incident

బెంగళూరు: ఆనేకల్‌ తాలూకా ఎల్రక్టానిక్‌ సిటీ సమీపంలోని దొడ్డతోగూర్‌లో నూడుల్స్‌ మరీ కారంగా ఉన్నాయనే కారణంతో మొదలైన గొడవ హింసాత్మకంగా మారింది. ముగ్గురు ఫాస్ట్‌ ఫుడ్‌ షాపు సిబ్బందిని కొట్టారు. ఈ సంఘటన ఆదివారం రాత్రి చోటు చేసుకుంది. చామరాజ నగర్‌ జిల్లాకు చెందిన నాగరాజ్, చంద్రు, దేవరాజ్‌ పూటుగా మద్యం సేవించి రోడ్డు పక్కన ఉన్న ఫాస్ట్‌ ఫుడ్‌ షాపుకు వెళ్లి, నూడుల్స్‌ ఆర్డర్‌ చేశారు.నూడుల్స్‌ కారంగా ఉన్నాయనే కారణంతో సిబ్బందితో వాగ్వాదానికి దిగారు. నిందితులు సిబ్బందిని కిందకు తోసి, కొట్టినట్లు సమాచారం. గొడవను ఆపడానికి వచ్చిన వ్యక్తిపై కూడా దాడి చేసి తరిమినట్లు తెలిసింది. ఈ దాడి దృశ్యాలను స్థానికులు మొబైల్‌ ఫోన్లలో చిత్రీకరించారు. బాధితులను అస్సాంకు చెందిన దీపక్‌ థాపా, హేమ, లక్ష్మీ లామాగా గుర్తించారు. ఈ ఘటనకు సంబంధించి ఎల్రక్టానిక్‌ సిటీ పోలీస్‌ స్టేషన్‌లో కేసు నమోదైంది. ఇదీ చదవండి: కొత్త జంటకు వింత కానుక.. పాలు, పెరుగు ప్యాకెట్లు!

అనంతపురం ఎడ్యుకేషన్‌: అదో విద్యాలయం.. ఉదయం పది గంటల సమయం.. తరగతి గది అంతా నిశ్శబ్దం.. ఉపాధ్యాయిని పాఠం బోధిస్తోంది.. విద్యార్థులంతా చక్కగా వింటుంటే.. అంతలోనే నిశ్శబ్దంగా ఉన్న గదిలో ఒక్కసారిగా అలజడి... అందరూ ఉలిక్కి పడి వెనక్కి చూశారు.. కరెంటు రంపంతో తలుపును కోస్తున్నట్లు కనిపించింది.. విషయాన్ని తేలికగా తీసుకున్న విద్యార్థులు.. యధావిధిగా పాఠంలో పడిపోయారు..ఉన్నపళంగా ఒక్క ఉదుటన ఉన్మాది బాలికల వైపు దూసుకొచ్చాడు.. ఓ విద్యార్థినిపై దాడికి తెగబడ్డాడు.. ఏమైందో..ఏం జరుగుతోందో.. తేరుకునేలోపే రక్తం ధారల్లా చిమ్ముతోంది.. గది అంతా హాహాకారాలు.. ఆర్తనాదాలు.. అంతలోనే సాహసలక్ష్మిగా వీరోచితంగా తిరగబడింది.. తోటి స్నేహితురాలిపై ఉన్మాది దాడిని ప్రతిఘటించింది.. అడ్డుకోయిన ఆమెపైనా దాడికి తెగబడ్డాడు.. రక్తపుమడుగులో నిస్సహాయంగా పడి ఉన్న బాలికను చూసి.. ఉన్మాది అక్కడి నుంచి ఉడాయించాడు.. ప్రశాంతంగా ఉన్న పాఠశాలలో జరిగిన ఈ ఘాతుకం.. దావానంలా వ్యాపించింది.. భయానికి తలవంచని బాలిక తెగువ.. మానవత్వం, ఆమె సాహసాన్ని ఎందరో ప్రశంసిస్తున్నారు. చదువుల తల్లి..భీతిల్లేలా జరిగిన భయానక ఘటన నేటికీ వెంటాడుతోంది. ఇద్దరిదీ విడదీయలేని స్నేహం రాప్తాడు మండలం అయ్యవారిపల్లికి చెందిన వెంకటరాముడు, నరసమ్మ దంపతుల కుమార్తె గోపిక, రాప్తాడు నాగరాజు, రమాదేవి దంపతుల కుమార్తె లక్ష్మి ఇద్దరూ ఆరోతరగతి నుంచి స్నేహంగా మెలుగుతున్నారు. పాఠశాలలోనూ పక్కపక్కనే కూర్చునేవారు. ప్రతి విషయాన్ని ఒకరితో ఒకరు పంచుకునేవారు. ఇద్దరి మధ్య ఎంతో ఆత్మీయత ఉంది. అందుకే కళ్ల ముందే ప్రాణస్నేహితురాలిపై దాడి జరుగుతుంటే లక్ష్మీ తట్టుకోలేకపోయింది. ప్రాణభయంతో పరుగులు.. ఉన్మాది తరగతి గదిలోకి ఎలక్ట్రిక్‌ రంపంతో చొరబడి తలుపును కట్‌ చేసిన అనంతరం నేరుగా గోపిక వద్దకు వెళ్లి ఆమె మెడపై దాడి చేశాడు. అనుకోకుండా జరిగిన ఈ ఘటనతో తరగతి గదిలోని విద్యార్థులంతా భయంతో బయటకు పరుగులు తీశారు. ఉపాధ్యాయిని కూడా అక్కడి నుంచి వెళ్లిపోయారు. కానీ, స్నేహితురాలు లక్ష్మి మాత్రం తన ప్రాణాన్ని పణంగా పెట్టి ఉన్మాది దాడిని అడ్డుకుంది. స్నేహితురాలి ప్రాణాలను కాపాడాలన్న ఆరాటంతో దుండగుడి దాడిని అడ్డుకునేందుకు వీరోచితంగా యత్నించింది. స్నేహితురాలిని కాపాడబోయి.. తన దాడిని అడ్డుకునేందుకు యత్నించిన లక్ష్మిపై కూడా ఆగ్రహంతో ఉన్మాది రంపంతో దాడి చేశాడు. దీంతో ఆమె కూడా గాయపడింది. ప్రస్తుతం ఆస్పత్రిలో చికిత్స పొందుతోంది. ప్రాణభయంతో ఎవరూ సాహసం చేసి ముందుకు వెళ్లలేని ఘటన.. అయినా ఆ బాలిక వెనక్కి తగ్గకుండా తన స్నేహితురాలి ప్రాణాలు కాపాడేందుకు తన ప్రాణాలను సైతం లెక్కచేయకుండా ఎదురొడ్డి నిలవడం అందరినీ ఆశ్చర్యపరుస్తోంది. తనకేమవుతుందోనన్న ఆలోచన కంటే స్నేహితురాలి ప్రాణాలను కాపాడాలన్న తపనే ఆ సమయంలో లక్ష్మిలో కనిపించింది. ఇదీ చ‌ద‌వండి: రంపాలు మొలుస్తాయిస్నేహానికి నిదర్శనం.. సమాజానికి స్ఫూర్తి సాధారణంగా ప్రమాదం ఎదురైనప్పుడు ప్రాణభయంతో మనుషులు తమను తాము కాపాడుకునేందుకు ప్రయత్నిస్తారు. అలాంటిది ఓ పాఠశాలలో కళ్ల ముందే స్నేహితురాలిపై రంపంతో దాడి జరుగుతుంటే అందరూ భయంతో పరుగులు తీసిన వేళ.. లక్ష్మీ మాత్రం తన ప్రాణాలను పణంగా పెట్టి అడ్డుకునేందుకు యత్నించింది. ఆమె చేసింది సాహసం మాత్రమే కాదు.. స్నేహానికి, ఆత్మీయతకు, తోటి బాలిక పట్ల బాధ్యతకు నిలువెత్తు నిదర్శనం. జీజీహెచ్‌లో లక్ష్మీ శస్త్రచికిత్స విజయవంతంఅనంతపురం సిటీ: రాప్తాడులో ఉన్మాది హేమంత్‌ రంపం దాడిలో తీవ్రంగా గాయపడిన లక్ష్మీకి అనంతపురం జీజీహెచ్‌ ఆర్థో విభాగం వైద్యులు సోమవారం శస్త్రచికిత్స చేశారు. రాప్తాడు పాఠశాల విద్యార్థిని గోపికపై హేమంత్‌ దాడి చేస్తున్న సమయంలో లక్ష్మీ ధైర్యంగా ఎదుర్కొన్న విషయం విదితమే. హేమంత్‌ దాడిని అడ్డుకునే క్రమంలో ఎలక్ట్రిక్‌ రంపం తగిలి లక్ష్మీ కాళ్లకు లోతైన గాయాలయ్యాయి. ఘటన అనంతరం జీజీహెచ్‌లో అడ్మిషన్‌లో ఉన్న లక్ష్మీకి సోమవారం ఉదయం ఆర్థో విభాగం అసోసియేట్‌ ప్రొఫెసర్‌ బీఎండీ గౌస్‌ నేతృత్వంలో అనస్థీషియా డాక్టర్‌ మధుసూదన్, అసోసియేట్‌ ప్రొఫెసర్‌ డాక్టర్‌ నాగరాజు నాయక్, డాక్టర్‌ సౌజన్య, ఆర్థో, అనస్థీషియా విభాగం పీజీలు, ఓటీ సిబ్బంది దాదాపు రెండు గంటలకు పైగా శ్రమించి శస్త్రచికిత్సను విజయవంతంగా పూర్తి చేశారు. బాలిక పాదంలో తెగిన నరాలు, బొటనవేలి సమీపంలో జాయింట్‌ను శస్త్రచికిత్సలో సరిచేశారు. ఆర్థో విభాగం వైద్యులను జీజీహెచ్‌ ఉన్నతాధికారులు అభినందించారు. ప్రస్తుతం బాలిక ఆరోగ్యం నిలకడగా ఉందని వైద్యులు తెలిపారు.

