Virat Kohli

రికార్డుల రారాజు విరాట్‌ కోహ్లి మరో ప్రపంచ రికార్డు తన ఖాతాలో వేసుకున్నాడు. న్యూజిలాండ్‌తో ఇవాళ జరుగుతున్న రెండో వన్డేలో అతడు 7 పరుగులకే ఔటైనప్పటికీ.. న్యూజిలాండ్‌పై వన్డేల్లో అత్యధిక పరుగులు చేసిన బ్యాటర్‌గా వరల్డ్‌ రికార్డు నెలకొల్పాడు. ఈ క్రమంలో ఆసీస్‌ దిగ్గజం రికీ పాంటింగ్‌ను అధిగమించాడు.న్యూజిలాండ్‌పై వన్డేల్లో అత్యధిక పరుగులువిరాట్‌ కోహ్లి- 1976రికీ పాంటింగ్‌- 1971సచిన్‌ టెండూల్కర్‌- 1750కుమార సంగక్కర- 1568సనత్‌ జయసూర్య- 1519జాక్‌ కల్లిస్‌- 1449మ్యాచ్‌ విషయానికొస్తే.. వెల్లింగ్టన్‌ వేదికగా రెండో వన్డేలో టాస్‌ గెలిచి తొలుత బౌలింగ్‌ చేసిన భారత్‌ న్యూజిలాండ్‌ను 134 పరుగులకే (41 ఓవర్లు) కుప్పకూల్చింది. గుర్నూర్‌ బ్రార్‌ 4,అక్షర్‌ పటేల్‌, అన్షుల్‌ కంబోజ్‌, ఆకిబ్‌ నబీ తలో 2 వికెట్లు తీసి న్యూజిలాండ్‌ను దారుణంగా దెబ్బ కొట్టారు. న్యూజిలాండ్‌ తరఫున డారిల్‌ మిచెల్‌ (55) మాత్రమే అర్ద సెంచరీతో రాణించాడు.అనంతరం స్వల్ప లక్ష్య ఛేదనలో భారత్‌ కూడా తడబడుతోంది. 17 పరుగులకే రెండు ప్రధాన వికెట్లు కోల్పోయింది. శుభ్‌మన్‌ గిల్‌ డకౌట్‌ కాగా.. విరాట్‌ కోహ్లి 7 పరుగులకే నిష్క్రమించాడు. 2 వికెట్లు జేకబ్‌ డఫీకే దక్కాయి. 5 ఓవర్ల తర్వాత భారత్‌ స్కోర్‌ 20-2గా ఉంది. రోహిత్‌ శర్మ 10, శ్రేయస్‌ అయ్యర్‌ 2 పరుగులతో క్రీజ్‌లో ఉన్నారు. ఇదీ చదవండి: టీమిండియాకు గుడ్‌ న్యూస్‌

వెల్లింగ్ట‌న్ వేదిక‌గా న్యూజిలాండ్‌, భార‌త్ మ‌ధ్య రెండో వ‌న్డే ప్రారంభానికి ముందు ఒక ఆస‌క్తిక‌ర ఘ‌ట‌న చోటుచేసుకుంది. ఇటీవ‌ల 38వ పుట్టిన‌రోజు జ‌రుపుకున్న విరాట్ కోహ్లి ప్ర‌వ‌ర్తించిన తీరు సోష‌ల్ మీడియాలో వైర‌ల్‌గా మారింది. వ‌ర్షం అంత‌రాయం కార‌ణంగా టాస్ ఆల‌స్య‌మైన వేళ‌, కోహ్లి, రాహుల్ మ‌ధ్య ఒక ఫ‌న్నీ సంఘ‌ట‌న చోటు చేసుకుంది.కేఎల్‌ రాహుల్ త‌న జెర్సీపైన మ‌రో ష‌ర్ట్ ధరించాడు. కానీ అది స‌రిగ్గా కుద‌రక‌పోవ‌డంతో రాహుల్ ఇబ్బంది ప‌డ్డాడు. డ్రెస్సింగ్‌రూమ్ నుంచి ప‌రిగెత్తుకుంటూ వ‌చ్చిన సిబ్బంది ఒక‌రు త‌న‌తో పాటు తెచ్చిన క‌త్తెర‌తో రాహుల్ మెడ ద‌గ్గ‌ర ష‌ర్ట్ నెక్ కాల‌ర్‌ను కాస్త క‌ట్ చేశాడు. ఇది గ‌మ‌నించిన కోహ్లి వారి మ‌ధ్య‌లో దూరి రాహుల్ స‌మ‌స్య‌ను క్ష‌ణాల్లో ప‌రిష్క‌రించాడు. రాహుల్ ధ‌రించిన ఓవ‌ర్ ష‌ర్ట్‌ను వెన‌క్కి లాగి లోప‌ల ఉన్న ష‌ర్ట్ కాల‌ర్‌ను స‌రిగ్గా సెట్ చేశాడు. ఈ స‌మ‌యంలో కోహ్లి, రాహుల్ మ‌ధ్య జ‌రిగిన ఫ‌న్నీ సంభాష‌ణ హైలైట్‌గా నిలిచింది. దీనికి సంబంధించిన వీడియో క్ష‌ణాల్లో సోష‌ల్ మీడియాలో వైర‌ల్‌గా మారింది.ఇక మ్యాచ్ ప్రారంభ‌మైన కాసేప‌టికే ఓపెన‌ర్ విల్ యంగ్ ఇచ్చిన క్యాచ్‌ను రాహుల్ అద్బుతంగా అందుకున్నాడు. దీంతో అకిబ్ న‌బీ ఖాతాలో రెండో వికెట్ చేరింది. అంత‌క‌ముందు ఓపెన‌ర్ టిమ్ సీఫెర్ట్‌ను డ‌కౌట్ చేసిన అకిబ్ న‌బీ తొలి అంత‌ర్జాతీయ వికెట్‌ను త‌న ఖాతాలో వేసుకున్నాడు.ఇక విరాట్ కోహ్లి బ్యాటింగ్‌లో మంచి ఫామ్ క‌న‌బ‌రుస్తున్నాడు. ఆక్లాండ్ వేదిక‌గా జ‌రిగిన తొలి వ‌న్డేలో కోహ్లి 51 బంతుల్లో 74 ప‌రుగులు బాది జ‌ట్టు గెల‌వ‌డంలో కీల‌క‌పాత్ర పోషించాడు. రెండో వ‌న్డేలో టీమిండియా బౌల‌ర్లు మ‌రోసారి చెల‌రేగ‌డంతో న్యూజిలాండ్ 41 ఓవ‌ర్ల‌లో 134 ప‌రుగుల‌కు ఆలౌటైంది. డారిల్ మిచెల్ (55) అర్థ‌శ‌త‌కం సాధించ‌గా, మిచెల్ సాంట్న‌ర్ (31) ప‌ర్వాలేద‌నిపించాడు. భార‌త బౌల‌ర్ల‌లో గుర్నూర్ బ్రార్ 4 వికెట్లు తీయ‌గా, అకిబ్ న‌బీ, అన్షుల్ కాంబోజ్‌, అక్ష‌ర్ ప‌టేల్ త‌లా రెండు వికెట్లు ప‌డ‌గొట్టారు.King Kohli looking out for his boys! 🥹🤌 Watch #NZvIND 2nd ODI LIVE now on #SonySportsNetwork & #SonyLIV! https://t.co/WXid8tdvKl— Sony LIV (@SonyLIV) November 7, 2026ఇదీ చదవండి: శతక్కొట్టిన జైస్వాల్‌.. అదరగొట్టిన సాయి.. భారత్‌ భారీ స్కోరు!IND vs NZ: భారత జట్టుకు భారీ షాక్‌!

టీమిండియా దిగ్గజం విరాట్‌ కోహ్లి గురించి ప్రత్యేక పరిచయం అక్కర్లేదు. ఢిల్లీ నుంచి మొదలైన ఈ కుడిచేతి వాటం బ్యాటర్‌ ప్రయాణం.. అంతర్జాతీయ క్రికెట్‌లో ‘కింగ్‌’ స్థాయికి చేరింది. మూడు ఫార్మాట్లలోనూ తనదైన ముద్ర వేసిన కోహ్లి.. వన్డేల్లో మాత్రం రారాజుగా.. ముఖ్యంగా ఛేజింగ్‌ కింగ్‌గా ఉన్నత శిఖరాలకు చేరుకున్నాడు.ఏకైక క్రికెటర్‌గాఇప్పటికే వన్డేల్లో 55 శతకాలు బాది.. అంతర్జాతీయ కెరీర్‌లో ఈ ఘనత సాధించిన ఏకైక క్రికెటర్‌గా కోహ్లి కొనసాగుతున్నాడు. ఇక ఇప్పటికే అంతర్జాతీయ టీ20, టెస్టు ఫార్మాట్లకు రిటైర్మెంట్‌ ప్రకటించిన ఈ రన్‌మెషీన్‌ వన్డేల్లో మాత్రమే కొనసాగుతున్నాడు. ప్రస్తుతం న్యూజిలాండ్‌ పర్యటనలో కోహ్లి బిజీగా ఉన్నాడు.దేశీ క్రికెట్‌ బరిలో దిగితేఇలాంటి తరుణంలో భారత మాజీ క్రికెటర్‌, ఢిల్లీ జట్టు హెడ్‌కోచ్‌ విజయ్‌ దహియా.. వన్డే ప్రపంచకప్‌-2027 ఆడటమే లక్ష్యంగా ముందుకు సాగుతున్న కోహ్లిని ఉద్దేశించి ఆసక్తికర వ్యాఖ్యలు చేశాడు. డిసెంబరులో దేశీ వన్డే టోర్నీ విజయ్‌ హజారే ట్రోఫీ 2026-27 సీజన్‌లో కోహ్లి ఢిల్లీ తరఫున బరిలోకి దిగుతాడని ఆశిస్తున్నట్లు తెలిపాడు. అతడిని డ్రెసింగ్‌రూమ్‌లోనే కూర్చోబెడతా.. ఒకవేళ నిజంగానే కోహ్లి గనుక మరోసారి దేశీ క్రికెట్‌ బరిలో దిగితే.. తాను అతడిని గంటల కొద్దీ డ్రెసింగ్‌రూమ్‌లోనే కూర్చోబెడతానని విజయ్‌ దహియా అన్నాడు. యువ ఆటగాళ్లకు కోహ్లి ఇచ్చే ఒక్క ప్రసంగం చాలునని.. అందుకే అతడు మైదానంలో దిగకపోయినా డ్రెసింగ్‌రూమ్‌లో ఉన్నా చాలని పేర్కొన్నాడు.ఇంటికి కూడా వెళ్లనివ్వనురంజీ ట్రోఫీ తాజా ఎడిషన్‌లో భాగంగా పాలెం వేదికగా సర్వీసెస్‌తో మ్యాచ్‌ను ఢిల్లీ గురువారం డ్రా చేసుకుంది. ఈ మ్యాచ్‌ అనంతరం టైమ్స్‌ ఆఫ్‌ ఇండియాతో మాట్లాడుతూ.. ‘‘ఒకవేళ కోహ్లి గనుక విజయ్‌ హజారే ట్రోఫీ ఆడేందుకు వస్తే.. డ్రెసింగ్‌రూమ్‌లో అతడిని చూడటం కంటే గొప్ప విషయం మరొకటి ఉండదు.ఊరికే అలా కూర్చుని యువ ఆటగాళ్లతో కోహ్లి మాట్లాడితే చాలు. నేనైతే కోహ్లిని ఇంటికి కూడా వెళ్లనివ్వకుండా అక్కడే ఉండమని చెప్తాను (సరదాగా). డ్రెసింగ్‌రూమ్‌లో కోహ్లిని కూర్చోబెట్టి.. తన ప్రయాణం, కఠిన శ్రమ, తను పాటించే విలువలు.. దేశానికి ఆడటంలో ఉండే గర్వం.. ఇలా అన్నింటి గురించి మా ఆటగాళ్లతో మాట్లాడమని చెప్తాను. ప్రతీ దశను నేను చూశానుకోహ్లి కెరీర్‌లోని ప్రతీ దశను నేను చూశాను. ఎక్కడి నుంచి మొదలై.. ఎక్కడిదాకా చేరాడో నాకూ తెలుసు. అయితే, ప్రతీ ఆటగాడు విరాట్‌ కాలేకపోవచ్చు. అయితే, తనకంటూ ప్రత్యేక గుర్తింపు తెచ్చుకునేందుకు విరాట్‌ కచ్చితంగా స్ఫూర్తిదాయకం అవుతాడు’’ అని విజయ్‌ దహియా చెప్పుకొచ్చాడు. కాగా కోహ్లి గతేడాది ఢిల్లీ తరఫున విజయ్‌ హజారే ట్రోఫీ బరిలో దిగిన సంగతి తెలిసిందే.ఇవీ చదవండి: ‘ఇంకెన్నాళ్లు బెంచ్‌ మీదే ఉంటాడు.. టీమిండియాకు మంచిది కాదు’#HBD Kohli: 10 రోజుల ప‌నిలో 626 ప‌రుగులు

టీమిండియా మాజీ కెప్టెన్ విరాట్ కోహ్లీ మైదానంలో తన పరుగుల సునామీతో రికార్డులను తిరగరాయడమే కాదు.. స్టేడియం బయట కూడా అపార వ్యాపార సామ్రాజ్యాన్ని నిర్మించారు. క్రీడా రంగం ద్వారా వచ్చిన ప్రాచుర్యాన్ని ఒక అంతర్జాతీయ వాణిజ్య బ్రాండ్‌గా మలచడంలో కోహ్లీ సాధించిన విజయం నేటి యువతకు, క్రీడాకారులకు ఆదర్శంగా నిలుస్తోంది. ప్రముఖ ఆర్థిక విశ్లేషణల నివేదికల ప్రకారం విరాట్ కోహ్లీ నికర ఆస్తుల విలువ రూ.1,050 కోట్ల నుంచి రూ.1,600 కోట్ల మధ్య ఉన్నట్లు అంచనా.ఆదాయానికి మూలాలుబీసీసీఐ సెంట్రల్ కాంట్రాక్ట్‌లో భాగంగా ఏటా రూ.7 కోట్ల రిటైనర్ ఫీజుతో పాటు టెస్టులు, వన్డే మ్యాచ్ ఫీజులు వస్తాయి. ఇండియన్ ప్రీమియర్ లీగ్ ప్రారంభం నుంచి రాయల్ ఛాలెంజర్స్ బెంగళూరు ఫ్రాంచైజీకి ఆడుతున్న కోహ్లీ, తాజా వేలం/రిటెన్షన్‌ల ప్రకారం ఏటా రూ.21 కోట్ల వేతనాన్ని అందుకోనున్నారు. ఐపీఎల్ చరిత్రలోనే అత్యధిక పారితోషికం పొందుతున్న దిగ్గజాల్లో ఆయన ఒకరిగా నిలిచారు.బ్రాండ్ ఎండార్స్‌మెంట్‌లుకోహ్లీ నికర సంపదలో దాదాపు 60 శాతానికి పైగా వాటా బ్రాండ్‌ ఎండార్స్‌మెంట్‌ల రూపంలోనే వస్తోంది. పూమా, ఎంఆర్‌ఎఫ్, ఆడి వంటి గ్లోబల్ బ్రాండ్లతో ఒప్పందాలు కుదుర్చుకున్న కోహ్లీ ఒక్కో ఎండార్స్‌మెంట్ ప్రచారానికి రూ.7.5 కోట్ల నుంచి రూ.10 కోట్ల వరకు చార్జ్ చేస్తున్నారని కొన్ని నివేదికలు చెబుతున్నాయి. ఇన్‌స్టాగ్రామ్‌లో 260 మిలియన్లకు పైగా ఫాలోవర్లతో ప్రపంచంలోనే అత్యంత ప్రజాదరణ పొందిన ఆటగాళ్లలో ఒకరిగా నిలిచిన కోహ్లీ, డిజిటల్ స్పాన్సర్డ్ పోస్టుల ద్వారా ఒక్కో ప్రచారానికి కోట్ల రూపాయల రాబడిని పొందుతున్నారు.సొంత వ్యాపారాలు.. స్టార్టప్‌ల్లో పెట్టుబడులుకేవలం ప్రకటనలకే పరిమితం కాకుండా ఇన్వెస్టర్‌గా రూపాంతరం చెందిన విరాట్ కోహ్లీ బ్రాండ్లను స్థాపించారు. యువతను ఆకట్టుకునే ఫ్యాషన్, లైఫ్‌స్టైల్ బ్రాండ్ ‘రోగ్న్’ (WROGN)లో వాటాతో పాటు స్పోర్ట్స్‌వేర్, లైఫ్‌స్టైల్ వ్యాపారం కలకిగిన ‘వన్8’ బ్రాండ్‌ను నడుపుతున్నారు. దేశంలోని ప్రధాన నగరాల్లో డైనింగ్ అండ్ రెస్స్టారెంట్ చైన్ ‘వన్8 కమ్యూన్’ పేరుతో ప్రాచుర్యం పొందింది. డిజిట్ ఇన్సూరెన్స్, రేజ్ కాఫీ, ప్లాంట్-బేస్డ్ మీట్ కంపెనీ ‘బ్లూ ట్రైబ్’, ఫిట్‌నెస్ రంగంలోని హైపర్‌రైస్ వంటి వినూత్న వ్యాపారాల్లో భాగస్వామిగా పెట్టుబడులు పెట్టారు.కోట్ల విలువైన లగ్జరీ ఆస్తులువిరాట్ కోహ్లీ ఆయన సతిమణి అనుష్క శర్మల స్థిరాస్తుల పోర్ట్‌ఫోలియో విలువ రూ.250 కోట్లకు పైగా ఉంటుందని అంచనా. ముంబైలోని వర్లీలో ఉన్న రూ.34 కోట్ల సముద్రపు వ్యూ కలిగిన లగ్జరీ అపార్ట్‌మెంట్, గురుగ్రామ్‌లో రూ.80 కోట్ల విలువైన విలాసవంతమైన బంగ్లా, అలీబాగ్‌లో నిర్మించిన లగ్జరీ ఫార్మ్‌హౌస్, విల్లాలు కోహ్లీ ప్రధాన ఆస్తులుగా ఉన్నాయి.లగ్జరీ కార్లుకోహ్లీ వద్ద ఉన్న అత్యంత ఖరీదైన కార్ల కలెక్షన్ ఉంది. తన గ్యారేజ్‌లో రూ.15 కోట్ల నుంచి రూ.145 కోట్ల (మొత్తం వేలం బ్రాండ్ విలువ ఆధారంగా) పరిధిలో అంచనా వేస్తారు. ఆయన గ్యారేజ్‌లో బెంట్లీ కాంటినెంటల్ జీటీ, ఆడి ఆర్‌8, లాంబోర్గిని హురకాన్, ల్యాండ్ రోవర్, పోర్షే వంటి శక్తివంతమైన సూపర్ కార్లు ఉన్నాయి.ఇదీ చదవండి: ఇవి కొంటే మీ బ్యాడ్‌లక్‌!

వన్డే రారాజుగా పేరొందాడు టీమిండియా దిగ్గజం విరాట్‌ కోహ్లి. యాభై ఓవర్ల ఫార్మాట్‌లో ఇప్పటికే 15 వేలకు పైగా పరుగులు పూర్తి చేసుకున్న ఈ రన్‌మెషీన్‌.. వన్డేల్లో అత్యధికంగా 55 శతకాలు బాదిన వీరుడిగా చెక్కు చెదరని ప్రపంచ రికార్డు నెలకొల్పాడు.ఛేజింగ్‌ కింగ్‌వన్డేల్లో ఛేజింగ్‌ కింగ్‌గా పేరొందిన కోహ్లి.. బుధవారం న్యూజిలాండ్‌తో తొలి వన్డేలో మరోసారి ఈ విషయాన్ని నిరూపించాడు. ఆక్లాండ్‌ వేదికగా 143 పరుగుల లక్ష్యాన్ని ఛేదించే క్రమంలో 35 బంతుల్లోనే హాఫ్‌ సెంచరీ పూర్తి చేసిన ఈ కుడిచేతి వాటం బ్యాటర్‌ మొత్తంగా 51 బంతుల్లో 74 పరుగులు సాధించాడు. తద్వారా జట్టు విజయంలో కీలక పాత్ర పోషించాడు.ఇక కోహ్లి గురువారం (నవంబరు 5) 38వ వసంతంలో అడుగుపెట్టాడు. ఈ సందర్భంగా ‘కింగ్‌’కు శుభాకాంక్షలు వెల్లువెత్తుతున్న వేళ.. భారత మాజీ క్రికెటర్‌ సుబ్రమణ్యం బద్రీనాథ్‌ ఇన్‌స్టాగ్రామ్‌లో షేర్‌ చేసిన వీడియో కోహ్లి అభిమానుల ఆగ్రహానికి కారణమైంది.టాప్‌-5 వన్డే క్రికెటర్లు వీరేఇందులో బద్రీనాథ్‌ తన టాప్‌-5 వన్డే క్రికెటర్లను ఎంచుకున్నాడు. అయితే, ప్రపంచంలోనే వన్డేల్లో అత్యుత్తమ ఆటగాడైన కోహ్లికి మాత్రం చోటు ఇవ్వలేదు. తన జాబితాలో అగ్రస్థానాన్ని టీమిండియా దిగ్గజం సచిన్‌ టెండుల్కర్‌కు కట్టబెట్టిన బద్రీనాథ్‌... ఆ తర్వాతి స్థానాల్లో ఆస్ట్రేలియా స్టార్లు రిక్కీ పాంటింగ్‌, మైకేల్‌ బేవాన్‌, శ్రీలంక దిగ్గజం కుమార్‌ సంగక్కర, పాకిస్తాన్‌ దిగ్గజ ఫాస్ట్‌ బౌలర్‌ వసీం అక్రంలకు చోటిచ్చాడు.ఆ నాలుగు సరైన ఎంపికలే!కాగా టెండుల్కర్‌కు నంబర్‌ వన్‌ స్థానం ఇవ్వడంలో ఎలాంటి సందేహం లేదు. 463 వన్డేల్లో అత్యధికంగా 18426 పరుగులు సాధించి.. ప్రపంచంలోనే టాప్‌ రన్‌ స్కోరర్‌గా సచిన్‌ కొనసాగుతున్నాడు. అతడి ఖాతాలో 49 వన్డే శతకాలు కూడా ఉన్నాయి.ఇక పాంటింగ్‌ 375 వన్డేల్లో 30 సెంచరీల సాయంతో 13,704 పరుగులు సాధించాడు. మరోవైపు.. బేవాన్‌ మాత్రం 232 వన్డేల్లో 6912 పరుగులు చేయగలిగాడు. అతడి ఖాతాలో కేవలం ఆరు శతకాలు మాత్రమే ఉన్నాయి. ఇక సంగక్కర 25 శతకాల సాయంతో 404 వన్డేల్లో 14,234 పరుగులు సాధించాడు.తిరుగులేని కోహ్లిఇదిలా ఉంటే వసీం అక్రం.. 356 వన్డేలు ఆడి 502 వికెట్లు కూల్చి సత్తా చాటాడు. ఇక కోహ్లి ఇప్పటికి కేవలం 318 వన్డేల్లోనే 55 సెంచరీలు, 80 అర్ధ శతకాలు బాది ఏకంగా 15,813 పరుగులతో కొనసాగుతున్నాడు. View this post on Instagram A post shared by S.Badrinath (@s_badrinath)ఇవీ చదవండి: IND vs NZ: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గా‘ఇంకెన్నాళ్లు బెంచ్‌ మీదే ఉంటాడు.. టీమిండియాకు మంచిది కాదు’

టీమిండియా స్టార్ క్రికెట‌ర్ విరాట్ కోహ్లి ఇవాళ్టితో 38వ ప‌డిలోకి అడుగుపెట్టాడు. 38వ పుట్టిన‌రోజు జ‌రుపుకుంటున్న కోహ్లి గురించి ప్ర‌త్యేకంగా చెప్పుకోవాల్సింది ఏమీ లేదు. చేజింగ్ మాస్ట‌ర్‌, కింగ్ కోహ్లి, ప‌రుగుల వీరుడు..ఇలా ఎన్ని పేర్ల‌తో అభివ‌ర్ణించినా ఆ దాహం త‌నివి తీర‌దు. 38ఏళ్ల వ‌య‌సులోనూ ఫిట్‌నెస్‌లో త‌న‌కు ఎవ‌రూ సాటిరార‌ని నిరూపిస్తున్న విరాట్ కోహ్లికి పుట్టిన‌రోజు శుభాకాంక్ష‌లు.బుధ‌వారం న్యూజిలాండ్‌తో జ‌రిగిన తొలి వ‌న్డేలోనూ కోహ్లి త‌న క‌ర్త‌వ్యాన్ని నిర్వ‌ర్తించాడు. 51 బంతుల్లో 74 ప‌రుగులు చేసిన కోహ్లి ఇన్నింగ్స్‌లో 13 ఫోర్లు, ఒక సిక్సర్ ఉన్నాయి. మూడు ఫార్మాట్ల‌లో ఆడుతున్న‌ప్పుడు బిజీగా గడిపిన కోహ్లి ప్ర‌స్తుతం వ‌న్డే ఫార్మాట్‌లో మాత్ర‌మే కొన‌సాగుతున్న సంగ‌తి తెలిసిందే. అత‌డు ఇప్పుడు ఒక ఐకాన్ ప్లేయ‌ర్‌. టార్గెట్ 2027 వ‌న్డే వ‌ర‌ల్డ్‌క‌ప్‌గా పెట్టుకున్న కోహ్లి రోహిత్‌తో పాటు కేవ‌లం వ‌న్డేలు మాత్ర‌మే ఆడుతున్నాడు. అయితే సంవ‌త్స‌రంలో ఆడేది కొన్ని మ్యాచ్‌లే అయినా కోహ్లి ఆట‌లో మాత్రం ప‌దును అలాగే ఉంది.ఉదాహ‌ర‌ణ‌కు అంతర్జాతీయ క్రికెట్ ఒక కార్యాలయం అయితే, ఒక్క ఫార్మాట్‌లో మాత్రమే ఆడుతున్న విరాట్ కోహ్లి ప్రతిరోజూ ఆఫీసుకు రానవసరం లేదు. కానీ తన అవసరం ఎప్పుడు ఉంటుందో కచ్చితంగా తెలిసిన ఒక అత్యంత విలువైన ఉద్యోగి లాంటివాడ‌ని చెప్పొచ్చు. ఈ ఏడాది న‌వంబ‌ర్ వ‌చ్చేయ‌డంతో, సంవ‌త్స‌రం ముగియ‌డానికి మ‌రో నెల మాత్ర‌మే మిగిలి ఉంది. ఈ ఏడాది కోహ్లి కేవ‌లం 10 అంతర్జాతీయ మ్యాచ్‌లు మాత్ర‌మే ఆడిన‌ప్ప‌టికీ, అత‌డి ఇంపాక్ట్ మాత్రం బలంగా ఉంది. 10 మ్యాచ్‌లు అంటే 10 రోజుల లెక్క కింద కోహ్లి 69.55 స‌గ‌టుతో 120.61 స్ట్రైక్‌రేట్‌తో 626 ప‌రుగులు సాధించాడు. ఇందులో రెండు శ‌త‌కాలు, నాలుగు అర్థ‌సెంచ‌రీలున్నాయి. 2023 గ‌ణాంకాల‌తో పోల్చి చూస్తే కోహ్లి అంకెలు మ‌రింత ఆస‌క్తిగా క‌నిపిస్తాయి. ఆ ఏడాది కోహ్లీ 27 వన్డేలలో 72.47 సగటుతో, 99.13 స్ట్రైక్ రేట్‌తో 1,377 పరుగులు చేశాడు. 2026లో ఆ సగటు పెద్దగా మారలేదు, కానీ అతని స్కోరింగ్ రేటు 120 దాటింది. మరో మాటలో చెప్పాలంటే, అతను దాదాపు అదే స్థాయిలో నిలకడను కనబరుస్తూ, పరుగులను గణనీయంగా వేగంగా సాధిస్తున్నాడు.కోహ్లీ ఎంత స్థిరంగా రాణించాడ‌నేది అతని సగటు చార్ట్ గుర్తు చేస్తుంది. అతని 2017 సీజన్‌లో 76.84 సగటుతో 1,460 పరుగులు చేయగా, ఇక‌ 2018 అసాధారణం. ఆ సీజన్‌లో అతను 133.55 సగటుతో 1,202 పరుగులు సాధించాడు. ఒక పూర్తి క్యాలెండర్ సంవత్సరం పాటు అత్యున్నత స్థాయిలో రాణించగల అతని సామర్థ్యానికి 2023 నాటి గణాంకాలు మరో నిదర్శనం. అయితే, స్ట్రైక్-రేట్ చార్ట్ ఈ ఇటీవలి మార్పును స్పష్టంగా చూపిస్తుంది. 2023లో 99.13 స్ట్రైక్-రేట్‌తో స్కోర్ చేసిన కోహ్లీ, 2026 నాటికి దానిని 120.61కి పెంచుకున్నాడు.టెస్ట్ క్రికెట్ నుంచి రిటైర్ అయినప్పటి నుండి, అతను 16 వన్డేలలో 115.17 స్ట్రైక్ రేట్‌తో 1,002 పరుగులు సాధించాడు, ఇందులో 30 సిక్సర్లు, 90 బౌండరీలు ఉన్నాయి. ఈ గణాంకాలను బట్టి చూస్తే, అంతర్జాతీయ క్రికెట్‌పై పనిభారం తగ్గినా, కోహ్లి మైదానంలోకి దిగినప్పుడు అతని ప్రభావం ఏమాత్రం తగ్గలేదని తెలుస్తోంది.కోహ్లి ఒక క్యాలెండర్ సంవత్సరంలో కేవలం 10 వన్డేలు మాత్ర‌మే ఆడి, వారాల తరబడి అంతర్జాతీయ క్రికెట్‌కు దూరంగా ఉంటున్న‌ప్ప‌టికీ, మైదానంలో బ‌రిలోకి దిగిన ప్ర‌తీసారి ఛేద‌న‌లో మ‌రింత ప‌దునెక్కుతూనే వ‌స్తున్నాడు. పుట్టిన‌రోజుకు ఒక్క‌రోజు ముందే త‌న ఇన్నింగ్స్‌తో అభిమానులకు ఒక మ‌రిచిపోలేని గిఫ్ట్ ఇచ్చిన‌ప్ప‌టికీ, కోహ్లికి మాత్రం అది ఒక సాధార‌ణ రోజు మాత్ర‌మే అని చెప్పొచ్చు.King raises his bat for a brilliant 50 💥 Watch #NZvIND 1st ODI LIVE on #SonySportsNetwork and #SonyLIV 📺 https://t.co/jXaiyw0YLq— Sony LIV (@SonyLIV) November 4, 2026 The King walks off to a standing ovation! 👑👏 Watch #NZvIND 1st ODI LIVE on #SonySportsNetwork and #SonyLIV 📺 https://t.co/YDruRIVkeO— Sony LIV (@SonyLIV) November 4, 2026ఇదీ చదవండి: ప్ర‌పంచ రికార్డు బ‌ద్ద‌లు.. ఫుట్‌బాల్ చ‌రిత్ర‌లోనే తొలిసారి!ఎంత వెతికినా దొర‌క‌లేదు.. పాపం కోహ్లి!

ఆక్లాండ్ వేదిక‌గా న్యూజిలాండ్‌తో జ‌రిగిన తొలి వ‌న్డేలో వ‌ర్షం పలుమార్లు అడ్డంకులు సృష్టించిన‌ప్ప‌టికీ, టీమిండియా విజ‌య‌బావుటా ఎగుర‌వేసింది. బ‌ర్త్‌డేకు ఒక్కరోజు ముందు హాఫ్ సెంచ‌రీతో రాణించి అభిమానులను సంతోషంలో ముంచెత్తాడు. కానీ కోహ్లి మాత్రం ఒక వ‌స్తువు క‌నిపించ‌క మైదానంలోనే తెగ బాధ‌ప‌డిపోయాడు. దానికోసం పిచ్ పరిస‌రాలు మొత్తం వెతికినా ఎక్క‌డా క‌నిపించ‌లేదు. ఇంత‌కీ కోహ్లి వెతికిందో ఏంటో తెలుసా.. త‌న చేతికుండే ఖ‌రీదైన రిస్ట్ వాచ్ బ్యాండ్‌. విష‌యంలోకి వెళితే.. భార‌త బ్యాటింగ్ స‌మ‌యంలో ఇన్నింగ్స్ 17వ ఓవ‌ర్ నాథ‌న్ స్మిత్ వేశాడు. ఆ ఓవ‌ర్ ఐదో బంతిని కోహ్లి పుల్ షాట్ ఆడే ప్ర‌య‌త్నం చేశాడు. కానీ బంతి అత‌ని రిస్ట్‌ను తాకింది. దీంతో అత‌డి చేతికున్న వాచ్ విరిగిపోయి కింద‌ప‌డిపోయింది. ఇది గ‌మ‌నించని కోహ్లి బ్యాటింగ్ కొన‌సాగించాడు. ఓవ‌ర్ ముగిసిన త‌ర్వాత త‌న చేతికి వాచ్ లేద‌న్న విష‌యాన్ని గ‌మ‌నించిన‌ కోహ్లి దానికోసం పిచ్ ప‌రిస‌రాల్లో వెతికాడు. చివ‌ర‌కు వాచ్‌ బ్యాండ్ దొరికిన‌ప్ప‌టికీ, కీల‌క‌మైన పిన్ మాత్రం క‌నిపించ‌లేదు. అనుకుంటే కోహ్లి మ‌రో వాచ్ కొనుక్కోవ‌చ్చు. కానీ పిన్ కోసం అంత వెతుకులాడాడంటే క‌చ్చితంగా అది స్పెష‌ల్ గిఫ్ట్ అయి ఉంటుంది. ఇక దాని విలువ ప్ర‌త్యేకంగా చెప్పాలా?. అయితే కోహ్లి త‌న రిస్ట్ వాచ్ బ్యాండ్ కోసం అంత‌లా వెత‌క‌డం సోష‌ల్ మీడియాలో వైర‌ల్‌గా మారింది.आज इंडिया vs न्यूज़ीलैंड के बीच पहला मैच हुआ जिसमें कुछ अलग देखने को मिला जो बहुत दिलचस्प रहा लोगो के लिए 17वा ओवर चल रहा था विराट क्रीज पे थे उनके सामने बोलर नाथन स्मिथ थे उनकी 5वि गेंद पर विराट पुल शॉट की कोशिश कर रहे थे तब गेंद उनकी कलाई पर लगी जिसे उनकी घड़ी टूट कर गिर गई थी जिसके बाद विराट उसको ढूंढने लगे बाद बैंड तो मिल गई पिन उस टाइम नहीं मिली वीडियो में आप देख सकते हैं क्या बता सकते हो घड़ी कितने की होगी? आज विराट ने 2रिकॉर्ड भी तोड़ा है— sethy jaat bhambhu (@sethyjaat77) November 4, 2026 https://t.co/aXd9A1LJJY— crictalk (@crictalk7) November 4, 2026 https://t.co/pD6IV7Ij3K— crictalk (@crictalk7) November 4, 2026ఇదీ చదవండి: వయసు ఒక అంకె మాత్రమే!పృథ్వీ షా విఫలమైనా!... ఒకే ఒక్క పరుగుతో..

టీమిండియా స్టార్ బ్యాటర్ విరాట్ కోహ్లీ వన్డే క్రికెట్‌లో మరోసారి తన నిలకడైన ప్రదర్శనతో వార్తల్లో నిలిచాడు. న్యూజిలాండ్‌తో ఇవాళ జరిగిన తొలి మ్యాచ్‌లో 51 బంతుల్లో 74 పరుగులు చేసి, జట్టు విజయంలో కీలక పాత్ర పోషించిన అతడు.. న్యూజిలాండ్ గడ్డపై తన వన్డే సగటును 49.66 నుంచి 51.53కు పెంచుకున్నాడు. తద్వారా SENA (సౌతాఫ్రికా (76.38), ఇంగ్లండ్‌ (51.48), న్యూజిలాండ్‌ (51.53), ఆస్ట్రేలియా (50.03)) దేశాల్లో 50కిపైగా సగటు సాధించిన తొలి బ్యాటర్‌గా చరిత్ర సృష్టించాడు.ఆ ఒక్క దేశంలో మాత్రం..!ప్రపంచవ్యాప్తంగా దాదాపుగా అన్ని దేశాల్లో 50కి పైగా వన్డే సగటుతో పరుగులు సాధించిన విరాట్‌ ఒక్క శ్రీలంకలో మాత్రం 50 కంటే తక్కువ సగటుతో పరుగులు చేశాడు. ఇప్పటివరకు శ్రీలంక గడ్డపై 29 వన్డే ఇన్నింగ్స్‌లు ఆడిన అతడు 45.25 సగటుతో 1086 పరుగులు చేశాడు. అయితే లంక గడ్డపై తాను సాధించిన పరుగుల్లో ఏకంగా ఐదు సెంచరీలు ఉండటం విశేషం.దేశాల వారీగా విరాట్‌ వన్డే బ్యాటింగ్ సగటుదక్షిణాఫ్రికా- 76.38బంగ్లాదేశ్- 73.13భారత్- 62.81జింబాబ్వే- 60.83వెస్టిండీస్- 58.92యూఏఈ- 54.50న్యూజిలాండ్- 51.53ఇంగ్లండ్- 51.48ఆస్ట్రేలియా- 50.03శ్రీలంక- 45.25ఇదిలా ఉంటే, 5 మ్యాచ్‌ల సిరీస్‌లో భాగంగా న్యూజిలాండ్‌తో ఇవాళ జరిగిన తొలి వన్డేలో భారత్‌ డక్‌వర్త్‌ లూయిస్‌ పద్దతి ప్రకారం 5 వికెట్ల తేడాతో విజయం సాధించింది. ఈ మ్యాచ్‌లో తొలుత భారత బౌలర్లు చెలరేగగా.. ఆతర్వాత విరాట్‌ అద్భుతమైన ఇన్నింగ్స్‌తో జట్టు విజయంలో కీలకపాత్ర పోషించాడు. ఇదీ చదవండి: షెడ్యూల్‌ విడుదల.. తొలి మ్యాచ్‌ ఆర్సీబీ వర్సెస్‌ ముంబై

సొంతగడ్డపై టీమిండియాతో ఐదు మ్యాచ్‌ల వన్డే సిరీస్‌ను న్యూజిలాండ్ ఓటమితో ఆరంభించింది. ఆక్లాండ్ వేదికగా జరిగిన తొలి వన్డేలో 5 వికెట్ల తేడాతో కివీస్ ఓటమిపాలైంది. ఈ మ్యాచ్‌లో బ్లాక్ క్యాప్స్ బ్యాటర్లు ఘోరంగా విఫలమయ్యారు.టాస్ ఓడి తొలుత బ్యాటింగ్‌కు దిగిన న్యూజిలాండ్.. భారత బౌలర్ల ధాటికి 40.2 ఓవర్లలో 185 పరుగులకే కుప్పకూలింది. కివీస్ బ్యాటర్లలో టిమ్ సీఫెర్ట్ (38), బ్లెయిర్ టిక్నర్ (34) టాప్ స్కోరర్లుగా నిలిచారు. భారత బౌలర్లలో అర్ష్‌దీప్ సింగ్ నాలుగు, గుర్నూర్ బ్రార్ మూడు, అన్షుల్ కాంబోజ్ రెండు వికెట్లు సాధించారు.అనంతరం పదేపదే వర్షం అంతరాయం కలిగించడంతో భారత్ లక్ష్యాన్ని రివైజ్ చేసి, 32 ఓవర్లలో 143 పరుగులుగా నిర్ణయించారు. ఈ లక్ష్యాన్ని టీమిండియా 22.4 ఓవర్లలో ఛేదించింది. భారత బ్యాటర్లలో విరాట్ కోహ్లి (74) టాప్ స్కోరర్‌గా నిలవగా.. కెప్టెన్ శుబ్‌మన్ గిల్ (37) రాణించారు. ఈ ఓటమిపై మ్యాచ్ అనంతరం కివీస్ కెప్టెన్ మిచెల్ శాంట్నర్ స్పందించాడు. బ్యాటింగ్ వైఫల్యం కారణంగానే తాము ఓడిపోయామని శాంట్నర్ అంగీకరించాడు."ఈడెన్ పార్క్‌లో పిచ్ ఇంతటి అదనపు బౌన్స్‌ను ఇస్తుందని మేము అసలు ఊహించలేదు. పిచ్ పరిస్థితులను త్వరగా అడాప్ట్ చేసుకోవడంలో మేము విఫలమయ్యాం. దానికి తోడు భారత బౌలర్లు పిచ్ కండిషన్స్‌ను ఉపయోగించుకుని అద్భుతంగా బౌలింగ్ చేశారు. కచ్చితంగా భారత బౌలర్లకు క్రెడిట్ ఇవ్వాల్సిందే. ఇలాంటి ట్రిక్కీ పిచ్‌పై ఎక్స్‌ట్రా బౌన్స్‌ను ఎదుర్కొని ఆడటం చాలా కష్టం.భారత బౌలర్లు పదే పదే షార్ట్ బాల్స్ వేసి మమ్మల్ని ఇబ్బంది పెట్టారు. రెండో ఇన్నింగ్స్‌లో శ్రేయస్ అయ్యర్ కూడా షార్ట్ బాల్స్ ఆడేందుకు ఇబ్బంది పడ్డాడు. ఆ బాల్స్‌ను అతడు వికెట్ కీపర్ పైనుంచి ఆడేందుకు ప్రయత్నించాడు. అయితే వర్షం పడిన తర్వాత పిచ్ బ్యాటింగ్‌కు మరింత అనుకూలించింది. బంతి నేరుగా బ్యాట్‌పైకి వచ్చింది.విరాట్, శుబ్‌మన్ ఆడుతున్నప్పుడు మ్యాచ్ వేగంగా పూర్తి అవుతుందని అనుకున్నాను. కానీ మా ఫాస్ట్ బౌలర్లు అద్భుతంగా పోరాడారు. వరుస క్రమంలో ప్రత్యర్థి జట్టు వికెట్లు పడగొట్టారు. ఈ మ్యాచ్‌లో ఓడిపోయినప్పటికీ మాకు కొన్ని సానుకూల అంశాలు ఉన్నాయి. వెల్లింగ్టన్‌లో జరిగే తదుపరి మ్యాచ్‌లో గెలిచి తిరిగి కమ్‌బ్యాక్ ఇస్తాం" అని శాంట్నర్ పోస్ట్ మ్యాచ్ ప్రెజెంటేషన్‌లో పేర్కొన్నాడు.చదవండి: కోహ్లి మెరుపులు.. తొలి వన్డేలో కివీస్‌ను చిత్తు చేసిన టీమిండియా

న్యూజిలాండ్‌తో తొలి వన్డేలో టీమిండియా ఐదు వికెట్ల తేడాతో గెలుపొందింది. కివీస్‌ను తొలుత 185 పరుగులకే ఆలౌట్‌ చేసిన భారత్‌... డీఎల్‌ఎస్‌ పద్ధతి ప్రకారం 32 ఓవర్లలో 143 పరుగుల లక్ష్యాన్ని ఛేదించాల్సి ఉండగా.. 22.4 ఓవర్లలోనే పని పూర్తి చేసింది.ఈ నేపథ్యంలో ఐదు మ్యాచ్‌ల సిరీస్‌లో 1-0తో టీమిండియా ఆధిక్యంలోకి వెళ్లింది. గెలుపు అనంతరం భారత వన్డే కెప్టెన్‌ శుబ్‌మన్‌ గిల్‌ మాట్లాడుతూ.. జట్టు ప్రదర్శన పట్ల సంతృప్తి వ్యక్తం చేశాడు. ‘‘మా బౌలర్లు అద్భుతంగా బౌలింగ్‌ చేశారు. ఫీల్డింగ్‌లో కూడా అదరగొట్టేశాము.అక్కడే మ్యాచ్‌ మలుపు తిరిగిందిముఖ్యంగా రోహిత్‌ భాయ్‌ డారిల్‌ మిచెల్‌ను రనౌట్‌ చేసిన తీరు అద్భుతం. అక్కడే మ్యాచ్‌ మలుపు తిరిగింది. మిచెల్‌, గ్లెన్‌ ఫిలిప్స్‌ జోడీని విడదీయడం మాకు కలిసి వచ్చింది. వాళ్లిద్దరు గతంలో ఇండియాలో కూడా అద్భుతంగా బ్యాటింగ్‌ చేశారు.Shanagiri and Reflexes both getting better with age for the Hitman 😍 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/NlYb7LRmHV— Sony Sports Network (@SonySportsNetwk) November 4, 2026ఏదేమైనా మా జట్టు సమష్టి ప్రదర్శనతో ఆకట్టుకుంది. అన్షుల్‌కు ఇలాంటి పిచ్‌లు కొట్టిన పిండిలాంటివే. బ్రార్‌ కూడా అదనపు బౌన్స్‌తో అద్బుతం చేశాడు. వర్షం తర్వాత పిచ్‌ మరింతగా మారిపోయింది. అందుకే లక్ష్యాన్ని తగ్గించారు.విరాట్‌ భాయ్‌ అద్భుతంగా బ్యాటింగ్‌ చేసిఅయితే, విరాట్‌ భాయ్‌ అద్భుతంగా బ్యాటింగ్‌ చేసి మా గెలుపును సులువు చేశాడు. వెల్లింగ్‌టన్‌లోనూ నిలకడైన ప్రదర్శనతో ఇలాంటి ఫలితమే పునరావృతం చేసేందుకు పట్టుదలగా ఉన్నాము’’ అని శుబ్‌మన్‌ గిల్‌ పేర్కొన్నాడు.Chasing targets, setting standards. Virat Kohli makes it look all too effortless! 👏 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND https://t.co/qna13184JZ— Sony Sports Network (@SonySportsNetwk) November 4, 2026కాగా డారిల్‌ మిచెల్‌ (28), గ్లెన్‌ ఫిలిప్స్‌ (30) కివీస్‌ ఇన్నింగ్స్‌ చక్కదిద్దే ప్రయత్నం చేయగా.. రోహిత్‌ పక్షిలా గాల్లోకి ఎగిరి మిచెల్‌ను అవుట్‌ చేయడంలో కీలక పాత్ర పోషించాడు.ఇక లక్ష్య ఛేదనలో భారత ఓపెనర్‌ రోహిత్‌ శర్మ డకౌట్‌ కాగా.. మరో ఓపెనర్‌, కెప్టెన్‌ శుబ్‌మన్‌ గిల్‌ 37 పరుగులతో రాణించాడు. వన్‌డౌన్‌ బ్యాటర్‌ విరాట్‌ కోహ్లి మెరుపు అర్ధ శతకం (51 బంతుల్లో 74) జట్టు విజయంలో కీలక పాత్ర పోషించాడు. కివీస్‌ను దెబ్బకొట్టిన పేసర్‌ అన్షుల్‌ కాంబోజ్‌ (2-22)కు ప్లేయర్‌ ఆఫ్‌ ది మ్యాచ్‌ అవార్డు దక్కింది. అతడు మిచెల్‌ సాంట్నర్‌ (4), నాథన్‌ స్మిత్‌ (1) వికెట్లను తన ఖాతాలో వేసుకున్నాడు.ఇవీ చదవండి: చరిత్ర సృష్టించిన విరాట్‌ కోహ్లి

నలుగురు ప్రధాన పేస్‌ బౌలర్ల మొత్తం అనుభవం కలిపి 29 వన్డేలు... న్యూజిలాండ్‌తో తొలి వన్డేలో నితీశ్‌ రెడ్డిలాంటి ఆల్‌రౌండర్‌ను కాదని రెగ్యులర్‌ పేసర్లపై టీమ్‌ మేజ్‌మెంట్‌ నమ్మకం ఉంచింది. ఆ నమ్మకం వమ్ము కాలేదు... బౌన్సీ పిచ్‌పై చక్కటి ప్రదర్శనతో మన పేసర్లు సత్తా చాటుతూ ప్రత్యర్థిని కట్టి పడేసి తక్కువ స్కోరుకే పరిమితం చేశారు. ఆపై ఛేదనలో ఎప్పటిలాగే కోహ్లి తనదైన శైలిలో చెలరేగిపోయి 80వ అర్ధసెంచరీతో జట్టును విజయం దిశగా నడిపించాడు. పలుమార్లు వాన అంతరాయం కలిగించిన పోరులో చివరకు భారత్‌దే పైచేయి అయింది. ఆక్లాండ్‌: టి20ల తరహాలోనే వన్డే సిరీస్‌లో కూడా భారత్‌ శుభారంభం చేసింది. బుధవారం జరిగిన తొలి వన్డేలో భారత్‌ 5 వికెట్ల తేడాతో న్యూజిలాండ్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 40.2 ఓవర్లలో 185 పరుగులకు ఆలౌటైంది. టిమ్‌ సీఫెర్ట్‌ (43 బంతుల్లో 38; 3 ఫోర్లు, 2 సిక్స్‌లు), బ్లెయిర్‌ టిక్నర్‌ (23 బంతుల్లో 34; 1 ఫోర్, 4 సిక్స్‌లు), గ్లెన్‌ ఫిలిప్స్‌ (51 బంతుల్లో 30; 2 ఫోర్లు, 1 సిక్స్‌) కొద్దిగా పట్టుదల కనబర్చారు. పొదుపైన బౌలింగ్‌తో ప్రత్యర్థిని కట్టడి చేసిన ‘ప్లేయర్‌ ఆఫ్‌ ద మ్యాచ్‌’ అన్షుల్‌ కంబోజ్‌ (2/22) రెండు వికెట్లు తీయగా... అర్ష్ దీప్ సింగ్‌ 4, గుర్నూర్‌ బ్రార్‌ 3 వికెట్లు పడగొట్టారు. అనంతరం భారత్‌ ఇన్నింగ్స్‌లో 54/1 వద్ద వర్షంతో ఆట నిలిచిపోగా, డక్‌వర్త్‌–లూయిస్‌ ప్రకారం లక్ష్యాన్ని 40 ఓవర్లలో 167 పరుగులుగా నిర్దేశించారు. అయితే ఆ తర్వాత కూడా 64/1 వద్ద మళ్లీ వర్షం రావడంతో లక్ష్యం 32 ఓవర్లలో 143 పరుగులుగా మారింది. టీమిండియా 22.4 ఓవర్లలో 5 వికెట్లకు 143 పరుగులు చేసి విజయాన్నందుకుంది. విరాట్‌ కోహ్లి (51 బంతుల్లో 74; 13 ఫోర్లు, 1 సిక్స్‌) దూకుడుగా ఆడుతూ ముందుండి నడిపించగా, కెప్టెన్‌ శుబ్‌మన్‌ గిల్‌ (56 బంతుల్లో 37; 5 ఫోర్లు) రాణించాడు. వీరిద్దరు రెండో వికెట్‌కు 17.2 ఓవర్లలో 113 పరుగులు జోడించి జట్టు గెలుపును సులువు చేశారు. ఐదు మ్యాచ్‌ల సిరీస్‌లో భారత్‌ 1–0తో ఆధిక్యం సాధించగా, రెండో వన్డే శనివారం వెల్లింగ్టన్‌లో జరుగుతుంది. బౌలర్ల జోరు... విల్‌ యంగ్‌ (9), నికోల్స్‌ (9) ఆరంభంలోనే అవుట్‌ కావడంతో కివీస్‌కు సరైన ఆరంభం లభించలేదు. మరోవైపు 7 పరుగుల వద్ద నబీ బౌలింగ్‌లో సునాయాస క్యాచ్‌ను నమన్‌ వదిలేయడంతో బతికిపోయిన సీఫెర్ట్‌ దానిని కొంత సద్వినియోగం చేసుకున్నాడు. 10 ఓవర్లలో జట్టు 45 పరుగులు చేసింది. అయితే 11 పరుగుల వ్యవధిలో సీఫెర్ట్, లాథమ్‌ (3) వెనుదిరగడంతో జట్టు కష్టాల్లో పడింది. క్రీజులో నిలదొక్కుకుంటున్న దశలో రోహిత్‌ అద్భుత ఫీల్డింగ్‌కు మిచెల్‌ (41 బంతుల్లో 28; 3 ఫోర్లు, 1 సిక్స్‌) రనౌట్‌ కావడం మరింత దెబ్బ తీసింది. భారత బౌలింగ్‌ ముందు ఈసారి ఫిలిప్స్‌ ప్రభావం చూపలేకపోగా... అర్ష్ దీప్ ఓవర్లో మూడు భారీ సిక్సర్లు బాది టిక్నర్‌ కాస్త మెరుగైన స్కోరును అందించాడు. పుల్‌ షాట్‌లతో చెలరేగి... తొలి ఓవర్లోనే రోహిత్‌ శర్మ (0) డకౌట్‌ కావడంతో భారత్‌ ఛేదన పేలవంగా ఆరంభమైంది. అయితే గిల్, కోహ్లి కలిసి సమర్థంగా ఇన్నింగ్స్‌ను నడిపించారు. గిల్‌ జాగ్రత్తగా ఆడగా, కోహ్లి మాత్రం పూర్తిగా దూకుడును ఎంచుకున్నాడు. ముఖ్యంగా తన ట్రేడ్‌మార్క్‌ కవర్‌డ్రైవ్‌లతో పాటు గతంలో ఎన్నడూ చూడని రీతిలో పుల్‌ షాట్లతో అతను విరుచుకుపడటం విశేషం. టిక్నర్‌ ఓవర్లో 3 ఫోర్లు కొట్టిన కోహ్లి 35 బంతుల్లో హాఫ్‌ సెంచరీని అందుకున్నాడు. మొత్తంగా 12 పుల్‌ షాట్‌లు ఆడిన అతను ఈ షాట్‌తో 5 ఫోర్లు, ఒక సిక్స్‌ కొట్టాడు! లక్ష్యానికి చేరువవుతున్న దశలో 22 పరుగుల వ్యవధిలో జట్టు 4 వికెట్లు చేజార్చుకున్నా...చివరకు 56 బంతులు మిగిలి ఉండగానే భారత్‌ విజయాన్ని అందుకుంది. స్కోరు వివరాలు న్యూజిలాండ్‌ ఇన్నింగ్స్‌: యంగ్‌ (సి) శ్రేయస్‌ (బి) అర్ష్ దీప్ 9; సీఫెర్ట్‌ (సి) (సబ్‌) రుతురాజ్‌ (బి) గుర్నూర్‌ 38; నికోల్స్‌ (సి) నమన్‌ (బి) అర్ష్ దీప్ 9; మిచెల్‌ (రనౌట్‌) 28; లాథమ్‌ (సి) అండ్‌ (బి) గుర్నూర్‌ 3; ఫిలిప్స్‌ (సి) శ్రేయస్‌ (బి) అర్ష్ దీప్ 30; సాంట్నర్‌ (బి) కంబోజ్‌ 4; స్మిత్‌ (సి) కోహ్లి (బి) కంబోజ్‌ 1; జేమీసన్‌ (సి) కోహ్లి (బి) అర్ష్ దీప్ 1; డఫీ (నాటౌట్‌) 15; టిక్నర్‌ (సి) రాహుల్‌ (బి) గుర్నూర్‌ 34; ఎక్స్‌ట్రాలు 13; మొత్తం (40.2 ఓవర్లలో ఆలౌట్‌) 185. వికెట్ల పతనం: 1–22, 2–40, 3–73, 4–84, 5–97, 6–113, 7–115, 8–131, 9–146, 10–185. బౌలింగ్‌: అర్ష్ దీప్ 10–0–70–4, ఆఖిబ్‌ నబీ 6–0–33–0, అన్షుల్‌ కంబోజ్‌ 10–2–22–2, గుర్నూర్‌ బ్రార్‌ 9.2–0–44–3, అక్షర్‌ 5–0–12–0. భారత్‌ ఇన్నింగ్స్‌: రోహిత్‌ (సి) సాంట్నర్‌ (బి) జేమీసన్‌ 0; గిల్‌ (సి) లాథమ్‌ (బి) స్మిత్‌ 37; కోహ్లి (సి) సీఫెర్ట్‌ (బి) డఫీ 74; శ్రేయస్‌ (సి) నికోల్స్‌ (బి) డఫీ 15; అక్షర్‌ (సి) ఫిలిప్స్‌ (బి) డఫీ 0; రాహుల్‌ (నాటౌట్‌) 3; నమన్‌ (నాటౌట్‌) 5; ఎక్స్‌ట్రాలు 9; మొత్తం (22.4 ఓవర్లలో 5 వికెట్లకు) 143. వికెట్ల పతనం: 1–1, 2–114, 3–124, 4–124, 5–136. బౌలింగ్‌: జేమీసన్‌ 7–0–34–1, డఫీ 7–0–49–3, టిక్నర్‌ 4–0–38–0, స్మిత్‌ 4.4–0–21–1. 46 డాట్‌ బాల్స్‌... దాదాపు ఏడాదిన్నర క్రితం అనూహ్యంగా ఇంగ్లండ్‌తో మాంచెస్టర్‌లో ఏకైక టెస్టు అవకాశం దక్కించుకున్న అన్షుల్‌ కంబోజ్‌ ఘోర వైఫల్యంతో తీవ్ర విమర్శలపాలై జట్టుకు దూరమయ్యాడు. ఇటీవలే విండీస్‌తో వన్డేల్లో అరంగేట్రం చేసి మళ్లీ పేలవంగా బౌలింగ్‌ చేశాడు. అయితే తన రెండో వన్డేలో అతను అద్భుత బౌలింగ్‌ను చూపించాడు. తన తొలి స్పెల్‌ను 5–1–12–0తో ముగించిన అతను రెండో స్పెల్‌ను 5–1–10–2తో పూర్తి చేశాడు. మొత్తంగా 46 డాట్‌ బంతులు వేసి కివీస్‌ను నిలువరించడంలో కీలక పాత్ర పోషించాడు. The King leaves to a round of applause after scoring match-winning 74. 👏 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND https://t.co/zDOBL4nH6J— Sony Sports Network (@SonySportsNetwk) November 4, 2026 ఇవీ చదవండి: IND vs NZ: విరాట్‌ కోహ్లి ప్రపంచ రికార్డుIND vs NZ: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గాStraight into the gap, straight into the celebrations 🤩 Naman Dhir seals India's win with a four! 🥳 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND https://t.co/CAOwiVZ1Uw— Sony Sports Network (@SonySportsNetwk) November 4, 2026

టీమిండియా స్టార్‌ బ్యాటర్‌, రికార్డుల రారాజు విరాట్‌ కోహ్లి మరో రికార్డు తన ఖాతాలో వేసుకున్నాడు. న్యూజిలాండ్‌తో జరుగుతున్న తొలి వన్డేలో అర్ద శతకం (51 బంతుల్లో 74; 13 ఫోర్లు, సిక్సర్‌) సాధించడంతో అంతర్జాతీయ క్రికెట్‌లో SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాలపై అత్యధిక ప్లస్‌ స్కోర్లు చేసిన ఆటగాడిగా రికార్డు నెలకొల్పాడు. ఈ క్రమంలో క్రికెట్ దిగ్గజం సచిన్ టెండూల్కర్ రికార్డును అధిగమించాడు.సచిన్‌ తన కెరీర్‌లో SENA దేశాలపై 133 అర్ధ శతకాలు సాధించగా.. విరాట్‌ 134 సార్లు 50కి పైగా స్కోర్లు సాధించాడు.మ్యాచ్‌ విషయానికొస్తే.. ఐదు మ్యాచ్‌ల సిరీస్‌లో భాగంగా భారత్‌-న్యూజిలాండ్‌ మధ్య ఆక్లాండ్‌ వేదికగా తొలి వన్డే జరుగుతుంది. ఈ మ్యాచ్‌లో భారత్‌ గెలుపు అంచుల్లో ఉంది. టాస్‌ గెలిచి తొలుత బౌలింగ్‌ చేసిన భారత్‌ న్యూజిలాండ్‌ను 185 పరుగులకే (0.2 ఓవర్లలో) కుప్పకూల్చింది. అర్షదీప్‌ సింగ్‌ 4, గుర్నూర్‌ బ్రార్‌ 3, అన్షుల్‌ కంబోజ్‌ 2 వికెట్లతో చెలరేగారు. న్యూజిలాండ్‌ ఇన్నింగ్స్‌లో టిమ్‌ సీఫర్ట్‌ (38), డారిల్‌ మిచెల్‌ (28), గ్లెన్‌ ఫిలిప్స్‌ (30), జేకబ్‌ డఫీ (15 నాటౌట్‌) రెండంకెల స్కోర్లు చేయగా.. 11వ నంబర్‌ ఆటగాడు బ్లెయిర్‌ టిక్నర్‌ (34) ఆఖర్లో సుడిగాలి ఇన్నింగ్స్‌ ఆడాడు.అనంతరం​ భారత్‌ లక్ష్య ఛేదనలో సమయంలో వరుణుడు ఆటంకం కలిగించడంతో డక్‌వర్త్‌ లూయిస్‌ పద్దతి ప్రకారం టార్గెట్‌ను మార్చారు. లక్ష్యాన్ని 32 ఓవర్లలో 143 పరుగులకు కుదించారు. 22 ఓవర్లు ముగిసే సమయానికి భారత్‌ 5 వికెట్లు కోల్పోయి 138 పరుగులు చేసి, లక్ష్యానికి 5 పరుగుల దూరంలో ఉంది. కేఎల్‌ రాహుల్‌ (2), నమన్‌ ధిర్‌ (1) క్రీజ్‌లో ఉన్నారు. ఇదీ చదవండి: ‍స్టార్క్‌ నంబర్‌ వన్‌.. ఏడో స్థానానికి శ్రేయస్‌

టీమిండియా రన్‌మిషన్ విరాట్ కోహ్లి తన రికార్డుల వేటను కొనసాగిస్తున్నాడు. ఆక్లాండ్ వేదికగా న్యూజిలాండ్‌తో జరుగుతున్న తొలి వన్డేలో విరాట్ మరో అరుదైన ఘనతను తన పేరిట లిఖించుకున్నాడు. వన్డేల్లో లక్ష్య చేధనల్లో అత్యధిక పరుగులు చేసిన బ్యాటర్‌గా సచిన్ టెండూల్కర్ పేరిట ఉన్న ఆల్-టైమ్ రికార్డును కోహ్లి బ్రేక్ చేశాడు. 54 పరుగుల వ్యక్తిగత స్కోర్ వద్ద కోహ్లి ఈ ఫీట్ నమోదు చేశాడు. విరాట్ ఇప్పటివరకు రన్ చేజ్‌ల్లో 169 ఇన్నింగ్స్‌లు ఆడి 8,727* ప‌రుగులు చేశాడు. స‌చిన్ త‌న వ‌న్డే కెరీర్‌లో ల‌క్ష్య చేధ‌న్లో 232 ఇన్నింగ్స్‌లు ఆడి 8,720 ప‌రుగులు చేశాడు. తాజా నాక్‌తో సచిన్‌నుఅధిగమించి వన్డే చేజింగ్‌లలో అత్యధిక పరుగులు చేసిన నంబర్-1 బ్యాటర్‌గా విరాట్‌ నిలిచాడు.వన్డే చేజింగ్‌లలో అత్యధిక పరుగులు చేసిన టాప్-3 బ్యాటర్లు:1 విరాట్ కోహ్లి( భారత్) -169 మ్యాచ్‌లు- 8,727*2 సచిన్ టెండూల్కర్( భారత్)- 232 మ్యాచ్‌లు- 8,7203 రోహిత్ శర్మ (భారత్) -163 మ్యాచ్‌లు - 6,801అదేవిధంగా న్యూజిలాండ్‌పై అన్ని ఫార్మాట్లలో కలిపి అత్యధిక సార్లు ఫిప్టీ ప్లస్‌ స్కోర్లు సాధించిన ప్లేయర్‌గా బాబర్‌ ఆజం, రికీ పాంటింగ్‌ రికార్డును విరాట్‌ సమం చేశాడు. వీరుముగ్గురూ తలా 27 సార్లు ఏభైకి పైగా పరుగులు పడగొట్టారు. మరో హాఫ్‌ సెంచరీ సాధిస్తే బాబర్‌, పాంటింగ్‌ను కోహ్లి దాటేస్తాడు.చదవండి: IND vs NZ: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గా

న్యూజిలాండ్‌, టీమిండియా మ‌ధ్య జ‌రుగుతున్న తొలి వ‌న్డేకు వ‌రుణుడు అంత‌రాయం క‌లిగిస్తున్నాడు. తొలి ఇన్నింగ్స్‌లో న్యూజిలాండ్ ఇన్నింగ్స్ ప్రారంభానికి ముందు వ‌ర్షం ఒక‌సారి ఇబ్బంది పెట్టింది. ఇక టీమిండియా ఇన్నింగ్స్ ప్రారంభ‌మైన 10.5 ఓవ‌ర్ల త‌ర్వాత భారీ వ‌ర్షం ప‌డింది. UPDATE: టీమిండియా టార్గెట్‌ను మరోసారి రివైజ్‌ చేసి 32 ఓవర్లలో 143 పరుగులుగా నిర్దేశించారు.వర్షం వల్ల అంతరాయంవ‌ర్షంతో మ్యాచ్ నిలిచిపోయే స‌మయానికి భార‌త్ 10.5 ఓవ‌ర్ల‌లో వికెట్ న‌ష్టానికి 54 ప‌రుగులు చేసింది. కోహ్లి (28), గిల్ (17) ప‌రుగుల‌తో క్రీజులో ఉన్నారు. భార‌త్ విజ‌యానికి 39.1 ఓవ‌ర్ల‌లో 132 ప‌రుగులు అవ‌స‌రం. ఈడెన్ పార్క్‌లో రెండోసారి వ‌ర్షం అంత‌రాయం క‌లిగించ‌డంతో 10 ఓవర్ల కటాఫ్‌ అనంతరం భారత్‌ ముంగిట 40 ఓవర్లలో 167 పరుగుల టార్గెట్‌ను నిర్దేశించడం జరిగింది. దీంతో భారత్‌ 11.1 ఓవర్లలో 113 పరుగులు చేయాల్సి ఉంటుంది.PC: Twitter👉ఒకవేళ మరోసారి వర్షం వస్తే మాత్రం సవరించిన టార్గెట్‌లు ఈ విధంగా ఉండనున్నాయి.20 ఓవర్ల కటాఫ్‌ అనంతరం: భారత్‌ విజయలక్ష్యం 30 ఓవర్లలో 137 పరుగులు30 ఓవర్ల కటాప్‌ అనంతరం: భారత్‌ విజయలక్ష్యం 20 ఓవర్లలో 92 పరుగులు👉ఎలా చూసుకున్నా భార‌త్‌కే విజ‌యావకాశాలు ఎక్కువ‌గా ఉన్నాయి. కోహ్లి, గిల్ క్రీజులో ఉండడం, ఆ త‌ర్వాత అయ్య‌ర్‌, కేఎల్ రాహుల్ ,అక్ష‌ర్‌, న‌మ‌న్ ధీర్‌ల‌తో బ్యాటింగ్ ఆర్డ‌ర్ ప‌టిష్టంగా క‌నిపిస్తుంది. దీంతో వ‌ర్షం తెరిపినిస్తే భార‌త్ విజ‌యం లాంఛ‌న‌మే అవనుంది.అంతకముందు టీమిండియా బౌలర్లు చెలరేగడంతో న్యూజిలాండ్ తొలి ఇన్నింగ్స్‌లో 40.2 ఓవర్లలో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, ఆఖర్లో టిక్నర్ (24 బంతుల్లో 34) మెరవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు.ఇదీ చదవండి: టీమిండియా ప్లేయ‌ర్ అరుదైన రికార్డు.. ప‌దేళ్ల త‌ర్వాత‌

టీమిండియా స్టార్ బ్యాట‌ర్ విరాట్ కోహ్లి మైదానంలో ఎంత కూల్‌గా ఉంటాడో ప్ర‌త్యేకంగా చెప్ప‌న‌వ‌స‌రం లేదు. ఎంతో స‌ర‌దాగా ఉండే కోహ్లి త‌న స‌హ‌చ‌ర ఆట‌గాళ్ల‌ను ఆట‌పట్టించ‌డం చూస్తుంటాం. అయితే కోహ్లి కేవ‌లం త‌న జ‌ట్టు ఆట‌గాళ్ల‌తోనే కాదు, ప్ర‌త్యర్థి జ‌ట్ల ఆట‌గాళ్ల‌ను కూడా ఆట‌ప‌ట్టించ‌డం చాలా సంద‌ర్భాల్లో గ‌మ‌నించాము. తాజాగా న్యూజిలాండ్ బ్యాట‌ర్ గ్లెన్ ఫిలిప్స్‌ను కోహ్లి ఆట ప‌ట్టించిన వీడియో సోష‌ల్ మీడియాలో వైర‌ల్‌గా మారింది.విష‌యంలోకి వెళితే.. కివీస్ ఇన్నింగ్స్ 17వ ఓవ‌ర్ ముగిసిన త‌ర్వాత డారిల్ మిచెల్‌, గ్లెన్ ఫిలిప్స్ మాట్లాడుకుంటున్నారు. అంత‌క‌ముందే గుర్నూర్ బ్రార్ బౌలింగ్‌లో టామ్ లాథ‌మ్ కాట్ అండ్ బౌల్డ్‌గా వెనుదిర‌గ‌డంతో ఫిలిప్స్‌కు జాగ్ర‌త్త‌గా ఆడుదామ‌ని మిచెల్ పేర్కొన్నాడు. ఇటీవ‌లే టీ20 సిరీస్‌లో మంచి ఫామ్ క‌న‌బ‌రిచిన గ్లెన్ ఫిలిప్స్‌ను గ‌మ‌నించిన కోహ్లి, అత‌డిని ఆట‌ప‌ట్టించే ప్ర‌య‌త్నం చేశాడు. మిచెల్‌తో మాటా మంతి ముగించుకొని క్రీజువైపు వ‌స్తున్న ఫిలిప్స్‌కు ఎదురుగా వ‌చ్చిన కోహ్లి.. డ‌బ్ల్యూడ‌బ్ల్యూఈ సూప‌ర్‌స్టార్ జాన్‌సెనా పాపుల‌ర్ సిగ్నేచ‌ర్ "యూ కాంట్ సీ మీ (You Can’t See Me)" అంటూ పేర్కొన్నాడు. ఇది చూసిన ఫిలిప్స్ న‌వ్వుకుంటూ అక్క‌డి నుంచి వెళ్లాడు. దీనికి సంబంధించిన వీడియోపై ఒక లుక్కేయంది. ఆ త‌ర్వాత కాసేప‌టికే డారిల్ మిచెల్ ఔట‌వ్వ‌గా, ఫిలిప్స్ 51 బంతులాడి 30 ప‌రుగులు చేసి ఔట‌య్యాడు.మ్యాచ్ విష‌యానికొస్తే.. ఆక్లాండ్ వేదికగా జరుగుతున్న తొలి వన్డేలో టీమిండియా బౌలర్లు చెలరేగడంతో న్యూజిలాండ్ 40.2 ఓవ‌ర్ల‌లో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, ఆఖర్లో టిం‍క్నర్ (24 బంతుల్లో 34) మెరవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు.G.O.A.T doing G.O.A.T-ed signature moves! 🐐 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/4GRzemYxun— Sony Sports Network (@SonySportsNetwk) November 4, 2026ఇదీ చదవండి: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గాచ‌రిత్ర సృష్టించిన న్యూజిలాండ్ బౌలర్

టీమిండియా స్టార్ విరాట్ కోహ్లి మ‌రో ప్ర‌పంచ రికార్డును త‌న పేరిట లిఖించుకున్నాడు. వ‌న్డే క్రికెట్‌లో మూడో స్దానంలో బ్యాటింగ్ చేస్తూ 13,000 పరుగులు పూర్తి చేసిన మొద‌టి బ్యాట‌ర్‌గా కోహ్లి సరికొత్త రికార్డు సృష్టించాడు. ఆక్లాండ్ వేదిక‌గా న్యూజిలాండ్‌తో జ‌రుగుతున్న తొలి వ‌న్డేలో 12 ప‌రుగుల వ్య‌క్తిగ‌త స్కోర్ వ‌ద్ద విరాట్ ఈ ఫీట్ సాధించాడు. కోహ్లి కంటే ముందు ఏ బ్యాటర్ కూడా మూడో స్దానంలో బ్యాటింగ్ చేస్తూ ఈ రికార్డు సాధించలేకపోయారు. ఈ జాబితాలో కోహ్లి తర్వాత స్ధానంలో ఆస్ట్రేలియా మాజీ కెప్టెన్‌ రికీ పాంటింగ్‌(12,662) ఉన్నాడు.మూడో స్థానంలో అత్యధిక పరుగులు చేసిన టాప్-5 బ్యాటర్లువిరాట్ కోహ్లి(భారత్‌)-13,000*రికీ పాంటింగ్ (ఆస్ట్రేలియా)- 12,662కుమార సంగక్కర(శ్రీలంక‌)-9,747జాక్వెస్ క‌ల్లిస్‌(సౌతాఫ్రికా)- 7,774కేన్ విలియ‌మ్స్‌(న్యూజిలాండ్‌)-6,504కాగా నంబ‌ర్ 3 స్దానంలో బ్యాటింగ్‌కు వచ్చి ఎన్నో చారిత్ర‌త్మ‌క రికార్డుల‌ను అందుకున్నాడు. ఏకంగా 48 వన్డే సెంచరీలు సాధించి ఆ స్థానానికి తిరుగులేని రాజుగా నిలిచాడు. వ‌న్డేల్లో అత్య‌ధిక ప‌రుగులు చేసిన జాబితాలో విరాట్ (15,109) రెండో స్ధానంలో కొన‌సాగుతున్నాడు.చదవండి: రోహిత్‌ శర్మ అత్యంత చెత్త రికార్డు.. వన్డే కెరీర్‌లో ఇదే తొలిసారి

అక్లాండ్ వేదికగా న్యూజిలాండ్‌తో జరుగుతున్న తొలి వన్డేలో టీమిండియా స్టార్ బ్యాటర్ విరాట్ కోహ్లి అద్భుతమైన ఫీల్డింగ్ ప్రదర్శన కనబరిచాడు. సంచలన క్యాచ్‌తో కివీస్ ప్లేయర్ నాథన్ స్మిత్‌ను విరాట్‌ పెవిలియన్‌కు పంపాడు. స్మిత్ ఇచ్చిన క్యాచ్‌ను సెకండ్ స్లిప్‌లో కోహ్లి నమ్మశక్యం కాని రీతిలో అందుకని అందరినీ ఆశ్చర్యపరిచాడు.అసలేమి జరిగిందంటే?ఈ మ్యాచ్ 29వ ఓవ‌ర్ వేసిన అన్షుల్ కాంబోజ్.. తొలి బంతిని స్మిత్‌కు 135 కిలోమీటర్ల వేగంతో ఆఫ్‌స్టంప్‌కు కాస్త వెలుపలగా ఫుల్లర్ లెంగ్త్ డెలివ‌రీగా సంధించాడు. ఆ బంతిని స్మిత్ ఆఫ్‌సైడ్ డ్రైవ్ ఆడేందుకు ప్ర‌య‌త్నించాడు. కానీ షాట్ స‌రిగ్గా కన‌క్ట్ కాక‌పోవ‌డంతో బంతి బ్యాట్ ఎడ్జ్ తాకి సెకండ్ స్లిప్ వైపు దూసుకెళ్లింది. ఆ సమయంలో సెకండ్ స్లిప్‌లో ఉన్న విరాట్ తన కుడివైపునకు గాల్లోకి డైవ్ చేస్తూ, ఒంటిచేత్తో క్యాచ్‌ను అందుకున్నాడు.అత‌డి మోచేయి నేల‌ను తాకిన‌ప్ప‌టికి కోహ్లి మాత్రం బంతిని మాత్రం విడిచిపెట్ట‌లేదు. అయితే క్యాచ్ క్లీన్‌గా ఉందో లేదో సరిచూసుకోవడానికి అంపైర్లు థర్డ్ అంపైర్‌కు రీఫ‌ర్ చేశాడు. రీప్లేలో కోహ్లి చేతి వేళ్ళు క్లియ‌ర్‌గా బంతి కింద ఉన్నట్లు తేలడంతో థర్డ్ అంపైర్ అవుట్‌గా ప్ర‌క‌టించాడు. దీంతో స్మిత్ కేవ‌లం ఒక్క ప‌రుగు మాత్ర‌మే చేసి నిరాశ‌తో మైదానాన్ని వీడాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.చదవండి: 'టెంపుల్‌'తో గిల్‌.. కోహ్లి చూస్తూ ఊరుకుంటాడా?It's the King's birthday weekend, and we get the presents! 👑 🎁 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND | [Virat Kohli] https://t.co/LffbctfFwm— Sony Sports Network (@SonySportsNetwk) November 4, 2026

టీమిండియా, న్యూజిలాండ్ మ‌ధ్య జ‌రుగుతున్న తొలి వ‌న్డేకు జ‌ట్టు కెప్టెన్ శుబ్‌మ‌న్ గిల్, సీనియ‌ర్ బ్యాట‌ర్ విరాట్ కోహ్లి వినూత్న రీతిలో ద‌ర్శ‌న‌మిచ్చారు. టాస్ అనంత‌రం జాతీయ గీతాలాప‌న స‌మ‌యంలో కెప్టెన్ గిల్ నుదుట‌న టెంపుల్ డివైస్‌తో క‌నిపించ‌గా, కోహ్లి డాష్‌కామ్ కెమెరాతో క్లిక్‌మ‌నిపించాడు. ఈ ఇద్ద‌రు మిన‌హా మిగ‌తా క్రికెట‌ర్లు మాత్రం మాములుగానే జాతీయ గీతాలాప‌న ఆల‌పించారు. దీంతో కోహ్లి, గిల్ చ‌ర్య సోష‌ల్ మీడియాలో వైర‌ల్‌గా మారింది.ఏమిటీ టెంపుల్‌?కాగా ప్రాక్టీస్ సెష‌న్‌లోను గిల్ నుదుటి ప‌క్క భాగంలో టెంపుల్ ప‌రిక‌రాన్ని ధ‌రించే బ్యాటింగ్ ఆడాడు. తాజాగా తొలి వ‌న్డేకు కూడా టెంపుల్ ప‌రిక‌రాన్ని ధ‌రించి బ‌రిలోకి దిగాడు. ఇక ఈ టెంపుల్ డివైజ్‌ నియర్ ఇన్ఫ్రారెడ్ స్పెక్ట్రోస్కోపి (Near-Infrared Spectroscopy) టెక్నాలజీతో పనిచేస్తుంది. మెదడులో రక్త ప్రవాహం, ఆక్సిజన్ స్థాయిలు, నాడీ వ్యవస్థ స్పందన, మానసిక ఒత్తిడిని ఇది రియల్ టైమ్‌లో అంచనా వేస్తుంది. గ‌తంలో భార‌త స్టార్ ష‌ట్ల‌ర్ పీవీ సింధు టెంపుల్ డివైజ్‌ను పెట్టుకోవ‌డం ద్వారా తొలిసారి వార్త‌ల్లో నిలిచింది.ఇక డాష్‌కామ్ కెమెరాతో కోహ్లి క‌నిపించ‌డంలో వింతేమీ లేదు. గిల్‌ను ఆట‌ప‌ట్టించాల‌నే ఉద్దేశంతోనే కోహ్లి ఇలా డాష్‌కామ్‌ను ఎదుట పెట్టుకొని జాతీయ‌గీతం పాడిన‌ట్లుగా తెలుస్తోంది. గిల్‌తో ఉన్న చ‌నువు కార‌ణంగానే కోహ్లి ఇలా డాష్‌కామ్ పెట్టుకొని జాతీయ గీతం పాడ‌డం సోష‌ల్ మీడియాలో వైర‌ల్‌గా మారింది.ఇదీ చదవండి: NZ Vs IND 1st ODI: 'అందుకే సిరాజ్‌ను ప‌క్క‌న‌బెట్టాం'సీరియస్‌గా మాట్లాడుకున్న గంభీర్‌, కోహ్లి!

