Maharashtra

న్యూఢిల్లీ: సుప్రీంకోర్టు ప్రధాన న్యాయమూర్తి (సీజేఐ) జస్టిస్ సూర్యకాంత్‌పై చేసిన వ్యాఖ్యలకు సంబంధించి శివసేన (యూబీటీ) ఎంపీ సంజయ్ రౌత్ సుప్రీంకోర్టుకు బేషరతుగా క్షమాపణ చెప్పారు. ఈ మేరకు అఫిడవిట్ దాఖలు చేశారు. న్యాయస్థానం గౌరవాన్ని, అధికారాన్ని కించపరచాలనే ఉద్దేశం తనకు లేదని అందులో స్పష్టం చేశారు. తన క్షమాపణ అఫిడవిట్‌లో న్యాయస్థానం గౌరవాన్ని కాపాడాల్సిన అవసరాన్ని గుర్తిస్తున్నట్లు రౌత్ పేర్కొన్నారు. సుప్రీంకోర్టు స్వతంత్రత, ప్రతిష్ఠను పరిరక్షించడం అత్యంత ముఖ్యమని తనకు తెలుసునని తెలిపారు. న్యాయవ్యవస్థ గౌరవాన్ని, స్వతంత్రతను, అధికారాన్ని తగ్గించేలా వ్యవహరించాలనే ఉద్దేశం తనకు లేదని వివరించారు.నవంబర్ 17న వ్యక్తిగతంగా హాజరుకావాలని ఆదేశంసంజయ్ రౌత్ క్షమాపణ అఫిడవిట్ దాఖలు చేసినప్పటికీ ఈ వ్యవహారం ఇంకా ముగియలేదు. అక్టోబర్ 28న జరిగిన విచారణ సందర్భంగా ఆయన తరఫున న్యాయవాది ఎవరూ కోర్టుకు హాజరుకాలేదు. అంతేకాకుండా, ఆయన దాఖలు చేసిన క్షమాపణ అఫిడవిట్ అప్పటికి కోర్టు రికార్డుల్లో నమోదు కాలేదు. దీంతో సుప్రీంకోర్టు రౌత్‌ను నవంబర్ 17న వ్యక్తిగతంగా హాజరుకావాలని ఆదేశించింది. ఆ రోజు ఆయన సమర్పించిన క్షమాపణపై న్యాయస్థానం పరిశీలన జరిపి, తదుపరి నిర్ణయం తీసుకునే అవకాశం ఉంది.కోర్టు ధిక్కరణ నోటీసుతో మొదలైన వ్యవహారంసీజేఐ జస్టిస్ సూర్యకాంత్‌పై వ్యాఖ్యలతో కూడిన సంజయ్ రౌత్ సోషల్ మీడియా పోస్టు ఈ వివాదానికి కారణమైంది. ఈ వ్యవహారంలో సుప్రీంకోర్టు ఆయనకు కోర్టు ధిక్కరణ నోటీసు జారీ చేసింది. దీంతో రౌత్ అఫిడవిట్ ద్వారా క్షమాపణ కోరారు. కోర్టు ధిక్కరణ కేసుల్లో సంబంధిత వ్యాఖ్యలు లేదా చర్యలు న్యాయవ్యవస్థ ప్రతిష్ఠపై ఎలాంటి ప్రభావం చూపాయన్నది న్యాయస్థానం పరిశీలిస్తుంది. ఈ నేపథ్యంలో నవంబర్ 17న జరిగే విచారణ కీలకంగా మారనుంది.ఇదీ చదవండి: అమెరికా: స్కూల్లో కత్తులతో దాడి.. ఇద్దరు విద్యార్థులకు గాయాలు!

న్యూఢిల్లీ: లగ్జరీ వాహన తయారీ సంస్థ ‘జాగ్వార్‌ ల్యాండ్‌ రోవర్‌ (జేఎల్‌ఆర్‌) ఇండియా’ తమ ప్రముఖ ఎస్‌యూవీ ‘డిఫెండర్‌ 110’ ఉత్పత్తిని మహారాష్ట్రలోని పుణే ప్లాంట్‌లో ప్రారంభించింది. దేశీయంగానే ఈ మోడల్‌ను అసెంబ్లింగ్‌ చేయడం ద్వారా టాప్‌–ఎండ్‌ వేరియంట్‌ ధర గరిష్టంగా రూ. 34 లక్షల వరకు తగ్గనుంది. ఈ స్థానిక తయారీ నిర్ణయంతో రానున్న కాలంలో విక్రయాలు 20 శాతం వరకు పెరుగుతాయని కంపెనీ అంచనా వేస్తోంది. యూరప్‌ బయట ‘డిఫెండర్‌’ ఎస్‌యూవీని స్థానికంగా ఉత్పత్తి చేస్తున్న తొలి మార్కెట్‌గా భారత్‌ నిలిచింది. అయితే, గ్లోబల్‌ వేరియంట్లయిన డిఫెండర్‌ 90, డిఫెండర్‌ 130, డిఫెండర్‌ ఆక్టా మోడళ్ల తయారీ మాత్రం స్లొవేకియాలోని నిత్రా ప్లాంట్‌లోనే కొనసాగుతుందని కంపెనీ స్పష్టం చేసింది. గడిచిన మూడున్నరేళ్లలో భారత మార్కెట్లో ఏకంగా 9,000 యూనిట్ల డిఫెండర్‌ వాహనాలు అమ్ముడయ్యాయి. ‘ఫుణే ప్లాంట్‌లో ‘డిఫెండర్‌ 110’ తయారీ చేపట్టడం భారత మార్కెట్‌పై మాకున్న నమ్మకానికి నిదర్శనం. స్థానిక ఉత్పత్తి ద్వారా దేశీయ కస్టమర్ల డిమాండ్‌కు మరింత వేగంగా స్పందించే అవకాశం లభిస్తుంది’ అని జేఎల్‌ఆర్‌ ఇండియా ఎండీ రాజన్‌ అంబ తెలిపారు. కాగా, భారత్‌లో లభించే డిఫెండర్‌ 110 ఎస్‌యూవీ 2.0 లీటర్, 3.0 లీటర్‌ పెట్రోల్‌తో పాటు 3.0 లీటర్‌ డీజిల్‌ ఇంజిన్‌ ఆప్షన్లలో లభిస్తుంది.

ముంబై: మహారాష్ట్రలో కరవుతో ఇబ్బందులు పడుతున్న రైతులకు అండగా నిలిచేందుకు ఓ చిన్నారి తన తమ్ముడితో కలిసి రూ.3,575 విరాళంగా ఇచ్చింది. తమ పిగ్గీ బ్యాంకులో దాచుకున్న మొత్తాన్ని ముఖ్యమంత్రి సహాయ నిధికి అందించింది. వర్దా తిమాండే, ఆమె తమ్ముడు తీసుకున్న ఈ నిర్ణయంపై మహారాష్ట్ర ముఖ్యమంత్రి దేవేంద్ర ఫడ్నవీస్ ప్రశంసలు కురిపించారు. చిన్నారుల సాయం తన మనసును ఎంతగానో తాకిందని పేర్కొన్నారు.రైతుల కష్టాలను గుర్తించిన చిన్నారివర్దా తిమాండే, ఆమె తమ్ముడు తమ కోసం ఖర్చు చేసుకోకుండా పొదుపు చేసిన డబ్బును రైతుల సహాయం కోసం ఇవ్వాలని నిర్ణయించుకున్నారు. కరవు ప్రభావంతో ఇబ్బందులు ఎదుర్కొంటున్న రైతులకు తమ వంతుగా సాయం చేయాలనే ఆలోచనతో ఈ మొత్తాన్ని ముఖ్యమంత్రి సహాయ నిధికి అందించారు.ఈ చిన్నారుల చర్యకు సంబంధించిన వీడియోను ఫడ్నవీస్ తన అధికారిక ఎక్స్ ఖాతాలో పంచుకున్నారు. ఆ చిన్ని చేతుల నుంచి అందిన గొప్ప సాయంగా వారి విరాళాన్ని అభివర్ణించారు. రైతుల కష్టాలను ఇంత చిన్న వయసులోనే అర్థం చేసుకుని, వారికి అండగా నిలవాలనుకోవడం తనను కదిలించిందని తెలిపారు.తమ విరాళం ఎందుకు ఇవ్వాలనుకున్నారో వర్దా ముఖ్యమంత్రికి వివరించింది. “మా చిన్న సాయం రైతు మామయ్యల ముఖాల్లో ఆనందాన్ని తీసుకొస్తుంది” అని ఆమె చెప్పినట్లు ఫడ్నవీస్ తన పోస్టులో పేర్కొన్నారు. రైతుల పట్ల ఆ చిన్నారి చూపిన ఆప్యాయత తనను ఆకట్టుకుందని తెలిపారు.చిన్నారులపై సామాజిక మాధ్యమాల్లో ప్రశంసలుదేశ ప్రజల జీవనానికి, ఉపాధికి రైతుల శ్రమ ఎంతో కీలకమని ఫడ్నవీస్ గుర్తుచేశారు. రైతుల కష్టాలను గుర్తించి వారికి సహాయం చేయాలనుకున్న వర్దా ఆలోచన సమాజానికి ఒక పాఠమని పేర్కొన్నారు. రైతులను గౌరవంగా 'బలిరాజా' అని సంబోధించారు.ఈ ఘటనపై సామాజిక మాధ్యమాల్లోనూ పలువురు స్పందించారు. చిన్నారుల ఆలోచనను ప్రశంసిస్తూ, వారికి ఇలాంటి విలువలు నేర్పిన తల్లిదండ్రులను అభినందించారు. మరో వినియోగదారు వర్దాకు ఉన్న పెద్ద మనసును కొనియాడారు. చిన్న చేతులు.. పెద్ద హృదయం అంటూ మరికొందరు ప్రశంసించారు.సాధారణంగా పిల్లలు తమ పొదుపు డబ్బుతో తమకు నచ్చిన వస్తువులు కొనుగోలు చేయాలని భావిస్తారు. అయితే వర్దా, ఆమె తమ్ముడు మాత్రం ఆ మొత్తాన్ని కష్టాల్లో ఉన్న రైతుల కోసం ఇవ్వాలని నిర్ణయించుకున్నారు. వారి విరాళం విలువ కేవలం రూ.3,575 అయినప్పటికీ, ఇతరుల ఇబ్బందులను గుర్తించి సాయం చేయాలనే ఆలోచన వయసుతో సంబంధం లేదని ఈ ఘటన చాటిచెబుతోంది. ఇదీ చదవండి: మాజీ ఎమ్మెల్యే హఫీజ్ ఖాన్‌పై టీడీపీ గూండాలు దాడికి యత్నంचिमुकल्या हातांची मोठी मदत… बळीराजाप्रती मायेचा ओलावा! 🙏 वरदा तिमांडे या चिमुकलीने धाकट्या भावासह बचत करून जमवलेल्या ₹3575 चा धनादेश दुष्काळग्रस्त शेतकऱ्यांच्या मदतीसाठी मुख्यमंत्री सहाय्यता निधीमध्ये देण्याचा निर्णय मनाला स्पर्शून गेला. 'आपल्या छोट्याशा मदतीमुळे शेतकरी काकांच्या चेहऱ्यावर आनंद येईल' या शेतकऱ्यांविषयीची आस्था व्यक्त करणाऱ्या वरदाच्या शब्दांनी भारावून गेलो. ज्या बळीराजाच्या कष्टांवर आपले जीवन अवलंबून आहे, त्याच्या वेदना एका चिमुकलीलाही जाणवल्या, हीच समाजासाठी मोठी शिकवण आहे. वरदा, तुझ्या या संवेदनशील मनाला आणि तुझ्या चिमुकल्या हातांनी केलेल्या मोठ्या मदतीला मनापासून सलाम! #Maharashtra #Farmer #CMRF— Devendra Fadnavis (@Dev_Fadnavis) October 24, 2026

రంజీ ట్రోఫీ 2026-27 తాజా మ్యాచ్‌లలో ఉత్తరప్రదేశ్‌ స్టార్‌ రింకూ సింగ్‌, మహారాష్ట్ర కెప్టెన్‌ పృథ్వీ షా దారుణంగా విఫలమయ్యారు. ఇద్దరూ డకౌట్‌ అయి అభిమానులను తీవ్రంగా నిరాశపరిచారు. తాజా రంజీ ఎడిషన్‌లో భాగంగా ఉత్తరప్రదేశ్‌ తొలి మ్యాచ్‌లో బిహార్‌తో తలపడింది.వరుస సెంచరీలతో చెలరేగిన రింకూఈ మ్యాచ్‌లో టీమిండియా ఫినిషర్‌ రింకూ సింగ్‌ శతకం (112)తో రాణించి.. యూపీ విజయంలో కీలక పాత్ర పోషించాడు. ఈ మ్యాచ్‌లో యూపీ బిహార్‌పై ఇన్నింగ్స్‌, 267 పరుగుల తేడాతో జయభేరి మోగించింది. అనంతరం గోవాతో జరిగిన రెండో మ్యాచ్‌లోనూ రింకూ శతక్కొట్టాడు. అజేయ సెంచరీ (118)తో జట్టును గెలిపించాడు.తాజాగా డకౌట్‌అయితే, తాజాగా సోమవారం పుదుచ్చేరితో మొదలైన మూడో రంజీ మ్యాచ్‌లో మాత్రం రింకూ సింగ్‌ తుస్సుమనిపించాడు. ఐదో స్థానంలో బ్యాటింగ్‌కు దిగిన ఈ లెప్టాండర్‌ బ్యాటర్‌.. రెండు బంతులు ఎదుర్కొని.. పరుగుల ఖాతా తెరవకుండానే వెనుదిరిగాడు. ఆతిథ్య జట్టు బౌలర్లు అంకిత్‌ శర్మ బౌలింగ్‌లో మోహిత్‌ కాలేకు క్యాచ్‌ ఇచ్చి డకౌట్‌ అయ్యాడు. తొలి రోజు ఆట ముగిసే సరికి ఉత్తరప్రదేశ్‌ నాలుగు వికెట్ల నష్టానికి 67 పరుగులే చేయగలిగింది.అదే బాటలో పృథ్వీ షామరోవైపు.. రుతురాజ్‌ గైక్వాడ్‌ గైర్హాజరీలో మహారాష్ట్ర కెప్టెన్‌గా వ్యవహరిస్తున్న పృథ్వీ షా కూడా విఫలమయ్యాడు. పుణె వేదికగా గుజరాత్‌తో మ్యాచ్‌లో పృథ్వీ షా రెండు బంతులు ఎదుర్కొని.. చింతన్‌ గజా బౌలింగ్‌లో ఉర్విల్‌ పటేల్‌కు క్యాచ్‌ ఇచ్చి డకౌట్‌గా పెవిలియన్‌ చేరాడు. ఈ మ్యాచ్‌లో గుజరాత్‌ తొలి ఇన్నింగ్స్‌లో 223 పరుగులకు ఆలౌట్‌ అయింది. ఇక మహారాష్ట్ర సోమవారం ఆట పూర్తయ్యేసరికి.. వికెట్‌ నష్టానికి 24 పరుగులు చేసింది.కాగా తాజా సీజన్‌లో మహారాష్ట్ర తొలి మ్యాచ్‌లో సర్వీసెస్‌ జట్టుతో తలపడగా.. పృథ్వీ షా 70, 7 పరుగులు చేశాడు. ఈ మ్యాచ్‌లో మహారాష్ట్ర ఘన విజయం సాధించింది. ఇక జార్ఖండ్‌తో మ్యాచ్‌లో పృథ్వీ షా 21 పరుగులకే పరిమితం కాగా.. మ్యాచ్‌ డ్రా అయింది.చదవండి: టీమిండియాకు శుభవార్త.. ఆ ఇద్దరు వచ్చేస్తున్నారు!

అమ్మ వంట అంటే ఎవరికి ఇష్టం ఉండదు. ఎంత ఖరీదైన భోజనమైనా అమ్మ వంట ముందు బలాదూర్‌. ఆ విషయంలో క్రికెట్‌ దిగ్గజం సచిన్‌ టెండూల్కర్‌ సైతం ఔనంటూ అమ్మ వంటకే నూటికి నూరు మార్కులు వేసేస్తున్నాడు. అంతేగాదు తను క్రికెట్‌ పర్యటనల కారణంగా అమ్మ వంట ఎంతలా మిస్‌ అయ్యేవాడో..ఎలా మళ్లీ ఆ కమ్మని భోజనాన్ని ఆస్వాదించేవాడో సొషల్‌ మీడియా వేదికగా పంచుకున్నారు ఇలా. తనకు అమ్మ వంట అంటే ఎంత ఇష్టమో చెబుతూ..తను కుటుంబానికి దూరంగా గడిపిన రోజులను గుర్తుచేసుకుంటూ..తను ఇంటికి వచ్చే ముందు ఏం వంటకాలు కావాలో అమ్మకు ఫోన్‌లోనే వివరించేవాడినని అన్నారు. అంతేగాదు సాంప్రదాయ మహారాష్ట్ర వంటకాలపై ఉన్న ప్రేమను అభిమానులకు తెలియజేస్తూ..తన క్రికెట్‌ పర్యటనల కారణం అమ్మ భోజనాన్ని బాగా మిస్‌ అయ్యేవాడినని అన్నారు. తనకు నచ్చిన వంటకాలు సిద్దంగా ఉండేలా కనీసం రెండు లేదా మూడు రోజులు ముందుగానే ఇంటికి ఫోన్‌ చేసి ఏమి తినాలనుకుంటున్నానో అమ్మకి చెప్పేవారట. తను ఎక్కువుగా పప్పు, బియ్యం, సాంప్రదాయ మహారాష్ట్ర వంటకం అయిన వరణ్‌ భాత్‌, బంగాళదుంపలతో చేసే బటాటా భాజీ తదితరాలంటే ఇష్టమట. అలాగే తన తల్లి ప్రత్యేకంగా చేసే ఒక మిశ్రమాన్ని గుర్తు చేసుకుంటూ..తరతరాలుగా కుటుంబంలో ఆచారంగా చేసే రెసిపీనే అయినా..ఆమె చేతితో చేసిన ఆ రుచి చాలా ప్రత్యేకంగా ఉంటుందన్నారు. నెయ్యి వేసి చేతులతో తినడం వల్ల ఆ భోజనం మరింత ప్రత్యేకంగా ఉండేదంటూ తన సంభాషణను ముగించారు. ఎంతటి ఘనుడైనా..ఓ అమ్మకి కొడుకే అన్నది జగమెరిగిన సత్యం అని మరోసారి నిరూపితమైంది కదూ. View this post on Instagram A post shared by Sachin Tendulkar (@sachintendulkar) ఇదీ చదవండి: అంట్లు తోమే స్థాయి నుంచి వ్యాపార అధ్యక్షురాలి రేంజ్‌కు..! ఆమె సక్సెస్‌ మంత్ర ఇదే..

సాక్షి, హైదరాబాద్‌: డాక్టర్‌ బీఆర్‌ అంబేడ్కర్‌ ప్రాణహిత– చేవెళ్ల ప్రాజెక్టు పునరుద్ధరణలో భాగంగా ప్రాణహిత నదిపై 152 మీటర్ల ఎత్తులో తుమ్మిడిహెట్టి బరాజ్‌ నిర్మాణానికి మహారాష్ట్ర సర్కారును ఒప్పించే లక్ష్యంతో ముఖ్యమంత్రి రేవంత్‌రెడ్డి బృందం సోమవారం ముంబైలో మహారాష్ట్ర సీఎం దేవేంద్ర ఫడ్నవీస్‌తో కీలక చర్చలు జరపనుంది. ఇందుకోసం ఆదివారం రాత్రి బేగంపేట ఎయిర్‌పోర్టు నుంచి రేవంత్‌రెడ్డి, నీటిపారుదల శాఖ మంత్రి ఎన్‌.ఉత్తమ్‌ కుమార్‌రెడ్డి, సీఎస్‌ సంజయ్‌జాజు, ఇతర ఉన్నతాధికారులు ముంబై వెళ్లారు. సోమవారం ఉదయం 11 గంటలకు ముంబైలోని సహ్యాద్రి స్టేట్‌ గెస్ట్‌హౌస్‌లో సీఎంల భేటీ జరగనుంది. గతంలో 152 మీటర్ల ఎత్తులో తుమ్మిడిహెట్టి బరాజ్‌ నిర్మాణానికి మహారాష్ట్ర అంగీకరించలేదు. 2016 ఆగస్టు 23న నాటి సీఎం కేసీఆర్‌ మహారాష్ట్రతో చర్చలు జరిపి 148 మీటర్లకు ఎత్తు తగ్గించి తుమ్మిడిహెట్టి బరాజ్‌ నిర్మాణానికి ఒప్పందం చేసుకున్నారు. ఆ తర్వాత ప్రాణహిత–చేవెళ్ల ప్రాజెక్టును పక్కనపెట్టి దాని స్థానంలో కాళేశ్వరం ప్రాజెక్టును చేపట్టడంతో తుమ్మిడిహెట్టి బరాజ్‌ నిర్మాణం మరుగున పడిపోయింది. సోమవారం జరిగే చర్చల్లో 152 మీటర్ల ఎత్తుతో బరాజ్‌ నిర్మాణానికి ఫడ్నవీస్‌ అంగీకరిస్తే ప్రధాన అడ్డంకి తొలగిపోనుంది.ఏడాదిగా ప్రయత్నాలు..ఈ ఏడాది ఏప్రిల్‌ 29న బరాజ్‌ నిర్మాణ కార్యాచరణను వేగవంతం చేయాలని సీఎం రేవంత్‌రెడ్డి ఉన్నతస్థాయి సమీక్షలో నిర్ణయించారు. మే 6న చర్చలకు సమయం కేటాయించాలని మంత్రి ఉత్తమ్‌ మహారాష్ట్ర సీఎం ఫడ్నవీస్‌కు లేఖ రాశారు. తుమ్మిడిహెట్టి బరాజ్‌పై చర్చించేందుకు తెలంగాణ ప్రభుత్వ ప్రతినిధి బృందానికి సమయం ఇవ్వాలని మే 26న మహారాష్ట్ర సీఎంకు రాసిన లేఖలో రేవంత్‌ కోరారు. బ్యారేజీ ఎత్తు, ముంపు ప్రభావం, ఇతర అంతర్రాష్ట్ర అంశాలపై పరస్పర చర్చల ద్వారా పరిష్కరించుకుందామని విజ్ఞప్తి చేశారు. ఈ విషయంలో ఇరు రాష్ట్రాల మధ్య చర్చలు జరిగేలా సహకరించాలని జూన్‌ 11న ప్రధాని మోదీకి సైతం రేవంత్‌ లేఖ రాయగా ఆ లేఖను ప్రధాని కార్యాలయం కేంద్ర జలశక్తి శాఖకు పంపింది. ఆగస్టు 5న సీఎం రేవంత్, మంత్రి ఉత్తమ్‌ ఢిల్లీలో కేంద్ర జలశక్తి శాఖ మంత్రి సీఆర్‌ పాటిల్‌ను కలిసి బరాజ్‌ ఎత్తు పెంపుపై మహారాష్ట్ర అంగీకారం సాధించేందుకు సహకరించాలని కోరారు. 148 మీటర్ల వద్ద గ్రావిటీ ద్వారా ఆశించిన స్థాయిలో నీటిని తరలించడం సాధ్యం కాదని వివరించారు. 150 నుంచి 152 మీటర్ల ఎత్తుతో బరాజ్‌ నిర్మిస్తే గ్రావిటీతో నీళ్లను సుందిళ్ల బరాజ్‌ వరకు తరలించి విద్యుత్‌ వ్యయాన్ని తగ్గించవచ్చని తెలిపారు. సెంట్రల్‌ వాటర్‌ అండ్‌ పవర్‌ రిసెర్చ్‌ స్టేషన్‌ (సీడబ్ల్యూపీ ఆర్‌ఎస్‌) నిర్వహించిన బ్యాక్‌వాటర్‌ అధ్యయనాలను కేంద్ర మంత్రి దృష్టికి తీసుకెళ్లారు. సీఎం వరుస ప్రయత్నాలతో తెలంగాణ, మహారాష్ట్ర అధికారులతో సెప్టెంబర్‌ 1న కేంద్ర జలశక్తి శాఖ అంతర్రాష్ట్ర సమావేశం ఏర్పాటు చేసింది. సెప్టెంబర్‌ 3న సీడబ్ల్యూపీఆర్‌ఎస్‌ నిర్వహించిన బ్యాక్‌వాటర్‌ అధ్యయనాలను తెలంగాణ ప్రభుత్వం మహారాష్ట్ర జలవనరుల శాఖకు పంపించింది.

నాసిక్‌: మహారాష్ట్రలోని నాసిక్‌లో గోదావరి నది ఒడ్డున ఆదివారం ఏకకాలంలో 517 మంది చేసిన శంఖనాదం గిన్నిస్‌ రికార్డు సాధించింది. ఈ నెల 31వ తేదీ నుంచి మొదలయ్యే సింహస్థ కుంభ మేళాను పురస్కరించుకుని నాసిక్‌ త్రయంబకేశ్వర్‌ కుంభ మేళా అథారిటీ, అనంత్‌విజయ్‌ శంఖనాద్‌ టీమ్‌ ఈ కార్యక్రమాన్ని ఏర్పాటు చేశాయి. గిన్నిస్‌ వరల్డ్‌ రికార్డుల ప్రతినిధి రిశి నాథ్‌ సమక్షంలో 517 మంది ఐదున్నర నిమిషాలపాటు చేసిన శంఖనాదంతో గోదావరి పరిసరాలు ప్రతిధ్వనించాయి. ‘అభినందనలు, మీరు కొత్త ప్రపంచ రికార్డు నెలకొల్పారు’అని రిశి నాథ్‌ ప్రకటించగానే, ఈ కార్యక్రమాన్ని తిలకించేందుకు పెద్ద సంఖ్యలో చేరిన ప్రజలు భారత్‌ మాతా కీ జై అంటూ నినదించారు. కాగా, గతంలో అమెరికాలోని న్యూజెర్సీలో 2019లో 303 మందితో చేసిన శంఖనాదం ఇప్పటి వరకు ప్రపంచరికార్డుగా ఉంది.

మహారాష్ట్ర రాజకీయాల్లో రూ.500 కోట్ల వ్యవహారం ప్రకంపనలు సృష్టిస్తోంది. మరాఠా రిజర్వేషన్ల ఉద్యమ నేత మనోజ్‌ జరాంగే పాటిల్‌ విడుదల చేసిన ఓ ఆడియో క్లిప్‌ అధికార కూటమిలో చిచ్చు రేపింది. బీజేపీ నుంచి తనకు రూ.500 కోట్లు శివసేన ఎంపీ శ్రీకాంత్‌ షిండే ద్వారా అందాయని ఓ మహిళ ఆడియోలో పేర్కొన్నట్లు జరాంగే వెల్లడించారు. దీంతో అధికార కూటమిలోని బీజేపీ, ఏక్‌నాథ్‌ షిండే నేతృత్వంలోని శివసేన మధ్య మాటల యుద్ధం మొదలైంది. అయితే, ఈ ఆరోపణలను ఏక్‌నాథ్‌ షిండే, శ్రీకాంత్‌ షిండే ఖండించారు.2024 మహారాష్ట్ర అసెంబ్లీ ఎన్నికలకు ముందు తనకు రూ.500 కోట్లు శ్రీకాంత్‌ షిండే ద్వారా అందాయంటూ బీజేపీ వర్గాల్లో ప్రచారం జరుగుతోందని జరాంగే గతంలో ఆరోపించారు. తాజాగా ఓ మీడియా సమావేశంలో ఆడియో క్లిప్‌ను వినిపించారు. అందులో ఓ మహిళ రూ.500 కోట్లను శ్రీకాంత్‌ షిండే ద్వారా జరాంగేకు అందించినట్లు చెబుతున్నారని కథనాలు వెల్లడించాయి. మరాఠ్వాడాలో జరాంగే ప్రభావాన్ని తగ్గించే అంశంపై కూడా కొందరు మాట్లాడుకున్నట్లు సమాచారం.షిండే ఖండన.. ఫడ్నవీస్‌ విచారణకు ఆదేశంతనకు కానీ, తన కుమారుడికి కానీ రూ.500 కోట్లు ఇచ్చింది లేదని, తీసుకున్నదీ లేదని ఉప ముఖ్యమంత్రి ఏక్‌నాథ్‌ షిండే స్పష్టం చేశారు. ఆరోపణలు చేసే ముందు వాస్తవాలను నిర్ధారించుకోవాలని జరాంగేకు సూచించారు. ఆధారాలు ఉంటే సంబంధిత దర్యాప్తు సంస్థలకు అందించాలని కోరారు. మరోవైపు, ఆడియో క్లిప్‌పై ఫోరెన్సిక్‌ పరీక్ష నిర్వహించాలని ముఖ్యమంత్రి దేవేంద్ర ఫడ్నవీస్‌ ఆదేశించారు. ఈ వ్యవహారంపై రెండున్నరేళ్ల తర్వాత ఇప్పుడు ఈ సంభాషణలు ఎందుకు వెలుగులోకి వచ్చాయన్న ప్రశ్నను ఆయన లేవనెత్తారు.#WATCH | Nagpur, Maharashtra: On a viral audio clip alleging that Shiv Sena paid Rs 500 crore to Maratha activist Manoj Jarange through Lok Sabha MP Dr. Shrikant Shinde, Congress spokesperson Atul Londhe Patil says, "...'Make me the CM'—this is what the fight is about. Forensic investigation will continue... I will become the Chief Minister, and I will remain the Chief Minister — it has happened because of this race. This Maharashtra belongs to the ideas of Shiv-Shahu-Phule-Ambedkar, and both of them have done the work of spoiling it for their political ambitions, and this is the result..."— ANI (@ANI) October 24, 2026బీజేపీ, శివసేన నేతల మధ్య ఎదురుదాడిఈ వ్యవహారంపై శివసేన నేత, మాజీ మంత్రి రాందాస్‌ కదమ్‌ స్పందిస్తూ.. ఏక్‌నాథ్‌ షిండేను రాజకీయంగా దెబ్బతీసేందుకు బీజేపీలోని కొందరు కుట్ర చేస్తున్నారని ఆరోపించారు. బీజేపీ ఎమ్మెల్సీలు ప్రవీణ్‌ దరేకర్‌, ప్రసాద్‌ లాడ్‌ పేర్లను ప్రస్తావించారు. దీనిపై బీజేపీ నేతలు కూడా ఘాటుగా స్పందించారు. తమ పార్టీపై ఆరోపణలు చేస్తే సహించబోమని హెచ్చరించారు. అయితే, తర్వాత ఈ వివాదానికి ముగింపు పలికేందుకు ప్రయత్నాలు జరిగాయి. శివసేన మంత్రి ఉదయ్‌ సామంత్‌ తనతో మాట్లాడిన అనంతరం ఈ అంశం ముగిసిందని ప్రసాద్‌ లాడ్‌ పేర్కొన్నారు. ఏక్‌నాథ్‌ షిండేను తమ పెద్దన్నగా గౌరవిస్తామని చెప్పారు.ఇదిలా ఉండగా.. మహారాష్ట్రలో బీజేపీ, శివసేన మిత్రపక్షాల మధ్య ఇప్పటికే విభేదాలపై చర్చ జరుగుతున్న నేపథ్యంలో ఈ ఆడియో వివాదం మరింత ప్రాధాన్యం సంతరించుకుంది. ఆరోపణలు నిజమా, లేక రాజకీయ వివాదంలో భాగమా అన్నది విచారణ తర్వాతే స్పష్టమయ్యే అవకాశం ఉంది.ఇదీ చదవండి: మాజీ ఐఏఎస్‌ దివ్య సంచలన ప్రకటన.. యూపీలో పొలిటికల్‌ ట్విస్ట్‌!

భారత సమాజంతో ఐఏఎస్, ఐపీఎస్‌ అధికారులకున్నా గౌరవం గురించి ప్రత్యేకించి చెప్పాల్సిన అవసరం లేదు. అందుకే చాలా మంది భారతీయ కుటుంబాల్లో ఐఏఎస్‌ అధికారి కావడం అనేది అత్యున్నత కెరీర్‌ లక్ష్యంగా భావిస్తారు. తమ పిల్లలు కూడా సివిల్‌ సర్వీసుల్లో చేరాలని తల్లిదండ్రులు కోరుకుంటారు. అయితే ఐఏఎస్‌ అధికారిగా సమాజంలో తన ప్రత్యేకత చాటుకున్న తుకారం ముండే మాత్రం తన పిల్లలను సివిల్‌ సర్వీస్‌లో చేర్చడం ఇష్టం లేదంటున్నారు. దానికి కారణం తెలిస్తే మీరు షాకవ్వాల్సిందే. ఐఏఎస్‌ అధికారి తుకారాం ముండే ఇటీవల గ్లోబల్‌ మరాఠా బిజినెస్‌ ఎక్స్‌పోలో పాల్గొని కీలక వ్యాఖ్యలు చేశారు. తన మాట్లాడుతూ.. "తన పిల్లలు పారిశ్రామికవేత్తలుగా లేదా ప్రజా నాయకులుగా ఎదిగి, మరింత స్వేచ్ఛతో సమాజానికి సేవ చేయాలని ఆయన కోరుకుంటున్నట్లు తెలిపారు". సూమారు 21 ఏళ్ల సర్వీసులో 25 సార్లు బదిలీలను ఎదుర్కొన్న అనుభవమే దీనికి ప్రధాన కారణంగా పేర్కొన్నారు. ఈ బదిలీల ప్రభావం ఆయన ఉద్యోగ జీవితానికే పరిమితం కాకుండా కుటుంబ జీవితంపైనా పడినట్లు ముండే తెలిపారు.పిల్లల చదువుపై బదిలీల ప్రభావంతుకారాం ముండే తన పిల్లలను సివిల్‌ సర్వీసుల్లోకి రావద్దని సూచించడానికి ప్రధాన కారణం మహారాష్ట్రలోని వివిధ ప్రాంతాల్లో ఆయన విధులు నిర్వహించడంతో తరచూ నివాసం మారాల్సి రావడమే అన్నట్లు తెలుస్తోంది. ఒక నగరం నుంచి మరో నగరానికి వెళ్లడం, కొత్త ప్రాంతాలకు అలవాటు పడటం, పిల్లల చదువును కొనసాగించడం వంటి విషయాలు ఆయనను తరచుగా ఇబ్బందులకు గురిచేసింది.ముఖ్యంగా, ఆయన కుమారుడు ఐదో తరగతిలోకి రాకముందే ఆరుసార్లు పాఠశాలలు మారాల్సి వచ్చిందని పలు కథనాలు వెల్లడయ్యాయి. తన పోస్టింగులకు అనుగుణంగా కుటుంబ జీవితాన్ని పదేపదే మార్చుకోవాల్సి రావడంతో, తన భార్య కూడా అనేక సర్దుబాట్లు చేసుకోవాల్సి వచ్చిందని ఆయన వివరించినట్లు సమాచారం.ఇదీ చ‌ద‌వండి: అవే ఆయన నాతో చివరిగా అన్న మాటలుసాధారణంగా పిల్లల విషయంలో ఇటువంటి మార్పులు తీవ్రంగా ప్రభావం చూపుతాయి. ఒక పాఠశాల నుంచి మరో పాఠశాలకు మారినప్పుడు స్నేహితులను, పరిచయమున్న ఉపాధ్యాయులను, అలవాటైన వాతావరణాన్ని వదిలి వెళ్లాల్సి వస్తుంది. కొత్త పాఠశాలలో మళ్లీ అలవాటు పడటం, కొత్త స్నేహాలు ఏర్పరచుకోవడం, చదువులో కొనసాగింపును కాపాడుకోవడం వంటి సవాళ్లు ఎదురవుతాయి. ఐఏఎస్‌ ఉద్యోగం అధికారంతో, ఉద్యోగ భద్రతతో కూడినదిగా కనిపించినప్పటికీ, ఆ ఉద్యోగాన్ని నిర్వహించే వ్యక్తి కుటుంబం కూడా దాని ప్రభావాన్ని ఎదుర్కోవాల్సి వస్తుందని ముండే అనుభవం తెలియజేస్తోంది.ఎవరీ తుకారాం ముండే?తుకారాం ముండే మహారాష్ట్ర కేడర్‌కు చెందిన 2005 బ్యాచ్‌ ఐఏఎస్‌ అధికారి. నిబంధనలను కఠినంగా అమలు చేయడం, వివిధ ప్రభుత్వ విభాగాల్లో విధులు నిర్వహించడం, తరచూ బదిలీలను ఎదుర్కోవడం వంటి కారణాలతో ఆయన మహారాష్ట్ర అధికార వర్గాల్లో గుర్తింపు పొందారు. మున్సిపల్‌ పరిపాలన నుంచి రాష్ట్ర ప్రభుత్వంలోని ఉన్నత స్థాయి విభాగాల వరకు ఆయన వివిధ బాధ్యతలు నిర్వహించారు.ఇదీ చదవండి: ఇండిగో కీలక నిర్ణయం2026 మే నెలలో ఆయన మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ (FDA) కమిషనర్‌గా బాధ్యతలు చేపట్టారు. అప్పటి నుంచి కల్తీ ఆహరంపై ఆయన తీసుకుంటున్న చర్యలు దేశవ్యాప్తంగా సంచలనం సృష్టించాయి.

ముంబై: స్కూల్లో జెండా వందనం రోజు త్రివర్ణ పతాకాన్ని ఎగరవేయడానికి అతిథిని పిలుస్తారు. పిల్లలు అందరూ ఉదయాన్నే వచ్చి జెండా వందనం కోసం గంటలకొద్దీ ఎదురుచూస్తుంటారు. కడుపులో ఎలకలు పరిగెడుతున్నా అలాగే లైనులో కూర్చొని వేచి చూస్తుంటారు. ఆ అతిథి తన పనులు అన్నీ అయ్యాక ఎప్పుడో వచ్చి జెండా ఎగరేసి వెళ్తాడు. ఇటువంటి ఘటనలే అనేకం జరుగుతుంటాయి. రోడ్డు, వంతెనలు, నీళ్ల ట్యాంకుల ప్రారంభోత్సవానికి అతిథులు ఎప్పుడు వస్తారో వారికే తెలియదు. ఇటువంటి ఘటనే ముంబైలో చోటుచేసుకుంది. పూర్తిగా నిర్మాణం పూర్తయి వాహనాల రాకపోకలకు సిద్ధంగా ఉన్నప్పటికీ, అధికారిక ప్రారంభోత్సవం కోసం మూసి ఉంచిన సియాన్‌ వంతెనపై స్థానికులు ఆగ్రహం వ్యక్తం చేశారు. ప్రారంభోత్సవంలో పాల్గొనే ప్రముఖుల కోసం అధికారులు ఎదురుచూడటంపై నిరసనగా స్థానికులు, కాంగ్రెస్‌ కార్యకర్తలు బుధవారం క్రేన్‌తో అక్కడికి చేరుకున్నారు. వంతెనకు అడ్డంగా ఏర్పాటు చేసిన బారికేడ్లను తొలగించి, వాహనాల రాకపోకలను ప్రారంభించాలని ప్రయత్నించారు. అయితే పోలీసులు వారిని అడ్డుకోవడంతో ఆ ప్రయత్నం విఫలమైంది.ప్రారంభోత్సవం కోసం ఎదురుచూపులువంతెన నిర్మాణం పూర్తయి, వాహనాల రాకపోకలకు అనువుగా ఉన్నప్పటికీ ప్రజలకు అందుబాటులోకి తీసుకురాలేదు. ప్రముఖుల సమక్షంలో అధికారికంగా ప్రారంభించేందుకు సమయం ఖరారు చేయాల్సి ఉండటమే జాప్యానికి కారణంగా తెలుస్తోంది. బృహన్‌ ముంబై మున్సిపల్‌ కార్పొరేషన్‌ (బీఎంసీ) వంతెనను ప్రారంభించేందుకు గతంలో 4 గడువులు ప్రకటించినప్పటికీ, అందులో ఏ గడువుకూ పూర్తి కాలేదు. తాజాగా అక్టోబర్‌ 15నాటికి ప్రారంభించాలని లక్ష్యంగా పెట్టుకున్నా అది కూడా నెరవేరలేదు.గత వారమే వంతెనకు సంబంధించిన తుది పనులు పూర్తయ్యాయని, ప్రజల వినియోగానికి అనుమతించే ముందు ట్రాఫిక్‌ పోలీసుల నుంచి అభ్యంతరం లేదనే ధ్రువీకరణ పత్రం కోసం అధికారులు ఎదురుచూస్తున్నారని వార్తలు వచ్చాయి. అయినప్పటికీ వంతెనను ఇంకా ఎందుకు తెరవలేదనే విషయంపై బీఎంసీ బహిరంగంగా వివరణ ఇవ్వలేదు.2 ఏళ్లుగా ట్రాఫిక్‌ ఇబ్బందులుకొత్త వంతెన 1912లో నిర్మించిన పాత సియాన్‌ రైల్వే ఓవర్‌బ్రిడ్జికి ప్రత్యామ్నాయంగా నిర్మించారు. 2019లో ఐఐటీ బాంబే నిర్వహించిన నిర్మాణ భద్రతా తనిఖీలో పాత వంతెన ప్రమాదకరంగా ఉన్నట్లు గుర్తించారు. దీంతో దాన్ని కూల్చి, కొత్త వంతెన నిర్మించేందుకు 2024 ఆగస్టు 1న వాహనాల రాకపోకలను నిలిపివేశారు.ఛత్రపతి శివాజీ మహారాజ్‌ టెర్మినస్‌ నుంచి కుర్లా మధ్య ప్రతిపాదిత 5, 6వ రైల్వే లైన్లకు అనువుగా కొత్త వంతెనను ఒకే విస్తీర్ణంతో నిర్మించారు. బీఎంసీ, సెంట్రల్‌ రైల్వే సంయుక్తంగా సుమారు రూ.60 కోట్ల అంచనా వ్యయంతో ఈ ప్రాజెక్టును చేపట్టాయి. ముంబైలో రద్దీ ఎక్కువగా ఉండే ప్రాంతాల్లో తూర్పు, పడమర ప్రాంతాలను అనుసంధానించే కీలక మార్గంగా ఈ వంతెనకు ప్రాధాన్యం ఉంది.వీఐపీ సంస్కృతిపై విమర్శలువంతెన ప్రారంభంలో జాప్యాన్ని నిరసిస్తూ స్థానికులు ఆందోళన చేపట్టారు. అనంతరం కాంగ్రెస్‌ కార్యకర్తలు కూడా వారికి తోడయ్యారు. ప్రజలకు ఉపయోగపడే మౌలిక సదుపాయాలను అందుబాటులోకి తీసుకురావడంలో ప్రముఖుల కోసం ఎదురుచూసే సంస్కృతి అడ్డంకిగా మారిందని వారు విమర్శించారు. రిబ్బన్‌ కటింగ్‌ కార్యక్రమం కోసం వేచి ఉండటానికి బదులుగా, క్రేన్‌తో బారికేడ్లను తొలగించి వంతెనను తెరవాలని ప్రయత్నించారు. అయితే పోలీసులు జోక్యం చేసుకుని వారిని నిలువరించారు.వంతెనను ప్రజలకు అందుబాటులోకి తీసుకురావడానికి అధికారులు ఇప్పటివరకు కొత్త తేదీని ప్రకటించలేదు. అధికారికంగా ప్రారంభించే వరకు వాహనదారులు ప్రస్తుత మార్గాలపైనే ఆధారపడాల్సి ఉంటుంది. ప్రారంభోత్సవ తేదీని ఎప్పుడు ఖరారు చేస్తారు, వంతెనపై రాకపోకలకు ఎప్పటి నుంచి అనుమతిస్తారనే అంశాలపై ఇప్పుడు దృష్టి నెలకొంది.

ముంబై: శివసేన (యూబీటీ) నేతలు సంజయ్ రౌత్, ప్రియాంక చతుర్వేది మధ్య అల్బేనియాలో జరుగుతున్న విద్యార్థుల నిరసనలపై బహిరంగంగా భిన్నాభిప్రాయాలు వ్యక్తమయ్యాయి. అల్బేనియాలో చోటుచేసుకున్న పరిణామాల నుంచి భారత్ పాఠాలు నేర్చుకోవాలని రౌత్ సూచించగా, హింసాత్మక నిరసనలను ఆదర్శంగా తీసుకోవడం ప్రజాస్వామ్యానికి, రాజ్యాంగ వ్యవస్థలకు విరుద్ధమని ప్రియాంక చతుర్వేది స్పష్టం చేశారు.సంజయ్ రౌత్ సామాజిక మాధ్యమం ఎక్స్‌లో అల్బేనియాలోని పరిణామాలపై స్పందించారు. అవినీతిపరులైన ప్రధానమంత్రులకు సహకరిస్తోందన్న ఆగ్రహంతో అక్కడి ప్రజలు సుప్రీంకోర్టు భవనానికి నిప్పు పెట్టారని ఆయన పేర్కొన్నారు. నిరసనకారులు పార్లమెంటు, ప్రభుత్వ కార్యాలయాలు, మంత్రుల ఇళ్లపైనా దాడులు చేశారని తెలిపారు. ఈ ఘటనల నుంచి అన్ని దేశాలు పాఠాలు నేర్చుకోవాలని, ముఖ్యంగా భారత్ నేర్చుకోవాలని ఆయన తన పోస్టులో వ్యాఖ్యానించారు.అయితే, రౌత్ వ్యాఖ్యలతో ప్రియాంక చతుర్వేది విభేదించారు. భారత్ మరో దేశం నుంచి పాఠాలు నేర్చుకోవాల్సిన అవసరం లేదని చెప్పారు. కమ్యూనిస్టు నియంతృత్వ పాలన కింద అల్బేనియా అనేక సంవత్సరాలు గడిపిన విషయాన్ని ఆమె ప్రస్తావించారు. ప్రజలు చట్టాన్ని చేతుల్లోకి తీసుకోవడం, శాంతిభద్రతలకు విఘాతం కలిగించడం, సుప్రీంకోర్టు లేదా పార్లమెంటు వంటి వ్యవస్థలను అస్థిరపరచడం పూర్తిగా ఆమోదయోగ్యం కాదని అన్నారు.బంగ్లాదేశ్‌లో జరిగిన నిరసనల నుంచి స్ఫూర్తి పొంది ప్రభుత్వాన్ని మార్చాలని సూచించే వారి వైఖరిపైనా ఆమె అభ్యంతరం వ్యక్తం చేశారు. ఆ నిరసనలు తొలుత విద్యార్థులతో ప్రారంభమైనప్పటికీ, తరువాత ఇస్లామిస్ట్ ఉద్యమం వాటిని తన అధీనంలోకి తీసుకుందని, ఫలితంగా హిందువులు సహా మైనారిటీలపై దాడులు జరిగాయని పేర్కొన్నారు.“ఇలాంటి హింసాత్మక అధికార మార్పులకు ఏ ప్రజాస్వామ్యంలోనూ చోటు లేదు. అల్బేనియా, పారిస్ లేదా ఇతర ప్రాంతాల్లో జరిగిన ఇలాంటి పరిణామాలను మనం మార్గదర్శకంగా తీసుకోకూడదు” అని ప్రియాంక చతుర్వేది అన్నారు.అల్బేనియాలో ఉద్రిక్తతలుఅల్బేనియాలో ప్రధానమంత్రి ఎడి రామా రాజీనామా చేయాలనే డిమాండ్‌తో ప్రభుత్వ వ్యతిరేక నిరసనలు ఉద్ధృతమయ్యాయి. ప్రభుత్వ భవనాలపై దాడులు, పలు ప్రాంతాల్లో అగ్నిప్రమాదాలు చోటుచేసుకున్నాయి. సుప్రీంకోర్టు భవనంలోని కొంత భాగానికి కూడా నిప్పు పెట్టినట్లు అంతర్జాతీయ మీడియా తెలిపింది. ప్రభుత్వంలో అవినీతి, నిరుద్యోగం, విద్యా ప్రమాణాలపై అసంతృప్తి ఈ నిరసనలకు ప్రధాన కారణాలుగా నిలిచాయి. ఈ ఆందోళనల్లో నేరాలకు పాల్పడినట్లు 388 మందిపై కేసులు నమోదు చేసినట్లు పోలీసులు తెలిపారు. పలువురు పోలీసులు, నిరసనకారులు గాయపడ్డారు.ఈ పరిణామాలు ప్రజా నిరసనలు, ప్రజాస్వామ్య వ్యవస్థల పరిరక్షణపై రాజకీయంగా చర్చకు దారితీశాయి. రౌత్ వ్యాఖ్యలపై ప్రియాంక చతుర్వేది చేసిన విమర్శలు శివసేన (యూబీటీ)లో ఈ అంశంపై భిన్నాభిప్రాయాలను బయటపెట్టాయి. హింసకు మద్దతు ఇవ్వకుండా ప్రజాస్వామ్య పద్ధతుల్లోనే రాజకీయ మార్పులు కోరుకోవాలన్న అంశం ఈ వివాదంలో కీలకంగా మారింది.

ముంబై: ముంబైలోని జుహు పరిధిలోగల పుష్పా పార్క్ సమీపంలో బాలీవుడ్ నటుడు టైగర్ ష్రాఫ్ కారుపై బైక్‌పై వచ్చిన ముగ్గురు గుర్తుతెలియని వ్యక్తులు కాల్పులు జరిపారు. ఈ దాడిలో టైగర్ ష్రాఫ్ సురక్షితంగా బయటపడగా, ఆయన డ్రైవర్ ఫిర్దౌస్ ఎడమ చేతికి బుల్లెట్ గాయమై, నానావతి ఆసుపత్రిలో చేరారు. అక్కడే ఉన్న మరో అభిమానికి కూడా గాయాలయ్యాయి. ఘటనా స్థలం జుహు పోలీస్ స్టేషన్‌కు కేవలం 350 మీటర్ల దూరంలోనే ఉండటంతో నగర భద్రతపై ప్రశ్నలు తలెత్తుతున్నాయి. Instead of cracking down on students and activists, the police should focus on actual criminals. This is what happens when the Govt and police have their priorities completely misplaced.— Abhijeet Dipke (@abhijeet_dipke) October 18, 2026ఈ దాడిపై కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దిప్కే స్పందిస్తూ ప్రభుత్వం, పోలీసుల తీరుపై తీవ్ర స్థాయిలో మండిపడ్డారు. విద్యార్థులు, ఉద్యమకారులపై చర్యలు తీసుకోవడం మానేసి, అసలైన నేరగాళ్లపై పోలీసులు దృష్టి పెట్టాలని ఆయన ‘ఎక్స్‌’ (ట్విట్టర్) వేదికగా డిమాండ్ చేశారు. పాలకులు, పోలీసులు తమ విధుల ప్రాధాన్యతలు గాడి తప్పినప్పుడు ఇలాంటి పరిణామాలు ఎదురవుతాయని ఆయన దుయ్యబట్టారు.మరోవైపు, లారెన్స్ బిష్ణోయ్ గ్యాంగ్‌తో సంబంధం ఉందని భావిస్తున్న అనిల్ పండిట్, హర్మన్ సంధు పేర్లతో సోషల్ మీడియాలో ఈ దాడికి బాధ్యత వహిస్తూ పోస్ట్‌లు వచ్చాయి. సల్మాన్ ఖాన్‌తో కలిసి పనిచేస్తున్నందుకే టైగర్‌ను లక్ష్యంగా చేసుకున్నట్లు ఆ పోస్టులలో పేర్కొనగా, ముంబై పోలీసులు ఆ పోస్టుల నిజానిజాలపై దర్యాప్తు ప్రారంభించి, నిందితుల కోసం ప్రత్యేక బృందాలతో గాలింపు చర్యలు ముమ్మరం చేశారు. ఇదీ చదవండి: దసరా రేపా? ఎల్లుండా?.. పండితులు చెబుతున్నదిదే!

కంటిచూపు లేకపోయినా ఆత్మవిశ్వాసం, చేతిలో నైపుణ్యం ఉంటే అద్భుతాలు సృష్టించవచ్చని నిరూపిస్తున్నాడు మహారాష్ట్రలోని వాంగణి పట్టణానికి చెందిన అశోక్‌ గంగాధర్‌ భోయే. మూడేళ్ల పసిప్రాయంలోనే మశూచి వ్యాధి బారినపడి ఆయన పూర్తిగా చూపు కోల్పోయాడు. అయినా నిరాశపడకుండా జల్గావ్‌ జిల్లా చాలీస్‌గావ్‌లోని రాష్ట్రీయ విద్యాలయంలో పదో తరగతి పూర్తి తచేశాడు. ఆపై మాలేగావ్‌లోని అంబేడ్కర్‌ కాలేజీలో చేరినా, పరీక్షలు రాసేందుకు సహాయకుడు దొరక్కపోవడంతో చదువును మధ్యలోనే ఆపాల్సి వచ్చింది.బతుకుదెరువు కోసం టెలిఫోన్‌ ఆపరేటర్‌ కోర్సు చేయడం, అరటిపండ్లు అమ్మడం, పిండి మిల్లు, కిరాణా దుకాణం నడపడం వంటి ఎన్నో పనులను అశోక్‌ చేశాడు. చివరకు చిన్నప్పటి ఆసక్తితో ఎలక్ట్రికల్‌ రిపేర్‌ షాపుల్లో పనిచేయడం మొదలుపెట్టాడు. ‘కళ్లు లేని వ్యక్తి కరెంటు వస్తువులను ఎలా బాగు చేస్తాడు?’ అని మొదట్లో అంతా అనుమానించేవారు. కానీ, ‘రెండు రోజుల్లో రండి, మీ వస్తువు బాగుచేసి ఇస్తాను‘ అంటూ కేవలం చేతి స్పర్శ, శబ్దం ఆధారంగానే సర్క్యూట్‌ లోపాలను పసిగట్టి అందరినీ ఆశ్చర్య పరిచాడు అశోక్‌.ఇదీ చదవండి: నమ్మించి ఏకంగా రూ. 9.6 కోట్లు కొట్టేసిన నర్స్‌. కట్‌ చేస్తే! కుటుంబపోషణకు వచ్చే ఆదాయం సరిపోక మెరుగైన ఉపాధి కోసం 2007లో వాంగణికి మారిన అశోక్‌కు, స్థానికుడైన అంకుశ్‌ పట్నోరే అద్దె లేకుండా ఇల్లు ఇచ్చి ఆదుకున్నాడు. మొదట్లో ఆటబొమ్మలు అమ్మడం, మసాజ్, ఆక్యుపంక్చర్‌ చేస్తూ అశోక్‌ తన కుటుంబాన్ని పోషించాడు. ఒకసారి పాత ఇనుప సామాను వ్యాపారి రూ.50 విలువ కట్టిన పాత చెక్క రేడియోను అశోక్‌ రూ.150కి కొని, రిపేర్‌ చేసి ఏకంగా రూ.1,600కి అమ్మాడు. అక్కడి నుంచే ఆయన ‘వింటేజ్‌ రేడియోల’ ప్రయాణం మలుపు తిరిగింది.ప్రస్తుతం ముంబై శివారు ప్రాంతాల్లో ఒంటరిగా ప్రయాణిస్తూ మూలనపడ్డ పాతకాలపు రేడియోలు, టేప్‌ రికార్డర్లను సేకరించి వాటికి పునరుజ్జీవాన్నిస్తున్నాడు. కొత్త టెక్నాలజీ కోసం యూట్యూబ్‌ ఆడియో ట్యుటోరియల్స్‌ వింటూ, తన కూతురు సహాయంతో అలాగే గుజరాత్‌లోని ఓ మెంటార్‌ సహకారంతో అశోక్‌ తన నైపుణ్యాన్ని మెరుగుపరుచుకుంటున్నాడు.

పిల్లలు తమకు ఎదురైన విషయాలను భయం లేకుండా పెద్దలతో పంచుకోగలగాలి. మనసులోని మాట చెప్పేందుకు జంకకూడదు.. తమకు జరిగినది చెబితే తిడతారేమో, తప్పుపడతారేమోనన్న భయం వారిలో ఉండకూడదు. ఇటీవల వచ్చిన ఇరుముడి సినిమా ఇచ్చిన సందేశం కూడా ఇదే. పిల్లలు భయం వీడి తమకు ఎదురైన అనుభవాలను చెప్పగలిగితేనే.. వారి సమస్యలు వెలుగులోకి వస్తాయి. ఇందుకు నిదర్శనంగా.. పాఠశాలలో ‘గుడ్‌ టచ్‌.. బ్యాడ్‌ టచ్‌’ పాఠం చెబుతున్న సమయంలో ఏడేళ్ల బాలిక తనపై జరుగుతున్న వేధింపులను టీచర్‌కు వెల్లడించింది.స్కూల్‌లో గుడ్‌ టచ్‌.. బ్యాడ్‌ టచ్‌పై పాఠం చెబుతున్న సమయంలో.. ఏడేళ్ల బాలిక తమ ఇంట్లో అద్దెకు ఉంటున్న అంకుల్‌ చేస్తున్న పనుల గురించి చెప్పడంతో టీచర్‌ షాక్‌కు గురయ్యారు. తనకు ఎదురవుతున్నది లైంగిక వేధింపులనే విషయం కూడా తెలియని ఆ చిన్నారి.. తనకు జరిగినదంతా వివరించింది. దీంతో విషయం తల్లిదండ్రుల దృష్టికి వెళ్లగా.. వారు పోలీసులను ఆశ్రయించారు. ఈ ఘటన మహారాష్ట్రలోని నాగ్‌పూర్‌లో చోటుచేసుకుంది.పోలీసులకు అందిన ఫిర్యాదు ప్రకారం.. రాజేశ్‌ కనోజియా అనే వ్యక్తి ఆ బాలిక ఇంట్లో అద్దెకు ఉంటున్నాడు. చాక్లెట్లు ఇస్తానని ఆశ చూపి తన గదిలోకి పిలిచేవాడని అక్కడ ఆమెను అనుచితంగా తాకి లైంగికంగా వేధించేవాడట. ఈ విషయం బయటపెడితే తీవ్ర పరిణామాలు ఎదుర్కోవాల్సి వస్తుందని.. బాలిక తండ్రిని చంపేస్తానని కూడా బెదిరించినట్లు సమాచారం.నాలుగు నెలలపాటు.. ఫిర్యాదు ప్రకారం.. ఈ ఘటనలు జూన్‌ 30 నుంచి అక్టోబర్‌ 13 మధ్య జరిగినట్లు తెలుస్తోంది. పాఠశాలలో గుడ్‌ టచ్‌–బ్యాడ్‌ టచ్‌ గురించి చెబుతున్నప్పుడు బాలిక తనకు ఎదురైన అనుభవాన్ని టీచర్‌తో పంచుకుంది. దీంతో విషయం తల్లికి తెలియగా, ఆమె పోలీసులను ఆశ్రయించారు. పోలీసులు పోక్సో చట్టంతోపాటు సంబంధిత నిబంధనల కింద కేసు నమోదు చేసి నిందితుడిని అరెస్టు చేశారు. ప్రస్తుతం దర్యాప్తు కొనసాగుతోంది.పిల్లల మాట వినడం ఎందుకు ముఖ్యం?పిల్లలు తమకు ఎదురైన ఇబ్బందులను చెప్పేందుకు భయపడకుండా చూడటం పెద్దల బాధ్యత. వారి మాటలను తేలిగ్గా తీసుకోకుండా, శ్రద్ధగా వినాలి. తమకు అసౌకర్యంగా అనిపించే స్పర్శ గురించి నమ్మకమైన పెద్దలకు చెప్పవచ్చని చిన్న వయసు నుంచే అవగాహన కల్పించాలి. నాగ్‌పూర్‌ ఘటనలో బాలిక తన అనుభవాన్ని టీచర్‌తో పంచుకోవడం వల్లే విషయం వెలుగులోకి వచ్చింది. పిల్లలకు మాట్లాడే స్వేచ్ఛ ఇవ్వడం, వారు చెప్పేది నమ్మకంగా వినడం ఎంత అవసరమో ఈ ఘటన మరోసారి గుర్తుచేస్తోంది.ఇదీ చదవండి: ‘ఏయ్‌.. నేను నీ బాస్‌ని’ రెచ్చిపోయిన ఐఏఎస్‌

రంజీ ట్రోఫీ 2026-27 సీజన్‌లో రెండో రౌండ్ మ్యాచ్‌కు మహారాష్ట్ర జట్టును ప్రకటించారు. స్టార్ బ్యాటర్ రుతురాజ్ గైక్వాడ్ తిరిగి జట్టులోకి వచ్చాడు. రెగ్యులర్‌ కెప్టెన్‌ అయిన రుతురాజ్‌ జట్టులోకి వచ్చినా కెప్టెన్సీ బాధ్యతలను మాత్రం పృథ్వీ షాకే అప్పగించారు.సర్సీసెస్‌తో జరిగిన తొలి మ్యాచ్‌కు రుతురాజ్‌ అందుబాటులో లేని (భారత-ఏ జట్టుకు ప్రాతినిథ్యం) నేపథ్యంలో షాకు తాత్కాలిక కెప్టెన్‌గా బాధ్యతలు అప్పజెప్పారు. ఆ మ్యాచ్‌లో సర్వీసెస్‌పై మహారాష్ట్ర 127 పరుగుల తేడాతో విజయం సాధించింది. ఆ మ్యాచ్‌లో షా కెప్టెన్‌గానే కాకుండా ఆటగాడిగానూ రాణించాడు. తొలి ఇన్నింగ్స్‌లో 70 పరుగులు చేసి జట్టు విజయంలో కీలక పాత్ర పోషించాడు.మరింత పటిష్టంగా మారిన మహారాష్ట్ర బ్యాటింగ్‌రుతురాజ్ రాకతో మహారాష్ట్ర బ్యాటింగ్ విభాగానికి మరింత బలం చేకూరింది. ఇప్పటికే పృథ్వీ షా, దివిజయ్ పాటిల్, అంకిత్ బావ్నే, హర్షల్ కాటే, సిద్ధేశ్ వీర్, ముకేశ్ చౌదరి, రాజవర్ధన్ హంగర్గేకర్, విక్కీ ఓత్స్వాల్, సౌరభ్ నవలే తదితరు బ్యాటర్లు జట్టులో కొనసాగుతున్నారు. మహారాష్ట్ర-ఝార్ఖండ్ మ్యాచ్ అక్టోబర్ 18 నుంచి 26 వరకు పుణేలో జరగనుంది.ఇదీ చదవండి: భారత్ పర్యటనకు ఇంగ్లండ్ జట్ల ప్రకటన

రంజీ ట్రోఫీ 2026-27 ఎలైట్‌ గ్రూప్‌ ‘సి’లో భాగంగా ఢిల్లీ వేదికగా సర్వీసెస్‌తో జరిగిన మ్యాచ్‌లో మహారాష్ట్ర జట్టు 127 పరుగుల తేడాతో గెలుపొందింది. ఓవర్‌నైట్‌ స్కోరు 66/5తో బుధవారం రెండో ఇన్నింగ్స్‌ కొనసాగించిన మహారాష్ట్ర చివరకు 56 ఓవర్లలో 141 పరుగులకు ఆలౌటైంది. అంకిత్‌ బావ్నే (48; 3 ఫోర్లు), రాజ్‌వర్ధన్‌ హంగార్గేకర్‌ (43; 5 సిక్స్‌లు)రాణించారు. విక్కీ మాయాజాలంసర్వీసెస్‌ బౌలర్లలో అర్జున్‌ శర్మ 5 వికెట్లు పడగొట్టాడు. అనంతరం 248 పరుగుల విజయ లక్ష్యంతో రెండో ఇన్నింగ్స్‌ ప్రారంభించిన సర్వీసెస్‌ 63.3 ఓవర్లలో 120 పరుగులకే కుప్పకూలింది. నకుల్‌ శర్మ (36) టాప్‌ స్కోరర్‌. మహారాష్ట్ర స్పిన్నర్‌ విక్కీ ఓస్త్‌వాల్‌ 5 వికెట్లు ఖాతాలో వేసుకున్నాడు. అంతకుముందు మహారాష్ట్ర తొలి ఇన్నింగ్స్‌లో 333 పరుగులు చేయగా... సర్వీసెస్‌ 227 పరుగులు చేసింది. మహారాష్ట్ర ప్లేయర్‌ అంకిత్‌ బావ్నేకు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది.పృథ్వీ షాకు మంచి రోజులుక్రమశిక్షణారాహిత్యం వల్ల సొంత జట్టు ముంబైకి దూరమైన పృథ్వీ షా.. మహారాష్ట్ర టీమ్‌లో చేరిన సంగతి తెలిసిందే. ఇక మహారాష్ట్ర రెగ్యులర్‌ కెప్టెన్‌ రుతురాజ్‌ గైక్వాడ్‌.. ఆస్ట్రేలియాతో అనధికారిక వన్డే సిరీస్‌లో భారత్‌- ‘ఎ’కు సారథిగా వ్యవహరించిన కారణంగా సర్వీసెస్‌తో మ్యాచ్‌కు దూరమయ్యాడు.ఈ నేపథ్యంలో పృథ్వీ షా ఈ మ్యాచ్‌లో మహారాష్ట్ర తాత్కాలిక కెప్టెన్‌గా వ్యవహరించాడు. తొలి మ్యాచ్‌లోనే సారథిగా ఘన విజయం అందుకున్నాడు. ఇదిలా ఉంటే.. సర్వీసెస్‌తో మ్యాచ్‌ మధ్యలోనే పృథ్వీ షాకు వ్యక్తిగతంగానూ శుభవార్త అందింది.మా బంధం కొనసాగుతుందిపృథ్వీ షాతో తన నిశ్చితార్థాన్ని రద్దు చేస్తున్నట్లు ప్రకటించిన మోడల్‌, నటి ఆకృతి అగర్వాల్‌.. తన నిర్ణయాన్ని వెనక్కి తీసుకుంది. చెప్పుడు మాటలు విని పృథ్వీని తప్పుగా అర్థం చేసుకున్నానని.. తమ బంధాన్ని ముందుకు తీసుకువెళ్లేందుకు సిద్ధంగా ఉన్నామని ప్రకటించింది. ఇందుకు సమ్మతిస్తూ పృథ్వీ షా ఆమె సోషల్‌ మీడియా పోస్టును రీషేర్‌ చేశాడు. ఈ నేపథ్యంలో ఈ మహారాష్ట్ర ఆటగాడికి మంచి రోజులు వచ్చాయంటూ అభిమానులు ఉద్వేగానికి లోనవుతున్నారు. కాగా సర్వీసెస్‌తో మ్యాచ్‌లో తొలి ఇన్నింగ్స్‌లో అర్ధ శతకం (70) బాదిన పృథ్వీ షా.. రెండో ఇన్నింగ్స్‌ (7)లో మాత్రం విఫలమయ్యాడు.చదవండి: IND vs WI: ఓట‌మి బాధ‌లో ఉన్న టీమిండియాకు భారీ షాక్‌!

బీడ్‌: ప్రభుత్వ అంబులెన్సు సిబ్బంది రాక్షసత్వం ప్రదర్శించారు. డీజిల్‌కు డబ్బులివ్వలేదనే కోపంతో అపస్మారక స్థితిలో ఉన్న బాలికను ఆస్పత్రికి తీసుకెళ్లడానికి బదులుగా బయటకు నెట్టివేశారు. దీంతో, ఆ నిరుపేద తండ్రి ఆమెను భుజాన వేసుకుని, ఆస్పత్రి బాట పట్టాడు. ప్రభుత్వ వైద్య సేవల అధ్వానస్థితికి నిదర్శనంగా మారిన ఈ ఘటన మహారాష్ట్రలోని బీడ్‌ జిల్లా డిండ్రుడ్‌ ప్రాథమిక ఆరోగ్య కేంద్రం వద్ద గత నెల 29న చోటుచేసుకుంది. ఇందుకు సంబంధించిన వీడియో బయటకు రావడంతో వైద్యాధికారి నీలేశ్‌ ధాక్నేను అధికారులు విధుల నుంచి తొలగించారు. ఐదో తరగతి విద్యార్థిని మూర్ఛ రావడంతో పాఠశాలలోనే కుప్పకూలిపోయింది. ఆమెను వెంటనే డిండ్రుడ్‌ ఆస్పత్రికి తీసుకెళ్లారు. పరిస్థితి క్లిష్టంగా మారడంతో మెరుగైన వైద్యం కోసం మరో ఆస్పత్రికి తీసుకెళ్లాలని వైద్యులు సూచించారు. బాలికతోపాటు ఆమె తండ్రి, కుటుంబీకులు ఆస్పత్రి అంబులెన్సులో కూర్చున్న తర్వాత డీజిల్‌కు డబ్బులివ్వాలని అందులోని సిబ్బంది డిమాండ్‌ చేశారు. తన వద్ద డబ్బులు లేదని ఆ పేద తండ్రి చెప్పడంతో వారిని కిందికి దించివేశారు.

ఆ బాలికకు పదేళ్లే.. శివాలయానికి వెళ్లి భక్తితో స్వామివారికి మొక్కుకుంది. పూజ ముగించుకుని చేతులు జోడించి ప్రార్థిస్తున్న ఆ చిన్నారిపై ఓ కామాంధుడు కన్నేశాడు. ఆలయంలో ఎవరూ లేరని గమనించి ఆమెను బలవంతంగా పట్టుకుని లైంగిక దాడికి యత్నించాడు. ఈ దారుణ ఘటన ఆలయంలోని సీసీటీవీ కెమెరాల్లో ఈ ఘోరం రికార్డవడంతో స్థానికంగా తీవ్ర ఆగ్రహం వ్యక్తమవుతోంది.శివాలయానికి బాలిక ఒంటరిగా వెళ్లి పూజలు చేసింది. అనంతరం లింగానికి మొక్కుకుని చేతులు జోడించి ప్రార్థిస్తున్న సమయంలో ఓ వ్యక్తి అక్కడికి వచ్చాడు. ఆలయం బయట ఉన్న ట్యాంకు నుంచి నీళ్లు తీసుకునేందుకు వచ్చిన అతడు.. లోపల బాలిక ఒక్కతే ఉండటాన్ని గమనించాడు. ఆలయంలోకి ప్రవేశించి చిన్నారిని చేతులతో బలవంతంగా పట్టుకుని, ఆమె ఇష్టానికి వ్యతిరేకంగా కౌగిలించుకునేందుకు ప్రయత్నించాడు. దీంతో భయపడిపోయిన బాలిక గట్టిగా కేకలు వేయడంతో నిందితుడు అక్కడి నుంచి పారిపోయాడు. మహారాష్ట్ర పుణెలోని నిగ్డీ ప్రాంతంలో ఉన్న శివాలయంలో ఈ దారుణం జరిగింది.కుటుంబానికి చెప్పడంతో వెలుగులోకి..నిందితుడు వెళ్లిపోయిన తర్వాత బాలిక కన్నీటిపర్యంతమైంది. అనంతరం కుటుంబ సభ్యులకు జరిగిన విషయాన్ని వివరించింది. దీంతో వారు నిగ్డీ పోలీస్‌ స్టేషన్‌లో ఫిర్యాదు చేశారు. వెంటనే స్పందించిన పోలీసులు.. సీసీటీవీ ఫుటేజీల ఆధారంగా నిందితుడు విశాల్‌ సింగ్‌ను అరెస్ట్‌ చేశారు. అతడు ఉత్తరప్రదేశ్‌కు చెందిన వ్యక్తిగా, మెట్రో కాంట్రాక్టర్‌ వద్ద కూలీగా పనిచేస్తున్నట్లు ప్రాథమిక సమాచారం. సీనియర్‌ పోలీస్‌ ఇన్‌స్పెక్టర్‌ మహేశ్‌ బన్సోడే పర్యవేక్షణలో పోలీసులు కేసు దర్యాప్తు చేస్తున్నారు.చిన్నారుల భద్రతపై ఈ ఘటన మరోసారి ఆందోళన రేకెత్తించింది. దేవుడిని ప్రార్థించేందుకు వెళ్లిన బాలికకు ఆలయంలోనే ఇలాంటి అనుభవం ఎదురవడంపై స్థానికులు ఆగ్రహం వ్యక్తం చేస్తున్నారు.Shocking: Vishal Singh, a Metro construction contract worker, arrested for sexually assaulting a minor girl inside a temple in Nigdi’s Yamuna Nagar, Pune on Oct 11. CCTV captured the incident. Police booked him under BNS & POCSO. #Pune #Nigdi https://t.co/WB5Tnxf8mD— Amar Singh Chouhan (@amar_4inc) October 12, 2026

అర్ధరాత్రి.. నిర్మానుష్యమైన హైవేపై, చుట్టుపక్కల ఎక్కడా మెకానిక్ లేని సమయంలో మీ కారు టైరు పంక్చర్ అయిందని ఊహించుకోండి. ఇలాంటి పరిస్థితి మహారాష్ట్రలో రవికాంత్ ఎస్ పాటిల్ అనే వ్యక్తికి ఎదురైంది. అయితే.. ఆయనకు ఎదురైన సమస్య టైరు పంక్చర్‌తోనే ఆగిపోలేదు. చివరకు తన కారును కోల్పోయి, బీమా డబ్బుల కోసం దాదాపు 14 సంవత్సరాలు పోరాడాల్సి వచ్చింది.2012 మార్చి 8వ తేదీన పాటిల్ తన బీఎండబ్ల్యూ కారులో మహారాష్ట్రలోని ధుల్ఖేడ్ సమీపంలో ప్రయాణిస్తుండగా టైరు పంక్చర్ అయింది. రాత్రి సమయం కావడంతో.. అక్కడ మెకానిక్ ఎవరూ అందుబాటులో లేరు. దీంతో ఆయన కారును రోడ్డు పక్కన ఉన్న ఒక డాబా దగ్గర నిలిపి, డోర్ లాక్ చేసి, మరో వాహనంలో ఇంటికి వెళ్లిపోయారు. మరుసటి రోజు వచ్చి కారును తీసుకెళ్లాలనుకున్నారు.కానీ.. మరుసటి రోజు అక్కడికి వెళ్లి చూసేసరికి ఆయన కారు పూర్తిగా కాలిపోయి ఉంది. సుమారు రూ.70 లక్షల విలువైన కారును కోల్పోవడంతో ఆయన బీమా సంస్థను సంప్రదించారు. అయితే.. యునైటెడ్ ఇండియా ఇన్సూరెన్స్ కంపెనీ ఆయనకు పరిహారం చెల్లించడానికి నిరాకరించింది. కారును రాత్రంతా అక్కడే వదిలేసి వెళ్లడం వల్ల తగిన జాగ్రత్తలు తీసుకోలేదని, ఇది బీమా పాలసీ నిబంధనలకు విరుద్ధమని సంస్థ వాదించింది.14 ఏళ్లు కొనసాగిన కేసుదీంతో పాటిల్ న్యాయం కోసం వినియోగదారుల కమిషన్‌ను ఆశ్రయించారు. ఈ కేసు దాదాపు 14 సంవత్సరాల పాటు సాగింది. చివరకు కమిషన్ బీమా సంస్థ వాదనను అంగీకరించలేదు. కారు పంక్చర్ అయినప్పుడు దానిని ఎట్టి పరిస్థితుల్లోనూ ఒంటరిగా వదిలి వెళ్లకూడదనే నిబంధన బీమా పాలసీలో లేదని స్పష్టం చేసింది.అంతేకాకుండా.. పాటిల్ కారును రోడ్డు పక్కన సురక్షితంగా నిలిపి, తలుపులు లాక్ చేసి తగిన జాగ్రత్తలు తీసుకున్నారని కమిషన్ గుర్తించింది. కారును అక్కడ వదిలివెళ్లడం వల్లే అగ్నిప్రమాదం జరిగిందని నిరూపించే ఆధారాలు కూడా లేవని పేర్కొంది. ఒక కారును కాపాడుకోవడం కోసం ఎవరూ తమ ప్రాణాలను ప్రమాదంలో పెట్టాల్సిన అవసరం లేదని స్పష్టం చేసింది.రూ.70.75 లక్షల పరిహారంచివరకు బీమా సంస్థ పాటిల్‌కు.. రూ.70 లక్షలు చెల్లించాలని కమిషన్ ఆదేశించింది. అంతేకాకుండా.. అతని మానసిక వేదనకు రూ.50,000, న్యాయపోరాట ఖర్చుల కోసం రూ.25,000 అదనంగా చెల్లించాలని తీర్పునిచ్చింది. దీంతో వడ్డీని మినహాయించి మొత్తం పరిహారం రూ.70.75 లక్షలకు చేరింది.ఇదీ చదవండి: ఫ్రెషర్లైనా, ఎక్స్‌‌‌‌‌‌‌‌‌‌‌‌‌‌‌‌పీరియన్స్‌‌‌‌‌‌‌‌‌‌‌‌‌‌‌‌ ఉన్నా.. ఈ స్కిల్స్ ఉంటే ఉద్యోగం!

సాక్షి, హైదరాబాద్: గంజాయి అక్రమ రవాణా కేసులో కీలక నిందితుడిగా ఉన్న మహారాష్ట్ర కానిస్టేబుల్‌ సైబరాబాద్‌ పోలీసులకు ఝలక్‌ ఇచ్చాడు. ఇతడిని పట్టుకున్న పటాన్‌చెరు పోలీసులు గత మంగళవారం ఠాణాకు తీసుకువచ్చారు. బాత్‌రూంకి వెళ్లివస్తానని చెప్పిన అతగాడు అదును చూసుకుని పోలీసుస్టేషన్‌ నుంచి ఎస్కేప్‌ అయ్యాడు. ఈ విషయాన్ని సీరియస్‌గా తీసుకున్న పోలీసు కమిషనర్‌ ఎం.రమేష్‌ నిందితుడి కోసం ప్రత్యేక బృందాలను రంగంలోకి దింపారు. ఈ ఏడాది మేలో స్మగ్లింగ్‌ గుట్టురట్టు...పటాన్ చెరు పోలీసుస్టేషన్ డిటెక్టివ్‌ ఇన్‌స్పెక్టర్‌గా పని చేస్తున్న బి.రాజుకు ఈ ఏడాది మే 11న అందిన విశ్వసనీయ సమాచారం మేరకు ఈ స్మగ్లింగ్‌ గుట్టురట్టు అయింది. ఒడిశా నుంచి గంజాయిని తీసుకొస్తున్న రెండు వాహనాలు ముత్తంగి టోల్‌ప్లాజా ఎగ్జిట్‌–3 మీదుగా మహారాష్ట్ర వైపు వెళ్లనున్నాయన్నది ఆ సమాచారం సారాంశం. దీంతో ఆయన తన సిబ్బందితో ముత్తంగి టోల్‌ప్లాజా సమీపంలో నిఘా ఏర్పాటు చేసింది. అనుమానితంగా వస్తున్న ఎర్టిగా కారును ఆపి తనిఖీ చేశారు. అందులో ఉన్న నలుగురు విచారణలో డీసీఎంలో జరుగుతున్న రవాణాపై సమాచారం తెలిసింది. ఆ డీసీఎం వాహనం అంతకుముందు రోజు రాత్రి దారి తప్పి, ఆలయం ఎదురుగా ఉన్న సర్వీస్‌ రోడ్డుపై నిలిచిపోయినట్లు వాళ్లు చెప్పారు. దీంతో పోలీసులు వాళ్లు చూపించిన మార్గంలో వెళ్లి ఆ వాహనాన్ని గుర్తించారు. కోళ్ల దాణా బస్తాల మాటున ప్యాకెట్లు...డీసీఎం క్యాబిన్‌లో డ్రైవర్‌తో పాటు మరో ఇద్దరు ఉన్నట్లు పోలీసులు గుర్తించారు. వాహనంలో గంజాయి ఎక్కడ ఉందంటూ వారిని ప్రశ్నించగా, కోళ్ల దాణా బస్తాల్లో ఖాళీ ప్లాస్టిక్‌ ట్రేల వెనుక దాచిన ప్యాకెట్లను చూపించారు. అక్కడ ఉన్న బస్తాల్లో ప్యాకింగ్‌ టేపులతో చుట్టిన ప్యాకెట్లు బయటపడ్డాయి. మొత్తం 199 ప్యాకెట్లలో ఉన్న గంజాయిని వేరు చేసి 17 ప్లాస్టిక్‌ బస్తాల్లో ప్యాక్‌ చేసిన అధికారులు అది రూ.2.20 కోట్ల విలువైన 398.65 కిలోలుగా తేల్చారు. ఈ కేసులో మహారాష్ట్రలోని షోలాపూర్‌ జిల్లాకు చెందిన ప్రథాప్‌ హరిదాస్‌ పవార్, రంజీత్‌ రాజేంద్ర ఘడగే, బాలాజీ ధ్యానేశ్వర్‌ వన్మానే, ఆనంద్‌ మయ్యప్ప హోవల్, రోహిత్‌ బలాసో హోవల్, ఆడుంబర్‌ గజానంద్‌ చందన్ శివే, ఓ మైనర్‌ను నిందితులుగా పోలీసులు తమ ఎఫ్‌ఐఆర్‌లో పేర్కొని కొందరిపై అప్పట్లోనే చర్యలు తీసుకున్నారు. కీలకంగా వ్యవహరించిన షోలాపూర్‌ కానిస్టేబుల్‌....ఒడిశాలో ట్రిబ్యూన్‌ అనే వ్యక్తి నుంచి గంజాయిని సేకరించిన ముఠా మహారాష్ట్రలోని బుల్ధానా జిల్లాకు చెందిన మనీషా రామ్‌సింగ్‌ పౌడ్వాల్‌కు అందించడానికి బయలుదేరింది. ఎర్టిగా కారును ముందుగా పంపించి, పోలీసుల తనిఖీలపై నిఘా ఉంచేలా పథకం వేశారు. ఈ కేసులో మహారాష్ట్రలోని షోలాపూర్‌ జిల్లాలో ఉన్న రాజేశ్వనగర్‌కు చెందిన షోలాపూర్‌ రిజర్వ్‌ పోలీసు ఫోర్స్‌ కానిస్టేబుల్‌ చవాన్‌ వైభవ్‌ భగ్వాన్‌ (32) సైతం ఈ గ్యాంగ్‌లో కీలక పాత్ర పోషిస్తున్నట్లు పటాన్‌చెరు పోలీసులు తన దర్యాప్తులో గుర్తించారు. దీంతో గత మంగళవారం షోలాపూర్‌ వెళ్లిన వైభన్‌ను పట్టుకున్న పోలీసులు పటాన్‌చెరు ఠాణాకు తరలించారు. గత బుధవారం ఉదయం పోలీసుస్టేషన్‌ నుంచి అతడు ఎస్కేప్‌ అయ్యాడు. ఇతడి కోసం ప్రత్యేక బృందాలు ముమ్మరంగా గాలిస్తున్నాయి.