జగిత్యాల/జగిత్యాలటౌన్‌: ‘అమ్మా నాకు భయమేస్తోంది. నన్ను తీసుకెళ్లండి..’అంటూ పెంచిన తల్లిదండ్రులతో చిన్నారి ఏడ్చిన హృదయవిదారక ఘటన జగిత్యాలలో చోటుచేసుకుంది. జిల్లా కేంద్రానికి చెందిన కాసారపు శ్రీనివాస్, సరిత దంపతులకు సంతానం లేకపోవడంతో హిందూ సాంప్రదాయం ప్రకారం ఓ బాలుడిని దత్తత తీసుకున్నారు. మూడేళ్లు అల్లారుముద్దుగా పెంచుకున్నారు. అయితే చట్టపరంగా దత్తత తీసుకోలేదంటూ ఆ బాలుడిని శిశుసంక్షేమశాఖ అధికారులు శిశుగృహానికి తరలించారు. దీంతో దంపతులు హైకోర్టును ఆశ్రయించారు. ఆ బాలుడిని తల్లిదండ్రులు తీసుకెళ్లవచ్చని ఉత్తర్వులు జారీ చేసింది. కానీ..శిశుగృహ అధికారులు నిరాకరించారు. జరిగిన ఘటనపై ఆ దంపతులు ప్రజావాణిలో ఫిర్యాదు చేసి.. చిన్నారిని చూసేందుకు శిశుగృహానికి వెళ్లారు. వారిని చూసిన బాలుడు పరుగున వచ్చి శ్రీనివాస్‌ చంకనెక్కి తనని తీసుకెళ్లండంటూ అంటూ వెక్కి వెక్కి ఏడ్వడం ఆ దంపతులను కలచివేసింది. దీనిపై రాష్ట్ర మహిళా కమిషన్‌ స్పందించి జిల్లా అధికారులతో సంప్రదించి బాలల హక్కుల కమిషన్‌కు లేఖ రాసింది. మూడేళ్లుగా దంపతుల సంరక్షణలో ఉన్న బాలుడిని వారి నుంచి వేరుచేసి శిశు సంక్షేమ శాఖకు తరలించిన నేపథ్యంలో హైకోర్టు తీర్పు మేరకు చర్యలు తీసుకోవాలని సూచించింది. ఈ ఘటనపై కలెక్టర్‌ సత్యప్రసాద్‌ స్పందించారు. హైకోర్టు ఉత్తర్వుల మేరకు బాలుడిని తల్లిదండ్రులకు అప్పగిస్తామన్నారు. చైల్డ్‌ వెల్ఫేర్‌ కమిటీ అనుమతి, పరిపాలనాపరమైన కారణాలతో జాప్యమైనట్లు తెలిపారు. HEARTBREAKING | INCIDENT JAGTIAL "Please take me away, Mother... I'm scared!" A three-year-old boy cries for his parents at a child welfare centre. Despite a High Court order dated October 16 directing his return, the parents allege authorities are delaying the handover. https://t.co/oGOyIR3mXD— Karthik (@Wanderwthkarth) November 2, 2026

సాక్షి, అనంతపురం జిల్లా: రాప్తాడులో విద్యార్థినులపై ఎలక్ట్రిక్‌ రంపంతో దాడికి పాల్పడిన ఘటన రాష్ట్రవ్యాప్తంగా సంచలనం సృష్టించిన సంగతి తెలిసిందే. ఉన్మాది డుంబు అలియాస్‌ హేమంత్‌పై పోలీసులు ఆదివారం కాల్పులు జరిపారు. ఈ కాల్పుల్లో గాయపడ్డ నిందితుడిని ఆస్పత్రికి తరలించి చికిత్స అందిస్తున్నారు.. అయితే, హేమంత్‌కు కాళ్లు తొలగించే యోచనలో వైద్యులు ఉన్నట్లు సమాచారం. హేమంత్‌కు రెండు కాళ్లలో మూడు బుల్లెట్లు ఇరుక్కున్నాయి. కాళ్ల తొలగింపునకు సర్జరీ చేయనున్నట్లు తెలిసింది.కాగా, నిందితుడిని పట్టుకునేందుకు 25 ప్రత్యేక పోలీసు బృందాలను ఏర్పాటు చేశారు. రాత్రంతా గాలింపు చర్యలు చేపట్టారు. నిందితుడు ఆత్మకూరు సమీపంలోని అడవుల్లో ఉన్నాడనే పక్కా సమాచారంతో పోలీసులు అక్కడికి వెళ్లారు. ఈ క్రమంలో అక్కడ నిందితుడిని గుర్తించి పట్టుకునే ప్రయత్నం చేస్తున్న పోలీసులపై అతడు ఒక్కసారిగా కత్తితో దాడికి యత్నించాడు. దీంతో రాప్తాడు సీఐ వెంకటేశ్వర్లు చేతికి గాయాలయ్యాయి. అయితే ఆత్మరక్షణ కోసం పోలీసులు ఆరు రౌండ్ల కాల్పులు జరపాల్సి వచ్చింది. ఈ కాల్పుల్లో నిందితుడి మోకాళ్లలోకి మూడు బుల్లెట్లు దూసుకెళ్లి తీవ్రంగా గాయపడ్డాడు. వెంటనే అతడిని పట్టుకుని అనంతపురం సర్వజన ఆస్పత్రికి తరలించారు. ప్రస్తుతం అక్కడ చికిత్స పొందుతున్నాడు.రాప్తాడు జిల్లా పరిషత్‌ ఉన్నత పాఠశాలలో శనివారం ఉదయం పదో తరగతి విద్యార్థిని గోపిక తరగతి గదిలో చదువుకుంటుండగా చెట్లు కోసే ఎలక్ట్రిక్‌ రంపంతో హేమంత్‌ విచక్షణారహితంగా దాడి చేసిన విషయం తెలిసిందే. అడ్డుకునేందుకు ప్రయత్నించిన మరో విద్యార్థిని లక్ష్మీపైనా దాడికి తెగబడ్డాడు. దాడిలో తీవ్రంగా గాయపడిన గోపికను మెరుగైన వైద్యం కోసం బెంగళూరులోని మణిపాల్‌ ఆస్పత్రికి తరలించగా, మరో విద్యార్థిని లక్ష్మీ అనంతపురం సర్వజన ఆస్పత్రిలో చికిత్స పొందుతోంది.ఇదీ చదవండి: రాప్తాడు ఘటన నిందితుడు హేమంత్‌పై పోలీసుల కాల్పులు

