతుందని స్పష్టం చేశాయి. దీంతో బయటి నుంచే సపోర్ట్‌ చేస్తున్న వామపక్షాలు.. ఉప ఎన్నికల వేళ మాత్రం అదే ప్రభుత్వ అభ్యర్థులకు ఎదురుగా బరిలోకి దిగుతున్నాయి. అయితే ఈ నిర్ణయం డీఎంకేకు లాభం చేకూర్చేందుకు కాదని లెఫ్ట్‌ పార్టీలు స్పష్టం చేశాయి. టీవీకే ఏర్పాటు చేయబోయే కొత్త కూటమిలో మేం చేరబోం. మూడు ప్రధాన కూటములకూ వ్యతిరేకంగా మేం పోటీ చేస్తున్నాం. అంతే తప్పా ఏ పార్టీకో లాభం చేకూర్చేందుకు మేం పోటీ చేయడం లేదు అని సీపీఐ రాష్ట్ర కార్యదర్శి ఎం. వీరపాండియన్‌, సీపీఎం రాష్ట్ర కార్యదర్శి పి. షణ్ముగం తేల్చిచెప్పారు. బయట మద్దతు.. లోపల విమర్శలు2026 అసెంబ్లీ ఎన్నికల తర్వాత మెజార్టీకి కొంత దూరంలో నిలిచిన విజయ్‌ ప్రభుత్వానికి సీపీఐ, సీపీఎం బయట నుంచి మద్దతు ప్రకటించాయి. ప్రజల తీర్పును గౌరవించడం, గవర్నర్‌ పాలనకు అవకాశం లేకుండా చూడటం, పరోక్షంగా బీజేపీ పాలన రాకుండా అడ్డుకోవడమే తమ మద్దతు ఉద్దేశమని అప్పట్లో వామపక్షాలు తెలిపాయి. అయితే కేబినెట్‌లో మాత్రం చేరలేదు. అలాగే టీవీకే అధికారిక కూటమిలోనూ భాగం కాలేదు.ఇప్పుడు ఉప ఎన్నికల్లో మాత్రం టీవీకే అభ్యర్థులపై పోటీకి దిగుతున్నాయి. దీంతో ‘ప్రభుత్వానికి మద్దతు.. అభ్యర్థులకు వ్యతిరేకం’ అనే వామపక్షాల వైఖరి రాజకీయంగా ఆసక్తి రేపుతోంది. దీనిపై విమర్శలు వచ్చినా.. ఉప ఎన్నికలు ప్రభుత్వం మార్పు కోసం జరిగేవి కావని షణ్ముగం స్పష్టం చేశారు. ఎన్నికల్లో స్వతంత్రంగా పోటీ చేయడం తమ రాజకీయ నిర్ణయమని తెలిపారు.120 రోజుల పాలనపై ప్రచారంలోనే కౌంటర్‌ఉప ఎన్నికల ప్రచారాన్ని విజయ్‌ ప్రభుత్వంపై విమర్శలకు వేదికగా చేసుకుంటామని సీపీఎం ప్రకటించడం గమనార్హం. ప్రభుత్వ తొలి 120 రోజుల పాలన, ఆర్థిక విధానాలు, పరిపాలనా చర్యలు, అసెంబ్లీ పనితీరుపై తమ అభిప్రాయాలను ప్రజలకు వివరిస్తామని షణ్ముగం చెప్పారు. ముఖ్యంగా ‘నియో లిబరల్‌’ ఆర్థిక విధానాలపై తమ అభ్యంతరాలను ప్రచారంలో ప్రస్తావిస్తామన్నారు. అలాగే రాష్ట్రానికి పెట్టుబడులు తీసుకురావడంపై ప్రభుత్వం చేస్తున్న ప్రకటనల్లో పారదర్శకత ఉండాలని వామపక్షాలు ఇప్పటికే డిమాండ్‌ చేశాయి. విదేశీ పెట్టుబడులతో పాటు స్థానిక సూక్ష్మ, చిన్న, మధ్యతరహా పరిశ్రమలకు ప్రాధాన్యం ఇవ్వాలని కోరాయి.సచివాలయం విషయంలోనూ విభేదాలుచెన్నైలోని పట్టినప్పాక్కంలో కొత్త సచివాలయం, అసెంబ్లీ సముదాయం నిర్మించాలన్న ప్రభుత్వ ప్రతిపాదనపైనా వామపక్షాలు అభ్యంతరం వ్యక్తం చేస్తున్నాయి. ఈ నిర్ణయంపై మత్స్యకారుల జీవనోపాధి, పర్యావరణం, ట్రాఫిక్‌ తదితర అంశాలను ప్రస్తావిస్తూ ప్రత్యామ్నాయ స్థలాన్ని పరిశీలించాలని కోరాయి. అసెంబ్లీలో డీఎంకే అధినేత స్టాలిన్‌పై విజయ్‌ చేసిన వ్యాఖ్యలు, చేతి సైగలపైనా సీపీఎం గతంలో తీవ్రంగా స్పందించింది. సభను వ్యక్తిగత విమర్శలకు వేదికగా మార్చొద్దని షణ్ముగం సూచించారు.‘ఇది ప్రజలపై రుద్దిన ఎన్నిక’మదురాంతకం, ధారాపురం ఉప ఎన్నికలు ఎందుకు వచ్చాయన్న దానిపైనా వామపక్షాలు టీవీకేపై విమర్శలు గుప్పిస్తున్నాయి. 2026 ఎన్నికల్లో ఈ రెండు స్థానాల నుంచి అన్నాడీఎంకే తరఫున గెలిచిన ఎమ్మెల్యేలు కే. మరగతం కుమారవేల్‌, పి. సత్యబామలు ఆ తర్వాత రాజీనామా చేసి టీవీకేలో చేరారు. ఇప్పుడు అదే స్థానాల నుంచి టీవీకే అభ్యర్థులుగా బరిలోకి దిగుతున్నారు.ఎన్నికైన కొద్ది రోజులకే ఎమ్మెల్యేలు పార్టీ మారి రాజీనామా చేయడం ప్రజల తీర్పును అవమానించడమేనని సీపీఎం విమర్శించింది. ఈ పరిణామాల వల్లే ఉప ఎన్నికలు వచ్చాయని.. ఇవి సహజంగా వచ్చిన ఎన్నికలు కావని, ప్రజలపై రుద్దిన ఎన్నికలని షణ్ముగం వ్యాఖ్యానించారు. ఎమ్మెల్యేల పార్టీ మార్పు వెనుక ‘హార్స్‌ ట్రేడింగ్‌’ జరిగి ఉండొచ్చన్న అనుమానాన్ని కూడా వ్యక్తం చేశారు.రెండు సీట్లలో గెలిస్తే అసెంబ్లీలో ప్రజా సమస్యలపై తమ గొంతును మరింత బలంగా వినిపించవచ్చన్నది వామపక్షాల లెక్క. అందుకే ప్రభుత్వం విషయంలో విజయ్‌కు మద్దతు కొనసాగిస్తూనే.. ఎన్నికల విషయంలో మాత్రం టీవీకేను ఢీకొట్టాలని నిర్ణయించాయి. అంటే.. ప్రభుత్వం నిలబడేందుకు దోస్తీ.. తమ రాజకీయ బలం చాటుకునేందుకు కుస్తీ! ఇదే ఇప్పుడు తమిళనాడు ఉప ఎన్నికల్లో లెఫ్ట్‌ అనుసరిస్తున్న ‘ఇదేం స్ట్రాటజీ సోదరా?’ అనే ప్రశ్నకు అసలు సమాధానం.ఇదీ చదవండి: బిహార్‌లో బీజేపీకి ఝలక్‌

తమిళనాడు ముఖ్యమంత్రి విజయ్‌ యూకే పర్యటనపై డీఎంకే విమర్శలు చేసింది. తన స్నేహితుడు, సినీ హీరో అజిత్‌ కారు రేసును చూడటానికే విజయ్‌ లండన్ వెళ్లారని ఆరోపించింది. ఈ విమర్శలపై టీవీకే స్పందించింది. స్నేహితుడిని కలవడం తప్పేమీ కాదని స్పష్టం చేసింది. బ్రిటన్‌లోని సిల్వర్‌స్టోన్‌లో జరిగిన మిషెలిన్ లే మాన్స్ కప్ రేసును ప్రారంభించేందుకు విజయ్‌ సంప్రదాయ ఆకుపచ్చ జెండాను ఊపారు. అజిత్ కుమార్ 2026 ఛాంపియన్‌షిప్‌లో పాల్గొననున్నారు.“తమిళనాడు ముఖ్యమంత్రి విజయ్‌ లండన్‌లో ఉన్నారు. మనకు రైతుల సమస్య ఉంది, మత్స్యకారుల సమస్య ఉంది. రాష్ట్రవ్యాప్తంగా ఎన్నో సమస్యలు ఉన్నాయి. ఇప్పుడు పెట్టుబడులను ఆకర్షించేందుకు ఎలాంటి తొందర లేదు” అని డీఎంకే ఎమ్మెల్యే మార్కండేయన్ అన్నారు. తమిళనాడుకు విదేశీ పెట్టుబడులను ఆకర్షించడం, చెన్నై సమీపంలో ప్రతిపాదించిన మోటార్ స్పోర్ట్స్ సిటీ కోసం ప్రపంచస్థాయి క్రీడా సదుపాయాలను పరిశీలించడం కోసం విజయ్‌ బ్రిటన్‌లో అధికారిక పర్యటన చేస్తున్నారు.“వీళ్లకు ప్రచారం చేసుకోవడం, గొప్పగా చూపించుకోవడంపైనే ఆసక్తి ఉంది. కానీ మన ముఖ్యమంత్రి పని చేస్తున్నారు. మీరు పర్యటనలో ఉన్నప్పుడు మీ స్నేహితుడిని కలవడం తప్పేమీ కాదు. వాళ్లు అజిత్ గురించి మాట్లాడుతున్నారని నాకు తెలుసు. అజిత్ తమిళనాడులోనే కాదు, రేసింగ్ రంగంలో కూడా ఒక స్టార్” అని టీవీకే అధికార ప్రతినిధి అమెరికై వి. నారాయణన్ అన్నారు. “ఇప్పుడు తమిళనాడు ముఖ్యమంత్రి అజిత్ లాంటి వ్యక్తిని వెళ్లి కలిస్తే, అది తమిళనాడు బ్రాండ్ విలువను పెంచుతుంది. వాళ్లు మనపై అసూయతో ఉన్నారు. అందుకే ఇవన్నీ చేస్తున్నారు. ఈ చిన్న, అర్థంలేని మాటలతో మన దృష్టి మళ్లించుకోవాల్సిన అవసరం లేదు” అని ఆయన అన్నారు.విజయ్‌ బ్రిటన్ పర్యటనతమిళనాడు బలమైన ఆటోమొబైల్, విద్యుత్ వాహనాల తయారీ రంగాన్ని ఉపయోగించుకుని ప్రపంచస్థాయి మోటార్ స్పోర్ట్స్ సిటీని అభివృద్ధి చేయాలనే ప్రతిష్ఠాత్మక ప్రణాళికను ముందుకు తీసుకెళ్తున్న సమయంలో విజయ్‌ బ్రిటన్ పర్యటన సాగుతోంది. ప్రభుత్వం ప్రకారం, మోటార్ స్పోర్ట్స్ మౌలిక సదుపాయాలు, క్రీడా పర్యాటకం, ఈ రంగంతో అనుసంధానమైన ప్రత్యేక ఆటోమొబైల్ పరిశ్రమల అభివృద్ధికి ఉన్న అవకాశాలను పరిశీలించేందుకు ఈ పర్యటన ఉపయోగపడుతుంది.విజయ్‌-అజిత్‌ కలయికసిల్వర్‌స్టోన్ రేసింగ్ సర్క్యూట్‌లో విజయ్‌ తన స్నేహితుడు అజిత్ కుమార్‌ వైపు పరుగెత్తుకుంటూ వెళ్లి ఆలింగనం చేసుకున్న దృశ్యం కనిపించింది. మిషెలిన్ లే మాన్స్ కప్‌లో సిల్వర్‌స్టోన్ రౌండ్‌కు ముందు అజిత్ కుమార్‌ స్వయంగా ముఖ్యమంత్రి విజయ్‌కు వేదిక వద్ద స్వాగతం పలికారు.@actorvijay in action! 🎥Watch the full race LIVE and FREE on FIAWEC+ https://t.co/DYCHBX6lvB pic.twitter.com/12EgOUsYGy— Le Mans Cup (@LeMansCup) September 12, 2026 Ajith Kumar and Thalapathy Vijay looking effortlessly iconic together. What a moment. pic.twitter.com/camn5fuGhw— The XO Show ™ (@latenightxoshow) September 13, 2026

తమిళనాడు: వేలూరు కార్పొరేషన్‌ను హరిత నగరంగా మార్చేందుకు ప్రతి ఒక్కరూ సహకరించాలని నూతనంగా బాధ్యతలు చేపట్టిన కేతరిన్‌ శరణ్య అన్నారు. వేలూరు కమిషనర్‌గా పనిచేస్తున్న సుల్తానాను చెన్నైకి బదిలీ చేస్తూ రాష్ట్ర ప్రభుత్వం ఆదేశాలు జారీ చేసింది. అదే స్థానంలో సీనియర్‌ ఐఏఎస్‌ అధికారిగా పనిచేస్తున్న కేతరిన్‌ శరణ్యను నియమించారు. దీంతో శనివారం ఉదయం ఆమె వేలూరులో బాధ్యతలు చేపట్టారు. ఈ సందర్భంగా ఆమె విలేకరులతో మాట్లాడుతూ వేలూరు కార్పొరేషన్‌లోని సమస్యలను తెలుసుకొని వాటిని పరిష్కరించేందుకు అధిక ప్రాదాన్యత ఇస్తామన్నారు. అదే వి«ధంగా ప్రజల దాహర్తిని తీర్చేందుకు ప్రత్యేక ప్రాధాన్యత ఇస్తామన్నారు. కాగా కమిషనర్‌ కేతరీన్‌ శరణ్య వేలూరు ఎస్పీ శివరామన్‌ సతీమణి కావడం గమనార్హం. చదవండి: ఒకే జిల్లాలో ఐఏఎస్, ఐపీఎస్‌ దంపతులు

చెన్నై: తమిళనాడులో మరోసారి అధికార టీవీకే, డీఎంకే మధ్య మాటల యుద్ధం నడుస్తోంది. తమిళనాడులో కొత్త సచివాలయం, అసెంబ్లీ భవన సముదాయం నిర్మాణం విషయం రాజకీయ రగడకు కారణమవుతోంది. చెన్నైలోని పటినపాక్కంలో 25.55 ఎకరాల్లో రూ.1,200 కోట్ల అంచనా వ్యయంతో ప్రభుత్వం ప్రతిపాదించిన ఈ ప్రాజెక్టును డీఎంకే వ్యతిరేకించింది. అక్కడ సచివాలయం నిర్మిస్తే మత్స్యకారుల జీవనోపాధి దెబ్బతింటుందని ఆ పార్టీ ఎంపీ విల్సన్‌ స్పష్టం చేశారు. ఈ ప్రాంతంలో నిర్మాణాన్ని అనుమతించబోమని తేల్చిచెప్పారు.అయితే కొత్త స్థలం కోసం వెతకడం కంటే.. ఇప్పటికే ఉన్న ఓమందూరార్‌ ప్రభుత్వ సూపర్‌ స్పెషాలిటీ ఆస్పత్రి భవనాన్నే తిరిగి సచివాలయంగా మార్చాలని డీఎంకే సూచిస్తోంది. మాజీ సీఎం ఎం. కరుణానిధి హయాంలో ఈ భవనాన్ని సచివాలయం కోసమే నిర్మించారని, పెద్దగా మార్పులు చేయకుండానే చిన్నపాటి మరమ్మతులతో తిరిగి ఉపయోగించుకోవచ్చని విల్సన్‌ పేర్కొన్నారు. కరుణానిధి ప్రభుత్వం నిర్మించిన ఈ భవనాన్ని అనంతరం జయలలిత ప్రభుత్వం ఆస్పత్రిగా మార్చింది.12 గ్రామాల ఆందోళన..మరోవైపు పటినపాక్కంలో ప్రతిపాదిత నిర్మాణంపై స్థానిక మత్స్యకారుల నుంచి కూడా వ్యతిరేకత వ్యక్తమవుతోంది. సమీపంలోని 12 మత్స్యకార గ్రామాలకు చెందిన కుటుంబాలు ఆందోళనకు సిద్ధమవుతున్నాయి. పడవలు నిలపడం, వలలు బాగుచేయడం, చేపలు ఆరబెట్టడం, మార్కెట్లు నిర్వహించడం కోసం ఈ ప్రాంతాన్ని ఉపయోగిస్తున్నామని వారు చెబుతున్నారు. సచివాలయ నిర్మాణం జరిగితే సముద్రానికి తమ రాకపోకలు పరిమితం కావడంతో పాటు భవిష్యత్తులో జీవనోపాధి కోల్పోయే పరిస్థితి వస్తుందని ఆందోళన వ్యక్తం చేస్తున్నారు.ఈ అంశంపై డీఎంకే మాత్రమే కాకుండా ఇతర పార్టీల నుంచి కూడా అభ్యంతరాలు వ్యక్తమవుతున్నాయి. సీపీఎం రాష్ట్ర కార్యదర్శి పి. షణ్ముగం పనులను నిలిపివేసి, స్థల ఎంపికపై అఖిలపక్ష సమావేశం నిర్వహించాలని కోరారు. సీపీఐ రాష్ట్ర కార్యదర్శి ఎం. వీరపాండియన్‌ తీరప్రాంత పర్యావరణం, వరదలు, తుపాన్ల ముప్పును ప్రస్తావించారు. పీఎంకే అధ్యక్షుడు అన్బుమణి రామదాస్‌ కూడా కొత్త సచివాలయం వల్ల ట్రాఫిక్‌ సమస్యలు మరింత పెరిగే అవకాశం ఉందని పేర్కొంటూ.. చెన్నై వెలుపల ప్రత్యేక పరిపాలనా నగరాన్ని ఏర్పాటు చేయాలని సూచించారు.దీంతో రూ.1,200 కోట్ల కొత్త సచివాలయ ప్రాజెక్టు ఇప్పుడు స్థల వివాదంలో చిక్కుకుంది. మత్స్యకారుల అభ్యంతరాలు, ప్రతిపక్షాల డిమాండ్ల నేపథ్యంలో ప్రభుత్వం పటినపాక్కం ప్రతిపాదనపైనే ముందుకెళ్తుందా? లేక ఇప్పటికే ఉన్న ఓమందూరార్‌ భవనాన్ని తిరిగి సచివాలయంగా మార్చే ప్రత్యామ్నాయాన్ని పరిశీలిస్తుందా? అనేది ఆసక్తికరంగా మారింది.ఇదీ చదవండి: తన డ్యాన్స్‌ వీడియోపై కేరళం సీఎం విస్మయం

సాక్షి, చెన్నై: పరిచయం పెంచుకుని యువతిని మాయ మాటలతో నమ్మించాడు. పెళ్లి చేసుకుంటానని తీయని కబుర్లుచెప్పి గదికి తీసుకెళ్లి శీతలపానీయంలో మత్తు మందు కలిపి లైంగికదాడికి తెగబడ్డాడు. వీడియో చిత్రీకరించి పిలిచినప్పుడల్లా రావాలని బ్లాక్‌మెయిల్‌ చేశాడు. ఈ ఘటన తమిళనాడులోని తిరుప్పూర్‌లో శుక్రవారం జరిగింది. సేకరించిన వివరాల ప్రకారం.. ఒడిశాకు చెందిన 25 ఏళ్ల యువతి తిరుప్పూర్‌ జిల్లా మొదలిపాలయంలోని ఓ ప్రైవేట్‌ కంపెనీలో కుట్టుపని చేస్తోంది. అదే ప్రాంతంలో పనిచేస్తున్న బిహార్‌కు చెందిన వికాష్‌ కుమార్‌ యాదవ్‌ ఆమెను పరిచయం చేసుకున్నాడు. మాయమాటలతో నమ్మించాడు. పెళ్లి చేసుకుంటానని ఆశలు రేపాడు. ఈ పరిస్థితులలో పని ముగించుకుని శుక్రవారం సాయంత్రం తన కోసం వచ్చిన యువతిని వికాష్‌ కుమార్‌ తన గదికి తీసుకెళ్లాడు. ఆమెకు తెలియకుండా శీతల పానీయంలో మత్తుమందు కలిపి ఇచ్చాడు. అది తాగిన యువతి స్పృహ కోల్పోవడంతో ఆమెపై లైంగిక దాడికి పాల్పడ్డాడు. ఆ దృశ్యాలను తన సెల్‌ఫోన్‌లో వీడియోగా చిత్రీకరించి, ఫోటోలూ తీశాడు. స్పృహలోకి వచ్చిన తర్వాత యువతి ఆందోళన చెంది తనను పెళ్లి చేసుకోవాలని వేడుకోవడంతో తనకు అప్పటికే పెళ్లయినట్టు చెప్పాడు. తను తీసిన చిత్రాలను ఆమెకు చూపి ఇక, తాను పిలిచినప్పుడల్లా రావాలని హెచ్చరించి పంపాడు. ఎవరికైనా చెబితే ఆ వీడియోను సోషల్‌ మీడియాలో వైరల్‌ చేసి పరువు తీస్తానని బెదిరించాడు. అంతే కాకుండా ఆ వీడియోను తన బంధువు ఒకరికి అతడు పంపించి పైశాచికానందం పొందాడు. దీంతో ఆ యువతి తిరుప్పూర్‌ పోలీసులను శనివారం ఆశ్రయించింది. కాంగేయం ఆల్‌ ఉమెన్‌ పోలీసులు తక్షణం రంగంలోకి దిగి వికాష్‌కుమార్‌యాదవ్‌ను అరెస్టు చేశారు. అతడి ఫోన్‌ను పరిశీలించగా అందులో ఆయువతితో గడిపిన వీడియోలతో పాటుగా మరికొన్ని అశ్లీల వీడియోలు బయటపడ్డాయి. నిందితుడు మరెవరినైనా ఈ తరహాలో వేధించాడా? అన్న అనుమానంతో విచారణ జరుపుతున్నారు.

తమిళనాడు రాజకీయాల్లో వేడి పెరిగింది.. విజయ్‌ ప్రభుత్వానికి తొలి పరీక్ష ఎదురైంది. టీవీకే అధికారంలోకి వచ్చిన తర్వాత తొలిసారి బైపోల్‌ బరిలోకి దిగింది. ఇప్పటి వరకు అన్నాడీఎంకేకు కంచుకోటలుగా ఉన్న రెండు నియోజకవర్గాల్లో టీవీకే.. మాజీ అన్నాడీఎంకే ఎమ్మెల్యేలనే తమ అభ్యర్థులుగా ప్రకటించింది. దీంతో విజయ్‌ వర్సెస్‌ స్టాలిన్‌ పోరుకు.. అన్నాడీఎంకే కౌంటర్‌తో ముక్కోణపు యుద్ధం మొదలైంది. అక్టోబర్‌ 6న జరగనున్న ఈ రెండు ఉపఎన్నికలు ఎవరి బలమెంతో తేల్చడమే కాదు.. విజయ్‌ కొత్త ప్రభుత్వానికి ప్రజల్లో ఉన్న ఆదరణకు తొలి సంకేతంగా మారే అవకాశముంది.అక్టోబర్‌ 6న తమిళనాడులో జరగనున్న రెండు అసెంబ్లీ ఉపఎన్నికలకు టీవీకే అధినేత, సీఎం విజయ్‌ అభ్యర్థులను ప్రకటించారు. మదురాంతకం నుంచి మాజీ అన్నాడీఎంకే ఎమ్మెల్యే కె. మరగతం కుమారవేల్‌, ధారాపురం నుంచి మాజీ ఎమ్మెల్యే పి. సత్యబామను బరిలోకి దింపారు. ఇద్దరూ ఏప్రిల్‌ 23 అసెంబ్లీ ఎన్నికల్లో అన్నాడీఎంకే తరఫున గెలిచి, ఆ తర్వాత ఎమ్మెల్యే పదవులకు రాజీనామా చేసి టీవీకేలో చేరడంతో ఈ రెండు స్థానాలు ఖాళీ అయ్యాయి.త్రిముఖ పోరు తప్పదా?ఈ రెండు నియోజకవర్గాలు అన్నాడీఎంకేకు బలమైన స్థానాలుగా పరిగణిస్తుండటంతో.. ఇప్పుడు అక్కడ టీవీకే, డీఎంకేతో పాటు అన్నాడీఎంకే కూడా బరిలోకి దిగడంతో త్రిముఖ పోరు నెలకొంది. మదురాంతకంలో డీఎంకే తరఫున మాజీ ఎమ్మెల్యే ఐ. పరందామన్‌, ధారాపురంలో ఎస్‌. సుగన్య పోటీ చేస్తున్నారు. అన్నాడీఎంకే మదురాంతకంలో మాజీ ఎమ్మెల్యే కనిత సంపత్‌, ధారాపురంలో కె. బానుమతిని అభ్యర్థులుగా ప్రకటించింది. అయితే ఈ ఉపఎన్నికలు విజయ్‌ ప్రభుత్వానికి కీలక పరీక్షగా మారనున్నాయి. ఏప్రిల్‌ ఎన్నికల్లో అధికారాన్ని కైవసం చేసుకున్న తర్వాత టీవీకే ఎదుర్కొంటున్న తొలి ఎన్నికల పోరు ఇదే కావడంతో.. ఈ రెండు ఫలితాలపై రాజకీయ వర్గాల్లో ఆసక్తి నెలకొంది. ఇప్పటికే విజయ్‌ ఈ ఉపఎన్నికలను కాంగ్రెస్‌, ఎండీఎంకేతో కూడిన ‘సెక్యులర్ సోషల్ జస్టిస్ విక్టరీ ఫ్రంట్‌’ కూటమి పేరుతో ఎదుర్కోనున్నట్లు ప్రకటించారు.డీఎంకే, అన్నాడీఎంకే ఫుల్‌ ఫోకస్‌..తమకు ఇప్పటికే ఉన్న వ్యక్తిగత ఓటు బ్యాంకు, నియోజకవర్గాల్లో పరిచయం ఉన్న నాయకత్వం కలిసి పనిచేస్తుందని టీవీకే అంచనా వేస్తోంది. మదురాంతకం అభ్యర్థి మరగతం కుమారవేల్‌ కూడా విజయంపై ధీమా వ్యక్తం చేశారు. విజయ్‌ ప్రభుత్వం వంద రోజుల పాలనలో సాధించిన అంశాలను ప్రజల్లోకి తీసుకెళ్లి విజయం సాధిస్తామని చెప్పారు. మరోవైపు.. అన్నాడీఎంకే తన బలమైన స్థానాలను తిరిగి నిలబెట్టుకోవాలని చూస్తుండగా, అధికార టీవీకేను నిలువరించేందుకు డీఎంకే కూడా గట్టిగానే పోరాడుతోంది. టీవీకే ఎదుగుదలను అడ్డుకోవడమే డీఎంకేకి ప్రధాన రాజకీయ సవాల్‌గా కనిపిస్తోంది. ఇందులో భాగంగా మదురాంతకం, ధారాపురం రెండింటిలోనూ డీఎంకే అభ్యర్థులను ముందుగానే ప్రకటించి పోరుకు తెరతీసింది. ఇదిలా ఉండగా.. మదురాంతకంలో 2026 అసెంబ్లీ ఎన్నికల్లో డీఎంకే మూడో స్థానంలో నిలిచింది. ఇప్పుడు అదే స్థానంలో బలాన్ని పెంచుకోవడం స్టాలిన్‌ పార్టీకి పెద్ద సవాల్‌గా ఉంది. ఇక, విజయ్‌ ప్రభుత్వానికి ఈ రెండు బైపోల్స్‌ తొలి రాజకీయ పరీక్షగా మారాయి. రెండు స్థానాలకు సంబంధించి అక్టోబర్‌ 6న పోలింగ్ జరగనుండగా అక్టోబర్‌ 9న ఓట్ల లెక్కింపు జరగనుంది.ఇదీ చదవండి: తమిళనాట సంచలనం.. స్టాలిన్‌కు పళని బిగ్‌ ఆఫర్‌

చెన్నై: తమిళనాడు రాజకీయాల్లో ‘దవడ’ వివాదం ఇంకా సద్దుమణగలేదు. ఎంకే స్టాలిన్ దవడ గాయాన్ని సీఎం విజయ్‌ ఎగతాళి చేశారంటూ రచ్చ జరుగుతున్న సంగతి తెలిసిందే. ఈ క్రమంలో ఏఎంఎంకే అధినేత టీటీవీ దినకరన్ సంచలన వ్యాఖ్యలు చేశారు. విజయ్ సినిమాల్లోనే హీరో.. నిజ జీవితంలో పెద్ద విలన్” అంటూ తీవ్రస్థాయిలో విరుచుకుపడ్డారు. డీఎంకే నేతల కంటే తీవ్రంగా స్పందించిన దినకరన్.. విజయ్‌ను స్వార్థపరుడిగా అభివర్ణించారు. తన సొంత ప్రయోజనాల కోసం ఎవరినైనా బలి చేస్తారంటూ మండిపడ్డారు.విజయ్‌ పార్టీ టీవీకే అధికారంలో వచ్చిన తర్వాత తమిళనాడు రాజకీయ వాతావరణం వ్యక్తిగత విమర్శలకు కేంద్ర బిందువుగా మారింది. ప్రతిపక్షాలు, ముఖ్యంగా ఎంకే స్టాలిన్‌ కుమారుడు ఉదయనిధి స్టాలిన్.. నటి త్రిషతో విజయ్‌కు ఉన్న సంబంధాన్ని అడ్డం పెట్టుకుని ఆయన్ని కార్నర్ చేయడానికి ప్రయత్నించగా.. ముఖ్యమంత్రి మాత్రం డీఎంకే చీఫ్‌కు 1976లో జైలు శిక్ష అనుభవిస్తున్న సమయంలో తగిలిన దవడ గాయాన్ని ఎగతాళి చేశారనే ఆరోపణలు వచ్చాయి.సెప్టెంబర్‌ 7న తమిళనాడు అసెంబ్లీ వేదికగా ప్రతిపక్ష డీఎంకే అవినీతిపై ఆయన విమర్శలు గుప్పిస్తూ ఇచ్చిన బాడీ లాంగ్వేజ్ సైగ.. రాష్ట్ర రాజకీయాల్లో తీవ్ర దుమారం రేగింది. అసెంబ్లీ సమావేశంలో డీఎంకే అధినేత ఎంకే స్టాలిన్ గతంలో ఎమర్జెన్సీ కాలంలో ఎదుర్కొన్న ఇబ్బందులు, నిర్బంధం గురించి ప్రస్తావిస్తున్న సమయంలో విజయ్ తన దవడను తాకుతూ ఒక రకమైన సైగ చేశారు. విజయ్ చేసిన ఈ బాడీ లాంగ్వేజ్ సైగ.. ఎమర్జెన్సీ (1975-77) కాలంలో ‘మీసా’ చట్టం కింద అరెస్టై, పోలీస్ కస్టడీలో దాడికి గురై దవడ గాయపడిన ఎంకే స్టాలిన్‌ను అపహాస్యం చేసేలా ఉందని డీఎంకే పార్టీ తీవ్ర ఆగ్రహం వ్యక్తం చేసింది.విజయ్‌పై విమర్శలు గుప్పించిన ఎంకే స్టాలిన్‌.. అదే సమయంలో తన దవడకు గాయం ఎలా జరిగిందో వివరించారు. 1975-77 మధ్య అమలైన ఎమర్జెన్సీ సమయంలో కరుణానిధి నేతృత్వంలోని డీఎంకే ప్రభుత్వం రద్దయిన తర్వాత 1976లో తాను అరెస్టయిన విషయాన్ని స్టాలిన్ గుర్తుచేసుకున్నారు. జైలులో మేము ఎన్నో రకాల వేధింపులు ఎదుర్కొన్నాం. మమ్మల్ని కుష్ఠు రోగులతో కలిసి ఉంచారు. పది మందిని ఒక చిన్న గదిలో బంధించారు. ఆ గదిలో ఒకే ఒక మూత్రశాల ఉండేది. చుట్టూ దుర్వాసన ఉన్నప్పటికీ అక్కడే నిద్రించాల్సి వచ్చేదంటూ స్టాలిన్ తెలిపారు.పోలీసులు రాత్రిళ్లు మమ్మల్ని నిద్రపోనివ్వలేదు. లాఠీలతో కొట్టేవారు. జీవిత ఖైదు అనుభవిస్తున్న ఖైదీలతో కూడా మమ్మల్ని కొట్టించారు. నాతో పాటు జైలులో ఉన్న ఎంపీ చిట్టిబాబు అక్కడే మరణించారు. ఆ దాడిలో నా దవడ ఎముక విరిగింది” అని చెప్పారు. విజయ్ తాను ఆ హావభావం చేయలేదన్న వివరణను స్టాలిన్ తోసిపుచ్చారు.ఇదీ చదవండి: తమిళనాడులో భగ్గుమన్న ‘దవడ’ రాజకీయం