పెళ్లికి ముందు తనతో గడపాలని ఉందని చెప్పిన ఆ ‘సైకో ప్రియుడి’ మాటను ఆమె కాదనలేకపోయింది. సరదాగా డేటింగ్‌కు వెళ్లిన ఆ యువతికి అదే చివరి ప్రయాణమైంది. లోయలోకి తోసేసి చంపిన ఆ యువకుడు.. ఆపై అందరినీ ఏమార్చే ప్రయత్నం చేశాడు. కానీ, చివరకు పోలీసుల స్టైల్‌ ట్రీట్‌మెంట్‌తో జరిగిందంతా చెప్పేశాడు. యువ వ్యాపారవేత్త కేతన్‌ అగర్వాల్‌ ఘటన జరిగిన మహారాష్ట్రలోనే.. అదే తరహాలో ఈ దారుణం చోటుచేసుకోవడం గమనార్హం.కొల్హాపూర్‌ జిల్లా భూదర్‌గఢ్‌ తాలూకాకు చెందిన శ్రీపాద్‌ దినకర్‌ వదర్‌ (25), తరన్నుమ్‌ బషీర్‌ నాయక్‌ (23) ఐదేళ్లుగా ప్రేమించుకుంటున్నారు. అక్టోబర్‌ 9న శ్రీపాద్‌.. తరన్నుమ్‌ను నైక్వాడి జలపాతం వద్దకు విహారయాత్రకు తీసుకెళ్లాడు. ఇంజినీరింగ్‌ చదువుతున్న ఆమెకు మరో వ్యక్తితో వివాహం నిశ్చయమైంది. వచ్చే నెలలో నిఖా జరగాల్సి ఉంది. దీంతో తమ బంధాన్ని ఇక కొనసాగించలేనని ప్రియుడికి స్పష్టం చేసింది. ఈ విషయంపై ఇద్దరి మధ్య తీవ్ర వాగ్వాదం జరిగింది. అయితే ఆమె తన నిర్ణయాన్ని మార్చుకోకపోవడంతో ఆగ్రహానికి గురైన శ్రీపాద్‌.. పక్కా స్కెచ్‌ వేశాడు. చివరిసారిగా ఆమెతో గడపాలని ఉందని మాటలు చెప్పాడు. ఆమె కరిగిపోయి.. బయటకు వచ్చేందుకు అంగీకరించింది. అలా ఆమెను జలపాతం వద్దకు తీసుకెళ్లి ఎవరూ గమనించనిది చూసి పైనుంచి లోతైన లోయలోకి తోసేశాడు.ప్రమాదంగా చిత్రీకరించే యత్నం..తనపై అనుమానం రాకుండా ఉండేందుకు నిందితుడు పథకం వేశాడు. శనివారం భూదర్‌గఢ్‌ పోలీస్‌స్టేషన్‌కు వెళ్లి.. ఇద్దరూ సెల్ఫీ తీసుకుంటుండగా తరన్నుమ్‌ ప్రమాదవశాత్తూ జారిపడి లోయలో పడిపోయిందని చెప్పాడు. అయితే అతడి మాటలపై అనుమానం వచ్చిన పోలీసులు విచారించగా, చివరకు నేరాన్ని అంగీకరించాడు. దీంతో అతడిని అరెస్టు చేశారు.వెయ్యి అడుగుల లోతులో మృతదేహం..పోలీసులు, సహాయక సిబ్బంది సుమారు వెయ్యి అడుగుల లోతులో ఉన్న తరన్నుమ్‌ మృతదేహాన్ని వెలికితీశారు. పోస్టుమార్టం కోసం కొల్హాపూర్‌లోని సీపీఆర్‌ ఆస్పత్రికి తరలించి, అనంతరం కుటుంబ సభ్యులకు అప్పగించారు. యువతి మృతితో గ్రామంలో ఆగ్రహావేశాలు వ్యక్తమయ్యాయి. నిందితుడికి ఓ రాజకీయ నాయకుడితో సన్నిహిత సంబంధాలున్నాయని బాధితురాలి కుటుంబ సభ్యులు ఆరోపించారు. కేసు విచారణపై రాజకీయ ఒత్తిళ్లు లేకుండా నిష్పక్షపాత దర్యాప్తు జరపాలని, ఫాస్ట్‌ట్రాక్‌ కోర్టులో విచారణ చేపట్టాలని వారు డిమాండ్‌ చేశారు.ఇదిలా ఉండగా.. పుణేలో యువ వ్యాపారి కేతన్‌ అగర్వాల్‌ కేసు ఎంత సంచలనం సృష్టించిందో తెలియంది కాదు. జూన్‌ 18న లోహ్‌ఘడ్‌ కోట వద్ద కేతన్‌(26)ను లోయలోకి తోసేసి కాబోయే భార్య సియా గోయల్‌, ఆమె ప్రియుడు చేతన్‌ చౌద్రీ హత్య చేశారు. కేతన్‌తో వివాహం ఇష్టం లేకనే ఆమె ఈ ఘాతుకానికి పాల్పడినట్లు తర్వాత పోలీసుల దర్యా‍ప్తులో తేలింది. ఇదీ చదవండి: వాళ్లిద్దరికీ పెళ్లిళ్లు అయ్యాయి.. ఏలూరులో విషాదకర ఘటన

మందుబాబుల్లో ఎంతో క్రేజ్‌ ఉన్న ఓల్డ్‌ మంక్‌ రమ్‌ ఇప్పుడు భారీ చిక్కుల్లో పడింది. దశాబ్దాలుగా భారతీయ మద్యం ప్రియులకు సుపరిచితమైన ఈ బ్రాండ్‌ లేబుల్‌పై వివాదం తలెత్తింది. ఉత్పత్తిని ‘రమ్‌’ అని కాకుండా ‘రమ్‌ తరహా మద్యం’ (Rum-like) అని పేర్కొనాలని భారత ఆహార భద్రత, ప్రమాణాల ప్రాధికార సంస్థ (ఎఫ్‌ఎస్‌ఎస్‌ఏఐ–FSSAI) పట్టుబడుతోంది. ఈ మార్పునకు అంగీకరిస్తేనే అమ్మకాలకు అనుమతి ఇస్తామని స్పష్టం చేసింది.అయితే ఎఫ్‌ఎస్‌ఎస్‌ఏఐ మార్పులపై ఓల్డ్‌ మంక్‌ అభ్యంతరాలు వ్యక్తం చేస్తోంది. అలా చేయడం మూలంగా తయారీ సంస్థకు ఈ మధ్యకాలంలోనే రూ.500 కోట్లకు పైగా నష్టం వాటిల్లిందని, అలాగే రాష్ట్ర ప్రభుత్వానికి సుమారు రూ.350 కోట్ల ఎక్సైజ్‌ ఆదాయం కోల్పోయిందని సంస్థ తరఫు న్యాయవాది బాంబే హైకోర్టుకు తాజాగా నివేదించారు. అంతేకాదు సుమారు 300 మంది కార్మికులకు జీవనోపాధి దూరమైందని వాదించారు.అసలు వివాదం ఏమిటి?రమ్‌ తయారీలో ఉపయోగించే ఆల్కహాల్‌ స్వరూపం, అదనంగా కలిపే ఫ్లేవర్లు, లేబులింగ్‌ నిబంధనలపై ఎఫ్‌ఎస్‌ఎస్‌ఏఐ నిబంధనలను కఠినంగా అమలు చేయడంతో ఓల్డ్‌ మంక్‌ వివాదంలో చిక్కుకుంది. ముఖ్యంగా ఉత్పత్తిని ‘రమ్‌’గా పిలవొచ్చా, ‘రమ్‌ లైక్‌’ అని పేర్కొనాలా అన్నదే ఇప్పుడు అసలు సమస్య. ఈ వివాదం కారణంగా.. ఓల్డ్‌ మంక్‌ తయారీ సంస్థ మోహన్‌ రాకీ స్ప్రింగ్‌వాటర్‌ ప్రైవేట్‌ లిమిటెడ్‌ థానే జిల్లాలోని యూనిట్‌ నుంచి మహారాష్ట్రలో అమ్మకాలు కొనసాగించలేకపోతోంది. అందుకే ఈ ఆంక్షలను సవాలు చేస్తూ న్యాయస్థానాన్ని ఆశ్రయించింది.ఎఫ్‌ఎస్‌ఎస్‌ఏఐ అభిప్రాయం ప్రకారం.. రమ్‌ రుచిని అందించే కృత్రిమ/ప్రకృతిలో లభించే పదార్థాలకు సమానమైన ఫ్లేవర్లను జోడించిన మద్యాన్ని సాధారణ రమ్‌గా విక్రయించకూడదు. అలా చేయడం వల్ల వినియోగదారులు గందరగోళానికి గురయ్యే అవకాశం ఉంది. అందువల్ల ఉత్పత్తి స్వభావాన్ని లేబుల్‌పై స్పష్టంగా పేర్కొనాలని నియంత్రణ సంస్థ వాదిస్తోంది. మరోవైపు, లేబుల్‌లో మార్పులు చేసి సమస్యను పరిష్కరించేందుకు ప్రయత్నించినప్పటికీ తమ ప్రతిపాదనలకు ఆమోదం లభించలేదని కంపెనీ చెబుతోంది.ఏడేళ్ల రమ్‌.. లేబుల్‌పైనా అభ్యంతరాలు!ఓల్డ్‌ మంక్‌ లేబుళ్లపై ఉన్న ఏడేళ్ల కాలపు (7 years old blended), very old vatted వంటి పదాలపైనా ఎఫ్‌ఎస్‌ఎస్‌ఏఐ అభ్యంతరాలు వ్యక్తం చేసింది. నిబంధనలకు అనుగుణంగా లేబులింగ్‌ లేదని పేర్కొంది. దీంతో తయారీ సంస్థ వివాదాస్పద వయసు సూచనలను తొలగించి, ఉత్పత్తిలో అదనంగా ఫ్లేవర్‌ కలిపిన విషయాన్ని స్పష్టంగా చూపించేలా కొత్త లేబుళ్లను సమర్పించేందుకు అంగీకరించింది.అయితే, సవరించిన లేబుళ్లకు కూడా ఎఫ్‌ఎస్‌ఎస్‌ఏఐ అనుమతి లభించకపోవడంతో వివాదం పరిష్కారం కాలేదు. ఈ నేపథ్యంలో కేసును తుది విచారణకు స్వీకరించాలని కంపెనీ బాంబే హైకోర్టును కోరింది. తక్షణ ఉపశమనం కల్పించాలని కోరినా దక్కలేదు. చీఫ్‌ జస్టిస్‌ ఎంసీ త్రిపాఠి, న్యాయమూర్తి అద్వైత్‌ సేథ్నా ధర్మాసనం అక్టోబర్‌ 23న తుది విచారణ చేపట్టేందుకు అంగీకరించింది.ఓల్డ్‌ మంక్‌ ఎలా పుట్టింది?ఓల్డ్‌ మంక్‌ చరిత్రకు 1855లోనే బీజం పడింది. బ్రిటిష్‌ వ్యాపారవేత్త ఎడ్వర్డ్‌ డయ్యర్‌ హిమాచల్‌ప్రదేశ్‌లోని కసౌలీలో బ్రూవరీని ఏర్పాటు చేశారు. కొంతకాలానికి హెచ్‌జీ మెకిన్‌ సంస్థతో కలిసి డయ్యర్‌ మెకిన్‌ అండ్‌ కో.గా వ్యాపారాన్ని విస్తరించారు. 1935లో బర్మా బ్రిటిష్‌ ఇండియా నుంచి విడిపోయిన నేపథ్యంలో సంస్థ పేరు డయ్యర్‌ మెకిన్‌ బ్రూవరీస్‌ లిమిటెడ్‌గా మారింది.తర్వాత భారతీయ పారిశ్రామికవేత్త కపిల్‌ మోహన్‌ నేతృత్వంలో సంస్థ యాజమాన్యం మారింది. 1966–1980 మధ్య మోహన్‌ మెకిన్‌ బ్రూవరీస్‌ లిమిటెడ్‌గా కొనసాగిన సంస్థ.. అనంతరం మోహన్‌ మెకిన్‌ లిమిటెడ్‌గా రూపాంతరం చెందింది. ఈ సంస్థ నుంచే భారతీయ మద్యం మార్కెట్లో ఓల్డ్‌ మంక్‌ బ్రాండ్‌ ప్రత్యేక గుర్తింపు తెచ్చుకుంది. 1954లో మార్కెట్లోకి వచ్చిన ఓల్డ్‌ మంక్‌.. తన ప్రత్యేకమైన డార్క్‌ రమ్‌ రుచి, గుర్తుపట్టగలిగే సీసా రూపంతో క్రమంగా అభిమానులను సంపాదించుకుంది. భారీ ప్రకటనల కంటే వినియోగదారుల ఆదరణతోనే దేశవ్యాప్తంగా పేరు తెచ్చుకున్న బ్రాండ్‌గా నిలిచింది.ప్రత్యేక అభిమానులుఓల్డ్‌ మంక్‌ ప్రత్యేకతల్లో ప్రధానమైనది దాని మార్కెటింగ్‌ విధానం. భారీ ప్రకటనల ప్రచారంపై ఆధారపడకుండా, వినియోగదారుల నోటి మాట ద్వారానే బ్రాండ్‌ విస్తృతంగా ప్రాచుర్యం పొందింది. ముఖ్యంగా భారత సాయుధ దళాల క్యాంటీన్లలో దీనికి లభించిన ఆదరణ బ్రాండ్‌ ఎదుగుదలకు తోడ్పడింది. ఒక తరం నుంచి మరో తరానికి పరిచయమవుతూ వచ్చిన ఈ బ్రాండ్‌.. పాత స్నేహాలు, కాలేజీ రోజులు, సైనికుల జ్ఞాపకాలతో ముడిపడిపోయింది. విలక్షణమైన సీసా, స్థిరమైన రుచి, అందుబాటు ధరలు కూడా దాని అభిమాన వర్గాన్ని పెంచాయి. విదేశీ బ్రాండ్ల ప్రవేశం, మారుతున్న వినియోగదారుల అభిరుచుల మధ్య పోటీ పెరిగినా ఓల్డ్‌ మంక్‌ తనకంటూ ప్రత్యేక గుర్తింపును నిలబెట్టుకుంది.మరి ఇప్పుడో..?ఒకప్పుడు రమ్‌ అంటే ఓల్డ్‌ మంక్‌ అనే స్థాయిలో గుర్తింపు తెచ్చుకున్న ఈ బ్రాండ్‌.. కాలక్రమంలో మారుతున్న వినియోగదారుల అభిరుచులు, విస్కీ–బీర్‌ వంటి పానీయాల పోటీ, దూకుడైన మార్కెటింగ్‌లో వెనుకబడటం, పంపిణీ సమస్యలతో తన మార్కెట్‌ ఆధిపత్యాన్ని కోల్పోయింది. అయితే ఇటీవలి సంవత్సరాల్లో మళ్లీ అమ్మకాలు పుంజుకోవడం, కొత్త రుచులతో మార్కెట్‌లో నిలదొక్కుకునే ప్రయత్నం చేయడం గమనార్హం.అయితే ప్రస్తుతం వివాదం మహారాష్ట్రలో అమ్మకాలకే పరిమితమైందని తయారీ సంస్థ చెబుతోంది. ఇతర రాష్ట్రాల్లో ఉత్పత్తి అమ్మకాలు కొనసాగుతున్నాయని కోర్టుకు తెలిపింది. అయితే, లేబుల్‌పై ఎఫ్‌ఎస్‌ఎస్‌ఏఐ అభ్యంతరాలు, కంపెనీ ప్రతిపాదనలు, వాటిపై న్యాయస్థానం తీసుకునే నిర్ణయం భవిష్యత్తులో కీలకం కానున్నాయి. మొత్తానికి, ఏడు దశాబ్దాల చరిత్ర ఉన్న ఓల్డ్‌ మంక్‌కు ఇప్పుడు రుచి, అభిమానుల ఆదరణతో కాకుండా.. ఉత్పత్తి స్వరూపం, లేబులింగ్‌ నిబంధనలతో ముడిపడిన న్యాయపరమైన సవాలు ఎదురవుతోంది. మహారాష్ట్రలో అమ్మకాలు ఎప్పుడు పునరుద్ధరిస్తారు? కంపెనీ లేబుల్‌ మార్చాల్సి వస్తుందా? లేదంటే న్యాయస్థానం మరో మార్గం చూపుతుందా? అన్నది తేలాల్సి ఉంది.ఇదీ చదవండి: అది వేరే టాపిక్‌.. నాకేం సంబంధం?: సీజేఐ సూర్యకాంత్‌

ఒకవైపు చుక్క నీటి కోసం రైతుల ఎదురుచూపులు.. మరోవైపు ఎండిపోతున్న పంటలు.. ఇంకోవైపు పశువులకు మేత, నీళ్లు దొరక్క అన్నదాతల ఆందోళన! ఇలాంటి విపత్కర పరిస్థితుల్లో రైతులను ఆదుకోవాల్సిన ప్రజాప్రతినిధులు కరువుపై సమీక్ష నిర్వహిస్తున్నారు. ఇంతవరకు బాగానే ఉన్నా.. ఆ సమావేశంలో వారి ముందు ఉన్న ప్లేట్లలో ఏమున్నాయో తెలుసా? జీడిపప్పు, బాదం! బయట రైతులు తమ పంటలను ఎలా కాపాడుకోవాలో తెలియక తలలు పట్టుకుంటుంటే.. లోపల సమీక్షకు హాజరైన నేతల ముందు డ్రై ఫ్రూట్స్‌ దర్శనమివ్వడం ఇప్పుడు తీవ్ర చర్చకు దారితీసింది. మహారాష్ట్రలోని నాందేడ్‌లో జరిగిన ఈ సమావేశానికి సంబంధించిన వీడియో వైరల్‌గా మారడంతో కరువు కష్టాల మధ్య ప్రజాప్రతినిధుల తీరుపై విమర్శలు వెల్లువెత్తుతున్నాయి.1972 కరువును మించిన ముప్పు?మహారాష్ట్రలో ప్రస్తుత కరువు పరిస్థితులు ఆందోళన కలిగిస్తున్నాయి. రాష్ట్రంలోని 358 తాలూకాల్లో 265 తాలూకాలను కరువు ప్రభావిత ప్రాంతాలుగా ప్రకటించినట్లు నివేదికలు వెల్లడిస్తున్నాయి. సాధారణం కంటే తక్కువ వర్షపాతం, సుదీర్ఘ విరామాలతో కురిసిన వానలు వ్యవసాయాన్ని తీవ్రంగా దెబ్బతీశాయి. ముఖ్యంగా మరాఠ్వాడా, విదర్భ ప్రాంతాల్లో పరిస్థితులు మరింత ఆందోళనకరంగా ఉన్నాయి. ఈ ఏడాది కరువు 1972లో వచ్చిన మహా కరువు కంటే దారుణంగా మారవచ్చని మహారాష్ట్ర ముఖ్యమంత్రి దేవేంద్ర ఫడ్నవీస్‌ సైతం ఆందోళన వ్యక్తం చేశారు. వరుసగా వర్షాలు విఫలమై అప్పట్లో మహారాష్ట్ర వ్యవసాయ రంగం తీవ్ర సంక్షోభాన్ని ఎదుర్కొంది. ఇప్పుడు మళ్లీ అలాంటి పరిస్థితులు వస్తాయేమోనన్న భయం రైతులను వెంటాడుతోంది. సాధారణంగా వర్షాలు తగ్గితే పంట దిగుబడి పడిపోతుంది. కానీ ఈసారి సమస్య అంతకంటే పెద్దది. పంటలు పండకపోవడం ఒక ఎత్తయితే.. ఇప్పటికే ఏళ్ల తరబడి పెంచుకున్న పండ్ల తోటలే ఎండిపోయే ప్రమాదం మరో ఎత్తు. అదే జరిగితే రైతుల ఆర్థిక పరిస్థితి కోలుకోలేని దెబ్బతినే అవకాశముంది.పండ్ల తోటలపై కరువు పంజానాసిక్‌లో ద్రాక్ష తీగలు ఎండిపోతుండగా.. మామిడి, దానిమ్మ, అరటి, నారింజ తోటలకూ నీటి కొరత ముప్పుగా మారింది. ఏళ్ల తరబడి పెంచుకున్న చెట్లు చనిపోవడం మరో పెద్ద సమస్యగా మారింది. ద్రాక్ష తీగలు పూర్తిగా ఎండిపోతే కొత్త మొక్కలు వాణిజ్యపరంగా దిగుబడినిచ్చేందుకు కనీసం నాలుగేళ్లు పట్టవచ్చని మహారాష్ట్ర ద్రాక్ష రైతుల సంఘం అధ్యక్షుడు కైలాస్‌ భోసలే తెలిపారు. ఎకరాకు ఒక్కో సీజన్‌లో రూ.50 వేల నుంచి రూ.60 వేల వరకు పెట్టుబడి పెట్టే రైతులకు ఇది భారీ నష్టమే. మహారాష్ట్ర దేశంలోనే అతిపెద్ద ద్రాక్ష ఉత్పత్తిదారు. అరటి, దానిమ్మ, మామిడి సాగులోనూ కీలక రాష్ట్రంగా ఉంది. ఇక్కడి తోటలు ఎండిపోతే రైతుల ఆదాయంతో పాటు పండ్ల సరఫరా, ఎగుమతులపైనా ప్రభావం పడే ప్రమాదముంది. సాధారణ పంట నష్టమైతే ఒక సీజన్‌ ఆదాయం పోతుంది. కానీ పండ్ల చెట్లు చనిపోతే కొత్త తోటలు దిగుబడినిచ్చే వరకు ఏళ్ల తరబడి వేచి చూడాల్సి వస్తుంది.రోజుకు రూ.3 వేలతో నీళ్లు!కరువు తీవ్రతకు రైతుల కష్టాలే నిదర్శనం. ఛత్రపతి శంభాజీనగర్‌ ప్రాంతంలోని షాహాపూర్‌కు చెందిన రైతు బద్రీనాథ్‌ భరత్‌ తన బావి ఎండిపోవడంతో రెండు ట్యాంకర్ల నీటి కోసం రోజుకు సుమారు రూ.3 వేలు ఖర్చు చేస్తున్నట్లు నివేదికలు వెల్లడించాయి. ఇప్పటికే పత్తి, మొక్కజొన్న పంటలను కోల్పోయిన ఆయన.. మిగిలిన పంటతో పాటు కుటుంబం, పది పశువుల అవసరాల కోసం నీటిని కొనుగోలు చేస్తున్నారు. మరాఠ్వాడాలో 76 తాలూకాల్లో 74 కరువు ప్రభావిత ప్రాంతాలుగా ప్రకటించగా, సెప్టెంబర్‌ చివరి నాటికి 160 గ్రామాలకు 277 ట్యాంకర్ల ద్వారా నీటిని సరఫరా చేస్తున్నట్లు సమాచారం. ఎల్‌నినో ప్రభావం మరింత తీవ్రరూపం దాల్చితే పరిస్థితులు ఇంకెంత దారుణంగా మారతాయన్న ఆందోళన వ్యక్తమవుతోంది. ఇప్పటికే వర్షాభావంతో పంటలు ఎండిపోతుండగా, రాబోయే రోజుల్లో వేడి పెరిగి వర్షాలు మరింత తగ్గితే వ్యవసాయ రంగంపై తీవ్ర ప్రభావం పడే ప్రమాదం ఉంది.కేంద్ర సాయం కోసం ఎదురుచూపులుకరువు ఉపశమనానికి మహారాష్ట్ర ప్రభుత్వం రుణాల పునర్వ్యవస్థీకరణ, భూమి పన్ను రాయితీలు, వ్యవసాయ రుణాల వసూళ్లపై తాత్కాలిక విరామం వంటి చర్యలను ప్రకటించింది. మరోవైపు, కేంద్ర హోంమంత్రి అమిత్‌ షాను కలిసిన సీఎం ఫడ్నవీస్‌.. జాతీయ విపత్తు ప్రతిస్పందన నిధి (ఎన్‌డీఆర్‌ఎఫ్‌) ద్వారా ఆర్థిక సాయం కోరారు. పంట నష్టాలను అంచనా వేయడానికి కేంద్ర బృందం కూడా రాష్ట్రంలో పర్యటించినట్లు నివేదికలు పేర్కొన్నాయి. అయితే, రైతులకు తక్షణమే నీరు అందించడమే ఇప్పుడు ప్రధాన సవాలుగా మారింది.ఇదీ చదవండి: పెను సంక్షోభం దిశగా ప్రపంచం.. భారత్‌కూ తప్పని సెగ!

సర్వీసెస్‌తో రంజీ మ్యాచ్‌లో మహారాష్ట్ర కెప్టెన్‌ పృథ్వీ షా మెరుపు అర్ధ శతకం సాధించాడు. నలభై తొమ్మిది బంతుల్లో ఏడు ఫోర్ల సాయంతో యాభై పరుగుల మార్కు అందుకున్నాడు. కాగా రంజీ ట్రోఫీ ఎలైట్‌ 2026-27 సీజన్‌లో భాగంగా మహారాష్ట్ర తమ తొలి మ్యాచ్‌లో సర్వీసెస్‌ జట్టుతో తలపడుతోంది.రెగ్యులర్‌ కెప్టెన్‌ రుతురాజ్‌ గైక్వాడ్‌ భారత్‌-‘ఎ’ వన్డే జట్టు సారథిగా విధుల్లో ఉండగా.. మహారాష్ట్ర తాత్కాలిక కెప్టెన్‌గా పృథ్వీ షా బాధ్యతలు చేపట్టాడు. ఇక ఢిల్లీలోని పాలెం ‘ఎ’ స్టేడియంలో మహారాష్ట్ర- సర్వీసెస్‌ జట్ల మధ్య ఆదివారం మ్యాచ్‌ మొదలైంది.ఆదిలోనే ఎదురుదెబ్బలుటాస్‌ గెలిచిన మహారాష్ట్ర తొలుత బ్యాటింగ్‌ ఎంచుకోగా.. ఆదిలోనే ఎదురుదెబ్బలు తగిలాయి. ఓపెనర్‌ సచిన్‌ దాస్‌ (34 బంతుల్లో 14)ను ఏపీ శర్మ వికెట్ల ముందు దొరకబుచ్చుకోగా.. వన్‌డౌన్‌లో వచ్చిన దిగ్విజయ్‌ పాటిల్‌ (13 బంతుల్లో 5)ను రాజ్‌ బహదూర్‌ బౌల్డ్‌ చేశాడు. వీరిద్దరు విఫలమైనప్పటికీ మరో ఓపెనర్‌, కెప్టెన్‌ పృథ్వీ షా నిలకడగా ఆడుతూ ఇన్నింగ్స్‌ చక్కదిద్దాడు.49 బంతుల్లోనే అర్ధ శతకంకేవలం 49 బంతుల్లోనే అర్ధ శతకం సాధించిన పృథ్వీ షా.. మొత్తంగా 73 బంతులు ఎదుర్కొని 70 పరుగులు చేసి ఏపీ శర్మ బౌలింగ్‌లో బౌల్డ్‌ అయ్యాడు. ఈ కుడిచేతి వాటం బ్యాటర్‌ ఇన్నింగ్స్‌లో ఎనిమిది ఫోర్లు, ఒక సిక్సర్‌ ఉన్నాయి. పృథ్వీ షా నిలకడైన ప్రదర్శన కారణంగా మహారాష్ట్ర 30 ఓవర్లలో మూడు వికెట్ల నష్టానికి వంద పరుగుల స్కోరు దాటగలిగింది.చేదు అనుభవం తర్వాతకాగా ఇటీవలే పృథ్వీ షాకు వ్యక్తిగత జీవితంలో చేదు అనుభవం ఎదురైన సంగతి తెలిసిందే. మోడల్‌, నటి ఆకృతి అగర్వాల్‌ పృథ్వీ షాతో తన నిశ్చితార్థాన్ని రద్దు చేసుకుంటున్నట్లు ప్రకటించింది. అయితే, అతడు మాత్రం ఇంత వరకు ఈ విషయంపై నేరుగా స్పందించలేదు. ఆట మీద పూర్తి శ్రద్ధ పెట్టిన పృథ్వీ.. తాజా రంజీ ఎడిషన్‌లో శుభారంభం అందుకున్నాడు. చదవండి: చరిత్ర సృష్టించిన బంగ్లాదేశ్‌ బౌలర్‌

న్యూఢిల్లీ: కాక్రోచ్‌ జనతా పార్టీ వ్యవస్థాపకుడు అభిజీత్‌ దీప్కే నానమ్మ సావిత్రీబాయి శంకర్‌రావు దీప్కే (85) శనివారం మరణించారు. దీర్ఘకాల అనారోగ్యంతో ఆమె మహారాష్ట్రలోని హింగోలి జిల్లా సంతుక్‌ పింప్రీ గ్రామంలోని స్వగృహంలో మరణించారని, ఆదివారం ఉద యం పది గంటలకు అంత్యక్రియలు నిర్వహించనున్నామని కుటుంబ సభ్యులు తెలిపారు. నానమ్మ మరణ వార్తలను అభిజీత్‌ దీప్కేకు అందించినట్లు ఢిల్లీ పోలీసులు తెలిపారు.

చీఫ్ ఎలక్షన్ కమిషనర్ జ్ఞనేష్ కుమార్ రాజీనామా డిమాండ్‌తో 'కాక్రోచ్ జనతా పార్టీ' (CJP) ఢిల్లీలో జంతర్‌ మంతర్‌ వద్ద చేపట్టిన ఉద్యమం తీవ్ర ఆందోళనల మధ్య కొనసాగుతుండగా, వ్యవస్థాపకుడు అభిజీత్ దిప్కే ఇంట్లో తీవ్ర విషాదం చోటు చేసుకుంది. దీప్కే నాయనమ్మ మహారాష్ట్రలోని హింగోలి జిల్లా, సంతుక్ పింప్రి గ్రామంలో శనివారం కన్నుమూశారు.దీప్కే తండ్రి భగవాన్ దిప్కే తల్లి దీర్ఘకాలిక అనారోగ్యం, వృద్ధాప్య సంబంధిత సమస్యల కారణంగా ఆమె గత కొద్ది రోజులుగా అస్వస్థతతో బాధపడుతున్నారు. ఆమె కన్నుమూసే సమయానికి అభిజీత్ ఢిల్లీలో ఉన్నారు. ఢిల్లీలో నిరసనలో పాల్గొనేందుకు ఆయనశనివారం ఉదయం ముంబై నుండి బయలుదేరారు. అయితే, ఢిల్లీలోని ఇందిరా గాంధీ ఇంటర్నేషనల్ ఎయిర్‌పోర్ట్‌లో ల్యాండ్ అవ్వగానే ఢిల్లీ పోలీసులు విమానం లోపలికి వచ్చి అభిజీత్ దిప్కే, సౌరవ్ దాస్, అశుతోష్ రాంకాలను అదుపులోకి తీసుకున్నారు.ఇదీ చదవండి : ప్రభుత్వ ఉద్యోగం వద్దని నెలకు రూ. లక్ష సంపాదిస్తున్న బార్బర్‌మరోవైపు, దిప్కే తల్లిదండ్రులు అనిత ,భగవాన్ దిప్కే ప్రస్తుతం ఛత్రపతి సంభాజీనగర్‌లో ఉన్నారు; వారి నివాసం బయట పోలీసులు మోహరించారు. మరణ వార్త తెలిసిన తర్వాత, అంత్యక్రియలకు హాజరయ్యేందుకు వారు వెంటనే హింగోలికి బయలుదేరే అవకాశం ఉంది. తన నాయనమ్మ మరణం తర్వాత, హింగోలికి వెళ్లేందుకు ఢిల్లీ పోలీసులు అభిజీత్ దిప్కేను అనుమతిస్తారా లేదా అనేది ఆసక్తికరంగా మారింది.ఇదీ చదవండి: వామ్మో, ఇసుక లారీ అమాంతం గుద్దేస్తే.. ! చిల్లింగ్‌ వీడియో

ముంబై: మహారాష్ట్రలోని అహిల్యానగర్‌ లో జరిగిన ఒక భయానక రోడ్డు ప్రమాదంలో ఒక యువతి అనూహ్యంగా ప్రాణాలతో బయటపడింది. సీసీటీవీలో రికార్డైన ఈ ఘటన దృశ్యాలుచూస్తే వెన్నులో వణుకు పుట్టాల్సిందే. అంతటి ప్రమాద క్షణాల్లో కూడా ఆమె స్పందించిన తీరు నెట్టింట వైరల్‌గా మారింది.అహిల్యానగర్‌లోని బేలాపూర్ రోడ్డులో ఇసుకతో వెళ్తున్న ఒక ఇసుకలారీ వేగంగా వచ్చి, అకస్మాత్తుగా కుడివైపునకు తిరిగింది. సిగ్నల్ ఇవ్వకుండా, హారన్ కొట్టకుండా, వేగం తగ్గించకుండా విచక్షణా రహితంగా ఎదురుగా దూసుకొచ్చిన లారి స్కూటర్‌ను ఢీకొట్టింది. లారీ ఢీకొట్టిన వెంటనే ఆమె ఎగిరి పడింది. ఇక్కడే ఆమె బుర్ర చాలాచురుగ్గా పనిచేసింది. ఇదీ చదవండి : ప్రభుత్వ ఉద్యోగం వద్దని నెలకు రూ. లక్ష సంపాదిస్తున్న బార్బర్‌ A terrifying CCTV video from Shrirampur shows a girl narrowly escaping death after a sand-laden truck hit her scooter on Belapur Road. She grabbed the truck’s front bumper to avoid being run over. The driver allegedly argued with her instead of helping and fled after bystanders arrived. #Shrirampur #Maharashtra #CCTVFootage #NarrowEscape— Whats In The News (@_whatsinthenews) October 10, 2026ఆ యువతి ఏ మాత్రం భయపడిపోకుండా, అత్యంత చాకచక్యంగా లారీ బంపర్‌ను గట్టిగా పట్టుకుంది. దీనివల్ల ఆమె లారీ కింద పడిపోవడం, బలంగా నేల మీద పడి, తీవ్ర మైన గాయాల పాలుగాకుండా ప్రాణాలుదక్కించుకోగలిగింది.ప్రమాదం నుండి తేరుకున్న ఆ యువతి లేచి పక్కకు నడిచివెళ్లగా, స్థానికులు అక్కడికి చేరుకున్నారు. లారీ డ్రైవర్ బయటకు వచ్చి స్కూటర్‌ను పరిశీలించి, అక్కడివారితో వాగ్వాదానికి దిగాడు. అయితే ప్రజలు గుమిగూడటంతో డ్రైవర్ అక్కడి నుండి పరారయ్యాడు.స్పందించిన స్థానికులుఈ లారీకి నంబర్ ప్లేట్ లేదని, ఇది వైజాపూర్‌లోని మహల్‌గావ్ ఇసుక వేలానికి సంబంధించినదిగా ప్రత్యక్ష సాక్షులు తెలిపారు.నిబంధనలకు విరుద్ధంగా, ఎలాంటి పర్మిట్లు లేకుండా తిరుగుతున్న ఈ ఇసుక లారీల వేగం వల్ల తరచూ ప్రమాదాలు జరుగుతున్నాయని, దీనిపై కఠినమైన పోలీసు చర్యలు తీసుకోవాలని స్థానికులు డిమాండ్ చేస్తున్నారు.

మహారాష్ట్రలో దారుణం చోటు చేసుకుంది. ‍ కొన్ని నెలల క్రితం పెళ్లి చేసుకున్న నవ దంపతులు అనుమానాస్పద స్థితిలో నదిలో శవాలైన ఘటన ఆలస్యంగా వెలుగులోకి వచ్చింది. కాళ్లకు ఇనుప గొలుసులు చుట్టి, తాళం వేసిన స్థితిలో వీరి మృతదేహాలు నది అడుగుభాగంలో లభ్యం కావడం పలు అనుమానాలకు తావిస్తోంది.ధూలే జిల్లాలో సావల్డే ప్రాంతంలో తపతి నది అడుగుభాగంలో లభించిన ఈ మృతదేహాలు శ్యామ్ హరి పాటిల్ ,స్వప్న పాటిల్ దంపతులవిగా గుర్తించినట్లు అధికారులు తెలిపారు. జల్గావ్ జిల్లా అమల్నేర్ తాలూకాకు చెందిన వీరు, కొద్ది నెలల క్రితమే ప్రేమ వివాహం చేసుకున్నారు. గొలుసులతో వారి కళ్లను కట్టివేయడంతో మాత్రమే కాదు, దానికి తాళం వేసి ఉండటం చూసి పోలీసులే నివ్వరపోయారు. వీరిది ఆత్మహత్యా లేక హత్యనా అనేది ఇంకా స్పష్టంగా తెలియరాలేదని కోణాల్లోనూ దర్యాప్తు చేస్తున్నామని పోలీసు అధికారి తెలిపారు.ఇదీ చదవండి : అర్థరాత్రి లవర్‌ కోసం బోయ్‌ ఫ్రెండ్‌..హాట్‌ టాపిక్‌గా పెళ్లి!భర్త బైక్‌ పార్క్‌ చేసి వచ్చేలోపే : లవర్‌తో పరార్‌

దాదర్‌: ముంబై లోకల్‌ రైళ్లలో నిత్యం ప్రయాణించే ప్రయాణికులకు స్వతంత్ర వ్యక్తిగత ప్రమాద బీమా పాలసీ కల్పించే ప్రతిపాదనపై ముంబై రైల్వే మండలి కసరత్తు ప్రారంభించింది. అతి తక్కువ ప్రీమియంతో ప్రతి ప్రయాణికుడికి బీమా రక్షణ కల్పించేలా ప్రతిపాదన సిద్ధం చేస్తున్నట్లు సమాచారం. దీనికి కేంద్రం ఆమోదం లభిస్తే ముంబై లోకల్‌ రైళ్లలో రోజూ రాకపోకలు సాగించే సుమారు 75–80 లక్షల మంది ప్రయాణికులకు ప్రత్యేక బీమా రక్షణ లభించే అవకాశం ఉంది. ముంబై లోకల్‌ రైల్వే పరిధిలో ప్రమాదాలు పెరుగుతున్న నేపథ్యంలో ప్రయాణికులకు ప్రమాద బీమా ఇవ్వాల‌ని మరాఠీ ఏకీకరణ సమితి కొంతకాలంగా రైల్వే మండలితో సంప్రదింపులు జరుపుతోంది. ఈ అంశంపై రైల్వే అధికారులపై ఒత్తిడి తీసుకొచ్చిన నేపథ్యంలో ప్రయాణికులకు వ్యక్తిగత ప్రమాద బీమా కల్పించే అంశాన్ని పరిశీలించాలని రైల్వే మండలి నిర్ణయించినట్లు తెలుస్తోంది.ప్రమాదాలు, వైద్య ఖర్చులకు ఆసరాగా ముంబైలో సెంట్రల్, వెస్ట్రన్, హార్బర్‌ రైల్వే మార్గాల ద్వారా లోకల్‌ రైళ్లు నగరంలోని అత్యంత రద్దీ ప్రాంతాల గుండా రాకపోకలు సాగిస్తున్నాయి. రోజూ సుమారు 75–80 లక్షల మంది ప్రయాణికులు లోకల్‌ రైళ్లపై ఆధారపడుతున్నారు. వీరిలో ఉద్యోగులు, వ్యాపారులు, విద్యార్థులు అధిక సంఖ్యలో ఉన్నారు. ప్రయాణికుల్లో సుమారు 70 శాతం మంది నెలవారీ, త్రైమాసిక, వార్షిక సీజన్‌ పాస్‌లతో ప్రయాణిస్తుండగా, మిగిలిన వారు సింగిల్, రిటర్న్‌ టికెట్లతో రాకపోకలు సాగిస్తున్నారు.సీజన్‌ పాస్‌ హోల్డర్లు, టికెట్‌ తీసుకుని ప్రయాణించే వారికి రూ.10–20 వరకు అతి తక్కువ ప్రీమియంతో ప్రమాద బీమా పాలసీ అమలు చేయాలని మరాఠీ ఏకీకరణ సమితి రైల్వే బోర్డుకు ప్రతిపాదించింది.రైలు ప్రయాణ సమయంలో ప్రమాదానికి గురై మృతి చెందిన వారు, పాక్షికంగా అంగవైకల్యానికి గురైన వారు, అవయవాలు కోల్పోయిన వారు, శాశ్వతంగా వికలాంగులైన ప్రయాణికులతో పాటు ప్రమాదాల కారణంగా ఆస్పత్రుల్లో చేరిన వారికి కూడా బీమా రక్షణ కల్పించాలని సమితి కోరుతోంది. చికిత్సకు అయ్యే వైద్య ఖర్చులను సైతం బీమా పరిధిలోకి తీసుకురావాలని డిమాండ్‌ చేసింది.ఇదీ చ‌ద‌వండి: నానా ప‌టేక‌ర్‌కు ఎన్‌కౌంట‌ర్ స్పెష‌లిస్ట్ ద‌యా నాయ‌క్ నివాళిఉదయం, సాయంత్రం పీక్‌ అవర్స్‌లో లోకల్‌ రైళ్లలో విపరీతమైన రద్దీ ఉంటుంది. రైళ్లలోకి వెళ్లేందుకు స్థలం లేక అనేక మంది తలుపుల వద్ద, ఫుట్‌బోర్డులపై నిల్చుని ప్రయాణిస్తుంటారు. ఈ క్రమంలో అదుపుతప్పి రైలు నుంచి కిందపడే ఘటనలు చోటుచేసుకుంటున్నాయి. ఇలాంటి ప్రమాదాల్లో కొందరు ప్రాణాలు కోల్పోతుండగా, మరికొందరు తీవ్రంగా గాయపడుతున్నారు. మరోవైపు ఏసీ లోకల్‌ రైళ్లలో సాంకేతిక లోపాల కారణంగా ఎయిర్‌ కండిషనింగ్‌ వ్యవస్థ పనిచేయకపోవడం, ప్రయాణికులు అస్వస్థతకు గురికావడం వంటి ఘటనలు కూడా చోటుచేసుకుంటున్నాయని సమితి పేర్కొంది.ఇదీ చ‌ద‌వండి: అదే మా ఇద్దరి చివరి సంభాషణ.. తుకారం ముండేఇలాంటి సందర్భాల్లో చికిత్స పొందే ప్రయాణికులకు కూడా బీమా రక్షణ కల్పించాలని కోరింది. ఈ నేపథ్యంలో ప్రయాణికుల భద్రతను దృష్టిలో ఉంచుకుని వ్యక్తిగత ప్రమాద బీమా పథకానికి సంబంధించిన ప్రతిపాదనను రూపొందించే ప్రక్రియను రైల్వే మండలి ప్రారంభించినట్లు సమాచారం. ప్రతిపాదన సిద్ధమైన అనంతరం కేంద్రం ఆమోదం లభిస్తే తదుపరి కార్యాచరణ చేపట్టే అవకాశం ఉంది.

ముంబైలో నవరాత్రి గర్బా వేడుకలకు ముందు వివాదాస్పద పోస్టర్లు వెలుగులోకి వచ్చాయి. మలాడ్ ప్రాంతంలోని ఓ గర్బా వేదిక వద్ద కనిపించిన ఈ పోస్టర్లలో హిందూయేతరులు కార్యక్రమంలోకి ప్రవేశించే ముందు నుదుటిపై తిలకం పెట్టుకోవాలని, చేతికి కలావా కట్టుకోవాలని, గోమూత్రం చల్లుకోవాలని సూచించారు.ఈ పోస్టర్లలో ‘లవ్ జిహాద్’కు వ్యతిరేకంగా సందేశాలు ఉన్నట్లు సమాచారం. హిందూ యువతులను మతమార్పిడికి గురిచేసే ఉద్దేశంతో ముస్లిం పురుషులు ప్రేమ సంబంధాలు ఏర్పరుస్తారనే ఆరోపణకు రైట్ వింగ్‌ సంస్థలు ఉపయోగించే పదమే ‘లవ్ జిహాద్’. అయితే ఈ పదానికి చట్టపరమైన గుర్తింపు లేదనే విషయం కూడా గతంలో వివిధ సందర్భాల్లో స్పష్టమైంది.ముంబైలోని గర్బా కార్యక్రమాల్లో ముస్లింల ప్రవేశంపై ఇప్పటికే వివాదం కొనసాగుతోంది. మహారాష్ట్రలో గర్బా, దాండియా కార్యక్రమాలకు ముస్లింలను అనుమతించకూడదని విశ్వ హిందూ పరిషత్ గతంలో పిలుపునిచ్చింది. కార్యక్రమాలకు వచ్చే వారి ఆధార్ గుర్తింపు పరిశీలించాలని, నుదుటిపై తిలకం పెట్టిన తర్వాతే ప్రవేశం కల్పించాలని నిర్వాహకులకు సూచనలు చేసింది.మహారాష్ట్ర మంత్రి నితేశ్ రాణే కూడా ఈ డిమాండ్‌కు మద్దతు తెలిపారు. గర్బా కార్యక్రమాలకు వచ్చే వారు తమ గుర్తింపు చూపించడంతో పాటు హనుమాన్ చాలీసా పఠించాలని ఆయన గతంలో సూచించారు.ముంబైలోని బోరివలి గర్బా కార్యక్రమం విషయంలోనూ ప్రవేశ నిబంధనలపై వివాదం నెలకొంది. బీజేపీ ఎమ్మెల్యే సంజయ్ ఉపాధ్యాయ్ ముస్లింల ప్రవేశంపై షరతులు ప్రస్తావించగా, కార్యక్రమ నిర్వాహకులు ఆధార్ కార్డు పరిశీలన చేపడతామని తెలిపారు.నవరాత్రి వేడుకలు సమీపిస్తున్న నేపథ్యంలో ముంబైలో గర్బా కార్యక్రమాలకు సంబంధించిన ఈ పోస్టర్లు మతపరమైన గుర్తింపు, ప్రవేశ నిబంధనలు, సామాజిక సమగ్రతపై మరింత చర్చకు దారితీసే అవకాశం ఉంది.

భారతదేశ గ్రామీణ ఆర్థిక వ్యవస్థకు, వ్యవసాయ రంగానికి మహిళలే వెన్నెముక. విత్తనం నాటడం మొదలుకొని పంట కోత, నిల్వ వరకు దాదాపు అన్ని పనుల్లోనూ స్త్రీల శ్రమే అధికం. పీరియాడిక్‌ లేబర్‌ ఫోర్స్‌ సర్వే (పీఎల్‌ఎఫ్‌ ఎస్‌) తాజా గణాంకాల ప్రకారం.. దేశ వ్యవసాయ రంగంలో పనిచేసే వారిలో మహిళల వాటా దాదాపు 60 శాతానికి చేరింది. పురుషులు ఉపాధి కోసం ఇతర రంగాల వైపు లేదా పట్టణాల వైపు వలస వెళ్తుండడంతో వ్యవసాయ రంగం క్రమంగా మహిళామయం అవుతోంది. దీన్నే ‘ఫెమినైజేషన్‌ ఆఫ్‌ అగ్రికల్చర్‌’అంటారు. బాధ్యతలు పెరుగుతున్నప్పటికీ, భూమిపై యాజమాన్య హక్కులు, నిర్ణయాధికారాల్లో మాత్రం మహిళలకు నేటికీ తీవ్ర అన్యాయమే జరుగుతోంది.భూమి పట్టాలున్న మహిళలు 15%దేశంలో వ్యవసాయం కోసం పనిచేస్తున్న మహిళల్లో 15 శాతం కంటే తక్కువ మంది పేరిట మాత్రమే భూమి యాజమాన్య పత్రాలు (పట్టాదార్‌ పాస్‌ పుస్తకాలు) ఉన్నాయని కేంద్ర వ్యవసాయ సహాయ మంత్రి రామ్‌నాథ్‌ ఠాకూర్‌ ఇటీవల పార్లమెంటులో ప్రకటించారు. మిగిలిన 85 శాతానికి పైగా మహిళలు తమ కుటుంబ పొలం పనుల్లోనో లేక కౌలుదారులుగానో శ్రమిస్తూ కేవలం వ్యవసాయ కూలీలుగానే మిగిలిపోతున్నారు. మన దేశంలో వ్యవసాయ పథకాలు, సబ్సిడీలు, ప్రయోజనాలు పొందాలంటే భూమి పట్టా వారి పేరుతో ఉండడం తప్పనిసరి అనే నిబంధన అమల్లో ఉంది. భూమి పాస్‌బుక్‌ తన పేరుతో లేని మహిళా రైతులకు బ్యాంకు రుణాలు, పంట బీమా, పీఎం–కిసాన్‌ వంటి నగదు బదిలీలు, రాయితీ ఎరువులు, సాగునీటి సౌకర్యాలు, ఆధునిక యంత్రాలు ఏవీ అందడం లేదు.మహిళలకు రైతుగా గుర్తింపు లేకపోవటం కేవలం వారి ఆర్థిక భద్రతను మాత్రమే కాకుండా సామాజిక స్థాయిని కూడా దెబ్బతీస్తోంది. వ్యవసాయంలో సమగ్ర సంస్కరణలు రావాలంటే క్షేత్రస్థాయిలో చెమటోడ్చే ప్రతి మహిళను రైతుగా గుర్తించడం, వారికి సంస్థాగత సహాయం అందించడం తక్షణావసరం. ఐక్యరాజ్యసమితి పిలుపు మేరకు జరుపుకుంటున్న ఈ ‘అంతర్జాతీయ మహిళా రైతు సంవత్సరం’లోనైనా మహిళా రైతులకు హక్కులు ఇవ్వడం సమంజసమని పాలకులు గుర్తించాలి.మహారాష్ట్రలో మహిళా రైతులకు సర్టిఫికెట్లు! మహిళా రైతుల చిరకాల స్వప్నాన్ని మహారాష్ట్ర ప్రభుత్వం చట్టబద్ధత కల్పించింది. ‘ఉమెన్‌ ఫార్మర్స్‌ ఎంపవర్‌మెంట్‌ యాక్ట్‌ 2026’ను ఇటీవలే తీసుకొచ్చింది. దీని ద్వారా సొంత భూమి లేకపోయినా వ్యవసాయం, పాడి, పౌల్ట్రీ, మత్స్య రంగాలపై ఆధారపడిన మహిళలను అధికారికంగా రైతులుగా గుర్తిస్తూ ‘మహిళా రైతు సర్టిఫికెట్ల’ను జారీ చేయటం చరిత్రాత్మక ముందడుగు.ఇదీ చ‌ద‌వండి: కుక్కల బరువు పెంచుతున్న మన ఆహారంమహారాష్ట్ర గ్రామీణ మహిళా శ్రామికశక్తిలో 82% వ్యవసాయంలో ఉండగా, భూమి హక్కులు కేవలం 15.5% మందికే ఉన్నాయి. ఈ సర్టిఫికెట్ల జారీతో లక్షలాది మందికి లబ్ధి చేకూరనుంది. భూమి పట్టా లేకపోయినా ప్రభుత్వ పథకాలు, విత్తన సబ్సిడీలు, సాంకేతిక పరిజ్ఞానం, బ్యాంకింగ్‌ తోడ్పాటు వంటి సదుపాయాలు ఈ సర్టిఫికెట్‌ ద్వారా మహిళా రైతులకు నేరుగా అందుతాయి. ఈ చట్టం చెయ్యడంలోనే కాదు అమలులో అవాంతరాలను అధిగమించడంలోనూ దేశంలో ఇతర రాష్ట్రాలకు మహారాష్ట్ర ఆదర్శంగా నిలవాలి. - సాక్షి, స్పెషల్‌ డెస్క్‌ఇదీ చ‌ద‌వండి: ప్రియాంక చోప్రా మెచ్చిన ప‌ల్లెటూరి య‌శోద‌!

ముంబై: మహారాష్ట్రలోని ఉల్హాస్‌నగర్‌లో ఆస్పత్రికి చేరుకోవడానికి కొద్ది నిమిషాల దూరంలో ఉండగానే ఓ గర్భిణి రిక్షాలో మగబిడ్డకు జన్మనిచ్చింది. ఆస్పత్రికి తీసుకెళ్తున్న ఆటో భారీ ట్రాఫిక్‌లో చిక్కుకుపోవడంతో ఈ ఘటన చోటుచేసుకుంది. తల్లి, నవజాత శిశువు ఇద్దరూ క్షేమంగా ఉన్నట్లు సమాచారం.ఉల్హాస్‌నగర్‌కు చెందిన ఆ మహిళకు పురిటి నొప్పులు రావడంతో సమీపంలోని ప్రభుత్వ ఆస్పత్రికి తీసుకెళ్లాలని కుటుంబ సభ్యులు నిర్ణయించారు. ఆ సమయంలో మరో వాహనం అందుబాటులో లేకపోవడంతో వారు రిక్షాను ఏర్పాటు చేసి ఆమెను ఆస్పత్రికి తీసుకెళ్లారు. అయితే ఆస్పత్రికి చేరుకునేలోపే ఆటో భారీగా నిలిచిపోయిన ట్రాఫిక్‌లో చిక్కుకుంది.దాదాపు 15 నుంచి 20 నిమిషాల పాటు ఆటో ముందుకు కదల్లేదు. ఇదే సమయంలో మహిళకు పురిటి నొప్పులు మరింత తీవ్రం కావడంతో పరిస్థితి ఆందోళనకరంగా మారింది. ఆస్పత్రి కొద్ది దూరంలోనే ఉన్నప్పటికీ ట్రాఫిక్‌ రద్దీ కారణంగా వాహనం ముందుకు వెళ్లలేకపోయింది. చివరకు ఆమె ఆటోరిక్షాలోనే బిడ్డకు జన్మనిచ్చింది.ఈ ఘటనతో వైద్య అత్యవసర పరిస్థితుల్లో ట్రాఫిక్‌ రద్దీ కలిగించే ఇబ్బందులపై మరోసారి ఆందోళనలు వ్యక్తమవుతున్నాయి. అదృష్టవశాత్తూ తల్లి, ఆమెకు పుట్టిన మగబిడ్డ ఇద్దరూ ఆరోగ్యంగా ఉన్నారు.

రైలు ప్రయాణాల్లో చాలా వింత వింత అనుభవాలు ఎదురవుతూ ఉంటాయి. అలా మహారాష్ట్రలోని కళ్యాణ్ రైల్వే స్టేషన్‌లో జరిగిన ఒక ఘటన నెట్టింట చర్చకు దారి తీసింది. మనం ఎక్కాల్సిన రైలు జీవిత కాలం లేటు అన్నట్టుగానే ఒక వ్యక్తి రైలు కోసం ఎదురు చూస్తుండగా అనుకోని ఘటన ఎదురైంది. దీంతో అతనికి రూ. 500 ఫైన్‌ విధించారు.దీంతో తన అనుభవాన్ని సోషల్‌ మీడియాలో షేర్‌ చేయడంతో అది వైరల్‌గా మారింది.ఎక్స్ (X) వేదికగా వెలుగులోకి వచ్చిన ఈ సంఘటన ప్రకారం, ఒక వ్యక్తి తన కుటుంబాన్ని రైలు ఎక్కించడానికి కళ్యాణ్ రైల్వే స్టేషన్‌కు వెళ్లారు. ఇందుకోసం ఫ్లాట్‌ఫాం టికెట్‌ కూడా కొనుగోలు చేశారు. కానీ మధ్యాహ్నం 12 గంటలకు బయలుదేరాల్సిన రైలు సుమారు 2 గంటలకు వస్తుందని మొదట తెలిపారు. ఆ లేటు కాస్తా అలా కొనసాగుతూ,సాయంత్రం 5 గంటల వరకు వచ్చింది. వచ్చింది రా నాయనా అనుకుంటూ, తన వాళ్లని రైలెక్కించి, అన్ని జాగ్రత్తలు చెప్పి , వెనక్కి వస్తుండగా టీటీఈ అడ్డుకున్నారు. ప్లాట్‌ఫాం టికెట్ చూపించమన్నాడు. ఇక్కడే ఆయనకు షాక్‌ తగిలింది. మీ ప్లాట్‌ఫాం టికెట్ కేవలం రెండు గంటలు మాత్రమే చెల్లుబాటు అవుతుందని, నిర్ణీత గడువు దాటిపోయిందంటూ అతనికి రూ. 500 జరిమానా విధించారు.నెటిజన్ల స్పందనలురైలు ఆలస్యం కావడం వల్ల స్టేషన్‌లో ఎక్కువ సమయం ఉండాల్సి వస్తే జరిమానా పేరుతో శిక్షించడం ఎంతవరకు సమంజసమని పలువురు నెటిజన్లు ప్రశ్నించారు. అయితే ప్లాట్‌ఫాం టికెట్‌కు నిర్దిష్ట సమయ పరిమితి ఉంటుందని, అది ఏ రైలుతోనూ ముడిపడి ఉండదని మరికొందరు వాదించారు.రైల్వే శాఖ స్పందన: ఈ పోస్ట్ వైరల్ కావడంతో 'రైల్వే సేవా' (RailwaySeva) స్పందించడం విశేషం. సంబంధిత అధికారులకు సమాచారం అందించామని @drmmumbaicr ట్యాగ్ చేస్తూ బదులిచ్చింది. చివరికి ఫలితం ఎలా ఉంటుందో చూడాలి మరి. ఈ ఘటన రైలు ఆలస్యం కారణంగా ప్రయాణికులు ఊహించిన దానికంటే ఎక్కువసేపు స్టేషన్‌లో ఉండవలసి వచ్చినప్పుడు వారికి జరిమానా విధించాలా వద్దా అనే దానిపై చర్చను రేకెత్తించింది.

రంజీ ట్రోఫీ 2026-27 సీజన్ తొలి మ్యాచ్ కోసం మహారాష్ట్ర క్రికెట్ అసోసియేషన్ తమ జట్టును ప్రకటించింది. స్టార్ ఓపెనర్ పృథ్వీ షా ఈ జట్టుకు కెప్టెన్‌గా వ్యవహరించనున్నాడు. రెగ్యులర్ కెప్టెన్ రుతురాజ్ గైక్వాడ్, ఆస్ట్రేలియా-ఎ తో పుదుచ్చేరిలో జరగనున్న మూడు అనధికారిక వన్డేల సిరీస్‌లో 'ఇండియా-ఎ' కెప్టెన్‌గా బాధ్యతలు నిర్వర్తిస్తుండటంతో రంజీ తొలి మ్యాచ్‌కు దూరమయ్యాడు. ఈ క్రమంలోనే పృథ్వీ షాకు జట్టు పగ్గాలను సెలక్టర్లు అప్పగించారు.ఈ వన్డే సిరీస్ అక్టోబర్ 6, 9, 11 తేదీల్లో జరగనుంది. అలాగే ఆల్ రౌండర్ అర్షిన్ కులకర్ణి కూడా ఇండియా-ఎ జట్టులోనే భాగం కావడంతో తొలి మ్యాచ్‌కు అందుబాటులో ఉండటం లేదు. ముంబై నుంచి మహారాష్ట్ర వరకు..2025-26 దేశవాళీ సీజన్‌కు ముందు ముంబైని వీడి మహారాష్ట్ర జట్టులో చేరిన పృథ్వీ షా, అద్భుతమైన ప్రదర్శనతో ఆకట్టుకున్నాడు. గత సీజన్‌లో 537 పరుగులు చేసి మహారాష్ట్ర తరఫున లీడింగ్ రన్ స్కోరర్‌గా నిలిచాడు.కెప్టెన్సీ ట్రాక్ రికార్డ్ అదుర్స్‌పృథ్వీ షాకు కెప్టెన్‌గా మంచి ట్రాక్ రికార్డు ఉంది. అతడి సారథ్యంలోనే భారత జట్టు 2018 ఐసీసీ అండర్-19 ప్రపంచకప్ ట్రోఫీని గెలుచుకుంది.అంతేకాకుండా ముంబై జట్టును విజయ్ హాజారే ట్రోఫీ విజేతగా నిలపడమే కాకుండా, 2021-22 రంజీ ట్రోఫీ సీజన్‌లో ఫైనల్ వరకు తీసుకెళ్లాడు. ఈ రంజీ సీజన్‌లో మహారాష్ట్ర తన తొలి మ్యాచ్‌ను ఢిల్లీలోని పాలం 'ఎ' స్టేడియంలో సర్వీసెస్ జట్టుతో అక్టోబర్ 11 నుంచి ఆడనుంది.మ‌హారాష్ట్ర జ‌ట్టుపృథ్వీ షా (కెప్టెన్‌), సచిన్ దాస్, దిగ్విజయ్ పాటిల్, అంకిత్ బవానే, హర్షల్ కేట్, సిద్ధేష్ వీర్, సౌరభ్ నవలే (వికెట్ కీప‌ర్‌), విక్కీ ఓస్త్వాల్, రాజ్‌వర్ధన్ హంగర్గేకర్, ముఖేష్ చౌదరి, ప్రదీప్ దాధే, తనయ్ సంఘ్వీ, వైభవ్ డార్కుండే, హితేష్ వాలుంజ్, రిషికేష్ సోనావానే, అథర్వ ధర్మాధికారి.

అర్ధరాత్రి ఆడది నిర్భయంగా రోడ్డుపై ఒంటరిగా నడిచిన రోజే మన దేశానికి నిజమైన స్వాతంత్య్రం వచ్చినట్లని జాతిపిత మహాత్మా గాంధీ అన్నారు. అయితే, ఆ పరిస్థితులు నేటికీ రాలేదు. మహిళలు నిజంగా అర్ధరాత్రి ఒంటరిగా రోడ్డుపై తిరిగితే ఏమవుతుందని ఓ యూట్యూబర్‌ ప్రయోగం చేశాడు. మహిళల భద్రతపై అవగాహన కల్పించేందుకు మహిళలా వేషం వేసుకుని అతడు రాత్రివేళ బయటకు వెళ్లిన వీడియో సామాజిక మాధ్యమాల్లో వైరల్‌గా మారింది. ఈ ప్రయోగంలో తనను కొందరు వ్యక్తులు తదేకంగా చూశారని, ఓ వ్యక్తి తనను ఫాలో అయ్యాడని అతడు పేర్కొన్నాడు.వైరల్‌గా మారిన ఈ వీడియోలో.. సదరు వ్యక్తి మహిళల దుస్తులు ధరించి బయటకు వెళ్లాడు. రాత్రి సమయంలో ఒంటరిగా ప్రయాణించే మహిళలు ఎదుర్కొనే పరిస్థితులను స్వయంగా అనుభవించాలనే ఉద్దేశంతో ఈ ప్రయోగం చేసినట్లు వీడియో ద్వారా వెల్లడించాడు. బయటకు వెళ్లిన సమయంలో కొందరు తనవైపు పదేపదే చూశారని అతడు చెప్పాడు.మరో వ్యక్తి తనను వెంబడించినట్లు పేర్కొన్నాడు. ఈ పరిణామాలను వీడియోలో రికార్డు చేశాడు. సాధారణంగా రాత్రివేళ ఒంటరిగా బయటకు వెళ్లే మహిళలకు ఎదురయ్యే అసౌకర్యకర పరిస్థితులను అర్థం చేసుకునేందుకు ఈ ప్రయోగం చేసినట్లు తెలుస్తోంది. వీడియోలో కనిపించే ఘటనలు సామాజిక మాధ్యమాల్లో చర్చకు దారితీశాయి. మహిళలు రాత్రివేళ ఒంటరిగా ప్రయాణించే సమయంలో ఎదుర్కొనే భద్రతా సమస్యలపై పలువురు స్పందిస్తున్నారు.అయితే, ఈ వీడియోలో వ్యక్తి చేసిన వాదనలను ఎవరూ స్వతంత్రంగా ధ్రువీకరించినట్లు సమాచారం లేదు. అందువల్ల వీడియోలోని ఆరోపణలను ఆ వ్యక్తి వాదనలుగానే పరిగణించాలి. మహిళల భద్రతకు సంబంధించిన అంశాలు సామాజిక ప్రయోగాలు, వైరల్ వీడియోల ద్వారా తరచుగా చర్చలోకి వస్తున్నాయి. View this post on Instagram A post shared by Shivom Cheke (@unfiltered_shivaaa)

రెండు ఇళ్ల మధ్య అడుగు కూడా లేని ఇరుకైన సందులో 70 ఏళ్ల వృద్ధుడు చిక్కుకుపోయాడు. బయటకు వచ్చే మార్గం లేక ప్రాణాలతో పోరాడుతున్న ఆయనను పాల్ఘర్ అగ్నిమాపక సిబ్బంది గోడను బద్దలుకొట్టి సాహసోపేతంగా రక్షించారు. శనివారం తెల్లవారుజామున మహారాష్ట్ర పాల్ఘర్‌లోని నవ్లీ ప్రాంతంలోని భీమాయ్ నగర్‌లో ఈ ఘటన కలకలం రేపింది.పాల్ఘర్‌కు చెందిన వినోద్ విష్ణు జాధవ్ రెండు ఇళ్ల గోడల మధ్య చిక్కుకుపోయారు. అగ్నిమాపక సిబ్బంది చేపట్టిన ఈ సాహసోపేతమైన రెస్క్యూ ఆపరేషన్‌కు సంబంధించిన వీడియో వెలుగులోకి వచ్చింది. వీడియోలో సిబ్బంది ఎంతో జాగ్రత్తగా వృద్ధుడిని బయటకు తీసుకువస్తున్న దృశ్యాలు కనిపిస్తున్నాయి.సమాచారం అందుకున్న వెంటనే పాల్ఘర్ ఫైర్ సిబ్బంది ఘటనాస్థలానికి చేరుకున్నారు. ఇరుకైన ఖాళీ నుంచి నేరుగా అతడిని బయటకు తీసుకురావడం సాధ్యం కాదని గుర్తించారు. దీంతో అగ్నిమాపక సిబ్బంది ఒక ఇంటి గోడను పగులగొట్టి, జాధవ్‌ను బయటకు తీసేందుకు మార్గాన్ని ఏర్పాటు చేశారు. అనంతరం ఫైర్ సిబ్బంది వినోద్ జాధవ్‌ను ఆ ఇరుకైన ప్రదేశం నుంచి బయటకు తీసుకువచ్చారు. వృద్ధుడిని రక్షించిన అనంతరం ఆయన్ని వైద్య పరీక్షలు కోసం పాల్ఘర్ ప్రభుత్వ ఆసుపత్రికి తరలించారు.ఇదీ చదవండి: నోయిడాలో షాకింగ్‌ ఘటన..#Maharashtra #Palghar- 70-Year-Old Man Trapped Between Two Houses Rescued by Fire Crew After Wall is Broken Down; Palghar: Around 4 AM in Bhimai Nagar, Navali, 70-year-old Vinod Vishnu Jadhav became trapped in a gap of less than one foot between two houses. Upon receiving the… pic.twitter.com/xdKrUXyMff— Siraj Noorani (@sirajnoorani) October 2, 2026

ఆమె అందిరిలా ఇంజనీర్‌ చేసి కార్పొరేట్‌ ఉద్యోగాల వైపుకి మళ్లకుండా..రైతులను ఆదుకునే దిశగా ఆడుగులు వేసింది. చిన్నప్పటి నుంచి ఉల్లి రైతుగా తండ్రి పడుతున్న కష్టాలను దగ్గర నుంచి చూసిన ఆమె..పెద్దయ్యాక ఎలాగైన తన ప్రతిభతో చెక్‌ పెట్టాలనుకుంది. అలా ఉల్లి నిల్వను సురక్షితంగా ఉంచుకునేలా స్మార్ట్‌ టచ్‌తో సరికొత్త ఆవిష్కరణకు నాంది పలికి అగ్రి-టెక్ (Agri-tech) సామాజిక పారిశ్రామికవేత్తగా అవతరించింది. ఆ అమ్మాయే కళ్యాణి షిండే. భారతదేశానికి చెందిన కళ్యాణి ఆసియాలోనే అతిపెద్ద ఉల్లిపాయల మార్కెట్‌గా పేరుగాంచిన మహారాష్ట్రలోని నాశిక్ జిల్లా, లాసల్‌గావ్‌కు చెందిన ఒక సాధారణ రైతు కుటుంబంలోనే జన్మించింది. ఉల్లి పండించే కుటుంబం కావడంతో పంట కోత తర్వాత సరైన నిల్వ వసతులు లేక ఉల్లిపాయలు కుళ్ళిపోయి రైతులు ఎదుర్కొనే ఆర్థిక నష్టాలను చిన్నప్పటి నుంచే కళ్లారా చూసిందాము. అప్పుడే అనుకుంది ఈ సమస్యకు తను ఏదోవిధంగా చెక్‌పెట్టాలని అనుకునేది. ఆ నేపథ్యంలోనే ఆమె లాసల్‌గావ్‌లో పాఠశాల విద్య పూర్తి చేసిన అనంతరం 2018లో పూణే విశ్వవిద్యాలయం పరిధిలోని అమృత్‌వాహిని కాలేజ్ ఆఫ్ ఇంజనీరింగ్ నుంచి కంప్యూటర్‌ ఇంజనీరింగ్‌ పూర్తి చేసింది. ఐతే టెక్‌ ఉద్యోగాల వైపుకి వెళ్లకుండా చిన్నప్పటి నుంచి ఏర్పరచుకున్న లక్ష్యం వైపుకే సాగింది. అలా ఆమె రైతుల సమస్యలకు సాంకేతిక పరిష్కారం చూపాలనే ఉద్దేశ్యంతో టీసీఎస్‌ ఫౌండేషన్‌ డిజిటల్‌ ఇంపాక్ట్‌ స్క్వేర్‌(డీఐఎస్‌) మద్దతుతో ఉల్లిపాయల నిల్వపై విస్తృత పరిశోధనలు చేశారు. నిజానికి సాంప్రదాయ గోదాములలో ఉల్లిపాయు కుళ్లిపోవడం చాలా ఆలస్యంగా తెలిసేది రైతులకు. అప్పటికే సగం పంట నాశనమైపోయేది. దీనికి పరిష్కారంగా గోడమ్ సైన్స్‌ అనే సరికొత్త ఐఓటీ ఆధారిత పరికరాన్ని ఆవిష్కరించింది కళ్యాణి. ఈ పరికరం గోదాములోని ఉష్ణోగ్రత, తేమ, ఉల్లిపాయలు కుళ్లిపోయేటప్పుడు విడుదలయ్యే వాయువులను నిరంతరం గమనిస్తుంది. నిల్వ ఉంచిన పంటలో కేవలం 1% నుంచి 2% మేర నష్టం ప్రారంభమైనా వెంటనే రైతులకు మొబైల్‌ అలర్ట్‌ మెసేజ్‌ పంపుతుందట. దీంతో రైతులు మిగిలిన పంట పాడవ్వకుండా తగు చర్యలు తీసుకుంటే సరిపోతుంది. ఈ సాంకేతికత వల్ల రైతులు ఉల్లిపాయ వృధాను 20% నుంచి 25% వరకు తగ్గించుకోగలగుతున్నారు. అందుకుగానూ కళ్యాణికి ప్రతిష్టాత్మకమైన యంగ్ చేంజ్ మేకర్ అవార్డు, మహానారీ, క్రిషితాన్‌ వంటి అవార్డులు వరించాయి. ప్రస్తుతం వందలాది గోదాములలో ఈ సాంకేతికతను వినియోగిస్తుండటం విశేషం. కాగా, కళ్యాణి వ్యవసాయాన్ని మరింత లాభసాటిగా మార్చి, రైతు పిల్లల్ని కూడా ఈ రంగంలోకి వచ్చేలా ప్రోత్సహించడమే తన లక్ష్యం అని సగర్వంగా చెబుతోంది.ఇదీ చదవండి: నెల జీతం రూ. 3 వేలు..కుమారుడి ప్యాకేజీ రూ. 1.2 కోట్లు! కంటతడి పెట్టించే స్టోరీ..

మహారాష్ట్ర: ధర్మాంగాన్‌లో ఘోర రోడ్డు ప్రమాదం చోటుచేసుకుంది. బొలేరో వాహనాన్ని ట్రక్కు ఢీకొట్టడంతో ఐదుగురు మృతి చెందారు. మరో 21 మందికి గాయాలయ్యాయి. స్థానికుల వివరాల ప్రకారం.. మహారాష్ట్రలోని ధర్మాంగాన్‌ వద్ద ప్రయాణికులతో వెళ్తున్న బొలేరో వాహనాన్ని ఓ ట్రక్కు ప్రమాదవశాత్తు ఒక్కసారిగా ఢీకొట్టింది. దీంతో బొలేరోలో ప్రయాణిస్తున్న వారిలో ఏడుగురు అక్కడికక్కడే ప్రాణాలు కోల్పోయారు. మరికొందరికి తీవ్ర గాయాలైనట్లుగా తెలుస్తోంది.అయితే, స్థానికులు క్షతగాత్రులను వెంటనే సమీపంలోని ఆస్పత్రికి తరలించినట్లుగా తెలుస్తోంది. దీంతో సమాచారం అందుకున్న పోలీసులు ఘటన స్థలానికి చేరుకుని సహాయక చర్యలు చేపట్టారు. పోలీసులు మృతుల వివరాలను సేకరించే పనిలో ఉన్నారు. అయితే ప్రమాదానికి గల పూర్తి వివరాలు ఇంకా తెలియాల్సి ఉంది.ఇదీ చదవండి: భర్తను చంపిన ప్రేమ జంటకు పెళ్లి ముహూర్తం

ముంబై: మహారాష్ట్రలోని రాయ్‌గఢ్ జిల్లాలో తీవ్ర విషాదం చోటుచేసుకుంది. ప్రముఖ పర్యాటక ప్రాంతమైన దివేగర్ బీచ్‌లో సముద్రంలోకి మునిగి పుణేకు చెందిన ఎనిమిది మంది విద్యార్థులు మృతి చెందారు. మృతులంతా 16 ఏళ్ల వయసు వారేనని పోలీసులు తెలిపారు. వారి మృతదేహాలను వెలికితీశారు. పుణే జిల్లా అలందిలోని విన్నర్స్ అకాడమీ అనే ప్రైవేట్ కోచింగ్ సెంటర్‌కు చెందిన విద్యార్థులు విహారయాత్ర కోసం దివేగర్ బీచ్‌కు వచ్చారు.మొత్తం 48 మంది బృందం పర్యటనకు రాగా.. 25 మంది బాలురు, 17 మంది బాలికలు, ఆరుగురు ఉపాధ్యాయులు ఉన్నారు. సాయంత్రం 5:30 గంటల సమయంలో ఎనిమిది మంది విద్యార్థులు సముద్రంలోకి వెళ్లారు. నీటి లోతు, సముద్ర ప్రవాహాన్ని సరిగ్గా అంచనా వేయలేకపోవడంతో బలమైన అలలకు కొట్టుకుపోయినట్లు పోలీసులు తెలిపారు.సమాచారం అందుకున్న వెంటనే దివేగర్‌లోని భావు మారుతి సాలుంఖే మహాకాళి వాటర్ స్పోర్ట్స్ యజమాని భావు సాలుంఖే తన బృందంతో కలిసి సహాయక చర్యలు చేపట్టారు. ప్రాణాలను సైతం లెక్కచేయకుండా సముద్రంలోకి వెళ్లిన వాటర్ స్పోర్ట్స్ సిబ్బంది ఎనిమిది మంది విద్యార్థుల మృతదేహాలను వెలికితీశారు. మృతులను తన్మయ్ దత్తాత్రేయ వహిలే, సుమిత్ భారత్ అహిరే, ప్రణవ్ రాందాస్ బన్సోడే, కైవల్య సతీష్ వాసంకర్, రాజ్‌వీర్ యువరాజ్ వహిలే, యశ్ కిరణ్ వాంఖడే, సోహమ్ తుకారాం భాండ్వాల్కర్, కౌస్తుభ్ సందీప్ దౌండ్గా గుర్తించారు.ఇదీ చదవండి: హైదరాబాద్‌ షాపుల్లో ‘మేడ్ ఇన్ పాకిస్థాన్’

ప్రముఖ టీవీ నటి, ‘బాలికా వధు’ ఫేమ్‌ ప్రత్యూష బెనర్జీ కేసులో సంచలన పరిణామం చోటు చేసుకుంది. ఈ కేసులో ఆమె మాజీ ప్రియుడు, నటుడు–నిర్మాత రాహుల్‌ రాజ్‌ సింగ్‌కు భారీ ఊరట లభించింది. ఈ కేసు నుంచి ఆయనకు విముక్తి ఇస్తూ బాంబే హైకోర్టు బుధవారం తీర్పు ఇచ్చింది. తీర్పు సందర్భంగా.. ఇక ఆయన ఎలాంటి విచారణ ఎదుర్కోవాల్సిన అవసరం లేదని వ్యాఖ్యానించింది.హిందీ బుల్లితెర నటి ప్రత్యూష బెనర్జీ పదేళ్ల కిందట బలవన్మరణానికి పాల్పడ్డారు. అయితే ఆమెను ప్రియుడు రాహుల్‌ రాజ్‌సింగ్‌ ఆత్మహత్యకు ప్రేరేపించారన్నది ప్రధాని అభియోగం. అయితే సుదీర్ఘ విచారణ అనంతరం.. ఈ కేసులో ప్రత్యూష బెనర్జీ మరణానికి ముందు రాహుల్‌ రాజ్‌ సింగ్‌తో మాట్లాడిన చివరి ఫోన్‌ సంభాషణను కోర్టు కీలకంగా పరిగణించింది. ఆనాడు.. ఈ సంభాషణలో ప్రత్యూష తీవ్ర ఆందోళనలో ఉన్నట్లు ట్రాన్స్‌క్రిప్ట్‌ ద్వారా తెలుస్తోందని కోర్టు పేర్కొంది. అదే సమయంలో రాహుల్‌ ఆమెను ఎలాంటి తీవ్ర నిర్ణయం తీసుకోవద్దని నచ్చజెప్పేందుకు ప్రయత్నించినట్లు తెలిపింది. తాను కారును వెనక్కి తిప్పుకుని ఆమెను కలిసేందుకు వస్తున్నానని కూడా రాహుల్‌ చెప్పినట్లు కోర్టు గుర్తించింది. ఈ సంభాషణను పరిశీలించిన న్యాయస్థానం.. ప్రత్యూషను ఆత్మహత్యకు ప్రేరేపించారన్న ఆరోపణలకు ఇది అనుకూలంగా లేదన్న వాదనను పరిగణనలోకి తీసుకుంది.పదేళ్ల క్రితం ఏం జరిగిందంటే..పాపులర్‌ సీరియల్‌ ‘బాలికా వధు’లో ఆనంది పాత్రతో దేశవ్యాప్తంగా గుర్తింపు తెచ్చుకున్న ప్రత్యూష బెనర్జీ 2016 ఏప్రిల్‌ 1న ముంబైలోని గోరేగావ్‌లో తాను అద్దెకు ఉంటున్న నివాసంలో మృతిచెందారు. ఆమె మరణం అప్పట్లో తీవ్ర సంచలనం సృష్టించింది. ప్రత్యూష తల్లిదండ్రులు ఆమెతో అప్పట్లో సహజీవనం చేస్తున్న రాహుల్‌ రాజ్‌ సింగ్‌పై తీవ్ర ఆరోపణలు చేశారు. మానసిక, శారీరక వేధింపులకు పాల్పడ్డారని.. ఆమె ఆత్మహత్యకు రాహుల్‌ ప్రేరేపించారని ఆరోపిస్తూ పోలీసులకు ఫిర్యాదు చేశారు. దీంతో పోలీసులు ఆయనపై ఆత్మహత్యకు ప్రేరేపించిన కేసు నమోదు చేశారు.సుదీర్ఘ పోరాటం తర్వాత..కేసు నమోదైన కొన్ని నెలలకే 2016 జూలైలో రాహుల్‌ రాజ్‌ సింగ్‌కు బాంబే హైకోర్టు ముందస్తు బెయిల్‌ మంజూరు చేసింది. అనంతరం పోలీసులు 2018లో చార్జిషీట్‌ దాఖలు చేశారు. తనపై నమోదైన కేసు నుంచి డిశ్చార్జ్‌ చేయాలని రాహుల్‌ సెషన్స్‌ కోర్టును ఆశ్రయించారు. అయితే అక్కడ ఆయనకు నిరాశ ఎదురైంది. దీంతో హైకోర్టును ఆశ్రయించారు.రాహుల్‌ తరఫున సీనియర్‌ న్యాయవాది ఆబాద్‌ పొండా, న్యాయవాది శ్రేయాన్ష్‌ మిథారే వాదనలు వినిపించారు. ప్రత్యూషతో జరిగిన చివరి ఫోన్‌ సంభాషణలో ఆమెను తీవ్ర నిర్ణయం తీసుకోవద్దని రాహుల్‌ నచ్చజెప్పిన విషయం స్పష్టంగా ఉందని వారు కోర్టు దృష్టికి తీసుకెళ్లారు. అందువల్ల ఆత్మహత్యకు ప్రేరేపించినట్లు కేసు కొనసాగించడానికి తగిన ఆధారాలు లేవని వాదించారు. అలాగే ప్రత్యూష తన నిర్ణయానికి సంబంధించి పలువురి పేర్లను ప్రస్తావించిందని.. ఆమె తల్లిదండ్రుల గురించి కూడా సంభాషణలో మాట్లాడిందని రాహుల్‌ తరఫు న్యాయవాదులు పేర్కొన్నారు. ఆత్మహత్య లేఖ కూడా లేని పరిస్థితుల్లో తొందరగా ఎఫ్‌ఐఆర్‌ నమోదు చేశారని వారు వాదించారు. ఈ వాదనలను పరిగణనలోకి తీసుకున్న బాంబే హైకోర్టు.. రాహుల్‌ రాజ్‌ సింగ్‌ను కేసు నుంచి డిశ్చార్జ్‌ చేసింది. దీంతో క్రిమినల్‌ ట్రయల్‌ నుంచి ఆయనకు ఊరట లభించినట్లైంది.ఇదీ చదవండి: వాటికి ఇంకెప్పుడు మోక్షమయ్యా?