న్యూజిలాండ్‌తో తొలి వ‌న్డేలో టాస్ గెలిచిన టీమిండియా బౌలింగ్ ఎంచుకుంది. సీనియ‌ర్ పేస‌ర్ మ‌హ్మ‌ద్ సిరాజ్‌ను ప‌క్క‌న‌బెట్టి అర్ష‌దీప్‌, అకిబ్ న‌బీ, గుర్నూర్ బ్రార్‌, అన్షుల్ కంబోజ్‌ల‌తో బ‌రిలోకి దిగింది. టాస్ స‌మ‌యంలో డ‌గౌట్‌లో గంభీర్‌, కోహ్లి సీరియ‌స్‌గా చ‌ర్చించుకోవ‌డం కెమెరా కంటికి చిక్కింది. వీరిద్ద‌రు ఏం మాట్లాడుకున్నారో తెలియ‌దు కానీ, ఎప్పుడు చర్చ జరిగినా ఆస‌క్తిక‌రంగానే క‌నిపిస్తుంది. గతంలో వీరిద్దరి మధ్య ఉన్న పాత ఐపీఎల్ విభేదాల కారణంగా, నెట్స్‌లో వీరి బాడీ లాంగ్వేజ్ పరస్పర చర్చలపై మీడియా, అభిమానులు ఎప్పుడూ ఆసక్తిగా గమనిస్తూ ఉంటారు. సిరీస్ మ్యాచ్‌లకు ముందు ప్రాక్టీస్ నెట్స్‌లో వీరిద్దరూ తీవ్రమైన వ్యూహాత్మక చర్చల్లో మునిగిపోవడం సాధారణంగా కనిపిస్తుంది. కోహ్లీ బ్యాటింగ్ చేస్తుండగా గంభీర్ దగ్గరుండి గమనించడం, టెక్నిక్, మ్యాచ్ ప్లానింగ్‌పై ఇద్దరూ సుదీర్ఘంగా మాట్లాడుకోవడంపై సోషల్ మీడియాలో తరచూ వీడియోలు వైరల్ అవుతుంటాయి. అయితే తాజాగా కివీస్‌తో తొలి వన్డే ప్రారంభానికి ముందు పిచ్ ప‌రిస్థితులు, బ్యాటింగ్ స్థితిగ‌తుల‌పై కోహ్లి, గంభీర్ పిచ్చాపాటిగా మాట్లాడుకొని ఉంటార‌ని అభిమానులు కామెంట్లు చేస్తున్నారు. Virat Kohli and Gautam Gambhir discussing plans and tactics for today match. https://t.co/Mpt2eIy3KB— El Halcón (@CelesteHalcon) November 4, 2026ఇదీ చదవండి: టీమిండియాకు శుభ‌వార్త‌.. అత‌డు వ‌చ్చేస్తున్నాడు!రోహిత్‌- కోహ్లి కాదు! అతడినే ఎంచుకుంటా: సాంట్నర్‌

ఏడాది తర్వాత జరిగే వన్డే వరల్డ్‌ కప్‌కు అసలైన సన్నద్ధత న్యూజిలాండ్‌ గడ్డపై మొదలు కానుంది. దాదాపు దక్షిణాఫ్రికాను పోలి ఉండే పరిస్థితుల మధ్య వన్డే పోరుకు భారత్‌ సిద్ధం కాగా... స్వదేశంలో బలమైన ప్రత్యర్థితో తలపడి తమ స్థాయిని పరీక్షించుకోవాలని కివీస్‌ భావిస్తోంది. హోరాహోరీగా సాగిన ఐదు టి20ల తర్వాత ఇప్పుడు వన్డేల్లో ఎవరు పైచేయి సాధిస్తారనేది చూడాలి. ఇరు జట్ల మధ్య ఈ ఏడాది ఆరంభంలో భారత్‌లో జరిగిన వన్డే సిరీస్‌ను కివీస్‌ సొంతం చేసుకోవడం గమనార్హం.ఆక్లాండ్‌: కెప్టెన్‌ గిల్‌ వచ్చేశాడు. రోహిత్‌ శర్మ, విరాట్‌ కోహ్లి కూడా ఆటకు సిద్ధమయ్యారు. టి20ల్లో ఆకట్టుకున్న పలువురు ప్లేయర్లు ఇప్పుడు మరో ఫార్మాట్‌లో సత్తా చాటాలని పట్టుదలగా ఉన్నారు. ఈ నేపథ్యంలో భారత జట్టు న్యూజిలాండ్‌తో ఐదు వన్డేల సిరీస్‌ కోసం బరిలోకి దిగుతోంది. ఇరు జట్ల మధ్య నేడు జరిగే తొలి మ్యాచ్‌తో పోరుకు తెర లేవనుంది. ఇరు జట్లు తమ ఆఖరి వన్డే సిరీస్‌లో ఇటీవలే సొంతగడ్డపై వెస్టిండీస్‌తో వన్డేల్లో తలపడి సిరీస్‌ విజయాలు అందుకున్నాయి. ఇరు జట్ల బలబలాలను చూస్తే వన్డే సిరీస్‌ కూడా ఆసక్తికరంగా సాగడం ఖాయం. సిరాజ్‌పై బౌలింగ్‌ భారం... టి20 సిరీస్‌లో ఆడిన కనీసం ఐదుగురు ఆటగాళ్లకు వన్డేల్లో కూడా తుది జట్టులో ఖాయం. శ్రేయస్‌ అయ్యర్‌తో పాటు నమన్‌ ధీర్, అక్షర్‌ పటేల్, అర్‌‡్షదీప్, నితీశ్‌ రెడ్డి ఈ మ్యాచ్‌లో ఆడనున్నారు. అయ్యర్‌కు నాలుగో స్థానంలో ఇది సరైన ఫార్మాట్‌ కాగా, నమన్‌ ఇటీవలి ప్రదర్శనతో తన విలువను చూపించాడు. నాలుగేళ్ల కెరీర్‌లో 18 వన్డేలే ఆడిన అర్ష్ దీప్‌ లెఫ్టార్మ్‌ పేసర్‌గా తన స్థానాన్ని సుస్థిరం చేసుకునేందుకు ఇది సరైన అవకాశం. హార్దిక్‌ పాండ్యా ఇంకా కోలుకోకపోవడంతో వరుసగా చాన్స్‌లు దక్కించుకుంటున్న ఆంధ్ర ఆటగాడు నితీశ్‌ రెడ్డి నుంచి మరింత మెరుగైన ప్రదర్శనను టీమ్‌ మేనేజ్‌మెంట్‌ ఆశిస్తోంది.బ్యాటింగ్‌లో సహజంగానే ప్రధాన ఆకర్షణ కోహ్లి, రోహిత్‌లే. వీరిద్దరు తమ రెగ్యులర్‌ స్థానాల్లో సత్తా చాటితే జట్టుకు తిరుగుండదు. కివీస్‌ గడ్డపై 14 వన్డేలు ఆడినా ఒక్క సెంచరీ కూడా లేని రోహిత్‌ తన చివరి పర్యటనలో ఆ లోటు తీర్చుకోవాలని భావిస్తున్నాడు. కెప్టెన్‌ గిల్‌ ఈ ఏడాది ఏకంగా 895 పరుగులు చేసి వన్డేల్లో అద్భుత ఫామ్‌లో ఉన్నాడు. మిడిలార్డర్‌లో రాహుల్‌ బాధ్యత తీసుకుంటాడు. టెస్టు సిరీస్‌ను దృష్టిలో ఉంచుకొని బుమ్రాకు విశ్రాంతి కొనసాగించడంతో పేస్‌ భారం సీనియర్‌ అయిన సిరాజ్‌పైనే ఉంది. మూడో పేసర్‌ గుర్నూర్‌ 9 వన్డేలే ఆడగా, కంబోజ్, నబీలకు ఒక్కో మ్యాచ్‌ అనుభవమే ఉంది!కాన్వే దూరం... వన్డేల్లో గత కొంత కాలంగా కివీస్‌ నిలకడగా ఆడుతోంది. టి20లతో పోలిస్తే పెద్దగా మార్పులు లేకుండా వన్డేల్లో కూడా దాదాపు అదే జట్టు బరిలోకి దిగే అవకాశం ఉంది. ఓపెనర్‌ యంగ్‌ మాత్రమే ఈ ఫార్మాట్‌లో స్పెషలిస్ట్‌ ఆటగాడు. సిరీస్‌కు ముందు గాయాలతో చాప్‌మన్, రచిన్‌ రవీంద్ర దూరం కావడం జట్టును బలహీనపర్చింది. మరోవైపు కాన్వే అనూహ్యంగా ప్రాక్టీస్‌లో ‘కన్‌కషన్‌’కు గురై ఈ మ్యాచ్‌ నుంచి తప్పుకోవడం కూడా ఓపెనింగ్‌కు సమస్యగా మారింది. మిచెల్‌కు భారత్‌పై అసాధారణ రికార్డు ఉండగా... ఫిలిప్స్, బ్రేస్‌వెల్‌తో పాటు టి20ల్లో లేని లాథమ్‌ మిడిలార్డర్‌ బాధ్యతలు తీసుకుంటారు. కెప్టెన్‌ సాంట్నర్‌ ఎప్పటిలాగే నమ్మకమైన ఆల్‌రౌండర్‌. ఆ జట్టు పేస్‌ బృందంలో కూడా ఎలాంటి మార్పులు లేవు. స్మిత్, జేమీసన్, హెన్రీ, డఫీలు ఆడటం దాదాపు ఖాయమే.14 న్యూజిలాండ్‌ గడ్డపై న్యూజిలాండ్‌తో భారత్‌ ఇప్పటి వరకు 45 వన్డేలు ఆడింది. ఇందులో 14 విజయాలు సాధించింది. 26 పరాజయాలు మూటగట్టుకుంది. ఒక మ్యాచ్‌ ‘టై’ అయింది. నాలుగు మ్యాచ్‌లు రద్దయ్యాయి.పిచ్, వాతావరణంబ్యాటింగ్‌కు అనుకూల పిచ్‌. నేరుగా ఉండే బౌండరీలు చాలా చిన్నవి. శుక్రవారం ఇక్కడ జరిగిన నాలుగో టి20లో కివీస్‌ ఏకంగా 259 పరుగులు చేసింది. అయితే ఈ ఫార్మాట్‌లో మాత్రం ఏకపక్షంగా కాకుండా అటు బ్యాటింగ్, ఇటు బౌలింగ్‌కు సమంగా సహకరించే మెరుగైన పిచ్‌ను సిద్ధం చేశారు. చక్కటి బౌన్స్‌ కూడా ఉండటంతో పేసర్లు ప్రభావం చూపించవచ్చు. మ్యాచ్‌ రోజు వర్షసూచన లేదు.

టీమిండియాతో తొలి వన్డే నేపథ్యంలో న్యూజిలాండ్‌ కెప్టెన్‌ మిచెల్‌ సాంట్నర్‌ మీడియాతో మాట్లాడాడు. ఈ సందర్భంగా భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ గురించి ప్రశ్న ఎదురైంది. ఇందుకు బదులిస్తూ..పిచ్‌ స్వభావాన్ని బట్టే‘‘వాళ్లిద్దరు ఇప్పటికీ ఎంతో గొప్పగా ఆడుతున్నారు. ఇటీవల ఇండియాలో వెస్టిండీస్‌తో వాళ్లు ఆడిన తీరు చూశాను. సుదీర్ఘకాలంగా వాళ్లు అత్యుత్తమంగా బ్యాటింగ్‌ చేయడాన్ని నేనూ చూస్తున్నా. ఇక రోహిత్‌ శర్మ ఐపీఎల్‌లోనూ అదరగొడుతున్న తీరును సహచర ఆటగాడిగా దగ్గరగా చూశాను. అయితే, పిచ్‌ స్వభావాన్ని బట్టే మా బౌలర్లను ఎంపిక చేసుకుంటాము. కాబట్టి రో-కోల కోసం ప్రత్యేకంగా ఇప్పుడే ఎలాంటి ప్రణాళికలు వేసుకోలేము.రోహిత్‌- కోహ్లి కోసం కచ్చితంగా అభిమానులు వస్తారుఏదేమైనా విరాట్‌- రోహిత్‌ మ్యాచ్‌ ఆడుతున్నారంటే పెద్ద ఎత్తున అభిమానులు స్టేడియానికి వస్తారు. ఇటీవల టీ20 సిరీస్‌ సందర్భంగానూ మా స్టేడియాలు నిండిపోయాయి. ఇక వన్డే సిరీస్‌ మరింత కళగా ఉండబోతోంది. రోహిత్‌- కోహ్లి కోసం కచ్చితంగా అభిమానులు వస్తారు.గతంలో న్యూజిలాండ్‌లో రో-కో ఆట తీరు గురించి మాకు అవగాహన ఉంది. టాపార్డర్‌లో రోహిత్‌- శుబ్‌మన్‌ గిల్‌, కోహ్లి ఉండటం టీమిండియాకు అతిపెద్ద సానుకూలాంశం. రో-కో గురించి ప్రత్యేకంగా చెప్పాల్సింది ఏమీ లేకపోయినా.. గిల్‌ గత ఐదేళ్లుగా అత్యద్భుతంగా ఆడుతున్నాడు.మీరన్నట్లు ఒకవేళ టీమిండియా టాపార్డర్‌లోని ఒక వ్యక్తి మా జట్టులో ఆడే అవకాశం ఉంటే.. నేనైతే కచ్చితంగా గిల్‌నే ఎంచుకుంటాను’’ అని మిచెల్‌ సాంట్నర్‌ చెప్పుకొచ్చాడు. కాగా ఆక్లాండ్‌ వేదికగా భారత్‌- న్యూజిలాండ్‌ మధ్య బుధవారం (నవంబరు 4) నుంచి ఐదు మ్యాచ్‌ల వన్డే సిరీస్‌ ప్రారంభమవుతుంది. కాగా కివీస్‌తో ఐదు టీ20ల సిరీస్‌ను భారత్‌ 3-2తో గెలుచుకుంది.ఇదీ చదవండి: IND vs NZ: షెడ్యూల్‌, జట్లు, మ్యాచ్‌ టైమింగ్స్‌, లైవ్‌స్ట్రీమింగ్‌ వివరాలు

న్యూజిలాండ్‌తో వన్డే సిరీస్ ఆడేందుకు టీమిండియా స్టార్ బ్యాటర్ విరాట్ కోహ్లి ఆక్లాండ్‌లో అడుగుపెట్టాడు. అయితే ఆక్లాండ్ విమానాశ్రయంలో కోహ్లి అడుగుపెట్టిన సంగతి తెలుసుకున్న అభిమానులు అతడిని చూడటానికి భారీ సంఖ్యలో తరలివచ్చారు. సెల్ఫీలు, ఆటోగ్రాఫ్‌లు, కరచాలనం కోసం ఎగబడ్డారు. దీంతో పరిస్థితి గందరగోళంగా మారడంతో అక్కడి సెక్యూరిటీ సిబ్బంది కలగజేసుకొని కోహ్లిని అక్కడి నుంచి సురక్షితంగా తరలించారు.అయితే కోహ్లి రాక విషయాన్ని ముందే తెలుసుకున్న ఎయిర్‌పోర్టు అధికారులు ఐదుగురు భద్రతా సిబ్బందిని నియమించినప్పటికీ, కోహ్లిని చూసేందుకు భారీ సంఖ్యలో అభిమానులు రావడంతో పరిస్థితి అదుపు తప్పింది. దీంతో రెట్టింపు భద్రతా సిబ్బందిని బరిలోకి దింపి అభిమానులను కట్టడి చేయాల్సి వచ్చింది.ఇక కోహ్లి ఎయిర్‌పోర్టు నుంచి నేరుగా ఈడెన్ పార్క్ మైదానానికి చేరుకొని టీమిండియా జ‌ట్టుతో క‌లిశాడు. అలా ఉద‌యం న్యూజిలాండ్ గ‌డ్డ‌పై అడుగుపెట్టిన కోహ్లి.. సాయంత్రానికి గ్రౌండ్‌లో దిగి సీరియ‌స్‌గా ప్రాక్టీస్ చేసిన ఫొటోలు, వీడియోలు సోష‌ల్‌మీడియాలో వైర‌ల్‌గా మారాయి. రోహిత్‌తో క‌లిసి బ్యాటింగ్ ప్రాక్టీస్ చేసిన కోహ్లి, ఆ త‌ర్వాత నెట్స్‌లో క‌ఠోర సాధ‌న చేశాడు.న‌వంబ‌ర 4 నుంచి న్యూజిలాండ్‌తో వ‌న్డే సిరీస్ ప్రారంభం కానున్న నేప‌థ్యంలో ఇప్ప‌టికే కెప్టెన్ శుబ్‌మ‌న్ గిల్‌, కేఎల్ రాహుల్‌, రోహిత్ శ‌ర్మ ఆక్లాండ్‌కు చేరుకున్నారు. తాజాగా కోహ్లి కూడా వీరితో క‌లవ‌డంతో సీనియ‌ర్ జ‌ట్టు కన్నుల పండువ‌గా క‌నిపిస్తోంది. అయితే గిల్ గురువారం భారత టీ20 జట్టుతో కలిసి శిక్షణ తీసుకుంటూ కనిపించాడు. ఈ నేప‌థ్యంలో శిక్షణ సమయంలో గిల్‌ నుదుటిపై 'టెంపుల్' అనే ఫిట్‌నెస్ ట్రాకింగ్ పరికరం ప్ర‌త్యేక ఆక‌ర్ష‌ణ‌గా నిలిచింది.నేడు ఇదే ఆక్లాండ్ వేదిక‌గా భార‌త్, న్యూజిలాండ్ నాలుగో టీ20లో త‌ల‌ప‌డుతున్నాయి. వెల్లింగ్ట‌న్ వేదిక‌గా జ‌రిగిన మూడో టీ20లో 199 ప‌రుగుల టార్గెట్‌ను 13.2 ఓవ‌ర్ల‌లోనే ఛేదించ‌డం విశేషం. అభిషేక్ శ‌ర్మ 38 బంతుల్లో 113 ప‌రుగుల‌తో రాణించ‌గా, వైభ‌వ్ 19 బంతుల్లోనే 45 ప‌రుగుల‌తో విధ్వంసం సృష్టించాడు. గాయంతో రెండు, మూడు టీ20ల‌కు దూర‌మైన ఇషాన్ కిష‌న్ నాలుగో టీ20కి తిరిగి జ‌ట్టులోకి రాగా, వైభ‌వ్ బెంచ్‌కు ప‌రిమితం కానున్నాడు.VIRAT KOHLI & ROHIT SHARMA IN TODAY'S BATTING PRACTICE SESSION AT AUCKLAND.🐐🥹 (RevSportz). - The RoKo is coming to Rule! https://t.co/vcyQFHY6Ch— Tanuj (@ImTanujSingh) October 30, 2026 Virat Kohli reached Auckland. https://t.co/zhaZCBmvfu— Nikhil. (@ishowwhyrat) October 30, 2026 Virat Kohli hits the Nets at Eden Park, Auckland. He has landed few hours ago here in NZ. #ViratKohli #TeamIndia https://t.co/DeDg7iLyQu— Ankan Kar (@AnkanKar) October 30, 2026ఇదీ చదవండి: బ్యాటింగ్ కోచ్‌గా ఊహించని పేరు.. ముంబై కొత్త కోచింగ్‌ టీమ్‌ ఇదే20వేల కోట్లు.. ముంబై ఇండియ‌న్స్ స‌రికొత్త రికార్డు

పాకిస్తాన్‌ దిగ్గజ క్రికెటర్లలో వకార్‌ యూనిస్‌ ఒకడు. అంతర్జాతీయ క్రికెట్‌లో 1989లో అడుగుపెట్టిన ఈ పేస్‌ బౌలర్‌.. పాక్‌ తరఫున 87 టెస్టులు, 262 వన్డే మ్యాచ్‌లు ఆడాడు. టెస్టుల్లో 373 వికెట్లు కూల్చిన ఈ రైటార్మ్‌ పేసర్‌.. వన్డేల్లో ఏకంగా 416 వికెట్లు పడగొట్టాడు.ఇక 54 ఏళ్ల వకార్‌ యూనిస్‌ తాజాగా శుభంకర్‌ మిశ్రా పాడ్‌కాస్ట్‌కు హాజరయ్యాడు. ఈ సందర్భంగా భారత్‌- పాక్‌ క్రికెటర్లతో కూడిన ప్లేయింగ్‌ ఎలెవన్‌ను ఎంచుకోవాలని మిశ్రా.. వకార్‌ యూనిస్‌కు సూచించాడు. ఈ సందర్భంగా ఆప్షన్లు కూడా ఇచ్చాడు. ఈ క్రమంలో వకార్‌ యూనిస్‌ తన తుదిజట్టులో ఒకే ఒక్క పాక్‌ క్రికెటర్‌కు చోటు ఇవ్వడం విశేషం.ర్యాపిడ్‌ ఫైర్‌ రౌండ్‌ సాగిందిలా!మిశ్రా: సచిన్‌ టెండుల్కర్‌ లేదా ఇంజమామ్‌ ఉల్‌ హక్‌?వకార్‌ యూనిస్‌: సచిన్‌ టెండుల్కర్‌విరాట్‌ కోహ్లి లేదా బాబర్‌ ఆజం?విరాట్‌ కోహ్లిషాహిన్‌ ఆఫ్రిది లేదా జస్‌ప్రీత్‌ బుమ్రా?జస్‌ప్రీత్‌ బుమ్రారాహుల్‌ ద్రవిడ్‌ లేదా యూనిస్‌ ఖాన్‌?రాహుల్‌ ద్రవిడ్‌ఎంఎస్‌ ధోని లేదా జావేద్‌ మియాందాద్‌?ఎంఎస్‌ ధోనిరోహిత్‌ శర్మ లేదా ఫఖర్‌ జమాన్‌?రోహిత్‌ శర్మవీవీఎస్‌ లక్ష్మణ్‌ లేదా మిస్బా ఉల్‌ హక్‌?వీవీఎస్‌ లక్ష్మణ్‌మహ్మద్‌ షమీ లేదా మహ్మద్‌ ఆమిర్‌?మహ్మద్‌ షమీవీరేందర్‌ సెహ్వాగ్‌ లేదా షాహిద్‌ అన్వర్‌?షాహిద్‌ అన్వర్‌.ఇక ఈ పాడ్‌కాస్ట్‌ సందర్భంగా వకార్‌ యూనిస్‌కు.. టీమిండియా చిచ్చరపిడుగు వైభవ్‌ సూర్యవంశీ గురించి ప్రశ్న ఎదురైంది. పాక్‌ 20 ఏళ్ల సంచలనం సమీర్‌ మిన్హాస్‌, వైభవ్‌లలో ఒకరిని ఎంచుకోవాలని మిశ్రా కోరగా.. తాను వీరిద్దరిలో ఎవరి మ్యాచ్‌లను ఎక్కువగా చూడలేదని వకార్‌ యూనిస్‌ సమాధానం ఇచ్చాడు. కాబట్టి ఈ ప్రశ్నకు జవాబు చెప్పలేనన్నాడు. ఇవీ చదవండి: IND vs NZ: టీమిండియాకు భారీ షాక్‌!.. వన్డే సిరీస్‌ నుంచి కీలక ఆటగాడు అవుట్‌!

సెలబ్రిటీ జంటల్లో టీమిండియా బ్యాటింగ్‌ దిగ్గజం విరాట్‌ కోహ్లి- నటి అనుష్క శర్మ దంపతులకు ఉన్న క్రేజ్‌ గురించి ప్రత్యేకంగా చెప్పాల్సిన అవసరం లేదు. డేటింగ్‌ నుంచి మొదలైన ప్రేమను పెళ్లి పీటలు ఎక్కించిన విరుష్క జోడీ.. ఎప్పటికప్పుడు కపుల్‌ గోల్స్‌ సెట్‌ చేస్తూనే ఉంటారు.పిల్లల పెంపకం విషయంలోనూఇక పిల్లల పెంపకం విషయంలోనూ ఒక్కటిగా ముందు సాగుతున్న విరాట్‌- అనుష్క.. వారిని ఇప్పటి వరకు మీడియా కంటపడకుండా కాపాడుకుంటున్నారు. తమ పిల్లలు సామాన్యుల మాదిరే బాల్యాన్ని ఆస్వాదించాలని, సోషల్‌ మీడియా, మీడియా ప్రభావం వారిపై పడకూడదనే ఉద్దేశంతో లండన్‌కు మకాం మార్చారు.అందుకే లండన్‌కుఅక్కడ సాధారణ పౌరుల్లాగే పిల్లల్ని తీసుకుని బయటకు వెళ్లడం.. కెమెరాల గోల లేకుండా నచ్చినట్లుగా ఉండటం కోసం విరుష్క ఈ నిర్ణయం తీసుకున్నట్లు తెలుస్తోంది. ఇక ఇటీవల విరాట్‌- అనుష్క ముంబైకి వచ్చారు. అమెరికా సింగర్‌ కృష్ణ దాస్‌ లైవ్‌ కీర్తన్‌కు హాజరయ్యారు.ఈ సందర్భంగా అనుష్క కృష్ణ దాస్‌ గానాన్ని ఆస్వాదిస్తూ.. ఆనందంలో తేలిపోయింది. విరాట్‌ మాత్రం కాస్త నిశ్శబ్దంగానే కూర్చుని ఉన్నాడు. ఇందుకు సంబంధించిన వీడియోలు సోషల్‌ మీడియాలో వైరల్‌ అయ్యాయి. వీరిద్దరు గేట్‌ వే ఆఫ్‌ ఇండియాను సందర్శించారు.మూడోసారి తల్లిదండ్రులు కాబోతున్నారంటూఈ నేపథ్యంలో కోహ్లి దంపతులు మూడోసారి తల్లిదండ్రులు కాబోతున్నారనే వదంతులు ప్రచారంలోకి వచ్చాయి. అనుష్క శర్మ నిండైన చుడిదార్‌ వేసుకుని ఈ కార్యక్రమానికి రాగా.. ఆమెను చూస్తుంటే ప్రెగ్నెంట్‌లా కనిపిస్తున్నారని.. త్వరలోనే మరో బుజ్జి కోహ్లి లేదంటే అనుష్క రాబోతున్నారంటూ అభిమానులు కామెంట్లు చేస్తున్నారు.ఇద్దరు పిల్లలుకాగా దాదాపు ఎనిమిదేళ్ల పాటు ప్రేమించుకున్న విరాట్‌- అనుష్క 2017లో ఇటలీలో ఘనంగా వివాహం చేసుకున్నారు. తొలి సంతానంగా 2021లో కుమార్తె వామిక జన్మించగా.. 2024లో కుమారుడు అకాయ్‌కు విరుష్క జన్మనిచ్చారు. అయితే, వామిక పుట్టినపుడు ముందుగానే విరాట్‌- అనుష్క ప్రెగ్నెన్సీ గురించి రివీల్‌ చేశారు.అయితే, అనుష్క రెండోసారి గర్భం దాల్చినపుడు విషయం బయటకు రాకుండా జాగ్రత్తలు తీసుకున్నారు. లండన్‌లో అకాయ్‌ జన్మించిన తర్వాత తమకు కొడుకు పుట్టిన విషయాన్ని వెల్లడించారు. అయితే, ప్రస్తుతం మూడోసారి అనుష్క శర్మ ప్రెగ్నెంట్‌ అంటూ గాసిప్‌రాయుళ్లు ప్రచారం చేస్తుండగా.. కొంతమంది నెటిజన్లు మాత్రం ధరించిన డ్రెస్‌ కారణంగానే అనుష్క అలా కనిపించి ఉండవచ్చని కొట్టిపారేస్తున్నారు.ఇవీ చదవండి: అప్పుడు ఐదెకరాల భూమి.. ఇప్పుడు 3 అపార్టుమెంట్లు కొన్న విరుష్కకోహ్లి కాదు!.. రొనాల్డో ఫాలో అయ్యే ఒకే ఒక్క ఇండియన్‌ అతడే!Is Virat Kohli and Anushka Sharma set to become parents for the third time? https://t.co/MYCOJMZN0x— Gaurav (@k_gauravs) October 26, 2026

క్రిస్టియానో రొనాల్డో.. ఈ పేరుకు పరిచయం అక్కర్లేదు. ఈ పోర్చుగల్‌ ఫుట్‌బాల్‌ దిగ్గజానికి ప్రపంచవ్యాప్తంగా కోట్లాది మంది అభిమానులు ఉన్నారు. సోషల్‌ మీడియాలోనూ రొనాల్డోకు మిగతా క్రీడాకారుల కంటే ఫాలోయింగ్‌ ఎక్కువే.ముఖ్యంగా ఇన్‌స్టాగ్రామ్‌లో అత్యధికంగా రొనాల్డోకు 679 మిలియన్ల ఫాలోవర్లు ఉన్నారు. ఆటకు సంబంధించిన విశేషాలతో పాటు వ్యక్తిగత జీవితంలోని అప్‌డేట్లను కూడా రొనాల్డో సామాజిక మాధ్యమాల ద్వారా అభిమానులతో రొనాల్డో పంచుకుంటాడు.రొనాల్డో ఫాలో అయ్యే ఒకే ఒక్క ఇండియన్‌ అతడే!అయితే, ఇన్‌స్టాలో అత్యధికమంది ఫాలోవర్లను కలిగి ఉన్న రొనాల్డో.. తాను స్వతహాగా 638 మందిని ఫాలో అవుతున్నాడు. ఇందులో అమెరికా మాజీ అధ్యక్షుడు బారక్‌ ఒబామా, అమెరికన్‌ టాప్‌ ఫ్యాషన్‌ మోడల్‌ గిగి హైడిడ్‌, అమెరికన్‌ నటి అరియానా గ్రాండే, ఫార్ములా వన్‌ స్టార్‌ లూయీస్‌ హామిల్టన్‌, అమెరికన్‌ మీడియా పర్సనాలిటీ కిమ్‌ కర్దాషియన్‌ వంటి ప్రముఖులు ఉన్నారు.వీరితో పాటు పలు బ్రాండ్‌ సోషల్‌ మీడియా పేజీలను కూడా రొనాల్డో ఫాలో అవుతున్నాడు. అయితే, విచిత్రంగా రొనాల్డో ఇన్‌స్టాలో ఒకే ఒక్క భారతీయ వ్యక్తిని ఫాలో అవుతుండగా.. సదరు వ్యక్తి మాత్రం తిరిగి రొనాల్డోను ఫాలో కాకపోవడం విశేషం. ఇంతకీ ఆ ఘనుడు ఎవరంటారా?.. పెర్‌ప్లెక్సిటీ ఏఐ సహ వ్యవస్థాపకుడు, సీఈఓ అరవింద్‌ శ్రీనివాస్‌.ఇంతకీ ఎవరితడు?.. నెట్‌వర్త్‌ రూ. 21,190 కోట్లు!చెన్నైలో జన్మించిన 32 ఏళ్ల అరవింద్‌ శ్రీనివాస్‌ వ్యాపారవేత్తగా ఎదిగాడు. M3M హురూన్‌ ఇండియా రిచ్‌ లిస్ట్‌-2025 జాబితా ప్రకారం.. అతడి నెట్‌వర్త్‌ రూ. 21,190 కోట్లు అని తెలుస్తోంది. తద్వారా దేశంలోనే అతి పిన్న వయస్కుడైన బిలియనీర్‌గా అరవింద్‌ శ్రీనివాస్‌ నిలిచాడు.ఐఐటీ మద్రాస్‌లో ఎలక్ట్రికల్‌ ఇంజనీరింగ్‌ పూర్తి చేసిన అరవింద్‌ శ్రీనివాస్‌.. యూసీ బెర్కెలేలో కంప్యూటర్‌ సైన్స్‌లో పీహెచ్‌డీ పూర్తి చేశాడు. ఓపెన్‌ ఏఐ, గూగుల్‌, డీప్‌మైండ్‌ వంటి సంస్థల్లో పనిచేశాడు. ఆ పేజీని కూడాఈ క్రమంలోనే పర్‌ప్లెక్సిటి ఏఐ స్థాపన దిశగా అడుగులు పడినట్లు తెలుస్తోంది. కాగా రొనాల్డో అరవింద్‌ శ్రీనివాస్‌తో పాటు పర్‌ప్లెక్సిటి పేజ్‌ను కూడా ఫాలో అవుతున్నాడు. అన్నట్లు రొనాల్డో ఈ ఏఐ సంస్థలో పెట్టుబడులు పెట్టాడు.ఇదిలా ఉంటే.. ఇన్‌స్టాగ్రామ్‌లో అత్యధిక ఫాలోవర్లు ఉన్న క్రీడాకారుల జాబితాలో రొనాల్డో అగ్రస్థానంలో ఉండగా.. అర్జెంటీనా దిగ్గజం లియోనల్‌ మెస్సీ (517 మిలియన్‌ ఫాలోవర్లు) రెండు, భారత క్రికెట్‌ లెజెండ్‌ విరాట్‌ కోహ్లి (271 మిలియన్‌ ఫాలోవర్లు) మూడో స్థానంలో కొనసాగుతున్నారు.చదవండి: అనిరుధ్‌తో కావ్యా మారన్‌ పెళ్లి: ఏజ్‌ గ్యాప్‌, ఇద్దరి ఆస్తుల విలువ ఎంత? View this post on Instagram A post shared by Cristiano Ronaldo (@cristiano) View this post on Instagram A post shared by Aravind Srinivas (@aravindsrinivas)

వన్డే ప్రపంచకప్‌‌-2027కు సమయం దగ్గరపడుతుండటంతో మాజీ క్రికెటర్లు తమ అభిప్రాయాలను వెల్లడిస్తున్నారు. తాజాగా భారత మాజీ టెస్టు స్పెషలిస్ట్ బ్యాటర్ చతేశ్వర్ పుజారా ప్రస్తుత ప్రపంచ వన్డే బెస్ట్ ప్లెయింగ్ ఎలెవన్‌ను ప్రకటించాడు. ఈ తుది జట్టులో భారత్ నుంచి ఆరుగురు ఆటగాళ్లకు చోటు దక్కడం విశేషం. అయితే వరల్డ్ ఛాంపియన్ ఆస్ట్రేలియా, పాకిస్తాన్‌ల నుంచి ఒక్క ప్లేయర్‌కు కూడా పుజారా జట్టులో చోటు దక్కకపోవడం క్రికెట్ వర్గాల్లో హాట్ టాపిక్‌గా మారింది.ఓపెనర్లుగా రోహిత్, గిల్‌పుజారా తన ఎంచుకున్న జట్టులో ఓపెనర్లుగా రోహిత్ శర్మ, శుభ్‌మన్ గిల్‌లకు అవకాశమిచ్చాడు. మూడో స్థానంలో రన్ మెషీన్ విరాట్ కోహ్లీకి చోటు ఇచ్చాడు. నాలుగు, ఐదు స్ధాన్లాలో వరుసగా స్టార్ క్రికెటర్లు జో రూట్‌, కేఎల్ రాహల్‌కు పుజారా ఛాన్స్ ఇచ్చాడు. ఈ జట్టులో స్పెషలిస్ట్ వికెట్ కీపర్ బ్యాటర్‌గా విండీస్ కెప్టెన్ షాయ్ హోప్ ఎంపికయ్యాడు. ఆల్‌రౌండర్ల కోటాలో సౌతాఫ్రికా స్టార్ మార్క్ జాన్సెన్‌ను పుజారా సెలక్ట్ చేశాడు. స్పిన్నర్‌గా కుల్దీప్ యాదవ్‌.. ఫాస్ట్ బౌలర్లగా జస్ప్రీత్ బుమ్రా, మాట్ హెన్రీ, జైడన్ సీల్స్‌కు చోటు దక్కింది. జస్ప్రీత్‌ బుమ్రా గత మూడేళ్లలో కేవలం 2 వన్డే మ్యాచ్‌లు మాత్రమే ఆడినప్పటికీ, తన బౌలింగ్ స్కిల్స్‌ ఆధారంగా పుజారా అతడికి చోటు కల్పించడం విశేషం.పుజారా ఎంచుకున్న వరల్డ్ వన్డే బెస్ట్ ప్లేయింగ్ ఎలెవన్‌రోహిత్ శర్మ, శుభ్‌మన్ గిల్, విరాట్ కోహ్లీ, జో రూట్, కేఎల్ రాహుల్, షాయ్ హోప్, మార్కో జాన్సెన్, కుల్దీప్ యాదవ్, జస్ప్రీత్ బుమ్రా, జేడెన్ సీల్స్, మాట్ హెన్రీ.చదవండి: ENG vs PAK: పాకిస్తాన్ ప్లేయ‌ర్ల ప్ర‌పంచ రికార్డు

భారత మాజీ క్రికెటర్ అజింక్య రహానే తన మాజీ టీమిండియా సహచరులు విరాట్‌ కోహ్లి, జస్ప్రీత్‌ బుమ్రాకు షాకిచ్చాడు. తన ఆల్‌టైమ్ ఇండియా టెస్ట్ ప్లేయింగ్‌ XIలో కోహ్లి, బుమ్రాకు చోటివ్వలేదు. తనతో కలిసి ఆడిన ఆటగాళ్లతో రహానే ఈ జట్టును రూపొందించాడు. ఈ నేపథ్యంలో తన జమానాలో స్టార్లైన కోహ్లి-బుమ్రాను రహానే ఎంపిక చేయకపోవడం​ చర్చనీయాంశంగా మారింది.ఓపెనర్లుగా ధవన్, మురళీ విజయ్రహానే తన జట్టులో ఓపెనర్లుగా శిఖర్ ధవన్, మురళీ విజయ్‌లను ఎంచుకున్నాడు. మూడో స్థానంలో రాహుల్ ద్రవిడ్, నాలుగో స్థానంలో సచిన్ టెండూల్కర్‌కు చోటిచ్చాడు. ఐదో స్థానంలో తన పేరును చేర్చుకున్నాడు.వికెట్ కీపర్‌గా రిషభ్ పంత్‌కు బదులుగా ఎంఎస్ ధోనిని ఎంపిక చేశాడు. ధోనికే కెప్టెన్సీ బాధ్యతలు అప్పగించాడు. టెస్టుల్లో పంత్ గణాంకాలు మెరుగ్గా ఉన్నప్పటికీ, నాయకత్వం, వికెట్ కీపింగ్ సామర్థ్యాలను దృష్టిలో ఉంచుకుని ధోనిని ఎంచుకున్నట్లు పేర్కొన్నారు.బుమ్రాకు బదులుగా భువనేశ్వర్‌కు చోటుబౌలింగ్ విభాగంలో రవిచంద్రన్ అశ్విన్, రవీంద్ర జడేజాలను స్పిన్నర్లుగా ఎంపిక చేసిన రహానే.. పేసర్లుగా భువనేశ్వర్ కుమార్, ఇషాంత్ శర్మ, మహమ్మద్ షమీలకు చోటిచ్చాడు. భారత టెస్ట్ జట్టుకు ఎన్నో విజయాలు అందించిన బుమ్రా, కోహ్లిని రహానే పక్కన పెట్టడం గమనార్హం.రహానే ఆల్‌టైమ్ ఇండియా టెస్ట్ జట్టుశిఖర్ ధవన్, మురళీ విజయ్, రాహుల్ ద్రవిడ్, సచిన్ టెండూల్కర్, అజింక్య రహానే, ఎంఎస్ ధోని (కెప్టెన్, వికెట్ కీపర్), రవీంద్ర జడేజా, రవిచంద్రన్ అశ్విన్, భువనేశ్వర్ కుమార్, ఇషాంత్ శర్మ, మహమ్మద్ షమీ.ఇదీ చదవండి: వైభవ్‌పై అశ్విన్‌ సంచలన వ్యాఖ్యలు

టీమిండియా వైస్ కెప్టెన్ తిల‌క్ వ‌ర్మ న్యూజిలాండ్‌తో జ‌రిగిన రెండో టీ20లో అజేయ అర్థ‌సెంచ‌రీ సాధించి చేజింగ్‌లో త‌న విలువేంటో మ‌రోసారి చాటిచెప్పాడు. చేజింగ్ అంటేనే పూన‌కం వ‌స్తుందేమో అన్న త‌ర‌హాలో తిల‌క్ వ‌ర్మ బ్యాటింగ్ ఉంటుంది. ఈ నేప‌థ్యంలోనే తిల‌క్ వ‌ర్మ టీ20 క్రికెట్‌లో ఎవ‌రికీ సాధ్యం కాని రికార్డును తన ఖాతాలో వేసుకున్నాడు. ఇప్ప‌టివ‌ర‌కు తిల‌క్ వ‌ర్మ చేజింగ్‌లో 26 సార్లు అజేయంగా నిలిచాడు. ఈ 26 సార్లు తన జట్టు విజ‌యాలను అందుకోవ‌డం విశేషం. పురుషుల టీ20 క్రికెట్‌లో ఛేద‌న‌లో తిల‌క్ వ‌ర్మ ఒక్క‌డే 100 శాతం విజ‌యం రికార్డుతో ఉన్నాడు. తిల‌క్ వ‌ర్మ త‌ర్వాత న్యూజిలాండ్ క్రికెటర్లు బ్రెండన్ మెక్‌క‌ల్ల‌మ్‌, మార్టిన్ గుప్టిల్ చెరో 22 ఇన్నింగ్స్‌లతో ఉన్నారు. అయితే ఓవ‌రాల్ జాబితాలో తిల‌క్ వ‌ర్మ రెండో స్థానంలో ఉండ‌గా.. జేమ్స్ విన్స్ ఛేజింగ్‌లో 31 సార్లు నాటౌట్‌గా నిలిచి తొలి స్థానంలో కొన‌సాగుతున్నాడు.👉ఇక అంతర్జాతీయ టీ20ల్లో తిలక్ వర్మ చేజింగ్ చేస్తూ నాటౌట్‌గా నిలిచిన అన్ని మ్యాచ్‌ల్లోనూ (12 మ్యాచ్‌లు) టీమిండియా విజయం సాధించింది. అతను క్రీజులో ఉంటే భారత్‌కు విజయం ఖాయమనే నమ్మకాన్ని సంపాదించుకున్నాడు.👉టీమిండియా తరఫున అంతర్జాతీయ టీ20 మ్యాచ్‌లో చేజింగ్‌లో ఐదో స్థానంలో బ్యాటింగ్‌కు వచ్చి అర్థశతకం సాధించిన తొలి బ్యాటర్‌గా తిలక్ వర్మ నిలిచాడు. గతంలో వాషింగ్టన్ సుందర్ (49 నాటౌట్‌) హోబర్ట్ వేదికగా ఆస్ట్రేలియాపై చేసిన పరుగులే ఇప్పటివరకు అత్యుత్తమంగా ఉండేది.👉ఇక టీమిండియా తరఫున చేజింగ్‌లో ఐదు లేదా ఆ తర్వాతి స్థానాల్లో బ్యాటింగ్‌కు వచ్చి 12 అంతర్జాతీయ మ్యాచ్‌ల్లో నాటౌట్‌గా నిలవడంతో పాటు, నాలుగు అర్థశతకాలు సాధించాడు. భారత బ్యాటింగ్‌లో టాప్‌-4 మినహాయిస్తే మిగిలిన అందరూ బ్యాటర్లు కలిసి నాలుగు అర్థసెంచరీలు సాధిస్తే.. తిలక్ వర్మ ఒక్కడే నాలుగు హాఫ్ సెంచరీలు చేయడం విశేషం.👉సక్సెస్‌ఫుల్ టీ20 చేజింగ్స్‌లో తిలక్ వర్మ సగటు (Average) 92.50 గా ఉందంటేనే ఛేద‌న‌ల్లో అత‌డి విశ్వ‌రూపం ఏ విధంగా ఉంద‌నేది అర్థం చేసుకోవచ్చు. అంతర్జాతీయ టీ20 చేజింగ్స్‌లో వరుసగా అత్యధిక సార్లు డబుల్ డిజిట్ (10 కంటే ఎక్కువ) స్కోర్లు చేసిన భారతీయుల్లో విరాట్ కోహ్లీ తర్వాత తిలక్ వర్మ (11 ఇన్నింగ్స్‌లు) నిలిచాడు.𝗧𝗜𝗟𝗔𝗞 𝗩𝗔𝗥𝗠𝗔: 𝗧𝗛𝗘 𝗨𝗡𝗕𝗘𝗔𝗧𝗘𝗡 𝗙𝗜𝗡𝗜𝗦𝗛𝗘𝗥! 🇮🇳🔥 12 chases, 12 unbeaten knocks, 12 victories for Team India! 👏💙 📷: bcci #TeamIndia #bharatarmy #coti🇮🇳 https://t.co/dbhKawYh8R— The Bharat Army (@thebharatarmy) October 24, 2026 Tilak Varma stepping up when it matters most! 💙🔥 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #NZvIND https://t.co/95KJXn92it— Sony Sports Network (@SonySportsNetwk) October 24, 2026ఇదీ చదవండి:మ‌ళ్లీ విఫ‌ల‌మైన రాహుల్‌, జైస్వాల్‌.. క‌ష్టాల్లో భార‌త్‌‘తెలుగోడిగా గర్వపడుతున్నా; వాళ్లిద్దరికి క్రెడిట్‌ ఇవ్వాల్సిందే’

టీమిండియా మాజీ స్పిన్నర్‌ అమిత్‌ మిశ్రా సంచలన వ్యాఖ్యలు చేశాడు. తన పునరాగమనం విషయంలో అప్పటి కెప్టెన్‌ విరాట్‌ కోహ్లి మాటిచ్చాడని.. అయితే, ఆ తర్వాత తాను ఎన్నిసార్లు అడిగినా కనీసం స్పందించలేదని ఆరోపించాడు. కానీ తనలాగే జట్టుకు దూరమైన ఆటగాళ్లు మాత్రం తొందరగానే తిరిగి టీమిండియాలోకి వచ్చారని.. తనకు మాత్రం ఎదురుచూపులే మిగిలాయని ఆవేదన వ్యక్తం చేశాడు.2017లో చివరి మ్యాచ్‌కాగా 2003లో టీమిండియా తరఫున అంతర్జాతీయ క్రికెట్‌లో అడుగుపెట్టిన అమిత్‌ మిశ్రా.. 2017లో తన చివరి మ్యాచ్‌ ఆడేశాడు. తన కెరీర్‌లో 36 వన్డేలు, 22 టెస్టులు, 10 టీ20 మ్యాచ్‌లు ఆడిన ఈ లెగ్‌ స్పిన్నర్‌.. ఆయా ఫార్మాట్లలో వరుసగా 64, 76, 16 వికెట్లు పడగొట్టాడు.అయితే, 2017లో గాయపడ్డ అమిత్‌ మిశ్రా ఆ తర్వాత మళ్లీ భారత జట్టులోకి తిరిగిరాలేకపోయాడు. ఈ విషయాల గురించి.. మరో భారత మాజీ క్రికెటర్‌ ఆకాశ్‌ చోప్రాకు ఇచ్చిన ఇంటర్వ్యూలో అమిత్‌ మిశ్రా గుర్తు చేసుకున్నాడు. ‘‘బెంగళూరు మ్యాచ్‌లో నా కాలికి గాయమైంది.అనిల్‌ భాయ్‌.. నా పరిస్థితి ఏంటి?నాడు జట్టును వీడి వెళ్తున్న సమయంలో అప్పటి హెడ్‌కోచ్‌ అనిల్‌ కుంబ్లే దగ్గరకు వెళ్లి.. ‘అనిల్‌ భాయ్‌.. నా పరిస్థితి ఏంటి?’ అని అడిగాను. అందుకు అతడు.. ‘నువ్వేమీ బాధపడకు. ఫిట్‌నెస్‌ సాధించిన వెంటనే ఆటోమేటిక్‌గా జట్టులోకి తిరిగి వస్తావు’ అని చెప్పాడు.జట్టులోకి తీసుకుంటానని కోహ్లి మాటిచ్చాడుఆ తర్వాత విరాట్‌ కోహ్లి కెప్టెన్‌గా వచ్చాడు. అప్పుడు నేను కోహ్లికి ఫోన్‌ చేశాను. ‘సోదరా.. జట్టులోకి రావాలంటే నేనేం చేయాలి?’ అని అడిగాను. అందుకు.. ‘నువ్వు అస్సలు బాధపడొద్దు. పూర్తి ఫిట్‌నెస్‌ సాధించు. అన్ని రకాలుగా కోలుకో. అప్పుడు నువ్వు కచ్చితంగా జట్టులో ఉంటావు’ అని మాటిచ్చాడు.ఎన్నిసార్లు అడిగినా నో రిప్టైనేను ఫిట్‌గా మారిన తర్వాత కోహ్లి దగ్గరకు వెళ్లి మళ్లీ అడిగాను. ‘సోదరా.. నా పరిస్థితి ఏమిటి?’.. అని అడగ్గా.. ‘ఇంకో వారం, పది రోజుల్లో నీకు అప్‌డేట్‌ ఇస్తాను’ అని చెప్పాడు. ఆ తర్వాత వారం.. రెండు వారాలు.. మూడు వారాలు.. గడిచిపోయాయి. కానీ కోహ్లి నుంచి ఎలాంటి అప్‌డేట్‌ రాలేదు.అప్పుడు అతడికి కాల్‌ చేస్తే.. ఒక్కసారి కూడా ఎత్తలేదు. మెసేజ్‌ చేసినా బదులు ఇవ్వనే లేదు. అయినా సరే నేను ఆశ కోల్పోకుండా.. మళ్లీ కాల్‌ చేశాను. కానీ నో రిప్లై. ఎవరైనా మనల్ని వద్దనుకున్నపుడు ఇలాగే చేస్తారు కదా అని సరిపెట్టుకున్నాను.నాకంటే తీవ్రంగా గాయపడ్డ ఆటగాళ్లు కూడా చాలా కాలం తర్వాత కోలుకున్నా తిరిగి జట్టులోకి వెళ్లారు. కానీ నా విషయంలో మాత్రం ఎందుకో అలా జరగలేదు. ఇందుకు గల కారణం ఏమిటో నాకు ఇప్పటికీ తెలియలేదు. నా ప్రశ్నలకు సమాధానం దొరకనే లేదు’’ అని అమిత్‌ మిశ్రా ఉద్వేగానికి లోనయ్యాడు. చదవండి: రిటైర్మెంట్‌ ప్రకటించిన టీమిండియా క్రికెటర్‌

శ్రీలంక‌, ఇంగ్లండ్‌ల‌తో జ‌రుగుతున్న వ‌న్డే ట్రై సిరీస్‌లో పాకిస్తాన్ సీనియ‌ర్ బ్యాట‌ర్ బాబ‌ర్ ఆజం సూప‌ర్ ఫామ్‌తో అద‌ర‌గొడుతున్నాడు. ఆదివారం శ్రీలంక‌తో జ‌రిగిన వ‌న్డేలో 57 బంతుల్లో 45 ప‌రుగులు చేసిన బాబ‌ర్ ఆజం.. అంతర్జాతీయ క్రికెట్‌లో 16000 పరుగులు (అన్ని ఫార్మాట్లు) పూర్తి చేసుకున్న ఐదో పాకిస్తాన్‌ క్రికెటర్‌గా నిలిచాడు. ఇంతకుముందు ఇంజమామ్ ఉల్ హక్, యూనిస్ ఖాన్, మహమ్మద్ యూసుఫ్, జావెద్ మియాందాద్ పాక్‌ తరఫున ఈ ఘనత సాధించారు.కోహ్లికి ఆమడదూరంలో..బాబర్ అన్ని ఫార్మాట్లు క‌లిపి 16వేల ప‌రుగులు పూర్తి చేసేందుకు 399 వ అంతర్జాతీయ ఇన్నింగ్స్‌లు అవ‌స‌ర‌మయ్యాయి. అయితే టీమిండియా స్టార్ విరాట్ కోహ్లి రికార్డును మాత్రం బాబ‌ర్ ట‌చ్ చేయ‌డంలో విఫ‌ల‌మ‌య్య‌డు. అంత‌ర్జాతీయంగా 16వేల ప‌రుగులు పూర్తయ్యేందుకు కోహ్లి 350 ఇన్నింగ్స్‌లు మాత్ర‌మే తీసుకున్నాడు. ఈ రికార్డు ఇప్ప‌టికీ చెక్కుచెద‌ర‌లేదు. దాదాపు 49 ఇన్నింగ్స్‌ల వ్య‌త్యాసంతో బాబ‌ర్ ఆజం.. కోహ్లి రికార్డుకు ఆమ‌డ‌దూరంలో నిలిచిపోయాడు.అయితే పాకిస్తాన్ త‌ర‌ఫున మాత్రం 16వేల ప‌రుగులు పూర్తి చేసుకున్న మూడో ఫాస్టెస్ట్ బ్యాట‌ర్‌గా బాబ‌ర్ ఆజం నిలిచాడు. బాబ‌ర్ కంటే ముందు మ‌హ్మ‌ద్ యూస‌ఫ్ (388 ఇన్నింగ్స్‌లు), జావెద్ మియాందాద్ (398 ఇన్నింగ్స్‌లు) తొలి రెండు స్థానాల్లో ఉన్నారు. ఇంజ‌మామ్ ఉల్ హ‌క్‌, యూనిస్ ఖాన్‌లు కూడా 16వేల ప‌రుగుల మార్క్‌ను దాటారు. ఇక పాక్ త‌ర‌ఫున‌ 16వేల ప‌రుగులు పూర్తి చేసిన ఐదో బ్యాట‌ర్‌గా, ఓవ‌రాల్‌గా 35వ బ్యాట‌ర్‌గా రికార్డుల‌కెక్కాడు. ఇక అంత‌ర్జాతీయంగా అన్ని ఫార్మాట్లు క‌లిపి 355 మ్యాచ్‌లు ఆడిన బాబ‌ర్ ఆజం ఖాతాలో 32 సెంచరీలు, 111 అర్ధ సెంచరీలు ఉన్నాయి. ఓవరాల్‌గా అంతర్జాతీయ క్రికెట్‌లో 16 వేల పరుగులు పూర్తి చేసిన 35వ ఆటగాడిగా బాబర్‌ రికార్డుల్లోకెక్కాడు.బోణీ కొట్టిన పాకిస్తాన్‌..ఇంగ్లండ్, శ్రీలంక, పాకిస్తాన్‌ జట్లు పాల్గొంటున్న ఈ సిరీస్‌ తొలి మ్యాచ్‌లో ఆదివారం ఆతిథ్య పాకిస్తాన్‌ 37 పరుగుల తేడాతో శ్రీలంకపై విజయం సాధించింది. టాస్‌ ఓడి మొదట బ్యాటింగ్‌కు దిగిన పాకిస్తాన్‌ 49.5 ఓవర్లలో 305 పరుగులకు ఆలౌటైంది. ‘ప్లేయర్‌ ఆఫ్‌ ద మ్యాచ్‌’ సల్మాన్‌ ఆఘా (90 బంతుల్లో 107; 10 ఫోర్లు, 1 సిక్స్‌) సెంచరీతో విజృంభించాడు.బాబర్‌ ఆజమ్‌ (45; 6 ఫోర్లు), సాద్‌ బైగ్‌ (39; 3 ఫోర్లు, 2 సిక్స్‌లు), హసన్‌ నవాజ్‌ (37; 2 ఫోర్లు, 2 సిక్స్‌లు) రాణించారు. లంక బౌలర్లలో ఇషాన్‌ మలింగ 4, అషిత ఫెర్నాండో మూడు వికెట్లు పడగొట్టారు. అనంతరం లక్ష్యఛేదనలో శ్రీలంక 48.1 ఓవర్లలో 268 పరుగులకు ఆలౌటైంది.పవన్‌ రత్నాయకే (79; 6 ఫోర్లు, 2 సిక్స్‌లు), జనిత్‌ లియానగె (60; 5 ఫోర్లు) హాఫ్‌సెంచరీలతో పోరాడినా ఫలితం లేకపోయింది. పాకిస్తాన్‌ బౌలర్లలో కెప్టెన్‌ షాహీన్‌ షా అఫ్రిది 3 వికెట్లు పడగొట్టగా... నసీమ్‌ షా, హరీస్‌ రవూఫ్, ఫహీమ్‌ అష్రఫ్‌ తలా రెండు వికెట్లు ఖతాలో వేసుకున్నారు. సిరీస్‌లో భాగంగా మంగళవారం ఇంగ్లండ్‌తో పాకిస్తాన్‌ తలపడనుంది.ఇదీ చదవండి: 'శ్రేయ‌స్‌ను చంపి.. అభిషేక్‌ను పెళ్లి చేసుకొని; గిల్‌తో జ‌త‌క‌డ‌తా'హార్దిక్ పాండ్యా స్థానాన్ని భర్తీ చేసే మొనగాడు లేడు: సునీల్ గావస్కర్

టీమిండియా కెప్టెన్ శ్రేయ‌స్ అయ్య‌ర్ అంత‌ర్జాతీయ టీ20ల్లో చ‌రిత్ర సృష్టించాడు. ఆదివారం వెస్టిండీస్‌తో జ‌రిగిన మూడో టీ20లో భార‌త జ‌ట్టు తొలుత బ్యాటింగ్ చేసి 20 ఓవ‌ర్ల‌లో 224 ప‌రుగులు చేసిన సంగ‌తి తెలిసిందే. ఈ నేప‌థ్యంలో అయ్య‌ర్ సార‌థ్యంలో టీమిండియా 37వ సారి 200 ప్ల‌స్ స్కోరు సాధించ‌డం విశేషం. త‌ద్వారా భారత మాజీ కెప్టెన్‌ ఎంఎస్‌ ధోని రికార్డు (36 సార్లు) బ‌ద్ద‌లుకొట్టిన శ్రేయ‌స్ అయ్య‌ర్ తొలి స్థానంలో నిలిచాడు. ఇక శ్రేయ‌స్, ధోని త‌ర్వాత కోహ్లి కెప్టెన్సీలో భార‌త్ 29 సార్లు 200 ప్ల‌స్ స్కోర్లు చేసింది. ఇక టీ20 కెప్టెన్‌గా అయ్య‌ర్‌కు 19 మ్యాచ్‌ల్లో ఇది 11వ విజ‌యం కాగా.. ఏడు మ్యాచ్‌ల్లో ఓట‌మి పాలైంది. ఒక మ్యాచ్‌లో ఫ‌లితం రాలేదు. కెప్టెన్‌గా అయ్య‌ర్ విన్నింగ్ ప‌ర్సంటేజీ 57.89 శాతంగా ఉంది.మ్యాచ్ విష‌యానికొస్తే.. ఆదివారం జరిగిన మూడో టీ20లో టీమిండియా 14 పరుగుల తేడాతో వెస్టిండీస్‌ను ఓడించింది. ఫలితంగా ఐదు మ్యాచ్‌ల సిరీస్‌లో టీమిండియా 2–1తో ముందంజ వేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. అభిషేక్‌ శర్మ (30 బంతుల్లో 69; 6 ఫోర్లు, 5 సిక్స్‌లు) అర్ధశతకంతో ఆకట్టుకున్నాడు.ఇషాన్‌ కిషన్‌ (37; 6 ఫోర్లు, 1 సిక్స్‌), తిలక్‌ వర్మ (28; 4 ఫోర్లు) రాణించారు. విండీస్‌ బౌలర్లలో చేజ్, షమార్‌ జోసెఫ్, స్ప్రింగర్‌ తలా రెండు వికెట్లు పడగొట్టారు. అనంతరం లక్ష్యఛేదనలో విండీస్‌ జట్టు 20 ఓవర్లలో 7 వికెట్లకు 209 పరుగులు చేసి విజయానికి దూరంగా నిలిచింది. కమిల్‌ పూరన్‌ (42; 3 ఫోర్లు, 3 సిక్స్‌లు), హెట్‌మైర్‌ (43; 6 ఫోర్లు, 2 సిక్స్‌లు) పోరాడినా ఫలితం లేకపోయింది. భారత బౌలర్లలో అర్ష్ దీప్ 3, నమన్‌ ధీర్‌ 2 వికెట్లు పడగొట్టారు.ఇదీ చ‌ద‌వండి: 'ఆ రెండు ఓవ‌ర్లే ట‌ర్నింగ్ పాయింట్‌.. లేదంటే ఓడిపోయేవాళ్లం!'

వెస్టిండీస్‌తో జ‌రిగిన మూడో టీ20లో టీమిండియా వైస్ కెప్టెన్ తిల‌క్ వ‌ర్మ మ‌రో అరుదైన రికార్డును త‌న ఖాతాలో వేసుకున్నాడు. అంత‌ర్జాతీయ టీ20ల్లో టీమిండియా త‌ర‌ఫున అత్య‌ధిక క్యాచ్‌లు అందుకున్న ప్లేయ‌ర్ల జాబితాలో తిల‌క్ వ‌ర్మ చోటు సంపాదించాడు. నిన్న‌టి మ్యాచ్‌లో తిల‌క్ వ‌ర్మ 50 క్యాచ్‌ల మార్క్‌ను పూర్తి చేసుకున్నాడు. ఈ నేప‌థ్యంలో టీ20ల్లో 50కి పైగా క్యాచ్‌లు పూర్తి చేసుకున్న ఐదో భార‌త ఆట‌గాడిగా తిల‌క్ వ‌ర్మ నిలిచాడు. టీ20ల్లో టీమిండియా త‌ర‌ఫున అత్య‌ధిక క్యాచ్‌లు అందుకున్న రికార్డు రోహిత్ శ‌ర్మ పేరిట ఉంది. అతడు 65 క్యాచ్‌లు తీసుకున్నాడు. రోహిత్ త‌ర్వాత వ‌రుస‌గా హార్దిక్ పాండ్యా (64), సూర్య‌కుమార్ యాద‌వ్ (58), విరాట్ కోహ్లి (54) ఉన్నారు. తాజాగా తిల‌క్ వ‌ర్మ వీరి స‌ర‌స‌న చేరాడు.ఓవ‌రాల్‌గా అంత‌ర్జాతీయ పురుషుల‌ టీ20 క్రికెట్‌లో 34 మంది ప్లేయ‌ర్లు 50 లేదా అంత‌కంటే ఎక్కువ క్యాచ్‌లు తీసుకున్నారు. అయితే తిలక్ వర్మ ప్రతి ఇన్నింగ్స్‌లో 0.757 డిస్మిసల్స్ నిష్పత్తిలో క్యాచ్‌లు తీసుకొని మొద‌టి స్థానంలో నిలవ‌డం విశేషం. యూఏఈకి చెందిన మహమ్మద్ వసీమ్ (0.767 - 99 మ్యాచ్‌లలో 76 క్యాచ్‌లు) తిల‌క్ వ‌ర్మ త‌ర్వాతి స్థానంలో ఉన‌ర్నాడు.మ్యాచ్ విష‌యానికొస్తే.. సమష్టి ప్రదర్శనతో సత్తాచాటిన భారత జట్టు... వెస్టిండీస్‌తో మూడో టి20లో విజయం సాధించింది. ఆదివారం జరిగిన పోరులో శ్రేయస్‌ అయ్యర్‌ సారథ్యంలోని టీమిండియా 14 పరుగుల తేడాతో వెస్టిండీస్‌ను ఓడించింది. ఫలితంగా ఐదు మ్యాచ్‌ల సిరీస్‌లో టీమిండియా 2–1తో ముందంజ వేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. అభిషేక్‌ శర్మ (30 బంతుల్లో 69; 6 ఫోర్లు, 5 సిక్స్‌లు) అర్ధశతకంతో ఆకట్టుకున్నాడు. ఇషాన్‌ కిషన్‌ (37; 6 ఫోర్లు, 1 సిక్స్‌), తిలక్‌ వర్మ (28; 4 ఫోర్లు) రాణించారు. విండీస్‌ బౌలర్లలో చేజ్, షమార్‌ జోసెఫ్, స్ప్రింగర్‌ తలా రెండు వికెట్లు పడగొట్టారు. అనంతరం లక్ష్యఛేదనలో విండీస్‌ జట్టు 20 ఓవర్లలో 7 వికెట్లకు 209 పరుగులు చేసి విజయానికి దూరంగా నిలిచింది. కమిల్‌ పూరన్‌ (42; 3 ఫోర్లు, 3 సిక్స్‌లు), హెట్‌మైర్‌ (43; 6 ఫోర్లు, 2 సిక్స్‌లు) పోరాడినా ఫలితం లేకపోయింది. భారత బౌలర్లలో అర్ష్ దీప్ 3, నమన్‌ ధీర్‌ 2 వికెట్లు పడగొట్టారు.ఇదీ చ‌దవండి: Shreyas Iyer: 'ఆ అమ్మాయికి మాటిస్తున్నా.. బెస్ట్ ఇన్నింగ్స్ గిఫ్ట్‌గా ఇస్తా'

ఆఫ్ఘనిస్తాన్‌ బ్యాటర్‌, ఆ జట్టు టెస్ట్‌ కెప్టెన్‌ కూడా అయిన రహ్మత్‌ షా ఓ అరుదైన ఘనత సాధించాడు. టెస్ట్‌ కెప్టెన్సీ అరంగేట్రంలోనే సెంచరీ సాధించిన అతి కొద్ది మంది ఆటగాళ్ల సరసన చేరాడు. ఈ జాబితాలో టీమిండియా దిగ్గజం విరాట్‌ కోహ్లి, స్టార్‌ బ్యాటర్‌ శుభ్‌మన్‌ గిల్‌ లాంటి వారు ఉన్నారు. అబుదాబీ వేదికగా బంగ్లాదేశ్‌తో జరుగుతున్న ఏకైక టెస్టులో షా ఈ ఘనత సాధించాడు.ఈ మ్యాచ్‌ తొలి ఇన్నింగ్స్‌లో అతడు 216 బంతుల్లో 10 ఫోర్లు, 2 సిక్సర్ల సాయంతో 105 పరుగులు చేసి అజేయంగా నిలిచాడు. ఓ పక్క వికెట్లు పడుతున్నా, షా పట్టుదలగా బ్యాటింగ్‌ చేసి తన సెంచరీ పూర్తి చేసుకోవడంతో పాటు తన జట్టుకు గౌరవప్రదమైన స్కోర్‌ అందించాడు. షా సెంచరీ సాయంతో ఆఫ్ఘనిస్తాన్‌ తొలి ఇన్నింగ్స్‌లో 240 పరుగులకు ఆలౌటైంది. ఆఫ్ఘన్‌ ఇన్నింగ్స్‌లో షాతో పాటు ఓపెనర్‌ అబ్దుల్‌ మాలిక్‌ (62) మాత్రమే రాణించాడు. బంగ్లా పేసర్‌ హసన్‌ మహ్ముద్‌ హ్యాట్రిక్‌ సహా 5 వికెట్ల ప్రదర్శనతో చెలరేగాడు. అతడికి ఎబాదత్‌ హొసేన్‌ (4-56), మెహిది హసన్‌ మిరాజ్‌ (1-41) కూడా సహకరించారు. వీరి ధాటికి ఆఫ్ఘన్‌ ఇన్నింగ్స్‌లో ఏకంగా ఐదుగురు డకౌట్లయ్యారు.అనంతరం రెండో ఇన్నింగ్స్‌ ప్రారంభించిన బంగ్లాదేశ్‌ మూడో రోజు రెండో సెషన్‌ సమయానికి 3 వికెట్ల నష్టానికి 104 పరుగులు చేసింది. షద్మాన్‌ ఇస్లాం (13), తంజిద్‌ హసన్‌ (31), మొమినుల్‌ హక్‌ (7) ఔట్‌ కాగా.. కెప్టెన్‌ నజ్ముల్‌ హసన్‌ (14), ముష్ఫికర్‌ రహీం (37) క్రీజ్‌లో ఉన్నారు. ప్రస్తుతం బంగ్లాదేశ్‌ 210 పరుగుల ఆధిక్యంలో కొనసాగుతోంది.అంతకుముందు బంగ్లాదేశ్‌ తొలి ఇన్నింగ్స్‌లో 346 పరుగులకు ఆలౌటైంది. షద్మాన్‌ (67), తంజిద్‌ హసన్‌ (83), లిటన్‌ దాస్‌ (53) అర్ద సెంచరీలతో రాణించారు. ఆఫ్ఘన్‌ బౌలర్లలో మొహమ్మద్‌ సలీమ్‌ సఫీ 4 వికెట్లతో రాణించాడు.రెండో ఇన్నింగ్స్‌లోనూ సెంచరీ చేస్తే..?ఈ మ్యాచ్‌ తొలి ఇన్నింగ్స్‌లో సెంచరీ చేసిన రహ్మత్‌ షా, రెండో ఇన్నింగ్స్‌లో కూడా సెంచరీ చేస్తే అత్యంత అరుదైన రికార్డు సాధిస్తాడు. టెస్టు కెప్టెన్సీ అరంగేట్రంలో రెండు ఇన్నింగ్స్‌ల్లోనూ సెంచరీలు చేసిన విరాట్ కోహ్లీ, గ్రెగ్ చాపెల్ సరసన నిలుస్తాడు. 2014లో ఆడిలైడ్‌లో ఆస్ట్రేలియాతో జరిగిన టెస్టులో కోహ్లీ 115, 141 పరుగులు చేశాడు. తాజా సెంచరీ రహ్మత్‌ షాకు టెస్ట్‌ల్లో నాలువది. షా ఇప్పటికే ఆఫ్ఘన్‌ తరఫున అత్యధిక టెస్ట్‌ సెంచరీలు చేసిన ప్లేయర్‌గా కొనసాగుతున్నాడు. షా తర్వాత అత్యధిక​ టెస్ట్‌ సెంచరీలు చేసిన ఆఫ్ఘన్‌ బ్యాటర్‌ హష్మతుల్లా షాహిది (2).​ఇదీ చదవండి: వరల్డ్‌ రికార్డు బద్దలు కొట్టిన స్టీవ్‌ స్మిత్‌

డ‌ర్బ‌న్ వేదిక‌గా సౌతాఫ్రికాతో జ‌రుగుతున్న తొలి టెస్టులో ఆస్ట్రేలియా మిడిలార్డ‌ర్ బ్యాట‌ర్ మ్యాట్ రెన్‌షా (397 బంతుల్లో 190; 21 ఫోర్లు, 1 సిక్స్‌) విరోచిత సెంచ‌రీతో క‌దం తొక్కాడు. సహచరులంతా విఫలమైన చోట కెరీర్‌ బెస్ట్‌ ఇన్నింగ్స్‌తో ఆకట్టుకున్నాడు. ఈ క్రమంలో 204 బంతుల్లో సెంచరీ పూర్తి చేసుకొని తొమ్మిదేళ్ల తర్వాత శతకం నమోదు చేశాడు.కెప్టెన్ క‌మిన్స్ కమిన్స్‌ (43; 6 ఫోర్లు), నాథన్‌ లయన్‌ (27; 5 ఫోర్లు) అతడికి అండగా నిలిచారు. తొమ్మిదో వికెట్‌కు లయన్‌తో కలిసి రెన్‌షా 134 పరుగులు జోడించడంతో జట్టు కోలుకోగలిగింది. ఫ‌లితంగా ఆ్రస్టేలియా తొలి ఇన్నింగ్స్‌లో 137.2 ఓవర్లలో 390 పరుగులకు ఆలౌటైంది. ఇక ఈ మ్యాచ్‌లో భారీ సెంచ‌రీతో చెల‌రేగిన రెన్‌షా ఓ అరుదైన రికార్డును త‌న ఖాతాలో వేసుకున్నాడు. 2002 త‌ర్వాత ఒక టెస్ట్ ఇన్నింగ్స్‌లో టెయిలెండర్లతో కలిసి అత్యధిక పరుగులు చేసిన ప్లేయ‌ర్‌గా రెన్‌షా నిలిచాడు.రెన్‌షా ఈ మ్యాచ్ తొలి ఇన్నింగ్స్‌లో అత‌డు టెయిలెండ‌ర్ల‌తో క‌లిసి 174 పరుగులు చేశాడు. ఇంత‌కుముందు ఈ రికార్డు భార‌త లెజెండ‌రీ బ్యాట‌ర్ విరాట్ కోహ్లి పేరిట ఉండేది. కోహ్లి 2016లో ముంబైలోని వాంఖడే స్టేడియం వేదిక‌గా ఇంగ్లండ్‌తో జ‌రిగిన మ్యాచ్‌లో చివ‌రి ఆట‌గాళ్ల‌తో క‌లిసి 171 ప‌రుగులు సాధించాడు. తాజా ఇన్నింగ్‌తో కోహ్లి రికార్డును రెన్‌షా బ్రేక్ చేశాడు.ఇక ప్రోటీస్ బౌల‌ర్ల‌లో వియాన్‌ ముల్డర్‌కు 4, మార్కో యాన్సెన్‌కు 3 వికెట్లు లభించాయి. అనంతరం తొలి ఇన్నింగ్స్‌ ప్రారంభించిన దక్షిణాఫ్రికా శనివారం ఆట ముగిసే సమయానికి 8.4 ఓవర్లలో ఒక వికెట్‌ నష్టానికి 27 పరుగులు చేసింది.చదవండి: టీమిండియాతో మ్యాచ్‌.. వెస్టిండీస్‌ జట్టులోకి డేంజరస్‌ బ్యాటర్‌!

