నీటిలోనే పొలాలు

నీటిలోనే పొలాలు మంథనిరూరల్‌: మల్లారం, ఆరెంద గ్రామా ల్లోని పంటపొలాలు ఇంకా వర్షపునీటిలోనే ఉ న్నాయి. మూడు రోజులపాటు కురిసిన వర్షాల తో పొలాలు నీటమునిగాయి. కాళేశ్వరం ప్రాజెక్టులో భాగంగా నిర్మించిన అన్నారం బరాజ్‌ బ్యాక్‌ వాటర్‌తో మునిగిపోయే పొలాలు ఈసారి వర్షాలతో మునిగిపోవడం గమనార్హం. మల్లారం, ఆరెంద వరకు గోదావరినదికి కరకట్ట నిర్మించారు. భారీ వర్షాలు కురిస్తే గ్రామాల నుంచి వచ్చే వరద వెళ్లేందుకు కరకట్టకు పైపులైన్‌లు ఏర్పాటు చేయలేఉ. దీంతో నీరు నిలిచిపోతోంది. ప్రభుత్వం తమను ఆదుకోవాలని రైతులు కోరుతున్నారు. ఆరోగ్య సేవల్లో అగ్రస్థానం జ్యోతినగర్‌: ప్రజలకు అత్యవసర ఆరోగ్య సంరక్షణ సేవలు అందించేందుకు ఎన్టీపీసీ కృషి చేస్తోందని ఆ సంస్థ రామగుండం ప్రాజెక్టు ఎగ్జిక్యూటివ్‌ డైరెక్టర్‌ చందన్‌ కుమార్‌ సామంత అన్నారు. రూ.43.50 లక్షల సీఎస్సార్‌ నిధుల తో చేపట్టిన రెండు అంబులెన్స్‌లను గోదావరిఖని, పెద్దపల్లి ప్రభుత్వ ప్రాంతీయ ఆస్పత్రుల కు శనివారం అందజేసి మాట్లాడారు. ఆపదలో ఉన్నవారిని, పేషెంట్లను అత్యవసరంగా ఆస్పత్రులకు తరలించడంలో అంబులెన్స్‌లు ఉపయోగపడతాయని తెలిపారు. ఉన్నతాధికారులు, యూనియన్ల ప్రతినిధులు, ప్రభుత్వ ఆస్పత్రి డాక్టర్లు, హెచ్‌ఆర్‌ అధికారులు, సీఎస్సార్‌ విభాగం ప్రతినిధులు పాల్గొన్నారు. 75,391 మెట్రిక్‌ టన్నుల యూరియా ఉత్పత్తి ఫెర్టిలైజర్‌సిటీ: రామగుండం ఫెర్టిలైజర్స్‌, కెమికల్స్‌ లిమిటెడ్‌ కర్మాగారంలో గత జూలైలో 75,391 మెట్రిక్‌ టన్నుల యూరియా ఉత్పత్తి సాధించామని యూనిట్‌ హెడ్‌డ్‌ ఎస్‌కే జిందాల్‌ శనివారం తెలిపారు. ఇందులోని 74,858.58 నాలుగు రాష్ట్రాలకు కేటాయించామన్నారు. ఎనిమిది రోజులపాటు కర్మాగారాన్ని షట్‌డౌన్‌ చేయడంతో ఉత్పత్తి తగ్గిందని పేర్కొన్నారు. వివిధ రాష్టాలకు కేటాయించిన యూరియా ఇలా.. తెలంగాణకు 31,159.44 మెట్రిక్‌ టన్నులు, ఆంధ్రప్రదేశ్‌కు 5,652.63 మెట్రిక్‌ టన్నులు, కర్ణాటకకు 24,488.55 మెట్రిక్‌ టన్నులు, తమిళనాడుకు 13,557.96 మెట్రిక్‌ టన్నులు కేటాయించినట్లు ఆయన వివరించారు.