ముంబై: తండ్రి చనిపోతే అంత్యక్రియలు చేయడానికి కూడా ఆసక్తి చూపని పిల్లలు కూడా ఉన్న కాలంలో.. చనిపోయిన వ్యక్తి మృతదేహాన్ని భద్రపరచడానికి ఇప్పటికే రూ.50 లక్షలు ఖర్చు చేసిందో కుటుంబం. అంతేకాదు.. శాశ్వత ప్రిజర్వేషన్‌ ప్రక్రియ కోసం అమెరికా పంపే మార్గాలను అన్వేషిస్తోంది. తాజాగా వెలుగులోకి వచి్చన ఆ వివరాలను పోలీసులు బుధవారం మీడియాతో పంచుకున్నారు. ముంబైకి చెందిన ఓ 80 ఏళ్ల వ్యక్తి క్యాన్సర్, కిడ్నీ ఫెయిల్యూర్, ఇతర వయసు సంబంధిత అనారోగ్యంతో నాలుగేళ్ల కిందట మరణించారు. అతనితో ఉన్న తీవ్రమైన భావోద్వేగ అనుబంధంతో ఆయన భార్య, ఇద్దరు పిల్లలు అతని కుటుంబం మృతదేహాన్ని మలాడ్‌ ప్రాంతంలోని తమ ఇంట్లోనే ఫ్రీజర్‌లో భద్రపరిచారు. ఈ ప్రక్రియ కోసం రూ. 50 లక్షలకు పైగా ఖర్చు చేశారు. అయితే వాళ్లు నివాసం ఉంటున్న భవనం రిన్నోవేషన్‌ చేస్తుండటంతో అతని పార్థివ దేహాన్ని స్థానిక డిస్పెన్సరీకి తరలించారు. నెల రోజుల కిందట దాన్ని మూసేశారు. దీంతో దీర్ఘకాలిక క్రయోప్రిజర్వేషన్‌ సేవలు అందించే అమెరికాలోని ఒక కేంద్రానికి దానిని పంపించే మార్గాలను అన్వేషిస్తున్నారు. ఇందులో ఎలాంటి అనుమానాస్పద అంశాలు లేవని పోలీసులు తేల్చి చెప్పారు. మృతదేహాన్ని విదేశాలకు పంపించాలా లేక అంత్యక్రియలు నిర్వహించాలా అని కుటుంబం నిర్ణయించుకుంటోందని తెలిపారు. క్రయోప్రిజర్వేషన్‌ అంటే... కణాలు, కణజాలాలు లేదా అవయవాలను అత్యంత తక్కువ ఉష్ణోగ్రతల వద్ద నిల్వ చేయడం. ఉష్ణోగ్రతలు మైనస్‌ 140 డిగ్రీ సెంటిగ్రేడ్‌ నుంచి మైనస్‌ 196 డిగ్రీల సెంటిగ్రేడ్‌ వరకు ఉంటాయి. ఈ ఉష్ణోగ్రత వద్ద కణాల లోపల జీవక్రియలు పూర్తిగా నిలిచిపోతాయి. ఈ పద్ధతిలో భద్రపరిచిన కణాలు 10 నుంచి 30 ఏళ్ల వరకు దెబ్బతినకుండా, దశాబ్దాలపాటు సజీవంగా ఉంటాయి.

సాక్షి, ముంబై: పూణేకు చెందిన రియల్టర్ కేతన్ అగర్వాల్ హత్య కేసుకు సంబంధించి సరికొత్త విషయాలు వెలుగు చూస్తున్నాయి. కాబోయే భార్య సియా గోయల్‌తో మూడు ముళ్ల వేడుక కోసం ఎదురుచూస్తున్న కేతన్‌ ఈ ఏడాది జూన్ 18న పూణే సమీపంలోని లోహగఢ్ కోట వద్ద ప్రాణాలు కోల్పోవడం విషాదాన్ని నింపింది. ఈ కేసులో పోలీసులు ఫియాన్సీ సియా గోయల్, ఆమె ప్రియుడు చేతన్‌ను ప్రధాన నిందితులుగాకేసు నమోదు చేశారు. ఈ నేపథ్యంలో దాదాపు 5300 పేజీల చార్జ్‌షీట్‌ను దాఖలు చేశారు. ఇందులో కొన్ని ముఖ్యమైన అంశాలను పొందుపరిచ్చారు.తమ ప్రేమకు నిదర్శనంగా సియా పేరుతో పర్మినెంట్ టాటూ వేయించుకున్నాడట. సియా గోయల్ పుట్టినరోజు (జూన్ 19) సందర్భంగా ఆమెను సర్‌ప్రైజ్‌ చేయడానికి కేతన్ తన మెడపై సియా పేరును పర్మినెంట్ టాటూగా వేయించుకున్నాడు. అంతేకాదు అంగరంగ వైభవంగా పెళ్లి చేయాలని కేతన్‌ కుటుంబం టుంబ సభ్యులు ఆమె కోసం ముందే 28 రకాల డ్రెస్సులు, 15 జతల బంగారు ఆభరణాలు కూడా కొనుగోలు చేసింది. కానీ ఇంతలోనే విషాదం చోటు చేసుకుంది.ఛార్జ్‌షీట్ వెల్లడించిన సంచలన విషయాలుకుటుంబ సభ్యులూ అంతా సవ్యంగానే ఉందని భావించినా, తెరవెనుక మాత్రం వేరే పథకం నడిచినట్లు పోలీసులు తెలిపారు. వడ్గావ్ మావల్ సెషన్స్ కోర్టులో దాఖలు చేసిన ఛార్జ్‌షీట్ ప్రకారం, సియాకు కేతన్‌‌ను వివాహం చేసుకోవడం ఇష్టం లేదని, ఆమె చేతన్ చౌదరితో సంబంధం కలిగి ఉందని తేలింది. అంతేకాదు కేతన్‌ను బెంగళూరుకు తీసుకెళ్లి కాళ్లు విరగొట్టాలని పథకం వేసినా, స్నేహితుడు వ్యతిరేకించడంతో ఆ ప్లాన్ మార్చుకున్నారు. చివరికి లోహగఢ్ కోటకు తీసుకెళ్లి హత్య చేసే ప్లాన్ అమలు చేశారు. తమ ప్లాన్‌ను అమలుకోసం, నేరాన్ని తప్పించుకునేందుకు, నిందితులు క్రైమ్ సినిమాలు, పాడ్‌కాస్ట్‌లు వినడంతో పాటు ChatGPTని కూడా ఉపయోగించినట్లు పోలీసులు ఆరోపించారు. ఒక మహిళ ఫొటోతో నకిలీ ఇన్‌స్టాగ్రామ్ ఖాతాను కూడా సృష్టించారు. ఈ కేసుకు సంబంధించి పోలీసులు దర్యాప్తును మరింత ముమ్మరం చేశారు. ఇదీ చదవండి: సియా మాజీ లవర్‌ వెలుగులోకి : ఫ్రెండ్‌ చెప్పిన షాకింగ్‌ విషయాలుకాగా ఇరు కుటుంబాల అంగీకారంతో కేతన్ అగర్వాల్, సియాల నిశ్చితార్థం ఫిబ్రవరిలో జరుగగా, నవంబర్‌లో జైపూర్‌లో వివాహం జరగాల్సి ఉంది. కుటుంబంలోని ఏకైక కుమారుడి పెళ్లికోసం కేతన్‌ కుటుంబం భారీ ఎత్తున ఏర్పాట్లు కూడా చేసుకుంది. కానీ కేతన్‌ దారుణ హత్య వారి కలల్ని ఛిద్రం చేసింది. ఇదీ చదవండి: అక్రమ ఆస్తుల పుట్ట : కోట్ల ఆస్తి, నగలు, నగదు, 48 లగ్జరీ వాచెస్‌

పుణే వ్యాపారి కేతన్ అగర్వాల్ హత్య కేసు విచారణలో మరో సంచలనం విషయం వెలుగు చూసింది. దాదాపు ఐదున్నర వేల (5,300) పేజీల ఈ ఛార్జిషీట్‌లో, కేతన్ అగర్వాల్ హత్య ఎలా జరిగింది, కుట్ర ఎలా పన్నారు లాంటి సమాచారాన్ని అధికారులు పొందుపరిచారు. అనేక ఆసక్తికరమైన విషయాలు ప్రస్తావించారు ముఖ్యంగా 10వ తరగతి చదువుతున్నప్పుడు ఈ కేసులో ప్రధాన నిందితురాలు సియాగోయల్‌తో ప్రేమాయణం నడిపిన మాజీ ప్రియుడు పోలీసులకు వాంగ్మూలం ఇచ్చాడు.పూణే పోలీసులకు సియా గోయల్ పాఠశాల రోజుల ప్రేమ వ్యవహారానికి సంబంధించిన ఆధారాలు కూడా లభించాయి. సియా గోయల్ మైనర్‌గా పాఠశాల చదువుతున్న రోజుల్లోనే ఒక ప్రేమ వ్యవహారాన్ని నడిపింది. ఆ తరువాత చేతన్‌తో ప్రేమలో పడింది. దీంతో మొదటి ప్రియుడు సియా నుంచి దూరంగా జరిగాడు. కానీ కేతన్ హత్య కేసులో చేతన్‌ పేరు వినిపించడంతో ఈ పాత ప్రియుడుదర్యాప్తు అధికారుల ముందు వాంగ్మూలం ఇచ్చాడని ఛార్జ్ షీట్‌లో పేర్కొన్నారు.ఇదీ చదవండి: ఫేక్‌ ఎక్స్‌పీరియన్స్‌తో బురిడీ, నెలకు రూ. 2.80 లక్షలు..కట్‌ చేస్తేమరో షాకింగ్‌ అంశం.. కేతన్‌ను చంపాలనుకోలేదటఇదే చార్జ్‌షీట్‌లో మరో దిగ్భ్రాంతికరమైన అంశం కూడా వెలుగు చేసింది, హత్యకు ముందు, నిందితులు సియా, చేతన్, కేతన్‌ కాళ్లు చేతులు విరగ్గొట్టాలని ప్లాన్‌ వేశారు. అందుకు మరొక రాష్ట్రానికి తీసుకెళ్లాలని ఆలోచించారు. ఈ ప్రణాళికలో భాగంగా, వారిద్దరూ బెంగళూరులో ఉన్న ఒక స్నేహితుడిని సంప్రదించినట్లు దర్యాప్తు అధికారులు పేర్కొన్నారు.అయితే వీరి ప్లాన్‌ను తీవ్రంగా వ్యతిరేకించిన ఆ ఫ్రెండ్‌ "మీకేమైనా పిచ్చి పట్టిందా? ఇలాంటి పనులు చేయకండి" అని వారితో హెచ్చరించాడట. ఇతడి వాంగ్మూలాన్ని పోలీసులు నమోదు చేసి, ఛార్జిషీట్‌లో చేర్చారు.ఇదీ చదవండి: విషాదం : భార్య టార్చర్‌, అత్తమామలు అల్లుణ్ని కాల్చి చంపేశారుమరోవైపు కేతన్ అగర్వాల్ తండ్రి విశాల్ అగర్వాల్ పోలీసులకు ఇచ్చిన సమాచారాన్ని కూడా ఛార్జ్ షీట్‌లో పేర్కొన్నారు. సియాకు రూ. 8 లక్షల విలువైన దుస్తులతో పాటు, నిశ్చితార్థం సమయంలో ఆమెకు రూ. 80 లక్షల విలువైన ఆభరణాలు కూడా ఇచ్చానని తెలిపారు. అలాగే తన కుమారుడి వివాహాన్ని అంగరంగ వైభవంగా జరపాలని ఎన్నో కలలు కన్నామని ఆయన దర్యాప్తు అధికారులముందు వాపోయారు. ఇదీ చదవండి: రూ. 80 లక్షల నగలు, 28 డ్రెస్సులు, గ్రాండ్‌ వెడ్డింగ్‌ : కానీ సియా ప్లాన్‌..!

పూణేతో సహా దేశవ్యాప్తంగా చర్చనీయాంశంగా మారిన కేతన్ అగర్వాల్ హత్య కేసులో, పూణే రూరల్ పోలీసులు ఇటీవల కోర్టులో ఛార్జిషీట్ దాఖలు చేశారు. జూన్ 18న లోహ్‌గడ్ కోట వద్ద ఫియాన్సీ చేతిలోదారుణ హత్యకు కేతన్‌ అగర్వాల్‌ కేసులో అనేక సంచలన విషయాలు వెలుగులోకి వస్తున్నాయి. ఛార్జ్‌షీట్‌లోభాగంగా నమోదు చేసిన కేతన్ తండ్రి అనుబంధ వాంగ్మూలం ప్రకారం కేతన్ అగర్వాల్ మృతి చెందడానికి నెలల ముందే అగర్వాల్ కుటుంబం కేతన్, సియా గోయల్ వివాహం కోసం ఘనంగా ఏర్పాట్లు చేసుకున్నారు. తమ ఫ్యామిలీలో ఏకైక కొడుకు కావడంతో పెళ్లి చాలా ధూం ధాంగా చేయాలని ప్లాన్ చేశారు. బట్టలు, ఆభరణాల కోసం లక్షలు ఖర్చుచేశారు. రాజస్థాన్‌లోని ఒక లగ్జరీ రిసార్ట్‌ను కూడా బుక్ చేశారు. కానీ సియా ప్లాన్‌ మాత్రం మరోలా ఉంది. ఎంగేజ్‌మెంట్‌ తరువాత ప్రియుడితో కలిసి ఆమెను ఎలా హతమార్చాలా అని ఆలోచించింది. చివరికి తన ప్లాన్‌ను పక్కాగా అమలు చేసింది.దర్యాప్తు అధికారులకు ఇచ్చిన వాంగ్మూలంలో విశాల్ అగర్వాల్ మాట్లాడుతూ.. కేతన్, సియాల వివాహ సంబంధాన్ని గోయల్ కుటుంబం గురించి తెలిసిన ఒక బంధువు సూచించినట్లు తెలిపారు. ఫిబ్రవరి 11, 2026న పూణేలోని 'ది వెస్టిన్' (The Westin) హోటల్‌లో రెండు కుటుంబాలు మొదటిసారి కలుసు కున్నాయి, అక్కడే కేతన్, సియాల రోకా వేడుక కూడా జరిగింది. దీంతో కేతన్‌ చాలా హ్యాపీ ఫీలయ్యాడని తెలిపారు. ఈ సందర్భంగా సియాకు దాదాపు రూ. 7-8 లక్షల విలువైన 28 డ్రెస్సెస్‌ను బహుమతిగా ఇచ్చినట్లు ఆయన వాంగ్మూలంలో పేర్కొన్నారు.ఫిబ్రవరి 19న పూణేలోని 'రిట్జ్-కార్టన్' (Ritz-Carlton) లో కేతన్, సియాల నిశ్చితార్థం జరిగింది. నిశ్చితార్థ సమయంలో అగర్వాల్ కుటుంబం సియాకు దాదాపు రూ. 80 లక్షల విలువైన ఆభరణాలను బహుమతిగా ఇచ్చింది. ఎంగేజ్‌మెంట్‌ కూడా పూర్తి కావడంతో వెడ్డింగ్‌ ఏర్పాట్లలో మునిగిపోయామని చెప్పారు. రాజస్థాన్‌లోని ఉదయపూర్‌లో ఒక రిసార్ట్‌ను షార్ట్‌లిస్ట్ చేశామని, వివాహ వ్యయం అంచనా సుమారు రూ. 4-5 కోట్లు ఉంటుందని చెప్పారు. రిసార్ట్ యజమానికి చెక్ రూపంలో రూ. 25 లక్షల అడ్వాన్స్ అమౌంట్ కూడా చెల్లించినట్లు ఆరోపించారు. కానీ తన బిడ్డతో హత్యతో తమ కలలన్నీ కల్లలైపోయాయనీ, తీరని విషాదంలో మునిగిపోయామని కన్నీటి పర్యంతమయ్యారు.ఇదీ చదవండి: విషాదం : భార్య టార్చర్‌, అత్తమామలు అల్లుణ్ని కాల్చి చంపేశారుకాగా 26 ఏళ్ల కేతన్‌ను అతని కాబోయే భార్య సియా, ఆమె ప్రియుడు చేతన్ చౌదరి, చేతన్ సహచరుడు రితేష్ హాంగే కలిసి నెలల తరబడి పథకం పన్ని ఉద్దేశపూర్వకంగా హత్య చేశారని పూణే రూరల్ పోలీసులు ఆరోపించారు. వడ్గావ్ మావల్ కోర్టులో దాఖలు చేసిన 5,053 పేజీల ఛార్జ్‌షీట్‌లో సాక్షుల వాంగ్మూలాలు, ఫోటోలు, వాట్సాప్ చాట్‌లు, కాల్ రికార్డులు, మొబైల్ ఫోన్ డేటా , టెక్నికల్ అనాలిసిస్ ఉన్నాయి.ఇదీ చదవండి: ఫేక్‌ ఎక్స్‌పీరియన్స్‌తో బురిడీ, నెలకు రూ. 2.80 లక్షలు..కట్‌ చేస్తేసియా స్నేహితురాలిగా చెప్పుకునే "మహి" (Mahi) అనే నకిలీ ఇన్‌స్టాగ్రామ్ ఖాతాను ఉపయోగించి కేతన్‌ను లోహ్‌గడ్ కోటకు రప్పించారని దర్యాప్తు అధికారులు ఆరోపిస్తున్నారు. సియా పుట్టినరోజు సందర్భంగా ఆమెకు సర్ప్రైజ్ ఇచ్చేందుకు కోటకి వెళ్లేలా ఆ ఖాతా కేతన్‌ను ఒప్పించిందని పోలీసులు ఆరోపించారు. చివరకు సియా, చేతన్‌లు కలిసి కేతన్‌ను లోయ వైపు నెట్టివేసి చివరి దాడికి పాల్పడ్డారని దర్యాప్తుదారులు ఆరోపిస్తున్నారు.ఈ హత్యకు ముందు జరిగిన ప్రయత్నాలు, లొకేషన్ల రెక్కీ, డిజిటల్ సెర్చ్‌ల గురించి కూడా ఛార్జ్‌షీట్‌లో వివరంగా పొందుపరిచారు. ఇవి ముందస్తు ప్రణాళికను సూచిస్తున్నాయని పోలీసులు తెలిపారు. విచారణ సమయంలో ఈ ఆరోపణలు రుజువు కావాల్సి ఉంది. ఈ కాలంలోనే ఆ కుటుంబానికి మరో తీవ్ర విషాదం కూడా ఎదురైంది. కేతన్ మరణంతో సతమతమవుతున్న సమయంలోనే తన తండ్రి దేవిచంద్ అగర్వాల్ కూడా మరణించారని, దీనివల్ల కేతన్, అతని తాత ఇద్దరి మరణాలను స్వల్ప వ్యవధిలో భరించాల్సి వచ్చిందని విశాల్ తన వాంగ్మూలంలో పేర్కొన్నారు.ఇదీ చదవండి: రూ. 336 కోట్ల స్కామ్‌ : భారతీయుడికి 11 ఏళ్ల శిక్ష

ఒక గ్రామం మొత్తాన్ని అమ్మకానికి పెట్టారు. ఆ ఊరిని ఎవరు కొనాలనుకున్నా.. ధర చెల్లించాల్సిన అవసరం లేదు. ఆశ్చర్యపోతున్నారా? మహారాష్ట్రలోని సోలాపూర్‌ జిల్లాలో తుల్షి గ్రామస్తులు చేసిన ఈ పని వెనుక ఓ తీవ్రమైన సమస్య ఉంది. ఏళ్ల తరబడి వెంటాడుతున్న నీటి కష్టాలతో విసిగిపోయి ప్రభుత్వ దృష్టిని ఆకర్షించేందుకు వారు ఈ వినూత్న నిరసనకు దిగారు.తుల్షి గ్రామంలో దాదాపు 7 వేల మంది నివసిస్తున్నారు. వ్యవసాయం, పశుపోషణే ప్రధాన జీవనాధారం. అయితే కొన్నేళ్లుగా గ్రామంలోని బావులు, చెరువులు ఎండిపోవడంతో తాగునీటి కోసం కూడా ట్యాంకర్లపైనే ఆధారపడాల్సి వస్తోంది. ఈ ఏడాది వర్షాలు తక్కువగా కురవడంతో పరిస్థితి మరింత దారుణంగా మారింది.దగ్గర్లోనే కాలువలు, అయినా ..తుల్షి సమీపంలోనే సీనా–మాధా లిఫ్ట్‌ ఇరిగేషన్‌ స్కీమ్‌ కాలువలు వెళ్తున్నాయి. అయినా ఆ నీరు తమ గ్రామానికి మాత్రం అందడం లేదని స్థానికులు చెబుతున్నారు. ప్రాజెక్టులో భాగంగా గ్రామానికి సమీపంలో సుమారు 800 మీటర్ల తవ్వకం పనులు 26 ఏళ్లుగా పూర్తికాలేదని సర్పంచ్‌ శరద్‌ మోరే తెలిపారు. ఆ పనులు పూర్తయితే తుల్షి నీటి సమస్యకు శాశ్వత పరిష్కారం లభిస్తుందని ఆయన పేర్కొన్నారు.ప్రభుత్వం నుంచి ఏళ్లుగా హామీలు వస్తున్నా పరిస్థితిలో మార్పు లేదని గ్రామస్తులు ఆవేదన వ్యక్తం చేస్తున్నారు. జల్‌ జీవన్‌ మిషన్‌ కింద పనులు చేపట్టినా.. గ్రామంలోని నీటి వనరులే ఎండిపోవడంతో ఆశించిన ప్రయోజనం కనిపించడం లేదని చెబుతున్నారు.నిరాహార దీక్ష.. పాత్రలతో నిరసనసమస్య పరిష్కారం కోసం గ్రామస్తులు సెప్టెంబర్‌ 14 నుంచి నిరాహార దీక్ష చేపట్టారు. అనంతరం మాధా తహసీల్దార్‌ కార్యాలయం ఎదుట పాత్రలు మోగిస్తూ ‘థాలీ నాద్‌’ నిరసన నిర్వహించారు. నీటి సమస్యకు శాశ్వత పరిష్కారం చూపకపోతే ఆందోళనను మరింత ఉధృతం చేస్తామని హెచ్చరించారు.గ్రామంలో 14 చెరువులు, బావులు పూర్తిగా ఎండిపోయాయని స్థానికులు చెబుతున్నారు. వీటిని నీటితో నింపితే తాగునీటి సమస్యతోపాటు సాగునీటి ఇబ్బందులు కూడా కొంతవరకు తీరతాయని అంటున్నారు. ఇందుకోసం ప్రతిపాదనలు, అంచనాలు సిద్ధం చేసి అధికారులకు పలుమార్లు వినతులు సమర్పించినా ఫలితం లేదని వాపోతున్నారు.రూ.90 లక్షలు మంజూరు.. కానీ?తుల్షిలోని భవానీ పర్కొలేషన్‌ ట్యాంక్‌కు సీనా–మాధా పథకం నుంచి క్లోజ్డ్‌ పైప్‌లైన్‌ ద్వారా నీటిని తరలించేందుకు 2025–26లో రూ.90 లక్షలు మంజూరు చేసినట్లు ప్రకటించారు. ఈ పనితో గ్రామ తాగునీరు, సాగునీటి అవసరాలు తీరతాయని అధికారులు పేర్కొన్నారు. అయితే నిధులు మంజూరయ్యాయని మాత్రమే వింటున్నామని.. క్షేత్రస్థాయిలో మాత్రం పనులు కనిపించడం లేదని గ్రామస్తులు అంటున్నారు.STORY | 'Village for Sale’: Parched hamlet's desperate plea amid water crisis in MaharashtraDesperate for water and watching their farms and wells dry up, residents of a village in Maharashtra's Solapur district have put up a striking banner declaring "Village for Sale",… pic.twitter.com/9tTKzrEX9d— Press Trust of India (@PTI_News) September 29, 2026ఇక నీటి కష్టాలు గ్రామ సామాజిక జీవితంపైనా ప్రభావం చూపుతున్నాయని సర్పంచ్‌ చెబుతున్నారు. నీటి కొరత కారణంగా వ్యవసాయం, పశుపోషణ దెబ్బతిన్నాయని.. గ్రామంలోని సుమారు 350 మంది పురుషులకు పెళ్లిళ్లు కావడం లేదని ఆయన తెలిపారు. తమ గ్రామ పరిస్థితిని చూసి ఇతర ప్రాంతాల కుటుంబాలు సంబంధాలు ఇవ్వడానికి వెనుకాడుతున్నాయని పేర్కొన్నారు.మా కష్టాన్ని చూడండి!తుల్షి గ్రామస్తుల ‘విలేజ్‌ ఫర్‌ సేల్‌’ నిరసనపై రాష్ట్ర ప్రభుత్వం స్పందించింది. పుణెలో మీడియాతో మాట్లాడిన వ్యవసాయ మంత్రి దత్తాత్రేయ భరణే.. గ్రామానికి ప్రభుత్వం అన్ని విధాలా సహాయం చేస్తుందని తెలిపారు. అయితే తమకు ఇక హామీలు వద్దని గ్రామస్తులు స్పష్టం చేస్తున్నారు. ఏళ్లుగా పెండింగ్‌లో ఉన్న పనులను పూర్తి చేసి శాశ్వతంగా నీళ్లు అందించాలని డిమాండ్‌ చేస్తున్నారు. ‘‘విలేజ్‌ ఫర్‌ సేల్‌’’ బోర్డు పెట్టడం వెనుక ఉద్దేశం ఊరిని నిజంగా అమ్మడం కాదని.. తమ నీటి కష్టాన్ని ప్రభుత్వానికి, ప్రపంచానికి తెలియజేయడమేనని సర్పంచ్‌ శరద్‌ మోరే తెలిపారు. నీళ్లు వచ్చే వరకు తమ ఆందోళన కొనసాగుతుందని స్పష్టం చేశారు.ఇదీ చదవండి: ఎంత పని చేశావ్‌ ఏనుగా?

ఓటర్ల జాబితా ప్రత్యేక సమగ్ర సవరణ ప్రక్రియలో మహారాష్ట్ర నుంచి కీలక ప్రతిపాదన వచ్చింది. ఓటర్ల వివరాల్లో సాఫ్ట్‌వేర్‌ గుర్తించే చిన్నపాటి వ్యత్యాసాలపై తుది నిర్ణయం తీసుకునే అధికారం క్షేత్రస్థాయి ఎన్నికల అధికారులకు మరింతగా ఇవ్వాలని రాష్ట్ర ప్రధాన ఎన్నికల అధికారి ఎస్‌. చోక్కలింగం కేంద్ర ఎన్నికల సంఘాన్ని కోరారు. అయితే..ఇందుకోసం ఈసీఐనెట్‌ సాఫ్ట్‌వేర్‌లో నాలుగు మార్పులు చేయాలని ఆయన ప్రతిపాదించారు. ముఖ్యంగా ‘లాజికల్‌ డిస్క్రెపెన్సీ’గా గుర్తించిన కేసుల్లో.. ఓటరు సమర్పించిన పత్రాలను పరిశీలించిన తర్వాత ఎలక్టోరల్‌ రిజిస్ట్రేషన్‌ ఆఫీసర్‌(ERO) సంతృప్తి చెందితే, ఆ కేసును స్వయంగా పరిష్కరించే అవకాశం ఇవ్వాలని కోరారు. అలాగే అవసరమైన ఆధారాలు ఉన్నప్పుడు సంబంధిత ఓటరును వ్యక్తిగత విచారణకు పిలవకుండా మినహాయించే ఆప్షన్‌ కూడా ఉండాలని సూచించారు. ప్రస్తుతం కొన్ని సందర్భాల్లో ఈఆర్వో వద్ద ఆధారాలు ఉన్నా.. సాఫ్ట్‌వేర్‌లో ఉన్న పరిమితుల కారణంగా కేసును ముందుకు తీసుకెళ్లడంలో ఇబ్బందులు ఎదురవుతున్నాయని ఆయన పేర్కొన్నారు.ఇదే అంశం.. ఈసీ వివాదానికి కేంద్రబిందువుమహారాష్ట్ర సీఈవో ఇప్పుడు లేవనెత్తిన అంశం ఇక్కడే కీలకంగా మారింది. ఎందుకంటే ఈఆర్వోల అధికారాలు, ఈసీఐనెట్‌లో వారి యాక్సెస్‌పై ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి కూడా గతంలో పలుమార్లు అభ్యంతరాలు వ్యక్తం చేశారు. ఓటర్ల జాబితా తయారీ, పేర్లు చేర్చడం, తొలగించడం, అభ్యంతరాలపై నిర్ణయం తీసుకోవడం వంటి బాధ్యతలు చట్టపరంగా ఈఆర్వోలకే ఉన్నప్పటికీ.. సాఫ్ట్‌వేర్‌లో కొన్ని నిర్ణయాలు లేదంటే మార్పులకు అవసరమైన యాక్సెస్‌ కేంద్రీకృత నియంత్రణలో ఉండటంపై వారు ప్రశ్నలు లేవనెత్తారు.అసలు ఈసీఐనెట్‌ ఏం చేస్తోంది?సర్‌లో ప్రస్తుత ఓటరు వివరాలను గత సర్‌లోని తల్లిదండ్రులు, తాతముత్తాతల వివరాలతో సాఫ్ట్‌వేర్‌ సరిపోల్చుతుంది. పేరు, వయసు వంటి వివరాల్లో తేడా కనిపిస్తే దాన్ని ‘లాజికల్‌ డిస్క్రెపెన్సీ’గా గుర్తిస్తుంది. అయితే ఇలాంటి మిస్‌ మ్యాచ్‌ రావడం అంటే ఆ వ్యక్తి ఓటరు కాదని తేల్చినట్లు కాదు. కేవలం పాత రికార్డులతో వివరాలు సరిపోలలేదన్నమాట.ఇక్కడే ఈఆర్వోల పాత్ర కీలకం. ఓటరు ఇచ్చిన పత్రాలను పరిశీలించి, అవసరమైతే విచారణ జరిపి.. ఆ వ్యక్తి పేరు జాబితాలో ఉండాలా? వద్దా? అనే విషయంపై నిర్ణయం తీసుకోవాల్సింది వాళ్లే. కానీ ఆ నిర్ణయాన్ని అమలు చేయడానికి సాఫ్ట్‌వేర్‌లో అవసరమైన ఆప్షన్లు, యాక్సెస్‌ కూడా ఉండాలన్నది మహారాష్ట్ర సీఈవో తాజా డిమాండ్‌ సారాంశం.అందుకే ‘ఫ్రీ హ్యాండ్‌’ డిమాండ్‌మహారాష్ట్ర సీఈవో ప్రతిపాదన వెనుక ఉన్న అసలు విషయం ఇదే. సాఫ్ట్‌వేర్‌ ఒక వ్యత్యాసాన్ని గుర్తించడం ఒక అంశం. ఆ వ్యత్యాసానికి ఓటరు ఇచ్చిన వివరణ, పత్రాలను పరిశీలించి నిర్ణయం తీసుకోవడం మరో అంశం. రెండో విషయంలో ఈఆర్వోకు మరింత వెసులుబాటు ఉండాలని ఆయన కోరుతున్నారు. ఇదే అంశంపై ఇద్దరు ఎన్నికల కమిషనర్లు కూడా గతంలో ఈఆర్వోల చట్టపరమైన అధికారాలను సాఫ్ట్‌వేర్‌ పరిమితం చేయకూడదని అభ్యంతరాలు వ్యక్తం చేశారు. దీంతో మహారాష్ట్ర సీఈవో తాజా లేఖతో ఈ అంశం మరోసారి తెరపైకి వచ్చింది.ఇప్పటికే కొన్ని మార్పులుఈ వివాదం నేపథ్యంలో సెప్టెంబర్‌ 26న ఎన్నికల సంఘం ఈసీఐనెట్‌పై సమీక్షకు కమిటీ ఏర్పాటు చేయాలని నిర్ణయించింది. అలాగే సర్‌ నోటీసులు అందుకున్నవారి విషయంలో విధానాన్ని సులభతరం చేసింది. అవసరమైన పత్రాలను బీఎల్వోలు ఓటర్ల ఇళ్ల వద్దే సేకరించి ఈసీఐనెట్‌లో అప్‌లోడ్‌ చేయవచ్చని, సంతృప్తికరమైన పత్రాలు ఉంటే ఈఆర్వో వ్యక్తిగత విచారణ నుంచి మినహాయించవచ్చని స్పష్టం చేసింది. క్షేత్రస్థాయి అధికారులకు మరింత వెసులుబాటు అవసరమైతే అందుకు అనుగుణంగా మార్పులు చేస్తామని కూడా ఈసీ తెలిపింది.అందుకే ఇప్పుడు మహారాష్ట్ర సీఈవో లేవనెత్తిన డిమాండ్‌ ప్రాధాన్యం సంతరించుకుంది. సర్‌లో సాఫ్ట్‌వేర్‌ గుర్తించే మిస్మ్యాచ్‌ ఒకటైతే.. దానిపై తుది నిర్ణయం తీసుకునే అధికారం ఈఆర్వోది. ఆ నిర్ణయాన్ని తీసుకునేందుకు ఈఆర్వోకు సాఫ్ట్‌వేర్‌లో ఎంత స్వేచ్ఛ ఉండాలి? అనేదే ఈ మొత్తం వివాదంలో కీలకమైన ప్రశ్న.ఇదీ చదవండి: సీఈసీకి చుక్కలు చూపించాలని నిర్ణయం!

ముంబై: మహారాష్ట్రలోని అహిల్యానగర్‌ జిల్లాలో ఓ వృద్ధాశ్రమంలో నిద్రిస్తున్న వారిపై దాడి జరిగింది. ఇద్దరు మృతి చెందగా, మరో ఆరుగురు గాయపడ్డారు. మృతుల్లో ఆశ్రమ భద్రతా సిబ్బందిలో ఒకరు ఉన్నారు. అదే ఆశ్రమంలో ఉంటున్న వ్యక్తే ఈ దాడికి పాల్పడినట్లు పోలీసులు తెలిపారు. నిందితుడిని అదుపులోకి తీసుకుని విచారిస్తున్నట్లు అహిల్యానగర్‌ ఎస్పీ ఎం.సుదర్శన్‌ వెల్లడించారు.విహాడ్‌ సమీపంలోని వృద్ధాశ్రమంలో ఈ ఘటన జరిగింది. పోలీసులు తెలిసిన వివరాల ప్రకారం.. ఆశ్రమంలోని ఇతరులతో నిందితుడికి తరచూ విభేదాలు తలెత్తేవి. భోజనం చేసేటప్పుడు ఆహారం కింద పడేయడంపై కొందరు ఆశ్రమవాసులు అభ్యంతరం వ్యక్తం చేయడంతో పాటు, అతడి ప్రవర్తనపై సూచనలు చేసినట్లు తెలిపారు. దీంతో వారిపై నిందితుడు అసంతృప్తితో ఉన్నట్లు దర్యాప్తులో పోలీసులు అనుమానిస్తున్నారు.శనివారం ఉదయం ఆశ్రమవాసులు నిద్రిస్తున్న సమయంలో.. నడిచేందుకు ఉపయోగించే కర్రలోని పదునైన లోహ భాగంతో వారిపై దాడి చేసినట్లు పోలీసులు తెలిపారు. అడ్డుకునేందుకు లేదా అతడితో మాట్లాడేందుకు ప్రయత్నించిన వారిపైనా దాడి చేసినట్లు పేర్కొన్నారు. తలకు తీవ్ర గాయాలు కావడంతో ఇద్దరు మృతి చెందారు. ఆరుగురిని ఆసుపత్రికి తరలించగా, వారిలో ఒకరి పరిస్థితి విషమంగా ఉన్నట్లు పోలీసులు తెలిపారు.దాడిని ప్రత్యక్షంగా చూసిన ఆశ్రమంలోని ఓ వ్యక్తి పోలీసులకు సమాచారం అందించారు. ఈ ఘటనపై ప్రాంగణంలోని సీసీటీవీ దృశ్యాలను కూడా పోలీసులు పరిశీలిస్తున్నారు. ఎస్పీ సుదర్శన్‌ మాట్లాడుతూ.. “నిందితుడిని అదుపులోకి తీసుకున్నాం. ఇతర ఆశ్రమవాసులతో జరిగిన పరస్పర చర్యలపై అతడు అసంతృప్తిగా ఉన్నట్లు, తనను లక్ష్యంగా చేసుకుంటున్నారని భావించినట్లు ప్రాథమికంగా కనిపిస్తోంది” అని తెలిపారు. దర్యాప్తు ఇంకా ప్రాథమిక దశలోనే ఉందని, విచారణ ముందుకు సాగుతున్న కొద్దీ మరిన్ని వివరాలు వెల్లడవుతాయని చెప్పారు.

ఎన్నికల సంఘం వ్యవహారంపై వివాదం మరింత ముదిరింది. తాజాగా కాక్రోచ్‌ జనతా పార్టీ ప్రధాన ఎన్నికల కమిషనర్‌ జ్ఞానేశ్‌ కుమార్‌కు విధించిన గడువులో ఒక్కరోజు పూర్తైంది. శనివారం నాటికి ఆయన గనుక రాజీనామా చేయకపోతే తమ ఉద్యమం మొదలవుతుందని హెచ్చరించింది. అందుకు ముహూర్తం కూడా ప్రకటించింది. సీజేపీ వ్యవస్థాపకుడు అభిజీత్‌ దీప్కే ఇవాళ ఎక్స్‌లో ఓ పోస్ట్‌ చేశారు. గాంధీ జయంతి రోజు ముంబై నుంచి దేశవ్యాప్త ఆందోళనలు ప్రారంభిస్తామని ప్రకటించారు. ‘‘జ్ఞానేశ్‌ కుమార్‌ రేపటిలోగా రాజీనామా చేయకపోతే.. అక్టోబర్‌ 2 నుంచి ముంబైలో నిరసన ప్రారంభించి దేశంలోని ఇతర నగరాలకు విస్తరిస్తాం” అని దీప్కే ఎక్స్‌లో పోస్టు చేశారు. గాంధీ జయంతి సందర్భంగా ప్రజాస్వామ్యాన్ని కాపాడేందుకు ప్రతిజ్ఞ చేద్దామని ఆయన పిలుపునిచ్చారు. అంతకు ముందు సీఈసీ రాజీనామాకు 48 గంటల గడువు ఇచ్చి, అవసరమైతే ‘జంతర్‌ మంతర్‌ 2.0’ పేరుతో ఢిల్లీలో మరో ఆందోళన చేపడతామని హెచ్చరించింది. అయితే ఇప్పుడు ముంబైని అందుకు వేదికగా మార్చుకోబోతోంది.సర్‌పై తీవ్ర అభ్యంతరాలు..ఓటర్ల జాబితాల ప్రత్యేక సమగ్ర సవరణ (SIR)లో కోట్లాది పేర్లు డ్రాఫ్ట్‌ జాబితాల నుంచి మినహాయించబడ్డాయని సీజేపీ ఆరోపిస్తోంది. 30 రాష్ట్రాలు, కేంద్ర పాలిత ప్రాంతాల్లో 13 కోట్లకు పైగా పేర్లు డ్రాఫ్ట్‌ ఓటర్ల జాబితాల్లో లేకుండా పోయాయని ఓ జాతీయ మీడియా కథనం ఇచ్చిన నివేదికను ఆధారంగా చేసుకుని ఆ సంస్థ విమర్శలు గుప్పిస్తోంది. మహారాష్ట్ర, ఉత్తరప్రదేశ్‌లో రెండు కోట్లకు పైగా చొప్పున, కర్ణాటకలో సుమారు కోటి, తమిళనాడులో 97 లక్షలు, పశ్చిమ బెంగాల్‌లో 90 లక్షలు, తెలంగాణలో 73 లక్షలు, ఢిల్లీలో 47 లక్షలు, కేరళలో 24 లక్షల మేర పేర్లు తొలగించబడ్డాయని సీజేపీ అంటోందిఇద్దరు కమిషనర్ల అభ్యంతరాలు..‘ది ఇండియన్‌ ఎక్స్‌ప్రెస్‌’ దర్యాప్తు కథనం ప్రకారం.. కేంద్ర ఎన్నికల సంఘంలో సీఈసీకి ఇద్దరు కమిషనర్ల మధ్య గ్యాప్‌ నడుస్తోంది. ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత పది నెలల్లో కనీసం 14సార్లు ఈసీ నిర్ణయాలపై లిఖితపూర్వక అభ్యంతరాలు వ్యక్తం చేశారు. ఓటర్ల పేర్ల చేర్పులు, తొలగింపులు, పునరుద్ధరణ, ఫామ్‌–6 మార్పులు, ఓటర్ల డేటాబేస్‌ కేంద్రీకరణ వంటి అంశాల్లో తమకు సమాచారం లేదంటే అనుమతి లేకుండానే నిర్ణయాలు జరిగాయని వారు ప్రశ్నించినట్లు ఆ కథనం పేర్కొంది.మరోవైపు ఈసీ మాత్రం దీనిపై భిన్నమైన వివరణ ఇచ్చింది. బహుళ సభ్యుల రాజ్యాంగ సంస్థలో భిన్నాభిప్రాయాలు, రాతపూర్వక నోట్లు, అంతర్గత చర్చలు సహజమేనని.. గత ఏడాది తీసుకున్న తుది నిర్ణయాలు ఏకగ్రీవంగానే ఉన్నాయని స్పష్టం చేసింది.‘ఎన్నికల్లో పోటీ చేయొద్దు’..ఇదే సమయంలో సీజేపీ వ్యవస్థాపకుడు అభిజీత్‌ దీప్కే.. ఎన్నికల ప్రక్రియపై అనుమానాలు ఉన్నాయని చెబుతున్న ప్రతిపక్ష పార్టీలపైనా విమర్శలు చేశారు. ఎన్నికలు ‘రిగ్డ్‌’ అవుతున్నాయని భావిస్తే.. అలాంటి ఎన్నికల్లో పోటీ చేయడం ద్వారా వాటికి చట్టబద్ధత కల్పిస్తున్నట్లవుతుందని ఆయన వ్యాఖ్యానించారు. ఎన్నికల్లో పాల్గొనకుండా ఉండటం వల్ల తమ రాజకీయ ఉనికి దెబ్బతింటుందనే భయంతోనే ప్రతిపక్షాలు పోటీ చేస్తున్నాయా? అని ప్రశ్నించారు.

ముంబై: మహారాష్ట్రలోని భివాండీలో 17 మంది పాఠశాల విద్యార్థులను తీసుకెళ్తున్న ఆటోను ఓ వ్యక్తి అడ్డుకుని డ్రైవర్‌ను ప్రశ్నించాడు. ముగ్గురు ప్రయాణికుల కోసం రూపొందించిన ఆటోలో ఇంతమంది పిల్లలను ఎందుకు తీసుకెళ్తున్నావని నిలదీశాడు. ఈ ఘటనకు సంబంధించిన వీడియో సామాజిక మాధ్యమాల్లో వైరల్‌గా మారింది.వీడియోలో కొందరు పిల్లలు డ్రైవర్ చుట్టూ ఇరుకుగా కూర్చుని కనిపించారు. మరో ఆరు-ఏడుగురు వెనుక సీటులో ఉన్నట్లు కనిపించగా.. మరో ఇద్దరు-ముగ్గురు వెనుక సీటు వెనుక ఉన్న సామాను ఉంచే ప్రదేశంలో కూర్చున్నట్లు వీడియోలో కనిపించింది. ఆటోను ఆపిన వ్యక్తి పిల్లలను వాహనం నుంచి దించి ఒకవైపు నిలబెట్టాడు. అనంతరం డ్రైవర్‌ను పదేపదే ప్రశ్నించాడు. డ్రైవర్ తొలుత ఆటోలో ఉన్న ఓ పట్టీని చూపిస్తూ పిల్లలను ఎలా తీసుకెళ్తున్నానో వివరించేందుకు ప్రయత్నించాడు. ఇకపై ఇలా చేయబోనని ఆ వ్యక్తికి హామీ ఇచ్చాడు. సాధారణంగా 15 మంది పిల్లలను తీసుకెళ్తానని, ఆ రోజు అదనంగా కొందరు రావడంతో వారినీ ఎక్కించుకున్నానని చెప్పాడు. ఇంతమంది పిల్లలను ఒకే ఆటోలో తరలించడం వారి భద్రతపై ఆందోళనలకు దారితీసింది. ప్రమాదం జరిగినా, అత్యవసర పరిస్థితి ఎదురైనా పిల్లలు త్వరగా వాహనం నుంచి బయటకు రావడం కష్టం అవుతుంది.ఈ వీడియో వైరల్ కావడంతో భివాండీ ట్రాఫిక్ పోలీసులు ఆటో డ్రైవర్‌పై చర్యలు తీసుకున్నారు. నగరంలో పిల్లలను అధిక సంఖ్యలో ఎక్కించుకుని తిరిగే ఆటోలు సాధారణంగా కనిపిస్తున్నాయని స్థానికులు ఆందోళన వ్యక్తం చేశారు. కొన్ని పాఠశాలలు బస్సు సౌకర్యం కల్పిస్తున్నప్పటికీ, బస్సు ఛార్జీలను తప్పించుకునేందుకు కొందరు తల్లిదండ్రులు ప్రైవేట్ ఆటోలను ఆశ్రయిస్తున్నారు. పాఠశాలల్లో రవాణా సౌకర్యం లేని చోట కుటుంబాలు స్థానిక ఆటో డ్రైవర్లపై ఆధారపడుతున్నాయి.

ఐఐటీ బాంబే విద్యార్థి సాహిల్‌ వాకోడే మృతి కేసు రోజుకో కొత్త మలుపు తిరుగుతోంది. పరీక్షలో మొబైల్‌ ఫోన్‌ వినియోగించాడనే ఆరోపణ.. ఆ తర్వాత చోటుచేసుకున్న పరిణామాలు.. కుల వివక్ష, వేధింపుల ఆరోపణలు.. ప్రొఫెసర్‌పై నమోదైన కేసు.. తాజాగా వెలుగులోకి వచ్చిన సీసీటీవీ దృశ్యాలు.. చివరి గంటల్లో స్నేహితురాలితో సాహిల్‌ మాట్లాడిన మాటలు.. ఇలా ఈ వ్యవహారంలో పలు అంశాలు దర్యాప్తులో కీలకంగా మారాయి.మరణానికి కొన్ని గంటల ముందు సాహిల్‌(Sahil Wakode) తన సన్నిహిత స్నేహితురాలితో ఫోన్‌లో మాట్లాడినట్లు దర్యాప్తు వర్గాలను ఉటంకిస్తూ ఓ జాతీయ మీడియా కథనం ప్రచురించింది. సెప్టెంబర్‌ 18న మధ్యాహ్నం సుమారు 2.30 గంటలకు జరిగిన ఈ సంభాషణే అతని చివరి ఫోన్‌ కాల్‌ అని తెలుస్తోంది.ఆ కాల్‌లో “నేను తప్పు చేశాను. నా థర్మోడైనమిక్స్‌ పేపర్‌ కూడా సరిగ్గా రాయలేదు.. ఇప్పుడు ఇదీ జరిగింది” అని సాహిల్‌ చెప్పినట్లు స్నేహితురాలు దర్యాప్తు అధికారులకు తెలిపినట్లు సమాచారం. ఆ తర్వాత ఆమె ఎన్నిసార్లు ఫోన్‌ చేసినా సాహిల్‌ స్పందించలేదట. ఈ సంభాషణలో సాహిల్‌ తాను కుల వివక్ష ఎదుర్కొన్నట్లు వ్యాఖ్యలు చేయలేదని కూడా దర్యాప్తు వర్గాలు తెలిపినట్లు సదరు కథనం వెల్లడించింది.పరీక్ష హాల్లో అసలేం జరిగింది?సెప్టెంబర్‌ 18న పరీక్ష జరుగుతున్న సమయంలో సాహిల్‌ మొబైల్‌ ఫోన్‌ ఉపయోగించినట్లు.. చాట్‌జీపీటీ ఉపయోగించి సమాధానాలు తెలుసుకునే ప్రయత్నాలు చేశారంటూ ఆరోపణలు వచ్చాయి. పరీక్షా హాల్లో ఇన్విజిలేటర్‌గా ఉన్న ప్రొఫెసర్‌ సూర్యనారాయణ దుల్లా అతడిని ప్రశ్నించాడని, ఆయన అవమానించడంతోనే ఆ భారంతో సాహిల్‌ బలవనర్మరణానికి పాల్పడ్డాడన్నది ప్రధాన అభియోగం.తాజాగా బయటకు వచ్చిన ఫుటేజీలో.. ముందు వరుసలో కూర్చున్న సాహిల్‌ వద్దకు ప్రొఫెసర్‌ వెళ్లి మాట్లాడటం కనిపిస్తోంది. సాహిల్‌ తన సీటు నుంచి లేచి, మళ్లీ కూర్చుని.. అనంతరం తన వద్ద ఉన్న మొబైల్‌ ఫోన్‌ను ప్రొఫెసర్‌కు ఇచ్చినట్లు దృశ్యాల్లో కనిపించింది. కొద్దిసేపు ఇద్దరి మధ్య సంభాషణ జరిగిన తర్వాత సాహిల్‌ తన వస్తువులను సర్దుకుని పరీక్షా హాలు నుంచి బయటకు వెళ్లినట్లు ఫుటేజీ ఆధారంగా తెలుస్తోంది.IIT Bombay case: CCTV footage from the examination hall has surfaced. Sahil Wakode is seen being taken outside the examination hall by Prof. #Suryanarayanadoolla after being caught cheating in the exam.#IITBombay #SahilWakode #CCTV #Mumbai pic.twitter.com/E5LekwfkDF— Rajesh kumar (@journorajeshk) September 23, 2026పోలీసులు ముఖ్యంగా పరీక్ష ముగియడానికి ముందు 12.30 నుంచి 12.45 గంటల మధ్య జరిగిన పరిణామాలను పరిశీలిస్తున్నారు. ఆ సమయంలో సాహిల్‌ తన జేబులోని ఏదో చూస్తున్నట్లు, దానిని గమనించిన ప్రొఫెసర్‌ అతడిని పక్కకు తీసుకెళ్లినట్లు దర్యాప్తు వర్గాలు తెలిపాయి. ఆ కొన్ని నిమిషాల్లో ఇద్దరి మధ్య ఏం మాట్లాడారన్నది తెలుసుకునేందుకు పరీక్షా హాల్లో ఉన్న విద్యార్థుల వాంగ్మూలాలను కూడా పోలీసులు నమోదు చేస్తున్నారు.ఆ తర్వాత ఏం జరిగింది?పరీక్షా హాలు నుంచి బయటకు వచ్చిన సాహిల్‌ మధ్యాహ్నం సుమారు 1.25 గంటలకు తన హాస్టల్‌ గదికి వెళ్లినట్లు సీసీటీవీ ఆధారాలను పరిశీలించిన పోలీసులు గుర్తించినట్లు సమాచారం. ఆ తర్వాత అతడు బయటకు రాలేదని తెలుస్తోంది. కొన్ని గంటల అనంతరం హాస్టల్‌ గదిలో సాహిల్‌ మృతదేహం గుర్తించారు.ఈ ఘటనతో ఐఐటీ బాంబే క్యాంపస్‌లో తీవ్ర ఆందోళన మొదలైంది. విద్యార్థులు పెద్ద ఎత్తున నిరసనలు చేపట్టారు. విద్యార్థి సంక్షేమం, మానసిక ఆరోగ్య సహాయం, ఫిర్యాదుల పరిష్కార వ్యవస్థతోపాటు ఘటనపై స్వతంత్ర దర్యాప్తు కోరుతూ పలు డిమాండ్లు చేశారు.‘కుల వివక్షకు గురయ్యాడు’.. తల్లిదండ్రుల ఆరోపణసాహిల్‌ గతంలో తనకు కులపరమైన అవమానాలు, వివక్ష ఎదురవుతున్నాయని తల్లిదండ్రులతో చెప్పినట్లు వారు ఆరోపిస్తున్నారు. తన కుమారుడు ప్రొఫెసర్‌ దుల్లా(Suryanarayanadoolla) నుంచి వివక్ష ఎదుర్కొంటున్నాడని తండ్రి రవీంద్ర వాకోడే ఆరోపించారు. తమ కుమారుడి మృతికి బాధ్యులైన వారిని వెంటనే అరెస్టు చేయాలని తల్లిదండ్రులు డిమాండ్‌ చేస్తున్నారు. పోలీసులు నమోదు చేసిన ఎఫ్‌ఐఆర్‌లో ప్రొఫెసర్‌ సూర్యనారాయణ దుల్లా సహా పలువురిపై ఆత్మహత్యకు ప్రేరేపించిన ఆరోపణలు, ఎస్సీ/ఎస్టీ (అట్రాసిటీస్‌) చట్టంలోని నిబంధనలు చేర్చారు. కేసు దర్యాప్తును ముంబై క్రైమ్‌ బ్రాంచ్‌ చేపట్టింది.ప్రొఫెసర్‌కు ఐఐటీ ఫ్యాకల్టీ మద్దతుమరోవైపు ప్రొఫెసర్‌ దుల్లాకు ఐఐటీ బాంబే ఫ్యాకల్టీ ఫోరం మద్దతుగా నిలిచింది. పరీక్షలో అనధికారికంగా మొబైల్‌ వినియోగించిన ఘటనను ఇన్విజిలేటర్‌గా నివేదించడం తన విధుల్లో భాగమేనని ఫోరం పేర్కొంది. ఇతర ఐఐటీలకు చెందిన కొందరు ఫ్యాకల్టీ వర్గాలు కూడా దుల్లాకు న్యాయమైన దర్యాప్తు జరగాలని కోరాయి.అయితే విద్యార్థుల ఆందోళనల నేపథ్యంలో దుల్లాను డీన్‌ పదవి నుంచి తొలగించారు. తాజాగా ఆయనను సెలవుపై వెళ్లాలని ఐఐటీ బాంబే కోరింది. ఇది దర్యాప్తు పూర్తయ్యే వరకు తీసుకున్న చర్యగా స్పష్టమవుతోంది.ఆ వ్యవహారంపై వెనక్కి.. క్షమాపణలుసాహిల్‌ పరీక్షలో మొబైల్‌ ఫోన్‌ ద్వారా ప్రశ్నపత్రాన్ని చాట్‌జీపీటీలోకి అప్‌లోడ్‌ చేసి సమాధానాలు పొందేందుకు ప్రయత్నించాడని ఐఐటీ బాంబే తొలుత బహిరంగ ప్రకటన చేసింది. ఆ ఘటనను అతడి మృతితో ముడిపెట్టేలా సంస్థ ప్రకటన చేయడంతో తీవ్ర విమర్శలు వచ్చాయి. అయితే తర్వాత ఐఐటీ బాంబే తన ప్రకటనపై వెనక్కి తగ్గింది. ఘటనకు దారితీసిన పరిస్థితులు ఇంకా దర్యాప్తులో ఉన్నందున అప్పటికే వాటిని నిర్ధారించినట్లుగా పేర్కొనడం తగదని చెబుతూ సంస్థ క్షమాపణలు చెప్పింది.10 మందితో ప్రత్యేక కమిటీకేసు మరింత సంక్లిష్టంగా మారడంతో ఐఐటీ బాంబే బోర్డ్‌ ఆఫ్‌ గవర్నర్స్‌ 10 మంది సభ్యులతో ఉన్నతస్థాయి కమిటీని ఏర్పాటు చేసింది. ఐఐటీ పాలక్కాడ్‌ బోర్డ్‌ ఆఫ్‌ గవర్నర్స్‌ చైర్మన్‌ ప్రొఫెసర్‌ రమేశ్‌ వెంకటేశ్వరన్‌ ఈ కమిటీకి నేతృత్వం వహిస్తున్నారు. కమిటీలో ఫ్యాకల్టీ సభ్యులతోపాటు విద్యార్థి ప్రతినిధులు, సైకియాట్రిస్ట్‌ తదితరులు ఉన్నారు. ఘటనకు సంబంధించిన పరిస్థితులను పరిశీలించి వారంలో నివేదిక ఇవ్వాలని కమిటీని ఆదేశించారు.ప్రతి కోణంలో దర్యాప్తుసాహిల్‌ మొబైల్‌ ఫోన్‌ను పోలీసులు ఫోరెన్సిక్‌ పరీక్షకు పంపినట్లు సమాచారం. ఫోన్‌ డేటాను క్లోన్‌ చేసి.. అతడి చాట్స్‌, చివరి సంభాషణలు, ఘటనకు ముందు ఎవరెవరితో మాట్లాడాడన్న అంశాలను కూడా పరిశీలిస్తున్నారు. పరీక్షా హాల్లో ఏం జరిగిందో, ప్రొఫెసర్‌–సాహిల్‌ మధ్య సంభాషణ ఏంటో, గతంలో వారిద్దరి మధ్య ఏమైనా పరిచయం లేదా వివాదం ఉందా అనేదానిపైనా దర్యాప్తు సాగుతోంది. ఇదిలా ఉండగా.. కేసుపై ఊహాగానాలు, తప్పుడు సమాచారం ప్రచారం చేయొద్దని ముంబై పోలీసులు ప్రజలు, మీడియాను కోరారు. ఐఐటీ బాంబే అలుమ్ని అసోసియేషన్‌ కూడా ఎలాంటి ‘మీడియా ట్రయల్‌’ లేకుండా నిష్పక్షపాతంగా, వేగంగా దర్యాప్తు జరగాలని కోరింది.ఇదీ చదవండి: మీ నూనె.. మా నూనె

ఆమె చదువుకోలేదు. కానీ చదువు విలువ తెలుసు. అందుకే అష్టకష్టాలకోర్చి మరీ పిల్లల్ని చదివించింది. ఆర్థిక కష్టాలు, ఆకలి, నిద్రలేని రాత్రులు, ప్రమాదాలు అనారోగ్యం, ఇలా విధి ఎన్ని పరీక్షలు పెట్టినా ఆ తల్లి ఎక్కడా తలొగ్గలేదు. పిల్లల చదువును కొనసాగించేందుకు ఆమె పడిన కష్టాలు అన్నీ ఇన్నీ కావు. అందుకే తన ఉన్నతికి పాటుపడిన ఆ తల్లి త్యాగాలను ఆ కొడుకు స్మరించుకున్నారు. తన తల్లి ఏళ్ల తరబడి చేసిన త్యాగాలకు దక్కిన తొలి ప్రతిఫలం ఈ కుర్చీ అంటూ ఆయన భావోద్వేగానికి గురయ్యారు.కూలీగా, చెత్త ఏరుకునే మనిషిగా పనిచేస్తూ తన కుమారుడిని ఐఐటీ (IIT) చదివించి, ఐఎఫ్‌ఎస్ (IFS) అధికారినే చేసిన ఒక తల్లి విజయగాథ నెట్టింట వైరల్‌గా మారింది. మహారాష్ట్రకు చెందిన సాఖుబాయి పదిభార్ చదువుకోకపోయినా చదువు అంటే ప్రాణం. కుటుంబ పోషణ కోసం గ్రామంలో రోజువారీ కూలీగా, ఆ తర్వాత ముంబైలోని మురికివాడల్లో చెత్త ఏరుకునే వ్యక్తిగా (Ragpicker) పనిచేశారు.ఇన్నీ కష్టాల మధ్య కొడుకును ఉన్నత చదువు చదించారు. ఆమె చేసిన త్యాగాలు,ఆమె కుమారుడు ఐఐటి మద్రాస్‌లో చదువుకుని, ఆ తర్వాత ఇండియన్ ఫారెస్ట్ సర్వీస్‌లో చేరిన ఆమె కుమారుడు గౌతమ్ పడిభర్ ప్రస్థానంలో కీలక పాత్ర పోషించాయి. View this post on Instagram A post shared by Gautam Padibhar IFS (@gautam_ifs) ఇదీ చదవండి: పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌సాఖుబాయి కుమారుడు గౌతమ్ పదిభార్ మహారాష్ట్రలోని జల్నాలో ఉన్న జవహర్ నవోదయ విద్యాలయంలో చదువుకున్నారు. ఎలాంటి అధికారిక కోచింగ్ లేకుండానే జేఈఈ (JEE) పరీక్షలో ఉత్తీర్ణత సాధించి, ఐఐటీ మద్రాస్‌లో బీటెక్ పూర్తి చేశారు. ఇంజనీరింగ్ తర్వాత యూపీఎస్సీ (UPSC) ఇండియన్ ఫారెస్ట్ సర్వీస్ (IFS) పరీక్ష-2022లో ఆల్ ఇండియా ర్యాంక్ 139 సాధించారు. 2023 ఛత్తీస్‌గఢ్ కేడర్ ఐఎఫ్‌ఎస్ అధికారిగా ఎంపికయ్యారు. ప్రస్తుతం ఆయన ఛత్తీస్‌గఢ్‌లోని కాంగర్ వ్యాలీ నేషనల్ పార్క్ డైరెక్టర్‌గా బాధ్యతలు నిర్వర్తిస్తున్నారు.ఇదీ చదవండి: 23 ఏళ్ల తరువాత అమెరికా డ్రీమ్స్‌ వదిలి ‘అమ్మ’దగ్గరికిభావోద్వేగ క్షణంగౌతమ్ ఇటీవల తన తల్లికి సంబంధించిన ఒక భావోద్వేగ క్షణాన్ని ఇన్‌స్టాగ్రామ్‌లో పంచుకున్నారు. ఇటీవల తన తల్లి సాఖుబాయిని తన ఆఫీస్‌కు ఆహ్వానించిన గౌతమ్, ఆమెను తన అధికారిక కుర్చీలో కూర్చోబెట్టారు. "నా జీవితంలో నేను సాధించిన ప్రతిదానికీ నా అమ్మే కారణం. పోరాట పటిష్టతను, కష్టపడే తత్త్వాన్ని, పెద్ద కలలు కనే స్వేచ్ఛను నాకిచ్చింది అమ్మే" అంటూ ఆమె ప్రయాణాన్ని గుర్తు చేసుకొని గౌతమ్ ఎమోషనల్‌ అయ్యారు.ఇదీ చదవండి: లండన్‌ - ఢిల్లీ ఇండిగో విమానంలో పొగలు, ఎమర్జెన్సీ ల్యాండింగ్‌

థానే: పర్యూషణ పర్వదినాల సమయంలో మెంతికూరతో వండిన ఆహారపదార్థాలను లంచ్‌బాక్సులో తెచ్చినందుకు పాఠశాల యాజమాన్యం విద్యార్థులకు జ‌రిమానా విధించిన ఘ‌ట‌న మ‌హారాష్ట్ర‌లోని థానే జిల్లాలో వెలుగు చూసింది. భయందర్ ఈస్ట్‌లోని త‌పోవ‌న్ విద్యాల‌య‌ పాఠశాల యాజమాన్యం విద్యార్థులకు రూ.50 జరిమానా విధించడమే కాక బదులుగా రూ.20 చెల్లించి క్యాంటీన్‌లో తినాలంటూ బలవంతం చేశారన్న వార్తలు జిల్లా వ్యాప్తంగా తీవ్ర దుమారం సృష్టించాయి. ఈ విషయంలో విద్యార్థుల తల్లిదండ్రుల ఆరోపణలపై వివరణ కోరుతూ మీరా భయందర్‌ మున్సిపల్‌ కార్పొరేషన్‌ విద్యా విభాగం పాఠశాలకు నోటీసు జారీ చేసింది. ఈ ఆరోపణలపై పాఠశాల ఇంకా స్పందించలేదు. అయితే త‌పోవ‌న్ విద్యాల‌య‌పై ఇలాంటి ఆరోప‌ణ‌లు రావ‌డం ఇదే మొద‌టిసారి కాద‌ని స్థానికులు చెబుతున్నారు.కాగా మతపరమైన ఆచారాలు, పండుగలు పేరిట నిర్దిష్ట ఆహారాన్ని మాత్రమే తినితీరాలని బలవంతం చేయడమేమింటూ సోషల్‌ మీడియా వేదికగా పలువురు తీవ్ర ఆగ్రహం వ్యక్తంచేస్తున్నారు. మతపరమైన ఆచారాల ముసుగులో విద్యార్థుల ప్రాథమిక ఆహారపు ఎంపికలు, రోజువారీ ఆహార అలవాట్లను నిర్దేశించడమేమింటంటూ విజయ్‌ అనే యూజర్‌ ‘ఎక్స్‌’ వేదికగా మండిపడ్డారు. కఠిన ఆహార నియమాల పర్వం ‘పర్యూషణ్‌’ పర్యుషణ పర్వ్‌ అనేది జైన మతంలో ఉపవాసం, ఆధ్యాత్మిక చింతనకు అంకితమైన ఒక ప్రధాన వార్షిక పండుగ. ఈ పండుగ సమయంలో ఆ మతానుయాయులు, అభిమానులు ఆకు కూరలు, దుంపలను తినకుండా ఉండటంతో సహా కఠినమైన ఆహార నియమాలను పాటిస్తారు. ఇదీ చ‌ద‌వండి: తుకారాం ముండే లేటెస్ట్ వార్నింగ్‌

కనుచూపు మేర పరుచుకున్న పచ్చదనం.. చుట్టూ కొండలు.. ఆ పక్కనే వైతరణ సరస్సు.. నగర జీవనానికి దూరంగా ప్రకృతి మధ్యలో ఐదు పడక గదులతో కూడిన ఆధునిక, అందమైన భవనం.. లోపల కళ్లు చెదిరే ఇంటీరియర్‌.. పచ్చటి గడ్డితో కూడిన బాల్కనీ.. ఊహించుకుంటుంటూనే ఎంతో బాగుంది కదా!!PC: Instagram/Youtubeవిలాసవంతమైన విల్లాఈ విలాసవంతమైన బంగ్లా టీమిండియా మాజీ క్రికెటర్‌ అజింక్య రహానేకు సొంతం. మహారాష్ట్రలోని ఇగత్‌పురిలో రహానే, అతడి భార్య రాధికా దోపవ్‌కర్‌ ఈ భవనాన్ని నిర్మించుకున్నారు. ముంబై నుంచి దాదాపు వందకు పైగా కిలోమీటర్ల దూరంలో ఉన్న భవంతికి రాయా ఎస్టేట్‌గా రహానే దంపతులు నామకరణం చేశారు.PC: Instagram/Youtubeపచ్చని ప్రకృతి నడుమసహ్మాద్రి పర్వతావళిలో భాగమైన కొండలు, పచ్చని ప్రకృతి నడుమ ఐదు బెడ్‌రూమ్‌లతో దీనిని నిర్మించారు. రహానే తన కుటుంబ సభ్యులతో కలిసి సెలవు రోజుల్లో పట్టణ జీవితానికి దూరంగా సరదాగా గడిపేందుకు ఈ హాలిడే హోంను కట్టుకున్నారు. ఇందులో ఐదు కింగ్‌సైజ్‌ బెడ్‌రూమ్‌లతో పాటు.. స్విమ్మింగ్‌ పూల్‌, మొదటి అంతస్తులో గార్డెన్‌లో కూర్చుని పరిసరాల అందాలు వీక్షించేందుకు వీలుగా ఓ చిన్న నిర్మాణం ఇక్కడి ప్రత్యేక ఆకర్షణ.ఇక ప్రతీ బెడ్‌రూమ్‌ బాల్కనీతో అనుసంధానమై ఉంటుందట. అక్కడి నుంచి పర్వతాలు, ప్రకృతి అందాలను ఆస్వాదించవచ్చు. కోవిడ్‌ తర్వాత రహానే ఈ భవాన్ని నిర్మించుకున్నాడు.PC: Instagram/Youtubeపిల్లలకు ఆ అనుభూతి ఇచ్చేందుకుతన బాల్యంలో బామ్మ దగ్గరికి వెళ్లి గడిపేవాడినని.. ఇప్పుడు సిటీలో అలాంటి వాతావరణం లేనందున తన పిల్లల కోసమే ఈ హాలిడే స్పాట్‌ను ఎంచుకున్నట్లు రహానే తెలిపాడు. ఇక ఈ భవనంలో ఇంటీరియర్‌ కూడా చక్కగా ఉంది. ఆహ్లాదకరమైన రంగులతో కూడిన సౌకర్యవంతమైన సోఫాలు, రాజసంతో కూడిన కుర్చీలు ప్రత్యేక ఆకర్షణలు.PC: Instagram/Youtubeఇందులో రహానేకు సంబంధించిన రికార్డులు, చిరస్మరణీయ విజయాలకు సంబంధించి విశేషాలతో కూడిన ఫొటోలతో ఓ గదిని నింపేశారు. అయితే, రహానే దీనిని కేవలం తన సొంత అవసరాల కోసం మాత్రమే వాడుకోవడం లేదు. దీనిని అద్దెకు ఇచ్చేందుకు సిద్ధమయ్యాడు. PC: Instagram/Youtubeచాలా కాస్ట్‌లీ గురూ అంటారా?రోజుకు 71,438 రూపాయలు చెల్లిస్తే.. 15 మంది సభ్యులతో కలిసి ఈ లగ్జరీ విల్లాలో స్టే చేయొచ్చు. రెంట్‌కు అదనంగా ఇతర పన్నులు కూడా ఉంటాయి. రహానే ఇలా తన హాలిడే విల్లాను అద్దెకు ఇవ్వడం ద్వారా అదనపు ఆదాయం పొందడంపై గురిపెట్టాడు. కెరీర్‌ సజావుగా సాగుతున్న వేళ.. దీపం ఉండగానే ఇల్లు చక్కబెట్టుకున్న మాదిరి ఈ హాలిడే హోంను రహానే నిర్మించుకున్నాడు.PC: Instagram/Youtubeటెస్టు స్పెషలిస్టు రహానేమహారాష్ట్రకు చెందిన 2011లో అంతర్జాతీయ క్రికెట్‌లో అడుగుపెట్టాడు. టీమిండియా తరఫున 85 టెస్టులు ఆడిన ఈ కుడిచేతి వాటం బ్యాటర్‌.. 5077 పరుగులు సాధించాడు. ఇందులో పన్నెండు శతకాలు ఉన్నాయి. ఇక 90 వన్డేల్లో 2962 పరుగులు చేసిన రహానే, టీ20లలో 375 పరుగులు సాధించాడు.PC: Instagram/Youtubeఅయితే, ఆస్ట్రేలియా గడ్డ మీద టీమిండియా కెప్టెన్‌గా వ్యవహరించి బోర్డర్‌- గావస్కర్‌ ట్రోఫీలో చిరస్మరణీయ విజయం అందించాడు. ఇటీవలే అంతర్జాతీయ క్రికెట్‌కు రహానే వీడ్కోలు పలికాడు. ఇక ఐపీఎల్‌లో ఇప్పటికి 212 మ్యాచ్‌లు ఆడి 5367 పరుగులు సాధించాడు రహానే.చదవండి: ప్రభుత్వం ఇచ్చిన భూమిలో రూ. 7 కోట్ల బంగ్లా

ముంబై: మహారాష్ట్రలో యూనిఫాం సివిల్‌ కోడ్‌ (UCC) అమలుకు సంబంధించి ఏర్పాటు చేసిన కమిటీలో విభేదాలు చోటుచేసుకున్నాయి. కమిటీ సభ్యుడు, బాంబే హైకోర్టు మాజీ న్యాయమూర్తి జస్టిస్‌ (రిటైర్డ్‌) ఆర్‌.సి. చవాన్‌ తన పదవికి రాజీనామా చేశారు. కమిటీ పనిచేస్తున్న విధానం, ప్రజల అభిప్రాయాలను తెలుసుకునే పద్ధతిపై ఆయన అసంతృప్తి వ్యక్తం చేశారు.మహారాష్ట్రలో UCC అమలుకు అవసరమైన నిబంధనలు, సూచనలు రూపొందించేందుకు రాష్ట్ర ప్రభుత్వం ఈ ఏడాది జూలైలో ఏడుగురు సభ్యులతో కమిటీని ఏర్పాటు చేసింది. సుప్రీంకోర్టు మాజీ న్యాయమూర్తి జస్టిస్‌ రంజనా దేశాయ్‌ దీనికి అధ్యక్షత వహిస్తున్నారు. సెప్టెంబర్‌ 19న కమిటీ సమావేశం జరిగింది. ఈ సమావేశం ముగిసిన తర్వాత జస్టిస్‌ చవాన్‌ తన రాజీనామాను ఈమెయిల్‌ ద్వారా చైర్‌పర్సన్‌కు పంపించారు.ఈ సమావేశంలో ప్రజల అభిప్రాయాలు తెలుసుకునేందుకు రూపొందించిన ప్రశ్నావళిని ఖరారు చేయడం ప్రధాన అంశంగా ఉంది. దీనిపై జస్టిస్‌ చవాన్‌ కొన్ని సూచనలు చేశారు. ప్రజలు కేవలం ‘అవును’ లేదా ‘కాదు’ అని మాత్రమే సమాధానం ఇచ్చేలా ప్రశ్నలు ఉండకూడదని ఆయన అభిప్రాయపడ్డారు. ప్రజలు తమ అభిప్రాయాలను వివరంగా చెప్పే అవకాశం ఉండాలని సూచించారు. అలాగే ప్రశ్నావళిని నిపుణులతో పరిశీలింపజేసిన తర్వాత ఖరారు చేయాలని కోరారు.అయితే అప్పటికే చైర్‌పర్సన్‌ జస్టిస్‌ రంజనా దేశాయ్‌ ప్రశ్నావళిని సిద్ధం చేసి సభ్యులకు పంపించినట్లు జస్టిస్‌ చవాన్‌ తన రాజీనామా లేఖలో పేర్కొన్నారు. వెబ్‌సైట్‌ సిద్ధమైన తర్వాత దాన్ని అందులో పెట్టాలని నిర్ణయించినట్లు తెలిపారు. అదే సమావేశంలో కమిటీలో సభ్యుడు కానటువంటి ఓ వ్యక్తి కూడా పాల్గొన్న విషయాన్ని ఆయన ప్రస్తావించారు. వెబ్‌సైట్‌లో కొన్ని మార్పులు చేయాలని ఆ వ్యక్తి సూచించగా.. వారం రోజుల్లో అవసరమైన పనులు పూర్తి చేయాలని చైర్‌పర్సన్‌ అధికారులను ఆదేశించినట్లు తెలిపారు.ఈ క్రమంలో.. కమిటీ ఉద్దేశం మహారాష్ట్ర ప్రజల అభిప్రాయాలను తెలుసుకోవడం, వివిధ అంశాలపై ఏకాభిప్రాయం తీసుకురావడమేనని తాను భావించానని జస్టిస్‌ చవాన్‌ చెప్పారు. ఆలస్యంగా జరిగే వివాహాలు, కుటుంబ సమస్యలు, అస్థిరమైన వివాహ బంధాలు, వివాదాల పరిష్కారంలో జాప్యం వంటి అంశాలపై ప్రజల అభిప్రాయాలు తెలుసుకోవాల్సి ఉందని పేర్కొన్నారు. అయితే ప్రస్తుతం ప్రజల నుంచి కేవలం ‘అవును’, ‘కాదు’ అనే సమాధానాలను తీసుకుని వాటిని గణాంకాలుగా విశ్లేషించడానికే ప్రాధాన్యం ఇస్తున్నట్లు తనకు అనిపించిందని తెలిపారు. ఈ విధానం తన ఆలోచనలకు భిన్నంగా ఉండటంతో కమిటీ నుంచి తప్పుకుంటున్నట్లు ఆయన చెప్పారు.ఈ నేపథ్యంలో UCC ఎలా ఉండాలనే దానిపై కూడా జస్టిస్‌ చవాన్‌ తన అభిప్రాయాలను రాజీనామా లేఖలో పేర్కొన్నారు. చట్టం లింగ భేదం లేకుండా అందరికీ సమానంగా వర్తించేలా ఉండాలని సూచించారు. వివాహం, విడిపోవడం, ఆస్తి పంపకం, వారసత్వం, పిల్లల సంరక్షణ వంటి అంశాలపై స్పష్టమైన నిబంధనలు ఉండాలని తెలిపారు.అలాగే, వ్యక్తిగత సంబంధాలకు సంబంధించి పెద్దలకు తమ నిర్ణయాలు తీసుకునే స్వేచ్ఛ ఉండాలని ఆయన అన్నారు. పిల్లలందరికీ సమాన హక్కులు కల్పించాలని, 18 ఏళ్ల వయసు వచ్చే వరకు వారి చదువు, సంరక్షణ బాధ్యత తల్లిదండ్రులదే కావాలని సూచించారు. అయితే కమిటీ పనితీరు, విధానాలపై తన అభిప్రాయాలకు భిన్నంగా నిర్ణయాలు జరుగుతున్నందునే రాజీనామా చేస్తున్నట్లు జస్టిస్‌ చవాన్‌ తెలిపారు.ఇదీ చదవండి: ప్రముఖ స్టాండప్‌ కమెడియన్‌ షోలు రద్దు.. రాహుల్‌ కారణమా?