టీమిండియా చిచ్చర పిడుగు వైభవ్‌ సూర్యవంశీ గురించి ప్రత్యేక పరిచయం అక్కర్లేదు. పద్నాలుగేళ్ల వయసులోనే ఐపీఎల్‌లో ఫాస్టెస్ట్‌ సెంచరీ బాదిన ఈ రాజస్తాన్‌ రాయల్స్‌ ఓపెనర్‌.. భారత అండర్‌-19 జట్టు తరఫునా అద్భుతాలు చేశాడు. యూత్‌ క్రికెట్‌లో ఫార్మాట్లకు అతీతంగా విధ్వంసకర శతకాలు బాది తానేంటో నిరూపించుకున్నాడు.పదిహేనేళ్ల వయసులోనే అరంగేట్రంఇక అండర్‌-19 వరల్డ్‌కప్‌-2025 ఫైనల్లో వైభవ్‌ సూర్యవంశీ.. ఇంగ్లండ్‌తో మ్యాచ్‌లో కేవలం 80 బంతుల్లోనే 175 పరుగులు చేసి.. భారత్‌ను చాంపియన్‌గా నిలిపాడు. అనంతరం ఈ ఏడాది ఐపీఎల్‌లో ఈ లెఫ్టాండర్‌ బ్యాటర్‌ ఏకంగా 776 పరుగులు చేసి.. అత్యధిక పరుగుల వీరుడిగా ఆరెంజ్‌ క్యాప్‌ గెలుచుకున్నాడు.ప్రశంసల వర్షంఈ పరిణామాల నేపథ్యంలో కేవలం పదిహేనేళ్ల వయసులోనే టీమిండియా తరఫున అంతర్జాతీయ క్రికెట్లో అడుగుపెట్టాడు వైభవ్‌ సూర్యవంశీ. అవకాశాలను అందిపుచ్చుకుంటూ.. నిలకడగా రాణిస్తూ.. టీ20 జట్టు ఓపెనర్‌గా తన స్థానాన్ని సుస్థిరం చేసుకునే పనిలో పడ్డాడు ఈ బిహారీ పిల్లాడు.ఈ నేపథ్యంలో వైభవ్‌ సూర్యవంశీపై ప్రశంసల వర్షం కురుస్తోంది. తదుపరి సూపర్‌ స్టార్‌ అతడేనంటూ దేశీ, విదేశీ దిగ్గజ క్రికెటర్లు అతడిని కొనియాడుతున్నారు. అయితే, టీమిండియాకు మొట్టమొదటి వరల్డ్‌కప్‌ అందించిన లెజెండరీ కెప్టెన్‌ కెప్టెన్‌ కపిల్‌ దేవ్‌ మాత్రం వైభవ్‌ విషయంలో భిన్నంగా స్పందించాడు.అతడి గతి ఏమైందో తెలుసు కదా!తాజాగా టైమ్స్‌ ఆఫ్‌ ఇండియాతో మాట్లాడుతూ.. ‘‘వైభవ్‌ విషయంలో తొందరపాటు తగదు. అతడి గురించి ఇప్పుడే అంచనా వేయడం సరికాదు. నిజంగా అతడికి ఆడగల సామర్థ్యం ఉందా? అంటే అవునని చెప్పవచ్చు.కానీ క్రికెట్‌లో చాలా మంది ఇలాంటి.. ఇంతకు మించిన నైపుణ్యాలతో దూసుకువచ్చారు. అయితే, అనతికాలంలోనే వారు కనుమరుగైపోయారు. వినోద్‌ కాంబ్లీనే చూడండి. అతడి గతి ఏమైందో తెలుసు కదా!.. అతడి గురించి మనం ఏం మాట్లాడగలము?వైభవ్‌ ఇప్పుడు పదిహేను- పదహారేళ్ల పిల్లాడు మాత్రమే. అతడికి కనీసం ఇంకో మూడేళ్ల సమయం ఇవ్వాలి. అప్పుడు అతడి గురించి చర్చిస్తే బాగుంటుంది. కాలక్రమేణా వైభవ్‌ జీవనశైలి, ఆలోచనా విధానం మారిపోతుంది. అప్పుడే అతడు ఆటలో ఇదే స్థాయిలో కొనసాగగలడా? లేదా అన్నది తెలుస్తుంది.జీవనశైలి, క్రమశిక్షణ ముఖ్యంఅతడి ప్రదర్శనల కంటే కూడా.. అతడి జీవనశైలి ఎలా ఉండబోతున్నదే ముఖ్యమైన అంశంగా మారుతుంది. క్రమశిక్షణతో ఉంటే భవిష్యత్తు బాగుంటుంది. ఇప్పటికే సచిన్‌, రోహిత్‌, విరాట్‌లను చూశాము. ఈ ముగ్గురు మనల్ని గర్వపడేలా చేశారు.తదుపరి సూపర్‌స్టార్‌ ఎవరు? అన్న ప్రశ్న ఎల్లప్పుడూ ఉంటుంది. ఇప్పుడు పదిహేనేళ్ల వైభవ్‌కు ఆ అవకాశం వచ్చింది. అతడు తదుపరి విరాట్‌ కాగలడా? అంటే కాలమే ఇందుకు సమాధానం చెప్తుంది’’ అని కపిల్‌ దేవ్‌ పేర్కొన్నాడు.చదవండి: IND vs WI: ఇంకెన్నాళ్లు అతడికి అవకాశాలు ఇస్తారు?అప్పుడు ఐదెకరాల భూమి.. ఇప్పుడు మూడు ఖరీదైన అపార్ట్‌మెంట్లు కొన్న విరుష్క

టీమిండియా దిగ్గజ బ్యాటర్‌ విరాట్‌ కోహ్లి- బాలీవుడ్‌ నటి అనుష్క శర్మ జోడీ గురించి ప్రత్యేక పరిచయం అక్కర్లేదు. దశాబ్దకాలంగా అన్యోన్యంగా కొనసాగుతూ కపుల్‌ గోల్స్‌ సెట్‌ చేస్తున్న విరుష్క.. పెట్టుబడులు పెట్టడంలోనూ ముందు వరుసలో ఉంటారు.రూ. 44.1 కోట్లుఇప్పటికే ఎన్నో వ్యాపారాల్లో భాగమైన విరాట్‌- అనుష్క.. గురుగ్రామ్‌, అలీభాగ్‌లలో ఖరీదైన నివాస స్థలాలు కొనుగోలు చేశారు. తాజాగా ముంబైలోనూ ఈ జంట మూడు అపార్డుమెంట్లు కొన్నట్లు సమాచారం. వీటి మొత్తం విలువ రూ. 44.1 కోట్లు అని తెలుస్తోంది.అనుష్క, ఆమె తల్లిదండ్రులుటైమ్స్‌ ఆఫ్‌ ఇండియా కథనం ప్రకారం.. ముంబైలోని వెర్సోవా యారి రోడ్డులో గల ఓ ఖరీదైన భవన సముదాయంలో ఒకే ఫ్లోరులో ఈ మూడు అపార్టుమెంట్లు ఉన్నాయి. వీటిలో అనుష్క శర్మ సొంతంగా ఓ అపార్టుమెంటు కొనుగోలు చేయగా.. దాని పక్కనే ఉన్న అపార్టుమెంటును ఆమె తల్లిదండ్రులు సొంతం చేసుకున్నారు. విరాట్‌తో కలిసి ఒకటిఅదే ఫ్లోరులో మరో అపార్టుమెంట్‌ను భర్త విరాట్‌తో కలిసి అనుష్క కొనుక్కుంది. క్రె మ్యాట్రిక్స్‌ అందించిన వివరాల ప్రకారం.. అనుష్క శర్మ తన విలాసవంతమైన అపార్టుమెంటు కోసం రూ. 14.9 కోట్లు ఖర్చు చేసింది. దీనిని జూలై 8, 2026లో రిజిస్ట్రేషన్‌ చేయించుకున్న ఆమె.. రూ. 74.48 లక్షల మేర స్టాంపు డ్యూటీ చెల్లించినట్లు తెలుస్తోంది.విలాసవంతమైన నివాసంఇక అపార్టుమెంట్‌ మొత్తం విస్తీర్ణం దాదాపు 2153.7 చదరపు అడుగులు కాగా.. ఇందులో 2026 చదరపు అడుగులు కార్పెట్‌ ఏరియా ఉండగా.. 128 చదరపు అడుగుల విశాలమైన బాల్కనీ ఏరియా ఉన్నట్లు సమాచారం. మరోవైపు.. అనుష్క శర్మ తల్లిదండ్రులు ఆషిమా, అజయ్‌ కుమార్‌ శర్మ రూ. 10.91 కోట్లకు అపార్టుమెంట్‌ కొనుగోలు చేయగా.. దీని విస్తీర్ణం 1577 చదరపు అడుగులు అని సమాచారం.ఇటీవలే ఐదెకరాల భూమి కొన్న విరుష్కఅదే విధంగా.. విరాట్‌- అనుష్క కలిసి రూ. 18.29 కోట్లతో అదే ఫ్లోరులోని మరో అపార్టుమెంట్‌ సొంతం చేసుకున్నారు. ఇదిలా ఉంటే.. విరాట్‌ కోహ్లి- అనుష్క శర్మ ఈ ఏడాది జనవరిలో అలీభాగ్‌లోని జిరాద్‌ గ్రామంలో 5.19 ఎకరాల భూమిని కొనుగోలు చేసినట్లు సమాచారం. అప్పట్లో అక్కడే ఎనిమిది ఎకరాలుదీని ధర సుమారు రూ. 37.86 కోట్లు అని తెలుస్తోంది. ఇందుకు సంబంధించి జనవరి 13న రిజిస్ట్రేషన్‌ పూర్తి కాగా.. స్టాంపు డ్యూటీగా రూ. 2.27 కోట్లు చెల్లించినట్లు సమాచారం. కాగా 2022లో అలీభాగ్‌లోనే విరుష్క జోడీ ఎనిమిది ఎకరాల భూమి కొని.. అక్కడ విలాసవంతమైన హాలీడే హోం నిర్మించుకున్న సంగతి తెలిసిందే.లండన్‌లోనే నివాసంకాగా దాదాపు ఎనిమిదేళ్ల పాటు ప్రేమలో ఉన్న విరాట్‌- అనుష్క 2017లో వివాహ బంధంతో ఒక్కటైన సంగతి తెలిసిందే. వీరికి కుమార్తె వామిక, కుమారుడు అకాయ్‌ సంతానం. పిల్లల గోప్యత, రక్షణ కోసం విరాట్‌ కుటుంబం ఎక్కువగా లండన్‌లోనే నివాసం ఉంటున్నారు. అయితే, స్వదేశంలోనే ఎక్కువగా పెట్టుబడులు పెడుతున్నారు. లండన్‌లోనూ వీరికి ఆస్తులు ఉన్నట్లు సమాచారం. ఇక విరాట్‌ కోహ్లి ఇటీవల వెస్టిండీస్‌తో వన్డే సిరీస్‌ ఆడగా.. అనుష్క శర్మ పిల్లలు పుట్టిన తర్వాత సినిమాలకు విరామం ఇచ్చింది.చదవండి: పచ్చని ప్రకృతి నడుమ.. భారత క్రికెటర్‌ ఐదు బెడ్‌రూమ్‌ల విల్లాఆశ్రమ సందర్శనకు రూ. ఐదు కోట్లు?.. స్పందించిన కోహ్లి బృందం

టీమిండియా పాకెట్‌ డైనమైట్‌ ఇషాన్‌ కిషన్‌ దిగ్గజ బ్యాటర్‌ విరాట్‌ కోహ్లి పేరిట ఉండిన ఓ భారీ రికార్డును బద్దలు కొట్టాడు. నిన్నటి వరకు ఓ క్యాలెండర్‌ ఇయర్‌లో అత్యధిక టీ20 పరుగలు చేసిన భారత బ్యాటర్‌గా చలామణి అయిన కోహ్లిని ఇషాన్‌ అధిగమించాడు.నిన్న విండీస్‌తో జరిగిన తొలి టీ20లో 37 పరుగులతో అజేయంగా నిలిచిన ఇషాన్‌ ఈ ఘనత సాధించాడు. కోహ్లి 2016లో 1614 టీ20 పరుగులు చేయగా.. ఇషాన్‌ ఈ ఏడాది ఇప్పటికే 1644 పరుగులు సాధించాడు. ఇషాన్‌ ఈ ఏడాది మరిన్ని టీ20లు ఆడే అవకాశం ఉంది కాబట్టి అతడి పరుగుల సంఖ్య మరింత పెరగవచ్చు.ఈ ఏడాది ఇషాన్ కిషన్ అద్భుతమైన ఫామ్‌లో ఉన్నాడు. ఇప్పటివరకు ఆడిన 45 టీ20 మ్యాచ్‌ల్లో 39.14 సగటున, సెంచరీ, 13 అర్ద సెంచరీల సాయంతో 1644 పరుగులు చేశాడు. ఓ క్యాలెండర్‌ ఇయర్‌లో అత్యధిక పరుగులు చేసిన భారత బ్యాటర్ల టాప్‌-5 జాబితాలో ఇషాన్‌, కోహ్లి తర్వాతి స్థానాల్లో అభిషేక్‌ శర్మ, సూర్యకుమార్‌ యాదవ్‌ ఉన్నారు.అభషేక్‌ గతేడాది (2025) టీ20ల్లో 1602 పరుగులు సాధించాడు. అతడు ఈ ఏడాది కూడా అదే ఫామ్‌ను కొనసాగిస్తూ ఇప్పటివరకు 1395 పరుగులు చేశాడు. టీమిండియా మాజీ కెప్టెన్‌ సూర్యకుమార్‌ యాదవ్‌ 2022లో 1503 పరుగులు చేశాడు. స్కై 2023లో 1338 పరుగులు సాధించాడు.ఇదిలా ఉంటే, తాజాగా వెస్టిండీస్‌తో జరిగిన తొలి టీ20లో భారత్‌ 8 వికెట్ల తేడాతో ఘన విజయం సాధించి. ఐదు మ్యాచ్‌ల సిరీస్‌లో 1-0 ఆధిక్యంలోకి దూసుకెళ్లింది. ఈ మ్యాచ్‌లో తొలుత బౌలింగ్‌ చేసి వెస్టిండీస్‌ను 171 పరుగులకే పరిమితం చేసిన భారత జట్టు.. ఆతర్వాత 14.4 ఓవర్లలోనే లక్ష్యాన్ని ఛేదించింది. కెప్టెన్‌ శ్రేయస్‌ అయ్యర్‌ మెరుపు శతకంతో విరుచుకుపడి టీమిండియాను విజయతీరాలకు చేర్చాడు. ఇదీ చదవండి: జట్టు ప్రకటన.. శాంసన్‌ సోదరులకు దక్కని చోటు!

టీమిండియా స్టార్ క్రికెట‌ర్ విరాట్ కోహ్లి, అత‌డి భార్య అనుష్క శ‌ర్మ ఉత్త‌ర్‌ప్ర‌దేశ్‌లోని బృందావ‌న్‌లోని రాధా కేలీ కుంజ్( ప్రేమానంద్‌ మహారాజ్) ఆశ్ర‌మాన్ని త‌ర‌చుగా సంద‌ర్శిస్తుంటారు. అయితే ఆశ్ర‌మానికి ప్రజాదరణను పెంచే ప్రయత్నాలలో భాగంగా కోహ్లీని ప్రేమానంద్ మహారాజ్ ఆశ్రమానికి తీసుకురావడానికి రూ. 5 కోట్లు చెల్లించారని శ్రీ కృష్ణ జన్మభూమి సంఘర్ష్ న్యాస్ అధ్యక్షుడు ఫలహరి మహారాజ్ ఆరోపించారు. దీనిపై సోషల్ మీడియాలో పెద్ద దుమారం రేగింది. తాజాగా ఈ ఆరోప‌ణ‌లు కోహ్లి ప్ర‌తినిధి బృందం ఖండించింది. కోహ్లి ప్ర‌తినిధి బృందం మాట్లాడుతూ.. ‘‘రూ. 5 కోట్ల వాదన పూర్తిగా అబద్ధం, నిరాధారమైనది. ఇది వారి పరువుకు నష్టం కలిగించేది. విరాట్ కోహ్లీ, అనుష్క శర్మ కేవలం తమ సొంత విశ్వాసం, భక్తితోనే ప్రేమానంద్ మహారాజ్ దర్శనం కోసం బృందావన్‌కు వెళ్తుంటారు. ఇందులో ఎలాంటి డబ్బు లావాదేవీలు జరగలేదు. ఈ వదంతులు వ్యాప్తి చేస్తున్న వారిపై చట్టపరమైన చర్యలు తీసుకుంటాం’’ అని కోహ్లీ బృందం హెచ్చరించింది.ఇలాంటి తప్పుడు వార్తలు లేదా వదంతులను వ్యాప్తి చేసే ముందు వాస్తవాలను సరిచూసుకోవాలని కోహ్లీ ప్ర‌తినిధి బృందం ట్విట‌ర్ వేదికగా ప్ర‌త్యేక‌ విజ్ఞప్తి చేసింది. కోహ్లి తన భార్య అనుష్క శర్మతో కలిసి క్రమం తప్పకుండా బృందావనంలోని ప్రేమానంద్ మహారాజ్ ఆశ్రమానికి వెళ్తుంటారు. తొలిసారిగా 2023 జనవరిలో తమ కుమార్తె వామికతో కలిసి వారు ఆశ్రమానికి వెళ్లి మహారాజ్ ఆశీస్సులు తీసుకున్నారు. ఆ తర్వాతి కోహ్లీ టెస్ట్ క్రికెట్ నుండి రిటైర్మెంట్ ప్రకటించిన సమయంలోను, ఇతర సమయాల్లోనూ ఈ జంట బృందావనం వెళ్లి ప్రేమానంద్ మహారాజ్ ని దర్శించుకున్న సంగతి తెలిసిందే. ఆశ్రమ సందర్శన సమయంలో ప్రేమానంద్ మహారాజ్ కోహ్లీ దంపతులకు భక్తి, జీవిత మార్గంపై దిశానిర్దేశం చేశారు. లౌకిక ప్రపంచంలో తాము చేసే పనులను భగవంతుని సేవగా భావించాలని, నిరంతరం వినయాన్ని పెంపొందించుకోవాలని సూచించారు.సూప‌ర్ ఫామ్‌లో కోహ్లి..ఇటీవ‌లే వెస్టిండీస్‌తో వ‌న్డే సిరీస్‌లో పాల్గొన్న విరాట్ కోహ్లి సూప‌ర్ ఫామ్ కొన‌సాగించాడు. తిరువ‌నంత‌పురం వేదిక‌గా జ‌రిగిన తొలి వ‌న్డేలో 139 ప‌రుగుల అజేయ ఇన్నింగ్స్‌తో జ‌ట్టును గెలిపించిన కోహ్లి 86వ సెంచ‌రీ (అన్ని ఫార్మాట్లు) త‌న ఖాతాలో వేసుకున్నాడు. ఈ సిరీస్‌ను టీమిండియా 2-1తో కైవ‌సం చేసుకుంది. ఇక న్యూజిలాండ్ టూర్‌లో న‌వంబ‌ర్ 4 నుంచి ప్రారంభం కానున్న వ‌న్డే సిరీస్‌లో కోహ్లి భాగం కానున్నాడు.Virat Kohli has responded to the allegations that he took ₹5 crores to visit Premanand Ashram in Mathura, UP. https://t.co/mJ6gr66fg4— Piyush Rai (@Benarasiyaa) October 7, 2026 ₹5 CRORE allegedly paid to get Virat Kohli to visit the ashram? 💀 If true, this isn’t spirituality anymore… This is celebrity marketing disguised as devotion. 😭 Pay a celebrity → get millions of views → gain followers → build the brand. Religion really has become one of the biggest marketing businesses in India. 💀 Virat got the money. Premanand got the fame. Devotees got the content. 🫡— TRADE WIZARD (@Cash_Traderr) October 6, 2026ఇదీ చదవండి: వీడ్కోలు ప్రసంగం.. మెస్సీ సంచలన వ్యాఖ్యలు

టీమిండియా చీఫ్‌ సెలక్టర్‌గా అజిత్‌ అగార్కర్‌ ప్రయాణం ముగిసిపోయింది. సెలక్షన్‌ కమిటీలో అతడి స్థానం ఖాళీ అయిన విషయాన్ని భారత క్రికెట్‌ నియంత్రణ మండలి (BCCI) మంగళవారం అధికారికంగా ధ్రువీకరించింది. అగార్కర్‌ స్థానంలో కొత్త సెలక్టర్‌ కోసం దరఖాస్తులను ఆహ్వానిస్తూ ప్రకటన విడుదల చేసింది.జట్టు ముఖ్యం.. ఈ నేపథ్యంలో హెడ్‌కోచ్‌ గౌతం గంభీర్‌ అగార్కర్‌ను ఉద్దేశించి సోషల్‌ మీడియాలో చేసిన పోస్టు వైరల్‌గా మారింది. ‘‘ప్రియమైన అజిత్‌ భాయ్‌.. నీతో కలిసి పని చేయడం నాకు దక్కిన గొప్ప గౌరవం. ఆ మూడు ఐసీసీ ట్రోఫీలు గెలవడం నీ నిర్ణయాలకు దక్కిన ఫలితం.జట్టు ముఖ్యం.. అన్నింటికంటే ఎల్లప్పుడూ జట్టు ప్రయోజనాలే అంతిమ లక్ష్యం. ఈ చరిత్ర నీ పట్ల దయ కలిగి ఉంటుందని నేను కచ్చితంగా నమ్ముతున్నాను. నీ సేవలకు ధన్యవాదాలు. నీ భవిష్యత్తు బంగారంలా ఉండాలని నేను మనస్ఫూర్తిగా కోరుకుంటున్నాను’’ అని గంభీర్‌ ఉద్వేగపూరిత పోస్టు పెట్టాడు.ఆ మూడు ఐసీసీ ట్రోఫీలుకాగా 2023లో అజిత్‌ అగార్కర్‌ టీమిండియా చీఫ్‌ సెలక్టర్‌గా బాధ్యతలు చేపట్టాడు. అగార్కర్‌ హయాంలో.. భారత జట్టు తొలుత 2024 టీ20 ప్రపంచకప్‌ ట్రోఫీ గెలిచింది. ఇక అగార్కర్‌- గంభీర్‌ కాంబినేషన్‌లో ఐసీసీ చాంపియన్స్‌ ట్రోఫీ-2025, టీ20 ప్రపంచకప్‌-2026 టైటిళ్లు గెలిచింది. అయితే, వీరిద్దరు భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ విషయంలో కఠినంగా వ్యవహరించారనే వార్తలు వచ్చాయి.రో-కో పట్ల కఠిన వైఖరిముఖ్యంగా రో-కో టెస్టుల నుంచి తప్పుకోవడంలో అగార్కర్‌ కీలక పాత్ర పోషించాడని.. వారు రిటైర్మెంట్‌ ప్రకటించేలా కఠిన పరిస్థితులు కల్పించాడనే ఆరోపణలు వచ్చాయి. వన్డేల్లో వీరిద్దరు కొనసాగుతామని స్పష్టం చేసినప్పటికీ.. వన్డే వరల్డ్‌కప్‌-2027లో ఆడతామని రో-కో స్పష్టత ఇవ్వలేదంటూ అగార్కర్‌ బహిరంగంగా ప్రకటించడం ఇందుకు ప్రధాన కారణం. అదే విధంగా.. ఐసీసీ చాంపియన్స్‌ ట్రోఫీ గెలిచిన వెంటనే రోహిత్‌ను వన్డే కెప్టెన్సీ నుంచి తప్పించి.. శుబ్‌మన్‌ గిల్‌కు పగ్గాలు ఇవ్వడంలోనూ అగార్కర్‌దే కీలక పాత్ర అని సమాచారం. ఇందుకు గంభీర్‌ కూడా సహకరించాడనే వదంతులు వచ్చాయి.ఈ పరిణామాల నేపథ్యంలో బీసీసీఐ అగార్కర్‌ పదవీ కాలాన్ని పొడిగించకుండా అతడికి ఉద్వాసన పలికినట్లు తెలుస్తోంది. అదే సమయంలో గంభీర్‌ మాత్రం ఇటీవల రో-కోలను ప్రశంసిస్తూ ఇద్దరినీ ఆకాశానికెత్తాడు. నన్ను ఇరికించి.. నువ్వు పొగుడుతావా?ఈ క్రమంలో మాజీ క్రికెటర్‌ సదగోపన్‌ రమేశ్‌.. గంభీర్‌ను ఉద్దేశించి వ్యంగ్యాస్త్రాలు సంధించాడు. ‘‘రోహిత్‌- కోహ్లిలను గంభీర్‌ పొగడటం చూసి.. అగార్కర్‌ కచ్చితంగా ఆశ్చర్యపోయి ఉంటాడు.‘ఇద్దరం కలిసే కదా.. ఆ ఇద్దరిని తప్పించాలని చూశాము. ఆ ప్రయత్నంలో నేను నా పదవిని పోగొట్టుకున్నాను. నువ్వు మాత్రం నన్ను ఇరికించి ఇప్పుడిలా వాళ్లను ప్రశంసిస్తావా?’ అని అగార్కర్‌ గంభీర్‌ను మనసులో బాగా తిట్టుకుని ఉంటాడు’’ అని సదోగపన్‌ రమేశ్‌ సెటైర్లు వేశాడు. ఈ క్రమంలో గంభీర్‌ తాజాగా అగార్కర్‌ తీసుకున్న కఠిన నిర్ణయాల వల్లే భారత్‌ ఏకంగా మూడు ఐసీసీ ట్రోఫీలు గెలిచిందని పోస్ట్‌ పెట్టడం గమనార్హం. తద్వారా అగార్కర్‌ నిర్ణయాలతో తాను ఏకీభవిస్తానని.. రో-కో విషయంలో గంభీర్‌ నిర్ణయం మారదని.. కేవలం బీసీసీఐ పెద్దల భయానికే వారి విషయంలో కఠినంగా వ్యవహరించలేకపోతున్నాడని నెటిజన్లు కామెంట్లు చేస్తున్నారు.చదవండి: నా కల నెరవేరింది.. అతడొక అద్భుతంDear Ajit Bhai, an absolute honour to work with you. Those 3 ICC trophies are testimony of your conviction: Team first & Team ahead, always.. I must say, History will be kinder to you. Thank you for everything. My heartfelt wishes for your future endeavours !! https://t.co/gYQN0fea8X— Gautam Gambhir (@GautamGambhir) October 7, 2026

వెస్టిండీస్‌తో జరిగిన తొలి టీ20లో సెంచరీ బాదడం ద్వారా టీమిండియా కెప్టెన్ శ్రేయస్ అయ్యర్ అనేక రికార్డులను తన పేరిట లిఖించుకున్నాడు. ఇప్పటికే టీ20ల్లో చేజింగ్‌లో భారత్ తరఫున సెంచరీ సాధించిన తొలి కెప్టెన్‌గా నిలిచాడు. తాజాగా శ్రేయస్ మరో ఘనతను కూడా తన పేరిట లిఖించుకున్నాడు. అదేంటంటే.. తాజా సెంచరీ ద్వారా అంతర్జాతీయ క్రికెట్‌లో అన్ని ఫార్మాట్లలో (టెస్టులు, వన్డేలు, టీ20లు) శతకాలు బాదిన ఏడో క్రికెటర్‌గా నిలిచాడు. గతంలో టీమిండియా తరఫున విరాట్ కోహ్లి, రోహిత్ శర్మ, శుబ్‌మన్ గిల్‌, కేఎల్ రాహుల్‌, సురేశ్ రైనా, యశస్వి జైస్వాల్‌లు ఈ ఫీట్ సాధించారు.👉దీంతో పాటు మరో రికార్డు కూడా ఖాతాలో వేసుకున్నాడు. ఫుల్ టీం మెంబర్ కెప్టెన్‌గా టీ20ల్లో ఫాస్టెస్ట్ సెంచరీ నమోదు చేసిన ఐదో బ్యాటర్‌గా శ్రేయస్ అయ్యర్ నిలిచాడు. విండీస్‌తో టీ20లో అయ్యర్ 42 బంతుల్లో సెంచరీ సాధించి హ్యారీ బ్రూక్‌తో క‌లిసి సంయుక్తంగా మూడో స్థానంలో ఉన్నాడు. జింబాబ్వే తరఫున సికందర్ రజా (2024లో 33 బంతుల్లో జాంబియాపై) శతకం సాధించి తొలి స్థానంలో నిలవగా, రోహిత్ శర్మ (2017లో శ్రీలంక‌పై 35 బంతుల్లో శ‌త‌కం) రెండో స్థానంలో, ఇంగ్లండ్ త‌ర‌ఫున‌ హ్యారీ బ్రూక్ (2026లో శ్రీలంక‌పై 42 బంతుల్లో) మూడు, సౌతాఫ్రికా త‌ర‌ఫున డుప్లెసిస్ (2015లో వెస్టిండీస్‌పై 46 బంతుల్లో) నాలుగో స్థానాల్లో ఉన్నారు.👉ల‌క్నో వేదిక‌లో శ్రేయ‌స్ అయ్య‌ర్‌కు మంచి రికార్డు ఉంది. ఈ వేదిక‌లో శ్రేయ‌స్ అయ్య‌ర్ ఐదు మ్యాచ్‌లు ఆడితే అందులో ఒక‌సారి మాత్ర‌మే ఔటవ్వ‌గా.. మిగ‌తా నాలుగుసార్లు అజేయంగా నిలిచాడు. ఇందులో రెండు సెంచ‌రీలు, రెండు అర్థ‌సెంచ‌రీలు ఉన్నాయి. తాజాగా విండీస్‌పై సెంచ‌రీ బాదిన శ్రేయ‌స్‌.. ఐపీఎల్ 2026 సీజ‌న్‌లో ల‌క్నోతో మ్యాచ్‌లో పంజాబ్ కింగ్స్ త‌ర‌ఫున 51 బంతుల్లో శ‌త‌కం సాధించాడు. ఓవ‌రాల్‌గా ల‌క్నో వేదిక‌గా ఆడిన‌ ఐదు మ్యాచ్‌ల్లో 335 ప‌రుగులు చేసిన శ్రేయ‌స్ ఖాతాలో 32 ఫోర్లు, 17 సిక్స‌ర్లు ఉన్నాయి.👉ఇక అంత‌ర్జాతీయ‌ టీ20 క్రికెట్‌లో చేజింగ్‌లో టీమిండియా త‌ర‌ఫున శ్రేయ‌స్ అయ్య‌ర్‌, ఇషాన్ కిష‌న్ నెలకొల్పిన 137 ప‌రుగుల అజేయ భాగ‌స్వామ్యం మూడో అత్యుత్త‌మంగా నిలిచింది. గ‌తంలో జైస్వాల్‌-గిల్ రెండుసార్లు (165 ప‌రుగులు వ‌ర్సెస్ వెస్టిండీస్‌పై, 2023లో), (156 ప‌రుగులు అజేయ భాగ‌స్వామ్యం వ‌ర్సెస్ జింబాబ్వేపై 2024లో) ఈ ఫీట్ న‌మోదు చేశారు.No better way to bring up your maiden T20I ton! 🤩 🎥 Relive Captain Shreyas Iyer's 𝙢𝙞𝙡𝙚𝙨𝙩𝙤𝙣𝙚 𝙢𝙤𝙢𝙚𝙣𝙩 🔥 Updates ▶️ https://t.co/2czVyKWreK #TeamIndia | #INDvWI | @mflone_ | @ShreyasIyer15 https://t.co/LGOfKb5SYx— BCCI (@BCCI) October 6, 2026ఇదీ చ‌ద‌వండి: హర్మన్‌, మంధాన మధ్య విభేదాలు!

న్యూ చండీగఢ్ వేదిక‌గా వెస్టిండీస్‌తో జ‌రుగుతున్న చివ‌రి వ‌న్డేలో భార‌త స్టార్ బ్యాట‌ర్ విరాట్ కోహ్లి నిరాశ‌ప‌రిచాడు. తొలి బంతికే ఔట‌య్యి గోల్డెన్ డ‌క్‌గా పెవిలియ‌న్ చేరాడు. జైడ‌న్ సీల్స్ వేసిన అద్భుత బంతిని ఆడ‌డంలో అంచ‌నా త‌ప్పిన కోహ్లి క్లీన్‌బౌల్డ్ అయ్యాడు. గోల్డెన్ డ‌కౌట్ నేప‌థ్యంలో కోహ్లి ఒక చెత్త రికార్డును త‌న పేరిట లిఖించుకున్నాడు. వ‌న్డేల్లో కోహ్లికి ఇది నాలుగో గోల్డెన్ డ‌కౌట్ కాగా, అందులో మూడుసార్లు వెస్టిండీస్‌పైనే తాను ఆడిన‌ ఇన్నింగ్స్ తొలి బంతికే వెనుదిరగ‌డం గ‌మ‌నార్హం.వ‌న్డేల్లో కోహ్లి గోల్డెన్ డ‌కౌట్‌లు..2011లో నార్త్‌సౌండ్ వేదిక‌గా జ‌రిగిన వ‌న్డేలో డారెన్ సామీ బౌలింగ్‌లో తొలిసారి గోల్డెన్ డ‌క్‌2013లో ధ‌ర్మ‌శాల వేదిక‌గా ఇంగ్లండ్‌తో వ‌న్డేలో టిమ్ బ్రెస్న‌న్ బౌలింగ్‌లో రెండోసారి గోల్డెన్ డ‌క్‌2019లో విశాఖ‌ప‌ట్నం వేదిక‌గా కీర‌న్ పొలార్డ్ బౌలింగ్‌లో మూడోసారి గోల్డెన్ డ‌క్‌తాజాగా చండీగ‌ఢ్ వేదిక‌గా విండీస్ బౌల‌ర్‌ జైడన్ సీల్స్ బౌలింగ్‌లో నాలుగోసారి గోల్డెన్ డ‌క్‌గా వెనుదిరిగాడు. అయితే వెస్టిండీస్‌తో వ‌న్డేల్లో మూడుసార్లు గోల్డెన్‌డ‌క్ అయిన కోహ్లి.. ఇదే విండీస్‌పై వ‌న్డేల్లో 2,429 ప‌రుగులు చేయ‌గా.. అందులో 10 సెంచ‌రీలు ఉండ‌డం విశేషం.మరో చెత్త రికార్డు కూడాగోల్డెన్ డ‌క్స్‌తో పాటు కోహ్లి మ‌రో చెత్త రికార్డు కూడా మూట‌గ‌ట్టుకున్నాడు. అంత‌ర్జాతీయ క్రికెట్‌లో మూడు ఫార్మాట్లు ( వ‌న్డే, టెస్టు, టీ20) క‌లిపి కోహ్లి ఇప్ప‌టివ‌ర‌కు 41 సార్లు డ‌కౌట్ అవ్వ‌గా, భార‌త్ త‌ర‌ఫున అత్య‌ధిక‌సార్లు డ‌కౌట్ అయిన రెండో బ్యాట‌ర్‌గా కోహ్లి నిలిచాడు. ఈ జాబితాలో జ‌హీర్ ఖాన్ (43 సార్లు) తొలి స్థానంలో ఉండ‌గా, ఇషాంత్ శ‌ర్మ (40 సార్లు) మూడో స్థానంలో ఉన్నాడు. ఇక వ‌న్డేల్లో 19 సార్లు డ‌కౌట్ అయిన కోహ్లి.. టెస్టుల్లో 15 సార్లు, టీ20ల్లో ఏడుసార్లు డ‌కౌట్‌గా వెనుదిరిగాడు.క‌లిసిరాని అక్టోబ‌ర్‌..అక్టోబ‌ర్ నెల కోహ్లికి క‌లిసి రాలేదని చెప్పొచ్చు. గ‌త మూడేళ్ల‌లో కోహ్లి అక్టోబ‌ర్ నెల‌లోనే నాలుగుసార్లు డకౌట్ అవ్వడం గమనార్హం. 2024 అక్టోబర్‌లో తొలిసారి న్యూజిలాండ్‌తో టెస్టు మ్యాచ్‌లో డకౌట్ అయిన కోహ్లి.. 2025 అక్టోబర్‌లో ఆస్ట్రేలియాతో జరిగిన వన్డే సిరీస్‌లో కోహ్లి రెండుసార్లు డకౌట్ అయ్యాడు. తాజాగా అక్టోబర్‌లోనే మరోసారి కోహ్లి డకౌట్‌గా వెనుదిరగడం విశేషం.ఇదీ చదవండి: అమన్‌ చేతిలో వరల్డ్‌ చాంపియన్‌ చిత్తు; భార‌త్ ఖాతాలో 20వ స్వ‌ర్ణం

న్యూ చండీగఢ్ వేదికగా వెస్టిండీస్‌తో జరుగుతున్న మూడో వన్డేలో టీమిండియా స్టార్ బ్యాటర్ విరాట్ కోహ్లీ తీవ్రంగా నిరాశపరిచాడు. వెస్టిండీస్ పేసర్ జైడెన్ సీల్స్ అద్భుతమైన బంతితో కోహ్లీని బోల్తా కొట్టించాడు. అతడి ధాటికి విరాట్ ఖాతా తెరవకుండానే గోల్డెన్ డక్‌గా వెనుదిరిగాడు.మొదట బ్యాటింగ్‌కు దిగిన భారత్‌కు ఆదిలోనే గట్టి ఎదురుదెబ్బ తగిలింది. ఇన్నింగ్స్ మూడో ఓవర్ వేసిన సీల్స్.. మూడో బంతికి కెప్టెన్ శుభ్‌మన్ గిల్‌ను పెవిలియన్‌కు పంపాడు. ఆ తర్వాత క్రీజులోకి వచ్చిన విరాట్ ఇన్నింగ్స్‌ను చక్కదిద్దుతాడని అభిమానులు భావించారు. కానీ, సీల్స్ వేసిన తదుపరి బంతికే విరాట్ వద్ద సమాధానమే లేకుండాపోయింది.సీల్స్ ఆ ఓవర్ నాలుగో బంతిని మిడిల్ స్టంప్ లైన్ దిశగా సంధించాడు. అయితే ఆ బంతిని కోహ్లి ఫ్లిక్ చేయడానికి ప్రయత్నించాడు. కానీ బంతి లైన్‌ను అంచనా వేయడంలో పూర్తిగా విఫలమయ్యాడు. దీంతో బంతి బ్యాట్‌ను మిస్సై మిడిల్ స్టంప్‌ను ఎగరగొట్టింది. దీంతో మైదానమంతా ఒక్కసారిగా సైలెంట్‌ అయిపోయింది. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.Virat Kohli 0(1) ball by ball highlights pic.twitter.com/kfp9prvnSu— Nilesh 🥀 (@WhyNiluYaar) October 3, 2026

ఐసీసీ తాజా వన్డే ర్యాంకింగ్స్‌లో టీమిండియా స్టార్‌ బ్యాటర్‌ విరాట్‌ కోహ్లి భారీ జంప్‌ కొట్టాడు. వెస్టిండీస్‌తో తొలి వన్డేలో మెరుపు శతకంతో సాధించడంతో రేటింగ్‌ పాయింట్లు (796) గణనీయంగా పెంచుకున్నాడు. తద్వారా ఓ స్థానం మెరుగుపర్చుకొని మూడు నుంచి రెండో ర్యాంక్‌కు ఎగబాకాడు.విండీస్‌తో తొలి వన్డేలో సెంచరీ చేయడంతో టీమిండియా కెప్టెన్‌ శుభ్‌మన్‌ గిల్‌ కూడా రేటింగ్‌ పాయింట్లు (816) పెంచుకొని నంబర్‌ వన్‌ స్థానాన్ని మరింత పటిష్టం చేసుకున్నాడు. గిల్‌ ప్రస్తుతం కోహ్లి కంటే 20 పాయింట్లు ఆధిక్యంలో ఉన్నాడు.మరో టీమిండియా స్టార్‌ బ్యాటర్‌ రోహిత్‌ శర్మ (719) నాలుగో స్థానంలో కొనసాగుతున్నాడు. భారత్‌ నుంచి ముగ్గురు బ్యాటర్లు టాప్-4లో ఉండటం గమనార్హం.ఏడో స్థానానికి కుశాల్‌శ్రీలంక బ్యాటర్ కుశాల్ మెండిస్ మూడు స్థానాలు ఎగబాకి 674 పాయింట్లతో ఏడో స్థానానికి ఎగాబాకాడు. ఇంగ్లండ్ బ్యాటర్ హ్యారీ బ్రూక్ ఓ స్థానం మెరుగుపర్చుకొని 11వ స్థానానికి చేరాడు. ఆసీస్‌పై రెండో వన్డేలో సెంచరీతో అదరగొట్టిన దక్షిణాఫ్రికా కెప్టెన్ టెంబా బవుమా ఏకంగా 10 స్థానాలు మెరుగుపరుచుకుని 32వ ర్యాంక్‌కు చేరుకున్నాడు.కుల్దీప్ యాదవ్‌కు ప్రమోషన్బౌలింగ్ ర్యాంకింగ్స్‌లో భారత స్పిన్నర్ కుల్దీప్‌ యాదవ్‌ నాలుగు స్థానాలు మెరుగుపరుచుకుని ఐదో ర్యాంక్‌కు ఎగబాకాడు. వెస్టిండీస్‌తో తొలి వన్డేలో నాలుగు వికెట్లు తీయడం అతడి ర్యాంకింగ్ మెరుగుదలకు దోహదపడింది.దక్షిణాఫ్రికా స్పిన్నర్ కేశవ్ మహారాజ్ మూడో స్థానానికి ఎగబాకగా, శ్రీలంకకు చెందిన దునిత్ వెల్లాలాగే 12 స్థానాలు మెరుగుపరుచుకుని 26వ స్థానానికి చేరుకున్నాడు. జోష్ హేజిల్‌వుడ్ కూడా ఐదు స్థానాలు ఎగబాకి 10వ ర్యాంక్‌లో నిలిచాడు. ఆఫ్ఘనిస్తాన్‌ స్టార్‌ స్పిన్నర్‌ రషీద్‌ ఖాన్‌ టాప్‌ ప్లేస్‌లో కొనసాగుతున్నాడు.ఆల్‌రౌండర్ల విభాగానికొస్తే.. భారత్‌ నుంచి అక్షర్‌ పటేల్‌ అత్యుత్తంగా తొమ్మిదో స్థానంలో కొనసాగుతున్నాడు. ఆఫ్ఘనిస్తాన్‌ ఆటగాడు అజ్మతుల్లా ఒమర్‌జాయ్‌ టాప్‌ ప్లేస్‌ను నిలుపుకున్నాడు. ఇదీ చదవండి: వ‌న్డే చ‌రిత్ర‌లో తొలిసారి; ఒకే మ్యాచ్‌లో ఐదుగురు బ్యాట‌ర్లు శతకాలు

గువాహటి వేదికగా వెస్టిండీస్‌తో జ‌రుగుతున్న రెండో వ‌న్డేలో టీమిండియా స్టార్ విరాట్ కోహ్లి ఫీల్డింగ్‌లో తీవ్ర నిరాశ‌ప‌రిచాడు. మైదానంలో ఎల్లప్పుడూ చురుగ్గా ఉండే కోహ్లి ఓ సునాయ‌స క్యాచ్‌ను జార‌విడిచాడు. విండీస్ ఇన్నింగ్స్ 12 ఓవ‌ర్ వేసిన స్పిన్న‌ర్ నమ‌న్ ధీర్‌.. రెండో బంతిని షాయ్ హోప్‌కు ఆఫ్ స్టంప్ వెలుపల లెగ్‌బ్రేక్ డెలివ‌రీగా సంధించాడు.ఆ బంతిని హోప్ ఫ్రంట్ ఫుట్‌పై వచ్చి షార్ట్ మిడ్ వికెట్ దిశగా గట్టిగా బాదాడు. అయితే బంతి నేరుగా షార్ట్ మిడ్ వికెట్‌లో ఉన్న కోహ్లి చేతికి వెళ్లింది. కానీ ఆ బంతిని ఒడిసిప‌ట్టుకోవ‌డంలో కోహ్లి విఫ‌ల‌మ‌య్యాడు. అయితే బంతి చాలా వేగంగా వచ్చినప్పటికీ విరాట్ కోహ్లి లాంటి ఫీల్డర్‌కు ఇదేమి అతి క‌ష్ట‌మైన క్యాచేమి కాదు.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. ఒక‌వేళ కోహ్లి క్యాచ్‌ను అందుకుని ఉండింటే న‌మ‌న్ ధీర్ ఖాతాలో తొలి అంత‌ర్జాతీయ వికెట్ చేరిండేది. కాగా ఇదే మ్యాచ్‌లో కోహ్లి కంటే ముందు కుల్దీప్ యాద‌వ్ కూడా హోప్ ఇచ్చిన క్యాచ్‌ను జారవిడిచాడు. రెండు లైఫ్‌లు రావ‌డంతో హోప్ చెల‌రేగి ఆడుతున్నాడు. 77 ప‌రుగులు చేసి సెంచ‌రీకి చేరువ‌య్యాడు.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌pic.twitter.com/6wtcE3gTrH— Drizzyat12Kennyat8 (@45kennyat7PM) September 30, 2026

భారత బ్యాటింగ్‌ దిగ్గజాలు విరాట్‌ కోహ్లి- రోహిత్‌ శర్మ వన్డే వరల్డ్‌కప్‌-2027 టోర్నీలో ఆడటం దాదాపు ఖాయమైపోయింది. విమర్శకులకు సమాధానం ఇస్తూ ఇద్దరూ ఇటీవలే పూర్తి ఫామ్‌లోకి వచ్చేశారు. మరోవైపు.. వీరికి అడ్డుపడుతున్నాడని భావించిన చీఫ్‌ సెలక్టర్‌ అజిత్‌ అగార్కర్‌ పదవీకాలం ముగిసిపోయింది.అగార్కర్‌ స్థానంలో ఓజాఅగార్కర్‌ స్థానంలో మరో మాజీ భారత క్రికెటర్‌ ప్రజ్ఞాన్‌ ఓజా టీమిండియా తాత్కాలిక చీఫ్‌ సెలక్టర్‌గా పగ్గాలు చేపట్టాడు. ఈ నేపథ్యంలో భారత మాజీ ఓపెనర్‌ సదోగపన్‌ రమేశ్‌.. హెడ్‌కోచ్‌ గౌతం గంభీర్‌ను ఉద్దేశించి సంచలన వ్యాఖ్యలు చేశాడు. రో-కో విషయంలో అగార్కర్‌తో పాటు కుట్రలు పన్నిన గౌతీ.. ఇప్పుడు మాత్రం స్వలాభం కోసం వారికి భజన చేస్తున్నాడంటూ ఘాటుగా విమర్శించాడు.గంభీర్‌ మాటలు నమ్మలేకపోతున్నాఇటీవల గంభీర్‌ జియోస్టార్‌తో మాట్లాడుతూ.. ‘‘వన్డే క్రికెట్‌లో.. కెప్టెన్‌ శుబ్‌మన్‌ గిల్‌.. తన జట్టులో విరాట్‌, రోహిత్‌లను కలిగి ఉండటం నిజంగా అతడి అదృష్టం. వాళ్లిద్దరు అతడికి మైదానం లోపల, వెలుపల చక్కటి సలహాలు ఇస్తూ సాయం చేస్తారు’’ అని పేర్కొన్నాడు. ఈ విషయంపై సదగోపన్‌ రమేశ్‌ తాజాగా ఇన్‌స్టా వేదికగా స్పందించాడు.‘‘గౌతం గంభీర్‌ ఈ వ్యాఖ్యలు చేశాడంటే అస్సలు నమ్మలేకపోతున్నా. కోహ్లి, రోహిత్‌ తన సారథ్యంలో ఆడటం గిల్‌ అదృష్టమట. గంభీర్‌ అకస్మాత్తుగా కోహ్లి, రోహిత్‌లను ఇంతలా ప్రశంసించడాన్ని నిజంగా నమ్మలేకున్నా.నన్ను ఇరికించి.. నువ్వు ఇపుడు భజన చేస్తున్నావా!పక్క నుంచి అజిత్‌ అగార్కర్‌ గంభీర్‌ను చూస్తూ ఇలా అనుకుని ఉంటాడు. ‘నిన్నటి దాకా వీళ్లిద్దరిని జట్టులో ఉంచవద్దని పట్టుబట్టావు. నన్ను కూడా ఈ ఆటలో భాగం చేశావు. నా పదవీ కాలం పొడిగించుకునే దారులు మూసివేశావు.ఇప్పుడేమో నీ పదవీ కాలం పొడిగించుకునే ప్రణాళికతో ఇలా మాట్లాడుతున్నావా? నన్ను ఇరికించి.. నువ్వు ఇపుడు భజన చేస్తున్నావా!’ అని అని అగార్కర్‌ మైండ్‌ వాయిస్‌ వేసుకుని ఉంటాడు’’ అని సదగోపన్‌ రమేశ్‌ ఘాటు విమర్శలు చేశాడు.సంజూకు సెల్యూట్‌ కొట్టాల్సిందేఅదే విధంగా.. ఇంగ్లండ్‌ పర్యటనలో భాగంగా టీ20 సిరీస్‌లో సంజూ శాంసన్‌ను తప్పించడం గురించి గంభీర్‌ ఇటీవల చేసిన వ్యాఖ్యలపైనా రమేశ్‌ వ్యంగ్యాస్త్రాలు సంధించాడు. ‘‘ఇంగ్లండ్‌ సిరీస్‌ సందర్భంగా సంజూ శాంసన్‌ను తప్పించడం తన కెరీర్‌లోనే అత్యంత కఠినమైన నిర్ణయమని గంభీర్‌ చెప్పాడు.ఆ రాత్రి తాను నిద్రపోలేదని చెప్పాడు. నిజంగా నమ్మవచ్చు అంటారా? సరే.. ఈ ఒక్కసారికి నమ్ముదాం. ఒకవేళ అదే నిజమేతే సంజూకు సెల్యూట్‌ కొట్టాల్సిందే. ఎంతో మంది ఆటగాళ్ల నిద్రను నాశనం చేసి (గంభీర్‌ను ఉద్దేశించి)న వ్యక్తికి సంజూ నిద్ర లేకుండా చేశాడంటే అది గొప్ప విషయం’’ అని సదగోపన్‌ రమేశ్‌ సెటైర్లు వేశాడు.చదవండి: కోహ్లి తప్పక పశ్చాత్తాప పడతాడు: భారత దిగ్గజ కెప్టెన్‌

భారత బ్యాటింగ్‌ దిగ్గజం విరాట్‌ కోహ్లి గురించి టీమిండియా లెజెండరీ కెప్టెన్‌ కపిల్‌ దేవ్‌ ఆసక్తికర వ్యాఖ్యలు చేశాడు. టెస్టులకు రిటైర్మెంట్‌ ప్రకటించి కోహ్లి తప్పు చేశాడన్నాడు. అతడి అభిమానిగా, మాజీ క్రికెటర్‌గా ఈ విషయంలో తాను తీవ్ర నిరాశకు గురయ్యానని తెలిపాడు.టీ20, టెస్టులకు గుడ్‌బైకాగా 2024 టీ20 ప్రపంచకప్‌లో భారత్‌ చాంపియన్‌గా నిలిచిన తర్వాత నాటి కెప్టెన్‌ రోహిత్‌ శర్మతో కలిసి కోహ్లి అంతర్జాతీయ పొట్టి ఫార్మాట్‌కు వీడ్కోలు పలికిన సంగతి తెలిసిందే. ఇక గతేడాది రోహిత్‌ టెస్టులకు రిటైర్మెంట్‌ ప్రకటించిన సుమారు వారం రోజుల వ్యవధిలోపే కోహ్లి కూడా సంప్రదాయ ఫార్మాట్‌కు గుడ్‌బై చెప్పేశాడు.అన్ని రికార్డులను బద్దలు కొట్టేవాడుఅప్పటి చీఫ్‌ సెలక్టర్‌ అజిత్‌ అగార్కర్‌ వైఖరి కారణంగానే రో-కో ఈ నిర్ణయం తీసుకున్నారనే విమర్శలు వచ్చాయి. ఇక ప్రస్తుతం వీరిద్దరు వన్డేల్లో మాత్రమే కొనసాగుతున్నారు. ఈ నేపథ్యంలో 1983లో భారత్‌కు తొలి వరల్డ్‌కప్‌ అందించిన కపిల్‌ దేవ్‌ కోహ్లి టెస్టు కెరీర్‌ గురించి తాజాగా స్పందించాడు.‘‘అతడు గొప్పగా ఆడుతున్నాడు. ఇప్పటికీ తనలో ఇంకా టెస్టు క్రికెట్‌ మిగిలే ఉంది. 37 ఏళ్ల వయసులోనూ అతడు ఎంతో ఫిట్‌గా ఉన్నాడు. ఆటకు ఫిట్‌నెస్‌ ముఖ్యం. ఇంకో రెండు- మూడేళ్లు ఆడగల సత్తా అతడికి ఉంది. అన్ని రికార్డులను అతడు బద్దలు కొట్టేవాడు. అతడి విషయంలో నాకు బాధగా ఉంది. అసలు కోహ్లి ఎందుకిలా చేశాడో నాకైతే అర్థం కాలేదు.కోహ్లి కచ్చితంగా పశ్చాత్తాపపడతాడుప్రేక్షకుడిగా, అభిమానిగా, మాజీ క్రికెటర్‌గా నేను ఈ విషయాన్ని జీర్ణించుకోలేకపోయాను. అతడు రిటైర్మెంట్‌ ప్రకటించకుండా ఉండాల్సింది. తన నిర్ణయం విషయంలో కోహ్లి ఎప్పుడు ఎలా ఫీలవుతున్నాడో నాకైతే తెలియదు.ఇప్పటికైతే టెస్టు క్రికెట్‌ ఆపేశాడు. అయితే, కొన్నాళ్ల తర్వాత కచ్చితంగా కోహ్లి పశ్చాత్తాపపడతాడు. తాను ఇంకొన్నాళ్లు టెస్టు క్రికెట్‌ ఆడితే బాగుండేదని చింతిస్తాడు. అతడికి క్రికెట్‌ అంటే ప్రాణం. టెస్టు క్రికెట్‌ అతడికి ఎంతో ఇష్టమైనది.అయితే, ఆటగాడిగా ఎప్పుడు ఆట నుంచి తప్పుకోవాలన్నది అతడి సొంత నిర్ణయం. కానీ మనం మాత్రం అతడి ఆటను ఇంకా చూడాలని కోరుకుంటున్నాం. అంత మాత్రాన కోహ్లి టెస్టు క్రికెట్‌ రిటైర్మెంట్‌ను వెనక్కి తీసుకోవాలని చెప్పడం సరికాదు. అది పూర్తిగా అతడి వ్యక్తిగత నిర్ణయం’’ అని కపిల్‌ దేవ్‌ PTIతో పేర్కొన్నాడు.సారథిగానూ బెస్ట్‌కాగా టీమిండియా తరఫున 123 టెస్టు మ్యాచ్‌లు ఆడి కోహ్లి.. 9230 పరుగులు సాధించాడు. ఈ కుడిచేతి వాటం బ్యాటర్‌ ఖాతాలో 30 టెస్టు శతకాలు ఉన్నాయి. కెప్టెన్‌గా భారత్‌ను టెస్టుల్లో నంబర్‌ వన్‌ జట్టుగా నిలిపిన ఘనత అతడిదే. విదేశాల్లోనూ సారథిగా టెస్టు ఫార్మాట్లో కోహ్లికి మంచి రికార్డు ఉంది.చదవండి: అగార్కర్‌ స్థానంలో టీమిండియా చీఫ్‌ సెలక్టర్‌గా ఓజా నియామకం

తిరువనంతపురం వేదిక‌గా వెస్టిండీస్‌తో జరిగిన తొలి వన్డేలో విరాట్ కోహ్లీ 55వ వన్డే శతకాన్ని నమోదు చేశాడు. విండీస్‌పై 139 పరుగుల అజేయ‌ ఇన్నింగ్స్‌తో భారత్‌కు ఘన విజయాన్ని అందించాడు. త‌ద్వారా అనేక రికార్డులను తన ఖాతాలో వేసుకున్న కోహ్లి.. భార‌త దిగ్గజం సునీల్ గావ‌స్క‌ర్‌ రికార్డును కూడా స‌మం చేయ‌డం విశేషం. ఈ రికార్డు ఆల‌స్యంగా వెలుగు చూసిన‌ప్ప‌టికీ, ప్ర‌స్తుతం సోష‌ల్ మీడియాలో ట్రెండింగ్‌లో నిలిచింది.వెస్టిండీస్‌పై అద్భుత రికార్డు క‌లిగిన సునీల్ గావస్కర్‌.. ఆ జ‌ట్టుపై అత్య‌ధిక శ‌త‌కాలు న‌మోదు చేసిన భార‌త క్రికెట‌ర్‌గా నిలిచాడు. గావ‌స్క‌ర్ వెస్టిండీస్‌పై 38 మ్యాచ్‌ల్లో 13 శ‌త‌కాలు సాధించాడు. అయితే కోహ్లి 78 మ్యాచ్‌ల్లో ఈ ఫీట్‌ను సాధించాడు. విండీస్‌తో తొలి వ‌న్డేలో సెంచ‌రీ చేసిన కోహ్లి 13వ శ‌త‌కంతో గ‌వాస్క‌ర్ రికార్డును స‌మం చేశాడు. రేపు విండీస్‌తో రెండో వన్డే జరగనున్న నేపథ్యంలో గౌహతి వేదికగా కోహ్లి మరో సెంచరీ చేస్తే విండీస్‌పై అత్యధిక సెంచరీలు చేసిన బ్యాటర్‌గా నిలవనున్నాడు. అసలే గౌహతిలో తాను ఆడిన రెండు వన్డేల్లోనూ సెంచరీలు బాదిన కోహ్లికి ఇప్పుడున్న ఫామ్‌ దృష్ట్యా అది పెద్ద కష్టం కాకపోవచ్చు.అయితే గావ‌స్క‌ర్ ఈ 13 శ‌త‌కాల‌ను టెస్టులోనే న‌మోదు చేయగా, కోహ్లి మాత్రం వ‌న్డేల్లో 11, టెస్టుల్లో రెండు సెంచ‌రీలు చేశాడు. అయితే భార‌త లిటిల్ మాస్ట‌ర్ స‌చిన్ టెండూల్క‌ర్ మాత్రం వెస్టిండీస్‌పై త‌న కెరీర్‌లో ఏడు శ‌త‌కాలు మాత్ర‌మే చేశాడు. ఇందులో మూడు టెస్టుల్లో వ‌స్తే, మ‌రో నాలుగు వ‌న్డే క్రికెట్‌లో సాధించాడు.ఇదీ చదవండి: గౌహ‌తిలో రో-కోల ట్రాక్ రికార్డు అదుర్స్‌.. విండీస్‌కు చుక్కలే!

వెస్టిండీస్‌తో వ‌న్డే సిరీస్‌లో భాగంగా రేపు గౌహ‌తిలోని బ‌ర్సాప‌రా వేదిక‌గా టీమిండియా రెండో వ‌న్డే మ్యాచ్ ఆడ‌నుంది. తిరువ‌నంత‌పురం వేదిక‌గా జ‌రిగిన తొలి వ‌న్డేలో విండీస్‌ను ఉతికారేసిన భార‌త్ మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది. రెండో వ‌న్డేలోను గెలిచి మ‌రో మ్యాచ్ మిగిలి ఉండ‌గానే సిరీస్‌ను సొంతం చేసుకోవాల‌ని టీమిండియా భావిస్తోంది. మ‌రోవైపు రోహిత్ శ‌ర్మ‌, విరాట్ కోహ్లిలు త‌మ చివ‌రి అంకంలో మంచి ఫామ్‌ను ప్ర‌ద‌ర్శిస్తూ బ్యాటింగ్ కొన‌సాగిస్తున్నారు. తొలి వ‌న్డేలో రోహిత్ త‌క్కువ ప‌రుగులే చేసిన‌ప్ప‌టికీ, ఉన్నంత‌సేపు షాట్ల‌తో అల‌రించాడు. ఇక కోహ్లి మాత్రం మ‌రోసారి త‌నలోని చేజింగ్ మాస్ట‌ర్‌ను బ‌య‌టికి తీస్తూ అజేయ సెంచ‌రీతో జ‌ట్టును గెలిపించ‌డంలో కీల‌క‌పాత్ర పోషించాడు. మునుపెన్న‌డూ లేని విధంగా కోహ్లి త‌న బ్యాటింగ్‌లో వేగం పెంచ‌డం విశేషం.వీరోచిత శ‌త‌కాలు..ఇక బ‌ర్సాప‌రా స్టేడియంలోనూ ఈ ఇద్ద‌రు సీనియ‌ర్ల‌కు మంచి ట్రాక్‌ రికార్డు ఉంది. రోహిత్ శ‌ర్మ‌, విరాట్ కోహ్లిలు ఈ స్టేడియంలో చెరో రెండు వ‌న్డే మ్యాచ్‌లు ఆడారు. కోహ్లి ఆడిన రెండు వ‌న్డేల్లోనూ సెంచ‌రీలు బాద‌గా, రోహిత్ శ‌ర్మ ఒక మ్యాచ్‌లో అజేయ సెంచ‌రీ చేయడంతో పాటు మరో మ్యాచ్‌లో అర్థ‌శ‌త‌కం బాదాడు. Photo Credit: BCCI Twitterతొలుత 2018లో వెస్టిండీస్‌తో జ‌రిగిన వ‌న్డే మ్యాచ్‌లో రోహిత్ శ‌ర్మ ఓపెనర్‌గా వ‌చ్చి 117 బంతుల్లోనే 152 ప‌రుగులు అజేయ ఇన్నింగ్స్‌తో మెరవ‌గా, కోహ్లి 140 ప‌రుగులు సాధించాడు. వీరిద్ద‌రి మెరుపుల‌తో విండీస్ విధించిన 323 ప‌రుగుల ల‌క్ష్యాన్ని టీమిండియా 42.1 ఓవ‌ర్ల‌లోనే ఛేదించింది. అలా తొలిసారి గౌహ‌తి వేదికగా టీమిండియా ఆడిన మ్యాచ్‌లో రో-కోలిద్ద‌రు సెంచ‌రీలతో చెల‌రేగడం విశేషం.కోహ్లి సెంచ‌రీ.. రోహిత్ అర్థ‌సెంచ‌రీఇక రెండోసారి టీమిండియా బ‌ర్సాప‌రా స్టేడియంలో 2023లో శ్రీలంక‌తో వ‌న్డే మ్యాచ్ ఆడింది. తొలుత బ్యాటింగ్ చేసిన టీమిండియా 50 ఓవ‌ర్ల‌లో 7 వికెట్ల న‌ష్టానికి 373 ప‌రుగుల భారీ స్కోరు చేసింది. కోహ్లి (87 బంతుల్లో 113) సెంచ‌రీ బాదగా, రోహిత్ శ‌ర్మ (67 బంతుల్లో 83) మెరుపు అర్థ‌సెంచ‌రీ సాధించాడు. గిల్ (70) రాణించాడు. Photo Credit: BCCI Twitterఅనంత‌రం శ్రీలంక 8 వికెట్ల న‌ష్టానికి 306 ప‌రుగుల‌కే ప‌రిమితం కావ‌డంతో భార‌త్ 67 ప‌రుగుల తేడాతో విజ‌యాన్ని అందుకుంది. కెప్టెన్ దాసున్ ష‌న‌క (88 బంతుల్లో 108 నాటౌట్‌) అజేయ సెంచ‌రీ, పాతుమ్‌ నిసాంక (72) పరుగులు చేసిన‌ప్ప‌టికీ జ‌ట్టును ఓటమి నుంచి ర‌క్షించ‌లేక‌పోయారు. అలా రెండోసారి కూడా రో-కో ద్వయం అదుర్స్‌ అనిపించింది.ఇలా గౌహ‌తిలోని బ‌ర్సాప‌రా స్టేడియంలో టీమిండియా ఆడిన రెండు మ్యాచ్‌ల్లోనూ భారీ ఇన్నింగ్స్‌లు ఆడిన రో-కో ద్వ‌యం రేప‌టి వ‌న్డేలో మ‌రోసారి చెల‌రేగితే మాత్రం విండీస్‌కు చుక్కలే అని చెప్పొచ్చు. కోహ్లి ఇప్ప‌టికే సెంచరీతో త‌న ఉద్దేశాన్ని చాటి చెప్ప‌గా, రోహిత్ భారీ ఇన్నింగ్స్‌తో అల‌రించాల‌నే ప‌ట్టుద‌ల‌తో ఉన్నాడు. ఈ స్టేడియంలో విండీస్ ఒకే ఒక్క మ్యాచ్ ఆడిన‌ప్ప‌టికీ, టీమిండియానే విజ‌యం సాధించింది.ఇదీ చదవండి: ఆసీస్‌ను చితకొట్టిన భారత బ్యాటర్లు.. తొలిరోజు ముగిసిన ఆట

విరాట్‌ కోహ్లి- రోహిత్‌ శర్మ.. దశాబ్దకాలానికి పైగా టీమిండియాకు సేవలు అందిస్తున్న ఈ దిగ్గజాలు ఒకరి సారథ్యంలో మరొకరు ఆడారు. తొలుత కోహ్లి టీమిండియా కెప్టెన్‌గా వ్యవహరించగా.. ఆ తర్వాత రోహిత్‌ నాయకుడిగా కోహ్లి స్థానాన్ని భర్తీ చేశాడు. ప్రస్తుతం ఈ ఇద్దరు లెజెండరీ బ్యాటర్లు యువ కెప్టెన్‌ శుబ్‌మన్‌ గిల్‌ సారథ్యంలో ఆడుతున్నారు.ఇప్పటికే అంతర్జాతీయ టీ20, టెస్టులకు వీడ్కోలు పలికిన రో-కో.. వన్డేల్లో మాత్రమే కొనసాగుతున్న సంగతి తెలిసిందే. అయితే, వీరిద్దరు వన్డే వరల్డ్‌కప్‌-2027లో ఆడతారా? లేదా? అన్న సందేహాల నడుమ ఇటీవలే ఇద్దరూ పూర్తి ఫామ్‌లోకి వచ్చేశారు.అప్పుడు హిట్‌మ్యాన్‌.. ఇప్పుడు కింగ్‌ఇంగ్లండ్‌లో లార్డ్స్‌ వన్డేలో రోహిత్‌ శతక్కొట్టగా.. తాజాగా వెస్టిండీస్‌తో తొలి వన్డే సందర్భంగా తిరువనంతపురంలో కోహ్లి రికార్డు స్థాయిలో 55వ సెంచరీ నమోదు చేశాడు. ఇక భారత్‌- విండీస్‌ మధ్య బుధవారం రెండో వన్డే జరుగనున్న తరుణంలో రోహిత్‌ శర్మ జియోస్టార్‌తో మాట్లాడుతూ.. మైదానంలో తాను, కోహ్లి ఏం మాట్లాడుకుంటామో వివరించాడు.ఎవరి బౌలింగ్‌లో దూకుడుగా ఆడాలి?‘‘వన్డే వరల్డ్‌కప్‌.. కోహ్లి ఇప్పటికే 2011, 15, 109, 23లో ఈ టోర్నీ ఆడాడు. ఇప్పటికి నాలుగు వన్డే ప్రపంచకప్‌ ఈవెంట్లు పూర్తి చేసుకున్నాడు. 2027 టోర్నీ అతడికి ఐదో వరల్డ్‌కప్‌. కాబట్టి అతడికి కొత్తగా చెప్పాల్సింది ఏమీ లేదు. కాబట్టి మేము దీని గురించి ఎక్కువగా చర్చించుకోము.అయితే, వరల్డ్‌కప్‌ టోర్నీ కోసం మేము చేయగలము అని మాత్రం చర్చించుకుంటాము. ముఖ్యంగా మైదానంలో బ్యాటింగ్‌ చేస్తున్న సమయంలో ఎవరి బౌలింగ్‌లో దూకుడుగా ఆడాలి.. ఎవరి బౌలింగ్‌లో సింగిల్స్‌ మాత్రమే తీయాలి అని మాట్లాడుకుంటాము.సోదరా.. కాస్త జాగ్రత్తగా పరిగెత్తుఎప్పుడైనా నాకు కాలు నొప్పిగా అనిపిస్తే వెంటనే కోహ్లితో.. ‘సోదరా.. కాస్త జాగ్రత్తగా పరిగెత్తు.. నా పరిస్థితి కాస్త బాలేదు’ అని ముందుగానే చెప్పేస్తా. దాంతో అందుకు తగినట్లుగానే సింగిల్స్‌ విషయంలో కోహ్లి నిర్ణయం తీసుకుంటాడు. మేము కలిసి ఆడటం మొదలుపెట్టిన నాటి నుంచి దాదాపుగా ఇలాంటి విషయాలే మాట్లాడుకుంటున్నాము.అప్పటికి, ఇప్పటికి ఏమీ మారలేదు. మైదానంలో మేమిద్దరం భిన్నమైన ఆటగాళ్లము. అయితే, మా లక్ష్యం మాత్రం జట్టును గెలిపించడమే. ఇప్పుడూ అంతే. వరల్డ్‌కప్‌ ఆడాలి, గెలవాలి.. జట్టు కోసం సర్వశక్తులు ధారబోయాలి.. కేవలం ఇది మాత్రమే మా మనసులో ఉంటుంది’’ అని రోహిత్‌ శర్మ చెప్పుకొచ్చాడు.చదవండి: ఆసీస్‌తో తొలి టెస్టు.. భారత ఓపెనర్‌ ప్రపంచ రికార్డు

భారత వన్డే క్రికెట్‌లో శుభ్‌మన్‌ గిల్‌, విరాట్‌ కోహ్లి జోడీ ప్రత్యేక ఆకర్షణగా మారుతోంది. ఈ ఇద్దరూ క్రీజులో ఉన్నప్పుడు పరుగులు సాధించే వేగం, షాట్ల ఎంపిక, స్ట్రైక్‌ రొటేషన్‌ చూస్తే ఒకరి ఆటకు మరొకరు అద్దం పడుతున్నట్లుగా అనిపిస్తుంది. తాజాగా వెస్టిండీస్‌తో జరిగిన తొలి వన్డేలోనూ ఇదే కనిపించింది. కోహ్లి సిక్సర్‌ బాదిన కొద్దిసేపటికే గిల్‌ కూడా ముందుకొచ్చి బౌండరీ సాధించాడు. ఈ జోడీ బ్యాటింగ్‌ను చూసిన కామెంటేటర్లు సైతం ప్రశంసలు కురిపించారు.సాధారణంగా టాపార్డర్‌ జోడీలో ఒక బ్యాటర్‌ దూకుడుగా ఆడితే, మరొకరు స్ట్రైక్‌ను రొటేట్‌ చేస్తూ ఇన్నింగ్స్‌ను నడిపిస్తుంటారు. కానీ గిల్‌, కోహ్లి విషయంలో అలాంటి స్థిరమైన పాత్రలు కనిపించవు. పరిస్థితిని బట్టి ఇద్దరూ వేగం పెంచగలరు. అవసరమైనప్పుడు సింగిల్స్‌, డబుల్స్‌తో స్కోరు బోర్డును కదిలిస్తూనే అవకాశం వచ్చిన వెంటనే బౌండరీలు సాధిస్తారు. వీరి భాగస్వామ్యంలో పరుగులు సాధించడం బలవంతంగా కాకుండా సహజంగా కనిపిస్తుంది.ఒకే షాట్‌.. ఇద్దరి స్టైల్‌ వేరుగిల్‌, కోహ్లి ఒకే రకమైన షాట్‌ను రెండు వేర్వేరు స్టైల్స్‌లో ఆడగలరు. తాజాగా వెస్టిండీస్‌తో జరిగిన తొలి వన్డేలో రోస్టన్‌ చేజ్‌ షార్ట్‌ బాల్‌ వేయగా గిల్‌ బ్యాక్‌ఫుట్‌పైకి వెళ్లి స్క్వేర్‌ లెగ్‌ మీదుగా పుల్‌ షాట్‌తో బౌండరీ సాధించాడు. అదే బౌలర్‌ నుంచి దాదాపు అదే లెంగ్త్‌లో వచ్చిన బంతిని కోహ్లీ కూడా పుల్‌ షాట్‌ ఆడాడు. అయితే అతడి షాట్‌ మరింత పవర్‌తో వెళ్లి సిక్సర్‌గా మారింది.ఇలా ఒకరు ఆడిన షాట్‌కు మరో ఎండ్‌లో ఉన్న బ్యాటర్‌ కూడా సమాధానం ఇస్తున్నట్లు వీరి భాగస్వామ్యం సాగుతోంది. కోహ్లి వరుస బౌండరీలు సాధిస్తే గిల్‌ కూడా వెనుకబడటం లేదు. గిల్‌ వేగం పెంచితే కోహ్లి కూడా తన సహజమైన స్ట్రోక్‌ ప్లేతో స్కోరును ముందుకు తీసుకెళ్తున్నాడు.కోహ్లీ వస్తే గిల్‌ వేగం పెరుగుతోందిఈ ఏడాది వడోదరలో న్యూజిలాండ్‌తో జరిగిన వన్డే ఇందుకు మంచి ఉదాహరణ. పవర్‌ప్లేలో గిల్‌ ఆరంభం కాస్త నెమ్మదిగా సాగింది. 23 బంతుల్లో 10 పరుగులే చేశాడు. న్యూజిలాండ్‌ బౌలర్లు కట్టుదిట్టమైన లైన్లతో బౌలింగ్‌ చేయడంతో గిల్‌ ఇబ్బంది పడ్డాడు.అయితే కోహ్లి క్రీజులోకి రాగానే పరిస్థితి మారింది. కోహ్లి తన సహజమైన షాట్లతో స్కోరింగ్‌ వేగాన్ని పెంచాడు. దాని ప్రభావం గిల్‌పైనా కనిపించింది. ఆ తర్వాత గిల్‌ తన తదుపరి 46 పరుగులను 48 బంతుల్లో 95.83 స్ట్రైక్‌రేట్‌తో సాధించాడు. ఇద్దరూ కలిసి రెండో వికెట్‌కు 118 పరుగులు జోడించారు.15 వేల పరుగుల మైలురాయి.. ఆ వెంటనే గిల్‌ సెంచరీతాజాగా వెస్టిండీస్‌తో జరిగిన మ్యాచ్‌లో మరో ప్రత్యేక ఘట్టం చోటుచేసుకుంది. కోహ్లి తన వన్డే కెరీర్‌లో 15000 పరుగుల మైలురాయిని చేరుకున్నప్పుడు గిల్‌ మరో ఎండ్‌లో ఉన్నాడు. ఆ మైలురాయి సాధించిన ఎనిమిది బంతులకే గిల్‌ తన 10వ వన్డే సెంచరీ పూర్తి చేశాడు. ఇది వీరిద్దరి మధ్య ఉన్న భాగస్వామ్యానికి మరో ప్రత్యేక గుర్తుగా నిలిచింది.వన్డే క్రికెట్‌లో ఎక్కువసేపు వికెట్‌ కాపాడుకుంటూ, అదే సమయంలో స్కోరింగ్‌ వేగాన్ని తగ్గించకుండా ఆడటం అంత సులభం కాదు. గిల్‌, కోహ్లి మాత్రం ఈ రెండింటినీ సమన్వయం చేస్తున్నారు.ఇదీ చదవండి: ఒకే రోజు 6 సెంచరీలు.. వన్డే క్రికెట్ చరిత్రలోనే సరికొత్త ప్రపంచ రికార్డు

సెప్టెంబర్ 27, 2026.. వన్డే అంతర్జాతీయ క్రికెట్ చరిత్రలో చిర‌స్మ‌ర‌ణీయంగా నిలిచిపోయింది. ఒకే రోజున వేర్వేరు వేదికల్లో జరిగిన మూడు వన్డే మ్యాచ్‌ల్లో ఏకంగా 6 సెంచరీలతో కొత్త ప్రపంచ రికార్డు నమోదైంది. ఒకే రోజు 6 వ‌న్డే సెంచ‌రీలు న‌మోదు కావ‌డం ఇదే తొలిసారి.అంత‌కుముందు 5 సెంచరీలు నమోదు కావడమే అత్యధిక రికార్డుగా ఉండేది.తాజాగా ఆ రికార్డు తుడిచిపెట్టుకుపోయింది. ఈ విషయాన్ని అంతర్జాతీయ క్రికెట్ కౌన్సిల్ (ICC) ఎక్స్ ) వేదికగా అధికారికంగా వెల్లడించింది.ఈ ప్రపంచ రికార్డులో భాగమైన 6 సెంచరీల వివరాలు ఇవే:విరాట్ కోహ్లి: తిరువ‌నంతపురం వేదిక‌గా వెస్టిండీస్‌తో జ‌రిగిన తొలి వ‌న్డేలో టీమిండియా స్టార్ విరాట్ కోహ్లి భారీ సెంచ‌రీతో క‌దం తొక్కాడు. కేవ‌లం 88 బంతుల్లో 10 ఫోర్లు, 9 సిక్స్‌ల‌తో 139 ప‌రుగులు చేశాడు. కోహ్లికి త‌న వ‌న్డే కెరీర్‌లో 55వ సెంచరీ, అంతర్జాతీయ క్రికెట్‌లో 86వ శతకం కావ‌డం విశేషం. ఈ క్ర‌మంలోనే వన్డేల్లో అత్యంత వేగంగా 15,000 పరుగులు పూర్తి చేసిన ప్లేయ‌ర్‌గా కోహ్లి నిలిచాడు.శుబ్‌మ‌న్ గిల్‌: ఇక ఇదే మ్యాచ్‌లో భార‌త కెప్టెన్ శుబ్‌మ‌న్ గిల్ అద్భుతమైన సెంచ‌రీ సాధించాడు. 108 బంతుల్లో 110 పరుగులు చేసి భారత్ 296 పరుగుల లక్ష్యాన్ని సునాయాసంగా ఛేదించడంలో గిల్ కీల‌క పాత్ర పోషించాడు.జ‌స్టిన్ గ్రీవ్స్: తిరువ‌నంతపురం వన్డేలో విండీస్ ఓపెనర్ జస్టిన్ గ్రీవ్స్ (12 ఫోర్లతో 101 పరుగులు) కూడా విరోచిత సెంచరీ నమోదు చేశాడు.డేవిడ్ మిల్ల‌ర్‌: జోహాన్స్‌బ‌ర్గ్ వేదిక‌గా ఆస్ట్రేలియాతో జ‌రిగిన రెండో వ‌న్డేలో సౌతాఫ్రికా ప్లేయ‌ర్ డేవిడ్ మిల్ల‌ర్ విధ్వంస‌క‌ర సెంచ‌రీతో విరుచుకుప‌డ్డాడు. కేవ‌లం 93 బంతుల్లో 12 ఫోర్లు, 9 సిక్స్‌ల‌తో 142 ప‌రుగులు చేశాడు.టెంబా బవుమా: ఇదే మ్యాచ్‌లో ప్రోటీస్ కెప్టెన్ టెంబా బ‌వుమా కూడా సెంచ‌రీతో చెల‌రేగాడు. 116 బంతుల్లో బ‌వుమా 103 ప‌రుగులు చేశాడు.టామ్ బాంటన్ : లండ‌న్ వేదిక‌గా శ్రీలంకతో జ‌రిగిన సిరీస్ డిసైడ‌ర్ మూడో వ‌న్డేలో ఇంగ్లండ్ ఓపెనర్ టామ్ బాంటన్‌ 126 (105 బంతుల్లో) శతక్కొట్టాడు.

