Nandyal District News

సన్నబియ్యం తక్కువ ధరకు ఇస్తున్నారంటే ఆశతో నాతో పాటు మరో ముగ్గురం ఆటో తీసుకుని ఆళ్లగడ్డకు పోయాం. అక్కడ ఎంత సేపు కూర్చున్న బీగం తీయలేదు. అక్కడే ఉన్నవారిని అడిగితే బియ్యం కేంద్రం మూతేసి చాలా రోజులైందని చెప్పడంతో ఉసూరుమంటు వచ్చాం, రానుపోను ఆటోకు అనవసరంగా ఖర్చు వృథా అయ్యింది. – రత్నమ్మ, గోవిందిన్నె మూడు, నాలుగు నెలల నుంచి బియ్యం ధరలు పట్టపగలే చుక్కలు చూపిస్తున్నాయి. తక్కువ ధరకు బియ్యం ఇస్తామని చెప్పారు. ఎక్కడ ఇస్తున్నారో తెలి యడం లేదు. ఇలా అయితే కడుపునిండా తిన డం కూడా కష్టమే. అధికారులు రేషన్‌ దుకాణాల్లోనే సన్నబియ్యం పంపిణీ చేయాలి. – సువర్ణ, క్రిష్టిపాడు మార్కెట్‌లో ధరలు నియంత్రించేందుకే సన్నబియ్యం తక్కువ ధరకు విక్రయించే కేంద్రాలు ఏర్పాటు చేశాం. రోజు రిజల్ట్‌ బాగానే ఉంది. మిల్లర్లు నష్టపోయి అందిస్తున్నారు. ఎక్కువ శాతం మంది ఏడాది పొడువునా అవసరమ య్యే మేరకు వడ్లు కొని పెట్టుకుంటారని తెలిసింది. అందుకే కేంద్రాలకు ప్రజలు పెద్దగా రావడం లేదని తెలుస్తోంది. జిల్లాలో అన్ని కేంద్రాలు తెరించేందుకు చర్యలు తీసుకుంటాం. – రవిబాబు,జిల్లా పౌరసరఫరాల శాఖ అధికారి

● జిల్లా కలెక్టర్‌ రాజకుమారి నంద్యాల(న్యూటౌన్‌): స్థానిక సంస్థల ఎన్నికల నిర్వ హణకు సంబంధించి జిల్లాలో ముందస్తు ఏర్పాట్లను పకడ్బందీగా పూర్తి చేయాలని జిల్లా కలెక్టర్‌ రాజకుమారి మున్సిపల్‌, పంచాయతీ, జిల్లా పరిషత్‌ అధికారులను ఆదేశించారు. మంగళవారం కలెక్టరేట్‌లోని వీడియో కాన్ఫరెన్స్‌ హాల్‌లో స్థానిక సంస్థల నిర్వహణ ముందస్తు ఏర్పాట్లపై డీఆర్‌ఓ రాము నాయక్‌, జిల్లా పరిషత్‌ సీఈఓ సుధాకర్‌ రెడ్డి, మున్సిపల్‌ కమిషనర్‌ శేషన్న, డీపీఓ ఫణికుమార్‌ నాయక్‌ తదితరులతో సమీ క్ష నిర్వహించారు. ఈ సందర్భంగా కలెక్టర్‌ మాట్లాడు తూ.. మున్సిపాలిటీలు, నగర పంచాయతీలు, గ్రామ పంచాయతీలు, మండల పరిషత్‌ ప్రాదేశిక నియోజకవర్గాలు (ఎంపీటీసీ), జిల్లా పరిషత్‌ ప్రాదేశిక నియోజకవర్గాలు (జెడ్పీటీసీ) ఎన్నికలకు అవసరమైన ముందస్తు ఏర్పాట్లను సమన్వయంతో చేపట్టాలన్నారు. ఎన్నికల సంఘం మార్గదర్శకాలకు అనుగుణంగా ఓటర్ల జాబితాల పరిశీలన, పోలింగ్‌ కేంద్రాల గుర్తింపు, మౌలిక సదుపాయాల కల్పన, పోలింగ్‌ సిబ్బంది గుర్తింపు, శిక్షణ, ఎన్నికల సామగ్రి సమీకరణ, స్ట్రాంగ్‌ రూమ్‌లు, డిస్ట్రిబ్యూషన్‌–రిసెప్షన్‌ కేంద్రాల ఏర్పాటు తదితర అంశాలపై ముందస్తు కార్యాచరణ సిద్ధం చేసుకోవాలన్నారు. ఎన్నికల సామగ్రి, బ్యాలెట్‌ బాక్సు లు, ఇతర అవసరమైన పరికరాల లభ్యతను ముందుగానే నిర్ధారించుకుని, వాటి భద్రతకు పటిష్ట చర్యలు చేపట్టాలన్నారు.

గోస్పాడు: వైద్య విద్యార్థులు ఒత్తిడిని జయిస్తే విజయం సొంతమవుతుందని నంద్యాల మెడికల్‌ కళాశాల ప్రిన్సిపాల్‌ డాక్టర్‌ సురేఖ అన్నారు. ఈనెల 10వ తేదీన ప్రపంచ మానసిక దినోత్సవం సందర్భంగా మంగళవారం నంద్యాల మెడికల్‌ కళాశాలలో వైద్య విద్యార్థులతో సమావేశం నిర్వహించారు. ఈ సందర్భంగా ఆమె మాట్లాడుతూ.. వైద్య విద్యార్థులు తమ వృత్తి పరమైన లక్ష్యాలను సాధించడంలో మానసిక ఆరోగ్యం ఎంతో కీలకమన్నారు. నిరంతరం ఒత్తిడితో కూడుకున్న విద్యలో మానసిక దృఢత్వాన్ని కలిగి ఉండాలన్నారు. మానసిక వ్యాధు ల విభాగాధిపతి డాక్టర్‌ లోకేశ్వరనాథరెడ్డి మాట్లాడుతూ.. పరీక్షల భయాన్ని తట్టుకొని నిలబడాలన్నారు. విద్యార్థులు రోజు వారి జీవన శైలిలో చిన్నచిన్న మార్పులు చేసుకోవడం, మొబైల్‌ ఫోన్లకు, సోషల్‌ మీడియాకు దూరంగా ఉండాలన్నారు. తగినంత సమయం, విశ్రాంతి తీసుకోవడం, నిద్రపోవడం వంటివి చేయాలని, అలాగే క్రీడల్లో పాల్గొనడం కూడా మానసికంగా ఇబ్బందులకు గురి కాకుండా చేస్తుందన్నారు. ఆందోళనకు గురి కాకుండా ప్రణాళిక బద్ధంగా ఎలా చదవాలో వివరించారు. అనంతరం విద్యార్థులకు మానసిక వ్యాధులపై అవగాహన కల్పించారు. కార్యక్రమంలో వైస్‌ ప్రిన్సిపాల్‌ డాక్టర్‌ కళావతి, ఇతర విభాగాల డాక్టర్లు ఇక్రముల్లా, నిరంజన్‌తో పాటు వైద్య విద్యార్థులు పాల్గొన్నారు.

నంద్యాల(న్యూటౌన్‌): రాబోయే మున్సిపల్‌, స్థానిక సంస్థల ఎన్నికల్లో పోటీ చేసే అభ్యర్థులకు ఇబ్బందు లు ఎదురవకుండా కుల ధ్రువీకరణ పత్రాలను మ్యానువల్‌గా జారీ చేయాలని నంద్యాల జిల్లా వైఎస్సార్‌సీపీ అధ్యక్షుడు కాటసాని రాంభూపాల్‌రెడ్డి డిమాండ్‌ చేశారు. సర్వర్‌ సమస్య, సాంకేతిక కారణాలు తలెత్తితే సకాలంలో పత్రాలు అందే పరిస్థితి ఉండదని, మ్యానువల్‌గా కులధ్రువీకరణ పత్రాలు ఇచ్చేలా చర్యలు చేపట్టాలన్నారు. ఈ మేరకు మంగళవారం కాటసాని రాంభూపాల్‌రెడ్డి, ఎమ్మెల్సీ ఇసాక్‌బాషా, మాజీ ఎంపీ పోచా బ్రహ్మానందరెడ్డి, రాష్ట్ర మార్క్‌ఫెడ్‌ మాజీ చైర్మన్‌ పీపీ నాగిరెడ్డి, జిల్లా పరిషత్‌ మాజీ చైర్మన్‌ ఎర్రబోతుల పాపిరెడ్డి తదితరులతో కలిసి కలెక్టరేట్‌లో కలెక్టర్‌ రాజకుమారిని కలసి వినతి పత్రం అందజేశారు. అనంతరం కాట సాని రాంభూపాల్‌రెడ్డి మాట్లాడుతూ.. రాబోయే స్థానిక సంస్థల ఎన్నికల్లో పోటీ చేసేందుకు ఆసక్తి చూపుతున్న అభ్యర్థులకు కుల, ఆదాయ ధ్రువీకరణ పత్రాలు అవసరమవుతుందన్నారు. సంబంధిత అధికారులు సర్వర్‌ సమస్య, సాంకేతిక కారణాల వల్ల ఆన్‌లైన్‌లో కులధ్రువీకరణ పత్రాలు దరఖాస్తులు స్వీకరించడం, జారీ చేయడం సాధ్యం కాని సమయంలో మ్యానువల్‌ ద్వారా ధ్రువీకరణ పత్రా లు అందేలా చూడాలన్నారు. సరైన సమయానికి అభ్యర్థులకు అవసరమైన పత్రాలు అందకపోతే పోటీ నుంచి తప్పుకోవాల్సిన పరిస్థితి వస్తుందన్నా రు. ఎమ్మెల్సీ ఇసాక్‌బాషా మాట్లాడుతూ.. అధికా రులు ప్రజాస్వామ్యబద్ధంగా ఎన్నికలు నిర్వహించాలన్నారు. బీసీ, ఎస్సీ, ఎస్టీ కులాల అభ్యర్థులకు కుల ఆదాయ ధ్రువీకరణ పత్రాలు అవసరం కానుండటంతో ఎటువంటి సమస్యలు లేకుండా చర్యలు తీసుకోవాల్సిన బాధ్యత అధికారులపై ఉందన్నారు. వారి వెంట వైఎస్సార్‌సీపీ ఎస్‌ఈసీ సభ్యులు కల్లూరి రామలింగారెడ్డి, శ్రీశైలం నియోజకవర్గ సీనియర్‌ నాయకులు శిల్పా భువనేశ్వరరెడ్డి, నంద్యాల పార్లమెంట్‌ కార్యదర్శి సద్దల సూర్యనారాయణరెడ్డి, వైఎస్సార్‌సీపీ జిల్లా ఉపాధ్యక్షుడు, మాజీ కార్పొరేటర్‌ దాల్‌మిల్‌ అమీర్‌, జిల్లా ఉపాధ్యక్షుడు మద్దూరు సుమంత్‌రెడ్డి, వైఎస్సార్‌సీపీ జిల్లా ట్రెజరర్‌ మధుమోహన్‌రెడ్డి, శ్రీనివాసరెడ్డి ఉన్నారు.

కర్నూలు(అగ్రికల్చర్‌): సామాజిక భద్రత పింఛన్లకు కేంద్రం వాటా మొత్తం నవంబర్‌ నుంచి నేరుగా బ్యాంకు ఖాతాలకు జమ కానుంది. వృద్ధాప్య, వితంతు, వికలాంగుల పింఛన్లలో కేంద్రం వాటా ఉంది. ఈ మొత్తం ఇక నుంచి బ్యాంకు ఖాతాల్లో జమ కానుండగా.. మిగిలిన మొత్తం యథావిధిగా నగదు రూపంలోనే అందజేస్తారు. వృద్ధాప్య, వితంతు పింఛన్లలో కేంద్రం వాటా రూ.200, వికలాంగుల పింఛన్లలో కేంద్రం వాటా రూ.300 ఉంది. మిగిలిన పింఛన్లలో కేంద్రం వాటా లేదు. లబ్ధిదారులకు కేంద్రం వాటా జమ కావాలంటే ప్రతి ఒక్కరికీ ఆధార్‌ లింకు కలిగిన బ్యాంకు ఖాతా తప్పనిసరి. ఈ నేపథ్యంలో వృద్ధాప్య, వితంతు, వికలాంగుల పింఛను పొందుతున్న లబ్ధిదారులు తమ బ్యాంకు ఖాతాలను సరిచూసుకోవాలని డీఆర్‌డీఏ అధికారులు సూచించారు. ఆలూరు ఎమ్మెల్యే కేసులో తీర్పు రేపటికి రిజర్వ్‌ ఆదోని: ఆలూరు ఎమ్మెల్యే బుసినె విరూపాక్షిపై అక్రమంగా నమోదు చేసిన ఎస్సీ, ఎస్టీ అట్రాసిటీ కేసులో బెయిల్‌కు సంబంధించి ఏపీ హైకోర్టులో మంగళవారం వాదోపవాదాలు ముగిశాయి. తీర్పును గురువారానికి రిజర్వ్‌ చేశారు. ఎమ్మెల్యే తరపు న్యాయవాదిగా పొన్నవోలు సుధాకర్‌ రెడ్డి ఆయనకు సహాయ, సహకారులుగా వైఎస్సార్‌సీపీ లీగల్‌ సెల్‌ రాష్ట్ర కార్యదర్శి జీవన్‌సింగ్‌, లక్ష్మీకాంత్‌ వాదనలు వినిపించారు. కేసుకు సంబంధించిన అంశాలపై ఇరుపక్షాల వాదనలు విన్న న్యాయస్థానం తీర్పును రిజర్వ్‌ చేసింది. గురువారం వెలువరించే తీర్పుపై రాజకీయ వర్గాల్లో ఉత్కంఠ నెలకొంది. కేఎంసీలో డిప్లొమా కోర్సుకు దరఖాస్తుల ఆహ్వానం కర్నూలు(హాస్పిటల్‌): కర్నూలు మెడికల్‌ కాలేజీలో ఏపీ స్టేట్‌ అలైడ్‌ అండ్‌ హెల్త్‌కేర్‌ సర్వీసెస్‌ డిప్లమో కోర్సులకు ఇంటర్‌మీడియట్‌ అర్హత కలిగిన అభ్యర్థుల నుంచి దరఖాస్తులు ఆహ్వానిస్తున్నట్లు కళాశాల ప్రిన్సిపల్‌ డాక్టర్‌ కె.చిట్టినరసమ్మ మంగళవారం ఒక ప్రకటనలో తెలిపారు. అభ్యర్థులు పూరించిన దరఖాస్తులను ఈ నెల 14వ తేది సాయంత్రం 5 గంటల్లోగా తమ కార్యాలయంలో రూ.100 రుసుము చెల్లించి అందజేయాలన్నారు. పోస్టు ద్వారా వచ్చిన దరఖాస్తులు స్వీకరించబోమన్నారు. దరఖాస్తులు a psahpc.co.in అనే వెబ్‌సైట్‌లో లభిస్తాయన్నారు. ఈ నెల 23న కౌన్సెలింగ్‌ నిర్వహిస్తామని.. బైపీసీ చదివిన విద్యార్థులకు మొదటి ప్రాధాన్యత ఉంటుందన్నారు అగ్రిసెట్‌ ప్రవేశ ఫలితాల్లో ప్రతిభ నంద్యాల(అర్బ న్‌): ఆచార్య ఎన్‌జీరంగా వ్యవ సాయ విశ్వవిద్యాలయం ఇటీవల నిర్వహించి న అగ్రిసెట్‌ ప్రవేశ పరీక్ష ఫలితాల్లో నంద్యాల ప్రాంతీయ వ్యవసాయ పరిశోధనా స్థానం ప్రభుత్వ వ్యవసాయ పాలిటెక్నిక్‌ కళాశాల విద్యార్థినులు ప్రతిభ చాటారని కళాశాల ప్రిన్సిపాల్‌ జయలక్ష్మి తెలిపారు. ఈ మేరకు మంగళవారం ప్రతిభ చూపిన విద్యార్థినులను ఆమె అభినందించారు. అనంతరం ఆమె మాట్లాడుతూ.. బీఎస్సీ (ఆనర్స్‌), అగ్రికల్చర్‌ డిగ్రీ కోర్స్‌లో సీట్ల భర్తీ కోసం నిర్వహించిన ఈ పరీక్షలో తమ కళాశాల విద్యార్థినులు రాష్ట్రస్థాయిలోటాప్‌–10లో ఇద్దరు, టాప్‌–100 లో 11 మంది చోటు సంపాదించారన్నారు. బొల్లవరం గ్రామానికి చెందిన చరిత నాల్గవ ర్యాంకు, గొట్లూరు గ్రామానికి చెందిన అంజలి 11వ ర్యాంకులు సాధించి కళాశాలకు గర్వకారణంగా నిలిచారన్నారు. కార్యక్రమంలో వైస్‌ ప్రిన్సిపాల్‌ కవిత, అధ్యాపక బృందం పాల్గొన్నారు. శ్రీశైల ఆలయ సీఎస్‌ఓగా మళ్లీ ఆయనే ?శ్రీశైలం టెంపుల్‌: శ్రీశైల దేవస్థాన ముఖ్య భద్రతా అధికారి (సీఎస్‌వో)గా గతంలో విధుల నుంచి తొలగించిన అధికారినే మళ్లీ తీసుకున్నారు. ఈ మేరకు మంగళవారం ఉత్తర్వులు అందడంతో సీఎస్‌ఓగా శ్రీనివాసరావు బాధ్యతలు స్వీకరించారు. గతంలో శ్రీశైలం ఒకటవ పట్టణ సీఐ జీవన్‌ గంగానాథ్‌ బాబు, సీఎస్‌వో శ్రీనివాసరావు మధ్య ఫోన్‌ సంభాషణలో వాగ్వాదం చోటుచేసుకుంది. ఆ ఆడియో బయటికి రావడంతో క్షేత్ర ప్రతిష్టకు భంగం కలిగించారనే కారణంతో సీఎస్‌ఓను విధుల నుంచి శాశ్వతంగా తొలగిస్తూ శ్రీశైల దేవస్థాన ఈఓ ఉత్తర్వులు జారీ చేశారు. అయితే కొన్ని రోజులుగా ఈఓపై ఒత్తిడి తీసుకురావడంతో ఎట్టకేలకు తిరిగి సీఎస్‌ఓగా మళ్లీ ఆయననే విధుల్లోకి తీసుకున్నారు.

కోవెలకుంట్ల: నంద్యాల – ఎర్రగుంట్ల రైల్వే మార్గంలో వివిధ ప్రాంతాలకు వెళ్లేందుకు రైలు ప్రయాణం సులభతరం కాగా అరకొర రైళ్ల రాకపోకలతో ఉమ్మ డి కర్నూలు, వైఎస్సార్‌ జిల్లాల ప్రజలకు ప్రయాణ కష్టాలు తప్పడం లేదు. పగటి వేళల్లో రైళ్ల రాకపోకలు అరకొరగా ఉండగా పలు స్టేషన్లలో స్టాపింగ్‌ లేకపోవడం, రాత్రి వేళ్లల్లో నడిచే రైళ్ల సమయం అనువుగా లేకపోవడంతో ప్రయాణికులు ఇబ్బందులు ఎదుర్కొంటున్నారు. రైళ్ల రాకపోకలు ప్రారంభమై పదేళ్లు కావస్తున్నా ప్రయాణికుల సౌకర్యార్ధం రైళ్ల సంఖ్య పెంచకుండా రెండు జిల్లాల ప్రయాణికులను రైల్వే శాఖ నిరుత్సాహ పరుస్తోంది. రోడ్డు మార్గం కంటే రైలు ద్వారా ప్రయాణం సులభతరం కావడంతో నంద్యాల, వైఎస్సార్‌ జిల్లాల ప్రజలు వివిధ ప్రాంతాలకు వెళ్లేందుకు బస్సు, ఇతర మార్గాల కంటే రైలు ప్రయాణంపై వైపు మొగ్గు చూపుతున్నారు. ఈ మార్గంలో రోజు వందలాది మంది ప్రయాణికులు రాకపోకలు సాగిస్తుండగా రైళ్లు నామమాత్రంగానే ఉండటంతో ఆయా జిల్లాల ప్రజలు నిరాశ చెందుతున్నారు. జిల్లాలో ఆగని తిరుపతి ప్రత్యేక రైలు.. నాందేడ్‌ నుంచి బయలుదేరే ఈ రైలు చర్లపల్లి, పిడుగురాళ్ల, మార్కాపురం, నంద్యాలకు గురువారం ఉదయానికి నంద్యాల చేరుకుని అక్కడి నుంచి బనగానపల్లె, కోవెలకుంట్ల, జమ్మలమడుగు, ఎర్రగుంట్ల మీదుగా తిరుపతి చేరుకుంటుంది. అయితే జిల్లాలోని నంద్యాల మినహా మిగతా ఐదు స్టేషన్లలో ఆగదు. తిరుగు ప్రయాణంలో శుక్రవారం మధ్యాహ్నం 2.20 గంటలకు తిరుపతి నుంచి బయలు దేరి అదే రోజు రాత్రి 7.40 గంటలకు నంద్యాలకు చేరుకుంటుంది. అయినా ప్రధాన స్టేషన్లు అయిన బనగానపల్లె, కోవెలకుంట్ల స్టేషన్లలో స్టాపింగ్‌ లేదు. ఇదిలాఉంటే ప్రతి రోజు నడుస్తున్న తిరు పతి ఎక్స్‌ప్రెస్‌ రైలుకు కోవెలకుంట్ల, జమ్మలమడు గు స్టేషన్లలో శాశ్వత స్టాపింగ్‌ సౌకర్యం లేదు. ఆయా స్టేషన్లలో ప్రయాణికుల రద్దీకనుగుణంగా తాత్కాలి క పద్ధతిన ప్రతి ఆరునెలలకొకసారి స్టాపింగ్‌ను రెన్యువల్‌ చేస్తుండటం విచారకరం. నంద్యాల నుంచి వైఎస్సార్‌ జిల్లా ఎర్రగుంట్ల మధ్య దూరం: 130 కి.మీ స్టేషన్లు : నంద్యాల, మద్దూరు, బనగానపల్లె, కోవెలకుంట్ల, సంజామల, నొస్సం, ఉప్పలపాడు, జమ్మలమడుగు, ప్రొద్దుటూరు, ఎర్రగుంట్ల

కర్నూలు(అగ్రికల్చర్‌):రానున్న ఐదు రోజుల్లో వర్షాలు కురిసే అవకాశం లేదు. ఉష్ణోగ్రతలు పెరగనున్నాయి. ఈ నెల 7 నుంచి 11వ తేదీ వరకు వాతావరణం వివరాలను గుంటూరులో ని గ్రామీణ వ్యవసాయ వాతావరణ సేవా కేంద్రం విడుదల చేసింది. ఇటు కర్నూలు, అటు నంద్యాల జిల్లాల్లో రానున్న ఐదు రోజులు పొ డి వాతావరణం ఉంటుందని వాతావరణ అధికారులు తెలిపారు. ఇప్పటికే ఉష్ణోగ్రతలు పెరి గిపోవడంతో ప్రజలు ఉక్కిరిబిక్కిరవుతున్నా రు. మంగళవారం కర్నూలులో 37.3 డిగ్రీలు, నంద్యాలలో 36.2 డిగ్రీల ఉష్ణోగ్రతలు నమోదయ్యాయి. రాత్రి ఉష్ణోగ్రతలు కూడా పెరుగుతున్నాయి. రానున్న రోజుల్లో ఉష్ణోగ్రతలు ఒకటి, రెండు డిగ్రీలు పెరిగే అవకాశం ఉంది.

● అధికారుల గైర్హాజర్‌పై కమిషన్‌ మెంబర్‌ ఆగ్రహం శ్రీశైలంప్రాజెక్ట్‌: రాష్ట్ర షెడ్యూల్డ్‌ తెగల కమిషన్‌ అంటే శ్రీశైలం ఐటీడీఏ అధికారులకు భయమే లేదని ఆ కమిషన్‌ మెంబర్‌ పి.వెంకటప్ప అన్నారు. మంగళవారం ఆయన శ్రీశైలం ఐటీడీఏను సందర్శించారు. తొలుత సున్నిపెంటలోని గిరిజన సంక్షేమ పాఠ శాల, కళాశాల, బాలికల ఆశ్రమ పాఠశాల, ప్రతిభా పాఠశాల, కళాశాలలను సందర్శించారు. గిరిజన విద్యార్థులు, ప్రిన్సిపాల్‌ను అడిగి మౌలిక వసతులు తదితర అంశాలపై ఆరా తీశారు. అనంతరం ఐటీడీఏ కార్యాలయంలో నిర్వహించిన సమావేశానికి వివిధ శాఖలకు చెందిన అధికారుల్లో కొందరు గైర్హాజరయ్యారు. దీంతో కమిషన్‌ మెంబర్‌ వెంకటప్ప పీఓ పీవీఎస్‌ నాయుడుపై ఆగ్రహం వ్యక్తం చేశారు. వివిధ అంశాలపై చర్చించాల్సిన కమిషన్‌ సమావేశానికి హాజరు కాని అధికారులకు నోటీసులు జారీ చేసి వివరణ తీసుకోవాలని సంబంధిత అధికారులను ఆదేశించారు. అనంతరం10 మంది గిరిజన రైతులకు మోటార్లు, స్ప్రేయర్లు, ఉద్యానవన పంటల పనిముట్లు అందజేశారు. కార్యక్రమంలో అడ్వయిజరీ కమిటీ సభ్యులు రావుల కొండలు, వెంకటపతి, జీసీసీ డైరెక్టర్‌ జీవులా నాయక్‌, ఎస్‌ఎల్‌పీసీ సభ్యులు బి.మంతన్న, ఎం. నారాయణమ్మ, ఎం.బయన్న తదితరులు పాల్గొన్నారు.

కరువు రక్కసి భయపెడుతోంది.. ఆకాశంలో ఎండలు మండుతున్నాయి. కనుచూపు మేర పచ్చదనం లేదు. అయినా.. రైతుల్లో ఏదో ఒక ఆశ. పట్టు వదలని విక్రమార్కుడిలా రైతులు పంట సాగుకు సిద్ధమయ్యారు. వరుణ దేవుడు కరుణించక పోతాడా.. అన్నట్లుగా అరకొరగా అదను అయినా పొలంలో జొన్న విత్తనం వేస్తున్నారు. ఇటీవల తుపాన్‌ ప్రభావంతో జిల్లాలో అక్కడక్కడా మోస్తరు వర్షాలు కురిశాయి. దీంతో ఎ. కోడూరు గ్రామంలో షేక్‌ ఖాశీం రైతు కూడా జొన్న విత్తనం వేశాడు. ట్రాక్టర్‌ బాడుగలు తాళలేక ఆటోకు సాలు దున్నుడు పరికరాన్ని అమర్చి జొన్న విత్తనం వేసిన పొలాన్ని చదరం చేశాడు. ఇతనిలానే ఎంతో మంది రైతులు రబీలో జొన్న సాగు చేసి తమ అదృష్టాన్ని పరీక్షించుకోబోతున్నారు. పచ్చని వరి పైర్లతో కళకళలాడాల్సిన కేసీ ఆయకట్టులో ఈ ఏడాది వర్షాధారం కింద పంటలు సాగు చేయాల్సి వస్తోంది. – బండిఆత్మకూరు

నంద్యాల(అర్బన్‌): స్థానిక అయ్యలూరు మెట్ట వద్ద ఉన్న ఎస్‌వీఆర్‌ ఇంజినీరింగ్‌ కళాశాలలో ఈనెల 6, 7, 8 తేదీల్లో ప్రపంచ అంతరిక్ష వారోత్సవా లను నిర్వహించనున్నట్లు కళాశాల చైర్మన్‌ వెంకటరామిరెడ్డి, ఎండీ దినేష్‌రెడ్డిలు తెలిపారు. సతీష్‌ ధావన్‌ స్పేస్‌ సెంటర్‌ శ్రీహరికోట భారత అంతరిక్ష పరిశోధన సంస్థ ఆధ్వర్యంలో మంగళవారం ప్రారంభించే అంతరిక్ష వారోత్సవాలకు సంబంధించిన వాల్‌పోస్టర్లను వారు విడుదల చేశారు. ఈ సందర్భంగా వెంకటరామిరెడ్డి మాట్లాడుతూ.. అంతరిక్ష విజ్ఞానం, సాంకేతికతపై విద్యార్థులు, యువతలో అవగాహన పెంపొందించడంతో పాటు భవిష్యత్తు అంతరిక్ష పరిశోధనలపై ఆసక్తిని పెంచే లక్ష్యంతో ఈ కార్యక్రమాన్ని నిర్వహిస్తున్నామన్నారు. వారోత్సవాల్లో భాగంగా అంతరిక్ష ప్రదర్శన, ఇస్రో వీడియో, చిత్రలేఖనం, స్పేస్‌ క్విజ్‌, ఎక్స్‌టెంపోర్‌ స్పీచ్‌, ఫొటోగ్రఫీ, షార్ట్‌ ఫిలీమ్‌, పోస్టర్‌, డిజైన్‌ పోటీలను నిర్వహిస్తున్నామన్నారు. విద్యార్థులు ఈ అవకాశాన్ని సద్వినియోగం చేసుకొని ఉత్సాహంగా పాల్గొని అంతరిక్ష వారోత్సవాలను విజయవంతం చేయాలన్నారు.

తెలంగాణ, గోవా, అటు కర్ణాటక ప్రాంతాల నుంచి కర్నూలు, నంద్యాల ప్రాంతాలకు పెద్ద ఎత్తున మద్యం దిగుమతి అవుతోంది. మన రాష్ట్రంలోని మద్యంతో పోలిస్తే గోవాలో మద్యం ధర 50 శాతం తక్కువ ఉండగా.. తెలంగాణలో కొన్ని బ్రాండ్లు ఒక్కో ఫుల్‌బాటిల్‌పై రూ.500 వరకు తక్కువకు లభిస్తోంది. పైగా తెలంగాణ రాష్ట్రం కర్నూలుకు సరిహద్దుగా ఉండడంతో అలంపూర్‌కు వెళ్లి పెద్ద ఎత్తున మద్యాన్ని కర్నూలుకు తరలిస్తున్నారు. మరోవైపు కర్ణాటక నుంచి సరిహద్దు ప్రాంతాలైన ఆదోని, ఎమ్మిగనూరు, ఆలూరు, మంత్రాలయం ప్రాంతాలకు నాసిరకం మద్యం పెద్ద ఎత్తున దిగుమతి చేసుకొని అమ్మకాలు సాగిస్తున్నారు. అయితే పోలీసులు మొక్కుబడిగా కేసులు నమోదు చేసి చేతులు దులుపుకుంటున్నారు. సాక్షి ప్రతినిధి, కర్నూలు: మద్యం వ్యాపారంలో మామూళ్ల దందా శృతి మించడంతో వ్యాపారులు అక్రమాలకు తెగబడుతున్నట్లు తెలుస్తోంది. ఇబ్బడిముబ్బడిగా లైసెన్స్‌ ఫీజు పెంచడం, నియోజకవర్గ పచ్చనేతలతో పాటు ఎకై ్సజ్‌, సివిల్‌, ట్రాఫిక్‌ పోలీసు మొదలుకొని పలువురికి పెద్ద మొత్తంలో నెలమామూళ్లు సమర్పించాల్సి రావడంతో నష్టాల నుంచి గట్టెక్కేందుకు పలు మద్యం దుకాణాల యజమానులు పెద్ద ఎత్తున అక్రమాలకు తెరతీశారు. కల్తీమద్యం అమ్మకాలతో పాటు గోవా, తెలంగాణల నుంచి నాసిరకం మద్యం దిగుమతి చేసుకొని అమ్మకాలు సాగిస్తున్నారు. కొందరు వ్యాపారులు మద్యంలో నీళ్లు కలుపుతుండగా.. మరికొంద రు వ్యాపారులు ప్రమాదమని తెలిసినా కల్తీలో మత్తు తగ్గకుండా కొన్ని రకాల మత్తుపదార్థాలను కలుపుతున్నట్లు తెలుస్తోంది. మద్యంప్రియుల ఆరోగ్యం పాడయ్యే పరిస్థితులు ఉన్నా రాబడి కోసం ఈ తరహా అక్రమాలకు పాల్పడుతున్నట్లు సమాచారం. పచ్చనేతల వసూళ్లపర్వం గత ప్రభుత్వంలో లేని విధంగా నియోజకవర్గానికి చెందిన పచ్చనేత ఒక్కో మద్యం దుకాణం నుంచి నెలకు రు.లక్ష వసూలు చేస్తున్నట్లు చర్చ జరుగుతోంది. అదేవిధంగా ఎకై ్సజ్‌, మద్యం డిపో, సివిల్‌ పోలీసులతో పాటు ట్రాఫిక్‌ పోలీసులు కొందరికి నెల మామూళ్లు ముట్టజెప్పాల్సి వస్తోందని దుకాణ యజమానులు వాపోతున్నారు. ఈ లెక్కన ఒక్కో దుకాణం నెలకు రూ. 2.5 లక్షలు నెల మామూళ్ల కింద చెల్లించాల్సి వస్తోందని అంచనా. ఇది కాకుండా లెసెన్స్‌ ఫీజులు, రూము అద్దెలు, సిబ్బంది జీతాలు ఉండనే ఉన్నాయి. దీంతో అక్రమాలకు పాల్పడాల్సి వస్తోందని కొందరు మద్యం వ్యాపారులు బాహాటంగా పేర్కొంటున్నారు. సిండికేట్‌గా ‘తమ్ముళ్లు’ ఉమ్మడి కర్నూలు జిల్లాలో మొత్తం 222 మద్యం దుకాణాలు ఉండగా తాజాగా ప్రభుత్వం వాటిని రెన్యూవల్‌ చేసింది. ఒక్కో దుకాణానికి అదనంగా రూ.27 లక్షల మొత్తాన్ని చెల్లిస్తే ఏడాదిపాటు దుకాణం రెన్యూవల్‌ చేస్తోంది. దీంతో మద్యం అమ్మకాలు ఎక్కువగా జరిగే 178 దుకాణాల యజమానులు రెన్యూవల్‌ చేసుకోగా మిగిలిన 44 దుకాణాదారులు అందుకు అంగీకరించకపోవడంతో వాటికి ఎకై ్సజ్‌ శాఖ టెండర్లు పిలిచింది. లక్కీడిప్‌ ద్వారా దుకాణాలను ఖరారు చేసేందుకు ఎకై ్సజ్‌ శాఖ సిద్ధమైంది. మద్యం దుకాణానికి ఒక్కో దరఖాస్తు విలువ రూ.3 లక్షలు చొప్పున కనీసం 9 దరఖాస్తుల విలువ కట్టి రూ.27 లక్షలు చెల్లించేలా నిబంధన విధించింది. అయితే గతంలో నాలుగు దరఖాస్తులు వచ్చిన దుకాణాలకు టెండర్లలో లక్కీడిప్‌ నిర్వహించి దుకాణాలు కేటాయించే నిబంధన ఉన్నందున జిల్లాలో తెలుగు తమ్ముళ్లు సిండికేట్‌ అయ్యారు. యథేచ్ఛగా కల్తీ జిల్లా వ్యాప్తంగా కొందరు మద్యం షాపుల యజమానులు మద్యంలో నీటిని కలిపి కల్తీ చేస్తున్నారు. ఇందుకోసం మూతలు తొలగించి తిరిగి సీల్‌ వేసేందుకు టెక్నికల్‌ టీంను పెట్టుకొని పనికానిస్తున్నారు. మద్యంలో నీళ్లు కల్తీ చేస్తుండడంతో మత్తు తక్కువకాకుండా పలురకాల కెమికల్స్‌ను సైతం కలుపుతున్నట్లు సమాచారం. ఇదే కాకుండా కర్ణాటక, తెలంగాణ ప్రాంతాల నుంచి నాసిరకం మద్యాన్ని దిగుమతి చేసుకొని కల్తీ చేసి మరీ అమ్మకాలు సాగిస్తున్నారు. కట్టడిచేయాల్సిన పోలీసులు నెలమామూళ్ల మత్తులో జోగుతుండటం గమనార్హం. నెల మామూళ్లు ఇచ్చుకోలేక యజమానుల అడ్డదారి ఒక్కో దుకాణం నుంచి రూ.2.5లక్షల వసూలు ‘పచ్చ’నేతలతో పాటు ఎకై ్సజ్‌, సివిల్‌ పోలీసులకు వాటాలు కర్ణాటక, తమిళనాడు, గోవా నుంచి దిగుమతి నీళ్లు కలిపేందుకూ వెనుకాడని దుకాణాదారులు మత్తు మోతాదు తగ్గకుండా మద్యంలో రసాయనాలు

● అధికార పార్టీ నాయకుల ఇళ్లల్లో పారిశుద్ధ్య కార్మికుల వెట్టిచాకిరి డోన్‌: చిన్న మల్కాపురం మేజర్‌ గ్రామ పంచాయతీ పరిధిలో పని చేస్తున్న 16 మంది పారిశుద్ధ్య కార్మికులకు గత 11 నెలలుగా వేతనాలు మంజూరు కాకపోవడంతో ఆర్ధాకలితో అలమటిస్తున్నారు. వారి వెతలు పట్టని టీడీపీ నాయకులు తమ సొంత ఇళ్లలో పనులకు కూడా కార్మికులనే వినియోగించుకుంటున్నారు. మహాలయ అమావాస్యను పురస్కరించుకుని కొందరు నేతలు కార్మికులను భయపెట్టి తమ ఇళ్లను శుభ్రం చేయించుకుంటున్నారు. నేతల మాట వినకుంటే విధుల నుంచి తొలగిస్తారనే భయంతో వెట్టిచాకిరి చేయాల్సి వస్తుందని కొందరు కార్మికులు చెబుతున్నారు.

● ఆలూరు నియోజకవర్గంలోని ఎకై ్సజ్‌స్టేషన్‌ పరిధిలో గడచిన రెండు సంవత్సరాల్లో 118 కేసులు నమోదయ్యాయి. కర్ణాటక రాష్ట్రం నుంచి అక్రమంగా మద్యం తరలిస్తున్న 137 మందిపై కేసులు నమోదు చేసి 1,387 లీటర్ల మద్యాన్ని స్వాధీనం చేసుకున్నారు. ● కోడుమూరు ఎకై ్సజ్‌స్టేషన్‌ పరిధిలో 2025లో పది కేసులు నమోదు చేసి 15 మందిని అరెస్టు చేసి, 610 లీటర్ల మద్యాన్ని స్వాధీనం చేసుకున్నారు. ● ఎమ్మిగనూరు ఎకై ్సజ్‌ స్టేషన్‌ పరిధిలో 152 కేసులు నమోదయ్యాయి. కర్ణాటక, తెలంగాణ రాష్ట్రాల నుంచి అక్రమ మద్యం రవాణా చేస్తూ పట్టుబడ్డ ఘటనకు సంబంధించి 74 కేసులు నమోదు చేసి 879 లీటర్ల మద్యం స్వాధీనం చేసుకున్నారు. ఇవి కాకుండా బెల్టు షాపుల నిర్వహణకు సంబంధించి 53 కేసులు నమోదు చేశారు. 2026లో 81 కేసులు నమోదు కాగా, కర్ణాటక నుంచి మద్యం తరలిస్తున్న వారిపై 39 కేసులు నమోదు చేసి 690 లీటర్ల మద్యాన్ని స్వాధీనం చేసుకున్నారు. ● ఆదోని నియోజకవర్గ పరిధిలో 2025లో 487 కేసులు నమోదు చేసి 339 మందిని అరెస్టు చేశారు. 3,617 లీటర్ల కర్ణాటక మద్యం స్వాధీనం చేసుకుని 30 వాహనాలను సీజ్‌ చేసి పలువురిపై కేసులు నమోదు చేశారు. 2026లో 82.35 లీటర్ల కర్ణాటక మద్యం స్వాధీనం చేసుకుని వాహనాలను సీజ్‌ చేసి కేసులు నమోదు చేశారు. ● కోసిగి ఎకై ్సజ్‌ స్టేషన్‌ పరిధిలో గడిచిన రెండేళ్లలో 63 కేసులు నమోదు చేసి 269 మందిని అరెస్టు చేశారు. 1098 లీటర్ల కర్ణాటక మద్యం స్వాధీనం చేసుకున్నారు.

నంద్యాల(అర్బన్‌): నంద్యాల సబ్‌ కలెక్టర్‌గా మనీషా సోమవారం బాధ్యతలు చేపట్టారు. ఇక్కడ విధులు నిర్వహిస్తున్న ఆర్‌డీఓ విశ్వనాథ్‌ను అమరావతి సచివాలయంలో రిపోర్ట్‌ చేసుకోవాలని జిల్లా అధికారులు సూచించినట్లు సమాచారం. ఐఏఎస్‌ అధికారిణి అయిన మనీషా మొదటి సారిగా సబ్‌ కలెక్టర్‌గా నంద్యాలలో విధులు నిర్వహించనున్నారు. బాధ్యతలు తీసుకున్న మనీషాను ఆర్‌డీఓ కార్యాల య అధికారులు, సిబ్బంది శుభాకాంక్షలు తెలిపారు. అనంతరం జిల్లా కలెక్టర్‌ రాజకుమారిని కలిసి పూల మొక్కను అందజేశారు. నాలుగు ట్రావెల్స్‌ బస్సులకు రూ. 6.18 లక్షల జరిమానా డోన్‌ టౌన్‌: రోడ్‌ టాక్స్‌ చెల్లించకుండా ఏపీలో తిరుగుతున్న నాలుగు ట్రావెల్స్‌ బస్సులకు రూ.6.18 లక్షల జరిమానా విధించినట్లు డోన్‌ మోటార్‌ వెహికల్‌ ఇన్‌ప్సెక్టర్‌ క్రాంతికుమార్‌ తెలిపారు. ఆదివారం అర్ధరాత్రి నుంచి సోమ వారం తెల్లవారుజాము వరకు జాతీయ రహదారిపై చేపట్టిన ప్రత్యేక తనిఖీల్లో భాగంగా హైదరాబాద్‌ నుంచి కేరళకు వెళ్తున్న కళ్లాడ ట్రావెల్స్‌, లఖింపూర్‌ నుంచి బెంగళూరుకు వెళుతున్న గోల్డెన్‌ టూర్స్‌ అండ్‌ ట్రావెల్స్‌, గోరంట్ల నుంచి హైదరాబాద్‌కు వెళ్తున్న సుధీర్‌ ట్రావెల్‌ బస్సుపై ఒక్కొక్క బస్సుకు రూ.1.46 లక్షల చొప్పున, హైదరాబాద్‌ నుంచి బెంగుళూరుకు వెళ్తున్న ధనుంజయ ట్రావెల్స్‌ బస్సుపై రూ.1.80 లక్షల జరిమానా విధించినట్లు ఎంవీఐ తెలిపారు. ఈ నాలుగు బస్సులను ఆపి తనిఖీలు చేయగా ఏపీకి చెల్లించాల్సిన రోడ్డు ట్యాక్స్‌ చెల్లించకుండా తిరుగుతున్నట్లు గుర్తించి జరిమానాలు విధించినట్లు తెలిపారు. పీజీఆర్‌ఎస్‌కు 107 వినతులు బొమ్మలసత్రం: జిల్లా పోలీస్‌ కార్యాలయంలో సోమవారం నిర్వహించిన ప్రజా సమస్యల పరిష్కార వేదిక కార్యక్రమానికి 107 వినతులు అందాయి. ఈ సందర్బంగా అడిషనల్‌ ఎస్పీ అడ్మిన్‌ ఖాదర్‌బాషా మాట్లాడుతూ.. జిల్లాలోని వివిధ ప్రాంతాల నుంచి వచ్చిన అర్జీదారులతో నేరుగా మాట్లాడి వారి సమస్యలను అడిగి తెలుసుకున్నామన్నారు. చట్టపరిధిలో ఉన్న సమస్యలను వెంటనే సంభంధిత అధికారితో మాట్లాడి సమస్యలను అక్కడిక్కడే పరిష్కరించామన్నారు. మరికొన్ని ఫిర్యాదులను ఆయా స్టేషన్‌ అధికారులకు బదిలీ చేశామని వివరించారు. ఫిర్యాదులు తిరిగి పునరావృతం కాకుండా జాగ్రత్తలు తీసుకోవాలని అధికారులకు సూచించారు. యూపీఎస్‌సీ ప్రిలిమ్స్‌, మెయిన్స్‌ పరీక్షలకు ఉచిత శిక్షణ నంద్యాల(అర్బన్‌): బీసీ సంక్షేమ శాఖ ఆధ్వర్యంలో విజయవాడలోని గొల్లపూడి బీసీ భవన్‌లో యూపీఎస్‌సీ సివిల్‌ సర్వీసెస్‌ ప్రిలిమ్స్‌, మెయిన్స్‌ పరీక్షలకు ఉచిత శిక్షణ ఇస్తున్నట్లు జిల్లా వెనుకబడిన తరగతుల సంక్షేమం, సాధికార అధికారిణి జాకీర్‌హుసేన్‌ సోమవారం ఒక ప్రకటనలో తెలిపారు. జిల్లాకు చెందిన ఏదైనా డిగ్రీ పూర్తి చేసిన బీసీ, ఎస్టీ, ఎస్టీ వర్గాల అభ్యర్థులు దరఖాస్తును ఈ నెల 20వ తేదీ సాయంత్రం 5 గంటల్లోపు స్వయంగా వచ్చి అందించాలన్నారు. అభ్యర్థుల ఎంపిక ఈనెల 27న స్క్రీనింగ్‌ టెస్ట్‌ ప్రాతిపదికన చేపడతామని, ఎంపికై న అభ్యర్థులకు విజయవాడలో శిక్షణనిస్తారన్నారు. శిక్షణా కాలంలో ఉచిత బస, వసతి సౌకర్యాలను కల్పిస్తామన్నారు. దరఖాస్తుకు ధ్రువీకరణ పత్రాలు జతపరిచి నంద్యాల ప్రభుత్వ డిగ్రీ కళాశాల ఎదురుగా ఉన్న జిల్లా వెనుకబడిన తరగతుల సంక్షేమం, సాధికారత అధికారి కార్యాలయంలో అందజేయాలన్నారు. వివరాలకు 9849906013ను సంప్రదించాలని పేర్కొన్నారు.

మహానంది: అర్చక వృత్తిలో ఉండేవారు నుదుటను విభూతి, తిలక, కుంకుమ ధారణలతో సంప్రదాయంగా కనిపిస్తూ సర్వజనుల ఆదరణ పొందాలని ఏపీ ఆదిశైవ బ్రాహ్మణ సంఘం రాష్ట్ర అధ్యక్షుడు శ్రీకంఠం నందీశ్వరయ్య, రాష్ట్ర దేవాలయ పాలనా సంస్థ (ఎస్‌ఐటీఏ) రాష్ట్ర డైరెక్టర్‌ ముక్తేశ్వరరావు అన్నారు. మహానందిలోని టీటీడీ కల్యాణ మండ పంలో రాష్ట్ర దేవాలయ పాలనా సంస్థ ఆధ్వర్యంలో సోమవారం శైవ ఆగమ శిక్షణా తరగతులను ప్రారంభించారు. ఐదు రోజుల పాటు నిర్వహించే శిక్షణ తరగతులను లయ కార్యనిర్వహణాధికారి నల్లకాలువ శ్రీనివాసరెడ్డి, ఆలయ వేదపండితులు బ్రహ్మ శ్రీ చెండూరి రవిశంకర అవధాని, ప్రధాన అర్చకులు మామిళ్లపల్లి అర్జునశర్మ, పండితులు జ్యోతి ప్రజ్వలన చేసి ప్రారంభించారు. ఈ సందర్భంగా రాష్ట్ర అధ్యక్షుడు నందీశ్వరయ్య, డైరెక్టర్‌ ముక్తేశ్వరరావులు మాట్లాడుతూ.. అర్చకులు హరిహర స్వరూపులని, చూస్తేనే నమస్కరించేలా ఉండాలన్నారు. ఆలయా ల్లో అర్చకులు చేసే పూజలు, హోమాల ద్వారా లోక కల్యాణం కలుగుతుందని స్పష్టం చేశారు. నెల్లూరుకు చెందిన సీనియర్‌ అర్చకులు నారాయణశర్మ మాట్లాడుతూ.. ఆలయాలు, వాటి నిర్మాణం శాస్త్ర సాంకేతిక విజ్ఞానంతో ముడిపడి ఉన్నాయన్నారు. ఆలయాలు కేవలం ఆధ్యాత్మికతనే కాకుండా అన్ని శాస్త్రాలను మిళితం చేసేలా కనిపిస్తాయని చెప్పారు. కార్యక్రమంలో పాలకమండలి చైర్మన్‌ నరాల చంద్రమౌళీశ్వరరెడ్డి, కొత్తూరు సుబ్రహ్మణ్యేశ్వర స్వామి ఆలయ ప్రధాన అర్చకులు కంపమల్ల సుబ్బసత్యనారాయణ శర్మ, మహానంది ఉప ప్రధాన అర్చకులు వనిపెంట జనార్థనశర్మ, ముఖ్య అర్చకులు రాజమాణిక్యశర్మతోపాటు యాగంటి, నందవరం, పుటాలమ్మ తల్లి, భోగేశ్వరం, ఓంకారం ఆలయాలతో పాటు జిల్లాలోని వివిధ ఆలయాల అర్చకులు పాల్గొన్నారు.

● శ్రీమఠంలో త్వరలో ప్రత్యేక కౌంటర్లుమంత్రాలయం: శ్రీరాఘవేంద్ర స్వామి మఠంలో భక్తులు భారీ క్యూలో ఉండకుండా పరిమళ ప్రసా దం అందుకునే వెసులబాటు త్వరలో రానుంది. ఇందుకోసం పరిమళ ప్రసాదం బృహత్తర ప్రాజెక్టు ప్లాన్‌, అధునాతన మిషనరీలపై బెంగళూరు ఇంజినీర్లతో సోమవారం శ్రీమఠం పీఠాధిపతి సుబుధేంద్ర తీర్థులు చర్చించారు. ఈ సందర్భంగా పీఠాధి పతి మట్లాడుతూ.. భవిష్యత్తులో శ్రీమఠంకు వచ్చి న భక్తులకు పరిమళ ప్రసాదం విషయంలో ఇబ్బందులు ఉండబోవన్నారు. ప్రతి ఒక్కరికీ అందే విధంగా కృషి చేస్తామన్నారు. ప్రత్యేక కౌంటర్లు ఏర్పాటు చేసి రద్దీ లేకుండా ప్రణాళికలు రూపొందిస్తున్నట్లు పీఠాధిపతి తెలిపారు. కార్యక్రమంలో శ్రీమఠం ఇంజనీర్‌ సురేష్‌కోనాపూర్‌, ధార్మిక అధికారి శ్రీపతి, పరిమళ ప్రసాదం సిబ్బంది పాల్గొన్నారు.

● కలెక్టర్‌ రాజకుమారినంద్యాల(న్యూటౌన్‌): ఐదు నుంచి ఏడేళ్ల వయస్సు, 15 నుంచి 17 సంవత్సరాల వయస్సు ఉన్న పిల్లల ఆధార్‌ బయోమెట్రిక్‌ అప్‌డేట్‌ తప్పనిసరిగా చేయించాలని కలెక్టర్‌ రాజకుమారి అన్నారు. జిల్లాలో సుమారు 52,133 మంది విద్యార్థులు బయోమెట్రిక్‌ అప్‌డేట్‌ చేసుకోవాల్సి ఉన్నందున, దసరా సెలవులను దృష్టిలో ఉంచుకుని పాఠశాలలను సమీప ఆధార్‌ కేంద్రాలు లేదా మొబైల్‌ కిట్లతో అనుసంధానం చేసి ప్రక్రియను వేగవంతం చేయాలని అధికారులను ఆదేశించారు. సోమవారం కలెక్టరేట్‌లోని పీజీఆర్‌ఎస్‌ హాలులో ప్రజల నుంచి దరఖాస్తుల స్వీకరణ అనంతరం అధికారులతో కలెక్టర్‌ సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ వివిధ శాఖల అభివృద్ధి పనులు, భూకేటాయింపులు, ఇంజనీరింగ్‌ ప్రాజెక్టులు, ఆధార్‌ నవీకరణపై పలు కీలక సూచనలు చేశారు. ఏ శాఖకై నా భూమి అవసరమైతే సంబంధిత హెచ్‌ఓడీ లేదా ప్రిన్సిపల్‌ సెక్రటరీ ద్వారా ఈ–ఫైల్‌ రూపంలో కలెక్టర్‌కు రిక్విజిషన్‌ పంపించాలన్నారు. కలెక్టర్‌ ఆదేశాల అనంతరం మాత్రమే జాయింట్‌ కలెక్టర్‌, ఆర్‌డీఓ, తహసీల్దార్ల ద్వారా భూ కేటాయింపు ప్రక్రియ చేపట్టాలన్నారు. ఆళ్లగడ్డలోని బాలసుదన్‌ సమీపంలో ప్రమాదకరంగా ఉన్న పాత బావికి రక్షణ చర్యలు చేపట్టడంతో పాటు రెయిన్‌వాటర్‌ హార్వెస్టింగ్‌ నిర్మాణం వంటి పనులను చేపట్టాలని కలెక్టర్‌ ఆదేశించారు. పీఆర్‌, ఆర్‌డబ్ల్యూఎస్‌, ఈడబ్ల్యూఐడీసీ, సమగ్ర శిక్ష, మున్సిపాలిటీ తదితర శాఖలు సమన్వయంతో పనులను వేగవంతం చేయాలని సూచించారు. పెచ్చెరువు వద్ద టాయిలెట్‌, నీటి వసతులు పూర్తయినందున సోలార్‌ ప్యానెల్స్‌, విద్యుత్‌ సదుపాయాల ఏర్పాటుకు నెడ్క్యాప్‌ ద్వారా అంచనాలు సిద్ధం చేసి తదుపరి చర్యలు చేపట్టాలన్నారు.

కొత్తపల్లి: శ్రీశైలం జలాశయంలో రోజురోజుకు నీటి మట్టం తగ్గుముఖం పడుతుండటంతో సప్తనదుల సంగం వద్ద వెలిసిన సంగమేశ్వరుడు జలాధివాసం వీడుతు న్నారు. సోమవారం శ్రీశైలం జలాశయం నీటిమట్టం 885 అడుగుల నుంచి 849 అడుగులకు చేరుకుంది. దీంతో ఆలయం ముఖమండపం కింది భాగం వరకు, ఆలయ ముఖద్వారం రెండు అడుగుల మేర కిందికి కృష్ణాజలాలు చేరాయి. మరో 8 అడుగుల మేర నీటిమట్టం తగ్గితే పూర్తిస్థాయిలో సంగమేశ్వరాలయం జలాధీవాసం వీడనుంది. కృష్ణాజలాలు తగ్గుతుండడంతో కృష్ణా జలాల నుంచి ప్రాచీన సంగమేశ్వరాలయం బయల్పడుతోంది.

కల్లూరు: సీపీఐ జాతీయ కార్యదర్శి రామకృష్ణ సోమవారం వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డిని మర్యాద పూర్వకంగా కలిశారు. రిమాండ్‌పై జిల్లా జైలులో ఉన్న ఆలూరు ఎమ్మెల్యే విరూపాక్షిని రామకృష్ణ ములాఖత్‌ ద్వారా కలిశారు. అనంతరం ఆయన కాటసాని రాంభూపాల్‌రెడ్డి నివాసానికి విచ్చేసి కాటసానిని ఆప్యాయంగా పలకరించారు. ఈ సందర్భంగా వారు ఆత్మీయంగా మాట్లాడుకున్నారు. 1994 నుంచి 1999 వరకు ఇద్దరూ ఎమ్మెల్యేలుగా కలిసి పనిచేసిన నాటి రాజకీయ అనుబంధం, స్నేహాన్ని గుర్తు చేసుకుంటూ పరస్పరం యోగక్షేమాలు తెలుసుకున్నారు. రాజకీయంగా భిన్న మార్గాల్లో ఉన్నప్పటికీ పాత రాజకీయ అనుబంధం, వ్యక్తిగత స్నేహానికి విలువ ఇస్తూ రామకృష్ణ కాటసాని నివాసానికి రావడం ప్రాధాన్యత సంతరించుకుంది.

మార్కెట్లో ఏ వస్తువు అయినా అమాంతం పెరిగితే అదుపు చేయాల్సిన ధరల నియంత్రణ కమిటీ ఏసీ గదులకే పరిమితమైందనే విమర్శలు వినిపిస్తున్నా యి. త్రిసభ్య కమిటీ అమరావతిలో కూర్చుని కోటలు దాటే ప్రకటనలు చేస్తుంటే వారి పరిధిలో పనిచేయాల్సిన జిల్లా, డివిజన్‌, మండల స్థాయి కమిటీలు సైతం కార్యాలయాలు దాటి మార్కెట్‌వైపు కన్నెత్తి చూడటం లేదు. నిబంధనల మేరకు కలెక్టర్‌, జాయింట్‌ కలెక్టర్‌, మార్కెటింగ్‌, పౌరసరఫరాల అధికారులు ప్రతి వారం ఓ మార్కెట్‌ను తనిఖీ చేయాలి. కానీ బాబు డిజిటల్‌ పాలనలో జిల్లాలో ధరల నియంత్రణ కూడా కేవలం కాగితాలకే పరిమితమవడంతో దళారులు పండగ చేసుకుంటున్నారు. ఆళ్లగడ్డ/కోవెలకుంట్ల: అఽధికారంలోకి వచ్చిన వెంటనే ధరలు తగ్గిస్తాం.. సూపర్‌ సిక్స్‌తో స్వర్గం చూపిస్తాం.. అని ఎన్నికల ముందు ఊదరగొట్టిన చంద్రబాబునాయుడు రెండున్నరేళ్లుగా సామాన్య జనానికి పట్టపగలే చుక్కలు చూపిస్తున్నారు. నిత్యావసర సరుకులు రాకెట్‌ కంటే వేగంగా ౖపైపెకి దూసుకు పోతున్నాయి. కూరగాయలు పొయ్యి మీద పెట్టకుండానే కుతుకుత ఉడుకుతున్నాయి. నూనెలు కడాయిలో పోయకుండానే సలసల కాగుతున్నాయి. ఉప్పు, పప్పు నుంచి బియ్యం, చిరుధాన్యాలు.. ఇలా అన్నింటి ధరలు ఒక్కసారిగా ఆకాశాన్నంటా యి. ప్రధానంగా బియ్యం, చెక్కర, బెల్లం, నూనె ధరలు ఈ రెండు, మూడు నెలల్లోనే 30 నుంచి 40 శాతం పెరగడంతో వినియోగదారులు భయపడుతున్నారు. ఎల్‌నినో ప్రభావం మరో రెండేళ్లు ఉంటుందని, అందరూ పొదుపు చర్యలు పాటించాలని ప్రభుత్వం, అధికారులు హడావుడి ప్రచారాల నేపథ్యంలో ఇదే అదునుగా భావించిన పెద్ద వ్యాపారులు వినియోగదారుల అవసరాన్ని బట్టి ధరలను భారీగా పెంచుతున్నాయి. గత ఏడాదితో పోలిస్తే కొన్ని రకాల సరుకుల ధర దాదాపు 50 శాతం పైగానే రెట్టింపు అయ్యాయి. బియ్యం భారం.. 16.50 కోట్లు నిన్న మొన్నటి వరకు యుద్ధం పేరుతో ఇంధన ధరలు పెరిగాయని చెప్పిన వ్యాపారులు ఇప్పుడు ఎల్‌నినో బూచితో బియ్యం ధరలు అమాంతం పెంచేస్తున్నారు. నిల్వలు సమృద్ధిగా ఉన్నా.. కృత్రిమ కొరత సృష్టించి అడ్డగోలుగా ధరలు పెంచుతున్నారు. అధికారులు, పాలకులు ఏమాత్రం పట్టించుకోవడం లేదు. ఫలితంగా బియ్యం బడ్జెట్‌ పెరిగి పేద, మధ్య తరగతి కుటుంబాలపై పెనుభారం పడుతోంది. నంద్యాల జిల్లాలో సుమారు 5 లక్షల ఎకరాల్లో వరిసాగు అవుతోంది. సుమారు కోటి క్వింటాళ్ల వరకు దిగుబడి వస్తోంది. అవసరానికి మించి ఉండటంతో ఇతర రాష్ట్రాలు, దేశాలకు తరలిస్తున్నారు. గత మూడు, నాలుగేళ్లలో అంచానాకు మించి వరి పండించారు. అప్పటి నిల్వలు ఇంకా మిల్లర్ల దగ్గర ఉన్నాయి. ప్రస్తుతానికి బియ్యం కొరత అన్న ప్రశ్నే ఉత్పన్నం కాదు. ప్రస్తుతం ఎల్‌నినో కారణంగా వచ్చిన కరువు దృష్ట్యా వరి దిగుబడి తగ్గుతుందన్న అంచనాతో బియ్యాన్ని అక్రమంగా నిల్వ చేసి కృత్రిమ కొరత సృష్టిస్తున్నారు. రకాన్ని బట్టి 25 కేజీల బస్తాపై రూ. 300 నుంచి రూ. 350 ధర పెరిగింది. జిల్లాలో మొత్తం 6 లక్షల కుటుంబాలు ఉండగా ఇందులో 5.50 లక్షల కుటుంబాలు మార్కెట్‌లో బియ్యం కొంటున్నాయి. ఒక్కో కుటుంబం సగటున 25 కేజీల బస్తా వాడుతోంది. ఈ లెక్కన పెరిగిన రేటు ప్రకారం బస్తాకు రూ. 300 వేసుకున్నా నెలకు రూ. 16.50 కోట్ల మేర భారం పడుతోంది. ఎలా కొనేది.. ఏం తినేది ● ఈ ఏడాది వర్షాభావ పరిస్థితులతో సాగునీటి ప్రాజెక్టుల్లో నీరు లేక వరిసాగు విస్తీర్ణం పూర్తిగా తగ్గిపోయింది. సాగు విస్తీర్ణం తగ్గిపోవడంతో రోజు రోజుకు ఽబియ్యం ధరలు పెరిగిపోతున్నాయి. ప్రస్తు తం గ్రేడ్‌ వన్‌ బియ్యం కిలో రూ. 75 – 80 ఉండగా రానున్న రోజుల్లో రూ.వందకు చేరుకున్నా ఆశ్చర్యపోనక్కరలేదు. ● గతేడాది జిల్లాలో 27వేల హెక్టార్లలో కంది సాగు చేయగా పంటచేతికందే తరుణంలో మోంథా తుపా న్‌ ముంచెత్తడంతో రైతులు తీవ్రనష్టాలు చవిచూ శారు. ఈ ఏడాది వర్షాలు లేకపోవడంతో సాగు విస్తీర్ణం గణనీయంగా తగ్గిపోయింది. దీంతో ఒక్క సారిగా కందిపప్పు ధర అమాంతం పెరిగిపోయింది. గతేడాది కిలో రూ. 117 ఉన్న మొదటిరకం కందిపప్పు ఈ నెలలో ఏకంగా రూ. 133కు చేరింది. ● గతేడాది ఇదే సమయానికి కిలో ఎండుమిర్చి రూ. 176. 55 ఉన్న మొదటిరకం ప్రస్తుతం రూ. 300 దాక ధర పలుకుతోంది. రెండోరకం ఎండుమిరపకాయలు రూ. 253కు చేరింది. ఏడాది కాలంలోనే కిలో ఎండు మిరపకాయలపై ఏకంగా రూ. 124 ధర పెరగడం విచారకరం. ● గతేడాది కిలో నాణ్యమైన వెల్లుల్లి రూ. 190 కాగా ప్రస్తుతం కిలో రూ. 280కి చేరింది. ● గతంలో లీటరు పామాయిల్‌ రూ. 110 ఉండగా ప్రస్తుతం రూ. 150, నుంచి రూ. 160 వరకు పలుకుతోంది. కంది, మినప, పెసర పుప్ప, ఇడ్లీ రవ్వ, ఉప్మా రవ్వ, గోదుమ పిండి ఇలా నెల వారి వినియోగించే 10 నుంచి 20 రకాల వస్తువులపై కిలోకు రూ. 30 నుంచి రూ. 40 ధర పెరిగింది. ● నాలుగు నెలల క్రితం కిలో రూ.40 – రూ. 45 ఉన్న చెక్కర, బెల్లం ఇప్పుడు నోట్లో వేసుకుందామంటే చేదుగా రుచిస్తున్నాయి. ప్రస్తుతం చెక్కర కిలో రూ. 74 వరకు విక్రయిస్తుండగా బెల్లం కిలో రూ. 80కి చేరింది. మండుతున్న నిత్యావసర సరుకుల ధరలు బియ్యం ధర రోజురోజుకు పైకి.. ఆకాశానంటుతున్న నూనె, కందిపప్పు, చక్కెర, ఉల్లి ధరలు ధరల పెంపుతో సగటు జీవి సతమతం దళారుల చేతుల్లో పేదవర్గాలు దోపిడీ మార్కెట్‌ ధరల నియంత్రణలో చంద్రబాబు సర్కార్‌ వైపల్యం గ్రామ పంచాయతీలు 489 జనాభా 17,82,241 కుటుంబాలు 5,73,419

నంద్యాల(అర్బన్‌): దళితులు ఎదుర్కొంటున్న సమస్యలను పరిష్కరించడంలో కూటమి ప్రభుత్వం విఫలమైందని మాల మహానాడు రాష్ట్ర వర్కింగ్‌ ప్రెసిడెంట్‌ పుల్లయ్య, మాల సంఘాల జేఏసీ రాష్ట్ర కార్యదర్శి దస్తగిరి విమర్శించారు. స్థానిక కార్యాలయంలో ఆదివారం జిల్లా అధ్యక్షుడు దేవాంతకుడు అధ్యక్షతన జిల్లా స్థాయి నాయకుల విస్తృత సమావేశం నిర్వహించారు. ఈ సందర్భంగా వారు మాట్లాడుతూ మాలలకు నష్టం కలిగించే జీవో నం.102ను ప్రభుత్వం రద్దు చేయాలన్నారు. మాలల సమస్యలపై నవంబర్‌లో పెద్ద ఎత్తున ఆందోళనలు నిర్వహిస్తామని హెచ్చరించారు. ఎన్నికల ముందు దళితులకు సంక్షేమ పథకాలు ప్రవేశపెడతామంటూ హామీలు ఇచ్చిన కూటమి నాయకులు అధికారంలోకి వచ్చాక విస్మరించారన్నారు. సమావేశంలో నాయకులు మద్దిలేటి, నాగరాజు, అంకన్న, అబ్రహాం, రోజక్క, రాజ్‌కుమార్‌ తదితరులు పాల్గొన్నారు.

