Peddapalli District News

రామగిరి: నిరక్షరాస్యులపై మహిళల జీవితాల్లో చ దువుల వెలుగులు నింపేందుకు ప్రభుత్వం చేపట్టిన అమ్మకు ‘అక్షరమాల’ ఆదివారం నిర్వహించారు. వి విధ గ్రామపంచాయతీ కార్యాలయాల్లో ఈ సంద ర్భంగా నిర్వహించిన ఉల్లాస్‌ పరీక్షకు 1,990 మంది మహిళలు పరీక్షకు హాజరయ్యారు. చదవడం, రా యడం నేర్చుకోవాలనే ఉత్సాహంతో మహిళలు ప రీక్ష రాశారు. చదువుతో ఆర్థికంగా స్వావలంబన సా ధించడంతోపాటు తమ సంఘాల పుస్తకాలను తా మే చదివి, రాసుకునేలా కార్యక్రమాన్ని అమలు చే స్తున్నట్లు అధికారులు తెలిపారు. పరీక్షలకు హాజరై న మహిళలకు సర్పంచులు ప్రశ్నాపత్రాలు, పెన్ను లు పంపిణీ చేశారు. ఏపీఎం పద్మ మాట్లాడుతూ, ప్రతీ మహిళకు చదవడం, రాయడం రావాలన్నదే అమ్మకు అక్షరమాల లక్ష్యమన్నారు. చదువుతో మహిళల్లో ఆత్మవిశ్వాసం పెరుగుతుందన్నారు.

ధర్మారం: నందిమేడారం నంది పంప్‌హౌస్‌ ద్వారా ఎల్లంపల్లి ప్రాజెక్టు నీటిని ఆదివారం నా లుగు పంప్‌లు ఆన్‌చేసి మేడారం రిజర్వాయర్‌లోకి ఎత్తిపోస్తున్నారు. ఎల్లంపల్లి ప్రాజెక్టు నుంచి గ్రావిటీ కాలువ ద్వారా నంది పంప్‌హౌస్‌లోని సర్జిఫూల్‌కు చేరుకున్న తర్వాత పంప్‌లను ఆన్‌చేశారు. ఒక్కొక్క పంప్‌ నుంచి 3,150 క్యూసెక్కుల నీటిని డెలీవరి సిస్టర్న్‌ ద్వారా రిజర్వాయర్‌లోకి ఎత్తిపోస్తున్నారు. ఇదేపరిమాణంలో రిజర్వాయర్‌ గేట్ల ద్వారా సొరంగమార్గం నుంచి రామడుగు మండలం లక్ష్మీపూర్‌ పంప్‌హౌస్‌కు తరలిస్తున్నారు. అక్కడ నుంచి వివిధ ప్రాజెక్టులకు నీటిని తరలిస్తున్నారు. శ్లోక కంఠస్థ పోటీలు పెద్దపల్లి: తిరుమల తిరుపతి దేవస్థానం, హిందూ ధర్మప్రచార పరిషత్‌ ఆధ్వర్యంలో శ్రీమత్‌ భగవద్గీత శ్లోక కంఠస్థ పోటీలు నిర్వహించనున్నట్లు ఆచార్యుడు మెంగని చంద్రశేఖర్‌ తెలిపా రు. వచ్చే డిసెంబరు 20న గీతా జయంతిని పు రస్కరించుకుని పోటీలు నిర్వహించనున్నట్లు వెల్లడించారు. ఆరు నుంచి పదో తరగతి విద్యార్థులు అర్హులన్నారు. ఇతర వివరాలు, పేర్ల న మోదు కోసం 99120 78519 నంబరులో సంప్రదించాలని ఆయన సూచించారు. ఓబీసీ మోర్చా అధ్యక్షుడిగా రమేశ్‌పెద్దపల్లి: సుల్తానాబాద్‌ మండలం కొదురుపాక గ్రామానికి చెందిన చాత రాజు రమేశ్‌ను బీజేపీ ఓ బీసీ మోర్చా జిల్లా అధ్యక్షుడిగా నియమించారు. ఈమేరకు బీజేపీ జిల్లా అధ్యక్షుడు కర్రె సంజీవరెడ్డి ఆదివారం ఉత్తర్వులు జారీచేశారు. తన నియామకానికి సహకరించిన బీజేపీ రాష్ట్ర అ ధ్యక్షుడు రాంచందర్‌రావు, నాయకులు తది తరులకు రమేశ్‌ కృతజ్ఞతలు తెలిపారు. నేటినుంచి బ్యాంకర్ల సమ్మెపెద్దపల్లి: వారంలో ఐదురోజుల పనిదినాలు అ మలు చేయాలనే డిమాండ్‌తో సోమవారం నుంచి మూడురోజుల పాటు బ్యాంకు ఉద్యోగులు సమ్మె చేసేందుకు సిద్ధమయ్యారు. యుౖ నెటెడ్‌ ఫోరం ఆఫ్‌ బ్యాంక్‌ యూనియన్స్‌(యూఎఫ్‌బీయూ) పిలుపు మేరకు ప్రభుత్వ, ప్రైవే ట్‌, గ్రామీణ బ్యాంకుల్లో లావాదేవీలకు అంతరాయం కలిగే అవకాశం ఉంది. అయితే, ఆదివారం(ఈనెల 27న) బ్యాంకులు యథావిధిగా పనిచేశాయి. ఈనెల 28, 29, 30వ తేదీల్లో బ్యాంకు ఉద్యోగులు చేపట్టిన సమ్మెకు ఏఐటీయూసీ, సీఐటీయూ, ఐఎఫ్‌టీయూ తదితర యూనియన్ల నేతలు సునీల్‌, ముత్యంరావు, శ్రీనివాస్‌ తదితరులు మద్దతు ప్రకటించారు. ‘ప్రయాణాలు తగ్గించారు’మంథని: మహిళాకు ఉచిత ప్రయాణం కల్పిస్తు న్నామని చెబుతున్న కాంగ్రెస్‌ ప్రభుత్వం.. మ హాలక్ష్మి పథకంలోని ఎక్స్‌ప్రెస్‌ బస్సులను త గ్గించి, డీలక్స్‌ల్లో డబుల్‌ చార్జీలు వసూలు చేస్తున్నారని మంథని మాజీ ఎమ్మెల్యే పుట్ట మధు విమర్శించారు. స్థానిక ఆర్టీసీ బస్టాండ్‌ను ఆదివారం సందర్శించిన అనంతరం విలేకరులతో మాట్లాడారు. ఆడవాళ్ల ప్రయాణం తగ్గించిన ఘనత కాంగ్రెస్‌ ప్రభుత్వానికే దక్కిందన్నారు. మంథని నుంచి హైదరాబాద్‌కు అనేక ఏళ్లుగా బస్సులు నడిచేవని, ప్రస్తుతం హైదరాబాద్‌, దిల్‌సుఖ్‌నగర్‌, మియాపూర్‌ బస్సు రద్దు చేసి కేవలం సిద్దిపేట వరకు నడిపిస్తున్నారని అన్నా రు. మంథని – భద్రాచలం ఎక్స్‌ప్రెస్‌ బస్సు రద్దుచేసి మహిళలు వెళ్లకుండా చేశారన్నారు. ఈ బస్సును పునరుద్ధరించాలని డిమాండ్‌ చేశా రు. నాయకులు ఏగోళపు శంకర్‌గౌడ్‌, ఆరెపల్లి కుమార్‌, రాజూగౌడ్‌, కనవేన శ్రీనివాస్‌, పుప్పాల తిరుపతి తదితరులు పాల్గొన్నారు.

పెద్దపల్లి: పేదల సొంతింటి కల సాకారం చేసే లక్ష్యంతో నిర్మించిన డబుల్‌ బెడ్రూమ్‌ ఇళ్లు ఏళ్లుగా నిరుపయోగంగా పడిఉంటున్నాయి. సుల్తానాబాద్‌లో 2017–18లో రూ.6 కోట్ల వ్యయంతో డబుల్‌ బెడ్రూమ్‌ ఇళ్ల నిర్మాణం చేపట్టగా.. లబ్ధిదారులను గుర్తించి పంపిణీ చేసే క్రమంలో నిలిచిపోయాయి. ఇళ్లపై విద్యుత్‌ తీగలు ఉండడంతో కాంట్రాక్టర్‌ పనులు మధ్యలోనే వదిలిపెట్టి వెళ్లారు. కాల్వశ్రీరాంపూర్‌ మండలంలోని పాండవులగుట్ట సమీపంలో రూ.14 కోట్లతో 280 ఇళ్ల నిర్మాణాన్ని 2017–18లో ప్రారంభించారు. 2022 నాటికే పనులు పూర్తయినా డబుల్‌ బెడ్రూమ్‌ ఇళ్లను అర్హులైన లబ్ధిదారులకు ఇంకా అప్పగించలేదు. వసతులు లేక.. పంపిణీ నిలిచి.. ఇళ్ల నిర్మాణం పూర్తయినా.. అంతర్గత రోడ్లు, తాగునీరు, విద్యుత్‌, వీధిదీపాలు, మురుగునీటి కాలువలు వంటి వసతులు కల్పించలేదు. దీంతో లబ్ధిదారులకు ఇళ్లు కేటాయించినా నివాసం ఉండే పరిస్థితి లేకుండా పోయింది. ఖాళీగా ఉన్న భవనాలు క్రమంగా దెబ్బతింటుంటున్నాయి. అంతేకాదు.. రాత్రివేళ ఇళ్ల పరిసరాల్లో మందుబాబులు సంచరిస్తున్నారని స్థానికులు చెబుతున్నారు. ఇళ్లు అసాంఘిక కార్యకలాపాలకు అడ్డాలుగా మారుతున్నాయని ఆందోళన వ్యక్తం చేస్తున్నారు. రూ.కోట్లు వెచ్చించి నిర్మించిన డబుల్‌ బెడ్రూమ్‌ ఇళ్లు నిరుపయోగంగా ఉండడంతో ప్రజాధనం వృథా అవుతోందని లబ్ధిదారులు వాపోతున్నారు. సొంతిళ్ల కోసం నిరీక్షిస్తున్న పేదలు సుల్తానాబాద్‌, కాల్వశ్రీరాంపూర్‌లో నిరుపయోగంగా పడిఉన్న వైనం డబుల్‌ బెడ్రూమ్‌ ఇళ్ల సముదాయంలో వసతులు కూడా కరువే..

నేను నిరుపేదను. కుటుంబ సభ్యులందరూ పనిచేస్తేనే పూటగడిచేది. డబుల్‌ బెడ్రూమ్‌ ఇంటికోసం నాలుగేళ్ల క్రితం లక్కీడ్రాలో ఎంపిక చేసిండ్రు. ఇంకా ఇల్లు ఇయ్యలేదు. ప్రజాప్రభుత్వం ఆదుకుంటుందని భావిస్తున్న. – వాషిమ్‌, భర్త భాషమియా, గడిమహల్‌, సుల్తానాబాద్‌ ఉన్నతాధికారుల దృష్టికి తీసుకెళ్తా డబుల్‌ బెడ్రూమ్‌ ఇళ్ల పరిస్థితి పరిశీలించాక ఉన్నతాధికారుల దృష్టికి తీసుకు వెళ్తాం. వసతుల కల్పనతోపాటు మధ్యలో నిలిచిన ఇళ్ల నిర్మాణం పూర్యయ్యేలా చొరవ తీసుకుంటా. వారి ఆదేశాల మేరకు వ్యవహరిస్తాం. – పవన్‌కుమార్‌, పీడీ, హౌసింగ్‌

గోదావరిఖని: 2025– 26 ఆర్థిక సంవత్సరం ముగిసి దాదాపు ఆరు నెలలు గడిచినా లాభాలు, ఉద్యోగు ల వాటాపై సింగరేణి ఇంకా స్పష్టత ఇవ్వడంలేదు. గతేడాది సెప్టెంబర్‌ 22న లాభాలు ప్రకటిస్తూ కార్మికుల వాటా 34శాతం అని తేల్చింది. 2024 – 25లో రూ.6,394 కోట్ల లాభాలు.. గత ఆర్థిక సంవల్సరంలో సింగరేణి రూ.6,394 కో ట్ల నికర లాభం ఆర్జించింది. ఇందులో నుంచి కొత్త ప్రాజెక్టుల విస్తరణ కోసం రూ.4,034 కోట్లు కేటా యించి, మిగిలిన రూ.2,360 కోట్లపై 34 శాతం లెక్కన దాదాపు రూ.819.40కోట్లను కార్మికులు, ఉద్యోగులకు బోనస్‌గా ప్రకటించింది. దీంతో సు మారు 40వేల మంది రెగ్యులర్‌ కార్మికులకు ఒక్కొక్కరికి రూ.1,95లక్షల చొప్పున రూ.802.40కోట్లు అందగా, కాంట్రాక్ట్‌ కార్మికులకు రూ.5,500 చొప్పు న రూ.17కోట్లు చెల్లించారు. అయితే మొత్తం నికర లాభంపై వాటా చెల్లించకుండా విస్తరణ వ్యయాలను మినహాయించి మిగిలిన మొత్తంపై లెక్కించడంతో కార్మికుల వాటా తగ్గుతోందని కొన్నికార్మిక సంఘాలు అప్పట్లో అభ్యంతరం వ్యక్తం చేశాయి. ఈసారి లాభాల సంగతి ఏమిటి? గత ఆర్థిక సంవత్సరంలో సింగరేణి ఎంతలాభం సాధించింది? అందులో నుంచి ఎంతమొత్తాన్ని విస్తరణకు కేటాయించనుంది? కార్మికులకు ఎంత శాతం వాటా ఇవ్వనుంది? అనే ప్రశ్నలు కీలకంగా మారాయి. ఇప్పటికే కార్మిక సంఘాలు 40 శాతం లాభాల వాటా ఇ వ్వాలని డిమాండ్‌ చేస్తున్నాయి. జూన్‌ 2026లో లాభాల వాటాతోపాటు ఇతర డిమాండ్లపై గుర్తింపు యూనియన్‌ ఏఐటీయూసీ సమ్మె నోటీసు కూడా ఇచ్చింది. ముఖ్యమంత్రి ప్రకటించే ఆనవాయితీ..! సింగరేణి బోర్డు ఆఫ్‌ డైరెక్టర్ల సమావేశం ఈనెల 24న హైదరాబాద్‌లో జరిగింది. ఇందులో కీలక అంశాలపై నిర్ణయం తీసుకునే అవకాశం ఉన్నా.. ఎజెండాలో పొందుపర్చిన అంశాలను యాజమాన్యం ఇప్పటికీ వెల్లడించలేదు. తొలుత యాజమాన్యం లాభాలు ప్రకటించి, ఆ తర్వాత ప్రభుత్వం వద్దకు వెళ్తే.. ముఖ్యమంత్రి వాటా ప్రకటించడం ఆనవాయితీ. గతేడాది 34శాత వాటా చెల్లించిన నేపథ్యంలో ఈసారి 40శాతం కావాలని కార్మిక సంఘాలు డిమాండ్‌ చేస్తున్నాయి. రాష్ట్ర ప్రభుత్వం ఏవిధంగా స్పందిస్తో వేచిచూడాలి.ఐదేళ్లలో లాభాలు, కార్మికుల వాటా(రూ. కోట్లలో) ఏడాది లాభాలు వాటా చెల్లింపు తేదీ 2020–21 272.20 29% 79.06 11–10–2021 2021–22 1,227 30% 368.00 10–10–2022 2022–23 2,222 32% 711.00 22–10–2023 2023–24 2,388.50 33% 788.20 20–09–2024 2024–25 6,394 34% 819.40 22–09–2025 ప్రకటించని సింగరేణి యాజమాన్యం గతేడాది సెప్టెంబరు 22న చెల్లింపులు లాభాల వాటా కోసం కార్మికులు, ఉద్యోగుల ఎదురుచూపులు

పెద్దపల్లి శివారు రంగంపల్లిలో ఆరు ఎకరాలలో ఏడు రకాల కూరగాయలను సాగుచేసున్న. టమాట, వంకాయ, క్యాలిఫ్లవర్‌, బెండతోపాటు తీగజాతి రకాలైన కాకర, బీర, సొర పంట వేసిన. ప్రస్తుతం మార్కెట్‌లో కూరగాయలకు వంకాయ, సొర, టమాట, బెండకు ధర అంతంత మాత్రంగానే ఉంది. – పూదరి చంద్రశేఖర్‌, రంగంపల్లి రైతులకు ప్రోత్సాహం జిల్లాలో కూరగాయలు సాగు చేసేలా రైతులను అన్నివిధాలా ప్రోత్సహిస్తున్నాం. ప్రభుత్వం అందిస్తున్న రాయితీల గురించి వివరిస్తూ సద్వినియోగం చేసుకోవాలని చెబుతున్నాం. ప్రస్తుత ఎల్‌నినో పరిస్థితుల దృష్ట్యా తక్కువ నీటితో సాగయ్యే కూరగాయల సాగు మేలు. ఈదిశగా రైతులు పంటలు వేయాలి. – గడ్డం శ్యాంప్రసాద్‌, జిల్లా ఉద్యాన అధికారి

మంథనిరూరల్‌: వంటగ్యాస్‌(ఎల్‌పీజీ) వినియోగదారులకు ఊరట లభించింది. సిలిండర్‌ బుకింగ్‌ను 45రోజుల నుంచి 25రోజులకు కుదిస్తూ కేంద్ర ప్ర భుత్వం ఇటీవల ఉత్తర్వులు జారీచేయడంతో కస్టమర్లు హర్షం వ్యక్తం చేస్తున్నారు. జిల్లాలోని 14 ఏజె న్సీల్లో హెచ్‌పీ, భారత్‌, ఇండేన్‌ ఆయిల్‌ కంపెనీలకు చెందిన కనెక్షన్లు ఉన్నాయి. ఇందులో కమర్షియల్‌ 79,046, డొమెస్టిక్‌ కనెక్షన్లు 88,892 ఉన్నట్లు అధికారులు చెబుతున్నారు. పట్టణ పరిధిలో 21 రోజులు, గ్రామాల్లో 45 రోజులకోసారి గ్యాస్‌సిలిండర్‌ బుక్‌ చేసుకునేలా ఉన్న నిబంధనలను సవరిస్తూ తాజాగా ఉత్తర్వులు జారీఅయ్యాయి. సింగిల్‌ సిలిండర్‌తో ఇబ్బందులు జిల్లాలో అనేకమంది సింగిల్‌సిలిండర్‌ వినియోగదారులు ఉన్నారు. ఒక సిలిండర్‌ బుక్‌ చేశాక రెండు లేదా మూడు రోజుల్లోనే డెలివరీ అయ్యేది. అయితే 45 రోజుల కాలవ్యవధి ఉండటంతో ఒక్కోసారి సిలిండర్‌ నెలపది రోజులకే ఖాళీ అవడంతో ఇబ్బందులు తప్పలేదు. శుభకార్యాలు, వంటలు అధికంగా చేయాల్సి వస్తే మరో సిలిండర్‌ కోసం విని యోగదారులు నానాతంటాలు పడాల్సి వచ్చేది. పశ్చిమాసియా యుద్ధంతో.. కొద్దినెలల క్రితం పశ్చిమాసియా యుద్ధ వాతావరణంతో ఇంధన రవాణాకు అంతరాయం ఏర్పడిన విషయం తెలిసిందే. గ్యాస్‌ సరఫరా లేక సిలిండర్ల కోసం ఏజెన్సీల వద్ద కస్టమర్లు బారులు తీరారు. 25 రోజులకే బుక్‌ చేసుకోవచ్చు గతంలో గ్యాస్‌ బుకింగ్‌కు 45 రోజుల గడువు ఉండేది. ప్రభుత్వం తాజాగా 25 రోజులకే బుకింగ్‌ చేసుకునే అవకాశం కల్పించింది. మంథని ఏజెన్సీ పరిధిలో ప్రతీరోజు 250 వరకు సిలిండర్లు డెలివరీ చేస్తున్నాం. వినియోగదారులు ఈ అవకాశాన్ని సద్వినియోగం చేసుకోవాలి. – ఎల్లంకి వాసుదేవ్‌, మేనేజర్‌, సాయి కిషన్‌ ఎంటర్‌ ప్రైజెస్‌, మంథని 45 నుంచి 25 రోజులకు బుకింగ్‌ సమయం తగ్గింపు

పెద్దపల్లిరూరల్‌: కూరగాయలు పండించే రైతులకు ప్రభుత్వం ప్రోత్సాహం అందిస్తోంది. ప్రజలకు నిత్యం అవసరమయ్యే కూరగాయల సాగుతో రోజువారీ ఆదాయం సమకూరుతుంది. దిగుబడి, ధరను బట్టి బోలెడు లాభాలు వస్తున్నాయని అంటున్నారు. జిల్లాలో 833 ఎకరాల్లో వీటిని సాగుచేస్తుండగా.. అందులో 180 ఎకరాల్లో టమాట సాగవుతోంది. జిల్లాలోని సుల్తానాబాద్‌ మండలం సుగ్లాంపల్లి, పెద్దపల్లి శివారు రంగంపల్లితోపాటు హన్మంతునిపేట, చీకురాయి తదితర గ్రామాల్లో కూరగాయలు విస్తృతంగా సాగవుతున్నాయి. తీగజాతి పంటల వైపు.. తీగజాతి కూరగాయలు పండించేందుకు ముందుకొచ్చే రైతులకు ఎకరాకు రూ.4వేలను వెదురుతో పందిరి నిర్మాణం చేసేందుకు ప్రభుత్వం ఉద్యానవన శాఖ ద్వారా అందిస్తోంది. బీర, సొర, కాకర, దొండ లాంటి తీగజాతి పంటలు వేసే రైతులు ఈ అవకాశాన్ని సద్వినియోగం చేసుకోవాలని అధికారులు అవగాహన కల్పిస్తున్నారు. రాయితీలతో ప్రోత్సాహం కూరగాయల సాగువైపు రైతులు దృష్టి సారించేలా జిల్లా ఉద్యానవన శాఖ రాయితీలను అందించి ప్రోత్సహిస్తోంది. కూరగాయల తోటలో కలుపు పెరగకుండా మల్చింగ్‌షీట్లు వేసేందుకు హెక్టారుకు రూ.20వేలు రాయితీని అందిస్తున్నారు. అంతర కృషి కోసం మినీట్రాక్టర్లు, పవర్‌ స్ప్రేయర్‌ లాంటి యంత్రాలను 50శాతం రాయితీపై అందిస్తున్నారు. 102 ఎకరాలు.. 43 మంది రైతుల గుర్తింపు జిల్లాలోని ప్రభుత్వ పాఠశాలల్లో విద్యార్థులకు అల్పాహారం అందిస్తున్న హరేరామ.. హరేకృష్ణ ఫౌండేషన్‌ వారికి ప్రతీవారం 50 మెట్రిక్‌ టన్నుల నాణ్యమైన కూరగాయలను అందించేందుకు 43 ఎకరాల్లో సాగు చేస్తున్న 102 మంది కూరగాయల రైతులను ఎంపిక చేసినట్లు అధికారవర్గాలు తెలిపాయి. సేంద్రియ పద్ధతుల్లో సాగుచేసే రైతుల నుంచి నాణ్యమైన కూరగాయలను సేకరించాలని ఫౌండేషన్‌ నిర్ణయం తీసుకుంది. మల్చింగ్‌ షీట్‌, పందిర్ల కోసం రాయితీలు రైతులకు ప్రోత్సాహం అందిస్తున్న ప్రభుత్వం ఎల్‌నినో ప్రభావాన్ని అధిగమించేందుకు అధికారుల చర్యలు

పెద్దపల్లిరూరల్‌: జిల్లా రవాణశాఖ కార్యాలయం ఏళ్లుగా అద్దె భవనంలో కొనసాగుతోంది. ఇరుకుగదులతో అధికారులు, వాహనదారులకు ఇబ్బందులు తప్పడం లేదు. సొంత భవనం నిర్మించేందుకు నిధులు ఉన్నా స్థలం కరువైంది. అనువైన స్థలం కేటాయించాలని ఆర్టీఏ కార్యాలయ అధికారులు నిత్యం రెవెన్యూ అధికారులకు విన్నవిస్తున్నా ఇప్పటి వరకు ఫలితం కనిపించడం లేదు. 30 ఏళ్లుగా అద్దె భవనమే దిక్కు పెద్దపల్లిలో మోటార్‌వెహికల్‌ ఇన్‌స్పెక్టర్‌ కార్యాలయం సుమారు 30 ఏళ్ల క్రితమే అద్దెభవనంలో ఏర్పాటైంది. అప్పట్నుంచి వాహనదారులకు సేవ లు అందిస్తున్న రవాణ శాఖ అధికారులు.. ఇరుకు గదుల్లో విధులు నిర్వర్తించడం కష్టంగా ఉన్నా త ప్పడం లేదు. తెలంగాణ రాష్ట్రం ఏర్పడ్డాక 2016 అక్టోబర్‌ 11న పెద్దపల్లి జిల్లాగా ఆవిర్భవించింది. అప్పటివరకు ఎంవీఐ కార్యాలయంగా ఉన్న ఆఫీసు జిల్లా రవాణ శాఖ అధికారి కార్యాలయంగా మారింది. జిల్లా కార్యాలయం అందుబాటులోకి రావడంతో వాహనాల పనులన్నీ ఇక్కడి కార్యాలయంలోనే అందుబాటులోకి వచ్చాయి. దీంతో వాహనదారు లు కరీంనగర్‌ వరకు వెళ్లే బాధ తప్పింది. (ప్రస్తుతం ఆన్‌లైన్‌ సేవలు అందుబాటులోకి వస్తున్నాయి) జి ల్లాలోని భారీ వాహనాలు మొదలు బైక్‌లు, ఆటో లు, ట్రాక్టర్లు ఇలా అన్నిరకాల వాహనాలకు ఇక్కడే రిజిస్ట్రేషన్లు కొనసాగుతున్నాయి. చెట్ల నీడే దిక్కు వాహనాల రిజిస్ట్రేషన్‌, డ్రైవింగ్‌ లైసెన్స్‌ జారీ లాంటి పనుల కోసం వచ్చే వాహనదారులు పనులు పూర్తయ్యేవరకూ చెట్ల నీడనే ఆశ్రయించాల్సి వస్తోంది. రిజిస్ట్రేషన్ల కోసం వచ్చే వాహనాలతో ఆవరణ నిండి ఉంటోంది. నిబంధనలను పాటించని వాహనాలను సీజ్‌ చేసిన అధికారులు.. వాటిని భద్రపర్చేందుకు కూడా స్థలం కరువైంది. కొన్ని వాహనాలను ఫైర్‌స్టేషన్‌ ప్రాంతంలో నిలుపుతున్నారు. పెరిగిన ఉద్యోగుల సంఖ్య ఎంవీఐ కార్యాలయం నుంచి జిల్లా రవాణా శాఖాధికారి ఆఫీసుగా హోదా పెరగడంతో అందు కు తగ్గట్టుగా అధికారులు, సిబ్బంది సంఖ్య కూడా పెరిగింది. వారంతా ఇప్పుడు ఇరుకైన అద్దె గదుల్లో అవస్థలు పడుతూ పనులు చేయాల్సి వస్తోంది. ప్రత్యామ్నాయంగా ప్రస్తుతమున్న గదులు సరిపోక తాత్కాలికంగా షెడ్లు నిర్మించారు. స్థలం కేటాయిస్తేనే.. జిల్లా రవాణశాఖ అధికారి కార్యాలయానికి అవసరమైనంత స్థలాన్ని కేటాయిస్తేనే ఇబ్బందులు దూరమయ్యే అవకాశాలున్నాయి. కార్యాలయ భవనాలు, డ్రైవింగ్‌ టెస్టు కోసం స్థలం కూడా అవసరముంటుంది. విశాలమైన స్థలం అవసరం కావడంతో పెద్దపల్లి మండలం రాఘవాపూర్‌ గ్రామ శివారులోనే స్థలం అందుబాటులో ఉందని, అయితే ఆ స్థలం గుట్టకు సమీపంలో ఉండడంతో ఏర్పాటుకు విముఖత చూపి మరోప్రాంతంలో స్థలాన్వేషణ చేస్తున్నట్లు తెలుస్తోంది. ఉన్నతాధికారులు స్పందించి ఆర్టీఏ ఆఫీసుకు అవసరమైన, అనువైన స్థలాన్ని కేటాయించాల్సిన అవసరముందని వాహనదారులు విన్నవిస్తున్నారు. అద్దె భవనంలో తప్పని అవస్థలు సందర్శకులకు చెట్ల నీడే దిక్కు పక్కా భవన నిర్మాణానికి స్థలం కరువు జిల్లా రవాణా శాఖ కార్యాలయం తీరు

డాక్టర్‌ ఫ్యామిలీ వేములవాడ: వేములవాడకు చెందిన వైద్య దంపతులు నాగమల్ల శ్రీనివాస్‌, పద్మలత దంపతుల ఇద్దరు కూతుళ్లు తేజశ్రీ, ఉషశ్రీ వైద్యశాస్త్రం పూర్తి చేసుకుని ఒకే ఇంట్లో నలుగురూ డాక్టర్లుగా సేవలందిస్తున్నారు. ప్రోత్సాహం, ఉన్నత విద్యనందిస్తే ఆడపిల్లలు కుటుంబానికే కాకుండా దేశానికే గర్వకారణంగా మారతారని ఈ ‘డాక్టర్స్‌ ఫ్యామిలీ’ నిరూపిస్తోంది. ఇద్దరూ వైద్యవృత్తిలోనే.. కథలాపూర్‌(వేములవాడ): కథలాపూర్‌ మండలం భూషణరావుపేట గ్రామానికి చెందిన మామిడిపెల్లి శ్రీనివాస్‌రెడ్డి, లావణ్య దంపతులకు ఇద్దరు కూతుళ్లు, ఒక కుమారుడు. శ్రీనివాస్‌రెడ్డి ప్రభుత్వ ఉపాధ్యాయుడు, లావణ్య వ్యవసాయం చేస్తున్నారు. పెద్ద కూతురు వర్షిణి ఎంబీబీఎస్‌, డీఎన్‌బీ(పీడియాట్రిక్‌) పూర్తి చేసింది. చిన్న కూతురు అద్వైత ఎంబీబీఎస్‌ చదువుతోంది. ఇద్దరు కూతుళ్లు వైద్యవృత్తిలో ఉండటం సంతోషంగా ఉందంటున్నారు ఆ తల్లిదండ్రులు.

పెద్దపల్లి: ఇండియన్‌ రెడ్‌క్రాస్‌ సొసైటీ జిల్లా కార్యవర్గ ఎన్నికలు శనివారం నిర్వహించారు. ఎన్నికల అధికారి రాజశేఖర్‌ ఆధ్వర్యంలో ఫలితాలు ప్రకటించారు. జిల్లా చైర్మన్‌గా ఎర్రబాటి వెంకటేశ్వర్‌రావు, వైస్‌ చైర్మన్‌గా సాదుల వెంకటేశ్వర్లు, కోశాధికారిగా పంపాటి శ్రీకాంత్‌, మేనేజింగ్‌ కమిటీ సభ్యులుగా కావేటి రాజగోపాల్‌, ఉప్పు రాజ్‌కుమార్‌, గంట్ల రామచంద్రారెడ్డి, మహమ్మద్‌ అబ్దుల్‌ ముయీద్‌, మేడగోని వెంకటేశ్‌, అల్పూరి సంపత్‌రావు, వెల్పు ల రమేశ్‌, గొల్లా అంజన్‌ కుమార్‌, దూడం వెంకట సాంబమూర్తి ఎన్నికయ్యారు. వీరితో జిల్లా ఉపాధి కల్పనాధికారి రాజశేఖర్‌ పదవీ ప్రమాణ స్వీకారం చేయించారు. ప్రతినిధులు పాల్గొన్నారు. బ్యాంకు ఉద్యోగుల సమ్మెకు మద్దతు పెద్దపల్లి: బ్యాంకు ఉద్యోగులు, అధికారులు ఈనెల 28, 29, 30వ తేదీల్లో చేపట్టనున్న సమ్మెకు సీఐటీయూ మద్దతు ప్రకటించింది. సీఐటీయూ జిల్లా కార్యాలయంలో శనివారం ప్రచార పోస్టర్‌ ఆవిష్కరించారు. యూనియన్‌ జిల్లా కార్యదర్శి ఎరవెల్లి ముత్యంరావు మాట్లాడుతూ, ప్రభుత్వ రంగ బ్యాంకుల ప్రైవేటీకరణను నిలిపివేయాలన్నారు. వారానికి ఐదు రోజుల పనివిధానం అమలు చేయాలని డిమాండ్‌ చేశారు. 12వ వేతన ఒప్పందంలోని మిగిలిన డిమాండ్లను పరిష్కరించడంతోపాటు ప్రొడక్టివిటీ లింక్డ్‌ ఇన్సెంటివ్‌ పథకంలోని లోపాలను సరిచేయాలని కోరారు. కార్యక్రమంలో నాయకులు సిపిల్లి రవీందర్‌, పైడిపల్లి నాగయ్య, నరేశ్‌, ఎండీ ఖాజా, ఇరుగురాళ్ల లచ్చయ్య, ఎండీ ముస్తఫా, నగేశ్‌, శంకర్‌ తదితరులు పాల్గొన్నారు.

రామగిరి: గ్రామాలను సమగ్రంగా అభివృద్ధి చేసి, వసతులు కల్పించి, ప్రజలకు మెరుగైన జీవన సదుపాయాలు కల్పించడమే వికసిత్‌ గ్రామ పంచాయతీ ప్రణాళిక (వీజీపీపీ) లక్ష్య మని జెడ్పీ సీఈవో నరేందర్‌ అన్నారు. సెంటినరీకాలనీలోని మంథని జేఎన్టీయూలో వీబీజీపీపీపై శనివారం జిల్లాస్థాయి శిక్షణ, సమన్వ య సమావేశం నిర్వహించారు. గ్రామావసరాలను గుర్తించడం, ప్రాధాన్య పనులను ఎంపిక చేయడం, శాఖల వారీగా చేపట్టే పననులను అనుసంధానం చేయడం, అందుబాటులోని వనరులను సద్వినియోగం చేసుకోవడం, ప్రణాళిక అమలును పర్యవేక్షించడం వంటి అంశాలపై శిక్షణ ఇచ్చారు. డీఆర్డీవో కాళిందిని, ఆర్‌డబ్ల్యూఎస్‌ డీఈఈ శ్రీనివాస్‌, అదనపు డీఆర్డీవో మల్లేశ్‌, ఎంపీడీవోలు, ఎంపీవోలు, సర్పంచులు, ఏపీఎంలు, ఏపీవోలు, టీఏలు, పంచాయతీ కార్యదర్శులు పాల్గొన్నారు. కాంగ్రెస్‌ బలోపేతమే లక్ష్యం గోదావరిఖని: పార్టీ బలోపేతమే లక్ష్యమని రా మగుండం కాంగ్రెస్‌ కార్పొరేషన్‌ అధ్యక్షుడు ఎండీ ముస్తాఫా అన్నారు. కార్పొరేషన్‌ అధ్యక్షుడిగా నియామకమైన తర్వాత తొలిసారి శనివారం నగరంలో ఏర్పాటు చేసిన విలేకరుల సమావేశంలో మేయర్‌ మహంకాళి స్వామి, మాజీ అధ్యక్షుడు బొంతల రాజేశ్‌తో కలిసి మాట్లాడారు. కష్టపడి పనిచేసే ప్రతీకార్యకర్తకు అండగా ఉంటూ పార్టీని బలంగా తయారు చేయడానికి అందరినీ కలుపుకొని పనిచేస్తానని ముస్తాఫా అన్నారు. సంక్షేమ పథకాలను ప్రజల్లోకి తీసుకుపోతూ అర్ములకు ప్రయోజనాలు అందేలా పనిచేద్దామని అన్నారు. త్వరలోనే కొత్త కమిటీలు నియమిస్తామని ఆయన తెలిపారు. సమావేశంలో డిప్యూటీ మేయర్‌ పాత పెల్లి ఎల్లయ్య, నాయకులు తిప్పారపు శ్రీనివా స్‌, కార్పొరేటర్లు తదితరులు పాల్గొన్నారు. పుష్కరాల పనులు వేగవంతం చేయాలిపెద్దపల్లి: గోదావరి పుష్కరాల పనులను వేగవంతంగా పూర్తిచేయాలని కలెక్టర్‌ కోయ శ్రీహర్ష ఆదేశించారు. గోదావరి పుష్కరాల ఏర్పాట్లపై అదనపు కలెక్టర్‌ శ్రీరాములుతో కలిసి శనివారం కలెక్టరేట్‌లో సమీక్షించారు. రోడ్ల అభివృద్ధి, ఘాట్ల నిర్మాణం, ఓదెల మల్లికార్జునస్వామి ఆలయ అభివృద్ధి, భూసేకరణ, తాగునీరు, పారిశుధ్యం, విద్యుత్‌, పార్కింగ్‌ తదితర అంశాలపై అధికారులకు పలు సూచనలు చేశారు. ఓదెల మల్లికార్జునస్వామి ఆలయ పునర్నిర్మాణానికి ప్రభుత్వం రూ.10 కోట్లు మంజూరు చేసిందని, గడువులోగా పనులు పూర్తిచేయాలని తెలిపారు. మంథనిలో పుష్కర ఘాట్ల నిర్మాణానికి అవసరమైన భూసేకరణ ప్రక్రియను పూర్తి చేయాలని ఆదేశించారు. కార్యక్రమంలో మంథని ఆర్డీవో సురేశ్‌, మున్సిపల్‌ కమిషనర్‌ మనోహర్‌, ఇరిగేషన్‌, ఎండోమెంట్‌, ఆర్‌ అండ్‌ బీ తదితర శాఖల అధికారులు తదితరులు పాల్గొన్నారు. నేడు విద్యుత్‌ సరఫరాలో అంతరాయం పెద్దపల్లిరూరల్‌: పెద్దకల్వల, నిట్టూరు, నిమ్మనపల్లి గ్రామాలతో పాటు రంగంపల్లి– పెద్దపల్లిలోని పలు ప్రాంతాల్లో ఆదివారం విద్యుత్‌ సరఫరాలో అంతరాయం ఉంటుందని ఏఈ శ్రీనివాస్‌ తెలిపారు. ఉదయం 9గంటల నుంచి 11గంటల వరకు విద్యుత్‌ సరఫరా ఉండదని, వినియోగదారులు సహకరించాలని కోరారు. ఒకటిన మెగా జాబ్‌ మేళా పెద్దపల్లి: జిల్లా ఉపాధి కల్పన, తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌ (టాస్క్‌) రీజినల్‌ సెంటర్‌ ఆధ్వర్యంలో అక్టోబర్‌ ఒకో తేదీన జిల్లా కేంద్రంలో మెగా జాబ్‌ మేళా నిర్వహించనున్నట్లు అధికారులు తెలిపారు. స్థానిక బస్టాండ్‌ సమీపంలోని టాస్క్‌ సెంటర్‌లో ఉదయం 10 నుంచి మధ్యాహ్నం 2 గంటల వరకు ఇంటర్వ్యూలు నిర్వహిస్తారన్నారు. ఎల్‌ఎన్‌ గ్రూప్‌లో అసెంబ్లీ ఆపరేటర్లు, రేడియంట్‌లో రిలేషన్‌షిప్‌ మేనేజర్లు, ఐడీఎఫ్‌సీ ఫస్ట్‌ బ్యాంక్‌లో బ్యాంకింగ్‌ అసోసియేట్లు, డీ మార్ట్‌లో క్యాషియర్లు, ప్రమోటర్లు, నీమ్యాన్స్‌లో సేల్స్‌ ప్రమోటర్ల పోస్టులు ఖాళీగా ఉన్నాయన్నారు. డేటా అనలిస్ట్‌ కోర్సులో ఉచిత శిక్షణతోపాటు ప్లేస్‌మెంట్‌ సౌకర్యం కూడా అందుబాటులో ఉంటుందని అధికారులు వెల్లడించారు. అభ్యర్థులు పదో తరగతి, ఇంటర్‌, డిగ్రీ, పీజీ ఉత్తీర్ణులైనవారు అర్హులని పేర్కొన్నారు. ఉద్యోగాలకు ఎంపికై న వారికి నెలకు రూ.18 వేల నుంచి రూ.45 వేల వరకు వేతనం ఉంటుందని వివరించారు. ఆసక్తిగల అభ్యర్థులు తగిన ధ్రువీకరణపత్రాలతో హాజరు కావాలని వారు కోరారు.

పెద్దపల్లి: యోగా సాధనతో వృద్ధులు ఆరోగ్యంగా ఉంటారని సుల్తానాబాద్‌ మున్సిపల్‌ కమిషనర్‌ రమేశ్‌ అన్నారు. సుల్తానాబాద్‌లోని ప్రభుత్వ వయోవృద్ధుల ఆశ్రమంలో శనివారం యోగా డే నిర్వహించారు. వృద్ధుల పోషణ, సంరక్షణ, సంక్షేమంపై రూపొందించిన ఎల్డర్‌ గైడ్‌ పుస్తకాలు, అవగాహన పోస్టర్లను ఆయనకు అందజేశారు. వృద్ధుల సమస్యలు, అవసరాలు, సాయం కోసం హెల్ప్‌లైన్‌ 14567కు సమాచారం అందించాలని రమేశ్‌ సూచించారు. అనంతరం పోలీస్‌స్టేషన్‌లో వృద్ధుల హక్కులు, చట్టాలపై అవగాహన బోర్డులు, పోస్టర్లు అందజేశారు. జిల్లా సంక్షేమ శాఖ సూపరింటెండెంట్‌ రాజయ్య, ఎఫ్‌ఆర్‌వో స్వర్ణలత, క్యాడర్‌ స్కూల్‌ అధ్యక్షుడు సతీశ్‌, ఆశ్రమ సిబ్బంది పాల్గొన్నారు.

రామగుండం కమిషనరేట్‌లో సీపీ అంబర్‌ కిశోర్‌ ఝా..నివాళి అర్పిస్తున్న కలెక్టర్‌ కోయ హర్ష, అదనపు కలెక్టర్‌ శ్రీరాములుపెద్దపల్లి/గోదావరిఖని: వీరనారి చిట్యాల(చాకలి) ఐలమ్మ జయంతి శనివారం జిల్లావ్యాప్తంగా ఘనంగా నిర్వహించారు. కలెక్టరేట్‌లో కలెక్టర్‌ కోయ శ్రీహర్ష, అదనపు కలెక్టర్‌ శ్రీరాములు, రామగుండం పోలీస్‌ కమిషనరేట్‌లో సీపీ అంబర్‌ కిశోర్‌ ఝా తదదితరులు ఐలమ్మ చిత్రపటానికి పూలమాలలు వేసి ఘనంగా నివాళి అర్పించారు. పెత్తందారులు, భూస్వాములు, రజాకారుల దౌర్జన్యాలు, అరాచకాలను ధైర్యంతో ఎదిరించిన ఐలమ్మ నేటితరానికి స్ఫూర్తి అని ప్రముఖులు కొనియాడారు.

రామగుండం: శ్రీపాద ఎల్లంపల్లి ప్రాజెక్టులోకి మూడురోజులుగా ఇన్‌ఫ్లో కొనసాగుతోంది. దీంతో ప్రాజెక్టు పూర్తిస్థాయి నీటినిల్వతో జలకళ సంతరించుకుంది. నంది, గూడెం, వేంనూర్‌ తదితర పంపుహౌస్‌ల ద్వారా పలు జలాశయాలకు ఎల్లంపల్లి ప్రాజెక్టు నుంచి నీటిని ఎత్తిపోస్తున్నారు. 20.119 టీఎంసీల నిల్వ.. ప్రాజెక్టు పూర్తిస్థాయి నీటిమట్టం 148 మీటర్లు కాగా, నీటి నిల్వ సామర్థ్యం 20.175 టీఎంసీలు. ప్రస్తుతం(శనివారం) నీటిమట్టం 147.98 మీటర్లకు చేరుకోగా.. నిటినిల్వలు 20.119 టీఎంసీలకు చేరాయని అధికారులు వివరించారు. ఎగువన కురుస్తున్న వర్షాలతో ప్రాజెక్టులోకి 18,317 క్యూసెక్కుల ఇన్‌ఫ్లో వస్తుండగా, ఎన్టీపీసీకి 121 క్యూసెక్కులు, హైదరాబాద్‌ మెట్రో నగరాలకు 258 క్యూసెక్కులు, నంది పంపుహౌస్‌కు 11,563 క్యూసెక్కులను భారీ పంపులతో ఎత్తిపోస్తున్నారు. పెద్దపల్లి, రామగుండం మిషన్‌ భగీరథకు 58 క్యూసెక్కులు, మంచిర్యాల భగీరథకు 23 క్యూసెక్కులు వినియోగిస్తున్నారు. అయితే, ఈ ఏడాది ఆరంభం నుంచి ఈనెల 26వ తేదీన వరకు ప్రాజెక్టు క్రస్ట్‌ గేట్ల నుంచి దిగువ ఉన్న గోదావరిలోకి కేవలం 53.37 టీఎంసీలనే విడుదల చేశారు. ప్రస్తుతం ప్రాజెక్టులోకి భారీగా నీరువచ్చి చేరే సమయంలో ప్రాజెక్టు దిగువన గోదారి ఎడారిని తలపిస్తోంది. జలాశయాలకు ఎత్తిపోతలు

మెట్‌పల్లి: మెట్‌పల్లికి చెందిన వేముల శ్రీనివాస్‌ తన కుమార్తెలు శరణ్య, హర్షితను చిన్నప్పటి నుంచి చదువులో ప్రోత్సహిస్తూ వచ్చారు. వారు పీహెచ్‌డీలు పూర్తి చేసి ప్రభుత్వ గురుకుల డిగ్రీ కళాశాలల్లో లెక్చరర్లుగా ఉద్యోగాలు సాధించారు. శ్రీనివాస్‌ మెట్‌పల్లిలో హోమియోపతి వైద్యుడు. ఇద్దరు కూతుళ్లను ధర్మపురి సంస్కృత కళాశాలలో తెలుగు సాహిత్యంలో డిగ్రీ.. పీజీ నుంచి పీహెచ్‌డీ వరకు హైదరాబాద్‌లోని సెంట్రల్‌ యూనివర్సిటీలో చదివించారు. శరణ్య మొత్తం ఆరు గోల్డ్‌ మెడల్స్‌, హర్షిత మూడు గోల్డ్‌ మెడల్స్‌ సాధించారు. ఇద్దరూ ఒకే రోజున గవర్నర్‌ చేతులమీదుగా పీహెచ్‌డీ పట్టాలు అందుకున్నారు. 2019లో ఇద్దరు ప్రభుత్వ గురుకుల డిగ్రీ కళాశాలలో లెక్చరర్‌ ఉద్యోగాలకు ఎంపికయ్యారు.

వేములవాడ: వేములవాడకు చెందిన వైద్యులు అనిల్‌, దీప్తి దంపతులకు ఇద్దరు కూతుళ్లు అన్విక, దీథా. తల్లి మనసులోని కళాతృష్ణను చూసి పెరిగిన ఆ కూతుళ్లు తల్లిబాటలోనే పయనిస్తున్నారు. తల్లితో కలిసి డాన్స్‌ ప్రాక్టీస్‌ చేస్తూ ఆకట్టుకుంటున్నారు. వృత్తిని, కళను సమన్వయం చేసుకుంటూ కూతుళ్లకు చిన్నతనం నుంచే భారతీయ సంస్కృతి, కళలపై అనురాగాన్ని పెంచుతున్నారు. కూతురే.. కొడుకుగా పాలకుర్తి: పెద్దపల్లి జిల్లా పాలకుర్తి మండలం కన్నాల గ్రామ పంచాయతీ పరిధిలోని బోడగుట్టపల్లి గ్రామానికి చెందిన మల్క రామస్వామి, చంద్రకళ దంపతుల కూతురు శ్వేత 2014లో చల్మెడ మెడికల్‌ కళాశాలలో సీటు సాధించి ఎంబీబీఎస్‌ పూర్తి చేసింది. పీజీ పూర్తిచేసి సిద్దిపేటలోని ఓ ప్రైవేటు నర్సింగ్‌హోంలో గైనకాలజిస్టుగా పనిచేశారు. 15 రోజుల క్రితం మంచిర్యాల జిల్లా కేంద్రంలో భర్త బండారి తిరుపతితో కలిసి సొంత ఆస్పత్రి ప్రారంభించారు.తల్లిదండ్రులు మల్క రామస్వామి– చంద్రకళతో కూతురు శ్వేత

పెద్దపల్లిరూరల్‌: రాష్ట్ర ప్రభుత్వం విద్యారంగాన్ని బలోపేతం చేయడంపై దృష్టి సారించింది. సీఎం రేవంత్‌రెడ్డి నిర్వహిస్తున్న విద్యాశాఖ ద్వారా ప్రభు త్వ బడులను మరింత బలోపేతం చేసి విద్యార్థుల భవిష్యత్‌ను తీర్చిదిద్దేలా చర్యలు చేపడుతోంది. ఇందుకోసం సింగపూర్‌ దేశంలో పూర్వ ప్రాథమిక, ప్రా థమిక విద్య అమలు తీరుపై అధ్యయనం చేసేందు కు జిల్లా విద్యాధికారి శారదతోపాటు అకడమిక్‌ మానిటరింగ్‌ ఆఫీసర్‌ పీఎం షేక్‌, ధర్మారం మండలం రచ్చపల్లి ప్రైమరీ స్కూల్‌ ప్రధానోపాధ్యాయు డు వంశీమోహనాచార్యులు ఈనెల 12 నుంచి 19వ తేదీ వరకు పర్యటించారరు. ఎక్స్‌ప్లోర్‌ విజిట్‌లో భాగంగా నేషనల్‌ ఇనిస్టిట్యూట్‌ ఆఫ్‌ ఎడ్యుకేషన్‌ (ఎ న్‌ఐఈ) సందర్శించినట్టు అధికారులు తెలిపారు. బడ్జెట్‌లో 12శాతం నిధులు సింగపూర్‌లో విద్యారంగానికి బడ్జెట్‌లో 12శాతం నిధులు కేటాయిస్తున్నట్టు జిల్లా నుంచి వెళ్లిన విద్యాధికారుల అధ్యయనంలో వెల్లడైంది. ఒకటి నుంచి ఆరోతరగతి వరకు ప్రాథమిక విద్యను అందిస్తారు. ఆరో తరగతిలో ప్రైమరీ స్కూల్‌ లీవింగ్‌ ఎగ్జామ్‌ (పీఎస్‌ఎల్‌ఈ) నిర్వహిస్తారు. ఆ పరీక్షలో వచ్చిన మార్కుల ఆధారంగా జీ–3 అంటే.. టాపర్‌, జీ–2 అంటే సాధారణ, జీ–1 అంటే నెమ్మదిగా విద్యార్థుల నైపుణ్యం ఉన్నట్టు నిర్ధారిస్తారు. అలా వారికి ఉన్నత విద్యను అందిస్తున్నారు. స్కూళ్లలో బోధన మరింత పటిష్టతకు చర్యలు సింగపూర్‌లో విద్యారంగం అమలుపై అధ్యయనం ఈనెల 12నుంచి 19 వరకు సాగిన అధికారుల పర్యటన

పెద్దపల్లి: మహిళలను ఆర్థికంగా బలోపేతం చేయడ మే సీఎం రేవంత్‌రెడ్డి సర్కార్‌ లక్ష్యమని ప్రభుత్వ వి ప్‌ విజయరమణారావు అన్నారు. స్థానిక రంగంపల్లి ఆర్‌ఆర్‌ గార్డెన్స్‌లో శనివారం మహిళలకు ఇందిర మ్మ చీరలు పంపిణీ చేసి మాట్లాడారు. కోటి మంది మహిళలను కోటీశ్వరులను చేయడమే ప్రభుత్వ ల క్ష్యమన్నారు. రూ.5 కోట్లతో జిల్లా కేంద్రంలో ఇంది రా మహిళా శక్తి భవనం నిర్మించామని, త్వరలో అందుబాటులోకి వస్తుందని తెలిపారు. పెద్దపల్లి ని యోజకవర్గంలోని 367 మందికి రూ.1.65 కోట్ల వి లువైన సీఎం సహాయనిధి చెక్కులు పంపిణీ చేశా రు. 91 మందికి రూ.91.10 లక్షల విలువైన కల్యాణలక్ష్మి, షాదీముబారక్‌ చెక్కులు అందజేశారు. జిల్లా గ్రంధాలయ సంస్థ అధ్యక్షుడు అన్నయగౌడ్‌, మున్సి పల్‌ చైర్మన్‌ నూగిల్ల మల్లయ్య, కమిషనర్‌ వెంకటేశ్‌, సింగిల్‌విండో చైర్మన్లు నరేశ్‌, శ్రీగిరి శ్రీనివాస్‌, కల్లేపల్లి జానీ, చిలుక సతీశ్‌, భాస్కర్‌రెడ్డి, సర్పంచులు, ఉపసర్పంచులు, కాంగ్రెస్‌ నాయకులు, మహిళా సంఘాల ప్రతినిధులు తదితరులు పాల్గొన్నారు. ప్రభుత్వ విప్‌ విజయరమణారావు మహిళలకు ఇందిరమ్మ చీరలు పంపిణీ

రామగుండం: ‘ఉడాన్‌’ కింద రాబోయే పదేళ్లలో దేశవ్యాప్తంగా వంద విమానాశ్రయాలు నిర్మించనున్నట్లు విమానయానశాఖ మంత్రి రామ్మోహన్‌నాయుడు వెల్లడించిన విషయం తెలిసిందే. ప్రతీ ఎయిర్‌పోర్ట్‌ స్థాపనను పనులు ప్రారంభించిన 18 నెలల్లోనే అందుబాటులోకి తీసుకురావాలని నిర్ణయించారు. ఇందులో భాగంగా 21 రాష్ట్రాల్లో పరస్పర ఒప్పందం (ఎంవోయూ) కుదుర్చుకున్నారు. తెలంగాణలో ఆదిలాబాద్‌, కొత్తగూడెం, మామునూర్‌(వరంగల్‌) మాదిరిగానే అంతర్గాంలోనూ ఉడాన్‌లో భాగంగా గ్రీన్‌ఫీల్డ్‌ ఎయిర్‌పోర్టుల ఏర్పాటుకు శ్రీకారం చుట్టిన విషయం తెలిసిందే. అయితే, అంతర్గాం మినహా మిగతావాటి అభివృద్ధి పనులు ప్రారంభం కావడం, నిధులను కేటాయించడం, ప్రత్యేకాధికారుల నియామకం ప్రక్రియ పూర్తి కావడం పూర్తయ్యాయి. అయినా అంతర్గాం విషయంలో ముందడుగు పడలేదు. దీనిపై సర్వత్రా ఆసక్తి నెలకొంది. గతేడాది నవంబర్‌లో.. గతేడాది నవంబర్‌లో అంతర్గాం, బసంత్‌నగర్‌లో భూ సర్వే, ఇతరత్రా సాంకేతిక అంశాలపై ప్రీ ఫిజిబిలిటీ అధ్యయన నివేదిక తయారీకి రాష్ట్ర ప్రభుత్వం రూ.40.53 లక్షల ఫీజును ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ)కు అందజేసింది. డిసెంబర్‌ మొదటివారంలో ఏఏఐ ఉన్నతాధికారులు సాధ్యాసాధ్యాల ప్రాథమిక నివేదికను సిద్ధం చేసి ఏప్రిల్‌లో రాష్ట్ర ప్రభుత్వానికి అందజేసినట్లు తెలిసింది. తొలుత బసంత్‌నగర్‌ ఎయిర్‌స్ట్రిప్‌ను అభివృద్ధి చేయాలని నిర్ణయించినా భౌగోళికంగా, సాంకేతికంగా, ఆర్థికంగా అనుకూలం కాకపోవడంతో అంతర్గాంలోని 591.24 ఎకరాల ప్రభుత్వ భూమిని వినియోగించుకోవచ్చని సూచిస్తూ ప్రభుత్వానికి నివేదించింది. బహుళ అవసరాల వినియోగానికి నిర్ణయం? అంతర్గాంలో నిర్మించే ఎయిర్‌పోర్ట్‌లో డొమెస్టిక్‌ విమానాలతోపాటు ఇండియన్‌ ఎయిర్‌ ఫోర్స్‌ (ఐఏఎఫ్‌) రక్షణ అవసరాలకు ఉపయోగపడేలా మరో 400 ఎకరాలు సేకరించాలని నిర్ణయించినట్లు సమాచారం. ఫలితంగా ఎయిర్‌బస్‌ ఏ320 వాణిజ్య, ప్యాసింజర్‌ విమానాలు ల్యాండ్‌ కావడానికి వీలవుతుండడంతో రామగుండం, పెద్దపల్లి, మంచిర్యాల జిల్లాలతో పాటు పారిశ్రామిక ప్రాంతాలకు విమాన కనెక్టివిటీ భారీగా పెరగనుంది. అనుమతుల ప్రక్రియపైనే జాప్యం గ్రీన్‌ఫీల్డ్‌ ఎయిర్‌పోర్ట్‌ పాలసీ ప్రకారం.. అంతర్గాం ప్రాజెక్టుకు ముందడుగు పడాలంటే సైట్‌ క్లియరెన్స్‌, రక్షణశాఖ అనుమతి పొందాల్సి ఉంటుంది. తొలుత అంతర్గాంలో ఎయిర్‌పోర్ట్‌కే ప్రతిపాదించినా.. తర్వాత ద్వంద్వ అవసరాలకు ఉపయోగపడేలా ప్రాజెక్టు చేపట్టాలని నిర్ణయించినట్లు సమాచారం. రామగుండంలో పర్యావరణ క్లియరెన్స్‌లు రావడం కొంత జాప్యం జరిగే అవకాశం ఉంటుందని తెలిసింది. ఆరు నెలల క్రితమే ఫిజిబిలిటీ నివేదిక ప్రభుత్వ నిర్ణయంపైనే సర్వత్రా ఉత్కంఠ

పట్టాల అవతలి వైపు మా ఊరుంది. అత్యవసర పని పడుతుందనే ఉద్దేశంతో పట్టాలకు బయటే ద్విచక్ర వాహనం, ట్రాక్టర్లు నిలిపి ఉంచుతాం. – వొడ్నాల శ్రీశైలం, గ్రామస్తుడు, బద్రిపల్లి బ్రిడ్జి నిర్మించడం లేదు మాది బద్రిపల్లి. మా నాన్న తీవ్రంగా గాయపడి నేటికీ కోలుకోవడం లేదు. భూగర్భ వంతెన, హైలెవల్‌ రెయిలింగ్‌ వంతెన నిర్మించకపోవడం బాధాకరం. – అర్కుటి కొమురయ్య యాదవ్‌, సర్పంచ్‌, కుందనపల్లి హైలెవల్‌ వంతెన అవసరం దక్షిణ మధ్య రైల్వే జీఎం సంజయ్‌కుమార్‌ శ్రీవాస్తవను కలిశా. సత్వరమే వంతెన నిర్మించాలని డిమాండ్‌ చేశా. ఆయన సానుకూలంగా స్పందించారు. – గడ్డం వంశీకృష్ణ, ఎంపీ, పెద్దపల్లి

గోదావరిఖని: ఆలిండియా 55వ, మైన్స్‌ రెస్క్యూ పోటీలకు ఎంపికూన సభ్యులను యాజమాన్యం శుక్రవారం ప్రకటించింది. ఈనెల 23, 24వ తేదీల్లో ఇంటర్‌ ఏరియా రెస్క్యూ పోటీలు నిర్వహించగా, ప్రతిభ కనబర్చిన సభ్యులను ఆలిండియా రెస్క్యూ పోటీలకు ఎంపిక చేశారు. ఆలిండియా రెస్క్యూ పోటీల్లో సింగరేణి తరఫున రెండు పురుష, ఒక మహిళా జట్టు పాల్గొంటుండగా, ఒక్కో జట్టు నుంచి 8మంది సభ్యులుగా ఉంటారు. వీరంతా ఝార్షండ్‌లోని రాంచీలో జనవరిలో జరిగే ఆలిండియా రెస్క్యూ పాల్గొనున్నారు. సింగరేణి టీం – ఏ సభ్యులు.. పురుషుల టీం –ఏ జట్టు కెప్టెన్‌గా జీడీకే–2గనికి చెందిన సీనియర్‌ అండర్‌ మేనేజర్‌ బి.నితిన్‌కుమార్‌, ఏఎల్‌పీ గని ఎంజీటీ టి.శ్రీకాంత్‌, జీడీకే–11గని జేఎంఈడీ ఎ.శ్యాంకుమార్‌, ఆర్కే న్యూటెక్‌ సీనియర్‌ మైనింగ్‌ సర్దార్‌ బి.సాంబశివుడు, కాసిపేట–2గనికి చెందిన సీనియర్‌ మైనింగ్‌ సర్దార్‌ కె.రమేశ్‌, ఏఎల్‌పీ గనికి చెందిన సీనియర్‌ మైనింగ్‌ సర్దార్‌ బి.తిరుపతి, రామకృష్ణాపూర్‌ సీహెచ్‌పీకి చెందిన ఫోర్‌మెన్‌ ఎం.శ్రాణ్‌కుమార్‌, ఐందారం –1ఏ గనికి చెందిన జనరల్‌ అసిస్టెంట్‌ జి.సదాశివకుమార్‌ ఎంపికయ్యారు. పురుషులు టీం –బీ సభ్యులు వీరే కేటీకే–5గనికి చెందిన సీనియర్‌ అండర్‌ మేనేజర్‌ జి.ప్రమోద్‌కుమార్‌, పీవీకే–5గనికి డిప్యూటీ మేనేజర్‌ కె.శ్రావణ్‌కుమార్‌, ఏఎల్‌పీ గని జనరల్‌ అసిస్టెంట్‌ సీహెచ్‌ శ్రీవిఘ్నన్‌, ఏఎల్‌పీ గనికి చెందిన సీనియర్‌ మైనింగ్‌ సర్దార్‌ ఎస్‌కే ముదాసిర్‌అలీ, కేటీకే–5గని షార్ట్‌ఫైరర్‌ ఎస్‌.శ్రీనివాస్‌రెడ్డి, జీడీకే–1,3 గని సీనియర్‌ మైనింగ్‌ సర్దార్‌ బి.సాయివర్ధన్‌, పీకే ఓసీ జనరల్‌ అసిస్టెంట్‌ పి.జలపతి, ఆర్కే న్యూటెక్‌ షార్ట్‌ఫైరర్‌ జె.వెంకటేశ్‌ ఎంపికయ్యారు. అలాగే స్టాండ్‌ బైగా ఏఎల్‌గని కన్వేయర్‌ ఆపరేటర్‌ ఎ.శివకుమార్‌, వకీల్‌పల్లిగని జనరల్‌ అసిస్టెంట్‌ సీహెచ్‌ సతీశ్‌కుమార్‌, కేటీకే–1 గని షార్ట్‌ఫైరర్‌ ఎం.రాకేశ్‌ను ఎంపిక చేశారు. మహిళా జట్టు సభ్యులు వీరే.. పీవీసకే–5 గనికి చెందిన సీనియర్‌ అండర్‌మేనేజర్‌ వి.కృష్ణవేణి(కెప్టెన్‌), సీనియర్‌ అండర్‌ మేనేజర్‌ ఎ.మౌనిక, సీనియర్‌ అండర్‌ మేనేజర్‌ బి.చందనజవేరీ, ఆర్‌కే–7గని జెఎంఈటీ ఇ.సురక్ష, జేఎంఈటీ వి.సాయిఅక్షయ, వకీల్‌పల్లిగని సీనియర్‌ అండర్‌మేనేజర్‌ ఎన్‌.రక్షిత, ఆర్కే–7గని ఎం.లిఖిత, పీవీకే–5గని సీనియర్‌ అండర్‌మేనేజర్‌ సీహెచ్‌ గాయత్రి ఎంపిక కాగా స్టాండ్‌ బైగా వకీల్‌గనికి చెందిన సీనియర్‌ మైనింగ్‌ సర్దార్‌ ఎస్‌కే ఆషియాబేగం, సీనియర్‌ మైనింగ్‌ సర్దార్‌ బి.జీవన్మయి, ఆర్కే–7గని సీనియర్‌ మైనింగ్‌ సర్దార్‌ ఎం.సాయి ప్రత్యూష ఎంపికై నట్లు ప్రకటించారు. సింగరేణి నుంచి ఎంపికైన రెండు పురుష, ఒక మహిళా జట్లు

● కలెక్టర్‌ కోయ శ్రీహర్ష పెద్దపల్లి: వృద్ధుల సంక్షేమం, సంరక్షణ, హక్కులపై ప్రజలకు అవగాహన కల్పించాలని కలెక్టర్‌ కోయ శ్రీహర్ష సూచించారు. ‘ఎల్డర్‌ గైడ్‌’ అవగాహన పోస్టర్‌ను కలెక్టరేట్‌లో శుక్రవారం ఆయన ఆవిష్కరించి మాట్లాడారు. వృద్ధులను గౌరవించి అవసరాలు గుర్తించి సహాయ, సహకారాలు అందించడం అందరి సామాజిక బాధ్యతని ఆయన అన్నారు. భూసేకరణలో మోసపోవద్దు రామగుండం, ఎన్టీపీిసీ, సింగరేణి తదితర సంస్థలతోపాటు రాజాపూర్‌, జాతీయ రహదారులు, రైల్వే మార్గాల విస్తరణ కోసం చేపట్టే భూసేకరణలో దళారులను నమ్మి మోసపోవద్దని కలెక్టర్‌ శ్రీహర్ష నిర్వాసితులకు సూచించారు. భూసేకరణ పారదర్శకంగా కొనసాగుతోందని తెలిపారు. నిర్వాసితులకు న్యాయం జరుగుతుందని పేర్కొన్నారు. యువతకు ఉపాధి పారిశ్రామిక రంగాల్లో యువతకు మెరుగైన ఉపాధి, నైపుణ్య శిక్షణ ఇవ్వాలని కలెక్టర్‌ శ్రీహర్ష ఆదేశించారు. ఎంప్లాయ్‌మెంట్‌, ట్రైనింగ్‌, ఇండస్ట్రీ, ఎంగేజ్‌మెంట్‌ అంశాలపై వివిధ కంపెనీల ప్రతినిధులతో సమీక్షించి పలు సూచనలు చేశారు. అభ్యసన సామర్థ్యాలు సాధించాలి జిల్లాలోని ప్రభుత్వ పాఠశాలల్లో ఏఎక్స్‌ఎల్‌తో విద్యార్థుల్లో మెరుగైన అభ్యసన సామర్థ్యాలను సాధించాలని కలెక్టర్‌ శ్రీహర్ష సూచించారు. ఏఎక్సెల్‌ అమలుపై ప్రభుత్వ పాఠశాలల ప్రధానోపాధ్యాయులు, అధికారులతో సమీక్షించి పలు సూచనలు చేశారు. ఆయా కార్యక్రమాల్లో అధికారులు, ప్రతినిధులు పీఎం షేక్‌, రాజయ్య, కౌసల్య, స్వర్ణలత, జీవన్‌రాజు, సతీశ్‌, రాజశేఖర్‌, శ్యామ్‌, హరిహర్‌, వంశీ, అర్జున్‌ తదితరులు పాల్గొన్నారు.