ప్రముఖ ప్లేబ్యాక్‌సింగర్‌ 45 ఏళ్ల వయసులో ఒక ఇంటి వాడయ్యాడు. ఉత్తమ నేపథ్య గాయకుడిగా జాతీయ చలనచిత్ర అవార్డుఅందుకున్న నరేష్ అయ్యర్‌ వివాహ బంధంలోకి అడుగుపెట్టాడు. దీంతో హితులు, సన్నిహితులు నూతన దంపతులకు శుభాకాంక్షల అందించారు. మహారాష్ట్రలోని అయ్యప్ప విష్ణు ఆలయంలో ఈ వేడుక జరిగింది. నరేష్ , ఆయన భార్యకు అభినందనలు తెలుపుతూ ఆలయ అధికారిక పేజీలో షేర్ చేసిన పోస్ట్‌తో వీరి పెళ్లికబురు అభిమానులకు అందించారు. ఆ పోస్ట్‌లో వివాహ వేడుకకు సంబంధించిన ఫోటోలు , వీడియోలు ఉండటం విశేషం. ఈ అందమైన కొత్త అధ్యాయం మా ఆలయంలో ప్రారంభం కావడం మాకు ఎంతో గౌరవప్రదం. ఆ దేవుని దివ్య ఆశీస్సులు నూతన దంపతులకు జీవితాంతం ప్రేమ, సంతోషం, సామరస్యం, శ్రేయస్సును ప్రసాదించుగాక." అని ఆలయ బృందం తన సోషల్ మీడియా పోస్ట్‌లో ప్రకటించింది. ఇంతకుమించి వివాహానికి సంబంధించిన ఇతర వివరాలేవీ వెల్లడి కాలేదు. ద్వారా అనేకమంది అభిమానులు ఈ జంటకు శుభాకాంక్షలు తెలిపారు.“Munbe Vaa” singer Naresh Iyer gets married at 45! 💍♥️✨The voice behind one of our most-loved melodies has started a beautiful new chapter. 🥹🧿Wishing him a lifetime of happiness! 🤍 pic.twitter.com/F0F3iGpDk5— 𝑩𝒖𝒕𝒕𝒆𝒓𝒇𝒍𝒚🦋 (@buttu_iam27) September 16, 2026ఇదీ చదవండి: అయోధ్య విరాళాల గోల్‌మాల్‌, సిట్‌ సంచలన నివేదికకాగా 2006లో వచ్చిన 'రంగ్ దే బసంతి' చిత్రంలోని 'రూబరూ' (Roobaroo) పాటకు గాను నరేష్ అయ్యర్ ఉత్తమ పురుష నేపథ్య గాయకుడిగా జాతీయ అవార్డును గెలుచుకున్నారు. 'అన్వర్' చిత్రంలోని 'కన్నినిమ నీలే' (Kanninima Neelae) పాటతో మలయాళ ప్రేక్షకులలో బాగా ప్రాచుర్యం పొందారు. 'ఉస్తాద్ హోటల్'లోని 'మెల్ మెల్ మెల్' (Mel Mel Mel) , 'సెకండ్ షో'లోని 'స్వప్నం' (Swapnam) లాంటి ప్రజాదరణ పొందిన పాటలను కూడా ఆయన పాడారు. 'హార్ట్‌బీట్' (Heartbeat) చిత్రంతో నరేష్ మలయాళంలో గాయకుడిగా అరంగేట్రం చేశారు. View this post on Instagram A post shared by Ayyappa Vishnu Temple Powai (@ayyappavishnutemple)ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

మహారాష్ట్ర ఫుడ్ సేఫ్టీ కమిషనర్ తుకారాం ముండే (Tukaram Mundhe) ఇటీవలి కాలంలో హోటళ్లు, పరిశుభ్రత అంటూ నిబంధనలను పాటించని రెస్టారెంట్లపై కొరాడా ఝళిపిస్తున్నారు. అదిరింపులు, బెదిరింపులకు ఏమాత్రం వెరవకుండా చిన్న, చిన్న హోటళ్లనుంచి విలావంతమైన రెస్టారెంట్ల వరకు ఫుడ్‌ సేఫ్టీ పాటించని వారికి నోటీసులు జారీ చేస్తున్నారు. ఈ క్రమంలో ఒక కార్డియాలజిస్ట్‌ డాక్టర్ అశోక్ సేథ్, ఆదివారం (సెప్టెంబర్ 20) సాయంత్రం ముంబైలోని జేడబ్ల్యూ మారియట్ హోటల్‌లో తనకెదురైన అనుభవాన్ని పంచుకున్నారు. ఈ వ్యవహారంపై ఆయన వ్యాఖ్యలు నెట్టింట సంచలనంగా మారాయి. ఫోర్టిస్ హెల్త్‌కేర్ ఛైర్మన్, హృద్రోగ నిపుణుడైన డా. సేథ్‌ డిన్నర్‌ కోసం హోటల్‌ కెళ్లారు. ఇంతలో ఆయన టేబుల్‌పై ఉన్న ఒక చిన్న బొద్దింక దర్శన మిచ్చింది. దీంతో అక్కడ పాటిస్తున్న ఫుడ్‌ సేఫ్టీపై వ్యంగ్యంగా రాసుకొచ్చారు. జేడబ్ల్యూ మారియట్ (JW Marriott) హోటల్‌పై సోషల్ మీడియాలో వ్యంగ్యాస్త్రాలు సంధించారు.ఆ హోటల్ రెస్టారెంట్‌లో , విదేశీ ప్రతినిధులతో కలిసి భోజనం చేస్తుండగా, డైనింగ్ టేబుల్‌పై బొద్దింక కనిపించడం తీవ్ర పరిశుభ్రతా లోపాలకు అద్దం పడుతోందని ఆయన మండిపడ్డారు.ఇదీ చదవండి: క్యాబ్‌ డ్రైవర్‌ నిర్లక్ష్యం : ఇండిగో ఉద్యోగిని దుర్మరణం Look who came for dinner unexpectedly. ‘Roachie’ - a baby *cockroach was on our table wanting to share our dinner at the Romano restaurant at JW Marriott , Sahar , Mumbai, Saturday night*!!! Despite our persuasion ‘ Roachie’ refused to leave . Maybe wanted Piazza and not… pic.twitter.com/w1h92KZiaU— Dr. Ashok Seth (@Dr_AshokSeth) September 20, 2026విలాసవంతమైన హోటల్‌లో ‘రోచీ’ఆ బొద్దింకకు రోచీ అని పేరు పెట్టారు. అనూహ్యంగా రాత్రి భోజనానికి ఎవరు వచ్చారో చూడండి. ‘ రోచీ’- ఒక చిన్న బొద్దింక, శనివారం రాత్రి ముంబైలోని సహార్‌లో ఉన్న జేడబ్ల్యూ మారియట్‌లోని రొమానో రెస్టారెంట్‌లో మాతో పాటు భోజనం చేయాలని చూస్తూ మా టేబుల్ మీదకు వచ్చింది!!!” అని ఆయన ఎక్స్‌లో ఒక వీడియోను పోస్ట్ చేశారు. అంతేకాదు తాము ఎంత నచ్చజెప్పినా, అది అక్కడినుంచి వెళ్ళడానికి నిరాకరించిందని బహుశా దానికి పాస్తా కాకుండా పిజ్జా కావాలేమో అంటూ వ్యంగ్య బాణాలు సంధించారు. ఈ పరిణామాన్ని చూసి ఆకలి చచ్చిపోయిందని, భోజనం పూర్తి చేయకుండానే తాము అక్కడి నుంచి వచ్చేశామని తెలిపారు. విదేశీ అతిథుల ముందు ఇది దేశానికి అవమానకరమని ఆయన ఆవేదన వ్యక్తం చేశారు. ఈ సందర్భంగా మహారాష్ట్ర ఫుడ్ సేఫ్టీ కమిషనర్ తుకారాం ముండేని ట్యాగ్‌ చేస్తే ఈ విషయంపై దృష్టి సారిస్తారని ఆశిస్తున్నట్లు డాక్టర్ సేథ్‌ పేర్కొన్నారు. మరి దీనికిమీద ముండే ఎలా స్పందిస్తారో వేచి చూడాలి. ఇదీ చదవండి: సీనియర్‌ నటి కన్నుమూత, ప్రముఖుల సంతాపం

విధి నిర్వహణ అనంతరం ఇంటికి తిరిగి వస్తున్న ఇండిగో ఎయిర్‌లైన్స్ (IndiGo Airlines) మహిళా ఉద్యోగి తిరిగి రాని లోకాలకు తరలిపోయిన ఘటన తీవ్ర విషాదాన్ని మిగిల్చింది. ముంబైలో పని ముగించుకుని క్యాబ్‌లో తిరిగి వస్తుండగా జరిగిన ఒక ఘోర రోడ్డు ప్రమాదంలో ఆమె కన్నుమూసింది. ఈ ప్రమాదం సెప్టెంబర్ 18న బోరివాలి ఈస్ట్‌లోని వెస్ట్రన్ ఎక్స్‌ప్రెస్ హైవేపై జరిగింది.ముంబైలోని మీరా రోడ్ నివాసి,ముప్పై రెండేళ్ల కైనూర్ మిస్త్రీ, కంపెనీ అందించిన క్యాబ్‌లో తన షిఫ్ట్ ముగించుకుని ఇంటికి తిరిగి వస్తుండగా ఈ ప్రమాదం చోటు చేసుకుంది. డ్రైవర్ నియంత్రణ కోల్పోవడంతో కారువంతెన రెయిలింగ్‌ను ఢీకొట్టింది. దీంతో వెనుక సీటులో కూర్చున్న మిస్త్రీకి తలకు తీవ్ర గాయం అయింది. ఆమెను వెంటనే ఆసుపత్రికి తరలించగా, చికిత్స పొందుతూ మరణించారు. మిస్త్రీకి ఎనిమిదేళ్ల కుమారుడు ఉన్నాడు.క్యాబ్ డ్రైవర్ విజయ్ ఖోస్‌పై పోలీసులు కేసు నమోదు చేశారు.నిర్లక్ష్యంగా వాహనం నడపడం, ప్రాణాలకు ప్రమాదం కలిగించడం వంటి అభియోగాలపై కేసు నమోదు చేసినప్పటికీ కైనూర్ మిస్త్రీ మృతి నేపథ్యంలో, నిర్లక్ష్యం కారణంగా జరిగిన మరణంపై కింద కేసు నమోదు చేశారు.ఇండిగో తన ఉద్యోగుల రవాణా కోసం 'మయూరేష్ టూర్ అండ్ ట్రావెల్స్' సంస్థతో ఒప్పందం కుదుర్చుకుంది. ఉద్యోగులకు కల్పించే రవాణా సౌకర్యాల భద్రతపై మరోసారి ప్రశ్నలు తలెత్తుతున్నాయి. ఇదీ చదవండి: సీనియర్‌ నటి కన్నుమూత, ప్రముఖుల సంతాపం

ముంబై: ఐఐటీ బాంబే కీలక నిర్ణయం తీసుకుంది. ఐఐటీ విద్యార్థి సాహిల్ రవీంద్ర వకోడే ఆత్మహత్య ఘటనలో ఆరోపణలు ఎదుర్కొంటున్న ప్రొఫెసర్‌ సూర్యనారాయణ దుల్లాను ‌సస్పెండ్‌ చేసింది. డీన్‌ ఆఫ్‌ స్టూడెంట్‌ అఫైర్స్‌ విధుల నుంచి తొలగిస్తూ ఉత్తర్వులు జారీ చేసింది. సహిల్‌ ఆత్మహత్య ఘటనలో విద్యార్థికి న్యాయం జరగాలని విద్యార్థులు పెద్దఎత్తున ఆందోళనలు చేపట్టిన నేపథ్యంలో ఈ కీలక నిర్ణయం తీసుకుంది.ఏం జరిగింది?ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సాహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు విద్యార్థులు తెలిపారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.ఈ నేఫథ్యంలో సహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించారు. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.ఈ ఉద్రిక్తతల నడుమ ఐఐటీ బొంబై ప్రొఫెసర్‌ సత్యనారాయణ దుల్లాను డీన్ ఆఫ్‌ స్టూడెంట్‌ అఫైర్స్‌ బాధ్యతల నుంచి తొలగిస్తూ ఆదేశాలిచ్చింది. కాగా ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. ఈ నేపథ్యంలో ఏం జరుగుతుందో వేచిచూడాలి.

విద్యార్థి మృతి ఘటనపై ఐఐటీ బాంబే యూటర్న్‌ తీసుకుంది. తొలుత ఈ ఘటనకు సంబంధించిన పరిణామాలపై పలు వివరాలు వెల్లడించిన యాజమాన్యం.. ఇప్పుడు ఆ స్టేట్‌మెంట్‌పై క్షమాపణలు కోరింది. దర్యాప్తు పూర్తికాకముందే నిర్ధారణ కాని విషయాలను తమ ప్రకటనలో పేర్కొనడం తమ తప్పిదమే అని ఒప్పుకుంది. ఘటనకు సంబంధించిన వాస్తవాలు అధికారుల దర్యాప్తులో తేలాల్సి ఉన్నందున.. అప్పటివరకు ఏ విషయం అనేది నిర్ధారణకు రావడం సరికాదని వ్యాఖ్యానించింది.ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. పరీక్ష సమయంలో మొబైల్‌ ఫోన్‌(చాట్‌జీపీటీ) వినియోగించాడన్న ఆరోపణలు రావడం, ఆ తర్వాత అధ్యాపకులు అతడితో మాట్లాడటం వంటి పరిణామాలను ఐఐటీ బాంబే తన తొలి ప్రకటనలో వెల్లడించింది. అయితే ఆ ఘటనలకు, సహిల్‌ మృతికి మధ్య సంబంధం ఏమిటన్నది ఇంకా నిర్ధారణ కాలేదు. ప్రస్తుతం పోలీసులు ఈ వ్యవహారంపై దర్యాప్తు కొనసాగిస్తున్నారు. ఈ నేపథ్యంలోనే ఇంతకు ముందు ఇచ్చిన ప్రకటనను వెనక్కి తీసుకుంటూ ఐఐటీ బాంబే క్షమాపణలు చెప్పడం ప్రాధాన్యం సంతరించుకుంది.ఎవరీ సహిల్‌ వాకోడే?మహారాష్ట్రలోని యవత్మాల్‌కు చెందిన సహిల్‌ వాకోడే ఐఐటీ బాంబేలో ఎనర్జీ సైన్స్‌ అండ్‌ ఇంజినీరింగ్‌ విభాగంలో రెండో సంవత్సరం బీటెక్‌ చదువుతున్నాడు. చదువులోనూ మంచి ప్రతిభ కనబరిచేవాడని కుటుంబ సభ్యులు తెలిపారు. తొలి ఏడాదిలో అతడికి 8.5 సీజీపీఏ వచ్చింది. బ్యాడ్మింటన్‌, స్కేటింగ్‌లోనూ చురుకుగా పాల్గొనేవాడు. ఇంజినీరింగ్‌ పూర్తయ్యాక సివిల్‌ సర్వీసెస్‌కు సిద్ధం కావాలని భావించేవాడని అతడి తల్లి తెలిపారు.పరీక్షలో అసలేం జరిగింది?తోటి విద్యార్థులు చెబుతున్న వివరాల ప్రకారం.. సెప్టెంబర్‌ 18న సహిల్‌కు రెండు పరీక్షలు ఉన్నాయి. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని సంస్థ తన తొలి ప్రకటనలో పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు కుటుంబం, విద్యార్థుల వర్గాలు తెలిపాయి.అయితే ఐఐటీ బాంబే ప్రకారం సహిల్‌పై ఎలాంటి అధికారిక క్రమశిక్షణ చర్యలు ప్రారంభించలేదు. అధ్యాపకులు, విభాగాధిపతి అతడితో మాట్లాడి కౌన్సెలింగ్‌ ఇచ్చారని.. ఈ ఘటన అతడి విద్యా భవిష్యత్తుపై ప్రభావం చూపదని హామీ ఇచ్చారని సంస్థ తెలిపింది. ఆ తర్వాత సహిల్‌ హాస్టల్‌ గదికి వెళ్లాడు. సాయంత్రం అతడు మృతిచెందినట్లు గుర్తించారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.FIR.. క్రైమ్‌ బ్రాంచ్‌కు కేసుసహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద కూడా సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించింది. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.క్యాంపస్‌లో మూడు రోజుల ఆందోళనఘటనపై ఐఐటీ బాంబే విద్యార్థులు భారీగా ఆందోళనకు దిగారు. స్వతంత్ర దర్యాప్తు కోరుతూ.. ప్రొఫెసర్‌ దుల్లాపై చర్యలు, విద్యార్థుల మానసిక ఆరోగ్య సేవలను బలోపేతం చేయడం, అధ్యాపకుల ప్రవర్తనపై మార్గదర్శకాలు వంటి పలు డిమాండ్లు చేశారు. మూడు రోజుల ఆందోళన తర్వాత విద్యార్థులు ఉంచిన 18 డిమాండ్లపై యాజమాన్యం అంగీకారం తెలిపినట్లు తాజా నివేదికలు వెల్లడించాయి.ఎవరీ ప్రొఫెసర్‌ దూల్లా?ఐఐటీ బాంబే ఎనర్జీ సైన్స్‌ అండ్‌ ఇంజినీరింగ్‌ విభాగానికి చెందిన ప్రొఫెసర్‌ సూర్యనారాయణ దూల్లా పవర్‌ సిస్టమ్స్‌, స్మార్ట్‌ గ్రిడ్స్‌, మైక్రోగ్రిడ్స్‌పై పరిశోధనలు చేస్తున్నారు. నాగార్జున యూనివర్సిటీలో బీటెక్‌, ఐఐటీ బాంబేలో ఎంటెక్‌, ఐఐటీ ఢిల్లీలో పీహెచ్‌డీ చేశారు. ఐఐటీ బాంబేలో ప్రొఫెసర్‌గా పనిచేయడంతోపాటు హాస్టల్‌ వార్డెన్‌, డీన్‌ ఆఫ్‌ స్టూడెంట్‌ అఫైర్స్‌గా కూడా బాధ్యతలు నిర్వర్తించారు. సహిల్‌ పరీక్ష రాసిన సమయంలో దూల్లా ఇన్విజిలేటర్‌గా ఉన్నారు. ప్రస్తుతం సహిల్‌ కుటుంబం చేసిన ఆరోపణలతో ఆయన పేరు కేసులో నమోదైంది. ఈ వ్యవహారంపై దర్యాప్తు కొనసాగుతోంది. డైరెక్టర్‌ రాజీనామాకు సిద్ధమా?ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. అయితే అధ్యాపకుల వర్గం మాత్రం ప్రొఫెసర్‌ దుల్లాకు మద్దతుగా నిలిచినట్లు సమాచారం. ఆయన పరీక్షా పర్యవేక్షకుడిగా తన బాధ్యతలను నిబంధనల ప్రకారమే నిర్వర్తించారని పేర్కొంది.తాజాగా ఐఐటీ బాంబే యూటర్న్‌ఈ మొత్తం వ్యవహారంలో తాజాగా మరో కీలక పరిణామం చోటుచేసుకుంది. విద్యార్థి మృతికి ముందు జరిగిన పరిణామాలపై తాము విడుదల చేసిన తొలి ప్రకటనలో వివరాలను పేర్కొనడం సరికాదని ఐఐటీ బాంబే తాజాగా క్షమాపణలు చెప్పింది. ఘటనకు దారితీసిన పరిస్థితులు ఇంకా సంబంధిత అధికారుల దర్యాప్తులోనే ఉన్నాయని.. అవి అధికారికంగా నిర్ధారణ కాకముందే వాటిని వివరించడం లేదా ఒక నిర్దిష్టంగా వర్ణించడం తగదని స్పష్టం చేసింది. దీంతో దర్యాప్తుపై ఉత్కంఠ నెలకొంది.ఇదీ చదవండి: ఐఐటీ ఘటన: ఆ కీలక డిమాండ్లు ఏంటంటే..

ముంబై: గణేశ్‌ ఉత్సవాల వేళ ముంబైలో విషాదకర ఘటన చోటుచేసుకుంది. కాలాచౌకీ ప్రాంతంలోని మహాగణపతి ఉత్సవ మండపం వద్ద విద్యుత్‌ షాక్‌ తగిలి ఓ మహిళ, ఎనిమిదేళ్ల బాలిక ప్రాణాలు కోల్పోయారు. ఈ ఘటనలో మరో నలుగురు అస్వస్థతకు గురయ్యారు. వారిలో 12 ఏళ్ల బాలిక పరిస్థితి విషమంగా ఉండటంతో ఐసీయూలో చికిత్స అందిస్తున్నారు.ఈ ఘటనకు సంబంధించిన వివరాలు ఇలా ఉన్నాయి. కాలాచౌకీ ప్రాంతంలోని మహాగణపతి ఉత్సవ మండపం వద్ద ఆదివారం తెల్లవారుజామున సుమారు 2 గంటల సమయంలో ఈ ఘటన జరిగింది. అక్కడ ఏర్పాటు చేసిన తాత్కాలిక మంచినీటి స్టాల్‌ వద్ద విద్యుత్‌ ప్రవాహం ఉన్నట్లు ముంబై ఫైర్‌ బ్రిగేడ్‌ అధికారులు గుర్తించారు. వెంటనే విద్యుత్‌ సరఫరాను నిలిపివేసి, ముందుజాగ్రత్తగా ఆ ప్రాంతాన్ని మూసివేశారు. గణపతి మండపం వద్ద విద్యుత్‌ షాక్‌ ఘటనలో మొత్తం ఆరుగురు ప్రభావితమయ్యారు. వారిలో సుజాత (33), ఎనిమిదేళ్ల బాలిక మృతి చెందగా.. కిరణ్‌ అక్బర్‌ నాయక్‌ (19), తన్వి నరేశ్‌ హండే (19), సాహిల్‌ సందీప్‌ తారే (19) ఆస్పత్రిలో చికిత్స పొందుతున్నారు. మరో 12 ఏళ్ల బాలిక తీవ్ర పరిస్థితిలో ఐసీయూలో చికిత్స పొందుతోంది. ఆమె పరిస్థితి విషమంగా ఉన్నట్టు వైద్యులు వెల్లడించారు.భారీ రద్దీతో వెనక్కి వచ్చిన కుటుంబంమృతిచెందిన చిన్నారి బంధువు కిష్మతి యాదవ్‌ తెలిపిన వివరాల ప్రకారం.. కుటుంబ సభ్యులు ఆదివారం తెల్లవారుజామున సుమారు 2 గంటలకు మండపం వద్దకు చేరుకున్నారు. అక్కడ భక్తుల రద్దీ ఎక్కువగా ఉండటంతో దర్శనానికి వెళ్లకుండా వెనక్కి వచ్చారు. రద్దీ తగ్గే వరకు వేచి ఉండాలని భావించి మండపం పక్కనే ఉన్న దుకాణం వద్ద ఆగారు. మండపం సమీపంలో విద్యుత్‌ దీపాలు ఏర్పాటు చేశారని, భారీగా భక్తులు వస్తున్నప్పటికీ తగిన భద్రతా చర్యలు తీసుకోలేదని ఆమె ఆరోపించారు. వర్షపు నీరు నిలిచిన ప్రాంతంలో ఏర్పాటు చేసిన కవరింగ్‌ నుంచి నీరు పడటంతో విద్యుత్‌ లైట్‌ కూడా సమీపంలోని వారిపై పడిందని, దీంతో విద్యుత్‌ షాక్‌ తగిలిందని ఆమె పేర్కొన్నారు. ఈ ఘటనలో తన పిల్లలు కల్పన, నేహా విద్యుత్‌ ప్రవాహానికి గురయ్యారని తెలిపారు.VIDEO | Maharashtra: Two persons, including an eight-year-old girl, were killed and several others injured in an electrocution incident near a Ganapati pandal in Mumbai's Lalbaug area early Sunday.The incident occurred near the Kalachowki Vibhag Sarvajanik Ustav Mandal on… pic.twitter.com/Tn1n7kpcxi— Press Trust of India (@PTI_News) September 20, 2026తన పిల్లలను కాపాడేందుకు ప్రయత్నించినప్పుడు తానూ విద్యుత్‌ షాక్‌కు గురైనట్లు కిష్మతి యాదవ్‌ చెప్పారు. మండపం నిర్వాహకులు, సంబంధిత అధికారులు భద్రతా చర్యలు తీసుకోవడంలో నిర్లక్ష్యం వహించారని ఆమె ఆరోపించారు. ఈ ఘటన అనంతరం గణేశ్‌ ఉత్సవాల వేళ తాత్కాలిక విద్యుత్‌ ఏర్పాట్ల భద్రతపై ఆందోళన నెలకొంది. విద్యుత్‌ షాక్‌కు ఖచ్చితమైన కారణం, బాధ్యులపై తదుపరి చర్యలపై అధికారుల దర్యాప్తులో స్పష్టత రావాల్సి ఉంది.మండపాల వద్ద భక్తులు తీసుకోవాల్సిన జాగ్రత్తలు..1. విద్యుత్‌ తీగలు, స్విచ్‌బోర్డులకు దూరంగా ఉండండి. బయటకు కనిపించే వైర్లు, తెగిన తీగలు, తాత్కాలిక విద్యుత్‌ కనెక్షన్లను తాకవద్దు. పిల్లలను వాటి దగ్గరకు వెళ్లనివ్వకండి.2. నీరు నిలిచిన ప్రాంతాల్లో అప్రమత్తంగా ఉండండి. వర్షపు నీరు నిలిచిన చోట్ల, విద్యుత్‌ పరికరాలు లేదా వైర్లు ఉన్న ప్రాంతాల్లోకి వెళ్లవద్దు. తడిసిన వైర్లు, లోహపు స్తంభాలను తాకవద్దు.3. రద్దీ ఎక్కువగా ఉంటే వేచి ఉండండి. మండపంలోకి వెళ్లేందుకు తొందరపడవద్దు. తోపులాట చేయకుండా, నిర్వాహకులు ఏర్పాటు చేసిన క్యూల్లోనే వెళ్లండి. రద్దీ పెరిగితే కొంతసేపు దూరంగా ఉండండి.4. అత్యవసర మార్గాలను ముందే గుర్తించండి. మండపంలోకి వెళ్లినప్పుడు బయటకు వెళ్లే మార్గాలు, అత్యవసర ద్వారాలు ఎక్కడున్నాయో గమనించండి. ప్రవేశ ద్వారాల వద్ద గుమిగూడవద్దు.5. విద్యుత్‌ ప్రమాదం కనిపిస్తే వెంటనే సమాచారం ఇవ్వండి. తీగలు కిందపడటం, స్పార్కులు రావడం లేదా విద్యుత్‌ షాక్‌ తగిలినట్లు కనిపిస్తే వాటిని స్వయంగా సరిచేయడానికి ప్రయత్నించవద్దు. నిర్వాహకులు, విద్యుత్‌ సిబ్బంది లేదా అత్యవసర సేవలకు వెంటనే తెలియజేయండి.ఎవరికైనా విద్యుత్‌ షాక్‌ తగిలితే ఏం చేయాలి?విద్యుత్‌ సరఫరా నిలిపివేసే వరకు బాధితుడిని నేరుగా తాకవద్దు. తడిగా ఉన్న నేలపై నిలబడి బాధితుడిని లాగేందుకు ప్రయత్నించవద్దు. విద్యుత్‌ సరఫరా నిలిపివేయాలని వెంటనే విద్యుత్‌ సిబ్బందికి, అత్యవసర సేవలకు సమాచారం ఇవ్వండి. విద్యుత్‌ సంబంధం పూర్తిగా తెగిందని నిర్ధారించిన తర్వాతే సురక్షితంగా సహాయం చేయాలి. బాధితుడికి వెంటనే వైద్య సహాయం అందించాలి. శ్వాస లేకపోతే, శిక్షణ ఉన్నవారు అత్యవసర సహాయం CPR ప్రారంభించాలి.

ముంబై: మహారాష్ట్రలో ప్రముఖ విద్యావేత్త అశోక్‌ విఖే పాటిల్‌ కుమార్తె నీలా విఖే పాటిల్‌ గత వారం జరిగిన స్వీడన్‌ పార్లమెంట్‌ ఎన్నికల్లో స్టాక్‌హోమ్‌ సిటీ నియోజకవర్గం నుంచి గెలుపొంది ఆ దేశ పార్లమెంట్‌కు ఎన్నికయ్యారు. ‘‘349 మంది సభ్యులున్న పార్లమెంట్‌కు ఎన్నికవ్వడం సంతోషంగాఉంది. తమ కష్టాలను చెప్పుకోలేకపోయిన వాళ్లకు గొంతుక అవుతా. ప్రతి చిన్నారికి మంచి భవిష్యత్తు ఉండేలా మెరుగైన సమాజం కోసం కృషిచేస్తా’’అని నీల తెలిపారు. 41 ఏళ్ల నీలా పాటిల్‌ ఆసియాలోనే మొట్టమొదటి సహకార చక్కెర ఫ్యాక్టరీని స్థాపించిన విఠల్‌రావ్‌ విఖే పాటిల్‌ మునిమనవరాలు. నీలా తాత బాలాసాహెబ్‌ విఖే పాటిల్‌ గతంలో కేంద్ర మంత్రిగా పనిచేశారు. ‘‘మా తాత గర్వపడేలా ఎంపీగా పనిచేస్తా. టీనేజర్‌గా ఉన్నప్పుడు తాత నాతో రాష్ట్ర బడ్జెట్‌ చదివించారు’’అని నీల గుర్తుచేసుకున్నారు. నీల గతంలో నాటి ప్రధానమంత్రి స్టీఫన్‌ లోవెన్‌ హయాంలో ప్రధాని కార్యాలయంలో ఆర్థికం, పన్నులు, గృహాలకు సంబంధించి రాజకీయ సలహాదారుగా సేవలందించారు. నీల గతంలో స్టాక్‌హోమ్‌ మున్సిపల్‌ కార్పొరేషన్‌ సిటీ కౌన్సిల్‌లో సభ్యురాలిగా ఉన్నారు. స్వీడన్‌లో పుట్టిన నీల చిన్నతనంలో మహారాష్ట్రలోని అహ్మద్‌నగర్‌లో పెరిగారు. నీల పెదనాన్న రాధాకృష్ణ విఖే పాటిల్‌ ప్రస్తుతం మహారాష్ట్రలో మంత్రిగా కొనసాగుతున్నారు. గోథన్‌బర్గ్‌ బిజినెస్‌ స్కూల్‌లో ఈమె ఎంబీఏ చేశారు. మాడ్రిడ్‌లోనూ విద్యనభ్యసించారు. స్వీడన్‌లోని విపక్ష గ్రీన్‌పారీ్టలో గత పాతికేళ్లుగా నీల క్రియాశీలకంగా పనిచేస్తున్నారు.

స్టార్‌ హీరోలు.. భారీ ఫ్యాన్‌ ఫాలోయింగ్‌.. కోట్లాది రూపాయల రెమ్యునరేషన్‌.. కానీ చట్టం ముందు ఇవేవీ పనిచేయవని మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ కమిషనర్‌ తుకారాం ముండే స్పష్టం చేశారు. వాణిజ్య ప్రకటనల్లో నటించే సెలబ్రిటీలు కూడా నిబంధనలకు బాధ్యత వహించాల్సిందేనని తేల్చిచెప్పారు. షారుఖ్‌ ఖాన్‌, అజయ్‌ దేవ్‌గణ్‌, టైగర్‌ ష్రాఫ్‌లకు విమల్‌ యాడ్‌ వ్యవహారంలో నోటీసులు జారీ చేసిన నేపథ్యంలో ఆయన ఈ వ్యాఖ్యలు చేశారు.‘‘మీ దృష్టిలో వాళ్లు స్టార్లు కావొచ్చు. కానీ ఈ కేసులో నా దృష్టిలో వాళ్లు కేవలం అడ్వర్టైజర్లు మాత్రమే. చట్టాన్ని ఉల్లంఘించినవారిగానే చూస్తున్నా. చట్టం తన పని తాను చేసుకుంటుంది’’ అని తుకారాం ముండే అన్నారు. సెలబ్రిటీలు ప్రకటనల్లో నటించే ముందు తాము ప్రచారం చేస్తున్న ఉత్పత్తి గురించి తగిన జాగ్రత్తలు తీసుకోవాల్సిన బాధ్యత ఉందని పేర్కొన్నారు. తయారీదారుడిదే మొత్తం బాధ్యత అని చెప్పడం సరికాదన్నారు.మహారాష్ట్ర ఎఫ్‌డీఏ గ్రేటర్‌ ముంబై విభాగం ఆగస్టు 11న షారుఖ్‌ ఖాన్‌, అజయ్‌ దేవ్‌గణ్‌, టైగర్‌ ష్రాఫ్‌లకు షోకాజ్‌ నోటీసులు జారీ చేసింది. విమల్‌ ఇలాచీ పేరుతో వచ్చిన ప్రకటన పరోక్షంగా విమల్‌ పాన్‌ మసాలాను ప్రచారం చేస్తోందన్నది ప్రధాన ఆరోపణ. మహారాష్ట్రలో పాన్‌ మసాలా నిషేధం నేపథ్యంలో ఈ చర్య తీసుకున్నట్లు అధికారులు తెలిపారు. నటులు 15 రోజుల్లో వివరణ ఇవ్వాలని ఆదేశించారు.ఇద్దరి నుంచి సమాధానం.. ఒకరిపై చర్యలుముగ్గురు నటుల్లో ఇద్దరు నోటీసులకు సమాధానం ఇచ్చారని ముండే తెలిపారు. అయితే ఎవరెవరు స్పందించారన్న విషయాన్ని ఆయన వెల్లడించలేదు. ఒక నటుడు మాత్రం ఇప్పటివరకు స్పందించలేదని, ఆ వ్యక్తిపై అడ్జుడికేషన్‌, ప్రాసిక్యూషన్‌ ప్రక్రియ ప్రారంభిస్తున్నట్లు చెప్పారు. షారుఖ్‌ ఖాన్‌ టీమ్‌ స్పందించిందా? అనే ప్రశ్నకు.. ‘‘నాకు ఖచ్చితంగా తెలియదు’’ అని ముండే పేర్కొన్నారు.బాధ్యత తయారీదారుడిదేనా?ప్రకటనలో నటించినంత మాత్రాన బాధ్యత ఉండంటూ ఆ నటులు, వాళ్ల అభిమానులు వాదించడంపైనా ముండే స్పందించారు. ఫుడ్‌ సేఫ్టీ చట్టం, 2018 రెగ్యులేషన్స్‌ ప్రకారం.. ప్రకటనదారుల బాధ్యతల గురించి స్పష్టమైన నిబంధనలు ఉన్నాయని చెప్పారు. తాము ప్రచారం చేస్తున్న ఉత్పత్తిపై తగిన పరిశీలన చేయాల్సిన బాధ్యత ఎండార్సర్లకు కూడా ఉంటుందని పేర్కొన్నారు. ఇది కేవలం నైతిక బాధ్యత మాత్రమే కాదని, చట్టపరమైన బాధ్యత కూడా అని ముండే స్పష్టం చేశారు.ఢిల్లీ హైకోర్టులోనూ దక్కని ఊరటఈ వ్యవహారంలో వమల్‌ ఇలాచీ మాస్టర్‌ లైసెన్సీ పీబీ అగ్రో ఎల్‌ఎల్‌పీ దాఖలు చేసిన పిటిషన్‌ను ఢిల్లీ హైకోర్టు సెప్టెంబర్‌ 14న కొట్టివేసింది. ముంబై ఎఫ్‌డీఏ జారీ చేసిన నోటీసులను సవాలు చేసే విషయంలో ఢిల్లీ హైకోర్టు పరిధిలోకి రాదంటూ జస్టిస్‌ స్వర్ణకాంత శర్మ ధర్మాసనం పేర్కొంది. ఈ వివాదానికి సంబంధించిన ప్రధాన అంశాలు మహారాష్ట్రలోనే ఉన్నందున అక్కడి న్యాయస్థానమే సరైన వేదికగా కోర్టు అభిప్రాయపడింది. ఇటు ఆస్పత్రి వస్తువుల ధరలపైనా ఫోకస్‌కొన్ని హాస్పిటల్‌ కన్జ్యూమబుల్స్‌పై 150 నుంచి 2,800 శాతం వరకు మార్కప్‌ ఉన్నట్లు ఎఫ్‌డీఏ గుర్తించిందని తెలిపారు. ఉదాహరణగా రూ.11కు కొనుగోలు చేసిన ఇంట్రావీనస్‌ సెట్‌కు రూ.325 ఎంఆర్‌పీ ఉన్న విషయాన్ని ప్రస్తావించారు. ఈ అంశాన్ని పరిశీలించాలని నేషనల్‌ ఫార్మాస్యూటికల్‌ ప్రైసింగ్‌ అథారిటీ (NPPA)ని కోరినట్లు వెల్లడించారు. అయితే వైద్య చికిత్సలో నిత్యం ఉపయోగించే ఇలాంటి వస్తువులను ధరల నియంత్రణ పరిధిలోకి తీసుకురావాలా అనే అంశాన్ని అన్ని వర్గాలతో చర్చించాల్సి ఉందని ముండే చెప్పారు. ఇది వ్యవస్థాగత దోపిడీగా పరిగణించవచ్చా ? లేదా? అనేది NPPA తదుపరి పరిశీలనలో తేలుతుందని పేర్కొన్నారు.ఇదీ చదవండి: మహిళలు గ్యాస్‌ మొద్దును ఎత్తలేరా?-సుప్రీం కోర్టు

ప్రధానమంత్రి నరేంద్ర మోదీ జన్మదినం రోజే కాక్రోచ్‌ జనతా పార్టీ (CJP) సరికొత్త ఉద్యమానికి శ్రీకారం చుట్టింది. గిరిజన ప్రాంతాల్లోని పాఠశాలల పరిస్థితి, విద్యార్థుల సమస్యలను వెలుగులోకి తీసుకురావడమే లక్ష్యంగా ‘ఆదివాసీ స్కూల్‌ ఠీక్‌ కరో’ పేరుతో ఈ కార్యక్రమాన్ని తెరపైకి తెచ్చింది. గురువారం తన స్వరాష్ట్రం మహారాష్ట్రలోని గడ్చిరోలి నుంచి సీజేపీ వ్యవస్థాపకుడు అభిజీత్‌ దీప్కే ఈ పోరాటాన్ని ప్రారంభించారు.ఆదివాసీ స్కూల్‌ ఠీక్‌ కరో (Adivasi School Thik Karo)లో భాగంగా.. గిరిజన ప్రాంతాల్లోని స్కూళ్లలో మౌలిక వసతులు, విద్యార్థుల భద్రత, వసతి పరిస్థితులను సీజేపీ ప్రతినిధులు క్షేత్రస్థాయిలో పరిశీలిస్తున్నారు. పాఠశాలల్లో ఉన్న సమస్యలను గుర్తించి వాటిని ప్రభుత్వం, సంబంధిత అధికారుల దృష్టికి తీసుకెళ్లడం ఈ కార్యక్రమం ఉద్దేశమని దీప్కే తెలిపారు. ఇప్పటికే CJP దేశవ్యాప్తంగా స్కూల్‌ ఠీక్‌ కరో (School Thik Karo) పేరుతో ప్రభుత్వ పాఠశాలల పరిస్థితిపై కార్యక్రమాన్ని చేపట్టింది. దానికి కొనసాగింపుగానే గిరిజన విద్యార్థుల కోసం ప్రత్యేకంగా ఈ ఉద్యమాన్ని చేపడుతున్నట్లు తెలిపింది.వందల మంది మృతి!గిరిజన విద్యార్థుల సమస్యలను ప్రస్తావిస్తూ దీప్కే.. సంచలన ఆరోపణలకు దిగారు. మహారాష్ట్రలో గత రెండేళ్లలో 590 మందికి పైగా గిరిజన విద్యార్థులు మరణించారని ఆయన పేర్కొన్నారు. పాముకాట్లు వంటి నివారించగల ప్రమాదాలతోనూ విద్యార్థులు ప్రాణాలు కోల్పోతున్నారని అన్నారు. అలాగే మధ్యప్రదేశ్‌లోని బాలాఘాట్‌లోనూ ఇటీవల గిరిజన విద్యార్థుల మరణాలు చోటుచేసుకున్నాయని తెలిపారు.ఏకలవ్య పాఠశాలలపైనా ప్రశ్నలుఏకలవ్య మోడల్‌ రెసిడెన్షియల్‌ స్కూళ్ల పరిస్థితిపైనా సీజేపీ ప్రశ్నలు లేవనెత్తుతోంది. దేశవ్యాప్తంగా మంజూరైన 720 పాఠశాలల్లో 477 పనిచేయడం లేదని దీప్కే ఆరోపించారు. గిరిజన విద్యార్థుల ఉన్నత విద్యలో ప్రవేశాలపైనా ఆయన ఆందోళన వ్యక్తం చేశారు.‘అన్ని ప్రభుత్వాలూ నిర్లక్ష్యం చేశాయి’గిరిజన ప్రాంతాల్లోని పాఠశాలలను గత 80 ఏళ్లుగా ప్రభుత్వాలు నిర్లక్ష్యం చేశాయని దీప్కే ఆరోపించారు. పెద్ద నగరాల్లోని విద్యార్థులకు లభించే విద్యా సదుపాయాలు, భద్రత, నాణ్యమైన విద్య గిరిజన ప్రాంతాల పిల్లలకూ అందాలని అన్నారు. కేవలం ఆర్థిక వృద్ధి గణాంకాలు చెప్పడం సరిపోదని.. గ్రామీణ, గిరిజన ప్రాంతాల విద్యార్థులపై కూడా దృష్టి పెట్టాలని ప్రభుత్వాలను కోరారు.మోదీ బర్త్‌డే రోజే ఎందుకు?మోదీ జన్మదినం సెప్టెంబర్‌ 17నే సీజేపీ ఈ కొత్త కార్యక్రమాన్ని ప్రారంభించడం ఇప్పుడు ఆసక్తికరంగా మారింది. జెన్‌ జీ పోరాట వేదిక కావాలనే ఇలా చేసిందా? అని నెట్టింట చర్చ నడిచింది. అయితే ఇదేం ఉద్దేశపూర్వకంగా చేసింది కాదని దీప్కే స్పష్టత ఇచ్చారు. ముందుగా అనుకున్న ప్రణాళిక ప్రకారమే తాము ఉద్యమం మొదలుపెట్టామని అంటున్నారు.అంతకు ముందు.. ఆశుతోష్‌ రాంకా చేసిన ఓ పోస్ట్‌ మాత్రం తీవ్ర చర్చనీయాంశమైంది. దేశవ్యాప్తంగా విద్యాసంస్థల్లో ఈ ఉదయం ‘ఆశీర్వాద్‌ కా దియా’ పేరుతో దీపాలు వెలిగించాలని బీజేపీ పిలుపు ఇచ్చింది. అయితే ఇలా ఎందుకు అంటూ రాంకా ఓ ట్వీట్‌ చేశాడు. “గాయిస్‌‌.. చెప్పండి, దేశవ్యాప్తంగా విద్యాసంస్థల్లో ఆశీర్వాద దీపం వెలిగించమని ఎందుకు చెప్పారు? ఎవరి పుట్టినరోజో చెప్పండి?” అంటూ వ్యంగ్యంగా పోస్టు చేశారు.बताओ कल देशभर के कॉलेज को सुबह सुबह आशीर्वाद का दीया जलाने के लिए क्यो बोला गया है guys?बताओ कल सारे काम छोड़कर देशभर के टीचर्स को किसकी भक्ति करने के लिए कहा गया है guys?बताओ कल किसका जन्मदिन है guys? pic.twitter.com/ZkLdESTaQt— Ashutosh Ranka (@AshutoshRanka) September 16, 2026ఇదీ చదవండి: మోదీ గుండె ధైర్యానికి ఇదే ఎగ్జాంపుల్‌

నిరసనలు పలు రకాలు.. సమస్యను బట్టి వినూత్నంగా, వెరైటీగా చేపట్టేవి మరికొన్ని. కానీ వీధికుక్కల బెడదపై చేపట్టిన ఈ నిరసన మాత్రం అందరినీ అవాక్కయ్యేలా చేసింది. అధికారులెంతకూ పట్టించుకోవడం లేదంటూ ఏకంగా కుక్కలనే నగర పంచాయతీ కార్యాలయంలోకి తీసుకొచ్చి అధికారి టేబుల్‌పై వదిలేశారు. అంతేకాదు.. కరెన్సీ నోట్లతో దండ వేసి మరీ తమ నిరసనను వ్యక్తం చేశారు. దీనికి సంబంధించిన వీడియో ప్రస్తుతం ఎక్స్‌లో వైరల్‌గా మారి ట్రెండింగ్‌లోకి వచ్చింది.మహారాష్ట్రలోని నాసిక్‌ జిల్లా నిఫాడ్‌ నగర్‌ పంచాయతీ కార్యాలయంలో ఈ ఘటన చోటుచేసుకుంది. యువసేన జిల్లా అధ్యక్షుడు విక్రమ్‌ రాంధవే ఆధ్వర్యంలో కార్యకర్తలు ఈ నిరసన చేపట్టారు. చిన్న సంచుల్లో తీసుకొచ్చిన వీధికుక్కలను కార్యాలయంలోకి తీసుకెళ్లి చీఫ్‌ ఆఫీసర్‌ ధీరజ్‌ భామ్రే టేబుల్‌పై వదిలారు. దీంతో అవి అక్కడి నుంచి అటూ ఇటూ పరుగులు తీయడం వీడియోలో కనిపించింది.Yuva Sena district chief Vikram Randhave reportedly released 4–5 stray dogs inside the Niphad Nagar Panchayat chief officer’s office to protest the growing stray dog menace and alleged inaction by the civic body. 💀😭 pic.twitter.com/0wgQpHP00l— Ghar Ke Kalesh (@gharkekalesh) September 16, 2026నిఫాడ్‌ పట్టణంలో వీధికుక్కల సంఖ్య పెరిగిపోయిందని, వాటి వల్ల చిన్నారులు, వృద్ధులు, మహిళలు, వాహనదారులు ఇబ్బందులు ఎదుర్కొంటున్నారని కార్యకర్తలు ఆరోపించారు. పలువురు కుక్కకాటుకు గురయ్యారని, ఎన్నిసార్లు ఫిర్యాదులు చేసినా అధికారులు పట్టించుకోలేదని పేర్కొన్నారు. గణేశ్‌ ఉత్సవాల సమయంలో మండపాలకు వచ్చే ప్రజల్లోనూ వీధికుక్కల కారణంగా భయాందోళన నెలకొందని తెలిపారు.వీధికుక్కలకు స్టెరిలైజేషన్‌ నిర్వహించడంతోపాటు వాటిని పట్టుకునేందుకు తగిన చర్యలు చేపట్టాలని రాంధవే డిమాండ్‌ చేశారు. సమస్యను పరిష్కరించకుండా టెండర్‌ ప్రక్రియలపైనే అధికారులు దృష్టి పెడుతున్నారని ఆరోపించారు. వెంటనే చర్యలు తీసుకోకపోతే మరోసారి ఇదే తరహాలో అధికారుల కార్యాలయంలో కుక్కలను తీసుకొచ్చి నిరసన చేపడతామని హెచ్చరించారు.ఇటీవల మధ్యప్రదేశ్‌లోని ఖండ్వాలోనూ వీధికుక్కల సమస్యను నిరసిస్తూ ఓ వ్యక్తి కుక్క మాస్క్‌ ధరించి ప్రజావాణికి హాజరైన ఘటన వైరల్‌గా మారింది. తాజాగా నిఫాడ్‌లో కార్యకర్తలు ఏకంగా కుక్కలనే అధికారుల కార్యాలయంలోకి తీసుకురావడంతో ఈ నిరసనకు సంబంధించిన వీడియో సోషల్‌ మీడియాలో విస్తృతంగా చక్కర్లు కొడుతోంది.Khandwa, Madhya Pradesh - In a highly unusual form of protest, the Leader of the Opposition in the Khandwa Municipal Corporation, Deepak Rathore, arrived at the district Collectorate during a public hearing accompanied by a man wearing a dog mask. The demonstration was aimed at… pic.twitter.com/fkUih3zv4F— NextMinute News (@nextminutenews7) August 19, 2026ఇదీ చదవండి: మొసలిని ఇంటికి తెచ్చాడు.. అమ్మ మాటతో వెనక్కి వెళ్లాడు

ముంబై: నిన్న, మొన్నటి వరకు వివిధ హోటళ్లు, తినుబండరాలు, ఆహార పదార్ధాలు, స్వీట్లు, పాలు, పాలతో తయారయ్యే ఉత్పత్తులపై దాడులుచేసిన మహారాష్ట్ర ఫుడ్‌ అండ్‌ డ్రగ్స్‌ (ఎఫ్‌డీఏ) శాఖ అధికారులు ఇప్పుడు తమ పంథా మార్చుకున్నారు. ప్రజల ఆధ్వర్యంలో జరిగే వివిధ సామాజిక, సేవా కార్యక్రమాలపై దృష్టి సారించనున్నారు. ఈమేరకు ఉచిత అన్నదాన కార్యక్రమాలు, మహాప్రసాదాల పంపిణీ, లంగర్లు, పెళ్లి విందులపై నిఘా వేయనున్నట్లు మహారాష్ట్ర ఎఫ్‌డీఏ కమిషనర్‌ తుకారాం ముండే (Tukaram Mundhe) తెలిపారు.ఇకపై అన్ని కులాల, మతాల వారు నిర్వహించే సామూహిక అన్నదానం, ఇఫ్తార్‌ విందులు, లంగర్లు, వివాహ భోజనాలకు సంబంధించి ఏడు రోజుల ముందే ఎఫ్‌డీఏ అనుమతి తీసుకోవాలని స్పష్టం చేశారు. ఈ నిబంధనను ఉల్లంఘించేవారిపై కఠినచర్యలు తప్పవని ముండే హెచ్చరించారు. తుకారం ముండే ఎఫ్‌డీఏ కమీషనర్‌గా పదవీ బాధ్యతలు స్వీరించిన తరువాత కల్తీలపై దాడులు మరింత ఉధృతం చేశారు. ముంబైలో పేరుగాంచిన హోటళ్లు, రెస్టారెంట్లు, బార్లు, పబ్‌లు, బ్రాండెడ్‌ కంపెనీలపై దాడిచేసి వాటిని సీజ్‌ చేశారు. యజమానులపై చర్యలు తీసుకోవడమేగాకుండా లైసెన్స్, పర్మిట్లు రద్దు చేశారు. దీంతో అక్రమ, కల్తీ వ్యాపారుల్లో దడ మొదలైంది. మఫ్టీలో హాజరు..రహస్యంగా తనిఖీలు పండుగలు, ఉత్సవాల సమయంలో వివిధ కుల, మతాలవారు తమ నివాస సొసైటీలలో, టవర్ల, చాల్స్, భవనాల ఆవరణలో అన్నదాన కార్యక్రమాలు నిర్వహించడం పరిపాటి. దీంతోపాటు ముస్లిం సామాజిక వర్గంలో ఇఫ్తార్‌ విందులు, సిక్కులకు లంగర్లు, పెళ్లి భోజనాలు కూడా సాధారణం. త్వరలో గణేశోత్సవాలు, ఆ తరువాత నవరాత్రి ఉత్సవాలు, దసరా, దీపావళి, క్రిస్మస్‌ తదితర ప్రధాన పండుగల నేపథ్యంలో వివిధ సంస్దలు అన్నదాన, సేవా కార్యక్రమాలు నిర్వహిస్తాయి. ముందస్తు సమాచారం మేరకు ఎఫ్‌డీఏ అధికారులు మఫ్టీలో ఆయా కార్యక్రమాలకు హాజరై రహస్యంగా తనిఖీలు నిర్వహిస్తారు. ఎఫ్‌డీఏ నియమాలను సరిగా అమలుచేస్తున్నారా..? లేదా..? అనేది నిర్ధారిస్తారు. ఒకవేళ ఏదైనా అనుమానం వస్తే ఆహార పదార్ధాల నమూనాలను పరీక్షల నిమిత్తం ల్యాబ్‌కు పంపిస్తారని ముండే స్పష్టం చేశారు. గోదాములు, ఫ్యాక్టరీలపై నిఘా.. ప్రజల ఆరోగ్యంతో చెలగాటం ఆడే అధికారం ఎవరికి లేదు. ఆహర పదార్ధాలలో ఎలాంటి కల్తీ ఉండకూడదు. ప్రజలకు నాణ్యమైన, ఆరోగ్యకరమైన ఆహారం లభించాలనే ఉద్ధేశ్యంతోనే ఈ నిబంధనకు రూపకల్పన చేసినట్లు తుకారాం ముండే తెలిపారు. ఇందులో భాగంగా గోదాముల్లో నిల్వచేసిన సరుకులు, వాటిని ఉత్పత్తిచేసే ఫ్యాక్టరీలపై కూడా నిఘా వేయనున్నట్లు ఆయన వెల్లడించారు. అలాగే రోడ్లు, ఫుట్‌పాత్‌లపై ఆహార పదార్ధాలు విక్రయించే చిన్న క్యాంటీన్లు, తోపుడు బళ్లను కూడా తనిఖీ చేస్తారు. పాలు, పాలతో తయారయ్యే పనీర్, ఇతర ఉత్పత్తులు, ఐస్, మాంసాహారం, తాగు నీరు, స్వీట్లు, వంట నూనె, బేకరీ పదార్ధాల్లో కల్తీని గుర్తిస్తే సంబంధిత నిర్వాహకులు లేదా క్యాటరింగ్‌ యజమానులపై చర్యలు తప్పవని ముండే హెచ్చరించారు. బడా వ్యాపారులతోపాటు సార్వజనిక కార్యక్రమాల నిర్వాహకులను కూడా వదిలీ పెట్టేది లేదని తేల్చిచెప్పారు.ఇదీ చదవండి: మరో బాంబు పేల్చిన తుకారం ముండే గ్రేడ్ల వారీగా ఉత్సవాల విభజన ఇలా.. గ్రేడ్‌ 1–గణేశోత్సవాలు, నవరాత్రి ఉత్సవాలు, దసరా, దీపావళీ, ఈడ్, క్రిస్మస్, నూతన సంవత్సరం. గ్రేడ్‌ 2– మకర సంక్రాంతి, మహాశివరాత్రి, హోలీ, ఉగాది, ఆషాడ ఏకాదశి శ్రావణ మాసం, శ్రీకృష్ణ జన్మాష్టమి, ఉట్టి ఉత్సవాలు, కోజాగిరి పూర్ణిమ, గురునానక్‌ జయంతి, గ్రేడ్‌ 3–స్ధానిక జాతరలు, సంతలు, పల్లకీ పాద యాత్రలు, ఉర్సులు

ముంబై: దేశమంతటా లక్షలాది విగ్రహాలతో గణేశ ఉత్సవాలు సోమవారం నుంచి సందడిగా మొదలయ్యాయి. అయితే, మహారాష్ట్రలోని జల్నా నగరంలో, బంగారంతో పూత పూసిన, సుమారు రూ. 4 కోట్ల విలువైన 108 కిలోల వెండి గణేశుడు ప్రత్యేక ఆకర్షణగా నిలుస్తున్నాడు. ఈ విగ్రహాన్ని ఏకంగా 108 కిలోల వెండితో తయారు చేయడంతోపాటు ఆపై బంగారు పూత పూయడం విశేషం. ఈ విగ్రహం విలువ రూ.4 కోట్లుంటుందని అనోఖా గణేశ్‌ మండల్‌ వ్యవస్థాపకుడు అజయ్‌ భారతీయ చెప్పారు.‘వాస్తవానికి విగ్రహానిన 2023లో 107 కిలోల వెండితో తయారు చేయించారు. అయితే ఈ నాలుగేళ్లలో వెండి విలువ బాగా పెరిగింది. ఇటీవల ఈ విగ్రహానికి 50 తులాల బంగారంతో పూత వేయించడంతో దీని ప్రస్తుత బరువు 108 కిలోలకు చేరింది. ఈ ఏడాది వేడుకల్లో భక్తులు, కుటుంబాల కోసం అలంకరించిన శకటాలు, ఇతర ఆకర్షణలు ఉంటాయని మండల్ అధ్యక్షుడు రితేష్ మిశ్రా తెలిపారు. ఇదీ చదవండి: ‘క్వీన్‌ ఫిషర్‌’ యూట్యూబర్‌ జీవితం విషాదాంతంవిగ్రహాన్ని ఏడాది పొడవునా సురక్షిత మైన ప్రదేశంలో ఉంచుతారని, గణేష్ ఉత్సవాల సమయంలో దానిని బయటకు తీసి మండప ప్రాంగణంలో ప్రతిష్ఠిస్తారని తెలిపారు. 12 రోజుల పండుగ గణేష్ చతుర్థి ఉత్సవాలు సోమవారం ప్రారంభమైనాయి.ఇదీ చదవండి: ఒరాకిల్‌ వెతలు : పండగా పబ్బం లేకుండా 12 ఏళ్లు చాకిరి.. చివరికి!

మహారాష్ట్ర FDA కమిషనర్ తుకారాం ముండే మరో బాంబు పేల్చారు. రూ. 11 విలువైన IV సెట్ రూ. 325కి విక్రయిస్తున్నారంటూ ఆందోళన వ్యక్తం చేశారు. సామాన్యుడిపై ఈ రేంజ్‌లో భారాన్నిమోపడం ఎంతమాత్రం సమర్ధనీయం కాదని, దీనిపై జోక్యం చేసుకోవాలని కేంద్రాన్ని కోరారు. ఆసుపత్రుల్లో సాధారణంగా వాడే వైద్య సామాగ్రి ధరలను సమీక్షించాలనికోరారు. ఇప్పటికే ఆహార భద్రత, నిబంధనలపై విస్త్రృత దాడులు, జరిమానాలు, రద్దు లాంటి చర్యలతో పలు రెస్టారెంట్ల ఓనర్ల గుండెల్లో రైళ్లు పరిగెట్టిస్తున్న తుకారం ముండే మరో సంచలనానికి తెరలేపారు.రిటైల్ అండ్‌ వాణిజ్య మార్కెట్లలో విక్రయించే వైద్య పరికరాల ధరల తీరును అంచనా వేసేందుకు మహారాష్ట్ర స్టేట్ ప్రైస్ మానిటరింగ్ రిసోర్స్ యూనిట్ (MSPMRU) , ఫుడ్ అండ్ డ్రగ్స్ అడ్మినిస్ట్రేషన్ (FDA) నిర్వహించిన ఒక సర్వేలో దిగ్భ్రాంతికరమైన అంశాలు వెల్లడైనాయి. ఆసుపత్రులలో వాడే వైద్య పరికరాలపై భారీ దోపిడీ జరుగుతున్నట్లు వెల్లడైంది. కొనుగోలు ధరకు, గరిష్ట దరకు, MRPకి మధ్య వందల, వేల శాతాల వ్యత్యాసం ఉన్నట్లు తేలింది.ఈ సర్వే ప్రకారం కేవలం రూ. 11 విలువ చేసే ఐవీ సెట్ రూ. 325కి విక్రయిస్తున్నారు. అంటే దీనిపై లాభం ఏకంగా 2,841శాతం. రూ. 6.75 ఖరీదు చేసే 10 మి.లీ. సిరంజీని రూ. 57.20కి అమ్ముతున్నారు (747శాతం ఎక్కువ). రూ. 40-45 ఖరీదు చేసే నెబ్యులైజర్ మాస్క్ (Nebulizer Mask) ధర రూ. 652 నుంచి రూ. 715 వరకు బిల్లు వేస్తున్నారు (సుమారు 1,687 శాతం అదనం). అంతేకాదు రూ. 29.41 కొనుగోలు ధర గల క్యాథెటర్ దాని అసలు ధర కంటే 10 రెట్లు అధికంగా విక్రయిస్తున్నారు. ఈ లెక్కలు వాణిజ్య స్థాయిలో అదుపులేని లాభార్జన జరుగుతోందని అధికారులు పేర్కొనడానికి ఈ ఫలితాలు నిదర్శనంగా నిలుస్తున్నాయి.ఇదీ చదవండి: ఒరాకిల్‌ను వదిలేసిన టెకీ : ఏకంగా రూ. 9 కోట్ల వ్యాపారంఈ భారీ ధరల పెరుగుదల అహేతుకమైనది, అన్యాయమైందీ అంటూ తుకారాం ముండే ఈ దోపిడీని తీవ్రంగా ఖండించారు. ఆసుపత్రిలో చేరిన రోగులకు బేరాలాడే అవకాశం లేకపోవడంతో, ట్రేడింగ్ వర్గాలు దీనిని ఆసరాగా చేసుకుని విపరీతంగా లాభాలు గడిస్తున్నాయని ఆయన పేర్కొన్నారు. సాధారణ శస్త్రచికిత్స వినియోగ వస్తువులను (Surgical Consumables) డ్రగ్స్ (ప్రైసెస్ కంట్రోల్) ఆర్డర్ (DPCO), 2013 పరిధిలోకి తీసుకువచ్చి ధరలను నియంత్రించాలని ఆయన కేంద్ర ప్రభుత్వానికి లేఖ రాశారు.ఇదీ చదవండి: ఒరాకిల్‌ వెతలు : పండగా పబ్బం లేకుండా 12 ఏళ్లు చాకిరి.. చివరికి!

దశాబ్దాలుగా కొనసాగుతున్న భూవివాదం.. ఎన్నో ఏళ్లుగా అధికారుల చుట్టూ తిరిగినా పరిష్కారం కాని సమస్య. పైగా ఆ వెనక బీజేపీ ఎమ్మెల్యే ఉన్నారన్న ఆరోపణ. ఏం చేయాలో అర్థంకాని పరిస్థితుల్లో బాల్య స్నేహితుడ్ని కలిసి.. సీబీఐ విచారణ జరిపించాలని ఆ పెద్దాయన కోరారు. అవతలి ఉంది మాములు వ్యక్తి కాదు.. అందుకే వారం తిరగ్గ ముందే ఈ వ్యవహారం కీలక మలుపు తిరిగింది.ప్రధాని నరేంద్ర మోదీతో పాఠశాలలో కలిసి చదువుకున్న 81 ఏళ్ల అస్గర్‌ అలీ వోరా.. మహారాష్ట్రలోని భయందర్‌లో తన భూమి వివాదంపై సెప్టెంబర్‌ 8న మోదీని కలిశారు. ఇది జరిగిన.. వారం రోజుల్లోనే వివాదాస్పద స్థలంపై బీజేపీ ఎమ్మెల్యే నరేంద్ర మెహతా వెనక్కి తగ్గారు. భూమిపై తనకున్న స్వాధీనాన్ని వదులుకుంటున్నట్లు ప్రకటించడంతోపాటు, అక్కడ నిర్మాణానికి తీసుకున్న అనుమతులను కూడా సరెండర్‌ చేశారు. వోరాపై గతంలో ఇచ్చిన పోలీస్‌ ఫిర్యాదును సైతం ఉపసంహరించుకున్నారు.నాకేం తెలియదు: వోరామోదీతో చిన్నప్పుడు కలిసి చదువుకున్న వోరా.. ప్రస్తుతం ముంబై సమీపంలోని మీరా రోడ్‌లో నివసిస్తున్నారు. భయందర్‌ ఈస్ట్‌లోని నవ్‌ఘర్‌లో సుమారు 2,810 చదరపు మీటర్ల భూమిని 1989లో రిజిస్టర్డ్‌ ఒప్పందం ద్వారా కొనుగోలు చేశారు. తాను ఆ భూమిని ఎప్పుడూ విక్రయించలేదని, మరెవరికీ బదలాయించలేదని పేర్కొన్నారు.అయితే 2011లో తనకు తెలియకుండా భూమికి సంబంధించిన నకిలీ పత్రాలు సృష్టించి, ఆస్తిని రెండు భాగాలుగా విభజించినట్లు వోరా ఆరోపించారు. ఒక భాగాన్ని స్వయం బిల్డర్స్‌ పేరుతో, మరో భాగాన్ని నరేంద్ర మెహతాకు సంబంధించిన సెవెన్‌ ఎలెవన్‌ కన్‌స్ట్రక్షన్స్‌ పేరుతో చూపించినట్లు ఆయన పేర్కొన్నారు. తన భూమిపై నిర్మాణ అనుమతులు ఎలా ఇచ్చారనే అంశంపైనా అధికారులను ప్రశ్నించారు. ఈ వ్యవహారంపై సీబీఐ విచారణ జరపాలని కూడా ఆయన కోరారు.15 ఏళ్లుగా అధికారుల చుట్టూ తిరిగినా..ఈ వివాదాన్ని పరిష్కరించేందుకు దాదాపు 15 ఏళ్లుగా వివిధ ప్రభుత్వ విభాగాలను ఆశ్రయిస్తున్నానని వోరా తెలిపారు. 2015లో నకిలీ పత్రాలకు సంబంధించి ఎఫ్‌ఐఆర్‌ నమోదైందని, అయితే దర్యాప్తు నివేదిక చాలా ఆలస్యంగా వచ్చిందని ఆయన ఆరోపించారు. రెవెన్యూ, మున్సిపల్‌, పోలీసు విభాగాల అధికారులకు ఫిర్యాదులు చేసినా తగిన చర్యలు తీసుకోలేదని వోరా పేర్కొన్నారు. ఈ నేపథ్యంలోనే సెప్టెంబర్‌ 8న ప్రధాని మోదీని కలిసి తన సమస్యను వివరించారు. ఈ భేటీ అనంతరం మహారాష్ట్ర అధికార యంత్రాంగం కూడా ఈ వ్యవహారంపై దృష్టి సారించింది.మోదీ ఎఫెక్ట్‌.. సచివాలయంలో కీలక సమావేశంసెప్టెంబర్‌ 15న మహారాష్ట్ర సచివాలయంలో ముఖ్యమంత్రి ప్రధాన కార్యదర్శి శ్రీకర్‌ పరదేశి అధ్యక్షతన సమావేశం జరిగింది. ఇందులో అస్గర్‌ అలీ వోరాతో పాటు ఎమ్మెల్యే నరేంద్ర మెహతా, మీరా-భయందర్‌ మున్సిపల్‌ కమిషనర్‌ రాధా బినోద్‌ శర్మ, టౌన్‌ ప్లానర్‌ పురుషోత్తమ్‌ షిండే పాల్గొన్నారు.ఈ సమావేశంలో నరేంద్ర మెహతా టౌన్‌ ప్లానింగ్‌ విభాగానికి లేఖ ఇచ్చారు. వివాదాస్పద భూమిపై తాను కలిగి ఉన్న స్వాధీనాన్ని వదులుకుంటున్నట్లు, ఆ స్థలానికి మంజూరైన నిర్మాణ అనుమతిని కూడా సరెండర్‌ చేస్తున్నట్లు అందులో పేర్కొన్నారు. అయితే ఈ భూమిని తాను 2019లో మెర్విన్‌ ఫెర్నాండెజ్‌ అనే వ్యక్తి నుంచి కొనుగోలు చేసినట్లు మెహతా తన లేఖలో తెలిపారు.ఫిర్యాదు కూడా ఉపసంహరణఇదే సమయంలో వోరాపై గతంలో తాను చేసిన పోలీస్‌ ఫిర్యాదును ఉపసంహరించుకుంటున్నట్లు మెహతా పోలీస్‌ కమిషనర్‌కు మరో లేఖ రాశారు. ఇరు వర్గాల మధ్య రాజీ కుదిరినందున ఫిర్యాదును వెనక్కి తీసుకుంటున్నట్లు అందులో పేర్కొన్నారు. దీంతో ఎన్నో ఏళ్లుగా కొనసాగుతున్న ఈ భూవివాదానికి ఓ ఎండ్‌ కార్డ్‌ పడినట్లైంది.ఇదీ చదవండి: ఆ హిందుత్వ ఇన్‌ఫ్లుయెన్సర్‌కు ఊరట

కోటీశ్వరుడైన అరుల్‌ తల్లి చావుబతుకుల మధ్య ఉన్నప్పుడు అతడికి ఒక స్వామీజీ.. ‘నలభై ఎనిమిది రోజులు ఎవరికీ తెలియకుండా బిచ్చగాడిగా దీక్ష చేస్తే నీ తల్లి కోలుకుంటుంది’ అని సలహా ఇస్తాడు. స్వామిజీ సలహాను అనుసరించి నలభై ఎనిమిది రోజులు బిచ్చగాడిగా అవతారం ఎత్తి అష్టకష్టాలు పడతాడు అరుల్‌. అయితే ఇది ‘బిచ్చగాడు’ అనే సూపర్‌ హిట్‌ సినిమా కథ. ఇంచుమించు ఇలాంటి ఘటనే ముంబైలో జరిగి సంచలనం సృష్టించింది...మహారాష్ట్రలోని అత్యంత సంపన్న శాసన సభ్యులలో పరాగ్‌ షా ఒకరు. ఈయన ఘాట్‌కోపర్‌ తూర్పు నియోకవర్గ శాసనసభ్యుడు, వ్యాపారవేత్త. జైన సంప్రదాయంలోని ఒక ప్రత్యేక మాసం సందర్భంగా తన ఆధ్యాత్మిక గురువు సూచన మేరకు ముంబైలోని ఘాట్‌కోపర్‌ వీధుల్లో ఒకరోజు బిచ్చగాడి వేషధారణలో గడిపాడు షా. దీని కోసం భద్రతా సిబ్బందిని దూరం పెట్టాడు. ఖరీదైన వస్తువులు, వాహనాలను విడిచి పెట్టాడు. ప్రజలు తనను గుర్తు పట్టకుండా ఉండడానికి ప్రత్యేకంగా మేకప్‌ వేసుకొని రోజంతా భిక్షాటన చేస్తూ గడిపాడు.ఆ బీదలు దయాగుణ సంపన్నులు!‘ సమోసాలు అమ్మే వ్యక్తి పేదవాడు అయినప్పటికీ ఏమాత్రం అసహనం ప్రదర్శించకుండా నాకు సమోసాలు ఇచ్చాడు. ముంబై నగరం ఎలాంటిదంటే ఇక్కడ ప్రజలు ఎప్పుడూ ఒకరికొకరు సహాయం చేసుకోవడానికి సిద్ధంగా ఉంటారు’ అని ఆ అనుభవాన్ని గుర్తు తెచ్చుకున్నాడు షా. కోటీశ్వరుడైన షా భిక్షాటన చేయడమే కాకుండా, రోడ్డు పక్కన కూర్చొని బిచ్చగాడిలాగే తిన్నాడు. ఆ తరువాత తన మేకప్‌ను తీసేసుకొని, తాను ఇంతకు ముందు వెళ్లిన వారి దగ్గరకు వెళ్లాడు. ఆ వ్యక్తులతో మాట్లాడాడు. కృతజ్ఞతలు తెలియజేశాడు. బిచ్చగాడిగా తన అనుభవాలను సన్నిహితులతో, గురువుతో పంచుకున్నాడు. రియల్టర్‌ నుండి రాజకీయ నాయకుడిగా మారిన షా మొదట కార్పొరేటర్‌గా గెలిచాడు.మహారాష్ట్ర అసెంబ్లీ ఎలక్షన్స్‌–2024 కోసం సమర్పించిన అఫిడవిట్‌లో రూ.3,383 కోట్లకు పైగా విలువైన ఆస్తులు తనకు ఉన్నట్లు ప్రకటించాడు. తద్వారా రాష్ట్రంలో అత్యంత సంపన్న అభ్యర్థిగా నిలిచి అందరి దృష్టిని ఆకర్షించాడు.ఇలా అందరూ చేస్తే!బిచ్చగాడిగా షా వీడియో, ఫొటోలు సోషల్‌ మీడియాలో వైరల్‌ అయ్యాయి. నెటిజన్లు రకరకాలుగా స్పందించారు. ‘ఒక్క రోజో, రెండు రోజులో... ప్రతి ఒక్కరు బిచ్చగాడిగా మారితే మనకు కొత్త వెలుగు తప్పకుండా కనిపిస్తుంది’ అని ఒక నెటిజనుడు అభి్రపాయపడ్డాడు. ‘వాస్తవం’ అంటూ అతడితో చాలామంది ఏకీభవించారు.జీవన వాస్తవం‘ఈ అనుభవం నాకు జీవన వాస్తవికతను కళ్లకు కట్టింది. రోజూ కనిపించే గౌరవ మర్యాదలు లేవు. నన్ను కలవడానికి ప్రజలు క్యూ కడతారు. అదే ప్రజల దగ్గరికి నేను వెళ్లినప్పుడు వారు నా కంటే ఉన్నతమైన వారిగా, ఎక్కువ హోదా కలిగిన వారిగా కనిపించారు. అదే జీవనవాస్తవికత. ముంబై ప్రజలలోని సహజ దయాగుణం కూడా తెలిసింది’ అంటున్నాడు షా.ఒక వ్యక్తి షాకు ఇరవై రూపాయలు ఇచ్చి... ‘వెళ్లి భోజనం చెయ్‌ బాబా’ అన్నాడు. ఆ ఇరవై రూపాయలు తీసుకొని సమోసాలు అమ్మే వ్యక్తి దగ్గరకు వెళ్లాడు షా. ‘నా దగ్గర డబ్బులేవీ లేవు’ అని సమోసాలు అమ్మే వ్యక్తికి చె΄్పాడు. ఆయన విసుక్కోకుండా చిరునవ్వుతో సమోసాలు ఇచ్చాడు.

ముంబై: మహారాష్ట్రలోని అంబోలి జలపాతం వద్ద ఓ వ్యక్తి చిన్నారిని ఎత్తుకుని వెళ్తుండగా అకస్మాత్తుగా ఓ పాము అతడిపై పడింది. ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.జలపాతం వద్ద సందర్శకులు తిరుగుతున్న సమయంలో ఈ ఘటన చోటుచేసుకుంది. చిన్నారిని చేతుల్లో పట్టుకున్న వ్యక్తి ముందుకు వెళ్తుండగా పాము అకస్మాత్తుగా పై నుంచి అతడి మీదకు పడింది. ఊహించని పరిణామంతో అక్కడున్నవారు ఒక్కసారిగా అప్రమత్తమయ్యారు.పాము తనపై పడిన వెంటనే ఆ వ్యక్తి తీవ్రంగా స్పందించినట్లు వైరల్ దృశ్యాల్లో కనిపిస్తుంది. అతడి చేతుల్లో చిన్నారి ఉండటంతో పరిస్థితి మరింత ఆందోళనకరంగా మారింది. అయితే పాము కిందపడిన అనంతరం అక్కడి నుంచి వెళ్లిపోయినట్లు వీడియోలో కనిపిస్తోంది.వర్షాకాలంలో జలపాతాలు, అడవులను సందర్శించే సమయంలో పాములు, ఇతర వన్యప్రాణులు కనిపించే అవకాశం ఉంటుంది. ముఖ్యంగా ప్రకృతి ప్రాంతాల్లో రాళ్లు, చెట్లు, పొదల సమీపంలో జాగ్రత్తగా ఉండాలని నిపుణులు సూచిస్తుంటారు.అంబోలి జలపాతం వద్ద జరిగిన ఈ ఘటనలో ఎవరైనా గాయపడ్డారా అనే వివరాలపై స్పష్టత లేదు. అయితే చిన్నారితో ఉన్న సమయంలో పాము అకస్మాత్తుగా పడటం సందర్శకుల్లో భద్రతపై మరోసారి ఆందోళన కలిగించింది.జలపాతంలో పైనుంచి పామూ పడింది.. వైరల్ వీడియోమహారాష్ట్రలోని అంబోలి జలపాతం వద్ద కుటుంబంతో సరదాగా గడుపుతున్న సమయంలో ఒక్కసారిగా పైనుంచి భారీ పాము పడిందిచిన్నారిని ఎత్తుకుని ఉన్న వ్యక్తి పక్కనే పాము పడటంతో అక్కడున్నవారు హడలిపోయి కేకలు వేస్తూ పరుగులు తీశారు. ఇది కోబ్రా అనిపిస్తుంది pic.twitter.com/cUXm49jM7A— basker reddy (@chicagobachi) September 15, 2026

ఆయన రాష్ట్రంలోనే అత్యంత సంపన్న ఎమ్మెల్యేల్లో ఒకరు. కోట్లాది రూపాయల ఆస్తులు.. భద్రతా సిబ్బంది.. ఖరీదైన వాహనాలు.. ఎక్కడికి వెళ్లినా హంగామా. కానీ ఒక్కరోజు మాత్రం ఇవన్నీ పక్కనపెట్టి వీధుల్లో బిచ్చగాడిగా కూర్చున్నారు. చేతిలో డబ్బులు లేకపోయినా.. అడిగిన వారికి తనకు తోచినంతగా ఇవ్వమని కోరారు. చివరకు అదే రూపంలో వచ్చిన ఆహారాన్ని స్వీకరించి తిన్నారు. ఇంతకీ ఇదంతా ఎందుకు?మహారాష్ట్ర బీజేపీ ఎమ్మెల్యే పరాగ్‌ షా ఈ వింత అనుభవాన్ని స్వయంగా చవిచూశారు. జైన సంప్రదాయంలో కొనసాగుతున్న ప్రత్యేక మాసం సందర్భంగా తన ఆధ్యాత్మిక గురువు చేసిన సూచనతో ఆయన ఈ పని చేశారు. ముంబైలోని ఘాట్‌కోపర్‌ వీధుల్లో కొంతసేపు బిచ్చగాడి వేషంలో గడిపారు. ఇందులో భాగంగా.. తన భద్రతా సిబ్బందిని, వాహనాలను పక్కనపెట్టారు. ఖరీదైన వస్తువులన్నింటినీ వదిలి.. మేకప్‌ వేసుకుని తనను ఎవరూ గుర్తుపట్టకుండా జాగ్రత్తపడ్డారు. అనంతరం రోడ్లపై కూర్చుని ప్రజలను ఆహారం, డబ్బు అడిగారు.రూ.20.. సమోసా ఉచితం!ఈ అనుభవం తనకు జీవితంలోని వాస్తవ పరిస్థితులను అర్థం చేసుకునే అవకాశం ఇచ్చిందని పరాగ్‌ షా తెలిపారు. సాధారణంగా తనను కలవడానికి ప్రజలు వరుసలో నిలబడతారని.. కానీ తాను వారి దగ్గరకు వెళ్లినప్పుడు పరిస్థితి పూర్తిగా మారిపోయిందని చెప్పారు.ఓ వ్యక్తి తనకు రూ.20 ఇచ్చి “వెళ్లి తిను బాబా” అని చెప్పినట్లు షా గుర్తుచేసుకున్నారు. మరోవైపు ఓ సమోసా విక్రేత వద్దకు వెళ్లి తన దగ్గర డబ్బులు లేవని చెప్పగా.. అతడు ఎలాంటి డబ్బులు తీసుకోకుండా చిరునవ్వుతో సమోసా ఇచ్చాడని తెలిపారు.“నేను డబ్బులు లేవని చెప్పినా.. ఆ పేద చిరు వ్యాపారి ఏ మాత్రం మొహం చాటేయకుండా నవ్వుతూ సమోసా ఇచ్చాడు. ముంబై ప్రజల్లో ఒకరికొకరు సాయం చేసే గుణం ఉంది” అని షా తన అనుభవాన్ని వివరించారు.మేకప్‌ తొలగించి మళ్లీ అక్కడికే..కొన్ని గంటలపాటు బిచ్చగాడిగా గడిపిన తర్వాత పరాగ్‌ షా మేకప్‌ తొలగించుకున్నారు. అనంతరం తాను గతంలో తిరిగిన ప్రాంతాలకే వెళ్లి.. తనను గుర్తుపట్టని సమయంలో ప్రజలు ఎలా స్పందించారో మరోసారి పరిశీలించారు. ఈ అనుభవాన్ని తన గురువుతో పాటు ఇతరులతోనూ పంచుకున్నారు.₹5,000 CRORE MLA BECOMES A ‘BEGGAR’ FOR A DAYGhatkopar East MLA Parag Shah, known for his immense wealth, reportedly took on the life of a beggar as part of a spiritual exercise suggested by his Jain guru, Namramuni Maharaj.He gave up his security, luxury cars and expensive… pic.twitter.com/Vv601XljkQ— Subodh Kumar (@kumarsubodh_) September 15, 2026తనకు లభించే గౌరవం, హోదా, అధికారాల వెనుక ఉన్న భిన్నమైన ప్రపంచాన్ని ఈ అనుభవం చూపించిందని షా అన్నారు. “నన్ను కలవడానికి వచ్చే ప్రజలే.. నేను వారి దగ్గరకు వెళ్లినప్పుడు నాకంటే ఎత్తుగా కనిపించారు. అదే జీవితంలోని వాస్తవం” అని ఆయన వ్యాఖ్యానించారు.రిచ్చెస్ట్‌ ఎమ్మెల్యేఘాట్‌కోపర్‌ ఈస్ట్‌ నుంచి బీజేపీ ఎమ్మెల్యేగా ఉన్న పరాగ్‌ షా రియల్‌ ఎస్టేట్‌ వ్యాపారంలో ఉన్నారు. 2024 మహారాష్ట్ర అసెంబ్లీ ఎన్నికల సందర్భంగా ఆయన సమర్పించిన అఫిడవిట్‌లో రూ.3,383 కోట్లకు పైగా ఆస్తులను ప్రకటించారు. దీంతో అప్పట్లో మహారాష్ట్రలోనే అత్యంత సంపన్న అభ్యర్థిగా నిలిచారు. రాజకీయాల్లోకి రాకముందు వ్యాపారవేత్తగా ఉన్న ఆయన.. బృహన్‌ ముంబై మున్సిపల్‌ కార్పొరేషన్‌ (బీఎంసీ)లో కార్పొరేటర్‌గానూ పనిచేశారు.ఇంతటి సంపద, హోదా ఉన్న వ్యక్తి ఒక్కరోజు అన్నింటినీ పక్కనపెట్టి సామాన్యుడిలా, చివరకు బిచ్చగాడి రూపంలో ప్రజల మధ్య కూర్చోవడం ఇప్పుడు సోషల్‌ మీడియాలో చర్చనీయాంశంగా మారింది. అయితే తనకు ఈ అనుభవం “జీవితంలోని వాస్తవాన్ని చూపించింది” అని పరాగ్‌ షా చెప్పడం అసలు ఉద్దేశాన్ని స్పష్టం చేస్తోంది.