స్వదేశంలో వెస్టిండీస్‌తో వన్డే సిరీస్‌లో టీమిండియా శుభారంభం అందుకుంది. తిరువనంతపురంలో ఆదివారం జరిగిన తొలి వన్డేలో విండీస్‌ జట్టును ఎనిమిది వికెట్ల తేడాతో ఓడించింది. ఫలితంగా మూడు మ్యాచ్‌ల సిరీస్‌లో శుబ్‌మన్‌ గిల్‌ సేన 1-0తో ముందంజ వేసింది.ఈ క్రమంలో సంబరాల్లో మునిగిపోయిన టీమిండియా.. బస్సులో హోటల్‌కు తిరిగి వచ్చే క్రమంలో ఓ అపశ్రుతి చోటుచేసుకుంది. భారత దిగ్గజ ఓపెనర్‌ రోహిత్‌ శర్మ బస్సు దిగుతున్నపుడు అదుపు తప్పి కిందపడిపోయాడు. ఇందుకు సంబంధించిన దృశ్యాలు వైరల్‌గా మారాయి.32 పరుగులు చేసి అవుట్‌కాగా వెస్టిండీస్‌ విధించిన 296 పరుగుల లక్ష్యాన్ని ఛేదించే క్రమంలో రోహిత్‌ శర్మ.. 35 బంతుల్లో రెండు ఫోర్లు, మూడు సిక్సర్లు బాది 32 పరుగులు మాత్రమే చేయగలిగాడు. అల్జారీ జోసెఫ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో హిట్‌మ్యాన్‌ పెవిలియన్‌ చేరాల్సి వచ్చింది.ఇక మరో ఓపెనర్‌, కెప్టెన్‌ శుబ్‌మన్‌ గిల్‌ (108 బంతుల్లో 110), వన్‌డౌన్‌ బ్యాటర్‌ విరాట్‌ కోహ్లి (88 బంతుల్లో 139 నాటౌట్‌) శతకాల మోత మోగించి టీమిండియాను గెలిపించారు. ఇదిలా ఉంటే.. విజయం తర్వాత భారత జట్టు టీమ్‌ బస్సులో హోటల్‌కు వెళ్లింది.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026బస్సు నుంచి పడిపోయిన రోహిత్‌బస్సు నుంచి దిగుతున్నపుడు రోహిత్‌ పట్టు తప్పి మెట్ల మీది నుంచి కిందపడిపోయాడు. పక్కన ఉన్న వాళ్లు వచ్చి అతడికి సాయం చేసి పక్కకు తీసుకువెళ్లారు. అప్పటికే సహచర ఆటగాళ్లు ముందుకు వెళ్లగా.. కోహ్లి వెనక్కి తిరిగి రోహిత్‌ పరిస్థితి చూసి షాకయ్యాడు. అంతా బాగానే ఉంది కదా అన్నట్లుగా ఎక్స్‌ప్రెషన్‌ ఇచ్చాడు. ఈ దృశ్యాలు వైరల్‌ కాగా.. ‘రో-కో.. మైదానం లోపల, వెలుపలా.. వారి స్నేహ బంధం గొప్పది’ అంటూ అభిమానులు కామెంట్లు చేస్తున్నారు.చదవండి: IND vs WI: అతడొక అద్భుతం.. మ్యాచ్‌ నేనే ముగించాల్సిందిRohit Sharma 𝗦𝗹𝗶𝗽𝗽𝗲𝗱 from the Bus 😱While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥- Everyone was celebrating India's win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb— Mukku (@Cric_Mukku) September 28, 2026

‘‘మన మనసు, మెదడు స్వేచ్ఛగా నచ్చిన పని చేయాలంటే ముందుగా మన శరీరం ఫిట్‌గా ఉండాలి. లేదంటే అనుకున్నది ఏదీ సాధించలేము. నేను శారీరకంగా ఫిట్‌గా ఉంటేనే ఏవిధంగా బ్యాటింగ్‌ చేయగలనో ముందే ఊహించుకోగలుగుతాను.తద్వారా మ్యాచ్‌ సమయంలో అనుకున్న ప్రణాళికలను పక్కాగా అమలు చేయగలుగుతాను. ఈరోజు మాదిరే అత్యుత్తమంగా రాణించగలుగుతాను’’... వెస్టిండీస్‌తో తొలి వన్డేలో విజయం తర్వాత టీమిండియా దిగ్గజ బ్యాటర్‌ విరాట్‌ కోహ్లి చేసిన వ్యాఖ్యలు ఇవి.తిరువనంతపురం వేదికగా ఆదివారం నాటి మ్యాచ్‌లో 37 ఏళ్ల కోహ్లి.. 88 బంతుల్లో పది ఫోర్లు, తొమ్మిది సిక్సర్ల సాయంతో 139 పరుగులు చేసి అజేయంగా నిలిచాడు. సిక్సర్‌తో అర్ధ శతకం, శతకం పూర్తి చేసుకున్న కింగ్‌.. సిక్సర్‌తోనే టీమిండియా విజయాన్ని ఖరారు చేశాడు.ఈ క్రమంలో కోహ్లి మరోసారి ఫిట్‌నెస్‌ ప్రాధాన్యం గురించి చాటిచెప్పాడు. అయితే, కేవలం ఆట వరకు కాకుండా.. తన కుటుంబాన్ని కూడా ఇందులో భాగస్వామ్యం చేస్తున్నాడు కింగ్‌.భార్య కూడా అంతేఫిట్‌నెస్‌కు మారుపేరు కింగ్‌ కోహ్లి అనడంలో అతిశయోక్తి లేదు. అయితే, కోహ్లి మాదిరే అతడి సతీమణి, బాలీవుడ్‌ హీరోయిన్‌ అనుష్క శర్మ కూడా ఫిట్‌నెస్‌ ఫ్రీక్‌. వీరిద్దరు ఎల్లప్పుడూ చలాకీగా, ఆరోగ్యంగా ఉండటానికి కారణం వారి జీవన శైలే.అయితే, పిల్లలు వామికా, అకాయ్‌లకు విరుష్క జోడీ ఇప్పటి నుంచే ఆరోగ్యకరమైన అలవాట్లు చేస్తున్నారట. ఈ విషయం గురించి అనుష్క శర్మ స్వయంగా గతంలో ఓ ఈవెంట్లో రివీల్‌ చేశారు.కొన్నాళ్ల తర్వాత ఇదే అలవాటుగా మారిపోయింది‘‘మా కూతురు చాలా తొందరగా రాత్రి భోజనం కానిచ్చేస్తుంది. సాయంత్రం ఐదున్నర గంటల వరకే దాదాపుగా తన డిన్నర్‌ అయిపోతుంది. ఆ సమయంలో మేమిద్దరం మాత్రమే ఎక్కువగా కలిసి గడుపుతాము.అప్పుడు మాకు వీలైనంత ఎక్కువగా నిద్రపోయే సమయం దొరుకుతుంది. అకాయ్‌ విషయంలోనూ ఇదే జరుగుతోంది. ముందుగా సౌకర్యం కోసం మేము ఇలా చేసేవాళ్లం. కానీ కొన్నాళ్ల తర్వాత ఇదే అలవాటుగా మారిపోయింది. నేను కూడా నా పిల్లలతో పాటే ఐదున్నరకే భోజనం ముగించేస్తున్నాను.ఈ విషయంలో నేను చాలా స్పష్టతతో ఉంటాను. మా కుటుంబం తరచూ ప్రయాణాలు చేయాల్సి ఉంటుంది. అలా మా పిల్లలకు వివిధ రకాల అనుభవాలు దొరుకుతాయి. ఇది వాళ్ల జీవితంపై ప్రభావం చూపుతుంది. కాబట్టి ఎక్కడున్నా ఒకే రకమైన జీవనశైలి అలవరచుకునేలా ప్రణాళిక రూపొందించుకున్నాము.ఎక్కడున్నా సమయానికి తిని, పడుకోవాల్సిందేమేము ఎక్కడున్నా సరే సమయానికి భోజనం ముగించాల్సిందే. సరైన సమయానికి నిద్రపోవాల్సిందే. ఇందులో ఎలాంటి మార్పూ ఉండదు. విరాట్‌ కూడా ఒక్కోసారి పిల్లల కోసం స్వయంగా భోజనం వండుతాడు.మన సంప్రదాయ రుచులను పిల్లలకు కూడా పరిచయం చేయాలంటాడు. పాతతరం రుచులను కూడా వాళ్లు ఆస్వాదించాలనేది అతడి ఉద్దేశం’’ అనుష్క శర్మ ఓ ఈవెంట్లో తమ పిల్లల గురించి తీసుకుంటున్న జాగ్రత్తల గురించి వివరించింది.అదే విధంగా తానైనా, విరాట్‌ అయినా బలవంతంగా పిల్లలపై ఎలాంటి అలవాట్లు రుద్దమని.. ప్రతీ విషయాన్ని వారికి అర్థమయ్యేలా చెప్పి నచ్చిన మార్గం ఎంచుకోమని చెప్తామని గతంలో ఓ ఈవెంట్లో పేర్కొంది. ఇందుకు ఉదాహరణగా..నా కూతురికి ఐస్‌క్రీం అంటే పిచ్చి‘‘ఓరోజు నేను వామికను ఐస్‌క్రీం మ్యూజియంకు తీసుకువెళ్లాను. నిజానికి వామికకు ఐస్‌క్రీం అంటే చాలా ఇష్టం. ఒకరకంగా పిచ్చి అని కూడా చెప్పవచ్చు (నవ్వుతూ). ఆరోజు షాప్‌నకు వెళ్లిన తర్వాత వామికతో ఓ మాట చెప్పాను.‘నీకు నచ్చినంత ఐస్‌క్రీం తినేసెయ్‌’ అని చెప్పాను. అందుకు తను ఎంతో సంతోషించింది. కానీ రెండు లేదా మూడు కంటే ఎక్కువ ఐస్‌క్రీములు తినలేకపోయింది. నాకింక చాలు అమ్మా అనేసింది. ఇష్టం ఉన్నంత మాత్రాన ఆరోజు నా కూతురు పది ఐస్‌క్రీములు తినలేదు కదా!అన్నీ వివరంగా చెప్తానుపిల్లల అలవాట్లు మార్చే క్రమంలో కఠినంగా ఉండకుండా.. వారికి ఏది మంచో తెలియజేసేందుకు ఒక్కోసారి ఇలాంటివి చేయకతప్పదు. మనం నేరుగా వద్దని చెప్పామంటే పిల్లలు దానిని సానుకూలంగా తీసుకోలేరు. వాళ్లంతట వాళ్లే కొన్ని విషయాలు తెలుసుకునే ఆస్కారం ఇవ్వాలి.నేను తనకి వివిధ రకాల ఆహారాలను పరిచయం చేస్తూ వాటి వల్ల మనకు కలిగే మేలు, చెడు గురించి చెప్తాను. కొన్ని మనకు తక్షణ శక్తిని ఇస్తే.. మరికొన్ని హాని చేస్తాయని.. ఇంకొన్ని రోజంతా ఆడుకునేంత శక్తిని ఇస్తాయని చెప్పాను. ఒక్కోసారి తనకు ఇవన్నీ అర్థమయ్యేలా చెప్పేందుకు నాలోని నటిని బయటకు తీయాల్సి వస్తుంది (నవ్వుతూ)’’ అంటూ అనుష్క శర్మ పేరెంటింగ్‌ గురించి చెప్పుకొచ్చింది.చదవండి: ఓల్డేజ్‌ హోంలో వినోద్‌ కాంబ్లీ.. చెడు అలవాట్ల వల్ల జీవితం నాశనం!5⃣0⃣ up with a 6⃣ 👌1⃣0⃣0⃣ up with a 6⃣ 💪Virat Kohli meant business tonight 🔥Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/mM52R4r2nF— BCCI (@BCCI) September 27, 2026

వెస్టిండీస్‌తో వన్డే సిరీస్‌ను టీమిండియా ఘనంగా ఆరంభించింది. తిరువనంతపురం వేదికగా ఆదివారం నాటి మ్యాచ్‌లో ఎనిమిది వికెట్ల తేడాతో జయభేరి మోగించి.. మూడు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది.విధ్వంసకర శతకంవిండీస్‌పై గెలుపులో టీమిండియా దిగ్గజ బ్యాటర్‌ విరాట్‌ కోహ్లి కీలక పాత్ర పోషించాడు. కరేబియన్‌ జట్టు విధించిన 296 పరుగుల లక్ష్యాన్ని ఛేదించే క్రమంలో ఆకాశమే హద్దుగా చెలరేగి పరుగుల విధ్వంసం సృష్టించాడు. శతకమోత మోగించిన ఈ వన్‌డౌన్‌ బ్యాటర్‌ కేవలం 88 బంతుల్లోనే పది ఫోర్లు, తొమ్మిది సిక్సర్ల సాయంతో 139 పరుగులు సాధించాడు. సిక్సర్‌తో మ్యాచ్‌ను ముగించి జట్టు విజయాన్ని ఖరారు చేశాడు.5⃣0⃣ up with a 6⃣ 👌1⃣0⃣0⃣ up with a 6⃣ 💪Virat Kohli meant business tonight 🔥Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/mM52R4r2nF— BCCI (@BCCI) September 27, 2026ప్రపంచ రికార్డు మరింత బలోపేతంకాగా కోహ్లికి వన్డేల్లో ఇది 55వ సెంచరీ. తద్వారా అంతర్జాతీయ క్రికెట్‌ వన్డే చరిత్రలో అత్యధిక శతకాల వీరుడిగా తన ప్రపంచ రికార్డును కింగ్‌ మరింత బలోపేతం చేసుకున్నాడు. వన్డే ప్రపంచకప్‌-2027 తాను పూర్తి స్థాయిలో సిద్ధంగా ఉన్నానని మరోసారి ఆటతోనే విమర్శకుల నోళ్లు మూయించాడు.మునుపటి కన్నా గొప్పగా.. ప్రమాదకర బ్యాటర్‌గాఈ నేపథ్యంలో టీమిండియా వన్డే కెప్టెన్‌, మరో శతక వీరుడు శుబ్‌మన్‌ గిల్‌ స్పందిస్తూ ఆసక్తికర వ్యాఖ్యలు చేశాడు. ‘‘కోహ్లి భయ్యా అద్భుతంగా బ్యాటింగ్‌ చేస్తున్నాడు. మునుపటి కన్నా మరింత గొప్పగా ఆటను ఆస్వాదిస్తున్నాడు. స్వేచ్ఛగా బ్యాట్‌ను ఝలిపిస్తున్నాడు.అందుకు తగ్గ ప్రతిఫలాన్ని మనం చూశాము. ఆయనకు ఇలాంటివి కొత్త కాదు. బౌండరీల వర్షం కురిపించడం అలవాటే. ఇప్పుడు కూడా సరైన దారిలోనే ఉన్నాడు. చెప్పాలంటే గతం కంటే మరింత డేంజరస్‌ బ్యాటర్‌గా మారిపోయాడు. కెప్టెన్‌గా కోహ్లి భయ్యాకు వీలైనంత ఎక్కువ స్వేచ్చను ఇస్తాను. దేశం కోసం ఇప్పటికే ఎన్నో మ్యాచ్‌లు గెలిపించాడు.కోహ్లి ఆడితే విజయం మనదే.. మ్యాచ్‌ నేనే ముగించాల్సిందిఇప్పటికీ అదే పని కొనసాగిస్తున్నాడు. కోహ్లి భయ్యా ఆడిన రోజు తప్పకుండా జట్టు గెలుస్తుంది’’ అని శుబ్‌మన్‌ గిల్‌ కోహ్లిపై ప్రశంసల వర్షం కురిపించాడు. అదే విధంగా తాను అవుట్‌ కాకుండా ఉండి ఉంటే బాగుండేదని గిల్‌ అన్నాడు. ‘‘ఏదేమైనా నేను (108 బంతుల్లో 110) అవుటైనపుడు చాలా బాధపడ్డాను. మ్యాచ్‌ నేనే ముగించి ఉంటే ఇంకా బాగుండేది.అయితే, నా ఇన్నింగ్స్‌ పట్ల సంతోషంగానే ఉన్నాను’’ అని గిల్‌ చెప్పుకొచ్చాడు. కాగా విండీస్‌తో తొలి వన్డేలో ఈ ఓపెనింగ్‌ బ్యాటర్‌ 108 బంతులు ఎదుర్కొని 13 ఫోర్లు, ఒక సిక్సర్‌ సాయంతో 110 పరుగులు చేశాడు. రోస్టన్‌ ఛేజ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో గిల్‌ పెవిలియన్‌ చేరాల్సి వచ్చింది. ఇక ఈ మ్యాచ్‌లో నాలుగు వికెట్లు తీసిన భారత స్పిన్నర్‌ కుల్దీప్‌ యాదవ్‌కు ప్లేయర్‌ఆఫ్‌ ది మ్యాచ్‌ అవార్డు దక్కింది.That feeling when you bring up ODI century No. 10 🤌💙Captain @ShubmanGill taking a well-earned moment to soak in the applause 👏Updates ▶️ https://t.co/O2cs86p4gq#TeamIndia | #INDvWI | @mflone_ pic.twitter.com/395GvC34x5— BCCI (@BCCI) September 27, 2026చదవండి: Asian Games 2026 Cricket: సెమీ ఫైనల్‌లో టీమిండియా

వచ్చే ఏడాది వన్డే ప్రపంచకప్‌లో సర్వశక్తులు ఒడ్డేందుకు సిద్ధంగా ఉన్నానని ఇటీవల ప్రకటించిన విరాట్‌ కోహ్లి... వెస్టిండీస్‌పై విధ్వంసం సృష్టించాడు. ఫోర్లు, సిక్స్‌లతో కరీబియన్‌ బౌలర్లపై విరుచుకుపడ్డాడు. తన పరుగుల దాహం ఇంకా తీరలేదని నిరూపించుకున్నాడు. కోహ్లి దూకుడుకు సారథి శుబ్‌మన్‌ గిల్‌ శతకం తోడవడంతో వెస్టిండీస్‌తో తొలి వన్డేలో టీమిండియా విజయఢంకా మోగించింది. తిరువనంతపురం: విరాట్‌ కోహ్లి (88 బంతుల్లో 139 నాటౌట్‌; 10 ఫోర్లు, 9 సిక్స్‌లు), శుబ్‌మన్‌ గిల్‌ (108 బంతుల్లో 110; 13 ఫోర్లు, 1 సిక్స్‌) శతకాలతో రెచ్చిపోవడంతో వెస్టిండీస్‌తో తొలి వన్డేలో భారత్‌ 8 వికెట్ల తేడాతో ఘనవిజయం సాధించింది. మూడు మ్యాచ్‌ల సిరీస్‌లో 1–0తో ఆధిక్యంలోకి వెళ్లింది. ఆదివారం జరిగిన తొలి వన్డేలో టాస్‌ ఓడి మొదట బ్యాటింగ్‌కు దిగిన విండీస్‌ నిర్ణీత 50 ఓవర్లలో 7 వికెట్ల నష్టానికి 295 పరుగులు చేసింది. జస్టిన్‌ గ్రీవ్స్‌ (108 బంతుల్లో 101; 12 ఫోర్లు) సెంచరీ సాధించగా... జాన్‌ క్యాంప్‌బెల్‌ (60 బంతుల్లో 62; 6 ఫోర్లు, 3 సిక్స్‌లు), అమిర్‌ జంగూ (43 బంతుల్లో 58 నాటౌట్‌; 7 ఫోర్లు, 1 సిక్స్‌) అర్ధశతకాలు సాధించారు. భారత బౌలర్లలో ‘ప్లేయర్‌ ఆఫ్‌ ద మ్యాచ్‌’ కుల్దీప్‌ యాదవ్‌ 40 పరుగులిచ్చి 4 వికెట్లు పడగొట్టాడు. అనంతరం లక్ష్యఛేదనలో భారత్‌ 41.4 ఓవర్లలో 2 వికెట్లు కోల్పోయి 300 పరుగులు చేసి నెగ్గింది. కోహ్లి, గిల్‌ సెంచరీల మోత మోగించగా... ‘హిట్‌ మ్యాన్‌’ రోహిత్‌ శర్మ (32; 2 ఫోర్లు, 3 సిక్స్‌లు) ఫర్వాలేదనిపించాడు. ఇరు జట్ల మధ్య బుధవారం గువాహటిలో రెండో వన్డే జరగనుంది. సిక్స్‌లతో రెచ్చిపోయిన ‘కింగ్‌’ రెండు నెలల విరామం తర్వాత మైదానంలో అడుగు పెట్టిన ‘కింగ్‌’ కోహ్లి... తనకు అలవాటైన రీతిలో రెచ్చిపోయాడు. సాధారణంగా సిక్స్‌ల కంటే ఫోర్లు ఎక్కువ కొట్టే అలవాటున్న కోహ్లి... ఆదివారం అభిమానులకు భారీ సిక్సర్లతో విందు భోజనం పెట్టాడు. ఓపెనర్లు రోహిత్, గిల్‌ తొలి వికెట్‌కు 74 పరుగులు జోడించి శుభారంభం అందించగా... కోహ్లి ఎదుర్కొన్న నాలుగో బంతికే సిక్సర్‌ బాది తన ఉద్దేశాన్ని చాటాడు. ఇక అక్కడి నుంచి మొదలుకొని మ్యాచ్‌ ముగిసేంత వరకు విరాట్‌ వీరవిహారం కొనసాగింది. కోహ్లికి మరో ఎండ్‌ నుంచి గిల్‌ చక్కటి సహకారం అందించడంతో భారత ఇన్నింగ్స్‌ సాఫీగా సాగింది. ఈ క్రమంలో గిల్‌ 49 బంతుల్లో, విరాట్‌ 40 బంతుల్లో అర్ధశతకాలు పూర్తి చేసుకున్నారు. ఆ తర్వాత మరింత దూకుడు పెంచిన ‘చేజ్‌ మాస్టర్‌’ అల్జారీ ఓవర్‌లో ‘హ్యాట్రిక్‌’ ఫోర్లతో మైదానాన్ని హోరెత్తించాడు. ఈ క్రమంలో వన్డేల్లో 15 వేల పరుగుల మైలురాయిని కూడా అందుకున్నాడు. వన్డేల్లో పదో సెంచరీ అనంతరం గిల్‌ అవుట్‌ కాగా... కోహ్లి 74 బంతుల్లో శతకం ఖాతాలో వేసుకున్నాడు. వన్డే క్రికెట్‌లో అతడికి 55వ సెంచరీ కాగా... ఓవరాల్‌గా 86వది. మూడంకెల స్కోరు అందుకున్న తర్వాత మరింత దూకుడు పెంచిన విరాట్‌... మోతీ ఓవర్‌లో 6,4, అల్జారీ జోసెఫ్‌ బౌలింగ్‌లో రెండు ఫోర్లు, కార్టీ ఓవర్‌లో రెండు వరుస సిక్స్‌లతో మరో 50 బంతులు మిగిలుండగానే మ్యాచ్‌ను ముగించాడు.విరాట్‌ @ 15,000ఈ మ్యాచ్‌ ద్వారా ‘రన్‌ మెషీన్‌’ విరాట్‌ కోహ్లి మరో ఘనత ఖాతాలో వేసుకున్నాడు. అంతర్జాతీయ వన్డేల్లో 15,000 పరుగులు పూర్తి చేసుకున్న రెండో బ్యాటర్‌గా విరాట్‌ నిలిచాడు. ఈ జాబితాలో క్రికెట్‌ దిగ్గజం సచిన్‌ టెండూల్కర్‌ (463 మ్యాచ్‌ల్లో 18,426 పరుగులు) అగ్రస్థానంలో ఉన్నాడు. విరాట్‌ ప్రస్తుతం 315 మ్యాచ్‌ల్లో 15,080 పరుగులతో రెండో స్థానంలో కొనసాగుతున్నాడు. సంగక్కర (14,234), పాంటింగ్‌ (13,704), జయసూర్య (13,430) వరుసగా మూడు, నాలుగు, ఐదో స్థానాల్లో ఉన్నారు. ఈ క్రమంలో కోహ్లి ఒక దేశంలో అత్యధిక వన్డే పరుగులు చేసిన బ్యాటర్‌గా రికార్డుల్లోకెక్కాడు. కోహ్లి భారత్‌లో 7,006 పరుగులు చేశాడు. ఈ జాబితాలో సచిన్‌ (భారత్‌లో 6976 పరుగులు) రెండో స్థానంలో ఉన్నాడు.55 వన్డేల్లో విరాట్‌ సెంచరీల సంఖ్య. ఈ ఫార్మాట్‌లో అతడిదే అగ్రస్థానం. క్రికెట్‌ దిగ్గజం సచిన్‌ టెండూల్కర్‌ (49) రెండో ప్లేస్‌లో ఉన్నాడు. ఇక అన్నీ ఫార్మాట్‌లలో కలిసి సచిన్‌ 100 సెంచరీలు చేయగా... ప్రస్తుతం కోహ్లి 86 శతకాలతో రెండో స్థానంలో ఉన్నాడు. 9 ఈ మ్యాచ్‌లో కోహ్లి కొట్టిన సిక్స్‌లు. ఒక వన్డేలో అతడికివే అత్యధికం. 2023లో శ్రీలంకతో వన్డేలో కోహ్లి 8 సిక్స్‌లు బాదాడు.స్కోరు వివరాలు వెస్టిండీస్‌ ఇన్నింగ్స్‌: క్యాంప్‌బెల్‌ (సి) ప్రసిధ్‌ (బి) కుల్దీప్‌ 62; గ్రీవ్స్‌ (ఎల్బీ) (బి)కుల్దీప్‌ 101; కార్టీ (సి) గిల్‌ (బి) ప్రసిధ్‌ 13; హోప్‌ (సి) జడేజా (బి) కుల్దీప్‌12; అమిర్‌ జంగూ (నాటౌట్‌) 58; జెవెల్‌ ఆండ్రె (సి) రోహిత్‌ (బి) కుల్దీప్‌ 0; చేజ్‌ (బి) ప్రసిధ్‌ 24; ఫోర్డ్‌ (సి) నమన్‌ (బి) నితీశ్‌ రెడ్డి 7; మోతీ (నాటౌట్‌) 4; ఎక్స్‌ట్రాలు 14; మొత్తం (50 ఓవర్లలో 7 వికెట్లకు) 295. వికెట్ల పతనం: 1–135, 2–176, 3–195, 4–198, 5–198, 6–250, 7–288. బౌలింగ్‌: ప్రసిధ్‌ కృష్ణ 10–0–60–2; నితీశ్‌ రెడ్డి 5–0–45–1; బ్రార్‌ 10–0–60–0; జడేజా 10–0–54–0; నమన్‌ ధీర్‌ 5–0–33–0; కుల్దీప్‌ 10–1–40–4. భారత్‌ ఇన్నింగ్స్‌: రోహిత్‌ (సి) ఆండ్రె (బి) అల్జారీ జోసెఫ్‌ 32; గిల్‌ (సి) ఆండ్రె (బి) చేజ్‌ 110; కోహ్లి (నాటౌట్‌) 139; రుతురాజ్‌ (నాటౌట్‌) 13; ఎక్స్‌ట్రాలు 6; మొత్తం (41.4 ఓవర్లలో 2 వికెట్లకు) 300. వికెట్ల పతనం: 1–74, 2–225. బౌలింగ్‌: జైడెన్‌ సీల్స్‌ 7–0–32–0; మాథ్యూ ఫోర్డ్‌ 5–0–39–0; అల్జారీ జోసెఫ్‌ 9–1–81–1; గుడాకెశ్‌ మోతీ 10–0–66–0; రోస్టన్‌ చేజ్‌ 10–0–64–1; కార్టీ 0.4–0–17–0.

తిరువనంతపురం వేదికగా వెస్టిండీస్‌తో జరిగిన తొలి వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. వెస్టిండీస్ విధించిన 296 పరుగుల లక్ష్యాన్ని భారత్ 41.4 ఓవర్లలోనే కేవలం రెండు వికెట్లు మాత్రమే కోల్పోయి ఛేదించింది. విరాట్ కోహ్లి (88 బంతుల్లో 139 నాటౌట్‌, 10 ఫోర్లు, 9 సిక్సర్లు), కెప్టెన్ శుబ్‌మన్ గిల్ (108 బంతుల్లో 110 పరుగులు, 13 ఫోర్లు, ఒక సిక్సర్‌) సెంచరీలతో చెలరేగడంతో భారత్ సునాయాస విజయాన్ని సాధించింది. రోహిత్ శర్మ 32 పరుగులు చేశాడు. విండీస్ బౌలర్లలో అల్జారీ జోసెఫ్‌, రోస్టన్ చేజ్ చెరొక వికెట్ పడగొట్టారు. అజేయ సెంచరీతో జట్టు విజయంలో కీలకపాత్ర పోషించిన విరాట్ కోహ్లికి ‘ప్లేయర్ ఆఫ్ ది మ్యాచ్‌’ అవార్డు లభించింది. విండీస్‌పై విజయంతో మూడు మ్యాచ్‌ల వన్డే సిరీస్‌లో భారత్ 1-0తో ఆధిక్యంలో నిలిచింది. ఇరుజట్ల మధ్య రెండో వన్డే సెప్టెంబర్ 30న గౌహతి వేదికగా జరగనుంది.అంతకముందు టాస్ ఓడి తొలుత బ్యాటింగ్ చేసిన విండీస్ నిర్ణీత ఓవ‌ర్ల‌లో 7 వికెట్ల న‌ష్టానికి 295 ప‌రుగుల భారీ స్కోర్ సాధించింది. విండీస్ ఓపెన‌ర్ జ‌స్టిన్ గ్రీవ్స్‌(101) సెంచ‌రీతో క‌దం తొక్క‌గా.. జాన్ క్యాంప్‌బెల్‌(62), అమీర్ జాంగో(58) అర్ధ శ‌త‌కాల‌తో రాణించారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు ప‌డ‌గొట్ట‌గా, ప్ర‌సిద్ద్ కృష్ణ రెండు వికెట్లు తీశాడు.🔙 to 🔙 to seal the deal 👊#TeamIndia with a clinical chase in just 4️⃣1️⃣.4️⃣ overs to win by 8️⃣ wickets 👏👏Scorecard ▶️ https://t.co/O2cs86p4gq#INDvWI | @mflone_ pic.twitter.com/SUj4bbE9rh— BCCI (@BCCI) September 27, 2026ఇదీ చదవండి: సిక్స‌ర్‌తో సెంచ‌రీ పూర్తి చేసిన కోహ్లి

తిరువ‌నంత‌పురం వేదిక‌గా వెస్టిండీస్‌తో జ‌రుగుతున్న తొలి వ‌న్డేలో ర‌న్ మెషిన్‌ విరాట్ కోహ్లి సెంచ‌రీతో దుమ్మురేపాడు. 74 బంతుల్లో శ‌త‌కం మార్క్ అందుకున్న కోహ్లి ఇన్నింగ్స్‌లో 6 ఫోర్లు, ఆరు సిక్స‌ర్లు ఉన్నాయి. అయితే గుద‌కేశ్ మోతీ బౌలింగ్‌లో 94 ప‌రుగుల వ‌ద్ద ఉన్నప్పుడు భారీ సిక్స‌ర్ బాదిన కోహ్లి సెంచ‌రీ పూర్తి చేయడం విశేషం. కాగా కోహ్లికి వన్డేల్లో ఇది 55వ సెంచరీ.ఈ క్ర‌మంలో కోహ్లి మ‌రో రికార్డును అందుకున్నాడు. లిస్ట్‌-ఏ క్రికెట్‌లో 59 సెంచ‌రీలు చేసిన కోహ్లికి విండీస్‌పై సాధించిన సెంచ‌రీ 60వ‌ది. ఈ క్ర‌మంలో మాస్ట‌ర్ బ్లాస్ట‌ర్ స‌చిన్ టెండూల్క‌ర్ 60 సెంచ‌రీల‌ రికార్డును స‌మం చేశాడు. అంతేకాదు 109 ప‌రుగుల వ్య‌క్తిగ‌త స్కోరు వ‌ద్ద స్వ‌దేశంలో వ‌న్డేల్లో స‌చిన్ సాధించిన (6,796) ప‌రుగుల రికార్డును కోహ్లి అధిగ‌మించాడు. ఇక తిరువనంతపురం వేదికగా జరిగిన గతంలో జరిగిన రెండు వన్డేల్లోనూ కోహ్లి నాటౌట్‌గా నిలిచాడు. తాజాగా వెస్టిండీస్‌తో వన్డేలో (139 పరుగులు నాటౌట్‌) మరోసారి అజేయంగా నిలిచి ఆ రికార్డును పదిలంగా ఉంచుకున్నాడు. ఇదే స్టేడియంలో 2023లో శ్రీలంకతో జరిగిన వన్డేలో 166 పరుగుల అజేయ ఇన్నింగ్స్ కోహ్లి కెరీర్‌లో ఒక బెస్ట్ ఇన్నింగ్స్ అనడంలో ఎలాంటి సందేహం లేదు.The bat raise, the roar, the milestone 👏👏A Virat Kohli show in Thiruvananthapuram 🍿Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/7pW58tYKeJ— BCCI (@BCCI) September 27, 2026ఇదీ చదవండి: కోహ్లి, గిల్ శతకాల మోత.. తొలి వన్డేలో భారత్ ఘన విజయం

తిరువనంతపురం వేదిక‌గా వెస్టిండీస్‌తో జ‌రిగిన తొలి వ‌న్డే మ్యాచ్‌లో టీమిండియా ర‌న్‌మెషిన్ విరాట్ కోహ్లి మ‌రో మైలురాయిని చేరుకున్నాడు. 61 ప‌రుగుల వ్య‌క్తిగ‌త స్కోరు వ‌ద్ద కోహ్లి వ‌న్డేల్లో 15వేల ప‌రుగులు పూర్తి చేసుకున్నాడు. 15 వేల ప‌రుగులు పూర్తి చేసేందుకు కోహ్లికి 303 ఇన్నింగ్స్‌లు అవ‌స‌ర‌మ‌య్యాయి. త‌ద్వారా అంత‌ర్జాతీయ వ‌న్డేల్లో అత్యంత వేగంగా 15వేల ర‌న్స్ పూర్తి చేసిన తొలి క్రికెట‌ర్‌గా కోహ్లి నిలిచాడు. గ‌తంలో ఈ రికార్డు భారత క్రికెట్ దిగ్గజం సచిన్ టెండూల్కర్ (377 ఇన్నింగ్స్‌లు) పేరిట ఉంది. ఈ నేప‌థ్యంలో 15వేల పరుగుల మైలురాయి చేరుకునే క్రమంలో స‌చిన్ రికార్డును బ‌ద్ద‌లు కొట్టిన కోహ్లి ప్రపంచ రికార్డు సాధించాడు. అయితే వన్డే క్రికెట్‌లో అత్యధిక పరుగుల రికార్డు మాత్రం ఇప్పటికీ సచిన్ (18,426) పేరిటే ఉంది. సచిన్‌ అగ్రస్థానంలో కొనసాగుతుండ‌గా, కోహ్లి అత‌డిని అనుస‌రిస్తున్నాడు. లంక దిగ్గజ బ్యాటర్‌ కుమార సంగక్కర (14,234 పరుగులు) మూడో స్థానంలో, రికీ పాంటింగ్‌ (13,704 పరుగులు) నాలుగు, సనత్‌ జయసూర్య (13,430 పరుగులు) ఐదో స్థానంలో కొనసాగుతున్నారు.కాగా సచిన్ 34 ఏళ్ల 66 రోజుల వయసులో సచిన్ 15వేల పరుగులు పూర్తి చేస్తే, కోహ్లి 37 ఏళ్ల 326 రోజుల వయసులో 15వేల మార్క్ అందుకున్నాడు. అయితే ఇన్నింగ్సల్ పరంగా చూసుకుంటే సచిన్‌కు 377 ఇన్నింగ్స్‌లు అవసరమవ్వగా, కోహ్లి కేవలం 303 ఇన్నింగ్స్‌ల్లోనే ఈ ఫీట్ సాధించాడు. ఇక బంతుల పరంగా సచిన్ 17,528 బంతులు అవసరమవ్వగా.. కోహ్లికి 15,950 బంతులు అవసరమయ్యాయి.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026 Fastest to 1⃣5⃣0⃣0⃣0⃣ ODI runs ✅Congratulations to Virat Kohli on becoming the second player to achieve the feat after Sachin Tendulkar 👏👏Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/CMhAIOXQhR— BCCI (@BCCI) September 27, 2026ఇదీ చదవండి: ఐదు వికెట్లతో చెలరేగిన భారత బౌలర్‌.. ఆసీస్‌ 217 ఆలౌట్‌

తిరువనంతపురం వేదికగా వెస్టిండీస్‌తో జరుగుతున్న తొలి వన్డేలో టీమిండియా స్టార్ క్రికెటర్ విరాట్ కోహ్లి అరుదైన ఘనత సాధించాడు. విండీస్‌పై అత్యధిక వన్డేలు ఆడిన భారత ప్లేయర్‌గా విరాట్ రికార్డులకెక్కాడు.. ఇది కరేబియన్ జట్టుపై కోహ్లికి 44వ వన్డే మ్యాచ్ కావడం గమనార్హం.అంతకుముందు ఈ రికార్డు భారత మాజీ కెప్టెన్ మహమ్మద్ అజారుద్దీన్ పేరిట ఉండేది. అజారుద్దీన్‌ 1985-1998 మధ్య విండీస్‌పై 43 వన్డేలు ఆడాడు. తాజా మ్యాచ్‌తో 28 ఏళ్ల అజారుద్దీన్ ఆల్‌టైమ్ రి​కార్డును కోహ్లి బ్రేక్ చేశాడు. కాగా ప్రస్తుత భారత జట్టులోని యాక్టివ్ క్రికెటర్లలో ఎవరూ లేరు.కోహ్లి ఇప్పటివరకు విండీస్‌పై 41 వ‌న్డే ఇన్నింగ్స్‌ల‌లో 2,261 పరుగులు చేసి లీడింగ్ ర‌న్ స్కోర‌ర్‌గా కొన‌సాగుతున్నాడు. అంతేకాకుండా విండీస్‌పై విరాట్ రికార్డు స్దాయిలో 9 వ‌న్డే సెంచ‌రీలు చేయ‌డం విశేషం. ఇక ఓవరాల్‌గా వెస్టిండీస్‌పై అత్యధిక వన్డేలు ఆడిన రికార్డు పాకిస్తాన్ మాజీ కెప్టెన్లు జావేద్ మియాందాద్, వసీం అక్రమ్‌ల పేరిట ఉంది. వీరిద్దరూ కరీబియన్ జట్టుపై చెరో 64 వన్డే మ్యాచ్‌లు ఆడారు.విండీస్‌పై అత్యధిక వన్డేలు ఆడిన భారత ఆటగాళ్లు వీరేవిరాట్ కోహ్లీ – 44 మ్యాచ్‌లుమహమ్మద్ అజారుద్దీన్ – 43 మ్యాచ్‌లుకపిల్ దేవ్ – 42 మ్యాచ్‌లురాహుల్ ద్రావిడ్ – 40 మ్యాచ్‌లుమహేంద్ర సింగ్ ధోనీ – 39 మ్యాచ్‌లుచదవండి: IND vs WI: బెడిసి కొట్టిన టీమిండియా ప్ర‌యోగం.. ఉతికారేసిన విండీస్‌ బ్యాటర్‌

టీమిండియా దిగ్గజ బ్యాటర్‌ విరాట్‌ కోహ్లి తన కెరీర్‌లో ఎదురైన చేదు అనుభవాలను తాజాగా జియోస్టార్‌కు ఇచ్చిన ఇంటర్వ్యూలో పంచుకున్నాడు. 2023 వన్డే ప్రపంచకప్‌ ఫైనల్లో ఆస్ట్రేలియా చేతిలో ఎదురైన ఓటమి ఇప్పటికీ తనను వెంటాడుతూనే ఉందని అన్నాడు. ఆ మ్యాచ్‌లో తాను ఔట్‌ అయిన తీరు తరచూ గుర్తుకొస్తుందని చెప్పాడు. 2016 ఐపీఎల్‌ ఫైనల్లో ఓటమిని ఆ బాధతో పోల్చాడు.విరాట్‌ మాటల్లో.. "2025 ఐపీఎల్‌ టైటిల్‌ గెలిచే వరకు 2016 సీజన్‌ ఫైనల్లో ఎదురైన పరాభవం తరచూ గుర్తుకొచ్చేది. 2023 ప్రపంచకప్‌ ఫైనల్‌ విషయంలోనూ అదే అనుభూతి ఉంది. ఆ మ్యాచ్‌లో నేను జట్టును మంచి స్థితిలో ఉంచగలనని అనుకున్నా. కానీ నేను ఔట్‌ అయిన తీరు ఇప్పటికీ చాలా బాధిస్తుంది. చాలా రోజుల పాటు ఆ ఓటమి నుంచి బయటపడలేకపోయా"2016 ఐపీఎల్‌ ఫైనల్‌తో పోలిక2016 ఐపీఎల్‌లో ఆర్సీబీ అద్భుత క్రికెట్‌ ఆడుతూ ఫైనల్‌కు చేరింది. ఆ సీజన్‌లో విరాట్‌ ఏకంగా 973 పరుగులు చేసి ఒక ఐపీఎల్‌ సీజన్‌లో అత్యధిక పరుగులు చేసిన బ్యాటర్‌గా నిలిచాడు. అయితే ఫైనల్లో ఆర్సీబీ సన్‌రైజర్స్‌ హైదరాబాద్‌ చేతిలో పరాజయంపాలై తొలి ఐపీఎల్‌ గెలిచే అవకాశాన్ని చేజార్చుకుంది. ఆ ఓటమి విరాట్‌కు తీవ్ర నిరాశను మిగిల్చింది. ఈ ఓటమిని విరాట్‌ 2023 వన్డే ప్రపంచకప్‌ ఫైనల్‌ పరాభవంతో పోల్చాడు.2023 ప్రపంచకప్‌లోనూ భారత్‌ వరుస విజయాలతో ఫైనల్‌కు చేరింది. విరాట్‌ 765 పరుగులతో టోర్నీలో అత్యధిక పరుగులు చేసిన బ్యాటర్‌గా నిలిచాడు. అయితే టైటిల్‌ పోరులో భారత్‌ ఆస్ట్రేలియా చేతిలో అనూహ్యంగా ఓటమిపాలై, మూడో వన్డే ప్రపంచకప్‌ సాధించే అవకాశాన్ని చేజార్చుకుంది. ఇదీ చదవండి: వైభవ్‌ రూపంలో వారికి ప్రమాదం​ పొంచి ఉంది..!

తిరువనంతపురం: వచ్చే ఏడాది ప్రతిష్టాత్మక వన్డే ప్రపంచకప్‌ జరగనున్న నేపథ్యంలో భారత జట్టు 50 ఓవర్ల ఫార్మాట్‌పై ప్రత్యేక దృష్టి పెట్టింది. ఇందులో భాగంగా సొంతగడ్డపై వెస్టిండీస్‌తో వన్డే సిరీస్‌కు సిద్ధమైంది. మూడు మ్యాచ్‌ల సిరీస్‌లో భాగంగా ఆదివారం భారత్, విండీస్‌ మధ్య తొలి పోరు జరగనుంది. టి20, టెస్టు ఫార్మాట్‌లకు వీడ్కోలు పలికి కేవలం వన్డేల్లోనే కొనసాగుతున్న స్టార్‌ ప్లేయర్లు విరాట్‌ కోహ్లి, రోహిత్‌ శర్మపై అందరి దృష్టి నిలవనుంది. ఈ ఏడాది ఆడిన మూడు వన్డే సిరీస్‌ల్లో రెండింట ఓడిన శుబ్‌మన్‌ గిల్‌ సారథ్యంలోని టీమిండియా... స్టార్‌ పేసర్‌ జస్‌ప్రీత్‌ బుమ్రా, పేస్‌ ఆల్‌రౌండర్‌ హార్దిక్‌ పాండ్యా లేకుండానే బరిలోకి దిగనుంది. వన్డేల్లో 15 వేల పరుగుల మైలురాయి అందుకునేందుకు మరో 59 పరుగుల దూరంగా ఉన్న విరాట్‌ కోహ్లి... ఈ మ్యాచ్‌తోనే ఆ ఘనత ఖాతాలో వేసుకుంటాడా చూడాలి. పాండ్యా గైర్హాజరీలో ఆంధ్ర ఆల్‌రౌండర్‌ నితీశ్‌ కుమార్‌ రెడ్డి ఎలాంటి ప్రదర్శన కనబరుస్తాడనేది కీలకంగా మారింది. ‘హిట్‌మ్యాన్‌’ రోహిత్‌తో కలిసి కెప్టెన్‌ గిల్‌ ఇన్నింగ్స్‌ ఆరంభించనున్నారు. యశస్వి జైస్వాల్‌ మరికొంతకాలం ఎదురుచూడక తప్పదని బ్యాటింగ్‌ కోచ్‌ సీతాన్షు కొటక్‌ అన్నాడు. ఆసియా క్రీడల కోసం శ్రేయస్‌ అయ్యర్‌ జపాన్‌లో ఉండటంతో నాలుగో స్థానంలో రుతురాజ్‌ గైక్వాడ్‌ బరిలోకి దిగనున్నాడు. కేఎల్‌ రాహుల్, రవీంద్ర జడేజా, నితీశ్‌తో బ్యాటింగ్‌ లైనప్‌ పటిష్టంగా ఉంది. బౌలింగ్‌లో సిరాజ్, ప్రసిధ్‌తో పాటు మూడో పేసర్‌గా ఎవరిని ఎంపిక చేస్తారనేది ఆసక్తికరం. గుర్‌నూర్‌ బ్రార్, ఆఖిబ్‌ నబీలో ఒకరికి అవకాశం దక్కొచ్చు. స్పెషలిస్ట్‌ స్పిన్నర్‌గా కుల్దీప్‌ ఎంపిక ఖాయం. మరోవైపు ఈ ఫార్మాట్‌లో పెద్దగా ఆకట్టుకోలేకపోతున్న వెస్టిండీస్‌... వచ్చే ఏడాది జరగనున్న వరల్డ్‌కప్‌నకు నేరుగా అర్హత కూడా సాధించలేకపోయింది. మరి ఇలాంటి దశలో పటిష్టమైన టీమిండియాకు విండీస్‌ ఏమాత్రం పోటీనిస్తుందో చూడాలి. 2002 నుంచి కరీబియన్‌ జట్టు భారత్‌లో వన్డే సిరీస్‌ గెలవలేదు. పిచ్‌ పేస్‌కు సహకరించే అవకాశాలున్నాయి. మ్యాచ్‌కు వర్షం ముప్పు ఉంది. ఇదే చివరి ప్రపంచకప్‌: కోహ్లి తిరువనంతపురం: వచ్చే ఏడాది జరగనున్న వన్డే ప్రపంచకప్‌ తన కెరీర్‌లో దేశం తరఫున ఆడే చివరి వరల్డ్‌కప్‌ అని భారత స్టార్‌ బ్యాటర్‌ విరాట్‌ కోహ్లి వెల్లడించాడు. ఆ ట్రోఫీ గెలుచుకునేందుకు మైదానంలో సర్వశక్తులు ఒడ్డుతానని పేర్కొన్నాడు. 2011లో మహేంద్రసింగ్‌ ధోనీ సారథ్యంలో వన్డే ప్రపంచకప్‌ గెలిచిన భారత జట్టులో సభ్యుడైన విరాట్‌... వెస్టిండీస్‌తో వన్డే సిరీస్‌కు ముందు తన మనసులో మాట వెల్లడించాడు. ‘టీమిండియా తరఫున నేను ఆడబోయే చివరి ప్రపంచకప్‌ ఇదే. అదే నాకు ప్రధాన ప్రేరణ. గ్రౌండ్‌లో సర్వస్వం ధారపోయాలనేదే నా లక్ష్యం. కచ్చితంగా ప్రపంచకప్‌ గెలవడమే ధ్యేయం. దాని కోసం ఎంతటి కష్టాన్ని భరించేందుకైనా నేను సిద్ధమే. వన్డే వరల్డ్‌కప్‌లో ఉండే తీవ్రత మరే ఇతర టోర్నీలో ఉండదు’ అని కోహ్లి వెల్లడించాడు.

వెస్టిండీస్‌తో తొలి వ‌న్డే నేప‌థ్యంలో టీమిండియా స్టార్ బ్యాట‌ర్ రోహిత్ శ‌ర్మ త‌న భవిత‌వ్యంపై మ‌రోసారి ఆస‌క్తిక‌ర వ్యాఖ్య‌లు చేశాడు. 2027 వ‌న్డే ప్ర‌పంచ‌క‌ప్ త‌న చివ‌రి టోర్నీ అని కోహ్లి సంకేతాలు ఇచ్చిన నేప‌థ్యంలో హిట్‌మ్యాన్ రిటైర్మెంట్‌పై కూడా ఊహాగానాలు వ్య‌క్త‌మ‌య్యాయి. త‌న రిటైర్మెంట్‌పై వ‌స్తున్న ఊహాగానాల‌కు చెక్ పెడుతూ త‌న‌దైన శైలిలో బ‌దులిచ్చాడు. త‌న ఆట ఇంకా పూర్తి కాలేద‌ని, ఆడుతున్నంత కాలం త‌న ముందు ఏదో ఒక ల‌క్ష్యం ఉంటుంద‌ని రోహిత్ చెప్పుకొచ్చాడు. కోహ్లిది వ్య‌క్తిగ‌త నిర్ణ‌య‌మ‌ని, అత‌డితో త‌న‌కు ప‌ని లేద‌ని రోహిత్ పేర్కొన్న‌ట్లు తెలుస్తోంది. ఇంకా రోహిత్ మాట్లాడుతూ.. "నేను చేయాల్సిన పని పూర్తి అయిందనే ఆలోచన ఎప్పుడూ నా మనసులోకి రాదు. క్రికెట్ ఆడుతున్నంత కాలం నేను సాధించేందుకు ఏదో ఒకటి ఉంటుంది. ప్రస్తుతం నేను ప్రపంచ కప్ కోసం ఎదురుచూస్తున్నా. ప్రపంచ కప్‌ అయినా.. ఏదైనా ఐసీసీ టోర్నీ అయినా దానికి ప్రత్యేకమైన సవాలు ఉంటుంది. వేర్వేరు ప్రత్యర్థులతో, వివిధ మైదానాల్లో ఆడాల్సి ఉంటుంది. అందుకు తగ్గట్టుగా మనం సిద్ధం కావాలి. భిన్నంగా ఆలోచించాలి. అదే ఈ టోర్నీల్లోని అసలైన సవాలు" అని రోహిత్‌ వివరించాడు.2027 వ‌న్డే ప్ర‌పంచ‌క‌ప్‌ను భార‌త్‌కు అందించ‌డ‌మే ల‌క్ష్యంగా రోహిత్ కొన‌సాగుతున్నాడు. అందుకే టెస్టులు, టీ20ల‌కు వీడ్కోలు ప‌లికిన రోహిత్ అప్ప‌టినుంచి వ‌న్డే ఫార్మాట్‌లోనే కొన‌సాగుతూ వ‌స్తున్నాడు. 2023 వ‌న్డే ప్ర‌పంచ‌క‌ప్‌లో త‌న కెప్టెన్సీలో సొంత‌గ‌డ్డ‌పై టీమిండియాను ఫైన‌ల్ చేర్చిన‌ప్పటికీ, తుదిమెట్టుపై బోల్తా కొట్టాడు. అయితే రెండు టీ20 ప్ర‌పంచ‌క‌ప్‌లు (2007, 2024) గెలిచిన టీమిండియా జ‌ట్టులో స‌భ్యుడైన రోహిత్‌.. వ‌న్డే ప్ర‌పంచ‌క‌ప్ గెల‌వాల‌న్న త‌న చిర‌కాల క‌ల‌ను నెర‌వేర్చుకునే పనిలో ఉన్నాడు. త‌న ఫామ్‌పై సందేహాలు వ‌చ్చిన ప్ర‌తీసారి రోహిత్ బ్యాట్‌తోనే స‌మాధానం చెప్పాడు. ఆఖ‌రిసారి ఇంగ్లండ్‌తో వ‌న్డే సిరీస్‌లో ఆడిన రోహిత్ శ‌ర్మ మూడో వ‌న్డేలో శ‌త‌కంతో మెరిశాడు. తాజాగా వెస్టిండీస్‌తో వ‌న్డే సిరీస్‌లో ఆ జ‌ట్టు బౌలర్ల భ‌ర‌తం ప‌ట్టేందుకు సిద్ధ‌మ‌వుతున్నాడు.ఇదీ చదవండి: గ‌మ్మత్తుగా ఒమ‌న్ క్రికెట్ టీం.. తొమ్మిది మందికి ఒకే ఇంటిపేరు

వెస్టిండీస్‌తో తొలి వ‌న్డే సంద‌ర్భంగా టీమిండియా సీనియ‌ర్ బ్యాట‌ర్ రోహిత్ శ‌ర్మను ప్ర‌పంచ రికార్డు ఊరిస్తోంది. రేపు తిరువ‌నం త‌పురంలోని గ్రీన్‌ఫీల్డ్ స్టేడియం వేదిక‌గా ఇరుజ‌ట్ల మ‌ధ్య తొలి వ‌న్డే మ్యాచ్‌ జ‌ర‌గ‌నుంది. శుక్ర‌వారం జ‌రిగిన టీమిండియా ఇంట్రాస్వ్కాడ్ మ్యాచ్‌లో సూప‌ర్ ఫామ్ క‌న‌బ‌రిచిన రోహిత్ అదే ఆట‌ను విండీస్‌తో తొలి వ‌న్డేలోనూ ప్ర‌ద‌ర్శించాల‌ని ప‌ట్టుద‌ల‌తో ఉన్నాడు. రోహిత్ శ‌ర్మ ప్ర‌స్తుతం వ‌న్డే క్రికెట్‌లో భారత్‌ తరఫున అత్య‌ధిక ప‌రుగులు చేసిన జాబితాలో మూడో స్థానంలో కొన‌సాగుతున్నాడు. ఇప్ప‌టివ‌ర‌కు రోహిత్ 288 వ‌న్డే మ్యాచ్‌లాడి 11,895 ప‌రుగులు సాధించాడు. ఇందులో 34 సెంచ‌రీలు, 62 హాఫ్ సెంచ‌రీలున్నాయి. వ‌న్డేల్లో 12వేల ప‌రుగుల మైలురాయిని అందుకునేందుకు రోహిత్‌కు మ‌రో 105 ప‌రుగులు అవ‌స‌రం. ఇంగ్లండ్‌తో వ‌న్డే సిరీస్ సంద‌ర్భంగా ఆఖ‌రి వ‌న్డేలో సూప‌ర్‌సెంచ‌రీతో మెరిసిన హిట్‌మ్యాన్‌.. బ్యాటింగ్‌కు అనుకూలంగా ఉండే తిరువ‌నంత‌పురంలోనూ శ‌త‌కం సాధించాల‌ని భావిస్తున్నాడు. రోహిత్ ఫామ్‌లో ఉంటే ఇదేమీ పెద్ద విష‌యం కాదు. తొలి వ‌న్డేలో ఈ మైలురాయిని అందుకోలేన‌ప్ప‌టికీ, వ‌న్డే సిరీస్ ముగిసేలోపే 12వేల మార్కును చేరుకోవ‌డం ఖాయం.దీంతో పాటు రోహిత్ శ‌ర్మ‌ను మ‌రో రికార్డు కూడా ఊరిస్తోంది. అదేంటంటే, మ‌రో 135 ప‌రుగులు చేస్తే వ‌న్డేల్లో ఓపెన‌ర్‌గా 10వేల ప‌రుగుల మార్క్‌ను అందుకుంటాడు. త‌ద్వారా వన్డేల్లో ఓపెన‌ర్‌గా ప‌దివేల ప‌రుగుల మార్క్ అందుకున్న నాలుగో బ్యాట‌ర్‌గా, భార‌త్ త‌ర‌ఫున రెండో బ్యాట‌ర్‌గా నిల‌వ‌నున్నాడు. స‌చిన్ టెండూల్క‌ర్ ఈ ఫీట్ సాధించిన తొలి భార‌త ప్లేయ‌ర్‌గా కొన‌సాగుతున్నాడు.ఇక వెస్టిండీస్‌పై కూడా వ‌న్డేల్లో రోహిత్ శ‌ర్మ‌కు మంచి రికార్డే ఉంది. ఇప్ప‌టివ‌ర‌కు విండీస్‌తో 37 వ‌న్డేలు ఆడిన రోహిత్ 1,613 ప‌రుగులు చేశాడు. ఇందులో మూడు సెంచ‌రీలు, 12 హాఫ్ సెంచ‌రీలున్నాయి.ఇదీ చదవండి: ఓట‌మి బాధ‌లో ఉన్న ఆసీస్‌కు షాక్‌.. స్వ‌దేశానికి స్టార్ ఆట‌గాడు!

భారత వన్డే జట్టు స్వదేశంలో వెస్టిండీస్‌తో సిరీస్‌కు సిద్ధమైంది. ఇరుజట్ల మధ్య ఆదివారం (సెప్టెంబరు 27) నుంచి మూడు మ్యాచ్‌ల సిరీస్‌ ఆరంభం కానుంది. ఈ క్రమంలో తొలి వన్డే కోసం ఇప్పటికే టీమిండియా తిరువనంతపురం చేరుకుని ప్రాక్టీస్‌ కూడా చేసింది.ఈ నేపథ్యంలో విండీస్‌తో మొదటి వన్డేకు భారత తుదిజట్టు ఎలా ఉండబోతున్న అంశంపై టీమిండియా మాజీ బ్యాటర్‌ మహ్మద్‌ కైఫ్‌ తన అభిప్రాయాలు పంచుకున్నాడు. టెస్టుల్లో ఓపెనర్‌గా పాతుకుపోయిన యశస్వి జైస్వాల్‌ను నాలుగో స్థానంలో బరిలోకి దించాలని యాజమాన్యానికి సూచించాడు.టాపార్డర్‌లో వీరేఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా కొనసాగడం ఖాయం. విరాట్‌ కోహ్లి యథావిధిగా మూడో స్థానంలోనే వస్తాడు. అయితే, ఈ సిరీస్‌లో యశస్వి జైస్వాల్‌ను మిడిలార్డర్‌లో కీలకమైన నాలుగో స్థానంలో ఆడించాలి.శ్రేయస్‌ లేడు కాబట్టిఎలాగో శ్రేయస్‌ అయ్యర్‌ జట్టుతో లేడు కాబట్టి ఇది సరైన నిర్ణయమే అవుతుంది. రుతురాజ్‌ గైక్వాడ్‌ ఐదో స్థానంలో బ్యాటింగ్‌ చేయగలడు. ఇక కేఎల్‌ రాహుల్‌ ఆరు, రవీంద్ర జడేజా ఏడో స్థానంలో రాగా.. నితీశ్‌ కుమార్‌ రెడ్డి, కుల్దీప్‌ యాదవ్‌ మిగిలిన స్థానాల్లో బ్యాటింగ్‌ చేస్తారు.ఇద్దరినీ ఆడించవచ్చుఈ సిరీస్‌లో జైస్వాల్‌, గైక్వాడ్‌.. ఇద్దరినీ ఆడించే ఆస్కారం ఉంది. పరిమిత ఓవర్ల క్రికెట్లో ఇలాంటి సర్దుబాట్లు చేసుకోవచ్చు. జైస్వాల్‌ నాలుగో స్థానంలోనూ బ్యాటింగ్‌ చేయగలడు’’ అని కైఫ్‌ అభిప్రాయపడ్డాడు. ఫాస్ట్‌ బౌలర్ల కోటాలో ప్రసిద్‌ కృష్ణ, గుర్నూర్‌ బ్రార్‌ ఆడతారని అంచనా వేశాడు.కాగా భారత టీ20 జట్టు కెప్టెన్‌ శ్రేయస్‌ అయ్యర్‌ ప్రస్తుతం జపాన్‌లో ఆసియా క్రీడలు-2026 టోర్నీతో బిజీగా ఉన్న సంగతి తెలిసిందే. ఈ నేపథ్యంలో జైస్వాల్‌ను నాలుగో స్థానంలో బ్యాటింగ్‌ పంపి ప్రయోగం చేయవచ్చని కైఫ్‌ చెప్పుకొచ్చాడు. కాగా యశస్వి జైస్వాల్‌ ఇప్పటి వరకు ఆరు వన్డేలు ఆడి 285 పరుగులు చేశాడు. చివరగా స్వదేశంలో అఫ్గానిస్తాన్‌తో జూన్‌లో మ్యాచ్‌ ఆడి అజేయ సెంచరీ (110) చేశాడు. మరోవైపు.. రుతురాజ్‌ గైక్వాడ్‌ ఇప్పటికి తొమ్మిది వన్డేల్లో 228 పరుగులు చేశాడు. చివరగా గతేడాది డిసెంబరులో సౌతాఫ్రికాతో వన్డే ఆడాడు.వెస్టిండీస్‌తో వన్డే కోసం కైఫ్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, యశస్వి జైస్వాల్‌, రుతురాజ్‌ గైక్వాడ్‌, కేఎల్‌ రాహుల్‌, రవీంద్ర జడేజా, నితీశ్‌ కుమార్‌ రెడ్డి, కుల్దీప్‌ యాదవ్‌, ప్రసిద్‌ కృష్ణ, గుర్నూర్‌ బ్రార్‌.చదవండి: సచిన్‌తో అర్జున్‌కు పోలికేంటి?: సెహ్వాగ్‌

టీమిండియా దిగ్గజ క్రికెటర్‌ విరాట్‌ కోహ్లి కీలక వ్యాఖ్యలు చేశాడు. తన అంతర్జాతీయ కెరీర్‌ చివరి దశకు చేరిందనే సంకేతాలు ఇచ్చాడు. భారత్‌ తరఫున వన్డే వరల్డ్‌కప్‌-2027 ఈవెంట్‌ తన అంతర్జాతీయ కెరీర్‌లో చివరి ఐసీసీ టోర్నమెంట్‌ అని పేర్కొన్నాడు.ఇప్పటికే టీ20, టెస్టులకు గుడ్‌బైకాగా టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత కోహ్లి అంతర్జాతీయ పొట్టి ఫార్మాట్‌కు వీడ్కోలు పలికిన సంగతి తెలిసిందే. అనూహ్య రీతిలో గతేడాది టెస్టులకు కూడా ‘కింగ్‌’ రిటైర్మెంట్‌ ప్రకటించాడు. ప్రస్తుతం వన్డే ఫార్మాట్‌తో పాటు.. ఐపీఎల్‌లో రాయల్‌ చాలెంజర్‌ చాలెంజర్స్‌ తరఫున టీ20 క్రికెట్‌లో కొనసాగుతున్నాడు.టీమిండియా తరఫున అదే చివరిదిఇక ప్రస్తుతం కోహ్లి స్వదేశంలో వెస్టిండీస్‌తో జరిగే వన్డే సిరీస్‌కు సన్నద్ధమవుతున్నాడు. ఈ నేపథ్యంలో జియోస్టార్‌తో మాట్లాడుతూ.. ‘‘టీమిండియా తరఫున నేను ఆడబోయే చివరి వరల్డ్‌కప్‌ ఇదే (వన్డే ప్రపంచకప్‌-2027). ఈ విషయాన్ని దృష్టిలో పెట్టుకునే సిరీస్‌కు పూర్తిస్థాయిలో సిద్ధమయ్యాను.ఇక వరల్డ్‌కప్‌ ట్రోఫీ గెలవడం అనేదే అంతిమ లక్ష్యం. ఈ ప్రయాణం ఎక్కడిదాకా సాగుతుందో తెలియదు. అన్నింటికీ నేను సిద్ధంగానే ఉన్నాను’’ అని కోహ్లి పేర్కొన్నాడు. కాగా ఈ ఏడాది ఇప్పటికి ఆరు వన్డేలు ఆడిన కోహ్లి 384 పరుగులతో సత్తా చాటాడు. ఇందులో మూడు అర్ధ శతకాలు కూడా ఉన్నాయి.వరల్డ్‌కప్‌ ఆడటం లాంఛనమే!ఇక గత 10 వన్డే ఇన్నింగ్స్‌లో కోహ్లి మూడు సెంచరీలు చేయడంతో పాటు ఐదు హాఫ్‌ సెంచరీలు కూడా సాధించాడు. దీనిని బట్టి కోహ్లి సూపర్‌ ఫామ్‌లో ఉన్నట్లు స్పష్టంగా తెలుస్తోంది. కాబట్టి 37 ఏళ్ల కోహ్లిని వన్డే వరల్డ్‌కప్‌ జట్టు నుంచి తప్పించే సాహసం టీమిండియా సెలక్టర్లు చేయరనే చెప్పవచ్చు.కాగా 2008లో టీమిండియా తరఫున అరంగేట్రం చేసిన కోహ్లి.. 123 టెస్టుల్లో 30 శతకాల సాయంతో 9230 పరుగులు సాధించాడు. 125 టీ20లలో ఓ సెంచరీ బాది 4188 పరుగులు చేశాడు. ఇక వన్డేల్లో ఇప్పటికి 314 మ్యాచ్‌లు ఆడి 14941 పరుగులు సాధించాడు. అంతేకాదు యాభై ఓవర్ల ఫార్మాట్లో అత్యధికంగా 54 సెంచరీలు సాధించి ప్రపంచ రికార్డు నెలకొల్పాడు.చదవండి: సచిన్‌తో అతడికి పోలికేంటి?: సెహ్వాగ్‌

అద్భుతమైన అనుభవం!ఒక బిడ్డకు తండ్రి కావడం తన జీవితంలో అత్యంత గొప్ప అనుభవమని చెబుతుంటారు విరాట్‌ కోహ్లి. కూతురు వమికతో భావోద్వేగ బంధం, ఆమె అల్లరితో రోజువారి జీవితంలో వచ్చే మార్పు తను, అనుష్క మునుపెన్నడూ చూడలేదని అంటారు కోహ్లి. వమికకు ఆటలపై ఆసక్తి కలిగిందని ఒకింత గర్వంగా చెబుతుంటారు క్రికెట్‌ బ్యాట్‌ పట్టుకొని ఆడుకోవడాన్ని వమిక ఆస్వాదిస్తుందని ఆనందంగా చెబుతారు. ‘ఒకవేళ వమిక క్రికెటర్‌ కావాలనుకుంటే, స్ఫూర్తి పొందేందుకు ఆమెకు స్మృతి మంధాన, హర్మన్‌ ప్రీత్‌ కౌర్‌వంటి వారు’ ఉన్నారు అంటారు కోహ్లి. ‘ఆటలు మాత్రమే ఆడాలని లేదు. భవిష్యత్‌లో తన కెరీర్‌ మార్గాన్ని ఎంచుకోవడానికి ఆమెకు పూర్తి స్వేచ్ఛ ఉంటుంది’ అని నొక్కి చెబుతున్నారు కోహ్లి.మా అమ్మాయి లీడర్‌‘వి ద విమెన్‌’ పేరుతో జరిగిన చర్చా కార్యక్రమంలో తన కూతురు అనన్య గురించి ప్రస్తావించి ప్రశంసించారు పారిశ్రామిక దిగ్గజం కుమార మంగళం బిర్లా. నాలుగేళ్ల వయసులోనే ఆమెలో నాయకత్వ లక్షణాలను గుర్తించినట్లు చెప్పారు. ‘ఏ పని చేసినా శ్రద్ధగా చేస్తుంది. నూటికి నూరు శాతం కష్టపడుతుంది. సమస్యలను వేగంగా పరిష్కరించడంలో ముందుంటుంది’ అని అనన్య గురించి చెబుతుంటారు కుమార మంగళం బిర్లా. నేర్చుకోవాలనే నిరంతర తపనే అనన్యను ప్రత్యేకంగా నిలబెట్టింది. ‘ఘనమైన కుటుంబ పేరును వారసత్వంగా పొందినప్పటికీ కష్టపడి పనిచేయాలి. విలువలతో కూడిన జీవనశైలిని నిర్మించుకోవాలి. ఈ విషయంలో అనన్యను ప్రశంసిస్తున్నాను. ఎవరిపై ఆధారపడకుండా సొంతంగా తన దారి ఏర్పాటు చేసుకోవడం గురించి ఆలోచిస్తుంది. సొంతంగా మైక్రోఫిన్‌ను స్థాపించి తానేమిటో నిరూపించుకుంది’ అంటారు మురిపెంగా కుమార మంగళం.ఆరాధ్య... చిన్నప్పటి ఐశ్వర్య!‘ఆరాధ్య నా సర్వస్వం’ అని కూతురు గురించి చెబుతుంటారు ఐశ్వర్యరాయ్‌. ఆరాధ్యలో తన చిన్ననాటి లక్షణాలు, ప్రవర్తన, హావభావాలు కనిపించడం ఐశ్వర్యకు సంతోషం కలిగించే విషయం. జాతీయ, అంతర్జాతీయ కార్యక్రమాలలో కూతురుని తనతో పాటు తీసుకువెళుతుంటారు. తల్లీకూతుళ్ల మధ్య ఉన్న పోలికలు సోషల్‌ మీడియాలో ప్రత్యేక ఆకర్షణ. ఆరాధ్య ను తల్లితో పోలుస్తూ ‘మిర్రర్‌ ఇమేజ్‌’ అని,‘చిన్ననాటి ఐశ్వర్యకు కార్బన్‌ కాపీ’ అని అభివర్ణిస్తుంటారు నెటిజనులు. ఐశ్వర్యకు సంబంధించి అరుదైన టీనేజ్, చిన్ననాటి ఫొటోలు ఆన్‌లైన్‌లో కనిపించినప్పుడు, వాటి పక్కన ఆరాధ్య ఫొటోను జత చేస్తూ పోలికలను విశ్లేషిస్తుంటారు. ‘ఇంట్లో ఆరాధ్య ఎప్పుడూ డ్యాన్స్‌ చేస్తూ, పాటలు పాడుతూ ఉంటుంది. కొన్నిసార్లు నా పాటలకు, కొన్నిసార్లు తండ్రి, తాతల పాటలకు డ్యాన్స్‌ చేస్తుంది. ఆరాధ్యకు సంబంధించి పనులన్నీ నేనే స్వయంగా చేసుకోవడానికి ఇష్టపడతాను’ అంటారు ఐశ్వర్యరాయ్‌.డాటర్‌ ఆఫ్‌ దళపతితమిళనాడు ముఖ్యమంత్రి ‘దళపతి’ విజయ్‌ ముద్దుల కూతురు దివ్య సాషా. చెన్నైలోని అమెరికన్‌ ఇంటర్నేషనల్‌ స్కూల్‌లో చదువుకున్న దివ్య బాడ్మింటన్‌లాంటి ఆటలు బాగా ఆడుతుంది. తన చిన్నతనంలో తండ్రి నటించిన ‘తేరి’ సినిమాలో చిన్న పాత్రలో మెరిసింది దివ్య. ఆ తరువాత సినీపరిశ్రమకు దూరంగా ఉంది. కూతురుతో కనిపించిన ఫొటోలు విజయ్‌ అభిమానులను కనువిందు చేస్తుంటాయి. కొన్ని సంవత్సరాల క్రితం... తన సినిమా లైవ్‌ షోలో దివ్య సాషాతో విజయ్‌ ఫోన్‌లో నవ్వుతూ మాట్లాడుతున్న చిట్టి పొట్టి వీడియో ఇప్పటికీ ఎక్కడో ఒక చోట సోషల్‌ మీడియాలో కనిపిస్తూనే ఉంటుంది. తన తండ్రి పార్టీ ‘టీవికె’కు సపోర్ట్‌ చేస్తూ దివ్య సాషా ఇన్‌స్టాగ్రామ్‌లో పోస్ట్‌ చేసిందనే వార్త వైరల్‌ అయింది. తండ్రి గురించి కూతురు, కూతురు గురించి తండ్రి మాట్లాడిన దృశ్యాలు పెద్దగా కనిపించనప్పటికీ చంటిపిల్లగా ఉన్న కూతురును ఎత్తుకోవడం నుంచి మొదలు నిన్నా మొన్నటి వరకు....తండ్రీకూతుళ్ల ఫొటోలు వైరల్‌ అవుతూ... వారి అనుబంధాన్ని నిశ్శబ్దంగా చెబుతుంటాయి.

వెస్టిండీస్‌తో వ‌న్డే సిరీస్ నేప‌థ్యంలో ఆదివారం తిరువ‌నంత‌పురం వేదిక‌గా టీమిండియా తొలి వ‌న్డే ఆడ‌నుంది. ఈ నేప‌థ్యంలో ఇప్ప‌టికే ప్రాక్టీస్ ఆరంభించిన భార‌త జ‌ట్టు శుక్ర‌వారం రెండు జ‌ట్లుగా విడిపోయి ఇంట్రా స్వ్కాడ్ మ్యాచ్ ఆడాయి. ఇండియా-ఏ జ‌ట్టులో గిల్‌, కోహ్లి, జ‌డేజా, రుతురాజ్‌, కేఎల్ రాహుల్ బ్యాటింగ్ చేయ‌గా, ఇండియా-బి జ‌ట్టులో రోహిత్ శ‌ర్మ‌, జైస్వాల్‌, ధ్రువ్ జురెల్‌, నితీశ్‌కుమార్ రెడ్డి, న‌మ‌న్ ధిర్‌లు బ్యాటింగ్ చేశారు. ఇరుజ‌ట్లు 50 ఓవ‌ర్ల మ్యాచ్ ఆడాయి. ఈ మ్యాచ్‌లో ఇండియా-ఏ జ‌ట్టు విజ‌యం సాధించింది. సీనియ‌ర్లు కోహ్లి, రోహిత్‌లు బ్యాటింగ్‌లో అద‌ర‌గొట్ట‌గా, కెప్టెన్ గిల్ ప్లాఫ్ అయ్యాడు. మ్యాచ్‌లో తొలుత బ్యాటింగ్ చేసిన ఇండియా-ఎ 50 ఓవర్లలో 4 వికెట్ల నష్టానికి 319 పరుగులు చేసింది. టీమిండియా మాజీ కెప్టెన్ విరాట్ కోహ్లి 88 బంతుల్లో 91 పరుగులతో నాటౌట్‌గా నిలిచాడు. రవీంద్ర జడేజా 39 బంతుల్లో 45 పరుగులతో అజేయంగా నిలిచాడు. రుతురాజ్ గైక్వాడ్ 38 బంతుల్లో 42 పరుగులు చేయగా.. కేఎల్ రాహుల్ 29 బంతుల్లో 36 పరుగులతో రాణించాడు. కానీ కెప్టెన్ శుబ్‌మ‌న్ గిల్ మాత్రం 8 బంతుల్లో 7 పరుగులే చేసి పెవిలియన్ చేరాడు.అనంతరం 320 పరుగుల లక్ష్యంతో బరిలోకి దిగిన ఇండియా-బి 50 ఓవర్లలో 7 వికెట్లకు 309 పరుగులు చేసింది. ఓపెనర్ యశస్వి జైస్వాల్ 68 బంతుల్లో 72 పరుగులతో ఆకట్టుకోగా.. రోహిత్ శర్మ 59 బంతుల్లో 64 పరుగులు చేశాడు. వీరిద్దరూ జట్టుకు మంచి ఆరంభాన్ని అందించారు. మిడిలార్డర్‌లో నితీష్ కుమార్ రెడ్డి కీలక ఇన్నింగ్స్ ఆడాడు. 57 బంతుల్లో 61 పరుగులు చేసి జట్టు స్కోరును ముందుకు తీసుకెళ్లాడు. నమన్ ధిర్ 28 బంతుల్లో 31 పరుగులు చేశాడు. అలా చివ‌రికి ఇండియా-బి 309 పరుగులకే పరిమితమై ఓట‌మి చ‌విచూసింది. మొత్తం మీద ఇంట్రా స్క్వాడ్ మ్యాచ్ ద్వారా కోహ్లి, రోహిత్ త‌మ బ్యాటింగ్‌తో అల‌రించారు.తొలి వన్డే తిరువ‌నంతపురం వేదికగా జరుగనుండగా, రెండో మ్యాచ్ గౌహతి వేదికగా సెప్టెంబర్ 30న ఉంటుంది. అక్టోబర్ 3వ తేదీన న్యూ ఛండీఘర్ వేదికగా చివరి మ్యాచ్ జర‌గుంది. ఈ వన్డే సిరీస్‌లో రోహిత్ శర్మ, విరాట్ కోహ్లి ఇద్దరూ బరిలోకి దిగనున్నారు. అక్టోబర్ 6వ తేదీ నుంచి ఇరుజ‌ట్ల మ‌ధ్య ఐదు మ్యాచ్‌ల టీ20 సిరీస్ షురూ కానుంది.ఇదీ చదవండి: విండీస్‌తో తొలి వన్డే.. భారత తుదిజట్టు అంచనా!

తిరువ‌నంత‌పురం వేదిక‌గా ఆదివారం భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఈ నేప‌థ్యంలో భార‌త తుది జ‌ట్టులో ఎవ‌రు ఉంటారు, ఎవ‌రు ఉండ‌ర‌నే దానిపై ఆస‌క్తిక‌ర చ‌ర్చ న‌డుస్తోంది. ఆసియా గేమ్స్‌లో పాల్గొనేందుకు శ్రేయ‌స్ అయ్య‌ర్ నేతృత్వంలోని భార‌త జ‌ట్టు జ‌పాన్‌కు రాగా, విండీస్‌తో వ‌న్డే సిరీస్‌కు రోహిత్‌, కోహ్లి, జ‌డేజా సిద్ధ‌మ‌య్యారు. వీరితో పాటు కెప్టెన్ గిల్‌, వైస్‌కెప్టెన్‌ కేఎల్ రాహుల్ ఆడ‌నున్నారు. ఈ నేప‌థ్యంలో విండీస్‌తో తొలి వ‌న్డేకు తుదిజ‌ట్టు ఎలా ఉండ‌బోతుంద‌నేది ఒక‌సారి ప‌రిశీలిద్దాం.తుదిజ‌ట్టులో యశస్వి జైస్వాల్, నమన్ ధీర్, ధ్రువ్ జురెల్‌ల‌కు అవ‌కాశం ద‌క్క‌డం క‌ష్ట‌మే. శ్రేయస్ అయ్యర్ స్థానంలో భారత జట్టులోకి వచ్చిన రుతురాజ్ గైక్వాడ్ మాత్రం ఆడే అవకాశాలు మెండుగా ఉన్నాయి. ఇక ఓపెన‌ర్లుగా రోహిత్ శర్మ, గిల్ రానున్నారు. వ‌న్‌డౌన్‌లో కోహ్లి, ఆ త‌ర్వాత రుతురాజ్ గైక్వాడ్ వ‌చ్చే అవ‌కాశ‌ముంది. ఇక ఐదో స్థానంలో వికెట్ కీప‌ర్ కేఎల్ రాహుల్ రానున్నాడు. ఆల్‌రౌండ‌ర్లుగా జ‌డేజా, నితీశ్‌కుమార్ రెడ్డి ఆడే అవ‌కాశ‌ముంది. జ‌ట్టులో ప్రధాన స్పిన్నర్‌గా కుల్దీప్ యాదవ్ ఉండ‌వ‌చ్చు. ఫాస్ట్ బౌలింగ్ విభాగంలో ప్రసిద్ధ కృష్ణ మహమ్మద్ సిరాజ్, గుర్నూర్ బ్రార్‌లు ఆడే అవ‌కాశ‌ముంది. ఈ సిరీస్ కోసం ఎంపిక చేసిన ఫాస్ట్ బౌలర్ ఆకిబ్ నబీ, నమన్ ధిర్ బెంచ్‌కు ప‌రిమితం కానున్నారు.భార‌త తుది జ‌ట్టు అంచ‌నా:రోహిత్ శర్మ, శుబ్‌మ‌న్ గిల్‌, విరాట్ కోహ్లి, రుతురాజ్ గైక్వాడ్, కేఎల్ రాహుల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిధ్‌ కృష్ణ, మహ్మద్ సిరాజ్, గుర్నూర్ బ్రార్.ఇదీ చదవండి: భారత్‌తో తొలి వన్డే.. విండీస్ హెడ్‌కోచ్ సంచలన వ్యాఖ్యలు

స్వ‌దేశంలో వెస్టిండీస్‌తో టీమిండియా మూడు మ్యాచ్‌ల వ‌న్డే సిరీస్ ఆడ‌నున్న సంగ‌తి తెలిసిందే. ఆదివారం తిరువ‌నంత‌పురం వేదిక‌గా రెండు జ‌ట్ల మ‌ధ్య తొలి వ‌న్డే మ్యాచ్ జ‌ర‌గ‌నుంది. ఈ మ్యాచ్ ఆడేందుకు ఇప్ప‌టికే ఇరుజ‌ట్లు కేర‌ళ‌కు చేరుకొని ప్రాక్టీస్ ఆరంభించాయి. వెస్టిండీస్‌పై గెలిచి ఇంగ్లండ్‌తో వ‌న్డే సిరీస్ ఓట‌మిని మ‌రిచిపోవాల‌ని టీమిండియా చూస్తుండ‌గా, సొంత‌గ‌డ్డ‌పై భార‌త్‌కు షాకివ్వాల‌నే యోచ‌న‌లో విండీస్ ఉంది. రెండు జ‌ట్లు పేప‌ర్‌పై బ‌లంగా క‌నిపిస్తుండ‌డంతో హోరాహోరీ పోరు త‌ప్ప‌ద‌నిపిస్తోంది. ఇదిలా ఉంటే, విండీస్‌తో సిరీస్ అన‌గానే టీమిండియా ర‌న్‌మెషిన్ విరాట్ కోహ్లి చెల‌రేగిపోతుంటాడు. గ‌త గ‌ణాంకాలు కూడా ఇదే స్ప‌ష్టం చేస్తున్నాయి. 2018లో వెస్టిండీస్ భార‌త్ ప‌ర్య‌ట‌న‌కు వ‌చ్చింది. ఈ సిరీస్‌కు టీమిండియా కెప్టెన్‌గా కోహ్లి వ్య‌వ‌హ‌రించాడు. 2018లో ఆకాశ‌మే హ‌ద్దుగా..ఆనాటి సిరీస్‌ను భార‌త్ 3-1తో (ఒక మ్యాచ్ టై) గెలుచుకుంది. అయితే ఆ సిరీస్‌లో కోహ్లి ఆకాశ‌మే హ‌ద్దుగా చెల‌రేగాడు. ఆడిన ఐదు వ‌న్డేల్లో కోహ్లి 453 ప‌రుగులు సాధించి టాప్ స్కోర‌ర్‌గా నిలిచాడు. ఇందులో మూడు సెంచ‌రీలు ఉండ‌డం విశేషం. ఈ మూడు సెంచ‌రీలు మూడు వ‌రుస మ్యాచ్‌ల్లో రావ‌డం విశేషం. గౌహ‌తి వేదిక‌గా జ‌రిగిన తొలి వ‌న్డేలో కోహ్లి (107 బంతుల్లో 140 నాటౌట్‌) విజృంభించ‌డంతో భార‌త్ సునాయాస విజ‌యం సాధించింది.ఇక రెండో వ‌న్డేలో కోహ్లి 129 బంతుల్లో 157 ప‌రుగులు సాధించాడు. ఈ మ్యాచ్ టైగా ముగియ‌డం గ‌మ‌నార్హం. ఇక మూడో వ‌న్డేలో మ‌రోసారి సెంచ‌రీతో చెలరేగిన కోహ్లి 119 బంతుల్లో 107 ప‌రుగులు చేశాడు. మూడు వ‌రుస వ‌న్డేల్లో శ‌త‌కాలు సాధించిన తొలి బ్యాట‌ర్‌గానూ కోహ్లి అప్ప‌ట్లో రికార్డులకెక్కాడు.బాబర్‌ ఆజం మాత్రమే..ఆ త‌ర్వాత రోహిత్ శ‌ర్మ 2019 వ‌న్డే ప్ర‌పంచ‌క‌ప్‌లో వ‌రుస‌గా మూడు సెంచ‌రీలు సాధించి కోహ్లి స‌ర‌స‌న చేరాడు. ఇక కోహ్లి తర్వాత వెస్టిండీస్‌పై వరుసగా మూడు వన్డేల్లో సెంచరీలు బాదిన క్రికెటర్‌గా పాకిస్తాన్ బాబర్ ఆజం ఉన్నాడు. ఓవ‌రాల్‌గా చూసుకున్నా కోహ్లికి విండీస్‌పై ఘ‌న‌మైన రికార్డు ఉంది. వ‌న్డే క్రికెట్‌లో కోహ్లి 41 ఇన్నింగ్స్‌ల్లో 97 స్ట్రైక్‌రేట్‌తో 2,261 ప‌రుగులు సాధించాడు. ఇందులో 9 సెంచరీలు, 11 అర్ధ సెంచరీలు ఉన్నాయి.ఇక కెప్టెన్‌గా ద్వైపాక్షిక వన్డే సిరీస్‌లో అత్యధిక పరుగులు సాధించిన జాబితాలోనూ కోహ్లి తొలి స్థానంలో ఉన్నాడు. 2018లో సౌతాఫ్రికాతో వ‌న్డే సిరీస్‌లో కోహ్లి 558 ప‌రుగులు సాధించాడు. రెండో స్థానంలో ఆసీస్ కెప్టెన్ జార్జ్ బెయిలీ (478 ప‌రుగులు, భార‌త్‌పై 2013లో) ఉన్నాడు. ఇక మూడో స్థానంలో మ‌రోసారి కోహ్లి (453 ప‌రుగులు వ‌ర్సెస్ వెస్టిండీస్‌పై) ఉన్నాడు. ఇక వెస్టిండీస్‌తో ద్వైపాక్షిక వ‌న్డే సిరీస్‌ల్లో కోహ్లి మిన‌హా ఏ బ్యాట‌ర్ కూడా 400 ప‌రుగుల మార్క్‌ను దాట‌లేక‌పోవ‌డం గ‌మ‌నార్హం.తిరువనంతపురంలో జరగబోయే తొలి వన్డే మ్యాచ్ కోసం ఇప్పటికే కోహ్లీ అక్కడికి చేరుకుని నెట్స్‌లో తీవ్రంగా శ్రమిస్తున్నాడు. త‌న స‌హ‌చ‌రుడు రోహిత్ శర్మతో కలిసి కోహ్లి తిరిగి జట్టులోకి రావడంతో, ఈ సిరీస్ భారత్ గడ్డపై అభిమానులకు అసలైన 'మాస్ వినోదాన్ని' అందించడం ఖాయంగా కనిపిస్తోంది.ఇదీ చదవండి: టేబుల్ టెన్నిస్‌లో కాంస్యం.. అథ్లెటిక్స్‌లో 9 పతకాలు ఖాయం!

