Peddapalli District News

రామగుండం: దక్షిణ మధ్య రైల్వే సికింద్రాబాద్‌ డివిజనల్‌ మేనేజర్‌గోపాల కృష్ణన్‌ గురువారం పెద్దంపేట, రామగుండం రైల్వేస్టేషన్లలో పర్యటించారు. పె ద్దంపేటలో రెస్ట్‌రూం ప్రారంభించారు. ప్యాసింజర్‌ రైళ్ల హాల్టింగ్‌ను పునరుద్ధరించాలని సర్పంచ్‌ ఆము ల శ్రీనివాస్‌ విన్నవించారు. అమృత్‌ భారత్‌ నిధుల తో ఆధునికీకరిస్తున్న రామగుండం రైల్వేస్టేషన్‌ను సందర్శించారు. ద.మ.రైల్వే మజ్దూర్‌ యూనియన్‌ ప్రతినిధులు సమస్యలపై వినతిపత్రం అందజేశా రు. డీఆర్‌యూసీసీ మాజీ ప్రతినిధి శ్రీనివాస్‌, యూ నియన్‌ ప్రతినిధులు రామారావు పాల్గొన్నారు.

పెద్దపల్లిరూరల్‌: ‘అన్నా.. ఎక్కడున్నవే. తమ్మీ నేను గీ కమాన్‌ కాడ ఉన్న. ఇక్కడకు రా’ అని జిల్లాలోని పలు మండలాలు, పల్లెలకు చెందిన ప్రజల మదిలో నిలిచిన కమాన్‌ కాలగర్భంలో కలిసిపోయింది. పెద్దపల్లి ఐకానిక్‌గా దాదాపు దశాబ్దంపాటు నిలిచిన చారిత్రక కమాన్‌ కట్టడం కనుమరుగైంది. నిజాం నవాబుల కాలంలో అప్పటి ఆర్థికమంత్రి కప్పం వసూళ్ల కోసం పెద్దపల్లికి వచ్చినప్పుడు ఇక్కడి జాగీర్దార్‌ స్వాగతం పలికేందుకు ‘కమాన్‌’ నిర్మించారు. అదే సమయంలో ఆయన ఇక్కడ సేద తీరేందుకు నిర్మించిన విశ్రాంతి గృహమే ఇప్పుడు ధర్మారం రోడ్డులో కనిపించే పురాతన ‘దేవిడి’ భవనం అని చరిత్ర చెబుతోంది. ఆనాటి అవసరాలకు అనుగుణంగా.. ఆనాటి అవసరాలకు అనుగుణంగా నిర్మించిన కమాన్‌(స్వాగత తోరణం) ప్రస్తుతం జిల్లా కేంద్రంగా మారిన పెద్దపల్లిలో పెరిగిన జనాభా, వాహనాల రద్దీకి అనువుగాలేదు. తరచూ ట్రాఫిక్‌ సమస్యలు తలెత్తుతుండడంతో శాశ్వత పరిష్కారం చూపాలనే ఆలోచనతో ‘మున్సిపాలకులు’ కమాన్‌ను తొలగించి ఆధునిక హంగులతో కొత్తగా కట్టడం నిర్మించాలని నిర్ణయించారు. ఈమేరకు బుధవారం రాత్రి ఐకాన్‌ను కూల్చివేశారు. ట్రాఫిక్‌ సమస్యకు శాశ్వత పరిష్కారం జిల్లా కేంద్రంగా మారిన తర్వాత పెద్దపల్లి రోజురోజుకూ విస్తరిస్తోంది. దీనికి వివిధ మండలాలు, గ్రామాలకు చెందిన వారు, పొరుగు జిల్లాలైన మంచిర్యాల, కొమురంభీం ఆసిఫాబాద్‌, జగిత్యాల, కరీంనగర్‌ లాంటి ప్రాంతాలకు వెళ్లే వాహనదారులు ఇక్కడి నుంచే రాకపోకలు సాగించాల్సి రావడంతో కమాన్‌ వద్ద నిత్యం ట్రాఫిక్‌ సమస్యలు ఏర్పడుతున్నాయి. కమాన్‌ పరిసరాల్లోనే జరిగిన రోడ్డు ప్రమాదాల్లో ఏఎస్సై భాగ్య, ఓ ఏఎన్‌ఎం.. ఇలా పలువురు మృత్యువాత పడ్డారు. ట్రాఫిక్‌ ఇబ్బందులకు ముగింపు పలికేందుకు ఇరుకుగా మారిన కమాన్‌ను తొలగించి.. కొంచెం అటు, ఇటుగా కొత్త కమాన్‌ నిర్మించాలని ప్రజాప్రతినిధులు, అధికారులు నిర్ణయం తీసుకుని అమలు చేశారు. ముగిసిన శతాబ్దపు పెద్దపల్లి చరిత్ర ట్రాఫిక్‌ సమస్యల పరిష్కారానికే కూల్చివేత అంటున్న అధికారులు త్వరలోనే ఆధునిక హంగులతో నిర్మిస్తామంటున్న పాలకవర్గం

కాల్వశ్రీరాంపూర్‌: అసలే చలికాలం. స్వెట్టర్లు లేక చలికి వణుకుతున్నం. అధికారులు స్వెట్టర్లు పంపిణీ చేసి మా ఇబ్బందులు తొలగించాలి. వేడినీళ్ల కోసం గీజర్‌ ఏర్పాటు చేయాలి. సమస్యలు తొలగించాలి. – గణేశ్‌, తొమ్మిదో తరగతి, కాల్వశ్రీరాంపూర్‌ వసతులు కల్పిస్తాం ప్రారంభంలోనే స్కూల్‌ ఎడ్యుకేషన్‌ శాఖ ద్వారా విద్యార్థులకు దుప్పట్లు పంపిణీ చేశాం. కలెక్టర్‌ చొరవతో కొన్ని హాస్టళ్లకు వేడినీటి కోసం హీటర్లు అందించారు. విద్యార్థులకు అవసరమైన వసతులు కల్పిస్తాం. – రవీందర్‌, ఎస్సీ సంక్షేమ శాఖ అధికారి

చలితీవ్రత ఎక్కువైంది. రోజూ పొద్దున చల్లటినీళ్లతో స్నానం చేయడం ఇబ్బందిగా ఉంది. వేడినీటి సౌకర్యం కల్పిస్తే బాగుంటుంది. – ఆదిత్య, అర్బన్‌ రెసిడెన్షియల్‌ స్కూల్‌ దోమతెరలు ఉండాలి మా స్కూల్‌లో గదులకు దోమతెరలు లేవు. దోమలు లోపలికి వస్తున్నయి. రాత్రివేళ ఇబ్బందిగా ఉంటంది. గదులకు దోమతెరలు ఏర్పాటు చేయాలి. – రిషివర్ధన్‌, అర్బన్‌ రెసిడెన్షియల్‌ స్కూల్‌ ఇబ్బందిగా ఉంది మా హాస్టల్‌లో అన్ని వసతులు బాగానే ఉన్నయి. కానీ, చలికాలం కావడంతో ఉదయం చలినీళ్లతో స్నా నం చేయలేకపోతున్నం. వేడినీళ్లు ఇవ్వాలి. – నిషీత్‌, ఎస్సీ బాలుర హాస్టల్‌, కమాన్‌పూర్‌

గోదావరిఖని: సింగరేణి సంస్థ రామగుండం డివిజన్‌–2 పరిధిలోని వకీల్‌పల్లి గనిని రీజియన్‌ సేఫ్టీ జీఎం మల్లయ్య గురువారం తనిఖీ చేశారు. మ్యాప్‌ద్వారా పనిస్థలాలను పరిశీలించారు. అనంతరం గనిలోకి వెళ్లి రక్షణ చర్యలను తనిఖీ చేశారు. రూఫ్‌ సపోర్ట్‌, వెంటిలేషన్‌, గ్యాస్‌ పరీక్షలు, డస్ట్‌ నియంత్రణ, మ్యాన్‌ రైడింగ్‌ సిస్టమ్‌, విద్యుత్‌ భద్రత, ఫైర్‌ ఫైటింగ్‌ ఏర్పాట్లు తదితర అంశాలను క్షుణ్ణంగా పరిశీలించారు. ఆయన మాట్లాడుతూ, గనిలో ఉత్పత్తి ఎంత ముఖ్యమో, కార్మికుల భద్రత అంతకంటే ముఖ్యమన్నారు. భద్రతా నిబంధనలను ప్రతిఒక్కరూ తప్పనిసరిగా పాటించాలని, ఏ చిన్న అలక్ష్యం కూడా పెద్ద ప్రమాదానికి దారితీస్తుందని హెచ్చరించారు. ప్రమాద రహిత గనిగా వీకేపీని తీర్చిదిద్దేందుకు అధికారులు, కార్మికులు సమిష్టిగా కృషి చేయాలని సూచించారు. ఆయన వెంట గని మేనేజర్‌ మల్లేశం తదితరులున్నారు.

భూపాలపల్లి అర్బన్‌: నాణ్యమైన బొగ్గు ఉత్పత్తికి సమిష్టిగా కృషి చేయాలని ఏరియా ఇన్‌చార్జి జీఎం శ్యామ్‌సుందర్‌ తెలిపారు. ఏరియాలో గురువారం బొగ్గు నాణ్యత వారోత్సవాలు–2026 ఘనంగా ప్రారంభమయ్యాయి. జీఎం కార్యాలయ ఆవరణలో నాణ్యత పతాకాన్ని ఆవిష్కరించి మాట్లాడారు. బొగ్గు వెలికితీత నుంచి రవాణా వరకు ప్రతీదశలో నాణ్యత ప్రమాణాలు పాటించాలని, మట్టి, బండరాళ్లు కలవకుండా జాగ్రత్తలు తీసుకోవాలని సూచించారు. ఏరియాలోని అన్ని గనులు, విభాగాల్లో అవగాహన కార్యక్రమాలు నిర్వహించారు. ఈ కార్యక్రమంలో ఎస్‌వోటూ జీఎం రమణ్‌ వీ. పాఠక్‌, పర్సనల్‌ మేనేజర్‌ శ్యామ్‌సుందర్‌, ఏఐటీయూసీ నాయకుడు మోటపలుకుల రమేశ్‌, ఐఎన్‌టీయూసీ నాయకుడు బి.మధుకర్‌రెడ్డి, సీఏంవోఏఐ ప్రతినిధి ప్రదీప్‌, క్వాలిటీ ఇన్‌చార్జి మేనేజర్‌ కుమారస్వామి, అధికారులు, ఉద్యోగులు పాల్గొన్నారు.

సుల్తానాబాద్‌రూరల్‌: భూపతిపూర్‌లోని జ్యో తిబాపూలే గురుకుల పాఠశాలలో ఉమ్మడి కరీంనగర్‌ జిల్లాస్థాయి జ్యోతిబాపూలే గురుకులాల క్రీడా పోటీలు గురువారం ప్రారంభమయ్యాయి. ఎస్సై చంద్రకుమార్‌ హాజరై మాట్లాడారు. క్రీడాకారులు గెలుపోటములను సమానంగా స్వీకరించాలన్నారు. క్రీడలతోనే క్రమశిక్షణతోపాటు శరీరదారుఢ్యం పెరుగుతుందని తెలిపారు. అండర్‌–17లో జరిగే వివిధ క్రీడాంశాల్లో ఉమ్మడి జిల్లాలోని గురుకుల పాఠశాలల విద్యార్థులు పాల్గొన్నారు. సర్పంచ్‌ పోచంపల్లి చిన్నయ్య, బీసీ గురుకుల ప్రిన్సిపాల్‌ హెన్రీ, వైస్‌ ప్రిన్సిపాల్‌ సంతోష్‌కుమార్‌, డిప్యూటీ వార్డెన్‌ ప్రమోద్‌కుమార్‌ తదితరులు పాల్గొన్నారు. సస్పెన్షన్‌ ఎత్తివేయకుంటే ఢిల్లీ వరకూ పోరాటం పెద్దపల్లి: ఎంపీ గడ్డం వంశీకృష్ణ నిర్వహించిన స్కూల్‌ బ్యాగుల పంపిణీకి హాజరైనందుకు కాంగ్రెస్‌కు చెందిన ముగ్గురు నాయకులను సస్పెండ్‌ చేయడంపై మాల మహానాడు రాష్ట్ర కార్యదర్శి దేవు భూమయ్య, కొయ్యూరు ఉపసర్పంచ్‌ లక్కవు సవేందర్‌ అభ్యంతరం వ్యక్తం చేశారు. గురువారం స్థానిక ప్రెస్‌క్లబ్‌లో ఏర్పాటు చేసిన సమావేశంలో దేవు భూమయ్య మాట్లాడుతూ, అక్టోబర్‌ 26న కొయ్యూరు పాఠశాలలో ఎంపీ పేద విద్యార్థులకు బ్యాగుల పంపిణీ చేశారని, పలువురు సర్పంచులు, కాంగ్రెస్‌ నాయకులు హాజరైనా ముగ్గురినే సస్పెండ్‌ చేయడం వెనుక ఆంతర్యమేమిటని ప్రశ్నించారు. తక్షణమే సస్పెన్షన్‌ను ఎత్తివేయాలని, లేకుంటే ఢిల్లీ వరకు వెళ్లి పోరాటం చేస్తామని హెచ్చరించారు. ఈ సందర్భంగా కొయ్యూరు ఉపసర్పంచ్‌ లక్కవు సవేందర్‌ మాట్లాడారు. నాయకులున్నారు. బైక్‌ను ఢీకొట్టిన కారు.. ఒకరికి తీవ్రగాయాలు యైటింక్లయిన్‌కాలనీ: అల్లూరు దర్గా సమీపంలోని కోల్‌కారిడర్‌పై గురువారం రాత్రి జరిగిన రోడ్డు ప్రమాదంలో ఒకరికి త్రీవ గాయాలయ్యాయి. స్థానికులు, బ్లూకోల్ట్స్‌ సిబ్బంది కథనం ప్రకారం.. పోతనకాలనీ న్యూరేడుపాకకు చెందిన మబ్బు శంకర్‌ ద్విచక్రవాహనంపై సైలోబంకర్‌ నుంచి న్యూమారేడుపాకకు వస్తున్నాడు. ఎదురుగా గోదావరిఖనికి నుంచి పోతనకాలనీ వైపు వస్తున్న కారు డ్రైవర్‌ తెడ్ల రాకేశ్‌.. వేగంగా వచ్చి బైక్‌ను ఢీకొట్టాడు. శంకర్‌ కింద పడి గాయాల పాలయ్యాడు. స్థానికులు గోదావరిఖనిలోని ఓ ప్రైవేట్‌ ఆస్పత్రికి తరలించారు. పరిిస్థితి విషమంగా ఉండడంతో కరీంనగర్‌కు తరలించారు. శంకర్‌ వీనైను కాంపెపీలో ప్రైవేట్‌ వోల్వ డ్రైవర్‌గా పనిచేస్తున్నాడు.

● భర్తను కోల్పోయిన దుఃఖంలోనూ నేత్రదానానికి అంగీకారంమరణంలో మరొకరికి చూపు కరీంనగర్‌రూరల్‌: కరీంనగర్‌ కార్పొరేషన్‌ పరిధి బొమ్మకల్‌కు చెందిన ర్యాకం సంపత్‌(48) అనారోగ్యంతో గురువారం మృతిచెందగా అతడి నేత్రాలను కుటుంబసభ్యులు దానం చేసి ఆదర్శంగా నిలిచారు. సంపత్‌ ఊపిరితిత్తుల సమస్యతో వరంగల్‌ ఎంజీఎం ఆస్పత్రిలో మరణించాడు. పుట్టెడు దు:ఖంలో ఉన్నప్పటికీ మరొకరికి కంటిచూపు ఇవ్వాలనే ఉద్దేశంతో తండ్రి రాములు, భార్య సబిత నేత్రదానం చేసేందుకు ముందుకొచ్చారు. రామాయమ్మ స్వచ్ఛంద సంస్థ ఆధ్వర్యంలో ఎల్‌వీ ప్రసాద్‌ కంటి ఆస్పత్రి వైద్యులు, మృతుడు సంపత్‌ నేత్రాలను సేకరించారు. కార్పొరేటర్లు మేకల వెంకటేశ్‌, గాదె రూపాశ్రీనివాస్‌, చిందం సాయిచరణ్‌, అనిల్‌కుమార్‌, దశరథం, ర్యాకం శ్రీనివాస్‌, మోహన్‌, సాయికృష్ణ, అభిషేక్‌ తదితరులు పాల్గొన్నారు.

ధర్మారం/జూలపల్లి: అర్హులైన ప్రతీ ఒక్కరికి ఆర్‌ అండ్‌ ఆర్‌ ప్యాకేజీ వర్తింపజేయాలని కలెక్టర్‌ కోయ శ్రీహర్ష ఆదేశించారు. ధర్మారం మండలం చామనపల్లిలో చేపట్టిన సోషల్‌ ఎకానమీ సర్వే, సాయంపేటతోపాటు జూలపల్లి మండలం కాచాపూర్‌లో భూముల రీసర్వేను గురువారం పరిశీలించారు. జూలపల్లిలోని ప్రాథమికోన్నత పాఠశాలను తనిఖీ చేశారు. సోషల్‌ ఎకానమీ సర్వేను పకడ్బందీగా నమోదు చేయాలని ఆదేశించారు. చామనపల్లి ముంపు గ్రామ తరలింపు ప్రక్రియను మూడు నెలల్లో పూర్తిచేయాలని సూచించారు. కార్యక్రమంలో జూలపల్లి, ధర్మారం తహసీల్దార్లు ప్రసాదరావు, శ్రీనివాస్‌, సర్పంచులు వేల్పుల రేవతి, కూస శ్రీవాణి, తహసీల్దార్‌ శ్రీనివాస్‌, ఆర్‌ఐ శివ తదితరులు పాల్గొన్నారు. రైతులు సహకరించాలి ఓదెల: భూరీసర్వేకు రైతులు సహకరించాలని పెద్దపల్లి ఆర్డీవో గంగయ్య కోరారు. కొమిర, ఇందుర్తిలో చేపట్టిన భూ రీసర్వేను గురువారం పరిశీలించారు. రీ సర్వేతో రైతుల భూ సమస్యలు తొలగిపోతాయని ఆర్డీవో తెలిపారు. కార్యక్రమంలో ఇన్‌చార్జి తహసీల్దార్‌ మహ్మద్‌ షఫీ, ఆర్‌ఐలు స్వరూప, చంద్రశేఖర్‌, జీపీవోలు సదయ్య, మహేశ్‌ పాల్గొన్నారు. ధాన్యం కొనుగోళ్లేవి? మంథని: రైతుల నుంచి ధాన్యం కొనుగోలు చేయడంలో ప్రభుత్వం నిర్లక్ష్యం వహిస్తోందని మంథని మాజీ ఎమ్మెల్యే పుట్ట మధూకర్‌ విమర్శించారు. పట్టణంలోని వ్యవసాయ మార్కెట్‌ను గురువారం సందర్శించిన మధూకర్‌.. రైతులతో మాట్లాడి సమస్యలను తెలుసుకున్నారు. మార్కెట్‌ కార్యదర్శితో ఫోన్‌లో మాట్లాడి కొనుగోళ్లు ఎప్పుడు ప్రారంభిస్తారని ప్రశ్నించారు. కాంటాలు ఏర్పాటు చేసి వెంటనే ధాన్యం కొనుగోళ్లు చేపట్టాలని కోరారు. ధాన్యం తీసుకొచ్చి 20 రోజులు గడుస్తున్నా కొనుగోళ్లు ప్రారంభం కాకపోవడంతో రైతులు ఇబ్బందులు పడుతున్నారని తెలిపారు. మరోవైపు సీఎం రేవంత్‌రెడ్డి, మంథని ఎమ్మెల్యే దుద్దిళ్ల శ్రీధర్‌బాబు రైతులు ప్రైవేటు వ్యాపారులకు ధాన్యం అమ్ముకుంటున్నారని మాట్లాడుతున్నారని ఎద్దేవా చేశారు. ఆయన వెంట నాయకులు ఆరెపల్లి కుమార్‌, కనవేన శ్రీనివాస్‌, మాచిడి రాజూగౌడ్‌, వేల్పుల గట్టయ్య, జంజర్ల శేఖర్‌, కొత్త బాలయ్య, ఆసీఫ్‌, ఇర్ఫాన్‌, గొబ్బూరి వంశీ తదితరులు ఉన్నారు. అంతర పంటలు వేయాలి పెద్దపల్లిరూరల్‌: ఆయిల్‌పాంలో అంతర పంట గా కూరగాయలు పండించాలని జిల్లా ఉద్యాన అధికారి శ్యాంప్రసాద్‌ సూచించారు. హన్మంతునిపేటలోని ఆయిల్‌పాం చేనులో అంతర పంటగా వేసిన కూరగాయల తోటలను విస్తీర్ణాధికారి రాముతో కలిసి గురువారం పరిశీలించారు. తనకున్న నాలుగున్నర ఎకరాల్లో ఆయిల్‌పాం పంట వేశానని, డ్రిప్‌, మల్చింగ్‌ షీట్లతో అంతర పంటగా టమాట, మిర్చి సాగు చేస్తున్నానని రైతు గౌరవెల్లి రవీందర్‌రావు తెలిపారు. తక్కువ నీటివినియోగం, తక్కువ కాలపరిమితి గల బెండ, అలసంద, గోరుచిక్కుడు వంటి పంటలనే సాగు చేయాలని శ్యాంప్రసాద్‌ కోరారు. డిమాండ్‌ ఉన్న టమాట, మిరప, బీర, కాకర లాంటి పంటలను మల్చింగ్‌ షీట్ల సాయంతో సాగు చేసుకోవచ్చని పేర్కొన్నారు. వాటికి ప్రభుత్వం రాయితీలు ఇచ్చి ప్రోత్సహిస్తోందని ఆయన అన్నారు. క్వింటాల్‌ పత్తి రూ.8,778 పెద్దపల్లిరూరల్‌: స్థానిక వ్యవసాయ మార్కెట్‌యార్డులో గురువారం పత్తి క్వింటాల్‌కు గరిష్టంగా రూ.8,778గా, కనిష్టంగా రూ. 8,456గా, సగటు రూ.8,644గా ధర ఉందని మార్కెటింగ్‌ శాఖ అధికారి ప్రవీణ్‌రెడ్డి తెలిపారు. గురువారం 490 క్వింటాళ్ల పత్తి కొనుగోలు చేసినట్టు ఆయన పేర్కొన్నారు.

పెద్దపల్లి: జిల్లాలోని కొత్త పింఛన్‌దారుల కల ఎట్టకేలకు నెరవేరబోతోంది. జిల్లాలోని ఎలిగేడు మండలం ధూళికట్టలో శుక్రవారం ఎలిగేడు, జూలపల్లి మండలాలకు చెందిన వారికి మంజూరు ఉత్తర్వుల (ప్రొసీడింగ్స్‌) కాపీలు అందజేయనున్నారు. ఇందు కోసం డీఆర్డీవో, అధికారులు ఏర్పాట్లు చేశారు. జిల్లాలో 11,804 మంది లబ్ధిదారులు జిల్లాలో వివిధ వర్గాలకు చెందిన 11,804 మందికి పింఛన్లు అందుతున్నాయి. అత్యధికంగా 6,919 మంది వితంతువులు ఉండగా, 2,330 మంది దివ్యాంగులు, 1,270 మంది ఒంటరి మహిళలు, 1,225 మంది కల్లుగీత కార్మికులు, 60 మంది నేత కార్మికులు ఉన్నారు. రామగుండం కార్పొరేషన్‌ పరిధిలో అత్యధికంగా 2,722 మంది లబ్ధిదారులు ఉండగా, పెద్దపల్లి మండలంలో 1,114 మంది, సుల్తానాబాద్‌లో 755 మంది, కాల్వశ్రీరాంపూర్‌లో 733 మంది, మంథనిలో 732 మంది లబ్ధి పొందుతున్నారు. సదరం సర్టిఫికెట్‌ ఉంటేనే.. సదరం సర్టిఫికెట్లు ఆన్‌లైన్‌లో నమోదు కాకపోవడంతో 267 మంది దివ్యాంగుల ప్రొసీడింగ్స్‌ పంపి ణీ తాత్కాలికంగా నిలిపివేశారు. సర్టిఫికెట్ల ప్రక్రియ పూర్తయి ఆన్‌లైన్‌లో నమోదైన తర్వాత వారి ఖాతా ల్లో నేరుగా పింఛన్‌ సొమ్ము జమ చేయనున్నట్లు అధికారులు తెలిపారు. వివరాల కోసం డీఆర్డీవో, మున్సిపల్‌, గ్రామ పంచాయతీ కార్యదర్శులు, ఎంపీడీవోలను సంప్రదించాలని సూచించారు. వారసులకు నేరుగా బ్యాంకు ఖాతాల్లో జమ పింఛన్‌దారు భర్త లేదా భార్య మరణించినా అర్హులైన వారికి పింఛన్‌ బదిలీ చేసే ప్రక్రియ చేపట్టనున్నారు. ఇలాంటి వారికి ప్రత్యేకంగా ప్రొసీడింగ్స్‌ అందజేయకుండా ఈనెల 19న నేరుగా వారి బ్యాంకు ఖాతాల్లో నగదు జమ చేయనున్నట్లు అధికారులు స్పష్టం చేస్తున్నారు. ఫేజ్‌–2లోనూ అవకాశం అర్హులు ఎవరైనా జాబితాలో పేరు లేకపోతే నిరాశ చెందాల్సిన అవసరం లేదని, తదుపరి ఫేజ్‌–2లో దరఖాస్తు చేసుకునే అవకాశం ఉందని అదనపు డీఆర్డీవో రవీందర్‌ తెలిపారు. అర్హులైన ప్రతీఒక్కరికి పింఛన్‌ అందిస్తామని పేర్కొన్నారు. ప్రొసీడింగ్స్‌ పంపిణీ కార్యక్రమానికి అధికారులు, ప్రజాప్రతినిధులు హాజరవుతారని, దీనికోసం అన్ని ఏర్పాట్లు పూర్తిచేశామని తెలిపారు. నేడు లబ్ధిదారులకు ప్రొసీడింగ్స్‌ 19 నుంచి బ్యాంకు ఖాతాల్లో నగదు జమ

● ఆర్జీవన్‌ జీఎం లలిత్‌కుమార్‌ గోదావరిఖని: నాణ్యమైన బొగ్గును వినియోగదారులకు అందించడంతోనే సింగరేణి మనుగడ సాధ్యమని ఆర్జీవన్‌ జీఎం లలిత్‌కుమార్‌ అన్నారు. జీఎం కార్యాలయంలో నాణ్యత వారోత్సవాలను పురస్కరించుకుని గురువారం నాణ్యత ప్రతిజ్ఞ నిర్వహించారు. బొగ్గు వెలికితీసే సమయంలో బండ, మట్టి, షేల్‌ లేయర్లను వేరుచేస్తూ మంచి గ్రేడ్‌ బొగ్గు లోడింగ్‌ చేయాలని సూచించారు. జీడీకే–2ఏ భూగర్భ గనిలో షేల్‌లేయర్‌ను వేరు చేస్తూ నాణ్యతను పెంచుకున్నారని, అలాగే జీడీకే–1లో మంచి నాణ్యత గల బొగ్గును అందిస్తుండటంతో స్థానిక వినియోగదారులు పోటీపడి రోజుకు సుమారు 500 టన్నులు కొనుగోలు చేస్తున్నారని తెలిపారు. క్వాలిటీ జీఎం వెంకటరమణ, ఎస్‌వోటూ జీఎం చంద్రశేఖర్‌, ఏజీఎం కాశీవిశ్వేశ్వరరావు, బ్రహ్మాజీరావు, ధనలక్ష్మీబాయి, రెడ్డిమల్ల తిరుపతి, మోహన్‌రావు, కర్ణ, వేణు, సురేశ్‌ తదితరులు పాల్గొన్నారు. విద్యుత్‌ సంస్థలకు నాణ్యమైన బొగ్గు అందించాలి విద్యుత్‌ సంస్థలకు నాణ్యమైన బొగ్గు అందించాలని ఆర్జీ–2 జీఎం లక్ష్మీపతిగౌడ్‌ సూచించారు. జీఎం కార్యాలయంలో నాణ్యత వారోత్సవాలను ప్రారంభించి మాట్లాడారు. ఎస్‌వోటూ జీఎం రాముడు, ఏఐటీయూసీ బ్రాంచ్‌ సెక్రటరీ గంధం సాంబశివరావు, అధికార ప్రతినిధి ఎన్‌.వేణుగోపాల్‌, అడిషనల్‌ మేనేజర్‌ (క్వాలిటీ)సుభాష్‌, డీజీఎం చంద్రశేఖర్‌, వెంకటరామచంద్ర, బాలరాజు, షరీఫ్‌ మహ్మద్‌ తదితరులు పాల్గొన్నారు.

జూలపల్లి: గ్రామాలను అన్నిరంగాల్లో అభివృద్ధి చేస్తూ, ప్రజాసంక్షేమమే ధ్యేయంగా ముందుకు సాగుతున్నామని ప్రభుత్వ విప్‌ విజయరమణారావు అన్నారు. కుమ్మరికుంట, కోనరావుపేటలోని ధాన్యం కొనుగోలు కేంద్రాలను గురువారం ప్రారంభించారు. ఎంపీడీవో కార్యాలయంలో మండల ప్రత్యేకాధికారి శ్రీనివాస్‌ అధ్యక్షతన నిర్వహించిన సర్వసభ్య సమావేశంలో మాట్లాడారు. యాసంగిలో ఆరుతడి పంటలు సాగు చేయాలని, దిగుబడులకు మద్దతు కల్పిస్తామని చెప్పారు. రెప్పపాటు కూడా విద్యుత్‌ కోతలు లేకుండా సరఫరా చేస్తున్నామని, గిట్టనివారు చేస్తున్న అసత్య ప్రచారాన్ని నమ్మవద్దని ఆయన సూచించారు. మహిళలు పథకాలు సద్వినియోగం చేసుకుని ఆర్థికంగా ఎదగాలని చెప్పారు. జూలపల్లితోపాటు వివిధ గ్రామాలకు చెందిన 20 మంది లబ్ధిదారులకు కల్యాణలక్ష్మి చెక్కులను ఆయన అందజేశారు. ఎంపీడీవో పద్మజ, తహసీల్దార్‌ ప్రసాదరావు, మార్కెట్‌ కమిటీ చైర్మన్‌ కొమ్మ పోచాలు, పీఏసీఎస్‌చైర్మన్‌ లోక జలపతిరెడ్డి, సర్పంచులు తొగరు శ్రీనివాస్‌, దండె వెంకటేశ్వర్లు, సంపత్‌కుమార్‌, నరేందర్‌రెడ్డి, తిరుపతి, అరుణ, కావేరి, అనూష తదితరులు పాల్గొన్నారు. ప్రభుత్వ విప్‌ విజయరమణారావు

పెద్దపల్లి: జిల్లాలోని ప్రభుత్వ ఉన్నత పాఠశాలల్లో విద్యా ప్రమాణాలను మరింత మెరుగుపర్చాలని కలెక్టర్‌ కోయ శ్రీహర్ష ఆదేశించారు. అకడమిక్‌ ప్యానెల్‌ ఇన్‌స్పెక్షన్‌ బృందాలతో ఉన్నత పాఠశాలల విద్యా ప్రగతిపై కలెక్టరేట్‌లో గురువారం సమీక్షించారు. ఓరల్‌ రీడింగ్‌ ఫ్లూయెన్సీ (మౌఖిక పఠన నైపుణ్యం) అభివృద్ధి కోసం అమలు చేస్తున్న రెమెడియేషన్‌ కార్యక్రమం ద్వారా సత్ఫలితాలు వస్తున్నాయని తెలిపారు. విద్యార్థులు చదవడం, రాయడంతో పాటు ప్రాథమిక సంఖ్యాజ్ఞాన స్థాయిల్లో మెరుగుదల సాధించేలా బోధన సాగాలని సూచించారు. డీఈవో శారద, ఏఎంవో పీఎం షేక్‌, అకడమిక్‌ ప్యానెల్‌ ఇన్‌స్పెక్షన్‌ టీం లీడర్స్‌ సీహెచ్‌ ఆగయ్య, ఆర్‌.సుదర్శనం, సబ్జెక్టు నిపుణులు, ప్యానెల్‌ సభ్యులు ఎ.జ్యోతి, కె.మంజుల, జి.జగదీశ్వర్‌, పి.హరిప్రసాద్‌, జె.శ్రీనివాస్‌, ఎస్‌.కృష్ణ మోహన్‌, ఎం.రమేశ్‌ తదితరులు పాల్గొన్నారు. విద్యార్థులకు పోషక విలువలతో కూడిన భోజనం అందించాలి గురుకుల పాఠశాలల్లోని విద్యార్థులకు నాణ్యమైన, పోషక విలువలతో కూడిన భోజనం అందించాలని కలెక్టర్‌ కోయ శ్రీహర్ష ఆదేశించారు. రంగంపల్లి మహాత్మా జ్యోతిబాపూలే బీసీ గురుకుల బాలికల పాఠశాల, జూనియర్‌ కళాశాలను కలెక్టర్‌ ఆకస్మికంగా సందర్శించారు. విద్యార్థినులతో కలిసి భోజనం చేశారు. అనంతరం విద్యాభ్యాసం, వసతి, భోజన నాణ్యత, విద్యార్థుల సమస్యల గురించి వారిని అడిగి తెలుసుకున్నారు. విద్యార్థినులకు వసతులు ఇతర అవసరాలు ఉంటే తమ దృష్టికి తీసుకురావాలని, సమస్యల పరిష్కారానికి తక్షణ చర్యలు తీసుకుంటామని హామీ ఇచ్చారు. ప్రిన్సిపాల్‌ మణిదీప్తి, ఉపాధ్యాయులు పాల్గొన్నారు. కలెక్టర్‌ కోయ శ్రీహర్ష

గోదావరిఖని: నేరాల నియంత్రణలో నిర్లక్ష్యం చూపొద్దని రామగుండం పోలీస్‌ కమిషనర్‌ అంబర్‌ కిశోర్‌ ఝా ఆదేశించారు. కమిషనరేట్‌లో మంచిర్యాల, పెద్దపల్లి జిల్లాల పోలీస్‌ అధికారులతో గురువారం నేరాల నియంత్రణ, శాంతిభద్రతలు, పెండింగ్‌ కేసులు, ఎన్‌ఫోర్స్‌మెంట్‌ చర్యలు, నేర పరిశోధన తదితర అంశాలపై సమీక్షించారు. ఉన్నతాధికారుల సమాచారంపై వెంటనే స్పందించాలన్నా రు. రౌడీషీటర్లు, అసాంఘిక శక్తుల కార్యకలాపాల ను రాజకీయ, ఇతర అనుబంధాలతో సంబంధం లేకుండా నిష్పక్షపాతంగా, నిశితంగా పరిశీలించా లని ఆదేశించారు. డ్రంక్‌ అండ్‌ డ్రైవింగ్‌పై నిర్లక్ష్యం ఉండకూడదని చెప్పారు. గంజాయి, మాదకద్రవ్యాల తరలింపు, పేకాట, రేషన్‌ బియ్యం, పశువులు, ఇసుక అక్రమ రవాణాపై నిఘా పెంచాలని సూచించారు. సమస్యాత్మక ప్రాంతాలు, నేరాలకు అవకాశం ఉన్న ప్రదేశాలు, నేరస్థుల కదలికలు, అక్రమ కార్యకలాపాలపై ముందస్తు సమాచార వ్యవస్థను బలోపేతం చేసుకోవాలని పేర్కొన్నారు. మంచిర్యాల, పెద్దపల్లి డీసీపీలతోపాటు అడ్మిన్‌ డీసీపీ భాస్కర్‌, రాంరెడ్డి, శ్రీనివాస్‌, గోదావరిఖని, పెద్దపల్లి, మంచిర్యాల, జైపూర్‌, బెల్లంపల్లి, స్పెషల్‌ బ్రాంచ్‌, ట్రాఫిక్‌, టాస్క్‌ఫోర్స్‌, ఏఆర్‌ ఏసీపీలు ఎం.రమేశ్‌, కృష్ణ, ప్రకాశ్‌, వెంకటేశ్వర్లు, కిరణ్‌కుమార్‌, నాగేంద్రగౌడ్‌, శ్రీనివాస్‌, శ్రీనివాస్‌రావు, రమేశ్‌, సైబర్‌ క్రైం డీఎస్పీ రంగారెడ్డి తదితరులు పాల్గొన్నారు. ఈ సందర్భంగా పోలీస్‌ వాహనాల పనితీరును సీపీ పరిశీలించి పలు సూచనలు చేశారు. రామగుండం పోలీస్‌ కమిషనర్‌ అంబర్‌ కిశోర్‌ ఝా

● ముగిసిన సింగరేణి క్రికెట్‌ లీగ్‌ మ్యాచ్‌లు ● నేడు తుదిపోరు రామకృష్ణాపూర్‌: మంచిర్యాల జిల్లా రామకృష్ణాపూర్‌లోని ఠాగూర్‌ స్టేడియంలో సింగరేణి కంపెనీ స్థాయి క్రికెట్‌ చాంపియన్‌షిప్‌ పోటీలు ఉత్సాహభరిత వాతావరణంలో కొనసాగుతున్నాయి. లీగ్‌ మ్యాచ్‌లు గురువారం ముగిశాయి. మణుగూరు– ఇల్లెందు సంయుక్త జట్టు, శ్రీరాంపూర్‌ జట్టు మధ్య శుక్రవారం తుదిపోరు జరగనుంది. లీగ్‌ మ్యాచ్‌లో హోరాహోరీ గురువారం జరిగిన తొలి లీగ్‌ మ్యాచ్‌లో మందమర్రి–బెల్లంపల్లి సంయుక్త జట్టు, కొత్తగూడెం కార్పొరేట్‌ జట్లు తలపడగా కొత్తగూడెం కార్పొరేట్‌ జట్టు విజయం సాధించింది. అనంతరం ఆర్జీ 1, ఆర్జీ 2 సంయుక్త జట్టు మణుగూరు–ఇల్లెందు సంయుక్త జట్ల మధ్య జరిగిన మ్యాచ్‌లో మణుగూరు– ఇల్లెందు జట్టు విజయం సాధించింది. మరో ఆసక్తికర లీగ్‌లో కొత్తగూడెం కార్పొరేట్‌, శ్రీరాంపూర్‌ జట్లు తలపడగా శ్రీరాంపూర్‌ జట్టు గెలుపొందింది. పాయింట్ల ఆధారంగా మణుగూరు–ఇల్లెందు సంయుక్త జట్టు, శ్రీరాంపూర్‌ జట్టు ఫైనల్‌ బెర్తులు ఖరారు చేసుకున్నాయి. శుక్రవారం ఉదయం 9 గంటలకు జరుగనున్న ఫైనల్‌ మ్యాచ్‌లో మణుగూరు– ఇల్లెంల్లందు, శ్రీరాంపూర్‌ జట్లు బరిలోకి దిగనున్నాయి. కోలిండియా పోటీలకు ఎంపిక కంపెనీ స్థాయి పోటీల్లో అత్యుత్తమ ప్రతిభ కనబరిచిన క్రీడాకారులను కోలిండియా పోటీలకు ఎంపిక చేయనున్నారు. బ్యాటింగ్‌, బౌలింగ్‌, కీపింగ్‌, తదితర విభాగాల్లో ప్రతిభ చాటిన క్రీడాకారుల స్కోర్‌షీట్లను సింగరేణి కార్పొరేట్‌ కార్యాలయానికి పంపనున్నట్లు నిర్వాహకులు తెలిపారు. కోలిండియా పోటీల తేదీలు ఖరారైన అనంతరం కార్పొరేట్‌ అధికారులు ఆయా స్కోర్‌షీట్లను పరిశీలించి, ఎంపికై న సింగరేణి క్రీడాకారుల జాబితాను ప్రకటించనున్నారు.

రాత్రివేళ కమాన్‌ కింది నుంచే నడుచుకుంటూ ఇంటికి వెళ్లా. గురువారం పొద్దున కూరగాయల మార్కెట్‌కు వెళ్దామని వస్తే కమాన్‌ కనిపించలే. పెద్దపల్లికి ప్రత్యేక గుర్తింపుగా ఉండే కమాన్‌ లేకపోవడం బాధనిపించింది. అయినా ప్రజల ఇబ్బందులు దూరమవుతాయనే సంతోషం కూడా ఉంది. – కందునూరి సంజీవరావు, పెద్దపల్లి భావితరాల కోసం కట్టాలి దాదాపు వందేళ్ల క్రితం నిర్మించిన కమాన్‌తో ఇప్పుడు ట్రాఫిక్‌ సమస్యలు తలెత్తాయి. ప్రజల ఇబ్బందులు దూరం చేసేందుకు కూల్చిన అధికారులు.. కొత్త కమాన్‌ నిర్మించడంపై అన్ని కోణాల్లో ఆలోచించాలి. భావితరాలకు కనీసం మరో వందేళ్లపాటు ఉండేలా విశాలంగా నిర్మిస్తేనే మంచిది. – ఠాకూర్‌ రాంసింగ్‌, బీజేపీ నాయకుడు ఆధునిక హంగులతో నిర్మిస్తాం కమాన్‌ ప్రాంతం ఇరుకుగా మారింది. రాజీవ్‌రోడ్డును ఆనుకుని ఉన్న కమాన్‌ వద్ద ట్రాఫిక్‌ సమస్యలు ఏర్పడుతున్నాయి. శాశ్వత పరిష్కారం చూపాలనే పాలకమండలి ఈ నిర్ణయం తీసుకుంది. పెద్దపల్లికి ప్రధాన గుర్తింపుగా ఉన్న కమాన్‌ ప్రాంతంలో ఆధునిక హంగులతో కొత్తది త్వరలోనే నిర్మిస్తాం. – వెంకటేశ్‌, మున్సిపల్‌ కమిషనర్‌

● డైరెక్టర్‌ వెంకటేశ్వర్లు గోదావరిఖని: జాతీయ స్థాయి రెస్క్యూ పోటీల్లో సత్తా చాటి సింగరేణి పేరుప్రతిష్టలు నిలపాలని ప్రాజెక్ట్‌ అండ్‌ ప్లానింగ్‌ డైరెక్టర్‌ కొప్పుల వెంకటేశ్వర్లు ఆకాంక్షించారు. గురువారం ఆర్‌జీటూ ఏరియాలోని మైన్స్‌ రెస్క్యూ స్టేషన్‌ను సందర్శించి, శిక్షణ పొందుతున్న మూడు రెస్క్యూ టీంలతో సమావేశమయ్యారు. శారీరక దారుఢ్యం, మానసిక ప్రశాంతత. రెస్క్యూ పట్టు ఎంతో కీలకమన్నారు. అనంతరం సింగరేణి మహిళా రెస్క్యూ టీమ్‌ నిర్వహించిన రెస్క్యూ రిలే వ్యాయామ విన్యాసాలను తిలకించి అభినందించారు. ఒక మహిళ, రెండు పురుష జట్ల కెప్టెన్లు కృష్ణవేణి, ప్రమోద్‌, నితిన్‌తో ప్రత్యేకంగా మాట్లాడారు. రెస్క్యూ జీఎం శ్రీనివాస్‌రెడ్డి, ఆర్జీ–2 జీఎం లక్ష్మీపతిగౌడ్‌, ఆర్జీ–3 జీఎం మధుసూదన్‌, ఏపీఏ జీఎం నాగేశ్వర్‌రావు, రెస్క్యూ సూపరింటెండెంట్‌ రాజేందర్‌రెడ్డి పాల్గొన్నారు. నిర్దేశిత లక్ష్యాలను భద్రతతో సాధించాలి రామగిరి: నిర్దేశించిన బొగ్గు, ఓబీ ఉత్పత్తి లక్ష్యాలను భద్రతతో సాధించాలని ౖప్రాజెక్ట్‌స్‌ అండ్‌ ప్లానింగ్‌ డైరెక్టర్‌ కొప్పుల వెంకటేశ్వర్లు సూచించారు. ఆర్జీ–3 ఏరియా ఓసీపీ–1 వ్యూ పాయింట్‌ పనులను పరిశీలించి అనంతరం రామగుండం–3 ఏరియా జనరల్‌ మేనేజర్‌ మధుసూదన్‌, అడ్రియాల ప్రాజెక్ట్‌ ఏరియా జనరల్‌ మేనేజర్‌ నాగేశ్వరరావు, రామగుండం –2 ఏరియా జనరల్‌ మేనేజర్‌ టి.లక్ష్మీపతి గౌడ్‌ తదితరులతో జీఎం కార్యాలయంలో సమీక్ష సమావేశం నిర్వహించారు. ఎస్‌వోటూ జీఎం రాంమోహన్‌, ఏరియా ఇంజినీర్‌ ఉదయ్‌ భాస్కర్‌, ప్రాజెక్టు అధికారులు ప్రవీణ్‌ వి ఫ్యాటింగ్‌, రాజశేఖర్‌, ఏరియా సర్వే అధికారి అఫ్సర్‌ పాషా, ఎస్టేట్స్‌ అధికారి ఐలయ్య, మేనేజర్‌ పాపయ్య, ఏరియా సెక్యూరిటీ అధికారి శ్రీనివాస్‌ తదితరులు పాల్గొన్నారు.

● పెద్దపల్లి డీసీపీ రాంరెడ్డి గోదావరిఖని: యువత వ్యసనాలకు దూరంగా ఉండాలని పెద్దపల్లి డీసీపీ రాంరెడ్డి సూచించారు. గురువారం స్థానిక చంద్రశేఖర్‌నగర్‌లో సైబర్‌మోసాలు, గంజాయి వినియోగం, రోడ్డు ప్రమాదాలపై నిర్వహించిన అవగాహన సదస్సులో మాట్లాడారు. గంజాయి వినియోగించినా, విక్రయించినా కఠిన చర్యలు తప్పవని హెచ్చరించారు. సైబర్‌నేరాలతో అప్రమత్తంగా ఉండాలని సూచించారు. కార్యక్రమంలో గోదావరిఖని ఏసీపీ రమేశ్‌, వన్‌టౌన్‌ సీఐ ఇంద్రసేనారెడ్డి తదితరులు పాల్గొన్నారు. మాదకద్రవ్యాలతో జీవితాలు నాశనం యైటింక్లయిన్‌కాలనీ: గంజాయి, డ్రగ్స్‌ వంటి మాదకద్రవ్యాలకు అలవాటుపడి జీవితాలను నాశనం చేసుకోవద్దని పెద్దపల్లి డీసీసీ రాంరెడ్డి సూచించారు. మిషన్‌ పరివర్తన కార్యక్రమంలో భాగంగా గురువారం రామగిరి మండలం చందనాపూర్‌ జెడ్పీహెచ్‌ఎస్‌లో విద్యార్థులకు మాదకద్రవ్యాల నిర్యూలనపై అవగాహన కల్పించారు. సైబర్‌ నేరాల గురించి వివరించారు. తల్లిదండ్రులు తమ పిల్లలను జాగ్రత్తగా కనిపెడుతూ ఉండాలని సూచించారు. డ్రగ్స్‌రహిత సమాజ నిర్మాణానికి ప్రతీఒక్కరు సహకరించాలని కోరారు. గోదావరిఖని ఏసీపీ రమేశ్‌, టూటౌన్‌ సీఐ ప్రసాద్‌రావు, సర్పంచ్‌ కొండ మంజుల, ఉప సర్పంచ్‌ రజిత, సింగిరెడ్డిపల్లి సర్పంచ్‌ యమున, కాంగ్రెస్‌ నాయకులు మహేశ్వర్‌రావు, ఓదెలు, లక్ష్మీ తదితరులు పాల్గొన్నారు.

మంథని: స్థానిక వసతి గృహంలో వంద మంది విద్యార్థులకు సుమారు 40 మంది ఉన్నారు. నాలుగేళ్ల క్రితం సరఫరా చేసిన పరుపులు అక్కరకు రాకుండా పోయాయని, కొత్తవాటి కోసం ఎదురుచూస్తున్నామని విద్యార్థులు తెలిపారు. చలిగాలులకు మంచాలు చల్లగా మారి నిద్ర పట్టడం లేదని ఆవేదన చెందారు. మరోవైపు.. ఆయా మండలాల హాస్టళ్ల విద్యార్థుల కోసం నిర్మించిన ఇంటిగ్రేటెడ్‌ వసతి గృహంలో మంథని తహసీల్దార్‌ కార్యాలయం కింది వైపు, పైఅంతస్తులో మేనేజ్‌మెంట్‌ వసతి గృహం కొనసాగుతోంది. సమీకృత బాలికల వసతి గృహం విద్యార్థులకు అసౌకర్యం కలుగుతోంది. మూడింటికీ మరుగుదొడ్లు అవే కావడంతో నిర్వహణ గాడితప్పి కంపు కొడుతున్నాయి. వాచ్‌మెన్‌ అందుబాటులో లేరు. సంరక్షకులు సక్రమంగా విధులకు రావడం లేదనే విమర్శలు ఉన్నాయి.