ముంబై: మహారాష్ట్రలోని యవత్మాల్‌లో జాతర వేళ ఘోర ప్రమాదం జరిగింది. ఫెరిస్ వీల్‌లో జుట్టు చిక్కుకోవడంతో బాలీ మారోతి తాలికోటే (25) అనే యువతి తీవ్రంగా గాయపడ్డారు. ఆమె తలపై చర్మంలో కొంత భాగం పూర్తిగా ఊడిపోయింది. యవత్మాల్‌ జిల్లా మహాగావ్‌ తాలూకాలో తంహా పోలా పండుగ సందర్భంగా ఒకరోజు జాతర నిర్వహించారు. సమీప గ్రామాల నుంచి పెద్ద సంఖ్యలో మహిళలు, పిల్లలు పునేశ్వర్ మహాదేవ్ ఆలయానికి వచ్చారు.ఫుల్సావంగి గ్రామానికి చెందిన బాలీ మారోతి తాలికోటే జాతరకు వచ్చి ఫెరిస్ వీల్ ఎక్కారు. అది వేగంగా తిరుగుతున్న సమయంలో ఆమె జుట్టు సీటు వెనుక ఉన్న తిరిగే బేరింగ్‌లో చిక్కుకుంది. ఫెరిస్ వీల్‌ వేగంగా తిరుగుతుండటంతో ఆమె జుట్టు ఒక్కసారిగా బలంగా లాగినట్లయింది. దీంతో తలపై చర్మంలో పెద్ద భాగం ఊడిపోయింది. తీవ్ర నొప్పితో ఆమె కేకలు వేయడంతో అక్కడున్న వారు గమనించారు. రక్తంతో ఉన్న ఆమెను చూసి జాతరలో భయాందోళనలు నెలకొన్నాయి.సమాచారం అందుకున్న సహాయ పోలీసు ఇన్‌స్పెక్టర్ సునీల్ అంబురే, పోలీసు కానిస్టేబుల్ సుహాస్ కాయ్టే అక్కడికి చేరుకున్నారు. వేగంగా తిరుగుతున్న ఫెరిస్ వీల్‌ను స్థానికుల సహాయంతో నిలిపివేశారు. అనంతరం బాధిత యువతిని సురక్షితంగా ఫెరిస్ వీల్‌ నుంచి బయటకు తీసి చికిత్స కోసం ఆసుపత్రికి తరలించారు. Instagramలో ఈ పోస్ట్‌ని వీక్షించండి Bharat Squad (@thebharatsquad) ద్వారా పోస్ట్ భాగస్వామ్య చేయబడింది

ఒక్కోసారి ఎప్పుడు సాగుచేసే పంటను సాగు చేసినా..ఊహించని విధంగా విపరీతమైన నష్టాలు చవిచూస్తుంటాం. అధిక దిగుబడి వల్ల గిట్టుబాటు ధర లేకోవడమో లేక ఇతర కారణాల వల్లే విపరీతమైన నష్టాలను చవిచూస్తుంటాం. అలాంటప్పడు సరైన నిర్ణయం తీసుకుని..కాస్త తెలివిగా వ్యవహరిస్తే..కనక వర్షం కురిసేలా లాభాలు కూడా పొందొచ్చు. అదే చేసి చూపించాడు ఈ యువ రైతు. అతడే మహారాష్ట్రకు చెందిన అర్జున్‌ సబాలే. అతడి కుటుంబం బంతి, చామంతి పువ్వులను సాగు చేసి, వాటి అమ్మకం కోసం ముంబై తీసుకువెళ్లేవారు. అయితే ధరలు పడిపోవడం, పోటీ పెరడగం వంటి కారణాలతో నష్టాలు రావడం మొదలైంది. తమ కుటంబ పొలం లాభదాయకంగా మార్చడానికి ఏం చేయాలో తోచేది కాదు. ఏం చేద్దాం అని సబాలే ఆలోచిస్తున్న తరుణంలో సురక్షిత వ్యవసాయం వైపుకి అడుగులు వేశాడు. సుమారు పావు ఏకరం భూమిలో ఈసారి గులాబీలు పెంచి చూడాలని అనుకున్నాడు. ఏదో చిన్న ప్రయోగంగా మొదలైన పూల పెంపకం కాస్తా ఏడాది పొడవునా ఆదాయన్ని అందించే పూల వ్యాపారంగా అభివృద్ది చెందింది. బీఏస్సీ అగ్రీకల్చర్‌ చదువుతున్నప్పుడే..వివిధ పంటలను అధ్యయనం చేయడానికి పొలాలను సందర్శించడం ప్రారంభించాడు. అక్కడ పాలీహౌస్‌ సాగును చూసి రక్షిత పూల సాగువైపుకి అడుగుపెట్టాడు. ఆ సమయంలోనే గులాబీల సాగుని క్షుణ్ణంగా గమనించాడు సబాలే. అలా బెంగుళూరుకి చెందిన ఒక రైతు నుంచి గులాబీ కాండాలను ఒక్కొక్కటి రూ. 12ల చొప్పున కావల్సినన్ని మొక్కలు కొని పావు ఎకరం భూమిలో నాటాడు. అందుకోసం సుమారు రూ. 8000లు వరకు పెట్టుబడి పెట్టాడు. జస్ట్‌ పదివేల చదరుపు అడుగుల భూమిలో గులాబీలు ప్రారంభించి, క్రమంగా విస్తరించాడు. ఆ తోటలో సుమారు 500 గులాబీలు పైనే పూసేవి, వాటిని ఒక్కోక్కటి కనీసం రూ. 5లకు చొప్పున అమ్మిన రోజుకు దాదాపు రూ. 25000/- దాక సంపాదించేవాడు. ఈ రాబడితో అతడు తోటను విస్తరించడమే గాక జెర్బెరా వంటి డెకరేటెడ్‌ పూల మొక్కలను కూడా పెంచడం ప్రారంభించాడు. అలా పావు ఎకరం నుంచి ఎకరం భూమిలో ఒక్కో రకం 16,000 మొక్కలతో గులాబీలు, జెర్బెరాలను పండించడం ప్రారంభించాడు. అలా సబాలే తన వ్యవసాయ క్షేత్రంలో ప్రతిరోజూ సుమారు వెయ్యి గులాబీలు, రెండు వేల జెర్బారాలు పూస్తున్నాయి. ఒక్కో గులాబీకి రూ. 5లు, ఒక్కో జెర్బెరా కాడకు రూ. 4 లు చొప్పున రోజుకు రూ. 5వేల నుంచి రూ. 8 వేల దాక ఆదాయం వస్తోంది. అంటే నెల వచ్చేటప్పటికీ రూ. 3.5 లక్షల టర్నోవర్‌ని ఆర్జిస్తున్నాడు. అంటే నికర లాభం రూ. 2.5 లక్షలు ఉంటుంది. సబాలే గులాబీలు, జెర్బెరాలను సహజసిద్ధమైన వెంటిలేషన్‌ ఉన్న పాలీహౌస్‌లో పెంచుతాడు. గాలి ప్రసరణ కోసం పవర్డ్‌ కూలింగ్‌ ఫ్యాన్‌లకు బదులుగా రూఫ్‌ వెంట్లు, సైడ్‌ కర్టెన్లను ఉపయోగిస్తారు. ఆయన పావు ఎకరంలో ప్రారంభించినప్పుడు వీటన్నింటిని ఏర్పాటు చేయడానికి దాదాపు రూ. 3 లక్షలు దాక ఖర్చయింది. అయితే ఈ మొక్కలు ఐదు నుంచి ఏడేండ్ల వరకు దిగుబడి ఇస్తూనే ఉంటాయి కాబట్టి పెట్టుబడిని చాలా ఏళ్లు పాటు విస్తరించుకోవచ్చు అని అంటున్నాడు సబాలే. అలాగే తన పువ్వులను నేరుగా స్టాల్స్‌, హోల్‌సెల్‌ మార్కెట్లకు అమ్ముతుంటాడు. అయితే డిమాండ్‌ని బట్టి పువ్వులను బెంగళూరు, వడోదర, అహ్మదాబాద్‌, హైదరాబాద్‌, ముంబైలకు సరఫరా చేస్తుంటానని చెబుతున్నాడు సబాలే.ఇదీ చదవండి: అది మన డీఎన్‌ఏలోనే ఉంది ..! మాధవన్‌ కుమారుడు వేదాంత్‌

ముంబై: ఇతరుల డ్రెస్‌ వేసుకోవడం, వారి వస్తువులను వాడుకోవడమంటే కొందరికి చెడ్డ చిరాకు. అలాగే, చెప్పకుండానే ఇతరులు తమ డ్రెస్‌ను వేసుకోవడాన్ని, వస్తువులు వాడుకోవడాన్ని ఏమాత్రం సహించలేరు. ముంబైలోని గోరెగావ్‌ ప్రాంతంలో సరిగ్గా ఇలాంటిదే జరిగింది. ఇది ఇద్దరు మిత్రుల మధ్య చిచ్చుపెట్టింది. ఆగ్రహంతో కొట్లాడుకున్నారు. ఒకరు ప్రాణాలు కోల్పోయారు.సూరజ్‌ శంకర్‌ ధోలె(26), బాబా సాహెబ్‌ అలియాస్‌ సుబోధ్‌ భీమ్‌రావ్‌ వాంఘ్మారేలు గోరెగావ్‌లోని ఓ పెట్‌ కేర్‌ సెంటర్‌లో పనిచేస్తున్నారు. ఇద్దరూ ఒకే గదిలో ఉంటున్నారు. అయితే, ధోలె తరచుగా వాంఘ్మారే డ్రెస్‌లు వేసుకోవడం, అతడి వస్తువులను వాడుకోవడం చేస్తున్నాడు. ఇది వాంఘ్మారేకు ఏమాత్రం నచ్చడం లేదు.తన అనుమతి లేకుండానే ధోలె ఇలా చేయడంపై వాంఘ్మారేకు కోపంగా ఉంది. దీనిపై శుక్రవారం ఇద్దరి మధ్య వాగ్వాదం జరిగింది. ఈ సందర్భంగా జరిగిన ఘర్షణలో వాంఘ్మారే చేతిలో ధోలె ప్రాణాలు కోల్పోయాడు. ధోలె తండ్రి శంకర్‌ ఫిర్యాదు మేరకు హత్య కేసు నమోదు చేసిన పోలీసులు..పరారీలో ఉన్న వాంఘ్మారే కోసం గాలింపు చేపట్టారు.ఇదీ చ‌ద‌వండి: గుజ‌రాత్‌కు ఎందుకు త‌ర‌లించారు?

వినాయక చవితి వచ్చిందంటే చాలు దేశమంతా గణనాథుని నామస్మరణతో మార్మోగిపోతుంది. అయితే మహారాష్ట్రలో ఈ పండుగకు మరో ప్రత్యేకత ఉంది. గణపయ్యను ఒక్కచోట దర్శించుకోవడం కాదు.. ఎనిమిది పవిత్ర క్షేత్రాల్లో ఎనిమిది విశిష్ట రూపాల్లో కొలువైన విఘ్నేశ్వరుడిని దర్శించుకోవడమే ‘అష్టవినాయక యాత్ర’. స్వయంభూ గణేశులుగా భక్తులు విశ్వసించే ఈ ఎనిమిది ఆలయాలు.. ఒక్కోటి ఒక్కో ప్రత్యేకతతో భక్తులను ఆకట్టుకుంటున్నాయి. ఈ ఎనిమిది క్షేత్రాలు మహారాష్ట్రలోని పుణె, రాయ్‌గఢ్‌, అహ్మద్‌నగర్‌ జిల్లాల్లో ఉన్నాయి. గణేశ చతుర్థి సందర్భంగా ఈ ఆలయాలు భక్తులతో కిటకిటలాడుతుంటాయి. అసలు ఈ సంప్రదాయ అష్టవినాయక యాత్ర ఎక్కడ మొదలై.. ఎక్కడ ముగుస్తుందో ఇప్పుడు తెలుసుకుందాం.వినాయక చవితి వేళ మహారాష్ట్రలోని గణేశ ఆలయాలు భక్తులతో సందడిగా మారుతాయి. ముఖ్యంగా అష్టవినాయక యాత్రకు ఈ సమయంలో మరింత ప్రాధాన్యత ఉంది. సంప్రదాయంగా ఈ యాత్ర మొరగావ్‌ నుంచి ప్రారంభమై తిరిగి అక్కడే ముగుస్తుంది.1. మొరగావ్‌ మయూరేశ్వరుడుఅష్టవినాయక యాత్రలో మొరగావ్‌లోని శ్రీ మయూరేశ్వర ఆలయం తొలి, చివరి దర్శన స్థలంగా ఉంటుంది. ఇక్కడ గణేశుడిని మయూరేశ్వరుడు లేదా మృగమూర్తి రూపంలో పూజిస్తారు. ఈ రూపానికి వాహనం నెమలి అని చెబుతారు. మహారాష్ట్ర టూరిజం సమాచారం ప్రకారం.. అష్టవినాయక సంప్రదాయంలో ఈ ఆలయానికి అత్యంత ముఖ్యమైన స్థానం ఉంది. అందుకే సంప్రదాయ యాత్రలో మొరగావ్‌ ప్రత్యేక ప్రారంభ, ముగింపు క్షేత్రంగా నిలుస్తుంది.2. సిద్ధటెక్‌ సిద్ధివినాయకుడుఅష్టవినాయక యాత్రలో తదుపరి ముఖ్యమైన క్షేత్రం సిద్ధటెక్‌లోని సిద్ధివినాయక ఆలయం. ఇక్కడ గణేశుడిని ‘సిద్ధివినాయకుడు’గా భక్తులు ఆరాధిస్తారు. ఈ ఆలయం పౌరాణిక ప్రాధాన్యంతో ప్రసిద్ధి చెందింది. అష్టవినాయక యాత్రలో భాగంగా ఈ క్షేత్రాన్ని దర్శించడం సంప్రదాయంలో ముఖ్యమైన అంశంగా భావిస్తారు.3. పాలి బల్లాళేశ్వరుడురాయ్‌గఢ్‌ జిల్లాలోని పాలి గ్రామంలో ఉన్న బల్లాళేశ్వర ఆలయానికి ప్రత్యేకమైన గుర్తింపు ఉంది. అష్టవినాయక ఆలయాల్లో గణేశుడి పేరుతో కాకుండా ఆయన భక్తుడైన బల్లాళుడి పేరుతో ఉన్న ఏకైక ఆలయం ఇదే. గణేశుడిపై బల్లాళుడికి ఉన్న భక్తితో ఈ ఆలయ కథ ముడిపడి ఉంది. అందువల్ల అష్టవినాయక క్షేత్రాల్లో బల్లాళేశ్వర ఆలయానికి ప్రత్యేక స్థానం ఉంది.4. మహడ్‌ వరదవినాయకుడురాయ్‌గఢ్‌ జిల్లాలోని మహడ్‌లో వరదవినాయక ఆలయం ఉంది. అష్టవినాయక యాత్రలో ఇది మరో ముఖ్యమైన మజిలీ. ఇక్కడ గణేశుడిని వరదవినాయక రూపంలో పూజిస్తారు. ఆనందం, సౌభాగ్యం, సమృద్ధి, మనశ్శాంతి కోసం భక్తులు ప్రధానంగా స్వామివారిని ప్రార్థిస్తారు. అష్టవినాయక సంప్రదాయంలోని ప్రముఖ గణేశ క్షేత్రాల్లో ఇది కూడా ఒకటి.5. థేవూర్‌ చింతామణిపుణె సమీపంలోని థేవూర్‌లో చింతామణి ఆలయం ఉంది. అష్టవినాయక యాత్రలో ఇది కూడా కీలకమైన క్షేత్రం. ప్రశాంతమైన వాతావరణంతో పాటు అధికమైన ఆధ్యాత్మిక ప్రాధాన్యానికి ఈ ఆలయం ప్రసిద్ధి చెందింది. మహారాష్ట్ర టూరిజం ప్రకారం.. మూళా, ముఠా, భీమా నదుల సంగమ ప్రాంతానికి సమీపంలో ఈ ఆలయం ఉంది. దీంతో భక్తులకు ఆధ్యాత్మిక అనుభూతితో పాటు ప్రశాంతత కూడా లభిస్తుంది.6. లేణ్యాద్రి గిరిజాత్మజుడులేణ్యాద్రిలోని గిరిజాత్మజ ఆలయం ప్రత్యేక ఆరాధనా రూపానికి ప్రసిద్ధి చెందింది. అష్టవినాయక ఆలయాల్లో గణేశుడిని బాలరూపంలో పూజించే ఏకైక క్షేత్రంగా దీనికి గుర్తింపు ఉంది. పార్వతిదేవి తపస్సు అనంతరం గణేశుడు ఇక్కడ గిరిజాత్మజుడిగా ప్రత్యక్షమయ్యాడనే నమ్మకం ఉంది. ఈ కారణంగా అష్టవినాయక యాత్రలో గిరిజాత్మజ క్షేత్రం ప్రత్యేక ఆకర్షణగా నిలుస్తుంది.7. ఓజర్‌ విఘ్నేశ్వరుడుఓజర్‌లోని విఘ్నేశ్వర గణపతి ఆలయం కూడా అష్టవినాయక యాత్రలోని ముఖ్యమైన క్షేత్రాల్లో ఒకటి. ఈ ఆలయం నిర్మాణశైలి, బంగారు విగ్రహాల కారణంగా ప్రసిద్ధి చెందింది. ఇక్కడ గణేశుడిని ‘విఘ్నేశ్వరుడు’గా, అంటే అడ్డంకులను తొలగించే స్వామిగా పూజిస్తారు. అష్టవినాయక సంప్రదాయంలో ఈ ఆలయానికి కూడా ప్రత్యేకమైన ప్రాధాన్యం ఉంది.8. రంజన్‌గావ్‌ మహాగణపతిఅష్టవినాయక యాత్రలో ఎనిమిదో ప్రధాన ఆలయం రంజన్‌గావ్‌లోని మహాగణపతి ఆలయం. ఇది పుణెకు సుమారు 50 కిలోమీటర్ల దూరంలో ఉంది. అష్టవినాయక సంప్రదాయంలో ఈ ఆలయానికి ప్రత్యేక స్థానం ఉంది. ఈ క్షేత్రానికి సంబంధించిన కథ శివుడు, త్రిపురాసురుడి కథతో ముడిపడి ఉంది. ఇలా ఎనిమిది గణేశ క్షేత్రాల దర్శనంతో అష్టవినాయక యాత్ర పూర్తవుతుంది. గణేశ చతుర్థి సందర్భంగా ఈ ఆలయాల్లో భక్తుల రద్దీ కనిపిస్తుంది. యాత్రకు వెళ్లాలని భావించేవారు దర్శన సమయాలు, స్థానిక రవాణా సదుపాయాలు, పండుగ సమయంలో అమల్లో ఉండే ప్రయాణ సంబంధిత సమాచారాన్ని ముందుగానే తెలుసుకుని వెళ్లడం ఉత్తమం.ఇది కూడా చదవండి: ‘కలల కశ్మీరం’లో థియేటర్లు ఎందుకు మూతపడ్డాయి?

మహారాష్ట్రలోని నాగ్‌పూర్‌లో స్టేట్ బ్యాంక్ ఆఫ్ ఇండియా (SBI) శాఖలో చోరీ యత్నం కలకలం రేపింది. సినీ ఫక్కీలో బ్యాంక్‌ కస్టమర్‌లా ఎంట్రీ ఇచ్చిన ఒక నిరుద్యోగి క్యాష్‌ కౌంటర్‌ వద్ద గలాటా సృష్టించాడు. బ్యాంక్ సిబ్బంది కళ్లలో కారం చల్లి, రూ. 4 లక్షల నగదుతో పరారు కావడానికి ప్రయత్నించిన దృశ్యాలు సీసీటీవీలో రికార్డైనాయి. ప్రస్తుతం ఈ వీడియో నెట్టింట హల్‌ చల్‌ చేస్తోంది.పోలీసుల సమాచారం ప్రకారం నిందితుడిని 28 ఏళ్ల సూరజ్ భోజ్‌రాజ్ బోర్కర్‌గా గుర్తించారు. ఇతను B.Sc పూర్తి చేసి నిరుద్యోగిగా ఉన్నాడు. సాధారణ వినియోగ దారుడిలా నటిస్తూ బ్యాంక్‌లోకి ప్రవేశించి, క్యాష్ కౌంటర్ వద్దకు చేరుకున్నాడు. అనంతరం ఒక్కసారిగా బ్యాంక్ సిబ్బంది కళ్లలో కారం పొడి చల్లడంతో అక్కడంతా గందరగోళ పరిస్థితి నెలకొంది. దీంతో రూ. 4 లక్షల నగదుని తస్కరించి అక్కడినుంచి ఉడాయించాడు. కానీ బ్యాంక్ సిబ్బంది, అక్కడే ఉన్న కొందరు పోలీసులు నిందితుడిని వెంటాడారు. బ్యాంక్‌కు సుమారు కిలోమీటర్ దూరంలో, ఘటన జరిగిన 30 నిమిషాల్లోనే అతడిని పట్టుకున్నారు.ఇదీ చదవండి: కలకలం : భార్య, ముగ్గురు కుమార్తెల్ని హత్య చేసి పరార్‌ महाराष्ट्र,नागपुर इनसे मिलिए,इनका नाम है सूरज भगवा कपड़ा पहन कर उसका भी इज़्ज़त डूबा दिए,दरअसल इसने SBI बैंक में चोरी की प्लानिंग की और लालमिर्च का पाउडर कर्मचारियों के आँख में झोंक दिया,कम से कम 4.5 लाख लेकर फरार हुआ था लेकिन कुछ ही देर में धर लिया गया pic.twitter.com/fXzOd3DUJ4— Anvi Yadav (@Yadavanviroyal) September 11, 2026 పోలీసులు అతని వద్ద నుండి దొంగిలించిన రూ. 4 లక్షల పూర్తి మొత్తాన్ని స్వాధీనం చేసుకున్నారు. అతను ఉద్యోగం లేకపోవడం వల్లే ఈ దోపిడీకి ఒడిగట్టాడని అధికారులు అనుమానిస్తున్నారు. ఈ నేరానికి గల ఖచ్చితమైన కారణాలు, ఇందులో ఇంకెవరి పాత్ర ఉంది అనే కోణంలో పోలీసులు విచారణ జరుపుతున్నారు.ఇదీ చదవండి: బ‌సంతి పులావ్‌-చేపల ప్రసాదాన్ని స్వీకరించిన బెంగాల్‌ సీఎం

సాక్షి ముంబై: జాతీయ చలనచిత్ర అవార్డుల ప్రదాన వేదికను గుజరాత్‌లోని కెవాడియాకు తరలించడంపై మహారాష్ట్ర నవనిర్మాణ సేన (ఎమ్మెన్నెస్‌) అధ్య‌క్షుడు రాజ్‌ ఠాక్రే తీవ్ర అభ్యంతరం వ్యక్తంచేశారు. 72 ఏళ్లుగా ఢిల్లీలో కొనసాగుతున్న సంప్రదాయాన్ని ఇప్పుడు కొత్తగా మార్చాల్సిన అవసరం ఏమొచ్చిందని నిలదీశారు. కార్యక్రమాన్ని ఢిల్లీ నుంచి తరలించాలనుకుంటే భారతీయ చిత్ర పరిశ్రమకు ప్రధాన కేంద్రంగా ఉన్న ముంబైను ఎందుకు పరిగణనలోకి తీసుకోలేదని ప్రశ్నించారు. గుజరాత్‌కు ప్రాధాన్యం ఎందుకు?ఈనెల 22న రాష్ట్రపతి ద్రౌపదీ ముర్ము చేతుల మీదుగా గుజరాత్‌లోని కెవాడియా (ఏక్తానగర్‌)లో జాతీయ చలనచిత్ర అవార్డుల ప్రదానోత్సవం జరగనుంది. 1954లో ప్రారంభమైన ఈ అవార్డుల వేడుక ఇన్నేళ్లుగా ఢిల్లీలోనే జరుగుతోంది. తొలిసారిగా రాజధాని వెలుపల కార్యక్రమాన్ని నిర్వహించనుండటంపై రాజ్‌ ఠాక్రే సామాజిక మాధ్యమం వేదికగా స్పందించారు. ప్రధాని నరేంద్ర మోదీ, కేంద్ర హోంమంత్రి అమిత్‌ షాలపై విమర్శలు గుప్పించారు.దేశంలోని కీలక కార్యక్రమాలు, ప్రాజెక్టుల విషయంలో గుజరాత్‌కే వరుసగా ప్రాధాన్యం ఇస్తున్నారని ఆరోపించారు. దీనివల్ల దేశ అభివృద్ధికి గుజరాతే కేంద్రం అన్న భావనను కల్పించే ప్రయత్నం జరుగుతోందా? అని ప్రశ్నించారు. భారతీయ చిత్ర పరిశ్రమకు పునాది వేసిన దాదాసాహెబ్‌ ఫాల్కే మహారాష్ట్రకు చెందినవారని రాజ్‌ ఠాక్రే గుర్తుచేశారు. దేశంలో అత్యధిక చిత్రాల నిర్మాణం జరిగే ప్రాంతాల్లో మహారాష్ట్రతోపాటు తమిళనాడు, కేరళ, ఆంధ్రప్రదేశ్, తెలంగాణ ఉన్నాయని పేర్కొన్నారు. అలాంటి రాష్ట్రాల్లో ఏదో ఒకదానిని ఎంపిక చేయకుండా గుజరాత్‌నే ఎందుకు ఎంచుకున్నారని ప్రశ్నించారు.ఇదీ చ‌ద‌వండి: 'ఐడీ కార్డులు చెక్ చేయండి.. మ‌తాన్ని కాదు''‘జాతీయ చలనచిత్ర అవార్డుల వేడుకను ఢిల్లీ నుంచి తరలించాల్సిన అవసరం ఏమిటి? ఒకవేళ అలా తరలించాలనుకుంటే భారతీయ చిత్ర పరిశ్రమకు కేంద్రంగా ఉన్న మహారాష్ట్రను ఎందుకు పరిగణనలోకి తీసుకోలేదు?’’ అని ఆయన ప్రశ్నించారు. భారతదేశపు ప్రస్తుత స్థాయికి ఏ ఒక్క రాష్ట్రం మాత్రమే కారణం కాదని.. దేశంలోని అన్ని ప్రాంతాల ప్రజలు తరతరాలుగా చేసిన కృషి, త్యాగం, శ్రమ ఉన్నాయని పేర్కొన్నారు.కళాకారులు ప్రశ్నించాలిప్రస్తుత పాలకులకు కళలపై ఆసక్తి లేదని, ఎన్నికల్లో విజయం సాధించడమే ప్రధాన లక్ష్యంగా మారిందని రాజ్‌ ఠాక్రే విమర్శించారు. కళాకారులు అధికారాన్ని పొగడటానికే పరిమితం కాకుండా.. ప్రజలకు సంబంధించిన నిర్ణయాలపై ప్రశ్నించాల్సిన అవసరం ఉందన్నారు. అమెరికాలో ఆస్కార్‌ అవార్డుల వేడుక లాస్‌ ఏంజెల్స్‌లో జరుగుతున్న విషయాన్ని ప్రస్తావిస్తూ.. అక్కడి అధ్యక్షులు తమ సొంత రాష్ట్రానికి ఆ కార్యక్రమాన్ని తరలించేందుకు ప్రయత్నించలేదని వ్యాఖ్యానించారు.దక్షిణాది రాష్ట్రాలు గళమెత్తాలి జాతీయ చలనచిత్ర అవార్డుల వేడుక తరలింపు విషయంలో మహారాష్ట్రతోపాటు తమిళనాడు, కేరళ, ఆంధ్రప్రదేశ్, తెలంగాణ రాష్ట్రాలు గ‌ట్టిగా స్పందించాలని రాజ్‌ ఠాక్రే కోరారు. ఈ అంశంపై కళాకారులు కూడా తమ అభిప్రాయాలను బహిరంగంగా వెల్లడించాలని పిలుపునిచ్చారు. కాగా, జాతీయ చలనచిత్ర అవార్డుల ప్రదాన వేడుక‌ల‌ను ఢిల్లీ నుంచి గుజ‌రాత్‌కు త‌ర‌లించ‌డాన్ని శివ‌సేన (యూబీటీ) అధినేత ఉద్ధ‌వ్ ఠాక్రే కూడా వ్య‌తిరేకించారు.

ముంబైలోని నీతా ముఖేష్ అంబానీ కల్చరల్ సెంటర్ (NMACC)లో ప్రధాన మంత్రి నరేంద్ర మోదీ పర్యటనకు ముందు తుపాకీతో ఒక యువకుడు అరెస్ట్‌ అయిన ఘటనలో సంచలన విషయాలు వెలుగులోకి వచ్చాయి. ముంబైలో బాంద్రా కుర్లా కాంప్లెక్స్‌లో ప్రైమ్ మినిస్టర్స్ ఆఫీస్ (PMO) నకిలీ ఐడీ కార్డు, తుపాకీతో షాపింగ్ మాల్ నుండి 24 ఏళ్ల రోహన్ పారిఖ్, అతని అంగరక్షకుడు దిలీప్ కుండేలను సోమవారం పోలీసులు అరెస్టు చేశారు. విచారణలో వారు చెప్పిన సంగతులు విని పోలీసులు విస్తుపోయారు. తన కాబోయే భార్య, అత్తమామలను ఇంప్రెస్ చేయడానికి డ్రామా ఆడి అడ్డంగా బుక్కయ్యాడు. ఇటీవల నిశ్చితార్థం చేసుకున్న రోహన్ తాను కేంద్ర ప్రభుత్వంలో అత్యంత ప్రభావవంతమైన అధికారినని , ప్రధాని కార్యాలయంతో నేరుగా సంబంధాలున్నాయి గప్పాలు కొట్టాడు. ఈ విషయాలో వారిని నమ్మించాలనుకుని పథకం వేశాడు.ఇందుకు ప్రధాని మోదీ హాజరు కానున్న ఎన్‌ఎంఏసీసీ వేదికను ఎంచుకున్నాడు. ఇదీ చదవండి: ఘోర రోడ్డు ప్రమాదం : 8 మంది దుర్మరణం, మరో ముగ్గురికి తీవ్ర గాయాలుఏఐ టూల్స్ ఉపయోగించి నిజమైన పీఎంఓ కార్డ్‌ను పోలిన డిజిటల్ ఐడీ కార్డును (దీన్ని 2025లోనే తయారు చేసినట్టు పోలీసులు దర్యాప్తులో తేలింది) ఉపయోగించి వీవీఐపీ మార్గం ద్వారా దర్జాగా లోపలికి వెళ్లాలనే ప్లాన్‌. ఈ ప్లాన్‌లో భాగంగానే రెండుసార్లు రెక్కీ కూడా నిర్వహించాడు. జియో వరల్డ్ ప్లాజాలోకి వివిఐపి (VVIP) ప్రవేశ మార్గం ద్వారా వెళ్ళి,వారికి "పవర్" చూపించాలని ప్లాన్ చేశాడు. కానీ ప్రధాని పర్యటనకు ముందు భారీ భద్రతా తనిఖీల్లో దొరికిపోయాడు.ఇదీ చదవండి: ప్రారంభోత్సవానికి రాను, సిగ్గుపడుతున్నా: గడ్కరీ ధ్వజంఈ కేసులో రోహన్‌, అతని బాడీగార్డ్, డ్రైవర్‌లను పోలీసులు అరెస్ట్ చేయగా, పారిఖ్ ఆఫీస్ అసిస్టెంట్ ప్రథమేష్ బాగుల్ కోసం గాలిస్తున్నారు. వీరిపై మోసం, ఫోర్జరీ, VVIP భద్రతా నిబంధనల ఉల్లంఘన కింద కేసులు నమోదు చేసి దర్యాప్తు చేపట్టారు

సాక్షి, ముంబై: మహారాష్ట్రలో ఘోర రోడ్డు ప్రమాదం చోటు చేసుకుంది. ట్రక్-పికప్ వ్యాన్ ఢీకొన్న ఘటనలో ముగ్గురు పిల్లలతో సహా ఎనిమిది మంది ప్రాణాలు కోల్పోవడం తీవ్ర విషాదాన్ని నింపింది. మహారాష్ట్రలోని భండారా జిల్లాలో శుక్రవారం రోజు తెల్లవారుజామున ఈ ఘటన జరిగింది. నాగ్‌పూర్-రాయ్‌పూర్ జాతీయ రహదారిపై ఉన్న పింపల్‌గావ్ రోడ్డు ప్రాంతంలోని 'భౌ ధాబా' సమీపంలో ఈ ప్రమాదం జరిగింది. ఒక ట్రక్, పికప్ వ్యాన్ ఢీకొనడంతో ముగ్గురు పిల్లలతో సహా ఎనిమిది మంది మృతి మరణించారు. స్థానికుల సమాచారంతో సంఘటనా స్థలానికి చేరుకున్న పోలీసులు సహాయక చర్యలు చేపట్టారు. మృతదేహాలను ప్రమాద స్థలం నుండి వెలికితీశారు. ఈ ప్రమాదంలో తీవ్రంగా గాయపడిన మరో ముగ్గుర్ని సకోలి సబ్-డిస్ట్రిక్ట్ ఆసుపత్రికి తరలించి చికిత్స అందిస్తున్నారు. ఈ ప్రమాదం నేపథ్యంలో ఆ ప్రాంతంలో కొంతమేర ట్రాఫిక్‌కు అంతరాయం ఏర్పడింది. ప్రమాదానికి దారితీసిన పరిస్థితులపై పోలీసులు దర్యాప్తు ప్రారంభించారు.ఇదీ చదవండి: ప్రారంభోత్సవానికి రాను, సిగ్గుపడుతున్నా: గడ్కరీ ధ్వజం

మహారాష్ట్రలోని కొల్హాపూర్‌ జిల్లాలో ఒక టీచర్‌ చూపిస్తున్న అంకితభావం అందరినీ ఆకట్టుకుంటోంది. పదుల సంఖ్యలో కూడా లేని విద్యార్థుల చదువు కోసం ప్రతిరోజూ దట్టమైన అడవిలో ఐదు కిలోమీటర్లు నడుచుకుంటూ వెళ్తున్నాడు. కవల్తేక్‌ ధంగర్వాడా అనేది కనీస సౌకర్యాలు కూడా లేనటువంటి ఒక చిన్న గ్రామం. కేవలం మూడు ఇళ్లు, తొమ్మిది మంది నివాసితులు. వ్యవసాయం, పశుపోషణ వారి జీవనాధారం. ఈ ఊరిలో ఉన్న బడికి వెళ్లాలంటే చాలా కష్టం. దట్టమైన అడవిని, క్రూరమైన జంతువులను, కొండకోనలను దాటుకుని వెళ్లాలి. కానీ జీవన్‌ మిథారీ అనే ఉపాధ్యాయుడు మాత్రం ఆ గ్రామంలో ఉండే ఐదారుగురు పిల్లల చదువుకోసం పదమూడేళ్లుగా అడవిలో ప్రయాణిస్తున్నాడు. మిథారీ నివసించే కాలే గ్రామం నుంచి కవల్తేక్‌ ధంగర్వాడా 28 కిలోమీటర్లు. అడవిలోకి వెళ్లే ముందు మిథారీ తన వాహనాన్ని అక్కడే ఆపివేసి 5 కిలోమీటర్ల నడక దారిలో వెళ్తాడు. వర్షం పడితే ఈ మార్గమంతా పూర్తి జారుడుగా ఉంటుంది. అందుకే మిథారీ డబుల్‌ రెయిన్‌ కోట్, హెల్మెట్‌ వంటి రక్షణ పరికరాలతో ప్రయాణిస్తాడు. అంతేకాకుండా ఈ మార్గంలో చిరుత పులులు, ఎలుగుబంట్లు, విష సర్పాలు అడుగడుగునా ఎదురవుతుంటాయి. అయినా అతను వెనక్కి తగ్గడు. అడవిలో నడుస్తున్నప్పుడు పాటలు పాడుతూ లేదా శబ్దాలు చేస్తూ వెళ్తుంటాడు. పట్టణాల్లోని పిల్లలతో సమానంగా ఈ పేద పిల్లలు కూడా చదువుకోవాలన్నదే తన కోరిక అని ఈ ఉపాధ్యాయుడు చెబుతుంటాడు. పిల్లల భవిష్యత్తు కోసం ప్రాణాలను సైతం లెక్క చేయకుండా ప్రతిరోజూ అడవి బాట పడుతున్న ఈ ఉపాధ్యాయుడు ఎంతో మంది టీచర్లకు ఆదర్శం.(చదవండి: క్యాట్‌లో మంచి స్కోర్‌ చేసినా..సైన్యంలోకి! కానీ చివరికి..)

సాక్షి, ముంబై: పూణేలోని శనివార్ పేట్ ప్రాంతంలో విషాదంచోటు చేసుకుంది. కేవలం రూ. 2.5 లక్షల అప్పు తీర్చలేక సివిల్ సర్వీసెస్‌కు సిద్ధమవుతున్న 28 ఏళ్ల యువకుడు ఆత్మహత్య చేసుకున్నాడు. ఘటనా స్థలంలో తన అప్పులపై రాసిన రెండు పేజీల లేఖను పోలీసులు స్వాధీనం చేసుకున్నారు. పోలీసుల స​మాచారం ప్రకారం మృతుడిని ధారాశివ్ జిల్లాలోని పరందా తహసీల్ పరిధిలోని ఖసాపురి గ్రామానికి చెందిన ప్రథమేష్ దేశ్‌ముఖ్‌గా గుర్తించారు. గత ఎనిమిది నెలలుగా పూణేలోని ఒక భవనంలో మూడవ అంతస్తులో ఉన్న వన్-BHK ఫ్లాట్‌లో ఇతర విద్యార్థులతో కలిసి ఉంటున్నాడని పోలీసులు తెలిపారు. మహారాష్ట్ర పబ్లిక్ సర్వీస్ కమిషన్ (MPSC) పరీక్షలతో సహా వివిధ పోటీ పరీక్షలకు సన్నద్ధమవుతున్నాడు.బుధవారం ఉదయం ఉరివేసుకుని ఆత్మహత్య చేసుకున్నట్లు పోలీసులు తెలిపారు. ఆర్థిక ఇబ్బందుల కారణంగానే అతను ఈ తీవ్ర నిర్ణయం తీసుకున్నట్లు దేశ్‌ముఖ్ రాసినట్లు భావిస్తున్న లేఖ సూచిస్తోందని విశ్రాంబాగ్ పోలీస్ స్టేషన్ సీనియర్ ఇన్‌స్పెక్టర్ నవనాథ్ జగ్‌తాప్ తెలిపారు.MPSC ची तयारी करणाऱ्या परांडा तालुक्यातील (जि. धाराशिव) विद्यार्थी प्रथमेश देशमुख याने पुण्यात आत्महत्या केल्याची घटना अत्यंत दुःखद आहे.गेल्या काही काळात पेपरफुटीसह विविध गैरप्रकार होत असल्याने एक स्वप्न उराशी बाळगून अभ्यास करणाऱ्या विद्यार्थ्यांमध्ये डावलल्याची भावना निर्माण… pic.twitter.com/UWiw9vcyVQ— Riven (@R1v3n_0x) September 9, 2026ఇదీ చదవండి: కేవలం రూ.15 కోసం ప్రొఫెసర్‌పై కత్తితో దాడిసొంత ఖర్చుల కోసం దేశ్‌ముఖ్ రూ. 2.5 లక్షలు అప్పు తీసుకున్నానని, అందులో అతను ఎవరి దగ్గర డబ్బు తీసుకున్నాడో వారి పేర్లను కూడా అందులో పేర్కొన్నాడు. అతను ఆర్థిక ఇబ్బందులను ఎదుర్కొంటున్నట్లు ప్రాథమిక విచారణలో తేలిందని ఎందుకు అప్పు చేయాల్సి వచ్చిందనే దానిపై దర్యాప్తు చేస్తున్నామని, తల్లిదండ్రులను కూడా విచారించనున్నామని డీసీపీ (జోన్-1) రుషికేష్ రావలే చెప్పారు.మరోవైపు మార్చిలో జరిగిన డ్రగ్ ఇన్‌స్పెక్టర్ (గ్రూప్-బి) స్క్రీనింగ్ పరీక్ష పేపర్ లీక్ ఆరోపణలతో సహా, నియామక పరీక్షలలో జరిగినట్లు చెబుతున్న అక్రమాలపై పూణే , మహారాష్ట్రలోని ఇతర ప్రాంతాల్లో MPSC అభ్యర్థులు నిరసనలు తెలుపుతున్న తరుణంలోనే అతని బలవన్మరణం పలు ప్రశ్నల్ని రేకెత్తిస్తోంది. An MPSC aspirant died by suicide. Exam delays, irregularities and years of uncertainty have made the pressure unbearable for many students.How many more students have to suffer before the government takes accountability?https://t.co/SbWkzoej5h— Cockroach Janta Party - CJP (@Cockroachisback) September 9, 2026ఇంకా ఎంతమంది బలికావాలి - సీజేపీమరోవైపు ఈ ఘటనపై సీజేపీ కూడా స్పందించింది. పరీక్షల ఆలస్యం, అక్రమాలు , సంవత్సరాల అనిశ్చితి ఒత్తిడి చాలా మంది విద్యార్థులను బలితీసుకుంటోంది. ఇంకా ఎంతమంది బలికావాలి? ప్రభుత్వం జవాబుదారీతనం వహించాలని డిమాండ్‌ చేసింది. బాధిత కుటుంబాన్ని కలుసుకున్న సీజేపీ ఫౌండర్‌ అభిజీత్‌ దీప్కే వారిని ఓదార్చారు. ఇదీ చదవండి: 'f' లెటర్‌ తంటా : ‘భారతరత్న’ సైంటిస్టుకు ఎస్‌ఐఆర్‌ నోటీసు

ముంబై: కోరుకున్న విద్యాసంస్థలో ప్రవేశం లభించకపోవడంతో ఓ 17 ఏళ్ల విద్యార్థి ఆత్మహత్య చేసుకున్నాడు. మహారాష్ట్రలోని థానే నగరం, ఘోడ్బందర్‌ రోడ్డులోని హీరానందాని ఎస్టేట్‌లో ఈ ఘటన చోటుచేసుకుంది. కోల్‌కతాలోని ఇండియన్ ఇన్‌స్టిట్యూట్ ఆఫ్ ఇంజినీరింగ్ సైన్స్ అండ్ టెక్నాలజీ, షిబ్‌పూర్‌లో బీఎస్-ఎంఎస్ డ్యుయల్‌ డిగ్రీ చదవాలని అతడు అనుకున్నాడు. ఆ బాలుడు ఇటీవల 12వ తరగతి పరీక్షలు పూర్తి చేసి 95.7% మార్కులు సాధించాడు. అయితే ప్రవేశ పరీక్షలో 10,474 ర్యాంకు రావడంతో తాను కోరుకున్న విద్యాసంస్థలో సీటు పొందలేకపోయాడు.కుటుంబానికి మెసేజ్‌ పంపిన బాలుడుపోలీసులు తెలిపిన వివరాల ప్రకారం.. సెప్టెంబర్ 4న రాత్రి 7.30 గంటల సమయంలో సైకిల్ తొక్కేందుకు వెళ్తున్నానని కుటుంబ సభ్యులకు చెప్పి బాలుడు ఇంటి నుంచి బయటకు వెళ్లాడు. సుమారు 45 నిమిషాల తర్వాత తాను ఆత్మహత్య చేసుకోవాలని భావిస్తున్నట్లు కుటుంబ వాట్సాప్ గ్రూపులో సందేశం పెట్టాడు.కుటుంబ సభ్యులు ఆ సందేశాన్ని గమనించి అతడిని సంప్రదించేందుకు ప్రయత్నించారు. అతడి ఫోన్ స్విచ్ ఆఫ్‌లో ఉండటంతో కాసర్‌వడవలి పోలీసులకు సమాచారం అందించారు. పోలీసులు, కుటుంబ సభ్యులు నివాస సముదాయం పరిసరాల్లో బాలుడి కోసం గాలింపు చేపట్టారు.అయితే కుటుంబ సభ్యులు, పోలీసులు జోక్యం చేసుకునేలోపే నివాస భవనంలోని 22వ అంతస్తు నుంచి బాలుడు కిందకు దూకాడు. తీవ్ర గాయాలతో అపార్ట్‌మెంట్ సమీపంలోని ఫుట్‌పాత్‌పై బాలుడు పడి ఉన్నట్లు తర్వాత గుర్తించారు. పోలీసులు, కుటుంబ సభ్యులు అతడిని థానే సివిల్ ఆసుపత్రికి తరలించారు.ఆసుపత్రికి తీసుకువచ్చే సమయానికే బాలుడు మృతి చెందినట్లు వైద్యులు ప్రకటించారు. తాను కోరుకున్న విద్యాసంస్థలో ప్రవేశం పొందలేకపోవడం వల్ల బాలుడు తీవ్ర విద్యాపరమైన ఒత్తిడికి గురయ్యాడని కుటుంబ సభ్యులు భావిస్తున్నట్లు అధికారులు తెలిపారు.

ముంబై: నగదు తీసుకునేందుకు ఏటీఎంకు వెళ్లినప్పుడు కార్డును కార్డ్‌ స్లాట్‌లో పెట్టి, భాషను ఎంచుకుని, 4 అంకెల వ్యక్తిగత గుర్తింపు సంఖ్య (పిన్‌), తీసుకోవాల్సిన నగదు మొత్తాన్ని నమోదు చేస్తారు. నగదు తీసుకున్న తర్వాత డెబిట్‌ కార్డును బయటకు తీసేందుకు ప్రయత్నిస్తే అది బయటకు రాకుండా ఇరుక్కుపోతే ఏం చేయాలో తెలియని పరిస్థితి ఎదురవుతుంది.మహారాష్ట్రలోని థానే జిల్లాలోని కొల్సేవాడిలో ఓ ముఠా ఇదే పరిస్థితిని ఆసరాగా చేసుకుని ప్రజలను మోసం చేసినట్లు పోలీసులు తెలిపారు. ఈ ముఠా ఏటీఎం యంత్రాల కార్డ్‌ స్లాట్‌కు ఫెవిక్విక్‌ను పూసి కార్డులను ఇరుక్కుపోయేలా చేసేది. కల్యాణ్‌లోని కొల్సేవాడి పోలీసులు ఈ ముఠాను అరెస్ట్‌ చేశారు. ఏటీఎం కేంద్రాల వద్ద వేచి ఉండి, వినియోగదారుల కార్డులు స్లాట్‌లో ఇరుక్కుపోయేలా ఫెవిక్విక్‌ పూసినట్లు దర్యాప్తులో తేలింది.కార్డు ఇరుక్కుపోయి వినియోగదారుడు అయోమయానికి గురైన వెంటనే ముఠాలోని ఓ సభ్యుడు సహాయం చేస్తున్నట్లు అక్కడికి వచ్చేవాడు. ఏటీఎం పిన్‌ను 3 సార్లు నమోదు చేయాలని అతడు వినియోగదారుడిని కోరేవాడు. పిన్‌ నమోదు చేసినా నగదు బయటకు రాకుండా చేసేవారు. అనంతరం ఓ ప్రత్యేక మొబైల్‌ నంబర్‌కు ఫోన్‌ చేయాలని వినియోగదారుడికి చెప్పేవారు. ఆ నంబర్‌ ముఠాలోని మరో సభ్యుడిదే.తర్వాత వినియోగదారుడిని ఓ నిర్దిష్ట ప్రాంతానికి రావాలని చెప్పేవారు. దర్యాప్తులో భాగంగా వినియోగదారుల నుంచి ఏటీఎం పిన్‌ తెలుసుకున్నట్లు లేదా ఇతర మార్గాల్లో వారి బ్యాంకింగ్‌ వివరాలను సేకరించినట్లు పోలీసులు గుర్తించారు. ఆ వివరాలతో బాధితుల ఖాతాల నుంచి నగదు తీసుకున్నట్లు వెల్లడైంది.కల్యాణ్‌ ఈస్ట్‌లోని కొల్సేవాడి ప్రాంతంలోని ఓ ఏటీఎం కేంద్రంలో ఓ వ్యక్తిని మోసం చేసేందుకు ప్రయత్నించిన ఘటనపై ఫిర్యాదు రావడంతో పోలీసులు చర్యలు చేపట్టారు. ఈ కేసులో రాజేశ్‌ కుమార్‌ యాదవ్‌ను అరెస్ట్‌ చేశారు. విచారణలో ఈ వ్యవహారంలో మరో ముగ్గురు ఉన్నట్లు రాజేశ్‌ పోలీసులకు తెలిపాడు. వారు భివాండీలోని కొంగావ్‌ ప్రాంతంలో ఉన్నట్లు వెల్లడించాడు.ఆ ముగ్గురు నిందితులు పాట్నా ఎక్స్‌ప్రెస్‌ రైలులో బిహార్‌కు వెళ్తున్నట్లు పోలీసులకు తెలిసింది. పోలీసులు వారిని వెంబడించి పాట్నా ఎక్స్‌ప్రెస్‌లోనే అరెస్ట్‌ చేశారు. ఇదే పద్ధతిలో ఈ ముఠా పలువురిని మోసం చేసినట్లు దర్యాప్తులో తేలింది. ఈ విధానంలో ఇంకా ఎంతమందిని మోసం చేశారో, బాధితుల ఖాతాల నుంచి ఎంత నగదు తీసుకున్నారో పోలీసులు దర్యాప్తు చేస్తున్నారు.ఇదీ చదవండి: చిన్న విమానం అదృశ్యం.. ఫ్యామిలీ మిస్సింగ్‌

నాందేడ్‌: గొడవ పడి పుట్టింటికి వెళ్లిన భార్యను ఎలాగైనా తన వద్దకు రప్పించాలంటూ ఒక భర్త వినూత్న రీతిలో డిమాండ్‌చేసి భారీస్థాయిలో ట్రాఫిక్‌ జామ్‌కు కారణమయ్యాడు. పోలీసులు తెలిపిన వివరాల ప్రకారం మహారాష్ట్రలోని నాందేడ్‌ జిల్లాలో 40 ఏళ్ల షాదుల్‌ షేక్‌ సోమవారం ఉదయం లోహా పట్టణంలోని బస్టాండ్‌ సమీపానికి చేరుకున్నాడు. రోడ్డు పక్కన ఉన్న 200 అడుగుల ఎత్తయిన మొబైల్‌ టవర్‌ చకచకా ఎక్కేసి ఒక భారీ బ్యానర్‌ను ప్రదర్శించడం మొదలెట్టాడు. వినికిడిలోపంతోపాటు మాట్లాడే సామర్థ్యంలేని షేక్‌.. ‘నా భార్యను పుట్టింటికి తీసుకొచ్చేదాకా కిందకు దిగిరాను’అని దానిపై రాశాడు. ఈ బ్యానర్‌ ప్రదర్శన చూసి అటుగా వెళ్తు న్న ప్రయాణికులు వాహనాలతో సహా ఆగిపోవడంతో భారీ స్థాయిలో ట్రాఫిక్‌ స్తంభించింది. చాలా సేపటి త ర్వాత భార్యను ఘటనాస్థలికి తీసుకురావడంతో భార్యను చూసిన ఆనందంలో షేక్‌ చకచకా కిందకు దిగొచ్చాడు.

సహ్యాద్రి కొండల మధ్య ప్రయాణిస్తుంటే కొన్ని ప్రదేశాల్లో చరిత్రలో మనం భాగం అయినట్టు అనిపిస్తుంది. అక్కడికి చేరుకున్న ప్రతీసారి చరిత్రలోని ఒక పేజీ మన ముందు నిలిచినట్టు అనిపిస్తుంది. మహారాష్ట్రలో ఈ ఐదు కోటలు ఒక విభిన్నమైన అనుభూతిని అందిస్తాయి.ఒక చారిత్రాత్మక యాత్రమహారాష్ట్ర అంటే ముంబై, పుణె వంటి నగరాలు మాత్రమే కాదుం సహ్యాద్రి పర్వత శ్రేణులు కూడా గుర్తొస్తాయి. ఎన్నో శతాబ్దాల చరిత్రను మోస్తున్న కోటలు ఈ నేల కీర్తిని నిలువెత్తునా చాటుతున్నాయి. వాటిలో ఛత్రపతి శివాజీ మహారాజ్‌ జీవితంతో బలమైన అనుబంధం ఉన్న రాయగఢ్, శివనేరి, ప్రతాపగఢ్, సింహగఢ్, తోరణ కోటలు ఒక సజీవ సాక్ష్యంలా కనిపిస్తాయి.ఈ ప్రయాణంలో ప్రతి కోట ఒక భిన్నమైన అనుభూతిని ఇస్తుంది. ఒకచోట బాల్యం, మరోచోట పట్టాభిషేకం, ఇంకోచోట యుద్ధగాథ... ఇలా సహ్యాద్రి ప్రకతి మధ్య ఛత్రపతి శివాజీ చరిత్ర మెల్లగా మన కళ్ల ముందు ఆవిష్కతమవుతుంది.శివనేరిఛత్రపతి శివాజీ జీవితాన్ని తెలుసుకునేందుకు చాలా మంది ఆయన కాలంలో నిర్మించిన కోటలను సందర్శిస్తారు. ఈ యాత్ర శివనేరితో మొదలు పెట్టడానికి ఇష్టపడుతుంటారు.ఇక్కడ ఛత్రపతి శివాజీ మహారాజ్‌ జన్మించిన ప్రదేశంలో ఉన్నాం అనే ఫీలింగ్‌ చాలా స్పెషల్‌ అనిపిస్తుంది.కొండల మధ్య ఉన్న కోట ప్రాంగణంలో నడుస్తుంటే, బాల్యం నుంచే మొదలైన ఒక మహా చరిత్ర గుర్తుకొస్తుంది.కోట గోడల మధ్య కనిపించే ప్రాచీన నిర్మాణాలు, కొండపై నుంచి దూరదూరం వరకు కనిపించే సీనరీస్‌ ఇవన్నీ కలిసి శివనేరికి ఒక ప్రత్యేక ఎక్స్‌పీరియెన్స్‌ మిగిలిపోయేలా చేస్తాయి.తోరణ... తొలి అడుగు సహ్యాద్రిలో మరో ముఖ్యమైన పేరు తోరణ. శివాజీ మహారాజ్‌ స్వాధీనం చేసుకున్న తొలి కోటగా ఇది ప్రసిద్ధి చెందింది. ఈ కోటను ‘ప్రచండగఢ్‌’ అని కూడా పిలుస్తారు. ఇక్కడ కొండలపై వీచే గాలి, దూరంగా కనిపించే పచ్చని కొండలు, కోట అవశేషాలు కలిసి ఒక స్లో ట్రావెల్‌ ఎక్స్‌పీరియెన్స్‌ను ఇస్తాయి. ఒకవైపు ప్రకతి, మరోవైపు చరిత్ర... రెండూ కలిసిన అందమైన ప్రదేశమే తోరణ.ప్రతాపగఢ్‌...ప్రతాపగఢ్‌ పేరు వినగానే 1659లో అఫ్జల్‌ ఖాన్‌తో జరిగిన యుద్ధం గుర్తుకొస్తుంది. కోట దగ్గరకు చేరుకున్న తర్వాత చరిత్ర అనేది పుస్తకంలో చదివే విషయంగా మాత్రమే కాకుండా, ఈ కొండల మధ్య జరిగిన సంఘటనలా అనిపిస్తుంది. కోట చుట్టూ విస్తరించిన సహ్యాద్రి కొండల వరుసలు, మధ్యలో కనిపించే పచ్చని లోయలు, ప్రాచీన నిర్మాణాలు కలిసి నాటి గంభీరమైన పరిస్థితిని మరోసారి గుర్తు చేస్తాయి. ఇక్కడ కొంతసేపు నిశ్శబ్దంగా నిలబడటం కూడా ఒక అనుభవమే.సందర్శనీయ ప్రదేశాలుఈ ఐదు కోటల్లో ఒక్కో కోటకు ఒక్కో కథ ఉంటుంది. శివనెరిలో బాల్యం, తోరణలో తొలి విజయం, ప్రతాపగఢ్‌లో మహా యుద్ధం, సింహగఢ్‌లో తానాజీ మలుసరేల వీరగాథ, రాయగఢ్‌లో మరాఠా సామ్రాజ్య రాజధాని జ్ఞాపకాలు కనిపిస్తాయి.1674లో రాయగఢ్‌లోనే శివాజీ మహారాజ్‌ పట్టాభిషేకం జరిగింది. దీంతో ఈ కోట మరాఠా చరిత్రలో ప్రత్యేక స్థానం సంపాదించుకుంది.సింహగఢ్‌ను గతంలో కొంధాణా అని పిలిచేవారు. 1670లో జరిగిన యుద్ధం, తానాజీ మలుసరే వీరత్వం ఈ కోట చరిత్రలో ఒక ప్రత్యేక ఘటనలుగా మిగిలిపోయాయి.ఎక్కడ ఉండాలిపుణె, మహాడ్, సతారా, జున్నర్‌ వంటి ప్రాంతాల్లో స్టే చేస్తూ ట్రావెల్‌ను స్లోగా ఎంజాయ్‌ చేయవచ్చు. నగరాల్లోని హోటళ్ల నుంచి సాధారణ వసతి గహాల వరకు వివిధ రకాల వసతి సౌకర్యాలు అందుబాటులో ఉంటాయి.కోట ప్రాంతాలకు సమీపంలో ఉండే చిన్న చిన్న క్యాంపుల్లో రాత్రి వేళ సహ్యాద్రి నిశ్శబ్దాన్ని ఆస్వాదించడం ఈ ట్రిప్‌లో మరో హైలైట్‌.ఏం తినాలి ?మహారాష్ట్ర రుచులనను ఆస్వాదించడం కూడా యాత్రలో భాగంగా భావించాలి. మరీ ముఖ్యంగా పుణె, సతారా ్ర΄ాంతాల్లో ΄ోహా, మిసల్‌ పావ్, భాక్రీ, పిఠ్లా వంటి స్థానిక రుచులు ఆస్వాదించవచ్చు. మనం చుడ్వా అని పిలచుకునే చివ్దా, వడాపావ్, బ్రెడ్‌ పకోడా వంటిమి మీకు ప్రతీ చోట లభిస్తాయి. అలాగే కోట ప్రాంతాల్లో లభించే నార్మల్‌ మరాఠీ థాలి ట్రై చేయవచ్చు.ఆసక్తికరమైన విషయాలుశివనేరి ఛత్రపతి శివాజీ మహారాజ్‌ జన్మస్థలంగా ప్రసిద్ధి చెందింది.తోరణను ప్రచండగఢ్‌ అనే పేరుతో కూడా పిలుస్తారు.1659లో అఫ్జల్‌ ఖాన్‌తో జరిగిన యుద్ధంతో ప్రతాపగఢ్‌ చరిత్రలో నిలిచిపోయింది.సింహగఢ్‌ పాత పేరు కొంధాణా. తానాజీ మలుసరే వీరగాథను నేటికీ చాలా మంది గుర్తు చేస్తుంటారు.1674లో రాయగఢ్‌లో శివాజీ మహారాజ్‌ పట్టాభిషేకం జరిగింది.ఏం చూడాలిశివనేరి కోట ప్రాంగణంలో చరిత్రను గుర్తుచేసుకుంటూ వాక్‌ చేయడం, తోరణలో సహ్యాద్రి అందాలను చూడటం, ప్రతాపగఢ్‌లో యుద్ధగాథలను తెలుసుకోవడం, సింహగఢ్‌లో తానాజీ మలుసరే వీరగాథను గుర్తుచేసుకోవడం, రాయగఢ్‌లో పట్టాభిషేకం జరిగినప్రాంతం వైబ్‌ను ఫీల్‌ అవ్వడం.. ఈ ఐదు అనుభవాలు కలిసి ట్రిప్‌ను ఒక కంప్లీట్‌ మెమోరీగా మార్చేస్తాయి.ఎలా వెళ్లాలిహైదరాబాద్‌ నుంచి సహ్యాద్రి ్ర΄ాంతానికి వెళ్లాలి అనుకుంటే ముందు పుణే చేరుకుంటే బెటర్‌. దీని కోసం రైలు లేదా ఫ్లైట్‌లో మీకు వీలైన దాన్ని ఎంచుకోవచ్చు. నిజానికి ఈ జర్నీని చాలా మంది రైల్లోనే ఎంజాయ్‌ చేస్తారు. పుణె చుట్టుపక్కల ఉన్న కోటలను ముందుగా చూసి, ఆ తర్వాత రాయగఢ్, ప్రతాపగఢ్, శివనేరి, తోరణ వైపు బయల్దేరవచ్చు.నగర ప్రాంతాలను దాటి సహ్యాద్రి కొండల మధ్యకు ప్రవేశించే కొద్దీ సిటీ స్ట్రెస్‌ జోన్‌ నుంచి బయటికి వచ్చిన అనుభూతి కలుగుతుంది. విజయవాడ నుంచి వచ్చే వారు హైదరాబాద్‌ మీదుగా ప్రయాణాన్ని కొనసాగించవచ్చు.యాత్ర, బడ్జెట్‌ వివరాలుహైదరాబాద్‌ నుంచి ఐదు రోజుల ఈ చారిత్రక యాత్ర బడ్జెట్‌ అనేది ప్రయాణికుల లైఫ్‌స్టైల్‌ను బట్టి మారుతుంది. యావరేజ్‌గా కనీసం రూ.15,000–20,000 వరకు ప్రతీ వ్యక్తికి ఖర్చు అవుతుంది. ఇక ప్రీమియం ట్రావెల్‌ ఎక్స్‌పీరియెన్స్‌ కోసం రూ.35 వేల నుంచి రూ.50 వేల వరకు ఖర్చు చేయాలి. అయితే ఈ ఖర్చులు మీరు ఎలా ట్రావెల్‌ చేస్తారు, ఎక్కడ ఉంటారు, ఏం తింటారు, యాక్టివిటీస్‌ను బట్టి మారుతాయి.ఇక హోటల్‌ లేదా లాడ్జి ఖర్చు విషయానికి వస్తే స్టే కోసం పర్‌ నైట్‌ వచ్చేసి రూ.1,000 నుంచి రూ.2,500 వరకు బడ్జెట్‌ అవ్వొచ్చు. ఫుడ్‌ కోసం రోజుకు సుమారు రూ.500–1,000 వరకు కేటాయించవచ్చు. ఇలాంటి ట్రిప్‌లో తక్కువ ధరకు దొరికే రూమ్స్‌ కన్నా అన్ని సదుపాయాలు, సెక్యూరిటీ ఉన్న హోటల్స్‌నే ఎంచుకోవడం ఉత్తమం.గమనిక: ఇక్కడ ఇచ్చిన ట్రావెల్, బడ్జెట్‌ వివరాలు మీ అవగాహన కోసం మాత్రమే. దయచేసి ప్రయాణానికి ముందు లేటెస్ట్‌ వివరాలను సొంతంగా రీసెర్చ్‌ చేసుకుని ప్లాన్‌ చేసుకోండి. ఎం జి కిశోర్‌ ప్రయాణికుడు(చదవండి: మేనకోడలు చిరుకోరికను తీర్చడం కోసం ఆ మామ ఏం చేశాడంటే..!)

ముంబైలోని దహిసర్ వెస్ట్ ప్రాంతంలో ఆదివారం సాయంత్రం ఓ కారులో సుమారు 7 అడుగుల పొడవైన కొండచిలువ కనిపించడంతో కలకలం రేగింది. నివాస భవనం పార్కింగ్‌లో నిలిపి ఉంచిన కారు బానెట్‌ తెరవగానే అందులో కొండచిలువ కనిపించింది. ఒక్కసారిగా అంత పెద్ద పామును చూసిన అక్కడున్నవారు భయాందోళనలకు గురయ్యారు.ఈ ఘటన దహిసర్ వెస్ట్‌లోని కాందర్‌పాడా ప్రాంతంలో జరిగింది. బాపూ బాగ్వే రోడ్డులోని మహేశ్వర్ భవనం పార్కింగ్‌లో ఓ కారు నిలిపి ఉంది. ఆదివారం సాయంత్రం కారు బానెట్‌ తెరిచినప్పుడు అందులో భారీ కొండచిలువ కనిపించింది. దాన్ని చూడగానే చుట్టుపక్కల ఉన్నవారిలో ఆందోళన మొదలైంది.వెంటనే స్థానికులు పాము రక్షణ బృందానికి సమాచారం అందించారు. సమాచారం అందుకున్న బృందం అక్కడికి చేరుకుని కొండచిలువను కారు నుంచి బయటకు తీసే ప్రక్రియ ప్రారంభించింది. సుమారు 7 అడుగుల పొడవు ఉండటంతో దాన్ని బయటకు తీయడం అంత సులభం కాలేదు. రక్షణ బృందం తీవ్రంగా శ్రమించి కొండచిలువను సురక్షితంగా కారు బానెట్‌ నుంచి బయటకు తీసింది.కొండచిలువను రక్షిస్తున్న దృశ్యాల వీడియో కూడా వెలుగులోకి వచ్చింది. ఈ వీడియోలో కారు బానెట్‌ లోపల కొండచిలువ కనిపించింది. రక్షించిన అనంతరం దానికి వైద్య పరీక్షలు నిర్వహించారు. వైద్య పరీక్షల అనంతరం కొండచిలువను సంజయ్ గాంధీ జాతీయ ఉద్యానవనంలో వదిలిపెట్టారు. కారు బానెట్‌లో ఇంత పెద్ద కొండచిలువ దాక్కుని ఉండటాన్ని చూసి స్థానికులు ఆశ్చర్యపోయారు. ఈ ఘటన కొంతసేపు ఆ ప్రాంతంలో చర్చనీయాంశంగా మారింది.Panic gripped Kandarpada in Dahisar after a python was spotted inside a car’s bonnet. The owner alerted a snake rescuer, who carefully rescued the python and later released it at a safe location. The incident left locals in a state of panic. #Dahisar #Mumbai #SnakeRescue pic.twitter.com/CA09M6QHiJ— Visshal Singh (@VishooSingh) September 7, 2026

న్యూఢిల్లీ: ఆశ్రమ పాఠశాలల్లో మృతి చెందిన ఆదివాసీ విద్యార్థుల కుటుంబాలకు మహారాష్ట్ర ప్రభుత్వం ఇచ్చిన పరిహారంపై కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే మండిపడ్డారు. ఆ పరహారం కొంతమంది రాజకీయ నాయకులు ఏడాదిలో తమ పెంపుడు జంతువుల కోసం ఖర్చు చేసే డబ‍్బు కంటే కూడా తక్కువగా ఉందని చెప్పారు. ఎక్స్‌లో దీప్కే స్పందిస్తూ.. 590 మందికి పైగా ఆదివాసీ విద్యార్థుల కుటుంబాలకు కేవలం రూ.2 లక్షల చొప్పున పరిహారం మాత్రమే ఇచ్చారని పేర్కొన్నారు.“కేవలం 2 సంవత్సరాల్లో మహారాష్ట్రలోని ఆశ్రమ పాఠశాలల్లో 590 మందికి పైగా ఆదివాసీ విద్యార్థులు మృతి చెందారు. వారి కుటుంబాలకు కేవలం రూ.2 లక్షల చొప్పున పరిహారం మాత్రమే అందింది” అని దీప్కే పేర్కొన్నారు. విద్యార్థులకు భద్రతను ఇవ్వడంలో ప్రభుత్వం విఫలమైందని, నిర్లక్ష్యం కారణంగానే వారు మృతి చెందారని దీప్కే ఆరోపించారు.“వారి భద్రత, సంక్షేమాన్ని ప్రభుత్వం నిర్ధారించడంలో విఫలమైంది. నిర్లక్ష్యం, శ్రద్ధ లేకపోవడం, నిర్వహణ లోపం కారణంగా విద్యార్థులు మృతి చెందినప్పుడు వారి కుటుంబాలకు రూ.2 లక్షల చొప్పున అందజేస్తున్నారు. కొంతమంది రాజకీయ నాయకులు ఏడాదిలో తమ పెంపుడు జంతువుల కోసం ఖర్చు చేసే మొత్తం కంటే ఇది తక్కువే కావచ్చు. రాష్ట్రం దృష్టిలో ఆదివాసీ విద్యార్థి జీవితం విలువ ఇంతేనా?” అని ఆయన ప్రశ్నించారు.ప్రభుత్వ ఉద్యోగాల్లో షెడ్యూల్డ్‌ ట్రైబ్‌ అభ్యర్థులను నియమించాలని, గిరిజన పిల్లల కోసం నిర్వహిస్తున్న వసతి పాఠశాలల పరిస్థితులను మెరుగుపరచాలని డిమాండ్‌ చేస్తూ గిరిజన విద్యార్థులు నిరసనలు ప్రారంభించిన విషయం తెలిసిందే. ఈ నేపథ్యంలో దీప్కే ఈ వ్యాఖ్యలు చేశారు.గడ్చిరోలి జిల్లాలోని ఒక వసతి పాఠశాలలో పాముకాటుకు గురై ముగ్గురు గిరిజన బాలికలు మృతి చెందిన ఘటన తర్వాత పుణె, నాగ్‌పూర్, నాసిక్‌లలో నిరసనలు ప్రారంభమయ్యాయి. గిరిజన వసతి గృహాల్లో ఉంటూ, గిరిజన వసతి పాఠశాలల్లో చదువుతున్న ప్రతి విద్యార్థికి రూ.10 కోట్ల బీమా కవరేజీ కల్పించాలని కూడా నిరసనకారులు డిమాండ్‌ చేశారు.

మహారాష్ట్రలోని పూణేకు చెందిన రియల్టర్‌ కేతన్‌ అగర్వాల్‌ హత్య కేసులో కీలక పరిణామం చోటుచేసుకుంది. ‘గుట్టు రట్టయితే గుండెల్లో గుబులు’ అన్నట్టుగా పోలీసుల దర్యాప్తులో సంచలన విషయాలు ఒక్కొక్కటిగా వెలుగులోకి వస్తున్నాయి. ఇప్పటికే కేతన్‌ కాబోయే భార్య సియా గోయల్‌, ఆమె సన్నిహితుడు చేతన్‌ చౌదరి అరెస్టు కాగా.. తాజాగా వారి కుట్రలో భాగమైనట్లు ఆరోపణలు ఎదుర్కొంటున్న రితేష్‌ హాంగే కూడా పోలీసులకు చిక్కాడు. దీంతో ఈ కేసులో అసలు కథ మరింత ఆసక్తికరంగా మారింది.మూడో నిందితుడు అరెస్ట్‌జూన్‌ 18న లోహగఢ్‌ కోట వద్ద కేతన్‌ను కొండపై నుంచి తోసి హత్య చేసిన కేసులో 22 ఏళ్ల రితేష్‌ హాంగేను పుణె రూరల్‌ పోలీసులు అరెస్ట్‌ చేశారు. రితేష్‌ అరెస్టుతో ఈ కేసులో ఇప్పటివరకు అరెస్టైన వారి సంఖ్య మూడుకు చేరింది. పోలీసులు తెలిపిన వివరాల ప్రకారం.. రితేష్‌ హాంగే ప్రధాన నిందితుడు చేతన్‌ చౌదరికి స్నేహితుడు. కేతన్‌ హత్యకు సంబంధించిన కుట్రలో రితేష్‌ కూడా భాగస్వామిగా ఉన్నట్లు దర్యాప్తులో తేలింది. కేతన్‌ను హత్య చేయాలన్న ప్లాన్‌ గురించి అతడికి ముందే తెలుసునని పోలీసులు వెల్లడించారు.ముందు పెళ్లిని అడ్డుకోవాలనుకున్నారు..‘అనుకున్నది ఒకటి.. జరిగింది మరొకటి’ అన్నట్టుగా ఈ హత్య వెనుక మొదట మరో ప్లాన్‌ ఉన్నట్లు పోలీసులు చెబుతున్నారు. కేతన్‌, సియా గోయల్‌ వివాహానికి సిద్ధమవుతున్న సమయంలో.. పెళ్లిని అడ్డుకునేందుకు సియా, చేతన్‌ తొలుత కేతన్‌ను తీవ్రంగా గాయపరచాలని భావించినట్లు తెలుస్తోంది. కేతన్‌ చేతులు, కాళ్లు విరగ్గొట్టి అతడిని గాయపరిస్తే పెళ్లి వాయిదా పడుతుందని వారు భావించినట్లు పోలీసులు తెలిపారు. అయితే ఆ ప్లాన్‌ ప్రమాదకరంగా మారొచ్చని భావించిన ఇద్దరూ.. చివరకు ఏకంగా కేతన్‌ను హత్య చేయాలని నిర్ణయించుకున్నట్లు దర్యాప్తులో వెల్లడైంది. ఈ కుట్ర గురించి రితేష్‌కు కూడా ముందుగానే తెలుసునని పోలీసులు తెలిపారు.ఇదీ చదవండి: మళ్లీ భగ్గుమన్న కంగనా.. పక్కా స్కెచ్‌.. కేతన్‌ మరణాన్ని ప్రమాదంగా చిత్రీకరించేందుకు నిందితులు పక్కా స్కెచ్‌ వేసినట్లు పోలీసులు చెబుతున్నారు. ‘పాము చావాలి.. కర్ర విరగకూడదు’ అన్నట్టుగా హత్య చేసినా తమపై అనుమానం రాకుండా ఉండేందుకు పలు మార్గాలను అన్వేషించినట్లు వెల్లడించారు. ఇందులో భాగంగా పలు ప్రాంతాలను పరిశీలించడంతో పాటు ఇంటర్నెట్‌లో సమాచారం వెతికినట్లు, సస్పెన్స్‌ సినిమాలను కూడా చూసినట్లు పోలీసులు తెలిపారు. టైగర్‌ పాయింట్‌, విసాపూర్‌ కోటతో పాటు పూణే పరిసరాల్లోని మరికొన్ని కోటలను నిందితులు పరిశీలించారు. ఆయా ప్రాంతాల ఫొటోలను పరస్పరం పంపించుకుని.. కేతన్‌ మరణాన్ని ప్రమాదంగా చూపించేందుకు ఏ ప్రదేశం అనువుగా ఉంటుందో అంచనా వేశారు. చివరకు లోహగఢ్‌ కోటను ఎంచుకున్నట్లు పోలీసులు తెలిపారు.హత్య తర్వాత రితేష్‌కు ఫోన్‌..అనుకున్నట్టుగానే జూన్‌ 18న లోహగఢ్‌ కోట వద్ద కేతన్‌ను కొండపై నుంచి తోసి హత్య చేసినట్లు పోలీసులు తెలిపారు. హత్య అనంతరం చేతన్‌.. తన స్నేహితుడు రితేష్‌కు ఫోన్‌ చేసి కేతన్‌ హత్యకు సంబంధించిన విషయాన్ని చెప్పినట్లు దర్యాప్తులో వెల్లడైంది. ఈ కేసులో రితేష్‌ పాత్రకు సంబంధించిన ఆధారాలు లభించడంతో అతడిని అరెస్ట్‌ చేసినట్లు పూణే రూరల్‌ ఎస్పీ సందీప్‌ సింగ్‌ గిల్‌ తెలిపారు. ప్రస్తుతం పోలీసులు కేసును మరింత లోతుగా దర్యాప్తు చేస్తున్నారు. కేతన్‌ హత్యకు ముందు జరిగిన కుట్ర, ముగ్గురు నిందితుల మధ్య జరిగిన సంభాషణలు, హత్యకు సంబంధించిన మరిన్ని వివరాలను రాబట్టేందుకు రితేష్‌ను పోలీసులు విచారిస్తున్నారు.