యాదాద్రి భువనగిరి జిల్లా: శిష్యులుగా నమ్మించి ఇంట్లోకి ప్రవేశించిన ఇద్దరు వ్యక్తులు ఓ పూజారిని దారుణంగా హత్య చేశారు. అనంతరం బంగారం, వెండి ఆభరణాలు, నగదు, కారుతో ఉడాయించారు. అయితే కారులో ఉన్న జీపీఆర్‌ఎస్‌ ఆధారంగా గంటల వ్యవధిలోనే పోలీసులకు పట్టుబడ్డారు. యాదాద్రి భువనగిరి జిల్లా చౌటుప్పల్‌ పట్టణంలో శనివారం అర్ధరాత్రి దాటాక ఈ దారుణ ఘటన చోటుచేసుకుంది. ఆదివారం పోలీసులు, మృతుడి కుటుంబ సభ్యులు తెలిపిన వివరాల ప్రకారం.. భూదాన్‌పోచంపల్లి మండలం జిబ్లక్‌పల్లి గ్రామానికి చెందిన రాళ్లబండి సుధాకర్‌స్వామి (50) కొన్నేళ్ల క్రితం చౌటుప్పల్‌కు వచ్చి బీసీ కాలనీలో ఇల్లు నిర్మించుకున్నాడు. గ్రామ దేవతల పండుగలు చేస్తూ జీవనం సాగిస్తుండేవాడు. పూజలకు సంబంధించిన వ్యవహారాలు చూసుకునేందుకు తన అక్క కుమారుడైన సురేశ్‌ను తన వద్దే ఉంచుకున్నాడు. కామాఖ్య దేవాలయం వద్ద పరిచయం.. సుధాకర్‌స్వామి తరచూ అస్సాంలోని కామాఖ్య దేవాలయానికి వెళ్తుండేవాడు. అక్కడ అతడికి ఒడిశా రాష్ట్రానికి చెందిన పవన్‌ పరిచయమయ్యాడు. పవన్‌ను నమ్మిన సుధాకర్‌స్వామి తన వ్యక్తిగత విషయాలు పవన్‌తో పంచుకున్నాడు. శనివారం సాయంత్రం తర్వాత సుధాకర్‌స్వామి ఇంటికి పవన్‌తో పాటు అతడి మిత్రుడు హర్‌ వచ్చారు. రాత్రికి సుధాకర్‌స్వామి మేనల్లుడు సురేశ్, అతడి భార్య, అందరూ కలిసి భోజనం చేశారు.ఆ తర్వాత సురేశ్‌ భార్యతో కలిసి వారుంటున్న ఇంటి ముందున్న మరో ఇంట్లోకి వెళ్లారు. అర్ధరాత్రి సురేశ్‌కు మెలకువరాగా, సీసీ కెమెరాలు పనిచేయకపోవడంతో పోలీసులకు సమాచారం ఇచ్చాడు. పోలీసులు వచ్చి ఇంట్లోకి వెళ్లి పరిశీలించగా అప్పటికే సుధాకర్‌స్వామి హత్యకు గురై మంచంపై పడి ఉన్నాడు. నిందితులు 130 తులాల బంగారు, 250 తులాల వెండి ఆభరణాలు, రూ.9 లక్షల నగదు తీసుకుని సుధాకర్‌స్వామికి చెందిన కారులోనే పరారయ్యారు. యాదాద్రి భువనగిరి జిల్లా ఎస్పీ అక్షాంశ్‌యాదవ్, డీఎస్పీ పటోళ్ల మధుసూదన్‌రెడ్డి, సీఐ సతీశ్‌రెడ్డి, ఎస్‌ఐ యాదగిరి ఘటనా స్థలాన్ని సందర్శించారు.

చిత్తూరు: తిరుపత్తూరు జిల్లా వానియంబాడి సమీపంలోని కీరసముద్రం సమీపంలోని పుదూరులో నివశిస్తున్న దంపతులకు ఇప్పటికే ఇద్దరు అడ పిల్లలున్నారు. ఆ మహిళ మరోసారి గర్భవతి కాగా కడుపులో ఉన్న శిశువు కూడా ఆడ పిల్ల అని ఆమెకు తెలియవచ్చింది. ఈ విషయం తెలుసుకొని కలత చెందిన కుటుంబ సభ్యులు మరో కుమార్తె పుడుతుందేమో అని భయంతో అబార్షన్‌ చేయించుకోవాలని నిర్ణయించుకుంది. ఇందుకోసం ఆమె ఆంధ్ర రాష్ట్రం చిత్తూరు పట్టణంలోని సంతపేటకు చెందిన గీత, ఇంద్రాని అనే ఇద్దరు మహిళలను సంప్రదించి వారిని తన ఇంటికి పిలిపించుకుంది. శనివారం ఉదయం గర్భవతికి అక్రమంగా గర్భస్రావం చేయడానికి యత్నించారు. ఈ విషయం సమీపంలోని బంధువులకు తెలియడంతో వీటిపై తిరుపత్తూరు జిల్లా ఆరోగ్యశాఖ అధికారులకు సమాచారం అందజేశారు. వెంటనే ఆరోగ్యశాఖ అధికారి శివకుమార్‌ ఆధ్వర్యంలో వైద్య సిబ్బంది ఘటనా స్థలానికి చేరుకొని తనిఖీ చేశారు. అప్పటికే వైద్యాధికారులు వాణియంబాడి పోలీసులకు కూడా సమాచారం అందజేయడంతో పోలీసులు అక్కడకు చేరుకొని విచారణ చేపట్టారు. ఆ సమయంలో చిత్తూరుకు చెందిన గీత, ఇంద్రాని కలిసి ఎటువంటి వైద్యం చదవకుండానే అక్రమ అబార్షన్‌ చేసేందుకు ప్రయతి్నంచినట్లు తెలియ వచ్చింది. దీంతో పోలీసులు గీత, ఇంద్రానిని అరెస్ట్‌ చేసి పోలీస్‌ స్టేషన్‌కు తీసుకెల్లి విచారణ చేస్తున్నారు. మహిళ గర్భంలో ఉన్న శిశువు ఆడ పిల్ల అని చెప్పిన డాక్టర్‌ ఎవరు..? ఎటువంటి వైద్యం చదవకుండా ఇద్దరు మహిళలు అబార్షన్‌ చేసేందుకు యత్నించడంపై పోలీసులు సమగ్ర విచారణ చేస్తున్నారు. అదేవిధంగా చిత్తూరు నుంచి ఇద్దరు మహిళలను రప్పించి స్థానికంగా ఏజెంట్‌గా వ్యవహరిస్తున్న మరో మహిళను కూడా అదుపులోకి తీసుకున్నారు.ఇదీ చ‌ద‌వండి: కొబ్బ‌రికాయ కొట్టి పోలింగ్ ప్రారంభించిన వీర మ‌హిళ‌!