● అదనుకు ఆశలు రేకెత్తించిన వర్షాలు ● వారం రోజుల నుంచి తీవ్రమైన ఎండలు ● భూమిలో ఆవిరవుతున్న తేమ ● ప్రశ్నార్థకంగా మారిన సాగు కోవెలకుంట్ల: వర్షాలు కురిసే అవకాశం లేకపోవడం, సాగునీటి ప్రాజెక్టుల్లో నీరు లేకపోవడంతో జిల్లాలో జొన్న సాగు ప్రశ్నార్థకంగా మారింది. ఏటా వర్షాధారంగా జొన్న పంట సాగు చేసినా అక్టోబర్‌, నవంబర్‌ నెలల్లో ఒకటి, రెండు తుపాన్లతో వర్షాలు కురిసి పంట చేతికందేది. ఈ ఏడాది ఆ పరిస్థితి కనిపించడం లేదు. ఈ నెలాఖరు వరకు జొన్న సాగుకు అదను కావడంతో రైతులు సాగు చేయాలా? వద్దా? అనే సందిగ్ధంలో పడ్డారు. జిల్లాలోని 29 మండలాల పరిధిలో ఈ ఏడాది 31,297 హెక్టార్లలో మహేంద్ర, హైటెక్‌, పచ్చజొన్న రకాల జొన్న సాగు లక్ష్యం కాగా సెప్టెంబర్‌ చివరి వారం నుంచి అక్టోబర్‌ నెలాఖరు వరకు జొన్న విత్తనం వేయవచ్చు. అయితే బంగాళాఖాతంలో ఏర్పడిన అల్పపీడన ప్రభావంతో జిల్లాలో వారం రోజుల క్రితం జిల్లాలో మోస్తరు వర్షాలు కురిశాయి. పొలాల్లో తడి ఆరిన వెంటనే విత్తనం వేసుకోవచ్చని రసాయన ఎరువులు, విత్తనాలు సిద్ధం చేసుకున్నారు. అయితే ఇటీవల జిల్లాలో ఎండలు తీవ్రతరమయ్యాయి. గతంలో ఎన్నడూ లేని విధంగా సెప్టెంబర్‌ నెలలో ఏకంగా 40 డిగ్రీల దాకా ఉష్ణోగ్రతలు నమోదు కావడం గమనార్హం. ఎండలు మరింత పెరిగే ఆస్కారం ఉందని వాతావరణశాఖ అధికారులు వెల్లడించారు. ఎండలకు భూమిలోని తేమశాతం ఆవిరవుతుండటం, రసాయన ఎరువులు విత్తే సమయంలో భూమిలో అరకొరగా ఉన్న తేమ శాతం పడిపోతుతుండటంతో విత్తనసాగుపై నీలినీడలు అలుముకున్నాయి. ఈ ఏడాది ఎల్‌నినో ప్రభావంతో ఖరీఫ్‌ సీజన్‌లో ఆశించిన స్థాయిలో వర్షాలు కురవక పోవడంతో ఎస్సార్బీసీ, కేసీకెనాల్‌, చెరువులు, కుంటలు, వాగులు, తదితర సాగునీటి ప్రాజెక్టులు నీరు లేక వెలవెలబోతున్నాయి. జొన్న పంటలో దిగుబడులు చేతికందాలంటే పైరు వివిధ దశల్లో కనీసం మూడు నుంచి నాలుగు నీటి తడులు అందించాల్సి ఉంది. తీవ్ర వర్షాభావ పరిస్థితుల దృష్ట్యా ఈ ఏడాది ఎటువంటి పరిస్థితుల్లో జొన్న సాగు చేయవద్దని వ్యవసాయ అధికారులు రైతులను హెచ్చరిస్తు న్నారు. రబీ సీజన్‌ ప్రారంభమైన నేసథ్యంలో ఈ నెలలో ఆశించిన స్థాయిలో వర్షాలు కురిస్తే తప్ప జొన్న సాగు చేసే పరిస్థితులు లేకపోవడంతో రైతులు ఆవేదన వ్యక్తం చేస్తున్నారు. మరికొందరు రైతులు వరణుడిపై భారం వేసి జొన్న విత్తన పనులు చేపడుతున్నారు. రెండు ఎకరాల్లో విత్తనం వేశాను గత నెలలో భారీ వర్షాలు కురియడంతో ఎకరా రూ. 16 వేలు కౌలు చెల్లించి రెండు ఎకరాల్లో ఇటీవల పచ్చజొన్న రకానికి చెందిన జొన్న పంట సాగు చేశాను. వారం రోజుల నుంచి ఎండలు అధికమై భూమిలో తేమ శాతం ఆవిరవుతోంది. ఎండలు ఇలాగే కొనసాగితే మొలక వచ్చే పరిస్థితి ఉండదు. పొలాన్ని కౌలుకు తీసుకుని వరణుడిపై భారం వేసి విత్తనం వేశాను. – రాజేశ్వరరెడ్డి, రైతు, జోళదరాశి, జొన్న సాగు చేయొద్దు ఈ ఏడాది వర్షాభావ పరిస్థితులను దృష్టిలో ఉంచుకుని జొన్న సాగు చేయవద్దు. జొన్న పండించడానికి కనీ సం మూడు నుంచి నాలుగు నీటి తడులు అవసరం. వర్షాధారం కింద ప్రస్తుత పరిస్థితుల్లో జొన్న సాగు చేయడం సాధ్యం కాదు. ఇటీవల వర్షాలు కురిసినా ఎండలు ఎక్కువగా ఉండటంతో భూమిలో తేమ శాతం ఆవిరవుతోంది. ఇలాంటి పరిస్థితుల్లో జొన్న సాగు చేస్తే పంట త్వరగా బెట్టకు చేరుకుని మొక్కలు ఎండిపోయి నష్టపోతారు. – సుధాకర్‌రెడ్డి, ఏఓ, కోవెలకుంట్ల

● కోలుకోలేక వృద్ధుడి మృతిగోస్పాడు: వృద్ధాప్యంలో అన్యోన్యంగా జీవిస్తున్న ఆ దంపతుల్లో ఒకరిని అనారోగ్యం వేధించింది. ఆసుపత్రుల్లో వైద్యం చేయించుకున్నా తగ్గకపోవడంతో ఇక ఎవరికీ భారం కాకూడదని వృద్ధుడు ఆత్మహత్యాయత్నానికి పాల్పడ్డాడు. విషయం తెలుసుకున్న అతని భార్య కూడా తను లేని జీవితం నాకెందుకంటూ ఆత్మహత్యాయత్నానికి పాల్పడింది. ఆసుపత్రిలో చికిత్స పొందుతూ వృద్ధుడు మృతి చెందాడు. ఈ విషాద ఘటన యాళ్లూరు గ్రామంలో ఆదివారం చోటు చేసుకుంది. పోలీసులు తెలిపిన వివరాల మేరకు.. యాళ్లూరుకు చెందిన పుట్ట రామకృష్ణుడు(70) ఆస్తమా వ్యాధితో నిత్యం బాధపడుతుండే వాడని తెలిపారు. అయితే పలు ఆస్పత్రిలో చికిత్స చేయించుకున్న జబ్బు నయం కాక, వ్యాధి తీవ్రతను తట్టుకోలేక విసుగు చెంది ఆదివారం రసాయన పౌడర్‌ను నీటిలో కలుపుకొని తాగి ఆత్మహత్యాయత్నానికి పాల్పడ్డాడు. అయితే ఈ విషయాన్ని గమనించిన భార్య లింగమ్మ కూడా అదే పౌడర్‌ను నీటిలో కలుపుకుని ఆత్మహత్యాయత్నానికి పాల్పడ్డారు. గమనించిన బంధువులు ఇద్దరిని చికిత్స నిమిత్తం నంద్యాల ప్రభుత్వ ఆసుపత్రికి తరలించారు. అయితే రామకృష్ణుడి పరిస్థితి విషమించడంతో చికిత్స పొందుతూ కోలుకోలేక మృతి చెందాడు. భార్య లింగమ్మ నంద్యాల ప్రభుత్వ ఆసుపత్రిలో చికిత్స పొందుతోంది. మృతుని కుమారుడు దివాకర్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ సుధాకర్‌ తెలిపారు.

● జిల్లా కలెక్టర్‌ రాజకుమారి నంద్యాల(న్యూటౌన్‌): ప్రజా సమస్యల పరిష్కారంలో పారదర్శకత, జవాబుదారీతనానికి పెద్దపీట వేస్తూ, అధికారులు అందించిన పరిష్కారాలపై అర్జీదారుల వాస్తవ అభిప్రాయాలను తెలుసుకునేందుకు ప్రభుత్వం ప్రవేశపెట్టిన క్యూఆర్‌ కోడ్‌ ఆధారిత ఫీడ్‌బ్యాక్‌ విధానాన్ని ప్రజలందరూ సద్వినియోగం చేసుకోవాలని జిల్లా కలెక్టర్‌ రాజకుమారి పిలుపునిచ్చారు. ’ప్రజా సమస్యల పరిష్కార వేదిక’ ద్వారా సమర్పించిన అర్జీలపై అధికారులు తీసుకున్న చర్యల పట్ల అర్జీదారులు ఎంతవరకు సంతృప్తిగా ఉన్నారో నేరుగా తెలుసుకునేందుకు ఈ విధానం దోహదపడుతుందన్నారు. అర్జీ పరిష్కారమైనట్లు సమాచారం అందిన అనంతరం, సంబంధిత రసీదు లేదా సందేశంలో ఉన్న క్యూఆర్‌ కోడ్‌ను స్మార్ట్‌ఫోన్‌తో స్కాన్‌ చేసి, పరిష్కారంపై తమ సంతృప్తి లేదా అసంతృప్తిని అర్జీదారులు నమోదు చేయాలన్నారు. ప్రజల నుంచి అందే అభిప్రాయాల ఆధారంగా పరిష్కారాల నాణ్యతను అంచనా వేసేందుకు, అధికారుల పనితీరును మెరుగుపరిచేందుకు అవకాశం కలుగుతుందన్నారు. ప్రజా సమస్యల పరిష్కారంలో నిర్లక్ష్యం, జాప్యం వంటి అంశాలను గుర్తించడంతో పాటు, ప్రభుత్వ సేవల నాణ్యతను నిరంతరం మెరుగుపరిచేందుకు ప్రజల ఫీడ్‌బ్యాక్‌ కీలకంగా నిలుస్తుందన్నారు. పోతిరెడ్డిపాడు నుంచి తగ్గిన నీటి విడుదల జూపాడుబంగ్లా: పోతిరెడ్డిపాడు హెడ్‌రెగ్యులేటర్‌ నుంచి నీటి విడుదల రోజురోజుకు తగ్గిపోతుంది. ఆదివారం సాయంత్రం ఆరుగంటల ప్రాంతంలో శ్రీశైలం డ్యాంలో 849.90 అడుగుల నీటిమట్టం ఉండగా పోతిరెడ్డిపాడు వద్ద 848.90 అడుగుల నీటిమట్టం ఉన్నట్లు అధికారులు పేర్కొంటున్నారు. పోతిరెడ్డిపాడు హెడ్‌రెగ్యులేటర్‌ 2, 4, 5, 7 గేట్లు తెరచి ఉంచినప్పటికీ కేవలం 1,500 క్యూసెక్కుల నీరు మాత్రమే ఎస్సారెమ్సీ కాల్వలోకి వెళ్తున్నాయి. ఈ నీటిని బానకచర్ల నీటినియంత్రణ వ్యవస్థ నుంచి జీఎన్‌ఎస్‌ఎస్‌ కాల్వకు సరఫరా చేస్తున్నట్లు ఏఈ దేవేంద్ర తెలిపారు. గత నెల 21వ తేదీన శ్రీశైలం డ్యాంలో 858 అడుగుల నీటిమట్టం ఉండగా ప్రస్తుతం 849.90 అడుగుల నీటిమట్టానికి చేరుకొంది. ఇప్పటిదాకా పోతిరెడ్డిపాడు హెడ్‌రెగ్యులేటర్‌ ద్వారా 34 టీఎంసీల నీటిని మాత్రమే ఎస్సార్బీసీ, తెలుగుగంగ, కేసీఎస్కేప్‌ కాల్వలకు విడుదల చేసినట్లు అధికారులు పేర్కొంటున్నారు. నేడు కలెక్టరేట్‌లో ప్రజా వినతుల స్వీకరణ నంద్యాల(న్యూటౌన్‌): స్థానిక కలెక్టరేట్‌లోని పీజీఆర్‌ఎస్‌ హాలులో ఈనెల 5వ తేదీ సోమవారం ‘ప్రజా ఫిర్యాదుల పరిష్కార వేదిక’ కార్యక్రమాన్ని నిర్వహిస్తున్నట్లు జిల్లా కలెక్టర్‌ రాజకుమారి ఆదివారం ఒక ప్రకటనలో తెలిపారు. ఈ కార్యక్రమం ఉదయం 10 గంటల నుంచి ప్రారంభమవుతుందన్నారు. అర్జీదారులు తమ దరఖా స్తు పరిష్కారం ఏ దశలో ఉందో తెలుసుకోవడం కోసం టోల్‌ ఫ్రీ నంబర్‌ 1100ను సంప్రదించవచ్చన్నారు. అలాగే అర్జీదారులు దరఖాస్తుల ప్రస్తుత సమాచారాన్ని meekosam.ap.gov.in వెబ్‌సైట్‌లో సంప్రదించి తెలుసుకోవచ్చన్నారు. అర్జీలను కూడా ఇలాగే నమోదు చేసుకోవచ్చన్నారు. అర్జీదారులందరూ ఈ అవకాశాన్ని వినియోగించుకోవాలన్నారు. జిల్లా కేంద్రంలో జరిగే ఈ కార్యక్రమానికి సంబంధిత శాఖల జిల్లా స్థాయి అధికారులందరూ తప్పనిసరిగా హాజరై ప్రజల వినతులు స్వీకరించారు. శ్రీమఠానికి పోటెత్తిన భక్తులు మంత్రాలయం: ప్రముఖ ఆధ్యాత్మిక కేంద్రానికి భక్తులు పోటెత్తారు. శుక్ర, ఆదివారాలు సెలవులు కావడంతో కర్ణాటక, తమిళనాడు, తెలుగు రాష్ట్రాల నుంచి భక్తులు ఎక్కువ సంఖ్యలో వచ్చారు. భక్తుల రాకతో శ్రీమఠం మధ్వ కారిడార్‌ సందడిగా కనిపించింది. శ్రీ రాఘవేంద్రుడి దర్శనానికి రెండు గంటల సమయం పట్టింది. మంచాలమ్మ, రాఘవేంద్రుల దర్శన క్యూలైన్లు కిక్కిరిశాయి. భక్తులు మంచాలమ్మ, రాఘవేంద్రుల బృందావనం దర్శనం చేసుకుని ఉత్సవమూర్తి ప్రహ్లాదరాయల వెండి, స్వర్ణ, నవరత్న రథోత్సవాల్లో పాల్గొన్నారు.

● ఓవర్‌హెడ్‌ ట్యాంక్‌ నుంచి వరిమడికి నీళ్లు ● కుళాయిలకు నీళ్లు రాక ప్రజలు అవస్థలు కొలిమిగుండ్ల: అధికారంలో ఉన్నామనే ధైర్యంతో ఏకంగా ఓవర్‌హెడ్‌ ట్యాంక్‌ నీళ్లనే తన సొంత పొలానికి మళ్లించుకుంటు టీడీపీ నాయకుడు జలదోపిడీకి పాల్పడుతున్నాడు. కొలిమిగుండ్ల మండలం యర్ర గుడి గ్రామంలోని పశువైద్యశాల సమీపంలో గత వైఎస్సార్‌సీపీ ప్రభుత్వం ఓవర్‌హెడ్‌ ట్యాంక్‌ను నిర్మించింది. ట్యాంక్‌ చెంతనే టీడీపీ నాయకుడికి రెండు ఎకరాల భూమి ఉంది. సాధారణంగా వర్షధారం కింద పంటలు సాగు చేసుకునేవాడు. కూటమి ప్రభుత్వం అధికారంలో రావడంతో తనకు అడ్డు ఎవరు చెబుతారనే ఉద్దేశంతో ఓవర్‌హెడ్‌ ట్యాంక్‌ పక్కనే ఉండటంతో వాల్వ్‌ ఆన్‌ చేసుకొని వరి పంటకు నీళ్లు కట్టుకుంటున్నాడు. ఎక్కువ భాగం పంటకే నీళ్లు సరిపోవడంతో గ్రామంలోని పలు వీధుల్లో కుళాయిలకు నీళ్లు రాక ప్రజలు ఇబ్బందులు పడుతున్నారు. ముందే వర్షాలు అంతంత మాత్రంగానే కురవడంతో భూగర్భ జలాలు తక్కువగా ఉన్న తరుణంలో ప్రజలకు నీటి సరఫరా అందించే వాటిని పంటకు వాడటంతో ఆగ్రహం వ్యక్తం చేస్తున్నారు. ఈ విషయాన్ని స్థానికులు అధికారుల దృష్టికి తీసుకెళ్లారు. పంటకు నీళ్లు ఉపయోగించకుండా అధికారులు చర్యలు తీసుకోవాలని డిమాండ్‌ చేశారు.

గతంలో రూ. 500 తీసుకుని సంతకు వస్తే వారం రోజులకు సరిపడ సరుకులు, కూరగాయలతో పాటు సబ్బులు, శ్యాంప్‌లు తీసుకుని మిగిలిన చిల్లరతో పిల్లలకు స్వీ ట్లు, కారాలు తీసుకు వెళ్లేదాన్ని. రెండు, మూ న్నెళ్ల నుంచి రూ. 500 తెచ్చుకుంటే సగం సంచి కూడా నిండటం లేదు. ఇలాగైతే మూడుపూటల కడుపు నిండా తినడం కష్టమే. – శాంతమ్మ, పేరూరు నాకు గుర్తున్నప్పటి నుంచి సంతకు వస్తున్నా. ఇంత దారుణంగా ధరలు పెరగడం ఎప్పుడూ చూడలేదు. చెక్కర, బెల్లం పరిస్థితి మరీ దారుణం. రూ. 40, రూ 50 ధర ఉంటేనే చూసుకుని వాడుకునేవారం, ఇప్పుడు అమాతం రూ. 70, రూ. 80 అంటే టీ, కాఫీతో పాటు పిల్లలకు స్వీట్లు ఏమి చేసి పెడతాం. ధరల నియంత్రణకు ప్రభుత్వం చర్యలు తీసుకోవాలి. – మోహిద్దీన్‌, ఎర్రగుంట్ల ఏడాది కాలం నుంచి నిత్యావసర సరుకుల ధరలు అమాంతం పెరిగిపోయాయి. సరుకుల కోసం దుకాణానికి వెళస్త్త్ర ఏది కొనాలో పాలుపోని దుస్థితి నెలకొంది. ఇటీవల కాలంలో ప్రతి నిత్యావసర వస్తువుపై రూ. 10 నుంచి రూ. 20 వరకు ధరలు పెరిగాయి. పెరిగిన ధరలతో సామాన్య, మధ్యతరగతి కుటుంబాలు విలవిల్లాడిపోతున్నారు. ధరలను తగ్గించి ప్రజలను ఆదుకోవాల్సిన బాధ్యత ప్రభుత్వంపై ఉంది. – రమణారెడ్డి, మాజీ సర్పంచ్‌, సౌదరదిన్నె, కోవెలకుంట్ల మండలం●

● రెండున్నరేళ్లు గడిచినా హామీలకు దిక్కులేదు ● మాజీ మంత్రి బుగ్గన రాజేంద్రనాథ్‌రెడ్డి డోన్‌: ఎన్నికల ముందు ఇచ్చిన హామీలను నెరవేర్చకుండా అబద్ధాలతో ప్రజలను ఇంకెన్నాళ్లు మభ్యపెడతారని మాజీ మంత్రి బుగ్గన రాజేంద్రనాథ్‌రెడ్డి కూటమి నేతలను ప్రశ్నించారు. తన స్వగృహంలో ఆదివారం నిర్వహించిన వైఎస్సార్‌సీపీ క్రీయాశీలక కార్యకర్తలకు పార్టీ గుర్తింపు కార్డుల పంపిణీ కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ.. స్థానిక సంస్థల ఎన్నికలను దృష్టిలో ఉంచుకొని అభివృద్ధి పనులంటూ ప్రజలను టీడీపీ నేతలు మభ్యపెడుతున్నారన్నారు. వార్డుకు రూ.10 లక్షల చొప్పున కేటాయించి మౌలిక వసతులు కల్పిస్తామని తిరిగి ప్రజలను మోసం చేసేందుకు వస్తున్నారన్నారు. రెండున్నరేళ్ల కూటమి పాలనలో ప్రజలకు చేసిన మేలేమిటని ఆయన ప్రశ్నించారు. ఈ సందర్భంగా మాజీ మంత్రి బుగ్గన రాజేంద్రనాథ్‌రెడ్డిని పట్టణంలోని పలు వార్డులకు చెందిన వైఎస్సార్‌సీపీ మహిళా కార్యకర్తలు గజమాలతో సత్కరించారు. జిల్లా వలంటీర్‌ విభాగం అధ్యక్షులు పోస్ట్‌ ప్రసాద్‌ కార్యకర్తల తరఫున జ్ఞాపికను అందజేశారు. కార్యక్రమంలో పార్టీ పట్టణ అధ్యక్షులు మల్లికార్జునరెడ్డి, మాజీ మున్సిపల్‌ వైస్‌ చైర్మన్‌ జాకీర్‌ హుస్సేన్‌, పార్టీ నాయకులు కురుకుందు హరి, రాజ్‌ కుమార్‌, మల్యాల శ్రీనివాసరెడ్డి, గడ్డం సురేష్‌, మేకల రాజు,పెద్దయ్య, రంగస్వామి, ఎల్లేశ్వర్‌, క్యాలిటీ అబ్దుల్లా, కటిక మహేష్‌, వేణు, వలీ, వెంగళరెడ్డి, పండు, రవి, రవిరెడ్డి, రైల్వే నాగేంద్ర, కాలేషా, రాజు పాల్గొన్నారు. చంద్రబాబు వైఫల్యాలను ప్రజల్లోకి తీసుకెళ్దాం వైఎస్సార్‌సీపీ ప్రభుత్వ హయాంలో పట్టణ, పల్లె ప్రజలకు విద్యా, వైద్యం, మౌలిక సౌకర్యాలు కల్పించిన విషయాన్ని ఆయన గుర్తు చేశారు. రైతు భరోసా కేంద్రాలను అందుబాటులోకి తెచ్చి రైతుల కష్టాలను పరిష్కరించారన్నారు. ప్రభుత్వ సేవలను ప్రజల వద్దనే అందించేందుకు గ్రామ, వార్డు సచివాలయ వ్యవస్థను ఏర్పాటు చేసి దశాబ్దాల కాలం నుంచి ప్రజలు ఎర్కొంటున్న సమస్యలను శాశ్వతంగా పరిష్కరించిన ఘతన వైఎస్‌ జగన్‌మోహన్‌రెడ్డికే దక్కుతుందన్నారు. తమ ప్రభుత్వంలో కులం, మతం, వర్గం, రాజకీయ పార్టీలతో నిమిత్తం లేకుండా అర్హులైన పేదలందరికీ సంక్షేమ పథకాలు అందించామని మాజీ మంత్రి బుగ్గన గుర్తు చేశారు. స్థానిక ఎన్నికల నేపథ్యంలో ప్రభుత్వ వైఫల్యాలను ప్రజలకు తీసుకెళ్లాల్సిన బాధ్యత ప్రతి ఒక్కరిపై ఉందన్నారు.

● మాజీ మంత్రి బుగ్గన రాజేంద్రనాథ్‌ రెడ్డిహాజరైన వైఎస్సార్‌సీపీ నాయకులు, కార్యకర్తలు, మహిళలుసమావేశంలో మాట్లాడుతున్న మాజీ మంత్రి బుగ్గన రాజేంద్రనాథ్‌ రెడ్డిబేతంచెర్ల: టీడీపీ పాలనలో ఆ పార్టీ నాయకుల అవినీతి తప్ప అభివృద్ధే లేదని మాజీ మంత్రి బుగ్గన రాజేంద్రనాథ్‌ రెడ్డి విమర్శించారు. బేతంచెర్లలో పార్టీ కార్యాలయంలో శనివారం వైఎస్సార్‌సీపీ కార్యకర్తలకు గుర్తింపు కార్డులను అందజేశారు. అనంతరం నిర్వహించిన సమావేశంలో బుగ్గన మాట్లాడుతూ.. ప్రతి రంగాన్ని టీడీపీ నాయకులు అవినీతిమయం చేశారన్నారు. గ్రామగ్రామనా బెల్ట్‌షాపులు ఏర్పాటు చేశారన్నారు. ఇసుక, ఇనుపఖనిజం, మట్టి తవ్వకాలు యథేచ్ఛగా సాగుతున్నాయని ఆరోపించారు. కనీసం మండలంలో స్థానిక గ్రామాల పేర్లు కూడా చెప్పలేని బయటి ప్రాంతాలకు చెందిన టీడీపీ నాయకులు అక్రమ మైనింగ్‌ తెగబడుతున్నారని మండి పడ్డారు. పట్టపగలే గూటుపల్లె గ్రామ సమీపాన ఇనుప ఖనిజం తవ్వకాలు సాగుతున్నా అధికారులు పట్టించుకోవడం లేదన్నారు. వైష్ణవ పుణ్యక్షేత్రమైన శ్రీ మద్దిలేటి నరసింహస్వామి ఆలయ పరిసరాల్లో బెల్ట్‌ షాపులు ఏర్పాటు చేయడమే కాకుండా, జూదం ఆడిస్తూ పవిత్రతను దెబ్బతీస్తున్నారని ఆవేదన వ్యక్తం చేశారు. వైఎస్సార్‌సీపీ హయాంలో ఆలయ ఆదాయాన్ని కోట్లలోకి తీసుకెళ్తే నేడు సరైన పర్యవేక్షణ లేక ఆదాయం పూర్తిగా పడిపోతోందన్నారు. ముస్లింలపై చార్జీల భారం బేతంచెర్లలో ముస్లింల కోసం గతంలో నిర్మించిన షాదీఖానాలో చార్జీలను భారీగా పెంచారన్నారు. షాదీఖానాను టీడీపీ నాయకులు ఏమైనా నిర్మించారా అని ప్రశ్నించారు. టీడీపీ నాయకులు చెప్పినట్లు అధికారులు నడుచుకోవడం ప్రజాస్వామ్యానికి విరుద్ధమన్నారు. గత వైఎస్సార్‌సీపీ ప్రభుత్వంలో పూర్తయిన ఐటీఐ, ఎంఎస్‌ఎంఈ భవనాలను ఇంత వరకు ప్రారంభించలేదన్నారు. పాలిటెక్నిక్‌ కళాశాల పనులను సైతం పట్టించుకోవడం లేదన్నారు. సీతారామాపురం, శంకరాపురం, ఎంబాయి, కనుమకింది కొట్టాల రహదారి పనులు రెండున్నరేళ్లుగా నిలిచిపోయినా పట్టించుకునే నాథుడే కరువయ్యాడన్నారు. ఎన్నికల్లో ఓటుతో బుద్ధి చెబుదాం.. రాబోయే స్థానిక సంస్థల ఎన్నికల్లో ఓటుతో టీడీపీ నేతలకు బుద్ధి చెప్పాలని పిలుపునిచ్చారు. వైఎస్సార్‌సీపీ నాయకులు, కార్యకర్తలు సమష్టిగా గడపగడపకు వెళ్లి చంద్రబాబు ప్రభుత్వ మోసాలను వివరించాలన్నారు. వైఎస్సార్‌సీపీ గుర్తింపు కార్డు ఉన్న కార్యకర్త ప్రమాదవశాత్తు మరణిస్తే రూ. 5 లక్షల బీమా సౌకర్యం కల్పిస్తున్నట్లు తెలిపారు. కార్యక్రమంలో నగర పంచాయతీ మాజీ చైర్మన్‌ చలంరెడ్డి, మాజీ ఎంపీపీ బుగ్గన నాగభూషణం రెడ్డి, వార్డు కౌన్సిలర్‌ చింతల నాగిరెడ్డి, వివిధ కార్పొరేషన్ల మాజీ డైరెక్టర్లు మూర్తుజావలీ, బాబురెడ్డి, ఖాజా హుసేన్‌, నాయకులు బుగ్గన చంద్రారెడ్డి, లక్ష్మిరెడ్డి, మురళీకృష్ణ, దస్తగిరి, భాస్కర్‌ రెడ్డి, శేఖర్‌, ఖాజా, సలీం, శాలిబేగ్‌, తిరుమలేశ్వర్‌ రెడ్డి, పిట్టల జాకీర్‌ పాల్గొన్నారు.

● జిల్లా వ్యాప్తంగా ఓటర్ల జాబితా ప్రకటన ● త్వరలో రిజర్వేషన్ల ఖరారు ● ఇక ప్రత్యక్ష పద్ధతిలో మున్సిపల్‌ చైర్మన్‌ ఎన్నిక నంద్యాల(అర్బన్‌): జిల్లాలో మున్సిపల్‌ ఎన్నికలకు అధికారులు సిద్ధమవుతున్నారు. నంద్యాల, నందికొట్కూరు, ఆత్మకూరు, ఆళ్లగడ్డ, డోన్‌, మున్సిపాలిటీలతో పాటు బేతంచెర్ల నగర పంచాయతీల్లో అధికారులు ఎన్నికల ఏర్పాట్లలో నిమగ్నమయ్యారు. ఎన్నికల కమిషన్‌ ఆదేశాల మేరకు మున్సిపాలిటీల్లో ఓటర్ల జాబితాను ప్రకటించడంతో పాటు ఇంటింటి సర్వే పూర్తి చేశారు. ఓటర్ల జాబితాకు సంబంధించి గత నెల 29, 30 తేదీల్లో క్‌లైయిమ్‌లు, అభ్యంతరాలను వార్డుల వారీగా క్రమబద్ధీకరించి, ఓటర్ల జాబితాను అప్‌డేట్‌ చేశారు. అక్టోబర్‌ 1న జిల్లాలోని అన్ని మున్సిపాలిటీల్లో ఎన్నికల వార్డులకు సంబంధించి ఎస్సీ, ఎస్టీ, మహిళా ఓటర్లు తుది ఎలక్టోరల్‌ జాబితాను ఫారం–6లో, బీసీ, ఓటర్ల తుది ఎలక్టోరల్‌ జాబితాను ఫారం–6లో ఆయా మున్సిపల్‌ కార్యాలయాలు, ఆర్‌డీఓ, తహసీల్దార్‌ కార్యాలయాల నోటీసు బోర్డుల్లో ప్రజల పరిశీలనార్థం ఉంచారు. అయితే అమరావతిలో మున్సిపాలిటీలా రిజర్వేషన్లు ఖరారు కానుండగా, వార్డుల రిజర్వేషన్‌ను కలెక్టరేట్‌లో నిర్వహించనున్నారు. ఈ నేపథ్యంలో రిజర్వేషన్ల ప్రక్రియపై నరస్వత్రా ఉత్కంఠ నెలకొంది. పెరిగిన వార్డుల ప్రక్రియలో భాగంగా ప్రధాన రాజకీయ పార్టీలు వార్డుల వారీగా గెలుపు గుర్రాల అన్వేషణలో తులమునకలై ఉన్నారు. ఇప్పటికే అధికార ప్రతిపక్ష పార్టీలు స్థానిక ఎన్నికలకు సంబంధించి ముఖ్య నేతలు, అనుబంధ కమిటీల నాయకులు ఔత్సాహికుల తో సమావేశాలు సమీక్షలు జోరుగా నిర్వహిస్తున్నారు. ప్రత్యక్ష పద్ధతిలో మున్సిపల్‌ చైర్మన్‌ ఎన్నిక... 2005 నుంచి మున్సిపల్‌ చైర్మన్‌ ఎన్నిక పరోక్ష పద్ధతిలో కొనసాగుతూ వస్తుంది. మెజార్టీ కౌన్సిలర్లు అందరూ కలిసి చైర్మన్‌ను ఎన్నుకునే విధానం అమలులో ఉండేది. ఈ సారి మున్సిపల్‌ ఎన్నికల్లో చైర్మన్‌ ఎన్నిక ప్రత్యక్ష పద్ధతిలో జరగనుంది. వార్డు కౌన్సిలర్‌ అభ్యర్థులతో పాటు చైర్మన్‌ అభ్యర్థులు కూడా నేరుగా ప్రజల్లోకి వెళ్లి ప్రచారం నిర్వహించాల్సి ఉంటుంది. ప్రత్యక్ష పద్ధతిలో ఎన్నికై న చైర్మన్‌పై అవిశ్వాస తీర్మానం విషయంలో వెసులుబాటు ఉండకపోవడంతో మున్సిపాలిటీలో స్థిరమైన పాలనకు అవకాశం ఉంటుందని రాజకీయ వర్గాలు భావిస్తున్నాయి. కౌన్సిలర్‌ అభ్యర్థులకు కష్టాలు.. మున్సిపల్‌ ఎన్నికల్లో కౌన్సిలర్‌గా పోటీ చేయాలనుకునే అభ్యర్థులకు కొత్త సవాల్‌ ఎదురవుతున్నారు. వార్డుల పునర్విభజన ఇందుకు ప్రధాన కారణంగా మారింది. ఏ వార్డు ఏ ప్రాంతంలో ఉందో, ఆయా ఓటర్లు ఎక్కడ నివసిస్తున్నారో గుర్తించి వారి ఇళ్లకు వెళ్లి ప్రచారం నిర్వహించడం అభ్యర్థులకు కత్తిమీద సాములా మారనుంది. మున్సిపాలిటీ ఓటర్లు పోలింగ్‌ పెరిగిన నంద్యాల 1,99,238 217 42-52 ఆళ్లగడ్డ 35,452 64 27-32 నందికొట్కూరు 36,332 53 29-32 ఆత్మకూరు 35,705 49 24-32 డోన్‌ 52,176 78 32-36 బేతంచెర్ల 31,285 56 20-28మహిళలే మహరాణులు.. నంద్యాల జిల్లాలోని నంద్యాల, నందికొట్కూరు, ఆత్మకూరు, ఆళ్లగడ్డ, డోన్‌ మున్సిపాలిటీలతో పాటు బేతంచెర్త నగర పంచాయతీలో కూడా మహిళా ఓటర్లు అధికంగా ఉన్నారు. ఆరు మున్సిపాలిటీల పరిధిలో మొత్తం 3,09,188 మంది ఓటర్లు ఉండడా అందులో 2,01,597 మంది మహిళా ఓటర్లు ఉన్నారు. పురుష ఓటర్లు 1,88,416 మంది మాత్రమే ఉన్నారు. మొత్తం 5 మున్సిపాలిటీలు, ఓ నగర పంచాయతీలో కూడా మహిళా ఓటర్లే అధికంగా ఉండటం విశేషం. కీలకం కానున్న రిజర్వేషన్లు... మున్సిపాలిటీల్లో వార్డుల సంఖ్య పెరగడంతో భౌగోళిక స్వరూపాలు, హద్దులు మారాయి. పునర్విభిజనతో రిజర్వేషన్లు కూడా మారనున్నారు. జనాభా ప్రాతిపతికన చైర్మన్‌ పదవితో పాటు వార్డుల్లో కూడా రిజర్వేషన్లు ఖరారు చేయనున్నారు. వార్డుల సంఖ్య పెరగడంతో వివిధ పార్టీల ఆశావాహులు పురపోరులో తమ అదృష్టాన్ని పరీక్షించుకునేందుకు ఇప్పటి నుంచే ప్రయత్నాలు ముమ్మరం చేస్తున్నారు. ప్రధాన పార్టీల నుంచి టికెట్లు దక్కించుకునేందుకు ఆశావాహులు అధిష్టానాల చుట్టూ ప్రదిక్షణ చేస్తున్నారు. జిల్లాలోని అన్ని మున్సిపాలిటీల్లో ఇప్పటికే ఎన్నికల వాతావరణం వేడెక్కింది.

● కర్నూలు మార్కెట్‌ యార్డుకు భారీగా తగ్గిన వ్యవసాయ ఉత్పత్తులుకర్నూలు(అగ్రికల్చర్‌): కరువు ప్రభావం కర్నూలు వ్యవసాయ మార్కెట్‌ యార్డుపై స్పష్టంగా కనిపిస్తోంది. గతేడాదితో పోలిస్తే ఈ ఏడాది సెప్టెంబరు నెలలో మార్కెట్‌ వ్యవసాయ ఉత్పత్తులు రావడం గణనీయంగా తగ్గిపోయింది. ఇందుకు ఎల్‌నినో కారణంగా ఉత్పన్నమైన కరువు పరిస్థితులే. మామూలుగా అయితే మార్కెట్‌ యార్డులు ఆగస్టు రెండో పక్షం నుంచి వ్యవసాయ ఉత్పత్తులతో కిటకిటలాడుతాయి. ఉల్లి గడ్డలకు పాత, కొత్త మార్కెట్‌లు కూడా సరిపోయేవి కావు. ఈ సారి మాత్రం మార్కెట్‌ యార్డులోని రోడ్లు, షెడ్లు వెలవెలబోతున్నాయి. గతేడాది సెప్టెంబరు నెలలో మార్కెట్‌కు అన్ని రకాల వ్యవసాయ ఉత్పత్తులు 1,78,382 క్వింటాళ్లు వచ్చాయి. ఈ సారి సెప్టెంబరు నెలలో 47,638 క్వింటాళ్లు మాత్రమే వచ్చాయి. గతేడాదితో పోలిస్తే ఈ సారి సెప్టెంబరులో 1,30,744 క్వింటాళ్లు తగ్గాయి. వచ్చిన ఉత్పత్తుల క్రయవిక్రయాలు మధ్యాహ్నానికే పూర్తవుతుండటంతో మార్కెట్‌ ఖాళీగా కనిపిస్తోంది. ఉల్లిగడ్డలతో సహా వేరుశనగ, ఆముదం, వాము, మొక్కజొన్న, సజ్జ, మినుములు తదితర పంటలు తూతూమంత్రంగా వస్తున్నాయి. మార్కెట్‌కు వ్యవసాయ ఉత్పత్తులు తగ్గడంతో ఒకశాతం ఫీజు ద్వారా వచ్చే ఆదాయం కూడ పడిపోతోంది. మార్కెట్‌ కమిటీలకు వచ్చే ఆదాయాన్ని బట్టి సంక్షేమ కార్యక్రమాలు ఉంటాయి. ఆదాయం పడిపోతుండటంతో సంక్షేమ కార్యక్రమాలు కూడా తగ్గిపోయే ప్రమాదం ఏర్పడింది.

శ్రీశైలంటెంపుల్‌: శ్రీభ్రమరాంబా మల్లికార్జున స్వామిఅమ్మవార్ల దర్శనానికి వేలాది మంది భక్తులు బారులు తీరారు. శనివారం సెలవు రోజును పురస్కరించుకుని ఉభయ తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం వేలాది మంది భక్తులు తరలివచ్చారు. వేకువజామునే పాతాళగంగలో పుణ్యస్నానాలు ఆచరించి మల్లన్న దర్శనానికి క్యూలైన్లలో బారులు తీరారు. దీంతో ఉచిత, శీఘ్ర, అతిశీఘ్ర దర్శన క్యూలైన్లు నిండిపోయాయి. క్యూకంపార్ట్‌మెంట్లలో భక్తులకు పాలు, తాగునీరు, అల్పాహారం, ప్రసాదం పంపిణీ చేశారు. శ్రీశైలంటెంపుల్‌: ఆరుద్రోత్సవాన్ని పురస్కరించుకుని శనివారం శ్రీభ్రమరాంబా మల్లికార్జున స్వామిఅమ్మవార్లకు స్వర్ణరథోత్సవం నిర్వహించారు. వేకువజామున స్వామివారికి మహాన్యాసపూర్వక ఏకాదశ రుద్రాభిషేకం, అన్నాభిషేకం, విశేషపూజలు చేశారు. లోకకల్యాణాన్ని కాంక్షిస్తూ సంకల్పాన్ని పఠించారు. అనంతరం రథారూఢులైన శ్రీస్వామిఅమ్మవార్లకు విశేషపూజలు జరిపించారు. ఉదయం 7.30 గంటలకు స్వర్థరథోత్సవం ప్రారంభమైంది. ఉత్సవంలో కోలాటం, తాళం భజన, డోలు వాయిద్యం, చెక్కభజన మొదలైన జానపద కళారూపాలు ఏర్పాటు చేశారు. స్వర్ణరథోత్సవంలో శ్రీశైల దేవస్థాన కార్యనిర్వహణాధికారి ఎం.శ్రీనివాసరావు దంపతులు, ఆలయ ఏఈవో వెంకటేశ్వరరావు, అర్చకులు, వేదపండితులు, పలు విభాగాల అధికారులు, అధికసంఖ్యలో భక్తులు పాల్గొన్నారు. రేపటి నుంచి ఎస్‌ఏ–2 పరీక్షలు నంద్యాల(న్యూటౌన్‌): జిల్లాలో 2026–27 విద్యా సంవత్సరానికి సంబంధించి స్వీయ మూల్యాంకన నమూనా పేపర్‌–2 (ఎఫ్‌–2) పరీక్షలు సోమవారం నుంచి ప్రారంభం కానున్నాయి. జిల్లా విద్యాశాఖాధికారి జనార్ధన్‌రెడ్డి శనివారం షెడ్యూల్‌ జారీ చేశారు. ప్రాథమిక పాఠశాలల్లోని విద్యార్థులకు ఈ నెల 5న ఉదయం తెలుగు, మధ్యాహ్నం గణితం, 6న ఉదయం ఇంగ్లిష్‌, మధ్యాహ్నం పర్యావరణ శాస్త్రం, 7న ఉదయం ఓఎస్‌ఎస్సీ పరీక్షలు నిర్వహించనున్నారు. ఉదయం 9.30 నుంచి 10.45 గంటల వరకు, మధ్యాహ్నం పరీక్షలు 1.15 నుంచి 2.30 గంటల వరకు జరుగుతాయి. హైస్కూళ్లలో విద్యార్థులకు 5న తెలుగు, గణితం, 6న హిందీ, సాధారణశాస్త్రం, భౌతిక శాస్త్రం, 7న ఇంగ్లిష్‌, సామాజిక శాస్త్రం పరీక్షలు నిర్వహిస్తారు. 8న జీవశాస్త్రం, ఓఎస్‌ఎస్సీ పరీక్షలు ఉంటాయి. 6, 7, 8 తరగతులకు ఉదయం 9.30 నుంచి 10.45 గంటల వరకు, 11 నుంచి 12.15 గంటల వరకు, మధ్యాహ్నం 1.15 నుంచి 2.30 గంటల వరకు, 2.45 నుంచి 4 గంటల వరకు పరీక్షలు నిర్వహించేలా సమయాలను నిర్ణయించారు. 9, 10 తరగతులకు కూడా ఆయా సబ్జెక్టుల వారీగా సమయాలను కేటాయించారు.

నెలకు రూ. 2లక్షల ఖర్చుపోటీలకు సిద్ధంగా ఉన్న కోడెవిజయ నామంతో పాణ్యం: బండలాగుడు పందెంలో బీఎస్‌ఎస్‌ఆర్‌ ఎద్దులు రంగంలోకి దిగితే మొదటి లేదంటే రెండో బహుమతి రావాల్సిందే. ఉమ్మడి రాష్ట్రంలోనే కాదు కర్ణాటకతో పాటు ఇతర ప్రాంతాల్లో ఇవి తమ ప్రతిభను చూపుతున్నాయి. పాణ్యం మండలం ఎస్‌. కొత్తూరు గ్రామానికి చెందిన బీరం కుటుంబ సభ్యులు 17 సంవత్సరాలుగా వీటిని పోషిస్తున్నారు. ప్రతి నెలా లక్షల రూపాయలు ఖర్చు వస్తున్నా వెనకడుగు వేయకుండా వీటి బలాన్ని, ఔన్నత్యాన్ని అందరికీ చూపుతున్నారు. 2009 నుంచి ప్రారంభం.. ఎస్‌. కొత్తూరు గ్రామానికి చెందిన బీరం శేషారెడ్డి, బీరం రాజేశ్వరిలకు ఇద్దరు కుమారులు బీరం సుధాకర్‌రెడ్డి, బీరం సుబ్రహ్మణ్యేశ్వరరెడ్డి ఉన్నారు. ఇటీవలే గ్రామ సర్పంచ్‌గా బీరం రాజేశ్వరి పదవీకాలం ముగిసింది. గ్రామంలో పెద్ద వ్యవసాయ కుటుంబంగా పేరొందిన వీరు పోటీ ఎద్దులను పెంచడం ప్రారంభించారు. తొలుత 2009లో మిడుతూరు మండలం తర్తూరు గ్రామంలో జరిగిన సంతలో పాలపండ్ల సైజు ఎద్దులను రూ. 1.55 లక్షలకు కొనుగోలు చేశారు. అదే సంవత్సరం ఓంకార క్షేత్రంలో జరిగిన పాలపండ్ల సైజు పోటీల్లో ఈ ఎద్దులు పాల్గొని నాలుగో స్థానంలో నిలిచాయి. తర్వాత చింతకుంట్ల జనార్దన్‌రెడ్డి వద్ద ఎద్దులను రూ.2.40 లక్షకు కోనుగోలు చేసి పాలపండ్ల సైజు పోటీలు ఎక్కడ జరిగినా అక్కడికి వెళ్లేవారు. వెళ్లిన ప్రతి చోటా ఎద్దులు విజయం సాధించేవి. ఈ నేపథ్యంలో 2014 తర్వాత బాపట్ల జిల్లా ముత్తాయిపల్లె గ్రామంలో రూ.8 లక్షలతో వృషభాలను కొనుగోలు నిరంతరంగా బండలాగుడు పోటలకు వెళ్తున్నారు. రణ రాకతో అన్నీ విజయాలే! బీఎస్‌ఎస్‌ఆర్‌ ఎద్దుల్లో రణ విజయానికి మారుపేరుగా మారింది. దీనిని బండిఆత్మకూరు మండలం చలిమెల గ్రామంలో రూ. 5.30 లక్షలతో కొనుగోలు చేశారు. ఈ ఎద్దు వచ్చినప్పటి నుంచి పోటీల్లోకి వెళ్లిన ప్రతిసారీ మొదటి బహుమతి వచ్చేది. ఈ ఎద్దును చూసి ఒంగోలు జాతి పశుపోషకులు ఆశ్చర్యపోయారు. మొత్తం 60 రోజుల్లో 52 పోటీల్లో పాల్గొనగా 52 స్థానాల్లో మొదటిస్థానంలో విజయం సాధించి పెట్టింది. దీనికి అండగా వల్లూరు గ్రామంలోని మరో వృషభాన్ని రూ. 4.40 లక్షలకు కొన్నారు. దానిని గుణగా పిలుస్తున్నారు. రెండు రోజులకోసారి బ్యాటా! పందెం ఉన్నా.. లేకున్నా.. రెండు రోజులకోసారి (బ్యాటా) వేస్తారు. పాలపండ్ల ఎద్దులకు 18 నిమిషాలు, క్యాటగిరీ వృషభాలకు 25 నిమిషాలు కేటాయిస్తారు. ఎద్దు నడక, దాని ఆహార్యం, బండలాగేటప్పుడు వేసే అడుగులను క్షుణ్ణంగా పరిశీలిస్తారు. శిక్షణ సమయంలో ఏడుగురు వీటి వెంట తిరుగుతారు. గత కొన్నేళ్లుగా బండిఆత్మకూరు మండలం ఏ కోడూరుకు చెందిన చాటంటి నాగేశ్వరరెడ్డి సారథిగా(డ్రైవర్‌గా) వ్యవహరిస్తున్నారు. శిక్షణలోనైనా, పందెంలోనైనా ఆయన తప్పనిసరిగా ఉంటారు. ప్రతీ ఏడాది 80 నుంచి 100 పోటీల్లో ఎద్దులు పాల్గొంటున్నాయి. ఒంగోలు జాతి గుర్తింపు ఇలా.. ఒంగోలు జాతి ఎద్దులను కొనే వారు ఆనవాళ్లను పరిశీలిస్తారు. మోకాలు వద్ద నలుపు ఉందో లేదో చూస్తారు. పేడ వేసే వద్ద నలుపు కనిపించాలి. నాలుక, ముక్కు వద్ద నలుపు పరిశీలిస్తారు. నడక, మోపు చూసిన తర్వాతే ఒంగోలు జాతి అని నిర్ధారణకు వస్తారు. ఇతర రాష్ట్రాల్లోనూ జయకేతనం ఎస్‌. కొత్తూరు బీఎస్‌ఎస్‌ఆర్‌ ఎద్దులు ఉమ్మడి రాష్ట్రంలోనే కాకుండా కర్ణాటకలోనూ విజయం సాధిస్తున్నాయి. కర్ణాటకలో ప్రతి ఏరువాక పౌర్ణమి రోజు నిర్వహించే బండలాగుడు పోటీల్లో పాల్గొని ప్రథమ స్థానంలో నిలుస్తున్నాయి. కృష్ణాజిల్లా గుడివాడ, విజయనగరంతో పాటు తెలంగాణ రాష్ట్రంలోని పలు ప్రాంతాల్లో పోటీలో పాల్గొని పేరు గడించాయి. రాష్ట్రస్థాయిలో బీఎస్‌ఎస్‌ఆర్‌ ఎద్దులకు ప్రత్యేక గుర్తింపు బండలాగుడు పోటీల్లో వీటిదే విజయం ఎస్‌. కొత్తూరులో నాలుగు జతల వృషభాలు వీటి పోషణకు ప్రతి నెలా రూ.లక్ష ఖర్చు అనుభవం కలిగిన సారథితో తర్ఫీదు

● జిల్లా కలెక్టర్‌ రాజకుమారినంద్యాల(న్యూటౌన్‌): అనాథ పిల్లలకు ఆధార్‌కార్డులు ఇవ్వాలని, ఈ ప్రక్రియపై ప్రత్యేక దృష్టి పెట్టాలని అధికారులను జిల్లా కలెక్టర్‌ రాజకుమారి ఆదేశించారు. కలెక్టరేట్‌లోని వీడియో కాన్ఫరెన్స్‌ హాల్‌లో శనివారం జిల్లా స్థాయి ఆధార్‌ మానిటరింగ్‌ కమిటీ సమావేశం నిర్వహించారు. ఈ సందర్భంగా జిల్లా కలెక్టర్‌ మాట్లాడుతూ.. చెంచు గూడేల్లో పెండింగ్‌లో ఉన్న ఆధార్‌ నమోదును వేగవంతం చేయాలన్నారు. జిల్లాలో పెండింగ్‌లో ఉన్న 52 వేల ఎంబీయూలను దశలవారీగా పూర్తిచేయాలన్నారు. నకిలీ ఆధార్‌ కార్డుల తయారీ, తప్పుడు ధవపత్రాల ఆధారంగా ఆధార్‌ పొందే ప్రయత్నాలను కట్టడి చేయాలని అధికారులను ఆదేశించారు. ఇంటర్మీడియట్‌ స్థాయిలో పెండింగ్‌లో ఉన్న అపార్‌ ఐడీ నమోదులను యుద్ధప్రాతిపదికన పూర్తి చేయాలన్నారు. సమావేశంలో అదనపు ఎస్పీ ఖాదర్‌ బాషా, యూఐడీఐ రీజినల్‌ మేనేజర్‌ జావీద్‌, స్వర్ణ వార్డు, స్వర్ణ గ్రామ అధికారి లలితాబాయి, ఐసీడీఎస్‌ పీడీ లీలావతిదేవి, ఎల్‌డీఎం అయ్యపురెడ్డి, డీఎంహెచ్‌ఓ శారదాబాయి, డీఎల్‌డీఓ శివారెడ్డి, జీఎస్‌డబ్ల్యూఎస్‌ కోఆర్డినేటర్‌ ఖాదర్‌ బాషా తదితరులు పాల్గొన్నారు.

కృష్ణగిరి: వర్షాలు కురిసి 15 రోజులు కావస్తున్నా పంటల్లో ఎలాంటి ఎదుగుదల లేకపోవడంతో రైతులు పంటలను తొలగిస్తున్నారు. మండల పరిధిలోని బాపనదొడ్డి గ్రామంలో శుక్రవారం గ్రామానికి చెందిన కృష్ణ ఐదు ఎకరాల్లో సాగు చేసిన ఆముదం పంటను ట్రాక్టర్‌తో దున్నేశారు. ఇదే రైతు గతేడాది తన పొలంలో లక్షలకు లక్షలు ఖర్చు పెట్టి ఆరటి సాగు చేయగా పంట చేతికొచ్చే సరికి కేజీ రూ.5లకు అడగటంతో పంటను ఈ యేడాది మార్చి నెలలో తొలగించారు. అప్పులు మూట కట్టుకుని మే నెల చివరల్లో ఆముదం పంట సాగు చేస్తే ఇప్పుడు కూడా కోలుకోలేని విధంగా నష్టపోవడం గమనార్హం.

నంద్యాల(అర్బన్‌): మహనీయులు మహాత్మా గాంధీ, లాల్‌ బహదూర్‌ శాస్త్రి స్ఫూర్తితో దేశాభివృద్ధిలో భాగస్వాములవుదామని రాష్ట్ర న్యాయ, మైనారిటీ సంక్షేమ శాఖ మంత్రి ఎన్‌ఎండీ ఫరూక్‌, జిల్లా కలెక్టర్‌ రాజకుమారి అన్నారు. మహాత్మా గాంధీ జయంతి సందర్భంగా శుక్రవారం నంద్యాల పట్టణం గాంధీ చౌక్‌ సర్కిల్‌లోని ఆయన విగ్రహానికి మంత్రి, కలెక్టర్‌ పూలమాలలు వేసి ఘనంగా నివాళులర్పించారు. ఈ సందర్భంగా మంత్రి ఫరూక్‌ మాట్లాడుతూ.. సత్యం, శాంతియుత పోరాటం, జాతి సమైక్యత వంటి విలువలను సమాజానికి అందించిన మహాత్మా గాంధీ జీవితం ప్రతి ఒక్కరికీ ఆదర్శమన్నారు. ఆయన చూపిన పోరాట పటిమ, శాంతియుత మార్గం అనుసరణీయ మన్నారు. జిల్లా కలెక్టర్‌ రాజకుమారి మాట్లాడుతూ.. జిల్లా వ్యాప్తంగా మహాత్మా గాంధీ, లాల్‌ బహదూర్‌ శాస్త్రి జయంతి వేడుకలను ఘనంగా నిర్వహిస్తున్నట్లు తెలిపారు. ప్రపంచంలోని అనేక దేశాలు యుద్ధాలు, హింసాత్మక పోరాటాల ద్వారా స్వాతంత్య్రాన్ని సాధించినప్పటికీ, భారతదేశంలో మహాత్మా గాంధీ సత్యం, శాంతి, అహింసలను ఆయుధాలుగా చేసుకుని స్వాత ంత్య్ర ఉద్యమాన్ని నడిపించారన్నారు. ప్రజలను ఏకతాటిపైకి తీసుకువచ్చి బ్రిటిష్‌ పాలనకు వ్యతిరేకంగా అహింసాయుత పోరాటాన్ని బలోపేతం చేశారన్నారు. దేశ రక్షణలో సైనికుడి పాత్రతో పాటు దేశ ఆహార భద్రతలో రైతు ప్రాధాన్యతను గుర్తించి ‘జై జవాన్‌ – జై కిసాన్‌’ నినాదాన్ని అందించారన్నారు.

ఆస్పరి: మండలంలోని శంకరబండ గ్రామానికి చెందిన రైతు అనిల్‌ కుమార్‌ శుక్రవారం పత్తి పైరును కూలీలతో పీకేయించారు. వర్షాభావ పరిస్థితులతో పత్తి పైరులో ఎదుగుదల లేక రెండు రోజుల నుంచి పీకేస్తునట్లు చెప్పారు. తనకున్న నాలుగు ఎకరాల్లో రూ 1.20లక్షల పెట్టుబడితో పత్తి సాగు చేశానన్నారు. విత్తనం వేసినప్పటి నుంచి వర్షాలు లేకపోవడంతో పైరులో ఎదుగుదల లోపించిందన్నారు. నాలుగు ఎకరాల్లో పత్తి కోత కోస్తే కేవలం 30కేజీల దిగుబడి మాత్రమే వచ్చిందన్నారు. తెచ్చుకున్న అప్పులు ఎలా తీర్చాలోనని ఆవేదన వ్యక్తం చేశారు.

గతేడాది నేను 8 ఎకరాలు మొక్కజొన్న, 4 ఎకరాలు వరి పంటను సాగు చేశాను. ఈ ఏడాది తీవ్ర వర్షాభావ పరిస్థితులతో సాగు వైపు సాహసం చేయలేకపోయాను. సాగునీటి కాల్వలకు నీరు వదలక పోవడంతో కొందరు పంటలు వేసి నష్టపోయారు. ప్రభుత్వం స్పందించి సంజామల మండలాన్ని కరువు ప్రాంతంగా ప్రకటించి ఆదుకోవాలి. –పేరం వెంకటేశ్వర్‌ రెడ్డి,రైతు ఆకుమల్ల గ్రామం దేవనకొండలో ఎండిపోయిన వేరుశనగ పొలంసీ బెళగల్‌లో నెర్రలిచ్చిన వరిపొలంకర్నూలు(అగ్రికల్చర్‌): ఊహించినట్లుగా కరువు మండలాలను ప్రకటించడంలో చంద్రబాబు సర్కార్‌ వివక్ష చూపింది. ప్రభుత్వం ప్రకటించిన కరువు మండలాల జాబితాలో తమ మండలాలకు స్థానం దక్కకపోవడం పట్ల రైతుల్లో ఆందోళన వ్యక్తమవుతోంది. జిల్లాలో కేవలం 15 మండలాలను మాత్రమే కరువు ప్రాంతాలుగా ప్రకటించే అవకాశం ఉందని ‘సాక్షి’లో గత సెప్టెంబర్‌ 23న ‘కరువును కప్పిపుచ్చే కుట్రలు’ శీర్షికన కథనం ప్రచురితమైంది. ఈ అనుమానాలను నిజం చేస్తూ రాష్ట్ర ప్రభుత్వం యథావిధిగా ఉత్తర్వులు జారీ చేసింది. కర్నూలు జిల్లాలో 12 మండలాలు, నంద్యాల జిల్లాలో సంజామల మండలంలో కరువు విలయతాండవం చేస్తున్నా సాధారణ పరిస్థితులు ఉన్నాయని ప్రభుత్వం పూర్తిగా పక్కన పెట్టేసింది. ఉమ్మడి జిల్లాల్లోని అన్ని మండలాలను దిగుబడి లాస్‌ కింద కరువు ప్రాంతాలుగా ప్రకటించాలని జిల్లా కలెక్టర్లు నివేదక పంపినప్పటికీ ప్రభుత్వం పెడచెవిన పెట్టడం గమనార్హం. ఈ విషయంలో టీడీపీ ప్రజాప్రతినిధులు నోరు మెదపకపోవడం రైతులకు శాపంగా మారుతోంది. తాగడానికి నీళ్లు లేవు.. మేత కరువు కర్నూలు జిల్లాలో 12, నంద్యాల జిల్లాలో ఒక మండలాన్ని కరువు మండలంగా గుర్తించకపోవడంతో రైతులు టీడీపీ ప్రజాప్రతినిధుల పట్ల తీవ్ర ఆగ్రహంతో ఉన్నారు. నంద్యాల జిల్లాలో 26 మండలాలను తీవ్ర కరువు మండలాలుగా.. కొలిమిగుండ్ల, చాగలమర్రి మండలాలను మధ్యస్త కరువు మండలాలుగా గుర్తించింది. సంజామల మండలంలో సాధారణ పరిస్థితులు ఉన్నాయనే కారణంతో ప్రభుత్వం పక్కన పెట్టింది. వాస్తవంగా కర్నూలు, నంద్యాల జిల్లాల్లోని అన్ని మండలాల్లో కరువు తీవ్రంగా ఉంది. తాగడానికి నీళ్లు లేవు, పశువులకు మేత కరువైంది. పంటల్లో దిగుబడులు 90 శాతం పైగా పడిపోయింది. అయినప్పటికీ కరువు మండలాలను గుర్తించడంలో ప్రభుత్వం నిర్లక్ష్యాన్ని చాటుకుంది. బీమా ప్రీమియం మట్టిలోకి! కూటమి ప్రభుత్వం కరువు రీత్యా అన్నదాతలు బీమా చేసుకోవాలని సూచించింది. ప్రభుత్వ మాటలు నమ్మి రైతులు బీమా ప్రీమియం చెల్లించారు. ఉమ్మడి జిల్లాల్లో రూ.200 కోట్ల మేర రైతన్నలు ప్రీమియం చెల్లించారు. కర్నూలు జిల్లాలో రూ.95.89 కోట్ల బీమా ప్రీమియం కట్టించుకున్నారు. ఈ పరిస్థితుల్లో కరువు మండలాలుగా ఎంపిక కాని ప్రాంతాల్లో రైతులు చెల్లించిన బీమా ప్రీమియం మట్టిలో కలిసినట్లేననే చర్చ జరుగుతోంది. ఇందుకు ప్రత్యక్షంగా ప్రభుత్వమే కారణమవుతోంది. కరువు జాబితాలో ఆదోని మండలం–2 పేరు లేకపోవడం బాధ కలిగిస్తోంది. జూన్‌ నెల నుంచి ఇప్పటివరకు వర్షాలు లేకపోవడంతో దాదాపు నాలుగు ఎకరాల్లో సాగుచేసిన పత్తి పంట పూర్తిగా ఎండిపోయింది. పంటకు పెట్టుబడిన పెట్టుబడి రూ.1.20 లక్షలు మట్టిపాలయ్యింది. ఆదుకోవాల్సిన ప్రభుత్వం మా మండలానికి మొండిచేయి చూపడం దారుణం. – రాగప్ప, కడితోట గ్రామం, ఆదోని మండలం–2 71.4 మి.మీ లోటు వర్షపాతం ఉన్నా కరువు లేదట జూన్‌ నుంచి ఆగస్టు వరకు పరిస్థితులను పరిగణనలోకి తీసుకొని ప్రభుత్వం కరువు మండలాలను ప్రకటించింది. ఆస్పరి మండలంలో సాధారణ వర్షపాతం 278.1 మిమీ ఉండగా.. 79.6 మి.మీ మాత్రమే నమోదైంది. 71.4 శాతం లోటు వర్షపాతం ఉంది. ఈ మండలంలో రెండు డ్రైస్పెల్‌లు ఉన్నాయి. దిగుబడి 75 శాతంపైగా పడిపోయింది. అయినప్పటికీ కరువు మండలంగా గుర్తించేందుకు ప్రభుత్వానికి మనసొప్పలేదు. 13 మండలాలకు మొండిచేయి

డోన్‌: స్థానిక సంస్థల ఎన్నికల్లో ఓటమి భయంతోనే టీడీపీ నేతలు, నాయకులు ఏకగ్రీవాల జపం చేస్తున్నారని, ప్రజాస్వామ్య ఎన్నికలంటే టీడీపీ నేతల్లో వణుకు మొదలైందని మాజీ మంత్రి బుగ్గన రాజేంద్రనాథ్‌రెడ్డి అన్నారు. డోన్‌లో శుక్రవారం ఆయన తన స్వగృహంలో పార్టీ క్రియాశీల కార్యకర్తలకు ఐడీ కార్డులు పంపిణీ చేశారు. ఈ సందర్భంగా మాట్లాడుతూ పోలీసు యంత్రాంగాన్ని అడ్డుపెట్టుకొని వైఎస్సార్‌సీపీ కార్యకర్తలను భయపెట్టి స్థానిక సంస్థల్లో లబ్ధి పొందాలని టీడీపీ నేతలు పగటి కలలు కంటున్నారన్నారు. గత ఎన్నికల్లో ఇచ్చిన హామీల్లో ఏ ఒక్కటీ నెరవేర్చకుండా ప్రజల ముందుకు వెళ్లి ఓట్లు అడిగే దమ్ము టీడీపీ నేతలకు లేదన్నారు. ప్రజలకు ఏమి మేలు చేశారని తమ ముఖం చూపుతారని ప్రశ్నించారు. టీడీపీ నేతలకు దమ్మూ ధైర్యం ఉంటే స్థానిక ఎన్నికల్లో ప్రజాస్వామ్య బద్ధంగా పోటీలో నిలవాలని సవాల్‌ విసిరారు. వైఎస్సార్‌సీపీ కోసం నిరంతరం శ్రమించే కార్యకర్తల సంక్షేమాన్ని దృష్టిలో ఉంచుకొని తమనేత వైఎస్‌ జగన్‌మోహన్‌రెడ్డి రూ.5లక్షల ప్రమాద బీమా చేపట్టారన్నారు. పార్టీ అభ్యున్నతికి శ్రమించే కార్యకర్తలకు భవిష్యత్‌లో కీలక పదవులు లభిస్తాయన్నారు. వచ్చే ఎన్నికల్లో విజయం సాధిస్తే నామినేటెడ్‌ పదవుల్లో సింహభాగం కార్యకర్తలకే దక్కుతాయన్నారు.

పాణ్యం: గత నెల 22వ తేదీన గోరుకల్లు రిజర్వాయర్‌ గేటును ఎత్తి ప్రజల ఆస్తికి నష్టం కలిగించిన ఘటనపై శుక్రవారం నంద్యాల ఏఎస్పీ సుస్మిత విచారణ చేపట్టారు. ముందుగా పాణ్యం పోలీసుస్టేషన్‌లో సంఘటనకు గల కారణాలపై పోలీసులు సేకరించిన సమాచారాన్ని అడిగి తెలుసుకున్నారు. అనంతరం గోరుకల్లు జలాశయం గేట్లను పరిశీలించారు. ఈ సందర్భంగా గేట్లు ఎత్తే సమయంలో విధుల్లో ఎవరు ఉన్నారు, ఏ సమయంలో గేటు తెరుచుకుంది, గేటు ఆపరేటింగ్‌ ఎలా చేశారు, సకాలంలో అధికారుల స్పందన తదితర అంశాలపై క్షుణ్ణంగా అధికారులను అడిగి తెలుసుకున్నారు. త్వరలోనే విచారణ పూర్తి చేస్తామన్నారు. ఇందుకు సంబంధించి క్లూస్‌ టీం విచారణ ఫోన్‌ కాల్‌ డేటా వివరాలు ఇతర విచారణ అంశాలను వేగంగా చేపడుతున్నట్లు తెలిపారు. ఆమె వెంట సీఐ కిరణ్‌కుమార్‌రెడ్డి, ఎస్‌ఐ నరేంద్రకుమార్‌రెడ్డి ఉన్నారు. మంత్రాలయంలో భక్తుల రద్దీ మంత్రాలయం: ప్రముఖ ఆధ్యాత్మిక కేంద్రానికి భక్తులు పోటెత్తారు. శుక్ర, ఆదివారాలు సెలవులు కావడంతో భక్తుల వేలాదిగా తరలివస్తున్నారు. కర్ణాటక, తమిళనాడు, తెలుగు రాష్ట్రాల నుంచి భక్తులు ఎక్కువ సంఖ్యలో వచ్చారు. భక్తుల రాకతో శ్రీమఠం మధ్వ కారిడార్‌ సందడిగా కనిపించింది. రాఘవేంద్రుడి దర్శనానికి రెండు గంటల సమయం పట్టింది. అన్నపూర్ణ భోజనశాల, పరిమళ ప్రసాదం కౌంటర్లు, మంచాలమ్మ, రాఘవేంద్రుల దర్శన క్యూలైన్లు కిక్కిరిశాయి. భక్తులు మంచాలమ్మ, రాఘవేంద్రుల బృందావనం దర్శనం చేసుకుని ఉత్సవమూర్తి ప్రహ్లాదరాయల వెండి, స్వర్ణ రథోత్సవాల్లో పాల్గొన్నారు. హంద్రీలో ఆగని ఇసుక దందా! గోనెగండ్ల: హంద్రీ నది నుంచి ఇసుక అక్రమ రవాణా రాత్రీ పగలు తేడా లేకుండా నిర్విరామంగా కొనసాగుతోంది. ఒక ట్రాక్టర్‌ ఇసుకను రూ.4వేల నుంచి రూ.5 వేలకు అమ్ముకొని సొమ్ము చేసుకుంటున్నారు. రాష్ట్ర ప్రభుత్వం చెప్పిన ఉచిత ఇసుక పథకం ఎక్కడా కనిపించడం లేదు. గోనెగండ్ల మండలంలో 28 గ్రామాలు ఉన్నాయి. గంజిహళ్లి, హెచ్‌. కై రవాడి, పుట్టపాశం, వేముగోడు, తిప్పనూరు గ్రామాల మీదుగా వెళ్లే హంద్రీనదిలో మాత్రమే ఇసుక దొరుకుతోంది. ఆయా గ్రామాలకు తాగునీటి కోసమని హంద్రీనది సమీపంలో వేసిన బోర్ల ద్వారానే నీటిని సరఫరా చేస్తున్నారు. ఇసుకను అక్రమంగా తరలిస్తుండడంతో భూగర్భ జలాలు అడుగంటి తాగునీటి సమస్య ఎదురువుతోందని గ్రామస్తులు ఆవేదన వ్యక్తం చేస్తున్నారు. పుట్టపాశం గ్రామ సమీపంలోని హంద్రీనది నుంచి అక్రమంగా ఇసుక తరలిస్తున్న ట్రాక్టర్‌ను రెండు రోజుల క్రితం మైనింగ్‌ అధికారులు పట్టుకున్నారు. పగటి పూట బహిరంగంగా ఇసుక తరలిస్తున్నా, అధిక ధరలకు అమ్ముతున్నా అధికారులు ఏ మాత్రం పట్టించుకోవడం లేదు. అహోబిలం ఫొటో గ్రాఫర్‌కు జాతీయ స్థాయి పురస్కారం ఆళ్లగడ్డ: ఫొటోగ్రఫీ అకాడమీ ఆఫ్‌ ఇండియా (పీఏఐ), ఆంధ్రప్రదేశ్‌ రాష్ట్ర సృజనాత్మకత, సాంస్కృతిక కమిషన్‌ల సంయుక్త ఆధ్వర్యంలో నిర్వహించిన జాతీయ ఫొటోగ్రఫీ పోటీల్లో ప్రసాద్‌ తీసిన ఫొటోకు ‘ఎక్సలెన్స్‌ అవార్డ్‌ 2026’ లభించింది. శుక్రవారం గుంటూరులోని ఆచార్య నాగార్జున యూనివర్సిటీలో అహోబిలం ఫొటో గ్రాఫర్‌ పురస్కారం అందుకున్నారు.