కాంగ్రెస్‌ కమిటీల ఏర్పాటుకు కసరత్తు గోదావరిఖని/కోల్‌సిటీ: రామగుండం నగరంలో కాంగ్రెస్‌ను క్షేత్రస్థాయిలో బలోపేతం చేసేందుకు ఆ పార్టీ నాయకత్వం కసరత్తు వేగవంతం చేస్తోంది. నగర అధ్యక్షుడు, కార్పొరేటర్‌ ఎండీ ముస్తఫా.. ఎమ్మెల్యే మక్కాన్‌సింగ్‌ రాజ్‌ ఠాకూర్‌ ఆదేశాల మేరకు నూతన టౌన్‌, డివిజన్‌ అధ్యక్షుల నియామక ప్రక్రియను చేపట్టారు. పార్టీ కోసం నిరంతరం పనిచేస్తూ, నిబద్ధత, నిజాయితీ, అంకితభావం కలిగిన నాయకులకు ప్రాధాన్యమిస్తూ రూపొందించిన నియామక జాబితాను గురువారం హైదరాబాద్‌లోని గాంధీభవన్‌లో ఏఐసీసీ కార్యదర్శి సచిన్‌ సావంత్‌కు అందజేశారు. రానున్న ఎన్నికల్లో పార్టీ విజయమే లక్ష్యంగా టౌన్‌, డివిజన్‌ స్థాయి నాయకులందరినీ సమన్వయం చేసుకోవాలని ఆయన సూచించారు. తెలంగాణ కాంగ్రెస్‌ సంఘటన్‌సృజన్‌ అభియాన్‌ ఛైర్మన్‌ గంప వేణుగోపాల్‌ ఆధ్వర్యంలో ఈ కార్యక్రమం జరిగిందని ముస్తఫా తెలిపారు. సమాన పనికి సమాన వేతనం ఇవ్వాలి పెద్దపల్లి: నేషనల్‌ హెల్త్‌ మిషన్‌ ఉద్యోగులందరికీ సమాన పనికి సమాన వేతనం ఇవ్వాలని ఉద్యోగ సంఘం నాయకులు మణికేశ్వర్‌, శ్రావణ్‌, కోరారు. ఉద్యోగులు చేపట్టిన సమ్మె గురువారం 31వ రోజుకు చేరుకుందని, ప్రభుత్వం స్పందించి చర్చలకు ఆహ్వానించాలని కోరారు. ప్రభుత్వ వైఖరిని ఎండగడుతూ సమ్మె శిబిరంలోనే వినూత్నంగా చెవులకు పువ్వులు పెట్టుకొని నిరసన తెలిపారు. ఈ కార్యక్రమంలో మహేందర్‌, లక్ష్మణ్‌, ఉద్యోగులు తదితరులు పాల్గొన్నారు. కమాన్‌ కూల్చివేత సరికాదు పెద్దపల్లి: కమాన్‌ కూల్చివేతను చీకటి దినంగా తా ప్రోచ్‌ యూఎంయూడబ్ల్యూఎస్‌ జనరల్‌ సెక్రటరీ అభివర్ణించారు. బుధవారం అర్ధరాత్రి ప్రజలంతా ఇళ్లకు వెళ్లిన తర్వాత అధికారులు కమాన్‌ను కూల్చివేయడంపై ఆయన అభ్యంతరం వ్యక్తం చేశారు. నాణ్యమైన బొగ్గు సరఫరా మన కర్తవ్యం రామగిరి: వినియోగదారులకు నాణ్యమైన బొగ్గు సరఫరా చేయడం మన కర్తవ్యంగా భావించాలని రామగుండం–3 ఏరియా ఎస్‌వోటూ జీఎం రామ్మోహన్‌ అన్నారు. గురువారం ఆర్జీ–3 జీఎం కార్యాలయంలో నిర్వహంచిన బొగ్గు నాణ్యత వారోత్సవాల్లో మాట్లాడారు. ఉద్యోగులందరూ కలిసికట్టుగా బొగ్గు నాణ్యత పెంపునకు కృషి చేస్తామని ప్రతిజ్ఞ చేశారు. గుర్తింపు, ప్రాతినిధ్య సంఘాల నాయకులు ఎం.రామచంద్రారెడ్డి, కోట రవీందర్‌రెడ్డి, ఏరియా సేఫ్టీ ఆఫీసర్‌ లక్ష్మీనారాయణ, నాణ్యత విభాగతిపతి ఆసీఫ్‌ యాసిన్‌, విభాగధిపతులు సురేఖ, అఫ్సర్‌ పాషా, ఐలయ్య, రాజారవిచరణ్‌, ప్రశాంత్‌ జీవన్‌, ఆసీఫ్‌, ఉద్యోగులు పాల్గొన్నారు. సింగరేణి నర్సరీకి కొత్త టెండర్‌ పిలవాలి గోదావరిఖని: ఆర్జీ–2 డివిజన్‌లో నర్సరీ నూతన టెండర్లకు సవరణ చేసి జాప్యం లేకుండా పిలవాలని ఐఎఫ్‌టీయూ రాష్ట్ర ఉపాధ్యక్షుడు బి.అశోక్‌ కోరారు. గురువారం ఆర్జీ–2 జీఎం లక్ష్మీపతిగౌడ్‌ను కలిసి వినతిపత్రం అందజేశారు. నర్సరీలో పనిచేస్తున్న కాంట్రాక్టు కార్మికులకు జీవో ప్రకారం వేతనాలు, సీఎంపీఎఫ్‌, ఉచిత వైద్యం, బోనస్‌ తదితర చట్టబద్ధ హక్కులు అమలు చేయాలని సింగరేణి యాజమాన్యం సర్కులర్‌ జారీ చేసిందని, టెండర్‌లో స్పష్టత లేదన్నారు. దీంతో కాంట్రాక్టర్లు ఎవరు ముందుకు రావడం లేదన్నారు. ఇప్పటికై నా నర్సరీ టెండర్లను సవరణ చేసి కార్మికులకు జీవో ప్రకారం వేతనాలు ఇవ్వాలన్నారు. కార్యక్రమంలో మహిళా కాంట్రాక్టు కార్మికులు వనమాల, మల్లేశ్వరి, కట్ల మనమ్మ, సుజాత, నేలమ్మ, డి.లక్ష్మి, సునీత, హనుమమ్మ తదితరులు పాల్గొన్నారు.

ఎలిగేడు: అధికారులు, ప్రజాప్రతినిధులు సమన్వయంతో కలిసి పనిచేస్తే అభివృద్ధి, సంక్షేమం సాధ్యమవుతుందని మండల ప్రత్యేక అధికారి, జిల్లా మత్స్యశాఖ అధికారి నరేశ్‌కుమార్‌ నాయుడు అన్నారు. మండల కేంద్రంలోని మండల ప్రజా పరిషత్‌ కార్యాలయంలో సర్వసభ్య సమావేశం జరిగింది. సూపర్‌ ఎల్‌నినో కారణంగా లోటు వర్షపాతం ఉన్నందున యాసంగిలో వరికి బదులుగా ఆరుతడి పంటలు సాగు చేసుకునేలా రైతులకు సూచించాలని ఏవో ఉమాపతి సభాలో ప్రజాప్రతినిధుల దృష్టికి తీసుకువచ్చారు. మొక్కజొన్న విత్తనాలు మండలకేంద్రాల్లో అందుబాటులో లేవని, వాటిని సబ్సిడీపై ప్రభుత్వం అందించాలని రాములపల్లి సర్పంచ్‌ సిద్ది తిరుపతియాదవ్‌ కోరారు. ర్యాకల్‌దేవుపల్లిలో వైకుంఠధామానికి విద్యుత్‌ కనెక్షన్‌ ఇవ్వడం లేదని, మరమ్మతుకు గురైన విద్యుత్‌ స్తంభాల స్థానంలో కొత్త స్తంభాలు ఏర్పాటు చేయాలని గత సభలో విద్యుత్‌ అధికారుల దృష్టికి తీసుకువచ్చినా ఎందుకు స్పందించడంలేదని ర్యాకల్‌దేవుపల్లి సర్పంచ్‌ మద్దెల రమాదేవి–సంపత్‌ విద్యుత్‌ ఏఈ సంపత్‌కుమార్‌ను ప్రశ్నించారు. రాములపల్లిలోని గంగిరెద్దుల కాలనీలో అక్కడి ప్రజలు సంచార జీవులుగా జీవిస్తున్నారని, అక్కడి పిల్లలకు బర్త్‌ సర్టిఫికెట్లు లేక ఆధార్‌ కార్డు నమోదుకు ఇబ్బంది పడుతున్నారని సర్పంచ్‌ తిరుపతియాదవ్‌ అధికారుల దృష్టికి తీసుకువచ్చారు. రాములపల్లిలో అసైన్డ్‌ పట్టా భూములు ఇచ్చిన చోట వారిని కాదని, ఇంటిగ్రేటెడ్‌ పాఠశాలకు, ఫుడ్‌ ప్రాసెసింగ్‌కు ఎలా అనుమతులు ఇస్తారని, అక్కడే ఉన్న 3ఎకరాల పల్లె ప్రకృతివనం ఎలా తొలగిస్తారని సర్పంచ్‌ తిరుపతియాదవ్‌ అధికారులను ప్రశ్నించగా, అది ప్రభుత్వం పరిధిలోనిదే అని అధికారులు పేర్కొన్నారు. నర్సాపూర్‌లోని పెరుమాండ్లకుంట మత్తడికి మట్టిని అడ్డంగా పోయడంతో కుంటలోకి నీరు రావడంలేదని, దాన్ని తొలగించాలని సర్పంచ్‌ పల్లెర్ల వెంకటేశ్‌గౌడ్‌ అధికారుల దృష్టికి తీసుకువచ్చారు. కార్యక్రమంలో తహసీల్దార్‌ యాకన్న, ఎంపీడీవో భాస్కర్‌రావు, ఎంపీవో కిరణ్‌, సింగిల్‌విండో చైర్మన్‌ సామ రాజేశ్వర్‌రెడ్డి, మార్కెట్‌ కమిటీ చైర్మన్‌ పొట్యాల రమేశ్‌, సర్పంచ్‌లు ప్రవీణ్‌, కొమురయ్య, వెంకటేశ్‌గౌడ్‌, వెంకట్‌రెడ్డి, బాపయ్య, రజిత–లక్ష్మారెడ్డి, లత–శ్రీనివాస్‌గౌడ్‌, రమాదేవి–సంపత్‌, శైలజ–వెంకట్రామ్‌రెడ్డి, వాణి–గోపాల్‌రావు, రాధ గంగా జమున–వేణుమాధవరావు, తిరుపతియాదవ్‌, ఎంఈవో నరేంద్రచారి, ఏవో ఉమాపతి, మెడికల్‌ ఆఫీసర్‌ నిస్సీక్రిస్టీనా, విద్యుత్‌ ఏఈ సంపత్‌కుమార్‌, వివిధశాఖల అధికారులు పాల్గొన్నారు.

జ్యోతినగర్‌: ఎన్టీపీసీ రామగుండం పర్మినెంట్‌ టౌన్‌షిప్‌లోని సెయింట్‌ క్లేర్‌ హైస్కూల్‌లో బాలల దినోత్సవం గురువారం ఘనంగా నిర్వహించారు. భారత తొలి ప్రధాని పండిట్‌ జవహర్‌లాల్‌ నెహ్రూ జయంతిని పురస్కరించుకుని నిర్వహించిన ఈ కార్యక్రమంలో విద్యార్థులు ఉత్సాహంగా పాల్గొన్నారు. ఈ సందర్భంగా చిన్నారులు వివిధ వేషధారణలతో ప్రత్యేక ఆకర్షణగా నిలిచారు. పాఠశాల ప్రధానోపాధ్యాయుడు డామినిక్‌, ఉపాధ్యాయులు, విద్యార్థులు పాల్గొన్నారు. కులం పేరుతో దూషించే వారిపై చర్యలు తీసుకోవాలి కమాన్‌పూర్‌: దళితులను కులం పేరుతో దూషించే వారిపై కఠిన చర్యలు తీసుకోవాలని దళిత సంఘాల నాయకులు కోరారు. మండల కేంద్రంలో గురువారం ఏర్పాటు చేసిన విలేకరుల సమావేశంలో వారు మాట్లాడారు. దళితులను అవమానించడం, కించపరచడం హేయమైన చర్య అని, రాజకీయంగా దళితులు ఎదుగుతున్న సమయంలో వారిని లక్ష్యంగా చేసుకొని అవమానాలకు గురిచేస్తున్నారన్నారు. కులం పేరుతో దూషించే వారిపై ఎస్సీ, ఎస్టీ అట్రాసిటీ చట్టం కింద కేసు నమోదు చేయాలని డిమాండ్‌ చేశారు. సమావేశంలో కుక్క చంద్రమౌళి, చిప్పకుర్తి సత్యనారాయణ, కుక్క రవి, పులిపాక బొంద్యాలు, పిల్లి నర్సింగం, పొట్ల శంకర్‌, శివలింగం, సురేశ్‌, రాజు, ఓదెలు పాల్గొన్నారు. రైతును రాజు చేయడమే లక్ష్యం కమాన్‌పూర్‌: అన్నదాతలు ఆరుగాలం కష్టపడి పండించిన సన్నరకం వరిధాన్యానికి మద్దతు ధరతో పాటు బోనస్‌ చెల్లిస్తూ రైతును రాజు చేయడమే కాంగ్రెస్‌ ప్రభుత్వం లక్ష్యమని కమాన్‌పూర్‌ మార్కెట్‌ కమిటీ చైర్మన్‌ వైనాల రాజు అన్నారు. మండలంలోని గుండారం, కమాన్‌పూర్‌, ముల్కలపలి, నాగారం, పేరపల్లి, సిద్దిపల్లె, రాజాపూర్‌ గ్రామాల్లో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాలను గురువారం ఏఎంసీ చైర్మన్‌ ప్రారంభించారు. సర్పంచ్‌లు రంగు సత్యనారాయణ, బంగారు కళ్యాణి, పొనగంటి కుమార్‌, బొంగోని సదయ్య, జంగిలి పోచాలు, ఉప సర్పంచ్‌లు, ఏపీఎం పద్మ, సీసీలు మల్లయ్య, భిక్షపతి తదితరులు పాల్గొన్నారు. మున్నూరుకాపు సంఘం జిల్లా ఉపాధ్యక్షుడిగా శ్రీధర్‌ పటేల్‌ పెద్దపల్లి: మున్నూరుకాపు సంఘం జిల్లా ఉపాధ్యక్షుడిగా జిల్లా కేంద్రానికి చెందిన నూమూరి శ్రీధర్‌ పటేల్‌ను నియమిస్తూ ఆ సంఘం రాష్ట్ర అధ్యక్షుడు కొండ దేవయ్య గురువారం ఉత్తర్వులు జారీ చేశారు. గతంలో ఆయన బీసీ సంఘం జిల్లా అధ్యక్షుడిగా, బీసీ జేఏసీ జిల్లా ఉపాధ్యక్షుడిగా పనిచేసి బీసీల హక్కులు, అభివృద్ధి, సంక్షేమం కోసం విశేష కృషి చేశారు. శ్రీధర్‌ పటేల్‌ మాట్లాడుతూ తనపై నమ్మకంతో ఉపాధ్యక్ష బాధ్యతలు అప్పగించిన రాష్ట్ర అధ్యక్షుడు కొండ దేవయ్యకు కృతజ్ఞతలు తెలిపారు. రాష్ట్రస్థాయి ప్రదర్శనకు ట్రినిటి విద్యార్థుల ఎంపిక పెద్దపల్లిరూరల్‌: పెద్దపల్లిలోని జిల్లా పరిషత్‌ బాలుర పాఠశాలలో జరిగిన జిల్లాస్థాయి పోటీల్లో పట్టణంలోని ట్రినిటి హైస్కూ ల్‌కు చెందిన విద్యార్థులు అదృత్‌, సన్నిహిత్‌ పాల్గొని ప్రతిభ చూపారు. స్మగ్‌ పవర్‌ విభాగంలో చేసిన ప్రాజెక్టులో రాష్ట్రస్థాయి నేషనల్‌ చిల్డ్రన్స్‌ సైన్స్‌ కాంగ్రెస్‌లో పాల్గొనేందుకు అర్హత సాధించారని ప్రిన్సిపాల్‌ రమేశ్‌, వైస్‌ ప్రిన్సిపాల్‌ కుమార్‌ తెలిపా రు. గైడ్‌ టీచర్‌ సంయుక్తతో పాటు ఎంపికై న విద్యార్థులను మాజీ ఎమ్మెల్యే మనోహర్‌రెడ్డి, మున్సిపల్‌ మాజీ చైర్మన్‌ మమతారెడ్డి అభినందించారు.

కాల్వశ్రీరాంపూర్‌: ఎల్‌నినో దృష్ట్యా రాష్ట్ర ప్రభుత్వం చేపట్టిన కరువు నివారణ చర్యలేవని ఐడీసీ మాజీ చైర్మన్‌ ఈద శంకర్‌రెడ్డి ప్రభుత్వాన్ని ప్రశ్నించారు. మండలంలోని లక్ష్మిపురం గ్రామ పంచాయతీ పరిధిలోని రాయపేట ఎత్తిపోతల ప్రాజెక్టును గురువారం మాజీ జెడ్పీటీసీ వంగల తిరుపతిరెడ్డితో కలిసి ఆయన పరిశీలించారు. అనంతరం వారు విలేకరులతో మాట్లాడారు. రాయపేట ఎత్తిపోతల ప్రాజెక్టును ఇంకా అభివృద్ధి చేస్తే నీటి కరువుకు చెక్‌ పెట్టొచ్చన్నారు. ప్రభుత్వం, కలెక్టర్‌, ప్రజా ప్రతినిధులు చర్యలు తీసుకోవాలని సూచించారు. మండలంలోని పలు గ్రామాల్లో మృతుల కుటుంబాలను ఆయన పరామర్శించారు. మాజీ సర్పంచ్‌ బైరం రమేశ్‌, నాయకులు నక్కల కొమురయ్య, ఆడెపు రాజు, నల్ల రాజిరెడ్డి, గణపతిరెడ్డి, వీరేశం, తిరుపతి, రవీందర్‌రెడ్డి, శ్రీనివాస్‌రెడ్డి, జనార్ధన్‌రెడ్డి, స్వామిరెడ్డి, రమేశ్‌, చందు, దేవేందర్‌రెడ్డి, రైతులు పాల్గొన్నారు. రాష్ట్రస్థాయి హ్యాండ్‌బాల్‌ పోటీలకు ఎంపిక ధర్మారం: మండల కేంద్రంలోని సాయిమణికంఠ హైస్కూల్‌ విద్యార్థి మహన్య ఎస్‌జీఎఫ్‌ రాష్ట్రస్థాయి హ్యాండ్‌బాల్‌ పోటీలకు ఎంపికై నట్లు పాఠశాల పీఈటీ సాయికుమార్‌ తెలిపారు. మహబూబ్‌నగర్‌ జిల్లాలో ఈ నెల 13 నుంచి 15 వరకు నిర్వహించనున్న 70వ ఎస్‌జీఎఫ్‌ రాష్ట్రస్థాయి పోటీలకు కరీంనగర్‌ జట్టు నుంచి మహన్య పాల్గొంటుందన్నారు. విద్యార్థిని పాఠశాల కరస్పాండెంట్‌ జైన సురేశ్‌కుమార్‌, మేనేజింగ్‌ డైరెక్టర్‌ రమాదేవి, ఉపాధ్యాయులు అభినందించారు.కొనుగోలు కేంద్రాలను వినియోగించుకోవాలి ఎలిగేడు: ప్రభుత్వం నిర్వహిస్తున్న కొనుగోలు కేంద్రాలను రైతులు సద్వినియోగం చేసుకోవాలని ఎలిగేడు సింగిల్‌విండో చైర్మన్‌ సామ రాజేశ్వర్‌రెడ్డి, మార్కెట్‌ కమిటీ చైర్మన్‌ పొట్యాల రమేశ్‌ కోరారు. మండల కేంద్రంలోని ధూళికట్ట సింగిల్‌విండో, ఐకేపీ ఆధ్వర్యంలో ఏర్పాటు చేసిన వరిధాన్యం కొనుగోలు కేంద్రాలను వారు ప్రారంభించారు. సర్పంచ్‌ మారం కొమురయ్య, ఉపసర్పంచ్‌ మేచినేని అండాలు, సింగిల్‌విండో కార్యదర్శి బద్దం రవీందర్‌రెడ్డి, వార్డుసభ్యులు, రైతులు, హమాలీ కార్మికులు పాల్గొన్నారు. కొనుగోలు కేంద్రంలో రైతులకు మద్దతు ధర జూలపల్లి: రైతులకు మద్దతు ధరతో పాటు సన్నవడ్లకు బోనస్‌ ఇచ్చేందుకు ఏర్పాటు చేసిన ధాన్యం కొనుగోలు కేంద్రాలను వినియోగించుకోవాలని పత్తిపాక పీఏసీఎస్‌ చైర్మన్‌ నోముల వెంకట్‌రెడ్డి సూచించారు. మండలంలోని అబ్బాపూర్‌లో పత్తిపాక సింగిల్‌విండో ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని విండో వైస్‌ చైర్మన్‌ పసునూటి శ్రీనివా స్‌, డైరెక్టర్‌ జంగం సతీశ్‌తో కలిసి గురువారం ప్రారంభించారు. సర్పంచ్‌ దండె వెంకటేశ్వర్లు, సెక్రటరీ బుచ్చయ్య, రైతులు ఉన్నారు. పదేళ్ల పాలనలో ఏం చేశారో చెప్పాలి? రామగిరి: పదేళ్ల పాలనలో మాజీ ఎమ్మెల్యే పుట్ట మధు ప్రజలకు ఏం చేశారో చెప్పాలని రాజాపూర్‌ సర్పంచ్‌ పుల్లెల భాగ్యలక్ష్మీ–కొమురయ్య కోరారు. గురువారం రాజాపూర్‌లో ఏర్పాటు చేసిన విలేకరుల సమావేశంలో వారు మాట్లాడారు. రాజాపూర్‌కు చెందిన 708 ఎకరాల భూముల అవార్డు విషయంలో రైతులకు ఇచ్చిన హామీలు, పరిహారం అంశాలపై స్పష్టత ఇవ్వాలని డిమాండ్‌ చేశారు. గత పదేళ్ల పాలన, ప్రస్తుత కాంగ్రెస్‌ పాలకవర్గం పనితీరుపై గ్రామాల వారీగా లెక్కలతో సహా బహిరంగ చర్చకు సిద్ధమని సవాల్‌ విసిరారు. మార్కెట్‌ కమిటీ డైరెక్టర్‌ పుల్లెల సతీశ్‌, కాంగ్రెస్‌ గ్రామశాఖ అధ్యక్షుడు కాల్వ శ్రీనివాస్‌, యూత్‌ అధ్యక్షుడు మాటేటి శ్రీనివాస్‌, వార్డుసభ్యులు, కాంగ్రెస్‌ నాయకులు పాల్గొన్నారు.

రామగిరి: కల్వచర్ల గ్రామపంచాయతీ పరిధిలోని గోకుల్‌నగర్‌లో పీఏసీఎస్‌ ఆధ్వర్యంలో ఏర్పాటు చేసిన వరిధాన్యం కొనుగోలు కేంద్రాన్ని గురువారం కమాన్‌పూర్‌ పీఏసీఎస్‌ చైర్మన్‌ ఇనగంటి భాస్కర్‌రావు, కల్వచర్ల సర్పంచ్‌ రేండ్ల శారదకుమారస్వామి ప్రారంభించారు. రైతులు దళారులను ఆశ్రయించొద్దని, కొనుగోలు కేంద్రాల్లోనే ధాన్యం విక్రయించి మద్దతు ధర పొందాలన్నారు. కార్యక్రమంలో వైస్‌ చైర్మన్‌ చిందం తిరుపతి, ఏవో శ్రీకాంత్‌, ఏఈవో అరవింద్‌, డైరెక్టర్‌ సైండ్ల సత్యనారాయణ పాల్గొన్నారు. మండల టాపర్‌కు ప్రోత్సాహకం జూలపల్లి: పదో తరగతిలో 2025–26లో 566 మార్కులతో మండల టాపర్‌గా నిలిచిన జూలపల్లికి చెందిన వొల్లాజి సాయి హర్షదకు పెద్దపల్లి బ్రాంచ్‌ శ్రీరాం లైఫ్‌ ఇన్సూరెన్స్‌ వారు రూ.10వేల ప్రోత్సాహకం అందజేశారు. ఉపసర్పంచ్‌ కొప్పుల మహేశ్‌, ఎంఈవో లక్ష్మన్‌, ఉపాధ్యాయులు, కంపెనీ ప్రతినిధులు ఉన్నారు.

సుల్తానాబాద్‌రూరల్‌: సమాజ సేవలో విశేష సేవలుఅందించినందుకు శ్రీవాణి విద్యాసంస్థల చైర్మన్‌ డాక్టర్‌ లయన్‌ రేకులపల్లి విజయ చినజీయర్‌స్వామి చేతుల మీదుగా బుధవారం రాత్రి హైదరాబాద్‌లో జరిగిన కార్యక్రమంలో మాతృసవనం పురస్కారం అందుకున్నారు. శ్రీశ్రీశ్రీ త్రిదండి చినజీయర్‌ స్వామి 70వ తిరునక్షత్ర మహోత్సవాల సందర్భంగా సమాజ సేవలో విశేష కృషి చేసిన మహిళలకు ప్రత్యేక గౌరవం అందించగా రేకులపల్లి విజయకు స్థానం దక్కడం అభినందనీయమని పలువురు హర్షం వ్యక్తం చేశారు. అలాగే కళాశాల కరస్పాండెంట్‌ రేకులపల్లి శశాంక, ప్రిన్సిపాల్స్‌ బండారి కమలాకర్‌, బాలసాని శ్రీనివాస్‌, అధ్యాపక బృందం, తదితరులు హర్షం వ్యక్తం చేశారు.

ఓదెల: అవయవదానానికి అందరూ ముందుకు రావాలని బీఆర్‌ఎస్‌ రాష్ట్ర నాయకులు, ఓదెల మాజీ జెడ్పీటీసీ గంట రాములుయాదవ్‌ కోరారు. మండలంలోని గుంపులలో మాజీ సర్పంచ్‌ ఉప్పుల సంపత్‌ తండ్రి ఉప్పుల మల్లేశం సంస్మరణ సభ సదాశయ ఫౌండేషన్‌ ఆధ్వర్యంలో గురువారం నిర్వహించారు. మృతుడి కుటుంబ సభ్యులకు అభినందన పత్రం అందించి సన్మానించారు. పొత్కపల్లి సింగిల్‌విండో మాజీ చైర్మన్‌ ఆళ్ల శ్రీనివాస్‌రెడ్డి, బీఆర్‌ఎస్‌ మండలశాఖ అధ్యక్షుడు ఐరెడ్డి వెంకటరెడ్డి, మాజీ ఎంపీపీ గట్టు రమాదేవి శ్రీనివాస్‌, సదాశయ ఫౌండేషన్‌ జాతీయ కార్యదర్శి మేరుగు భీష్మాచారి, గోపరపల్లె సర్పంచ్‌ మద్దెనవేని రవి, బీజేపీ నాయకులు సుగుణాకర్‌రావు పాల్గొన్నారు.

రామగుండం: రామగుండం కస్తూర్బాగాంధీ విద్యాలయానికి ఇటీవల ప్రభుత్వం ఇన్‌స్టిట్యూట్‌ ఆఫ్‌ ఎక్సలెన్సీగా గుర్తించిన విషయం తెలిసిందే. ఐఓఈ గుర్తింపు వచ్చిన కేజీబీవీల్లోని జేఈఈ, నీట్‌ ప్రవేశ పరీక్షలకు హాజరయ్యే విద్యార్థినులకు ప్రభుత్వం ల్యాప్‌టాప్‌లు అందజేసింది. ప్రత్యేక తరహా కోచింగ్‌ ఇచ్చేందుకు స్టాఫ్‌ను నియమించారు. ఇందులో భాగంగా 2027–28వ విద్యా సంవత్సరంలో కేజీబీవీ విద్యార్థినులు జేఈఈ, నీట్‌లలో అత్యున్నత కళాశాలల్లో సీట్లు సాధించాలనే లక్ష్యంతో ఇప్పటి నుంచే విద్యార్థినులకు మాక్‌ టెస్ట్‌లు నిర్వహిస్తున్నారు. ఇందులో భాగంగానే రామగుండం కేజీబీవీలో వరుసగా విద్యార్థినులకు జేఈఈ, నీట్‌ మాక్‌టెస్ట్‌లు నిర్వహించినట్లు ప్రత్యేకాధికారి కమల పేర్కొన్నారు.

కాల్వశ్రీరాంపూర్‌: మండల కేంద్రంలో ఇటీవల నిర్మించిన అయ్యప్ప ఆలయానికి భూపాలపల్లి(జయశంకర్‌) జిల్లా టేకుమట్ల మండలం వెంకట్రావ్‌పల్లి(బి)గ్రామానికి చెందిన అయ్యప్ప స్వాముల భక్త బృందం రూ.50,116 విలువ గల చెక్కును ఆలయ నిర్మాణ కమిటీ చైర్మన్‌ పి.వీరారెడ్డికి గురువారం రాత్రి అందజేశారు. అయ్యప్ప మాలదారులకు స్థానిక ఆర్యవైశ్య మహిళా సంఘం మండల అధ్యక్షురాలు ఇమ్మడి జ్యోతి శ్రీనివాస్‌ తమ మునుమరాలు శ్రీనిక పుట్టినరోజు సందర్భంగా బిక్ష ఏర్పాటు చేశారు. అయ్యప్ప సేవాసంఘం, ఆలయ కమిటీ చైర్మన్‌ పి.వీరారెడ్డి, వెంకట్రావ్‌పల్లి(బి) అయ్యప్ప భక్తులు పాల్గొన్నారు. ప్లాస్టిక్‌ రహిత గ్రామంగా తీర్చిదిద్దడమే లక్ష్యం ముత్తారం: ప్లాస్టిక్‌రహిత గ్రామంగా తీర్చిదిద్దడమే తమ లక్ష్యమని హరిపురం సర్పంచ్‌ మెంగని సమతతిరుపతి పటేల్‌ అన్నారు. గ్రామంలో పేరుకుపోయిన ప్లాస్టిక్‌, చెత్తను గురువారం గ్రామ పంచాయతీ సిబ్బందితో శుభ్రం చేయించారు. గ్రామంలో ప్లాస్టిక్‌కు బదులు జ్యూట్‌ బ్యాగులు వాడాలని కోరారు. ఉపసర్పంచ్‌, వార్డుసభ్యులు పాల్గొన్నారు.

ఎలిగేడు: మండలంలోని సుల్తాన్‌పూర్‌ ప్రాథమిక పాఠశాలకు చెందిన సాయి విజ్ఞతకు పెద్దపల్లి ఎంపీ గడ్డం వంశీకృష్ణ అందజేసిన సైకిల్‌ను గురువారం బహూకరించారు. ఎంపీ ఈనెల 10న సుల్తాన్‌పూర్‌లోని జెడ్పీహెచ్‌ఎస్‌ పాఠశాలను సందర్శించి విద్యార్థులకు విశాఖ చారిటబుల్‌ ట్రస్టు ద్వారా బ్యాగులు పంపిణీ చేశారు. ప్రాథమిక పాఠఽశాలకు చెందిన ముత్యాల సాయివిజ్ఞత 2025–26లో కలెక్టర్‌ కోయ శ్రీహర్ష జిల్లా స్థాయిలో నిర్వహించిన రీడింగ్‌ కాంపిటీషన్‌ చాంపియన్‌షిప్‌లో భాగంగా తెలుగు విషయంలో ప్రథమ బహుమతి గెలుచుకుంది. ఈ విషయాన్ని ఎంపీ దృష్టికి తీసుకరాగా విద్యార్థినిని అభినందించి సైకిల్‌ బహుమతిగా ఇస్తానని ప్రకటించారు. విద్యార్థినికి సైకిల్‌ పంపించగా గురువారం పాఠశాలలో విద్యార్థికి అందజేశారు. సర్పంచ్‌ కవ్వంపల్లి బాపయ్య, ఎంఈవో నరేంద్రచారి, స్కూల్‌కాంప్లెక్స్‌ హెచ్‌ఎం దేవేందర్‌రావు, పాఠశాల హెచ్‌ఎం అప్పిడి సంతోష్‌రెడ్డి, కాంగ్రెస్‌ నాయకుడు అడ్గగుంట శ్రీనివాస్‌గౌడ్‌ ఉన్నారు.

కోల్‌సిటీ/ఫెర్టిలైజర్‌సిటీ: నగరంలోని 46, 36 డివిజన్లలో ఇందిరమ్మ ఇళ్ల నిర్మాణానికి మేయర్‌ మహంకాళి స్వామి బుధవారం భూమిపూజ చేశారు. నిబంధనలకు అనుగుణంగా ఇళ్లు నిర్మించుకుంటే త్వరితగతిన బిల్లులు మంజూరయ్యేలా చర్యలు తీసుకుంటానని మేయర్‌ హామీ ఇచ్చారు. ఈ దిశగా చర్యలు చేపట్టాలన్నారు. కార్యక్రమంలో నాయకులు కల్వల రంజిత్‌, కన్నూరి శంకర్‌ తదితరులు పాల్గొన్నారు. శరవేగంగా ఇందిరమ్మ ఇళ్ల నిర్మాణం 22వ డివిజన్‌లో ఇందిరమ్మ ఇళ్ల నిర్మాణానికి భూ మిపూజ చేసిన అనంతరం మేయర్‌ మాట్లాడుతూ, పేదల సొంతింటి కలను నిజం చేయడమే లక్ష్యంగా ప్రభుత్వం ఇందిరమ్మ ఇళ్ల పథకాన్ని అమలు చేస్తోందన్నారు. అర్హులైన ప్రతీఒక్కరికి ఇల్లు మంజూరయ్యేలా చర్యలు తీసుకుంటున్నామని తెలిపారు. కార్పొరేటర్‌ కన్నూరి భాగ్యలక్ష్మి, వార్డు ఆఫీసర్‌ సాయికుమార్‌, నాయకులు బూర్ల శ్రీనివాస్‌, మనలా ప్రభాకర్‌ తదితరులు పాల్గొన్నారు.

పెద్దపల్లి: భారత విద్యా రంగానికి బలమైన పునాది వేసిన గొప్ప నాయకుడు మౌలానా అబుల్‌ కలాం ఆజాద్‌ అని అదనపు కలెక్టర్‌ శ్రీరాములు అన్నారు. కలెక్టరేట్‌లో బుధవా రం నిర్వహించిన మైనారిటీ సంక్షేమ దినోత్సవం, జాతీయ విద్యా దినోత్సవంలో ఆయన మాట్లాడారు. స్వాతంత్య్ర సమరయోధుడు, ప్రఖ్యాత పండితుడు, కవి, అరబిక్‌, ఇంగ్లిష్‌, ఉర్దూ, హిందీ, పర్షియన్‌, బెంగాలీ వంటి భాషల్లో కలాం ప్రావీణ్యుడని పేర్కొన్నారు. ఆయన ఆశయ సాధనకు కృషి చేయాలని కోరారు. కార్యక్రమంలో జిల్లా మైనారిటీ అధికారి రవికుమార్‌, కలెక్టరేట్‌ పరిపాలన అధికారి ప్రకాశ్‌ తదితరులు పాల్గొన్నారు.

బాలికలకు కరాటేలో శిక్షణ ఇచ్చే మాస్టర్ల ఎంపిక కోసం ఈనెల 3న ఇంటర్వ్యూలు నిర్వహించాం. నిపుణులను ఎంపిక చేశాం. ఈనెల 16న ఎంపిక చేసిన పాఠశాలల్లో బాలికలకు శిక్షణ ప్రారంభిస్తాం. – కవిత, జీసీడీవో ఎంపిక పూర్తి చేశాం కరాటే శిక్షణ ఇవ్వడానికి దరఖాస్తు చేసుకున్న వారిని ఇంటర్వ్యూకు పిలిచాం. ఎంపిక ప్రక్రియ పూర్తిచేశాం. నిబంధనలకు లోబడి శిక్షణ ఇవ్వాల్సి ఉంటుంది. శిక్షణ ద్వారా బాలికల్లో ఆత్మరక్షణ పెంపొందుతుంది. – సురేశ్‌, డీవైఎస్‌వో

ఇది ఓదెల మండలం కొలనూరు గ్రామపంచాయతీ కార్యాలయం కోసం నిర్మిస్తున్న భవనం. సుమారు పదేళ్ల క్రితం బీఆర్‌ఎస్‌ ప్రభుత్వం పనులు ప్రారంభించింది. పాతభవనం శిథిలావస్థకు చేరడంతో కొత్త భవన నిర్మాణం చేపట్టినా.. నిధుల కొరత, అధికారుల నిర్లక్ష్యమో తెలియదుకానీ.. భవనం ఇంకా పిల్లర్ల స్థాయి దాటడంలేదు. భవనం.. పిల్లర్లకే పరిమితం కాల్వశ్రీరాంపూర్‌: కొద్దిరోజులుగా చలితీవ్రత పెరుగుతూ వస్తోంది. ప్రధానంగా రాత్రిపూట ఉష్ణోగ్రతలు పడిపోతున్నాయి. దీంతో చలికి ప్రజలు గజగజ వణుకుతున్నారు. బుధవారం రాత్రి కాల్వశ్రీరాంపూర్‌ మండల కేంద్రంలో చలిమంటలు కాగుతున్న స్థానికులు ‘సాక్షి’ కెమెరాకు ఇలా చిక్కారు. ఇది గుర్రపుబండి(టాంగా). ఆటోలు, కార్లు, బస్సులు లేని పాతకాలంలో ప్రయాణానికి ఈ బండినే వినియోగించేవారు. ప్రస్తుతం కొన్ని ప్రధాన నగరాల్లో అరుదుగా కనిపిస్తున్న టాంగా.. పెద్దపల్లిలో రాజీవ్‌ రహదారిపై పరుగులు తీస్తూ ‘సాక్షి’ కెమెరాకు ఇలా కనిపించింది. పెద్దపల్లి నుంచి నాగ్‌పూర్‌ వెళ్తున్నట్లు యజమాని తెలిపాడు.చలి పంజా – సాక్షి ఫొటోగ్రాఫర్‌, పెద్దపల్లి

ఓదెల: ఉమ్మడి కరీంనగర్‌, వరంగల్‌ జిల్లాల వారిధిగా రూపునారాయణపేట మానేరు వంతెన ఉపయోగ పడుతుందని ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు అన్నారు. పెద్దపల్లి జిల్లా రూపునారాయణపేట, కరీంనగర్‌ జిల్లా జమ్మికుంట మండలం విలాసాగర్‌ మధ్య మానేరుపై రూ.80కోట్లతో చేపట్టిన పనులను విప్‌ బుధవారం పూజలు చేసి పునఃప్రారంభించారు. ఆయన మాట్లాడుతూ, సీఎం రేవంత్‌రెడ్డి మానేరుపై హైలెవల్‌ బ్రిడ్జి నిర్మాణం కోసం రూ.80కోట్లు మంజూరు చేశారని, కొన్నినెలల క్రి తం ప్రారంభించినా.. కాంట్రాక్టర్ల లోపంతో పను లు పూర్తి కాలేదన్నారు. మరో కాంట్రాక్టర్‌కు ప ను లు అప్పగించి మళ్లీ ప్రారంభించామని అన్నారు. సర్పంచులు బొంగోని రమా, శ్రీధర్‌, ఆర్‌ అండ్‌ బీ ఎస్‌ఈ హరిచరణ్‌ తదితరులు పాల్గొన్నారు. దళారులకు విక్రయించొద్దు రైతులు తాము పండించిన ధాన్యాన్ని దళారులకు విక్రయించొద్దుని ప్రభుత్వ విప్‌ విజయరమణారావు సూచించారు. కొలనూర్‌, రూపునారాయణపేట, బాయమ్మపల్లె, గుంపుల, గూడెం గ్రామాల్లో మహిళా సంఘ భవనాలకు శంకుస్థాపన చేశారు. ధాన్యం కొనుగోలు కేంద్రాలు ప్రారంభించి మాట్లాడారు. సర్పంచులు పల్లె కనుకయ్య, బొంగోని రమా, ఊరగొండ సమ్మక్క, తిట్ల రాము, పొత్కపల్లి సింగిల్‌విండో చైర్మన్‌ ఆళ్ల సుమన్‌రెడ్డి, మాజీ చైర్మన్‌ గోపు నారాయణరెడ్డి, కాంగ్రెస్‌ అధికార ప్రతినిధి బైరి రవిగౌడ్‌ తదితరులు పాల్గొన్నారు.

ధర్మారం/పెద్దపల్లి: జాతీయస్థాయి మూల్యాంకనానికి విద్యార్థులను సిద్ధం చేయాలని కలెక్టర్‌ కోయ శ్రీహర్ష సూచించారు. రచ్చపల్లి ప్రాథమి క పాఠశాల హెచ్‌ఎం వంశీమోహనాచార్యులు రూపొందించిన పరక్‌ జాతీయ ముల్యాంకన పుస్తకాన్ని బుధవారం కలెక్టర్‌ ఆవిష్కరించి మా ట్లాడారు. విద్యార్థుల అభ్యసన సామర్థ్యాలను పెంపొందించేందుకు ఉపాధ్యాయులు వినూత్నన బోధన పద్ధతులు అవలంబించాలన్నా రు. హెచ్‌ఎం రూపొందించిన ప్రశ్నపత్రాలను పరిశీలించిన కలెక్టర్‌.. క్లిష్టంగా ఉండే 25 అంశాలను ఎంపిక చేశారు. డీఈవో శారద, అకడమి క్‌ మానిటరింగ్‌ ఆఫీసర్‌ షేక్‌, హెచ్‌ఎం సమూద్రాల వంశీమోహనాచార్యులు పాల్గొన్నారు. మత్తు జోలికి పోవద్దు సుల్తానాబాద్‌రూరల్‌: విద్యార్థులు మత్తుతో జీ వితాలను నశనం చేసుకోవద్దని పెద్దపల్లి డీసీపీ రాంరెడ్డి సూచించారు. డ్రగ్స్‌, మత్తు పదార్థాల తో కలిగే అనర్థాల గురించి గర్రెపల్లి మోడల్‌ స్కూల్‌లో బుధవారం అవగాహన కల్పించా రు. విద్యార్థులు మంచి లక్ష్యాలతో జీవితంలో ఉన్నత స్థాయికి చేరుకోవాలని అన్నారు. సీఐ రంజిత్‌రావు, ఎస్సైలు చంద్రకుమార్‌, మధుకర్‌, సుధాకర్‌, ప్రిన్సిపాల్‌ గోల్డి బల్బీర్‌కౌర్‌, ఉపాధ్యాయులు, విద్యార్థులు ఉన్నారు. గంజాయి రహిత జిల్లా లక్ష్యం ఓదెల: గంజాయి రహిత జిల్లా నిర్మాణమే ల క్ష్యమని డీసీపీ రాంరెడ్డి అన్నారు. ఓదెల మో డ ల్‌ స్కూల్‌లో గంజాయి నియంత్రణపై విద్యార్థులకు అవగాహన కల్పించారు. ఏసీపీ గజ్జి కృష్ణ, సర్పంచ్‌ కనికిరెడ్డి సతీశ్‌, కళాకారుడు మహరాజ్‌ ఎస్‌పీ నాయక్‌, సీఐ రంజిత్‌రావు, ఎస్సైలు సనత్‌రెడ్డి, సుధాకర్‌, ప్రిన్సిపాల్స్‌ శీరి ష, అమరేందర్‌, ఎస్‌వో జ్యోతి పాల్గొన్నారు. పైప్‌లైన్‌ లీకేజీలు అరికట్టాలికమాన్‌పూర్‌: గ్రామాల్లో తాగునీటి పైపులైన్ల లీ కేజీలను గుర్తించి మరమ్మతు చేయాలని ఇన్‌ ట్రా డీఈ రాజ్‌కుమార్‌ సూచించారు. స్థానిక ఎంపీడీవో కార్యాలయంలో ఎంపీడీవో ప్రి యాంక అధ్యక్షతన బుధవారం జరిగిన సమావేశంలో పలు సూచనలు చేశారు. ఎల్‌నీవో నేపథ్యంలో తాగునీటి సమస్య తలెత్తకుండా చర్య లు తీసుకోవాలని సర్పంచులు, పంచాయతీ కార్యదర్శులు, అధికారులకు సూచించారు. మిషన్‌ భగీరథ డీఈ ఖలీల్‌ హమ్మద్‌, ఏఎంసీ చైర్మన్‌ వైనాల రాజు, పీఏసీఎస్‌ చైర్మన్‌ ఇనగంటి భాస్కర్‌రావు, ఏఈలు పాల్గొన్నారు. ఏఎంసీకి పర్సన్‌ ఇన్‌చార్జికాల్వశ్రీరాంపూర్‌: కాల్వశ్రీరాంపూర్‌ వ్యవసా య మార్కెట్‌ కమిటీ(ఏఎంసీ) పర్సన్‌ ఇన్‌చా ర్జిగా సిద్దిపేట మార్కెటింగ్‌ అసిస్టెంట్‌ డైరెక్టర్‌ డి.ప్రకాశ్‌ను నియమించారు. ఈమేరకు ఆయ న బుధవారం బాధ్యతలు స్వీకరించినట్లు డీ ఎంవో ప్రవీణ్రెడ్డి తెలిపారు. వ్యవసాయ మా ర్కెట్‌ కమిటీ పాలకవర్గం పదవీకాలం గతనెల 28న తేదీన ముగిసిందని, దీంతో ప్రకాశంను పర్సర్‌ ఇన్‌చార్జిగా నియమిస్తూ ప్రభుత్వం ఉత్తర్వులు జారీచేసిందని ఆయన వివరించారు. మట్టిపాత్రలతో ఆరోగ్యం మంథనిరూరల్‌: ప్లాస్టిక్‌, అల్యూమినియం పా త్రల వినియోగంతో క్యాన్సర్‌ లాంటి ప్రాణాంతక వ్యాధులబారిన పడుతున్నామని, మట్టిపాత్రలు వాడితే సంపూర్ణ ఆరోగ్యంగా ఉంటామ ని కుమ్మర సంఘం రాష్ట్ర అసోసియేట్‌ అధ్యక్షు డు టీకే శ్రీనివాస్‌ అన్నారు. కుంబార్‌ స్వశక్తి కి రణ్‌ కార్యక్రమంలో భాగంగా గ్రామోద్యోగ వి కాస్‌ యోజన ద్వారా కుమ్మర యువకులకు సూరయ్యపల్లిలో బుధవారం శిక్షణ ఇచ్చారు. ఆయన మాట్లాడుతూ, మన పూర్వీకులు మట్టిపాత్రలనే వాడటంతో ఆరోగ్యంగా ఉండేవారన్నారు. శిక్షణ ద్వారా యువకులు వృత్తి నైపుణ్యాన్ని పెంపొందించుకుని ఆధునిక మట్టి పాత్రలను తయారు చేయాలని సూచించారు. ఈ కార్యక్రమంలో సంఘం జిల్లా అధ్యక్షుడు ఆషాడపు లింగయ్య, ప్రధాన కార్యదర్శి కటికనపల్లి రవీందర్‌, ఇన్‌స్ట్రక్టర్‌ రాతిపల్లి నగేశ్‌, ప్రతినిధులు రేపాక శంకర్‌, రాములు, కల్వచర్ల రా జేందర్‌, ఇందారపు రాజు, శ్రీనివాస్‌, మల్ల య్య, రవీందర్‌, రవళి పాల్గొన్నారు.

గోదావరిఖని: కుందనపల్లి ఎన్టీపీసీ బూడిద లారీల నుంచి ఒక్కో ట్రిప్పుకు రూ.500 చొప్పున వసూలు చేసిన సొమ్మును ఏంచేశారో కలెక్టర్‌, రామగుండం ఎమ్మెల్యే సమాధానం చెప్పాలని మాజీ ఎమ్మెల్యే కోరుకంటి చందర్‌ బుధవారం డిమాండ్‌ చేశారు. అంతర్గాం మండలం కుందనపల్లిలోని ఎన్టీపీసీ బూడిద చెరువు నుంచి అనుమతులు పొందిన కాంట్రాక్టర్లు.. లారీల ద్వారా బూడిద రవాణా చేస్తున్నారని, మార్గమధ్యంలో కంటైనర్‌ ఏర్పాటు చేసి రెవెన్యూ సిబ్బంది పే రిట ఒక్కో ట్రిప్పుకు రూ.500 చొప్పున వ సూలు చేస్తున్నారని ఆ యన ఆరోపించారు. ఈవ్యవహారంపై వి మర్శలు రావడంతో కంటైనర్‌ను తాత్కాలి కంగా తొలగించారని, కానీ, మూడేళ్లపాటు వసూలు చేసిన సొమ్ము ఎంత అని, ఆ డబ్బులు ఎవరి చేతులు మారాయని, ఎవరి ఖాతాల్లోకి వెళ్లిందనే వివరాలను అధికార యంత్రాంగం బయటపెట్టాలని కోరారు. నిజాని జాలు వెలుగులోకి వచ్చేందుకు సీబీఐ, డీవోపీటీ తదితర కేంద్ర దర్యాప్తు సంస్థలతో విచారణ జరిపించాలని విన్నవిస్తామని కోరుకంటి చందర్‌ తెలిపారు.

కోల్‌సిటీ: విద్యార్థి దశలోనే క్రమశిక్షణ, మానవతా విలువలు, పరస్పర గౌరవం, సేవాభావాన్ని అలవర్చుకోవాలని రామగుండం పోలీస్‌ కమిషనర్‌ అంబర్‌ కిశోర్‌ ఝా సూచించారు. ర్యాగింగ్‌కు దూరంగా ఉండాలన్నారు. గోదావరిఖనిలోని సింగరేణి ఇనిస్టిట్యూట్‌ ఆఫ్‌ మెడికల్‌ సైన్సెస్‌ (సిమ్స్‌)లో బుధవారం యాంటీ ర్యాగింగ్‌, మాదకద్రవ్యాల దుష్పరిణామాలు, వాటి వినియోగం, సరఫరాపై ఉన్న చట్టాలు, శిక్షలపై విద్యార్థులకు అవగాహన కల్పించారు. విద్యార్థులు మంచి వైద్యులుగా ఎదగాలని సూచించారు. జూనియర్లను ర్యాగింగ్‌కు గు రిచేస్తే కఠిన చర్యలు ఉంటాయని ఆయన హెచ్చరించారు. ర్యాగింగ్‌తో పాటు మాదకద్రవ్యాల వినియోగం కూడా యువత భవిష్యత్తుకు ముప్పు అని హెచ్చరించారు. కొద్దిమంది విద్యార్థుల తప్పిదాలతో కళాశాల పేరు ప్రతిష్ట దెబ్బతినకూడదని సీపీ అన్నారు. సీనియర్‌ విద్యార్థులు జూనియర్లను వేధించకుండా అండగా నిలవాలని గోదావరిఖని ఏసీపీ రమేశ్‌ సూచించారు. ఈ కార్యక్రమంలో మెడికల్‌ కాలేజీ ప్రిన్సిపాల్‌ దయాల్‌సింగ్‌, జీజీహెచ్‌ మెడికల్‌ సూపరింటెండెంట్‌ హిమబిందుసింగ్‌, వైస్‌ ప్రిన్సిపల్‌ రేఖ, వన్‌టౌన్‌ ఇన్‌స్పెక్టర్‌ ఇంద్రసేనారెడ్డి, టాస్క్‌ఫోర్స్‌/నార్కోటిక్‌ ఎస్‌ఐ రమేశ్‌, ఆర్‌ఎస్‌ఐ ప్రవీణ్‌, ఎస్‌ఐలు మనోహర్‌, రాజశేఖర్‌, వార్డెన్‌ ఓబులేశ్‌ తదితరులు పాల్గొన్నారు.

పెద్దపల్లిరూరల్‌: ప్రకృతి వ్యవసాయ పద్ధతిలో ‘న వార’ రకం వరి వంగడాలతో పంటను చీకురాయి లో సాగు చేసిన రైతు మొండెద్దుల జగన్‌ పొలాన్ని ఏడీఏ శ్రీనాథ్‌, ఏవో నాగార్జున తదితరులు బుధవారం సందర్శించారు. షుగర్‌ బాధితులు ఈరకం బియ్యాన్ని ఆహారంగా తీసుకునేందుకు ముందుకొస్తున్నారని రైతు తెలిపాడు. సేంద్రియ పద్ధతిన సాగు చేసిన రైతును వ్యవసాయాధికారులు అభినందించారు. దేశీయ పద్ధతిన పశువుల పేడ, మూత్రంతోనే పంట పండించడంతో ఆహారంగా తీసుకున్నవారు ఆరోగ్యంగా ఉంటారని పేర్కొన్నారు. కార్యక్రమంలో సర్పంచ్‌ ఓదెల శ్రీనివాస్‌, ఏఈవో సౌమ్య, వినయ్‌కుమార్‌ తదితరులు పాల్గొన్నారు.