వికారాబాద్: ఆ తల్లి మనసు పాషాణమైంది.. తాను లేకుంటే కన్న కొడుకులు నిరాదరణకు గురవుతారన్న వేదనతో ఉరి వేసి ఇద్దరినీ కడతేర్చింది. తర్వాత తానూ ఉరి వేసుకుని తనువు చాలించింది. ఈ హృదయ విదారక సంఘటన శనివారం మధ్యాహ్నం వికారాబాద్‌ జిల్లా ధారూరు మండలం చింతకుంటలో చోటుచేసుకుంది. స్థానికులు, కుటుంబీకులు తెలిపిన వివరాల ప్రకారం.. గ్రామానికి చెందిన పట్లోళ్ల భూపతిరెడ్డి తొమ్మిదేళ్ల క్రితం రంగారెడ్డి జిల్లా చేవెళ్ల మండలం మడికట్టు గ్రామానికి చెందిన వాసవి (28)ని వివాహం చేసుకున్నాడు. వీరికి సహర్షరెడ్డి (8), వేదార్షరెడ్డి (4) కుమారులు. భార్యాభర్తలు నాలుగేళ్లుగా వికారాబాద్‌లో ఉంటున్నారు. భర్త తాండూరులోని ఓ ప్రైవేటు కళాశాలలో లెక్చరర్‌గా, భార్య వికారాబాద్‌లోని ఓ ప్రైవేటు పాఠశాల లో తెలుగు టీచర్‌గా పనిచేస్తున్నారు. శనివారం ఉదయం భార్యాభర్తలు పిల్లలతో కలిసి చింతకుంట గ్రామానికి వచ్చారు. భార్య, పిల్లలను ఇంట్లో వదిలిపెట్టిన భూపతిరెడ్డి తిరిగి వికారాబాద్‌ వెళ్లిపోయాడు. ఇంట్లో ఉన్న అత్తామామలు పొలం పనులకు వెళ్లారు. పిల్లలతో ఒంటరిగా ఉన్న వాసవి తొలుత కుమారు లిద్దరినీ ఉరివేసి చంపింది. వారు చనిపోయారని నిర్ధారించుకున్న తర్వాత తాను కూడా ఉరివేసుకుని ఆత్మహత్య చేసుకుంది. ఘట న స్థలానికి చేరుకున్న ధారూరు సీఐ రఘురామ్, ఎస్‌ఐ సురేశ్‌ మృతదేహాలను వికారాబాద్‌ ప్రభుత్వ ఆస్పత్రికి తరలించారు.

చదువుల గుడిలో లేదు రక్షణ... పాలకులది ఉదాసీన వీక్షణం! చదువుల తల్లి ఒడిలో నెత్తుటి మడుగులు... కూటమి రాజ్యంలో ఆడపిల్లల గుండెల్లో చావు కేకలు..కడప రూరల్‌ : ‘ఆడపిల్లల జోలికి వస్తే భయపడాలి‘ అంటూ మైకుల ముందు పాలకులు చెప్పే మాటలు కోటలు దాటుతుంటే, క్షేత్రస్థాయిలో ఉన్మాదుల అరాచకాలు మాత్రం బడుల గడపలు దాటి క్లాస్‌రూమ్‌లలోకి చొరబడుతున్నాయి. అనంతపురం జిల్లా రాప్తాడు హైస్కూల్లో పదో తరగతి చదువుకునే బాలికపై ఎలక్ట్రిక్‌ రంపంతో జరిగిన రాక్షస దాడి, కూటమి ప్రభుత్వ చేతకానితనానికి, కుప్పకూలిన శాంతిభద్రతలకు సజీవ సాక్ష్యంగా నిలుస్తోంది. ఎన్నో ఆశలతో, మరెన్నో కలలతో విద్యాసంస్థలకు వెళ్తున్న విద్యారి్థనులకు చావే శరణ్యమనేలా రాష్ట్రంలో మరణ మృదంగం మోగుతుండటంతో యావత్‌ సమాజం తీవ్ర ఆగ్రహావేశాలతో ఊగిపోతోంది.చేతగాని పాలన.. అరాచకానికి పరాకాష్టముఖ్యమంత్రి చంద్రబాబు నాయుడు, మంత్రి లోకేష్‌ పదేపదే శాంతిభద్రతల గురించి ఇచ్చే ఉపన్యాసాలకు, రాష్ట్రంలో రోజురోజుకూ దిగజారుతున్న పరిస్థితులకు ఎక్కడా పొంతన లేకుండా పోయింది. పాలకుల అసమర్థత వల్లే నిందితులకు చట్టాలన్నా, పోలీసులన్నా కనీస భయం లేకుండా పోయింది. ధర్మవరం మండలానికి చెందిన హేమంత్‌ అనే రాక్షసుడు ఏకంగా ప్రభుత్వ బడిలోకి, అదీ క్లాస్‌ రూమ్‌లోకి ఆయుధంతో వచ్చి దాడి చేస్తుంటే అడ్డుకునే నాథుడే కరువయ్యాడు. ఈ దారుణ దాడిలో సదరు బాలిక రక్తపు మడుగులో కుప్పకూలడమే కాకుండా, తోటి విద్యారి్థనులకు కూడా తీవ్ర గాయాలయ్యాయి.విద్యాసంస్థల్లో మరణ మృదంగంకూటమి ప్రభుత్వం ఏర్పడినప్పటి నుంచి రాష్ట్రంలోని ప్రభుత్వ, ప్రైవేట్‌ స్కూళ్లు, కాలేజీల్లో విద్యార్థినులపై వేధింపులు, దాడులు నిత్యకృత్యంగా మారాయి. ఎంతోమంది ఆడపిల్లలు బలవన్మరణాలకు గురవుతుంటే, మరికొందరు ఇలాంటి ఉన్మాదుల చేతిలో బలైపోతున్నారు. రక్షణ కల్పించాల్సిన ప్రభుత్వాలు చేతులెత్తేయడంతో, రాష్ట్రంలో క్రూరుల రాజ్యం నడుస్తోందన్న వానద బలంగా వినిపిస్తోంది. బడికి పంపే ఆడపిల్లలు క్షేమంగా తిరిగి ఇంటికి వస్తారా లేదా అన్న భయాందోళనల్లో తల్లిదండ్రులు కొట్టుమిట్టాడుతున్నారు. ప్రభుత్వ చేతకానితనాన్ని నిరసిస్తూ రాష్ట్రవ్యాప్తంగా తీవ్ర ఆందోళనలు వ్యక్తమవుతున్నాయి. విద్యాశాఖమంత్రి బాధ్యత వహించాలిప్రభుత్వ విద్యను బలోపేతం చేస్తాం, ప్రభుత్వ విద్యారంగాన్ని కాపాడుతామని విద్యాశాఖ మంత్రి లోకేష్‌ ప్రగల్భాలు పలికారు. విద్యార్థుల భవిష్యత్తును.. ప్రభుత్వ విద్యను గాలికి వదిలేశారు. విద్యార్థి సంఘాలకు, ప్రజాస్వామ్యవాదులకు విద్యా సంస్థల ప్రాంగణాల్లోకి అనుమతులు లేకుండా చేశారు. అప్రజాస్వామ్య పరిపాలన సాగిస్తున్నారు. స్కూళ్లు కాలేజీలలో అమ్మాయిలపై జరిగే దాడులకు విద్యాశాఖ మంత్రి బాధ్యత వహించాలి.– జి వలరాజు, రాష్ట్ర అధ్యక్షులు ఏఐఎస్‌ఎఫ్‌విద్యార్థునుల భద్రతపై ఆందోళన..రాప్తాడు లో జరిగిన సంఘటన అమానుషం. దీనికి పూర్తిగా ప్రభుత్వ వైఫల్యమే కారణం.చదువుకునే అమ్మాయిలకు రక్షణ లేకపోవడం ఆందోళన కలుగుతోంది. పాలకులు మాటలతో మసిపూసి మారేడు కాయ చేయకుండా, శాశ్వత చర్యలు చేపట్టాలి.– నాగేంద్ర కుమార్, రాష్ట్ర కార్యదర్శి, డెమోక్రటీవ్‌ స్టూడెంట్‌ ఫెడరేషన్‌