ఖరీఫ్‌లో 10 ఎకరాల్లో పత్తి వేశాం. ఎకరాకు పెట్టుబడి రూ.30 వేల ప్రకారం రూ.3లక్షలు పెట్టినాం. దిగుబడి ఎకరాకు 20 కిలోలు కూడా లేదు. పెట్టుబడి రూ.3 లక్షల నష్టం. తాగడానికి నీళ్లు లేవు. పశువులకు మేత కరువైంది. దారుణమైన పరిస్థితులు ఉన్నా ఆస్పరి మండలాన్ని కరువు ప్రాంతంగా గుర్తించకపోవడం అన్యాయం. – తలారి బజారప్ప, చిరుమానుదొడ్డి, ఆస్పరి మండలం నా సొంత పొలంతో పా టు ఆరు ఎకరాలు గుత్తకు(కౌలుకు) తీసుకుని పత్తి, వరి సాగు చేశాం. లక్ష రూపాయాలకు పైగానే అప్పులు చేసి పంటను నాటుకుంటే సరైన వానలు లేవు. చేతిలో చిల్లిగవ్వలేదు. ప్రభుత్వం కురువు మండలంగా ప్రకటించి ఆదుకుంటుందనుకుంటే ఇప్పుడు ఆ ఆశ కూడా లేకుండాపోయింది. అప్పులు ఎట్లా తీర్చాలో దిక్కుతోచకుంది. – బలిగేరి వెంకటేష్‌, రైతు, సి.బెళగల్‌ వానల్లేక, నదిలో నీరు రాక 18 ఎకరాల్లో వరి పైరును జీవాలకు మేతగా వదిలేశా. ఎకరాకు రూ.20 వేలకుపైగా ఖర్చు పెట్టుకుని నష్టపోయా. ఇంతలా మా ప్రాంతంలో కరువున్నా ప్రభుత్వం కరువు మండలంగా ప్రకటించకపోవడం దారుణం. నష్టాల రైతును కాపాడాల్సిన ప్రభుత్వం ఇలా చేయడం బాధాకరం. – విఠల్‌బాబు, చెట్నెహళ్లి, మంత్రాలయం మండలం ఖరీఫ్‌లో నేను పది ఎకరాల్లో పత్తి పంట సాగుచేశాను. వర్షం లేకపోవడంతో పంటంతా పోయింది. ఎకరాకు పత్తికి రూ.2 వేలు కడితే రూ.40 వేలు వస్తుంది అని కలెక్టర్‌, అధికారులు చెప్పారు. నా వద్ద డబ్బులు లేకపోవడంతో ఇంట్లో బంగారాన్ని బ్యాంకులో తాకట్టు పెట్టి ఇన్సూరెన్స్‌ చెల్లించాను. నేడు దేవనకొండ మండలం కరువు జాబితాలో లేకపోవడం చూస్తే దిక్కుతోచడం లేదు. – పరమేష్‌, కుంకనూరు రైతు, దేవనకొండ మండలం

జూపాడుబంగ్లా: ఎగువ ప్రాంతాల నుంచి సుంకేసుల డ్యాంలోకి వరదనీటి ప్రవాహం నిలిచిపోవడంతో కేసీ కాల్వకు నీటి సరఫరాను తగ్గించినట్లు కేసీకాల్వ ఏఈ శ్రీనివాసనాయక్‌ తెలిపారు. ప్రస్తుతం సుంకేసుల డ్యాం నుంచి కేసీ కాల్వకు 300 క్యూసెక్కుల నీరు మాత్రమే విడుదల అవుతున్నాయన్నారు. లాకిన్స్‌లా నుంచి తూడిచెర్ల సబ్‌ చానల్‌ కాల్వకు 130 క్యూసెక్కులు సరఫరా చేస్తున్నట్లు తెలిపారు. జూపాడుబంగ్లా వద్ద క్రాస్‌రెగ్యులేటర్‌ గేట్లు మూసివేసి కాల్వలో నిలిచిన నీటిని భాస్కరాపురం వద్దనున్న పంప్‌హౌస్‌ ద్వారా సమ్మర్‌స్టోరేజీ ట్యాంకులకు నీటిని పంపింగ్‌ చేయనున్నట్లు ఏఈ తెలిపారు. మళ్లీ కేసీ కాల్వకు నీటిసరఫరా విషయం ఉన్నతాధికారుల నిర్ణయంపై ఆధారపడి ఉంటుందన్నారు. ఆత్మకూరు డీడీపీటీగా వెంకట శ్రీకాంత్‌ ఆత్మకూరురూరల్‌: నాగార్జునసాగర్‌ –శ్రీశైలం పులుల అభయారణ్యంలోని ఆత్మకూరు డివిజన్‌కు డిప్యూటీ డైరెక్టర్‌ ప్రాజెక్ట్‌ టైగర్‌గా వెంకట శ్రీకాంత్‌ను నియమించింది. ఈయన 2023లో జరిగిన యూనియన్‌ పబ్లిక్‌ సర్వీస్‌ కమిషన్‌ పరీక్షల్లో ఐఎఫ్‌ఎస్‌ విభాగంలో టాపర్‌గా నిలిచారు. ఇక్కడ డీడీపీటీగా పని చేసిన విగ్నేష్‌ అపావ్‌ మధ్యప్రదేశ్‌ క్యాడర్‌కు మారడంతో ఆయన స్థానంలో శ్రీకాంత్‌ను నియమించారు. వెంకట శ్రీకాంత్‌ ప్రస్తుతం నెల్లూరు జిల్లా వెంకటగిరిలో సబ్‌ డీఎఫ్‌ఓగా పనిచేస్తున్నారు. ఎన్‌ఎస్‌టీఆర్‌లో జరుగుతున్న అసహజ పులి మరణాల ఘటనల నేపథ్యంలో సమర్థవంతమైన అధికారిని ఆత్మకూరుకు వస్తుండటం కేసుల దర్యాప్తు వేగవంతమవుతుందని పలువురు ఆశాభావం వ్యక్తం చేస్తున్నారు. నామమాత్రంగాఇంటింటికీ పింఛన్ల పంపిణీ నంద్యాల(న్యూటౌన్‌): ఇంటింటికీ పింఛన్ల పంపిణీ కార్యక్రమం జిల్లాలో నామమాత్రంగా జరిగింది. గురువారం జిల్లాలో చేపట్టిన జిల్లాలో ఎన్‌టీఆర్‌ భరోసా పథకం కింద పింఛన్ల పంపిణీ 93 శాతం పూర్తయింది. పింఛన్ల పంపిణీని డీఆర్‌డీఏ పీడీ శ్రీధర్‌రెడ్డి పర్యవేక్షించారు. జిల్లాలో 2.09 లక్షల పింఛన్లకు గాను 1.95 లక్షల పింఛన్లు పంపిణీ చేశారు. కొత్త పింఛన్లు మంజూరు కాలేదని చెప్పడంతో నిరాశతో దరఖాస్తుదారులు నిరాశ చెందారు. పచ్చని నారు పశువులకు మేత రుద్రవరం: ఖరీఫ్‌ను కరువు మింగేసింది. ఎంతో ఆశగా సాగు చేసిన పంటలు మొలక దశలోనే రైతులు వదిలేసుకోవాల్సి వచ్చింది. చెరువులు, తెలుగుంగ కాల్వలకు నీరు రాకపోవడంతో బోర్లు సైతం ఎండిపోయి సాగు కష్టంగా మారింది. ఎంతో మంది రైతులు వరి నార్లు వేసుకుని చివరకు మడుల్లోనే వదలేశారు. బి.నాగిరెడ్డిపల్లె చెరువు కింద వరి నాట్లు వేసేందుకు ఆ గ్రామానికి చెందిన ఓ రైతు మడిలో నారు పెంచారు. అయితే వర్షాలు కురిసే అవకాశం లేకపోవడంతో చేసేదేమి లేక పశువులకు మేతగా వదిలేశాడు. ఇలా ఎంతో మంది రైతులు పెట్టుబడి పెట్టి నష్టపోయి అప్పులపాలయ్యారు.

● న్యాయస్థానంలో నిలవదని తెలిసినా బీసీలను నమ్మించే ఎత్తుగడ ● గతంలో బీసీలకు 34 శాతం రిజర్వేషన్‌ ప్రకటించిన వైఎస్‌ జగన్‌ ● ఇదే అంశంపై కోర్టుకు వెళ్లిన టీడీపీ నేతలు ● ఇచ్చిన మాట మేరకు ఓసీ స్థానాల్లో కూడా బీసీలకు అవకాశం కల్పించిన జగన్‌ ● ఐదేళ్ల పాలనలో బీసీలకు అనేక సంక్షేమ పథకాల అమలు కర్నూలు(అర్బన్‌): స్థానిక సంస్థల ఎన్నికల్లో బీసీలకు 34 శాతం రిజర్వేషన్‌ కల్పించే విషయంలో చంద్రబాబు ప్రభుత్వం అనుసరిస్తున్న వైఖరిపై ఉమ్మడి కర్నూలు జిల్లాలోని బీసీ నేతలు తీవ్ర ఆగ్రహం వ్యక్తం చేస్తున్నారు. స్థానిక సంస్థల్లో 50 శాతం రిజర్వేషన్లు మించకూడదని గతంలో సుప్రీంకోర్టు ఇచ్చిన తీర్పు తెలిసినా బీసీలకు 34 శాతం రిజర్వేషన్లు కల్పిస్తూ జీఓలు జారీ చేయడం మోసం చేయడమేనని మండిపడుతున్నారు. గతంలో వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ముఖ్యమంత్రిగా ఉన్న సమయంలో స్థానిక సంస్థల్లో 34 శాతం రిజర్వేషన్లు ఇవ్వాలని భావించగా టీడీపీ వారే కోర్టును ఆశ్రయించిన సంగతిని వారు ఈ సందర్భంగా గుర్తు చేస్తున్నారు. అప్పట్లో ఏర్పడిన న్యాయపరమైన చిక్కులతో 34 శాతం రిజర్వేషన్‌ను బీసీలకు ఇవ్వలేకపోయిన జగన్‌ ప్రభుత్వం ఓసీ స్థానాల్లో కూడా బీసీలకు అవకాశం కల్పించిన విషయాన్ని వారు గుర్తు చేస్తున్నారు. స్థానిక సంస్థల్లో ఎస్సీ, ఎస్టీ, బీసీ రిజర్వేషన్లు 50 శాతం పరిమితి దాటితే కోర్టు కొట్టివేస్తుందని తెలిసినా, చంద్రబాబు ప్రభుత్వం తీసుకున్న నిర్ణయంపై సర్వత్రా విమర్శలు వ్యక్తమవుతున్నాయి. కేవలం రాజకీయ లబ్ధి కోసం ముఖ్యంగా బీసీల ఓట్ల కోసమే జీఓలు జారీ చేశారనే అభిప్రాయం వ్యక్తమవుతోంది. తాము బీసీలకు 34 శాతం రిజర్వేషన్‌ ఇచ్చాం, కానీ కోర్టులు అంగీకరించడం లేదని బీసీలను నమ్మించి వారి ఓటు బ్యాంకును కాపాడుకునేందుకు వేసిన ఎత్తుగడే తప్ప మరొకటి కాదని పలువురు బీసీ సంఘాల నాయకులు ఆందోళన వ్యక్తం చేస్తున్నారు. జీఓలతో కాకుండా సమగ్ర బీసీ జనగణన లేకుండా, ప్రత్యేక చట్టం తీసుకురాకుండా, 34 శాతం రిజర్వేషన్లు అంటూ జీఓలు జారీ చేడయం సరికాదంటున్నారు. ఎన్నికలకు ముందు ఇచ్చిన హామీని నెరవేరుస్తామనే భావనను బీసీల మదిలో రుద్దేందుకు తీసుకున్న చర్యే తప్ప బీసీలను రాజకీయంగా అందలం ఎక్కించేందుకు కాదని వారంటున్నారు. వైఎస్‌ జగన్‌ హయాంలో బీసీలకు సంక్షేమ పథకాల జాతర చట్టపరంగా బీసీలకు రిజర్వేషన్లు అమలు చేయలేక పోయినా, అనేక ఓసీ స్థానాల్లో బీసీలకు అవకాశం కల్పించి వారికి రాజకీయ హోదా కల్పించిన వైఎస్‌ జగన్‌ మరో అడుగు ముందుకు వేసి వారి ఆర్థికాభివృద్ధికి అనేక సంక్షేమ పథకాలను అమలు చేశారు. ● వైఎస్సార్‌ చేదోడు కింద నాయీ బ్రాహ్మణులకు, అలాగే రజక, టైలరింగ్‌ కింద ఒక్కొక్కరి రూ.10 వేల ప్రకారం ఉమ్మడి జిల్లాలోని 1,02,452 మందికి రూ.102.45 కోట్లు డీబీటీ ద్వారా వారి ఖాతాల్లో జమ చేశారు. ● వైఎస్సార్‌ నేతన్న నేస్తం కింద ఒక్కో చేనేత కుటుంబానికి ఏడాదికి రూ.24 వేల ప్రకారం 4,200 కుటుంబాలకు రూ.40.32 కోట్లు అందించారు. ● వైఎస్సార్‌ చేయూత, వైఎస్సార్‌ ఆసరా, కళ్యాణమస్తు, షాదీ తోఫా, జగనన్న తోడు, వైఎస్సార్‌ బీమా, వైఎస్సార్‌ సున్నా వడ్డీ రుణాలు తదితర పథకాల ద్వారా ఉమ్మడి జిల్లాలో లక్షల సంఖ్యలో బీసీ వర్గాలకు చెందిన ప్రజలు లబ్ధి పొందారు. ● బీసీల్లోని 139 కులాలకు సంబంధించి 56 ప్రత్యేక కార్పొరేషన్లు ఏర్పాటు చేసి బీసీ నేతలనే ఆయా కార్పొరేషన్లకు చైర్మన్లు, డైరెక్టర్లను నియమించారు. ● ప్రభుత్వ, నామినేటెడ్‌ పదవులు, కాంట్రాక్టుల్లో బీసీలకు 50 శాతం రిజర్వేషన్‌ కల్పించారు. ● మంత్రి వర్గంలో కూడా 50 శాతం కంటే ఎక్కువ మంది బీసీలకు మంత్రులుగా నియమించారు. కర్నూలు జిల్లాలో ఐదేళ్లు ఆలూరు నుంచి ప్రాతినిథ్యం వహించిన గుమ్మనూరు జయరాం మంత్రిగా పని చేశారు. ● గత వైఎస్సార్‌సీపీ ప్రభుత్వంలో ఆదోని ఎమ్మెల్సీగా ఎన్నికైన డాక్టర్‌ మధుసూదన్‌ ఇప్పటికీ పనిచేస్తున్నారు. వైఎస్‌ జగన్‌ ఐదేళ్ల పాలనలో బీసీల ప్రాతినిధ్యం మొత్తం స్థానాలు బీసీలకు రిజర్వ్‌ వైఎస్సార్‌సీపీ కేటాయించిన స్థానాలు జెడ్పీటీసీ 53 15 20 ఎంపీటీసీ 809 --- 290 సర్పంచులు 972 256 320 ఎంపీపీ 53 15 20 వార్డు మెంబర్స్‌ 10,006 2,783 3,500

డోన్‌: సీఎం చంద్రబాబు నాయుడు నమ్మించి వంచించడం తప్ప ప్రజలకు చేసిందేమి లేదని మాజీ మంత్రి బుగ్గన రాజేంద్రనాథ్‌రెడ్డి విమర్శించారు. గురువారం ఆయన స్వగృహంలో వైఎస్సార్‌సీపీ పట్టణ అధ్యక్షులు మల్లికార్జునరెడ్డి, మున్సిపల్‌ మాజీ వైస్‌ చైర్మెన్‌ జాకీర్‌ హుస్సేన్‌ ఆధ్వర్యంలో పట్టణంలోని పలు వార్డులకు చెందిన పార్టీ క్రీయాశీలక కార్యకర్తలతో బుగ్గన సమీక్ష నిర్వహించారు. ఈ సందర్భంగా ఆయన మాట్లాడుతూ రానున్న రెండు నెలలు పార్టీకి అత్యంత కీలకమన్నారు. స్థానిక సంస్థల ఎన్నికలు సజావుగా, ప్రజాస్వామ్యయుతంగా జరిగేందుకు అధికారపార్టీ నాయకుల కుట్రలను అడ్డుకునేందుకు అందరూ సిద్ధంగా ఉండాలన్నారు. చంద్రబాబు అబద్ధాల పాలనతో ప్రజలు విసిగిపోయారన్నారు. కూటమి ప్రభుత్వానికి స్థానిక ఎన్నికల్లో గుణపాఠం తప్పదన్నారు. వారికి కరువు కనిపించదు.. తీవ్ర వర్షాభావ పరిస్థితులతో పంటలు ఎండిపోయి రైతులు నష్టపోతున్నా సీఎం చంద్రబాబుబుకు కరువు కనిపించదని బుగ్గన విమర్శించారు. రాష్ట్రంలో కరువు విలయతాండవం చేస్తుంటే చంద్రబాబు, లోకేశ్‌తో పాటు ఉపముఖ్యమంత్రి పవన్‌ కల్యాణ్‌ హెలికాప్టర్లలో తిరుగుతూ ప్రజాధనాన్ని దుర్వినియోగం చేస్తున్నారన్నారు. స్థానిక సంస్థల ఎన్నికల వేళ టీడీపీ వైఫల్యాలను ప్రజల్లోకి తీసుకెళ్లాల్సిన బాధ్యత ప్రతి ఒక్కరిపై ఉందన్నారు. అనంతరం పలువురు పార్టీ క్రీయాశీలన కార్యకర్తలకు ఆయన ఐడీ కార్డులను అందజేశారు. ఈ సందర్భంగా పలువురు కార్యకర్తలు బుగ్గనను గజమాలతో సత్కరించారు. కార్యక్రమంలో పార్టీ నాయకులు పోస్ట్‌ ప్రసాద్‌, దినేష్‌ గౌడ్‌, సుకన్య, పుల్లాయి, వెంగళ్‌రెడ్డి, పాలుట్ల రఘురాం, మహేంద్ర, షేక్షా, దేవ, అక్బర్‌ బాషా, శ్రీను తదితరులు పాల్గొన్నారు. చంద్రబాబు అబద్ధాల పాలనతో ప్రజలు విసిగిపోయారు కూటమి ప్రభుత్వానికి స్థానిక ఎన్నికల్లో గుణపాఠం తప్పదు మాజీ మంత్రి బుగ్గన రాజేంద్రనాథ్‌రెడ్డి

● వామపక్ష సంఘాల అధ్వర్యంలో మృతదేహంతో ధర్నా పత్తికొండ: ఇరుకు రోడ్డులో బైక్‌ అదుపుతప్పి అర్టీసీ బస్సు కింద పడి ఓ మహిళ అక్కడికక్కడే మృతిచెందారు. ఈ దుర్ఘటన పత్తికొండలో గురువారం చోటు చేసుకుంది. సరుకులు కోనుగోలు కోసం మద్దికెర మండలం బురుజుల గ్రామానికి సత్యవతి(55) అనే మహిళ భర్త మహేశ్వరనాయుడుతో కలసి పత్తికొండకు వచ్చారు. సంత చేసుకున్న అనంతరం బైక్‌ మీద భార్యాభర్తలు ఊరికి వెళ్తున్న సమయంలో బైక్‌ అదుపుతప్పింది. అర్టీసీ బస్డాండ్‌ దగ్గర డోన్‌ డిపోకు చెందిన అర్టీసీ బస్సు కింద పడటంతో సత్యవతి అక్కడికక్కడే మృతి చెందారు. ఇరుకు రహదారి వల్లే ప్రమాదం అంటూ ప్రజల అగ్రహం వ్యక్తం చేశారు. విషయం తెలుసుకున్న సీపీఎం, సీపీఐ నాయకులు అక్కడికి వచ్చి మృతదేహంతో ధర్నా చేశారు. రహదారి విస్తరణ పనులు చేపట్టకుండా నిర్లక్ష్యం చేస్తున్న పత్తికొండ ఎమ్మెల్యే కేఈ శ్యాంబాబు డౌన్‌డౌన్‌ అంటూ నినాదాలు చేశారు. ధర్నా చేస్తున్నా అధికారులు, టీడీపీ నాయకులు అక్కడికి రాలేదు. ప్రజల ప్రాణాలు పోతున్నా కనీస బాధ్యత లేకుండా వ్యవహరిస్తున్నారని ప్రజలు అగ్రహం వ్యక్తం చేశారు. గత వైఎస్సార్‌సీపీ ప్రభుత్వం చేపట్టిన రోడ్డు విస్తరణ పనులు చేపట్టాలని ప్రతిరోజూ అందోళనలు నిర్వహిస్తున్నా చంద్రబాబు ప్రభుత్వం కనీస చర్యలు చేపట్టడం లేదని మండిపడ్డారు. అధికారులు, టీడీపీ నాయకులు స్పందించకపోవడంతో వామపక్ష పార్టీలు నాయకులు ధర్నా విరమించి మృతదేహాన్ని పోస్ట్‌మార్టం నిమిత్తం పత్తికొండ ప్రభుత్వ అసుపత్రికి తరలించారు. మృతురాలి భర్త ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు సీఐ జయన్న తెలిపారు.

కర్నూలు(అగ్రికల్చర్‌): ఉద్యాన పంటలకు మార్కెటింగ్‌ సదుపాయం తప్పనిసరి. అప్పుడే గిట్టుబాటు ధరలు లభిస్తాయి. ప్రస్తుతం ఉమ్మడి కర్నూలు జిల్లాలో ఈ ఏర్పాట్లు లేవు. దళారుల బారిన పడి రైతులు నష్టపోతున్నారు. ఈ సమస్యను పరిష్కరించకుండా చంద్రబాబు ప్రభుత్వం కొత్తగా గ్లోబల్‌ హార్టికల్చర్‌ హబ్‌–రాయలసీమ రైజింగ్‌ పేరుతో ప్రాజెక్టును సిద్ధం చేసింది. మొత్తం 10 జిల్లాల్లో సమగ్ర ఉద్యాన అభివృద్ధి ప్రణాళిక రూపొందించింది. ఈ మేరకు ఈ ఏడాది మే 19న ఈ మేరకు జీవో ఆర్టీ నంబరు 415 జారీ చేసింది. ప్రత్యేక క్టస్లర్లు ఏర్పాటు చేసి ఉద్యాన పంటల సాగును ప్రోత్సహించడం, ఉత్పాదకతను పెంచడం ప్రధాన లక్ష్యంగా చెబుతున్నారు. ఆక్టోబరు 2న ముఖ్యమంత్రి చంద్రబాబు నాయుడు మదనపల్లిలో ప్రారంభించనున్నారు. మార్కెటింగ్‌ సదుపాయం కల్పించకుండా ఉద్యాన పంటల సాగును ఎంత ప్రోత్సహించినా..ఉత్పాదకత ఎంత పెంచినా ఉపయోగం లేదని రైతులు పేర్కొంటున్నారు. మార్కెటింగ్‌ సౌకర్యం ఏదీ? ఉమ్మడి కర్నూలులో జిల్లాలో ఏటా 37,68,805 టన్నుల ఉద్యాన పంటల ఉత్పాదకత ఉంది. ఇంత భారీగా ఉత్పాదకత ఉన్నప్పటికీ మార్కెటింగ్‌ సదుపాయం లేదు. ఫలితంగా హైదరాబాద్‌, బెంగళూరు, చైన్నెవంటి నగరాలకు ఉద్యాన పంటలను తీసుకెళ్లే దళారులను రైతులు ఆశ్రయిస్తున్నారు. ప్రస్తుతం పూలు, టమాట, పండ్లకు అక్కడక్కడ ప్రైవేటు మార్కెట్‌లు ఉన్నాయి. అక్కడ వారు ఇచ్చిందే ధరగా లభిస్తోంది. జిల్లాలోని వివిధప్రాంతాల్లో మల్లెలు, గులాబీలు, చామంతులు ఉత్పత్తి అవుతున్నాయి. దళారులకు అప్పగిస్తుండటంతో రైతు కష్టానికి తగిన ప్రతిఫలం అందడం లేదు. టమాట పరిస్థితి అంతే. ఫ్రూట్స్‌ మార్కెట్‌లో దళారులదే రాజ్యం. కర్నూలులోని గడియారం ఆసుపత్రి దగ్గర ప్రైవేట్‌ ఫ్రూట్స్‌ మార్కెట్‌ ఉంది. ఈ మార్కెట్‌లో రైతులకు న్యాయం జరగడం లేదు. కర్నూలు వ్యవసాయ మార్కెట్‌ యార్డులో ఫ్రూట్స్‌ మార్కెట్‌ను అభివృద్ధి చేయాల్సిన ఉన్నా ఆ దిశగా ప్రభుత్వం చర్యలు తీసుకోలేదు. సాగునీరు వచ్చేనా? గ్లోబల్‌ హార్టికల్చర్‌ హబ్‌లో భాగంగా నీటిపారుదల కోసం రూ.2,019 కోట్ల ఖర్చు చేయనున్నారు. వేదావతి లిప్ట్‌ ఇరిగేషన్‌ కింద హగరి నది నుంచి 8.292 టీఎంసీల నీటిని ఎత్తిపోసి 80 వేల ఎకరాల కొత్త ఆయకట్టును అభివృద్ధి చేసే విధంగా ప్రణాళిక సిద్ధమైంది. గాజులదిన్నె ప్రాజెక్టు నీటి సామర్థ్యాన్ని 4.50 టీఎంసీల నుంచి 5.50 టీఎంసీలకు పెంచడం, 110 చిన్న నీటిపారుదల చెరువుల అభివృద్ధి చేయడం లక్ష్యంగా తీసుకున్నారు. ఇందుకోసం రూ.2,019 కోట్లు ఖర్చు పెట్టే విధంగా ప్రణాళికలు ఉన్నాయి. అయితే ఈ కార్యక్రమాలు కార్యరూపం దాల్చడంతో అనుమానాలు వ్యక్తం అవుతున్నాయి. ఉమ్మడి రాష్ట్రానికి తొమ్మిదేళ్లు, విభజిత రాష్ట్రానికి ఏడున్నర సంవత్సరాలు ముఖ్యమంత్రిగా చంద్రబాబు ఉన్నా.. ఒక్కటి ప్రాజెక్టు కూడా సాకారం కాలేదు. ఇతర ముఖ్యమంత్రులు చేసిన అభివృద్ధిని తన ఖాతాలో వేసుకోవడం చంద్రబాబుకు తెలిసినట్లు మరెవరికి తెలియదు. మాకు వంద ఎకరాలకుపైగా పండ్లతోటలు ఉన్నాయి. మామిడి, జామ, దానిమ్మ, అంజూర, బొప్పాయి తదితర పండ్లతోటలు ఉన్నాయి. ఏటా అన్ని పంటలు కలిపి 1,500 టన్నులకుపైగా ఉత్పత్తి అవుతాయి. మార్కెటింగ్‌ సదుపాయం లేకపోవడం ఆందోళన కలిగించే విషయం. దళారులు పొలం దగ్గరికి వచ్చి కొనుగోలు చేస్తారు. కర్నూలులో ఫ్రూట్స్‌ మార్కెట్‌ ఉంటే వ్యాపారుల మధ్య పోటీ ఉంటుంది. ఇది రైతులకు ఉపయోగపడుతుంది. – జి.శ్రీరాములు, గూడూరు ‘హబ్‌’లోకి ప్రైవేట్‌ వ్యక్తులు!చంద్రబాబు ప్రభుత్వం వచ్చిన తర్వాత సూక్ష్మ సేద్యం పరికరాలు సరఫరా చేసే కంపెనీలకు రూ.కోట్లలో బకాయిలు ఉన్నాయి. ఎంఐడీహెచ్‌, ఇతర ఉద్యాన పథకాల కింద ఉద్యాన పంటలు సాగు చేసుకున్న రైతులకు రాయితీలు విడుదల చేయడం లేదు. రెండున్నరేళ్ల కాలంలో సబ్సిడీపై కూరగాయల విత్తనాలు పంపిణీ చేసిన దాఖలాలు లేవు. అనేక కాంపోనెంట్ల కింద నిధుల విడుదల పెండింగ్‌లో ఉండి పోయింది. వచ్చే మూడేళ్లలో గ్లోబల్‌ హార్టికల్చర్‌ హబ్‌ కింద రూ.2,628 కోట్లు ఖర్చు చేస్తామని హడావుడి చేస్తున్నారు. కేంద్ర ప్రభుత్వ మద్దతు పథకాల నిధులను దీనికి మళ్లించే విధంగా ప్రణాళికలు సిద్ధం అయ్యాయి. అంతేగాకుండా ప్రయివేటు పెట్టుబడుల భాగస్వామ్యం ద్వారా గ్లోబల్‌ హార్టికల్చర్‌ హబ్‌ను ఏర్పాటు చేస్తారని చెబుతున్నారు. ఫలితంగా ఉద్యాన పంటల అభివృద్ధిలో ప్రైవేట్‌ వ్యక్తులు ప్రవేశించనున్నారు. జిల్లా విస్తీర్ణం ఉత్పత్తి హెక్టార్లు టన్నులు కర్నూలు 86,343 19,32,625 నంద్యాల 49,050 18,36,180 కనిపించని మార్కెటింగ్‌ సదుపాయం గ్లోబల్‌ హార్టికల్చర్‌ హబ్‌ అంటూ హడావుడి ప్రైవేట్‌ పెట్టుబడులకు తెరిచిన ద్వారాలు రైతులకు ప్రయోజనం శూన్యం అభివృద్ధి సాధ్యమేనా? గ్లోబల్‌ హార్ట్టికల్చర్‌ హబ్‌లో భాగంగా ఉమ్మడి జిల్లాలో రూ.2,628 కోట్లతో ఉద్యాన పంటల అభివృద్ధికి ప్రణాళిక సిద్ధమైంది. రాబోయే మూడేళ్లలో ఉద్యాన పంటలను ప్రోత్సహించడం కోసం కర్నూలు జిల్లాలో 21 క్లస్టర్లు, నంద్యాల జిల్లాలో 15 క్లస్టర్లు ఏర్పాటు చేస్తున్నారు. కర్నూలు జిల్లాలో రూ.1,642 కోట్లతో వచ్చే మూడేళ్లలో 60 వేల హెక్టార్లలో ఉద్యాన పంటలు అభివృద్ధి చేయాలనేది లక్ష్యం. నంద్యాల జిల్లాలో రూ.986 కోట్లతో వచ్చే మూడేళ్లలో 45 వేల హెక్టార్లలో ఉద్యాన పంటల అభివృద్ధి చేసే విధంగా ప్రణాళిక సిద్ధమైంది. ఈ ఏడాది తీవ్ర కరువు నెలకొంది. వచ్చే ఏడాది అదే పరిస్థితి నెలకొంటే ఇదంతా సాధ్యమేనా అన్న అనుమానాలు వస్తున్నాయి.

● అందుబాటులోకి వెలుగోడు జంగిల్‌ సఫారిఆత్మకూరురూరల్‌: ఎన్‌ఎస్‌టీఆర్‌లో మూడునెలల పాటు మూసివేసిన ఎకో – టూరిజం గురువారం పునఃప్రారంభమైంది. వర్ష రుతు కాలం వన్యప్రాణులన్నింటికీ పునరుత్పత్తి అనుకూల వాతావరణ కావడంతో ఆ సమయంలో అడవుల్లో అలజడి ఉండరాదని అటవీ శాఖ జూలై 1 నుంచి సెప్టెంబర్‌ 30 తేదీ వరకు వరకు ఎకో – టూరిజంకు విరామం కల్పించింది. మూడు నెలలు ముగియడంతో గురువారం ఉంచి ఎకో – టూరిజం రిసార్ట్‌లు పర్యాటకలకు అందుబాటులోకి వచ్చాయి. ఆత్మకూరు అటవీ డివిజన్‌లో కొత్తగా వెలుగోడు రేంజ్‌ పరిధిలో మరో జంగిల్‌ సఫారిని ఏర్పాటు చేశారు. వైఎస్సార్‌ స్మృతివనం నుంచి సఫారి వాహనాలు ఆరు కి.మీ ప్రయాణించి వెలుగోడు బాలెన్సింగ్‌ రిజర్వాయర్‌ వెనకతట్టు జలాల వరకు ప్రయాణించి తిరిగి వస్తాయి. ఈ మార్గంలో కృష్ణజింక, చుక్కల దుప్పులు, నీల్‌గాయ్‌ వంటి గడ్డితినే జంతువులతో పాటు ఎలుగుబంటి, పెద్దపులి, చిరుత పులి కార్నివోర్స్‌ (మాంసాహార) కనిపిస్తాయి. అంతే కాకుండా పక్షులకు కూడా ఈ ప్రాంతం ఆవాసంగా ఉంటోంది. ఇటీవల సత్యసాయి జిల్లా నుంచి తీసుకు వచ్చిన జింకలను కూడా ఈ ప్రాంతంలోనే వదలడం వల్ల అవి కొంత మానవ ఉనికికి అలవాటైనందున అవి సఫారి వాహనానికి దగ్గరగా నిలబడి పర్యాటకులకు ఆహ్లాదాన్ని కలిగించే అవకాశం ఉంది. ఈ వాహనంలో అటవీ శాఖ ఒక శిక్షణ పొందిన గైడ్‌ను కూడా నియమించింది. వెలుగోడు బాలెన్సింగ్‌ రిజర్వాయర్‌ ఒడ్డున నిర్మించిన వాచ్‌ టవర్‌ నుంచి విశాలమైన అడవిని విహంగ దృష్టితో చూడటానికి అవకాశం ఉంది. సఫారి ట్రిప్‌కు అటవీ శాఖ రూ.2 వేలు రుసుంగా నిర్ణయించింది.

బొమ్మలసత్రం: నంద్యాల నియోజకవర్గ యువత వైఎస్సార్‌సీపీ వైపు మొగ్గు చూపుతున్నారని నంద్యాల మాజీ ఎమ్మెల్యే శిల్పారవిచంద్రకిశోర్‌రెడ్డి అన్నారు. గురువారం టీడీపీ నాయకుడు తాత మునిశేషిరెడ్డి మనవడు, ప్రముఖ వ్యాపారవేత్త రేగటి అనిల్‌కుమార్‌రెడ్డి టీడీపీకి చెందిన 500 మంది కార్యకర్తలు, స్నేహితులతో కలసి మాజీ ఎమ్మెల్యే శిల్పారవి సమక్షంలో వైఎస్సార్‌సీపీలో చేరారు. ఈ సందర్భంగా శిల్పా రవి వారికి కండువాలు వేసి సాదరంగా పార్టీలోకి ఆహ్వానించారు. ఈ సందర్భంగా శిల్పా రవి మాట్లాడు తూ.. మాజీ సీఎం వైఎస్‌ జగన్‌ ఆదర్శ పథకాలను గుర్తుంచుకొని యువత పార్టీలోకి చేరుతుందన్నారు. పార్టీలకు అతీతంగా సంక్షేమ పథకాలు అందించిన ఘనత మాజీ సీఎం వైఎస్‌ జగన్‌మోహన్‌రెడ్డిదేనన్నారు. కుల మతాలకతీతంగా అన్ని సామాజిక వర్గాలకు సమన్యాయం జరిగేలా ఆయన కృషి చేశారన్నారు. గత ప్రభుత్వంలో నంద్యాలలో ఎన్నో అభివృద్ధి కార్యక్రమాలు చేపట్టామన్నారు. పార్టీలో చేరిన వారి సేవలను గుర్తించి ఉన్నత పదవులు కల్పిస్తామన్నారు. పార్టీలో రేగటి అనిల్‌కుమార్‌రెడ్డితో పాటు సూరజ్‌ ప్రవీణ్‌కుమార్‌రెడ్డి, బాలాజీ రెడ్డి, రవితేజ, శివరాఘవ, ప్రదీప్‌రెడ్డి, కూరాకు శ్రీనివాస దత్తాత్రేయ, ఆంజనేయప్రసాద్‌, షణ్ముఖ, పవన్‌, రాఘవేంద్ర, అశోక్‌రెడ్డి, భార్గవ్‌, బాలకృష్ణ, నవీన్‌, మణి, మనోజ్‌, సూర్యప్రకాష్‌రెడ్డి, సందీప్‌కుమార్‌, కాసుల నవీన్‌, నాగరాజు, సుబ్రమణ్యం, రాజు, పవన్‌కల్యాణ్‌, సంపత్‌రాజ్‌కుమార్‌, బాలకృష్ణ, తదితరులు చేరారు.

ఓర్వకల్లు: రైతులు భద్రపరిచిన పంట ఉత్పత్తులను కోల్డ్‌ స్టోరేజ్‌ యజమాని బ్యాంకులో తాకట్టు పెట్టి రూ.4.80 కోట్ల రుణం తీసుకున్న ఉదంతం వెలుగులోకి వచ్చింది. నన్నూరు సమీపంలో విద్యుత్‌ సబ్‌ స్టేషన్‌కు ఎదురుగా వున్న శివశక్తి కోల్డు స్టోరేజీలో మండలంలోని వివిధ గ్రామాలకు చెందిన రైతులతో పాటు తెలంగాణ ప్రాంతానికి చెందిన వందలాది మంది రైతులు ఎండు మిరప, జొన్నలు, కందులు, శనగలు, మొక్కజొన్న, మినుములు, పెసర తదితర రకాల ఉత్పత్తులను నిల్వ చేసుకున్నారు. గిట్టుబాటు ధరలు లేక రైతులు ఎవ్వరూ కూడా పంట ఉత్పత్తులను అమ్ముకోలేక పోయారు. పంట ఉత్పత్తులను నిల్వచేసుకొనే సమయంలో రైతులతో కోల్డు స్టోరేజ్‌ యజమాన్యం అగ్రిమెంట్లు చేసుకొని వారి భూ పత్రాలను తీసుకున్నట్లు సమాచారం. ఆ రికార్డులతో రెండు నెలల క్రితం సుమారు 50 వేల బస్తాలను హెచ్‌డీఎఫ్‌సీ బ్యాంకు అధికారులకు చూపించి దాదాపు రూ.4.80 కోట్ల రుణం పొందినట్లు తెలిసింది. ఈ రుణానికి సంబంధించిన హెచ్‌డీఎఫ్‌సీ బ్యాంక్‌ కొలేటరల్‌ మేనేజ్‌మెంటును ఇండియన్‌ కమోడిటీస్‌కు అప్పగించినట్లు బ్యాంకు అధికారులు తెలిపినట్లు రైతులు పేర్కొన్నారు. స్టోరేజ్‌ పరిశీలనకు వెళ్లిన బ్యాంక్‌ అధికారులను యజమాని మభ్యపెట్టి లోపలికి వెళ్లనీయలేదు. కోల్డుస్టోరేజ్‌లో చెదలు, పురుగులు పట్టకుండా మందు పిచికారీ చేశామని, 20 రోజుల వరకు స్టోరేజ్‌ను తెరవకూడదని చెప్పారు. ఆ తర్వాత కూడా కొన్నాళ్లు కాలయాపన చేసుకుంటూ వచ్చారు. ఇటీవల స్టోరేజ్‌ని తెరిచి బ్యాంకు అధికారులు తనిఖీ చేయగా.. సుమారు 18 వేల బస్తాల ధాన్యం తగ్గిపోయినట్లు గుర్తించిన అధికారులు యజమానిని ప్రశ్నించారు. అయితే రెండు, మూడు రోజుల్లో అందుకు సంబంధించిన మొత్తాన్ని చెల్లిస్తామని చెప్పిన యజమాని డబ్బులు చెల్లించకపోగా, ఫోన్‌కు స్పందించక పోవడంతో, అనుమానం వచ్చిన బ్యాంకు అధికారులు ఓర్వకల్లు పోలీసు స్టేషన్‌లో ఫిర్యాదు చేశారు. విషయం తెలుసుకున్న రైతులు కర్నూలు జిల్లా కలెక్టర్‌, ఎస్పీతో పాటు, స్థానిక ఎమ్మెల్యే గౌరు చరిత దృష్టికి తీసుకెళ్లినట్లు తీసుకెళ్లారు. విషయంపై సమగ్ర విచారణ జరిపించి న్యాయం చేయాలని రైతులు మొర పెట్టుకున్నారు. రైతులకు తెలియకుండా కోల్డ్‌ స్టోరేజ్‌ యజమాని నిర్వాకం బ్యాంక్‌ అధికారుల ఫిర్యాదుతో వెలుగులోకి.. న్యాయం చేయాలని రైతుల మొర

● నాలుగు రోజులుగా నాణ్యత లేని భోజనం వడ్డింపు ● హాస్టల్‌ను సందర్శించిన ఫుడ్‌ సేఫ్టీ అధికారులుకర్నూలు సిటీ: జొహరాపురం రోడ్డులోని వేదాంత్‌ లెర్నింగ్‌ సెంటర్‌ పేరుతో నిర్వహిస్తున్న కాలేజీ హాస్టల్‌లో విద్యార్థులు అస్వస్థతకు గురయ్యారు. గురువారం విషయం తెలుసుకున్న విద్యార్థి సంఘాల నాయకులు ఆ కాలేజీ ఎదుట ఆందోళన చేపట్టారు. వాస్తవానికి వేదాంత్‌ లెర్నింగ్‌ సెంటర్‌ పేరుతో ఉన్న కాలేజీకి గత 29వ తేదీ వరకు ఎలాంటి అనుమతులు లేవు. అనుమతులు లేకుండా కాలేజీ భవనంలోనే హాస్టల్స్‌ నిర్వహిస్తున్నారు. అయితే గత నెల 29వ తేదీన డోన్‌లోని నవోదయ జూనియర్‌ కాలేజీ పేరుతో ఉన్న కాలేజీగా పేరును మార్చుతూ అనుమతులు జారీ చేశారు. కాలేజీకి మాత్రం ఎలాంటి అనుమతులు లేవు. హాస్టల్‌లో సుమారు 88 మంది విద్యార్థుల వరకు ఉన్నారు. ఈ విద్యార్థులకు టిఫిన్‌, భోజనాన్ని అందించేందుకు ఓ వెండర్‌కు అప్పగించారు. మొదట్లో భోజనం బాగానే ఉన్నప్పటికీ ఇటీవల కాలంలో నాణ్యత లేని వస్తువులతో తయారు చేసిన వడ్డిస్తున్నారు. ఈ భోజనాన్ని విద్యార్థులు తినేందుకు ఇబ్బందులు పడుతున్నారని తల్లిదండ్రులు కాలేజీ యాజమాన్యం దృష్టికి తీసుకపోయారు. అయినా ఏ మాత్రం మార్పు రాకపోవడంతో నాలుగు రోజుల నుంచి కడుపునొప్పితో రోజుకు ముగ్గురు, నలుగురు విద్యార్థులు అస్వస్థతకు గురై సమీపంలోని హాస్పిటల్‌లో చికిత్స పొందుతున్నారు. సమాచారం తెలుసుకున్న ఫుడ్‌సేఫ్టీ అఽధికారులు కాలేజీ హాస్టల్‌ను సందర్శించి భోజనం నాణ్యతపై విద్యార్థులను విచారించారు. ఏఐఎస్‌ఎఫ్‌, ఏఐవైఎఫ్‌ నాయకులు కాలేజీ ఎదుట నిరసన తెలిపారు. నాణ్యత లేని భోజనం తిని 15 మంది విద్యార్థులు అనారోగ్యం బారిన పడ్డారని, కాలేజీ యాజమాన్యం పట్టించుకోలేదని ఆరోపించారు. నిరసన కార్యక్రమంలో ఆయా సంఘాల నాయకులు రంగస్వామి, నాగరాజు, అభిషేక్‌, వీరాంజనేయులు, మునిస్వామి, శివ, అరుణ్‌, తదితరులు పాల్గొన్నారు. ఆర్‌ఐఓకు పిర్యాదు వేదాంత్‌ కాలేజీలో చోటు చేసుకున్న సంంఘటనపై విచారించిచర్యలు తీసుకోవాలని కోరుతూ ఎస్‌ఎఫ్‌ఐ నాయకులు ఇంటర్మీడియేట్‌ బోర్డు ఆర్‌ఐఓ జి.లాలెప్పకు ఫిర్యాదు చేశారు. కాలేజీ యాజమాన్యం నిర్లక్ష్యంతోనే నాణ్యత లేని భోజనం తిని విద్యార్థులు అనారోగ్యం బారీన పడ్డారని ఫిర్యాదులో పేర్కొన్నారు. పిర్యాదు చేసిన వారిలో ఆ సంఘం జిల్లా అద్యక్ష, కార్యదర్శులు శ్రీనివాసులు, రంగప్ప తదితరులు పాల్గొన్నారు.

మద్దికెర: హంద్రీ–నీవా కాలువలో పడి కొంగనపల్లి ఓబులేసు (51) అనే దివ్యాంగుడు మృతి చెందాడు. ఈ ఘటన ఎడవలి గ్రామంలో సమీపంలో చోటుచేసుకుంది. పొలానికి వెళ్లి వస్తూ కాళ్లు కడుక్కుందామని బుధవారం హంద్రీ–నీవా కాలువ వద్దకు ఓబులేసు వెళ్లాడు. ప్రమాదవశాత్తు కాలు జారి అందులో పడ్డాడు. ఈత రాకపోవడంతో కొట్టుకుపోయాడు. ఇంటికి రాకపోవడంతో బంధువులు ఫోన్‌ చేసినా సమాచారం లేదు. గురువారం అనంతపురం జిల్లా రాగులపాడు వద్ద ఓబులేసు మృతదేహం కనిపించింది. మృతునికి భార్య గౌరమ్మ, ఒక కుమార్తె ఉన్నారు. ఆలూరులో భారీ అగ్ని ప్రమాదం ● రూ.3 కోట్లకు పైగా ఆస్తి నష్టం ఆలూరు రూరల్‌: అలూరు పట్టణంలో భారీ అగ్ని ప్రమాదం జరిగింది. రూ.3 కోట్లకు పైగా ఆస్తి నష్టం వాటిల్లింది. బాఽధితుడు కిషోర్‌, అగ్నిమాపక శాఖ అధికారి శివయ్య తెలిపిన వివరాల మేరకు.. ఆలూరు తహసీల్దార్‌ కార్యాలయం సమీపంలోని దుస్తుల దుకాణంలో విద్యుత్‌ షార్ట్‌ సర్క్యూట్‌తో బుధవారం అర్ధరాత్రి దాటిన తర్వాత 2.30 గంటల సమయంలో మంటలు చెలరేగాయి. మంటల తీవ్రతకు దుకాణంలోని వస్త్రాలు, సామగ్రి పూర్తిగా దగ్ధమయ్యాయి. మంటలు భారీగా ఎగిసిపడటంతో స్థానికులు తీవ్ర భయాందోళనకు గురయ్యారు. సమాచారం అందుకున్న అగ్నిమాపక సిబ్బంది హుటాహుటిన ఘటనాస్థలికి చేరుకుని మంటలను అదుపులోకి తెచ్చారు. అర్ధరాత్రి చెలరేగిన మంటలు గురువారం మ ధ్యాహ్నం 2 గంటలకు అదుపులో వచ్చాయి. ప్రాణనష్టం తప్పడంతో స్థానికు లు ఊపిరి పీల్చుకున్నారు. దసరా పండుగ ఉండడంతో కొత్త దుస్తులు తెప్పించానని అగ్ని ప్రమాదం సంభవించి మూడు కోట్ల నష్టం వా టిల్లిందని యజమాని కిషోర్‌ కన్నీరుమున్నీరయ్యారు. విద్యార్థులకు ‘సేవా సంకల్ప్‌’ పోటీలు కర్నూలు సిటీ: సేవా సంకల్ప్‌ అభియాన్‌ కార్యక్రమంలో భాగంగా ఆంధ్రప్రదేశ్‌ పాఠశాల విద్యాశాఖ ఆధ్వర్యంలో గురువారం విద్యార్థులకు డ్రాయింగ్‌, వక్తృత్వ పోటీలు నిర్వహించారు. కర్నూలు బీక్యాంపులోని ప్రభుత్వ ఉన్నత విద్య అధ్యయన సంస్థ(ఐఏఎస్‌ఈ)లో నిర్వహించిన ఈ పోటీల్లో మండల స్థాయిలో ప్రతిభకబరిచిన 284 మంది విద్యార్థులు పాల్గొన్నారు. పోటీల్లో గెలుపొందిన విద్యార్థులను విజేతలుగా ప్రకటించారు. విజేతలు ఈ నెల 3వ తేదీలోపు రాష్ట్ర స్థాయికి పంపనున్నారు. రాష్ట్ర స్థాయి పోటీలు ఈ నెల 9న అమరావతిలో జరుగనున్నాయన్నారు. ఈ కార్యక్రమంలో జిల్లా సైన్స్‌ కో–ఆర్డినేటర్‌ రంగమ్మ, సమగ్ర శిక్ష ఏఎంఓ రఫీక్‌, తదితరులు పాల్గొన్నారు.

గత వైఎస్సార్‌సీపీ ప్రభుత్వ హయాంలో రాష్ట్రంలోని మారుమూల గ్రామాలలో సైతం వలంటీర్లు కులమతాలకు, పార్టీలకు అతీతంగా ప్రతి ఒక్కరికీ సేవలు అందించాం. కానీ ఎన్నికల సమయంలో చంద్రబాబు నాయుడు, పవన్‌కళ్యాణ్‌లు పలు సభల్లో వలంటీర్లను తీసివేయమని, పైపెచ్చు నెలకు రూ.5 వేల నుంచి రూ.10వేలు ఇస్తామని హామీలు గుప్పించారు. తీరా చూస్తే ప్రభుత్వం ఏర్పడిన వెంటనే వలంటీర్లను విధుల నుంచి తొలగించి మా బతుకులపై కొట్టారు. ఇప్పుడే సోషల్‌ మీడియా ఇన్‌ఫ్లుయన్సర్ల పేరుతో ప్రజాధనం దోచిపెట్టడం సరికాదు. – రాణి, మాజీ వలంటీర్‌, గువ్వలకుంట్ల

సీఎం నారా చంద్రబాబు నాయుడు బీసీలను మోసం చేస్తూనే ఉన్నారు. బీసీలను ఓటు బ్యాంక్‌గా వాడుకుంటున్నారు. ఆయన మాటల్లో తప్పా చేతల్లో కనిపించవు. 34 శాతం రిజర్వేషన్‌లు ఇస్తున్నట్లు గొప్పలు చెప్పుకుని ఊరువాడా ప్రచారం చేసుకున్నారు. ఆ జీవోలు కోర్టులో నిలబడవని నాలుగు సార్లు సీఎంగా పని చేసిన వ్యక్తికి తెలియవా? ఇదంతా బీసీలపై కపట ప్రేమనే. బీసీలను ఇంకెన్నాళ్లు మభ్యపెడతారు. – పెరుగు శివక్రిష్ణయాదవ్‌, రిజర్వేషన్‌ పరిరక్షణ సమితి రాష్ట్ర యూత్‌ అధ్యక్షులు, పాణ్యం

● అక్రమ మైనింగ్‌ ప్రాంతాన్ని పరిశీలించిన అధికారులు బేతంచెర్ల: గూటుపల్లె పరిసర ప్రాంతంలోని అక్రమ మైనింగ్‌ జరిగిన ప్రాంతాన్ని డోన్‌ ఆర్డీఓ నరసింహులు, నంద్యాల జిల్లా మైన్స్‌ ఏడీ వేణుగోపాల్‌, తహసీల్దార్‌ నాగమణి బుధవారం పరిశీలించారు. ఈ ప్రాంతంలో సోమవారం సీజ్‌ చేసిన వాహనాలు ఎక్కడికి తరలించారో ఆరా తీశారు. సోమవారం అక్రమంగా తవ్వి నిల్వ ఉంచిన 710 టన్నుల ఇనుప ఖనిజం తోపాటు హిటాచి, రెండు టిప్పర్లు, ఒక క్యాంపర్‌ వాహనాన్ని సీజ్‌ చేశారు. క్యాంపర్‌ వాహనం ఒక్కటి పోలీస్‌స్టేషన్‌ల్లో ఉంది. అదే రోజు అర్ధరాత్రి సీజ్‌ చేసిన రెండు టిప్పర్లను, హిటాచి వాహనాలను మైనింగ్‌ ప్రాంతం నుంచి తరలించినట్లు అధికారులు గుర్తించారు. మంగళవారం ఉదయం సంఘటన స్థలానికి చేరుకొని వెళ్లగా సీజ్‌ చేసిన వాహనాలు కనిపించకపోవడం చర్చనీయాశంగా మారింది. అధికార పార్టీ నాయకులు కావడంతో తాము ఏం చేసినా చెల్లుబాటు అవుతుందనుకున్నారో ఏమో సీజ్‌ చేసిన వాహనాలను తరలించారు. వాహనాల కోసం రెవెన్యూ, మైనింగ్‌ అధికారులు రెండు రోజులుగా గాలిస్తున్నా ఆచూకీ లభించలేదు. ఈ సందర్భంగా ఆర్డీఓ నరసింహులు, మైన్స్‌ ఏడీ వేణుగోపాల్‌ మాట్లాడుతూ.. సీజ్‌ చేసిన వాహనాలను తప్పనిసరిగా గుర్తించి, బాధ్యులపైన చట్టపరమైన చర్యలు తీసుకుంటామన్నారు. అక్రమైనింగ్‌ వాహనాలకు లీజ్‌ మైన్స్‌ వారు ఏవిధంగా అనుమతి ఇస్తున్నారని, వారికి నోటీసులు ఇస్తామన్నారు. సీజ్‌ చేసిన వాహనాలు అదృశ్యం అవ్వడంపై వీఆర్వో రఫీని ప్రశ్నించగా.. తహసీల్దార్‌కు సమాచారం తెలిపి, పోలీస్‌ స్టేషన్‌ల్లో ఫిర్యాదు చేసినట్లు చెప్పారు.

ఆదోని: ఆలూరు వైఎస్సార్‌సీపీ ఎమ్మెల్యే బుసినె విరూపాక్షిపై అక్రమంగా నమోదుచేసిన ఎస్సీ, ఎస్టీ అట్రాసిటీ కేసులో బెయిల్‌కు సంబంధించి ఏపీ హైకోర్టులో బుధవారం వాదోపవాదాలు జరిగాయి. ఎమ్మెల్యే తరఫు న్యాయవాదులు పొన్నవోలు ప్రభాకర్‌, వైఎస్సార్‌సీపీ లీగల్‌ సెల్‌ రాష్ట్ర అధికార కార్యదర్శి జీవన్‌సింగ్‌ తమ వాదనలు వినిపించారు. కేసుకు సంబంధించిన అంశాలపై ఇరుపక్షాల వాదనలు విన్న న్యాయస్థానం తదుపరి విచారణను వచ్చే మంగళవారానికి వాయిదా వేసింది. ఆ రోజున జరిగే విచారణపై రాజకీయ వర్గాల్లో ఆసక్తి నెలకొంది. మహానంది విద్యార్థుల ప్రతిభ మహానంది: మహానంది వ్యవసాయ కళాశాల విద్యార్థులు జాతీయ స్థాయిలో ప్రతిభ చాటారని అసోసియేట్‌ డీన్‌ డాక్టర్‌ సీహెచ్‌ శ్యామ్‌రాజ్‌ నాయక్‌ తెలిపారు. ఈ మేరకు బుధవారం ఓ ప్రకటన విడుదల చేశారు. అఖిల భారతస్థాయి వ్యవసాయ ఉన్నత విద్యా ప్రవేశ పరీక్షల్లో తమ విద్యార్థులు ప్రతిభ కనబరచారన్నారు. భారత వ్యవసాయ పరిశోధనా మండలి (ఐసీఏఆర్‌) ఆధ్వర్యంలో జాతీయ పరీక్షా నిర్వహణ సంస్థ నిర్వహించిన పోస్ట్‌ గ్రాడ్యుయేషన్‌ ప్రవేశ పరీక్షల్లో వివిధ కేటగిరీ ర్యాంకుల్లో మహానంది విద్యార్థులు ర్యాంకులు సాధించారన్నారు. కీటకశాస్త్ర విభాగంలో భవిత 6వ ర్యాంకు, సోషల్‌ సైన్స్‌ విభాగం కేటగిరీలో అమృత 8వ ర్యాంకు, అగ్రి బిజినెస్‌ మేనేజ్‌మెంట్‌ విభాగంలో శ్వేత కేటగిరీ 19వ ర్యాంకు, మొక్కల జీవ సాంకేతిక విజ్ఞాన విభాగంలో భార్గవి కేటగిరీ 22వ ర్యాంకు, మనోహర్‌ కేటగిరీ 23వ ర్యాంకు సాధించారన్నారు. అంతే కాకుండా వీరిలో కొంత మందికి జూనియర్‌ పరిశోధనా ఉపకార వేతనం పొందే అవకాశాలు ఉన్నాయని పేర్కొన్నారు. దీంతో పాటు విద్యార్థి నిఖిల 9.3 గ్రేడ్‌ పాయింట్ల సగటుతో విశ్వవిద్యాలయ పరిధిలో 13 ప్రభుత్వ అనుబంధ కళాశాల విద్యార్థుల్లో మొదటి స్థానం సాధించడం గర్వకారణమని, ఆమెకు బంగారు పతకం రూ.5 వేలు నగదు బహుమతి అందించినట్లు తెలిపారు. ప్రవేశాలు, ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ కళాశాలకు చెందిన హరికృష్ణ, ఐజయ్య, మోహన్‌ మురళీ, శ్రేయ, 2026–27 విద్యా సంవత్సరానికి గాను భారతదేశంలోనే ప్రముఖ ప్రఖ్యాతి గాంచిన ఐఐటీ జోధాపూర్‌, గౌహతిలలో ప్రవేశించి పీహెచ్‌డీ విద్యను అభ్యసిస్తున్నారన్నారు. వీరికి నెలకు రూ. 38 వేలు ఉపకార వేతనం అందుతుందన్నారు. అయేషా మున్నీ భారతదేశ విజ్ఞాన సంస్థ బెంగళూరులో ప్రవేశించి నెలకు రూ. 42 వేలు ఉపకార వేతనాన్ని అందుకుంటుందన్నారు. ఈ విద్యార్థులు అందరూ నాలుగేళ్ల డిగ్రీ విద్యా అనంతరం డాక్టర్‌ ఆఫ్‌ ఫిలాసఫీలో ప్రవేశాలు పొందారని వివరించారు. నిఖిల ఐజయ్య హరికృష్ణ

పగిడ్యాల: ప్రజల సేవార్థమై లక్షలాది రూపాయలు వెచ్చించి నిర్మించిన ప్రభుత్వ భవనాలు అన్యాక్రాంతమవుతున్నాయి. మండలంలోని పునరావాస గ్రామాల్లో ప్రపంచ బ్యాంకు నిధులతో కమ్యూనిటీ హాల్‌, పాల డెయిరీ, అంగన్‌వాడీ సెంటర్లు, హెల్త్‌ సెంటర్లు, సెరికల్చర్‌ భవనం, కుట్టు మిషన్‌ సెంటర్లు, మహిళా భవనం తదితర వాటిని నిర్మించారు. ఈ భవనాలపై గ్రామ పంచాయతీల అధికారుల పర్యవేక్షణ లేక కబ్జాకు గురవుతున్నాయి. అందుకు నెహ్రూ నగర్‌లోని డెయిరీ భవనం అద్దం పడుతోంది. గ్రామానికి చెందిన ఓ వ్యక్తి డెయిరీ భవనాన్ని ఆక్రమించుకుని ఇంటి నిర్మాణాన్ని విస్తరించి లెట్రిన్‌, బాత్‌రూం, మెట్లు, అదనపు గదిని నిర్మిస్తున్నా సంబంధిత పంచాయతీ అధికారులు పట్టించుకోకపోగా దానికి ఇంటి పన్ను రశీదు, కుళాయి కనెక్షన్‌ ఇచ్చి ఉదాసీనత కనబర్చడంపై సర్వత్రా విమర్శలు వ్యక్తమవుతున్నాయి. దీనికి తోడు అధికార పార్టీ నాయకుల అభయం కబ్జారాయుడుకి లభించినట్లు సమాచారం. ఈ ఆక్రమణపై గతంలో స్థానికులు జిల్లా కలెక్టర్‌కు, మండల తహసీల్దార్‌కు ఫిర్యాదు చేశారు. ఉన్నతాధికారుల ఆదేశాల మేరకు ఎంపీడీఓ సుమిత్రమ్మ తనిఖీ చేసి అక్రమ నిర్మాణాన్ని నిలుపుదల చేసిన సంగతి తెలిసిందే. అయితే ఇటీవల ఆ భవనానికి శెట్టి భారతి పేరు మీద ఇంటి పన్ను రశీదు ఇవ్వడంతో కబ్జాదారుడు స్థలాన్ని రిజిస్టర్‌ చేయించుకున్నాడనే ఊహాగానాలు వ్యక్తమవుతున్నాయి. ఈ విషయమై ఎంపీడీఓ సుమిత్రమ్మను, ముచ్చుమర్రి వెటర్నరీ వైద్యులు రాగసంధ్యను వివరణ కోరగా పునరావాస గ్రామాల కింద డెయిరీ నిర్మించారు. ఆ భవనాన్ని పశుసంవర్ధక శాఖకు రిజిస్టర్‌ చేయించలేదని చెప్పడం గమనార్హం.

నంద్యాల(న్యూటౌన్‌): ఉమ్మడి జిల్లా పరిధిలో ఎస్‌జీఎఫ్‌ ఆధ్వర్యంలో నంద్యాల మున్సిపల్‌ హైస్కూల్లో హ్యాండ్‌బాల్‌, చెస్‌, టేబుల్‌ టెన్నిస్‌ ఎంపిక పోటీలు ఉత్సాహభరిత వాతావరణంలో నిర్వహించినట్లు ఎస్‌జీఎఫ్‌ సెక్రటరీ సుధాకర్‌రెడ్డి తెలిపారు. బుధవారం జరిగిన ఎంపిక పోటీల్లో వివిధ పాఠశాలల నుంచి క్రీడాకారులు హాజరై ప్రతిభ చాటుకున్నారు. హ్యాండ్‌బాల్‌, చెస్‌, టేబుల్‌ టెన్నిస్‌లో జిల్లా స్థాయి ఎంపికలు, నందికొట్కూరు నవనంది హైస్కూల్‌లో జూడో ఎంపికలు జిల్లా వ్యాయామ ఉపాధ్యాయ సంఘం కార్యదర్శి ప్రభాకర్‌, శ్రీనాథ్‌ ఆధ్వర్యంలో నిర్వహించినట్లు తెలిపారు. ఈ సందర్భంగా నంద్యాల జిల్లా ఎస్‌జీఎఫ్‌ సెక్రటరీ సుధాకర్‌, శశికళ, కర్నూలు జిల్లా సెక్రటరీ లక్ష్మయ్య, అరుణతో పాటు పలువురు వ్యాయామ ఉపాధ్యాయులు రవికుమార్‌, మాజీ సెక్రటరీ శివకుమార్‌ పాల్గొని ఎంపికల ప్రక్రియను పర్యవేక్షించారు. జిల్లా వ్యాయామ ఉపాధ్యాయులు, అధ్యక్షుడు జోసెఫ్‌ లక్ష్మయ్య పాల్గొన్నారు

● నిజాలు తెలుసుకుని మంత్రి బీసీ మాట్లాడాలి ● షాదీఖానా నిధుల మంజూరు చేయాలని నేను కోరాను ● అడ్డుకున్నానని అబద్ధాలు చెప్పడం సరికాదు ● మాజీ ఎమ్మెల్యే కాటసాని రామిరెడ్డి బనగానపల్లె: బనగానపల్లెలో షాదీఖానా నిర్మాణానికి నిధుల మంజూరులో తాను అడ్డుకున్నట్లు మంత్రి బీసీ జనార్దన్‌రెడ్డి డ్రామాలు ఆడుతున్నారని మాజీ ఎమ్మెల్యే కాటసాని రామిరెడ్డి అన్నారు. మంత్రిగా ఉండి డ్రామాలు ఆడితే ప్రజలు నవ్వుతారని, నిజాలు తెలుసుకుని మాట్లాడాలని సూచించారు. స్థానిక వైఎస్సార్‌సీపీ కార్యాలయంలో బుధవారం ఏర్పాటు చేసిన విలేకరుల సమావేశంలో కాటసాని మాట్లాడారు. బీసీ జనార్దన్‌రెడ్డి ఎమ్మెల్యేగా ఉన్న 2018లోనే షాదీఖానా నిర్మాణానికి జీవో నంబరు 77 ద్వారా కోటి నిధులు మంజూరు చేయించారన్నారు. అందుకు సంబంధించిన మంజూరు ఉత్తర్వులు కూడా వచ్చాయన్నారు. షాదీఖానా నిర్మాణానికి కాంట్రిబ్యూషన్‌ నిధుల కింద అప్పటి ఎమ్మెల్యేగా ఉన్న బీసీ సొంతగా రూ.30 లక్షలు చెల్లించారన్నారు. నిర్మాణ పనులు రూ.55లక్షల వరకు చేశారన్నారు. అప్పటి ప్రభుత్వం నుంచి కోటి నిధులు మంజూరుకాకపోవడంతో బీసీ సొంతగా కాంట్రిబ్యూషన్‌ కింద చెల్లించిన రూ.30లక్షలు మాత్రమే బిల్లు చేసుకున్నారని కాటసాని పేర్కొన్నారు. ప్రభుత్వం కోటి నిధులు మంజూరు చేయించి ఉంటే రూ.55 లక్షల నిర్మాణ పనులు చేసినవారు రూ.30 లక్షలకు మాత్రమే ఎందుకు బిల్లు చేసుకున్నట్లు ప్రజలకు తెలపాలన్నారు. బిల్లు మంజూరుకాకపోవడంతోనే డ్రా చేసుకోలేకపోయారని, ఆ నిధులు మంజూరుకాకుండా తాను అడ్డుకున్నట్లు ఆరోపణలు చేయడం సబబుకాదని మాజీ ఎమ్మెల్యే కాటసాని పేర్కొన్నారు. తాను ఎమ్మెల్యేగా ఉన్నప్పుడు అప్పటి సీఎం వైఎస్‌ జగన్‌మోహన్‌రెడ్డి కలిసి గతంలో తెచ్చిన జీవో 77ను జత చేసి షాదీఖానా నిర్మాణానికి కోటి నిధులు మంజూరు చేయాలని కోరానన్నారు. వక్ఫ్‌బోర్డులో నిధులు లేనందున మంజురుకాలేదన్నారు. షాదీఖానా నిర్మాణానికి తాను ఎప్పుడూ వ్యతిరేకం కాదన్నారు. మంత్రి వ్యాఖ్యలు హాస్యాస్పదం తాను ఎమ్మెల్యేగా ఉన్న సమయంలో గ్రామ సచివాయాలు, ఆర్‌బీకేలు,హెల్త్‌ సెంటర్లు గ్రామ గ్రామానా ఏర్పాటు చేశామన్నారు. రైతులకు సంబంధించి అక్కంపల్లిలో రూ.25 కోట్లతో, కలుగొట్ల వలంపాడు రూ.7.06 కోట్లతో..ఇలా ఎన్నో లిఫ్ట్‌ ఇరిగేషన్‌ పథకాలు నిర్మించామన్నారు. దద్దణాలకు ఎత్తిపోతల పథకం రూ.16 కోట్లతో ఏర్పాటు చేశానని మంత్రి బీసీ వ్యాఖ్యానించడం హాస్యాస్పదంగా ఉందన్నారు. తాను ఎమ్మెల్యేగా ఉన్న సమయంలో బనగానపల్లెలో పేదలకు మంజూరు చేయించిన ప్రభుత్వ స్థలాలను పంపిణీ జరగకుండా బీసీ అడ్డుకున్నారన్నారు. నేడు అదే స్థలాలను పంపిణీ చేసేందుకు మంత్రి ప్రయత్నించడం శోచనీయమన్నారు. ముస్లింల మనోభావాలు దెబ్బతిన్నాయి! షాదీఖానా ముఖద్వారం వద్ద మహనీయలు అబుల్‌కలాం పేరు కాకుండా ముస్లింల మనోభావాలు దెబ్బతినే విధంగా బీసీజేఆర్‌ అని పేరు ఉంచడం ఏమిటని మాజీ ఎమ్మెల్యే కాటసాని రామిరెడ్డి ప్రశ్నించారు. స్థానికంగా ఉన్న ఆర్యవైశ్యులు, క్రషర్‌ యజమానులు, పలురకాల చిరు వ్యాపారుల నుంచి బలవంతంగా సీఎస్‌ఆర్‌ పేరుతో నిధులు వసూలు చేసి అభివృద్ధి చేస్తునట్లు చెప్పుకోవడం సిగ్గుచేటన్నారు. ఉర్దూభవన్‌ సమీపంలో తాను ఎమ్మెల్యేగా ఉన్న సమయంలో నిరుపేద వ్యాపారులకు దుకాణాల ఏర్పాటుకు పట్టాలు ఇచ్చానన్నారు. బీసీ మంత్రి అయిన వెంటనే వాటిని తొలగించి దుకాణాలు ఏర్పాటు చేసుకున్న ఒక్కొక్కరి నుంచి రూ.2 లక్షలు వసూలు చేశారన్నారు. అలా ఏర్పాటు చేసిన కాంప్లెక్స్‌ బీసీజేఆర్‌ పేరు పెట్టుకోవడం సబబేనా అని ప్రశ్నించారు. షాపుల నిర్మాణంలో నిధులు తక్కువపడితే ప్రభుత్వం ఇస్తుందని కాటసాని తెలిపారు.