గోదావరిఖని: మారుపేర్ల కార్మికుల డిపెండెంట్లకు ఉద్యోగాలు ఇచ్చే విషయంపై సింగరేణి యాజమాన్యం సీరియస్‌గా ముందుకు సాగుతోంది. సంస్థ వ్యాప్తంగా సుమారు 300 మంది మారుపేర్ల కార్మికుల పిల్లలకు ఉద్యోగాలు కల్పించే అంశంపై కసరత్తు చేస్తోంది. వాస్తవ నిబంధనల ప్రకారం ఎలా ముందుకు వెళ్లాలి? ఈ సమస్యను అధిగమించాలంటే ఏం చేయాలి? గతంలో ఎలాంటి పద్ధతులు అనుసరించారు? అనే అంశాలపై సంబంధిత శాఖ అధికారులు ఫైల్‌ సిద్ధం చేస్తున్నారు. అనేక ఏళ్లుగా పెండింగ్‌లో ఉన్న ఈ సమస్యకు పరిష్కారం చూపే దిశగా కసరత్తు ప్రారంభించినట్లు తెలుస్తోంది. వన్‌టైం సెటిల్‌మెంట్‌ విధానం ద్వారా ఉద్యోగ అవకాశాలు కల్పించే ప్రతిపాదనను యాజమాన్యం సీరియస్‌గా పరిశీలిస్తున్నట్లు సమాచారం. సింగరేణి వ్యాప్తంగా ఎంతమంది మారుపేర్ల డిపెండెంట్లు ఉన్నారు? వారిలో ఏయే పరిస్థితుల్లో ఉద్యోగం ఇచ్చే ఫైల్‌ పెండింగ్‌లో ఉంది? వీరిలో ఎవరెవరికి ఉద్యోగాలు ఇవ్వవచ్చు? అనే విషయంలో సంబంధిత అధికారుల నుంచి వివరాలు ఇవ్వాలని ఆదేశాలు రావడంతో అధికారులు ఫైల్‌ సిద్ధం చేసేందుకు చర్యలు చేపట్టారు. ఇప్పటివరకు సుమారు 300 మంది వరకు మారుపేర్ల కార్మికులు ఉన్నట్లు అంచనా. వారి సర్వీసు వివరాలు, అర్హతలు, ఇతర అంశాలను పరిశీలించి సమగ్ర నివేదిక రూపొందించనున్నట్లు సమాచారం. సీఎండీ, డైరెక్టర్‌(పా) పరిశీలనకు ఫైల్‌ సేకరించిన వివరాలతో ప్రత్యేక ఫైలును సిద్ధం చేసి సింగరేణి సీఎండీ, డైరెక్టర్‌ (పా) పరిశీలనకు ఉంచేందుకు అధికారులు సన్నద్ధమవుతున్నారు. వన్‌టైం సెటిల్‌మెంట్‌ కింద ఉద్యోగాలు కల్పించే అంశంలో సాధ్యాసాధ్యాలు, నిబంధనలు, సంస్థపై పడే ప్రభావం తదితర అంశాలను ఉన్నతాధికారులకు నివేదించనున్నట్లు తెలుస్తోంది. సానుకూల నిర్ణయం కోసం ఎదురుచూపులు వన్‌టైం సెటిల్‌మెంట్‌ ప్రతిపాదనకు సింగరేణి యాజమాన్యం ఆమోదం తెలిపితే సుమారు 300 మంది మారుపేర్ల కార్మికుల కుటుంబాలకు ప్రయోజనం కలిగే అవకాశం ఉంది. అనేక ఏళ్లుగా ఉద్యోగాల కోసం ఎదురుచూస్తున్న వారి కుటుంబాల్లో కొత్త జీవితం ప్రారంభం కానుంది. ఉన్నతాధికారుల పరిశీలన అనంతరం ఎలాంటి నిర్ణయం వెలువడుతుందన్నది సింగరేణి కార్మిక వర్గాల్లో ఆసక్తికరంగా మారింది.

పెద్దపల్లి: బాలికల్లో ఆత్మవిశ్వాసం పెంపొందించడంతోపాటు ఆపద సమయంలో తమను తాము రక్షించుకునేందుకు జిల్లా విద్యాశాఖ కరాటేలో శిక్షణ ఇచ్చేందుకు చర్యలు తీసుకుంటోంది. ఇందుకోసం జిల్లాలో ఎంపిక చేసిన 48 ప్రభుత్వ ఉన్నత పాఠశాలల్లో రాణీలక్ష్మీబాయి కరాటే శిక్షణ తరగతులు నిర్వహించనుంది. గతంలోనే పీఎంశ్రీ పాఠశాలల్లో శిక్షణ ఇప్పించిన విషయం తెలిసిందే. ఈనెల 16న శిక్షణ ప్రారంభించి మూడు నెలల పాటు కొనసాగించేందుకు అధికారులు ఏర్పాట్లు చేస్తున్నారు. బాలికలు అధికంగా ఉన్న స్కూళ్లలో.. కనీసం 50 మంది బాలికలు ఉన్న ఉన్నత పాఠశాలలను శిక్షణ కోసం ఎంపిక చేశారు. ఒక్కో పాఠశాలకు రూ.30 వేల చొప్పున కేటాయించారు. మొత్తం 36 తరగతుల ద్వారా ప్రాథమిక మెలకువలు, ఆత్మరక్షణ పద్ధతులను నిపుణులైన మాస్టర్లు నేర్పించనున్నారు. ప్రభుత్వ పాఠశాలలతో పాటు కేజీబీవీలు, మోడల్‌ స్కూల్స్‌, గురుకులాలు, మహాత్మా జ్యోతిబా పూలే బాలికల హాస్టల్లో 5,677 మంది విద్యార్థినులకు కరాటేలో శిక్షణ ఇవ్వనున్నారు. దీనిద్వారా బాలికలు శారీరకంగా దృఢంగా ఉండటంతోపాటు ఆత్మవిశ్వాసం పెంపొందించుకోవచ్చని విద్యాశాఖ భావిస్తోంది. నిపుణుల ఎంపిక పూర్తి ప్రభుత్వ పాఠశాలల్లో రాణీలక్ష్మీబాయి కరాటే శిక్షణ కార్యక్రమం గతంలోనూ కొనసాగింది. కరోనా సమయంలో నిలిచిపోయిన ఈ కార్యక్రమాన్ని 2022–23లో తిరిగి ప్రారంభించారు. అయితే గత విద్యా సంవత్సరంలోనూ శిక్షణ నిలిచిపోవడంతో ఈసారి మళ్లీ నిర్వహించేందుకు జిల్లా విద్యాశాఖ అధికారులు చర్యలు తీసుకున్నారు.

రామగిరి: గ్రామపంచాయతీల సొంత ఆదాయాన్ని ఇకపై నేరుగా పంచాయతీ బ్యాంకు ఖాతాల్లోనే జమ చేసేలా ప్రభుత్వం నిర్ణయం తీసుకుంది. పంచాయతీరాజ్‌ చట్టం–2018లోని సెక్షన్‌ 70(3)కు సవరణ చేయడంతో ట్రెజరీలో నిధులు జమ చేసి, వినియోగానికి ఎదురుచూడాల్సిన పరిస్థితికి తెరపడనుంది. దీంతో జిల్లాలోని 263 గ్రామపంచాయతీలకు ఆర్థిక నిర్వహణలో వెసులుబాటు కలగనుంది. పన్నులు, ఫీజుల రూపంలో వచ్చే సొంత ఆదాయం ట్రెజరీలో జమచేయాల్సి రావడంతో నిధుల వినియోగంలో జాప్యం జరిగేది. చిన్న మరమ్మతులు, పారిశుధ్యం నిర్వహణ, వీధిదీపాలు, తాగునీరు, డ్రైనేజీ వంటి అత్యవసర పనులకు కూడా ప్రక్రియ పూర్తి చేయాల్సి వచ్చేది. ఇక సొంత ఆదాయం నేరుగా ఖాతాలోకి రావడంతో గ్రామసభ తీర్మానం మేరకు స్థానిక అవసరాలకు అనుగుణంగా, ప్రాధాన్య క్రమంలో పనులు చేపట్టే స్వేచ్ఛ లభించనుంది. గ్రామంలో సమకూరే ఆదాయం అదే గ్రామ అభివృద్ధికి వినియోగించే అవకాశం ఏర్పడటంతో ఇతర శాఖలపై ఆధారపడే పరిస్థితి తగ్గనుంది.

విజయాల ఎన్టీపీసీ జ్యోతినగర్‌: 1978 నవంబర్‌ 14న అప్పటి ప్రధాని మొరార్జీ దేశాయ్‌ శంకుస్థాపన చేసిన రామగుండంలోని ఎన్టీపీసీ ఈనెల 14న 48 ఏళ్లు పూర్తి చేసుకుని 49వ సంవత్సరంలోకి అడుగుపెడుతోంది. 1983 నవంబర్‌ 26న తొలి 200 మెగావాట్ల యూనిట్‌తో ఉత్పత్తి ప్రారంభించి, ఏడు యూనిట్ల ద్వారా 2,600 మెగావాట్ల థర్మల్‌ సామర్థ్యాన్ని సాధించింది. తెలంగాణ సూపర్‌ థర్మల్‌ పవర్‌ ప్రాజెక్టు తొలిదశలో ఒక్కోటి 800 మెగవాట్ల సామర్థ్యంతో రెండు యూనిట్లు పూర్తి చేసుకుని, రెండోదశలో ఒక్కోటి 800 మెవాట్ల సామర్థ్యంతో మూడు యూనిట్ల నిర్మాణానికి శ్రీకారం చుట్టారు. స్వచ్ఛ ఇంధనంలో 130 మెగావాట్ల గ్రౌండ్‌ మౌంటెడ్‌, 156 మెగావాట్ల ఫ్లోటింగ్‌ సోలార్‌ ప్లాంట్లు ఏర్పాటు చేసింది. 2026 జూన్‌ 13న 100 ఎండబ్ల్యూహెచ్‌ బ్యాటరీ ఎనర్జీ స్టోరేజ్‌ సిస్టమ్‌కు శంకుస్థాపన చేశారు. భద్రతలో ఐఈఐ–ఎస్‌క్యూఎఫ్‌ 23వ అంతర్జాతీయ భద్రతా సదస్సు–2026లో సేఫ్టీ ఇన్నోవేషన్‌ అవార్డు–2026 అందుకుంది. ఎంజీఆర్‌ రైలు మార్గంలో ఎస్‌అండ్‌టీ ఇంటర్‌లాక్డ్‌ లెవెల్‌ క్రాసింగ్‌లు ప్రారంభించింది. 100శాతం బూడిద వినియోగం సాధించి, సెనోస్పియర్‌ సేకరణ, అమ్మకాలు ప్రారంభించింది. సిమెంట్‌ ఫ్రీ ఫ్లై యాష్‌ బేస్డ్‌ జియోపాలిమర్‌ రోడ్డు నిర్మించింది. పర్యావరణ దినోత్సవం–2026 సందర్భంగా తెలంగాణ కాలుష్య నియంత్రణ మండలి ఎన్టీపీసీ రామగుండం, ధన్వంతరి ఆసుపత్రిని సత్కరించింది. సీఎస్‌ఆర్‌లో భాగంగా రూ.43.5 లక్షల విలువైన రెండు అంబులెన్స్‌లను గోదావరిఖని, పెద్దపల్లి ప్రభుత్వ ఆసుపత్రులకు అందించింది. పారిశ్రామిక క్యాంటీన్‌ ప్రారంభించింది. హిందీ అమలులో ఉత్కృష్ట కార్యకారణ హేతు ప్రశంసాపత్రం పొందింది. ఉద్యోగులు, ఇంజినీర్లు, కాంట్రాక్టు కార్మికుల శ్రమే విజయాలకు పునాది. ప్రస్తుతం థర్మల్‌ 4200, సోలార్‌ విద్యుత్‌ ఉత్పత్తి 286 మెగావాట్లు కలిపి 4,486 మెగావాట్ల ఉత్పత్తితో అతిపెద్ద హబ్‌గా ఉంది. స్టేజీ–2 పూర్తయితే 6,886 మెగావాట్లతో అతిపెద్ద విద్యుత్‌ ప్రాజెక్టుగా రామగుండంలోని ఎన్టీపీసీ ఆవిర్భవించనుంది.

రామకృష్ణాపూర్‌: సింగరేణి సంస్థ ఆధ్వర్యంలో నిర్వహిస్తున్న కంపెనీ స్థాయి క్రికెట్‌ చాంపియన్‌షిప్‌ పోటీలు మంచిర్యాల జిల్లా రామకృష్ణాపూర్‌లోని ఠాగూర్‌ స్టేడియంలో బుధవారం అట్టహాసంగా ప్రారంభమయ్యాయి. మూడు రోజులపాటు జరిగే ఈ పోటీల్లో సింగరేణి వ్యాప్తంగా ఆరు జట్లు పాల్గొంటున్నాయి. మందమర్రి ఏరియా జీఎం రాధాకృష్ణ పోటీలను ప్రారంభించారు. మందమర్రి –బెల్లంపల్లి సంయుక్త జట్టు, శ్రీరాంపూర్‌ జట్టు, మణుగూరు – ఇల్లెందు సంయుక్త జట్టు, కొత్తగూడెం కార్పొరేట్‌ జట్టు, ఆర్జీ 1, ఆర్జీ 2 సంయుక్త జట్టు, ఆర్జీ 3 –భూపాలపల్లి సంయుక్త జట్లు పాల్గొంటున్నాయి. జీఎం రాధాకృష్ణ మాట్లాడుతూ సింగరేణి యాజమాన్యం క్రీడల అభివృద్ధికి ప్రాధాన్యతనిస్తోందని, ఈసారి క్రీడా బడ్జెట్‌ పెంచిందని తెలిపారు. కోలిండియా స్థాయి పోటీల్లోనూ రాణించి సింగరేణి కీర్తి ప్రతిష్టలు చాటాలని కోరారు. క్రీడల్లో చూపిస్తున్న ఉత్సాహాన్ని ప్రతిభను బొగ్గు ఉత్పత్తిలోనూ ప్రదర్శించాలని సూచించారు. త్వరలో ఆర్‌కేపీతోపాటు మణుగూరు, తాడిచర్ల, శ్రావణపల్లి ప్రాంతాల్లో కొత్త గనులు రానున్నాయని తెలిపారు. కార్యక్రమంలో సీఎంవోఏఐ ఏరియా అధ్యక్షుడు రమేశ్‌, డీజీఎం(పర్సనల్‌) అశోక్‌, కేకే గ్రూప్‌ ఏజెంట్‌ ఖాదిర్‌, ఏఐటీయూసీ బ్రాంచి కార్యదర్శి సలెంద్ర సత్యనారాయణ, డబ్ల్యూపీఎస్‌జీఏ సెక్రటరీ కార్తీక్‌, సీనియర్‌ పీవో సురేందర్‌, స్పోర్ట్స్‌ సూపర్‌వైజర్లు అశోక్‌, నరేందర్‌రెడ్డి, శ్రీనివాస్‌ తదితరులు పాల్గొన్నారు. తొలిరోజు జరిగిన మ్యాచ్‌లు.. లీగ్‌ పద్ధతిలో నిర్వహిస్తున్న పోటీల్లో ఆరు జట్లు రెండు పూల్స్‌గా విడిపోయి తలపడుతున్నాయి. తొలిమ్యాచ్‌లో ఆర్జీ 1, ఆర్జీ 2 సంయుక్త జట్టు, ఆర్జీ 3 –భూపాలపల్లి సంయుక్త జట్టుతో తలపడి గెలుపొందింది. రెండోమ్యాచ్‌ ఆతిథ్య మందమర్రి –బెల్లంపల్లి సంయుక్త జట్టు, శ్రీరాంపూర్‌ జట్ల మధ్య జరుగగా శ్రీరాంపూర్‌ జట్టు గెలుపొందింది. మూడోమ్యాచ్‌ ఆర్జీ 3 –భూపాలపల్లి, ఇల్లెందు –మణుగూరు సంయుక్త జట్ల మధ్య జరగగా ఇల్లెందు –మణుగూరు జట్టు గెలుపొందింది.

భూపాలపల్లి అర్బన్‌: సింగరేణి రిటైర్డ్‌ ఉద్యోగులు, పింఛన్‌దారులు కార్యాలయాలకు వెళ్లే అవసరం లేకుండా తమ స్మార్ట్‌ఫోన్‌ ద్వారానే డిజిటల్‌ లైఫ్‌ సర్టిఫికెట్‌ (డీఎఫ్‌ఎస్‌) సమర్పించుకోవచ్చని ఏరియా ఎస్‌వోటూ జీఎం రమణ్‌ వీ పాఠక్‌ సూచించారు. బుధవారం ఏరియాలోని సింగరేణి కమ్యూనిటీహాల్‌లో నిర్వహించిన డిజిటల్‌ లైఫ్‌ సర్టిఫికెట్‌ అవగాహన సదస్సులో మాట్లాడారు. కేంద్ర ప్రభుత్వం చేపట్టిన డిజిటల్‌ లైఫ్‌ సర్టిఫికెట్‌ 5.0 కార్యక్రమంలో భాగంగా జీవన్‌ ప్రమాణ్‌ యాప్‌ ద్వారా ఫేస్‌ అథెంటికేషన్‌ విధానంలో లైఫ్‌ సర్టిఫికెట్‌ను సులభంగా సమర్పించవచ్చని వివరించారు. పింఛన్‌దారులు ఈనెల 30వ తేదీ వరకు డిజిటల్‌ లైఫ్‌ సర్టిఫికెట్లను సమర్పించాలని సూచించారు. కార్యక్రమంలో ఏరియా పర్సనల్‌ మేనేజర్‌ ఎస్‌.శ్యామ్‌సుందర్‌, సీనియర్‌ పర్సనల్‌ ఆఫీసర్‌ విశ్రాంత్‌ కుమార్‌, సీఎంపీఎఫ్‌ అధికారులు ఎం.శ్రీధర్‌ (సెక్షన్‌ ఆఫీసర్‌), కె.వెంకట్‌రెడ్డి (సీనియర్‌ ఎస్‌ఎస్‌ఏ), ఏఐటీయూసీ నాయకుడు జి.శ్రీనివాస్‌, ఐఎన్‌టీయూసీ నాయకుడు బి.మధుకర్‌రెడ్డి, అసిస్టెంట్‌ సూపరింటెండెంట్‌ మల్లెపల్లి రవి పాల్గొన్నారు.

హుజూరాబాద్‌: కార్తీక పౌర్ణమిని పురస్కరించుకుని భక్తుల సౌకర్యార్థం హుజూరాబాద్‌ ఆర్టీసీ డిపో ఆధ్వర్యంలో ఈ నెల 22న అరుణాచలానికి ప్రత్యేక ఆధ్యాత్మిక యాత్ర నిర్వహించనున్నట్లు డిపో మేనేజర్‌ టి. దయాకర్‌ ప్రకటనలో తెలిపారు. యాత్రలో భాగంగా కాణిపాకం వినాయకస్వామి, వెల్లూరు గోల్డెన్‌ టెంపుల్‌, తిరువణ్ణామలై అరుణాచలేశ్వరస్వామి ఆలయాలతో పాటు అలంపూర్‌ జోగులాంబ అమ్మవారి ఆలయాలను దర్శించుకునేలా ప్రణాళిక రూపొందించారు. 22న సాయంత్రం ఆరు గంటలకు హుజూరాబాద్‌ డిపో నుంచి బస్సు బయలుదేరుతుందని పేర్కొన్నారు. ఈ యాత్రకు టికెట్‌ ధర పెద్దలకు రూ. 4,500, పిల్లలకు రూ.3,200గా నిర్ణయించామని, ఆసక్తి గల భక్తులు ముందుగా సీట్లు రిజర్వేషన్‌ చేసుకోవాలని కోరారు.

● ప్రాజెక్టు గర్భంలోకి చేరిన స్వయంభూ ఆలయాలు ● ప్రతిష్ఠించిన ఆలయాల్లో పూజలతో తరిస్తున్న ముంపుబాధితులు రామగుండం: సుమారు 15 ఏళ్ల క్రితం వరకు ముర్మూర్‌ గ్రామస్తులు కార్తీక మాసంలో సూర్యోదయానికి ముందే గోదావరిలో స్నానమాచరించి, గోదావరి జలాలతో గ్రామ నడిబొడ్డున స్వయంభూ వెలసిన శ్రీపాతాళేశ్వర, చెన్నకేశవ ఆలయాల్లో అభిషేకం, దీపారాధన చేసి రోజంతా ఉపవాసం ఉండేవారు. పెద్దపల్లి జిల్లా అంతర్గాం మండలంలోని ముర్మూర్‌ అసలు పేరు మునిపురం. మునులు నివసించిన గ్రామంగా ప్రసిద్ధి. ఎల్లంపల్లి ప్రాజెక్టులో తొలి ముంపు గ్రామం ఇదే. ఇక్కడ గోదావరి సుమారు రెండు కిలోమీటర్ల మేర ఉత్తరవాహినిగా ప్రవహిస్తుంది. అందుకే ఇక్కడ స్నానం కాశీలో చేసినంత పుణ్యఫలమని పొరుగు రాష్ట్రాల నుంచి భక్తులు వచ్చేవారు. గ్రామం చుట్టూ 101 ఆంజనేయ విగ్రహాలతో అష్టదిగ్బంధనం, పాతాళేశ్వరాలయంలో మునులు ఏర్పాటు చేసిన సైకత శివలింగం, శ్రీచక్రంపై ఆసీనులైన చెన్నకేశవస్వామి ప్రత్యేకత. 1964లో నేదునూరి చెన్నకేశవరావు ఆధ్వర్యంలో అష్ట్రగహకూటమి నివారణకు 11 రోజులు మహాయాగం చేశారు.ప్రాజెక్టు వరద నీరు తగ్గినప్పుడు ఆలయాలు బయటపడితే బ్రాహ్మణ కుటుంబాలు నేటికీ వెళ్లి పూజలు చేస్తున్నారు. స్వయంభూ ఆలయాలు ముంపులోకి చేరాయి పునరావాస కాలనీలో నూతన విగ్రహాలను ప్రతిష్ఠించి పూజలు చేసినా స్వయంభూ ఆలయాల్లో పూజించినంత పుణ్యఫలం రాదు. గ్రామం ముంపునకు గురికాక ముందు ప్రజలు ఆయురారోగ్యాలతో, దీర్ఘకాలిక వ్యాధులు లేకుండా ఉండేవారు. – కమ్మల సత్యనారాయణశర్మ, ముర్మూర్‌ బ్రాహ్మణ పూజారి

బోయినపల్లి(చొప్పదండి): రాజన్న సిరిసిల్ల జిల్లా బోయినపల్లి మండలం మల్కాపూర్‌ గ్రామంలో తాటిచెట్టు నుంచి పడి గీతకార్మి కుడు మృతి చెందాడు. గ్రామస్తుల వివరాల ప్రకారం గ్రామానికి చెందిన పల్లెర్ల పెద్ద నారాయణ (58) గీతకార్మికుడు. మంగళవారం సాయంత్రం తాటిచెట్టు ఎక్కి దిగుతుండగా ప్రమాదవశాత్తు మోకు జారి పడ్డాడు. తలకు తీవ్రగాయం కావడంతో చెట్టువద్దనే ప్రాణాలు కోల్పోయాడు. నారాయణ రాత్రి అయినా ఇంటికి రాలేదని కుటుంబసభ్యులు వెతకగా చెట్టు వద్దే మృతి చెంది కనిపించాడు. నారాయణకు భార్య లక్ష్మి, ఆరుగురు కూతుర్లు, కుమారుడు రాజు ఉన్నారు. రాజు ఉపాధి నిమిత్తం దుబాయ్‌ వెళ్లగా తండ్రి మరణవార్త తెలుసుకుని బుధవారం స్వగ్రామం చేరుకుని, అంత్యక్రియలు పూర్తిచేశాడు. కరెంట్‌ షాక్‌తో అసిస్టెంట్‌ లైన్‌మెన్‌ .. పెద్దపల్లిరూరల్‌: పెద్దపల్లి పట్టణ శివారు రంగంపల్లిలో అసిస్టెంట్‌ లైన్‌మెన్‌ వేల్పుల మహేశ్‌(36) కరెంట్‌ షాక్‌తో బుధవారం మృత్యువాత పడ్డాడు. రామగుండం మండలం పెద్దంపేట గ్రామానికి చెందిన మహేశ్‌.. కొంతకాలంగా రంగంపల్లిలో నివాసముంటూ రంగంపల్లిలో విధులు నిర్వర్తిస్తున్నాడు. విద్యుత్‌ మరమ్మతు పనుల్లో భాగంగా స్తంభం పైకి ఎక్కి ప్రమాదవశాత్తు షాక్‌కు గురై మరణించాడు. ఘటనాస్థలాన్ని డీఈఈ రాజబ్రహ్మచారి, టౌన్‌ ఏఈ శ్రీనివాస్‌తోపాటు పలువురు అధికారులు సందర్శించి ప్రమాదఘటనకు కారణాలపై ఆరా తీశారు. మహేశ్‌కు భార్య సంధ్య, ఇద్దరు సంతానం ఉన్నారు. మహేశ్‌ మృతికి అధికారులు సంతాపం వ్యక్తం చేశారు. తక్కువ నీటితో సాగయ్యే పంటలే మేలు పెద్దపల్లిరూరల్‌: ఎల్‌నినో ప్రభావంతో నీటి లభ్యత తగ్గే ప్రమాదం ఉందని, రైతులు యాసంగిలో వరికి బదులు ప్రత్యామ్నాయంగా తక్కువ నీటి వినియోగంతో సాగయ్యే మొక్కజొన్న, వేరుశనగ, పెసర, బబ్బెర లాంటి ఆరుతడి పంటలనే వేసుకోవాలని ప్రభుత్వ విప్‌ విజయరమణారావు అన్నారు. మేరపల్లి, బొంపల్లి, కాసులపల్లి, పాలితం, కనగర్తి గ్రామాల్లో బుధవారం ధాన్యం కొనుగోలు కేంద్రాలను ప్రారంభించి మాట్లాడారు. కొనుగోలు కేంద్రాల్లో మద్దతు ధరకే విక్రయించుకోవాలని సూచించారు. అప్పన్నపేట, పెద్దపల్లి సింగిల్‌విండో చైర్మన్లు చింతపండు సంపత్‌, ముత్యాల నరేశ్‌, అప్పన్నపేట సీఈవో గడ్డి తిరుపతితోపాటు నాయకులు గుర్రాల రాజు తదితరులున్నారు. ఎన్నికల హామీని అమలు చేయాలి పెద్దపల్లి: ఎన్నికల ముందు కాంగ్రెస్‌ ఇచ్చిన హామీ మేరకు ఎన్‌హెచ్‌ఎం ఉద్యోగులను క్రమబద్ధీకరించి, సమస్యలను పరిష్కరించాలని నాయకులు డిమాండ్‌ చేశారు. కలెక్టరేట్‌ ఎదుట ఎన్‌హెచ్‌ఎం ఉద్యోగులు చేపట్టిన దీక్ష శిబిరాన్ని నాయకులు సందర్శించి మద్దతు ప్రకటించారు. కొన్నేళ్లుగా ఎన్‌హెచ్‌ఎం ఉద్యోగులు వేతన బకాయిలు, కనీస వేతనాలు, రెగ్యులరైజేషన్‌ కోసం పలుమార్లు ఆందోళనలు, ధర్నాలు నిర్వహించినా పరిష్కారం లభించలేదన్నారు. ఈ కార్యక్రమంలో మహేందర్‌, శ్రీనివాస్‌రెడ్డి, శేఖర్‌, రమేశ్‌, ఎన్‌హెచ్‌ఎం, స్కైలాబ్‌రాణి, రమాదేవి, రాజేశ్వరి, రాజుబాయి, పద్మాంజలి, లక్ష్మణ్‌, నర్మద, రవళి, మేఘమాల తదితర ఉద్యోగులు పాల్గొన్నారు.

పెద్దపల్లి: పెద్దపల్లి జిల్లా కేంద్రంలోని కూనారం రైల్వేగేట్‌ సమీపంలో బుధవారం గూడ్స్‌ రైలు ఇంజిన్‌ నిర్ణీత డెడ్‌లైన్‌ను దాటి ముందుకు వెళ్లడం కలకలం రేపింది. రైళ్ల రాకపోకల నేపథ్యంలో బోగీలను ఒక లైన్‌ నుంచి మరోలైన్‌కు మార్చే క్రమంలో ఈ ఘటన చోటుచేసుకున్నట్లు తెలుస్తోంది. కాజీపేట జంక్షన్‌ నుంచి బెల్లంపల్లి వైపు వెళ్తున్న గూడ్స్‌ రైలు కూనారం గేటు వద్దకు రాగానే అదుపు తప్పడంతో లోకోపైలట్‌ అప్రమత్తమయ్యారు. ఇంజిన్‌ డెడ్‌లైన్‌ దాటిన విషయాన్ని గుర్తించిన రైల్వే అధికారులూ వెంటనే అప్రమత్తమయ్యారు. ఘటనా స్థలానికి చేరుకున్న సిబ్బంది మరమ్మతు చర్యలు చేపట్టారు. ఇంజిన్‌ను యథాస్థితికి తీసుకువచ్చేందుకు ప్రయత్నించారు. ఈ ఘటనలో ఎలాంటి ప్రాణ, ఆస్తి నష్టం సంభవించలేదని రైల్వే అధికారులు ప్రకటించారు. ఇంజిన్‌ డెడ్‌లైన్‌ దాటడానికి గల కారణాలపై రైల్వే అధికారులు విచారణ చేపట్టారు. ప్రమాదం తప్పడంతో స్థానికులు ఊపిరి పీల్చుకున్నారు. అధికారులే ప్రజల వద్దకు రావాలి రామగిరి: ప్రజలు తమ హక్కుల కోసం ప్రభుత్వ కార్యాలయాల చుట్టూ తిరగాల్సిన అవసరం లేదని, అధికారులే ప్రజల వద్దకు వచ్చేలా పోరాటం చేయాలని మంథని మాజీ ఎమ్మెల్యే పుట్ట మధూకర్‌ అన్నారు. బుధవారం రాజాపూర్‌ గ్రామాన్ని సందర్శించి మాట్లాడారు. కాంగ్రెస్‌ అధికారంలోకి వచ్చి మూడేళ్లు గడుస్తున్నా నిర్వాసితులకు న్యాయం జరగకపోవడం బాధాకరమన్నారు. ఈ కార్యక్రమంలో బీఆర్‌ఎస్‌ మండల అధ్యక్షుడు రవీందర్‌, నాయకులు పూదరి సత్యనారాయణ గౌడ్‌, పుల్లెల కిరణ్‌, కలవేన సదానందం, జాపతి శేఖర్‌, బొంకూరి పోచం, ఆసం తిరుపతి, రేండ్ల కుమార్‌స్వామి తదితరులు పాల్గొన్నారు. తాగునీటి సరఫరాకు ప్రణాళిక రామగిరి: ఎల్‌నినోతో వేసవిలో తాగునీటి సమస్యలు తలెత్తకుండా అధికారులు ముందస్తు కార్యా చరణ సిద్ధం చేస్తున్నారు. ఇందులో భాగంగా బుధ వారం స్థానిక మండల పరిషత్‌ కార్యాలయంలో ఎంపీడీవో శైలజారాణి ఆధ్వర్యంలో సర్పంచులు, పంచాయతీ కార్యదర్శులతో సమన్వయ సమావే శం నిర్వహించారు. గ్రామాల్లో తాగునీటి సరఫరా పరిస్థితి, నీటివనరుల లభ్యత, సమస్యలపై చర్చించారు. సమస్యలు గుర్తించి సకాలంలో పరిష్కరించాలని, ప్రజలకు ఇబ్బందులు కలగకుండా సంబంధిత శాఖలు సమన్వయంతో పనిచేయాలని సూచించారు.

రామగుండం: అంతర్గాం డబుల్‌ బెడ్రూమ్‌ ఇళ్లకు 2016లో నిర్వహించిన గ్రామసభల్లో లక్కీ డ్రా ద్వారా లబ్ధిదారులను ఎంపిక చేశారు. 2017 ఫిబ్రవరిలో భూసేకరణ చేసి ఇళ్ల నిర్మాణాలు ప్రారంభించారు. తొలివిడత 2018లో కుందనపల్లిలో – 20, అంతర్గాంలో – 60, లింగాపూర్‌లో 20, రాయదండిలో –20, ఎగ్లాస్‌పూర్‌లో –20, రెండోవిడత 2019లో కుందనపల్లిలో –10, బ్రాహ్మణపల్లిలో –30, ఆకెనపల్లిలో –20, లింగాపూర్‌లో –5, రాయదండిలో –10, ఎగ్లాస్‌పూర్‌లో–10, మద్ధిర్యాలలో –20, ముర్మూర్‌లో –10, గోలివాడలో –30, పొట్యాలలో–10, మూడోవిడత అక్టోబర్‌ 2021లో రాయదండిలో –30, ఎల్లంపల్లిలో –10, మద్ధిర్యాలలో –20, ముర్మూర్‌లో–10 మందిని ఎంపిక చేశారు. కాంట్రాక్టర్‌కు గిట్టుబాటు కాకపోవడం, బిల్లులు రాకపోవడంతో నిర్మాణాలు మధ్యలోనే నిలిచిపోయాయి. దీంతో లబ్ధిదారులు దశాబ్దంగా ఎదురుచూస్తున్నారు.

సుల్తానాబాద్‌రూరల్‌: కొనుగోలు కేంద్రాల్లో విక్రయించిన ధాన్యం డబ్బులు 24గంటల్లోనే రైతుల బ్యాంకు ఖాతాల్లో జమ అవుతున్నాయని ప్రభుత్వ విప్‌, పెద్దపల్లి ఎమ్మెల్యే విజయరమణారావు అన్నారు. నర్సయ్యపల్లి, బొంతకుంటపల్లి, గర్రెపల్లి, భూపతిపూర్‌లోని ధాన్యం కొనుగోలు కేంద్రాలను మంగళవారం ప్రారంభించి మాట్లాడారు. రైతులు ఉదళారులను నమ్మి మోసపోవద్దన్నారు. జిల్లా గ్రంథాలయ సంస్థ చైర్మన్‌ అంతటి అన్నయ్యగౌడ్‌, ఏఎంసీ చైర్మన్‌ ప్రకాశ్‌రావు, సింగిల్‌విండో చైర్‌పర్సన్‌ కల్లెపల్లి జానీ, సర్పంచులు తిరుమల్‌రావు, శ్రీరంగారావు, రమేశ్‌గౌడ్‌, చిన్నయ్య, సీఈవో నబియొద్దిన్‌, రైతులు పాల్గొన్నారు. సన్నవడ్లకు మద్దతు ధర, బోనస్‌ ఎలిగేడు: ప్రభుత్వ కొనుగోలు కేంద్రాల్లోనే సన్నవడ్లకు మద్ధతు ధర లభించడంతోపాటు క్వింటాల్‌పై రూ.500బోనస్‌ వర్తిస్తోందని ప్రభుత్వ విప్‌ విజయరమణారావు అన్నారు. బుర్హాన్‌మియాపేట, సుల్తాన్‌పూర్‌, నారాయణపల్లి, ర్యాకల్‌దేవుపల్లి, రాములపల్లిలో ధాన్యం కొనుగోళ్లను ప్రారంభించి మాట్లాడారు. ఎల్‌నినోతో భూగర్భ జలాలు అడుగంటుతున్నాయని, యాసంగిలో వరికి బదులు ప్రత్యామ్నయ పంటలు సాగు చేయాలని ఆయన సూచించారు. అనంతరం బుర్హాన్‌మియాపేట, నారాయణపల్లి, నర్సాపూర్‌, ర్యాకల్‌దేవుపల్లి, రాములపల్లి గ్రామాల్లో మహిళా సంఘం భవనాలకు ప్రభుత్వ విప్‌ శంకుస్థాపన చేశారు. ఎలిగేడు సింగిల్‌విండో చైర్మన్‌ సామ రాజేశ్వర్‌రెడ్డి, మార్కెట్‌ కమిటీ చైర్మన్‌ పొట్యాల రమేశ్‌, వైస్‌చైర్మెన్‌ కోరుకంటి వెంకటేశ్వర్‌రావు, కాంగ్రెస్‌ రాష్ట్ర నాయకుడు దుగ్యాల సంతోష్‌రావు, సర్పంచుల ఫోరం మండల అధ్యక్షుడు ఏలేటి వెంకట్‌రెడ్డి, సర్పంచులు కప్పల ప్రవీణ్‌, గోపు రజిత, సిద్ది తిరుపతియాదవ్‌, మద్దెల రమాదేవి, పల్లెర్ల వెంకటేశ్‌గౌడ్‌, మారం కొమురయ్య తదితరులు పాల్గొన్నారు.

పెద్దపల్లిరూరల్‌: పల్లె ప్రజలకు మిషన్‌భగీరథ ద్వారా తాగునీరు సక్రమంగా సరఫరా అవుతోందా? ఏమైనా ఇబ్బందులున్నాయా? అని ఎంపీడీవో శ్రీనివాస్‌ ఆరా తీశారు. బ్రాహ్మణపల్లి రైతువేదికలో మిషన్‌భగీరథ ఇంట్రా డీఈఈ సతీశ్‌, గ్రిడ్‌ అనిల్‌కుమార్‌, ఏఈలు అభిలాష్‌, రాముతోపాటు సర్పంచులు, పంచాయతీ కార్యదర్శులతో మంగళవారం సమావేశమయ్యారు. ఎల్‌నినో ప్రభావంతో తాగునీరు సరఫరాకు అంతరాయం కలిగే అవకాశమున్నందున నీటిని పొదుపుగా వాడుకునేలా ప్రజల్ని చైతన్యపర్చాలని సూచించారు. అలాగే బీవీజీరాంజీ ద్వారా రోజూ కనీసం 60మంది కూలీలకు పనులు కల్పించాలని ఏపీవో రమేశ్‌బాబుకు సూచించారు. పలువురు అధికారులు పాల్గొన్నారు.

అంతకు ముందు ఉన్నది కాకుండా.. ఐదేళ్ల క్రితం డబుల్‌ బెడ్రూమ్‌ ఇళ్ల లబ్ధిదారులను ఎంపికచేశారు. ఈ జాబితా నా వద్ద ఉంది. లబ్ధిదారులు ఎలాంటి నివాసంలో ఉన్నారు, స్థలం లేనివారు ఎవరు అని గుర్తించి మళ్లీ ఎంపిక చేస్తాం. త్వరలోనే లబ్ధిదారులకు కేటాయించే ప్రక్రియ చేపడతాం. – ప్రసాదరావు, తహసీల్దార్‌, అంతర్గాం ఆందోళన వద్దు అర్హులైన లబ్ధిదారులు ఆందోళన చెందాల్సిన అవసరం లేదు. డబుల్‌బెడ్రూమ్‌ ఇళ్ల సముదాయాన్ని వినియోగంలోకి తీసుకొస్తాం. ఇతర గ్రామాల్లోని లబ్ధిదారులను ఇందిరమ్మ పథకంలో చేర్చి లబ్ధి చేకూరుస్తాం. వివిధ శాఖల అధికారులతో క్షేత్ర సర్వే చేయించి జాబితా రూపొందిస్తాం. – ఎంఎస్‌ రాజ్‌ఠాకూర్‌, ఎమ్మెల్యే, రామగుండం

మంథని: గోదావరి పుష్కరాల సందర్భంగా చే పట్టిన రోడ్డు నిర్మాణం, విస్తరణ పనులను వేగవంతం చేయాలని కలెక్టర్‌ కోయ శ్రీహర్ష ఆదేశించారు. పట్టణంలో కలెక్టర్‌ మంగళవారం ప ర్యటించారు. మంథని–గోదావరిఖని ప్రధాన రహదారి, పుష్కర ఘాట్‌ సమీపంలోని రోడ్డు, మహాలక్ష్మీ ఆలయ రోడ్డు విస్తరణ పనులను పరిశీలించారు. రోడ్డు విస్తరణకు అడ్డుగా ఉన్న విద్యుత్‌ స్తంభాల తరలింపు ప్రక్రియను త్వరితగతిన పూర్తిచేయాలనిన్నారు. రోడ్డు పనులకు ఆటంకాలు లేకుండా చర్యలు చేపట్టాలని సూ చించారు. మున్సిపల్‌ చైర్మన్‌ వొడ్నాల శ్రీనివాస్‌, వైస్‌ చైర్మన్‌ ముస్కుల సహేందర్‌రెడ్డి, ట్రాన్స్‌కో శాఖ ఎస్‌ఈ గంగాధర్‌, మున్సిపల్‌ కమిషనర్‌ మనోహర్‌ తదితరులు పాల్గొన్నారు. పరిశ్రమల భద్రత లక్ష్యం జ్యోతినగర్‌: కీలక పారిశ్రామిక సంస్థలు, వ్యూ హాత్మక ప్రాధాన్యత కలిగిన ప్రాంతాలకు ప టిష్ట భద్రత కల్పించాలని రామగుండం పోలీస్‌ కమిషనర్‌ అంబర్‌ కిశోర్‌ ఝా ఆదేశించారు. ఎ న్టీపీసీ పోలీస్‌స్టేషన్‌ను మంగళవారం తనిఖీ చే శారు. ఏసీపీ రమేశ్‌, ఎస్సై వెంకటస్వామి మొ క్క అందజేసి స్వాగతం పలికారు. 5 ఎస్‌ విధానాన్ని సమర్థవంతంగా అమలు చేయాలని, రికార్డులను క్రమపద్ధతిలో నిర్వహించాలని సూచించారు. పాత నేరస్థులు, రౌడీషీటర్లు, హిస్టరీ షీటర్ల కదలికలపై నిఘా ఉంచాలని చెప్పారు. నేరాలు, పెండింగ్‌ కేసులు, దర్యాప్తు పురోగతి, విజిబుల్‌ పోలీసింగ్‌, పెట్రోలింగ్‌ తదితర అంశాలను సమీక్షించారు. దళారులను నమ్మొద్దు సుల్తానాబాద్‌రూరల్‌: పత్తి కొనుగోలు కేంద్రాల ను రైతులు సద్వినియోగం చేసుకోవాలని జిల్లా మార్కెటింగ్‌ అధికారి ప్రవీణ్‌రెడ్డి కోరారు. చి న్నకల్వల పరిధిలోని శ్రీశ్రీనివాస్‌ జన్నింగ్‌ మి ల్లులో సుల్తానాబాద్‌ వ్యవసాయ మార్కెట్‌, కా టన్‌ కార్పొరేషన్‌ ఆఽఫ్‌ ఇండియా(సీసీఐ) పత్తి కొనుగోలు కేంద్రాన్ని ఏర్పాటు చేయగా మంగళవారం ఆయన ప్రారంభించి మాట్లాడారు. రైతులు దళారులను నమ్మి మోసపోవద్దన్నారు. కొనుగోలు కేంద్రాల్లో పత్తిని విక్రయించి మ ద్దతు ధర పొందాలని సూచించారు. ఏఎంసీ ప్రత్యేక శ్రేణి కార్యదర్శి మనోహర్‌, సీసీఐ అధికారి రత్నాకర్‌, యాజమాని శ్రీనివాస్‌రెడ్డి, మార్కెట్‌ కమిటీ సిబ్బంది పాల్గొన్నారు.ఉపాధి వివరాల సేకరణ కోల్‌సిటీ: జాతీయ గణాంక కార్యాలయం (ఎన్‌ఎస్‌వో) రామగుండంలో పిరియాడిక్‌ లేబర్‌ ఫోర్స్‌ సర్వే నిర్వహిస్తున్నట్లు గణాంక శాఖ అధికారి శ్రీనివాస్‌గౌడ్‌ తెలిపారు. మంగళవా రం నగరంలోని కార్మికుల పరిస్థితి, స్వయం ఉపాధి, ఉద్యోగ అవకాశాలు తదితర వివరాలను సేకరించామన్నారు. మున్సిపల్‌ కార్పొరేషన్‌ కమిషనర్‌ అరుణశ్రీని కలిసి సర్వే పత్రాలు అందజేశారు. కార్పొరేటర్‌ నేలకంటి రాము, వార్డు అధికారి సాయికృష్ణ, మెప్మా ఆర్పీలు ఆ వునూరి స్వరూప, సూర్యకుమారి పాల్గొన్నారు. క్వింటాల్‌ పత్తి రూ.8,672 పెద్దపల్లిరూరల్‌: స్థానిక వ్యవసాయ మార్కెట్‌యార్డులో మంగళవారం పత్తి క్వింటాల్‌కు గరిష్టంగా రూ.8,672గా ధర ఉందని, కనిష్టంగా రూ.8,221గా, సగటు రూ.,8525గా ధర ఉందని మార్కెటింగ్‌ శాఖ అధికారి ప్రవీణ్‌రెడ్డి తెలిపారు. మంగళవారం 410 క్వింటాళ్ల పత్తిని కొనుగోలు చేసినట్టు ఆయన పేర్కొన్నారు. ప్రకృతి సేద్యం పరిశీలన రామగిరి: దేశీయ వరి వంగడాల పరిరక్షణ, ప్ర కృతి సేద్య విధానంలో వరి రకాలు సాగు చేస్తు న్న కల్వచర్ల రైతు యాదగిరి శ్రీనివాస్‌ కృషి అభినందనీయమని భారతీయ వరి పరిశోధనా సంస్థ శాస్త్రవేత్తలు కొనియాడారు. కల్వచర్లలో సాగు చేస్తున్న దేశవాలీ వరి విత్తన క్షే త్రాన్ని శాస్త్రవేత్తలు మంగళవారం పరిశీలించారు.

ఎలిగేడు: ప్రజాసంక్షేమం, అభివృద్ధి లక్ష్యంగా నిరంతరం శ్రమిస్తున్నామని పెద్దపల్లి ఎంపీ గడ్డం వంశీకృష్ణ అన్నారు. మండల కేంద్రంలో రూ.5లక్షల వ్యయంతో చేపట్టిన సీసీ రోడ్డు పనులకు ఎంపీ మంగళవారం శంకుస్థాపన చేసి మాట్లాడారు. ప్రజలకు ఏ అవసరం వచ్చినా అందుబాటులో ఉంటానని తెలిపారు. అనంతరం సుల్తాన్‌పూర్‌ జెడ్పీహెచ్‌ఎస్‌లోని విద్యార్థులకు స్కూల్‌ బ్యాగులు అందజేశారు. ఎంఈవో నరేంద్రచారి, సర్పంచులు కప్పల ప్రవీణ్‌, కవ్వంపల్లి బాపయ్య, మాజీ సర్పంచ్‌ మండిగ రాయనర్సయ్య, కాంగ్రెస్‌ నాయకులు అడ్డగుంట శ్రీనివాస్‌గౌడ్‌, కవ్వంపల్లి స్వామి, న్యాతరి సంపత్‌, ముంజం ముత్యాలు, మంజంపల్లి రాకేశ్‌, జానీ, మూసాల మనోహర్‌రెడ్డి, కోట శ్రీకాంత్‌, ఉపాధ్యాయులు తదితరులు పాల్గొన్నారు.

మంథని: కార్తీకమాసం ప్రారంభం కావడంతో జిల్లాలోని ప్రముఖ శైవక్షేత్రాలు భక్తులతో కళకళలాడనున్నాయి. శివనామస్మరణలు, అభిషేకాలు, దీపారాధనలు, ప్రత్యేక పూజలతో నెలరోజుల పాటు ఆలయాలు ఆధ్యాత్మిక శోభను సంతరించుకోనున్నాయి. చారిత్రక, ఆధ్యాత్మిక ప్రాశస్త్యం కలిగిన మంథని పట్టణం మంత్రపురిగా పేరుగాంచింది. ఇక్కడ కొలువుదీరిన శ్రీభిక్షేశ్వరస్వామి, శ్రీగౌతమేశ్వర స్వామి ఆలయాలు భక్తుల విశేష ఆదరణ పొందుతున్నాయి. గోదావరి నదీతీరంలో ఉన్న ఈ పుణ్యక్షేత్రంలో కార్తీక మాసానికి మరింత ప్రత్యేకత ఉంది. పవిత్ర గోదావరిలో స్నానమాచరించి స్వామివార్లను దర్శించుకోవడం భక్తులు పుణ్యప్రదంగా భావిస్తారు. కార్తీకమాసంలో ఆలయాల్లో జరిగే అభిషేకాలు, అర్చనలు, దీపారాధనలు భక్తులను ఆకట్టుకుంటాయి. గౌతమేశ్వరరుడు మంథని పట్టణ సమీపంలో ప్రవహిస్తున్న గోదావరినది పక్కన ఎత్తైన ప్రదేశంలో ప్రాచీన కళ ఉట్టిపడుతుండేదే గౌతమేశ్వరాలయం. శతాబ్ద కాలం క్రితం ఈ ఆలయాన్ని వొజ్జల కిష్టయ్య అనే వ్యక్తి పునరుద్ధరించినట్లు తెలుస్తోంది. ఈ ఆలయం ఎన్నోసార్లు గోదావరి ఆటుపోట్లకు గురైనా చెక్కు చెదరకుండా ఉంది. ఆలయ ప్రాంగణంలోని పురాతన ఆలయాలు కొంత మేర దెబ్బతిన్నాయి. ఈ ప్రాంగణంలో శివపంచాయనం, రామాలయం, సరస్వతి, లక్ష్మీదేవి ఆలయాలు ఉన్నాయి. పశ్చిమ ముఖంగల శివలింగం దక్షిణ భారతదేశంలో ఎక్కడా లేని విధంగా పశ్చిమ ద్వారం, పశ్చిమ ముఖం కలిగిన శివలింగం మంథనిలో మాత్రమే ఉంది. భిక్షేశ్వరాలయంగా పిలువబడే ఈ ఆలయంలో వివిధ రాష్ట్రాల నుంచి వచ్చిన భక్తులు ప్రత్యేక పూజలు జరుపుతారు. శనిగ్రహ అనుకూలత కోసం పశ్చిమముఖ శివలింగానికి ప్రత్యేక పూజలు చేస్తే మంచి జరుగుతుందని ప్రతీతి. ఓంకారేశ్వరాలయం కాకతీయుల కాలంలో శివాలయంగా రూపుదిద్దుకున్న ఓంకారేశ్వరుని గుడి ప్రాచీన కాలంలో బౌద్ధ ఆలయమని చరిత్ర చెబుతోంది. పూర్వకాలంలో బౌద్ధ బిక్షువుల పూజల కోసం ఈ ఆలయాన్ని నిర్మించినట్లు శాస్త్రాలు చెబుతున్నాయి. 35 అడుగుల ఎత్తైన గోపురంతో పాటు శివుని నల్లరాతి విగ్రహం ఈ గుడి ప్రత్యేకతలు. శీలేశ్వర– సిద్ధేశ్వర ఆలయం పట్టణ నడిబొడ్డున వెలసిన శీలేశ్వర–సిద్ధేశ్వరాలయం మంథని చరిత్రకు ప్రత్యక్ష సాక్ష్యంగా నిలుస్తోంది. కాకతీయ సైన్యాధీశుడు శీలప్పనాయుడు, సిద్ధప్పనాయుడు జ్ఞాపకార్థం ఈ ఆలయాన్ని ప్రోలరాజు నిర్మించినట్లు తెలుస్తోంది. ఈ దేవాలయంలో రెండు ఆలయాలు ఉన్నాయి. గర్భగుళ్లకు ఇరువైపులా నల్లరాతితో చెక్కిన నందీశ్వరులను, నాట్య మయూరిల విగ్రహాలను ఏర్పాటు చేశారు. అలాగే శ్రీలక్ష్మీనారాయణస్వామి, దత్తాత్రేయస్వామి, మహాలక్ష్మీ, కన్యకా పరమేశ్వరి, సత్యసాయి మందిర్‌ వీటితో పాటు పట్టణంలో పదకొండు ఆంజనేయస్వామి, గణపతి, షిరిడిసాయి, అయ్యప్ప, రేణుకాఎల్లమ్మ, బాల వీరహనుమాన్‌, నాగదేవత, కాళీకాదేవి, గంగాదేవి, బద్ది పోచమ్మ ఆలయాలు ఉన్నాయి. ప్రాచీన చరిత్ర కలిగిన మంథనిలో ప్రజలు అత్యంత భక్తి శ్రద్దలతో పూజలు నిర్వహిస్తారని అనడానికి పట్టణంలోని ఆలయాలే ప్రత్యక్ష సాక్ష్యాలు గోదావరి తీరాన దీపాల వెలుగులు మంథని గోదావరి తీరం కార్తీకమాసంలో భక్తి పారవశ్యానికి వేదికగా మారుతుంది. నదీతీరంలో దీపాలు వెలిగించడం, ఆలయాల సందర్శన, కుటుంబ సమేతంగా ప్రత్యేక పూజలు నిర్వహించడం ఆనవాయితీగా కొనసాగుతోంది. ముఖ్యంగా కార్తీక సోమవారాలు, పౌర్ణమి సందర్భంగా భక్తుల రాక మరింత పెరిగే అవకాశం ఉంది. కార్తీకమాసం ప్రారంభంతో నెలరోజుల పాటు శివనామస్మరణతో మంత్రపురి మార్మోగనుండగా.. గోదావరి తీరం దీపకాంతులతో భక్తి పారవశ్యంలో మునిగిపోనుంది.