సాక్షి, అనంతపురం జిల్లా: రాప్తాడు హైస్కూల్ ఘటనలో నిందితుడు హేమంత్‌ను పోలీసులు అరెస్ట్‌ చేశారు. ధర్మవరం రైల్వే స్టేషన్‌లో నిందితుడిని అదుపులోకి తీసుకున్న పోలీసులు.. హేమంత్‌ను బాలిక గోపిక బంధువుగా అనుమానిస్తున్నారు. టెన్త్ క్లాస్ విద్యార్థి గోపిక ప్రేమకు నిరాకరించడంతో ఉన్మాదిగా మారిన హేమంత్.. ఎలక్ట్రిక్‌ రంపంతో విచక్షణరహితంగా దాడి చేశాడు.ధర్మవరం మండలం నాగలూరికి చెందిన హేమంత్‌.. తల్లిదండ్రులు చనిపోవడంతో కొన్నాళ్లుగా అయ్యవారిపల్లెలో అక్క దగ్గరే నివాసం ఉంటున్నాడు. కొద్దిరోజులుగా ప్రేమ పేరుతో బాలికను ఉన్మాది వేధిస్తున్నాడు. నిందితుడిని పోలీసులు విచారిస్తున్నారు. రాప్తాడు ప్రభుత్వం పాఠశాలకు ఫోరెన్సిక్‌ బృందం చేరుకుంది. దాడి జరిగిన క్లాస్‌రూమ్‌ను పరిశీలించిన ఫోరెన్సిక్‌ టీమ్‌.. రంపం స్వాధీనం చేసుకుంది.విద్యార్థి సంఘాల ఆందోళన..రాప్తాడు స్కూల్‌ ఘటనను నిరసిస్తూ.. విద్యార్థి సంఘాలు ఆందోళనకు దిగాయి. ప్రభుత్వ స్కూళ్లలో విద్యార్థునులకు భద్రత ఎక్కడుంది?. విద్యార్థునుల కుటుంబాలకు న్యాయం చేయాలి. నిందితుడిని కఠినంగా శిక్షించాలని విద్యార్థి సంఘాలు డిమాండ్‌ చేశాయి.స్కూల్‌లో నిర్మాణ పనులు జరుగుతున్నాయని.. నిర్మాణ పనుల్లో భాగంగా పలువురు స్కూల్‌కు వస్తున్నారని స్కూల్‌ హెడ్‌ మాస్టర్‌ తెలిపారు. క్లాస్‌ రూమ్‌లోనే దాడి జరిగింది. ఆ సమయంలో క్లాస్‌ రూమ్‌లో టీచర్‌ ఉన్నారు. ఉదయం 10:30 గంటలకు ఘటన జరిగిందని హెచ్‌ఎం పేర్కొన్నారు. దాడి చేసిన దుండగుడిని మేం గమనించలేదు. మరో బాలికకు కూడా గాయాలయ్యాయి. దాడికి పాల్పడిన తర్వాత రంపం వదిలేసి పారిపోయాడని స్కూల్‌ హెచ్‌ఎం తెలిపారు.ఇదీ చదవండి: టెన్త్‌ క్లాస్‌ బాలికను రంపంతో కోసిన ఉన్మాది

సాక్షి, అనంతపురం జిల్లా: రాప్తాడులో దారుణం జరిగింది. ప్రభుత్వ పాఠశాలలో 10వ తరగతి విద్యార్థినిపై ఉన్మాది దాడి చేశాడు. బాలిక ముఖంపై రంపంతో విచక్షణరహితంగా దాడి చేశాడు. విద్యార్థినికి తీవ్ర గాయాలు కాగా.. ఆసుపత్రికి తరలించారు. అడ్డుకోబోయిన మరో బాలికకు గాయాలయ్యాయి.క్లాస్‌ రూమ్‌లోనే ఘాతుకానికి పాల్పడిన ఉన్మాది.. బాలికను ఎలక్ట్రిక్‌ రంపంతో విచక్షణరహితంగా కోశాడు. కుడిచేయి తెగిపోగా, ముఖంపై తీవ్ర గాయాలయ్యాయి. బాలిక పరిస్థితి విషమంగా ఉందని వైద్యులు తెలిపారు. విద్యార్థిని ప్రాణాలతో కొట్టుమిట్లాడుతుంది. వైద్యులు అత్యవసర చికిత్స అందిస్తున్నారు. అయ్యవారిపల్లెకు చెందిన బాలికగా గుర్తించారు.బాలికపై దాడి చేసింది ఇతడే..బాలికపై దాడి చేసింది.. ధర్మవరం మండలం నాగలూరికి చెందిన హేమంత్‌గా గుర్తించిన పోలీసులు.. యువకుడిని ధర్మవరం రైల్వేస్టేషన్‌లో అదుపులోకి తీసుకున్నారు. తల్లిదండ్రులు చనిపోవడంతో కొన్నాళ్లుగా అయ్యవారిపల్లెలో అక్క దగ్గరే హేమంత్‌ నివాసం ఉంటున్నాడు. నిందితుడు హేమంత్‌ బాలిక బంధువుగా అనుమానం. టెన్త్‌ క్లాస్‌ విద్యార్థిని గోపిక ప్రేమ నిరాకరించడంతో హేమంత్‌ ఉన్మాదిగా మారాడు.క్లాస్‌ రూమ్‌లోనే దాడి: స్కూల్‌ హెచ్‌ఎంస్కూల్‌లో నిర్మాణ పనులు జరుగుతున్నాయని.. నిర్మాణ పనుల్లో భాగంగా పలువురు స్కూల్‌కు వస్తున్నారని స్కూల్‌ హెచ్‌ఎం తెలిపారు. క్లాస్‌ రూమ్‌లోనే దాడి జరిగింది. ఆ సమయంలో క్లాస్‌ రూమ్‌లో టీచర్‌ ఉన్నారు. ఉదయం 10:30 గంటలకు ఘటన జరిగిందని హెచ్‌ఎం పేర్కొన్నారు. దాడి చేసిన దుండగుడిని మేం గమనించలేదు. మరో బాలికకు కూడా గాయాలయ్యాయి. దాడికి పాల్పడిన తర్వాత రంపం వదిలేసి పారిపోయాడని స్కూల్‌ హెడ్‌ మాస్టర్‌ తెలిపారు.ఘటనపై బంధువుల ఆగ్రహంరంపంతో స్కూల్‌లోకి దుండగుడు ప్రవేశించడంపై బంధువులు ఆగ్రహం వ్యక్తం చేస్తున్నారు. టీచర్లు, సెక్యూరిటీ ఏం చేస్తున్నారు. స్కూల్‌కు కట్టెలు కట్‌ చేసే మిషన్‌ తీసుకొస్తుంటే ఏం చేస్తున్నారు?’’ అంటూ నిలదీశారు. రోజు ఆటోల్లో స్కూల్‌కు వెళ్తుందన్న బాలిక మేనత్త.. ఎవరూ వేధిస్తున్నట్లు తమ పాప చెప్పలేదన్నారు. నిందితుడిని కఠినంగా శిక్షించాలని.. నిందితుడి ఎవరైనా, ఆఖరికి మా బంధువైన కఠినంగా శిక్షించాల్సిందేనని బాలిక మేనత్త అన్నారు.ఇదీ చదవండి: ఏపీకి మరో తుపాను ముప్పు.. 3 రోజులు వర్షాలు