చెన్నై: తమిళనాడు రాజకీయాల్లో ఆసక్తికర పరిణామం చోటుచేసుకుంది. తమిళనాడులో కొత్త సమీకరణాలపై ఉత్కంఠ పెరుగుతోంది. సీఎం విజయ్‌ నేతృత్వంలోని టీవీకేకు చెక్‌ పెట్టేందుకు ప్రత్యర్థి డీఎంకేతో చేతులు కలిపేందుకు తాము సిద్ధమంటూ అన్నాడీఎంకే ప్రధాన కార్యదర్శి, మాజీ సీఎం ఎడప్పాడి కె. పళనిస్వామి (ఈపీఎస్‌) సంచలన వ్యాఖ్యలు చేశారు. టీవీకేకు వ్యతిరేకంగా తమ కూటమిలోకి ఇతర పార్టీలు వస్తే స్వాగతిస్తామని చెప్పిన ఆయన.. ‘డీఎంకే వస్తుందా?’ అంటూ ఆ పార్టీకి నేరుగా సవాల్‌ విసిరారు.టీవీకేకు వ్యతిరేకంగా కూటమి ఏర్పడుతోందా అని మీడియా ప్రశ్నించగా.. తాము కూడా టీవీకేకు వ్యతిరేకమేనని ఈపీఎస్‌ స్పష్టం చేశారు. తమ కూటమి ఇప్పటికే ఉన్న విధంగానే కొనసాగుతుందని, ఇతర పార్టీలు చేరాలనుకుంటే ఆహ్వానిస్తామని చెప్పారు. అదే సమయంలో ‘డీఎంకే వస్తుందా?’ అంటూ ప్రశ్నించడం తమిళనాడు రాజకీయాల్లో చర్చకు దారితీసింది. దీంతో రాష్ట్ర రాజకీయాల్లో టీవీకే నేతృత్వంలోని కూటమి, డీఎంకే నేతృత్వంలోని ఫ్రంట్‌, అన్నాడీఎంకే నేతృత్వంలోని కూటమి మధ్య పోటీ మరింత ఆసక్తికరంగా మారే పరిస్థితి కనిపిస్తోంది.మరోవైపు విజయ్‌ ప్రభుత్వంపై ఈపీఎస్‌ తీవ్ర విమర్శలు చేశారు. అవినీతి, ధరల పెరుగుదల, శాంతిభద్రతలు, డ్రగ్స్‌ సమస్య, రైతుల ఇబ్బందులను ప్రభుత్వం పరిష్కరించడంలో విఫలమైందని ఆరోపించారు. అసెంబ్లీలో ప్రతిపక్షాలు లేవనెత్తుతున్న ప్రశ్నలకు సీఎం విజయ్‌ నేరుగా సమాధానం ఇవ్వడం లేదని విమర్శించారు.ఇప్పటికే అసెంబ్లీ వేదికగా విజయ్‌, డీఎంకే మధ్య మాటల యుద్ధం తీవ్రంగా సాగుతోంది. మాజీ డీఎంకే ప్రభుత్వంపై విజయ్‌ అవినీతి ఆరోపణలు చేయడంతో డీఎంకే సభ్యులు నిరసనకు దిగారు. ఈ నేపథ్యంలో ఇప్పుడు ఈపీఎస్‌ డీఎంకేతో కలిసి టీవీకేకు వ్యతిరేకంగా పోరాటానికి సిద్ధమంటూ సంకేతాలు ఇవ్వడం తమిళనాడు రాజకీయాల్లో కొత్త చర్చకు తెరతీసింది. ఇక, విజయ్‌ కూటమి బలం పెంచుకుంటున్న వేళ.. పాత ప్రత్యర్థులైన డీఎంకే-అన్నాడీఎంకే ఒకే వేదికపైకి వస్తాయా? ఈపీఎస్‌ వ్యాఖ్యలు నిజంగా పొత్తుకు సంకేతాలా? అన్నది ఇప్పుడు హాట్‌టాపిక్‌గా మారింది.ఇదీ చదవండి: తమ్ముడు విజయ్‌.. నువ్వుచెప్పింది కరెక్టే: స్టాలిన్‌

సాక్షి, చెన్నై : తమిళనాడు ఐఏఎస్‌ అధికారుల బదిలీల్లో భాగం ఒక ఆసక్తికర పరిణామం చోటుచేసుకుంది. ఒకే జిల్లాలో భార్యాభర్తలిద్దరూ కీలకమైన ఐఏఎస్, ఐపీఎస్‌ హోదాల్లో బాధ్యతలు నిర్వర్తిస్తున్నారు. తమిళనాడు ప్రభుత్వం 14 మంది ఐఏఎస్‌ అధికారులను బదిలీ చేసింది. ఇందులో భాగంగా సిప్‌కాట్‌ ఎగ్జిక్యూటివ్‌ డైరెక్టర్‌గా పనిచేస్తున్న ఐఏఎస్‌ అధికారిణి కేథరీన్‌ శరణ్యను వేలూరు మున్సిపల్‌ కార్పొరేషన్‌ కమిషనర్‌గా నియమించారు. ఈమె బుధవారం బాధ్యతలు స్వీకరించారు. కాగా, కేథరీన్‌ శరణ్య భర్త శివరామన్‌ ఇప్పటికే వెలూరు జిల్లా జిల్లా సూపరింటెండెంట్‌ ఆఫ్‌ పోలీస్‌ (ఎస్పీ)గా పనిచేస్తున్నారు. ఫిబ్రవరిలో ఆయన వెల్లూరు ఎస్పీగా బాధ్యతలు స్వీకరించారు. ఇప్పుడు ఆయన భార్య కూడా అదే జిల్లాకు కార్పొరేషన్‌ కమిషనర్‌గా రావడం విశేషం. తొలి మహిళా కమిషనర్‌ రికార్డు 2008లో వెల్లూరు మున్సిపాలిటీని కార్పొరేషన్‌గా హోదా పెంచిన తర్వాత, మున్సిపల్‌ కార్పొరేషన్‌కు కమిషనర్‌గా బాధ్యతలు స్వీకరిస్తున్న తొలి మహిళా అధికారిగా కేథరీన్‌ శరణ్య రికార్డు సృష్టించారు. చదవండి: ఐఏఎస్, ఐపీఎస్‌లుగా రైతు బిడ్డలు

తమిళనాడు రాజకీయాల్లో కొత్త కూటమి ఆవిర్భవించింది. అధికారంలో ఉన్న తమిళగ వెట్రి కళగం (టీవీకే) నేతృత్వంలోని కూటమికి ‘సెక్యులర్‌ సోషల్‌ జస్టిస్‌ విక్టరీ అలయన్స్‌’గా పేరు ఖరారైంది. ముఖ్యమంత్రి, టీవీకే అధినేత విజయ్‌ అధ్యక్షతన బుధవారం చెన్నైలోని పనైయూర్‌లో జరిగిన సమన్వయ సమావేశంలో ఈ నిర్ణయం తీసుకున్నారు.సెక్యులర్‌ సోషల్‌ జస్టిస్‌ విక్టరీ కూటమిలో టీవీకేతో పాటు కాంగ్రెస్‌, వీసీకే, ఎండీఎంకే, ఇండియన్‌ యూనియన్‌ ముస్లిం లీగ్‌ ఉన్నాయి. కూటమి పేరులోనే మత సామరస్యం, సామాజిక న్యాయం, విజయ్‌ రాజకీయ గుర్తింపు కనిపించేలా రూపొందించడం ఇప్పుడు చర్చనీయాంశంగా మారింది. కూటమి నాయకత్వం విజయ్‌దే అని నేతలు స్పష్టం చేశారు.వీసీకే నేత ఎస్‌ఎస్‌ బాలాజీ మాట్లాడుతూ.. ఈ పేరు విజయ్‌ ఆలోచన నుంచి వచ్చిందని తెలిపారు. బీజేపీ, ‘ఫాసిస్టు శక్తులకు’ వ్యతిరేకంగా కూటమి పనిచేస్తుందనే విషయాన్ని పేరు స్పష్టం చేస్తుందని చెప్పారు. టీవీకే బీజేపీ పట్ల మెతక వైఖరి అవలంబిస్తోందన్న విమర్శలకు కూడా దీనితో స్పష్టత వస్తుందని వ్యాఖ్యానించారు.కాంగ్రెస్‌తో విభేదాల్లేవ్‌..ఇటీవల ‘విజయ్‌ ఫర్‌ పీఎం’ అంటూ టీవీకే వర్గాల్లో వినిపిస్తున్న నినాదాలపై కాంగ్రెస్‌లో అసంతృప్తి వ్యక్తమైన నేపథ్యంలో ఈ సమావేశానికి ప్రాధాన్యం ఏర్పడింది. అయితే టీఎన్‌సీసీ అధ్యక్షుడు బి.మాణిక్కం ఠాగూర్‌ మాత్రం టీవీకే, కాంగ్రెస్‌ మధ్య ఎలాంటి అభిప్రాయ భేదాలు లేవని చెప్పారు. సరైన సమయంలో కూటమి ప్రధానమంత్రి అభ్యర్థికి మద్దతు ఇస్తామని తెలిపారు. విజయ్‌ను ప్రధాని అభ్యర్థిగా ప్రకటించాలనే డిమాండ్లు పెరగడం కాంగ్రెస్‌కు ఇబ్బందికరంగా మారిన నేపథ్యంలో ఈ వ్యాఖ్యలు ప్రాధాన్యం సంతరించుకున్నాయి.కూటమి జాతీయ స్థాయిలో ఇండియా బ్లాక్‌లో చేరుతుందా? అనే ప్రశ్నకు వీసీకే నేత బాలాజీ ఆసక్తికర సమాధానం ఇచ్చారు. టీవీకేకు ప్రస్తుతం ఎంపీలు లేరని, పార్లమెంట్‌లో ప్రాతినిధ్యం వచ్చిన తర్వాత ఇండియా కూటమిలో చేరే అంశం ఉంటుందని చెప్పారు. దీంతో రాష్ట్ర రాజకీయాలకే పరిమితం కాకుండా భవిష్యత్తులో జాతీయ రాజకీయాల వైపు కూడా విజయ్‌ అడుగులు వేయనున్నారా? అన్న చర్చ మొదలైంది.వామపక్షాలు మాత్రం దూరం..కూటమి ఏర్పాటులో మరో కీలక అంశం వామపక్ష పార్టీల గైర్హాజరు. సీపీఐ, సీపీఎం నేతలు సమావేశానికి హాజరు కాలేదు. ప్రభుత్వం ఏర్పాటు సమయంలో టీవీకేకు వామపక్షాలు మద్దతు ఇచ్చినప్పటికీ.. తాజా కూటమి సమావేశానికి మాత్రం దూరంగా ఉన్నాయి. అయితే టీవీకే నేత ఆధవ్‌ అర్జునా కమ్యూనిస్టు పార్టీలు త్వరలోనే కూటమిలో చేరతాయని ఆశాభావం వ్యక్తం చేశారు.ఇదిలా ఉంటే, కూటమి తన రాజకీయ ప్రయాణాన్ని రాబోయే ఉప ఎన్నికలతో ప్రారంభించనుంది. అభ్యర్థుల ప్రకటన త్వరలో ఉంటుందని నాయకులు తెలిపారు. కూటమి భవిష్యత్‌ నిర్మాణం, కామన్‌ మినిమమ్‌ ప్రోగ్రామ్‌, స్టీరింగ్‌ కమిటీ వంటి అంశాలపైనా సమావేశంలో చర్చించారు.టీవీకే 2026 అసెంబ్లీ ఎన్నికల అనంతరం అతిపెద్ద పార్టీగా అవతరించి ప్రభుత్వాన్ని ఏర్పాటు చేయడం తమిళనాడు రాజకీయాల్లో కీలక మలుపుగా మారింది. ఇప్పుడు కాంగ్రెస్‌, వీసీకే, ఎండీఎంకే, ఐయూఎంఎల్‌తో కలిసి అధికార కూటమికి అధికారిక రూపం ఇచ్చింది. మరోవైపు డీఎంకే నేతృత్వంలోని కూటమి, అన్నాడీఎంకే నేతృత్వంలోని కూటములకు ప్రత్యామ్నాయంగా ఈ కొత్త ఫ్రంట్‌ నిలవనుంది. రాబోయే ఉప ఎన్నికల్లో ఈ మూడు శక్తుల మధ్య పోటీకి ఇది వేదిక కానుంది. అయితే విజయ్‌ నేతృత్వంలోని ఈ కూటమి ఎన్నికల కూటమిగానే కొనసాగుతుందా? లేదంటే తమిళనాడు రాజకీయాల్లో దీర్ఘకాలిక ప్రత్యామ్నాయ శక్తిగా ఎదుగుతుందా? అన్నదే ఇప్పుడు ఆసక్తికరంగా మారింది.ఇదీ చదవండి: గెట్‌ రెడీ ఫర్‌ సీబీఐ రైడ్స్‌!

సాక్షి,చెన్నై: తమిళనాడు సీఎం విజయ్‌ తన ప్రజారంజక పరిపాలనతో దూసుకుపోతున్నారు. ప్రజాభిష్టమైన నిర్ణయాలతో ప్రశంసలు అందుకుంటూ ప్రతిపక్షాలకు ముచ్చెమటలు పట్టిస్తున్నారు. ఒకవైపు తన ధారాళమైన వాగ్ధాటితో టీవీకే శ్రేణుల్లో జోష్ నింపుతుండగా.. మరోవైపు తన హావభావాలతో ఎమర్జెన్సీ రోజుల్ని గుర్తుచేస్తూ ప్రత్యర్థులను ఇరుకున పెడుతున్నారు. తాజాగా సెప్టెంబర్‌ 7న తమిళనాడు అసెంబ్లీ వేదికగా ప్రతిపక్ష డీఎంకే అవినీతిపై ఆయన విమర్శలు గుప్పిస్తూ ఇచ్చిన ఓ ‘ఫోజు’ ఇప్పుడు రాష్ట్ర రాజకీయాల్లో తీవ్ర దుమారానికి దారి తీసింది.అసెంబ్లీ సమావేశంలో డీఎంకే అధినేత, ప్రతిపక్ష నేత ఎంకే స్టాలిన్ గతంలో ఎమర్జెన్సీ కాలంలో ఎదుర్కొన్న ఇబ్బందులు, నిర్బంధం గురించి ప్రస్తావిస్తున్న సమయంలో విజయ్ తన దవడను తాకుతూ ఒక రకమైన సైగ చేశారు. విజయ్ చేసిన ఈ బాడీ లాంగ్వేజ్ సైగ.. ఎమర్జెన్సీ (1975-77) కాలంలో ‘మీసా’ చట్టం కింద అరెస్టై, పోలీస్ కస్టడీలో దాడికి గురై దవడ గాయపడిన ఎంకే స్టాలిన్‌ను అపహాస్యం చేసేలా ఉందని డీఎంకే పార్టీ తీవ్రంగా మండిపడింది. స్టాలిన్ ముఖంపై ఉన్న ఆ మచ్చ కేవలం ఒక గాయం కాదని, ప్రజాస్వామ్య హక్కుల కోసం పోరాడిన ఒక యోధుడి త్యాగానికి ప్రతీక అని డీఎంకే నేతలు అభివర్ణించారు.1976 జనవరి 31న నాటి సీఎం కరుణానిధి ప్రభుత్వాన్ని కేంద్ర ప్రభుత్వం బర్తరఫ్‌ చేసింది. ఆ సమయంలో యువ డీఎంకే నేతగా ఉన్న ఎంకే స్టాలిన్‌ను అరెస్ట్ చేసి చెన్నై సెంట్రల్ జైలుకు తరలించారు. జైలులో ఆయన అధికారుల దాడికి గురయ్యారని, ఆ దెబ్బల వల్లే ఆయన దవడ గాయపడిందని డీఎంకే వర్గాలు చెబుతుంటాయి. అప్పటి నుంచి ఆ సంఘటన స్టాలిన్ రాజకీయ జీవితంలో ఒక కీలకమైన మైలురాయిగా నిలిచింది.ఈ వివాదం పెద్దది కావడంతో సీఎం విజయ్ స్పందించారు. అసెంబ్లీలో తాను చేసిన ఆ సైగ ఎవరినీ కించపరిచేలా ఉద్దేశపూర్వకంగా చేసింది కాదని, ప్రసంగంలో భాగంగా సాధారణంగా వచ్చిందే తప్ప అందులో ఎలాంటి దుర్బుద్ధి లేదని ఆయన ఎక్స్‌ వేదికగా స్పష్టం చేశారు. ఎవరినీ నొప్పించాలనే ఉద్దేశం తనకు లేదని ఆయన పేర్కొన్నారు. అయినప్పటికీ, ఈ అంశంపై అసెంబ్లీలో అధికార, ప్రతిపక్షాల మధ్య తీవ్ర వాగ్వాదం జరగడం, డీఎంకే సభ్యులు నిరసన తెలపడం తమిళనాడు రాజకీయాల్లో హాట్ టాపిక్‌గా మారింది.మీసా చట్టం అంటేమీసా (MISA - Maintenance of Internal Security Act) దేశంలో అత్యంత వివాదాస్పదమైన చట్టం. దీన్ని భారత పార్లమెంటు 1971లో ఆమోదించింది. దేశంలో అంతర్గత భద్రతను కాపాడటం, శాంతిభద్రతలకు భంగం కలిగించే వారిని కట్టడి చేయడం ఈ చట్టం ఉద్దేశం అని అప్పట్లో ప్రభుత్వం పేర్కొంది. 1975 నుండి 1977 వరకు దేశంలో ఇందిరా గాంధీ ప్రభుత్వం విధించిన అత్యవసర పరిస్థితి కాలంలో ఈ చట్టాన్ని అత్యంత దారుణంగా దుర్వినియోగం చేశారు.ఈ చట్టం కింద ఎవరినైనా సరే, ఎలాంటి వారెంట్ లేకుండా, విచారణ లేకుండా, కోర్టులో ప్రవేశపెట్టకుండా నెలల తరబడి లేదా సంవత్సరాల తరబడి జైల్లో నిర్బంధించవచ్చు. అరెస్టుకు అసలు కారణం కూడా చెప్పాల్సిన అవసరం ఉండేది కాదు. దీనిపై కోర్టులను ఆశ్రయించే హక్కు కూడా అప్పట్లో ఉండేది కాదు.ఎమర్జెన్సీ వ్యతిరేక పోరాటంలో భాగంగా అప్పట్లో అటల్ బిహారీ వాజ్‌పేయి, ఎల​్‌కే అద్వానీ, జార్జ్ ఫెర్నాండెజ్ వంటి జాతీయ స్థాయి నాయకులతో పాటు, తమిళనాడులో ఎంకే స్టాలిన్ వంటి యువ రాజకీయ నాయకులు కూడా ఈ మీసా చట్టం కిందనే అరెస్టయి జైలు శిక్ష అనుభవించారు

సాక్షి, చెన్నై: చెన్నై మెరీనా తీరంలోని పట్టినంబాక్కంలో 25 ఎకరాల విస్తీర్ణంలో బ్రహ్మాండ సచివాలయం, అసెంబ్లీ భవన్‌ రూపుదిద్దుకోనున్నది. ఇందుకు సంబంధించిన కసరత్తులు మొదలయ్యాయి. బ్రిటిష్‌ కాలంలో నిర్మించిన చారిత్రాత్మక సెయింట్‌ జార్జ్‌ కోట భవనంలో ప్రస్తుతం తమిళనాడు ప్రభుత్వ సచివాలయం, శాసనసభ కొనసాగుతున్నాయి. అక్కడ తీవ్రమైన వాహనాల రద్దీ, పార్కింగ్‌ ఇబ్బందులు ప్రజల రద్దీ పెరిగిన నేపథ్యంలో చెన్నై పట్టినంబాక్కంలో కొత్త సచివాలయాన్ని నిర్మించడానికి సన్నాహాలు శరవేగంగా జరుగుతున్నాయి. బ్రహ్మాండ భవనంగా.. రూ.1,200 కోట్ల అంచనా వ్యయంతో 25 ఎకరాల విస్తీర్ణంలో ఈ కొత్త సచివాలయం, శాసనసభ సముదాయాన్ని నిర్మించనున్నారు. ఇందులో ప్రధాన భవనాన్ని 20 లక్షల చదరపు అడుగుల వైశాల్యంతో, 15 అంతస్తుల ఎత్తులో అత్యంత అధునాతనంగా రూపొందించనున్నారు. గిండిలోని హైవేస్‌ రీసెర్చ్‌ ఇన్‌స్టిట్యూట్, నందంబాక్కం ఫిన్‌టెక్‌ సిటీ ఎదురుగా ఉన్న భూములను పరిశీలించిన అనంతరం,పట్టినంబాక్కంలోని 25 ఎకరాల భూమిని ఈ నిర్మాణాలకు ప్రభుత్వం ఆమోదించింది. శాంతోమ్‌ ప్రధాన రహదారిని అనుసంధానించే ఈ స్థలం తమిళనాడు హౌసింగ్‌ బోర్డు పరిధిలోకి వస్తుంది. ఇక్కడ చదరపు అడుగు మార్కెట్‌ మార్గదర్శక విలువ రూ.22,000 కాగా, మొత్తం భూమి అంచనా విలువ సుమారు రూ.2,047 కోట్లుగాపరిగణించి ఉన్నారు. అనుమతుల మంజూరు మైలాపూర్, పట్టినం బాక్కం పరిధిలోని 21.37 ఎకరాల హౌసింగ్‌ బోర్డ్‌ భూమిని ప్రజా ప్రయోజనాల సచివాలయ నిర్మాణానికి ఉపయోగించేందుకు తమిళనాడు హౌసింగ్‌ బోర్డు అనుమతి ఇచ్చింది. అలాగే మిగిలిన భూమి, రోడ్ల వినియోగానికి చెన్నై కార్పొరేషన్‌ కమిషనర్, రెవెన్యూ శాఖలు కూడా ఆమోదం తెలిపాయి. 1958లో సేకరించిన ఈ స్థలంలో గతంలో నిర్మించి ప్రస్తుతం శిథిలావస్థకు చేరిన క్వార్టర్స్‌ భవనాలను కూల్చివేసి స్థలాన్ని ఖాళీ చేసే ప్రక్రియను హౌసింగ్‌ బోర్డు వేగవంతం చేయడానికి నిర్ణయించింది. చదవండి: మద్యం ప్రియులకు గుడ్‌న్యూస్‌.. బాటిల్‌పై రూ.10 తగ్గింపు

ముఖ్యమంత్రి సి. జోసెఫ్‌ విజయ్‌ చేసిన ఆరోపణలు తమిళనాడు అసెంబ్లీలో తీవ్ర దుమారం రేపాయి. గత డీఎంకే ప్రభుత్వంలో అవినీతి జరిగిందంటూ విజయ్‌ ఆరోపణలు చేయడంతో అధికార, ప్రతిపక్ష సభ్యుల మధ్య తీవ్ర వాగ్వాదం చోటుచేసుకుంది. ఈ ఆరోపణలపై డీఎంకే సభ్యులు తీవ్ర అభ్యంతరం వ్యక్తం చేయడంతో మంగళవారం సభలో గందరగోళం నెలకొంది.డీఎంకే హయాంలో లోన్‌ ఈఎంఐ తరహాలో లంచాలు తీసుకున్నారంటూ నిన్న సీఎం విజయ్‌ ఆరోపించారు. పార్టీ ఫండ్‌ పేరుతో కాంట్రాక్టర్ల నుంచి డబ్బులు వసూలు చేశారని చెబుతూ.. ఈడీ పత్రాలు, సర్కారియా కమిషన్‌ నివేదికను ప్రస్తావించారు. అంతేకాదు మాజీ సీఎం ఎం.కే. స్టాలిన్‌, ప్రతిపక్ష నేత ఉదయనిధి స్టాలిన్‌, మాజీ మంత్రి సెంథిల్‌ బాలాజీ తదితరుల పేర్లను కూడా విజయ్‌ ప్రస్తావించారు. మంగళవారం సభ ప్రారంభమైన వెంటనే డీఎంకే విప్‌ ఈవీ వేలు.. ఈ అంశాన్ని లేవనెత్తారు. సీఎం విజయ్‌ తన ప్రసంగంలో ప్రస్తావించిన ఈడీ పత్రాలు, సర్కారియా కమిషన్‌ నివేదికకు సంబంధించిన వ్యాఖ్యలను సభా రికార్డుల నుంచి తొలగించాలని స్పీకర్‌ను కోరారు. అయితే విజయ్‌ ప్రస్తావించిన అంశాలు ఇప్పటికే ప్రజలకు అందుబాటులో ఉన్న అధికారిక పత్రాల్లో ఉన్నవేనని స్పీకర్‌ జేసీడీ ప్రభాకర్‌ స్పష్టం చేశారు. అందువల్ల వాటిని రికార్డుల నుంచి తొలగించాల్సిన అవసరం లేదని తేల్చిచెప్పారు.డీఎంకే డిమాండ్‌ను న్యాయశాఖ మంత్రి ఆర్‌.ఎన్‌. నిర్మల్‌కుమార్‌ కూడా వ్యతిరేకించారు. విజయ్‌ చేసిన వ్యాఖ్యలు సర్కారియా కమిషన్‌ నివేదిక, ఈడీ అధికారిక పత్రాల ఆధారంగానే ఉన్నాయని పేర్కొన్నారు. గత డీఎంకే ప్రభుత్వంపై అవినీతి ఆరోపణలను ఆయన సమర్థించారు. దీంతో డీఎంకే సభ్యులు మరింత ఆందోళనకు దిగారు. తమకు సమాధానం చెప్పే అవకాశం ఇవ్వాలని కోరుతూ స్పీకర్‌ పోడియం వద్దకు వెళ్లి నినాదాలు చేశారు. సభలో నినాదాలు కొనసాగుతుండటంతో సభా నాయకుడు కేఏ సెంగొట్టయ్యన్‌ జోక్యం చేసుకున్నారు. స్పీకర్‌ నిర్ణయం తర్వాత కూడా డీఎంకే సభ్యులు సభా కార్యక్రమాలను అడ్డుకుంటున్నారని, అసెంబ్లీ నిబంధనల ప్రకారం వారిపై చర్యలు తీసుకోవాలని కోరారు. సభ్యులు తమ స్థానాలకు తిరిగి వెళ్లాలని స్పీకర్‌ హెచ్చరించారు. ఒక నిమిషంలోపు సీట్లలో కూర్చుంటే కేఎన్‌ నెహ్రూ లేదా ఈవీ వేళుకు మాట్లాడే అవకాశం ఇస్తానని చెప్పారు. అయినప్పటికీ డీఎంకే సభ్యులు వెనక్కి తగ్గలేదు.సభలో గందరగోళం.. అలాగే అనుమతి లేకుండా పోస్టర్లను సభలోకి తీసుకురావడంపైనా స్పీకర్‌ ఆగ్రహం వ్యక్తం చేశారు. తన ఆదేశాలను పట్టించుకోకుండా నిరసన కొనసాగించడంతో.. చివరకు మార్షల్స్‌ను రంగంలోకి దించారు. స్పీకర్‌ ఆదేశాలతో మార్షల్స్‌ డీఎంకే సభ్యులను సభ నుంచి బయటకు తీసుకెళ్లారు. కొందరు సభ్యులు ప్రతిఘటించడంతో వారిని మార్షల్స్‌ బలవంతంగా ఎత్తుకుని బయటకు తీసుకెళ్లిన దృశ్యాలు కూడా కనిపించాయి.குழப்பவாதிகள் கூண்டோடு வெளியேற்றப்பட்டனர்‼️#TVK #Vijay pic.twitter.com/7saYzn4m3c— Vivek Rangasamy (@VivekRangasamy) September 8, 2026మరోవైపు, విజయ్‌ గత ప్రభుత్వంలోని అవినీతి అంశాలను ప్రస్తావించడంపై ఉదయనిధి స్టాలిన్‌ తీవ్రంగా స్పందించారు. ప్రస్తుత ప్రభుత్వ పనితీరు, ప్రజా సమస్యలపై సమాధానం చెప్పకుండా సీఎం గతాన్ని తవ్వుతున్నారని విమర్శించారు. విజయ్‌ చేసిన ఆరోపణలు కోర్టులో నిరూపితం కానివేనని పేర్కొంటూ.. ప్రస్తుతం ప్రజలు ఎదుర్కొంటున్న సమస్యలపై ప్రభుత్వం దృష్టి పెట్టాలని డిమాండ్‌ చేశారు.

గత వారం నుండి తమిళనాడు వ్యాప్తంగా ఉన్న టాస్మాక్‌ దుకాణాలు ప్రతి బాటిల్‌పై అదనంగా రూ. 10 వసూలు చేయకుండా పరిమితం చేశారు. అయితే, ప్రభుత్వ ఉత్తర్వును ఉల్లంఘించి మద్యం ప్రియుల నుండి రూ. 10 వసూలు చేసినందుకు కొందరిని తాత్కాలికంగా ఉద్యోగాల నుండి తొలగిస్తున్నారు. ప్రభుత్వ చర్యతో ప్రజల్లో మద్యం ఆదరణ పెరగడంతో, టాస్మాక్‌ దుకాణాల వద్ద రద్దీ కూడా పెరిగింది.రాత్రి 8 గంటలకు జనం అదుపు తప్పుతున్నారు. రాత్రి 10 గంటలకు కూడా జనం గుమిగూడటంతో దుకాణాలను మూయలేని పరిస్థితి ఏర్పడి సమస్య తలెత్తుతోంది. అందువల్ల, పోలీసు భద్రతతో మాత్రమే దుకాణాలను మూసివేయాల్సిన పరిస్థితి ఏర్పడింది. చెన్నైలోని టాస్మాక్‌ దుకాణాలలో సాయంత్రం 6 గంటల తర్వాత రద్దీ పెరుగుతుంది. ఈనేపథ్యంలో చాలా దుకాణాలకు పోలీసు భద్రత కల్పిస్తున్నారు. రద్దీని నివారించడానికి మద్యం దుకాణాల వద్ద బారికేడ్లను ఏర్పాటు చేశారు. గతంలో మద్యం కొనుగోలు చేయడానికి వినియోగదారులు వరుసలో నిలబడి, సరిగ్గా చిల్లర చెల్లించాలని కోరుతూ ఒక నోటీసు బోర్డును కూడా ఏర్పాటు చేశారు. తాజాగా టాస్మాక్‌ ఉద్యోగులు గరిష్ట ధర కంటే ఎక్కువ వసూలు చేయడం కొనసాగిస్తే, వారిని తాత్కాలికంగా సస్పెండ్‌ చేస్తామని, అదే తప్పును రెండోసారి చేస్తే శాశ్వతంగా ఉద్యోగాల నుండి తొలగిస్తామని ప్రభుత్వం మరోసారి హెచ్చరించింది.