రామగుండం: సింగరేణి గనుల నుంచి రామగుండం ద్వారా బొగ్గు తరలించేందుకు కుందనపల్లి అనుబంధ బద్రిపల్లి, 25వ డివిజన్‌లోని మల్యాలపల్లి నుంచి గూడ్సు కోసం రైల్వేలైన్‌ ఉంది. ప్రాణాలు వదిలిన అమ్మమ్మ.. గణపతి నిమజ్జనం సందర్భంగా చివరిసారి దర్శించుకునేందుకు ఇద్దరు మనువరాళ్లతో కలిసి అమ్మ మ్మ నాంసాని లక్ష్మి బద్రిపల్లిలోని మండపానికి రై ల్వేలైన్‌ దాటి వెళ్లింది. దర్శనం చేసుకొని తిరిగి వ స్తుండగా ఆగిఉన్న గూడ్సు కింద నుంచి మనుమరా ళ్లను ట్రాక్‌ దాటించింది. ఆ తర్వాత లక్ష్మి దాటుతుండగా గూడ్సు కదిలి చీరెకొంగు వ్యాగన్‌ కింద ఇనుప చువ్వకు తట్టుకుంది. లోపలికి లాగడంతో ఆమె ప ట్టాలపై పడిపోయింది. గూడ్సు ఆమైపె వెళ్లడమే కా కుండా రామగుండం రైల్వేయార్డు వరకూ సుమారు రెండు కి.మీ. వరకు ఈడ్చుకెళ్లింది. మాంసం ము ద్దలు అక్కడక్కడా పడడం గ్రామస్తులను కంటతడి పెట్టించింది. ఇరవై ఏళ్ల క్రితం భర్త అంజయ్య సై తం గూడ్సు కిందినుంచి వెళ్తుండగా కాలు తెగి ఇప్పుడు దుర్భర జీవితం గడుపుతున్నాడు. ఏటా గూడ్సుకు బలి గత పదేళ్లలో బద్రిపల్లి, మల్యాలపల్లిలకు చెందిన పదుల సంఖ్యలో ప్రజలు గూడ్సు ప్రమాద బాధిత కుటుంబాలున్నాయి. కుందనపల్లి సర్పంచ్‌ అర్కుటి కొమురయ్యయాదవ్‌ స్వగ్రామం బద్రిపల్లి. ఆయన తల్లి పదేళ్ల క్రితం గూడ్సు కింద నుంచి వస్తూ రైలు కదలడంతో వెంటనే పట్టాల మధ్య పడుకున్నాడు. ఈక్రమంలో తీవ్రగాయాలై ప్రాణాలతో బయటపడ్డాడు. కానీ, మానసికంగా మార్పు వచ్చి అనారోగ్యం బారిన పడినట్లు కుమారుడు కొమురయ్య తెలిపాడు. అదేవిధంగా దాసరి సురేందర్‌ మృతి, చింతల రాజయ్య కాలు తెగిపోవడం, మర్రి రాజలింగు తీవ్రగాయాలై మృతి చెందడం, చింతల శైలజ తృటిలో ప్రాణపాయం నుంచి బయటపడడం లాంటి ఘటనలు చోటుచేసుకున్నాయి. మల్యాలపల్లికి చెందిన ఈర్ల నారాయణ వాహనాన్ని పూజకు తీసుకెళ్తుండగా గూడ్సు ఢీకొని రెండు కాళ్లు తెగిపోయాయి. మరో ఘటనలో అంతటి పోశెట్టి తీవ్రగాయాల పాలయ్యాడు. ప్రత్యామ్నాయం.. దూరభారం బద్రిపల్లి – మల్యాలపల్లి మధ్య రైల్వేట్రాక్‌కు సమాంతరంగా సీసీ రోడ్డు నిర్మించారు. బద్రిపల్లి ట్రాక్‌పై గూడ్సు నిలిచి ఉంటే మల్యాలపల్లి వరకు వెళ్లి పట్టాలు దాటి మళ్లీ వెనక్కిరావాలి. ఇందు కోసం ఇరువైపులా కనీసం మూడు కి.మీ. అదనంగా ప్రయాణించాలి. అందూరం దూరం వెళ్లలేక రైలు అక్కడినుంచి వెళ్లేవరకూ గ్రామస్తులు నిరీక్షిస్తున్నారు. ఈ రెండు ప్రాంతాల్లో గేట్లు ఏర్పాటు చేయకుండా ఓ వ్యక్తిని కాపాలాగా ఉంచి రైళ్ల రాకపోకలపై ఫోన్‌ ద్వారా గ్రామస్తులు సమాచారం సేకరించి పట్టాలకు అడ్డుగా చైన్‌ కడుతున్నారు. 15రోజుల్లోనే తోటికోడళ్లు మృతి 15రోజుల క్రితం ఇందిరమ్మకాలనీ నుంచి బద్రిపల్లికి వస్తూ రోడ్డు దాటుతుండగా వాహనం ఢీకొని నాంసాని భూమమ్మ దుర్మరణం చెందింది. ఆమె తోటికోడలు నాంసాని లక్ష్మి గూడ్సు రైలు ప్రమాదంలో చనిపోవడం, 15రోజుల్లోనే తోటికోడళ్లు మృతి చెందడం కలకలం రేపింది. విస్తరిస్తున్న ట్రాక్‌లతో మరింత ప్రమాదం ఇప్పటికే అందుబాటులో మూడు రైల్వేలైన్లు మరోరైల్వేలైన్‌ నిర్మాణానికి అధికారుల సన్నాహాలు

● పెద్దపల్లి డీసీపీ రాంరెడ్డి సుల్తానాబాద్‌రూరల్‌: ఆధునిక సాంకేతిక జోడించి పక్కాగా సాక్ష్యాధారాలు కోర్టు ముందు ఉంచడంతో నే కాట్నపల్లిలోని రైస్‌మిల్లులో చిన్నారి(6)పై హ త్యాచారం చేసిన కేసులో నిందితుడికి జీవితాంతం(మరణించే వరకూ) జైలు పడిందని పెద్దపల్లి డీసీ పీ భూక్య రాంరెడ్డి తెలిపారు. స్థానిక పోలీస్‌స్టేషన్‌ లో శుక్రవారం ఏర్పాటు చేసిన మీడియా సమావే శంలో మాట్లాడారు. 2024 జూన్‌ 13న కాట్నపల్లిలో ని ఓ రైస్‌మిల్లులో పనిచేసే దంపతులు నిద్రిస్తుండ గా, తల్లి పక్కన నిద్రిస్తున్న చిన్నారిని బిహార్‌కు చెందిన వినోద్‌ మాజీ అపహరించి హత్యాచారం చేశాడ ని తెలిపారు. తల్లిదండ్రుల ఫిర్యాదు మేరకు ఏసీపీ కృష్ణ, సీఐ సుబ్బారెడ్డి, ఎస్సై శ్రవణ్‌ ఆధ్వర్యంలో పోలీసులు వేగంగా దర్యాప్తు చేసి నిందితుడిని అదుపులోకి తీసుకుని కోర్టులో హాజరుపరిచారని పేర్కొన్నారు. పోలీసులు సేకరించిన సాక్ష్యాధారాలను ప బ్లిక్‌ ప్రాసిక్యూటర్‌ డొంకన రవీందర్‌ కోర్టులో సమర్థవంతంగా ప్రవేశపెట్టారని, పరిశీలించిన జడ్జి.. నిందిడికి జీవితాంతం జైలు శిక్షతోపాటు రూ.28 వే ల జరిమానా విధించారని వివరించారు. బాధిత కు టుంబానికి జిల్లా లీగల్‌ సర్వీసెస్‌ అథారిటీ ద్వారా రూ.3 లక్షల పరిహారం అందించాలని ఆదేశించార ని పేర్కొన్నారు. కేసును సవాల్‌గా తీసుకొని నిందితుడికి శిక్ష పడేలా కృషి చేసిన చేసిన ఏసీపీ కృష్ణ, పబ్లిక్‌ ప్రాసిక్యూటర్‌ రవీందర్‌, కోర్టు కానిస్టేబుల్‌ శ్రీనివాస్‌ను డీసీపీ శాలువాతో సత్కరించారు.

వేములవాడరూరల్‌: వేములవాడ స్టేషన్‌ ఫైర్‌ ఆఫీసర్‌ నాగు అనిల్‌కుమార్‌ శుక్రవారం గుండెపోటుతో హైదరాబాద్‌లో మృతిచెందాడు. అనిల్‌కుమార్‌ స్వగ్రామం యాదాద్రిభువనగిరి జిల్లా రామన్నపేట మండలం తుమ్మలగూడెం. ప్రస్తుతం హైదరాబాద్‌లో నివసిస్తున్నారు. 2008 బ్యాచ్‌కు చెందిన అనిల్‌కుమార్‌ డ్రైవర్‌గా విధుల్లో చేరి స్టేషన్‌ ఫైర్‌ ఆఫీసర్‌గా ఎది గారు. గత రెండేళ్లుగా వేములవాడ అగ్నిమాపక అధికారిగా విధులు నిర్వహిస్తున్నారు. 27న ఉమ్మడి జిల్లా స్థాయి టేబుల్‌ టెన్నిస్‌ పోటీలు పెద్దపల్లి: కరీంనగర్‌ ఉమ్మడి జిల్లాస్థాయి టేబుల్‌ టెన్నిస్‌ ఎంపిక పోటీలు ఈనెల 27న సుల్తానాబాద్‌లో నిర్వహించనున్నట్లు ఎస్‌జీఎఫ్‌ జిల్లా కార్యదర్శి కనుకుంట్ల లక్ష్మణ్‌ తెలిపారు. ఎస్‌ఎన్‌ఆర్‌ స్పోర్ట్స్‌ అకాడమీలో అండర్‌–14, అండర్‌–17 బాలబాలికల పోటీలు జరుగుతాయన్నారు. కరీంనగర్‌ ఉమ్మడి జిల్లాలోని అర్హత గల క్రీడాకారులు హాజరు కావాలన్నారు. వివరాలకు 93965 40067, 99898 48858, 96183 36976 నంబర్లలో సంప్రదించాలని సూచించారు. తాగునీటి నాణ్యత తనిఖీ రామగుండం: మంచిర్యాల, బెల్లంపల్లితోపాటు రామగుండం రైల్వేస్టేషన్లలో శుక్రవారం తాగునీటి నాణ్యతను తనిఖీ చేసినట్లు దక్షిణ మధ్య రైల్వే ఉన్నతాధికారులు తెలిపారు. సెప్టెంబర్‌ 9 నుంచి 15వ తేదీలలో మధ్య ఇండియన్‌ రైల్వేస్‌ మెడికల్‌ మాన్యువల్‌లో నిర్దేశించిన ప్రమాణాలకు భూగర్భ జలాలు, పురపాలక నీటి సరఫరా, నిల్వనీరు, క్లోరినేషన్‌, పంపిణీ వ్యవస్థలపై సమీక్షించామన్నారు. ఈక్రమంలో రామగుండంలో 93, మంచిర్యాలలో 105, బెల్లంపల్లిలో 57 నమూనాలను సేకరించినట్లు పేర్కొన్నారు. శుక్రవారం రామగుండంలో నీటి నాణ్యత పరీక్షంచగా.. కరిగిన ఘన పదార్థాలు (టీడీఎస్‌), హైడ్రోజన్‌ పొటెన్షియల్‌ (పీహెచ్‌)స్థాయిలు పరిమితులకు లోబడి ఉన్నట్లు నిర్ధారించినట్లు ప్రకటించారు. పెట్రోల్‌లో నీళ్ల కల్తీతంగళ్లపల్లి(సిరిసిల్ల): రాజన్న సిరిసిల్ల జిల్లా తంగళ్లపల్లి మండలం పద్మనగర్‌లోని హెచ్‌పీ పెట్రోల్‌ బంకులో శుక్రవారం పెట్రోల్‌కు బదులు నీళ్లు పోశారని వాహనదారులు ఆగ్రహం వ్యక్తం చేశారు. బాధితుడు తెలిపిన వివరాలు. అఖిల్‌ అనే యువకుడు తన బైక్‌లో రూ.200 విలువైన పెట్రోల్‌ను పోయించుకున్నాడు. బంకు నుంచి బయలుదేరిన కొద్దిసేపటికే వాహనం ఆగిపోయింది. అనుమానం వచ్చిన వాహనదారుడు ట్యాంక్‌లోని ఇంధనాన్ని బాటిళ్లలోకి తీసి చూడగా అందులో సగానికి పైగా నీరు కలిసి ఉండటం కనిపించింది. వెంటనే అతడు బంకు వద్దకు చేరుకుని నిర్వాహకులను నిలదీశాడు. అక్కడికి చేరుకున్న ఇతర వినియోగదారులు కూడా బంకు యాజమాన్యం నిర్లక్ష్యంపై మండిపడ్డారు. కల్తీ పెట్రోల్‌ కారణంగా తమ వాహనాలు దెబ్బతింటున్నాయని, అధికారులు వెంటనే స్పందించి ఇలాంటి బంకులపై చర్యలు తీసుకోవాలని వాహనదారులు డిమాండ్‌ చేశారు.

పెద్దపల్లి: ధాన్యం కొనుగోలు కేంద్రాల్లో హమాలీల కొరత తలెత్తకుండా పటిష్ట చర్యలు తీసు కోవాలని అదనపు కలెక్టర్‌ శ్రీరాములు ఆదేశించారు. ధాన్యం కొనుగోళ్ల ఏర్పాట్లపై హమాలీ సంఘాల ప్రతినిధులు, లారీ ఓనర్లు, అధికారులతో కలెక్టరేట్‌లో శుక్రవారం సమీక్షించారు. రైస్‌మిల్లుల్లో హమాలీల సమస్య తలెత్తకుండా చర్యలు తీసుకోవాలన్నారు. కొరత ఉన్న ప్రాంతాల్లో బిహార్‌ కార్మికులను అందుబాటులో ఉంచుకోవాలని సూచించారు. అక్టోబర్‌ మొదటివారంలో కొనుగోలు కేంద్రాలు ప్రారంభిస్తామ ని, ఆలోగా ఏర్పాట్లు పూర్తిచేయాలని అన్నారు. జిల్లా పౌర సరఫరాల అధికారి శ్రీనాథ్‌, మేనేజ ర్‌ శ్రీకాంత్‌, డీసీవో శ్రీమాల పాల్గొన్నారు. అథ్లెటిక్స్‌ పోటీలకు ఎంపిక పెద్దపల్లిరూరల్‌: అప్పన్నపేట జెడ్పీ హైస్కూల్‌ విద్యార్థి రవితేజ రాష్ట్రస్థాయి అథ్లెటిక్స్‌ పోటీల కు ఎంపికయ్యాడు. షాట్‌పుట్‌లో బంగారు ప తకం సాధించి రాష్ట్రస్థాయి పోటీల్లో అర్హత పొందాడని పీఈటీ వేల్పుల సురేందర్‌ తెలిపారు. హనుమకొండలో శని, ఆదివారాల్లో జరిగే రాష్ట్రస్థాయి పోటీల్లో పాల్గొంటున్న విద్యార్థిని ఇన్‌చా ర్జి హెచ్‌ఎం అశోక్‌తోపాటు ఉపాధ్యాయులు, విద్యార్థులు తదితరులు అభినందించారు. విద్యుత్‌ సిబ్బందికి సన్మానం పెద్దపల్లి: విద్యుత్‌ బిల్లుల వసూలులో వందశా తం నమోదు చేసిన కనుకుల సిబ్బందిని ట్రా న్స్‌కో ఎస్‌ఈ గంగాధర్‌ శుక్రవారం సన్మానించారు. గృహ, వాణిజ్య విద్యుత్‌ బిల్లుల వసూ లు 100 శాతాన్ని గడువువుకు ఏడురోజులు ముందుగానే పూర్తిచేశారని ప్రశంసించారు. ఎ స్‌ఈతోపాటు డీఈ రాజబ్రహ్మచారి శాలువాల తో సిబ్బందిని సత్కరించారు. ఏఈ కిశోర్‌ అభినందించారు. సుల్తానాబాద్‌ ఏడీఈ రామస్వా మి, డీఈ(టెక్నికల్‌) తదితరులు పాల్గొన్నారు. నార్కోటిక్స్‌ డాగ్‌ టీమ్‌ తనిఖీలు జ్యోతినగర్‌: ఎన్టీపీసీ ఎఫ్‌సీఐ క్రాస్‌రోడ్డు పరిసరాల్లో రామగుండం పోలీస్‌ కమిషనరేట్‌కు చెందిన నార్కోటిక్స్‌ డాగ్‌ టీమ్‌ శుక్రవారం తనిఖీలు చేసింది. పాన్‌షాపులతో పాటు వివిధ ప్రాంతాల్లో గంజాయి, ఇతర మాదకద్రవ్యాలు విక్రయిస్తున్నారనే సమాచారంతో తనిఖీలు చేసినట్లు తెలిసింది. ఈమేరకు పాన్‌షాపులు, అనుమానాస్పద ప్రాంతాల్లో నార్కోటిక్స్‌ డాగ్‌ టీమ్‌ తనిఖీలు నిర్వహించింది. సింగపూర్‌ విద్యావిధానం భేష్‌ ధర్మారం: సింగపూ ర్‌ విద్యా వ్యవస్థ మంచిసందేశాన్నిస్తుందని, నాణ్యమై న విద్య పరీక్షల ఫలితాలపై ఆధారపడ కుండా ప్రతిభపై ఆధాపడి ఉంటుందని రచ్చపల్లి ప్రాథమిక పాఠశాల ప్రధానోపాధ్యాయుడు సముద్రాల వంశీమోహనాచార్యులు తెలిపా రు. ప్రభుత్వ విద్యా వ్యవస్థలో నూతన ఆవిష్కరణల కోసం సీఎం రేవంతరెడ్డి చేపట్టిన సింగపూర్‌ విజిట్‌లో వంశీమోహాచార్యులు పాల్గొన్నారు. అక్కడి విద్య భవిష్యత్‌ అవసరాలకు అ నుగుణంగా, మారుతున్న వ్యవస్థగా గుర్తింపు పొందిందన్నారు. పాఠ్యాంశ జ్ఞానంతోపాటు వ్యక్తిత్వ, వికాసం, సృజనాత్మకత, విమర్శనాత్మక ఆలోచన, సమస్య పరిష్కారం, డిజిటల్‌ సాక్షరత, సహకారం జీవితం నేర్చుకునే అలవాట్లకు ప్రాధాన్యత ఉంటుందని వివరించారు. 9 శాతం అధిక వర్షపాతం పెద్దపల్లి: జిల్లాలో సాధారణం కన్నా 9శాతం అ ధికంగా వర్షపాతం నమోదైనట్లు అధికారులు తెలిపారు. కొద్దిరోజులుగా కురుస్తున్న వర్షాల తో చెరువులు, కుంటలు, వాగులు జలకళ సంతరించుకున్నాయి. వ్యవసాయ రంగానికి ఎంతో ఊరటనిచ్చాయి. వరి, పత్తి, మొక్కజొన్న తదితర పంటలకు సమృద్ధిగా నీరు అందడంతో రైతుల్లో ఆనందం వ్యక్తమవుతోంది.

ఫెర్టిలైజర్‌సిటీ: రామగుండం కార్పొరేషన్‌లోని 21, 22, 23వ డివిజన్‌లలో అధికార పార్టీకి చెందిన కార్పొరేటర్ల మధ్య అంతర్గత విభేదాలు రచ్చకెక్కాయి. గతంలో రెండు డివిజన్లుగానే ఉన్న ఈ ప్రాంతాన్ని ఇటీవల మూడు డివిజన్లుగా విభజించారు. భౌగోళిక మార్పుల తర్వాత ముగ్గురు ప్రజాప్రతినిధుల మధ్య సఖ్యత లోపించి, నిత్యం ఆధిపత్య పోరు సాగుతోంది. కార్యక్రమం నిర్వహించినా వివాదాలు చోటుచేసుకుంటున్నాయి. ఒక డివిజన్‌కు చెందిన కార్పొరేటర్‌ భర్త, తనకు సంబంధం లేనిమరో డివిజన్‌ వ్యవహారాల్లో జోక్యం చేసుకుంటూ ఆధిపత్యం చెలాయించేందుకు యత్నిస్తున్నారనే ఆరోపణలు వ్యక్తమవుతున్నాయి. ఇది స్థానిక డివిజన్‌ కార్పొరేటర్‌ల స్వయంప్రతిపత్తిని దెబ్బతీయడమే కాకుండా వారి మనోభావాలను తీవ్రంగా గాయపరుస్తోంది. దిగజారుతున్న ప్రతిష్ట ఆధిపత్య పోరుతో కొద్దిరోజులుగా కార్పొరేటర్ల మధ్య తీవ్రమైన మాటల యుద్ధం నడుస్తోంది. ప్రొటోకాల్‌తో కూడిన అధికారిక కార్యక్రమాల్లో సైతం వీరు ఉత్సాహంగా పాల్గొనకపోగా, పరస్పరం ఆధిపత్యం ప్రదర్శించేందుకే ప్రాధాన్యమిస్తున్నారు. కార్పొరేటర్ల మధ్య నెలకొన్న ఘర్షణ వాతావరణంతో ప్రజాసమస్యలు , అభివృద్ధి మూలనపడే ప్రమాదం ఉందని స్థానికులు ఆవేదన వ్యక్తం చేస్తున్నారు. పార్టీకి నష్టం ఒకరి పరిధిలో మరొకరు జోక్యం చేసుకోవడమే సమస్య పునరావృతం కావడానికి ప్రధాన కారణమని చెబుతున్నారు. ప్రజాప్రతినిధుల స్వార్థ రాజకీయంతో తాము తీవ్రంగా నష్టపోతున్నామని డివిజన్‌ ప్రజలు ఆరోపిస్తున్నారు. ఈ ముగ్గురు కార్పొరేటర్ల అంతర్గత వివాదం పార్టీ ప్రతిష్టను దిగజారుస్తుండటంతో స్థానిక ఎమ్మెల్యే వెంటనే రంగంలోకి దిగాలని ప్రజలు డిమాండ్‌ చేస్తున్నారు. ఎమ్మెల్యే, మేయర్‌ చొరవ తీసుకుని ఈ మూడు డివిజన్‌ల కార్పొరేటర్ల భర్తల ఆధిపత్యానికి చెక్‌ పెట్టి, సమస్యను శాశ్వతంగా పరిష్కరించకపోతే రాబోయే రోజుల్లో ప్రజా నిరసన తప్పదని హెచ్చరిస్తున్నారు. అధికార పార్టీ కార్పొరేటర్ల భర్తల ఆధిపత్యపోరు ‘మూడు’ ముక్కలాటగా డివిజన్‌ల రాజకీయం!

● 20 ఎకరాల్లో బహుళ అంతస్తుల భవనాలు ● ఎమ్మెల్యే మక్కాన్‌సింగ్‌ రాజ్‌ఠాకూర్‌ ● గరంగరంగా బల్దియా సమావేశం కోల్‌సిటీ: నగరంలో సుమారు 20 ఎకరాల విస్తీర్ణంలో ఇందిరమ్మ టవర్లు నిర్మించేందుకు ప్రణాళిక సిద్ధం చేస్తున్నట్లు రామగుండం ఎమ్మెల్యే ఎంఎస్‌ రాజ్‌ఠాకూర్‌ తెలిపారు. హైదరాబాద్‌ తరహాలో బహుళ అంతస్తుల భవనాలు నిర్మిస్తామన్నారు. రామగుండం బల్దియాలో శుక్రవారం జరిగిన రెండోసాధారణ కౌన్సిల్‌ సమావేశం మేయర్‌ మహంకాళి స్వామి అధ్యతన జరగ్గా.. ఎమ్మెల్యే ఠాకూర్‌ హాజరై మాట్లాడారు. ఇందిరమ్మ పథకం ద్వారా ప్రభుత్వం నుంచి రూ.5 లక్షలు, రుణం కింద మరో రూ.5 లక్షలు ఇప్పిస్తామన్నారు. నగర అభివృద్ధికి బల్దియా ద్వారా రూ.600 కోట్లు, ప్రభుత్వ శాఖల ద్వారా మరో రూ.600 కోట్లు వెచ్చిస్తున్నట్లు ఆయన తెలిపారు. ప్రభుత్వ సంస్థలకు చెందిన సుమారు రూ.2 వేల కోట్ల సీఎస్సార్‌ నిధులు గత సర్కార్‌ నిర్లక్ష్యంతోనే ఇతర ప్రాంతాలకు తరలిపోయాయని ఆ రోపించారు. గత ప్రభుత్వం నిర్మించిన డబుల్‌ బె డ్రూమ్‌ ఇళ్లలో తాము రూ.40 కోట్లు వెచ్చించి అనేక సదుపాయాలు కల్పించి లబ్ధిదారులకు కేటాయించామని అన్నారు. జీవో 76 ద్వారా ప్రభుత్వ, ఖాళీ స్థలాల్లో నివాసం ఏర్పాటు చేసుకున్నవారికి ఇళ్ల పట్టాలు ఇప్పిస్తామని తెలిపారు. నగర పరిశుభ్రతో ప్రజలు భాగస్వాం కావాలని ఆయన కోరారు. 31 అంశాలు.. 30 ఆమోదం ఎజెండాలోని 31 అంశాల్లో నీటి చార్జీల పెంపు మి నహా 30 అంశాలకు కౌన్సిల్‌ ఆమోదం తెలిపింది. అయితే, తమ డివిజన్లలో అభివృద్ధి జరగడం లేదని బీఆర్‌ఎస్‌ కార్పొరేటర్లు తాళ్ల రాజయ్య, మేకల సమ్మయ్య యాదవ్‌, ఆకారపు రేఖా, సీపీఐ కార్పొరేటర్‌ మార్కపురి సూర్య ప్రస్తావించారు. మేయర్‌తోపాటు కాంగ్రెస్‌ కార్పొరేటర్లు ముస్తాఫా, నెలకంటి రాము, సాంబమూర్తి తదితరులు స్పందిస్తూ.. గతంతో పోలిస్తే తమ హయాంలోనే అధిక అభివృద్ధి జరిగిందన్నారు. రాజీవ్‌ రహదారిపై మూడు ప్రాంతాల్లో ఫుట్‌ఓవర్‌ బ్రిడ్జిలు నిర్మించేందుకు నిర్ణయించారు. పర్యాటకులను ఆకర్షించేలా సుందరీకరణ, ల్యాండ్‌స్కేపింగ్‌, గ్రాఫిటీ పనులు చేపట్టేందుకు ఆమోదం తెలిపారు. మేడిపల్లి సెంటర్‌ నుంచి పీకే రామయ్యకాలనీ బోర్డు వరకు సుమారు రూ.14.50 కోట్లతో వాతావరణ స్థితిస్థాపక నమూ నా రహదారి నిర్మించనున్నారు. పూర్తయిన 73 అ భివద్ధి పనులకు సుమారు రూ.1.89 కోట్ల బిల్లుల చెల్లింపులకు కౌన్సిల్‌ నుంచి అనుమతి లభించింది. అర్బన్‌ చాలెంజ్‌ ఫండ్‌తో అభివృద్ధి అర్బన్‌ చాలెంజ్‌ ఫండ్‌తో నగర రూపురేఖలు మారనున్నాయని మేయర్‌ మహంకాళి స్వామి తెలిపారు. రూ.120 కోట్లతో స్టార్మ్‌ వాటర్‌ డ్రెయిన్లు, రూ.25 కోట్లతో కమర్షియల్‌ కాంప్లెక్స్‌, రూ.30 కోట్లతో 7.5 మెగావాట్ల సోలార్‌ పవర్‌ ప్లాంట్‌, రూ.135 కోట్లతో వాటర్‌ ట్రీట్‌మెంట్‌ ప్లాంట్‌, రూ.152 కోట్లతో వేస్ట్‌ టు ఎనర్జీ ప్లాంట్‌, డంపింగ్‌ యార్డులో బయోమైనింగ్‌ ప్లాంట్‌ ఏర్పాటు చేయనున్నట్లు ఆయన వివరించారు. స్తంభాలు ఏర్పాటు చేసి విద్యుత్‌ తీగలు లాగకుండానే బిల్లులు తీసుకున్నారన్న ఆరోపణలపై విచారణ జరిపిస్తామని మేయర్‌ తెలిపారు. ఆర్‌ఎఫ్‌సీఎల్‌ ఆస్తులపై రూ.18 కోట్లు, ఎన్టీపీసీ క్వార్టర్ల నుంచి రూ.20 కోట్ల స్టాంప్‌ డ్యూటీ బల్దియా ఖాతాలో జమైనట్లు వెల్లడించారు. కాలుష్యంతో ఇబ్బందులు పడుతున్న వీర్లపల్లివాసుల కోసం ఇందిరమ్మ టవర్ల నిర్మాణానికి యత్నిస్తున్నట్లు మేయర్‌ తెలిపారు. సమావేశంలో డిప్యూ టీ మేయర్‌ పాతపెల్లి ఎల్లయ్య, కార్పొరేటర్లతోపా టు కమిషనర్‌ అరుణశ్రీ తదితరులు పాల్గొన్నారు.

● టిఫిన్‌ చేశాకే చదువు ● 40,052 మంది విద్యార్థులకు ప్రయోజనం ● మంథనిలో అత్యాధునిక సెంట్రలైజ్డ్‌ కిచెన్‌ పెద్దపల్లి: జిల్లాలోని ప్రభుత్వ పాఠశాలల్లోని విద్యా ర్థులకు ఉదయం అల్పాహారం అందిస్తున్నారు. ఆ హారం తీసుకోకుండా స్కూళ్లకు వచ్చేవారిలో నీరసం, ఏకాగ్రత లోపం వంటి సమస్యలు తలెత్తకుండా టిఫిన్‌ అందిస్తున్నారు. అల్పాహారం తీసుకున్నా ఉత్సాహంగా తరగతులకు హాజరవుతూ చదువుపై మరింత దృష్టి సారించే అవకాశం ఉంటుందని ఉ పాధ్యాయులు చెబుతున్నారు. ఉదయం అల్పాహారం, మధ్యాహ్నం భోజనం అందడంతో పేద, మ ధ్యతరగతి విద్యార్థులకు ఆహారభద్రత బలోపేతం అవుతుందని కూడా భావిస్తున్నారు. హాజరుశాతం కూడా పెరుగుతుందని వారు అంటున్నారు. 40,052 మందికి ప్రయోజనం మంథనిలో సెంట్రలైజ్డ్‌ కమ్యూనిటీ కిచెన్‌ను మంత్రి శ్రీధర్‌బాబు ప్రారంభించారు. ప్రభుత్వ విప్‌ విజయరమణారావు అల్పాహాం పథకం ప్రారంభించా రు. అయితే, మంథనిలోని కిచెన్‌ ద్వారా జిల్లాలోని 40,052 మంది పాఠశాలలు, జూనియర్‌ కళాశాలల విద్యార్థులకు అల్పాహారం అందిస్తారు. దీనిపరిధిలో 694 స్కూళ్లు, 17 కళాశాలలు ఉన్నాయి. కిచెన్‌లో ఆధునిక సదుపాయాలు మంథని అగ్రికల్చరల్‌ మార్కెట్‌యార్డులోని 8వేల చదరపు అడుగుల షెడ్డులో ఆధునిక సదుపాయాలతో కిచెన్‌ ఏర్పాటు చేశారు. మిల్క్‌ ప్రాసెసింగ్‌ యూనిట్‌, ఫుడ్‌ ల్యాబ్‌, ఆహార నాణ్యత–పరిశుభ్రత–భద్రతకు ఏర్పాట్లు చేశారు. గంటకు 5,400 ఇడ్లీ లు, 2,000 దోశలు, 3,000 పూరీలు తయారు చేసే ఆటోమేటిక్‌ యంత్రాలను సమకూర్చారు. 2 గంట ల్లో 5 వేల మందికి సరిపడా సాంబార్‌, కూరలు సి ద్ధం చేసే సామర్థ్యం దీనికి ఉంది. ఆటోమేటిక్‌ వెజిటబుల్‌ వాషింగ్‌, కటింగ్‌ యూనిట్లు, ఆర్వో వాటర్‌ ప్లాంట్‌, బాయిలర్‌, సెంట్రల్‌ గ్యాస్‌ బ్యాంక్‌, ఈటీ పీ, వ్యర్థాల నుంచి బయోగ్యాస్‌ తయారీ వ్యవస్థలనూ ఏర్పాటు చేశారు. వారానికి ఆరు రకాల మెనూ నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌ సూచనల మేరకు మెనూ రూపొందించారు. సోమవారం ఇడ్లీ –సాంబార్‌, మంగళవారం పూరి–ఆలూ కుర్మా, బు ధవారం దోశ–చట్నీ, గురువారం ఉప్మా–చట్నీ, శు క్రవారం మిల్లెట్‌ ఇడ్లీ–సాంబార్‌, శనివారం బొడా–చట్నీ అందించనున్నారు. కిచెన్‌ నిర్మాణానికి సింగరేణి సీఎస్‌ఆర్‌ నిధులు అందించింది. హరే రామ.. హరే కృష్ణ చారిటబుల్‌ నిర్వహిస్తోంది.

విద్యార్థులకు ఆహార భద్రత కల్పించే కార్యక్రమాలను ప్ర భుత్వం చేపట్టింది. పిల్లలు ఆకలితో పస్కూళ్లకు వెళ్లడంతో ఏకాగ్రత, విద్యలో పట్టు రావడంలేదు. నాణ్యమైన ఆహారంతో ఆరోగ్యం, విద్యా ప్రమాణాలు మెరుగుపడతాయి. – విజయరమణారావు, ప్రభుత్వ విప్‌ ఆకలి సమస్య ఉండొద్దు విద్యార్థులు ఆకలితో స్కూళ్ల కు రావొద్దని ప్రభుత్వం ఉదయం అల్పాహారం అందిస్తోంది. వారి ఆరోగ్యం, శారీరక ఎదుగుదలతోపాటు చదువుపై ఏకాగ్రత పెంచడమే ప్రభుత్వ లక్ష్యం. డ్రాప్‌ అవుట్‌ సంఖ్య కూడా తగ్గుతుంది. – కోయ శ్రీహర్ష, కలెక్టర్‌

కోల్‌సిటీ(రామగుండం): వైద్యుడు రోగాన్ని గుర్తిస్తే.. ఫార్మసిస్ట్‌ ఆ రోగికి అందే ఔషధం ఇస్తూనే .. ఏమంది.. ఎంత మోతాదులో వేసుకోవాలో అవగాహన కల్పిస్తారు. తెరవెనుక సేవలందించే ఫార్మసిస్టులను గుర్తుచేసుకునేందుకు ప్రతీ సంవత్సరం సెప్టెంబర్‌ 25న ‘ప్రపంచ ఫార్మాసిస్టుల దినోత్సవం’గా నిర్వహిస్తున్నారు. ఈ ఏడాది నినాదం ‘ఆరోగ్యకరమైన భవిష్యత్‌ కోసం ఫార్మసిస్ట్‌లను సాధికారత చేయడం’. ఔషధం.. సాధారణ వస్తువు కాదు ఔషధం సాధారణ వస్తువు కాదు. సరైన మందు సరైన వ్యక్తికి, సరైన మోతాదులో, సరైన విధంగా అందితేనే ఆశించిన ప్రయోజనం కలుగుతుంది. ఔషధాల నిల్వ, నాణ్యత, గడువు తేదీలు, మోతాదు, వినియోగం వంటి అంశాల్లో ఫార్మసిస్టుల అప్రమత్తత అవసరం. నాణ్యతపై రాజీ వద్దు కల్తీ, నకిలీ లేదా అనుమానాస్పద ఔషధాల నియంత్రణలోనూ ఫార్మసిస్టులు కీలక భాగస్వాములు. ఔషధాలను కొనుగోలు చేసేటప్పుడు తయారీదారు వివరాలు, సరఫరా సంస్థ, బిల్లులు, బ్యాచ్‌ నంబరు, తయారీ, గడువు తేదీలు వంటి అంశాలను పరిశీలించడం అవసరం. కేవలం అధిక డిస్కౌంట్‌ లేదా తక్కువ ధర ఆధారంగా ఔషధాలను ఎంపిక చేయకుండా వాటి నాణ్యత, చట్టబద్ధమైన సరఫరాకు ప్రాధాన్యం ఇవ్వాలి. మాత్రకు.. మాటకు మధ్య మారధి చాలామంది రోగులు వైద్యుడి సూచనతో మందులు తీసుకున్నా.. వాటి వినియోగంపై సందేహాలు వచ్చినప్పుడు ముందుగా ఫార్మసిస్ట్‌ను సంప్రదిస్తుంటారు. మందు ఎలా భద్రపరచాలి? భోజనానికి ముందు తీసుకోవాలా.. తర్వాతా? మోతాదు మరిచిపోతే ఏం చేయాలి? వంటి సాధారణ సందేహాలకు సరైన మార్గదర్శకత్వం ఇవ్వడం ద్వారా చికిత్సను సురక్షితంగా కొనసాగించేందుకు రోగులకు ఫార్మసిస్టులు వారిధిగా సహకరిస్తారు. ఉమ్మడి జిల్లాలో.. ఉమ్మడి కరీంనగర్‌ జిల్లాలో సుమారు 4వేలకు పైగా రిటైల్‌ మెడికల్‌ షాపులు ఉన్నాయి. మొత్తం సుమారు ఐదు వేల నుంచి ఆరు వేల వరకు ఫార్మాసిస్టులు సేవలందిస్తున్నారు. నిరంతరం డ్రగ్‌ ఇన్‌స్పెక్టర్ల తనిఖీలు ఉమ్మడి జిల్లాలో డ్రగ్‌ ఇన్స్‌స్పెక్టర్లు మెడికల్‌షాపుల లైసెన్స్‌, రెన్యువల్స్‌ జారీ చేయడంతోపాటు దుకాణాల తనిఖీలు, మందుల నాణ్యతను పరిశీలిస్తున్నారు. అనుమానం వచ్చిన మందులను ల్యాబోరేటరికి పరిశీలనకు పంపిస్తున్నారు. నాణ్యతలో లోపం ఉంటే సంబంధిత విక్రయదారుడు, తయారీదారులపై చర్యలు తీసుకోవడంతోపాటు కేసులు కూడా నమోదు చేస్తున్నారు. రోగి ఆరోగ్యానికి ఫార్మాసిస్టే భరోసా మందుల ఎంపిక నుంచి వినియోగం వరకు కీలకపాత్ర ఉమ్మడి జిల్లాలో 5 వేల మంది ఫార్మసిస్టులు నేడు వరల్డ్‌ ఫార్మసిస్ట్‌ డే

వేములవాడ: పట్టణంలోని ప్రభుత్వ జూనియర్‌ కళాశాల మైదానంలో ఈనెల 26 నుంచి 29 వరకు నిర్వహించతలపెట్టిన రాష్ట్రస్థాయి పురుషులు, మహిళల కబడ్డీ పోటీలు తాత్కాలికంగా వాయిదా వేసినట్లు రాష్ట్ర కబడ్డీ సంఘం ఉపాధ్యక్షుడు సంపత్‌రావు, జిల్లా అధ్యక్షుడు ముస్కు మల్లారెడ్డి తెలిపారు. భారీ వర్షాల నేపథ్యంలో కబడ్డీ పోటీలను రీషెడ్యూల్‌ చేసినట్లు ప్రకటించారు. అక్టోబర్‌ 1 నుంచి 4 వరకు ఇదే గ్రౌండ్‌లో యథావిధిగా నిర్వహిస్తామని వివరించారు. గ్రౌండ్‌ను కార్యదర్శి సింగారపు తిరుపతి, కబడ్డీ అడ్వయిజర్‌ నాగుల లక్ష్మీనారాయణ, జాయింట్‌ కార్యదర్శి సోమినేని బాలు పరిశీలించారు.

చెన్నకేశవనాథ ఆలయ చరి త్రను సోషల్‌ మీడియా ద్వారా తెలుసుకుని పర్యాటకులు ఆలయాన్ని సందర్శిస్తున్నారు. ముఖ్యంగా ఆలయ చరిత్రపై యూట్యూబ్‌ల ద్వారా వీడియోలు చిత్రీకరిస్తూ ప్రచారం కల్పిస్తున్నారు. ఎంతో గొప్ప చరిత్ర ఈ ఆలయానికి ఉంది. – ఏనుగు మల్లారెడ్డి, సింగిల్‌ విండో చైర్మన్‌ పర్యాటక శాఖ దృష్టి సారించాలి ఆలయ అభివృద్ధిపై దృష్టి సారిస్తే మరింత అభివృద్ధి చెందుతుంది. దేశంలోనే రెండో పంచముఖ లింగం ఇక్కడ ఉంది. ఎంతో గొప్పనైన చరిత్ర కాకతీయుల కళావైభవం ఈ ఆలయం సొంతం. ప్రభుత్వం నిధులు మంజూరు చేయాలి. – మచ్చ శ్రీధర్‌, ఉత్సవ కమిటీ చైర్మన్‌ భక్తులు పెరుగుతున్నారు చెన్నకేశవనాథ స్వామి ఆలయ చరిత్ర తెలుసుకుని రాష్ట్ర నలుమూలల నుంచి భక్తులు వస్తున్నారు. ప్రతి సోమవారం అభిషేకాలు చేస్తున్నాం. దర్శించుకుంటున్న వారిలో వీఐపీలు కూడా ఉన్నారు. వర్షం కురిస్తే ఉత్సవమూర్తులపై పడి పూజలకు ఇబ్బందిగా ఉంది. – సతీశ్‌ శర్మ, అర్చకులు

సిరిసిల్ల/కరీంనగర్‌స్పోర్ట్స్‌: పట్టుదలతో ఆడి బీసీసీఐ టోర్నమెంట్‌ వరకు చేరుకుంది జిల్లాకు చెందిన పన్యాల అక్షయరెడ్డి. రాజన్న సిరిసిల్ల జిల్లా తంగళ్లపల్లి మండలం రామన్నపల్లికి చెందిన బిల్డర్‌ పన్యాల తిరుపతిరెడ్డి కూతురు. కరీంనగర్‌లోని వీజేఆర్‌ క్రికెట్‌ గ్రౌండ్‌లో ప్రాక్టీస్‌ మొదలుపెట్టింది. బీసీసీఐ టోర్నమెంట్స్‌ కోసం ప్రకటించిన 15 మంది సభ్యుల హెచ్‌సీఏ అండర్‌–19 ఉమెన్‌ జట్టులో చోటు సంపాదించుకుంది. బ్యాటర్‌గా రాణిస్తూ.. కరీంనగర్‌లో నిర్వహించిన హెచ్‌సీఏ క్రికెట్‌ ట్రయల్స్‌లో తన అసాధారణ ప్రతిభతో సెలక్టర్ల దృష్టిని ఆకర్షించింది. హైదరాబాద్‌లో జరిగిన ప్రతిష్టాత్మక లీగ్‌ బరిలోకి దిగింది. హైదరాబాద్‌లో సూపర్‌ 20 జట్ల మధ్య జరిగిన మొదటి రౌండ్‌ పోటీలలో బ్యాటర్‌గా తనదైన ముద్ర వేసుకుంది. ప్రిలిమినరీ రౌండ్లలో బ్యాట్‌తో రాణించగా సూపర్‌ 8 లీగ్‌లో ఒక జట్టుకు కెప్టెన్‌గా అక్షయను నియమించారు. అనంతరం జరిగిన సూపర్‌ 4 లీగ్‌లోనూ జట్టుకు కెప్టెన్‌గా వ్యవహరించి తన ఆట తీరుతో ఆకట్టుకుంది. అద్భుతమై ఫామ్‌లో ఉమ్మ అక్షయను ఏకంగా 15 మంది సభ్యుల హెచ్‌సీఏ స్టేట్‌ స్క్వాడ్‌లో నిలబెట్టింది. జిల్లాలోని ప్రతీ యువ క్రికెటర్‌కు ఒక గొప్ప స్ఫూర్తి అని ఆమె ప్రగతిపై కేడీసీఏ అధ్యక్ష, కార్యదర్శులు ఆగంరావు, మనోహర్‌రావు, మహేందర్‌, మురళీధర్‌రావు అభినందించారు.

కోల్‌సిటీ: 6 నెలల విరామం తర్వాత రామగుండం నగరపాలక సంస్థ సాధారణ సమావేశం శుక్రవారం జరగనుంది. 26 అంశాలతో రూపొందించిన ఎజెండాను ఇప్పటికే మేయర్‌తోపాటు 59 మంది కార్పొరేటర్లకు అధికారులు పంపిణీ చేశారు. నగరంలో నెలకొన్న సమస్యలు, అధికారుల పనితీరు, కార్పొరేటర్లు, అధికారులకు మధ్య పెరిగిన సమన్వయ లోపం, వివిధ ప్రతిపాదనలపై సమావేశంలో వాడీవేడిగా చర్చ జరిగే అవకాశముందని తెలుస్తోంది. ఇటీవల పలువురు కార్పొరేటర్లు అధికారుల తీరుపై బహిరంగంగా నిరసన వ్యక్తం చేశారు. అధికార పార్టీకి చెందిన కార్పొరేటర్‌ సైతం కమిషనర్‌ చాంబర్‌లో బైఠాయించి ఆందోళన చేసిన విషయం తెలిసిందే. పలు డివిజన్లకు చెందిన ప్రజాప్రతినిధులు సామాజిక మాధ్యమాల వేదికగా అధికారులపై ఆరోపణలు చేశారు. ఈ నేపథ్యంలో కౌన్సిల్‌ సమావేశంపై ఆసక్తి నెలకొంది. ఎజెండాలో ముఖ్యాంశాలు ● 15వ ఆర్థిక సంఘం టైడ్‌ నిధులు, వాటర్‌ సప్లయ్‌ నిధులతో రూ.20లక్షల వ్యయంతో నీటి సరఫరా లీకేజీల నివారణ, బోర్‌వెల్‌ పరికరాల కొనుగోలుకు ప్రతిపాదన. ● వన మహోత్సవ కార్యక్రమానికి 15వ ఆర్థిక సంఘం అన్‌టైడ్‌, గ్రీన్‌ బడ్జెట్‌ నిధులు వినియోగించే అంశం. ● నగరంలో సుమారు 25వేల ఎల్‌ఈడీ లైట్ల ఏర్పాటు, 7 సంవత్సరాలపాటు నిర్వహణ బాధ్యతలను పవర్‌ ట్రేడింగ్‌ కార్పొరేషన్‌ ఆఫ్‌ ఇండియా లిమిటెడ్‌కు అప్పగించే ప్రతిపాదన. ఒక్కో ఎల్‌ఈడీకి నెలకు రూ.147 చొప్పున చెల్లించేలా సుమారు రూ.40లక్షల వ్యయానికి ప్రతిపాదించారు. ● గతంలో ఎల్‌ఈడీ నిర్వహణ బాధ్యతలు చేపట్టిన సంస్థ సిబ్బంది సకాలంలో మరమ్మతుకు రాకపోవడంతో స్థానిక సిబ్బందే పనులు చేయాల్సి వచ్చిందని పలువురు కార్పొరేటర్లు ఆరోపిస్తున్నారు. ఇదే పరిస్థితి మళ్లీ తలెత్తకుండా చర్యలు తీసుకోవాలని కోరే అవకాశముంది. ● కార్పొరేటర్లకు స్మార్ట్‌ ఫోన్లు, సిమ్‌ కార్డుల కోసం రూ.30లక్షల ప్రతిపాదన. ● సద్దుల బతుకమ్మ, దసరా పండుగల సందర్భంగా వివిధ డివిజన్లలో అద్దె ప్రాతిపదికన ఫ్లడ్‌లైట్ల ఏర్పాటుకు రూ.22లక్షలు. ● అర్బన్‌ చాలెంజ్‌ ఫండ్‌ కింద వివిధ అభివృద్ధి పనులకు సమగ్ర డీపీఆర్‌ రూపొందించేందుకు కన్సల్టెంట్‌ను నియమించి నిధులు మంజూరు చేసే అంశం. ● 7.50 మెగావాట్ల సామర్థ్యంతో సౌర విద్యుత్‌ కేంద్రాల ఏర్పాటుకు కౌన్సిల్‌ తీర్మానం. ● వివిధ ప్రాంతాల్లో కొత్త బోర్‌వెల్‌ల ఏర్పాటుకు రూ.20లక్షలు. ● నగరపాలక సంస్థ కార్యాలయ ఆధునికీకరణకు రూ.20లక్షలు. ● పలు డివిజన్లలో కమ్యూనిటీ టాయిలెట్ల నిర్మాణానికి రూ.60లక్షలు. ● ఇంటింటి నల్లా కనెక్షన్‌ రుసుమును నెలకు రూ.100 నుంచి రూ.150కి పెంచే ప్రతిపాదన. ● ఇంటింటి చెత్త సేకరణకు పెంచిన చార్జీలను అమలు చేసేందుకు రుసుములు నిర్ణయించే అంశం. ● వివిధ ప్రాంతాల్లో ఇంకుడు గుంతల ఏర్పాటుకు రూ.40లక్షల నిధుల వినియోగం. అధికారులను నిలదీస్తారా? ఇటీవల అధికారుల వ్యవహార శైలిపై కార్పొరేటర్లలో అసంతృప్తి వ్యక్తమైన నేపథ్యంలో కౌన్సిల్‌ సమావేశంలో దీనిపై చర్చ జరిగే అవకాశముంది. అధికారుల వివరణలకు సభ్యులు సంతృప్తి చెందుతారా? ఇటీవల ఇద్దరు కార్పొరేటర్లకు కలెక్టర్‌ షోకాజ్‌ నోటీసులు జారీ చేసిన అంశం ప్రస్తావనకు వస్తుందా? అనే చర్చ జరుగుతోంది. ఎజెండాలోని అంశాలపై పలువురు కార్పొరేటర్లు ఇప్పటికే కసరత్తు చేస్తున్నట్లు సమాచారం. హాజరుకానున్న ఎమ్మెల్యే సమావేశానికి ఎమ్మెల్యే మక్కాన్‌సింగ్‌ రాజ్‌ఠాకూర్‌ హాజరు కానున్నట్లు తెలిసింది. కార్పొరేటర్లు సమస్యలను ప్రస్తావిస్తారా? ఎజెండా అంశాలపై ప్రశ్నల వర్షం కురిపిస్తారా? లేక ప్రతిపాదనలకు ఆమోదం తెలిపి సమావేశాన్ని ముగిస్తారా? అనేది ఆసక్తిగా మారింది.

పెద్దపల్లి: సుల్తానాబాద్‌ ప్రభుత్వాసుపత్రి పరిధిలోని షట్టర్ల కిరాయిల వ్యవహారం మరోసారి చర్చనీయాంశంగా మారింది. ఏళ్లుగా నామమాత్రపు కిరాయిలతో కొనసాగుతున్న షట్టర్లకు ప్రభుత్వం నిర్ణయించిన కొత్త అద్దెకు అనుగుణంగా వ్యవహరించాలని జిల్లా కలెక్టర్‌ నోటీసులు జారీ చేశారు. ప్రభుత్వ నిర్ణయాన్ని అంగీకరించని పక్షంలో పెద్దపల్లి ప్రభుత్వ జూనియర్‌ కళాశాలలో అనుసరించిన విధంగా బహిరంగ వేలం నిర్వహించేందుకు అధికారులు సిద్ధమవుతున్నారు. ఆస్పత్రి పరిధిలో మొత్తం 21 షట్టర్లు ఉండగా ప్రస్తుతం ఒక్కో దానికి నెలకు రూ.4,677 మాత్రమే కిరాయి వస్తున్నట్లు అధికారులు చెబుతున్నారు. కాగా, స్థానిక బహిరంగ మార్కెట్‌లో ఒక్క షట్టర్‌కు నెలకు రూ.10 వేల నుంచి రూ.12 వేల వరకు అద్దె ఉన్నట్లు సమాచారం. దీంతో ప్రభుత్వ ఆస్తులను ప్రైవేట్‌ వ్యక్తులకు తక్కువ అద్దెకు కట్టబెట్టడం వల్ల ప్రభుత్వం గణనీయమైన ఆదాయం కోల్పోతున్న పరిస్థితి నెలకొంది. 21 షట్టర్లకు నోటీసులు ఈ నెల 1న సుల్తానాబాద్‌ ప్రభుత్వాసుపత్రి పరిధిలోని 21 షట్టర్ల వ్యాపారులకు నోటీసులు జారీ చేసినట్లు ఆస్పత్రి సూపరింటెండెంట్‌ తెలిపారు. ప్రభుత్వం నిర్ణయించిన కిరాయి ప్రకారం కొనసాగేందుకు వ్యాపారులు అంగీకరించాలి. లేకుంటే బహిరంగ వేలం ద్వారా కొత్తగా కిరాయికి ఇచ్చే ప్రక్రియ చేపట్టనున్నట్లు నోటీసుల్లో పేర్కొన్నారు. మార్కెట్‌ కిరాయి రూ.12 వేలు బహిరంగ మార్కెట్‌లో ఒక్క షట్టర్‌కు నెలకు రూ.10 వేలకుపైగా, కొన్ని ప్రాంతాల్లో రూ.12 వేల వరకు కిరాయి పలుకుతున్నట్లు సమాచారం. 21 షట్టర్లను మార్కెట్‌ ధరలకు అనుగుణంగా కిరాయికి ఇస్తే ప్రభుత్వానికి ప్రస్తుతం వస్తున్న మొత్తంతో పోలిస్తే గణనీయంగా అదనపు ఆదాయం సమకూరే అవకాశం ఉంది. పలు పార్టీల నాయకులే బినామీలు అధికార కాంగ్రెస్‌ పార్టీతో పాటు బీఆర్‌ఎస్‌, పలు వ్యాపార సంస్థ యజమానులకు ఎస్సీ, ఎస్టీ, బీసీ కోటాలో షట్టర్లను ఇప్పించుకున్నారు. అన్ని వర్గాలవారు ఉండడంతో రేట్లు పెంచేందుకు సుముఖంగా లేకపోవడంతో కలెక్టర్‌ వీటిపై ప్రత్యేక ఫోకస్‌ పెట్టారు. కలెక్టర్‌పై షట్టర్‌ యజమాన్యం ఒత్తిడి తెచ్చినా వెనుకడుగు వేయడం లేదు. షట్టర్ల అమ్మకాలపై కలెక్టర్‌ సీరియస్‌ సుల్తానాబాద్‌ ప్రభుత్వ ఆసుపత్రి ప్రాంగణంలోని షట్టర్ల అమ్మకాలు, కొనుగోళ్ల వ్యవహారం చర్చనీయాంశంగా మారింది. ఒక్కో షట్టర్‌ను రూ.8 లక్షల నుంచి రూ.10 లక్షల వరకు విక్రయించినట్లు సమాచారం. అయితే ప్రభుత్వం ఓపెన్‌ టెండర్‌ ద్వారా షట్టర్లను కేటాయించాలని నిర్ణయించడంతో, గతంలో కొనుగోలు చేసిన వారు విక్రయించినవారిని సంప్రదిస్తున్నా.. తమకు సంబంధం లేదన్నట్లుగా వ్యవహరిస్తున్నట్లు తెలుస్తోంది. ఈ వ్యవహారంపై అధికారులు ఇప్పటికే సంబంధిత షట్టర్‌ యజమానులకు నోటీసులు జారీ చేశారు. అయితే ఇప్పటివరకు పలువురు నోటీసులకు సమాధానం ఇవ్వకపోవడంతో కలెక్టర్‌ ఈ అంశంపై సీరియస్‌గా ఉన్నట్లు సమాచారం. నోటీసులకు స్పందించకుండా ముందుకు రాకుంటే షట్టర్లను సీజ్‌ చేసి, అనంతరం నిర్వహించే ఓపెన్‌ టెండర్‌లో కై వసం చేసుకున్న వారికి అప్పగించే అవకాశం ఉందని అధికారులు చెబుతున్నారు. దీంతో షట్టర్ల వ్యవహారం ఎలాంటి మలుపు తిరుగుతుందోనని వ్యాపారవర్గాల్లో ఆసక్తి నెలకొంది. ఆదాయానికి గండి ఎంత?ప్రస్తుతం ఒక్కో షట్టర్‌కు సుమారు రూ.4,677 చొప్పున 21 షట్టర్ల నుంచి నెలకు రూ.98 వేలకుపైగా ఆదాయం వస్తుంది. అదే రూ.12 వేల చొప్పున మార్కెట్‌ కిరాయిగా లభిస్తే నెలకు రూ.2.52 లక్షలు వస్తాయి. అంటే సుమారు రూ.1.54 లక్షల మేర నెలకు అదనపు ఆదాయం వచ్చే అవకాశం ఉంటుంది. ఏడాది లెక్కన ఈ తేడా రూ.18.5 లక్షలకు పైగా ఉంటుంది. దీంతో ప్రభుత్వాసుపత్రి షట్టర్ల కిరాయిలను మార్కెట్‌ ధరలకు అనుగుణంగా పునఃసమీక్షించాల్సిన అవసరం ఉందనే అభిప్రాయం వ్యక్తమవుతోంది. నోటీసులు జారీ చేశాం కలెక్టర్‌ ఆదేశాల మేరకు షటర్‌ యాజమాన్యాలకు నోటీసులు అందజేశాం. బహిరంగ మార్కెట్‌కు షటర్ల కిరాయికి భారీగా తేడా ఉంది. ప్రభుత్వ ఆదాయానికి గండి పడుతుందని ఆలోచనతో కలెక్టర్‌ నిర్ణయం తీసుకున్నారు. – డాక్టర్‌ రమాదేవి, ఆస్పత్రి సూపరింటెండెంట్‌, సుల్తానాబాద్‌

కాకతీయుల కళావైభవం.. రాయికల్‌: కాకతీయుల కళావైభవానికి ప్రత్యక్ష సాక్ష్యంగా నిలుస్తోంది రాయికల్‌ పట్టణంలోని చెన్నకేశవనాథ ఆలయం. ఇక్కడ దేశంలోనే రెండో పంచముఖ లింగం కొలువై ఉంది. ఎంతోచరిత్ర కలిగిన ఈ ఆలయంలో ఈనెల 27న ప్రపంచ పర్యాటక దినోత్సవం సందర్భంగా వేడుకలు నిర్వహించేందుకు అధికార యంత్రాంగం సన్నాహాలు చేస్తోంది. జగిత్యాల జిల్లా కేంద్రం నుంచి 25 కిలోమీటర్ల దూరంలో ఉంది. కాశీలో మాత్రమే ఉన్న పంచముఖ లింగం ఈ ఆలయంలోనూ ఉంది. ఇక్కడి శిలాశాసనాలు, అవశేషాలు, దేవనాగరి లిపితో లభించిన శాసనాలతో రావికంటి (నేడు రాయికల్‌) చరిత్ర వెలుగుచూసింది. ప్రభాకర్‌రావుపేట, గోవిందురాజుపేట, ఒద్దులాపురం, పద్మపురం, నందిపేట, రాయికంటి (రాయికల్‌), కొండాపూర్‌ గ్రామాలు కలిపి రావికంటిగా ఏర్పడినట్లు చరిత్రకారులు చెబుతుంటారు. ఇది ఆలయ చరిత్ర జైన మతం అభిమానులైన వేములవాడ చాళుక్యులు 700 ఏళ్ల క్రితం ఇక్కడ ఈ ఆలయాన్ని నిర్మించినట్లు తెలుస్తోంది. ఆర్యవైశ్య సామాజిక వర్గానికి చెందిన లకుమాదేవి బిడ్డకు పాలు ఇస్తుండగా.. ఆమె మామ ఇంట్లోకి రావడాన్ని గ్రహించలేదని, లేవకుండా కనీసం గౌరవం ఇవ్వలేదని ఆమె మామ ఆగ్రహించాడని, ఆ అవమానాన్ని తట్టుకోలేని లకుమాదేవి తన తల్లిదండ్రుల వద్దకు వెళ్లి చెరువు, ఆలయం నిర్మించినట్లు ప్రచారంలో ఉంది. నేటికీ లకుమాదేవి చెరువు కింద 1500 ఎకరాల భూమి సాగులో ఉండడం గమనార్హం. ఆలయంలో నమస్కరిస్తున్న భంగిమలో చెక్కిన ఓ సీ్త్రమూర్తి విగ్రహం ఉండడంతో అది లకుమాదేవిదే అయి ఉండవచ్చునని భావిస్తున్నారు. అభివృద్ధికి ఆమడ దూరం చెన్నకేశవనాథ ఆలయానికి ఎంతో చరిత్ర ఉన్నా.. అభివృద్ధికి ఆమడ దూరంలో ఉంది. సోషల్‌ మీడియాలో వచ్చిన కథనాల ఆధారంగా రెండేళ్ల నుంచి ఆలయానికి భక్తుల సంఖ్య పెరుగుతోంది. వర్షం కురిస్తే ఉత్సవవిగ్రహాలపై నీరు పడుతోందని అర్చకులు ఆవేదన వ్యక్తం చేస్తున్నారు. ఆలయం చుట్టూ ప్రహరీ లేకపోవడంతో పాములు, తేళ్లు సంచరిస్తున్నాయని భక్తులు చెబుతున్నారు. 27న పర్యాటక దినోత్సవం ఈనెల 27న ప్రపంచ పర్యాటక దినోత్సవం సందర్భంగా జగిత్యాల కలెక్టర్‌ సత్యప్రసాద్‌ చొరవతో చెన్నకేశవనాథ ఆలయంలో వేడుకలు నిర్వహించేందుకు సన్నాహాలు చేస్తున్నారు. అన్ని మండలాల నుంచి విద్యార్థులను తీసుకొచ్చి ఆలయ విశిష్ఠతను వివరించడంతోపాటు, సాంస్కృతిక కార్యక్రమాలు చేపట్టనున్నారు. దేశంలోనే రెండో పంచముఖ లింగం అపురూప ఆలయానికి ఆదరణ కరువు ఈనెల 27న ఆలయంలో పర్యాటక దినోత్సవం

గోదావరిఖని: సింగరేణి రెస్క్యూపోటీల్లో ఓవరాల్‌ చాంపియన్‌గా ఆర్జీ–2,3, ఏపీఏ జట్టు నిలిచింది. పోటీల్లో ఓవరాల్‌ ఫస్ట్‌ ఉమెన్‌ జట్టుగా స్మార్ట్‌ ఏ జట్టు నిలిచింది. మెటల్‌ టీంలో ఓవరాల్‌ ఫస్ట్‌గా యూరేనియం కార్పొరేషన్‌ జట్టు, ఓవరాల్‌ రెండో స్థానంలో ఆర్జీ–1, ఓవరాల్‌ మూడో స్థానంలో శ్రీరాంపూర్‌ జట్టు నిలిచాయి. బెస్ట్‌ ఉమెన్‌ కెప్టెన్‌గా మౌనిక, బెస్ట్‌ మెటల్‌ కెప్టెన్‌గా భాస్కర్‌, ఫస్ట్‌ బెస్ట్‌ కెప్టెన్‌గా జి.ప్రమోద్‌కుమార్‌ ఎంపికయ్యారు. రెండో ఫస్ట్‌ కెప్టెన్‌గా సాంబ నిలిచారు. వీటితో బెస్ట్‌ స్టాట్యుటరీ, థియరీ, ఫస్ట్‌ఎయిడ్‌, రెస్యూ అండ్‌ రికవరీ, బెస్ట్‌ మెంబర్లను ప్రకటించారు. విజేతలకు డిప్యూటీ డైరెక్టర్‌ మైన్స్‌ సేఫ్టీ టీఆర్‌ కన్నన్‌, సింగరేణి డైరెక్టర్‌ వెంకటేశ్వర్లు బహుమతులు అందజేశారు. పోటీల ముగింపు సందర్భంగా నిర్వహించిన చిన్నారుల నృత్యాలు ఆకట్టుకున్నాయి. మంథని జేఎన్‌టీయూ కళాశాల విద్యార్థులతో పాటు పలు పాఠశాలలకు చెందిన విద్యార్థులు పాల్గొన్నారు. గని కార్మికుల భద్రతకు పెద్దపీట వేయాలి గని కార్మికుల భద్రతకు పెద్దపీట వేయాలని డి ప్యూటీ డైరెక్టర్‌ మైన్స్‌ సేఫ్టీ టీఆర్‌ కన్నన్‌ అన్నారు. గురువారం ఆర్జీ–2 ఏరియాలో నిర్వహించిన రె స్క్యూ పోటీల ముగింపు కార్యక్రమానికి ముఖ్య అ తిధిగా విచ్చేసి మాట్లాడారు. గతంలో పలు దేశాల్లో జరిగిన గని ప్రమాదాలే దేశంలోని గనుల రెగ్యులేషన్స్‌ రూపొందించేలా చేశాయన్నారు. డిపార్ట్‌మెంట్‌, కార్పొరేషన్‌, బోర్డు సాధించిన ఏ విజయమైనా గని కార్మికుల (మైనర్స్‌) భద్రత కంటే గొప్పదేదీ కా దన్నారు. డైరెక్టర్‌ వెంకటేశ్వర్లు మాట్లాడుతూ రాష్ట్రంలో ప్రకృతి విపత్తు సంభవించిన సమయంలో సింగరేణి రెస్క్యూ ముందంజలో ఉండి ప్రజలకు భరోసా ఇస్తోందని అన్నారు. సింగరేణిలో పనిచేసే ప్రతీ ఉద్యోగి రెస్క్యూ పర్సన్‌గా తయారు కావాలన్నారు. రెస్క్యూ జీఎం శ్రీనివాస్‌రెడ్డి, ఆర్జీ–2 జీఎం లక్ష్మిపతిగౌడ్‌, ఆర్జీవన్‌ జీఎం లలిత్‌కుమార్‌, అన్ని ఏరియాల జీఎంలు, అధికారులు పాల్గొన్నారు.