భర్త చేతిలో భార్య దారుణ హత్యకు గురైన ఘటన కోలారు నగరంలోని శ్రీనివాసపురం సర్కిల్‌లో చోటు చేసుకుంది. నగర సమీపంలోని మూరాండహళ్లిలో నివాసం ఉంటున్న స్నేహ(26) హత్యకు గురైన మహిళ. స్నేహను భర్త రామచంద్ర కత్తితో పొడిచి తమ ముగ్గురు పిల్లల ఎదుటే హతమార్చాడు. కోలారు తాలూకా నందంబళ్లి గ్రామానికి చెందిన స్నేహకు కెందట్టి గ్రామానికి చెందిన రామచంద్రతో ఆరేళ్ల క్రితం వివాహమైంది. వీరు కెందట్టిలో నివాసం ఉంటున్నారు. వీరికి ముగ్గురు సంతానం కలిగారు. అయితే రామచంద్ర ఒక హత్య కేసుకు సంబంధించి కొంతకాలంగా జైలులో ఉంటున్నాడు. ఇటీవల స్నేహ జీవనోపాధి కోసం కెందట్టిని వదిలి నగర సమీపంలోని మూరాండళ్లిలో నివాసం ఉంటోంది. కాగా జైలు నుంచి తిరిగి వచ్చిన రామచంద్ర భార్య నడతను అనుమానిస్తూ తరచుగా గొడవ పడేవాడు. ఘటనా స్థలంలో పరిశీలిస్తున్న పోలీసులు ఆదివారం రాత్రి ఇద్దరి మధ్య తీవ్ర స్థాయిలో గొడవ జరిగింది. స్నేహ భర్తపై ఫిర్యాదు చేయడానికి తన ముగ్గురు పిల్లలతో కలిసి ఆటోలో పోలీస్‌ స్టేషన్‌కు బయలుదేరింది. దీంతో రామచంద్ర సినీ ఫక్కీలో వెంబడించి శ్రీనివాసపురం సర్కిల్‌ వద్ద ఆటోను అడ్డగించి స్నేహను ఆటో నుంచి కిందకు దించి తీవ్రస్థాయిలో ఆవేశానికి లోనై కత్తితో పొడిచి చంపాడు. ఘటనను ప్రత్యక్షంగా చూసిన పిల్లలు ముగ్గురు నిర్ఘాంతపోయారు. విషయం తెలిసి గల్‌పేటె పోలీసులు ఘటనా స్థలానికి చేరుకుని పరిశీలించారు. రామచంద్రను అదుపులోకి తీసుకుని కేసు నమోదు చేసుకుని దర్యాప్తు చేస్తున్నారు. ఇదీ చదవండి: మీ కూతురును తీసుకెళ్లండి.. లేకుంటే చంపేస్తాను!

అనంతపురం: కళ్యాణదుర్గ గురుకుల పాఠశాల ప్రిన్సిపాల్‌ వ్యవహార శైలి వివాదాస్పదంగా మారింది. బాడీ మసాజ్‌ చేయడంతో పాటు తన వ్యక్తిగత పనులకు, ఇంటి పనులకు సిబ్బందిని పురమాయిస్తుండటం, మాట వినకపోతే వేధింపులకు గురిచేస్తుండటం కలకలం రేపుతోంది. ప్రిన్సిపాల్‌ బాడీ మసాజ్‌ చేయించుకుంటున్న దృశ్యం సోషల్‌ మీడియాలో వైరల్‌ అయ్యాయి. బాధితుడు రాసిన లేఖలోని సారాంశం ఇలా ఉంది. కళ్యాణదుర్గంలోని గిరిజన సంక్షేమ బాలుర గురుకుల పాఠశాల ప్రిన్సిపాల్‌గా ఎం.ప్రవీణ్‌కుమార్‌ ఆరు నెలల కిందట బాధ్యతలు స్వీకరించారు. కృష్ణా జిల్లా నుంచి వచ్చిన ఆయన ఇక్కడ ఒంటరిగా ఉంటున్నారు. అయితే ఈయన సిబ్బందితో అనుచితంగా ప్రవర్తిస్తున్నారని, వేధింపులకు గురి చేస్తున్నారనే ఆరోపణలు వెల్లువెత్తుతున్నాయి. బీఎస్సీ, బీఈడీ చేసిన దళవాయి మృత్యుంజయ అవుట్‌సోర్సింగ్‌ కింద అసిస్టెంట్‌ కుక్‌గా పనిచేస్తున్నారు. విద్యార్థులకు వడ్డిస్తున్న భోజనం నాణ్యతగా లేదంటూ మృత్యుంజయను మందలించి.. తన వ్యక్తిగత గదికి పిలిపించుకుని సపర్యలకు వినియోగించుకుంటున్నారు. రోజూ రాత్రి 8 నుంచి 10.30 గంటల వరకు బాడీ మసాజ్‌ మెషిన్‌ ద్వారా మసాజ్‌ చేయించుకుంటున్నారు. అంతటితో ఆగక ఆయన బట్టలు, లోదుస్తులను కూడా శుభ్రం చేయించుకుంటున్నారు. ఆ పనులు చేయడానికి నిరాకరిస్తే మృత్యుంజయను గేటు బయటే పెట్టి పనిష్మెంట్ ఇస్తున్నారు. విధిలేని పరిస్థితుల్లో అయిష్టంగా పనులు చేయాల్సి వస్తోందని అసిస్టెంట్‌ కుక్‌ చెబుతున్నాడు. తన భార్యకు ఆరోగ్యం బాగలేదని, ఇంటికెళ్తానని చెప్తే పంపకుండా వేధిస్తున్నాడని తెలిపాడు. ప్రిన్సిపాల్‌ తీరుతో విసిగిపోయిన అసిస్టెంట్‌ కుక్‌ ఈ నెల 22వ తేదీన తన బాధనంతా ఓ లేఖలో రాసి ఎస్టీ కమిషన్‌ సభ్యుడు వెంకటప్ప, స్థానిక ఎమ్మెల్యే దృష్టికి తీసుకుపోయారు. ప్రిన్సిపాల్‌ వేధింపులు తాళలేక ఓ మహిళా సిబ్బంది తన ఉద్యోగానికి రాజీనామా చేసి వెళ్లిపోయిందని, పాఠశాలలో తనకు అనుకూలంగా లేని ఉపాధ్యాయులకు ఏదో ఒక సాకుతో మెమోలు ఇచ్చి వారి నుంచి బలవంతంగా డబ్బు వసూలు చేస్తూ వేధిస్తున్నాడని లేఖలో ఆరోపించాడు. ఈ క్రమంలోనే ప్రిన్సిపాల్‌కు బాడీ మసాజ్‌ చేస్తున్న వీడియో ఒకటి సోషల్‌ మీడియాలో వైరల్‌ అయ్యింది. ఈ ఘటనకు సంబంధించి గిరిజ సంక్షేమ శాఖ అధికారులు విచారణ సైతం చేపట్టారు.ప్రిన్సిపాల్‌ ప్రవీణ్‌ కుమార్‌ (ఫైల్‌) అవును.. కొంతసేపు చేయించుకున్నా.. నేను స్వగ్రామం వెళ్లి వచ్చినపుడు ఒంట్లో నలతగా ఉంటే అవుట్‌ సోర్సింగ్‌ ఉద్యోగి అయిన వాచ్‌మెన్‌ (అసిస్టెంట్‌ కుక్‌) మృత్యుంజయతో బాడీ మసాజ్‌ మిషన్‌ ద్వారా కొంతసేపు మసాజ్‌ చేయించుకున్నాను. ఇష్టపూర్వకంగా చేస్తాడనే అనుకున్నాను. కానీ అతను ఇలా చేస్తాడని అనుకోలేదు. పాఠశాలలో శుభ్రంగా ఉండాలని అతనికి చెప్పాను. ఇది నచ్చక.. నాపై అనవసరంగా ఆరోపణలు చేస్తూ రాద్ధాంతం చేస్తున్నాడు. – ఎం.ప్రవీణ్‌ కుమార్, ప్రిన్సిపాల్, ఎస్టీ గురుకుల పాఠశాల ఉన్నతాధికారులకు నివేదించాం కళ్యాణదుర్గం గిరిజన సంక్షేమ గురుకుల పాఠశాల ప్రిన్సిపాల్‌పై వచ్చిన ఆరోపణలపై సిబ్బందిని విచారించాం. అవుట్‌ సోర్సింగ్‌ సిబ్బందితో మసాజ్‌ చేయించుకోవడం తప్పు. ప్రిన్సిపాల్‌ వివరణనూ తీసుకున్నాం. రాష్ట్రస్థాయి ఉన్నతాధికారులకు నివేదించాం. – ఎం.శ్రీనివాసరావు, డీటీడబ్ల్యూఓ, అనంతపురం