ఉమ్మడి జిల్లాలో రబీ సీజన్‌లో శనగ ప్రధాన పంట. శనగ పంటలో దిగుబడి బాగా రావాలంటే చలి ఎక్కువగా ఉండాలి. మంచు కురవాలి. చలి, మంచు ఎక్కువగా ఉంటే దిగుబడి మెరుగ్గా ఉంటుంది. ఈ సారి ఎల్‌నినో ప్రబా వం వల్ల చలికాలంలో కూడా ఉష్ణోగ్రతలు ఎక్కువగా ఉంటాయని భారత వాతావరణ సంస్థ ప్రకటిస్తోంది. శనగ సాగు చేసే రైతులు ఎల్‌నినో, రాబోయే రోజుల్లో వాతావరణ పరిస్థితులను పరిగణలోకి తీసుకొని ముందుకెళ్లాలి. ఇతర పంటలకు చలి వాతావరణం అవసరం ఉండదు. ఎల్‌నినో ప్రబావం వల్ల రబీ సాగు ప్రశ్నార్థకం అవుతోంది. – సుజాతమ్మ, ప్రధాన శాస్త్రవేత్త, ఏరువాక కేంద్రం, కర్నూలు

ఎన్నికల ముందు చంద్రబాబునాయుడు వలంటర్లకు అరచేతిలో స్వర్గం చూపించారు. రూ. 5 వేలు కాదు అధికారంలోకి వస్తే రూ. 10 వేలు ఇస్తానని మాయమాటలు చెప్పారు. జీతం ఏమో గాని ఉన్న బాధ్యత పోయింది. గత ప్రభుత్వంలో మేం ప్రభుత్వ పథకాలను ప్రజల ఇళ్ల వద్దకు తీసుకపోయాం. వారికి అన్ని విధాలుగా సహాయ పడ్డాం. కరోనా సమయంలో ప్రాణాలను ఫణంగా పెట్టి అధికారులకు, ప్రజలకు తోడుగా ఉన్నాం. ఇప్పుడు బాబు కొత్తగా ప్రజాధనంతో ప్రచారకర్తలకు ప్రోత్సాహం ఇస్తానని ప్రకటించారు. అది ప్రజాధనం దుర్వినియోగం కాదా? – ఉపేంద్ర, మాజీ వలంటీర్‌, గుంప్రమాన్‌దిన్నె, శిరివెళ్ల మండలం

● పారిశుద్ధ్య చర్యలు చేపట్టకపోవడంతో డెంగ్యూ సోకి మృతి చెందాడని ఆగ్రహం దేవనకొండ: గత వారం రోజులుగా డెంగ్యూ వ్యాధితో బాధపడుతూ బుధవారం 19 నెలల చిన్నారి రేవంత్‌నాయుడు మృతిచెందాడు. బాలుడి మృతదేహంతో తండ్రి నరసనాయుడు, బంధువులు దేవనకొండ ఎంపీడీఓ కార్యాలయానికి చేరుకుని ధర్నా చేపట్టారు. పారిశుద్ధ్యం లోపించడం, విచ్చలవిడిగా పందుల సంచారంపై గత రెండు నెలలుగా అధికారులకు ఎన్నిసార్లు ఫిర్యాదు చేసినా పట్టించుకోలేదని వాపోయారు. పరిసరాలను శుభ్రం చేయకపోవడం, పందుల బెడదను అరికట్టకపోవడం వల్ల పిల్లలు, పెద్దలు విషజ్వరాల బారిన పడుతున్నారని, తమ కుమారుడు డెంగ్యూ బారిన పడి మరణించాడని బాలుడి తండ్రి నరసనాయుడు, బంధువులు ఆరోపించారు. తాము ఫిర్యాదు చేసినప్పుడు స్పందించి పరిసరాలను శుభ్రంగా ఉంచి ఉంటే తమ కుమారుడు బతికేవాడని అన్నారు. దాదాపు రెండు గంటల పాటు ధర్నా చేయడంతో ఎంపీడీఓ జ్యోతి, ఈఓఆర్‌డీ గోపాల్‌ బాధితులకు సర్ధి చెప్పి ఇలాంటి ఘటనలు పునరావృతం కాకుండా చూసుకుంటామని చెప్పడంతో బాలుడి మృతదేహాన్ని తీసుకెళ్లి ఖననం చేశారు.

కొత్తపల్లి: కొక్కెరంచ ప్రాథమికోన్నత పాఠశాల హెచ్‌ఎం పుష్పలత, కొత్తపల్లి మండల విద్యాధికారి కె.నాగరాజు కుట్రపూరితంగా ఎస్‌ఎంసీ ఎన్నికలు వాయిదా వేయించారని, వారిపై జిల్లా ఉన్నతాధికారులు చర్యలు తీసుకోవాలంటూ విద్యార్థుల తల్లిదండ్రులు బుధవారం ఆ పాఠశాల వద్ద నిరసన తెలిపారు. బడికి వచ్చిన విద్యార్థులను ఇళ్లకు తీసుకెళ్లారు. మండలంలోని అన్ని పాఠశాలల్లో మంగళవారం ఎస్‌ఎంసీ ఎన్నికలు నిర్వహించారు. కొక్కెరంచ ప్రాథమికోన్నత పాఠశాలలో 86 మంది విద్యార్థుల తల్లిదండ్రులకు ఎన్నికలు నిర్వహించేలా ఏర్పాటు చేశారు. ఓ వైపు 67 మంది ఉండగా మరోవైపు 19 మంది ఉన్నారు. వీరిలో ముగ్గురు ఓటింగ్‌ ప్రక్రియకు రాలేదు. ఓ వర్గం వారు తక్కువగా ఉండడంతో టీడీపీ నేతల ఒత్తిడితో హెచ్‌ఎం పుష్పలత, ఎంఈవో నాగరాజు ఎన్నికలు జరగకుండా కుట్రలు పన్నారని విద్యార్థుల తల్లిదండ్రులు ఆరోపించారు. గొడవలు జరుగుతాయని ఇంటెలిజెన్స్‌ రిపోర్టు ఉందంటూ ఎన్నికలు వాయిదా వేయించారని ఆగ్రహం వ్యక్తం చేశారు. గతంలో ఎన్నడూ లేని విధంగా టీడీపీ నేతలు పాఠశాలలోకి రాజకీయాలు తెచ్చి విద్యార్థుల భవిష్యత్తుతో ఆడుకోవడం దుర్మార్గమైన చర్య అని మండిపడ్డారు. ఎన్నికలు నిర్వహించడం ఇష్టం లేక హెచ్‌ఎం పుష్పలత ఉద్దేశపూర్వకంగా విధులకు సెలవు పెట్టారని ఆరోపించారు. హెచ్‌ఎం, ఎంఈఓలపై చర్యలు తీసుకొని ఎస్‌ఎంసీ ఎన్నికలను పకడ్బందీగా జరపకపోతే తమ పిల్లలను బడికి పంపేది లేదంటూ వారు స్పష్టం చేశారు.

● ఇద్దరిపై కేసు నమోదు గోనెగండ్ల: మండల కేంద్రంలోని లక్ష్మిపేటకు చెందిన కురువ రంగడు అలియాస్‌ రంగముని (40) బుధవారం పొలం వద్ద జరిగిన ఘర్షణలో హత్యకు గురైనట్లు పోలీసులు తెలిపారు. పోలీసులు, స్థానికులు తెలిపిన సమాచారం మేరకు.. లక్ష్మిపేటకు చెందిన రంగడు, అతని సోదరుడు వెంకటేష్‌ బుధవారం ఉదయం ఐరన్‌బండ గ్రామ సమీపంలోని తమ పొలంలో ఎరువు మందు చల్లేందుకు రస్తాలో పట్ట వేసి మందు కలుపుతున్నారు. అదే రస్తాలో భానుచంద్ర, వెంకట్రాముడు బైక్‌పై పట్ట మీదుగా వెళ్లడంతో పట్ట బైకుకు తట్టుకొని చిరిగిపోయి ఎరువుల మందు కిందపడింది. దీంతో వారి మధ్య వాగ్వాదం జరిగింది. ఆగ్రహానికి లోనైన భానుచంద్ర పొలంలో ఉన్న ఇనుప చలికెతో రంగడు ఎదపై బలంగా కొట్టాడు. తీవ్ర నొప్పితో రంగడు ఇంటికి చేరుకున్నాడు. వైద్యం కోసం కుటుంబ సభ్యులు ఎమ్మిగనూరుకు తీసుకెళుతుడగా మార్గం మధ్యలోనే మృతి చెందాడు. దీంతో ఆగ్రహానికి లోనైన కుటుంబ సభ్యులు, బంధువులు రంగడు మృతదేహంతో సాయంత్రం గోనెగండ్లలోని వైఎస్సార్‌ సర్కిల్‌లో రోడ్డుపై ధర్నా చేపట్టారు. హత్య చేసిన వారిని తమ ముందు ఉంచి న్యాయం చేయాలంటూ నినాదాలు చేశారు. సీఐ చంద్రబాబు, పోలీసులతో ఘటనా స్థలానికి చేరుకొని వారిని శాంతింపజేశారు. దీంతో మృతదేహాన్ని తరలించారు. మృతుడి భార్య ఇచ్చిన ఫిర్యాదు మేరకు భానుచంద్ర, వెంకట్రాముడుపై కేసు నమోదు చేసినట్లు సీఐ తెలిపారు.

● నేటి నుంచి మొదలు కానున్న రబీ సీజన్‌ ● కర్నూలు జిల్లాలో 1.07 లక్షలు, నంద్యాల జిల్లాలో 1.93 లక్షల హెక్టార్లలో పంటల సాగుకు అవకాశం ● చలిని మింగేస్తున్న వేడిగాలులు ● పగటి ఉష్ణోగ్రతలు 37–38 డిగ్రీలు నమోదు కర్నూలు(అగ్రికల్చర్‌): ఎల్‌నినో దెబ్బకు ఖరీఫ్‌ పంటలు కుదేలయ్యాయి. ఈ స్థితిలో అక్టోబరు 1 నుంచి రబీ సీజన్‌ మొదలవుతోంది. ఎల్‌నినో దెబ్బకు కుదేలైన అన్నదాతలు రబీ సాగుపై డోలయామానంలో పడిపోయారు. విత్తనం వేసుకోవడానికి వర్షాలు పడుతాయా?.. వర్షాలు పడి విత్తనం వేసుకుంటే చలి ఉంటుందా?.. చలి లేకపోతే శనగ పంట రాదు కదా అనే మీమాంసలో ఉండిపోయారు. ఇటు కర్నూలు, అటు నంద్యాల జిల్లాల్లో ఏడారి పరిస్థితులు నెలకొన్నాయి. రబీలో ప్రధాన పంట పప్పు శనగ. కర్నూలు జిల్లాలో రబీ సాధారణ సాగు 1,07,475 హెక్టార్లు ఉండగా, నంద్యాల జిల్లాలో రబీ సాధారణ సాగు 1,93,935 హెక్టార్లు ఉంది. శనగ 59,881 హెక్టార్లలో సాగవుతుంది. పప్పు శనగకు ప్రధానంగా చలి, మంచు అవసరం. చలి, మంచు ఎంత ఎక్కువగా ఉంటే శనగ అంత బాగా వస్తుంది. జూన్‌ నుంచి వానాకాలం మొదలైనప్పటికీ వాతావరణం ఎండాకాలం మాదిరిగానే ఉంది. గతంలో ఎప్పుడూ లేని విధంగా సెప్టెంబరులో 39–40 డిగ్రీల ఉష్ణోగ్రతలు నమోదవుతున్నాయి. ఎల్‌నినో ప్రబావం వల్ల చలికాలంలో కూడా అధిక ఉష్ణోగ్రతలు ఉండే అవకాశం ఉన్నట్లు తెలుస్తోంది. చలికాలంలో కూడా పగటి ఉష్ణోగ్రతలు 38 డిగ్రీలు. రాత్రి ఉష్ణోగ్రతలు 20–22 డిగ్రీల వరకు వరకు ఉండే అవకాశం ఉందని వాతావరణ శాస్త్రవేత్తలు స్పష్టం చేస్తున్నారు. గతేడాది చలికాలంలో పగటి ఉష్ణోగ్రతలు 33–34 డిగ్రీల వరకు రాత్రి ఉష్ణోగ్రతలు 9 నుంచి 16 డిగ్రీల వరకు నమోదయ్యాయి. ఇటు కర్నూలు, అటు నంద్యాల జిల్లాల్లో రబీలో శనగ ప్రధాన పంట. శనగ పంటపై ఎల్‌నినో ప్రభావం తీవ్రస్థాయిలో ఉండే ప్రమాదం ఏర్పడింది. ఎల్‌నినో ప్రభావం వల్ల చలికాలంలో అధిక ఉష్ణోగ్రతలు ఉండే అవకాశం ఉందని, శనగ సాగు చేసే రైతులు వాతావరణ పరిస్థితులను పరిగణలోకి తీసుకొని ముందుకెల్లాలని సూచిస్తున్నారు. నంద్యాల జిల్లాలో రబీలో ఆయకట్టు లేనట్లే నంద్యాల జిల్లాలో రబీ సీజన్‌లో వర్షాధారం కింద 84,265 హెక్టార్లు, నీటి ఆధారం కింద 1,09,670 హెక్టార్లలో పంటలు సాగవుతాయి. రబీలో నీటి ఆధారం కింద వరితో పాటు ఆరుతడి పంటలుగా మినుము, మొక్కజొన్న, జొన్న తదితర పంటలు సాగు చేస్తారు. శ్రీశైలం ప్రాజెక్టుల్లో నీటి మట్టం కనిష్టస్థాయికి పడిపోయింది. ఇక వర్షాలు కురిసే అవకాశం లేనందున నీటి ఆధారం కింద పంటలు సాగు చేసే అవకాశమే లేదని అధికార వర్షాలు తెలిపాయి. రబీ సాగు ప్రశ్నార్థకమే ! కర్నూలు జిల్లాలో రబీలో ప్రధానంగా పప్పు శనగ 57,323 హెక్టార్లు, మొక్కజొన్న 13,900, జొన్న 10,597, వేరుశనగ 13,555, పొగాకు 3758 హెక్టార్ల ప్రకారం సాగవుతాయి. ఈ పంటలన్నీ వర్షాధారం కిందనే సాగు చేస్తారు. వరి సాధారణ సాగు 3,817 హెక్టార్లు ఉంది. ఎల్‌ఎల్‌సీ కింద వరి సాగు చేస్తారు. కాల్వలకు నీళ్లు వచ్చే అవకాశమే లేనందున వరి సాగు లేనట్లేనని వ్యవసాయ అధికారులు పేర్కొంటున్నారు. మిగిలిన పంటల సాగుకు వర్షాలు, మంచు, చలి అవసరమవుతాయి. ఎల్‌నినో వీటిని మింగేస్తోంది. దీంతో అన్నదాతల పరిస్థితి దయనీయం అయ్యింది.

● ఎకై ్సజ్‌ జాయింట్‌ కమిషనర్‌ నాగలక్ష్మి బొమ్మలసత్రం: జిల్లాలో 27 మద్యం దుకాణాలకు లైసెన్స్‌లు పొందేందుకు ఇంట్లో నుంచే ఆన్‌లైన్‌ ద్వారా దరఖాస్తు చేసే ప్రక్రియను ముఖ్యమంత్రి చంద్రబాబునాయుడు నూతనంగా ప్రవేశపెట్టారని ఎకై ్సజ్‌ శాఖ జాయింట్‌ కమిషనర్‌ నాగలక్ష్మి తెలిపారు. నంద్యాల ఎకై ్సజ్‌ పోలీస్టేషన్‌లో బుధవారం అధికారులతో ఆమె సమీక్ష నిర్వహించారు. జిల్లాలో మొత్తం 113 మద్యం దుకాణాలు ఉండగా వాటిలో 89 దుకాణాల లెసెన్స్‌లను పాతవారికే కేటాయించామన్నారు. మిగతా వాటికి లైసెన్స్‌ల పునరుద్ధరణ ప్రక్రియకు దరఖాస్తులకు ఆహ్వానిస్తున్నామన్నారు. దరఖాస్తులు అక్టోబర్‌ 1 అర్ధరాత్రి వరకూ స్వీకరిస్తామని, ఆసక్తి ఉన్న వారు రూ. 3 లక్షలు నాన్‌రీఫండబుల్‌ నగదును చెల్లించి దరఖాస్తు చేసుకోవచ్చన్నారు. జిల్లాలో నవోదయం కార్యక్రమం విజయవంతంగా నడిపి సారాను నిర్మూలించడంతో దుకాణాదారులకు ఆదాయం పెరిగిందన్నారు. నంద్యాలలో జనాభా అధికంగా ఉండి దుకాణాలు తక్కువగా ఉండటంతో లైసెన్స్‌దారులకు ఆదాయం అధికంగా ఉందన్నారు. సమావేశంలో కర్నూలు జిల్లా డిప్యూటీ కమిషనర్‌ శ్రీదేవి, అసిస్టెంట్‌ కమిషనర్‌ హనుమంతరావు, జిల్లా ఎకై ్సజ్‌ అధికారి రవికుమార్‌ తదితరులు పాల్గొన్నారు. నేడే తుదిగడువు ఆత్మకూరు: మద్యం దుకాణాలకు దరఖాస్తు చేసుకునేందుకు అక్టోబర్‌ 1వ తేదీ వరకు మాత్రమే గడువు ఉందని రాష్ట్ర ప్రొహిబిషన్‌, ఎకై ్సజ్‌ శాఖ జాయింట్‌ కమిషనర్‌ నాగలక్ష్మి పేర్కొన్నారు. బుధవారం ఆత్మకూరు ప్రొహిబిషన్‌ అండ్‌ ఎకై ్సజ్‌ స్టేషన్‌ అధికారి ఇ.మోహన్‌రెడ్డి అధ్యక్షతన స్థానిక ఎకై ్సజ్‌ స్టేషన్‌లో సమావేశం నిర్వహించారు. ఎలాంటి రాజకీయ ఒత్తిళ్లకు తలొగ్గకుండా నిర్భయంగా దరఖాస్తులు చేసుకోవాలని సూచించారు.

ఎకరా రూ. 12 వేలు కౌలు చెల్లించి ఒకటిన్నర ఎకరాలో ఈ ఏడాది కుందూనదికి అనుసంధానంగా ప్రవహిస్తున్న కై పవాగు పరిధిలో వరి సాగు చేయాలన్నాను. వరినారుకు అడ్వాన్సు చెల్లించాను. వర్షాలు లేకపోవడంతో వాగులో నీరు అడుగంటింది. వర్షం కోసం నెల రోజులపాటు ఎదురుచూసినా వర్షం పడకపోవడంతో వాగుకు నీరు రాకపోవడంతో సాగుకు అదును దాటిపోవడంతో సాగు చేయలేకపోయాను. ఆ స్థానంలో రబీ సీజన్‌లో నాకున్న ఐదు ఎకరాల పొలంతోపాటు కౌలు పొలంలో ప్రత్యామ్నాయ పంటలైన జొన్న, పప్పుశనగ పంటల సాగుకు పొలాలను సిద్ధం చేసుకుంటున్నాను. – రమణారెడ్డి, రైతు, చిన్నకొప్పెర్ల, కోవెలకుంట్ల మండలం ఈ ఏడాది నాలుగు నెలల పాటు చుక్క వర్షం కురియకపోవడంతో పంటలు సాగు చేయలేకపోయాను. ఈ ఏడాది గ్రామ సమీపంలోని కుందరవాగు పరివాహకంలో 12 ఎకరాల సొంత పొలంలో వరి సాగు చేయాలనుకున్నాను. వాగులో చుక్క నీరు లేకపోవడంతో కనీసం నారుమడి కూడా పోయలేకపోయాను. వరిసాగుకు అదును దాటి పోవడంతో ఆ స్థానంలో జొన్న పంటసాగుకు సమాయత్తమవుతున్నాను. – వెంకటేశ్వరరెడ్డి, రైతు, కంపమల్ల, కోవెలకుంట్ల మండలం కోవెలకుంట్ల: వరి సాగు విస్తారంగా సాగు చేసే జిల్లాలో నంద్యాల ఒకటి. గత ఏడాది విస్తారంగా వర్షాలు కురిసి సాగునీటి ప్రాజెక్టుల్లో నీరు పుష్కలంగా చేరడంతో జిల్లాలో లక్ష్యాన్ని మించి 78 వేలహెక్టార్లలో వరిని సాగు చేశారు. అయితే పైరు చేతికందే తరుణంగా భారీ వర్షాలు కురిసి తీవ్ర నష్టాలు చవి చూశారు. వేలాది రూపాయాలు పెట్టుబడుల రూపంలో వెచ్చించి నష్టాల ఊబిలో కూరకపోయారు. ఆ నష్టాన్ని ఈ ఏడాది పూడ్చుకుందామనుకున్న జిల్లా రైతాంగానికి ఆదిలోనే అడ్డంకులు ఎదురయ్యాయి. జూన్‌ మొదటి వారంలో ఖరీఫ్‌ సీజన్‌ ప్రారంభం నుంచి దాదాపు నాలుగు నెలల పాటు చుక్క వర్షం కురియకపోవడంతో ఖరీఫ్‌ తుడుచకపెట్టుకపోయింది. జిల్లాలో జూలై రెండవ వారం నుంచి వరి సాగుకు అదును కాగా అప్పటికై నా వర్షాలు కురిసి సాగునీటి ప్రాజెక్టుల్లో నీరు సంవృద్ధిగా చేరుతుందని భావించారు. గత నెలాఖరు నాటికి వరి సాగుకు అదును దాటిపోయింది. అదును ముగిసే నాటికై నా వర్షాలు కురుస్తాయనుకున్న రైతులకు నిరాశే మిగిలింది. జిల్లాలోని 29 మండలాల పరిధిలో బోర్లు, బావులు, కుందూనది, పాలేరు, కుందర వాగు, ఎస్సార్బీసీ, కేసీ కెనాల్‌, తదితర నీటి ఆధారంగా 72,201 హెక్టార్లలో వరి సాగు కావాల్సి ఉండగా కేవలం 37,395 హెక్టార్లకే సాగు పరిమితమైంది. బోర్లు, బావులు, చెరువుల ఆధారంగానే ఆయా ప్రాంతాల్లో వరి సాగైంది. ఇందులో బండి ఆత్మకూరు మండలంలో అత్యధికంగా 5,983 హెక్టార్లలో, పాణ్యం మండలంలో 3,450 గోస్పాడు మండలంలో 3,029, మహానంది మండలంలో 2,601, నంద్యాల మండలంలో 2,411 హెక్టార్లలో ఆళ్లగడ్డ మండలంలో 2,312 హెక్లార్లలో సాగైంది. మిగిలిన ఎక్కువ శాతంమండలాల్లో వెయ్యి హెక్టార్లలోపు మాత్రమే సాగు పరమితమైంది. ఎస్సార్బీసీ, కేసీ కెనాల్‌ పరిధిలో సాగు నిల్‌.. ఈ ఏడాది ఖరీఫ్‌ ప్రారంభం నుంచి జిల్లా రైతాంగాన్ని సాగునీటి గండం వెంటాడుతోంది. శ్రీశైలం జలాశయంలో నీరు సమృద్ధిగా ఉన్నా నీటిని విడుదల చేయకపోవడంతో ఎస్సార్బీసీ, కేసీ కెనాల్‌లు నీరు లేక వెలవెలబోతున్నాయి. వీటి ఆధారంగా రైతులు వరి సాగు చేయవద్దని అధికారులు ఆదేశాలు జారీ చేయడంతో రైతులు వరి సాగు చేసేందుకు సాహసం చేయలేకపోయారు. నీరు వస్తుందో లేదోనన్న సందిగ్ధంతో కనీసం పూర్తి స్థాయిలో నారుమడులు కూడా పోసుకోలేకపోయారు. సెప్టెంబర్‌ నెల ముగుస్తున్నా కాల్వల్లో చుక్క నీరు లేక ఒట్టిపోయాయి. కాల్వల పరిధిలో వేలాది ఎకరాల ఆయకట్టు పొలాలు ఖాళీగా దర్శనమిస్తున్నాయి. ఖరీఫ్‌ సీజన్‌లో వివిధ పంటల సాగుకు అదును దాటిపోగా వచ్చే నెల నుంచి రబీసీజన్‌ ప్రారంభం కానుంది. కాల్వల పరిధిలో మొక్కజొన్న, మినుము, జొన్న, పప్పుశనగ, తదితర పంటలు సాగు చేయాలని వేలాది రూపాయలు ముందస్తు కౌలు చెల్లించి రైతులు పొలాను కౌలుకు తీసుకున్నారు. ఆ సీజన్‌లో కనీసం ఆరుతడి పంటల సాగుకై నా కాల్వలకు నీటిని విడుదల చేయాలని రైతులు కోరుతున్నారు. నియోజకవర్గం సాగు లక్ష్యం సాగైనది శ్రీశైలం 20,417 10,387 ఆళ్లగడ్డ 19,776 10,176 నంద్యాల 9,219 6,549 బనగానపల్లె 11,371 4,129 నందికొట్కూరు 3,203 1,211 డోన్‌ 466 102 పాణ్యం, 5,749 4,841 గడివేముల వర్షాభావ పరిస్థితులతో సగానికి పడిపోయిన వరి సాగు సెప్టెంబర్‌ ముగుస్తున్నా కాల్వలకు నీళ్లు రాని వైనం ఎస్సార్బీసీ, కేసీకెనాల్‌ ఆయకట్టు బీళ్లుగా దర్శనం జిల్లాలో 37 వేల హెక్టార్లలో మాత్రమే సాగు

జూపాడుబంగ్లా: పోతిరెడ్డిపాడు హెడ్‌రెగ్యులేటర్‌ నుంచి నీటి సరఫరా తగ్గిపోయింది. కేవలం 2వేల క్యూసెక్కులు మాత్రమే 2,4,5,7 గేట్లు తెరచి ఎస్సారెమ్సీ కాల్వలోకి పంపుతున్నారు. ఈ నీటిని బానకచర్ల నీటినియంత్రణ వ్యవస్థ నుంచి జీఎన్‌ఎస్‌ఎస్‌ కాల్వకు సరఫరా చేస్తున్నట్లు ఏఈ దేవేంద్ర తెలిపారు. ఈనెల 21తేదీ నాటికి శ్రీశైలం డ్యాంలో 858 అడుగుల నీటిమట్టం ఉండగా ప్రస్తుతం 854.20 అడుగుల నీటిమట్టానికి చేరుకుంది. ఇప్పటిదాకా పోతిరెడ్డిపాడు హెడ్‌రెగ్యులేటర్‌ నుంచి 33 టీఎంసీల నీటిని మాత్రమే ఎస్సార్బీసీ, తెలుగుగంగ, కేసీఎస్కేప్‌ కాల్వలకు సరఫరా చేసినట్లు అధికారులు పేర్కొంటున్నారు. తెలంగాణ ప్రభుత్వం నీటి వినియోగాన్ని ఏపీ ప్రభుత్వం అడ్డుకోకపోతే మరో వారం రోజుల్లో శ్రీశైలం డ్యాంలో నీటిమట్టం 850 అడుగులకు తగ్గిపోయే అవకాశం ఉంది. ఇలా అయితే పోతిరెడ్డిపాడు హెడ్‌రెగ్యులేటర్‌ ద్వారా నీటిసరఫరా నిలిచిపోయే ప్రమాదం ఉండటంతో రైతులు ఆందోళన వ్యక్తం చేస్తున్నారు. లింగనిర్ధారణ పరీక్షలు చేస్తే జైలుకే గోస్పాడు: లింగనిర్ధారణ పరీక్షలు చేస్తే జైలు తప్పదని జిల్లా వైద్య ఆరోగ్యశాఖ అధికారి డాక్టర్‌ శారదాబాయి హెచ్చరించారు. నంద్యాలలోని జిల్లా వైద్య ఆరోగ్యశాఖ కార్యాలయంలో బుధవారం సమావేశం నిర్వహించారు. ఈ సందర్భంగా డీఎంహెచ్‌ఓ మాట్లాడుతూ.. ప్రైవేట్‌ ఆసుపత్రుల స్కానింగ్‌ కేంద్రాల్లో లింగనిర్ధారణ పరీక్షలు చేస్తే లైసెన్సులు రద్దు చేస్తామన్నారు. సమాజానికి ప్రస్తుత పరిస్థితుల్లో ఆడబిడ్డ ముఖ్యమన్నారు. స్కానింగ్‌ సెంటర్లలో ధరల బోర్డులు ప్రదర్శించాలని సూచించారు. కార్యక్రమంలో కమిటీ మెంబర్లు డాక్టర్లు రవీంద్రనాథ్‌ రెడ్డి, శ్రవణ్‌ కుమార్‌, సలీమున్నీసా బేగం, పామన్న, నంద్యాల బర్డ్‌ ఎన్జీవో ప్రతినిధి వినయ్‌ బాబు, వంశీ పాల్గొన్నారు. చెంచులకు ఉచిత స్పర్శదర్శనం శ్రీశైలంటెంపుల్‌: శ్రీశైల మల్లన్న ఉచిత స్పర్శ దర్శనాన్ని బుధవారం 259 మంది చెంచులకు కల్పించారు. శ్రీశైలం చెంచుగూడేంతో పాటు నంద్యాల జిల్లా నుంచి 45 మంది, మార్కాపురం జిల్లాల నుంచి 104 మంది, మాచర్ల నుంచి 110 మంది చెంచు భక్తులు శ్రీశైలం చేరుకున్నారు. తప్పెట వాయిద్యాలతో, నృత్యాలు చేస్తూ దర్శనానికి వచ్చారు. ఉమారామలింగేశ్వరస్వామి ఆలయం వద్ద దేవస్థాన ఽఅధికారులు వీరికి ఆహ్వానం పలికారు. అనంతరం మల్లన్న స్పర్శదర్శనం, భ్రమరాంబాదేవి దర్శనం చేయించారు. పొలంలోనే ఎద్దు మృతి ఆత్మకూరురూరల్‌: సేద్యం చేస్తూ కాడిపైనే పడి ఎద్దు మృతి చెంది ంది. ఈ విషాద ఘటన ఆత్మకూరు మండలం నల్లకా ల్వ గ్రామ సమీప ంలో బుధవారం చో టుచేసుకుంది. రైతు రామాంజనేయులు తన పొలంలో సేద్యం చేయడానికి ఎద్దులను తీసుకెళ్లాడు. పొలంలోనే ఎద్దు మృతి చెందడంతో రైతుకు కోలుకోలేని దెబ్బ తగిలింది. కరువు కోరలకు చిక్కి అల్లాడుతున్న సమయంలో రూ.70 వేల విలువ చేసే దుక్కిటెద్దు హఠాత్తుగా మృతిచెందడంతో రైతు కుదేలయ్యాడు. సమాచారం తెలియగానే గ్రామంలోని రైతు భరోసా కేంద్రా నికి చెందిన వెటర్నరీ సహాయకుడు నారాయణాచారి ఘటనా స్థలానికి వెళ్లాడు. ఎద్దు కళేబరా న్ని పరిశీలించి ఉన్నతాధికారులకు తెలియజేశాడు. నిరుపేద దళిత రైతు అయిన రామాంజనేయులును ఆదుకోవాలని గ్రామస్తులు కోరుతున్నారు.

హొళగుంద: ఈ చిత్రంలో కనిపిస్తున్న రోడ్డు పాతది కాదు కొత్తదే. నెల రోజుల్లోపే తారు, కంకర లేచి గుంతలు పడడంతో మళ్లీ అతుకులు వేసి ఇలా తయారు చేశారు. హొళగుంద – ఢణాపురం మార్గంలో దాదాపు 25.49 కి.మీ వరకు రూ.11.30 కోట్ల నిధులతో హొళగుంద నుంచి హెబ్బటం ఒక బిట్‌గా, హెబ్బటం నుంచి ఢణాపురం వరకు మరో బిట్‌గా విభజించి కాంట్రాక్టర్లు తారు రోడ్డు పనులు చేపట్టారు. అయితే హెబ్బటం– ఢణాపురం వరకు తారు రోడ్డు పనులు ఒక పక్క జరుగుతుండగా మరో పక్క రోడ్డు గుంతలు పడి దారుణంగా తయారవడం మొదలెట్టింది. వేసిన పక్షం రోజులకే కంకర, తారు లేచి పోయిందంటే పనుల్లో నాణ్యత ఏ మేరకు ఉందో అర్ధం చేసుకోవచ్చు. ఇది మొదటి లేయర్‌ అని, మరో లేయర్‌ వేయాల్సి ఉందని ఆర్‌అండ్‌బీ అధికారులు చెబుతున్నారు. పటిష్టత లేని రోడ్డుపై ఎన్ని అతుకులు వేసినా, ఎన్ని లేయర్లు వేసినా మన్నికగా ఉంటుందా అనే సందేహం కలుగుతోంది. ఈ పనులను పరవేక్షించాల్సిన ఆర్‌అండ్‌బీ అధికారులు ఇప్పటివరకు స్పందించకపోవడం అనేక అనుమానాలకు తావిస్తోంది.

● త్రుటిలో తప్పిన ప్రమాదం ఆత్మకూరురూరల్‌: ఆత్మకూరు కోర్టుల భవనం శిథిలావస్థకు చేరుకోవడంతో కొన్ని గదులు మూసివేసి ఉన్నంత మేరలో సర్దుకుని సిబ్బంది, న్యాయవాదులు పనిచేస్తున్నారు. ఇదిలా ఉండగా బుధవారం హఠాత్తుగా సిబ్బంది పనిచేసుకునే గది పైకప్పు ఊడి పడింది. ఆ సమయానికి అక్కడ ఎవరు లేకపోవడంతో పెద్ద ప్రమాదం తప్పింది. ఇప్పటికే భవనం పరిస్థితి తెలిసి దాన్ని కూల్చివేసి కొత్త భవన నిర్మాణం కోసం అనుమతులు ఇవ్వాల్సిందిగా స్థానిక న్యాయమూర్తులు నివేదిక పంపారు. ఈ మేరకు ఆర్‌అండ్‌బీ అధికారులు భవన పరిస్థితిని అంచనావేసేందుకు వచ్చి తాత్కాలిక మరమతులు మాత్రమే చేయాల్సి ఉందని చెప్పడం ఇబ్బందిగా మారింది. ఇటీవల జిల్లా ప్రధాన న్యాయమూర్తి కోర్టు భవనాల పరిస్థితి గమనించి ప్రభుత్వ ఉన్నత పాఠశాల మైదానంలో ఉన్న ఇండోర్‌ స్టేడియంలో తాత్కాలికంగా కోర్టులను నడుపుకునేందుకు అనుమతినిచ్చారు. అయితే ఆత్మకూరుకు అదనంగా మరో మేజిస్ట్రేట్‌ కోర్టు కూడా మంజూరు కావడంతో శాప్‌కు చెందిన ఆ భవనంలో మూడు కోర్టులు పని చేయాల్సి ఉంది. పాత కోర్టు భవనం కూల్చివేసి కొత్త భవనాలు నిర్మించాల్సిందిగా న్యాయవాదులు, కోర్టు సిబ్బంది ప్రభుత్వాన్ని కోరుతున్నారు.

● ఉమ్మడి జిల్లాలో ఐదున్నర దశాబ్దాల్లో ఎపుడూ లేని విధంగా కరువు ఏర్పడింది. ● గతంలో కరువులోనూ 50 నుంచి 65 శాతం పంటలు చేతికి వచ్చేవి. ● ఈ ఏడాది ఒక శాతం కూడా దిగుబడులు రాలేదు. ● సాధారణంగా ప్రత్యామ్నాయ పంటల సాగుకు 80 నుంచి100 శాతం సబ్పిడీతో విత్తనాలు పంపిణీ చేయాల్సి ఉంది. ● ఆగస్టు మొదటి పక్షంలోనే కొర్ర, జొన్న, సజ్జ, ఆముదం, పెసర, కంది, మినుము, నువ్వులు తదితర సబ్సిడీ విత్తనాలు 1,119 క్వింటాళ్లు కేటాయించింది. ● ఒక్క విత్తనం కూడా రైతులకు ఇవ్వలేదు. అన్ని కాగితాల మీదనే ఉన్నాయి.

గ్రామ, వార్డు వలంటీర్లుగా విధులు నిర్వహిస్తున్న తమకు గత వైఎస్సార్‌సీపీ ప్రభుత్వం ఇస్తున్న రూ.5వేల వేతనాన్ని రూ.10వేలు చేస్తామని చెప్పిన చంద్రబాబు ప్రభుత్వం మాట తప్పింది. ఉన్న ఉద్యోగాలు సైతం ఊడగొట్టి బజారులో పడే విధంగా చేసింది. ఇన్నాళ్లు వలంటీర్లుగా ఓ రకమైన జీవితాన్ని అనుభవించిన తమకు సమాజంలో చేదు అనుభవాలు ఎదురయ్యాయి. వలంటీర్లుగా చేసిన తమకు ఎక్కడ ఉద్యోగాలు దొరక్క ఇబ్బందులు పడ్డాం. చంద్రబాబు నెలకు రూ.10వేలు ఇస్తామని చెప్పి మోసం చేశాడు. చిన్న ఉద్యోగులను మోసం చేయడం తగదు. మమ్ములను విధుల నుంచి తొలగించి టీడీపీ, సోషల్‌ మీడియా కార్యకర్తలకు రూ.లక్షలు దోచిపెట్టాలని చూడటం దారుణం. ప్రభుత్వం పునరాలోచన చేయాలి. – పులిమద్ది శ్రీరాములు, 15వ వార్డు సచివాలయ మాజీ వలంటీర్‌

మహానంది: కాణిపాకంలో వెలిసిన వరసిద్ధి వినాయకస్వామి బ్రహ్మోత్సవాల సందర్భంగా శ్రీ మహానందీశ్వరస్వామి దేవస్థానం తరపున సోమవారం పట్టువస్త్రాలు సమర్పించారు. ఈఓ నల్లకాలువ శ్రీనివాసరెడ్డి, ట్రస్ట్‌బోర్డు చైర్మన్‌ నరాల చంద్రమౌళీశ్వరరెడ్డి, ఏఈఓ ఎరమల మధు, ఆలయ సూపరింటెండెంట్‌ అంబటి శశిధర్‌రెడ్డి, ధర్మకర్తల మండలి సభ్యుల ఆధ్వర్యంలో కాణిపాకం దేవస్థానానికి చేరుకోగా కాణిపాకం ఈఓ మణినాయుడు, ఏఈఓ వేల్పుల ధనుంజయ, అర్చకులు ఆలయ మర్యాదలతో స్వాగతం పలికారు. ఈ మేరకు మేళతాళాలు, వాయిద్యాల నడుమ స్వామివారికి పట్టువస్త్రాలు అందించారు. అనంతరం మహానంది ఈఓ శ్రీనివాసరెడ్డితో పాటు చైర్మన్‌, ధర్మకర్తల మండలి సభ్యులకు శ్రీ కాణిపాక వరసిద్ధి వినాయకుడి ప్రసాదాలు, చిత్రపటాలు అందించి వేదాశీర్వచనం చేశారు. కరువు నష్టంపై నివేదిక పంపుతాం నందికొట్కూరు: ఖరీఫ్‌ సీజన్‌లో కరువుతో వాటిల్లిన పంట నష్టంపై ప్రభుత్వానికి నివేదిక అందజేస్తామని జిల్లా స్పెషల్‌ ఆఫీసర్‌, వెటర్నరీ జేడీ పీ. వెంకటరమణ స్పష్టం చేశారు. సోమవారం నందికొట్కూరు, మిడుతూరు మండలాల్లో ఖరీఫ్‌లో వేసిన ఎండిన మొక్కజొన్న, పత్తి, మినుము, కంది, తదితర పంటలను జిల్లా ప్రాంతీయ పరిశోధన శాస్త్రవేత్తల బృందం పరిశీలించారు. రైతులను సమస్యలను అడిగి తెలుసుకున్నారు. ఈ సందర్భంగా వెంకటరమణ మాట్లాడుతూ.. ఎల్‌నినో ప్రభావంతో మొక్కొజొన్న పంట పూర్తిగా ఎండిపోయిందన్నారు. రబీ సీజన్‌లో వాతావరణ పరిస్థితులకు అనుగుణంగా, తక్కువ నీటిని వినియోగించే పంటలు సాగు చేయాలని రైతులకు సూచించారు. ఈయన వెంట ఏడీఏహెచ్‌ వరప్రసాద్‌, ఏడీఏ గిరీష్‌, శాస్త్రవేత్తలు డాక్టర్‌ మంజునాథ్‌, డాక్టర్‌ రవి ప్రకాష్‌, డాక్టర్‌ సతీష్‌ పాల్గొన్నారు. శ్రీశైల దేవస్థానానికి రూ.2లక్షల విరాళం శ్రీశైలం టెంపుల్‌: శ్రీశైల దేవస్థానం భక్తుల సౌకర్యార్థం నిర్వహిస్తున్న అన్న ప్రసాద వితరణ పథకానికి ప్రకాశం జిల్లా కందుకూరుకు చెందిన వి.వెంకట శివరామకృష్ణ ప్రసాద్‌ అన్నప్రసాద వితరణ పథకానికి రూ.లక్ష, ప్రకాశం జిల్లా కందుకూరుకు చెందిన వి.రాకేష్‌ కుమార్‌ గో సంరక్షణ పథకానికి రూ.లక్ష విరాళాన్ని సహాయ కార్యనిర్వహణాధికారి యం.ఫణిధరప్రసాద్‌కు అందజేశారు. దాతలకు రసీదు, ప్రసాదాలు అందజేశారు. ప్రాసెసింగ్‌ యూనిట్లకు ప్రత్యేక టీమ్‌లు కర్నూలు(అగ్రికల్చర్‌): పప్పు శనగ ప్రాసెసింగ్‌ యూనిట్ల తనిఖీలకు ప్రత్యేక టీమ్‌లు ఏర్పాటు చేస్తూ జిల్లా వ్యవసాయ అధికారి పీఎల్‌ వరలక్ష్మి ఉత్తర్వులు జారీ చేశారు. రబీ సీజన్‌కు సంబంధించి కర్నూలు జిల్లాకు 25వేలు, నంద్యాల జిల్లాకు 17వేల క్వింటాళ్ల శనగ విత్తనాలను కేటాయించింది. ప్రాసెసింగ్‌కు కర్నూలులో ఏపీ సీడ్స్‌ సహా ఆరు యూనిట్లు ఉన్నాయి. ఒక్కో ప్రాసెసింగ్‌ యూనిట్‌కు మానిటరింగ్‌ అధికారిగా ఏఓలను, సూపర్‌వైజింగ్‌ అధికారిగా అగ్రానమీ ఏడీఏ రాజశేఖర్‌ నియమితులయ్యారు. ప్రాసెసింగ్‌ ప్రక్రియను ఎప్పటికప్పడు పర్యవేక్షిస్తూ సలహాలు, సూచనలు ఇచ్చేందుకు డీడీఏ బాలాజీ నాయక్‌ నేతృత్వంలో కంట్రోల్‌ రూమ్‌ ఏర్పాటైంది. ప్రాసెసింగ్‌ యూనిట్ల మానిటరింగ్‌ అధికారులుగా ఏవోలు రాజకిశోర్‌, పాపిరెడ్డి, రామకృష్ణ, కిరణ్‌ వ్యవహరిస్తారు. కాగా సోమవారం అగ్రానమీ ఏడీఏ రాజశేఖర్‌, కర్నూలు ఏడీఏ దస్తగిరిరెడ్డి, కల్లూరు ఏవో విష్ణువర్థన్‌రెవవ్డి, కర్నూలు ఏవో రూఫస్‌రొనాల్డ్‌ చక్రసీడ్స్‌, మురళీధర్‌ సీడ్స్‌, ఏపీ సీడ్స్‌ల్లో తనిఖీలు చేశారు.

కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డుకు సోమవారం 2,871 క్వింటాళ్ల(89 లాట్లు) ఉల్లి విక్రయానికి వచ్చింది. కనిష్ట ధర రూ.1,015, గరిష్ట ధర రూ.4,529 లభించగా.. సగటు ధర రూ.3,741 నమోదైంది. రీటైల్‌ మార్కెట్‌లో కిలో ఉల్లి ధర రూ.60–70 వరకు ఉంటోంది. కిలో 32 ప్రకారం ఉల్లి గడ్డలు పంపిణీ చేస్తామని ప్రభుత్వం ప్రకటించినప్పటికీ ఆ ఊసే లేకుండా పోయింది. వేరుశనగకు కనిష్ట ధర రూ.4,512, గరిష్ట ధర రూ.9,416 లభించగా.. సగటు ధర రూ.9,016 నమోదు అయింది. మొక్కజొన్నలకు రూ.2,550 ధర లభించింది.

నంద్యాల(అర్బన్‌): చేపలు పట్టేందుకు గోరుకల్లు గేట్లు ఎత్తిన వారిపై ఎందుకు చర్యలు తీసుకోవడం లేదని వైఎస్సార్‌సీపీ జిల్లా అధ్యక్షుడు కాటసాని రాంభూపాల్‌రెడ్డి అధికారులను ప్రశ్నించారు. అధికార పార్టీ నాయకుల అక్రమార్జన కోసం గేట్లు ఎత్తి నీటిని వదిలి ప్రజల ప్రాణాలతో చెలగాడినా పట్టించుకోరా అన్నారు. గోరుకల్లు రిజర్వాయర్‌ గేట్లు ఎత్తిన సంఘటనలో నష్టపోయిన గోరుకల్లు గ్రామ రైతులు, ప్రజలతో కలిసి సోమవారం పీజీఆర్‌ఎస్‌లో ఇన్‌చార్జ్‌ కలెక్టర్‌ సూరజ్‌ధనుంజయ్‌, ఎస్పీ సునీల్‌షోరాణ్‌కు కాటసాని వినతి పత్రాలు ఇచ్చా రు. ఈ సందర్భంగా ఆయన మాట్లాడుతూ.. రిజ ర్వాయర్‌కు సంబంధించి ఆరుగురు రెగ్యులర్‌ లస్కర్లు ఉన్నా ఓ ప్రైవేటు వ్యక్తికి గేట్ల బాధ్యతలు అప్పగించడం అనుమానాలకు తావిస్తోందన్నారు. జలాశయానికి, ప్రజలు, రైతులకు నష్టం కలిగేలా వ్యవహరించిన వారిని గుర్తించడంలో ఉన్నతాధికారులు ఆలస్యం చేయడం ఏమిటన్నారు. ఈనెల 22వ తేదీన ఘటన జరిగితే పోలీసు, ఇరిగేషన్‌ అధికారులు ఇప్పటి వరకు ఏం చేస్తున్నారని మండిపడ్డారు. జలదోపిడీకి పాల్పడుతున్న వారిని అధికారులు గుర్తించలేకపోవడం వారి బాధ్యతా రాహిత్యానికి నిదర్శనమన్నారు. గోరుకల్లు రిజర్వాయర్‌ వందల కోట్ల రూపాయలతో నిర్మిస్తే దాని నిర్వహణ కోసం దాదాపుగా 20 మంది అధికారులు ఉన్నప్పటికీ ఇలాంటి సంఘటన జరిగిందంటే అధికారుల నిర్లక్ష్యానికి అద్దం పడుతుందన్నారు. ఇంత జరిగి నా రెండు శాఖల అధికారులు ఎలాంటి చర్యలు ఉపక్రమించకపోవడంపై అనుమానాలు తావిస్తోందన్నారు. నీటి ఉద్ధృతితో నష్టపోయిన పంటలను రెవెన్యూ, వ్యవసాయ శాఖ అధికారులతో సర్వే చేయించి బాధిత రైతులకు నష్టపరిహారం అందేలా చూడాలన్నారు. పాణ్యం మండలం ఎస్‌.కొత్తూరు గ్రామంలోని సర్వేనం.42లో ఉన్న 17.65 ఎకరాల కుంట ప్రజలకు ఉపయోగ పడుతుందని, ఆ కుంట భూమికి సంబంధించి స్థానిక తహసీల్దార్‌ నోటీసు జారీ చేయడం వల్ల గ్రామస్తుల్లో ఆందోళన నెలకొందన్నారు. ఈ విషయాన్ని ఇన్‌చార్జ్జ్‌ కలెక్టర్‌ దృష్టికి తీసుకెళ్లామని, రెవెన్యూ, ఇరిగేషన్‌ అధికారులు క్షేత్రస్థాయిలో పరిశీలించి వాస్తవ పరిస్థితులను గుర్తించాలన్నారు. గ్రామ ప్రజల ప్రయోజనాలు, భవిష్యత్తు నీటి అవసరాలను దృష్టిలో ఉంచుకొని కుంట భూమిని ఇంకుడు చెరువుగా కొనసాగించేలా ఆదేశాలు జారీ చేయాలన్నారు. కాటసాని వెంట ఎమ్మెల్సీ ఇసాక్‌బాషా, వైఎస్సార్‌సీపీ నంద్యాల అసెంబ్లీ పరిశీలకుడు సద్దల సూర్యనారాయణరెడ్డి, నాయకులు సుమంత్‌రెడ్డి, శ్రీకాంత్‌రెడ్డి, గోరుకల్లు, ఎస్‌.కొత్తూరు గ్రామ ప్రజలు ఉన్నారు. అధికార పార్టీ నాయకుల అక్రమార్జన కోసమే దుశ్చర్య రిజర్వాయర్‌ గేట్లు ప్రైవేటు వ్యక్తుల చేతుల్లో ఉండటం దారుణం వైఎస్సార్‌సీపీ జిల్లా అధ్యక్షుడు కాటసాని రాంభూపాల్‌రెడ్డి

● జాయింట్‌ కలెక్టర్‌ సూరజ్‌ ధనుంజయ్‌నంద్యాల(న్యూటౌన్‌): పీజీఆర్‌ఎస్‌లో వచ్చిన అర్జీలకు నిర్ణీత గడువులోగా పరిష్కారం చూపాలని జాయింట్‌ కలెక్టర్‌ సూరజ్‌ ధనుంజయ్‌ అధికారులను ఆదేశించారు. సోమవారం కలెక్టరేట్‌లోని పీజీఆర్‌ఎస్‌ హాల్‌లో నిర్వహించిన ప్రజా సమస్యల పరిష్కార వేదికలో జిల్లా నలుమూలల నుంచి వచ్చిన ప్రజల నుంచి జేసీ వినతులు స్వీకరించి, వారి సమస్యలను అడిగి తెలుసుకున్నారు. అనంతరం ఆయన మాట్లాడుతూ.. పీజీఆర్‌ఎస్‌ ద్వారా 299 దరఖాస్తులు అందినట్లు తెలిపారు. అధికారుల పీజీఆర్‌ఎస్‌ లాగిన్‌లలో ఇప్పటివరకు 135 దరఖాస్తులు పెండింగ్‌లో ఉన్నాయని, వాటిని వెంటనే ఓపెన్‌ చేసి పరిశీలించి పరిష్కరించాలని ఆదేశించారు. రెవెన్యూ క్లినిక్స్‌ ద్వారా జిల్లాలో మొత్తం 158 దరఖాస్తులు స్వీకరించగా, వాటిలో రెవెన్యూ, గ్రామ, వార్డు సచివాలయ సేవలకు సంబంధించి 3, అడంగల్‌ సవరణలకు 17, చుక్కల భూముల క్రమబద్ధీకరణ, 22–ఏ భూములకు సంబంధించి 18, అసైన్డ్‌ భూములు, భూ ఆక్రమణలకు సంబంధించి 25, రెవెన్యూ కోర్టు విచారణలు, ఆర్‌ఓఆర్‌కు సంబంధించి 53, సర్వే, రీ–సర్వేలకు సంబంధించి 35, దేవదాయ, వక్ఫ్‌ భూములకు సంబంధించి 7 దరఖాస్తులు ఉన్నట్లు జేసీ వివరించారు. రెవెన్యూ క్లినిక్స్‌లో స్వీకరించిన ప్రతి దరఖాస్తును క్షేత్రస్థాయిలో పరిశీలించి, సంబంధిత శాఖల సమన్వయంతో త్వరితగతిన పరిష్కరించాలని అధికారులను ఆదేశించారు. కార్యక్రమంలో డీఆర్‌ఓ రాము నాయక్‌, పీజీఆర్‌ఎస్‌ నోడల్‌ అధికారి ఉమామహేశ్వరి, స్పెషల్‌ డిప్యూటీ కలెక్టర్లు, నంద్యాల ఆర్డీఓ విశ్వనాథ్‌, వివిధ శాఖల జిల్లా అధికారులు తదితరులు పాల్గొన్నారు.

● వైఎస్సార్‌సీపీ రాష్ట్ర కార్యదర్శి భూమా కిషోర్‌రెడ్డి ఆళ్లగడ్డ: అధికారం ఉంది కదా అని పోలీసులను అడ్డుపెట్టుకుని అక్రమ కేసులు పెడతామని బెదిరించే తాటాకు చప్పుళ్లకు ఎవరూ భయపడే వారు లేరని వైఎస్సార్‌సీపీ రాష్ట్ర కార్యదర్శి భూమా కిషోర్‌రెడ్డి అన్నారు. ఎమ్మెల్యే అఖిలప్రియపై సోషల్‌ మీడియాలో పోస్టు పెట్టారన్న ఫిర్యాదు మేరకు కేసు నమోదు చేసిన పట్టణ పోలీసులు సోమవారం భూమా కిషోర్‌రెడ్డిని స్టేషన్‌కు పిలిపించి నోటీసులు అందజేశారు. అనంతరం ఆయన మాట్లాడుతూ.. ఎమ్మెల్యే అఖిలప్రియ, వారి అనుచరులు చేస్తున్న దందాలను నిత్యం బయటపెడుతున్నందుకే ఇలాంటి తప్పుడు కేసులు పెట్టి వేధించాలని చూస్తున్నారని మండిపడ్డారు. తన కోళ్ల ఫారంలో పని చేసే ఓ వ్యక్తిని బెదిరించి, కొట్టామని, కులం పేరుతో ధూషించామని తప్పుడు ప్రచారం చేయడంతో జరిగిన వాస్తవాలను ఎమ్మెల్యే అఖిలప్రియకు తెలిసేలా సోషల్‌ మీడియాలో పోస్టు చేశామన్నారు. ఈ నోటీసులు కక్ష సాధింపు చర్యలుగా కనిపిస్తున్నాయన్నారు.

ఖరీఫ్‌లో పది ఎకరాల్లో పత్తి సాగు చేశాం. విత్తనం చేసినప్పటి నుంచి చినుకు జాడ లేదు. ఎకరాకు రూ.15,000 పెట్టుబడి పెట్టి నష్టపోయాం. రబీలో ఎనిమిది ఎకరాల్లో పప్పుశనగ, రెండు ఎకరాల్లో జొన్న సాగు చేయాలనుకున్నాం. ఇప్పటి వరకు విత్తనాలు ఇవ్వక ఇబ్బంది పడుతున్నాం. ఇప్పటికై నా ప్రభుత్వం చొరవ తీసుకొని 80 శాతం సబ్సిడీపై విత్తనాలు ఇవ్వాలి. – నారాయణ, హెబ్బటం, హొళగుంద మండలం ఖరీఫ్‌ సీజన్‌లో ఐదు ఎకరాల్లో ఉల్లి సాగు చేశాం. వర్షాలే లేకపోవడంతో పంటను దున్నేశాం. ఎకరాకు రూ.75 వేల పెట్టుబడి పెట్టి నష్టపోయాం. దున్నేసిన పొలంలో పప్పుశనగ, జొన్న వేయాలనుకున్నాం. విత్తనం అందుబాటులో లేకపోవడంతో దిక్కులు చూడాల్సి వస్తోంది. ఇటీవల కొంతమేరకు వర్షాలు కురిశాయి.విత్తనం లేకపోవడంతో దిక్కులు చూడాల్సి వస్తోంది. ఖరీఫ్‌లో పంటలు పండని రైతులకు రబీలో 100 శాతం సబ్సిడీపై విత్తనాలు ఇవ్వాలి. – సురేంద్ర, రాతన, తుగ్గలి మండలం ప్రత్యామ్నాయ పంటలకు, రబీ పంటల సాగు కోసం విత్తనాలు సిద్ధం చేస్తున్నాం. శనగ విత్తనాలు 55 వేల క్వింటాళ్లు అడిగాం. ప్రస్తుతానికి 25 వేల క్వింటాళ్లు ఇచ్చారు. అవసరమైన మేరకు విత్తనాలు ఇస్తామని వ్యవసాయ శాఖ కమిషనర్‌ చెప్పారు. విత్తనాల గురించి రైతులకు ఆందోళన అవసరం లేదు. ముఖ్యంగా శనగ విత్తనాలు పొజిషన్‌ చేయాలని ఏపీ సీడ్స్‌ అధికారులకు ఆదేశాలు ఇచ్చాం. – పీఎల్‌ వరలక్ష్మి, జిల్లా వ్యవసాయాధికారి, కర్నూలు

గత వైఎస్సార్‌సీపీ ప్రభుత్వం ప్రజా సేవ కోసం వలంటీర్లను నియమించి రూ.5వేలు గౌరవ వేతనం ఇస్తుంటే.. నాడు ఎల్లో మీడియా, టీడీపీ నాయకులు ప్రజాధనం దుర్వినియోగమంటూ గగ్గోలు పెట్టారు. నాడు మేం..ఇంటింటికీ వెళ్లి రేషన్‌ కార్డుల నుంచి పింఛన్లు, భూ సమస్యలు, ఆరోగ్య సమస్యలు ఇలా అన్ని విషయాల్లో ప్రజలకు చేదోడు వాదోడుగా ఉన్నాం. కరోనా సమయంలో ప్రాణాలకు తెగించి వేలాది మంది ప్రాణాలకు భరోసా ఇవ్వగలిగాం. గత ఎన్నికల్లో రూ.5వేల వేతనాన్ని రూ.10వేలు చేస్తామని నమ్మబలికిన చంద్రబాబు వలంటరీ వ్యవస్థను లేకుండా చేశాడు. తాజాగా కూటమి ప్రభుత్వం టీడీపీ, సోషల్‌ మీడియా కార్యకర్తలకు రూ.లక్షలు దోచిపెట్టేందుకు సోషల్‌ మీడియా ఇన్‌ప్లుయెన్సర్ల పాలసీ తీసుకురావడం దుర్మార్గం. – విశాలేశ్వరరావు, 7వ వార్డు సచివాలయ మాజీ వలంటీర్‌, నంద్యాల

● వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డినందికొట్కూరు: ఎన్నికల సమయంలో ప్రజలకు ఇచ్చిన సూపర్‌ సిక్స్‌ హామీలను అమలు చేయలేక సీఎం చంద్రబాబు నాయుడు చేతులెత్తేశారని వైఎస్సార్‌ కాంగ్రెస్‌ పార్టీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి విమర్శించారు. సోమవారం పట్టణంలోని వైఎస్సార్‌ కాంగ్రెస్‌ పార్టీ కార్యాలయంలో నాయకులు, కార్యకర్తలతో ఆయన సమావేశమయ్యారు. మున్సిపల్‌ ఎన్నికలలో వైఎస్సార్‌సీపీ జెండా ఎగురవేయాలని దిశానిర్దేశం చేశారు. ఈ సందర్భంగా ఆయన మాట్లాడుతూ.. ఎన్నికల ముందు ఇచ్చిన హామీలను అమలు చేయాలని అడిగితే కూటమి నేతలు అక్రమ కేసులు బనాయించడం ఎంత వరకు సమంజసమన్నారు. రైతులు కరువు కాటకాలతో అల్లాడుతుంటే పాలకులకు చీమకుట్టినట్లు కూడా లేదని ఆగ్రహం వ్యక్తం చేశారు. తెలుగు దేశం ప్రభుత్వం మోసం చేసిన తీరును ప్రజలకు వివరించాలన్నారు. న్యాయమైన సమస్యలను పరిష్కరించాలని సచివాలయాల ఉద్యోగులు ఆందోళన చేపడితే లాఠీలతో కొట్టించి క్రిమినల్‌ కేసులు నమోదు చేయడం దారుణమన్నారు. స్థానిక ఎన్నికల్లో టీడీపీకి ఓటమి భయం పట్టుకుందని స్పష్టం చేశారు. టీడీపీ అధికారంలోకి వచ్చి మూడేళ్లు గడుస్తున్నా అభివృద్ధి ఎక్కడ చేశారో ప్రజలకు చూపెట్టాలన్నారు. కరువొస్తే రైతులు, వ్యవసాయ కూలీలను ఆదుకోవడంలో సీఎం చంద్రబాబు ఘోరంగా విఫలమయ్యారని గుర్తు చేశా రు. సమావేశంలో వైఎస్సార్‌సీపీ ఐటీ విభాగం జిల్లా అధ్యక్షులు జగన్‌మోహన్‌రెడ్డి, పట్టణ అధ్యక్షులు మన్సూర్‌, మిడుతూరు మండల కన్వీనర్‌ లోకేష్‌రెడ్డి, నాయకులు నాయబ్‌, జగన్‌ రఫి, లడ్డు, మార్కెట్‌ రాజు, వెంకటేశ్వర్లు, మాజీ సర్పంచులు జనార్ధన్‌గౌడ్‌, నాగార్జున, ఓంకారీశ్వర రెడ్డి, ఏసన్న, తదితరులు పాల్గొన్నారు.

కర్నూలు(అగ్రికల్చర్‌): ఉమ్మడి జిల్లాలోని ప్రభుత్వరంగ, ప్రైవేట్‌, సహకార, గ్రామీణ బ్యాంకులు ఈ నెల 28 నుంచి మూడు రోజుల పాటు సమ్మె పాటించనున్నాయి. వారంలో ఐదు రోజుల పనిదినాల విధానాన్ని అమలు చేయాలనే ప్రధానమైన డిమాండ్‌తో ఈ సమ్మె చేస్తున్నట్లు యునైటెడ్‌ ఫోరం ఆఫ్‌ బ్యాంకు యూనియన్స్‌ జిల్లా కన్వీనర్‌ నాగరాజు, ఆంధ్రప్రదేశ్‌, తెలంగాణ బ్యాంకు ఎంప్లాయీస్‌ పెడరేషన్‌ యూత్‌ కౌన్సిల్‌ మెంబరు అనిల్‌రెడ్డి తెలిపారు. జిల్లా పరిషత్‌లోని ఆంధ్రప్రదేశ్‌ గ్రామీణ బ్యాంకు దగ్గర ఈ నెల 28, 29 తేదీల్లో ఉదయం 9.30 గంటలకు నిరసన కార్యక్రమం ఉంటుందని యుఎఫ్‌బీయూ జిల్లా కన్వీనర్‌ తెలిపారు. ధర్నా చౌక్‌ దగ్గర 30న ఆందోళన కార్యక్రమాలు నిర్వహిస్తామన్నారు. అయితే మూడు రోజుల పాటు కార్పొరేట్‌ బ్యాంకులు యథాతథంగా పనిచేస్తాయి. కేడీసీసీబీ ఎదుట నిరసన బ్యాంకింగ్‌రంగంలో ఐదు రోజుల పనిదినాల విధానాన్ని వెంటనే అమలు చేయాలని ఆంధ్రప్రదేశ్‌ కో ఆపరేటివ్‌ బ్యాంక్‌ అసోసియేషన్‌( ఏపీసీబీఏ), ఆంధ్రప్రదేశ్‌ కో–ఆపరేటివ్‌ సెంట్రల్‌ బ్యాంక్‌ అసోషియేషన్‌ (ఏపీసీసీబీఏ) నేతలు డిమాండ్‌ చేశారు. ఆదివారం జిల్లా సహకార కేంద్రబ్యాంకు ప్రధాన కార్యాలయం ఎదుట నిరసన కార్యక్రమం చేపట్టారు. సోమవారం నుంచి మూడు రోజుల పాటు చేపట్టనున్న సమ్మెకు ప్రతి ఒక్కరూ సహకరించాలని కోరారు. ఏపీసీబీఏ నేత పి.రాఘవేంద్ర, ఏపీసీసీబీఏ నేత విజయసింహారెడ్డి పాల్గొన్నారు. నిరసనకు సీనియర్‌ అధికారులు పి.రామంజనేయులు, ఉమామహేశ్వరరెడ్డి, సునీల్‌కుమార్‌ తదితరులు సంఘీభావం ప్రకటించారు.