సాక్షి, చెన్నై: తమిళనాడు శాసనసభ సభ్యులు తమ నియోజకవర్గాల్లో ప్రజా సేవలను మరింత సమర్థవంతంగా నిర్వహించేందుకు వీలుగా వారి వివిధ రకాల నెలసరి భత్యాలను పెంచుతూ ప్రభుత్వం నిర్ణయం తీసుకుంది. దీని నిమిత్తం 1981 నాటి చట్టానికి సవరణలు చేస్తూ అసెంబ్లీలో బిల్లును ప్రవేశపెట్టారు. ఈ అలవెన్సుల పెంపు వలన రాష్ట్ర ∙నిధి నుండి ఏటా రూ. 43.28 కోట్లు అదనపు ఖర్చు కానుందని ఆర్థిక నివేదికలో ప్రకటించారు. ఎమ్మెల్యేలకు ప్రస్తుతం ఇస్తున్న నెలసరి వాహన భత్యాన్ని రూ. 25వేల నుండి రూ. 75,వేలకు పెంచారు. తాజాగా రూ. 50 వేలు పెరిగింది. ఎమ్మెల్యేలకు సహాయకుడిగా ఉండే వ్యక్తి ఖర్చుల కోసం కొత్తగా నెలకు రూ. 25,000 అలవెన్స్‌ అందించనున్నారు. శాసనసభ సభ్యుల ఇతర నెలసరి అలవెన్సులను రూ. 1,000 నుండి రూ. 5,000 వరకు పెరనిగాయి. వ్యక్తిగత ఖర్చుల నిమిత్తం నెలకు రూ. 5,000 కొత్త భత్యం అందించనున్నారు. శాసనసభ్యులు ప్రజలకు అందుబాటులో ఉంటూ ప్రజా సంక్షేమ విధులు సజావుగా పూర్తి చేయడానికే ఈ భత్యాల పెంపు దోహదపడుతుందని నివేదికలో పేర్కొన్నారు. కాగా, వ్యాపారుల ఫిర్యాదులకు తగిన పరిష్కారం దిశగా రూ. 3 లక్షలతో కొత్త వెబ్‌ సైట్‌ రూపకల్పన చేయనున్నామని రెవెన్యూ శాఖ మంత్రి లోకేష్‌ తమిళ్‌ సెల్వన్‌ అసెంబ్లీలో ప్రకటించారు. చతవండి: పవిత్రగౌడ బ్యారక్‌ మార్పు!

చెన్నై మెట్రోలో ప్రదర్శించిన ఫిక్స్‌డ్‌ డిపాజిట్‌ ప్రకటనపై వివాదం చెలరేగింది. మహిళలను వస్తువులుగా చూపించేలా ఈ ప్రకటన ఉందని ద్రవిడ మున్నేట్ర కళగం ఎంపీ తమిళచ్చి తంగపాండియన్‌ విమర్శించారు. ఈ ప్రకటనను తమిళనాడు రవాణా ఉద్యోగుల తిరువల్లువర్‌ సహకార రుణ సంఘం (థెకోస్‌) రూపొందించింది. తమిళనాడు రవాణా ఉద్యోగులకు విశ్వసనీయ సేవలు అందించే సంస్థగా ఇది తనను తాను పేర్కొంటుంది.మెట్రోలో ఏర్పాటు చేసిన పోస్టర్‌పై “గర్ల్‌ఫ్రెండ్‌ 0% వడ్డీ ఇవ్వవచ్చు.. కానీ, మా ఎఫ్‌డీ 14.40% వడ్డీ ఇస్తుంది” అని రాశారు. ఫిక్స్‌డ్‌ డిపాజిట్ల ద్వారా ఖాతాదారులకు లభించే రాబడిని తెలియజేయడమే ఈ ప్రకటన ఉద్దేశం. ఈ ప్రకటనపై తమిళచ్చి తంగపాండియన్‌ తీవ్ర అభ్యంతరం వ్యక్తం చేశారు. ప్రజలు పెద్ద సంఖ్యలో ప్రయాణించే ప్రజా రవాణా వ్యవస్థలో ఇలాంటి ప్రకటనను నిలిపివేయాలని చెన్నై మెట్రో రైల్‌ యాజమాన్యాన్ని కోరారు.“చెన్నై మెట్రో రైలులో ప్రదర్శించిన ఈ ప్రకటన మహిళలను కించపరుస్తూ, వారిని వస్తువులుగా చూపిస్తోంది. ఇది దిగ్భ్రాంతికరం. బహిరంగ ప్రదేశాల్లో ప్రకటనలు ఇచ్చేటప్పుడు మహిళల గౌరవాన్ని పరిగణనలోకి తీసుకోవడం అవసరం” అని తంగపాండియన్‌ ఎక్స్‌లో పేర్కొన్నారు. ఈ ప్రకటనను వెంటనే తొలగించాలని ఆమె డిమాండ్ చేశారు. భవిష్యత్తులో ఇలాంటి తప్పిదాలు జరగకుండా ప్రకటనల పరిశీలన నిబంధనలను కఠినతరం చేయాలని అధికారులను కోరారు.ఈ ప్రకటనపై ప్రతిపక్ష నేతల నుంచి విమర్శలు కూడా వచ్చాయి. ప్రకటనను ఆమోదించిన వారిపై నేరుగా చట్టపరమైన చర్యలు తీసుకోవాలని అన్నాడీఎంకే అధికార ప్రతినిధి కోవై సత్యన్‌ డిమాండ్ చేశారు.சென்னை மெட்ரோ இரயிலுக்குள் இடம்பெற்றுள்ள ஒரு விளம்பரம் பெண்களை இழிவுபடுத்தும் வகையிலும், அவர்களை ஒரு பொருளாகச் சித்தரிக்கும் வகையிலும் குறிப்பிடப்பட்டிருப்பது அதிர்ச்சியளிக்கிறது.பொது இடங்களில் பெண்களின் கண்ணியத்தைக் கருத்தில் கொண்டு விளம்பரங்கள் இடம்பெறுவதை உறுதி செய்ய… pic.twitter.com/8bKvka4nD6— தமிழச்சி (@ThamizhachiTh) September 6, 2026

సాక్షి, చెన్నై: అధికార, ప్రతిపక్ష పార్టీల మధ్య అసెంబ్లీలో దుమారం కొనసాగుతుండగా, మరోవైపు టీవీకే పార్టీలో విషాదం చోటు చేసుకుంది. సెప్టెంబర్ 5న రాత్రి పార్టీకి చెందిన కణ్ణన్‌ దారుణ హత్యకు గురయ్యారు. ఈ హత్యకు సంబంధించిన సీసీటీవీ దృశ్యాలు వైరల్‌గా మారాయి. పాత కక్షలతో ఒక ముఠా అతడిని కిరాతకంగా పొడిచి చంపినట్లు పోలీసులు తెలిపారు. ఈ హత్య కేసులో ఐదుగురు నిందితులను పోలీసులు అరెస్ట్ చేశారు.కార్ రెంటల్ వ్యాపారం చేసే కణ్ణన్, సెప్టెంబర్ 5న తన స్నేహితులతో ఉన్న సమయంలో ద్విచక్ర వాహనాలపై వచ్చిన ఒక ముఠా ఆయనపై దాడి చేసింది. కత్తిపోట్లతో అతను అక్కడికక్కడే మృతి చెందాడు. శాస్త్రి నగర్ పోలీసులు ప్రత్యేక బృందాన్ని ఏర్పాటు చేసి భరణి, రాకేష్, నరేష్, మణికంఠన్, హరిహరన్ అనే ఐదుగురు నిందితులను అరెస్ట్ చేశారు.Chennai - TVK functionary S. Kannan was chased and hacked to death by a gang in the Adyar–Besant Nagar area on Saturday night. Police have arrested five men. Kannan was standing near Ellaiamman Koil Street when attackers on two-wheelers surrounded him. He tried to flee, but the… pic.twitter.com/O45DiOOz2b— NextMinute News (@nextminutenews7) September 7, 2026ఇదీ చదవండి: విషాదం : మరికొన్ని గంటల్లో లైవ్‌, దుబాయ్‌లో సింగర్‌ హఠాన్మరణం ప్రతీకార హత్యకణ్ణన్‌పై క్రిమినల్ కేసులతో పాటు, హిస్టరీ షీటర్‌గా రికార్డుల్లో ఉన్నట్లు పోలీసుల తెలిపారు. గతంలో 2009లో భరణి బాబాయి శివను, 2014లో భరణి తండ్రి వేలును కణ్ణన్ బృందం హత్య చేసినట్లు విచారణలో తేలింది. ఆ పాత కక్షలను మనసులో ఉంచుకునే భరణి, అతడి అనుచరులు ఈ హత్య చేసినట్లు పోలీసులు అనుమానిస్తున్నారు. దాడిని అడ్డుకోవడంలో విఫలమైనందుకు తమిళనాడు డీజీపీ ఆదేశాల మేరకు అడయార్ డిప్యూటీ కమిషనర్ కార్తికేయన్‌తో పాటు శాస్త్రి నగర్ ఇన్‌స్పెక్టర్ రోహిణిలను వేకెన్సీ రిజర్వ్‌లోకి బదిలీ చేశారు.நாளை மாண்புமிகு முதலமைச்சர் காவல்துறை மானியக் கோரிக்கை விவாதம் மீது பதிலுரை அளிப்பதற்கு முன்பாக அவரது கட்சிப் பிரமுகர் ஒருவரே தலைநகரில் கொலைக்கு ஆளாகியுள்ளார்.அதுவும், தனது உயிருக்குப் பாதுகாப்பு வேண்டி ஆளும் த.வெ.க.வில் இணைந்த சரித்திரப் பதிவேடு குற்றவாளி சாலையில் ஓட ஓட…— Udhay (@Udhaystalin) September 6, 2026మరోవైపు ఈ ఘటనపై ప్రతిపక్ష నాయకుడు ఉదయనిధి స్టాలిన్ ప్రభుత్వంపై మండిపడ్డారు. రక్షణ కోసం అధికార పార్టీలో చేరిన వ్యక్తే వీధిలో దారుణహత్యకు గురయ్యాడని, రాష్ట్రంలో శాంతిభద్రతల పరిస్థితికి ఇది అద్దం పడుతోందని ఎక్స్‌లో విమర్శలు గుప్పించారు.ఇదీ చదవండి: రూ. 1,470 కోట్ల లాటరీ, సగం దానమిచ్చేసిన టీచరమ్మ!

తమిళనాడు అసెంబ్లీ సమావేశాలు సోమవారం తీవ్ర గందరగోళం మధ్య సాగాయి. రాష్ట్రంలో వరుస హత్యలు, శాంతిభద్రతల పరిస్థితిపై అధికార టీవీకే ప్రభుత్వాన్ని ప్రధాన ప్రతిపక్షం నిలదీయడంతో సభలో వాగ్వాదం, నినాదాలు, నిరసనలు చోటుచేసుకున్నాయి. దీనికి ముఖ్యమంత్రి విజయ్‌ ఘాటుగా బదులిస్తూ.. నేరస్తులు ఏ పార్టీకి చెందినవారైనా ఉపేక్షించేది లేదని స్పష్టం చేశారు. ఇదే సమయంలో డీఎంకేపై అవినీతి ఆరోపణలు చేస్తూ.. ‘పార్టీ ఫండ్స్‌’ పేరుతో కాంట్రాక్టర్ల నుంచి లంచాలు వసూలు చేశారని ఆరోపించడం సభలో మరింత వేడి పెంచింది.సభ ప్రారంభమైన వెంటనే డీఎంకే సభ్యులు రాష్ట్రంలో పెరుగుతున్న హత్యలను ప్రస్తావిస్తూ నినాదాలు చేశారు. శాంతిభద్రతలు క్షీణిస్తున్నాయని, వరుసగా హత్యలు జరుగుతున్నాయని ఆరోపిస్తూ దీనిపై చర్చకు అనుమతించాలని స్పీకర్‌ను ప్రతిపక్ష నేత ఉదయ్‌నిధి స్టాలిన్‌ కోరారు. ఈ అంశంపై అధికార పక్షాన్ని ఇరుకున పెట్టేందుకు డీఎంకే సభ్యులు ప్రయత్నించడంతో సభలో ఉద్రిక్తత మొదలైంది.దీనిపై ముఖ్యమంత్రి విజయ్‌ స్పందిస్తూ.. తమ ప్రభుత్వం నేరాల విషయంలో రాజకీయాలకు అతీతంగా వ్యవహరిస్తుందని చెప్పారు. పోలీసులు మంచివారికి మిత్రులుగా, నేరస్తులకు శత్రువులుగా ఉండాలన్నదే తమ విధానమని స్పష్టం చేశారు. నేరస్తుడు ఏ పార్టీకి చెందినవాడైనా చట్టం ముందు సమానమేనని తెలిపారు.‘పోలీసులు పవర్‌ సెంటర్‌ కాకూడదు’పోలీసు వ్యవస్థ ప్రజలను భయపెట్టే పవర్‌సెంటర్‌గా మారకూడదని విజయ్‌ అన్నారు. ప్రజలకు రక్షణ కల్పించడమే పోలీసుల ప్రధాన బాధ్యతగా ఉండాలని చెప్పారు. గత మూడు నెలల్లో జరిగిన నేరాలను ఒకేసారి జరిగిన ఘటనలుగా చూడటం సరికాదని, వాటిలో అనేకం పాత కక్షలు, ప్రతీకారాల కారణంగా జరిగినవేనని వివరించారు.డ్రగ్స్‌ నియంత్రణకు తమ ప్రభుత్వం అత్యంత ప్రాధాన్యం ఇస్తోందని తెలిపారు. కోయంబత్తూరులో జరిగిన ఓ కాలేజీ విద్యార్థి హత్య కేసులో 36 మందిని అరెస్టు చేసినట్లు చెప్పారు. రాష్ట్రంలోని 37 జిల్లాల్లో యాంటీ డ్రగ్‌ స్క్వాడ్‌లను ఏర్పాటు చేశామని, చెన్నైలో మూడు నెలల్లో ఎన్‌డీపీఎస్‌ చట్టం కింద 330 కేసులు నమోదు చేసి 556 మందిని అరెస్టు చేసినట్లు వెల్లడించారు.డీఎంకేపై విజయ్‌ సంచలన ఆరోపణలుశాంతిభద్రతల అంశంతో మొదలైన అసెంబ్లీ రచ్చ.. ఆ తర్వాత అవినీతి ఆరోపణలతో మరింత ముదిరింది. తమపై అవినీతి ఆరోపణలకు ఆధారాలు చూపించాలని విపక్షాలు పదేపదే డిమాండ్‌ చేస్తున్న నేపథ్యంలో.. విజయ్‌ ఎన్‌ఫోర్స్‌మెంట్‌ డైరెక్టరేట్‌ (ఈడీ) పత్రాన్ని ప్రస్తావించారు.గత డీఎంకే ప్రభుత్వ హయాంలో కాంట్రాక్టర్ల నుంచి కాంట్రాక్టు విలువలో 7.5 శాతం నుంచి 10 శాతం వరకు ‘పార్టీ ఫండ్స్‌’ పేరుతో వసూలు చేశారని** ఆయన ఆరోపించారు. మున్సిపల్‌ అడ్మినిస్ట్రేషన్‌, వాటర్‌ సప్లై (MAWS) శాఖ పరిధిలో ప్రభుత్వ పనులు చేపట్టే కాంట్రాక్టర్ల నుంచి ఈ మొత్తాలను లంచాల రూపంలో వసూలు చేశారని ఈడీ పత్రంలో పేర్కొన్నట్లు విజయ్‌ సభలో చదివి వినిపించారు.‘లంచాలు.. లోన్‌ ఈఎంఐల్లా వసూలు’ఈ క్రమంలో పురుషోత్తం అనే వ్యక్తి పేరును ప్రస్తావించిన విజయ్‌.. ఆయన నుంచి రూ.29 లక్షలు లంచంగా వసూలు చేసినట్లు ఈడీ నివేదికలో ఉందన్నారు. అయితే ఆ మొత్తం ఒక్కసారిగా తీసుకోలేదని.. లోన్‌ ఈఎంఐలు చెల్లించినట్టుగా విడతల వారీగా వసూలు చేశారని విజయ్‌ ఆరోపించారు. అంతేకాదు.. ఈడీ పత్రంలో పేర్కొన్నట్లు ‘పార్టీ ఫండ్స్‌’కు ప్రత్యక్ష లబ్ధిదారులుగా అప్పటి ముఖ్యమంత్రి, ప్రస్తుత డీఎంకే అధినేత ఎంకే స్టాలిన్‌, అప్పటి ఉప ముఖ్యమంత్రి ఉదయనిధి స్టాలిన్‌, రవి ప్రసాద్‌తో పాటు మరికొందరి పేర్లు ఉన్నాయని విజయ్‌ పేర్కొన్నారు. ఈ ఆరోపణలు తనవి కావని, ఈడీ పత్రంలో ఉన్నవేనని ఆయన స్పష్టం చేశారు.సర్కారియా కమిషన్‌ నివేదిక ప్రస్తావనడీఎంకేపై అవినీతి ఆరోపణలకు చారిత్రక నేపథ్యం ఉందని చెప్పేందుకు విజయ్‌ సర్కారియా కమిషన్‌ నివేదికను కూడా ప్రస్తావించారు. వీరాణం నీటి సరఫరా పథకానికి సంబంధించిన వ్యవహారంలో ‘పార్టీ ఫండ్‌’ పేరుతో 2.5 శాతం డిమాండ్‌ చేశారన్న ఆరోపణలు కమిషన్‌ నివేదికలో ఉన్నాయని చెప్పారు. అప్పట్లో టెండర్‌ విలువ రూ.16 కోట్లుగా ఉందని తెలిపారు.2001లో మాజీ ముఖ్యమంత్రి జయలలిత, మాజీ మంత్రి పొన్నయ్యన్‌ కూడా ఈ అంశాన్ని లేవనెత్తారని విజయ్‌ గుర్తుచేశారు. ‘కొంచెం లోతుగా పరిశీలిస్తే మరెన్నో విషయాలు బయటకు వచ్చాయి’ అంటూ డీఎంకేపై విమర్శలు గుప్పించారు.చివరకు వాకౌట్‌..విజయ్‌ వ్యాఖ్యలపై డీఎంకే సభ్యులు తీవ్రంగా అభ్యంతరం వ్యక్తం చేశారు. ముఖ్యమంత్రి ప్రసంగానికి అడ్డుపడుతూ.. నినాదాలు చేశారు. పలువురు డీఎంకే ఎమ్మెల్యేలు స్పీకర్‌ జేసీడీ ప్రభాకర్‌ పోడియం చుట్టూ చేరడంతో సభలో తీవ్ర గందరగోళం నెలకొంది. కొందరు సభ్యులు వెల్‌లోకి దూసుకెళ్లి నిరసన వ్యక్తం చేశారు. అనంతరం సభ నుంచి వాకౌట్‌ చేశారు.ఇదీ చదవండి: డీ బాస్‌ ఫ్యాన్స్‌కు షాకిచ్చిన కాంగ్రెస్‌ నేత

దీపావళి పండుగను నవంబర్‌ 8వ తేదీన జరుపుకుంటారు. ఈ సందర్భంగా, నవంబర్‌ 5వ తేదీన తమ స్వస్థలాలకు వెళ్లే వారి కోసం రైళ్లుకు ఆదివారం బుకింగ్‌లు ప్రారంభమయ్యాయి. ఆదివారం తెల్లవారుజామున బుకింగ్‌ కోసం రైల్వే స్టేషన్ల వద్ద భారీగా జనం గుమిగూడారు. ఉదయం 8 గంటలకు బుకింగ్‌లు ప్రారంభమయ్యాయి. ప్రారంభమైన 5 నిమిషాల్లోనే టిక్కెట్లన్నీ అమ్ముడయ్యాయి. కన్యాకుమారి ఎక్స్‌ప్రెస్‌లోని 2వ తరగతి స్లీపర్‌ కంపార్ట్‌మెంట్‌ కోసం వెయిటింగ్‌ లిస్ట్‌లో 33 మంది ఉన్నారు. ఏసీ క్లాసులలో పరిమిత సంఖ్యలో సీట్లు ఉన్నాయి.గురువాయూర్‌ రైలు టిక్కెట్లన్నీ అమ్ముడయ్యాయి. తూత్తుకుడి ఎక్స్‌ప్రెస్‌ వెయిటింగ్‌ లిస్ట్‌ కూడా క్లియర్‌ చేయబడింది.అనంతపురి, నెల్లై, పుదుచ్చేరి వెళ్లే రైళ్లలో కూడా వెయిటింగ్‌ లిస్ట్‌లో ఉన్నాయి. నెల్లై, నాగర్‌కోయిల్‌కు వెళ్లే వందే భారత్‌ రైళ్ల బుకింగ్‌లు కూడా ముగిశాయి. పర్యాటకులకు అత్యంత రద్దీగా ఉండే రోజులు దీపావళి. ఈక్రమంలో దీపావళి టిక్కెట్‌లను మొబైల్‌ ఫోన్‌లో కూడా అధికసంఖ్యలో బుకింగ్‌ చేసుకోవటం తో 5 నిమిషాల్లో హాట్‌ కేక్‌ లా అమ్ముడైపోయాయి. నవంబర్‌ 6వ తేదీ వెళ్లే వారు సోమవారం బుక్‌ చేసుకోవాలని ప్రారంభమవుతాయి, నవంబర్‌ 7వ తేదీకి బుకింగ్‌లు మరుసటి రోజు ప్రారంభమవుతాయని రైల్వేఅధికారులు వెల్లడించారు. -తమిళనాడు చదవండి: మిమ్మల్ని క్షమించేది లేదు

తమిళనాడు అసెంబ్లీలో ముఖ్యమంత్రి విజయ్‌ చేసిన తాజా వ్యాఖ్యలు ఇప్పుడు రాజకీయ వర్గాల్లో హాట్‌టాపిక్‌గా మారాయి. మహిళలను కించపరిచేలా మాట్లాడితే ఎంతటి వారైనా చట్టం నుంచి తప్పించుకోలేరని ఆయన తేల్చిచెప్పారు. ప్రతిపక్ష నేత ఉదయనిధి స్టాలిన్‌ పేరు ప్రస్తావించకుండానే.. ‘మహిళలను అవమానిస్తే చట్టం తన పని తాను చేసుకుపోతుంది’ అంటూ విజయ్‌ చేసిన వ్యాఖ్యలు ప్రస్తుతం కొనసాగుతున్న త్రిష వివాదానికి మరింత వేడి పెంచాయి. ఉదయనిధి పేరును నేరుగా ప్రస్తావించకపోయినా.. ఆయన వ్యాఖ్యలు తాజా వివాదాన్ని ఉద్దేశించేలా ఉండటం రాజకీయంగా చర్చనీయాంశంగా మారింది.తమిళనాడు అసెంబ్లీ వేదికగా సీఎం విజయ్‌..‘భావ ప్రకటనా స్వేచ్ఛను ఎలా ఉపయోగిస్తున్నామో మనం ఆలోచించాలి. మన ప్రజలను, మహిళలను కించపరిచేలా మాట్లాడకూడదు. మన ఇళ్లలో మహిళలు తల్లులు, సోదరీమణులుగా ఉన్నారు. మహిళలను అవమానిస్తే చట్టం చర్యలు తీసుకుంటుంది’ అని అన్నారు.రాజకీయ విమర్శ వేరు.. అయితే విజయ్‌ మాత్రం రాజకీయ విమర్శలకు భావ ప్రకటనా స్వేచ్ఛ ఉన్నప్పటికీ.. మహిళలను అవమానించే వ్యాఖ్యలకు ఆ స్వేచ్ఛను అడ్డుపెట్టుకోలేమని స్పష్టం చేశారు. గతంలో అసెంబ్లీలో మాజీ సీఎం జయలలిత ఎదుర్కొన్న అవమానాలను కూడా ఆయన ప్రస్తావించారు. ఇదే సందర్భంగా రాష్ట్రంలో శాంతిభద్రతల అంశంపైనా విజయ్‌ మాట్లాడారు. పోలీసులు కేవలం నేరస్తులను అరెస్టు చేయడానికే పరిమితం కాకూడదని, నేరాలు జరగకుండా ముందే అడ్డుకోవడమే అసలు లక్ష్యమని చెప్పారు. చట్టాన్ని పాటించే వారికి పోలీసులు స్నేహితులుగా.. ఉల్లంఘించే వారికి శత్రువులుగా ఉండాలని పేర్కొన్నారు.TN Assembly: “If anyone talks in a derogatory manner about women, stern action is assured.”- TN CM Vijay, recalls 'humiliation' of former CM Jayalalithaa in the Assembly pic.twitter.com/c7Y6bD1kCo— News Arena India (@NewsArenaIndia) September 7, 2026పోలీసులకు హెచ్చరికలు.. తమ ప్రభుత్వంలో మహిళలు, చిన్నారులపై నేరాలకు అత్యంత ప్రాధాన్యం ఇస్తున్నామని విజయ్‌ తెలిపారు. నేరం జరిగిన తర్వాత చర్యలు తీసుకోవడం కంటే.. నేరాలను ముందుగానే నిరోధించేందుకు పోలీసులు పనిచేయాలని ఆదేశించినట్లు చెప్పారు. సైబర్‌ నేరాలపై కూడా ప్రజల్లో అవగాహన పెంచాల్సిన అవసరం ఉందన్నారు. అవినీతిపై కూడా విజయ్‌ కఠిన వైఖరి ప్రకటించారు. ప్రభుత్వ ఉద్యోగులు లంచాలు, అవినీతికి దూరంగా ఉండాలని హెచ్చరిస్తూ.. తమ ప్రభుత్వం అవినీతిపై జీరో టాలరెన్స్‌ విధానాన్ని అనుసరిస్తుందని స్పష్టం చేశారు. పోలీసులపై ఆరోపణలు వచ్చినా వారిని కాపాడే ప్రసక్తి లేదని, లాకప్‌లో జరిగే నేరాలపై పారదర్శక దర్యాప్తు చేపడతామని తెలిపారు.దీంతో త్రిష వివాదం నేపథ్యంలో విజయ్‌ చేసిన తాజా వ్యాఖ్యలు తమిళనాడు రాజకీయాల్లో కొత్త చర్చకు తెరతీశాయి. పేర్లు ప్రస్తావించకుండా విజయ్‌ చేసిన ఈ వ్యాఖ్యలు ఎవరిని ఉద్దేశించి అన్నదానిపై రాజకీయ వర్గాల్లో ఆసక్తికర చర్చ సాగుతోంది. అయితే, ఆగస్టు 3న తంజావూరులో జరిగిన కావేరీ నిరసన కార్యక్రమంలో ఉదయనిధి స్టాలిన్‌ మాట్లాడుతున్న సమయంలో కొందరు త్రిష పేరును నినాదించారు. ఆ సమయంలో ఆయన చేసిన వ్యాఖ్యలు ద్వంద్వార్థంగా ఉన్నాయని విమర్శలు వెల్లువెత్తాయి. కాగా, తాను ఎలాంటి అభ్యంతరకర వ్యాఖ్యలు చేయలేదని, తన వ్యాఖ్యలు కావేరీ సమస్యకు మాత్రమే సంబంధించినవని ఉదయనిధి వివరణ ఇచ్చారు. ఈ వ్యవహారంలో ఆగస్టు 4న పోలీసులు ఉదయనిధిని అరెస్టు చేసి తంజావూరుకు తీసుకెళ్లారు. అనంతరం అదే రోజు స్టేషన్‌ బెయిల్‌పై విడుదల చేశారు. తనపై కేసు నమోదు చేయడాన్ని రాజకీయ కక్ష సాధింపుగా ఆయన అభివర్ణించారు.

టీవీకే 2029లో లోక్‌సభ ఎన్నికల్లో ఇలాగే తమిళగ వెట్రి కళగం (టీవీకే)లో ఆ పార్టీ వ్యవస్థాపకుడు, ముఖ్యమంత్రి విజయ్‌ను ప్రధాని అభ్యర్థిగా ముందుకు తెస్తే రాహుల్‌ గాంధీ, కాంగ్రెస్‌కు ‘ఇక్కడా కాదు.. అక్కడా కాదు’ అనే పరిస్థితి ఎదురయ్యే అవకాశం ఉందని రాజకీయ వ్యూహకర్త అమితాబ్‌ తివారీ విశ్లేషించారు. అంటే, రాహుల్‌ గాంధీ మధ్యలో ఇరుక్కుపోయే పరిస్థితి వస్తుంది. విజయ్‌ 2029లో ప్రధాని అభ్యర్థిగా ముందుకు వస్తే, రాహుల్‌ గాంధీకి ప్రతిపక్షాల తరఫున ప్రధాన నాయకుడిగా తన స్థానాన్ని బలంగా నిలబెట్టుకోవడం కష్టమయ్యే పరిస్థితి రావచ‍్చు. విజయ్‌ ఎదుగుదల వల్ల రాహుల్‌కు ప్రధాని రేసులో స్పష్టమైన ఆధిపత్యం లేకుండా, రాజకీయంగా మధ్యలో ఇరుక్కునే పరిస్థితి రావచ్చు. 2029 ఎన్నికలకు ముందు ముఖ్యమంత్రిగా విజయ్‌ పనితీరు, టీవీకేకు లభించే ప్రజాదరణ, కాంగ్రెస్‌తో కొనసాగించే పొత్తు ఈ సమీకరణాలను ప్రభావితం చేసే కీలక అంశాలుగా మారనున్నాయి.తమిళనాడులో అధికారంలో ఉన్న విజయ్‌ను 2029 లోక్‌సభ ఎన్నికల్లో ప్రధానమంత్రి అభ్యర్థిగా ప్రకటించాలన్న డిమాండ్‌ ఇప్పటికే బహిరంగ చర్చకు వచ్చిన విషయం తెలిసిందే. అసెంబ్లీ ఎన్నికల సమయంలో మొదలైన ఈ ప్రచారం ఇప్పుడు జాతీయ స్థాయికి విస్తరిస్తోంది. ఇది తమిళనాడులో టీవీకే మిత్రపక్షంగా ఉన్న కాంగ్రెస్‌లో అసౌకర్యానికి కారణమవుతున్నట్లు సమాచారం.విజయ్‌ను ప్రధాని అభ్యర్థిగా ప్రతిపాదించడం కాంగ్రెస్‌ పార్టీ రాహుల్‌ గాంధీని 2029 ఎన్నికల్లో ప్రతిపక్షాల ప్రధానమంత్రి అభ్యర్థిగా నిలబెట్టేందుకు చేస్తున్న ప్రయత్నానికి నేరుగా సవాల్‌గా మారే అవకాశం ఉంది. ఈ అంశంపై చర్చించేందుకు టీవీకే తన మిత్రపక్షాలతో సెప్టెంబర్‌ 9న సమావేశం నిర్వహించనుంది.దక్షిణాది నుంచి ప్రధాని రావాలి టీవీకే ప్రభుత్వం 100 రోజులు పూర్తి చేసుకున్న సమయంలో ఆ పార్టీ మంత్రులు, ఎమ్మెల్యేలు విజయ్‌ను జాతీయ రాజకీయాల కోణంలో ప్రస్తావించడం ప్రారంభించారు. మంత్రి ఆధవ్‌ అర్జున దేశానికి దక్షిణాది నుంచి ప్రధాని రావాలని తమిళనాడు అసెంబ్లీలో వ్యాఖ్యానించారు. మరో మంత్రి జగదీశ్వరి.. విజయ్‌ ఏదో ఒక రోజు ప్రధాని అవుతారని అన్నారు. ఎమ్మెల్యే కనిమొళి అయితే 2029 లోక్‌సభ ఎన్నికలకు విజయే టీవీకే ప్రధాని అభ్యర్థి అని ప్రకటించారు. “ఎవరు ప్రధాని కావాలో ఢిల్లీ నిర్ణయించదు. తమిళనాడు నిర్ణయిస్తుంది” అని ఆమె అన్నారు. రాహుల్‌ గాంధీ కూడా విజయ్‌ ప్రధానమంత్రి కావడానికి మద్దతు ఇస్తారని ఆమె పేర్కొన్నారు.తాజా ఇండియా టుడే సీ ఓటర్‌ ‘మూడ్‌ ఆఫ్‌ ది నేషన్‌’ సర్వేలో తదుపరి ప్రధానమంత్రిగా విజయ్‌కు 9 శాతం మద్దతు లభించింది. నరేంద్ర మోదీ 48.7 శాతంతో ముందుండగా, రాహుల్‌ గాంధీ 27.1 శాతంతో రెండో స్థానంలో ఉన్నారు. రాజకీయ విశ్లేషకుడు రషీద్‌ కిద్వాయ్‌ మాత్రం 543 స్థానాల లోక్‌సభలో ప్రభుత్వ ఏర్పాటుకు కనీసం 272 మంది సభ్యుల మద్దతు అవసరమని, ప్రస్తుతం విజయ్‌ను ప్రధాని అభ్యర్థిగా చూడటం తొందరపాటు, అత్యాశతో కూడిన లక్ష్యమని అన్నారు.కాంగ్రెస్‌ నేతలు మాత్రం విజయ్‌ ప్రధాని ప్రచారాన్ని తేలికగా తీసుకుంటున్నారు. తమిళనాడు కాంగ్రెస్‌ అధ్యక్షుడు బి. మాణికం ఠాగూర్‌ దీన్ని అభిమాన సంఘం తరహా ఆలోచనగా అభివర్ణించారు. కాంగ్రెస్‌ ఎంపీ కార్తీ చిదంబరం మాట్లాడుతూ ప్రధాని కావాలంటే 272 మంది ఎంపీల మద్దతు అవసరమని అన్నారు.ఇదీ చదవండి: మళ్లీ భగ్గుమన్న కంగనా రనౌత్‌.. దిమ్మతిరిగిపోయేలా కౌంటర్‌