రామకృష్ణాపూర్‌: మంచిర్యాల జిల్లా రామకృష్ణాపూర్‌లో సింగరేణి స్థాయి క్రికెట్‌ చాంపియన్‌షిప్‌ పోటీలు బుధవారం ప్రారంభం కానున్నాయి. ఈనెల 11నుంచి 13వరకు స్థానిక ఠాకూర్‌ స్టేడియంలో పోటీల నిర్వహణకు ఏర్పాట్లు పూర్తయ్యాయి. మందమర్రి –బెల్లంపల్లి సంయుక్త జట్టు, శ్రీరాంపూర్‌ జట్టు, ఇల్లెందు–మణుగూరు సంయుక్త జట్టు, ఆర్‌జీ–1, ఆర్‌జీ –2 సంయుక్త జట్టు, ఆర్‌జీ –3, భూపాలపల్లి సంయుక్త జట్టు, కొత్తగూడెం కార్పొరేట్‌ జట్టు పోటీల్లో పాల్గొననున్నాయి. లీగ్‌ పద్ధతిన ఠాకూర్‌ స్టేడియంతోపాటు మందమర్రి సింగరేణి స్కూల్‌ మైదానంలో నిర్వహించనున్నారు. పోటీల్లో పాల్గొనే ఆరు జట్లను రెండు పూల్స్‌గా విభజిస్తారు. లీగ్‌ మ్యాచ్‌ల అనంతరం రెండు పూల్స్‌లో అగ్రస్థానంలో నిలిచిన జట్లు ఫైనల్‌లో తలపడుతాయి. మందమర్రి ఏరియా జీఎం రాధాకృష్ణ ఆధ్వర్యంలో బుధవారం పోటీలు ప్రారంభం కానున్నాయి. కోలిండియా పోటీలకు ఎంపిక.. పోటీల్లో ప్రతిభ కనబరిచే క్రీడాకారులను త్వరలో జరిగే కోలిండియా పోటీలకు ఎంపిక చేయనున్నారు. సుమారు 70 మంది ఆయా ఏరియాలకు చెందిన క్రీడాకారులు పాల్గొననుండగా బ్యాటింగ్‌, బౌలింగ్‌, కీపింగ్‌ వంటి అంశాల ఆధారంగా ప్రతిష్టాత్మక కోలిండియా పోటీలకు ఎంపిక చేస్తారు. పోటీలను పారదర్శకంగా నిర్వహించేందుకు హైదరాబాద్‌ క్రికెట్‌ అసోసియేషన్‌ నుంచి ఎంపైర్లను రప్పిస్తున్నారు. ఆయా ఏరియాల నుంచి విచ్చేసిన క్రీడాకారులకు మందమర్రి సింగరేణి గెస్ట్‌హౌస్‌తోపాటు ఆయా కంపెనీ క్వార్టర్లలో బస ఏర్పాటు చేశారు. హోరాహోరీగా సాగే పోటీలను తిలకించేందుకు పట్టణంతోపాటు పరిసర ప్రాంతాల ప్రజలు, కార్మికులు, క్రీడాభిమానులు భారీ సంఖ్యలో వచ్చే అవకాశముంది.

పెద్దపల్లి: జిల్లాలో రోడ్డు ప్రమాదాల నియంత్రణకు పటిష్ట చర్యలు చేపట్టాలని కలెక్టర్‌ కోయ శ్రీహర్ష ఆదేశించారు. అదనపు కలెక్టర్‌ అరుణశ్రీతో కలిసి రోడ్డు భద్రత ప్రమాణాల అమలుపై కలెక్టరేట్‌లో మంగళవారం సమీక్షించారు. పెద్దపల్లిలోని ప్రధాన జంక్షన్ల వద్ద ఆక్రమణలు తొలగించి, ట్రాఫిక్‌కు ఇబ్బందులు లేకుండా అభివృద్ధి చేపట్టాలని సూచించారు. రోడ్డు విస్తరణకు వీధి వ్యాపారులతో సమన్వయం చేసుకోవాలని, డివైడర్లు, యూటర్న్‌లను పరిశీలించి ప్రమాదాల నివారణకు చర్యలు తీసుకోవాలన్నారు. రోడ్లపై పశువులను వదిలే సేవారికి రూ.10 వేల జరిమానా విధించడంతోపాటు వాటిని గోశాలలకు తరలించాలని ఆదేశించారు. రామగుండం నగరంలో సీసీ కెమెరాల ఏర్పాటుకు ప్రతిపాదనలు సమర్పించాలని కలెక్టర్‌ ఆదేశించారు. జిల్లాలో గతేడాది జరిగిన రోడ్డు ప్రమాదాలపై సమగ్ర నివేదిక అందించాలని, ప్రతీ పాఠశాల వద్ద స్కూల్‌ జోన్‌ బోర్డులు ఏర్పాటు చేయాలని సూచించారు. హిట్‌ అండ్‌ రన్‌ కేసుల్లో బాధితులకు పరిహారం అందించేలా ప్రతిపాదనలు పంపాలని అన్నారు. కార్యక్రమంలో డీసీపీ రాంరెడ్డి, ఆర్‌ అండ్‌ బీ ఈఈ భావ్‌సింగ్‌ తదితరులు పాల్గొన్నారు. నిబందనలు ఉల్లంఘన.. 9 కేసులు నమోదు జిల్లాలో ఇప్పటివరకు 50 బియ్యం దుకాణాల్లో తనిఖీలు చేసి, నిబంధనలు ఉల్లంఘించిన నిర్వాహకులపై 9 కేసులు నమోదు చేసినట్లు కలెక్టర్‌ తెలిపారు. జిల్లావ్యాప్తంగా బియ్యం దుకాణాలు, రైస్‌ మిల్లుల్లో నిల్వలు, ధరల పట్టికలు, తూకాలు, స్టాక్‌ రిజిస్టర్లను అధికారులు తనిఖీ చేస్తున్నారని ఆయన పేర్కొన్నారు. అధిక ధరలకు విక్రయిస్తే కఠిన చర్యలు తీసుకుంటామని హెచ్చరించారు. పేదలకు మెరుగైన వైద్యం పేదలకు మెరుగైన వైద్యం అందించాలని కలెక్టర్‌ కోయ శ్రీహర్ష ఆదేశించారు. జిల్లా ప్ర భుత్వ ఆస్పత్రిని తనిఖీ చేశారు. వైద్య సదుపాయాలు, సిబ్బంది విధులపై ఆరా తీశారు. పేషెంట్లు, వారి బంధువులకు నాణ్యమైన ఆహారం అందించడంతోపాటు వార్డులు, మ రుగుదొడ్లు, పరిసరాలను పరిశుభ్రంగా ఉంచాలని సూచించారు. ఆస్పత్రి సూపరింటెండెంట్‌ శ్రీధర్‌, వైద్యులు, సిబ్బంది ఉన్నారు.

యైటింక్లయిన్‌కాలనీ: సింగరేణి కార్మికులకు నష్టం కలిగించే సర్క్యులర్లను రద్దు చేయాలని ఐఎన్‌టీయూసీ సెంట్రల్‌ సీనియర్‌ వైస్‌ ప్రెసిడెంట్‌ ధర్మపురి డిమాండ్‌ చేశారు. స్థానిక ప్రెస్‌భవన్‌లో మంగళవారం ఏర్పాటు చేసిన విలేకరుల సమావేశంలో మాట్లాడారు. ఎన్నికల సమయంలో హామీ ఇచ్చిన ఆరు గ్యాంరెంటీలను నేరవేర్చుతున్నామని, కొత్త గనుల తీసుకురావడంలో కీలకపాత్ర పోషిస్తున్నామని అన్నారు. బొగ్గు ఉత్పత్తిపై ఉన్న శ్రద్ధకార్మికుల రక్షణ విషయంలో ఆర్జీ–2ఏరియా యజమాన్యం ప్ధతి మార్చుకోవాలని డిమాండ్‌ చేశారు. ఐఎన్టీయూసీ ఆర్జీ–2 వైస్‌ ప్రెసిడెంట్‌ సత్యనారాయణరెడ్డి, జనరల్‌ సెక్రటరీ ఎండీ ఆక్రమ్‌, సెంట్రల్‌ వైస్‌ ప్రెసిడెంట్‌ వడ్డేపల్లి దాస్‌, నాయకులు సదానదం, సంపత్‌రెడ్డి, మల్లేశ్‌, మార్కెం డేయ, సమ్మయ్య, అవినాష్‌, అశోక్‌, ఇంద్రసేనారెడ్డి, దిలీప్‌, తిరుపతి, శ్రీనివాస్‌, అజయ్‌ పాల్గొన్నారు.

పెద్దపల్లిరూరల్‌: రైతులకు సకాలంలో రుణాలు అందిస్తూ అండగా నిలుస్తున్న వ్యవసాయ ప్రాథమిక సహకార సంఘాలను ఆర్థికంగా బలోపేతం చేసేలా ప్రభుత్వం చర్యలు చేపట్టింది. సహకార సంఘం ద్వారా ఫార్మర్‌ ప్రొక్యూర్‌ ఆర్గనైజేషన్‌ (ఎఫ్‌పీవో) ఏర్పాటు చేసి ఆ సంస్థకు రూ.2కోట్ల వరకు నాబార్డు రుణం అందించేలా చర్యలు తీసుకుంటోంది. ఆ సొమ్ముతో రైతాంగానికి అవసరమయ్యే పురుగుమందుల దుకాణాలు, కోల్డ్‌ స్టోరేజీలు, మీట్‌ ప్రాసెసింగ్‌ యూనిట్లు, మినీ రైస్‌మిల్లులు లాంటి పరిశ్రమలు స్థాపించేలా ప్రోత్సహించేందుకు ప్రణాళికలు సిద్ధం చేసింది. ప్రతీ సొసైటీలో 750మంది సభ్యులు ఒక్కో సొసైటీలో 750 మంది సభ్యులను చేర్పించి, ఒక్కో సభ్యుడి నుంచి రూ.2 వేలు సభ్యత్వ రుసుంగా రూ.15లక్షలు వసూలు చేస్తే కేంద్ర ప్రభుత్వం దానికి సమానంగా మరో రూ.15లక్షలు రాయితీ అందిస్తుంది. అలాగే యూనిట్‌ స్థాపనకు నాబార్డు నుంచి రుణసాయం అందించడంలోనూ సంపూర్ణ సహకారం అందిస్తుందని అధికారులు తెలిపారు. మధ్యవర్తుల ప్రమేయాన్ని తగ్గించేందుకు.. సహకార సంఘాలు ఇప్పటికే రైతులకు అవసరమైన పెట్టుబడులకు రుణాలు అందించడంతోపాటు సూపర్‌మార్కెట్లు, ఎరువులు, విత్తనాలు అందిస్తూ అండగా నిలుస్తున్నాయి. అయితే రైతు ఉత్పత్తి సంఘంగా ఏర్పాటు చేస్తే రైతులకు అవసరమైన ఎరువులు, విత్తనాలను నేరుగా కంపెనీ నుంచే కొనుగోలు చేసి మధ్యవర్తుల ప్రమేయాన్ని తగ్గించేందుకు అవకాశముంటుందని అధికార వర్గాలు తెలిపాయి. దీంతో రైతులకు తక్కువ ధరకే నాణ్యమైన విత్తనాలు, ఎరువులు సకాలంలో అందుతాయని పేర్కొన్నారు. అలాగే రైతులు పండించిన దిగుబడులను సంస్థ సభ్యులే కొనుగోలు చేసి వాటిని తమ అధీనంలో ఉన్న ప్రాసెసింగ్‌ యూనిట్ల ద్వారా మార్కెటింగ్‌ చేసే అవకాశముంటుందని, దీంతో సంస్థ ఆర్థికంగా వృద్ధి చెందుతుందని వివరించారు. జిల్లాలో ఎంపికై న సొసైటీలు ఇవే.. జిల్లాలోని 9 సహకార సంఘాలను రైతు ఉత్పత్తి సంస్థలుగా ఏర్పాటు చేసేందుకు చర్యలు తీసుకున్నారు. పెద్దపల్లి, ధూళికట్ట, సుల్తానాబాద్‌, జూలపల్లి, ముత్తారం, కాల్వశ్రీరాంపూర్‌, మేడిపల్లి, నందిమేడారం, కమాన్‌పూర్‌ సహకార సంఘాలను ఎంపిక చేశారు. ఆయా సంఘాల ద్వారా రైతు ఉత్పత్తి సంఘం కోసం సభ్యత్వ కార్యక్రమాన్ని నిర్వహిస్తున్నారు.

మంథని: సౌర విద్యుత్‌ను వినియోగించుకోవాల ని ట్రాన్స్‌కో ఎస్‌ఈ గంగాధర్‌ సూచించారు. సోలార్‌ విద్యుత్‌ వినియోగం, పీఎం సూర్య ఘర్‌ పథకంపై మంగళవారం స్థానిక మున్సిపల్‌ కార్యాలయంలో అవగాహన కల్పించారు. రూఫ్‌టాప్‌ సోలార్‌ వ్యవస్థల ఏర్పాటు, ప్రభుత్వ సబ్సిడీలు, బ్యాంకు రుణ సదుపాయాలు, పథకం ప్రయోజనాలపై ప్రజలకు వివరించారు. ఆర్‌ఈడీసీవో జిల్లా మేనేజర్‌ మనోహర్‌, మున్సిపల్‌ చైర్మన్‌ వోడ్నాల శ్రీనివాస్‌ మాట్లాడారు. మున్సిపల్‌ వైస్‌ చైర్మన్‌ ముస్కుల సహేందర్‌రెడ్డి, కమిషనర్‌ మనోహర్‌, పాలకవర్గ సభ్యులు కుర్ర లింగయ్య, మారుపాక నిహారిక, పెంటరి రాజు, ఎల్లెంకి వంశీధర్‌, కాంగ్రెస్‌ మండల అధ్యక్షుడు ఐలి ప్రసాద్‌, మార్కెట్‌ కమిటీ చైర్మన్‌ కుడుదుల వెంకన్న, విద్యుత్‌ నియంత్రణ సలహా మండలి సభ్యుడు శశిభూషణ్‌ కాచే, పీఏసీఎస్‌ చైర్మన్‌ కొత్త శ్రీనివాస్‌ తదితరులు పాల్గొన్నారు.

పెద్దపల్లిరూరల్‌: జిల్లా కేంద్రంలోని కమాన్‌ వద్ద వాహనాల రాకపోకలకు తీవ్ర అంతరాయం కలుగుతోంది. ఈ సమస్యను అధిగమించేందుకు కమాన్‌ – చీకురాయి రోడ్డ వైపు వెళ్లే వాహనదారులను నియంత్రించి, వారిని ఫ్రీలెఫ్ట్‌ పద్ధతిని పాటిస్తూ కూనారం క్రాస్‌రోడ్డు నుంచి రావాలని ట్రాఫిక్‌ పోలీసులు సూచిస్తూ.. కమాన్‌ వద్ద రోడ్డు మార్గాన్ని బారికేడ్లతో మూసేశారు. ఈ విషయం తెలియని వాహనదారులు కమాన్‌వద్ద ట్రాఫిక్‌ పోలీసులను ఎందుకు అలా మళ్లిస్తున్నారంటూ ప్రశ్నించారు. కమాన్‌ ప్రాంతంలో వాహన రద్దీని నియంత్రించేలా ట్రయల్‌గా ఫ్రీ లెఫ్ట్‌ పద్ధతి పాటించాలని కలెక్టర్‌ కోయ శ్రీహర్ష ఇచ్చిన ఆదేశాలతో ఇలా చేస్తున్నామని ట్రాఫిక్‌ పోలీసులు పేర్కొంటున్నారు. తప్పని తికమక.. జెండా ప్రాంతం, పోలీస్‌స్టేషన్‌, మున్సిపల్‌ ఆఫీసు, సాగర్‌రోడ్డు ప్రాంతాలకు పనుల నిమిత్తం వెళ్లొచ్చే వారంతా చీకురాయిరోడ్డు, రంగంపల్లి, కలెక్టరేట్‌ తదితర ప్రాంతాలకు వెళ్లేందుకు కమాన్‌ వద్ద మలుపు తిరిగేవారు. ఎప్పటిలాగే రావడంతో ట్రాఫిక్‌ పోలీసులు ఆ మార్గాన్ని మూసేయడంతో ఎటు వైపు వెళ్లాలో తెలియక తికమక పడ్డారు. వారంతా అక్కడిదాకా వెళ్లి వెనక్కి వచ్చి కూనారం క్రాస్‌రోడ్డు నుంచి మలుపు తీసుకోగా.. ఇంకొందరు పాదచారుల కోసం ఖాళీగా ఉన్న స్థలంలో నుంచే తమ ద్విచక్రవాహనాలను తిప్పుకోవడం రాకపోకలు సాగించేవారిని ఇబ్బందులకు గురిచేసింది. కమాన్‌ ప్రాంతంలో ప్రయోగాత్మకంగా అమలు చేసిన ఫ్రీలెఫ్ట్‌ విధానాన్ని ట్రాఫిక్‌ సీఐ శ్రీనివాస్‌ తదితరులు పర్యవేక్షించారు.

పెద్దపల్లి: జిల్లాలో వీధి కుక్కల దాడుల నివారణ, వాటి నియంత్రణకు ప్రభుత్వం జారీచేసిన జీవో నంబరు15ను పకడ్బందీగా అమలు చేయాలని కలెక్టర్‌ కోయ శ్రీహర్ష ఆదేశించారు. ఎంపీడీవోలు, మున్సిపల్‌ కమిషనర్లతో వీధికుక్కల నియంత్రణ, ప్రజల భద్రతకు తీసుకోవాల్సిన చర్యలపై మంగళవారం కలెక్టరేట్‌లో సమీక్షించారు. మున్సిపాలిటీలు, గ్రామ పంచాయతీల్లో పరిధిలో వీధి కుక్కల సమస్యను నియంత్రించేందుకు చర్యలు చేపట్టాలని సూచించారు. జెడ్పీ సీఈవో నరేందర్‌, జిల్లా పశు సంవర్ధక శాఖ అధికారి వేణుగోపాల్‌రా వు, డీసీవో శ్రీమాల తదితరులు పాల్గొన్నారు.

కోల్‌సిటీ: రామగుండంలోని మొర్మూర్‌ మిషన్‌ భగీరథ పంప్‌హౌస్‌ వద్ద స్టార్టర్‌లో సాంకేతిక లోపం తలెత్తడంతో మోటార్లు పనిచేయడం లేదు. దీంతో రామగుండం నగరంలో తాగునీటి సరఫరాకు అంతరాయం ఏర్పడింది. ఈ నేపథ్యంలో సోమవారం నీటి సరఫరా జరగాల్సిన ప్రాంతాలకు మంగళవారం, మంగళవారం సరఫరా కావాల్సిన ప్రాంతాలకు బుధవారం నీటిని అందించనున్నట్లు నగరపాలక సంస్థ కమిషనర్‌ అరుణశ్రీ తెలిపారు. ప్రజలు నీటిని పొదుపుగా వినియోగించుకుని సహకరించాలని కోరారు. సైన్స్‌ టాలెంట్‌ టెస్ట్‌ పోస్టర్‌ ఆవిష్కరణపెద్దపల్లి: విద్యార్థుల్లో శాసీ్త్రయ దృక్పథం, ప్రశ్నించే తత్వం, పరిశీలనా శక్తిని పెంపొందించడమే లక్ష్యంగా జన విజ్ఞాన వేదిక ఆధ్వర్యంలో నిర్వహించనున్న చెకుముకి సైన్స్‌ టాలెంట్‌ టెస్ట్‌ పోస్టర్‌ను సోమవారం జిల్లా ఇన్‌చార్జి విద్యాధికారి రాంరెడ్డి, కార్యాలయ సూపరింటెండెంట్‌ శ్రీధర్‌, సురేందర్‌ ఆవిష్కరించారు. ఈ సందర్భంగా నిర్వాహకులు మాట్లాడుతూ, విద్యార్థులు పాఠ్యపుస్తకాలకే పరిమితం కాకుండా నిత్యజీవితంలోని అంశాలను శాసీ్త్రయ దృక్పథంతో విశ్లేషించాలని సూచించారు. మూఢనమ్మకాలకు దూరంగా ఉంటూ హేతుబద్ధమైన ఆలోచనా విధానాన్ని అలవర్చుకోవాలని తెలిపారు. ప్రభుత్వ, ప్రైవేటు పాఠశాలల విద్యార్థులు, ఉపాధ్యాయులు పరీక్షలో భాగస్వాములై విజయవంతం చేయాలని కోరారు. జన విజ్ఞాన వేదిక జనరల్‌ సెక్రటరీ జనగామ శ్రీవిష్ణు, జిల్లా ఉపాధ్యక్షుడు అరెల్లి లక్ష్మణ్‌, కార్యదర్శులు కె.లక్ష్మణ్‌, తీట్ల రాజేశ్‌ తదితరులు పాల్గొన్నారు. సర్పంచ్‌ కుటుంబాన్ని దూషించారని ఆందోళన మంథనిరూరల్‌: మండలంలోని పుట్టపాక సర్పంచ్‌ కన్నూరి రాజబాబు, ఆయన కుటుంబసభ్యులను నగరంపల్లి ఉపసర్పంచ్‌ భర్త తిరుపతిరెడ్డి అసభ్యపదజాలంతో దూషించాడని ఆరోపిస్తూ దళిత కుల సంఘాలు గ్రామ సమీపంలోని మంథని–పెద్దపల్లి రహదారిపై ధర్నా చేపట్టారు. దీపావళి సందర్భంగా పుట్టపాక సర్పంచ్‌ కుమారుడు బైక్‌పై ఇంటికి వస్తుండగా వెనకాలే నగరంపల్లి ఉపసర్పంచ్‌ భర్త తిరుపతిరెడ్డి కారులో వస్తూ ఢీకొట్టేందుకు ప్రయత్నించాడని, ఈ విషయమై కారులో ఉన్న మరో వ్యక్తితో మాట్లాడుతుండగా తిరుపతిరెడ్డి సర్పంచ్‌ కుటుంబాన్ని దూషించాడని ఆరోపించారు. సుమారు 2 గంటల పాటు ధర్నా చేపట్టడంతో రోడ్డుకు ఇరువైపులా భారీ సంఖ్యలో వాహనాలు నిలిచిపోయాయి. వెంటనే గోదావరిఖని ఏసీపీ రమేశ్‌, మంథని సీఐ స్వామి, ఎస్సై సందీప్‌, సిబ్బంది అక్కడకు చేరుకుని సముదాయించే ప్రయత్నం చేశారు. బాధితుల ఫిర్యాదు మేరకు చట్టపరమైన చర్యలు తీసుకుంటామని హామీ ఇవ్వడంతో ఆందోళన విరమించారు. కాగా, తనకు తన కుటుంబానికి ఉపసర్పంచ్‌ భర్త తిరుపతిరెడ్డితో ప్రాణభయం ఉందని పుట్టపాక సర్పంచ్‌ కన్నూరి రాజబాబు ఆరోపించారు. కాంగ్రెస్‌ రాష్ట్ర అధికార ప్రతినిధిగా పెర్క శ్యాంపెద్దపల్లిరూరల్‌: పెద్దపల్లికి చెందిన పెర్క శ్యాంను కాంగ్రెస్‌ రాష్ట్ర అధికార ప్రతినిధిగా నియమిస్తూ సోమవారం పార్టీ మీడియా కమిటీ చైర్మన్‌, ఎంపీ చామల కిరణ్‌కుమార్‌రెడ్డి ఉత్తర్వులు జారీ చేశారు. తనపై నమ్మకంతో బాధ్యతలు అప్పగించిన సీఎం రేవంత్‌రెడ్డి, టీపీసీసీ అధ్యక్షుడు మహేశ్‌కుమార్‌గౌడ్‌, మంత్రులు ఉత్తమ్‌కుమార్‌రెడ్డి, శ్రీధర్‌బాబు, విప్‌ విజయరమణారావు, ఎమ్మెల్యే మక్కాన్‌సింగ్‌కు శ్యాం కృతజ్ఞతలు తెలిపారు. సమర్థవంతంగా బాధ్యతలు నిర్వర్తిస్తూ కాంగ్రెస్‌ పార్టీ బలోపేతానికి పాటుపడతానని పేర్కొన్నారు.

పెద్దపల్లి మున్సిపల్‌ పరిధి రంగంపల్లి సబ్‌స్టేషన్‌ సమీపంలో సర్వే నంబర్‌ 235లో ఉన్న ప్రభుత్వ స్థలంలో ట్రాన్స్‌కో అధికారులు అ క్రమంగా గోడ నిర్మించారు. 1999లో అప్పటి ఎమ్మెల్యే ముకుందరెడ్డి జర్నలిస్టు కోటాలో తనకు ఒక గుంట స్థలం కేటాయించారు, ఇందిరమ్మ ఇల్లు మంజూరై స్థలం మ్యాపింగ్‌ పూర్తయింది. ఇల్లు ని ర్మించుకునేందుకు స్థలానికి వెళ్లగా ట్రాన్స్‌కో అధి కారులు గోడ నిర్మించి నాకు అన్యాయం చేశారు. సదరు భూమి నాదేనని తహసీ ల్దార్‌, విద్యుత్‌ అధికారులకు స్పష్టం చేసినా పట్టించుకోవడం లేదు. అక్రమంగా గోడ నిర్మించడంతో మున్సిపల్‌ బావి నుంచి ట్యాంకర్ల ద్వారా నీటి సరఫరాకు ఇబ్బందులు కలుగుతున్నాయి. గోడను తొలగించి నాకు కేటాయించిన స్థలంతో పాటు ము న్సిపల్‌ బావికి సంబంధించిన రహదారిని యథావిధిగా అందుబాటులోకి తేవాలి. – శ్రీమన్నారాయణ, పెద్దపల్లి

ఒకవైపు గాలిలో పెరుగుతున్న కాలుష్యం, మరోవైపు పండుగల సమయంలో టపాసుల పొగ ప్రజారోగ్యంపై ప్రభావం చూపే ప్రమాదముంది. ముఖ్యంగా చిన్న పిల్లలు, వృద్ధులు, శ్వాసకోశ సమస్యలున్నవారు మరింత జాగ్రత్తగా ఉండాల్సిన అవసరముంది. కాలుష్యం అధికంగా ఉన్న సమయాల్లో బయట తిరగడం తగ్గించుకోవడం, అవసరమైతే మాస్కులు ధరించడం, శ్వాస సంబంధిత ఇబ్బందులు తలెత్తితే వైద్యులను సంప్రదించడం మంచిది. పర్యావరణ పరిరక్షణతోపాటు ప్రజల ఆరోగ్యాన్ని కాపాడేందుకు కాలుష్య నియంత్రణ చర్యలు చేపట్టాల్సిన అవసరం ఎంతైనా ఉంది. – నరేందర్‌, పల్మనాలజిస్ట్‌

సైదాపూర్‌: మండలంలోని ఘనపూర్‌ గ్రామంలో సోమవారం సాయంత్రం మంచికట్ల అజయ్‌ (20) దారుణ హత్యకు గురయ్యాడు. గ్రామస్తులు, పోలీసులు తెలిపిన వివరాలు.. శంకరపట్నం మండలం మెట్‌పల్లికి చెందిన అజయ్‌, మాణిక్యాపూర్‌కు చెందిన సాయికుమార్‌ హుజూరాబాద్‌లోని ఓ బైక్‌ మెకానిక్‌ షాపులో పనిచేస్తున్నారు. దీపావళి పండుగ సందర్భంగా షాపు యజమాని కొండ్రోజ్‌ శ్రీనివాస్‌ స్వగ్రామం ఘనపూర్‌లో వర్కర్లకు దావత్‌ ఇచ్చాడు. విందు ముగించుకుని అజయ్‌, సాయికుమార్‌ ఇద్దరూ బైక్‌పై తిరిగి హుజూరాబాద్‌ వెళ్తుండగా.. ఘనపూర్‌ అంబేడ్కర్‌ చౌరస్తా వద్ద వెనుక కూర్చున్న సాయికుమార్‌ తన వెంట తెచ్చుకున్న సుత్తెతో అజయ్‌ తలపై బలంగా బాదాడు. తీవ్ర గాయంతో అజయ్‌ అక్కడికక్కడే మృతి చెందగా సాయికుమార్‌ పరారయ్యాడు. ఓనర్‌కు అజయ్‌ దగ్గరవుతున్నాడనే అనుమానంతోనే హెడ్‌ మెకానిక్‌గా పనిచేసే సాయికుమార్‌ హత్యకు ఒడిగట్టి ఉంటాడని భావిస్తున్నారు. హుజూరాబాద్‌ రూరల్‌ సీఐ శ్రీనివాస్‌ ఘటనా స్థలాన్ని సందర్శించి వివరాలు సేకరిస్తున్నారు. హత్యకు గల కారణాలు పోలీసుల విచారణలో తెలియాల్సి ఉంది.

విద్యానగర్‌(కరీంనగర్‌): ఆర్టీసీ కరీంనగర్‌ రీజియన్‌ పరిధిలోని బస్‌ స్టేషన్లకు సంబంధించి అవసరమైన సమాచారాన్ని ప్రయాణికులకు అందజేయడానికి ప్రత్యేక ఫోన్‌ నంబర్లును అందుబాటులోకి తీసుకొచ్చినట్లు ఆర్‌ఎం బి.రాజు తెలిపారు. గోదావరిఖని 94413 35701, పెద్దపల్లి 90631 56348, సుల్తానాబాద్‌ 94924 46028, హుస్నాబాద్‌ 73828 52772, హుజూరాబాద్‌ 73820 73005, జమ్మికుంట 83411 43730, జగిత్యాల 94933 10269, కరీంనగర్‌ 99592 25931, కోరుట్ల 73825 34960, మంథని 73828 25923, మెట్‌పల్లి 90105 73250, సిరిసిల్ల 73823 12927, వేములవాడ 73828 51729 నంబర్లలో సమాచారం కోసం సంప్రదించవచ్చని పేర్కొన్నారు. అమరవీరుల ఆశయ సాధనకు ఉద్యమించాలి పెద్దపల్లి: విప్లవోద్యమంలో ప్రాణాలర్పించిన అమరవీరుల ఆశయ సాధనకు ప్రతి ఒక్కరూ ఉద్యమించాలని సీపీఐ (ఎంఎల్‌) న్యూడెమోక్రసీ రాష్ట్ర కార్యదర్శి బి.భాస్కర్‌ పిలుపునిచ్చారు. సోమవారం పెద్దపల్లి ప్రెస్‌ క్లబ్‌లో కె.విశ్వనాథ్‌ అధ్యక్షతన అమరవీరుల వర్ధంతి సభ నిర్వహించారు. ఈ సందర్భంగా అభ్యుదయ రచయితల సంఘం నాయకులు ఏలేశ్వరం వెంకటేశం మాట్లాడుతూ, తెలంగాణ, నక్సల్బరి, శ్రీకాకుళం, గోదావరి లోయ, దండకారణ్య పోరాటాల్లో వేలాది మంది విప్లవకారులు అమరులయ్యారని తెలిపారు. తెలంగాణ రైతు సమస్యల సాధన సమితి అధ్యక్షుడు ముడి అడుగుల మల్లన్న మాట్లాడుతూ, అమరుల స్ఫూర్తితో దున్నేవానికి భూమి, సమసమాజ స్థాపన లక్ష్యా ల కోసం పోరాటాలు కొనసాగించాలని పిలుపునిచ్చారు. తెలంగాణ డెమోక్రటిక్‌ ఫ్రంట్‌ కార్యదర్శి మల్లేశం మాట్లాడుతూ, ఎల్‌నినో, తుపాన్లతో రాష్ట్ర రైతాంగం పంట నష్టాలను ఎదుర్కొందని తెలిపారు. పౌర హక్కుల సంఘం ఉమ్మడి జిల్లా అధ్యక్షుడు భూమికూరు లక్ష్మణ్‌ మాట్లాడుతూ, పంటలు నష్టపోయిన రైతులను ప్ర భుత్వం తక్షణమే ఆదుకోవాలని డిమాండ్‌ చేశారు. డీటీఎఫ్‌ కార్యదర్శి గుమ్మడి కొమురన్న, ఐఎఫ్‌ టీయూ జిల్లా అధ్యక్షుడు దాంక లచ్చన్న, ఏఐకేఎంఎస్‌ జిల్లా అధ్యక్షుడు ఎల్‌.భీమన్న, మైపాల్‌, పుష్పాక దేవన్న, మల్లేశం, సీహెచ్‌ ఐలయ్య, చంద్రయ్య, నరసయ్య తదితరులు పాల్గొన్నారు.

గోదావరిఖని: టర్కీలోని అంటాల్యాలో నేటి నుంచి (నవంబర్‌ 9– 20) జరుగుతున్న 31వ అంతర్జాతీయ వాతావరణ మార్పుల సదస్సును పురస్కరించుకుని సోమవారం ఆర్జీ–1 జీఎం కార్యాలయంలో గ్రీన్‌ వారియర్‌, సింగరేణి విశ్రాంత ఉద్యోగి జేవీఎస్‌ చంద్రశేఖర్‌తో కలిసి జీఎం డి.లలిత్‌కుమార్‌ పోస్టర్‌ ఆవిష్కరించారు. ఈసందర్భంగా జీఎం మాట్లాడుతూ, సదస్సులో జీరో వేస్ట్‌, సముద్రాల రక్షణ, యువత–విద్య, స్వచ్ఛమైన ఇంధనం, జీవవైవిధ్యం, ఆరోగ్యవ్యవస్థల బలోపేతంపై ప్రతి ఒక్కరూ దృష్టి సారించాలని సూచించారు. పర్యావరణ పరిరక్షణపై ప్రజల్లో నిరంతరం అవగాహన కల్పిస్తున్న చంద్రశేఖర్‌ను అభినందించారు. ఎన్విరాన్మెంట్‌ ఆఫీసర్‌ వేణు, సెక్యూరిటీ అధికారి మోహన్‌ తదితరులు పాల్గొన్నారు.

రామగిరి: పెన్షనర్లు లైవ్‌ సర్టిఫికెట్‌ సమర్పణ కోసం ఏర్పాటు చేసిన డిజిటల్‌ లైఫ్‌ సర్టిఫికెట్‌ క్యాంపును సద్వినియోగం చేసుకోవాలని సీఎంపీఎఫ్‌ కమిషనర్‌ డాక్టర్‌ కె.గోవర్ధన్‌ సూచించారు. సోమవారం సెక్యూరిటీ కార్యాలయ ఆవరణలో కోల్‌ మైన్స్‌ ప్రావిడెంట్‌ ఫండ్‌ గోదావరిఖని శాఖ, ఆర్జీ–3, అడ్రియాల ప్రాజెక్టు ఏరియాల ఆధ్వర్యంలో నిర్వహించిన డిజిటల్‌ లైఫ్‌ సర్టిఫికెట్‌ క్యాంపెయిన్‌–5.0ను జీఎంలు ఎం.రాంమోహన్‌, కె.నాగేశ్వరరావులతో కలిసి ప్రారంభించారు. ఉద్యోగ విరమణ పొందిన పెన్షనర్లు ఏటా నవంబర్‌లో లైవ్‌ సర్టిఫికెట్‌ సమర్పించాల్సి ఉంటుందని, ఈ ప్రక్రియను మరింత సులభతరం చేసేందుకు కేంద్ర ప్రభుత్వ ఆదేశాల మేరకు సీఎంపీఎఫ్‌, సింగరేణి సంయుక్తంగా రెండు రోజుల పాటు ప్రత్యేక క్యాంపును ఏర్పాటు చేశాయని పేర్కొన్నారు. పెన్షనర్లు మొబైల్‌లో ఉమంగ్‌ యాప్‌ ద్వారా కూడా లైవ్‌ సర్టిఫికెట్‌ సమర్పించుకునే అవకాశం ఉందన్నారు. క్యాంపు మంగళవారం కూడా కొనసాగుతుందని, పెన్షనర్లు ఉపయోగించుకోవాలని సూచించారు. గుర్తింపు, ప్రాతినిధ్య సంఘాల నాయకులు ఎం.రామచంద్రరెడ్డి, కోట రవీందర్‌రెడ్డి, అధికారుల సంఘం అధ్యక్షుడు కోల శ్రీనివాస్‌, పర్సనల్‌ విభాగాధిపతి ఎండీ ఆసిఫ్‌ తదితరులు పాల్గొన్నారు.

జ్యోతినగర్‌: ప్రజల మధ్య పండుగ జరుపుకోవడంలోనే నిజమైన ఆనందం ఉందని రామగుండం ఎమ్మెల్యే ఎంఎస్‌ రాజ్‌ఠాకూర్‌ అన్నారు. ఆదివారం దీపావళి పర్వదినం సందర్భంగా 2వ డివిజన్‌ జంగాలపల్లె శివారులోని డబుల్‌బెడ్‌రూమ్‌ ఇళ్లలో నివాసముంటున్న కుటుంబాలతో కలిసి సంబరాలు జరుపుకున్నారు. ప్రతి ఇంటా దీపావళి వెలుగులు నింపాలని, ప్రజలంతా సుఖసంతోషాలు, ఆయురారోగ్యాలతో జీవించాలని ఆకాంక్షించారు. నియోజకవర్గంలోని ప్రతి కుటుంబానికి అభివృద్ధి, సంక్షేమ ఫలాలు అందేలా కృషి చేస్తానని పేర్కొన్నారు. ఎమ్మెల్యే సతీమణి మనాలి రాజ్‌ఠాకూర్‌, మేయర్‌ మహంకాళి స్వామి, డిప్యూటీ మేయర్‌ పాతపల్లి ఎల్లయ్య, కార్పొరేటర్‌ వెంగల బాపు తదితరులు పాల్గొన్నారు.

● సీజ్‌ చేసినా ఆగని దందా ● అన్నింటా కల్తీ.. ఆరోగ్యం సుస్తీ ● అయిదు రోజుల్లో కేఎఫ్‌సీ, మండీ ః 29 సీజ్‌ ● తనిఖీ చేసే ప్రతీ చోట అంతులేని నిర్లక్ష్యం ఆహార భద్రతా శాఖ సిబ్బంది ఇలా అసిస్టెంట్‌ ఫుడ్‌ కంట్రోలర్‌ : 01 గెజిటెడ్‌ ఫుడ్‌ ఇన్‌స్పెక్టర్‌ : 01 ఫుడ్‌ సేఫ్టీ ఆఫీసర్‌ : 01 జూనియర్‌ అసిస్టెంట్‌ : 01 శాంపిళ్లు సేకరించేవారు :02(ఔట్‌ సోర్సింగ్‌) అటెండర్‌ :01(ఔట్‌ సోర్సింగ్‌) ఈనెల 8న కరీంనగర్‌ కోర్టు చౌరస్తాలోని ‘మండీ 29 అరేబియన్‌ రెస్టారెంట్‌’ను ఫుడ్‌ సేఫ్టీ అధికారులు తనిఖీ చేశారు. రాష్ట్ర ప్రభుత్వం నిషేధించిన మయోనైజ్‌ను తయారు చేసి వినియోగదారులకు అందిస్తున్నారని గుర్తించారు. సింథటిక్‌ ఫుడ్‌కలర్స్‌ వినియోగం, వాడిన నూనెను మళ్లీ వినియోగించడం వంటివి గుర్తించారు. దీంతో లైసెన్స్‌ సస్పెండ్‌ చేయడంతోపాటు సీజ్‌ చేశారు. కరీంనగర్‌ అర్బన్‌: నోరూరించే బిర్యానీ పిలుస్తోందా.. చైనీస్‌ ఫాస్ట్‌ఫుడ్‌ రారమ్మంటుందా.. అయితే ఇవన్నీ అనారోగ్యం అంటగట్టేందుకే ఆహ్వానిస్తున్నట్లే. జిల్లాలోని చాలా మటుకు హోటళ్లు, రెస్టారెంట్లలో కల్తీ ఆహార పదార్థాలు.. వాడిన నూనెనే మళ్లీ.. మళ్లీ వాడడం రివాజుగా మారింది. అధికారులు తనిఖీ చేస్తున్నా వ్యాపారులకు భయం లేకుండా పోయింది. హోటళ్లు.. పండ్లబండ్లు.. టిఫిన్‌సెంటర్లు..రెస్టారెంట్లు.. సూపర్‌మార్కెట్లు.. ఎక్కడికి వెళ్లినా కల్తీ ఆహారపదార్థాలే అంటగడుతున్నారు. తమ లాభాలు చూసుకుంటున్న వ్యాపారులు ప్రజల ఆరోగ్యాన్ని పట్టించుకోవడం లేదు. అన్నింటా నిర్లక్ష్యమే.. రెస్టారెంట్లు, బిర్యాని పాయింట్లు, టిఫిన్‌ సెంటర్లు, కార్పొరేట్‌ సూపర్‌ బజార్లలోనూ కల్తీ వ్యాపారం సాగుతోందని తేలింది. సదరు నమూనాల్లో 40 ఆరోగ్యానికి హానికరమని ఫలితాలు వచ్చాయి. పండ్లు, నూనె, తినుబండారాల్లో హానికరమైన రసాయనాలు ఉన్నట్లు ఫలితాలు రావడం దిగ్భ్రాంతికరం. కరీంనగర్‌ జిల్లా కేంద్రంలోని గంజ్‌, భాగ్యనగర్‌, శాసీ్త్రరోడ్డు, గణేశ్‌నగర్‌, రాంపూర్‌ ఏరియాల్లో గతంలో నూనెకు సంబంధించి ఆరు నమూనాలు తీసుకోగా అవన్నీ ఆరోగ్యకరం కాదని తేలింది. కేసులవుతున్నా భయమేదీ ఫుడ్‌ వ్యాపారాల్లో లోపాలు గుర్తించి అధికారులు సీజ్‌ చేస్తున్నా, నోటీసులు జారీ చేసినా భయం లేదంటే చట్టంలో లోపాలే కారణమని తెలుస్తోంది. తనిఖీ సమయంలో లోపాలుంటే నోటీసులు జారీ చేయడం, ప్రజా ఆరోగ్యానికి ముప్పు అని తేలితే సీజ్‌ చేయడం ఫుడ్‌ సేఫ్టీ అధికారులు చేసే పని. ఈ ప్రక్రియలో నిర్వాహకులు జరిమానా చెల్లించి పేర్లు మార్చి మరో పేరుతో వ్యాపారం సాగిస్తున్నారు. ప్రజల ఆరోగ్యంతో చెలగాటమాడితే క్రిమినల్‌ కేసులు నమోదు చేయాలని గతంలోనే సీఎం రేవంత్‌రెడ్డి స్పష్టం చేయగా సదరు దాఖలాలు జిల్లాలో కనిపించడం లేవు. బహుముఖ బాధ్యతలు.. అరకొర తనిఖీలు గెజిటెడ్‌ ఫుడ్‌ ఇన్‌స్పెక్టర్‌ రోహిత్‌రెడ్డి, అసిస్టెంట్‌ ఫుడ్‌ కంట్రోలర్‌ జోడు పదవులతో ఉన్నారు. రోహిత్‌రెడ్డి ఐదు జిల్లాల వరకు ఇన్‌చార్జి కాగా ఫుడ్‌ కంట్రోలర్‌ 9 జిల్లాలకు ఇన్‌చార్జి. ఫుడ్‌సేఫ్టీ ఆఫీసర్‌ అంకిత్‌రెడ్డి మాత్రమే తనిఖీలు నిర్వహిస్తున్నారు. జిల్లా జనాభాకు అనుగుణంగా పోస్టులు లేకపోగా ఉన్న పోస్టులను ఇతర జిల్లాలకు మళ్లించడం ప్రజా ఆరోగ్యాన్ని గాలికొదిలేయడమే. ఆహార తనిఖీ విభాగం ప్రతీ నెలలో తప్పనిసరిగా తనిఖీలు నిర్వహించాల్సి ఉంటుంది. గెజిటెడ్‌ ఫుడ్‌ ఇన్‌స్పెక్టర్‌, ఫుడ్‌సేఫ్టీ ఆఫీసర్లకు ఒక్కొక్కరికి నిర్ణీత లక్ష్యం ఉంటుంది. కానీ పలు బాధ్యతలు, విధులు మారడం ఆందోళనకర పరిణామం. కాగా ఆహారకల్తీ, నాసిరకం పదార్థాల వినియోగంపై ఎప్పటికప్పుడు తనిఖీలు చేస్తామని, ఎవరినీ వదలబోమని గెజిటెడ్‌ ఫుడ్‌ ఇన్‌స్పెక్టర్‌ రోహిత్‌రెడ్డి వివరించారు. జిల్లాలో హోటళ్లు, రెస్టారెంట్లు, బార్లు :సుమారు 2,500 నూనె విక్రయ కేంద్రాలు : 1,800 సూపర్‌ మార్కెట్లు : 320 బేకరీలు, స్వీట్‌ దుకాణాలు : 1,020 టిఫిన్‌ సెంటర్లు : 2,100 మసాలాల విక్రయ దుకాణాలు : 600 ప్రభుత్వ, ప్రైవేట్‌ హాస్టళ్లు : 450 పండ్ల దుకాణాలు : 1,500 చిరుతిళ్ల తయారీ కేంద్రాలు : 54

● మావోయిస్టు కేంద్ర కమిటీ పొలిట్‌బ్యూరో మాజీ సభ్యుడు వేణుగోపాల్‌ సాక్షి, కరీంనగర్‌ డెస్క్‌ ●: దుష్ట పరిణామాలను ఎదుర్కొని, అన్యాయాలపై పోరాడి, ప్రజల జీవితాల్లో వెలుగులు నింపినప్పుడే దీపావళి పండుగకు నిజమైన అర్థం చేకూరుతుందని మావోయిస్టు కేంద్ర కమిటీ పొలిట్‌ బ్యూరో మాజీ సభ్యుడు వేణుగోపాల్‌ అలియాస్‌ భూపతి తెలిపారు. దాదాపు 45 ఏళ్ల తర్వాత తొలిసారిగా దీపావళి జరుపుకున్న సందర్భంగా శుభాకాంక్షలు తెలిపిన ఆయన.. బంధుమిత్రులకు ఆదివారం వాట్సాప్‌ సందేశం పంపారు.

పెద్దపల్లి మున్సిపాలిటీ పరిధి శాంతినగర్‌ రెండో వార్డు, రాఘవ్‌రోడ్డులోని సర్వే నంబర్లు 518/4, 519లో డీటీసీపీ అనుమతులు లేకుండానే ప్లాట్ల విక్రయాలకు రియల్‌ ఎస్టేట్‌ వ్యాపారులు సిద్ధమవుతున్నారు. ప్రభుత్వ భూములను వెంచర్‌లో కలిపి చూపుతున్నారు. సర్వే నిర్వహించి ప్రభుత్వ భూముల హద్దులను గుర్తించాలి. నిబంధనలకు విరుద్ధంగా ప్లాట్లు విక్రయిస్తే కొనుగోలుదారులు నష్టపోయే ప్రమాదం ఉంది. అనుమతులు లేని ప్లాట్ల విక్రయాలను అడ్డుకోవాలి. వెంచర్‌ నిర్వాహకులపై చర్యలు తీసుకోవాలి. – బండారి సునీల్‌, పెద్దపల్లి

ధర్మారం: ఎన్నికల సందర్భంగా ప్రజలకు ఇచ్చిన ఆరు గ్యారంటీలు అమలు చేస్తామని రాష్ట్ర సంక్షేమశాఖ మంత్రి అడ్లూరి లక్ష్మణ్‌కుమార్‌ అన్నారు. మండలకేంద్రంలోని అంబేద్కర్‌ చౌరస్తాలో ఆదివారం ఏర్పాటు చేసిన సీఎం రేవంత్‌రెడ్డి జన్మదిన వేడుకల్లో పాల్గొని కేక్‌కట్‌ చేశారు. నాయకులకు, కార్యకర్తలకు స్వీట్లు తినిపించారు. అనంతరం మండలకేంద్రంలోని బెడ్డల నాగమణి బానేశ్‌, తమ్మడవేని సరిత, రాజలింగు ఇందిరమ్మ ఇళ్లను ప్రారంభించి అక్కడే దీపావళి వేడుకల్లో పాల్గొన్నారు. రైతులను ఇబ్బందిపెడితే సస్పెండ్‌ చేస్తాం వరిధాన్యం కొనుగోలు కేంద్రాలల్లో రైతులను ఇబ్బందులకు గురిచేస్తే సస్పెండ్‌ చేస్తామని మంత్రి లక్ష్మణ్‌కుమార్‌ అన్నారు. మండలంలోని మల్లాపూర్‌లో సోమవారం ధాన్యం కొనుగోలు కేంద్రాన్ని ప్రారంభించి మాట్లాడారు. కేంద్రానికి వచ్చిన రైతులకు ఎలాంటి అసౌకర్యం లేకుండా చూడాలన్నారు. తేడాలు వస్తే సింగిల్‌విండో సిబ్బంది, జిల్లా స్థాయి అధికారులను క్షమించే ప్రసక్తి లేదన్నారు. మండలంలోని జక్కన్నపల్లి నుంచి ఎర్రగుంటపల్లి వరకు సెంట్రల్‌ లైటింగ్‌, డబుల్‌రోడ్డు పనులు త్వరలోనే ప్రారంభమవుతాయన్నారు. ఎర్రగుంటపల్లి శివారులో ఐటీఐ కళాశాల పనులు రెండునెలల్లో ప్రారంభిస్తామని పేర్కొన్నారు. గత ప్రభుత్వం నిర్మించిన కాళేశ్వరం ప్రాజెక్టుతో నియోజకవర్గ ప్రజలు, రైతులకు ఎలాంటి ప్రయోజనం చేకూరలేదన్నారు. మేడారం రిజర్వాయర్‌ సామర్థ్యం పెంచే యోచనలోనే రూ.350 కోట్లు వెచ్చించి చామనపల్లి మొత్తాన్ని ముంపు గ్రామంగా ప్రకటించినట్లు తెలిపారు. రెండేళ్లలో పత్తిపాకలో రిజర్వాయర్‌ నిర్మిస్తామని హామీ ఇచ్చారు. కార్యక్రమాల్లో తహసీల్దార్‌ శ్రీనివాస్‌, పార్టీ మండల అధ్యక్షుడు లావుడ్య రూప్లానాయక్‌, నియోజకవర్గ యువజన కాంగ్రెస్‌ అధ్యక్షుడు అసోద అజయ్‌, మండల యువజన అధ్యక్షుడు తిరుపతి, పట్టణ ప్రధాన కార్యదర్శి ఓరం చిరంజీవి, జిల్లా ప్రధాన కార్యదర్శి తిరుపతిరెడ్డి, కొత్త నర్సింహం, పత్తిపాక విండో చైర్మన్‌ నోముల వెంకటరెడ్డి, సర్పంచు శ్రీనివాస్‌, నాయకులు చింతల ప్రదీప్‌రెడ్డి, దాగేటి ఉదయ్‌, జితేందర్‌నాయక్‌, మెడేవని తిరుపతి, బద్దం అజయ్‌పాల్‌రెడ్డి, జంగ మహేందర్‌, దేవి జనార్ధన్‌, కాడే సూర్యనారాయణ, పాలకుర్తి రాజేశంగౌడ్‌, అరిగే లింగయ్య, గందం మహిపాల్‌ తదితరులు పాల్గొన్నారు.