● కర్నూలు జిల్లాలో 1.82, నంద్యాల జిల్లాలో 1.36 రేటు ● రాష్ట్ర సగటు కంటే కాస్త మేలు ● జీవనశైలిలో మార్పులే కారణం ● వేధిస్తున్న స్థూలకాయం, హార్మోన్‌ సమస్యలు ● సంతాన సాఫల్య కేంద్రాల చుట్టూ ప్రదక్షిణలుగతంతో పోలిస్తే ప్రస్తుతం సంతానోత్పత్తి రేటు గణనీయంగా తగ్గుతోంది. ఇందుకు మనుషుల్లో వచ్చిన జీవనశైలిలో మార్పులే కారణం. మగవారిలో వీర్యకణాల సంఖ్య తక్కువగా ఉంటోంది. సీ్త్రలలో ఇన్‌ఫెక్షన్లు, పీసీఓఎస్‌, ఊబకాయం కనిపిస్తున్నాయి. తీవ్ర మానసిక ఒత్తిడితో కూడిన జీవనంతో సంతానలేమి సమస్యలు వస్తున్నాయి. దీనికితోడు సామాజిక, ఆర్థిక, కుటుంబ పరిస్థితులు సైతం జంటలు ఒకరిద్దరు పిల్లలతో సరిపెట్టడానికి కారణం అవుతున్నాయి. సంతానం కావాలనున్న వారు వైద్యులను కలిసి చికిత్స తీసుకుంటే ఇప్పుడు మెరుగైన ఫలితాలు కనిపిస్తున్నాయి. –డాక్టర్‌ ఎంఎస్‌. మల్లేశ్వరి, గైనకాలజిస్ట్‌, కర్నూలు జనాభాలో సంతానోత్పత్తి రేటు 2.1 ఉండాలి. కానీ మన జిల్లాలో 1.8లోపు ఉంది. అక్షరాస్యత పెరగడం, కుటుంబ నియంత్రణ పద్ధతులు పాటించడం, ఆలస్యంగా వివాహాలు చేసుకోవడం, చిన్న కుటుంబాలు వంటి కారణాలు సంతానోత్పత్తి తగ్గడానికి కారణం అవుతున్నాయి. మరోవైపు ఆలస్యంగా వివాహాలు చేసుకోవడం, ఆలస్యంగా పిల్లలను కనేందుకు ప్లాన్‌ చేసుకోవడం, జీవనశైలిలో మార్పులతో సంతానలేమి సమస్యలూ వస్తున్నాయి. ఫెర్టిలిటీ కేంద్రాలు కూడా పెరుగుతున్నాయి. వీటిని జిల్లా వైద్య ఆరోగ్యశాఖ కార్యాలయంలో తప్పనిసరిగా రిజిస్ట్రేషన్‌ చేసుకోవాలి. – వై. కామేశ్వరప్రసాద్‌, డీఎంహెచ్‌ఓ, కర్నూలు కర్నూలు(హాస్పిటల్‌): ఉమ్మడి కర్నూలు జిల్లాలో పుట్టబోయే పిల్లల సంఖ్య బాగా తగ్గిపోతోంది. భార్యాభర్తలు ఒకరు లేదా ఇద్దరికే పరిమితం అవుతున్నారు. ఉమ్మడి కుటుంబాలు లేకపోవడం, చిన్న కుటుంబాలు పెరిగిపోవడంతో పిల్లలను పెంచడం భారంగా మారింది. దీంతో పాటు బిడ్డ కడుపులో పడినప్పుటి నుంచి వారు పెద్దయ్యే వరకు ఖర్చు లక్షల రూపాయల్లో ఉంటోంది. పూర్వపు రోజుల్లో ఇలాంటి ఖర్చులేమీ ఉండేది కాదు. ఆడుతూ పాడుతూ...పెద్దయ్యాక ఏదో ఒక పనిచేసుకుంటూ ఉండటంతో అధిక సంతానం ఎవ్వరికీ భారమయ్యేది కాదు. ప్రస్తుతం ఉమ్మడి కర్నూలు జిల్లాలో సంతానలేమి సమస్యతో బాధపడే వారి సంఖ్య ఎక్కువైంది. సంతానం కలగడం లేదని పూర్వపు రోజుల్లో వందలో ఒకరో ఇద్దరో డాక్టర్‌ వద్దకు వెళ్లేవారు. ఇప్పుడు వందలో 15 నుంచి 20 శాతం మంది తమకు పిల్లలు కలగడం లేదని వైద్యులను ఆశ్రయిస్తున్నారు. రాష్ట్రంలో సంతానోత్పత్తి రేటు 1.5 రేటులోపే ఉండగా కర్నూలు జిల్లా కాస్త మెరుగ్గా 1.86గా, నంద్యాల జిల్లా 1.36గా నమోదైంది. అక్షరాస్యత తక్కువగా ఉండే ఆదోని, పత్తికొండ, ఎమ్మిగనూరు, ఆలూరు, ఆస్పరి, కౌతాళం తదితరప్రాంతాల్లో సంతానోత్పత్తి రేటు 3 నుంచి 3.5 ఉంటోంది. పట్టణ ప్రాంతాలైన కర్నూలు, నంద్యాలలో మాత్రం 1.5 నుంచి 1.8రేటు మధ్యలో నమోదవుతూ వస్తోంది. పెరిగిన సంతాన సాఫల్య కేంద్రాలు మనిషికి ఒకప్పటిలా ప్రస్తుతం శారీరక శ్రమ లేదు. యాంత్రీకరణతో శారీరక శ్రమ తగ్గిపోయింది. ఒత్తిడి, ఆహారపు అలవాట్లలో మార్పుల కారణంగా యువతలో ఊబకాయం, థైరాయిడ్‌, పీసీఓడీ, పురుషుల్లో వీర్యకణాల సమస్యలు పెరుగుతున్నాయి. పిల్లలు కలగని దంపతులు ఒకప్పుడు సమీప గైనకాలజిస్టులను కలిసి చికిత్స తీసుకునేవారు. అప్పటికీ పిల్లలు కలగకపోతే మెరుగైన వైద్యం కోసం హైదరాబాద్‌, చైన్నె, బెంగళూరు వంటి నగరాలకు వెళ్లి సంతాన సాఫల్య కేంద్రాలలోని వైద్యులను సంప్రదించేవారు. ప్రస్తుతం కర్నూలు, నంద్యాల, ఆదోని వంటి పట్టణ కేంద్రాల్లోనూ సంతాన సాఫల్య కేంద్రాలు పదుల సంఖ్యలో పుట్టుకొచ్చాయి. కర్నూలు జిల్లాలోనే వైద్య ఆరోగ్యశాఖ వద్ద రిజిస్టర్‌ అయిన సంతాన సాఫల్య కేంద్రాలు 20 దాకా ఉన్నాయి. ఆయా కేంద్రాలు, వైద్యుల వద్దకు రోజూ 120 నుంచి 150 మంది దాకా కొత్త దంపతులు చికిత్స కోసం వెళ్తున్నారు. తగ్గిన శిశు మరణాల రేటు ఆరోగ్య సదుపాయాలు మెరుగుపడటం, వంద శాతం ఆసుపత్రి ప్రసవాలు జరగడం, సకాలంలో పిల్లలకు వ్యాక్సినేషన్‌ చేయించడం వంటి కారణాలతో శిశుమరణాల రేటు గతంతో పోలిస్తే ప్రస్తుతం బాగా తగ్గింది. గతంలో ఎక్కువ మంది పిల్లలు ఉంటే అనారోగ్యంతో కొందరు మరణించినా, మరికొందరు మిగులుతారనే భావన ఉండేది. ఇప్పుడు శిశు సంరక్షణ పెరగడంతో ఒక్కరు లేదా ఇద్దరు చాలు అనే భరోసా ప్రజల్లో వచ్చేసింది.

నంద్యాల(న్యూటౌన్‌): జిల్లాలోని ప్రభుత్వ పాఠశా లల అభివృద్ధి, మౌలిక వసతులు, ప్రభుత్వ పథకాల అమలు, విద్యార్థుల సంక్షేమం, విద్యాప్రమాణాల మెరుగుదలలో స్కూల్‌ మేనేజ్‌ మెంట్‌ కమిటీ లు కీలకం. దీంతో ఈ కమిటీల్లో స్థానం కోసం ఆశావహులైన తల్లిదండ్రులు సైతం నేతలను ఆశ్రయిస్తున్నారు. నాయకులు సైతం తమకు అనుకూలమైన వ్యక్తులు పదవుల్లో ఉండేలా ప్రయత్నాలు చేస్తున్నా రు. కొందరు ఇప్పటికే నాయకుల చుట్టూ తిరుగుతుండగా, మరికొందరు తల్లిదండ్రులను కూడగట్టే పనిలో నిమగ్నమయ్యారు. ఎన్నికలను పకడ్బందీగా నిర్వహించేందుకు డీఈవో జనార్దన్‌రెడ్డి, సమగ్రశిక్ష శాఖ అధికారులు ప్రత్యేక చర్యలు తీసుకుంటున్నారు. జిల్లాలోని 1,392 ప్రభుత్వ యాజమాన్య పాఠశాలల్లో ఓటర్ల జాబితాను ప్రదర్శిస్తారు. అభ్యంతరాలు, మార్పులు, చేర్పులు, పరిశీలన అనంతరం 25న తుది ఓటర్ల జాబితాను ఖరారు చేశారు. ఈ నెల 29వ తేదీన అన్ని ప్రభుత్వ యాజమాన్య పాఠశాలల్లో ఎన్నికలు నిర్వహిస్తారు. జిల్లా వ్యాప్తంగా ప్రభుత్వ ప్రాథమిక పాఠశాలలు 1023, ప్రాథమికోన్నత పాఠశాలలు 27, ఉన్నత పాఠశాలలు 342 ఉన్నాయి. వీటిలో 1,33,148 మంది విద్యార్థులు ఒకటవ తరగతి నుంచి పదవ తరగతి వరకు విద్యనభ్యసిస్తున్నారు.ఈ విద్యార్థుల తల్లిదండ్రులు తమ ఓటు హక్కును ఎన్నికల్లో వినియోగించుకోనున్నా రు. ఎన్నికల ప్రక్రియను పారదర్శకంగా నిర్వహించేందుకు అధికారులు కసరత్తు చేస్తున్నారు. నూతన కమిటీ పదవీ కాలం రెండేళ్లు విద్యార్థుల సంఖ్యను బట్టి ఒక్కో పాఠశాలలో 12 నుంచి 25 మంది సభ్యులతో యాజమాన్య కమిటీ ఏర్పడుతుంది. తల్లిదండ్రులు, ఉపాధ్యాయులు, నిబంధనల ప్రకారం ఇతర సభ్యులు ఇందులో ఉంటారు. నూతన కమిటీ పదవీకాలం రెండేళ్లు ఉంటుంది. పాఠశాలల అభివృద్ధి, విద్యార్థుల సంక్షేమంలో కమిటీలు బాధ్యత వహించాల్సి ఉంటుంది. 2024 ఆగస్టు 8న పాఠశాల యాజమాన్య కమిటీల ఎన్నికలు నిర్వహించారు. రెండేళ్ల పదవీకాలం ఈ నెల 8వ తేదీతో ముగిసింది. ప్రస్తుతం స్థానిక సంస్థల ఎన్నికలకు సన్నాహాలు జరుగుతుండటంతో బడి కమిటీల ఎన్నికలకు రాజకీయ ప్రాధాన్యం పెరిగింది.

శ్రీశైలంటెంపుల్‌: శ్రీశైల మహాక్షేత్రంలో వెలసిన శ్రీభ్రమరాంబా మల్లికార్జున స్వామిఅమ్మవార్ల దర్శనానికి వేలాది మంది భక్తులు బారులు దీరారు. ఆదివారం సెలవు రోజును పురస్కరించుకుని ఉభయ తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం వేలాది మంది భక్తులు తరలివచ్చారు. వేకువజామున్నే పాతాళగంగలో పుణ్యస్నానాలు ఆచరించిన భక్తులు మల్లన్న దర్శనానికి ఆలయ క్యూలైన్ల వద్ద బారులుదీరారు. భక్తుల రద్దీతో ఉచిత, శీఘ్ర, అతిశీఘ్ర దర్శన క్యూలైన్లు నిండిపోయాయి. భక్తుల శివనా మస్మరణతో ఆలయ ప్రాంగణం మారుమోగింది. భక్తులకు క్యూకంపార్ట్‌మెంట్లలో పాలు, తాగునీరు, అల్పాహారం, ప్రసాదం పంపిణీ చేశారు. భక్తుల రద్దీతో క్షేత్ర పురవీధులు కళకళలాడాయి. నేడు కలెక్టరేట్‌లో ప్రజా వినతుల స్వీకరణ ● జాయింట్‌ కలెక్టర్‌ సూరజ్‌ ధనుంజయ్‌ నంద్యాల(న్యూటౌన్‌): స్థానిక కలెక్టరేట్‌లోని పీజీఆర్‌ఎస్‌ హాలులో ఈనెల 21వ తేదీ సోమవారం ‘ప్రజా ఫిర్యాదుల పరిష్కార వేదిక’ కార్యక్రమాన్ని నిర్వహిస్తున్నట్లు జాయింట్‌ కలెక్టర్‌ సూరజ్‌ ధనుంజయ్‌ ఆదివారం ఒక ప్రకటనలో తెలిపారు. ఈ కార్యక్రమం ఉదయం 10 గంటల నుంచి ప్రారంభమవుతుందన్నారు. అర్జీదారులు తమ దరఖాస్తు పరిష్కారం ఏ దశలో ఉందో తెలుసుకోవడం కోసం టోల్‌ ఫ్రీ నంబర్‌ 1100ను సంప్రదించవచ్చన్నారు. అలాగే అర్జీదారులు దరఖాస్తుల ప్రస్తుత సమాచారాన్ని meekosam.ap.gov.in వెబ్‌సైట్‌లో సంప్రదించి తెలుసుకోవచ్చన్నారు. అర్జీలను కూడా ఇలాగే నమోదు చేసుకోవచ్చన్నారు. అర్జీదారులందరూ ఈ అవకాశాన్ని వినియోగించుకోవాలన్నారు. జిల్లా కేంద్రంలో జరిగే ఈ కార్యక్రమానికి సంబంధిత శాఖల జిల్లా స్థాయి అధికారులందరూ తప్పనిసరిగా హాజరై ప్రజల వినతులు స్వీకరించారు. శ్రీశైల దేవస్థాన డీఈ, ఏఈకి షోకాజ్‌ నోటీసులు శ్రీశైలంటెంపుల్‌: శ్రీశైల దేవస్థానంలో ఇంజినీరింగ్‌ విభాగంలో విధులు నిర్వహిస్తున్న డిప్యూటీ ఎగ్జిక్యూటీవ్‌ ఇంజనీర్‌(ఇన్‌చార్జి) చంద్రశేఖరశాస్త్రి, అసిస్టెంట్‌ ఎగ్జిక్యూటీవ్‌ ఇంజనీర్‌ (ఏఈఈ) భవన్‌కుమార్‌కు దేవస్థాన ఈఓ ఎం.శ్రీనివాసరావు షోకాజ్‌ నోటీసు జారీ చేసినట్లు తెలిసింది. సుమారు రూ.1.50 కోట్లతో నిర్మించిన శ్రీశైల దేవస్థాన కార్యనిర్వహణాధికారి క్వార్టర్‌ నిర్మాణ పనులను ఒక కాంట్రాక్టర్‌ టెండర్‌ ద్వారా పొంది, సబ్‌ కాంట్రాక్ట్‌కు పనులు అప్పగించి చేసినట్లు విచారణలో వెల్లడైందని, ఈ విషయమై విధుల పట్ల నిర్లక్ష్యం వహించిన డీఈఈ, ఏఈఈలకు షోకాజ్‌ నోటీసు జారీ చేసినట్లు సమాచారం. ఈ విషయమై వారం రోజుల్లో లిఖిత పూర్వక వివివరణ ఇవ్వాలని వారికి షోకాజ్‌ నోటీసు జారీ చేసినట్లు సమాచారం. పెన్షనర్ల ఉద్యమ శంఖారావం ● ఈ నెల 29, 30 తేదీల్లో నిరాహార దీక్షలు కర్నూలు(సెంట్రల్‌): తమ సమస్యల పరిష్కారం కోసం రాష్ట్ర ప్రభుత్వ పెన్షనర్లు శంఖారావం పూరించారు. ఈ నెల 29, 30 తేదీల్లో నిరాహార దీక్షలు చేపట్టనున్నట్లు ఆ సంఘం కర్నూలు జిల్లా శాఖ అధ్యక్షుడు కోట్ల లింగం తెలిపారు. కర్నూలులోని గౌరీగోపాల్‌ హాస్పిటల్‌కు ఎదురుగా ఉన్న ధర్నా చౌక్‌లో 24 గంటల మహాధర్నా నిర్వహిస్తున్నట్లు చెప్పారు. పెన్షన్‌ రూల్స్‌ వ్యాలిడేషన్‌ చట్టం– 2025ను తక్షణమే రద్దు చేయాలని డిమాండ్‌ చేశారు. అలాగే 8వ వేతన సంఘం పరిధిలో పెన్షన్‌ సవరణను చేర్చాలని, మధ్యంతర భృతిని వెంటనే ప్రకటించాలని కోరారు. సమాన హోదాకు సమాన పెన్షన్‌ అమలు చేయాలని, ఫ్యా మిలీ పెన్షన్ను మెరుగుపరచాలని కోరుతున్నట్లు చెప్పారు. ఆయా డిమాండ్ల సాధన కోసం చేపట్టే నిరాహార దీక్షలకు పెన్షనర్లు పెద్ద సంఖ్యలో హాజ రై విజయవంతం చేయాలని ఆయన కోరారు. డిగ్రీ విద్యార్థిని బలవన్మరణం ఎమ్మిగనూరురూరల్‌: ఇంట్లో ఉరివేసుకొని డిగ్రీ విద్యార్థి ఆరేకంటి ప్రవళ్లిక(19) ఆదివారం ఆత్మహత్య చేసుకున్నారు. ఏనుగుబాల గ్రామానికి చెందిన ఈ విద్యార్థిని ఎమ్మిగనూరులో డిగ్రీ మొదటి సంవత్సరం చదువుతున్నారు. తండ్రి బజారి కొన్నేళ్ల క్రితం మృతి చెందారు. తల్లి కుటుంబాన్ని పోషిస్తున్నారు. ఆదివారం చర్చికి వెళ్లి వచ్చాక తల్లి, కుమార్తె భోజనం చేశారు. తల్లి పొలంలో పత్తి పనికి వెళ్లగా ప్రవళ్లిక ఇంట్లో ఉరివేసుకొని ఆత్మహత్య చేసుకుంది. ఆత్మహత్యకు కారణాలు తెలియటం లేదు. విచారణ జరుపుతున్నట్లు రూరల్‌ ఎ్‌స్‌ఐ శ్రీనివాసులు తెలిపారు.

ఉమ్మడి జిల్లాలో 70 శాతానికి పైగా మహిళలు కుటుంబ నియంత్రణ పద్ధతులను పాటిస్తున్నారు. చాలా మంది మహిళలు ఒక బిడ్డ జన్మించగానే కు.ని. ఆపరేషన్లు చేసుకుంటున్నారు. గ్రామీణ, పట్టణ ప్రాంతాల్లో ఆశా కార్యకర్తలు, ప్రాథమిక ఆరోగ్య కేంద్రాల ద్వారా అందించిన సేవల ఫలితంగా చిన్న కుటుంబ భావన బలంగా స్థిరపడింది. చాలా మంది ఉద్యోగాల్లో స్థిరపడిన తర్వాత వివాహం చేసుకుంటున్నారు. కెరీర్‌లో స్థిరత్వం కోసం మొదటి సంతానాన్ని మరింత ఆలస్యం చేస్తున్నారు. ఫలితంగా సహజ గర్భధారణ అవకాశాలపై ప్రభావితం చూపిస్తున్నాయి. ప్రస్తుతం పిల్లలను పెంచాలంటే పెనుభారంగా మారింది. వారికి చదువు చెప్పించడం పెద్ద సవాలు. ప్రైవేటులో వేలకు వేల ఫీజులు, నాణ్యమైన వైద్యం, జీవన వ్యయం భారీగా పెరగడం వంటి విషయాలు ఎక్కువ మంది పిల్లలను పోషించడం భారంగా మారింది. ఈ కారణంతోనే మధ్యతరగతి, దిగువ తరగతి కుటుంబాలు ఎక్కువ మంది పిల్లల కంటే ఒక్కరికే మంచి భవిష్యత్‌ ఇవ్వడం ముఖ్యమనే ఆలోచనకు వస్తున్నాయి.

ప్రభుత్వ పాఠశాలల్లో విద్యా ప్రమాణాలు పెంచడం, మౌలిక వసతుల పర్యవేక్షణలో తల్లిదండ్రు ల భాగస్వామ్యం అవసరం. పాఠశాలల్లో ప్రదర్శి ంచిన ప్రాథమిక ఓటర్ల జాబితాను పరిశీలించుకోవాలి. అభ్యంతరాలను హెచ్‌ఎంలకు తెలియజేయాలి. 29న ఉదయం 7 నుంచి మధ్యాహ్నం ఒంటి గంట వరకు పోలింగ్‌ ఉంటుంది. ఎన్నికల నిర్వహణకు హెచ్‌ఎంలు, ఎంఈఓలకు స్పష్టమైన మార్గదర్శకాలు ఇచ్చాం. విద్యార్థుల తల్లిదండ్రులు ఓటింగ్‌ ప్రక్రియలో ఉత్సాహంగా పాల్గొని సమర్థులైన వారిని ఎన్నుకోవాలి. – జనార్దన్‌రెడ్డి, డీఈఓ, నంద్యాల

ఆళ్లగడ్డ: అహోబిలంలో వెలిసిన శ్రీ లక్ష్మీనరసింహస్వామి వార్ల మొక్కుబడి కల్యాణోత్సవం కనులపండువగా సాగింది. భక్తులు సమర్పించుకున్న మొక్కుబడి సేవలో భాగంగా ఆదివారం దిగువ అహోబిలంలో స్వామి, అమ్మవార్ల కల్యాణ మహోత్సవం వైభవంగా నిర్వహించారు. ఉద యం స్వామి అమ్మవార్లను సుప్రభాతసేవతో మేల్కొలిపి దివ్యదర్శనం అనంతరం నిత్యపూజలు నిర్వహించారు. అనంతరం ఉత్సవ మూర్తు లు భూనీలా సమేత శ్రీ ప్రహ్లాదవరదుడిని యాగశాలలో కొలువుంచి అర్చన, అభిషేకం, తిరుమంజనం నిర్వహించి, పట్టు పీతాంబరాలతో అలంకరించి కొలువుంచారు. శ్రీ సుదర్శన హోమం నిర్వహించారు. పాంచరాత్ర ఆగమ శాస్త్ర ప్రకారం స్వామి, అమ్మవార్ల కల్యాణ మహోత్స వం వైభవంగా నిర్వహించారు. అనంతరం ముత్యాల తలంబ్రాల కార్యక్రమం నిర్వహించి భక్తులకు తీర్థ ప్రసాదాలు అందజేశారు. ఈ పూజలు ప్రధానార్చకులు కీడాంబి వేణుగోపాలన్‌ ఆధ్వర్యంలో నిర్వహించారు.

నంద్యాల(న్యూటౌన్‌): పర్యాటక ప్రాంతాల విశిష్టతను విస్తృతంగా ప్రచారం చేయాలని జాయింట్‌ కలెక్టర్‌ సూరజ్‌ ధనంజయ్‌ అన్నారు. ఆదివారం కలెక్టరేట్‌లోని పీజీఆర్‌ఎస్‌ హాలులో ప్రపంచ పర్యాటక దినోత్సవాన్ని నిర్వహించారు. ఈ సందర్భంగా జేసీ మాట్లాడుతూ.. యాగంటి, అహోబిలంలో రోప్‌వే ప్రాజెక్టులకు ప్రతిపాదనలు పంపామన్నారు. జిల్లా లోని శ్రీశైలం, మహానంది, యాగంటి తదితర ప్రముఖ పర్యాటక, ఆధ్యాత్మిక ప్రదేశాల విశిష్టతను విద్యార్థులు సోషల్‌ మీడియా ద్వారా తమ స్నేహితులు, కుటుంబ సభ్యులకు తెలియజేస్తూ విస్తృతంగా ప్రచారం చేయాలన్నారు. పర్యాటక ప్రాంతాలను ప్లాస్టిక్‌ రహితంగా మార్చే బాధ్యత ప్రతి ఒక్కరిదన్నారు. జిల్లా పర్యాటక శాఖ అధికారి సునీల్‌ కన్నా మాట్లాడుతూ.. జిల్లాలోని ప్రపంచ ప్రఖ్యాతి గాంచిన బెలుం గుహలతో పాటు బిల్లసర్గం గుహలు, వాల్మీకి గుహలు పర్యాటకులను ఆకర్షిస్తున్నాయన్నా రు. అహోబిలం ప్రాంతం సాహస పర్యాటకానికి కూడా అనుకూలంగా ఉందన్నారు. జిల్లాలోని ఇతర ప్రముఖ పర్యాటక ప్రాంతాల్లో కూడా పర్యాటక మౌలిక వసతులను అభివృద్ధి చేసేందుకు చర్యలు చేపడుతున్నట్లు తెలిపారు. ప్రపంచ పర్యాటక దినోత్సవాన్ని పురస్కరించుకుని నిర్వహించిన వ్యాసరచన, పెయింటింగ్‌, లఘుచిత్రాల తదితర పోటీల్లో ఉత్సాహంగా పాల్గొన్న విద్యార్థులను జేసీ అభినందించి బహుమతులు అందజేశారు. కార్యక్రమంలో జిల్లా సోషల్‌ వెల్ఫేర్‌ అధికారి శివారెడ్డి, ఇతర శాఖల అధికారులు పాల్గొన్నారు.

శ్రీశైలంటెంపుల్‌: శ్రీశైల శ్రీభ్రమరాంబా మల్లికార్జున స్వామిఅమ్మవార్లను కర్ణాటక రాష్ట్రం ఉడిపి క్షేత్రంలోని ద్వైత సంప్రదాయ అష్టపీఠాలలో ఒకటైన పలిమారు మఠం ప్రధాన పీఠాధిపతి విద్యాధీశతీర్థ స్వామి, ఉత్తరాధికారి విద్యారాజేశ్వరతీర్థ స్వామి దర్శించుకుని ప్రత్యేక పూజలు నిర్వహించుకున్నారు. ఆదివారం మల్లన్న దర్శనార్థం ఆలయం వద్దకు విచ్చేసిన పీఠాధిపతులకు ఆలయ రాజగోపురం వద్ద దేవస్థాన చైర్మన్‌ పోతుగుంట రమేష్‌నాయుడు, ఈఓ శ్రీనివాసరావు, అధికారులు, అర్చకస్వాములు ఆలయ మర్యాదలతో స్వాగతం పలికారు. అనంతరం పీఠాధిపతులు మల్లికార్జున స్వామివారికి అభిషేకం, భ్రమరాంబాదేవికి కుంకుమార్చన తదితర ప్రత్యేక పూజలు నిర్వహించుకున్నారు. అనంతరం అమ్మవారి ఆలయం వద్దగల ఆశీర్వచన మండపంలో పీఠాధిపతి గౌరవార్థం వేదపండితులు వేదస్వస్తి నిర్వహించారు. దేవస్థాన చైర్మన్‌ పోతుగుంట రమేష్‌నాయుడు, ఈఓ శ్రీనివాసరావు పీఠాధిపతికి, ఉత్తరాధికారికి దేవస్థానం తరుపున వస్త్రసమర్పణ చేశారు. పీఠాధిపతులు ఇద్దరు అందరికి ఆశీర్వచనాలు అందించారు.

పాడిపశువులతో రైతుల బంధం అంతా ఇంతా కాదు. కుటుంబ సభ్యులతో సమానంగా వాటిని చూసుకుంటారు. వ్యవసాయంలో తోడుగా నిలిచే ఎద్దులను మరింత ఆత్మీయంగా చూస్తారు. వాటి పోషణే కాదు బాగోగుల విషయంలో శ్రద్ధ చూపుతారు. అవి అనారోగ్యానికి గురైతే ఇంట్లో మనుషులు జబ్బుపడినంతగా ఆందోళన చెందుతారు. అలాంటిది.. కళ్లెదుటే కాడెద్దు కుప్పకూలి మృతి చెందితే ఆ రైతు వేదన చెప్పనలవి కాదు. ఇలాంటి ఘటనే బేతంచెర్ల పట్టణంలో ఆదివారం చోటు చేసుకుంది. హనుమాన్‌ నగర్‌ కాలనీకి చెందిన తవిసి కొండ నాగ మద్దయ్య తనకున్న రెండెకరాలతో పాటు మరో 6 ఎకరాల పొలాన్ని కౌలుకు తీసుకొని వ్యవసాయం చేస్తున్నాడు. ఆదివారం పొలంలో ఎద్దులతో సేద్యం చేస్తుండగా ఒక్కసారిగా ఓ ఎద్దు కుప్ప కూలి మృతిచెందింది. సుమారు రూ. 46 వేల విలువైన ఎద్దు కళ్లెదుటే మృతి చెందడంతో రైతు కన్నీరు పెట్టాడు. ఇప్పటికే వర్షాలు లేక కరువు కోరల్లో చిక్కుకున్న ఆందోళన చెందుతున్న రైతు ఎద్దు మృతితో మరింత కుంగిపోయాడు. – బేతంచెర్ల

కర్నూలు: కర్నూలు ఏపీఎస్పీ రెండో పటాలం, డీటీసీలో శిక్షణ పూర్తి చేసుకున్న 2025–26 బ్యాచ్‌ కానిస్టేబుళ్లకు శనివారం పటాలం గ్రౌండ్‌లో సంయుక్తంగా పాసింగ్‌ ఔట్‌ పరేడ్‌ నిర్వహించారు. బెటాలియన్‌ కమాండెంట్‌ దీపిక పాటిల్‌ అధ్యక్షతన జరిగిన కార్యక్రమానికి ముఖ్య అతిథులుగా మంత్రి టీజీ భరత్‌ గుప్తా, కలెక్టర్‌ ఎ.సిరి, డీఐజీ డాక్టర్‌ కోయ ప్రవీణ్‌, ఎస్పీ విక్రాంత్‌ పాటిల్‌ హాజరై కవాతును పరిశీలించి ట్రైనీ కానిస్టేబుళ్ల నుంచి గౌరవ వందనం స్వీకరించారు. పరేడ్‌ కమాండర్‌ ఆధ్వర్యంలో ప్రదర్శించిన లయబద్ధమైన కవాతు, మార్చ్‌ఫాస్ట్‌ విశేషంగా ఆకట్టుకున్నాయి. శాంతిభద్రతల పరిరక్షణకు పాటు పడతామని ప్రమాణం ‘ప్రజల ఆస్తి, ప్రాణాలకు నష్టం రానీయకుండా ప్రభుత్వ, ప్రైవేటు ఆస్తుల పరిరక్షణకు నిరంతరం శ్రమిస్తామంటూ ఈ సందర్భంగా ట్రైనీ కానిస్టేబుళ్లతో ప్రమాణం చేయించారు. ప్రాణాలు సైతం లెక్క చేయకుండా శాంతిభద్రతల పరిరక్షణకు రాత్రి, పగలు తేడా లేకుండా విధుల్లో నిమగ్నమవుతాం.. వృత్తికి వన్నె తెస్తాం’ అని నూతన పోలీస్‌ కానిస్టేబుళ్లు ప్రమాణం చేశారు. ఏపీఎస్పీ రెండో పటాలంలో 430 మంది, పోలీసు శిక్షణ కేంద్రంలో 199 మంది కలిపి 629 మంది శిక్షణ పూర్తయింది. తొమ్మిది మాసాలుగా కఠోరమైన శిక్షణతో పాటు పోలీసు విధి నిర్వహణలో తీసుకోవాల్సిన జాగ్రత్తలు, సూచనలు, సాంకేతికపరమైన అంశాలు బోధించారు. ఇక విధుల్లో చేరడమే మిగిలింది. సత్తా చాటారిలా.. పాసింగ్‌ ఔట్‌ పరేడ్‌ సందర్భంగా ట్రైనీలకు పలు పోటీలు నిర్వహించారు. ఈ పోటీల్లో కానిస్టేబుళ్లు తమ ప్రతిభను కనబరచి సత్తా చాటారు. బెస్ట్‌ ఆల్‌రౌండర్‌, బెస్డ్‌ ఇండోర్‌గా నందికం శ్రీనివాసులు, బెస్ట్‌ ఔట్‌డోర్‌గా ముప్పరి శ్రీకాంత్‌, బెస్ట్‌ ఫైరర్‌గా పరస తరుణ్‌కుమార్‌, పెరేడ్‌ కమాండర్‌గా అంకెనంద కుమార్‌ ప్రథమ స్థానంలో నిలిచారు. ఉద్వేగభరితం పాసింగ్‌ ఔట్‌ పరేడ్‌కు రాష్ట్రంలోని వివిధ జిల్లాల నుంచి వచ్చిన ట్రైనీ కానిస్టేబుళ్ల తల్లిదండ్రులు, కుటుంబీకులు తమ పిల్లల పరేడ్‌ చూస్తున్నంత సేపు ఉద్వేగానికి లోనయ్యారు. కళ్లముందు తప్పటడుగులు వేస్తూ పెరిగిన తమ పిల్లలు పోలీసు శిక్షణ పూర్తి చేసుకుని త్వరలో ఉద్యోగంలో చేరనుండటంతో వారంతా ఆనందంలో మునిగారు. పరేడ్‌ దృశ్యాలను తమ సెల్‌ఫోన్లలో బంధిస్తూ మురిసిపోయారు. పరేడ్‌ ముగిసిన తర్వాత మైదానంలోనే కుటుంబీకులతో కలసి కొత్త కానిస్టేబుళ్లు ఫొటోలు దిగి మధుర క్షణాలను ఆస్వాదించారు. మరికొందరు తమ పిల్లల దగ్గర ఉన్న తుపాకులను తీసుకుని భుజాలపై పెట్టుకుని ఫొటోలకు ఫోజులిచ్చి మురిసిపోయారు. లక్కింశెట్టి మహేష్‌ చప్పటి రోహిత్‌ వెంకటసాయి కృష్ణారెడ్డి నందికం శ్రీనివాసులు మంత్రి నుంచి అవార్డు అందుకుంటున్న పరేడ్‌ కమాండర్‌ నందకుమార్‌ కర్నూలు శివారు జగన్నాథగట్టుపై ఉన్న పోలీసు శిక్షణ కేంద్రంలో పలువురు టాపర్లుగా నిలిచారు. బెస్ట్‌ ఆల్‌రౌండర్‌, బెస్ట్‌ ఇండోర్‌గా చప్పటి రోహి త్‌, బెస్ట్‌ ఔట్‌డోర్‌గా లక్కింశెట్టి మహేష్‌, బెస్ట్‌ ఫైరర్స్‌గా వెంకటసాయికృష్ణారెడ్డి, అసది శివశంకర్‌ నిలిచారు. వీరికి మంత్రి చేతుల మీదుగా మెమొంటో అవార్డులు అందజేశారు. అలా గే ఉత్తమ డ్రిల్‌ ఇన్‌స్ట్రక్టర్లకు కూడా ప్రశంసాపత్రాలు, అవార్డులు అందజేశారు. డీటీసీలో టాపర్లు వీరే..

జీవితంలో అమ్మానాన్నల ప్రోత్సాహం మరువలేనిది. వారి సహకారంతోనే నేను ఉన్నత స్థానానికి ఎదిగాను. నాన్న కోరిక మేరకు డాక్టర్‌ను అయ్యాను. అమ్మ కోరిక మేరకు కలెక్టర్‌ను అయ్యాను. డాటర్‌ ఆఫ్‌ లక్ష్మణరావు..డాటర్‌ ఆఫ్‌ లలిత అనిపించుకోవడం గర్వంగా ఉంది. ఆడ, మగ అన్న తేడా చూపకుండా ఉన్నత చదువులు చదివించారు. మా తల్లిదండ్రుల స్ఫూర్తితోనే జిల్లాలో బాల్య వివాహాల నివారణకు కృషి చేస్తున్నాను. జిల్లా వెనుకబడడానికి విద్య లేకపోవడమేనని నేను భావిస్తున్నా. అందుకే జిల్లాలో విద్యాభివృద్ధికి ప్రాధాన్యం ఇస్తున్నాను. అందులోనూ బాలికల విద్యకు అధిక ప్రాధాన్యం ఇస్తున్నాను. – డాక్టర్‌ ఏ సిరి, కర్నూలు జిల్లా కలెక్టర్‌తండ్రితో జిల్లా కలెక్టర్‌ సిరి

మంత్రాలయం: హమాలీగా పనిచేసే తండ్రి రంగోళి ప్రాణేష్‌ అనారోగ్యంతో ఇంటికే పరిమితయ్యారు. తల్లి దేవమ్మ కూలి పనులు చేస్తూ కుటుంబాన్ని పోషిస్తున్నారు. అమ్మ కష్టాన్ని చూసి రెండో కూతురు అంజలి చలించిపోయారు. మంత్రాలయం నుంచి తుంగభద్ర రైల్వే స్టేషన్‌, కర్ణాటకలోని బిచ్చాలయ, పంచముఖి క్షేత్రాలకు ఆటోను నడుపుతూ కుటుంబానికి అండగా నిలిచారు. ఆటో కొనుగోలు కోసం రుణాలు ఇవ్వాలని అధికారుల చుట్టూ తిరగలేదు. కష్టాలు వచ్చినా బెదర కూడదని, నిలబడి ఉండాలని తలిదండ్రులు నేర్పిన పాఠం అంజలిని నడిపిస్తోంది. కూలికి వెళ్లి దాచుకున్న కొంత మొత్తంతోపాటు చినమ్మ, వరుసకు అన్నదమ్ముల వద్ద డబ్బులు తీసుకుని ఆటోను కొనుగోలు చేశారు. ఆటో నడిపి కూడబెట్టిన డబ్బును తన అక్క ఐశ్వర్య, చెల్లి సింధూ పెళ్లిళ్లకు ఖర్చు చేశారు. అంతేగాక తాత నుంచి వచ్చిన సెంటున్నర స్థలంలో పెద్ద గోతిని గరుసుతో రూ.50 వేలు ఖర్చుపెట్టి పూడ్చించారు. ఇంటి ఖర్చులు చూసుకుంటూ అర్ధ ఎకరం పొలంలో పంటల సాగు కూడా సాయం చేస్తున్నారు. పెళ్లిళ్లకు రూ.8 లక్షల వరకు అప్పు చేశానని, అప్పు తీర్చే బాధ్యత కూడా తనపై ఉందని అంజలి తెలిపారు. తన ఆఖరి చెల్లెలకు పెళ్లి చేసే వరకు ఇదే కష్టం చేస్తానని తెలిపారు. అమ్మానాన్నకు అండగా ఉంటానని, ఎవరైనా దాతలు సహకరిస్తే ఆటోపై తెచ్చుకున్న అప్పును (అంజలి సెల్‌ నంబర్‌: 9035155664)తీరుస్తానని చెప్పారు. ఆటో నడుపుతున్న అంజలి

బీఎస్సీ చదువుకున్నాను. మా నాన్న రవిప్రసా ద్‌, తల్లి మనెమ్మ వ్యవసాయం చేస్తా రు. వారి ఆశయాలను వ మ్ముచేయను. ప్రజలకు సేవ చేసేందుకే పోలీసు శాఖలోకి వచ్చా. నాకు పోలీ సంటే చిన్నప్పటి నుంచి ఆసక్తి. శిక్షణ పూర్తి కావడంతో విధుల్లో ఎప్పుడు చేరతానా అన్న ఉత్సుకత ఉంది. – మహేష్‌, పోలవరం, తూగో జిల్లా బీటెక్‌ చదివాను. తల్లిదండ్రులు శ్రీనివాసరావు, ఆదిలక్ష్మి ప్రోత్సాహంతో పోలీసునవుతున్నా. శిక్షణలో శాంతిభద్రతలకు సంబంధించిన అనేక అంశాలపై తర్ఫీదునిచ్చారు. పోలీసుకు ఎంపిక కావడం, శిక్షణ పూర్తవడం చకచకా జరిగిపోయాయి. సమాజం బాగు కోసం శక్తివంచన లేకుండా విధులు నిర్వహిస్తా. – సుబ్రహ్మణ్యం, పోలవరం, తూగో జిల్లా బీటెక్‌ పూర్తి చేశా. పోలీసు శాఖలో ఎస్‌ఐ కావాలన్నది లక్ష్యం. తండ్రి ఓబుల్‌ రెడ్డి, తల్లి నాగమ్మ వ్యవసాయం చేస్తుంటారు. పోలీసు అంటే బాధ్యతాయుతమైన వృత్తి. గౌరవంతో పాటు సమాజంలో బాధ్యత ఎక్కువగా ఉంటుంది. ప్రజలకు రక్షణగా నిలిచే అవకాశం ఉంటుంది. ఉద్యోగ విధిని నిర్వహిస్తూనే ఎస్‌ఐ కావాలనే లక్ష్యాన్ని చేరుకుంటా. – ఓబుల్‌ రెడ్డి, కడప జిల్లా

కర్నూలు(సెంట్రల్‌): న్యాయవాదుల హక్కుల కోసం పోరాటాలు చేయాలని ఆల్‌ ఇండియా లాయర్స్‌ యూనియన్‌ (ఏఐఎల్‌యూ) కన్జ్యూమర్‌ నాయకులు పిలుపునిచ్చారు. శనివారం కర్నూలు నగరంలోని ఓ హోటల్‌ హాలులో ఆల్‌ ఇండియా లాయర్స్‌ యూనియన్‌ (ఐలు) 5వ కర్నూలు జిల్లా మహాసభలు జరిగాయి. ఐలు రాష్ట్ర సంఘం సహా వ్యవస్థాపక నాయకులు ఆర్‌. రామాంజనేయులు జెండాను ఆవిష్కరించి మహాసభలు ప్రారంభించా రు. జిల్లా అధ్యక్షుడు లక్ష్మణ్‌ అధ్యక్షతన వహించిన సభలో ముఖ్య అతిథులుగా హాజరైన కన్జ్యూమర్‌ జిల్లా ఫోరం మెంబర్‌ నారాయణ రెడ్డి, రాష్ట్ర ఐలు కోశాధికారి రమేష్‌ కుమార్‌, జిల్లా కార్యదర్శి కె.కుమార్‌ మాట్లాడుతూ.. రాజ్యాంగ పరిరక్షణ, ప్రజాస్వామ్య పరిరక్షణలో న్యాయవాదుల పాత్ర కీలకమన్నారు. కర్నూలులో శాశ్వత హైకోర్టు బెంచ్‌ను ఏర్పాటు చేయాలని, జూనియర్‌ అడ్వకేట్‌లకు స్టైఫండ్‌ను రూ.5 వేల నుంచి రూ.10 వేలకు పెంచాలని, అడ్వకేట్స్‌ డెత్‌ బెనిఫిట్‌ రూ.15 లక్షలకు పెంచి అమలు చేయాలని, న్యాయవాదులకు ఆరోగ్య బీమా కార్డులు ఇవ్వాలని, ఇళ్ల స్థలాల కేటాయించి న్యాయవాద కాలనీలను ఏర్పాటు చేయాలని మహాసభల్లో పలు తీర్మానాలు చేసి ఆమోదించారు. నూతన కమిటీ ఎన్నిక.. మహాసభల్లో 42 మందితో జిల్లా నూతన కమిటీని ఎన్నుకున్నారు. గౌరవ అధ్యక్షులు దిడ్డి వెంకటస్వామి, అధ్యక్ష, ప్రధాన కార్యదర్శులుగా శ్రీనివాసమూర్తి, కె.కుమార్‌, వర్కింగ్‌ ప్రెసిడెంట్‌ సింగరా జు లక్ష్మణ్‌, కోశాధికారి శివ ప్రసాద్‌ గుప్తా, ఉపాధ్యక్షులుగా పి. నిర్మల, మురళీమోహన్‌, ఆజాద్‌, తిమ్మప్ప, జి. వెంకటరమణ, సాయికుమార్‌ రెడ్డి, జాస్మిన్‌ కార్యదర్శిలుగా షాకీర్‌, మహమ్మద్‌ రఫీ, సంజమ్మ, మహేష్‌ కుమార్‌, పార్వతితోపాటు 26 మంది సభ్యులుగా ఏకగ్రీవంగా ఎన్నుకున్నారు.

ఆళ్లగడ్డ: అహోబిలం లక్ష్మీనరసింహ స్వామి ఆలయంలో పౌర్ణమిని పురస్కరించుకుని శనివారం విశేష పూజలు నిర్వహించారు. ఉద యం మూలమూర్తులకు నిత్యపూజలు నిర్వహించారు. అనంతరం ఉత్సవమూర్తులు శ్రీదేవి, భూదేవి సమేత శ్రీ ప్రహ్లాదవరదస్వాములను ఆలయం ముఖద్వారం మండపంలో కొలువుంచి పంచామృతాలతో అభిషేకించి ధూపదీపాలతో మహామంగళహారతి ఇచ్చి నైవేద్యం నివేదించారు. రాత్రి విశేషాలంకరణలో స్వామి ఉభయ దేవేరులతో కొలువుదీరి మాఢవీధుల్లో విహరిస్తూ భక్తులకు కను విందు చేశారు. ప్రభుత్వ కళాశాలల్లో ఉత్తీర్ణత పెంచాలి బనగానపల్లె రూరల్‌: ప్రభుత్వ జూనియర్‌ కళాశాలల్లో ఉత్తీర్ణత శాతం పెంచేందుకు అధ్యాపకులు కృషి చేయాలని జిల్లా ఇంటర్మీడియెట్‌ విద్యా శాఖాధికారి(డీఐఈవో) శంకర్‌నాయక్‌ అన్నారు. శనివారం పట్టణంలోని ప్రభుత్వ జూనియర్‌ కళాశాలను ఆకస్మికంగా సందర్శించి రికార్డులు తనిఖీ చేశారు. అనంతరం కళాశాల ప్రిన్సిపాల్‌ సత్యప్రపూర్ణ అధ్యక్షతన ఏపీ మోడల్‌ స్కూల్‌, కేజీబీవీ విద్యాలయాల అధ్యాపకులతో సమావేశం నిర్వహించారు. ఈ సందర్భంగా ఆయన మాట్లాడుతూ మారిన సిలబస్‌కు అనుగుణంగా విద్యార్థులకు విద్యా బోధ న చేయాలన్నారు. విద్యార్థులను నిరంతరం పర్యవేక్షస్తూ వారిని ఐఐటీ, నీట్‌, ఎంసెట్‌ వంటి పరీక్షలకు అవసరమైన మార్గదర్శకాలు విద్యార్థులకు అందించాలని తెలిపారు. కార్యక్రమంలో కళాశాల అధ్యాపకులు కృష్టుడు, నాగేశ్వరరెడ్డి, కిశోర్‌, ఆనంద్‌, రామయ్య,శ్రీలత కేజీబీవీ ప్రిన్సిపాల్‌ సునీత,మోడల్‌ స్కూల్‌ అధ్యాకులు చంద్రశేఖర్‌రెడ్డి తదితరులు పాల్గొన్నారు. మధ్యాహ్నం నుంచి పింఛన్ల పంపిణీ నంద్యాల(న్యూటౌన్‌): ఎన్‌టీఆర్‌ భరోసా పింఛన్ల పంపిణీ అక్టోబర్‌ 1వ తేదీ మధ్యాహ్నం నుంచి ప్రారంభమవుతుందని డీఆర్‌డీఏ పీడీ శ్రీధర్‌రెడ్డి ఒక ప్రకటనలో తెలిపారు. బ్యాంకులు 30వ తేదీ వరకు సమ్మెలో ఉన్న కారణంగా పింఛన్‌ మొత్తాన్ని అక్టోబర్‌ 1వ తేదీన ఉదయం బ్యాంక్‌ల నుంచి విత్‌డ్రా చేసి పంపిణీ అధికారులకు అందజేయడం జరుగుతుందన్నారు. ఈ విషయాన్ని జిల్లాలోని పింఛన్‌ లబ్ధిదారులందరూ గుర్తించాలన్నారు. వైభవంగా శ్రీశైలగిరి ప్రదక్షిణ శ్రీశైలంటెంపుల్‌: శ్రీశైల క్షేత్రంలో పౌర్ణమిని పురస్కరించుకుని శనివారం సాయంత్రం శ్రీశైల గిరిప్రదక్షిణ కార్యక్రమాన్ని సంప్రదాయబద్ధంగా నిర్వహించారు. సాయంత్రం స్వామిఅమ్మవార్ల మహా మంగళహారతుల అనంతరం శ్రీస్వామిఅమ్మవార్ల ఉత్సవమూర్తులను పల్లకీలో ఉంచి ప్రత్యేక పూజలు జరిపారు. పల్లకీ ఊరేగింపుతో శ్రీశైల గిరి ప్రదక్షిణ ప్రారంభమైంది. ఆలయ మహాద్వారం నుంచి మొదలైన ఈ ప్రదక్షిణ గంగాధర మండపం, అంకాళమ్మ గుడి, నందిమండపం, గంగాసదనం, బయలు వీరభద్రస్వామి ఆలయం, రింగ్‌రోడ్డు, ఫిల్టర్‌బెడ్‌, సిద్దరామప్ప కొలను, పుష్కరిణి వద్దకు చేరుకుంది. అక్కడి నుంచి తిరిగి నందిమండపం, ఆలయ మహాద్వారం వద్దకు చేరుకుంది. అనంతరం భక్తులకు ప్రసాద వితరణ చేశారు. శ్రీశైల గిరిప్రదక్షిణ కార్యక్రమంలో శ్రీశైల దేవస్థాన అధికారులు, సిబ్బంది, పలువురు భక్తులు పాల్గొన్నారు. నిరసనలకు ఉద్యోగులు దూరంగా ఉండాలి బొమ్మలసత్రం: అనుమతి లేని ధర్నాలు, నిరసనలు, ఆందోళనల్లో ప్రభుత్వ ఉద్యోగులు పాల్గొనరాదని, నిబంధనలు ఉల్లంఘించే కార్యక్రమాల్లో పాల్గొనే వారిపై చట్టపరమైన చర్యలు తీసుకుంటామని జిల్లా ఎస్పీ సునీల్‌ షోరాణ్‌ హెచ్చరించారు. స్థానిక కార్యాలయంలో శనివారం ఎస్పీ మాట్లాడుతూ.. విజయవాడలో స్వర్ణ గ్రామ, వార్డు సచివాలయ ఉద్యోగులు నిర్వహించనున్నట్లు ప్రచారం జరుగుతున్న ధర్నా, నిరసన కార్యక్రమానికి అనుమతి లేదన్నారు. అనధికారిక ఆందోళనలపై పోలీసులు నిఘా ఉంచడంతో పాటు అవసరమైతే సీసీ కెమెరాలు డ్రోన్‌ల ద్వారా పాల్గొనే వారిని గుర్తిస్తామన్నారు. ఉద్యోగులుగా విధులకు హాజరవుతూ శాంతిభద్రతలకు విఘాతం కలిగించే చర్యలకు దూరంగా ఉండాలని చెప్పారు.

ఒక ఆడపిల్ల ఆరోగ్యం మన భవిష్యత్‌ తరాన్ని నిర్ణయిస్తుంది. ఒక ఆడపిల్ల పుట్టినప్పటి నుంచి పెద్ద మనిషి అయి తల్లి అయ్యే వరకు తన శరీరంలో ఆరోగ్యంలో అనేక కీలక మార్పులు జరుగుతాయి. వారి ఆరోగ్యం చాలా ముఖ్యం. మొదటగా ఆడపిల్లలు నెలసరి మైల సమయంలో మంచి పోషకాహారంతో పాటు శుభ్రత గురించి తగిన జాగ్రతలు తీసుకోవాలి. సరిగా నెలసరి రాకపోయిన అతిగా బరువు పెరిగినా వెంటనే వైద్యులను సంప్రదించాలి. ప్రతి ఆడపిల్ల 10 సంవత్సరాలు నిండాక గర్భసంచి ముఖద్వార క్యాన్సర్‌ నివారణ వ్యాక్సిన్‌ వేయించుకోవడం అత్యవసరం. గర్భవతులు మంచి పోషకాహారం, ఐరన్‌, బలం మాత్రలు వాడాలి. – డాక్టర్‌ స్నిగ్ధ, హెచ్‌ఓడీ, గైనకాలజీ, జీజీహెచ్‌, కర్నూలు ●

మాది నిరుపేద కుటుంబం. పదేళ్ల క్రితం నాన్న కుళ్లాయప్ప మృతి చెందాడు. నాతో పాటు ఇద్దరు తమ్ముళ్లు ఉన్నారు. నాన్న మరణించే సమయానికి వాళ్లు ఇంకా చిన్న పిల్లలు. పదేళ్ల నుంచి మా అమ్మ లక్షుమ్మ ఇంటి బాధ్యతలతో పాటు నా చదువును ప్రోత్సహిస్తూ వచ్చారు. ఒక్క రోజు కూడా ఇంటి వద్ద ఉండకుండా పనులు చేస్తూనే నన్ను కర్నూలు సమీపంలోని తాండ్రపాడు డీఎడ్‌ చదివించారు. డీఎస్సీ రాయడంతో ఇటీవలనే నాకు ఉపాధ్యాయ ఉద్యోగం వచ్చింది. అమ్మ కష్టాలు నా ఉన్నతికి దారులు వేశాయి. – లక్ష్మీకుళ్లాయమ్మ, కొలిమిగుండ్ల తల్లిదండ్రుల బాటలో.. నంద్యాల(వ్యవసాయం): తల్లిదండ్రుల ఆశయాలను అందిపుచ్చుకొని నంద్యాల పట్టణంలోని సాయిబాబానగర్‌కు చెందిన హృదయ ఆదర్శంగా నిలుస్తున్నారు. తల్లిదండ్రులు రాజేశ్వరి, నాగకృష్ణకుమార్‌ ఇద్దరూ న్యాయవాద వృత్తిలో కొనసాగుతున్నారు. న్యాయవాది వృత్తిలో పేద ప్రజలకు సరైన న్యాయ సలహాలు, న్యాయం జరిగేందుకు కృషి చేయవచ్చు అని తల్లిదండ్రులు చెప్పిన మాటతో వైద్యవృత్తి ఆలోచనను కుమార్తె పక్కనబెట్టారు. న్యాయవాద వృత్తిని ఎంచుకున్నారు.

మా తల్లిదండ్రులు గోవిందరెడ్డి, శారదాదేవి. మేం నలుగురం ఆడపిల్లలం. అయినా మా తల్లిదండ్రులు అందరూ ఆడపిల్లలే కదా అని ఎప్పుడూ బాధపడలేదు. మా నాన్న ఆలూరులోని డిగ్రీకళాశాలలో అటెండర్‌, మా అమ్మ శిశువిహార్‌లో పనిచేశారు. ఈ రోజుల్లో ఒకరిని చదివించాలంటేనే కష్టం. అలాంటిది మా నలుగురుకి మంచి చదువులు చెప్పించారు. మేం కాలేజీలో ఉన్న నాన్న దగ్గరికి ఎప్పుడు వెళ్లినా మీరు కూడా టీచర్లు కావాలని చెబుతుండేవారు. ఆ మాటలు మా మనసులో ఉండిపోయాయి. నేను మద్దికెరలోని బాలికల ఉన్నత పాఠశాలలో హిందీ టీచర్‌గా, మా సోదరి సరిత ఎమ్మిగనూరులోని బాలుర జూనియర్‌ కళాశాలలో జూనియర్‌ లెక్చరర్‌గా, ఇంకో సోదరి రాజమంజరి అనంతపురం జిల్లా కొత్తచెరువులోని జూనియర్‌ అధ్యాపకురాలుగా పనిచేస్తున్నారు. తల్లిదండ్రులకు జీవితాంతం రుణపడి ఉంటాం. – రాజేశ్వరి

కృష్ణగిరి: పేదరికంలోనూ తల్లిదండ్రులు కుమార్తెను ప్రోత్సహించడంతో ఆ ఇంట్లో వెన్నెల విరిసింది. కృష్ణగిరి మండలం లక్కసాగరం గ్రామానికి చెందిన దాసరి శ్రీనివాసులు, మీనాక్షమ్మలకు ఇద్దరు కుమారులు, ఇద్దరు కూమార్తెలు. వీరు తమకున్న 4.70 ఎకరాల పొలంలోనే వ్యవసాయం చేసుకుంటూ జీవనం సాగిస్తున్నారు. పొలంలో నీటి కోసం బోర్లు పలుమార్లు వేసి అప్పులు చేశారు. అయినా కుమార్తె పార్వతి చదువును నిర్లక్ష్యం చేయలేదు. తిరుపతిలో సంగీత కళాశాలలో శిక్షణ తీసుకున్న పార్వతి ఒక కార్యక్రమంలో ‘ఊరంతా వెన్నెల.. మనసంతా చీకటి’ అనే పాట పాడగా సంగీత సామ్రట్‌ కోటి మెచ్చుకున్నారు. తన గ్రామానికి బస్సు వేయాలని పార్వతి కోరగా న్యాయనిర్ణేతలు అప్పటి వైఎస్సార్‌సీపీ ప్రభుత్వం దృష్టికి తీసుకెళి డోన్‌ నుంచి దేవనకొండ వేళ్లే బస్సును వేశారు. తాను తిరుపతిలోని మ్యూజిక్‌ కాలేజీలో ఐదేళ్లు ఎంఏ పూర్తి చేసి ప్రస్తుతం తిరుపతిలోని బాలజీ కాలనీలో ఉంటున్నట్లు పార్వతి తెలిపారు. అవకాశం దొరికినప్పుడల్లా పాటలు పాడుతున్నానని తెలిపారు. ఈ మధ్య అనుకోని ప్రయాణం, కౌమారం సినిమాలకు పాటలు పాడినట్లు చెప్పారు.

నందవరం: తండ్రి లేడు, తల్లి ఎన్నో కష్టాలను ఎదుర్కొన్నారు. పట్టుదలతో నందవరం మండల కేంద్రానికి చెందిన పవిత్ర శ్రద్ధగా చదివి డాక్టర్‌ అవుతున్నారు. పేదలకు వైద్యం అందించడమే తన లక్ష్యమని చెబుతున్నారు. పవిత్రకు ఆరేళ్ల వయస్సు ఉన్నప్పుడు తండ్రి జెంబు బసవరాజు గౌడ్‌ అనారోగ్యంతో మృతి చెందాడు. అమ్మ జెంబు సరితమ్మ కష్టాన్ని చూసిన పవిత్ర బాగా చదువు కోవాలని నిర్ణయించుకున్నారు. ఎమ్మిగనూరులో ఇంటర్మీడియట్‌ విద్యను పూర్తి చేసి నీట్‌లో 198 ర్యాంకు సాధించారు. కర్నూలు వైద్య కళాశాలలో ఎంబీబీఎస్‌ పూర్తి చేశారు. పీజీ నేషనల్‌ నీట్‌–2026 ఆల్‌ ఇండియా స్థాయిలో 478 ర్యాంకు, కర్నూలు జిల్లాలో ప్రథమ స్థానం సాధించారు. అమ్మ కోరిక మేరకు ర్యాంకు సాధించానని, పేదలకు సేవలందించేందుకు కర్నూలు మెడికల్‌ కళాశాలలో జనరల్‌ మెడిసిన్‌(ఎండీ) చేస్తానని పవిత్ర తెలిపారు. అమ్మానాన్నలే దైవంబనగానపల్లె: అమ్మనాన్నలు తమకు దైవంతో సమానమని బనగానపల్లెలోని పెండేకంటి నగర్‌కు చెందిన డాక్టర్‌ తేజస్వి, డాక్టర్‌ సాయిఅనిలా పేర్కొన్నారు. తమది వ్యవసాయ కుటుంబమని, తండ్రి ఎన్‌ రామ్మోహన్‌రెడ్డి ఎన్నో ఇబ్బందులు పడుతూ చదివి ప్రభుత్వ ఉపాధ్యాయుడిగా విజయం సాధించారని చెప్పారు. తల్లి లక్ష్మీదేవి గృహిణిగా ఉంటూ తమ విజయానికి కృషి చేశా రని పేర్కొన్నారు. తామిద్దరం కర్నూలు మెడికల్‌ కళాశాలలోనే ఎంబీబీఎస్‌ పూర్తి చేసినట్ల చెప్పా రు. తాను పీజీ జనరల్‌ మెడిసిన్‌ కూడా ఇక్కడే పూర్తి చేసినట్లు తేజస్వి తెలిపారు. తాను ఇటీవలే నీట్‌ పీజీలో జాతీయస్థాయిలో 1,537వ ర్యాంకు సాధించినట్లు సాయిఅనిలా చెప్పారు. తాము ఈ స్థాయికి వచ్చేందుకు తల్లిదండ్రుల కష్టం చెప్పలేనిదన్నారు. వారికి ఏ కష్టం రాకుండా సొంత పిల్లలుగా చూసుకుంటామని స్పష్టం చేశారు. ఆత్మస్థైర్యమే నడిపించింది! కుమార్తె ఆరు నెలల వయస్సులో ఉన్నప్పుడే పోలియో మహమ్మారి సోకడంతో తల్లిదండ్రలు బాధపడలేదు. కుమార్తెలో ఆత్మస్థైర్యం నింపి డాక్టర్‌గా తయారు చేశారు. కర్నూలు నగరానికి చెందిన జయరాజ్‌ దంపతులకు ఆరుగురు సంతానం. వీరిలో చిట్టచివరి సంతానమైన గ్రేస్‌ సెలెస్టియల్‌ ఎదుగుదలకు అంగవైకల్యం అడ్డుకాకూడని ఆమెకు ఉగ్గుపాల నుంచి ఆత్మస్థైర్యాన్ని నింపారు. కృషి, పట్టుదల ఉంటే ఏదైనా సాధించవచ్చని బిడ్డకు ధైర్యం చెప్పారు. ఆత్మవిశ్వాసంతో కుమార్తె ఆయూష్‌ వైద్యాధికారిణిగా విధులు నిర్వర్తిస్తున్నారు. కోవిడ్‌ సమయంలో ఆమె అందించిన వైద్యసేవలను గుర్తించి ప్రభుత్వం ఉత్తమ వైద్యాధికారిణిగా అవార్డు అందజేసింది. ప్రసుత్తం దివ్యాంగుల ఉద్యోగుల రాష్ట్ర మహిళా విభాగం అధ్యక్షురాలిగా ఆమె కొనసాగుతున్నారు.

కర్నూలు: సివిల్‌ చట్టాలకు సంబంధించిన కొన్ని అంశాలపై జిల్లాస్థాయి న్యాయాధికారులకు వర్క్‌షాప్‌ జరిగింది. హైకోర్టు ఆదేశాల మేరకు కర్నూలులోని జిల్లా న్యాయస్థాన ప్రాంగణంలో జిల్లా ప్రధాన న్యాయమూర్తి వాసు పర్యవేక్షణలో ఈ కార్యక్ర మం జరిగింది. అధ్యాపకులుగా హైకోర్టు న్యాయమూర్తి జస్టిస్‌ ఎ.హరినాథ శర్మ, రిటైర్డ్‌ జిల్లా జడ్జి హరికృష్ణ భూపతి పాల్గొన్నారు. కార్యక్రమంలో అదనపు జిల్లా న్యాయమూర్తి అమ్మన రాజా, నంద్యాల జిల్లా మూడవ అదనపు న్యాయమూర్తి లీలావతి, నాల్గవ అదనపు జిల్లా న్యాయమూర్తి లక్ష్మీరాజ్యం, 7వ అద నపు జిల్లా న్యాయమూర్తి రాజేంద్రబాబు, పోక్సో న్యాయమూర్తి ఎన్‌.శ్రీవిద్య, ఏసీబీ న్యాయమూర్తి ఎం.వి.హరినాథ్‌, కర్నూలు, నంద్యాల జిల్లాలకు చెందిన సీనియర్‌, జూనియర్‌ సివిల్‌ న్యాయమూర్తులు పాల్గొన్నారు.

మాది కర్నూలు నగరంలోని బుధవారపేట. నా భార్య లక్ష్మి రెండో కాన్పులో ఆడబిడ్డను ప్రసవించింది. మూడేళ్ల క్రితం మొదటి కాన్పులోనూ ఆడపిల్లే పుట్టింది. అయినా ఇప్పుడు ఎలాంటి బాధ మాకు లేదు. ఇది మాకు భగవంతుడు ఇచ్చిన వరమని భావిస్తాం. నేను బేకరిలో పనిచేస్తూ జీవనం సాగిస్తున్నా. అయినా సరే మా బిడ్డను ఎంతో బాగా పెంచాలని ఉంది. వారిని మంచి పాఠశాలలో చేర్పించి ఉన్నతంగా చదివించాలని ఆలోచన ఉంది. ఈ మేరకు అవసరమైన ప్రణాళిక ఇప్పటికే నా మదిలో ఉంది. –ఏసేపు, బుధవారపేట, కర్నూలు

ఎమ్మిగనూరురూరల్‌: ఎమ్మిగనూరు పట్టణంలో శనివారం పట్టపగలే చోరీ జరిగింది. రంగారెడ్డి అనే రైతు స్థానిక కెనరా బ్యాంక్‌ నుంచి రూ. 2 లక్షలు డ్రా చేసుకొని బైక్‌ ట్యాంక్‌ కవర్‌లో పెట్టుకుని ఇంటికి బయలుదేరాడు. మార్గమధ్యలో వైఎస్సార్‌ సర్కిల్‌ దగ్గర ఉన్న స్వీట్‌ స్టాల్‌ ముందు బైక్‌ నిలిపి లోపలికి వెళ్లాడు. అప్పటికే బ్యాంక్‌ నుంచి అనుసరిస్తూ వచ్చిన ఓ గుర్తు తెలియని వ్యక్తి ట్యాంక్‌ కవర్‌లో ఉంచిన రూ. 2 లక్ష నగదును ఎత్తుకెళ్లిపోయాడు. స్వీట్‌ స్టాల్‌ నుంచి బయటకు వచ్చిన రైతు రంగారెడ్డికి డబ్బులు కనిపించకపోవటంతో వెంటనే పట్టణ పోలీసుకు సమాచారం అందించారు. పోలీసులు సంఘటన స్థలానికి చేరుకుని స్వీట్‌ స్టాల్‌ దగ్గర ఉన్న సీసీ పుటేజీని పరిశీలించగా ఓ వ్యక్తి బైక్‌ నుంచి డబ్బులు తీసుకెళ్లిన దృశ్యాలు కనించాయి. కేసు నమోదు చేసుకొని విచారణ చేపట్టినట్లు టౌన్‌ ఎస్‌ఐ మధుసూదన్‌రెడ్డి తెలిపారు. మల్లన్న సేవలో లోకాయుక్త న్యాయమూర్తి శ్రీశైలంటెంపుల్‌: శ్రీశైల శ్రీభ్రమరాంబా మల్లికార్జున స్వామిఅమ్మవార్లను ఏపీ లోకాయుక్త న్యాయమూర్తి టీ.మల్లికార్జునరావు దంపతులు దర్శించుకుని ప్రత్యేక పూజలు నిర్వహించుకున్నారు. శనివారం మల్లన్న దర్శనార్థం ఆలయం వద్దకు విచ్చేసిన న్యాయమూర్తికి దేవస్థాన చైర్మన్‌ పోతుగుంట రమేష్‌నాయుడు, ఈఓ శ్రీనివాసరావు, అధికారులు, అర్చకులు ఆలయ మర్యాదలతో స్వాగతం పలికారు. అనంతరం ఏపీ లోకాయుక్త న్యాయమూర్తి టీ.మల్లికార్జున రావు దంపతులు మల్లికార్జున స్వామివారికి రుద్రాభిషేకం, భ్రమరాంబాదేవికి కుంకుమార్చన తదితర ప్రత్యేక పూజలు నిర్వహించుకున్నారు. అనంతరం వారికి వేదపండితులు వేదమంత్రాలు పలుకగా, అర్చకులు ఆశీర్వచనాలను అందించారు. అనంతరం న్యాయ మూర్తి దంపతులకు దేవస్థాన చైర్మన్‌, ఈఓ స్వామివారి శేషవస్త్రాన్ని, లడ్డూప్రసాదాలను, జ్ఞాపికను అందించి సత్కరించారు. ఆదోని: విధుల్లో నిర్లక్ష్యంగా వ్యవహరించిన పెద్దహరివాణం 30 పడకల ప్రాథమిక ఆరోగ్య కేంద్రంలోని స్టాఫ్‌ నర్స్‌కు వైద్యాధికారులు షోకాజ్‌ నోటీసులు జారీ చేశారు. బుధవారం ఉదయం పురిటి నొప్పులతో ఆసుపత్రికి వచ్చిన గర్భిణికి వైద్య సేవలు అందించేందుకు ఎవరూ అందుబాటులో లేరు. బంధువులే పురుడు పోసి కాపాడారు. ఈ క్రమంలో ‘గర్భిణికి బంధువులే పురుడు పోశారు’ అనే శీర్షికన సాక్షిలో శనివారం వెలువడిన వార్తకు వైద్య ఆరోగ్య శాఖ అధికారులు స్పందించారు. ఆదోని డిప్యూటీ డీఎంహెచ్‌ఓ సత్యవతి ఉదయం హుటాహుటిన పెద్దహరివాణం ఆరోగ్య కేంద్రానికి చేరుకుని విచారణ చేపట్టారు. వైద్య సేవలు పొందుతున్న బాలింత పవిత్ర, బిడ్డ ఆరోగ్య క్షేమాలను అడిగి తెలుసుకున్నారు. ఆసుపత్రిలో విధుల్లో ఉన్న సిబ్బందిని, రాత్రి డ్యూటీ వివరాలను తెలుసుకున్నారు. నైట్‌ డ్యూటీలో ఉన్న స్టాఫ్‌ నర్సు తన తర్వాత నర్సు వచ్చే వరకు విధుల్లో ఉండాల్సి ఉన్నప్పటికీ ఎవరికీ చెప్పా పెట్టకుండా ముందుగానే వెళ్లిపోయినట్లు గుర్తించారు. ఈ మేరకు సదరు స్టాఫ్‌ నర్సుకు షోకాజ్‌ నోటీసును జారీ చేయాల్సిందిగా ఆదేశించారు. భవిష్యత్తులో ఇలాంటి ఘటనలు పునరావృతం కాకుండా సిబ్బంది అప్రమత్తంగా విధులు నిర్వహించాలన్నారు.