బిడ్డ పుస్తకాలకి డబ్బుల్లేవ్‌... చేస్తున్న పనికి వచ్చే జీతం చాలదు.. ఇద్దరు కూతుర్లున్నారు.. ఆస్తుల్లేవ్‌ కాని బాగా బతకాలన్న ఆశ ఉంది. అప్పుడొచ్చిందో అవకాశం.. పరుగెడితే పైసలొస్తాయని ఎవరో అంటే... ఒంట్లో ఓపిక లేకపోయినా, శక్తి మొత్తాన్ని కూడగట్టుకుని, జారిన జోళ్లని చేత పట్టుకుని లంఘించిందో మహిళ.. ఆమే రమాబాయి రణ్‌వీర్‌.చెప్పులు చేతపట్టుకుని పరుగులు తీసిన రమాబాయిని వీడియో తీసి ఎవరో సోషల్‌ మీడియాలో పోస్ట్‌ చేశారు. వెంటనే అది కాస్తా వైరల్‌గా మారింది. మాస్టర్‌ బ్లాస్టర్‌ సచిన్‌ టెండూల్కర్‌ ఆమె ప్రయత్నానికి ముచ్చటపడి షూ కొనిస్తానని వెల్లడించారు. నటుడు మాధవన్‌ రమాబాయ్‌ పట్టుదలను ప్రశంసించారు. బీడ్‌ జిల్లా కలెక్టర్‌ వివేక్‌ జాన్సన్‌ ఆమెను సత్కరించి ఆర్థిక సహాయం అందించారు. మరోవైపు దేశవ్యాప్తంగా రమాబాయికి ప్రశంసలు వెల్లువెత్తడంతో పాటు లక్షన్నర వరకు నగదు సాయం కూడా అందింది. ప్రభుత్వం ఆమె కుమార్తెల చదువుకు సహాయం చేస్తామని హామీ ఇచ్చింది. ప్రస్తుతం రమాబాయి పెద్ద కూతురు పూజ పోలీస్‌ డిపార్ట్‌మెంట్‌లో ఉద్యోగ ప్రయత్నం చేస్తోంది. చిన్న కూతురు బ్యాంకింగ్‌ పరీక్షలకు సిద్ధపడుతోంది.ఎవరీ రమాబాయి?మహారాష్ట్రలోని బీడ్‌ జిల్లా అంబాజోగైకి చెందిన రమాబాయి రణవీర్‌కు 47 ఏళ్లు. భర్త మరణించిన తర్వాత ఇద్దరి కుమార్తెల బాధ్యతలను తన భుజాలపై వేసుకున్న రమాబాయి వారి చదువుకోసం ఇళ్లలో వంట చేస్తూ జీవించేది. ఆమె కుమార్తె చదువు కోసం పుస్తకాలు కొనాల్సి వచ్చింది కాని రమా దగ్గర డబ్బుల్లేవు. అంబాజోగైలోని భారతీయ శిక్షణ ప్రసారక సంస్థకు చెందిన ఖోలేశ్వర్‌ ఎడ్యుకేషనల్‌ కాంప్లెక్స్‌ ఆధ్వర్యంలో ‘అమృత్‌ దౌడ్‌’ పేరుతో పరుగు పందెం నిర్వహిస్తున్నట్లు తెలిసింది. ఆ పోటీలో పాల్గొని, అందులో గెలుపొందితే పరుగెడితే డబ్బులొస్తాయని తెలిసి రమాబాయి కూడా ఆ పందెంలో పాల్గొనాలని నిర్ణయించుకుంది.చెప్పులు చేత పట్టుకుని...సాధారణంగా రన్నింగ్‌ రేస్‌ అంటే ట్రాక్స్‌ వేసుకుని షూ వేసుకుని స్టైల్‌గా గాగుల్స్‌ పెట్టుకుని సిద్ధమవుతారు. కాని అవేవి రమాబాయికి తెలీదు. మామూలు చీర కట్టుకుని, ఆకు చెప్పులు వేసుకుని పందేనికి సిద్ధపడింది. రేసు మొదలైంది. రమాబాయి చెప్పులు జారిపోయాయి. కంగారు మొదలైంది. వెంటనే చెప్పులు చేతపట్టుకుని ఒంట్లో శక్తినంతా కూడగట్టుకుని పరుగులు తీసింది. వర్షంతో తడిసిన రోడ్డుపై చిన్నచిన్న రాళ్లు, పెంకులు లాంటివి గుచ్చుకుంటున్నా ఆమె బెదరలేదు.. పరుగు ఆపలేదు. ఎలాగైనా సరే, బిడ్డకు పుస్తకాలు కొనాలన్న పట్టుదల, బిడ్డ చదువు ఆగిపోకూడదన్న అమ్మతనం గెలిచాయి. అందరు రన్నరప్‌లను దాటుకుంటూ ఆమె విన్నర్‌గా నిలిచింది మూడు వేల రూపాయల బహుమతిని అందుకుంది. ఆశ్చర్యకరమైన విషయం ఏమిటంటే ఆమె పెద్ద కుమార్తె పూజా కూడా ఈ పరుగు పందెంలో పాల్గొంది. మూడు వేల కోసం మొదలైన పరుగుతో రమాబాయి కూతుళ్ల జీవితాలకు కొండంత భరోసా వచ్చింది.

నాగ్‌పూర్‌: అన్నం వడ‍్డించనందుకు ఓ మహిళను ఆమె భర్త కొట్టి చంపాడు. మహారాష్ట్రలోని నాగ్‌పూర్‌లో ఈ ఘటన చోటుచేసుకుంది. కృష్ణలాల్‌ (41) అనే నిందితుడిని పోలీసులు అరెస్టు చేశారు. అతడి భార్య యామిని మృతదేహానికి నిర్వహించిన పోస్టుమార్టం పరీక్షలో తీవ్ర గాయాలు ఉన్నట్లు తేలడంతో పోలీసులు అతడిని అరెస్టు చేశారు.సీనియర్‌ ఇన్‌స్పెక్టర్‌ హరేశ్‌ కల్సేకర్‌ మాట్లాడుతూ.. కృష్ణలాల్‌ పని ముగించుకుని ఇంటికి వచ్చి తన భార్య యామినిని భోజనం వడ్డించాలని అడిగాడని తెలిపారు. అయితే యామిని అందుకు నిరాకరించి, తాను డ్యాన్స్‌ క్లాస్‌కు వెళ్లాలనుకుంటున్నానని, భోజనం అతడే వడ్డించుకోవాలని చెప్పినట్లు తెలిపారు.దీంతో దంపతుల మధ్య మొదలైన విభేదం తొలుత వాగ్వాదానికి, ఆ తర్వాత భౌతిక ఘర్షణకు దారితీసినట్లు పోలీసులు తెలిపారు. గణేశ్‌ ఉత్సవాల నేపథ్యంలో రాత్రి 10 గంటల నుంచి అర్ధరాత్రి వరకు వారి ఫ్లాట్‌లో మహిళలకు డ్యాన్స్‌ ప్రాక్టీస్‌ సెషన్లు జరుగుతున్న సమయంలో ఈ ఘటన చోటుచేసుకుంది.ఘర్షణ సమయంలో ఆగ్రహానికి గురైన కృష్ణలాల్‌ యామినిపై తీవ్రంగా దాడి చేసినట్లు పోలీసులు తెలిపారు. ఆమె మెడ, పొత్తికడుపుపై లోతైన గాయాలయ్యాయి. ఆ గాయాలు ప్రాణాంతకంగా మారడంతో యామిని మృతి చెందింది.పోస్టుమార్టంతో అనుమానాలుయామిని మృతి తర్వాత పోలీసులు తొలుత అనుమానాస్పద మృతిగా కేసు నమోదు చేశారు. అయితే యామిని కుటుంబ సభ్యులకు ఏదో తప్పు జరిగిందనే అనుమానం కలిగింది. ఆమె మృతదేహానికి పోస్టుమార్టం పరీక్ష నిర్వహించాలని వారు పట్టుబట్టారు. పరీక్షలో తీవ్ర గాయాలు ఉన్నట్లు తేలడంతో పోలీసులు ఆమె భర్తను ప్రశ్నించి అదుపులోకి తీసుకున్నారు. దర్యాప్తులో యామినిని హత్య చేసినట్లు కృష్ణలాల్‌ అంగీకరించినట్లు పోలీసులు తెలిపారు. ఆ తర్వాత పోలీసులు అతడిని అరెస్టు చేసి హత్య కేసు నమోదు చేశారు. ఈ దంపతులకు ఇద్దరు కుమారులు ఉన్నారు. పెద్ద కుమారుడి వయసు 14 ఏళ్లు కాగా, చిన్న కుమారుడి వయసు 4 ఏళ్లు.

సాక్షి, ముంబై: మహారాష్ట్రలోని ధారాశివ్ జిల్లాలో దారుణం చోటు చేసుకుంది. జాతీయ స్థాయి మహిళా రెజ్లర్ అశ్విని మనోహర్ పాల్ (Ashwini Manohar Paul) ఆత్మహత్య ఉదంతం కలకలం రేపింది. నాల్‌దుర్గ్ చారిత్రక కోటలో 100 అడుగుల లోతైన లోయలోకి తన ముగ్గురు పిల్లలతో సహా దూకేసిన విషాద ఘటన క్రీడా లోకంలో తీవ్ర దిగ్భ్రాంతిని నింపింది. ఈ ఘటనలో అశ్వినితో పాటు ముగ్గురు పిల్లలలో ఇద్దరు మరణించారని పోలీసులు తెలిపారు. ఒక కుమార్తె ప్రాణాలతో బయట పడింది. అశ్విని ఆమె ఐదున్నర ఏళ్ల కుమారుడు అజింక్య అక్కడికక్కడే మరణించారు. రెండేళ్లన్నర కవల కుమార్తెలలో ఒకరైన క్రాంతి, చికిత్స పొందుతూ మరణించింది. ఆమె మరో కుమార్తె వీర తీవ్ర గాయాలతో ప్రస్తుతం ధారాశివ్‌లోని ప్రభుత్వ ఆసుపత్రిలో వెంటిలేటర్ సపోర్ట్‌పై చికిత్స పొందుతోంది.తన భర్త, అత్తమామల నుండి అశ్విని నిరంతరం మానసిక, శారీరక వేధింపులకు గురైందని ఆమె తండ్రి ఆరోపించారు. దీనిపై పోలీసులు దర్యాప్తు చేస్తున్నారు. నల్దుర్గ్ పోలీస్ స్టేషన్‌లో కేసు నమోదైంది. తదుపరి దర్యాప్తు కొనసాగుతోంది.ఇదీ చదవండి: దివ్యాంగ మహిళపై లైంగిక దాడి యత్నం.. తరిమి కొట్టిన వీధి కుక్కలు!కాగా అశ్విని పాల్ రెజ్లింగ్ వర్గాల్లో సుపరిచితురాలు. ఆమెను "మహారాష్ట్ర టైగ్రెస్" (Maharashtra's Tigress) అని పిలిచేవారు. తన క్రీడా జీవితంలో ఆమె జాతీయ స్థాయిలో ఐదు స్వర్ణ , ఆరు రజత పతకాలను గెలుచుకున్నారు. ఈ ఘటన మహారాష్ట్ర వ్యాప్తంగా, క్రీడా వర్గాల్లో తీవ్ర విషాదాన్ని నింపింది; ఈ క్రీడాకారిణి ,ఆమె పిల్లల మరణం పట్ల పలువురు దిగ్భ్రాంతి వ్యక్తం చేశారు.ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియో

పుణే: పండుగల సమయంలో అధిక శబ్దంతో కూడిన డీజే సిస్టమ్స్‌, లౌడ్‌స్పీకర్ల వినియోగాన్ని వ్యతిరేకిస్తున్న నగరానికి చెందిన ఉద్యమకారుడు విద్యానంద్ బాపట్‌పై గురువారం ఉదయం ఓ వ్యక్తి దాడి చేశాడు. తిలక్ రోడ్ ప్రాంతంలో మీడియా ప్రతినిధులతో మాట్లాడుతున్న సమయంలో బాపట్‌పై దాడి జరిగింది. రోడ్డుపై విలేకరులకు తన అభిప్రాయాన్ని చెబుతున్న సమయంలో ఓ వ్యక్తి బాపట్‌ను చెంపపై కొట్టాడు. ఈ ఘటనకు సంబంధించిన వీడియో సామాజిక మాధ్యమాల్లో వైరల్‌ అవుతోంది.ఘటన అనంతరం పోలీసులు అక్కడికి చేరుకుని బాపట్‌ను పోలీసు వ్యాన్‌లో అక్కడి నుంచి తీసుకెళ్లారు. “దాడి చేసిన వ్యక్తిని గుర్తించేందుకు ప్రయత్నిస్తున్నాం. బాపట్ భద్రత దృష్ట్యా ఆయనను వ్యాన్‌లో తీసుకెళ్లాం” అని ఓ పోలీసు అధికారి తెలిపారు. దాడి చేసిన వ్యక్తి గుర్తింపు, దాడికి గల కారణం సహా మరిన్ని వివరాలు తెలియరాలేదు.లౌడ్‌స్పీకర్లు, అధిక శబ్దంతో కూడిన డీజే వ్యవస్థలలను బాపట్ వ్యతిరేకిస్తుండడం రాష్ట్రవ్యాప్తంగా చర్చనీయాంశంగా మారింది. ఆయనకు పెరుగుతున్న ప్రజా మద్దతు ఒక వ్యవస్థీకృత పౌర ఉద్యమంగా రూపుదిద్దుకుంటోంది. పండుగల సమయంలో పెద్ద శబ్దంతో సంగీతం, డీజేలకు వ్యతిరేకంగా బాపట్ ప్రచారం చేస్తున్నారు. అధిక శబ్దం వల్ల స్థానికులకు ఇబ్బందులు కలగడంతో పాటు వారి ఆరోగ్యం, శ్రేయస్సుపై ప్రభావం పడుతుందని ఆయన వాదిస్తున్నారు.రాబోయే గణేశ్ ఉత్సవాల కోసం పుణే మున్సిపల్ కార్పొరేషన్ నిర్వహించిన ఇటీవల సన్నాహక సమావేశానికి హాజరైన తర్వాత బాపట్ వెలుగులోకి వచ్చారు. ఆ సమావేశంలో యాంప్లిఫైడ్ డీజే సంగీతం, అధిక శబ్దంతో కూడిన స్పీకర్లపై పూర్తిస్థాయి నిషేధం విధించాలని ఆయన కోరారు. ఆయన డిమాండ్‌పై స్థానికంగా ఉన్న పలు గణేశ్ మండళ్ల ప్రతినిధులతో తీవ్ర వాగ్వాదం చోటుచేసుకుంది. నిరసనలు, నినాదాల మధ్య పోలీసులు చివరకు ఆయనను భవనం నుంచి బయటకు తీసుకెళ్లారు. ఆ ఘర్షణకు సంబంధించిన వీడియోలు త్వరలోనే వైరల్ కావడంతో బాపట్ పేరు విస్తృతంగా చర్చలోకి వచ్చింది.

సాక్షి, న్యూఢిల్లీ: తెలంగాణలోని కరువు పీడిత ప్రాంతాలకు నీళ్లిచ్చేందుకు ప్రాణహిత జలాలే ప్రాణాధారమని, వాటిని గరిష్ట స్థాయిలో గ్రావిటీ పద్ధతిన వినియోగించుకునేందుకు 152 మీటర్ల ఎత్తుతో తుమ్మిడిహెట్టి బరాజ్‌ నిర్మించుకునేందుకు సహకరించాలని మహారాష్ట్రను తెలంగాణ మరోమారు కోరింది. తుమ్మిడిహెట్టి బరాజ్‌ నిర్మాణ అనుమతుల అంశమై మంగళవారం కేంద్ర జల సంఘం చైర్మన్‌ అనుపమ్‌ ప్రసాద్‌ అధ్యక్షతన జరిగిన ఈ భేటీకి తెలంగాణ నుంచి శాఖ కార్యదర్శి శ్రీధర్, సలహాదారు ఆదిత్యనాథ్‌దాస్, ఈఎన్‌సీ రమేశ్‌బాబు, సీఈ విజయ్‌లతోపాటు అంతర్రాష్ట్ర విభాగ అధికారులు హాజరయ్యారు. మహారాష్ట్ర తరఫున సీఈ సోనాలి చావ్‌డేతో పాటు ఇంజనీర్లు పాల్గొన్నారు. ఈ సందర్భంగా తెలంగాణ ఇంజనీర్లు గోదావరి అవార్డు మొదలు, నీటి లభ్యత, కేటాయింపులు, హక్కులు, తుమ్మిడిహెట్టి బరాజ్‌ నిర్మాణానికి గతంలో చేసిన ప్రతిపాదనలు, మహారాష్ట్రతో ఒప్పందాలు, ప్రస్తుతం బరాజ్‌ నిర్మాణ అవసరం, ముంపు సమస్యలు, వాటికి అందించే పరిహారం వంటి అంశాలపై ప్రజెంటేషన్‌ ద్వారా వివరించారు. పునరావాస, పరిహార పూర్తి బాధ్యత మాదే..తుమ్మిడిహెట్టి బరాజ్‌ను 152 మీటర్ల ఎఫ్‌ఆర్‌ఎల్‌ (ఫుల్‌ రిజర్వాయర్‌ లెవల్‌)తో నిర్మించి, 160 టీఎంసీల నీటిని మళ్లించడం ద్వారా 16.40 లక్షల ఎకరాలకు నీళ్లిచ్చేలా ప్రాజెక్టును డిజైన్‌ చేశామని, అయితే రాష్ట్రాల మధ్య కుదరని ఏకాభిప్రాయంతో దీనిని 148 మీటర్లకు తగ్గిస్తూ గత ప్రభుత్వ హయాంలో ఒప్పందాలు జరిగిన విషయాన్ని ఇంజనీర్లు ప్రస్తావించారు. అయితే 148 మీటర్లతో ప్రస్తుతం బరాజ్‌ నిర్మిస్తే తమ అవసరాలకు ఆ నీరు ఏమాత్రం సరిపోదని, 80 నుంచి 100 టీఎంసీల నీటి అవసరాలు ఉన్న దృష్ట్యా 152 మీటర్లకు బరాజ్‌ను నిర్మించే అవకాశాలను పరిశీలించాలని కోరారు. 152 మీటర్ల ఎత్తులో నిర్మిస్తే మహారాష్ట్రలో ముంపు 5,247 హెక్టార్లు మాత్రమేనని, ఇందులో నదీగర్భంలోనే ముంపు ఎక్కువగా ఉందని, వ్యవసాయా««ధారిత భూమి 2వేల హెక్టార్లు కంటే తక్కువనే ఉంటుందని వివరించారు. దీనికి సంబంధించిన పూర్తి పరిహారాన్ని మహారాష్ట్ర కోరిన మేరకు నిర్వాసితులకు అందిస్తామని వివరించా రు. బరాజ్‌ సాధారణ నిర్వహణ సమయంలో నీటిముంపునకు గురయ్యే భూమిని, బరాజ్‌ వల్ల ఏర్పడే ముంపు ప్రభావాలను పరిగణనలోకి తీసుకుని తెలంగాణ ప్రభు త్వం భూమిని సేకరిస్తుందని, అవసరమైతే ప్రభావిత ప్రాంతాలను రక్షించేందుకు ఫ్లడ్‌ బ్యాంకులు నిర్మిస్తామని వెల్లడించింది. బరాజ్‌ నిర్మాణంతో మహారాష్ట్రకు నీటి హక్కులకు ఎలాంటి విఘాతం కలగదని తెలిపింది. గత నివేదికలు అందిస్తే అధ్యయనం చేస్తామన్న మహారాష్ట్ర రాష్ట్ర అభిప్రాయాలను విన్న మహారాష్ట్ర ఇంజనీర్లు.. తెలంగాణ నుంచి పలు అంశాలపై అదనపు సమాచారం కోరినట్టు తెలిసింది. బరాజ్‌ నిర్మాణ ప్రాంతంలో నీటి లభ్యత, 152 ఎఫ్‌ఆర్‌ఎల్‌తో మహారాష్ట్ర ప్రాంతంలో ఉండే ముప్పు, దీనిపై సీడబ్ల్యూపీఆర్‌ఎస్‌ (సెంట్రల్‌ వాటర్‌ అండ్‌ పవర్‌ రీసెర్చ్‌ స్టేషన్‌) గతంలో ఇచ్చిన నివేదికలు, రెండు రాష్ట్రాల అధికారులతో ఏర్పాటు చేసిన అంతర్రాష్ట్ర బోర్డుల మధ్య జరిగిన ఉత్తర ప్రత్యుత్తరాల వివరాలను తమకు అందించాలని కోరారు. ఇవన్నీ సమర్పిస్తే మూడు వారాల్లో మరోమారు భేటీ అవుదామని నిర్ణయించినట్టు తెలిసింది. భేటీ అనంతరం మహారాష్ట్ర కోరిన వివరాలు, రాష్ట్ర ప్రజెంటేషన్‌ వివరాలను తెలంగాణ ఇంజనీర్లు ఢిల్లీలోనే ఉన్న మంత్రి ఉత్తమ్‌కుమార్‌రెడ్డికి వివరించారు.

తల్లి తన పిల్లల కోసం ఏదైనా చేయగలదు అని మరోసారి రుజువైంది. ఓ తల్లి తన కుమార్తెల కోసం మారథాన్‌లో పాల్గొంది. కనీసం అనువైన డ్రెస్‌, షూలు లేకపోయినా..పిల్లలను ప్రయోజకులుగా తీర్చిదిద్దడమే తన ధ్యేయం అన్నట్లుగా రేసులోకి దిగింది. మరి ఆ తల్లి గెలిచిందా అంటే..మహారాష్ట్రలోని బీడ్‌ జిల్లా అంబాజోగైకి చెందిన వంటమనిషి రమాబాయి చెప్పలు లేకుండా మారథాన్‌లో పరిగిఎత్తి అందర్నీ ఆశ్చర్యపరిచేలా గెలిచింది. ఓ అమ్మ తలుచుకుంటే పిల్లల కోసం ఎంతటి అనితర సాధ్యమైనదైనా.. చేధించగలదని ప్రపంచానికి చూపించింది. ఇంతలా మారథాన్‌లో పాల్గొని గెలిచి తీరాల్సినంత అవసరం ఆమెకు ఎందుకంటే..ముంబైలో జరిగిన ఒక ప్రమాదంలో భర్తని కోల్పోయింది రమాబాయి. దాంతో తన ఇద్దరు కుమార్తెలను ఒంటరిగా పెంచుతూ వారి బాగోగులను చూసుకుంటూ వచ్చింది. అయితే తన పిల్లలకు మంచి చదువు అందించి ప్రయోజకులుగా తీర్చిదిద్దాలనేదే ఆమె ప్రగాఢ ఆకాంక్ష. అయితే ఆర్థిక వనరులు ఏమాత్రం సహకరించడం లేదామెకు. అయినా సరే ఏదోలా కుటుంబాన్ని నెట్టుకొస్తోంది. అంతేగాదు కుమార్తె చదివే చోట అంబాజోగైలోని అకాడమీలో వంటమనిషిగా పనిలో చేరి కుటుంబ బాధ్యతలను నిర్వర్తిస్తోందామె. ఆమె అకాడమీలో వంట చేస్తూ కాలం వెళ్లదీస్తుండగా, ఆమె కుమార్తెలు చదువులు, పోటీపరీక్షలపై దృష్టి సారిస్తున్నారు. ఎన్ని కష్టాలు ఎదురైనా..ఇద్దరు కుమార్తెలకు మెరుగైన భవిష్యత్తు అందించాలనే పట్టుదలతో రమాబాయి ముందుకు సాగుతోంది. ఆ క్రమంలోనే ఒక స్థానిక సంస్థ నిర్వహించిన 'అమృత్ దౌడ్' మారథాన్‌లో పాల్గొంది రమాబాయి. ఆ మారథాన్‌లో అంతా ట్రాక్‌సూట్‌లు, షూలు ధరించిన యువ పోటీదారుల మధ్య సాధారణ చీర కట్టుకుని పాల్గొంది రమాబాయి. ఆమె మొదట చెప్పులు వేసుకుని పరుగుని ప్రారంభించింది. కానీ పరిగెత్తేటప్పుడు అవి జారిపోతుండటంతో వాటిని తీసేయక తప్పలేదు. దాంతో ఆమె చేతిలో చెప్పులు పట్టుకుని చీరను జాగ్రత్తగా సర్దుకుంటూ..చల్లని రోడ్డుపై పరిగెత్తిందామె. కఠిన పరిస్థితులు ఉన్నప్పటికీ ఇదర పోటీదారుల కంటే వేగంగా దూసుకుపోయి..ముగింపు రేఖను చేరుకుంది. రమబాయి అచంచలమైన పట్టదలను చూసి ప్రేక్షకులు హర్షధ్వానాలతో అభినందించారామెను. రేసు తదనంతరం రమాయి మాట్లాడుతూ..ఈ పోటీలో చాలామంది పాల్గొన్నారని తెలసుని కానీ బహుమతి గెలవాలనే పట్టుదలతో ఉన్నానని చెప్పారామె. పరిగెత్తేటప్పుడు తాను నిరంతరం తన కుమార్తెల గురించి, వారి భవిష్యత్తునే ఆలోచిస్తూ పరుగు ప్రారంభించానని అన్నారామె. మరి గెలిచిన సోమ్ముని ఏం చేస్తావంటే..వారి పుస్తకాలు కొనడానికి ఉపయోగిస్తానని చెప్పింది. అంతేగాదు మరోఅద్భుతం ఏంటంటే ఇదే మారథాన్‌లో పాల్గొన్న ఆమె కుమార్తె పూజా రెండో స్థానాన్ని కైవసం చేసుకుంది. తానే తల్లిని పాల్గొనమని ప్రోత్సహించానని, కానీ ప్రథమ స్థానంలో నిలుస్తుందని అస్సలు ఊహించలేదని ఆనందంగా చెబుతోంది. ఇక పూజా పోలీస్ రిక్రూట్‌మెంట్ కోసం సిన్నద్ధమవుతోంది. ఇక ఆమె సోదరి బ్యాంక్‌ పోటీ పరీక్షలకు ప్రిపేరవుతంది. చాలా కఠినమైన పరిస్థితులను తట్టుకుని మమ్మల్ని ఎంతో ప్రయాస పడి పెంచిందని చెబుతోంది ఆమె కూతురు పూజా. అంతేగాదు పూజా అంకితభావానికి ముగ్ధుడైన అకాడమీ డైరెక్టర్‌ ఆమె ఫీజును కూడా మాపీ చేశారు. కాగా, రమాబాయి కుటుంబం గతంలో వ్యవసాయ పనులపై ఆధారపడి జీవిస్తుండేది. అయితే పిల్లల చదువుకి సాయం అందించేందుకు ఇలా కూతురి అకాడమీలోనే చేరి వంటమనిషిగా పనిచేస్తోందామె. ఈ తల్లికి కుమార్తెల కలను నెరవేర్చడానికి మారథాన్‌ను ఒక అవకాశంగా ఉపయోగించుకుంది. పైగా ఆమె పోటీలో వేసిన ప్రతిఅడుగు అపురూపమైనది. ఎందుకంటే ఆ రేసులో వేసిన అడుగులన్నీ పిల్లలకు మంచి భవిష్యత్తుని అందించాలనే ఆశతో వడివడిగా నడిచినవే. View this post on Instagram A post shared by Avani (@avaniarya) (చదవండి: విపత్తు మిగిల్చిన విషాదం..! తల్లిదండ్రుల ఆచూకీ కోసం..ఆ పసివాడు..)

బీడ్‌: ఎన్నికష్టాలు ఎదురైనా సరే, తన ఇద్దరు కుమార్తెలను బాగా చదివించి, ప్రయోజకులను చేయాలన్నదే ఆ తల్లి లక్ష్యం. వారి కోసమే రోజంతా కష్టపడి పనిచేస్తోంది. అనుకోకుండా వచ్చిన ఓ చిన్న అవకాశాన్ని సైతం వదలుకో దల్చలేదు. ఎన్నడూ పరుగుపోటీలో పాల్గొన్న అనుభవం లేకపోయినా సరే, ధైర్యంగా ముందుకు వచ్చింది గతుకుల, రాళ్ల రహదారిలో కాళ్లకు చెప్పులుసైతం లేకుండా పరుగు తీసి, విజేతగా నిలిచింది. అందరినీ ఆశ్చర్యపరుస్తూ మొదటి బహుమతిగా రూ.3 వేలు గెల్చుకుంది. మహారాష్ట్రలోని హింగోలీకి చెందిన రమాబాయి రణవీర్‌(47) భర్త చనిపోవడంతో బతుకు దెరువు కోసం ఇద్దరు కుమార్తెలతో బీడ్‌ జిల్లా అంబాజోగైలో ఉంటూ ఇళ్లలో పనిచేస్తోంది. శనివారం ఉదయం భారతీయ శిక్షణ్‌ ప్రసారక్‌ సంస్థ నిర్వహించిన పరుగు పందెంలో పాల్గొనేందుకు వెళ్లింది. నేత చీర, రబ్బరు చెప్పులు ధరించి అక్కడికి వెళ్లిన ఆమెకు పరుగెత్తడమెలాగన్న అనుమానం పట్టుకుంది. పరుగు మొదలైంది. చెప్పులు జారి పోతుండటంతో పరుగెత్తడం కష్టంగా మారింది. దీంతో, చెప్పుల్ని చేతిలో పట్టుకుని, చీరకొంగును పైకి ఎగసి కట్టి..కంకర రాళ్లు, గుంతలు అడ్డుపడ్డా లెక్క చేయకుండా ముందుకు సాగుతూ ఒక్కొక్కరినీ అధిగమించి, ఒంటరిగా మూడు కిలోమీటర్ల లక్ష్యాన్ని ఛేదించింది. మూడు వేల రూపాయల బహుమతిని, ట్రోఫీని గెల్చుకుంది. ఇల్లు గడవటానికి రోజూ పరుగులు తీస్తూనే ఉంటా. ఈ రోజు మాత్రం నా ఇద్దరి కూతుళ్ల చదువుల కోసం పరుగెత్తా’అంటూ బహుమతి అందుకుంటూ రమాబాయి సగర్వంగా ప్రకటించింది. ఇదీ చదవండి: లక్షల్లో జీతం, హెచ్‌1 బీ వీసా : తిరిగి ఇండియాకు, ఎందుకు?

ముంబై: ప్రముఖ సామాజిక కార్యకర్త, గాంధేయవాది అన్నా హజారే తీవ్ర అస్వస్థతకు గురయ్యారు. దీంతో ముంబైలోని ఓ ప్రముఖ ఆస్పత్రికి ఆయన్ని హుటాహుటిన తరలించారు. ప్రస్తుతం ఐసీయూలో ఆయనకు చికిత్స కొనసాగుతుండగా.. హెల్త్‌ బులిటెన్‌ విడుదల కావాల్సి ఉంది.అహింసా పద్ధతుల్లో.. శాంతియుత మార్గాల్లో అన్నా హజారే గతంలో పలు సత్యాగ్రహాలు చేశారు. ఇప్పటిదాకా ఆయన 22 సార్లు నిరాహార దీక్షలు చేపట్టినట్లు తెలుస్తోంది. అయితే అవినీతి వ్యతిరేక ఉద్యమం ఇండియా అగైనెస్ట్‌ కరప్షన్‌ (ఐఏసీ) మాత్రం ఆయనకు బాగా పేరొచ్చింది. ఆ తర్వాత రైతు చట్టాలు సహా అనేక ఉద్యమాలకు ఆయన మద్దతు ప్రకటించారు. ఇటీవలి నీట్‌ నిరసనలపై ఆయన స్పందించారు. ఈ అంశంపై ప్రధాని నరేంద్ర మోదీకి లేఖ రాసి.. విద్యార్థులతో ప్రభుత్వం చర్చలు జరిపి వారి సమస్యలను పరిష్కరించాలని కోరారు. విద్యార్థులకు సంఘీభావంగా జూలై 23న రెండు గంటలపాటు మౌన దీక్ష కూడా చేపట్టారు.89 ఏళ్ల హజారే.. వైరల్‌ ఇన్‌ఫెక్షన్‌, కిడ్నీ సంబంధిత సమస్యలతో.. తీవ్రమైన డీహైడ్రేషన్‌తో బాధపడుతున్నారు. రాలేగావ్‌ సిద్ధిలో స్థానిక ఆస్పత్రిలో చికిత్స పొందుతున్న ఆయన ఆరోగ్యం క్షీణించడంతో మెరుగైన వైద్యం కోసం ముంబైకి తరలించారు. బాంబే ఆస్పత్రిలో వైద్యుడు గౌతమ్‌ భన్సాలీ పర్యవేక్షణలో ఆయనకు చికిత్స కొనసాగుతోంది. హజారే ఆరోగ్య పరిస్థితిని వైద్యులు నిశితంగా పరిశీలిస్తున్నారు. అవసరమైన పరీక్షలు నిర్వహించిన అనంతరం తదుపరి చికిత్సపై నిర్ణయం తీసుకోనున్నారు.కేజ్రీవాల్‌తో కలిసి..2011లో అవినీతికి వ్యతిరేకంగా అన్నా హజారే చేపట్టిన ఉద్యమం దేశవ్యాప్తంగా సంచలనం సృష్టించింది. ఏప్రిల్‌ 5న ఢిల్లీలోని జంతర్‌ మంతర్‌లో జనలోక్‌పాల్‌ బిల్లును బలంగా తీసుకురావాలని డిమాండ్‌ చేస్తూ ఆయన నిరాహార దీక్ష ప్రారంభించారు. నాలుగు రోజులపాటు సాగిన ఈ దీక్షకు దేశవ్యాప్తంగా భారీ మద్దతు లభించడంతో ప్రభుత్వం జనలోక్‌పాల్‌ బిల్లుపై చర్చలకు దిగింది. ఈ ఉద్యమంలో సామాజిక కార్యకర్త అరవింద్‌ కేజ్రీవాల్‌, కిరణ్‌ బేడీ, ప్రశాంత్‌ భూషణ్‌ తదితరులు హజారేకు కీలక సహచరులుగా ఉన్నారు. హజారే ఉద్యమానికి కేజ్రీవాల్‌ బలమైన మద్దతు ఇవ్వడంతో ఇద్దరి పేర్లు అప్పట్లో దేశవ్యాప్తంగా మార్మోగాయి. అనంతరం అదే ఉద్యమం నేపథ్యంలో కేజ్రీవాల్‌ రాజకీయాల్లోకి ప్రవేశించి ఆమ్‌ ఆద్మీ పార్టీని స్థాపించారు.ఇదీ చదవండి: బీజేపీ సర్కార్‌కు ఆరేళ్ల పిల్లాడి వార్నింగ్‌!

ముంబై: పిల్లల భవిష్యత్తు కోసం ఏం చేయడానికైనా వెనుకాడదు తల్లి. మహారాష్ట్రలోని బీడ్ జిల్లాకు చెందిన అంబాజోగైకి చెందిన 47 ఏళ్ల మహిళ రామాబాయి రణ్‌వీర్ కూడా అటువంటి తల్లే. పిల్లల చదువు కోసం చీర ధరించి, చెప్పులు లేకుండా పరుగెత్తిన రామాబాయి మారథాన్‌లో విజయం సాధించారు.బూట్లు, ట్రాక్‌సూట్లు ధరించి పోటీలో పాల్గొన్న పలువురు యువకులను వెనక్కి నెట్టి ఆమె గెలిచారు. భారతీయ శిక్షణ ప్రసారక సంస్థకు చెందిన ఖోలేశ్వర్ విద్యా సముదాయంలో అమృత మహోత్సవ వేడుకల్లో భాగంగా నిర్వహించిన ‘అమృత్ దౌడ్‌’లో ఆమె పాల్గొన్నారు. రేసులో విజయం సాధించి రూ.3,000 నగదు బహుమతి అందుకున్నారు. ఆ మొత్తాన్ని తన కూతురి చదువుకు ఉపయోగించాలని ఆమె భావిస్తున్నారు.అంబాజోగైలో ఈ మారథాన్‌ నిర్వహించారు. ఛత్రపతి శివాజీ మహారాజ్ చౌక్‌ నుంచి ప్రారంభమైన పరుగు భాగ్యనగర్ చౌక్‌ వద్ద ముగిసింది. ఈ పోటీలో స్థానిక యువతీ యువకులు పెద్ద సంఖ్యలో పాల్గొన్నారు. రామాబాయి సాధారణ చీర, చెప్పులు ధరించి పోటీ ప్రదేశానికి వచ్చారు. సాధారణంగా ఒక పోటీదారుగా ఆమె రేసులో చేరారు. చివరికి తానే విజేతగా నిలుస్తారని అప్పటికి ఎలాంటి సూచన కనిపించలేదు.రేసు ప్రారంభమైనప్పుడు ఆమె పట్టుదలతో పరుగెత్తారు. అయితే పరుగులో ఆమె చెప్పులు జారిపోయాయి. అయినా ఆగిపోకుండా ఆమె చెప్పులు విప్పి చేతిలో పట్టుకుని, చెప్పులు లేకుండానే పరుగును కొనసాగించారు. రోడ్డుపై చెప్పులు లేకుండా పరిగెత్తడం, రాళ్లు ఎదురుకావడం, పరుగెత్తుతూనే చీరను సర్దుకోవడం వంటి సవాళ్లు ఎదురైనా ఆమె ముగింపు రేఖను చేరడంపైనే దృష్టి పెట్టారు. ఆమె పట్టుదలతో యువ పోటీదారులను వెనక్కి నెట్టి ముందుకు సాగారు.ఆమె అందరికంటే ముందుగా ముగింపు రేఖను దాటి మారథాన్‌లో విజయం సాధించారు. ఆమె పట్టుదల, తన కూతుళ్ల చదువు పట్ల అంకితభావానికి ప్రేక్షకులు, నిర్వాహకులు భావోద్వేగానికి లోనై చప్పట్లతో అభినందించారు. రూ.3,000 బహుమతి మొత్తాన్ని తన కూతురి చదువుకు ఉపయోగించనున్నారు.

ముంబై: కైలాస మానససరోవర యాత్రకు వెళ్లిన మహారాష్ట్రలోని విరార్‌ వాసి ప్రదీప్‌ టెండూల్కర్‌‌ నేపాల్‌లో సంభవించిన ఆకస్మిక వరదల నుంచి త్రుటిలో ప్రాణాపాయం తప్పించుకున్నారు. ఆయన బస చేసిన హోటల్‌ను ప్రమాదానికి కొద్ది గంటల ముందే ఖాళీ చేయడం వల్ల ప్రాణాలు దక్కాయి. ఆగస్టు 22న విరార్‌ నుంచి యాత్ర ప్రారంభించిన ప్రదీప్‌ టెండూల్కర్‌ నేపాల్‌ మీదుగా ప్రయాణిస్తూ ఒక హోటల్‌లో బస చేశారు.అయితే ఆ హోటల్‌ నుంచి ఆయన బయలుదేరిన నాలుగు గంటల వ్యవధిలోనే అక్కడ ఆకస్మిక వరదలు ముంచెత్తాయి. నీటి ఉద్ధృతికి ఆ హోటల్‌ పేకమేడలా కొట్టుకుపోయింది. కొద్ది గంటల వ్యత్యాసమే ఆయన ప్రాణాలను కాపాడింది. ప్రదీప్ ప్రస్తుతం దాదాపు 18,500 అడుగుల ఎత్తులోని డోల్మా లా పాస్‌కు సురక్షితంగా చేరుకుని, యాత్రను కొనసాగిస్తున్నారు. తాను విశ్రాంతి తీసుకున్న ప్రాంతం పూర్తిగా శిథిలమైపోయిన వార్త తెలుసుకుని ప్రదీప్‌ తీవ్ర విస్మయానికి గురయ్యారు. తమ ప్రాణాలు దక్కినప్పటికీ, ఈ విపత్తు వల్ల ప్రజలకు జరిగిన నష్టం తీవ్ర బాధాకరమని ఆయన ఆవేదన వ్యక్తం చేశారు.ఈ విపత్తు కారణంగా ప్రధాన రహదారులు ధ్వంసమై మానససరోవర యాత్రకు వెళ్తున్న ఇతర యాత్రికుల రాకపోకలకు తీవ్ర ఆటంకం ఏర్పడింది. ప్రభావిత ప్రాంతాల్లో చిక్కుకున్న వారిని సురక్షితంగా తరలించేందుకు భారత్, నేపాల్, చైనా సహాయక బృందాలు ముమ్మరంగా శ్రమిస్తున్నాయి. ఈ ఘటన నేపథ్యంలో వసాయ్-విరార్ నగర ప్రజల్లో ఆందోళన వ్యక్తమవగా, నగరానికి చెందిన పౌరులెవరూ ఈ ప్రమాదంలో చిక్కుకోలేదని మేయర్ అజీవ్ పాటిల్ తెలిపారు.ఇది కూడా చదవండి: వరద మిగిల్చిన బురద.. కుదుటపడేదెన్నడో..

ముంబై: మహారాష్ట్రలో ఆటో,ట్యాక్సీ డ్రైవర్లకు మరాఠీ భాష నేర్చుకోవడం తప్పనిసరని అక్కడి ప్రభుత్వం ఇటీవల నిబంధన తీసుకవచ్చిన సంగతి తెలిసిందే. ఈ నేపథ్యంలో ఓ ఆటోడ్రైవర్‌ వినూత్నంగా ఆలోచించాడు. ఓ వైపు మరాఠీ భాష నేర్చుకుంటూనే మరోవైపు ప్రయాణికులతో మెరుగ్గా కమ్యూనికేట్‌ చేసేందుకు తన ఆటోలో హిందీ నుంచి మరాఠీకి అనువదించిన చేతిరాత నోటును అతికించుకున్నారు. భాష కోసమై ఆటో డ్రైవర్‌ చేస్తున్న ప్రయత్నం ప్రస్తుతం సోషల్‌ మీడియాలో వైరల్‌గా మారింది.ఈ షీట్‌లో ప్రయాణికులతో రోజువారీ సంభాషణల్లో ఉపయోగించే సాధారణ హిందీ పదాలు, వాక్యాలను వాటి మరాఠీ అనువాదాలతో ఈ షీట్‌లో రాసి ఉంచారు. మరాఠీ నేర్చుకుంటున్న ఆటో డ్రైవర్‌.. ప్రయాణికులతో మాట్లాడే సమయంలో అవసరమైన వాక్యాలను చూసుకుని ఉపయోగించుకునేలా ఈ షీట్‌ను సిద్ధం చేసుకున్నట్లు తెలుస్తోంది. ప్రయాణికులతో నిత్యం ఎదురయ్యే సాధారణ పరిస్థితులను దృష్టిలో పెట్టుకుని ఈ షీట్‌ను రూపొందించినట్లు తెలుస్తోంది. ఇలా ప్రయాణికులతో రోజువారీ సంభాషణల్లో అవసరమయ్యే పలు సాధారణ వాక్యాలను హిందీతో పాటు వాటి మరాఠీ అనువాదాలతో ఈ షీట్‌లో పొందుపరిచారు. ప్రస్తుతం మరాఠీ నేర్చుకుంటున్న వ్యక్తికి ప్రయాణికులతో మాట్లాడే సమయంలో ఈ విధానం ఎంతో ఉపయోగకరంగా ఉండేలా కనిపిస్తోంది. ఇది చూసిన నెటిజన్లు సదరు ఆటో డ్రైవర్‌పై ప్రశంసలు కురిపిస్తున్నారు.కాగా మహారాష్ట్ర ప్రభుత్వం ఇటీవలే ఆటోరిక్షా, ట్యాక్సీ డ్రైవర్లకు మరాఠీ భాషపై ప్రాథమిక స్థాయిలో అవగాహన ఉండాలని నిబంధన తీసుకొచ్చింది. అంటే పూర్తి స్థాయిలో మరాఠీ చదవడం, రాయడం లేదా ఫ్లూయెంట్‌గా మాట్లాడడం తప్పనిసరి అని కాదు ప్రయాణికులతో సాధారణ సంభాషణ చేయగలిగేంత మరాఠీ భాష రావాలి. ఈ నేపథ్యంలోనే మహారాష్ట్ర రవాణా శాఖ అధికారిక సైట్‌లో 2026లో మోటార్ వెహికల్ రూల్స్‌కు చేసిన సవరణలు సైతం నమోదు చేసింది.

సాక్షి, ముంబై : మహారాష్ట్ర ఫుడ్ అండ్ డ్రగ్స్ అడ్మినిస్ట్రేషన్ (FDA) తుకారాం ముండేకు మరోసారి చేదు అనుభవం ఎదురైంది. తుకారం నేతృత్వంలోని మహారాష్ట్ర ఫుడ్ అండ్ డ్రగ్స్ అడ్మినిస్ట్రేషన్ (FDA) జారీ చేసిన రెండు ప్రధాన చర్యలపై బాంబే హైకోర్టు తీవ్ర స్థాయిలో ఆగ్రహం వ్యక్తం చేసింది. నిబంధనలను పాటించకుండా, "సహజ న్యాయ సూత్రాలకు" (principles of natural justice) విరుద్ధంగా,చట్టాన్ని సరిగ్గా విశ్లేషించకుండానే అతిగా ప్రవర్తించి హడావుడిగా నిర్ణయాలు తీసుకున్నారని ఆగ్రహించింది. దీంతో పుణేలోని సిప్లా ఫార్మా అండ్ లైఫ్ సైన్సెస్ లిమిటెడ్ యూనిట్ డ్రగ్ సేల్ లైసెన్స్‌, బీకేసీ ఎంబీఏ (MCA) రెస్టారెంట్ల మూసివేత రద్దు చేస్తూ ఇచ్చిన రెండు ఆదేశాలను ఎఫ్‌డీఏ వెనక్కి తీసుకోవలసి వచ్చింది.ముంబై క్రికెట్ అసోసియేషన్ ప్రాంగణంలోని ఆహారశాలలకు సంబంధించి చట్టాన్ని విశ్లేషించకుండా ఉత్తర్వులు జారీ చేయడాన్ని తొందరపాటు చర్యగా పేర్కొంటూ ఎఫ్‌డీఏను మందలించింది. ఈ సందర్భంగా హైకోర్టు ముండేను ఉద్దేశించి ఘాటు వ్యాఖ్యలు చేసింది. అధికార ధోరణితో హద్దులు దాటి ప్రవర్తిస్తోందని గట్టిగా మందలించింది. అంతేకాదు "మీరేదో దేవుడనుకుంటున్నారా? అంటూ మండిపడింది.యాక్టింగ్ చీఫ్ జస్టిస్ రవీంద్ర ఘుగే, జస్టిస్ గౌతమ్ అంఖడ్ లతో కూడిన ధర్మాసనం ఎఫ్‌డీఏ వైఖరిని తప్పుబడుతూ ‘‘మీరేదో దేవుడనుకుంటున్నారా? మీరు తలచుకుంటే ఏదైనా చేయవచ్చని భావిస్తున్నారా? దోమను చంపడానికి కత్తిని ఎందుకు ఉపయోగిస్తున్నారు?" అని హైకోర్టు తీవ్రంగా ప్రశ్నించింది. అలాగే ప్రభుత్వ సెలవు దినాన విచారణకు రావాలని ఇమెయిల్ పంపడం, సరైన ప్రక్రియను అనుసరించకపోవడంపై కోర్టు ఎఫ్‌డీఏను మందలించింది. దీంతో ఎఫ్‌డీఏ తన రద్దు ఉత్తర్వును వెనక్కి తీసుకుంది. ఎఫ్‌డీఏ అధికారులపై కోర్టు ధిక్కార చర్యలు (Contempt action) తీసుకుంటామని హెచ్చరించడంతో, ఎఫ్‌డీఏ సస్పెన్షన్ ఉత్తర్వులను వెనక్కి తీసుకుంది. దీనితో ఆ రెస్టారెంట్లు తిరిగి ప్రారంభించేందుకు కోర్టు అనుమతించింది. ఇదీ చదవండి: Nepal Flash Floods 1600 మందిని కాపాడిన ఒకే ఒక్కడు!మరోవైపు ఎఫ్‌డీఏ పనితీరును ప్రశంసిస్తూనే, హద్దులు దాటుతున్నారు. ఇలా జరగడం ఇదే మొదటిసారి కాదు. తప్పు చేశారు, కాబట్టి ఇప్పుడు ఆ సమస్యను పరిష్కరించాలని ధర్మాసనం పేర్కొంది.

‘మిసల్‌’ అంటే మరాఠీ భాషలో ‘కలయిక‘ అని అర్థం. 20వ శతాబ్దం ప్రారంభంలో మహారాష్ట్రలోని ఖాందేశ్, నాసిక్‌ ప్రాంతాల్లోని రైతులు, రోజువారీ కూలీల కోసం ఈ వంటకం పుట్టుకొచ్చింది. తక్కువ ఖర్చుతో, ఎక్కువ శక్తినిచ్చే ఆహారం కావడంతో... ఇళ్లలో మిగిలిపోయిన ఉడకబెట్టిన పెసళ్లు, శనగలు, మసాలా రసం, చుట్టూ దొరికే కరకరలాడే స్నాక్స్‌ను కలిపి ఒక డిష్‌గా అందించడం ప్రారంభించారు. అలా మిసల్‌ పావ్‌ వంటకం ప్రజలందరికీ ఇష్టమైన వంటకంగా మారిపోయింది.మహారాష్ట్ర వీధుల్లో ఎక్కడ చూసినా కనిపించే ‘మిసల్‌ పావ్‌’ కేవలం ఒక టిఫిన్‌ మాత్రమే కాదు... పుణె సంస్కృతిలో భాగమైన ఒక ఎమోషన్‌. ఘాటైన కారం, కరకరలాడే ఫర్సాన్, ఉడకబెట్టిన మొలకెత్తిన ధాన్యాలు, వేడివేడి పావ్‌ల కాంబినేషన్‌ ప్రతి ఒక్కరి నాలుకపై నీరూరిస్తుంది. ఒకప్పుడు పేద ప్రజలు, కూలీల ఆకలి తీర్చడానికి మొదలైన ఈ మిసల్‌ పావ్‌... నేడు పుణె సిటీలోనే అత్యంత ఐకానిక్‌ డిష్‌గా మారిపోయింది.తక్కువ ధరలో లభించే పోషకాహారం కావడంతో విద్యార్థులు, ఐటీ ఉద్యోగులు, పర్యాటకులు మిసల్‌ పావ్‌ రుచికి దాసోహమయ్యారు. నేడు ప్రపంచంలోనే అత్యంత రుచికరమైన శాకాహార అల్పాహారాల్లో ఒకటిగా లండన్‌లో గుర్తింపు పొందే స్థాయికి మిసల్‌ పావ్‌ ఎదిగింది. షాపుల ముందు మైళ్ల పొడవునా క్యూ నిలబడినా సరే... పొగలు కక్కే మిసల్‌ పావ్‌ తింటే వచ్చే ఆ తృప్తి ముందు ఆ నిరీక్షణ చిన్నబోతుందంటారు పుణె వాసులు.ఇవీ చదవండి: ఆఫీస్‌ వర్క్‌లో ఫోకస్‌ పెరగాలంటే.. ఈ చిన్న బ్రేక్‌ తప్పనిసరి!

దేశవ్యాప్తంగా ఆహార భద్రత తనిఖీలు ముమ్మరంగా సాగుతున్న వేళ.. ఓ ఆసక్తికర ఘటన చోటు చేసుకుంది. రైడ్‌కు వెళ్లిన అధికారి లంచం తీసుకున్నాడని ఆరోపిస్తూ జనం భలే శిక్ష విధించారు. అక్కడ తప్పు జరగలేదని ఆ అధికారి బుకాయించే యత్నం చేయగా.. అది కరెక్ట్‌ అయితే నిరూపించమంటూ ఒత్తిడి చేశారు. దీంతో ఆ అధికారి నీళ్లు మింగాల్సి వచ్చింది. తుకారాం ముండే ఈ పేరు ఇప్పుడు దేశవ్యాప్తంగా చర్చనీయాంశంగా మారింది. మహారాష్ట్రలో ఫుడ్‌ సేఫ్టీ విషయంలో ఆయన నేతృత్వంలో జరుగుతున్న సోదాలు.. తీసుకుంటున్న చర్యలు.. కంట్రోల్‌లో ఉండాలంటూ కోర్టులు ఆదేశిస్తూ ఆయన వ్యవహరిస్తున్న తీరూ.. ఇవన్నీ నిత్యం వార్తల్లో నిలుస్తున్నవే. అలాంటి రాష్ట్రంలోనే తాజాగా జరిగిన ఓ ఘటన నెట్టింట వైరల్‌ అవుతోంది. ఛత్రపతి సంభాజీనగర్‌లో వైజాపూర్‌ ఏరియాలో ఓ ఫుడ్‌ అండ్‌ డ్రగ్‌ అడ్మినిస్ట్రేషన్‌ (FDA) అధికారికి చేదు అనుభవం ఎదురైంది. తనిఖీల్లో పట్టుబడిన ఎక్స్‌పైరీ(కాలం చెల్లినవి) బిస్కెట్లను అధికారితోనే తినిపించేందుకు స్థానికులు ప్రయత్నించడం నెట్టింట వైరల్‌ అయ్యింది. ఓ దుకాణదారుడిని కాపాడే క్రమంలో ఆయన లంచం తీసుకున్నారని ఆగ్రహం వ్యక్తం చేస్తూ.. జనం ఈ పని చేయబోయారు. స్థానికంగా ఓ దుకాణంలో తినుబండారాలు తిన్న రెండేళ్ల చిన్నారి అస్వస్థతకు గురైంది. ఈ ఘటనతో స్థానికంగా ఉద్రిక్తత చోటు చేసుకుంది. కుటుంబ సభ్యుల ఫిర్యాదు మేరకు ఎఫ్‌డీఏ అధికారులు ఆసుపత్రికి తరలించారు. ఫిర్యాదు నేపథ్యంలో ఓ అధికారి దుకాణాన్ని తనిఖీ చేయడానికి వెళ్లగా.. అప్పటికే చిన్నారి తిన్నట్లు చెబుతున్న స్నాక్‌ మిక్స్‌ను దుకాణం నుంచి తొలగించినట్లు తెలుస్తోంది.CHHATRAPATI SAMBHAJINAGAR — An FDA officer was cornered and forcibly fed expired biscuits by an angry crowd in the Vaijapur area of Maharashtra. pic.twitter.com/Pq5rUfBenO— Truth India Live (@Truthindialive) August 29, 2026అయితే తనిఖీల్లో కొన్ని ఎక్స్‌పైరీ బిస్కెట్‌ ప్యాకెట్లు బయటపడ్డాయట. వాటిని తమ వాహనంలో పెట్టిన అధికారులు.. ఎలాంటి చర్యలు తీసుకోకుండా అక్కడి నుంచి వెళ్లిపోయే ప్రయత్నం చేశారు. దీంతో ఆగ్రహించిన జనం.. ఆ అధికారి చుట్టూ చేరారు. దుకాణానికి సీజ్‌ వేయకుండా ఎందుకు వెళ్లిపోతున్నారంటూ నిలదీశారు. దానికి ఆ అధికారి తనిఖీల్లో ‘అంతా సవ్యం’గానే ఉందని చెప్పాడు. దీంతో వాహనం నుంచి ఆ బిస్కెట్లను తీసుకున్న స్థానికులు ‘బిస్కెట్లు సురక్షితమే అయితే మీరే తినండి’ అంటూ నోట్లో కుక్కేందుకు ప్రయత్నించారు. దాంతో నమల్లేక.. మింగలేక.. కక్కలేక ఆ అధికారి పడ్డ అవస్థలు పడ్డ వీడియో వైరల్‌ అవుతోంది. ఇదిలా ఉండగా.. మహారాష్ట్రలో ప్రస్తుతం FDA కమిషనర్‌ తుకారాం ముండే నేతృత్వంలో ఆహార భద్రతపై భారీ స్థాయిలో తనిఖీలు, దాడులు జరుగుతున్నాయి. రెస్టారెంట్లు, హోటళ్లు, డెయిరీలు, క్యాంటీన్లు, ఫుడ్‌ డెలివరీ సంస్థలు సహా వివిధ ఆహార వ్యాపార సంస్థల్లో తనిఖీలు నిర్వహిస్తున్నారు. ఉల్లంఘనలు గుర్తిస్తే లైసెన్సులు సస్పెండ్‌ చేయడం, నోటీసులు ఇవ్వడం వంటి చర్యలు చేపడుతున్నారు. ఈ తరుణంలో ఆహార భద్రతను కాపాడాల్సిన అధికారులపై ఇలాంటి ఆరోపణలు రావడం, అదే సమయంలో ప్రజలు చట్టాన్ని చేతుల్లోకి తీసుకుని అధికారిని అవమానించే స్థాయికి వెళ్లడం కలకలం రేపింది.ఇదీ చదవండి: ఆ పుస్తకం చదవాల్సిన అవసరం ఏమొచ్చింది?

ముంబై: మరాఠీ భాషా నిబంధనపై ఒత్తిడి పెంచుతూ మహారాష్ట్ర నవనిర్మాణ సేన (ఎంఎన్‌ఎస్‌) నేత అమిత్‌ ఠాక్రే హెచ్చరికలు జారీ చేశారు. హిందీలో మాత్రమే మాట్లాడాలని పట్టుబట్టే ఆటోరిక్షా, ట్యాక్సీ డ్రైవర్లను కొడతామని ఆయన అన్నారు. ఎంఎన్‌ఎస్‌ అధినేత రాజ్‌ ఠాక్రే కుమారుడే అమిత్‌ ఠాక్రే అన్న విషయం తెలిసిందే.మహారాష్ట్ర ప్రభుత్వం గురువారం ఆటోరిక్షా, ట్యాక్సీ, క్యాబ్‌ డ్రైవర్లకు పని నిర్వహణకు అవసరమైన మరాఠీ నేర్చుకునేందుకు ఏడాది సమయం ఇచ్చింది. ఈ నిర్ణయం తర్వాత అమిత్‌ ఠాక్రే స్పందించారు. డ్రైవర్ల సంఘాల ప్రతినిధులు మరింత సమయం కావాలని కోరారని ముఖ్యమంత్రి దేవేంద్ర ఫడ్నవీస్‌ తెలిపారు. ఈ రంగంలో వివిధ వయసులు, విద్యా నేపథ్యాలకు చెందిన వారు పనిచేస్తున్నారని వారు చెప్పినట్లు ఆయన వివరించారు.దీంతో అమిత్‌ ఠాక్రే మాట్లాడుతూ.. ఆటోరిక్షా డ్రైవర్లు హిందీలో మాట్లాడుతున్నారని లేదా ప్రయాణికులతో దురుసుగా ప్రవర్తిస్తున్నారని ఫిర్యాదులు వస్తే తమ పార్టీ చర్యలు తీసుకుంటుందని చెప్పారు. “ఆటోరిక్షా డ్రైవర్‌ హిందీలో మాట్లాడుతున్నట్లు లేదా దురుసుగా ప్రవర్తిస్తున్నట్లు మా దృష్టికి వస్తే వాళ్లను కొడతాం. మీరు ప్రజలను ఇబ్బంది పెడితే దెబ్బలు తింటారు. ప్రజలు ఉత్తరప్రదేశ్‌ భాషలోనే మాట్లాడాలని లేదా హిందీలోనే మాట్లాడాలని వారికి చెప్పకండి. మేం మరాఠీలో మాట్లాడతాం. అంతమాత్రం మీరు అర్థం చేసుకోండి” అని ఆయన అన్నారు.పని నిర్వహణకు అవసరమైన మరాఠీ నేర్చుకునేందుకు ఏడాది అదనపు సమయం ఇచ్చిన నిర్ణయంపై ఫడ్నవీస్‌ను ఠాక్రే కూడా లక్ష్యంగా చేసుకున్నారు. రాబోయే ఉత్తరప్రదేశ్‌ ఎన్నికలకు సంబంధించిన రాజకీయ ప్రయోజనాలకు మరాఠీ భాష కంటే ప్రాధాన్యం ఇస్తున్నారని ఆయన ఆరోపించారు. “వారికి 10 సంవత్సరాల గడువు ఇవ్వండి. 15 సంవత్సరాల గడువు ఇవ్వండి. మరాఠీ భాషపై, మా రాష్ట్రంపై మీకు ఎంత ప్రేమ ఉందో మేం అర్థం చేసుకున్నాం” అని ఆయన అన్నారు.వేరే రాష్ట్రాల్లో చూడండి.. “మీరు గుజరాత్‌కు వెళ్లండి, పంజాబ్‌కు వెళ్లండి లేదా దక్షిణాదికి వెళ్లండి.. ప్రతిచోటా ప్రజలకు తమ సొంత భాషపై అనుబంధం ఉంటుంది. ఇప్పుడు ఉత్తరప్రదేశ్‌ ఎన్నికలు వస్తున్నందున ఏడాది అదనపు గడువు ఇస్తున్నారు” అని ఠాక్రే అన్నారు. ఆటో, ట్యాక్సీ డ్రైవర్లకు మరాఠీ తప్పనిసరి చేస్తూ రాష్ట్ర ప్రభుత్వం తీసుకున్న నిర్ణయంపై న్యాయపరమైన సవాలు కొనసాగుతున్న సమయంలో ఈ ఏడాది అదనపు గడువు ఇచ్చారు. నలుగురు క్యాబ్‌ డ్రైవర్లు ఈ ఆదేశాన్ని బాంబే హైకోర్టులో సవాలు చేశారు.ఆటోరిక్షా, ట్యాక్సీ, యాప్‌ ఆధారిత క్యాబ్‌ డ్రైవర్లతో సహా వాణిజ్య ప్రయాణికుల వాహనాల డ్రైవర్లకు ఆగస్టు 12 నుంచి మరాఠీపై పరిజ్ఞానం తప్పనిసరి చేస్తూ మహారాష్ట్ర ప్రభుత్వం నిబంధనలు రూపొందించింది. సవరించిన నిబంధనల ప్రకారం, మరాఠీని పని నిర్వహణ స్థాయిలో ఉపయోగించగలమని నిరూపించలేని డ్రైవర్ల డ్రైవింగ్‌ లైసెన్స్‌ అనుమతిని 3 నెలల పాటు నిలిపివేయవచ్చు. నిబంధనలను పదేపదే ఉల్లంఘిస్తే వారి అనుమతులను శాశ్వతంగా రద్దు చేయవచ్చు.ఈ నిబంధన రాజ్యాంగంలోని ఆర్టికల్స్‌ 14, 19, 21 కింద తమ ప్రాథమిక హక్కులను ఉల్లంఘిస్తోందని హైకోర్టులో దాఖలైన పిటిషన్‌లో పేర్కొన్నారు. 1988 మోటార్‌ వాహనాల చట్టం ప్రకారం డ్రైవింగ్‌ లైసెన్సులకు ఎలాంటి భాషా నిబంధనను విధించలేదని, అందువల్ల ఈ నిబంధన ఆ చట్టం పరిధిని మించిపోయిందని పిటిషన్‌లో వాదించారు.

ముంబైలో ఓ యువతి పదో అంతస్తు నుంచి దూకిన ఘటన తీవ్ర కలకలం రేపింది. ‘చావు తప్పి కన్ను లొట్టపోయినట్టు’ అన్న చందంగా.. నేలను తాకాల్సిన ఆమె భవనం పక్కనే ఉన్న చెట్టుపై పడటంతో ప్రాణాలతో బయటపడింది. ‘బతికితే బలుసాకు తినవచ్చు’ అన్న సామెతను గుర్తు చేసేలా.. మృత్యువు అంచుల వరకు వెళ్లిన ఆమెకు ఆ చెట్టే ప్రాణరక్షకంగా మారింది. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.వివరాల ప్రకారం.. మహారాష్ట్ర ముంబైలోని భాండూప్‌ వెస్ట్‌ తుల్షెట్‌పాడ ప్రాంతంలోని సన్‌షైన్‌ కో-ఆపరేటివ్‌ హౌసింగ్‌ సొసైటీలో బుధవారం ఉదయం ఈ ఘటన చోటుచేసుకుంది. ప్రతీక్ష హివ్రాలే(26) సన్‌షైన్‌ బిల్డింగ్‌లోని పదో అంతస్తు ఫ్లాట్‌ కిటికీ నుంచి దూకినట్లు పోలీసులు తెలిపారు. పదో అంతస్తు నుంచి కిందకు దూకిన ఆమె నేరుగా నేలను తాకకుండా.. భవనం పక్కనే ఉన్న చెట్టుపై పడింది. దీంతో చెట్టుపై సుమారు 20 నుంచి 25 అడుగుల ఎత్తులో చిక్కుకుపోయి వేలాడుతూ కనిపించింది. ఆమె పరిస్థితిని గుర్తించిన స్థానికులు వెంటనే అగ్నిమాపక సిబ్బందికి సమాచారం అందించారు.A woman fell from the 10th floor of a residential building at #Bhandup , #Mumbai, but was miraculously saved as she stuck to a tree. Later on, the fire brigade rescued her safely and had her admitted to a hospital. pic.twitter.com/WdhAiGj80o— Hiren Antani (@HirenAntani) August 26, 2026సమాచారం అందిన వెంటనే ఉదయం 9.32 గంటలకు ముంబై ఫైర్‌ బ్రిగేడ్‌ సిబ్బంది ఘటనా స్థలానికి చేరుకున్నారు. హుక్‌ ల్యాడర్‌ సహాయంతో చెట్టు వద్దకు చేరుకున్న సిబ్బంది.. ఎంతో జాగ్రత్తగా ప్రతీక్షను కిందకు తీసుకొచ్చారు. అనంతరం ఆమెను ప్రైవేట్‌ అంబులెన్స్‌లో ఆసుపత్రికి తరలించారు. వైద్య పరీక్షల్లో ఆమె ఎడమ కాలికి గాయం అయినట్లు తేలింది. అనంతరం మెరుగైన చికిత్స కోసం సియాన్‌ ఆసుపత్రికి తరలించారు. ప్రస్తుతం ఆమె ఎమర్జెన్సీ వార్డులో చికిత్స పొందుతున్నారని, పరిస్థితి విషమంగా ఉందని అధికారులు తెలిపారు.చదవండి: నేపాల్‌కు అత్యవసర సాయం పంపిన భారత్‌పోలీసుల వివరాల ప్రకారం ప్రతీక్షకు నాలుగు నెలల క్రితమే వివాహం జరిగింది. అయితే ఆమె పదో అంతస్తు నుంచి ఎందుకు దూకింది? అసలు ఏం జరిగింది? అన్నది ఇంకా తెలియాల్సి ఉంది. ఆమె ఆరోగ్య పరిస్థితి కారణంగా ప్రస్తుతం పోలీసులు ఆమె వాంగ్మూలాన్ని నమోదు చేయలేకపోయారు. వైద్యుల నుంచి మెడికల్‌ ఎండార్స్‌మెంట్‌ తీసుకున్నారు. ఆమె కోలుకుని స్పృహలోకి వచ్చిన తర్వాత వాంగ్మూలం నమోదు చేసి తదుపరి చర్యలు తీసుకుంటామని పోలీసులు తెలిపారు.

ఇటీవల ఐఐటీ, ఐఐఎం వంటి ప్రతిష్టాత్మక కాలేజ్‌లలో చదివిన చాలామంది ఒత్తిడితో కూడిన ఉద్యోగాలు వదిలి నచ్చిన పనిలో ఆనందం వెతుక్కుంటున్న వారిని ఎందరినో చూశాం. మరికొందరు లక్షల్లో జీతాలు ఆర్జించి..చీకు చింతా లేని రిటైర్మెంట్‌ కోసం సేవింగ్స్‌​ ప్లాన్‌ చేసుకుని మరి త్వరితగతిని పదవీవిరణమ చేస్తున్న వారిని చూశాం. కానీ అలా కాకుండా సంపాదన మొదలయ్యే స్టేజ్‌లోనే రిటైర్మెంట్‌ ప్రకటించి ఈ మహిళ ఏం చేస్తుందో తెలిస్తే..ఆశ్చర్యపోవడమే కాదు అభినందించకుండా ఉండరు కూడా. ఎందుకంటే..ఇంతకీ ఆమె ఏం చేస్తోందంటే..మహారాష్ట్రకి చెందిన స్నేహా రాజ్‌గురు అనే మహిళ తాను ఆధునిక పోటీ ప్రపంచపు ఒత్తిడిని వద్దనుకుని మరి పెర్మాకల్చర్‌(కృత్రిమ ఎరువులు, రసాయనాలకు దూరంగా సహజ పద్ధతిలో వ్యవసాయం చేయడం)ను ఎంచుకున్నట్లు తెలిపింది. ఆ నిర్ణయం తనకు ఎన్ని విధాలుగా మేలు చేసిందో వివరిస్తూ..ఆ జర్నీ గురించి వీడియో రూపంలో ఇన్‌స్టాగ్రామ్‌లో షేర్‌ చేశారు. తాను ఆరోగ్యానికి ప్రాధాన్యత ఇచ్చే 29 ఏళ్లకే రిటైర్మెంట్‌ తీసుకున్నట్లు తెలిపింది. అంతేగాదు తాను భూమిని ఎలా కొనుగోలు చేసి, పండ్లు, కూరగాయలు పండించడం ప్రారంభించిందో వీడియోలో వివరించారు. తాను ఒకప్పుడూ.. బాలీవుడ్‌లో పనిచేసేదాన్ని అని, తనకు ప్రయాణాలపై ఉన్న మక్కువ కారణంగా ఈ ఫెర్మాకల్చర్‌ గురించి తెలుసుకునే అవకాశం ఏర్పండిందని వెల్లడించింది. ఇక తన తండ్రి టాటా మోటర్స్‌లో 30 ఏళ్లకు పైగా పనిచేశారని, పదవీవిరమణ తర్వాత ప్రకృతికి దగ్గరగా జీవించాలని ఆశించినట్లు చెప్పుకొచ్చింది. ఆ నేపథ్యంలోనే ఇలా ఇద్దరం కలిసి ఫామ్‌ ప్రారంభించాలని నిర్ణయానికి వచ్చామని తెలిపింది. ఇక తన ఫెర్మాకల్చర్‌ జర్నీ గురించి మాట్లాడుతూ..ముందుగా తాను చిన్న భూభాగాన్ని కొనడమే తన మొదటి అడుగుగా పేర్కొంది. దానికి బాప్‌బేటీ ఫామ్‌(తండ్రి కూతుళ్ల) ఫామ్‌ అని పేరుపెట్టినట్లు వెల్లడించింది. ఆ తర్వాత పండ్ల చెట్లను నాటినట్లు పేర్కొంది. దీనికి తక్కువ శ్రమ పైగా మనతోపాటే పెరుగుతాయి. పైగా ఏళ్ల తరబడి చక్కగా పండ్లను అందిస్తాయన్నారు. దీనివల్ల మన ఆహారాన్ని మనమే స్వయంగా పండించుకుని తింటున్న ఆనందం దక్కుతుందని అంటోంది. అలాగే లాక్‌డౌన్‌ లేదా యుద్ధం లాంటివి వచ్చినప్పుడూ ఎవ్వరిపైన ఆధారపడాల్సిన పరిస్థితి ఏర్పడదని చెబుతోంది. అదీగాక అన్నింటి కన్నా ముఖ్యంగా కడుపు నింపుకునేలా మంచ ఆహారాన్ని అందించే స్థలాన్ని పొందామనే ఆనందం సొంతమవుతుందని అంటోంది. ఇక్కడ పదవీవిరమణ అనేది వయసుకి సంబంధించింది కాదని, ఒత్తిడిని వద్దని శాంతిని ఎంచుకోవడం గురించని నొక్కి చెబుతోంది. చివర్లో మీరు కూడా ఇలాంటి జీవితం గురించి కలలు కంటున్నారా అని ప్రశ్నిస్తూ.. తన సంభాషణను ముగించింది వీడియోలో. నెటిజన్లు కూడా 29 ఏళ్లకే పదవీ విరమణ చేయడం అద్భుతం!!. నిజంగా ఇది చాలా బాగుంది అంటూ పోస్టులు పెట్టారు. కాగా, ఈ బాప్‌బేటీ ఫామ్‌ మహారాష్ట్రలోని కోయాలిలో, సరస్సు కనిపించే ఒక కొండప్రాంత వ్యవసాయ క్షేత్రం. View this post on Instagram A post shared by Baapbeti Permaculture Farm | Farmstay in Pune (@baapbetifarm) (చదవండి: 'తిరంగా' దుస్తుల వివాదం..ఊర్వశి రౌతేలా స్పందన ఇదే..!)

నాగ్‌పూర్‌: మహారాష్ట్రలోని నాగ్‌పూర్‌ జిల్లాలో ప్రభుత్వ ఆదీనంలోని వాటర్‌ ట్రీట్‌మెంట్‌ ప్లాంట్‌లో క్లోరిన్‌ గ్యాస్‌ లీకేజీ ఘటన తీవ్ర కలకలం రేపుతోంది. గ్యాస్‌ను పీలి్చన 56 మంది ఆస్పత్రి పాలుకాగా, వీరిలో 8 మందికి ఐసీయూలో చికిత్స అందిస్తున్నారు. గోధని గ్రామపంచాయతీలోని నీటిశుద్ధి ప్లాంట్‌లో 900 కిలోల సామర్థ్యమున్న క్లోరిన్‌ గ్యాస్‌ సిలిండరుంది. వేకువజాము నుంచి ఈ గ్యాస్‌ లీకవడం మొదలైంది. గమనించిన అధికారులు 5.30 గంటలకు ఆ సిలిండర్‌ను పూర్తిగా నీటిలో ముంచి, ప్రమాదం తగ్గించారు. అప్పటికే గ్యాస్‌ను పీల్చిన కొందరు దగ్గు, శ్వాసలో ఇబ్బందులతో అవస్థలు పడ్డారు. ఇందులో 56 మంది ఆస్పత్రి పాలుకాగా, 11 మందిని చికిత్స అనంతరం డిశ్చార్జి చేశారు. మరో 45 మంది ఇంకా ఆస్పత్రుల్లోనే ఉన్నారు. వీరిలో పరిస్థితి విషమంగా ఉన్న8 మందిని ఐసీయూలో ఉంచారు. గ్యాస్‌ లీకేజీ ఘటనతో చుట్టుపక్కల ప్రాంతాల ప్రజలు తీవ్ర భయాందోళనలకు గురయ్యారు. గ్రామంలోని 200 మీటర్ల పరిధిలోని వారందరినీ ఖాళీ చేయించారు.

ముంబై: కాంగ్రెస్‌ అగ్రనేత, ఎంపీ రాహుల్‌ గాంధీ యువతతో మమేకమయ్యే కార్యక్రమంలో అనూహ్య ఘటన చోటుచేసుకుంది. సెల్ఫీల కోసం వేదికపైకి వచ్చిన ఓ యువ విద్యార్థిని.. అందరి ముందే రాహుల్‌ గాంధీ చెంపపై ముద్దుపెట్టుకుంది. ఒక్కసారిగా జరిగిన ఈ ఘటనకు సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది.మహారాష్ట్రలోని పూణేలో రాహుల్‌ గాంధీ ‘ఛాత్రోం కీ గూంజ్‌’ పేరుతో నిర్వహించిన కార్యక్రమానికి భారీగా విద్యార్థులు హాజరయ్యారు. ఈ సందర్భంగా రాహుల్‌ వేదికపై యువతతో మాట్లాడటంతో పాటు వారితో సెల్ఫీలు దిగారు. అదే సమయంలో ఓ విద్యార్థిని రాహుల్‌ వద్దకు వచ్చి ఆయన చెంపపై ముద్దు పెట్టింది. అనూహ్యంగా జరిగిన ఈ పరిణామంతో రాహుల్‌ షాకయ్యారు. అనంతరం రాహుల్‌ కొద్దిసేపు ఆమెతో మాట్లాడారు. తర్వాత భద్రతా సిబ్బందితో కలిసి వేదిక నుంచి వెళ్లిపోయారు. కార్యక్రమం మొత్తం కచేరీ తరహా లైటింగ్‌, భారీ ఏర్పాట్లతో సాగింది.#rgtwt gurls are not not ready fr this 😭😭😭😭 pic.twitter.com/Q6t9RS2vpY— Snowbell (@Snowbel) August 23, 2026ఈ ఘటన అనంతరం, 11వ తరగతి చదువుతున్న సదరు యువతి మరియం మాట్లాడుతూ..‘రాహుల్‌ గాంధీలా ఎదగడం నా కల. రాహుల్‌ గాంధీ అడుగుజాడల్లో నడవాలని, ఆయనలా ఎదగాలని నేను కోరుకుంటున్నాను. ప్రస్తుతం యువతలో రాహుల్‌ గాంధీ తనదైన ప్రభావాన్ని చూపుతున్నారు. రాజకీయ ప్రత్యర్థులు సైతం ఆయన వదిలిన అంశాలనే పట్టుకుని ముందుకు సాగుతున్నారు’ అని వ్యాఖ్యలు చేసింది.It's my dream to become like Rahul Gandhi.♥️Mariyam, an 11th-grade student, aspires to walk in the footsteps of Rahul Gandhi.Rahul Gandhi flat-out owns the narrative among the youth right now. His rivals are just picking up whatever crumbs he leaves behind. 🔥💯 pic.twitter.com/VN3j1OwwzQ— Krishna Yadav (@Control_Krishna) August 24, 2026సోషల్‌ మీడియాలో రకరకాల కామెంట్లుఈ ఘటనకు సంబంధించిన వీడియో ఎక్స్‌లో వైరల్‌ కావడంతో నెటిజన్లు భిన్నంగా స్పందిస్తున్నారు. రాహుల్‌ గాంధీతో మహిళలు, యువతులు ఎంత సౌకర్యంగా మెలుగుతున్నారో కొందరు ప్రస్తావించగా.. మరికొందరు ఈ ఘటనను సరదాగా తీసుకున్నారు. ఇదిలా ఉంటే.. ఇదే కార్యక్రమంలో రాహుల్‌ గాంధీ చేసిన రాజకీయ వ్యాఖ్యలు కూడా చర్చనీయాంశంగా మారాయి. ‘మనుస్మృతి’ భావజాలాన్ని విమర్శించిన ఆయన.. మహిళలు పితృస్వామ్యాన్ని ఎదిరించాలని పిలుపునిచ్చారు.రాహుల్‌ సభపై బీజేపీ ఫైర్‌రాహుల్‌ కార్యక్రమంపై బీజేపీ నేతలు తీవ్ర విమర్శలు చేశారు. విద్యార్థుల సమస్యలపై సీరియస్‌గా మాట్లాడకుండా రాహుల్‌ సాధారణ రాజకీయ ప్రసంగానికే పరిమితమయ్యారని మహారాష్ట్ర బీజేపీ నేత కేశవ్‌ ఉపాధ్యాయ్‌ ఆరోపించారు. సభకు జనాన్ని సమీకరించేందుకు కాలేజీ బస్సులను ఉపయోగించారని కూడా ఆయన ఆరోపించారు. కాంగ్రెస్‌ మాత్రం బీజేపీ విమర్శలను తిప్పికొట్టింది. రాహుల్‌ గాంధీ కార్యక్రమానికి వచ్చిన అపూర్వ స్పందనను చూసి బీజేపీ నేతలు అసహనంతో ఉన్నారని కాంగ్రెస్‌ నేత సచిన్‌ సావంత్‌ విమర్శించారు. LoP @RahulGandhi Ji's craze among GenZ 🔥A student kissed him with affection.....! This is how safe girls feel around him. It can never happen with any BJP leader. pic.twitter.com/shbLJi6QSK— Venisha G Kiba (@KibaVenisha) August 24, 2026

ముంబై: మహారాష్ట్రలో విషాదకర ఘటన చోటుచేసుకుంది. అమరావతిలోని జిల్లా మహిళా ఆసుపత్రిలో సోమవారం తెల్లవారుజామున ఘోర అగ్నిప్రమాదం ఘటన జరిగింది. ఈ ప్రమాదం కారణంగా ముగ్గురు నవజాత శిశువులు మృతి చెందారు. మరికొందరు శిశువుల పరిస్థితిపై ఆందోళన కొనసాగుతోంది.ఈ ఘటనకు సంబంధించిన వివరాలు ఇలా ఉన్నాయి. ప్రభుత్వ మహిళా ఆసుపత్రి మూడో అంతస్తులోని నియోనేటల్ ఇంటెన్సివ్ కేర్ యూనిట్ (NICU)లో సోమవారం తెల్లవారుజామున 3.30 గంటల సమయంలో మంటలు చెలరేగాయి. వెంటిలేటర్‌లో అకస్మాత్తుగా పేలుడు సంభవించడం లేదా షార్ట్ సర్క్యూట్ కారణంగానే మంటలు చెలరేగినట్లు ప్రాథమికంగా అనుమానిస్తున్నారు. మంటలు, దట్టమైన పొగ వ్యాపించడంతో ఆసుపత్రి సిబ్బంది వెంటనే అప్రమత్తమై NICUలో ఉన్న శిశువులను బయటకు తరలించారు.ఇది కూడా చదవండి: హెచ్‌1ఎన్‌1 టెన్షన్‌.. ఒక్కరోజే 114 పాజిటివ్‌ కేసులుఆ సమయంలో NICUలో 39 మంది నవజాత శిశువులు చికిత్స పొందుతున్నట్లు సమాచారం. సిబ్బంది సకాలంలో స్పందించి పలువురు శిశువులను సురక్షితంగా బయటకు తరలించారు. తీవ్ర వైద్య సంరక్షణ అవసరమైన ఆరుగురు శిశువులను సూపర్ స్పెషాలిటీ ఆసుపత్రికి తరలించారు. అయితే, ఈ ఘటనలో ముగ్గురు నవజాత శిశువులు తీవ్రంగా గాయపడి ప్రాణాలు కోల్పోయారు. మరికొందరి పరిస్థితిపై ఆందోళన కొనసాగుతోంది. ఇదిలా ఉండగా, ఆగస్టు 22న మధ్యప్రదేశ్‌లోని ఛింద్వారా జిల్లా ఆసుపత్రిలోనూ ఇలాంటి ఘటన చోటుచేసుకుంది. NICUలోని వార్మర్ యంత్రం నుంచి మంటలు చెలరేగడంతో ఓ నవజాత శిశువు మృతి చెందగా, మరో ఇద్దరు శిశువులు గాయపడ్డారు.Amravati, Maharashtra: Three newborns died after a fire broke out in the Neonatal Intensive Care Unit (NICU) of Amravati District Women's Hospital at around 3:30 AM. The fire reportedly started following an explosion in a ventilator on the hospital's third floor, where 39… pic.twitter.com/Yde1uEk3W6— IANS (@ians_india) August 24, 2026

మహారాష్ట్రలోని ఛత్రపతి సంభాజినగర్‌లోని కొండపై భర్త, కుమారుడితో కలిసి ప్రాణాలు కోల్పోవడానికి సరిగ్గా ఒక్క రోజు ముందు.. సంగీత తన యూట్యూబ్ ఛానెల్‌లో బంధాలు-విలువలపై పోస్ట్‌ చేసిన వీడియో సంచలనం కలిగిస్తోంది. సంగీత... ఆమె భర్త మురళీధర్ చంద్‌గుడే, వారి 18 ఏళ్ల కుమారుడు కునాల్.. శుక్రవారం మధ్యాహ్నం కోడ్యా డోంగార్‌లోని 200 అడుగుల లోతైన లోయలో పడి మరణించారు. కుమారుడి కొత్త ఫోన్ ఈఎంఐల విషయంలో జరిగిన వివాదం కారణంగా ఈ తీవ్ర విషాదం చోటుచేసుకుంది.అయితే, ఘటన జరిగిన ఒకరోజు ముందే (గురువారం) సంగీత తన యూట్యూబ్ వేదికగా రికార్డ్ చేసిన ఒక సెల్ఫ్ వీడియోను షేర్ చేస్తూ, "ప్రేమకు విలువ ఇవ్వని వ్యక్తి కోసం ఏ పనీ చేయడంలో అర్థం లేదంటూ పేర్కొన్నారు. ‘‘మీరు మీ సర్వస్వం ఇవ్వడానికి సిద్ధంగా ఉండండి.. కానీ అది మిమ్మల్ని, మీ ప్రేమను విలువైనదిగా భావించే వారికే. ఒక వ్యక్తి మిమ్మల్ని విలువైనదిగా భావించకపోతే.. మీ ప్రేమను పట్టించుకోకపోతే, మీరు అతని కోసం చేసే పనులకు విలువ లేకపోతే.. అలాంటి వ్యక్తి కోసం ఏ పనీ చేయడంలో అర్థం లేదు" అంటూ ఆమె మరాఠీ భాషలో నిమిషం పాటు సాగిన ఆ వీడియోలో చెప్పారు.చపాతి అనేది రెండు వైపులా కాలిస్తేనే రుచిగా ఉంటుంది. సంబంధాల విషయంలోనూ అంతే. రెండు వైపుల నుంచి నడిస్తే, ఇద్దరూ దానికి విలువ ఇస్తేనే అలాంటి సంబంధంలో ఉండాలి. లేదో ఒకరు మాత్రమే విలువ ఇస్తూ మరొకరు పట్టించుకోకపోతే ఆ బంధానికి అర్థం లేదు. అలాంటి సంబంధం నుండి బయటపడటమే ఎప్పుడైనా మంచిదంటూ ఆమె తెలిపారు. యూట్యూబ్‌లో 29 వేల మందికి పైగా ఫాలోవర్లను కలిగి ఉన్న సంగీత.. తన ఛానెల్‌లో అనేక మోటివేషనల్ వీడియోలను పోస్ట్ చేశారు. అంతేకాకుండా, ఆమె తన కుమారుడితో కూడిన షార్ట్ వ్లాగ్‌లను కూడా షేర్ చేసేవారు.ఇదీ చదవండి: ఐఫోన్‌ ఈఎంఐ గొడవ.. వెలుగులోకి పాత వీడియోలుఅసలేం జరిగిందంటే..ఐ ఫోన్ విషయంలో జరిగిన గొడవ విషాదంగా మారింది. కుమారుడు కునాల్ ఐఫోన్ కొనుగోలు చేయగా.. దాని ఈఎంఐలు చెల్లించేందుకు కుటుంబ సభ్యులను డబ్బులు అడిగాడు.. ఈ క్రమంలో ఒప్పుకోని తండ్రి మురళీధర్‌.. కొడుకును మందలించాడు. ఇదే విషయమై ఇంట్లో గొడవ జరిగింది. కుమారుడు కునాల్‌ పట్టరాని కోపంతో తిస్గావ్‌ ప్రాంతంలోని ఓ కొండపైకి చేరుకున్నాడు. దీంతో ఆందోళన చెందిన తల్లిదండ్రులు మురళీధర్, సంగీతతో పాటు మరికొందరు స్థానికులు కొండపైకి వెళ్లి అతనితో మాట్లాడి ఇంటికి తిరిగి రావాలని ఒప్పించేందుకు ప్రయత్నించారు.సుమారు మూడు గంటల తర్వాత.. మురళీధర్ కునాల్ ఉన్న ప్రదేశానికి చేరుకుని అతన్ని కొండ అంచు నుంచి వెనక్కి లాగేందుకు ప్రయత్నించాడు. ఈ క్రమంలో ఇద్దరూ అదుపుతప్పి సుమారు 250 అడుగుల లోతైన లోయలో పడిపోయారు. తన భర్త, కుమారుడు కిందపడటాన్ని చూసిన సంగీత తట్టుకోలేక కొన్ని సెకన్ల తర్వాత తాను కూడా దూకింది. దీంతో ఈ ముగ్గురూ అక్కడికక్కడే మరణించారు.