G R Balasubramaniam success journey తమిళనాడులోని ఒక చిన్న గ్రామంలో పుట్టాడు. తండ్రి చిన్న రైతు , వ్యవసాయ ఉత్పత్తులను విక్రయించే వ్యాపారి. ఆరుగురు పిల్లలున్న కుటుంబంలో కడుపు నిండా తిండి తినడానికి ఎన్నో కష్టాలు. అందుకే 13 ఏళ్ల వయసులో బడి మానేసి బెంగళూరులో పనికి కుదిరాడు. కట్‌ చేస్తే..రూ. 1400 కోట్లకు పైగా టర్నోవర్ సాధించే స్థాయికి ఎదిగిన 'జి.ఆర్.బి డెయిరీ ఫుడ్స్' (GRB Dairy Foods) ఫౌండర్‌ అయ్యాడు. బెంగళూరులోని ఒక చిన్న వెన్న వ్యాపారంగా మొదలైన రూ. 1400 కోట్లకు పైగా ఆదాయం కలిగిన ప్యాకేజ్డ్-ఫుడ్స్ కంపెనీగా ఎదిగింది. ఎంతో స్ఫూర్తిదాయక మైన జీఆర్‌ బాలసుబ్రహ్మణ్యమ్ విజయప్రస్థానం గురించి తెలుసుకుందాం ఈ కథనంలో.కుగ్రామం నుంచి ప్రారంభమైతమిళనాడులోని పళని సమీపంలోని చిన్న కరాట్టుపట్టి అనే కుగ్రామంలో పుట్టారు బాలసుబ్రహ్మణ్యం. ఆ ఊరి జనాభా కేవలం 300 మంది. సరైన విద్యుత్, రవాణా, నీటి సదుపాయాలు లేవు. తండ్రి పప్పుధాన్యాలు , ఇతర వ్యవసాయ ఉత్పత్తులను కూడా వ్యాపారం చేసేవారు. ఆయన సైకిల్‌పై ఊరూరా తిరుగుతూ, పంటను కొని సమీప పట్టణాలలో అమ్మేవారు. ఆ ఆదాయంతో ఎనిమిది మంది సభ్యులున్నకుటుంబాన్ని పోషించాల్సి ఉండేది. దీంతో 8వ తరగతి చదువుతున్న సమయంలోనే, కుటుంబానికి అండగా ఉండేందుకు బెంగళూరుకు బయలుదేరాడు. అక్కడ అక్క బావలకు చేస్తున్న వ్యాపారానికి తోడుగా నిలిచాడు. దాదాపు అతనికి 13 ఏళ్ల వయసున్నప్పుడు ఇంటింటికీ తిరిగి వెన్న అమ్మడం మొదలుపెట్టాడు. అలా 14 ఏళ్ల పాటు వెన్న వ్యాపారంలో మెళకువలను నేర్చుకున్నాడు. గ్రామాల నుంచి వెన్న సేకరించడం, ఇళ్లకు సరఫరా చేయడం, ఖాతాలు నిర్వహించడం, నెయ్యి తయారీ ప్రక్రియలను క్షుణ్ణంగా నేర్చుకున్నాడు. 1984లో 28 ఏళ్ల వయసులో ఉద్యోగాన్ని వదిలేశారు. సొంతంగా ఏదైనా చేయాలన్నా కుటుంబం ఆర్థికంగా సహాయపడే స్థితిలో లేదు, పైగా సరైన విద్యార్హతలు లేదా వృత్తిపరమైన అర్హతలు లేకపోవడంతో సాధారణ ఉద్యోగం దొరకడం కూడా కష్టంగా ఉండేది. తన వద్ద ఉన్న కేవలం రూ. 6,000 పొదుపు మొత్తంతో వ్యాపారాన్ని ప్రారంభించాలని ఆలోచన. ఇందులో రూ. 3,000 అద్దెకే పోయాయి. ఎలాంటి బ్యాంక్ రుణాలు లేకుండానే పరిచయస్తులతో ఒక 'చిట్ ఫండ్' సంస్థను ప్రారంభించారు. ఆయన బావగారు గతంలో ఇలాంటి పథకాన్ని నిర్వహించేవారు, కాబట్టి బాలసుబ్రహ్మణ్యంకు ఆ విధానంపై అవగాహన ఉండేది.అలా రెండో నెలలోనే రూ. 50,000 చేతికి వచ్చింది. ఆ డబ్బుతో మొదటిసారి వెన్నను కొనుగోలు చేసి, నెలకు 75 కిలోల చొప్పున డోర్-టు-డోర్ డెలివరీ చేయడం ప్రారంభించారు. అయితే ఈ సమయంతో తాను సరఫరా చేసిన వెన్న త్వరగా పాడైపోతుందని, హోటళ్లు/స్వీట్ షాపులు దీనిని నెయ్యిగా మార్చు కోవడంలో ఇబ్బంది పడుతున్నారని గుర్తించారు. అందుకే వెన్న అమ్మడం కంటే, తానే నెయ్యి కాచి, నాణ్యమైన నెయ్యిని తయారుచేసి ప్యాక్ చేసి అమ్మడం లాభదాయకమని భావించాడు. పెద్ద పెద్ద డైరీ బ్రాండ్లు మార్కెట్‌ను శాసిస్తున్న 80వ దశకంలో డెయిరీ మార్కెట్లోకి ఎంట్రీ ఇచ్చి పెద్ద సాహసమే చేశాడు. ఏడాదిలోనే వారి నెల ఆదాయం రూ. 25వేలకి పెరిగింది. షాపును అద్దెకు తీసుకుని, సిబ్బందిని నియమించుకున్నారు.ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియోతొలి ఫ్యాక్టరీ1991లో బెంగళూరులో తొలి ఫ్యాక్టరీని ప్రారంభించారు. తరువాత దిండిగల్, హోసూరు (1999)లలో ప్లాంట్లను ఏర్పాటు చేశారు. మెల్లిగా తన వ్యాపారాన్ని తమిళనాడు, కర్ణాటక, ఆంధ్రప్రదేశ్ సహా దక్షిణ భారతదేశం అంతటా విస్తరించారు. వ్యాపారం వృద్ధి చెందుతున్న క్రమంలో కేవలం డెయిరీ ఉత్పత్తులకే పరిమితం కాకుండా మసాలా మిక్స్‌లు, ఇన్‌స్టంట్ మిక్స్‌లు, స్వీట్లు, స్నాక్స్, ఐస్‌క్రీమ్‌ల వ్యాపారంలోకి కూడా అడుగుపెట్టారు.బయటినుంచి ఎలాంటి భారీ పెట్టుబడులు లేకుండానే కేవలం తాను సాధించిన లాభాలను తిరిగి వ్యాపారంలో పెట్టుబడి పెడుతూ సంస్థ లాభాలను భారీ స్థాయిలో పెంచుకుంటూ వచ్చారు. అనేక దశాబ్దాల పాటు, జీఆర్‌బీ ఒక ప్రైవేట్ యాజమాన్యం లోని, చాలా వరకు సొంత నిధులతోనే నడిచే వ్యాపారంగా కొనసాగింది. రూ. వెయ్యి కోట్ల క్లబ్‌లోకి ఎంట్రీ2014లో రూ. 4.25 కోట్ల నికర లాభాన్ని ఆర్జించిన సంస్థ 2021 నాటికి రూ. 76.67 కోట్ల లాభాన్ని కళ్ల జూసింది. 2024నాటి రూ. 1,011.12 కోట్ల రాబడితో వెయ్యి కోట్ల క్లబ్‌లో చేరింది. 2025 నాటికి రాబడి రూ. 1,084.47 కోట్లకు చేరగా, నికర లాభం రూ. 75.45 కోట్లుగా నమోదైంది. పట్టుదల, ఆత్మవిశ్వాసంతో 'GRB డైరీ ఫుడ్స్ ప్రైవేట్ లిమిటెడ్' బ్రాండ్ 40కి పైగా దేశాల్లో విస్తరించి, ప్రస్తుతం రూ.1,400 కోట్లకు పైగా టర్నోవర్‌ను సాధించింది.ఎంబీఏలు ఐఐటీలు లాంటి చదువు లేకపోయినా, వ్యాపారంలో సంపాదించిన ఆచరణాత్మక అనుభవం, మార్కెట్ అవసరాలను గుర్తించే చాకచక్యంతో జీఆర్‌ బాలసుబ్రహ్మణ్యం GRB బ్రాండ్‌ను భారతదేశంలోనే అగ్రగామి ప్యాకేజ్డ్ ఫుడ్ కంపెనీలలో ఒకటిగా నిలపడం విశేషం. ఉత్పత్తి నాణ్యత విషయంలో రాజీ పడటం కంటే వ్యాపారాన్ని వదులుకోవడానికే ఆయన మొగ్గు చూపేవారు. ఇది కేవలం ఒక విధానం కాదు, ఆయన దృఢమైన నమ్మకం.,500 మందికి పైగా ఉద్యోగులకు నాయకత్వం వహిస్తున్నారు. పట్టుదలతో, నిబద్ధత ఉంటే విజయతీరాలకు చేరడం సాధ్యమేనని నిరూపించి , తనలాంటి ఎంతోమందికి ప్రేరణగా నిలిచారు.

కెనడాకు చెందిన 37 ఏళ్ల శ్రీలంక తమిళ మహిళను మోసం చేసి, వీడియో కాల్‌ ద్వారా నగ్న పూజలు చేయించిన ఘటన చెన్నైలో వెలుగు చూసింది. ఈ కేసులో టీవీ ఛానళ్లలో కనిపించే గిరి అనే కిళి చిలుక జ్యోతిష్యుడిని పోలీసులు అరెస్ట్‌ చేశారు. చెన్నై కోడంబాక్కంలో నివసిస్తూ, టీవీలో వచ్చే చిలుక జ్యోతిష్య కార్యక్రమాలను చూసి బాధితురాలు సంప్రదించింది. ఆమెకు నమ్మకం కలిగించేలా మాట్లాడిన జ్యోతిష్యుడు, ఒక ప్రత్యేక నగ్న పూజ చేస్తే ఆమె కోరికలన్ని నెరవేరుతాయని నమ్మబలికాడు. దానికి అంగీకరించిన సదరు మహిళకు వీడియో కాల్‌ చేసి, బట్టలు విప్పించి తను కూడా నగ్నంగా ఉంటూ ఈ పూజల కోసం మొదట రూ.20 వేలు తీసుకున్నాడు. ఆ తర్వాత, వీడియో కాల్‌ మొత్తాన్ని రికార్డ్‌ చేశానని, తనకు ఇంకా ఎక్కువ డబ్బులు ఇవ్వకపోతే ఆ అశ్లీల దశ్యాలను ఇంటర్నెట్‌లో లీక్‌ చేస్తానని సదరు మహిళను బెదిరించడం ప్రారంభించాడు. దీంతో దిగ్భ్రాంతికి గురైన బాధితురాలు పోలీసులను ఆశ్రయించింది. పోలీసులు నిందితుడి ఫోన్‌ నంబర్‌ ఆధారంగా అతను తెన్కాసి జిల్లాకు చెందిన ఇసక్కి ముత్తు అని, కుట్రాలం పరిసరాల్లో దాక్కున్నట్లు గుర్తించి అరెస్ట్‌ చేశారు. ఇలాగే మరికొంతమంది మహిళలను కూడా మోసం చేశాడా అనే కోణంలో విచారణ చేస్తున్నారు. -తమిళనాడుచదవండి: లైంగిక దాడిని అడ్డుకున్న కుక్కలు!

సాక్షి, చెన్నై : మద్యం, గంజాయి మత్తులో ఒక బాలుడి నుంచి మానసిక వైకల్యంతో బాధపడుతున్న మహిళను వీధి కుక్కలు కాపాడిన ఘటన కోయంబత్తూరులోని తుడియలూరు వద్ద అశోకపురంలో వెలుగుచూసింది. ఓ దుకాణంలో అగ్నిప్రమాదానికి సంబంధించి సీసీ కెమెరా ఫుటేజ్‌ను పోలీసులు పరిశీలిస్తున్న సమయంలో ఈ సంచలన విషయం బయటపడింది. దీంతో ఆ కెమెరా దృశ్యాల ఆధారంగా ఆ బాలుడిని అరెస్టు చేశారు. వివరాలు.. అశోకపురం జీజీఓ కాలనీలోని ఒక దుకాణానికి గురువారం గుర్తుతెలియని వ్యక్తులు నిప్పు పెట్టడంతో తుడియలూరు పోలీసులు దర్యాప్తు చేపట్టారు. స్థానికంగా ఉన్న సీసీటీవీ ఫుటేజ్‌ను తనిఖీ చేశారు. ఇందులో ఓ దృశ్యం పోలీసుల్ని దిగ్భ్రాంతికి గురిచేసింది. అశోకపురం ఫ్లైఓవర్‌ వద్ద ఒంటరిగా తిరుగుతూ ఉండే ఒక మానసిక వైకల్యంతో బాధపడే మహిళపై మద్యం, గంజాయి మత్తులో ఉన్న బాలుడు లైంగిక దాడికి ప్రయత్నించాడు. Street Dog in Tamil Nadu’s Coimbatore have become unlikely heroes after they intervened and saved a mentally ill woman from an alleged sexual assault attempt by a minor boy. 🐕#TamilNadu #India #Dog pic.twitter.com/LOE5ny0Q6m— মৃত্যুঞ্জয়/姆里蒂尤恩贾伊/Mrityunjay 🇮🇳 (@VloggerCalcutta) September 4, 2026 బాధితురాలు కేకలు వేసినా అర్ధరాత్రి వేళ ఎవరూ పట్టించుకోలేదు. అదే సమయంలో అక్కడే ఉన్న వీధి కుక్కలు తక్షణమే స్పందించాయి. ఆ బాలుడిని చుట్టుముట్టి దాడి చేశాయి. అతడి కాళ్లను కరుస్తూ అడ్డుకున్నాయి. కుక్కల దాడితో భయపడిన బాలుడు అక్కడి నుంచి పారిపోయాడు. ఈ ఫుటేజ్‌ ఆధారంగా విచారణ చేపట్టిన పోలీసులు, గణేష్‌ నగర్‌కు చెందిన 16 ఏళ్ల బాలుడిని శుక్రవారం అదుపులోకి తీసుకున్నారు. అనంతరం బాలల అబ్జర్వేషన్‌ హోమ్‌కు తరలించారు. చదవండి: ప్రియుడికి సర్‌ప్రైజ్‌ ఇచ్చి.. ఆపై కటకటాల్లోకి!

సాక్షి, చెన్నై: శాసనసభ సమావేశాలు ముగిసిన వెంటనే తమిళనాడు ప్రభుత్వం తమ మంత్రివర్గంలో భారీ మార్పులు, చేర్పులు చేపట్టేందుకు సిద్ధమవుతోంది. కొన్ని నెలలుగా మంత్రుల పరిపాలనా సామర్థ్యం, పనితీరుపై చేయించిన సర్వేలు, అంతర్గత విచారణ ఆధారంగా ఈ నిర్ణయం తీసుకున్నట్లు సమాచారం. ఆశించిన స్థాయిలో రాణించని వారికి, వివాదాల్లో చిక్కుకున్న వారికి పదవుల నుంచి ఉద్వాసన పలికి , సమర్థులైన కొత్తవారికి కీలక శాఖలు అప్పగించేందుకు సీఎం విజయ్‌ ప్రణాళికలు రచిస్తున్నట్టు సంకేతాలు వెలువడ్డాయి. పారిశ్రామిక అభివృద్ధి, పెట్టుబడుల ఆకర్షణలో మరింత వేగం పెంచేందుకు పరిశ్రమల శాఖనుఅధవ్‌ అర్జునకు అప్పగించే అవకాశం ఉన్నట్టు చర్చ జరుగుతోంది. అలాగే, పాఠశాల విద్యా శాఖను అనుభవడైన సెంగోట్టయాన్‌కు అప్పగించవచ్చని భావిస్తున్నారు.మంత్రి రాజ్‌ మోహన్‌కు ఇతర ముఖ్య బాధ్యతలు కేటాయించనున్నట్లు సమాచారం. అలాగే, పరిశ్రమల మంత్రి కీర్తనకు మానవ వనరుల అభివృద్ధిశౠఖను అప్పగించే యోచనతో పాటుగా మరి కొందరి స్థానాలు కదిలించే దిశగా టీవీకే నాయకత్వం ఉన్నట్టు చర్చ జరుగుతోంది. అలాగే కాంగ్రెస్‌ పార్టీకి చెందిన మంత్రులు విశ్వనాథన్, రాజేష్‌ కుమార్‌ శాఖల్లో సైతం మార్పులు ఉంటాయని తెలుస్తోంది. చదవండి: యోగి సర్కార్‌కు కొత్త టెన్షన్‌.. అఖిలేష్‌-సీజేపీ భేటీపై రాజకీయ దుమారం!

చెన్నై: తమిళనాడు రాజకీయాల్లో అప్పుడే అధికార కూటమికి ‘2029 ఎన్నికల’ సెగ తగులుతోంది. ప్రభుత్వం ఏర్పడి కొన్ని నెలలు కూడా పూర్తికాకముందే.. ‘ప్రధాని అభ్యర్థి ఎవరు?’ అన్న ప్రశ్న టీవీకే-కాంగ్రెస్ మధ్య చిచ్చు రేపుతోంది. ఒకవైపు సీఎం, టీవీకే అధినేత విజయ్‌ను 2029 ప్రధాని అభ్యర్థిగా తెరపైకి తెస్తున్న ఆయన పార్టీ నేతలు.. మరోవైపు రాహుల్ గాంధీనే ప్రతిపక్ష కూటమి ప్రధాని ముఖంగా కాంగ్రెస్ పట్టుబడుతోంది. దీంతో ఇరు పార్టీల మధ్య రాజకీయ ఉత్కంఠ రోజురోజుకూ పెరుగుతోంది.ఈ నేపథ్యంలో సెప్టెంబర్ 9న టీవీకే మిత్రపక్షాలతో కీలక సమావేశం నిర్వహించనుండటం తమిళనాడు రాజకీయాల్లో హాట్ టాపిక్‌గా మారింది. సీపీఎం, సీపీఐ, ఎండీఎంకే నేతలను టీవీకే మంత్రులు సమావేశానికి ఆహ్వానిస్తున్నారు. ఈ భేటీలో రాజకీయ ఫ్రంట్ ఏర్పాటుతో పాటు కూటమి భవిష్యత్ వ్యూహంపై చర్చ జరిగే అవకాశం ఉంది. మరోవైపు.. ఈ సమావేశానికి కాంగ్రెస్‌కు ఆహ్వానం లేకపోవడం మరింత ఉత్కంఠకు తెరలేపింది.అసలు కథ మొదలైంది ఇక్కడే..టీవీకేకి చెందిన పలువురు నేతలు వరుసగా ‘విజయ్ ఫర్ పీఎం’ నినాదాన్ని తెరపైకి తీసుకురావడంతో వివాదం మొదలైంది. విజయ్ జాతీయ రాజకీయాల్లో కీలక పాత్ర పోషించాలని, 2029లో ప్రధాని అభ్యర్థిగా ఆయనను ముందుకు తీసుకురావాలని పార్టీ నేతలు బహిరంగంగా మాట్లాడుతున్నారు. అంతేకాదు.. విజయ్‌కు రాహుల్ గాంధీ మద్దతు ఇస్తారని కూడా కొందరు టీవీకే నేతలు వ్యాఖ్యానించడం కాంగ్రెస్‌లో మరింత అసహనానికి కారణమైంది.కాంగ్రెస్ వార్నింగ్.. రాహుల్‌ మా ఛాయిస్!టీవీకేనేతల వ్యాఖ్యలకు కాంగ్రెస్ కూడా గట్టిగానే కౌంటర్ ఇస్తోంది. 2029లో రాహుల్ గాంధీనే తమ ప్రధాని అభ్యర్థి అని కాంగ్రెస్ నేతలు స్పష్టం చేస్తున్నారు. విజయ్‌ను ప్రధాని అభ్యర్థిగా ప్రచారం చేస్తున్నది పార్టీ విధానం కాదని.. కొందరు కొత్తగా వచ్చిన నేతల అభిమాన భావజాలం మాత్రమేనని కాంగ్రెస్ నేతలు కొట్టిపారేస్తున్నారు. ఇక్కడే అసలు సమస్య మొదలైంది. ఒకే ప్రభుత్వంలో భాగస్వాములుగా ఉన్న రెండు పార్టీలు.. జాతీయ స్థాయిలో మాత్రం ఇద్దరు వేర్వేరు నేతలను ప్రధాని కుర్చీ కోసం ముందుకు తెస్తున్నాయి. అయితే, ఈ వివాదం మాటలకే పరిమితం కాలేదు. కాంగ్రెస్ మంత్రి ఎస్. రాజేశ్ కుమార్.. రాహుల్ గాంధీని 2029 ప్రధాని అభ్యర్థిగా టీవీకే అంగీకరించకపోతే కాంగ్రెస్‌కు చెందిన మంత్రులు పదవుల్లో కొనసాగడం కష్టమవుతుందని హెచ్చరించారు. ఈ వ్యాఖ్యలు కూటమిలోని అంతర్గత ఉద్రిక్తతను మరింత బయటపెట్టాయి.మరోవైపు.. కాంగ్రెస్ నేతలు మాత్రం కూటమిలో ఎలాంటి విభేదాలు లేవని చెబుతున్నారు. కాగా, ముఖ్యమంత్రి విజయ్ మాత్రం ఈ వివాదంపై ఇప్పటివరకు పెద్దగా స్పందించకుండా మౌనం పాటిస్తున్నారు. ఇలాంటి తరుణంలో ఇప్పుడంతా సెప్టెంబర్ 9 సమావేశంపైనే ఉత్కంఠ నెలకొంది. టీవీకే ఇప్పటికే మిత్రపక్షాలతో చర్చలు మొదలుపెట్టింది. ఈ సమావేశంలో కూటమి నిర్మాణం, రాజకీయ ఫ్రంట్‌కు పేరు, సమన్వయ వ్యవస్థ వంటి అంశాలతో పాటు విజయ్-రాహుల్ వివాదానికి ఏదైనా పరిష్కారం దొరుకుతుందా? అన్నది కీలకంగా మారింది.ఇదీ చదవండి: మంచి స్కూల్స్‌ అడగటం ప్రభుత్వ వ్యతిరేకమా: సీజేపీ

సాక్షి, చెన్నై: తమిళనాడులోని కోయంబత్తూర్‌లో దిగ్భ్రాంతికర సంఘటన చోటు చేసుకుంది. మానసిక వికలాంగురాలైన మహిళను లైంగిక దాడి నుంచి వీధి కుక్కలు కాపాడిన వైనం నెట్టింట వైరల్‌గా మారింది. తమిళనాడులోని కోయంబత్తూరులో గురువారం తెల్లవారు జామున ఈ దారుణ ఘటన చోటుచేసుకుంది.నివేదికల ప్రకారం, రోడ్డు పక్కన నిద్రిస్తున్న మానసిక దివ్యాంగురాలైన మహిళపై ఓ యువకుడు లైంగిక దాడికి యత్నించాడు. తుడియలూర్ ప్రాంతంలోని జాతీయ రహదారిపై ఉన్న రైల్వే వంతెన కింద ఈ ఘటన జరిగింది. నిందితుడు రోడ్డుపై నడుచుకుంటూ వెళ్తూ, రోడ్డు పక్కన పడి ఉన్న ఆ మహిళను గమనించాడు. చుట్టుపక్కల ఎవరూ లేరని నిర్ధారించు కున్నాక, అతను ఆమెపై దాడికి యత్నించాడు. మానసిక వైకల్యంతో వీధుల్లో నివసించే ఆ మహిళ భయపడి, సహాయం కోసం కేకలు వేసింది. అయితే ఎవరూ రాలేదు. నిందితుడు ఆమెపై దాడిచేస్తున్నపుడు ఆమె ప్రతిఘటించడానికి ప్రయత్నించింది. కానీ చుట్టుపక్కల ఎవరూ లేరనేధైర్యంతో అతను తన పట్టువీడలేదు. అయితే, రోడ్డుపై ఉన్న రెండు వీధి కుక్కలు ఈ విషయాన్ని గమనించి గట్టిగా అరవడం ప్రారంభిచాయి. మొరుగుతూనే అతని పైకి లంఘించాయి. అయినా ఆమెను వదలకపోవడంతో, కుక్కలు అతనిపై ఎటాక్‌ చేసి మరీ అక్కడి నుంచి తరిమికొట్టాయి. ఈ దాడికి సంబంధించిన CCTV దృశ్యాలు బయటకు రావడంతో ఈ ఘటన వెలుగులోకి వచ్చింది. ఆ తర్వాత, లైంగిక దాడికి ప్రయత్నించిన ఆరోపణపై పోలీసులు భూపతి అనే వ్యక్తిని అరెస్టు చేశారు. ఘటన జరిగిన సమయంలో అతను మద్యం మత్తులో ఉన్నాడని పోలీసులు తెలిపారు. మరోవైపు నిస్పహాయురాలైన మహిళను కాపాడిన ఈ వీడియో చూసిన నెటిజన్లు వీధికుక్కల విశ్వాసాన్ని కొనియాడు తున్నారు. கோவை துடியலூர் அருகே நள்ளிரவில் மனநலம் பாதிக்கப்பட்ட பெண்ணை பாலியல் துன்புறுத்தல் செய் முயன்ற இளைஞரைகடித்து விரட்டி விட்ட நாய்கள்.#kovai #tnpolice #womensafety #Chanakyaa Stay informed with the latest news through Chanakyaa via https://t.co/fKuhMnLnfy pic.twitter.com/RUPEDRI7Ty— சாணக்யா (@ChanakyaaTv) September 4, 2026ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియో

సాక్షి, చెన్నై: తమిళనాడులో కొత్త శాసనసభ, సచివాలయ భవన సముదాయా­న్ని నిర్మించాలని విజయ్‌ ప్రభుత్వం నిర్ణయించింది. ఇందుకోసం రూ.1,200 కోట్లను కేటాయించాలని నిర్ణయించినట్లు తమిళనాడు సీఎం విజయ్‌ ప్రకటించారు. ఈ నిర్మాణాలు వందేళ్ల పాటు ఉపయోగపడేలా తీర్చిదిద్దుతామని గురువారం అసెంబ్లీలో ఆయన ప్రకటించారు. అలాగే, ప్రస్తుతం ఉన్న సెయింట్‌ జార్జ్‌ కోట భవనాలను రాబోయే తరాల కోసం వారసత్వ చిహ్నలుగా భద్రపరుస్తామని చెప్పారు. ఒలింపిక్‌ సిటీ, మోటార్‌ స్పోర్ట్స్‌ సిటీలకు కూడా రూపకల్పన చేస్తున్నట్లు తెలిపారు.

సాక్షి, చెన్నై: తమిళనాడు ముఖ్యమంత్రి విజయ్ సంచలన నిర్ణయాలతో దూసుకు పోతున్నారు. తాజాగా చెన్నైలో కొత్త శాసనసభ - సచివాలయ (Assembly-cum-Secretariat) భవన సముదాయాన్ని నిర్మించనున్నట్లు గురువారం అసెంబ్లీలో ప్రకటించారు. ఈ నిర్మాణం రాబోయే 100 సంవత్సరాల వరకు ఉపయోగ పడేలా ఉంటుందని ఆయన తెలిపారు.అసెంబ్లీలో రూల్ 110 కింద అనేక ప్రకటనలు చేస్తూ, తమిళనాడు ఒలింపిక్ సిటీని, చెన్నైలో మోటార్ స్పోర్ట్స్ సిటీని రాష్ట్ర ప్రభుత్వం ఏర్పాటు చేస్తుందని సీఎం ప్రకటించారు. రాష్ట్ర మౌలిక సదుపాయాలను ప్రపంచ స్థాయికి పెంచడానికి ముఖ్యమంత్రి మూడు ప్రధాన అభివృద్ధి కార్యక్రమాలను ప్రకటించారు.ఇదీ చదవండి: నెలకు రూ. 14 లక్షలు : ఏం వ్యాపారమో తెలిస్తే షాకవుతారుప్రస్తుతం ఫోర్ట్ సెయింట్ జార్జ్ (Fort St George) కాంప్లెక్స్ తమిళనాడు ప్రభుత్వ శాసనసభ , సచివాలయంగా పనిచేస్తోంది. సీఎం విజయ్‌ ఆధ్వర్యంలో రానున్న కొత్త సెక్రటేరియట్‌ అంచనా వ్యయం రూ. 1,200 కోట్లుగా భావిస్తున్నారు. 20 లక్షల చదరపు అడుగులవిస్తీర్ణంలో ఇది రూపుదిద్దుకోనుంది. కొత్త కాంప్లెక్స్ నిర్మాణం కోసం ప్రభుత్వం పట్టణపాక్కం, నందంబాక్కం, కోయంబేడు మరియు గిండిలోని హైవేస్ డిపార్ట్‌మెంట్ ఆఫీస్ ప్రాంగణాలను ఎంపిక చేసింది. గతంలో మాజీ ముఖ్యమంత్రులు జయలలిత, ఎం. కరుణానిధి కూడా అసెంబ్లీ, సచివాలయాలను వేరే చోటికి మార్చాలని ప్రతిపాదించినప్పటికీ, దశాబ్దాలుగా ఫోర్ట్ సెయింట్ జార్జ్ ప్రాంగణమే పాలనా కేంద్రంగా కొనసాగుతోంది.ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలు

తమిళనాడు మాజీ ముఖ్యమంత్రి, డీఎంకే అధినేత ఎంకే స్టాలిన్‌కు మద్రాస్‌ హైకోర్టులో ఎదురుదెబ్బ తగిలింది. కొలత్తూరు అసెంబ్లీ ఎన్నికల్లో ఈవీఎంలు, వీవీప్యాట్‌ ధ్రువీకరణలో అవకతవకలు జరిగాయంటూ ఆయన దాఖలు చేసిన పిటిషన్‌ను హైకోర్టు గురువారం కొట్టివేసింది. ఈ పిటిషన్‌ అసలు విచారణకే అర్హమైనది కాదని ఉన్నత న్యాయస్థానం స్పష్టం చేసింది.2026 తమిళనాడు అసెంబ్లీ ఎన్నికల్లో కొలత్తూరు నియోజకవర్గం నుంచి పోటీ చేసిన స్టాలిన్‌ను తమిళగ వెట్రి కజగం (టీవీకే) అభ్యర్థి వీఎస్‌ బాబు ఓడించారు. బాబుకు 82,997 ఓట్లు (45.09 శాతం) రాగా.. స్టాలిన్‌కు 74,202 ఓట్లు (40.32 శాతం) వచ్చాయి. దీంతో బాబు 8,795 ఓట్ల మెజారిటీతో విజయం సాధించారు. స్టాలిన్‌ రెండో స్థానంలో నిలిచారు. అయితే మే 4న ఫలితాలు వెలువడగా.. మే 7నే 14 ఈవీఎంల బర్న్ట్‌ మెమరీ, మైక్రోకంట్రోలర్‌ను పరిశీలించాలని ఎన్నికల సంఘానికి స్టాలిన్‌ దరఖాస్తు చేశారు. కానీ, ఈ 14 ఈవీఎంలు నియోజకవర్గంలోని మొత్తం 286 యంత్రాల్లో 5 శాతం. అయితే ఈ పరిశీలన జూలై 29న మాత్రమే జరిగింది. పరిశీలన సమయంలో రెండు ఈవీఎంలు పనిచేయడం ఆగిపోయాయని, మరో యంత్రానికి సంబంధించిన బ్యాలెట్‌, కంట్రోల్‌ యూనిట్లపై అడ్రస్‌ ట్యాగ్‌లు సరిగ్గా లేకపోవడంతో పాటు సీల్‌ విషయంలోనూ లోపాలు ఉన్నాయని స్టాలిన్‌ ఆరోపించారు. ఒక కంట్రోల్‌ యూనిట్‌ తన పేరున్న బ్యాలెట్‌ యూనిట్‌ను గుర్తించలేదని కూడా ఆయన కోర్టు దృష్టికి తీసుకెళ్లారు.అన్ని వీవీప్యాట్‌ లెక్కింపు కోరుతూ..కొలత్తూరు నియోజకవర్గంలోని మొత్తం 286 ఈవీఎంలను పరిశీలించడంతో పాటు 100 శాతం వీవీప్యాట్‌ స్లిప్పులను లెక్కించాలని స్టాలిన్‌ కోర్టును కోరారు. ఈవీఎంల పరిశీలనలో బయటపడిన లోపాల నేపథ్యంలో ఎన్నికల ఫలితాలపై అనుమానాలు వ్యక్తం చేస్తూ.. వీఎస్‌ బాబు ఎన్నికను చెల్లనిదిగా ప్రకటించాలని, తనను విజేతగా ప్రకటించాలని కూడా అభ్యర్థించారు.ఆలస్యంగా ఈవీఎంల పరిశీలన?స్టాలిన్‌ తరఫున సీనియర్‌ న్యాయవాది కపిల్‌ సిబల్‌ కీలక వాదన చేశారు. ఎన్నికల ఫలితాలు వెలువడిన వెంటనే మే 7న ఈవీఎంల పరిశీలనకు దరఖాస్తు చేసినప్పటికీ.. ఎన్నికల సంఘం జూలై 29న పరిశీలన చేపట్టిందన్నారు. అప్పటికి ఎన్నికల పిటిషన్‌ దాఖలు చేసేందుకు నిర్దేశించిన 45 రోజుల గడువు ముగిసిపోయిందని తెలిపారు. ఈ నేపథ్యంలో పరిశీలనలో లోపాలు బయటపడిన తర్వాత స్టాలిన్‌ ఎన్నికల పిటిషన్‌ ఎలా దాఖలు చేయగలరని ప్రశ్నించారు.ఈసీ అభ్యంతరం ఇదే..అయితే స్టాలిన్‌ పిటిషన్‌ను విచారించడానికి వీల్లేదని ఎన్నికల సంఘం వాదించింది. ఈసీ తరఫున సీనియర్‌ న్యాయవాది దామా శేషాద్రి నాయుడు వాదనలు వినిపించారు. రాజ్యాంగంలోని ఆర్టికల్‌ 329(బి) ప్రకారం ఎన్నికల ఫలితాలను సవాలు చేయాలంటే ఎన్నికల పిటిషన్‌ ద్వారానే వెళ్లాలని పేర్కొంది. ఆర్టికల్‌ 226 కింద దాఖలు చేసిన రిట్‌ పిటిషన్‌ ద్వారా ఆ ప్రక్రియను పక్కదారి పట్టించలేరని తెలిపింది.ఈ వాదనలను పరిగణనలోకి తీసుకున్న చీఫ్‌ జస్టిస్‌ ఎస్‌ఏ ధర్మాధికారి, జస్టిస్‌ జి. అరుల్‌ మురుగన్‌తో కూడిన ధర్మాసనం స్టాలిన్‌ దాఖలు చేసిన పిటిషన్‌ ‘నాట్‌ మెయింటెయినబుల్‌’ అని పేర్కొంటూ కొట్టివేసింది. దీంతో కొలత్తూరు ఎన్నికల ఫలితాలను ఈవీఎంల ఆధారంగా సవాలు చేసిన స్టాలిన్‌ ప్రయత్నానికి ప్రస్తుతానికి బ్రేక్‌ పడింది.ఇదీ చదవండి: అలా.. విడాకులిచ్చేయాల్సి వచ్చింది!