కరీంనగర్‌క్రైం: కరీంనగర్‌లోని ప్రభుత్వ ఆస్పత్రి వద్ద సోమవారం 60–65 ఏళ్ల వయస్సు గల గుర్తు తెలియని వ్యక్తి మృతి చెందినట్లు టూ టౌన్‌ పోలీసులు తెలిపారు. మృతుడికి తెల్లగడ్డం, నల్లటి వెంట్రుకలు, చామనఛాయ రంగు, కుడిచేతికి ఎరుపు, నలుపు రంగుల మొలధారాలు ఉన్నాయన్నారు. పరిసర ప్రాంతాల్లో భిక్షాటన చేస్తూ జీవించేవాడని తెలిసిందని మృతుడి ఆచూకీ తెలిసిన వారు కరీంనగర్‌ టూటౌన్‌ పోలీస్‌స్టేషన్‌లో సంప్రదించాలని కోరారు. రైలు ప్రమాదంలో విద్యార్థి.. ఓదెల: ఓదెల గ్రామానికి చెందిన ఇంటర్‌ విద్యార్థి అహ్మద్‌ ఫరాన్‌(17) ఆదివారం కాజీపేట వద్ద ప్రమాదవశాత్తు రైలు కిందపడి మృతిచెందాడు. స్థానికుల కథనం ప్రకారం.. ఓదెలకు చెందిన ఎండీ రఫీ కుటుంబం ఉపాధి రీత్యా హైదరాబాద్‌లో స్థిర పడింది. పెద్ద కుమారుడు అహ్మద్‌ ఫరాన్‌ అక్కడే ఇంటర్‌ ఫస్టీయర్‌ చదువుతున్నాడు. గోదావరిఖనిలో బంధువుల వద్దకు వచ్చాడు. ఆదివారం రామగుండం నుంచి సికింద్రాబాద్‌కు సూపర్‌ఫాస్ట్‌ ఎక్స్‌ప్రెస్‌లో ప్రయాణం చేస్తుండగా ప్రమాదవశాత్తు రైలుకింద పడి మృతిచెందాడు. మృతుడి అంత్యక్రియలు ఓదెలలో జరిగాయి. అమెరికాలో రామన్నపేట వాసి.. మల్యాల: మండలంలోని రామన్నపే గ్రామానికి చెందిన వెల్మ రిషి రెడ్డి అమెరికాలో తాను చదువుకుంటున్న యూనివర్సిటీ హాస్టల్‌ గదిలో అనుమానాస్పదంగా మృతి చెందినట్లు బంధువులు తెలిపారు. గ్రామానికి చెందిన వెల్మ నర్సింహారెడ్డి కుటుంబంతో మూడు దశాబ్దాల క్రితం అమెరికాలోని ఒహాయో సిటీలో స్థిరపడ్డాడు. ఆయన కుమారుడు రిషి రెడ్డి బీటెక్‌ చదువుతున్నాడు. కొద్దిరోజుల్లో గ్రాడ్యుయేషన్‌ డేలో పాల్గొనాల్సి ఉంది. ఈ క్రమంలో గదిలో అనుమానస్పదంగా మృతి చెందినట్లు ఇక్కడకు సమాచారం అందింది. డిసెంబర్‌లో స్వగ్రామానికి వచ్చేందుకు కుటుంబసభ్యులందరూ విమాన టికెట్లు బుక్‌ చేసుకున్నారని, ఇంతలోనే రిషిరెడ్డి సర్టిఫికెట్ల కోసం వెళ్లి మృత్యువాత పడడం విషాదం నింపింది. భవనం రెండో అంతస్తు నుంచి పడి వివాహిత..కరీంనగర్‌క్రైౖం: బట్టలు ఆరవేస్తుండగా ప్రమాదవశాత్తు భవనంలోని రెండో అంతస్తు బాల్కనీ నుంచి కిందపడి ఓ వివాహిత మృతి చెందిన ఘటన కరీంనగర్‌లోని విద్యానగర్‌లో చోటుచేసుకుంది. కరీంనగర్‌ టూటౌన్‌ పోలీసులు తెలిపిన వివరాల ప్రకారం.. విద్యానగర్‌కు చెందిన మేడి శైలజ (40) తన భర్త, ఇద్దరు పిల్లలతో కలిసి తన తండ్రి లచ్చయ్య ఇంట్లో ఉంటోంది. మహారాష్ట్రలోని చంద్రాపూర్‌లో మైనింగ్‌ సూపర్‌వైజర్‌గా పనిచేస్తున్న భర్త రాజేశం అప్పుడప్పులు ఇంటికి వచ్చి వెళ్తుంటాడు. ఆదివారం సాయంత్రం రాజేశం ఇంటికి రాగా సోమవారం తెల్లవారుజామున శైలజ నిద్రలేచి బట్టలు ఉతికి రెండో అంతస్తు బాల్కనీలో ఆరవేస్తుండగా ప్రమాదవశాత్తు అదుపుతప్పి కిందపడింది. తీవ్రంగా గాయపడిన ఆమెను కుటుంబ సభ్యులు వెంటనే 108లో ప్రభుత్వ ఆసుపత్రికి తరలించారు. వైద్యులు చికిత్స అందిస్తుండగా మృతి చెందింది. శైలజ తండ్రి లచ్చయ్య ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు కరీంనగర్‌ టూ టౌన్‌ పోలీసులు తెలిపారు.

● జిల్లాలో పెరుగుతున్న రోగులు ● బాధపడుతున్న వారిలో మహిళలే అధికం పెద్దపల్లి: జిల్లాలో కేన్సర్‌ వ్యాధి ఆందోళనకరంగా విస్తరిస్తోంది. మారుతున్న జీవనశైలి, ఆహారపు అలవాట్లు, పని ఒత్తిడి, వాయుకాలుష్యం, అవగాహన లోపం తదితర కారణాలు వ్యాధి పెరుగుదలకు దోహదం చేస్తున్నాయి. ముఖ్యంగా మహిళలు గర్భాశయ, రొమ్ము కేన్సర్ల బారిన పడుతుండటం ఆందోళన కలిగిస్తోంది. రాష్ట్రవ్యాప్తంగా అన్ని ప్రభుత్వ ఆస్పత్రుల్లో కేన్సర్‌పై అవగాహన కల్పించాలని ప్రభుత్వం నిర్ణయించింది. నోటి, గొంతు, మూత్రాశయ కేన్సర్‌ కేసులు కూడా నమోదవుతున్నాయి. పారిశ్రామిక ప్రాంతమైన రామగుండంలో కేన్సర్‌ కేసుల నమోదు ఎక్కువగా ఉండడం ఆందోళనకర పరిణామం. లక్షల్లో స్క్రీనింగ్‌.. వందల మందికి గుర్తింపు జిల్లాలో 18ప్రాథమిక, 8 అర్బన్‌ ప్రాథమిక ఆరోగ్య కేంద్రాలు కేన్సర్‌ ముందస్తు గుర్తింపు కోసం వైద్య ఆరోగ్యశాఖ ప్రత్యేక స్క్రీనింగ్‌ కార్యక్రమాలు నిర్వహిస్తోంది. జిల్లాలో 3,67,693 మందిని లక్ష్యంగా నిర్దేశించుకోగా ఇప్పటివరకు 3,25,381 మందికి పరీక్షలు పూర్తయ్యాయి. వీరిలో నోటి, గొంతు కేన్సర్‌ కేసులు 62, రొమ్ము కేన్సర్‌ 99, గర్భాశయ కేన్సర్‌ 46, ఇతర కేన్సర్లు 64 గుర్తించారు. పరీక్షల ద్వారా వ్యాధిని ప్రాథమిక దశలోనే గుర్తించి చికిత్స అందించేందుకు వైద్యశాఖ చర్యలు చేపడుతోంది. పరీక్షలకు వెనకడుగు.. ప్రాణాల మీదకు.. ప్రాథమిక ఆరోగ్య కేంద్రాల్లో ఉచితంగా కేన్సర్‌ నిర్ధారణ పరీక్షలు అందుబాటులో ఉన్నప్పటికీ చాలామంది పరీక్షలు చేయించుకోవడానికి ముందుకు రావడం లేదు. పరీక్షల్లో వ్యాధి బయటపడుతుందనే భయంతో నిర్లక్ష్యం చేస్తున్నారు. దీంతో వ్యాధి ముదిరిన తర్వాత ఆస్పత్రులను ఆశ్రయించాల్సి వస్తోంది. ముందస్తుగా గుర్తిస్తే మెరుగైన చికిత్స ఆరోగ్యకరమైన ఆహారాన్ని తీసుకోవాలి. పొగాకు, గుట్కా వంటి పదార్థాలకు దూరంగా ఉండాలి. కేన్సర్‌ను ముందస్తుగా గుర్తిస్తే మెరుగైన చికిత్సతో వ్యాధిని నియంత్రించే అవకాశం ఉంటుంది. ఏమాత్రం అనుమానం ఉన్నా వైద్య పరీక్షలు చేయించుకోవాలి. – డాక్టర్‌ సంజనేశ్‌, ఎన్‌సీడీ జిల్లా ప్రోగ్రాం అధికారి

పెద్దపల్లి: ఉద్యోగుల న్యాయమైన డిమాండ్లను ప్రభుత్వం వెంటనే నెరవేర్చాలని సీపీఐ(ఎంఎల్‌) మాస్‌లైన్‌ ప్రజాపంథా ఉమ్మడి జిల్లా కార్యదర్శి జూపాక శ్రీనివాస్‌ డిమాండ్‌ చేశారు. కలెక్టరేట్‌ ఎదుట సమ్మె చేస్తున్న ఎన్‌హెచ్‌ఎం ఉద్యోగుల శిబిరాన్ని సోమవారం సందర్శించి సంఘీభావం ప్రకటించారు. రాష్ట్రవ్యాప్తంగా సుమారు 17 వేల మందికి సమాన పనికి సమాన వేతనం చెల్లించాలన్నారు. సమ్మెకు ప్రగతిశీల మహిళా సంఘం (పీఓడబ్ల్యూ) జిల్లా అధ్యక్షురాలు, నాయకులు మద్దతు తెలిపారు. ఎన్‌హెచ్‌ఎం ఉద్యోగులు మహేందర్‌, మారుతి, మాణిక్యేశ్వర్‌, తదితరులు పాల్గొన్నారు.

కోల్‌సిటీ(రామగుండం): చదువు పూర్తయింది.. మంచి ఉద్యోగం వచ్చింది.. ఇక జీవితంలో స్థిరపడవచ్చని చాలామంది భావిస్తారు. కానీ, అతడి ఆ లోచన అందుకు భిన్నం. ఉన్నత విద్యలో ప్రతిభ క నబరిచి బంగారు పతకం సాధించాలన్న సంకల్పం బలంగా నిలిచింది. అందుకోసం ఉద్యోగ జీవితా న్ని పక్కనపెట్టి మళ్లీ విద్యార్థిగా మారాడు గోదావరిఖనికి చెందిన ఇంజ పురి రవితేజ. స్థానిక గాంధీనగర్‌కు చెందిన సింగరేణి కార్మికు డు ఇంజపురి నర్స య్య, విజయలక్ష్మి దంపతుల పెద్ద కు మారుడు రవితేజ. గోదావరిఖని సెయింట్‌ పాల్స్‌ పాఠశాలలో పదో తరగతి, ఇంటర్మీడియట్‌ కరీంనగర్‌లోని ఎస్‌ఆర్‌ కాలేజీ, వాగేశ్వరి ఇంజినీరింగ్‌ కళాశాలలో బీటెక్‌ పూర్తి చేశాడు. అనంతరం హైదరాబాద్‌లో సాఫ్ట్‌వేర్‌ డెవలపర్‌గా ఉద్యోగం సాధించాడు. కాగా, ఎంటెక్‌లో గోల్డ్‌ మెడల్‌ సాధించాలన్న సంకల్పంతో ఉద్యోగాన్ని పక్కనపెట్టి మళ్లీ చదువుల బాట పట్టాడు. బీటెక్‌ చదివిన వాగేశ్వరి కళాశాలలోనే ఎంటెక్‌ సీఎస్‌ఈలో ప్రవేశం పొంది ఎంటెక్‌ సీఎస్‌ ఈలో యూనివర్సిటీస్థాయిలో గోల్డ్‌ మెడల్‌ సాధించాడు. కళాశాల గ్రాడ్యుయేషన్‌ డే లో బంగారు పతకాన్ని అందుకున్నాడు. కుటుంబం కోసం తండ్రి పడిన శ్రమను దగ్గరగా చూసిన రవితేజ.. తన విజయంతో వారికి ఆనందాన్ని పంచాలనుకున్నా డు. అందుకే సాధించిన బంగారు పతకాన్ని తల్లిదండ్రులకు అంకితం చే శాడు. ఇద్దరు కుమారులు, కుమార్తెను ఉన్నతంగా తీర్చిదిద్దాలన్న నర్సయ్య దంపతుల ఆశయానికి పె ద్ద కుమారుడి విజయం మరింత ఆనందాన్నిచ్చింది. తనకు తానే కొత్త లక్ష్యాన్ని నిర్దేశించుకుని దానిని అందుకోవడమే అతడి విజయగాథలోని ప్రత్యేకత.

మంథనిరూరల్‌: తెలంగాణ తొలి ప్రెస్‌ అకాడమీ చైర్మన్‌ అల్లం నారాయణకు మాతృవియోగం జరిగింది. పెద్దపల్లి జిల్లా మంథని మండలం గాజులపల్లిలో శుక్రవారం సాయంత్రం అల్లం నారాయణ మాతృమూర్తి అల్లం బుచ్చమ్మ తుది శ్వాస విడిచారు. శనివారం ఆమె అంత్యక్రియలు జరిగాయి. పలువురు రాజకీయ నేతలు, ప్రముఖులు, జర్నలిస్టులు తరలివచ్చి బుచ్చమ్మ పార్థివదేహానికి పూలమాలలు వేసి నివాళి అర్పించారు. బుచ్చమ్మ కుమారులు అల్లం నారాయణ, అల్లం వీరయ్య, అల్లం రాజయ్యను పరామర్శించారు. మంథని, రామగుండం మాజీ ఎమ్మెల్యేలు పుట్ట మధూకర్‌, కోరుకంటి చందర్‌ తదితరులు హాజరయ్యారు. దొంగ దొరికాడు జ్యోతినగర్‌: పెద్దపల్లి జిల్లా రామగుండంలోని ఎన్టీపీసీ కృష్ణానగర్‌లో శనివా రం తెల్లవారుజామున జరిగిన ఆస్తి సంబంధిత నేరాన్ని సీసీఎస్‌ ఎస్సై జీవన్‌, సిబ్బంది ఛేదించారు. శుక్రవారం రాత్రి కృష్ణానగర్‌లోని రఫిక్‌ ఖాన్‌ ఇంట్లో చోరీ జరిగింది. బాధితుడి ఫిర్యాదు మేరకు సీసీఎస్‌ ఎస్సై, పోలీసు బృందం రంగంలోకి దిగింది. సీసీ కెమెరాల ఫుటేజీ ఆధారంగా అనుమానితుడిని గుర్తించింది. రూ.95,500 నగదు స్వాధీనం చేసుకుంది. సాంకేతిక ఆధారాలతో గోదావరిఖని రమేశ్‌నగర్‌కు చెందిన ఈత వెంకటేశ్‌ నిందితుడిగా గుర్తించి విచారించారు. తదుపరి విచారణ, చట్టపరమైన చర్యల నిమిత్తం ఎన్టీపీసీ పోలీసులకు అప్పగించారు. జీవన్‌ గతంలో ఎన్టీపీసీలోనే విధులు నిర్వర్తించడంతో ఈ ప్రాంతంపై పట్టుంది. తనదైన శైలిలో నిందితుడిని పట్టుకునేందుకు ఇదే దోహదపడింది. చోరీ జరిగిన కొద్ది గంటల్లోనే నిందితుడిని గుర్తించి అదుపులోకి తీసుకుని స్టేషన్‌కు అప్పగించిన సీసీఎస్‌ ఎౖస్సై జీవన్‌తోపాటు సిబ్బందిని ఉన్నతాధికారులు అభినందించారు. ఈమేరకు నిందితుడిని అరెస్ట్‌ చేసినట్లు రామగుండం సీఐ కృష్ణకుమార్‌ తెలిపారు.

గోదావరిఖని: జాతీయస్థాయిలో అత్యుత్తమ ప్రమాణాలు పాటిస్తున్న గనులకు కేంద్ర బొగ్గు మంత్రిత్వ శాఖ ఏటా ఇచ్చే స్టార్‌ రేటింగ్‌ అవార్డుల్లో సింగరేణి ఆర్జీ–3 ఏరియా ఓసీపీ–వన్‌ వరుసగా మూడోసారి ఫైవ్‌స్టార్‌ రేటింగ్‌ సాధించి హాట్రిక్‌ నెలకొల్పింది. షీల్డ్‌, ప్రశంసా పత్రాలను శనివారం గని ఆపరేషన్‌ సైట్‌ ఆఫీస్‌లో ఏర్పాటు చేసిన సమావేశంలో ప్రదర్శించారు. ఇందుకు కారణమైన కార్మికులందరికీ శుభాకాంక్షలు తెలియజేశారు. బొగ్గు గని పనితీరు, రక్షణ చర్యలు, నిర్వహణ, సౌకర్యాలు, పర్యావరణహిత చర్యలు, కార్మిక సంక్షేమం వంటి 84 అంశాలను పరిగణనలోకి తీసుకొని మార్కులు కేటాయించగా, అందులో నెగ్గింది. కేంద్ర బొగ్గు శాఖ పరిశీలక బృందం ప్రత్యక్షంగా పరిశీలించి మూల్యాంకనం జరుపుతుంది. ఇందులో 100 మార్కులకు 91కి పైగా మార్కులు సాధించిన గనులకు ఫైవ్‌ స్టార్‌ రేటింగ్‌ ఇస్తారు. ఈప్రతిష్టాత్మక అవార్డును ఈనెల 2న ఛత్తీస్‌గఢ్‌ రాష్ట్రం రాయ్‌పూర్‌లో జరిగిన కార్యక్రమంలో కేంద్రమంత్రి నుంచి ఆర్జీ–3 ఏరియా జనరల్‌ మేనేజర్‌ సుంకర మధుసూదన్‌ సీఎండీ సమక్షంలో అందుకున్నారు. 50ఏళ్లు పూర్తి చేసుకున్న సింగరేణి సంస్థలోని అత్యుత్తమ ఓపెన్‌ కాస్ట్‌ గనిగా అన్ని రంగాల్లో ముందు ఉండటం ఉద్యోగుల కృషి, నైపుణ్యానికి నిదర్శనమని జీఎం అన్నారు. ఇదే స్ఫూర్తితో కార్మికులు, అధికారులు ముందుకు సాగి మరిన్ని పథకాలు సాధించాలని ఆకాంక్షించారు. ప్రాజెక్ట్‌ అధికారి ప్రవీణ్‌ వి.ఫాటింగ్‌, మేనేజర్‌ రావుల పాపయ్య, ఐఎన్టీయూసీ కేంద్ర కార్యదర్శి గడ్డం తిరుపతియాదవ్‌, ఏఐటీయూసీ ఏరియా కార్యదర్శి ఎంఆర్‌సీ రెడ్డి, అధికారుల సంఘం ప్రతినిధి, సెక్యూరిటీ అధికారి కోల శ్రీనివాస్‌గౌడ్‌, అధికారులు మురళీకృష్ణ, జ్ఞాన సంబంధన్‌, అజయ్‌కుమార్‌, రవీందర్‌ పాల్గొన్నారు.

కరీంనగర్‌/కోల్‌సిటీ: మనిషి శరీరంలో బయటకు కనిపించని అనేక రుగ్మతలు ఉంటాయి. ఎముక విరిగినా.. ఊపిరితిత్తుల్లో సమస్య తలెత్తినా.. గుండె పనితీరులో మార్పులొచ్చినా.. వాటిని పైకి చూసి గుర్తించడం సాధ్యం కాదు. అలాంటి అంతర్గత సమస్యలను కళ్లకు కట్టినట్లు చూపించే అద్భుతమే రేడియాలజీ. ఒకప్పుడు నలుపు తెలుపు ఎక్స్‌రే చిత్రాలకే పరిమితమైన ఈ వైద్య పరిజ్ఞానం నేడు డిజిటల్‌ ఎక్స్‌రే, అల్ట్రాసౌండ్‌, సీటీ స్కాన్‌, ఎంఆర్‌ఐ, 3డీ ఇమేజింగ్‌ వరకు విస్తరించింది. ఉత్తర తెలంగాణలోని ప్రభుత్వ, ప్రైవేటు ఆసుపత్రుల్లోనూ అత్యాధునిక మిషనరీలు అందుబాటులోకి వచ్చాయి. ఆదివారం ప్రపంచ రేడియోగ్రఫీ దినోత్సవాన్ని నిర్వహించనున్నారు. శరీర అంతరంగాలపై చిత్రముద్ర ఎక్స్‌రే పరీక్ష ద్వారా ఎముకల విరుగుళ్లు, ఊపిరితిత్తుల్లో ఇన్‌ఫెక్షన్లు, ఛాతీలోని మార్పులు, కొన్ని రకాల కణితులు, శరీరంలోని రాళ్లను గుర్తించవచ్చు. అల్ట్రాసౌండ్‌ ద్వారా గర్భంలోని శిశువు ఎదుగుదల, అవయవాల పరిస్థితిని తెలుసుకోవచ్చు. సీటీ స్కాన్‌తో శరీరంలోని అంతర్గత నిర్మాణాలను పలుకోణాల్లో పరిశీలించవచ్చు. ఎంఆర్‌ఐతో మెదడు, వెన్నెముక, కండరాలు, ఇతర మదు కణజాలాల సమస్యలను స్పష్టంగా గుర్తించవచ్చు. గుండె, మెదడు, మూత్రపిండాలు, రక్తనాళాలకు సంబంధించిన వ్యాధుల నిర్ధారణలోనూ ఇవి కీలక ఆధారాలుగా నిలుస్తున్నాయి. ఏఐతో మరింత కచ్చితత్వం.. రేడియాలజీ రంగంలో కృత్రిమ మేధ సరికొత్త మార్పులకు నాంది పలుకుతోంది. స్కానింగ్‌ చిత్రాలను విశ్లేషించి వ్యాధి లక్షణాలను త్వరగా గుర్తించేందుకు ఉపయోగపడుతోంది. రొమ్ము క్యాన్సర్‌ స్క్రీనింగ్‌, ఊపిరితిత్తుల్లో చిన్నపాటి గడ్డల గుర్తింపు, గుండె రక్తనాళాల్లో అడ్డంకుల పరిశీలన వంటి అంశాల్లో ఇది తోడ్పడుతోంది. చికిత్సలోనూ రేడియాలజీ ముద్ర ఇంటర్వెన్షనల్‌ రేడియాలజీ ద్వారా స్కానింగ్‌ చిత్రాల సహాయంతో శరీరంలోని సమస్యాత్మక ప్రాంతాలను గుర్తించి, చిన్న రంధ్రం లేదా సూది ద్వారా కొన్ని రకాల చికిత్సలు నిర్వహిస్తున్నారు. రక్తనాళాల్లోని అడ్డంకులను తొలగించడం, రక్తస్రావాన్ని నియంత్రించడం, కొన్ని కణితులకు చికిత్స చేయడం వంటి ప్రక్రియలు సాధ్యమవుతున్నాయి. జాగ్రత్తలు తప్పనిసరి.. ఆయనీకరణ వికిరణాలకు గురికాకుండా జాగ్రత్తలు తీసుకోవాలి. రేడియేషన్‌ మోతాదును సాధ్యమైనంత తక్కువగా ఉంచాలనే ఉద్దేశంతో శ్రీఅలారాశ్రీ సూత్రాన్ని పాటిస్తారు. అంటే పరీక్షకు అవసరమైన స్థాయిలోనే వికిరణాలను వినియోగించాలి. 131 ఏళ్ల క్రితం ఎక్స్‌రే ఆవిష్కరణ వైద్యరంగంలో నూతన శకం ఎక్స్‌రే నుంచి 3డీ స్కానింగ్‌ వరకు నేడు ప్రపంచ రేడియోగ్రఫీ దినోత్సవం

గోదావరిఖని: డిస్మిస్డ్‌ కార్మికులందరికీ వన్‌టైం సెటిల్‌మెంట్‌ కింద ఉద్యోగాలివ్వాలని హెచ్‌ఎంఎస్‌ ప్రధాన కార్యదర్శి రియాజ్‌అహ్మద్‌ డిమాండ్‌ చేశారు. శనివారం స్థానిక ప్రెస్‌క్లబ్‌లో ఏర్పాటు చేసిన విలేకరుల సమావేశంలో మాట్లాడారు. కార్మికులకు నష్టదాయకంగా ఉన్న సర్క్యులర్‌ను రద్దు చేయాలన్నారు. సింగరేణి వ్యాప్తంగా 600 మంది డిస్మిస్డ్‌ కార్మికులు ఉన్నారని, గుర్తింపు కార్మిక సంఘం కుదుర్చుకున్న ఒప్పందంతో ఒక్క డిస్మిస్డ్‌ కార్మికునికి కూడా లబ్ధి చేకూరడం లేదని విమర్శించారు. వారికి నష్టదాయకంగా ఉన్న సర్క్యులర్‌ను రద్దు చేసి, జేఎంఈటీలకు కల్పించిన మాదిరిగానే డిస్మిస్డ్‌ కార్మికులందరికీ వన్‌ టైమ్‌ సెటిల్మెంట్‌ కింద ఒకఅవకాశం కల్పించాలని డిమాండ్‌ చేశారు. సమావేశంలో నాయకులు సతీశ్‌, నాగేందర్‌, కార్తీక్‌, తోట శ్రీకాంత్‌, ఆర్‌.శ్రీనివాస్‌ తదితరులు పాల్గొన్నారు.

కోరుట్ల: ఉమ్మడి కరీంనగర్‌ జిల్లా ప్రజలకు రుణపడి ఉంటానని వెలమ కార్పొరేషన్‌ చైర్మన్‌ జువ్వాడి నర్సింగరావు అన్నారు. హైదరాబాద్‌లోని మైత్రీవనంలో శనివారం బా ధ్యతలు స్వీకరించారు. జిల్లా రాజకీయాల్లో తన తండ్రి జువ్వాడి సేవలు చిరస్మరణీయమని, ఆయన వారసత్వంగా రాజకీయాల్లోకి వచ్చిన తనకు సీఎం రేవంత్‌రెడ్డి తగిన గుర్తింపునిచ్చారని తెలిపారు. పనిచేసే కార్యకర్తలకు కాంగ్రెస్‌ ప్రభుత్వంలో తగిన గుర్తింపు దక్కుతుందన్నారు. పార్టీని ప్రజల్లోకి మరింతగా తీసుకెళ్తానన్నారు. కోరుట్ల నియోజకవర్గ అభివృద్ధికి నిరంతరం కృషి చేస్తున్నానని తెలిపారు. తన ప్రమాణ స్వీకారానికి భారీగా తరలివచ్చి న పార్టీ శ్రేణులు, అభిమానులకు ధన్యవాదాలు తెలిపా రు. మంత్రులు శ్రీధర్‌ బాబు, అడ్లూరి లక్ష్మణ్‌ కుమార్‌, వివేక్‌, ప్రభుత్వ సలహాదారు వేంనరేందర్‌ రెడ్డి, విప్‌ ఆది శ్రీనివాస్‌, జువ్వాడి కృష్ణారావు, జువ్వాడి చంద్రశేఖర్‌ రావు, కోరుట్ల, మెట్‌పల్లి మున్సిపల్‌ చైర్మన్లు తిరుమల వసంత, మైలారపు లింబాద్రి, వివిద మండలాల కాంగ్రెస్‌ అధ్యక్షులు, పార్టీ శ్రేణులు, నాయకులు పాల్గొన్నారు.

రోడ్డు ప్రమాద బాధితులు, మెదడులో రక్తస్రావం, పక్షవాతం లక్షణాలతో వచ్చే వారికి వెంటనే ఇమేజింగ్‌ పరీక్షలు అవసరం. సీటీ స్కాన్‌తో రక్తస్రావం, గాయాల తీవ్రతను గుర్తించవచ్చు. ఎంఆర్‌ఐతో మెదడు, నరాలు, కండరాలు, వెన్నెముక సమస్యలను క్షుణ్ణంగా పరిశీలించవచ్చు. అల్ట్రాసౌండ్‌తో గర్భస్థ శిశువు ఎదుగుదల, కాలేయం, మూత్రపిండాలు తదితర అవయవాల పరిస్థితిని తెలుసుకోవచ్చు. డాప్లర్‌ పరీక్ష రక్తప్రసరణలోని అడ్డంకులను గుర్తించేందుకు ఉపయోగపడుతుంది. క్యాన్సర్‌ చికిత్సలో కణితుల పరిమాణం, వ్యాప్తిని అంచనా వేయడంలోనూ రేడియాలజీయే కీలకం. – కె.హారిక, రేడియాలజిస్టు

యైటింక్లయిన్‌కాలనీ: సింగరేణిని ప్రైవేటీకరించేందుకు కాంగ్రెస్‌ ప్రభుత్వం కుట్ర చేస్తోందని టీబీజీకేఎస్‌ వర్కింగ్‌ ప్రెసిడెంట్‌ మాదాసి రామ్మూర్తి ఆరోపించారు. స్థానిక ప్రెస్‌భవన్‌లో శనివారం ఆయన విలేకరుల సమావేశంలో మాట్లాడారు. ఓసీపీ–3లో ప్రైవేట్‌ డ్రిల్లింగ్‌ మిషన్‌ను అద్దె ప్రాతిపదికన తీసుకొచ్చారని, దానికి మరమ్మతు చేయడం వంటి పనులను ప్రైవేట్‌ వ్యక్తులకు అప్పగించడం ఇందుకు నిదర్శనమన్నారు. రాష్ట్ర ప్రభుత్వం, సింగరేణి చేపట్టే కాంట్రాక్టీకరణ, ప్రైవేటీకరణకు గుర్తింపు కార్మిక సంఘం ఏఐటీయూసీ, ప్రాతినిధ్య సంఘం ఐఎన్‌టీయూసీ సహకరిస్తున్నాయని మండిపడ్డారు. కార్మికులకు నష్టం కలిగించే చర్యలను టీబీజీకేఎస్‌ వ్యతిరేకిస్తుందని ఆయన అన్నారు. నాయకులు చంద్రయ్య, తిరుపతి, శ్రీనివాస్‌, శశాంక్‌, బి.శ్రీనివాస్‌, నరేందర్‌, మహేందర్‌, పి.శ్రీనివాస్‌, దినేశ్‌, దక్షణామూర్తి తదితరులు పాల్గొన్నారు.

● ఆర్జీవన్‌ జీఎం లలిత్‌కుమార్‌ గోదావరిఖని: పారదర్శక సేవలతో సింగరేణి అభివృద్ధి పథంలో ముందుకు సాగుతుందని ఆర్జీ–వన్‌ జీఎం లలిత్‌కుమార్‌ అన్నారు. జీఎం కార్యాలయంలో శనివారం ఏర్పాటు చేసిన సమావేశంలో మాట్లాడారు. రామగుండం రీజియన్‌లోని ఆర్జీ–వన్‌, టూ, త్రీ, ఏపీఏ, భూపాలపల్లి ఏరియాల అధికారులు హాజరయ్యారు. గెస్ట్‌ఫాకల్టీ కిశోర్‌బగాడియా వివిధ అంశాలపై అవగాహన కల్పించారు. అవినీతి, లంచగొండితనం వ్యవస్థలను ఎలా భ్రష్టు పట్టిస్తున్నాయో వివరించారు. అభివృద్ధికి ఆటంకంగా నిలిచే అవినీతి నిర్మూలనకు చేపట్టాల్సిన చర్యలపై పవర్‌ పాయింట్‌ ప్రజెంటేషన్‌ అవగాహన కల్పించారు. అధికారులు మల్లయ్య, కె.చంద్రశేఖర్‌, కాశి విశ్వేశ్వరరావు తదితరులు పాల్గొన్నారు.‘బకాయిల సాధన కోసం ప్రజాభవన్‌ ముట్టడిస్తాం’గోదావరిఖని: సింగరేణికి రావాల్సిన బకాయిల సాధనకు ప్రజాభవన్‌ ముట్టడిస్తామని సీఐటీయూ అధ్యక్షుడు తుమ్మల రాజారెడ్డి తెలిపారు. ఓసీపీ–1పై శనివారం ఏర్పాటు చేసిన గేట్‌ మీటింగ్‌లో మాట్లాడారు. కార్మికుల హక్కులకు భంగం కలగకుండా ఐక్యంగా పోరాడాలని కోరారు. సొంతింటి పథకాన్ని అమలు చేయడంలో ప్రభుత్వం ఇచ్చిన హామీలను నెరవేర్చాలని, ఇందుకోసం సీఐటీయూ నిరంతరం పోరాడుతుందని అన్నారు. నాయకులు కుంట ప్రవీణ్‌కుమార్‌, పర్స వినేశ్‌, విజయకుమార్‌, భూమయ్య, రాకేశ్‌ తదితరులు పాల్గొన్నారు. గోదావరిఖని: ఇంటి నుంచే భద్రతకు ప్రాధాన్యమివ్వాలని, గనిలో పనిచేసేటప్పుడు రక్షణచర్యలు చేపట్టాలని సిమ్‌టార్స్‌ ఏజీఎం విజయ్‌కుమార్‌ సూచించారు. సిమ్‌టార్స్‌లో భద్రతపై శనివారం అవగాహన కల్పించారు. విధి నిర్వహణలో హెల్మెట్‌ ధరించాలని, రోడ్డు భద్రత నియమాలు పాటించాలని అన్నారు. కార్యక్రమంలో స్టాట్యూటరీ మేనేజర్‌ రమేశ్‌బాబు, మేనేజర్‌ శివయ్య, బ్రాంచ్‌ సెక్రటరీ శ్రీను, పిట్‌ ఇంజనీర్‌ మల్లేశ్‌, సేఫ్టీ ఆఫీసర్‌ సల్మాన్‌ఖాన్‌, పిట్‌ సెక్రటరీ పొన్నాల వెంకటయ్య, వెంటిలేషన్‌ ఆఫీసర్‌ కుమారస్వామి, సంక్షేమాధికారి గణేశ్‌ పాల్గొన్నారు. హెచ్‌ఎంఎస్‌, ఏఐటీయూసీ నాయకుల బాహాబాహీ గోదావరిఖని: ఆర్జీ–వన్‌ ఏరియా వర్క్‌షాప్‌లో శనివారం ఏఐటీయూసీ, హెచ్‌ఎంఎస్‌ నాయకుల మ ధ్య చోటుచూసుకున్న ఘర్షణ, వాగ్వాదం దాడులు చేసుకునే వరకూ వెళ్లింది. కార్మికుల సమస్యలపై మాట్లాడానికి వర్క్‌షాప్‌ అధికారుల వద్దకు రెండు యూనియన్ల నాయకులు వెళ్లారు. ఈక్రమంలో ఇ రువర్గాల మధ్య మాటామాటా పెరిగి కొట్టుకున్నారు. ఈవిషయం చర్చనీయాంశంగా మారింది. హెచ్‌ఎంఎస్‌ నాయకులు పోలీస్‌స్టేషన్‌లో ఫిర్యాదు చేయగా.. పోలీసులు విచారణ చేపట్టారు.

పెద్దపల్లి: పెద్దపల్లి జిల్లా సుల్తానాబాద్‌కు చెందిన యువతి లకిశ్రీ కట్టల మోడలింగ్‌ రంగంలో సత్తా చాటారు. వరంగల్‌లో తె లంగాణ స్పార్క్‌ ఆధ్వర్యంలో నిర్వహించిన ‘తెలంగాణ స్పార్క్‌ సీజన్‌–1’ గ్రాండ్‌ ఫెస్టివల్‌లో ప్రతిభ కనబరిచి రెండు అవార్డులను కై వసం చేసుకున్నారు. మిస్‌ తె లంగాణ సెకండ్‌ రన్నరప్‌గా నిలవడంతో పాటు మిస్‌ పెద్దపల్లి టైటిల్‌ను సొంతం చేసుకుని ప్రత్యేక గుర్తింపు పొందారు. మోడలింగ్‌పై ఆసక్తితో ఈ రంగంలోకి అ డుగుపెట్టిన లకిశ్రీ గతంలోనూ పలు పోటీల్లో పాల్గొని అ నేక కిరీటాలు సాధించారు. తాజా విజయంతో తన ప్రతి భను మరోసారి చాటుకున్నారు. ఈ సందర్భంగా ఈవెంట్‌ నిర్వాహకులు గౌస్‌ పాషా ఆమెను అభినందించారు. లకిశ్రీ విజయంపై తల్లిదండ్రులు కట్టల శ్రీనివాస్‌, పావ ని హర్షం వ్యక్తం చేశారు. ప్రస్తుతం బి.ఫార్మసీ ఫైనలియర్‌ చదువుతున్న లకిశ్రీ భవిష్యత్తులో మిస్‌ ఇండియా కిరీటాన్ని గెలుచుకోవడమే తన లక్ష్యమని తెలిపారు.

వెలుగుల పండుగ దీపావళిని భక్తిశ్రద్ధలతో జరుపుకునేందుకు జిల్లావాసులు సిద్దమయ్యారు. నోములు, వ్రతాల కోసం అవసరమైన సామగ్రి కొనుగోలుకు పెద్దఎత్తున తరలిరావడంతో మార్కెట్లు రద్దీగా మారాయి. పెద్దపల్లి, సుల్తానాబాద్‌ తదితర ప్రాంతాల్లోని మార్కెట్లకు పండుగ శోభ వచ్చింది. కిరాణా, పూజాసామగ్రి, పూలు, ప్రమిదలు, మట్టికుండలు తదితర వాటిని కొనుగోలు చేశారు. వీరికి అవసరమైన సామగ్రిని వ్యాపారులు ముందుగానే సిద్ధం చేసి ఉంచారు. – పెద్దపల్లి/సుల్తానాబాద్‌రూరల్‌/సాక్షి ఫొటోగ్రాఫర్‌, పెద్దపల్లి

గోదావరిఖని: బాధితులతో సున్నితత్వం, గౌరవప్రదంగా వ్యవహరించి పోలీస్‌ వ్యవస్థపై విశ్వాసం పెంపొందించా లని రామగుండం పోలీస్‌ కమిషనర్‌ అంబర్‌ కిశోర్‌ ఝా సూచించారు. తన కార్యాలయంలో కోర్టు డ్యూటీ, లైజనింగ్‌ పోలీస్‌ అధికారులతో శనివారం వివిధ అంశాలపై సమీ క్షించారు. కేసుల్లో నిందితులకు శిక్ష పడేలా పకడ్బందీగా దర్యాప్తు చేపట్టి, బలమైన సాక్ష్యాధారాలను కోర్టులో సమర్పించాలని అన్నారు. పలు కేసుల్లో నిందితులకు శిక్షలు ప డేలా కీలకపాత్ర పోషించిన వారిని శాలువాలతో సత్కరించారు. అడిషనల్‌ డీసీపీ(అడ్మిన్‌) శ్రీనివాస్‌, వర్టికల్‌ ఇన్‌చార్జి ఇన్‌స్పెక్టర్‌ చంద్రశేఖర్‌గౌడ్‌ తదితరులు పాల్గొన్నారు.

మంథనిరూరల్‌: శ్రీపాద్‌ మార్గ్‌ ఫోర్‌ వే కోసం చేపట్టే భూసేకరణకు రై తులు సహకరించాలని మంథని ఆ ర్డీవో సురేశ్‌ కోరారు. మల్లెపల్లిలో శ నివారం నిర్వహించిన గ్రామసభ లో ఆయన మాట్లాడుతూ, ఇప్పటికే ఒకసారి భూసేకరణకు సర్వే చేట్టామని, అందులో కొందరు రైతుల పేర్లు తప్పిపోయాయని, ఇందుకోసం మరోసారి సర్వే చేయిస్తామన్నారు. భూమి కోల్పోయే ప్రతీ ఒక్కరికి న్యాయం జరిగేలా చూస్తామని తెలిపారు. సర్పంచ్‌ లక్కాకుల సత్యనారాయణ, తహసీల్దార్‌ అరీఫొద్దీన్‌, జీపీవో సతీశ్‌, సర్వేయర్‌ రాజశేఖర్‌, ఉపసర్పంచ్‌ రాజమల్లు, వార్డు సభ్యులు ప్రశాంత్‌, శైలజ, రైతులు పాల్గొన్నారు.

రామగిరి: గ్రామీణ విద్యార్థుల కలలకు భరోసా ఇస్తూ మంథని జేఎన్టీయూ ముందుకు సాగుతోంది. ఒకప్పుడు ఉన్నత చదువులు, ఉద్యోగాల కోసం నగరాల వైపు చూడాల్సిన ఉండేది. ఇప్పుడు సొంత ప్రాంతంలోనే ఇంజినీరింగ్‌ విద్య అభ్యసిస్తూ, ప్రముఖ కంపెనీల్లో కొలువులు సాధించే అవకాశాలు చేరువ అవుతున్నాయి. తల్లిదండ్రుల ఆశలు, విద్యార్థుల కలలు, యువత భవిష్యత్తు.. ఇలా అనేక ఆశలకు మంథని జేఎన్టీయూ వేదికగా నిలుస్తోంది. విద్యార్థులకు భరోసా ఇంజినీరింగ్‌ పూర్తిచేశాక ఉద్యోగం సాధించి కుటుంబానికి అండగా నిలవాలనేది ప్రతీవిద్యార్థి కల. దానిని సాకారం చేసేలా జేఎన్టీయూ ప్లేస్‌మెంట్‌ కొనసాగిస్తోంది. గత 12 విద్యా సంవత్సరాల్లో 445 మంది విద్యార్థులు వివిధ కంపెనీల్లో ఉద్యోగాలు సాధించారు. 2013–14లో ఏడుగురితో ప్రారంభమైన ప్లేస్‌మెంట్ల ప్రస్థానం.. 2024–25 నాటికి 90 మందికి చేరింది. 2021–22లో ఏకంగా 132 మంది ఉద్యోగాలు పొందడం విశేషం. ఈ విజయాలు విద్యార్థుల్లో ఆత్మవిశ్వాసాన్ని పెంచడంతోపాటు తల్లిదండ్రుల్లో ఆశలు నింపుతున్నాయి. మంత్రి ప్రోత్సాహంతో నైపుణ్య శిక్షణ చదువుతోపాటు ఉపాధి అవకాశాలు కల్పించాలనే లక్ష్యంతో మంత్రి దుద్దిళ్ల శ్రీధర్‌బాబు ప్రోత్సాహం అందిస్తున్నారు. ఇందుకోసం జేఎన్టీయూ – టీసీఎస్‌ ఐవోఎన్‌ మధ్య శిక్షణ ఒప్పందం కుదిరింది. సాంకేతిక పరిజ్ఞానంతోపాటు కమ్యూనికేషన్‌, సాఫ్ట్‌ స్కిల్స్‌, ఇంటర్వ్యూలకు అవసరమైన నైపుణ్యాలపై తర్ఫీదు ఇస్తున్నారు. ఉద్యోగం.. కుటుంబానికి వెలుగు విద్యార్థికి ఉద్యోగం రావడమంటే.. వ్యక్తిగత విజయమే కాదు.. ఆ కుటుంబానికి ఆర్థిక భరోసా కూడా. తల్లిదండ్రుల ఏళ్ల కష్టానికి ఫలితం. మరో విద్యార్థికి స్ఫూర్తి. అలాంటి విజయాలకు మంథని జేఎన్టీయూ వేదికగా నిలుస్తోంది. చదువుతోపాటు ఉపాధి అవకాశాలు ప్రత్యేక కార్యాచరణలో జేఎన్టీయూ ఇప్పటికే 445 మందికి కొలువులు జేఎన్టీయూలో ప్లేస్‌మెంట్లు విద్యా సంవత్సరం – ఉద్యోగాలు 2013-14 - 7 2014-15 - 9 2015-16 - 15 2016-17 - 4 2017-18 - 15 2018-19 - 14 2019-20 - 24 2020-21 - 41 2021-22 - 132 2022-23 - 49 2023-24 - 45 2024-25 - 90

గోదావరిఖని: సింగరేణి స్థాయి ఫుట్‌బాల్‌ పోటీల్లో విజేతగా నిలిచిన ఆర్జీ–1,2 జట్టును లేడీస్‌ క్లబ్‌, ఆర్‌సీవోఏ క్లబ్‌ ఆధ్వర్యంలో శుక్రవారం ఘనంగా సన్మానించారు. స్థానిక జవహర్‌లాల్‌నెహ్రూ స్టేడియంలో రెండు రోజుల పాటు నిర్వహించిన కంపెనీ స్థాయి ఫుట్‌బాల్‌ టోర్నమెంట్‌లో సింగరేణి పరిధిలోని 11ఏరియాల జట్లు హోరాహోరీగా తలపడగా ఫైనల్‌ మ్యాచ్‌లో ఆర్జీ–1,2 జట్టు విజయం సాధించింది. జట్టు కెప్టెన్‌ సామల సత్యనారాయణ ఆధ్వర్యంలో విజయం సాధించిన సభ్యులను అభినందించి సన్మానించారు. ఈ కార్యక్రమంలో సేవా అధ్యక్షురాలు అనిత, ఆర్‌సీవోఏ క్లబ్‌ కార్యదర్శి కేడీఎన్‌ వరప్రసాద్‌, క్వాలిటీ జీఎం వెంకటరమణ, స్పోర్ట్స్‌ గౌరవ కార్యదర్శి హనుమంతరావు, స్పోర్ట్స్‌ సూపర్‌వైజర్‌ నరేందర్‌రెడ్డి, లేడీస్‌ క్లబ్‌ కార్యదర్శి శిరీష, సేవా కార్యదర్శి బీనాసింగ్‌, జాయింట్‌ సెక్రటరీ రజిత, క్లబ్‌ సభ్యులు మణి, భాస్కరి, విజయ, చిలుక లక్ష్మి, కల్యాణి, సుధా తదితరులు పాల్గొన్నారు.

కరీంనగర్‌క్రైం: మద్యం మత్తులో ఇద్దరు స్నేహితుల మధ్య తలెత్తిన వివాదం దా రుణ హత్యకు దారి తీసింది. చిన్నపాటి గొడవ కాస్తా ప్రాణాలు తీసుకునే స్థాయి కి చేరడంతో ఒక యువకుడు హత్యకు గురయ్యాడు. ఈ ఘటన కరీంనగర్‌ బ స్టాండ్‌ ప్రాంతంలో గురువారం అర్ధరాత్రి చోటుచేసుకుంది. జహీరాబాద్‌కు చెందిన మద్ది సు ధాకర్‌ అలియాస్‌ సిద్ధు(23) మంచిర్యాల చౌరస్తా సమీపంలోని ఓ ఫుడ్‌ కోర్టులో పని చేస్తున్నాడు. అతడికి కార్ఖానగడ్డకు చెందిన మీర్జా ఇబ్రహీం బేగ్‌(23)తో గతంలో పరిచ యం ఏర్పడి స్నేహితులుగా మారారు. ఇద్దరూ తరచూ కలిసి మద్యం తాగుతూ బస్టాండ్‌ పరిసర ప్రాంతాల్లో సంచరించేవారు. ఈ క్రమంలో రెండు, మూడు రోజులుగా వారి మధ్య తరచూ గొడవలు జరుగుతున్నట్లు సమాచారం. ఈ నేపథ్యంలో గురువారం అర్ధరాత్రి 12 గంటలు దాటిన తర్వాత మరోసారి ఇద్దరి మధ్య వివాదం తలెత్తింది. ఈ క్రమంలో సుధాకర్‌.. ఇబ్రహీం బేగ్‌ కుటుంబ సభ్యులను ఉద్దేశించి దూషించడంతో.. ఆగ్రహానికి గురైన బేగ్‌ సమీపంలో ఉన్న సిమెంట్‌ బండరాయితో సుధాకర్‌ తలపై సుమారు పదిసార్లు బలంగా కొట్టడంతో అక్కడికక్కడే మృతిచెందినట్లు సమాచారం. బస్టాండ్‌ సిబ్బంది వెంటనే వన్‌టౌన్‌ పోలీసులకు సమాచారమందించారు. పోలీసులు వెంటనే ఘటనా స్థలానికి చేరుకొని మతదేహాన్ని ప్రభుత్వ ఆసుపత్రికి తరలించారు. కేసు నమోదు చేసి దర్యాప్తు చేపట్టిన పోలీసులు.. నిందితుడి కోసం గాలిస్తున్నారు. నిందితుడి ఆచూకీని పోలీసులు గుర్తించినట్లు సమాచారం. పూర్తి వివరాలు పోలీసుల దర్యాప్తులో వెల్లడి కానున్నాయి.

పెద్దపల్లిరూరల్‌: జల్సాలు, ఇతర అవసరాల కోసం సులువుగా డబ్బు సంపాదించాలనుకుని బైక్‌ దొంగతనాలు చేయాలనుకున్న బైరి నరేశ్‌.. అందుకు పెద్దపల్లిలోని జిల్లా ప్రభుత్వ ఆస్పత్రని ఎంచుకున్నాడు. కొన్ని నెలలుగా 8 బైక్‌లు ఎత్తుకెళ్లాడు. శుక్రవారం మంథని ఫ్‌లైఓవర్‌ వంతెన వద్ద పోలీసులకు చిక్కాడు. ఏసీపీ గజ్జి కృష్ణ విలేకరుల సమావేశంలో వివరాలను వెల్లడించారు. జగిత్యాల జిల్లా ఎండపల్లి మండలం ముంజంపల్లికి చెందిన బైరినరేశ్‌ ప్రస్తుతం పెద్దపల్లిలోని హనుమాన్‌నగర్‌లో నివాసముంటున్నాడు. కొంతకాలం బసంత్‌నగర్‌ సిమెంట్‌ ఫ్యాక్టరీలో కార్మికుడిగా పనిచేసి అనారోగ్యానికి గురయ్యాడు. ఆ తర్వాత తనకు అవసరమైన డబ్బును సులువుగా సంపాదించేందుకు బైక్‌ దొంగతనాలను ఎంచుకుని జిల్లా ప్రభుత్వాస్పత్రి ముందు పార్కింగ్‌ చేసిన బైక్‌లను ఆగస్టు నుంచి ఎత్తుకెళుతూ తన ఇంటి పరిసరాల్లో దాచాడు. ఇప్పటివరకు ఎత్తుకెళ్లిన 8 బైక్‌లను పోలీసులు స్వాధీనం చేసుకున్నారు. వాటన్నింటిని ఒకేసారి మహారాష్ట్రలో అమ్మేందుకు యత్నిస్తున్నట్టు విచారణలో వెల్లడించాడు. సీఐ ప్రవీణ్‌కుమార్‌, ఎస్సై రాజశేఖర్‌, హెడ్‌కానిస్టేబుల్‌ మాడిశెట్టి రమేశ్‌, ప్రభాకర్‌, అనిల్‌కుమార్‌ను డీసీపీ రాంరెడ్డి నాయక్‌ అభినందించారు. మద్యానికి బానిసై ఒడిశా కార్మికుడి మృతి మంథని: అనారోగ్యంతో బాధపడుతూ మద్యానికి బానిసైన ఒడిశా కార్మికుడు మృతి చెందిన ఘటన మంథని మండలం చిల్లపల్లి గ్రామంలో చోటుచేసుకుంది. ఈ ఘటనలో పరిషె బిశ్వాల్‌(35) మృతి చెందాడు. ఎస్సై సందీప్‌ కథనం ప్రకారం.. ఒడిశా రాష్ట్రానికి చెందిన పరిషె బిస్వాల్‌ చిల్లపల్లిలో ఇటుకలు తయారు చేసేవాడు. రెండేళ్లుగా ఆరోగ్యం సరిగా లేక రోజూ మద్యం తాగుతున్నాడు. ఈ క్రమంలో శుక్రవారం ఉదయం అకస్మాత్తుగా నేలపై పడి అస్వస్థతకు గురయ్యాడు. భార్య పార్వతీ బిస్వాల్‌ అక్కడే ఉన్న సూపర్‌వైజర్‌కు సమాచారం ఇవ్వగా 108 ద్వారా మంథని ప్రభుత్వ ఆస్పత్రికి తీసుకొచ్చారు. అప్పటికే మృతి చెందినట్లు వైద్యులు ధ్రువీకరించారు. మృతుడి భార్య ఫిర్యాదు మేరకు కేసు నమోదు చేసినట్లు ఎస్సై తెలిపారు.