కర్నూలు(అగ్రికల్చర్‌): పశుబీమా పథకం కింద పాడి ఆవులు, గేదెలకు కూడా బీమా చేసుకోవచ్చని జిల్లా పశుసంర్ధక శాఖ అధికారి డాక్టర్‌ రాజశేఖర్‌ తెలిపారు. ఇది వరకు సన్న జీవాలకు మాత్రమే బీమా సదుపాయం ఉందని, తాజాగా ఆవులు, బర్రెలకు కూడా బీమా చేసుకునే అవకాశం వచ్చిందన్నారు. నాటు ఆవులు, బర్రెలకు రూ.15 వేల విలువకు బీమా చేసుకోవచ్చని, ప్రీమియం రూ.960 ఉండగా... ప్రభుత్వం రూ.816 భరిస్తుందని, రైతులు రూ.149 చెల్లించాల్సి ఉంటుందని శనివారం ఒక ప్రకటనలో తెలిపారు. జాతి ఆవులు, గేదెలకు రూ.30 వేల విలువకు బీమా చేసుకోవచ్చని, ప్రీమియం రూ.1920 చెల్లించాల్సి ఉందని, ఇందులో ప్రభుత్వం రూ.1,623 సబ్సిడీ ఇస్తుందని, రైతులు రూ.298 భరించాల్సి ఉంటుందని పేర్కొన్నారు. కర్నూలు డివిజన్‌లో 50 పశువులు, ఆదోని డివిజన్‌లో 35 పశువుల ప్రకారం బీమా చేసే విధంగా లక్ష్యాలను ఇచ్చినట్లు తెలిపారు. గొర్రెలు, మేకలకు 1 నుంచి 3 ఏళ్ల వరకు బీమా చేసుకోవచ్చని తెలిపారు. రూ.6 వేల విలువకు ఏడాదికి రూ.180, రెండేళ్లకు రూ.270, మూడేళ్లకు రూ.375 ప్రీమియం చెల్లించాల్సి ఉందని, అయితే సబ్సిడీ పోనూ...గొర్రెల పెంపకం దారులు రూ.27, రెండేళ్లకు రూ.40, మూడేళ్లకు రూ.56 ప్రకారం భరించాల్సి ఉందని తెలిపారు. ఈ అవకాశాన్ని రైతులు, గొర్రెల పెంపకందారులు సద్వినియోగం చేసుకోవాలని సూచించారు. జిల్లాకు సబ్సిడీ ఇచ్చేందుకు రూ.15 లక్షలు మంజూరయ్యాయని తెలిపారు. కొలిమిగుండ్ల(అవుకు): వినాయక నిమజ్జనం సందర్భంగా ఈనెల 16వ తేదీన పట్టణంలోని చెన్నకేశవస్వామి ఆలయ సమీపంలో జరిగిన హత్య కేసులో నిందితుడిని పోలీసులు అరెస్ట్‌ చేశారు. శనివారం స్థానిక పోలీస్‌ స్టేషన్‌లో ఎస్‌ఐ అశోక్‌తో కలసి బనగానపల్లె రూరల్‌ సీఐ మంజునాథరెడ్డి నిందితుడి వివ రాలను వెల్లడించారు. నిమజ్జనం కోసం వినాయక విగ్రహాన్ని తీసుకెళ్తుండగా ఉయ్యాలవాడ మధు సుధాకర్‌తో ఘర్షణ పడిన వెంకటేష్‌గౌడ్‌ వెంట తెచ్చుకున్న కత్తితో ఛాతీలో పొడవడంతో తీవ్రంగా గాయపడ్డాడు. చికిత్స కోసం కర్నూలు ప్రభుత్వ ఆసుపత్రికి తీసుకెళ్లగా అక్కడే చికిత్స పొందుతూ 22వ తేదీ మృతి చెందాడు. మృతుడి కుటుంబ సభ్యు ల ఫిర్యాదు మేరకు వెంకటేష్‌పై హత్యాయత్నం కేసు నమోదు చేసుకున్నామన్నారు. ఈ కేసుకు సంబంధించి దర్యాప్తు చేపట్టగా హతుడి భార్యతో నిందితుడు వివాహేతర సంబంధం ఉందని, ఈ క్రమంలో అడ్డు తొలగించాలనే ఉద్దేశంతో మధు సుధాకర్‌ను కత్తితో దాడి చేశాడని దర్యాప్తులో వెల్లడైనట్లు తెలిసిందని సీఐ తెలిపారు. ఈ మేరకు నిందితుడిని అరెస్ట్‌ చేసి రిమాండ్‌కు తరలించామన్నారు.

సరిగ్గా 57 ఏళ్ల తర్వాత 2026లో మళ్లీ తీవ్రమైన కరువు ప్రజలపై విరుచక పడింది. 1969లో కరువు వచ్చింది. అప్పట్లో నేను గుంటూరులో ఎస్‌ఎస్‌ఎల్‌సీ చదవివేవాడిని. అప్పుడు నాకు 17 ఏళ్లు. మొదటిసారిగా కరువు చూశాను. నాటి కరువుతో పోల్చుకుంటే ఈ ఏడాది ఏర్పడిన కరువు తీవ్రత మాటల్లో చెప్పలేనిది. మేము పత్తి 10 ఎకరాల్లో సాగు చేశాం. వర్షాలు లేకపోవడం వల్ల పంట మొత్తం ఎండిపోయింది. పత్తి పంటను మొత్తం ట్రాక్టరుతో దున్నేశాం. 1969లో కూడా అంతే. ఆ ఏడాది జూన్‌ నెలలో కొంత మేర వర్షాలు కురిశాయి. విత్తనం వేసుకున్న తర్వాత సెస్టెంబరు నెల వరకు వర్షాలు లేవు. పంటలన్నీ దున్నేసుకున్నారు. అయితే రబీ పంటల సాగుకు అనువుగా వర్షాలు కురిశాయి. – వెంకట సుబ్బారెడ్డి, పాలకొలను, ఓర్వకల్‌ మండలం

కర్నూలు: మధ్యవర్తిత్వం 3.0లో భాగంగా పెండింగ్‌ కేసుల పరిష్కారానికి న్యాయవాదులు, మీడియేటర్లు, పారా లీగల్‌ వలంటీర్లు కృషి చేయాలని న్యాయ సేవాధికార సంస్థ కార్యదర్శి లీలా వెంకటశేషాద్రి సూచించారు. జిల్లా న్యాయ సేవాధికార సంస్థ ఆవరణలో మధ్యవర్తిత్వం 3.0పై అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ కక్షిదారుల మధ్య తలెత్తే వివాదాలను సామరస్యపూర్వకంగా పరిష్కరించే దిశగా మధ్యవర్తులు తమ నైపుణ్యాలను సమర్థవంతంగా వినియోగించాలన్నారు. ఇరుపక్షాలకు మెరుగైన, నిష్పక్షపాతమైన, మధ్యవర్తిత్వ సేవలను అందించాలని సూచించారు. ప్రతి గ్రామంలో మీడియేషన్‌పై విస్తృత ప్రచారం కల్పించాలన్నారు. మీడియేటర్లు నిర్మల, లక్ష్మీనారాయణ, అన్నపూర్ణా రెడ్డి, న్యాయవాదులు, పారా లీగల్‌ వలంటీర్లు కార్యక్రమంలో పాల్గొన్నారు.

● కలెక్టర్‌ రాజకుమారినంద్యాల(అర్బన్‌): ఉమ్మడి జిల్లా నుంచి నంద్యాల జిల్లా పరిషత్‌ వేరు కావడంతో జిల్లా సమగ్రాభివృద్ధికి మరింత అవకాశం ఏర్పడిందని కలెక్టర్‌ రాజకుమారి అన్నారు. శుక్రవారం నంద్యాల మండల ప్రజా పరిషత్‌ కార్యాలయ ఆవరణలోని మండల రిసోర్స్‌ సెంటర్‌ భవనంలో ఏర్పాటు చేసిన నూతన జిల్లా ప్రజా పరిషత్‌ కార్యాలయాన్ని జిల్లా కలెక్టర్‌ ప్రారంభించారు. ఈ సందర్భంగా ఆమె మాట్లాడుతూ.. నూతన నంద్యాల జిల్లా ప్రజా పరిషత్‌ పరిపాలనా వ్యవస్థకు శ్రీకారం చుట్టడం సంతోషంగా ఉందన్నారు. నంద్యాల జిల్లా ప్రజా పరిషత్‌ తొలి ప్రత్యేక అధికారిణిగా బాధ్యతలు స్వీకరించడం సంతోషంగా ఉందన్నారు. జిల్లా పరిషత్‌ వ్యవస్థ ప్రజ లు, ప్రజాప్రతినిధులతో నేరుగా అనుసంధానమై పనిచేసే కీలకమైన వ్యవస్థ అన్నారు. ఈ వ్యవస్థను పటిష్టంగా, సమర్థవంతంగా నిర్వహించడం ద్వారా గ్రామ స్థాయి నుంచి జిల్లా స్థాయి వరకు అభివృద్ధి, సంక్షేమ కార్యక్రమాలను మరింత సమర్థవంతంగా అమలు చేయడానికి అవకాశం ఉంటుందన్నారు. ఉమ్మడి జిల్లా ప్రజా పరిషత్‌ నుంచి 45 మంది ఉద్యోగులను నూతన నంద్యాల జిల్లా ప్రజా పరిషత్‌కు కేటాయించినట్లు తెలిపారు. కార్యక్రమంలో జిల్లా ప్రజా పరిషత్‌ సీఈఓ సుధాకర్‌ రెడ్డి, డిప్యూటీ సీఈఓ సుబ్బారెడ్డి, ఆర్డీఓ విశ్వనాథ్‌, సంబంధిత అధికారులు, సిబ్బంది తదితరులు పాల్గొన్నారు.

శ్రీశైలంటెంపుల్‌: శ్రీశైల దేవస్థానానికి హైదరాబాద్‌కు చెందిన పి.సంతోష్‌కుమార్‌ 28 లక్ష్మీ కాసులతో కూడిన బంగారు హారాన్ని విరాళంగా సమర్పించారు. శుక్రవారం దేవస్థాన పరిపాలన భవనంలోని ఈఓ చాంబర్‌లో బంగా రు హారాన్ని దేవస్థాన ఈఓ శ్రీనివాసరావుకు అందజేశారు. అనంతరం దాతకు తగు రశీదు అందజేసి వేదాశీర్వచనంతో పాటు స్వామిఅమ్మవార్ల శేషవస్త్రాలు, లడ్డూప్రసాదాలను అందజేసి సత్కరించారు. పోతిరెడ్డిపాడు నుంచి తగ్గిన నీటి విడుదల జూపాడుబంగ్లా: శ్రీశైలం జలాశయంలో నీటిమట్టం తగ్గటంతో క్రమేణా పోతిరెడ్డిపాడు హెడ్‌రెగ్యులేటర్‌ నుంచి నీటి విడుదల తగ్గుతూ వస్తోంది. శుక్రవారం శ్రీశైలం డ్యాంలో 856.20 అడుగుల నీటిమట్టం ఉండగా పోతిరెడ్డిపాడు వద్ద 855.20 అడుగుల నీటిమట్టం ఉన్నట్లు ఏఈ విష్ణువర్ధన్‌రెడ్డి తెలిపారు. గురువారం దాదాపు 4 వేల క్యూసెక్కుల నీటిని విడుదల కాగా.. శుక్రవారం ఉదయం పోతిరెడ్డిపాడు 2, 4, 5, 7 గేట్లు తెరిచి కేవలం 3 వేల క్యూసెక్కుల నీరు ఎస్సారెమ్సీ కాల్వలోకి విడుదల చేస్తున్నారు. ఈ నీటిని బానకచర్ల నీటి నియంత్రణ వ్యవస్థ నుంచి గాలేరునగరి సుజల స్రవంతి కాల్వకు మళ్లించినట్లు ఏఈ దేవేంద్ర తెలిపారు. 29న రెండో దశసర్టిఫికెట్ల పరిశీలన నంద్యాల(న్యూటౌన్‌): కేజీబీవీలో ఉపాధ్యాయ పోస్టుల భర్తీకి ఈనెల 29న స్థానిక డిప్యూ టీ డీఈఓ కార్యాలయంలో రెండో దశ సర్టిఫికెట్ల పరిశీలన ఉంటుందని డీఈఓ జనార్దన్‌రెడ్డి తెలిపారు. శుక్రవారం ఆయన మాట్లాడుతూ కస్తూర్బా గాంధీ బాలికల విద్యాలయాల్లో ఖాళీగా ఉన్న ఉపాధ్యాయుల పోస్టుల భర్తీకి అభ్యర్థుల నుంచి దరఖాస్తులను ఆహ్వానించామన్నారు. నియామక ప్రక్రియల్లో భాగంగా జిల్లా ప్రొవిజనల్‌ మెరిట్‌ జాబితా, ఖాళీ వివరాలను సమగ్ర శిక్ష వెబ్‌సైట్‌లో అందుబాటులో ఉంచామని వివరించారు. మరింత సమాచారం కోసం డిప్యూటీ డీఈఓ, సమగ్ర శిక్ష కార్యాలయంలో సంప్రదించాలన్నారు. గోరుకల్లు ఘటనపై ఎస్పీ దర్యాప్తు పాణ్యం: గోరుకల్లు రిజర్వాయర్‌ గేటును గుర్తు తెలియని వ్యక్తి ఎత్తిన ఘటనపై ఎస్పీ సునీల్‌ షోరాణ్‌ దర్యాప్తు చేపట్టారు. ఈ మేరకు శుక్రవారం ఆయన జలాశయాన్ని పరిశీలించారు. రిజర్వాయర్‌ గేటు స్విచ్‌ ఆన్‌, ఆఫ్‌ వివరాలు తెలుసుకున్నారు. పాణ్యం పోలీసులు చేపట్టిన దర్యాప్తు విషయాలను తెలుసుకున్నారు. అలాగే ఎస్సార్బీసీ అధికారులతో మాట్లాడారు. విచారణ చేపట్టి బాధ్యులపై చట్టపరమైన చర్యలు తీసుకుంటామని ఎస్పీ చెప్పారు. ఆయన వెంట సీఐ ఈశ్వరయ్య, పాణ్యం ఎస్‌ఐ నరేంద్రకుమార్‌రెడ్డి, ఎస్సార్‌బీసీ అధికారులు మనోజ్‌, శిరీష, జయచంద్ర ఉన్నారు. దుబాయ్‌లో ట్యాక్సీ డ్రైవర్‌ ఉద్యోగ అవకాశాలు కర్నూలు(సెంట్రల్‌): దుబాయ్‌లో ట్యాక్సీ డ్రైవర్‌ ఉద్యోగాలకు శనివారం జాబ్‌ మేళా నిర్వహిస్తున్నట్లు జిల్లా ఉపాధి నైపుణ్యాధికారి దీప్తి శుక్రవారం ఓ ప్రకటనలో తెలిపారు. పదో తరగతి పాసైన పురుష అభ్యర్థులు మాత్రమే అర్హులన్నారు. 25–42 ఏళ్ల మధ్య వయస్సు భారతీయ డ్రైవింగ్‌ లైసెన్స్‌, ప్రాథమిక డ్రైవింగ్‌ నైపుణ్యాలను కలిగి ఉండాలన్నరు. ఆసక్తి కలిగిన అభ్యర్థులు జిల్లా ఉపాధి కల్పన కార్యాలయంలో శనివారం ఉదయం 10 నుంచి సాయంత్రం 5 గంటల వరకు నిర్వహించే జాబ్‌మేళాకు హాజరు కావాలని సూచించారు. ముందుగా అభ్యర్థులు Naipunyam పోర్టల్‌ పేర్లు నమోదు చేసుకోవాలన్నారు. వివరాలకు 98665 77369 నంబర్‌ను సంప్రదించాలని పేర్కొన్నారు.

● బుడ్డాకు మాజీ ఎమ్మెల్యే శిల్పా చక్రపాణి రెడ్డి సవాల్‌శ్రీశైలంప్రాజెక్ట్‌: ‘శ్రీశైలంలో మీ అరాచకాలపై నేను చేస్తున్న ఆరోపణలు అన్నీ వాస్తవం. అవసరమైతే మల్లన్న ఎదుట ప్రమాణం కూడా చేస్తాను.. అవన్నీ అవాస్తవాలు అని శివయ్య వద్ద ప్రమాణం చేయగలవా’ అని.. ఎమ్మెల్యే బుడ్డా రాజశేఖర్‌రెడ్డికి శ్రీశైలం మాజీ ఎమ్మెల్యే శిల్పా చక్రపాణిరెడ్డి సవాల్‌ విసిరారు. శుక్రవారం సున్నిపెంటలోని రెడ్ల కల్యాణ మండపంలో ఆయన విలేకరులతో మాట్లాడారు. మండలంలో ఎమ్మెల్యే తమ్ముడిగా చెప్పుకుంటున్న యుగంధర్‌రెడ్డి దుర్మార్గాలు, అవినీతిపై, అరాచకాలు మితిమీరాయన్నారు. క్రాంట్రాక్ట్‌, అవుట్‌ సోర్సింగ్‌పై పనిచేస్తున్న ఉద్యోగులను అధికారులపై ఒత్తిడి తెచ్చి తొలగిస్తుండం ఎంత వరకు సమంజసమని ప్రశ్నించారు. అక్రమంగా ఇసుకను తరలిస్తూ లక్షలాది రూపాయలు గడిస్తున్నారని, సామాన్యుడు ఇల్లు కట్టుకోవాలన్నా.. యుగంధర్‌రెడ్డికి కప్పం చెల్లించాల్సిన దుస్థితి నెలకొందన్నారు. దేవస్థానంలో టెండర్లు జరుగకుండా అక్రమ వసూళ్లకు పాల్పడుతున్నాడని ఇదంతా ఎమ్మెల్యే కనుసన్నల్లోనే జరుగుతుందన్నారు. దేవస్థానంలో ఉచితంగా కాటేజీలు కట్టించే దాతలను బెదిరిస్తున్నారని, పీఠాధిపతుల నిర్మాణాలు కూడా కాంట్రాక్టర్లుగా అవతారమెత్తి నిర్మిస్తున్నారని ఆరోపించారు. రూ. 4 కోట్లతో నిబంధనలకు అనుగుణంగా కాటేజీ నిర్మిస్తున్న తనపై ఆరోపణలు చేయడం దారుణమన్నారు. తనపై తప్పుడు వార్తలు ప్రచురిస్తున్న పత్రికలు, చానళ్లపై పరువు నష్టం దావా వేస్తానన్నారు. సున్నిపెంట వాసులకు శాశ్వత అధికారం లేని ఇళ్లపట్టాలు ఇచ్చి మభ్యపెడుతున్నారన్నారు. ఎమ్మెల్యే, అతని అనుచరుల అరాచకాలు, అవినీతిపై జిల్లా కలెక్టర్‌ స్పందించి చర్యలు తీసుకోవాలని శిల్పా చక్రపాణిరెడ్డి కోరారు.

ప్రభుత్వ ధనాన్ని ఐటీడీపీ కార్యకర్తలకు దోచిపెట్టడం కోసమే ఇన్‌ప్లుయెన్సర్లను తెరపైకి తీసుకొచ్చారు. ఏకంగా వ్యూస్‌ను బట్టి లక్ష వరకు జీతాలు ఇస్తామని చెప్పడం అన్యాయం. ఇలాంటి పాలసీ ఏరాష్ట్రంలో లేదు. వెంటనే ఈ పాలసీని ప్రభుత్వం వెనక్కి తీసుకోవాలి. లేదంటే పోరాటం తప్పదు. – కె.శ్రీనివాసులు, జిల్లా కార్యదర్శి, ఏఐవైఎఫ్‌, కర్నూలు సోషల్‌ మీడియా ఇన్‌ప్లుయెన్సర్ల పేరుతో ఐటీ డీపీ వారికి ప్రభుత్వ సొమ్మును దోచిపెట్టడా నికి సిద్ధపడింది. డీఎస్సీలో నారా లోకేష్‌ టీంకు స్పోర్ట్స్‌ కోటాలో అక్రమాలు చేసి ఉద్యోగాలు ఇచ్చారు. ఇప్పుడు ఐటీడీపీ కార్యకర్తలకు ఇన్‌ప్లుయెన్సర్ల పేరుతో జీతాలు ఇవ్వడానికి సిద్ధమవడం దారుణం. ఈ పాలసీని తీవ్రంగా వ్యతిరేకిస్తున్నాం. – వై.నగేష్‌, సీపీఎం నగర కమిటీ సభ్యుడు, కర్నూలు సీఎం చంద్రబాబు నిజమైన విజనరీ అయినట్లయితే ఇలాంటి ఇన్‌ప్లుయెన్సర్ల పాలసీ అవసరం ఏముంది? అబద్ధాల ప్రచారం కోసమే ఇలా చేస్తున్నారు. రాష్ట్ర ప్రజల సొమ్మును దోచుకొని టీడీపీ నాయకులకు, కార్యకర్తలకు పంచిపెట్టడాన్ని చూస్తూ ఊరుకోం. ప్రజల ధనానికి జవాబుదారీతనంగా ఉండాలని కోరుతున్నాం. – బారెడ్డి విజయభాస్కర్‌ రెడ్డి, బండిఆత్మకూరు

నంద్యాల(వ్యవసాయం): జైలులో ఉన్న ఖైదీలు వారి హక్కుల గురించి తెలుసుకోవాలని ఆరవ అదనపు జిల్లా జడ్జి, ఫుల్‌ అడిషనల్‌ చార్జ్‌ జిల్లా ప్రధాన న్యాయమూర్తి, న్యాయసేవాధికార సంస్థ చైర్మన్‌ పి.వాసు అన్నారు. గురువారం స్థానిక స్పెషల్‌ సబ్‌ జైల్‌ను ఆయన కార్యదర్శి బి.లీలావెంకట శేషాద్రిలు ఫస్ట్‌ క్లాస్‌ మెజిస్ట్రేట్‌ లక్ష్మికర్రిలతో కలసి ఆకస్మిక తనిఖీ చేశారు. ఈ సందర్భంగా ఏర్పాటు చేసిన ఫ్రిజన్‌ లీగల్‌ ఎయిడ్‌ హెల్ప్‌ డెస్క్‌, క్లీనిక్‌లను తనిఖీ చేసి ఖైదీలకు అవగాహన కల్పించారు. 70 ఏళ్లు వయస్సు పైబడిన, అనారోగ్యంతో బాధపడే ఖైదీలకు ఉచిత న్యాయ సహాయం అందిస్తామన్నారు. అదే విధంగా ఖైదీలకు అందించే ఆహారం, రేషన్‌, వారి ఆరోగ్యం గురించి ఆరా తీశారు. ఏవైనా సమస్యలు ఉంటే జిల్లా న్యాయ సేవాధికార సంస్థ కర్నూలు వారిని సంప్రదించవచ్చన్నారు. లీగల్‌ సర్వీసెస్‌ హెల్ప్‌లైన్‌ నంబరు 15100కు డయల్‌ చేయాలన్నారు. కార్యక్రమంలో చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ శివరామచంద్రారావు, లక్ష్మీనారాయణ, జైలు సూపరింటెండెంట్‌ గురుప్రసాదరెడ్డి, బాలు, రామచంద్రారెడ్డి, భాస్కర్‌, తదితరులు పాల్గొన్నారు. శ్రీశైలంలో 90.8 మి.మీ వర్షపాతంనంద్యాల(అర్బన్‌): జిల్లాలో ఐదు రోజులుగా వర్షాలు కురుస్తున్నాయి. బుధవారం సాయంత్రం నుంచి గురువారం ఉదయం వరకు ఆయా ప్రాంతాల్లో మోస్తరు వర్షం కురిసింది. శ్రీశైలంలో మండలంలో అత్యధికంగా 90.8మి.మీ వర్షం కురవగా, బనగానపల్లె మండలంలో అత్యల్పంగా 7.2 మి.మీ వర్షపాతం నమోదైంది. జూపాడుబంగ్లాలో 56.8, పగిడ్యాలలో 56.4, ఆత్మకూరులో 44.2, వెలుగోడులో 43.2, పాములపాడులో 31.2, గడివేముల 30.0, మహానంది 28.6, బండిఆత్మకూరు 23.4, అవుకు, నందికొట్కూరులో 22.6, బేతంచెర్ల 21.2, మిడుతూరు, కొత్తపల్లెలో 20.2, రుద్రవరం 19.0, ఆళ్లగడ్డ 18.6, ప్యాపిలి 17.8, శిరివెళ్ల 17.4, కొలిమిగుండ్ల 14.8, నంద్యాల అర్బన్‌ 14.0, నంద్యాల రూరల్‌ 13.2, డోన్‌ 12.8, ఉయ్యాలవాడ 12.6, పాణ్యం 12.4, దొర్నిపాడు 12.0, కోవెలకుంట్ల 11.2, చాగలమర్రి 10.4, సంజామల 9.0, గోస్పాడు 8.4మి.మీ వర్షం కురిసింది. నేడు జూపాడుబంగ్లాలో పీజీఆర్‌ఎస్‌ నంద్యాల(న్యూటౌన్‌): వన్‌ మంత్‌ – ఫోర్‌ విజి ట్‌ కార్యక్రమంలో భాగంగా ఈ నెల 25వ తేదీన శుక్రవారం జూపాడుబంగ్లాలో ప్రజా సమస్యల పరిష్కార వేదిక నిర్వహించనున్నట్లు జిల్లా కలెక్టర్‌ రాజకుమారి గురువారం ఒక ప్రకటనలో తెలిపారు. స్థానిక పోలీస్‌ స్టేషన్‌ సమీపంలోని ఫంక్షన్‌ హాల్‌లో నిర్వహించే కార్యక్రమంలో ప్రజల నుంచి వినతులు, అర్జీలు, ఫిర్యాదులు స్వీకరిస్తామన్నారు. సంక్షేమం, అభివృద్ధి, రెవెన్యూ, పౌర సేవలు తదితర అంశాలపై వినతులు తీసుకుని పరిష్కారానికి కృషి చేస్తామన్నారు. జూపాడుబంగ్లా మండల ప్రజలు ఈ అవకాశాన్ని సద్వినియోగం చేసుకోవాలన్నారు. క్వింటా ఉల్లి రూ.4,630 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో గురువారం క్వింటా ఉల్లికి గరిష్ట ధర రూ.4630 లభించింది. మొత్తం 2,046 క్వింటాళ్ల ఉల్లి అమ్మకానికి వచ్చింది. క్వింటా సగటు ధర రూ.3,830 నమోదైంది. మార్కెట్‌కు 124 క్వింటాళ్ల వేరుశనగ రాగా.. కనిష్ట ధర రూ.5,089, గరిష్ట ధర రూ.9,389 లభించింది. సగటు ధర రూ.5719 నమోదైంది. మొక్కజొన్న కొరత ఎక్కువగా ఉండటంతో క్వింటా ధర రూ.2,515 పలికింది. ఆదోని మార్కెట్‌లో క్వింటా పత్తికి కనిష్ట ధర రూ.6000, గరిష్ట ధర రూ.9709 లభించింది. స్వర్ణ పల్లకీలో రాఘవేంద్రుడు విహారం మంత్రాలయం: ప్రముఖ ఆధ్యాత్మిక కేంద్రం మంత్రాలయం రాఘవేంద్రస్వామి మఠంలో రాఘవేంద్రుల స్వర్ణ పల్లకోత్సవం వైభవంగా జరిగింది. గురువారం ఊంజల మంటపంలో ముందు గా రజత రాఘవేంద్రుల బృందావన ప్రతిమకు విశేష పూజలు చేపట్టారు. అనంతరం శ్రీమఠం ప్రాంగణ వీధుల్లో అశేష భక్తజన వాహిని మధ్య స్వర్ణ పల్లకీ సేవ నిర్వహించారు.

కర్నూలు(అర్బన్‌): పెద్దల స్ఫూర్తి, అందరి సహకారంతో మరింత పారదర్శకంగా, ఎక్కడా అవినీతికి తావు లేకుండా సేవలు అందించామని జిల్లా పరిషత్‌ చైర్మన్‌ యర్రబోతుల పాపిరెడ్డి అన్నారు. జెడ్పీ చైర్మన్‌గా పదవీ కాలం పూర్తి అయిన సందర్భంగా గురువారం స్థానిక ఎస్‌వీ రీజెన్సీలోని సమావేశ భవనంలో అధికారులు, జెడ్పీటీసీలు, సహచరులు, స్నేహితులు ఆయనకు ఘనంగా ఆత్మీయ వీడ్కోలు కార్యక్రమాన్ని నిర్వహించారు. మాజీ జెడ్పీటీసీ పుల్యాల నాగిరెడ్డి అధ్యక్షతన జరిగిన ఈ కార్యక్రమంలో జెడ్పీ సీఈఓ ఆర్‌ సుధాకర్‌రెడ్డి, డిప్యూటీ సీఈఓ ఈవీ సుబ్బారెడ్డి, స్వర్ణగ్రామ/ వార్డు సచివాలయాల జిల్లా అధికారి టీవీ భాస్కర్‌నాయుడు, కర్నూలు డీడీఓ అశ్వినీకుమార్‌, జెడ్పీ వైస్‌ చైర్మన్‌ కురువ బుజ్జమ్మతో పాటు జెడ్పీటీసీ, మాజీ ఎంపీపీలు, జెడ్పీ ఉద్యోగులు పెద్ద సంఖ్యలో హాజరయ్యారు. ఈ సందర్భంగా పాపిరెడ్డి మాట్లాడుతూ స్థానిక సంస్థలను ఆర్థికంగా బలోపేతం చేస్తేనే గ్రామాల్లో అనేక సమస్యలు పరిష్కారం అవుతాయన్నారు. ముఖ్యమంత్రిగా వైఎస్‌ జగన్‌మోహన్‌రెడ్డి, పంచాయతీరాజ్‌, గ్రామీణాభివృద్ధి శాఖా మంత్రిగా పెద్దిరెడ్డి రామచంద్రారెడ్డి ఉన్న సమయంలోనే పంచాయతీరాజ్‌లో ఉద్యోగుల పదోన్నతులకు కదలిక వచ్చిందన్నారు. గతంలో ఎంతో మంది ఎంపీడీఓలుగానే పదవీ విరమణ చేశారన్నారు. వైఎస్‌ జగన్‌ తీసుకున్న నిర్ణయంతో అనేక మంది ఎంపీడీఓలు డీఎల్‌డీఓలుగా పదోన్నతులు పొందారని గుర్తు చేశారు. అప్పట్లో పదోన్నతుల ప్రక్రియ ప్రారంభించడం వల్ల నేడు అనేక మంది వివిధ ప్రభుత్వ శాఖల్లో జిల్లా అధికారులుగా కొనసాగుతున్నారని చెప్పారు. పాపిరెడ్డికి ఘన సన్మానం ... ఆత్మీయ వీడ్కోలు సందర్భంగా జెడ్పీ చైర్మన్‌ యర్రబోతుల పాపిరెడ్డిని జెడ్పీ సీఈఓ ఆర్‌ సుధాకర్‌రెడ్డి, డిప్యూటీ సీఈఓ ఈవీ సుబ్బారెడ్డి, ఎస్‌జీఎస్‌డబ్ల్యూ సచివాలయాల జిల్లా అధికారి టీవీ భాస్కర్‌నాయుడు, కర్నూలు డీడీఓ అశ్వినీకుమార్‌ తదితరులు శ్రీ వెంకటేశ్వరస్వామి జ్ఞాపికను అందించి శాలువాలు, పూలమాలలతో ముంచెత్తారు.

గోస్పాడు: జాతీయ నులిపురుగుల నివారణ కార్యక్రమాన్ని పకడ్బందీగా నిర్వహించాలని రాష్ట్ర పరిశీలకులు, జాయింట్‌ డైరెక్టర్‌ డాక్టర్‌ దేవసాగర్‌, కన్సల్టెంట్‌ రమేష్‌ సూచించారు. వారు గురువారం జిల్లాలోని శిరివెళ్ల, ఎర్రగుంట్ల, బనగానపల్లె, మద్దూరు, గోస్పాడుతో పాటు నంద్యాల పట్టణంలోని అర్బన్‌ ఆస్పత్రులను తనిఖీ చేశారు. వారు మాట్లాడుతూ.. ఈనెల 25న జిల్లాలో జాతీయ నులిపురుగుల నిర్మూలన కార్యక్రమంలో భాగంగా ఆల్బెండజోల్‌ మాత్రలను పిల్లలందరికీ అందించేలా కృషి చేయాలన్నారు. అనంతరం జిల్లా వైద్య ఆరోగ్య శాఖ అధికారి చాంబర్‌లో డీఎంహెచ్‌ఓ శారదాబాయి ఆధ్వర్యంలో సమీక్ష సమావేశం నిర్వహించారు. జిల్లాకు వచ్చిన అల్బెండజోల్‌ మాత్రలను అన్ని ప్రాథమిక, పట్టణ ఆరోగ్య కేంద్రాలకు అక్కడి నుంచి అంగన్వాడీ కేంద్రాలకు ప్రభుత్వ ప్రైవేటు విద్యాసంస్థలకు చేర్చిన వివరాలు, కార్యక్రమం నిర్వహణ గురించి అడిగి తెలుసుకున్నా రు. నిర్వహణపై పలు సూచనలు చేశారు. జిల్లా ప్రో గ్రాం అధికారులు, డిప్యూటీ డైరెక్టర్‌ – ప్రోగ్రాం అధి కారి అనిల్‌కుమార్‌ రెడ్డి, డాక్టర్‌ జగదీష్‌ చంద్రరెడ్డి, డాక్టర్‌ కాంతారావు నాయక్‌, సిబ్బంది పాల్గొన్నారు.

● కలుషిత ఆహారం, నీటి ద్వారా శరీరంలోకి.. ● చిన్నారుల్లో రక్తహీనత, ఇతర అనారోగ్య సమస్యలు ● ఎదుగుదల లోపించే ప్రమాదం ● ప్రభుత్వ ఆసుపత్రుల పరిధిలో మాత్రల పంపిణీకి చర్యలు ● నేడు జాతీయ నులిపురుగుల దినోత్సవం గోస్పాడు: పిల్లల ఉజ్వల భవిష్యత్‌కు ఆరోగ్యమే ప్రధానం. చిన్నారులను పీడించే అనారోగ్య సమస్యల్లో నులిపురుగులు ప్రధానమైనవి. ఈ పురుగు లు పిల్లల కడుపులో చేరి మెలిపెడుతూ పిల్లల్లో పేలతనం, నీరసం, ఆహారం సరిగా తీసుకోకపోవడం తరచూ కనిపిస్తుంటుంది. వారి ఎదుగుదలపై ప్రభావం చూపిస్తుంటా యి. రక్తహీనత, పోషకలోపం, పలు అనారోగ్య సమస్యలకు కారణమవుతుంటాయి. నిర్లక్ష్యంగా ఉంటే జీవితాలనే నులిమేస్తాయి. ఈ సమస్య పరిష్కారానికి ఏడాదికి రెండుసార్లు జాతీయ నులి పురుగుల నివారణ కార్యక్రమాలను నిర్వహిస్తున్నారు. 1–19 ఏళ్ల పిల్లల్లో నులిపురుగుల సమస్య ఉంటుంది. ఒక్క ఆల్బెండ్‌జోల్‌ మాత్రతో ఈ సమస్యను అధిగమించవచ్చని వైద్యు లు చెబుతున్నారు. ఈ నెల 25న జాతీయ నులిపురుగుల నివారణ దినోత్సవం రోజున అంగన్వాడీలు, పాఠశాలలు, జూనియర్‌ కళాశాలల్లో చదువుకుంటున్న పిల్లలకు ఆల్బెండజోల్‌ మాత్రలు పంపిణీ చేసేందుకు వైద్య ఆరోగ్య శాఖ చర్యలు తీసుకుంది. నులిపురుగులతో నష్టదాయకం నులిపురుగులు పిల్లల పేగుల్లో పెరిగే పరాన్నజీవులు. ఇవి అపరిశుభ్రమైన చేతులు, కలుషితమైన ఆహారం, నీటిద్వారా శరీరంలోకి ప్రవేశిస్తాయి. మనం ఇచ్చే ఆహారాన్ని పిల్లల శరీరం గ్రహించకుండా ఈ పురుగులు అడ్డుకుంటాయి. తద్వారా రక్తహీనతకు దారితీస్తాయి. మానసిక ఎదుగుదలకు ఆటంకంగా మారుతాయి. కడుపునొప్పి, వికారం కలగజేస్తాయి. ఆహారం సహించదు, ఆకలి ఉండదు. నీరస ంగా ఉంటుంది.పిలల కడుపులో కొంకి, నులి, బద్దె, గుండ్రని పురుగులు రక్తాన్ని పీల్చేస్తాయి. వ్యాధి నిరోధక శక్తి తగ్గుతుంది. వాంతులు, మలంలో రక్తం, అతిసారం వంటి సమస్యలు తలెత్తుతాయి. ఆల్బెండజోల్‌ మాత్రల డోస్‌ ఇలా.. నులిపురుగుల నివారణకు ఆల్బెండజోల్‌ మాత్రలను ప్రభుత్వం పంపిణీ చేస్తోంది. 1 – 2 ఏళ్ల చిన్నారులకు సగం మాత్ర (200 ఎంజీ) నీటిలో కలిపి తా పాలి. 2–19 ఏళ్లలోపు పిల్లలకు 400 ఎంజీ మాత్ర ను మధ్యాహ్నం భోజనం తరువాత చప్పరించేలా చూడాలి. ఈ మాత్రలను దీర్ఘకాలిక వ్యాధులు ఉన్న వారు కూడా తీసుకోవచ్చు. ఇది సురక్షితమైనది. 4,46,400 మందికి ఆల్బెండజోల్‌ మాత్రలు జిల్లాలో 1663 అంగన్వాడీ కేంద్రాల్లోని 94,355 మంది పిల్లలు, 2950 ప్రభుత్వ, ప్రైవేట్‌ పాఠశాలల్లోని 3,52,045 మందికి, కళాశాలల్లో ఆల్బెండజోల్‌ మాత్రలు వేసేలా అధికారులు చర్యలు చేపట్టారు. 1–2 ఏళ్ల పిల్లలు 19,331 మంది, 2–19 ఏళ్ల పిల్లలు 4,27,069 మంది మొత్తంగా 4,46,400 మంది ఉన్నట్లు జిల్లా వైద్యశాఖ అధికారులు గుర్తించారు. వీరికి ఆల్బెండజోల్‌ మాత్రలు అందించేందుకు ప్రత్యేక డ్రైవ్‌ చేపడుతున్నారు. ఈ నెల 25న మాత్రలు తీసుకోని వారుంటే అక్టోబర్‌ 5న మరోమారు వైద్య సిబ్బంది ఆధ్వర్యంలో మాత్రలు అందిస్తారు.

కృష్ణగిరి: మండల పరిధిలోని పుట్లూరు గ్రామంలో శ్రీమాతా మారెమ్మ బ్రహ్మోత్సవాల్లో భాగంగా గురువారం నిర్వహించిన అంతర్‌ రాష్ట్రస్థాయి న్యూ కేటగిరీ వృషభాల బండలాగుడు పోటీల్లో తెలంగాణ రాష్ట్రం, జోగుళాంబ గద్వాల జిల్లా, గట్టు మండలం, గోర్లకాన్‌దొడ్డి గ్రామానికి చెందిన కురువ కర్రెప్ప వృషబాలు నిర్ణీత సమయంలో బండను 4,987 అడుగుల దూరం లాగి విజేతగా నిలిచాయి. ఈ పోటీల్లో మొత్తం 12 జతల వృషభాలు పాల్గొనగా నంద్యాల జిల్లా, బేతంచర్లకు చెందిన మేకల భానుజా వృషబాలు (4,440 అడుగులు), నంద్యాల జిల్లా, ప్యాపిలి మండలం, పీఆర్‌ పల్లె నాగేశ్వరయాదవ్‌ వృషభాలు (4,328 అడుగులు), అనంతపురం జిల్లా, పెద్దవడుగూరు మండలం, లక్షుంపల్లె శివారెడ్డి, నంద్యాల జిల్లా డోన్‌ మండలం, ఉంగరానిగుండ్లకు చెందిన పెద్ద మద్దిలేటి వృషభాలు ఉమ్మడిగా (4,262 అడుగులు), కర్నూలు జిల్లా, గోనెగండ్ల మండలం, పెద్దనేలటూరు చాకలి నరసమ్మ వృషభాలు (4,257 అడుగులు) లాగి తర్వాతి స్థానాల్లో నిలిచాయి. విజేత వృషభాల యజమానులకు దాతలు స్వర్గీయ చెరుకులపాడు కంగాటి లక్ష్మినారాయణరెడ్డి జ్ఞాపకార్థం ఆయన సోదరులు కంగాటి ప్రదీప్‌కుమార్‌రెడ్డి, డాక్టర్‌ కంగాటి వెంకటరామిరెడ్డి తరఫున ఆలయ కమిటీ సభ్యులు, పార్టీ నాయకులు వరుసగా రూ.40 వేలు, రూ.30 వేలు, రూ.20 వేలు, రూ.15 వేలు, రూ.10 వేలను అందజేశారు. అలాగే 2027లో జరిగే మాతా మారెమ్మ బ్రహోత్సవాల్లో ఇదే కేటగిరికీ చెందిన అన్ని బహుమతులను నారాయణరెడ్డి జ్ఞాపకార్థం ఆయన సతీమణి పత్తికొండ మాజీ ఎమ్మెల్యే కంగాటి శ్రీదేవి, నారాయణరెడ్డి సోదరులు ప్రదీప్‌కుమార్‌రెడ్డి, వెంకటరామిరెడ్డి అందిస్తామని ప్రకటించినట్లు కమిటీ సభ్యులు తెలిపారు. నేడు సీనియర్‌ విభాగంలో... శుక్రవారం సీనియర్‌ విభాగంలో అంతర్‌ రాష్ట్రస్థాయి వృషభాల బండలాగుడు పోటీలు నిర్వహించనున్నట్లు ఆలయ కమిటీ సభ్యులు తెలిపారు. పోటీల్లో పాల్గొనే వృషభాల యజమానులు రూ.వెయ్యి ఎంట్రీ ఫీజు చెల్లించి పేరు నమోదు చేసుకోవాలని సూచించారు. విజేతలకు కేఈ మాదన్న, కేఈ లక్ష్మన్న జ్ఞాపకార్థం ఎమ్మెల్యే కేఈ శ్యాంకుమార్‌ సహకారంతో వరుసగా రూ.70 వేలు, రూ.60 వేలు, రూ.50 వేలు, రూ.40 వేలు, రూ.30 వేలు అందజేయనున్నట్లు వెల్లడించారు. పేర్ల నమోదుకు 75693 90793, 89851 25199 ఫోన్‌ నంబర్లను సంప్రదించాలన్నారు.

● ఐదేళ్లుగా నిలిచిపోయిన స్వామి వరపూజ ● పూజ పునఃప్రారంభం కోసం భక్తుల ఎదురు చూపులు బేతంచెర్ల: ఉమ్మడి జిల్లాలో వైష్ణవ పుణ్యక్షేత్రంగా ప్రసిద్ధికెక్కిన ఆర్‌ఎస్‌ రంగాపురం శివారులో వెలసిన శ్రీ మద్దిలేటి లక్ష్మీనరసింహ స్వామి ఆలయంలో భక్తులు ఎంతో విశ్వాసంతో నిర్వహించే వరపూజ ఐదేళ్లుగా నిలిచిపోయింది. దీంతో భక్తులు తీవ్ర ఆవేదన వ్యక్తం చేస్తున్నారు. ఏపీతో పాటు తెలంగాణ, కర్ణాటక, చైన్నె ప్రాంతాల నుంచి పెద్ద సంఖ్యలో భక్తులు ఆలయానికి తరలివచ్చి స్వామివారిని దర్శించుకొని మొక్కులు చెల్లిస్తుంటారు. స్వామి వారు వరప్రదాతగా ప్రసిద్ధి చెందడంతో వరపూజకు ప్రత్యేక ప్రాధాన్యత ఉంది. ఈ పూజలో పూలు రాలి కిందపడితే తమ కోర్కెలు నెరవేరుతాయని భక్తుల నమ్మకం. ప్రతి శనివారం వేకువజామున నిర్వహించే ఈ వరపూజను భక్తులు ఎంతో పవిత్రంగా భావిస్తారు. అయితే 2021 మే 31న ఆలయ పునర్నిర్మాణ పనుల్లో భాగంగా బాలాలయం ఏర్పాటు చేసినప్పటి నుంచి వరపూజ నిలిచిపోయింది. అనంతరం 2023 జూన్‌ 8న రూ.3.90 కోట్లతో పునర్నిర్మించిన విమాన గోపురం, ధ్వజస్తంభం ప్రతిష్ట కార్యక్రమాలు నిర్వహించి, స్వయంభు మూలమూర్తికి పూజలు ప్రారంభించారు. అయితే ఆలయ పునర్నిర్మాణ పనులు పూర్తై పూజలు కొనసాగుతున్నప్పటికీ భక్తుల విశ్వాసంతో ముడిపడి ఉన్న వరపూజను మాత్రం తిరిగి ప్రారంభించకపోవడంపై భక్తులు అసంతృప్తి వ్యక్తం చేస్తున్నారు. ఇప్పటికై నా ఆలయ అధికారులు స్పందించి భక్తుల విశ్వాసాన్ని పరిగణలోకి తీసుకొని వరపూజను పునఃప్రారంభించాలని కోరుతున్నారు. దీనికితోడు ఆలయ అధికారులు నిర్లక్ష్యంగా వ్యవహరిస్తూ ప్రతి శుక్రవారం చేసే తిరుచ్చి మహోత్సవం, జిల్లాలో అహోబిలం నరసింహ స్వామి ఆలయం తరువాత ప్రతి నెలలో ఒకసారి నిర్వహించే స్వామి వారి జన్మనక్షత్రమైన స్వాతి నక్షత్రం వేడుకలను ఆలయానికి మాత్రమే పరిమితం చేస్తూ ప్రసార మాధ్యమాలకు అనుమతి ఇవ్వడం లేదనే ఆరోపణలు వినిపిస్తున్నాయి. ఆయా సందర్భాల్లో ఆలయ పూజారులు, భక్తులే ఈ వేడుకల్లో పాల్గొంటుండగా అధికారులు మాకు తీరిక లేదన్నట్లుగా వ్యవహరిస్తున్నారని విమర్శలు ఉన్నాయి. ఇప్పటికై నా ఆలయంలో జరిగే ఉత్సవాలకు ప్రచారం కల్పించాలని భక్తులు కోరుతున్నారు. ఈ విషయంపై ఆలయ ఉప కమిషనర్‌ రామాంజనేయులును వివరణ కోరగా శాస్త్ర ప్రకారం ఆలయ నిర్మాణ పనులు పూర్తయిన తరువాత వరపూజ ప్రారంభిస్తామని చెప్పారు.

● హత్య కేసులో నలుగురి అరెస్ట్‌ ● అందరూ అధికార పార్టీకి చెందిన వారే ఆళ్లగడ్డ: రాజకీయ ఆధిపత్య పోరు చివరకు సొంత పార్టీకి చెందిన నేత దారుణ హత్యకు దారి తీసింది. గ్రామంలో తమ పట్టు కోల్పోకూడదన్న స్వార్థంతో అదే పార్టీ నేత మిద్దె నాగార్జునను అంతమొందించిన ఘటనకు సంబంధించి నలుగురు నిందితులను గురువారం రూరల్‌ సీఐ రమణ అరెస్ట్‌ చూపించారు. వివరాలు.. ఆళ్లగడ్డ పట్టణ పరిధిలోని దేవరాయపురానికి చెందిన మిద్దె నాగార్జున టీడీపీలో చురుగ్గా ఉన్నారు. అదే పార్టీలో ఉన్న కొందరు దీన్ని సహించలేకపోవడంతో వర్గవిభేదాలు నడుస్తున్నాయి. దీనిపై పలుమార్లు ఘర్షణలు జరిగాయి. తమ రాజకీయ ఎదుగుదలకు నాగార్జున అడ్డుగా మారుతున్నాడనే ఉద్దేశంతో నిందితులు పక్కా ప్రణాళికతో ఈ దారుణానికి ఒడిగట్టారు. ఈ నెల 18న తెల్లవారుజామున చింతకుంట నుంచి తాడిపత్రికి బైక్‌పై వెళ్తున్న నాగార్జునను పాంపల్లె, ఉయ్యలవాడ మధ్య పొలాల్లోకి లాక్కెళ్లి దారుణంగా నరికి హత్య చేశారు. ఘటనపై కేసు నమోదు చేసుకున్న పోలీసులు సాంకేతిక ఆధారాలు, సాక్ష్యాలను బట్టి గురువారం ఏ1 బత్తుల రమణ, ఏ4 సజ్జిగాళ్ల ప్రసాద్‌, ఏ5 కోట ఓబులేసుతో పాటు మరో మైనర్‌ యువకుడిని అదుపులోకి తీసుకున్నారు. వారినుంచి హత్యకు ఉపయోగించిన 3 వేట కొడవళ్లను స్వాధీనం చేసుకుని నిందితులను కోర్టులో హాజరుపరిచినట్లు సీఐ తెలిపారు. కేసు దర్యాప్తులో ఉందని కొందరు నిందితులు పరారీలో ఉన్నారని, త్వరలో వారిని అరెస్ట్‌ చేస్తామన్నారు. ఎస్‌ఐ రామిరెడ్డి ఉన్నారు.

● ప్రత్యేకాధికారిగా బాధ్యతలు చేపట్టనున్న కలెక్టర్‌నంద్యాల(అర్బన్‌): జిల్లాల పునర్విభజనలో నూతనంగా ఏర్పడిన నంద్యాల జిల్లాకు ఇక నుంచి జిల్లా పరిషత్‌ ఏర్పాటుకానుంది. ఉమ్మడి జిల్లా పరిధిలో ఐదేళ్ల క్రితం ఏర్పడిన పాలక మండలి ఈనెల 24వ తేదీతో ముగిసింది. దీంతో నేటి (శుక్రవారం) నుంచి నంద్యాల జిల్లా పరిషత్‌ అమలులోకి రానుంది. జిల్లా ప్రజా పరిషత్‌ పరిపాలనా వ్యవస్థకు సంబంధించిన అధికారిక కార్యకలాపాలకు శ్రీకారం చుట్టనున్నారు. ఈ మేరకు స్థానిక ఎంపీడీఓ కార్యాలయ ఆవరణలో నూతనంగా ఏర్పాటైన ఎమ్మార్సీ భవనంలో శుక్రవారం నంద్యాల జిల్లా ప్రజాపరిషత్‌ (జెడ్పీపీ) పరిపాలన కార్యకలాపాలు ప్రారంభం కానున్నట్లు జిల్లా ప్రజాపరిషత్‌ ముఖ్య కార్యనిర్వహణ అధికారి సుధాకర్‌రెడ్డి గురువారం తెలిపారు. జిల్లా కలెక్టర్‌ రాజకుమారి జెడ్పీ ప్రత్యేక అధికారిణిగా ఉదయం 9.30 గంటలకు బాధ్యతలు స్వీకరించనున్నారని చెప్పారు.

● ప్రజాధనంతో టీడీపీ ఇన్‌ప్లుయెన్సర్లకు జీతాలా? ● మాజీ ఎమ్మెల్యే శిల్పా రవిచంద్రకిషోర్‌రెడ్డి బొమ్మలసత్రం: దొంగ హామీలతో ప్రజలను నమ్మించి మోసం చేయడం చంద్రబాబు నైజమని నంద్యాల మాజీ ఎమ్మెల్యే శిల్పారవిచంద్రకిషోర్‌రెడ్డి విమర్శించారు. గురువారం స్థానిక అన్నపూర్ణ ఫంక్షన్‌హాల్‌లో 29 నుంచి 42వ వార్డు పార్టీ నాయకులతో సమావేశానికి మాజీ ఎమ్మెల్యే శిల్పరవితో పాటు ఎమ్మెల్సీ ఇసాక్‌బాషా హాజరయ్యారు. ఈ సందర్బంగా వారు మాట్లాడుతూ.. అబద్ధాలతోనే 40 ఏళ్లుగా చంద్రబాబు రాజకీయాలు చేస్తున్నారన్నారు. పేదలకు సంక్షేమ పథకాల ఆశ చూపి దగా చేయటం సరికాదన్నారు. రానున్న స్థానిక సంస్థల ఎన్నికల్లో ప్రజలు టీడీపీకి తగిన బుద్ధి చెబుతారన్నారు. నెలకు రూ. 3 వేలు నిరుద్యోగ భృతి ఇస్తామని నమ్మించి నిరుద్యోగులను మోసం చేశారన్నారు. అనుకూలంగా సోషల్‌మీడియా ప్రచారానికి అధికారికంగా ప్రచారం చేసేందుకు ప్రజాధనం దుర్వినియోగం చేయడం ఎంత వరకు సమంజసమని ప్రశ్నించారు. టీడీపీ నాయకులకు ఉద్యోగాలు కల్పించేందుకు ఈ ప్రయత్నం చేస్తున్నారని ఆరోపించారు. సమావేశంలో అసెంబ్లీ పరిశీలకులు సద్దల సూర్యనారాయణరెడ్డి, రాష్ట్ర కౌన్సిల్‌ మెంబర్‌ దేశం సుధాకర్‌రెడ్డి, మహిళా విభాగం రాష్ట జనరల్‌ సెక్రెటరీ శశికళారెడ్డి, ప్రచార విభాగం రాష్ట్ర జనరల్‌ సెక్రెటరీ బొల్లెద్దుల రవికుమార్‌, సాంస్కృతిక విభాగం జిల్లా అధ్యక్షులు టీవీ రమణ, అసెంబ్లీ యూత్‌ అధ్యక్షులు శ్రీనివాసులు, చేనేత విభాగం నంద్యాల అధ్యక్షులు సుబ్బరాయుడు, మాజీ కౌన్సిలర్లు బాషిద్‌, జాకీర్‌, లక్ష్మినారాయణ, పున్నాశేషయ్య, వెంకట సుబ్బయ్య గౌడ్‌, నాయకులు భాస్కర్‌రెడ్డి, ఎద్దురవి, రామచంద్రుడు, యూనిస్‌, కిరణ్‌, అశోక్‌రెడ్డి, భాస్కర్‌రెడ్డి, జయప్రకాష్‌రెడ్డి, వెంకటరెడ్డి, తిక్కారెడ్డి, వెంకటేశ్వరరెడ్డి, చల్లా సత్యం, మాబాషా, డాక్టర్‌ మనోజ్‌, వెంగళరెడ్డి, పైలెట్‌ తదితరులు పాల్గొన్నారు.

● ఓటుహక్కు కలిగిన ప్రతి మహిళకు ఆడబిడ్డ నిధి కింద నెలకు రూ.1500 ఇస్తామని గత ఎన్నికల సమయంలో టీడీపీ అధినేత చంద్రబాబు హామీ ఇచ్చారు. అధికారంలోకి వచ్చి రెండున్నరేళ్లు అయినా ఇప్పటి వరకు అమలు చేయలేదు. ● ఎస్సీ, ఎస్టీ, బీసీ, మైనారిటీ మహిళలకు 50 ఏళ్లకే పింఛన్‌ ఇస్తామని మోసం చేశారు. ● యువతకు 20 లక్షల ఉద్యోగాలు, నెలకు రూ.3వేల నిరుద్యోగ భృతి అని ఎన్నికల మేనిఫెస్టో ప్రకటించి ఇప్పటి వరకు అమలు చేయలేదు. ● పేదలను సంపన్నులు చేస్తామని ‘పూర్‌ టు రిచ్‌’ అని హామీ ఇచ్చి ఇప్పటి వరకు పీ4 పథకాలు అమలు చేయలేదు. ● యువత కోసం డిజిటల్‌ లైబ్రరీలు ఏర్పాటు చేస్తామని మాట ఇచ్చి అటకెక్కించారు. ● వలంటీర్లకు గౌరవ వేతనం రూ.5వేల నుంచి రూ.10 వేల వరకు పెంచుతామని హామీ ఇచ్చి మరచిపోయారు. ● స్వయం సహాయ సంఘాలకు వడ్డీలేని రుణాలను రూ.3 లక్షల నుంచి రూ10 లక్షల వరకు పెంచుతామని హామీ ఇచ్చి అమలు చేయడం లేదు. ● ఉద్యోగాలు చేసే మహిళలకు హాస్టల్‌ వసతి ఏర్పాటు చేస్తామని మోసం చేశారు. .. ఇవే కాదు చాలా హామీలు ఇప్పటి వరకు అమలు చేయలేదు. ఎన్నికల సమయంలో ఇచ్చిన వాటిలో కొన్ని అమలు చేస్తున్నా పెద్ద ఎత్తున కోతలు పెడుతున్నారు. అన్నదాత సుఖీభవ, గ్యాస్‌ సిలిండర్ల హామీ సక్రమంగా అమలు కావడం లేదు. సాక్షి ప్రతినిధి,కర్నూలు: తప్పుడు దివ్యాంగ, స్పోర్ట్స్‌ సర్టిఫికెట్లతో లోకేశ్‌ యువగళం సభ్యులకు ఉపాధ్యాయ ఉద్యోగాలను కట్టబెట్టిన చంద్రబాబు ప్రభుత్వం ఇప్పుడు ప్రజాధనంతో ఐటీడీపీ సభ్యులకు ఆర్థిక లబ్ధి చేకూర్చేందుకు సిద్ధమైంది. సోషల్‌ మీడియా ఇన్‌ప్లుయెన్సర్ల పాలసీ పేరుతో ఈ సరికొత్త దోపిడీ పథకానికి రంగం సిద్ధం చేసింది. పచ్చపార్టీ సానుభూతిపరులైన సోషల్‌ మీడియా ఇన్‌ప్లుయెన్సర్లను గుర్తించి వారిని ఎం ప్యానెల్‌ చేసే విధంగా ప్రభుత్వం సోషల్‌ మీడియా ఇన్‌ప్లుయెన్సర్ల పాలసీకి ఆమోదం తెలిపింది. పేరుకు సంక్షేమ పథకాలు, మౌలిక వసతుల అభివృద్ధి, ఇతర ప్రభుత్వ కార్యక్రమాలపై ప్రజలకు అవగాహన కల్పించడం కోసమే ఈ విధానం ఉద్దేశం అని రాష్ట్ర ప్రభుత్వం చెబుతోంది. వీరిని ఏపీ డిజిటల్‌ కార్పొరేషన్‌ లిమిటెడ్‌ ద్వారా ఎంప్యానెల్‌ చేయనున్నారు. ఈ విధానం ఫేస్‌బుక్‌, ఇన్‌స్ట్రాగామ్‌, యూట్యూబ్‌ కంటెంట్‌ క్రియేటర్లకు వర్తిస్తుంది. ప్రారంభ ఎంప్యానెల్‌ ఒక సంవత్సరం ఉంటుంది. దీనిని మరింతగా పొడిగించవచ్చు. లక్ష వ్యూస్‌కు రూ.15 వేల చొప్పున ఒక్కొక్కరికి రూ. 1.50 లక్షల వరకు చెల్లించే అవకాశముంటుంది. బుధవారం రాష్ట్రమంత్రి వర్గం ఈ కొత్త పథకానికి ఆమోదం తెలిపింది. ఐటీడీపీకి ఆర్థిక లబ్ధి కోసమే! వాస్తవానికి ఐటీడీపీలో పనిచేస్తున్న వారికి నేరుగా ప్రభుత్వం ద్వారా ఆర్థిక లబ్ధి చేకూర్చే ఉద్దేశంతోనే చంద్రబాబు ప్రభుత్వం ఈ కొత్త పథకానికి నాంది పలికిందన్న విమర్శలు వెల్లువెత్తుతున్నాయి. ప్రభుత్వం తీరుపై విద్యార్థి, నిరుద్యోగ యువతతోపాటు అన్నివర్గాల ప్రజలు ఆగ్రహం వ్యక్తం చేస్తున్నారు. ఎన్నికల ముందు హామీ ఇచ్చిన మేరకు ఇప్పటికే లోకేశ్‌ యువగళం సభ్యులకు అత్యంత కీలకమైన ఉపాధ్యాయ ఉద్యోగాలను ప్రభుత్వం అక్రమ పద్ధతిలో కట్టబెట్టింది. నకిలీ దివ్యాంగ సర్టిఫికెట్లతోపాటు స్పోర్ట్స్‌ సర్టిఫికెట్లతో టెట్‌కు క్వాలిఫై కాకున్నా పెద్ద ఎత్తున ఉద్యాగాలు ఇచ్చింది. కర్నూలు జిల్లాలో ఇప్పటికే ఉపాధ్యాయ నియామకాల్లో జరిగిన అక్రమాలు పెద్ద ఎత్తున వెలుగు చూశాయి. ఇదే పద్ధతిలో అటు పోలీసు ఉద్యోగ నియామకాల్లోనూ అక్రమాలు జరిగినట్లు ఆరోపణలు వస్తున్నాయి. ఇదే సమయంలో ప్రభుత్వం రాష్ట్ర ప్రజలను గాలికి వదిలి టీడీపీ కార్యకర్తలకు లబ్ధి చేకూర్చడమే లక్ష్యంగా ఈ ఇన్‌ప్లుయెన్సర్ల పాలసీ పథకానికి రూపకల్పన చేసినట్లు విమర్శలు వినపడుతున్నాయి. రాష్ట్రంలో కోట్ల సంఖ్యలోనే యూట్యూబ్‌, ఫేస్‌బుక్‌, ఇన్‌స్ట్రాగామ్‌లలో ఇన్‌ప్లుయెన్సర్లు ఉన్నారు. వీరిలో టీడీపీకి చెందినవారు లక్షల్లోనే ఉంటారు. మరో వైపు ఐటీడీపీ సభ్యలు పెద్ద మొత్తంలో ఉన్నారు. వారందరికీ నేరుగా ఆర్థిక లబ్ధి చేకూర్చేందుకు ప్రభుత్వం ఈ ఇన్‌ప్లుయెన్సర్ల పాలసీకి ఆమోదం తెలిపిందన్న విమర్శలు వినవస్తున్నాయి. ప్రభుత్వం తీరుపై అన్ని వర్గాల ప్రజలు ఆగ్రహం వ్యక్తం చేస్తున్నారు. హామీలు తుంగలో తొక్కి.. కరువు కోరల్లో ప్రజలు సకాలంలో వర్షాలు లేక, ప్రాజెక్టుల్లో నీళ్లున్నా ప్రభుత్వం విడుదల చేయకపోవడంతో ప్రజలు కరువు కోరల్లోచిక్కి అల్లాడిపోతున్నారు. రాబోయే కాలంలో తిండిగింజలు, పశుగ్రాసం దొరికే పరిస్థితి కానరావడం లేదు. ప్రజలను ఆదుకోవాల్సిన ప్రభుత్వం కనీసం గ్రాసం కూడా అందించే పరిస్థితిలేకుండా పోయింది. కానీ టీడీపీ కార్యకర్తలకు మాత్రం ఆర్థిక లబ్ధి చేకూరచేందుకు ప్రజాధనాన్ని దోచిపెట్టేందుకు ప్రభుత్వం సిద్ధమవడంపై విమర్శలు వెల్లు వెత్తుతున్నాయి.

బనగానపల్లె: మండలంలోని కాపులపల్లి గ్రామానికి చెందిన బి.రామలక్ష్మమ్మ (42) గత కొంత కాలంగా ఆనారోగ్యంతో బాధపడుతూ జీవితంపై విరక్తి చెంది బుధవారం అర్ధరాత్రి సమయంలో పేడరంగు ద్రావణం తాగి ఆత్మహత్యకు పాల్పడి మృతి చెందినట్లు సీఐ ప్రవీణ్‌కుమార్‌ గురువారం తెలిపారు. అర్ధరాత్రి సమయంలో ఇంట్లో అందరు నిద్రిస్తున్న సమయంలో విష ద్రావణం తాగింది. గమనించిన కుటుంబ సభ్యులు ఆమెను బనగానపల్లె ప్రభుత్వ వైద్యశాలకు తరలించారు. చికిత్స పొందుతూ కోలుకోలేక మృతి చెందినట్లు సీఐ తెలిపారు. భర్త నాగేశ్వరరావు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు. మృతురాలికి ఇద్దరు సంతాపం ఉన్నారు. జాతీయ స్విమ్మింగ్‌ జట్టులో చోటు నంద్యాల(అర్బన్‌): జాతీయ మాస్టర్స్‌ స్విమ్మింగ్‌ జట్టులో స్థానం సాధించినట్లు నంద్యాలకు చెందిన ప్రభాకర్‌రెడ్డి తెలిపారు. ఈనెల 11 నుంచి 13వ తేదీ వరకు హర్యానాలోని బహదూర్‌ ఘడ్‌లో జరిగిన జాతీయ పోటీల్లో పాల్గొని రెండు ఈవెంట్లలో ఏడవ స్థానంలో నిలిచానన్నారు. పట్టణంలో గురువారం జరిగిన కార్యక్రమంలో ఆయన మాట్లాడుతూ.. రాష్ట్రస్థాయిలో స్వర్ణ పతకాలు సాధించిన క్రీడాకారులకు జాతీయ జట్టులో అవకాశం కల్పిస్తూ స్విమ్మింగ్‌ ఫెడరేషన్‌ ఆఫ్‌ ఇండియా నిర్ణయం తీసుకుందన్నారు.ఆగస్టులో జరిగిన ఏపీ మాస్టర్స్‌ చాంపియన్‌షిప్‌లో రెండు స్వర్ణ పతకాలు సాధించడంతో జాతీయ జట్టులో చోటు దక్కిందన్నారు. అక్టోబర్‌ 4 నుంచి 10వ తేదీ వరకు బెంగుళూరులో జరగనున్న రెండవ ఆసియన్‌ మాస్టర్‌ చాంపియన్‌షిప్‌లో భారత్‌ తరఫున పాల్గొనేందుకు ఎంపికయ్యానని,ఈ పోటీల్లో 53 ఆసియా దేశాల క్రీడాకారులు పాల్గొంటున్నారన్నారు. స్విమ్మింగ్‌లో జాతీయ స్థాయి పోటీల్లో పాల్గొననున్న ప్రభాకర్‌రెడ్డిని పలువురు అభినందించారు.