ప్రజాస్వామ్యంలో తమ హక్కుల కోసం ఎవరైనా శాంతియుతంగా ఆందోళనలు, నిరసనలు చేపట్టవచ్చని తమిళనాడు ముఖ్యమంత్రి జోసెఫ్‌ విజయ్‌ స్పష్టం చేశారు. అయితే అవి హింసాత్మకంగా మారకుండా, ప్రజలకో.. ప్రభుత్వ ఆస్తులకో నష్టం కలిగించకుండా ఉండాలని పేర్కొన్నారు. ఈ క్రమంలో బుధవారం అసెంబ్లీ సాక్షిగా ఓ కీలక ప్రకటన చేశారు.గత డీఎంకే ప్రభుత్వంలో రైతులు, ఉపాధ్యాయులు తీవ్ర ఇబ్బందులు ఎదుర్కొన్నారని సీఎం విజయ్‌ ఆరోపించారు. ఈ క్రమంలోనే వాళ్లు ధర్నాలు చేపడితే కేసులు పెట్టారని.. అది అమానవీయమని మండిపడ్డారాయన. ఆయా కేసులు ఐదేళ్ల తర్వాత కూడా ఇంకా పెండింగ్‌లో ఉండడంతో ఇబ్బందులు పడుతున్నారని సభలో తెలియజేశారు. ఈ నేపథ్యంలో రైతులు, టీచర్లపై నమోదైన కేసులన్నింటినీ ఉపసంహరించుకోవాలని తమ ప్రభుత్వం నిర్ణయించినట్లు ప్రకటించారు. దీంతో 2021 మే నుంచి 2026 వరకు ఆందోళనలకు సంబంధించి నమోదైన కేసులన్నీ రద్దు కానున్నాయి.రైతులపై కేసులెందుకు?రాష్ట్రానికి.. దేశానికి రైతులే వెన్నెముక అని విజయ్‌ పేర్కొన్నారు. వివిధ అభివృద్ధి, పారిశ్రామిక ప్రాజెక్టులకు వ్యతిరేకంగా రైతులు, స్థానికులు చేపట్టిన ఆందోళనల సందర్భంగా కేసులు నమోదయ్యాయని తెలిపారు. ముఖ్యంగా సిప్‌కాట్‌ పారిశ్రామిక ప్రాజెక్టులకు వ్యతిరేకంగా జరిగిన నిరసనలు, పరందూర్‌ గ్రీన్‌ఫీల్డ్‌ విమానాశ్రయానికి వ్యతిరేకంగా జరిగిన ఉద్యమం సందర్భంగా రైతులపై కేసులు నమోదయ్యాయని చెప్పారు. విజయ్‌ ప్రకటన చేసిన సమయంలో ప్రతిపక్ష నేత ఉదయ్‌నిధి స్టాలిన్‌ సభలోనే ఉండడం గమనార్హం.డీఎంకే హయాంలో పరందూర్‌ గ్రీన్‌ఫీల్డ్‌ విమానాశ్రయ నిర్మాణ ప్రతిపాదన తెర మీదకు వచ్చింది. ఈ ప్రాజెక్టుకు వ్యతిరేకంగా స్థానిక రైతులు, గ్రామస్తులు సుదీర్ఘంగా ఆందోళనలు చేశారు. ఈ తరుణంలో.. విమానాశ్రయాన్ని రద్దు చేస్తూ విజయ్‌ ప్రభుత్వం ఇటీవలే నిర్ణయం తీసుకుంది. టీచర్లపైనా..ఉపాధ్యాయులు తమ సమస్యల పరిష్కారం కోసం ప్రజాస్వామ్య పద్ధతిలో ఆందోళనలు చేసినప్పటికీ వారిపైనా కేసులు పెట్టారని సీఎం విజయ్‌ తెలిపారు. ఆ కేసులు ఇప్పటికీ పెండింగ్‌లో ఉండటంతో ఉద్యోగులు, వారి కుటుంబాలు ఇబ్బందులు ఎదుర్కొంటున్నాయని చెప్పారు. నిరసన తెలిపే హక్కు ప్రజాస్వామ్యంలో ప్రతి ఒక్కరికీ ఉందని, ఆ హక్కును వినియోగించుకున్నందుకు కేసులతో వేధించడం సరికాదని వ్యాఖ్యానించారు.ఎన్ని కేసులు?అయితే డీఎంకే హయాంలో రైతులు, ఉపాధ్యాయులపై వివిధ ఆందోళనలకు సంబంధించి ఎన్ని కేసులు నమోదయ్యాయనే పూర్తి సంఖ్యను విజయ్‌ ప్రభుత్వం ఈ ప్రకటనలో వెల్లడించలేదు. అయితే గతంలో తమిళనాడులో వివిధ ఉద్యమాలకు సంబంధించిన పెండింగ్‌ కేసులపై ప్రభుత్వాలు దశలవారీగా నిర్ణయాలు తీసుకున్న సందర్భాలు ఉన్నాయి. అయితే విజయ్‌ సర్కార్‌ తీసుకున్న నిర్ణయంపై ప్రతిపక్ష డీఎంకే స్పందించాల్సి ఉంది. ఆ ఇబ్బందుల్ని అర్థం చేసుకున్నాంగత డీఎంకే ప్రభుత్వ హయాంలో ప్రజాస్వామ్య పద్ధతిలో నిరసన తెలిపిన వారిని అమానవీయంగా వ్యవహరించారని విజయ్‌ ఆరోపించారు. కేసులు పెండింగ్‌లో ఉండటం వల్ల ఉద్యోగాలు, విదేశీ ప్రయాణాలు, ఇతర వ్యక్తిగత వ్యవహారాల్లో ఇబ్బందులు ఎదురయ్యే పరిస్థితి ఉంటుందని పేర్కొన్నారు. ఈ నేపథ్యంలో బాధితులకు ఉపశమనం కల్పించేందుకే కేసుల ఉపసంహరణ నిర్ణయం తీసుకున్నట్లు తెలిపారు.ఇదిలా ఉండగా, ఇటీవలే యాంటీ-నీట్‌ ఆందోళనల్లో పాల్గొన్న విద్యార్థులపై నమోదైన కేసులన్నింటినీ ఉపసంహరించుకోవాలని విజయ్‌ ప్రభుత్వం నిర్ణయించింది. ఆగస్టు 2న పాఠశాల విద్యాశాఖ మంత్రి రాజ్‌మోహన్‌ ఈ విషయాన్ని అసెంబ్లీలో ప్రకటించారు. ఇప్పుడు డీఎంకే హయాంలో రైతులు, టీచర్లపై నమోదైన కేసులను కొట్టేయాలని నిర్ణయించడం గమనార్హం.ఇదీ చదవండి: కాంగ్రెస్‌ ప్లాన్‌బీ.. వాళ్లకు బంపర్‌ ఆఫర్‌

తమిళనాడు రాజకీయాల్లో అధికార కూటమి భాగస్వాములైన తమిళగ వెట్రి కళగం (టీవీకే), కాంగ్రెస్‌ మధ్య విభేదాలు తీవ్ర చర్చనీయాంశంగా మారాయి. టీవీకే అధినేత, తమిళనాడు సీఎం విజయ్‌ను ప్రధాని అభ్యర్థిగా ప్రచారం చేయడాన్ని కాంగ్రెస్‌ తీవ్రంగా వ్యతిరేకిస్తోంది. అయితే టీవీకే మాత్రం ఈ విషయంలో వెనక్కి తగ్గడం లేదు. ఆ ప్రచారాన్ని మరింత ఉధృతం చేస్తూ హస్తం పార్టీకి అసహనం తెప్పిస్తోంది. ఆ వెంటనే అసెంబ్లీలో సీటింగ్‌ మార్పు.. ఇరు పార్టీల మధ్య గ్యాప్‌నకు కారణమనే చర్చా నడిచింది. ఈ క్రమంలో తమిళనాడు కాంగ్రెస్‌ నేతలు కీలక వ్యాఖ్యలు చేశారు.తమిళనాడు అసెంబ్లీలో కాంగ్రెస్‌ శాసనసభాపక్ష నేత తరహై కత్‌బర్ట్‌(Tharahai Cuthbert) మీడియాతో మాట్లాడుతూ కీలక వ్యాఖ్యలు చేశారు. ప్రధాని అభ్యర్థిగా రాహుల్‌గాంధీని విజయ్‌ కూడా అంగీకరించారని ఆమె పేర్కొన్నారు. ‘‘సీఎం రాహుల్‌గాంధీనే ప్రధాని అభ్యర్థిగా ఎంచుకున్నారు. ఆయన కూడా అదే విధంగా ముందుకు వెళ్తున్నారు’’ అని తెలిపారు.‘కాంగ్రెస్‌ ఎవరికీ బానిస కాదు’టీవీకేకు కాంగ్రెస్‌ లోబడి పనిచేయడం లేదని తరహై కత్‌బర్ట్‌ స్పష్టం చేశారు. తమిళనాడులో తమ పార్టీ స్వతంత్రంగా విస్తరిస్తోందని, కాంగ్రెస్‌ ప్రజాస్వామ్యబద్ధమైన స్వతంత్ర పార్టీ అని పేర్కొన్నారు. కూటమిలో ఉన్నప్పటికీ పార్టీ స్వతంత్ర నిర్ణయాలు తీసుకుంటుందని చెప్పారు.అందుకే సీటు మారాల్సి వచ్చిందిఇదిలా ఉండగా.. అసెంబ్లీలో తన సీటు మార్పుపైనా కత్‌బర్ట్‌ వివరణ ఇచ్చారు. అంతకు ముందు కాంగ్రెస్‌ ఎమ్మెల్యేలు టీవీకే ఎమ్మెల్యేలతోనే కూర్చున్నారు. తాజా తాజా వివాదం నేపథ్యంలో వాళ్లు కావాలనే సీటు మారి విపక్ష సభ్యులతో కూర్చున్నారనే ఊహాగానాలు వినిపించాయి. అయితే కాంగ్రెస్‌ శాసనసభాపక్ష నేతగా కొత్త బాధ్యతలు చేపట్టిన నేపథ్యంలోనే తనకు ముందు వరుసలో సీటు కేటాయించారని, దీనికి ఎలాంటి రాజకీయ కారణం లేదని కత్‌బర్ట్‌ స్పష్టం చేశారు. ఇక ఉత్తరాఖండ్‌లోని హల్ద్వానీలో ‘శుద్ధీకరణ’ వివాదానికి సంబంధించి రాహుల్‌గాంధీపై ఎఫ్‌ఐఆర్‌ నమోదవడాన్ని కూడా కత్‌బర్ట్‌ ప్రస్తావించారు. రాహుల్‌కు పెరుగుతున్న ప్రజాదరణను చూసి బీజేపీ ఆందోళన చెందుతోందని ఆరోపించారు. 2029లో రాహుల్‌గాంధీ ప్రధానమంత్రి అవుతారని ఆమె ధీమా వ్యక్తం చేశారు.ఇటీవల ‘మూడ్‌ ఆఫ్‌ ది నేషన్‌’ సర్వేలో ప్రధాని పదవికి విజయ్‌ మూడో స్థానంలో నిలిచిన నేపథ్యంలో టీవీకే కార్యకర్తలు ఆయనను ప్రధాని అభ్యర్థిగా ప్రచారం చేయడం మొదలుపెట్టారు. దీనిపై కాంగ్రెస్‌ నుంచి అభ్యంతరాలు వ్యక్తమయ్యాయి.‘విజయ్‌ను ప్రధాని అభ్యర్థిగా చేస్తే బయటకొస్తాం’అంతకు ముందు.. విజయ్‌ను ప్రధాని అభ్యర్థిగా టీవీకే ముందుకు తీసుకెళ్తే కాంగ్రెస్‌ మంత్రులు తమిళనాడు ప్రభుత్వాన్ని వీడతారని ఆ పార్టీకి చెందిన మంత్రి ఎస్‌. రాజేశ్‌ కుమార్‌ హెచ్చరించారు. ఆగస్టు 30న మార్తాండంలో జరిగిన పార్టీ సమావేశంలో ఆయన మాట్లాడుతూ.. 2029 ఎన్నికలకు రాహుల్‌గాంధీని ప్రధాని అభ్యర్థిగా టీవీకే అంగీకరించకపోతే తాను, మరో కాంగ్రెస్‌ మంత్రి విశ్వనాథన్‌ వెంటనే తమ పదవులకు రాజీనామా చేసి విజయ్‌ కేబినెట్‌ నుంచి బయటకు వస్తామని ప్రకటించారు.విజయ్‌–రాహుల్‌ మధ్య సాన్నిహిత్యంమరోవైపు విజయ్‌, రాహుల్‌గాంధీ మధ్య మంచి సంబంధాలున్నాయని కాంగ్రెస్‌ నేతలు చెబుతున్నారు. కరూర్‌ ఘటన తర్వాత విజయ్‌కు రాహుల్‌ ఫోన్‌ చేసి సంఘీభావం తెలపడాన్ని గుర్తు చేశారు. అలాగే ఈ ఏడాది తమిళనాడు అసెంబ్లీ ఎన్నికల్లో టీవీకే సంచలన అరంగేట్రం చేసింది. దశాబ్దాలుగా రాష్ట్ర రాజకీయాలను శాసిస్తున్న డీఎంకే, అన్నాడీఎంకే ఆధిపత్యానికి సవాల్‌ విసిరింది. విజయ్‌ ప్రమాణ స్వీకార కార్యక్రమానికి రాహుల్‌గాంధీని ఆహ్వానించగా.. వేదికపై ఆయనను తన ‘సోదరుడు’గా విజయ్‌ అభివర్ణించారు. టీవీకే ప్రభుత్వానికి రాహుల్‌గాంధీ కూడా మద్దతు ప్రకటించారు.మొత్తంగా.. విజయ్‌ నాయకత్వంలోని తమిళనాడు ప్రభుత్వంలో కాంగ్రెస్‌ భాగస్వామ్యం కొనసాగుతున్నప్పటికీ, 2029 ప్రధాని అభ్యర్థిత్వం అంశం మాత్రం కూటమిలో కొత్త చర్చకు దారితీస్తోంది. ప్రస్తుతానికి ఇరు పార్టీల నేతలు విభేదాలు లేవని చెబుతున్నా.. విజయ్‌ పేరును ప్రధాని అభ్యర్థిగా ముందుకు తీసుకెళ్లే ప్రయత్నాలు, రాహుల్‌గాంధీకి కాంగ్రెస్‌ మద్దతు నేపథ్యంలో భవిష్యత్తులో ఈ అంశం కూటమి మధ్య విభేదాలకు కారణమయ్యే అవకాశం లేకపోలేదని రాజకీయ విశ్లేషకులు అభిప్రాయపడుతున్నారు.ఇదీ చదవండి: కాంగ్రెస్‌ చెప్పిన ఆ గుంటనక్క ఎవరు?

చెన్నై: తమిళనాడులోని ప్రముఖ ఆలయాల్లో ఇకపై సెల్‌ఫోన్‌ మోగదు.. కెమెరా క్లిక్‌మనదు. ఆలయాల పవిత్రత, ప్రశాంత వాతావరణాన్ని కాపాడేందుకు ఆలయ ప్రాంగణాల్లోకి మొబైల్‌ ఫోన్లను తీసుకెళ్లడంపై నిషేధం అమల్లోకి వచ్చింది. నేటి (సెప్టెంబర్‌ 1) నుంచి రాష్ట్రంలో తొలి దశలో 52 ప్రధాన ఆలయాల్లో ఈ నిబంధనను అమలు చేస్తున్నారు.ఆలయాల్లో సెల్ఫీలు, ఫొటోలు, వీడియోలు, సోషల్‌ మీడియా రీల్స్‌ చిత్రీకరణకు అడ్డుకట్ట వేయడమే ఈ నిర్ణయం ప్రధాన ఉద్దేశంగా అధికారులు చెబుతున్నారు. దేవతామూర్తులతో పాటు వీఐపీలు, ప్రముఖులు, సినీ తారల ఫొటోలు, వీడియోలు తీయడానికీ అనుమతి ఉండదు. భక్తులు తమ మొబైల్‌ ఫోన్లను ఆలయాల ప్రవేశ ద్వారాల వద్ద ఏర్పాటు చేసిన డిపాజిట్‌ కేంద్రాల్లో భద్రపరచుకోవాలి. ఒక్కో ఫోన్‌కు రూ.5 ఫీజు వసూలు చేసి రసీదు ఇవ్వాలని అధికారులు ఆదేశించారు. దర్శనం అనంతరం రసీదు చూపించి తమ ఫోన్లను తిరిగి తీసుకోవచ్చు.ఈ నిర్ణయానికి 2022లో మద్రాస్‌ హైకోర్టు ఇచ్చిన ఆదేశాలు కూడా ఆధారంగా ఉన్నాయి. ఆలయాల పవిత్రత, భద్రతను దృష్టిలో ఉంచుకుని ఆలయ ప్రాంగణాల్లో మొబైల్‌ ఫోన్లు, కెమెరాల వినియోగాన్ని నియంత్రించవచ్చని కోర్టు పేర్కొంది. దీంతో ఇకపై తమిళనాడులోని ప్రముఖ ఆలయాలకు వెళ్లే భక్తులు ‘ముందు దర్శనం.. ఆ తర్వాతే ఫోన్‌’ అన్న నిబంధనను పాటించాల్సి ఉంటుంది.

సాక్షి, చెన్నై: చెన్నైలోని కోవిలంబక్కమ్‌లో మరో వరకట్న మరణం విషాదాన్ని నింపింది. ఉన్నత విద్యావంతురాలు, ఉద్యోగం, పెళ్లి సమయంలో భారీగా కట్నకానుకలు ముట్టజెప్పినప్పటికీ అత్తింటివారి ఆశ తీరలేదు. వేధింపులను తట్టుకోలేక పెళ్లైన రెండేళ్లకే ఏడాదిన్నర పసిగుడ్డును అనాథను చేసి, ఆమె ఉసురు తీసుకుంది.మృతురాల్ని చెన్నైలోని కోవిలంబాక్కంలో ప్రైవేట్ పాఠశాల ఉపాధ్యాయురాలిగా పనిచేస్తున్న భువనేశ్వరి (27)గా గుర్తించారు. M.Sc. B.Ed. పూర్తి చేసి ప్రైవేట్ పాఠశాలలో ఉపాధ్యాయురాలిగా పనిచేస్తోంది. ఆమెకు ఒక సంవత్సరం వయసున్న కుమారుడు ఉన్నాడు. భారీగా కట్నం, అయినా తీరని దాహంభువనేశ్వరికి 2024 సెప్టెంబర్‌లో వివాహమైంది. పెళ్లి సమయంలో ఆమె కుటుంబ సభ్యులు రూ. 15 లక్షల విలువైన కారు, 50 సవర్ల బంగారం ఇచ్చారు. అదనంగా వరుడికి మరో 20 సవర్ల బంగారం సమర్పించారు. పెళ్లయిన రెండేళ్లలోపే అదనపు కట్నం కోసం భర్త, అతని కుటుంబ సభ్యులు భువనేశ్వరిని శారీరకంగా, మానసికంగా వేధించడం ప్రారంభించారు. ఇటీవల కుమారుడి మొదటి పుట్టినరోజు సందర్భంగా ఆమె తల్లిదండ్రులు బాబుకు బంగారు గొలుసు కానుకగా ఇచ్చారు. ఈ విషయంలో దంపతుల మధ్య తీవ్ర వివాదం చెలరేగింది.ఇదీ చదవండి: 12 ఏళ్లు ఆర్మీకి సేవలు : గుడ్‌బై చెప్పిన ‘నేషనల్‌ క్రష్‌’పెళ్లి అయింది మొదలు భర్త , అత్తమామలు నిరంతర కట్న వేధించేవారనీ, వాటిని భరించలేక తమ బిడ్డ ప్రాణాలు తీసుకుందని తండ్రి ఇచ్చిన ఫిర్యాదు ఆధారంగా పోలీసులు కేసు నమోదు చేశారు. వివాహమైన ఏడేళ్లలోపు అనుమానాస్పద మృతి కావడంతో వరకట్న మరణంగా కేసు నమోదు చేశారు. దీనిపై RDO (రెవెన్యూ డివిజనల్ ఆఫీసర్) విచారణకు ఆదేశించారు.ఇదీ చదవండి: నెవ్వర్‌ బిఫోర్‌ : లగ్జరీ ఈవీలపై శ్రీమంతుల మోజు

తమిళనాడు ముఖ్యమంత్రి జోసెఫ్‌ విజయ్‌ పేరుతో మరో కొత్త చర్చ మొదలైంది. 2029లో ప్రధానమంత్రి అభ్యర్థిగా విజయ్‌ను ప్రొజెక్ట్‌ చేస్తూ ఆయన పార్టీ టీవీకే వర్గాలు కొంత కాలంగా ప్రచారం చేస్తున్నాయి. తాజాగా ఇండియా టుడే–సీవోటర్‌ ‘మూడ్‌ ఆఫ్‌ ది నేషన్‌’ సర్వేలో ప్రధాని పదవికి విజయ్‌ మూడో స్థానంలో నిలవడం ఈ ప్రచారానికి మరింత ఊతమిచ్చింది. ఈ తరుణంలో.. అక్కడి ప్రతిపక్ష డీఎంకేతో పాటు టీవీకే మిత్రపక్షం కాంగ్రెస్‌ కూడా వ్యంగ్యాస్త్రాలు సంధిస్తోంది.రాజకీయ ఉద్దండులను తోసేసి మరీ.. నరేంద్ర మోదీ, రాహుల్‌ గాంధీ తర్వాత ప్రధాని రేసులో విజయ్‌ ఉన్నారన్నది ఇండియాటుడే సర్వేలో వెల్లడైంది. అంతేకాదు సమర్థవంతమైన ప్రతిపక్ష నేతగానూ ఆయనకు అర్హత ఉందంటూ రాహుల్‌ గాంధీ తర్వాతి ప్లేస్‌ను కట్టబెట్టారు. దీంతో విజయ్‌కు జాతీయ స్థాయిలో ఆదరణ ఉందని.. రాబోయే రోజుల్లో పక్కా దేశానికి ప్రధాని అవుతారంటూ టీవీకే హడావిడి చేస్తోంది. అయితే ఈ ప్రచారంపై డీఎంకే నేత ఆర్‌ఎస్‌ భారతి స్పందిస్తూ ఆయన పార్టీ కార్యకర్తలు కోరుకుంటే విజయ్‌ పీఎం ఏంటి.. ఏకంగా ఐక్యరాజ్యసమితి అధిపతి అవుతారని సెటైర్‌ వేశారు.“వారి ఊహలకు హద్దుల్లేవు.. ఏదైనా ఊహించుకోనివ్వండి” అంటూ ఆర్‌ఎస్‌ భారతి కామెంట్‌ చేశారు. విజయ్‌ను ప్రధాని అభ్యర్థిగా ప్రచారం చేస్తే.. కాంగ్రెస్‌ అగ్రనేత రాహుల్‌ గాంధీ ప్రధాని కావాలనే ఆ పార్టీ ఆశయం ఏమైపోతుందో అంటూ ఇంకో చురక అంటించారు.కాంగ్రెస్‌ గుంటనక్క కథ.. ఇండియా టుడే సర్వే, టీవీకే చేస్తున్న ప్రచారంపై కాంగ్రెస్‌ పార్టీ ఎంపీ మాణిక్కం ఠాగూర్‌ కూడా పరోక్షంగా స్పందించినట్లు ఆయన తాజా ట్వీట్‌తో స్పష్టమవుతోంది. ‘ది ఫాక్స్‌ ఫేక్‌ పోల్‌’ పేరుతో ఓ నక్క కథను ఎక్స్‌లో పంచుకున్న ఆయన.. సర్వేలో ఎంతమందిని ప్రశ్నించారు? ఎక్కడ నిర్వహించారు? ఏ ప్రశ్నలు అడిగారు? ఫలితాలను ఎలా లెక్కించారు? వంటి అంశాలను ప్రస్తావించారు. “ప్రతి సంఖ్య నిజాన్ని చెప్పదు.. ప్రతి సర్వే ప్రజల గొంతుక కాదు” అంటూ తేల్చేశారు. ఆయన చెప్పిన కథలో ఏముందంటే..ఒక అడవిలో సింహం, ఏనుగు మంచి స్నేహితులు. అడవికి సంబంధించి ఏ నిర్ణయమైనా ఇద్దరూ కలిసే తీసుకుంటారు. వారి స్నేహాన్ని చూసి ఈర్ష్యపడిన గుంటనక్క.. కొందరిని మాత్రమే అడిగి ఓ సర్వే నిర్వహిస్తుంది. ఆ సర్వే పేరుతో సింహానికి ఏనుగుపై, ఏనుగుకు సింహంపై అనుమానాలు కలిగించి వాళ్లను విడగొట్టాలని చూస్తుంది. చివరకు ఓ చీమ.. ముందుకు వచ్చి నక్కను అందరి ముందే నిలదీస్తుంది. సర్వేలో ఎంతమందిని అడిగారు? ఎక్కడ నిర్వహించారు? ఏ ప్రశ్నలు వేశారు? ఫలితాలను ఎలా లెక్కించారు? అని ప్రశ్నించడంతో నక్క నీళ్లునములుతూ కనిపిస్తుంది. అలా ఏనుగు-సింహం స్నేహం చెడిపోకుండా కాపాడుతుంది. படித்ததில் பிடித்த ஒரு குட்டி கதை …நரியின் போலி கருத்துக்கணிப்புஒரு காட்டில் சிங்கமும் யானையும் நெருங்கிய நண்பர்களாக இருந்தனர்.காட்டில் எந்தப் பெரிய முடிவாக இருந்தாலும், இருவரும் ஒன்றாக ஆலோசனை செய்வார்கள்.ஒருநாள், அந்த நட்பைப் பார்த்து பொறாமைப்பட்ட நரி, ஒரு…— Manickam Tagore .B🇮🇳மாணிக்கம் தாகூர்.ப (@manickamtagore) August 30, 2026ఇండియాటుడే చానెల్‌ ఈ మధ్యే తమిళంలోనూ అడుగు పెట్టింది. అది సీఎం విజయ్‌ చేతుల మీదుగానే ప్రారంభం కావడం గమనార్హం.విజయ్‌కు మూడో స్థానంఆగస్టు 28న వెలువడిన తాజా ఇండియా టుడే–సీవోటర్‌ ‘మూడ్‌ ఆఫ్‌ ది నేషన్‌’ సర్వేలో ప్రధాని పదవికి ప్రజల ఎంపికలో విజయ్‌ మూడో స్థానంలో నిలిచారు. ఈ సర్వేలో 25,184 మందిని నేరుగా ప్రశ్నించారు. వీటితో పాటు గత ఆరు నెలల్లో నిర్వహించిన మరో 91,795 ఇంటర్వ్యూల డేటాను కూడా విశ్లేషణలో ఉపయోగించారు. మొత్తం 9.2% మంది విజయ్‌ తదుపరి ప్రధాని కావడానికి అనుకూలంగా ఓటేశారు. ప్రధాని నరేంద్ర మోదీకి 48.7%, రాహుల్‌ గాంధీకి 27.1% మద్దతు లభించింది. దీంతో 2029 లోక్‌సభ ఎన్నికలే లక్ష్యంగా టీవీకే వర్గాల్లో ‘విజయ్‌ ఫర్‌ పీఎం’ నినాదం మరింత బలంగా వినిపిస్తోంది. తమిళనాడులోని కొన్ని ప్రాంతాల్లో విజయ్‌ను ప్రధాని చేయాలంటూ పోస్టర్లు కూడా వెలిశాయి. ఈ తరుణంలో మిత్రపక్షం కాంగ్రెస్‌ నుంచే కౌంటర్లు రావడం తమిళనాట చర్చనీయాంశంగా మారింది.ఇదీ చదవండి: సెప్టెంబర్‌ 17న తమిళ రాజకీయాల్లో బిగ్‌ బాంబ్‌?