పెద్దపల్లి/సుల్తానాబాద్‌రూరల్‌: హత్యకు గురైన తాండ్ర అక్షితరాణి కుటుంబానికి రాష్ట్ర ప్రభుత్వం అండగా ఉంటుందని సంక్షేమశాఖ మంత్రి అడ్లూరి లక్ష్మణ్‌కుమార్‌ అన్నారు. గురువారం ప్రభుత్వ విప్‌ ఎమ్మెల్యే చింతకుంట విజయరమణారావు, కలెక్టర్‌ కోయ శ్రీహర్ష, రామగుండం సీపీ అంబర్‌కిషోర్‌ ఝా, ఎమ్మెల్యే మక్కాన్‌సింగ్‌రాజ్‌ ఠాకూర్‌తో కలిసి సుల్తానాబాద్‌ మండలం రేగడిమద్దికుంటలో అక్షితరాణి తల్లిదండ్రులను పరామర్శించారు. అనంతరం మంత్రి మాట్లాడుతూ, ఘటనపై ప్రత్యేక దర్యాప్తు చేపట్టి బాధ్యులను గుర్తించి చట్టప్రకారం కఠిన శిక్ష పడేలా చర్యలు తీసుకుంటామని పేర్కొన్నారు. ప్రభుత్వం తరఫున బాధిత కుటుంబానికి రూ.4.12 లక్షల పరిహారం అందజేస్తున్నామని, కేంద్ర ప్రభుత్వం ద్వారా మరో రూ.4.12 లక్షలు అందేలా చర్యలు తీసుకుంటామని హామీ ఇచ్చారు. తాను ఈ ప్రాంతంలో పుట్టి పెరిగిన వ్యక్తిగా బాధిత కుటుంబానికి న్యాయం జరిగేలా అన్ని విధాలుగా అండగా ఉంటానన్నారు. రాష్ట్రంలో ఇలాంటి ఘటనలు పునరావృతం కాకుండా ప్రభుత్వం కఠిన చర్యలు తీసుకుంటుందని స్పష్టం చేశారు. ఇంటి నిర్మాణ బాధ్యత నాదే హత్యకు గురైన అక్షితరాణి కుటుంబానికి మంజూరయ్యే ఇందిరమ్మ ఇంటిని పూర్తి చేయించే బాధ్యత తనదేనని విప్‌ విజయరమణారావు తెలిపారు. బాధిత కుటుంబానికి ఎలాంటి ఆర్థికభారం లేకుండా ఇంటిని పూర్తి చేయిస్తానన్నారు. కుటుంబంలో ఒకరికి కాంట్రాక్ట్‌ లేదా ఔట్‌సోర్సింగ్‌ ఉద్యోగం కల్పించేలా చర్యలు తీసుకుంటామని హామీ ఇచ్చారు. అక్షితరాణి హత్య నిందితులపై ప్రభుత్వం కఠిన చర్యలు తీసుకుంటోందన్నారు. వేధింపులకు పాల్పడితే కఠిన చర్యలు రాష్ట్రంలో మహిళలపై వేధింపులకు పాల్పడేవారిపై కఠిన చర్యలు తీసుకునేందుకు సీఎం రేవంత్‌రెడ్డి ఇప్పటికే ఆదేశాలు జారీ చేశారని రామగుండం ఎమ్మెల్యే మక్కాన్‌సింగ్‌ అన్నారు. అక్షితరాణి కుటుంబానికి ప్రభుత్వం అన్ని విధాలా అండగా ఉంటుందని తెలిపారు. ఆర్డీవో గంగయ్య, తహసీల్దార్‌ బషీరోద్దీన్‌, మాజీ మంత్రి మోత్కుపల్లి నరసింహులు, జిల్లా గ్రంథాలయ చైర్మన్‌ అన్నయ్యగౌడ్‌, మార్కెట్‌ చైర్మన్లు మినుపాల ప్రకాష్‌రావు, ఆకుల నర్సయ్య, విండో చైర్మన్లు భాస్కర్‌రెడ్డి, చిలుక సతీశ్‌, కల్లేపల్లి జాని, పడాల అజయ్‌గౌడ్‌, సారయ్యగౌడ్‌, డీసీపీ రాంరెడ్డి, ఏసీపీ కృష్ణ, సీఐ రంజిత్‌రావు, ఎస్సై చంద్రకుమార్‌ తదితరులు పాల్గొన్నారు.

ఎల్లారెడ్డిపేట(సిరిసిల్ల): లక్ష్యానికి శ్రమ తోడైతే ఏదైనా సాధించవచ్చని నమ్మిన బాలుడు తన ప్రయాణంలో ఉత్తమ స్థానానికి చేరుకున్నాడు. క్రికెట్‌పై ఉన్న ఇష్టం.. లక్ష్యాన్ని చేరుకోవాలన్న తపనతో గంటల కొద్దీ చేసిన ప్రాక్టీస్‌ ఫలితానిచ్చింది. మనది కాని దేశం.. కొత్త మనుషుల మధ్య ప్రాక్టీస్‌నే నమ్ముకొని అండర్‌–14 సీబీఎస్‌ఈ నేషనల్‌ టీమ్‌ వరకు చేరుకున్నాడు. 14 ఏళ్ల వయసులోనే క్రికెట్‌లో చిచ్చరపిడుగులా రాణిస్తున్నాడు. ఒమన్‌ అండర్‌–14 సీబీఎస్‌ఈ క్రికెట్‌ టీమ్‌కు ప్రవాసీ తెలంగాణ కుటుంబానికి చెందిన బాలుడు కొండేటి పార్థు ఎంపికయ్యాడు. అక్టోబర్‌ 24 నుంచి 31వ తేదీ వరకు ఇండియాలో జరిగే టోర్నమెంట్‌లో ఒమన్‌ దేశం తరఫున ప్రాతినిధ్యం వహించనున్నాడు. ఈ టోర్నీకి ఒమన్‌ నుంచి ఇండియాకు అక్టోబర్‌ 22న చేరుకోనున్నారు. ఈ టోర్నమెంట్‌లో ఇండియాలోని 8 జోన్ల నుంచి 8 జట్లు పాల్గొంటుండగా.. జీసీసీ(గల్ఫ్‌ కోఆపరేషన్‌ కౌన్సిల్‌) నుంచి కూడా కొన్ని జట్లు పాల్గొంటున్నాయి. కొండేటి పార్థు ఒమన్‌ అండర్‌–14 సీబీఎస్‌ఈ క్రికెట్‌ టీమ్‌ తరఫున ఆడనున్నారు. తమిళనాడు రాష్ట్రం మధురై పోటీలు జరుగనున్నాయి. నారాయణపూర్‌ నుంచి ఒమన్‌కు.. రాజన్నసిరిసిల్ల జిల్లా ఎల్లారెడ్డిపేట మండలం నారాయణపూర్‌కు చెందిన కొండేటి దేవేందర్‌–సంజన దంపతుల పెద్ద కుమారుడు కొండేటి పార్థు. 2022 నుంచి దేవేందర్‌ కుటుంబంతో సహా ఒమన్‌ దేశంలో ఉంటున్నారు. అక్కడి వాడికబీర్‌ ప్రాంతంలో నివసిస్తున్నారు. పార్థు ఇండియన్‌ స్కూల్‌ ఆఫ్‌ వాడికబీర్‌లో 7వ తరగతి చదువుతున్నాడు. 3వ తరగతి నుంచి క్రికెట్‌ ప్రాక్టీస్‌ ప్రారంభించాడు. తొలుత ఇండియన్‌ స్కూల్‌ ఆఫ్‌ వాడికబీర్‌ టీమ్‌ తరఫున ఆడి ప్రధాన బౌలర్‌గా రాణించాడు. క్రమక్రమంగా పాఠశాల టీమ్‌ నుంచి ఒమన్‌ దేశం సీబీఎస్‌ఈ అండర్‌– 14 టీమ్‌కు ఎంపికయ్యాడు. ఐదేళ్లుగా ఉదయం, సాయంత్రం గంటలకొద్దీ చేసిన ప్రాక్టీస్‌ ఫలితమిచ్చిందని పార్థు తండ్రి దేవేందర్‌ సంతోషం వ్యక్తం చేశారు. ఉత్తమ ప్రదర్శనే లక్ష్యం ఇన్నాళ్ల కృషి ఫలించింది. అండర్‌–14 సీబీఎస్‌ఈ నేషనల్‌ టీమ్‌కు ఎంపికవడం సంతోషంగా ఉంది. అక్టోబర్‌ 24 నుంచి మధురైలో జరిగే టోర్నమెంట్‌లో బౌలర్‌గా అత్యుత్తమ ప్రదర్శన ఇవ్వడమే లక్ష్యంగా ప్రాక్టీస్‌ చేస్తున్నా. – కొండేటి పార్థు, సీబీఎస్‌ఈ అండర్‌–14 క్రికెటర్‌ అండర్‌–14 సీబీఎస్‌ఈ క్రికెట్‌ జట్టుకు ఎంపిక ఒమన్‌ అండర్‌–14 నేషనల్‌ టీమ్‌ తరఫున ప్రాతినిధ్యం అక్కడే స్థిరపడిన కుటుంబం అక్టోబర్‌ 24 నుంచి ఇండియాలో టోర్నమెంట్‌ మధురై వేదికగా పోటీలు

సిరిసిల్లటౌన్‌: కడుపునొప్పితో బాధపడుతున్న రైతుకు సరైన సమయంలో సరైన వైద్యం అందకపోవడంతో మృతిచెందిన సంఘటన గురువారం సిరిసిల్లలో వివాదాస్పదమైంది. బాధిత కుటుంబ సభ్యులు, స్థానికులు తెలిపిన వివరాలు. తంగళ్లపల్లి మండలం దేశాయిపల్లికి చెందిన కె.ఆంజనేయులు(49) వ్యవసాయం చేసుకుంటూ కుటుంబాన్ని పోషిస్తున్నాడు. బుధవారం రాత్రి కడుపునొప్పి రాగా కుటుంబ సభ్యులు పాతబస్టాండు సమీపంలోని ఓ ప్రైవేటు ఆసుపత్రికి తీసుకొచ్చారు. సదరు వైద్యుడు పరీక్షలు చేసి అడ్మిట్‌ చేసుకుని కార్డియాలజిస్టుతో 2డీ ఏకో పరీక్షలు చేయించి కరీంనగర్‌కు తీసుకెళ్లాలని సూచించారు. ఆస్పత్రి వైద్యుడు మాత్రం మెరుగైన చికిత్స కోసం కరీంనగర్‌, ఇతర స్పెషలిస్టు వద్దకు పంపకుండా ఆస్పత్రిలోనే ఉంచారు. ఈక్రమంలో ఆంజనేయులు చికిత్స పొందుతూ గురువారం మృతిచెందాడు. స్పెషలిస్టు సూచన పెడచెవిన పెట్టారు కార్డియాక్‌ స్పెషలిస్టు సూచనను ఆస్పత్రి వైద్యుడు పట్టించుకోకుండా రెఫర్‌ చేయలేదని బంధువులు ఆరోపించారు. ఈవిషయం తెలుసుకున్న కుటుంబ సభ్యులు, గ్రామస్తులు ఆస్పత్రికి తరలివచ్చారు. వైద్యుడి నిర్లక్ష్యంతోనే ఆంజనేయులు చనిపోయాడని ముదిరాజ్‌ సంక్షేమ సంఘం జిల్లా అధ్యక్షుడు చొక్కాల రాము, కుటుంబ సభ్యులతో కలిసి ఆసుపత్రి ముందు ధర్నాకు దిగారు. జిల్లా వైద్యాధికారి ఏంజెలా ఆల్ఫ్రెడ్‌, పోలీసులు సంఘటన స్థలానికి చేరుకొని విచారణ చేపట్టారు. మృతుడికి భార్య పద్మ, ఇద్దరు కుమార్తెలు నందు(19), సింధు(15), శివగణేశ్‌(12), వెంకటరమణ(08) ఉన్నారు. ఆస్పత్రి వైద్యుడు మీడియాతో మాట్లాడుతూ.. రోగికి హఠాత్తుగా గుండెపోటు రావడంతోనే చనిపోయాడని, తాము ఎలాంటి నిర్లక్ష్యం చేయలేదని వివరించారు. సిరిసిల్ల ప్రైవేటు ఆస్పత్రిలో దారుణం సరైన వైద్యం అందక రైతు మృతి కార్డియాలజిస్టు చెప్పినా అందించని వైద్యం ఆస్పత్రి ఎదుట బంధువుల ధర్నా

సుల్తానాబాద్‌రూరల్‌: పోలీస్‌స్టేషన్లకు వచ్చే ఫిర్యాదుదారులతో మర్యాదగా ప్రవర్తించాలని రామగుండం సీపీ అంబర్‌ కిషోర్‌ ఝూ అన్నారు. గురువారం సుల్తానాబాద్‌ పోలీస్‌స్టేషన్‌ను తనిఖీ చేశారు. ఈ సందర్భంగా క్రైం రేట్‌, సర్కిల్‌ పరిధిలో నమోదవుతున్న కేసులు, రికార్డులు, సీసీ కెమెరాల కమాండ్‌ కంట్రోల్‌ రూంను పరిశీలించారు. అనంతరం సీపీ మాట్లాడుతూ, రౌడీషీటర్లు, సస్పెక్ట్‌ షీట్‌లో ఉన్న వ్యక్తులు, ఇతర నేరుస్తుల ఇళ్లను క్రమం తప్పకుండా తనిఖీ చేస్తూ వారి కదలికలపై నిరంతరం నిఘా పెట్టాలన్నారు. సీసీ కెమెరాల ప్రాధాన్యతపై ప్రజల్లో అవగాహన కల్పించడంతో పాటు ఏర్పాటు చేసుకునేల చూడాలన్నారు. రాజీవ్‌ రహదారిపై రోడ్డు ప్రమాదాల నియంత్రణకు బ్లాక్‌ స్పాట్‌ల వద్ద రక్షణ చర్యలు తీసుకోవాలని పోలీసులకు సూచించారు. ముందుగా సీపీకి సీఐ రంజిత్‌రావు, ఎస్సై చంద్రకుమార్‌ పుష్పగుచ్ఛం అందించి స్వాగతం పలికారు.

జ్యోతినగర్‌: మంచిర్యాల జిల్లా ఇందారం వద్ద గురువారం రాత్రి జరిగిన రోడ్డు ప్రమాదంలో ఎన్టీపీసీ కృష్ణానగర్‌కు చెందిన అనురాధ త్రివేది మృతి చెందారు. ఇందారం ఓఎల్‌వీఏ కార్యాలయం నుంచి గోదావరిఖని వైపు వస్తుండగా ఆమె ప్రయాణిస్తున్న వాహనాన్ని లారీ ఢీకొనడంతో ప్రమాదం జరిగినట్లు సమాచారం. తీవ్ర గాయాలతో అనురాధ త్రివేది ప్రమాద స్థలంలోనే మృతి చెందింది. ఆమె భర్త వేణుగోపాల్‌ త్రివేది ఎన్టీపీసీ కృష్ణానగర్‌లో నివాసం ఉంటూ లయన్స్‌ క్లబ్‌లో ప్రముఖుడిగా కొనసాగుతున్నారు. అనురాధ మృతితో ఎన్టీపీసీ ప్రాంతంలో విషాదఛాయలు అలుముకున్నాయి.

పెద్దపల్లిరూరల్‌: న్యాయస్థానాల్లో పెండింగ్‌లో ఉన్న కేసులను ఇరువర్గాలకు చెందిన వారు రాజీతో పరిష్కరించుకోవాలని జిల్లా జడ్జి కుంచాల సునీత సూచించారు. జిల్లా కోర్డు ఆవరణలో గురువారం ఏర్పాటు చేసిన విలేకరుల సమావేశంలో భవానితో పాటు జిల్లా న్యాయసేవాధికార సంస్థ కార్యదర్శి శ్రీనిజ కోహిర్కర్‌తో కలిసి ఆమె మాట్లాడారు. పెద్దపల్లికి నాలుగు సబ్‌స్టేషన్లుపెద్దపల్లి: నియోజకవర్గంలో విద్యుత్‌ సమస్యకు శాశ్వత పరిష్కారం కోసం మరో నాలుగు 33/11 కేవీ సబ్‌స్టేషన్ల నిర్మాణానికి ప్రభుత్వం మంజూరు ఇచ్చిందని ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు తెలిపారు. గురువారం ఆయన మాట్లాడుతూ.. రూ.13.51 కోట్లతో చేపట్టనున్న ఈ నిర్మాణాలతో రైతులు, ప్రజలకు నాణ్యమైన విద్యుత్‌ అందుతుందన్నారు. కాల్వ శ్రీరాంపూర్‌ మండలం పెద్దరాతుపల్లిలో రూ.2.44 కోట్లతో.. సుల్తానాబాద్‌లోని శాస్త్రినగర్‌లో రూ.2.47కోట్లతో.. ఓదెల మండలం రూప్‌నారాయణపేటలో రూ.4.14 కోట్లతో.. ఎలిగేడు మండలం ధూళికట్టలో రూ.4.44 కోట్లతో సబ్‌స్టేషన్లు నిర్మించనున్నట్లు వివరించారు. వచ్చే వేసవి నాటికి సబ్‌స్టేషన్లను అందుబాటులోకి తెస్తామన్నారు. అభివృద్ధే లక్ష్యంగా సమావేశం కొనసాగాలిగోదావరిఖని: కార్పొరేషన్‌ అభివృద్ధే లక్ష్యంగా కౌన్సెల్‌ సమావేశం కొనసాగాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ అన్నారు. గురువారం ఎమ్మెల్యే క్యాంప్‌ కార్యాలయంలో కాంగ్రెస్‌ పార్టీ కార్పొరేటర్లతో నిర్వహించిన సమీక్ష సమావేశంలో మాట్లాడారు. శుక్రవారం నిర్వహించనున్న కౌన్సిల్‌ సమావేశంలో పలు అంశాలపై సమగ్రంగా చర్చించారు. రామగుండం అభివృద్ధికి సంబంధించిన ప్రతిపాదనలు, ప్రజలకు మెరుగైన మౌలిక వసతుల కల్పన, డివిజన్లలో నెలకొన్న సమస్యలు తదితర అంశాలపై కార్పొరేటర్ల నుంచి వివరాలు తెలుసుకున్నారు. మౌలిక వసతుల కల్పనకు ప్రాధాన్యత ఇవ్వాలన్నారు. సమావేశంలో మేయర్‌ మహంకాళి స్వామి, డిప్యూటీ మేయర్‌ ఎల్లయ్య, కాంగ్రెస్‌ పార్టీ రామగుండం మున్సిపల్‌ కార్పొరేషన్‌ అధ్యక్షుడు ఎండీ ముస్తఫా, పలువురు కార్పొరేటర్లు పాల్గొన్నారు. ఆధార్‌ సేవల్లో జాప్యం చేయొద్దు పెద్దపల్లి: జిల్లాలో ఆధార్‌ సేవలు పారదర్శకంగా, నిబంధనలకు అనుగుణంగా అందేలా చర్యలు చేపట్టాలని కలెక్టర్‌ కోయ శ్రీహర్ష అధికారులను ఆదేశించారు. గురువారం కలెక్టరేట్‌లో అదనపు కలెక్టర్‌ బి.శ్రీరాములుతో కలిసి జిల్లా స్థాయి ఆధార్‌ మానిటర్‌ కమిటీ సమీక్ష సమావేశం నిర్వహించారు. నూతన ఆధార్‌ నమోదులు, మాండేటరీ బయోమెట్రిక్‌ అప్‌డేట్లు, పెండింగ్‌ దరఖాస్తులు, శాఖల సమన్వయంపై సమీక్షించారు. పెండింగ్‌లో ఉన్న నూతన నమోదులు, బయోమెట్రిక్‌ అప్‌డేట్లను త్వరితగతిన పూర్తి చేయాలని ఆదేశించారు. మహిళా శిశు సంక్షేమ, పోస్టల్‌ శాఖలు సమన్వయంతో నిర్దేశిత లక్ష్యాలను సాధించాలని సూచించారు. సక్రమంగా డేటా సేకరించని కేంద్రాలు, నిబంధనలు పాటించని ఏజెన్సీలపై చర్యలు తీసుకోవాలని ఆదేశించారు. అసిస్టెంట్‌ మేనేజర్‌ రత్నాకర్‌, ఈడీఎం కవిత తదితరులు పాల్గొన్నారు. ధాన్యం కొనుగోళ్లపై ఏఐ నిఘా పెద్దపల్లి: ధాన్యం కొనుగోలు కేంద్రాల నిర్వహణను పారదర్శకంగా పర్యవేక్షించేందుకు కృత్రిమ మేధస్సు (ఏఐ) ఆధారిత ప్రొక్యూర్‌మెంట్‌ సెంటర్‌ స్మార్ట్‌ అసెస్‌మెంట్‌ పోర్టల్‌ను పకడ్బందీగా వినియోగించాలని అదనపు కలెక్టర్‌ బి. శ్రీరాములు సూచించారు. గురువారం కలెక్టరేట్‌లో కొనుగోలు కేంద్రాల నిర్వాహకులతో నిర్వహించిన అవగాహన సదస్సులో మాట్లాడారు. పోర్టల్‌లో 16 ప్రశ్నలకు సమాధానాలతోపాటు సంబంధిత ఫొటోలను అప్‌లోడ్‌ చేయాల్సి ఉంటుందన్నారు. ఫొటోలను ఏఐ విశ్లేషించి అవి సరైనవో కాదో గ్రేడింగ్‌ ఇస్తుందన్నారు. రవాణా వాహనాలకు తప్పనిసరిగా జీపీఎస్‌ ఏర్పాటు చేసి కదలికలను నిరంతరం పర్యవేక్షించాలని ఆదేశించారు. జిల్లా పౌరసరఫరాల అధికారి శ్రీనాథ్‌, అదనపు గ్రామీణ అభివృద్ధి అధికారి రవీందర్‌ తదితరులు పాల్గొన్నారు.

మందులు కొనుగోలు చేసేటప్పుడు బిల్లు తీసుకోవడం వినియోగదారుడి హక్కు. బిల్లు ఇవ్వడం మెడికల్‌ షాపు నిర్వాహకుల బాధ్యత. ఫార్మసీ విద్యార్హత ఉన్నవారు తమ సర్టిఫికెట్లను ఇతరుల వ్యాపారం కోసం ఇవ్వకూడదు. రోగులకు మందుల వినియోగంపై సరైన అవగాహన కల్పించడం ఫార్మసిస్టుల బాధ్యత. పెద్దపల్లి, కరీంనగర్‌ జిల్లాల్లో డ్రగ్‌ ఇన్‌స్పెక్టర్‌గా పని చేస్తూనే, ప్రతి నెలా ఆకస్మిక తనిఖీలు నిర్వహించి, నెలకు సుమారు 15 దుకాణాలను సీజ్‌ చేస్తున్న. ప్రజల ఆరోగ్యంతో చెలగాటం ఆడితే చర్యలు తప్పవు. – పిట్ట శ్రావణ్‌, డ్రగ్‌ ఇన్‌స్పెక్టర్‌

గోదావరిఖని/రామగుండం: ఇంట్లో కరెంట్‌ పోవడంతో విద్యుత్‌ సరఫరా కోసం ఫిర్యాదు చేయడానికి ఆఫీస్‌కు వెళ్లి తిరిగి వస్తుండగా రోడ్డు ప్రమాదంలో టెంట్‌హౌజ్‌ వ్యాపారి మృతి చెందాడు. గురువారం స్థానిక మాతంగికాంప్లెక్స్‌ సమీపంలో జరిగిన రోడ్డు ప్రమాదంలో కాకతీయనగర్‌కు చెందిన బల్లం రాంచందర్‌(53)ను క్రేన్‌ ఢీకొనడంతో మృతి చెందాడు. కడుపుపై నుంచి క్రేన్‌టైర్లు వెళ్లడంతో పేగులు బయటకు వచ్చి తీవ్రగాయాల పాలయ్యాడు. తీవ్రంగా గాయపడిన రాంచందర్‌ను కుటుంబ సభ్యులు అంబులెన్స్‌లో ప్రభుత్వ ఏరియా ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. క్రేన్‌ వాహనం డ్రైవర్‌ వాహనాన్ని అతివేగంగా, అజాగ్రత్తగా నడుపుతూ వెనుక నుంచి రాంచందర్‌ను ఢీకొట్టగా ఈ ప్రమాదం జరిగింది. వాహనం డ్రైవర్‌ కానుగంటి రమేశ్‌పై పోలీసులు కేసు నమోదు చేశారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు వన్‌టౌన్‌ సీఐ ఇంద్రసేనారెడ్డి పేర్కొన్నారు. గూడ్స్‌ రైలు ఢీకొని.. అంతర్గాం మండల పరిధిలోని బద్రిపల్లికి చెందిన నాంసాని లక్ష్మి(52) బుధవారం రాత్రి గూడ్సు రైలు కింది నుంచి దాటుతుండగా రైలు కదలడంతో మృతి చెందింది. కుటుంబ సభ్యులు తెలిపిన వివరాల మేరకు.. బద్రిపల్లికి మధ్యలో నుంచి గోదావరిఖని, ఎన్టీపీసీ పరిశ్రమలకు వెళ్లే రైల్వే లైన్‌ ఉంది. లక్ష్మి గూడ్సు రైలు కింద నుంచి బయటకు వెళ్లే ప్రయత్నం చేస్తుండగా ఆమె చీర వ్యాగన్‌ కింద ఇనుప కొంకెకు తట్టుకొని లాగడంతో రైలు పట్టాలపై పడడంతో అక్కడికక్కడే దుర్మరణం చెందింది. ఆమె మృతదేహాన్ని గూడ్సు రైలు రామగుండం రైల్వేస్టేషన్‌ వరకు ఈడ్చుకెళ్లింది. మృతురాలికి భర్త అంజయ్య, ఇద్దరు కుమార్తెలు ఉన్నారు. మృతదేహాన్ని పోస్టుమార్టం నిమిత్తం గోదావరిఖని ప్రభుత్వాసుపత్రికి తరలించి కుటుంబసభ్యులకు అప్పగించారు. మృతురాలి కుటుంబసభ్యుల ఫిర్యాదు మేరకు నమోదు చేసుకొని దర్యాప్తు చేపడుతున్నామని ఎస్సై సంధ్యారాణి పేర్కొన్నారు. ఇద్దరి కళ్లతో నలుగురికి చూపు ఆప్తులను కోల్పోయి దుఃఖంలో ఉన్న ఆ కుటుంబాలు నేత్రదానానికి ముందుకొచ్చాయి. నలుగురికి చూపునిచ్చి ఆదర్శంగా నిలిచాయి. గోదావరిఖని కాకతీయనగర్‌కు చెందిన టెంట్‌హౌస్‌ నిర్వాహకుడు బొల్లం రామచందర్‌ (58) గురువారం స్థానిక మాతంగి కాంప్లెక్స్‌ ఎదుట రోడ్డుపై నడుచుకుంటూ వెళ్తుండగా క్రేన్‌ వాహనం ఢీకొనగా అక్కడిక్కడే మృతిచెందాడు. అంతర్గాం మండలం బద్రిపల్లికి చెందిన ఎన్‌.లక్ష్మి(55) గూడ్స్‌ రైలు ఢీకొనడంతో మృతిచెందింది. ఈ విషాద సమయంలోనూ రెండు కుటుంబాలు నేత్రదానానికి ముందుకు వచ్చాయి. సదాశయ ఫౌండేషన్‌, మేదరి సంఘం ప్రతినిధుల సూచన మేరకు జీజీహెచ్‌లో ఎల్వీ ప్రసాద్‌ ఐ బ్యాంక్‌ టెక్నిషియన్‌ ప్రదీప్‌ నాయక్‌ నేత్రాలు సేకరించి హైదరాబాద్‌కు తరలించారు. రెండు కుటుంబాల నిర్ణయం పలువురికి ఆదర్శమని సదాశయ ఫౌండేషన్‌ గౌరవ అధ్యక్షుడు రామకృష్ణారెడ్డి, జాతీయ అధ్యక్షుడు శ్రవణ్‌కుమార్‌, ప్రధాన కార్యదర్శి లింగమూర్తి, ప్రచార కార్యదర్శి వాసు, ప్రతినిధులు చంద్రమౌళి, భీష్మాచారి, కవిత అనంతరాములు, రాజమౌళి, లక్ష్మీనారాయణ, రాములు, అన్నపూర్ణ, శశికళ, జ్యోతి తదితరులు పేర్కొన్నారు.

కాల్వశ్రీరాంపూర్‌: మండలంలోని మల్యాలకు చెందిన పొన్నం అంజయ్యగౌడ్‌(40) గురువారం ఆత్మహత్య చేసుకున్నాడు. వివరాలు ఇలా ఉన్నాయి. గ్రామానికి చెందిన అంజయ్య కాల్వశ్రీరాంపూర్‌లో ఆవులు దొంగతనం చేసినట్లు బాధితులు కాల్వశ్రీరాంపూర్‌ పోలీస్టేషన్‌లో ఈనెల 14న ఫిర్యాదు చేశారు. దీంతో పోలీసులు కేసు నమోదు చేసి విచారణ చేపట్టారు. గ్రామానికి పోలీసులు వచ్చిన విషయం తెలుసుకున్న అంజయ్యగౌడ్‌ పురుగుల మందు చెవిలో పోసుకున్నాడు. గమనించిన కుటుంబ సభ్యులు కాల్వశ్రీరాంపూర్‌ ప్రభుత్వ ఆసుపత్రికి తీసుకెళ్లారు. అక్కడి నుంచి పెద్దపల్లి ప్రభుత్వాసుపత్రికి తరలించారు. ఈ విషయమై ఎస్సై గట్ల సుధాకర్‌ను వివరణ కోరగా అంజయ్యగౌడ్‌ ఆవులు దొంగతనం చేసినట్లు ఫిర్యాదు రాగా కేసు నమోదు చేసుకుని విచారణ చేపట్టామని, ఇంట్లోనే ఉండి తలుపులు వేసుకుని ఫోన్‌ స్విచాఫ్‌ పెట్టుకున్నాడని, పోలీసులు వేధిస్తున్నారంటూ తప్పుడు ఆరోపణలు చేస్తున్నాడని పేర్కొన్నారు. బాధితుడు ఆత్మహత్యాయత్నానికి పాల్పడ్డాడని, ఆసుపత్రిలో చికిత్స పొందుతున్నాడని ఎస్సై తెలిపారు. వినాయక నిమజ్జనంలో విషాదంకొత్తపల్లి(కరీంనగర్‌): వినాయక నిమజ్జనం వేడుకల్లో విషాదం చోటుచేసుకుంది. కరీంనగర్‌ జిల్లా కొత్తపల్లి మండలం బద్ధిపల్లి గ్రామానికి చెందిన తాండ్ర అహన్‌రుద్ర (16) ప్రమాదవశాత్తు మల్కాపూర్‌ ఎస్సారెస్పీ కాలువలో పడి గల్లంతయ్యాడు. గురువారం వేకువజామున చోటుచేసుకున్న ఈ ఘటనతో గ్రామంలో విషాదఛాయలు అలుముకున్నాయి. పోలీసుల కథనం ప్రకారం.. వినాయక ప్రతిమను నిమజ్జనం చేసేందుకు బద్ధిపల్లి గ్రామస్తులు ఎస్సారెస్పీ కాలువ వద్దకు చేరుకున్నారు. ట్రాక్టర్‌ ట్రాలీ డోర్‌ తీస్తున్న క్రమంలో అహన్‌రుద్ర ప్రమాదవశాత్తు కాలువలో జారిపడ్డాడు. నీటి ప్రవాహం ఉధృతి అధికంగా ఉండడంతో నీటిలో కొట్టుకుపోయాడు. బాలుడి ఆచూకీ కోసం గాలింపు చర్యలు ప్రారంభించారు. కరీంనగర్‌ పోలీసు కమిషనర్‌ గౌస్‌ ఆలం, ఏసీపీ విజయ్‌కుమార్‌, ఇన్‌స్పెక్టర్‌ బిల్లా కోటేశ్వర్‌ ఘటనా స్థలాన్ని పరిశీలించారు. అహన్‌రుద్ర ఇంటర్‌ సెకండియర్‌ చదువుతున్నాడు. నిమజ్జన వేడుకల్లో ఉత్సాహంగా పాల్గొన్న బాలుడు గల్లంతవడంతో కుటుంబ సభ్యులు కన్నీరుమున్నీరుగా విలపిస్తున్నారు. ఎండపల్లిలో కరెంట్‌ షాక్‌తో యువకుడు.. వెల్గటూర్‌: విద్యుత్‌ షాక్‌తో యువకుడు మృతిచెందిన సంఘటన ఎండపల్లి మండలం కొత్తపేటలో చోటుచేసుకుంది. పోలీసుల కథనం ప్రకారం.. గ్రామానికి చెందిన కొప్పుల రాజశేఖర్‌ (23) బుధవారం రాత్రి గణేశ్‌ నిమజ్జనం వేడుకల్లో భాగంగా సౌండ్‌ బాక్స్‌లకు విద్యుత్‌ సరఫరా చేసే మెయిన్‌ వైర్లను కర్రతో సరిచేస్తుండగా విద్యుత్‌ షాక్‌కు గురై మృతి చెందాడు. మృతుడి తల్లి కొప్పుల నీల ఫిర్యాదు మేరకు కేసు దర్యాప్తు చేస్తున్నట్లు ఎస్సై ఉదయ్‌ కుమార్‌ తెలిపారు.

● సింగరేణి డైరెక్టర్‌ వెంకటేశ్వర్లు ● ప్రారంభమైన రెస్క్యూ పోటీలు గోదావరిఖని: రెస్క్యూ పోటీల్లో సత్తా చాటి జాతీయ, అంతర్జాతీయ స్థాయిలో సంస్థ పేరు నిలబెట్టాలని సింగరేణి డైరెక్టర్‌ వెంకటేశ్వర్లు కోరారు. ఇంటర్‌ ఏరియా 55వ జోనల్‌ మైన్స్‌ రెస్క్యూ పోటీలు స్థానిక మెయిన్‌ రెస్క్యూ స్టేషన్‌లో బుధవారం ప్రారంభమయ్యాయి. రెండురోజుల పాటు పోటీలు ఉంటాయి. సింగరేణిలోని ఆరు పురుష, రెండు మహిళాజట్లతోపాటు రెండు కోలిండియా జట్లు పాల్గొంటున్నాయి. గురువారం పోటీలు ముగుస్తాయని అధికారులు పేర్కొన్నారు. కార్యక్రమములో డీఎంఎస్‌ సాగేస్‌కుమార్‌, ఏఐటీయూసీ అధ్యక్షుడు వి.సీతారామయ్య, ఐఎన్‌టీయూసీ నాయకుడు ధర్మపురి, సీఎంవోఏఐ ప్రధాన కార్యదర్శి నర్సింహులు, ఆర్జీ–2 జీఎం లక్ష్మీపతిగౌడ్‌, రెస్క్యూ జీఎం శ్రీనివాస్‌రెడ్డి, శ్రీరాంపూర్‌ జీఎం శ్రీనివాస్‌, కార్పొరేట్‌ సేఫ్టీ జీఎం కేఎం తివారీ, రీజియన్‌ సేఫ్టీ జీఎం మల్లయ్య, ఆర్జీ– 3 జీఎం ఎస్‌.మధుసూదన్‌ తదితరులు పాల్గొన్నారు.

జ్యోతినగర్‌: కలెక్టర్‌ కోయ శ్రీహర్ష బుధవారం జాతీయ ఎస్సీ కమిషన్‌ సభ్యుడు వడ్డేపల్లి రామచందర్‌ను మర్యాదపూర్వకంగా కలిశా రు. ఎన్టీపీసీ జ్యోతిభవన్‌ గెస్ట్‌హౌస్‌లో కలిసిన కలెక్టర్‌.. జిల్లాలో ఎస్సీల సంక్షేమం, అభివృద్ధి తదితర అంశాలపై చర్చించినట్లు తెలిసింది. అక్షితరాణి కుటుంబానికి భరోసా గోదావరిఖని: అక్షితరాణి కేసులో నిర్లక్ష్యానికి తావులేకుండా దర్యాప్తు చేసి నిందితులకు కఠిన శిక్ష పడేలా పకడ్బందీ చర్యలు తీసుకుంటున్నామని రామగుండం పోలీస్‌ కమిషనర్‌ అంబర్‌ కిశోర్‌ ఝా అన్నారు. ఇటీవల హత్యకు గురైన గోదావరిఖనిలోని లెనిన్‌నగర్‌కు చెందిన అక్షితరాణి కుటుంబాన్ని ఏసీపీ రమేశ్‌, సీఐ ఇంద్రసేనారెడ్డితో కలిసి బుధవారం పరామర్శించారు. సాంకేతిక, న్యాయపరమైన అంశాలను పరిగణనలోకి తీసుకుని శాసీ్త్రయ ఆధారాలతో దర్యాప్తు చేపడతామని, తద్వారా నిందితులకు కోర్టులో కఠిన శిక్ష పడేలా పటిష్టమైన ఆధారాలు సేకరిస్తామని, ఈమేరకు అధికారులు ముందుకెళ్లాలని సీపీ సూచించారు. భక్తిశ్రద్ధలతో మాసకల్యాణం కమాన్‌పూర్‌: స్థానిక శ్రీఆదివరాహస్వామి సన్నిధిలో బుధవారం మాస కల్యాణాన్ని భక్తిశ్రద్ధలతో నిర్వహించారు. కల్యణం తంతు తిలకించడానికి వివిధ ప్రాంతాలకు చెందిన భక్తులు భారీసంఖ్యలో తరలివచ్చారు. నిమజ్జన ప్రాంతం పరిశీలన గోదావరిఖని: గణేశ్‌ విగ్రహాలను నిమజ్జనం చేసే గోదావరి వంతెనను రామగుండం సీపీ అంబర్‌ కిశోర్‌ ఝా, కలెక్టర్‌ కోయ శ్రీహర్ష బుధవారం పరిశీలించారు. ఏర్పాట్లు, శోభాయాత్ర మార్గం, భద్రతా చర్యలు, ట్రాఫిక్‌ నియంత్రణ, సౌకర్యాలపై అధికారులు, నిర్వాహకులతో సమీక్షించారు. సీపీ వెంట అడిషనల్‌ కలెక్టర్‌ అరుణశ్రీ, ఏసీపీ రమేశ్‌, సీఐ ఇంద్రసేనారెడ్డి, సింగరేణి తదితరులు ఉన్నారు. ‘ఎల్లంపల్లి’ నీటి విడుదల రామగుండం: వినాయక నిమజ్జనం సందర్భంగా గోదావరిలో నీటినిల్వల కోసం ఎగువన ఉన్న ఎల్లంపల్లి ప్రాజెక్టు నుంచి బుధవారం సాయంత్రం నీరు విడుదల చేశారు. ఎల్‌నినో ప్రభావంతో గోదావరి నదిని నీరు అడుగంటి వినాయక విగ్రహాల నిమజ్జనం ప్రశ్నార్థకంగా మారడంతో అధికార యంత్రాంగ, ఎమ్మెల్యే మక్కాన్‌సింగ్‌ఠాకూర్‌ స్పందించి ఈ నిర్ణయం తీసుకున్నారు. ఈమేరకు ప్రాజెక్టు రెండు గేట్లు ఎత్తి 3,312 క్యూసెక్కుల నీటిని గోదావరిలోకి వదులుతున్నారు. ఫలితంగా గోలివాడ, లింగాపూర్‌, గోదావరిఖని, మంథని తదితర గోదావరి పరీవాహాక ప్రాంతాల్లో గణపతి నిమజ్జన వేడుకలు సాఫీగా సాగుతున్నాయి.రూ.50వేలు పలికిన గణపతి లడ్డూ రామగిరి: కల్వచర్ల గ్రామపంచాయతీ పరిధిలోని గోకుల్‌నగర్‌లో మట్టి గణపతి లడ్డూను బుధవారం వేలం వేశారు. గోకుల్‌నగర్‌ యూత్‌ సభ్యులు రూ.50,516లకు పాడి లడ్డూ దక్కించుకున్నారు. గ్రామానికి చెందిన భక్తుడు బుట్టి రాజయ్య రూ.20,016కు వేలం పాడి కలశం దక్కించుకున్నారు. యూత్‌ సభ్యులు గడ్డి శ్రీకాంత్‌, ఊరడి రమేశ్‌, ఓర్రె రమేశ్‌, కురుమల్ల శ్రీనివాస్‌, కురుమల్ల రమేశ్‌, కొయ్యడ స్వామి, కొయ్యడ పరుశురాం, కోయ్యడ కుమార్‌, గడ్డి హరీశ్‌, ఓర్రె హరీశ్‌, గొనె రాము, ఊరడి రాము, జంగ శేఖర్‌, బుట్టి శ్రీధర్‌, చిగురు రవి తదితరులు పాల్గొన్నారు.

ధర్మారం: జిల్లాలో బుధవారం ఉరుములు, మెరుపులతో కూడిన భారీవర్షం కురిసింది. తొమ్మిది రో జులపాటు నిత్యపూజలు అందుకున్న గణనాథునికి వీడ్కోలు పలికే సమయంలోనే వానదేవుడు గంగ మ్మను తోడ్కొని రావడంతో శోభాయాత్రకు కాస్త ఆటంకం కలిగింది. లోతట్టు ప్రాంతాలు జలమ యం కాగా, రోడ్లపై వరదనీరు చేరింది. దీంతో భక్తులు, గణేశ్‌ మండప నిర్వాహకులు నిరాశ చెందినా.. తర్వాత వాన కాస్త తగ్గడంతో ఆటాపాటలతో శోభాయాత్ర నిర్వహించారు. పడిపోయి చెట్లు.. ధర్మారం మండలం బొమ్మారెడ్డిపల్లి గ్రామంలో భారీవర్సం ధాటికి చెట్లు రోడ్డుపై విరిగిపడ్డాయి. స్పందించిన సర్పంచ్‌ ధార రాజ్‌కుమార్‌ సిబ్బందితో కలిసి చెట్లు తొలగించారు. దీంతో వినాయక శోభాయాత్ర సాఫీగా సాగింది. కొత్తగూడెం ఆర్టీవోగా పెద్దపల్లివాసి పెద్దపల్లిరూరల్‌: పెద్దపల్లి పట్టణానికి చెందిన పొందుగుల భూషిత్‌రెడ్డి కొత్తగూడెం జిల్లా రవాణ శాఖ అధికారి(ఆర్టీవో)గా బుధవారం ఉద్యోగ బాధ్యత లు స్వీకరించారు. పెద్దపల్లి(మాజీ ఉపసర్పంచ్‌ భా స్కర్‌రెడ్డి కుమారుడు)కి చెందిన భూషిత్‌రెడ్డి శిక్షణ పూర్తి చేసుకున్నాక బాధ్యతలు స్వీకరించడంపై స్థానికులు తదితరులు అభినందనలు తెలిపారు.

పెద్దపల్లి: జిల్లాలో విషజ్వరాలతో బాధపడేవారి సంఖ్య పెరుగుతోంది. 8 డెంగీ కేసులు కూడా నమోదైనట్లు జిల్లా వైద్య, ఆరోగ్య శాఖ అధికారులు తెలిపా రు. పారిశుధ్య లోపం, ఇళ్లచుట్టూ నీటినిల్వలు, దో మల వృద్ధి తదితర కారణాలతో విషజ్వరాలు, సీ జనల్‌ వ్యాధులు ప్రబలుతున్నాయని వైద్యులు వెల్లడిస్తున్నారు. స్థానిక ప్రభుత్వ ఆస్పత్రితోపాటు మంథని, సుల్తానాబాద్‌, రామగుండం సర్కారు ఆస్పత్రుల్లో పేషెంట్లకు వైద్యం అందిస్తున్నారు. రోజువారీ ఫీవర్‌ సర్వే జ్వరాల నియంత్రణ కోసం జిల్లా వైద్య, ఆరోగ్య శాఖ గ్రామాలు, పట్టణాల్లో ఇంటింటి ఫీవర్‌ సర్వే చేస్తోంది. వ్యాధిగ్రస్తులను గుర్తించి పరీక్షలు చే యడంతో పాటు చికిత్స అందిస్తున్నారు. నీటి నిల్వలను తొలగించడంతోపాటు పరిసరాలను పరిశు భ్రంగా ఉంచుకోవాలని సూచిస్తున్నారు. ఈమేరకు మంగళ, శుక్రవారాల్లో డ్రైడే పాటిస్తున్నారు. అయితే, ఫీవర్‌ సర్వే పేరు నామమాత్రంగానే సాగుతోందనే ఆరోపణలు వస్తున్నాయి.

‘ఖని’లో గణపతికి పూజలు చేస్తున్న ఎమ్మెల్యే ఠాకూర్‌ దంపతులు, మేయర్‌ స్వామి, పెద్దపల్లిలో వీడ్కోలు పలుకుతున్న విప్‌ విజయరమణారావు, మున్సిపల్‌ చైర్మన్‌ మల్లయ్య, కమిషనర్‌ వెంకటేశ్‌యైటింక్లయిన్‌కాలనీలో..గోదావరిఖని కల్యాణ్‌నగర్‌లో చిన్ని వినాయకుడితో..వినాయకుడిని నిమజ్జనానికి తీసుకెళ్తున్న చిన్నారులుఫొటోలు : సాక్షి ఫొటోగ్రాఫర్‌, పెద్దపల్లిపెద్దపల్లి ఎల్లమ్మ– గుండమ్మ చెరువులో వినాయకుడి విగ్రహాన్ని నిమజ్జనం చేస్తున్న మున్సిపల్‌ సిబ్బందిగోదావరిఖని ఆర్జీ–1 జీఎం కార్యాలయంలో నీటితొట్టెలో నిమజ్జనంపెద్దపల్లిలో డప్పు కళాకారుల ఆటాపాటలుపెద్దపల్లి ఎల్లమ్మ– గుండమ్మ చెరువులో యువకుల కేరింతలుగోదావరిఖని/పెద్దపల్లి/పెద్దపల్లిరూరల్‌/మంథని: జిల్లాలోని గోదావరిఖని, పెద్దపల్లి, మంథని, సుల్తానాబాద్‌తోపాటు వివిధ గ్రామాల్లో వినాయక నిమజ్జనం వైభవంగా సాగుతోంది. కలెక్టర్‌ కోయ శ్రీహర్ష, రామగుండం పోలీస్‌ కమిషనర్‌ అంబర్‌ కిశోర్‌ ఝా, జిల్లా అధికార యంత్రాంగంతోపాటు పోలీసు బలగాల కనుసన్నల్లో వేడుకలు సాఫీగా సాగుతున్నాయి. తొమ్మిది రోజుల పాటు నిత్యం విశేష పూజలు అందుకున్న విఘ్నేశ్వరుని శోభాయాత్ర సందర్భంగా భక్తులు ‘గణపతి బొప్పామోరియా’ అంటూ చేసిన నినాదాలు మార్మోగుతున్నాయి. గణపతి మండపాల వద్ద మహిళా భక్తులు స్వామివారికి హారతులు ఇచ్చి ‘బైబై గణేశా.. మళ్లీ రావయ్యా’ అని సాగనంపుతున్నారు. పెద్దపల్లిలో ఎల్లమ్మ – గుండమ్మ చెరువు, గోదావరిఖని, మంథని తీర ప్రాంతాల్లో గోదావరి నదిలో విఘ్నేశ్వరుని విగ్రహాలు నిమజ్జనం చేస్తున్నారు. బుధవారం సాయంత్రం ప్రారంభమైన నిమజ్జన వేడుకలు గురువారం వేకువజాము వరకూ కొనసాగుతూనే ఉన్నాయి. ఒకవైపు భారీ వర్షం కురుస్తున్నా, ఇబ్బందులు ఎదురవుతున్నా స్వామివారి శోభాయాత్ర కొనసాగించారు. పోలీసు యంత్రాంగం పకడ్బందీ భద్రతా ఏర్పాట్లు చేసింది.

రామగుండం: స్థానిక రైల్వేస్టేషన్‌ ఏరియాలో ముస్లింలు మంగళవారం రాత్రి గ్యార్మీ షరీఫ్‌ వేడుకలను వైభవంగా నిర్వహించారు. ఈనె ల 11న ప్రారంభమైన గ్యార్మీ షరీఫ్‌ వేడుకలను నెలరోజుల పాటు నిర్వహించనున్నట్లు మతపెద్దలు తెలిపారు. రైల్వేస్టేషన్‌ ఏరియా రహ్మత్‌నగర్‌ కాలనీలో షేర్‌–ఏ–నూర్‌ కమి టీ సభ్యులు ఏటా గంధాన్ని కన్నాల షరీఫ్‌ ప్రాంతానికి తీసుకెళ్లడం ఆనవాయితీ. ఈ మేరకు మంగళవారం రాత్రి జెండాలు పట్టుకొని డప్పు చప్పుళ్లతో ఊరేగింపుగా ముస్లింలు గ్యార్మీ షరీఫ్‌ వేడుకలను జరుపుకున్నా రు. భక్తులు, స్థానికులు భారీ సంఖ్యలో పాల్గొన్నారు. ఊరేగింపులో శాంతిభద్రతల సమస్యలు తలెత్తకుండా రామగుండం సీఐ కృష్ణకుమార్‌, ఎస్సైలు సంధ్యారాణి, వెంకటస్వామితోపాటు పోలీసు బలగాలను రైల్వేస్టేషన్‌ ఏరియాలో మొహరించారు.

కమాన్‌పూర్‌: గుండారం రి జర్వాయర్‌లో బుధవారం జరిగే గణేశ్‌ విగ్రహాల నిమజ్జన కోసం ఏర్పాట్లు ప్రారంభించారు. సర్పంచ్‌ జంగిలి పోచాలు, ఆర్‌ఐ స్రవంతి మంగళవారం పనులు పరిశీలించారు. ‘నిమజ్జన ఏర్పాట్లు ఏవీ’ శీర్షికన మంగళశారం సాక్షి దినపత్రిలో కథనం ప్రచురితం కావడంతో అధికార యంత్రాంగం స్పందించింది. దారివెంట చెట్లపొదలు తొలగించి, గుంతలను మట్టితో పూడ్చివేయించారు. కట్టపై ఎల్‌ఈడీ లైట్లు ఏర్పాటు చేశారు. కార్యక్రమంలో పంచాయతీ కార్యదర్శి ప్రసాద్‌, జీపీవో కృష్ణ, వార్డు సభ్యులు రవి, దేవయ్య, కృష్ణ, మాజీ సర్పంచ్‌ చంద్రయ్య తదితరులు పాల్గొన్నారు. కరెన్సీ గణేశుడు పెద్దపల్లి: సుల్తానాబాద్‌ పట్టణంలోని స్వప్నకా లనీ టౌన్‌షిప్‌లో కొలువుదీరిన గణనాథుడిని భక్తులు రూ.6.66 లక్షల విలువైన కరెన్సీతో అలంకరించారు. ఇందుకోసం రూ.10, రూ. 20, రూ.50, రూ.100, రూ.200, రూ.500 నోట్లు వినియోగించారు. స్వామివారిని తిలకించేందుకు వివిధ ప్రాంతాల భక్తులు పెద్దసంఖ్యలో తరలివచ్చారు. గణేశ్‌ ఉత్సవ కమిటీ నిర్వాహకులు, మహిళా భక్తులు పాల్గొన్నారు. వ్యాపారవేత్తలుగా ఎదగాలి కమాన్‌పూర్‌: మహిళా సంఘాల సభ్యులు అ న్ని రంగాల్లో శిక్షణ పొంది నైపుణ్యం పెంచు కోవాలని, తద్వారా ప్రభుత్వం అందిస్తున్న రుణాలతో వ్యాపారవేత్తలుగా ఎదుగాలని డీఆర్డీవో కాళిందిని సూచించారు. మండల కేంద్రంలో మంగళవారం నిర్వహించిన ఆదివరాహ మండల సమాఖ్య సమావేశంలో పీడీ మాట్లాడారు. కమాన్‌పూర్‌ మండల సమాఖ్య రాష్ట్రంలోనే మోడల్‌గా అభివృద్ధి చెందాలని ఆమె ఆకాంక్షించారు. అనంతరం పీహెచ్‌సీ ఎదుట చేపట్టిన స్వచ్ఛ సేవలో పాల్గొన్నారు. ఎంపీడీవో ప్రియాంక, ఏపీఎం పద్మ, సర్పంచ్‌ రంగు సత్యనారాయణ, ఉప సర్పంచ్‌ సోహెల్‌, సీసీ భిక్షపతి తదితరులు పాల్గొన్నారు. ఆయుర్వేదంతో ఆరోగ్యం పెద్దపల్లి: ఆయుర్వేద వైద్యంతో ఆరోగ్యకరమై న భవిష్యత్‌ ఉంటుందని జిల్లా వైద్యాధికారి పవిత్ర అన్నారు. కలెక్టర్‌లో మంగళవారం ‘ఆ రోగ్యకరమైన భవిష్యత్‌ కోసం ఆయుర్వేదం’ అంశంపై డాక్టర్‌ పవిత్ర మాట్లాడారు. పౌష్టికా హారం, క్రమబద్ధమైన దినచర్య, వ్యాయామం, యోగా, మానసిక ప్రశాంతమైన జీవనశైలి వ్యాధులను నివారించవచ్చని ఆయుష్‌ అధికారులు తెలిపారు. ఏవో ప్రకాశ్‌, ఆర్డీవో గంగయ్య, ఆయుష్‌ జిల్లా ఇన్‌చార్జి అరుణ, నోడల్‌ అధికారి శోభారాణి, అమర్‌నాథ్‌, జిల్లా ప్రోగ్రా మ్‌ మేనేజర్‌ విద్యాసాగర్‌, ఫార్మసిస్ట్‌ సుధాకర్‌ అవగాహన కల్పించారు. అధికారులు, పలువు రు సిబ్బంది తదితరులుపాల్గొన్నారు.పిడుగుపడి రైతు మృతి ఓదెల: కొలనూర్‌ గ్రామానికి చెందిన రైతు జంగ సుధాకర్‌రెడ్డి(65) మంగళ వారం పిడుగుపాటు కు గురై మృతి చెందా డు. గ్రామ శివారులో ని తన వ్యవసాయ పొలం వద్ద పనులు చేస్తుండగా ఉరుములు, పిడుగులతో కూడిన భారీవర్షం కురిసింది. ఈక్రమంలో హఠాత్తుగా పిడుగుపాటుకు గురై సుధాకర్‌రెడ్డి పొలంలోనే దుర్మరణం చెందాడు. మృతుడికి భార్య పుష్ప, ఒక కుమారుడు, ఒకకూతురు ఉన్నారు.