పూణె: మహారాష్ట్రలోని పూణె జిల్లా బారామతిలో తీవ్ర విషాదం చోటుచేసుకుంది. ఎన్సీపీ (శరద్ పవార్ వర్గం) ఎమ్మెల్యే రోహిత్ పవార్ వ్యక్తిగత సహాయకుడు (పీఏ) అజిత్ దశావతారే కుమార్తె ఆదివారం ఉదయం అనుమానాస్పద స్థితిలో మృతిచెందింది. ఈ ఘటన స్థానికంగా తీవ్ర కలకలం రేపింది.పోలీసులు, వార్తా సంస్థల సమాచారం ప్రకారం.. శనివారం రోజున సదరు బాలిక తన తల్లితో చిన్న విషయమై వాగ్వాదానికి దిగింది. అనంతరం కోపంతో ఇంటి నుంచి బయటకు వెళ్లిపోయింది. ఎంత సమయమైనా ఆమె తిరిగి ఇంటికి రాకపోవడంతో ఆందోళన చెందిన కుటుంబ సభ్యులు స్థానిక పోలీసులను ఆశ్రయించి ఫిర్యాదు చేశారు.ఈ క్రమంలో ఆదివారం ఉదయం బారామతి పరిధిలోని రూయ్ గ్రామం సాయినగర్ ప్రాంతంలో ఆమె నివాసానికి సమీపంలోనే బాలిక మృతదేహం లభ్యమైంది. సమాచారం అందుకున్న వెంటనే పోలీసులు ఘటనా స్థలానికి చేరుకుని వివరాలు సేకరించారు. మృతదేహాన్ని స్వాధీనం చేసుకుని, పోస్టుమార్టం నిమిత్తం బారామతి ప్రభుత్వ వైద్య కళాశాల ఆసుపత్రికి తరలించారు.ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. అన్ని కోణాల్లో సమగ్ర విచారణ జరుపుతున్నామని, పోస్టుమార్టం నివేదిక అందిన తర్వాత మరిన్ని వివరాలు వెల్లడిస్తామని ఉన్నతాధికారులు తెలిపారు.ఇది కూడా చదవండి: విటమిన్ డి సీక్రెట్ బయటపెట్టిన న్యూరాలజిస్ట్

మహారాష్ట్రలోని ఛత్రపతి సంభాజీనగర్‌లో కొండపై జరిగిన విషాద ఘటనలో సంచలనం రేపిన సంగతి తెలిసిందే. తల్లిదండ్రుల మీద అలిగిన కుమారుడు కొండ మీద నుంచి దూకుతానంటూ వెళ్లగా.. తన కుమారుడిని కాపాడుకునేందుకు వెళ్లిన తండ్రి కూడా మరణించాడు. వాళ్లు చనిపోవడం చూసి తల్లి కూడా ప్రాణాలు కోల్పోవడంతో తీవ్ర విషాదం నెలకొంది. క్షణాల్లో మూడు ప్రాణాలు గాలిలో కలిసిపోయాయి.మరణించిన 18 ఏళ్ల కునాల్ చాంద్వాడే, అతని తల్లి సంగీత చాంద్వాడేకు సంబంధించిన రెండు తేదీ లేని వీడియోలు సోషల్ మీడియాలో వైరల్‌గా మారాయి. ఓ వీడియోలో కునాల్ తన తల్లితో కలిసి టీ తాగుతూ కనిపించగా.. మరో వీడియోలో అతను తన తల్లి కాళ్లు కడిగి ఆమె ఆశీర్వాదం తీసుకుంటూ కనిపించాడు.ఐ ఫోన్ విషయంలో జరిగిన గొడవ విషాదంగా మారగా.. కునాల్, సంగీత, అతని తండ్రి మురళీధర్ చాంద్‌గుడే మరణించారు. కుమారుడు కునాల్ ఐఫోన్ కొనుగోలు చేసి.. దాని ఈఎంఐలు చెల్లించేందుకు కుటుంబ సభ్యులను డబ్బులు అడిగాడు.. ఈ క్రమంలో ఒప్పుకోని తండ్రి మురళీధర్‌.. కొడుకును మందలించాడు. ఇదే విషయమై ఇంట్లో గొడవ జరిగింది. కుమారుడు కునాల్‌ పట్టరాని కోపంతో తిస్గావ్‌ ప్రాంతంలోని ఓ కొండపైకి చేరుకున్నాడు. దీంతో ఆందోళన చెందిన మురళీధర్, సంగీతతో పాటు మరికొందరు స్థానికులు కొండపైకి వెళ్లి అతనితో మాట్లాడి ఇంటికి తిరిగి రావాలని ఒప్పించేందుకు ప్రయత్నించారు.ఇదీ చదవండి: నీ తల్లి కోసమైనా బతకాల్సింది కదరా!Whole feed is filled with this mother and son.Honestly, I just can't believe this guy costed everyone's life because of an iPhone. In every reel, she seems like she's the breadwinner of the family. She earns for herself.Even in the video where Kunal fell off, he was screaming… pic.twitter.com/7S9xm9w1LR— ` (@worshipVK) August 23, 2026దాదాపు మూడు గంటల తర్వాత, మురళీధర్ కునాల్ ఉన్న ప్రదేశానికి చేరుకుని అతన్ని అంచు నుంచి వెనక్కి లాగేందుకు ప్రయత్నించాడు. ఈ క్రమంలో ఇద్దరూ అదుపుతప్పి సుమారు 250 అడుగుల లోతైన లోయలో పడిపోయారు. తన భర్త, కుమారుడు కిందపడటాన్ని చూసిన సంగీత తట్టుకోలేక కొన్ని సెకన్ల తర్వాత తాను కూడా దూకింది. నగరంలోని జల్తా ఫాటా ప్రాంతానికి చెందిన ఈ ముగ్గురూ అక్కడికక్కడే మరణించారు.

లాథూర్‌: ఓ గ్రామ సర్పంచ్‌ నోట్లోంచి వచ్చిన మాటలివి. ఆ డబ్బు ఎవరికీ అన్నది మీ డౌటా? ఇంకెవరికి సంబంధిత అధికారులకేనని, అంత మొత్తం లంచం ఇస్తే కానీ పనులు కావడం లేదని సర్పంచ్‌ ఆనాటి గ్రామ సభలో చెప్పాడు. ఈ గ్రామసభ వీడియో కాస్తా ఇప్పుడు సోషల్‌ మీడియాలో వైరల్‌ అయిపోయింది. అధికారులు నాలుక్కరుచుకుని...‘‘లంచాలకు సంబంధించిన ఆధారాలుంటే ఇవ్వండి.. చర్య తీసుకుంటాం’’అని గంభీరంగా చెబుతున్నారు. మహారాష్ట్రలోని లాథూర్‌ జిల్లా, చకూర్‌ తహశీల్, అటోలా గ్రామంలో ఆగస్టు పదిహేడున ఈ ఘటన చోటు చేసుకుంది. వేర్వేరు ప్రభుత్వ పథకాల లబ్ధి పొందేందుకు డబ్బులు ఎందుకు అడుగుతున్నారు? అని గ్రామస్తులు సర్పంచ్‌ను ప్రశ్నించారు. దీంతో ఆయన ఈ లంచాల చిట్టా విప్పక తప్పింది కాదు. పంచాయతీ సమితి సభ్యులతోపాటు అధికారుల చేతులూ తడిపితేగానీ పనులు కావడం లేదని సర్పంచ్‌ చెప్పుకొచ్చాడట. ఉపాధి హామీ పథకం కింద బావి తవ్వుకునేందుకు అనుమతి కావాలంటే రూ.20 వేలు, పశువుల కొట్టానికైతే రూ.ఏడు వేలు అవసరమవుతాయని, బావి విషయంలోనైతే పంచాయతీ సమితి సభ్యులు రూ.15 వేలకు సర్దుకుంటారని, మిగిలిన రూ.ఐదు వేలను ఇంటి, నీటి పన్ను బకాయిల కింద జమచేస్తారని కూడా సర్పంచ్‌ వివరించారు. అన్నింటికంటే ఆసక్తికరమైన విషయం ఏమిటంటే... గ్రామసభ సమావేశాలను వీడియో తీయమని స్వయానా సర్పంచే చెప్పడం. ‘‘ఈ సత్యం ప్రపంచం మొత్తానికి తెలియాల్సిందే’’అని కూడా ఆయన మాట్లాడటం వీడియోలో రికార్డయింది. అయితే ఈ విషయమై అధికారులు మాత్రం అంత సంతృప్తిగా ఏమీ లేరు. ‘‘లంచాలకు సంబంధించిన ఆధారాలు మూడు రోజుల్లో ఇవ్వాలని, ఎవరికి? ఎప్పుడు లంచమిచ్చారో రాతపూర్వకంగా తెలపాలని, చకూర్‌ బ్లాక్‌ డెవలప్‌మెంట్‌ ఆఫీసర్‌ సంతాజి మానె ఇప్పటికే గ్రామ సర్పంచ్‌ను కోరారు. ఆరోపణలు నిజమని తేలితే బాధ్యులపై చర్యలు తీసుకుంటామని కూడా ఆయన చెప్పారు. పౌరులు ఎవరూ పనుల కోసం పంచాయతీ సమితికి డబ్బులు ఇవ్వరాదని కోరారు. ఎవరైనా డబ్బులు అడిగితే ఏసీబీకి ఫిర్యాదు చేయాలని సలహా కూడా ఇచ్చారు.

పుణె: మహిళలు తమ తండ్రులు, భర్తలు లేదా కుమారులకు చెందినవారు కాదని.. తమకు తామే చెందినవారని కాంగ్రెస్‌ అగ్రనేత రాహుల్‌ గాంధీ స్పష్టంచేశారు. ఒక మహిళ తన జీవితంలో ప్రతి దశలోనూ పురుషుడి అధికారం కింద ఉండాలన్న మనుస్మృతి నిబంధన సిగ్గుచేటు అని ఆక్షేపించారు. భారతదేశపు అతిపెద్ద బలం ఇక్కడి మహిళల 70 కోట్ల విశిష్ట ప్రయాణాలు, విశిష్ట ఊహలు, విశిష్ట కలలు అని అభివర్ణించారు. మహారాష్ట్రలోని పుణేలో శనివారం కాంగ్రెస్‌ ఆధ్వర్యంలో నిర్వహించిన ‘చాత్రోంకీ గూంజ్‌’కార్యక్రమంలో యువతులను ఉద్దేశించి రాహుల్‌ మాట్లాడారు. మహిళలు బాల్యంలో తండ్రికి లోబడి ఉండాలని, యవ్వనంలో భర్తకు చెందాలని, భర్త మరణించిన తర్వాత ఆమె తన కుమారుల అ«దీనంలో ఉండాలని, స్త్రీ ఎన్నడూ స్వతంత్రంగా ఉండకూడదని మనుస్మృతి చెబుతోందని గుర్తుచేశారు. ఇలా చెప్పడం సిగ్గుచేటు అని పేర్కొన్నారు. మహిళలు ఈ దేశానికి అతిపెద్ద ఆస్తి అని, వారు తమ కోసం తాము నిలబడాలని, తమను తాము విశ్వసించాలని చెప్పారు. ‘‘మీరు మీకు తప్ప మరెవరికీ చెందినవారు కాదు. మీకు మీ తండ్రి, సోదరుడు, భర్త, కొడుకుతో సంబంధం ఉండవచ్చు. కానీ మీరు వారికి చెందినవారు కాదు, మీరు మీకు మాత్రమే చెందినవారు’’అని మహిళలను ఉద్దేశించి రాహుల్‌ వ్యాఖ్యానించారు. ఉపన్యాసాలు ఇవ్వడానికో, రాజకీయాల గురించి చర్చించడానికో కాకుండా.. యువత తమ భావాలను వ్యక్తపరచడానికి, వారి ఆలోచనలను చర్చించుకోవడానికి అవకాశం కల్పించడానికే ఇక్కడికి వచ్చానని అన్నారు. సంకెళ్లను బద్దలు కొట్టండి అంటూ పిలుపునిచ్చారు. ప్రతి వ్యక్తి ప్రత్యేకమైనవాడని, వారికి వారి సొంత కలలు, ఆశయాలు ఉంటాయని చెప్పారు. పురుషుల కంటే మహిళలు స్వభావరీత్యా ఎక్కువ సున్నిత మనస్కులు, సౌమ్యులు, కరుణామయులు, దూరదృష్టి కలవారని తెలిపారు. అందుకే వారు మన దేశానికి అసలైన సంపద అని రాహుల్‌ గాంధీ స్పష్టంచేశారు. మహిళలు తరచుగా కుమార్తె, భార్య లేదా తల్లి అనే మూడు గుర్తింపులకే పరిమితమవుతున్నారని, ఈ సంబంధాలలో తప్పేమీ లేనప్పటికీ, అవే వారి ఏకైక గుర్తింపుగా ఉండకూడదని తేల్చిచెప్పారు. నన్ను పిలవండి.. నిరసనలో కూర్చుంటా హాస్టల్‌లో విద్యార్థులకు సౌకర్యాలు లేవని, భద్రత కూడా కల్పించడం లేదని ‘ఛాత్రోంకీ గూంజ్‌’లో ఓ గిరిజన యువతి రాహుల్‌ గాం«దీ దృష్టికి తీసుకొచ్చారు. డిమాండ్ల పరిష్కారం కోసం పుణేలోని మంజరిలో గిరిజన విద్యార్థులు గత 10 రోజులుగా నిరాహార దీక్ష చేస్తున్నారని తెలిపారు. ఈ నిరసనలో ఇద్దరు అమ్మాయిలు కూడా పాల్గొంటున్నారని, వారిలో ఒకరి ఆరోగ్యం క్షీణించడంతో ఆసుపత్రిలో చేర్చారని చెప్పారు. దీనిపై ఆయన స్పందిస్తూ... సమస్యల పరిష్కారం కోసం పుణేలో నిరసన వ్యక్తంచేస్తున్న గిరిజన విద్యార్థులకు అండగా ఉంటానని, తాను కూడా నిరసనలో పాల్గొంటానని చెప్పారు. ‘‘నన్ను పిలవండి.. నేను వచ్చి మీతోపాటు నిరసనలో కూర్చుంటాను’’అని పేర్కొన్నారు. విద్యావకాశాలు, ఆర్థిక స్వాతంత్య్రం, ప్రజా రవాణా భద్రత, హింస, సైబర్‌ వేధింపులతో సహా పలు అంశాలపై విద్యారి్థనులతో సంభాíÙంచారు.

ముంబై: మహారాష్ట్రలోని బీజేపీ నేతృత్వంలోని మహాయుతి ప్రభుత్వం ప్రతిష్ఠాత్మకంగా ప్రవేశపెట్టిన ‘లడ్కీ బహీన్’ పథకంలో భారీ ఎత్తున నిధులు పక్కదారి పట్టినట్లు సమాచార హక్కు చట్టం (ఆర్టీఐ) గణాంకాల ద్వారా వెల్లడైంది. అనర్హులైన లబ్ధిదారులకు దాదాపు రూ.9,605 కోట్ల మేర చెల్లింపులు జరిగినట్లు తేలింది. ఆర్థికంగా వెనుకబడిన వర్గాల మహిళలకు నెలకు రూ. 1,500 ఆర్థిక సాయం అందించే ఈ పథకాన్ని జూలై 2024లో ప్రారంభించారు.అసెంబ్లీ ఎన్నికల్లో మహాయుతి కూటమి విజయంలో ఈ పథకం కీలక పాత్ర పోషించినప్పటికీ, ఖజానాపై తీవ్ర ఆర్థిక భారం మోపుతున్నదన్న విమర్శలు వచ్చాయి. రెండు సంవత్సరాల కాలంలో లబ్ధిదారుల జాబితాను పలుమార్లు సరిచేసినప్పటికీ అనర్హులను పూర్తిగా తొలగించలేకపోయారు. జూన్ 2026 నాటికి 92 లక్షల మంది అనర్హుల ఖాతాల్లోకి ఈ నిధులు జమ అయినట్లు ‘ఆర్‌టీఐ’ నివేదిక పేర్కొంది.అనర్హుల తొలగింపునకు సంబంధించి..ఈ-కేవైసీ పూర్తి చేయనందుకు 62 లక్షల మందిని తొలగించారు. వార్షిక ఆదాయ పరిమితి రూ. 2.5 లక్షలు దాటిన 16 లక్షల మంది పేర్లను రద్దు చేశారు. సంజయ్ గాంధీ నిరాధార్ అనుదాన్ యోజన లబ్ధిదారులు 3.6 లక్షల మంది, ఒకే కుటుంబం నుంచి రెండో దరఖాస్తు చేసుకున్న 2.5 లక్షల మంది, 65 ఏళ్ల వయోపరిమితి దాటిన 1.8 లక్షల మందిని తప్పించారు.4.5 లక్షల మంది ప్రభుత్వ ఉద్యోగులు, జిల్లా స్థాయి పరిశీలనలో మరో 1.7 లక్షల మంది అనర్హులుగా తేలారు. గత 24 నెలల్లో ఈ పథకం కింద ప్రభుత్వం రూ.76,261 కోట్లు ఖర్చు చేసింది. ప్రస్తుతం అర్హుల సంఖ్య 1.65 కోట్లుగా ఉంది. అయితే నిబంధనలకు విరుద్ధంగా లబ్ధి పొందిన సాధారణ పౌరుల నుంచి కాకుండా, కేవలం 4.5 లక్షల మంది ప్రభుత్వ ఉద్యోగులు, అధికారుల నుంచి మాత్రమే ఆ నిధులను రికవరీ చేయాలని ప్రభుత్వం నిర్ణయించింది.ఇది కూడా చదవండి: అయోధ్యలో అరుదైన సంప్రదాయం.. రాష్ట్రపతి, ప్రధానికి శాంతా దేవి రాఖీలు!

మహారాష్ట్రలోని ఓ కొండపై చోటుచేసుకున్న విషాద ఘటన ఇప్పుడు తీవ్ర చర్చనీయాంశంగా మారింది. తల్లిదండ్రుల మీద అలిగి కొండ మీద నుంచి దూకుతానంటూ కొడుకు.. ఆ కొడుకును కాపాడేందుకు వెళ్లిన తండ్రి, వాళ్లు చనిపోవడం చూసి తల్లి కూడా ప్రాణాలు కోల్పోవడంతో తీవ్ర విషాదం నెలకొంది. అసలు ఈ ఘటనకు దారితీసిన కారణమేంటి?.. క్షణాల్లో మూడు ప్రాణాలను బలిగొన్న ఆ వివాదం వెనుక ఉన్న షాకింగ్‌ కారణాన్ని పోలీసులు వెల్లడించారు.ఛత్రపతి శంభాజీనగర్‌ (Chhatrapati Sambhajinagar) జిల్లా వాలూజ్‌లో ఘోరం జరిగింది. కొడుకును కాపాడేందుకు ప్రయత్నంలో.. కుటుంబం మొత్తం బలైంది. ఈ తీవ్ర విషాదం తిస్గావ్‌ ప్రాంతంలోని ఖవాడ్యా కొండపై జరిగింది. అందుకు సంబంధించిన వీడియోలు ఇప్పుడు నెట్టింట వైరల్‌ అవుతున్నాయి. ఆ వీడియోలు చూసి అయ్యో పాపం అనుకుంటున్నారంతా.పోలీసులు తెలిపిన వివరాల్లోకి వెళ్తే.. 19 ఏళ్ల కునాల్‌ చంద్రగూడే ఇంట్లో తెలియకుండా ఐఫోన్‌ కొన్నాడు. అయితే దాని ఈఎంఐ కట్టేందుకు ఇబ్బందులు పడ్డాడు. దీంతో తండ్రికి అసలు విషయం చెప్పి.. ఈఎంఐ కట్టమని బతిమాలాడు. ఈ క్రమంలో ఒప్పుకోని తండ్రి మురళీధర్‌.. కొడుకును మందలించాడు. ఇదే విషయమై ఇంట్లో శుక్రవారం పొద్దున గొడవ జరిగింది. పట్టరాని కోపంతో తిస్గావ్‌ ప్రాంతంలోని ఓ కొండపైకి చేరుకున్నాడు. విషయం తెలుసుకున్న తల్లీదండ్రులు, మాజీ సర్పంచ్‌ సహా కొందరు గ్రామస్తులు అక్కడికి చేరుకుని అతన్ని కిందకు దించే ప్రయత్నం చేశారు.మూడు గంటల పాటు కొనసాగిన బుజ్జగింపులుకునాల్‌ కొండ అంచున నిలబడి తీవ్ర నిర్ణయం తీసుకుంటానని బెదిరించడంతో అంతా బతిమాలడం మొదలుపెట్టారు. దాదాపు మూడు గంటల పాటు అతడిని కిందకు రావాలని నచ్చజెప్పారు. “నీ తండ్రి సంగతి వదిలేయ్‌.. నీ తల్లి కోసం అయినా బతుకు. నీకు మంచి భవిష్యత్తు ఉంది” అంటూ పలువురు వేడుకున్నా కునాల్‌ వినలేదు. అతడికి ఐఫోన్‌ 15 ప్రో ఇప్పిస్తామని కొందరు చెప్పినా ఫలితం లేకపోయింది. ఈలోపు కింద పోలీసులు వలతో సిద్దంగా ఉండడం గమనించి.. మరో అంచువైపు వెళ్లి దూకుతానంటూ బెదిరించాడు.చివరకు కుమారుడిని కాపాడేందుకు తండ్రి మురళీధర్‌ కొండ అంచు వద్దకు వెళ్లి వెనక్కి లాగేందుకు ప్రయత్నించాడు. ఆ సమయంలో కునాల్‌ బ్యాలెన్స్‌ తప్పి పడిపోతుండగా.. తండ్రిని పట్టుకుని లాగేశాడు. దీంతో కింద పడిపోతూ బలమైన గాయాలతో ఇద్దరూ అక్కడికక్కడే మృతి చెందారు. అప్పటిదాకా అక్కడే కుప్పకూలి ఏడుస్తున్న సంగీత కూడా ఆ దృశ్యంతో షాక్‌ తింది. భర్త, కుమారుడు కళ్లముందే పడిపోవడాన్ని చూసిన ఆమె క్షణం ఆలస్యం కూడా చేయకుండా కొండపై నుంచి దూకింది. ఈ ఘటనలో ముగ్గురూ మృతి చెందారు.ఒక ఫోన్‌ కోసం మొదలైన చిన్న వివాదం.. చివరకు ఓ కుటుంబాన్నే బలి తీసుకోవడం తీవ్ర విషాదాన్ని మిగిల్చింది. ఈ ఘటనపై పోలీసులు మరింత దర్యాప్తు కొనసాగిస్తున్నారు.నోట్‌: వీడియోలోని దృశ్యాలు మిమ్మల్ని కలవరపాటుకు గురిచేయొచ్చు!Tragic news from Chhatrapati Sambhajinagar:19-yr-old Kunal Chandgude died after jumping from Khavdya Hill following a dispute with his parents over a phone.His parents, Murlidhar (48) and Sangita, died trying to save him despite a 3-hr rescue effort by police and fire… pic.twitter.com/1doWOAx5cv— Bhavesh Gujrati (@Bhaveshlivelife) August 21, 2026ఇదే జిల్లాలో మరో విషాదం..ఇటీవల ఛత్రపతి శంభాజీనగర్‌ జిల్లాలోనే గురువారం జరిగిన ఓ ఘటన తీవ్ర కలకలం రేపింది. వైజాపూర్‌ తాలూకాలోని ఖండాలాకు చెందిన 19 ఏళ్ల సూరజ్‌ సుభాష్‌ షిండే మెడికల్‌ ప్రవేశ పరీక్ష నీట్‌ కోసం సిద్ధమవుతున్నాడు. చదువు, భవిష్యత్తుపై తీవ్ర ఒత్తిడితో అతడు ఆత్మహత్యకు పాల్పడినట్లు తెలుస్తోంది. తల్లిదండ్రులకు రాసిన రెండు లైన్ల లేఖలో “సారీ అమ్మా, నాన్నా.. వచ్చే జన్మలో మీ కోసం కచ్చితంగా డాక్టర్‌ అవుతాను.. మీరు జాగ్రత్తగా ఉండండి” అని పేర్కొనడం తీవ్ర విషాదాన్ని మిగిల్చింది.ఒకవైపు ఐఫోన్‌ EMI వివాదం.. మరోవైపు కెరీర్‌ ఒత్తిడితో నీట్‌ అభ్యర్థి ఆత్మహత్య.. ఛత్రపతి శంభాజీనగర్‌ జిల్లాలో వరుస విషాద ఘటనలు కుటుంబాలు, యువత ఎదుర్కొంటున్న ఒత్తిళ్లపై చర్చకు దారితీస్తున్నాయి.మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001మెయిల్: roshnihelp@gmail.comఇదీ చదవండి: 105 ఏళ్ల దోషికి సుప్రీంకోర్టు సాయం

ముంబై: మహారాష్ట్ర ఆహార, ఔషధాల కమిషనర్‌ తుకారాం ముండే(2005 బ్యాచ్ ఐఏఎస్ అధికారి)కు ప్రజల నుంచి వచ్చిన ప్రశంసలు మరే ఇతర ఎఫ్‌డీఏ కమిషనర్‌కూ ఇ‍ప్పటివరకూ దక్కలేదనే చెప్పుకోవచ్చు. రాష్ట్రవ్యాప్తంగా రెస్టారెంట్లు, ఈటరీ కేంద్రాల్లో అపరిశుభ్రతపై కఠిన చర్యలు తీసుకోవడంతో ఆయన పేరు మారుమోగిపోయింది. నిబంధనలను కఠినంగా అమలు చేసే తీరుతో తరచూ “ఐఏఎస్ సింగం”గా ముండేను పిలుస్తారు. ఎలాంటి మొహమాటం లేకుండా వ్యవహరించే తీరుతో తన కెరీర్‌లో పలువురు రాజకీయ నాయకులతో తరచూ విభేదించారు. ఓ జాతీయ మీడియా నిర్వహించిన కార‍్యక్రమంలో ఆయనకు ఓ ప్రశ్న ఎదురైంది. రాజకీయాల్లోకి వస్తారా? అని ఆయనను అడిగారు. దీనికి కూడా ఆయన నిజాయితీగా, సూటిగా సమాధానం ఇచ్చారు.“అసలు లేదు. దానికి దాని సొంత అవసరాలు ఉంటాయి. నేను సూటిగా మాట్లాడే వ్యక్తిని, చాలా బహిరంగంగా, మనసులో ఉన్నది ఉన్నట్లు మాట్లాడతాను. రాజకీయాలకు ఈ లక్షణాలు నచ్చుతాయో లేదో నాకు తెలియదు” అని ముండే అన్నారు. ప్రజాసేవలో ఉండాల్సిన విధానానికి రాజకీయాల్లో ఎదురయ్యే సవాళ్లు పూర్తిగా భిన్నంగా ఉంటాయని పేర్కొన్నారు.బ్యూరోక్రాట్‌గా తాను అన్ని పనులు చేసినట్టే రాజకీయాల్లోనూ కొత్త ఒరవడిని సృష్టించగలరా? అని ముండేను అడగగా.. ఆయన స్పందిస్తూ.. “నేను ఒక విషయంలో మంచిగా ఉంటే, దానినే కొనసాగించాలి” అని చమత్కరించారు. మహారాష్ట్ర ఎఫ్‌డీఏగా బాధ్యతలు చేపట్టి కేవలం 3 నెలలే అయినా, రాష్ట్రంలోని రెస్టారెంట్లు, గోదాములు, ఆహార దుకాణాలపై కఠిన చర్యలతో ముండే అందరి దృష్టిని ఆకర్షించారు.నాకు నేనే సవాలు విసురుకుంటా.. వంటగదుల్లో బొద్దింకలు, గడువు ముగిసిన ఉత్పత్తులు కనిపించడంతో డొమినోస్, పిజ్జా హట్ కేంద్రాలను తాత్కాలికంగా మూసివేశారు. ముంబైలో చాలా కాలంగా కొనసాగుతున్న ఆహార వ్యాపార సంస్థల లైసెన్సులను కొంతకాలం నిలిపివేశారు. బ్లింకిట్, జెప్టోకు చెందిన డార్క్ స్టోర్లలో నిర్వహించిన దాడుల్లో బల్లులు, బొద్దింకలు, గడువు ముగిసిన ఉత్పత్తులు బయటపడ్డాయి. బాంబే హైకోర్టు క్యాంటీన్లలోనూ తనిఖీలు నిర్వహించడానికి ఆయన వెనుకాడలేదు. జూలై 31 నాటికి తన విభాగం 3,000 తనిఖీలు నిర్వహించిందని, రూ.55 కోట్ల విలువైన వస్తువులను స్వాధీనం చేసుకుందని, 165 సంస్థల లైసెన్సులను నిలిపివేసిందని ముండే తెలిపారు.కఠిన పరిపాలనా నిర్ణయాలు తీసుకునే అధికారిగా ముండేకు ఉన్న పేరుతో 21 ఏళ్లలో ఆయన దాదాపు 25 సార్లు బదిలీ అయ్యారు. సవాళ్లు విసరడం ఇష్టమా? అని ఆయనను అడగగా.. ముండే వెంటనే స్పందిస్తూ.. “నాకు నేనే సవాలు విసురుకుంటాను” అని చెప్పారు.కాగా, బీడ్‌లోని ఓ గ్రామంలో సాధారణ కుటుంబ నేపథ్యం నుంచి ఎదిగి మహారాష్ట్ర ఎఫ్‌డీఏగా బాధ్యతలు చేపట్టే స్థాయికి ముండే చేరుకున్నారు. ఈ ప్రయాణంలో ఆయన పలువురు ముఖ్యమంత్రుల కింద పనిచేశారు. ఎవరైనా తనకు ఇష్టమైన ముఖ్యమంత్రి ఉన్నారా? అని అడగగా ముండే చమత్కరిస్తూ “అందరూ నాకు ఇష్టమైనవారే” అని అన్నారు.ఇదీ చదవండి: ధర్నా విరమించిన రాహుల్‌ గాంధీ, ప్రియాంక గాంధీ

సాక్షి, ముంబై: మహారాష్ట్రలోని ఛత్రపతి శంభాజీనగర్ జిల్లా దేవళాయ్ ప్రాంతంలో అత్యంత విషాదకర ఘటన చోటుచేసుకుంది. ఖవ్డా కొండపైకి వెళ్లిన 18 ఏళ్ల యువకుడు ఆత్మహత్య చేసుకుంటానని బెదిరించడం, అతడిని కాపాడేందుకు వెళ్లి తల్లిదండ్రులతో సహా ముగ్గురూ కొండపై నుంచి కిందపడి మరణించడం స్థానికంగా తీవ్ర దిగ్భ్రాంతి రేపింది.దాదాపు మూడు గంటలు పాటు సాగిన ఈ వ్యవహారం చివరికి విషాదాంతమైంది. శుక్రవారం ఉదయం 10 గంటల ప్రాంతంలో యువకుడు ఖవ్డా కొండ అంచున నిలబడి ఆత్మహత్య చేసుకుంటానని బెదిరించడం ప్రారంభించాడో యువకుడు. దాదాపు 3 గంటల పాటు అతడి తల్లి, స్థానిక గ్రామస్తులు, పోలీసులు అతడిని కిందకు దిగిరావాలని ఎంత బ్రతిమిలాడినా ఫలితం లేకపోయింది.దీంతో ఆందోళనకులోనైన తండ్రి మధ్యాహ్నం 1 గంట సమయంలో, కొండ ఎక్కి కొడుకును కాపాడేందుకు ప్రయత్నించాడు. కొడుకును పట్టుకునే క్రమంలో ఇద్దరూ అదుపుతప్పి కొండపై నుంచి కిందకు పడిపోయారు. కళ్లముందే భర్త, కొడుకు కిందపడిపోవడం చూసి భయాందోళనకు గురైన తల్లి కూడా కొద్దిక్షణాల్లోనే కొండపై నుంచి దూకేసింది. తీవ్ర గాయాలతో ముగ్గురూ అక్కడికక్కడే మరణించారు.ఇదీ చదవండి: మహిళతో వివాదంలో గ్యాంగ్‌ వార్‌ : ఒకరి దారుణ హత్యఈ ఉదంతాన్ని అక్కడున్న పర్యాటకులు, స్థానికులు ఫోన్లలో వీడియో తీశారు. స్థానిక పోలీసులు కేసు నమోదు చేసి దర్యాప్తు చేస్తున్నారు.ఇదీ చదవండి: 14 ఏళ్లకే సోషల్‌ మీడియాలో సంచలనం ఎవరీ ‘ఏలియన్‌ స్టార్‌’

నీట్‌ లీకేజీ వ్యవహారంపై నెలకు పైగా ఆందోళనలు చేసి ధర్మేంద్ర ప్రధాన్‌తో మంత్రి పదవికి రాజీనామా చేయించిన కాక్రోచ్‌ జనతా పార్టీ (సీజేపీ).. ఇప్పుడు మరో మంత్రి రాజీనామాకు పట్టుబడుతోంది. ‘‘మంత్రుల కుక్కలకు కూడా ఇంత కంటే మెరుగైన సౌకర్యాలు ఉంటున్నాయి. మరి ఈ పిల్లలేం పాపం చేశారు?’’ అంటూ సీజేపీ చీఫ్‌ అభిజిత్‌ దీప్కే ఈ ఉద్యమాన్ని నడిపించబోతున్నాడు. ఇంతకీ ఏం జరిగింది అనే వివరాల్లోకి వెళ్తే.. మహారాష్ట్రలో ప్రభుత్వ పాఠశాలల దుస్థితిపై ఆగ్రహం వ్యక్తం చేస్తూ రాష్ట్ర పాఠశాల విద్యాశాఖ మంత్రి దాదాజీ భూసే(Dadaji Bhuse) పదవి నుంచి తప్పుకోవాలని సీజేపీ డిమాండ్‌ చేస్తోంది. ఈ పరిస్థితులకు ఆయనే నైతిక బాధ్యత వహించాలని అంటోంది. మంత్రి గనుక రాజీనామా చేయకుంటే ఆందోళనలను మరింత ఉద్ధృతం చేస్తామని హెచ్చరిస్తోంది. లాతూర్‌ జిల్లా ఔసా తెహశీల్‌ ఉజని గ్రామంలోని జిల్లా పరిషత్‌ పాఠశాలను సీజేపీ కన్వీనర్‌ అభిజీత్‌ దీప్కే గురువారం సందర్శించారు. సీజేపీ చేపట్టిన ‘స్కూల్‌ ఠీక్‌ కరో’ కార్యక్రమంలో భాగంగా పాఠశాలను పరిశీలించిన ఆయన.. అక్కడి పరిస్థితులపై తీవ్ర ఆవేదన వ్యక్తం చేశారు. రాష్ట్రంలోని అనేక ప్రభుత్వ పాఠశాలల్లో కనీస మౌలిక సదుపాయాలు కూడా లేవని ఆరోపించారు.తరగతి గదుల్లో బెంచీలు లేకపోవడం, మరుగుదొడ్లు సరిగా లేకపోవడం, పాఠశాలలకు వెళ్లేందుకు సురక్షితమైన రహదారులు లేకపోవడం వంటి సమస్యలను ప్రస్తావించారు. “మంత్రుల కుక్కలకు కూడా ఇంతకంటే మెరుగైన సౌకర్యాలు ఉంటాయి. కానీ ప్రభుత్వ పాఠశాలల్లో చదువుతున్న విద్యార్థులకు కనీస వసతులు లేవు” అని దీప్కే ఘాటు వ్యాఖ్యలు చేశారు.జంతువుల కంటే హీనంగా చూస్తున్నారుకొన్ని పాఠశాలల్లో విద్యార్థులను జంతువుల కంటే హీనంగా చూస్తున్నారని దీప్కే ఆరోపించారు. ఇది పిల్లల జీవితాలకు సంబంధించిన సమస్య అని, రాజకీయ నాయకులు విద్యార్థుల కోసం ఏమీ చేయకపోతే ప్రజలు వారికి ఎందుకు ఓటేయాలని ప్రశ్నించారు. నాయకులు హెలికాప్టర్లలో తిరగడానికే ప్రజలు ఓట్లు వేస్తున్నారా? అని నిలదీశారు.తమ గ్రామాలకు వచ్చే అన్ని పార్టీల నాయకులను విద్య కోసం పనిచేయాలని ప్రజలు డిమాండ్‌ చేయాలని సూచించారు. పాఠశాలలను బాగు చేసే వరకు ఓట్ల కోసం గ్రామాలకు రావొద్దని నేతలకు చెప్పాలని పిలుపునిచ్చారు. కులం, మతం పేరుతో రాజకీయాల కోసం బయటకు వచ్చే ప్రజలు.. తమ పిల్లల భవిష్యత్తు కోసం పాఠశాలల సమస్యలపై కూడా పోరాడాలని కోరారు.మంత్రులు తమ పిల్లలను ఇక్కడికి పంపిస్తారా?మంత్రులు, ఎమ్మెల్యేలు తమ పిల్లలను ప్రభుత్వ పాఠశాలల్లోనే చదివించాలని దీప్కే డిమాండ్‌ చేశారు. అప్పుడు మాత్రమే ప్రభుత్వ బడుల్లో విద్యార్థులు ఎదుర్కొంటున్న సమస్యలు వారికి తెలుస్తాయని అన్నారు. పదేళ్లుగా అధికారంలో ఉన్న ప్రభుత్వం ఇప్పటికీ పాఠశాలల్లో ప్రాథమిక సమస్యలను పరిష్కరించలేకపోయిందని విమర్శించారు.కొన్ని పాఠశాలల్లో రేకుల పైకప్పులు కారుతున్నాయని, విద్యార్థులు సరైన బెంచీలు లేకుండానే చదువుకుంటున్నారని చెప్పారు. పాఠశాలల పరిసరాల్లో చెత్త, పాత సామగ్రి పేరుకుపోవడంతో పాములు సంచరించే పరిస్థితులు ఏర్పడుతున్నాయని ఆరోపించారు. పాముకాటుతో విద్యార్థులు మృతి చెందిన ఘటనలు అధికారుల నిర్లక్ష్యానికి నిదర్శనమని అన్నారు(ఆ వివరాలు చివర్లో..).మంత్రి తప్పుకోవాల్సిందే.. లేదంటే ఉద్యమంపాఠశాలల పరిస్థితి చూస్తుంటే దాదా భూసే విద్యాశాఖ మంత్రిగా కొనసాగకూడదని దీప్కే స్పష్టం చేశారు. ప్రభుత్వం వెంటనే పాఠశాలల సమస్యలను పరిష్కరించాలని, లేదంటే ప్రజలతో కలిసి ఆందోళనలను మరింత ఉద్ధృతం చేస్తామని హెచ్చరించారు. విద్యార్థులకు సురక్షితమైన రవాణా సౌకర్యం కల్పించడంతో పాటు పాఠశాలల్లో మౌలిక వసతులు మెరుగుపర్చాలని డిమాండ్‌ చేశారు.సీజేపీ చేపట్టిన పాఠశాలల తనిఖీలతో కొన్ని చోట్ల అధికారులు పనులు ప్రారంభించారని దీప్కే తెలిపారు. ప్రజలు తమ హక్కుల కోసం ప్రశ్నించినప్పుడే ప్రజాస్వామ్యం మరింత బలపడుతుందని అన్నారు. 2029 ఎన్నికల నాటికి జెన్‌జీ కీలక ఓటు బ్యాంకుగా మారుతుందని, విద్యార్థులు, యువత సమస్యలను పట్టించుకోని ప్రభుత్వాలను వారు ప్రశ్నిస్తారని పేర్కొన్నారు.ఎవరీ దాదాజీ భూసే..దాదాజీ భూసే మహారాష్ట్రకు చెందిన శివసేన (ఏక్‌నాథ్‌ షిండే వర్గం) సీనియర్‌ నేత, మాలేగావ్‌ ఔటర్‌ ఎమ్మెల్యే. 2024 డిసెంబర్‌ నుంచి మహారాష్ట్ర పాఠశాల విద్యాశాఖ మంత్రిగా కొనసాగుతున్నారు. గతంలో వ్యవసాయం, గ్రామీణాభివృద్ధి తదితర శాఖలను కూడా నిర్వహించారు. ప్రస్తుతం రాష్ట్రంలోని ప్రభుత్వ పాఠశాలల పరిస్థితిపై విమర్శలు ఎదుర్కొంటున్న ఆయనను రాజీనామా చేయాలని సీజేపీ కన్వీనర్‌ అభిజీత్‌ దీప్కే డిమాండ్‌ చేశారు. పాముకాటును నోటిఫయబుల్‌ డిసీజ్‌..మహారాష్ట్ర ప్రభుత్వం.. తాజాగా కీలక నిర్ణయం తీసుకుంది. పాముకాటును నోటిఫయబుల్‌ డిసీజ్‌గా ప్రకటించింది. ఇందుకు కారణం.. గడ్చిరోలి జిల్లాలో జరిగిన విషాద ఘటన. ఆగస్టు 9న జప్తలై గ్రామంలోని ప్రభుత్వ సహాయంతో నడిచే గిరిజన ఆశ్రమ పాఠశాలలో విషపాము కాటుకు ముగ్గురు బాలికలు మృతి చెందగా.. మరో ముగ్గురు విద్యార్థినులు ఆస్పత్రి పాలయ్యారు. ఈ ఘటన తర్వాత పాముకాటు కేసులను వెంటనే గుర్తించి, సకాలంలో చికిత్స అందించడంతో పాటు యాంటీ-స్నేక్‌ వెనమ్‌ (ASV) లభ్యతను పర్యవేక్షించేందుకు ప్రభుత్వం ఈ నిర్ణయం తీసుకుంది. ఇకపై రాష్ట్రంలోని ఆస్పత్రులు, వైద్య కళాశాలలు, వైద్యులు ప్రతి పాముకాటు కేసు, మరణాన్ని తప్పనిసరిగా అధికారులకు నివేదించాలి. దీంతో పాముకాటు ఘటనలపై సమగ్ర సమాచారం సేకరించి, ఎక్కడ ఎక్కువ కేసులు నమోదవుతున్నాయి, ఎక్కడ యాంటీ-వెనమ్‌ కొరత ఉంది వంటి అంశాలను గుర్తించి సత్వర చర్యలు చేపట్టే అవకాశం ఉంటుంది.

సాక్షి, ముంబై: మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA) కమిషనర్ తుకారాం ముండే (FDA Commissioner Tukaram) రాష్ట్రంలో ఆహార భద్రత, నాణ్యతా ప్రమాణాలు మరియు మందుల నియంత్రణపై భారీ చర్యలు చేపడుతున్నారు. రెస్టారెంట్లు హోటళ్లు, ప్రముఖ ఫార్మా కంపెనీలపై ఆకస్మిక తనిఖీలు నిర్వహించి, పెద్ద ఎత్తున లైసెన్సులు సస్పెండ్ చేయడం , అమ్మకాలను నిలిపివేయడం, నోటీసులు జారీ లాంటి చర్యలు చేపట్టారు. ఈ నేపథ్యంలో పలువురు సెలబ్రిటీలు తుకారం ముండే చర్యలపై ప్రశంసలు కురిపించారు.మరోవైపు ముండే వ్యవహారశైలిపై బాంబై హైకోర్టు తీవ్ర ఆగ్రహం వ్యక్తం చేసింది. ముందస్తు నోటీసులివ్వకుండా తనిఖీల పేరుతో ఎఫ్‌డీఏ చేపడుతున్న దూకుడు చర్యలపై కోర్టు అభ్యంతరం వ్యక్తం చేస్తూ కీలక వ్యాఖ్యలు చేసిన తరుణంగా తాజాగా తుకారాం ముండేకి ట్యాగా చేస్తూ నటి శ్వేతా తివారీ Shweta Tiwari) చేసిన విజ్ఞప్తి ఆసక్తికరంగా మారింది. ఇదీ చదవండి: రూ. 5వేలతో ముంబైకి, పూటగడవని స్థితి..ఇపుడు సూపర్‌ స్టార్‌డమ్‌అసలు ఏమైంది? శ్వేతా తివారీ ఒక క్విక్-కామర్స్ యాప్ ద్వారా ఇన్‌స్టామార్ట్‌ ద్వారా ఆర్డర్ చేసిన సరుకులతో పాటు ఇంట్లోకి బొద్దింక వచ్చిందని ఆరోపించిది. ఈ యాప్ ద్వారా కూల్ డ్రింక్స్ ఆర్డర్ చేసిన తర్వాత ఈ ఘటన జరిగినట్లు శ్వేతా తివారీ తన ఇన్‌స్టాగ్రామ్ స్టోరీస్‌లో ఒక వీడియోను పంచుకున్నారు. దీనికి మహారాష్ట్ర ఎఫ్‌డీఏ మిషనర్ తుకారాం ముండేను ట్యాగ్‌ చేశారు. ఆ వీడియోలో తన ఇంట్లో తిరుగుతున్న బొద్దింకను చూపిస్తూ, ఆహార భద్రతా నిబంధనలపై చర్యలు తీసుకుంటున్న ముండేను ఈ విషయంపై దృష్టి సారించాలని కోరారు.కాగా ఆహార భద్రతా నిబంధనలను ఉల్లంఘిస్తున్న రెస్టారెంట్లు, క్యాంటీన్లపై కఠిన చర్యలు తీసుకుంటూ ముండే ఇటీవల సోషల్ మీడియాలో "అసలి సింగం"గా ప్రశంసలు అందుకుంటున్నారు. సదరు ఆర్డర్ లేదా డెలివరీ ప్లాట్‌ఫామ్‌కు సంబంధించిన పూర్తి వివరాలను నటి ఇంకా వెల్లడించలేదు. అలాగే ఈ ఫిర్యాదుపై అధికారులు ఎలాంటి చర్యలు తీసుకున్నారో ఇంకా స్పష్టత రాలేదు. ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

సాక్షి, ముంబై: మహారాష్ట్రలోని పుణే జిల్లాలో దారుణం చోటు చేసుకుంది. అనారోగ్యంతో ఇంట్లో ఉన్న 9 ఏళ్ల బాలికపై హత్యాచారానికి పాల్పడ్డాడో దుర్మార్గుడు. పైగా బాలిక కనిపించడం లేదన్న ఆందోళనతో తల్లిదండ్రులు వెతుకుతున్న సమయంలో నిందితుడు కూడా వారితో కలిసి వెతుకుతూ నాటకం ఆడాడు. చివరికి పోలీసులు అతని యవ్వారాన్ని బయటపెట్టారు. ఈ ఘటన జున్నార్ తాలూకా పింపాల్‌వండి ప్రాంతంలో తీవ్ర ఉద్రిక్తతలను రాజేసింది. ఈ కేసును వేగంగా విచారించాలని డిమాండ్ చేస్తూ ఆగ్రహించిన గ్రామస్తులు, కుటుంబ సభ్యులు పూణే-నాసిక్ హైవేపై రాస్తారోకో నిర్వహించారు. అసలేం జరిగింది అంటేపోలీసుల సమాచారం ప్రకారం బాధిత చిన్నారి 4వ తరగతి చదువుతోంది. బాలిక తల్లిదండ్రులు వ్యవసాయ కూలీలు కాగా, ఆమె అనారోగ్యం వల్ల ఆ రోజు పాఠశాలకు వెళ్లకుండా ఇంట్లోనే ఉంది. ఇది గమనించిన పొరుగింటి 25 ఏళ్ల కీచకుడు సాహిల్ ఖైరే ఆమెపై కన్నేశాడు. ఆమెపై అత్యాచారం చేసి, ఆపై గొంతు నులిమి చంపాడని ప్రాథమిక విచారణలో తేలింది. ఇది తెలియని తల్లిదండ్రులు తమ బిడ్డ ఆచూకీ కోసం గాలించి, ఫలితం లేకపోవడంతో పోలీసులను ఆశ్రయించారు. అప్పటివరకూ నిందితుడు సాహిల్ కూడా ఏమీ ఎరగనట్టుగా వీరితో పాటే ఉండటం గమనార్హం.అయితే కేసు విచారణలో భాగంగా పోలీసులు సీసీటీవీ (CCTV) ఫుటేజ్‌ను పరిశీలించగా, సైకిల్‌పై వెళ్తున్న అనుమానాస్పద వ్యక్తిని సాహిల్ ఖైరేగా గుర్తించి ప్రశ్నించగా, అతడు నేరాన్ని అంగీకరించాడు. అనంతరం అతడు చూపించిన ప్రదేశం (ఓ వాగు వద్ద ఉన్న చెట్టు కింద) నుంచి బాలిక మృతదేహాన్ని స్వాధీనం చేసుకున్నారు. తదుపరి విచారణ కొనసాగుతోంది. ఇదీ చదవండి: ఫొటో తెచ్చిన తంటా..షాకైన వధువు, పెళ్లి క్యాన్సిల్ఆందోళనలు-ఉద్రిక్తతఈ దారుణంపై తీవ్ర ఆగ్రహం వ్యక్తం చేసిన బాధితురాలి కుటుంబ సభ్యులు, గ్రామస్థులు పుణే-నాశిక్ రహదారిని దిగ్బంధించారు. నిందితుడిని ఉరితీయాలని, ఈ కేసును ఫాస్ట్ ట్రాక్ కోర్టు ద్వారా త్వరితగతిన విచారించి 15 రోజుల్లోగా కఠిన శిక్ష విధించాలని డిమాండ్ చేశారు.ప్రభుత్వ స్పందనఉప ముఖ్యమంత్రి సునేత్రా పవార్ ఈ ఘటనపై తీవ్ర సంతాపం వ్యక్తం చేస్తూ, పుణే రూరల్ ఎస్పీ సందీప్ సింగ్ గిల్‌తో మాట్లాడి సమగ్ర విచారణకు ఆదేశించారు. ఈ కేసును ఫాస్ట్ ట్రాక్ కోర్టుకు అప్పగించి నిందితుడికి త్వరితగతిన శిక్ష పడేలా ముఖ్యమంత్రి దేవేంద్ర ఫడ్నవీస్‌ను కోరనున్నట్లు తెలిపారు.ఇదీ చదవండి: ప్రియుడితో కలిసి ఘాతుకం : దిండుతో అదిమి భర్త, కొడుకు హత్య

నిబంధనలు పాటించని ఆహార దుకాణాలపై చర్యలు తీసుకోవడం వరకు బాగానే ఉంది.. కానీ నిబంధనలు పాటించిన తర్వాత కూడా లైసెన్స్‌ పునరుద్ధరించకుండా ఆ వ్యాపారాన్ని అడ్డుకోవం ఎంత వరకు సబబు?. ఈ వ్యవహారాన్ని బాంబే హైకోర్టు తీవ్రంగా పరిగణించింది. ఇది అతిగా వ్యవహరించడమేనని పేర్కొంటూ మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌కు జరిమానా విధించింది.తుకారాం ముండే మహారాష్ట్రలో ఎఫ్‌డీఏ దూకుడు చూస్తున్నదే. నిత్యం ఏదో ఒక రెయిడ్‌తో వార్తల్లో ప్రముఖంగా నిలుస్తున్నారాయన. అయితే.. పుణెలోని ఓ స్వీట్స్‌ దుకాణం లైసెన్స్‌ను 98 శాతం నిబంధనలు పాటించినట్లు రీ-ఇన్‌స్పెక్షన్‌లో తేలింది. అయినప్పటికీ పునరుద్ధరించకపోవడంపై మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ (FDA)కు రూ.5 లక్షల పరిహారం చెల్లించాలని బాంబే హైకోర్టు ఆదేశించింది.యాక్టింగ్‌ చీఫ్‌ జస్టిస్‌ రవీంద్ర ఘుగే, జస్టిస్‌ గౌతమ్‌ అంఖడ్‌తో కూడిన ధర్మాసనం సోమవారం ఈ మేరకు తీర్పునిచ్చింది. ఆహార భద్రత నిబంధనలు ఉల్లంఘించే హోటళ్లు, తినుబండారాల లైసెన్సులను సస్పెండ్‌ చేయడం FDA అనుసరిస్తున్న విధానంపై ధర్మాసనం తీవ్ర అభ్యంతరం వ్యక్తం చేసింది. ఇది ‘వింతైన, విపరీతమైన విధానం’గా అభివర్ణించింది.98 శాతం కంప్లయన్స్‌ ఉన్నా..పుణెలోని గురునానక్‌ డెయిరీ అండ్‌ స్వీట్స్‌పై ఆహార కలుషితానికి సంబంధించిన ఫిర్యాదు రావడంతో FDA అధికారులు జూన్‌ 12న తనిఖీలు నిర్వహించారు. దుకాణంలోని పారిశుద్ధ్యం, సిబ్బంది పరిశుభ్రతకు సంబంధించి పలు లోపాలను గుర్తించారు. అదే రోజు దుకాణం లైసెన్స్‌ను సస్పెండ్‌ చేస్తూ ఉత్తర్వులు జారీ చేశారు. దీంతో దుకాణ యాజమాన్యం FDA కమిషనర్‌కు అప్పీల్‌ చేయడంతో పాటు లోపాలను సరిచేసినట్లు పేర్కొంటూ కంప్లయన్స్‌ రిపోర్ట్‌ సమర్పించింది.దీనిపై జూలై 13న FDA అధికారులు మరోసారి దుకాణాన్ని తనిఖీ చేశారు. ఈసారి దుకాణం 98 శాతం నిబంధనలు పాటిస్తున్నట్లు అధికారులు గుర్తించారు. అయినప్పటికీ లైసెన్స్‌ సస్పెన్షన్‌ను ఎత్తివేయలేదు. లైసెన్స్‌ను పునరుద్ధరించాలని యాజమాన్యం FDAకి పలుమార్లు విజ్ఞప్తి చేసినా స్పందన లేకపోవడంతో చివరకు బాంబే హైకోర్టును ఆశ్రయించింది.లక్షల ఆదాయం కోల్పోయామని..లైసెన్స్‌ సస్పెన్షన్‌ కారణంగా జూన్‌లో దుకాణం మూసివేసినప్పటి నుంచి రూ.8.74 లక్షల ఆదాయాన్ని కోల్పోయామని యాజమాన్యం కోర్టుకు తెలిపింది. కేసును విచారించిన ధర్మాసనం దుకాణాన్ని తిరిగి తెరిచి వ్యాపారం చేసుకునేందుకు అనుమతించింది. అంతేకాకుండా దుకాణ యజమానులకు నెల రోజుల్లోగా రూ.5 లక్షల పరిహారం చెల్లించాలని మహారాష్ట్ర FDAను ఆదేశించింది.‘మీరు హద్దులు దాటుతున్నారు’FDA ఉద్దేశం మంచిదేనని, ఆహార భద్రత విషయంలో ఒక విభాగం కనీసం చర్యలు తీసుకుంటోందని ప్రశంసించిన ధర్మాసనం.. అదే సమయంలో అధికారులు అతిగా వ్యవహరిస్తున్నారని వ్యాఖ్యానించింది. 98 శాతం నిబంధనలు పాటిస్తున్నట్లు రీ-ఇన్‌స్పెక్షన్‌లో తేలిన వెంటనే లైసెన్స్‌ సస్పెన్షన్‌ను ఎత్తివేయాల్సిందని స్పష్టం చేసింది. అలా చేయకుండా దుకాణాన్ని కొనసాగనివ్వకపోవడం సరికాదని పేర్కొంది.కోర్టు ఉత్తర్వులు పరిశీలిస్తా: FDA కమిషనర్‌బాంబే హైకోర్టు ఆదేశాలపై మహారాష్ట్ర FDA కమిషనర్‌ తుకారాం ముండే స్పందిస్తూ.. ముందుగా కోర్టు ఉత్తర్వులను పరిశీలిస్తానని తెలిపారు. ఆ తర్వాతే స్పందిస్తానన్నారు. FDA చట్టం, నిర్దేశిత విధానాల ప్రకారమే పనిచేస్తుందని స్పష్టం చేశారు. చట్టం, ప్రక్రియలను అనుసరిస్తూ వాటిని అమలు చేస్తున్నామని చెప్పారు.

పుణేలో 19 ఏళ్ల ఓ యువకుడు తాను కిడ్నాప్‌ అయినట్లు నాటకం ఆడాడు. తాను ఏడుస్తున్న వీడియోలను కుటుంబ సభ్యులకు పంపించి, తనను విడిచిపెట్టేందుకు కిడ్నాపర్లు రూ.5 లక్షలు డిమాండ్‌ చేస్తున్నారని చెప్పాడు. అయితే పోలీసులు అతడిని ఓ లాడ్జిలో గుర్తించారు.ఉత్తరప్రదేశ్‌లోని బాందా జిల్లాకు చెందిన ఓం ప్రకాశ్‌ గౌరీశంకర్‌ ఉద్యోగం కోసం పుణేకు వచ్చాడు. నెలల తరబడి ఉద్యోగం లేకపోవడంతో అతడు ఆర్థికంగా ఇబ్బందులు ఎదుర్కొన్నాడు.దీంతో కుటుంబ సభ్యుల నుంచి డబ్బు తీసుకునేందుకు అతడు ఓ పథకం వేసినట్లు పోలీసులు తెలిపారు. గౌరీశంకర్‌ తన బంధువులు, అన్నయ్యకు తాను కిడ్నాప్‌కు గురయ్యానని చెప్పాడు. తనను విడిచిపెట్టేందుకు కిడ్నాపర్లు రూ.5 లక్షలు డిమాండ్‌ చేస్తున్నారని తెలిపాడు.తన మాటలు నిజమని నమ్మించేందుకు తాను ఏడుస్తున్న వీడియోలను వారికి పంపించాడు. కిడ్నాప్‌ విషయం తెలిసి ఆందోళన చెందిన కుటుంబ సభ్యులు ఉత్తరప్రదేశ్‌ పోలీసులను ఆశ్రయించారు. వారు పుణే పోలీసులకు సమాచారం అందించారు.ఆగస్టు 16 అర్ధరాత్రి పుణే పోలీసులు గాలింపు చర్యలు చేపట్టారు. పలు పోలీస్‌ స్టేషన్లకు చెందిన బృందాలు, రాత్రి గస్తీ బృందాలు, ఇతర సిబ్బంది ఈ గాలింపులో పాల్గొన్నారు. గౌరీశంకర్‌ ఉపయోగిస్తున్న మొబైల్‌ నంబర్‌ను పోలీసులు ట్రాక్‌ చేయగా, ఓ హోటల్‌ సమీపంలో ఆ ఫోన్‌ పనిచేస్తున్నట్లు గుర్తించారు.దీంతో ఓ పోలీసు బృందం, రాత్రి గస్తీ సిబ్బంది, మార్షల్స్‌తో కలిసి ఖడ్కీలోని క్రౌన్‌ ప్లాజా లాడ్జింగ్‌కు చేరుకుంది. అక్కడ గౌరీశంకర్‌ కనిపించాడు. ప్రాథమిక దర్యాప్తులో ఎలాంటి కిడ్నాప్‌ జరగలేదని తేలింది. కుటుంబం నుంచి డబ్బు పొందేందుకు యువకుడు మొత్తం ఘటనను కల్పించినట్లు పోలీసులు గుర్తించారు. View this post on Instagram A post shared by Pune Times Mirror (@thepunemirror)

సాక్షి, ముంబై: మాజీ మిస్‌ పుణే త్విషా శర్మ (33) మృతి కేసులో కీలక పరిణామం చోటు చేసుకుంది. ఆమె భర్త సమర్థ్ సింగ్‌, అత్త, మాజీ మహిళా న్యాయమూర్తి గిరిబాల సింగ్‌పై కేంద్ర దర్యాప్తు సంస్థ (CBI) ఛార్జ్‌షీట్ దాఖలు చేసింది. వివాహమైన ఐదు నెలలకే ఈ ఏడాది మే 12న, త్విషా శర్మ భోపాల్‌లోని తన భర్త ఇంట్లో అనుమానాస్పదంగా కన్నుమూయడం సంచలన రేపింది.సీబీఐ దాఖలు చేసిన 636 పేజీల ఛార్జ్‌షీట్‌లో కట్న వేధింపులు, గృహహింస, ఆత్మహత్యకు ప్రేరేపించడం (అబెట్‌మెంట్ టు సూసైడ్), ఉమ్మడి నేరపూరిత ఉద్దేశంతో పనిచేయడం వంటి చట్టపరమైన సెక్షన్లను చేర్చారు. నోయిడాకు చెందిన త్విషాకు, భూపాల్‌కు చెందిన న్యాయవది స‌మ‌ర్థ్‌ సింగ్‌తో 2025 డిసెంబ‌ర్‌లో పెళ్లి జ‌రిగింది. ఎంబీఏ చదువుకున్న ఆమె పెళ్లికి ముందు ఆమె మార్కెటింగ్, క‌మ్యూనికేష‌న్ రంగంలో ప‌నిచేసింది. అలాగే మిస్ పూణె టైటిల్ కూడా గెలుచుకున్న‌ది. కార్పొరేట్ కెరీర్‌తో పాటు తెలుగు, హిందీ చిత్రాల్లో కూడా ఆమె న‌టించింది. ఆమె యోగా శిక్ష‌కురాలు కూడా. మే 12వ తేదీన అత్తారింట్లో ఆత్మహత్యు పాల్పడింది. అయితే త్విషాశర్మ కుటుంబ సభ్యులు ఆమెపై మానసిక,శారీరక వేధింపులు జరిగాయని, అధికారాన్ని ఉపయోగించి ఆధారాలను తుడిచిపెట్టేందుకు అత్తగారి కుటుంబం ప్రయత్నించిందని ఆరోపించారు. దీంతో కేసులు నమోదు చేసిన పోలీసులు తొలుత పరారీలో ఉన్న భర్త సమర్థ్ సింగ్‌ను మే 22న జబల్‌పూర్‌లో అరెస్టు చేశారు. త్విషా అత్త రిటైర్డ్ జ‌డ్జ్‌ గిరిబాలా సింగ్‌పై వ‌ర‌క‌ట్న వేధింపుల కేసు నమోదు చేశారు. ఆత్మ‌హ‌త్య‌కు ప్రేరేపించిన‌ట్లు కూడా కేసు పెట్టారు.ఇదీ చదవండి: 24 గంటల్లో 1.6 లక్షల ఫాలోవర్స్‌ : సీజేపీ తరహాలో డీజేపీ సంచలనంమరణానికి కారణం ఉరివేసుకోవడమే అయినప్పటికీ, బాధితురాలి శరీరంపై ఆరు గాయాలు ఉన్నట్లు పోస్ట్‌మార్టం నివేదిక స్పష్టం చేసింది. కుటుంబ సభ్యుల విజ్ఞప్తి మేరకు రెండోసారి పోస్ట్‌మార్టం నిర్వహించారు. సుప్రీంకోర్టు స్వచ్ఛందంగా జోక్యం, మధ్యప్రదేశ్ ప్రభుత్వం సిఫార్సు చేయడంతో కేసును సీబీఐకి అప్పగించారు. మృతదేహాన్ని ఉరి నుంచి కిందకు దించేందుకు ఉపయోగించినట్లు చెప్పిన 'జిమ్నాస్టిక్స్ బెల్ట్' ఆధారంగా సీబీఐ ఆ ఇంట్లో నేర స్థలాన్ని రీక్రియేట్ చేసి సాంకేతిక ఆధారాలు సేకరించింది. ఇదీ చదవండి: 14 మిలియన్ల ఫాలోవర్లు : కానీ యష్‌ ఫాలో అయ్యేది ఆమె ఒక్కర్నే!

నలసోపారా: ప్రతి పుట్టినరోజు వేడుకలో అందరూ ఎంతో ఆసక్తిగా ఎదురుచూసే ఆహార పదార్థం కేక్. అతిథుల నుంచి పుట్టినరోజు జరుపుకునే వ్యక్తి వరకు ప్రతి ఒక్కరూ కేక్ కోసం ఎదురుచూస్తారు. అయితే, అదే కేక్ వల్ల కొందరు ఆసుపత్రి పాలయ్యారు. మహారాష్ట్రలోని నలసోపారాలో ఈ ఘటన చోటుచేసుకుంది. చనిపోయిన బల్లి ఉన్న కేక్ తినడంతో 11 మంది అస్వస్థతకు గురయ్యారు.కేక్ తిన్న కొద్దిసేపటికే ఏడుగురు పిల్లలు, నలుగురు మహిళలు అకస్మాత్తుగా కడుపు, ఛాతీ నొప్పితో బాధపడ్డారు. వారిని వెంటనే సమీపంలోని ఆసుపత్రికి తరలించారు. అక్కడ వారికి చికిత్స కొనసాగుతోంది. వారందరి పరిస్థితి నిలకడగా ఉందని వైద్యులు తెలిపారు. ఈ ఘటన ఆహార భద్రత, బేకరీ ఉత్పత్తుల నాణ్యత ప్రమాణాలపై తీవ్ర ఆందోళనలు రేకెత్తించింది.రెండు రోజుల ముందే థానేలోని కల్యాణ్‌లో గోద్రేజ్ హిల్ ప్రాంతంలోని బ్లింకిట్ దుకాణంలో ఐస్‌క్రీమ్ ఫ్రీజర్‌లో ఎలుక పరుగెత్తినట్లు ఆరోపణలు వచ్చాయి. దీంతో ఆహార భద్రతపై ఆందోళనలు వ్యక్తమయ్యాయి. అధికారులు చర్యలు తీసుకోవాలనే డిమాండ్లు వచ్చాయి.మరోవైపు, మలాడ్ వెస్ట్‌లో బ్లింకిట్‌తో సంబంధం ఉన్న మరో కేంద్రంలో తనిఖీలు నిర్వహించిన అధికారులు పలు ఉల్లంఘనలను గుర్తించారు. దీంతో ఆ కేంద్రం ఎఫ్‌ఎస్‌ఎస్‌ఏఐ లైసెన్స్‌ను సస్పెండ్ చేశారు.మహారాష్ట్ర అంతటా ఇన్‌స్టాంట్‌ సర్వీసు వేదికలకు సంబంధం ఉన్న కేంద్రాలను ఆహార భద్రత అధికారులు ఇప్పటికే నిశితంగా పరిశీలిస్తున్న సమయంలో ఈ ఘటనలు చోటుచేసుకున్నాయి.