తమిళనాడు అసెంబ్లీ ఎన్నికల పరాజయం డీఎంకేలో భారీ సంస్థాగత మార్పులకు దారితీస్తోంది. ఓటమికి కారణాలను విశ్లేషించిన కమిటీ నివేదిక ఆధారంగా పార్టీ అధ్యక్షుడు, మాజీ సీఎం ఎం.కె. స్టాలిన్‌ కీలక నిర్ణయాలు తీసుకుంటున్నారు. 77 జిల్లాలను ఏకంగా 110 జిల్లాలుగా విభజించి.. పార్టీలో సీనియర్ల ఆధిపత్యాన్ని తగ్గిస్తూ కొత్త నాయకత్వానికి అవకాశం కల్పించే దిశగా అడుగులు వేస్తున్నట్లు పార్టీ వర్గాల్లో చర్చ జరుగుతోంది.ప్రతీ రెండు అసెంబ్లీ నియోజకవర్గాలను ఒక జిల్లాగా ఏర్పాటు చేయడంతో.. కొత్త జిల్లాలకు తాత్కాలిక ఇన్‌చార్జులను నియమించేందుకు కసరత్తు వేగం పుంజుకుంది. ఇప్పటికే ఉన్న జిల్లా కార్యదర్శులు కార్యవర్గ సమావేశాలు నిర్వహించి 15 రోజుల్లో అధిష్టానానికి సిఫార్సులు పంపాల్సి ఉంది. ఈ నేపథ్యంలో ఎవరికి ప్రమోషన్‌.. ఎవరికి షాక్‌? అన్న ఉత్కంఠ డీఎంకేలో నెలకొంది.సీనియర్లకు చెక్‌.. కొత్తవారికి ఛాన్స్‌?వయోపరిమితి కారణంగా 15 మందికి పైగా సీనియర్‌ నేతలకు జిల్లా స్థాయిలో అవకాశం దక్కకపోవచ్చని తెలుస్తోంది. మరికొందరు మాజీ మంత్రులు, కీలక నేతల అధికారాలను కూడా పరిమితం చేసే యోచనలో స్టాలిన్‌ ఉన్నట్లు సమాచారం. ముఖ్యంగా చెన్నై, మదురై జిల్లాల్లో పార్టీ పనితీరుపై జరిగిన సమీక్షల నేపథ్యంలో కొందరు సీనియర్‌ నేతలకు షాక్‌ తప్పదనే ప్రచారం జరుగుతోంది. చెన్నైలో మాజీ మంత్రులు పీకే శేఖర్‌బాబు, ఎం. సుబ్రమణ్యం, మాజీ ఎమ్మెల్యే మైలై వేలు, మాధవరం సుదర్శనం వంటి నేతల విషయంలో మార్పులు ఉండొచ్చనే చర్చ సాగుతోంది. మరోవైపు యువనేత ఉదయనిధి స్టాలిన్‌కు సన్నిహితులుగా భావించే కొందరికి కొత్త బాధ్యతలు అప్పగించే అవకాశం ఉన్నట్లు పార్టీ వర్గాలు చెబుతున్నాయి.సెప్టెంబర్‌ 17న అసలు సీన్‌!కొత్తగా ఏర్పాటు చేసిన 110 జిల్లాల ఇన్‌చార్జులను సెప్టెంబర్‌ 17న జరిగే డీఎంకే ముప్పెరుం విళా వేదికగా స్టాలిన్‌ పార్టీ శ్రేణులకు పరిచయం చేయనున్నట్లు సమాచారం. దీంతో ఆ రోజున డీఎంకేలో భారీ స్థాయిలో సంస్థాగత మార్పులకు తెరలేవచ్చన్న అంచనాలు నెలకొన్నాయి. ఎన్నికల ఓటమి నుంచి పాఠాలు నేర్చుకున్న స్టాలిన్‌.. ఇప్పుడు పార్టీని కింది స్థాయి నుంచి రీబిల్డ్‌ చేయడంపై ఫోకస్‌ పెట్టినట్లు కనిపిస్తోంది. అయితే ఈ ప్రక్షాళనలో సీనియర్లకు ఎంతమేర షాక్‌.. కొత్త నాయకత్వానికి ఎంతమేర ఛాన్స్‌ దక్కుతుందన్నదే ఇప్పుడు తమిళనాడు రాజకీయాల్లో హాట్‌ టాపిక్‌గా మారింది.

సాక్షి, చెన్నై: పరీక్షల ఒత్తిడి కారణంగా మరో విద్యార్థిని జీవితం అర్థాంతరంగా ముగిసిసోయింది. తమిళనాడులోని తిరునెల్వేలికి చెందిన శ్రుతి లయ (21) అనే మెడికల్ ఆశావాది (NEET-UG అభ్యర్థి) నీట్ మొదటి విడత కౌన్సెలింగ్‌లో సీటు రాకపోవడంతో తీవ్ర మనస్తాపానికి గురై ఆత్మహత్య చేసుకుంది.వైద్యురాలు కావాలనే లక్ష్యంతో వరుసగా ప్రయత్నించినప్పటికీ ఫలితం దక్కకపోవడంతో ఈ దారుణానికి ఒడిగట్టినట్టు తెలుస్తోంది.ఐటీ ఉద్యోగి కుమార్తె అయిన శ్రుతి లయ 2023లో పాఠశాల విద్యను పూర్తిచేసి, వైద్యురాలు కావాలనే కోరికతో నీట్ (NEET) కోచింగ్ సెంటర్‌లో చేరింది. గత ఏడాది NEET-UG పరీక్ష రాసినప్పటికీ వైద్య సీటు రాకపోవడంతో ఈ సంవత్సరం మళ్లీ తీవ్రంగా శ్రమించి నీట్-యుజి (NEET-UG) పరీక్షలో అర్హత సాధించింది. అయితే, ఇటీవల విడుదలైన మొదటి విడత కౌన్సెలింగ్ జాబితాలో తన పేరు లేకపోవడంతో తీవ్ర నిరాశకు గురైంది.ఇదీ చదవండి: Nepal Flash Floods 1600 మందిని కాపాడిన ఒకే ఒక్కడు!ఫలితం తెలిసిన రోజు రాత్రి నిద్రపోవడానికి వెళ్లిన ఆమె, మరుసటి రోజు ఉదయం కనిపించలేదు. కుటుంబ సభ్యులు గాలించగా ఇంటికి సమీపంలో ఉన్న ఒక షెడ్డులో ఉరివేసుకుని కనిపించింది. స్థానిక పోలీసులు ఘటనా స్థలానికి చేరుకుని మృతదేహాన్ని స్వాధీనం చేసుకుని, పోస్టుమార్టం నిమిత్తం ప్రభుత్వ ఆసుపత్రికి తరలించారు. కేసు నమోదు చేసి దర్యాప్తు జరుపుతున్నారు.ఇదీ చదవండి: యూపీలో సీనియర్‌ ఐఏఎస్‌ అధికారిణి రాజీనామా కలకలం

చెన్నై రాజకీయాల్లో మరో కీలక పరిణామం చోటుచేసుకుంది. మాజీ సీఎం, డీఎంకే అధినేత ఎంకే స్టాలిన్‌కు భద్రత కుదించారు. ఇప్పటివరకు కొనసాగుతున్న Z+ భద్రతను Z కేటగిరీకి తగ్గిస్తూ విజయ్‌ ప్రభుత్వం నిర్ణయం తీసుకుంది. దీంతో స్టాలిన్‌కు భద్రత కల్పించే సిబ్బంది సంఖ్య కూడా 58 నుంచి 33కి తగ్గనుంది. ఇంటెలిజెన్స్‌ నివేదికలు, ముప్పు అంచనాల ఆధారంగా భద్రతా సమీక్ష అనంతరం ఈ నిర్ణయం తీసుకున్నట్లు సమాచారం. అయితే మాజీ సీఎం భద్రత తగ్గింపు తమిళనాడు రాజకీయ వర్గాల్లో ఇప్పుడు హాట్‌టాపిక్‌గా మారింది.కాగా, భద్రతా విభాగం నిర్వహించిన క్రమబద్ధమైన సమీక్ష అనంతరం ఈ నిర్ణయం వెలువడింది. తమిళనాడులో వీఐపీలు, వీవీఐపీలకు కల్పించే భద్రతను సాధారణంగా ప్రతి ఆరు నెలలకు ఒకసారి సమీక్షిస్తారు. ఇంటెలిజెన్స్‌ నివేదికలు, ముప్పు తీవ్రత, సంబంధిత వ్యక్తి ప్రజల్లో తిరిగే పరిస్థితి, ప్రయాణాల తీరు, భద్రత అవసరాలు తదితర అంశాలను పరిగణనలోకి తీసుకుని భద్రతా కేటగిరీని కొనసాగించాలా? పెంచాలా? తగ్గించాలా? అన్నది నిర్ణయిస్తారు.58 నుంచి 33కు భద్రతా సిబ్బంది..Z+ భద్రతలో స్టాలిన్‌కు రోజువారీ రొటేషన్‌ పద్ధతిలో సుమారు 58 మంది సిబ్బంది భద్రత కల్పిస్తున్నట్లు పలు నివేదికలు పేర్కొన్నాయి. తాజా నిర్ణయంతో ఈ సంఖ్య 33కు తగ్గనున్నట్లు సమాచారం. అయితే కొన్ని నివేదికల్లో కొత్త Z కేటగిరీ కింద విధుల్లో ఉండే సిబ్బంది సంఖ్యను వేరుగా పేర్కొన్నారు. భద్రత పూర్తిగా తొలగించడం మాత్రం జరగలేదు. స్టాలిన్‌ కాన్వాయ్‌లో ముందు, మధ్య, వెనుక భాగాల్లో భద్రతా బృందాలను కొనసాగించనున్నారు. పైలట్‌, ఎస్కార్ట్‌, బ్యాకప్‌, క్లోజ్‌ ప్రొటెక్షన్‌ వాహనాలతో ఆయనకు రక్షణ కొనసాగుతుందని అధికారులు తెలిపారు.🚨 SECURITY COVER FOR M.K. STALIN REDUCEDDMK leader M.K. Stalin’s Z-category security has been withdrawn. He will now receive escort security as a former Chief Minister, with four police personnel led by an SI assigned to his security.#MKStalin #DMK #Stalin #SecurityCover… pic.twitter.com/b44TG81S9p— Chennai Memes (@memeschennai) August 30, 2026సమీక్ష తర్వాతే నిర్ణయం..స్టాలిన్‌ భద్రతపై రాష్ట్ర సచివాలయంలోని కోర్‌ సెల్‌ సెక్యూరిటీ వింగ్‌ సమీక్ష నిర్వహించింది. ప్రధాన కార్యదర్శి సాయి కుమార్‌, హోంశాఖ కార్యదర్శి కె. మణివాసన్‌, డీజీపీ మహేశ్‌ కుమార్‌ అగర్వాల్‌తో పాటు పలువురు ఉన్నతాధికారులు ఈ సమీక్షలో పాల్గొన్నారు. ఇంటెలిజెన్స్‌ ఇన్‌పుట్స్‌, స్టాలిన్‌ ప్రస్తుత భద్రతా అవసరాలను పరిశీలించిన అనంతరం భద్రతా కేటగిరీని తగ్గించాలని నిర్ణయించినట్లు అధికారులు చెబుతున్నారు. అధికారుల ప్రకారం ఇది భద్రతను పూర్తిగా ఉపసంహరించుకోవడం కాదని.. ముప్పు అంచనాకు అనుగుణంగా భద్రతా బందోబస్తును పునర్వ్యవస్థీకరించడమేనని స్పష్టం చేశారు. తాజా ఇంటెలిజెన్స్‌ సమాచారం ఆధారంగా అవసరమైతే భవిష్యత్తులో భద్రతను మళ్లీ పెంచే అవకాశం కూడా ఉంటుంది.చదవండి: ‘థమన్‌కు 10 లక్షలా?.. కోర్టులో విజయ్‌ మాస్‌ కౌంటర్‌!రాజకీయంగా ఆసక్తికరంగా మారిన నిర్ణయంఇటీవల జరిగిన తమిళనాడు అసెంబ్లీ ఎన్నికల్లో డీఎంకేకు గట్టి ఎదురుదెబ్బ తగిలిన నేపథ్యంలో స్టాలిన్‌ భద్రత కుదించడం రాజకీయంగా చర్చనీయాంశంగా మారింది. అయితే భద్రత తగ్గింపునకు ఎన్నికల ఫలితాలతో ఎలాంటి సంబంధం లేదని, ఇది పూర్తిగా ప్రొఫెషనల్‌ థ్రెట్‌ అసెస్‌మెంట్‌ ఆధారంగా తీసుకున్న నిర్ణయమని అధికారులు పేర్కొంటున్నారు. అంతేకాదు, స్టాలిన్‌ ప్రస్తుతం మాజీ ముఖ్యమంత్రి హోదాలో ఉన్నప్పటికీ డీఎంకే అధ్యక్షుడిగా తమిళనాడులో కీలక రాజకీయ నాయకుడిగా కొనసాగుతున్నారు. అందువల్ల ఆయన భద్రతా కేటగిరీ మార్పు రాజకీయ వర్గాల్లో మరింత ఆసక్తిని రేకెత్తిస్తోంది.

తమిళనాడు రాజకీయాల్లో మరో ఆసక్తికర పరిణామం చోటుచేసుకుంది. టీవీకే అధినేత, సీఎం విజయ్‌ ఎన్నికల పిటిషన్‌పై మద్రాస్‌ హైకోర్టులో దాఖలు చేసిన అఫిడవిట్‌ ఇప్పుడు చర్చనీయాంశంగా మారింది. టీవీకే ఎన్నికల ప్రచార గీతం కోసం సంగీత దర్శకుడు థమన్‌కు రూ.10 లక్షలు చెల్లించారన్న ఆరోపణకు ఎలాంటి ఆధారాలు లేవని విజయ్‌ స్పష్టం చేశారు. వాస్తవంగా ఆ మొత్తం చెల్లించినట్లు నిరూపించే ఒప్పందం, ఇన్వాయిస్‌, రసీదు, కోట్‌, చెల్లింపు తేదీ, చెల్లించిన వ్యక్తి, తీసుకున్న వ్యక్తి వంటి వివరాలేవీ పిటిషన్‌లో లేవన్నారు.కాగా, పెరంబూర్‌ అసెంబ్లీ నియోజకవర్గంలో విజయ్‌పై పోటీ చేసి ఓడిపోయిన డీఎంకే అభ్యర్థి ఆర్‌.డి. శేఖర్‌ కోర్టులో ఎన్నికల పిటిషన్‌ దాఖలు చేశారు. సీఎం విజయ్‌ ప్రచార గీతం ‘తని ఒరువన్ వెడిచు వరాన్.. విసిల్లు ఒన్ను అడిచు వరాన్’ రూపొందించేందుకు థమన్‌కు రూ.10 లక్షలు చెల్లించినట్లు అందులో ఆరోపించారు. దీనిపై విజయ్‌ మరో పిటిషన్‌ దాఖలు చేశారు. తనపై ఆరోపణలు నిజం కాదన్నారు. ఈ మొత్తం చెల్లించినట్లు నిరూపించే ఒప్పందం, ఇన్వాయిస్‌, రసీదు, చెల్లింపు వివరాలు ఏవీ పిటిషన్‌లో లేవని విజయ్‌ కోర్టుకు తెలిపారు. థమన్‌ రూ.10 లక్షలు తీసుకుని ఉంటారని పిటిషనర్‌ కేవలం ‘తెలుసుకున్న సమాచారం’గా పేర్కొన్నారని.. అది వాస్తవ చెల్లింపునకు ఆధారం కాదని విజయ్‌ వాదించారు. అందువల్ల ఈ ఆరోపణ ఊహాజనితమైనదేనని పేర్కొన్నారు.రూ.40 లక్షల ఎన్నికల ఖర్చు?అలాగే, ఎన్నికల ప్రచారంలో చట్టబద్ధమైన రూ.40 లక్షల వ్యయ పరిమితిని మించారని చేసిన ఆరోపణలను కూడా విజయ్‌ తిప్పికొట్టారు. వాస్తవంగా ఖర్చు చేసినట్లు నిరూపించే ప్రాథమిక ఆధారాలు లేకుండా కేవలం అంచనా మొత్తాలను కలిపి చూపించారని తెలిపారు. ఇదే సమయంలో ఎన్నికల ప్రచారానికి విదేశాల నుంచి నిధులు అందాయన్న ఆరోపణలోనూ ఎవరు డబ్బు ఇచ్చారు? ఎంత ఇచ్చారు? అనే వివరాలు లేవని విజయ్‌ పేర్కొన్నారు. విదేశాల్లో ఉన్న వ్యక్తి సోషల్‌ మీడియా ఖాతా నిర్వహిస్తున్నంత మాత్రాన విదేశీ నిధులు అందినట్లు భావించలేమన్నారు.చదవండి: సీఎం విజయ్‌ ఆకస్మిక పర్యటన.. నేరుగా ఖైదీలతో53,715 ఓట్ల భారీ మెజారిటీ..తన పిల్లలకు ఇచ్చిన రుణాలు, వాటిని ఆదాయపు పన్ను రిటర్నుల్లో చూపించారా లేదా అనే అంశాలు ఎన్నికల ఫలితాలను ఎలా ప్రభావితం చేశాయో కూడా పిటిషనర్‌ వివరించలేదని విజయ్‌ తెలిపారు. పెరంబూర్‌లో విజయ్‌కు 1,20,365 ఓట్లు రాగా.. ఆర్‌.డి. శేఖర్‌కు 66,650 ఓట్లు వచ్చాయి. అంటే విజయ్‌ 53,715 ఓట్ల భారీ ఆధిక్యంతో గెలిచారు. ఎన్నికల ప్రచారంలో తాను ప్రార్థనా స్థలాలకు వెళ్లడం మాత్రమే అవినీతి ఎన్నికల పద్ధతిగా పరిగణించలేమని విజయ్‌ స్పష్టం చేశారు. మతపరమైన విజ్ఞప్తి చేశారంటే.. ఏం మాట్లాడారు? ఎవరిని ఉద్దేశించి మాట్లాడారు? ఏ సందేశం ఇచ్చారు? వంటి పూర్తి వివరాలు పిటిషన్‌లో ఉండాలని, కానీ అవేవీ లేవని హైకోర్టుకు తెలిపారు.

అనగనగా ఒక ట్రాక్టర్‌ డ్రైవర్‌ కొడుకు. అతడు కాలేజీలో అన్ని సబ్జెక్ట్‌ల్లో ఫెయిలయ్యాడు. కట్‌ చేస్తే... ఆ కుర్రాడు ఎనిమిది వందల కోట్ల రూపాయల విలువ చేసే స్పేస్‌ టెక్‌ కంపెనీకి అధిపతి’... ఇది వినగానే... ‘ఏ సినిమా కథ ఇది?’ అని అడుగుతారు చాలామంది. ఇది సినిమా కథ కాదు. తమిళనాడుకు చెందిన ఆనంద్‌ మేఘలింగం కథ. ఎంతోమందికి స్ఫూర్తినిస్తోన్న నిజ జీవిత కథ...ఆనంద్‌ చదువు నల్లేరు మీద నడక కాదు. ఎన్నో కష్టాలు ఎదురొచ్చాయి. ఇక కాలేజీ జీవితమైతే మరింత కష్టంగా సాగింది. ఇంజినీరింగ్‌లో మొదటి సెమిస్టర్‌లో అన్ని సబ్జెక్ట్‌ల్లోనూ ఫెయిలయ్యాడు!ఆ తరువాత ఒక ప్రైవేట్‌ కాలేజీలో ఏరోనాటికల్‌ ఇంజినీరింగ్‌లో చేరాడు. ఆ సబ్జెక్ట్‌ అతడి జీవిత గమనాన్ని మార్చింది. ఏరోనాటికల్‌కు సంబంధించి ఎన్నో పోటీల్లో పాల్గొని బహుమతులు గెలుచుకోవడంతో ఆనంద్‌లో ఆత్మవిశ్వాసం పెరిగింది.‘నా భవిష్యత్‌ ఏరోస్పేస్‌ రంగం’ అని గట్టిగా అనుకున్నాడు ఆనంద్‌. ఆ తరువాత కాలంలో ‘స్పేస్‌జోన్‌ ఇండియా’ పేరుతో స్టార్టప్‌ ప్రారంభించాడు. ప్రైవేట్‌ అంతరిక్ష యాత్రలు, పునర్వినియోగ రాకెట్‌ సాంకేతికతపై పనిచేసే స్టార్టప్‌ ఇది. నాన్నకు ప్రేమతో...తండ్రిని తన కంపెనీకి కో–ఫౌండర్‌ను చేసి, అతనికి 50 శాతం వాటా ఇచ్చాడు ఆనంద్‌.‘భారతదేశపు మొట్ట మొదటి హైబ్రీడ్‌ రాకెట్‌ డైరెక్టర్‌’గా తనను తాను సగర్వంగా పరిచయం చేసుకునే ఆనంద్‌ మేఘలింగం గతంలోకి వెళితే...సాధారణ వ్యవసాయ కుటుంబంలో పుట్టాడు. కుటుంబాన్ని పోషించడానికి తండ్రి ట్రాక్టర్‌ నడిపేవాడు. కొడుకు బాగా చదివి పెద్ద స్థాయికి వెళ్లాలని అందరు తండ్రులలాగే అతడు కూడా ఆశించాడు. కంప్యూటర్‌ సైన్స్‌ కోర్సులో చేరడం వల్ల తన భవిష్యత్‌ బాగుంటుందని ఆనంద్‌ ఆశించాడు. కాని తరువాత రోజుల్లో అతడికి ఆ సబ్జెక్ట్‌ ఆసక్తిగా అనిపించలేదు. ఆసక్తి లేకపోవడం వల్ల సబ్జెక్ట్‌ బొత్తిగా అర్థం కాలేదు.పరీక్షలలో సున్నాలు హాయ్‌ చెప్పడం మొదలు పెట్టాయి. ఆనంద్‌ చదువుకు తాత్కాలికంగా గుడ్‌బై చె΄్పాడు. అలా అని నిరాశపడుతూ కూర్చోలేదు.నెక్ట్స్‌ ఏమిటి!‘ఇప్పుడు నేను ఏం చేయాలి?’ లోతుగా ఆలోచించాడు ఆనంద్‌. ‘ఆసక్తి ఉంటే ఎంత కఠినమైన సబ్జెక్ట్‌ అయినా చాలా సులువుగా అర్థమవుతుంది’ అనే మాట అతడికి గుర్తుకు వచ్చింది. ఆనంద్‌కు విమానయానం, అంతరిక్ష విషయాలు అంటే ఆసక్తి. ఆ ఆసక్తితోనే ఏరోనాటికల్‌ ఇంజినీరింగ్‌ను ఎంచుకున్నాడు. ‘భారత్‌ ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీ’ నుండి కోర్సును విజయవంతంగా పూర్తి చేసుకొని గోల్డ్‌మెడలిస్ట్‌ అయ్యాడు.తొలి అడుగు... రూమీ–1మన అంతరిక్ష రంగంలోకి ఇప్పుడిప్పుడే ప్రైవేట్‌ కంపెనీల అడుగులు పడుతున్నాయి. ఈ క్రమంలో తన ‘స్పేస్‌జోన్‌ ఇండియా’ స్టార్టప్‌తో ఆ రంగంలోకి అడుగు పెట్టాడు ఆనంద్‌. ‘రూమీ–1’ పేరుతో తొలి ప్రాజెక్ట్‌ మొదలైంది. పరిమిత నిధులు, సాంకేతిక సమస్యల వల్ల ప్రాజెక్ట్‌ మొదట్లో నత్తనడక నడిచింది. ఎన్నో అడ్డంకులను దాటుకొని తమిళనాడులోని తిరువిదన్‌దైలో ప్రయోగం జరిగింది. ఇగ్నిషన్‌ బటన్‌ నొక్కిన తరువాత నాలుగు సెకన్‌ల పాటు అత్యంత ఉత్కంఠతతో వేచి చూశాడు ఆనంద్‌.‘నా జీవితంలో ఆ నాలుగు సెకన్‌లు నాలుగు యుగాలతో సమానం. అవి అత్యంత సుదీర్ఘమైన క్షణాలు!’ అని ఆనాటి ఉద్విగ్న స్థితిని గుర్తు చేసుకుంటాడు ఆనంద్‌. తన కలలను మోసుకెళుతున్నట్లుగా ‘రూమీ–1’ మొబైల్‌ లాంచ్‌ ప్లాట్‌ఫామ్‌ నుంచి నింగిలోకి దూసుకెళ్లింది. మూడు క్యూబ్‌శాట్‌లు, 50 పికో ఉపగ్రహాలను మోసుకెళ్తూ అంతరిక్షంలోకి ప్రవేశించి ఆనంద్‌ కలలను నిజం చేసింది. ఆనంద్‌కు ఇది ఒక సాంకేతిక విజయం మాత్రమే కాదు. అంతకంటే చాలా ఎక్కువ! అతని అలుపెరుగని ప్రయాణానికి లభించిన అతి పెద్ద బహుమానం!‘మా లక్ష్యం కేవలం రాకెట్లను ప్రయోగించడం మాత్రమే కాదు. బలమైన, సురక్షితమైన సాంకేతికతను నిర్మించే సత్తా మన దేశానికి ఉందని నిరూపించడమే మాఅసలైన లక్ష్యం’ అంటున్నాడు ఆనంద్‌ మేఘలింగం.భవిష్యత్‌ లక్ష్యంచేదు అనుభవాలు, ఎదురు దెబ్బలు అనేవి ఆనంద్‌కు స్వదేశంలోనే కాదు విదేశాల్లో కూడా ఎదురయ్యాయి. ఏరోస్పేస్‌ పరిశోధనలో అవకాశాల కోసం ప్రయత్నిస్తున్న సమయంలో యూఎస్‌ విసా కోసం అతడు చేసుకున్న దరఖాస్తు తిరస్కారానికి గురైంది. అలా అని నిరాశపడలేదు. ఆగిపోలేదు. కొన్ని సంవత్సరాల తర్వాత యూఎస్‌ డిపార్ట్‌మెంట్‌ ఆఫ్‌ స్టేట్‌ ద్వారా ఒక అంతర్జాతీయ కార్యక్రమానికి ఎంపికయ్యాడు. ఈ కార్యక్రమం కోసం ప్రపంచవ్యాప్తంగా ఎంపిక చేసిన 23 మందిలో ఆనంద్‌ ఒకరు. నాసా నేతృత్వంలో జరిగిన కార్యక్రమాలలో శిక్షణ తీసుకున్నాడు. అక్కడి శాస్త్రవేత్తలు, ఏరోస్పేస్‌ నిపుణులు, సైనిక అధికారులు, స్పేస్‌ఫోర్స్‌ సిబ్బందితో మాట్లాడి ఎన్నో కొత్త విషయాలు తెలుసుకున్నాడు. దీని ద్వారా ఏరోస్పేస్‌ సాంకేతికతకు సంబంధించిన విషయాలపై మంచి అవగాహన వచ్చింది. ‘అంతరిక్షానికి సంబంధించి అమెరికా ఉపయోగిస్తున్న సాంకేతికత అసాధారణమైనది’ అంటాడు ఆనంద్‌. తన ‘స్పేస్‌జోన్‌ ఇండియా’ ద్వారా అలాంటి అరుదైన సాంకేతికతను సృష్టించాలని కలలు కంటున్నాడు ఆనంద్‌. ‘కలలు విజయానికి తొలి మెట్టు’ అనే అబ్దుల్‌ కలామ్‌ మాట మనకు తెలిసిందే కదా!

కొండలపై నుంచి సునామీలా దూసుకొచ్చిన వరద.. క్షణాల్లోనే అంతా తుడిచిపెట్టేసింది. చుట్టూ బురద, రాళ్లు, శిథిలాలు.. ఎటు చూసినా మృత్యువే కనిపించింది. ఇంత విషాదంలో కొందరి ప్రాణాలు మాత్రం అద్భుతంగా దక్కాయి. తాము చూసిన భయానక దృశ్యాలను ఇప్పుడు గుర్తుచేసుకుంటున్నారు. ‘పర్వతాలపై నుంచి సునామీ పడుతున్నట్లుగా అనిపించింది’ అంటూ వారు చెప్పిన మాటలు ఆ విపత్తు తీవ్రతను కళ్లకు కడుతున్నాయి.కైలాస మానస సరోవర యాత్రకు బయలుదేరిన తమిళనాడు యాత్రికులకు నేపాల్‌లో ఊహించని భయానక అనుభవం ఎదురైంది. ఆగస్టు 26న రసువాగఢి ప్రాంతంలో ఒక్కసారిగా కొండలపై నుంచి నీరు, బురద, రాళ్లు సునామీలా దూసుకొచ్చాయి. క్షణాల్లోనే రహదారులు, భవనాలు కొట్టుకుపోవడంతో 21 మంది యాత్రికులు ప్రాణాలు అరచేతిలో పెట్టుకుని పరుగులు తీశారు. చివరకు సురక్షితంగా బయటపడి శుక్రవారం స్వదేశానికి చేరుకున్నారు.తమ బస్సులో ప్రయాణిస్తున్న సమయంలో ఒక్కసారిగా నదీ తీరంలో భారీగా పొగలాంటిది కనిపించిందని యాత్రికులు ఓ జాతీయ మీడియాకు ఇచ్చిన ఇంటర్వ్యూలో చెప్పారు. తొలుత ఏదైనా పేలుడు జరిగిందని భావించామని.. అంతలోనే కొండపై నుంచి నీరు, మట్టి, ఇసుక, రాళ్లతో కూడిన భారీ ప్రవాహం దూసుకొచ్చిందని చెప్పారు. ‘పర్వతాలపై నుంచి సునామీ పడుతున్నట్లుగా అనిపించింది’ అంటూ తమ భయానక అనుభవాన్ని గుర్తుచేసుకున్నారు.వరద ప్రవాహం బస్సులకు చేరువవుతుండటంతో డ్రైవర్‌ వైపు నుంచి బయటకు వచ్చి సమీపంలోని కొండపైకి ఎక్కారు. కొందరు మహిళలు పైకి ఎక్కేందుకు ఇబ్బంది పడటంతో.. చీర సాయంతో ఒకరినొకరు పైకి లాగుకున్నారు. దాదాపు రెండున్నర గంటలపాటు నానా అవస్థలు పడి చివరకు ఓ రెస్క్యూ కేంద్రానికి చేరుకున్నారు.ఆ పరమశివుడి ప్రతిరూపం..తమను స్వయంగా ఆ శివుడే కాపాడాడని కొందరు యాత్రికులు నమ్ముతున్నారు. వరద ప్రవాహం తమవైపు దూసుకొస్తున్న సమయంలో సమీపంలోని కొండపై మట్టి, బురదతో శివుడి ముఖం ఆకారంలో ఓ రూపం కనిపించిందని వారు భావోద్వేగంగా చెబుతున్నారు. కైలాసానికి వెళ్లి శివుడి ఆశీస్సులు పొందాలనుకున్న తమను.. ఈ విపత్తు నుంచి కూడా ఆయనే కాపాడాడని చెప్పారు. నేపాల్‌ సైన్యానికి కృతజ్ఞతలువిపత్తులో చిక్కుకున్న యాత్రికులను నేపాల్‌ సైన్యం, స్థానిక అధికారులు సురక్షిత ప్రాంతాలకు తరలించారు. అనంతరం వారిని ఖాట్మాండుకు తీసుకెళ్లి.. అక్కడి నుంచి న్యూఢిల్లీ మీదుగా చెన్నైకి తరలించారు. ఢిల్లీలో విదేశాంగ మంత్రి ఎస్‌. జైశంకర్‌ యాత్రికులను కలుసుకుని వారి యోగక్షేమాలను అడిగి తెలుసుకున్నారు.ఇంకా వందలాది మంది ఆచూకీ లేదుఇదిలా ఉండగా.. నేపాల్‌, టిబెట్‌ ప్రాంతాలను కుదిపేసిన ఆకస్మిక వరదలు, కొండచరియల విరిగిపడటంతో మృతుల సంఖ్య భారీగా పెరుగుతోంది. నేపాల్‌ విపత్తు నిర్వహణ సంస్థ తాజా లెక్కల ప్రకారం మృతుల సంఖ్య 700కు దగ్గర్లో చేరగా.. 2,426 మంది గల్లంతైనట్లు తాజా లెక్కలు చెబుతున్నాయి. మరోవైపు ప్రభావిత ప్రాంతాల్లో చిక్కుకున్న భారతీయులను సురక్షితంగా తీసుకొచ్చేందుకు భారత ప్రభుత్వం చర్యలు కొనసాగిస్తోంది. నేపాల్‌కు ఆహారం, మందులు, దుప్పట్లు, సోలార్‌ ల్యాంపులు తదితర సహాయక సామగ్రిని కూడా భారత్‌ పంపుతోంది.“We saw Lord Shiva’s face on the mountain as the water came hurtling towards us.”A group of 60 pilgrims from Tamil Nadu were travelling in three buses on the Kailash Mansarovar pilgrimage. The whereabouts of around 40 travelling in two of those buses remain unknown.The 21… pic.twitter.com/qmnWUhcF0Z— Rahul Kanwal (@rahulkanwal) August 28, 2026ఇదీ చదవండి: యుగాంతం వచ్చేసిందా? అన్నట్లు..