సాక్షిప్రతినిధి, కరీంనగర్‌: వరంగల్‌– కరీంనగర్‌ నగరాలను కలిపే ఎన్‌హెచ్‌ 563 విషయంలో పాదచారులకు కేంద్రం తీపి కబు రు తీసుకొచ్చింది. వరంగల్‌– కరీంనగర్‌ మధ్య దూరాన్ని 2 గంటల నుంచి కేవలం 40 నిమిషాలకు కుదించిన ఈ గ్రీన్‌ ఫీల్డ్‌ ఫోర్‌లేన్‌పై పలుచోట్ల రోడ్డు దాటేందుకు ఇబ్బందిగా ఉందని ఇటీవల భారీగా ఫిర్యాదులు వెల్లువెత్తాయి. ఈ విషయమైన ‘సాక్షి’ కథనాలు ప్రచురించింది. వీటిపై నేషనల్‌ హైవే అ థారిటీ ఆఫ్‌ ఇండియా (ఎన్‌హెచ్‌ఏఐ) స్పందించింది. రెండు జిల్లాలను కలుపుతూ దాదాపు 68 కి.మీ. మేర నిర్మించిన జాతీయ రహదారిపై దాదాపు 8 చో ట్ల ఫుట్‌ ఓవర్‌ బ్రిడ్జిలు నిర్మించేందుకు ఎన్‌హెచ్‌ఏఐ ముందుకొచ్చింది. ఆయా ప్రాంతాల్లో పాదచారులు భద్రంగా రోడ్డు దాటేందుకు అవకాశముంది. ది వ్యాంగులు, ముసలి వాళ్లు ఎక్కేందుకు వంతెనలకు మెట్లతోపాటు లిఫ్టులు ఏర్పాటు చేయనున్నారు. హైదరాబాద్‌ మెట్రో రైలుకు ఉన్నట్లే ఇవి కూడా కాన్‌కోర్స్‌ తరహా లిఫ్టులు కావడం గమనార్హం. దాదాపు రూ.18 కోట్ల వ్యయంతో.. భారత్‌ మాల యోజన కింద దాదాపు రూ.2,486 కోట్లకుపైగా వ్యయంతో చేపట్టిన 68 కి.మీ. పొడవైన ఎన్‌హెచ్‌– 563పై వాహనాలు గరిష్టంగా 100 కి.మీ. వేగంతో వెళ్లేలా నిర్మించారు. 9 వంతెనలు, 23 చిన్న వంతెనలు, 5 బైపాస్‌ రోడ్లు, 25 అండర్‌ పాస్‌లు ఏర్పాటు చేశారు. సెప్టెంబరు తొలివారం నుంచి ట్రయల్‌రన్‌కు అనుమతించారు. అధికారులు– ప్రజలకు సమన్వయ లోపంతో కొన్ని గ్రామాలకు ఈరోడ్డు ప్రమాదకరంగా మారింది. రోడ్డు దా టేందుకు సరైన మార్గం లేకపోవడంతో వేలాదిమంది ఇబ్బందులు పడుతున్నారు. ట్రయల్‌ అనంతరం భారీగా ఫిర్యాదులు రావడంతో 8 గ్రామాలను గుర్తించిన ఎన్‌హెచ్‌ఏఐ ఆయా గ్రామాల్లో పాదచారుల కోసం ఫుట్‌ఓవర్‌ బ్రిడ్జి (ఎఫ్‌వోబీ)లను దాదాపు రూ.18 కోట్ల అంచనావ్యయంతో నిర్మించనుంది. ఇవి కరీంనగర్‌ జిల్లాలో నాలుగు, హన్మకొండ జిల్లాలో మరో నాలుగు ఉండటం గమనార్హం. లిఫ్టులతో కూడిన ఎఫ్‌వోబీలు పాదచారులకోసమే: ఎన్‌హెచ్‌ఐఏ ‘రోడ్డు నిర్మాణం అనంతరం ఇటీవల ట్రయల్‌ రన్‌ మొదలు పెట్టాం. ఆయా గ్రామాల నుంచి వచ్చిన ఫిర్యాదు మేరకు పాదచారులకు ఎక్కడెక్కడ ఇబ్బందులు వస్తున్నాయో అధ్యయనం చేశాం. మొత్తం 8 గ్రామాల్లో ఎఫ్‌వోబీలు నిర్మించాలని నిర్ణయించాం. కేంద్రం నుంచి రూ.18 కోట్ల విడుదలకు రంగం సిద్ధమైంది. వీలైనంత త్వరగా ఆయా గ్రామాల్లో ఫుట్‌ ఓవర్‌ బ్రిడ్జిల నిర్మాణం చేపడతాం. ప్రతీ వంతెనకు మెట్లతోపాటు లిఫ్టులు ఏర్పాటు చేస్తాం. ఎన్‌హెచ్‌ 563 విషయంలో ఎలాంటి ఇబ్బందులు తలెత్తినా మాకు తెలియజేయండి. సమస్యపై అధ్యయనం చేసి వెంటనే పరిష్కరించేందుకు ప్రయత్నిస్తాం’ అని ఎన్‌హెచ్‌ఏఐ అఽధికారులు ‘సాక్షి’కి తెలిపారు.శంకరపట్నం, శంషాబాద్‌, గొల్లపల్లి, కొత్తగట్టు, శాంతినగర్‌, కోతుల నడుమ, సూరారం, బావుపేట

గోదావరిఖని: ఆర్టీ–2లోని మెయిన్‌ రెస్క్యూ స్టేషన్‌లో బుధ, గురువారాల్లో సింగరేణిస్థాయి జోనల్‌ మైన్స్‌ రెస్క్యూ పోటీలు నిర్వహింనున్నారు. సింగరేణిలోని 6 పురుష, 2 మహిళా జట్లు, హట్టీ గోల్డ్‌మైన్స్‌, యూరేనియం కార్పొరేషన్‌ ఆఫ్‌ ఇండియా తోపాటు మొత్తం 10 రెస్క్యూ జట్లు పోటీలకు హాజ రవుతాయి. పోటీల కోసం మెయిన్‌ రెస్క్యూ స్టేషన్‌ ను అధికారులు సర్వాంగ సుందరంగా ముస్తాబు చేశారు. అత్యుత్తమ ప్రతిభ కనబరచిన సభ్యులను ఈఏడాది నవంబర్‌ 30 నుంచి డిసెంబర్‌ 6వ తేదీ వరకు ఝార్ఖండ్‌ రాష్ట్రంలోని రాంచీలో జరిగే జాతీయస్థాయి పోటీలకు ఎంపిక చేస్తారు. అన్నిఏర్పాట్లు చేశాం 55వ జోనల్‌స్థాయి మైన్స్‌ రెస్క్యూ పోటీలకు ఏర్పాట్లు చేశామని రెస్క్యూ జీఎం శ్రీనివాస్‌రెడ్డి తెలిపారు. జట్లు ఇప్పటికే చేరుకున్నాయని, భారీవర్షాలు కురిసినా అంతరాయం లేకుండా చర్యలు తీసుకుంటున్నామన్నారు. ఆర్జీ–2 జీఎం లక్ష్మీపతిగౌడ్‌, రెస్క్యూ సూపరింటెండెంట్‌ రాజేందర్‌రెడ్డి, ఎస్‌వోటూ జీఎం రాముడు, పర్సనల్‌ హెచ్‌వోడీ వేణుగోపాల్‌, డీవైపీఎం సునీల్‌ప్రసాద్‌ ఉన్నారు.

సుల్తానాబాద్‌రూరల్‌: గ్రామీణ విద్యార్థులు ఆకలితో అలమటించొద్దనే ఉద్దేశంతో కాంగ్రెస్‌ ప్రజాప్రభుత్వం అల్పాహారం అందిస్తోందని ప్రభుత్వ విప్‌ విజయరమణారావు అన్నారు. గర్రెపల్లి జెడ్పీహెచ్‌ఎస్‌లో విద్యార్థులకు మంగళవారం అల్పాహారం ప్రారంభించి మాట్లాడారు. పెద్దపల్లి నియోజకవర్గంలో ప్రభుత్వ పాఠశాలల అభివృద్ధికి రూ.70కో ట్లు వెచ్చించామని తెలిపారు. సర్పంచ్‌ వీరగొని రమేశ్‌గౌడ్‌, జిల్లా గ్రంథాలయ సంస్థ చైర్మన్‌ అన్నయ్యగౌడ్‌, సుల్తానాబాద్‌ మున్సిపల్‌ చైర్మన్‌ రాధాకృష్ణ, ఎంపీడీవో దివ్యదర్శన్‌రావు, ఎంఈవో రాజ య్య, సింగిల్‌విండో చైర్మన్‌ జానీ, సర్పంచుల ఫోరం మండల అధ్యక్షుడు నమని రాజిరెడ్డి, సర్పంచ్‌ తిరుమల్‌రావు, హెచ్‌ఎం కవిత, నాయకులు అజయ్‌గౌడ్‌, వెంకటేశం, దీకొండ శ్రీనివాస్‌, పన్నాల రాములు తదితరులు పాల్గొన్నారు. దసరాకు బస్సు డిపో ప్రారంభం పెద్దపల్లి/పెద్దపల్లిరూరల్‌: జిల్లా కేంద్రంలో చేపట్టిన బస్సు డిపో పనులు చివరి దశకు చేరాయని, దసరా పండుగ వరకు ప్రారంభానికి సిద్ధం చేస్తామ ని ప్రభుత్వ విప్‌ విజయరమణారావు తెలిపారు. దీనికోసం రూ.8 కోట్లు మంజూరు చేశామని ఆయ న అన్నారు. పనుల ప్రగతినికి పర్యవేక్షించారు. దేవీనవరాత్రి ఉత్సవాల్లో డిపో ప్రారంభించేలా పనులు వేగంగా పూర్తిచేయాలని సూచించారు. మున్సిపల్‌ చైర్మన్‌ మల్లయ్య, పీఏసీఎస్‌ చైర్మన్‌ ముత్యాల నరేశ్‌, కాంగ్రెస్‌ పట్టణ అధ్యక్షుడు బూతగడ్డ సంపత్‌, నాయకులు జంపయ్య, శ్రీనివాస్‌ తదితరులతోపాటు ఆర్టీసీ అధికారులు రాంగోపాల్‌రెడ్డి, శ్రీనివాస్‌ పాల్గొన్నారు. అంతుకుముందు వినాయక విగ్రహాల ఎదుట విప్‌ పూజలు చేశారు.

రామగుండంలోని ఓ బేకరీలో తయారవుతున్న కేక్‌లకు కాలంచెల్లిన ఈ ముడుసరుకులు వినియోగిస్తున్నారు. రంగు, రుచికోసం రసాయనిక రంగులు వాడుతున్నారు. ఇవి పెద్దపల్లిలోని ఓ షాప్‌లో విక్రయిస్తున్న పచ్చళ్ల బాటిళ్లు. లేబుళ్సు లేవు. కారం, పసుపు, నెయ్యి, నూనెలు కూడా తయారీ కంపెనీ, చిరునామా లేకుండానే విక్రయిస్తున్నారు. కంపెనీ పేరు లేదు. తయారీ తేదీ కనిపించదు. గడువు ఎక్కడా కానరాదు. ఇందుకు నిదర్శనమే లూస్‌ ఆయిల్‌ విక్రయించే డబ్బాలు ఇవి. సాక్షి, పెద్దపల్లి: పాలు, టీపొడి నుంచి వంటనూనె, పసుపు, కారం, నెయ్యి, సబ్బులు, మిరియాలు, తేనె, ప ప్పుదినుసులు.. ఇలా ఒక్కటేమిటీ.. సరుకులన్నింటినీ కల్తీ చేస్తున్నారు. హోటళ్లు, కిరాణాలు, బేక రీలు, మిఠాయి దుకాణాల్లోనూ కల్తీ యథేచ్ఛగా సాగుతోంది. లూస్‌ సరుకులేకాదు.. ప్యాకెట్లలో వి క్రయించే వాటిపైనా లేబుళ్లు, తయారీ, గడువు తే దీలు, తయారీదారు వివరాలు ఉండడంలేదు. జి ల్లాలో గత ఏప్రిల్‌ నుంచి ఈనెల 15వ తేదీ వరకు పెద్దపల్లి, కరీంనగర్‌ ఉమ్మడి జిల్లాల్లో సేకరించిన 95 ఆహార నమూనాల్లో 32 సరుకులు కల్తీగా నిర్ధారణ కావడం పరిస్థితి తీవ్రతను చాటుతోంది. న మూనాల సంఖ్య పరిమితమే అయినా.. పరీక్షించిన వాటిలో ఇంతభారీగా కల్తీ ఉండడం ఆహార భద్రత పర్యవేక్షణపై అనుమానాలు రేకెత్తిస్తోంది. ● కల్తీ ఎలా చేస్తున్నారంటే.. కారప్పొడిలో సూడాన్‌ రంగు, ఇటుకపొడి, పసుపు లో బొప్పాయిపిండి, చాక్‌పీస్‌ పౌడర్‌, మైదా, లీడ్‌ క్రోమెట్‌, మెటానిల్‌ ఎల్లో వంటివి కలుపుతున్నారు. తేనెలో చక్కెరపాకం, టీపొడిలో కొబ్బరిపీచు, ఇను పపొడి, కృత్రిమ రంగులు, పప్పు దినుసులకు ఎల్లో టార్‌ట్రాజైన్‌తో పాలిష్‌, వంటనూనెల్లో ట్రై ఆర్థో క్రె సిల్‌ ఫాస్ఫేట్‌ వంటి విషతుల్య రసాయనాలు, సగ్గుబియ్యంలో ఆప్టికల్‌ ఫైబర్‌ రంగు, బేకరీ ఉత్పత్తుల్లో ఎల్లో కలర్‌ వినియోగిస్తున్నట్లు తనిఖీల్లో తేలింది. ● ఆరోగ్యానికి ముప్పు కల్తీ ఆహారం తీసుకుంటే కిడ్నీ, గుండెపోటు, పక్షవాతం, క్యాన్సర్‌, చర్మ సమస్యలు, నాడీవ్యవస్థ దెబ్బతినే ప్రమాదం ఉందని వైద్యులు హెచ్చరిస్తున్నారు. జీర్ణకోశ, పెద్దపేగు, అన్నవాహిక క్యాన్సర్లకూ ఇవే ప్రధాన కారణమని వారు చెబుతున్నారు. అనుమానాస్పద సరుకులు ఉంటే 91001 05795, 040–21111111 నంబర్లకు ఫోన్‌చేసి ఫిర్యాదు చేయాలని అధికారులు సూచిస్తున్నారు.ఇది పెద్దపల్లిలోని ఓషాప్‌. అపరిశుభ్ర వాతావర ణంలోనే బన్‌, బ్రెడ్‌ తయారు చేశారు. బ్రాండ్‌ పేరు, తయారీ, గడవుతేదీ ఏమీలేదు. ఖారా, చెకోడి తదితర తినుబండారాలు ఇలాగే తయారు చేసి యథేచ్ఛగా విక్రయిస్తున్నారు.

రామగిరి: రైతుల నుంచి వచ్చే అభ్యంతరాలు, అభిప్రాయాలు పరిగణనలోకి తీసుకున్నాకే సింగరేణి భూసేకరణపై తుది నిర్ణయం తీసుకుంటామని కలెక్టర్‌ కోయ శ్రీహర్ష స్పష్టం చేశారు. ఉప్పట్ల కేసారం, రాజాపూర్‌ గ్రామాల్లో ఆయన మంగళవారం పర్యటించారు. ఉప్పట్లకేసారంలో సర్వే నంబర్‌ 35 లోని ప్రభుత్వ భూమి పరిశీలించారు. రాజాపూర్‌లో అదనపు కలెక్టర్‌ శ్రీరాములుతో కలిసి నిర్వాసితుల సమస్యలు, అభ్యంతరాలను అడిగి తెలుసుకున్నారు. డీసీపీ రాంరెడ్డి, గోదావరిఖని ఏసీపీ రమేశ్‌, తహసీల్దార్‌ సుమన్‌, రాజాపూర్‌ సర్పంచ్‌ పుల్లెల భాగ్యలక్ష్మి, ఉప సర్పంచ్‌ కలవేన శ్రీకాంత్‌, సింగరేణి అధికారులు తదితరులు పాల్గొన్నారు. పకడ్బందీగా డిజిటల్‌ పశు సంపద మిషన్‌ పెద్దపల్లి: డిజిటల్‌ పశుసంపద మిషన్‌ను పకడ్బందీగా అమలు చేయాలని కలెక్టర్‌ శ్రీహర్ష ఆదేశించారు. కలెక్టరేట్‌లో పశుసంవర్థక శాఖ అధికారులతో ఆగస్టు 18న నుంచి కొనసాగుతున్న అభివృద్ధి, సంక్షేమ పనులపై సమీక్షించారు. భారత్‌ పశుధన్‌ పోర్టల్‌ ద్వారా ప్రతీపశువుకు 12 అంకెల బార్‌కోడ్‌ ఏర్పాటు చేసి, యజమాని ఆధార్‌, మొబైల్‌ నంబర్‌తో అనుసంధానం చేయాలని సూచించారు. పశుసంవర్థక శాఖ అధికారి వేణుగోపాల్‌రావు, ఇన్‌చార్జి డీపీవో శ్రీమాల తదితరులు పాల్గొన్నారు.

గోదావరిఖనిలోని ప్రముఖ బేకరీలో బ్రెడ్‌ కొన్న. తయారీ, గడువు తేదీ, కంపెనీ పేరులేవు. మరుసటిరోజు తినడానికి చూస్తే సిల్వర్‌ కవర్‌ ముక్కలు కనిపించాయి. మరోప్రముఖ స్వీట్‌హౌస్‌లో బూందీ కొంటే స్క్రూ వచ్చింది. నిలదీస్తే సింపుల్‌గా సారీ చెప్పి తప్పించుకున్నారు. ప్రతీ షాప్‌ ముందు ఫుడ్‌ సేఫ్టీ ఆఫీసర్‌, టోల్‌ఫ్రీ నంబర్లు ప్రదర్శించి నిఘా ఉంచాలి. – పిట్టల రాజ్‌కుమార్‌, మదర్‌ హ్యూమన్‌ యూత్‌ సొసైటీ కల్తీ ఆహారంతో ముప్పు కల్తీ ఆహారంతో వెంటనే కనిపించే సమస్యలు వాంతులు, విరేచనాలు, కడుపునొప్పి, వికారం, జ్వరం. కలుషితం లేదా నాసిరకం ఆహారాన్ని దీర్ఘకాలం తీసుకుంటే అవయవాలపై ప్రతికూల ప్రభావం పడుతుంది. రసాయనాలు, రంగులు కలిపిన ఆహారాన్ని పదేపదే తీసుకుంటే ఆరోగ్యానికి ప్రమాదకరం. ఇలాంటివాటికి ప్రజలు దూరంగా ఉండాలి.– డాక్టర్‌ అజయ్‌, అసిస్టెంట్‌ ఫొఫెసర్‌

పోలీసు బలగాలు ఇలా.. ఏసీపీలు 4 సీఐ/ఆర్‌ఐలు 15 ఎస్‌ఐ/ఆర్‌ఎస్‌ఐ 25 హెడ్‌కానిస్టేబుళ్లు 26 కానిస్టేబుళ్లు 81 మహిళా కానిస్టేబుళ్లు 14 హోంగార్డులు 30 స్పెషల్‌ పార్టీ 25 ట్రాఫిక్‌, ఎన్‌సీసీ, ఎన్‌ఎస్‌ఎస్‌ 40 సింగరేణి సెక్యూరిటీ 100 మొత్తం విగ్రహాలు 2,659 గోదావరిఖని: అడుగడుగునా సీసీ కెమెరాలు.. డ్రోన్ల నిరంతర పర్యవేక్షణ.. అత్యాధునిక సాంకేతిక పరిజ్ఞానం.. ఈసారి వినాయక నిమజ్జనం ప్రశాంతంగా నిర్వహించేందుకు రామగుండం పోలీసులు అనుసరిస్తున్న ప్రత్యేక ప్రణాళిక ఇది. శోభాయాత్రకు ఇప్పటికే రూట్‌మ్యాప్‌ సిద్ధం చేశారు. జిల్లాలో బుధవారం నిర్వహించే గణేశ్‌ నిమజ్జనం కోసం సర్వసన్నద్ధమయ్యారు. జిల్లా వ్యాప్తంగా 2,659 గణపతి విగ్రహాలు ఏర్పాటు చేశారు. రెవెన్యూ, మున్సిపల్‌, పోలీసుశాఖ ఆధ్వ ర్యంలో నిమజ్జన వేడుకలను విజయవంతం చే సేందుకు రామగుండం పోలీస్‌ కమిషనర్‌ అంబర్‌ కిశోర్‌ ఝా ప్రత్యేకంగా పర్యవేక్షిస్తున్నారు. ఆయా ప్రాంతాలను ఆయన స్వయంగా పరిశీలించారు. సీసీ, డ్రోన్‌ కెమెరాలతో నిఘా జిల్లావ్యాప్తంగా ఈసారి గణేశ్‌ నిమజ్జనాన్ని పూర్తిగా సీసీ కెమెరాలు, డ్రోన్‌ కెమెరాలతో పర్యవేక్షిస్తారు. శోభాయాత్ర మొదలుకుని నిమజ్జనం వరకూ అడుగడుగునా నిఘా కొనసాగుతుంది. సీపీ కార్యాలయంలోని కమాండ్‌ కంట్రోల్‌ రూంలో శోభాయాత్ర ఆసాంతం పరశీలించనున్నారు. ట్రాఫిక్‌ సమస్య ఏర్పడినా, శోభాయాత్రలో వాహనాల కదలికలనూ క్షుణ్ణంగా పరిశీలిస్తారు. గోదావరి బ్రిడ్జి వద్ద ట్రాఫిక్‌ మళ్లింపు గోదావరిఖని సమీపంలోని గోదావరి వంతెన పై నుంచి నదిలో విగ్రహాల నిమజ్జనం నేపథ్యంలో మంచిర్యాల వైపు వెళ్లే వాహనాలను మళ్లించారు. మంచిర్యాల వైపు వెళ్లే, గోదావరిఖనివైపు వచ్చే వాహనాలను ఒకేవైపు.. గోదావరిఖని మిలీనియం క్వార్టర్ల సమీపం నుంచి మళ్లిస్తారు. అత్యవసర సేవలకు హెల్ప్‌లైన్‌ పెద్దపల్లిరూరల్‌: గణేశ్‌ నిమజ్జనం సందర్భంగా డీజేలకు అనుమతి లేదని డీసీపీ రాంరెడ్డి, ఏసీపీ కృష్ణ స్పష్టం చేశారు. అత్యవసర సేవలు, సమస్యల కోసం టోల్‌ఫ్రీ నంబరు 1912కు లేదా కంట్రోల్‌రూం నంబర్లు 87124 84198, 8712 484165కు సమాచారం అందించాలని సూచించారు. పెద్దపల్లిలోని ఎల్లమ్మ, గుండమ్మ చెరువు వద్ద నిమజ్జనం కోసం ఏర్పాట్లు పూర్తిచేసినట్టు మున్సిపల్‌ కమిషనర్‌ వెంకటేశ్‌ తెలిపారు. నిమజ్జన ప్రాంతాలు ఇదే.. గోదావరిఖని గోదావరి వంతెన అంతర్గాం గోలివాడ పుష్కరఘాట్‌ మంథని గోదావరినది పుష్కరఘాట్‌ పెద్దపల్లి ఎల్లమ్మ, గుండమ్మ చెరువు సుల్తానాబాద్‌ ఊరచెరువు ఏర్పాట్లు.. జాగ్రత్తలు నిమజ్జన ప్రాంతాల్లో ఫ్లడ్‌లైట్లు, క్రేన్లు ఏ ర్పాటు చేశారు. నీటి వసతి కల్పించారు గోదావరి వద్ద గజఈతగాళ్లను అందుబాటులో ఉంచారు ప్రధాన రోడ్లను మరమ్మతు చేశారు నిమజ్జనం కోసం ఏర్పాటు చేసిన వాహనం కండీషన్‌, డాక్యుమెంట్లు సరిగ్గా ఉండాలి. డ్రైవర్‌ వివరాలు కమిటీకి ఉండాలి శోభాయాత్రలో దేవుడి పాటలే ఉపయోగించాలి భక్తులు, డ్రైవర్లు మద్యం తాగొద్దు డీజేలు ఉపయోగించొద్దు చీకటిపడేలోగా నిమజ్జనం పూర్తిచేయాలి నిమజ్జన ప్రదేశాల్లో ఫొటోలు, సెల్ఫీలకు అనుమతిలేదు.

గోదావరిఖని: వినాయక నిమజ్జనం ప్రశాంతంగా, సురక్షితంగా సాగేలా ప్రణాళిక బద్ధంగా సమన్వయంతో పనిచేయాలని రామగుండం పోలీస్‌ కమిషనర్‌ అంబర్‌ కిశోర్‌ ఝా సూచించారు. పోలీస్‌, సింగరేణి, మున్సిపల్‌, రెవెన్యూ, విద్యుత్‌, వైద్య, ఆరో గ్య, ఎస్‌డీఆర్‌ఎఫ్‌, అగ్నిమాపక, ఫిషరీస్‌ తదితర శాఖల అధికారులతో తన కార్యాలయంలో సోమ వారం నిర్వహించిన సమన్వయ సమయంలో సీపీ మాట్లాడారు. గతేడాది ఎదురైన సమస్యలు, లోపాలను సమీక్షించి, ఈసారి పునరావృతం కాకుండా చర్యలు తీసుకోవాలని ఆదేశించారు. నిమజ్జన ప్రదేశాల్లో నీటిలోతు, ప్రమాదకర ప్రాంతాలను గుర్తించి హెచ్చరిక బోర్డులు ఏర్పాటు చేయాలన్నారు. రక్షణ సిబ్బంది, గజఈతగాళ్లు, రెస్క్యూ బృందాలు, రక్షణ పరికరాలను అందుబాటులో ఉంచాలని అన్నారు. పారిశుధ్యం నిర్వహణ, తాగునీరు, లైటింగ్‌, రోడ్లు, పార్కింగ్‌ తదితర ఏర్పాట్లను పర్యవేక్షించాలన్నారు. విద్యుత్‌ వైర్లు, స్తంభాలు, తాత్కాలిక కనెక్షన్లను పరిశీలించి ప్రమాదాలకు అవకాశం లేకుండా చర్యలు చేపట్టాలని ఆన అన్నారు. అదనపు డీసీపీ(అడ్మిన్‌) శ్రీనివాస్‌, సింగరేణి ఆర్‌జీ–1 జీఎం లలిత్‌కుమార్‌, ఏసీపీలు నాగేంద్రగౌడ్‌, రమేశ్‌, వెంకటేశ్వర్లు, సీఐలు ఇంద్రసేనారెడ్డి, కృష్ణకుమార్‌, ప్రసాద్‌రావు, నవీన్‌కుమార్‌, ఎస్‌ఐ భూమేశ్‌ తదితరులు పాల్గొన్నారు. అంతకుముందు గ్రీవెన్స్‌డేలో బాధితుల నుంచి ఫిర్యాదులు స్వీకరించారు. ప్రతీ ఫిర్యాదుదారుతో స్వయంగా మాట్లాడి సమస్యలు అడిగి తెలుసుకున్నారు.

రామగుండం: ఎల్లంపల్లి ప్రాజెక్టు దిగువన గోదావ రి నది ఏడారిని తలపిస్తోంది. ఎల్‌నినో ప్రభావంతో ఆశించిన స్థాయిలో వర్షాలు కురవక, ప్రాజెక్టులోకి నీరురాక ఈ పరిస్థితి ఎదురైంది. ప్రస్తుతం వినాయక నవరాత్రి ఉత్సవాలు వైభవంగా జరుగుతున్నాయి. చివరిరోజు విగ్రహాలను నిమజ్జనం చేసేందుకు నదిలో నీరులేకపోవడం భక్తులను తీవ్ర నిరాశకు గురిచేస్తోంది. ఎగువ నుంచి నీటిని విడుదల చేస్తే తప్ప ఈసారి విగ్రహాల నిమజ్జనానికి సమస్యలు తప్పేలా లేవని వాపోతున్నారు. ఎల్లంపల్లిలో 18.50 టీఎంసీల నిల్వ రామగుండం పారిశ్రామిక ప్రాంతంలో బుధవారం గోదావరిలోనే అత్యధికంగా వినాయక విగ్రహాలను నిమజ్జనం చేస్తారు. ప్రాజెక్టులో 18.50 టీఎంసీల నీ రు మాత్రమే నిల్వ ఉంది. ఎగువ నుంచి స్వల్పంగా ఇన్‌ఫ్లో వస్తుంది. గతేడాది ఇదేరోజు భారీగా వరద రావడంతో ప్రాజెక్టు పది గేట్లు ఎత్తి 1.50 లక్షల క్యూ సెక్కులను దిగువకు వదిలారు. ఈసారి ప్రాజెక్టు గేట్లు ఎత్తి దిగువకు నీటిని వదిలితేనే వినాయక విగ్రహాల నిమజ్జనం సాఫీగా సాగుతుందని భక్తులు ఆశిస్తున్నారు. ఇందుకోసం నీటిపారుదల అధికారులు చర్యలు తీసుకోవాలని వారు కోరుతున్నారు.రామగుండం నియోజకవర్గంలో ఏర్పాటు చేసిన వినాయక విగ్రహాలు ప్రాంతం 2025 2026 అంతర్గాం 63 60 రామగుండం 45 61 ఎన్టీపీసీ 122 126 గోదావరిఖని 475 470

గోదావరిఖని: జీవో 76పై కాంగ్రెస్‌ డ్రామాలు చేస్తోందని మాజీ మంత్రి కొప్పుల ఈశ్వర్‌ ధ్వజమెత్తారు. స్థానిక ప్రెస్‌క్లబ్‌లో సోమవారం ఏర్పాటు చే సిన విలేకరుల సమావేశంలో మాజీ ఎమ్మెల్యే కోరుకంటి చందర్‌, టీబీజీకేఎస్‌ అధ్యక్షుడు మిర్యాల రాజిరెడ్డితో కలిసి మాట్లాడారు. సింగరేణి స్థలాలను రెగ్యులరైజ్‌ చేసే ప్రక్రియలో అప్పటి సీఎం కేసీఆర్‌ జీవో 76 తీసుకొచ్చారని, దీనిద్వారా దాదాపు 2వేల ఎకరాల సింగరేణి స్థలాల్లో పట్టాలు జారీచేశారని గుర్తుచేశారు. ఆ జీవోలోని కొన్ని లోటుపాట్లను సవరిస్తూ 2023లో కేసీఆర్‌ జీవో 28 కూడా జారీచేశారని, జీవో 76ను కాంగ్రెస్‌ ప్రభుత్వం కొనసాగిస్తూ సింగరేణి స్థలాలు క్రమబద్ధీకరిస్తామని గొప్పలు చెప్పుకుంటోందని కొప్పుల ఎద్దేవా చేశారు. ఈ సమావేశంలో నాయకులు వ్యాళ్ల హరీశ్‌రెడ్డి, మేకల సమ్మయ్యయాదవ్‌, నూనె కొమురయ్య, మూల విజయారెడ్డి, మురళీధర్‌రావు, మారుతి, బొడ్డు రవీందర్‌, పర్లపల్లి రవి, పోలాడి శ్రీనివాస్‌రావు, దండే రవి, నూతి తిరుపతి, మెతుకు దేవరాజ్‌, అచ్చే వేణు తదితరులు పాల్గొన్నారు. పోలీసు అధికారితో విచారణ మంథని: తనపై సోషల్‌ మీడియా, పత్రికల ద్వారా తప్పుడు, పరువునష్టం కలిగించే ప్రచారం చేసిన వారిపై ఫిర్యాదు చేసినా పోలీసులు చర్యలు తీసుకోలేదని మంథనికి చెందిన నాయిని సంతోష్‌ మానవ హక్కుల కమిషన్‌ను ఆశ్రయించారు. ఈ వ్యవహారంపై మంథని పోలీసులు, రామగుండం పోలీస్‌ కమిషనర్‌కు ఫిర్యాదు చేసినా ఎఫ్‌ఐఆర్‌ నమోదు చేయలేదని ఫిర్యాదులో పేర్కొన్నారు. ఈ వ్యవహారంపై సీనియర్‌ పోలీస్‌ అధికారితో విచారణ జరిపించాలని ఫిర్యాదారు సంతోష్‌ కోరారు. ఆయన ఇచ్చిన ఫిర్యాదును పరిశీలించిన హక్కుల కమిషన్‌ ఈమేరకు ఉత్తర్వులు జారీ చేసింది.

కరీంనగర్‌టౌన్‌: పదేళ్ల సుదీర్ఘ విరామం తర్వాత ఆర్టీ సీలో గుర్తింపు యూనియన్ల ఎన్నికలకు షెడ్యూల్‌ వి డుదల కావడంతో సందడి మొదలైంది. కరీంనగర్‌ రీజియన్‌లోని 11 డిపోల్లో ఎన్నికల వేడి రాజుకుంది. ఒకవైపు టీఎంయూ పోటీపై అనిశ్చితి నెలకొనగా.. మరోవైపు యూనియన్ల మధ్య పొత్తులు, కూటములు కొత్త సమీకరణాలకు తెరతీస్తున్నాయి. గత ఎన్ని కలతో పోలిస్తే ఈసారి పోరు ఆసక్తికరంగా మారే అ వకాశముంది. పదేళ్ల తర్వాత జరుగుతున్న ఈ ఎన్నికల్లో మెజారిటీ స్థానాలు దక్కించుకునేందుకు యూని యన్లు వ్యూహాలకు పదును పెడుతున్నాయి. చివర కు ఏ సంఘానికి కార్మికుల మద్దతు లభిస్తుందన్నది అక్టోబర్‌ 17న వెలువడే ఫలితాలతో తేలనుంది. 2,830 మంది ఓటర్లు కరీంనగర్‌ రీజియన్‌లో కరీంనగర్‌–1, కరీంనగర్‌–2, హుస్నాబాద్‌, హుజూరాబాద్‌, జగిత్యాల, కోరుట్ల, మెట్‌పల్లి, వేములవాడ, మంథని, గోదావరిఖ ని, సిరిసిల్ల డిపోలు ఉన్నాయి. వీటి పరిధిలో 2,830 మంది ఓటర్లు ఉన్నారు. వీరిలో 1,340 మంది డ్రైవ ర్లు, 955 మంది కండక్టర్లు, 376 మంది మెయింటెనెన్స్‌ సిబ్బంది, 132 మంది ఎగ్జిక్యూటివ్‌ సిబ్బంది, 19 మంది రీజియన్‌ కార్యాలయ ఉద్యోగులు, నలు గురు మెడికల్‌, ముగ్గురు ఫైనాన్స్‌, ఒకరు స్టోర్‌ విభాగానికి చెందినవారు ఉన్నారు. టీఎంయూ దారెటు? 2016లో జరిగిన ఎన్నికల్లో కరీంనగర్‌ రీజియన్‌లో తెలంగాణ మజ్దూర్‌ యూనియన్‌(టీఎంయూ) విజ యం సాధించింది. ఈసారి ఆ సంఘం రాష్ట్ర నాయకత్వం రెండు వర్గాలుగా విడిపోవడం, వివాదం కోర్టుకు వెళ్లడంతో టీఎంయూ పోటీపై అనిశ్చితి నెలకొంది. లేబర్‌ కమిషన్‌ నుంచి పోటీకి అనుమతి విషయంలోనూ సమస్యలు ఎదురయ్యాయి. రీజియన్‌లో బలమైన సభ్యత్వం ఉన్న టీఎంయూ పోటీకి దూరమైతే.. ఇతర సంఘాలకు మద్దతు ఇవ్వడం ద్వారా తమ బలాన్ని చాటుకునేందుకు ఆ సంఘం నాయకులు వ్యూహాలు రచిస్తున్నట్లు సమాచారం. జేఏసీలో కీలకంగా వ్యవహరించిన టీఎంయూ, ఎంప్లాయీస్‌ యూనియన్‌, నేషనల్‌ మజ్దూర్‌ యూని యన్‌ నాయకులు సమావేశాలు నిర్వహిస్తూ డిపోల్లో గేట్‌ మీటింగ్‌లు చేపడుతున్నారు. ఎస్‌డబ్ల్యూయూ(ఐఎన్‌టీయూసీ)తో పోటీకి సమాయత్తమవుతున్న ట్లు తెలుస్తోంది. గుర్తులు కేటాయించాక మరికొన్నింటి యూనియన్ల మధ్య పొత్తులు ఖరారయ్యే అవకాశం ఉందని సంఘాల నాయకులు చెబుతున్నారు. షెడ్యూల్‌ ఇలా ఎన్నికల ప్రక్రియలో భాగంగా పోటీ చేసేందుకు యూనియన్ల నుంచి సోమవారం సమ్మతి పత్రాలు స్వీకరించారు. మంగళవారం డీఎంల ద్వారా రి టర్నింగ్‌ అధికారులకు డ్రాఫ్ట్‌ అభ్యంతరాలకు ఆ హ్వానం, 24న ఓటర్ల జాబితాపై అభ్యంతరాల స్వీకరణ, 25న తుది ఓటర్ల జాబితా పంపిణీ, 26న గు ర్తులు కేటాయిస్తారు. అదేరోజు తుది ఓటర్ల జాబి తాను రిటర్నింగ్‌ అధికారులు సమర్పించనున్నారు. 29న డమ్మీ బ్యాలెట్‌ పేపర్ల సమీకరణ, అక్టోబర్‌ 9న ఉదయం 5 గంటల నుంచి సాయంత్రం 6 గంటల వరకు రహస్య బ్యాలెట్‌ ద్వారా పోలింగ్‌, అక్టోబర్‌ 14, 15న పోస్టల్‌ బ్యాలెట్‌, 17న ఓట్ల లెక్కింపు, ఫలితాల ప్రకటన ఉంటుంది.

సాక్షి, పెద్దపల్లి: ఘుమఘుమలాడే సువాసన.. ఆకట్టుకునే రంగులు.. నోరూరించే రుచి.. తక్కువ ధర. ఆహారాన్ని ఆకర్షణీయంగా మార్చేందుకు హోటళ్లు, బిర్యానీ సెంటర్లు, ఫాస్ట్‌ఫుడ్‌ కేంద్రాలు పోటీపడుతున్నాయి. కానీ దానివెనుక పరిశుభ్రత, నాణ్యత ప్రమాణాలు ఎంతవరకు ఉన్నాయనేది ప్రశ్నార్థకంగా మారుతోంది. నాసిరకం ముడిసరుకులు, నిబంధనలకు విరుద్ధంగా ఆహార పదార్థాల తయారీ, పదేపదే వేడిచేసిన నూనె వినియోగంతో వాటిని తి ని ప్రజలు అనారోగ్యాన్ని కొనితెచ్చుకుంటున్నారు. ఆహార భద్రత అధికారులు జిల్లాలో ఇటీవల నిర్వహించిన తనిఖీల్లో అనేక ఉల్లంఘనలు బయటపడ్డాయి. ఏప్రిల్‌ ఒకటో తేదీ నుంచి ఇప్పటివరకు 127 తనిఖీలు చేసి 45 నమూనాలను సేకరించారు. వాటిలో 16 నమూనాలు నాణ్యతా ప్రమాణాలకు విరుద్ధంగా ఉన్నట్లు తేల్చారు. బాధ్యులపై రూ.3 లక్షల వరకు జరిమానా కూడా విధించారు. అల్లం, వెల్లుల్లి పేస్ట్‌, పాలు, పెరుగు, వంటనూనె, బాదం మిల్క్‌ తదితరాల్లో నిబంధనల ఉల్లంఘనలు అధికంగా ఉన్నట్లు అధికారులు గుర్తించారు. కిచెన్‌లోనే అసలు కథ.. వినియోగదారులకు కనిపించేది హోటల్‌ ముందు భాగమే. వంటగదిలో పరిశుభ్రత పాటించడంలేదు. ముడి పదార్థాలను సరిగా నిల్వ చేయడంలేదు. నాసి రకం మసాలాలు వినియోగిస్తున్నారు. ఇలాంటి లో పాలు తనిఖీల్లో వెలుగుచూస్తున్నాయి. ముఖ్యంగా బిర్యానీ, కర్రీ పాయింట్లలో ఉపయోగించే మసాలా లు, వంటనూనెల నాణ్యతపై నిర్వాహకులు అలస త్వం ప్రదర్శిస్తున్నారు. తక్కువ ధరకు ఆహారం అందించాలనే ఉద్దేశంతో నాణ్యత విస్మరించడం వినికస్టమర్ల ఆరోగ్యానికి ముప్పుగా పరిణమిస్తోంది. నల్లగా మారినా.. జిల్లాలోని కొన్ని హోటళ్లు, ఫాస్ట్‌ఫుడ్‌ కేంద్రాల్లో ఒకసారి ఉపయోగించిన వంట నూనెను పదేపదే వేడిచేసి వినియోగిస్తున్నట్లు ఆహార భద్రత అధికారులు గుర్తిస్తున్నారు. ఇలా చేయడం ద్వారా నూనె లో రసాయన మార్పులు చోటుచేసుకుని నాణ్యత దెబ్బతినే అవకాశం ఉందని వారు చెబుతున్నారు.జరిమానాలకే పరిమితం జిల్లాలో మూడు నెలల్లో అధికారులు 127 తనిఖీలు చేసి 45 నమూనాలు సేకరించారు. హోటళ్లు, ఫాస్ట్‌ఫుడ్‌ కేంద్రాలు, బేకరీలు, స్వీట్‌హౌస్‌లు, పాల విక్రయ కేంద్రాల సంఖ్యతో పోలిస్తే ఈ తనిఖీల పరిధి ఇంకా విస్తరించాల్సి ఉందనే అభిప్రాయాలు వ్యక్తమవుతున్నాయి. సిబ్బంది కొరత కూడా పర్యవేక్షణకు ఇబ్బందిగా మారుతోంది. జిల్లాలో ఫుడ్‌ ఇన్‌స్పెక్టర్లు నెలకు కనీసం 10 నమూనాలు సేకరించాలి. నమూనాలను పరీక్ష కోసం హైదరాబాద్‌ పంపించాలి. సురక్షితం కానీ ఆహారమని నిర్ధారిస్తే యాజమాన్యంపై క్రిమినల్‌ కేసు నమోదు చేయాలి, లేదా నోటీసులు ఇచ్చి జరిమానా విధించాలి. తప్పు సరిదిద్దుకున్నారా? లేదా అని పదిరోజుల్లో మరోసారి తనిఖీ చేయాలి. సిబ్బంది కొరతతో తనిఖీలు నామమాత్రమే అవుతున్నాయనే విమర్శలున్నాయి. గోదావరిఖనిలో ఓ చిప్స్‌ తయారీ యూనిట్‌లో అధికారులు ఇటీవల తనిఖీ చేశారు. పదేపదే వినియోగిస్తున్న వంటనూనె గుర్తించారు. నాణ్యత పరీక్షించగా, నిర్దేశిత ప్రమాణాల కన్నా రీడింగ్‌ అధికంగా సూచించడంతో 25కిలోలు స్వాధీనం చేసుకున్నారు. తనిఖీల సమాచారం మొత్తం తనిఖీలు 127 సేకరించిన శాంపిళ్లు 45 ఫెయిలైనవి 16 జరిమానా(రూ.లక్షల్లో) 3 ఇది కాల్వశ్రీరాంపూర్‌ మండలంలోని ఓ ఫాస్ట్‌ఫుడ్‌ సెంటర్‌. ఇరుకు గదిలోనే ఆహార పదార్థాల తయారీ, ప్లేట్లు, వంట సామగ్రి శుభ్రం చేస్తున్నా రు. ఇందులోనే ఉల్లిగడ్డలు, కూరగాయల వ్య ర్థాలు, కోడిగుడ్డు పెంకులు పడివున్నాయి. దో మలు, ఈగలూ స్వైరవిహారం చేస్తున్నాయి.

పెద్దపల్లి/సుల్తానాబాద్‌రూరల్‌: గణేశ్‌ నిమజ్జనం వే డుకలను శాంతియుత వాతావరణంలో వైభవంగా జరుపుకోవాలని పెద్దపల్లి డీసీపీ రాంరెడ్డి సూచించారు. సుల్తానాబాద్‌, కాల్వశ్రీరాంపూర్‌, ఓదెల, ఎ లిగేడు, జూలపల్లి పోలీస్‌స్టేషన్ల పరిధిలోని గణేశ్‌ ఉత్సవ కమిటీలతో సుల్తానాబాద్‌లో సోమవారం సమావేశమయ్యారు. శోభాయాత్రలో డీజేలు నిర్వహిస్తే కఠీన చర్యలు తీసుకుంటామని ఆయన హె చ్చరించారు. ఏసీపీ కృష్ణ, సీఐ రంజిత్‌రావు, ఎస్సై లు చంద్రకుమార్‌, అశోక్‌రెడ్డి, సుధాకర్‌, సనత్‌రెడ్డి, మధుకర్‌, డీఈ, ఏఈలు రామస్వామి, కిశోర్‌ కుమా ర్‌ తదితరులు పాల్గొన్నారు. అంతకుముందు సుల్తానాబాద్‌ పాత పెట్రోల్‌బంక్‌ వద్ద వినాయకుని సన్నిధిలో డీసీపీ రాంరెడ్డి ప్రత్యేక పూజలు చేశారు.

పెద్దపల్లి/పెద్దపల్లిరూరల్‌: వినాయక నిమజ్జ న వేడుకలను ప్రశాంతంగా, శాంతియుత వాతావరణంలో నిర్వహించేందుకు పకడ్బందీ ఏర్పాట్లు చేయాలని ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు సూచించారు. జిల్లా కేంద్రంలోని ఎల్లమ్మ గుండమ్మ చెరువు కట్ట వద్ద నిమజ్జన ఏర్పాట్లను మున్సిపల్‌ చైర్మన్‌ నూగిల్ల మల్లయ్య, కమిషనర్‌ వెంకటేశ్‌, ఏసీపీ కృష్ణతో కలిసి సోమవారం పరిశీలించారు. భక్తులకు ఇబ్బందులు తలెత్తకుండా తాగునీరు, పారిశుధ్యం, విద్యుత్‌, రహదారి, వైద్యం, భద్రత తదితర సౌకర్యాలు కల్పించాలని ఆయన సూచించారు. పలువురు పోలీస్‌ అధికారులు, కౌన్సిలర్లు, నాయకులు తదితరులు పాల్గొన్నారు. కొనసాగుతున్న ఎత్తిపోతలు ధర్మారం: ఎల్లంపల్లి ప్రాజెక్టు లింక్‌–2 నుంచి నందిమేడారం నంది రిజర్వాయర్‌లోకి వారం రోజులుగా నీటిని పంపింగ్‌ చేస్తున్నారు. సోమవారం రెండు పంప్‌ల ద్వారా పంపింగ్‌ చేశారు. రోజూ ఉదయం 9 నుంచి సాయంత్రం 4 గంటల వరకు ఆన్‌ అండ్‌ ఆఫ్‌ పద్ధతిన రోజూ రెండు మోటార్ల ద్వారా రిజర్వాయర్‌లోకి నీటిని పంపింగ్‌ చేస్తున్నారు. ఒక్కో పంప్‌ నుంచి 3,150 క్యూసెక్కులు ఎత్తిపోస్తున్నారు. ఇదేస్థాయిలో రెండు షట్టర్లను ఎత్తి కరీంనగర్‌ జిల్లా రామడుగు మండలం లక్ష్మీపూర్‌ పంప్‌హౌస్‌కు అక్కడ నుంచి మిడ్‌మానేర్‌కు నీటిని తరలిస్తున్నట్లు అధికారులు తెలిపారు. చారిత్రక ప్రాంతాల సందర్శనపెద్దపల్లి: జిల్లా సోషల్‌ స్టడీస్‌ ఆధ్వర్యంలో ఈనెల 20న విజ్ఞాన, విహార యాత్ర చేపట్టారు. మనజిల్లాకు చెందిన సుమారు 50 మంది సాంఘికశాస్త్ర ఉపాధ్యాయులు మంచిర్యాల జిల్లా లోని గంధారి ఖిల్లా, గంధారి మైసమ్మ ఆలయం, భైరవుడు, పదితలల నాగశేషు తదితర ప్రాంతాలను సందర్శించారు. ఆయా ప్రాంతాల చారిత్రక విశేషాలు, సంస్కృతి, ఆధ్యాత్మిక విశ్వాసాలు, భౌగోళిక ప్రత్యేకతల గురించి స్థానికుల ను అడిగి తెలుసుకున్నారు. అనంతరం జోడేఘాట్‌లోని కొమురంభీమ్‌ స్మృతిస్థలి, మరణించిన ప్రదేశం, గిరిజన మ్యూజియం సందర్శించారు. గోండు, ఆదివాసీల సంప్రదాయ పరికరాలు, జీవన విధానం, సంస్కృతి, చారిత్రక అంశాలు పరిశీలించారు. ప్రతినిధులు మారా రమేశ్‌, లింగం శ్రీనివాస్‌, ముద్రబోయిన కుమార్‌స్వామి, గడ్డం రాజనర్సు, కొండం శ్రీనివాస్‌రెడ్డి, వనపర్తి అంజయ్య, సీహెచ్‌ పోచయ్య, మూలా శ్రీనివాస్‌, కుమారస్వామి, యేసు, రాజమల్లు, కిషన్‌రెడ్డి, దూడం సురేశ్‌, రసూల్‌, సీమ హఫీజ్‌, స్వరూప, పద్మ తదితరులు పాల్గొన్నారు. రెస్క్యూ పోటీలకు ఆహ్వానించాలి గోదావరిఖని: సింగరేణిలో నిర్వహించే జోనల్‌ మైన్స్‌ రెస్క్యూ పోటీలకు అన్ని కార్మిక సంఘాలను ఆహ్వానించాలని కార్మిక నాయకులు మిర్యాల రాజిరెడ్డి, తుమ్మల రాజారెడ్డి, రియాజ్‌అహ్మద్‌ కోరారు. సోమవారం డైరెక్టర్‌(పా)ను కలిసి వినతిపత్రం అందజేశారు. ఈనెల 24న 55వ జోనల్‌ మైన్స్‌ రెస్క్యూ పోటీలను ఆర్జీ–2 ఏరియాలో నిర్వహిస్తున్నారని అన్నారు. ఈనెల 9తో గుర్తింపు, ప్రాతినిధ్య సంఘాల కాలపరి మితి ముగిసిందన్నారు. ఈనెల 17న డిప్యూటీ చీఫ్‌ లేబర్‌ కమిషనర్‌, సింగరేణి చైర్మన్‌, మేనేజింగ్‌ డైరెక్టర్‌, డైరెక్టర్‌(పా)ను కలిసి వినతి పత్రం అందజేశామన్నారు. వెంటనే గుర్తింపు కార్మిక సంఘం ఎన్నికలు నిర్వహించాలని, లేనిపక్షంలో అన్నిసంఘాలకు సమాన ప్రాతినిధ్యం కల్పించాలని విన్నవించామని వారు వివరించారు. నేటినుంచి ప్రత్యేక శిబిరాలు పెద్దపల్లి: అగ్రిస్టాక్‌ ప్రాజెక్టులో భాగంగా ప్రతీరైతుకు ప్రత్యేక గుర్తింపు సంఖ్య కేటాయించేందు కు వ్యవసాయ శాఖ రిజిస్ట్రేషన్‌ ప్రక్రియను ము మ్మరం చేసింది. ఇందుకోసం ఈనెల 22 నుంచి 30వ తేదీ వరకు జిల్లాలోని వివిధ గ్రామాల్లో ప్రత్యేక నమోదు శిబిరాలు నిర్వహించనున్నట్లు డీఏవో శ్రీనివాస్‌ సోమవారం తెలిపారు.

ధర్మారం: బీఆర్‌ఎస్‌ హయాంలో చోటుచేసుకున్న అవినీతి చిట్టా బయటపెట్టి మాజీ సీఎం కేసీఆర్‌తోపాటు మాజీమంత్రులను ప్రజల ముందు దోషు లుగా నిలబెడతామని సంక్షేమ శాఖ మంత్రి లక్ష్మణ్‌కుమార్‌ అన్నారు. మండల కేంద్రంలోని వినాయక మండపాలను ఆయన సోమవారం సందర్శించి గ ణపతికి ప్రత్యేక పూజలు చేశారు. అనంతరం మంత్రి మాట్లాడుతూ, గత పాలనలోని అవినీతిని అ సెంబ్లీ సాక్షిగా సీఎం రెవంత్‌రెడ్డి బయటపెట్టారన్నా రు. పదేళ్లపాటు అవినీతికి పాల్పడిన బీఆర్‌ఎస్‌ నాయకులు ప్రజాప్రభుత్వంపై ఆరోపణలు చేయడం విడ్డూరంగా ఉందని ఆయన అన్నారు. నిమజ్జనం సందర్భంగా జాగ్రత్తలు తీసుకోవాలి గణేశ్‌ నిమజ్జనం సందర్భంగా భక్తులకు ఇబ్బందు లు తలెత్తకుండా పకడ్బందీ ఏర్పాట్లు చేయాలని మంత్రి లక్ష్మణ్‌కుమార్‌ సూచించారు. కాంగ్రెస్‌ మండల అధ్యక్షుడు లావుడ్య రూప్లానాయక్‌, డీసీసీ ప్ర ధానకార్యదర్శి గాగిరెడ్డి తిరుపతిరెడ్డి, నాయకులు చింతల ప్రదీప్‌రెడ్డి, కోడా రి అంజన్న, దాగేటి ఉదయ్‌కుమార్‌ యాదవ్‌, కాడే సూర్యనారాయణ, పాలకుర్తి రాజేశంగౌడ్‌, రేణికాదేవి, ఓరం చిరంజీవి, కల్లెం గంగారెడ్డి, వేల్పుల నాగరాజు, జంగ మహేందర్‌యాదవ్‌, తిరుపతి, దేవి లావణ్య పాల్గొన్నారు.

● కలెక్టర్‌ కోయ శ్రీహర్షపెద్దపల్లి: ప్రజావాణి అర్జీలకు అత్యంత ప్రా ధాన్యంతో పరిశీలించి సత్వరమే పరిష్కరించాలని కలెక్టర్‌ కోయ శ్రీహర్ష అదేశించారు. అదనపు కలెక్టర్‌ శ్రీరాములుతో కలిసి సోమ వారం కలెక్టరేట్‌లో నిర్వహించిన ప్రజావాణిలో ప్రజల నుంచి దరఖాస్తులు స్వీకరించా రు. గోదావరిఖనిలోని మేదారి లలిత.. తన కుమార్తె పేరిట ఉన్న ఇంటిని రిజిరస్ట్రేషన్‌ చేసుకొని తమ బాగోలు చూడకుండా ఇంటినుంచి వెళ్లిపోవాలని వేధిస్తున్నరని ఫిర్యాదు చేశారు. అవసరమైన చర్యలు తీసుకోవాలని ఆర్డీవోకు కలెక్టర్‌ సూచించారు. ఫిర్యాదులు రావడంతో తక్షణమే పరిష్కరించాలని అధికారులను కలెక్టర్‌ శ్రీహర్ష ఆదేశించారు. 23న ఆయుర్వేద వైద్యశిబిరం ఆయుర్వేద దినోత్సవాన్ని పురస్కరించుకుని ఈనెల 23న జిల్లా ఆస్పత్రిలో నిర్వహించే మెగా ఆయుర్వేద వైద్యశిబిరాన్ని సద్విని యోగం చేసుకోవాలని కలెక్టర్‌ శ్రీహర్ష సూ చించారు. ఉచిత మెగా వైద్య శిబిరం ప్రచార పోస్టర్‌ను తన కార్యాలయంలో కలెక్టర్‌ ఆవిష్కరించారు. కార్యక్రమంలో ఆయుష్‌ జిల్లా ఇన్‌చార్జి డాక్టర్‌ అరుణ, సీనియర్‌ వైద్యాధికారి శోభరాణి, వైద్యాధికారులు అమర్‌నాథ్‌, మారుతి, జిల్లా ప్రోగ్రాం మేనేజర్‌ విద్యసాగర్‌ తదితరులు ఉన్నారు. గ్రామాల్లో పారిశుధ్యంపై ప్రత్యేక దృష్టి గ్రామాల్లో పారిశుధ్య నిర్వహణపై నిర్లక్ష్యం ప్రదర్శించకుండా నిత్యం క్షేత్రస్థాయిలో ప ర్యవేక్షించాలని కలెక్టర్‌ శ్రీహర్ష అధికారుల ను ఆదేశించారు. ఎంపీవోలు, డీఎల్‌పీవోల తో పారిశుధ్యం నిర్వహణపై కలెక్టరేట్‌లో ఆయన సమీక్షించి పలు సూచనలు చేశారు.

మంథని: ప్రజలు సుఖసంతోషాలు, అష్టైశ్వర్యాలతో వర్ధిల్లాలని, ప్రతీ పని విఘ్నేశ్వరుడి ఆశీస్సులతో సజావుగా సాగాలని ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు ఆకాంక్షించారు. స్థానిక రావుల చెరువుకట్ట హనుమాన్‌ ఆలయంలోని గణేశ్‌ మండపంలో ఆదివారం నిర్వహించిన హోమంలో మంత్రి పాల్గొన్నారు. అనంతరం మహాలక్ష్మీ, గ్రామదేవతలను దర్శించుకున్నారు. లోక కల్యాణం కోసం గణేశుడిని ప్రార్థించినట్లు ఆయన చెప్పారు. సింగరేణి స్థలాలకు పట్టాలు సింగరేణి ప్రాంతాల్లో ఏళ్లుగా స్థిర నివాసం ఏర్పరచుకున్న వారికి ఇళ్ల పట్టాలు అందించే దిశగా ప్రభుత్వం చర్యలు తీసుకుంటోందని మంత్రి శ్రీధర్‌ బాబు తెలిపారు. గతంలో దివంగత సీఎం వైఎస్సార్‌ హయాంలో ఇళ్ల పట్టాలు అందించారని మంత్రి శ్రీధర్‌బాబు గుర్తు చేశారు. పేదల సొంతింటి కల నెరవేర్చడమే లక్ష్యం ప్రజాసంక్షేమంతోపాటు అభివృద్ధికి ప్రభుత్వం ప్రాధాన్యం ఇస్తోందని మంత్రి శ్రీధర్‌బాబు తెలిపారు. పేదల సొంతింటి కలను సాకారం చేయడంతోపాటు వివిధ సంక్షేమ పథకాలను ప్రజలకు చేరువ చేస్తున్నామని ఆయన తెలిపారు. మున్సిపల్‌ చైర్మన్‌ వొడ్నాల శ్రీనివాస్‌, వైస్‌ చైర్మన్‌ ముస్కుల సహేందర్‌రెడ్డి, విద్యుత్‌ నియంత్రణ మండలి సలహా కమిటీ సభ్యుడు శశిభూషణ్‌ కాచే, కాంగ్రెస్‌ మండల అధ్యక్షుడు ఐలి ప్రసాద్‌, జిల్లా అధికార ప్రతినిధి సెగ్గెం రాజేశ్‌, మార్కెట్‌ కమిటీ చైర్మన్‌ కుడుదుల వెంకన్న, తదితరులు పాల్గొన్నారు.

కోల్‌సిటీ: అభివృద్ధి పనుల పేరిట నగరంలో తవ్వుతున్న సీసీ రోడ్లు ప్రమాదకరంగా మారుతున్నాయి. తాగునీటి పైప్‌లైన్‌ ఇంటర్నల్‌ కనెక్షన్లు, అండర్‌గ్రౌండ్‌ డ్రైనేజీ (యూజీడీ) పైప్‌లైన్లను మ్యాన్‌హోల్స్‌కు అనుసంధానం చేసేందుకు రహదారులను తవ్వుతు న్న అధికారులు.. వాటి మరమ్మతును గాలికొదిలే స్తున్నారు. ఏ డివిజన్‌లో చూసినా నిర్లక్ష్యంగా వది లేసిన రోడ్ల దృశ్యాలే దర్శనమిస్తున్నాయి. మార్కండేయకాలనీ – ఇందిరానగర్‌ మధ్య మెయిన్‌ రో డ్డుపై ఆపిల్‌ కిడ్స్‌ ప్లే స్కూల్‌ ఎదుట సాధనానగర్‌కు తాగునీటి సరఫరా ఇంటర్నల్‌ కనెక్షన్‌ కోసం నాలు గు రోజుల క్రితం సీసీ రోడ్డును తవ్వారు. పనులు ఇంకా ప్రారంభించకపోవడంతో గుంతలు ప్రమాదకరంగా మారాయి. నిత్యం వేలాది వాహనాలు రాకపోకలు సాగించే ఈ రహదారిపై ఇరువైపులా రోడ్డు తవ్వడంతో వాహనదారులు ఇబ్బందులు పడుతున్నారు. ఇదే పరిస్థితి దుర్గానగర్‌లోని లక్ష్మీప్రసన్న ఫంక్షన్‌ హాల్‌ సమీపంలోనూ కనిపిస్తోంది. యూజీడీ పైప్‌లైన్‌ను మ్యాన్‌హోల్‌కు అనుసంధా నం కోసం సీసీ రహదారిని తవ్విన అధికారులు.. వారం రోజులైనా మరమ్మతు చేపట్టకుండా వదిలేశారు. తవ్విన ప్రాంతం గుంతలుగా మారి ప్రమాదాలకు ఆహ్వానం పలుకుతోంది. పనుల కోసం రోడ్డు తవ్వడం తప్పుకాదు.. తవ్విన రోడ్డును పూ డ్చకుండా ప్రజలను ఇబ్బందులకు గురిచేయడమే నిర్లక్ష్యం. ఇంజినీర్ల పర్యవేక్షణ ఏ మేరకు ఉందో.. రోడ్ల పరిస్థితి చూస్తేనే అర్థమవుతోందని స్థానికులు మండిపడుతున్నారు. తవ్విన రోడ్లకు యుద్ధప్రాతిపదికన మరమ్మతు చేసి ప్రమాదాలను నివారించాలని నగరవాసులు కోరుతున్నారు.

గోదావరిఖని/రామగిరి: సింగరేణిలో కాపర్‌ కేబుళ్లు లక్ష్యంగా చోటుచేసుకుంటున్న చోరీలు కలకలం సృష్టిస్తున్నాయి. రాగికి మార్కెట్‌లో మంచిడిమాండ్‌ ఉండటంతో దొంగలు వాటిపైనే దృష్టి సారించారు. ప్రధానంగా ఓసీపీల్లో కేబుళ్లను లక్ష్యంగా చేసుకున్నారు. రామగుండం పారిశ్రామిక ప్రాంతంలోని ఆర్జీ–1, 2, 3, ఏపీఏ ఏరియాలతోపాటు భూపాలపల్లి ప్రాంతంలోని ఓసీపీల్లోనూ కొద్దిరోజులుగా చోటుచేసుకుంటున్న దొంగతనాలు యాజమాన్యా న్ని కలవరానికి గురిచేస్తున్నాయి. భూపాలపల్లిలో చిక్కిన దొంగలు కాపర్‌ కేబుళ్లు చోరీచేస్తూ కొందరు దొంగలు ఇటీవ ల భూపాలపల్లి పోలీసులకు చిక్కారు. కేబుళ్లు తరలించేందుకు వినియోగించే ఒక కారును స్వాధీ నం చేసుకున్నారు. విచారణ వేగవంతం భూపాలపల్లిలో చిక్కిన దొంగలను పోలీసులు విచారణ జరుపుతున్నారని సమాచారం. గతంలో జరిగి న కేబుల్‌ చోరీలతో సంబంధాలు ఉన్నాయా? ము ఠాలో ఇంకా ఎవరున్నారు?కాపర్‌ను ఎక్కడ విక్రయిస్తున్నారనే కోణాల్లో విచారిస్తున్నట్లు తెలిసింది. 130 మీటర్ల పొడవైన కాపర్‌ కేబుల్‌ చోరీపై దృష్టి జీడీకే–10ఏగనిలో ఈనెల 13న సుమారు 130 మీ టర్ల పొడవైన కాపర్‌ కేబుల్‌ చోరీకి గురైంది. అదే రోజు భూపాలపల్లిలోని ఓసీపీ–2 ఆఫీస్‌ సమీపంలో కేబుల్‌ కట్‌ చేస్తుండగా సెక్యూరిటీ సిబ్బంది పట్టుకోవడంతో పోలీసులు కేసు నమోదు చేశారు. నిందితులు ఇక్కడి వారే.. ఆర్జీ–3 ఏరియాలో తరచూ కాపర్‌ కేబుళ్లు చోరీకి గురవుతున్నాయి. ఓసీపీ–2 కేబుల్‌ యార్డుపైనా దొంగలు దాడి చేస్తూ రాగితీగ ఎత్తుకెళ్తున్నారు. దీంతో ఈ ప్రాంతంతోపాటు భూపాలపల్లి ఏరియాలో నూ నిఘా పెంచిన పోలీసులు.. విచారణ వేగవంతం చేస్తున్నారు. భూపాలపల్లిలో అదుపులోకి తీసుకున్న వారు గోదావరిఖని టూటౌన్‌ పోలీస్‌స్టేషన్‌ పరిధిలోని న్యూమారేడుపాక, పోతనకాలనీ, రామ గిరి పోలీస్‌స్టేషన్‌ పరిధిలోని బేగంపేట ప్రాంతాలకు చెందినట్లు గుర్తించి కేసు నమోదు చేశారు. రెండు వాహనాల్లో తరలింపు.. కాపర్‌ కేబుళ్లును తరలించేందుకు దొంగలు రెండు వాహనాలను ఉపయోగిస్తున్నారు. రామగుండం పోలీస్‌కమిషరేట్‌కు ప్రాంతానికి చెందిన నిందితులు రెండు వాహనాల్లో భూపాలపల్లి ఏరియాకు వెళ్లి చోరీలు చేస్తున్నారని చెబుతున్నారు. కఠినంగా వ్యవహరిస్తేనే.. సింగరేణిలో చోరీలు చోటుచేసుకుంటే ‘తమకేటి’ అ నే విధంగా పోలీసులు వ్యవహరిస్తున్నారనే విమర్శ లు వస్తున్నాయి. దీంతోనే కేసులు నమోదైనా దొంగలు పదేపదే చోరీలకు పాల్పడుతున్నారని పేర్కొంటున్నారు. ప్రభుత్వ రంగ సంస్థ సింగరేణిలో చోరీ లు అరిటకట్టడానికి పోలీసులు కఠినంగా వ్యవహరిస్తే సత్ఫలితాలు వస్తాయంటున్నారు. సింగరేణిలో ని ఇంటిదొంగలపైనా ఓ కన్నేసి చోరీలు నియంత్రించాలని కార్మికులు, అధికారులు కోరుతున్నారు.