మంథని: విద్యార్థులు చట్టాలపై అవగాహన కలిగి ఉండాలని ద్వితీయశ్రేణ న్యాయమూర్తి బి,అనురాధ అన్నారు. మంథని ప్రభుత్వ బా లికల జూనియర్‌ కళాశాలలో నిర్వహించిన న్యాయ విజ్ఞాన సదస్సులో మాట్లాడారు. వి ద్యార్థి దశలోనే చట్టాలు, బాలల హక్కులు తె లుసుకోవాలని, న్యాయ విజ్ఞాన సదస్సుల ద్వారా అవగాహన కలిస్తున్నామని తెలిపారు. మంథని బార్‌ అసోసియేషన్‌ వైస్‌ ప్రెసిడెంట్‌ కె.రఘోత్తంరెడ్డి, న్యాయవాది శశిభూషణ్‌కాచే, ఇన్‌చార్జీ ప్రిన్సిపాల్‌ ఝాన్సీ, అధ్యాపకుడు రావుల తిరుమల్‌ పాల్గొన్నారు. ట్రాన్స్‌జెండర్లకు రక్షణ పెద్దపల్లిరూరల్‌: ట్రాన్స్‌జెండర్ల రక్షణ కోసం ప్రభు త్వం ప్రత్యేక విభాగాన్ని ఏర్పాటు చేసి వారి హక్కు ల పరిరక్షణ, భద్రత కోసం పనిచేస్తోందని మహిళా పోలీస్‌స్టేషన్‌ సీఐ రమేశ్‌బాబు అన్నారు. స్థానిక మహిళా పోలీస్‌స్టేషన్‌లో శుక్రవారం ట్రాన్స్‌జెండర్‌ల హక్కు లు, బాధ్యతలపై అవగాహన కల్పించారు. కేంద్ర హోంశాఖ ట్రాన్స్‌జెండర్ల కోసం ప్ర త్యేక మార్గదర్శకాలను రూపొందించిందని పేర్కొన్నారు. వారిభద్రత కోసం మహిళా భద్రతా విభాగం (వుమెన్‌ సేఫ్టీ వింగ్‌) ద్వారా రక్షణ చర్యలకోసం ప్రత్యేక విభాగం పనిచేస్తోందని ఆయన అన్నారు. ఈ కార్యక్రమంలో షీటీం ఇన్‌చార్జి ఎస్సై లావణ్య, మహిళా స్టేషన్‌ ఎస్సై రవళి, సభ్యులు, భరోసా కో ఆర్డినేటర్‌ అశ్రిత, సిబ్బంది పాల్గొన్నారు. ఇద్దరి నేత్రాలతో నలుగురి జీవితాల్లో వెలుగులు! ● మరణంలోనూ మానవత్వాన్ని చాటిన రెండు కుటుంబాలు కోల్‌సిటీ: ఆప్తులను కోల్పోయిన పుట్టెడు దుః ఖంలోనూ రెండు కుటుంబాలు గొప్పమనసు చాటుకున్నాయి. తమవారి కళ్లతో మరో ఇ ద్దరు ఈ లోకాన్ని చూడాలనే మానవీయ ఆ లోచనతో నేత్రదానానికి ముందుకొచ్చాయి. గోదావరిఖని జీఎం కాలనీకి చెందిన వాలా లక్ష్మి (82) అనారోగ్యంతో, అదేకాలనీకి చెందిన సింగరేణి రిటైర్డ్‌ కార్మికుడు మిడిదొడ్డి రాములు (81) శుక్రవారం మృతి చెందారు. ఇద్దరి కుటుంబాలకు నేత్రదానాలపై సదాశయ ఫౌండేషన్‌ ప్రతినిధి, రామగుండం మగువ లయన్స్‌ క్లబ్‌ ఉపాధ్యక్షురాలు అట్లూరి శశికళ అవగాహన కల్పించారు. దీంతో రెండు కుటుంబాలు నేత్రదానం చేయడానికి అంగీకారం తెలిపారు. ఫౌండేషన్‌ ప్రతినిధులు ఆరపెల్లి రాజమౌళి, కేఎస్‌ వాసు, శశికళ ఆధ్వర్యంలో వాసన్‌ ఐ బ్యాంక్‌ టెక్నీషియన్‌ చందు సహకారంతో సేకరించిన నేత్రాలను హైదరాబాద్‌కు తరలించారు. దరఖాస్తులు ఆహ్వానంకరీంనగర్‌టౌన్‌: దివ్యాంగుల సాధికారతకు కృషి చేసిన ఉత్తమ వ్యక్తులు, సంస్థలకు రాష్ట్రస్థాయి పురస్కారాలు డిసెంబర్‌ 3న అందజేసేందుకు దరఖాస్తులను ఆహ్వానిస్తోంది. క రీంనగర్‌ జిల్లాకు చెందిన అర్హులైన వారు మా ర్గదర్శకాలు, దరఖాస్తు నమూనాను అధి కారిక వెబ్‌సైట్‌ https:// depwdsctgp. telangana. gov. in నుంచి డౌన్‌లోడ్‌ చేసుకోవచ్చు. పూర్తి చేసిన దరఖాస్తులను తగిన ధ్రువీకరణ పత్రాలతో నవంబర్‌ 16 లోగా కరీంనగర్‌ నూతన కలెక్టరేట్‌లోని జిల్లా సంక్షేమ అధికారి కార్యాలయంలో అందజేయాలని సంక్షేమ అధికారి సరస్వతి తెలిపారు.

గోదావరిఖని: సింగరేణి బొగ్గు గనుల్లో దశాబ్దాల పాటు శ్రమించి సంస్థ అభివృద్ధిలో కీలకపాత్ర పోషించిన రిటైర్డ్‌ కార్మికులకు దీపావళి పండుగ వేళ నిరాశ ఎదురవుతోంది. ప్రతినెలా అందాల్సిన సీఎంపీఎఫ్‌ పింఛన్‌ డబ్బులు నేటికీ ఖాతాల్లో జమ కాకపోవడంతో వృద్ధాప్యంలో ఆర్థిక ఇబ్బందులు ఎదుర్కొంటున్నారు. పండుగ సమయంలో కుటుంబ సభ్యులతో సంతోషంగా గడపాల్సిన వేళ.. పింఛన్‌ కోసం ఎదురుచూడాల్సిన పరిస్థితి నెలకొంది. యూనియన్‌ బ్యాంకు ఖాతాదారులకే సమస్య! యూనియన్‌ బ్యాంక్‌ ఆఫ్‌ ఇండియాలో ఖాతాలు కలిగిన రిటైర్డ్‌ కార్మికులకే ఈసమస్య ఎదురైనట్లు కార్మికులు చెబుతున్నారు. ఎస్‌బీఐలో ఖాతాలు ఉన్న వారికి సకాలంలో జమఅయ్యాయి. సాంకేతిక సమస్యా? బ్యాంకింగ్‌ లావాదేవీల్లో జాప్యమా? లేక పింఛన్‌ చెల్లింపుల ప్రక్రియలో ఏదైనా ఆటంకమా? అన్నదానిపై స్పష్టత రావాల్సి ఉంది. 30 వేల మంది ఎదురుచూపులు! సుమారు 30 వేల మంది రిటైర్డ్‌ కార్మికులు సీఎంపీఎఫ్‌ పింఛన్‌ డబ్బుల కోసం ఎదురుచూస్తున్నట్లు తెలుస్తోంది. పింఛన్‌ సొమ్మే అనేక కుటుంబాలకు ప్రధాన జీవనాధారంగా ఉంది. మందులు, వైద్య ఖర్చులు, నిత్యావసరాలు, కుటుంబ అవసరాలకు ఈ డబ్బులే ఆధారం కావడంతో పింఛన్‌ ఆలస్యం ఆందోళనకు గురిచేస్తోంది. అధికారులు స్పందించాలి.. దీపావళి పండుగకు ముందే పింఛన్‌ డబ్బులు అందుతాయని ఆశించిన రిటైర్డ్‌ కార్మికులకు నిరాశే మిగిలింది. ఈ సమస్యపై సింగరేణి, సీఎంపీఎఫ్‌ అధికారులు, యూనియన్‌ బ్యాంకు ఉన్నతాధికారులు తక్షణమే స్పందించాలని కార్మికులు కోరుతున్నారు.

మంథనిరూరల్‌: శాస్త్ర సాంకేతిక పరిజ్ఞానం పెరిగడం.. పాశ్చాత్య నాగరికతకు అలవాటు పడడం సంప్రదాయ కులవృత్తులపై తీవ్ర ప్రభావం చూపుతోంది. పూర్వం నుంచి మట్టి వస్తువుల వినియోగంలో ముఖ్యపాత్ర పోషించిన కుమ్మర వృత్తి, మట్టి పాత్రలకు ఆదరణ తగ్గుతోంది. మట్టిని శిల్పంగా తీర్చిదిద్దే కుమ్మరి నిత్యం ప్రజావసరాల కోసం వినియోగించుకునే వస్తువులను తయారు చేసేవారు. క్రమంగా మారుతున్న కాలం, పరిస్థితులతో కుమ్మరి మట్టి వస్తువులను మరిచి ప్లాస్టిక్‌ వినిగించడం పెరిగిపోతోంది. శుభ, అశుభ కార్యాల్లో.. ప్రతీ కుటుంబంలో జరిగే శుభ, అశుభ కార్యాల్లో కుమ్మరులకు ప్రాధాన్యత ఉంటుంది. పెళ్లి జరిగినా, మరణం సంభవించినా కుమ్మరులు తయారుచేసిన వస్తువులే అవసరం ఉంటాయి. ఇవేకాకుండా ప్రతీపండుగకు కుమ్మరులు చేసిన వస్తువుల వాడకం సంప్రదాయంగా భావిస్తారు. ఇక దీపావళి, శివరాత్రి, ఉగాదిలాంటి పండుగకు ప్రత్యేకంగా వస్తువులు తయారు చేయడం ఆనవాయితీ. ప్లాస్టిక్‌.. డిజైన్‌ల ప్రభావం... పాశ్చాత్య నాగరికతతో వృత్తులు కనుమరుగవుతున్నాయి. పాస్టిక్‌ వినియోగం, సరికొత్త డిజైన్‌ల వైపు మొగ్గు చూపడం, ఆధునిక జీవనశైలికి అవవాటుపడటంతో సంప్రదాయ వస్తువులకు ప్రాధాన్యత తగ్గుతోంది. దీంతో కుమ్మరులు సహజసిద్ధంగా తయారు చేసే వస్తువులకు డిమాండ్‌ తగ్గిపోయి వారిజీవనంపై ప్రభావం చూపుతోంది. పనికి తగ్గ ఆదాయం లేక.. ఒకప్పుడు ఎంతపనిచేస్తే అంతఆదాయం వచ్చేదని కుమ్మరులు చెబుతున్నారు. ప్రతీఇంటిలో పనిచేసే వారు ఉండేవారని, మట్టి వస్తువుల వినియోగం ఉండేదని చెబుతున్నారు. రానురానూ పనికి తగిన ఆదాయం లేక ప్రత్యామ్నాయ ఉపాధి మార్గాల వైపు వెళ్లాల్సిన పరిస్థితులు ఏర్పడ్డాయని ఆవేదన వ్యక్తం చేస్తున్నారు. పొద్దంతా కుటుంబం కష్టపడితే కనీస కూలి గిట్టుబాటు కావడం లేదంటున్నారు, దీపావళి లాంటి పండుగలకు ఇంటిల్లిపాది కష్టపడి దీపాలు, చెమ్మలు, కుండలు, గిన్నెలు తయారు చేస్తే ప్లాస్టిక్‌ వస్తువులే ఎక్కువగా కొంటారని, తమకు గిరాకీ ఉండదని వాపోతున్నారు.

ధర్మారం: నందిమేడారం బాలుర గురుకుల విద్యాలయంలో ర్యాగింగ్‌ కలకలం రేపింది. పదో తరగతి విద్యార్థిపై అదే తరగతికి చెందిన నలుగురు విద్యార్థులు దాడి చేసిన ఘటన వెలుగులోకి వచ్చింది. గురువారం రాత్రి స్టడీ అవర్‌ ముగి శాక విద్యార్థులందరు నిద్రించేందుకు వెళ్లారు. ఈక్రమంలో పదో తరగతి విద్యార్థి పడుకునేందుకు బ్లాంకెట్‌ కోసం గది వద్దకు వెళ్తుండగా అక్కడకు వచ్చిన తోటి నలుగురు విద్యార్థులు నెక్కరు, షర్టు కిందకు లాగారు. ఎందుకు లాగుతున్నారని ప్రశ్నించటంతోపాటు దుషించాడు. తమ నే దూషిస్తావా అంటూ ఆ నలుగురు టెన్త్‌ విద్యార్థి వీపు, ముఖంపై పిడుగుద్దులు కురిపించారు. ఈ విషయం ఎవరికై నా చెబితే తీవ్ర పరిణామాలు ఉంటాయని హెచ్చరించారు. భయపడిన బాధితుడు ఎవరికీ చెప్పలేదు. శుక్రవారం ఉదయం తోటి విద్యార్థులతో స్నానానికి వెళ్లగా వీపుపై ఎర్రగా, కమిలిపోయిన గాయాలు కనిపించాయి. దీనిపై పీఈటీ రాజశేఖర్‌ ఆరా తీయడంతో ఘటన వెలుగులోకి వచ్చింది. వెంటనే ప్రిన్సిపాల్‌ విద్యాసాగర్‌ దృష్టికి తీసుకెళ్లారు. నిందితులోతపాటు బాధితుడిని పిలిపించి ఆరా తీశారు. విద్యార్థుల తల్లిదండ్రులకు ఫోన్‌చేసి విద్యాలయానికి రావాలని ఆదేశించారు. గాయపడిన విద్యార్థిని సిక్‌రూంకు పంపించి ప్రథమ చికిత్స చేయించారు. గాయపడిన విద్యార్థి అనాథ కావడంతో బాగోగులు చూసుకునే బాబాయి బాలసాని కుమారస్వామి, పిన్ని పుష్పలత గోదావరిఖని నుంచి మధ్యాహ్నం 2 గంటలకు విద్యాలయానికి చేరుకున్నారు. ప్రిన్సిపాల్‌తో మాట్లాడిన అనంతరం నిందితులను ప్రశ్నించారు. వారు నిర్లక్ష్యంగా సమాధానం ఇవ్వడంతో పోలీసులను ఆశ్రయించారు. సమాచారం అందుకున్న ఎస్సై ఎంబడి శ్రీకాంత్‌ విద్యార్థుల తల్లిదండ్రుల సమక్షంలోనే నలుగురు విద్యార్థులకు కౌన్సెలింగ్‌ ఇచ్చారు. గాయపడిన విద్యార్థి కుటుంబ సభ్యులు ఫిర్యాదు చేస్తే కేసు నమోదు చేస్తామని ఎస్సై శ్రీకాంత్‌ తెలిపారు.కాగా, గురుకులంలో గతంలోనూ ఇలాంటి ఒకట్రెండు ఘటనలు చోటుచేసుకున్నట్లు సమాచారం. తాజాగా అనాథ బాలుడిపై దాడి వెలుగులోకి రావడంతో ర్యాగింగ్‌, వేధింపులను ఎలా అరికడతారనే ఆందోళన వ్యక్తమవుతోంది.

గోదావరిఖని: సీఎంపీఎఫ్‌ పనితీరుపై ప్రత్యక్ష పోరాటానికి సిద్ధమని టీబీజీకేఎస్‌ వర్కింగ్‌ప్రెసిడెంట్‌ మాదాసి రామమూర్తి అన్నారు. స్థానిక ప్రధాన చౌరస్తాలోని యూనియన్‌ కార్యాలయంలో శుక్రవారం ఏర్పాటు చేసిన సమావేశంలో మాట్లాడారు. ఉద్యోగ విరమణ చేసిన సింగరేణి కార్మికుల పింఛన్‌ చెల్లింపులు జాప్యం జరగడం క్షమించరాని నేరమన్నారు. ప్రతీనెల 1, 2వ తేదీల్లో రిటైర్డ్‌ ఉద్యోగి బ్యాంకు ఖాతాలో జమ కావలసిన పింఛన్‌ డబ్బులు నవంబర్‌లో ఇప్పటికీ జమకాలేదని, వారి కుటుంబ సభ్యులు ఆందోళనకు గురవుతున్నారని అన్నారు. సీఎంపీఎఫ్‌ సిబ్బంది పనితీరుతో సింగరేణి ఉద్యోగులకు, రిటైర్డ్‌ ఉద్యోగులకు కలుగుతున్న అసౌకర్యానికి, నష్టానికి నిరసనగా ప్రత్యక్ష కార్యాచరణకు దిగుతామని ఆయన హెచ్చరించారు. నాయకులు వడ్డేపల్లి శంకర్‌ రాజేశం, దూటా శేషగిరి, కొండ్ర అంజయ్య, దేవేందర్‌, ఉప్పులేటి తిరుపతి, రవీందర్‌, అప్సర్‌పాషా, మీసా రాజు, భాస్కర్‌ నరేశ్‌, దేవేందర్‌, ఆరిఫ్‌, సతీశ్‌ పాల్గొన్నారు.

గోదావరిఖని: ఏడాదిలో పూర్తిస్థాయి మస్టర్లు చేసిన యువకార్మికులకు సింగరేణి దీపావళి శుభవార్త చెప్పింది. జనరల్‌ అసిస్టెంట్‌ ట్రెయినీలను జనరల్‌ అసిస్టెంట్లుగా పర్మినెంట్‌ చేస్తూ శుక్రవారం ఆదేశా లు జారీ చేసింది. సంస్థవ్యాప్తంగా 1,135 మందికి ఈ అవకాశం లభించింది. ఉప ముఖ్యమంత్రి భట్టి విక్రమార్క ఇచ్చిన హామీ మేరకు ఈ ఉత్తర్వులు వచ్చాయి. క్రమబద్ధీకరణ ఈఏడాది సెప్టెంబర్‌ 1 నుంచి అమలు కానుంది. రెండు, మూడేళ్లుగా వేచి చూస్తున్న కార్మికులకు ఇది శుభవార్త. అర్హతలు ఇవే.. 2025 డిసెంబర్‌ 31 నాటికి లేదా అంతకుముందు చేరి బదిలీ వర్కర్‌, జనరల్‌ అసిస్టెంట్‌ ట్రైనీలుగా పనిచేస్తున్న వారికి ఇది వర్తిస్తుంది. అంతకుముందు క్యాలెండర్‌ సంవత్సరంలో భూగర్భ గనిలో 190 ప ని దినాలు, ఓసీపీలు, డిపార్ట్‌మెంట్లలో 240 మస్టర్లు ఉన్నవారికి అవకాశం ఉంటుంది. సీఎండీ డాక్టర్‌ బుద్ధప్రకాశ్‌ జ్యోతి ఆదేశాలతో జీఎం(పర్సనల్‌) ఐఆర్‌ అండ్‌ పీఎం విభాగం సర్కులర్‌ జారీచేసింది. అర్హుల జాబితాలను ఈనెల 23వ తేదీలోగా సమర్పించాలని ఏరియా జీఎంలను కోరింది. అర్హులను 2026 సెప్టెంబర్‌ 1 నుంచి క్రమబద్ధీకరిస్తారు. విధుల్లో గైర్హాజరు లేకుండా క్రమశిక్షణతో పనిచేసిన వారికే ఈ అవకాశం లభించిందని, ఇలాగే పనిచేస్తే పదోన్నతులు, కంపెనీ సంక్షేమ ఫలాలు అందుతాయని, గైర్హాజరైతే ఉద్యోగాలు కోల్పోవాల్సి వస్తుందని యాజమాన్యం పేర్కొంది.

పెద్దపల్లి: వచ్చే ఏడాది జరిగే గోదావరి పుష్కరాల నిర్వహణకు పకడ్బందీ ఏర్పాట్లు చేయాలని, ఇందుకోసం ప్రత్యేక కార్యాచరణ రూపొందించాలని కలెక్టర్‌ కోయ శ్రీహర్ష ఆదేశించారు. గోదావరి పుష్కరాలు–2027 నిర్వహణకు ఏర్పాట్లు, వివిధ శాఖల వారీగా రూపొందించాల్సిన ప్రతిపాదనలపై అదనపు కలెక్టర్లు శ్రీరాములు, అరుణశ్రీతో కలిసి కలెక్టరేట్‌లో శుక్రవారం సమీక్షించారు. 2027 జూన్‌ 26 నుంచి జూలై 7వ తేదీ వరకు నిర్వహించనున్న గోదావరి పుష్కరాలకు సమగ్ర ప్రతిపాదనలు సిద్ధం చేయాలని సూచించారు. పుష్కర ఘాట్ల అభివృద్ధి, తాగునీటి సరఫరా, పారిశుధ్యం నిర్వహణ, మరుగుదొడ్ల ఏర్పాటు, విద్యుత్‌ దీపాలు, రహదారుల అభివృద్ధి, రవాణా సౌకర్యాలు, పార్కింగ్‌ స్థలాల ఏర్పాటు తదితర అంశాలపై ప్రతిపాదనలు సమర్పించాలని తెలిపారు. ఆర్డీవో గంగయ్య, అధికారులు తదితరులు పాల్గొన్నారు.

పెద్దపల్లి: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగుల సమస్యలను పరిష్కరించాలని తెలంగాణ ప్రజా ఫ్రంట్‌ జిల్లా అధ్యక్షుడు గుమ్మడి కొమురయ్య డిమాండ్‌ చేశారు. కలెక్టరేట్‌ ఎదుట కొనసాగుతున్న ఎన్‌హెచ్‌ఎం ఉద్యోగుల దీక్ష శిబిరాన్ని శుక్రవారం సందర్శించి సంఘీభావం తెలిపారు. ఏళ్లుగా ఉద్యోగులు తమ సమస్యల పరిష్కారం కోసం ఆందోళనలు చేస్తున్నా ప్రభుత్వం పట్టించుకోవడం లేదని ఆరోపించారు. ఇప్పటికై నా వారి సమస్యలు పరిష్కరించాలని కోరారు. కార్యక్రమంలో జిల్లా కమిటీ సభ్యుడు కె.రాజు, ఎన్‌హెచ్‌ఎం సంఘం నాయకులు స్కైలాబ్‌ రాణి, నర్మద, రవళి, మేఘమాల, కొమురయ్య, శ్రావణ్‌ తదితరులు పాల్గొన్నారు.

బ్యాంకు పనులు, సామగ్రి కొనుగోలు చేయాలన్నా రోడ్లపై వ్యాపారాలతో రాకపోకలకు ఇబ్బందులు ఎదురవుతున్నయి. షాప్‌ల ముందు సామగ్రి పెట్టడంతో రోడ్లు ఇరుకై ఈ పరిస్థితి ఎదువరతంది. సమస్య పరిష్కరించాలె. – తూర్పాటి అరుణ్‌, పెద్దపల్లి చర్యలు తీసుకుంటాం పెద్దపల్లిలోని మెయిన్‌ రోడ్లపై చిరు వ్యాపారాలు కొనసాగుతున్న మాట వాస్తవమే. వాటిని నియంత్రిస్తాం. ఇందుకోసం త్వరలోనే ప్రత్యేక ప్రణాళిక అమలు చేస్తాం. వాహనదారులు, పాదచారుల ఇబ్బందులు తొలగిస్తాం. – వెంకటేశ్‌, మున్సిపల్‌ కమిషనర్‌, పెద్దపల్లి

రామగుండం: పట్టణంలో వంద పడకల ఈఎ స్‌ఐ ఆస్పత్రి నిర్మాణానికి ఎట్టకేలకు ముందడు గు పడింది. ఈఎస్‌ఐకి చెందిన 3.30 ఎకరాల్లో పనులు చేపట్టేందుకు ఎంప్లాయీస్‌ స్టేట్‌ ఇ న్సూరెన్స్‌ కార్పొరేషన్‌ (ఈఎస్‌ఐసీ) కలెక్టర్‌కు లేఖ రాసింది. వీలైనంత త్వరగా సాంకేతిక అ నుమతులు, క్లియరెన్స్‌లు జారీచేయాలని ఆదేశాలు జారీ చేసింది. ప్రతిపాదిత స్థలాన్ని ఈఎస్‌ఐసీ డైరెక్టర్‌ జనరల్‌ పేరిట ఇప్పటికే రిజిస్ట్రేషన్‌ ప్రక్రియ పూర్తయినట్లు పేర్కొంది. ధన త్రయోదశి జోష్‌ పెద్దపల్లిరూరల్‌: ధన త్రయోదశి సందర్భంగా బంగారం, వెండి కొనేందుకు వినియోగదారు లు ఆసక్తి చూపారు. శుక్రవారం ధన త్రయో దశి కావడంతో జిల్లాలోని పలు ప్రాంతాలకు చెందిన వినియోగదారులు వెండి, బంగారంతోపాటు, తమకు అవసరమైన ఆభరణాలను, చివరకు కొంతైనా వెండిని కొనేందుకు ఆసక్తిని కనబర్చారు. వ్యాపారులు సైతం వెండి చిన్నబిల్లలు కనీసం రూ.200 మొదలు, సిల్వర్‌కాయిన్‌, ఐదు, పది, 50, 100 గ్రాములు ఇలా రకరకాల సైజుల్లో సిద్ధం చేసి విక్రయించారు. అక్కడక్కడా కొందరు వ్యాపారులు డిజిటల్‌ పేమెంట్లను నిరాకరించడంతో కొనుగోలుదారులు నగదు కోసం కొంత ఇబ్బందులు పడ్డారు. పరీక్ష కేంద్రం తనిఖీ రామగిరి: టీజీపీఎస్సీ పరీక్షలు ప్రశాంతంగా, పారదర్శకంగా నిర్వహించేలా పటిష్టమైన భద్ర తా ఏర్పాట్లు చేపట్టాలని అడిషనల్‌ డీసీపీ (పరిపాలన) శ్రీనివాస్‌ పోలీసు సూచించారు. మంథని జేఎన్టీయూలో ఏర్పాటు చేసిన టీజీపీఎస్సీ పరీక్ష కేంద్రాన్ని శుక్రవారం సందర్శించి పలు సూచనలు చేశారు. పరీక్ష కేంద్రం వద్ద భద్రత ఏర్పాట్లు తనిఖీ చేశారు. ఈ కార్యక్రమంలో మంథని సీఐ స్వామి, రామగిరి ఎస్సై శ్రీనివాస్‌, సిబ్బంది తదితరులు పాల్గొన్నారు. ఒక వరి పొలం.. మూడు హార్వెసర్లు పెద్దపల్లిరూరల్‌: వరి సాగు చేసిన రైతులు ధా న్యం సేకరించేందుకు, హార్వెస్టర్‌తో పైరు కో యించేందుకు సిద్ధపడ్డారు. పెద్దపల్లి మండలం రాగినేడు గ్రామంలో శుక్రవారం ఓ రైతు పొ లం కోసేందుకు హార్వెస్టర్‌ తెప్పించగా.. ఇటీవల కురిసిన వానలకు మడి కొంత తడిసింది. దీంతో హార్వెస్టర్‌ ముందుకు సాగలేదు. ప్ర త్యామ్నాయంగా చైన్‌సిస్టం ఉన్న హార్వెస్టర్లు తెప్పించి వరిపైరు కోయించాల్సి వచ్చింది. ప్రైవేట్‌ ఆస్పత్రులపై నిఘా పెద్దపల్లి: లింగ నిర్ధారణకు పాల్పడే ఆస్పత్రుల పై చర్యలు తీసుకోవాలని జిల్లా వైద్యాధికారి పవిత్ర ఆదేశించారు. కలెక్టరేట్‌లో శుక్రవారం జరిగిన సమావేశంలో మాట్లాడారు. ప్రైవేట్‌ ఆ స్పత్రులపై నిఘా ఉంచాలని సూచించారు. అ దనపు కలెక్టర్‌ అరుణశ్రీ, జిల్లా న్యాయ సేవాధికార సంస్థ కార్యదర్శి శ్రీనిజ కోహిర్కర్‌ మాట్లాడుతూ వైద్య, ప్రైవేట్‌ ఆస్పత్రుల సిబ్బందికి చ ట్టాలపై అవగాహన కల్పించాలన్నారు. ఈ సందర్భంగా జిల్లాలోని పలు ప్రైవేట్‌ ఆస్పత్రుల్లో జిల్లా వైద్యాధికారి ఆకస్మిక తనిఖీలు చేశారు. డిప్యూటీ డెమో అనిల్‌కుమార్‌ పాల్గొన్నారు. 1,204 క్వింటాళ్ల పత్తి కొనుగోలు పెద్దపల్లిరూరల్‌: స్థానిక వ్యవసాయ మార్కెట్‌యార్డులో శుక్రవారం 1,204 క్వింటాళ్ల పత్తి కొనుగోలు చేసినట్టు జిల్లా మార్కెటింగ్‌ శాఖ అధికారి ప్రవీణ్‌రెడ్డి తెలిపారు. క్వింటాల్‌కు గరిష్టంగా రూ.8,652గా ధర నిర్ధారించగా.. కనిష్ఠ ధర రూ.8411గా, సగటు ధర రూ.8,561గా ఉందని ఆయన పేర్కొన్నారు. పుణ్యక్షేత్రాలకు ఆర్టీసీ బస్సు గోదావరిఖనిటౌన్‌: కార్తీకమాసం సందర్భంగా గోదావరిఖని నుంచి పుణ్యక్షేత్రాలకు సూపర్‌ లగ్జరీ బస్సు నడిపిస్తున్నామని డీఎం కవిత తెలిపారు. శ్రీశైలం మహాక్షేత్రానికి ఈనెల 10న బ స్సు ప్రారంభం అవుతుందని, ఇతర వివరాలకు 70135 04982, 73828 47596 ఫోన్‌ నంబర్లను సంప్రదించాలని ఆమె కోరారు.

చీరలతోనూ భద్రం అప్పుడే ఎండ.. ఆ వెంటే మేఘావృతం.. ఎప్పుడు వర్షం కురుస్తుందో తెలియని అయోమయం.. ప్రస్తుతం వానాకాలం వరి పండించిన అన్నదాతకు ఎదురవుతున్న విపత్కర పరిస్థితులు ఇవి. వరి పంట కోసి ధాన్యం తూర్పారబట్టి ఎండబెట్టేందుకు రైతులు మరో సమస్య ఎదుర్కొంటున్నారు. ఎక్కడ రహదారి కనిపించినా దానిపై వడ్లు ఆరబోస్తున్నారు. కాలినడకన వెళ్లేవారే కాదు.. వాహనదారులూ ప్రమాదాల బారినపడతామని ఆందోళన చెందుతున్నారు. పెద్దపల్లి జిల్లా కొలనూర్‌ – ఓదెల మధ్య కిలోమీటర్ల మేర రహదారిపై ధాన్యం ఆరబోసి దృశ్యాలు ‘సాక్షి’ కెమెరాకు ఇలా కనిపించాయి.దీపావళి వేళ బంతిపూల తోటలు కనువిందు చేస్తున్నాయి. పచ్చని ఆకుల మధ్య పసుపు, నారింజ రంగుల్లో విరబూసిన బంతిపూలు విశేషంగా ఆకట్టుకుంటున్నాయి. ప్రకృతి ఒడిలో రంగులు అద్దుకుంటున్న పూలవనాలు పండుగ శోభను ముందుగానే తీసుకొస్తూ పల్లె అందాలకు మరింత వన్నె తెస్తున్నాయి. ఓదెల మండలం కొలనూర్‌ సమీపంలో ‘సాక్షి’కి కనిపించిన అందాలతోట ఇది. పెద్దపల్లిరూరల్‌: పెద్దపల్లి మండలం రాగినేడు గ్రామ శివారులో ఓ రైతు వేసిన మిరప పంట రక్షణకు వినూత్న ఆలోచన చేశాడు. మొక్కలకు రక్షణ కల్పించేందుకు తోట చుట్టూ రంగురంగుల చీరలతో పరదా అడ్డుగా ఏర్పాటు చేశాడు. అతడి ఆలోచనలను పలువురు అన్నదాతలు అభినందిస్తున్నారు.బంతిపూల వనం – సాక్షి ఫొటోగ్రాఫర్‌, పెద్దపల్లి

కమాన్‌పూర్‌: కొత్త పింఛన్లు మంజూరు చేస్తామని రాష్ట్ర ప్రభుత్వం ప్రకటించడంతో జిల్లాలోని అనేకమంది అర్హులైన వారు దరఖాస్తు చేశారు. దసరా పండుగ సందర్భంగానే పింఛన్లు అందిస్తామని చెప్పినా ఇంకా అమలుకాలేదు. దీపావళి పండుగు వస్తున్నా ప్రభుత్వం నుంచి ఇంకా స్పష్టత రాలేదు. దీంతో కొత్త పింఛన్‌దారుల్లో నిరాశ నెలకొంది. పింఛన్‌ సొమ్ము తమకు కొండంత అండ ఇస్తుందనే ఆశతో వేలాది మంది ఎదురు చూస్తున్నారు. జిల్లాలో 15,259 దరఖాస్తులు చేయూత పింఛన్ల కోసం గత ఆగస్టు 9 నుంచి సె ప్టెంబర్‌ 15వ తేదీ వరకు దరఖాస్తు చేసుకునేందుకు ప్రభుత్వం అవకాశం కల్పించింది. దీంతో జి ల్లాలోని వితంతువులు, దివ్యాంగులు, గీతకార్మికు లు, ఒంటరి మహిళలు, చేనేత కార్మికులతోపాటు బోదకాలు, డయాలసిస్‌ బాధితులు మొత్తంగా.. 15,259 మంది పింఛన్ల కోసం దరఖాస్తు చేసుకున్నారు. అధికారులు సెప్టెంబర్‌ 30 వరకు క్షేత్రస్థాయిలో సర్వే నిర్వహించి 11,320 మందిని పింఛన్లకు అర్హులుగా గుర్తించారు. అయితే, దీపావళి పండుగకై నా కొత్త పింఛన్‌ అందుతుందా? అని వీరంతా ఎంతోఆశతో ఎదురుచూస్తున్నారు.

కోల్‌సిటీ: మరణానంతరం కళ్లదానం ద్వారా మరొకరు ప్రపంచాన్ని చూడటం కంటే గొప్ప సేవ మరో టి లేదని రామగుండం మేయర్‌ మహంకాళి స్వామి అన్నారు. తిలక్‌నగర్‌ కాంగ్రెస్‌ డివిజన్‌ మాజీ అధ్య క్షుడు నంది వెంకటేశ్‌ తల్లి రాజేశ్వరి ఇటీవల మృతి చెందగా ఆమె నేత్రాలను దానం చేశారు. ఈ సంద ర్భంగా శుక్రవారం ఆమె నివాసంలో ఏర్పాటు చేసి న సంస్మరణసభలో మేయర్‌ మాట్లాడారు. తల్లిని కోల్పోయిన బాధలోనూ నేత్రదానానికి ముందుకొచ్చిన కుటుంబం ఔదార్యం ఆదర్శమన్నారు. కాంగ్రెస్‌ మున్సిపల్‌ మాజీ అధ్యక్షుడు బొంతల రాజేశ్‌, నగర అధ్యక్షుడు ఎండీ ముస్తఫా, కార్పొరేటర్‌ గట్ల రమేశ్‌, సదాశయ ఫౌండేషన్‌ జాతీయ ప్రచార కార్యదర్శి కేఎస్‌ వాసు పాల్గొన్నారు. అదేవిధంగా బాపూజీనగర్‌కు చెందిన కిరాణా వ్యాపారి బైరి కిరణ్‌ ఇటీ వల మృతి చెందగా, ఆయన కుటుంబ సభ్యులు కూడా నేత్రాలను దానం చేశారు. ఫౌండేషన్‌ ప్రతినిధులు ఆరెపల్లి రాజమౌళి, కేఎస్‌ వాసు, శశికళ తదితరులు నివాళి అర్పించారు. కుటుంబ సభ్యుల కు అభినందన పత్రం అందజేశారు. మాట నిలబెట్టుకున్నాం జ్యోతినగర్‌: పేదలకు ఇందిరమ్మ ఇళ్లు అప్పగించి మాట నిలబెట్టుకున్నామని మేయర్‌ మహంకాళి స్వామి అన్నారు. రెండోడివిజన్‌ జంగాలపల్లిలో ఇందిరమ్మ ఇళ్ల పనులను ప్రారంభించి మాట్లాడారు. కార్యక్రమంలో డిప్యూటీ మేయర్‌ పాతిపెల్లి ఎల్ల య్య, కార్పొరేటర్‌ కంకణాల మౌనిక, ముస్తాఫా, కాల్వ లింగస్వామి తదితరులు పాల్గొన్నారు.

సాక్షి, పెద్దపల్లి: ఇంటి నుంచి ద్విచక్రవాహనంపై బ యట అడుగుపెడితే.. గమ్యస్థానానికి చేరడం ఒక ఎత్తయితే.. పార్కింగ్‌ చేయడం మరోఎత్తు. షాపింగ్‌ చేయాలన్నా, బ్యాంకుకు వెళ్లాలన్నా, నిత్యావసరాలు కొనుగోలు చేయాలన్నా పార్కింగ్‌ కోసం వీ ధులన్నీ వెతకాల్సిన దుస్థితి ఉంది. ఒకవైపు పెరుగుతున్న వాహనాల సంఖ్య, మరోవైపు రోడ్లు, ఫుట్‌పాత్‌ల ఆక్రమణ.. ఫలితంగా రామగుండం నగరంతోపాటు పెద్దపల్లి, సుల్తానాబాద్‌, మంథని పట్టణాల్లో రోడ్లు ఇరుకుగా మారతున్నాయి. పాదచారులకు దారే లేకుండా పోతోంది. జిల్లాలోని అన్ని ప్రధాన కూడళ్లు, మార్కెట్‌ ప్రాంతాలు, బస్టాండ్లు, బ్యాంకులు, వాణిజ్య సముదాయాల వద్ద పార్కింగ్‌కు స్థలం లేక వాహనదారులు తీవ్ర ఇబ్బందులు పడుతున్నారు. అత్యవసర సమయాల్లో అంబులెన్స్‌లు సైతం ట్రాఫిక్‌లో చిక్కుకునే ప్రమాదం ఉంది. ఇలా ప్రజా ధనం వృథా కావడంతోపాటు వాయు, శబ్ద కాలుష్యమూ పెరుగుతోంది. శాశ్వత పరిష్కారం ఏది? ఆక్రమణల తొలగింపు విషయంలో అధికారులు అ ప్పుడప్పుడు తనిఖీలు నిర్వహించి హడావుడి చేస్తు న్నా. ఇదంతా కొద్దిరోజులకే పరిమితమవుతోందనే విమర్శలు ఉన్నాయి. ఒకసారి తొలగించిన ఆక్రమణలు మళ్లీ యథావిధిగా వెళ్తున్నాయి. జరిమానా విధించినా, హెచ్చరికలు జారీచేసినా పరిస్థితిలో మార్పు రావడం లేదు. సమస్య శాశ్వత పరిష్కారానికి మున్సిపల్‌ అధికారులు, ట్రాఫిక్‌ పోలీసులు సమన్వయంతో వ్యవహరించాల్సిన అవసరం ఉంది. ఫుట్‌పాత్‌లను పూర్తిగా పాదచారులకు అందుబాటులోకి తీసుకురావడం, వ్యాపారాలకు ప్రత్యేక ప్రాంతాలు కేటాయించడం, ప్రధాన కూడళ్ల వద్ద పార్కింగ్‌ స్థలాలను గుర్తించడం, అక్రమ నిర్మాణాలను తొలగించడం వంటి చర్యలు చేపట్టాలని జిల్లావాసులు కోరుతున్నారు. ఇది గోదావరిఖని లక్ష్మీనగర్‌ వ్యాపార కూడలి. ఫుట్‌పాత్‌లు, రోడ్ల అంచుల వరకూ వ్యాపారాలు విస్తరించాయి. ఫలితంగా వాహనాల రాకపోకలకు అంతరాయం కలుగుతోంది. మున్సిపల్‌ అధికారులు ఇటీవల ఓ దుకాణదారుకు రూ.10 వేల జరిమానా విధించినా మిగతావారికి హెచ్చరికగా పనిచేయలేదు. ఆక్రమణలు యథావిధిగా కొనసాగుతున్నాయి.

పెద్దపల్లిరూరల్‌: ఎల్‌నినో ప్రభావాన్ని అధిగమించేందుకు యాసంగిలో సాగు చేసేందుకు ఆసక్తి ఉన్న రైతులు.. సాగునీటి లభ్యతను బట్టి ప్రణాళిక రూపొందించుకోవాలని వ్యవసాయాధికారులు సూచిస్తున్నారు. తక్కువ విస్తీర్ణంలో.. తక్కువ నీటివినియోగంతో స్పల్పకాలంలో దిగుబడి వచ్చే పంటలనే సాగు చేసేలా జాగ్రత్తలు పాటించాలని ఉద్యానవన అధికారులూ అవగాహన కల్పిస్తున్నారు. ప్రతీనీటిచుక్క సద్వినియోగం కావాలి ఎల్‌నినోతో భూగర్భజలాలు అడుగంటే ప్రమాదముంది. ఈ పరిస్థితుల్లో ప్రతీ నీటి చుక్కను సద్వినియోగం చేసుకునేలా రైతులు పక్కా ప్రణాళిక రూపొందించుకుని ముందుకు సాగడం మంచిది. ఈ యాసంగిలో సాగుకు సరిపడా నీరు లేకుంటే భూమిని పడావుగా ఉంచినా ఫర్వాలే దు. లేదంటే పెట్టుబడి పెట్టి న ష్టాల పాలయ్యే అవకాశాలుంటాయి. ఈమేరకు రైతులను అప్రమత్తం చేసేలా అధికారు లు ప్రచారం సాగిస్తున్నారు. ఉచితంగా కూరగాయల కిట్లు వరికి ప్రత్యామ్నాయంగా కూ రగాయలు సాగు చేసుకోవా లని అధికారులు సూచిస్తున్నారు. ఇందుకోసం నేషనల్‌ సీడ్స్‌ కార్పొరేషన్‌ (ఎన్‌ఎస్‌సీ) ద్వారా ఉచితంగా ఏడు రకాల కూరగాయల విత్తనాలు (సొర, బెండ, బీర, బబ్బెర, తోటకూర, పాలకూర, గోరుచి క్కుడు) ఉన్న కిట్‌ బ్యాగులను పంపిణీ చేసేందుకు చర్యలు చేపట్టారు. ఈవిత్తనాలు 10 గుంటల విస్తీర్ణంలో సాగు చేసేందుకు సరిపోతాయని అధికారులు చెబుతున్నారు.

భూపాలపల్లి అర్బన్‌: సింగరేణిలో డిస్మిస్డ్‌ కార్మికులకు తిరిగి ఉద్యోగావకాశాలు కల్పించడం ఏఐటీయూసీ పోరాట ఫలితమేనని ఆ సంఘం రాష్ట్ర ప్రధాన కార్యదర్శి కొరిమి రాజ్‌కుమార్‌ అన్నారు. ఈ విజయాన్ని ఇతర కార్మిక సంఘాలు తమ ఖాతాలో వేసుకోవడం సిగ్గుచేటని విమర్శించారు. భూపాలపల్లి ఏరియాలోని కొమురయ్య భవన్‌లో గురువారం నిర్వహించిన విలేకరుల సమావేశంలో ఆయన మాట్లాడారు. గుర్తింపు సంఘంగా ఉన్న సమయంలో యాజమాన్యంతో కుదుర్చుకున్న ఒప్పందాల్లో డిస్మిస్డ్‌ కార్మికుల పునర్నియామక అంశాన్ని చేర్చామని, సమ్మె నోటీసులు, నిరంతర పోరాటం ఫలితంగా ప్రభుత్వం, యాజమాన్యం సర్క్యులర్‌ జారీ చేసిందని ఆయన తెలిపారు. ఈ సమావేశంలో ఏఐటీయూసీ వైస్‌ ప్రెసిడెంట్‌ మాతంగి రామచందర్‌, అసిస్టెంట్‌ బ్రాంచ్‌ కార్యదర్శి గురిజపల్లి సుధాకర్‌రెడ్డి, భీమనాధుని సత్యనారాయణలు పాల్గొన్నారు.

● శ్రీసాయి సూపర్‌ మార్కెట్‌పై కేసు పెద్దపల్లి: పెద్దపల్లి జిల్లా కేంద్రంలోని కూనారం రోడ్డులో గల శ్రీసాయి సూపర్‌ మార్కెట్‌పై గురువారం కేసు నమోదు చేశారు. జిల్లా పౌర సరఫరాలు, తూనికలు, కొలతల అధికారులు సంయుక్తంగా తనిఖీలు చేయగా.. ప్రభుత్వం నిర్ణయించిన ధరకన్నా అధిక ధరలకు బియ్యం విక్రయిస్తున్నారని తేలింది. దీంతో సూపర్‌ మార్కెట్‌పై కేసు నమోదు చేశారు. అదేవిధంగా అదేప్రాంతంలోని ఏజీ మార్ట్‌లోనూ తనిఖీలు చేపట్టి విక్రయ ధరలు పరిశీలించారు. ప్రభుత్వ మార్గదర్శకాల ప్రకారం బీపీటీ, కేఎన్‌ఎం రకం బియ్యం కిలో రూ.66, ఆర్‌ఎన్‌ఆర్‌, తెలంగాణ సోనా రకం రూ.74, హెచ్‌ఎంటీ, జేఎస్‌ఆర్‌ రకం రూ.79 చొప్పున విక్రయించాలని అధికారులు సూచించారు. ప్రభుత్వం నిర్ణయించిన గరిష్ట చిల్లర ధరలకే బియ్యం విక్రయించాలని, అంతకుమించి అమ్మితే కఠిన చర్యలు తీసుకుంటామని జిల్లా పౌరసరఫరాల అధికారి శ్రీనాథ్‌ హెచ్చరించారు. తనిఖీల్లో జిల్లా లీగల్‌ మెట్రాలజీ అధికారి రఘువీర్‌సింగ్‌, డిటీప్యూట తహసీల్దార్‌ పోచయ్య తదితరులు పాల్గొన్నారు. కాలేజీ బస్సు ఢీకొని యువకుడి దుర్మరణంకరీంనగర్‌క్రైం: కాలేజీ బస్సు ఢీకొని ద్విచక్ర వాహనంపై వెళ్తున్న ఓ యువకుడు దుర్మరణం చెందాడు. త్రీ టౌన్‌ పోలీసుల వివరాల ప్రకారం.. కరీంనగర్‌లోని కిసాన్‌నగర్‌కు చెందిన రంగుల వినయ్‌ (21) గురువారం సాయంత్రం సుభాష్‌నగర్‌ రోడ్‌ నంబర్‌ 1 మీదుగా ద్విచక్ర వాహనంపై వెళ్తున్నాడు. వెనుక నుంచి వచ్చిన ఓ కాలేజీ బస్సు డ్రైవర్‌ వేగంగా, అజాగ్రత్తగా నడుపుతూ మరో వాహనాన్ని ఓవర్‌టేక్‌ చేసే క్రమంలో వినయ్‌ ద్విచక్ర వాహనాన్ని ఢీకొట్టాడు. వినయ్‌ రోడ్డుపై పడిపోగా తలకు తీవ్ర గాయమై అక్కడికక్కడే మృతిచెందాడు. కరీంనగర్‌ త్రీ టౌన్‌ సీఐ సంఘటనా స్థలాన్ని పరిశీలించారు.

గోదావరిఖని: స్థానిక జవహర్‌లాల్‌నెహ్రూ స్టేడియంలో రెండు రోజుల పాటు ఉత్సాహభరితంగా సాగిన సింగరేణిస్థాయి క్రీడాపోటీలు గురువారం ముగిసాయి. 11 ఏరియాల జట్లు హోరాహోరీగా తలపడ్డాయి. ఫైనల్‌ మ్యాచ్‌లో ఆర్జీ–1, ఆర్జీ–2 జట్టు విజేతగా నిలవగా, మందమర్రి, బెల్లంపల్లి జట్టు రన్నరప్‌గా నిలిచింది. ముగింపు వేడుకలకు ఆర్జీ–వన్‌ జీఎం లలిత్‌కుమార్‌ ముఖ్య అతిథిగా హాజరై విజేతలకు ట్రోఫీలు, పతకాలు అందజేశారు. జీఎం మాట్లాడుతూ, క్రీడలు శారీరక దృఢత్వాన్ని మాత్రమే కాకుండా మానసిక స్థైర్యాన్ని, క్రమశిక్షణను పెంపొందిస్తాయన్నారు. కార్యక్రమంలో ఆర్జీ–1 సేవా అధ్యక్షురాలు అనిత, క్వాలిటీ జీఎం వెంకటరమణ, సేఫ్టీ జీఎం మల్లయ్య, రెస్క్యూ జీఎం శ్రీనివాస్‌ రెడ్డి, ఎస్‌వోటూ జీఎం జీఎం చంద్రశేఖర్‌, ఏఐటీయూసీ బ్రాంచ్‌ సెక్రటరీ రంగు శ్రీనివాస్‌, ఆఫీసర్స్‌ అసోసియేషన్‌ ప్రతినిధులు క్రాంతి కుమార్‌, మల్లేశ్‌, సీనియర్‌ పర్సనల్‌ ఆఫీసర్‌ శ్రావణ్‌ కుమార్‌ తదితరులు పాల్గొన్నారు.