కన్నడ స్టార్‌ యశ్‌ నటించిన భారీ యాక్షన్‌ గ్యాంగ్‌స్టర్‌ డ్రామా ‘టాక్సిక్‌’ విడుదలైన తొలి రోజే భారీ వసూళ్లు సాధించింది. అయితే కంటెంట్‌ కారణంగా పూర్తిగా నెగెటివ్‌ రివ్యూలతో ట్రోలింగ్‌ను ఎదుర్కొంటోంది. మరోవైపు సినిమా వివాదంలో చిక్కుకుంది. సినిమాలో మహిళలను అతిగా చూపించారంటూ విమర్శలు వెల్లువెత్తుతున్నాయి. తాజాగా బీజేపీ మాజీ నేత, ‘వీ ది లీడర్స్‌’ వ్యవస్థాపకుడు కె. అన్నామలై ఈ అంశంపై తీవ్రంగా స్పందించారు. సినిమాకు సెన్సార్‌ బోర్డు ఇచ్చిన అనుమతిపైనా ప్రశ్నలు సంధించారు.సినిమాల్లో మహిళల చిత్రీకరణ విషయంలో సెన్సార్‌ నిబంధనలను మరింత కఠినతరం చేయాల్సిన అవసరం ఉందని అన్నామలై అన్నారు. ప్రముఖ హీరోలు నటించే సినిమాల విషయంలోనూ ఏ సన్నివేశాలు అనుమతించాలి? ఏవి అనుమతించకూడదనే అంశంపై సెన్సార్‌ బోర్డు కఠిన నిర్ణయాలు తీసుకోవాలని సూచించారు.పిల్లలపై ప్రభావం:‘టాక్సిక్‌’కు తొలి రోజే రూ.104 కోట్ల వసూళ్లు వచ్చాయని ప్రస్తావించిన అన్నామలై.. ఇలాంటి సినిమాలు పిల్లలపై ఎలాంటి ప్రభావం చూపిస్తాయో ఆలోచించాల్సిన అవసరం ఉందన్నారు. ‘‘మహిళలను ఒక నిర్దిష్ట కోణంలో చూపిస్తున్నారు. పిల్లలు ఇలాంటి చిత్రాలను పదేపదే చూస్తే.. సమాజంలో మహిళల పట్ల వారి దృక్పథం ఎలా మారుతుంది?’’ అంటూ ప్రశ్నించారు.మహిళల భద్రత, గౌరవం కోసం తాము పట్టణాలు, కళాశాలలకు వెళ్లి అవగాహన కార్యక్రమాలు నిర్వహిస్తున్నామని చెప్పారు. అలాంటి సమయంలో మహిళలను సమస్యాత్మకంగా చూపించే సన్నివేశాలతో ఉన్న సినిమాకు సెన్సార్‌ బోర్డు అనుమతి ఇవ్వడం తనకు ఆందోళన కలిగిస్తోందన్నారు. సినిమాల్లో మహిళలకు తగిన గౌరవం దక్కుతోందా? అని ప్రశ్నించారు.యశ్‌ రియాక్షన్‌‘టాక్సిక్‌’పై మహిళల చిత్రీకరణకు సంబంధించి ఇప్పటికే విమర్శలు రావడంతో.. హైదరాబాద్‌లో జరిగిన సినిమా ప్రీ-రిలీజ్‌ ఈవెంట్‌లో యశ్‌ స్పందించారు. ట్రైలర్‌లో కనిపించిన కొన్ని సన్నివేశాలను చూసి సినిమా మొత్తాన్ని అంచనా వేయొద్దని అన్నారు. దర్శకురాలు గీతూ మోహన్‌దాస్‌ మహిళా పాత్రలను బలంగా తీర్చిదిద్దారని చెప్పారు.‘‘ప్రతి మహిళ, ప్రతి అమ్మాయి ఎలాంటి పరిస్థితినైనా ఎదుర్కొని.. తన అభిప్రాయాలను, ఆలోచనలను వ్యక్తం చేసి.. సమాజంలో విజయం సాధించగలదనే విషయాన్ని ఈ సినిమా చూపిస్తుంది’’ అని యశ్‌ పేర్కొన్నారు. సినిమాలో మహిళలకు ప్రత్యేకమైన స్వరం ఉందని, ట్రైలర్‌ ద్వారా ఏర్పడిన అభిప్రాయం కంటే సినిమా భిన్నంగా ఉంటుందని చెప్పారు. అమ్మాయిలంతా థియేటర్లకు వచ్చి సినిమా చూడాలని, ఆస్వాదించాలని కోరారు.భారీ అంచనాలతో ‘టాక్సిక్‌’‘టాక్సిక్‌’కు గీతూ మోహన్‌దాస్‌ దర్శకత్వం వహించారు. కేవీఎన్‌ ప్రొడక్షన్స్‌, యశ్‌కు చెందిన మాన్స్టర్‌ మైండ్‌ క్రియేషన్స్‌ సంయుక్తంగా నిర్మించాయి. కన్నడ, ఇంగ్లిష్‌ భాషల్లో రూపొందిన ఈ పీరియడ్‌ గ్యాంగ్‌స్టర్‌ డ్రామాలో యశ్‌ ద్విపాత్రాభినయం చేశారు. నయనతార, తారా సుతారియా, కియారా అద్వానీ, హ్యూమా ఖురేషీ, రుక్మిణి వసంత్‌ కీలక పాత్రల్లో నటించారు.ఇదీ చదవండి: నీతులు చెప్పే చైనాకు.. బాన్కియావో ఘోరకలి గుర్తుందా?

తమిళనాడు రాజకీయాల్లో సంచలనంగా ఎదిగిన సినీ నటుడు, తమిళగ వెట్రి కళగం పార్టీ అధినేత, ముఖ్యమంత్రి సి.జోసెఫ్‌ విజయ్‌ జాతీయ రాజకీయాల్లోనూ తన ప్రభావాన్ని చాటుకుంటున్నారు. ప్రధాని నరేంద్ర మోదీ, కాంగ్రెస్‌ అగ్రనేత రాహుల్‌ గాంధీ తర్వాత.. తదుపరి ప్రధానమంత్రి అభ్యర్థిగా విజయ్‌ మూడో స్థానంలో నిలిచారు. ఇండియా టుడే–సీ ఓటర్‌ నిర్వహించిన తాజా ‘మూడ్‌ ఆఫ్‌ ది నేషన్‌’ (MOTN) సర్వేలో ఈ ఆసక్తికరమైన ఫలితం వెల్లడైంది.ప్రధాని పదవికి తదుపరి ఎంపికగా ఎవరిని కోరుకుంటున్నారని ప్రశ్నించగా.. నరేంద్ర మోదీకి 48.7 శాతం మంది, రాహుల్‌ గాంధీకి 27.1 శాతం మంది మద్దతు తెలిపారు. అనూహ్యంగా విజయ్‌కు ఏకంగా 9.2 శాతం మంది మద్దతు పలికారు. దీంతో ఆయన మూడో స్థానాన్ని దక్కించుకున్నారు. రాజకీయాల్లోకి అడుగుపెట్టి రెండేళ్లు కూడా పూర్తికాకముందే జాతీయ స్థాయిలో ప్రధాని అభ్యర్థిగా విజయ్‌ పేరు వినిపించడం చర్చనీయాంశంగా మారింది.విజయ్‌ తర్వాత పశ్చిమ బెంగాల్‌ మాజీ ముఖ్యమంత్రి, టీఎంసీ అధినేత్రి మమతా బెనర్జీ 2 శాతంతో, సమాజ్‌వాదీ పార్టీ అధినేత అఖిలేశ్‌ యాదవ్‌ 1.7 శాతంతో, కాక్‌రోచ్‌ జనతా పార్టీ (సీజేపీ) వ్యవస్థాపకుడు అభిజిత్‌ దీప్కే 1.3 శాతంతో, ఆప్‌ జాతీయ కన్వీనర్‌ అరవింద్‌ కేజ్రీవాల్‌ 1.2 శాతంతో తర్వాతి స్థానాల్లో ఉన్నారు.ఆ రకంగానూ విజయ్‌కు ఆదరణేప్రధాని ఎంపిక ప్రశ్నతో పాటు.. ప్రస్తుత ప్రతిపక్ష నేతల్లో కూటమికి నాయకత్వం వహించేందుకు ఎవరు సమర్థులని అడిగినప్పుడు కూడా విజయ్‌ మంచి స్థానంలో నిలిచారు. ఈ విభాగంలో రాహుల్‌ గాంధీ 29 శాతంతో అగ్రస్థానంలో ఉండగా.. విజయ్‌ 12.2 శాతంతో రెండో స్థానంలో నిలిచారు. మమతా బెనర్జీ 8.5 శాతం, కేజ్రీవాల్‌ 7.5 శాతం, అఖిలేశ్‌ యాదవ్‌ 6.9 శాతంతో ఆ తర్వాతి స్థానాల్లో ఉన్నారు.రెండేళ్లలోనే సీఎం.. ఇప్పుడేమోవిజయ్‌ 2024లో టీవీకేను స్థాపించి ప్రత్యక్ష రాజకీయాల్లోకి ప్రవేశించారు. ఆ తర్వాత రెండేళ్లలోనే జరిగిన తొలి ఎన్నికల్లో టీవీకే విజయం సాధించి తమిళనాడులో ప్రభుత్వాన్ని ఏర్పాటు చేసింది. విజయ్‌ ముఖ్యమంత్రిగా బాధ్యతలు చేపట్టారు. ఆ వెంటనే పార్టీ విస్తరణ కోసం ఇతర రాష్ట్రాలపైనా దృష్టి సారించారు. తొలి ఏడాది పాలన కూడా పూర్తికాకముందే జాతీయ స్థాయిలో ఆయన పేరు ప్రధాని అభ్యర్థుల జాబితాలో వినిపించడం రాజకీయంగా ప్రాధాన్యం సంతరించుకుంది.ఇటీవల టీవీకే నేతలు కూడా విజయ్‌ను జాతీయ రాజకీయాల్లోకి తీసుకెళ్లే ప్రయత్నాలను బహిరంగంగానే ప్రారంభించారు. 2029 లోక్‌సభ ఎన్నికలను లక్ష్యంగా చేసుకుని విజయ్‌ను ప్రధాని అభ్యర్థిగా ప్రొజెక్ట్‌ చేసే సంకేతాలు ఇస్తున్నారు.‘దక్షిణం నుంచి ప్రధాని రావాలి’విజయ్‌ ప్రధాని అభ్యర్థిత్వంపై టీవీకే నేతల వ్యాఖ్యలు కూడా ఇటీవల జోరందుకున్నాయి. ఆగస్టు 18న తమిళనాడు అసెంబ్లీలో మాట్లాడిన టీవీకే మంత్రి శరత్‌కుమార్‌.. విజయ్‌ భవిష్యత్‌ ప్రధాని అంటూ బహిరంగంగా వ్యాఖ్యానించారు.అంతకుముందు టీవీకే నేత, తమిళనాడు ప్రజా పనుల శాఖ మంత్రి ఆధవ్‌ అర్జున కూడా దక్షిణ భారతదేశం నుంచి ప్రధానమంత్రి రావాల్సిన అవసరం ఉందని వ్యాఖ్యానించారు. భవిష్యత్తులో దేశానికి దక్షిణాది నుంచి ప్రధాని రావడం ఖాయమని, అలాంటి నాయకుడు తమిళనాడు నుంచి ఎదగాలని ఆయన అభిప్రాయపడ్డారు. ఈ వ్యాఖ్యల నేపథ్యంలో తాజాగా వెలువడిన ఇండియాటుడే సర్వే ఫలితాలు టీవీకే వర్గాల్లో మరింత ఉత్సాహాన్ని నింపే అవకాశం ఉంది.25 వేల మందితో తాజా సర్వేఇండియా టుడే గ్రూప్‌ దాదాపు రెండు దశాబ్దాలుగా నిర్వహిస్తున్న మూడ్‌ ఆఫ్‌ ది నేషన్‌ సర్వేలో భాగంగా తాజా సర్వేను సీ ఓటర్‌ నిర్వహించింది. జూలై 1 నుంచి ఆగస్టు 25 వరకు 25,184 మందిని నేరుగా ప్రశ్నించారు. దీనికి అదనంగా గత ఆరు నెలల్లో సీ ఓటర్‌ నిర్వహించిన సాధారణ ట్రాకింగ్‌ సర్వేలలోని 91,795 ఇంటర్వ్యూలను కూడా పరిగణనలోకి తీసుకున్నారు.అయితే 2029 లోక్‌సభ ఎన్నికలకు ఇంకా మూడేళ్ల సమయం ఉంది. సర్వేలో వ్యక్తమైన ప్రజాదరణను దేశవ్యాప్తంగా ఓట్లుగా, కూటమిగా మార్చుకోవడం విజయ్‌కు పెద్ద సవాలే. అయినప్పటికీ.. తమిళనాడు రాజకీయాలకే పరిమితమైన నాయకుడిగా కాకుండా, జాతీయ స్థాయిలో ప్రధాని రేసులో పేరు వినిపించే స్థాయికి విజయ్‌ చేరుకోవడం మాత్రం రాజకీయ వర్గాల్లో ఆసక్తిని రేకెత్తిస్తోంది.ఇదీ చదవండి: దటీజ్‌ విజయ్‌.. తమిళనాడు అసెంబ్లీలో సరికొత్త సంప్రదాయం

తమిళనాడు అసెంబ్లీలో ముఖ్యమంత్రి సి. జోసెఫ్‌ విజయ్‌ గురువారం ఆసక్తికరంగా వ్యవహరించారు. సాధారణంగా స్పీకర్‌ కుర్చీకి సమీపంలో సీఎం కోసం కేటాయించిన ప్రత్యేక సీటులో కూర్చునే ఆయన.. తొలిసారి ఆ స్థానాన్ని వదిలి మంత్రుల వరుసలోకి వెళ్లి కూర్చున్నారు. దీంతో అసెంబ్లీలో ఈ పరిణామం చర్చనీయాంశంగా మారింది. విజయ్‌ తీరుపై ప్రతిపక్షాలు తీవ్ర అభ్యంతరం వ్యక్తం చేశాయి.స్పీకర్‌ జేసీడీ ప్రభాకర్‌ కుడివైపున ముఖ్యమంత్రి కోసం ప్రత్యేకంగా కేటాయించిన సీటు ఉంటుంది. ఆయన పక్కనే మంత్రులు వారి సీనియారిటీ ఆధారంగా కూర్చుంటారు. అయితే గురువారం మధ్యాహ్నం సమావేశాల సందర్భంగా విజయ్‌ తన సీటు నుంచి లేచి.. సభా నాయకుడు, మంత్రి కేఏ సెంగొట్టయ్యన్‌, మరో మంత్రి ఆధవ్‌ అర్జున మధ్యలో కూర్చున్నారు. ఈ పరిణామంపై ప్రతిపక్షాలు అసంతృప్తి వ్యక్తం చేశాయి. విజయ్‌ ఇష్టానుసారం వ్యవహరించడం తగదని.. పాలనకంటూ కొన్ని మార్గదర్శకాలు ఉంటాయని.. వాటిని ఆయన పాటించాలని సూచించాయి. అయితే సహచర మంత్రులతో మాట్లాడేందుకే ఆయన ఇలా స్థానాన్ని మార్చుకున్నట్లు తెలుస్తోంది. CM Vijay is in some discussion with Minister KAS pic.twitter.com/CynRjQChQB— Actor Vijay FC (@ActorVijayFC) August 27, 2026సాధారణంగా మంత్రులు లేదంటే ఎమ్మెల్యేలు తమ సహచరులతో మాట్లాడేందుకు కొద్దిసేపు సీట్లు మారడం కనిపిస్తుంటుంది. కానీ ముఖ్యమంత్రి తనకు కేటాయించిన అధికారిక సీటును వదిలి మంత్రుల కోసం ఉద్దేశించిన సీటులో కూర్చోవడం మాత్రం తమిళనాడు అసెంబ్లీ చరిత్రలో ఇదే తొలిసారి అని సంబంధిత వర్గాలు చెబుతున్నాయి.ఇదిలా ఉండగా.. సభలో అధికారుల గైర్హాజరుపై ప్రతిపక్ష నేత ఉదయనిధి స్టాలిన్‌ ప్రశ్నించారు. కీలక అంశాలపై ఎమ్మెల్యేలు చర్చిస్తున్న సమయంలో సంబంధిత శాఖల కార్యదర్శులు అసెంబ్లీలోనే ఉండేలా చూడాలని స్పీకర్‌ను కోరారు. గతంలో కరూర్‌ తొక్కిసలాట ఘటనపై చర్చ జరిగినప్పుడు అప్పటి సీఎం ఎంకే స్టాలిన్‌తో పాటు చీఫ్‌ సెక్రటరీ, శాఖల కార్యదర్శులు సభలో ఉన్నారని గుర్తుచేశారు. ప్రస్తుతం సీఎం, ఉన్నతాధికారులు సభలో కనిపించడం లేదని విమర్శించారు.దీనిపై మంత్రి ఆధవ్‌ అర్జున స్పందిస్తూ.. అధికారులు పక్కనే ఉన్న ‘వార్‌ రూమ్‌’లో ఉండి, సభ్యుల ప్రసంగాలను నోట్‌ చేసుకుంటున్నారని తెలిపారు. అయితే ఉదయనిధి సూచనతో ఏకీభవించిన స్పీకర్‌.. అసెంబ్లీ సమావేశాల సమయంలో సీనియర్‌ అధికారులు సభలోనే ఉండేలా ఆదేశిస్తామని చెప్పారు. అంతకుముందు పలు ప్రభుత్వ కార్యక్రమాల్లో పాల్గొన్న సీఎం విజయ్‌.. ఆ తర్వాత అసెంబ్లీకి హాజరయ్యారు.ఇదీ చదవండి: రాఖీ పండుగను రాజకీయం కోసం వాడేసుకుంటున్నారా?

నేపాల్‌–టిబెట్‌ సరిహద్దులో సంభవించిన భారీ ఆకస్మిక వరదలు తీవ్ర విషాదాన్ని మిగిల్చాయి. మృతుల సంఖ్య పెరుగుతుండగా.. అక్కడికి వెళ్లిన భారతీయ యాత్రికుల ఆచూకీ తెలియక కుటుంబ సభ్యులు ఆందోళన చెందుతున్నారు. ముఖ్యంగా కైలాస్‌ మానస సరోవర్‌ యాత్రకు వెళ్లిన తమిళ యాత్రికుల పరిస్థితిపై ఆ రాష్ట్రంలో ఆందోళన నెలకొంది.కుంభకోణానికి చెందిన సూపర్‌ ట్రావెల్‌ ఏజెన్సీ ద్వారా మొత్తం 57 మంది తమిళ యాత్రికులు మానస సరోవర్‌ యాత్రకు వెళ్లినట్లు ఇప్పటికే అక్కడి అధికారులు ప్రకటించారు. వీరిలో 20 మంది సురక్షితంగా ఉన్నట్లు సమాచారం అందగా.. మరో 37 మంది ఆచూకీ ఇంకా తెలియాల్సి ఉంది. అయితే టీవీకే సర్కార్‌ ఈ మధ్యాహ్నాం దాకా ఎలాంటి హెల్ప్‌లైన్‌ ఏర్పాటు చేయకపోవడంపై ప్రతిపక్షాలు విమర్శలు గుప్పించాయి.ఏం చర్యలు తీసుకున్నారు?ఈ వ్యవహారంపై తమిళనాడు టీవీకే ప్రభుత్వాన్ని ప్రతిపక్షాలు నిలదీశాయి. అసెంబ్లీలో ప్రతిపక్ష నేత ఉదయనిధి స్టాలిన్‌ మాట్లాడుతూ.. నేపాల్‌లో చిక్కుకున్న తమిళ యాత్రికుల కోసం ప్రభుత్వం తీసుకున్న చర్యలపై ప్రశ్నించారు. “ఎంతమంది యాత్రికులు గల్లంతయ్యారు? ప్రభుత్వ హెల్ప్‌లైన్‌కు ఎన్ని కాల్స్‌ వచ్చాయి? ఇప్పటివరకు ఎలాంటి చర్యలు చేపట్టారు?” అని ప్రభుత్వాన్ని నిలదీశారు.అన్నాడీఎంకే నేత ఎడప్పాడి కె. పళనిస్వామి కూడా ఆ 57 మంది తమిళ యాత్రికులను సురక్షితంగా తీసుకురావాలని డిమాండ్‌ చేశారు. మరోవైపు టీవీకే మిత్రపక్షం కాంగ్రెస్‌ పార్టీ.. నేపాల్‌లో చిక్కుకున్న యాత్రికుల రక్షణ కోసం ప్రత్యేక హెలికాప్టర్‌ పంపాలని కోరింది.LoP Udhayanidhi Stalin in Tamil Nadu Assembly on Nepal floods: "Many Tamils who went missing in Nepal are still unreachable. How many calls were received on the Government helpline? What action has been taken? - Udhayanidhi questions.""All 57 Tamils must be rescued and brought… https://t.co/wENvCSTZUl— ANI (@ANI) August 27, 202657 కాదు.. 106 మందితమిళనాడు మంత్రి రాజ్‌మోహన్‌ అసెంబ్లీలో మాట్లాడుతూ.. పరిస్థితిని నిశితంగా గమనిస్తున్నామని, అక్కడి అధికార యంత్రాగంతో ఎప్పటికప్పుడు సమన్వయం జరుపుతున్నామని తెలిపారు. కుంభకోణం ట్రావెల్‌ ఏజెన్సీ ద్వారా 57 మంది వెళ్లగా.. చెన్నైకి చెందిన మరో ట్రావెల్‌ ఏజెన్సీ ద్వారా మరో 49 మంది యాత్రికులు మానస సరోవర్‌ యాత్రకు వెళ్లినట్లు సమాచారం ఉందన్నారు. వారి వివరాలను కూడా సేకరిస్తున్నట్లు తెలిపారు.చివరి ఫోన్‌ కాల్‌.. నో రెస్పాన్స్‌తమ కుటుంబ సభ్యుల నుంచి చివరిసారిగా వచ్చిన ఫోన్‌ కాల్‌ తర్వాత యాత్రికుల బంధువుల్లో ఆందోళన మరింత పెరిగింది. విష్ణు రామస్వామి అనే వ్యక్తి మాట్లాడుతూ.. తన తల్లి, ఇద్దరు సోదరీమణులు యాత్రలో ఉన్నారని తెలిపారు. “ఆగస్టు 23న వారు బయలుదేరారు. ఢిల్లీ, ఖాట్మండు చేరుకున్న తర్వాత ప్రతిరోజూ ఉదయం, సాయంత్రం ఫోన్‌ చేసేవారు. ఆగస్టు 26 ఉదయం 6.15 గంటలకు చివరిసారి మాట్లాడారు. తాము క్షేమంగానే ఉన్నామని చెప్పారు. ఆ తర్వాత ఫోన్‌ సంబంధాలు తెగిపోయాయి” అని ఆందోళన వ్యక్తం చేశారు.విజయ్‌ అత్యవసర సమావేశంఅసెంబ్లీలో నేపాల్‌ వరదల మిస్సింగ్‌పై ఆందోళనలు వ్యక్తం అయ్యాక.. ముఖ్యమంత్రి విజయ్‌ ఎమర్జెన్సీ రివ్యూ మీటింగ్‌ నిర్వహించారు. ఉన్నతాధికారులతో మాట్లాడిన ఆయన.. అవసరమైన చర్యలు చేపట్టాలని సూచించారు.Nepal tragedy - Cm instructions Chief Minster of Tamil Nadu conducted a review meeting to oversee the relief measures post the Nepal tragedy CM has instructed Thiru Ashish Kumar, IAS, Resident Commissioner,TN House, New Delhi along with a team to proceed to Kathmandu to… pic.twitter.com/EqYLS4YzyF— Vignesh Theni (@Vignesh_twitz) August 27, 2026ఆచూకీ కోసం ప్రయత్నాలునేపాల్‌–టిబెట్‌ సరిహద్దు ప్రాంతంలో సహాయక చర్యలు కొనసాగుతున్నాయి. గల్లంతైన భారతీయుల వివరాలను సేకరించేందుకు కేంద్ర, రాష్ట్ర ప్రభుత్వాలు నేపాల్‌ అధికారులతో సమన్వయం చేస్తున్నాయి. చాలామంది యాత్రికుల బృందాలు వరదల కంటే ముందే ఆ ప్రాంతాన్ని దాటినట్లు సమాచారం అందుతోంది. దీంతో యాత్రికుల సురక్షిత తరలింపుపై కుటుంబాలు ఆశగా ఎదురుచూస్తున్నాయి.ఇదీ చదవండి: విపత్తుల నేపాల్‌.. ఆ ట్రాక్‌ రికార్డు అంత ఘోరం మరి!

చెన్నై: మేకేదాటు ప్రాజెక్టు విషయంలో కర్ణాటక, తమిళనాడు నేతల మధ్య రాజకీయ మాటల యుద్ధం నడుస్తోంది. తాజాగా ఈ ప్రాజెక్ట్‌ విషయమై కర్ణాటక కాంగ్రెస్‌ నేతలపై అన్నాడీఎంకే నేత కోవై సత్యన్‌ తీవ్రస్థాయిలో మండిపడ్డారు. రాజకీయ ప్రయోజనాల కోసం ప్రజలను రెచ్చగొట్టేలా కర్ణాటక నేతలు పదేపదే వ్యాఖ్యలు చేస్తున్నారని ఆరోపించారు. సుప్రీంకోర్టు ఆదేశాలను పక్కన పెట్టి మేకేదాటు ప్రాజెక్టును ముందుకు తీసుకెళ్లే ప్రయత్నం చేస్తే అది కోర్టు ధిక్కరణ కిందకు వస్తుందని హెచ్చరించారు. దీంతో, రెండు రాష్ట్రాల నేతల మధ్య మరోసారి పొలిటికల్‌ వార్‌ మొదలైంది.కర్ణాటక సీఎం డీకే శివకుమార్‌, మంత్రి చెలువరాయస్వామి మేకేదాటు ప్రాజెక్టుపై చేసిన తాజా వ్యాఖ్యలపై సత్యన్‌ స్పందించారు. కాంగ్రెస్‌ నేతలు ఈ అంశాన్ని రాజకీయ లబ్ధి కోసం ఉపయోగించుకోవడం తీవ్రంగా ఖండించాల్సిన విషయమన్నారు. మేకేదాటుపై కాంగ్రెస్‌ నేతలు పదేపదే చేస్తున్న వ్యాఖ్యలు ఖండించదగినవి. రాజకీయ భవిష్యత్తు కోసం ప్రజలను రెచ్చగొట్టడం మంచిది కాదు అంటూ సత్యన్‌ విమర్శలు కురిపించారు. కావేరీ జల వివాదంపై సుప్రీంకోర్టు తీర్పు స్పష్టంగా ఉందని, రాజకీయ నాయకులు చట్టాన్ని, కోర్టు ఆదేశాలను గౌరవించాలని ఆయన పేర్కొన్నారు. మేకేదాటు ప్రాజెక్టుపై కర్ణాటక ఏకపక్షంగా ముందుకు వెళ్లే అవకాశం లేదని స్పష్టం చేశారు.జైలుకు వెళ్తారా.. ఇదే సమయంలో కేదాటు ప్రాజెక్టు విషయంలో కర్ణాటక ప్రభుత్వం ముందుకు వెళ్తే అడ్డుకుంటామని హెచ్చరిస్తూ సత్యన్‌ ఘాటు వ్యాఖ్యలు చేశారు. ‘తీర్పు తమిళనాడుకు అనుకూలంగా ఉంది. మీరు మేకేదాటులో ఒక్క రాయి కూడా కదపలేరు. ఇదే నిజం’ అంటూ సంచలన వ్యాఖ్యలు చేశారు. అంతేకాదు, ప్రాజెక్టు నిర్మాణానికి ఒక్క ఇటుక కూడా పెట్టలేరని సవాల్‌ విసిరారు. మంత్రి చెలువరాయస్వామిపై మరింత ఘాటుగా స్పందించిన సత్యన్‌.. మేకేదాటు విషయంలో కోర్టు ఆదేశాలను ఉల్లంఘిస్తే జైలుకెళ్లాల్సి వస్తుందని హెచ్చరించారు. పరప్పన అగ్రహార జైలుకెళ్లాలా? తీహార్‌ జైలుకెళ్లాలా? ఎక్కడ ఉండాలో ఆయనే ఎంచుకోవచ్చు అంటూ తీవ్ర వ్యాఖ్యలు చేశారు.కావేరీ వివాదం.. మేకేదాటు ప్రాజెక్టు అంశం మరోసారి తమిళనాడు-కర్ణాటక రాజకీయాల్లో వేడి పెంచుతోంది. కావేరీ నదిపై ప్రతిపాదించిన ఈ బ్యాలెన్సింగ్‌ రిజర్వాయర్‌ ప్రాజెక్టును కర్ణాటక ముందుకు తీసుకెళ్లాలని చూస్తుండగా.. తమిళనాడు మాత్రం మొదటి నుంచీ తీవ్రంగా వ్యతిరేకిస్తోంది. మేకేదాటు ప్రాజెక్టు అమలైతే తమిళనాడుకు దక్కాల్సిన కావేరీ జలాల వాటాపై ప్రభావం పడే అవకాశం ఉందన్నది తమిళనాడు వాదన. దీంతో ఈ అంశం రెండు రాష్ట్రాల మధ్య చాలాకాలంగా రాజకీయ, న్యాయపరమైన వివాదానికి కేంద్రంగా ఉంది.చదవండి: బీజేపీ పార్లమెంటరీ బోర్డులో భారీ మార్పులు!