వెస్టిండీస్‌తో జరగబోయే తొలి వన్డే కోసం టీమిండియా స్టార్ బ్యాటర్, 'రన్ మెషిన్' విరాట్ కోహ్లి సన్నద్దమవుతున్నాడు. ఇప్పటికే తొలి వన్డే వేదికైన తిరువనంతపురం చేరుకున్న విరాట్, ప్రాక్టీస్ కూడా మొదలుపెట్టాడు. ఇంగ్లాండ్ పర్యటనలో దుమ్మురేపిన కోహ్లి, ఇప్పుడు సొంతగడ్డపై కూడా అదే జోరును కొనసాగించేందుకు సిద్ధమవుతున్నాడు. ఈ క్రమంలో విండీస్‌తో తొలి మ్యాచ్‌కు ముందు విరాట్‌ను ఒక ప్రపంచ రికార్డు ఊరిస్తోంది.తిరువనంతపురం వన్డేలో కోహ్లి మరో 59 పరుగులు చేస్తే, అంతర్జాతీయ వన్డేల్లో అత్యంత వేగంగా 15,000 రన్స్‌ పూర్తి చేసిన క్రికెటర్‌గా ప్రపంచ రికార్డు సృష్టిస్తాడు. విరాట్ ఇప్పటివరకు 311 ఇన్నింగ్స్‌లలో 14,941 పరుగులు చేశాడు. ప్రస్తుతం ఈ రికార్డు భారత క్రికెట్ దిగ్గజం సచిన్ టెండూల్కర్ (377 ఇన్నింగ్స్‌లు) పేరిట ఉంది. విండీస్‌తో మ్యాచ్‌లో సచిన్ ఆల్-టైమ్ రికార్డును కోహ్లి అధిగమించే మంచి అవకాశం ఉంది. కాగా వన్డేల్లో అత్యధిక పరుగుల (18,426) జాబితాలో సచిన్ అగ్రస్థానంలో కొనసాగుతుండగా, విరాట్ తదుపరి స్థానంలో ఉన్నాడు.మరోవైపు మాజీ కెప్టెన్ రోహిత్ శర్మ సైతం ఒక మైలురాయికి చేరువలో ఉన్నాడు. ఈ మ్యాచ్‌లో రోహిత్ 105 రన్స్ సాధిస్తే, వన్డేల్లో 12,000 పరుగుల మైలురాయిని చేరుకుంటాడు. భారత్ - విండీస్ మధ్య తొలి వన్డే ఆదివారం తిరువనంతపురం వేదికగా జరగనుంది.విండీస్‌తో వన్డేలకు భారత జట్టు: శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లి, రుతురాజ్ గైక్వాడ్, కేఎల్ రాహుల్ (వైస్ కెప్టెన్ అండ్‌ వికెట్ కీపర్), యశస్వి జైస్వాల్, నామన్ ధిర్, ధ్రువ్ జురెల్ (వికెట్ కీపర్), నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిద్ధ్ కృష్ణ, మహమ్మద్ సిరాజ్, గుర్నూర్ బ్రార్, ఆఖిబ్ నబి.చదవండి: పాకిస్తాన్‌ కెప్టెన్‌గా డేంజరస్‌ ప్లేయర్‌.. ఎవరంటే?

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి ఇవాళ కేర‌ళంలో అడుగుపెట్ట‌నున్నారు. వెస్టిండీస్‌తో వ‌న్డే సిరీస్‌లో భాగంగా తొలి వ‌న్డే సెప్టెంబ‌ర్ 27న తిరువ‌నంత‌పురం వేదికగా జ‌ర‌గ‌నుంది. ఈ నేప‌థ్యంలో గిల్ సార‌థ్యంలోని టీమిండియా బృందం ఇప్పటికే కేర‌ళ‌కు చేరుకోగా.. ఇవాళ కోహ్లి, రోహిత్‌లు జట్టుతో జాయిన్‌ అవనున్నారు. టెస్టులు, టీ20లకు రిటైర్మెంట్ ప్ర‌క‌టించిన రో-కో ద్వ‌యం 2027 వ‌న్డే ప్ర‌పంచ‌క‌ప్ నేప‌థ్యంలో కేవ‌లం వ‌న్డే ఫార్మాట్‌లో మాత్ర‌మే కొన‌సాగుతున్నారు. ఇటీవ‌లే ఇంగ్లండ్‌కు వ‌న్డే సిరీస్ కోల్పోయిన‌ప్ప‌టికీ రో-కో మాత్రం త‌మ ప్ర‌ద‌ర్శ‌నతో ఆక‌ట్టుకున్నారు. ముఖ్యంగా హిట్‌మ్యాన్ ఇంగ్లండ్‌తో మూడో వ‌న్డేలో చారిత్ర‌క సెంచ‌రీతో మెరిశాడు. ఇక వ‌న్డే ప్ర‌పంచ‌క‌ప్‌కు స‌రిగ్గా ఏడాది స‌మ‌యం మాత్ర‌మే ఉండ‌డంతో రో-కో ద్వ‌యంపై అంద‌రి దృష్టి నెల‌కొని ఉంది. ఆసియా క్రీడ‌ల కోసం శ్రేయ‌స్ అయ్య‌ర్ నేతృత్వంలో ఒక బృందం ఇప్ప‌టికే జ‌పాన్‌కు చేరుకోవ‌డంతో జ‌ట్టులో మార్పులు అనివార్య‌మ‌య్యాయి. అకిబ్ న‌బీ, న‌మ‌న్ ధిర్‌ల‌ను విండీస్‌తో వ‌న్డే సిరీస్‌కు ఎంపిక చేశారు. ఇక మరో సీనియ‌ర్ ఆల్‌రౌండ‌ర్ ర‌వీంద్ర జ‌డేజా కూడా ఆరు నెల‌ల త‌ర్వాత మ‌ళ్లీ వ‌న్డే మ్యాచ్ ఆడ‌నుండ‌డం విశేషం.మ‌రోవైపు ఆసియా క్రీడ‌ల్లో ఆడేందుకు ఇప్ప‌టికే శ్రేయ‌స్ అయ్య‌ర్ టీం జ‌పాన్‌లో అడుగుపెట్టింది. జ‌పాన్‌తో ఏకైక టీ20 మ్యాచ్ ఆడి అతిక‌ష్టం మీద గెలిచిన టీమిండియా ఇప్పుడు ఆసియా క్రీడ‌ల్లో వ‌రుస‌గా రెండో స్వ‌ర్ణం గెల‌వాల‌ని ఆశిస్తోంది. కానీ జ‌పాన్‌తో ఆడిన మ్యాచ్‌లో 5 ఓవ‌ర్ల ఆట మాత్ర‌మే సాధ్య‌మైన‌ప్ప‌టికీ, పిచ్ మాత్రం భార‌త్‌కు అనుకూలంగా లేద‌న్న విష‌యం స్ప‌ష్ట‌మైంది. దీంతో ఈసారి భార‌త్‌కు స్వ‌ర్ణం సాధిస్తుందా లేదా అనేది చూడాలి.ఇదీ చదవండి: ‘అంతా తొండి.. అందుకే కరచాలనం చేయలేదు’

చెస్టర్‌-లీ-స్ట్రీట్ వేదికగా శ్రీలంకతో జరుగుతున్న తొలి వన్డే మ్యాచ్‌లో ఇంగ్లండ్ సీనియర్ బ్యాటర్ జో రూట్ మరో రికార్డు సాధించాడు. మ్యాచ్‌లో 52 బంతుల్లో 44 పరుగులు సాధించిన రూట్ అంతర్జాతీయ క్రికెట్‌లో అన్ని ఫార్మాట్లు కలిపి 23 వేల పరుగుల మార్క్ అందుకున్న ఎనిమిదో బ్యాటర్‌గా నిలిచాడు.అయితే తక్కువ ఇన్నింగ్స్‌ల్లో ఈ ఘనత సాధించిన రెండో బ్యాటర్‌గా రూట్ రికార్డులకెక్కాడు. 521 ఇన్నింగ్స్‌ల్లో రూట్ 23వేల పరుగుల మార్క్‌ను అందుకోగా, కోహ్లి 490 ఇన్నింగ్స్‌ల్లో ఈ ఫీట్ సాధించి తొలి స్థానంలో ఉన్నాడు. ఇక సచిన్ టెండూల్కర్ (522 ఇన్నింగ్స్‌లు), మూడో స్థానంలో కొనసాగుతున్నాడు. ఆ తర్వాత రికీ పాంటింగ్ (544 ఇన్నింగ్స్‌లు), జాక్ కలిస్ (551 ఇన్నింగ్స్‌లు), కుమార సంగక్కర (568 ఇన్నింగ్స్‌లు) వరుసగా నాలుగు, ఐదు, ఆరు స్థానాల్లో కొనసాగుతున్నారు. రాహుల్ ద్రవిడ్ (576 ఇన్నింగ్స్‌లు), జయవర్దనే (645 ఇన్నింగ్స్‌లు) ఏడు, ఎనిమిది స్థానాల్లో ఉన్నారు. రూట్ 20 పరుగుల వ్యక్తిగత స్కోరు వద్ద ఈ మైలురాయిని చేరుకున్నాడు.ఇక ఓవరాల్‌గా రూట్ ఇప్పటివరకు 169 టెస్టుల్లో 14, 278 పరుగులు (41 సెంచరీలు), 193 వన్డేల్లో 7,849 పరుగులు (20 సెంచరీలు), 32 టీ20ల్లో 893 పరుగులు సాధించాడు. టెస్టు క్రికెట్‌లో ఇంగ్లండ్ త‌ర‌ఫున ఆల్‌టైమ్ స్కోర‌ర్‌గా కొన‌సాగుతున్నాడు. ఇక ఓవ‌రాల్ జాబితాలో అత్య‌ధిక ప‌రుగులు చేసిన బ్యాట‌ర్ల జాబితాలోనూ రూట్ రెండో స్థానంలో కొనసాగుతున్నాడు. ఈ మ‌ధ్య కాలంలో రూట్ సూప‌ర్ ఫామ్ క‌న‌బ‌రుస్తున్నాడు. 2026లో 20 ఇన్నింగ్స్‌ల్లో 1020 ప‌రుగులు సాధించిన రూట్ ఖాతాలో రెండు సెంచ‌రీలు, ఎనిమిది హాప్ సెంచ‌రీలున్నాయి. ఇక మ్యాచ్ విష‌యానికొస్తే టాస్ గెలిచి బ్యాటింగ్ ఎంచుకున్న ఇంగ్లండ్ 30 ఓవ‌ర్లు ముగిసేస‌రికి 3 వికెట్ల న‌ష్టానికి 172 ప‌రుగులు చేసింది. కెప్టెన్ బ్రూక్ (58), జోస్ బ‌ట్ల‌ర్ (22) క్రీజులో ఉన్నారు.ఇదీ చదవండి: ‘శ్రీ చరణి ఒక అద్భుతం.. భారత జట్టుకు అభినందనలు’

అఫ్గానిస్తాన్‌తో టీ20 సిరీస్‌ తర్వాత టీమిండియా స్వదేశంలో వెస్టిండీస్‌తో పరిమిత ఓవర్ల సిరీస్‌లలో తలపడనుంది. ఇరుజట్ల మధ్య సెప్టెంబరు 27 నుంచి అక్టోబరు 17 మధ్య మూడు వన్డేలు, ఐదు టీ20 మ్యాచ్‌లు ఆడనుంది. ఈ నేపథ్యంలో భారత క్రికెట్‌ నియంత్రణ మండలి (బీసీసీఐ) ఇందుకు సంబంధించి తమ వన్డే, టీ20 జట్లను బుధవారం ప్రకటించింది.హార్దిక్‌, పంత్‌లకు దక్కని చోటువెస్టిండీస్‌తో జరగనున్న మూడు మ్యాచ్‌ల వన్డే సిరీస్‌ కోసం శుబ్‌మన్‌ గిల్‌ సారథ్యంలో 15 మందితో కూడిన జట్టును ఎంపిక చేసింది. గాయం నుంచి కోలుకుంటున్న పేస్‌ ఆల్‌రౌండర్‌ హార్దిక్‌ పాండ్యాతో పాటు వికెట్‌ కీపర్‌ రిషబ్‌ పంత్‌లకు ఈ జట్టులో చోటు దక్కలేదు. వారికి తొలి పిలుపుఅయితే, పంజాబ్‌ ఆల్‌రౌండర్‌ నమన్‌ ధీర్, జమ్మూ కశ్మీర్‌ పేసర్‌ ఆకిబ్‌ నబీ తొలిసారి భారత వన్డే జట్టులో చోటు దక్కించుకున్నారు. దేశవాళీల్లో పంజాబ్‌ తరఫున నిలకడగా రాణిస్తున్న నమన్‌ ధీర్‌... ఐపీఎల్‌లో ముంబై ఇండియన్స్‌ తరఫున మెరుపులు మెరిపించాడు. ఇక కౌంటీ క్రికెట్‌లో మెరుగైన ప్రదర్శన కనబర్చిన ఆఖిబ్‌ నబీకి వన్డే జట్టు నుంచి పిలుపు వచ్చింది.దిగ్గజాలతో పాటు జడ్డూ కూడాఇక టెస్టు, టీ20 ఫార్మాట్‌లకు వీడ్కోలు పలికి కేవలం వన్డేల్లో మాత్రమే కొనసాగుతున్న స్టార్‌ ప్లేయర్లు రోహిత్‌ శర్మ, విరాట్‌ కోహ్లి వన్డే జట్టులో చోటు నిలబెట్టుకోగా... స్పిన్‌ ఆల్‌రౌండర్‌ రవీంద్ర జడేజా తిరిగి జట్టులోకి వచ్చాడు. వచ్చే ఏడాది వన్డే ప్రపంచకప్‌ జరగనున్న నేపథ్యంలో సెలక్టర్లు సీనియర్‌ ప్లేయర్లపై విశ్వాసం ఉంచినట్లు కనిపిస్తోంది.ఇదిలా ఉంటే.. ఈ నెల 20 వరకు పాండ్యా పూర్తి ఫిట్‌నెస్‌ సాధించనుండగా... భారత్‌ ‘ఎ’ తరఫున ఆడిన తర్వాతే అతడిని జాతీయ జట్టుకు ఎంపిక చేసే అంశాన్ని పరిశీలించే అవకాశాలున్నాయి. నితీశ్‌ రెడ్డి రాకఇక పాండ్యా అందుబాటులో లేకపోవడంతో ఆసియా క్రీడలకు ఎంపికైన జట్టులో ఉన్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డిని వెస్టిండీస్‌తో వన్డే జట్టులో చేర్చారు. హైదరాబాదీ మొహమ్మద్‌ సిరాజ్, ప్రసిధ్‌ కృష్ణ, గుర్‌నూర్‌ బ్రార్‌ రూపంలో ముగ్గురు పేసర్లు ఉండగా... అదనంగా నబీని ఎంపిక చేశారు.గతంలోనే నబీ శ్రీలంకతో సిరీస్‌కు భారత టెస్టు జట్టులోకి ఎంపికైనా... ఇప్పటి వరకు అంతర్జాతీయ అరంగేట్రం చేసే అవకాశం దక్కలేదు. బుమ్రా లేడుఇక వెస్టిండీస్‌తో తలపడే టీ20 జట్టు విషయానికి వస్తే ఆసియా క్రీడల్లో పాల్గొనే జట్టులో స్వల్ప మార్పులతో విండీస్‌తో సిరీస్‌కు జట్టును ఎంపిక చేశారు. ఆసియా క్రీడల్లో ఆడనున్న జట్టులోని యశ్‌ ఠాకూర్, విప్రాజ్‌ నిగమ్‌ల స్థానాల్లో ప్రిన్స్‌ యాదవ్, మయాంక్‌ యాదవ్‌ను ఎంపిక చేశారు.అయితే ప్రస్తుతం అఫ్గానిస్తాన్‌తో టీ20 సిరీస్‌ ఆడుతున్న స్టార్‌ పేసర్‌ జస్‌ప్రీత్‌ బుమ్రా ఆ తర్వాత ఆసియా క్రీడల్లో పాల్గొననున్నాడు. విండీస్‌తో వన్డే, టి20 సిరీస్‌ల కోసం ప్రకటించిన జట్లలో మాత్రం అతడి పేరు లేదు. దీనిపై సెలెక్టర్లు కూడా ఎలాంటి స్పష్టతనివ్వలేదు.విండీస్‌తో సిరీస్‌కు భారత వన్డే జట్టు: శుబ్‌మన్‌ గిల్‌ (కెప్టెన్‌), కేఎల్‌ రాహుల్‌ (వైస్‌ కెప్టెన్‌), రోహిత్‌ శర్మ, విరాట్‌ కోహ్లి, రుతురాజ్‌ గైక్వాడ్, ధ్రువ్‌ జురేల్, నితీశ్‌ కుమార్‌ రెడ్డి, రవీంద్ర జడేజా, కుల్దీప్‌ యాదవ్, ప్రసిధ్‌ కృష్ణ, గుర్‌నూర్‌ బ్రార్, మెహమ్మద్‌ సిరాజ్, ఆఖిబ్‌ నబీ, యశస్వి జైస్వాల్, నమన్‌ ధీర్‌.విండీస్‌తో సిరీస్‌కు భారత టీ20 జట్టు: శ్రేయస్‌ అయ్యర్‌ (కెప్టెన్‌), తిలక్‌ వర్మ (వైస్‌ కెప్టెన్‌), అభిషేక్‌ శర్మ, వైభవ్‌ సూర్యవంశీ, ఇషాన్‌ కిషన్, సంజూ సామ్సన్, శివమ్‌ దూబే, కుల్దీప్‌ యాదవ్, అక్షర్‌ పటేల్, వాషింగ్టన్‌ సుందర్, రవి బిష్ణోయ్, నితీశ్‌ కుమార్‌ రెడ్డి, అర్‌‡్షదీప్‌ సింగ్, ప్రిన్స్‌ యాదవ్, మయాంక్‌ యాదవ్‌. భారత్‌ వర్సెస్‌ వెస్టిండీస్‌ షెడ్యూల్‌, మ్యాచ్‌ ఆరంభ సమయాలు వన్డే సిరీస్‌👉సెప్టెంబరు 27- తొలి వన్డే- త్రివేండ్రం- మధ్యాహ్నం రెండు గంటల నుంచి 👉సెప్టెంబరు 30- రెండో వన్డే- గువాహటి- మధ్యాహ్నం రెండు గంటల నుంచి 👉అక్టోబర్‌ 3- మూడో వన్డే- న్యూచండీగఢ్‌- మధ్యాహ్నం రెండు గంటల నుంచిటీ20 సిరీస్‌👉అక్టోబర్‌ 6- తొలి టీ20- లక్నో- రాత్రి ఏడు గంటల నుంచి 👉అక్టోబర్‌ 9- రెండో టీ20- రాంచీ- రాత్రి ఏడు గంటల నుంచి👉అక్టోబర్‌ 11- మూడో టీ20- ఇండోర్‌- రాత్రి ఏడు గంటల నుంచి👉అక్టోబర్‌ 14- నాలుగో టీ20- హైదరాబాద్‌- రాత్రి ఏడు గంటల నుంచి👉అక్టోబర్‌ 17- ఐదో టీ20- బెంగళూరు- రాత్రి ఏడు గంటల నుంచిప్రత్యక్ష ప్రసారం ఎక్కడంటే..స్టార్‌ స్పోర్ట్స్‌ నెట్‌వర్క్‌ (టీవీ), జియో హాట్‌స్టార్‌ (డిజిటల్‌).

టీమిండియా చీఫ్‌ సెలక్టర్‌ అజిత్‌ అగార్కర్‌ పదవీకాలం ఈ నెల (సెప్టెంబరు)తో ముగియనుంది. ఈ నేపథ్యంలో భారత క్రికెట్‌ నియంత్రణ మండలి (BCCI) అతడి కాంట్రాక్టును పొడిగించేందుకు సుముఖంగానే ఉన్నట్లు వార్తలు వచ్చాయి. వన్డే ప్రపంచకప్‌-2027 వరకు అగార్కర్‌నే సెలక్షన్‌ కమిటీ చైర్మన్‌గా కొనసాగించాలని బోర్డు భావించినట్లు తెలిసింది.అయితే, అగార్కర్‌ మాత్రం చీఫ్‌ సెలక్టర్‌గా కొనసాగేందుకు విముఖత వ్యక్తం చేసినట్లు తాజా సమాచారం. ఇదిలా ఉంటే.. వెస్టిండీస్‌తో పరిమిత ఓవర్ల సిరీస్‌లకు బుధవారం భారత వన్డే, టీ20 జట్లను బీసీసీఐ ప్రకటించిన సంగతి తెలిసిందే. సెలక్షన్‌ కమిటీ చైర్మన్‌గా అగార్కర్‌కు ఇదే ఆఖరి సమావేశం అని సమాచారం.రేసులో వారేఈ నేపథ్యంలో ఎన్డీటీవీ కథనం ఆసక్తికర విషయం వెల్లడించింది. చీఫ్‌ సెలక్టర్‌గా అగార్కర్‌ స్థానాన్ని భారత మాజీ వికెట్‌ కీపర్‌​ బ్యాటర్‌ పార్థివ్‌ పటేల్‌ లేదంటే.. మాజీ స్పిన్నర్‌ ప్రజ్ఞాన్‌ ఓజా భర్తీ చేయనున్నట్లు బీసీసీఐ సన్నిహిత వర్గాలు పేర్కొనట్లు తెలిపింది. కాగా పార్థివ్‌ పటేల్‌ (గుజరాత్‌), ప్రజ్ఞాన్‌ ఓజా ఇద్దరూ టీమిండియా తరఫున సత్తా చాటడంతో పాటు మూడుసార్లు టైటిళ్లు గెలిచిన ఐపీఎల్‌ జట్లలో సభ్యులు కావడం విశేషం. ఇక ఒడిశాకు చెందిన ఓజా ఇప్పటికే సెలక్షన్‌ కమిటీలో సభ్యుడిగా ఉన్నాడు.ఘనమైన విజయాలుకాగా 2023 జూలైలో అగార్కర్‌ టీమిండియా చీఫ్‌ సెలక్టర్‌గా నియమితుడయ్యాడు. అతడి హయాంలో భారత జట్టు 2023 వన్డే వరల్డ్‌కప్‌లో ఫైనల్‌కు చేరింది. ఇక 2024, 2026 టీ20 ప్రపంచకప్‌ టోర్నీల్లో చాంపియన్‌గా నిలిచింది. అదే విధంగా 2025లో ఐసీసీ చాంపియన్స్‌ ట్రోఫీ గెలిచింది. అంతేకాదు గతేడాది ఆసియా కప్‌ టైటిల్‌ను కూడా సొంతం చేసుకుంది.ఈ నేపథ్యంలోనే ఈ ఏడాది జూన్‌లోనే అగార్కర్‌ పదవీకాలం ముగిసినప్పటికీ బీసీసీఐ అతడిపై నమ్మకంతో అక్టోబరు 4 దాకా గడువు పొడిగించింది. అయితే, దిగ్గజ బ్యాటర్లు రోహిత్‌ శర్మ, విరాట్‌ కోహ్లిలను వన్డే ప్రపంచకప్‌-2027 దాకా కొనసాగించే విషయంలో అగార్కర్‌- బీసీసీఐ పెద్దల మధ్య విభేదాలు తలెత్తినట్లు తెలుస్తోంది.అందుకే విభేదాలు!రో-కో ప్రపంచకప్‌ ఆడే విషయంపై స్పష్టత ఇవ్వలేదంటూ అగార్కర్‌ ఇప్పటికే బహిరంగంగా ప్రకటించిన సంగతి తెలిసిందే. అదే సమయంలో రో- కో మాత్రం తాము కచ్చితంగా వన్డే వరల్డ్‌కప్‌ ఆడతామనే సంకేతాలు ఇచ్చారు. ఇక రోహిత్‌- కోహ్లి అర్దంతరంగా టెస్టులకు రిటైర్మెంట్‌ ప్రకటించడానికి కారణం కూడా అగార్కర్‌ వైఖరేనని గతంలో వార్తలు వచ్చాయి.ఈ నేపథ్యంలో తలెత్తిన విభేదాల కారణంగా బీసీసీఐ పెద్దలు, అగార్కర్‌ మధ్య దూరం పెరిగిందని.. అందుకే అగార్కర్‌ ఇక తన పదవి నుంచి దిగిపోకతప్పలేదనే ఊహాగానాలు వినిపిస్తున్నాయి.చదవండి: ఆసియా క్రీడలకు నితీశ్‌ కుమార్‌ రెడ్డి దూరం

టీమిండియా టెస్టు అత్యుత్తమ కెప్టెన్లలో విరాట్‌ కోహ్లి ముందు వరుసలో ఉంటాడు. ఈ బ్యాటింగ్‌ దిగ్గజం సారథ్యంలో సంప్రదాయ క్రికెట్‌లో భారత జట్టు ఉన్నత శిఖరాలకు చేరింది. కోహ్లి కెప్టెన్‌గా ఉన్న ఏడేళ్ల కాలంలో విదేశాల్లో చిరస్మరణీయ విజయాలు నమోదు చేయడంతో పాటు.. ర్యాంకింగ్స్‌లో అగ్రస్థానానికి చేరింది.అయితే, టెస్టు సారథిగా కోహ్లి పగ్గాలు చేపట్టిన తర్వాత డ్రెసింగ్‌రూమ్‌లో చాలా మంది అతడి ఆలోచనా విధానాన్ని వ్యతిరేకించినట్లు గతంలో వార్తలు వచ్చాయి. టీమిండియా వెటరన్‌ పేస్‌ బౌలర్‌, కోహ్లి సహచర ఆటగాడు భువనేశ్వర్‌ కుమార్‌ తాజాగా ఈ విషయాన్ని ధ్రువీకరించాడు.జతిన్‌ సప్రూనకు ఇచ్చిన ఇంటర్వ్యూలో మాట్లాడుతూ.. ‘‘టీమిండియా టెస్టు సారథిగా విరాట్‌ కోహ్లిగా పగ్గాలు చేపట్టిన తర్వాత.. అతడి ఆలోచనా విధానం, ఉద్దేశాలు అర్థం చేసుకోవడానికి మాకు చాలా సమయం పట్టింది. కొన్ని సిరీస్‌లు ఆడిన తర్వాత అతడి గురించి మాకు అవగాహన వచ్చింది.కొందరు కోహ్లిని వ్యతిరేకించారుఆస్ట్రేలియా పర్యటనలో భాగంగా కెప్టెన్‌గా వచ్చిన కోహ్లి తన తొలి ప్రసంగంలోనే ఫిట్‌నెస్‌, డైట్‌ సంస్కృతి గురించి మాట్లాడాడు. అప్పుడు కొంతమంది వీటి అవసరం ఏముంది? అంటూ కోహ్లిని వ్యతిరేకించారు. కోహ్లి ఆలోచనలను ప్రశ్నించారు.అయితే, ఆ తర్వాత కొంతకాలానికే ప్రతి ఒక్కరు కోహ్లి దారిలోకి వచ్చేశారు. ఫిట్‌నెస్‌, డైట్‌ ప్రాముఖ్యాన్ని తెలుసుకుని అతడితో కలిసి ముందుకు నడిచారు’’ అని భువీ చెప్పుకొచ్చాడు. కాగా కోహ్లి వైఖరి కారణంగా తాము వ్యక్తిగతంగా, వృత్తిపరంగా ఎంతగానో విజయవంతమయ్యామని పలువురు టీమిండియా ఫాస్ట్‌ బౌలర్లు సంతోషం వ్యక్తం చేశారు.రోహిత్‌ శర్మపైనే ఆ ఎఫెక్ట్‌!ఇదిలా ఉంటే.. భువీ ఎవరి పేర్లను ప్రస్తావించనప్పటికీ కోహ్లిని వ్యతిరేకించిన వాళ్లలో రోహిత్‌ శర్మ ముందున్నాడనే ప్రచారం గతంలో జరిగింది. కోహ్లి డిప్యూటీగా వ్యవహరించిన హిట్‌మ్యాన్‌.. యో-యో టెస్టు (ఫిట్‌నెస్‌)లో విఫలం కావడంతో 2017 ఇంగ్లండ్‌ పర్యటనలో అతడిని కేవలం వైట్‌బాల్‌ సిరీస్‌లకే ఎంపిక చేశారు.ఆ తర్వాత 2020-21లో ఆస్ట్రేలియాతో బోర్డర్‌-గావస్కర్‌ ట్రోఫీ సమయంలోనూ రోహిత్‌ శర్మ తొలి రెండు టెస్టులకు దూరమయ్యాడు. దీంతో రోహిత్‌- కోహ్లి మధ్య విభేదాలు తారస్థాయికి చేరాయనే విమర్శలు వచ్చాయి. అయితే, ఇవన్నీ వట్టి వదంతులేనని.. కేవలం జట్టు ప్రయోజనాలకు అనుగుణంగానే తాము వ్యవహరిస్తామని రో-కో పలు సందర్భాల్లో చెప్పకనే చెప్పారు.విజయవంతమైన కెప్టెన్‌కాగా ఆస్ట్రేలియా పర్యటన సందర్భంగా 2014లో టెస్టు పగ్గాలు చేపట్టిన కోహ్లి.. ర్యాంకింగ్స్‌లో ఏడో స్థానం నుంచి టీమిండియాను నంబర్‌ వన్‌ స్థానానికి చేర్చాడు. ఇంగ్లండ్‌, సౌతాఫ్రికా గడ్డ మీద విజయాలు అందించాడు. 2018-19లో తొలిసారి ఆస్ట్రేలియాలో టెస్టు సిరీస్‌లో భారత్‌ను గెలిపించాడు.భువీకి మద్దతుగా కోహ్లికోహ్లి కెప్టెన్సీలో టీమిండియా 68 టెస్టు మ్యాచ్‌లు ఆడి.. 40 గెలిచింది. ఇదిలా ఉంటే.. భువీకి మద్దతుగా నిలిచిన కోహ్లి.. అతడికి వరుస అవకాశాలు ఇచ్చాడు. అయితే, రోహిత్‌ శర్మ సారథిగా వ​చ్చిన తర్వాత భువీ కనుమరుగైపోయాడు. ప్రస్తుతం కోహ్లితో కలిసి ఐపీఎల్‌లో ఆర్సీబీకి ఆడుతున్న భువీ.. 2025,2026 సీజన్లలో జట్టు చాంపియన్‌గా నిలవడంలో కీలక పాత్ర పోషించాడు.ఇదిలా ఉంటే.. టీమిండియా సారథులుగా పనిచేసిన రో-కో.. ఇప్పటికే అంతర్జాతీయ టీ20, టెస్టులకు రిటైర్మెంట్‌ ప్రకటించారు. ఇద్దరూ వన్డే ప్రపంచకప్‌-2027 ఆడటమే లక్ష్యంగా కొనసాగుతున్నారు. ఇక నాడు కోహ్లి ఫిట్‌నెస్‌ మంత్రాకు అనుకూలంగా లేడన్న అపవాదు ఎదుర్కొన్న రోహిత్‌.. ఇటీవల పది కిలోలకు పైగా బరువు తగ్గి ఫిట్‌గా మారడం కొసమెరుపు.చదవండి: బాబర్‌ ఆజం సంచలన నిర్ణయం!

నవతరం టీమిండియా కెప్టెన్లలో మహేంద్ర సింగ్‌ ధోని తర్వాత.. విరాట్‌ కోహ్లి, రోహిత్‌ శర్మ తమదైన శైలిలో రాణించారు. ధోని 2007 టీ20 ప్రపంచకప్‌, 2011 వన్డే వరల్డ్‌కప్‌, 2013 చాంపియన్స్‌ ట్రోఫీ గెలిచి.. భారత్‌కు అత్యధికంగా మూడు ఐసీసీ టైటిళ్లు అందించిన కెప్టెన్‌గా కొనసాగుతున్నాడు.ఇక కోహ్లి సారథిగా ఒక్క ట్రోఫీ కూడా గెలవకపోయినప్పటికీ టెస్టుల్లో టీమిండియాను అత్యుత్తమంగా మొదటి ర్యాంకుకు చేర్చాడు. అంతేకాదు మొట్టమొదటి ప్రపంచ టెస్టు చాంపియన్‌షిప్‌ సైకిల్‌లో జట్టును ఫైనల్‌కు చేర్చిన ఘనత కూడా అతడిదే.మరోవైపు.. రోహిత్‌ శర్మ వన్డే వరల్డ్‌కప్‌-2023లో భారత్‌ను ఫైనల్‌కు చేర్చాడు. ఆ తర్వాత 2024లో టీ20 ప్రపంచకప్‌ గెలవడంతో పాటు 2025 చాంపియన్స్‌ ట్రోఫీలో టీమిండియాను విజేతగా నిలిపాడు. ఇదిలా ఉంటే.. ఆల్‌టైమ్‌ గ్రేట్‌ క్రికెట్‌ కెప్టెన్‌ ఎవరన్న అంశంపై భారత మాజీ సారథి, మాజీ హెడ్‌కోచ్‌ రాహుల్‌ ద్రవిడ్‌కు ప్రశ్న ఎదురైంది.క్రిక్‌ఇన్ఫో ర్యాపిడ్‌ షోలో భాగంగా అత్యుత్తమ కెప్టెన్‌ ఎవరో ఎంచుకోవాలంటూ ఆప్షన్లు ఇవ్వగా.. మిస్టర్‌ డిపెండబుల్‌ ఈ విధంగా బదులిచ్చాడు. ఈ క్రమంలో టీమిండియా దిగ్గజం విరాట్‌ కోహ్లి- పాకిస్తాన్‌కు ఏకైక వరల్డ్‌కప్‌ ట్రోఫీ అందించిన ఇమ్రాన్‌ ఖాన్‌ పేర్లు రాగా.. ద్రవిడ్‌ ఇమ్రాన్‌కే ఓటు వేశాడు. ఓవరాల్‌గా మహేంద్ర సింగ్‌ ధోనిని ద్రవిడ్‌ అత్యుత్తమ కెప్టెన్‌గా ఎంచుకున్నాడు.1. బెన్‌ స్టోక్స్‌ వర్సెస్‌ స్టీవెన్‌ స్మిత్‌స్టీవెన్‌ స్మిత్‌2. స్టీవెన్‌ స్మిత్‌ వర్సెస్‌ కేన్‌ విలియమ్సన్‌స్టీవెన్‌ స్మిత్‌3. స్టీవెన్‌ స్మిత్‌ వర్సెస్‌ అర్జున రణతుంగస్టీవెన్‌ స్మిత్‌4. స్టీవెన్‌ స్మిత్‌ వర్సెస్‌ గ్రేమ్‌ స్మిత్‌స్టీవెన్‌ స్మిత్‌5. స్టీవెన్‌ స్మిత్‌ వర్సెస్‌ స్టీఫెన్‌ ఫ్లెమింగ్‌స్టీవెన్‌ స్మిత్‌6. స్టీవెన్‌ స్మిత్‌ వర్సెస్‌ మైకేల్‌ క్లార్క్‌స్టీవెన్‌ స్మిత్‌7. స్టీవెన్‌ స్మిత్‌ వర్సెస్‌ ప్యాట్‌ కమిన్స్‌స్టీవెన్‌ స్మిత్‌8. స్టీవెన్‌ స్మిత్‌ వర్సెస్‌ రిక్కీ పాంటింగ్‌రిక్కీ పాంటింగ్‌9. రిక్కీ పాంటింగ్‌ వర్సెస్‌ అలెన్‌ బోర్డర్‌రిక్కీ పాంటింగ్‌10. రిక్కీ పాంటింగ్‌ వర్సెస్‌ స్టీవ్‌ వాస్టీవ్‌ వా11. స్టీవ్‌ వా వర్సెస్‌ విరాట్‌ కోహ్లివిరాట్‌ కోహ్లి12. విరాట్‌ కోహ్లి వర్సెస్‌ ఇమ్రాన్‌ ఖాన్‌ఇమ్రాన్‌ ఖాన్‌13. ఇమ్రాన్‌ ఖాన్‌ వర్సెస్‌ ఎంఎస్‌ ధోనిఎంఎస్‌ ధోని14. ఎంఎస్‌ ధోని వర్సెస్‌ క్లైవ్‌ లాయిడ్‌ఎంఎస్‌ ధోనిచదవండి: ఏడెకరాల భూమి.. ఫామ్‌ హౌజ్‌.. ఆస్తి విలువ ఎంతంటే

టీమిండియా దిగ్గజం సచిన్‌ టెండుల్కర్‌ ఇటీవల దాదాపు నాలుగు ఎకరాల భూమి కొన్నట్లు వార్తలు వచ్చాయి. మహారాష్ట్రలోని ప్రముఖ హిల్‌ స్టేషన్‌ లోనావాలాలో ఈ ముంబైకర్‌ 3.86 ఎకరాల భూమిని కొనుగోలు చేసినట్లు జాతీయ మీడియా వెల్లడించింది. దీని విలువ సుమారు రూ. 70 కోట్లకు పైగా ఉంటుందని అంచనా వేసింది.ఈ నేపథ్యంలో సచిన్‌తో సహా మిగతా టీమిండియా దిగ్గజాల విలాసవంతమైన జీవనశైలి, ఖరీదైన బంగ్లాలు, నివాస స్థలాలు, వాటి విలువ గురించి మరోసారి చర్చ మొదలైంది. మరి ఆ వివరాలు ఏమిటో మనమూ తెలుసుకుందామా?!PC: Instagramబాంద్రాలో సచిన్‌ లగ్జరీ హౌజ్‌ముంబైలోని ఖరీదైన ప్రాంతం బాంద్రాలో సచిన్‌ టెండుల్కర్‌కు అద్భుతమైన బంగ్లా ఉంది. ఆర్కిటెక్చరల్‌ డైజెస్ట్‌ ప్రకారం.. 2007లో రూ. 39 కోట్లకు ప్లాట్‌ కొన్న సచిన్‌.. అందులో తన కలల భవనాన్ని నిర్మించుకున్నాడు. దీని విలువ ప్రస్తుతం రూ. 100- 150 కోట్ల వరకు ఉంటుందని అంచనా.PC:Instagramరోహిత్‌ విలాసవంతమమైన ఇల్లురోహిత్‌ శర్మ 2015లో వర్లీలో సుమారు 6000 వేల చదరపు అడుగుల విస్తీర్ణం ఉన్న అపార్ట్‌మెంట్‌ కొనుగోలు చేశాడు. నాలుగు బెడ్‌రూమ్‌లు ఉన్న ఈ నివాసం.. అరేబియా సముద్ర తీరముఖం దిశగా ఉంటుంది. దీని విలువ రూ. 30 కోట్ల వరకు ఉంటుందని సమాచారం.యువరాజ్‌ సింగ్‌ ఖరీదైన బంగ్లాచండీగఢ్‌కు చెందిన యువరాజ్‌ సింగ్‌ కుటుంబంతో కలిసి ముంబైలోనే ఎక్కువగా నివాసం ఉంటాడు. వర్లీలో 2013లో అతడు ఓ నివాస సముదాయాన్ని కొనుగోలు చేశాడు. దీనిని విలువ రూ. 64 కోట్లు అని తెలుస్తోంది.PC:Instagramగురుగ్రామ్‌లో కోహ్లి విలాసవంతమైన నివాసంవిరాట్‌ కోహ్లికి గురుగ్రామ్‌లో ఖరీదైన ఆస్తి ఉంది. బిజినెస్‌ టుడే అందించిన వివరాల ప్రకారం.. దీనిని విలువ రూ. 80 కోట్లు ఉంటుందని అంచనా.PC: Sakshi Dhoni Instagramధోని ఏడెకరాల ఫామ్‌హౌజ్‌టైమ్స్‌ ఆఫ్‌ ఇండియా నివేదిక ప్రకారం.. స్వస్థలం రాంచిలో ధోనికి ఏడెకరాల ఫామ్‌హౌజ్‌ ఉంది. దీని పేరు కైలాష్‌పతి. ప్రకృతి రమణీయతతో కూడిన ఈ ప్రశాంతమైన స్థలంలో ధోని, అతడి భార్య సాక్షి, కుమార్తె జీవా ఎక్కువ సమయం గడుపుతూ ఉంటారు.PC: Sakshi Dhoni Instagramసేంద్రీయ వ్యవసాయంరాంచి రింగ్‌రోడ్‌కు సమీపంలో ఏడెకరాల స్థలంలో నిర్మించిన ఫామ్‌హౌజ్‌లో ధోని గ్యారేజీ ప్రత్యేకం. స్విమ్మింగ్‌పూల్‌, జిమ్‌, క్రికెట్‌ నెట్స్‌ కూడా ఉన్నాయి. ఇక ధోనికి ఇష్టమైన పెంపుడు కుక్కలు చాలానే ఉన్నాయి. ధోని ఇక్కడ సేంద్రీయ వ్యవసాయం చేస్తున్నట్లు సమాచారం. PC: Sakshi Dhoni Instagramస్ట్రాబెర్రీస్‌, జామ, పుచ్చకాయలతో పాటు కూరగాయలు, గోధుమ పండిస్తున్నట్లు తెలుస్తోంది. విశాలమైన స్థలంలో పాత, కొత్త మేళవింపుల శైలితో నిర్మితమైన ఈ ఫామ్‌హౌజ్‌ ధోని ఆస్తుల్లో విలువైనదిగా తెలుస్తోంది. ప్రస్తుత మార్కెట్‌ లెక్కల ప్రకారం రాంచి స్థలం, ఫామ్‌హౌజ్‌ విలువ కలిపి దాదాపు రూ. 100 కోట్లు ఉంటుందని అంచనా. PC: Sakshi Dhoni Instagram

టీమిండియా దిగ్గజ క్రికెటర్‌ విరాట్‌ కోహ్లి గురించి ప్రత్యేక పరిచయం అక్కర్లేదు. అద్భుతమైన బ్యాటింగ్‌ నైపుణ్యాలతో లెక్కకు మిక్కిలి రికార్డులు సాధించి ‘రన్‌మెషీన్‌’గా పేరొందాడు ఈ ఢిల్లీ ఆటగాడు. అయితే, 2024 టీ20 ప్రపంచకప్‌ టోర్నీలో భారత్‌ చాంపియన్‌గా నిలిచిన తర్వాత అంతర్జాతీయ టీ20 ఫార్మాట్‌కు వీడ్కోలు పలికిన కోహ్లి.. గతేడాది టెస్టులకూ రిటైర్మెంట్‌ ప్రకటించాడు.ప్రస్తుతం వన్డేల్లో మాత్రమే కొనసాగుతున్న కోహ్లి.. ప్రపంచకప్‌-2027 ఆడాలనే పట్టుదలతో ఉన్నాడు. ఇప్పటికే యాభై ఓవర్ల ఫార్మాట్లో అత్యధికంగా 54 శతకాలు బాదిన కోహ్లి.. చెక్కు చెదరని ప్రపంచ రికార్డు నెలకొల్పాడు.గతేడాది దేశీ క్రికెట్‌ బరిలో..అయితే, 37 ఏళ్ల కోహ్లి వయసు రిత్యా, యువ ఆటగాళ్లకు అవకాశాలు ఇవ్వాలనే యోచనలో ఉన్న సెలక్టర్లు.. ప్రపంచకప్‌ టోర్నీలో ఆడకుండా అతడిని పక్కనపెట్టే ప్రయత్నాలు చేస్తున్నట్లు వార్తలు వచ్చిన సంగతి తెలిసిందే.ఈ క్రమంలో బీసీసీఐ నిబంధనల ప్రకారం.. కోహ్లి గతేడాది దేశవాళీ క్రికెట్‌లో సొంత జట్టు ఢిల్లీకి ఆడి తన బ్యాటింగ్‌లో పస తగ్గలేదని మరోసారి నిరూపించాడు. దేశీ వన్డే టోర్నీ విజయ్‌ హజారే ట్రోఫీలో ఆంధ్రపై శతక్కొట్టిన (131) ఈ కుడిచేతి వాటం బ్యాటర్‌.. మరో మ్యాచ్‌లో అర్ధ శతకంతో అలరించాడు.మరోసారి కింగ్‌ ఆడతాడు!ఇక ప్రస్తుతం ఐపీఎల్‌, వన్డేల్లో మాత్రమే ఆడుతున్నందున కోహ్లికి ఎక్కువగా మ్యాచ్‌ ప్రాక్టీస్‌ దొరకడం లేదు. ఈ నేపథ్యంలో వన్డే వరల్డ్‌కప్‌ సన్నాహకాల్లో భాగంగా అతడు మరోసారి దేశీ క్రికెట్‌లో ఢిల్లీ తరఫున ఆడతాడనే ప్రచారం జరుగుతోంది.ఈ విషయం గురించి ఢిల్లీ డిస్ట్రిక్ట్‌ క్రికెట్‌ అసోసియేషన్‌ (DDCA) అధ్యక్షుడు రోహన్‌ జైట్లీ ఇండియా టుడేతో మాట్లాడారు. ‘‘ఢిల్లీ అతడి సొంత అసోసియేషన్‌. కోహ్లి ఎప్పుడు వచ్చినా తలుపులు తెరిచే ఉంటాయి. ఈ జట్టు అతడికి చెందినది. సొంత జట్టు తరఫున ఆడాలనే నిబద్ధత అతడిలో ఎప్పుడూ ఉంటుంది.అంతర్జాతీయ విధుల నుంచి విరామం లభించిన సమయంలో కోహ్లి ఎప్పుడు అందుబాటులోకి వచ్చినా మేము అతడిని స్వాగతిస్తాము. మరోసారి అతడు ఢిల్లీకి ఆడితే అంతకంటే మంచి విషయం ఇంకొకటి ఉండదు’’ అని రోహన్‌ జైట్లీ పేర్కొన్నాడు.అభిమానులకు పండుగేకాగా గతేడాది కోహ్లి ఢిల్లీ తరఫున ఆడగా.. ఎన్నడూ లేని విధంగా దేశీ మ్యాచ్‌ కోసం కూడా అభిమానులు ఎగబడ్డారు. కింగ్‌ ఆటను చూసేందుకు ప్రేక్షకులు పోటెత్తడంతో మైదానం నిండిపోగా.. కొంతమంది చెట్లు ఎక్కి మరీ మ్యాచ్‌ను వీక్షించారు. ఇక మరోసారి కోహ్లి దేశీ బరిలో దిగితే అభిమానులకు పండుగేనని ప్రత్యేకంగా చెప్పాల్సిన పనిలేదు.చదవండి: వైభవ్‌ సూర్యవంశీకి చుక్కలు చూపించిన బుమ్రా!

2027 వన్డే ప్రపంచకప్‌కు ఇంకా ఏడాది సమయం ఉన్నా.. టోర్నీపై చర్చ ఇప్పటికే మొదలైంది. మాజీలు, విశ్లేషకులు మెగా టోర్నీపై తమ అంచనాలను, తమతమ ఫేవరెట్‌ జట్లను వెల్లడిస్తున్నారు. ఈ క్రమంలో పాకిస్తాన్ మాజీ కెప్టెన్ అజర్ అలీ తన డ్రీమ్‌ ఎలెవెన్‌ను ప్రకటించాడు.ఓ దేశం నుంచి ఇద్దరు ఆటగాళ్లకు మాత్రమే అవకాశం ఉండాలనే నిబంధనతో అజర్ అలీ తన జట్టును ఎంచుకున్నాడు. ఓపెనర్లుగా రోహిత్ శర్మ, ట్రావిస్ హెడ్‌ను ఎంపిక చేసిన అతడు.. నంబర్-3లో విరాట్ కోహ్లిని కాదని బాబర్ ఆజమ్‌కు చోటిచ్చాడు.ఆతర్వాతి స్థానాల్లో హ్యారీ బ్రూక్, డేవిడ్ మిల్లర్, జోస్ బట్లర్, మిచెల్ సాంట్నర్, ప్యాట్ కమిన్స్, మ్యాట్ హెన్రీ, అబ్రార్ అహ్మద్, జస్ప్రీత్ బుమ్రాను ఎంచుకున్నాడు. కెప్టెన్‌గా కమిన్స్‌ను అవకాశం​ ఇచ్చాడు.కోహ్లిని కాదని బాబర్‌కు అవకాశం ఇవ్వడంపై సర్వత్రా విమర్శలు వెల్లువెత్తుతున్నాయి. ఏరకంగా చూసినా బాబర్‌ కోహ్లి కంటే బెటర్‌ ఆప్షన్‌ కాదని అభిమానులు అంటున్నారు. నిబంధనను అడ్డు పెట్టుకొని అజర్‌ కోహ్లిపై అక్కసు తీర్చుకున్నాడని అంటున్నారు. అజర్‌ గతంలో ఓ సందర్భంలో కోహ్లి కంటే బాబర్‌ మెరుగైన బ్యాటర్‌ అన్న విషయాన్ని ఈ సందర్భంగా ప్రస్తావిస్తున్నారు.కోహ్లి వర్సెస్‌ బాబర్‌ఏరకంగా చూసినా బాబర్‌ కంటే చాలా రెట్లు మెరుగైన స్థానంలో ఉన్న కోహ్లి, ప్రపంచకప్‌ గణాంకాల్లోనూ అతడి కంటే చాలా బెటర్‌గా ఉన్నాడు. కోహ్లి ప్రపంచకప్‌ టోర్నీల్లో 37 ఇన్నింగ్స్‌ల్లో 59.8 సగటున, 88.2 స్ట్రైక్‌రేట్‌తో, 5 సెంచరీలు, 12 హాఫ్ సెంచరీల సాయంతో 1795 పరుగులు చేయగా.. బాబర్ ఆజమ్ 17 ఇన్నింగ్స్‌ల్లో 52.9 సగటున, 85.7 స్ట్రైక్‌రేట్‌తో, సెంచరీ, 7 అర్ద సెంచరీల సాయంతో 794 పరుగులు మాత్రమే చేశాడు. ఈ ఒక్క గణాంకాలు కోహ్లి రేంజ్‌ ఏంటో నిరూపిస్తాయి.అజర్ అలీ డ్రీమ్ ఎలెవన్రోహిత్ శర్మ, ట్రావిస్ హెడ్, బాబర్ ఆజమ్, హ్యారీ బ్రూక్, డేవిడ్ మిల్లర్, జోస్ బట్లర్ (wk), మిచెల్ సాంట్నర్, ప్యాట్ కమిన్స్ (c), మ్యాట్ హెన్రీ, అబ్రార్ అహ్మద్, జస్ప్రీత్ బుమ్రాచదవండి: శుబ్‌మన్‌ గిల్‌ సహచరుడి విశ్వరూపం.. కేవలం 22 బంతుల్లోనే

బాలీవుడ్‌లో ప్రస్తుతం ‘హనుమాన్‌ అంశ్‌’ సినిమా పేరు మార్మోగుతోంది. ప్రముఖ ఆధ్యాత్మిక గురువు, హనుమాన్‌ భక్తుడు నీమ్‌ కరోలి బాబా జీవితం, ఆయన బోధనల ఆధారంగా ఈ సినిమాను తెరకెక్కించారు విశాల్‌ చతుర్వేది. ఈ చిత్రం ఊహించని స్థాయిలో విజయాన్ని అందుకుంది. దీంతో ఈ సినిమాకు సీక్వెల్స్‌గా రానున్న ‘హనుమాన్‌ అంశ్‌2’, ‘హనుమాన్‌ అంశ్‌3’పై ఆసక్తి పెరిగింది. పార్ట్‌2లో పలువురు ప్రముఖులు నటించనున్నారని వస్తున్న వార్తలపై ఇప్పుడు ఆసక్తి పెరుగుతోంది. ఈ క్రమంలో టీమిండియా మాజీ కెప్టెన్‌ విరాట్‌ కోహ్లీ, నటి అనుష్క శర్మ పేర్లు తెరపైకి వచ్చాయి.నిర్మాత ఏమన్నారంటే..‘హనుమాన్‌ అంశ్‌2’లో విరాట్‌ కోహ్లీ, అనుష్క శర్మ అతిథి పాత్రల్లో కనిపిస్తారా? అనే ప్రశ్నకు నిర్మాత నమ్రతా సింగ్‌ ఆసక్తికరంగా స్పందించారు. కొందరు సెలబ్రిటీలను ఇప్పటికే సంప్రదించినట్లు ఆమె వెల్లడించారు. ఇప్పటికే పార్ట్‌2 కథ పలువరి సెలబ్రిటీలకు తెలుసునని తెలిపారు. అయితే విరాట్‌, అనుష్క ఇద్దరూ సినిమాలో నటించేందుకు అంగీకరించారా లేదా అని మాత్రం ఆమె స్పష్టంగా తెలపలేదు.చదవండి: సమంత ఎంగేజ్‌మెంట్‌ రింగ్‌ ఇంత ఖరీదా..? డిజైనర్‌ ఎవరంటే.?కాగా విరాట్‌-అనుష్కలకు నీమ్‌ కరోలి బాబాపై ప్రత్యేకమైన ఆధ్యాత్మిక అనుబంధం ఉన్న సంగతి తెలిసిందే. ఈ జంట పలు సందర్భాల్లో కైంచీ ధామ్‌ను సందర్శించింది. ఈ నేపథ్యంలోనే ‘హనుమాన్‌ అంశ్‌’లో వీరిద్దరినీ భాగం చేయాలనే ఆలోచన ఆసక్తిని కలిగిస్తోంది. అయితే అధికారిక ప్రకటన రావాల్సి ఉంది.మూడు భాగాలుగా..ఇక ‘హనుమాన్‌ అంశ్‌’ను మొదటి నుంచే మూడు భాగాలుగా తెరకెక్కించాలని భావించినట్లు నిర్మాత తెలిపారు. ‘తొలి భాగంలో నీమ్‌ కరోలి బాబా ప్రారంభ జీవితం నుంచి కైంచీ ధామ్‌( ఆధ్యాత్మిక ఆశ్రమం) వరకు చూపించాం. రెండో భాగం కైంచీ ధామ్‌, అక్కడి భారతీయ భక్తుల కథలపై తెరకెక్కిస్తాం. మూడో భాగంలో బాబా ఆధ్యాత్మిక ప్రభావం ప్రపంచవ్యాప్తంగా ఎలా విస్తరించిందనే అంశాన్ని చూపించబోతున్నాం’ అని తెలిపారు. అయితే విరాట్‌-అనుష్కలు ఇందులో కనిపిస్తారా? లేదా? అన్నది ప్రస్తుతానికి సస్పెన్స్‌గానే ఉంది.ఇదీ చదవండి: బిగ్‌బాస్‌ షాలిని జీవితంలో ఇంత విషాదమా?

మ‌హిళ‌ల ఆసియా క‌ప్ టోర్నీలో పాకిస్తాన్ జ‌ట్టు హాంకాంగ్‌పై విజ‌యం సాధించడం ద్వారా సెమీస్ బెర్తును ఖ‌రారు చేసుకుంది. అయితే పాక్ సెమీస్ బెర్తు కంటే పాక్ ప్లేయ‌ర్స్ ధ‌రించి షూస్‌(Footwear)కు సంబంధించిన ఒక వార్త ప్ర‌స్తుతం సోష‌ల్ మీడియాను తెగ ఊపేస్తుంది. నష్రా సంధు, ఐమన్‌ ఫాతిమా కోహ్లి వన్‌8 బ్రాండ్‌ షూతో కనిపించినప్పటికీ, జట్టులో దాదాపు అందరు ప్లేయర్లు ఇదే బ్రాండ్‌ షూను ధరించినట్లు తెలుస్తోంది.పాక్ జ‌ట్టులో ప్ర‌తీ మ‌హిళా ప్లేయ‌ర్ ‘వన్8’ (one8) బ్రాండ్ షూనే ధ‌రించారు. ఈ ‘వన్8’ ఫుట్‌వేర్ బ్రాండ్ మరెవ‌రిదో కాదు. టీమిండియా స్టార్ ఆట‌గాడు విరాట్ కోహ్లి ఇదే ‘వన్8’ షూకు స‌హ య‌జ‌మానిగా ఉన్నాడు. ఇందులో ఆశ్చ‌ర్య‌పోవాల్సిన విష‌యం లేన‌ప్ప‌టికీ, పాక్ ఆట‌గాళ్లు త‌మ సొంత బ్రాండ్‌ను వ‌దిలేసి టీమిండియా ఐకాన్ ప్లేయ‌ర్‌కు చెందిన బ్రాండ్‌తో అసోసియేట్ అవ్వ‌డమే ఇక్క‌డ విశేషం. ఇదే విష‌యాన్ని సోష‌ల్ మీడియాలో ట్యాగ్ చేసిన అభిమానులు.. ‘‘పాక్ ఆట‌గాళ్లకు సొంత బ్రాండ్ అనేది లేదు. తాము ధరించే షూస్‌పై కూడా భార‌త్ బ్రాండ్ స్ప‌ష్టంగా క‌నిపిస్తోంది. ఇదీ మ‌న భార‌త్ బ్రాండ్.’’ అని కామెంట్లు చేయ‌డం ఆస‌క్తి క‌లిగించింది.కోహ్లీతో అనుబంధం దృష్ట్యా ‘వన్8’ కంపెనీ షూస్‌తో పాటు దుస్తులు, ఇతర క్రీడా ఉత్పత్తులను అందించే స్పోర్ట్స్‌వేర్ బ్రాండ్‌గా విస్తరించింది. ఈ బ్రాండ్‌ను తన పోర్ట్‌ఫోలియోలో కలిగి ఉన్న అగిలిటాస్, వన్8ను కోహ్లీతో కలిసి స్థాపించిన స్పోర్ట్స్‌వేర్ లేబుల్‌గా అభివర్ణిస్తుంది. అంతేకాదు కోహ్లి ‘వన్8’ పార్టనర్‌ ‘అగిలిటాస్‌’లో పెట్టుబడిదారుడు కూడా. కోహ్లి ఈ కంపెనీలో 400 మిలియన్లు పెట్టుబడి పెట్టడం జ‌రిగింది.సోమవారం జరిగిన తమ చివరి లీగ్‌ మ్యాచ్‌లో పాక్‌ 72 పరుగుల తేడాతో హాంకాంగ్‌ జట్టుపై ఘన విజయం సాధించింది. ముందుగా పాక్‌ 20 ఓవర్లలో 8 వికెట్ల నష్టానికి 143 పరుగులు చేసింది. షావాల్‌ (47), ఆయేషా జఫర్‌ (26), ఫాతిమా సనా (24 నాటౌట్‌) రాణించారు. హాంకాంగ్‌ బౌలర్‌ జాయ్‌లీన్‌ కౌర్‌ 4 వికెట్లు పడగొట్టింది. అనంతరం హాంకాంగ్‌ 19 ఓవర్లలో 71 పరుగులకే కుప్పకూలింది. కేరీ చాన్‌ (30) టాప్‌ స్కోరర్‌గా నిలిచింది. నష్రా సంధు (4–0–7–6) ఆరు వికెట్లతో పాకిస్తాన్‌ తరఫున అంతర్జాతీయ టీ20ల్లో అత్యుత్తమ బౌలింగ్‌ ప్రదర్శన నమోదు చేసింది.Many players of Pakistan women team was wearing @one8world shoes in asia cup match.I have following questions 1. Products registered in india can't be exported to pak ,so did this deal happened in Dubai? Where matches are being played2.Aisi kya majburi thi @one8world pic.twitter.com/GkVdg3BfUG— varun (@mystic_varunn) September 7, 2026 देखिए पाकिस्तानी महिला क्रिकेटर ईमान फातिमा विराट कोहली के One8 ब्रांड के जूते पहने हुए हैं। 👀पाकिस्तानी खिलाड़ी भी वो अपने खुद के देश के ब्रांड्स से ज्यादा कोहली के ब्रांड पर भरोसा करती हैं।कुछ फैंस कह रहे हैं कि उसने ये जूते स्मृति के किट बैग से चुराए हैं🤣 pic.twitter.com/n5zMtQicDR— Indian🇮🇳 (@singh31919) September 9, 2026Read: ఏ బౌల‌ర్‌ను వ‌ద‌ల్లేదు.. భీక‌ర‌ ఫామ్‌లో ఇషాన్ కిష‌న్‌!

క‌రేబియ‌న్ ప్రీమియ‌ర్ లీగ్‌-2026లో సౌతాఫ్రికా స్టార్ ఓపెన‌ర్‌, బార్బడోస్ ట్రైడెంట్స్ ప్లేయ‌ర్ క్వింట‌న్ డికాక్ త‌న సూప‌ర్ ఫామ్‌ను కొన‌సాగిస్తున్నాడు. తాజాగా వార్న‌ర్ పార్క్ వేదిక‌గా సెయింట్ కిట్స్ అండ్ నెవిస్ పేట్రియాట్స్‌తో జ‌రిగిన మ్యాచ్‌లో డికాక్ అద్భుత సెంచ‌రీతో చెల‌రేగాడు.మూడో స్థానంలో బ్యాటింగ్‌కు వ‌చ్చి ప్ర‌త్య‌ర్ధి బౌల‌ర్ల‌పై విరుచుకుప‌డ్డాడు. కేవ‌లం 57 బంతుల్లో 11 ఫోర్లు, 6 సిక్స్‌ల‌తో 106 ప‌రుగులు చేశాడు. ఈ క్ర‌మంలో స‌ఫారీ సూప‌ర్ స్టార్ ఓ అరుదైన ఘ‌న‌తను త‌న పేరిట లిఖించుకున్నాడు. టీ20 క్రికెట్‌లో అత్య‌ధిక సెంచ‌రీలు చేసిన మూడో ప్లేయ‌ర్‌గా దిగ్గ‌జ క్రికెట‌ర్లు డేవిడ్ వార్న‌ర్‌, విరాట్ కోహ్లిల రికార్డును స‌మం చేశాడు.వీరు ముగ్గురూ ఇప్ప‌టివ‌ర‌కు టీ20ల్లో ప‌ది సెంచ‌రీలు సాధించారు. ఈ జాబితాలో వెస్టిండీస్ లెజెండ్ క్రిస్ గేల్(22) అగ్ర‌స్ధానంలో ఉండ‌గా.. పాక్ కెప్టెన్ బాబ‌ర్ ఆజం(13) రెండో స్ధానంలో ఉన్నాడు. కాగా ఈ ఫీట్‌ను కోహ్లి కేవ‌లం 413 ఇన్నింగ్స్‌ల‌లో అందుకోగా.. డికాక్‌కు 443 ఇన్నింగ్స్‌ల స‌మ‌యం ప‌ట్టింది.

కొలంబో వేదికగా శ్రీలంకతో జరిగిన రెండో టెస్టును టీమిండియా డ్రాగా ముగించిన సంగతి తెలిసిందే. అయితే చివరి రోజు ఆటలో నాలుగు వికెట్లు కూల్చడంలో విఫలమైన భారత్ చేష్టలుడిగి చూస్తూ ఉండిపోయింది. సోనల్ దినూష (133 నాటౌట్‌) అజేయ సెంచరీతో కెరీర్ బెస్ట్ ఇన్నిం‍గ్స్‌తో సైంధవుడిలా మారి భారత విజయాన్ని ఒంటిచేత్తో అడ్డుకున్నాడు. ఈ నేపథ్యంలో టీమిండియా ఆటతీరుపై విమర్శలు వస్తున్న వేళ మాజీ ఆటగాడు మహ్మద్ కైఫ్ కీలక వ్యాఖ్యలు చేశాడు. కొలంబో టెస్టులో విరాట్ కోహ్లి ఆడి ఉంటే మాత్రం ఫలితం వేరేలా ఉండేదని, ఆ సైంధవుడి (సోనల్‌ దినూష) ఆటలు సాగేవి కాదంటూ తన అభిప్రాయం వ్యక్తం చేశాడు."టెస్టు క్రికెట్ ఆడడం అంత సులువు కాదు. లాంగ్ ఫార్మాట్ గేమ్‌గా పిలువబడే ఆటలో ఓపిక, సహనం చాలా అవసరం. అలసిపోయినా గంటల కొద్ది ఓవర్లు బౌలింగ్ చేస్తూనే ఉండాలి. ఒకవేళ ఈ మ్యాచ్‌లో కోహ్లి ఆడి ఉంటే ప్రతీసారి జట్టును ఎంకరేజ్ చేస్తూ గెలుపుకోసం పోరాడుదామని ప్రేర‌ణ‌నిస్తూ జ‌ట్టులో స్ఫూర్తిని నింపేవాడేమో. కోహ్లి ఆడి ఉంటే సోన‌ల్ దినూష‌ను ఎక్కువగా టార్గెట్ చేస్తూ అత‌డిని ఔట్ చేసేందుకు ప‌దేప‌దే బౌల‌ర్ల‌ను మారుస్తూ ఫ‌లితం రాబ‌ట్టేవాడు. కోహ్లి ఉంటే ప్ర‌త్య‌ర్థిని త‌న వ్యూహాల‌తో బోల్తా కొట్టించి వాళ్ల‌ను ఒత్తిడిలోని నెట్టేసేవాడు. లాంగ్‌ఫార్మాట్ అయిన టెస్టుల్లో కొన్నిసార్లు మ‌నం బౌలింగ్ చేస్తూనే పోతాం.. బంతి బాగా ట‌ర్న్ అయ్యి వికెట్‌ప‌డుతుందిలే అనుకొని పొర‌పాటు ప‌డ‌తాం. కొలంబో టెస్టులో ఇలాంటి విష‌యాల‌ను సీరియ‌స్‌గా తీసుకోక‌పోవ‌డం వ‌ల్లే ఫ‌లితం ఇలా వ‌చ్చిందేమో." అని కైఫ్ చెప్పుకొచ్చాడు.ఇక 2025 మేలో విరాట్ కోహ్లి టెస్టు క్రికెట్‌కు రిటైర్మెంట్ ప్ర‌క‌టించాడు. అప్ప‌టినుంచి కోహ్లి కేవ‌లం వ‌న్డే ఫార్మాట్‌కు మాత్ర‌మే ప‌రిమిత‌మ‌య్యాడు. 2027 వ‌న్డే ప్ర‌పంచ‌క‌ప్ అనంత‌రం కోహ్లి అంత‌ర్జాతీయ క్రికెట్‌కు వీడ్కోలు ప‌లికే అవ‌కాశ‌ముంది. 123 టెస్టులాడిన కోహ్లి 9,230 ప‌రుగులు సాధించాడు. ఇందులో 30 శ‌త‌కాలు, 31 హాఫ్‌ సెంచ‌రీలున్నాయి.Read: ‘పబ్‌జీ’ మొబైల్‌ గేమ్ సృష్టికర్త మృత్యువాత!

టీమిండియా దిగ్గజం విరాట్‌ కోహ్లి ప్రస్తుతం ఆటకు దూరంగా ఉన్నాడు. కుటుంబంతో కలిసి ఎక్కువగా లండన్‌లోనే నివాసం ఉంటున్న ఈ స్టార్‌ బ్యాటర్‌.. ఇటీవల ఢిల్లీకి వచ్చాడు. భార్య అనుష్క శర్మతో కలిసి విమానాశ్రయం నుంచి కోహ్లి బయటకు వెళ్తున్న దృశ్యాలు వైరల్‌ అయ్యాయి.ఈ నేపథ్యంలో విరాట్‌ కోహ్లి సోదరి భావనా కోహ్లి ధింగ్రా తాజాగా పెట్టిన పోస్టు నెటిజన్లను ఆకర్షిస్తోంది. కాగా దేశవ్యాప్తంగా రక్షాబంధన్‌ వేడుకలు ఘనంగా జరుగుతున్నాయి. ఎంతదూరంగా ఉన్నప్పటికీ చాలా మంది అన్నాచెల్లెల్లు, అక్కాతమ్ముళ్లు రాఖీ పూర్ణిమ రోజైనా ఒక్క చోట చేరి ఈ పండుగ జరుపుకొంటారన్న సంగతి తెలిసిందే.కోహ్లికి రాఖీ కట్టిన భావనాఇక భావనా సైతం తన అన్న- తమ్ముడితో కలిసి రాఖీ పండుగ సెలబ్రేట్‌ చేసుకున్నారు. ఈ సందర్భంగా అన్న వికాస్‌ కోహ్లితో దిగిన సెల్ఫీని.. తమ్ముడు విరాట్‌ కోహ్లికి తాజాగా రాఖీ కట్టిన ఫొటోను భావనా ఈ సందర్భంగా ఇన్‌స్టా స్టోరీలో పంచుకున్నారు. ‘‘ఈ జీవితం మనల్ని ఎంత దూరం, ఎంత ఎత్తుకు తీసుకువెళ్లినా సరే.. నా ప్రార్థనల్లో మీరు ఎల్లప్పుడూ ఉంటారు’’ అని సోదరులపై ప్రేమను చాటుకున్నారు.ఈ నేపథ్యంలో సోదరితో రాఖీ కట్టించుకునేందుకే కోహ్లి లండన్‌ నుంచి ఢిల్లీకి వచ్చాడేమోనంటూ నెటిజన్లు కామెంట్లు చేస్తున్నారు. కాగా ఢిల్లీకి చెందిన ప్రేమ్‌ కోహ్లి, సరోజ్‌ కోహ్లికి ముగ్గురు పిల్లలు సంతానం. తొలుత వికాస్‌ జన్మించగా.. తర్వాత భావనా, విరాట్‌ జన్మించారు.ఆమె ఎవరంటే?విరాట్‌ అక్క భావనా ఎంటర్‌ప్రెన్యూర్‌. వ్యాపారవేత్త సంజయ్‌ ధింగ్రాను పెళ్లాడిన ఆమెకు మెహక్‌, ఆయుశ్‌ సంతానం. విరాట్‌ కోహ్లికి చెందిన ఫ్యాషన్‌ లేబుల్‌ వన్‌8సెలక్ట్‌తో కలిసి భావనా పనిచేస్తున్నట్లు సమాచారం. కాగా విరాట్‌ వీలైనప్పుడల్లా తన సోదరి ఇంటికి వెళ్తాడు. ఇందుకు సంబంధించిన ఫొటోలను భావనా షేర్‌ చేయగా.. ‘భారత దిగ్గజ బ్యాటర్‌గా ఎదిగినప్పటికీ తన అక్కకు ఎప్పటికీ చిన్ని తమ్ముడినేనని విరాట్‌ నిరూపించాడు’ అంటూ అభిమానులు కోహ్లిపై ప్రశంసలు కురిపించడం పరిపాటి. తన అన్న వికాస్‌తోనూ కోహ్లికి మంచి అనుబంధం ఉంది. కాగా వన్డేల్లో అత్యధికంగా 54 శతకాలు బాదిన కోహ్లి.. ప్రపంచంలో ఈ ఘనత సాధించిన ఏకైక క్రికెటర్‌గా కొనసాగుతున్నాడు. ఇప్పటికే అంతర్జాతీయ టీ20, టెస్టు ఫార్మాట్‌కు వీడ్కోలు పలికిన కోహ్లి.. వన్డే, ఐపీఎల్‌లో మాత్రం కొనసాగుతున్నాడు. ఇదిలా ఉంటే.. బాలీవుడ్‌ నటి అనుష్క శర్మను ప్రేమించి పెళ్లి చేసుకున్న కోహ్లికి కుమార్తె వామిక, కుమారుడు అకాయ్‌ ఉన్నారు. వీరంతా ఎక్కువగా లండన్‌లోనే ఉంటున్నారు.చదవండి: భారత జట్టులోకి వారసులు వచ్చారు! View this post on Instagram A post shared by Instant Bollywood (@instantbollywood)

టీమిండియా మాజీ క్రికెటర్లు తనపై చేస్తున్న విమర్శలపై సౌతాఫ్రికా దిగ్గజం ఏబీ డివిలియర్స్‌ స్పందించాడు. గణాంకాలే అన్నింటికీ ప్రామాణికం కాదని.. తాను కేవలం రికార్డులు చూసి మాట్లాడే వ్యక్తిని కాదని స్పష్టం చేశాడు. కాగా భారత బ్యాటింగ్‌ దిగ్గజాలు సచిన్‌ టెండుల్కర్‌- విరాట్‌ కోహ్లి మధ్య టెస్టుల్లో పోలిక తెస్తూ డివిలియర్స్‌ వ్యాఖ్యలు చేసిన సంగతి తెలిసిందే.సచిన్‌ కంటే కోహ్లి బెటర్‌ఉపఖండానికి చెందిన బ్యాటర్లకు విదేశాల్లో సీమింగ్‌ పిచ్‌లపై ఎలా ఆడాలో సచిన్‌ చూపిస్తే.. ఆ వారసత్వాన్ని కొనసాగిస్తూ కోహ్లి సచిన్‌నే మించిపోయాడని డివిలియర్స్‌ అన్నాడు. విదేశాల్లోనూ అద్భుతంగా ఆడగలనని సచిన్‌ నిరూపించినప్పటికీ.. అతడు కోహ్లి కంటే స్ట్రాంగ్‌ మాత్రం కాదని పేర్కొన్నాడు.చిచ్చు పెట్టకుఈ నేపథ్యంలో భారత మాజీ క్రికెటర్లు దొడ్డ గణేశ్‌, ఆకాశ్‌ చోప్రా వంటి వాళ్లు డివిలియర్స్‌పై విరుచుకుపడ్డారు. ఇద్దరు టీమిండియా దిగ్గజాల మధ్య పోలిక తెస్తూ సచిన్‌ను అవమానించడం సరికాదని.. భారత క్రికెటర్ల మధ్య చిచ్చు పెట్టే ప్రయత్నం చేయవద్దని చురకలు అంటించారు. ఎప్పటికీ సచిన్‌ టెండుల్కరే భారత అత్యుత్తమ బ్యాటర్‌ అని.. అతడిని ఎవరూ అధిగమించలేరని పేర్కొన్నారు.ఎవరినీ తక్కువ చేసి మాట్లాడలేదుఈ క్రమంలో తనపై వస్తున్న విమర్శలపై డివిలియర్స్‌ తాజాగా స్పందించాడు. ‘‘విరాట్‌, సచిన్‌ గురించి నేను చేసిన వ్యాఖ్యలు చాలా మందిని గందరగోళానికి గురిచేశాయి అనుకుంటున్నాను. ఇది కేవలం నా అభిప్రాయం మాత్రమేనని గుర్తుపెట్టుకోండి. నేను ఇక్కడ ఎవరినీ తక్కువ చేసి మాట్లాడలేదు. నా అభిప్రాయం ఏమిటో మాత్రమే చెప్పాను.సచిన్‌ టీమిండియాను ముందుకు తీసుకువెళ్లి.. ప్రపంచవ్యాప్తంగా నిలకడగా ఎలా ఆడాలో చూపించాడు. అయితే, విరాట్‌ మరో భిన్న దారిని పరిచయం చేశాడు. ముఖ్యంగా షార్ట్‌ బాల్‌ ఆడటంలో రాటుదేలాడు. తద్వారా ప్రత్యర్థికి సరైన కౌంటర్లు ఇచ్చేవాడు.గణాంకాల కోణంలోనే చూడలేనునిజానికి స్వదేశంలో కంటే విదేశాల్లో కోహ్లి కెరీర్‌ మరీ అంత గొప్పగా ఏమీ సాగలేదు. ముఖ్యంగా ఇంగ్లండ్‌ పిచ్‌లపై అతడు ఇబ్బంది పడేవాడు. అయినప్పటికీ అతడు ఎప్పటికీ ఆత్మవిశ్వాసం కోల్పోలేదు. వైఫల్యాల నుంచి త్వరగా తేరుకుని ముందుకు సాగేవాడు.తన వ్యక్తిత్వం, ఆట తీరు ద్వారా తన చుట్టూ ఉన్న ఎంతో మంది యువ ఆటగాళ్లలో కోహ్లి ఆత్మవిశ్వాసం నింపాడు. సచిన్‌తో పోలిస్తే కోహ్లి గణాంకాలు గొప్పగా ఏమీ లేవని నాకూ తెలుసు. అయితే, ప్రతీసారీ గణాంకాల కోణంలోనే చూడకూడదనేది నా అభిప్రాయం. సచిన్‌, కోహ్లి.. ఇద్దరూ కొత్త తరానికి బాట చూపారు.నా మాటల్లో తప్పేమీ లేదుముఖ్యంగా కోహ్లి ఫిట్‌నెస్‌ ప్రాముఖ్యతతో పాటు.. ఆత్మవిశ్వాసంతో ఎలా ముందుకు సాగాలో చెప్పడానికి చక్కటి ఉదాహరణగా నిలిచాడు’’ అని డివిలియర్స్‌ స్పష్టం చేశాడు. తద్వారా తన వ్యాఖ్యల్లో తప్పేమీ లేదని.. ఇది తన అభిప్రాయం మాత్రమేనంటూ భారత మాజీ క్రికెటర్లకు కౌంటర్‌ ఇచ్చాడు.సచిన్‌ వర్సెస్‌ కోహ్లి.. విదేశీ గణాంకాలు ఇలాకాగా విదేశాల్లో టెస్టు క్రికెట్‌లో సచిన్‌ టెండుల్కర్‌ ఓవరాల్‌గా 8705 పరుగులు చేయగా.. కోహ్లి 4774 పరుగులు సాధించాడు. ఇక సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా వంటి కఠిన పిచ్‌లపై సచిన్‌ 63 టెస్టుల్లో 5387 రన్స్‌ చేయగా.. కోహ్లి 46 టెస్టుల్లో 3661 పరుగులు సాధించాడు. అయితే, కోహ్లి కెప్టెన్‌గా ఉన్న సమయంలోనే టీమిండియా విదేశాల్లో అత్యుత్తమ విజయాలు సాధించింది. నంబర్‌ వన్‌ స్థానానికి చేరుకుంది. ఇదిలా ఉంటే టెస్టుల్లో సచిన్‌ 51 సెంచరీలతో రికార్డు నెలకొల్పగా.. కోహ్లి 30 సెంచరీలు సాధించాడు. చదవండి: IND vs SL: ఫాలో ఆన్‌ ఆడి గెలిచిన జట్లు ఇవే!