పాలకుర్తి: పెద్దపల్లి జిల్లా పాలకుర్తి మండలం కన్నాల ప్రభుత్వ ప్రాథమిక పాఠశాలలో గురువారం నిర్వహించిన పేరెంట్స్‌, టీచర్స్‌ మీటింగ్‌(పీటీఎం)లో ఉపాధ్యాయులు ‘సాక్షి’ ఫ్యామిలీ పేజీని ఓ సాధనంగా వినియోగించారు. బుధవారం సాక్షి దినపత్రికలో ‘సమాజానికి రంపపు కోత వద్దు’ శీర్షికన ప్రచురితమైన కథనం గురించి తొలుత చర్చించారు. ఉపాధ్యాయులు, తల్లిదండ్రులు తీసుకోవాల్సిన జాగ్రత్తలపై 18 సూత్రాల్లో వివరించిన దినపత్రికను అందజేశారు. కథనాన్ని పాఠశాల ఆవరణలో ప్రదర్శించారు. పిల్లల పెంపకంపై తల్లిదండ్రులకు అవగాహన కల్పించారు. ప్రదర్శనకు ఉంచిన సాక్షి ఫ్యామిలీ పేజీని తల్లిదండ్రులు ఆసక్తిగా తిలకించారు. ఈకార్యక్రమంలో ఉపాధ్యాయులు అంజనీదేవి, సుజాత, సీహెచ్‌ కుమార్‌ పాల్గొన్నారు.

● సీపీఐ జాతీయ నాయకుడు చాడ వెంకట్‌రెడ్డి గోదావరిఖని: సీపీఐ నేతల అక్రమ అరెస్ట్‌ను ఖండిస్తున్నామని ఆ పార్టీ జాతీయ నాయకుడు చాడ వెంకట్‌రెడ్డి అన్నారు. గురువారం సుల్తానాబాద్‌లో పర్యటించిన సందర్భంగా గోదావరిఖనిలో నెలకొన్న సమస్యలపై ఆయన మాట్లాడారు. తిలక్‌నగర్‌, ఎల్‌బీనగర్‌ల అభివృద్ధి పేరుతో రామగుండం ఎమ్మెల్యే ఎంఎస్‌ రాజ్‌ఠాకూర్‌ చిరు వ్యాపారులను ఇబ్బందుల గురిచేస్తున్నారని మండిపడ్డారు. కూల్చివేతలు ప్రారంభించి నెలలు గడుస్తున్నా పురోగతి లేదన్నారు. ఈక్రమంలో ఎమ్మెల్యే దిష్టిబొమ్మ దహనం చేస్తే సీపీఐ నాయకులపై పోలీసులు అనుచితంగా ప్రవర్తించి కార్పొరేటర్‌ మార్కపురి సూర్యతో దురుసుగా ప్రవర్తించారని ఆరోపించారు. సీపీఐ నాయకులపై సీఐ వ్యవహరించిన తీరు మార్చుకోవాలని, లేని పక్షంలో ఆందోళనలు ఉధృతం చేస్తామని హెచ్చరించారు. సీపీఐ జిల్లా కార్యదర్శి తాండ్ర సదానందం, ఫ్లోర్‌ లీడర్‌ మార్కపురి సూర్య, జిల్లా సమితి సభ్యుడు శనగరపు చంద్రశేఖర్‌, ఏఐవైఎఫ్‌ కార్యదర్శి ఆరేపల్లి మానస్‌కుమర్‌ ఉన్నారు.

● అక్రమంగా అమ్ముకుంటున్న డ్రైవర్‌తోపాటు కొనుగోలు చేసిన వ్యక్తి అరెస్ట్‌ చౌటుప్పల్‌: లారీలో రవాణా చేస్తున్న ఐరన్‌ రాడ్లను అక్రమంగా అమ్ముకుంటున్న డ్రైవర్‌తోపాటు కొనుగోలు చేస్తున్న వ్యక్తిని గురువారం యాదాద్రి భువనగిరి జిల్లా చౌటుప్పల్‌ పోలీసులు పట్టుకున్నారు. పోలీసుల కథనం ప్రకారం.. పెద్దపల్లి జిల్లా సుల్తానాబాద్‌ మండలం హనుమంతునిపేట గ్రామానికి చెందిన పిట్ల సంతోష్‌ లారీ డ్రైవర్‌గా పనిచేస్తున్నాడు. మేడ్చల్‌లోని అగర్వాల్‌ స్టీల్‌ కంపెనీ నుంచి నల్లగొండ జిల్లా దామరచర్లలోని యాదాద్రి పవర్‌ ప్లాంట్‌కు గురువారం ఐరన్‌ రాడ్ల లోడ్‌తో బయల్దేరాడు. లారీని విద్యుత్‌ ప్లాంట్‌కు తీసుకెళ్లకుండా మార్గమధ్యంలో చౌటుప్పల్‌ మండలం రెడ్డిబావి గ్రామానికి తరలించి పల్లె శేఖర్‌ అనే వ్యక్తికి 4 క్వింటాళ్ల ఐరన్‌ రాడ్లను అక్రమంగా అమ్ముకున్నాడు. విషయం తెలిసిన పోలీసులు డ్రైవర్‌ సంతోష్‌తోపాటు ఐరన్‌ రాడ్లను కొనుగోలు చేసిన పల్లె శేఖర్‌ను అదుపులోకి తీసుకున్నారు. ఈ మేరకు కేసు నమోదు చేసినట్లు సీఐ సతీశ్‌రెడ్డి తెలిపారు. ఉరివేసుకుని యువకుడి ఆత్మహత్య గోదావరిఖని: స్థానిక అడ్డగుంటపల్లికి చెందిన కూలీ నాగపురి సంపత్‌కుమార్‌(47) బుధవారం ఉరివేసుకుని మృతి చెందాడు. భార్య ఓ ప్రైవేట్‌ స్కూల్‌లో టీచర్‌గా పనిచేస్తోంది. ఇంట్లో నుంచి స్కూల్‌కు వెళ్లి తిరిగి వచ్చేసరికి ఇంటివెనకాల రూంలోని ఫ్యాన్‌కు ఉరివేసుకుని కొనప్రాణంతో కనిపించాడు. వెంటనే చీరను విప్పి, భర్తకు ిసీపీఆర్‌ ద్వారా శ్వాస అందించే ప్రయత్నం చేసి, ప్రభుత్వ ఆస్పత్రికి తీసుకెళ్లారు. పరీక్షించిన డాక్టర్లు అప్పటికే చనిపోయాడని నిర్ధారించినట్లు పోలీసులు తెలిపారు. కొద్దికాలంగా అనారోగ్యతో ఇబ్బంది పడుతూ ఉరివేసుకొని ఆత్మహత్య చేసుకున్నాడని మృతుని భార్య శ్రీవేణి ఇచ్చిన ఫిర్యాదు మేరకు కేసు నమోదు చేసుకున్నట్లు వన్‌టౌన్‌ ఏఎస్‌ఐ శంకర్‌ తెలిపారు. గంజాయి విక్రేతకు మూడేళ్ల జైలు పెద్దపల్లిరూరల్‌: గంజాయి విక్రయిస్తూ 2021లో పట్టుబడ్డ ముత్తునూరి ప్రభాకర్‌ అనే వ్యక్తికి మూడేళ్ల జైలు శిక్ష విధిస్తూ జిల్లా ప్రధాన న్యాయమూర్తి సునీత కుంచాల గురువారం తీర్పు ఇచ్చారని సీఐ ప్రవీణ్‌కుమార్‌ తెలిపారు. పెద్దపల్లిలోని తిలక్‌నగర్‌కు చెందిన ప్రభాకర్‌.. గంజాయి విక్రయించేందుకు వెళ్తుండగా అప్పటి ఎస్సై రాజేశ్‌ ఆధ్వర్యంలో పోలీసు సిబ్బంది చేసిన తనిఖీలో 2కిలోల గంజాయి లభ్యమైంది. కేసు నమోదు చేసి రిమాండ్‌ కు పంపించారు. వాదోపవాదాలు పూర్తికాగా.. నేరం రుజువు అయ్యింది. దీంతో జిలా ప్రధాన న్యాయమూర్తి సునీత కుంచాల.. నిందితుడికి మూడేళ్ల జైలు శిక్ష, రూ.10వేల జరిమానా విధిస్తూ తీర్పు ఇచ్చారు. పబ్లిక్‌ ప్రాసిక్యూటర్‌ డొంకెన రవి, ఏసీపీ గజ్జి కృష్ణ, సీఐ ప్రవీణ్‌కుమార్‌, పోలీసు సిబ్బందిని సీపీ అంబర్‌ కిశోర్‌ ఝా అభినందించారు. బ్లేడ్‌ ట్రాక్టర్‌ను ఢీకొని ఒకరు మృతిసిరిసిల్ల అర్బన్‌: రాజన్నసిరిసిల్ల జిల్లా జిల్లా కేంద్రం పరిధిలోని చంద్రంపేట బైపాస్‌ చౌరస్తాలో గురువారం బ్లేడ్‌ ట్రాక్టర్‌ను ఢీకొని ఒకరు మృతి చెందగా మరో యువకుడికి తీవ్రగాయాలయ్యాయి. స్థానికులు తెలిపిన వివరాలు. కామారెడ్డి నుంచి ద్విచక్రవాహనంపై వేములవాడ మీదుగా కాళేశ్వరం వెళ్లేందుకు ఇద్దరు యువకులు బైక్‌పై వస్తున్నారు. అదే సమయంలో చంద్రంపేట బైపాస్‌ చౌరస్తా వద్ద యూ టర్న్‌ తీసుకుంటున్న ట్రాక్టర్‌ను ఢీకొట్టారు. ఈ ప్రమాదంలో తీవ్రంగా గాయపడ్డ విజయ్‌ వంజా తలండి(30) ఆస్పత్రికి తరలిస్తుండగా మృతిచెందగా, మరొకరు విజయ్‌ లచ్చా వీరడి గాయపడ్డాడు. వీరిది మహారాష్ట్రలోని గడ్చిరోలి జిల్లా పత్తి గ్రామంగా గుర్తించారు. కేసు నమోదు చేసి, దర్యాప్తు చేస్తున్నట్లు పోలీసులు తెలిపారు.

జ్యోతినగర్‌: భారతావనికి వెలుగులు అందిస్తున్న నేషనల్‌ థర్మల్‌ పవర్‌ కార్పొరేషన్‌ లిమిటెడ్‌(ఎన్టీపీసీ) ఈనెల 7వ తేదీతో 51 వసంతాలు పూర్తిచేసుకుని 52వ వసంతంలోకి అడుగిడుతోంది. రేపు ఆవిర్భావ దినోత్సవం జరుపుకోనుంది. స్వాతంత్య్రానంతరం తీవ్ర విద్యుత్‌ కొరతను అధిగమించేందుకు కేంద్రం పరిధిలో ఒక విద్యుత్‌ కేంద్రం ఉండాలని అప్పటి ప్రభుత్వం నిర్ణయించింది. విద్యుత్‌ కేంద్రం ఉన్న రాష్ట్రానికి ఎక్కువ శాతం కేటాయించి, మిగిలిన విద్యుత్‌ను ప్రాంతాల వారీగా పంపిణీ చేయాలని తీర్మానించింది. వెంటనే కేంద్రప్రభుత్వం నిర్మించడం కష్టమని ఢిల్లీ ఎలక్ట్రిసిటీ బోర్డుకు చెందిన బదర్‌పూర్‌ థర్మల్‌ కేంద్రాన్ని టేకోవర్‌ చేసింది. తొలుత జాతీయ థర్మల్‌ కేంద్రంగా.. 1975 నవంబర్‌ 7న రిజిస్ట్రార్‌ ఆఫ్‌ కంపెనీస్‌లో నమోదై జాతీయ థర్మల్‌ విద్యుత్‌ కేంద్రంగా ఎన్టీపీసీగా గుర్తింపు పొందింది. బొగ్గు గనులు, గ్యాస్‌, నీరు, స్థలం అనుకూలంగా ఉన్న ప్రాంతాల్లో ప్రాజెక్టులు నెలకొల్పుతూ దినదినాభివృద్ధి చెందుతూ అతిపెద్ద విద్యుత్‌ సంస్థగా ఎదిగింది. ప్లాంట్‌ సామర్థ్యం, పీఎల్‌ఎఫ్‌, మెయింటెనెన్స్‌, రక్షణ, విద్యుత్‌ పొదుపు, పర్యావరణ సమతుల్యం, మేనేజ్‌మెంట్‌లో ముందు స్థానంలో నిలిచింది. నవరత్న కంపెనీగా ఉన్న ఎన్టీపీసీ 2010లో మహారత్న కంపెనీగా రూపాంతరం చెందింది. సొంత బొగ్గు.. గ్యాస్‌.. ప్రస్తుతం సొంత బొగ్గు, గ్యాస్‌, హైడ్రో, సోలార్‌, ఫ్లోటింగ్‌ సోలార్‌, ఎనర్జీ స్టోరేజీ, జాయింట్‌ వెంచర్లతో కలిపి 119 విద్యుత్‌ కేంద్రాల ద్వారా 91,667.69 మెగావాట్ల విద్యుత్‌ ఉత్పత్తి చేస్తూ ఎన్టీపీసీ దేశంలోనే అగ్రగామిగా నిలిచింది. ఇది మొత్తం జాతీయ సామర్థ్యంలో 17.0 శాతం. సంస్థలో 16,779 మంది ఉద్యోగులు విధులు నిర్వహిస్తున్నారు. 2032 నాటికి 150 గిగావాట్ల లక్ష్యం 2032 నాటికి 150 గిగావాట్ల లక్ష్యంతో ఎన్టీపీసీ సూపర్‌ క్రిటికల్‌ మెగా ప్రాజెక్టులు నెలకొల్పుతోంది. అప్పటికీ శిలాజ ఇంధన ఆధారిత సామర్థ్యం పోర్ట్‌ఫోలియోలో దాదాపు 24 శాతం ఉంటుంది. ఉత్పత్తి, పంపిణీ, కొనుగోలు, అమ్మకాలు, సొంత బొగ్గు గనులు, కన్సల్టెన్సీ, పవర్‌ ట్రేడింగ్‌, నిపుణుల శిక్షణ, బొగ్గు తవ్వకాల్లోకి విస్తరించింది. జాయింట్‌ వెంచర్లతో బంగ్లాదేశ్‌, భూటాన్‌, శ్రీలంకల్లో ప్రాజెక్టులు నిర్మిస్తోంది. భవిష్యత్‌ అణు విద్యుత్‌లోనూ ఎన్టీపీసీకే తొలి అవకాశం దక్కుతుంది. ‘పీపుల్‌ బిఫోర్‌ ప్లాంట్‌ లోడ్‌ ఫ్యాక్టర్‌’ మంత్రంతో ముందుకు సాగుతున్న ఎన్టీపీసీ.. 2024–25లో టాప్‌ ఎంప్లాయర్‌ –2025 సర్టిఫికేషన్‌ పొందింది. ఫోర్బ్స్‌ వరల్డ్స్‌ బెస్ట్‌ ఎంప్లాయర్స్‌ 2024లోనూ గుర్తింపు పొందింది.

గోదావరిఖని: సింగరేణి సంస్థ రామగుండం డివిజన్‌–1 పరిధిలోని జీడీకే–5 ఓసీపీని రామగుండం రీజియన్‌ సేఫ్టీ జీఎం మల్లయ్య గురువారం సందర్శించారు. ఓసీపీలో యంత్రాల పనితీరు, ప్రమాదాల నివారణకు తీసుకోవాల్సిన జాగ్రత్తలు, గనుల్లో రక్షణ చర్యలు తదితర అంశాలపై పరిశీలించారు. ఈసందర్భంగా రక్షణచర్యల ప్రాముఖ్యతను వివరించారు. సేఫ్టీ జీఎం వెంట గని మేనేజర్‌ అనిల్‌గబాలే, సేఫ్టీ ఆఫీసర్‌ గంధం రాములు, ఆఫ్‌ లోడింగ్‌ ఇన్‌చార్జి ఎ.రవికుమార్‌ ఉన్నారు. పింఛన్‌దారులకు డిజిటల్‌ లైఫ్‌ సర్టిఫికెట్‌ శిబిరం రామగిరి: సింగరేణి రిటైర్డ్‌ ఉద్యోగులు డిజిటల్‌ లైఫ్‌ సర్టిఫికెట్‌ క్యాంపును సద్వినియోగం చేసుకోవాలని ఆర్జీ–3. ఏపీఏ ఏరియా పర్సనల్‌ విభాగాధిపతి ఎండీ ఆసిఫ్‌ సూచించారు. ఈనెల 9, 10వ తేదీల్లో శిబిరాలు నిర్వహించనున్నట్లు పేర్కొన్నారు. ఉద్యోగ విరమణ పొందిన వారికోసం జీఎం కార్యాలయం ఎదుట ఉన్న సెక్యూరిటీ కార్యాలయంలో క్యాంపు ఏర్పాటు చేస్తున్నట్లు పేర్కొన్నారు. ఆధార్‌ కార్డు, బ్యాంకు పాస్‌బుక్‌, పీపీవో నంబర్‌ కాపీ, ఆధార్‌తో అనుసంధానమైన మొబైల్‌ నంబర్‌ను వెంట తీసుకురావాలని సూచించారు. కాంట్రాక్టు కార్మికులకు కనీస వేతనాలు చెల్లించాలి గోదావరిఖని: సింగరేణి కాంట్రాక్టు కార్మికులకు కనీస వేతనాలు చెల్లించాలని సీఐటీయూ రాష్ట్ర కార్యదర్శి వేల్పుల కుమారస్వామి డిమాండ్‌ చేశారు. గురువారం ఆర్జీవన్‌ ఏరియాలో కాంట్రాక్టు కార్మికుల అడ్డాల వద్ద పోస్టర్‌ విడుదల చేశారు. ఈనెల10న హైదరాబాద్‌లోని సెంట్రల్‌ లేబర్‌ ఆఫీస్‌ వద్ద నిర్వహించే ధర్నాకు కాంట్రాక్టు కార్మికులు తరలిరావాలని కోరారు. కనీస వేతనం రూ.42వేలు నిర్ణయించాలని అన్నారు. కార్యక్రమంలో నాయకులు రాజు, చారి, రాజేందర్‌, వినయ్‌, దుర్గ, రాజేశ్వరి, కుమారి, జయలక్ష్మి తదితరులు పాల్గొన్నారు.

పెద్దపల్లి: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగుల ఆందోళన కొనసాగుతోంది. ఏళ్ల తరబడి వైద్య సేవలు అందిస్తున్నా ఉద్యోగ భద్రత లేక, ప్రభుత్వ ఉద్యోగులుగా గుర్తింపు లభించక ఆవేదన వ్యక్తం చేస్తున్నారు. తమ డిమాండ్లు నెరవేర్చాలంటూ 24 రోజులుగా సమ్మె చేస్తున్నారు. వైద్యసేవలకు అంతరాయం జిల్లాలో ఎన్‌హెచ్‌ఎం ఉద్యోగులు 464 మంది ఉండగా 350 మంది సమ్మెలో పాల్గొంటున్నారు. దీంతో ప్రభుత్వ ఆస్పత్రుల్లో వైద్య సేవలపై ప్రభావం పడుతోంది. ముఖ్యంగా గర్భిణులు, బాలింతలు, చిన్నారులు, వృద్ధుల వైద్యసేవల్లో ఇబ్బందులు ఎదురవుతున్నాయి. ప్రత్యామ్నాయ సిబ్బందితో సేవలు కొనసాగిస్తున్నా క్షేత్రస్థాయిలో సిబ్బంది కొరత సమస్యగా మారుతోంది. ఇవీ ప్రధాన డిమాండ్లు ● ఉద్యోగులను క్రమబద్ధీకరించి ఉద్యోగ భద్రత కల్పించాలి ● సమాన పనికి సమాన వేతనం చెల్లించాలి ● జీవో నంబర్‌ 1195 ప్రకారం వేతన సవరణ చేపట్టాలని డిమాండ్‌ ● కాంట్రాక్టు ఉద్యోగులకు స్టేట్‌ హెల్త్‌ సొసైటీ ద్వారానే వేతనాలు చెల్లించాలి ● ప్రతి నెల 5వ తేదీలోగా జీతాలు విడుదల చేయాలి. పెండింగ్‌లోని 5 శాతం వార్షిక ఇంక్రిమెంట్‌, 8 శాతం లాయల్టీ బోనస్‌ మంజూరు చేయాలి ● ఈహెచ్‌ఎస్‌, గ్రూప్‌ పర్సనల్‌ యాక్సిడెంట్‌ ఇన్సూరెన్స్‌ సౌకర్యం కల్పించాలి ● మహిళా ఉద్యోగులకు 180 రోజుల వేతనంతో కూడిన ప్రసూతి సెలవులు ఇవ్వాలి ● విధుల్లో ఉండగా మరణించిన ఉద్యోగుల కుటుంబాలకు రూ.50 లక్షల ఎక్స్‌గ్రేషియా, కారుణ్య నియామకాలు కల్పించాలి.

సాక్షిప్రతినిధి,కరీంనగర్‌: ‘అమ్మా.. నాకు భయమేస్తోంది.. రాత్రిపూట ఒక్కడినే పడుకోలేకపోతున్నా.. నన్ను తీసుకుపో’ అంటూ మూడేళ్ల చిన్నారి దిక్కులు పిక్కటిల్లేలా చేసిన రోదనలు సోషల్‌ మీడియాను కుదిపేశాయి. ప్రపంచవ్యాప్తంగా ఉన్న తెలుగువారు బాలుడికి మద్దతుగా నిలిచారు. పిల్లాడి విడుదలను పరిశీలించాలంటూ కోర్టు ఇచ్చిన ఆదేశాలు అమలు కాలేదు. చివరికి మంత్రులు జోక్యంతో ఆ పసివాడు తల్లి ఒడి చేరాడు. కానీ, ఆ ఆనందం వారికి ఎన్నో రోజులు నిలిచేలా లేదు. బాబును తీసుకెళ్లడాన్ని జిల్లా సీ్త్ర శిశు సంక్షేమ శాఖ అధికారులు సవాలు చేస్తూ హైకోర్టును ఆశ్రయించారు. దీంతో కథ మరో మలుపు తిరిగింది. ఇప్పటికే ఒళ్లంతా గాయాలతో, ఎలర్జీతో బాధపడుతున్న బాలుడు.. శారీరకంగా, మానసికంగా చాలా కుంగిపోయాడు. ఈ నెలాఖరున చిన్నారి మూడో పుట్టినరోజు సమీపిస్తున్న వేళ.. మళ్లీ తల్లి ఒడికి దూరమైతే.. అతని మానసిక పరిస్థితి మరింత దిగజారుతుందని సర్వత్రా ఆందోళన వ్యక్తమవుతోంది. ● అసలేం జరిగింది? జగిత్యాలకు చెందిన క్యాసరపు శ్రీనివాస్‌ దంపతులకు సంతానం లేదు. దీంతో నిజామాబాద్‌కు చెందిన లక్ష్మణ్‌– సుమలత దంపతుల కుమారుడిని దత్తత తీసుకున్నారు. ఇటీవల గుర్తుతెలియని వ్యక్తులు 1098 టోల్‌ఫ్రీ నంబరు ద్వారా జిల్లా సీ్త్రశిశు సంక్షేమశాఖకు ఫిర్యాదు చేశారు. దత్తత చెల్లదంటూ ఆగస్టు 26న అధికారులు పిల్లాడిని హోంకు తరలించారు. దత్తతలో అక్రమాలు జరిగాయంటూ శ్రీనివాస్‌గౌడ్‌, సరిత, లక్ష్మణ్‌– సుమలతపై జిల్లా సంక్షేమ అధికారుల ఫిర్యాదుతో జగిత్యాల పీఎస్‌లో ఎఫ్‌ఐఆర్‌ నమోదు చేశారు. దీంతో శ్రీనివాస్‌ దంపతులు న్యాయపోరాటానికి దిగారు. పిల్లాడి అప్పగింతను పరిశీలించాలని జిల్లా అధికారులకు హైకోర్టు మధ్యంతర ఉత్తర్వులిచ్చింది. అయినా వారు పిల్లాడిని తల్లికి అప్పగించలేదు. ఈ ఉత్తర్వులను సస్పెండ్‌ చేయాలంటూ హైకోర్టులో రిట్‌ దాఖలు చేశారు. ఈ పరిణామంపై తల్లిదండ్రులతోపాటు సర్వత్రా ఆందోళన వ్యక్తమవుతోంది. ● క్షీణించిన పిల్లాడి ఆరోగ్యం ఈ రెండు నెలల్లో బాబు ఆరోగ్యం పూర్తిగా క్షీణించింది. దాదాపు రెండు కిలోలకుపైగా బరువు తగ్గాడని, మానసిక ఆరోగ్యం దెబ్బతిందని, నిద్రలో పదేపదే ఉలిక్కి పడి లేచి ఏడుస్తున్నాడని తల్లిదండ్రులు, న్యాయవాది క్యాస రఘునందన్‌ రెడ్డి ఆరోపిస్తున్నారు. కలెక్టర్‌ను జిల్లా అధికారులు తప్పుదోవపట్టిస్తున్నారని విమర్శించారు. పిల్లాడి ఒంటిపై గాయాలు ఎలా వచ్చాయని ప్రశ్నిస్తున్నారు. ఈ విషయమై జిల్లా సంక్షేమ అధికారి భాస్కర్‌ను వివరణ కోరగా.. పిల్లాడి విషయంలో హైకోర్టు ఇచ్చిన మధ్యంతర ఉత్తర్వులను రద్దు చేయాలని హైకోర్టులో రిట్‌ దాఖలు చేసిన విషయాన్ని అంగీకరించారు. దాని వల్ల పిల్లాడు దూరమయ్యే పరిస్థితి ఉండకపోవచ్చని ఆయన అభిప్రాయపడ్డారు. ఇలాంటి కేసులు సుప్రీంకోర్టులో 160కిపైగా పెండింగ్‌లో ఉన్నాయని, ఈ కేసును సైటేషన్‌గా తీసుకుని వారంతా కోర్టులను ఆశ్రయిస్తారన్న కారణంతో రిట్‌ దాఖలు చేశామని భాస్కర్‌ వివరించారు. ● బాలుడు జగిత్యాలలోనే జన్మించాడు జిల్లా అధికారులు అసలు పిల్లాడు లక్ష్మణ్‌– సుమలతలకు జన్మించలేదని అనుమానం వ్యక్తం చేస్తున్నారు. దీన్ని శ్రీనివాస్‌ లాయర్‌ రఘునందన్‌రెడ్డి ఖండిస్తున్నారు. ఈ కేసులో కలెక్టర్‌ను జిల్లా అధికారులు తప్పు దోవ పట్టిస్తున్నారని ఆరోపిస్తున్నారు. అదే సమయంలో 2023 నవంబరులో పిల్లాడు జగిత్యాల ప్రభుత్వాస్పత్రిలో జన్మించినట్లుగా బర్త్‌ సర్టిఫికెట్‌ వెలుగులోకి రావడం బాబు బంధువుల్లో చర్చకు దారితీసింది. ఒకవేళ జిల్లా అధికారుల అనుమానం నిజమైతే.. పిల్లాడికి జగిత్యాల మున్సిపల్‌ అధికారులు బర్త్‌ సర్టిఫికెట్‌ ఎలా జారీ చేస్తారు? అందులో అతని తల్లిదండ్రులుగా లక్ష్మణ్‌–సుమలత పేర్లు ఎలా పొందుపరుస్తారు? అన్న ప్రశ్నను బాబు తరపు బంధువులు లేవనెత్తుతున్నారు.

పెద్దపల్లి: ప్రభుత్వ ఆస్పత్రుల్లో ప్రసవాల సంఖ్య పెంచాలని కలెక్టర్‌ కోయ శ్రీహర్ష ఆదేశించారు. గ ర్భిణులకు మెరుగైన వైద్యసేవలు అందించడం, ప్ర భుత్వ ఆస్పత్రుల్లో ప్రసవాల సంఖ్య పెంపు తదితర అంశాలపై కలెక్టరేట్‌లో గురువారం సమీక్షించారు. ప్రభుత్వ ఆస్పత్రుల్లో ప్రస్తుతం 50 శాతం ప్రసవా లు జరుగుతున్నాయని, వీటిని 70 శాతానికి పెంచా లన్నారు. ఆశకార్యకర్తల ద్వారా గర్భిణుల ఆరోగ్య పరిస్థితిని తరచూ పర్యవేక్షించాలని అన్నారు. గో దావరిఖని ప్రభుత్వ జనరల్‌ ఆస్పత్రిలో ప్రతీనెల క నీసం 200 ప్రసవాలు జరిగేలా కార్యాచరణ రూ పొందించుకోవాలని సూచించారు. ఎయిడ్స్‌ సురక్షిత కార్యక్రమంలో జిల్లా జాతీయస్థాయిలో ప్రథమ స్థానంలో నిలిచిన సందర్భంగా వైద్య, ఆరోగ్యశాఖ అధికారులతోపాటు వైద్య సిబ్బందికి అవార్డులు అందజేసి అభినందించారు. డీఎంహెచ్‌వో పవిత్ర, జిల్లా ఆస్పత్రి సూపరింటెండెంట్‌ శ్రీధర్‌, గోదావరిఖని జీజీహెచ్‌ సూపరింటెండెంట్‌ పాల్గొన్నారు. రిజిస్ట్రేషన్‌పై నివేదిక ఇవ్వండి ఆక్రమిత భూముల రిజిస్ట్రేషన్లపై చట్టపరమైన అంశాలు, క్షేత్రస్థాయి పరిస్థితులను పరిశీలించి సమగ్ర నివేదిక సిద్ధం చేయాలని కలెక్టర్‌ కోయ శ్రీహర్ష ఆదేశించారు. కలెక్టరేట్‌లో నిర్వహించిన సమీక్షలో పలు సూచనలు చేశారు. రిజిస్ట్రేషన్‌ ప్రక్రియలో ఎదుర య్యే సమస్యలు, పరిష్కార మార్గాలను విశ్లేషించి ని వేదిక అందించాలని సూచించారు. అనంతరం వీబీ జీ రాంజీ పథకం ద్వారా మంజూరైన గ్రామాల్లో వీ వో భవనాల నిర్మాణ పురోగతి సమీక్షించారు. డీఆ ర్డీవో కాళిందిని, డీసీవో శ్రీమాల, ట్రైనీ డిప్యూటీ కలెక్టర్‌ వనజ, డీఎల్‌పీవో దేవకీదేవి పాల్గొన్నారు.

మోకాళ్ల నొప్పులతో వేరే పనులకు వెళ్లలేకపోతున్న. ఎవుసం పనులకు రోజంతా కష్టపడాలె. అందుకే ఉపాధి పనులకు పోతున్న. అడవిలో కందకాలు తవ్వుతున్నం. రోజుకు రూ.300 కూలి వస్తంది. – వేముల రాజబాబు, కూలీ, కాకర్లపల్లి భార్యాభర్తలం పోతున్నం మా ఊరులో ఎవుసం పనులు నడుస్తు లేవు. భార్యాభర్తలిద్దరం రోజూ ఉపాధి పనులకు పోతున్నం. ప్రస్తుతం మట్టి పనులు చేస్తున్నం. ఇద్దరికి కలిపి ప్రతీరోజూ రూ.600 వరకు కూలి వస్తంది. – పిడుగు మల్లయ్య, రామలక్ష్మి, గుండారం

సుల్తానాబాద్‌ రూరల్‌: దళారులకు ధాన్యం విక్రయించి మోసపోవద్దని ప్రభుత్వ విప్‌, పెద్దపల్లి ఎ మ్మెల్యే విజయరమణారావు సూచించారు. గర్రెపల్లి ప్రాథమిక వ్యవసాయ సహకార సంఘం నారాయణరావుపల్లి, గొల్లపల్లి, సాంబయ్యపల్లి, దుబ్బపల్లి, ఐతరాజుపల్లి గ్రామాల్లో ఏర్పాటు చేసిన ధాన్యం కొ నుగోలు కేంద్రాలను ఆయన గురువారం ప్రారంభించి మాట్లాడారు. యాసంగిలో ఆరుతడి పంట లు సాగు చేయాలని సూచించారు, ప్రధానంగా మొక్కజొన్న, తెల్లజొన్న, నువ్వులు తదితర వాణిజ్య పంటలు సాగు చేస్తే అధిక ఆదాయం సమకూరుతుందని తెలిపారు. కార్యక్రమంలో మార్కెట్‌ కమిటీ చైర్మన్‌ ప్రకాశ్‌రావు, సింగిల్విండో చైర్మన్‌ కల్లేపల్లి జానీ, సర్పంచ్‌లు స్వరూప, భాగ్యలక్ష్మి, శోభ, భూమేశ్‌ తదితరులు పాల్గొన్నారు.

పెద్దపల్లి: వానాకాలం ధాన్యం కొనుగోళ్లకు పకడ్బందీ ఏర్పాట్లు చేయాలని అదనపు కలెక్టర్‌ శ్రీరాములు ఆదేశించారు. కొనుగోలు కేంద్రాలను వెంటనే ప్రారంభించాలన్నారు. వానాకాలం –2026 ధాన్యం కొనుగోళ్లపై గురువారం కలెక్టరేట్‌లో సమీక్షించారు. ఈసారి 4.69 లక్షల మెట్రిక్‌ టన్నుల సన్నరకం ధాన్యం దిగుబడి వస్తుందని అంచనా వేశామని, మద్దతు ధరతోపాటు క్వింటాల్‌పై రూ.500 బోనస్‌ వర్తింపజేస్తున్నామని తెలిపారు. కొనుగోలు కేంద్రాల్లో అన్నిసౌకర్యాలు కల్పించాలని సూచించారు. జిల్లా పౌరసరఫరాల అధికారి శ్రీనాథ్‌, మేనేజర్‌ శ్రీకాంత్‌, సహకార అధికారి శ్రీమాల, మార్కెటింగ్‌ అధికారి ప్రవీణ్‌రెడ్డి, పాల్గొన్నారు.

గోదావరిఖని: లేబర్‌ కోర్టు ఎదుట ఉన్న పైలాన్‌ను ఏకపక్షంగా తొలగించడం దుర్మార్గమని మాజీ ఎ మ్మెల్యే కోరుకంటి చందర్‌ దుయ్యబట్టారు. బుధవా రం స్థానిక ప్రెస్‌క్లబ్‌లో విలేకరుల సమావేశంలో మాట్లాడారు. బీఆర్‌ఎస్‌ అధినేత కేసీఆర్‌ పాలనలో రామగుండం ప్రాంతంలో జరిగిన అభివృద్ధి, ప్రజ ల ఆత్మగౌరవానికి ప్రతీకగా నిలిచిన పైలాన్‌ను కక్షపూరితంగా కూల్చివేశారన్నారు. ప్రజావసరాల కో సం రూ. కోట్లు వెచ్చించి నిర్మించిన అభివృద్ధి పను ల గుర్తులను తొలగిస్తే భవిష్యత్‌ తరాలకు అభివృద్ధి ఎలా తెలుస్తుందని ప్రశ్నించారు. తాము శాంతియుతంగా నిరసన తెలిపినా పోలీసులు పట్టించుకోలేదన్నారు. కౌశిక హరి, మేకల సమ్మయ్య పాల్గొన్నారు.

పెద్దపల్లిరూరల్‌: అకాల వర్షం అన్నదాతను మరో సారి ముంచింది. బుధవారం అకస్మాత్తుగా కురిసిన వర్షానికి పత్తి, ధాన్యం పంటలు తడిసిముద్దయ్యాయి. పలు ప్రాంతాల నుంచి స్థానిక మార్కెట్‌ యార్డుకు రైతులు తీసుకొచ్చిన ధాన్యం, పత్తి ఒక్కసారిగా కురిసిన వర్షంతో నీటిపాలైంది. రైతులు టార్పాలిన్లు కప్పేందుకు నానాతంటాలు పడ్డారు. ఎలాగోలా టార్పాలిన్లు కప్పినా అప్పటికే పత్తి, ధాన్యం తడిసిందని కన్నీటిపర్యంతమయ్యారు. అసలే అంతంత దిగుబడి ఈసారి పంటలకు సరిపడా నీరందక దిగుబడిపై తీవ్ర ప్రభావం చూపింది. పంటలు అంతంత మాత్రంగానే చేతికి వచ్చాయని రైతులు భావిస్తున్న తరుణంలో అకాల వర్షాలు మరింత ఆవేదనకు గురిచేశాయని అన్నదాతలు వాపోయారు. నేడు పత్తి కొనుగోళ్లు బంద్‌ పెద్దపల్లి/పెద్దపల్లిరూరల్‌: వ్యవసాయ మార్కెట్‌లో గురువారం పత్తి కొనుగోళ్లు నిలిపివేస్తున్నట్లు మార్కెటింగ్‌ అధికారులు తెలిపారు. రైతులు పత్తిని తీసుకు రావొద్దని కోరారు. వాతావరణ శాఖ గురువారం కూడా వర్షసూచన ఉన్నట్టు పేర్కొనడంతోనే ఈ నిర్ణయం తీసుకున్నట్టు అధికారులు వివరించారు. లోతట్టు ప్రాంతాలు జలమయం పెద్దపల్లిరూరల్‌: జిల్లాలో అక్కడక్కడా వర్షం కురిసింది. పెద్దపల్లిలో 5 మి.మీ., భోజన్నపేటలో 4 మి. మీ., కమాన్‌పూర్‌లో 3మి.మీ., సుగ్లాంపల్లిలో 6మి. మీ. వర్షపాతం నమోదైందని అధికారులు తెలిపారు. పెద్దపల్లిలోని లోతట్టు ప్రాంతాలు జలమయమయ్యాయి. భోజన్నపేట ప్రాంతంలో కొనుగోలు కేంద్రాల్లో పోసిన ధాన్యం తడిసి ముద్దయ్యింది.

పెద్దపల్లి/పాలకుర్తి: అకాల వర్షంతో పొలాలు చిత్తడిగా మారుతున్నాయి. వరికోతలు చేపట్టే పరిస్థితి లేదు. దీంతో మరో ఐదు రోజుల పాటు వ రి కోతలకు విరామం తప్పదని భావిస్తున్నారు. సాధారణంగా హార్వెస్టర్ల తో కోతలు చేపట్టాల్సి ఉండగా, వా టి కొరతతో చైన్‌ మిషన్లను వినియో గించాల్సి వస్తోంది. దీంతో కోతల ఖ ర్చు పెరిగి ఆర్థిక భారం పడుతోందని అంటున్నారు. ఇప్పుడు వర్షం తోడవడంతో పెట్టుబడులు కూడా చేతికందే పరిస్థితి కనిపించడం లేదని వాపోతున్నారు. తడిసిన ధాన్యం పాలకుర్తి మండలంలోని వివిధ గ్రామాల్లో కురిసిన అకాల వర్షానికి కొనుగోలు కేంద్రాల్లోని ధాన్యం తడిసింది. ప్రస్తుతం వరికోతలు ముమ్మరంగా సాగుతున్నాయి. కొందరు కొనుగోలు కేంద్రాలకు ధాన్యం తరలించి ఆరబోశారు. కొనుగోలు కేంద్రాలను ఇంకా ప్రారంభించకపోవడంతో రైతులు పడిగాపులు కాస్తున్నారు. ఈనేపథ్యంలో కురిసిన వర్షంతో ధాన్యం తడిసి ముద్దయ్యింది.

గోదావరిఖనిటౌన్‌: మణుగూరు ఆర్టీసీ డిపో కండక్టర్‌ ప్రవళిక మృతికి నిరసనగా స్థానిక డిపో ఎదుట బుధవారం ఈయూ, టీఎంయూ, ఎన్‌ఎంయూ జేఏసీ ఆధ్వర్యంలో నల్లబ్యాడ్జీలతో ఆందోళన నిర్వహించారు. కండక్టర్‌ మృతికి సంతాపం తెలిపారు. సాయంత్రం కొవ్వత్తుల ర్యాలీ నిర్వహించారు. నా యకులు మాట్లాడుతూ, ప్రవళిక మృతికి ప్రభుత్వమే పూర్తి బాధ్యత వహించాలన్నారు. రూ.కోటి ఎక్స్‌గ్రేషియా చెల్లించాలని కోరారు. ఇలాంటి ఘటనలు పునరావృతం కాకుండా టోల్‌ ఫ్రీ నంబర్‌ను అందుబాటులోకి తేవాలని, కఠిన చట్టాలు తీసుకు రావాలని వారు డిమాండ్‌ చేశారు. ఈ కార్యక్రమంలో నాయకులు బాబు, ఈదురు వెంకన్న, థామస్‌రెడ్డి, మౌలానా తదితరులు పాల్గొన్నారు.

గోదావరిఖని: పారిశ్రామిక ప్రాంతంలో అభివృద్ధికి గుర్తుగా నిలిచిన పైలాన్‌ తొలగింపు ఉద్రిక్తతకు దారితీసింది. రాజకీయ పార్టీల నాయకులతో సంప్రదింపులు జరపకుండా మున్సిపల్‌ అధికారులు తొలగింపు చేపట్టడంపై అభ్యంతరాలు వ్యక్తమయ్యాయి. దీంతో అక్కడ ఒక్కసారిగా రాజకీయ వాతావరణం వేడెక్కింది. పైలాన్‌ నిర్మాణం మాత్రమే కాదని, అప్పట్లో చేపట్టిన అభివృద్ధికి గుర్తుగా ఉందని గత పాలకులు పేర్కొంటున్నారు. అలాంటి గుర్తును తొలగించే ముందు సంబంధిత రాజకీయ పార్టీల నాయకులకు సమాచారం ఇవ్వడంతోపాటు, వారి అభిప్రాయాలను పరిగణనలోకి తీసుకోవాల్సిన బాధ్యత మున్సిపల్‌ అధికారులపై ఉందని అభిప్రాయపడుతున్నారు. సంప్రదింపులు లేకుండానే.. ముందస్తు సంప్రదింపులు లేకుండానే పైలాన్‌ తొలగింపు ప్రక్రియకు శ్రీకారం చుట్టడం వివాదానికి కారణమైంది. సమాచారం అందుకున్న బీఆర్‌ఎస్‌ నాయకులు అక్కడికి చేరుకుని అధికారుల తీరుపై ఆగ్రహం వ్యక్తం చేశారు. సుమారు 8 గంటల పాటు అధికారులు, నాయకుల మధ్య వాగ్వాదం చోటుచేసుకుని పరిస్థితి కాసేపు ఉద్రిక్తంగా మారింది. అభివృద్ధి పనులకు సంబంధించిన గుర్తులను తొలగించే విషయంలో అధికారులు ఏకపక్షంగా వ్యవహరించడం ఎంతవరకు సమంజసమని నాయకులు ప్రశ్నిస్తున్నారు. పరిపాలనాపరమైన నిర్ణయా లు తీసుకునే సమయంలో ప్రజాప్రతినిధులు, రాజకీయ పార్టీల నాయకులను విశ్వాసంలోకి తీసుకోవాల్సిన అవసరం ఉందని పేర్కొంటున్నారు. అధికారుల తీరుపై ఆగ్రహం మున్సిపల్‌ కౌన్సిల్‌ సమావేశంలో తీర్మానం లేకుండానే పైలాన్‌ను ఏకపక్షంగా తొలగించడంపై ఆగ్రహం వ్యక్తం చేస్తున్నారు. కోర్టు చౌరస్తాలోని పైలాన్‌ను మంగళవారం తొలగించి, కొత్తగా నిర్మి స్తున్న పార్క్‌లో ఏర్పాటు చేయాలని అధికారులు నిర్ణయించారు. ఈ విషయాన్ని ముందు చెప్పకపోవడం వివాదానికి కేంద్రబిందువుగా మారింది. గత ప్రభుత్వ బీఆర్‌ఎస్‌ నాయకులతో సంప్రదింపులు జరిపి ఉంటే ఇంత ఉద్రిక్తతకు దారితీసి ఉండేది కాదంటున్నారు. మున్సిపల్‌ అధికారుల్లో సమన్వయం లేకపోవడం వల్లే ఈ అంశం వివాదంగా మారిందని అంటున్నారు. మొత్తానికి అభివృద్ధికి గుర్తుగా నిలిచిన పైలాన్‌ తొలగింపు ఇప్పుడు రాజకీయ వివాదానికి కేంద్రబిందువుగా మారింది.

పెద్దపల్లి: జిల్లాలోని ప్రభుత్వ, ప్రైవేట్‌ కార్యాలయాల్లో పనిచేసే మహిళలకు లైంగిక వేధింపుల నుంచి రక్షణ కల్పించడంతోపాటు సురక్షితమైన, గౌరవప్రదమైన పని వాతావరణం కల్పించేందుకు ప్రభు త్వం ప్రత్యేక చర్యలు చేపట్టింది. ఇందులో భాగంగా జిల్లాలో 56 రక్షణ కమిటీలు ఏర్పాటు చేసింది. 448 అవగాహన సదస్సులు జిల్లాలో సింగరేణి, ఎన్టీపీసీ, ఎఫ్‌సీఐ, ఇటుక బట్టీలు , రైస్‌మిల్లులు, ప్రభుత్వ, ప్రైవేట్‌ కార్పొరేట్‌ పరిశ్రమలు చాలాసంఖ్యలోనే ఉన్నాయి. వీటిల్లో 56 మహిళా రక్షణ కమిటీలు ఏర్పాటు చేశారు. గత ఏప్రిల్‌ నుంచి అక్టోబర్‌ వరకు జిల్లావ్యాప్తంగా 448 అవగాహన సదస్సులు నిర్వహించారు. అయితే, ఈ ఏడాది జిల్లాలో వేధింపుల కేసులు నమోదు కాలేదని అధికార వర్గాలు తెలిపాయి. లక్షమంది మహిళా ఉద్యోగులు ప్రభుత్వ, ప్రైవేట్‌ రంగాల్లో జిల్లావ్యాప్తంగా సుమారు లక్ష మంది మహిళలు వివిధ స్థాయిల్లో పనిచేస్తున్నారని అంచనా. వీరికి అండగా నిలిచేందుకు ప్రభుత్వ ఆదేశాల మేరకు ప్రభుత్వ కార్యాలయాల్లో 50, ప్రైవేట్‌ కార్యాలయాల్లో ఆరు మహిళా రక్షణ కమిటీలు ఏర్పాటు చేశారు. ప్రతీ కమిటీలో ఇద్దరు సీనియర్‌ మహిళా ఉద్యోగులు, మరోఇద్దరు సీనియర్‌ అధికారులు సభ్యులుగా ఉన్నారు. చట్టాలపై అవగాహనతోపాటు సామాజిక సేవా కార్యక్రమాల్లో చురుగ్గా పాల్గొనే వారికి సభ్యత్వంలో ప్రాధాన్యం కల్పించారు. పరిశ్రమల్లో అవగాహన సదస్సులు మహిళా కార్మికులకు చట్టాలపై అవగాహన కల్పించేందుకు పోలీసులు, డీడబ్ల్యూవో ఆధ్వర్యంలో ప్రభుత్వ పాఠశాలలు, కళాశాలలు, వివిధ పరిశ్రమల్లో ఇప్పటికే అవగాహన సదస్సులు నిర్వహించారు. యాజమాన్యాలు తీసుకోవాల్సిన చర్యల గురించి వివరిస్తూ చైతన్యవంతం చేస్తున్నారు. ముఖ్యంగా పరిశ్రమల్లో లైంగిక, సాంఘిక వేధింపులు ఎక్కువగా ఉన్న నేపథ్యంలో చట్టాలు, బాధితులకు న్యాయం జరిగేలా అధికారులు పకడ్బందీ చర్యలు తీసుకుంటున్నారు. గుడ్‌ టచ్‌.. బాడ్‌ టచ్‌ గురించి.. చిన్నతనం నుంచే విద్యార్థులకు గుడ్‌ టచ్‌, బ్యాడ్‌ టచ్‌ గురించి ఉపాధ్యాయులు పాఠశాలల స్థాయిలోనే అవగాహన కల్పిస్తున్నారు. విద్యార్థులు, కుటుంబ సభ్యులు మినహా ఇతరులెవ్వరూ గుడ్‌టచ్‌, బ్యాడ్‌టచ్‌ లాంటి చర్యలకు పాల్పడితే వెంటనే సంబంధిత అధికారులు, తల్లిదండ్రుల దృష్టికి తీసుకెళ్లాలని ఉపాధ్యాయులు సూచిస్తున్నారు. ఫిర్యాదులపై విచారణ కార్యాలయాల్లో మహిళలకు చట్టాలపై అవగాహన కల్పించడం కమిటీల ప్రధాన బాధ్యత. ఉద్యోగినులు వేధింపులకు గురైనట్లు ఫిర్యాదు చేస్తే కమిటీ విచారణ చేపట్టి ఉన్నతాధికారులకు నివేదిక సమర్పిస్తుంది. చట్ట ప్రకారం బాధితులకు న్యాయం జరిగేలా చర్యలు తీసుకుంటుంది. మహిళలు ఎలాంటి భయం లేకుండా విధులు నిర్వహించేందుకు ఈ కమిటీలు భరోసా ఇస్తాయని మహిళా సాధికారత కేంద్రం అధికారులు తెలిపారు. అవగాహన కల్పిస్తున్నాం ప్రభుత్వ గుర్తింపు పొందిన, ఇతర పరిశ్రమల్లో మహిళా ఉద్యోగులు, సిబ్బందికి భద్రత కల్పించేందుకు అవగాహన సదస్సులు నిర్వహిస్తున్నాం. ఇందులో డీడబ్ల్యూవో వ్యవస్థ కీలకంగా వ్యవహరిస్తోంది. పరిశ్రమల్లో ఇప్పటివరకు 53 కమిటీలు ఏర్పాటు చేశారు. 448 అవగాహన సదస్సులు నిర్వహించారు. భవిష్యత్తులో మరిన్ని నిర్వహిస్తాం. – కోయ శ్రీహర్ష, కలెక్టర్‌

పెద్దపల్లిరూరల్‌/పెద్దపల్లి: రాఘవాపూర్‌ గ్రామంలో అప్పన్నపేట సొసైటీ ఏర్పాటు చేసిన సోలార్‌ పవర్‌ప్లాంట్‌ నుంచి ఉత్పత్తి చేస్తున్న విద్యుత్‌ను బుధవారం గ్రిడ్‌కు అనుసంధానించే ప్రక్రియను కలెక్టర్‌ కోయ శ్రీహర్ష బటన్‌ ఆన్‌చేసి ప్రారంభించారు. ప్రాథమిక వ్యవసాయ సహకార పరపతి సంఘాల ఆధ్వర్యంలో జిల్లావ్యాప్తంగా నాలుగు సంఘాల ఆధ్వర్యంలో సోలార్‌ పవర్‌ప్లాంట్లను ఏర్పా టు చేసిన ఘనత జిల్లాకే దక్కిందని కలెక్టర్‌ కోయ శ్రీహర్ష అన్నారు. అప్పన్నపేట సొసైటీ రాఘవాపూర్‌లో ఏర్పాటు చేసిన ఒక మెగావాట్‌ విద్యుత్‌ సింక్రజైనేషన్‌ ప్రక్రియను పరిశీలించారు. నాలుగు సోలార్‌ పవర్‌ ప్లాంట్ల నుంచి నాలుగు మెగావాట్ల విద్యుత్‌ ఉత్పత్తి చేయడం హర్షణీయమన్నారు. ఇకనుంచి రోజూ విద్యుత్‌ ఉత్పత్తి నిరాటంకంగా సాగుతుందని అన్నారు. సోలార్‌ ప్లాంట్లను త్వరలోనే అధికారికంగా ప్రారంభించేందుకు సన్నా హా లు చేస్తున్నామని కలెక్టర్‌ వివరించారు. డీసీవో శ్రీమాల, ట్రాన్స్‌కో ఎస్‌ఈ గంగాధర్‌, రెడ్‌కో ప్రతినిధి మనోహర్‌ తదితరులు పాల్గొన్నారు. ఖాతాదారులకు ఓడీ సౌకర్యం పెద్దపల్లి: జిల్లాలోని ప్రతీ బ్యాంకు ఖాతాదారుకు ఓవర్‌ డ్రాఫ్ట్‌(ఓడీ) సౌకర్యం కల్పించాలని కలెక్టర్‌ కోయ శ్రీహర్ష బ్యాంకర్లను ఆదేశించారు. అదనపు కలెక్టర్‌ అరుణశ్రీతో కలిసి కలెక్టరేట్‌లో నిర్వహించిన డీసీసీ, డీఎల్‌ఆర్సీ సమావేశంలో బ్యాంకుల పనితీరు, రుణ ప్రణాళిక, బీమా పథకాల అమలుపై సమీక్షించారు. రూపే, డెబిట్‌ కార్డులు పొందిన వారంతా యాక్టివేట్‌ చేసుకుని ప్రమాద బీమా ప్రయోజనాలు పొందేలా అవగాహన కల్పించాలని కలెక్టర్‌ సూచించారు. కార్యక్రమంలో లీడ్‌ బ్యాంకు మేనేజర్‌ ప్రవీణ్‌ కుమార్‌ తదితరులు పాల్గొన్నారు.