ఒక నల్లటి పొట్టి డ్రెస్‌.. ఒక 15 సెకన్ల వీడియో.. ఇద్దరు మహిళల జీవితాలను సవాలు చేసింది. వారిలో ఒకరు తమిళనాడు ఎంగెస్ట్‌ ఉమన్‌ మినిస్టర్‌. మరొకరు మలేషియా సాధారణ యువతి. ఆ సాధారణ యువతిని ‘పొట్టి డ్రస్సు వేసుకున్న మంత్రి’గా చూపి ట్రోల్‌ చేసిన ప్రత్యర్థులకు వారిద్దరూ కలిసి ఇచ్చిన సమాధానం ప్రతి మహిళకు స్ఫూర్తిదాయకం.సమాజంలో మహిళ ఎంత ఉన్నత స్థానానికి ఎదిగినా, లేదా తన ప్రపంచంలో తను ప్రశాంతంగా బతుకుతున్నా ఆమెను తక్కువ చేసి చూపించడానికి కొందరు వాడే పాత ఆయుధం... ఆమె వేసుకునే బట్టలు. తాజాగా తమిళనాడుకు చెందిన యువ మహిళా మంత్రి ఎస్‌.కీర్తన, మలేషియాకు చెందిన వినోషా రవి విషయంలో ఇదే జరిగింది. ఒక చిన్న తప్పుడు వీడియో ఇద్దరు మహిళల జీవితాలను ఎలా ప్రభావితం చేసింది? వారు దాన్ని భయంతో కాకుండా ధైర్యంతో ఎలా ఎదుర్కొన్నారు? అసలేం జరిగింది? గత 48 గంటలుగా సామాజిక మాధ్యమాల్లో ఒక వీడియో విపరీతంగా హల్‌చల్‌ చేస్తోంది. ఒక నల్లటి పొట్టి దుస్తులు వేసుకున్న మహిళ కారు దిగుతున్న దృశ్యం అది. ఆ వీడియోలో ఉన్నది తమిళనాడు పారిశ్రామిక శాఖ మంత్రి ఎస్‌. కీర్తన అంటూ కొందరు రాజకీయ ప్రత్యర్థులు ట్రోలింగ్‌ ప్రారంభించారు. ‘ఇలాంటి బట్టలతో పెట్టుబడులు తెస్తారా?’ అంటూ వెటకారం చేశారు. కానీ అసలు నిజం ఏమిటంటే... ఆ వీడియోలో ఉన్నది మంత్రి కీర్తన కాదు. ఆ వీడియోలో ఉన్న వ్యక్తి మలేషియాకు చెందిన వినోషా రవి అనే సాధారణ మహిళ. వినోషా చెప్పిన దాని ప్రకారం, ఆ వీడియోను ఎవరో గుర్తుతెలియని వ్యక్తి ఆమెకు తెలియకుండా తీసి ఇంటర్నెట్‌లో పెట్టి, దానికి తమిళనాడు మంత్రి పేరును తగిలించి తప్పుడు ప్రచారం చేశారు. ఒక అమాయకురాలి ప్రైవసీని దొంగిలించి, దాన్ని రాజకీయ ఆయుధంగా మార్చారు.‘నేనే అయితే తప్పేంటి?’...అయితే ఈ వివాదాన్ని ఆ ఇద్దరు మహిళలు ధైర్యంగా ఎదుర్కొన్నారు. ముందుగా మలేషియా నుంచి వినోషా రవి జాతీయ మీడియాతో మాట్లాడుతూ ‘మా కొలీగ్‌ ఆ వీడియో పంపితే జోక్‌ అనుకున్నా. కానీ ఆ తర్వాత అది సీరియస్‌ అయ్యింది. నా ఇన్‌బాక్స్‌ నిండా బూతులు, వల్గర్‌ కామెంట్స్, బెదిరింపులు. ఈ ఘటన జరిగినప్పటి నుంచి నేను బయటకు వెళ్లాలన్నా, ఆఫీస్‌కి వెళ్లాలన్నా భయపడుతున్నాను. అయినా నేను నా డ్రెస్సింగ్‌ స్టైల్‌ మార్చుకోను’ అని తేల్చి చెప్పారు. ఈ పై ఆమె మలేషియా పోలీసులకు ఫిర్యాదు చేశారు. మరోవైపు తమిళనాడు మంత్రి కీర్తన చాలా దీటుగా స్పందించారు.ఆగాలంటే ఏం చేయాలి? ఇలా బట్టల ఆధారంగా జరిగే మానసిక దాడులు ఆగాలంటే ముందుగా సమాజంలో మార్పు రావాలి. ఒక మహిళ క్యారెక్టర్‌ను ఆమె వేసుకునే దుస్తులను బట్టి జడ్జ్‌ చేసే వికృతమైన ఆలోచనా విధానాన్ని వీడాలి. ఇక ఇలాంటి వేధింపులు ఎదురైనప్పుడు మహిళలు అస్సలు భయపడకూడదు. కీర్తన, వినోషాలాగే గొంతు విప్పి ధైర్యంగా ప్రశ్నించాలి. నేషనల్‌ సైబర్‌ క్రైమ్‌ పోర్టల్‌ (1930) ద్వారా ఫిర్యాదు చేయాలి. మౌనంగా ఉంటే ట్రోలర్లు మరింత రెచ్చిపోతారు.ఈ సంఘటన ఇంటర్నెట్‌ వాడుతున్న ప్రతి మహిళా సైబర్‌ భద్రత ముప్పుకు ఒక ఉదాహరణ. అయినా సరే ఒకరి వ్యక్తిగత స్వేచ్ఛను గౌరవించకుండా, కేవలం కొన్ని వ్యూస్‌ కోసం ఒకరి జీవితాన్ని రోడ్డున పడేసే సైబర్‌ బూచీలకు చెంపదెబ్బ లాంటి సమాధానం ఇచ్చారు ఈ ఇద్దరు మహిళలు. మహిళల ప్రతిభను చూడాలే తప్ప, వారు వేసుకునే బట్టలను కాదు అనే సత్యాన్ని సమాజం ఎప్పుడు గ్రహిస్తుందో మరి!‘ఆ వీడియోలో ఉన్నది నేను కాదు. కానీ ఒకవేళ నేనే అయినా అందులో తప్పేముంది? ఒక మహిళ ఏం వేసుకోవాలో మీరు డిసైడ్‌ చేస్తారా? ఇది పురుషాధిక్య సమాజపు సంకుచిత, కురచ ఆలోచన’ అంటూ ఎదురుదాడి చేశారు. అంతేకాదు, తన పోలికల వల్ల అనవసరంగా వివాదంలోకి లాగబడిన వినోషా రవికి క్షమాపణలు చెప్పారు. ‘నన్ను క్షమించు సోదరి. నువ్వు ఆ దుస్తుల్లో చాలా అందంగా ఉన్నావు. నీకు నచ్చినట్లుగా నువ్వు జీవించు’ అంటూ ఆమెకు అండగా నిలిచారు. ఇది రాజకీయాలకు అతీతమైన సిస్టర్‌ హుడ్‌.ఈ ఘటనపై డిఎంకె ఎంపీ కనిమొళి కూడా స్పందిస్తూ ‘ఇది దుష్ట రాజకీయం. మహిళలను ఇలా టార్గెట్‌ చేయడం ఆపండి’ అంటూ కీర్తనకు మద్దతు పలకడం విశేషం. కీర్తన గతంలో ఇన్వెస్ట్మెంట్‌ ప్రమోషన్‌ కోసం సూట్‌ వేసుకుని వీడియో చేస్తే కూడా ట్రోల్‌ చేశారు. అంటే చీర కట్టినా, సూట్‌ వేసినా, షార్ట్‌ డ్రెస్‌ వేసినా.. దాడి మాత్రం ఆడవారిపైనే.

తమిళనాడు: ఆవడి సమీపం కర్లబాక్కం యాదవర్‌ వీధికు చెందిన లతా(45). ఈమె కర్లబాక్కం పంచాయతీలో క్లీనర్‌గా పని చేస్తోంది. ఈమె భర్త, సుబ్రమణి 8 సంవత్సరాల క్రితం మృతి చెందాడు. వీరికి పిల్లలు లేరు. దీంతో ఆమె తన ఇంట్లో ఒంటరిగా నివసిస్తూ వచ్చింది. ఈనెల 20వ తేదీ లత పనికి వెళ్లి వచ్చిన తర్వాత ఆమె ఇంటి నుండి బయటకు రాలేదు. ఆమె ఇంటి తలుపు బయటి నుండి తాళం వేసి ఉంది. ఈ స్థితిలో, మంగళవారం లత ఇంట్లో నుండి దుర్వాసన వచ్చింది. దీంతో ఇరుగుపొరుగు వారు ముక్తపుదుపేట్టై పోలీస్‌ స్టేషన్‌కు సమాచారం అందించారు. పోలీస్‌ ఇన్‌స్పెక్టర్‌ సెల్వి తాళం పగలగొట్టి లోపలికి వెళ్లారు. ఆ సమయంలో, పడకగదిలో లత తలకు గాయాలతో, కుళ్లిపోయిన స్థితిలో విగతజీవిగా కనిపించింది. ఆమె ధరించిన ఆభరణాలు గానీ, ఇంట్లోని వస్తువులు గానీ ఏవీ దొంగిలించబడలేదు. అనంతరం, పోలీసులు లత మృతదేహాన్ని స్వా«దీనం చేసుకుని, పోస్ట్‌మార్టం కోసం చెన్నైలోని కిల్పాకం ప్రభుత్వ వైద్య కళాశాల ఆసుపత్రికి పంపించారు. అవడి ముక్త పుదుపేట్టై పోలీసులు అనుమానాస్పద మరణం కేసు నమోదు చేసి దర్యాప్తు చేపట్టారు.విచారణ లో అదే ప్రాంతానికి చెందిన మునివేల్‌ (65) అనే పాల వ్యాపారితో లతకు అక్రమ సంబంధం ఉన్నట్లు వెల్లడైంది. దీంతో, పోలీసులు మునివేల్‌ను అరెస్టు చేసి విచారణ జరిపారు. విచారణ సమయంలో, తానే లతను చంపానని అతను చెప్పాడు. చాలా కాలంగా లతతో తనకు అక్రమ సంబంధం ఉందని చెప్పాడు. లత కొన్ని రోజులుగా చాలా మంది పురుషులతో సంబంధం పెట్టుకోవడంతో కొట్టి చంపినట్లు తెలిపాడు. దీంతో మునివేల్‌ను పుళల్‌ జైలుకు తరలించారు. చదవండి: యువతి గదిలో కెమెరా పెట్టిన ఇంటి యజమాని

సాక్షి, చెన్నై: ఆంధ్రప్రదేశ్‌లో కూటమి సర్కార్‌ షాకిచ్చిన వేళ.. పక్క రాష్ట్రం తమిళనాడు మాత్రం ప్రభుత్వ ఉపాధ్యాయులకు సంబంధించి కీలక నిర్ణయం తీసుకుంది. సీనియర్‌ టీచర్లకు(2010 కంటే ముందు) టెట్‌ పరీక్ష నుంచి మినహాయింపు ఇవ్వాలని నిర్ణయించింది. ఈ మేరకు ఓ తీర్మానాన్ని మంగళవారం విజయ్‌ సర్కార్‌ అసెంబ్లీలో ప్రవేశపెట్టింది.సీనియర్‌ టీచర్లకు ఎలిజిబిలిటీ టెస్ట్‌ (TET) నుంచి మినహాయింపునకు సంబంధించిన తీర్మానాన్ని పాఠశాల విద్యాశాఖ మంత్రి ఏ. రాజ్‌మోహన్‌ అసెంబ్లీలో ప్రవేశపెట్టారు. 2010 ఆగస్టు 23కు ముందు నియమితులైన ఉపాధ్యాయులను టెట్‌ నుంచి పూర్తిగా, శాశ్వతంగా మినహాయించాలని అందులో కోరారాయన. ఈ ప్రతిపాదన ద్వారా సీనియర్‌ ఉపాధ్యాయుల ఉద్యోగ భద్రత, పదోన్నతులకు ఇబ్బందులు లేకుండా చూడాలని విజయ్‌ ప్రభుత్వం భావిస్తోందని తెలిపారు.3.28 లక్షల మందికి ప్రయోజనం2010 ఆగస్టు 23కు ముందు ప్రభుత్వ పాఠశాలల్లో నియమితులైన సుమారు 3,28,701 మంది ఉపాధ్యాయులు ప్రస్తుతం టెట్‌ నిబంధన పరిధిలోకి వస్తున్నారని మంత్రి తెలిపారు. వీరిలో చాలామంది ఇప్పటికే 15 నుంచి 20 ఏళ్లుగా ఎలాంటి విరామం లేకుండా సేవలందిస్తున్నారని పేర్కొన్నారు. ఇన్నేళ్ల అనుభవం ఉన్న ఉపాధ్యాయులు ఇప్పుడు తప్పనిసరిగా కొత్త పరీక్ష రాయాల్సి రావడం వారి ఉద్యోగ భద్రత, జీవనోపాధిపై ప్రభావం చూపుతుందని వివరించారు.Minister Rajmohan has moved a resolution urging the Central Government to exempt teachers who joined service before 2010 from the Teacher Eligibility Test (TET). pic.twitter.com/p4PiMcJFmL— Vignesh Theni (@Vignesh_twitz) August 25, 2026కేంద్రాన్ని కోరిన తమిళనాడుసీనియర్‌ టీచర్లకు ఉపాధ్యాయులకు టెట్‌ నుంచి శాశ్వత మినహాయింపు కల్పించాలని కేంద్ర ప్రభుత్వాన్ని అసెంబ్లీ తీర్మానం ద్వారా కోరుతున్నట్లు రాజ్‌మోహన్‌ తెలిపారు. ఇందుకోసం 2009 విద్యాహక్కు చట్టంలోని సెక్షన్‌ 23ను సవరించాలని, నేషనల్‌ కౌన్సిల్‌ ఫర్‌ టీచర్‌ ఎడ్యుకేషన్‌ (NCTE) మార్గదర్శకాల్లో అవసరమైన మార్పులు చేయాలని విజ్ఞప్తి చేశారు.ప్రమోషన్‌లకు ఇబ్బంది లేకుండా..టెట్‌ నిబంధన కారణంగా ఇప్పటికే సేవలందిస్తున్న ఉపాధ్యాయులకు ఉద్యోగ ప్రయోజనాలు, ముఖ్యంగా పదోన్నతులు నిలిచిపోకుండా చూడాలని తమిళనాడు ప్రభుత్వం కోరుతోంది. అనుభవజ్ఞులైన ఉపాధ్యాయులను కొత్తగా పరీక్ష రాయాల్సిన పరిస్థితి నుంచి తప్పించడం ద్వారా వారి సర్వీస్‌ ప్రయోజనాలను కాపాడాలని విజయ్‌ ప్రభుత్వం భావిస్తోంది.ఏపీలో ఇదే అంశంపై కొంతకాలంగా ఉపాధ్యాయులు ఆందోళన చేపట్టారు. కనీసం మినహాయింపులు ఇవ్వాలని కోరుతున్నారు. అవేవీ పట్టించుకోకుండా ఇన్‌ సర్వీస్‌ టీచర్ల టెట్‌ నోటిఫికేషన్‌ జారీ చేసింది కూటమి ప్రభుత్వం. ఈ తరుణంలో 2010కు ముందు నియమితులైన ఉపాధ్యాయుల విషయంలో టెట్‌ నుంచి శాశ్వత మినహాయింపు ఇవ్వాలన్న తమిళనాడు అసెంబ్లీ తీర్మానం ఇప్పుడు తీవ్ర చర్చనీయాంశంగా మారింది. కేంద్రం, NCTE స్పందన ఎలా ఉంటుందన్నది ఆసక్తికరంగా మారింది.ఇదీ చదవండి: ఆరెస్సెస్‌ స్కెచ్‌.. జెన్‌జీ టార్గెట్‌

సాక్షి, ఢిల్లీ: కావేరీ నదీ జలాల విడుదల వివాదంపై సుప్రీంకోర్టు కీలక ఆదేశాలు జారీ చేసింది. నీటి వాటా విడుదలలో ఏవైనా అభ్యంతరాలు లేదా ఫిర్యాదులు ఉంటే వాటిని కావేరీ జలాల నిర్వహణ సంస్థ (CWMA) ముందే లేవనెత్తాలని తమిళనాడు ప్రభుత్వానికి స్పష్టం చేసింది. కర్ణాటక నుంచి తమకు రావాల్సిన అదనపు నిష్పత్తి నీటి వాటాను విడుదల చేసేలా ఆదేశించాలని కోరుతూ తమిళనాడు ప్రభుత్వం దాఖలు చేసిన పిటిషన్‌ను జస్టిస్ విక్రమ్ నాథ్, జస్టిస్ సందీప్ మెహతాలతో కూడిన ధర్మాసనం విచారించింది.వివరాల్లోకి వెళితే.. కావేరీ నీటి నియంత్రణ కమిటీ (CWRC) ఆగస్టు 12 నుండి 15 రోజుల పాటు ప్రతిరోజూ తమిళనాడుకు 12,000 క్యూసెక్కుల నీటిని విడుదల చేయాలని కర్ణాటకను ఆదేశించింది. ఈ నిర్ణయాన్ని కావేరీ జలాల నిర్వహణ సంస్థ (CWMA) కూడా సమర్థించింది. అయితే వాటా న్యాయపరంగా తమకు దక్కడం లేదని తమిళనాడు ప్రభుత్వం సుప్రీంకోర్టులో పిటిషన్ దాఖలు చేసింది. తమిళనాడు తరఫున హాజరైన సీనియర్ న్యాయవాది సి.ఎస్. వైద్యనాథన్ వాదనలు వినిపిస్తూ, తమకు దక్కాల్సిన సరైన నిష్పత్తిలో నీరు అందడం లేదని ధర్మాసనానికి తెలిపారు. దురదృష్టవశాత్తూ క్షేత్రస్థాయిలో నీటి విడుదల సక్రమంగా జరగడం లేదని ఆయన ఆవేదన వ్యక్తం చేశారు. దీనిపై విచారణ జరిపిన ధర్మాసనం ఈ అంశాన్ని సంబంధిత అథారిటీ (CWMA) సమావేశంలోనే లేవనెత్తాలని సుప్రీంకోర్టు సూచించింది.గత విచారణలో కర్ణాటక ప్రభుత్వం తరఫున సీనియర్ న్యాయవాది శ్యామ్ దివాన్ సమర్పించిన నీటి విడుదల వివరాల చార్ట్‌ను ధర్మాసనం ప్రస్తావించింది. ఆ చార్ట్ ప్రకారం CWMA ఆదేశాల మేరకే తమిళనాడుకు నీటిని విడుదల చేసినట్లు కనిపిస్తోందని బెంచ్ వ్యాఖ్యానించింది. దీనిపై వైద్యనాథన్ స్పందిస్తూ, నిష్పత్తి ప్రకారం నీటిని విడుదల చేయడానికి CWMA దిశా నిర్దేశం చేయడం లేదని, దీనివల్ల తమిళనాడులోని రైతులకు తాము ఒక్క చుక్క నీటిని కూడా విడుదల చేయలేకపోతున్నామని, కానీ కర్ణాటక మాత్రం తమ రైతులకు నీటిని ఇచ్చుకుంటోందని వాదించారు. దీంతో సుప్రీంకోర్టు ఈ కేసు తదుపరి విచారణను ఆగస్టు 31కి వాయిదా వేస్తూ, ఆ రోజు నాటికి తాజా పరిస్థితిపై నివేదిక (అప్‌డేటెడ్ స్టేటస్) సమర్పించాలని ఇరు రాష్ట్రాలను ఆదేశించింది.అంతకుముందు ఆగస్టు 17న జరిగిన విచారణలో కూడా CWMA ఆదేశాలను కర్ణాటక తప్పనిసరిగా పాటించాలని సుప్రీంకోర్టు స్పష్టం చేసింది.తమిళనాడు ప్రభుత్వం కోర్టుకు తెలిపిన వివరాల ప్రకారం, వర్షపాతం తక్కువగా ఉన్న ఈ సంవత్సరంలో తమకు రావలసిన న్యాయమైన వాటా దక్కడం లేదు. CWRC కేటాయించిన పరిమాణం కంటే, పొరుగున ఉన్న కర్ణాటక విడుదల చేసిన నీటి పరిమాణం చాలా తక్కువగా ఉందని తమిళనాడు తన పిటిషన్‌లో పేర్కొంది.జూలై 28న జరిగిన CWRC సమావేశంలో జూలై 29 నుండి 15 రోజుల పాటు రోజుకు 3,500 క్యూసెక్కుల నీటిని విడుదల చేయాలని కర్ణాటకను ఆదేశించినప్పటికీ, జూలై 29 నుండి ఆగస్టు 2 వరకు బిలిగుండ్లు వద్ద కేవలం 158 నుండి 550 క్యూసెక్కుల లోపే నీరు అందిందని తమిళనాడు ప్రభుత్వం తెలిపింది.తమిళనాడు ప్రభుత్వం విడుదల చేసిన పత్రికా ప్రకటన ప్రకారం.. ఆగస్టు 3 నాటికి కర్ణాటకలోని కేఆర్‌ఎస్, కబిని, హారంగి, హేమవతి జలాశయాలలో మొత్తం నీటి నిల్వ 77.537 టీఎంసీలుగా ఉంది. కాబట్టి తమిళనాడుకు చెందాల్సిన వాటాను నిష్పత్తి ప్రకారం విడుదల చేయడానికి కర్ణాటకకు ఎటువంటి ఇబ్బంది లేదని స్పష్టం చేసింది.కర్ణాటకలోని కేఆర్‌ఎస్, కబిని డ్యామ్‌ల క్యాచ్‌మెంట్ ఏరియాలలో ఇటీవల కురిసిన వర్షాల కారణంగా, బిలిగుండ్లు వద్ద తమిళనాడుకు అందాల్సిన నిష్పత్తి నీరు 26.954 టీఎంసీలుగా ఉండాలని పేర్కొంది. దీనితో పోలిస్తే కావేరీ జలాల నిర్వహణ సంస్థ (CWMA) కేటాయించిన 4.536 టీఎంసీలు చాలా తక్కువని తమిళనాడు ఆరోపించింది. మొత్తంగా కర్ణాటక ప్రభుత్వం తమిళనాడుకు ఇవ్వాల్సిన 26.954 టీఎంసీల న్యాయమైన వాటాను పంచుకోవడంలో విఫలమైందని తమిళనాడు ప్రభుత్వం తన అధికారిక ప్రకటనలో వెల్లడించింది.

మేనిఫెస్టో పేరిట అడ్డగోలు హామీలు ఇవ్వడం.. అధికారంలోకి వచ్చాక వాటిని ఎగ్గొట్టడం.. కొందరికి అలవాటే!. ముఖ్యంగా ఇప్పుడున్న కొన్ని ప్రభుత్వాలు ప్రజలను అలా మోసం చేస్తు‍న్నవే. అయితే అధికారంలోకి వచ్చిన వంద రోజులు పూర్తి కాగా.. ఇచ్చిన హామీలను ఒక్కొక్కటిగా అమలు చేసుకుంటూ పోతున్నారు పొరుగు రాష్ట్ర ముఖ్యమంత్రి జోసెఫ్‌ సి విజయ్‌.తమిళనాడు అసెంబ్లీలో సీఎం విజయ్‌ సోమవారం కీలక ప్రకటన చేశారు. పరందూర్‌ గ్రీన్‌ఫీల్డ్‌ ఎయిర్‌పోర్ట్‌ ప్రాజెక్ట్‌పై కీలక నిర్ణయం వెల్లడించారు. చెన్నై సమీపంలో ప్రతిపాదించిన ఈ విమానాశ్రయ నిర్మాణాన్ని నిలిపివేస్తున్నట్లు ఆయన తెలిపారు. ప్రాజెక్ట్‌కు వ్యతిరేకంగా ఆందోళనలు చేస్తున్న రైతులు, స్థానికులకు అండగా ఉంటానని మరోసారి స్పష్టం చేశారు.‘‘పరందూర్‌ ఎయిర్‌పోర్ట్‌ ప్రాజెక్ట్‌ను రద్దు చేస్తున్నాం. ప్రతిపాదిత విమానాశ్రయానికి వ్యతిరేకంగా పోరాడుతున్న ప్రజలకు నా మద్దతు ఎప్పుడూ ఉంటుంది’’ అని విజయ్‌ తెలిపారు. వీటితో పాటు ఎన్నికల హామీలైన మూడు ఉచిత సిలిండర్ల పథకం పొంగల్‌ నుంచి ‍ప్రారంభిస్తామని, అక్టోబర్‌ 2 నుంచి మహిళలకు ఉచిత బస్సు ప్రయాణం(డీలక్స్‌ బస్సులకూ వర్తింపజేస్తూ) పథకం మొదలుపెడతామని.. అలాగే మిగతా మేనిఫెస్టో హామీలపైనా స్పష్టత ఇచ్చారు. 🚨Chief Minister Vijay announces that the TVK government will abandon the proposed Parandur airport project. RIP TN Economy...🙏🙂 pic.twitter.com/ga7qbFvT64— Chennai Updates (@UpdatesChennai) August 24, 2026రైతుల ఆందోళనకు అండగా..చెన్నైకి దాదాపు 70 కిలోమీటర్ల దూరంలోని కాంచీపురం జిల్లాలోని పరందూర్‌లో కొత్త అంతర్జాతీయ విమానాశ్రయం నిర్మించాలని గత ప్రభుత్వం ప్రతిపాదించింది. అయితే ఈ ప్రాజెక్ట్‌ వల్ల బహుళ పంటలు పండే వ్యవసాయ భూములు, నీటి వనరులు దెబ్బతింటాయని స్థానిక రైతులు, పర్యావరణ కార్యకర్తలు ఆందోళన వ్యక్తం చేశారు.టీవీకే అధినేతగా ఉన్నప్పటి నుంచే విజయ్‌ ఈ ప్రాజెక్ట్‌ను వ్యతిరేకించారు. 2024 అక్టోబర్‌లో విక్రవాండి సభలోనే ఈ అంశంపై స్పందించిన ఆయన.. పారిశ్రామిక అభివృద్ధికి విమానాశ్రయాలు అవసరమే అయినా, రైతుల ప్రయోజనాలను పణంగా పెట్టి నిర్మాణాలు చేపట్టకూడదని వ్యాఖ్యానించారు. అధికారంలోకి వస్తే ప్రజల హామీని నెరవేరుస్తానని చెప్పిన విజయ్‌.. తాజాగా ఆ దిశగా నిర్ణయం తీసుకున్నారు.డీఎంకే హయాంలోనే ప్రతిపాదనపరందూర్‌ ఎయిర్‌పోర్ట్‌కు 2025 ఏప్రిల్‌లో కేంద్ర పౌర విమానయాన మంత్రిత్వ శాఖ సూత్రప్రాయ అనుమతి ఇచ్చింది. అయితే అప్పటి డీఎంకే ప్రభుత్వం ఈ ప్రాజెక్ట్‌ను ముందుకు తీసుకెళ్లింది. టీవీకే అధికారంలోకి వచ్చిన తర్వాత ప్రతిపాదిత స్థలాన్ని పునఃసమీక్షించాలని నిర్ణయించింది. ప్రత్యామ్నాయ ప్రాంతాలను పరిశీలించి.. నీటి వనరులు, సారవంతమైన భూములను కాపాడేలా చర్యలు తీసుకుంటామని పార్టీ నేతలు వెల్లడించారు.విజయ్‌ ప్రకటనపై డీఎంకే కౌంటర్‌అయితే విజయ్‌ నిర్ణయంపై డీఎంకే తీవ్రంగా స్పందించింది. గతంలో తమ ప్రభుత్వం చేపట్టిన ప్రాజెక్ట్‌పై అనుమానాలు వ్యక్తం చేయడం సరికాదని ఆ పార్టీ నేతలు పేర్కొన్నారు. డీఎంకే సీనియర్‌ నేత దురైమురుగన్‌ మాట్లాడుతూ.. ‘‘ప్రాజెక్ట్‌కు సంబంధించిన మా ఫైళ్లను బయటపెట్టేందుకు విజయ్‌కు అనుమతి ఇస్తున్నాం. వారం రోజుల్లో వాటిని బయటపెట్టకపోతే.. అసెంబ్లీలో ప్రివిలేజ్‌ మోషన్‌ తీసుకొచ్చే అంశాన్ని పరిశీలిస్తాం’’ అని అన్నారు.ఎన్నికల ముందు పరందూర్‌ ఎయిర్‌పోర్ట్‌కు వ్యతిరేకంగా గళమెత్తిన విజయ్‌.. అధికారంలోకి వచ్చిన తర్వాత అదే నిర్ణయాన్ని అమలు చేయడం రాజకీయంగా ప్రాధాన్యం సంతరించుకుంది. రైతులు, పర్యావరణ పరిరక్షణ అంశాలను ముందుకు తెస్తూ తీసుకున్న ఈ నిర్ణయం.. తమిళనాడు రాజకీయాల్లో కొత్త చర్చకు దారితీసింది.ఇదీ చదవండి: మిడ్డిలో విజయ్‌ ఎమ్మెల్యే??.. కీర్తన రియాక్షన్‌ ఇదే

చెన్నై: తమిళనాడులో విజయ్‌ ప్రభుత్వం సంక్షేమ పథకాల అమలుపై ఫోకస్‌ పెంచుతోంది. ఎన్నికల సమయంలో ఇచ్చిన హామీలను అమలు చేసే దిశగా కీలక నిర్ణయాలు తీసుకుంటోంది. ఇందులో భాగంగా ప్రతి కుటుంబానికి ఏడాదికి మూడు ఉచిత ఎల్‌పీజీ సిలిండర్లు, ఆర్టీసీ బస్సుల్లో ఉచిత ప్రయాణం వంటి నిర్ణయాలపై సీఎం విజయ్‌ ప్రకటన చేశారు. పొంగల్‌ నుంచి ‘అన్నపూర్ణ సూపర్‌-6’ పథకం అమలు చేయనున్నట్టు సీఎం విజయ్‌ చెప్పుకొచ్చారు.తమిళనాడులో విజయ్‌ ప్రభుత్వం పథకాల హామీల అమలుపై స్పీడ్‌ పెంచింది. ‘అన్నపూర్ణ సూపర్‌-6’ పథకాన్ని వచ్చే పొంగల్‌ నుంచి ప్రారంభించనున్నట్లు ప్రభుత్వం ప్రకటించింది. ఈ పథకం కింద కుటుంబాలకు ఏడాదికి మూడు ఉచిత ఎల్పీజీ సిలిండర్లు అందించే ప్రతిపాదన గతంలో వెల్లడైంది. ఈ పథకం ద్వారా రాష్ట్రంలోని సుమారు 1.30 కోట్ల కుటుంబాలకు ప్రయోజనం చేకూరనుంది. ప్రభుత్వ ఖజానాపై ఏడాదికి దాదాపు రూ.4,000 కోట్ల భారం పడుతుందని అంచనా. ఏటా రూ.2.5 లక్షల కంటే తక్కువ ఆదాయం ఉన్న కుటుంబాలకు ఏడాదికి మూడు ఎల్‌పీజీ సిలిండర్ల ఖర్చును ప్రభుత్వం భరించనుంది.అలాగే, ఇప్పటికే సాధారణ ప్రభుత్వ బస్సుల్లో మహిళలకు ఉచిత ప్రయాణ సౌకర్యం అమల్లో ఉంది. కాగా, అక్టోబర్‌ 2 నుంచి మహిళలకు మరిన్ని బస్సు సర్వీసుల్లో ఉచిత ప్రయాణాన్ని అందుబాటులోకి తీసుకురావాలని ప్రభుత్వం నిర్ణయించినట్లు తెలుస్తోంది. ఇందులో భాగంగా డీలక్స్‌ సర్వీసులను కూడా ఉచిత ప్రయాణ పరిధిలోకి తీసుకురానున్నారు. ‘వెట్రి పయణం’ పథకం పరిధిని విస్తరిస్తూ ఈ నిర్ణయం తీసుకున్నారు. మరోవైపు ట్రాన్స్‌జెండర్‌ వ్యక్తులకు కూడా ప్రభుత్వ బస్సుల్లో ఉచిత ప్రయాణ సౌకర్యం కల్పిస్తున్నట్లు విజయ్‌ అసెంబ్లీలో ప్రకటించారు.సమాజంలోని అన్ని వర్గాలకు సంక్షేమ పథకాల ప్రయోజనాలు అందించడమే లక్ష్యంగా ప్రభుత్వం ఈ నిర్ణయాలు తీసుకుంటున్నట్లు తెలిపారు. ఒకవైపు పేద కుటుంబాలకు గ్యాస్‌ భారం తగ్గిస్తూ.. మరోవైపు మహిళలకు బస్సు ప్రయాణాన్ని మరింత సులభతరం చేస్తూ.. ట్రాన్స్‌జెండర్లకు ఉచిత ప్రయాణం కల్పిస్తూ విజయ్‌ ప్రభుత్వం అసెంబ్లీలో సంక్షేమ పథకాల వరుస ప్రకటనలు చేయడం తమిళనాడు రాజకీయాల్లో ఆసక్తికరంగా మారింది.ఎన్నికల హామీలు ఒక్కొక్కటిగా అమలు చేసే దిశగా తమిళనాడు ప్రభుత్వం అడుగులు వేస్తుండటంతో.. మహిళలకు బస్సు ప్రయాణం, కుటుంబాలకు వంటగ్యాస్‌ ప్రయోజనాలు ఇప్పుడు రాష్ట్ర రాజకీయాల్లో కీలక అంశాలుగా మారుతున్నాయి.