పెద్దపల్లిరూరల్‌: జిల్లా కేంద్రంలోని ప్రధాన రోడ్లు, కూడళ్లు, ప్రభుత్వ కార్యాలయాల వద్ద ఉన్న షాపింగ్‌ కాంప్లెక్స్‌ల ద్వారా ఆయా శాఖలకు ఏటా రూ.లక్షల ఆదాయం అద్దెల రూపంలో సమకూరుతోంది. ఇందులో ఆర్టీసీ బస్టాండ్‌, వ్యవసాయ మార్కెట్‌, ప్రభుత్వ ఆస్పత్రి, ప్రభుత్వ జూనియర్‌ కాలేజీ, కూరగాయల మార్కెట్‌, మున్సిపల్‌, తహసీల్దార్‌ కార్యాలయాల ఎదుటి కాంప్లెక్స్‌లు అద్దెకు ఇచ్చారు. వీటిలోని కొన్నింటి నుంచి అద్దె వసూలు చేయడంలో అధికారులు నిర్లక్ష్యంగా వ్యవహరిస్తున్నారనే ఆరోపణలు ఉన్నాయి. ఖాళీగా వ్యవసాయ మార్కెట్‌ కాంప్లెక్స్‌ వ్యవసాయ మార్కెట్‌ ఎదుటి షాపింగ్‌ కాంప్లెక్స్‌లో 13 గదులు ఖాళీగా ఉంటున్నాయి. ఒక్కోగదికి అద్దె రూ.15,462గా నిర్ణయించారు. తొలిసారి పోటీపడి అద్దెకు పొందిన వ్యాపారులెవరూ తమ వ్యాపారా లు ఇంకా ప్రారంభించలేదు. అద్దె అధికంగా ఉందని వారు చెబుతున్నారు. కొనసాగిస్తారా.. కూల్చివేస్తారా? జిల్లా కేంద్రంలోని ప్రధాన కూరగాయల మార్కెట్‌ షాపింగ్‌ కాంప్లెక్స్‌ను అలాగే ఉంచుతారా..? లేదా కూల్చివేస్తారా? అనేదానిపై అద్దెదారుల్లో సందిగ్ధం నెలకొంది. కొత్త సముదాయం నిర్మించే పనులు త్వరలోనే ప్రారంభం కానున్నాయి. ఈ క్రమంలో జెండా కూడలిలో తలెత్తుతున్న ట్రాఫిక్‌ సమస్యలను అధిగమించేందుకు పాత షాపింగ్‌ కాంప్లెక్స్‌ కూల్చివేసి ఆ స్థలం పార్కింగ్‌కు కేటాయిస్తారనే ప్రచారం కూడా సాగుతోంది. ఇలాగైతే తమ సంగతేమిటని వ్యాపారులు ఆందోళనలో ఉన్నారు. కూలనున్న ప్రభుత్వాస్పత్రి కాంప్లెక్స్‌ జిల్లా ప్రభుత్వాస్పపత్రి షాపింగ్‌ కాంప్లెక్స్‌ కూల్చివేసి పార్కింగ్‌ కోసం కేటాయించే అవకాశం ఉన్నట్లు తెలుస్తోంది. దీంతోనే వ్యాపార సముదాయం ఎదుట ఇటీవల కందకం తవ్వించారు. వ్యాపారాలు సాగక చాలామంది గదులు ఖాళీ చేశా రు. ఖాళీచేయని వారి గదుల స్లాబులను రెండ్రోజుల క్రితం డ్రిల్‌మిషన్‌తో రంద్రాలు చేశారని, ఇది సరికాదని వ్యాపారులు ఆవేదన వ్యక్తం చేస్తున్నారు. రోడ్డుపైకి తహసీల్‌ ఆఫీస్‌ కాంప్లెక్స్‌ రైల్వేస్టేషన్‌ సమీపంలోని తహసీల్దార్‌ కార్యాలయం ఎదుటి ఆరు గదులతో కూడిన షాపింగ్‌ కాంప్లెక్స్‌ నిర్వాహకుల్లో కొందరు వ్యాపారాలను రోడ్డుపైకి తీకొచ్చారు. దీంతో రాకపోకలకు రైల్వే ప్రయాణికులు చాలా ఇబ్బంది పడుతున్నారు. ఆటోలు, చిరువ్యాపారులు నడిరోడ్డుపైకి రావడంతో రాకపోకలకు సమస్యలు ఎదురవుతున్నాయని అంటున్నారు. వీటితో కాంప్లెక్స్‌ గదులు ఎక్కడ ఉన్నాయో కనిపించకుండాపోతోంది. వాటిముందు తాత్కాలికం పేరిట పర్మినెంట్‌ నిర్మాణాలు చేపట్టారని, అద్దె చెల్లిస్తున్నారో.. లేదో కూడా తెలియ దంటున్నారు. ఉన్నతాధికారులు విచారణ జరిపి ఆక్రమణలు తొలగించి ప్రయాణికుల ఇబ్బందులు తొలగించాలని స్థానికులు కోరుతున్నారు. ‘సీజ్‌’ తొలగేదెప్పుడో? స్థానిక ప్రభుత్వ జూనియర్‌ కాలేజీ ఎదుటి కాంప్లెక్స్‌లోని గదులు అద్దెకు పొందిన వారి లీజు గడువు ముగిసింది. అద్దెపెంచితే రెన్యూవల్‌ చేసుకునేందుకు ముందుకు రావడంలేదని, ఇప్పటికే అద్దెపొందిన కొందరు ఇతరులకు ఇచ్చి ఆదాయం పొందుతున్నారని గుర్తించిన ఉన్నతాధికారులు.. గదులను ఖాళీ చేయాలని వ్యాపారులకు నోటీసులిచ్చారు. స్పందించక పోవడంతో గదులు సీజ్‌ చేశారు. బకాయిదారులు అద్దె చెల్లించినట్టు సమాచారం. తాజాగా టెండర్‌ నిర్వహించాలని నిర్ణయించి ఇంటర్‌బోర్డు అధికారులకు ప్రతిపాదనలు పంపినట్లు సమాచారం. త్వరలోనే వ్యవహారం కొలిక్కి వచ్చే అవకాశం ఉన్నట్లు తెలుస్తోంది.

కమాన్‌పూర్‌: గుండారం రిజర్వాయర్‌ వద్ద గణపతి విగ్రహాల నిమజ్జనానికి ఏర్పాట్లు ఇంకా కానరావడం లేదు. వినాయక నవరాత్రి ఉత్సవాల సందర్భంగా వివిధ గ్రామాల్లో నెలకొల్పిన వినాయక విగ్రహాల నిమ్మజ్జనం ఈనెల 23న నిర్వహించనున్నారు. ఈమేరకు ఆయ మండపాల నిర్వాహకులు ఇప్పటినుంచే ప్రత్యేక ప్రణాళికలు తయారు చేసుకుంటున్నారు. మరోవైపు.. ఏటా గుండారం రిజర్వాయర్‌లో సుమారు వంద వినాయక విగ్రహాల వరకు నిమజ్జనం చేస్తారు. నిమజ్జనం సందర్భంగా భక్తులు, నిర్వాహకులకు ఇబ్బందులు కలుగకుండా రిజర్వాయర్‌ కట్ట, దారి వెంట వీధిలైట్లు, దారిపై గుంతల పూడ్చిడం వంటి పనులు చేపట్టాల్సి ఉన్నా.. నామమాత్రంగానే పనులు చేశారని విమర్శలు వస్తున్నాయి. నిమజ్జనం చేయడానికి వచ్చేవాహనాలకు, భక్తులు ఎలాంటి ఇబ్బందులు కలుగకుండా ప్రజాప్రతినిధులు, అధికారులు ఏర్పాట్లు చేయాలని నిర్వాహకులు కోరుతున్నారు.

జ్యోతినగర్‌: కార్మికుల హక్కులను కాలరాసేలా కేంద్ర ప్రభుత్వం తీసుకొచ్చిన నాలుగు లేబర్‌ కోడ్‌ల ను రద్దు చేయాలని ఐఎఫ్‌టీయూ జాతీయ ప్రధాన కార్యదర్శి టి.శ్రీనివాస్‌ డిమాండ్‌ చేశారు. ఎన్టీపీసీ ఆటోనగర్‌ ఐఎఫ్‌టీయూ కార్యాలయంలో ఆదివా రం జిల్లా కాంట్రాక్టు కార్మికుల సంఘం నిర్మాణ జనరల్‌బాడీ సమావేశం చిలుక శంకర్‌ అధ్యక్షతన నిర్వహించారు. శ్రీనివాస్‌ మాట్లాడుతూ.. అన్నిరంగాల కార్మికులకు కనీస వేతనాలు చెల్లించాలన్నారు. కార్యక్రమంలో నాయకులు కె.రాజన్న, నరేశ్‌, ఈదు నూరి రామకృష్ణ, పుట్టపాక స్వామి, బుచ్చ య్య, వెంకటస్వామి, రాయమల్లు, పద్మ తదితరులు పా ల్గొన్నారు. అనంతరం కార్మిక సంఘం నూతన గౌర వ అధ్యక్షుడిగా జి.సత్యనారాయణరెడ్డి, అధ్యక్షుడి గా నరేశ్‌, ఉపాధ్యక్షుడిగా పుట్టపాక స్వామి, ప్రధాన కార్యదర్శిగా చిలుక శంకర్‌, సహాయ కార్యదర్శిగా బుచ్చయ్య, కోశాధికారిగా పద్మ ఎన్నికయ్యారు.

పెద్దపల్లి: జిల్లాకేంద్రంతోపాటు వివిధ ప్రాంతాల్లో ఆదివారం భారీవర్షం కురిసింది. మధ్యాహ్న సమయంలో ఒక్కసారిగా ఉరుములతో కూడిన వర్షం కురిసింది. దీంతో వాహన రాకపోకలకు అంతరాయం కలిగింది. లోతట్టు ప్రాంతాలు జలమయమయ్యాయి. వర్షం ధాటికి కొన్నిచోట్ల వరిపైరు నేలవాలినట్లు రైతులు ఆవేదన వ్యక్తం చేశారు. బీఆర్‌ఎస్‌ను బద్నాం చేసేందుకే సర్వే ధర్మారం: నీతి, నిజాయతీగా పట్టా భూములు కొ నుగోలు చేసి వ్యవసాయం చేసుకుంటున్న మాజీ సీ ఎం కేసీఆర్‌పై అసత్యపు ఆ రోపణలతో బీఆర్‌ఎస్‌ను బద్నాం చేసేందుకే ప్రభు త్వం భూ సర్వే చేయిస్తోందని మాజీ మంత్రి కొప్పుల ఈశ్వర్‌ విమర్శించారు. మండల కేంద్రంలోని వినాయక విగ్రహాల ఎదుట ఆదివారం ప్రత్యేక పూజలు చేశాక విలేకరులతో మాట్లాడారు. ఎన్నికలకు ముందు కాంగ్రెస్‌ ఇచ్చిన హామీలను నెరవేర్చాలని నిలదీస్తున్నందుకే భూకబ్జాల పేరిట ప్రజల దృష్టి పక్కదారి పట్టించేందుకు ప్రభుత్వం ప్రయత్నం చేస్తోందని ధ్వజమెత్తారు. కేసీఆర్‌, కేటీఆర్‌, హరీశ్‌రావుల లక్ష్యంగా సీఎం రేవంత్‌రెడ్డి కక్షపూరితంగా వ్యవహరిస్తున్నారని మండిపడ్డారు. సీఎంతోపాటు మంత్రులు అక్రమ సంపాదన కోసం పాకులాడుతున్నారని ఆరోపించారు. ఈ కార్యక్రమంలో ప్యాక్స్‌ చైర్మన్‌ ముత్యాల బలరాంరెడ్డి, కాంగ్రెస్‌ మండల మాజీ అధ్యక్షుడు శ్రీధర్‌, పట్టణ అధ్యక్షుడు రాంబాబు, నాయ కులు శ్రీనివాస్‌, ఆవుల లత పాల్గొన్నారు. సింగరేణి ఉద్యోగికి అవార్డు యైటింక్లయిన్‌కాలనీ: జీడీకే ఓసీపీ–3లోని ఈపీ ఆపరేటర్‌ కనకం రమణయ్య నేషనల్‌ బిల్డర్‌ అవార్డు అందుకున్నారు. 40ఏళ్లుగా కళారంగంలో ఆయన చేస్తున్న సేవలను గుర్తించి రోటరీ క్లబ్‌ ఆఫ్‌ మెగాసిటీ ఆధ్వర్యంలో హైదరాబాద్‌ లో నిర్వహించిన కార్యక్రమంలో ఆయనకు అవార్డు అందజేశారు. ఉపాధ్యాయులు, కళా, క్రీడా, విద్యా, ఉద్యోగ తదితర రంగాల్లోని 82 మందిని అవార్డు కోసం ఎంపికచేశారు. అందులో రమణయ్య కూడా ఉన్నారు. ఆయనను కళాకారులు, సింగరేణి ఉద్యోగులు, కార్మిక సంఘాల నాయకులు అభినందించారు. అధికారి పార్టీ కౌన్సిలర్‌కు నోటీసులు పెద్దపల్లి: సుల్తానాబాద్‌ బల్దియాలోని అధికార కాంగ్రెస్‌ పార్టీకి చెందిన ఎనిమిదో వార్డు కౌన్సిలర్‌ చింతల రాజుకు మున్సిపల్‌టౌన్‌ ప్లానింగ్‌ అధికారులు నోటీసులు జారీచేశారు. 15వ వా ర్డు బస్టాండ్‌ వెనకాల వీధిలో నిర్మించిన గ్రౌండ్‌ఫ్లోర్‌, మొదటి అంతస్తు భవనం రిజిస్ట్రేషన్‌ పత్రాలు, నిర్మాణ అనుమతులు సమర్పించాల ని కమిషనర్‌ రమేశ్‌, టౌన్‌ప్లానింగ్‌ అధికారులు ఆదేశిస్తూ నోటీసులు జారీచేశారు. మూడు రోజుల్లోగా మున్సిపల్‌ కార్యాలయంలో ఆ పత్రాలు సమర్పించాలని అధికారులు అందులో పేర్కొన్నారు. గడువులోగా పత్రాలు అందజేయకుంటే నిబంధనల ప్రకారం చర్యలు తీసుకుంటామని హెచ్చరించారు. అయితే, ఉన్నతాధికారుల ఆదేశాలతోనే నోటీసులు జారీచేసినట్లు చర్చ సాగుతోంది. 26న టూరిజం క్లబ్స్‌ పోటీలుపెద్దపల్లి: విద్యార్థుల్లో పర్యాటక ప్రాంతాలు, సాంస్కృతిక వారసత్వం, పర్యావరణ పరిరక్ష ణ, పర్యాటక ప్రాధాన్యతపై అవగాహన పెంపొందించేందుకు ఈనెల 26న యువ టూరి జం క్లబ్స్‌ జిల్లా స్థాయిపోటీలు నిర్వహించనున్నట్లు జిల్లా యువజన, క్రీడల శాఖ అధికారి సురేశ్‌ తెలిపారు. కలెక్టరేట్‌లో నిర్వహించిన పో టీలకు జిల్లాలోని ప్రతీ పాఠశాల, కళాశాల నుంచి ముగ్గురు విద్యార్థులు, ఒక ఉపాధ్యా యుడు హాజరవ్వాలని సూచించారు. విజేతల కు వేర్వేరుగా నగదు బహుతులు అందిస్తారన్నారు. వివిధ విభాగాల్లో పోటీలు ఉంటాయన్నారు. మరిన్ని వివరాలకు 99639 60063 ఫోన్‌ నంబర్‌లో సంప్రదించాలని కోరారు.

గోదావరిఖని: రామగుండం కార్పొరేషన్‌ కాంగ్రెస్‌ పార్టీ అ ధ్యక్షుడిగా ఎండీ ముస్తాఫా నియమితులయ్యారు. ఈమేర కు ఆలిండియా కాంగ్రెస్‌ పార్టీ ప్రధాన కార్యదర్శి కేసీ వేణుగోపాల్‌ శనివారం ప్రకటన విడుదల చేశారు. ఈపదవి కోసం 8మంది నామినేషన్‌ వేయగా మైనార్టీ వర్గానికి చెందిన కార్పొరేటర్‌ ముస్తాఫా వైపు మొగ్గు చూపింది. ఇప్పటివరకు బొంతల రాజేశ్‌ అధ్యక్షుడిగా కొనసాగుతున్నారు. రెండోసారి కార్పొరేటర్‌గా గెలిచి, పార్టీ కార్పొరేషన్‌ కీలకస్థానానికి ఎంపికైన ముస్తాఫాను ఎమ్మెల్యే ఎంఎస్‌ రాజ్‌ఠాకూర్‌, మేయర్‌ మహంకాళి స్వామి, డిప్యూటీ మేయర్‌ పాతిపెల్లి ఎల్లయ్య, కాంగ్రెస్‌ నాయకులు అభినందించారు.

కాల్వశ్రీరాంపూర్‌: భారత రాజ్యాంగ నిర్మాత డాక్టర్‌ బీఆర్‌ అంబేడ్కర్‌పై అభూత కల్పనలతో పుస్తకం ప్రచురించిన ప్రసాద్‌పై పరువు నష్టం దావా వేస్తామని ఎమ్మార్పీఎస్‌ జిల్లా అధ్యక్షుడు అంబాల రాజేందర్‌, ఎస్సీ రిజర్వేషన్‌ పరిరక్షణ సమితి ఉపాధ్యక్షుడు కల్లెపెల్లి సాగర్‌, ఆర్టీఐ చట్టం కో ఆర్డనేటర్‌ కుంట శ్రీకాంత్‌ హెచ్చరించారు. మండల కేంద్రంలోని అంబేడ్కర్‌ విగ్రహానికి శనివారం క్షీరాభిషేకం చేశారు. అనంతరం వారు మాట్లాడుతూ, మహనీయులపై అనుచిత వాఖ్యలు చేస్తూ పుస్తకం ప్రచురించిన ప్రసాద్‌పై పోలీసులు కేసు నమోదు చేయడం హర్షణీయమే అన్నారు. కార్యక్రమంలో ఆల్‌ ఇండియా అంబేడ్కర్‌ సంఘం నాయకులు ఉమామహేశ్వర్‌, చిలుముల రామస్వామి, సిరికొండ నిషాంత్‌, హరీ శ్‌, రాకేశ్‌, రాజేశ్‌, రాజు తదితరులు పాల్గొన్నారు.

19 ఏళ్ల వైష్ణవి యూట్యూబర్‌. సోషల్‌ మీడియాలో ఫేమస్‌. వైష్ణవిని సోషల్‌ మీడియాలో చూసి మనసు పారేసుకున్న హరిబాబు.. ఆమెనే ప్రేమ వివాహం చేసుకున్నాడు. అనంతరం దంపతుల మధ్య విభేదాలు చెలరేగి వైష్ణవి హత్యకు దారితీసింది. వైష్ణవి హత్యపై పగపెంచుకున్న ఆమె సోదరుడు సంతోష్‌ సోషల్‌మీడియా వేదికగా హరిబాబును చంపుతానని ప్రతినబూనాడు. అన్నట్లుగానే హత్య చేసి, తానే చంపానంటూ సోషల్‌ మీడియాలో వీడియో పెట్టాడు. ఒక ప్రాణం తీసి నెటిజన్ల నుంచి మద్దతు కోరడం సమాజాన్ని విస్మయానికి గురిచేసింది. ఈ ఉదంతం వైష్ణవి–హరిబాబుల ప్రాణాలు పోవడంతోపాటు సంతోష్‌ను జైలు పాలుజేసింది.

పెద్దపల్లిరూరల్‌: ఆరుతడి పంటల మాదిరిగానే తక్కువ నీటితో అధిక దిగుబడి ఇచ్చే వరి వంగడాలపై దృష్టి సారించాలని కలెక్టర్‌ కోయ శ్రీహర్ష సూ చించారు. సో అండ్‌ రీప్‌ ఎన్‌జీవో సంస్థ రంగంపల్లి గ్రామంలో శనివారం నిర్వహించిన ‘వరి వరహాలు’లో భాగంగా తక్కువ నీరు, రసాయన మందులతో అధిక దిగుబడి సాధించిన రైతులకు (ఎకరాకి రూ.500చొప్పున) ప్రోత్సాహాకాలను కలెక్టర్‌తోపాటు సంస్థ ఎండీ దివ్య, సీఈవో మురళీధర్‌ అందించి అభినందించారు. వరి సాగుకు అవసరమైన మేరకే నీటిని వినియోగించేలా రైతుల్లో చైతన్యం తెచ్చేందుకు కృషి చేస్తున్న సంస్థ ప్రతినిధులను కలెక్టర్‌ అభినందించారు. భవిష్యత్తులో బయోచర్‌, బ యోగ్యాస్‌, ఆగ్రోఫారెస్ట్రీ ప్రాజెక్టుల ఏర్పాటుకు స హకారం అందిస్తామని కలెక్టర్‌ అన్నారు. తడిపి ఆరబెట్టే విధానం ద్వారా నీటి వినియోగం గణనీయంగా తగ్గుతుందని జిల్లా వ్యవసాయాధికారి శ్రీనివాస్‌ తెలిపారు. ఈ ప్రాంత రైతులు వరి సాగులో అవసరానికి మించి నీటిని వినియోగించడంతో దిగుబడి తగ్గడమే కాకుండా భూసారం దెబ్బతింటుందని ఆ సంస్థ ఎండీ దివ్య అన్నారు. కార్యక్రమంలో ఏడీఏలు శ్రీనాథ్‌, కాంతయ్య, ఆర్డీవో ఆఫీసు డీఏవో రవీందర్‌, ఏవో నాగార్జున, మేనేజర్‌ వెంకటరమణ, పృథ్వీరాం, స్వప్న తదితరులు పాల్గొన్నారు.

సాక్షి,పెద్దపల్లి: రామగుండం కార్పొరేషన్‌లో రాజకీయ వేడి మరోసారి రాజుకుంది. అధికార పార్టీకి చెందిన ఇద్దరు కార్పొరేటర్లకు కలెక్టర్‌ కోయ శ్రీహర్ష షోకాజ్‌ నోటీసులు జారీచేయడం చర్చనీయాంశమైంది. జీజీహెచ్‌(గోదావరిఖని గవర్నమెంట్‌ జనరల్‌ హాస్పిటల్‌)లో వైద్యులు, సిబ్బందితో దురుసుగా వ్యవహరించారన్న ఫిర్యాదులపై నోటీసులు జారీఅయినట్లు అధికారులు పేర్కొంటున్నారు. మున్సిపల్‌ చట్టం–2019లోని సెక్షన్‌ 66 ప్రకారం చర్యలు ఎందుకు తీసుకోకూడదో వివరణ ఇవ్వాలని కలెక్టర్‌ షోకాజ్‌ నోటీసుల్లో ఆదేశించారు. అధికార పార్టీలోనే ఉంటూ జిల్లా అధికార యంత్రాంగం పనితీరుపై ప్రశ్నలు లేవనెత్తుతున్న కార్పొరేటర్లకు నోటీసులు రావడంపై రాజకీయ వర్గాల్లో భిన్నచర్చ సాగుతోంది. నోటీసులు కేవ లం ఫిర్యాదుల ఆధారంగానే జారీచేశారా? లేక అధికారులతో కార్పొరేటర్లకు ఉన్న విభేదాలు, ఇ టీవలి పరిణామాలు కారణమా? అనే ప్రశ్నలు త లెత్తుతున్నాయి. అధికారుల తదుపరి నిర్ణయంతోనే వీటిపై స్పష్టత వస్తుందని భావిస్తున్నారు. ● నిలదీస్తే నోటీసులా? రామగుండం బల్దియాలో ప్రజాప్రతినిధులు, యంత్రాంగం మధ్య సమన్వయంపై కొంతకాలంగా చర్చ సాగుతోంది. ఇటీవల 45వ డివిజన్‌ కార్పొరేటర్‌ కౌటం సతీశ్‌ కమిషనర్‌, స్థానిక సంస్థల అదనపు కలెక్టర్‌ను కలిసేందుకు వెళ్లిన సమయంలో అటెండర్‌ ద్వారా బయటకు పంపించారన్న ఆరోపణలు వచ్చాయి. దీనిపై కార్పొరేటర్లు ఆందోళనకు దిగారు. ఇందులో అధికార, ప్రతిపక్ష పార్టీలకు చెందిన పలువురు కార్పొరేటర్లు పా ల్గొనడం చర్చనీయాంశమైంది. ఇలాంటి పరిణామాల నేపథ్యంలోనే తాజాగా అధికార పార్టీకి చెందిన ఇద్దరు కార్పొరేటర్లకు షోకాజ్‌ నోటీసులు రావడం ప్రాధాన్యం సంతరించుకుంది. అధికారులను ప్రశ్నిస్తున్న ప్రజాప్రతినిధులపై ఒత్తిడి పెరుగుతోందా? అనే చర్చకు ఇది దారితీసింది. ● మేడారం పర్యటనపైనా చర్చ రామగుండం కార్పొరేషన్‌లో రాజకీయాలకు అతీతంగా కార్పొరేటర్లు కలిసి చర్చించుకోవడం కొత్తేమీ కాదన్న అభిప్రాయాలు ఉన్నాయి. గతంలో వివిధ పార్టీలకు చెందిన కార్పొరేటర్లు కలిసి మేడారం వెళ్లడం కూడా చర్చకు దారితీసింది. కొందరు దీనిని ఆధ్యాత్మిక పర్యటనగా పేర్కొనగా.. మరికొందరు కార్పొరేషన్‌లోని సమస్యలు, అధికారుల తీరుపై చర్చించుకునేందుకు ఏర్పడిన అవకాశంగా అభివర్ణించినా.. తెరవెనుక ఏదో జరుగుతుందనే భావన నెలకొంది. ● అసంతృప్త్తితోనే గీత దాటుతున్నారా? బల్దియాలో మరో ఆసక్తికరమైన రాజకీయ సమీకరణపై చర్చ జరుగుతోంది. అధికార పార్టీకి చెందిన కొందరు కార్పొరేటర్లు కూడా అధికారుల తీరును బహిరంగంగా ప్రశ్నిస్తున్నారు. కొన్నిసందర్భాల్లో ప్రతిపక్ష కార్పొరేటర్లతో కలిసి నిరసనల్లో పాల్గొంటున్నారు. ఆస్పత్రుల్లో రూ.కోట్లు వెచ్చించి కొనుగోలు చేసిన యంత్రాలు మూలన పడిఉండటాన్ని ప్రశ్నించారు. పేషెంట్లకు మెరుగైన వైద్యసేవలు అందించాలని ప్రజాప్రతినిధులుగా ప్రశ్నిస్తే నోటీసులు ఎలా జారీ చేస్తారని చర్చించుకుంటున్నారు. కార్పొరేటర్ల అసంతప్తికి కేవలం అధికారుల వ్యవహారశైలే కారణమా? లేక రాజకీయ నాయకత్వంతో సమన్వయ లోపం కూడా ఉందా? అనే ప్రశ్నలు తెరపైకి వస్తున్నాయి. ● ఇద్దరి వివరణలతో మరింత ఆసక్తి తాజాగా నోటీసులు అందుకున్న ఒకటో డివిజన్‌ కార్పొరేటర్‌ మడిపల్లి విజయ, 49వ డివిజన్‌ కార్పొరేటర్‌ సాగి సంతోష్‌కుమార్‌ ఇప్పటికే కలెక్టర్‌కు తమ వివరణ సమర్పించినట్లు సమాచారం. తమపై వచ్చిన ఆరోపణలు అవాస్తవమని, రాజకీయ కక్షతోనే తమపై ఫిర్యాదు చేశారని పేర్కొన్నట్లు తెలుస్తోంది. ఆరోపణలు వచ్చిన సమయంలో తాను జీజీహెచ్‌ ప్రాంగణంలోనే లేనని విజయ పేర్కొన్నట్లు సమాచారం. సంతోష్‌కుమార్‌ కూడా తనకు అనారోగ్యంగా ఉండటంతో ఇంటికే పరిమితమయ్యానని, ఆరోపణల సమయంలో ఆస్పత్రికి వెళ్లలేదని వివరించినట్లు తెలుస్తోంది. ఇద్దరి వివరణలను అధికారులు పరిశీలించి తదుపరి నిర్ణయం తీసుకోవాల్సి ఉంది. ● నోటీసులతోనే ముగుస్తుందా? కార్పొరేటర్లకు షోకాజ్‌ నోటీసులు జారీచేయడం పరిపాలనా ప్రక్రియలో భాగమేనని అధికారులు చెబుతున్నా.. రాజకీయ వర్గాల్లో దీనిపై విస్తృత చర్చ జరుగుతోంది. వివిధ పార్టీల కార్పొరేటర్లు గతంలోనూ కొన్నిఅంశాలపై కలిసి పనిచేసిన నేపథ్యంలో ప్రస్తుత పరిణామాలు వారి మధ్య సమన్వయాన్ని మరింత పెంచుతాయా? లేక రాజకీయంగా దూరం పెంచుతాయా? అన్నది ఆసక్తికరంగా మారింది. మొత్తంగా జీజీహెచ్‌ వ్యవహారంతో మొదలైన షోకాజ్‌ నోటీసుల అంశం.. అధికార యంత్రాంగం, ప్రజాప్రతినిధుల మధ్య సంబంధాలపై మరోసారి చర్చకు తెరతీసింది. తదుపరి అధికారిక నిర్ణయంతో ఈ వ్యవహారం ఏ మలుపు తిరుగుతుందో వేచిచూడాలి.

వరి సాగు విధానంలో ఆధునిక సాంకేతిక వినియోగంపై అవగాహన కల్పించారు. రసాయనాలు, నీటి వినియోగం తగ్గించి ఆర్థికభారం పడకుండా చూడడమేకాకండా అధిక దిగుబడి సాధించడం సంతోషాన్నిచ్చింది. – ఎర్రం కవిత, ఐతరాజ్‌పల్లి నీటి పొదుపుతో అధిక దిగుబడి రైతు పొలం మడిలో మా ప్రతినిధులు పైపు అమర్చారు. దాని అడుగున నీరు ఉండేలా చూసిన రైతు అధిక దిగుబడి సాధించి ఎకరాకు రూ.500 ప్రోత్సాహకం అందుకున్నారు. ఇది కాలుష్య కారకాలనూ తగ్గించింది.– మురళీధర్‌, సీఈవో, సీ అండ్‌ రీప్‌

భావ ప్రకటన స్వేచ్ఛకు సోషల్‌మీడియా మంచి వేదిక. ప్రజలకు విజ్ఞానాన్ని పంచేందుకు చక్కటి సాధనం. దురదృష్టవశాత్తూ దీన్ని దుర్వినియోగానికి వాడుతున్నారు. ముఖ్యంగా ఆర్టిఫిషియల్‌ ఇంటలిజెన్స్‌ కాలంలో వచ్చే కంటెంట్‌ను ఒకటికి రెండుసార్లు తనిఖీ చేసుకోవాలి. ఫేక్‌ కంటెంట్‌తో సమాజంలో అలజడులు రేపే, రెచ్చగొట్టే కంటెంట్‌, వీడియోలపై రిపోర్టు చేస్తే చర్యలు తీసుకుంటాం. – గౌస్‌ ఆలం, సీపీ, కరీంనగర్‌ సోషల్‌ మీడియా ఫేమ్‌, పరిచయాలు, తాత్కాలిక ఆకర్షణలు జీవిత నిర్ణయాలను ప్రభావితం చేయకుండా జాగ్రత్తపడాలి. వ్యక్తిగత స్వేచ్ఛతోపాటు కుటుంబ బాధ్యతను గుర్తుంచుకోవాలి. అప్పుడే సాంకేతికతను సద్వినియోగం చేసుకుంటూ కుటుంబ బంధాలను కాపాడుకోగలుగుతాం. – ప్రీతి, మానసిక వైద్య నిపుణురాలు

పెద్దపల్లిరూరల్‌: స్థానిక ప్రభుత్వ డిగ్రీ కాలేజీ విద్యార్థులు శనివారం చారిత్రక రామగిరి ఖి ల్లాను సందర్శించారు. కళాశాల ఎకో క్లబ్‌, టూ రిజం క్లబ్‌ తదితర విభాగాలకు చెందిన విద్యార్థులకు ప్రిన్సిపాల్‌ లక్ష్మీనర్సయ్య ఆయా శాఖ ల అధ్యాపకులు ఖిల్లా చారిత్రక ప్రాధాన్యం గురించి అవగాహన కల్పించారు. వైజ్ఞానిక, ఆ ధ్యాత్మిక క్షేత్రం అని వివరించారు. ఖిల్లాపై ఎ న్నో రకాల ఔషధ మొక్కలు ఉన్నాయని వృక్షశాస్త్ర విభాగాధిపతి సునీత వివరించారు. పలువురు అధ్యాపకులు తదితరులు పాల్గొన్నారు. ఫీజు కడితేనే పీజీలో సీటుపెద్దపల్లిరూరల్‌: పే ద, మధ్య తరగతి కుటుంబాల విద్యార్థులకు ఉన్నత వి ద్య అందించాలనే సంకల్పంతో దివంగత సీఎం వైఎస్‌ రా జశేఖరరెడ్డి అమలులోకి తీసుకొచ్చిన ఫీజురీయిబర్స్‌మెంట్‌ పథకం అమలుపై ప్రస్తుత సర్కార్‌ నిర్ల క్ష్యం చేస్తోంది. భోజన్నపేటకు చెందిన పోతు ల సంహిత పీజీలో ఎంకాం చదివేందుకు ఎంట్రన్స్‌ రాయగా.. 368 ర్యాంక్‌ వచ్చింది. హైదరాబాద్‌ నిజాం కాలేజీలో సీటు కేటాయించారు. సంహిత(ఎస్సీ) కోర్సు ఏడాది రుసుం రూ.20,800 ఉండగా అందులో కే వలం రూ.800 చెల్లించాలని పేర్కొంది. దాని ఆధారంగా పెద్దపల్లిలోని మీ సేవ కేంద్రం ద్వారా రూ.800 చెల్లించింది. అలా ఆ ఎడాది ఫీజు మొత్తం రూ.20,800 చెల్లించాల్సిందేనని, ప్రభుత్వం నుంచి రీయింబర్స్‌మెంట్‌ వి ద్యార్థి ఖాతాకే జమ అవుతుందని కాలేజీ యాజమాన్యం చెబుతోందని సంహిత తెలిపింది. అధికారులు చొరవ చూపి తమకు సీటు కేటాయించేలా చూడాలని కోరుతోంది. దసరాకు బస్సు డిపో షురూపెద్దపల్లిరూరల్‌: స్థానిక బస్టాండ్‌ సమీపంలో చే పట్టిన బస్సు డిపో పనులను ఆర్టీసీ ఎగ్జిక్యూ టివ్‌ డైరెక్టర్‌ రాజశేఖర్‌ కరీంనగర్‌ ఈడీ సాల్మన్‌తో కలిసి శనివారం పరిశీలించారు. పనుల పురోగతిపై ఈఈ శ్రీకాంత్‌ వారికి వివరించా రు. బస్సుడిపోలో పనిచేసే అధికారులకు గదు ల కేటాయింపు ప్రక్రియ పూర్తిచేశారు. ఈడీ రాజశేఖర్‌ మాట్లాడుతూ, వచ్చే దసరా పండుగ వరకు డిపో ప్రారంభించేలా చర్యలు తీసుకుంటున్నామన్నారు. ఇప్పటికే బస్సుల కేటాయింపు ప్రక్రియ కూడా పూర్తయిందని వివరించా రు. స్థానిక బస్టాండ్‌ను కూడా ఆధునికీకరిస్తామని చెప్పారు. ప్రయాణికుల రద్దీకి అనుగుణంగా ప్లాట్‌ఫాంలు విస్తరిస్తామని పేర్కొన్నారు. అధికారులు రాంగోపాల్‌రెడ్డి, శ్రీనివాస్‌, రాజేశ్‌, కనకయ్య తదితరులు ఉన్నారు. కళాకారులకు గౌరవంపెద్దపల్లి: తెలంగాణ ఉద్యమంలో కీలకపాత్ర పోషించిన కళాకారుల గౌరవం కాపాడడం, సంక్షేమంపై దృష్టి పెట్టడం, ఉపాధి అవకాశాలు కల్పించాలని హైకోర్టు రిటైర్డ్‌ న్యాయమూర్తి, రైతుసంక్షేమ సంఘం వ్యవస్థాపక అధ్యక్షుడు జస్టిస్‌ బి.చంద్రకుమార్‌, పౌరహక్కుల సంఘం రాష్ట్ర అధ్యక్షుడు ప్రొఫెసర్‌ గ డ్డం లక్ష్మణ్‌ అన్నారు. సమతా ఫౌండేషన్‌, సమ తా సైనికదళ్‌ ఆధ్వర్యంలో జిల్లా కేంద్రంలో శనివారం కళాకారులకు ఆత్మీయ సన్మానం జరిగింది. సమతా ఫౌండేషన్‌ చైర్మన్‌, సమతా సైనికద ళ్‌ రాష్ట్ర ఉపాధ్యక్షుడు దుర్గం నగేశ్‌ను ఈ సందర్భంగా సన్మానించారు. ప్రతినిధులు కె.విశ్వనాథ్‌, జి.సారయ్యగౌడ్‌, జి.మల్లేశం ఉన్నారు. 25న కౌన్సిల్‌ సమావేశం కోల్‌సిటీ: ఆరు నెలలల తర్వాత రామగుండం బల్దియా కౌన్సిల్‌ రెండోసాధారణ సమావేశా న్ని ఈనెల 25న నిర్వహించడానికి అధికారులు ఏర్పాట్లు చేస్తున్నారు. కౌన్సిల్‌ ఏర్పడిన ఈ ఏ డాది మార్చి 25న తొలిబడ్జెట్‌ సమావేశంతో పాటు అదేరోజు తొలి సమావేశం నిర్వహించా రు. ఆ తర్వాత ఇప్పటివరకు ఒక్క సమావేశం కూడా నిర్వహించలేదు. ఎట్టకేలకు మరోసారి సమావేశం నిర్వహణకు ఏర్పాట్లు చేపట్టారు. 26 అంశాలతో రూపొందించిన ఎజెండాపై మేయర్‌ మహాంకాళి స్వామి సంతకం చేశారు.

● జిల్లా జడ్జి సునీత కుంచాల పెద్దపల్లి: విద్యార్థుల భద్రత, రక్షణతోపాటు వారి భవిష్యత్‌ను తీర్చిదిద్దడంలో ఉపాధ్యాయుల పాత్ర కీలకమని జిల్లా జడ్జి సునీత కుంచాల అన్నారు. మి షన్‌ బాల సురక్ష–శిక్షా, న్యాయ –2026 చైల్డ్‌ ప్రొటెక్షన్‌ ఆఫీసర్లుగా నామినేట్‌ చేసిన ఉపాధ్యాయులకు పిల్లల హక్కులపై కలెక్టరేట్‌లో శనివారం ఒకరోజు శిక్షణ ఇచ్చారు. జడ్జి మాట్లాడుతూ, పిల్లలు ఎక్కువ సమయం పాఠశాలల్లో ఉపాధ్యాయులతో గడుపుతారని, కొన్నిసందర్భాల్లో తల్లిదండ్రులతో పంచుకోలేని విషయాలనూ ఉపాధ్యాయులతో పంచుకుంటారని అన్నారు. చిన్నారులపై లైంగిక వేధింపు లు, అఘాయిత్యాలను అరికట్టడంతోపాటు వారిని రక్షించేందుకు ఈ కార్యక్రమం దోహదపడుతుంద ని తెలిపారు. పోక్సో చట్టం విద్యార్థులకు గురించి అవగాహన కల్పించాలని సూచించారు. పిల్లలు డ్రగ్స్‌ బారిన పడకుండా పర్యవేక్షించాలని చెప్పా రు. డీసీపీ రాంరెడ్డి మాట్లాడారు. అనంతరం సాధ న సొసైటీ ఆధ్వర్యంలో రూపొందించిన పోస్టర్‌ను జడ్జి సునీత కుంచాల ఆవిష్కరించారు. కార్య కమంలో అదనపు జిల్లా సెషన్స్‌ జడ్జి (పోక్సో) కె.స్వప్నరాణి, బార్‌ అసోసియేషన్‌ అధ్యక్షుడు మల్లేశం, జిల్లా విద్యా శాఖ అధికారి (ఇన్‌చార్జి) హన్మంతు, బాలికల చైల్డ్‌ డెవలప్‌మెంట్‌ ఆఫీసర్‌ కవిత, డిస్టిక్‌ చైల్డ్‌ ప్రొటెక్షన్‌ ఆఫీసర్‌ జితేందర్‌, లీగల్‌ కం ప్రొవిజన్‌ ఆఫీసర్‌ రజిత తదితరులు పాల్గొన్నారు. ట్రాఫిక్‌ సమస్యలు తలెత్తొద్దుగోదావరిఖని: వినాయక నిమజ్జనం సందర్భంగా ట్రాఫిక్‌కు ఇబ్బందుల్లేకుండా ముందస్తు ప్రణాళికతో వ్యవహరించాలని రామగుండం పోలీస్‌ కమిషనర్‌ అంబర్‌ కిశోర్‌ ఝా ఆదేశించారు. శనివారం గోదావరి బ్రిడ్జి, శోభాయాత్ర తదితర ప్రాంతాలను పరిశీలించి పలు సూచనలు చేశారు. మంచిర్యాల డీసీపీ భాస్కర్‌, ఏసీపీలు రమేశ్‌, వెంకటేశ్వర్‌, సీఐ ఇంద్రసేనారెడ్డి తదితరులు ఉన్నారు.

● అడవిసోమన్‌పల్లిలో తాళం వేసిన ఇంట్లో చోరీ ● తోబుట్టువు దాచిన నెక్లెస్‌.. చిన్నారుల కానుకలు అపహరణ ● నాలుగున్నర తులాల బంగారం.. 31తులాల వెండి ● రూ.47వేల నగదును ఎత్తుకెళ్లిన దుండగులు మంథనిరూరల్‌: తాళం వేసిఉన్న ఇంటిని టార్గెట్‌ చేసిన దొంగలు ఉన్నదంతా ఊడ్చేసిన ఘటన పెద్దపల్లి జిల్లా మంథని మండలం అడవిసోమన్‌పల్లిలో కలకలం రేపింది. అడవిసోమన్‌పల్లి గ్రామానికి చెందిన పంగ శ్రీకాంత్‌ ఇంట్లో గురువారం రాత్రి జరిగిన చోరీలో దాచుకున్న నాలుగున్నర తులాల బంగారు ఆభరణాలు, 31 తులాల వెండి, రూ.47వేల నగదు అపహరించారు. బాధితుల కథనం ప్రకారం.. పంగ శ్రీకాంత్‌ మంథనిలోని ఓ ప్రైవేట్‌ ఆస్పత్రిలో నర్సింగ్‌ ఆఫీసర్‌గా పనిచేస్తున్నాడు. పది రోజులుగా నైట్‌డ్యూటీ చేస్తున్నాడు, గురువారం యథావిధిగా నైట్‌ డ్యూటీకి వెళ్లగా అతని భార్య స్వప్న ఇంటికి తాళం వేసి సమీపంలోని తల్లిగారింట్లో పిల్లలతోకలిసి నిద్రించేందుకు వెళ్లింది. శుక్రవారం తెల్లవారుజామున శ్రీకాంత్‌ తల్లి దుర్గమ్మ అటువైపుగా వెళ్లగా ఇంటి తలుపులు తెరిచి ఉండటాన్ని గమనించి లోనికి వెళ్లింది. బీరువా తెరిచి ఉండి సామాన్లు చిందరవందరగా పడి ఉండటంతో దొంగలు పడినట్లు గుర్తించి కోడలు స్వప్నకు చెప్పింది. వారువచ్చి గమనించగా బంగారు ఆభరణాలు, వెండి, నగదు కన్పించలేదు. ఈమేరకు పోలీసులకు సమాచారం అందించారు. ఇటీవలే కూతురు మొదటి పుట్టిన రోజు వేడుకలు శ్రీకాంత్‌ – స్వప్న దంపతులకు ఒక కొడుకు, ఒక కూతురు ఉన్నారు. ఇటీవలనే కూతురు మొదటి పుట్టిన రోజు వేడుకలను ఘనంగా నిర్వహించారు. ఈ సందర్భంగా చిన్నారులకు వచ్చిన బంగారు, వెండి కానుకలను బీరువాలో దాచిపెట్టగా వాటిని దొంగలు ఎత్తుకు పోయినట్లు వారు బోరున విలపించారు. తోబుట్టువు బంగారు నెక్లెస్‌ కూడా.. పుట్టిన రోజు వేడుకలకు వచ్చిన శ్రీకాంత్‌ తోబుట్టువు తన ఆడబిడ్డకు నెక్లెస్‌ ఇచ్చి మెడలో వేసుకోమంది. ఆ తర్వాత ఆ నెక్లెస్‌ను ఇక్కడే దాచి పెట్టమని చెప్పింది. అంతేకాకుండా శ్రీకాంత్‌ నూతనంగా ఇంటి నిర్మాణం చేసుకుంటుండగా డబ్బులు లేక అర్థాంతరంగా ఆగిపోవడంతో సోదరి విషయం తెలుసుకుని పనులు పూర్తి చేసుకోమని రూ.50వేలు ఇచ్చి వెళ్లింది. బీరువాలో దాచిపెట్టిన తోబుట్టువు నెక్లెస్‌తోపాటు ఆమె ఇచ్చిన రూ.50వేలలో మిగిలిన ఉన్న రూ.47వేలు చోరీకి గురైనట్లు బాధితులు తెలిపారు. డాగ్‌ స్క్వాడ్‌, క్లూస్‌టీంలతో.. సమాచారం అందుకున్న మంథని సీఐ స్వామి, ఎస్‌ఐ సందీప్‌ సంఘటనా స్థలానికి చేరుకున్నారు. బాధితుల నుంచి వివరాలు సేకరించారు. డాగ్‌ స్క్వాడ్‌ క్లూస్‌ టీం ఆధారాలను సేకరించే పనిలో నిమగ్నమయ్యారు. సీసీ కెమెరాల ఫుటేజీలను సేకరించి పరిశీలిస్తున్నారు. గ్రామంలో ఎవరైనా కొత్త వ్యక్తులు సంచరించారా అనే కోణంలో విచారణ చేస్తున్నారు.

కరీంనగర్‌రూరల్‌: బొమ్మకల్‌ పరిధి కృష్ణానగర్‌కాలనీలో గురువారం కాలిపోయిన స్థితిలో లభించిన గుర్తుతెలియని మహిళ మృతదేహాన్ని కాపువాడకు చెందిన శ్రీరాముల కవిత(47)గా కుటుంబసభ్యులు గుర్తించినట్లు కరీంనగర్‌రూరల్‌ సీఐ నిరంజన్‌రెడ్డి తెలిపారు. రిటైర్డు డెప్యూటీ తహసీల్దార్‌ శ్రీరాముల రాంచంద్రం కుమార్తె కవితకు 1998లో దేవాదాశాఖ ఉద్యోగి రమేశ్‌తో వివాహం జరిగింది. 2014లో భర్త మృతిచెందడంతో మంకమ్మతోటలోని శ్రీవేంకటేశ్వరస్వామి ఆలయంలో అటెండర్‌గా పనిచేస్తోంది. కొంతకాలంగా మానసిక సమస్యలతో బాధపడుతున్న కవిత గురువారం సాయంత్రం ఇంటి నుంచి బయల్దేరి కల్యాణి గార్డెన్‌ సమీపంలోని చెట్ల పొదల్లో ఒంటిపై పెట్రోల్‌ లేదా మండే పదార్థాన్ని ఉపయోగించి నిప్పంటించుకుంది. శుక్రవారం పత్రికల్లో వచ్చిన వార్త, ఫొటోలను కుటుంబసభ్యులు చదివి ఆస్పత్రిలోని మృతదేహం పరిశీలించి గుర్తించారు.తండ్రి ఫిర్యాదు మేరకు కేసు దర్యాప్తు చేస్తున్నట్లు సీఐ తెలిపారు.

బోయినపల్లి(చొప్పదండి): మతి స్థితిమితం లేని ఓ వృద్ధురాలిని ఎస్సై ఎన్‌.రమాకాంత్‌ ఆ ధ్వర్యంలో పోలీసులు స్వగ్రామానికి ఆటోలో తరలించారు. కరీంనగర్‌ జిల్లా రామడుగు మండలం గుండికి చెందిన వృద్ధురాలు కల్వకుంట్ల హేమలత మతిస్థిమితం కోల్పోయి బోయినపల్లి నుంచి దేశాయిపల్లి వెళ్లే రోడ్డుపై పడి ఉంది. ఏఎస్సై గంగరా జం, బ్లూకోల్ట్స్‌ సిబ్బంది లక్ష్మణ్‌, పర్శరామ్‌ గమనించి వివరాలు తెలుసుకున్నారు. ఏఎస్సై గంగరా జం గుండి గ్రామ సర్పంచ్‌తో ఫోన్‌లో మాట్లాడి ఆటోలో స్వగ్రామానికి పంపించారు. వృద్ధురాలి వెంట హోంగార్డ్‌ పర్శరామ్‌ను పంపినట్లు పేర్కొన్నారు.

కరీంనగర్‌: చేనేత వస్త్రాల అందం.. హస్తకళల ప్ర త్యేకతను నగరవాసులకు చేరువ చేసేందుకు కరీంనగర్‌లో కళాసిల్క్‌ సంస్థ ఆధ్వర్యంలో చేనేత వస్త్ర మేళా ఏర్పాటు చేశారు. కరీంనగర్‌ కోర్టు చౌరస్తాలో ని శ్రీరాజరాజేశ్వర కల్యాణమండపంలో నిర్వహిస్తు న్న ఈ ప్రదర్శన, అమ్మకాల మేళా ప్రజలను విశేషంగా ఆకట్టుకుంటోంది. తెలంగాణకు చెందిన గ ద్వాల్‌, నారాయణపేట, పోచంపల్లి చేనేత వస్త్రాలతో పాటు ఆంధ్రప్రదేశ్‌లోని ధర్మవరం, వెంకటగిరి, మంగళగిరి, ఉప్పాడ ఉత్పత్తులు ప్రత్యేక ఆకర్షణగా నిలుస్తున్నాయి. అస్సాం మూగా, ఎరి సిల్క్‌, బి హార్‌ భాగల్పూర్‌ సిల్క్‌, టస్సర్‌, ఛత్తీస్‌గఢ్‌ కోసా సి ల్క్‌, గుజరాత్‌ బాంధనీ, కచ్‌ ఎంబ్రాయిడరీ, జ మ్మూకశ్మీర్‌ ఎంబ్రాయిడరీ, పశ్మీనా శాల్స్‌, కర్ణాటక ప్రింటెడ్‌ శారీస్‌, మధ్యప్రదేశ్‌ చందేరి, మహేశ్వరి, రాజస్తాన్‌ కోటా, బంధానీ, బ్లాక్‌, సంగనేరి ప్రింట్ల వస్త్రాలు అందుబాటులో ఉన్నాయి. అలాగే ఉత్తరప్రదేశ్‌కు చెందిన బనారస్‌, లక్నో డ్రెస్‌ మెటీరియ ల్స్‌ హ్యాండ్లూమ్స్‌ విక్రయిస్తున్నా రు. నగరవాసులు మేళాను సందర్శించి చేనేత, హస్తకళా ఉత్పత్తులను ఆదరించాలని నిర్వాహకులు కోరారు.

కోల్‌సిటీ: గోదావరిఖని ప్రభుత్వ జనరల్‌ ఆస్పత్రి(జీజీహెచ్‌)లో పేషెంట్లకు మెరుగైన వైద్యసేవలు అందించాలని కలెక్టర్‌ కోయ శ్రీహర్ష ఆదేశించారు. ఆస్పత్రిని శుక్రవారం ఆయన ఆకస్మికంగా తనిఖీ చేశారు. రోజూ 1,500 మంది – 1,600 మంది ఓపీ పేషెంట్లు వస్తున్నారని, వారికి ఇబ్బందులు కలుగకుండా సౌకర్యాలు కల్పించాలని కలెక్టర్‌ సూచించారు. 85 పడకల కొత్త ఆస్పత్రి భవనం వద్ద అంతర్గత రహదారులు, లైటింగ్‌ సౌకర్యాలు ఏర్పాటు చేయాలని సూచించారు. ఈసందర్భంగా పలు విభాగాలు పరిశీలించి పలు సూచనలు చేశారు. మున్సిపల్‌ కమిషనర్‌ అరుణశ్రీ, ఆస్పత్రి సూపరింటెండెంట్‌ హిమబిందుసింగ్‌, ఆర్‌ఎంవో కృపాబాయి, ఏఈ విక్రమ్‌ తదితరులు పాల్గొన్నారు. అల్పాహారం ఎలా ఉంది? కమాన్‌పూర్‌: విద్యార్థులు ఆరోగ్యంగా ఉండటంతోపాటు చదువుపై ఏకాగ్రత సాధించేందుకు అల్పాహారం దోహదపడుతుందని కలెక్టర్‌ కోయ శ్రీహర్ష అన్నారు. స్థానిక జెడ్పీ హైస్కూల్‌ను సందర్శించి అల్పాహారం నాణ్యత పరిశీలించారు. విద్యార్థులతో కలిసి టిఫిన్‌ చేశారు. నాణ్యత, రుచితోపాటు పాలు, రాగిజావా అందుతుందా? లేదా? అని విద్యార్థులను అడిగి తెలుసుకున్నారు. హెచ్‌ఎం రాజేశ్వరరారవు, ఉపాధ్యాయులు ఉన్నారు. పౌష్టికాహారం ప్రాధాన్యతపై అవగాహన పెద్దపల్లి: పౌష్టికాహారం ప్రాధాన్యత, పోషక విలువలు, ఆరోగ్యకరమైన ఆహారపు అలవాట్లపై గర్భిణులు, బాలింతలు, చిన్నారులకు అవగాహన కల్పించాలని కలెక్టర్‌ కోయ శ్రీహర్ష సూచించారు. కలెక్టరేట్‌లో ఆయన పోషణ్‌ మహాపోస్టర్‌ ఆవిష్కరించి మాట్లాడారు. ఈనెల 9 నుంచి అక్టోబర్‌ 8వ తేదీ వరకు జిల్లాలో వివిధ కార్యక్రమాలను నిర్వహించనున్నట్లు అధికారులు తెలిపారు. ఈ సమావేశంలో పెద్దపల్లి, రామగుండం, సీడీపీవోలు అనిత, అలేఖ్య పటేల్‌, మంథని ఇన్‌చార్జి సీడీపీవో పుష్పలత తదితరులు పాల్గొన్నారు.

పెద్దపల్లి : సుల్తానాబాద్‌ మున్సిపల్‌ పరిధిలోని చెరువులు, కుంటల పరిరక్షణకు పార్టీలకు అతీతంగా ఉద్యమం నిర్వహిస్తామని కాంగ్రెస్‌ కౌన్సిలర్లు గాజుల రాజమల్లు, ఉట్ల వరప్రదీప్‌, కాంగ్రెస్‌ మున్సిపల్‌ అధ్యక్షుడు వేగోళం అబ్బయ్యగౌడ్‌ తెలిపారు. సుల్తానాబాద్‌లోని కౌన్సిలర్‌ గాజుల రాజమ ల్లు స్వగృహంలో శుక్రవారం ఏర్పాటు చేసిన విలేక రుల సమావేశంలో మాట్లాడారు. చెరువులు, కుంటలు కబ్జాకు గురవుతున్నా అధికారులు పట్టించుకోవడం లేదని ఆరోపించారు. వాటి పరిరక్షణకు మున్సిపల్‌ తీర్మానించి కలెక్టర్‌కు నివేదించిందని తెలిపారు. సుల్తానాబాద్‌ పెద్దచెరువు విస్తీర్ణం గతంలో 217 ఎకరాల 13 గుంటలు ఉండగా ప్రస్తుతం సుమారు 90 ఎకరాలకు తగ్గిపోయిందని పేర్కొన్నా రు. మిగిలిన భూమి కబ్జాకు గురైనట్లు వారు ఆరోపించారు. మున్సిపల్‌ పరిధిలోని 14 చెరువులు, కుంటలపై ఇరిగేషన్‌, రెవెన్యూ అధికారులు సర్వే చేసి ఎఫ్‌టీఎల్‌, బఫర్‌జోన్‌ హద్దులు గుర్తించాలని డిమాండ్‌ చేశారు. కాలయాపన చేస్తే హైకోర్టును ఆశ్రయిస్తామని హెచ్చరించారు. ప్రభుత్వ ఆస్తుల పరిరక్షణకు ప్రజలు, అన్ని రాజకీయ పార్టీలు, ప్రజాసంఘాలు సహకరించాలని విజ్ఞప్తి చేశారు. కాంగ్రెస్‌ నాయకులు గాదాసు రవీందర్‌, ఈర్ల శేఖర్‌, కల్వల ఓదెలు తదితరులు పాల్గొన్నారు.

● ఎస్పీ మహేశ్‌ బీ గీతేఎల్లారెడ్డిపేట(సిరిసిల్ల): రాజన్నసిరిసిల్ల జిల్లా ఎల్లారెడ్డిపేట పోలీస్‌స్టేషన్‌ పరిధిలో మైనర్‌ బాలికను లైంగిక వేధింపులకు గురిచేసిన(పోక్సో) కేసులో నిందితుడికి 20 ఏళ్ల జైలుశిక్ష పడింది. రూ.వెయ్యి జరిమానా విధిస్తూ సిరిసిల్ల పోక్సో కోర్టు న్యాయమూర్తి రాధికా జైస్వాల్‌ శుక్రవారం తీర్పు వెల్లడించినట్లు ఎస్పీ మహేశ్‌ బీ గీతే తెలిపారు. ఎస్పీ తెలిపిన వివరాలు. ఎల్లారెడ్డిపేట పోలీస్‌స్టేషన్‌ పరిధిలోని మైనర్‌ బాలికను మధ్యప్రదేశ్‌కు చెందిన చతుర్‌సింగ్‌ మున్నా అనే వ్యక్తి లైంగిక వేధింపులకు గురిచేశాడు. బాలిక తండ్రి ఫిర్యాదుతో ఎల్లారెడ్డిపేట అప్పటి సీఐ బన్సిలాల్‌ కేసు నమోదు చేసి నిందితుడిని రిమాండ్‌కు తరలించారు. అప్పటి డీఎస్పీ చంద్రశేఖర్‌ దర్యాప్తు అనంతరం కోర్టులో చార్జిషీట్‌ దాఖలు చేశారు. కోర్టు కానిస్టేబుళ్లు 19 మంది సాక్షులను ప్రవేశపెట్టారు. ప్రాసిక్యూషన్‌ తరఫున పబ్లిక్‌ ప్రాసిక్యూటర్‌ ఝాన్సీ వాదించారు. నేరం రుజువు కావడంతో నిందితుడు చతుర్‌సింగ్‌ మున్నాకు 20 ఏళ్ల జైలుశిక్షతోపాటు రూ.వెయ్యి జరిమానా విధించారు.