● జిల్లా కలెక్టర్‌ రాజకుమారి నంద్యాల(అర్బన్‌): చిరుధాన్యాలు సాగు చేసి రైతులు లాభాలు పొందవచ్చునని జిల్లా కలెక్టర్‌ రాజకుమారి అన్నారు. నేషనల్‌ ఫుడ్‌ సెక్యూరిటీ అండ్‌ న్యూట్రిషన్‌ మిషన్‌లో భాగంగా గురువారం కలెక్టరేట్‌లోని పీజీఆర్‌ఎస్‌ హాల్‌లో జిల్లాస్థాయి చిరుధాన్యాల మేళా, శ్రీ అన్న సామర్థ్య పెంపు శిక్షణ, అవగాహన కార్యక్రమాన్ని నిర్వహించారు. హాజరైన కలెక్టర్‌ ముందుగా స్టాల్స్‌ను పరిశీలించారు. చిరుధాన్యాల వల్ల లాభాలను ప్రత్యక్షంగా రైతు ఉత్పత్తిదారులను అడిగి తెలుసుకున్నారు. అనంతరం నిర్వహించిన సమావేశంలో కలెక్టర్‌ మాట్లాడుతూ.. మారుతున్న జీవనశైలికి అనుగుణంగా ప్రజలు ఆరోగ్యంపై దృష్టి సారిస్తున్న నేపథ్యంలో చిరుధాన్యాల వినియోగం పెరిగిందన్నారు. ఈ నేపథ్యంలో పంటల వైవిధ్యాన్ని పెంచుతూ వరి సాగు విస్తీర్ణాన్ని క్రమంగా తగ్గించి చిరుధాన్యాల సాగును ప్రోత్సహించాలన్నారు. కృషి విజ్ఞాన కేంద్రం బయో రిసోర్స్‌ సెంటర్ల ద్వారా రైతులు, మహిళలకు చిరుధాన్యాల సాగు, ప్రాసెసింగ్‌, విలువ ఆధారిత ఉత్పత్తుల తయారీపై శిక్షణ అందిస్తున్నట్లు తెలిపారు. జిల్లా వ్యవసాయ అధికారి మాట్లాడు తూ చిరుధాన్యాల వినియోగాన్ని పెంచడంతో పాటు వాటి ఆధారంగా విలువ ఆధారిత ఉత్పత్తుల తయారీ, ప్రాసెసింగ్‌, ప్యాకేజింగ్‌, మార్కెటింగ్‌ రంగాల్లో రైతు లు, మహిళలు, యువత మరింతగా ముందుకు రావాలన్నారు. కార్యక్రమంలో ఆర్‌ఎఆర్‌ఎస్‌ అసోసియేట్‌ డైరెక్టర్‌ జయలక్ష్మి, నంద్యాల డీడీఎ ఆర్‌.గంగాధర్‌ రావు, మెప్మా పీడీ వెంకటదాసు, డీఆర్‌డీఏ పీడీ శ్రీధర్‌ రెడ్డి, డీపీఎం వై.శ్రీనివాసులు, నాబార్డు డీడీఎం కార్తీక్‌, ఎల్‌డీఎం అయ్యపురెడ్డి, ఏపీఎఫ్‌పీఎస్‌ జోనల్‌ మేనేజర్‌ రవికిరణ్‌, స్వయం సహాయక సంఘాల మహిళలు పాల్గొన్నారు.

నంద్యాల(అర్బన్‌): నాలుగు రోజులుగా జిల్లా లో మోస్తరు వర్షాలు కురుస్తున్నాయి. మంగళవారం రాత్రి నుంచి బుధవారం వరకు వర్షాలు కురిశాయి. బేతంచెర్ల మండలంలో అత్యధికంగా 19.2 మి.మీ వర్షపాతం నమోదైంది. అదే విధంగా బనగానపల్లె మండలంలో 17.8 మి. మీ, పగిడ్యాలలో 12.4, కోవెలకుంట్ల 9.6, జూపాడుబంగ్లా 6.6, నంద్యాల రూరల్‌ 6.2, అవుకు, దొర్నిపాడు 5.6, చాగలమర్రి 5.0, డోన్‌ 4.6, రుద్రవరం 4.2, ప్యాపిలి 2.8, శ్రీశైలం 2.4, ఉయ్యాలవాడ 2.0, పాములపా డు, సంజామల 1.6, ఆత్మకూరు, శిరివెళ్ల 1.4, కొలిమిగుండ్ల 1, నందికొట్కూరులో 0.8, వెలుగోడు 0.4 మి.మీ వర్షం కురిసింది. వామ్మో.. రక్త పింజరి మహానంది: మహానంది దేవస్థానంలో ని డొనేషన్‌ కౌంటర్‌ వద్ద ఆరు అడుగుల రక్తపింజరి పాము కనిపించడంతో స్థానిక సిబ్బందితో పాటు భక్తులు భయాందోళనకు గురయ్యారు. డొనేష న్‌ కౌంటర్‌ దగ్గరి నుంచి దక్షిణ గాలిగోపురం ద్వారా పెద్దకోనేరు ప్రాంతంలోకి వెళ్లింది. దీంతో అక్కడే ఉన్న భక్తులు భయాందోళన కు గురయ్యారు. గుర్తించిన సిబ్బంది ఆలయ సూపరింటెండెంట్‌ పి.సుబ్బారెడ్డికి సమాచారం అందించడంతో వెంటనే ఆయన స్నేక్‌ క్యాచర్‌ మోహన్‌కు సమాచారం అందించాడు. మోహన్‌ ఆలయంలోకి చేరుకుని ఆరు అడు గుల పొడవున్న రక్తపింజరి పామును చాకచక్యంగా పట్టుకుని సమీపంలోని నల్లమల అట వీ ప్రాంతంలో వదిలేశాడు. ఉచిత కృత్రిమ అవయవాలకు నమోదు చేసుకోవాలి కర్నూలు కల్చరల్‌: శ్రీసత్యసాయి సేవా సమితి, భారత్‌ వికాస్‌ పరిషత్‌ కర్నూలు శాఖ సహకారంతో నాణ్యమైన కృత్రిమ కాళ్లు, చేతులు, కాలిపర్స్‌ ఉచితంగా ఇస్తున్నట్లు సంస్థల ప్రతినిధులు బీవీ బాలసుబ్రహ్మణ్యం, అశోక్‌ కుమార్‌ సందీప్‌ కుమార్‌ తెలిపారు. అవసరమున్న వారు అక్టోబర్‌ 3వ తేదీలోగా 9440441447, 9989974333, 8519884070 నంబర్ల్‌ను సంప్రదించి పేర్లు నమోదు చేసుకోవాలని పేర్కొన్నారు. 4వ తేదీ ఉదయం 10 గంటల నుంచి నెహ్రూనగర్‌లోని శ్రీ సత్యసాయి సేవా సమితిలో నిపుణులచే పరీక్షలు నిర్వహిస్తారని తెలిపారు. మొండికేసిన 13 మంది మద్యం లైసెన్స్‌దారులు కర్నూలు: జిల్లాలో మద్యం దుకాణాల అనుమతుల పునరుద్ధరణకు సంబంధించి దరఖాస్తుల స్వీకరణ ప్రక్రియ బుధవారం రాత్రితో ముగిసింది. 106 మద్యం దుకాణాల్లో 93 మద్యం దుకాణాల లైసెన్స్‌దారులు ఆన్‌లైన్‌ దరఖాస్తు ప్రక్రియలో భాగంగా రుసుములు చెల్లించి ప్రక్రియను పూర్తి చేసుకుని పునరుద్ధరించుకున్నారు. మరో 13 మంది తమ దుకాణాలను రెన్యూవల్‌ చేసుకునేందుకు మొండికేశారు. కర్నూలులో 2, కోడుమూరులో 1, ఎమ్మిగనూరులో 3, ఆదోనిలో 1, పత్తికొండలో 2, కోసిగిలో 3, ఆలూరులో 1 దుకాణాదారు రెన్యువల్‌కు ముందుకు రాకపోవడంతో వాటికి గెజిట్‌ విడుదల ద్వారా కలెక్టర్‌ అనుమతితో గురువారం నోటిఫికేషన్‌ జారీ చేయనున్నట్లు ప్రొహిబిషన్‌ అండ్‌ ఎకై ్సజ్‌ జిల్లా అధికారి సుధీర్‌ బాబు తెలిపారు. ఆసక్తి ఉన్నవారు రూ.3 లక్షల రుసుం చెల్లించి దరఖాస్తు చేసుకోవాలన్నారు. డీ–ఫార్మాలో స్పాట్‌ అడ్మిషన్లుకర్నూలు సిటీ: ఎస్‌.జి పుల్లారెడ్డి ప్రభుత్వ పాలిటెక్నిక్‌ కాలేజీలో 2026–27 విద్యా సంవత్సరానికి సంబంధించి ఫస్ట్‌ ఇయర్‌ డిప్లమా ఇన్‌ ఫార్మసీ(డీ–ఫార్మా) కోర్సులలో ఖాళీ సీట్లు స్పాట్‌ అడ్మిషన్స్‌తో భర్తీ చేయనున్నట్లు ఆ కాలేజీ ప్రిన్సిపాల్‌ డాక్టర్‌ ఎం.వి.ఎస్‌.ఎస్‌.ఎన్‌ ప్రసాద్‌ బుధవారం ఒక ప్రకటనలో తెలిపారు. వాస్తవానికి ఈ నెల 21నే స్పాట్‌ అడ్మిషన్స్‌ జరిగాయని, అయితే ఆసక్తి ఉన్న విద్యార్థులకు మరో అవకాశం ఇచ్చేందుకు ఈ నెల 28న స్పాట్‌ అడ్మిషన్‌కు అవకాశం ఇచ్చారన్నారు. పూర్తి వివరాలకు 9494138227, 986627340 2 నెంబర్లను సంప్రదించాలన్నారు.

శ్రీశైలంటెంపుల్‌: వినాయకచవితి పర్వదినాన్ని పురస్కరించుకుని శ్రీశైల దేవస్థానం ఆధ్వర్యంలో ఈ నెల 14వ తేదీ నుంచి ప్రారంభమైన గణపతి నవరాత్రోత్సవాలు ముగిశాయి. బుధవారం స్వామివారి యాగశాలలో పూర్ణాహుతి జరిపించారు. ఈ ఉత్సవాల్లో ప్రతిరోజు రత్నగర్భ గణపతికి, సాక్షి గణపతికి, యాగశాలలో నెలకొల్పిన పంచలోహ వరసిద్ధి వినాయకస్వామికి, సాక్షిగణపతి ఆలయంలో నెలకొల్పిన మృత్తికా గణపతికి వ్రతకల్పపూర్వక పూజలు, మండపారాధనలు, ఉపనిషత్‌ పారాయణలు, జపానుష్ఠానాలు, గణపతిహోమం, సాయంకాలపూజలతో పాటు విశేష పూజలు సైతం జరిపించారు. అనంతరం లోకకల్యాణం కోసం జపాలు, నిత్యహోమ బలిహారణలు, గణపతిహోమం, జయాదిహోమం జరిపించారు. అనంతరం పూర్ణాహుతి, వసంతోతల్సవం, అవబృధం కార్యక్రమాలు జరిపించారు. పూర్ణాహుతి కార్యక్రమంలో శాస్త్రోక్తంగా నారికేళాలు, పలు సుగంధద్రవ్యాలు, మొదలైన ద్రవ్యాలను హోమగుండంలోకి ఆహుతిగా సమర్పి ంచి పూర్ణాహుతి కార్యక్రమాన్ని పూర్తి చేశారు. అవబృధం కార్యక్రమంలో వరసిద్ది వినాయకస్వామి పంచలోహ మూర్తికి ఆలయ ప్రాంగణంలో గల మల్లికాగుండంలో వైదిక శాస్త్రోక్తంగా స్నపన కార్యక్రమం నిర్వహించారు. అలాగే గణపతి నవరాత్రోత్సవాల సందర్భంగా సాక్షిగణపతి ఆలయంలో ఏర్పాటు చేసిన మృత్తికా గణపతిస్వామివారికి నిమజ్జనోత్సవం నిర్వహించారు. కార్యక్రమంలో శ్రీ శైల దేవస్థాన ట్రస్ట్‌బోర్డు చైర్మన్‌ పోతుగుంట రమేష్‌నాయుడు, ఈఓ శ్రీనివాసరావు, పలువురు ట్రస్ట్‌బోర్డు సభ్యులు తదితరులు పాల్గొన్నారు.

శ్రీశైలంటెంపుల్‌: దేశంలో ఎక్కడా లేని విధంగా శ్రీశైలంలో మాత్రమే జ్యోతిర్లింగ స్వరూపుడైన మల్లికార్జున స్వామివారిని (చేతులతో తాకి) స్పర్శదర్శనం చేసుకునే భాగ్యం శ్రీశైలం క్షేత్రంలోనే ఉంది. ప్రతి ఒక్క భక్తుడు శ్రీశైల మల్లికార్జున స్వామివారిని స్పర్శదర్శనం చేసుకునేందుకు ఆరాటపడతారు. క్షేత్రంలో స్పర్శ దర్శనం టిక్కెటు రుసుం రూ.500గా దేవస్థానం నిర్ణయించింది. స్పర్శదర్శనం టికెట్టు పూర్తిగా ఆన్‌లైన్‌లో తీసుకోవాలి. మల్లన్న దర్శనానికి వచ్చే భక్తుల్లో ఎక్కువశాతం నిరాక్షరాస్యులు, సామాన్య భక్తులే వస్తారు. ఈ నేపథ్యంలో 2022లో సామాన్య భక్తుల సౌకర్యార్థం గతంలో ప్రతి మంగళవారం నుంచి శుక్రవారం వరకు రెండు పూటల మల్లన్న స్పర్శదర్శన భాగ్యాన్ని కల్పించారు. అటుతరువాత మధ్యాహ్నం 2 నుంచి 4 గంటల వరకు కల్పించారు. అయితే శ్రీశైల దేవస్థానంలో ఒక్కొక్క సేవ పేదలకు దూరమవుతోంది. ఉచిత మల్లన్న స్పర్శదర్శనం కార్యక్రమానికి దేవస్థాన అధికారులు మంగళం పలకడంతో సామాన్య భక్తులు అరుదైన అవకాశానికి దూరమయ్యారు. గతంలో రోజుకు 4 వేల మందికి అవకాశం.. ఉచిత స్పర్శ దర్శానాన్ని భక్తులు సద్వినియోగం చేసుకున్నారు. ప్రతి మంగళవారం నుంచి శుక్రవారం వరకు ప్రతి రోజు మధ్యాహ్నం 1.30 నుంచి 2.30 గంటల వరకు సామా న్య భక్తులకు మల్లన్న ఉచిత స్పర్శదర్శనాన్ని 2022 సంవత్సరం కార్తిక మాసం నుంచి ప్రారంభించారు. అనంతరం డయల్‌ యువర్‌ ఈవో కార్యక్రమంలో భక్తుల విజప్తిని దృష్టిలో ఉంచుకుని దేవస్థాన కార్యనిర్వహణాధికారి మంగళవారం నుంచి సాయంత్రం వేళలలో కూడా 6.30గంటల నుంచి 7.30గంటల వరకు ఒక గంట పాటు సామాన్య భక్తులకు మల్లన్న స్పర్శదర్శనాన్ని కల్పించారు. అటు తరువాత ప్రతి మంగళవారం నుంచి శుక్రవారం వరకు ప్రతిరోజు మధ్యాహ్నం 2గంటల నుంచి 4గంటల వరకు రెండు గంటల పాటు భక్తులకు ఉచితంగా మల్లన్న స్పర్శదర్శనాన్ని కల్పించారు. అటుతరువాత క్యూలైన్లలో వేచిఉన్న భక్తులకు ఆన్‌లైన్‌ టికెట్టు విధానం ద్వారా ఉచిత స్పర్శదర్శనాన్ని కల్పించారు. రోజుకు మూడు పూటలా దాదాపు 4 వేల మందికి స్వామి వారి ఉచిత స్పర్శ దర్శనాన్ని కల్పించారు. ఎంతో మంది సామాన్య భక్తులు ఈ అవకాశాన్ని సద్వినియోగం చేసుకున్నారు. పది నెలలుగా మంగళం.. శ్రీశైల క్షేత్రంలో భక్తుల రద్దీ, పర్వదినాలు, ఉత్సవాలు, బ్రహ్మోత్సవా లు, శ్రావణమాసం, కార్తీకమాసం తదితర సాకులు చూపుతూ దాదాపు 10 నెలలుగా ఉచిత మల్లన్న స్పర్శదర్శన కార్యక్రమాన్ని నిర్వహించడం లేదు. వివిధ ప్రాంతాల నుంచి తరలివచ్చే సామా న్య భక్తులు డబ్బులు పెట్టి ఆన్‌లైన్‌లో టికెట్టు పొందే స్థోమత లేని భక్తులు మల్లన్న స్పర్శదర్శనం చేసుకోకుండానే నిరాసతో వెనుదిరాగాల్సిన పరిస్థితి ఏర్పడింది. ఇప్పటికై న దేవస్థాన అధికారులు స్పందించి గతంలో మాదిరి ప్రతి మంగళవారం నుంచి శుక్రవారం వరకు ఉచిత స్పర్శదర్శనం కల్పించాలని పలువురు భక్తులు కోరుతున్నారు.

ఐదు రోజులు బ్యాంకుల బంద్‌ కర్నూలు(అగ్రికల్చర్‌): బ్యాంకులు రెండు రోజుల సెలవు, మూడు రోజుల సమ్మె వల్ల బంద్‌ కానుండ టంతో నగదు సమస్య ఏర్పడనుంది. ఈ నెల 26వ తేదీ 4వ శనివారం, 27న ఆదివారం కావడంతో సెలవులు ఉన్నాయి. బ్యాంకులకు 5 రోజుల పని విధానాన్ని తీసుకురావాలనే ప్రధాన డిమాండ్‌తో ఈ నెల 28 నుంచి 30వ తేదీ వరకు యునైటెడ్‌ ఫోరం బ్యాంక్‌ యూనియన్స్‌ పిలుపు మేరకు అన్ని బ్యాంకులు సమ్మె పాటిస్తున్నాయి. ఈ లెక్కన మొత్తం ఐదు రోజులు బ్యాంకులు మూతపడనుండ టంతో లావాదేవీలు స్తంభించే ప్రమాదం ఏర్పడింది. అక్టోబర్‌ 1న జరిగే పింఛన్ల పంపిణీకి సైతం బ్యాంకుల సమ్మె ఎఫెక్ట్‌ తీవ్రంగా ఉండనుంది. ఆదివారం బ్యాంకులు పని చేస్తాయి వరుసగా ఐదు రోజులు బ్యాంకులు పనిచేయకపోతే నగదు సమస్య ఏర్పడే ప్రమాదం ఉన్నట్లు గుర్తించిన ఆర్‌బీఐ ఈ నెల 27న ఆదివారం సాధారణ పని వేళల ప్రకారం బ్యాంకులు, కరెన్సీ చెస్ట్‌లు పనిచేసేలా ఆదేశాలు ఇచ్చింది. సెలవులు, సమ్మె వల్ల బ్యాంకింగ్‌ సేవలకు అంతరాయం కలుగకుండా అన్ని బ్యాంకులు ముందస్తు ఏర్పాట్లు చేసుకోవాలి. ముఖ్యమైన బ్యాంకు శాఖలు నగదు పంపిణీ కేంద్రాల్లో ఖాతాదారుల అవసరాలకు అనుగుణంగా నగదు అందుబాటులో ఉంచాలి. ఇప్పటికే గ్రామ పంచాయతీల పాలన దాదాపు కూటమి నేతల చేతుల్లోకి వెళ్లింది. తాజాగా మండల పరిషత్‌ అధ్యక్షుల పదవీ కాలం పూర్తయిన నేపథ్యంలో మండల పాలన కూడా కూటమి నేత ల గుప్పిట్లోకి పోనుంది. మండలానికి ప్రత్యేకాధికారి ఉన్నా అభివృద్ధి పనులు చేపట్టే విషయంలో ఎమ్మెల్యే/ఇన్‌చార్జీలు చెప్పిన వాటికే ప్రాధాన్యత ఇవ్వాల్సి ఉంటుంది. సంక్షేమ పథకాల అమలులో నూ కేవలం అధికార పార్టీకి సంబంధించిన వారికే ప్రాధాన్యత ఇస్తారనే అభిప్రాయం వ్యక్తమవుతోంది. పారదర్శకంగా ఆయా పథకాలను అర్హులైన వారందరికీ అందించే విషయంలో ప్రత్యేకాధికారులు, ఎంపీడీఓలు కొంత మేర ఇబ్బందులు పడాల్సిన పరిస్థితులు ఉంటాయని తెలుస్తోంది. కర్నూలు(అర్బన్‌): జిల్లాలోని అన్ని మండలాల్లో నేటి నుంచి ప్రత్యేకాధికారుల పాలన ప్రారంభం కానుంది. మండల పరిషత్‌ అధ్యక్షుల పదవీ కాలం ఈ నెల 23వ తేదీతో ముగిసిన దృష్ట్యా ఆయా మండల పరిషత్‌లకు జిల్లా కలెక్టర్‌ డాక్టర్‌ ఎ.సిరి ప్రత్యేకాధికారులను నియమిస్తూ బుధవారం ఉత్తర్వులు జారీ చేశారు. ప్రభుత్వం జారీ చేసిన ఉత్తర్వుల మేరకు జిల్లా స్థాయి అధికారులు, ఆర్‌డీఓ, డీడీలతో పాటు ఎంపీడీఓ కంటే పైస్థాయి అధికారులను మండల ప్రత్యేకాధికారులుగా నియమించారు. ఈ నేఫథ్యంలోనే నేటి నుంచి మండలాల పాలన ప్రత్యేకాధికారుల చేతుల మీదుగా సాగనుంది. కొత్తగా ఏర్పడిన ఆదోని –2 మండలంతో కలిపి జిల్లాలో మొత్తం 26 మండలాలు ఉన్నాయి. ప్రస్తుతం ఆయా మండలాలకు స్పెషల్‌ ఆఫీసర్లుగా కొనసాగుతున్న అధికారులనే దాదాపు ప్రత్యేకాధికారులుగా నియమించారు. ముగిసిన ఉమ్మడి పాలన జిల్లా పరిషత్‌ పాలకవర్గం పదవీ కాలం ఈ నెల 24తో(నేటితో ) ముగియనున్న నేపథ్యంలో ఉమ్మడి కర్నూలు జిల్లా పరిషత్‌ పాలనకు తెర పడనుంది. జిల్లాల పునర్విభజనలో భాగంగా కొత్త జిల్లాగా నంద్యాల ఏర్పడిన దృష్ట్యా ఈ నెల 25వ తేదీ నుంచి నంద్యాలలోని మండల పరిషత్‌ అభివృద్ధి అధికారి కార్యాలయ ప్రాంగణంలోని ఎంఆర్‌సీ భవనంలో నూతన జిల్లా పరిషత్‌ కార్యాలయాన్ని ఏర్పాటు చేయనున్నారు. ఎంఆర్‌సీ భవనంలో జెడ్పీ చైర్మన్‌, సీఈఓ, డిప్యూటీ సీఈఓలకు చాంబర్లు ఏర్పాటు చేస్తున్నారు. అలాగే నంద్యాల ఎంపీడీఓ కార్యాలయంలోని పై అంతస్తు, అదే ప్రాంగణంలోని పీఆర్‌, ఆర్‌డబ్ల్యూఎస్‌ కార్యాలయాల్లో ఖాళీ గదులను జిల్లా పరిషత్‌ పాలనకు వినియోగించుకునేందుకు అధికారులు చర్యలు చేపట్టారు. కాగా, కొత్తగా ఏర్పాటు కానున్న నంద్యాల జిల్లా పరిషత్‌కు సీఈఓ, డిప్యూటీ సీఈఓలను కూడా ప్రభుత్వం నేడు నియమించే అవకాశాలు ఉన్నాయి. క్షేత్ర స్థాయి ప్రక్రియ పూర్తి గ్రామ పంచాయతీలతో పాటు మండల పరిషత్‌, జిల్లా పరిషత్‌ ఎన్నికల నిర్వహణకు క్షేత్ర స్థాయిలో చేపట్టాల్సిన కార్యక్రమాలన్నీ దాదాపు పూర్తయ్యాయి. పోలింగ్‌ కేంద్రాల గుర్తింపు, ఓటరు జాబితా ప్రచురణ.. బీసీ, ఎస్సీ, ఎస్టీ ఓటర్ల గుర్తింపు తదితర కార్యక్రమాలన్నింటినీ పూర్తి చేశారు. అలాగే ఎన్నికల కమిషన్‌ ఆదేశాల మేరకు బ్యాలెట్‌ బాక్సులు, బ్యాలెట్‌ పేపర్‌ తదితర వివరాలను కూడా ఉన్నతాధికారులకు పంపారు. సేవల్లో చోటు చేసుకోనున్న జాప్యం మండల పరిషత్‌లకు పాలకవర్గాలు లేకపోవడం వల్ల ప్రజలకు అందించాల్సిన సేవల్లో జాప్యం చోటు చేసు కునే అవకాశాలు అధికంగా ఉంటాయనే అభిప్రాయం వ్యక్తమవుతోంది. ప్రత్యేకాధికారులు తమ శాఖకు సంబంధించిన విధులు నిర్వహిస్తూనే, అదనంగా మండ ల పాలనపై దృష్టి కేంద్రీకరించాల్సి ఉండటమే అందు కు కారణమవుతోంది. మండలాల్లోని అనేక గ్రామ పంచాయతీల్లో ప్రజా సమస్యలతో పాటు అభివృద్ధి పనులు(రోడ్లు, డ్రైనేజీ, తాగునీరు, పాఠశాల భవనాలు) చేపట్టే విషయంలో పాలకవర్గాలు లేకపోవడం వల్ల సమస్యలను పరిష్కరించే విషయంలో ప్రత్యేకాధికారు ల నిర్ణయం మీద ఆధారపడాల్సి వస్తుంది. పైగా తమ పరిధిలోని గ్రామాల్లో ఏ సమస్య ఉందో ప్రజాప్రతినిధులకు తెలుసు. ప్రత్యేకాధికారులు స్థానిక సమస్యల పై అవగాహన పెంచుకోవాల్సి ఉంటుంది. దీంతో సమస్యల పరిష్కారంలో జాప్యం చోటు చేసుకోనుందనే అభిప్రాయం వ్యక్తమవుతోంది. ప్రత్యేకాధికారులకు చెక్‌ పవర్‌ ఉన్నా, ప్రతి పనికి జిల్లా కలెక్టర్‌ అనుమతిని తీసుకోవాల్సి ఉంటుంది. 26న ఉపాధి కార్యాలయంలో జాబ్‌మేళా కర్నూలు(సెంట్రల్‌): నైపుణ్యం, ఉపాధి శిక్షణ శాఖ ఆధ్వర్యంలో ఈనెల 26న జిల్లా ఉపాధి కార్యాలయంలో జాబ్‌మేళా నిర్వహిస్తున్నట్లు జిల్లా ఎంప్లాయ్‌మెంట్‌ ఆఫీసర్‌ పి.దీప్తి బుధవారం ఓ ప్రకటనలో తెలిపారు. ఆల్‌ డిక్సాన్‌ టెక్నాలజీస్‌, ప్రీమియర్‌ ఎనర్జీ ప్రాజెక్ట్స్‌ సంస్థలు ఇంటర్వ్యూలతో 350 ఖాళీలను భర్తీ చేసుకోనున్నట్లు చెప్పారు. ఉద్యోగాలకు ఎంపికై న వారికి రూ.14 వేల నుంచి రూ.25 వేల వరకు జీతభత్యాలు ఉంటాయన్నారు. పది, ఇంటర్‌, ఐటీఐ, డిప్లమో, డిగ్రీ, బీటెక్‌ ఉత్తీర్ణులైన 18 నుంచి 30 సంవత్సరాల మధ్య వయస్సు యువతీ, యువకులు అర్హులన్నారు. వివరాలకు www.ncs.gov.in, https://www.employment. ap.gov.in వెబ్‌సైట్లను సందర్శించి తమ పేర్లను నమోదు చేసుకోవాలని ఆమె సూచించారు.కూటమి నేతలదే పెత్తనం మండల పరిషత్‌లకు ప్రత్యేక అధికారులు నూతనంగా ఏర్పాటవుతున్న నంద్యాల జిల్లా పరిషత్‌ పాలనకు సంబంధించి అవసరమైన ఉద్యోగులను సర్దుబాటు చేయనున్నారు. ప్రస్తు తం ఉమ్మడి జిల్లా పరిషత్‌ కార్యాలయంలో ఆఫీసు సబార్డినేట్‌ నుంచి పరిపాలనాధికారుల వరకు మొత్తం 96 మంది ఉద్యోగులు ఉండగా, ఆఫీసు సబార్డినేట్‌ పోస్టులు 10 ఖాళీగా ఉన్నా యి. మిగిలిన 86 మంది ఉద్యోగులు వివిధ కేడర్లలో విధులు నిర్వహిస్తున్నారు. వీరిని కేడర్‌ వారీగా నంద్యాల జెడ్పీకి పంపేందుకు జెడ్పీ సీఈఓ, డిప్యూటీ సీఈఓలు నివేదికలను సిద్ధం చేశారు. కలెక్టర్‌ ఆమోదం లభించిన వెంటనే వారిని నంద్యాలకు పంపనున్నారు. త్వరలో జెడ్పీటీసీ, ఎంపీటీసీ ఎన్నికలు జరగనున్న దృష్ట్యా, ఎన్నికల నిర్వహణలో అనుభవం ఉన్న వారిని రెండు జిల్లాలకు సమానంగా కేటాయించేందుకు చర్యలు తీసుకున్నారు.

● జిల్లా జడ్జి వాసు కర్నూలు(అర్బన్‌): నల్సా (పిల్లల స్నేహ పూర్వక న్యాయ సేవలు) పథకం 2024 ద్వారా 18 ఏళ్ల లోపు వయస్సు ఉన్న ప్రతి బాల బాలికలకు ఉచిత సురక్షితమైన సులభమైన న్యాయ సహాయాన్ని అందిస్తామని 6వ అదనపు జిల్లా జడ్జి, జిల్లా ప్రధాన న్యాయమూర్తి పీ వాసు అన్నారు. బుధవారం స్థానిక జిల్లా పరిషత్‌ సమావేశ భవనంలో అంతర్జాతీయ బధిరుల దినోత్సవం సందర్భంగా నల్సా పిల్లల కోసం స్నేహ పూర్వక న్యాయ సేవల పథకం 2024పై న్యూ మాడ్యూల్‌ లీగల్‌ సర్వీసెస్‌ క్యాంపు, అంతర్జాతీయ సంకేత భాషల దినోత్సవాన్ని ఘనంగా నిర్వహించారు. ఈ సందర్భంగా పీ వాసు మాట్లాడుతూ.. విద్యా హక్కు, హెల్ప్‌ లైన్‌ 1098, మహిళా హెల్ప్‌లైన్‌ 181, న్యాయ సహాయం కోసం హెల్ప్‌లైన్‌ 15100, చైల్డ్‌ హెల్ప్‌లైన్‌ 1098, దివ్యాంగుల హెల్ప్‌లైన్‌ 14456 తదితర అంశాల గురించి తెలియజేశారు. జిల్లా న్యాయ సేవాధికార సంస్థ కార్యదర్శి బీ లీలా వెంకటశేషాద్రి మాట్లాడుతూ.. వినికిడి లోపం ఉన్న బధిరుల భావ ప్రకటన స్వేచ్ఛను, మానవ హక్కులను కాపాడటం, సాంకేతిక భాషకు సహజమైన పూర్తి స్థాయి ప్రామాణిక భాషగా గుర్తించాలన్నారు. శాశ్వత లోక్‌ అదాలత్‌ చైర్మన్‌ వెంకట హరినాథ్‌, జిల్లా విద్యాశాఖ అధికారి సుధాకర్‌, ఐసీడీఎస్‌ పీడీ పీ విజయ, దివ్యాంగుల సంక్షేమ శాఖ సహాయ సంచా లకులు రయిస్‌ఫాతిమా పాల్గొన్నారు.

కొలిమిగుండ్ల: ప్రజా ప్రతినిధుల పరిపాలన ముగియడంతో అధికారులు పారదర్శకంగా ప్రజలకు సేవలు అందించాలని జెడ్పీచైర్మన్‌ ఎర్రబోతుల పాపిరెడ్డి అన్నారు. బుధవారం స్థానిక మండల పరిషత్‌ కార్యాయలంలో ఎంపీపీ కారపాకుల నాగవేణి అధ్యక్షతన చివరి మండల సర్వసభ్య సమావేశం నిర్వహించారు. వివిధ శాఖల అధికారులు ముందుగా తమ ప్రగతి నివేదికలను సభలో చదివి వినిపించారు. చివరి సమావేశం కావడంతో సభ్యులు హుందాగా సభను నడిపించారు. ఈ సందర్బంగా జెడ్పీ చైర్మన్‌ మాట్లాడుతూ.. మండలంలో కొన్ని గ్రామాల్లో తాగునీటి ఎద్దడి నెలకొందని కొత్తగా బోర్లు ఏర్పాటు చేసి తాగునీటి సమస్య పరిష్కరించాలని కోరారు. ఐదేళ్ల పాటు అందరి సహకారంతో మండలాన్ని అభివృద్ధి దిశగా నడిపించామన్నా రు. గ్రామాల్లో ఎన్నో శాశ్వత పనులు చేపట్టగలిగామని గుర్తు చేశారు. ఎంపీటీసీల సభ్యుల పదవీ కాలం ముగియడంతో జెడ్పీచైర్మన్‌ సభ్యులను సన్మానించారు. అలాగే గురువారంతో జెడ్పీచైర్మన్‌ పదవీ కాలం ముగుస్తున్న నేపథ్యంలో ఎంపీటీసీ సభ్యులతో పాటు వివిధ శాఖల అధికారులు ఆయన్ను ఘనంగా సన్మానించి సేవలను కొనియాడారు. కార్యక్రమంలో ఎంపీడీఓ దస్తగిరిబాబు, డిప్యూటీ తహసీల్దార్‌ విశ్వతేజ, వివిధ శాఖల అధికారులు పాల్గొన్నారు.

గోరుకల్లును వెంటాడుతున్న భయం పాణ్యం: జలాశయం నిండిందని ఏ క్షణమైనా నీళ్లు ఊరిలోకి వచ్చే ప్రమాదముందని ఆకతాయిలు చేసిన పుకార్లు గోరుకల్లు గ్రామస్తులను భయాందోళనకు గురి చేశాయి. దీంతో కొందరు బుధవారం సాయంత్రం నుంచే సమీపంలోని వేణుగోపాల స్వామి కొండపైకి చేరుకోవడం మొదలు పెట్టారు. పుకార్లు షికార్లు కావడంతో గ్రామస్తులు ఒకరికి ఒకరు చర్చించుకుని కొండపై చేరుకున్నారు. ఈ విషయం పోలీసుల దృష్టికి వెళ్లడంతో గడివేముల ఎస్‌ఐ నాగార్జునరెడ్డి ఆధ్వర్యంలో రాత్రి గ్రామస్తులతో సమావేశం నిర్వహించారు. ఎలాంటి అపోహలు నమ్మొద్దని యంత్రాంగం అందుబాటులో ఉందన్నారు. అవసరమైతే ఇంజనీర్లు, పోలీసులు ఇతరశాఖాధికారులు గ్రామంలోనే బసచేస్తామ ని, అపోహలు వీడాలన్నారు. దాదాపు గంట పాటు ప్రజలకు ఎస్‌ఐ నచ్చజెప్పారు. కొండదిగి ఇళ్లకు వెళ్లాలని కోరారు. దీంతో కొండ ఎక్కిన వారు కిందకు దిగి ఇళ్లకు చేరుకున్నారు. ఈ విషయంపై ఈఈ భవాని ప్రసాద్‌రెడ్డి వివరణ కోరగా.. గోరుకల్లు జలాశయానికి ఎలాంటి ప్రమాదం లేదన్నారు. జలాశయంలో 9.6 టీఎంసీల నీరు నిల్వ ఉండగా గాలేరుకు 4 వేల క్యూసెక్కులు విడుదల చేస్తున్నామన్నారు. బానకచెర్ల క్రాస్‌ రెగ్యులేటర్‌ నుంచి 3 వేల క్యూసెక్కులు నీరు చేరుతుందన్నారు. ప్రజలు నిచ్చింతగా ఉండవచ్చని అసత్య ప్రచారాలు, అపోహలు నమ్మరాదన్నారు. జలాశయాన్ని నిత్యం పర్యవేక్షించేందుకు సిబ్బంది అందుబాటులో ఉన్నారన్నారు.

బొమ్మలసత్రం: పోలీస్‌ స్టేషన్‌కు వచ్చే ఫిర్యాదుదారులతో పోలీసులు మర్యాదకంగా వ్యవహరించాలని జిల్లా ఎస్పీ సునీల్‌ షోరాణ్‌ అన్నారు. పట్టణంలోని ట్రాఫిక్‌ పోలీసు స్టేషన్‌ను ఆయన ఆకస్మికంగా తనిఖీ చేశారు. అనంతరం స్టేషన్‌లోని రికార్డులను క్షుణ్ణంగా పరిశీలించి, కేసుల వివరాలు ఎప్పటికప్పుడు ఆన్‌లైన్‌లో నమోదు చేయాలని సిబ్బందికి సూచించారు. సరైన పత్రాలు లేక పోలీసు స్టేషన్‌లో నిలిచి పోయిన వాహనాల వివరాలు ఎప్పటికప్పుడు నమోదు చేసుకోవాలన్నారు. ట్రాఫిక్‌ సిగ్నల్స్‌ వద్ద వాహన దారులు నిబంధనలకు అనుగుణంగా నడుచుకునేలా అవగాహన కల్పించాలన్నారు. మద్యం సేవించి వాహనాలు నడిపితే తక్షణమే వాహనాలను సీజ్‌ చేయాలని ఆదేశించారు. వెయిటేజ్‌ మార్కులు పరిశీలించుకోవాలి నంద్యాల(న్యూటౌన్‌): కాంట్రాక్ట్‌ ఉపాధ్యాయుల నియామకం, ధ్రువపత్రాల పరిశీలనకు హాజరైన అభ్యర్థులు వెరిఫైడ్‌ స్కోర్‌ వివరాలు, వెయిటేజ్‌ మార్కులను పరిశీలించుకోవాలని డీఈఓ జనార్దన్‌రెడ్డి మంగళవారం ఒక ప్రకటనలో పేర్కొన్నారు. సమగ్ర శిక్ష పరిధిలోని కస్తూర్బా గాంధీ బాలిక విద్యాలయాల్లో కాంట్రాక్ట్‌ నియామకాల ఉపాధ్యాయులకు ధ్రువపత్రాల పరిశీలనకు హాజరయ్యే అభ్యర్థులందరూ పరిశీలించుకోవాలన్నారు. అభ్యర్థులు అభ్యంతరాలు ఉన్నట్లు అయితే సమగ్ర శిక్ష నంద్యాల కార్యాలయంలో ఈనెల 23 నుంచి 26వ తేదీలోగా సమర్పించుకోవాలన్నారు. ఈ అవకాశాన్ని సద్వినియోగం చేసుకోవాలన్నారు. కాపర్‌ ఆక్సీక్లోరైడ్‌తో పత్తిలో కాయకుళ్లు నివారణ నంద్యాల(అర్బన్‌): ఉమ్మడి కర్నూలు జిల్లాలో ప్రస్తుతం పత్తి కాయకట్టే దశలో ఉందని, ఇటీవల కురుస్తున్న వర్షాలతో పత్తికి కాయకుళ్లు తెగులు ఆశించే అవకాశం ఉందని నంద్యాల ఆర్‌ఏఆర్‌ఎస్‌ శాస్త్రవేత్త శివరామకృష్ణ అన్నారు. ఈ తెగులు నివారణకు ముందుగా కాపర్‌ ఆక్సీక్లోరైడ్‌ 2.5 గ్రాములు, కార్బండిజం లీటరు నీటిలో కలిపి పిచికారీ చేయాలని రైతులకు సూచించారు. మంగళవారం ఆయన విలేకరులతో మాట్లాడుతూ కాయకుళ్లు తెగులు వల్ల పంట దిగుబడి, పత్తి నాణ్యత దెబ్బతినే అవ కాశం ఉందన్నారు. మొదట పొలంలో నీటి నిల్వలు లేకుండా చూసుకొని వర్షాలు ఆగిన తర్వాత పత్తి తీత చేసుకోవాలని సూచించారు. 25న జాతీయ నులిపురుగుల నివారణ దినోత్సవం గోస్పాడు: ఈనెల 25న జాతీయ నులిపురుగుల నివారణ దినోత్సవం నిర్వహించనున్నట్లు డీఎంహెచ్‌ఓ డాక్టర్‌ శారదాబాయి పిలుపు నిచ్చారు. మంగళవారం నంద్యాల పట్టణంలోని ఆసుపత్రి ఆవరణలో ప్రైవేట్‌ పాఠశాలల యాజమాన్యాలతో సమావేశం నిర్వహించారు. ఈ సందర్భంగా ఆమె మాట్లాడుతూ నులిపురుగుల నివారణకు ప్రతి ఒక్కరు పూర్తి సహకారం అందించాలన్నారు. పిల్లల ఆరోగ్యం, భద్రత విషయంలో పాఠశాలలు తగిన జాగ్రత్తలు తీసుకోవాలన్నారు. సమావేశంలో జిల్లా వైద్య ఆరోగ్య శాఖ అధికారులు, సిబ్బంది, ప్రైవేట్‌ పాఠశాలల అసోసియేషన్‌ ప్రతినిధులు పాల్గొన్నారు. కష్టానికి ‘న్యాయం’ డోన్‌ రూరల్‌(ప్యాపిలి): సాధారణ రైతు కుటుంబంలో జన్మించిన ఓ యువకుడు పట్టుదలతో చదివి సివిల్‌ జడ్జి పరీక్షల్లో సత్తా చాటి న్యాయ మూర్తిగా బాధ్యతలు చేపడుతున్నారు. ప్యాపిలి మండలం రాచర్ల గ్రామానికి చెందిన రామచంద్రారెడ్డి, విజయలక్ష్మి దంపతులది రైతు కుటుంబం. వీరి కుమారుడు తాతిరెడ్డి కిరణ్‌ కుమార్‌రెడ్డి జ్యూడిషియల్‌ సర్వీస్‌ పరీక్షల్లో రాష్ట్ర స్థాయిలో 4వ ర్యాంక్‌ సాధించారు. శిక్షణ అనంతరం ఏపీ హైకోర్టు ఉత్తర్వుల మేరకు అనంతపురం జిల్లా ధర్మవరంలో ఈ నెల 26న న్యాయమూర్తిగా బాధ్యతలు చేపట్టనున్నారు. ఈ సందర్భంగా ఆయనను గ్రామస్తులు, డోన్‌ బార్‌ న్యాయవాదులు అభినందిచారు.

పాణ్యం: నీటి కోసం ప్రజలు ఇబ్బందులు పడుతున్నా చుక్క నీరివ్వని అధికారులు.. చేపలు పట్టేందుకు అనామకులు రిజర్వాయర్‌ గేట్లు ఎత్తుతుంటే ఏమి చేస్తున్నారని వైఎస్సార్‌సీపీ జిల్లా అధ్యక్షుడు కాటసాని రాంభూపాల్‌రెడ్డి ప్రశ్నించారు. అధికార పార్టీ నాయకులు అక్రమార్జన కోసం చేపలు పట్టుకునేందుకు దొంగదారిన నీటిని విడుదల చేసి ప్రజల ప్రాణాలతో చెలగాటమాడుతుంటే ఏమి చేస్తున్నారని మండిపడ్డారు. అధికార పార్టీ నేతల దోపిడీకి ప్రజలను బలి చేయాలనుకుంటున్నారా? అని.. ఆగ్రహం వ్యక్తం చేశారు. గోరుకల్లు ఘటన తెలుసుకున్న కాటసాని ఉదయం గ్రామానికి చేరుకున్నారు. వీధుల్లో తిరుగుతూ ప్రజలతో మాట్లాడి వివరాలు తెలుసుకున్నారు. అనంతరం ఆయన విలేకరులతో మాట్లాడుతూ.. దేవుడి దయతో ఆస్తి నష్టం తప్ప ప్రాణ నష్టం జరగలేదన్నారు. గోరుకల్లు జలాశయానికి ఆరుగురు లస్కర్లు ఉన్నా ఎవ్వరు రావడం లేదని, వీరంతా కలసి ఓ ప్రయివేట్‌ వ్యక్తిని ఏర్పాటు చేశారని, పని చేయని వారిపై ఎందుకు చర్యలు తీసుకోరని అధికారులను ప్రశ్నించారు. కనీసం ఉన్నతాధికారులు డ్యామ్‌ను విజిట్‌ చేసే ఓపిక లేదా.. అని విమర్శించారు. కేవలం అధికారుల నిర్లక్ష్యం కారణంగా ప్రజలకు ముప్పు ఏర్పడిందన్నారు. నష్టపోయిన ప్రతి ఒక్కరికీ న్యాయం చేయాలి.. అధికారులు నిర్లక్ష్యం కారణంగా గ్రామంలోకి నీరు చేరడంతో ప్రజలకు నష్టం వాటిల్లిందని, అలాంటి వారికి న్యాయం చేయాలని కలెక్టర్‌ రాజకుమారికి విన్నవించినట్లు కాటసాని తెలిపారు. ప్రధానంగా వరి పొలాల్లోకి నీరు చేరి పంటలు మొత్తం ధ్వంసం అయ్యాయన్నారు. అలాగే ఇళ్లలోకి నీరు చేరి ధాన్యం పూర్తిగా తడిసిపోయిందన్నారు. తక్షణమే వారికి బియ్యం, ఇతర నిత్యావసర సరుకులు ఇచ్చి ఆదుకోవాలన్నారు. అలాగే పంట నష్టం జరిగిన రైతులకు పరిహారం అందించాలన్నారు. అనధికారింగా గేటు ఎత్తిన వ్యక్తులపై కఠిన చర్యలు తీసుకోవాలని కలెక్టర్‌ను కోరానన్నారు. కాటసాని వెంట వైఎస్సార్‌సీపీ పార్లమెంటరీ సెక్రటరీ సద్దల సూర్యనారాయణరెడ్డి, నాయకులు జింకల సుబ్బారెడ్డి, లక్ష్మీ మద్దయ్య, బాబు, వడ్డుగండ్ల రాముడు, రామలక్ష్మయ్య, సత్యాలు తదితరులు ఉన్నారు.సీఈ.. మా ఫోన్లను బ్లాక్‌ లిస్ట్‌లో పెట్టారు.. గ్రామంలోకి నీళ్లు వస్తున్నాయని సమాచారం అందితే వెంటనే సీఈ కబీర్‌బాషాకు ఎన్ని సార్లు ఫోన్‌ చేసినా స్పందించకపోగా మా నంబర్లు బాక్ల్‌ లిస్ట్‌లో పెట్టడం దారుణమని కాటసాని అన్నారు. ఓ జిల్లా అధికారే స్పందించకుంటే ప్రజలకు ఏమి సమాధానం చెబుతారన్నారు. అధికార పార్టీ నాయకుల పంచన చేరిన ఇంటివంటి అధికారులు త్వరలోనే ప్రజల ముందు నిలబడాల్సి వస్తుందన్నారు. ఉన్నత స్థాయిలో ఉన్న అధికారి తీరు ఇది కాదన్నారు. సీఈకే తెలిసే రిజర్వాయర్‌ గేట్లు ఎత్తారేమోననే అనుమానం వస్తుందన్నారు. అధికారం ఎవ్వరికి శాశ్వతం కాదని, అధికారులు తీరు మార్చుకోవాలన్నారు. చేపల కోసం రిజర్వాయర్‌ గేట్లు ఎత్తుతారా? గోరుకల్లు జలాశయం నిర్వహణలో అధికారుల తీరు దారుణం వైఎస్సార్‌సీపీ జిల్లా అధ్యక్షుడు కాటసాని రాంభూపాల్‌రెడ్డి

కర్నూలు కల్చరల్‌: గణేష్‌ ఉత్సవాలకు రాష్ట్రంలోనే పేరుగాంచిన కర్నూలు నగరంలో వినాయక నిమజ్జనం కనుల పండువగా సాగింది. 45వ ఏడాది దాదాపు 1,500 విగ్రహాలతో నిర్వహించిన శోభాయాత్ర భక్తులకు ఆఽధ్యాత్మిక ఆనందాన్ని పంచింది. కుల మతాలకు అతీతంగా వేడుకకు జనాలు తరలిరావడంతో సర్వమత సౌభ్రాతృత్వం వెల్లివిరిసింది. నిమజ్జనం అర్ధరాత్రి దాటినా కొనసాగింది. తొమ్మిది రోజుల పాటు భక్తులచే విశేష పూజలందుకున్న ప్రథమ పూజితుడైన గణనాఽథుడిని శోభాయాత్రగా వినాయక ఘాట్‌కు తీసుకొచ్చారు. ఓల్డ్‌సిటీలోని రాంబొట్ల ఆలయం వద్ద వివేకానంద యువజన సంఘం ఏర్పాటు చేసిన వినాయక విగ్రహానికి నిమజ్జన శోభాయాత్ర పూజను మంత్రి టీజీ భరత్‌, జిల్లా కలెక్టర్‌ డాక్టర్‌ ఎ.సిరి, ఎస్పీ విక్రాంత్‌ పాటిల్‌, పాణ్యం ఎమ్మెల్యే గౌరు చరితా రెడ్డి, నగరపాలక సంస్థ కమిషనర్‌ చల్లా ఓబులేష్‌, వైఎస్సార్‌సీపీ జిల్లా అధ్యక్షులు, మాజీ ఎమ్మెల్యే ఎస్వీ మోహన్‌ రెడ్డి నిర్వహించారు. వినాయక ఘాట్‌లో జ్యోతి ప్రజ్వలన, ధ్వజారోహణ, భరతమాత పూజ, వినాయక పూజలు చేసి కలెక్టరేట్‌ పరిపాలనా విగ్రహా నిమజ్జనాన్ని కర్నూలు పార్లమెంట్‌ సభ్యులు బస్తిపాటి నాగరాజు, మాజీ రాజ్యసభ సభ్యులు టీజీ వెంకటేష్‌, శ్రీ గణేశ్‌ మహోత్సవ కేంద్ర సమితి రాష్ట్ర గౌరవాధ్యక్షులు, గోకరాజు గంగరాజు, రాష్ట్ర కార్యదర్శులు దుర్గా ప్రసాద్‌, గోరంట్ల రమణ, జిల్లా అధ్యక్షులు వేణుగోపాల్‌, జిల్లా ప్రధాన కార్యదర్శి నాగఫణి శాస్త్రి, జిల్లా సంఘటనా కార్యదర్శి రాజేష్‌ ప్రారంభించారు. వినాయక ఘాట్‌తో పాటు నన్నూరు టోల్‌ గేట్‌ సమీపం, ఉల్లిందకొండ గ్రామం సమీపంలోని హెచ్‌ఎన్‌్‌ఎస్‌ఎస్‌ కాలువలో నిమజ్జనం చేపట్టారు. కమనీయంగా శోభాయాత్ర ఓల్డ్‌సిటీ రాంబొట్ల ఆలయం నుంచి శోభాయాత్ర ప్రారంభమైంది. రాష్ట్రంలో ఎక్కడా లేనివిధంగా నగరం నడి మధ్యన కేసీ కాల్వలో విఘ్నేశ్వరునికి ఘనంగా వీడ్కోలు పలికారు. కేసీ కెనాల్‌కు ఇరువైపుల ఏడు క్రేన్‌లతో నిమజ్జనం చేశారు. జిల్లా కలెక్టర్‌ సిరి మాట్లాడుతూ మనలోని చెడును అణచి వేసి మంచి ఆలోచనలు, మంచి పనులతో సమాజ శ్రేయస్సుకు ప్రతి ఒక్కరూ తమ వంతు సహకారం అందించాలన్నారు. వినాయక ఘాట్‌లో నిర్వహించిన గంగా హారతి ప్రత్యేక ఆకర్షణగా నిలిచింది. చిన్నారి సాంస్కృతిక ప్రదర్శన కర్నూలు వినాయక ఘాట్‌ వద్ద పండుగ వాతావరణం వేలాదిగా తరలివచ్చిన భక్తులు ఆకట్టుకున్న సాంస్కృతిక కార్యక్రమాలు

జూపాడుబంగ్లా: పోతిరెడ్డిపాడు హెడ్‌రెగ్యులేటర్‌ నుంచి నీటిసరఫరా పూర్తిగా తగ్గింది. కేవలం 4,167 క్యూసెక్కులు ఎస్సారెమ్సీలోకి వదులుతున్నారు. ఈ నీటిని బానకచర్ల నీటినియంత్రణ వ్యవస్థ నుంచి కేసీ ఎస్కేప్‌ కాల్వకు వెయ్యి క్యూసెక్కులు, జీఎన్‌ఎస్‌ఎస్‌ కాల్వకు 3 వేల క్యూసెక్కుల చొప్పున సరఫరా చేస్తున్నారు. నీటి విడుదల తగ్గడంతో రైతులు, ప్రజలు ఆందోళన వ్యక్తం చేస్తున్నారు. శ్రీశైలం డ్యాంలో సోమవారం ఉదయం 858 అడుగుల నీటి మట్టం, 99.9810 టీఎంసీల నీరు నిల్వ ఉంది. విద్యుత్‌ ఉత్పత్తి పేరుతో తెలంగాణ ప్రభుత్వం శ్రీశైలం డ్యాంలోని నీటిని ఎడాపెడా వినియోగిస్తోంది. చంద్రబాబు ప్రభుత్వం నిమ్మకు నీరెత్తినట్లుగా వ్యవహరిస్తుండటంతో డ్యాంలో రోజుకు రెండు టీఎంసీల మేర నీటిమట్టం తగ్గుతూ వస్తోంది. ఈ లెక్కన నిత్యం నీటిమట్టం తగ్గుతూ వస్తుండటంతో మరో వారం రోజుల్లో పోతిరెడ్డిపాడు హెడ్‌రెగ్యులేటర్‌ ద్వారా నీటిసరఫరా నిలిచిపోయే ప్రమాదం ఉంది. పోతిరెడ్డిపాడు హెడ్‌రెగ్యులేటర్‌ ద్వారా ఇప్పటిదాకా 30 టీఎంసీల నీటిని మాత్రమే దిగువ ప్రాంతాలకు తరలించినట్లు అధికారులు చెప్పారు. తేదీ నీటిమట్టం నీటి నిల్వ (అడుగుల్లో..) (టీఎంసీల్లో) ఈనెల 19 859.90 104.1450 20వ తేదీ 858.70 101.9210 21వతేదీ 858 99.9810

● జిల్లా కలెక్టర్‌ రాజకుమారినంద్యాల(న్యూటౌన్‌): తన రచనలతో సంఘంలో గొప్ప మార్పు తెచ్చిన సంస్కర్త మహాకవి గురజాడ వెంకట అప్పారావు అని జిల్లా కలెక్టర్‌ రాజకుమారి అన్నారు. కలెక్టరేట్‌లోని పీజీఆర్‌ఎస్‌ హాల్‌లో సోమవారం ఆయన చిత్రపటానికి పూలమాల వేసి నివాళులర్పించారు. ఈ సందర్భంగా జిల్లా కలెక్టర్‌ మాట్లాడుతూ.. గురజాడ రచనలు భవిష్యత్‌ తరాలకు మార్గదర్శకంగా నిలుస్తున్నాయన్నారు. విజయనగరం జిల్లాతో తనకున్న అనుబంధాన్ని గుర్తుచేసుకుంటూ.. అక్కడ గురజాడ 150వ జయంతి వేడుకలను మూడు రోజుల పాటు నిర్వహించే అవకాశం తనకు లభించిందన్నారు. గురజాడపై సేకరించిన సమాచారంతో కవులు, రచయితల వ్యాసాలతో పుస్తకాలను రూపొందించి గ్రంథాలయాలకు అందించిన విషయాన్ని గుర్తుచేశారు. ప్రభుత్వ ఉద్యోగులు ఎలాంటి స్వార్థం లేకుండా ప్రజాసేవే ప్రధాన ధ్యేయంగా పనిచేయాలన్నారు. జాయింట్‌ కలెక్టర్‌ సూరజ్‌ ధనుంజయ్‌, డీఆర్‌ఓ రామునాయక్‌, జిల్లా అధికారులు పాల్గొన్నారు.

● వైఎస్సార్‌సీపీ అధికారంలోకి రాగే వాటిని విడిపిస్తాం ● నంద్యాల మాజీ ఎమ్మెల్యే శిల్పారవి, ఎమ్మెల్సీ ఇసాక్‌బాషా బొమ్మలసత్రం: చంద్రబాబు ప్రభుత్వంలో వక్ఫ్‌బోర్డు ఆస్తులకు రక్షణ లేకుండా పోయిందని, రాష్ట్రవ్యాప్తంగా కబ్జాలకు గురవుతున్నాయని నంద్యాల మాజీ ఎమ్మెల్యే శిల్పా రవిచంద్రకిషోర్‌రెడ్డి, ఎమ్మెల్సీ ఇసాక్‌బాషా అన్నారు. వైఎస్సార్‌సీపీ అధికారంలోకి వచ్చిన వెంటనే కబ్జాదారుల నుంచి వక్ఫ్‌ ఆస్తులను విడిపిస్తామన్నారు. నంద్యాల పట్టణ శివారులో ఉర్దూ కళాశాల వసతి గృహం భవనాలను ప్రభుత్వ కార్యాలయాలకు కేటాయించటాన్ని వ్యతిరేకిస్తూ సోమవారం స్థానిక గాంధీచౌక్‌లో ఎస్‌డీపీఐ నాయకులు నిరసన తెలిపారు. నిరసనకు మాజీ ఎమ్మెల్యే శిల్పారవి, ఎమ్మెల్సీ ఇసాక్‌బాషా సంఘీభావం తెలిపారు. అనంతరం వారు మాట్లాడుతూ.. చంద్రబాబు ప్రభుత్వంలో వక్ఫ్‌ ఆస్తులకు భద్రత కరువైందన్నారు. ఇష్టానుసారంగా వాటిని ఇతర రంగాలకు అప్పగిస్తున్నారన్నారు. గత వైఎస్సార్‌సీపీ ప్రభుత్వం ఉర్దూ కళాశాల భవనాలు నిర్మించిందన్నారు. అలాగే వసతి భవనాలను విద్యార్థులకు అందుబాటులోకి తెచ్చిందన్నారు. ఈ భవనాలను ఇతర ప్రభుత్వ శాఖలకు సంబంధించిన కార్యాలయాలకు అప్పగించాలని టీడీపీ నేతలు ప్రయ త్నాలు చేస్తున్నారన్నారు. వక్ఫ్‌బోర్డు ఆస్తులను మైనారిటీల అభివృద్ధికి కాకుండా ఇతర అవసరాలకు వినియోగించడం సరైందికాదన్నారు. మైనారిటీల హక్కులను కాలరాస్తున్న చంద్రబాబు ప్రభుత్వంపై రాజీ లేని పోరాటాలు చేస్తామని హెచ్చరించారు. బాధితులు, ప్రజాసంఘాలు చేసే ప్రతి పోరాటానికి వైఎస్సార్‌సీపీ వెన్నంటి ఉంటుందన్నారు. నిరసనలో మాజీ మున్సిపల్‌ వైస్‌చైర్మన్‌ గంగిశెట్టి శ్రీధర్‌, రాష్ట్రమహిళా విభాగం సెక్రటరీ శశికళారెడ్డి, రాష్ట్ర ఎస్సీ సెల్‌ కార్యదర్శి ఆంజనేయులు, మాజీ కౌన్సిలర్లు తమీమ్‌, లక్ష్మీనారాయణ, సాధిక్‌బాషా, కిరణ్‌కుమార్‌, గన్నీ కరిముల్లా, జలీల్‌ తదితరులు పాల్గొన్నారు.

రాష్ట్ర వ్యాప్తంగా లక్షలాది మంది అంగన్‌వాడీలకు చీరల సరఫరా చేసే భారీ టెండర్‌ వేరే ఎవ్వరికీ ఇవ్వకుండా ఒకే ఒక్క ‘పచ్చ’కాంట్రాక్టర్‌కు కట్టబెట్టడం వెనుక పెద్ద బాగోతమే నడిచినట్లు ఆరోపణలు వినిపిస్తున్నాయి. తమ పార్టీ రంగు అయిన పసుపు రంగు ప్రదర్శించుకోవాలనే తాపత్రయం తప్ప వస్త్రం నాణ్యతపైనా, పరిమాణంపై కనీస శ్రద్ధ తీసుకోలేదు. మూడేళ్ల క్రితం అప్పటి వైఎస్సార్‌సీపీ ప్రభుత్వంలో కార్యకర్తలకు, ఆయాలకు ఒక్కొక్కరికి ఒకేసారి ఆరు చీరలు, ఆరు జాకెట్లు అందజేశారు. వాటిని చూసిన అంగన్‌వాడీలో ఒక్కమాట కూడా మాట్లాడకుండా సంతోషంగా తీసుకుని కట్టుకున్నారు. నేటికి అనేక మంది వాటినే కట్టుకుంటు ఉండటం గమనార్హం. చంద్రబాబు ప్రభుత్వం అధికారంలోకి వచ్చిన రెండు సంవత్సరాలకు ఒక్కొక్కరికి రెండు చీరలు మాత్రమే రంగు డిజైన్‌ మార్చేసి సరఫరా చేశారు. కార్యకర్తలకు పచ్చ రంగు చీర, ఆయాలకు ఎర్ర రంగు చీర అందజేశారు. గత ప్రభుత్వంలో అందజేసిన చీరలతో పోలిస్తే నాణ్యత నాసిరకంగా ఉందని, కొలతల్లో చాలా తేడా ఉందని అంగన్‌వాడీలు అసహనం వ్యక్తం చేస్తున్నారు. గతంలో అందించిన చీర కొలత 5.5 మీటర్లు ఉండగా ప్రస్తుతం అందించిన చీర కొలత 4.5 మీటర్ల ఉన్నట్లు తెలుస్తోంది. చాలీచాలని చీరలను కట్టుకుని ఏవిధంగా విధులకు హాజరు కావాలని అంగన్‌వాడీ కార్యకర్తలు ఆవేదన వ్యక్తం చేస్తున్నారు.

జిల్లా వ్యాప్తంగా ఆరు ప్రాజెక్ట్‌ల పరిధిలో 1,663 అంగన్‌వాడీ కేంద్రాలు ఉన్నాయి. వీటిలో 1,660 మంది కార్యకర్తలు, 1,611 మంది ఆయాలు విధులు నిర్వహిస్తున్నారు. మొత్తం 3,271 మందికి ఒక్కక్కరికి రెండు చీరల చొప్పున 6,542 చీరలు రూ. 500 లెక్కన పంపిణీ చేశారు. ఈ లెక్కన ఒక్కో చీరకు రూ. 400 మిగిలినా రూ. 26 లక్షల వరకు కాంట్రాక్టర్‌, అధికారులు పంచుకున్నట్లు ఆరోపణలు వినిపిస్తున్నాయి. చిరుద్యోగులకు ఇచ్చే దుస్తుల్లోనూ కక్కుర్తి పడుతున్న ప్రభుత్వ తీరుపై సర్వత్రా విమర్శలు వ్యక్తమవుతున్నాయి. ● యూనిఫాం పేరుతో చీరల పంపిణీ ● కాంట్రాక్టర్లు, అధికారుల కుమ్మక్కు ● అరకొర నాణ్యత..పక్కన పడేసిన వైనంఆళ్లగడ్డ: పేదలకు, చిరు ఉద్యోగులకు పలు పథకాలను అమలు చేయడం.. అందినకాడికి దండుకోవడం..టీడీపీ నేతలు లక్ష్యంగా పెట్టకున్నారు. యూనిఫాం పేరుతో అంగన్‌వాడీ కార్యకర్తలు, ఆయాలకు పంపిణీ చేస్తున్న చీరలనే ఇందుకు నిదర్శనంగా చెప్పవచ్చు. నంద్యాల జిల్లాలో 6,500 చీరలు పంపిణీ చేయగా అవి నాసిరకంగా ఉన్నాయి. కాంట్రాక్టర్లు, అధికారులు కుమ్మకై ్క మార్కెట్‌లో రూ. 100 విలువ కూడా చేయని చీరను రూ. 500 చొప్పున కొనుగోలు చేసినట్లు ఆరోపణలు వినిపిస్తున్నాయి. ప్రశ్నిస్తే బెదిరింపులు! చీరల నాణ్యతపై అంగన్‌వాడీ కార్యకర్తలు, ఆయాలు నిరసన తెలిపారు. స్థానిక అధికారులపై టీడీపీ నేతలు తీవ్రస్థాయిలో ఒత్తిడి తెచ్చి అదే అధికారుల ద్వారా యూనియన్‌ లీడర్లను బెదిరించారు. ఎలాంటి గొడవ చేయకుండా, ఎక్కడా నోరు మెదపకుండా ఆ చీరలనే ధరించాలని అందరికీ చెప్పాలని హుకుం జారీ చేశారు. ఉద్యోగాల పేరుతో బెదిరిస్తుండటంపై మహిళలు నుంచి, ఉద్యోగవర్గాల నుంచి తీవ్ర వ్యతిరేకత వ్యక్తమవుతోంది. చీర రంగు, నాణ్యత బాగోలేదు. ప్రభుత్వానికి చెడ్డపేరు వస్తుందని అధికారులు చీరలు కట్టుకోకుండా వెనక్కు ఇచ్చేయండి అని చెప్పారు. ఇప్పుడేమో ఎలా ఉన్నా కట్టుకోవాల్సిందేనని చెబుతున్నారు. వెనక్కిస్తే ప్రభుత్వానికి చెడ్డపేరు వస్తుందని సర్దుకుపోవాల్సిందే అని బెదిరిస్తున్నారు. – అంగన్‌వాడీ కార్యకర్త

● జిల్లా ప్రధాన న్యాయమూర్తి పి.వాసుడోన్‌ టౌన్‌: ఖైదీలు కోర్టు వాయిదాలకు తప్పనిసరిగా హాజరు కావాలని జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ పి.వాసు, జిల్లా న్యాయ సేవాధికార సంస్థ కార్యదర్శి లీలా వెంకటశేషాద్రి అన్నారు. డోన్‌ పట్టణంలోని సబ్‌ జైలును సోమవారం తనిఖీ చేశారు. ఈ సందర్భంగా ఖైదీలతో సమావేశమై జైలులోని వసతులు, వైద్య సేవల గురించి వివరించారు. ప్రిజన్‌ లీగల్‌ ఎయిడ్‌ హెల్ప్‌ డెస్క్‌, క్లినిక్‌లో ఒక న్యాయవాది, ఒక పారా లీగల్‌ వలంటీర్‌ ఉంటారని. వారు సహాయం అందిస్తారని తెలిపారు. జైలులో ఏమైనా సమస్యలు ఉంటే కంప్లయింట్‌ బ్యాక్స్‌లో పిటిషన్‌ రాసి వెయ్యవచ్చు అన్నారు. లేదంటే 15100కు కాల్‌ చేసి తమ సమస్యలు చెప్పుకోవచ్చునని తెలిపారు. అనంతరం జైలు లోని బ్యారాక్‌లను, వంట శాలను, పరిసరాలను పరిశీలించారు. అలాగే సబ్‌ కోర్టు ఏర్పాటు కోసం డోన్‌ పట్టణంలోని పాతపేటలోని పాత మున్సిపల్‌ కార్యాలయాన్ని, నిర్మాణంలో ఉన్న కోర్టు భవనాలను పరిశీలించారు. వీరి వెంట రూరల్‌ సీఐ రాకేష్‌, సబ్‌ జైలు సూపరింటెండెంట్‌ సురేష్‌, ప్యానెల్‌ న్యాయవాది రవిమోహన్‌, మద్దయ్య, కోర్టు సిబ్బంది సరిత, ఇందిర ఉన్నారు.