భారత క్రికెట్ దిగ్గజం సచిన్ టెండూల్కర్ కంటే చేజింగ్ మాస్టర్ విరాట్ కోహ్లినే గొప్ప అని సౌతాఫ్రికా మాజీ ఆటగాడు ఏబీ డివిలియర్స్ పోలిక చెప్పడంపై సర్వత్రా విమర్శలు వ్యక్తమవుతున్నాయి. నిజానికి సచిన్‌, కోహ్లిలను ఒకరితో ఒకరిని పోల్చలేమని, ఎవరికి వారే గొప్ప అని అభిమానులు సోషల్ మీడియాలో పేర్కొంటున్నారు. ఈ నేపథ్యంలోనే తాజాగా భారత మాజీ క్రికెటర్ దొడ్డ గణేష్ ఏబీ డివిలియర్స్‌ పోలికను తీవ్రంగా ఖండించాడు. డివిలియర్స్ తులసి వనంలో గంజాయి మొక్క లాంటోడని, ఇద్దరు గొప్ప క్రికెటర్ల మధ్య పోలికలు చెప్పి అనవసర చిచ్చు పెట్టే ప్రయత్నం చేస్తున్నాడని ఘాటుగా విమర్శించాడు. సచిన్ ఎప్పటికీ గొప్ప ఆటగాడేనని, భారత్ క్రికెట్‌లో అతడికి ప్రత్యేక స్థానం ఉందని దొడ్డ గణేశ్ గుర్తు చేశాడు. అందుకే తన ‘ఎక్స్‌’ వేదికగా పాస్ ఆన్ ది వీడ్ (గంజాయి అందించకు బ్రదర్‌) అని రాసుకొచ్చాడు. సచిన్, కోహ్లిల మధ్య వింత పోలికను తీసుకొచ్చి చిచ్చురేపే ప్రయత్నం చేసినందుకే ఇలాంటి కామెంట్ పెట్టినట్లు గణేశ్ వెల్లడించాడు.Pass on the weed, brother. https://t.co/3XOy6o6x9t— Dodda Ganesh | ದೊಡ್ಡ ಗಣೇಶ್ (@doddaganesha) August 20, 2026ఇద్దరు ఇద్దరే..ఇక సచిన్ టెండూల్కర్ వర్సెస్ విరాట్ కోహ్లీ చర్చకు ముగింపు ఉండదు. టెండూల్కర్ సుదీర్ఘ కెరీర్, రికార్డు స్థాయిలో సాధించిన 15921 టెస్ట్ పరుగులు, 51 సెంచరీలు అతనికి సాటిలేని గణాంక వారసత్వాన్ని అందించాయి. మరోవైపు, భారత టెస్ట్ సంస్కృతిపై, విదేశీ ప్రదర్శనలపై కోహ్లీ చూపిన ప్రభావం అతడిని దేశంలోని అత్యంత ప్రభావవంతమైన బ్యాటర్లలో ఒకడిగా నిలబెట్టింది.భారత బ్యాటర్లు విదేశాల్లో కూడా ఆధిపత్యం చెలాయించగలరని టెండూల్కర్ ఎప్పుడో నిరూపిస్తే.. కోహ్లీ దానిని కొనసాగిస్తూ వస్తున్నాడు. ఈ ఇద్దరు బ్యాటర్లు తమ కఠోర శ్రమ, పట్టుదలతో గొప్ప పేరును పొందారు. వీరిద్దరిని ఒకరితో ఒకరు పోల్చడం తగదు.సచిన్‌ విదేశాల్లో టెస్టుల్లో సచిన్‌ టెండుల్కర్‌ మొత్తంగా 8705 పరుగులు రాబట్టాడు. ఇక కోహ్లి 4774 పరుగులు చేశాడు. అదే విధంగా SENA దేశాల్లో సచిన్‌ టెండుల్కర్‌ 63 టెస్టులు ఆడి సగటు 5387 పరుగులు సాధించాడు. ఇందులో 17 శతకాలు, 23 హాఫ్‌ సెంచరీలు ఉన్నాయి. ఇక కోహ్లి SENA దేశాల్లో 46 టెస్టు మ్యాచ్‌లు ఆడి 3661 పరుగులు చేశాడు. ఇందులో 12 సెంచరీలు, 14 ఫిఫ్టీలు ఉన్నాయి. అయితే సచిన్‌ కెప్టెన్సీలో భారత్‌ పెద్దగా విజయాలు అందుకోలేదు. కానీ కోహ్లి కెప్టెన్‌గా ఉన్న సమయంలో టీమిండియా టెస్టుల్లో అత్యుత్తమ దశకు చేరుకుంది. ముఖ్యంగా విదేశాల్లో మంచి విజయాలు నమోదు చేసింది.చదవండి: ఇంగ్లండ్‌ గడ్డపై చరిత్ర తిరగరాసిన పాక్ స్పిన్నర్‌

టీమిండియా బ్యాటింగ్‌ దిగ్గజం సచిన్‌ టెండుల్కర్‌ గురించి ప్రత్యేక పరిచయం అక్కర్లేదు. అంతర్జాతీయ క్రికెట్‌లో వంద సెంచరీలు సాధించిన ఏకైక ఆటగాడు. అంతేకాదు.. అత్యధిక పరుగుల వీరుడిగానూ సచిన్‌ కొనసాగుతున్నాడు. మూడు ఫార్మాట్లలో కలిపి 34,357 పరుగులు సాధించాడు.ఇక టెస్టుల్లో రికార్డు స్థాయిలో 51 శతకాల సాయంతో ఏకంగా 15,921 పరుగులు సాధించాడు సచిన్‌. మరోవైపు.. విరాట్‌ కోహ్లి సైతం ప్రపంచ క్రికెట్‌పై తనదైన ముద్ర వేశాడు. వన్డేల్లో 54సార్లు శతక్కొట్టి.. సచిన్‌ వన్డే సెంచరీ (49)ల రికార్డును అధిగమించి చరిత్ర సృష్టించాడు.పోలిక అవసరమే లేదు!కాగా సచిన్‌- కోహ్లి మధ్య పోలిక గురించి ఇప్పటికే పలువురు మాజీ క్రికెటర్లు తమ అభిప్రాయాలు పంచుకున్న సంగతి తెలిసిందే. వీరిద్దరు ఎవరికి వారే ప్రత్యేకమని.. ఇద్దరినీ పోల్చి చూడటం సరికాదనేదే చాలా మంది అభిప్రాయం. అయితే, సౌతాఫ్రికా దిగ్గజ క్రికెటర్‌ ఏబీ డివిలియర్స్‌ తాజాగా సచిన్‌- కోహ్లి గురించి చేసిన వ్యాఖ్యలు మరోసారి ఈ చర్చకు దారితీశాయి.ఉపఖండ బ్యాటర్లకు విదేశాల్లో టెస్టు క్రికెట్‌ ఎలా ఆడాలో సచిన్‌ చూపించాడన్న ఏబీడీ.. కోహ్లి మాత్రం సచిన్‌నే అధిగమించిపోయాడని అన్నాడు. తన యూట్యూబ్‌ చానెల్‌ వేదికగా మాట్లాడుతూ..సచిన్‌ కంటే కోహ్లినే బెటర్‌‘‘బౌన్సీ, సీమింగ్‌ పిచ్‌లపై ఎలా ఆడాలో ఉపఖండ బ్యాటర్లకు సచిన్‌ ​టెండుల్కర్‌ దిశానిర్దేశం చేశాడు. అయితే, విరాట్‌ ఆ వారసత్వాన్ని మరింత గొప్పగా ముందుకు తీసుకువెళ్లాడు. నిజానికి ఈ ట్రెండ్‌ను మొదలుపెట్టింది సచిన్‌ అయినా.. ఆయన విరాట్‌ కోహ్లి అంత స్ట్రాంగ్‌ అయితే కాదు.సచిన్‌ కంటే కోహ్లి బెటర్‌. కేఎల్‌ రాహుల్‌, దేవదత్‌ పడిక్కల్‌ వంటి బ్యాటర్లు విరాట్‌, సచిన్‌ అడుగుజాడల్లో నడుస్తున్నారు. అయితే, విదేశాల్లో రాహుల్‌ బ్యాటింగ్‌ సగటు 34 మాత్రమే. కాబట్టి అతడు మరింత మెరుగుపరచుకోవాల్సిన అవసరం ఉంది’’ అని డివిలియర్స్‌ చెప్పుకొచ్చాడు.విదేశాలు, SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో సచిన్‌, కోహ్లి గణాంకాలు ఇలాసచిన్‌ విదేశాల్లో టెస్టుల్లో సచిన్‌ టెండుల్కర్‌ మొత్తంగా 8705 పరుగులు రాబట్టాడు. ఇక కోహ్లి 4774 పరుగులు చేశాడు. అదే విధంగా SENA దేశాల్లో సచిన్‌ టెండుల్కర్‌ 63 టెస్టులు ఆడి సగటు 5387 పరుగులు సాధించాడు. ఇందులో 17 శతకాలు, 23 హాఫ్‌ సెంచరీలు ఉన్నాయి. ఇక కోహ్లి SENA దేశాల్లో 46 టెస్టు మ్యాచ్‌లు ఆడి 3661 పరుగులు చేశాడు. ఇందులో 12 సెంచరీలు, 14 ఫిఫ్టీలు ఉన్నాయి. అయితే, కోహ్లి కెప్టెన్‌గా ఉన్న సమయంలో టీమిండియా టెస్టుల్లో అత్యుత్తమ దశకు చేరుకుంది. ముఖ్యంగా విదేశాల్లో మంచి విజయాలు నమోదు చేసింది.చదవండి: టీ20 మ్యాచ్‌లో ఇంగ్లండ్‌పై 118 పరుగుల తేడాతో భారత్‌ గెలుపు

శ్రీలంకపై తొలి టెస్టులో భారత్‌కు 165 పరుగుల భారీ విజయాన్నందించిన కెప్టెన్ శుభ్‌మన్ గిల్ తన ఖాతాలో మరో అరుదైన రికార్డును వేసుకున్నాడు. తొలి 10 టెస్టుల్లో అత్యధిక విజయాలు (6) సాధించిన భారత కెప్టెన్ల జాబితాలో విరాట్ కోహ్లి (5), రోహిత్ శర్మ (5)ను వెనక్కు నెట్టి రెండో స్థానానికి ఎగబాకాడు. ఈ జాబితాలో ఎంఎస్‌ ధోని 7 విజయాలతో అగ్రస్థానంలో ఉండగా.. గిల్‌, సౌరవ్‌ గంగూలీ (6)తో కలిసి సంయుక్తంగా రెండో స్థానంలో నిలిచాడు.గిల్ కెప్టెన్సీ ప్రయాణంశుభ్‌మన్ గిల్ 2025లో ఇంగ్లండ్ టెస్టు సిరీస్‌తో భారత టెస్టు కెప్టెన్‌గా బాధ్యతలు చేపట్టాడు. ఆ సిరీస్‌లో భారత్ రెండు టెస్టులు గెలిచింది. అనంతరం వెస్టిండీస్‌పై 2-0 సిరీస్ విజయం, ఆతర్వాత ఆఫ్ఘనిస్తాన్‌పై ఏకైక టెస్టులో విజయం సాధించాడు. తాజాగా శ్రీలంకపై గాలే టెస్టులో విజయం సాధించడంతో అతని ఖాతాలో ఆరో విజయం చేరింది.గిల్‌ తాజా విజయానికి మరో ప్రత్యేకత కూడా ఉంది. భారత్‌కు ఇది 600వ టెస్ట్‌ మ్యాచ్‌. ఈ మ్యాచ్‌లో గెలవడం ద్వారా గిల్‌ చరిత్రలో తన పేరును ప్రత్యేకంగా లిఖించుకున్నాడు.ఈ గెలుపుతో భారత్‌ డబ్ల్యూటీసీ ఫైనల్‌ అవకాశాలను కూడా మెరుగుపర్చుకుంది. తొలి టెస్టుకు ముందు భారత్ PCT 48.15%గా ఉండగా, శ్రీలంకపై విజయం తర్వాత అది 53.55%కి పెరిగింది. PCT శాతం పెరిగినప్పటికీ భారత్ ఐదో స్థానంలోనే కొనసాగుతోంది. నాలుగో స్థానంలో ఉన్న బంగ్లాదేశ్‌తో భారత్‌కు ఇంకా గణనీయమైన తేడా ఉంది.ఈ సైకిల్‌లో భారత్ ఫైనల్ రేసులో నిలవాలంటే మిగిలిన 8 మ్యాచ్‌ల్లో భారీగా విజయాలు సాధించాల్సి ఉంటుంది. భారత్‌ తదుపరి శ్రీలంకతో మరో టెస్టు, న్యూజిలాండ్‌తో రెండు టెస్టులు, ఆస్ట్రేలియాతో స్వదేశంలో ఐదు టెస్టులు ఆడాల్సి ఉంది. ఇందులో కనీసం 6 టెస్టులు గెలిస్తే భారత్‌కు ఫైనల్ చేరే అవకాశాలు బలపడతాయి.ఆధిక్యంలోకి వెళ్లిన భారత్‌రెండు మ్యాచ్‌ల సిరీస్‌ కోసం​ శ్రీలంకలో పర్యటిస్తున్న భారత్‌ తొలి టెస్ట్‌ విజయంతో సిరీస్‌లో 1-0 ఆధిక్యంలోకి వెళ్లింది. రెండో టెస్ట్‌ ఆగస్టు 23న కొలంబోలో ప్రారంభం కానుంది.చెలరేగిన పడిక్కల్‌, సుతార్‌లంకపై తొలి టెస్ట్‌ విజయంలో దేవదత్‌ పడిక్కల్‌, మానవ్‌ సుతార్‌ కీలకపాత్రలు పోషించారు. బ్యాటింగ్‌లో పడిక్కల్‌ (167, 44), బౌలింగ్‌లో సుతార్‌ (10 వికెట్లు) చెలరేగిపోయారు. సుతార్‌ రెండో ఇన్నింగ్స్‌లో (6-55) అద్భుతంగా బౌలింగ్‌ చేసి, 372 పరుగుల లక్ష్య ఛేదనకు దిగిన శ్రీలంకను 206 పరుగులకే ఆలౌట్‌ అయ్యేలా చేశాడు.

ఆగస్టు 18, 2008.. శ్రీలంకతో మ్యాచ్‌లో ఒక 19 ఏళ్ల కుర్రాడు 18వ నెంబ‌ర్ జెర్సీ మైదానంలో బరిలోకి దిగాడు. నునుగు మీసాలతో ఉన్న ఆ కుర్రాడు మ్యాచ్‌లో 22 బంతులాడి 12 పరుగులే చేసి ఔట‌య్యాడు. అయితే ఆ కుర్రాడే భారత క్రికెట్‌ను ఏలబోతున్నాడన్న విషయం అతడితో సహా అక్కడున్న వారికి ఎవరికీ తెలియదు. కట్‌చేస్తే 18 ఏళ్లు తిరిగేస‌రికి అంత‌ర్జాతీయ క్రికెట్‌లో మూడు ఫార్మాట్లు (టెస్టు, వ‌న్డే, టీ20లు) క‌లిపి 28,359 ప‌రుగులు చేసి ఆల్‌టైమ్ అత్య‌ధిక ప‌రుగులు సాధించిన జాబితాలో రెండో స్థానంలో కొన‌సాగుతున్నాడు. ఇందులో 85 సెంచ‌రీలు, 125 హాఫ్ సెంచ‌రీలున్నాయి. వ‌న్డే క్రికెట్‌లో స‌చిన్ టెండూల్క‌ర్ సెంచ‌రీల రికార్డును బ‌ద్ద‌లు కొట్టిన ఆ వ్య‌క్తి ఎవ‌రో కాదు.. టీమిండియా స్టార్ విరాట్ కోహ్లి. 18 ఏళ్ల ప్ర‌యాణంలో కోహ్లి ఎన్నో మైలురాళ్ల‌ను అందుకున్నాడు. (18 Years Of Virat Kohli In International Cricket)విరాట్ కోహ్లి అంతర్జాతీయ క్రికెట్ ప్రయాణం మొదలై ఇవాళ్టితో (ఆగస్టు 18) 18 సంవత్సరాలు పూర్తయింది. ఈ క్రమంలో కోహ్లి లక్కీ నంబర్ 18 అని ప్రత్యేకంగా చెప్పనవసరం లేదు. అతడు వేసుకునే జెర్సీ నెంబర్ 18.. ఐపీఎల్‌లో తాను ప్రాతినిధ్యం వహిస్తున్న రాయల్ చాలెంజర్స్ బెంగళూరు తొలి టైటిల్ సాధించింది 18వ ఎడిషన్‌లోనే కావడం విశేషం. ఇన్ని ప్రత్యేకతలు ఉన్నాయి కాబట్టే కోహ్లికి 18వ సంఖ్య అంటే బాగా ఇష్టం. ఈ నేప‌థ్యంలో కోహ్లి 18 ఏళ్ల ప్ర‌యాణంలో 18 అద్భుత క్ష‌ణాల‌ను ఒక‌సారి గుర్తుకుతెచ్చుకుందాం. (Virat Kohli Greatness)1) తండ్రి మ‌ర‌ణం2006 రంజీ ట్రోఫీ మ్యాచ్‌లో, 18 ఏళ్ల వయసులో విరాట్ కోహ్లి అసాధార‌ణ ప్ర‌తిభ క‌న‌బ‌రుస్తున్నాడు. డిసెంబర్ 19న 40 ప‌రుగుల‌తో ఆడుతున్న స‌మ‌యంలో తన తండ్రి మరణవార్త తెలిసినప్పటికీ కోహ్లి ఆ వార్త‌ను దిగ‌మింగి 90 పరుగులతో ఢిల్లీ జట్టును ఓట‌మి నుంచి గ‌ట్టెక్కించాడు.2) అండర్-19 ప్రపంచ కప్ ఫైనల్‌మలేషియాలోని కౌలాలంపూర్‌లోని వేదిక‌గా సౌతాఫ్రికాతో జ‌రిగిన ఫైన‌ల్లో కోహ్లి తొలిసారి త‌న‌లోని వ్యూహాత్మ‌క‌ను ప్ర‌ద‌ర్శించాడు. వ‌ర్షం కార‌ణంగా 25 ఓవర్లలో 116 పరుగుల సవరించిన లక్ష్యాన్ని దక్షిణాఫ్రికా ఛేదించాల్సి ఉంది. అయితే ఆ మ్యాచ్‌లో భార‌త బౌల‌ర్ల‌లో ప్ర‌తీ ఒక్క‌రు ప‌ది కంటే ఎక్కువ ప‌రుగులే స‌మర్పించుకున్నారు. కానీ ఇక్క‌డే కోహ్లి త‌న తెలివిని ఉప‌యోగించి అజితేష్ అర్గ‌ల్‌ను స‌రైన స‌మయంలో వాడుకున్నాడు. ఆఖ‌రి ఓవ‌ర్‌లో ఏడు పరుగులు మాత్రమే ఇచ్చిన అజితేష్‌ రెండు వికెట్లు తీయ‌డంతో పాటు ఇండియాకు టైటిల్ అందించాడు.3) 2011 వ‌న్డే ప్ర‌పంచ‌క‌ప్‌2011 వ‌న్డే ప్ర‌పంచ‌క‌ప్‌ను టీమిండియా సొంతం చేసుకుంది. లంక‌తో జ‌రిగిన ఆనాటి ఫైన‌ల్లో కోహ్లి 35 ప‌రుగులే చేసిన‌ప్ప‌టికీ, గంభీర్‌తో క‌లిసి ఒత్తిడిలో అత‌డు ఆడిన ఇన్నింగ్స్ విలువైన‌ది. కోహ్లి ఇన్నింగ్స్‌లో పెద్ద సంచ‌ల‌నం లేక‌పోయినా, త‌ర్వాతి కాలంలో అత‌డు అద్భుత‌మైన క్రికెట‌ర్‌గా మార‌డానికి ఇదే అతిపెద్ద ట‌ర్నింగ్ పాయింట్ అని చెప్పొచ్చు.4) 2012లో హోబార్ట్ వీరోచిత ఇన్నింగ్స్‌2012 ఫిబ్రవరి 28న, హోబర్ట్‌లో, విరాట్ కోహ్లీ శ్రీలంకపై 86 బంతుల్లో 133* పరుగులతో తన కెరీర్‌లోనే ఒక చిరస్మరణీయమైన వన్డే ఇన్నింగ్స్ ఆడాడు. కామన్వెల్త్ బ్యాంక్ సిరీస్‌లో నిలవాలంటే, శ్రీలంక చేసిన 320/4 పరుగులను భారత్ కేవలం 40 ఓవర్లలోనే ఛేదించాల్సి వచ్చింది. అయితే భార‌త్ 36.4 ఓవ‌ర్ల‌లోనే ల‌క్ష్యాన్ని ఛేధించడం విశేషం. ఇక‌ లసిత్ మలింగ వేసిన ఒక ఓవ‌ర్లో కోహ్లి 24 పరుగులు రాబట్టడం విశేషం.5) 2012 ఆసియా కప్2012 ఆసియా కప్ సందర్భంగా మీర్‌పూర్‌లో పాకిస్థాన్‌పై విరాట్ కోహ్లి 183 పరుగులు చేశాడు. కోహ్లి ఇన్నింగ్స్‌తో 330 పరుగుల భారీ లక్ష్యాన్ని భార‌త్‌ ఆరు వికెట్లు మిగిలి ఉండగానే ఛేదించింది. కోహ్లి వ‌న్డే కెరీర్‌లో ఇప్ప‌టికీ ఇదే అత్య‌ధిక స్కోరు.6) 2012 ఫిట్‌నెస్ విప్లవం2012 ఐపీఎల్‌లో పేలవ ప్రదర్శన తర్వాత, విరాట్ కోహ్లీ తాను తన శరీరాకృతిని ఎంతగా కోల్పోయాడో గ్రహించాడు. అంతర్జాతీయ క్రికెట్‌లో మారుతున్న ప్రమాణాలను గ్రహించిన కోహ్లీ, స్వీట్లు, జంక్ ఫుడ్, అర్ధరాత్రి పూట తినే స్నాక్స్‌ను మానేసి, ఆహార పరిమాణాన్ని కఠినంగా నియంత్రించుకుంటూ, ప్రతిరోజూ తీవ్రమైన వ్యాయామాలు చేయడం ప్రారంభించాడు.7) 2014 పీడకల2014 ఇంగ్లాండ్ టెస్ట్ పర్యటన విరాట్ కోహ్లీ మానసిక స్థైర్యానికి, ఏకాగ్రతకు పెద్ద దెబ్బగా మారింది. ఇంగ్లీష్ పేసర్ జేమ్స్ అండర్సన్, కోహ్లీకి ఆఫ్-స్టంప్ బయట బౌలింగ్ చేసే బలహీనతను నిరంతరం ఉపయోగించుకున్నాడు. అతను నాలుగు సార్లు ఔటయ్యాడు, 10 ఇన్నింగ్స్‌లలో కేవలం 134 పరుగులకే పరిమితమయ్యాడు.8) సాంకేతిక విప్ల‌వంవిరాట్ కోహ్లీ తన స్టాన్స్‌ను వెడల్పుగా ఉంచి, బంతి వేగాన్ని తగ్గించడానికి ఫార్వర్డ్ ప్రెస్ మూవ్‌మెంట్‌ను ఉపయోగించడం ద్వారా తన సాంకేతిక సామర్థ్యాలను పునఃసమీక్షించుకున్నాడు. BGT తరఫున ఆస్ట్రేలియా పర్యటనలో ఉన్నప్పుడు, అడిలైడ్‌లో తన టెస్ట్ కెప్టెన్సీ అరంగేట్రంలో కోహ్లీ 115, 141 పరుగులు చేశాడు.9) 2022 టీ20 ప్రపంచ కప్పాకిస్థాన్‌పై కోహ్లీ చేసిన అజేయమైన 82* పరుగులు ఒక అద్భుతం కంటే తక్కువ కాదు. కేవలం 3.1% గెలుపు శాతంతో ఆ దేశానికి 8 బంతుల్లో 28 పరుగులు అవసరం కాగా, కోహ్లీ దానిని సాధ్యం చేశాడు.10) 2016 ఐపీఎల్ సీజన్దేశీయ టీ20 లీగ్‌లో విరాట్ కోహ్లీ మరియు ఒక బ్యాటర్‌గా అతని అత్యుత్తమ ప్రదర్శన అది. అద్భుతమైన నిలకడతో, అతను 16 ఇన్నింగ్స్‌లలో నాలుగు సెంచరీలతో పాటు ఏడు అర్ధ సెంచరీలు సాధించాడు. ఆ సీజన్‌లో అతను 973 పరుగులు చేశాడు, ఇది ఆ టోర్నమెంట్ యొక్క ఒక ఎడిషన్‌లో ఇప్పటివరకు ఒక బ్యాటర్ చేసిన అత్యధిక స్కోరు.11) 2018లో ఫామ్‌లోకి వ‌చ్చిన కోహ్లి2014 పర్యటన తర్వాత నాలుగేళ్లకు తిరిగి వచ్చిన కోహ్లీ, 59 సగటుతో 594 పరుగులు సాధించాడు. అతను తన టెక్నిక్, సహనం, ఆత్మాభిమానంతో విమర్శకుల నోళ్లు మూయించడమే కాకుండా, తన బ్యాటింగ్ విధానాన్ని పునరుద్ధరించుకోవడం ద్వారా ప్రాయశ్చిత్తం చేసుకున్నాడు.12) ఆస్ట్రేలియాలో చారిత్రాత్మక టెస్ట్ సిరీస్ విజయంవిరాట్ సారథ్యంలో భారత్ ఆస్ట్రేలియా గడ్డపై మొట్టమొదటి టెస్ట్ సిరీస్ విజయాన్ని సాధించింది. ఇది ఆసియా రెడ్-బాల్ క్రికెట్‌లో ఒక మైలురాయి వంటిది. అతను 4 మ్యాచ్‌లలో 282 పరుగులు చేసి ఆదర్శంగా నిలిచాడు. ఆస్ట్రేలియా బౌలర్ల నుండి పుజారా తీవ్రమైన దెబ్బలు తిన్న వివాదాస్పద సిడ్నీ టెస్ట్ కూడా ఇందులో ఉంది.13) 60 ఓవ‌ర్లపై స్పంద‌న‌కోహ్లీ తన దూకుడును శక్తిగా మలచి, ఇతరులను బలోపేతం చేయడానికి తన తీవ్రతను ఉపయోగించాడు. 2021లో ఇంగ్లాండ్‌తో జరిగిన ఓవల్ టెస్టులో, తన సహచరులకు అతను చేసిన ప్రసిద్ధ '60 ఓవర్ల నరకం' ప్రసంగం, భారత్‌ను ఉత్తేజపరిచి నాటకీయ విజయాన్ని సాధించేలా చేసింది. అది కెప్టెన్‌గా కోహ్లీ యొక్క తీవ్రమైన, రాజీపడని ప్రతిబింబాన్ని చాటింది.14) 2022 ఆసియా కప్‌లో 71వ సెంచరీ2019లో ఏడు సెంచరీలు చేసిన తర్వాత, కోహ్లీ 2020, 2021లో ఒక్క సెంచరీ కూడా చేయలేదు. ఆ తర్వాత రెండేళ్లకు, 2022 ఆసియా కప్‌లో ఆఫ్ఘనిస్తాన్‌పై సెంచరీతో పునరాగమనం చేశాడు. అది అతని తొలి టీ20ఐ సెంచరీ కూడా.15) 2023 వ‌న్డే ప్ర‌పంచ‌క‌ప్‌స్వదేశంలో జరిగిన వన్డే ప్రపంచకప్‌లో అతను 765 పరుగులు చేసి, ఒకే ఎడిషన్‌లో అత్యధిక పరుగుల కోసం సచిన్ టెండూల్కర్ రికార్డును బద్దలు కొట్టడంతో పాటు, ఈ ఫార్మాట్‌లో అత్యధికమైన తన 50వ వన్డే సెంచరీని నమోదు చేశాడు.16) 2024 టీ20 ప్రపంచ కప్ ఫైనల్2024 టీ20 ప్రపంచకప్ టోర్నమెంట్ అంతటా 1, 4, 0, 24, 37, 0, 9 పరుగులు చేసిన తర్వాత, కోహ్లీ అత్యంత కీలకమైన సమయంలో రాణించాడు. ఫైనల్‌లో అతను 59 బంతుల్లో 76 పరుగులు చేసి, 12 ఏళ్ల తర్వాత భారత్ ఐసీసీ ట్రోఫీని గెలవడంలో సహాయపడ్డాడు.17) ఆర్‌సీబీకి తొలి టైటిల్ ఐపీఎల్‌లో 18 సీజన్ల తర్వాత ఆర్‌సీబీ తొలి ఐపీఎల్‌ టైటిల్‌ అందుకుంది. 18 ఏళ్లుగా ఒకే జట్టుకు ప్రాతినిధ్యం వహించిన కోహ్లి తొలి ఐపీఎల్‌ టైటిల్‌ అందుకున్న క్షణంలో భావోద్వేగానికి గురయ్యాడు.18) టెస్టు రిటైర్మెంట్‌పై కోహ్లీ స్పందనతన రెండో ఐపీఎల్ ట్రోఫీని గెలుచుకోవడానికి ముందు, టెస్ట్ క్రికెట్ నుంచి రిటైర్ అయ్యాక మీడియాలో చక్కర్లు కొట్టిన అన్ని ఊహాగానాలకు కోహ్లీ సమాధానమిచ్చాడు. ‘నేను క్రికెట్ ఆడాలనుకుంటున్నాను, కొనసాగించాలనుకుంటున్నాను. భారత్ తరఫున ప్రపంచ కప్ ఆడటం అద్భుతం. కానీ దాని విలువ స్పష్టంగా ఉండాలి” అని చెప్పుకొచ్చాడు.

పాకిస్తాన్ మాజీ ఫాస్ట్ బౌలర్ షోయబ్ అక్తర్ ఆసక్తికర వ్యాఖ్యలు చేశాడు. పాకిస్తాన్‌కు చెందిన ఏ బ్యాటర్‌ను భారత స్టార్ విరాట్ కోహ్లితో పోల్చవచ్చని అడగ్గా.. చాలామంది ఊహించినట్లుగా ప్రస్తుత పాక్‌ టెస్ట్‌ జట్టు కెప్టెన్‌ బాబర్ ఆజం పేరు చెప్పలేదు. ఎవరూ ఊహించని విధంగా మాజీ కెప్టెన్‌ యూనిస్ ఖాన్ పేరు చెప్పాడు.హస్నా మనా హై అనే టాక్‌ షోలో మాట్లాడిన అక్తర్.. యూనిస్ ఖాన్‌కు సహజ ప్రతిభ కంటే కష్టపడి పనిచేయడం, ఫిట్‌నెస్, శిక్షణపై దృష్టి, నిరంతరం తనను తాను మెరుగుపరుచుకోవాలనే తపన ఎక్కువగా ఉండేవని తెలిపాడు.విరాట్ కోహ్లిలా యూనిస్ ఖాన్ కూడా ఫిట్‌నెస్, ట్రైనింగ్‌పై ఎంతో కష్టపడ్డాడని, సహజంగా లభించిన ప్రతిభ పరిమితంగా ఉన్నప్పటికీ తన కష్టంతో అత్యున్నత స్థాయికి చేరుకున్నాడని అన్నాడు.యూనిస్ ఖాన్‌ను ప్రశంసిస్తూ అక్తర్ మరో ఆసక్తికర విషయాన్ని గుర్తుచేశాడు. పాకిస్తాన్‌ క్రికెట్ చరిత్రలో ప్రపంచకప్ గెలిచిన కెప్టెన్లు ఇమ్రాన్ ఖాన్, యూనిస్ ఖాన్ మాత్రమే అని పేర్కొన్నాడు.1992లో ఇమ్రాన్ ఖాన్ నాయకత్వంలో పాకిస్తాన్ వన్డే ప్రపంచకప్ గెలవగా, 2009లో యూనిస్ ఖాన్ కెప్టెన్సీలో టీ20 ప్రపంచకప్‌ను కైవసం చేసుకుంది.అద్భుత రికార్డు2000లో అంతర్జాతీయ అరంగేట్రం చేసిన యూనిస్ ఖాన్.. పాకిస్తాన్ బ్యాటింగ్‌కు చాలా కాలం వెన్నెముకగా నిలిచాడు. 118 టెస్టుల్లో 52.05 సగటున, 34 సెంచరీలు, 33 అర్ద సెంచరీల సాయంతో 10,099 పరుగులు చేశాడు. ఇందులో ఓ ట్రిపుల్‌ సెంచరీ (313) కూడా ఉంది. టెస్టుల్లో 10,000 పరుగుల మార్క్‌ను అందుకున్న ఏకైక పాకిస్తాన్ బ్యాటర్ యూనిస్ ఖాన్.వన్డే కెరీర్‌ విషయానికొస్తే.. యూనిస్‌ 265 మ్యాచ్‌ల్లో 7,249 పరుగులు చేశాడు. ఇందులో 7 సెంచరీలు, 48 అర్ధసెంచరీలు ఉన్నాయి.ఆల్‌టైమ్ గ్రేట్‌ మాత్రం సచినే..!ఇదే కార్యక్రమంలో అక్తర్‌ను అత్యుత్తమ బ్యాటర్ ఎవరు అని అడగ్గా.. రికీ పాంటింగ్, స్టీవ్ స్మిత్, విరాట్ కోహ్లి, రోహిత్ శర్మలను పక్కనపెట్టి భారత క్రికెట్ దిగ్గజం సచిన్ టెండూల్కర్ పేరును ఎంచుకున్నాడు.సచిన్‌ను ఆల్‌టైమ్ గ్రేటెస్ట్ బ్యాటర్‌గా పేర్కొంటూ, అతడు తన దృష్టిలో ఇతర దిగ్గజాల కంటే ప్రత్యేకమైన ఆటగాడని స్పష్టం అన్నాడు.

భారత స్టార్ ఆల్‌రౌండర్ రవీంద్ర జడేజా దిగ్గజ బ్యాటర్‌ విరాట్‌ కోహ్లిపై సంచలన వ్యాఖ్యలు చేశాడు. తన కెరీర్ ప్రారంభంలో టీమ్ మేనేజ్‌మెంట్ తన బ్యాటింగ్ సామర్థ్యంపై నమ్మకం ఉంచలేదని పరోక్షంగా చెప్పిన జడేజా.. లోయర్‌ ఆర్డర్‌లో బ్యాటింగ్ చేయడం తన ఆత్మవిశ్వాసాన్ని దెబ్బతీసిందని వెల్లడించాడు. జడేజా నేరుగా ఏ కెప్టెన్ పేరును ప్రస్తావించకపోయినా, ఆయన వ్యాఖ్యలు విరాట్ కోహ్లి భారత టెస్ట్ కెప్టెన్‌గా ఉన్న కాలాన్ని గుర్తుచేస్తున్నాయి.జడేజా 2012లో ఎంఎస్ ధోని కెప్టెన్సీలో ఇంగ్లండ్‌పై టెస్ట్ అరంగేట్రం చేశాడు. దేశవాళీ క్రికెట్‌లో మాత్రం అతను ఎక్కువగా నాలుగు లేదా ఐదో స్థానంలో బ్యాటింగ్ చేసేవాడు. కానీ భారత జట్టులోకి వచ్చిన తర్వాత అతని బ్యాటింగ్ స్థానం క్రమంగా దిగజారింది.8, 9 స్థానాల్లో బ్యాటింగ్ చేయాల్సి వచ్చేది..!సంజయ్ మంజ్రేకర్‌తో మాట్లాడుతూ జడేజా తన బ్యాటింగ్ సామర్థ్యంపై తనకు మొదటి నుంచే నమ్మకం ఉండేదని చెప్పాడు. రంజీ ట్రోఫీ, దులీప్ ట్రోఫీ వంటి ఫస్ట్‌క్లాస్ క్రికెట్‌లో తన బ్యాటింగ్ సగటు 60కుపైగా ఉండేదని గుర్తుచేశాడు.అయితే భారత జట్టులోకి వచ్చిన తర్వాత కొన్ని సందర్భాల్లో ఎనిమిదో, తొమ్మిదో స్థానంలో కూడా బ్యాటింగ్ చేయాల్సి వచ్చిందని చెప్పాడు. అదే సమయంలో ఒక ఫాస్ట్ బౌలర్ తన తర్వాత బ్యాటింగ్ చేయడానికి సిద్ధమవుతున్న దృశ్యం తనలో అనుమానాలు కలిగించేదని పేర్కొన్నాడు.ఆ పరిస్థితుల్లో టీమ్‌కు నా బ్యాటింగ్‌పై నమ్మకం లేదా అనే భావన ఏర్పడేదని, దాంతో ఆత్మవిశ్వాసం దెబ్బతిందని తెలిపాడు.కోహ్లి కెప్టెన్సీ కాలం ఎందుకు ప్రస్తావనకు వచ్చింది..?ఈ విషయమై జడేజా నేరుగా విరాట్‌ను విమర్శించనప్పటికీ.. అతని కెరీర్‌లో ఎనిమిది, తొమ్మిదో స్థానాల్లో ఎక్కువసార్లు బ్యాటింగ్ చేసిన కాలంలో కోహ్లినే భారత టెస్ట్ కెప్టెన్‌గా ఉన్నాడు.టెస్ట్ క్రికెట్‌లో జడేజా 32 సార్లు ఎనిమిదో స్థానంలో, 12 సార్లు తొమ్మిదో స్థానంలో బ్యాటింగ్ చేశాడు. 2014 న్యూజిలాండ్ సిరీస్‌లో కూడా అతను తొమ్మిదో స్థానంలో బ్యాటింగ్ చేశాడు. ఆ సమయంలో రవిచంద్రన్ అశ్విన్‌ను ఏడో స్థానానికి ప్రమోట్ చేయగా, వృద్ధిమాన్ సాహా ఎనిమిదో స్థానంలో బ్యాటింగ్ చేశాడు.నంబర్ 6లో అవకాశం రావడంతో మారిన పరిస్థితిజడేజా తన బ్యాటింగ్ సామర్థ్యాన్ని దేశవాళీ క్రికెట్‌లో చాలాకాలం క్రితమే నిరూపించాడు. ఫస్ట్‌క్లాస్ క్రికెట్‌లో అతను 220 ఇన్నింగ్స్‌లలో 8,337 పరుగులు చేశాడు.అయితే భారత టెస్టు జట్టులో నాలుగో స్థానంలో అతనికి కేవలం ఒక్క ఇన్నింగ్స్ మాత్రమే అవకాశం వచ్చింది. ఆ ఇన్నింగ్స్‌లో 40 పరుగులు చేశాడు. ఆరో స్థానంలో 29 ఇన్నింగ్స్‌లలో 1,074 పరుగులు, ఏడో స్థానంలో 32 ఇన్నింగ్స్‌లలో 1,578 పరుగులు సాధించాడు.కాలక్రమంలో జడేజా బ్యాటింగ్‌లో గణనీయమైన పురోగతి సాధించాడు. ఒత్తిడిని ఎదుర్కొంటూ టెస్టు మ్యాచ్ పరిస్థితులకు తగ్గట్టుగా ఆడగల సామర్థ్యాన్ని నిరూపించుకున్నాడు.

శ్రీలంక‌తో తొలి టెస్టులో టీమిండియా క్రికెట‌ర్ దేవ‌ద‌త్ ప‌డిక్క‌ల్ అజేయ సెంచ‌రీ సాధించాడు. టెస్టుల్లో ప‌డిక్క‌ల్‌కు ఇదే తొలి సెంచ‌రీ కావ‌డం విశేషం. ఈ నేప‌థ్యంలో ఒక రికార్డు విష‌యంలో మాత్రం ప‌డిక్క‌ల్ త‌న గురువు విరాట్ కోహ్లితో స‌మంగా నిలిచాడు. అదేంటంటే విరాట్ కోహ్లి త‌న తొలి టెస్టు సెంచరీని రిప‌బ్లిక్ డే (గ‌ణ‌తంత్ర దినోత్స‌వం) రోజున చేశాడు. 2012 జ‌న‌వ‌రి 26న అడిలైడ్ వేదిక‌గా ఆస్ట్రేలియాతో జ‌రిగిన టెస్టులో కోహ్లి 116 ప‌రుగులు చేసి ఔట‌య్యాడు. కోహ్లికి టెస్టుల్లో అదే తొలి సెంచ‌రీ కావ‌డం విశేషం. తాజాగా దేవ‌ద‌త్ ప‌డిక్క‌ల్ స్వాతంత్య్ర దినోత్స‌వం రోజున త‌న తొలి టెస్టు సెంచ‌రీని బాద‌డం ఇక్క‌డ చెప్పుకోద‌గ్గ అంశం. ఇలా త‌న గురువు కోహ్లి రిప‌బ్లిక్ డే రోజున మెయిడెన్ టెస్టు శ‌త‌కం సాధిస్తే.. శిష్యుడు ప‌డిక్క‌ల్ ఇండిపెండెన్స్ రోజున తొలి టెస్టు శ‌త‌కం అందుకోవ‌డం గ‌మ‌నార్హం. మ‌రో విష‌య‌మేంటంటే.. రిప‌బ్లిక్ డే రోజున సెంచ‌రీ చేసిన ఒకే ఒక్క బ్యాట‌ర్‌గా కోహ్లి చ‌రిత్ర సృష్టిస్తే.. స్వాతంత్య్ర దినోత్స‌వం రోజున టీమిండియా త‌ర‌ఫున సెంచ‌రీ బాదిన ఏకైక క్రికెట‌ర్‌గా ప‌డిక్క‌ల్ రికార్డుల‌కెక్కాడు. కోహ్లి ఇండిపెండెన్స్ రోజున కూడా సెంచ‌రీ బాదిన‌ప్ప‌టికీ, అది వ‌న్డే ఫార్మాట్‌లో వ‌చ్చింది.తొలి బ్యాటర్‌గా రికార్డుపడిక్కల్ కంటే ముందు భారత తరపున ఏ బ్యాటర్ కూడా ఇండిపెండెన్స్ డే రోజు టెస్టుల్లో మూడంకెల స్కోర్‌ను అందుకోలేదు. గతంలో విరాట్ కోహ్లి వెస్టిండీస్‌పై ఆగస్టు 15న వన్డే సెంచరీ చేయగా.. టెస్టు సెంచరీ చేసింది మాత్రం పడిక్కలే కావడం గమనార్హం. అదేవిధంగా 21వ శతాబ్దంలో టీమిండియా తరపున మూడో స్ధానంలో బ్యాటింగ్‌కు వచ్చి టెస్ట్ సెంచరీ బాదిన రెండో ప్లేయర్‌గా పడిక్కల్ రికార్డులెక్కాడు.ప‌డిక్క‌ల్ కంటే ముందు సౌరవ్ గంగూలీ మాత్రమే ఈ ఘనత సాధించాడు. ఓవ‌రాల్‌గా భారత్ తరఫున నెంబర్ 3 పొజిషన్‌లో టెస్ట్ సెంచరీ సాధించిన ఎడ‌మ చేతి వాటం బ్యాట‌ర్‌గా సలీమ్ దురానీ, బాపూ నాడ్కర్ణి, అజిత్ వాడేకర్, ఏక్‌నాథ్ సోల్కర్, సురీందర్ అమర్‌నాథ్, వినోద్ కాంబ్లీ పడిక్కల్ చేరాడు.Virat Kohli was the only Indian batter to score a century on Republic Day, achieving the feat in 2012, which was also his maiden Test century. 🇮🇳Now, Devdutt Padikkal becomes the only Indian batter to score a century on Independence Day, and it’s his maiden Test century too!… pic.twitter.com/CxgE0Q3VnV— CREX (@Crex_live) August 15, 2026Read: మూడో స్థానంపై బేఫిక‌ర్‌.. గిల్ న‌మ్మినబంటు పడిక్క‌ల్‌

హైదరాబాద్‌, లక్డీకాపూల్‌: 16 ఏళ్ల వర్ధమాన క్రికెటర్‌కు అతని తండ్రి మూత్రపిండాన్ని ఏషియన్‌ ఇనిస్టిట్యూట్‌ ఆఫ్‌ నెఫ్రాలజీ అండ్‌ యూరాలజీ (ఏఐఎన్‌యూ) వైద్యులు విజయవంతంగా ట్రాన్స్‌ప్లాంటేషన్‌ చేశారు. ఈ వివరాలు గురువారం యూరాలజిస్ట్, రోబోటిక్‌ సర్జన్‌ డాక్టర్‌ మల్లికార్జున వెల్లడించారు. మలక్‌పేటకు చెందిన బాలుడు చిన్నప్పటినుంచీ విరాట్‌ కోహ్లీని ఆరాధిస్తూ బౌలర్‌గా రాణిస్తున్నాడు. అయితే పుట్టుకతోనే మూత్రనాళ సమస్యతో బాధపడుతున్నాడు. ’ప్రీ–ఎంటివ్‌ కిడ్నీ ట్రాన్స్‌ప్లాంటేషన్‌’ చేయాలని ఏఐఎన్‌యూ వైద్యులు సూచించారు. బాలుడి తండ్రి ఖాజా అసీముద్దీన్‌ తన ఒక మూత్రపిండాన్ని కుమారుడికి దానం చేయాలని నిర్ణయించారు. డాక్టర్‌ మల్లికార్జున నేతృత్వంలో శస్త్రచికిత్స నిర్వహించారు.

టీమిండియాలో ఫిట్‌నెస్‌, పదునైన ఫీల్డింగ్ కల్చర్ అనేది స్టార్ బ్యాటర్ విరాట్‌ కోహ్లి రాకతోనే మొదలైందని సౌతాఫ్రికా దిగ్గజం జాంటీ రోడ్స్ అభిప్రాయపడ్డాడు. యూరోపియన్ టీ20 ప్రీమియర్ లీగ్‌లో ఒక జట్టుగా ఉన్న రోటర్‌డామ్ డాకర్స్ జెర్సీని మంగళవారం క్రికెట్ క్లబ్ ఆఫ్ ఇండియాలో ఆవిష్కరించారు. ఈ కార్యక్రమానికి జాంటీ రోడ్స్‌తో పాటు కో-ఓనర్‌, మాజీ క్రికెటర్ ఫాఫ్ డుప్లెసిస్‌, బాలీవుడ్ నటుడు జాన్ అబ్రహం హాజరయ్యారు. ఈ సందర్భంగా టీమిండియాలో పదునైన ఫీల్డింగ్, కెప్టెన్సీలో దూకుడు వంటి మార్పుల గురించి జాంటీ రోడ్స్ ఆసక్తికర వ్యాఖ్యలు చేశాడు. ‘ఎంఎస్ ధోని కెప్టెన్ అయ్యాకా టీమిండియాలో చాలా మార్పులు చోటుచేసుకున్నాయి. అప్పటివరకు జట్టులో ఉన్న సీనియర్లు ఒక్కొక్కరుగా వైదొలగడంతో యువ ఆటగాళ్లతో నిండిపోయింది. ఇక కోహ్లి రాకతో ఫిట్‌నెస్‌కు ప్రాధాన్యం పెరగడంతో పాటు పదునైన ఫీల్డింగ్‌కు బాటలు పడ్డాయి. కోహ్లి కెప్టెన్‌గా అంతగా రాణించనప్పటికీ జట్టులో అందరూ ఫిట్‌గా ఉండాలని మాత్రం పట్టుబట్టేవాడు. ఎందుకంటే మైదానంలో ఒక మంచి ఫీల్డర్‌గా ఎదగాలంటే, ధృడంగా, చురుగ్గా ఉండాల్సిన అవసరముంది. అందుకే కోహ్లి ఫిట్‌నెస్‌కు చాలా ప్రాధాన్యమిచ్చేవాడు. ఇప్పటికీ అదే ఫిట్‌నెస్‌ను కొనసాగిస్తూ జట్టులో కొనసాగుతున్నాడు. భారత జట్టులో గొప్ప ఫీల్డర్లు కొంతమందే ఉన్నారు. వారిలో కోహ్లి అగ్రస్థానంలో ఉంటాడనంలో సందేహం లేదు. ఇక ఫీల్డింగ్‌లో నేను ప్రాణం పెట్టేవాడిని. ఎంత ఒత్తిడి ఉన్నా మైదానంలో మాత్రం స్వేచ్ఛగా ఉండేవాడిని. 1993 హీరోకప్‌లో నేను ఐదు క్యాచ్‌లను సర్కిల్ లోపలే పట్టాను. అది ఒక అద్భతమని చెప్పొచ్చు. ఇక ఫీల్డింగ్ కోచ్‌గా మారిన తర్వాత ఐపీఎల్‌లో ముంబై ఇండియన్స్‌కు చాలాకాలం పనిచేశాను. ఈ సమయంలో కీరన్ పొలార్డ్ ఫీల్డింగ్ నైపుణ్యం అద్భుతంగా ఉండేది. బౌండరీ లైన్ వద్ద గాల్లోకి ఎగిరి బంతిని లోపలికి తోసేసి క్యాచ్ తీసుకున్న మొదటి ఆటగాడు అతడే. పదేళ్ల క్రితంతో పోలిస్తే ఇప్పుడు ఫీల్డింగ్‌లో సరికొత్త మార్పులు వచ్చాయి. ఒకప్పుడు జట్టులో ఒకరు లేదా ఇద్దరు బెస్ట్ ఫీల్డర్లు ఉండేవారు. కానీ ఇప్పుడు మాత్రం నలుగురు నుంచి ఐదుగురు బెస్ట్ ఫీల్డర్లు ఉంటున్నారు.’ అని చెప్పుకొచ్చాడు.ఇదే మంచి అవకాశంఇక 2027 వన్డే ప్రపంచకప్‌కు నమీబియా,జింబాబ్వేలతో కలిసి సౌతాఫ్రికా ఆతిథ్యమిస్తుండడంతో సఫారీ జట్టుకు గెలుపు అవకాశమెంత అనే దానిపై రోడ్స్ స్పందించాడు. ‘మాకు ఇదే సరైన సమయం. సౌతాఫ్రికా జట్టు చాలా బాగా ఆడుతోంది. ప్రపంచకప్ అనేది చాలా ప్రత్యేకమైనది. సొంతగడ్డపై ప్రపంచకప్ ఆడుతుండడం ఏ జట్టుకైనా బలమే. నాలుగేళ్లకోసారి జరిగే ఈ మహాసంగ్రామానికి ఈసారి మేము ఆతిథ్యమివ్వనుండడం మాకు కలిసొస్తుందని అనుకుంటున్నా. చోకర్స్ ముద్రను చెరిపేసుకొని ఈసారి ఐసీసీ ట్రోఫీ గెలుస్తుందని ఆశిస్తున్నా.’ అని పేర్కొన్నాడు.ఫీల్డింగ్‌కు కొత్త నిర్వచనంఇక 1992 నుంచి 2003 వరకు సౌతాఫ్రికా తరఫున ప్రాతినిధ్యం వహించిన జాంటీ రోడ్స్ ప్రపంచంలోనే అత్యుత్తమ ఫీల్డర్‌గా పేరు పొందాడు. 1993 హీరోకప్‌లో వెస్టిండీస్‌తో వన్డే మ్యాచ్‌లో సర్కిల్ లోపలే ఐదు క్యాచ్‌లు పట్టి ప్రపంచ రికార్డు నెలకొల్పాడు. ఫీల్డింగ్‌కు సరికొత్త నిర్వచనం చెప్పిన జాంటీ రోడ్స్ తాను ఆడిన ప్రతీ మ్యాచ్‌లోనూ తన ఫీల్డింగ్‌తో 30 నుంచి 40 పరుగులు సేవ్ చేసి ప్రత్యర్థులకు కొరకరాని కొయ్యగా మారాడు.ఇంజమామ్‌ రనౌట్‌..ఇక 1992 వన్డే ప్రపంచకప్‌లో పాక్ బ్యాటర్ ఇంజమామ్ ఉల్ హక్‌ను జాంటీ రోడ్స్‌ రనౌట్ చేసిన తీరు క్రికెట్ చరిత్రలో చిరస్థాయిగా నిలిచిపోయింది. చిరుత కన్నా వేగంతో పరిగెత్తిన జాంటీ రోడ్స్‌ డైవ్ చేస్తూ బంతితో వికెట్లను గిరాటేసిన ఫొటో ఐసీసీ ఆల్ టైమ్ క్రికెట్ హిస్టరీ గ్యాలరీలో చేర్చింది. ఇక దక్షిణాఫ్రికా తరఫున జాంటీ రోడ్స్ 52 టెస్టుల్లో 2,523 పరుగులు, 245 వన్డేల్లో 5,935 పరుగులు సాధించాడు. రెండు ఫార్మాట్లు కలిపి రోడ్స్ 139 క్యాచ్‌లు అందుకున్నాడు.VIDEO | Mumbai, Maharashtra: "ETPL will conquer last frontier for cricket's expansion in Europe," says former South African cricket coach and co-owner of the Rotterdam Dockers Jonty Rhodes.(Full video available on PTI Videos - https://t.co/n147TvrpG7) pic.twitter.com/P6rCrsJpXA— Press Trust of India (@PTI_News) August 11, 2026Jonty Rhodes said "Kohli insisted that you had to be fit because, to be a good fielder, you obviously have to be fairly robust in the field & athletic, so fitness levels were important. So, we've seen this evolution in the Indian team that had one or two great fielders to now a… pic.twitter.com/F9fp0u02X8— Johns. (@CricCrazyJohns) August 12, 2026 Read: ప్రేయసిని పెళ్లాడిన క్రిస్టియానో రొనాల్డో

అజింక్యా రహానే ఇటీవలే అంతర్జాతీయ క్రికెట్‌కు రిటైర్మెంట్ ప్రకటించిన సంగతి తెలిసిందే. టెస్టుల్లో ‍స్వదేశంలో కంటే విదేశీ టూర్లలో ఎక్కువగా రాణించిన రహానే సంతృప్తిగానే వీడ్కోలు పలికినట్లు పేర్కొన్నాడు. అయితే తాను రిటైర్మెంట్ నిర్ణయాన్ని వెల్లడించిన సమయంలో సచిన్‌, కోహ్లి, రోహిత్‌లు తనకు ఫోన్‌కాల్ చేసి నిర్ణయంపై పునరాలోచన చేయాలని తెలిపారు. కానీ ఆ ముగ్గురికి తాను ఒకటే సమాధానం చెప్పానని, ఇష్టపూర్వకంగానే తాను ఆటకు వీడ్కోలు పలుకుతున్నట్లు వాళ్లకు చెప్పానని రహానే చెప్పుకొచ్చాడు. వీళ్లతో పాటు ఇర్ఫాన్ పఠాన్‌, బుమ్రా నుంచి కూడా తనకు సందేశాలు వచ్చాయని తెలిపాడు. రిటైర్మెంట్ వీడియోనూ పోస్టు చేసిన తర్వాత తనకు మొదటి కాల్ సచిన్ టెండూల్కర్ నుంచి వచ్చిందని రహానే వెల్లడించాడు.'రహానే.. నువ్ ఇంకా ఎక్కువ కాలం అంతర్జాతీయ క్రికెట్ ఆడతావు అనుకున్నా' అని సచిన్ చెప్పినట్లు తెలిపాడు. ఇకపై క్రికెట్‌ను సాగదీయకుండా, ఎలాంటి అసంతృప్తి లేకుండా కెరీర్‌ ముగించాలనే నిర్ణయం తీసుకున్నానని సచిన్‌కు చెప్పినట్లు రహానే పేర్కొన్నాడు. ఇక మాజీ క్రికెటర్ ఇర్ఫాన్ పఠాన్ కూడా రహానేకి ఫోన్ చేసి మాట్లాడాడు. మరోవైపు విరాట్ కోహ్లి, రోహిత్ శర్మ, జస్‌ప్రీత్ బుమ్రా, చతేశ్వర్ పుజారా వంటి ఆటగాళ్లు రహానేకి మెసేజెస్ అండ్ కాల్స్ చేశారు. అయితే వీరందరికీ రహానే ఒకటే సమాధానం ఇచ్చినట్లు తెలిపాడు. క్రికెట్‌కు తాను పూర్తిగా న్యాయం చేశాననే సంతృప్తితో ఉన్నానని, తన నిర్ణయంపై ఎలాంటి పశ్చాత్తాపం లేదని స్పష్టం చేసినట్లు రహానే వెల్లడించాడు.కోహ్లి, పుజరాలతో ఉన్న బంధం గురించి రహానే స్పందించాడు. ‘దేశీయ క్రికెట్‌లో నేను, పుజారా చాలా కాలం కలిసి ఆడాము. అయితే, భారత్ తరఫున ఆడుతున్నప్పుడు నేను, విరాట్ ఎక్కువ సమయం కలిసి గడిపాము. కానీ మా మధ్య బంధం చాలా బలంగా ఉండేది. భారత టెస్ట్ జట్టును అగ్రస్థానానికి తీసుకెళ్లడమే మా ఉమ్మడి లక్ష్యం. 2015లో ఆరో, ఏడో ర్యాంకులో ఉన్న మేము, క్రమంగా నంబర్ 1 టెస్ట్ జట్టుగా ఎదిగాము. మేము నిరంతరం ఆట గురించి చర్చించుకుంటూ, విశ్లేషించుకుంటూ, ఒకరి నుంచి ఒకరు నేర్చుకుంటూ బలమైన బంధాన్ని ఏర్పరచుకున్నాము. చాంపియన్లుగా మారకముందు, టెస్టుల్లో మేమిద్దరం కలిసి క్లిష్ట పరిస్థితులను ఎదుర్కొన్నాము. అది ఎంతో ఆనందాన్నిచ్చింది.’ అని చెప్పుకొచ్చాడు.రహానే తన 15 ఏళ్ల కెరీర్‌లో భారత్ తరపున 85 టెస్టులు, 90 వన్డేలు, 20 టీ20లు ఆడాడు. అంతర్జాతీయ క్రికెట్‌లో అన్ని ఫార్మాట్లలో కలిపి 8414 పరుగులు చేశాడు. అందులో 5077 రన్స్ టెస్ట్ క్రికెట్‌లో సాధించినవే కావడం గమనార్హం. అతడి పేరిట 12 టెస్టు సెంచరీలు ఉన్నాయి.చదవండి: విండీస్ ఆశ‌ల‌పై నీళ్లు చ‌ల్లిన అఫ్గానిస్తాన్‌

ఆస్ట్రేలియా విధ్వంసకర బ్యాటర్‌ మిచెల్‌ మార్ష్‌ పొట్టి క్రికెట్‌లో అరుదైన రికార్డు సాధించాడు. ఒకే ఏడాదిలో 1500 టీ20 పరుగులు పూర్తి చేసిన తొలి ఆసీస్‌ బ్యాటర్‌గా చరిత్రకెక్కాడు. హండ్రెడ్‌ 2026లో సన్‌రైజర్స్‌ లీడ్స్‌కు ప్రాతినిథ్యం వహిస్తున్న అతడు.. తాజాగా వెల్ష్‌ ఫైర్‌తో జరిగిన మ్యాచ్‌లో (34 బంతుల్లో 50) ఈ ఘనత సాధించాడు.మిచ్‌ మార్ష్‌కు ముందు ఈ రికార్డు టిమ్‌ డేవిడ్‌ పేరిట ఉండేది. 2022లో అతడు 1461 పరుగులు చేశాడు. 2024లో ట్రావిస్‌ హెడ్‌ 1442 పరుగులతో టిమ్‌కు దగ్గరగా వచ్చాడు.ఈ ఏడాది ఇప్పటివరకు 35 మ్యాచ్‌లు ఆడిన మార్ష్‌.. 44.17 సగటున, 160కి దగ్గరగా స్ట్రైక్‌రేట్‌తో, రెండు సెంచరీలు, 11 అర్ధ సెంచరీల సాయంతో 1502 పరుగులు చేసి టిమ్‌ డేవిడ్‌ రికార్డును బద్దలు కొట్టాడు.మార్ష్‌ అంతర్జాతీయ క్రికెట్‌లో ఆస్ట్రేలియా తరఫున, బిగ్‌ బాష్‌ లీగ్‌లో పెర్త్‌ స్కార్చర్స్‌, ఐపీఎల్‌లో లక్నో సూపర్‌ జెయింట్స్‌, ది హండ్రెడ్‌లో సన్‌రైజర్స్‌ లీడ్స్‌ తరఫున ఆడుతూ ఈ పరుగులు సాధించాడు.కోహ్లి, ఏబీడీ సరసన చోటుఈ ఏడాది టీ20ల్లో 1500 పరుగులు సాధించడంతో మార్ష్‌ విరాట్‌ కోహ్లి, ఏబీ డివిలియర్స్‌ సరసన చేరాడు. విరాట్‌ 2016లో 1614 పరుగులు చేయగా.. ఏబీడీ 2019లో 1580 పరుగులు చేశాడు. ఓవరాల్‌గా ఓ క్యాలెండర్‌ ఇయర్‌లో అత్యధిక టీ20 పరుగుల ప్రపంచ రికార్డు మాత్రం వెస్టిండీస్‌ స్టార్‌ నికోలస్‌ పూరన్‌ పేరిట ఉంది. 2024లో పూరన్‌ ఏకంగా 2331 పరుగులు చేశాడు.హండ్రెడ్‌లోనూ చరిత్రకు చేరువలో..!హండ్రెడ్‌లోనూ మార్ష్‌ మరో రికార్డుకు చేరువలో ఉన్నాడు. ఈ సీజన్‌లో ఇప్పటివరకు ఆడిన ఏడు ఇన్నింగ్స్‌ల్లో 374 పరుగులు చేసిన అతడు.. ఓ హండ్రెడ్‌ సీజన్‌లో అత్యధిక పరుగుల రికార్డుకు 51 పరుగుల దూరంలో ఉన్నాడు. ఈ రికార్డు ప్రస్తుతం జేమ్స్‌ విన్స్‌ పేరిట ఉంది. విన్స్‌ 2024లో సదర్న్‌ బ్రేవ్‌ తరఫున 424 పరుగులు చేశాడు.గత కొన్నేళ్లలో మార్ష్‌ తన బ్యాటింగ్‌ తీరును చాలా మార్చుకున్నాడు. ఒకప్పుడు ప్రధానంగా ఆల్‌రౌండర్‌గా కనిపించిన అతడు ఇప్పుడు టాపార్డర్‌లో విధ్వంసక బ్యాటర్‌గా మారాడు. మొత్తం టీ20 కెరీర్‌లో మార్ష్‌ ఇప్పటివరకు 7033 పరుగులు చేశాడు. అతడి సగటు 34.64 కాగా.. స్ట్రైక్‌రేట్‌ 141.48.

ఇంగ్లండ్‌కు చెందిన 33 ఏళ్ల జేక్‌ లిబ్బీ అనే అనామక బ్యాటర్‌ బ్యాటింగ్‌ దిగ్గజమైన విరాట్‌ కోహ్లి, టీమిండియా బ్యాటింగ్‌ సంచలనం రుతురాజ్‌ గైక్వాడ్‌ రికార్డులను బద్దలు కొట్టాడు. లిస్ట్-ఏ క్రికెట్‌లో అత్యధిక సగటు కలిగిన బ్యాటర్ల జాబితాలో వీరిద్దరిని అధిగమించి టాప్‌ ప్లేస్‌కు చేరాడు. ఇంగ్లండ్‌ కౌంటీ జట్టు వోర్సెస్టర్‌షైర్‌కు ప్రాతినిథ్యం వహించే లిబ్బీ​.. వన్డే కప్‌లో వరుసగా మూడు సెంచరీలు సాధించి, లిస్ట్-ఏ క్రికెట్‌లో అత్యధిక సగటు కలిగిన బ్యాటర్‌గా అవతరించాడు.లిస్ట్‌-ఏ క్రికెట్‌లో అత్యధిక బ్యాటింగ్‌ సగటుజేక్‌ లిబ్బీ​- 61.4 (18 హాఫ్‌ సెంచరీలు, 6 సెంచరీలు, 2456 పరుగులు)రుతురాజ్‌ గైక్వాడ్‌- 58.61 (20, 21, 5334)సామ్‌ హెయిన్‌- 58.18 (18, 10, 3084)మైకేల్‌ బెవాన్‌- 57.86 (116, 13, 15103)విరాట్‌ కోహ్లి- 57.8 (88, 59, 16591)లిబ్బీ​ తాజా సెంచరీ విషయానికొస్తే.. సర్రేపై 334 పరుగుల భారీ లక్ష్యాన్ని ఛేదించే క్రమంలో నాలుగో స్థానంలో బ్యాటింగ్‌కు దిగిన లిబ్బీ​, 96 బంతుల్లో అజేయమైన 109 పరుగులు చేసి తన జట్టును గెలిపించాడు. ఈ సెంచరీతో లిబ్బీ లిస్ట్-ఏ సగటు ఏకంగా 61.40కి చేరింది. లిస్ట్‌-ఏ చరిత్రలో కనీసం 2400 పరుగులు చేసిన బ్యాటర్లలో 60 సగటు దాటిన తొలి బ్యాటర్‌గానూ లిబ్బీ​ చరిత్ర సృష్టించాడు.వరుసగా మూడు సెంచరీలులిబ్బీ ప్రస్తుతం జరుగుతున్న వన్డే కప్‌లో అద్భుతమైన ఫామ్‌లో ఉన్నాడు. సర్రేపై 109 పరుగులతో పాటు అంతకుముందు ససెక్స్‌, మిడిల్సెక్స్‌, ఎసెక్స్‌పై కూడా సెంచరీలు సాధించాడు. వన్డే కప్‌లో లిబ్బీ ఇప్పటివరకు ఆడిన ఆరు ఇన్నింగ్స్‌ల్లో 3 సెంచరీలతో, 91.50 సగటున, 366 పరుగులు చేశాడు. తాజా ప్రదర్శనలతో లిబ్బీ​ ఇంగ్లండ్‌ వన్డే జట్టులోకి వస్తాడేమే చూడాలి.

టీమిండియా దిగ్గజ బ్యాటర్‌ విరాట్‌ కోహ్లి- అనుష్క శర్మ దంపతులకు భారత వెటరన్‌ పేసర్‌ మహ్మద్‌ షమీ మద్దతుగా నిలిచాడు. భార్యాభర్తలు పరస్పరం ఇష్టాలు గౌరవించుకుంటారని.. తమకు నచ్చినట్లు ఉండే స్వేచ్ఛ వారికి ఉందని పేర్కొన్నాడు.భారత్‌కు వచ్చిన ప్రతిసారీకోహ్లికి ప్రతీ విషయంలోనూ పూర్తి స్పష్టతతో ఉంటాడని.. అతడిని ఎవరూ పెద్దగా ప్రభావితం చేయలేరని షమీ పేర్కొన్నాడు. కాగా కోహ్లి గత కొన్నేళ్లుగా ఆధ్యాత్మిక బాట పట్టిన సంగతి తెలిసిందే. భార్య అనుష్క, పిల్లలు వామిక, అకాయ్‌లతో కలిసి లండన్‌లో సెటిల్‌ అయినప్పటికీ.. భారత్‌కు వచ్చిన ప్రతిసారీ ప్రేమానంద్‌ మహర్షిని కలిసేందుకు అతడు బృందావనం (UP) వెళ్తూ ఉంటాడు.జెన్‌ జీ నిరసనల సమయంలోనూ..ఇటీవల ఢిల్లీలో జంతర్‌ మంతర్‌ వద్ద నీట్‌ పేపర్‌ లీకేజీకి వ్యతిరేకంగా జెన్‌ జీ నిరసనలు చేస్తున్న వేళ కూడా అనుష్కతో కోహ్లి బృందావనానికి వెళ్లాడు. ఈ నేపథ్యంలో విరుష్క జోడీపై పెద్ద ఎత్తున విమర్శలు వచ్చాయి. ఓవైపు విద్యార్థులు, యువత ప్రభుత్వ జవాబుదారీతనం కోసం పోరాడుతుంటే.. అందరికీ రోల్‌మోడల్‌గా భావించే కోహ్లి కనీసం స్పందించకపోవడం ఏమిటనే ప్రశ్నలు తలెత్తాయి.అనుష్కను పెళ్లి చేసుకున్న తర్వాతే కోహ్లి ఇలా మారిపోయాడని.. విద్యార్థుల పక్షాన నిలబడే చిన్న ప్రయత్నం కూడా చేయలేదని నెటిజన్లు అతడిపై మండిపడ్డారు. ఈ విషయం గురించి.. ఇటీవల ‘టైమ్స్‌ నౌ’కు ఇచ్చిన ఇంటర్వ్యూలో షమీకి ప్రశ్న ఎదురైంది.ఒక్కసారి నమ్మితే ప్రాణం పెడతాడుఇందుకు స్పందిస్తూ.. ‘‘అవును అతడు ఆధ్యాత్మిక భావనలో ఉన్నాడు. ఇదేమీ అకస్మాత్తుగా ఇప్పుడే జరిగింది కాదే. తాను నమ్మిన వ్యక్తి, వ్యవస్థ కోసం కోహ్లి నిలబడతాడు. ఒక్కసారి నమ్మితే ప్రాణం పెడతాడు. మహారాజ్‌ను కలవడం అతడి సొంత ఇష్టం.అనుష్క శర్మ అలా చేస్తే తప్పేంటి?ఇందులో మనం అభ్యంతరం చెప్పడానికి ఏమీ లేదు. ఎవరి నమ్మకాలు, ఇష్టాలు వాళ్లవి. మీరు ఏది నమ్మితే దానికే ప్రాధాన్యం ఇస్తారు కదా. కోహ్లి కూడా అంతే. అనుష్క- కోహ్లి భార్యాభర్తలు. ఒకవేళ ఆమె అతడిని ఆధ్యాత్మికత వైపు నడిపించి ఉంటే.. అందులో తప్పేముంది?దాని వల్ల ఎవరికైనా నష్టం వాటిల్లిందా? అసలు ఇందులో ఆమెను తప్పుబట్టడానికి ఏముందో నాకైతే అర్థం కావడం లేదు’’ అని షమీ విరుష్క జోడీని సమర్థించాడు. కాగా కోహ్లి ఇటీవల ఇంగ్లండ్‌తో వన్డే సిరీస్‌ సందర్భంగా టీమిండియా తరఫున బరిలోకి దిగాడు. ఇక షమీ గతేడాది చివరగా భారత జట్టుకు ప్రాతినిథ్యం వహించాడు.చదవండి: ఆర్నెళ్లు లేదంటే ఏడాది బ్రేక్‌ తీసుకో!

భారత దిగ్గజ బ్యాటర్‌ వీరేందర్‌ సెహ్వాగ్‌ ఆసక్తికర వ్యాఖ్యలు చేశాడు. టీమిండియా హెడ్‌కోచ్‌గా తనకు గతంలో అవకాశం వచ్చిందని.. అయితే, తనకు స్వేచ్ఛనిస్తేనే ఈ పనిచేస్తానని యాజమాన్యంతో కరాఖండిగా చెప్పినట్లు తెలిపాడు.కాగా 2017లో టీమిండియా హెడ్‌కోచ్‌గా ఉన్న అనిల్‌ కుంబ్లే, కెప్టెన్‌గా ఉన్న విరాట్‌ కోహ్లి మధ్య విభేదాలు వచ్చినట్లు ఊహాగానాలు వినిపించిన సంగతి తెలిసిందే. ఆ సమయంలోనే కోచ్‌గా తనకు ఆఫర్‌ వచ్చిందని సెహ్వాగ్‌ తాజాగా గుర్తుచేసుకున్నాడు. క్రికెట్‌నెక్ట్స్‌తో మాట్లాడుతూ..వాళ్లిద్దరికి పడట్లేదు‘‘ఆరోజు బీసీసీఐ కార్యదర్శి అమితాబ్‌ చౌదరి, కెప్టెన్‌ విరాట్‌ కోహ్లి గనుక నన్ను సంప్రదించకపోయి ఉంటే.. నేను అస్సలు కోచ్‌ పదవి కోసం దరఖాస్తు చేసేవాడినే కాదు. అమితాబ్‌ నాతో అధికారికంగా సమావేశం నిర్వహించాడు. అనిల్‌ కుంబ్లే, విరాట్‌ కోహ్లికి పడటం లేదని.. ఇద్దరి మధ్య అభిప్రాయ భేదాలు తలెత్తాయని చెప్పాడు.నువ్వు టీమిండియా కోచ్‌గా రావాలిఅందుకే నేను కోచ్‌గా రావాలని వారు కోరుకుంటున్నట్లు తెలిపాడు. చాంపియన్స్‌ ట్రోఫీ 2017 తర్వాత అనిల్‌ కాంట్రాక్టు ముగిసిపోతుందని.. ఆ వెంటనే వెస్టిండీస్‌ పర్యటన నుంచి నేను బాధ్యతలు చేపట్టాలని సూచించాడు. అయితే, నేను అప్పుడు యస్‌ అని గానీ.. నో అని గానీ చెప్పలేదు. నాకు ఆ ఛాన్స్‌ ఇవ్వలేదుఒకవేళ నేను కోచ్‌గా వస్తే మాత్రం నేను కోరుకున్న సహాయక సిబ్బందినే నియమించాలని చెప్పేవాడిని. అసిస్టెంట్‌ కోచ్‌, బ్యాటింగ్‌ కోచ్‌, బౌలింగ్‌ కోచ్‌, ఫీల్డింగ్‌ కోచ్‌, ఫిజియో, ట్రైనర్‌.. ఇలా ప్రతి ఒక్కరి విషయంలో నా ఛాయిస్‌కు ప్రాధాన్యం ఇవ్వాలని కోరేవాడిని. కానీ నాకు ఆ ఛాన్స్‌ ఇవ్వలేదు. అందుకే నేను వెళ్లలేదు’’ అని సెహ్వాగ్‌ చెప్పుకొచ్చాడు.కాగా 2017 జూన్‌లో కుంబ్లే హెడ్‌కోచ్‌ పదవి నుంచి వైదొలిగిన సంగతి తెలిసిందే. అతడి స్థానంలో సంజయ్‌ బంగర్‌ నాడు తాత్కాలిక కోచ్‌గా వచ్చాడు. ఇక ఆ తర్వాత జూలై 2017 నుంచి 2021 వరకు రవిశాస్త్రి హెడ్‌కోచ్‌గా పనిచేశాడు.ఇక రవిశాస్త్రి- కోహ్లి నేతృత్వంలో టెస్టు ఫార్మాట్లో టీమిండియా మంచి విజయాలు అందుకుంది. ఇదిలా ఉంటే.. భారత విధ్వంసకర ఓపెనర్‌గా పేరొందిన సెహ్వాగ్‌.. టెస్టుల్లో 8586, వన్డేల్లో 8273, టీ20లలో 394 పరుగులు సాధించాడు.చదవండి: గంభీర్‌పై ఫిర్యాదు చేసిన సీనియర్‌ ప్లేయర్లు!

విరాట్‌ కోహ్లీ, గౌతమ్‌ గంభీర్‌ మధ్య 2013 ఐపీఎల్‌లో జరిగిన వివాదం మరోసారి చర్చకు వచ్చింది. ఈ ఘటనపై మాజీ అంతర్జాతీయ అంపైర్‌ అనిల్‌ చౌదరి తాజాగా సంచలన వ్యాఖ్యలు చేశాడు.2013లో రాయల్‌ ఛాలెంజర్స్‌ బెంగళూరు తరఫున ఆడుతున్న కోహ్లీ ఔటైన తర్వాత, అప్పటి కోల్‌కతా నైట్‌ రైడర్స్‌ కెప్టెన్‌ గంభీర్‌ తన సహచరులతో కలిసి సంబరాలు చేసుకున్నాడు. ఆ సమయంలో కోహ్లీ-గంభీర్‌ మధ్య మాటల యుద్ధం మొదలై, చివరకు తీవ్ర వాగ్వాదానికి దారితీసింది. రజత్‌ భాటియా ఇద్దరినీ విడదీశాడు.‘ఏదో జరుగుతుందని తెలుసు’జియోస్టార్‌ ‘చీకీ సింగిల్స్‌’ కార్యక్రమంలో అనిల్‌ చౌదరి ఆ ఘటనను గుర్తు చేసుకున్నాడు. ఉత్తర భారత క్రికెటర్లలో సహజంగానే దూకుడు ఎక్కువగా ఉంటుందని, అలాంటి దూకుడు ఆటలో అవసరమేనని చౌదరి చెప్పాడు. అయితే ఆ దూకుడు హద్దు దాటకూడదని స్పష్టం చేశాడు.‘కోహ్లీకి ఎలాంటి దురుద్దేశం ఉండదు’కోహ్లీని చిన్నప్పటి నుంచే తాను చూస్తున్నానని చౌదరి తెలిపాడు. కోహ్లీకి ఎలాంటి దురుద్దేశం ఉండదని, అయితే కొన్నిసార్లు అతని స్పందన చాలా దూకుడుగా ఉంటుందని అన్నాడు.అంపైర్‌ నిర్ణయం సరైనదని అనిపిస్తే కోహ్లీ అభినందిస్తాడని, ఓవర్ల మధ్యలో వచ్చి సరదాగా మాట్లాడే స్వభావం కూడా అతనికి ఉందని చౌదరి పేర్కొన్నాడు. ఇలాంటి ఉత్సాహభరితమైన ఆటగాళ్లు ఉండటం వల్లే క్రికెట్‌కు ప్రత్యేకమైన ఉత్సాహం వస్తుందని చెప్పాడు.పదేళ్ల తర్వాత మళ్లీ వివాదం2013 ఘటన తర్వాత 2023 ఐపీఎల్‌లో కోహ్లీ, గంభీర్‌ మరోసారి తీవ్ర వాగ్వాదానికి దిగారు. లక్నో సూపర్‌ జెయింట్స్‌తో మ్యాచ్‌ అనంతరం కోహ్లీ, నవీన్‌ ఉల్‌ హక్‌ మధ్య వివాదం మొదలై, అనంతరం గంభీర్‌తోనూ మాటల యుద్ధానికి దారితీసింది.ప్రస్తుతం గంభీర్‌ భారత జట్టు హెడ్‌ కోచ్‌గా, కోహ్లీ వన్డే జట్టులో కీలక ఆటగాడిగా కొనసాగుతున్న నేపథ్యంలో, 2013 నాటి ఘటనపై అంపైర్‌ చేసిన వ్యాఖ్యలు మరోసారి అభిమానుల దృష్టిని ఆకర్షించాయి.