గోదావరిఖని: సింగరేణిలో గుర్తింపు కార్మిక సంఘం కాలపరిమితి ఈనెల 8వ తేదీతో ముగిసింది. ఈ నేప థ్యంలో గుర్తింపు కార్మిక సంఘం ఎన్నికలు నిర్వహిస్తుందా? ప్రస్తుత గుర్తింపు కార్మిక సంఘాన్నే కొనసా గిస్తూ యాజమాన్యం నిర్ణయం తీసుకుంటుందా? అ నేదానిపై కార్మిక వర్గాల్లో చర్చ జోరందుకుంది. 2023 డిసెంబర్‌లో జరిగిన సింగరేణి గుర్తింపు కార్మి క సంఘం ఎన్నికల్లో ఏఐటీయూసీ గుర్తింపు, ఐఎన్‌టీయూసీ ప్రాతినిధ్య సంఘాలుగా విజయం సాధించాయి. వీటికి 2024 సెప్టెంబర్‌ 8న రెండేళ్ల కాలప రిమితితో గుర్తింపు ధ్రువీకరణ పత్రం అందజేశారు. ఓటరు జాబితా, నోటిఫికేషన్‌ తర్వాతే. గుర్తింపు కార్మిక సంఘం కాలపరిమితి ముగియడంతో తదుపరి ఎన్నికల ప్రక్రియపై సింగరేణి నిర్ణయం తీసుకోవాల్సిఉంది. ఇందుకోసం ఓటరు జాబితా, నోటిఫికేషన్‌, నామినేషన్లు, ప్రచారం, పోలింగ్‌ వంటి ప్రక్రియ చేపట్టాల్సి ఉంది. దీనికి మరికొంత సమయం పట్టే అవకాశం ఉంది. కొనసాగింపుపై చర్చ! వెంటనే ఎన్నికలకు వెళ్లకుండా ప్రస్తుత పరిస్థితుల్లో గుర్తింపు కార్మిక సంఘం కొనసాగింపునకు అవకాశం కల్పిస్తారా? అనే చర్చ కూడా కార్మిక సంఘాల్లో జరుగుతోంది. దీనిపై సింగరేణి లేదా సంబంధిత అధికారుల నుంచి స్పష్టమైన నిర్ణయం వెలువడాల్సి ఉంది. మళ్లీ పోరు తప్పదా? ఎన్నికలు నిర్వహిస్తే సింగరేణిలో మరోసారి కార్మిక సంఘాల మధ్య హోరాహోరీ పోరు తప్పదు. రాజకీయంగా కూడా గుర్తింపు కార్మిక సంఘం ఎన్నికలకు ప్రాధాన్యత ఉండటంతో ప్రధాన కార్మిక సంఘాలు ఇప్పటికే తమ బలాబలాలను అంచనా వేసుకునే పనిలో ఉన్నట్లు తెలుస్తోంది. ఈసారి తన స్థానాన్ని మళ్లీ నిలబెట్టుకోవడానికి ఏఐటీయూసీ ప్రయత్నించనుండగా, ఇతర సంఘాలు గుర్తింపు హోదా దక్కించుకునేందుకు వ్యూహాలు సిద్ధం చేసుకుంటున్నాయి. సింగరేణిలో ఇప్పటివరకు నిర్వహించిన గుర్తింపు కార్మిక సంఘం ఎన్నికల వివరాలు ఎన్నికలు విజేత కాలపరిమితి 09–09–1998 ఏఐటీయూసీ రెండేళ్లు 19–02–2001 ఏఐటీయూసీ రెండేళ్లు 13–05–2003 ఐఎన్‌టీయూసీ నాలుగేళ్లు 09–08–2007 ఏఐటీయూసీ నాలుగేళ్లు 28–06–2012 టీబీజీకేఎస్‌ నాలుగేళ్లు 05–10–2017 టీబీజీకేఎస్‌ ఆరేళ్లు 27–12–2023 ఏఐటీయూసీ గెలుపు 08–09–2024 గుర్తింపు పత్రం అందజేత

పెద్దపల్లి: కాళేశ్వరం ప్రాజెక్టు విషయంలో బీఆర్‌ఎస్‌ నేత లు ప్రజలను తప్పుదోవ ప ట్టిస్తున్నారని ప్రభుత్వ విప్‌ విజయరమణారావు విమర్శించారు. ఎల్లంపల్లి నుంచి ప్రాణహిత–చేవెళ్ల వరకు ప్రాజెక్టు రూపకల్పన కాంగ్రెస్‌ హయాంలోనే జరిగిందన్నారు. శుక్రవారం అసెంబ్లీలో మాట్లాడారు. ఎల్‌నినో ప్ర భావాన్ని ఎదుర్కొనేందుకు ప్రభుత్వం ముందస్తు చర్యలు చేపట్టిందని, రైతులకు శాస్త్రవేత్తలతో అవగాహన కల్పిస్తున్నామని అన్నారు. ఎస్సారెస్పీ ద్వారా సాగునీటిని సమర్థంగా వినియోగించాలని విప్‌ సూచించారు. సమస్యలు పరిష్కరించాలి గోదావరిఖని: హామీ మేరకు సింగరేణి కార్మికుల సమస్య లు పరిష్కరించాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ కోరారు. అసెంబ్లీలో శుక్రవారం మాట్లాడా రు. 76 జీవో అమలుతో ఇళ్లపట్టాలు, మారు పేర్ల సమస్యపై కమిటీ ఏర్పాటు చేసి, ప్రక్రియ పూర్తిచేయాలని కోరారు. కార్మికుల సొంతింటి కల నెరవేర్చాలని అన్నారు. నియోజకవర్గానికి మంజూరైన రోడ్ల పనులు కాంట్రాక్ట్‌ ప్రక్రియ పూర్తిచేసి హైపవర్‌ కమిటీకి పంపించారని తెలిపారు. 800 మెగావాట్ల విద్యుత్‌ ప్లాంట్‌ నిర్మాణాన్ని వెంటనే చేపట్టాలని ఆయన కోరారు. ఉద్యోగుల అభ్యున్నతికి కృషి జ్యోతినగర్‌: ఉద్యోగుల అభ్యున్నతికి ఎన్టీపీసీ కృషి చేస్తుందని ఆ సంస్థ ఎగ్జిక్యూటివ్‌ డైరెక్టర్‌ చందన్‌ కుమార్‌ సామంత అన్నారు. పర్మినెంట్‌ టౌన్‌షిప్‌లో నిర్మించిన సీ–టైప్‌ నివాస భ వనం టవర్‌ను శుక్రవారం ఆయన ప్రారంభించి మాట్లాడారు. కొత్త భవనంతో వసతులు మరింత మెరుగుపడుతాయన్నారు. కార్యక్రమంలో ఉన్నతాధికారులు, అధికారులు, ఉద్యోగ సంఘాల ప్రతినిధులు పాల్గొన్నారు. ముగిసిన పదవీకాలం పెద్దపల్లిరూరల్‌: స్థానిక వ్యవసాయ మార్కెట్‌ కమిటీ పదవీకాలం శుక్రవారం ముగిసింది. మార్కెట్‌ కమిటీ చైర్‌పర్సన్‌ ఈర్ల స్వరూప తన పదవికి రాజీనామా చేసి మున్సిపల్‌ ఎన్నికల్లో 7వ వార్డు సభ్యురాలిగా ఎన్నికయ్యారు. ఈ నేపథ్యంలో వైస్‌ చైర్మన్‌ కూర మల్లారెడ్డి ఇన్‌చార్జి చైర్మన్‌గా కొనసాగారు. పదవీకాలం ముగియడంతో మున్సిపల్‌ చైర్మన్‌ మల్లయ్య, ఏడీఏ శ్రీనాథ్‌, జిల్లా మార్కెటింగ్‌ అధికారి ప్రవీణ్‌రెడ్డి తదితరులు పాలకమండలిని సత్కరించారు. కాగా, చైర్మన్‌ పదవికి ముడుసు సాంబిరెడ్డి, కనగర్తి మాజీ సర్పంచ్‌ ఎడెల్లి శంకర్‌ పోటీపడుతున్నట్టు ప్రచారం. ప్రభుత్వ విప్‌ విజయరమణారావు అనుగ్రహం పొందిన వారినే చైర్మన్‌ పదవి వరిస్తుందని చర్చించుకుంటున్నారు. ఇక మహిళా ఎస్‌అండ్‌ పీసీలు గోదావరిఖని: సింగరేణి ఆర్జీ–1లో మహిళా జ నరల్‌ అసిస్టెంట్లు, మహిళా జనరల్‌ అసిస్టెంట్‌ ట్రైనీలకు ఎస్‌ అండ్‌ పీసీలో పనిచేసే అవకాశం కల్పించారు. ఆసక్తి గల వారినుంచి దరఖాస్తులు ఆహ్వానిస్తూ జీఎం ఈనెల 17న సర్క్యులర్‌ జారీచేశారు. ఏడో తరగతి కనీస విద్యార్హతగా నిర్దేశించారు. ప్రస్తుత సీనియారిటీ ఆధారంగా అభ్యర్థులను ఎంపిక చేయనున్నారు. ఎస్‌ అండ్‌ పీసీలో చేరినా ప్రస్తుత సర్వీస్‌ కండీషన్లు, కేటగిరీ, బేసిక్‌పేలో మార్పు ఉండదని స్పష్టం చేశా రు. ఆసక్తిగలవారు ఈనెల 22లోగా ఆర్జీవన్‌ పర్సనల్‌ విభాగంలో దరఖాస్తు చేసుకోవాలని సూచించారు. ఆగస్టు 14న జారీచేసిన ఉత్తర్వు ప్రకారం ఇప్పటికే దరఖాస్తు చేసినవారు మళ్లీ దరఖాస్తు చేయాల్సిన అవసరం లేదని తాజా సర్క్యులర్‌లో స్పష్టం చేశారు. 30లోగా సర్వే పూర్తి పెద్దపల్లి: జిల్లాలో చేపట్టిన పంటల డిజిటల్‌ సర్వేను ఈనెల 30లోగా పూర్తిచేయాలని కలెక్టర్‌ కోయ శ్రీహర్ష ఆదేశించారు. పెద్దపల్లి నియోజకవర్గంలోని వ్యవసాయ అధికారులతో సర్వే పురోగతిపై శుక్రవారం సమీక్షించారు. సన్నరకం ధాన్యం పండిస్తున్న రైతులు బోనస్‌ను కోల్పోకుండా జాగ్రత్తలు తీసుకోవా లని ఆదేశించారు. డీఏవో శ్రీనివాస్‌ ఉన్నారు. వేగంగా అభివృద్ధి పనులు కోల్‌సిటీ: అభివృద్ధి పనులను నాణ్యతా ప్రమాణాలతో వేగంగా పూర్తిచేయాలని మేయర్‌ మ హంకాళి స్వామి సూచించారు. శివాజీనగర్‌ కూ రగాయల మార్కెట్‌ వద్ద చేపట్టిన మెయిన్‌రో డ్డు పనులను శుక్రవారం పరిశీలించారు. 12, 13, 39, 44 డివిజన్లలో పర్యటించారు. కార్పొ రేటర్లు షేక్‌ బాబు మియా, డేవిడ్‌ రాజు, నాయకులు తిప్పారపు శ్రీనివాస్‌, చుక్కల శ్రీనివాస్‌, కాంట్రాక్టర్‌ కపాకర్‌రావు పాల్గొన్నారు.

కొత్తపల్లి(కరీంనగర్‌): కొత్తపల్లిలోని అల్ఫోర్స్‌ ఇ–టెక్నో పాఠశాల విద్యార్థులు జిల్లా స్థాయి సౌత్‌ సైన్స్‌ డ్రామా పోటీల్లో ప్రథమ స్థానం సాధించి రాష్ట్రస్థాయి పోటీలకు ఎంపికై టన్లు విద్యా సంస్థల చైర్మన్‌ డా.వి.నరేందర్‌రెడ్డి తెలిపారు. స్థానిక పాఠశాలలో శుక్రవారం నిర్వహించిన అభినందన సభలో విద్యార్థులు మాన్యశ్రీ, ఎన్‌.ఇషిత, ఈ.శ్రీకర్‌రెడ్డి, ఎం.ఆద్య, ఎం.ఆశానా, వై.శృతిజ్ఞ (7వ తరగతి), ఎన్‌.రేహాంశ్‌ సాయవి, సీహెచ్‌ రేహాన్‌ కార్తికేయను అభినందించారు. సైన్స్‌ను ప్రయోగాత్మకంగా, విశ్లేషణాత్మకంగా నేర్చుకోవడం ద్వారా విద్యార్థుల్లో సృజనాత్మకత, ఆలోచనా శక్తి పెరుగుతాయన్నారు. విద్యార్థులు సైన్స్‌పై పట్టు సాధించి పోటీ పరీక్షలు, వివిధ పోటీల్లో చురుగ్గా పాల్గొనాలని సూచించారు. కరీంనగర్‌లోని సైన్స్‌ టాలెంట్‌ మ్యూజియంలో నిర్వహించిన పోటీల్లో ప్రతిభ కనబరిచిన విద్యార్థులు త్వరలో హైదరాబాద్‌లో జరిగే రాష్ట్రస్థాయి పోటీల్లో పాల్గొంటారని, అక్కడా విజయం సాధించి జాతీయస్థాయికి ఎంపిక కావాలని ఆకాంక్షించారు.

గంగాధర: వ్యాపారం చేద్దామని డబ్బులు తీసుకొని సొంతానికి వాడుకున్న వ్యక్తి తిరిగి ఇవ్వడం లేదని, తన డబ్బులు తనకు ఇవ్వాలని డిమాండ్‌ చేస్తూ గంగాధర మండలం కురిక్యాల గ్రామానికి చెందిన అర్కుటి కొమురయ్య శుక్రవారం సాయంత్రం సెల్‌ టవరెక్కాడు. బాధితుడు తెలిపిన వివరాలు.. కురిక్యాలకు చెందిన జాగిరపు శ్రీనివాస్‌రెడ్డి వ్యాపారం చేద్దామని కొమురయ్య వద్ద 2012లో రూ.24 లక్షలు తీసుకొని సొంతానికి వాడుకున్నాడు. డబ్బులు ఇవ్వాలని కొమురయ్య ఒత్తిడి చేయగా 2015లో ప్రామిసరీ నోటు రాసిచ్చాడు. 2016లో డబ్బులు చెల్లిస్తా ఇంటికి రమ్మని ప్రామిసరీ నోటు తీసుకున్నాడని కొమురయ్య ఆరోపించాడు. డబ్బులు అడిగితే శ్రీనివాస్‌రెడ్డితో పాటు అతడి సోదరుడు నర్సింహారెడ్డి, తండ్రి నారాయణరెడ్డి బెదిరిస్తున్నాడని బాధితుడు ఆరోపించాడు. తనకేమైన జరిగితే రూ.24 లక్షలు బాకీ ఇచ్చిన డబ్బుతో పాటు, తన కుటుంబానికి నష్టపరిహారంగా రూ.కోటి ఇప్పించాలని నోట్‌ రాశాడు. పోలీసులు ఘటనా స్థలానికి చేరుకొని కిందకు దిగాలని కొమురయ్యను కోరగా, డబ్బు ఇచ్చే వరకు దిగనని అక్కడే ఉన్నాడు. అప్పు విషయమై పోలీసులు, శ్రీనివాస్‌రెడ్డిని ఫోన్‌లో ఆరా తీయగా, తాను డబ్బులు ఇచ్చేది లేదని, కొమురయ్య కావాలనే తనపై ఆరోపణలు చేస్తున్నాడని చెప్పినట్లు పోలీసులు పేర్కొన్నారు.

● ఎలక్ట్రిక్‌ బస్సులపై మంటల నీడ ● కరీంనగర్‌–2 డిపోలో మరో బస్సులో అగ్ని ప్రమాదం ● వరుస ఘటనలతో ప్రయాణికుల భద్రతపై ఆందోళనకరీంనగర్‌టౌన్‌: ప్రజా రవాణాలో ఆధునికతకు ప్రతీకగా వచ్చిన ఎలక్ట్రిక్‌ బస్సులపై మంటల నీడ కమ్ముకుంటోంది. కరీంనగర్‌–2 డిపోలో శుక్రవారం మరో బస్సులో అగ్ని ప్రమాదం చోటుచేసుకోవడం కలకలం రేపింది. డిపో నుంచి బస్సు బయటకు వస్తున్న సమయంలో బ్యాటరీల పైభాగంలో మంటలు చెలరేగడాన్ని డ్రైవర్‌ గుర్తించాడు. వెంటనే అప్రమత్తమైన సిబ్బంది మంటలను అదుపులోకి తెచ్చారు. ప్రయాణికులు బస్సులో ఎక్కకముందే ఘటన జరగడంతో పెను ప్రమాదం తప్పింది. అయితే దీనిని ఒక్క ఘటనగా మాత్రమే చూడాల్సిన పరిస్థితి లేదన్న ఆందోళన వ్యక్తమవుతోంది. కరీంనగర్‌లో ఎలక్ట్రిక్‌ బస్సుల్లో బ్యాటరీ ప్రాంతం నుంచి మంటలు రావడం గతంలోనూ నమోదైంది. 2025 జూన్‌లో కరీంనగర్‌–2 డిపోకు చెందిన ఓ బస్సులో బ్యాటరీ భాగం నుంచి మంటలు చెలరేగాయి. 2026 జూన్‌ 21న కరీంనగర్‌–హైదరాబాద్‌ మార్గంలో వెళ్తున్న మరో ఎలక్ట్రిక్‌ బస్సులో మంటలు చెలరేగి బస్సు పూర్తిగా దగ్ధమైంది. డ్రైవర్‌ అప్రమత్తతతో ప్రయాణికులను సురక్షితంగా బయటకు తరలించడంతో ప్రాణనష్టం తప్పింది. ఆ సమయంలో బస్సులో సుమారు 41 మంది ప్రయాణికులు ఉన్నట్లు నివేదికలు పేర్కొన్నాయి. ఒకే చోట.. పదేపదే ఎందుకు? కరీంనగర్‌–2 డిపోలోనే వరుసగా ఇలాంటి ఘటనలు చోటుచేసుకోవడం ప్రధాన ప్రశ్నగా మారింది. 2026 జూలైలో వెలువడిన నివేదిక ప్రకారం కరీంనగర్‌– 2 డిపో పరిధిలో ఏడాది వ్యవధిలో మూడు ఎలక్ట్రిక్‌ బస్సుల అగ్ని ప్రమాద ఘటనలు నమోదయ్యాయి. వాటిలో రెండు కేవలం పది రోజుల వ్యవధిలోనే జరిగినట్లు అధికారులు వెల్లడించారు. మూడు ఘటనల్లోనూ బ్యాటరీ ప్రాంతం నుంచే మంటలు ప్రారంభమైనట్లు పేర్కొన్నారు. అయితే అసలు సాంకేతిక కారణం ఏమిటన్నది ఇప్పటికీ స్పష్టంగా తేలలేదు. ఆందోళనకు దారితీసిన ఘటనలు కరీంనగర్‌లో చోటుచేసుకున్న వరుస ఘటనల నేపథ్యంలోనే 2026 జూలైలో తెలంగాణ రాష్ట్ర రోడ్డు రవాణా సంస్థ రాష్ట్రవ్యాప్తంగా జేబీఎం సంస్థ తయారు చేసిన సుమారు 500 ఎలక్ట్రిక్‌ బస్సుల కార్యకలాపాలను తాత్కాలికంగా నిలిపివేసింది. జేబీఎం సంస్థ నుంచి సాంకేతిక పరిశీలన, భద్రతా ధ్రువీకరణ కోరినట్లు నివేదికలు వెల్లడించాయి. అనంతరం దశలవారీగా తనిఖీలు నిర్వహించి, కొన్ని బస్సులకు సామర్థ్య ధ్రువీకరణ ఇచ్చి తిరిగి రోడ్డుపైకి తీసుకొచ్చారు. బ్యాటరీ భద్రతే కీలక ప్రశ్న ఎలక్ట్రిక్‌ బస్సుల్లో బ్యాటరీ సముదాయం అత్యంత కీలకమైన భాగం. బ్యాటరీలో లోపం, విద్యుత్‌ తీగల అమరిక, అనుసంధానాలు, విద్యుత్‌ నింపే వ్యవస్థ, ఉష్ణోగ్రత నియంత్రణ లేదా ఇతర సాంకేతిక సమస్యలు అగ్ని ప్రమాదానికి కారణమయ్యాయా? అన్నది నిపుణుల స్థాయిలో తేల్చాల్సిన అంశం. అయితే ప్రతీ ఘటనకు కారణం బ్యాటరీ లోపమేనని ముందుగానే నిర్ధారించడం కూడా సరికాదు. కరీంనగర్‌లో జరిగిన ఘటనలపై సమగ్ర సాంకేతిక దర్యాప్తు, తయారీ సంస్థ నివేదిక, రవాణా సంస్థ నిర్వహణ రికార్డులు వెలుగులోకి రావాల్సిన అవసరం ఉంది.ఒక్కసారి మంటలు చెలరేగితే విద్యుత్‌ బస్సులో ప్రయాణించే వందలాది మంది ప్రయాణికుల పరిస్థితి ఏమిటన్నదే అసలు ఆందోళన. డ్రైవర్లు, కండక్టర్లు ఇలాంటి అత్యవసర పరిస్థితుల్లో తీసుకోవాల్సిన చర్యలపై తగిన శిక్షణ పొందుతున్నారా? ప్రతీ బస్సులో బ్యాటరీ ఉష్ణోగ్రత, పొగ లేదా ఇతర అసాధారణ పరిస్థితులను ముందుగానే గుర్తించే వ్యవస్థలు సక్రమంగా పనిచేస్తున్నాయా? డిపోల్లో బ్యాటరీ తనిఖీలకు ప్రత్యేక నిపుణులు ఉన్నారా? అన్న ప్రశ్నలకు సమాధానాలు అవసరం. ప్రజా రవాణా వాహనం కావడంతో ‘ప్రమాదం జరిగిన తర్వాత స్పందించడం’ కంటే ‘ప్రమాదం జరగకముందే గుర్తించి నివారించడం’ అత్యంత ముఖ్యం. వరుస ఘటనల నేపథ్యంలో బస్సుల భద్రతపై సమగ్ర సాంకేతిక పరిశీలన నిర్వహించి, లోపాలకు శాశ్వత పరిష్కారం చూపాల్సిన అవసరం ఉంది.

బోయినపల్లి(చొప్పదండి): రాజన్నసిరిసిల్ల జిల్లా బోయినపల్లిలో శ్రీరామ వైన్‌షాపు ట్రేడ్‌ లైసెన్స్‌ లేకుండా వ్యాపారం చేస్తున్నారంటూ గ్రామపంచాయతీ కార్యదర్శి పాశం అనిల్‌ శుక్రవారం నోటీస్‌ జారీ చేశారు. అలాగే పర్మిట్‌ రూమ్‌కూ ట్రేడ్‌లైసెన్స్‌ లేదని నోటీసులో పేర్కొన్నారు. వైన్‌షాపు నిర్వహణకు ట్రేడ్‌లైసెన్స్‌ తీసుకోవాలని గత ఏప్రిల్‌ 24న నోటీస్‌ జారీచేసినా నిర్వాహకులు స్పందించలేదన్నారు. ఇదే చివరి నోటీస్‌గా పేర్కొంటూ ఒక్క రోజులో అవసరమైన పత్రాలు చూపించి జీపీలో ట్రేడ్‌ లైసెన్స్‌ తీసుకోవాలని సూచించారు. లేదంటే నిబంధనల ప్రకారం చర్యలు తీసుకోనున్నట్లు నోటీస్‌లో హెచ్చరించారు. విషజ్వరంతో బాలుడు మృతివెల్గటూర్‌(ధర్మపురి): జగిత్యాల జిల్లా ఎండపల్లి మండలకేంద్రానికి చెందిన మంతెన యశ్వంత్‌ (8) విషజ్వరంతో మృతిచెందాడు. బాలుడికి మూడురోజులుగా తీవ్ర జ్వరం రావడంతో కరీంనగర్‌లోని ఓ ఆసుపత్రిలో తల్లిదండ్రులు చికిత్స చేయించారు. శుక్రవారం పరిస్థితి విషమించి మృతిచెందాడు. బాలుడు మృతితో కుటుంబంలో విషాదం నెలకొంది. హత్య కేసులో నిందితుడి అరెస్ట్‌జగిత్యాలరూరల్‌: జగిత్యాల రూరల్‌ మండలం ఒడ్డెరకాలనీకి చెందిన సూర వెంకటేశ్‌ (22)ను గురువారం సాయంత్రం హత్య చేసిన అతని తండ్రి సూర రాజయ్య అలియాస్‌ రెడ్డిని శుక్రవారం అరెస్ట్‌ చేసి రిమాండ్‌కు తరలించినట్లు రూరల్‌ సీఐ సుధాకర్‌ తెలిపారు. హత్యకు గురైన వెంకటేశ్‌ జులాయ్‌గా తిరుగుతూ నిత్యం మద్యం తాగి వచ్చి తల్లిదండ్రులను తీవ్రంగా వేధించడంతో పాటు బెదిరింపులకు పాల్పడటంతో మనస్తాపానికి గురైన తండ్రి రాజయ్య గొడ్డలితో తలపై కొట్టడంతో వెంకటేశ్‌ అక్కడకిక్కడే మృతిచెందాడన్నారు. నేటినుంచి ప్రయాగ్‌రాజ్‌కు ప్రత్యేక రైలు రామగుండం: ప్రయాగ్‌రాజ్‌(ఉత్తరప్రదేశ్‌)–తిరునల్వేలీ(తమిళనాడు) మధ్య నార్త్‌ సెంట్రల్‌ రైల్వే (ఉత్తర మధ్య రైల్వే జోన్‌)కు చెందిన ప్రత్యేక రైలును ఈనెల 19వ తేదీ నుంచి ప్రతీ శనివారం నెలరోజుల పాటు (నాలుగు ట్రిప్పులు) నడిపించనున్నట్లు అధికారులు ఉత్తర్వులు జారీ చేశారు. ప్రయాగ్‌రాజ్‌–తిరునల్వేలి(04171) మధ్య నడిచే ప్రత్యేక రైలు ప్రయాగ్‌రాజ్‌లో ఉదయం 10.20గంటలకు బయలుదేరి మరుసటి రోజు ఉదయం 7.22గంటలకు రామగుండం చేరుకుంటుంది. తిరునల్వేలి–ప్రయాగ్‌రాజ్‌(04172) మధ్య నడిచే రైలు తిరునల్వేలిలో సోమవారం రాత్రి 11.30గంటలకు బయలుదేరి బుధవారం వేకువజాము 12.48గంటలకు రామగుండం చేరుకుంటుంది. ఉమ్మడి కరీంనగర్‌ జిల్లా పరిధిలో కేవలం రామగుండంలోనే హాల్టింగ్‌ కల్పించారు. అక్టోబర్‌ 10వ తేదీ వరకు మాత్రమే రాకపోకలు సాగించనుంది. ప్రయాణికుల రద్దీని పరిగణలోకి తీసుకొని 21 బోగీలను ఏర్పాటు చేయడంపై ప్రయాణికుల్లో సర్వత్రా హర్షం వ్యక్తమవుతోంది. మల్కపేటలో ఒకరికి డెంగీ?కోనరావుపేట(వేములవాడ): రాజన్నసిరిసిల్ల జిల్లా కోనరావుపేట మండలంలోని మల్కపేటలో ఒకరికి డెంగీ నిర్ధారణ అయినట్లు సమాచారం. గ్రామానికి చెందిన శివ(14) డెంగీ లక్షణాలతో బాధపడుతున్నట్లు సమాచారం. జ్వరంతో బాధపడుతున్న బాలుడిని చికిత్స కోసం సిరిసిల్ల ఆస్పత్రికి తరలించారు. మెరుగైన వైద్యం కోసం కరీంనగర్‌లోని ఓ ప్రైవేట్‌ ఆస్పత్రికి తరలించారు. కాగా గ్రామంలో గత వారం రోజుల క్రితమే డెంగీ కేసు నమోదైంది.

● 8 మంది నిందితుల అరెస్ట్‌కాజీపేట: కేంద్ర ప్రభుత్వం సుమారు పదేళ్ల క్రితం రద్దు చేసిన రూ.1.38 కోట్ల విలువ చేసే పాత కరెన్సీని రవాణా చేస్తున్న ముఠాను అదుపులోకి తీసుకుని కోర్టులో హాజరుపరిచినట్లు కాజీపేట ఏసీపీ పింగిళి ప్రశాంత్‌రెడ్డి తెలిపారు. హనుమకొండ జిల్లా కాజీపేట పోలీస్‌స్టేషన్‌లో శుక్రవారం రాత్రి ఏర్పాటు చేసిన విలేకరుల సమావేశంలో వివరాలు వెల్లడించారు. కాజీపేట చౌరస్తాలో వాహనాల తనిఖీ చేస్తుండగా ఓ వాహనంలోని వ్యక్తుల కదలికలు అనుమానాస్పదంగా ఉండడంతో సోదా చేశారు. దీంతో 2016లో ప్రభుత్వం రద్దు చేసిన రూ.500, రూ.వెయ్యి నోట్ల కట్టలు బయటపడ్డాయి. వాహనంలో ప్రయాణిస్తున్న కర్ణాటక రాష్ట్రానికి చెందిన ముల్లా అబ్బాస్‌ (47), మంచిర్యాల జిల్లా హాజీపూర్‌ ప్రాంతానికి చెందిన బాసవేని మల్లేశ్‌, కరీంనగర్‌ జిల్లా జమ్మికుంటకు చెందిన తంగళ్ల కృష్ణమోహన్‌, సిద్దిపేటకు చెందిన కుక్కల సంపత్‌, హనుమకొండకు చెందిన రైనాకుల శ్రీధర్‌, పల్లపు రాజు, వరంగల్‌ కరీమాబాద్‌కు చెందిన మహంకాళి శ్యాంసుందర్‌, నెక్కొండ మండలం చంద్రుగొండకు చెందిన మాంకాల గణేశ్‌ను అరెస్ట్‌ చేశారు. వీరిని విచారించగా తమిళనాడు రాష్ట్రానికి చెందిన ఓ వ్యక్తి నోట్ల సరఫరాకు సహకరించినట్లు చెప్పారు. ఆ వ్యక్తి ప్రస్తుతం పరారీలో ఉండగా, పట్టుబడిన నిందితులను కోర్టులో హాజరుపరిచినట్లు ఏసీపీ తెలిపారు. సమావేశంలో సీఐ శ్యాంసుందర్‌, ఎస్సైలు మౌనిక, శివ, తాళ్లపల్లి యాదగిరి, శ్రీనివాస్‌, సిబ్బంది సునీత, అశోక్‌కుమార్‌, శ్రీధర్‌, క్రాంతికుమార్‌, కుమారస్వామి, విష్ణు, వినయ్‌ పాల్గొన్నారు.

పెద్దపల్లి: సుల్తానాబాద్‌లో.. జ్యోతినగర్‌లో.. పెద్దపల్లి: శాంతినగర్‌లో.. ధర్మారంలో వినాయక నవరాత్రి ఉత్సవాల సందర్భంగా జిల్లాలోని గణపతి మండపాల్లో శుక్రవారం సామూహిక కుంకుమ పూజలు అత్యంత వైభవంగా నిర్వహించారు. జిల్లా కేంద్రంతోపాటు గోదావరిఖని, సుల్తానాబాద్‌, మంథని తదితర ప్రాంతాల్లో మహిళా భక్తులు భారీసంఖ్యలో పాల్గొన్నారు. తమ పసుపు కుంకుమలను కాపాడాలని అమ్మవారిని వేడుకున్నారు. – సాక్షి నెట్‌వర్క్‌

గోదావరిఖనిటౌన్‌: గణపతి నవరాత్రి ఉత్సవాల్లో భాగంగా జీఎంకాలనీలో బుధవారం రాత్రి టీమ్‌ 505209 యువత ఆధ్వర్యంలో కాశీ గంగాహారతి నిర్వహించారు. అర్చన సంతోష్‌రావు ముఖ్య అతిథులుగా హాజరు కాగా, నాయకులు వెంకన్న, బొంతల రాజేశ్‌, నెలకంటి రాము, అభి ప్రభ, వైభవ్‌, బ్లూపటేల్‌, శశి, పండు, పవన్‌, చిన్ని, ఈశ్వర్‌, శశాంక్‌ తదితరులు పాల్గొన్నారు. ఎఫ్‌సీఐ అమరులకు నివాళిఫెర్టిలైజర్‌సిటీ: ఫెర్టిలైజర్‌ కార్పొరేషన్‌ ఆఫ్‌ ఇండియా (ఎఫ్‌సీఐ) అమర కార్మికులకు శుక్రవారం ఆర్‌ఎఫ్‌సీఎల్‌ అలైడ్‌ యూనియన్‌ అధ్యక్షుడు, 38వ డివిజన్‌ కార్పొరేటర్‌ నెలకంటి రాము ఆధ్వర్యంలో ఘనంగా నివాళి అర్పించారు. 1990 సెప్టెంబర్‌ 17న సెకండ్‌ షిఫ్ట్‌లో విధులు నిర్వహిస్తుండగా పైపు నుంచి గ్యాస్‌ లీకై తొమ్మిది మంది పర్మినెంట్‌, ముగ్గురు కాంట్రాక్ట్‌ కార్మికులు మృత్యువాత పడ్డారని అన్నారు. ఈ ఘటన జరిగి 36 ఏళ్లు పూర్తయిందని తెలిపారు. అయితే కర్మాగారంలో మృతి చెందిన కార్మికులకు ఆర్‌ఎఫ్‌సీఎల్‌ యాజమాన్యం అధికారికంగా నివాళి అర్పించాలని డిమాండ్‌ చేశారు. కాంగ్రెస్‌ నాయకులు బొంతల రాజేశ్‌, కన్నూరి భాగ్యలక్ష్మి శంకర్‌, ఆసిఫ్‌ పాషా, రమా శ్యాం, వడ్లకొండ మహేందర్‌ గౌడ్‌ తదితరులు పాల్గొన్నారు. స్వచ్ఛతపై అవగాహనపాలకుర్తి: మండలంలోని పుట్నూర్‌ కస్తూర్భా గాంధీ బాలికల విద్యాలయంలో గురువారం విద్యార్థులకు స్వచ్ఛతపై అవగాహన కల్పించారు. పెద్దపల్లి డీఆర్‌డీవో కాళిందిని ముఖ్య అతిథిగా పాల్గొని విద్యార్థులకు స్వచ్చతలో భా గంగా నాలుగు రకాల చెత్తను వేరుచేయుట గు రించి వివరించారు. పారిశుధ్యం, పర్యావరణం తదితర అంశాలపై పలు సూచనలు చేశారు. ఈ సందర్భంగా స్వచ్చతపై విద్యార్థులతో ప్రతిజ్ఞ చేయించారు. ఈకార్యక్రమంలో ఎంపీడీవో రమేశ్‌, ఎస్‌బీఎం కోర్డినేటర్‌ రాఘవులు, ఎంపీవో సుదర్శన్‌, విద్యార్థులు పాల్గొన్నారు. నగరంలో రూ.వెయ్యి కోట్లతో అభివృద్ధికోల్‌సిటీ: రామగుండం నగరంలో ఎమ్మెల్యే రాజ్‌ఠాకూర్‌ చొరవతో రూ.వెయ్యి కోట్లతో అభివృద్ధి పనులు కొనసాగుతున్నాయని మేయర్‌ మహంకాళి స్వామి అన్నారు. 56వ డివిజన్‌ ద్వారకానగర్‌లో గురువారం రూ.30 లక్షల అంచనా వ్యయంతో చేపట్టిన భూగర్భ నీటి కాలువల నిర్మాణ పనులను ప్రారంభించారు. ఏళ్ల తరబడి డివిజన్‌లలో పేరుకుపోయిన సమస్యలను ఒక్కటొక్కటిగా పరిష్కరిస్తున్నామన్నారు. డిప్యూటీ మేయర్‌ ఎల్లయ్య, కార్పొరేటర్లు స్నప్న వేణు, కౌటం సతీశ్‌, దొంత శ్రీనివాస్‌, ముస్తాఫా, గట్ల రమేశ్‌ తదితరులు పాల్గొన్నారు అభివృద్ధిలో భాగస్వాములు కావాలి జ్యోతినగర్‌: రామగుండం కార్పొరేషన్‌ అభివృద్ధిలో ప్రజలందరూ భాగస్వాములు కావాలని మేయర్‌ మహంకాళి స్వామి అన్నారు. గురువారం 33వ డివిజన్‌లో ఎన్టీపీసీ రామగుండం సీఎస్సార్‌ నిధులతో నిర్మిస్తున్న సీసీ రోడ్డు పనులను ప్రారంభించారు. డిప్యూటీ మేయర్‌ ఎల్లయ్య, కార్పొరేటర్‌ భూలక్ష్మీ, కాంగ్రెస్‌ పార్టీ నాయకులు పాల్గొన్నారు. ఇంటింటా విచారణధర్మారం: ధర్మారం పంచాయతీలో అసెస్‌మెంట్‌ నంబర్లు, నూతన గృహాల అనుమతుల్లో అవకతవకలపై గురువారం పెద్దపల్లి డివిజనల్‌ పంచాయతీ అధికారి దేవకీదేవి ఇంటింటా విచారణ చేశారు. గృహ నిర్మాణాల పత్రాలను పరిశీలించారు. ఇంటి నంబర్ల కేటాయింపుపై యాజమానులను వివరాలు అడిగి తెలుసుకున్నారు. విచారణ పూర్తయిన తర్వాత కలెక్టర్‌కు నివేదిక సమర్పిస్తానని డీఎల్‌పీవో తెలిపారు.

పెద్దపల్లి: గ్రామాల పరిశుభ్రతే లక్ష్యంగా ప్రభుత్వం అనేక చర్యలు చేపడుతోంది. ఇందులో భాగంగా జిల్లాలో స్వచ్ఛతా హీ సేవా 2026 కార్యక్రమాలను ఈనెల 17 నుంచి అక్టోబర్‌ 2 వరకు నిర్వహించేందుకు కార్యాచరణ రూపొందించింది. కేంద్ర ప్రభుత్వ మార్గదర్శకాల మేరకు స్వచ్ఛతలో భాగస్వామ్యం–స్వచ్ఛ భారత్‌, వికసిత్‌ భారత్‌ ఇతివృత్తంతో చేపట్టనున్న వివిధ కార్యక్రమాల్లో ప్రజలు, విద్యార్థులు, ప్రజాప్రతినిధులు, అధికారులు, స్వచ్ఛతా కార్మికులను భాగస్వామ్యం చేస్తూ గ్రామాల్లో పారిశుధ్యంపై అవగాహన కల్పించనున్నారు. పాఠశాలలు, ప్రభుత్వ కార్యాలయాలు, ఆస్పత్రులు, బస్టాండ్లు, పార్కులు, ప్రజాప్రదేశాల్లో ప్రత్యేక పారిశుధ్య కార్యక్రమాలు చేపడతారు. ఘన వ్యర్థాల నిర్వహణ నిబంధనలు–2026పై అవగాహన, చెత్తను తడి పొడి వ్యర్థాలుగా వేరు చేయడం, ఇంటింటి నుంచి వ్యర్థాల సేకరణ, ఆర్‌ఆర్‌ఆర్‌పై ప్రచారం నిర్వహించనున్నారు. అక్టోబర్‌ 2న ప్రత్యేక కార్యక్రమాలతో స్వచ్ఛతా హీ సేవా కార్యక్రమాలు ముగించనున్నారు. రోజువారీ కార్యక్రమాలు పకడ్బందీగా ఏర్పాట్లు గ్రామపంచాయతీల వారీగా అందరికీ సమాచారం ఇచ్చాం. గురువారం నుంచి అక్టోబర్‌ 2 వరకు కేంద్ర ప్రభుత్వం అనేక సంక్షేమ కార్యక్రమాలు ఏర్పాటు చేసింది. పకడ్బందీ ఏర్పాట్లు చేశాం. అధికారులు, ప్రజాప్రతినిధులు, ప్రజలు సహకరించి విజయవంతం చేసేలా చూడాలి. – రాఘవులు, ఆర్పీ, డీఆర్డీవో, పెద్దపల్లి జిల్లాలో స్వచ్ఛతా హీ సేవా కార్యక్రమాలకు శ్రీకారం అక్టోబర్‌ 2వరకు నిర్వహణ

జిల్లాలో 2,46,981 బీపీఎల్‌ కుటుంబాల్లోని 7.18 లక్షల మందికి 410 చౌకధరల దుకాణాల ద్వారా ప్రతినెలా 4,548 మెట్రిక్‌ టన్నుల సన్నబియ్యాన్ని పంపిణీ చేస్తున్నట్లు విజయరమణారావు తెలిపారు. మహాలక్ష్మి పథకం కింద 1.19 లక్షల మంది లబ్ధిదారులకు రూ.14 కోట్ల సబ్సిడీతో 4.74 లక్షల సిలిండర్లను రూ.500కే అందించామని అన్నారు. మహిళలకు ఉచిత బస్సు ప్రయాణం ద్వారా రూ.245.27 కోట్ల మేర ఆదా జరిగిందని వివరించారు. ఇందిరమ్మ ఇళ్ల పథకం మొదటి విడతలో జిల్లాకు మంజూరైన 7,199 ఇళ్ల నిర్మాణ పనులు కొనసాగుతున్నాయన్నారు. నిర్మాణాల పురోగతి ఆధారంగా 5,982 మంది లబ్ధిదారుల బ్యాంకు ఖాతాల్లో రూ.135 కోట్ల ఆర్థిక సహాయం జమ చేసినట్లు తెలిపారు. రైతు సంక్షేమానికి ప్రాధాన్యం ఇస్తున్నామని అన్నారు. వ్యవసాయ రంగానికి 75,257 కనెక్షన్ల ద్వారా 24 గంటల ఉచిత విద్యుత్‌ అందిస్తూ ఏటా రూ.101 కోట్ల సబ్సిడీ ఇస్తున్నట్లు తెలిపారు. ఆయిల్‌పాం సాగు విస్తరణలో భాగంగా ఈ ఏడాది 571 ఎకరాల్లో పంటను విస్తరించామని చెప్పారు. మొదటి సంవత్సరం తోటల ఏర్పాటుకు రూ. 86.79 లక్షలు, రెండో, మూడో, నాలుగో సంవత్సరాల నిర్వహణకు 2,173 ఎకరాల్లో ఆయిల్‌పామ్‌ పంటకు రూ.91.27 లక్షలు, తెలంగాణ సూక్ష్మ నీటి సేద్య పథకం కింద 567 ఎకరాలకు రూ.1.33 కోట్ల రాయితీ అందించినట్లు వివరించారు. గ్రామీణ మౌలిక వసతుల అభివృద్ధిలో భాగంగా హ్యామ్‌ మొదటి దశలో సుమారు 141 కిలోమీటర్ల మేర 44 రహదారి పనులు చేపడుతున్నట్లు తెలిపారు. రూ.5 కోట్లతో నిర్మించిన ఇందిరా మహిళా శక్తి భవనం ప్రారంభానికి సిద్ధంగా ఉందన్నారు. పెద్దపల్లి ప్రజల చిరకాల కల అయిన ఆర్టీసీ బస్‌ డిపో నిర్మాణానికి రూ.8.40 కోట్లు మంజూరయ్యాయని, పనులు కొనసాగుతున్నాయని తెలిపారు. త్వరలో నిర్మాణాన్ని పూర్తి చేసి ప్రజలకు అందుబాటులోకి తీసుకురానున్నామన్నారు. ప్రభుత్వ విద్యాసంస్థల్లో ఇంటర్‌ వరకు చదువుతున్న విద్యార్థులకు పౌష్టికాహారం అందించేందుకు ఉచిత అల్పాహార పథకాన్ని అమలు చేస్తున్నట్లు తెలిపారు. మంథనిలో రూ.7.50 కోట్లతో ఏర్పాటు చేసిన కేంద్రీకృత వంటశాల ద్వారా 694 పాఠశాలలు, 17 జూనియర్‌ కళాశాలల్లోని సుమారు 40 వేల మంది విద్యార్థులకు అల్పాహారం అందిస్తున్నామని అన్నారు. పెద్దపల్లిలో ట్రాఫిక్‌ రద్దీని తగ్గించేందుకు నాలుగు వరుసల బైపాస్‌ రోడ్డు నిర్మాణానికి సీఎం రేవంత్‌ రెడ్డి రూ.82 కోట్లు మంజూరు చేశారని అన్నారు. సెంట్రల్‌ లైటింగ్‌తో నిర్మించనున్న ఈ రహదారి ప్రజలకు మెరుగైన రవాణా సౌకర్యం కల్పించనుందని తెలిపారు. వేడుకలకు హాజరైన జిల్లా అధికారులు, సిబ్బంది, ప్రజాప్రతినిధులు40 వేల మంది విద్యార్థులకు అల్పాహారం ఇందిరమ్మ ఇళ్ల నిర్మాణానికి రూ.135 కోట్లుమౌలిక వసతుల అభివృద్ధికి చర్యలు రూ.82 కోట్లతో 4లేన్ల బైపాస్‌ రోడ్డురైతు సంక్షేమానికి ప్రాధాన్యం

మంథని: నిజాం నిరంకుశ పాలన నుంచి తెలంగా ణ ప్రాంతానికి విముక్తి కల్పించేందుకు పోరాడిన స్వాతంత్య్ర సమరయోధుల త్యాగాలను ప్రతి ఒక్క రూ స్ఫూర్తిగా తీసుకోవాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. ప్రజాపాలన దినోత్సవం సందర్భంగా గురువారం మంథనిలో దివంగత స్వాతంత్య్ర సమరయోధుడు రాంపల్లి కిష్టయ్య చిత్రపటానికి పూలమాల వేసి నివాళి అ ర్పించారు. నిజాం పాలన నుంచి హైదరాబాద్‌ సంస్థానానికి విముక్తి కల్పించేందుకు నాటి భారత ప్ర భుత్వం చేపట్టిన చర్యల్లో భాగంగా ఆపరేషన్‌ పోలో నిర్వహించిందన్నారు. ఎందరో సమరయోధులు తమ ప్రాణాలను సైతం లెక్కచేయకుండా పోరాడారని, వారి త్యాగాల ఫలితంగానే తెలంగాణ ప్రజల కు విముక్తి లభించిందని తెలిపారు. ఆయన వెంట విద్యుత్‌ నియంత్రణ మండలి సలహా కమిటీ సభ్యు డు శశిభూషణ్‌ కాచే, మున్సిపల్‌ చైర్మన్‌ వొడ్నాల శ్రీనివాస్‌, వైస్‌ చైర్మన్‌ సహేందర్‌రెడ్డి, ఆర్టిఏ సభ్యుడు మంథని సురేష్‌ తదితరులు ఉన్నారు.

ధర్మారం: విశ్వకర్మలకు ప్రభుత్వం అన్ని రకాల సహకారం ఉంటుందని రాష్ట్ర సంక్షేమశాఖ మంత్రి అడ్లూరి లక్ష్మణ్‌కుమార్‌ అన్నారు. ధర్మారం వ్యవసాయ మార్కెట్‌ యార్డులో గురువారం నిర్వహించిన విశ్వకర్మ జయంతి ఉత్సవాల్లో మంత్రి పాల్గొని ప్రత్యేక పూజలు నిర్వహించారు. ప్రభుత్వపరంగా విశ్వకర్మల సంక్షేమానికి కృషిచేస్తానని హామీ ఇచ్చారు. కార్యక్రమంలో విశ్వకర్మ సంఘం మండల అధ్యక్షుడు వెంకటేశ్‌, గ్రామ అధ్యక్షులు శ్యాంసుందర్‌, దామోదర్‌, రాజమౌళి, బుచ్చన్న, చారి, కాంగ్రెస్‌ పార్టీ మండల అధ్యక్షుడు రూప్లానాయక్‌, మేడారం సర్పంచ్‌ వీర్‌పాల్‌, సంఘం నాయకులు శ్రీనివాస్‌ తదితరులు పాల్గొన్నారు. విశ్వకర్మల సేవలు ప్రశంసనీయం పెద్దపల్లి: సృజనాత్మకతతో సమాజ అభివృద్ధికి విశ్వకర్మలు అందిస్తున్న సేవలు ప్రశంసనీయమని ప్ర భుత్వ విప్‌ విజయరమణారావు అన్నారు. గురువారం కలెక్టరేట్‌ సమావేశ మందిరంలో నిర్వహించిన యజ్ఞ మహోత్సవ్‌ విరాట్‌ విశ్వకర్మ ఉత్సవ వేడుకల్లో మాట్లాడారు. సమాజ నిర్మాణంలో విశ్వకర్మల పాత్ర ఎంతో కీలకమని అన్నారు. కలెక్టర్‌ కో య శ్రీహర్ష, అదనపు కలెక్టర్‌ బి.శ్రీరాములు, డీసీపీ రాంరెడ్డి, జిల్లా గ్రంథాలయ చైర్మన్‌ అన్నయ్యగౌడ్‌, పెద్దపల్లి, సుల్తానాబాద్‌ మున్సిపల్‌ చైర్మన్లు మల్ల య్య, రాధాకృష్ణ, విశ్వకర్మ సంఘం జిల్లా అధ్యక్షు డు రాజనందం, సంఘ ప్రతినిధులు పాల్గొన్నారు.

గోదావరిఖని: సోషల్‌మీడియాలో వచ్చే అసత్య ప్రచారాలను నమ్మొద్దని రామగుండం సీపీ అంబర్‌కిశోర్‌ ఝా అన్నారు. గురువారం రామగుండం పోలీస్‌ కమిషనరేట్‌లోని పెద్దపల్లి, మంచిర్యాల జోన్ల పరిధిలోని అన్ని వర్గాల మతపెద్దలు, గణపతి ఉత్సవ కమిటీ సభ్యులతో నిర్వహించిన శాంతి సమావేశంలో మాట్లాడారు. సమాజంలో శాంతి, సోదరభావం, పరస్పర గౌరవం కొనసాగేందుకు ప్రతిఒక్కరూ బాధ్యతాయుతంగా వ్యవహరించాలన్నారు. ఎక్కడైనా చిన్నపాటి సంఘటన, వివాదం జరిగినా వెంటనే పోలీసులకు సమాచారం అందించాలని సూచించారు. నిమజ్జన శోభాయాత్ర సందర్భంగా అన్ని మతాల విశ్వాసాలు, ప్రార్థనా స్థలాలు, ప్రజల మనోభావాలను గౌరవిస్తూ సంయమనంతో వ్యవహరించాలని అన్నారు. ఈసారి గణేశ్‌ వేడుకల్లో డీజేలకు అనుమతులు లేవని, నిబంధనలను ప్రతిఒక్కరూ తప్పనిసరిగా పాటించాలన్నారు. సమావేశంలో అదనపు డీసీపీ(అడ్మిన్‌) కె.శ్రీనివాస్‌, స్పెషల్‌ బ్రాంచ్‌ ఏసీపీ నాగేంద్రగౌడ్‌, స్పెషల్‌ బ్రాంచ్‌ సీఐలు భీమేష్‌, శ్రీనివాస్‌, బెల్లంపల్లి సీఐ శ్రీనివాస్‌రావు, ఎస్‌ఐలు మనోహర్‌, రాజేందర్‌, చంద్రశేఖర్‌, సంధ్యారాణి, శ్రీలత, మతపెద్దలు,ఉత్సవ కమిటీ సభ్యులు పాల్గొన్నారు. గణపతి వేడుకల్లో డీజేలకు అనుమతులు లేవు పోలీస్‌ కమిషనర్‌ అంబర్‌ కిశోర్‌ ఝా

పెద్దపల్లి: డెంగీ, మలేరియా వంటి వ్యాధుల నియంత్రణకు పటిష్ట చర్యలు చేపట్టాలని కలెక్టర్‌ కోయ శ్రీహర్ష అన్నారు. గురువారం కలెక్టరేట్‌లో వైద్య శాఖ అధికారులతో సమీక్ష సమావేశం నిర్వహించారు. జిల్లాలో పారిశుధ్య నిర్వహణ, ప్రభుత్వ ఆసుపత్రుల్లో వైద్యసేవలు, ప్రసవాలు, ఎన్‌సీడీ సర్వే, టీబీ, హెచ్‌ఐవీ అవగాహన అంశాలపై అడిగి తెలుసుకున్నారు. డెంగీ, మలేరియా వ్యాధులు వ్యాప్తి చెందకుండా అవసరమైన అన్ని ముందస్తు చర్యలు చేపట్టాలని సూచించారు. గ్రామాలు, పట్టణాల్లో పారిశుధ్య నిర్వహణకు అత్యంత ప్రాధాన్యం ఇవ్వాలని, దోమలవృద్ధికి కారణమయ్యే నీటి నిల్వలను గుర్తించి తొలగించాలని అన్నారు. ప్రతీ ప్రభుత్వ ఆసుపత్రిలో అవసరమైన మందులు, వ్యాధి నిర్ధారణ పరీక్షా కిట్లు అందుబాటులో ఉండేలా చర్యలు తీసుకోవాలని ఆదేశించారు. సమావేశంలో జిల్లా వైద్యాధికారి డాక్టర్‌ వై.పవిత్ర, జిల్లా ఆసుపత్రుల సమన్వయ అధికారి డాక్టర్‌ శ్రీధర్‌, డాక్టర్లు సుధాకర్‌, సంజనేష్‌, లక్ష్మీ భవాని తదితరులు పాల్గొన్నారు. మహిళలను ఆర్థికంగా శక్తివంతం చేయాలి మహిళలను ఆర్థికంగా, పారిశ్రామికంగా శక్తివంతం చేయాలని కలెక్టర్‌ కోయ శ్రీహర్ష అన్నారు. గురువారం కలెక్టరేట్‌లో మహిళా సాధికారత, జిల్లా మహిళా సాధికారత కేంద్రం పనితీరుపై సంబంధిత అధికారులతో నిర్వహించిన సమీక్షలో మాట్లాడారు. మహిళలకు అందిస్తున్న సేవలు, ఉపాధి అవకాశాలు, నైపుణ్య శిక్షణ, ప్రభుత్వ పథకాల అమలు, ఆర్థిక సాధికారత తదితర అంశాలపై అధికారులను అడిగి తెలుసుకున్నారు. మహిళలకు ఆర్థిక సంబంధిత అంశాలపై విస్తృత అవగాహన కల్పించడంలో జిల్లా మహిళా సాధికారత కేంద్రం కీలక పాత్ర పోషించాలని సూచించారు. జిల్లా వైద్యాధికారి పవిత్ర, జిల్లా ఉపాధి అధికారి, ఇంటర్మీడియట్‌ అధికారి కల్పన, గ్రామీణ స్వయం ఉపాధి శిక్షణ సంస్థ డైరెక్టర్‌ వెంకటేష్‌, జిల్లా లీడ్‌ బ్యాంక్‌ మేనేజర్‌ ప్రవీణ్‌, వీ హబ్‌ సమన్వయకర్త, టాస్క్‌ సమన్వయకర్త కౌసల్య, తదితరులు పాల్గొన్నారు. ఈనెలలోగా పంటల సర్వే పూర్తి చేయాలి డిజిటల్‌ పంటల సర్వేను ఈనెల 30లోగా పూర్తి చేయాలని కలెక్టర్‌ కోయ శ్రీహర్ష అధికారులను ఆదేఽశించారు. గురువారం మంథని, ముత్తారం, కమాన్‌పూర్‌, రామగిరి మండలాల సర్వే అధికారులతో సర్వే పురోగతిపై సమీక్షించారు. ప్రతీ రైతు వివరాలను క్షేత్రస్థాయిలో పరిశీలించి సాగు వివరాలు ఆన్‌లైన్‌లో నమోదు చేయాలన్నారు. జిల్లా వ్యవసాయాధికారి శ్రీనివాస్‌, అధికారులు పాల్గొన్నారు.

పెద్దపల్లి/ఎలిగేడు: యంగ్‌ ఇండియా ఇంటిగ్రేటెడ్‌ పాఠశాల నిర్మాణాన్ని గడువులోగా పూర్తిచేయాలని కలెక్టర్‌ కోయ శ్రీహర్ష ఆదేశించారు. సుల్తానాబాద్‌తోపాటు ఎలిగేడు మండలం ర్యాకల్‌దేవ్‌పల్లిలో నిర్మిస్తున్న ఇంటిగ్రేటెడ్‌ పాఠశాలలు, సుల్తానాబాద్‌ ప్రభుత్వ ఉన్నత పాఠశాల అదనపు తరగతి గదుల పనులను మంగళవారం కలెక్టర్‌ పరిశీలించారు. ఎస్‌ఐఆర్‌ ప్రక్రియపై ఆరా తీశారు. ఎస్‌ఐఆర్‌ విచారణను పారదర్శకంగా నిర్వహించాలని సూచించారు. ఈడబ్ల్యూఐడీసీ ఈఈ అశోక్‌ కుమార్‌, తహసీల్దార్‌ బషీరోద్దీన్‌, డిప్యూటీ ఈఈ బాబురెడ్డి, మారుతి తదితరులు పాల్గొన్నారు. ప్రజాపాలన వేడుకలకు ఏర్పాట్లు పెద్దపల్లి: జిల్లాలో ఈనెల 17న నిర్వహించనున్న తెలంగాణ ప్రజాపాలన దినోత్సవానికి పకడ్బందీ ఏర్పాట్లు చేయాలని అదనపు కలెక్టర్‌ శ్రీరాములు ఆదేశించారు. ప్రజాపాలన వేడుకల ఏర్పాట్లపై మంగళవారం కలెక్టరేట్‌లో సమీక్షించారు. ప్రొటోకాల్‌ ప్రకారం ప్రజాప్రతినిధులు, అధికారులు, ప్రముఖులు, అతిథులకు తగిన సౌకర్యాలు కల్పించాలని అన్నా రు. అనంతరం ధాన్యం కొనుగోళ్లపై జరిగిన సమీక్షలో మాట్లాడుతూ, వానాకాలం – 2026 సీజన్‌ ధాన్యం కొనుగోళ్లను పకడ్బందీగా చేపట్టాలని తెలిపారు. జిల్లా పౌర సరఫరాల అధి కారి శ్రీనాథ్‌, మేనేజర్‌ శ్రీకాంత్‌, డీసీవో శ్రీమా ల, రవాణా కాంట్రాక్టర్లు, అధికారులు, కొనుగోలు కేంద్రాల నిర్వాహకులు పాల్గొన్నారు. ఆధునిక సాంకేతికతతో నేరాల నియంత్రణ గోదావరిఖని: నేరాల నియంత్రణకు ఆధునిక సాంకేతిక పరిజ్ఞానం వినియోగించాలని రామగుండం పోలీస్‌ కమిషనర్‌ అంబర్‌ కిశోర్‌ ఝా సూచించారు. కమిషనరేట్‌ పరిధిలోని పెద్దపల్లి, మంచిర్యాల జోన్‌ పోలీస్‌ అధికారులతో మంగళవారం నెలవారీ నేరసమీక్ష నిర్వహించారు. గణేశ్‌ నవరాత్రి ఉత్సవాలు ప్రశాంతంగా జరిగేలా పటిష్ట చర్యలు చేపట్టాలని ఆదేశించారు. పోలీసు వాహనాలపై ప్రత్యేక పర్యవేక్షణ ఉండాలని సూచించారు. డీసీపీలు భాస్కర్‌, రాంరెడ్డి, ఏసీపీలు కృష్ణ, ప్రకాశ్‌, వెంకటేశ్వర్లు, కిరణ్‌కుమార్‌, నాగేంద్రగౌడ్‌, శ్రీనివాస్‌, రవీందర్‌, ప్రవీణ్‌కుమార్‌, శ్రీనివాస్‌రావు, రంగారెడ్డి తదితరులు పాల్గొన్నారు. నగరాభివృద్ధిలో ఇంజినీర్లు కీలకం కోల్‌సిటీ: నగర పునర్నిర్మాణంలో ఇంజినీర్ల పాత్ర కీలకమని రామగుండం మేయర్‌ మహంకాళి స్వామి అన్నారు. ఇంజినీర్స్‌ డేను పురస్కరించుకొని మంగళవారం నగరపాలక సంస్థ కార్యాలయంలోని 12 మంది ఇంజినీర్లను లయన్స్‌ క్లబ్‌ ఆఫ్‌ రామగుండం సౌజన్యంతో సత్కరించి మాట్లాడారు. చిత్తశుద్ధితో సేవలందిస్తూ నాణ్యతలో రాజీపడకుండా రోడ్లు, కాలువల నిర్మాణం చేపడుతున్నారని అభినందించారు. ఎగ్జిక్యూటివ్‌ ఇంజినీర్‌ శాంతిస్వరూప్‌, ఏఈలు మీర్‌, తేజస్విని, సౌమ్య, మనోజ్‌, అన్వేష్‌, నవీన్‌, అధికారులు నవీన్‌, అశోక్‌, కల్యాణ్‌, శ్రావణ్‌, శ్రీనివాస్‌, లయన్స్‌ క్లబ్‌ ప్రతినిధి కజంపురం రాజేందర్‌, కార్పొరేటర్లు గట్ల రమేశ్‌, వడ్లూరి రవి, కొలని కవిత, బాలసాని తిరుపతి తదితరులు పాల్గొన్నారు. ఉద్యోగాలు ఇవ్వాలి పెద్దపల్లి: తెలంగాణ ఉద్యమంలో పాటలు, డ ప్పులు, ధూంధాం ప్రదర్శనలతో ప్రజలను చై తన్యపరిచిన ఉద్యమ కళాకారులకు ఉద్యోగా లు ఇవ్వాలని నాయకులు డిమాండ్‌ చేశారు. మంగళవారం జిల్లా కేంద్రంలోని అమరవీరుల స్థూపం వద్ద నిర్వహించిన కళాకారుల సమావేశంలో మాట్లాడారు. స్వరాష్ట్రం ఏర్పడి ఏళ్లు గ డుస్తున్నా కళాకారుల జీవితాల్లో మార్పు రాలేదన్నారు. ఇకపై హామీలు కాకుండా స్పష్టమైన కార్యాచరణ ప్రకటించాలని కోరారు. కళాకా రులు అనువోజు వెంకటేశం, దరువు అంజన్న, నకిరేకంటి కిరణ్‌ కుమార్‌, రజాక్‌ ఉన్నారు.