హింగోలి (మహారాష్ట్ర): కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే శనివారం మహారాష్ట్రలోని హింగోలి జిల్లాలో తన స్వగ్రామం నుంచి ‘స్కూల్ ఠీక్ కరో’ ప్రచారాన్ని ప్రారంభించారు. ప్రభుత్వ పాఠశాలల్లో ప్రాథమిక సదుపాయాల కొరత ఉందని ఆయన ఆరోపించారు. పగిలిన కిటికీలు, పూడుకుపోయిన మరుగుదొడ్లు, కూర్చునేందుకు సదుపాయాలు లేకపోవడం వంటి సమస్యలు ఉన్నాయని తెలిపారు.తన గ్రామంలో స్వాతంత్య్ర దినోత్సవ జెండా ఆవిష్కరణ కార్యక్రమానికి హాజరైన తర్వాత దీప్కే ఒక ప్రభుత్వ పాఠశాలను సందర్శించి అక్కడి సదుపాయాలను పరిశీలించారు. ఎక్స్‌లో దీప్కే స‍్పందిస్తూ.. “స్వాతంత్య్రం వచ్చి 80 ఏళ్లు పూర్తయిన తర్వాత కూడా మన ప్రభుత్వ పాఠశాలల్లో ప్రాథమిక సదుపాయాలు లేవు. నేను మా గ్రామ సర్పంచ్‌తో మాట్లాడాను. వారంలోపు ఈ సమస్యలన్నింటినీ పంచాయతీ పరిష్కరిస్తుందని ఆయన హామీ ఇచ్చారు. మనమంతా కలిసి చర్యలు తీసుకుంటే మార్పు సాధ్యమే’’ అని చెప్పారు.మరో పోస్టులో పగిలిన కిటికీల వీడియోను పోస్ట్‌ చేసిన దీప్కే.. “మహారాష్ట్ర ఉప ముఖ్యమంత్రి బ్యానర్లతో ప్రభుత్వ పాఠశాలలోని పగిలిన కిటికీలను కప్పేస్తున్నారు” అని ఆరోపించారు. పాఠశాలలో పూడుకుపోయిన మరుగుదొడ్లను చూపించే మరో వీడియోను కూడా దీప్కే పంచుకున్నారు. “ఈ మరుగుదొడ్డిని ఏ పిల్లాడు ఎలా ఉపయోగించాలి?” అని రాశారు.పాఠశాల మరుగుదొడ్లకు నీటి సరఫరా లేదని, పలు కిటికీలు పగిలిపోయాయని, విద్యార్థులకు సరిపడా బెంచీలు లేవని దీప్కే ఆరోపించారు. పాఠశాలలో చాలా మంది విద్యార్థులు ఉన్నప్పటికీ కేవలం 4 బెంచీలు మాత్రమే ఉన్నాయని ఆయన పేర్కొన్నారు. ప్రచారంలో తదుపరి దశలో మహారాష్ట్రలోని ఇతర తాలూకాల్లో ప్రభుత్వ పాఠశాలలను సందర్శిస్తానని దీప్కే తెలిపారు. పాఠశాలల్లో అందుబాటులో ఉన్న సదుపాయాలపై తల్లిదండ్రులు సామాజిక తనిఖీలు నిర్వహించాలని ఆయన కోరారు.ఈ ప్రచార ప్రారంభానికి ముందు ఈ వారం ప్రారంభంలో జంతర్‌ మంతర్‌ ‘సీజన్‌ 2’ను సీజేపీ ప్రారంభించబోతోందని దీప్కే ప్రకటించారు. ధర్మేంద్ర ప్రధాన్ కేంద్ర విద్యాశాఖ మంత్రి పదవికి రాజీనామా చేయడం, ఇతర కీలక డిమాండ్లపై హామీలు రావడంతో 37 రోజుల పాటు సాగిన జంతర్‌ మంతర్‌ నిరసనను జూలై 25న విరమించిన విషయం తెలిసిందే. ఇప్పుడు ‘స్కూల్ ఠీక్ కరో’ ప్రచారంలో భాగంగా.. పాఠశాలల దుస‍్థితికి కారణమైన వారి తక్కురేగ్గొట్టనుంది సీజేపీ. స్వాతంత్య్ర దినోత్సవం వేళ సీజేపీకి షాక్‌కాక్రోచ్ జనతా పార్టీ అధికారిక ఇన్‌స్టాగ్రామ్ ఖాతాను శనివారం ఉదయం తొలగించారు. అయితే ఆ తర్వాత దాన్ని పునరుద్ధరించారు. స్వాతంత్య్ర దినోత్సవం వేళ తమ గొంతును అణచివేసేందుకు చేసిన ప్రయత్నమే ఈ చర్య అని సీజేపీ ఆరోపించింది.ఢిల్లీలోని జంతర్‌ మంతర్‌లో ఇటీవల జరిగిన విద్యార్థుల నిరసనకు నాయకత్వం వహించిన సీజేపీ.. తమ ఖాతాను విజయవంతంగా తిరిగి పొందినట్లు తెలిపింది. “సీజేపీని వ్యతిరేకించే వారు స్వాతంత్య్ర దినోత్సవాన్ని ఎంచుకుని మా గొంతును అణచివేయడానికి ప్రయత్నించడం ఎంత అవమానకరం. ఇలాంటి పిరికిపంద చర్యలకు మేము భయపడము” అని ఆ పార్టీ ఒక పోస్టులో పేర్కొంది.సీజేపీ వ్యవస్థాపకుడు అభిజీత్‌ దీప్కే కూడా ఖాతా తొలగింపుపై స్పందించారు. “కాక్రోచ్ జనతా పార్టీ అధికారిక ఇన్‌స్టాగ్రామ్ ఖాతాను తొలగించారు. పిరికిపందలు” అని అన్నారు. ఆ తర్వాత అదే రోజు ఖాతాను పునరుద్ధరించినట్లు సీజేపీ తెలిపింది.ఇటీవల సీజేపీ చేపడుతున్న వరుస ప్రచారాల నేపథ్యంలో ఈ పరిణామం చోటుచేసుకుంది. ప్రభుత్వ పాఠశాలలు, గ్రామీణ పాఠశాలల పరిస్థితిపై అవగాహన కల్పించడం, విద్యార్థులు, విద్యకు సంబంధించిన సమస్యలపై నిరసనలు చేపట్టడం ఇందులో ఉన్నాయి.స్వాతంత్య్ర దినోత్సవానికి ముందు యువతకు సంబంధించిన సమస్యలను జాతీయ స్థాయి చర్చలోకి తీసుకురావాలని సీజేపీ ప్రయత్నించింది. ప్రధాని నరేంద్ర మోదీ స్వాతంత్య్ర దినోత్సవ ప్రసంగంలో దేశ యువతను ఉద్దేశించి మాట్లాడాలని కోరుతూ సీజేపీ ఒక ప్రచారాన్ని ప్రారంభించింది. నిరుద్యోగం, విద్య, యువత ఎదుర్కొంటున్న సమస్యలపై ప్రశ్నలు లేవనెత్తింది.ఇటీవలి నెలల్లో సీజేపీ విద్య, పోటీ పరీక్షల్లో జరిగినట్లు ఆరోపిస్తున్న అక్రమాలు, విద్యార్థులను ప్రభావితం చేస్తున్న ఇతర సమస్యలపై నిరసనలు, ప్రచార కార్యక్రమాలు నిర్వహించింది. ఈ కార్యక్రమాల్లో దీప్కేకు దేశ వ్యాప్తంగా పేరు వచ్చింది. How is any kid supposed to use this toilet? #SchoolThikKaro pic.twitter.com/WNkDAFn5sn— Abhijeet Dipke (@abhijeet_dipke) August 15, 2026Broken windows in govt school being covered with the banners of Dy CM of Maharashtra. #SchoolThikKaro pic.twitter.com/XgXIcvbbnC— Abhijeet Dipke (@abhijeet_dipke) August 15, 2026Even after 80 years of Independence, our govt schools still lack basic amenities.I spoke to the Sarpanch of my village, who has assured that the Panchayat will resolve all these issues within a week.Change is possible when we come together and act.#SchoolThikKaro pic.twitter.com/HB4cWKj4D8— Abhijeet Dipke (@abhijeet_dipke) August 15, 2026

సాక్షి, ముంబై: మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA) కమీషనర్ , ఐఏఎస్ (IAS) అధికారి తుకారాం ముండే తన చర్యలతో రాష్ట్రంలో ప్రకంపనలు రేపుతున్నారు. ఫుడ్‌ సేఫ్టీ విషయంలో ఎక్కడా రాజీపడకుండా పరిశుభ్రత , ఆహార భద్రతా ప్రమాణాలను పాటించని రెస్టారెంట్లు, ఐస్‌క్రీమ్ పార్లర్లు, డెయిరీలు ,ఈ-కామర్స్ సంస్థలపై విస్తృతమైన దాడులతో కొరడా ఝళిపిస్తున్నారు. లైసెన్సుల రద్దు లాంటి చర్యలపై వస్తున్న విమర్శలను కూడా లెక్క చేయకుండా ఫుడ్‌ సంస్థలకు చుక్కలు చూపిస్తున్నారు. ప్రజారోగ్యానికి ముప్పు వాటిల్లే అవకాశం ఉన్నప్పుడు తక్షణమే చర్యలు తీసుకునే అధికారం FDAకి ఉందని ఆయన సమర్థించుకున్నారు.ఆహార కల్తీ, పరిశుభ్రత మరియు లైసెన్స్ లేని వ్యాపారాలపై చేపట్టిన వార్తల్లో నిలిచారు.ఇంతకీ ఎవరీ తుకారాం ముండే పదండి తెలుసుకుందాం.ఒక స్నేహితుడితో కలిసి రెస్టారెంట్‌ విందుకెళ్లారు. అప్పుడే ఆ రెస్టారెంట్‌లో ఎఫ్‌డీఏ నిబంధనలు అమలు కావడం లేదని, తప్పనిసరిగా ప్రదర్శించాల్సిన ఆహార భద్రతా లైసెన్స్ స్పష్టంగా కనిపించేలా ఉంచలేదని గమనించారు. అలాగే, అక్కడ తాగునీటి ఏర్పాట్ల గురించి కూడా ఆయన ఆరా తీశారు. ఆ తర్వాత స్నేహితుడు ఆర్డర్‌ చేసిన పనీర్ నిజమైందా? కృత్రిమైందా (అనలాగ్) అని ప్రశ్నించారు. చివరికి అది నకిలీది అని తేల్చారు. అంతే 24 గంటల్లో నగరంలో వివిధ దుకాణాల్లో తనిఖీలు మొదలైనాయి.మెరుపు దాడులతో ప్రముఖ రెస్టారెంట్లు, ఐస్‌క్రీమ్ పార్లర్లు, ఇలా ఒక్కటనేమిటి జెప్టో, బ్లింకిట్‌కు చెందిన ఔట్‌లెట్లకు చుక్కలు చూపించారు. ఈ దాడుల్లో ఎక్కడ చూసినా అపరిశుభ్రత, గడుపు తీరిన పదార్థాలు, బొద్దింకలు, బల్లులు, ఎలుకల మయంతో కూడిన వాతావరణాన్ని అధికారులు గుర్తించారు. దీంతో గత రెండు నెలల్లో అధికారులు 3,100కు పైగా తనిఖీలు నిర్వహించారు. ఈ క్రమంలో సుమారు 165 లైసెన్సులు రద్దు చేయగా, 750కి పైగా సంస్థలకు లోపాలను సరిదిద్దుకోవాలంటూ నోటీసులు జారీ చేశారు.ఇటీవల నాగ్‌పూర్ మరియు సోలాపూర్‌లలో అక్రమ అబార్షన్ మందుల రాకెట్‌ను గుట్టురట్టు చేసి, ఆన్‌లైన్ పోర్టల్ ఇండియామార్ట్ (IndiaMART) డైరెక్టర్లతో సహా ఎనిమిది మందిపై కేసులు నమోదు చేశారు. దీంతో పలువర్గాలనుంచి ఆయనపై ప్రశంసలు లభించాయి.మరోవైపు ఈ దాడులపై విమర్శలు కూడా చెలరేగాయి. అయితే తన ప్రజాదరణను పెంచుకోవడానికే ఈ ప్రచారం చేస్తున్నారన్న వాదనను కూడా ఆయన తోసిపుచ్చారు. ఇది తగిన చర్యగా అనిపించకపోతే, అసలు ప్రోపర్‌ యాక్షన్‌ (proportionate action) అంటే ఏమిటో నాకైతే తెలియదు," అని ముండే వ్యాఖ్యానించారు. ఇది తన గురించి కాదనీ, ఆహార రంగానికి, ఆహార భద్రతకు , ఆహార ప్రమాణాలకు సంబంధించిన విషయమని 'NDTV ప్రాఫిట్'కు ఇచ్చిన ప్రత్యేక ఇంటర్వ్యూలో తేల్చి చెప్పారు.ఇదీ చదవండి: 33 ఏళ్ల సుదీర్ఘ సేవలు : ప్రొఫెసర్‌కు సర్‌ప్రైజ్‌ ఎమోషనల్‌ వీడియోఇదీ చదవండి: బ్లింకిట్‌, జెప్టో, ఇన్‌స్టామార్ట్‌ కాదు : బొద్దింకలు, ఎలుకలు, బల్లుల కేంద్రాలురాజకీయాల్లోకి ఎంట్రీ ఇస్తారా?చట్టాలను కచ్చితంగా అమలు చేసే అధికారిగా పేరుపొందిన ఆయన, రాజకీయాల్లోకి వస్తారా అని అడిగిన ప్రశ్నకు "ఖచ్చితంగా రాను (Absolutely not)" అని స్పష్టం చేశారు. తన లాంటి ముక్కుసూటి, నిజాయితీ గల వ్యక్తులకు రాజకీయాలు సరిపడవని పేర్కొన్నారు. కొందరు తనను "అహంకారి" అని పిలుస్తారని, అయితే ముక్కుసూటితనానికి మరియు అహంకారానికి మధ్య చాలా సన్నని గీత ఉంటుందని, అది తన సహజ సిద్ధమైన నైజమని తెలిపారు. 21 ఏళ్ల కెరీర్‌లో 25 సార్లు బదిలీలు అయ్యాయనీ అయినా తన నిబద్ధతలో మార్పులేదని చెప్పుకొచ్చారు. ఎక్కువ బదిలీలు జరిగితే సమాజంలో సానుకూల మార్పులు తీసుకు రావడానికి మరిన్ని ఎక్కువ అవకాశాలు లభిస్తాయని ముండే చెప్పడం గమనార్హం. ఇదీ చదవండి: రెండు రోజుల్లో బర్త్‌డే : 11 నెలల చిన్నారిని యమునలో విసిరేసిన తండ్రి

సాక్షి, ముంబై: పుణే కోట హత్య కేసులో నిందితురాలైన సియా గోయల్ కుటుంబానికి మరో షాక్‌ తగిలింది. మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA) కఠిన చర్యలు తీసుకుంది. పుణేలోని మార్కెట్ యార్డ్ ప్రాంతంలో ఆమె తండ్రి ప్రవీణ్ గోయల్‌కు చెందిన మసాలా దినుసులు, డ్రై ఫ్రూట్స్ షాప్‌ను అధికారులు మూసివేశారు.గోయల్‌ కుటుంబానికి చెందినలైసెన్స్ లేకుండా వ్యాపారం చేస్తున్న ('M/s BG గోయల్ & కంపెనీ) అనే షాప్ నుండి చెల్లుబాటు అయ్యే లైసెన్స్ లేకుండా వ్యాపారం నిర్వహిస్తున్నందుకు గాను దాదాపు రూ. 8.14 లక్షల విలువైన 4,172 కిలోల ఆహార ఉత్పత్తులను అధికారులు జప్తు చేశారు. నాసిరకం ఉత్పత్తులు, సరైన లేబెల్లింగ్ లేకపోవడం మరియు కల్తీ జరిగినట్లు అనుమానించబడిన ఆహార పదార్థాలను దుకాణంలో గుర్తించారు. ఈ సందర్బంగా అధికారులు నాలుగు శాంపిల్స్‌ను ('సంత్', 'సాధు' బ్రాండ్ పసుపు పొడి, నువ్వులు, సోయాబీన్ చంక్స్) ల్యాబ్ పరీక్ష నిమిత్తం ల్యాబోరేటరీకి పంపారు. నివేదికలు వచ్చే వరకు షాప్‌ను మూసివేయాలని ఆదేశించారు. అలాగే వ్యాపారానికి సంబంధించి ఒక చిరునామాపై లైసెన్స్‌ తీసుకొని, మరొక ప్రదేశంలో నిల్వ చేయడం, వ్యాపార కార్యకలాపాలను నిర్వహిస్తున్నట్లు FDA జాయింట్ కమిషనర్ దిగంబర్ భోగవాడే తెలిపారు.ఇదీ చదవండి: బ్లింకిట్‌, జెప్టో, ఇన్‌స్టామార్ట్‌ కాదు : బొద్దింకలు, ఎలుకలు, బల్లుల కేంద్రాలుల్యాబ్ నివేదికలలో కల్తీ రుజువైతే, ప్రవీణ్ గోయల్‌పై ఫుడ్ సేఫ్టీ అండ్ స్టాండర్డ్స్ యాక్ట్ కింద కేసులు నమోదు చేయనున్నారు. నేరం తీవ్రతను బట్టి రూ.5 లక్షల జరిమానా నుండి తీవ్రమైన సందర్భాల్లో జీవిత ఖైదు వరకు విధించే అవకాశముంది.FDA కమిషనర్ తుకారాం ముండే నేతృత్వంలో రాష్ట్రవ్యాప్తంగా సాగుతున్న "సేఫ్ ఫుడ్, సేఫ్ డ్రగ్, సేఫ్ మహారాష్ట్ర" ప్రచారంలో భాగంగా ఈ చర్యలు చేపట్టారు. పుణే డివిజన్‌లో ఇప్పటివరకు 12 ఫుడ్ లైసెన్సులను సస్పెండ్ చేయడంతో పాటు రూ. 41 లక్షలకు పైగా విలువైన నిషేధిత ఉత్పత్తులను జప్తు చేశారు.కాగా కాబోయే భర్త కేతన్‌ అగర్వాల్‌ హత్య కేసులో నిందితురాలైన సియా గోయల్ ,ఆమె సహ నిందితుడు చేతన్ చౌదరి యెరవాడ సెంట్రల్ జైలులో రిమాండ్‌లో ఉన్నారు.ఇదీ చదవండి: 12 సీట్లతో మొదలై రెండేళ్లలోనే రూ. 350 కోట్ల బిజినెస్‌

సాక్షి, ముంబై: మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA) క్విక్-కామర్స్ ప్లాట్‌ఫారమ్స్‌కు భారీ షాకిచ్చింది. రాష్ట్రవ్యాప్తంగా చేపట్టిన తనిఖీ డ్రైవ్‌లో బొద్దింకలు, గడువు ముగిసిన ఆహారం వంటి పలు ఆహార భద్రత, పరిశుభ్రత ఉల్లంఘనలు బయటపడటంతో, బ్లింకిట్ (Blinkit), జెప్టో (Zepto), ఇన్‌స్టామార్ట్ (Instamart) సంస్థలకు చెందిన 14కేంద్రాల (Dark Stores/Warehouses) లైసెన్స్‌లను ఎఫ్‌డీఏ నిలిపి వేసింది.రాష్ట్రవ్యాప్తంగా నిర్వహించిన తనిఖీల్లో ఆహార భద్రతా నిబంధనల ఉల్లంఘన, నిల్వ ఉంచిన ఆహార పదార్థాల గడువు తీరిపోవడం, బొద్దింకలు, ఎలుకలు, బల్లులు ఉండటం వంటి తీవ్రమైన లోపాలను అధికారులు గుర్తించారు. ముంబైలోని మలాడ్ వెస్ట్ ప్రాంతంలో, మాల్వానీలోని మార్వే రోడ్డులో ఉన్న బే వ్యూ బిల్డింగ్‌లోని ఒక బ్లింకిట్ కేంద్రం యొక్క ఎఫ్‌ఎస్‌ఎస్‌ఏఐ లైసెన్సును ఎఫ్‌డీఏ నిలిపివేసింది.గడువు ముగిసిన ఆహారం కారణంగా జెప్టో కేంద్రంపై సస్పెన్షన్ వేటు వేసింది. <In a major crackdown on quick-commerce storage facilities, the Maharashtra FDA conducted a surprise raid on a Swiggy Instamart dark store located on Hill Road in Bandra West.During the inspection, officials discovered severe hygiene and storage violations, including cockroaches… pic.twitter.com/em18ndLPJ2— Mid Day (@mid_day) August 14, 2026 మొత్తం 86 కేంద్రాలు తనిఖలు చేయగా కోల్డ్ స్టోరేజ్ ఉష్ణోగ్రతలలో తీవ్ర లోపాలు , 40 మంది సిబ్బందికి వైద్య పరీక్షల రికార్డులులేకపోవడం వర్కర్లు హెడ్‌గేర్, ఆప్రాన్, గ్లౌజులు ధరించకపోవడంలాంటి కనీస నిబంధనల ఉల్లంఘనలను గమనించారు. ఆహార ప్యాకెట్ల పక్కనే ఎలుకల పిండెల (Rodent droppings) కుప్పలు, బల్లుల సంచారం , తుప్పు పట్టిన ర్యాక్‌లను అధికారులు కనుగొన్నారు. ఇంకా కుప్పలుగా గడువు తీరిన చికెన్‌తోపాటు, డ్రైనేజీ వ్యవస్థ సరిగ్గా లేదు, తీవ్రమైన బొద్దింకల బెడద, లోపభూయిష్టమైన సీలింగ్ , ఫ్లోరింగ్‌లను గుర్తించారు. ఈ కేంద్రానికి 74 మార్కులకు గాను కేవలం 34 (46%) మార్కులు మాత్రమే లభించాయి. 60 కేంద్రాలకు ఇంప్రూవ్‌మెంట్ నోటీసులు జారీ చేశారు. దాదాపు 14 కేంద్రాల లైసెన్సులను నిలినివేసింది. బ్లింకిట్‌,జెప్టోకి చెందిన చెరో 5 కేంద్రాలు ఉండగా, ఇన్‌స్టామార్ట్ కేంద్రాలు రెండు,ఇతరాలు రెండు ఉన్నాయి.గోరేగావ్ ఈస్ట్‌లోని దాదాసాహెబ్ ఫాల్కే ఫిల్మ్ సిటీలో ఉన్న 'బాలీవుడ్ కేఫ్' పై కూడా FDA దాడులు నిర్వహించింది. అత్యంత పరిశుభ్రత లేని వాతావరణంలో ఈగలు, మురికి డ్రెయిన్లు, తుప్పు పట్టిన పరికరాల మధ్య ఆహారాన్ని తయారు చేస్తున్నట్లు కనుగొని, ఆహార భద్రతా చట్టం (Section 69) కింద చర్యలు ప్రారంభించారు. ఇదీ చదవండి: సియా కుటుంబానికి మరో షాక్‌, నేరం రుజువైతే భారీ జరిమానా, జీవిత ఖైదు

ముంబై: కాక్రోచ్‌ జనతా పార్టీ (CJP) వ్యవస్థాపకుడు అభిజీత్‌ దీప్కే శనివారం సంచలన ఆరోపణలు చేశారు. సీజేపీ ఉద్యమానికి సంబంధించిన అధికారిక ఇన్‌స్టాగ్రామ్‌ ఖాతాను మెటా తొలగించిందని ఆయన ఆరోపించారు. ఖాతా అందుబాటులో లేదని చూపిస్తున్న స్క్రీన్‌షాట్లను కూడా సోషల్‌ మీడియాలో పంచుకున్నారు.ఈ సందర్భంగా అభిజీత్‌ దీప్కే ఎక్స్‌లో స్పందిస్తూ.. ‘కాక్రోచ్‌ జనతా పార్టీ అధికారిక ఇన్‌స్టాగ్రామ్‌ హ్యాండిల్‌ను తొలగించారు. పిరికిపందలు’ అంటూ తీవ్ర వ్యాఖ్యలు చేశారు. ఆయన షేర్‌ చేసిన స్క్రీన్‌షాట్లలో సీజేపీ అధికారిక ఇన్‌స్టాగ్రామ్‌ పేజీ అందుబాటులో లేదని, ‘User not found’ అనే సందేశం కనిపించింది. దీంతో మెటానే తమ ఖాతాను తొలగించిందని ఆయన ఆరోపించారు.ఈ పరిణామంపై సీజేపీ అధికారిక ఎక్స్‌ ఖాతా కూడా స్పందించింది. తమ ఇన్‌స్టాగ్రామ్‌ హ్యాండిల్‌ను ఉదయం తొలగించారని, అయితే కొద్దిసేపటికే ఖాతాను విజయవంతంగా తిరిగి పొందామని వెల్లడించింది. భారత స్వాతంత్ర్య దినోత్సవం రోజునే తమ గొంతును నొక్కేందుకు ప్రయత్నించారని పార్టీ ఆరోపించింది. తమను వ్యతిరేకించే వారు ఇలాంటి చర్యలకు పాల్పడ్డారని విమర్శించింది. ఇలాంటి చర్యలకు తాము భయపడబోమని స్పష్టం చేసింది. అయితే సీజేపీ ఇన్‌స్టాగ్రామ్‌ ఖాతా తాత్కాలికంగా ఎందుకు అందుబాటులో లేకుండా పోయిందనే విషయంపై మెటా నుంచి అధికారిక వివరణ వెలువడినట్లు సమాచారం లేదు.🚨CJP Instagram handle was taken down this morning 🚨But we have been able to successfully recover the account. What a shame that those who oppose CJP chose India’s Independence Day to try to muzzle our voice. We will not be intimidated by such cowardly acts! ✊ https://t.co/Wz3rhExHpu— Cockroach Janta Party - CJP (@Cockroachisback) August 15, 2026అభిజీత్‌ దీప్కే సోషల్‌ మీడియా ఖాతాలకు సంబంధించిన వివాదం ఇదే తొలిసారి కాదు. ఈ ఏడాది మేలో తన వ్యక్తిగత ఇన్‌స్టాగ్రామ్‌ ఖాతా హ్యాక్‌ అయిందని ఆయన ఆరోపించారు. తన ఖాతాలోకి ప్రవేశించలేకపోతున్నానని, తిరిగి పొందేందుకు ప్రయత్నిస్తున్నప్పటికీ సాధ్యం కావడం లేదని అప్పట్లో ఎక్స్‌లో పేర్కొన్నారు. సీజేపీ కోసం ఉపయోగిస్తున్న బ్యాకప్‌ ఇన్‌స్టాగ్రామ్‌ ఖాతాను కూడా మెటా తొలగించిందని ఆయన ఆరోపించారు.‘స్కూల్‌ ఠీక్‌ కరో’ ఇదిలా ఉండగా, గ్రామీణ ప్రభుత్వ పాఠశాలల్లో మౌలిక వసతులు, జవాబుదారీతనాన్ని మెరుగుపరిచే లక్ష్యంతో సీజేపీ ‘స్కూల్‌ ఠీక్‌ కరో’ అనే కార్యక్రమాన్ని ప్రారంభించనుంది. మహారాష్ట్రలోని హింగోలి జిల్లాలోని దీప్కే స్వగ్రామం సంతుక్‌ పింప్రిలో స్వాతంత్ర్య దినోత్సవం సందర్భంగా ఈ కార్యక్రమానికి శ్రీకారం చుట్టాలని నిర్ణయించారు. శనివారం ఉదయం ఈ కార్యక్రమం ప్రారంభం కావాల్సి ఉంది. తన గ్రామంలోని ప్రభుత్వ పాఠశాలను మరమ్మతులు చేయించి, విద్యార్థులకు బెంచీలు, తాగునీరు వంటి కనీస సౌకర్యాలు కల్పించాలని సర్పంచ్‌ను కోరనున్నట్లు దీప్కే తెలిపారు. ఈ కార్యక్రమాన్ని ఇతర గ్రామాలకూ విస్తరించేందుకు బృందాలను ఏర్పాటు చేసినట్లు చెప్పారు. గ్రామస్థులు, సర్పంచ్‌ల భాగస్వామ్యంతో ప్రభుత్వ పాఠశాలల పరిస్థితిని మెరుగుపరచడమే తమ లక్ష్యమని ఆయన పేర్కొన్నారు.తల్లిదండ్రులు తమ పిల్లలు చదువుతున్న పాఠశాలలను స్వయంగా సందర్శించి, అక్కడ ఏవైనా సౌకర్యాల కొరత ఉంటే CJPకి సమాచారం ఇవ్వాలని దీప్కే పిలుపునిచ్చారు. దీంతో సోషల్‌ మీడియా ఖాతా వివాదం మధ్యే గ్రామీణ పాఠశాలల సమస్యలపై ‘స్కూల్‌ ఠీక్‌ కరో’ కార్యక్రమంతో ప్రజల్లోకి వెళ్లేందుకు CJP సిద్ధమవుతోంది.

మహారాష్ట్రలోని నాందేడ్‌లోని మాతా సాహిబ్ గురుద్వారాను సందర్శించి బయటకు వస్తున్న శిరోమణి అకాలీదళ్ (SAD) అధినేత సుఖ్‌బీర్ సింగ్ బాదల్‌పై గురువారం మధ్యాహ్నం జరిగిన దాడి దేశవ్యాప్తంగా కలకలం రేపింది. అయితే తృటిలో ప్రాణాపాయంనుంచి తప్పించుకున్న బాదల్‌ సర్జరీ అనంతరం ఆస్ప‌త్రి నుంచి డిశ్చార్జ్ అయ్యారు.మహారాష్ట్ర పోలీసు భద్రతా బృందానికి చెందిన పోలీస్ ఇన్‌స్పెక్టర్ సంతోష్ వైజ్‌నాథ్ కేంద్రే సమయస్ఫూర్తితో వ్యవహరించడంతోనే బాదల్‌ ఈ పెద్ద ప్రమాదాన్ని తప్పించుకోగలిగారు. దీంతో పోలీసు అధికారి నెట్టింట విశేషంగా నిలుస్తున్నారు. సమయానికి స్పందించి పెద్ద ప్రమాదాన్ని అడ్డుకున్న ఇన్‌స్పెక్టర్ కేంద్రే , మహారాష్ట్ర పోలీసు బృందంపై సర్వత్రా ప్రశంసలు కురుస్తున్నాయి.ఎలా కాపాడారు? గురుద్వారాలో పనిచేసే జస్పాల్ సింగ్ అనే నిహంగ్ సిఖ్, తన శాలువా కింద కిర్పాన్ (కత్తి) దాచుకుని సుఖ్‌బీర్ సింగ్ బాదల్ పొట్టలో పొడవడానికి యత్నించాడు. అయితే అక్కడే విధి నిర్వహణలో ఉన్న ఇన్‌స్పెక్టర్ కేంద్రే క్షణాల వ్యవధిలో స్పందించి దుండగుణ్ని అడ్డుకుని కిందకు పడేసారు. ఈ క్రమంలో బాదల్ చేతికి స్వల్ప గాయమైంది. అలాగే ఇన్‌స్పెక్టర్ కేంద్రే చేతికి కూడా గాయమైంది. పోలీసులు వెంటనే నిందితుడు జస్పాల్ సింగ్‌ను అదుపులోకి తీసుకున్నారు.హరి సిమ్రత్ కౌర్ కృతజ్ఞతలుఆసుపత్రిలో చికిత్స పొందుతున్న ఇన్‌స్పెక్టర్ కేంద్రేను సుఖ్‌బీర్ సింగ్ బాదల్ భార్య హరి సిమ్రత్‌ కౌర్ సందర్శించి కృతజ్ఞతలు తెలిపారు. తన భర్త ప్రాణాలు కాపాడినందుకు ప్రత్యుపకారంగా ఏదైనా చేయగలనా అని ఆమె ప్రశ్నించినపుడు "ఇది నా బాధ్యత. ఇలాంటి అత్యవసర పరిస్థితులను ఎదుర్కోవడానికే మాకు శిక్షణ ఇస్తారు. స్పందించడానికి నాకు క్షణకాలం మాత్రమే సమయం లభించింది, నా విధిని నేను నిర్వహించాను" అని కేంద్రే వినమ్రంగా బదులిచ్చారు.ఎవరీ కేంద్రే 2001లో మహారాష్ట్ర పోలీసు శాఖలో కానిస్టేబుల్‌గా చేరిన సంతోష్ కేంద్రే, ఆ తర్వాత ప్రమోషన్లు పొంది ఇన్‌స్పెక్టర్ స్థాయికి ఎదిగారు.ఇదీ చదవండి: 10 ఏళ్లకు స్లైల్‌ మార్చిన ఇన్‌స్టా, నెటిజన్ల స్పందన వైరల్మరోవైపు పంజాబ్‌ను స్వాధీనం చేసుకోవాలని, రాష్ట్రంలో శాంతిని భంగం చేయాల‌ని చూస్తున్నార‌ని, కానీ అకాలీద‌ళ్ నేత‌గా ఆ పరిస్థితి రానివ్వ‌బోన‌ని సుఖ్‌బీర్ సింగ్ వెల్లడించారు. రెండు సార్లు ప‌విత్ర‌మైన ప్ర‌దేశాల్లో త‌న‌పై అటాక్ జ‌రిగింద‌ని, అయినా తానెప్పుడూ భ‌య‌ప‌డ‌లేద‌ని, ఇప్పుడూ భ‌య‌ప‌డ‌లేద‌న్నారు. పంజాబీల సంక్షేమానికి శిరోమ‌ణి అకాలీద‌ళ్ కట్టుబ‌డి ఉంద‌న్నారు. కాగా 2024 డిసెంబ‌ర్‌లో కూడా సుఖ్‌బీర్ బాద‌ల్‌పై గోల్డెన్ టెంపుల్‌లో కూడా హత్యాయత్నం జరిగింది. ఈ రెండు ఘటనలనుంచి ఆయనపెద్ద ప్రమాదం నుంచి తప్పించుకున్నారు.ఇదీ చదవండి: 12 సీట్లతో మొదలై రెండేళ్లలోనే రూ. 350 కోట్ల బిజినెస్‌

సాక్షి, ముంబై: మహారాష్ట్రలోని తడోబా-అంధారీ టైగర్ రిజర్వ్ (Tadoba-AndhariTiger Reserve) సమీపంలోని రహదారిపై పులి కనిపించినప్పుడు పర్యాటకులు ప్రవర్తించిన తీరు, ప్రమాదకర ప్రవర్తనపై వన్యప్రాణి ప్రేమికులు తీవ్ర ఆగ్రహం వ్యక్తం చేస్తున్నారు. వన్యప్రాణుల పట్ల పర్యాటకుల ప్రవర్తనపై మరోసారి ప్రశ్నలను లేవనెత్తింది. ఈ ఘటనకు సంబంధించిన వీడియో నెట్టింట వైరల్‌గా మారింది.ప్రస్తుతం వైరల్ అవుతున్న ఈ సంఘటనకు సంబంధించిన వీడియోలో, ప్రజలు తమ వాహనాల నుండి దిగి, ఫోటోలు తీయడానికి, వీడియోలు రికార్డ్ చేయడానికి, సోషల్ మీడియా రీల్స్ (Reels) కోసం పెద్ద పులికి ప్రమాదకరంగా దగ్గరగా వెళ్లడం కనిపిస్తుంది. వన్యప్రాణుల ప్రేమికులు ఈ సంఘటనను తీవ్రంగా ఖండించారు . జంగిల్ సఫారీల సమయంలో అన్ని భద్రతా మార్గదర్శకాలను పాటించాలని పర్యాటకులను కోరారు. సఫారీ ఉద్దేశం వన్యప్రాణులను సురక్షితమైన దూరం నుంచి పరిశీలించడమే తప్ప, వాటికి అంతరాయం కలిగించడం లేదా వాటిని రెచ్చగొట్టడం కాదని నిపుణులు తెలిపారు.ఇదీ చదవండి: మాల్యా కేసు : బాంబే హైకోర్టు కీలక వ్యాఖ్యలు అటవీ అధికారుల సూచనలు:పులులు లేదా ఇతర అడవి జంతువులు సోషల్ మీడియా సెల్ఫీల కోసం వస్తువులు కావని అధికారులు స్పష్టం చేశారు.వాహనాలు దిగడం, జంతువులకు అడ్డంగా వెళ్లడం, వాటిని తారసపడటం లేదా గట్టిగా అరిచి శబ్దాలు చేయడం వల్ల అవి ఒత్తిడికి గురై దాడి చేసే ప్రమాదం ఉందన్నారు. View this post on Instagram A post shared by Responsible Sane (@thenewscurrenthq)నిజమైన వన్యప్రాణి అనుభూతికి దగ్గరగా వెళ్లడం అవసరం లేదని, కానీ జంతువు స్వేచ్ఛగా తిరగడానికి తగినంత స్థలం ఇచ్చి, దానిని దాని సహజ స్థితిలో ఉండనివ్వాలని పర్యాటకులు, వన్యప్రాణి ప్రేమికులు గుర్తుంచుకోవాలని కోరారు.సోషల్ మీడియాలో లైక్‌లు, వ్యూస్ కోసం క్రూర మృగాలను వేధించకుండా, అటవీ నిబంధనలను ఖచ్చితంగా పాటించాలని పర్యాటకులకు, సఫారీ గైడ్‌లకు విజ్ఞప్తి చేశారు.ఇదీ చదవండి: ప్యాకేజ్డ్‌ ఫుడ్‌ లేబుల్స్‌ : సుప్రీం సీరియస్‌, కేంద్రానికి అల్టిమేటంవన్యప్రాణులను దగ్గరగా చూడటం కోసం లేదా వైరల్ వీడియో కోసం పర్యాటకులు వన్యప్రాణులకు దగ్గరగా వెళ్లి,ప్రమాదాలను కొని తెచ్చుకుంటున్న ఘటన ఇదే తొలిసారికాదు. గతంలో జరిగిన కొన్ని ఘటనలు చాలానే ఉన్నాయి.జిమ్ కార్బెట్ నేషనల్ పార్క్ (జనవరి 2026): ఉత్తరాఖండ్‌లోని ఫాటో ఎకో-టూరిజం జోన్‌లో ఒక పులిని సఫారీ వాహనాలు వేగంగా తరిమిన వీడియో వైరల్ అవ్వడంతో ఇద్దరు డ్రైవర్లు, ఇద్దరు గైడ్‌లపై అటవీశాఖ నిషేధం విధించింది.ముదుమలై టైగర్ రిజర్వ్ (నవంబర్ 2024): తమిళనాడులోని ఈ రిజర్వ్‌లో వాహనం దిగి జింకల మందను తరిమిన ముగ్గురు పర్యాటకులకు అటవీ అధికారులు రూ. 15,000 జరిమానా విధించారు.ఇదీ చదవండి: 360 ఎకరాల ‘దెయ్యాల నగరం’ : రూ. 13.3 కోట్లకు వ్యాపారవేత్త డీల్‌

నాందేడ్‌: మహారాష్ట్రలో అకాలిదళ్ అధినేత, పంజాబ్ మాజీ ఉప ముఖ్యమంత్రి సుఖ్‌బీర్ సింగ్ బాదల్‌పై గుర్తుతెలియని వ్యక్తులు దాడి చేశారు. నాందేడ్‌ నగర శివార్లలోని ఓ గురుద్వార దర్శనానికి వచ్చిన సమయంలో దాడి జరిగింది. సుఖ్‌బీర్‌సింగ్‌తో పాటు సెక్యూరిటీ సిబ్బందికీ గాయాలయ్యాయి. నాందేడ్‌లోని ఓ ప్రైవేట్‌ ఆసుపత్రిలో ఆయనకు చికిత్స అందిస్తున్నారు.దాడి జరిగిన సమయంలో బాదల్ సతీమణి, అకాలిదళ్ ఎంపీ హర్‌సిమ్రత్ కౌర్ బాదల్ కూడా ఆయనతోనే ఉన్నారు. సుఖ్‌బీర్ సింగ్ అంతకుముందు రోజు తన కుటుంబంతో కలిసి నాందేడ్‌లోని తఖ్త్ శ్రీ హజూర్ సాహిబ్‌ను సందర్శించారు. సుఖ్‌బీర్ బాదల్ చేతికి గాయమైందని, అయితే అది ప్రాణాపాయం లేనిదని అకాలిదళ్ వర్గాలు తెలిపాయి. చేతికి గాయం కావడంతో ఆయన చేతికి వైద్యులు కుట్లు వేశారు.

మహారాష్ట్రలో ఘోర రోడ్డు ప్రమాదం చోటుచేసుకుంది. నాగ్‌పూర్‌లోని పవన్‌గావ్‌–భరత్‌వాడా వి-పాయింట్‌ రోడ్డుపై వేగంగా దూసుకొచ్చిన కారు అదుపుతప్పి రోడ్డు పక్కన ఆగి ఉన్న ట్రక్కును వెనుక నుంచి బలంగా ఢీకొట్టింది. బుధవారం ఉదయం జరిగిన ఈ ప్రమాదం దృశ్యాలు సమీపంలోని సీసీటీవీ కెమెరాలో రికార్డయ్యాయి.సీసీటీవీ ఫుటేజ్‌లో కారు అత్యంత వేగంగా దూసుకొస్తూ ఎలాంటి బ్రేకులు వేయకుండానే ఆగి ఉన్న ట్రక్కును ఢీకొట్టినట్లు కనిపిస్తోంది. ఢీకొన్న వేగానికి కారు ముందు భాగం పూర్తిగా ధ్వంసమైంది. ప్రమాద తీవ్రతకు కారులో ఉన్న ఇద్దరు యువకులు అక్కడికక్కడే మృతిచెందారు. మరో యువకుడు తీవ్రంగా గాయపడటంతో అతడిని ఆస్పత్రికి తరలించారు.మృతదేహాలను పోస్టుమార్టం నిమిత్తం ప్రభుత్వ ఆస్పత్రికి తరలించారు. తీవ్రంగా గాయపడిన యువకుడికి వైద్యులు చికిత్స అందిస్తున్నారు. ఈ ఘటనపై కలమ్నా పోలీసులు కేసు నమోదు చేసి దర్యాప్తు ప్రారంభించారు. సీసీటీవీ ఫుటేజ్‌ను పరిశీలించి ప్రమాదానికి సంబంధించిన పూర్తి వివరాలు తెలుసుకుంటున్నారు. సీసీటీవీ ఫుటేజ్మహారాష్ట్రలో ఘోర రోడ్డు ప్రమాదం, ఇద్దరు యువకులు మృతినాగ్‌పూర్‌లోని భరత్‌వాడా చౌక్ వద్ద అతివేగంగా దూసుకొచ్చి ఆగి ఉన్న లారీని ఢీకొట్టిన కారుదీంతో కారులో ఉన్న ఇద్దరు యువకులు అక్కడికక్కడే మరణించగా, తీవ్ర గాయాలపాలైన మరో యువకుడు pic.twitter.com/k2Q3moSozR— Telugu Scribe (@TeluguScribe) August 13, 2026

బైక్‌ రైడ్‌ అంటే ఆమెకు ఎంతో ఇష్టం. ఆ ఆసక్తితోనే తరచూ సాహస యాత్రలు చేసే ఆమె.. మరో ప్రయాణానికి ఎంతో ఉత్సాహంగా బయలుదేరింది. కానీ ఆ సాహస యాత్ర కాస్తా విషాదాంతంగా మారింది. ఎదురుగా వచ్చిన భారీ ట్రక్కు ఆమె బైక్‌ను ఢీకొట్టి కొంత దూరం ఈడ్చుకెళ్లింది. తీవ్రంగా గాయపడిన ఆమెను ఆస్పత్రికి తరలించినా.. చికిత్స పొందుతూ ప్రాణాలు కోల్పోయింది. ఈ ఘటన బైకింగ్‌ వర్గాల్లో తీవ్ర విషాదాన్ని నింపింది.ముంబైకి చెందిన 24 ఏళ్ల యువ బైకర్‌ రిద్ధి థక్కర్‌(Riddhi Thakkar) ఛత్తీస్‌గఢ్‌లో జరిగిన ఘోర రోడ్డు ప్రమాదంలో ప్రాణాలు కోల్పోయారు. బైక్‌ ప్రయాణాలంటే ఎంతో ఆసక్తి ఉన్న రిద్ధి.. వాటిని వీడియోలు తీస్తూ సోషల్‌ మీడియాలోనూ పాపులారిటీని సంపాదించుకున్నారు. అయితే.. బస్తర్‌ టూర్‌కు వెళ్లిన మహిళా బైకర్ల బృందంలో ఉన్న ఆమె అనూహ్య రీతిలో ప్రాణాలు పొగొట్టుకున్నారు. దీంతో.. బైకింగ్‌ కమ్యూనిటీలో విషాద ఛాయలు అలుముకున్నాయి.ఢీ కొట్టి.. ఆపై ఈడ్చుకెళ్లి..ముంబై కందివలీ వెస్ట్‌కు చెందిన రిద్ధి థక్కర్‌.. దాదాపు 23 మంది మహిళా బైకర్ల బృందంతో ఛత్తీస్‌గఢ్‌లోని బస్తర్‌ ప్రాంతాన్ని సందర్శించేందుకు బయలుదేరారు. రాయ్‌పూర్‌ నుంచి కాంకేర్‌ వైపు వెళ్తుండగా ధమ్తరి జిల్లా మార్కటోలా ఘాట్‌ సమీపంలో ఈ ఘోరం జరిగింది. పోలీసుల తెలిపిన వివరాల ప్రకారం.. బైకర్ల బృందంలోని పలువురు ముందుకు వెళ్లిపోగా, రిద్ధి మరికొందరు వెనుక వస్తున్నారు. ఈ సమయంలో ఎదురుగా వచ్చిన భారీ ట్రైలర్‌ ఆమె బైక్‌ను ఢీకొట్టింది. ప్రమాద తీవ్రతకు రిద్ధి రోడ్డుపై పడిపోయి తీవ్రంగా గాయపడ్డారు.ఆస్పత్రికి తరలించినా దక్కని ప్రాణంప్రమాదాన్ని గమనించిన తోటి బైకర్లు వెంటనే సహాయక చర్యలు చేపట్టారు. అత్యవసర సేవలకు సమాచారం అందించి రిద్ధిని సమీపంలోని ఆస్పత్రికి తరలించారు. పరిస్థితి విషమించడంతో ధమ్తరిలోని ప్రైవేటు ఆస్పత్రికి తీసుకెళ్లగా.. చికిత్స పొందుతూ ఆమె మృతి చెందినట్లు వైద్యులు తెలిపారు.పరారీలో డ్రైవర్‌.. కొనసాగుతున్న దర్యాప్తుప్రమాదం అనంతరం ట్రక్కు డ్రైవర్‌ వాహనంతో అక్కడి నుంచి వెళ్లిపోయినట్లు పోలీసులు తెలిపారు. ఘటనపై కేసు నమోదు చేసి దర్యాప్తు ప్రారంభించారు. ప్రమాద స్థలంలోని సీసీటీవీ ఫుటేజ్‌లను పరిశీలిస్తూ వాహనం, డ్రైవర్‌ను గుర్తించే ప్రయత్నాలు చేస్తున్నారు. రిద్ధి మృతదేహాన్ని పోస్టుమార్టం కోసం ధమ్తరి జిల్లా ఆస్పత్రికి తరలించారు. కుటుంబ సభ్యులకు సమాచారం అందించారు. ఆమెతో కలిసి ప్రయాణించిన ఇతర బైకర్ల నుంచి పోలీసులు వివరాలు సేకరిస్తున్నారు. ప్రమాద విషయం తెలుసుకున్న ధమ్తరి మున్సిపల్‌ కార్పొరేషన్‌ మేయర్‌ ఘటనాస్థలానికి చేరుకుని పరిస్థితిని పరిశీలించారు. అనంతరం యువతి కుటుంబ సభ్యులకు సమాచారం అందించారు. ఈ విషాద సమయంలో కుటుంబానికి అన్ని విధాలా సహకారం అందిస్తామని హామీ ఇచ్చారు.

మహారాష్ట్రలో ఆటో-రిక్షా, ట్యాక్సీ, యాప్ ఆధారిత క్యాబ్‌లను నడిపే వాణిజ్య ప్రయాణికుల వాహన డ్రైవర్లకు మరాఠీ భాషపై ఆచరణాత్మక పరిజ్ఞానం తప్పనిసరి కానుంది. ఇందుకు అనుగుణంగా మహారాష్ట్ర ప్రభుత్వం మోటార్ వెహికల్స్ రూల్స్‌లో మార్పులు చేసింది. ఈ నిబంధనలను ఆగస్టు 16, 2026 నుంచి కఠినంగా అమలు చేయనున్నట్లు రవాణా మంత్రి ప్రతాప్ సర్నాయక్ ఇప్పటికే ప్రకటించారు.కొత్త నిబంధనల ప్రకారం ప్రయాణికులతో ప్రాథమికంగా మాట్లాడేందుకు, వారి అవసరాలను అర్థం చేసుకునేందుకు సరిపడే స్థాయిలో డ్రైవర్‌కు మరాఠీపై పరిజ్ఞానం ఉండాలి. ఈ నిబంధన కేవలం డ్రైవర్లకే కాకుండా సంబంధిత పర్మిట్ హోల్డర్లకు కూడా వర్తిస్తుంది. మోటార్ వెహికల్స్ రూల్స్‌లోని 4, 22, 78, 85 నిబంధనలకు చేసిన సవరణల ద్వారా భాషా పరిజ్ఞానాన్ని లైసెన్స్, పర్మిట్‌కు సంబంధించిన నిబంధనల్లోకి తీసుకొచ్చారు.పాటించకపోతే ఏమవుతుంది?మరాఠీలో కనీస స్థాయి సంభాషణ కూడా చేయలేని డ్రైవర్‌కు ముందుగా నెల రోజుల గడువు ఇచ్చే విధానం అమలు చేయనున్నట్లు ప్రభుత్వం వెల్లడించింది. ఆ గడువులోనూ అవసరమైన భాషా పరిజ్ఞానం సాధించకపోతే డ్రైవింగ్ అనుమతిని మూడు నెలల వరకు సస్పెండ్ చేయవచ్చు. ఆ తర్వాత కూడా నిబంధనలను పాటించకపోతే లైసెన్స్ లేదా సంబంధిత బ్యాడ్జ్‌ను రద్దు చేసే చర్యలు తీసుకునే అవకాశం ఉంది.ఇప్పటికే వేలాది మందికి శిక్షణఈ నిబంధన అమలుకు ముందు ప్రభుత్వం డ్రైవర్లకు మరాఠీ నేర్పేందుకు శిక్షణ కార్యక్రమాలను కూడా చేపట్టింది. హిందూహృదయసమ్రాట్ బాలాసాహెబ్ ఠాక్రే మరాఠీ శిక్వాణీ అభియాన్ కింద రాష్ట్రవ్యాప్తంగా లక్ష మందికి పైగా ఆటో, ట్యాక్సీ డ్రైవర్లు మూడు నెలల ఫంక్షనల్ మరాఠీ శిక్షణ పూర్తి చేసినట్లు ఆగస్టు 7న వెల్లడైంది.అంతకుముందు మే 1 నుంచే నిబంధనను అమలు చేయాలని ప్రభుత్వం నిర్ణయించినప్పటికీ, డ్రైవర్లకు భాష నేర్చుకునేందుకు అవకాశం కల్పిస్తూ ఆగస్టు 15 వరకు 100 రోజుల గడువు ఇచ్చింది. ఈ కాలంలో రాష్ట్రంలోని ఆర్‌టీవోలు, డిప్యూటీ ఆర్‌టీవోల పరిధిలో తనిఖీలు, అవగాహన, శిక్షణ కార్యక్రమాలు నిర్వహించారు.

ముంబైలో భారీ వర్షాల వేళ మరో విషాద ఘటన చోటుచేసుకుంది. కుర్లా ప్రాంతంలోని చిరాగ్‌ నగర్‌లో కొండచరియలు విరిగిపడి ఇళ్లు ధ్వంసమయ్యాయి. ఈ ప్రమాదంలో ఐదుగురు ప్రాణాలు కోల్పోయినట్లు అధికారులు వెల్లడించారు. మరికొందరు శిథిలాల కింద చిక్కుకుని ఉండొచ్చని అనుమానిస్తున్నారు. దీంతో సహాయక బృందాలు ప్రాణాల కోసం తీవ్రంగా గాలిస్తున్నాయి.బుధవారం తెల్లవారుజామున 3.48 గంటల సమయంలో కుర్లా పశ్చిమ ప్రాంతంలోని గౌసియా చాల్‌, చిరాగ్‌ నగర్‌ వద్ద ఈ ప్రమాదం జరిగింది. కొండ ప్రాంతంలోని మట్టి ఒక్కసారిగా కూలిపడి సమీపంలోని రెండు మూడు ఇళ్లపై పడటంతో ఈ ప్రమాదం జరిగినట్లు అధికారులు తెలిపారు.విక్టిమ్‌ డిటెక్షన్‌ కెమెరాలతో గాలింపుప్రమాదం జరిగిన వెంటనే ముంబై ఫైర్‌ బ్రిగేడ్‌, ముంబై పోలీసులు, ఎన్‌డీఆర్‌ఎఫ్‌ బృందాలు రంగంలోకి దిగాయి. శిథిలాల కింద చిక్కుకున్న వారి ఆచూకీ తెలుసుకునేందుకు ప్రత్యేక విక్టిమ్‌ డిటెక్షన్‌ కెమెరాలను ఉపయోగిస్తున్నారు. ఈ కెమెరాల ద్వారా శిథిలాల లోపల కదలికలు, మనుషుల ఉనికి వంటి సంకేతాలను గుర్తించే ప్రయత్నం చేస్తున్నారు. భారీ యంత్రాలతో శిథిలాలను తొలగించడంతోపాటు.. లోపల ఎవరైనా ప్రాణాలతో ఉన్నారా అనే విషయంపై అత్యంత జాగ్రత్తగా గాలింపు కొనసాగుతోంది. ఈ ప్రమాదంలో గాయపడిన ఇద్దరిని కుర్లాలోని భాభా ఆస్పత్రికి తరలించారు. ఘటనాస్థలానికి మేయర్‌.. సహాయక చర్యల పరిశీలనముంబై మేయర్‌ రీతూ తావ్డే ఘటనాస్థలానికి చేరుకుని సహాయక చర్యలను పరిశీలించారు. బీఎంసీ అధికారులు, అగ్నిమాపక సిబ్బంది, పోలీసు అధికారులు పరిస్థితిని పర్యవేక్షిస్తున్నారు. ఈ ఘటనపై ఆరా తీసిన సీఎం దేవేంద్ర ఫడ్నవిస్‌.. బాధితులకు మెరుగైన వైద్యం అందేలా చూడాలని అధికార యంత్రాగాన్ని ఆదేశించారు. ముంబైలో వర్షాకాలంలో కొండ ప్రాంతాల్లో ఇలాంటి ప్రమాదాలు జరిగే అవకాశం ఉండటంతో అధికారులు అప్రమత్తంగా ఉండాలని సూచిస్తున్నారు. ప్రమాదానికి గల కారణాలపై కూడా అధికారులు పరిశీలన చేపట్టారు. ప్రస్తుతం శిథిలాల కింద ఉన్న వారి కోసం రెస్క్యూ ఆపరేషన్‌ కొనసాగుతోంది. మరింత సమాచారం అందిన తర్వాత మృతుల సంఖ్య, చిక్కుకున్న వారి వివరాలపై స్పష్టత వచ్చే అవకాశం ఉంది.

ముంబైలో ఘోర అగ్నిప్రమాదం చోటుచేసుకుంది. విలే పార్లే వెస్ట్‌లోని ఓ 12 అంతస్తుల నివాస భవనంలో మంగళవారం రాత్రి మంటలు చెలరేగాయి. ఈ ఘటనలో రెండున్నరేళ్ల చిన్నారి సహా ఇద్దరు ప్రాణాలు కోల్పోగా.. మరో ఆరుగురు గాయపడ్డారు.భవనంలోని 11వ అంతస్తులో రాత్రి సమయంలో ఒక్కసారిగా మంటలు వ్యాపించాయి. సమాచారం అందుకున్న ముంబై అగ్నిమాపక సిబ్బంది వెంటనే ఘటనాస్థలానికి చేరుకుని సహాయక చర్యలు చేపట్టారు. రాత్రి 10.02 గంటలకు అగ్నిమాపక శాఖకు సమాచారం అందగా.. తొలుత ప్రమాదాన్ని లెవల్‌-1గా ప్రకటించారు. మంటలు తీవ్రత పెరగడంతో 10.16 గంటలకు లెవల్‌-2కు పెంచారు. దాదాపు అర్ధరాత్రి 1 గంట సమయంలో మంటలను పూర్తిగా అదుపులోకి తీసుకువచ్చారు.విద్యుత్‌ వైరింగ్‌ నుంచి మంటలు?అగ్నిప్రమాదంలో ఇంట్లోని విద్యుత్‌ వైరింగ్‌, ఏసీ యూనిట్‌, ఫర్నిచర్‌, సోఫా, బెడ్‌, ఫాల్స్‌ సీలింగ్‌, వంటగది సామగ్రి భారీగా దెబ్బతిన్నాయి. సుమారు 4 వేల చదరపు అడుగుల విస్తీర్ణంలో మంటలు వ్యాపించినట్లు అధికారులు తెలిపారు. అయితే అగ్నిప్రమాదానికి అసలు కారణం ఇంకా తెలియాల్సి ఉంది.చిన్నారి సహా ఇద్దరి మృతిప్రమాదంలో గాయపడిన ఎనిమిది మందిని ఆసుపత్రులకు తరలించారు. ఇద్దరిని కూపర్‌ ఆసుపత్రికి, మరో ఆరుగురిని నానావతి ఆసుపత్రికి తరలించారు. నానావతి ఆసుపత్రిలో రెండున్నరేళ్ల అబీర్‌, 23 ఏళ్ల అంకిత మృతి చెందినట్లు వైద్యులు ప్రకటించారు.గాయపడిన వారిలో ఫైర్‌మ్యాన్‌ మనోజ్‌ సోనావానే (30), శివమ్‌ ద్వివేది (29) చికిత్స అనంతరం డిశ్చార్జ్‌ అయ్యారు. మరో నలుగురు పార్థ్‌ (32), హిరెన్‌ (64), యశస్వి (33), అభిషేక్‌ ప్రస్తుతం స్థిరంగా ఉన్నట్లు వైద్యులు తెలిపారు. వారిలో యశస్వి, అభిషేక్‌ చికిత్స అనంతరం ఇంటికి వెళ్లారు. ఈ ఘటనపై అధికారులు దర్యాప్తు ప్రారంభించారు. అగ్నిప్రమాదానికి గల కారణాలను గుర్తించే పనిలో నిమగ్నమయ్యారు. Watch: A fire broke out at Shanta Bhavan Building in Mumbai's Vile Parle area. After receiving information about the incident, 10 fire brigade vehicles reached the spot and began efforts to bring the fire under control. No injuries have been reported so far. Firefighters are… https://t.co/PaDkqJiRcZ pic.twitter.com/qvUdBe9Mkn— IANS (@ians_india) August 11, 2026

ప్రధాని నరేంద్ర మోదీ, ఎన్సీపీ (ఎస్పీ) అధినేత శరద్ పవార్, కేంద్ర హోంమంత్రి అమిత్ షా.. ఒకే ఫ్రేమ్‌లో కనిపించిన ఫొటో ఇప్పుడు మహారాష్ట్ర రాజకీయాల్లో ఆసక్తికర చర్చకు దారితీసింది. సుప్రియా సూలే కుమార్తె రేవతి సూలే వివాహ రిసెప్షన్‌ సందర్భంగా చోటుచేసుకున్న ఈ పరిణామం.. సాధారణ కుటుంబ వేడుకే అయినప్పటికీ, ప్రస్తుత రాజకీయ పరిణామాల నేపథ్యంలో ప్రత్యేక ప్రాధాన్యం సంతరించుకుంది.सुप्रिया सुळे यांची मुलगी रेवती सुळे आणि सारंग लखानी यांचा दिल्लीत रिसेप्शन सोहळा. यावेळी अमित शाह यांनी उपस्थित राहीले. रेवती आणि सारंग यांना आशिर्वाद दिले. #sharadpawar #amitshah pic.twitter.com/pSE3rg9UQL— Ramraje Shinde (@ramraje_shinde) August 10, 2026Prime Minister Modi ji attended the wedding reception of Sharad Pawar's granddaughter today. He blessed the newlyweds during the event. pic.twitter.com/0BVKo5YXZT— Avinash K S🇮🇳 (@AvinashKS14) August 10, 2026ప్రతిపక్ష ‘ఇండియా’ కూటమిలో కొనసాగుతున్న శరద్‌ పవార్‌ పార్టీ.. ఇటీవల కేంద్ర ప్రభుత్వంతో పలు అంశాలపై చర్చలు జరుపుతోంది. ఈ నేపథ్యంలో మోదీ, పవార్‌, షా కలిసి కనిపించడం రాజకీయ వర్గాల్లో చర్చకు కారణమైంది. ఈ వివాహ వేడుకకు కొందరు కాంగ్రెస్‌ పెద్దలు, ఎన్సీపీ-ఎస్పీ మిత్రపక్షాల నేతలు కొందరు దూరంగా ఉండడమూ ఇందుకు మరో ప్రధాన కారణమైంది. అయితే ఇది కేవలం కుటుంబ కార్యక్రమంలో భాగమైన మర్యాదపూర్వక భేటీ మాత్రమేనని ఎన్సీపీ (ఎస్పీ) వర్గాలు చెబుతున్నాయి. మరోవైపు మహారాష్ట్ర రాజకీయాల్లో మాత్రం.. ఈ కలయికపై ఊహాగానాలు మొదలయ్యాయి.కొసమెరుపు: మోదీ విధానాలపై తరచూ విమర్శలు చేసే రోహిత్‌ పవార్‌.. అదే వేదికపై ప్రధాని మోదీతో కలిసి ఫొటోకు పోజివ్వడం కూడా చర్చకు దారితీసింది.If Sharad Pawar’s faction ever boards the NDA ship, Rohit Pawar will probably be the first passenger with his bags packed. 😂On social media, Rohit Pawar keeps claiming that he will never bow before the BJP. When it came to Delhi, he was among the first to meet PM Modi along…— Saffron Monk (@mangeshspa) August 11, 2026ఇక ఈ వివాహ వేడుకకు బీజేపీ అగ్రనేతలు హాజరు కావడం కంటే కొన్ని గంటల ముందే.. ఎన్సీపీ (ఎస్పీ)కి చెందిన లోక్‌సభ ఎంపీల బృందం ప్రధాని మోదీని కలిసింది. సుప్రియా సూలే నేతృత్వంలోని ఎనిమిది మంది ఎంపీలు మహారాష్ట్రకు సంబంధించిన పలు సమస్యలను ప్రధాని దృష్టికి తీసుకెళ్లారు. కరువు పరిస్థితులు, సాగునీరు, నదుల అనుసంధానం, రైల్వే ప్రాజెక్టులు, రైతు రుణమాఫీ వంటి అంశాలపై వినతిపత్రం అందించారు. పుణె–నాశిక్‌ సెమీ హైస్పీడ్‌ రైలు ప్రాజెక్టు, ఉల్లి ధరలు, చంద్రభాగా నది కాలుష్యం వంటి సమస్యలను కూడా ప్రస్తావించినట్లు సమాచారం.రాజకీయ మార్పులపై ఊహాగానాలుమోదీతో పవార్‌ వర్గం వరుస భేటీలు, కేంద్రం ప్రతిపాదిస్తున్న నియోజకవర్గాల పునర్విభజన (డీలిమిటేషన్‌) అంశంపై పార్టీ వైఖరి వంటి పరిణామాలు కొత్త చర్చలకు కారణమయ్యాయి. డీలిమిటేషన్‌ విషయంలో తమ నిర్ణయం తుది బిల్లు వచ్చిన తర్వాతే తీసుకుంటామని సుప్రియా సూలే ఇప్పటికే స్పష్టం చేశారు. అయితే కొన్ని షరతులతో ఈ ప్రతిపాదనకు మద్దతు ఇచ్చే అవకాశం ఉందన్న ప్రచారం కూడా రాజకీయ వర్గాల్లో సాగుతోంది.ఇండియా కూటమిలో ఉంటూనే.. ఎన్సీపీ (ఎస్పీ) మాత్రం తమ రాజకీయ వైఖరిలో ఎలాంటి మార్పు లేదని చెబుతోంది. మహారాష్ట్ర సమస్యలు, ప్రజా ప్రయోజన అంశాలపైనే కేంద్రంతో చర్చలు జరుపుతున్నామని స్పష్టం చేస్తోంది. గతంలోనూ శరద్‌ పవార్‌, సుప్రియా సూలేలు ప్రధాని మోదీని కలిసి విద్యార్థుల సమస్యలు, నీటి నిర్వహణ, రైతుల అంశాలపై చర్చించారు.ఒక ఫొటో.. ఎన్నో ప్రశ్నలు!ప్రస్తుతం రేవతి సూలే వివాహ రిసెప్షన్‌లో తీసిన ఈ చిత్రం కేవలం ఓ కుటుంబ వేడుక జ్ఞాపకమే అయినప్పటికీ.. దాని వెనుక ఉన్న రాజకీయ నేపథ్యం కారణంగా ప్రాధాన్యం సంతరించుకుంది. మోదీతో పవార్‌ సాన్నిహిత్యం పెరుగుతోందా? లేదంటే ప్రజా సమస్యల పరిష్కారం కోసం మాత్రమే ఈ భేటీలా? మహారాష్ట్ర రాజకీయాల్లో ఈ ఫొటో ఎలాంటి ప్రభావం చూపుతుందన్నది ఆసక్తికరంగా మారింది.

థానే (మహారాష్ట్ర): వీధి కుక్కలు ఒకరిద్దరిని కరవడం, రాత్రిళ్లు వాహనాల వెంటపడి అరవడం మనం తరచూ చూసే విషయాలు. కానీ మహారాష్ట్రలోని థానే జిల్లా కళ్యాణ్‌లో ఓ కుక్క కొన్ని గంటల వ్యవధిలో 130 మందిని కాటేసింది. ఫలితంగా పదకొండేళ్ల బాలిక తీవ్రంగా గాయపడి వైద్యసాయం పొందాల్సిన పరిస్థితి ఏర్పడింది. అంతేకాదు.. మరో 25 మంది స్థానిక రుక్మిణీబాయి ఆసుపత్రిలో చికిత్స పొందుతున్నట్లు స్థానిక అధికారులు సోమవారం తెలిపారు. కుక్కకు రేబిస్‌ ఉన్నదీ లేదని ఇంకా స్పష్టం కావాల్సి ఉంది. ప్రత్యక్ష సాక్షుల కథనం ప్రకారం ఈ వ్యవహారమంతా సోమవారం మధ్యాహ్నం రెండు గంటల సమయంలో మొదలైంది. కళ్యాణ్‌ (వెస్ట్‌)లోని సందీప్‌ హోటల్‌ ప్రాంతంలో ఓ కుక్క ఉన్నట్టుండి అటుపక్క వెళుతున్న పాదాచారులపై దూసుకెళ్లి కరవడం మొదలుపెట్టింది. ద్విచక్ర వాహనాలు, ఆటోలనూ వెంటపడి తరమడంతోపాటు భౌ భౌమని అరుచుకుంటూ వాటిల్లో ప్రయాణిస్తున్న వారిని కరిచింది. ప్రధాన రహదారితోపాటు చుట్టుపక్కల ఉన్న సందుగొందుల్లోనూ ఈ ‘శూనక విహారం చాలాసేపు కొనసాగింది. ఈ వ్యవహారంతో స్థానిక బిర్లా కాలేజీ రోడ్, ఓల్డ్‌ ఆర్టీవో ఆఫీస్, భోయిర్‌వాడీ ప్రాంతాల్లో ప్రజలు తలుపులేసుకుని ఇళ్లల్లోనే ఉండిపోవాల్సి వచ్చింది. ఆదివారమైనప్పటికీ పిల్లల్ని బయట అడుగుపెట్టనివ్వలేదు. కుక్క కాటుకు గురైన పాతిక మందికి స్థానిక ఆసుపత్రిలోనే చికిత్స అందిస్తూండగా 11 ఏళ్ల చిన్నారిని మాత్రం ముంబైలోని లోక్‌మాన్య తిలక్‌ మున్సిపల్‌ జనరల్‌ ఆసుపత్రి (సియాన్‌ ఆసుపత్రి)కి తరలించినట్లు అధికారులు తెలిపారు. ఆదివారం సాయంకాలానికి 110 నుంచి 130 వరకూ కుక్క కాటు కేసులు నమోదైనట్లు రుక్మిణీబాయి ఆసుపత్రి వైద్యాధికారి డాక్టర్‌ సందీప్‌ పగారే తెలిపారు. వీరిలో చాలామందిని ప్రాథమిక చికిత్స తరువాత డిశ్చార్జ్‌ చేసినట్లు ఆయన చెప్పారు.

ముంబై: ఓ నెటిజన్‌ ఆటో డ్రైవర్‌తో తనకు ఎదురైన హృదయాన్ని హత్తుకునే అనుభవాన్ని పంచుకున్నాడు. పాత ఆటో నడుపుతూ, ఆర్థిక ఇబ్బందులు ఎదుర్కొంటున్నట్టు కనిపించినా, అసలు చార్జీ కంటే రూ.5 కూడా ఎక్కువ తీసుకోవడానికి ఓ డ్రైవర్ నిరాకరించాడు. అతడి స్టోరీని నెటిజన్‌ రెడిట్‌లో రాసుకొచ్చాడు. రెడిట్‌లో ఇందుకు సంబంధించిన వివరాలను ఆ నెటిజన్‌ పోస్టు చేశాడు. మహారాష్ట్ర, థానే జిల్లాలో కల్యాణ్ స్టేషన్‌కు షేర్డ్ ఆటోలో ప్రయాణిస్తున్న సమయంలో జరిగిన ఘటనను వివరించాడు. అదనపు డబ్బు అడగకుండా, నిర్ణయించిన చార్జీ ప్రకారమే ప్రయాణికుల నుంచి డబ్బు తీసుకుంటున్నట్టు గమనించానని తెలిపాడు.కష్టాల్లోనూ నిజాయితీ“ఈ రోజు నా ప్రాంతం నుంచి కల్యాణ్ స్టేషన్‌కు ఆటోలో వెళ్లాను. నిబంధనల ప్రకారం డ్రైవర్ అంకుల్ నలుగురు ప్రయాణికులను ఎక్కించుకుంటే ఒక్కరికి చార్జీ రూ.15. ముగ్గురిని మాత్రమే ఎక్కించుకుంటే మాత్రమే రూ.20. దురదృష్టవశాత్తు ఎక్కువ మంది ఆటో డ్రైవర్లు ఈ నిబంధన పాటించరు. నలుగురు ఉన్నా రూ.20 వసూలు చేస్తారు” అని రెడిట్ యూజర్‌ రాశాడు.నలుగురు కూర్చునే ప్రయాణానికి డ్రైవర్ ఒక్కో ప్రయాణికుడి నుంచి రూ.15 మాత్రమే తీసుకున్నాడని అతడు తెలిపాడు. డ్రైవర్‌ నిజాయితీకి మెచ్చి రూ.20 ఇచ్చి, మిగతా రూ.5 డబ్బు ఉంచుకోవాలని చెప్పాడు. అయితే డ్రైవర్ వెంటనే రూ.5 తిరిగి ఇచ్చేశాడు. “ఆ చిన్న చర్య అతను ఎలాంటి వ్యక్తో స్పష్టంగా చూపించింది” అని రెడిట్‌ యూజర్‌ పేర్కొన్నాడు.‘‘ఆటో బాగా పాతదిగా కనిపించింది. భారీ వర్షం పడుతున్నా విండ్‌షీల్డ్ వైపర్ పనిచేయడం లేదు. భారీ వర్షం పడుతోంది. వైపర్ పనిచేయకపోవడంతో అతను చేతితో అద్దాన్ని తుడుస్తూ వెళ్లాల్సి వచ్చింది” అని రాశాడు.ఈ ఘటనపై ఆలోచిస్తూ, “అంత నిజాయితీగా, విలువలతో జీవించే వ్యక్తి ఇలాంటి కష్టాల్లో ఉండటం చూసి ఒక ప్రశ్న వచ్చింది. మంచి వాళ్లే ఎందుకు ఎక్కువగా బాధలు పడుతున్నట్టు కనిపిస్తారు? అతను రోజువారీ అవసరాలు తీర్చుకోవడానికి సరిపడా సంపాదిస్తున్నట్టే కనిపించింది. అయినా కొన్ని అదనపు రూపాయల కంటే నిజాయితీకే ప్రాధాన్యం ఇచ్చాడు. ఇది నిజంగా నన్ను బాధపెట్టింది. మీరందరూ ఏమనుకుంటున్నారు? ఈ రోజుల్లో నిజాయితీకి మూల్యం చెల్లించాల్సి వస్తుందా?” అని ప్రశ్నించాడు. ఈ పోస్టును “నిజాయితీ మీ దగ్గర ఉన్నదంతా కోల్పోయేలా చేస్తుందా?” అనే శీర్షికతో పంచుకున్నాడు. Being honest can cost you everything?by u/Guilty-Kick-5617 in mumbai

నాసిక్: మహారాష్ట్రలోని నాసిక్ జిల్లాలో శనివారం రాత్రి, ఆదివారం ఉదయం సంభవించిన స్వల్ప తీవ్రతతో కూడిన భూకంపాలు స్థానికులను భయాందోళనలకు గురిచేశాయి. జాతీయ భూకంప కేంద్రం నివేదిక ప్రకారం, శనివారం రాత్రి 10 గంటల సమయంలో 4.3 తీవ్రతతో భూకంపం సంభవించగా, ఆదివారం ఉదయం 5.33 గంటలకు 3.3 తీవ్రతతో మరోసారి ప్రకంపనలు నమోదయ్యాయి.ఈ భూకంప కేంద్రం మహారాష్ట్ర-గుజరాత్ సరిహద్దుకు సమీపంలో ఉన్న హత్గడ్ పర్వత శ్రేణుల వద్ద, భాన్‌వాడ్ ప్రాంతంలో భూమికి 5 కిలోమీటర్ల లోతులో ఉన్నట్లు అధికారులు గుర్తించారు. నాసిక్ నగరంతో పాటు సుర్గాణ, కల్వాన్, దేవళ, చాంద్వాడ్, పేట్, దిండోరి, నిఫాడ్ తాలూకాల్లో ప్రకంపనలు తీవ్రంగా ఉండటంతో ప్రజలు భయంతో ఇళ్ల నుంచి బయటకు పరుగులు తీశారు.సుర్గాణ తాలూకాలోని భదర్, దిండోరి తాలూకాలోని నానాషి ప్రాంతాల్లోని కొన్ని నివాస గృహాల గోడలకు పగుళ్లు ఏర్పడ్డాయి. ఎటువంటి ప్రాణనష్టం జరగలేదని అధికారులు తెలిపారు. జిల్లాలోని ఆనకట్టలను తనిఖీ చేయగా, ఎక్కడా ఎటువంటి నష్టం వాటిల్లలేదన్నారు. ప్రజలు ఆందోళన చెందవద్దని, వదంతులను నమ్మవద్దని నాసిక్ జిల్లా కలెక్టర్ ఆయుష్ ప్రసాద్ సూచించారు. అయితే, అప్రమత్తంగా ఉండి జాగ్రత్తలు తీసుకోవాలని ఆయన కోరారు. కాగా గత జూలై 25 నుండి 28 వరకు, అలాగే ఆగస్టు 6న కూడా ఈ ప్రాంతంలో భూ ప్రకంపనలు నమోదయ్యాయి.ఇది కూడా చదవండి: ‘హనీమూన్‌ హత్యకేసు’: ఇండోర్‌లో సోదరుల అరెస్ట్

మహారాష్ట్రలోని నందుర్బార్‌ జిల్లాలో షాకింగ్‌ ఘటన వెలుగులోకి వచ్చింది. మైనర్లు, యువకులకు డబ్బు ఆశ చూపి వలలో వేసుకుని.. వారిని బ్లాక్‌మెయిల్‌ చేస్తూ లైంగికంగా వేధిస్తున్నాడన్న ఆరోపణలతో ఓ యువకుడిని పోలీసులు అరెస్ట్‌ చేశారు. అతడి ఫోన్‌లో 600కుపైగా అశ్లీల వీడియోలు, ఫొటోలను పోలీసులు గుర్తించారు.పోలీసుల తెలిపిన వివరాల ప్రకారం.. రైజింగ్‌పురాకు చెందిన చేతన్‌ ప్రకాశ్‌ కోలి (22).. 2022 నుంచి మైనర్లు, యువకులను లక్ష్యంగా చేసుకుని ఈ దారుణాలకు పాల్పడుతున్నట్లు ప్రాథమిక దర్యాప్తులో తేలింది. డబ్బులు ఇస్తానని నమ్మించి బాధితులను ఆకర్షించిన నిందితుడు.. వారితో అసభ్యకర వీడియోలు చిత్రీకరించి, వాటిని సోషల్‌ మీడియాలో వైరల్‌ చేస్తానంటూ బెదిరిస్తూ వేధింపులకు పాల్పడినట్లు పోలీసులు తెలిపారు.నిందితుడి మొబైల్‌ ఫోన్‌ను పరిశీలించగా అందులో పెద్ద సంఖ్యలో అశ్లీల వీడియోలు, ఫొటోలు బయటపడ్డాయని నందుర్బార్‌ ఎస్పీ అశ్విని సనప్‌ వెల్లడించారు. ఫోరెన్సిక్‌ బృందం ఫోన్‌ను స్వాధీనం చేసుకుని పరిశీలనకు పంపినట్లు తెలిపారు. వీడియోల్లో ఉన్న బాధితులను గుర్తించే పనిలో పోలీసులు నిమగ్నమయ్యారు. వారి వాంగ్మూలాలు నమోదు చేయనున్నట్లు అధికారులు చెప్పారు. ఇప్పటివరకు లభించిన ఆధారాల ప్రకారం.. నిందితుడు 2022 నుంచి ఈ అకృత్యాలకు పాల్పడుతున్నట్లు విచారణలో వెల్లడైందని పోలీసులు తెలిపారు.

భద్రత కోసం వచ్చిన పోలీసు అధికారి తనపై ఆంక్షలు విధిస్తున్నారని ఆరోపిస్తూ కాక్రోచ్‌ జనతా పార్టీ (CJP) వ్యవస్థాపకుడు అబిజీత్‌ దీప్కే ఆగ్రహం వ్యక్తం చేశారు. తనను కలిసేందుకు వచ్చే వారిని అడ్డుకుంటున్నారని ఆరోపిస్తూ.. తన నివాసం వద్ద భద్రతా విధుల్లో ఉన్న సబ్‌ ఇన్‌స్పెక్టర్‌ను తొలగించాలని డిమాండ్‌ చేశారు. ఈ ఘటనకు సంబంధించిన వీడియోలు సోషల్‌ మీడియాలో వైరల్‌గా మారాయి.ఛత్రపతి శంభాజీనగర్‌లోని వాలుజ్‌ ఎంఐడీసీ ప్రాంతంలోని దీప్కే నివాసం వద్ద ఈ ఘటన చోటుచేసుకుంది. ఇటీవల బెదిరింపుల నేపథ్యంలో, అలాగే ఆయనను కలిసేందుకు భారీగా ప్రజలు వస్తుండటంతో పోలీసులు భద్రతా ఏర్పాట్లు చేశారు. ఇందులో భాగంగా ఓ పోలీసు సబ్‌ ఇన్‌స్పెక్టర్‌ను అక్కడ నియమించారు. అయితే ఆ అధికారి తన ఇంటికి వచ్చే వారిని నియంత్రిస్తున్నారని దీప్కే ఆరోపించారు.‘ఎవరిని కలవాలో మీరు నిర్ణయిస్తారా?’వైరల్‌గా మారిన ఓ వీడియోలో.. సివిల్‌ దుస్తుల్లో ఉన్న పోలీసు అధికారితో దీప్కే వాగ్వాదం చేస్తూ కనిపించారు. తన ఇంటికి ఎవరు రావాలి.. ఎవరిని కలవాలి అనే విషయాల్లో పోలీసులు జోక్యం చేసుకోవడంపై ఆయన అభ్యంతరం వ్యక్తం చేశారు. “నా ఇంట్లో మీ పెత్తన ఏంటి?. నేను ఎవరినైనా ఇంట్లోకి రావాలని చెబుతున్నప్పుడు.. వారిని ఎందుకు ఆపుతున్నారు? ఢిల్లీ పోలీసుల్లా ఎందుకు వ్యవహరిస్తున్నారు? ఇప్పటివరకు ఎలాంటి సమస్య జరగలేదు. ఎవరిని కలవాలి.. ఎవరిని కలవకూడదో పోలీసులు నాకు చెప్పలేరు” అంటూ దీప్కే ప్రశ్నించారు.అంతేకాకుండా.. “మీరు బయటకు వెళ్లండి. నాకు మీ అవసరం లేదు” అంటూ ఆ పోలీసు అధికారిని అక్కడి నుంచి వెళ్లిపోవాలని కోరారు.Chhatrapati Sambhajinagar - Abhijit Dipke has made strong allegations against CID officers, accusing them of arrogant and rude behaviour towards people who come to meet him.Dipke, who flared up against the police officers, claimed that visitors arriving for meetings with him are… pic.twitter.com/5hCF6s7p8Y— NextMinute News (@nextminutenews7) August 7, 2026ఉన్నతాధికారికి ఫోన్‌లో ఫిర్యాదుమరో వీడియోలో దీప్కే ఓ పోలీసు ఉన్నతాధికారితో ఫోన్‌లో మాట్లాడారు. సురేశ్‌ అనే పీఎస్‌ఐ తనను కలిసేందుకు వచ్చే వారితో దురుసుగా ప్రవర్తిస్తున్నారని ఆరోపించారు. వారిని ఇంటి నుంచి బయటకు పంపిస్తున్నారని, అలాంటి అధికారి తనకు వద్దని పేర్కొన్నారు. వెంటనే అతడిని అక్కడి నుంచి తొలగించాలని కోరారు. “నా ఇంటికి వచ్చే వారిని ఎందుకు అడ్డుకుంటున్నారు? ఇది కావాలనే చేస్తున్నారా?” అంటూ ఆయన ప్రశ్నించినట్లు వీడియోలో వినిపిస్తోంది.నిఘా ఆరోపణలుతన నివాసం సమీపంలో సీఐడీ సిబ్బంది సాధారణ దుస్తుల్లో నిఘా పెట్టారని కూడా దీప్కే ఆరోపించారు. ఓ రిపోర్టర్‌ తనకు ఈ విషయం తెలిపారని చెప్పారు. ఓ సీఐడీ సిబ్బంది ఫోన్‌లో ‘హిట్‌ స్ప్రే’ పేరుతో వాట్సాప్‌ గ్రూప్‌ కనిపించిందని, అక్కడి నుంచి నివేదికలు పంపిస్తున్నారని ఆరోపించారు. అయితే దీప్కే చేసిన ఆరోపణలపై పోలీసుల నుంచి అధికారిక స్పందన వెంటనే రాలేదు. వాలుజ్‌ ఎంఐడీసీ పరిధి డీసీపీ పంకజ్‌ అతుల్కర్‌ను సంప్రదించేందుకు ప్రయత్నించినప్పటికీ స్పందన లభించలేదు. మరోవైపు.. అభిజిత్‌ యాటిట్యూడ్‌పైనా సోషల్‌ మీడియాలో విమర్శలు వెల్లువెత్తుతున్నాయి.ఇటీవల నిరసనలు, వివాదాస్పద వ్యాఖ్యలతో వార్తల్లో నిలిచిన అబిజీత్‌ దీప్కే.. తాజాగా తన ఇంటి వద్ద భద్రతా సిబ్బందితో జరిగిన ఈ వివాదంతో మరోసారి చర్చనీయాంశంగా మారారు. భద్రత పేరుతో వ్యక్తిగత స్వేచ్ఛను నియంత్రించకూడదన్నది దీప్కే వాదన కాగా.. భద్రతా ఏర్పాట్లలో భాగంగానే పోలీసులు వ్యవహరించారని అధికారులు భావిస్తున్నారా అన్నది స్పష్టత రావాల్సి ఉంది.

ముంబై: మహారాష్ట్రలో సంచలనం సృష్టించిన టాటా కన్సల్టెన్సీ సర్వీసెస్ (టీసీఎస్) మతమార్పిడి కేసులో కీలక పరిణామం చోటుచేసుకుంది. ఈ కేసులో నిందితురాలైన మాజీ టీసీఎస్ ఉద్యోగి నిదా ఖాన్‌కు ఆశ్రయం కల్పించారనే ఆరోపణలు ఎదుర్కొంటున్న ఎంఐఎం కార్పొరేటర్ మతీన్ పటేల్‌ను పోలీసులు అరెస్ట్ చేశారు.ఈ కేసుకు సంబంధించి మతీన్‌ పటేల్‌కు కోర్టు పలుమార్లు సమన్లు జారీ చేసినప్పటికీ హాజరుకాకపోవడంతో ఆయనపై అరెస్ట్ వారెంట్ జారీ అయింది. గురువారం సాయంత్రం సుమారు 7 గంటల సమయంలో పోలీసులు మతీన్ పటేల్‌ను అదుపులోకి తీసుకుని విచారణ కోసం నాసిక్‌కు తరలించారు. అదే సమయంలో అధికారులు మతీన్ పటేల్ నివాసం, కార్యాలయాలపై బుల్డోజర్ చర్యలు కూడా ప్రారంభించారు. అతడి నివాసం, ఆఫీసును నేలమట్టం చేశారు. దీనికి సంబంధించిన వీడియోలు సోషల్‌ మీడియాలో వైరల్‌గా మారాయి.#WATCH | Chhatrapati Sambhaji Nagar: The Chhatrapati Sambhaji Nagar Municipal Corporation initiates the demolition of properties belonging to AIMIM Corporator Matin Patel. pic.twitter.com/JHrmuLf8ie— ANI (@ANI) May 13, 2026టీసీఎస్ కేసు ఇదే.. మహారాష్ట్రలోని నాసిక్‌లో ఉన్న టీసీఎస్ కార్యాలయంలో పనిచేసిన నిదా ఖాన్‌పై మతమార్పిడి, మానసిక వేధింపులు, మతపరమైన విద్వేషాన్ని రెచ్చగొట్టడం వంటి ఆరోపణలు నమోదయ్యాయి. ఆమె పేరు కేసులో వెలుగులోకి రావడంతో టీసీఎస్ ఉద్యోగం నుంచి తొలగించింది. ఈ కేసు 2022లో ప్రారంభమైన ఘటనతో వెలుగులోకి వచ్చింది. బాధిత మహిళ తన సహోద్యోగి దానిష్ షేక్ పెళ్లి చేస్తానని నమ్మించి శారీరక సంబంధం పెట్టుకున్నాడని, అయితే అప్పటికే అతడికి మరో మహిళతో వివాహం జరిగిన విషయం తర్వాత తెలిసిందని పోలీసులకు ఫిర్యాదు చేసింది.పోలీసుల దర్యాప్తులో దానిష్ షేక్ సోదరి నిదా ఖాన్ బాధితురాలిని మతం మార్చుకోవాలని ఒత్తిడి చేసినట్లు, ఆమె మతాన్ని అవమానించే వ్యాఖ్యలు చేసినట్లు ఆరోపణలు వెలుగుచూశాయి. అంతేకాకుండా బాధితురాలికి బుర్ఖా, ఇస్లామిక్ మత గ్రంథాలు అందించడం, మొబైల్ ఫోన్‌లో ఇస్లాం సంబంధిత యాప్‌లు ఇన్‌స్టాల్ చేయించడం, ఇంటికి వెళ్లి నమాజ్ చేసే విధానం నేర్పించడం, హిజాబ్ ధరించేలా ప్రోత్సహించడం వంటి ఆరోపణలను పోలీసులు తమ దర్యాప్తులో నమోదు చేశారు. ఈ ఘటనకు సంబంధించి మహిళా ఉద్యోగులపై బలవంతపు మతమార్పిడి ప్రయత్నాలు, మతపరమైన మనోభావాలను దెబ్బతీయడం, లైంగిక వేధింపులు, మానసిక వేధింపులు తదితర అంశాలపై మొత్తం తొమ్మిది కేసులను పోలీసులు దర్యాప్తు చేస్తున్నారు.#BREAKING 🚨 Hijaban Jihadi Nida Khan remanded in judicial custody till May 24 in TCS sexual harassment-forced conversion case. pic.twitter.com/cSe5AGv2xw— Oxomiya Jiyori 🇮🇳 (@SouleFacts) May 11, 2026సుమారు 25 రోజులపాటు పరారీలో ఉన్న నిదా ఖాన్‌ను ఈ ఏడాది మే 7న ఛత్రపతి సంభాజీనగర్‌లోని అద్దె ఇంటి నుంచి పోలీసులు అరెస్ట్ చేశారు. అనంతరం తాను గర్భవతినని పేర్కొంటూ బెయిల్ కోరగా, ప్రసవ సమయంలో జైలులో ఉండటం ఏ మహిళకైనా తీవ్రమైన మానసిక వేదన కలిగిస్తుందని వ్యాఖ్యానించిన నాసిక్ కోర్టు గత నెల ఆమెకు బెయిల్ మంజూరు చేసింది. ఇదిలా ఉండగా, ఈ కేసులో ఆరోపణలు ఎదుర్కొంటున్న ఉద్యోగులను టీసీఎస్ ఇప్పటికే సస్పెండ్ చేసింది. ఉద్యోగులపై ఎలాంటి వేధింపులు, బలవంతం, వివక్షను సహించబోమని, సంస్థలో ఇటువంటి చర్యలపై జీరో టాలరెన్స్ విధానం అమల్లో ఉందని టీసీఎస్ స్పష్టం చేసింది.