వచ్చే ఏడాది మరో ఐసీసీ మెగా టోర్నమెంట్‌ క్రికెట్‌ ప్రేమికులను అలరించనుంది. సౌతాఫ్రికా, జింబాబ్వే, నమీబియా వేదికలుగా అక్టోబరు- నవంబరు మధ్య వన్డే ప్రపంచకప్‌-2027 నిర్వహణకు షెడ్యూల్‌ ఖరారైంది. ఈ నేపథ్యంలో టీమిండియా బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మపైనే కళ్లన్నీ నిలిచాయి.రో-కో ఆడతారా?వీరిద్దరు ఈ మెగా టోర్నీ ఆడతారా? లేదా అన్న సందేహాలు అభిమానుల్లో నెలకొన్నాయి. అయితే, ఇటీవల మంచి ఫామ్‌తో అలరిస్తున్న రో-కో తాము మాత్రం ప్రపంచకప్‌ టోర్నీకి సిద్ధంగా ఉన్నామని బలమైన సంకేతాలు ఇచ్చారు. యాజమాన్యం కూడా అనుభవానికి పెద్దపీట వేసి రోహిత్‌- కోహ్లిని ఆడించే అవకాశాలు ఎక్కువగానే ఉన్నాయి.ఊహించని పేరు!ఈ నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ కీలక వ్యాఖ్యలు చేశాడు. వెటరన్‌ ఫాస్ట్‌ బౌలర్‌ భువనేశ్వర్‌ కుమార్‌ను వన్డే ప్రపంచకప్‌ టోర్నీలో పాల్గొనే భారత జట్టుకు ఎంపిక చేయాలని సెలక్టర్లకు విజ్ఞప్తి చేశాడు. సౌతాఫ్రికాలో భువీ సేవలు జట్టుకు అవసరమని అభిప్రాయపడ్డాడు.ఈఎస్‌పీఎన్‌క్రిక్‌ఇన్ఫోతో మాట్లాడుతూ.. ‘‘అవును భువనేశ్వర్‌ కుమార్‌ ప్రపంచకప్‌ జట్టులో ఉండాలి. నేను అతడితో ఈ విషయం గురించి మాట్లాడతాను. దేశీ​ క్రికెట్‌లో భువీ అన్ని టోర్నీలు ఆడాలి. ఫస్ట్‌క్లాస్‌ క్రికెట్‌, వన్డే టోర్నీ విజయ్‌ హజారే ట్రోఫీ.. ఇలా అన్నీ ఆడాలి.అక్కడ సత్తా చాటితే సౌతాఫ్రికాకు తప్పక వెళ్లగలడు. అక్కడ జట్టుకు అతడి అవసరం ఎంతగానో ఉంటుంది’’ అని అశూ పేర్కొన్నాడు. కాగా 36 ఏళ్ల భువనేశ్వర్‌ కుమార్‌ 2022లో చివరగా టీమిండియాకు ప్రాతినిథ్యం వహించాడు. ఆ తర్వాత దేశీ క్రికెట్‌, ఐపీఎల్‌పై దృష్టి పెట్టిన భువీ.. ఆయా టోర్నీల్లో సత్తా చాటుతున్నాడు.నిలకడగా రాణిస్తున్న భువీముఖ్యంగా ఐపీఎల్‌లో రాయల్‌ చాలెంజర్స్‌ బెంగళూరు వరుసగా రెండు ట్రోఫీలు గెలవడంలో స్వింగ్‌ సుల్తాన్‌ భువీది కీలక పాత్ర. ఆర్సీబీ తరఫున 2025, 2026 సీజన్లలో కలిపి ఈ రైటార్మ్‌ పేసర్‌ 45 వికెట్లు కూల్చాడు. ఇక సౌతాఫ్రికాలో బౌన్సీ పిచ్‌లు ఉంటాయన్న సంగతి తెలిసిందే. ఈ నేపథ్యంలోనే అశ్విన్‌ భువీని వరల్డ్‌కప్‌లో ఆడిస్తే బాగుంటుందని అభిప్రాయపడ్డాడు.వన్డే వరల్డ్‌కప్‌-2027 టోర్నీకి అశూ ఎంచుకున్న భారత జట్టుశుబ్‌మన్‌ గిల్‌ (కెప్టెన్‌), రోహిత్‌ శర్మ, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌ (వికెట్‌ కీపర్‌), ఇషాన్‌ కిషన్‌ (వికెట్‌ కీపర్‌), అక్షర్‌ పటేల్‌, హార్దిక్‌ పాండ్యా, కుల్దీప్‌ యాదవ్‌, హర్షిత్‌ రాణా, మహ్మద్‌ సిరాజ్‌, జస్‌ప్రీత్‌ బుమ్రా, భువనేశ్వర్‌ కుమార్‌రిజర్వు ప్లేయర్లు: యశస్వి జైస్వాల్‌, ప్రసిద్ కృష్ణ, వరుణ్‌ చక్రవర్తి, రవీంద్ర జడేజా, అర్ష్‌దీప్‌ సింగ్‌.చదవండి: వైభవ్‌ను వైస్‌ కెప్టెన్‌గా ఎలా ఎంపిక చేస్తారు?

అంత‌ర్జాతీయ క్రికెట్‌కు వీడ్కోలు ప‌లికిన అజింక్య ర‌హానేకు టీమిండియా స్టార్ విరాట్ కోహ్లి అభినంద‌న‌లు తెలిపాడు. సుదీర్ఘ కాలం దేశానికి ప్రాతినిధ్యం వహించిన అతడి కెరీర్ గొప్పగా సాగిందని పేర్కొన్న విరాట్.. ఇకపై కూడా అతడికి అంతా మంచే జరగాలని ఆకాంక్షించాడు. ఎన్నో ఏళ్లు తామిద్ద‌రం క‌లిసి దేశానికి ఆడామ‌ని, జింక్స్ త‌న పార్ట‌న‌ర్ అవ్వ‌డం చాలా సంతోషంగా ఉంద‌ని కోహ్లి తెలిపాడు. ‘జింక్స్.. నీ క్రికెట్ కెరీర్ గొప్పగా సాగినందుకు అభినందనలు. భారత క్రికెటర్‌గా నువ్వు అద్భుతాలు చేశావు. నీ ఈ ప్రయాణం పట్ల నువ్వు చాలా గర్వపడాలి. స్లిప్‌లో నీ చేతులు చాలా సురక్షితమైనవి. టెస్టుల్లో నాకు ఇష్టమైన భాగస్వామివి నువ్వే. నువ్వు ఎల్లప్పుడూ బాగుండాలి. దేవుడి ఆశీర్వాదం నీకు ఉంటుంది’ అని కోహ్లీ తన పోస్ట్‌లో వెల్లడించాడు.కోహ్లి హయాంలోనే స్టార్‌ హోదా..ఇక కోహ్లీ కెప్టెన్సీలోనే రహానే కెరీర్ గొప్పగా సాగింది. కోహ్లి హయాంలోనే అతడు వైస్ కెప్టెన్‌గా, మిడిలార్డ‌ర్‌ బ్యాటర్‌గానూ స్థిరంగా రాణించాడు. కోహ్లి, ర‌హానేలు క‌లిసి టీమిండియా త‌ర‌ఫున 67 టెస్టుల్లో ఆడారు. వీరిద్ద‌రు క‌లిసి 3,661 ప‌రుగులు జోడించారు. ఇందులో 10 శ‌త‌క భాగ‌స్వామ్యాలున్నాయి. ఈ ఇద్ద‌రి మధ్య టెస్టుల్లో అత్య‌ధిక ప‌రుగుల భాగ‌స్వామ్యం 2016లో న్యూజిలాండ్‌తో టెస్టులో (365 ప‌రుగులు) న‌మోదయ్యింది. ఇక ఇద్ద‌రు క‌లిసి 33 వ‌న్డేలు ఆడి 1717 ప‌రుగులు జోడించారు. ఇందులో ఆరు శ‌త‌క భాగ‌స్వామ్యాలున్నాయి. అయితే మూడేళ్ల క్రితం వరకు కోహ్లి, పుజారా, ర‌హానే, రోహిత్‌.. వీళ్లు లేని భార‌త టెస్టు జట్టును ఊహించ‌లేం. ఎందుకంటే.. సుదీర్గ అనుభ‌మున్న ఈ న‌లుగురికి క‌ష్ట స‌మ‌యంలో ఇన్నింగ్స్ నిర్మించ‌డం, ప్రత్యర్ధి బౌల‌ర్లను విసిగించ‌డం ఎలాగో బాగా తెలుసు. టీమిండియా వ‌రుస‌గా రెండుసార్లు డ‌బ్ల్యూటీసీ ఫైన‌ల్‌కు చేర‌డంలో ఈ న‌లుగురు కీల‌క పాత్ర పోషించారు. అంతేకాదు టెస్టుల్లో రోహిత్ సేన‌ అగ్రస్థానంలో నిల‌వ‌డంలో వీళ్ల పాత్ర మ‌రువ‌లేనిది.ఫస్ట్ క్లాస్‌లో నిలకడగా రాణించిన రహానే 2013లో ఆస్ట్రేలియాపై మ్యాచ్‌తో టెస్టులో అరంగేట్రం చేశాడు. తన డిఫెన్స్, నిబద్ధతో ర‌హానే అనతికాలంలోనే జట్టులో కీలక ఆటగాడిగా ఎదిగాడు. 15 ఏళ్ల అంత‌ర్జాతీయ కెరీర్‌లో ర‌హానే 85 టెస్టుల్లో 5,077 ప‌రుగులు చేశాడు. ఇందులో 12 సెంచ‌రీలు, 26 అర్ధ‌సెంచ‌రీలున్నాయి. ఇక 90 వ‌న్డే మ్యాచ్‌ల్లో 2,962 ప‌రుగులు సాధించిన ర‌హానే ఖాతాలో మూడు సెంచ‌రీలు, 24 అర్ధ‌శ‌తకాలు ఉన్నాయి. టీ20 క్రికెట్‌లో 20 మ్యాచ్‌లాడిన ర‌హానే 375 ప‌రుగులు సాధించాడు. ఇందులో ఒక ఫిఫ్టీ ఉంది. Jinks, congratulations on a great career, buddy. You’ve done wonders for Indian cricket, and you can be very proud of your journey. The safest pair of hands in the slips and my favourite Test batting partner. Wishing you well always. God bless. 🤝🇮🇳@ajinkyarahane88 pic.twitter.com/bHGaas41gO— Virat Kohli (@imVkohli) July 30, 2026

భార‌త క్రికెట్‌లో ఒక శ‌కం ముగిసింది. సీనియ‌ర్ బ్యాట‌ర్ అజింక్య ర‌హానే అంత‌ర్జాతీయ క్రికెట్‌కు గురువారం రిటైర్మెంట్ ప్ర‌క‌టించాడు. అయితే రహ‌నే త‌న 15 ఏళ్ల సుదీర్ఘ కెరీర్‌లో కేవ‌లం ఒక ప్లేయ‌ర్‌గా మాత్రమే కాదు కెప్టెన్‌గా కూడా విజ‌య‌వంత‌మ‌య్యాడు.సహచరులు ప్రేమగా ‘జింక్స్’ అని పిలుచుకునే ఈ స్టార్ బ్యాటర్.. నిజంగానే ఆస్ట్రేలియా గ‌డ్డ‌పై భార‌త్‌కు ఉన్న‌ ‘జింక్స్’ (దుర‌దృష్టం)కు చెక్‌పెట్టాడు. అతడి సారథ్యంలోనే ఆస్ట్రేలియాతో జరిగిన బోర్డర్‌-గవాస్కర్ ట్రోఫీ(2020-21)ని టీమిండియా సొంతం చేసుకుంది.ఓట‌మెరుగని సార‌థివిరాట్ కోహ్లి సార‌థ్యంలోని భార‌త జ‌ట్టు 2020 ఏడాది ఆఖ‌రిలో బోర్డ‌ర్-గ‌వాస్కర్ ట్రోఫీలో త‌ల‌పడేందుకు ఆస్ట్రేలియా ప‌ర్య‌ట‌న‌కు వెళ్లింది. అడిలైడ్ వేదిక‌గా జ‌రిగిన తొలి టెస్ట్‌లో టీమిండియా కేవలం 36 ప‌రుగుల‌కే ఆలౌటై ఘోర ప‌రాభవాన్ని మూట‌క‌ట్టుకుంది. అయితే ఈ ఓట‌మి త‌ర్వాత కెప్టెన్ కోహ్లి వ్యక్తిగత కారణాలతో స్వదేశానికి తిరిగి వచ్చాడు.ఆ క్లిష్ట సమయంలో జట్టు బాధ్యతలను రహానే భుజానెత్తుకున్నాడు. నాలుగు టెస్టుల సిరీస్‌లోని మిగిలిన మూడు మ్యాచ్‌ల్లో జట్టును ముందుండి నడిపించి, 2-1తో భారత్‌కు చారిత్ర‌త్మ‌క‌ విజయాన్ని అందించాడు. మెల్‌బోర్న్ వేదిక‌గా జ‌రిగిన రెండో టెస్టులో అత‌డు సాధించిన వీరోచిత సెంచ‌రీ స‌గటు క్రికెట్ అభిమాని ఎప్ప‌టికి మర్చిపోడు. అయితే త‌న కెరీర్‌లో ఎక్కువ భాగం లీడర్‌షిప్ గ్రూప్‌లో ఉన్నప్పటికీ.. ఈ ముంబై క్రికెటర్‌కు భార‌త జ‌ట్టు పూర్తి స్థాయి కెప్టెన్‌గా వ్యవహరించే అవకాశం ఎప్పుడూ లభించలేదు. రెగ్యుల‌ర్ కెప్టెన్‌లు అందుబాటులో లేని చాలా సంద‌ర్భాల్లో జ‌ట్టును ర‌హానే న‌డిపించాడు. అయితే కెప్టెన్ల‌గా ధోని, విరాట్ కోహ్లి, రోహిత్ శ‌ర్మ‌కు కూడా సాధ్యం కాని ఓ రికార్డును ర‌హానే సాధించాడు. కనీసం 5 టెస్టు మ్యాచ్‌లకు సారథ్యం వహించిన భారత కెప్టెన్లలో అత్యధిక గెలుపు శాతాన్ని కలిగి ఉన్న రికార్డును ర‌హానే సొంతం చేసుకున్నాడు. అతడి నాయకత్వంలో ఆరు టెస్టులు ఆడిన భారత్‌.. ఒక్క మ్యాచ్‌ కూడా ఓడిపోలేదు.ఇందులో 4 విజయాలు, 2 డ్రాలు ఉన్నాయి. వన్డేల్లోనూ కెప్టెన్‌గా తన మార్క్‌ను చూపించాడు. వన్డేల్లో జింబాబ్వేపై మూడు మ్యాచ్‌లకు కెప్టెన్‌గా వ్యవహరించి మూడింట్లోనూ గెలిపించాడు. టీ20ల్లో అతడి సారథ్యంలో భారత్ ఒక విజయం, ఒక ఓటమి నమోదు చేసింది. మొత్తంగా రహానే భారత జట్టును 11 అంతర్జాతీయ మ్యాచ్‌ల్లో నడిపించగా, కేవలం ఒక్క మ్యాచ్‌లో మాత్రమే ఓటమి చవిచూశాడు.కెప్టెన్‌గా అజింక్య రహానే ట్రాక్ రికార్డు:వన్డే (vs జింబాబ్వే): గెలుపు (4 పరుగుల తేడాతో)వన్డే (vs జింబాబ్వే): గెలుపు (62 పరుగుల తేడాతో)వన్డే (vs జింబాబ్వే): గెలుపు (83 పరుగుల తేడాతో)టి20 (vs జింబాబ్వే): గెలుపు (54 పరుగుల తేడాతో)టి20 (vs జింబాబ్వే): ఓటమి (10 పరుగుల తేడాతో)టెస్టు (vs ఆస్ట్రేలియా): గెలుపు (8 వికెట్లతో)టెస్టు (vs అఫ్గానిస్తాన్): గెలుపు (ఇన్నింగ్స్ & 262 పరుగులతో)టెస్టు (vs ఆస్ట్రేలియా): గెలుపు (8 వికెట్లతో)టెస్టు (vs ఆస్ట్రేలియా): డ్రాటెస్టు (vs ఆస్ట్రేలియా): గెలుపు (3 వికెట్లతో)టెస్టు (vs న్యూజిలాండ్): డ్రా

టీమిండియా స్టార్ విరాట్ కోహ్లి- బాలీవుడ్ నటి అనుష్క శ‌ర్మ దంప‌తులు మ‌రోసారి వార్త‌ల్లో నిలిచారు. ఈ జంట ముంబైలోని వర్సోవా ప్రాంతంలో ఓ లగ్జరీ అపార్ట్‌మెంట్‌ను కొనుగోలు చేశారు. రియల్ ఎస్టేట్ ప్లాట్‌ఫారమ్ జాప్‌కీ.కామ్ ప్రకారం.. ఈ ఫ్లాట్ కొనుగోలు చేసేందుకు విరుష్క జోడీ రూ. 18.29 కోట్లు చెల్లించిన‌ట్లు తెలుస్తోంది. ఈ ఫ్లాట్ సుమారు 2,644 చదరపు అడుగుల విస్తీర్ణంలో ఉంది. ప్లాట్‌తో పాటు మూడు కార్ పార్కింగ్ స్లాట్‌లు కేటాయించబడ్డాయి. దీనికి సంబంధించి జూలై 21న‌ రిజిస్ట్రేషన్ జరిగినట్లు సమాచారం. దీని కోసం కోహ్లీ దంపతులు రూ.1.09 కోట్ల స్టాంప్ డ్యూటీతో పాటు రూ. 30,000 రిజిస్ట్రేషన్ ఛార్జీలు చెల్లించారు. కాగా ముంబైలోని వ‌ర్లీలో ఇప్ప‌టికే వీరికి లగ్జరీ అపార్ట్‌మెంట్ ఉన్న విషయం తెలిసిందే. అయితే కోహ్లి ఫ్యామిలీ ఎక్కువ‌గా లండ‌న్‌లో ఉంటుంది. అక్క‌డ కూడా విలాసవంతమైన ఇంటిని కోహ్లి కొనుగోలు చేశాడు.చివరగా ఇంగ్లండ్‌తో వన్డే సిరీస్‌లో భారత తరపున బరిలోకి దిగిన కింగ్‌ కోహ్లి.. ప్రస్తుతం విశ్రాంతి తీసుకుంటున్నాడు. సెప్టెంబర్‌ 27న వెస్టిండీస్‌తో జరగనున్న వన్డేలో కోహ్లి తిరిగి భారత జెర్సీలో కనిపించనున్నాడు.

జింబాబ్వేతో జరిగిన రెండో టీ20లో భారత వికెట్‌కీపర్ బ్యాటర్ ఇషాన్ కిషన్ ఓ అరుదైన ఘనత సాధించాడు. ఈ మ్యాచ్‌లో 44 బంతుల్లో 81 పరుగులు (9 ఫోర్లు, 2 సిక్సర్లు) చేసిన అతను.. ఓ క్యాలెండర్‌ ఇయర్‌లో అత్యధిక అంతర్జాతీయ టీ20 పరుగులు చేసిన బ్యాటర్ల జాబితాలో బ్యాటింగ్‌ దిగ్గజం విరాట్‌ కోహ్లిని అధిగమించాడు. తాజా ఇన్నింగ్స్‌తో ఈ ఏడాది ఇషాన్‌ టీ20 పరుగుల సంఖ్య 783 పరుగులకు చేరగా.. 2022లో విరాట్ 781 పరుగులు చేశాడు. ఈ జాబితాలో పాక్‌ ఆటగాడు మహ్మద్‌ రిజ్వాన్‌ (2021లో 1326 పరుగులు) టాప్‌ ప్లేస్‌లో ఉన్నాడు. భారత్‌ తరఫున మాజీ కెప్టెన్‌ సూర్యకుమార్‌ యాదవ్‌ (2022లో 1164 పరుగులు) అగ్రస్థానంలో ఉన్నాడు. ప్రస్తుతం సూపర్‌ ఫామ్‌లో ఉన్న ఇషాన్‌ ఈ ఏడాది స్కై రికార్డును కూడా బద్దలు కొట్టే అవకాశం ఉంది. మరో 381 పరుగులు చేస్తే స్కై రికార్డు.. మరో 543 పరుగులు చేస్తే మహ్మద్ రిజ్వాన్‌ను కూడా అధిగమించి ప్రపంచ రికార్డు నెలకొల్పవచ్చు.భారత్‌కు ఈ ఏడాది ఇంకా వెస్టిండీస్, న్యూజిలాండ్, శ్రీలంకలతో టీ20 సిరీస్‌లు ఉండటంతో పాటు ఆసియా క్రీడల్లో కూడా ఆడే అవకాశం ఉంది. దీంతో ఇషాన్ కిషన్‌కు ఈ రికార్డులను బద్దలు కొట్టే అవకాశాలు మెండుగా ఉన్నాయి.ఓ క్యాలెండర్ ఇయర్‌లో అత్యధిక టీ20 అంతర్జాతీయ పరుగులు చేసిన ఆటగాళ్లు:* 1326 – మహ్మద్ రిజ్వాన్ (2021)* 1164 – సూర్యకుమార్ యాదవ్ (2022)* 996 – మహ్మద్ రిజ్వాన్ (2022)* 939 – బాబర్ ఆజమ్ (2021)* 936 – బ్రియాన్ బెన్నెట్ (2025)* 859 – అభిషేక్ శర్మ (2025)* 783 – ఇషాన్ కిషన్ (2026)* 781 – విరాట్ కోహ్లీ (2022)మ్యాచ్‌ విషయానికొస్తే.. ఇషాన్‌ రికార్డు ఇన్నింగ్స్‌ కారణంగా తొలుత బ్యాటింగ్‌ చేసిన భారత్‌ భారీ స్కోరు (219-5) సాధించింది. అనంతరం అభిషేక్‌ మూడు, యశ్ ఠాకూర్, ప్రిన్స్ యాదవ్ చెరో రెండు వికెట్లు తీయడంతో జింబాబ్వే 129 పరుగులకే ఆలౌటై, 90 పరుగుల భారీ తేడాతో పరాజయంపాలైంది. ఫలితంగా భారత్‌ మూడు మ్యాచ్‌ల ఈ సిరీస్‌ను 2-0తో కైవసం చేసుకుంది. ఈ సిరీస్‌లోని తొలి మ్యాచ్‌ టీమిండియానే గెలిచింది. నామమాత్రపు మూడో టీ20 ఇవాళే (జులై 26) జరుగనుంది. భారత టీ20 జట్టు కెప్టెన్‌గా శ్రేయస్‌ అ‍య్యర్‌కు ఇది తొలి సిరీస్‌ విజయం.

ఐపీఎల్ 2026 సీజ‌న్ స‌మ‌యంలో విరాట్ కోహ్లి, ట్రావిస్ హెడ్‌ల మ‌ధ్య షేక్ హ్యాండ్ ఘ‌ట‌న ఎంత పెద్ద వివాదంగా మారిందో ప్ర‌త్యేకంగా చెప్ప‌న‌వ‌స‌రం లేదు. తాజాగా ఐపీఎల్ ముగిసిన రెండు నెల‌ల త‌ర్వాత హెడ్ 'హ్యాండ్‌షేక్‌' వివాదం ఘ‌ట‌న‌పై మౌనం వీడాడు. ఈ సంఘ‌ట‌న త‌ర్వాత హెడ్‌, కోహ్లి మ‌ధ్య బంధం పూర్తిగా చెడిపోయిందంటూ వార్త‌లు కూడా వ‌చ్చాయి. తాజాగా ఈ పుకార్ల‌పై హెడ్ స్పందిస్తూ.. 'మా మధ్య ప్యాచ్-అప్ (రాజీ) చేసుకోవడానికి ఏమీ లేదు. కోహ్లితో నా సంబంధాలు ఎప్పటిలాగే సాధారణంగా ఉన్నాయి. మైదానంలో ఏం జరిగిందో అది లీగ్ ప్రక్రియలో భాగమే తప్ప, మా మధ్య ఎలాంటి వివాదం లేదు' అని స్పష్టం చేశాడు. అయితే మైదానంలో జ‌రిగే విష‌యాల‌ను ఒక ప్రొఫెష‌న‌ల్ క్రికెట‌ర్‌గా స్వీక‌రిస్తాన‌ని, కానీ సోష‌ల్ మీడియాలో త‌న కుటుంబాన్ని టార్గెట్ చేయ‌డం బాధించింద‌ని హెడ్ ఆవేద‌న వ్య‌క్తం చేశాడు.'ఇలాంటి ఘ‌ట‌న‌లు క్రీడా ప్ర‌పంచంలో స‌హ‌జ‌మేన‌ని నేను, జెస్సికా ముందే గ్రహించాం. కానీ కొంత‌మంది ప‌నిగ‌ట్టుకొని నా కుటుంబంపై అసభ్య‌క‌ర కామెంట్లు చేయ‌డం కాస్త ఇబ్బందిగా అనిపించింది. జెస్సికా ఈ పరిస్థితిపై చాలా ప‌రిణితితో వ్య‌వ‌హ‌రించ‌డంతోనే స‌మ‌స్య పెద్ద‌ది కాలేదు. మ‌రో ఐపీఎల్ వ‌చ్చేస‌రికి ఇలాంటి సంఘ‌ట‌న‌లు అంద‌రూ మ‌ర్చిపోతారు. కానీ ఇలాంటి విష‌యాల‌ను సీరియ‌స్‌గా తీసుకుంటున్న కొంద‌రు మాత్రం అదే ప‌నిగా ఆట‌గాళ్ల కుటుంబాల‌ను సోష‌ల్ మీడియా వేదిక‌గా టార్గెట్ చేసి వేధించ‌డం నిజంగా బాధాక‌రం.' అని హెడ్ విచారం వ్య‌క్తం చేశాడు.ఆరోజు ఏం జ‌రిగింది?ఐపీఎల్ 2026 సీజ‌న్‌లో మే 22న జరిగిన ఆర్సీబీ-ఎస్‌ఆర్‌హెచ్‌ మ్యాచ్‌లో ఇది చోటుచేసుకుంది. ఆర్సీబీ ఇన్నింగ్స్‌ 4వ ఓవర్‌లో వెంకటేష్‌ అయ్యర్‌ భారీ షాట్లు ఆడుతుండగా.. కోహ్లి హెడ్‌ పట్ల చాలా ఆగ్రహంగా ఉన్నట్లు కనిపించాడు. నువ్వే వచ్చి బౌలింగ్‌ చేయ్యి అంటూ సైగలు చేయడం కెమెరాల్లో స్పష్టంగా కనిపించింది. హెడ్‌ మాత్రం చిరునవ్వుతో స్పందించి అక్కడి నుంచి వెళ్లిపోయాడు.మ్యాచ్‌ అనంతరం ఆటగాళ్లు పరస్పరం హ్యాండ్‌షేక్‌లు చేసుకుంటుండగా.. కోహ్లి హెడ్‌ పట్ల మరోసారి అవమానకరంగా ప్రవర్తించాడు. కమిన్స్‌, అభిషేక్‌ శర్మలతో మాట్లాడి.. హెడ్‌ వద్దకు వచ్చేసరికి మాత్రం ఎలాంటి స్పందన లేకుండా ముందుకు సాగిపోయాడు. కోహ్లి ఇలా చేయడం అభిమానుల దృష్టిని ఆకర్షించింది. ఈ ఘ‌ట‌న అప్ప‌ట్లో వైర‌ల్ అయింది.Look behind the whole SRH coaching staff, including Daniel Vettori and Muttiah Muralitharan, were watching Virat Kohli and Travis Head, expecting some drama and ready to stop a fight. 😳But Kohli didn’t shake hands, and everyone started laughing. 😂 pic.twitter.com/9F9pHwiC8T— Jeet (@JeetN25) May 23, 2026#ViratKohli 🆚 #TravisHead 🥵🤯Tensions rise in high voltage clash🔥#TATAIPL Race to Playoffs 2026 👉 #SRHvRCB | LIVE NOW ➡️https://t.co/52qPTW2gSO pic.twitter.com/JOiWaxNW6T— Star Sports (@StarSportsIndia) May 22, 2026Read: పాక్‌తో సిరీస్‌కు ఎంపిక.. ఆడేందుకు విండీస్‌ ప్లేయర్‌ నిరాకరణ!

టీమిండియా చీఫ్ సెలెక్ట‌ర్ ప‌ద‌విలో కొన‌సాగుతున్న మాజీ క్రికెట‌ర్‌ అజిత్ అగార్క‌ర్ ప‌ద‌వీకాలం ఈ సెప్టెంబ‌ర్‌తో ముగియ‌నున్న‌ట్లు తెలుస్తోంది. కాగా వ‌న్డే ప్ర‌పంచ‌క‌ప్ వ‌ర‌కు త‌న‌ను సెలెక్ట‌ర్‌గా కొన‌సాగేందుకు అవ‌కాశ‌మివ్వాల‌ని అగార్క‌ర్ చేసిన అభ్య‌ర్థ‌న‌ను బీసీసీఐ ప‌ట్టించుకోనట్లుగా అనిపిస్తోంది. సెలెక్ట‌ర్‌గా ఎంపికైన త‌ర్వాత టీమిండియా ఐసీసీ టైటిల్స్‌ సాధించినప్పటికీ అగార్క‌ర్ విష‌యంలో మాత్రం విమ‌ర్శ‌లే వ్యక్తమయ్యాయి. అందుకే అగార్క‌ర్‌ను సెలెక్ట‌ర్‌గా కొన‌సాగించేందుకు బీసీసీఐ ఇష్ట‌ప‌డ‌డం లేద‌ని తెలుస్తోంది. దీంతో అత‌డి స్థానంలో కొత్త సెలెక్ట‌ర్ కోసం వెతుకులాట‌ను ప్రారంభించిన‌ట్లు స‌మాచారం. ఇక అగార్క‌ర్ సెలెక్ట‌ర్ ప‌ద‌వి నుంచి దిగిపోతే మాత్రం రోహిత్ శ‌ర్మ‌, విరాట్ కోహ్లిల‌కు వ‌న్డే వ‌ర‌ల్డ్‌క‌ప్ 2027 ఆడేందుకు మార్గం సుగ‌మం అవుతుంద‌ని కొంద‌రు త‌మ అభిప్రాయం వ్య‌క్తం చేయ‌డం ప్రాధాన్య‌త సంత‌రించుకుంది. అన్నీ అనుకున్న‌ట్లుగా జ‌రిగితే మాత్రం సెప్టెంబ‌ర్ త‌ర్వాత టీమిండియాకు కొత్త సెలెక్ట‌ర్‌ను చూసే అవ‌కాశాలున్నాయి. సెప్టెంబ‌ర్ త‌ర్వాత నుంచి జ‌ర‌గ‌నున్న సిరీస్‌ల‌కు కొత్త సెలెక్ట‌ర్ నేతృత్వంలోనే జ‌ట్టు ఎంపిక జ‌ర‌గ‌నుంది. ఇక అజిత్ అగార్కర్ 2023లో టీమిండియా చీఫ్ సెలక్టర్‌గా బాధ్యతలు చేపట్టాడు. అప్పటి నుంచి ఇప్పటి వరకు జట్టులో పలు కీలక మార్పులు చేస్తూ వస్తున్నాడు. Photo Credit: BCCI Twitterఅగార్కర్ పదవీకాలంలో టీమిండియా నాలుగు ఐసీసీ టోర్నీలు ఆడింది. 2023 వన్డే ప్రపంచ కప్, టీ20 ప్రపంచ కప్ 2024, చాంపియన్స్ ట్రోఫీ 2025, టీ20 ప్రపంచ కప్ 2026.. వీటిల్లో మూడు టైటిళ్లు భారత జట్టు సొంతం చేసుకోవడం విశేషం. అయిన‌ప్ప‌టికీ సెలెక్ట‌ర్‌గా అగార్క‌ర్‌పై మాత్రం విమ‌ర్శ‌లే రావ‌డం గ‌మ‌నార్హం. జట్టు సెలక్షన్ విషయంలో అగార్కర్ తీసుకున్న పలు నిర్ణయాలు తీవ్ర వివాదాస్పదమైన సంగతి తెలిసిందే. సూర్యకుమార్ యాదవ్‌ను టీ20 జట్టుకు కెప్టెన్ చేయడం, హార్దిక్ పాండ్యకు ప్రాధాన్యత ఇవ్వడం వంటివి అప్పట్లో తీవ్ర విమర్శలకు తావిచ్చాయి. వన్డే కెప్టెన్సీ నుంచి రోహిత్ శర్మను తప్పించడంపై అభిమానులు బ‌హిరంగంగానే ఆగ్రహం వ్యక్తం చేశారు. ఎవరు ఎన్ని మాటలు అన్నా.. తన నిర్ణయాలను మాత్రం అగార్కర్ బహిరంగంగానే సమర్థించుకుంటూ వచ్చాడు. సెలక్షన్ అనేది కేవలం ప్లేయర్ల గణాంకాలపై ఆధారపడదని, జట్టుకు సరిపోయే కాంబినేషన్, ఆటగాళ్ల పాత్రలు, వ్యూహాలు కీలకమని అగార్కర్ ప్యానెల్ నిరూపించింది. టీ20 ప్ర‌పంచ‌క‌ప్‌తో పాటు ఐసీసీ చాంపియ‌న్స్ ట్రోఫీ గెలిచిన కార‌ణంగా 2025లోనే అగార్క‌ర్ సెలెక్ట‌ర్ ప‌ద‌వీకాల‌న్ని మ‌రో ఏడాది పొడిగించిన బీసీసీఐ మ‌రోసారి అత‌డి ప‌ద‌వీకాలాన్న పొడిగించేందుకు స‌ముఖ‌త వ్య‌క్తం చేయ‌డం లేదు.చదవండి: Asian Games: క్రికెట్ ‘డ్రా’ విడుదల.. భార‌త్‌, పాక్ మ్యాచ్ ఎప్పుడంటే?

విరాట్ కోహ్లి కెరీర్ చివరి దశకు చేరుకుంటున్న వేళ, భారత క్రికెట్‌లో తదుపరి స్టార్ ఎవరనే చర్చ జోరుగా సాగుతోంది. రేసులో యువ సంచలనం వైభవ్ సూర్యవంశీ పేరు బలంగా వినిపిస్తున్నప్పటికీ, భారత మాజీ ఓపెనర్ వసీం జాఫర్ మాత్రం మరో ఆటగాడిని నెక్స్ట్‌ విరాట్ కోహ్లిగా అభివర్ణించాడు.తాజాగా దూరదర్శన్ నిర్వహించిన 'ది గ్రేట్ ఇండియన్ క్రికెట్ షో'లో మాట్లాడిన జాఫర్.. కేఎల్ రాహుల్‌ను భవిష్యత్‌ విరాట్‌ కోహ్లిగా పేర్కొన్నాడు. ప్రతిభ, టెక్నిక్ పరంగా రాహుల్‌ విరాట్‌తో సమానమని అన్నాడు. అయితే ఇద్దరి మధ్య తేడాను నిర్ణయించేది విరాట్‌ మానసిక దృఢత్వమని చెప్పాడు."కేఎల్ రాహుల్ అద్భుతమైన ఆటగాడు. మూడు ఫార్మాట్లలోనూ అత్యుత్తమంగా రాణించగలడు. టెక్నిక్, ప్రతిభ పరంగా చూస్తే అతడు విరాట్ కోహ్లితో సమానమే. కానీ విరాట్‌ని ప్రత్యేకంగా నిలబెట్టింది అతని అసాధారణమైన మెంటాలిటీ" అని జాఫర్ వ్యాఖ్యానించాడు.అయితే గణాంకాల పరంగా విరాట్‌, రాహుల్ మధ్య భారీ అంతరం ఉంది. విరాట్ అంతర్జాతీయ క్రికెట్‌లో 28359 పరుగులు, 85 సెంచరీలు, 148 అర్ధసెంచరీలు నమోదు చేయగా.. కేఎల్ రాహుల్ ఇప్పటివరకు 9830 పరుగులు, 22 సెంచరీలు, 62 అర్ధసెంచరీలు సాధించాడు.మరోవైపు, 15 ఏళ్ల వైభవ్ సూర్యవంశీ ఇప్పటికే భారత క్రికెట్‌లో సంచలనంగా మారాడు. ఐపీఎల్ 2026లో 16 ఇన్నింగ్స్‌లో 776 పరుగులు చేసి అందరి దృష్టిని ఆకర్షించిన అతడు, అనంతరం టీ20 అంతర్జాతీయ అరంగేట్రం కూడా చేశాడు. ఇంగ్లండ్‌తో తొలి సిరీస్‌లో ఆశించిన స్థాయిలో రాణించకపోయినా, జింబాబ్వేతో జరగనున్న టీ20 సిరీస్‌లో మరోసారి ప్రతిభను నిరూపించుకునే అవకాశం అతడికి దొరికింది.

జింబాబ్వేతో ఇవాళ (జూలై 23) జరగనున్న తొలి టీ20కి ముందు భారత ఓపెనర్ అభిషేక్ శర్మ ఓ భారీ రికార్డుపై కన్నేశాడు. ఈ మ్యాచ్‌లో అతడు 16 పరుగులు చేస్తే, టీ20 క్రికెట్‌లో 6000 పరుగులు పూర్తి చేసిన భారత బ్యాటర్ల జాబితాలో చోటు దక్కించుకుంటాడు.ప్రస్తుతం అభిషేక్ 203 టీ20 మ్యాచ్‌ల్లో 199 ఇన్నింగ్స్ ఆడి 5984 పరుగులు చేశాడు. తొలి టీ20లో 16 పరుగులు సాధిస్తే, 200 ఇన్నింగ్స్‌లోపు 6000 పరుగులు పూర్తి చేసిన నాలుగో భారత బ్యాటర్‌గా నిలుస్తాడు. ఈ జాబితాలో ఇప్పటికే కేఎల్ రాహుల్ (166 ఇన్నింగ్స్), విరాట్ కోహ్లీ (184), శుభ్‌మన్ గిల్ (185) ఉన్నారు.అంతర్జాతీయంగా ఈ రికార్డు వెస్టిండీస్ దిగ్గజం క్రిస్ గేల్ పేరిట ఉంది. అతడు కేవలం 162 ఇన్నింగ్స్‌లోనే 6000 టీ20 పరుగులు పూర్తి చేశాడు.జింబాబ్వేపై అద్భుతమైన రికార్డుఅభిషేక్ శర్మకు జింబాబ్వేపై అద్భుతమైన రికార్డు ఉంది. ఇప్పటివరకు ఆ జట్టుతో ఆడిన ఆరు టీ20ల్లో 179 పరుగులు చేసి, భారత్ తరఫున జింబాబ్వేపై అత్యధిక పరుగులు చేసిన బ్యాటర్‌గా కొనసాగుతున్నాడు.అంతేకాదు, ఈ మ్యాచ్‌లో జింబాబ్వే కెప్టెన్ సికందర్ రజా కంటే కనీసం 16 పరుగులు ఎక్కువ చేస్తే, భారత్-జింబాబ్వే మధ్య జరిగిన టీ20ల్లో అత్యధిక పరుగులు చేసిన ఆటగాడిగానూ కొత్త రికార్డు నెలకొల్పే అవకాశం ఉంది.నేటి భారత్‌-జింబాబ్వే మ్యాచ్‌ భారతకాలమానం ప్రకారం సాయంత్రం 4:30 గంటలకు మొదలవుతుంది. మూడు మ్యాచ్‌ల టీ20 సిరీస్‌ కోసం శ్రేయస్‌ అయ్యర్‌ నేతృత్వంలోని భారత యువ జట్టు జింబాబ్వేలో పర్యటిస్తున్న విషయం తెలిసిందే.

గత కొద్ది రోజులుగా ఢిల్లీలో జరుగుతున్న కాక్రోచ్‌ జనతా పార్టీ నిరసనలపై టీమిండియా మాజీ క్రికెటర్‌ యువరాజ్‌ సింగ్‌ స్పందించాడు. సోషల్ మీడియా వేదికగా విద్యార్థులు, యువతను ఉద్దేశించి శాంతి, సంభాషణ, భద్రతకు ప్రాధాన్యం ఇవ్వాలని పిలుపునిచ్చాడు.తన ఇన్‌స్టాగ్రామ్ స్టోరీలో రాసుకొస్తూ.."ప్రతి చిన్నారి, విద్యార్థి, మహిళ, పురుషుడు ప్రశాంత వాతావరణంలో చదువుకునే, సురక్షితంగా ఎదిగే, తమ కలలను సాకారం చేసుకునే అవకాశం పొందాలి. వారి సంక్షేమమే భారత భవిష్యత్తుకు బలమైన పునాది. సంభాషణ ద్వారానే దేశ భవిష్యత్తు కోసం అందరికీ ఆమోదయోగ్యమైన పరిష్కారం దొరుకుతుంది" అని పేర్కొన్నాడు.Yuvraj Singh Instagram Story. pic.twitter.com/ufb1k3JVBX— Jotdofficial (@jotdofficial_) July 22, 2026విద్యార్థుల నిరసనలు తారాస్థాయికి చేరిన నేపథ్యంలో యువరాజ్ వ్యాఖ్యలు ప్రాధాన్యత సంతరించుకున్నాయి. అయితే ఆయన ఏ రాజకీయ పక్షానికీ మద్దతు ప్రకటించకుండా, విద్యార్థుల భద్రత, సంక్షేమం, విద్యా భవిష్యత్తుపైనే తన సందేశాన్ని కేంద్రీకరించాడు.క్యాన్సర్‌ను జయించిన తర్వాత యువరాజ్ స్థాపించిన 'YouWeCan' ఫౌండేషన్ ద్వారా క్యాన్సర్ అవగాహన, చికిత్స సహాయం, విద్యార్థులకు స్కాలర్‌షిప్‌లు, సామాజిక సేవా కార్యక్రమాలను కొనసాగిస్తున్న విషయం తెలిసిందే.ఇదిలా ఉంటే, ఢిల్లీలో కాక్రోచ్‌ జనతా పార్టీ చేపట్టిన నిరసనలపై ఇప్పుడిప్పుడే సెలబ్రిటి లోకం స్పందించడం మొదలు పెట్టింది. తొలుత ఈ విషయంపై మాట్లాడేందుకు వెనకడుగు వేసిన వారు ఒక్కొక్కరుగా తమ అభిప్రాయాలను వ్యక్తపరుస్తున్నారు. తాజాగా ఈ జాబితాలోకి యువరాజ్‌ సింగ్‌ చేరాడు.కాక్రోచ్‌ల నిరసనలపై క్రికెట్‌ రంగానికి సంబంధించి యువరాజ్‌ తన అభిప్రాయాన్ని వ్యక్తపరిచిన నేపథ్యంలో నెటిజన్లు మరో భారత దిగ్గజ క్రికెటర్‌ విరాట్‌ కోహ్లిని టార్గెట్‌ చేయడం మొదలుపెట్టారు. విద్యార్థుల నిరసనలతో దేశం అట్టుడికి పోతుంటే విరాట్‌ మాత్రం స్వామీజీల చుట్టూ తిరుగుతున్నాడని ఎద్దేవా చేస్తున్నారు.దేశ యువత భవిష్యత్తు పట్ల ఏమాత్రం బాధ్యత లేని వ్యక్తిగా విరాట్‌ను అభివర్ణిస్తున్నారు. ఇలాంటి వాడు యువతకు ఏరకంగా ఆదర్శంగా నిలుస్తాడని దుమ్మెత్తిపోస్తున్నారు. ఇంకొందరు విరాట్‌ తన మఖాంను యూకే మార్చడాన్ని ప్రస్తావిస్తూ.. ఇలాంటి వారిని దేశం నుంచే బహిష్కరించాలంటూ తీవ్ర వ్యాఖ్యలు చేస్తున్నారు.దేశం​ పట్ల, దేశ యువత పట్ల ఏమాత్రం బాధ్యలేకుండా ఇక్కడ సంపాదించుకొని విదేశాల్లో స్థిరపడే వారికి కూడా యువత సరైన గుణపాఠం నేర్పాలని పిలుపునిస్తున్నారు.

టీమిండియా కెప్టెన్ శుబ్‌మన్ గిల్ వన్డేల్లో వరల్డ్‌నంబర్ వన్ బ్యాటర్‌గా నిలిచేందుకు అడుగు దూరంలో ఉన్నాడు. అంతర్జాతీయ క్రికెట్ మండలి (ICC) ప్రకటించిన తాజా వన్డే బ్యాటర్ల ర్యాంకింగ్స్‌లో అగ్రస్ధానానికి గిల్ మరింత చేరవయ్యాడు. ప్రస్తుతం అగ్రస్ధానంలో న్యూజిలాండ్ స్టార్ ఆటగాడు డారిల్ మిచెల్ 802 రేటింగ్ పాయింట్లతో నంబర్ 1 స్థానంలో ఉండగా.. గిల్ (801) కేవలం ఒక్క పాయింట్ తేడాతో రెండో స్థానంలో నిలిచాడు. తదుపరి ఐసీసీ ర్యాంకింగ్స్ అప్‌డేట్‌లో గిల్ అగ్రస్థానానికి చేరుకుంటే.. వన్డే బ్యాటింగ్ ర్యాంకింగ్స్‌లో అగ్రపీఠాన్ని అదరోహించిన అత్యంత పిన్న వయస్కుడైన భారత కెప్టెన్‌గా చరిత్ర సృష్టిస్తాడు. గతంలో భారత్ తరపున వన్డేల్లో సచిన్ టెండూల్కర్, ఎంఎస్ ధోని, విరాట్ కోహ్లి, రోహిత్ శర్మ వంటి దిగ్గజ క్రికెటర్లు టాప్ ర్యాంక్‌ను సొంతం చేసుకున్నారు. కాగా ఇంగ్లండ్‌తో జరిగిన మూడు మ్యాచ్‌ల సిరీస్‌లో గిల్ అదరగొట్టాడు. మూడు మ్యాచ్‌లలో 94.00 అద్భుత సగటుతో 188 పరుగులు సాధించి, భారత్ తరపున టాప్ స్కోరర్‌గా నిలిచాడు. ఈ ప్రదర్శ కారణంగానే అతడిని నంబర్-1 ర్యాంక్ రేసులో ఉన్నాడు.కాగా ఐసీసీ ర్యాంకింగ్స్‌లో భారత బ్యాటర్ల హవా కొనసాగుతోంది. గిల్‌తో పాటు విరాట్ కోహ్లి 767 పాయింట్లతో మూడో స్థానంలో, మాజీ కెప్టెన్ రోహిత్ శర్మ 758 పాయింట్లతో నాలుగో స్థానంలో కొనసాగుతున్నారు. ఇటీవల ముగిసిన ఇంగ్లండ్ సిరీస్‌లో రోహిత్‌, కోహ్లి కూడా మెరుగైన ప్రదర్శన చేశారు. ఇక ఇదే సిరీస్‌లో దుమ్ములేపిన ఇంగ్లండ్ వెటరన్ జో రూట్ నాలుగు స్ధానాలు ఎగబాకి ఎనిమిదో ర్యాంక్‌కు చేరుకున్నాడు.

ఇంగ్లండ్‌తో వన్డే సిరీస్‌లోనూ టీమిండియాకు భంగపాటే ఎదురైంది. తొలుత టీ20 సిరీస్‌లో ఆతిథ్య జట్టు చేతిలో 4-0 క్లీన్‌స్వీప్‌ అయిన భారత జట్టు.. ఆ తర్వాత వన్డే సిరీస్‌లో 2-1తో ఓడిపోయింది. తొలి వన్డేలో గెలిచిన గిల్‌ సేన.. ఆ తర్వాత రెండు వన్డేల్లోనూ ఓడిపోయింది.ఫిట్‌నెస్‌లేని ఆటగాళ్లకు గిల్‌ వార్నింగ్‌ముఖ్యంగా లార్డ్స్‌లో భారత బౌలర్ల వైఫల్యం కొట్టొచ్చినట్లు కనబడింది. ఇక జస్‌ప్రీత్‌ బుమ్రా గాయం వల్ల ఈ మ్యాచ్‌కు అందుబాటులో లేకుండా పోయాడు. అంతకుముందే ఆల్‌రౌండర్‌ వాషింగ్టన్‌ సుందర్‌ కూడా గాయపడి జట్టుకు దూరమయ్యాడు.ఇక ఈ సిరీస్‌ కంటే ముందే ఆల్‌రౌండర్లు హార్దిక్‌ పాండ్యా, నితీశ్‌ కుమార్‌ రెడ్డి కూడా గాయపడ్డారు. ఈ నేపథ్యంలో తరచూ గాయపడే ఆటగాళ్ల వల్ల తుదిజట్టు కూర్పు దెబ్బతింటోందని కెప్టెన్‌ శుబ్‌మన్‌ గిల్‌ అన్నాడు. వన్డే వరల్డ్‌కప్‌-2027లో వరుసగా ఏడు మ్యాచ్‌ల దాకా ఆడాల్సి ఉంటుందని.. అలాంటి కీలక సమయంలో వీరితో కష్టమేనంటూ అసంతృప్తి వ్యక్తం చేశాడు.తమ ఫిట్‌నెస్‌ ప్రమాణాలు మెరుగుపడితేనే అనుకున్న ఫలితాలు రాబట్టగలమని గిల్‌ గట్టిగానే వార్నింగ్‌ ఇచ్చాడు. ఇలాంటి తరుణంలో రాయల్‌ చాలెంజర్స్‌ బెంగళూరు మాజీ బ్యాటర్‌ అభినవ్‌ ముకుంద్‌ వరల్డ్‌కప్‌ జట్టును ఎంచుకున్నాడు.వారికే పెద్దపీటటాపార్డర్‌లో ఎలాంటి మార్పులు చేయని అభినవ్‌.. ఓపెనర్లుగా రోహిత్‌ శర్మ- కెప్టెన్‌ శుబ్‌మన్‌ గిల్‌ జోడీని వన్‌డౌన్‌లో విరాట్‌ కోహ్లిని కొనసాగించాడు. అయితే బ్యాకప్‌ ఓపెనర్‌గా యశస్వి జైస్వాల్‌కు మాత్రం చోటివ్వలేదు. ఇక వికెట్‌ కీపర్లుగా కేఎల్‌ రాహుల్‌, ఇషాన్‌ కిషన్‌లను ఎంచుకున్న అభినవ్‌.. మిడిలార్డర్‌లో వీరితో పాటు శ్రేయస్‌ అయ్యర్‌కు చోటిచ్చాడు.ఆల్‌రౌండర్ల కోటాలో హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌లను ఎంచుకున్న అభినవ్‌ ముకుంద్‌.. రవీంద్ర జడేజాను పక్కనపెట్టాడు. స్పెషలిస్టు స్పిన్నర్‌గా కుల్దీప్‌ యాదవ్‌కు స్థానమిచ్చిన అతడు.. వరుణ్‌ చక్రవర్తికి చోటివ్వలేదు.ఇక పేస్‌ విభాగంలో ప్రధాన పేసర్‌ జస్‌ప్రీత్‌ బుమ్రాతో పాటు మహ్మద్‌ సిరాజ్‌, ప్రసిద్‌ కృష్ణ, హర్షిత్‌ రాణా, గుర్నూర్‌ బ్రార్‌లకు చోటు ఇచ్చాడు. ప్రిన్స్‌ యాదవ్‌, మహ్మద్‌ షమీ, అర్ష్‌దీప్‌ సింగ్‌ పేర్లను అభినవ్‌ ముకుంద్‌ పరిగణనలోకి తీసుకోలేదు. వీళ్లు కూడా ఉండవచ్చుఅయితే, వరల్డ్‌కప్‌ టోర్నీకి ఇంకా సమయం ఉంది కాబట్టి.. నితీశ్‌ కుమార్‌ రెడ్డి, శివం దూబే, రుతురాజ్‌ గైక్వాడ్‌, యశ​స్వి జైస్వాల్‌, అర్ష్‌దీప్‌ సింగ్‌ ఆఖరి నిమిషంలో జట్టులోకి వచ్చినా అభినవ్‌ ఆశ్చర్యం లేదన్నాడు. కాగా వచ్చే ఏడాది సౌతాఫ్రికా- జింబాబ్వే- నమీబియా వేదికలుగా అక్టోబరు- నవంబరు మధ్య వన్డే వరల్డ్‌కప్‌ జరుగనుంది.వన్డే వరల్డ్‌కప్‌-2027 టోర్నీకి అభినవ్‌ ముకుంద్‌ ఎంచుకున్న భారత జట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, ఇషాన్‌ కిషన్‌, హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, ప్రసిద్‌ కృష్ణ, జస్‌ప్రీత్‌ బుమ్రా, మహ్మద్‌ సిరాజ్‌, గుర్నూర్‌ బ్రార్‌.చదవండి: ఐపీఎల్‌ టూ ఇంగ్లండ్‌.. ఢిల్లీ ఆటగాడికి లక్కీ ఛాన్స్‌!

టీమిండియాతో వన్డే సిరీస్‌లో ఇంగ్లండ్‌ స్టార్‌ జో రూట్‌ అదరగొట్టాడు. ఎడ్జ్‌బాస్టన్‌ వేదికగా తొలి వన్డేలో 76 పరుగులతో అజేయంగా నిలిచిన ఈ వన్‌డౌన్‌ బ్యాటర్‌.. కార్డిఫ్‌లో జరిగిన రెండో వన్డేలో 99 పరుగులతో నాటౌట్‌గా నిలిచాడు. సెంచరీ చేసే అవకాశం ఉన్నా.. సహచరుడికి మ్యాచ్‌ ముగించే అవకాశం ఇచ్చి.. హుందాగా వ్యవహరించాడు.ఈ మ్యాచ్‌లో రూట్‌ ఇన్నింగ్స్‌ కారణంగా ఇంగ్లండ్‌ జయభేరి మోగించి సిరీస్‌ను 1-1తో సమం చేసింది. ఇక లార్డ్స్‌ వేదికగా నిర్ణయాత్మక మూడో వన్డేలోనూ రూట్‌ మరోసారి తన అనుభవాన్ని చూపించాడు. కేవలం 39 బంతుల్లోనే అర్ధ శతకం పూర్తి చేసుకున్న ఈ కుడిచేతి వాటం బ్యాటర్‌.. మొత్తంగా 48 బంతుల్లో తొమ్మిది ఫోర్లు బాది 74 పరుగులతో అజేయంగా నిలిచాడు.ఇంగ్లండ్‌ తొలి క్రికెటర్‌గా రికార్డుఇక మూడో వన్డేలో గెలిచి ఇంగ్లండ్‌ సిరీస్‌ 2-1తో కైవసం చేసుకోగా.. టీమిండియా ఓటమితో నిరాశగా వెనుదిరిగింది. రూట్‌కు ప్లేయర్‌ ఆఫ్‌ ది సిరీస్‌ అవార్డు లభించింది.నిజానికి గత కొంతకాలంగా రూట్‌ వన్డేల్లోనూ సూపర్‌ ఫామ్‌ కొనసాగిస్తున్నాడు. ఈ ముప్పై ఐదేళ్ల బ్యాటర్‌ గత ఆరు వన్డే ఇన్నింగ్స్‌లో చేసిన పరుగులు వరుసగా.. 61, 75, 111*, 76*, 99*, 74*. తద్వారా ఇంగ్లండ్‌ తరఫున వన్డేల్లో వరుసగా ఆరు ఫిఫ్టీ ప్లస్‌ స్కోర్లు సాధించిన తొలి క్రికెటర్‌గా రూట్‌ చరిత్రకెక్కాడు.ఇంగ్లండ్‌ అతడికి పూర్తి స్వేచ్ఛనిచ్చింది.. మీరేం చేస్తున్నారు?ఈ నేపథ్యంలో భారత మాజీ ఓపెనర్‌ సదగోపన్‌ రమేశ్‌ టీమిండియా యాజమాన్యం వైఖరిని విమర్శించాడు. ఇంగ్లండ్‌ మేనేజ్‌మెంట్‌ జో రూట్‌కు పూర్తి స్వేచ్ఛనిచ్చి.. మంచి ఫలితాలు రాబడుతోందన్నాడు. అదే సమయంలో భారత జట్టు యాజమాన్యం మాత్రం దిగ్గజ బ్యాటర్లు రోహిత్‌ శర్మ- విరాట్‌ కోహ్లి విషయంలో తప్పు చేస్తోందని మండిపడ్డాడు.కాగా ఇప్పటికే రోహిత్‌- కోహ్లి అంతర్జాతీయ టీ20, టెస్టులకు రిటైర్మెంట్‌ ప్రకటించారు. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నారు. అయితే, అనూహ్య రీతిలో రోహిత్‌ను కెప్టెన్సీ తప్పించిన యాజమాన్యం.. రో-కో ప్రపంచకప్‌ ఆడతారో లేదోనన్న అంశంపై తమకు స్పష్టత లేదన్నారు.రోహిత్‌ భారీ శతకంఈ క్రమంలోనే లార్డ్స్‌లో ఇంగ్లండ్‌తో మూడో వన్డే సందర్భంగా రోహిత్‌ శర్మ తన చివరి అంతర్జాతీయ మ్యాచ్‌ ఆడబోడుతన్నాడంటూ ప్రచారం ఊపందుకుంది. అయితే, ఈ మ్యాచ్‌లో రోహిత్‌ భారీ శతకం (138)తో రాణించి ఊహాగానాలకు చెక్‌ పెట్టాడు. తాను రిటైర్‌ కాబోవడం లేదని స్పష్టం చేశాడు.మీరు తప్పు చేస్తున్నారుఈ పరిణామాల నేపథ్యంలో నేపథ్యంలో రమేశ్‌ స్పందిస్తూ.. ‘‘విరాట్‌ కోహ్లి, రోహిత్‌ శర్మలకు యాజమాన్యం మద్దతుగా ఉండాల్సిన సమయం ఇది. వాళ్లిద్దరు ఇప్పటికీ వన్డే ర్యాంకింగ్స్‌లో టాప్‌-5లో ఉన్న సత్తా కలవారు. ఓసారి ఇంగ్లండ్‌ మేనేజ్‌మెంట్‌ను చూడండి. జో రూట్‌కు వాళ్లు పూర్తి స్వేచ్ఛను ఇస్తున్నారు. అతడి నుంచి అత్యుత్తమ ప్రదర్శన రాబట్టుకునేందుకు చేయాల్సిందంతా చేస్తున్నారు.అతడిపై ఏమాత్రం ఒత్తిడి పెట్టడం లేదు. ఇంగ్లండ్‌ రూట్‌ను తమ బలంగా భావిస్తోంది. కానీ భారత జట్టు యాజమాన్యం మాత్రం రోహిత్‌- విరాట్‌లనే తమ వెన్నెముకగా భావించాల్సింది పోయి వారి విషయంలోనే స్పష్టత లేకుండా చేస్తోంది’’ అని ఆగ్రహం వ్యక్తం చేశాడు. కాగా ఇంగ్లండ్‌తో వన్డే సిరీస్‌లో రోహిత్‌ వరుసగా 11, 26, 138 పరుగులు చేయగా.. కోహ్లి 5, 74, 65 పరుగులు సాధించాడు.చదవండి: లార్డ్స్‌ వన్డేలో అదే హైలైట్‌: పాక్‌ మాజీ క్రికెటర్‌

టీమిండియా దిగ్గజ బ్యాటర్‌ రోహిత్‌ శర్మ కెరీర్‌ చరమాంకానికి చేరిందంటూ గత కొంతకాలంగా వస్తున్న వార్తలకు.. ‘హిట్‌మ్యాన్‌’ లార్డ్స్‌లో శతకంతో చెక్‌ పెట్టాడు. ఇంగ్లండ్‌తో మూడో వన్డే సందర్భంగా క్రికెట్‌ ‘మక్కా’లో సెంచరీ బాది తన బ్యాట్‌ పదును ఏమాత్రం తగ్గలేదని నిరూపించాడు. కాగా ఇంగ్లండ్‌తో లార్డ్స్‌ వన్డేనే రోహిత్‌ కెరీర్‌లో చివరి అంతర్జాతీయ మ్యాచ్‌ అని ప్రచారం జరిగిన సంగతి తెలిసిందే. అయితే, ఈ మ్యాచ్‌లో హిట్‌మ్యాన్‌ 110 బంతుల్లోనే పదిహేడు ఫోర్లు, ఐదు సిక్సర్లు బాది 138 పరుగులతో అదరగొట్టాడు.లార్డ్స్‌ మ్యాచ్‌లో అదే హైలైట్‌అనంతరం తన రిటైర్మెంట్‌ వార్తలపై స్పందిస్తూ.. తాను క్రికెట్‌ ఆడుతున్నంత కాలం... రిటైర్మెంట్‌ ఊహాగానాలు వస్తూ ఉంటాయని రోహిత్‌ శర్మ అభిప్రాయపడ్డాడు. ఇలాంటి వార్తలతో పోరాడటం కంటే... మైదానంలో పరుగులు సాధించడంపైనే దృష్టి పెడతానని స్పష్టం చేశాడు. ఈ నేపథ్యంలో భారత మాజీ క్రికెటర్లతో పాటు పాకిస్తాన్‌ మాజీ వికెట్‌ కీపర్‌ బ్యాటర్‌ కమ్రాన్‌ అక్మల్‌ సైతం రోహిత్‌ శర్మకు మద్దతుగా నిలిచాడు. గేమ్‌ ప్లాన్‌ పాడ్‌కాస్ట్‌లో మాట్లాడుతూ.. ‘‘ఈ సిరీస్‌లో గెలిచేందుకు ఇంగ్లండ్‌కు అర్హత ఉంది. అయితే, ఆ విషయం కంటే కూడా రోహిత్‌ శర్మ సెంచరీ చేయడమే లార్డ్స్‌ మ్యాచ్‌కు హైలైట్‌. ప్రపంచంలోని అత్యుత్తమ వన్డే బ్యాటర్లలో తానూ ఒకడినని.. ఇప్పటికీ తన ఆటలో పదును తగ్గలేని రోహిత్‌ తన ఇన్నింగ్స్‌ ద్వారా స్టేట్‌మెంట్‌ ఇచ్చాడు. అతడి భవిష్యత్తు గురించి చాలా వదంతులు వస్తున్నాయి. వన్డే వరల్డ్‌కప్‌-2027 ప్రణాళికల్లో అతడు లేడని చాలా మంది అంటున్నారు. వాళ్లు తలచుకుంటేనే..అయితే, తనను విమర్శించే వాళ్లందరికీ రోహిత్‌ బ్యాట్‌తోనే సమాధానం చెప్పాడు. రోహిత్‌, విరాట్‌ కోహ్లి వంటి ఆటగాళ్లను ఎవరూ జట్టు నుంచి బయటకు పంపలేరు. ఆటకు వీడ్కోలు పలకడానికి సరైన సమయం వచ్చిందని భావిస్తే వాళ్లే స్వయంగా తప్పుకొంటారు. రిటైర్మెంట్‌ అనేది కేవలం వారి నిర్ణయంపైనే ఆధారపడి ఉంటుంది. భారత క్రికెట్‌కు వీరిద్దరు చేసిన సేవలు వెలకట్టలేనివి. యువ ఆటగాళ్లకు అవకాశాలు ఇచ్చే క్రమంలో మిగతా ఫార్మాట్ల నుంచి వారే తప్పుకొన్నారు. అందుకే వాళ్లు నేటికీ సూపర్‌స్టార్లుగానే కొనసాగుతున్నారు’’ అని కమ్రాన్‌ అక్మల్‌ రో-కోలపై ప్రశంసలు కురిపించాడు. కాగా ఇంగ్లండ్‌ పర్యటనలో టీ20 సిరీస్‌లో 4-0తో వైట్‌వాష్‌ అయిన టీమిండియా.. వన్డే సిరీస్‌ను 1-2తో కోల్పోయింది.ఇదిలా ఉంటే.. 2024 టీ20 ప్రపంచకప్‌ టోర్నీలో టీమిండియాను చాంపియన్‌గా నిలిపిన తర్వాత.. రోహిత్‌- కోహ్లి అంతర్జాతీయ టీ20 ఫార్మాట్‌కు వీడ్కోలు పలికారు. గతేడాది వారం రోజుల వ్యవధిలో ఇద్దరూ టెస్టులకూ గుడ్‌బై చెప్పారు. వరల్డ్‌కప్‌-2027 ఆడటమే లక్ష్యంగా వన్డేల్లో కొనసాగుతున్నారు.చదవండి: ఆటకు గుడ్‌బై చెప్పు... భారత మాజీ క్రికెటర్‌ ఫైర్‌

జపాన్ ఓపెన్ సూపర్ 750 టైటిల్ సాధించిన తొలి భారత షట్లర్‌గా పీవీ సింధు నిలిచిన సంగతి తెలిసిందే. జపాన్ ఓపెన్ టైటిల్ గెలిచిన తర్వాత సింధు తన విజయం వెనుక ఎవరు దాగున్నారనే విషయాన్ని బయటపెట్టింది. ఫామ్ కోల్పోయి సతమతమవుతున్న సమయంలో కోహ్లి తనకు ధైర్యం చెప్పాడని, అతడిచ్చిన సలహాతోనే ఇవాళ తనను చాంపియన్‌గా నిలబడేలా చేసిందంటూ సింధు అతడిని ప్రశంసలతో ముంచెత్తింది. కోహ్లితో పాటు తనకు కష్టకాలంలో అండగా నిలిచిన భర్త వెంకటసాయి దత్తకు కూడా సింధు ప్రత్యేక కృతజ్ఞతలు తెలిపింది. ‘ కొంతకాలం కిందట నేను ఫామ్‌లేమితో సతమతమయ్యాను. ఈ సమయంలో కోహ్లిని కలిసి.. మీరు కూడా ఒక దశలో ఫామ్ కోల్పోయి సెంచరీ కోసం పరితపించారు. ఆ సమయం ఎలా గడించింది, దానిని మీరు ఎలా అధిగమించారు’ అని అడిగాను. దీనిని కోహ్లి చాలా సింపుల్‌గా తేల్చేశాడు. ఒక ఆటగాడిగా పరుగులు చేయడమే నా పని. దాంట్లోనే నా ఆనందాన్ని వెతుక్కుంటా’ అని పేర్కొన్నాడు. ఆ సమయంలో కోహ్లి అలా ఎందుకు చెప్పాడో నాకు అర్థం కాలేదు. కానీ నా బొటనవేలికి గాయం కావడంతో డాక్టర్ మూడు నెలలు విరామం తీసుకోవాలని సలహా ఇచ్చారు. దీంతో నా భర్త వెంకట దత్త సాయి మానసిక ప్రశాంతత కోసం నన్ను అట్లాంటాకు తీసుకెళ్లారు. గాయాలు, ఫామ్‌పై పెరుగుతున్న సందేహాల నేపథ్యంలో దత్త నాకు కోహ్లి చెప్పిన మాటలను గుర్తుచేసుకోమన్నాడు. అప్పుడు తెలిసింది నాకు కోహ్లి సీక్రెట్‌. విరాట్ చెప్పిన మాటలు ఇప్పటికీ నా మైండ్‌లో తిరుగుతూనే ఉన్నాయి. మా ఇద్దరి మధ్య సంభాషణ ఒక ప్రత్యేకమైనదిగానే ఉంచాలనుకుంటున్నా. ఆ తర్వాత కూడా చాలా విషయాలు మాట్లాడుకున్నాం. కానీ అవేంటనేవి మా మధ్యే ఉండడం అవసరమనిపించింది’ అని సింధూ పేర్కొంది. ఆదివారం జరిగిన జపాన్‌ ఓపెన్‌ ఫైనల్లో అకానే యమగూచిపై విజయం సాధించిన సింధు 19 నెలల తర్వాత ఒక బీడబ్ల్యూఎఫ్ టైటిల్‌ను సొంతం చేసుకుంది.Read: ‘రోహిత్‌, కోహ్లిలను టచ్ చేయడం అసాధ్యం’

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి భ‌విత‌వ్యంపై మాజీ స్పిన్న‌ర్ ర‌విచంద్ర‌న్ అశ్విన్ ఆస‌క్తిక‌ర వ్యాఖ్య‌లు చేశాడు. రోహిత్‌, కోహ్లిల‌ను జ‌ట్టులో నుంచి తొల‌గించ‌డం చాలా క‌ష్ట‌త‌ర‌మ‌ని, బ‌ల‌వంతంగా పంపించాల‌ని చూస్తే మాత్రం అభిమానులు చూస్తూ ఊరుకోర‌ని హెచ్చ‌రించాడు. ఇటీవ‌లే రోహిత్ రిటైర్మెంట్‌పై ఊహాగానాలు వ‌చ్చిన వేళ అశ్విన్ వ్యాఖ్య‌లు ప్రాధాన్య‌త‌ను సంత‌రించుకున్నాయి.తన యూట్యూబ్ షో 'ఆష్ కి బాత్‌’లో అశ్విన్‌ మాట్లాడుతూ... 'రోహిత్ శర్మ, విరాట్ కోహ్లి ఆడాలని అనుకుంటే వారిని జట్టు నుంచి తప్పించడం చాలా చాలా కష్టం. దీనికి రెండు ప్రధాన కారణాలు ఉన్నాయి. మొదటిది.. వారి అద్భుతమైన కెరీర్ రికార్డులు. రోహిత్ ఇప్పటికే 12 వేల అంతర్జాతీయ పరుగులు చేశాడు. అలాంటి ఆటగాడిని సులభంగా పక్కన పెట్టడం సాధ్యం కాదు. కోహ్లి గురించి ప్ర‌త్యేకంగా చెప్ప‌డానికి ఏం లేదు. త‌న ఆట‌తో ఇప్ప‌టికే తానేంటో నిరూపించుకున్నాడు. Photo Credit: BCCI Twitterఇక‌ రెండో కార‌ణం ఏంటంటే.. అది రోహిత్‌, కోహ్లికి భారీ అభిమాన బ‌లం ఉంది. వీరిద్ద‌రు మ్యాచ్‌లు ఆడుతున్నారంటే.. వారిని చూసేందుకే లక్షలాది మంది అభిమానులు స్టేడియాలకు త‌ర‌లివస్తారు. అలాంటి స్టార్ ఆటగాళ్లను జట్టు నుంచి తప్పిస్తే భారీ స్థాయిలో వ్యతిరేకత వస్తుంది. వారిని తప్పించాల‌ని చూస్తే అభిమానులు ఊరుకుంటారా? ఒక‌వేళ తొలగిస్తే మాత్రం స్టేడియం పైకప్పు లేచిపోవ‌డం గ్యారంటీ' అంటూ తనదైన శైలిలో అశ్విన్ చ‌మ‌క్కులు పంచాడు.Photo Credit: BCCI Twitterఇంగ్లండ్‌తో వన్డే సిరీస్‌లో తొలి రెండు వన్డేల్లో రోహిత్‌ విపలం కావడంతో మూడో వన్డే అతడికి చివరిది కానుందని, ఇంగ్లండ్‌తో సిరీస్‌ తర్వాత రోహిత్‌ అంతర్జాతీయ కెరీర్‌కు వీడ్కోలు పలకనున్నాడని వార్తలు వచ్చాయి. అవన్నీ తప్పుడు వార్తలంటూ బీసీసీఐ కొట్టిపారేయడంతో ఊహాగానాలకు తెరపడింది. ఇక రోహిత్‌ కూడా తన రిటైర్మెంట్‌పై వస్తున్న వార్తలకు బ్యాట్‌తోనే సమాధానం చెప్పాడు. ఇంగ్లండ్‌తో మూడోవన్డేలో రోహిత్‌ శర్మ సెంచరీతో మెరిశాడు. 110 బంతుల్లో 138 పరుగులు సాధించాడు. మరోవైపు కోహ్లి కూడా అర్ధసెంచరీతో రాణించి తమకు తిరుగులేదని చాటిచెప్పాడు. ఇక బౌల‌ర్ల‌ పరిస్థితి గురించి అశ్విన్ కాస్త భిన్నంగా స్పందించాడు. 'మహ్మద్ షమీ, మహ్మద్ సిరాజ్ లేదా భువనేశ్వర్ కుమార్ వంటి బౌలర్లు జట్టులో లేకపోతే కొంతమంది మాత్రమే ప్రశ్నిస్తారు. కానీ స్టార్ బ్యాటర్ల జరిగినంత స్థాయిలో చర్చ జరగదు. భవిష్యత్తులో బౌలర్ల కోసం కూడా అభిమానులు అదే స్థాయిలో గళమెత్తితే వారిని కూడా జట్టు నుంచి తప్పించడం కష్టమవుతుంది. ఇది జరగాలని నేను కోరుకుంటున్నా' అని అశ్విన్ తెలిపాడు. Read: స్పెయిన్‌ నంబర్‌వన్‌.. ర్యాంకింగ్స్‌లో మొరాకో, నార్వే సంచ‌ల‌నం

రిటైర్మెంట్‌ వార్తల నడుమ లార్డ్స్‌ మైదానంలో టీమిండియా దిగ్గజం రోహిత్‌ శర్మ అద్భుత శతకంతో మెరిశాడు. ఇంగ్లండ్‌తో ఆదివారం నాటి మూడో వన్డే సందర్భంగా 138 పరుగులు సాధించాడు. తొలుత నెమ్మదిగా ఆడిన హిట్‌మ్యాన్‌ ఆ తర్వాత గేరు మార్చి.. ఇంగ్లండ్‌ బౌలర్లపై విరుచుకుపడ్డాడు.ఈ క్రమంలో 110 బంతుల్లో 17 ఫోర్లు, ఐదు సిక్సర్ల సాయంతో 138 పరుగులు చేశాడు. అయితే, జేకబ్‌ బెతెల్‌ అనూహ్య రీతిలో రోహిత్‌ను బౌల్డ్‌ చేశాడు. ఇక ఈ మ్యాచ్‌లో మరో ఓపెనర్‌, కెప్టెన్‌ శుబ్‌మన్‌ గిల్‌ (77), వన్‌డౌన్‌ బ్యాటర్‌ విరాట్‌ కోహ్లి (74) అర్ధ శతకాలు సాధించినా ఫలితం లేకుండా పోయింది. నిర్ణయాత్మక​ మ్యాచ్‌లో 27 పరుగుల తేడాతో ఓడి టీమిండియా సిరీస్‌ను 1-2తో ఇంగ్లండ్‌కు కోల్పోయింది.The name is Rohit Gurunath Sharma. 🫡The occasion? A Lord's century. 💯Watch #ENGvIND 3rd ODI LIVE NOW on Sony Sports Network TV channels. #SonySportsNetwork #MamlaPersonalHai #ExtraaaInnings pic.twitter.com/G5HoYMO0BV— Sony Sports Network (@SonySportsNetwk) July 19, 2026రూమర్లు కొత్తేం కాదుఇదిలా ఉంటే.. తాజాగా బీసీసీఐ టీవీతో మాట్లాడిన రోహిత్‌ శర్మ తన రిటైర్మెంట్‌ గురించి వస్తున్న వార్తలపై స్పందించాడు. ‘‘మైదానంలోకి వచ్చి బ్యాటింగ్‌ చేయడం నా ముఖ్య విధి. దేశానికి ప్రాతినిథ్యం వహించడం గొప్ప విషయం. నా అరంగేట్రం రోజు నుంచి నేటి దాకా అదే నిబద్ధత, అంకితభావంతో ముందుకు సాగుతున్నాను.అంతేకాదు నేను అంతర్జాతీయ క్రికెట్‌లో అడుగుపెట్టిన నాటి నుంచే ఇలాంటి వార్తలు వింటూ ఉన్నాను. నేను మళ్లీ గ్రౌండ్‌లోకి వెళ్లే దాకా ఈ వదంతులు ఆగవు. అయినా.. ఇలాంటి రూమర్లు నాపై ఎలాంటి ప్రభావం చూపలేవు. మైదానంలో నా ఆట తీరు ఎలా ఉందన్నదే ముఖ్యం.జట్టు విజయం కోసం నా వంతు కృషి చేస్తాను. కేవలం ఆ ఒక్క విషయంపైనే నా దృష్టి కేంద్రీకృతమై ఉంటుంది. అయినా ఇలాంటి వదంతులు ఉంటేనే కదా.. మనకూ కాస్త సరదాగా అనిపిస్తుంది. నా పని నాదే. బయట ఎవరి పని వాళ్లదే. వాళ్లు ఇలాంటి రూమర్లతో ప్రాచుర్యం పొందాలనుకుంటారు’’ అని రోహిత్‌ శర్మ గాసిప్‌రాయుళ్లకు కౌంటర్‌ వేశాడు.కాగా ఇప్పటికే అంతర్జాతీయ టీ20, టెస్టు ఫార్మాట్‌ నుంచి తప్పుకొన్న రోహిత్‌ శర్మ.. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నాడు. అయితే, లార్డ్స్‌లో రోహిత్‌ చివరి మ్యాచ్‌ ఆడబోతున్నాడనే ప్రచారం జరుగగా.. బీసీసీఐ కార్యదర్శి దేవజిత్‌ సైకియా కొట్టిపారేశాడు. కెప్టెన్‌ గిల్‌ సైతం ఇవన్నీ కేవలం ఊహాగానాలే అన్నాడు.మా మధ్య అవగాహన ఉందిఇదిలా ఉంటే.. రోహిత్‌- కోహ్లి కలిసి అంతర్జాతీయ క్రికెట్‌లో అత్యధికంగా 400 మ్యాచ్‌లలో కలిసి ఆడిన తొలి భారత జోడీగా చరిత్రకెక్కారు. ఈ నేపథ్యంలో రోహిత్‌ స్పందిస్తూ.. ‘‘మా కెరీర్‌ తొలి నాళ్ల నుంచి మేము కలిసి ఆడుతున్నాం. ఇప్పటికే మేమిద్దరం కలిసి ఎన్నోసార్లు మంచి భాగస్వామ్యాలు నెలకొల్పాము.మధ్య ఓవర్లలో కోహ్లి వస్తే అతడితో కలిసి ఆడటం నాకెంతో సంతోషంగా ఉంటుంది. ఈరోజు కూడా ఇద్దరం కలిసే ఆడాము. మా ఇద్దరి మధ్య మంచి అవగాహన ఉంది. ఆట మధ్యలో మేము ఎక్కువగా చర్చించుకుంటాము. ఒకరి ఆలోచనలు ఒకరం పంచుకుంటూ.. ఒకరినొకరం అర్థం చేసుకుంటూ బ్యాటింగ్‌ చేస్తూ ఉంటాము’’ అని కోహ్లితో ఉన్న అనుబంధం, సమన్వయం గురించి చెప్పుకొచ్చాడు.చదవండి: మెరుగుపడాల్సిందే: శుబ్‌మన్‌ గిల్‌ వార్నింగ్‌

లార్డ్స్ వేదికగా ఇంగ్లండ్‌తో జరిగిన నిర్ణయాత్మక మూడో వన్డేలో టీమిండియా 27 పరుగుల తేడాతో ఓటమి పాలైంది. దీంతో మూడు వన్డేల సిరీస్‌ను 2-1 తేడాతో భారత్‌ కోల్పోయింది. ఈ మ్యాచ్‌లో టాస్ గెలిచి మొదట బ్యాటింగ్‌కు దిగిన ఇంగ్లండ్ నిర్ణీత 50 ఓవర్లలో 3 వికెట్ల నష్టానికి 387 పరుగుల భారీ స్కోరు సాధించింది. ఓపెనర్ బెన్ డక్కెట్ (141 పరుగులు, 135 బంతుల్లో, 18 ఫోర్లు, 1 సిక్స్) భారీ సెంచరీతో చెలరేగాడు. అతడితో పాటు జాకబ్ బెథెల్ (91), జో రూట్ (74 నాటౌట్, 48 బంతుల్లో) మెరుపు ఇన్నింగ్స్‌లు ఆడారు. భారత బౌలర్లు ఘోరంగా విఫలమయ్యారు.రో-కో హిట్‌.. మిడిలార్డ‌ర్ ఫ‌ట్‌అనంతరం 388 పరుగుల భారీ లక్ష్యంతో బరిలోకి దిగిన భారత్‌కు ఓపెనర్లు రోహిత్ శర్మ, శుభ్‌మన్ గిల్ అద్భుతమైన ఆరంభాన్ని అందించారు. తొలి వికెట్‌కు వీరిద్దరూ 147 పరుగుల భాగస్వామ్యాన్ని నెలకొల్పారు. ఆ తర్వాత 77 పరుగులు చేసిన గిల్.. రషీద్ బౌలింగ్‌లో వికెట్ల ముందు దొరికిపోయాడు.అనంతరం క్రీజులోకి వచ్చిన విరాట్ కోహ్లి, రోహిత్‌తో జతకట్టాడు. వీరిద్దరూ దూకుడుగా ఆడుతూ స్కోర్ బోర్డును ముందుకు నడిపించారు. ఈ క్రమంలో రోహిత్ 34 బంతుల్లో తన 34వ వన్డే సెంచరీ మార్క్‌ను పూర్తి చేసుకున్నాడు. వరుస బౌండరీలు బాది మంచి జోరు మీద ఉన్న రోహిత్(110 బంతుల్లో 17 ఫోర్లు, 5 సిక్స్‌లతో 138) జాకబ్ బెథల్ బౌలింగ్‌లో క్లీన్ బౌల్డయ్యాడు. రోహిత్ ఔటైన తర్వాత భారత వికెట్ల పతనం మొదలైంది. మిడిలార్డర్ బ్యాటర్లు ఒక్కరు కూడా రాణించలేకపోయారు. ఇషాన్ కిషన్‌(14), శ్రేయస్ అయ్యర్‌(0) వరుస ఓవర్లలో ఔటయ్యారు. దీంతో కావాల్సిన రన్‌రేట్ భారీగా పెరిగిపోయింది. ఈ క్రమంలో కోహ్లి(74) కూడా ఓ భారీ షాట్‌కు ప్రయత్నించి పెవిలియన్‌కు చేరాడు.దీంతో మ్యాచ్ భారత్ చేతులనుంచి చేజారిపోయింది. కేఎల్ రాహుల్‌(12), అక్షర్ పటేల్‌(2) నిరాపరిచారు. ఫలితంగా టీమిండియా నిర్ణీత 50 ఓవర్లలో 7 వికెట్లు కోల్పోయి 360 పరుగుల వద్ద ఆగిపోయింది. ఇం‍గ్లండ్ బౌలర్లలో సామ్ కుర్రాన్ 4 వికెట్లతో భారత్‌ను దెబ్బ తీశాడు. కాగా ఇంగ్లండ్ టూర్‌లో భారత్ టీ20 సిరీస్‌తో పాటు వన్డే సిరీస్‌ను కూడా కోల్పోయి ఘోర పరాభవాన్ని మూట కట్టుకుంది.