సాక్షి,పెద్దపల్లి: ఉమ్మడి జిల్లాలో సర్‌ నోటీసులు జారీ అవు తున్నా విచారణ ఆశించిన స్థాయిలో ముందుకు సా గడం లేదు. నోటీసులు అందుకున్నవారు నిర్ణీత తే దీల్లో హియరింగ్‌కు హాజరు కావడంలేదు. కేటాయించిన తేదీలు గడిచిపోవడం.. రీషెడ్యూల్‌ చే యాల్సి రావడం వంటి పరిణామాలతో పెండింగ్‌ కేసులు పెరుగుతున్నాయి. ఆదివారం వరకు కరీంనగర్‌, పెద్దపల్లి, రాజన్న సిరిసిల్ల, జగిత్యాల జిల్లా ల్లో కలిపి 6,94,517 సర్‌ నోటీసులు జనరేట్‌ కా గా.. 6,12,976 డెలివరీ చేశారు. 81,541 నోటీసు లు డెలివరీ కాలేదు. మరోవైపు హియరింగ్‌ తేదీల్లో గైర్హాజరు కావడంతో 3.21 లక్షలకుపైగా నోటీసులు ల్యాప్స్‌ అయ్యాయి. నిర్దే శిత గడువులోగా ఎంతదరు విచారణకు హాజరవుతారు? ఎంతమంది గైర్హాజరవుతారనేది కీలకంగా మారింది. నోటీసులు అందినా.. హాజరు ఎక్కడ? నోటీసు డెలివరీ పూర్తయ్యాక సదరు వ్యక్తికి హియరింగ్‌ తేదీ కేటాయిస్తారు. ఆ తేదీన హాజరు కాకపో తే అది ల్యాప్స్‌ అవుతుంది. అదేఅంశంపై మరోసా రి తేదీ కేటాయించాల్సి వస్తోంది. ఇప్పటికే పెద్దసంఖ్యలో నోటీసులు జారీ అయిన నేపథ్యంలో ఇలాంటి గైర్హాజరీలు పెరిగితే హియరింగ్‌ ప్రక్రియ మరింత ఆలస్యమయ్యే అవకాశం ఉందని అధికారులు చె బుతున్నారు. ఉమ్మడి జిల్లాలో అత్యధికంగా కరీంనగర్‌, జగిత్యాలలో విచారణకు గైరాజరవుతున్నారు. కారణాలు అనేకం హియరింగ్‌ తేదీలు ల్యాప్స్‌ కావడానికి ప్రధానంగా నోటీసుల డెలివరీలో జాప్యం ఒక కారణంగా కనిపిస్తోంది. నోటీసు అందిన తర్వాతే సంబంధిత వ్యక్తి విచారణకు హాజరయ్యే అవకాశం ఉంటుంది. భారీ సంఖ్యలో నోటీసులు ఉండటంతో ప్రతీదానిని నిర్ణీ త సమయంలో డెలివరీ చేయకపోవడం, నోటీసు అందుకునే సమయానికి విచారణ తేదీ ముగిసిపోవడం, లేదా తక్కువ సమయం ఉండటం ప్రధాన కా రణంగా తెలుస్తోంది. అలాగే నోటీసులు అందుకు న్న వారు స్థానికంగా కాకుండా హైదరాబాద్‌ తది తర దూరప్రాంతాల్లో ఉండటం కూడా హియరింగ్‌కు హాజరుకావడం లేదంటున్నారు. ఒకవేళ గడు వురోజు హాజరైనా పరిమిత సంఖ్యలో సిబ్బంది ఉండటం, వచ్చిన వారు అధిక సంఖ్యలో ఉండంతో చాలామంది విచారణకు హాజరుకాకుండానే వెనుది రిగిపోతున్నారని అధికారులు అంటున్నారు. విచారణకు హాజరు పెంచడమే కీలకం నోటీసులు జారీచేయడంపైనే అధికార యంత్రాంగం దృష్టి సారిస్తోంది. నోటీసు అందుకున్న వారు నిర్ణీత తేదీన విచారణకు హాజరై తమ వాదనలు, ఆధారాలు సమర్పించినప్పుడే ప్రక్రియ ముందుకు సాగుతుంది. ఈ నేపథ్యంలో హియరింగ్‌ తేదీ, సమయం, వేదికపై స్పష్టమైన సమాచారం అందించడం, గైర్హాజరైన వారికి వెంటనే తదుపరి తేదీ కేటాయించడం, పెండింగ్‌ కేసులపై ప్రత్యేక పర్యవేక్షణ అవసరమని అంటున్నారు. లేకపోతే ఒకే కేసుకు పదేపదే తేదీలు కేటాయించే పరిస్థితి ఏర్పడి.. ఇప్పటికే ఉన్న పెండింగ్‌ తేదీలు మరింత పెరిగే అవకాశం ఉందని అధికారులు చెబుతున్నారు. నోటీసులు అందినా స్పందించని ఓటర్లు విచారణకు హాజరు కాని వైనం! ఉమ్మడి జిల్లాలో 6.94 లక్షల నోటీసులు డెలివరీ కాని నోటీసులు 81,541 ల్యాప్స్‌ అయిన హియరింగ్‌లు 3.21 లక్షలు ఉమ్మడి జిల్లా నోటీసుల సమాచారం జిల్లా జారీ డెలివరీ పెండింగ్‌ విచారణ పూర్తి ల్యాప్స్‌ కరీంనగర్‌ 2,70,190 2,29,052 41,138 82,773 1,24,386 పెద్దపల్లి 1,47,518 1,30,616 16,902 23,107 55,837 సిరిసిల్ల 83,846 76,211 7,635 27,297 38,619 జగిత్యాల 1,92,963 1,77,097 15,866 47,652 1,02,203

పెద్దపల్లి: జిల్లాలో వానాకాలం ధాన్యం కొనుగోలుకు అధికారులు కసరత్తు చేస్తుండగా.. తమ సమస్యలు పరిష్కరించాలని రైస్‌మిల్లర్లు నిరవధిక బంద్‌ పాటించడం ఆందోళనకరంగా మారుతోంది. పెండింగ్‌ బిల్లులు, మిల్లింగ్‌, హమాలీ చార్జీల బకాయిలు రాక ఇబ్బందులు పడుతూ ఉంటే.. కొత్త సీజన్‌ ధాన్యం తీసుకోవాలని అధికారులు ఒత్తిడి చేయడం ఏమిటని మిల్లర్లు అసంతృప్తి వ్యక్తం చేస్తున్నారు. నాలుగేళ్లుగా రైస్‌మిల్లులు నష్టాల్లో నడుస్తున్నాయని వారు వాపోతున్నారు. గుదిబండగా విద్యుత్‌ బిల్లు విద్యుత్‌ చార్జీలు భారంగా మారాయి. మిల్లు నడవకున్నా ప్రతీనెల కనీసం రూ.1లక్ష వరకు, నడిస్తే రూ.1.50 లక్షల నుంచి రూ.3 లక్షల వరకు విద్యుత్‌ బిల్లులు వస్తున్నాయంటున్నారు. 300 కిలోవాట్ల వరకు యూనిట్‌కు రూ.1 చార్జీ వసూలు చేయాలని ప్రభుత్వాన్ని కోరుతున్నారు. నిబంధనలపై అభ్యంతరం ధాన్యం నాణ్యత, తేమ, తిరస్కరణ, నూకల శాతాన్ని పరిగణనలోకి తీసుకోకుండా క్వింటాల్‌కు 63 కిలోల బియ్యం ఇవ్వాలని ప్రభుత్వం చెబుతున్నా.. క్షేత్రస్థాయిలో నూక శాతం అధికంగా వస్తోందని, తద్వారా తాము నష్టపోతున్నామని మిల్లర్లు అంటున్నారు. ముఖ్యంగా సన్నధాన్యం ఔటర్న్‌ విధానాన్ని సవరించాలని డిమాండ్‌ చేస్తున్నారు. కొనసాగుతున్న రైస్‌మిల్లర్ల నిరసన జిల్లాలో మూతపడిన మిల్లులు

ఈసారి డీజేకు నోచాన్స్‌ ● రామగుండం సీపీ అంబర్‌ కిశోర్‌ ఝా గోదావరిఖని: రామగుండం పోలీస్‌ కమిషనరేట్‌ పరిధిలోని పెద్దపల్లి, మంచిర్యాల జిల్లాల్లో గణపతి నవరాత్రి ఉత్సవాలు ప్రశాంత వాతావరణంలో సాగేలా పటిష్ట భద్రతా చర్యలు చేపట్టామని పోలీస్‌ కమిషనర్‌ అంబర్‌ కిశోర్‌ ఝా తెలిపారు. వేడుకలు శాంతియుతంగా జరిగేలా సహకరించాలని మండప నిర్వాహకులతో ఇప్పటికే సమీక్షించి పలు సూచనలు చేశామని వివరించారు. మంగళవారం ఆయన ‘సాక్షి’కి ఇచ్చిన ఇంటర్వ్యూలో వివరాలు వెల్లడించారు. ఆయన మాటల్లోనే.. ఏమైనా ఆంక్షలు ఉన్నాయా? సీపీ: వినాయక నవరాత్రి ఉత్సవాల సందర్భంగా విధించిన ఆంక్షలు ఈనెల 14 నుంచి 25వ తేదీ వరకు అమలులో ఉంటాయి. నిబంధనలు అతిక్రమిస్తే..? సీపీ: నిబంధనలు అతిక్రమిస్తే బైండోవర్‌ చేస్తాం. జరిమానా విధిస్తాం. అవసరమైతే క్రిమినల్‌ కేసులు కూడా నమోదు చేస్తాం. అత్యవసర సేవల కోసం ఎవరిని సంప్రదించాలి? సీపీ: పోలీస్‌స్టేషన్‌లోని ఎస్‌హెచ్‌వోను సంప్రదించాలి. ఫిర్యాదు కోసం డయల్‌ 112 నంబర్‌కు ఫోన్‌చేయాలి. కంట్రోల్‌ రూం నంబర్‌ 87126 56597ను ఎప్పుడైనా సంప్రదించే వీలుంది. డీజేల వినియోగంపై మీ స్పందన? సీపీ: అత్యధిక డెసిబుల్స్‌ వెలువరించే డీజేలతో ప్రజారోగ్యం దెబ్బతింటోంది. ముఖ్యంగా వృద్ధులు, చిన్నారులు, గుండె సంబంధిత వ్యాధిగ్రస్థులపై ఆ శబ్దం తీవ్రప్రభావం చూపుతోంది. హైకోర్టు ఆదేశాల మేరకు డీజే నిర్వాహకులతో ఇప్పటికే సమావేశమయ్యాం. నిబంధనలు అతిక్రమించిన వారిని బైండోవర్‌ చేశాం. నవరాత్రి ఉత్సవాలకు నిఘా ఎలా ఉంది? సీపీ: కమిషనరేట్‌లో పీసీఆర్‌ కంట్రోల్‌ రూం ఏర్పాటు చేశాం. ఫోన్‌కాల్స్‌ ఆధారంగా పోలీస్‌ అధికారులను అప్రమత్తం చేస్తున్నాం. ఈసారి ఎన్ని విగ్రహాలు ఏర్పాటు చేశారు? సీపీ: ఆన్‌లైన్‌ ద్వారా ఇప్పటివరకు 4,321 దరఖాస్తులు వచ్చాయి. 3,206 విగ్రహాలకు అనుమతి ఇచ్చాం. 383 విగ్రహాల అనుమతి ఇవ్వాల్సి ఉంది. 32 దరఖాస్తులు తిరస్కరించాం. ఈసంఖ్య పెరిగే అవకాశం ఉంది. మండపాలపై ఎవరి నిఘా ఉందా? సీపీ: నిరంతర పర్యవేక్షణ కోసం బ్లూకోల్ట్స్‌, పెట్రోకార్స్‌, విజిబుల్‌ పోలీసింగ్‌ కొనసాగుతుంది. ప్రతీవిగ్రహం వద్ద పాయింట్‌ బుక్‌ ఏర్పాటు చేస్తాం. భక్తులను పక్కతోవ పట్టిస్తే..? సీపీ: కమిషనరేట్‌ పరిధిలో సోషల్‌ మీడియా మానిటరింగ్‌ సెల్‌ ఉంది. భక్తులను తప్పుదోవ పట్టేలా పోస్ట్‌చేస్తే ఎంతటి వారైనా ఉపేక్షించబోం. ప్రత్యేక ఫోర్స్‌ను నియమించారా? సీపీ: ఏఆర్‌, స్పెషల్‌ పార్టీ ఫోర్స్‌ వినియోగిస్తాం. అవసరమైతే మరింత ఫోర్స్‌ను తెప్పించేలా ప్రణాళిక రూపొందించాం. సమస్యాత్మక ప్రాంతాలు ఉన్నాయా? సీపీ: గతేడాది నిమజ్జనం ప్రశాంతంగా జరిగింది. ఆ అనుభవాలతో అధికారులను సమన్వయం చేసి ఈసారి ఏర్పాట్లపై ప్రత్యేక దృష్టి సారించాం. సున్నిత ప్రాంతాలపై ఎలా వ్యవహరిస్తారు? సీపీ: సమస్యాత్మక, సున్నితమైన ప్రాంతాలో జరిగే ఘటనలపై క్రిమినల్‌ కేసులు నమోదు చేస్తాం. ఈఏడాది సీసీటీవీలు, కెమెరాలు, బారికేడ్లు ఏర్పాటు చేసి, అదనపు సిబ్బందితో ప్రత్యేక పెట్రోలింగ్‌ నిర్వహిస్తున్నాం.

నిబంధనలకు లోబడి సీఎమ్మార్‌ చెల్లించిన వారిని, బకాయిదారులను ఒకేమాదిరిగా చూడడం సరికాదు. సివిల్‌ సప్లయ్‌, టాస్క్‌ఫోర్స్‌, విజిలెన్స్‌ అధికారులు మిల్లుల్లో తనిఖీలు చేస్తే ఇబ్బందులు లేవు. కానీ, మాకు రావాల్సిన బకాయిలు ఇవ్వాలి. – మోరపల్లి తిరుపతిరెడ్డి, జిల్లా అధ్యక్షుడు, రైస్‌మిల్లర్స్‌ అసోసియేషన్‌ఆంధ్రాలో అలా ఎందుకు? ఆంధ్రప్రదేశ్‌లో సీఎమ్మార్‌కు క్వింటాల్‌పై రూ.110 చార్జీ చెల్లిస్తున్నారు. మనతెలంగాణలోరూ.10 చెల్లిస్తున్నారు. ఇదెక్కడి న్యాయం? ముడిసరుకుల ధరలు, కరెంట్‌ బిల్లులు అధికంగా వస్తున్నాయి. కరెంటు బిల్లులను ప్రభుత్వం మాఫీ చేయాలి. – నగునూరి అశోక్‌కుమార్‌, జిల్లా అధ్యక్షుడు, రైస్‌మిల్లర్స్‌ వెల్ఫేర్‌ అసోసియేషన్‌అక్టోబరులోనే కొనుగోళ్లు అక్టోబర్‌ మొదటి వారంలోనే ధాన్యం కొనుగోలు కేంద్రాలు ఏర్పాటు చేసి వానాకాలం ధాన్యాన్ని రైతుల నుంచి యథావిధిగా కొనుగోలు చేస్తాం. ఉన్నతాధికారుల నుంచి ఇందుకు సంబంధించిన ఆదేశాలు ఇప్పటికే మాకు వచ్చాయి. ఇందుకోసం ప్రత్యేక ప్రణాళిక తయారు చేస్తున్నాం.– శ్రీరాములు, అదనపు కలెక్టర్‌

జ్యోతినగర్‌: జాతీయ ఎస్టీ కమిషన్‌ సభ్యుడు జాటో తు హుస్సేన్‌ నాయక్‌ మంగళవారం రాత్రి రామగుండంలోని ఎన్టీపీసీ జ్యోతి భవన్‌కు చేరుకున్నారు. పెద్దపల్లి డీసీపీ రాంరెడ్డి, తహసీల్దార్‌ రవీందర్‌రావు ఆయనకు ఘనస్వాగతం పలికారు. జాటోతు హు స్సేన్‌ ఈనెల 16న యైటింక్లయిన్‌ కాలనీ లంబాడి తండా సందర్శించి గిరిజనుల సమస్యలను తెలుసుకోనున్నారు. కలెక్టర్‌, ఎస్పీ, డీఎఫ్‌వో తదితర అధికారులతో సమీక్షిస్తారు. 17న ఎన్టీపీసీ, ఆర్‌ఎఫ్‌సీఎల్‌లో అధికారులతో సమీక్షిస్తారు. అనంతరం మహబూబాబాద్‌కు బయలుదేరి వెళ్తారు. గిరిజనుల స మస్యలు, ప్రాజెక్టుల్లో అమలవుతున్న సంక్షేమ, సా మాజిక బాధ్యతతలపై ఆరా తీసే అవకాశం ఉంది.

నాందేడ్‌, కలకత్తా, ముంబై లాంటి ప్రాంతాల్లో కళాకారులతో తయారుచేసే మట్టి గణపతి విగ్రహాలు మన ప్రాంతంలో పీవోపీతో తయారు చేసినవాటికన్నా మంచిఆకర్షణీయంగా ఉంటాయి. అక్కడి మట్టి విగ్రహాలపై మండప నిర్వహకులకు అవగాహన కల్పించాలి. అధికారులు ప్రోత్సాహం అందించాలి. మార్కెట్‌ సౌకర్యం కల్పించాలి. – బొంపల్లి సంతోష్‌, మట్టి విగ్రహ తయారీదారు పరిచయం చేసేందుకే.. మహారాష్ట్రలో మట్టితో తయారు చేసిన వినాయక విగ్రహాలనే నేను చిన్నప్పట్నుంచి చూశా. గోదావరిఖనికి వచ్చాక పీవోపీ విగ్రహాలే ఎక్కువగా కనిపించాయి. ఇక్కడ మట్టి విగ్రహాలు పరిచయం చేయాలనే ఆలోచనతోనే మూడేళ్లుగా ‘జ్యోతి ఎకో ఫ్రెండ్లీ గణేశ్‌ విగ్రహాలు’ తయారు చేసి విక్రయిస్తున్నాం. – కలగూర ప్రీతమ్‌, గోదావరిఖని ముందస్తు ప్రచారంతోనే ఫలితం మట్టి గణపతి విగ్రహాల వినియోగంతో కలిగే ప్రయోజనాలపై అధికారులు ముందస్తుగా ప్రచారం చేస్తే ఆశించిన ఫలితాలు వస్తాయి. కానీ, పండుగ సమయంలోనే ప్రచారం చేయడం వృథా. మట్టి విగ్రహాల తయారీ, పంపిణీని ముందుగానే చేపట్టి భక్తులకు అందుబాటులోకి తీసుకురావాలి. మండప నిర్వాహకులు, యువజన సంఘాలు, విద్యార్థులను భాగస్వామ్యం చేయాలి. – పర్యావరణ ప్రేమికుడు

యైటింక్లయిన్‌కాలనీ: పెద్దపల్లి జిల్లా రామగుండం ఆర్జీ–3ఏరియా 10 ఇంక్లయిన్‌ మైన్‌లో ఈనెల 13న కాపర్‌ వైర్‌ చోరీకి గురైంది. పోలీసులు కథనం ప్రకారం.. ఈనెల 13న రాత్రి గనిలోకి ప్రవేశించిన దొంగలు.. సుమారు 130 మీటర్ల పొడవైన కాపర్‌వైర్‌ను అపహరించుకెళ్లారు. ఈమేరకు సీనియర్‌ ఇన్‌స్పెక్టర్‌ పోగుల స్వామి మంగళవారం ఇచ్చిన ఫిర్యాదు మేరకు కేసు నమోదు చేసుకొన్నట్లు పోలీసులు తెలిపారు. చోరీకి గురైన రాగితీగ విలువ సుమారు రూ. ఒక లక్ష నాలుగు వేలు ఉంటుందని పేర్కొన్నారు. ఓసీపీ–2లో కాపర్‌వైర్‌ చోరీకి యత్నం భూపాలపల్లి అర్బన్‌: భూపాలపల్లి ఏరియాలోని ఓపెన్‌కాస్ట్‌–2 ప్రాజెక్ట్‌ (ఓ సీ–2)లో కాపర్‌వైర్‌ చోరీకి యత్నించిన ఘటనలో ముగ్గురిని సింగరేణి సె క్యూరిటీ సిబ్బంది పట్టుకున్నారు. సీఐ శ్రీనివాస్‌ వివరాల ప్రకారం.. ఓసీ–2 లో ఆది, సోమవారాల్లోని రాత్రివేళలో దుండగులు చోరీకి యత్నంచారు. సోమవారం అర్ధరాత్రి ఓపెన్‌కాస్టులోని పీవో కార్యాలయ సమీపంలో కాపర్‌వైర్‌ను కట్‌ చేస్తుండగా సింగరేణి సెక్యూరిటీ సిబ్బంది గమనించి ముగ్గురిని పట్టుకుని పోలీసులకు అప్పగించారు. పెద్దపల్లి జిల్లా బేగంపేటకు చెందిన ఓదారి శశాంక్‌, సాదుల వివేక్‌, శివరాత్రి మహేశ్‌తోపాటు కారును పోలీసులు అదుపులోకి తీసుకున్నారు. శివరాత్రి రమేశ్‌, ఉదయ్‌ రాజ్‌కుమార్‌, రాజు పరారయ్యారు. ఘటనపై పూర్తి వివరాలను సేకరిస్తున్నారు. గంజాయి తరలిస్తున్న ఇద్దరి అరెస్ట్‌ గోదావరిఖని: గంజా యి తరలిస్తున్న సికింద్రాబాద్‌లోని మల్కాజిగిరికి చెందిన పిన్నోజి గోపి (24), ఇదే ప్రాంతా నికి చెందిన మాచర్ల పవన్‌కుమార్‌ (19)ను అరెస్ట్‌ చేసిన ట్లు గోదావరిఖని వ న్‌టౌన్‌ సీఐ ఇంద్రసేనారెడ్డి తెలిపారు. పెద్దపల్లి జిల్లా గో దావరిఖని బస్టాండ్‌ వద్ద వాహనాలు తనిఖీ చేస్తుండగా గమనించి తప్పించుకునేందుకు యత్నించారన్నారు. ఇద్దరిని అదుపులోకి తీసుకుని విచారణ చేయగా.. బ్యాగులో ఎండిన గంజాయి, పండ్లు ఉన్న ప్యాకెట్‌ లభించిందన్నారు. మహారాష్ట్రలోని చంద్రపూర్‌ రైల్వేస్టేషన్‌ ప్రాంతంలో ఓ వ్యక్తి వద్ద గంజాయి కొనుగోలు చేసి, హైదరాబాద్‌లో విక్రయిస్తూ డబ్బులు సంపాదిస్తున్నట్లు సీఐ వెల్లడించారు. నిందితులు చంద్రపూర్‌, మహారాష్ట్రకు వెళ్లి గంజాయి కొనుగోలు చేసి, రైలు మార్గంలో మంచిర్యాలకు చేరుకుని, అక్కడి నుంచి ఆటోలో గోదావరిఖనికి వచ్చినట్లు పేర్కొన్నారు. వారినుంచి రూ.52వేల విలువైన 1.05కిలోల గంజాయి స్వాధీనం చేసుకుని కేసు నమోదు చేసి అరెస్ట్‌ చేసినట్లు వెల్లడించారు.

పెద్దపల్లి/పెద్దపల్లిరూరల్‌: సింగపూర్‌ దేశంలో ప్రాథమిక విద్యకు పెద్దపీట వేస్తున్నారని డీఈవో శారద తెలిపారు. అక్కడి విద్యా విధానాన్ని అధ్యయనం చేసేందుకు ఈనెల 12 నుంచి 19 వరకు నేషనల్‌ ఇనిస్టిట్యూట్‌ ఆఫ్‌ ఎడ్యుకేషన్‌ బృందం సింగపూర్‌లో పర్యటిస్తోంది. అందులో డీఈవో ఉన్నారు. డీఈవో మాట్లాడుతూ, అక్కడి విద్యా వ్యవస్థలో ఆరేళ్ల ప్రాథమిక విద్య తర్వాత సెకండరీ, ఆపై పోస్ట్‌–సెకండరీ విద్య కొనసాగుతుందన్నారు. ఈ విధానాన్ని 6+4+2గా పేర్కొంటారని, విద్యార్థుల సామర్థ్యాలకు అనుగుణంగా తదుపరి విద్యా మార్గాలను రూపొందిస్తున్నారని పేర్కొన్నారు. అక్కడి ముఖ్యాంశాలను అధ్యయనం చేసి, తెలంగాణ విద్యా రంగంలో అన్వయించే అవకాశాలను ప్రతినిధి బృందం పరిశీలిస్తోందని డీఈవో వివరించారు. 13ఏళ్ల బాలుడు.. ఐదడుగుల విగ్రహం పాలకుర్తి: ఈసాలతక్కళ్లపల్లి సూర్యనగర్‌కు చెందిన పెసరి మనీష్‌(13) పర్యావరణ పరిరక్షణ కోసం ఐదడుగుల మట్టి వి నాయక విగ్ర హం తయారుచేశాడు. పెసరి మల్లేశ్‌–మాలతి దంపతులు కుమారుడైన మనీశ్‌ స్థానిక జిల్లా పరిషత్‌ పాఠశాలలో ఎనిమిదో తరగతి చదువుచున్నాడు. చిన్నప్పటి నుంచి వినూత్నంగా ఆలోచించే బుడతడు.. తనకంటూ ఓ ప్రత్యేకత చాటాలనే సంకల్పంతో మట్టితో ఐదు అడుగుల విగ్రహాన్ని తయారుచేశాడు. ప్రకృతి సిద్ధమైన రంగులు అద్దాడు. తన ఇంటి ఆవరణలో నెలకొల్పాడు. మనీష్‌ను పలువురు అభినందించారు. రైళ్లన్నీ రద్దీ రామగుండం: సిర్‌పూర్‌కాగజ్‌నగర్‌–సికింద్రాబాద్‌ మధ్య నడిచే భాగ్యనగర్‌, ఇంటర్‌సిటీ, కాగజ్‌నగర్‌, తెలంగాణ, దాణాపూర్‌ తదితర రైళ్లన్నీ మంగళవారం ప్రయాణికులతో కిక్కిరిసిపోయాయి. వినాయక చవితి పండుగకు వచ్చిన ప్రజలు.. మంగళవారం తిరుగు ప్రయాణమయ్యారు. పండుగకు ముందు దక్షిణ మధ్య రైల్వే ప్రత్యేక రైళ్లను నడిపించడంతో ఎంతో సౌకర్యం కలిగింది. తిరుగు ప్రయాణం కోసం మరోమూడు రోజులు నడిపించాలనే డిమాండ్‌ వస్తోంది.

కోల్‌సిటీ: రామగుండం బల్దియాలో మంగళవారం రాత్రి ఉద్రిక్తత చోటుచేసుకుంది. 45వ డివిజన్‌ కాంగ్రెస్‌ పార్టీ కార్పొరేటర్‌ కౌటం సతీశ్‌ కమిషనర్‌ చాంబర్‌ ఎదుట బైఠాయించి నిరసన తెలిపారు. తన డివిజన్‌లో విద్యుత్‌ స్తంభాలు, విద్యుత్‌ దీపాల సమస్యలపై కమిషనర్‌ అరుణశ్రీకు వివరించేందుకు యత్నించగా స్పందించలేడం లేదని ఆరోపించారు. కాంగ్రెస్‌ కార్పొరేటర్లు సాగి సంతోష్‌రావు, దొంత శ్రీనివాస్‌, బీఆర్‌ఎస్‌ కార్పొరేటర్‌ మేకల సమ్మయ్య, సీపీఐ కార్పొరేటర్‌ మార్కపురి సూర్య, కాంగ్రెస్‌ మహిళా కార్పొరేటర్ల భర్తలు మడిపల్లి మల్లేశ్‌, పాతిపెల్లి రవి, 45వ డివిజన్‌ అధ్యక్షుడు కొమురయ్య, సీపీఐ నాయకుడు చంద్రశేఖర్‌ తదితరులు నాయకులు ఆయనకు మద్దతుగా నిలిచారు. సతీశ్‌ మాట్లాడుతూ, తన స్లమ్‌ డివిజన్‌కు కూడా ప్రాధాన్యత కల్పించి విద్యుత్‌ సమస్యలు పరిష్కరించాలని గతంలోనే కమిషనర్‌కు వినతిపత్రం అందజేశానన్నారు. మరోసారి విన్నవిస్తే కమిషనర్‌ పట్టించుకోలేదని ఆరోపించారు. డిప్యూటీ మేయర్‌ పాతపెల్లి ఎల్లయ్య జోక్యం చేసుకొన్నారు. కమిషనర్‌తో మాట్లాడి కార్పొరేటర్ల సమక్షంలో చర్చించి ఆందోళన విరమింపజేశారు. ఈ ఘటనపై ఎమ్మెల్యే ఎంఎస్‌ రాజ్‌ఠాకూర్‌, మేయర్‌ మహంకాళి స్వామి ఆరా తీసినట్లు తెలిసింది. కార్పొరేటర్‌ ఆరోపణల గురించి కమిషనర్‌ అరుణశ్రీని వివరణ కోరగా.. తర్వాత తెలియజేస్తామన్నారు. అధికార పార్టీ కార్పొరేటర్లు, నాయకులు బల్దియాలో నిరసనకు దిగడం చర్చనీయాంశంగా మారింది. బైఠాయించిన కాంగ్రెస్‌ కార్పొరేటర్‌ విద్యుత్‌ సమస్యలపై స్పందించలేదంటూ ఆగ్రహం

పాలకుర్తి: భార్య, భర్త, వారికి ఇద్దరు పిల్లలు.. చింత లేని ఆ చిన్న కుటుంబాన్ని విధిపగబట్టింది. ఆరునెలల్లోనే ఛిద్రం చేసింది. రోడ్డు ప్రమాదంలో భర్త కాలు కోల్పోగా, భార్య క్యాన్సర్‌తో సోమవారం మృతిచెందింది. వివరాలు.. పెద్దపల్లి జిల్లా పాలకుర్తి మండలం పుట్నూర్‌ గ్రామానికి చెందిన పడాల సత్యయ్యగౌడ్‌ – సునీత దంపతులకు అశ్విత, నిషిత్‌ సంతానం. అశ్విత డిగ్రీ ప్రథమ సంవత్సరం, నిషిత్‌ ఇంటర్‌ ఫస్టియర్‌ చదువుచున్నాడు. సత్తయ్య ఎన్టీపీసీలో కాంట్రాక్ట్‌ కార్మికుడు. సునీత గ్రామ బస్టాండ్‌ సమీపంలో కిరాణం నిర్వహిస్తుండేది. ఈయేడాది ఫిబ్రవరిలో గ్రామశివారులో జరిగిన రోడ్డు ప్రమాదంలో సత్తయ్యగౌడ్‌ కాలు నుజ్జునుజ్జు అయింది. డాక్టర్లు దానిని తొడవరకు తొలగించారు. మధ్య తరగతి కుటుంబం కావడం, ఇంటి పెద్దదిక్కు మంచానికే పరిమితమైన నేపథ్యంలో కుటుంబ పోషణ భారమైంది. అయినా, ఆరునెలలుగా సునీత కుటుంబ పోషణ బాధ్యతలు నిర్వర్తిస్తోంది. నాలుగేళ్లుగా క్యాన్సర్‌తో బాధపడుతున్న సునీతకు పరిస్థితి విషమించడంతో ఈనెల 6వ తేదీన వరంగల్‌ ఆస్పత్రిలో చేర్పించారు. ఈక్రమంలో ఆదివారం రాత్రి మృతిచెందగా మంగళవారం అంతక్రియలు నిర్వహించారు. మృతురాలి కుమారుడు నిషిత్‌ తల్లి చితికి నిప్పంటించాడు. ఆచేతానస్థితిలో ఉన్న సత్తయ్యకు ఆసరాగా ఉంటూ కుటుంబానికి పెద్దదిక్కుగా నిలబడిన సునీత మరణంతో ఆ కుటుంబ దిక్కుతోచని స్థితిలోకి వెళ్లింది. దాతలు, మానవతావాదులు స్పందించి బాసటగా నిలువాలని గ్రామస్తులు కోరుతున్నారు.

● ఫుడ్‌ పాయిజన్‌గా అనుమానం! ● మృతురాలు మూడు నెలల గర్భిణి రామగిరి: పెద్దపల్లి జిల్లా రామగిరి మండలం సెంటినరీకాలనీలో నివాసం ఉండే దంపతులు అజయ్‌ కుమార్‌ కారే(28) – దినేశ్వరి కారే(25) కడుపునొప్పితో తీవ్రఅస్వస్థతకు మృతి చెందారు. స్థానికుల కథనం ప్రకారం.. మధ్యప్రదేశ్‌ రాష్ట్రంలోని బాలాఘాట్‌ జిల్లా లాంజీ తాలూకా ధర్మార గ్రామానికి చెందిన అజయ్‌కుమార్‌ కారే– దినేశ్వరి కారే భార్యాభర్తలు. వీరికి రెండేళ్ల క్రితం వివాహమైంది. ఉపాధి నిమిత్తం సెంటినరీకాలనీకి వలస వచ్చి ఇక్కడే నివాసం ఉంటున్నారు. భవన నిర్మాణ రంగంలో మేసీ్త్ర పనులు చేసుకుంటున్నారు. ఈనెల 13న రాత్రి సుమారు 9 గంటల సమయంలో భార్యాభర్తలు భోజనం చేసి నిద్రకు ఉపక్రమించారు. అర్ధరాత్రి 00.30గంటలకు దినేశ్వరికి కడుపునొప్పి రావడంతో భర్తతోపాటు బంధువులకు విషయం తెలిపింది. ఆ తర్వాత కొద్దిసేపటికి నొప్పి తగ్గుతుందని భావించి నిద్రపోయింది. ఉదయం దినేశ్వరి, అజయ్‌కుమార్‌కు కూడా కడుపునొప్పి రావడంతో ఇద్దరినీ వారి యజమాని రోశయ్య కారులో కమాన్‌పూర్‌ ఆస్పత్రికి తరలించారు. అక్కడ వైద్యులు పరీక్షించి మెరుగైన వైద్యం కోసం గోదావరిఖని ప్రభుత్వ ఆస్పత్రికి తీసుకెళ్లాలని సూచించారు. ఈనెల 14న ఉదయం సుమారు 10.20 గంటలకు గోదావరిఖని ప్రభుత్వ ఆస్పత్రికి తీసుకెళ్లగా.. వైద్యులు పరీక్షించి అజయ్‌కుమార్‌ అప్పటికే మృతి చెందినట్లు నిర్ధారించారు. మరోవైపు.. చికిత్స పొందుతున్న దినేశ్వరి కూడా మృతి చెందింది. దీంతో వారికుటుంబ సభ్యులు, స్నేహితులు విషాదంలో మునిగిపోయారు. అయితే, పోరెన్సిక్‌ నివేదిక తర్వాతే మృతికి గల కారణాలు తెలుస్తాయని మంథని సీఐ స్వామి తెలిపారు. కాగా, దినేశ్వరి ప్రస్తుతం మూడు నెలల గర్భవతి కావడం గమనార్హం.

పెద్దపల్లిరూరల్‌: ప్రతీపల్లె సమగ్ర సమాచారాన్ని ప్రజలకు అందుబాటులోకి తేవడంతోపాటు వచ్చే ఐదేళ్లలో చేపట్టబోయే అభివృద్ధి ప్రణాళికలను ఆన్‌లైన్‌లో నమోదు చేసేందుకు రాష్ట్ర ప్రభుత్వం శ్రీతెలంగాణ గ్రామ పంచాయతీ సమగ్ర అభివృద్ది ప్రణాళికశ్రీ పేరిట వెబ్‌సైట్‌ను రూపొందించింది. దీనిని త్వరలోనే అందుబాటులోకి తీసుకొచ్చేందుకు రాష్ట్రవ్యాప్తంగా 30 పంచాయతీల్లో ప్రయోగాత్మకంగా అమలు చేసింది. మనజిల్లా నుంచి ఎలిగేడు మండలం నారాయణపూర్‌ను పైలెట్‌ గ్రామంగా ఎంపిక చేసి వెబ్‌సైట్‌లో వివరాలు నమోదు చేశారు. వెబ్‌సైట్‌లో వివరాల నమోదు తదితర అంశాలపై రెండు రోజుల క్రితం హైదరాబాద్‌లో ఎంపిక చేసిన అధికారులు, ప్రజాప్రతినిధులకు అవగాహన కల్పించారు. పీఏఐ ఇండెక్స్‌లో వివరాలు పంచాయతీ అడ్వాన్స్‌మెంట్‌ ఇండెక్స్‌ (పీఏఐ)లో పంచాయతీ లాగిన్‌లో ప్రతీ గ్రామ పంచాయతీ ప్రొఫైల్‌తోపాటు సమగ్ర సమాచారాన్ని పొందుపరుస్తారు. ప్రతీ పంచాయతీ జనాభా, ఓటర్ల సంఖ్యతోపాటు ప్రభుత్వ శాఖల వారీగా వివరాలు ప్రభుత్వ వెబ్‌సైట్‌లో అప్‌లోడ్‌ చేయాల్సి ఉంటుంది. ప్రస్తుతం ఈ వివరాల నమోదు ప్రక్రియ జిల్లాలో పూర్తయ్యే దశలో ఉంది. పైలెట్‌ ప్రాజెక్టుగా ఎలిగేడు మండలం నారాయణపూర్‌ పంచాయతీ వివరాలను ఆన్‌లైన్‌ నమోదు చేశారు. ప్రభుత్వ శాఖల వారీగా 17శాఖల పూర్తి వివరాలను అప్‌లోడ్‌ చేసి ప్రజలకు అందుబాటులో ఉంచారు. మూడు విభాగాల వారీగా... ప్రతీ పంచాయతీ సమగ్ర సమాచారాన్ని మూడు భాగాలుగా ఆ వెబ్‌సైట్‌లో నమోదు చేయాలని అధికారులకు సూచించారు. పార్ట్‌–1లో ప్రతీ పంచాయతీ ప్రొఫైల్‌ను అప్‌లోడ్‌ చేయాలి. జనాభాతోపాటు అందుబాటులోని వనరులు, ప్రభుత్వ శాఖల వారీగా అందుతున్న సేవలు తదితర అంశాల సమాచారం ఉంటుంది. పార్ట్‌–2లో రాబోయే 3 నుంచి ఐదేళ్లలో చేపట్టాల్సిన ప్రణాళికలను పాలకులు, ప్రజలతో చర్చించి ఆ వివరాలను నమోదు చేస్తారు. పార్ట్‌–3లో ప్రస్తుత ఆదాయ, వ్యయాలతోపాటు బడ్జెట్‌, ఖాతా వివరాలను పొందుపరుస్తారు. పారదర్శకత కోసమే.. పంచాయతీ పాలన పారదర్శకంగా ఉండేలా చూసేందుకే ప్రతీపంచాయతీ వివరాలను ప్రజలందరూ చూసేలా ప్రత్యేకంగా రూపొందించే వెబ్‌సైట్‌లో అందుబాటులో ఉంచేందుకే ప్రభుత్వం వెబ్‌సైట్‌ను అందుబాటులోకి తెస్తున్నట్టు తెలుస్తోంది. పంచాయతీ పాలకులు చేపట్టే ప్రతీపని, ప్రతిపైసా ఖర్చు వివరాలు ఈవెబ్‌సైట్‌లో కనిపిస్తాయి. వివరాలు నమోదు చేస్తున్నాం ప్రభుత్వం రూపొందించిన వెబ్‌సైట్‌లో ప్రతీ పంచాయతీ వివరాలు నమోదు చేస్తున్నాం. ఇప్పటికే చాలా పంచాయతీల్లో ప్రక్రియ చివరిదశకు చేరింది. త్వరలోనే వెబ్‌సైట్‌ అందుబాటులోకి రానుంది. దీనిపై అవగాహన కల్పించేందుకు హైదరాబాద్‌లో నిర్వహించిన కార్యక్రమానికి సుందిల్ల, నాగెపల్లి, బొట్లవనపర్తి సర్పంచులతో కలిసి హాజరయ్యా. ఈ విషయమై పంచాయతీ కార్యదర్శులకు అవగాహన కల్పించి పొరపాట్లు లేకుండా నమోదు చేసేలా చూస్తాం. – శ్రీమాల, ఇన్‌చార్జి జిల్లా పంచాయతీ అధికారి

మట్టి గణపతి..సాక్షి పెద్దపల్లి: వినాయక చవితి అంటే భక్తి.. సంప్రదాయం.. పర్యావరణ పరిరక్షణను చాటిచెప్పే పండుగ. కానీ, ప్లాస్టర్‌ ఆఫ్‌ ప్యారిస్‌(పీవోపీ), రసాయనిక రంగులతో తయారు చేసిన విగ్రహాలకు డిమాండ్‌ పెరుగుతోంది. ఇవి జలవనరులను కలుషితం చేస్తున్నాయి. ప్రకృతిని కాపాడేందుకు మట్టి విగ్రహాలు ప్రతిష్ఠించాలని పర్యావరణవేత్తలు, స్వచ్ఛంద సంస్థలు ప్రచారం చేస్తున్నా జిల్లా అధికార యంత్రాంగం ఆశించినస్థాయిలో ముందస్తు కార్యాచరణ రూపొందించడం లేదనే విమర్శలు ఉన్నాయి. ● భారీ విగ్రహాలతో మరింత ముప్పు ప్రజల్లో కొంతవరకు కలిగిన చైతన్యంతో ఇళ్లలో 90శాతం మట్టి విగ్రహాలు ప్రతిష్ఠించుకుంటున్నారు. పీసీబీ, స్వచ్ఛద సంస్థలు వీటిని ఉచితంగా పంపిణీ చేస్తున్నాయి. సమస్యంతా.. పీవోపీ, రసాయనిక రంగులతో తయారు చేసిన భారీ విగ్రహాలతోనే. పీవోపీ నీటిలో సులభంగా కరగదు. కుంటలు, చెరువులు, నదులు, ఇతర జలవనరుల్లో వ్యర్థాలు పేరుకుపోయి జలచరాలకు హాని కలిగిస్తున్నాయి. ● భాగస్వామ్యం తక్కువే పెద్దపల్లి, రామగుండం, మంథని, సుల్తానాబాద్‌తోపాటు గ్రామాల్లోనూ ఏటా పెద్దసంఖ్యలో వినాయక విగ్రహాలు ఏర్పాటవుతున్నాయి. అయితే, మట్టి విగ్రహాలనే వినియోగించడంలో మండప నిర్వాహకులు, యువజన సంఘాలు, విద్యార్థులను భాగస్వామ్యం చేస్తే మంచి ఫలితాలు వస్తాయని పర్యావరణ నిపుణులు సూచిస్తున్నారు. ● మున్సిపాలిటీలదీ బాధ్యతే రామగుండం నగరంతోపాటు పెద్దపల్లి, మంథని పట్టణాల్లో గణపతి మండపాల సంఖ్య భారీగా ఉంటుంది. భారీ విగ్రహాలతో నిమజ్జనం సందర్భంగా వ్యర్థాలు వెలువడుతాయి. అయితే, పీఓపీ విగ్రహాలతో కలిగే నష్టాలపై ప్రజలకు అవగాహన కల్పించాల్సిన బాధ్యత పురపాలక అధికారులపైనా ఉంది. మట్టి విగ్రహాలను తయారు చేసే కళాకారులను ప్రోత్సహించడం, స్థానికంగా తయారీ కేంద్రాలను ఏర్పాటు చేయించడం, మండప నిర్వాహకులకు తక్కువ ధరకు మట్టి విగ్రహాలు అందేలా చర్యలు తీసుకోవాల్సి ఉంది. ప్రచారానికే పరిమితమా? గణపతి నవరాత్రి ఉత్సవాల సందర్భంగానే మట్టి ప్రతిమలు వినియోగించాలని అధికారులు ప్రచారం చేయడం సాధారణంగానే మారింది. వేడుకలకు కొద్ది రోజుల ముందు హడావుడిగా కార్యక్రమాలు నిర్వహించడం కన్నా.. కొన్ని నెలల ముందే ప్రత్యేక ప్రణాళికతో ప్రచారం చేస్తే సత్ఫలితాలు వస్తాయనే అభిప్రాయం వ్యక్తమవుతోంది. జిల్లాలోని నియంత్రణ మండలి సుమారు వెయ్యి మట్టివినాయక విగ్రహాలను కలెక్టరేట్‌తోపాటు పెద్దపల్లి, గోదావరిఖని బస్టాండ్‌ల వద్ద ఉచితంగా పంపిణీ చేసినా.. ఏటా అత్యధిక సంఖ్యలో అందజేయాలనే డిమాండ్‌ వస్తోంది.

గోదావరిఖని: ప్రేమ పేరిట వేధింపులు తాళలేకనే తాండ్ర అక్షితరాణి(20) ఆత్మహత్య చేసుకున్నట్లు గోదావరిఖని వన్‌టౌన్‌ సీఐ ఇంద్రసేనారెడ్డి తెలిపారు. ఇందుకు బాధ్యులైన ఇద్దరిపై కేసు నమోదు చేసినట్లు వెల్లడించారు. పెద్దపల్లి జిల్లా గోదావరిఖనిలోని గోలెనిల్‌నగర్‌కు చెందిన అక్షితరాణి మంచిర్యాల జిల్లా సీసీసీ నస్పూర్‌ పాలిటెక్నిక్‌లో డిప్లొమా చదివింది. ఆ సమయంలో లెక్చరర్‌ జెట్టి నవీన్‌ ప్రేమ పేరిట వేధించాడు. ఆమె కుటుంబసభ్యులు మందలించినా అతడి ప్రవర్తనలో మార్పు రాలేదు. దీంతో మూడేళ్ల క్రితం పెద్దపల్లి జిల్లా సుల్తానాబాద్‌ మండలం గర్రెపల్లి నుంచి గోదావరిఖని లెనిన్‌నగర్‌కు కుటుంబం మకాం మార్చింది. ఆ తర్వాత ఆర్జీ–వన్‌లోని జీడీకే–2గనిలో అక్షితరాణి అప్రెంటిషిప్‌ చేసింది. ఆ సమయంలోనూ ఓవర్‌మెన్‌ బొమ్మకంటి రవికుమార్‌ కూడా ఆమెను ప్రేమ పేరితో వేధిస్తూ వెంటపడ్డాడు. చదువును మధ్యలోనే ఆపేసిన ఆమె గోదావరిఖని గౌతమినగర్‌లో ఓ సెంటర్‌లో కంప్యూటర్‌ ఆపరేటర్‌గా పనిచేస్తోంది. ఈక్రమంలో ఈనెల 12న ఉదయం తండ్రి కంప్యూటర్‌ సెంటర్‌ వద్ద దింపి వెళ్లాడు. సాయంత్రం ఆయన ఫోన్‌ చేయగా, తాను గోదావరిఖని బస్‌స్టాండ్‌ వద్ద ఉన్నానని, ఇంటికి వస్తున్నానని సమాధానం ఇచ్చింది. అదేరోజు రాత్రి లెక్చరర్‌ నవీన్‌.. ఆమె తండ్రి ఐజాక్‌కి ఫోన్‌చేసి, అక్షితరాణి పురుగుల మందు తాగిందని సమాచారం ఇచ్చారు. ఆ వెంటనే తన కారులో తండ్రి వద్దకు తీసుకెళ్లాడు. అప్పటికే ఆమె నోటినుంచి నురుగు రావడం, వాంతులు చేసుకోవడంతో కుటుంబ సభ్యులు అదేకారులో వెంటనే గోదావరిఖని ప్రభుత్వ ఆస్పత్రికి తరలించారు. అక్కడ చికిత్స పొందుతూ ఈనెల 13న మృతి చెందింది. అక్షితరాణి తండ్రి ఫిర్యాదు మేరకు మృతికి కారణమైన ఇద్దరిపై కేసు నమోదు చేసుకున్నట్లు సీఐ వివరించారు. కారకులపై చర్య తీసుకోవాలి అక్షితరాణి మృతికి కారకులపై కఠిన చర్యలు తీసుకోవాలనే డిమాండ్‌తో దళిత సంఘాలు స్థానిక మున్సిపల్‌ కార్యాలయం ఎదుట రాజీవ్‌ రహదారిపై సోమవారం శవంతో ధర్నా నిర్వహించాయి. ఇన్‌చార్జి ఏసీపీ ప్రవీణ్‌కుమార్‌, వన్‌టౌన్‌ సీఐ ఇంద్రసేనారెడ్డి తదితరులు ఆందోళనకారులను శాంతింపజేశారు.

గోదావరిఖని: లెనిన్‌నగర్‌కు చెందిన బీటెక్‌ విద్యార్థిని అక్షితరాణి(20) చికిత్స పొందుతూ ఆదివారం మృతి చెందింది. శనివారం క్రిమిసంహారక మందు తాగి ఆత్మహ త్యకు యత్నించగా.. కుటుంబ సభ్యులు వెంటనే గోదావరిఖని ప్రభుత్వ ఆస్పత్రికి తరలించారు. అక్కడ చికిత్స పొందుతూ మృతి చెందినట్లు పోలీసులు తెలిపారు. ఇద్దరు వ్యక్తులు వేధించడంతోనే అక్షితరాణి ఆత్మహత్యకు పాల్పడినట్లు కుటుంబసభ్యులు పోలీసులకు ఫిర్యాదు చేశారు. ఈ మేరకు వన్‌టౌన్‌ పోలీసులు కేసు నమోదు చేసుకున్నారు. విచారణ తర్వాత పూర్తి విషయాలు వెలుగులోకి వస్తాయని పోలీసులు తెలిపారు.

లోక్‌ అదాలత్‌లో 5,261 కేసుల పరిష్కారం గోదావరిఖని: రామగుండం పోలీస్‌ కమిషనరేట్‌లో ఈనెల 12న నిర్వహించిన జాతీయ మెగా లోక్‌అదాలత్‌లో పెద్దపల్లి, మంచిర్యాల జిల్లాల్లోని 5,261 కేసులు పరిష్కారం అయ్యాయని సీపీ అంబర్‌ కిశోర్‌ఝా తెలిపారు. కోర్టుల్లో విచారణలో ఉన్న రాజీకి వీలైన కేసుల్లో ప్రత్యేక చట్టాలకు సంబంధించిన 36, ఈ – చలాన్‌ 2,872, డ్రంకెన్‌ డ్రైవ్‌ 1,740 కేసులు పరిష్కరించారన్నారు. 125 సైబర్‌ క్రైం కేసుల్లో బాధితులకు రూ.33,65,739 బాధితులకు తిరిగి ఇప్పించామని పేర్కొన్నారు. లోక్‌ అదాలత్‌ ద్వారా పెట్టీ, ట్రాఫిక్‌, ఎకై ్సజ్‌, డ్రంకెన్‌ డ్రైవ్‌ తదితర స్వల్ప నేరాల కేసులు వేగంగా పరిష్కారం అయ్యాయన్నారు. పెండింగ్‌ కేసుల పరిష్కారం ద్వారా ప్రజలకు సమయం, ధనం ఆదా అయయ్యాయని, కక్షిదారులు స్వచ్ఛందంగా ముందుకు వచ్చి కేసుల పరిష్కారానికి సహకరించారని పేర్కొన్నారు. గత 15 రోజులుగా రామగుండం పోలీస్‌ కమిషనరేట్‌ అధికారులు, న్యాయస్థాన సిబ్బంది కేసుల్లోని పక్షాలను స్వయంగా కలిసి, రాజీ మార్గమే ఉత్తమమార్గమని, లోక్‌ అదాలత్‌ ద్వారా సత్వర న్యాయం పొందవచ్చని అవగాహన కల్పించారని గుర్తుచేశారు. శాంతిభద్రతల పరిరక్షణతో పాటు న్యాయస్థాన విధులను సమర్థవంతంగా నిర్వహిస్తూ లోక్‌ అదాలత్‌ విజయవంతానికి కృషి చేసిన అధికారులు, సిబ్బందిని సీపీ అభినందించారు.

కోరుట్లటౌన్‌: కోరుట్లలోని గాంధీరోడ్డులో గల పద్మశాలీ సంఘ భవనంలో 52 ఏళ్లుగా ఏటా ఇత్తడి గణపతి ప్రతిష్ఠాపన ఆనవాయితీగా కొనసాగుతోంది. ఇత్తడి గణపతిని దర్శించుకునేందుకు కోరుట్లతో పా టు పరిసర ప్రాంతాల నుంచి వేలాది మంది భక్తులు తరలివస్తారు. సుమా రు 52ఏళ్ల క్రితం మట్టి దొరకని కరు వు పరిస్థితుల్లో విగ్రహం తయారీకి ఇబ్బందులు ఎదురయ్యా యి. దీంతో అప్పటి పద్మశాలీ సంఘం అధ్యక్షుడు లక్ష్మణ్‌ ఆధ్వర్యంలో మద్రాసు నుంచి ఇద్దరు శిల్పులను కోరుట్లకు రప్పించి పంచలోహాలతో గణపతి విగ్రహాన్ని తయారు చేయించారు. అప్పటి నుంచి నేటి వరకు అదే విగ్రహానికి పూజలు చేస్తున్నారు. నవరాత్రులు ముగిసిన అనంతరం ఇత్తడి గణపతిని నిమజ్జనానికి తీసుకెళ్లి ప్రత్యేక పూజలు నిర్వహిస్తారు. పవిత్ర జలాలను విగ్రహంపై చల్లి తిరిగి పద్మశాలీ సంఘం భవనానికి తీసుకువచ్చి భద్రపరుస్తారు.

మంథని రూరల్‌: పెద్దపల్లి జిల్లా మంథని మండలం బెస్తపల్లి గ్రామంలో ఒకే సామాజికవర్గానికి చెందిన వారు ఉంటా రు. అందరూ కలిసికట్టుగా ఒకేమాటపై నిలబడతారు. అందరికీ ఏదో ఒక కుటుంబ బంధం ఉంటుంది. ప్రతీ పండుగను కలిసి చేసుకుంటారు. 30ఏళ్లుగా గ్రామస్తులు ఒక్కతాటిపై నిలిచి ఒకే గణనాథుడి విగ్రహాన్ని ప్రతిష్ఠించి పూజలు చేస్తున్నారు. గ్రామ నడిబొడ్డున విగ్రహాన్ని ప్రతిష్ఠించి తొమ్మిది రోజుల పాటు ప్రత్యేక పూజలు చేసి ఊరంతా కలిసి గోదావరినదిలో నిమజ్జనం చేయడం ఆనవాయితీగా వస్తోంది. 1990లో నలుగురు వ్యక్తులు కలిసి గణనాథుడిని ప్రతిష్ఠించాలని ఆలోచన చేశారు. తొలుత తాటాకులతో మండపం వేశారు. అదే ఆనవాయితీని ఇప్పటికీ కొనసాగిస్తున్నారు.

మంథని: మంత్రపురిలో 110 ఏళ్లుగా గణేశ్‌ నవరాత్రి ఉత్సవాలు నిర్వహిస్తున్నా రు. స్థానిక బ్రా హ్మణ సామాజికవర్గం వంటలు చేసేందుకు నాగ్‌పూర్‌కు వెళ్లేవారు. అక్కడి సంప్రదాయాన్ని మంథనికి తీసుకొచ్చి గణేశ్‌ నవరాత్రి ఉత్సవాలు ప్రారంభించారు. నాగ్‌పూర్‌, మంథని మినహా దేశంలో ఎక్కడా సిద్ధి..బుద్ధి(భార్యలు) విగ్రహాలతో గణేశ్‌ దర్శనం లభించదు. మంథని పెంజేరుకట్ట హనుమాన్‌ ఆలయంలో సిద్ధి, బుద్ధి గణపతి ఉత్సవాలను 1916 నుంచి ఏటా నిర్వహిస్తున్నారు. మోతారాం గారి రాజేశ్వర్‌రావు, టక్కేగారి మల్లన్న, మంథని లింగయ్య ఆధ్వర్యంలో ఆనాడు ఉత్సవాలు జరిగేవి. నడివీధిలో 1918 నుంచి నిర్వహిస్తున్నారు. మందాట వీధిలో గత 65 ఏళ్లుగా అఖండ గండదీపం ప్రత్యేక ఆకర్షణగా నిలుస్తోంది.

పెద్దపల్లిరూరల్‌: పెద్దపల్లి ప్రభుత్వ జూనియర్‌ కళాశాల మైదానంలో ఈసారి 63అడుగుల పంచముఖ గణపతి భక్తులకు దర్శనమిచ్చేందుకు సిద్ధమవుతున్నాడు. ఛత్రపతి యువసేన వ్యవస్థాపక అధ్యక్షుడు శివంగారి సతీశ్‌ ఆధ్వర్యంలో ఏటా భారీ ఎకో గణేశుడు పూజలందుకుంటున్నాడు. 31ఏళ్లుగా ఉత్సవాలను నిర్వహిస్తుండగా.. ఎనిమిదేళ్లుగా భారీ మట్టి గణపతులను ఏర్పాటు చేస్తున్నారు. 36 ఫీట్ల ఎత్తుతో మొదలై ఈ ఏడాది 63 అడుగుల ఎత్తులో రూపుదిద్దుకుంటున్నాడు. ఖైరతాబాద్‌ తర్వాతిస్థానంలో పెద్దపల్లిలోనే భారీ గణేశుడు కొలువుదీరేలా నిర్వాహకులు సిద్ధం చేస్తున్నారు.హైదరాబాద్‌ తర్వా త పెద్దపల్లికి గుర్తింపు వచ్చేలా భారీ మట్టిగణపతి విగ్ర హాన్ని ఏర్పాటు చేస్తున్నాం. నవరా త్రోత్సవాల్లో ప్రముఖుల ప్రవచనాలు, లక్షపుష్పార్చన, మహాహారతి, సహస్రదీపాలంకరణ ఇలా రోజుకో ప్రత్యేక కార్యక్రమం ఉండేలా ప్లాన్‌ చేస్తున్నాం. – శివంగారి సతీశ్‌, ఛత్రపతి యువసేన వ్యవస్థాపక అధ్యక్షుడు

ఎలిగేడు: జిల్లాలో మరోవ్యవసా య మార్కెట్‌ ఏర్పాటైంది. ప్ర భుత్వ విప్‌ విజయరమణారావు సిఫారసు మేరకు ఆయన సొంత మండలం ఎలిగేడును వ్యవసాయ మార్కెట్‌గా ఏర్పాటు చే స్తూ జీవో నంబర్‌ 570 ద్వారా వ్యవసాయశాఖ ఉత్తర్వులు జారీచేసింది. కమిటీ చైర్మన్‌గా పొట్యాల రమేశ్‌, వైస్‌ చైర్మన్‌గా కోరుకంటి వెంకటేశ్వర్‌రావు, డైరెక్టర్లుగా పొన్నాల స్వామి, అమ్ముల శ్రీనివాస్‌, పూరెల్ల మల్లేశం, అప్పాల హరీశ్‌, గుడుగుల మహేందర్‌, కోడూరి రమేశ్‌, ఏలేటి మల్లారెడ్డి, మేచినేని ఆంనేయరావును నియమించింది. ఎలిగేడు ఇప్పటివరకు ధర్మారం వ్యవసాయ మార్కెట్‌ పరిధిలో ఉండేది. క్లిష్టమైన ఆపరేషన్లు విజయవంతం పెద్దపల్లి: జిల్లా కేంద్రంలోని ప్రభు త్వ ఆస్పత్రిలో ఒకేరోజు క్లిష్టమైన ఆపరేషన్లు విజయవంతమయ్యా యి. మంథని మండలం గాజులపల్లికి చెందిన వ్యక్తి(75) ఎడమ మోకాలిలో తీవ్రమైన ఇన్ఫెక్షన్‌తో బాధపడుతుండగా తొలుత చీము తొలగించాక కుడితొడ నుంచి చర్యం తీసి మోకాలికి స్కిన్‌ గ్రాఫ్టింగ్‌ చేశారు. ఎలిగేడు మండలం శివపల్లికి చెందిన వ్యక్తి(50) జ్వరం, వాంతులు, కళ్లు పచ్చబడటం, కడుపునొప్పితో రాగా.. కాలేయంలో చీము ఉన్నట్లు గుర్తించి శస్త్రచికిత్స లేకుండా అల్ట్రా సౌండ్‌ గైడెడ్‌ పిగ్‌టెయిల్‌ క్యాథెటరైజేషన్‌ ప్రక్రియ ద్వారా చీము తొలగించారు. జిల్లాలో ఈవిధానం తొలిసారి అని వైద్యులు తెలిపారు. ఓదెల మండలం కనగర్తికి చెందిన వ్యక్తి(75) మధుమేహంతో కాలి బొటనవేలు దెబ్బతిని, కణజా లం చెడిపోవడంతో ఆస్పత్రికి రాగా.. కణజాలం తొలగించడంతోపా టు ఇన్ఫెక్షన్‌కు గురైన మొదటి మెటాటార్సల్‌ ఎముకను విజయవంతంగా తొలగించారు. ప్లాస్టిక్‌ సర్జన్‌ అశోక్‌రెడ్డి, ఇంటర్వెన్షనల్‌ రేడియా లజిస్ట్‌ మొయినోద్దీన్‌, ఆర్థోపెడిక్‌, జనరల్‌ సర్జన్లు, అనెస్థీషియా, నర్సింగ్‌, ఆపరేషన్‌ థియేటర్‌ సిబ్బంది సమన్వయంతో చికిత్సలు నిర్వహించారు. వైద్యులను సూపరింటెండెంట్‌ శ్రీధర్‌ అభినందించారు. పొట్యాల రమేశ్‌వెంకటేశ్వర్‌రావు

పాలకుర్తి: ఏడాదిన్నర క్రితం చిన్నకుమారుడు ఆత్మహత్య చేసుకోవడంతో మనస్తాపం చెందిన తండ్రి ఆరె లక్ష్మణ్‌ (52) బలన్మరణానికి ఒడిగట్టాడు. పో లీసుల కథనం ప్రకారం.. మారుతీనగర్‌(కీచులాటపల్లి)కి చెందిన ఆరె లక్ష్మ ణ్‌ అల్ట్రాటెక్‌ సిమెంట్‌ కంపెనీలో కాంట్రాక్ట్‌ కార్మికుడు. ఇతడికి భార్య ఇద్ద రు కుమారులు ఉన్నారు. ఏడాదిన్నర క్రితం చిన్నకుమారుడు అజయ్‌ ఉరివేసుకుని ఆత్మహత్య చేసుకున్నాడు. అప్పటినుంచి తీవ్ర మనోవేదనతో ఉంటున్న లక్ష్మణ్‌ విధులకు సరిగ్గా వెళ్లడంలేదు. మద్యానికి బానిసయ్యాడు. కొడుకు మరణించడాన్ని జీర్ణించుకోలేక శుక్రవారం రాత్రి ఇంట్లో ఉరివేసుకుని ఆత్మహత్య చేసుకున్నాడు. పెద్దకుమారుడు మ హేందర్‌ ఫిర్యాదు మేరకు పోలీసులు కేసు నమోదు చేసుకున్నారు. ఎమ్మెల్యే క్యాంపు ఆఫీస్‌ ఎదుట నిరసన మంథని: ఎన్నికల హామీ మేర కు వ్యవసాయ రంగానికి 24 గంటలపాటు విద్యుత్‌ సరఫరా చేయడంలో కాంగ్రెస్‌ ప్రభుత్వం విఫమైందని ఆరోపిస్తూ బీజేపీ కిసాన్‌ మోర్చా ఆధ్వర్యంలో శనివారం స్థానిక అంబేడ్కర్‌ చౌక్‌ వద్ద రైతులతో కలిసి ఆందోళన చేశారు. అనంతరం ఎమ్మెల్యే క్యాంపు కార్యాలయం ఎదుట నిరసన తెలిపారు. బీజేపీ రాష్ట్ర కార్యవర్గ సభ్యుడు, జిల్లా మాజీ అధ్యక్షుడు చంద్రుపట్ల సునీల్‌రెడ్డి, నాయకులు చల్లా నారాయణరెడ్డి, కొండపాక సత్యప్రకాశ్‌, మచ్చగిరి రాము, నాంపల్లి రమేశ్‌, వీరబోయిన రాజేందర్‌, సబ్బాని సంతోష్‌, కొయ్యడ సతీశ్‌, పగే రంజిత్‌, కొండ్రు లక్ష్మణ్‌, ఎల్కా సదానందం, రాపర్తి సంతోష్‌, మట్ట శంకర్‌, మల్లారపు అరుణ్‌, చిలువేరు సతీశ్‌, విశ్వాతేజ, సామల అశోక్‌, భానుప్రకాశ్‌, తొట్ల రాజు, రైతులు సాదుల రమేశ్‌, జాన్నే శ్రీనివాస్‌, రాజు, ఓదెలు, వెంకటేశ్‌, రామ్మూర్తి తదితరులు పాల్గొన్నారు.