జాతీయ పోటీలకు ఆనంది కమాన్‌పూర్‌: మండల కేంద్రానికి చెందిన నల్లవెల్లి ఆనంది జాతీయ స్థాయి అథ్లెటిక్స్‌ పోటీల కు ఎంపికైంది. ఖమ్మంలో నిర్వహించిన రాష్ట్రస్థాయి స్కూల్‌ గేమ్స్‌ ఫెడరేషన్‌(ఎస్‌జీఎఫ్‌) అథ్లెటిక్స్‌ ఛాంపియన్‌షిప్‌ పోటీల్లో అండర్‌–17 బాలికల 400 మీటర్ల పరుగుపందెంలో అత్యంత ప్రతిభ కనబర్చింది. ఈనెల 19 నుంచి 23 వ తేదీ వరకు మధ్యప్రదేశ్‌లో నిర్వహించే జాతీయస్థాయి పాఠశాలల అథ్లెటిక్స్‌ పోటీల్లో మనరాష్ట్రం తరఫున పాల్గొనుంది. ఆనంది జా తీయ పోటీల్లో బంగారు పతకం సాధించాలని క్రీడాకారులు, అభిమానులు ఆకాంక్షిస్తున్నారు. కబడ్డీ పోటీలకు ఎంపిక పెద్దపల్లిరూరల్‌: అప్పన్నపేట జెడ్పీ హైస్కూల్‌ విద్యార్థినులు అడప శ్రీవర్షి త, కొలకాని సంయుక్త రాష్ట్రస్థాయి కబడ్డీ పోటీలకు ఎంపికయ్యారు. సుల్తానాబాద్‌లో జరిగిన జిల్లాస్థాయి పోటీల్లో ప్రతిభ చూపి రాష్ట్రజట్టులో చో టు సాధించారు. ఈనెల 5, 6వ తేదీల్లో హైద రాబాద్‌లో జరిగే రాష్ట్రస్థాయి పోటీల్లో పాల్గొనే వర్షిత, సంయుక్తను సర్పంచ్‌ ఆరె సంతోష్‌, ప్రధానోపాధ్యాయుడు పురుషోత్తం, పీడీ వేల్పుల సురేందర్‌తోపాటు ఉపాధ్యాయులు, విద్యార్థులు తదితరులు అభినందించారు. 7లోగా నమోదు చేయాలిపెద్దపల్లి: ప్రభుత్వ ఉద్యోగుల వివరాలు, పరి పాలనా రికార్డుల డిజిటలైజేషన్‌ ప్రక్రియను ఈ నెల 7వ తేదీలోగా పూర్తి చేయాలని జిల్లా కో శాధికారి రమేశ్‌ ఆదేశించారు. వివిధ శాఖల అ ధికారులకు ఈ–హెచ్‌ఆర్‌ఎంఎస్‌, ఈ–శాంక్షన్‌ మాడ్యూళ్ల వినియోగంపై కలెక్టరేట్‌లో బుధవారం అవగాహన కల్పించారు. డిజిటల్‌ విధానంతో పరిపాలనలో పారదర్శకత పెరగడంతోపాటు కార్యాలయాల పనులు వేగవంతమవుతాయన్నారు. డిసెంబర్‌ 1 నుంచి అన్ని ప్రభుత్వ శాఖల్లో పూర్తిస్థాయిలో డిజిటల్‌ రికార్డుల నిర్వహణ అమలు చేయాలని, అందుకు అవసరమైన ఏర్పాట్లను ముందుగానే పూర్తి చేయాలని స్పష్టం చేశారు. ఈ కార్యక్రమంలో ఆర్డీవోలు గంగయ్య, సురేశ్‌, కలెక్టరేట్‌ ఏవో ప్రకాశ్‌ తదితరులు పాల్గొన్నారు. క్రేన్‌ ఆపరేటర్‌పై దాడికి నిరసన గోదావరిఖని: పైలాన్‌ తొలగింపు సందర్భంగా క్రేన్‌ ఆపరేటర్‌పై మాజీ ఎమ్మెల్యే కోరుకంటి చందర్‌దాడి చేయడాన్ని నిరసిస్తూ లారీ డ్రైవర్లు బుధవారం స్థానిక ప్రధాన చౌరస్తాలో ధర్నా నిర్వహించారు. లారీ అసోసియేషన్‌ అధ్యక్షుడు కుందూరి శ్రీనివాస్‌రెడ్డి ఆధ్వర్యంలో నల్లబ్యాడ్జీలు ధరించి నిరసన తెలిపారు. దాడికి పాల్పడిన మాజీ ఎమ్మెల్యేపై కఠిన చర్యలు తీసుకోవాలని డిమాండ్‌ చేశారు. క్వింటాల్‌ పత్తి రూ.8,636

5-11-2026ఉచితంగా న్యాయ సేవలు పెద్దపల్లిరూరల్‌: కుమారుల నిరాదరణకు గురయ్యే వృద్ధ దంపతులకు చట్టాలు రక్షణ కల్పిస్తాయని, బాధితులు ఉచితంగా సాయం పొందాలని జిల్లా న్యాయసేవాధికార సంస్థ కార్యదర్శి శ్రీనిజ కోహిర్కర్‌ అన్నారు. పెద్దకల్వలలో బుధవారం న్యాయవిజ్ఞాన సదస్సు నిర్వహించారు. ఈ సందర్భంగా శ్రీనిజ కోహిర్కర్‌ మాట్లాడుతూ, తాము సంపాదించిన ఆస్తులను తీసుకుని నిరాదరించేకొడుకులకు కౌన్సెలింగ్‌ ఇచ్చి న్యాయం చేసే అవకాశం ఉందన్నారు.

పెద్దపల్లిరూరల్‌: జిల్లా కేంద్రాన్ని అన్నివిధాలా అభివృద్ధి చేస్తామని ప్రభుత్వ విప్‌, పెద్దపల్లి ఎమ్మెల్యే విజయరమణారావు అన్నారు. జిల్లా కేంద్రం హోదాకు తగ్గట్టు కొత్తహంగులు అద్దుతామన్నారు. మున్సిపల్‌లోని 5, 9, 10, 11 వార్డుల్లో చేపట్టిన పలు అభివృద్ధి పనులను మున్సిపల్‌ చైర్మన్‌ మల్లయ్యతో కలిసి బుధవారం ప్రారంభించారు. పలు పద్దుల కింద మంజూరైన రూ.77కోట్లతో చేపట్టిన పనులు పురోగతిలో ఉన్నాయని విప్‌ తెలిపారు. ప్రధాన కూరగాయల మార్కెట్‌ను రూ.7కోట్లతో ఆధునికీకరిస్తామని, పనులు త్వరలోనే మొదలవుతాయని అన్నారు. ఇండోర్‌ స్టేడియం పనులు పూర్తయ్యాయని వివరించారు. ఆర్టీసీ బస్సు డిపో, బైపాస్‌, ప్రభుత్వ ఆస్పత్రి తదితర అభివృద్ధి పనులు పూర్తవుతున్నాయని వివరించారు. కమిషనర్‌ వెంకటేశ్‌, కౌన్సిలర్లు గుజ్జుల కుమార్‌, నదీం, పూదరి అనూష తదితరులు పాల్గొన్నారు. దళారులకు ధాన్యం విక్రయించొద్దు ఓదెల: రైతులు ధాన్యాన్ని దళారులకు అమ్మి మోసపోవద్దని ప్రభుత్వ విప్‌ విజయరమణరావు అన్నారు. ఓదెల మండలంలోని ఉప్పరపల్లె, గోపరపల్లె, హరిపురం, పిట్టలపల్లె, కొలనూర్‌, తండా, నాంసానిపల్లెలో ఏర్పాటు చేసిన ధాన్యం కొనుగోలు కేంద్రాలను ప్రారంభించి మాట్లాడారు. వ్యవసాయ రంగానికి పది గంటలపాటు విద్యుత్‌ సరఫరా చేస్తున్నట్లు తెలిపారు. నాయకులు పిట్టల రవికుమార్‌, పల్లె కనుకయ్య, గ్యారవేని విజయ, కొప్పుల పద్మ, గుగులోతు నిమ్మనాయక్‌, గుగులోతు లింగేశ్‌, ప్రభాకర్‌, ఆళ్ల సుమన్‌రెడ్డి, గోపు నారాయణరెడ్డి, బైరి రవిగౌడ్‌, పాకాల కరుణాకర్‌రెడ్డి, దొడ్డె స్వామి, ఏవో భాస్కర్‌ పాల్గొన్నారు.

పెద్దపల్లిరూరల్‌: పత్తి తూకం వేసే సమయంలో మార్కెట్‌ యార్డులో అకస్మాత్తుగా వర్షం కురిసింది. దీంతో యార్డుకు వచ్చిన 1,460 క్వింటాళ్ల పత్తి తూకం వే యడం సాధ్యకాకపో వచ్చని వ్యాపారులు చెప్పడం.. గురువారం కొనుగోళ్లు జరగవని అధికారులు ప్రకటించడంతో రైతులు ఆందోళనకు గురయ్యారు. పత్తిని తూకం వేయాల్సిందేనని రైతులు పట్టుబట్టారు. అవసరమైతే తడిసిన పత్తిని ఒక కిలో కటింగ్‌ చేసినా అభ్యంతరం లేదని తేల్చి చెప్పారు. ఈ క్రమంలో కొందరు రైతులు నిరసనకు దిగేందుకు యత్నించగా సమాచారం అందుకున్న టౌన్‌ ఎస్సై రాజశేఖర్‌ అక్కడకు చేరుకుని జిల్లా మార్కెటింగ్‌ అధికారి సమక్షంలో తూకం వేయించేలా ఒప్పించారు. దీంతో సమస్య సద్దుమణిగింది. బుధవారం రాత్రి దాకా పత్తి తూకం కొనసాగింది.

నాకున్న ఐదెకరాల్లో ఈసారి వరి పంట సాగుచేసిన. పెద్దపల్లి మార్కెట్‌యార్డుకు తీసుకొచ్చి వడ్లు ఆరబెట్టిన. ఒక్కసారిగా కురిసిన వానకు వడ్లన్నీ తడిసినయ్‌. అప్పటికీ తడవకుండా టార్పాలిన్లు కప్పినా ఫలితం లేకపోయింది. రేపు కూడా వానలు ఉన్నయంటుండ్రు. ధాన్యం ఎప్పుడు ఆరుతుందో? ఎప్పుడు తూకం వేస్తరో? – మిట్టపల్లి కనుకయ్య, రైతు, దస్తగిరిపల్లి పత్తి తడిచింది నేను పండించిన పత్తిని తొలి సారిగా అమ్మేందుకు ఐదు క్వింటాళ్లను పెద్దపల్లి మార్కెట్‌కు తెచ్చిన. మార్కెట్‌లో తూకం వేసి ధర నిర్ణయించే సమయంలో అకస్మాత్తుగా వర్షం కురిసింది. వాననీళ్లతో పత్తి సంచులు తడిసినయి. అమ్ముకుందామని మార్కెట్‌కు వచ్చినా అవస్థలు తప్పడం లేదు. – నాంపల్లి, రైతు, చీకురాయి చర్యలు తీసుకుంటున్నాం అకాల వర్షాలతో అప్రమత్తంగా ఉండాలని రైతులకు సూచిస్తున్నాం. మా సిబ్బంది టార్పాలిన్లు ఇచ్చేందుకు అందుబాటులో ఉన్నారు. రైతులకు ఇబ్బందులు కలుగకుండా చర్యలు తీసుకునేలా సహకారం అందిస్తున్నాం. గురువారం వర్షం కురుస్తుందని వాతావరణ శాఖ హెచ్చరిక నేపథ్యంలో పత్తి కొనుగోళ్లను నిలిపివేస్తున్నట్టు ప్రకటించాం. – ప్రవీణ్‌రెడ్డి, జిల్లా మార్కెటింగ్‌ అధికారి

కరీంనగర్‌స్పోర్ట్స్‌: ఖేలో ఇండియా, స్పోర్ట్స్‌ అథారిటీ ఆఫ్‌ ఇండియా(ఎస్‌ఏఐ), సైక్లింగ్‌ ఫెడరేషన్‌ ఆఫ్‌ ఇండియా(సీఎఫ్‌ఐ) సంయుక్త ఆధ్వర్యంలో తెలంగాణ సైక్లింగ్‌ అసోసియేషన్‌ సహకారంతో నవంబర్‌ 16, 17ల్లో హైదరాబాద్‌లోని ఉస్మానియా యూనివర్సిటీ సైక్లింగ్‌ వెలోడ్రోమ్‌లో అస్మిత ఖేలో ఇండియా మహిళల సైక్లింగ్‌ జోనల్‌ లీగ్‌(ట్రాక్‌) నిర్వహించనున్నారు. ఈ వివరాలను కరీంనగర్‌ జిల్లా సైక్లింగ్‌ అసోసియేషన్‌ చైర్మన్‌ డాక్టర్‌ వి.నరేందర్‌రెడ్డి, అధ్యక్షులు డాక్టర్‌ కెప్టెన్‌ బి.మధుసూదన్‌రెడ్డి సంయుక్తంగా వెల్లడించారు. ఈ పోటీలు ఉమెన్‌ ఎలైట్‌, జూనియర్‌, సబ్‌–జూనియర్‌ అనే 3 విభాగాల్లో జరగనున్నాయి. జాతీయస్థాయి పోటీలకు తెలంగాణ నుంచి ప్రతిభావంతులైన క్రీడాకారిణులను ఎంపిక చేయడమే ఈ లీగ్‌ ప్రధాన లక్ష్యం. ఆసక్తి ఉన్న అభ్యర్థులు మరిన్ని వివరాల కోసం అసోసియేషన్‌ కార్యదర్శి సురభి వేణుగోపాల్‌(9032762247)ను సంప్రదించొచ్చు.

పెద్దపల్లి/గోదావరిఖని: తెలంగాణలో సాగునీటి ప్రాజెక్టుల ప్రాధాన్యతను చాటుతూ మేడిగడ్డ ప్రాజెక్టు నుంచి కొండపోచమ్మ సాగర్‌ వరకు చేపట్టిన 400 కిలోమీటర్ల మహా సైకిల్‌ యాత్ర విజయవంతంగా ముగిసింది. పెద్దపల్లి మాజీ ఎమ్మెల్యే దాసరి మనోహర్‌రెడ్డి సూచనల మేరకు బీఆర్‌ఎస్‌ నాయకులు ఉప్పు రాజ్‌కుమార్‌, సరేశ్‌ యాత్ర పూర్తిచేశారు. యాత్ర ముగింపు అనంతరం బుధవారం ఎర్రవెల్లిలోని నివాసంలో బీఆర్‌ఎస్‌ అధినేత, మాజీ ముఖ్యమంత్రి కల్వకుంట్ల చంద్రశేఖర్‌రావును మర్యాదపూర్వకంగా కలిశారు. కేసీఆర్‌ ఆశీర్వాదం తీసుకున్నారు. నాయకులతో కేసీఆర్‌ సుమారు మూడు గంటలపాటు సమావేశమయ్యారు. వివిధ అంశాలపై ఆరా తీశారు. ఈ సందర్భంగా భోజనం, తేనేటి విందు ఏర్పాటు చేశారు. ఈ కార్యక్రమంలో గోదావరిఖని చెందిన బొడ్డు రవీందర్‌, మేకల నవీన్‌, పారుపల్లి అనిల్‌కుమార్‌, మంచినీళ్ల రాకేశ్‌, ముత్యం లక్ష్మణ్‌గౌడ్‌, అమ్ము కుమార్‌(ముత్తారం), పెద్దపల్లి ప్రాంతానికి చెందిన శ్రీధర్‌, సతీశ్‌గౌడ్‌, పూసాల రామకృష్ణ, శ్రీనివాస్‌, రవీందర్‌, కాశీపాక వాసు తదితరులు పాల్గొన్నారు.

గోదావరిఖని: కార్మికుల సమస్యలు తక్షణమే పరిష్కరించాలని ప్రభుత్వం ఆదేశించినా సింగరేని పట్టించుకోవడం లేదని ఐఎన్‌టీయూసీ సెక్రటరీ జనరల్‌ జనక్‌ప్రసాద్‌ ఆగ్రహం వ్యక్తం చేశారు. స్థానిక యూనియన్‌ కార్యాలయంలో బుధవారం ఏర్పాటు చేసిన సమావేశంలో మాట్లాడారు. డిప్యూటీ సీఎం భట్టి విక్రమార్క సింగరేణి కార్మికులకు ఇచ్చిన హామీలను కూడా జాప్యం చేయడం సిగ్గు చేటన్నారు. 234 మంది అర్హులైన అభ్యర్థులకు కారుణ్య నియామకాల ఉత్తర్వులు జారీ చేయాలని, పెర్క్స్‌పై ఆదాయపన్ను మినహాయింపు, జనరల్‌ అసిస్టెంట్‌లకు పదోన్నతి కల్పించాలని, 190/240 మస్టర్లు పూర్తి చేసిన జనరల్‌ అసిస్టెంట్‌ ట్రైనీలకు వెంటనే ప్రమోషన్‌ ఇవ్వాలని కోరారు. అలియాస్‌ పేర్లు, పేర్లలోని వ్యత్యాసాలకు సంబంధించిన పెండింగ్‌ కేసులన్నింటినీ పరిష్కరించాలని, ప్రతీ నెల మెడికల్‌ బోర్డు నిర్వహించాలని అన్నారు. కార్మికుల సంక్షేమం, ఉద్యోగుల హక్కుల పరిరక్షణే ఐఎన్‌టీయూసీ ప్రధాన లక్ష్యమని తెలిపారు. నాయకులు సదానందం, వికాస్‌కుమార్‌యాదవ్‌, వడ్డేపల్లి దాస్‌, కోట రవీందర్‌ రెడ్డి, శేషారత్నం, ఆరెపల్లి శ్రీనివాస్‌, లలిత, శ్రీనివాస్‌, ఖాదర్‌, శ్రవణ్‌ తదితరులు పాల్గొన్నారు.

మంథనిరూరల్‌: కుష్ఠును ప్రాథమిక దశలోనే గుర్తించి పూర్తిస్థాయిలో నివారించాలనే లక్ష్యంతో జిల్లా వైద్య, ఆరోగ్యశాఖ ఆధ్వర్యంలో ఏఎన్‌ఎం పర్యవేక్షణలో ఆశ వర్కర్లు ఇంటింటా సర్వే చేస్తున్నారు. ప్రజల్లో అపోహలు తొలగించడంతోపాటు లక్షణాలు ఉన్నవారిని గుర్తించి వైద్య పరీక్షలు చేసేలా ప్రత్యేక కార్యాచరణ రూపొందించారు. ఆశ వర్కర్లు ఇంటింటా పర్యటించి కుటుంబసభ్యుల ఆరోగ్య పరిస్థితులను పరిశీస్తున్నారు. అనుమానితుల వివరాలు నమోదు చేస్తున్నారు. 520 బృందాలతో సర్వే.. జిల్లాలోని 263 గ్రామాల్లోని 18 ప్రాథమిక ఆరోగ్య కేంద్రాల పరిధిలో క్షేత్రస్తాయిలో కుష్ఠు గుర్తింపునకు 520 ఆశ వర్కర్ల బృందాలతో సర్వే ప్రారంభించారు. గతనెల 23 నుంచి ఈనెల 3వ తేదీ వరకు జిల్లాలోని 1లక్షా 34 వేల 322 కుటుంబాలను సందర్శించిన వైద్యసిబ్బంది.. 4 లక్షల 99 వేల 422 మందిని పరిశీలించినట్లు అధికారులు చెబుతున్నారు. ఈనెల 5వ తేదీతో సర్వే ప్రక్రియ ముగియనుండటంతో గ్రామాల్లో ఆశ వర్కర్ల బృందాలు మరింత వేగంగా కుష్ఠు గుర్తింపు, లక్షణాల పరిశీలనను వేగవంతం చేసినట్లు తెలిపారు. 26మంది మాత్రమే.. పెద్దపల్లిని కుష్ఠు రహిత జిల్లాగా మార్చేందుకు అధికారులు ప్రత్యేక కార్యాచరణతో ముందుకు సాగుతున్నారు. ఇప్పటివరకు చేసిన సర్వేలో 678 మందిని అనుమానితులుగా గుర్తించి పరీక్షలు నిర్వహించారు. ఇందులో ముగ్గురికే కుష్ఠు నిర్ధారణ అయినట్లు అధికారులు తెలిపారు. అయితే జిల్లా వ్యాప్తంగా ఈముగ్గురితో కలిపి 26మంది వ్యాధిగ్రస్టులు ఉన్నారని, వీరికి ఆయా ప్రాంతాల్లో వ్యాధి నివారణకు వైద్య చికిత్స అందిస్తున్నట్లు వైద్యాధికారులు తెలిపారు. వ్యాధిని గుర్తించడం ఇలా.. కుష్ఠు నిర్ధారణకు ఆశ వర్కర్లు ఇంటింటా సర్వే నిర్వహిస్తున్నారు. శరీరంపై మచ్చలున్నాయా? వాటి రంగు, స్పర్శ లక్షణాలు ఎలా ఉన్నాయని నిశితంగా పరిశీలిస్తున్నారు. చేతులు, కాళ్లలో తిమ్మిర్లు, నరాల పనితీరులో మార్పులు వంటి లక్షణాలను గుర్తించి అనుమానితులను సమీపంలోని పీహెచ్‌సీలో వైద్యపరీక్షలు చేయించేలా చర్యలు చేపట్టారు. ప్రారంభ దశలో గుర్తిస్తే.. కుష్ఠును ప్రారంభదశలో గుర్తిస్తే త్వరగా నయం అవుతుందని వైద్యులు చెబుతున్నారు. అనేకమంది లక్షణాలు ఉన్నా నిర్లక్ష్యం చేస్తుంటారని, ఇతరులకు తెలుస్తుందనే భయంతో వైద్యపరీక్షలకు దూరంగా ఉంటారని చెబుతున్నారు. తద్వారా వ్యాధి ముదిరి అంగవైకల్యానికి దారితీసే ప్రమాదం ఉంటుందని, ఎలాంటి అనుమానిత లక్షణాలు ఉన్నా వైద్యులను సంప్రదించి పరీక్షలు చేయించుకోవాలని సూచిస్తున్నారు. బహుళ ఔషధ చికిత్స ప్రతీ పీహెచ్‌సీలో అందుబాటులో ఉంటుందని, వ్యాధిగ్రస్తులు సద్వినియోగం చేసుకోవాలని కోరుతున్నారు. ఆందోళన వద్దు కుష్ఠు లక్షణాలు ఉంటే అపోహలతో ఆందోళన చెందవద్దు. వ్యాధిని నయం చేయడానికి చికిత్సలు అందుబాటులో ఉన్నాయి. బహుళ ఔషధ చికిత్స తీసుకుంటే వ్యాధి పూర్తిగా నయం అవుతుంది. వ్యాధి లక్షణాల గుర్తింపునకు ఆశ వర్కర్లు సర్వే చేస్తున్నారు. వ్యాధిపై ప్రజల్లో అవగాహన పెంచేలా చర్యలు తీసుకుంటున్నాం. కుష్ఠు రహిత జిల్లాగా మార్చడమే లక్ష్యం. – రమేశ్‌, డీపీఎంవో

ఖమ్మం స్పోర్ట్స్‌: రాష్ట్రస్థాయి పాఠశాలల అండర్‌–17 అథ్లెటిక్స్‌ పోటీలు ఖమ్మంలోని పోలీస్‌ పరేడ్‌ మైదానంలో బుధవారం ప్రారంభమయ్యాయి. ఈసందర్భంగా డీఈఓ వాసంతి క్రీడా పతాకాన్ని ఎగురవేసిన మాట్లాడుతూ విద్యార్థుల్లో క్రీడా ప్రతిభను మరింత మెరుగుపరుచుకునేందుకు పోటీలు దోహదం చేస్తాయని తెలిపారు. అనంతరం డీవైఎస్‌ఓ టి.సునీల్‌రెడ్డి మాట్లాడగా తొలిరోజు 1,500 మీటర్ల పరుగు పందెం పోటీ నిర్వహించారు. ఇందులో బాలుర విభాగం నుంచి ఎం.గణేష్‌(నల్లగొండ) ఎం.చరణ్‌ తేజ (ఆదిలాబాద్‌), వి.గణేశ్‌ (రంగారెడ్డి), బాలికల విభాగంలో ఎండీ యాస్మిన్‌(కరీంనగర్‌), ఎం.రాజేశ్వరి(ఆదిలాబాద్‌), పి.నక్షత్ర(రంగారెడ్డి) మొదటి మూడు స్థానాలు కై వసం చేసుకున్నారు. కాగా, ఈ పోటీలు గురువారం కూడా కొనసాగనున్నాయి.

గోదారిఖని: గోదావరినదిలో నీటి నిల్వలు తగ్గిపోతున్న క్రమంలో భవిష్యత్‌ అవసరాల కోసం కార్మిక కుటుంబాలు పొదుపుగా వాడుకోవాలని ఆర్జీవన్‌ జీఎం లలిత్‌కుమార్‌ కోరారు. బుధవారం గోదావరినది ఇంటక్‌వెల్‌ సమీపంలో నీటి ప్రవాహాన్ని పరిశీలించారు. వేసవిలో ఎదురయ్యే నీటి సమస్య, ఎల్‌నినో ప్రభావాన్ని అధిగమించడానికి ప్రతి ఒక్కరూ నీటిని పొదుపుగా వినియోగించాలని కోరారు. నీటి సరఫరా వ్యవస్థలో వాల్వ్‌ ఆపరేటర్లతో సమానంగా పంప్‌ ఆపరేటర్లు, ఫిట్టర్లకు కూడా బాధ్యతగా పనిచేయాలని అన్నారు. అనంతరం నీటి పొదుపును వివరించే పోస్టర్‌ ఆవిష్కరించారు. ఎస్‌వోటూ జీఎం చంద్రశేఖర్‌, ఏరియా పర్యావరణ అధికారి వేణు, డిప్యూటీ ఎస్‌ఈ రాజు, ఈఈ ప్రణీత్‌ సిబ్బంది ఉన్నారు.

రామగిరి: సింగరేణి కార్మికుల సమస్యల పరిష్కారంలో యాజమాన్యం జాప్యం చేయకుండా తక్షణ చర్యలు తీసుకోవాలని ఏఐటీయూసీ డిప్యూటీ జనరల్‌ సెక్రటరీ వైవీ రావు డిమాండ్‌ చేశారు. ఏఐటీయూసీ బ్రాంచ్‌ సెక్రటరీ ఎం.రాంచంద్రారెడ్డి ఆధ్వర్యంలో ఆర్జీ–3 ఏరియా జీఎం కార్యాలయం వద్ద బుధవారం ధర్నా నిర్వహించారు. జీఎంకు వినతిపత్రం అందజేశారు. ఆర్‌ఎల్‌సీ సమక్షంలో జరిగిన ఒప్పందాలకు వెంటనే సర్క్యులర్‌ జారీ చేయాలని కోరారు. కార్మికుల సమస్యల పరిష్కారానికి యాజమాన్యం చొరవ చూపాలని, ఒప్పందాలను అమలు చేయాలని డిమాండ్‌ చేశారు. ఈ కార్యక్రమంలో నాయకులు బండారి క్రాంతి, డీటీ రావు, గంగాధర్‌, నక్క రమేశ్‌, గంధం శ్రీనివాస్‌, ఎం.సురేశ్‌, పోశం తదితరులు పాల్గొన్నారు.

గోదావరిఖని: యువకార్మికులు క్రీడా పోటీల్లో చురుగ్గా పాల్గొనాలని ఆర్జీ వన్‌ జీఎం లలిత్‌కుమార్‌ సూచించారు. స్థానిక సింగరేణి జవహర్‌లాల్‌ నెహ్రూ స్టేడియంలో సింగరేణి స్థాయి ఫుట్‌బాల్‌ పోటీలు బుధవారం ప్రారంభించారు. జీఎం మాట్లాడుతూ, స్టేడియం అభివృద్ధికి రూ.2.5కోట్లు కేటాయించారన్నారు. జాతీయ స్థాయి హాకీ క్రీడాకారుడైన సీఎండీ మార్గనిర్దేశంలో క్రీడలకు పెద్దపీట వేస్తున్నామని తెలిపారు. కార్యక్రమంలో ఆర్జీ–1 సేవా అధ్యక్షురాలు అనిత, క్వాలిటీ రీజియన్‌ జీఎం వెంకటరమణ, ఎస్‌వోటూ జీఎం చంద్రశేఖర్‌ తదితరులు పాల్గొన్నారు. రెండురోజుల పాటు ఫుట్‌బాల్‌ పోటీలు సింగరేణి స్థాయి పుట్‌బాల్‌ పోటీలు రెండు రోజుల పాటు కొనసాగనున్నాయి. తొలిరోజు నాలుగు జట్ల మధ్య పోటీలు ఉత్సాహభరితంగా సాగాయి. మందమర్రి, బెల్లంపలి వర్సెస్‌ ఇల్లెందు, మణుగూరు జట్లు పోటీ పడగా మందమర్రి, బెల్లంపల్లి జట్టు 3.1తో గెలుపొందింది. రెండో మ్యాచ్‌ కొత్తగూడెం, కార్పొరేట్‌ వర్సెస్‌ శ్రీరాంపూర్‌ జట్టు తలపడగా డ్రాగా ముగిసింది. మూడో మ్యాచ్‌ ఆర్జీ–3, భూపాలపల్లి వర్సెస్‌ ఇల్లెందు మణుగూరు జట్టు పోటీపడగా 2.1 తేడాతో ఇల్లెందు, మణుగూరు జట్టు విజయం సాధించింది. నాలుగో మ్యాచ్‌లో ఆర్జీ వన్‌, ఆర్జీ–2 వర్సెస్‌ శ్రీరాంపూర్‌ జట్టు పోటీపడగా 3.1తేడాతో ఆర్జీవన్‌, టూ జట్టు విజయం సాధించింది.

పెద్దపల్లి: ప్రజాసమస్యలను గాలికొదిలేసి సీఎం రేవంత్‌రెడ్డి ఢిల్లీ పర్యటనలకే ప్రాధాన్యత ఇస్తున్నారని మంథని మాజీ ఎమ్మెల్యే పుట్ట మధూకర్‌ విమర్శించారు. కలెక్టరేట్‌ ఎదుట 23 రోజులుగా సమ్మె చేస్తున్న ఎన్‌హెచ్‌ఎం ఉద్యోగులకు బుధవారం ఆయన సంఘీభావం తెలిపి మాట్లాడారు. ప్రజలకు వైద్య సేవలు అందించే ఎన్‌హెచ్‌ఎం ఉద్యోగుల డిమాండ్లను ప్రభుత్వం పట్టించుకోకపోవడం దురదష్టకరమన్నారు. వారి సమస్యలు పరిష్కారమయ్యే వరకు మద్దతు కొనసాగిస్తామని ఆయన తెలిపారు. ఎన్‌హెచ్‌ఎం జేఏసీ ఉద్యోగ సంఘం నాయకులు మహేందర్‌, స్కైలాబ్‌ రాణి, గొర్రె స్వరూప, మారుతి, మాణికేశ్వర్‌, అనిత, మౌనిక, అనూష, బుచ్చమ్మ, సంతోష్‌, నర్మద, నిర్మల, రవళి తదితరులు పాల్గొన్నారు. డిసెంబర్‌ 6న భగవద్గీత శ్లోక కంఠస్థ పోటీలు మంథని: విద్యార్థుల్లో దేశభక్తి, నైతిక విలువలను పెంపొందించడమే లక్ష్యంగా విశ్వహిందూ పరిషత్‌ సంస్కార శిక్షణ విభాగం ఆధ్వర్యంలో శ్రీమద్భగవద్గీత శ్లోక కంఠస్థ పోటీలు నిర్వహిస్తున్నట్లు వీహెచ్‌పీ ప్ర ఖ ండ అధ్యక్షుడు రావుల సతీశ్‌ తెలిపారు. భగవద్గీత లో ని ఎంపిక చేసిన శ్లోకాలతో పోటీలు నిర్వహిస్తున్న ట్లు పేర్కొన్నారు. డిసెంబరు 6న పెద్దపల్లిలో జిల్లాస్థాయి, హైదరాబాద్‌లో రాష్ట్రస్థాయి పోటీలు నిర్వ హించనున్నట్లు వెల్లడించారు. ఆసక్తిగలవారు 9951 490553 నంబర్‌లో సంప్రదించాలని ఆయన కోరారు. ఎన్టీపీసీలో కోతుల పట్టివేత జ్యోతినగర్‌: నగర ప్రజలను ఇబ్బందులకు గురిచేస్తున్న కోతుల బెడదను నివారించేందుకు చర్యలు చేపట్టినట్లు రామగుండం మున్సిపల్‌ కమిషనర్‌ అరుణశ్రీ తెలిపారు. ఎన్టీపీసీ అన్నపూర్ణ కాలనీలో ప్రత్యేక బృందాలతో బుధవారం కోతులను పట్టించే కార్యక్రమాన్ని ప్రారంభించినట్లు పేర్కొన్నారు. తొలిరోజు సుమారు వంద కోతులను పట్టుకుని అటవీ ప్రాంతానికి తరలించామని వివరించారు. మాతా, శిశు మరణాల నివారణకు చర్యలు పెద్దపల్లి: జిల్లాలో మాతా, శిశు మరణాల నివారణకు ప్రత్యేక శ్రద్ధ వహించాలని జిల్లా వైద్య, ఆరోగ్యశాఖ అధికారి పవిత్ర సూచించారు. మాతా, శిశు మరణాలపై డీఎంహెచ్‌వో కార్యాలయంలో బుధవారం సమీక్షించారు. మాతృ, శిశు మరణాలు లేని సమాజ నిర్మాణమే లక్ష్యంగా వైద్య సిబ్బంది నిబద్ధతతో పనిచేయాలన్నారు. ప్రోగ్రామ్‌ అధికారులు సుధాకర్‌రెడ్డి, కిరణ్‌ కుమార్‌, లక్ష్మీ భవాని, అతుల్య, డీపీహెచ్‌ఎన్‌వో దయామణి పాల్గొన్నారు.

జీఎం లలిత్‌కుమార్‌కు వినతిపత్రం అందిస్తున్న నాయకులు ఆర్జీ–2లో.. గోదావరిఖని: సింగరేణి యాజమాన్యంతో ఏఐటీయూసీ చేసుకున్న ఒప్పందం రాజకీయ జోక్యంతోనే అమలు కావడం లేదని ఆ యూనియన్‌ ఉప ప్రధాన కార్యదర్శి మడ్డి ఎల్లాగౌడ్‌ ఆరోపించారు. బుధవారం సింగరేణి ఆర్జీవన్‌ జీఎం కార్యాలయం వద్ద ముట్టడి కార్యక్రమం నిర్వహించి జీఎం లలిత్‌కుమార్‌కు వినతి పత్రం అందజేశారు. కార్మికుల పెండింగ్‌ సమస్యలపై ఆగస్టు 27న రీజనల్‌ లేబర్‌ కమిషనర్‌ (ఆర్‌ఎల్‌సీ) వద్ద 23 డిమాండ్లపై కుదిరిన ఒప్పందాన్ని అమలు చేసేందుకు యాజమా న్యం సర్క్యులర్‌లు జారీ చేయాల్సి ఉండగా, రాష్ట్ర ప్రభుత్వం, యాజమాన్యం కార్మికులను ఇబ్బందులకు గురి చేస్తోందన్నారు. అర్హులైన డిపెండెంట్లకు నెలరోజుల్లోగా ఉద్యోగ నియామక ఉత్తర్వులు జారీ చేస్తామని హామీ ఇచ్చి ఇంతవరకు అమలు చేయలేదన్నారు. కార్యక్రమంలో ఏఐటీయూసీ ఆర్జీ–1 బ్రాంచి కార్యదర్శి రంగు శ్రీను, నాయకులు మాదన మహేశ్‌, సంకె అశోక్‌, బోగ సతీశ్‌బాబు, ఎస్‌.వెంకట్‌రెడ్డి, సిద్దమల్ల రాజు తదితరులు పాల్గొన్నారు. ఆర్జీ–2 ఏరియాలో.. సింగరేణి కార్మికుల సమస్యలు పరిష్కరించాలని కోరుతూ ఆర్జీ–2 ఏఐటీయూసీ ఆధ్వర్యంలో జీఎం ఆఫీస్‌ ముట్టడి నిర్వహించి అధికారులకు వినతిపత్రం అందజేశారు. కార్మికుల సమస్యలు ఇప్పటికై నా పరిష్కరించకపోతే ఆందోళనలు ఉధృతం చేస్తామని హెచ్చరించారు. నాయకులు రాజారత్నం, సాంబశివరావు, శ్యాంసన్‌, మహేందర్‌, రవికుమార్‌, సంపత్‌ తదితరులు పాల్గొన్నారు.

కోల్‌సిటీ: పెద్దపల్లి జిల్లా గోదావరిఖని సమీప వీర్లపల్లిలోని ఈశ్వర కృప వృద్ధాశ్రమంలో రెండేళ్లుగా ఆశ్రయం పొందుతున్న అడిచర్ల భూదేవి (75) మంగళవారం రాత్రి జీజీహెచ్‌లో కన్నుమూశారు. కుటుంబ సభ్యులు లేని ఆమె నేత్రదానంతో ఇద్దరికి చూపునివ్వనుండగా, పార్థివదేహం వైద్య విద్యార్థుల అధ్యయనానికి ఉపయోగపడనుంది. సదాశయ ఫౌండేషన్‌ చొరవతో ఎల్వీ ప్రసాద్‌ నేత్రబ్యాంకు బృందం నేత్రాలను సేకరించింది. జీజీహెచ్‌ ఆర్‌ఎంవోల సహకారంతో పార్థివదేహాన్ని సిమ్స్‌కు అప్పగించారు. భూదేవి మెడికో విద్యార్థులకు తొలి గురువుగా మారారని ప్రిన్సిపాల్‌ డాక్టర్‌ దయాళ్‌ సింగ్‌ పేర్కొన్నారు. ఆమె చివరి కోరిక నెరవేర్చడం సంతృప్తినిచ్చిందని ఆశ్రమ డైరెక్టర్లు తెలిపారు. అనాథగా జీవించిన భూదేవి మరణానంతరం నలుగురికి మేలు చేసి మానవత్వానికి నిదర్శనంగా నిలిచారు. కార్యక్రమంలో ఆశ్రమ డైరెక్టర్లు గంట సత్తయ్య, లక్కడి మాధవరెడ్డి, బట్టల వెంకటయ్య తదితరులు పాల్గొన్నారు. ఆశ్రమ నిర్వాహకుల చొరవను సదాశయ ఫౌండేషన్‌, లయన్స్‌ క్లబ్‌ ప్రతినిధులు అభినందించారు. వృద్ధురాలు భూదేవి అమర సందేశం

గోదావరిఖని: రామగుండం పారిశ్రామిక ప్రాంతంలో ప్రభుత్వ, ప్రజాఆస్తులను కూల్చివేస్తున్న కాంగ్రెస్‌ చర్యలకు వ్యతిరేకంగా పోరాడాలని టీబీజీకేఎస్‌ రాష్ట్ర వర్కింగ్‌ ప్రెసిడెంట్‌ మాదాసు రామమూర్తి కోరారు. స్థానిక యూనియన్‌ కేంద్ర కార్యాలయంలో బుధవారం జరిగిన ఆర్‌జీవన్‌ ముఖ్య నాయకుల సమావేశంలో మాట్లాడారు. అభివృద్ధిని సూచిస్తూ ఏర్పాటు చేసిన పైలాన్‌ను దొడ్డిదారిన కూల్చివేయడం ఆక్షేపనియమన్నారు. సింగరేణి క్వార్టర్లను కూల్చివేసి షాపింగ్‌ కాంప్లెక్స్‌ నిర్మించడం, సింగరేణి స్థలాల్లో కార్మికేతరులకు భవనాలు నిర్మించుకోవడానికి అనుమతించడం, కార్మికుల షెడ్లను కూల్చివేయడం లాంటివి సరికాదన్నారు. నాయకుడు వడ్డేపల్లి శంకర్‌ అధ్యక్షతన జరిగిన సమావేశంలో నూనె కొమురయ్య, పర్లపల్లి రవి, పోలాడి శ్రీనివాసరావు, దూట శేషగిరి, కొండ్ర అంజయ్య, ఉప్పులేటి తిరుపతి, వాసర్ల జోసెఫ్‌, ఎ.గోపి, జనగామ మల్లేశ్‌, మహేందర్‌రెడ్డి, రహమాన్‌, పులిపాక శంకర్‌, మీస రాజు, కళాధర్‌రెడ్డి, అఫ్సర్‌, రొడ్డ సంపత్‌, వెంకట్‌రెడ్డి, భాస్కర్‌, సంపత్‌, మల్లేశ్‌ తదితరులు పాల్గొన్నారు.

యైటింక్లయిన్‌కాలనీ: గంజాయి, డ్రగ్స్‌ నిర్మూలనపై జమాత్‌ ఏ ఇస్లామీ హింద్‌ సంస్థ ఆర్టీిసీ బస్సుల్లో ప్రచారం చేస్తోంది. గోదావరిఖని – పెద్దపల్లి బస్సులో ప్రయాణికులకు అవగాహన కల్పించారు. సబీరా నాజ్‌, ఐషా సిద్దిఖా, ఎండీ ఇస్మాయిల్‌, దీపిక ఫౌండేషన్‌ కన్వీనర్‌ భాగ్యలక్ష్మి, మండల ఇన్‌చార్జి సుప్రత్‌ఖానం తదితరులు పాల్గొన్నారు. గంజాయి పట్టివేత పెద్దపల్లిరూరల్‌: పెద్దపల్లి మండలం రాఘవాపూర్‌ శివారులోని ఇటుకబట్టీల్లో పనిచేసే కూలీలకు విక్రయించేందుకు వచ్చిన వ్యక్తి నుంచి కిలో 160 గ్రాముల గంజాయి (రూ.58 వేల విలువ)ని బుధవారం స్వాధీనం చేసుకున్నట్టు రూరల్‌ ఎస్సై మధూకర్‌ తెలిపారు. జనగాం జిల్లా బచ్చన్నపేటకు చెందిన లోకేశ్‌ (ప్రస్తుతం హైదరాబాద్‌లో నివాసం) నాగపూర్‌ నుంచి గంజాయి తీసు కొచ్చి ఇటుకబట్టీల్లో పనిచేసే ఒడిశా కూలీలకు విక్రయించేందుకు తిరుగుతున్నాడు. అను మానాస్పదంగా తిరుగుతున్న ఆయనను అదుపులోకి తీసుకొని బ్యాగు తనిఖీ చేయగా గంజాయి లభ్యమైంది. కేసు నమోదు చేసి రిమాండ్‌కు తరలించినట్టు ఎస్సై వివరించారు. కుటుంబ కలహాలతో వివాహిత ఆత్మహత్య పెద్దపల్లిరూరల్‌: పెద్దపల్లి పట్టణంలోని సాగర్‌ రోడ్డుకు చెందిన ఆసిఫాఅంజుమ్‌(24) ఉరి వేసుకొని ఆత్మహత్య చేసుకుంది. ఆరేళ్ల క్రితం అంజుమ్‌కు ఓదెల మండలం గూడెం గ్రామానికి చెందిన అఫ్రోజ్‌తో వివాహం అయ్యింది. వీరికి ఇద్దరు పిల్లలు. భర్త అఫ్రోజ్‌తో తరచూ గొడవలు జరిగేవి. దీంతో ఆమె కొద్దిరోజుల క్రితం పిల్లలను భర్తవద్దే వదలి పుట్టింటికి వచ్చింది. భర్త వద్దకు వెళ్లాలని పెద్దలు సూచించినా.. వినిపించుకోలేదు. ఈ క్రమంలో బుధవారం ఇంట్లో ఎవరూ లేని సమయంలో ఉరివేసుకొని ఆత్మహత్య చేసుకుంది. కేసు దర్యాప్తు చేస్తున్నట్లు టౌన్‌ ఎస్సై రాజశేఖర్‌ తెలిపారు. 28న నవోదయ ప్రవేశ పరీక్షచొప్పదండి: ఉమ్మడి జిల్లా వ్యాప్తంగా ఈ నెల 28న జవహర్‌ నవోదయ విద్యాలయంలో ఆరో తరగతిలో ప్రవేశానికి పరీక్ష నిర్వహిస్తున్నట్లు ప్రిన్సిపాల్‌ బ్రహ్మానంద రెడ్డి తెలిపారు. బుధవారం ఆయన మీడియాతో మాట్లాడారు. ఉమ్మడి జిల్లా వ్యాప్తంగా 20 కేంద్రాల్లో పరీక్ష కోసం ఏర్పాట్లు చేసినట్లు వివరించారు. దరఖాస్తు చేసిన 3,888 మంది విద్యార్థుల హాల్‌ టికెట్లు ఆన్‌లైన్‌లో అందుబాటులో ఉన్నాయన్నారు. హాల్‌ టికెట్లలో ఏవైనా తప్పులు ఉంటే ఈనెల 20వ తేదీలోగా చొప్పదండిలోని జవహర్‌ నవోదయ విద్యాలయంలో సంప్రదించాలని సూచించారు.

పెద్దపల్లి: సోలార్‌ పవర్‌ యూనిట్లు మహిళలకు వరం లాంటివని సెర్ప్‌ సోలార్‌ విభాగం డైరెక్టర్‌ కృష్ణ అన్నారు. సోలార్‌ విద్యుత్‌ యూనిట్ల ఏర్పాటుపై స్వశక్తి మహిళా సంఘాలకు కలెక్టరేట్‌లో మంగళవారం అవగాహన కల్పించారు. మహిళాశక్తి ద్వారా ప్రతీ జిల్లాలో రెండు మెగావాట్ల సామర్థ్యంతో సౌర విద్యుత్‌ ఉత్పత్తి యూనిట్లు ఏర్పాటు చేసేందుకు ప్రభుత్వం అనుమతి మంజూరు చేసిందని, ఆసిఫాబాద్‌లోని యూనిట్‌ను సీఎం ప్రారంభించారని గుర్తుచేశారు. డీఆర్డీవో కాళిందిని మాట్లాడుతూ మంథని మండలంలో ఒక మెగావాట్‌ సామర్థ్యంతో ఏర్పాటు చేస్తున్న సోలార్‌ పవర్‌ యూనిట్‌ ప్రారంభో త్సవానికి సిద్ధంగా ఉందని అన్నారు. పెద్దపల్లి జిల్లా కాల్వశ్రీరాంపూర్‌ మండలంలో మరో మెగావాట్‌ పవర్‌ యూనిట్‌ ఏర్పాటుకు ప్రభుత్వ విప్‌ విజయరమణారావు ఇటీవల భూమిపూజ చేశారని తెలిపారు. ఈ కార్యక్రమంలో రెడ్‌కో ఉమ్మడి కరీంనగర్‌ జిల్లా మేనేజర్‌ మనోహర్‌, పెద్దపల్లి, మంచిర్యాల, కుమురం భీం ఆసిఫాబాద్‌ జిల్లాల మండల సమాఖ్య ప్రతినిధులు, పెద్దపల్లి, మంచిర్యాల అదనపు డీఆర్డీవోలు రవీందర్‌, అంజయ్య, డీపీఎం సంజీవ్‌ తదితరులు పాల్గొన్నారు. సెర్ప్‌ – సోలార్‌ విభాగం ప్రతినిధి కృష్ణ

పెద్దపల్లి: జిల్లాలో హెచ్‌ఐవీ కేసులు ఆందోళన కలిగిస్తున్నాయి. నాలుగేళ్లలో 305 మందికి వైరస్‌ నిర్ధారణ అయింది. 2023లో 92 మందికి, 2024లో 67 మందికి, 2025లో 67 మందికి, 2026లో ఇప్పటివరకు 79 మందికి హెచ్‌ఐవీ ఉన్నట్లు తేలింది. గత రెండేళ్లతో పోలిస్తే ఈఏడాది కేసులు పెరగడం తీవ్ర ఆందోళన కలిగిస్తోంది. హెచ్‌ఐవీ నియంత్రణలో భాగంగా 2026 ఆగస్టు వరకు సాధారణ విభాగంలో 14,066 మందికి పరీక్షలు చేయగా 79 మందికి పాజిటివ్‌గా తేలింది. వారందరినీ ఏఆర్టీ చికిత్సకు అనుసంధానించారు. గర్భిణుల్లో 5,174 మందికి పరీక్షలు చేయగా ముగ్గురికి నిర్ధారణ అయి వారినీ ఏఆర్టీకి అనుసంధానించారు. రామగుండంలో అత్యధికం సాధారణ విభాగంలో రామగుండం ఏరియా ఆస్పత్రిలో 2,745 మందిని పరీక్షించగా 22 మందికి, పెద్దపల్లి సీహెచ్‌సీలో 3,244 మందిలో 18 మందికి, మంథని సీహెచ్‌సీలో 2,161 మందిలో ఐదుగురికి, ఎన్టీపీసీ టీబీ క్లినిక్‌లో 742 మందిలో ఆరుగురికి పాజిటివ్‌గా తేలింది. అవగాహనే కీలకం.. హెచ్‌ఐవీ అనేది వ్యాధి నిరోధక వ్యవస్థపై ప్రభావం చూపే వైరస్‌. ముఖ్యంగా సీడీ–4 కణాలను దెబ్బతీస్తుంది. సకాలంలో చికిత్స తీసుకోకపోతే ఎయిడ్స్‌ దశకు చేరుకునే ప్రమాదం ఉంది. క్రమంతప్పకుండా ఏఆర్టీ మందులు వాడితే ఆరోగ్యంగా జీవించవచ్చు. వ్యాప్తికి ప్రధాన కారణాలు సురక్షితం కాని లైంగిక సంబంధాలు, కలుషిత రక్తం ఎక్కించడం, సూదులు, సిరంజీలను పంచుకోవడం, తల్లి నుంచి బిడ్డకు(గర్భం, ప్రసవం, తల్లి పాల ద్వారా) హెచ్‌ఐసీ వ్యాపిస్తుందని వైద్యులు చెబుతున్నారు. అయితే, సరైన చికిత్సతో ముప్పు తగ్గించవచ్చు. నియంత్రణలోనే ఉంది వందరోజుల ప్రణాళికలో భాగంగా ప్రతీ పీహెచ్‌సీ, సీహెచ్‌సీ, జిల్లా ఆస్పత్రిలో ఉచిత పరీక్షలు చేస్తున్నాం. అనుమానం ఉంటే తప్పనిసరిగా పరీక్ష చేయించుకోవాలి. – డాక్టర్‌ సుధాకర్‌రెడ్డి, జిల్లా ప్రోగ్రాం అధికారి