చిలకలూరిపేట: మాజీ మంత్రి విడదల రజినిపై దౌర్జన్యానికి పాల్పడిన చిలకలూరిపేట రూరల్‌ ఎస్‌ఐ కె . లేఖా ప్రియాంకపై ఎస్‌ఈసీ శాఖాపరమైన చర్యలకు ఆదేశించింది. శుక్రవారం జరిగిన సంఘటన గురించి మీడియా ద్వారా తెలుసుకున్న ఎన్నికల సంఘం సంబంధిత ఎస్‌ఐపై శాఖాపరమైన చర్యలు తీసుకోవాలని పల్నాడు జిల్లా ఎస్పీని ఆదేశించింది. ఈ నేపథ్యంలో ఎస్‌ఐను ఎన్నికల విధులతోపాటు అన్ని విధుల నుంచి కూడా ఎస్పీ తప్పించారు. ఆమెను వీఆర్‌కు పంపినట్లు సమాచారం.

సాక్షి, ఏలూరు జిల్లా: దెందులూరులో ఉద్రిక్తత నెలకొంది. మండల ప్రజా పరిషత్ కార్యాలయం దగ్గర టీడీపీ గూండాలు అరాచకం సృష్టించారు. రెచ్చిపోయిన టీడీపీ రౌడీలు.. వైఎస్సార్‌సీపీ నేతల నామినేషన్లను అడ్డుకున్నారు. వైఎస్సార్‌సీపీ నేతలను నిర్బంధించారు. టీడీపీ మూకలు దాడులు చేస్తున్నా పోలీసులు పట్టించుకోలేదు. సాక్షి టీవీ స్థానిక ప్రతినిధి ప్రసాద్‌పై చింతమనేని దాడి చేశారు. ప్రసాద్‌ చొక్కా చించి ఫోన్‌ లాక్కున్న చింతమనేని దౌర్జన్యానికి దిగారు.వైఎస్సార్‌సీపీ ఎంపీటీసీ అభ్యర్థుల నామినేషన్లను పోలీసులు అడ్డుకుంటున్నారు. పులివెందుల నియోజకవర్గం వేముల మండలం ఎనిమిది మంది ఎంపీటీసీ మహిళా అభ్యర్థులను పోలీసులు అడ్డుకున్నారు. 8 మంది వైఎస్సార్‌సీపీ ఎంపీటీసీ అభ్యర్థులు, ప్రపోజల్స్‌ని మాత్రమే నామినేషన్ వేయడానికి అనుమతించాలని వైఎస్సార్‌సీపీ నేతలు వేడుకుంటున్నారు.కడప-పులివెందుల రోడ్డుపై కూర్చుని వైఎస్సార్‌సీపీ నేతలు శాంతియుత నిరసన తెలుపుతున్నారు. వందల సంఖ్యలో టీడీపీ నేతలను అనుమతిస్తూ.. వైఎస్సార్‌సీపీ నేతలను నామినేషన్ వేసే అభ్యర్థితో పాటు ప్రపోజల్స్‌ని కూడా నామినేషన్ సెంటర్లకు పోలీసులు వెళ్లనివ్వడం లేదు. ప్రజాస్వామ్యాన్ని కాపాడాలని వైఎస్సార్‌సీపీ నేతలు నినాదాలు చేస్తున్నారు.ఇదీ చదవండి: ఎంపీ వైఎస్‌ అవినాష్‌రెడ్డి అరెస్ట్‌

ఆంధ్రప్రదేశ్‌: శ్రీకాకుళం జిల్లా రూరల్‌ మండలం పెదగనగళ్లవానిపేట వద్ద సముద్రంలో మునిగి నలుగురు మృతిచెందారు. పోలీసుల కథనం ప్రకారం.. శ్రీకాకుళం కొత్తరోడ్‌ జంక్షన్‌ వద్ద నెక్స్‌్టఎరా ప్రైవేట్‌ లిమిటెడ్‌ కంపెనీ ఆన్‌లైన్, సోషల్‌ మీడియాలో వచ్చే ఉత్పత్తుల విక్రయానికి సంబంధించి 125 మంది యువతీ యువకులకు వారం రోజులుగా శిక్షణ ఇస్తోంది.దసరా సందర్భంగా మంగళవారం సెలవు ప్రకటించడంతో విజయనగరం జిల్లా రామభద్రాపురం ప్రాంతానికి చెందిన మర్రి మహేశ్వరి (18), గొల్లపల్లి పావని (19), కొండ్ల మాధవి (19), పార్వతీపురం మన్యం జిల్లా వీరఘట్టంకు చెందిన బిడ్డిక విక్రమ్‌ (25) మరో 21 మందితో కలిసి పెదగనగళ్లవానిపేట బీచ్‌కు వెళ్లారు. అక్కడ నాగావళి, సముద్రం కలిసే ప్రాంతమైన ‘మగ’ వద్ద సెల్ఫీలు తీసుకుంటుండగా మహేశ్వరి, పావని కొట్టుకుపోయి మృతిచెందారు. మాధవి అనే యువతి కూడా కొట్టుకుపోతుండగా బిడ్డిక విక్రమ్‌ అనే యువకుడు రక్షించేందుకు వెళ్లాడు. అయితే ఇద్దరూ గల్లంతయ్యారు. వీరిద్దరి మృతదేహాలు బుధవారం తీరానికి చేరాయి. రూరల్‌ ఎస్‌ఐ సురేష్‌ కేసు నమోదు చేశారు.ఇదీ చదవండి: బిష్ణోయ్‌ కేసు.. కేంద్రం నిబంధనలు అతనికి ఎలా ప్లస్ అవుతున్నాయి?

సాక్షి, కృష్ణా జిల్లా: దీపావళి టపాసుల మోత ఓ చిన్నారి ప్రాణం తీసింది. సరదాగా కాల్చిన టపాసుల కారణంగా కెమికల్‌ డ్రమ్‌ పేలడంతో పదేళ్ల బాలుడు అక్కడికక్కడే మృతి చెందాడు. టపాసులు కాల్చే క్రమంలో చోటుచేసుకున్న ఈ విషాద ఘటన స్థానికంగా తీవ్ర విషాదాన్ని నింపింది.స్థానికంగా అందిన సమాచారం ప్రకారం.. ఓ బాలుడు చెక్కకు పాలిష్‌ వేసేందుకు ఉపయోగించే డ్రమ్‌పై టపాసులు పెట్టడంతో ఈ ప్రమాదం చోటుచేసుకుంది. టపాసులు పేలడంతో డ్రమ్‌లోని రసాయనాలు స్పందించి భారీ శబ్దంతో అది పేలిపోయినట్లు తెలుస్తోంది. ఈ ఘటనలో కురుమిల్లి త్రిలోక్‌ అనే పదేళ్ల బాలుడు తీవ్రంగా గాయపడి అక్కడికక్కడే ప్రాణాలు కోల్పోయాడు.ఘటనతో కుటుంబ సభ్యులు కన్నీరుమున్నీరుగా విలపించారు. సమాచారం అందుకున్న పోలీసులు కేసు నమోదు చేసి ప్రమాదానికి దారితీసిన పరిస్థితులపై దర్యాప్తు చేపట్టారు. టపాసులు కాల్చేటప్పుడు జాగ్రత్తలు పాటించకపోతే ఎంతటి ప్రమాదం ఎదురవుతుందో ఈ ఘటన మరోసారి గుర్తుచేస్తోంది. డ్రమ్‌లు, రసాయన పదార్థాలు, మండే వస్తువులకు సమీపంలో బాణసంచా కాల్చకూడదని నిపుణులు సూచిస్తున్నారు.