టీమిండియా బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ సరికొత్త చరిత్ర సృష్టించారు. అంతర్జాతీయ క్రికెట్‌లో అత్యధికంగా సంయుక్తంగా 400 మ్యాచ్‌లు ఆడిన భారత జోడీగా రికార్డు సాధించారు. ఇంగ్లండ్‌తో లార్డ్స్‌ వేదికగా ఆదివారం నాటి మూడో వన్డే సందర్భంగా రో-కో ఈ ఫీట్‌ నమోదు చేశారు.అగ్రస్థానంలో ఎవరంటే?ఇక మొత్తంగా అంతర్జాతీయ క్రికెట్‌లో అత్యధిక మ్యాచ్‌లు ఆడిన జోడీగా శ్రీలంక దిగ్గజాలు కుమార్‌ సంగక్కర- మహేళ జయవర్ధనె కొనసాగుతున్నారు. వీరిద్దరు కలిసి శ్రీలంక తరఫున 550 మ్యాచ్‌లలో భాగమయ్యారు. ఆ తర్వాత మూడు స్థానాల్లోనూ లంక దిగ్గజాలే ఉండటం విశేషం. ఇక రోహిత్‌- కోహ్లి జోడీ ఈ జాబితాలో ఆరో స్థానంలో కొనసాగుతోంది.కాగా 2007లో అంతర్జాతీయ క్రికెట్‌లో అడుగుపెట్టిన రోహిత్‌ శర్మ 67 టెస్టులు, 159 టీ20 మ్యాచ్‌లు ఆడాడు. ఇప్పటికి 287 వన్డేలు పూర్తి చేసుకున్నాడు. ఇక 2008లో అరంగేట్రం చేసిన విరాట్‌ కోహ్లి 123 టెస్టులు, 125 టీ20 మ్యాచ్‌లు ఆడాడు. ఇప్పటికి 313 వన్డేలు పూర్తి చేసుకున్నాడు.వన్డే వరల్డ్‌కప్‌-2027 ఆడటమే లక్ష్యంగాటీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌- కోహ్లి సంయుక్తంగా అంతర్జాతీయ టీ20 ఫార్మాట్‌కు వీడ్కోలు పలికిన సంగతి తెలిసిందే. అదే విధంగా గతేడాది రోహిత్‌ టెస్టు ఫార్మాట్‌కు గుడ్‌బై చెప్పగా.. వారం రోజుల వ్యవధిలోనే కోహ్లి సైతం రిటైర్మెంట్‌ ప్రకటించాడు. ఇద్దరూ ప్రస్తుతం వన్డే వరల్డ్‌కప్‌-2027లో ఆడటమే లక్ష్యంగా ముందుకు సాగుతున్నారు.ఇదిలా ఉంటే.. ఇంగ్లండ్‌ చేతిలో 4-0తో టీ20 సిరీస్‌లో క్లీన్‌స్వీప్‌నకు గురైంది టీమిండియా. ఈ క్రమంలో వన్డే సిరీస్‌ను విజయంతో ఆరంభించిన భారత జట్టు.. రెండో వన్డేలో తడబడింది. ఫలితంగా సిరీస్‌ 1-1తో సమం కాగా.. లార్డ్స్‌ వేదికగా ఆదివారం నాటి నిర్ణయాత్మక మూడో వన్డేతో విజేత ఎవరో తేలుతుంది.ఇంగ్లండ్‌తో తొలి వన్డేలో రోహిత్‌ 11 పరుగులు చేయగా.. కోహ్లి 5 పరుగులకే అవుటయ్యాడు. ఇక రెండో వన్డేలో రోహిత్‌ 28 పరుగులు చేయగా.. కోహ్లి అర్ధ శతకం (65)తో అలరించాడు.అంతర్జాతీయ క్రికెట్‌లో అత్యధిక మ్యాచ్‌లు ఆడిన జోడీలు👉కుమార్‌ సంగక్కర- మహేళ జయవర్ధనె (శ్రీలంక): 550 మ్యాచ్‌లు👉తిలకరత్నె దిల్షాన్‌- మహేళ జయవర్ధనె (శ్రీలంక): 426 మ్యాచ్‌లు👉కుమార్‌ సంగక్కర- తిలకరత్నె దిల్షాన్‌ (శ్రీలంక): 418 మ్యాచ్‌లు👉సనత్‌ జయసూర్య- ముత్తయ్య మురళీధరన్‌ (శ్రీలంక): 408 మ్యాచ్‌లు👉జాక్వెస్‌ కలిస్‌- మార్క్‌ బుచర్‌ (సౌతాఫ్రికా): 407 మ్యాచ్‌లు👉రోహిత్‌ శర్మ- విరాట్‌ కోహ్లి (ఇండియా): 400* మ్యాచ్‌లు.చదవండి: టీమిండియాకు భారీ షాక్‌!

ఇంగ్లండ్‌ వెటరన్‌ స్టార్‌ జో రూట్‌ ఓ రికార్డుకు సంబంధించి టీమిండియా దిగ్గజ బ్యాటర్‌, ఛేజింగ్‌ రారాజు విరాట్‌ కోహ్లిని అధిగమించాడు. నిన్న భారత్‌తో జరిగిన రెండో వన్డేలో అజేయంగా 99 పరుగులు చేసి తన జట్టుకు నాలుగు వికెట్ల విజయాన్ని అందించిన అతడు.. విజయవంతమైన వన్డే లక్ష్యఛేదనల్లో 2000కుపైగా పరుగులు చేసి, అత్యధిక సగటు కలిగిన బ్యాటర్ల జాబితాలో కోహ్లిని వెనక్కు నెట్టి రెండో స్థానానికి చేరుకున్నాడు. ఈ జాబితాలో టీమిండియా మాజీ కెప్టెన్‌​ ఎంఎస్‌ ధోని అగ్రస్థానంలో ఉన్నాడు. విజయవంతమైన వన్డే ఛేజింగ్‌లలో అత్యధిక సగటు కలిగిన ఆటగాళ్లు (కనీసం 2000 పరుగులు)ఎంఎస్‌ ధోని- 75 ఇన్నింగ్స్‌ల్లో 2876 పరుగులు- సగటు 102.71జో రూట్‌- 47 ఇన్నింగ్స్‌ల్లో 2473 పరుగులు- సగటు 91.59విరాట్‌ కోహ్లి- 105 ఇన్నింగ్స్‌ల్లో 6235 పరుగులు- సగటు 89.07మ్యాచ్‌ విషయానికొస్తే.. తొలుత బ్యాటింగ్‌ చేసిన భారత్‌.. కోహ్లి (65), శ్రేయస్‌ (66) రాణించడంతో 233 పరుగులు చేసింది. అనంతరం​ 234 పరుగుల లక్ష్యాన్ని ఛేదించే క్రమంలో ఇంగ్లండ్ ఆరంభంలోనే రెండు వికెట్లు కోల్పోయినా, రూట్ నిలకడగా బ్యాటింగ్ చేస్తూ హ్యారీ బ్రూక్, సామ్ కరన్, జోస్ బట్లర్, విల్ జాక్స్‌లతో కీలక భాగస్వామ్యాలు నెలకొల్పి జట్టును విజయతీరాలకు చేర్చాడు.99 నాటౌట్‌తో అరుదైన ఘనత45వ ఓవర్ తొలి బంతికే గస్ అట్కిన్సన్ విజయం సాధించే బౌండరీ కొట్టడంతో రూట్‌కు మరో బంతి ఆడే అవకాశం రాలేదు. దీంతో అతను 99 పరుగుల వద్ద అజేయంగా నిలిచిపోయాడు. వన్డే చరిత్రలో 99 నాటౌట్‌తో అజేయంగా నిలిచిన తొలి ఇంగ్లండ్ బ్యాటర్‌గా రూట్ ప్రత్యేక రికార్డు నెలకొల్పాడు. అలాగే భారత్‌పై 1000 వన్డే పరుగులు పూర్తి చేసిన మూడో ఇంగ్లండ్ బ్యాటర్‌గా నిలిచాడు.సెంచరీ మిస్‌పై స్పందనసెంచరీ చేజారినప్పటికీ తనకు ఎలాంటి నిరాశ లేదని జో రూట్ తెలిపాడు. వ్యక్తిగత మైలురాయి కంటే జట్టు విజయం ముఖ్యమని, అందుకే గస్ అట్కిన్సన్‌ను స్వేచ్ఛగా షాట్లు ఆడమని తానే ప్రోత్సహించినట్లు వెల్లడించాడు. ఈ విజయంతో మూడు మ్యాచ్‌ల సిరీస్‌ను ఇంగ్లండ్ 1-1తో సమం చేయగా, నిర్ణయాత్మక మూడో వన్డే జూలై 19న లార్డ్స్‌లో జరగనుంది.

టీమిండియా సీనియ‌ర్ క్రికెట‌ర్ రోహిత్ శ‌ర్మ రిటైర్మెంట్‌పై ఊహాగానాలు వ్య‌క్త‌మ‌వుతున్న వేళ మ‌రో సీనియ‌ర్ విరాట్ కోహ్లి రియాక్ష‌న్ ఆస‌క్తిగా మారింది. లార్డ్స్ వేదిక‌గా జ‌ర‌గ‌నున్న మూడో వ‌న్డే రోహిత్‌కు ఆఖ‌రిద‌నే వార్త‌లు వినిపిస్తున్నాయి. ఇప్ప‌టికే 2027 వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగా జ‌ట్టు నుంచి రోహిత్‌ను తొల‌గిస్తున్నట్లు బీసీసీఐ ముందే హిట్‌మాన్‌కు స‌మాచారం ఇచ్చిన‌ట్లు తెలుస్తోంది. మ‌రి రోహిత్ నిజంగానే అంత‌ర్జాతీయ క్రికెట్‌కు ఈడ్కోలు ప‌లుకుతాడా? లేదా అన్న‌ది ఇంగ్లండ్‌తో జ‌రిగే మూడో వ‌న్డే ద్వారా తేలిపోనుంది. ఇదిలా ఉంటే రోహిత్ శ‌ర్మ రిటైర్ అవ్వ‌నున్నాడ‌నే వార్త‌లు వ‌చ్చిన‌ప్ప‌టి నుంచి సోష‌ల్ మీడియాలో ట్రోల్స్‌తో ఊగిపోతుంది. ఈ నేప‌థ్యంలోనే ఇంగ్లండ్‌తో రెండో వ‌న్డే సంద‌ర్భంగా రోహిత్‌, కోహ్లి, బుమ్రాలు ప‌క్క‌ప‌క్క‌నే కూర్చొని మ్యాచ్‌ను సీరియ‌స్‌గా వీక్షించిన వీడియో ఒక‌టి బ‌య‌టికొచ్చింది. అయితే కోహ్లి, రోహిత్ ప‌క్క‌ప‌క్క‌నే కూర్చోవ‌డం చాలా అరుదు. దీంతో వీడియోను లింక్ చేస్తూ ఒక అభిమాని ఆస‌క్తిక‌ర వ్యాఖ్య‌లు చేశాడు. 'డ్రెసింగ్ రూమ్‌లో కోహ్లి, రోహిత్‌లు ఇలా ప‌క్క‌ప‌క్క‌న కూర్చోవ‌డం ఎప్పుడూ చూడ‌లేదు. రోహిత్ రిటైర్ అవ్వ‌బోతున్నాడ‌నే వార్త తెలిసిన‌ప్ప‌టి నుంచి కోహ్లి దిగాలుగా కనిపిస్తున్నాడ‌ని, అత‌డి ప‌క్క‌నే కూర్చొని ధైర్యం చెబుతున్న‌ట్లుగా అనిపిస్తోంద‌ని, నిజ‌మైన స్నేహం అంటే ఇదేనంటూ' కామెంట్ చేశాడు.ఇక రోహిత్ శ‌ర్మ రిటైర్మెంట్‌పై అటు హిట్‌మ్యాచ్ కానీ, ఇటు బీసీసీఐ ఇప్ప‌టివ‌ర‌కు స్పందించ‌లేదు. బ్యాటింగ్ కోచ్ సీతాన్షు కొట‌క్ కూడా రోహిత్ ఫామ్‌పై స్పందించాడే త‌ప్ప అత‌డి రిటైర్మెంట్‌పై ఎలాంటి ప్ర‌క‌ట‌న చేయ‌లేదు. దీంతో కొంత‌మంది అభిమానులు వ‌చ్చే వ‌న్డే ప్ర‌పంచ‌క‌ప్ వ‌ర‌కు రోహిత్ ఆడుతాడ‌ని, త‌న ఫిట్‌నెస్‌ను మెరుగుప‌రుచుకునేందుకు రోహిత్ 10 కిలోల బ‌రువు కూడా త‌గ్గాడ‌ని, మూడో వన్డేలో భారీ ఇన్నింగ్స్‌తో మెరుస్తాడ‌ని జోస్యం చెబుతున్నారు. ఇక శుక్ర‌వారం జ‌రిగిన రెండో వ‌న్డేలో ఇంగ్లండ్ నాలుగు వికెట్ల తేడాతో విజ‌యాన్ని అందుకుంది.మ్యాచ్ విష‌యానికొస్తే.. టాస్‌ ఓడి మొదట బ్యాటింగ్‌కు దిగిన భారత్‌ 44 ఓవర్లలో 233 పరుగులకు ఆలౌటైంది. స్టార్‌ బ్యాటర్‌ విరాట్‌ కోహ్లి (66 బంతుల్లో 65; 8 ఫోర్లు), శ్రేయస్‌ అయ్యర్‌ (71 బంతుల్లో 66; 5 ఫోర్లు, 2 సిక్స్‌లు) అర్ధశతకాలతో ఆకట్టుకున్నారు. అనంతరం లక్ష్యఛేదనలో ఇంగ్లండ్‌ 44.1 ఓవర్లలో 6 వికెట్లకు 235 పరుగులు చేసింది. మాజీ కెప్టెన్‌ జో రూట్‌ (133 బంతుల్లో 99 నాటౌట్‌; 9 ఫోర్లు) సెంచరీకి ఒక్క పరుగు దూరంలో అజేయంగా నిలిచాడు. Never seen Kohli and Rohit sit together in the dressing room like this. Kohli's looking concerned seems like that Rohit retirement news is actually true and he knows. pic.twitter.com/7vcOZejDMq— Dhillon (@sehajdhillon_) July 16, 2026Read: అపశకునం ముద్ర.. ఫైనల్‌కు దూరంగా అర్జెంటీనా అధ్యక్షుడు!

కార్డిఫ్‌ వేదికగా ఇంగ్లండ్‌తో జరుగుతున్న రెండో వన్డేలో టాస్‌ ఓడి తొలుత బ్యాటింగ్‌ చేసిన భారత్‌ 44 ఓవర్లలో 233 పరుగులకే ఆలౌటైంది. విరాట్‌ కోహ్లి (65), శ్రేయస్‌ అయ్యర్‌ (66) రాణించడంతో భారత్‌ ఈమాత్రం స్కోరైనా చేయగలిగింది. ఓ దశలో (178-3) భారీ స్కోర్‌ చేసేలా కనిపించిన భారత్‌.. విరాట్‌ కోహ్లి ఔటయ్యాక వరుసగా వికెట్లు కోల్పోయింది. శ్రేయస్‌ క్రీజ్‌లో పాతుకుపోయినప్పటికీ.. అతడికి ఎవరు పెద్దగా సహకరించలేదు. ఆఖర్లో బుమ్రా (20 నాటౌట్‌) బ్యాట్‌ ఝులిపించడంతో భారత్‌ 230 పరుగుల మార్కును తాకగలిగింది. అట్కిన్సన్‌ వేసిన ఇన్నింగ్స్‌ 43వ ఓవర్‌లో బుమ్రా 3 ఫోర్లు, ఓ సిక్సర్‌ బాదాడు.అంతకుముందు భారత ఇన్నింగ్స్‌ను రోహిత్‌ శర్మ (26), శుభ్‌మన్‌ గిల్‌ (31) ఓ మోస్తరు ఆరంభాన్ని అందించారు. ఈ మ్యాచ్‌లో కేఎల్‌ రాహుల్‌ స్థానంలో ఆడుతున్న ఇషాన్‌ కిషన్‌ ఒక్క పరుగుకే ఔటై నిరాశపరిచారు. గత మ్యాచ్‌లో అద్భుత అర్ద శతకాలతో సత్తా చాటిన వాషింగ్టన్‌ సుందర్‌ (2), అక్షర్‌ పటేల్‌ (1) ఈ మ్యాచ్‌లో చేతెల్తేశారు. విధ్వంసకర ఆటగాడు శివమ్‌ దూబే ఎదుర్కొన్న తొలి బంతికే ఔటయ్యారు. జోఫ్రా ఆర్చర్‌ వరుస బంతుల్లో అక్షర్‌, దూబేలను ఔట్‌ చేశాడు. ఆతర్వాత కొద్ది సేపటికే గుర్నూర్‌ బ్రార్‌ 7 పరుగుల వద్ద ఔటయ్యాడు. శ్రేయస్‌ అయ్యర్‌ తొమ్మిదో వికెట్‌గా వెనుదిరిగాడు. ప్రసిద్ద్‌ కృష్ణ (0) ఆఖరి వికెట్‌గా వెనుదిరిగాడు.ఇంగ్లండ్‌ బౌలర్లలో జోఫ్రా ఆర్చర్‌, అట్కిన్సన్‌ తలో 3 వికెట్లతో సత్తా చాటగా.. సాకిబ్‌ మహమూద్‌ 2, సామ్‌ కర్రన్‌, విల్‌ జాక్స్‌ చెరో వికెట్‌ తీశారు. కాగా, 3 మ్యాచ్‌ల ఈ సిరీస్‌లో భారత్‌ తొలి వన్డే గెలిచి 1-0 ఆధిక్యంలో కొనసాగుతున్న విషయం తెలిసిందే.

టీమిండియా స్టార్ బ్యాటర్లు రోహిత్‌ శర్మ, విరాట్‌ కోహ్లి కలిసికట్టుగా మరో ఘనత సాధించారు. అంతర్జాతీయ క్రికెట్‌లో ఈ ఇ‍ద్దరు 8000 పరుగుల భాగస్వామ్యాన్ని పూర్తి చేశారు. తద్వారా ఈ ఘనత సాధించిన మూడో భారత జోడీగా, ఓవరాల్‌గా తొమ్మిదో జోడీగా రికార్డుల్లోకెక్కారు.వీరికి ముందు భారత్‌ తరఫున గంగూలీ-టెండూల్కర్‌ (12400), ద్రవిడ్‌-టెండూల్కర్‌(11037) ఉన్నారు. ప్రపంచవ్యాప్తంగా ఈ రికార్డు శ్రీలంక స్టార్‌ ద్వయం మహేళ జయవర్దనే-కుమార సంగక్కర (13368) పేరిట ఉంది.కార్డిఫ్‌ వేదికగా ఇంగ్లండ్‌తో జరుగుతున్న రెండో వన్డేలో రో-కో జోడీ ఈ ఘనత సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న భారత్‌ 30 ఓవర్లలో 3 వికెట్ల నష్టానికి 168 పరుగులు చేసి ఇన్నింగ్స్‌ను కొనసాగిస్తుంది. గిల్‌ (31), రోహిత్‌ (26), ఇషాన్‌ కిషన్‌ (1) ఔట్‌ కాగా.. విరాట్‌ (65), శ్రేయస్‌ (33) క్రీజ్‌లో ఉన్నారు. ఇంగ్లండ్‌ బౌలర్లలో సామ్‌ కర్రన్‌, అట్కిన్సన్‌, జాక్స్‌ తలో వికెట్‌ తీశారు. కాగా, 3 మ్యాచ్‌ల ఈ సిరీస్‌లో భారత్‌ తొలి వన్డే గెలిచి 1-0 ఆధిక్యంలో కొనసాగుతున్న విషయం తెలిసిందే.

రికార్డుల రారాజు విరాట్ కోహ్లి మరో రికార్డు సాధించాడు. ఇంగ్లండ్ గడ్డపై అత్యధిక అంతర్జాతీయ పరుగులు చేసిన భారత బ్యాటర్‌గా చరిత్ర సృష్టించాడు.కార్డిఫ్‌ వేదికగా ఆతిథ్య జట్టుతో జరుగుతున్న రెండో వన్డేలో ఈ ఘనత సాధించాడు.4 పరుగుల వ్యక్తిగత స్కోర్‌ వద్ద రాహుల్‌ ద్రవిడ్‌ (2645) పేరిట ఉన్న రికార్డును తన ఖాతాలో వేసుకున్నాడు. 1996 నుంచి 2011 వరకు ద్రవిడ్ ఇంగ్లండ్‌లో 46 మ్యాచ్‌ల్లో 2645 పరుగులు చేయగా.. కోహ్లి 59 మ్యాచ్‌ల్లో ద్రవిడ్‌ రికార్డును అధిగమించాడు. ప్రస్తుతం ఈ జాబితాలో విరాట్‌ (2646*), ద్రవిడ్‌ తర్వాతి స్థానాల్లో సచిన్‌ టెండూల్కర్‌ (2626), రోహిత్‌ శర్మ (2308*), సౌరవ్‌ గంగూలీ (1949) ఉన్నారు.రిచర్డ్స్ రికార్డు ఇంకా చెక్కుచెదరలేదు..!ఓవరాల్‌గా ఇంగ్లండ్‌ గడ్డపై అత్యధిక పరుగులు చేసిన విదేశీ బ్యాటర్‌గా వెస్టిండీస్ దిగ్గజం వివియన్ రిచర్డ్స్ కొనసాగుతున్నాడు. 1975 నుంచి 1991 మధ్య అతడు 3402 పరుగులు చేశాడు.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌కు దిగిన భారత్‌ 23 ఓవర్లలో 3 వికెట్ల నష్టానికి 120 పరుగులు చేసి ఇన్నింగ్స్‌ను కొనసాగిస్తుంది. గిల్‌ (31), రోహిత్‌ (26), ఇషాన్‌ కిషన్‌ (1) ఔట్‌ కాగా.. విరాట్‌ (45), శ్రేయస్‌ (6) క్రీజ్‌లో ఉన్నారు. ఇంగ్లండ్‌ బౌలర్లలో సామ్‌ కర్రన్‌, అట్కిన్సన్‌, జాక్స్‌ తలో వికెట్‌ తీశారు. కాగా, 3 మ్యాచ్‌ల ఈ సిరీస్‌లో భారత్‌ తొలి వన్డే గెలిచి 1-0 ఆధిక్యంలో కొనసాగుతున్న విషయం తెలిసిందే.

టీమిండియా స్టార్ బ్యాటర్ విరాట్ కోహ్లీ వ్యక్తిగత బాడీగార్డ్‌పై వివాదం చెలరేగింది. ఇంగ్లండ్ పర్యటన సందర్భంగా మీడియా ప్రతినిధితో దురుసుగా ప్రవర్తించి, అసభ్య పదజాలం ఉపయోగించాడని ఆరోపణలు రావడంతో సోషల్ మీడియాలో తీవ్ర చర్చ జరుగుతోంది. ఈ ఘటనపై భారత క్రికెట్ నియంత్రణ మండలి (BCCI) దర్యాప్తు చేపట్టి చర్యలు తీసుకోవాలంటూ జర్నలిస్టులు, అభిమానులు డిమాండ్ చేస్తున్నారు.సోషల్‌మీడియా జరుగుతున్న ప్రచారం ప్రకారం.. ఓ జర్నలిస్టు భారత జట్టు బస్సు బయలుదేరే దృశ్యాలను (కోహ్లి బస్సులోకి ఎక్కుతుండగా) అధికారిక మీడియా పాయింట్‌లో నిలబడి చిత్రీకరిస్తున్నాడు. ఆ సమయంలో విరాట్ కోహ్లీ వ్యక్తిగత బాడీగార్డ్ అక్కడికి వచ్చి సదరు జర్నలిస్టును అక్కడి నుంచి వెళ్లిపోవాలని తీవ్ర పదజాలంతో దూషించినట్లు ఆరోపణలు ఉన్నాయి.జర్నలిస్టు తన వద్ద అధికారిక అక్రిడిటేషన్ కార్డు ఉందని చెప్పినా, బాడీగార్డ్ పట్టించుకోకుండా అవమానకరంగా ప్రవర్తించినట్లు తెలుస్తోంది. ఈ విషయాన్ని పలువురు మీడియా ప్రతినిధులు సోషల్ మీడియాలో వెల్లడించడంతో వివాదం ముదిరింది.బీసీసీఐ నిబంధనలపై ప్రశ్నలుఈ ఘటనతో మరో అంశం కూడా చర్చనీయాంశమైంది. బీసీసీఐ సెంట్రల్ కాంట్రాక్ట్ కలిగిన ఆటగాళ్లు విదేశీ పర్యటనల్లో వ్యక్తిగత బాడీగార్డులు, వ్యక్తిగత సిబ్బందిని వెంట తీసుకెళ్లేందుకు అనుమతి ఉందా అనే ప్రశ్నలు తలెత్తాయి.బీసీసీఐ అమల్లో ఉన్న క్రమశిక్షణ మార్గదర్శకాల ప్రకారం విదేశీ పర్యటనల్లో ఆటగాళ్ల భద్రతను బోర్డు, స్థానిక నిర్వాహకులు ఏర్పాటు చేసిన అధికారిక భద్రతా సిబ్బందే చూసుకోవాల్సి ఉంటుంది. వ్యక్తిగత భద్రతా సిబ్బందికి సాధారణంగా అనుమతి ఉండదు.బీసీసీఐ స్పందన కోసం ఎదురుచూపుఈ ఘటనపై ఇప్పటివరకు బీసీసీఐ ఎలాంటి అధికారిక ప్రకటన చేయలేదు. అలాగే విరాట్ కోహ్లీ కూడా స్పందించలేదు. అయితే ఆరోపణలు నిజమని తేలితే, బీసీసీఐ అంతర్గతంగా విచారణ జరిపే అవకాశం ఉందని క్రికెట్ వర్గాలు భావిస్తున్నాయి.ఇదిలా ఉంటే, విరాట్‌ కోహ్లీ మూడు మ్యాచ్‌ల వన్డే సిరీస్‌ ఆడేందుకు ఇంగ్లండ్‌లో ఉన్నాడు. ఈ సిరీస్‌లోని తొలి మ్యాచ్‌ ఎడ్జ్‌బాస్టన్‌ వేదికగా జరగగా.. ఆ మ్యాచ్‌లో టీమిండియా 6 వికెట్ల తేడాతో ఘన విజయం సాధించింది. అయితే ఈ మ్యాచ్‌లో విరాట్‌ మాత్రం విఫలమయ్యాడు. రెండో వన్డే జులై 16న కార్డిఫ్‌ వేదికగా జరుగనుంది.

మూడు మ్యాచ్‌ల సిరీస్‌లో భాగంగా ఇంగ్లండ్‌తో జరిగిన తొలి వన్డేలో భారత్‌ 6 వికెట్ల తేడాతో ఘన విజయం సాధించింది. తద్వారా సిరీస్‌లో 1-0 ఆధిక్యంలోకి వెళ్లింది. ఈ సిరీస్‌లో రెండో వన్డే కార్డిప్‌ వేదికగా 16వ తేదీ జరుగనుంది.ఈ మ్యాచ్‌కు ముందు భారత జట్టు రోటేషన్ విధానంపై ఆసక్తికర చర్చ జరుగుతోంది. 2027 వన్డే ప్రపంచకప్‌ను దృష్టిలో పెట్టుకుని జట్టులో పలు కాంబినేషన్లను పరీక్షిస్తున్నట్లు కెప్టెన్ శుభ్‌మన్ గిల్ వెల్లడించాడు.తొలి వన్డే అనంతరం మాట్లాడిన అతడు.. బ్యాటింగ్, బౌలింగ్ విభాగాల్లో సరైన సమతుల్యత కలిగిన జట్టును ఎంపిక చేసేందుకు విభిన్న కాంబినేషన్లను పరిశీలిస్తున్నామని తెలిపాడు.ప్రపంచకప్‌ దక్షిణాఫ్రికాలో జరుగనుండగా, అక్కడి పరిస్థితులకు ఇంగ్లండ్ పిచ్‌లు కొంతవరకు సమానంగా ఉంటాయని.. అందుకే ఈ సిరీస్‌ను ప్రయోగాలకు ఉపయోగించుకుంటున్నామని వివరించాడు.ఈ వ్యాఖ్యలతో రోహిత్ శర్మ, విరాట్ కోహ్లిలకు విశ్రాంతి ఇవ్వొచ్చనే ఊహాగానాలు తెరపైకి వచ్చాయి. దీనిపై అధికారిక ప్రకటన అయితే లేదు.ఒకవేళ వీరిలో ఎవరికైనా విశ్రాంతినిస్తే, వికెట్‌కీపర్-బ్యాటర్ ఇషాన్ కిషన్‌కు తుది జట్టులో చోటు దక్కే అవకాశముంది. అవసరానికి అనుగుణంగా బ్యాటింగ్ క్రమంలో మార్పులు చేసి జట్టు సమతుల్యతను కొనసాగించే అవకాశం ఉంది. కాగా, తొలి వన్డేలో రోహిత్ శర్మ 11, విరాట్ కోహ్లి 5 పరుగులకు ఔటై నిరాశపరిచారు.

ఇంగ్లండ్‌తో తొలి వన్డేలో భారత పేసర్‌ గుర్నూర్‌ బ్రార్‌ అదరగొట్టాడు. ఒకే ఓవర్లో రెండు వికెట్లు కూల్చి సత్తా చాటాడు. కాగా టీమిండియా- ఇంగ్లండ్‌ మధ్య మంగళవారం నాటి తొలి వన్డేకు బర్మింగ్‌హామ్‌ వేదిక. ఎడ్జ్‌బాస్టన్‌ మైదానంలో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది.ఒకే ఓవర్లో రెండు వికెట్లుఈ క్రమంలో 12 ఓవర్లలో వికెట్‌ నష్టపోకుండా ఇంగ్లండ్‌ 61 పరుగులు చేసింది. అయితే, ఇంగ్లండ్‌ ఇన్నింగ్స్‌లో 13వ ఓవర్లో బంతితో రంగంలోకి దిగిన బ్రార్‌ రెండో బాల్‌కు జేకబ్‌ బెతెల్‌ (14), నాలుగో బంతికి బెన్‌ డకెట్‌ (43)ను అవుట్‌ చేశాడు. తద్వారా ఒకే ఓవర్లో ఓపెనర్లు ఇద్దరినీ అవుట్‌ చేసి టీమిండియాకు బ్రేక్‌ ఇచ్చాడు.ఘోరంగా ఢీకొట్టుకున్నారుఇదిలా ఉంటే.. పదహారో ఓవర్లో ప్రసిద్‌ కృష్ణ బౌలింగ్‌లో జోస్‌ బట్లర్‌ బంతిని గాల్లోకి లేపాడు. ఈ క్యాచ్‌ను అందుకునేందుకు బ్రార్‌, కెప్టెన్‌ శుబ్‌మన్‌ గిల్‌ ప్రయత్నించారు. ఈ క్రమంలో ఇద్దరూ ఘోరంగా ఢీకొట్టుకున్నారు. అయితే, బ్రార్‌ సురక్షితంగా క్యాచ్‌ పట్టడంతో బట్లర్‌ (5) వెనుదిరిగాడు.ఇక కిందపడ్డ గిల్‌ను చేయిచ్చి పైకి లేపిన బ్రార్‌.. అతడిని ఆలింగనం చేసుకున్నాడు. ఇంతలో ప్రసిద్‌ కృష్ణతో కలిసి వికెట్‌ను సెలబ్రేట్‌ చేసుకున్న టీమిండియా దిగ్గజం విరాట్‌ కోహ్లి.. బ్రార్‌ వైపుగా వచ్చి డాన్స్‌ చేస్తూ అతడిని టీజ్‌ చేశాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.Gurnoor Brar completes the catch to send Jos Buttler back 🚶‍➡️ Watch the 1st ODI of #ENGvIND, LIVE NOW on Sony Sports Network TV channels.#SonySportsNetwork #MamlaPersonalHai #ExtraaaInnings pic.twitter.com/W2lmSrbZE4— Sony Sports Network (@SonySportsNetwk) July 14, 2026258 పరుగులకు ఆలౌట్‌కాగా ఇంగ్లండ్‌తో తొలి వన్డేలో భారత బౌలర్లు మెరుగ్గా రాణించారు. ప్రత్యర్థిని 47.5 ఓవర్లలో 258 పరుగులకు ఆలౌట్‌ చేశారు. అక్షర్‌ పటేల్‌ నాలుగు వికెట్లు పడగొట్టగా.. ప్రసిద్‌ కృష్ణ, గుర్నూర్‌ బ్రార్‌ తలా రెండు.. జస్‌ప్రీత్‌ బుమ్రా, శివం దూబే తలా ఒక వికెట్‌ తీశారు. ఇంగ్లండ్‌ బ్యాటర్లలో జో రూట్‌ టాప్‌ రన్‌ స్కోరర్‌ (76 నాటౌట్‌)గా నిలవగా.. లియామ్‌ డాసన్‌ (68) కూడా అర్ధ శతకం చేశాడు. మిగిలిన వారిలో బెన్‌ డకెట్‌ (43), విల్‌ జాక్స్‌ (20) రాణించారు. చదవండి: వాళ్లిద్దరికి అస్సలు పడటం లేదు.. డీకే సంచలన వ్యాఖ్యలు

భారత్‌ ఘన విజయంఎడ్జ్‌బాస్టన్‌ వన్డేలో 6 వికెట్ల తేడాతో భారత్‌ ఘన విజయం సాధించింది. ఇంగ్లండ్‌ నిర్ధేశించిన 259 పరుగుల లక్ష్యాన్ని భారత్‌ 45.2 ఓవర్లలో 4 వికెట్లు కోల్పోయి చేధించింది. కెప్టెన్ శుభ్‌మన్ గిల్‌(85) టాప్ స్కోరర్‌గా నిలిచాడు. నిలకడగా ఆడిన గిల్ గాయం కారణంగా రిటైర్డ్ హార్ట్‌గా వెనుదిరిగాడు. గిల్‌తో పాటు అక్షర్‌ పటేల్‌(55 నాటౌట్‌), వాషింగ్టన్‌ సుందర్‌(52 నాటౌట్‌), శ్రేయస్‌ అయ్యర్‌(35) కీలక ఇన్నింగ్స్‌లు ఆడారు.విజయం దిశగా భారత్‌ఎడ్జ్‌బాస్టన్ వేదికగా ఇంగ్లండ్‌తో జరుగుతున్న తొలి వన్డేలో భారత్‌ విజయం దిశగా అడుగులు వేస్తోంది. 66 బంతుల్లో 43 పరుగులు కావాలి. క్రీజులో అక్షర్‌ పటేల్‌(35), వాషింగ్టన్‌ సుందర్‌(29) ఉన్నారు.గిల్‌ రిటైర్డ్‌ హర్ట్‌80 పరుగుల వద్ద గిల్‌ రిటైర్డ్‌ హర్ట్‌గా పెవిలియన్‌కు చేరాడు. అతడి స్థానంలో వాషింగ్టన్‌ సుందర్‌ క్రీజ్‌లోకి వచ్చాడు. 34 పరుగులతో శ్రేయస్‌ అప్పటిక క్రీజ్‌లో ఉన్నాడు. 26.1 ఓవర్ల తర్వాత భారత్‌ స్కోర్‌ 151-2గా ఉంది. ఈ మ్యాచ్‌లో గెలవాలంటే భారత్‌ మరో 108 పరుగులు చేయాలి. నిలకడగా ఆడుతున్న గిల్‌, శ్రేయస్‌గిల్‌ (74), శ్రేయస్‌ అయ్యర్‌ (32) నిలకడగా ఆడుతున్నారు. 24 ఓవర్ల తర్వాత భారత స్కోర్‌ 141-2గా ఉంది. ఈ మ్యాచ్‌లో భారత్‌ గెలవాలంటే మరో 118 పరుగులు చేయాలి. రోహిత్‌, కోహ్లి ఔట్‌ఇంగ్లండ్‌తో జరుగుతున్న తొలి వన్డేలో టీమిండియా స్టార్‌ బ్యాటర్లు రోహిత్‌ శర్మ (11), విరాట్‌ కోహ్లి (5) ఘోరంగా విఫలమయ్యారు. సామ్‌ కర్రన్‌ బౌలింగ్‌లో రోహిత్‌ ఔట్‌ కాగా.. ఆర్చర్‌ బౌలింగ్‌లో విరాట్‌ ఎల్బీడబ్ల్యూ అయ్యాడు. 8.3 ఓవర్ల తర్వాత భారత స్కోర్‌ 48-2గా ఉంది. రోహిత్‌ ఔట్‌.. తొలి వికెట్‌ కోల్పోయిన భారత్‌7.3వ ఓవర్‌- 259 పరుగుల ఛేదనలో టీమిండియా 43 పరుగుల వద్ద తొలి వికెట్‌ కోల్పోయింది. 21 బంతుల్లో ఫోర్‌ సాయంతో 11 పరుగులు చేసిన రోహిత్‌ సామ్‌ కర్రన్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి పెవిలియన్‌కు చేరాడు. గిల్‌కు (26) జతగా విరాట్‌ కోహ్లి క్రీజ్‌లోకి వచ్చాడు. బర్మింగ్‌హామ్‌ వేదికగా టీమిండియాతో తొలి వన్డేలో ఇంగ్లండ్‌ టాస్‌ గెలిచి.. తొలుత బ్యాటింగ్‌ ఎంచుకుంది. ఎడ్జ్‌బాస్టన్‌లో 47.5 ఓవర్లలో 258 పరుగులు చేసి ఆలౌట్‌ అయింది. ఓపెనర్‌ బెన్‌ డకెట్‌ (43) రాణించగా.. జో రూట్‌ (76 నాటౌట్‌), లియామ్‌ డాసన్‌ (68) అర్ధ శతకాలతో అదరగొట్టారు. మిగిలిన వారిలో విల్‌ జాక్స్‌ (20) చెప్పుకోదగ్గ స్కోరు చేశాడు.భారత బౌలర్లలో అక్షర్‌ పటేల్‌ నాలుగు వికెట్లతో సత్తా చాటగా.. గుర్నూర్‌ బ్రార్‌, ప్రసిద్‌ కృష్ణ తలా రెండు.. బుమ్రా, శివం దూబే చెరో వికెట్‌ దక్కించుకున్నారు. 259 పరుగుల లక్ష్యంతో టీమిండియా బ్యాటింగ్‌కు దిగింది. అప్‌డేట్స్‌..ఇంగ్లండ్‌ ఆలౌట్‌47.5: అక్షర్‌ బౌలింగ్‌లో జోష్‌ టంగ్‌ బౌల్డ్‌ (0)తొమ్మిదో వికెట్‌ కోల్పోయిన ఇంగ్లండ్‌47.3:అక్షర్‌ బౌలింగ్‌లో ఆదిల్‌ రషీద్‌ స్టంపౌట్‌ (1)ఎనిమిదో వికెట్‌ కోల్పోయిన ఇంగ్లండ్‌45.6: అక్షర్‌ పటేల్‌ బౌలింగ్‌లో వాషింగ్టన్‌ సుందర్‌కు క్యాచ్‌ ఇచ్చి ఎనిమిదో వికెట్‌గా వెనుదిరిగిన జోఫ్రా ఆర్చర్‌ (12). స్కోరు 250-8 (46). క్రీజులోకి ఆదిల్‌ రషీద్‌ రాగా.. రూట్‌ 69 పరుగులతో ఉన్నాడు.ఏడో వికెట్‌ డౌన్‌43.6: అక్షర్‌ పటేల్‌లో రోహిత్‌ శర్మకు క్యాచ్‌ ఇచ్చిన డాసన్‌. 68 పరుగుల వ్యక్తిగత స్కోరు వద్ద అవుట్‌. క్రీజులోకి జోఫ్రా ఆర్చర్‌. రూట్‌ 59 పరుగులతో ఉన్నాడు. స్కోరు: 228-7 (44).డాసన్‌, రూట్‌ హాఫ్‌ సెంచరీలు42 ఓవర్లలో ఇంగ్లండ్‌ స్కోరు: 214-6రూట్‌ 51, డాసన్‌ 63 పరుగులతో ఉన్నారు.కుదురుగా ఆడుతున్న రూట్‌, డాసన్‌జో రూట్‌ (30), లియామ్‌ డాసన్‌ (34) కుదురుగా ఆడుతున్నారు. 32 ఓవర్ల తర్వాత ఇంగ్లండ్‌ స్కోర్‌ 160-6గా ఉంది. 27 ఓవర్ల తర్వాత ఇంగ్లండ్‌ స్కోర్‌ 128-627 ఓవర్ల తర్వాత ఇంగ్లండ్‌ స్కోర్‌ 128-6గా ఉంది. రూట్‌ 21, లియామ్‌ డాసన్‌ 11 పరుగులతో క్రీజ్‌లో ఉన్నారు.ఆరో వికెట్‌ కోల్పోయిన ఇంగ్లండ్‌21.4వ ఓవర్‌- 107 పరుగుల వద్ద ఇంగ్లండ్‌ ఆరో వికెట్‌ కోల్పోయింది. శివమ్‌ దూబే బౌలింగ్‌లో రాహుల్‌ అద్భుతమైన క్యాచ్‌ పట్టడంతో విల్‌ జాక్స్‌ (20) ఔటయ్యాడు. 100 దాటిన ఇంగ్లండ్‌ స్కోర్‌21 ఓవర్లు ముగిసే సరికి ఇంగ్లండ్‌ స్కోర్‌ 104-5గా ఉంది. జో రూట్‌ (9), విల్‌ జాక్స్‌ (19) క్రీజ్‌లో ఉన్నారు. ఐదో వికెట్‌ కోల్పోయిన ఇంగ్లండ్‌16.4: ప్రసిద్‌ బౌలింగ్‌లో సామ్‌ రాహుల్‌కు క్యాచ్‌ ఇచ్చి డకౌట్‌గా వెనుదిరిగాడు.నాలుగో వికెట్‌ కోల్పోయిన ఇంగ్లండ్‌16.1: ప్రసిద్‌ కృష్ణ బౌలింగ్‌లో బ్రార్‌కు క్యాచ్‌ ఇచ్చి బట్లర్‌ అవుట్‌ (5). కేవలం 19 పరుగుల వ్యవధిలోనే నాలుగు వికెట్లు కోల్పోయిన ఇంగ్లండ్‌. సామ్‌ కర్రాన్‌ క్రీజులోకి రాగా.. రూట్‌ 6 పరుగులతో ఉన్నాడు. స్కోరు: 80-4.మూడో వికెట్‌ డౌన్‌13.1: బుమ్రా బౌలింగ్‌లో మూడో వికెట్‌గా వెనుదిరిగిన ఇంగ్లండ్‌ కెప్టెన్‌ హ్యారీ బ్రూక్‌ (1). క్రీజులోకి జోస్‌ బట్లర్‌. రూట్‌ సున్నా పరుగులతో ఉన్నాడు. స్కోరు: 64-3.రెండో వికెట్‌ కోల్పోయిన ఇంగ్లండ్‌12.4: గుర్నూర్‌ బ్రార్‌ బౌలింగ్‌లో బుమ్రాకు క్యాచ్‌ ఇచ్చిన డకెట్‌. హాఫ్‌ సెంచరీకి ఏడు పరుగులదూరంలో నిలిచిన డకెట్‌ (43).తొలి వికెట్‌ కోల్పోయిన ఇంగ్లండ్‌12.2: గుర్నూర్‌‌ బ్రార్‌ బౌలింగ్‌ వాషింగ్టన్‌ సుందర్‌కు క్యాచ్‌ ఇచ్చి తొలి వికెట్‌గా వెనుదిరిగిన జేకబ్‌ బెతెల్‌ (14).పవర్‌ ప్లేలో ఇంగ్లండ్‌ స్కోరు: 51-0 (10)ఓపెనర్లు బెన్‌ డకెట్‌ 41, జేకబ్‌ బెతెల్‌ ఆరు పరుగులతో క్రీజులో ఉన్నారు.రో-కో రాకఇక ఈ సిరీస్‌ సందర్భంగా భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ చాలాకాలం తర్వాత తిరిగి మైదానంలో అడుగుపెడుతున్నారు. ఏడు మ్యాచ్‌లలో ఇంగ్లండ్‌దే గెలుపు! 👉ఈ ఇద్దరు చివరగా సొంతగడ్డపై న్యూజిలాండ్‌తో జనవరిలో జరిగిన వన్డే సిరీస్‌లో పాల్గొన్నారు.​ ఇక ఎడ్జ్‌బాస్టన్‌లో జరిగిన గత ఏడు వన్డేల్లోనూ ఇంగ్లండ్‌ గెలుపొందడం విశేషం. అయితే, చివరగా 2014లో టీమిండియా చేతిలో ఇంగ్లండ్‌ ఓడింది. బట్లర్‌ @ 200👉మరోవైపు.. ఇంగ్లండ్‌ మాజీ కెప్టెన్‌ జోస్‌ బట్లర్‌ కెరీర్‌లో ఇది 200వ వన్డే. తద్వారా ఇంగ్లండ్‌ తరఫున అత్యధిక వన్డేలు ఆడిన ఆటగాళ్ల జాబితాలో ఇయాన్‌ మోర్గాన్‌ (225 వన్డేలు) తర్వాతి స్థానాన్ని బట్లర్‌ ఆక్రమించాడు. ఇదిలా ఉంటే.. ముందుగా టీ20 సిరీస్‌ జరగగా ఆతిథ్య ఇంగ్లండ్‌ టీమిండియాను 4-0తో వైట్‌వాష్‌ చేసింది. తుదిజట్లుఇంగ్లండ్‌జాకబ్ బెథెల్, బెన్ డకెట్, జో రూట్, హ్యారీ బ్రూక్(కెప్టెన్), జోస్ బట్లర్(వికెట్ కీపర్), సామ్ కర్రన్, విల్ జాక్స్, జోఫ్రా ఆర్చర్, లియామ్ డాసన్, జోష్ టంగ్, ఆదిల్ రషీద్ఇండియారోహిత్ శర్మ, శుబ్‌మన్ గిల్ (కెప్టెన్‌), విరాట్ కోహ్లి, శ్రేయస్‌ అయ్యర్, కెఎల్ రాహుల్ (వికెట్‌ కీపర్‌), వాషింగ్టన్ సుందర్, శివమ్ దూబే, అక్షర్ పటేల్, గుర్నూర్ బ్రార్, జస్ప్రీత్ బుమ్రా, ప్రసిద్ధ్ కృష్ణ.

ఇంగ్లండ్‌తో టీ20 సిరీస్‌లో క్లీన్‌స్వీప్‌నకు గురైన టీమిండియా వన్డే సిరీస్‌కు సన్నద్ధమైంది. ఇరుజట్ల మధ్య బర్మింగ్‌హామ్‌ వేదికగా తొలి వన్డేకు రంగం సిద్ధమైంది. ఈ సిరీస్‌తో భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ తిరిగి మైదానంలో అడుగుపెడుతున్నారు.ప్రత్యేకంగా చెప్పాల్సిందేమీ లేదుఈ నేపథ్యంలో టీమిండియా కెప్టెన్‌ శుబ్‌మన్‌ గిల్‌ ఆసక్తికర వ్యాఖ్యలు చేశాడు. మ్యాచ్‌కు ముందు మీడియాతో మాట్లాడుతూ.. శిక్షణ సందర్భంగా కోహ్లితో జరిగిన సంభాషణ గురించి వివరించాడు. ‘‘అత్యుత్తమ కాంబినేషన్‌తో ముందుకు వెళ్లడమే మా ప్రధాన ప్రణాళిక. దీని గురించే మేము మాట్లాడుకున్నాము.కొంతమంది ప్రస్తుతం జట్టులో లేకపోవచ్చు. వీరిలో పేస్‌ బౌలర్లు, ఆల్‌రౌండర్లు, స్పిన్నర్లు.. ఇలా ఎవరైనా సరే ఆయా విభాగం నుంచి భవిష్యత్తులో సేవలు అందించేందుకు జట్టులోకి రావొచ్చు. ఇక విరాట్‌ భాయ్‌, రోహిత్‌ భాయ్‌ గురించి ప్రత్యేకంగా చెప్పాల్సిందేమీ లేదు.గత దశాబ్ద కాలంగా వారిద్దరు టీమిండియా బ్యాటింగ్‌ లైనప్‌ వెన్నెముకగా ఉన్నారు. వారు జట్టులో అంతర్భాగం. వారి అనుభవం, నైపుణ్యం మా జట్టు విలువను పెంచుతాయి. అయితే, వన్డే ప్రపంచకప్‌ ప్రణాళికలు కాస్త భిన్నంగా ఉంటాయి.ఇక్కడి వికెట్ల మాదిరే వీలైనన్ని వైవిధ్యమైన కాంబినేషన్లు ప్రయత్నించడానికి మేము సిద్ధంగా ఉన్నాము. వరల్డ్‌కప్‌ వేదికైన సౌతాఫ్రికాలోని పిచ్‌లు.. ఇక్కడి (ఇంగ్లండ్‌) వికెట్ల మాదిరే ఉంటాయి. కాబట్టి మా బలాన్ని పరీక్షించుకునే క్రమంలో ఇది అత్యంత కీలకమైన సిరీస్‌గా మారింది. కొత్త వాళ్లకు అవకాశం నిజానికి మా తుదిజట్టులో ఎప్పుడూ పెద్దగా మార్పులు జరగలేదు. అయితే, కొత్త వాళ్లకు అవకాశం ఇచ్చే క్రమంలో స్వల్ప మార్పులు చోటుచేసుకోవచ్చు. యువ ఆటగాళ్లకు అవకాశం ఇవ్వడం ద్వారా.. ఒత్తిడిలో వారు ఏమేరకు రాణించగలరో తెలుసుకోవచ్చు. తద్వారా ప్రపంచకప్‌ టోర్నీకి ముందే జట్టు కూర్పు గురించి మాకు ఒక అవగాహన వస్తుంది’’ అని శుబ్‌మన్‌ గిల్‌ తెలిపాడు.ఇక టీ20 సిరీస్‌లో ఇంగ్లండ్‌ చేతిలో 4-0తో వైట్‌వాష్‌ కావడం తమపై ఎలాంటి ప్రభావం చూపబోదని గిల్‌ ఈ సందర్భంగా పేర్కొన్నాడు. ‘‘ఈ రెండూ వేర్వేరు ఫార్మాట్లు. వేర్వేరు జట్లు. వేర్వేరు లక్ష్యాలు. కాబట్టి ఈ సిరీస్‌పై గత టీ20 సిరీస్‌ ప్రభావం ఉంటుందని నేను అనుకోవడం లేదు’’ అని గిల్‌ అన్నాడు.చదవండి: టీమిండియాలోకి సూర్యకుమార్‌ యాదవ్‌!

ఇంగ్లండ్‌, టీమిండియా మధ్య ఎడ్జ్‌బాస్టన్ వేదికగా మరికొన్ని గంటల్లో తొలి వన్డే మొదలుకానుంది. జనవరిలో న్యూజిలాండ్‌తో వన్డే సిరీస్ తర్వాత వన్డేలు ఆడని రోహిత్ శర్మ, విరాట్ కోహ్లిలు జట్టులోకి తిరిగొచ్చారు. రో-కో ద్వయం తిరిగి రావడంతో పాటు గిల్‌, కేఎల్ రాహుల్ కూడా జాయిన్ కావడంతో టీమిండియా సరికొత్తగా కనిపిస్తుంది. అయితే ఇంగ్లండ్‌తో తొలి వన్డే నేపథ్యంలో ఇంగ్లండ్ పరిమిత ఓవర్ల క్రికెట్ కోచ్ బ్రెండన్ మెక్‌కల్లమ్ కోహ్లిని ఆకాశానికి ఎత్తాడు. 'క్రీడా ప్రపంచంలో కోహ్లి ఒక నిజమైన చాంపియన్‌. తన దూకుడైన ఆటతో క్రీడకు సరికొత్త నిర్వచనం చెప్పి ట్రెండ్‌సెట్టర్‌గా నిలిచాడు. కోహ్లి కేవలం క్రికెట్ ప్రపంచంలోనో లేక‌ భారతదేశంలోనో మాత్రమే కాకుండా, ప్రపంచవ్యాప్తంగా వివిధ క్రీడల రంగాల‌కు కూడా సుప‌రిచితుడిగా మారిపోయాడు. ప్రజలు క్రికెట్‌ను ప్రేమించేలా చేయ‌డంలో కోహ్లి స్ఫూర్తినిచ్చాడు. ఆట‌కు వీడ్కోలు ప‌లికిన త‌ర్వాత కోహ్లి వారసత్వం చిరస్థాయిగా నిలిచిపోతుంది. అత‌డు నిజమైన ఛాంపియన్.' అని పొగ‌డ్త‌ల వ‌ర్షం కురిపించాడు.ఇటీవలే ఇంగ్లండ్ వ‌రుస టెస్టు సిరీస్ ప‌రాజ‌యాలు చ‌విచూడ‌డంతో టెస్టు కోచ్ పదవికి బ్రెండన్ మెక్‌క‌ల్ల‌మ్ గుడ్‌బై చెప్పాడు. అయితే ప‌రిమిత ఓవ‌ర్ల క్రికెట్ (వ‌న్డే, టీ20 ఫార్మాట్‌)లో మాత్రం హెడ్‌కోచ్‌గా కొన‌సాగ‌నున్నట్లు స్ప‌ష్టం చేశాడు. తాజాగా టెస్టు కోచ్ ప‌ద‌వి నుంచి త‌ప్పుకోవడంపై స్పందించిన మెక్‌క‌ల్ల‌మ్ ఇంగ్లండ్ క్రికెట్ బోర్డుకు క్ష‌మాప‌ణ తెలిపాడు. టెస్టు కోచ్ ప‌ద‌వి నుంచి తప్పుకోవాల‌నే నిర్ణ‌యం బాధించిన‌ప్ప‌టికీ ప‌రిస్థితుల ప్ర‌భావంతోనే అలా చేయాల్సి వ‌చ్చింద‌న్నాడు. అయితే త‌న నిర్ణ‌యానికి క‌ట్టుబ‌డి ఉన్నాన‌ని మెక్‌క‌ల్ల‌మ్ పేర్కొన్నాడు. త‌న నిర్ణ‌యం ప‌ట్ల ఇంగ్లండ్ క్రికెట్ బోర్డుకు క్ష‌మాప‌ణ కోరుతున్న‌ట్లు తెలిపాడు. టెస్టు కోచ్‌గా త‌న పాత్ర‌ను స‌మ‌ర్థంగా పోషించ‌లేక‌పోయాన‌ని, అందుకే త‌ప్పుకోవాల‌నే నిర్ణ‌యానికి వ‌చ్చిన‌ట్లు వెల్ల‌డించాడు. మెక్‌క‌ల్ల‌మ్ టెస్టు కోచ్‌గా బాధ్య‌త‌లు చేప‌ట్టిన తొలి రోజుల్లో బెన్‌స్టోక్ కెప్టెన్సీలో 'బ‌జ్‌బాల్' ఆట‌తో ఇంగ్లండ్ 11 టెస్టుల్లో 10 విజ‌యాలు సాధించి కొత్త శ‌కానికి నాంది ప‌లికింది. కానీ రానురాను బ‌జ్‌బాల్ ఆట ఇంగ్లండ్ కొంప‌ముంచింది. ఈ మ‌ధ్య కాలంలో ఇంగ్లండ్ ఆడిన 9 టెస్టుల్లో ఏడింటిలో ప‌రాజ‌యం చ‌విచూసి డబ్ల్యూటీసీ టైటిల్ రేసులో చాలా వెనుక‌బ‌డిపోయింది. ఆ త‌ర్వాత స్టోక్స్ ఉదంతం అత‌డిని కెప్టెన్సీ నుంచి తొల‌గించేలా చేసింది. ఆ వెంట‌నే మెక్‌క‌ల్ల‌మ్ టెస్టు కోచ్ ప‌ద‌వి నుంచి వైదొలగుతున్న‌ట్లు ప్ర‌క‌టించాడు. Brendon McCullum has apologised to England fans for the poor string of Test results that led to his dismissal 💬 pic.twitter.com/zxNyHAvC7y— Sky Sports Cricket (@SkyCricket) July 13, 2026Read: ఫిఫా చరిత్రలో తొలిసారి.. సెంటిమెంట్‌తో బరిలోకి అర్జెంటీనా!

బర్మింగ్‌హామ్‌: ‘టి20 సిరీస్‌ ప్రభావం మాపై ఉండదు. ఫార్మాట్‌ వేరు, జట్టు వేరు, లక్ష్యం వేరు. పూర్తిగా భిన్నమైన, కొత్త తరహా వాతావరణం ఇక్కడ కనిపించనుంది’... ఇంగ్లండ్‌తో భారత్‌ వన్డే సిరీస్‌ ఆరంభానికి ముందు కెప్టెన్‌ శుబ్‌మన్‌ గిల్‌ చేసిన వ్యాఖ్య ఇది. ఐర్లాండ్‌–ఇంగ్లండ్‌ పర్యటనలో కలిపి ఒక్క మ్యాచ్‌ కూడా గెలవకుండా ఆరు పరాజయాలు మూటగట్టుకున్న టీమిండియా ఇప్పుడు వన్డే ఫార్మాట్‌లో పోరుకు సిద్ధమైంది. ఇక్కడైనా తమ స్థాయికి తగ్గ ప్రదర్శనతో సత్తా చాటి సిరీస్‌లో పైచేయి సాధించాలని భారత్‌ పట్టుదలగా ఉంది. వచ్చే ఏడాది జరిగే వన్డే వరల్డ్‌ కప్‌ కోసం జరుగుతున్న సన్నాహాలను దృష్టిలో ఉంచుకొని చూస్తే టి20లకంటే ఈ ఫార్మాట్‌లో టీమిండియా ప్రదర్శన కీలకం కానుంది. భారత జట్టు తాము ఆడిన గత 6 వన్డే సిరీస్‌లలో 3 సిరీస్‌లు కోల్పోయింది. అయితే ఇంగ్లండ్‌తో జరిగిన గత 5 వన్డేల్లోనూ భారత్‌ గెలవడం విశేషం. బుమ్రా 2 ఏళ్ల 8 నెలల తర్వాత... మాజీ కెప్టెన్లు, స్టార్‌ బ్యాటర్లు విరాట్‌ కోహ్లి, రోహిత్‌ రాకతో జట్టు బ్యాటింగ్‌ పటిష్టంగా కనిపిస్తోంది. వీరికి తోడు నిలకడగా రాణించే కెప్టెన్‌ గిల్‌ ఆట జట్టుకు అదనపు బలం. ఎలాగైనా వరల్డ్‌ కప్‌ ఆడాలనే లక్ష్యంతో ఉన్న కోహ్లి, రోహిత్‌ ఈ క్రమంలో తమకు లభించే ప్రతీ అవకాశాన్ని సమర్థంగా వాడుకునేందుకు ప్రయత్నిస్తున్నారు. కాబట్టి వారిద్దరి నుంచి అత్యుత్తమ ప్రదర్శనను ఆశించవచ్చు. ఈ టాప్‌–3 తర్వాత శ్రేయస్‌ అయ్యర్, కేఎల్‌ రాహుల్‌ మిడిలార్డర్‌ బాధ్యతలు తీసుకుంటారు. వన్డేల్లో రెగ్యులర్‌ బ్యాటర్‌గా రాహుల్‌ ఇప్పటికే పలు మార్లు తన విలువను చూపించాడు. ఇప్పుడు శ్రేయస్‌పై మాత్రం అదనపు భారం ఉంది. పేస్‌ బౌలింగ్‌లో అన్నింటికంటే పెద్ద బలం జస్‌ప్రీత్‌ బుమ్రా పునరాగమనంగా చెప్పవచ్చు. 2023 వన్డే వరల్డ్‌ కప్‌ ఫైనల్‌ తర్వాత బుమ్రా వన్డేలే ఆడలేదు! మరో ఇద్దరు యువ పేసర్లు గుర్నూర్, ప్రిన్స్‌లకు చోటు కల్పిస్తారా... ఒకరిని పక్కన పెట్టిన అర్ష్ దీప్‌ను ఆడిస్తారా చూడాలి.ఆల్‌రౌండర్లే బలం... టి20 సిరీస్‌లో అద్భుత ప్రదర్శనతో చెలరేగిన ఇంగ్లండ్‌ అదే ఊపులో వన్డే సిరీస్‌పై కన్నేసింది. టి20 టీమ్‌లో ఉన్న కెప్టెన్‌ బ్రూక్, ఆర్చర్, బెతెల్, బట్లర్, కరన్, టంగ్, రషీద్, జాక్స్‌లు వన్డేల్లో కూడా జట్టును గెలిపించగల సమర్థులు. వీరందరితో పాటు సీనియర్‌ బ్యాటర్‌ జో రూట్‌ వన్డే జట్టులో ఉండటం ఇంగ్లండ్‌కు పెద్ద సానుకూలాశం. అయితే జనవరిలో శ్రీలంకతో తలపడిన తర్వాత టీమ్‌ ఒక్క వన్డే కూడా ఆడలేదు. దాంతో ఈ ఫార్మాట్‌లో సన్నద్ధత విషయంలో కొంత తడబాటు కనిపించింది. అయితే సొంతగడ్డపై సిరీస్‌ కాబట్టి ఇంగ్లండ్‌ ఈ సవాల్‌ను అధిగమించగలదు. 2024 నుంచి ఆడిన 7 వన్డే సిరీస్‌లలో 5 ఓడిపోయిన ఇంగ్లండ్‌... చాంపియన్స్‌ ట్రోఫీలో ఒక్క మ్యాచ్‌ కూడా గెలవలేకపోయింది.

ఇంగ్లండ్ గ‌డ్డ‌పై టీ20 సిరీస్‌లో దారుణ ప‌రాజ‌యం త‌ర్వాత శుబ్‌మ‌న్ గిల్ నేతృత్వంలోని టీమిండియా వ‌న్డే సిరీస్ ఆడేందుకు స‌మాయ‌త్త‌మ‌వుతోంది. ఎడ్జ్‌బాస్ట‌న్ వేదిక‌గా మంగ‌ళ‌వారం (జూలై 14న) ఇరుజ‌ట్లు తొలి వ‌న్డే మ్యాచ్ ఆడ‌నున్నాయి. ఈ నేప‌థ్యంలో ఇప్ప‌టికే టెస్టులు, టీ20 ఫార్మాట్‌కు వీడ్కోలు ప‌లికిన సీనియర్ ఆట‌గాళ్లు విరాట్ కోహ్లి, రోహిత్ శ‌ర్మ వ‌న్డే జ‌ట్టుతో క‌లిశారు. ఇక తొలి వన్డేకు తుది జట్టు అంచనా ఒకసారి పరిశీలించి చూద్దాం.వీరితో పాటు సీనియ‌ర్ పేస‌ర్ జ‌స్‌ప్రీత్ బుమ్రా కూడా జాయిన్ కావ‌డంతో టీమిండియా బ‌లం పెరిగింది. 20 ఓవ‌ర్ల ఫార్మాట్ నుంచి 50 ఓవ‌ర్ల ఫార్మాట్‌కు ఆట మార‌డానికి తోడు, సీనియ‌ర్లు అంతా జ‌ట్టులోకి రావ‌డంతో టీమిండియా ఇప్పుడు పేప‌ర్‌పై దుర్భేద్యంగా క‌నిపిస్తోంది. 39 ఏళ్ల రోహిత్‌, 38 ఏళ్ల కోహ్లికి 2027 వ‌న్డే ప్ర‌పంచ‌కప్ ఆఖ‌రిది కానుండ‌డంతో వీరిద్ద‌రు రాణించాల‌ని ఉవ్విళ్లూరుతున్నారు. టీ20 సిరీస్‌లో జోఫ్రా ఆర్చ‌ర్‌, జోష్ టంగ్‌లు త‌మ బౌలింగ్‌తో టీమిండియా బ్యాట‌ర్ల‌ను బెంబెలెత్తించారు. కానీ వ‌న్డే ఫార్మాట్‌లో కోహ్లి, రోహిత్ వంటి అనుభ‌వ‌జ్ఞులు రావ‌డంతో ఈ ఇద్ద‌రు బౌల‌ర్ల ఆట‌లు సాగ‌క‌పోవ‌చ్చ‌ని అభిమానులు అభిప్రాయం వ్య‌క్తం చేస్తున్నారు. బ్యాటింగ్‌లో గిల్‌, రోహిత్ శ‌ర్మ‌, విరాట్ కోహ్లి, శ్రేయ‌స్ అయ్య‌ర్‌తో పాటు కేఎల్ రాహుల్ కీల‌కంగా మార‌నున్నారు.ఆల్‌రౌండ్ విభాగంలో అక్ష‌ర్‌ప‌టేల్‌, శివ‌మ్ దూబే, వాషింగ్ట‌న్ సుంద‌ర్‌లు ఉన్న‌ప్ప‌టికీ వీరిలో ఇద్ద‌రికి మాత్రమే అవ‌కాశం రానుంది. ఇక బౌలింగ్ విభాగాన్ని జ‌స్‌ప్రీత్ బుమ్రా న‌డిపించ‌నుండ‌గా.. టీ20 సిరీస్‌లో విఫ‌ల‌మైన‌ప్ప‌టికీ అర్ష్‌దీప్‌కు మ‌రో చాన్స్ ఇవ్వ‌నున్న‌ట్లు తెలుస్తోంది. మ‌రో స్పిన్న‌ర్ అవ‌స‌ర‌మ‌నుకుంటే కుల్దీప్ యాద‌వ్ తుదిజ‌ట్టులో చోటు ద‌క్కించుకుంటాడు. లేదంటే ప్రసిధ్ క్రిష్ణ, గుర్నూర్ బ్రార్‌ల‌లో ఒక‌రికి అవ‌కాశం క‌ల్పించ‌వ‌చ్చు. మొత్తానికి టీ20 సిరీస్‌లో ఓట‌మి పాలైనప్ప‌టికీ వ‌న్డే సిరీస్‌కు మాత్రం సీనియ‌ర్ల రాక‌తో టీమిండియా కొత్త‌గా కనిపిస్తోంది. మ్యాచ్‌ సమయం: భారత కాలమాన ప్రకారం మధ్యాహ్నం 3.30 గంటలకు ఎడ్జ్‌బాస్టన్‌ వేదికగా ప్రారంభం కానుంది.తుదిజ‌ట్టు అంచ‌నా: శుబ్‌మ‌న్ గిల్ (కెప్టెన్‌), రోహిత్ శ‌ర్మ‌, విరాట్ కోహ్లి, శ్రేయ‌స్ అయ్య‌ర్, కేఎల్ రాహుల్ (వికెట్ కీప‌ర్‌), శివ‌మ్ దూబే, అక్ష‌ర్ ప‌టేల్‌, జ‌స్‌ప్రీత్ బుమ్రా, అర్ష్‌దీప్ సింగ్‌, కుల్దీప్ యాద‌వ్‌, ప్ర‌సిధ్ క్రిష్ణ‌/ గుర్నూర్ బ్రార్‌

టీమిండియాతో ఐదు మ్యాచ్‌ల టీ20 సిరీస్‌ను 4-0 తేడాతో ఇంగ్లండ్‌ సొంతం చేసుకుంది. సౌతాంప్టాన్‌ వేదికగా జరిగిన ఐదో టీ20లోనూ ఆతిథ్య ఇంగ్లండ్‌ అదరగొట్టింది. భారత్‌ను 56 పరుగుల తేడాతో బ్రూక్‌ సేన చిత్తు చేసింది. అయితే ఈ మ్యాచ్‌లో ఇంగ్లండ్‌ స్టార్ ఓపెనర్‌ జోస్‌ బట్లర్‌ విధ్వంసకర సెంచరీతో చెలరేగాడు.గత కొన్నాళ్లగా పేలవ ఫామ్‌తో సతమవుతున్న బట్లర్‌.. ఈ మ్యాచ్‌లో మాత్రం భారత బౌలర్లను ఉతిరాకేశాడు. రోజ్‌బౌల్‌ మైదానంలో సిక్సర్ల వర్షం కురిపించాడు. బట్లర్‌ కేవలం 64 బంతుల్లో 12 ఫోర్లు, 8 సిక్స్‌లతో 131 పరుగులు చేశాడు. ఈ క్రమంలో బట్లర్‌ పలు అరుదైన రికార్డులను తన పేరిట లిఖించుకున్నాడు.బట్లర్‌ సాధించిన రికార్డులు ఇవే👉అంతర్జాతీయ టీ20 క్రికెట్‌లో అత్యధిక పరుగులు చేసిన బ్యాటర్ల జాబితాలో భారత స్టార్ బ్యాటర్‌ విరాట్ కోహ్లిని అధిగమించి మూడో స్ధానానికి బట్లర్ చేరుకున్నాడు.👉108 పరుగల వ్యక్తిగత స్కోర్ వద్ద బట్లర్ ఈ ఫీట్ సాధించాడు. విరాట్ తన టీ20 కెరీర్‌లో 4,188 పరుగులు చేయగా.. బట్లర్ ఇప్పటివరకు 4,212 రన్స్ చేశాడు. ఈ జాబితాలో అగ్రస్ధానంలో బాబర్ ఆజం(4,596) ఉండగా, రెండో స్ధానంలో రోహిత్ శర్మ(4,231) కొనసాగుతున్నాడు.👉అంతర్జాతీయ టీ20ల్లో భారత్‌పై అత్యధిక వ్యక్తిగత స్కోరు సాధించిన బ్యాటర్‌గా బట్లర్‌ రికార్డులకెక్కాడు. ఇప్పటివరకు ఈ రికార్డు వెస్టిండీస్ స్టార్ ఓపెనర్ ఎవిన్ లూయిస్‌(125 నాటౌట్‌) పేరిట ఉండేది.👉తాజా మ్యాచ్‌తో లూయిస్ ఆల్‌టైమ్ రికార్డును జోస్ ది బాస్(131) బ్రేక్ చేశాడు. టీ20ల్లో బట్లర్‌కే ఇదే అత్యధిక వ్యక్తిగత స్కోర్ కావడం గమనార్హం. అదేవిధంగా ఇంగ్లండ్ తరపున అత్యధిక స్కోర్ సాధించిన రెండో బ్యాటర్‌గా బట్లర్ నిలిచాడు. తొలి స్దానంలో ఫిల్ సాల్ట్‌(141) ఉన్నాడు.

టీమిండియా స్టార్ క్రికెట‌ర్ విరాట్ కోహ్లి కండ‌రాల గాయంతో అఫ్గానిస్తాన్‌తో వ‌న్డే సిరీస్‌కు దూర‌మైన సంగ‌తి తెలిసిందే. తాజాగా గాయం నుంచి కోలుకున్న కోహ్లి ఇంగ్లండ్‌తో వ‌న్డే సిరీస్ ఆడేందుకు సిద్ధ‌మ‌వుతున్నాడు. ఇప్ప‌టికే ప్రాక్టీస్ ఆరంభించిన కోహ్లి తొలి వ‌న్డేలో రాణించాలనే పట్టుదలతో ఉన్నాడు. తాజాగా కోహ్లికి సంబంధించి ఒక సీక్రెట్ సంభాషణను ఇంగ్లండ్‌ క్రికెటర్‌ జోర్డాన్‌ కాక్స్‌ లీక్‌ చేయడం వైర‌ల్‌గా మారింది. కొన్ని రోజుల క్రితం ఇంగ్లండ్ బ్యాట‌ర్ జోర్డాన్ కాక్స్ కోహ్లితో జ‌రిపిన ప‌ర్స‌న‌ల్ సంభాష‌ణకు సంబంధించిన ఫొటోలు తాజాగా బ‌య‌టికి వ‌చ్చాయి. దీనిపై జోర్డాన్ కాక్స్ స్పందించాడు. 'గ‌త నెల‌లో కోహ్లిని లండ‌న్‌లో క‌లిశాను. అయితే కోహ్లితో స‌మావేశాన్ని గోప్యంగా ఉంచాల‌ని భావించాను. కానీ మేమిద్ద‌రం మాట్లాడుకుంటున్న ఫొటోలు ఎవ‌రో ర‌హ‌స్యంగా చిత్రీక‌రించారు. తాజాగా ఆ ఫొటోలు బ‌య‌టికి లీక‌య్యాయి. మేమిద్ద‌రం మాట్లాడుకుంటున్న స‌మ‌యంలో కొంద‌రు మా ప‌క్క నుంచి మాట్లాడుకుంటూ వెళ్లారు. నాకు తెలిసి వాళ్ల‌లోనే ఎవ‌రో ఒకరు మా ఫొటోలు తీసి సోష‌ల్ మీడియ‌లో షేర్ చేశార‌నిపించింది. నిజానికి కోహ్లి లండ‌న్‌లో ఒక ప్ర‌శాంత‌మైన జీవితం గ‌డ‌పాల‌ని అనుకున్నాడంట‌. కానీ ఇక్క‌డ కూడా త‌న‌కు పాపులారిటీ రావ‌డంతో ఇక‌పై లండ‌న్‌లో స్వేచ్ఛగా తిరిగే హ‌క్కు కోల్పోతానేమో అని కోహ్లి నాతో చెప్పాడు. ఇక ఐపీఎల్ స‌మ‌యంలో కోహ్లి నాకు అండ‌గా నిల‌బ‌డ్డాడు. కొంత‌మంది ఆట‌గాళ్లు త‌మ ఆట‌పై మాత్ర‌మే దృష్టి పెడుతుంటారు. కానీ కోహ్లి మాత్రం త‌న‌తో పాటు ఉండే స‌హ‌చ‌రుల‌కు సంబంధించి అన్ని విష‌యాల‌పై దృష్టి పెట్ట‌డ‌మే గాక అవ‌స‌ర‌మైతే స‌ల‌హాలు కూడా ఇస్తుంటాడు. ఇదే అత‌డిని ప్ర‌త్యేకంగా నిలిపింది' అని జోర్డాన్ కాక్స్ చెప్పుకొచ్చాడు. 2024 టీ20 ప్ర‌పంచ‌క‌ప్ గెలిచిన త‌ర్వాత పొట్టి ఫార్మాట్‌కు, ఆ త‌ర్వాత టెస్టుల‌కు వీడ్కోలు ప‌లికిన విరాట్ కోహ్లి ప్ర‌స్తుతం వ‌న్డే ఫార్మాట్‌లో మాత్ర‌మే కొన‌సాగుతున్నాడు. 2027 వ‌న్డే ప్ర‌పంచ‌క‌ప్ త‌ర్వాత కోహ్లి అంత‌ర్జాతీయ క్రికెట్‌కు వీడ్కోలు ప‌లికే అవ‌కాశం కూడా ఉంది. కోహ్లితో పాటు రోహిత్ శ‌ర్మ కూడా త‌న రిటైర్మెంట్‌పై ఒక నిర్ణ‌యానికి వ‌చ్చే చాన్స్ ఉంది. ప్ర‌స్తుతం శ్రేయ‌స్ అయ్య‌ర్ సార‌థ్యంలోని టీమిండియా.. ఇంగ్లండ్‌తో ఐదు మ్యాచ్‌ల టీ20 సిరీస్ ఆడుతోంది. మ‌రో మ్యాచ్ మిగిలి ఉండ‌గానే ఇంగ్లండ్ 3-0తో సిరీస్ గెలుచుకుంది. సిరీస్‌లో చివ‌రి మ్యాచ్ నేడు సౌతాంప్ట‌న్ వేదిక‌గా జ‌ర‌గ‌నుంది. ఈ మ్యాచ్‌లో గెలిచి వైట్‌వాష్ గండం నుంచి త‌ప్పించుకోవాల‌ని టీమిండియా భావిస్తోంది.ఇక జూలై 14 నుంచి 19 మధ్య ఇంగ్లండ్‌, భారత్ మధ్య మూడు వన్డే మ్యాచ్‌లు జరగనున్నాయి. వన్డేల్లో కోహ్లి ఇప్పటివరకు 311 వ‌న్డేల్లో 14,797 పరుగులు సాధించాడు. ఇందులో 54 సెంచరీలు, 77 అర్ధ‌సెంచ‌రీలు ఉన్నాయి.చదవండి: ఇంగ్లండ్‌తో సిరీస్ ఓట‌మి.. తొలి దెబ్బ అత‌డికేనా?