● తిరిగి విధుల్లోకి తీసుకోవాలని ఆదేశం కొలిమిగుండ్ల: మండల పరిధిలోని అబ్దులాపురానికి చెందిన అంగన్‌వాడీ ఆయాగా పని చేసిన హుస్సేన్‌బీకి హైకోర్టులో ఊరట లభించింది. తిరిగి ఆమెను విధుల్లోకి తీసుకోవాలని సోమవారం హైకోర్టు సంబంధిత ఐసీడీఎస్‌ ప్రాజెక్ట్‌ అధికారులకు ఆదేశాలిచ్చింది. ఆయా హుస్సేన్‌బీని ఉద్దేశపూర్వకంగానే తొలగించాలనే నెపంతో గ్రామంలో ఇటీవలనే ఐసీడీఎస్‌ అధికారులకు ఫిర్యాదు చేశారు. దీంతో జనవరి 21న బనగానపల్లె ప్రాజెక్ట్‌ సీడీపీఓ గ్రామానికి చేరుకొని విచారణ చేపట్టారు. ఆయాపై వచ్చిన ఆరోపణలు రుజువైనట్లు తేల్చారు. దీంతో ఆమెను విధుల నుంచి తొలగించారు. తర్వాత హుస్సేన్‌బీ తనను అన్యాయంగా తొలగించారని హైకోర్టును ఆశ్రయించారు. తక్షణమే ఆయాను విధుల్లోకి తీసుకుని బనగానపల్లె ప్రాజెక్ట్‌ అధికారి ఎదుట విధులకు హాజరుపరచాలని కోర్టు ఆదేశాలిచ్చింది. పీజీఆర్‌ఎస్‌కు 105 ఫిర్యాదులు బొమ్మలసత్రం: జిల్లా పోలీస్‌ కార్యాలయంలో సోమవారం నిర్వహించిన పీజీఆర్‌ఎస్‌కు 105 ఫిర్యాదులు వచ్చాయి. అర్జీదారులతో ఎస్పీ సునీల్‌షొరాణ్‌ మాట్లాడి సమస్యలు తెలుసుకున్నామన్నారు. చట్టపరిధిలో వాటికి పరిష్కారం చూపుతామని హామీ ఇచ్చారు. ఫిర్యాదులు పరిశీలించాలని సంబంధిత పోలీస్‌స్టేషన్‌ అధికారులకు సూచించారు. పీజీఆర్‌ఎస్‌కు వచ్చిన అర్జీలు తిరిగి పునరావృతం కాకుండా జాగ్రత్తలు తీసుకోవాలన్నారు. రూ.2.50 లక్షల విరాళం శ్రీశైలం టెంపుల్‌: శ్రీశైల దేవస్ధానం నిర్వహిస్తున్న నిత్య అన్నదాన పథకానికి సోమవారం ఏలూరుకు చెందిన స్వయంప్రకాశం కార్తిక్‌ రూ.2,50,000 విరాళాన్ని దేవస్థాన ఏఈఓ ఫణిధర్‌ ప్రసాద్‌కి అందజేశారు. దాతకు దేవస్థానం తరపున స్వామి వారి శేష వస్త్రాన్ని, లడ్డూ ప్రసాదాలను, జ్ఞాపికను అందజేసి సత్కరించారు. గ్రామ పంచాయతీల్లో బీసీ ఓటర్లు 9,05,611 కర్నూలు(అర్బన్‌): కర్నూలు జిల్లాలోని 484 గ్రామ పంచాయతీల్లో 9,05,611 మంది బీసీ ఓటర్లు ఉన్నారు. ఇటీవల క్షేత్ర స్థాయిలోని అధికారులు, సిబ్బంది అన్ని గ్రామ పంచాయతీల్లో బీసీ, ఎస్సీ, ఎస్టీ ఓటర్లను గుర్తించి జాబితాలను కూడా ప్రచురించారు. మొత్తం 12,50,166 మంది గ్రామీణ ఓటర్లు ఉండగా, వీరిలో బీసీ ఓటర్లు 9 లక్షలకు పైగా ఉండడం గమనార్హం. వీరిలో మహిళలు 4,56,520, పురుషులు 4,48,982, ఇతరులు 109 మంది ఉన్నారు. ఈ నేపథ్యంలోనే బీసీ ఓటర్లలో పురుషుల కంటే మహిళా ఓటర్లు 7538 మంది అధికంగా ఉన్నారు. అలాగే మొత్తం ఎస్‌టీ ఓటర్లు 17,119 మంది, ఎస్సీ ఓటర్లు 2,33,881 మంది, ఇతర కులాలకు సంబంధించిన ఓటర్లు 93,555 మందిగా అధికారులు గుర్తించారు.

● అసందర్భ మాటలు మానుకోండి ● ఎమ్మెల్యే కోట్లకు మాజీ మంత్రి బుగ్గన హితవు డోన్‌: చేతనైతే డోన్‌ నియోజకవర్గాన్ని అభివృద్ధి చేసి చూపాలని, అసందర్భ మాటలు మానుకోవాలని ఎమ్మెల్యే కోట్ల సూర్యప్రకాశ్‌ రెడ్డికి మాజీ మంత్రి బుగ్గన రాజేంద్రనాథ్‌రెడ్డి హితవు పలికారు. అభివృద్ధి పనులు చేయకుండా వచ్చే స్థానిక సంస్థల ఎన్నికల్లో పోలీసుల అండతో గెలవాలని చూస్తే ప్రజాస్వామ్యబద్ధంగా ప్రతిఘటించి తీరుతామని హెచ్చరించారు. డోన్‌లో సోమవారం వైఎస్సార్‌సీపీ కార్యకర్తల విస్తృతస్థాయి సమావేశం నిర్వహించారు. ముందు మహానేత డాక్టర్‌ వైఎస్‌ రాజశేఖర్‌రెడ్డి విగ్రహానికి పూలమాలలు వేసి నివాళులర్పించారు. సమావేశంలో బుగ్గన మాట్లాడుతూ.. స్థానిక సంస్థల ఎన్నికలను దృష్టిలో ఉంచుకుని వైఎస్సార్‌సీపీ కార్యకర్తలపై ఆక్రమ కేసులు బనాయిస్తే తగిన మూల్యం చెల్లించుకోవాల్సివస్తుందని హెచ్చరించారు. ఎన్నికల సందర్భంగా టీడీపీ నాయకులు కుట్రలు, కుతంత్రాలకు పాల్పడే అవకాశం ఉన్నందున నిరంతరం అప్రమత్తంగా ఉండాలని సూచించారు. పారిశ్రామికరంగం.. తీవ్ర సంక్షోభం వైన్స్‌, మైన్స్‌, శ్యాండ్‌, ల్యాండ్‌ అంటూ అక్రమ వ్యాపారాలు జోరుగా చేయడం ఏ మగతనం అని టీడీపీ నాయకులను మాజీ మంత్రి నిలదీశారు. మామూళ్ల కోసం ప్యాపిలి మండలంలోని ప్రియా సిమెంట్‌ ఉత్పత్తికి ఆటంకం కల్గించడం, పాణ్యం సిమెంట్‌తో పాటు అనేక చిన్న తరహా పరిశ్రమలను మూత వేయించిందెవరని ప్రశ్నించారు. డోన్‌లో ఇండస్ట్రియల్‌ పార్కు ఏర్పాటు కాకుండా అడ్డుకుందెవరన్నారు. టీడీపీ నాయకుల అవినీతి, ఆక్రమాలతో పారిశ్రామిక రంగం తీవ్ర సంక్షోభంలో కూరుకుపోయిందన్నారు. ఐడీ కార్డుల పంపిణీ సమావేశంలో కార్యకర్తలకు వైఎస్సార్‌సీపీ ఇచ్చే గుర్తింపు కార్డులను పంపిణీ చేశారు. మొట్టమొదటిగా మాజీ మంత్రి బుగ్గనకు జిల్లా పరిషత్‌ చైర్మన్‌ ఎర్రబోతుల పాపిరెడ్డి గుర్తింపు కార్డు ఇచ్చారు. అనంతరం పార్టీ నాయకులు పోస్ట్‌ ప్రసాద్‌, దినేష్‌గౌడ్‌, ఆర్ట్‌ రమణ, మల్లికార్జునరెడ్డి, మిట్టా రవి, వలీ తదితరులు గజమాలలతో బుగ్గనను, ఎర్రబోతుల పాపిరెడ్డిని సత్కరించారు. సమావేశంలో పార్టీ సీనియర్‌ నాయకులు మల్యాల భాస్కర్‌రెడ్డి, గుమ్మకొండ సుధాకర్‌రెడ్డి, నరసింహారెడ్డి, మధురెడ్డి, ఓబులేసు, నరసింహుడు, శ్రీను, మదన్‌ యాదవ్‌, మధుసూదన్‌రెడ్డి, సుమిత్రమ్మ, కల్యాణి, వెంకటేశ్వరమ్మ, మేకల విమల, చిరంజీవి, వేమారెడ్డి, మిట్టా రవికుమార్‌, మద్దిలేటి, తపాలా మద్దిలేటి, దొంతిరెడ్డి గోపాలరెడ్డి, మద్దయ్య, మల్యాల శ్రీనివాసరెడ్డి, రామ్‌కుమార్‌, జానకీరాముడు, రాజు, పెద్దిరాజు, రమణ, బుగ్గన జయచంద్రారెడ్డి, బోబ్బల శివరామిరెడ్డి తదితరులు పాల్గొన్నారు. మగతనం గురించి మాట్లాడడం సిగ్గుచేటు!గత వైఎస్సార్‌సీపీ ప్రభుత్వ హయాంలో రూ.3,500 కోట్ల వ్యయంతో డోన్‌ను మోడల్‌ నియోజకవర్గంగా తీర్చిదిద్దామని బుగ్గన అన్నారు. రెండున్నర ఏళ్లుగా అభివృద్ధిని నిలిపి వేసి భ్రష్టు పట్టించారని మండిపడ్డారు. డోన్‌కు మంజూరైన రైల్వే అండర్‌ పాస్‌, అగ్రికల్చర్‌ పాలిటెక్నిక్‌ కాలేజీ, ఎస్సీ బాలుర ఆశ్రమ పాఠశాల, ప్యాపిలి ఇంటిగ్రేటెడ్‌ మార్కెట్‌, మెట్టుపల్లె టమాట జూస్‌ ఫ్యాక్టరీల మంజూరును ఎందుకు అడ్డుకున్నారో ఎమ్మెల్యే కోట్ల చెప్పాలన్నారు. కేంద్ర రైల్వే శాఖ మంత్రిగా పని చేసి కూడా రైల్వే గేట్ల కింద అండర్‌ పాస్‌ బ్రిడ్జిని ఎందుకు మొదలుపెట్టలేక పోయారని ప్రశ్నించారు. వైఎస్సార్‌సీపీ నాయకులను మగతనం లేనివారిగా అభివర్ణించడం కోట్ల విజ్ఞతకే వదిలేస్తున్నామన్నారు. టీడీపీ నాయకులకు మగతనం ఉంటే చెరువులు ఎందుకు నింపలేకపోయారని ప్రశ్నించారు. ఇంటింటికీ గోరుకల్లు శుద్ధజలం పథకాన్ని అడ్డుకోవడం మూర్ఖత్వమన్నారు. ఎంపీడీఓ కార్యాలయం, కేంద్రీయ విద్యాలయ భవనం, ఐటీడీఆర్‌, సబ్‌ రిజిస్ట్రార్‌ కార్యాలయ భవనాలు ఎందుకు ప్రారంభించలేకపోయారని ప్రశ్నించారు.

నంద్యాల(అర్బన్‌): తాత్కాలిక జెడ్పీ కార్యాలయ ఏర్పాట్లపై జిల్లా కలెక్టర్‌ రాజకుమారి ప్రత్యేక దృష్టి సారించారు. ప్రస్తుత జెడ్పీ పాలకవర్గం పదవీకాలం సెప్టెంబరు 24తో ముగియనుండగా, సెప్టెంబరు 25 నుంచి జిల్లా కలెక్టర్‌ ప్రత్యేక అధికారిగా బాధ్యతలు నిర్వహించనున్నారు. జెడ్పీ కార్యకలాపాలను నంద్యాల నుంచే సజావుగా నిర్వహించేందుకు అవసరమైన ఏర్పాట్లు చేయాలని సంబంధిత అధికారులను ఆమె ఆదేశించారు. తాత్కాలికంగా కార్యాలయాన్ని ఏర్పాటు చేసేందుకు నంద్యాలలో అందుబాటులో ఉన్న ప్రభుత్వ భవనాలు, వసతులను సోమవారం పరిశీలించారు. ఎంపీడీఓ కార్యాలయం, ఆర్‌డబ్ల్యూఎస్‌, పంచాయతీరాజ్‌ ఆడిట్‌ కార్యాలయ ప్రాంగణాల్లో అందుబాటులో ఉన్న గదులను చూశారు. సెప్టెంబరు 25 నుంచి ప్రత్యేక అధికారి పర్యవేక్షణలో జెడ్పీ కార్యకలాపాలు కొనసాగనున్న నేపథ్యంలో డిప్యూటీ సీఈఓ, అకౌంట్స్‌ ఆఫీసర్‌, సుమారు 50 మంది సిబ్బంది కర్నూలు నుంచి నంద్యాలకు రానున్నట్లు కలెక్టర్‌ తెలిపారు. వారికి అవసరమైన కార్యాలయ గదులు, మౌలిక వసతులు, ఇతర సౌకర్యాలను సమకూర్చేలా ముందస్తు చర్యలు తీసుకోవాలన్నారు.

శ్రీశైలంటెంపుల్‌: శ్రీశైల దేవస్థానం నిర్వహిస్తున్న ధర్మపథం కార్యక్రమంలో భాగంగా ఆదివారం ఆలయ దక్షిణ మాఢవీధిలోని నిత్యకళావేదికపై హైదరాబాద్‌కు చెందిన లావణ్య బృందం వారి సంప్రదాయ నృత్యప్రదర్శన భక్తులను ఆకట్టుకుంది. గణపతికౌత్వం, నమశ్శివాయ, హర హర శంభో, మూషికవాహన, తాండవనృత్యం, అఖిలాండేశ్వరి, శంభో శివశంభో తదితర గీతాలకు అక్షర, అక్షిత, నిత్యశ్రీ, వేదాంశిక, సహస్ర, నక్షత్ర, పవిత్ర తదితరులు నృత్యం ప్రదర్శించారు. 23న జాబ్‌మేళా నంద్యాల (న్యూటౌన్‌): స్థానిక పీఎస్‌సీ అండ్‌ కేవీఎస్‌సీ ప్రభుత్వ డిగ్రీ కళాశాలలో జవహర్‌ నాలెడ్జ్‌ సెంటర్‌ (జేకేసీ) ఆధ్వర్యంలో ఈ నెల 23 తేదీన జాబ్‌మేళా నిర్వహించనున్నట్లు కళాశాల ప్రిన్సిపాల్‌ డాక్టర్‌ శశికళ ఆదివారం ఓ ప్రకటనలో తెలిపారు. వివిధ రంగాలకు చెందిన 10 ప్రముఖ సంస్థలు పాల్గొని అర్హత కలిగిన అభ్యర్థులను ఎంపిక చేయనున్నట్లు వివరించారు. విద్యార్హతలను బట్టి నెలకు రూ.14 వేల నుంచి రూ.25 వేల వరకు వేతనం లభిస్తుందన్నారు. నంద్యాల, కర్నూలు, కడప, హైదరాబాద్‌, విశాఖపట్నం, నెల్లూరు (నాయుడుపేట), శ్రీకాళహస్తి, శ్రీ సిటీ, హోసూర్‌ తదితర ప్రాంతాల్లో ఉద్యోగ అవకాశా లు ఉన్నాయన్నారు. వివరాలకు జేకేసీ కోఆర్డినేటర్‌ డాక్టర్‌ రమేష్‌ కుమార్‌ (7799337695, 9703377803)ను సంప్రదించవచ్చన్నారు. నందికొట్కూరు: శ్రీశైలం ప్రాజెక్టులో సర్వం కోల్పోయిన ముంపు బాధితుల కోసం ఎన్టీఆర్‌ తెచ్చిన 98 జీఓ కింద ఉద్యోగాలు ఇవ్వకుండా సీఎం చంద్రబాబు మోసం చేయడం దారుణమని నీటిముంపు నిరుద్యోగ సంఘం నాయకులు జయన్న ఆవేదన వ్యక్తం చేశారు. పట్టణంలోని కర్నూలు–గుంటూరు ప్రధాన రహదారిపై శ్రీశైలం నీటిముంపు నిరుద్యోగులు చేపట్టిన రిలే నిరాహార దీక్ష ఆదివారం 179 రోజుకు చేరింది. ఆయన మాట్లాడుతూ అధికారంలోకి రాగానే ఉద్యోగాలు ఇస్తామని చెప్పి సీఎం చంద్రబాబు, ఎంపీ బైరెడ్డి శబరి, ఎమ్మెల్యే జయసూర్య పటేల్‌ సెంటర్‌లో వేలాది ప్రజల మధ్య మాట ఇచ్చి మోసం చేశారని ఆరోపించారు. మౌలాలి, చంద్రన్న, నాగేంద్ర, నాగముని, నాగసుంకన్న, జమ్మన్న, సామేల్‌ తదితరులు దీక్షలో కూర్చొన్నారు. జిల్లా పరిషత్‌ ప్రత్యేక అధికారిగా కలెక్టర్‌ నంద్యాల(న్యూటౌన్‌): ప్రస్తుత జిల్లా పరిషత్‌ పాలకవర్గాల పదవీకాలం ఈనెల 24 తేదీతో ముగియనున్న నేపథ్యంలో ఈనెల 25వ తేదీ నుంచి జిల్లా పరిషత్‌ ప్రత్యేక అధికారిణిగా కలెక్టర్‌ రాజకుమారి కొనసాగనున్నారు. ఈ మేరకు పంచాయతీరాజ్‌, గ్రామీణాభివృద్ధి (ఎన్నికలు–నియమాలు) శాఖ ఉత్తర్వులు జారీ చేసింది. ఈ నియామకం ఈనెల 25వ తేదీ నుంచి ఆరు నెలల కాలానికి లేదా ఎన్నికైన జిల్లా పరిషత్‌ సభ్యులు, చైర్మన్‌, వైస్‌ చైర్మన్‌ తదితర పదవీ బాధ్యతలు స్వీకరించే తేదీ వరకు అమలులో ఉంటుంది. ఈ సందర్భంగా జిల్లా కలెక్టర్‌ జి.రాజకుమారి మాట్లాడుతూ.. ప్రభుత్వం జారీ చేసిన ఉత్తర్వుల మేరకు జిల్లా పరిషత్‌కు సంబంధించిన పరిపాలనా వ్యవహారాలను సమర్థవంతంగా నిర్వహిస్తూ, ప్రజలకు అందాల్సిన సేవలు, అభివృద్ధి కార్యక్రమాలు ఎటువంటి అంతరాయం లేకుండా కొనసాగించేలా చర్యలు తీసుకుంటామని తెలిపారు. జిల్లా పరిషత్‌ పరిధిలోని అభివృద్ధి, సంక్షేమ కార్యక్రమాల అమలులో శాఖల మధ్య సమన్వయంతో ముందుకు సాగుతామని పేర్కొ న్నారు. అలాగే మండల పరిషత్‌ పాలకవర్గాల పదవీకాలం కూడా ఈనెల 24తో ముగియనున్న నేపథ్యంలో 25వ తేదీ నుంచి ప్రత్యేక అధికారుల ద్వారా పరిపాలన కొనసాగనుందన్నారు.

● భర్త చనిపోయిన వారానికే భార్య మృతి ● అందరూ ఉన్నా అనాథగా అంత్యక్రియలుఆళ్లగడ్డ: కష్టాలు చుట్టు ముట్టినా... పేదరికం రోడ్డుపాలు చేసినా.. కొడుకులు పెడదోవ పట్టినా.. ఆ దంపతులు ఒకరికొకరుగా జీవించారు. మరణంలోనూ నీ వెంటే నేను అన్నట్లుగా వారం రోజుల వ్యవధిలో వృద్ధ దంపతులు కన్నుమూశారు. వారం రోజుల క్రితం భర్త మృతి చెందగా, భార్య శనివారం రాత్రి మృతి చెందింది. రక్త సంబంధీకులు ముఖం చాటేసిన వేళ.. సమాజ సేవకులు మానవత్వాన్ని చాటుకుని ఆమెకు అంత్యక్రియలు నిర్వహించారు. ఆళ్లగడ్డ పట్టణంలోని సద్ధాం కాలనీలో నివాసమున్న వడ్డె వెంకటమ్మ (88), ఆమె భర్త సుబ్బరాయుడు దంపతులకు ఇద్దరు కుమారులు ఉన్నారు. ఇద్దరు కొడుకులు మద్యం, మత్తు పదార్థాలకు బానిసలయ్యారు. కొంత కాలంగా దంపతులు ఇళ్లు కూడా లేక చెట్టుకింద పట్టలు కట్టుకుని అందులో ఓ మంచం వేసుకుని కడు దుర్భరమైన జీవితం గడిపారు. కన్న కొడుకులు, బంధువులు ఉన్నప్పటికీ వారిని ఆదరించే దిక్కులేక అత్యంత దయనీయ స్థితిలో జీవితాన్ని వెళ్లదీశారు. ఈ క్రమంలోనే సుబ్బరాయుడు వారం రోజుల కిత్రం మృతి చెందారు. భర్త మృతి చెందడంతో తీవ్ర ఆవేదనతో వెంకటమ్మ కూడా శనివారం రాత్రి మృతి చెందింది. అయితే మత్తుపదార్థాలకు బానిసలైన ఇద్దరు కొడుకులు ఉన్నప్పటికీ చేతిలో చిల్లిగవ్వ కూడా లేక పోవడంతో దహన సంస్కారాలు నిర్వహించేందుకు ఎవరూ ముందుకు రాలేదు. తామున్నామంటూ సమాజ సేవకుడు ఈపనగండ్ల శ్రీనివాసులు ముందుకు వచ్చి హిందూ సంప్రదాయ ప్రకారం దహన సంస్కారాలు నిర్వహించి మానవత్వాన్ని చాటుకున్నారు.

● ఎమ్మెల్సీ ఇసాక్‌బాషానంద్యాల(అర్బన్‌): జర్నలిస్టులు ఏ చిన్న వార్త రాయాలన్నా ఎవరు ఏ కేసు పెడతారో తెలియని పరిస్థితి ప్రస్తుతం నెలకొందని, వార్తలపై వివరణ ఇచ్చుకోకుండానే కూటమి నేతలు కేసులు పెట్టడం దారుణమని ఎమ్మెల్సీ ఇసాక్‌బాషా విమర్శించారు. చంద్రబాబు ప్రభుత్వం ఏర్పాటై రెండున్నరేళ్లు అవుతున్నా జర్నలిస్టుల రక్షణ చట్టాలపై మీన మేషాలు లెక్కిస్తోందన్నారు. స్థానిక వివేకానంద ఆడిటోరియంలో ఆదివారం ఏపీడబ్ల్యూజేఎఫ్‌ నంద్యాల జిల్లా ప్రథమ మహాసభ నిర్వహించారు. ఈ సందర్భంగా ఎమ్మెల్సీ ఇసాక్‌బాషా మాట్లాడుతూ.. రాష్ట్ర ప్రభుత్వం వెంటనే జర్నలిస్టులకు ఇంటి స్థలాలు మంజూరు చేసి ఇళ్లు నిర్మించాలన్నారు. ఏపీడబ్ల్యూజేఎఫ్‌ రాష్ట్ర ప్రధాన కార్యదర్శి ఆంజనేయులు మాట్లాడుతూ.. వార్తల సేకరణ, ప్రచురణల్లో జర్నలిస్టులకు పూర్తి స్వేచ్ఛ ఇవ్వాలన్నారు. జర్నలిస్టుకు ఏది జరిగినా అసోసియేషన్‌ ఎప్పుడు అండగా ఉంటుందన్నారు. రాయలసీమ జిల్లాల ఇన్‌చార్జ్‌ జయరాజు మాట్లాడుతూ జర్నలిస్టుల సమస్యల పరిష్కారంలో ప్రభుత్వం మొద్దు నిద్ర పోతుందన్నారు. అనంతరం జరిగిన కార్యక్రమంలో జిల్లా నూతన కమిటీని ఏకగ్రీవంగా ఎన్నుకున్నారు. అధ్యక్ష, ప్రధాన కార్యదర్శులుగా మద్దయ్య యాదవ్‌, గిరిబాబు సాగర్‌ ఎన్నికయ్యారు. జిల్లా గౌరవాధ్యక్షులుగా జగన్‌మోహన్‌, కోశాధికారిగా మస్తాన్‌, ఉపాధ్యక్షులుగా నిజాముద్దీన్‌, నరసింహారెడ్డి, సుబ్బరాయుడు, నాగన్న, సహాయ కార్యదర్శులుగా వేణుగోపాల్‌, రంగస్వామి, చంద్రబాబు, రామారావును ఏకగ్రీవంగా ఎన్నుకున్నారు. కార్యక్రమంలో ఎన్‌ఏజే నాయకులు అమరయ్య, రాష్ట్ర కార్యవర్గ సభ్యులు గోరంట్లప్ప, చిన్న పత్రికల సంఘం అధ్యక్షుడు ఉసేన్‌ఖాన్‌, సీపీఐ జిల్లా కార్యదర్శి రంగనాయుడు, రామకృష్ణారెడ్డి, మౌలాలి, శేఖర్‌, శ్రీనివాసులు, నాగరాజు, తదితరులు పాల్గొన్నారు.

రుద్రవరం: ఆర్‌.కొత్తూరు గ్రామానికి చెందిన బండారు దస్తగిరి కుమారుడు గౌతమ్‌(12) ఆదివారం విద్యుదాఘాతంతో మృతి చెందాడు. గ్రామస్తులు తెలిపిన వివరాల మేరకు.. ఆదివారం ఉదయం గ్రామంలో మోస్తరు వర్షం కురిసింది. వర్షానికి నేల కాస్త బురదగా మారింది. దస్తగిరి తన ఇంటి బయట ప్రాంగణం చుట్టూ ఇనుప తీగతో ఫెన్సింగ్‌లా ఏర్పాటు చేసుకున్నారు. విద్యుత్‌ సరఫరాకు సంబంధించిన ఓ తీగ ఫెన్సింగ్‌ తాకడంతో విద్యుత్‌ సరఫరా అయ్యింది. గౌతమ్‌ తీగను గమనించకుండా ఫెన్సింగ్‌ తీగను పట్టుకోవడంతో విద్యుదాఘాతానికి గురై మృతి చెందాడు. బాలుడి మృతితో కుటుంబీకులు కన్నీరుమున్నీరుగా విలపించారు. విషయం తెలుసుకున్న వైఎస్సార్‌సీపీ రాష్ట్ర సంయుక్త కార్యదర్శి గంధం వీర రాఘవరెడ్డి బాలుడి మృతదేహాన్ని సందర్శించి నివాళులర్పించి, కుటుంబీకులను పరామర్శించారు. పొలంలోనే కుప్పకూలిన రైతు కొలిమిగుండ్ల: పంట పొలంలోనే ఓ రైతు గుండె పోటుతో కుప్పకూలిపోయాడు. ఈవిషాదకర సంఘటన ఆదివారం బి.ఉప్పులూరు గ్రామంలో చోటు చేసుకుంది. గ్రామానికి చెందిన రైతు కుమ్మరి నాగన్న(68) నాలుగు ఎకరాల పొలంలో మిరప సాగు చేశాడు. తెల్లవారు జామున వర్షం కురవడంతో పంటలో నీళ్లు నిల్వ ఉన్నాయని వాటిని బయటకు పంపించేందుకు భార్య ఎల్లమ్మ, కోడలు భూలక్ష్మితో కలిసి వెళ్లాడు. పని చేస్తుండగానే ఒక్క సారిగా అస్వస్థతకు గురై గుండెపోటు రావడంతో అక్కడికక్కడే మృత్యువాత పడ్డాడు. కళ్ల ముందే భర్త మృతితో భార్య శోకసంద్రంలో మునిగిపోయింది. కరోనాలో కుమారుడు సుబ్రమణ్యం మృతి చెందగా ఇద్దరు మనవళ్లను వ్యవసాయం చేస్తూ చదివిస్తున్నాడు. ఇప్పుడు అతను కూడా మృతి చెందడంతో కుటుంబం విషాదంలో మునిగిపోయింది.

కర్నూలు: నగరంలో ఈ నెల 22వ తేదీ నిర్వహించే గణేష్‌ నిమజ్జన వేడుకలకు పోలీసు శాఖ భారీ బందోబస్తు ఏర్పాట్లు చేసింది. నిమజ్జన వేడుకలను ప్రశాంత వాతావరణంలో జరుపుకునేందుకు దాదా పు 2000 మంది పోలీసు సిబ్బందిని వినియోగిస్తోంది. నిమజ్జనం వేడుకల్లో డ్రోన్‌, సీసీ కెమెరాలు, వీడియో కెమెరాలతో పోలీసు అధికారులు పర్యవేక్షించనున్నారు. కర్నూలు నగరంలో సుమారు 1500లకు పైగా గణేష్‌ విగ్రహాలు ఏర్పాటు చేశారు. నిమజ్జనానికి కర్నూలు వినాయక ఘాట్‌తో పాటు నంద్యాల రహదారిలో టోల్‌ప్లాజా సమీపంలో హెచ్‌ఎన్‌ఎస్‌ఎస్‌, డోన్‌ రహదారిలో ఉల్లిందకొండ సమీపంలో హెచ్‌ఎన్‌ఎస్‌ఎస్‌ కాల్వ వద్ద అవసరమైన ఏర్పాట్లు చేశారు. అన్ని చోట్ల కూడా సాంకేతిక పరిజ్ఞానంతో కట్టుదిట్టమైన భద్రతా ఏర్పాట్లు చేశా రు. బందోబస్తు విధుల్లో ఇద్దరు అడిషినల్‌ ఎస్పీలు, 16 మంది డీఎస్పీలు, 85 మంది సీఐలు, ఆర్‌ఐలు, 150 మంది ఎస్‌ఐలు కలిపి మొత్తం 2000 మంది పోలీసులను మొహరించనున్నారు. ఎవ్వరికి అసౌకర్యం కలుగకుండా ట్రాఫిక్‌ సమస్యలు తలెత్తకుండా నిమజ్జన ప్రక్రియ సజావుగా సాగేందుకు విగ్రహానికి ఇద్దరు చొప్పున పోలీసు సిబ్బందిని నియమించారు. నగరంలో ట్రాఫిక్‌ మళ్లింపు ● గణేష్‌ నిమజ్జనం సందర్భంగా ఈ నెల 22వ తేదీ ఉదయం 10 గంటల నుంచి వేడుకలు పూర్తయ్యే వరకు నగరంలో ట్రాఫిక్‌ మళ్లించనున్నారు. ● అత్యవసర వాహనాలు 108, ఫైర్‌, అంబులెన్స్‌లు, పోలీసు వాహనాలు, సేవల కోసం పోలీసులతో అనుమతి పొందిన వాహనాలను మాత్రమే నిమజ్జన మార్గంలో అనుమతిస్తారు. ● అర్టీసీ బస్టాండు నుంచి రాజ్‌విహార్‌ సెంటర్‌, ప్రభుత్వ ఆసుపత్రి, వినాయక ఘాట్‌, గాయత్రీ ఎస్టేటు వరకు ఎలాంటి వాహనాలకు అనుమతి ఉండదు. ● కొత్త బస్టాండు నుంచి ఆర్‌టీసీ బస్సులు, ఇతర వాహనాలు బళ్లారి చౌరస్తా మీదుగా చెన్నమ్మ సర్కిల్‌ గుత్తి పెట్రోల్‌ బంక్‌, బిర్లా జంక్షన్‌, మద్దూరు నగర్‌, సీ.క్యాంపు సెంటరు, నంద్యాల చెక్‌పోస్టు మీదుగా వాహనాల రాకపోకలు ఉంటాయి. ● ఆత్మకూరు, నంద్యాల, నందికొట్కూరు వైపు నుంచి నగరంలోకి వచ్చే వాహనాలు సీ.క్యాంపు, బిర్లాగేట్‌, గుత్తి పెట్రోలు బంకు, బళ్లారి చౌరస్తా మీదుగా బస్టాండుకు చేరుకోవాల్సి ఉంటుంది. ● వినాయక ఘాట్‌ దగ్గర నిమజ్జనం పూర్తయిన తర్వాత వాహనాలు దేవనగర్‌, కృష్ణానగర్‌, కల్లూరు బ్రిడ్జి మీదుగా తిరిగివెళ్లాలి. అక్కడి వరకే డీజేలకు అనుమతిరాజ్‌విహార్‌వైపు నుంచే డీజే వాహనాలను కలెక్టరేట్‌ వరకు, నంద్యాల చెక్‌పోస్టు నుంచి వచ్చే వాటిని మద్దూరు నగర్‌ మసీదు వరకు, చెన్నమ్మసర్కిల్‌, శరీన్‌నగర్‌, గుత్తి పెట్రోల్‌ బంక్‌ వైపు నుంచి వచ్చే డీజే వాహనాలను బిర్లా గేట్‌ వరకు మాత్రమే అనుమతి ఇస్తారు. నిమజ్జనం రూట్లలో అధిక సంఖ్య ఆసుపత్రులు ఉన్నందున రోగులు, ప్రజల భద్రతలను దృష్టిలో ఉంచుకొని డీజే వాహనాల నియంత్రణ, మళ్లింపు ఉంటుందని, దీనిని గణేష్‌ ఉత్సవ నిర్వాహకులు దృష్టిలో ఉంచుకొని పోలీసు శాఖకు సహకరించాలని ఎస్పీ విక్రాంత్‌ పాటిల్‌ విజ్ఞప్తి చేశారు. అలాగే మతపెద్దలు, రాజకీయ పార్టీలు, యువకులు, నగర ప్రతినిధులు, మీడి యా ప్రతినిధులు, గణేష్‌ ఉత్సవ కమిటీ సభ్యు లు కార్యక్రమం ప్రశాంతంగా జరిగేందుకు పోలీసు శాఖ తీసుకునే చర్యలకు సహాయ సహకారాలు అందించాలని ఎస్పీ కోరారు. విగ్రహాల నిమజ్జనానికి మూడు చోట్ల ఏర్పాట్లు డ్రోన్‌, సీసీ కెమెరాలు, వీడియో కెమెరాలతో చిత్రీకరణ నిమజ్జనం పూర్తయ్యే వరకు నగరంలో ట్రాఫిక్‌ మళ్లింపు

ఉపాధి పనులు చేస్తున్న కూలీలు (ఫైల్‌)కర్నూలు(అగ్రికల్చర్‌): మహాత్మాగాంధీ జాతీయ గ్రామీణ ఉపాధి హామీ పథకం స్థానంలో వచ్చిన వీబీ జీ రామ్‌జీ కింద చేపట్టే ఉపాధి పనుల్లో అక్రమాలు ఉండవనే అభిప్రాయం మొదట్లో ఉండింది. అయితే అందరి అంచనాలను తలకిందులు చేస్తూ ఎన్‌ఆర్‌ఈజీఎస్‌తో పోలిస్తే వీబీ జీ రామ్‌జీలో అక్రమాలు వెల్లువెత్తుతున్నాయి. బెంగళూరు, హైదరాబాద్‌, ముంబై నగరాల్లో సాఫ్ట్‌వేర్‌ ఇంజినీర్లుగా, ఇతర ప్రయివేటు ఉద్యోగాలు చేస్తున్న అనేక మంది నిత్యం సొంత గ్రామాల్లో ఉపాధి పనులకు హాజరవుతున్నట్లు మస్టర్‌లు వేస్తున్నారు. ఏనాడు ఉపాధి పనుల వైపు కన్నెత్తి చూడని చిన్నారులు సైతం నిత్యం ఉపాధి పనులకు వస్తున్నట్లు మస్టర్లు వేస్తున్నారు. ముఖ గుర్తింపునకు ఫొటోలు అప్‌లోడ్‌ చేస్తున్నారు. ఇలాంటి అక్రమాలు ఒక్క మండలమో.. రెండు మండలాల్లో కాదు.. ఉమ్మడి కర్నూలు జిల్లా వ్యాప్తంగా ఇలాంటి బాగోతాలే. అక్రమాల్లో టీడీపీ నేతలతో పాటు ఫీల్డ్‌ అసిస్టెంట్లు, టీఏలు, ఈసీలు, ఏపీవో, ఏపీడీల వరకు వాటాలు ఉంటున్నాయనే చర్చ జరుగుతోంది. ఉపాధిలో జరిగే అక్రమాలపై తుగ్గలికి చెందిన ఓ యువకుడు ఆధారాలతో సహా ముఖ్యమంత్రి కార్యాలయానికి ఫిర్యాదు చేశాడు. దీంతో అతనిపై దాడి చేయడంతో పాటు ఎస్సీ, ఎస్టీ కేసు బనాయించడానికి అక్రమార్కులు రంగం సిద్ధం చేసినట్లు తెలుస్తోంది. దీంతో బాధిత యువకుడు తనకు ప్రాణహాని ఉందని, తగిన రక్షణ కల్పించాలని జిల్లా ఎస్పీని సైతం కోరటం గమనార్హం. విద్యార్థులు సైతం ఉపాధి కూలీలే.. పాఠశాల్లో చదివే విద్యార్థులు, వివిధ నగరాల్లో పనులు చేసుకుంటున్న వారు సైతం ఉపాధి పనులకు వస్తున్నట్లు మస్టరు వేస్తున్నారు. ముందే మేట్లు, ఫీల్డ్‌ అసిస్టెంట్లు తమ మొబైల్‌ ఫోన్లలో పెట్టుకున్న వందలాది వీడియోల నుంచి ఫొటోలు తీసి ఎన్‌ఎంఎంఎస్‌ యాప్‌లో అప్‌లోడ్‌ చేస్తున్నారు. పది మంది ఉపాధి పనులకు వస్తే 50 మందికి మస్టర్లు వేస్తుండటం ఉమ్మడి జిల్లాలోని అన్ని మండలాల్లో జరుగుతోంది. పశువుల షెడ్లు మంజూరుకు, బిల్లులు చేయడానికి ముడుపులే... వీబీజీ రామ్‌ జీ నిధులతో పశువుల షెడ్లు నిర్మిస్తున్నారు. 2026–27లో కర్నూలు జిల్లాలో 1,078, నంద్యాల జిల్లాలో 1,094 పశువుల షెడ్లు మంజూరయ్యాయి. టీడీపీ నేతల నుంచి వచ్చిన సిఫార్సులకు ఉపాధి సిబ్బంది ఎస్టిమేట్‌ జనరేట్‌ చేసి జిల్లా డ్వామా కార్యాలయానికి పంపుతారు. ఎస్టిమేట్‌లు వేయడానికే ఉపాధి సిబ్బంది రూ.10 వేల నుంచి రూ.15 వేల వరకు ముడుపులు వసూలు చేస్తుండటం గమనార్హం. 2025–26లో మంజూరైన పశువుల షెడ్లకు బిల్లులు అప్‌లోడ్‌ చేయడానికి ఉపాధి సిబ్బంది రూ.25 వేల వరకు డిమాండ్‌ చేస్తుండటం పట్ల సర్వత్రా ఆందోళన వ్యక్తమవుతోంది. ఇక తమకేమి మిగులుతుందని రైతులు గగ్గోలు పెడుతున్నారు. ఈసీ, ఏపీఓ ఒక్కరే.. మంత్రాలయం నియోజకవర్గంలోని ఓ మండలంలో ఈసీ, ఏపీవో ఒక్కరే. ఈసీనే ఏపీవోగా ఇన్‌చార్జ్‌ బాధ్యతలు నిర్వహిస్తున్నారు. ఆయన ఎక్కడ పనిచేసినా రెండు పోస్టుల్లో కొనసాగుతుండటం ఆశ్చర్యం కలిగిస్తోంది. వాస్తవానికి ఈయన ఈసీ. అయితే తెలుగుదేశం పార్టీలో తనకున్న పలుకుబడిని ఉపయోగించుకొని ఏపీవోగా ఎవ్వరూ రాకుండా చేసుకొని రెండు పోస్టుల్లోనూ కొనసాగుతున్నారు. ఈయన అవినీతి, అక్రమాల బాగోతం జిల్లా నీటియాజమాన్య సంస్థలో చర్చనీయాంశమవుతోంది. విద్యార్థులు, ఉద్యోగులకు సొంత గ్రామాల్లో మస్టర్లు 60 శాతం పంచాయతీల్లో ఊసేలేని ఉపాధి పనులు తుగ్గలిలో విద్యార్థులకు సైతం బోగస్‌ మస్టర్లు ప్రతీ వారం ముడుపులిస్తేనే పనులు టీడీపీ నేతల అండతో ఉపాధి సిబ్బంది దందాతుగ్గలి గ్రామానికి చెందిన పఠాన్‌ హర్షద్‌ ఖాన్‌ బెంగళూరులో ప్రయివేటు ఉద్యోగం చేస్తున్నాడు. మహబూబ్‌ సుభాన్‌ అనే వ్యక్తి బెంగళూరులోనే సాఫ్ట్‌వేర్‌ ఇంజినీర్‌. వీరిద్దరూ అక్కడే ఉంటున్నారు. అయితే వీరిద్దరూ ఆగస్టు 8 నుంచి ఈ నెల 13వ తేదీ వరకు ఉపాధి పనులకు హాజరైనట్లు లెక్కలు చూపడం ఆశ్చర్యకరం. ఆ సమయంలో వీరు స్థానికంగా లేకపోవడం గమనార్హం.తుగ్గలి గ్రామానికి చెందిన ఈడిగ పుష్పశ్రీ 7వ తరగతి, ఈ బాలిక అక్క 10వ తరగతి పత్తికొండలోని సెయింట్‌ జోసఫ్‌ స్కూల్‌లో చదువుతున్నారు. అయితే పుష్పశ్రీకి 21 ఏళ్లు, జయశ్రీకి 22 ఏళ్ల వయస్సుతో 2025 సెప్టెంబర్‌ 30న జాబ్‌ కార్డులో పేర్లు రిజిస్టర్‌ చేశారు. వీరిద్దరూ గత నెల 3 నుంచి 9వ తేదీ వరకు, 20 నుంచి 26వ తేదీ వరకు, 31 నుంచి ఈ నెల 6వ తేదీ వరకు 21 రోజులు పాధి పనులకు హాజరైనట్లు మస్టర్‌ వేశారు. ఇంటి దగ్గర ఈ బాలికల వీడియోలు తీసుకొని ఫొటో తీసి ఎన్‌ఎంఎంఎస్‌ యాప్‌లో అప్‌లోడ్‌ చేస్తున్నారు. ఈ పని దినాలకు వచ్చిన డబ్బును ఉపాధి సిబ్బంది సొమ్ము చేసుకుంటున్నారు. టీడీపీ నేతలకు భాగం ఉండటంతో ఈ బాగోతం సాగిపోతోంది. గత జూన్‌ 15 నుంచి వర్షాలే లేవు. ఇటు కర్నూలు, అటు నంద్యాల జిల్లాల్లో వర్షాధారం కింద సాగు చేసిన పంటలన్నీ పూర్తిగా ఎండిపోయాయి. వ్యవసాయ పనులు జీరో కావడంతో ఉపాధి కోసం వ్యవసాయ కూలీలు, సన్న, చిన్న, మధ్య కారు రైతులు దిక్కులు చూస్తున్నారు. ఈ సమయంలో ఉపాధి పనులు అత్యవసరం. అయితే ఈ పరిస్థితిని టీడీపీ నేతలు, ఉపాధి అధికారులు సొమ్ము చేసుకుంటున్నారనే విమర్శలు వెల్లువెత్తుతున్నాయి. వారానికి ఇంత చొప్పున డబ్బులు ఇస్తేనే ఉపాధి పనులు పెట్టుకో, లేదంటే మేం సహకరించేది లేదని తెల్చి చెబుతున్నారు. మేట్‌, సీనియర్‌ మేట్‌ ప్రతి లాగిన్‌కు ముడుపులు ఇచ్చుకోవాల్సిందే. ఫలితంగా మేట్‌లు, ఫీల్డ్‌ అసిస్టెంట్లు అడ్డగోలుగా బోగస్‌ మస్టర్లు వేసేందుకు తెగబడుతున్నట్లు తెలుస్తోంది. కర్నూలు జిల్లాలో 26,965, నంద్యాల జిల్లాలో 23,455 మంది ఊపాధి పనులకు హాజరైనట్లు తెలుస్తోంది. అయితే 75 శాతం పంచాయతీల్లో పనుల ఊసే లేదు. కౌతాళం మండలంలోని ఒక్క పంచాయతీలో కూడా పనులు లేకపోవడం ఆందోళన కలిగించే విషయం. ఈ కారణంగా పశ్చిమప్రాంతం నుంచి వలసలు ఊపందుకున్నాయి. నంద్యాల జిల్లా డోన్‌ నియోజకవర్గం నుంచి కూడా వలసలు పెద్ద ఎత్తున ఉండటం ఆందోళన కలిగిస్తోంది.

బేతంచెర్ల: త్వరలో జరిగే స్థానిక ఎన్నికల్లో వైఎస్సార్‌సీపీ సత్తా చాటుదామని పార్టీ నాయకులు, కార్యకర్తలకు మాజీ మంత్రి బుగ్గన రాజేంద్రనాథ్‌రెడ్డి పిలుపునిచ్చారు. ఆదివారం పట్టణంలోని చౌడేశ్వరి దేవి కల్యాణ మండపంలో వైఎస్సార్‌సీపీ విస్తృత స్థాయి సమావేశాన్ని నిర్వహించారు. ఈ సందర్భంగా బుగ్గన మాట్లాడుతూ.. స్థానిక సంస్థల ఎన్నికల్లో వైఎస్సార్‌సీపీ అభ్యర్థుల గెలుపే లక్ష్యంగా అందరూ ఇప్పటి నుంచే కృషి చేయాలన్నారు. గత ఐదేళ్ల వైఎస్సార్‌సీపీ ప్రభుత్వంలో జరిగిన అభివృద్ధి, ప్రస్తుత టీడీపీ ప్రభుత్వంలో హామీల అమలులో తేడాలను ప్రజలకు వివరించాలన్నారు. చంద్రబాబు నాయుడు ఇప్పటి వరకు నాలుగు సార్లు సీఎం అయ్యారని, ప్రతి సారి హామీలను అమలు చేయకుండా ప్రజలకు వెన్నుపోటు పొడిచారని గుర్తు చేశారు. బాబు అధికారంలో ఉంటే కరువు కాటకాలు వస్తాయనేది మరోసారి రుజువైందన్నారు. సూపర్‌ సిక్స్‌ హామీలో పెన్షన్లు మినహా మిగతా హామీల అమలు ఎక్కడుందని బుగ్గన ప్రశ్నించారు. మహిళలకు ఆడబిడ్డ నిధి కింద నెలకు రూ. 1500, నిరుద్యోగ భృతి, బీసీలకు 50 ఏళ్లకు పింఛన్‌, రైతు భరోసా వంటి హామీల పరిస్థితి ఏమిటని నిలదీశారు. కరువు పరిస్థితుల్లో రైతులకు ఎలాంటి సహా యక చర్యలు చేపట్టలేదని, కూటమి నాయకులకు రైతు సంక్షేమంపై ఎంత చిత్తశుద్ధి ఉందో అర్థం అవుతుందన్నారు. సమావేశంలో ఎంపీపీ బుగ్గన నాగభూషణం రెడ్డి, నగర పంచాయతీ చైర్మన్‌ చలం రెడ్డి, జెడ్పీటీసీ శివ లక్ష్మి, వైస్‌ ఎంపీపీ రంగస్వామి, వివిధ కార్పొరేషన్ల మాజీ డైరెక్టర్లు బాబు రెడ్డి, మూర్తుజావలి, ఖాజా హుసేన్‌, వైఎస్సార్‌సీపీ జిల్లా ప్రధాన కార్యదర్శి రామచంద్రుడు, జిల్లా అధికార ప్రతినిధి మురళీకృష్ణ,నాయకులు బుగ్గన చంద్రారెడ్డి, లక్ష్మిరెడ్డి, నాగేశ్వర్‌ రెడ్డి, శ్రీనాథ్‌ రెడ్డి,యాకోబ్‌, తిరుమలేశ్వర్‌ రెడ్డి, పిట్టల జాకీర్‌, దస్తగిరి, రుద్రవరం నారాయణ, మాజీ సర్పంచ్‌లు వేణుగోపాల్‌ రెడ్డి, వెంకటేశ్వర్లు, యుగంధర్‌ రెడ్డి, తిమ్మయ్య ,యాదగిరి వెంకటేశ్వర్లు అధిక సంఖ్య లో నాయకులు, కార్యకర్తలు పాల్గొన్నారు. నియోజకవర్గానికి ఎమ్మెల్యే ఏమి చేశారు? ఎమ్మెల్యే కోట్ల జయ సూర్య ప్రకాష్‌ రెడ్డి డోన్‌ నియో జకవర్గానికి చేసిన అభివృద్ధి ఏమిటో ప్రజలకు వివరించాలన్నారు. గత వైఎస్సార్‌సీపీ ప్రభుత్వంలో గోరుకల్లు రిజర్వాయర్‌ నుంచి రూ. 351 కోట్లతో చేపట్టిన వాటర్‌ గ్రిడ్‌ పథకం ద్వారా 2025 మార్చి నాటికి ఇంటింటికి నీరు అందించాల్సి ఉండగా పర్సెంటేజీల కోసం ఏడాది పాటు పనులు నిలిపివేశారన్నారు. బేతంచెర్ల మండలంలోని గ్రామ గ్రామానికి రోడ్డు సౌక ర్యంతో, జాతీయ రహదారులను నిర్మించామన్నారు. ఎన్నికలు రావడంతో ఎంబాయి, కనుమ కింది కొట్టాల గ్రామ రహదారుల పనులు నిలిచిపోయాయని, కూటమి ప్రభుత్వం వచ్చి రెండున్నరేళ్లు గడిచినా ఎందుకు పూర్తి చేయలేదన్నారు. మద్దిలేటి నరసింహస్వామి ఆలయ అభివృద్ధి పనులు సుమారు రూ. 55 కోట్లతో చేపట్టినా నత్తనడకన కొనసాగుతున్నాయ ని, ఆలయ ముఖ ద్వారం పనులను ఎందుకు ప్రారంభించ లేదని ప్రశ్నించారు. బేతంచెర్ల మండలంలో ఐటీఐ, ఎంఎస్‌ఎంఈ భవనాలు పూర్తయినా ఎందుకు ప్రారంభించలేదన్నారు. పాలిటెక్నిక్‌ కళాశాల నిర్మాణాన్ని రద్దు చేశారని, మూత బడిన పాణ్యం సిమెంట్‌ ఫ్యాక్టరీని గత వైఎస్సార్‌సీపీ ప్రభుత్వంలో పునరుద్ధరణకు కృషి చేస్తే ప్రస్తుతం ఎందుకు ఉత్పత్తి నిలిచిపోయిందన్నారు. రెండేళ్లలో కూటమి ప్రభుత్వం చేసిన అభివృద్ధిపై ఎమ్మెల్యే కోట్ల సూర్యప్రకాష్‌రెడ్డి.. మద్దిలేటి స్వామి ఆలయానికి వచ్చి ప్రమాణం చేయాలని, తాము ఐదేళ్లలో చేసిన అభివృద్ధిని ప్రజలకు వివరించేందుకు సిద్ధంగా ఉన్నామని సవాల్‌ విసిరారు. మోసం చేయడం సీఎం చంద్రబాబు నైజం పర్సంటేజీల కోసం అభివృద్ధి పనులు అడ్డుకుంటారా? మాజీ మంత్రి బుగ్గన రాజేంద్రనాథ్‌రెడ్డి

శ్రీశైలంటెంపుల్‌: ఆధ్యాత్మికతకు నిలయమైన దివ్య క్షేత్రం.. నిత్యం ఈశ్వరుని సేవలో తరించే భాగ్యం.. అధికారిగా పార్వతీ పరమేశ్వరులకు సేవ చేసే అవకాశం. మరోవైపు ఉన్నతాధికారి హోదా, మంత్రులు, ఎమ్మెల్యేలు, ప్రజాప్రతినిధులు, ఉన్నతాధికారులు సైతం సంప్రదించే సీటు.. తనకు సేవ చేసేందుకు సిద్ధంగా కావాల్సినంత మంది ఉద్యోగులు.. ఉచితంగా ఇంద్రభవనం లాంటి గృహం.. ఇలా ఎన్నో రకాల సౌకర్యాలు దొరుకుతుంటే ఎవరైనా ఆ కుర్చీని వదులుకుంటారా?.. ఆ పదవిలో మరో రెండేళ్లు కొనసాగేందుకు ఓ ఉన్నతాధికారి పైరవీలకు తెరతీశారు. దేవదాయశాఖలో అధికారుల కొరత కారణంగా రాష్ట్రంలోని 6ఏ దేవస్థానాలకు రెవెన్యూ శాఖ నుంచి స్పెషల్‌గ్రేడ్‌ డిప్యూటీ కలెక్టర్‌ స్థాయి అధికారిని ఆలయ ఉన్నతాధికారిగా ప్రభుత్వం నియమిస్తోంది. రాష్ట్రంలో అతిపెద్ద దేవస్థానాల్లో తిరుమల తరువాత రెండవది శ్రీశైల దేవస్థానం. జ్యోతిర్లింగం, శక్తిపీఠం కలగలసిన మహాపుణ్య క్షేత్రం కావడంతో అనునిత్యం వేలాది మంది భక్తులతో శ్రీశైల దేవస్థానం నిత్యకల్యాణం పచ్చతోరణంలా కళకళలాడుతుంటుంది. అంతటి ప్రాధాన్య త ఉన్న దేవస్థానానికి ఉన్నతాధికారిగా రావాలంటే ఎవరైనా ఆసక్తి చూపుతారు. ఈ క్రమంలోనే శ్రీశైల దేవస్థానానికి కూడా రెవెన్యూ శాఖ నుంచి అధికారులను ఉన్నతాధికారిగా ప్రభుత్వం నియమిస్తుంది. రెవెన్యూ విభాగం నుంచి డిప్యూటేషన్‌పై దేవదాయశాఖకు బదిలీ చేస్తూ రాష్ట్రంలోని ప్రముఖ దేవాలయాలకు ఒక సంవత్సరం కాల పరిమితితో ఈఓలుగా నియమిస్తుంది. ఆ తరువాత మరో ఏడాది కాలపరిమితిని పొడిగిస్తుంది. కుర్చీపై మమకారంతో పైరవీలు శ్రీశైల దేవస్థానంలో ఉన్నతాధికారిగా విధులు నిర్వహిస్తున్న ఓ అధికారి రెండేళ్ల కాలపరిమితి డిసెంబరు 5వ తేదీతో ముగియనున్నట్లు తెలుస్తుంది. దీంతో మరో రెండేళ్ల పాటు తానే ఉన్నతాధికారిగా కొనసాగేందుకు ముమ్మర ప్రయత్నాలు ప్రారంభించినట్లు సమాచారం. దేవస్థాన ఉన్నతాధికారి కుర్చీపై ఉన్న మమకారంతో ఆ కుర్చీ కావాలని పట్టుబడుతున్నట్లు తెలుస్తోంది. క్యాంపుల పేరుతో రాజధాని ప్రాంతానికి వెళ్లి తనకు పరిచయం ఉన్న రాజకీయ నాయకులతో అదే స్థానంలో కొనసాగేందుకు పైరవీలు సాగిస్తున్నట్లు విశ్వసనీయ సమాచారం. కుర్చీ వదలకుండా అదే స్థానంలో కొనసాగేందుకు పెద్ద ఎత్తున ఫైరవీలు సాగిస్తున్నట్లు తెలుస్తుంది.విద్యాసంస్థల అధినేతతో సిఫారసుశ్రీశైల దేవస్థాన ఉన్నతాధికారిగా రెండేళ్ల పాటు విధులు నిర్వహించినప్పటికీ సంతృప్తి చెందని ఆ అధికారి మరో రెండేళ్లు అదే స్థానంలో కొనసాగేందుకు రాజధానికి చెందిన ప్రముఖ విద్యా సంస్థల అధినేతతో ప్రభుత్వానికి సిఫారసు చేయించుకుంటున్నట్లు విశ్వసనీయ సమాచారం. అంతేకాకుండా గతంలో ప్రస్తుత రాజధాని ప్రాంతానికి సమీపంలో ఉన్నతాధికారి విధులు నిర్వహించినప్పుడు ఆ విద్యా సంస్థల అధినేతకు స్వామిభక్తి ప్రదర్శించి వారికి అనుకూలంగా పని చేసినట్లు సమాచారం. అ కృతజ్ఞతగా తనకు ఇప్పుడు అదే స్థానంలో కొనసాగింపునకు సిఫారసు చేయాలని వేడుకున్నట్లు తెలుస్తోంది. శ్రీశైల దేవస్థానంలో ఓ ఉన్నతాధికారి పైరవీలు రెండు నెలల్లో ముగియనున్న కాలపరిమితి మరో రెండేళ్లు కొనసాగేందుకు ముమ్మర ప్రయత్నాలు

టీవీ, మొబైల్‌, కంప్యూటర్‌ చూడటం వంటి స్క్రీనింగ్‌ సమయాన్ని తగ్గించుకుని, మెదడుకు నిరంతరం మేత వేసే ఫజిల్స్‌, పుస్తక పఠనం, కొత్త నైపుణ్యాలు నేర్చుకోవడం ద్వారా యువత భవిష్యత్‌లో ఈ ముప్పు బారిన పడకుండా జాగ్రత్త పడవచ్చు. చికిత్స కంటే నివారణే ఎల్లప్పుడూ ఉత్తమం. మతిమరుపు సంకేతాలు కనిపించిన వెంటనే వైద్యులను సంప్రదించాలి. – ఎం.యతిరాజు, అసిస్టెంట్‌ ప్రొఫెసర్‌, మానసిక వ్యాధుల విభాగం, జీజీహెచ్‌, కర్నూలు మతిమరుపు పెరుగుతున్నప్పుడు సాధారణమైన విషయంగా భావించి ఆలస్యం చేయకుండా నిపుణుల సలహా తీసుకోవాలి. రోగి అర్థం చేసుకునే విధంగా కుటుంబసభ్యులు సహకరించడం, ఓర్పుతో వ్యవహరించడం, వైద్యుల సూచనలను పాటించడం చాలా ముఖ్యం. జ్ఞాపకశక్తి మార్పులతో పాటు ఆలోచనా విధానం, ప్రవర్తన, రోజువారీ కార్యకలాపాల్లో మార్పులు కనిపిస్తే వెంటనే వైద్యులను సంప్రదించి చికిత్స చేయించుకోవాలి. –డాక్టర్‌ ఎం.నాగసురేష్‌, న్యూరోఫిజిషియన్‌, కర్నూలుఅల్జీమర్స్‌ వ్యాధిని ప్రారంభదశలోనే గుర్తించడం వల్ల రోగికి అవసరమైన చికిత్స, భవిష్యత్‌ సంరక్షణను ముందుగానే ప్రణాళిక చేసుకునే అవకాశం ఉంటుంది. ఇటీవల కాలంలో ఎంపిక చేసిన ప్రారంభ దశ అల్జీమర్స్‌ రోగుల్లో అమీలాయిడ్‌ను లక్ష్యంగా చేసుకునే చికిత్సలు కూడా అందుబాటులోకి వచ్చాయి. – డాక్టర్‌ చల్లేపల్లి బాబూరావు, న్యూరాలజిస్టు, కర్నూలు

కర్నూలు(హాస్పిటల్‌): అల్జీమర్స్‌ సాధారణంగా 65 సంవత్సరాలు పైబడిన వారిలో ఎక్కువగా కనిపిస్తుంది. అయితే ఇటీవల 65 ఏళ్లలోపు వారు కూడా ఈ వ్యాధి బారిన పడుతున్నారు. ఇది మనిషి ఆలోచనా విధానం, ప్రవర్తనపై ప్రభావం చూపుతుంది. ఈ వ్యాధితో బాధపడే వారిలో మొదట చైనా, తర్వాత అమెరికా, మూడవ స్థానంలో మన దేశం ఉంది. పురుషుల్లో కంటే సీ్త్రలలోనే ఎక్కువగా ఇది కనిపిస్తుంది. కర్నూలు ప్రభుత్వ సర్వజన వైద్యశాలలోని మానసిక విభాగంతో పాటు ప్రైవేటు వైద్యుల వద్దకు మానసిక వ్యాధులతో చికిత్సకు వచ్చే వారిలో 10 శాతానికి పైగా అల్జీమర్స్‌తో బాధపడే వారు ఉంటున్నట్లు వైద్యులు చెబుతున్నా రు. సాధారణంగా ఈ వ్యాధితో బాధపడే వారు ఆసుపత్రిలో చేరాల్సిన అవసరం ఉండదు. ఓపీలో మందులు ఇచ్చి, అవసరమైన కౌన్సిలింగ్‌ ఇచ్చి పంపిస్తారు. చాలా కొద్దిమందికి మాత్ర మే అడ్మిషన్‌ అవసరమవుతుంది. అల్జీమర్స్‌కు కారణాలు మెదడులోని నాడీ కణాలలో అమిలాయిడ్‌ బీటా పైప్టెడ్స్‌ పేరుకుపోవడం, ఇతర నాడీ సంబంధి త మార్పుల వల్ల క్రమంగా నాడీ కణాల పని తీరు దెబ్బతిని వ్యాధి లక్షణాలు ప్రారంభమవుతాయి. అధిక రక్తపోటు, డయాబెటీస్‌, అధిక కొలెస్ట్రాల్‌, పొగాకు అలవాటు, ఊబకాయం, గుండె సంబంధిత సమస్యలు, బ్రెయిన్‌ స్ట్రోక్‌ వంటి అంశాలు డిమెన్షియా ప్రమాదాన్ని పెంచే అంశాలుగా ఉండవచ్చు. జన్యుపర కారణాలు కూడా కొందరిలో పాత్ర పోషిస్తాయి. కొన్ని రకాల మందులు, నిద్రమాత్రలు, యాంటి కోలినర్జిక్‌ ప్రభావం ఉన్న కొన్ని మందులు, జ్ఞాపకశక్తిపై ప్రభావం చూపుతాయి. వైద్యుల సలహా లేకుండా దీర్ఘకాలం మందులు వాడకూడదు. వ్యాధి లక్షణాలు వ్యాధి ప్రారంభ దశలో బాగా తెలిసిన ప్రాంతాలు లేదా తెలిసిన పదాలను మరిచిపోవడం, వస్తువులను పోగొట్టుకోవడం లేదా తప్పుగా పెట్టడం, ఇటీవల కలుసుకున్న వారిని కూడా మరిచిపోవడం వంటి లక్షణాలు కనిపిస్తాయి. జబ్బు తీవ్రత పెరిగే కొద్దీ అప్పుడే జరిగిన సంఘటనలు లేదా వ్యక్తిగత వివరాలు మరిచిపోవడం, గందరగోళానికి గురికావడం, కుటుంబసభ్యులు, బంధువుల ముఖాలను గుర్తించడంలో ఇబ్బంది కలగవచ్చు. మరింత తీవ్రమైన దశలో మూత్ర నియంత్రణ కోల్పోవడం, సాధారణ సంభాషణలకు ప్రతి స్పందించడం తగ్గిపోవడం, రోజువారీ జీవితం కోసం ఇతరులపై పూర్తిగా ఆధారపడాల్సిన పరిస్థితి వస్తుంది. డిజిటల్‌ పరికరాలతో మెదడుకు చేటు ఆధునిక జీవనశైలిలో సాంకేతికతపై మితిమీరి ఆధారపడటం మెదడు సహజ పనితీరును మందగింజేస్తోంది. చిన్న లెక్కలకూ కాలిక్యులేటర్లు, గుర్తుంచుకోవాల్సిన విషయాలకు డిజిటల్‌ రిమైండర్లు వాడటం వల్ల నాడీ వ్యవస్థకు సరైన వ్యాయామం అందడం లేదు. ఫలితంగా జ్ఞాపకశక్తి, ఆలోచనా సామర్థ్యం క్రమంగా క్షీణించిపోతుంది. ఒకప్పుడు వృద్ధాప్యంలో మాత్రమే కనిపించే డిమెన్షియా(మతిమరుపు) నేడు మధ్యవయస్సు వారిలోనూ వేగంగా విస్తరిస్తోంది. కచ్చితంగా మెదడును వాడకపోవడమే గాకుండా డిమెన్షియా, జ్ఞాపకశక్తి క్షీణతకు వయస్సు, జన్యుపరమైన, శారీరక, జీవనశైలి కారకాలు కూడా ప్రధాన కారణాలుగా ఉంటున్నాయి. అల్జీమర్స్‌ ఒక ముఖ్యమైన మతిమరుపు వ్యాధి. అయితే చాలా మంది ఇది సహజమేనని నిర్లక్ష్యం చేస్తుంటారు. అయితే ఇది రోజువారీ జీవితాన్ని ప్రభావితం చేస్తుంది. ఇంట్లో ఈ వ్యాధితో బాధపడే వారు ఒకరుంటే చాలు ఆ కుటుంబం మొత్తం పడే ఇబ్బందులు అన్నీ ఇన్నీ కావు. ఒంట్లో సత్తువ క్షీణించి, జ్ఞాపకశక్తి నశించిన ఇలాంటి వారిని అనుక్షణం కంటికి రెప్పలా కాపాడుకోవాల్సి ఉంటుంది. ఈ నెల 21వ తేదీన ప్రపంచ అల్జీమర్స్‌ డే సందర్భంగా ప్రత్యేక కథనం. పెరుగుతున్న అల్జీమర్స్‌ బాధితుల సంఖ్య వయసు పెరిగే కొద్దీ బాధితుల సంఖ్య రెట్టింపు జిల్లాలో ఐదు నుంచి 15 శాతం మంది వృద్ధుల్లో సమస్య మందులకు లొంగని మహమ్మారి నేడు ప్రపంచ అల్జీమర్స్‌ దినోత్సవం