పెద్దపల్లి: క్రీడారంగాన్ని మ రింత బలోపేతం చేసేందు కు ప్రత్యేక స్పోర్ట్స్‌ పాలసీ రూపొందించాలని ఎమ్మెల్సీ మల్క కొమురయ్య కోరారు. శాసనమండలిలో క్రీడారంగంపై శనివారం జ రిగిన చర్చలో పలు సూచనలు చేశారు. స్పోర్ట్స్‌ అథారిటీ ఆఫ్‌ ఇండియా ద్వారా కేంద్రప్రభు త్వం అమలు చేస్తున్న పథకాలు, నిధులను వి నియోగించుకోవాలని కోరారు. మైసూర్‌ తరహాలో అంతర్జాతీయ ప్రమాణాలతో సమగ్ర స్పోర్ట్స్‌ కాంప్లెక్స్‌లు ఏర్పాటు చేయాలన్నారు.డీజేలకు అనుమతిలేదు గోదావరిఖని/గోదావరిఖనిటౌన్‌: సుంప్రీంకో ర్టు మార్గదర్శకాల మేరకే డీజేలకు అనుమతి ని రాకరించామని పెద్దపల్లి డీసీపీ రాంరెడ్డి స్పష్టం చేశారు. గణేశ్‌ ఉత్సవ కమిటీ సభ్యులు, మండ ప నిర్వాహకులతో కోదండ రామాలయంలో శనివారం నిర్వహించిన సమన్వయ సమావేశంలో డీసీపీ మాట్లాడారు. గోదావరిఖని ఇన్‌ చార్జి ఏసీపీ ప్రవీణ్‌కుమార్‌, సీఐ ఇంద్రసేనారెడ్డి, మండప నిర్వాహకులు పాల్గొన్నారు. ముగిసిన ఖోఖో పోటీలు పెద్దపల్లిరూరల్‌: అప్పన్నపేట జిల్లా పరిషత్‌ సెంకడరీ పాఠశాలలో రెండ్రోజులుగా నిర్వహిస్తున్న జిల్లాస్థాయి ఖోఖో పోటీలు శనివారం ముగిశాయి. ప్రతిభా చూపిన వారిని రాష్ట్రస్థాయికి ఎంపిక చేస్తామని ఖోఖో అసోసియేషన్‌ జిల్లా అధ్యక్షుడు లక్ష్మణ్‌, కుమార్‌, ఎస్‌జీఎఫ్‌ సెక్రటరీ లక్ష్మణ్‌ తెలిపారు. ప్రతినిధులు వేల్పు ల సురేందర్‌, దాసరి రమేశ్‌, ప్రసాద్‌, నారాయ ణ, నరేశ్‌, కోటేశ్‌, షపీ, మధుకర్‌, తిరుపతి, భాస్కర్‌, కిశోర్‌, అంజలి, శిరీష పాల్గొన్నారు. 20న అథ్లెటిక్స్‌ పోటీలు జ్యోతినగర్‌: ఎన్టీపీసీ జెడ్పీ హైస్కూల్‌లో ఈనె ల 20న జిల్లాస్థాయి అథ్లెటిక్స్‌ పోటీలు నిర్వహించనున్నట్లు అథ్లెటిక్స్‌ అసోసియేషన్‌ జిల్లా ప్రధాన కార్యదర్శి కె.గట్టయ్య తెలిపారు. ఆసక్తిగల క్రీడాకారులు ఈనెల 18లోపు తమ పూర్తి వివరాలు నమోదు చేసుకోవాలని సూచించారు. వివరాలకు అజయ్‌ : 99595 24375 నంబరులో సంప్రదించాలని ఆయన కోరారు. పకడ్బందీగా రెస్క్యూ పోటీలు గోదావరిఖని: సింగరేణి ఈనెల 23, 24వ తేదీ ల్లో నిర్వహించే 55వ జోనల్‌ మైన్స్‌ రెస్క్యూ పో టీలకు పకడ్బందీ ఏర్పాట్లు చేయాలని రెస్క్యూ జీఎం శ్రీనివాస్‌రెడ్డి ఆదేశించారు. రెస్క్యూ స్టేష న్‌లో పోటీలపై శనివారం సమీక్షించారు. సింగరేణితోపాటు హిందుస్థాన్‌ జింక్‌ నుంచి 4, మ హారాష్ట్ర గోల్డ్‌మైన్స్‌ నుంచి 2, హట్టి గోల్డ్‌మైన్స్‌, తమిళనాడు, తుమ్మలపల్లి కాంబినేషన్‌ బృందాలు పోటీల్లో పాల్గొంటాయన్నారు. సేఫ్టీ ఆఫీస ర్‌ సత్యనారాయణ, ఐఈడీ ఏజీఎం చంద్రశేఖర్‌, ఏరియా వర్క్‌షాప్‌ రాంరెడ్డి, డిప్యూటీ పర్సనల్‌ మేనేజర్‌ సునీల్‌ప్రసాద్‌, రెస్క్యూ సూపరింటెండెంట్‌ రాజేందర్‌రెడ్డి, సివిల్‌ ఎస్‌ఈ బాలరాజు తదితరులు పాల్గొన్నారు. ఆత్మీయతకు ప్రతీక పెద్దపల్లి: కుటుంబ బంధాలు విచ్ఛిన్నమవుతు న్న ప్రస్తుత తరుణంలో తండ్రి ప్రేమను తలపోసుకున్న కవయిత్రి గజెల్లీ శ్రీలత కలం నుంచి వెలువడిన స్మృతి కవిత్వమే ‘బంగారు తండ్రి పుస్తకం’ అని జాతీయ సాహిత్య పరిషత్‌ అధ్యక్షుడు గాజుల రవీందర్‌ అన్నారు. జిల్లా అధ్యక్షురాలు అనాసి జ్యోతి అధ్యక్షతన జిల్లా కేంద్రంలో శనివారం జరిగిన పుస్తకావిష్కరణలో మా ట్లాడారు. తెలుగు అధ్యాపకురాలు గజెల్లీ శ్రీల త ‘నా బంగారు తండ్రి పుస్తకం’లో తండ్రి మ మకారాన్ని పంచారని ప్రశంసించారు. సాహితీవేత్త, కవి, విమర్శకుడు నారాయణశర్మ, రచయిత బుర్ర తిరుపతి, గజెల్లీ శ్రీలత, సామల కిరణ్‌, గంగుల శ్రీకర్‌, శ్రీదాస్యం లక్ష్మయ్య, కొ త్తకొండ సత్యనారాయణ, నన్నె నరేశ్‌, రమణారెడ్డి, రవికుమార్‌, మహేందర్‌ పాల్గొన్నారు. నిలిచిన బొగ్గు ఉత్పత్తిగోదావరిఖని: రెండ్రోజులుగా కురుస్తున్న వర్షా లతో సింగరేణి ఓసీపీల్లోని 18 ఓసీపీల్లో 1.70 లక్షల టన్నుల బొగ్గు ఉత్పత్తి నిలిచిపోయింది. క్వారీల్లోకి వర్షపు నీరు చేరుతోంది. నీటి మట్టం పెరగకుండా భారీపంప్‌ల ద్వారా అధికారులు శరవేగంగా పంపింగ్‌ చేస్తున్నారు.

సిరిసిల్లటౌన్‌: 80ఏళ్ల గణపయ్య ఉత్సవాలకు సిరిసిల్ల ముస్తామైంది. స్వాతంత్య్రానికి ముందే స్థానిక గాంధీచౌక్‌లో అప్పటి పుర ప్రముఖులు రుద్ర శంకరయ్య, మడూరి అంబాజి, భీమనాఽథిని నారాయణ, కుడిక్యాల రాజారాం, ఎలగొండ నారాయణ మొదటి గణపతి విగ్రహాన్ని ప్రతిష్ఠించారు. ప్రస్తు తం మార్కండేయ భవనంలో పద్మశాలీ సంఘం ఆధ్వర్యంలో 80వ వార్షికోత్సవం జరుపుతుండగా అధ్యక్షుడిగా దూడం శంకర్‌ కొనసాగుతున్నారు. ఆర్యవైశ్యుల ఆధ్వర్యంలో 1948 నుంచి నవరాత్రులకు అంకురార్పణ చేశారు. స్థానిక పెద్దబజారు హన్మాన్‌ ఆలయంలో ఉత్సవాలు నిర్వహిస్తున్నారు. పరంపర కొనసాగిస్తున్నాం ఎనభై ఏళ్లక్రితం పట్టణ ప్రముఖులు కలిసి వినాయక ఉత్సవ సంఘం నెలకొల్పారు. వారు చూపిన ఆదర్శంలోనే మేము వేడుకలు జరుపుతున్నాం. ప్రతీ ఏడాది ఏకదంతుడికి నిత్య కై ంకర్యాలు, అన్నదానాలు నిర్వహిస్తాం. లోకకల్యాణార్థం జరిపే వేడుకలు తరతరాలు ఇలాగే వర్ధిల్లాలి. – దూడం శంకర్‌, పద్మశాలీ సంఘం అధ్యక్షుడు

కోనరావుపేట(వేములవా డ): మండలంలోని కనగర్తి 64 ఏళ్లుగా వినాయక నవరాత్రి ఉత్సవా లు నిర్వహిస్తున్నారు. మండలంలోనే తొలి సారిగా కనగర్తిలో 1962 నుంచి వినాయక నవరాత్రి ఉత్సవాలు ప్రారంభమయ్యాయి. ఆ కాలంలో ఉపాధ్యాయులుగా పనిచేసిన జగ్గారి శంకర్‌రె డ్డి, తుమ్మనపల్లి ఆనందం కామారెడ్డికి శిక్షణ కో సం వెళ్లి.. అక్కడ గణేశ్‌ ఉత్సవాల్లో పాల్గొన్నారు. తర్వాత గ్రామానికి వచ్చి ఇక్కడా నవరాత్రి ఉత్సవాలు చేయాలని గణేశ్‌ విగ్రహాన్ని ఏర్పాటు చేశా రు. అప్పటి నుంచి వినాయక వేడుకలు ఏటా నిర్వహిస్తున్నారు.

తెనుగువాడలో 50 ఏళ్ల క్రితం ఎల్లమ్మ, గుండమ్మ చెరువులో నుంచి మట్టిని తెచ్చి విగ్రహం తయారు చేశాం. అయితే ఆ విగ్రహం మరుసటి రోజుకే పగుళ్లు చూపింది. ఆ సమయంలో టెలిఫోన్‌ ఎక్స్చేంజ్‌లో పనిచేసే విఠల్‌, మధునయ్య, మల్లయ్య కలిసి విగ్రహం వెనుక వైపు గడ్డి, కర్రలను ఉంచి వైరుతో కట్టాం. ఆ తర్వాతి ఏడాది నుంచి ఇలా గడ్డి, బట్ట, వెదురుకర్రలతోనే విగ్రహాన్ని తయారు చేస్తున్నాం. – ఆరుట్ల శేషాచార్యులు, పురోహితుడుపెద్దపల్లిరూరల్‌: పెద్దపల్లి పట్టణంలోని తెనుగువాడలో 50 ఏళ్లుగా గడ్డి, బట్ట, వెదురుకర్రలతో గణపయ్యను ఏర్పాటు చేస్తున్నారు. ఈ గణపయ్యను పూజించేందుకు వచ్చే భక్తులపై తన తొండంతో నీళ్లు చల్లడం ప్రత్యేక ఆకర్షణ.

సాక్షి, పెద్దపల్లి: పారిశ్రామిక ప్రగతికి చిరునామా రామగుండం వాయు కాలుష్యంపై ఆందోళన చెందుతోంది. సింగరేణి ఓపెన్‌కాస్ట్‌ ప్రాజెక్టులు, థర్మల్‌ విద్యుత్‌ కేంద్రాలు, ఎరువుల కర్మాగారం, సిమెంట్‌ పరిశ్ర మలు, క్రషర్లు, గ్రానైట్‌ యూనిట్లు, మిల్లులు, బొగ్గు రవాణా వాహనాలు.. ఇలా అనేక రకాల పారిశ్రామిక, రవాణా కార్యకలాపాలు గాలిలో దుమ్ము, ధూళి, సూక్ష్మకణాల భారం పెంచుతున్నాయి. ము ఖ్యంగా పీఎం10, పీఎం2.5 స్థాయిలపై ఆందోళన వ్యక్తమవుతోంది. గాలి నాణ్యత సూచీ (ఏక్యూ ఐ)లోనూ హెచ్చుతగ్గులు ప్రజారోగ్యంపై ప్రభావం చూపుతున్నాయి. ప్రతీనెల కాలుష్య నియంత్రణ మండలి పర్యవేక్షణ ఉంటున్నా క్షేత్రస్థాయిలో కాలుష్యాన్ని అరికట్టడానికి మరిన్ని కఠిన చర్యలు తీసుకోవాల్సిన ఉందని స్థానికులు అంటున్నారు. ముఖ్యంగా సింగరేణి ఓపెన్‌కాస్ట్‌ ప్రాంతాలు, ప్రధాన పారిశ్రామిక కూడళ్ల వద్ద ప్రత్యేక శాంప్లింగ్‌ టెస్ట్‌ స్టేషన్లను ఏర్పాటు చేసి గాలి నాణ్యత అంచనా వేయాలని స్థానికులు కోరుతున్నారు. పీఎం10.. పీఎం2.5పై నిఘా అవసరం రామగుండంలో ఇటీవల నమోదైన రీడింగ్‌ గాలి నాణ్యతపై అప్రమత్తత అవసరం సూచిస్తోంది. ఆ గస్టు 26న నమోదైన రీడింగ్‌లో పీఎం2.5, 20.7, పీఎం10– 39.7గా ఉండగా ఏక్యూఐ 73గా నమోదైంది. సెప్టెంబర్‌లో అందుబాటులో ఉన్న ఇతర రి యల్‌టైమ్‌ రీడింగ్‌లో ఏక్యూఐ 119 వరకు నమో దైంది. పీఎం10లో రోడ్డు, నేల దుమ్ము, నిర్మాణం, పరిశ్రమలు, వాహనాల రాకపోకలు, బొగు నుంచి వెలువడే కణాలు ప్రధానంగా ఉంటాయి. పీఎం2.5 మరింత సూక్ష్మమైన కణాలు కావడంతో ఊపిరితిత్తుల లోతైన భాగాల్లోకి చేరే అవకాశం ఉంటుంది. బొగ్గు, ఇతర ఇంధనాల దహనం, వాహనాల ఉద్గారాలు వంటి వాటినుంచి ఇవి వెలువడతాయి. దీర్ఘకాలిక వ్యాధిగ్రస్తులపై తీవ్ర ప్రభావం కాలుష్యమైన గాలిని పీల్చడం ద్వారా శ్వాసకోశ వ్య వస్థపై ప్రతికూల ప్రభావం పడే అవకాశం ఉంది. దగ్గు, గొంతు ఇబ్బంది, శ్వాస తీసుకోవడంలో స మస్యలు, ఆస్తమా వంటి రుగ్మతలు తీవ్రతరం కా వచ్చు. ఇప్పటికే గుండె, ఊపిరితిత్తుల సమస్యలతో బాధపడుతున్న వారు, చిన్నారులు, వృద్ధులు తది తరులు అధికంగా ప్రభావితమయ్యే అవకాశం ఉంది. పీఎం10, పీఎం2.5తోపాటు కార్బన్‌ మోనాక్సై డ్‌, సల్ఫర్‌ డయాకై ్సడ్‌, నైట్రోజన్‌ ఆకై ్సడ్‌ వంటి కాలుష్య కారకాల స్థాయిలను కూడా క్రమం తప్పకుండా పర్యవేక్షించి, డేటాను ప్రజలకు అందుబాటులో ఉంచితే పరిస్థితిపై పారదర్శకత పెరుగుతుందనే అభిప్రాయాలు వ్యక్తమవుతున్నాయి. గ్రీన్‌బెల్ట్‌తో కొంత ఉపశమనం రామగుండం వంటి పారిశ్రామిక ప్రాంతాల్లో కాలు ష్య నియంత్రణకు గ్రీన్‌బెల్ట్‌ పెంపుతోనే కట్టడి చేయవచ్చని నిపుణులు సూచిస్తున్నారు. ప్రధాన రహదారులు, పరిశ్రమలు, క్వారీలు, బొగ్గు రవాణా మార్గా ల వెంట పచ్చదనం పెంచడంతోపాటు పరిశ్రమల చుట్టూ బఫర్‌ జోన్లు అభివృద్ధి చేయాలి. కాలుష్య ని యంత్రణలో పరిశ్రమలు, సింగరేణితోపాటు స్థాని క సంస్థల పాత్ర కీలకం. మెయిన్‌ రోడ్లపై మెకాని కల్‌ స్వీపింగ్‌, అవసరమైన చోట వాటర్‌ స్ప్రింక్లింగ్‌, రోడ్లపై పేరుకుపోయిన మట్టి, ధూళి తొలగింపు వంటి చర్యలను క్రమం తప్పకుండా చేపట్టాలని నిపుణులు సూచిస్తున్నారు. బొగ్గు, ఇసుక, నిర్మాణ సామగ్రిని తరలించే వాహనాలకు కవర్లు తప్పనిస రి చేయాలి. నిర్మాణ ప్రాంతాల్లో దుమ్ము ఎగరకుండా చర్యలు తీసుకోవాలి. బహిరంగంగా చెత్త కాల్చడాన్ని అరికట్టాలి. ఇలాంటి చర్యలతో నల్గొండ మున్సిపాలిటీ స్వచ్ఛ వాయు సర్వేక్షణ – 2026లో రాష్ట్రంలోనే మొదటిస్థానం దక్కించుకుంది.దుమ్మే పెద్దసమస్య ఓపెన్‌కాస్ట్‌లు, బొగ్గు రవాణా మార్గాలు కాలుష్య నియంత్రణకు ప్రధాన సవాలుగా మారుతున్నాయి. ఓపెన్‌కాస్ట్‌లో బ్లాస్టింగ్‌లు, తవ్వకాలు, బొగ్గు తరలింపు సమయంలో ధూళి గాలిలో కలుస్తున్నాయి. దీనికి వాహనాల ఉద్గారాలు తోడవుతున్నాయి. రోడ్లపై పేరుకుపోయిన మట్టి, బొగ్గు ధూళి వాహనాల రాక పోకలతో మళ్లీ గాల్లోకి చేరే అవకాశం ఉంది.

పెద్దపల్లి: గణేశ్‌ నవరాత్రి ఉత్సవాలను ప్రశాంత వాతావరణంలో నిర్వహించేలా అధికారులు, ఉత్సవ కమిటీలు సమన్వయంతో ఏర్పాట్లు చేపట్టాలని అదనపు కలెక్టర్‌ శ్రీరాములు సూచించారు. అధికారులు, గణేశ్‌ ఉత్సవ కమిటీ సభ్యులతో గణేశ్‌ నవరాత్రి ఉత్సవాలు, నిమజ్జన ఏర్పాట్లపై కలెక్టరేట్‌లో శుక్రవారం సమీక్షించారు. జిల్లావ్యాప్తంగా వేడుకలు, నిమజ్జనం సందర్భంగా ఎలాంటి అవాంఛనీయ ఘటనలు చోటుచేసుకోకుండా కట్టుదిట్టమైన భద్రత ఏర్పాట్లు చేయాలని శ్రీరాములు సూచించారు. వేడుకులు ప్రశాంతంగా జరిగే మండప నిర్వాహకులు అన్నివి ధాలా సహకరించాలని ఆయన కోరారు. స మావేశంలో ఆర్డీవోలు గంగయ్య, సురేశ్‌, ఏ సీపీ కృష్ణ, కలెక్టరేట్‌ ఏవో ప్రకాశ్‌ పాల్గొన్నారు. సాఫ్ట్‌బాల్‌ పోటీలకు ఎంపిక రామగుండం: అంతర్గాం మండలం పొట్యాల ప్రభుత్వ హైస్కూల్‌లోని ఎనిమిదో తరగతి విద్యార్థులు ఎం.ప్రహర్షిత్‌, జి.హర్షిత్‌ రాష్ట్ర స్థాయి సాఫ్ట్‌బాల్‌ పోటీలకు ఎంపికై నట్లు హెచ్‌ఎం.ముక్కెర సంగీత తెలిపారు. గోదావరిఖని లో జరిగిన జిల్లాస్థాయి సబ్‌ జూనియర్‌ ఎంపిక పోటీల్లో వారు ప్రతిభ చూపారన్నారు. ఈనెల 11 నుంచి 13వ తేదీ వరకు బెల్లంపల్లిలో జరిగే రాష్ట్రస్థాయి పోటీల్లో వీరు పాల్గొంటున్నారని పీడీ ఆర్‌.తిరుపతి తెలిపారు. సర్పంచ్‌ జాడి లోకేశ్‌, ఎస్‌ఎంసీ చైర్‌పర్సన్‌ విజయలక్ష్మి, ఉపాధ్యాయులు వారిని అభినందించారు. జోన్‌స్థాయి క్రీడాపోటీలు పెద్దపల్లి: ప్రభుత్వ జూనియర్‌ కళాశాల మైదానంలో శుక్రవారం జోన్‌స్థాయి ఎస్జీఎఫ్‌ క్రీడాపోటీలు నిర్వహించారు. డీవైఎస్‌వో సురేశ్‌, సుల్తానాబాద్‌ మున్సిపల్‌ చైర్మన్‌ బిరుదు రాధాకృష్ణ మాట్లాడుతూ, పోటీల్లో ప్రతిభ చూపి సుత్తానాబాద్‌కు మంచిపేరు తీసుకు రావాలన్నారు. విజేతలకు బహుమతులు, పతకాలు అందజేశారు. కౌన్సిలర్లు గాజుల రాజమల్లు, వరప్రదీప్‌, ప్రతినిధులు దాసరి రమేశ్‌, తాండ్ర ప్రణయ్‌, ముస్త్యాల రవీందర్‌ పాల్గొన్నారు. బ్యాంకు ఉద్యోగుల సమ్మె పెద్దపల్లి: తమ సమస్యలు పరిష్కరించాలని, హక్కులు పరిరక్షించాలనే డిమాండ్‌తో వివిధ బ్యాంకుల ఉద్యోగులు శుక్రవారం సమ్మె చేశారు. దీంతొ జిల్లా కేంద్రంతోపాటు సుల్తానాబాద్‌లోనూ బ్యాంకింగ్‌ సేవలకు అంతరా యం ఏర్పడింది. ఈసందర్భంగా ఉద్యోగులు ర్యాలీ నిర్వహించారు. వివిధ బ్యాంకుల ఉద్యో గులు, అధికారులు, ప్రతినిధులు పాల్గొన్నారు. నిర్వాసితులకు ఉద్యోగాలు ఇవ్వాలి జ్యోతినగర్‌: ఎన్టీపీసీలో చేపట్టిన తెలంగాణ స్టేజ్‌–2 యూనిట్‌ యాష్‌ పాండ్‌ నిర్వాసిత రైతులకు పరిహారం చెల్లించడంతోపాటు ఉద్యోగ అవకాశాలు కల్పించాలని పెద్దపల్లి ఎంపీ వంశీకృష్ణ డిమాండ్‌ చేశారు. శుక్రవారం ఎన్టీపీసీ పీటీఎస్‌కు చేరుకున్న ఎంపీకి ఐఎన్‌టీయూసీ జాతీయ సీనియర్‌ కార్యదర్శి బాబర్‌ సలీంపాషా, నాయకుడు గుమ్మడి కుమారస్వామి స్వాగతం పలికారు. మొగల్‌పహాడ్‌, రాజాపూర్‌లోని దాదాపు 600 ఎకరాలు సేకరించే ముందే నిర్వాసితులకు స్పష్టమైన హామీ ఇవ్వాలని, ఎన్టీపీసీని సీ–గ్రేడ్‌ నుంచి బీ–గ్రేడ్‌గా అప్‌గ్రేడ్‌ చేయాలని కోరారు. బీజేపీ, బీఆర్‌ఎస్‌లు దళితుల వ్యతిరేక పార్టీలని విమర్శించారు. ఈఎస్‌ఐ ఆస్పత్రి కోసం కేంద్ర మంత్రులతో మాట్లాడామని గుర్తుచేశారు. రామగుండం విమానాశ్రయం కోసం కేంద్రప్రభుత్వంపై ఒత్తిడి తెస్తున్నామని ఎంపీ అన్నారు.

పెద్దపల్లి: ఎన్టీపీసీ సీఎస్సార్‌ –సీడీ నిధులు జిల్లాలో ప్రజలకు ప్రయోజనం కలిగించేలా తగిన ప్రతిపాదనలు సిద్ధం చేయాలని కలెక్టర్‌ కోయ శ్రీహర్ష ఆదేశించారు. అదనపు కలెక్టర్‌ అరుణశ్రీతో కలిసి ఎన్టీపీసీ సీఎస్సార్‌– సీడీ నిధుల వినియోగంపై శుక్రవారం కలెక్టరేట్‌లో సమీక్షించారు. విద్య, వైద్య రంగాల్లో వసతుల కల్పనకు ప్రతిపాదనలు సిద్ధం చే యాలని కలెక్టర్‌ శ్రీహర్ష ఆదేశించారు. అనంతరం స్థానిక ప్రభుత్వ ఆస్పత్రిలో చేపట్టిన కొత్త భవన ని ర్మాణం, ప్రభుత్వ జూనియర్‌ కళాశాలలోని ఉన్నత పాఠశాల, జూనియర్‌ కళాశాల అదనపు తరగతి గ దుల నిర్మాణ ప్రగతిని కలెక్టర్‌ స్వయంగా క్షేత్ర స్థాయిలో పరిశీలించారు. కార్యక్రమంలో టీజీఎంఐడీసీ విశ్వప్రసాద్‌ తదితరులు పాల్గొన్నారు.

పెద్దపల్లి: సింగపూర్‌లో అమలవుతున్న విద్యావిధానాలను అధ్యయనం చేసేందుకు విద్యాశాఖ అధికారులు, ఉపాధ్యాయులతో కూడిన ప్రతినిధి బృందం నేటినుంచి ఈనెల 19 వరకు ఆ దేశంలో పర్యటించనుంది. బృందంలో మనజిల్లా విద్యాధికారి శారద, అకడమిక్‌ మానిటరింగ్‌ ఆఫీసర్‌ పీఎం షేక్‌, ధర్మారం మండలం రచ్చపల్లి ఎంపీపీఎస్‌ ఎస్‌జీటీ వంశీ ఎంపికయ్యారు. విద్యావిధానాలు, పాఠ్య ప్రణాళిక, మూల్యాంకన పద్ధతులు, పరిపాలన, నాయకత్వం, క్రమశిక్షణ, ప్రణాళిక వంటి అంశాలను బృందం అధ్యయనం చేయనుంది. అక్కడి వినూత్న విద్యావిధానాల్లో మన పాఠశాల విద్యా వ్యవస్థకు అన్వయించే అంశాలను గుర్తించడం ద్వారా బోధనలో నాణ్యత, విద్యా పరిపాలన, అభ్యసన ఫలితాలు, విద్యార్థుల సమగ్ర అభివృద్ధికి తోడ్పతాయని డీఈవో శారద వివరించారు. శారద షేక్‌ వంశీ

కోల్‌సిటీ/రామగుండం: అటవీ సంపద పరిరక్షణ లో విధి నిర్వహణలో ప్రాణాలు కోల్పోయిన అటవీ అమరవీరుల త్యాగాలను స్మరించుకుంటూ శుక్రవా రం రామగుండం సమీప రాజీవ్‌ రహదారి కుందనపల్లి అర్బన్‌ పార్క్‌ నుంచి గోదావరిఖని బస్టాండ్‌ వరకు బైక్‌ ర్యాలీ నిర్వహించారు. జీజీహెచ్‌లో అట వీ అధికారులు ఎంవీ నాయక్‌, ఎస్‌.మేఘరాజు, ప్ర దీప్‌, మాధురి, రాజు రక్తదానం చేశారు. పెద్దపల్లి ఎ ఫ్‌ఆర్‌వో తిరుమల సతీశ్‌కుమార్‌, మంథని ఇన్‌చార్జి ఎఫ్‌ఆర్‌వో ఎంవీ వినయ్‌, ఎఫ్‌ఎస్‌వో రహమతుల్లా తదితరులు మాట్లాడారు. పెద్దపల్లి, మంథని అటవీ సిబ్బంది, డిప్యూటీ రేంజ్‌ అధికారులు, ఫారెస్ట్‌ సెక్ష న్‌ అధికారులు, బీట్‌ అధికారులు పాల్గొన్నారు.

కోల్‌సిటీ: బుద్ధిమాంద్యం, మానసిక అభివృద్ధిలో వెనుకబడిన దివ్యాంగ పిల్లలకు ప్రత్యేక శిక్షణ అందిస్తూ సామర్థ్యాలను వెలికితీసేందుకు రామగుండంలో ‘భవిత’ కేంద్రాన్ని ఏర్పాటు చేశారు. మూడేళ్ల నుంచి 15 ఏళ్లలోపు వయసుగల దివ్యాంగ పిల్లలు మాత్రమే అర్హులని రామగుండం (అర్బన్‌) ఐసీడీఎస్‌ ప్రాజెక్టు సీడీపీవో అలేఖ్య పటేల్‌ తెలిపారు. పిల్లల్లో దాగి ఉన్న ప్రతిభను వెలికి తీసి, మానసిక, విద్యా వికాసానికి తోడ్పడటమే కేంద్రం ప్రధాన ఉద్దేశమని పేర్కొన్నారు. సబ్‌రిజిస్ట్రార్‌ కార్యాలయ ఆవరణలో కలెక్టర్‌ ఆదేశాల మేరకు ఈ కేంద్రాన్ని ఏర్పాటు చేసినట్లు ఆమె పేర్కొన్నారు. పిల్లల కోసం వివిధ రకాల ఆట వస్తువులను అందుబాటులో ఉంచినట్లు తెలిపారు. ప్రత్యేక బీఎడ్‌ అర్హత కలిగిన ఇద్దరు ఇన్‌స్ట్రక్టర్ల ఆధ్వర్యంలో పిల్లలకు ప్రత్యేక తరగతులు నిర్వహించనున్నారు. భోజనం.. ఉచిత రవాణా ఉదయం 10 గంటల నుంచి సాయంత్రం 3గంటల వరకు నిర్వహించే ఈ భవిత కేంద్రానికి వచ్చే పిల్లలకు ఉచిత మధ్యాహ్న భోజన సౌకర్యం కల్పించారు. అలాగే గోదావరిఖని నుంచి ‘భవిత’ కేంద్రానికి పిల్లలను తీసుకురావడానికి ఉచిత రవాణా సదుపాయం కూడా అందుబాటులో ఉంటుందని సీడీపీవో వివరించారు.

జ్యోతినగర్‌: ఎన్టీపీసీ అన్నపూర్ణకాలనీలోని దుర్గయ్యపల్లి ప్రభుత్వ పాఠశాల విద్యార్థులు పాఠశాల ఆవరణలోని చెట్టును ప్రత్యేకంగా అలంకరించి విగ్నేశ్వరుని ప్రతిరూపాన్ని తీర్చిదిద్దారు. ప్రధానోపాధ్యాయురాలు రేణుక ప్రోత్సాహంతో, గణిత ఉపాధ్యాయురాలు కె.అనిత సహకారంతో ప్రత్యేక ప్రకృతి గల గణేశున్ని ఏర్పాటు చేశారు. విద్యార్థులకు మట్టి గణనాథులు, గణేశుని చిత్రాలను రూపొందించే పోటీలు శుక్రవారం నిర్వహించారు. ప్రత్యేక గణనాథున్ని తయారు చేసిన 7వ తరగతి విద్యార్థిని బి.స్వాతి ప్రథమ బహుమతి గెలుచుకుంది.

జ్యోతినగర్‌: పర్యావరణ పరిరక్షణ, సుస్థిర అభివృద్ధిని ప్రోత్సహించే దిశగా పెద్దపల్లి జిల్లా రామగుండంలోని ఎన్టీపీసీ మరో ముందడుగు వేసింది. వినాయక చవితి సందర్భంగా పర్యావరణహిత మట్టి గణేశ్‌ విగ్రహాల వినియోగాన్ని ప్రోత్సహిస్తూ మట్టి విగ్రహాల పంపిణీని శుక్రవారం ప్రారంభించింది. రామగుండం ప్రాంతీయ కార్యాలయం, తెలంగాణ కాలుష్య నియంత్రణ మండలి(టీజీపీసీబీ) సమన్వయంతో ఈ కార్యక్రమాన్ని నిర్వహించింది. రసాయనాలు, ప్లాస్టర్‌ ఆఫ్‌ పారిస్‌తో తయారైన విగ్రహాల నిమజ్జనంతో నీటి వనరులు కలుషితమయ్యే ప్రమాదం ఉందని, దీనికి ప్రత్యామ్నాయంగా మట్టితో తయారు చేసిన విగ్రహాలను వినియోగించడం పర్యావరణానికి మేలు చేస్తుందని కార్యక్రమ నిర్వాహకులు వివరించారు. మట్టి విగ్రహాలు నీటిలో సులభంగా కరిగిపోవడంతోపాటు జలజీవావరణ వ్యవస్థపై ప్రతికూల ప్రభావాన్ని తగ్గించేందుకు దోహదపడతాయని వారు తెలిపారు. పర్యావరణహిత గణేశ్‌ ఉత్సవాల నిర్వహణలో ప్రజల భాగస్వామ్యం ఎంతో కీలకమని, ప్రతిఒక్కరూ మట్టివిగ్రహాలను ఉపయోగించి పర్యావరణ పరిరక్షణకు తమ వంతు సహకారం అందించాలని నిర్వాహకులు సూచించారు.

● క్రైం పారామీటర్లలో పోలీసుల దూకుడు ● క్లస్టర్‌–2లో అగ్రస్థానంలో కమిషనరేట్‌ ● పోలీస్‌ అధికారులకు డీజీపీ ప్రశంసలు గోదావరిఖని: నేరాల నియంత్రణ, కేసుల దర్యాప్తు, పోలీసింగ్‌ పనితీరులో రామగుండం పోలీస్‌ కమిషనరేట్‌ సత్తా చాటింది. రాష్ట్రంలోని వివిధ పోలీస్‌ యూనిట్లలో గత ఆరునెలల పనితీరు సమీక్షించిన అధికారులు.. అత్యుత్తమ పనితీరు కనబరిచిన క్లస్టర్‌–2లోని రామగుండం పోలీస్‌ కమిషనరేట్‌కు మొదటి స్థానం కల్పించారు. క్లస్టర్‌–1లో హైదరాబాద్‌, క్లస్టర్‌–2లో రామగుండం, క్లస్టర్‌–3లో నల్గొండ, క్లస్టర్‌–4లో సూర్యాపేట యూనిట్లు అగ్రస్థానాల్లో నిలిచాయని వారు ప్రకటించారు. క్లస్టర్‌–2లో నంబర్‌–1 రామగుండం పోలీస్‌ కమిషనర్‌ అంబర్‌ కిశోర్‌ ఝా పర్యవేక్షణలో రామగుండం పోలీస్‌ కమిషనరేట్‌ మంచి పనితీరు ప్రదర్శిస్తోంది. పెద్దపల్లి, మంచిర్యాల జోన్‌ పరిధిలోని ప్రజలకు మరింత చేరువగా ఉంటూ, ఫిర్యాదులపై వేగంగా స్పందించడం, పా రదర్శకంగా దర్యాప్తు పూర్తిచేయడం, నేరాలను స మర్థవంతంగా నియంత్రించడం, నిందితులకు శిక్ష పడేలా కృషి చేయడం వంటి అంశాల్లో క్లస్టర్‌–2లో రామగుండం కమిషరేట్‌ డీజీపీ సీవీ ఆనంద్‌ నుంచి ప్రశంసలు అందుకుంది. బాధితుల వద్దకే పోలీసులు బాధితులకు పోలీస్‌ సేవలను మరింత సులభత రం చేసేలా ఆన్‌సైట్‌లోనే ఎఫ్‌ఐఆర్‌ నమోదు చేసే పద్ధతికి ప్రాధాన్యం రామగుండం పోలీసులు ప్రాధాన్యం ఇస్తున్నారు. నేరుగా బాధితుల వద్దకు వెళ్లి జీరో ఎఫ్‌ఐఆర్‌ నమోదు చేస్తున్నారు. ఎన్‌ఫోర్స్‌మెంట్‌పై ప్రత్యేక దృష్టి రోడ్డు భద్రత, ప్రజాశాంతి పరిరక్షణలో భాగంగా ఈ–చలాన్లు, డ్రంక్‌ అండ్‌ డ్రైవ్‌ తనిఖీలను పోలీసులు విస్తృతంగా చేస్తున్నారు. ఓపెన్‌ డ్రింకింగ్‌, టౌన్‌ న్యూసెన్స్‌ వంటి ప్రజలకు ఇబ్బంది కలిగించే చర్యలపై కేసులు నమోదు చేస్తూ, చిన్నచిన్న నేరాలను ప్రారంభ దశలోనే నియంత్రించేందుకు చర్యలు తీసుకుంటున్నారు. ఘటనా స్థలంలోనే ఆధారాల సేకరణ ప్రతీ పోలీస్‌స్టేషన్‌ పరిధిలో నమోదయ్యే ప్రాపర్టీ నేరాలపై ప్రత్యేక దృష్టి సారిస్తూ డిటెక్షన్‌ రేటు పెంచేందుకు చర్యలు చేపడుతున్నారు. నేరం జరిగిన వెంటనే ఆధారాల సేకరణ, నిందితుల గుర్తింపు, సమర్థవంతమైన దర్యాప్తు వంటి అంశాలకు అత్యధిక ప్రాధాన్యం ఇస్తున్నారు. కన్విక్షన్‌ రేటు పెంపు కేసు నమోదు, నిందితుల అరెస్టుతోనే ప్రక్రియ పూర్తికాదనే విధానంతో దర్యాప్తులో సేకరించిన ఆధారాలను కోర్టులో ప్రవేశపెట్టేలా చర్యలు తీసుకుంటున్నారు. నిందితులకు న్యాయస్థానం ద్వారా శిక్ష పడేలా చేస్తూ కన్విక్షన్‌ శాతాన్ని పెంచడంపై దృష్టి సారిస్తున్నారు. అధికారులు, సిబ్బంది పనితీరుపై పర్యవేక్షణ వర్టికల్స్‌ వారీగా సిబ్బంది పనితీరును క్రమం తప్పకుండా సమీక్షిస్తున్నారు. ఆన్‌లైన్‌, ఆఫ్‌లైన్‌ సమావేశాలు నిర్వహిస్తూ కేసుల పురోగతి, విధుల నిర్వహణ, పనితీరుపై సమీక్షిస్తున్నారు. అవసరమైన చోట సిబ్బందికి శిక్షణ, అవగాహన కల్పిస్తూ వృత్తి నైపుణ్యం మరింత మెరుగుపరుస్తున్నారు.సమష్టి కృషికి గుర్తింపు ఇది అందరి విజయం. దీనిని స్ఫూర్తిగా తీసుకుని భవిష్యత్‌లో మరింత సమర్థవంతంగా పనిచేయాలి. రోడ్డు ప్రమాదాల నివారణకు బ్లాక్‌స్పాట్స్‌ గుర్తించాం. గంజా యి రవాణా నిరోధంపై విద్యార్థులో అవగాహన కల్పిస్తున్నాం. నేరాల నియంత్రణలో సమష్టిగా ముందుకు సాగడంతోనే రాష్ట్రస్థాయిలో గుర్తింపు లభించింది. – అంబర్‌ కిశోర్‌ఝా, సీపీ, రామగుండం ఆరునెలల్లో క్లస్టర్‌–2 వివరాలు యూనిట్‌ చార్జిషీట్‌ డిటక్షన్‌ రేట్‌ కన్వెన్షన్‌ ఇన్వెస్టిగేషన్‌ స్థానం శాతం శాతం శాతం రోజులు రామగుండం 65.07 73.46 71,89 35 1 ఖమ్మం 70.56 77.41 86.11 39 2 నిజామాబాద్‌ 43.76 64.01 78.05 46 3 కరీంనగర్‌ 58.36 71.70 89.14 39 4 సిద్దిపేట 69.25 76.84 65.99 59 5

గోదావరిఖని: కొత్తగూడెంలో మారుపేర్ల సమస్యపై కమిటి కీలకభేటీ కానున్న నేపథ్యంలో అందరి దృష్టి కార్పొరేట్‌ కార్యాలయంపై పడింది. ఇటీవల అసెంబ్లీలో డిప్యూటీ సీఎం భట్టి విక్రమార్క మారుపేర్లతో ఉన్న కార్మికుల డిపెండెంట్లు 128 మంది ఉన్నారని పేర్కొన్నారు. మానవీయ కోణంలో పరిష్కరిస్తామని, దీనిపై కమిటీ వేశామని, కమిటి నిర్ణయం తీసుకున్నవెంటనే మారుపేర్ల సమస్యకు శాశ్వత పరిష్కారం లభిస్తుందని ప్రకటించారు. సింగరేణిలో దశాబ్దాలుగా కొనసాగుతున్న మారుపేర్ల సమస్యకు పరిష్కారం దిశగా మరో కీలక అడుగు పడుతోంది. సమస్య పరిష్కారం కోసం ఏర్పాటు చేసిన ప్రత్యేక కమిటీ శుక్రవారం కొత్తగూడెంలోని సింగరేణి కార్పొరేట్‌ కార్యాలయంలో సమావేశం కానుంది. ఏళ్లుగా పెండింగ్‌లో ఉన్నకేసులు, కార్మికుల సర్వీస్‌ రికార్డులు, వారసత్వ ఉద్యోగాలకు ఎదురవుతున్న ఇబ్బందులు తదితర అంశాలపై కమిటీ చర్చించనున్నట్లు తెలుస్తోంది. 1997 నుంచి సమస్య సింగరేణిలో అధికారిక రికార్డుల్లో ఒకరి పేరు ఉండగా.. వారి స్థానంలో మరొకరు విధులు నిర్వహించిన సందర్భాలు గతంలో చోటుచేసుకున్నాయి. సమస్య 1997 నుంచి కొనసాగుతున్న పాత సమస్యగా ఉప ముఖ్యమంత్రి భట్టి విక్రమార్క శాసనమండలిలో వెల్లడించారు. ప్రస్తుతం సింగరేణిలో సుమారు 90 వేల మంది ఉద్యోగులు ఉండగా.. మారుపేర్ల సమస్యను ఎదుర్కొంటున్న వారు 128 మంది మాత్రమే ఉన్నారని తెలిపారు. గతంలో ఈ వ్యవహారంపై 45 మంది అధికారులతో పాటు సంబంధిత వ్యక్తులపై చట్టపరమైన చర్యలు కూడా తీసుకున్నట్లు ప్రభుత్వం పేర్కొంది. వారసత్వ ఉద్యోగాలపై తీవ్ర ప్రభావం మారుపేర్ల సమస్య కేవలం ప్రస్తుత కార్మికులకే పరిమితం కాలేదు. వారి పిల్లలు, కుటుంబ సభ్యులపై కూడా దీని ప్రభావం పడుతోంది. ముఖ్యంగా కార్మికులు మెడికల్‌ ఇన్వాలిడేషన్‌కు గురైనప్పుడు లేదా మరణించిన సందర్భాల్లో డిపెండెంట్‌, వారసత్వ ఉద్యోగాలు పొందేందుకు పేర్లలో తేడాలు ప్రధాన అడ్డంకిగా మారుతున్నాయి. విజిలెన్స్‌ విచారణలు, సర్వీస్‌ రికార్డుల్లో పేర్ల వ్యత్యాసాలు, కుటుంబ సభ్యుల ధ్రువీకరణ తదితర అంశాల కారణంగా అనేక కేసులు పెండింగ్‌లో ఉన్నట్లు కార్మిక సంఘాలు చెబుతున్నాయి. భట్టి ప్రకటనతో కొత్త ఆశలు సమస్యపై ఇటీవల ఉప ముఖ్యమంత్రి భట్టి విక్రమార్క స్పష్టమైన హామీ ఇవ్వడంతో బాధిత కార్మిక కుటుంబాల్లో ఆశలు చిగురించాయి. మారుపేర్ల సమస్యను మానవీయ కోణంలో పరిశీలించి పరిష్కరిస్తామని, ఏ ఒక్క అధికారిపైనా.. బాధ్యత పడకుండా కమిటీ ద్వారా సమగ్రంగా పరిశీలిస్తామని ఆయన తెలిపారు. కమిటీ నివేదిక వచ్చిన తర్వాత శాశ్వత పరిష్కారం చూపుతామని స్పష్టం చేశారు. నేటి భేటీపై ఉత్కంఠ కొత్తగూడెం కార్పొరేట్‌ కార్యాలయంలో శుక్రవారం జరగనున్న కమిటీ సమావేశంపై సింగరేణి కార్మిక కుటుంబాల్లో ఆసక్తి నెలకొంది. ఇన్నేళ్లుగా పరిష్కారం కోసం ఎదురుచూస్తున్న 128 మంది కార్మికుల విషయంలో కమిటీ ఎలాంటి సిఫార్సులు చేస్తుంది? పేర్ల మార్పిడికి మార్గం సుగమం చేస్తుందా? పెండింగ్‌లో ఉన్న వారసత్వ ఉద్యోగాల కేసులకు పరిష్కారం లభిస్తుందా? అన్నది ఆసక్తికరంగా మారింది. ఏఐటీయూసీ నుండి అధ్యక్షుడు వాసిరెడ్డి సీతారామయ్య, ప్రధాన కార్యదర్శి కొరిమి రాజ్‌కుమార్‌, ప్రాతినిధ్య సంఘం నుంచి నాయకులు, యాజమాన్యం నుంచి కార్పొరేట్‌ సీపీపీ జీఎం, జీఎం పర్సనల్‌, జీఎం వెల్ఫేర్‌, లా ఏజీఎం భేటీ కానున్నారు. సమావేశంలో మారుపేర్ల సమస్య ఓకొలిక్కి వచ్చే అవకాశం ఉందని అంటున్నారు. నేడు కొత్తగూడెంలో కమిటీ కీలక భేటీ హాజరుకానున్న గెలిచిన సంఘాలు

● నేటి నుంచి ఆంధ్రకు ప్రత్యేక రైళ్ల రాకపోకలు ప్రారంభం ● రైల్వేలో స్పష్టంగా కనిపిస్తున్న ప్రాంతీయ వివక్ష రామగుండం: ప్రతీ పండుగకు దక్షిణ మధ్య రైల్వే జోన్‌ అధికారులు ముందుగానే ఆంధ్రప్రదేశ్‌కు ప్రత్యేక రైళ్లను నడిపించడం ఆనవాయితీగా వస్తోంది. ఈనెల 14న వినాయకచవితి పండుగ పురస్కరించుకొని ఈనెల 11వ తేదీ నుంచే ఆంధ్రకు వివిధ రూట్లలో ప్రత్యేక రైళ్లను ప్రకటించడం కొసమెరుపు. ఇందులో చర్లపల్లి–కాకినాడటౌన్‌ (ఇరువైపుల), చర్లపల్లి–తిరుచానూర్‌ (ఇరువైపుల), గుంటూరు–వికారాబాద్‌ (ఇరువైపుల) ప్రత్యేక రైళ్లను నడిపిస్తున్నట్లు ప్రకటించారు. అదే తెలంగాణలోని సికింద్రాబాద్‌, కాజీపేట, నిజామాబాద్‌, కాగజ్‌నగర్‌, భద్రాచలం వైపు మాత్రం ఎలాంటి ప్రత్యేక రైళ్లను ప్రకటించకపోవడంతో రైల్వేశాఖ నిర్ణయంపై తీవ్ర విమర్శలు వ్యక్తమవుతున్నాయి. ప్రతీ పండుగ సమయాల్లో సింగరేణి కోల్‌బెల్ట్‌ ప్రాంతాల ప్రజలు రైళ్లలో రాకపోకలు సాగిస్తుంటారు. ప్రత్యేక రైళ్లు నడిపించకపోవడంతో ఉన్న రైళ్లన్నీ ప్రయాణికులతో కిక్కిరిసిపోతుంటాయి. దీనిపై పాలకులు సీరియస్‌గా పరిగణించి రైల్వే మంత్రిత్వశాఖతో మాట్లాడి సత్వరమే పండుగ ప్రత్యేక రైళ్లను నడిపించాలని తెలంగాణ ప్రజలు కోరుతున్నారు. దక్షిణ మధ్య రైల్వే జోన్‌ తెలంగాణలోనే ఉన్నా.. దక్షిణ మధ్య రైల్వే జోన్‌ కేంద్ర కార్యాలయం 1966 అక్టోబర్‌ 2వ తేదీ నుంచి తెలంగాణ రాష్ట్ర రాజధాని హైద్రాబాద్‌ (సికింద్రాబాద్‌)లోనే ఉన్నా తెలంగాణ రాష్ట్ర పండుగలపై ప్రత్యేక రైళ్లను నడిపించడంలో నిర్లక్ష్య ధోరణితో వ్యవహరించడం బాధాకరం. ఇటీవల ద.మ.రైల్వే జోన్‌ రెండుగా విడిపోయి ఆంధ్రప్రదేశ్‌ రాష్ట్రానికి నూతనంగా విశాఖపట్టణం కేంద్రంగా దక్షిణ కోస్తా రైల్వే జోన్‌ ఆవిర్భవించినప్పటికీ తెలంగాణ జోన్‌ నుంచి ఆంధ్రకు ప్రత్యేక రైళ్లను నడిపించడం చర్చనీయాంశంగా మారింది. దక్షిణ కోస్తా రైల్వే జోన్‌ నుంచి తెలంగాణకు ఎలాంటి ప్రత్యేక రైళ్లను ప్రకటించలేదు. ఏదేమైన పండుగలకు, రద్దీ సీజన్లలో ప్రత్యేక రైళ్ల ఏర్పాటుపై పాలకులు రైల్వే యంత్రాంగంపై తీవ్ర ఒత్తిడి పెంచాల్సిన అవసరం ఎంతైనా ఉంది.

ఓదెల: విద్యుత్‌ కోతలకు ఉక్కపోత తోడవడంతో ప్రజలు గురువారం ఇబ్బందిపడ్డారు. తీవ్ర ఉక్కపోతగా ఉండడంతో పెద్దపల్లి జిల్లా ఓదెల మండల తహసీల్దార్‌ బి.వనజానాయక్‌ గురువారం ఆరుబయటే కూర్చుండి విధులు నిర్వర్తించారు. మధ్యాహ్నం వేళ విద్యుత్‌ కోతలు విధించడంతో కార్యాలయంలో ఉక్కపోత తట్టుకొలేక తహసీల్దార్‌ ఆరుబయటే ప్రజలతో మాట్లాడి వారి సమస్యలు పరిష్కరించారు. కార్యాలయం చుట్టూ పచ్చని చెట్లు ఉండడంతో చల్లనిగాలి వీచింది. కొన్ని గంటలపాటు బయటనే కూర్చుని సర్‌ ఫామ్‌లు పరిశీలించారు. ఆరుబయటే తహసీల్దార్‌ విధులు

రోదిస్తున్న కుటుంబ సభ్యులు శశాంక్‌ కోసం గాలిస్తున్న గజ ఈతగాళ్లు మల్యాల: ముక్కుపచ్చలారని పసివాడు.. రాత్రి హాయిగా తల్లి ఒడిలోనే నిద్రపోయాడు. వేకువజామునే అమ్మ నిద్ర లేపింది. ఎందుకు లేపిందో తెలియని ఆ పసివాడు అమ్మ చేయిపట్టుకుని ఆమె వెంటే నడిచాడు. ఎటు తీసుకెళ్తుందో తెలియని ఆ చిన్నారి అడుగులు చివరకు కాటివరకు తీసుకెళ్తాయని ఊహించలేకపోయాడు. కంటికి రెప్పలా కాపాడాల్సిన తల్లే.. కొడుకును బావిలో తోయడం.. తర్వాత తానూ ఆత్మహత్య చేసుకోవడం విషాదం నింపింది. తాను చనిపోతే తన కొడుకును ఎవరు చూస్తారనుకుందో..? కొడుకు ప్రాణం తీసేందుకు ఆ తల్లి మనసుకు ఎన్ని గాయాలయ్యాయో..? తెలియదుగానీ.. ముక్కుపచ్చలారని ఆ చిన్నారిని బావిలో తోసిందనే వార్తతో ప్రజల కళ్లు వరదలై పారాయి. స్థానికులు, పోలీసుల కథనం ప్రకారం.. మల్యాల మండల కేంద్రానికి చెందిన గుండేటి కవిత, దశరథం భార్యాభర్తలు. వీరికి ఇద్దరు కుమారులు నిఖిలేష్‌ (12), శశాంక్‌(7) కుమారులు సంతానం. కవిత బీడీలు చుడుతూ.. బట్టలు కుడుతూ కుటుంబాన్ని పోషిస్తోంది. దశరథం ఉపాధి కోసం ముంబాయి వెళ్లాడు. అప్పటినుంచి కవిత మామ పండిత్‌, ఇద్దరు కుమారులతో కలిసి గుడిపేట వెళ్లే దారిలో ఉన్న సొంతింట్లో ఉంటోంది. ● అన్నా.. నేను చనిపోతున్నా కవిత కుటుంబ పోషణకు కొందరి వద్ద అప్పు చేసినట్లు తెల్సింది. ఆ అప్పులకు వడ్డీ చెల్లించే క్రమంలో మరింత అప్పు చేయాల్సి వచ్చింది. అలా మొత్త ంగా అప్పు రూ.20లక్షల వరకు చేరినట్లు సమాచారం. అప్పు ఇచ్చిన వారు చెల్లించాలని కోరుతుండడం.. భర్త డబ్బులు పంపించకపోవడంతో కొన్నాళ్లుగా మనస్తాపం చెందుతోంది. ఈ క్రమంలో గురువారం వేకువజామున 3.40 గంటలకు కవిత తన సోదరుడు కొమురయ్యకు ఫోన్‌ చేసి ‘అన్నా నేను చనిపోతున్నా..’ అని చెప్పి ఫోన్‌ స్విచ్ఛాఫ్‌ చేసింది. అనంతరం చిన్న కుమారుడు శశాంక్‌ను వెంటబెట్టుకుని వెళ్లింది. (ఈ చిత్రాలు సీసీ కెమెరాల్లో రికార్డయ్యాయి.) నేరుగా గుడిపేట వెళ్లే మార్గంలో ఉన్న వ్యవసాయ బావిలో శశాంక్‌ను తోసి.. తానూ దూకినట్లు తెలుస్తోంది. కవిత ఫోన్‌ స్విచ్ఛాఫ్‌ చేయడంతో కంగారుపడిన కొమురయ్య సుమారు రెండు కిలోమీటర్ల దూరంలో ఉన్న ఆమె ఇంటికి చేరుకున్నాడు. అప్పటికే ఇంటి తలుపులు తెరిచి ఉన్నాయి. పరిసర ప్రాంతాల్లో ఉన్న వ్యవసాయ బావుల్లో వెదికాడు. ముత్యంపేట మీదుగా గుడిపేట వెళ్లే మార్గంలో వెదుకుతుండగా.. ఓ వ్యవసాయ బావి వద్ద తల్లీకొడుకుల చెప్పులు, సెల్‌ఫోన్‌ కనిపించడంతో వెంటనే పోలీసులకు సమాచారం అందించాడు. వారు సంఘటన స్థలానికి చేరుకుని ఫైరింజన్‌, గజ ఈతగాళ్లతో బావిలో గాలిస్తుండగా.. ఉదయమే కవి త మృతదేహం నీటిలో తేలింది. శశాంక్‌ కోసం రా త్రి వరకూ గాలిస్తూనే ఉన్నా.. ఆచూకీ దొరకలేదు. ● కన్నీమున్నీరైన కుటుంబ సభ్యులు..స్థానికులు కొడుకును బావిలో వేసి.. తల్లి ఆత్మహత్య చేసుకుందన్న వార్త తెలియడంతో గుడిపేట, ముత్యంపేట, మల్యాలకు చెందిన వందలాదిమంది బావి వద్దకు చేరుకున్నారు. కవిత మృతదేహాన్ని చూసి కన్నీటి పర్యంతమయ్యారు. ఆ తల్లికి ఏం కష్టం వచ్చిందో.. కంటికి రెప్పలా కాపాడాల్సిన తల్లే బావిలో ఎందుకు తోసిందో.. అంటూ కన్నీరు పెట్టుకున్నారు. కొడుకును నిద్రలేపి తీసుకెళ్లిన తల్లి ముందుగా బావిలో తోసి తానూ దూకి.. తల్లి మృతదేహం లభ్యం.. చిన్నారి కోసం గజఈతగాళ్ల గాలింపు మిస్టరీగా తల్లీకొడుకుల బలవన్మరణం

కరీంనగర్‌క్రైౖం: నగరంలోని కోతిరాంపూర్‌కు చెందిన ఓ వ్యక్తి అనుమానాస్పద స్థితిలో మృతి చెందాడు. వన్‌టౌన్‌ పోలీసుల వివరాల ప్రకారం కోతిరాంపూర్‌కు చెందిన బండ మల్లేశం (45) గతంలో మేసీ్త్రగా పనిచేసేవాడు. ఐదేళ్లుగా మద్యానికి బానిసయ్యడు. బుధవారం రాత్రి మల్లేశం చాతిలో నొప్పిగా ఉందని కుటుంబ సభ్యులకు చెప్పాడు. చికిత్స నిమిత్తం ప్రభుత్వ ఆసుపత్రికి తరలించేందుకు ప్రయత్నించగా, అప్పటికే మృతి చెందాడు. మృతుడి భార్య సుజాత ఇచ్చిన ఫిర్యాదు మేరకు కేసు నమోదు చేశారు. కాపర్‌ వైర్‌ చోరీమంథనిరూరల్‌: పంటలకు సాగునీరు అందించేందుకు రైతులు ఏర్పాటు చేసుకున్న విద్యుత్‌ మోటార్లకు కరెంటు సరఫరా అయ్యే వైర్ల నుంచి కాపర్‌ వైర్‌ను చోరీ చేసిన సంఘటన మంథని మండలం ఖానాపూర్‌లో గురువారం చోటు చేసుకుంది. గ్రామస్తులు తెలిపిన వివరాల ప్రకారం.. ఖానాపూర్‌ గ్రామశివారులోని గోదావరినది, బొక్కలవాగుల నుంచి సుమారు 30మంది రైతులు విద్యుత్‌ మోటార్లు అమర్చుకుని పంటలకు సాగునీరు అందిస్తున్నారు. ఆ విద్యుత్‌ మోటార్లకు సరఫరా అయ్యే వైర్లను గుర్తు తెలియని వ్యక్తులు కట్‌ చేసి అందులోని కాపర్‌ వైర్లను ఎత్తుకెళ్లారు. గురువారం అటువైపు వెళ్లిన రైతులు గమనించి పోలీసులకు సమాచారం అందించారు. ఘటనా స్థలాన్ని పోలీసులు పరిశీలించి వివరాలు సేకరించారు. 30మంది రైతులకు సుమారు రూ.2నుంచి 3లక్షల వరకు నష్టం జరిగిందన్నారు. కాపర్‌ వైర్‌ దొంగిలించిన వ్యక్తులను గుర్తించి కఠిన చర్యలు తీసుకోవాలని కోరుతున్నారు. డ్రంకెన్‌ డ్రైవ్‌లో ఒకరికి జైలు గోదావరిఖని: డ్రంకెన్‌ డ్రైవ్‌లో కేసులో ఆటో డ్రైవర్‌కు ఒకరోజు జైలు శిక్ష విధించినట్లు ట్రాఫిక్‌ సీఐ రాజేశ్వర్‌రావు తెలిపారు. డ్రంకెన్‌ డ్రైవ్‌లో దొరికిన 8మందిని కోర్టులో హాజరుపర్చగా ఏడుగురికి రూ.21,000లు నగదు జరిమానా విధించగా, ఒకరికి జైలు శిక్ష విధించారన్నారు. అలాగే కమిటీ సర్వీస్‌లో భాగంగా రూ.3వేల నోట్‌బుక్స్‌ను విద్యార్థులకు వారి ద్వారా అందించారు. నేటి నుంచి రాష్ట్రస్థాయి యోగా పోటీలు కరీంనగర్‌స్పోర్ట్స్‌: కొత్తపల్లిలోని ఆల్ఫోర్స్‌ ఈ టెక్నో పాఠశాలలో నేటి నుంచి రెండు రోజుల పాటు జరుగనున్న 13వ రాష్ట్రస్థాయి యోగా స్పోర్ట్స్‌ చాంపియన్‌షిప్‌ ఏర్పాట్లను గురువారం అసోసియేషన్‌ చైర్మన్‌ రవీందర్‌సింగ్‌, రాష్ట్ర ప్రధాన కార్యదర్శి నాగిరెడ్డి సిద్ధారెడ్డిలు పరిశీ లించారు. 25జిల్లాల నుంచి 900 మంది బాల బాలికలు పాల్గొననున్నట్లు తెలిపారు. పోటీల ను ఉదయం 11గంటలకు ఎమ్మెల్యేలు గంగుల కమలాకర్‌, మేడిపల్లి సత్యం, ఆల్ఫోర్స్‌ చైర్మన్‌ వి.నరేందర్‌రెడ్డి, రాష్ట్ర యోగా అసోసియేషన్‌ అధ్యక్షుడు ఎస్‌.ఎన్‌.రెడ్డి, ఫెడరేషన్‌ ఉపాధ్యక్షు డు మనోహర్‌లు ప్రారంభిస్తారని తెలిపారు. 12న ఉమ్మడి జిల్లా ఖోఖో జట్ల ఎంపిక పోటీలుకరీంనగర్‌స్పోర్ట్స్‌: కరీంనగర్‌ జిల్లా ఖోఖో అసోసియేషన్‌ ఆధ్వర్యంలో ఈనెల 12న ఉమ్మడి జిల్లా (పెద్దపల్లి మినహా) యూత్‌ జూనియర్స్‌ ఖేలో ఇండియా ఖోఖో జట్ల ఎంపిక పోటీలు నిర్వహిస్తున్నట్లు జిల్లా అధ్యక్ష కార్యదర్శులు కోమటిరెడ్డి నరేందర్‌రెడ్డి, వై.మహేందర్‌రావు తెలిపారు. కోరుట్లలోని జూనియర్‌ కళాశాల మైదానంలో ఉదయం 10 గంటల నుంచి ఈ పోటీలు ఉంటాయన్నారు. ఆసక్తి గలవారు ఉదయం 9.30కు ఆధార్‌కార్డు జిరాక్స్‌తో రిపోర్ట్‌ చేయాలని సూచించారు. ప్రతిభ చాటే క్రీడాకారులు ఈనెల 16,17 తేదీల్లో హైదరాబాద్‌ సరూర్‌నగర్‌ స్టేడియంలో నిర్వహించే రాష్ట్ర పోటీలకు ప్రాతినిథ్యం వహిస్తారని పేర్కొన్నారు. వివరాలకు ఏ.రవీందర్‌ 98484 39349 సంప్రదించాలని సూచించారు. ఎస్సారార్‌లో జాబ్‌మేళాకరీంనగర్‌సిటీ: కరీంనగర్‌లోని ఎస్సారార్‌ ప్రభుత్వ కళాశాలలో ఐసీఐసీఐ బ్యాంక్‌ రిలేషన్‌షిప్‌ మేనేజ్‌మెంట్‌ ప్రోగ్రామ్‌లో భాగంగా ఎన్‌ఐఐటీ ఆధ్వర్యంలో క్యాంపస్‌ డ్రైవ్‌ నిర్వహించారు. ప్రాసెసింగ్‌ మేనేజింగ్‌ డైరెక్టర్‌ సతీశ్‌ మాట్లాడుతూ ఎంపికై న వారికి ఉద్యోగ నియామక పత్రాలు అందజేస్తామని తెలిపారు. ప్రిన్సిపాల్‌ కె.రామకృష్ణ మాట్లాడుతూ విద్యార్థుల భవిష్యత్తుకు ఉపయోగపడేలా కళాశాలలో జాబ్‌ మేళాలు, క్యాంపస్‌ నియామకాలు నిర్వహిస్తున్నామని తెలిపారు. ఈ డ్రైవ్‌కు 50 మందికి పైగా విద్యార్థులు హాజరయ్యారు. కెరీర్‌ గైడెన్స్‌ సెల్‌ కోఆర్డినేటర్‌ కె.సుధాకర్‌, ఐక్యూఏసీ కోఆర్డినేటర్‌ హర్‌జ్యోత్‌ కౌర్‌, సీనియర్‌ కౌన్సిలర్లు మనోజ్‌ కుమార్‌, రాకేశ్‌ పాల్గొన్నారు.