హైదరాబాద్‌: అశోక్‌నగర్‌లో బుధవారం రాత్రి వ్యక్తి దారుణ హత్య తీవ్ర కలకలం రేపింది. నారాయణగూడ, హిమాయత్‌నగర్‌ వెళ్లే బ్రిడ్జి సమీపంలో కిరాణా షాపు పక్కన నిద్రిస్తున్న సుభాష్‌ (40)పై గుర్తుతెలియని వ్యక్తులు దాడి చేశారు. సుత్తితో ముఖం, తలపై విచక్షణారహితంగా కొట్టగా అతడు తీవ్ర గాయాలతో అక్కడికక్కడే మృతి చెందాడు. సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. మృతదేహాన్ని గాంధీ మార్చురీకి తరలించారు. మృతుడు సుభాష్‌ వద్ద ఎలాంటి ఆధారాలు లభించలేదు. బీఎస్‌ఎస్‌ సెక్షన్‌ 103(1) కింద కేసు నమోదు చేసిన పోలీసులు దర్యాప్తు చేపట్టారు. హత్యకు కారణాలు, నిందితుల వివరాలు తెలుసుకునేందుకు వివిధ కోణాల్లో విచారణ జరుపుతున్నారు. గాలింపు చర్యలు చేపట్టామని చిక్కడపల్లి ఇన్‌స్పెక్టర్‌ ఎల్‌.మధుబాబు తెలిపారు. ఘటనాస్థలాన్ని డీసీపీ రక్షితక్రిష్ణమూర్తి, అడిషనల్‌ డీసీపీ జోగుల నర్సయ్య, ఏసీపీ రణధీర్‌రెడ్డి, క్లూస్‌ బృందం పర్యేవేక్షించారు. ఇదీ చదవండి: HYD: మటన్‌ బిర్యానీలో మనిషి దంతం

జార్జియా: అమెరికాలోని జార్జియా రాష్ట్రంలో గల ప్రముఖ వినోద కేంద్రం ‘సిక్స్ ఫ్లాగ్స్ ఓవర్ జార్జియా’ థీమ్ పార్క్‌లో ఘోర ప్రమాదం చోటుచేసుకుంది. పార్క్‌లోని ‘గోలియత్’ రోలర్ కోస్టర్‌పై ప్రయాణిస్తున్న సమయంలో జరిగిన ప్రమాదంలో ఒక వ్యక్తి ప్రాణాలు కోల్పోగా, పలువురు గాయపడ్డారు. అట్లాంటా నగరానికి సుమారు 24 కిలోమీటర్ల (15 మైళ్లు) దూరంలో ఉన్న ఈ పార్క్‌లో జరిగిన ఈ సంఘటన స్థానికంగా కలకలం రేపింది.ప్రత్యక్ష సాక్షుల కథనం ప్రకారం, రోలర్ కోస్టర్ వేగంగా వెళ్తున్న సమయంలో ఒక వ్యక్తి రైడ్ నుంచి కిందపడి, అక్కడే ఉన్న హాంటెడ్ హౌస్ పైకప్పుపై పడ్డాడు. ప్రమాదం జరిగిన వెంటనే గోలియత్ రోలర్ కోస్టర్ మార్గమధ్యంలోనే నిలిచిపోయింది. వెంటనే స్పందించిన రెస్క్యూ సిబ్బంది, అందులో చిక్కుకున్న ఇతర సందర్శకులను మెట్ల మార్గం ద్వారా సురక్షితంగా కిందకు దించారు. ప్రమాదానికి గల కారణాలు ఇంకా వెల్లడి కాలేదని, కాబ్ కౌంటీ పోలీసు విభాగం ఈ ఘటనపై సమగ్ర దర్యాప్తు జరుపుతోందని అధికారులు తెలిపారు.ఈ విషాద ఘటనపై సిక్స్ ఫ్లాగ్స్ ఓవర్ జార్జియా యాజమాన్యం తీవ్ర విచారం వ్యక్తం చేసింది. మరణించిన వ్యక్తి కుటుంబ సభ్యులకు, ఆప్తులకు ప్రగాఢ సానుభూతి తెలియజేస్తూ, దర్యాప్తు సంస్థలకు పూర్తి సహకారం అందిస్తున్నట్లు ఒక ప్రకటనలో పేర్కొంది. స్థానిక మేబుల్‌టన్ నగర మేయర్ మైఖేల్ ఓవెన్స్ మాట్లాడుతూ, నగర ప్రజా భద్రతా విభాగం, పోలీసులు పార్క్ భద్రతా సిబ్బందితో కలిసి సంయుక్తంగా పరిస్థితులను సమీక్షిస్తున్నారని వెల్లడించారు.2006లో ప్రారంభమైన ఈ ‘గోలియత్’ రోలర్ కోస్టర్ సుమారు 200 అడుగుల (60 మీటర్లు) ఎత్తు, 170 అడుగుల డ్రాప్‌తో పాటు గంటకు 112 కిలోమీటర్ల (70 mph) గరిష్ట వేగంతో నడుస్తుంది. పలు మలుపులతో సాగే ఈ రైడ్‌ను సిక్స్ ఫ్లాగ్స్ తమ థ్రిల్ స్కేల్‌లో 5కి 4 రేటింగ్‌గా వర్గీకరించింది. ఇటీవల కాలంలో వినోద పార్కుల్లో భద్రతా ప్రమాణాలపై అనేక ఆందోళనలు వ్యక్తమవుతున్న నేపథ్యంలో ఈ తాజా ప్రమాదం చోటుచేసుకోవడం చర్చనీయాంశంగా మారింది.ఇదీ చదవండి: 13 వేల పెన్నులతో దుర్గామాత.. జనం క్యూ!

హైదరాబాద్: వివాహం చేసుకో అని సలహా ఇచ్చిన మహిళపై ఓ వ్యక్తి కత్తితోదాడిచేసి హత్యచేశాడు. అల్లాపూర్‌ సీఐ నవీన్‌కుమార్‌ తెలిపిన మేరకు.. బీదర్‌కు చెందిన అంజలి అక్క, బావలతో కలిసి బబ్బుగూడలో నివాసముంటోంది. ఈమె భర్త సాగర్‌ ఓ కేసులో రెండేళ్లపాటు జైలులో ఉన్నాడు. ఆ సమయంలో సాగర్‌ స్నేహితుడు ఆటో డ్రైవర్‌ అశ్విన్ (25), అంజలి మధ్య వివాహేతర సంబంధం ఏర్పడింది. ఈ క్రమంలో ఇద్దరం కలిసి జీవిద్దామని అశ్విన్ పట్టుబట్టాడు. అయితే అంజలి అందుకు ఒప్పుకోలేదు. మరొకరిని పెళ్లిచేసుకోవాలని సలహాచెప్పింది. దీంతో ఆగ్రహించిన అశ్విన్ ఈనెల 10న కత్తితో దాడి చేశాడు. రక్షించేందుకు సోదరి అశ్విని యత్నించగా ఆమెపై కూడా దాడిచేశాడు. స్థానికులు ఆసుపత్రికి తరలించగా అంజలి చికిత్స పొందుతూ సోమవారం మృతి చెందింది.

కాకినాడ: లే కన్నా.. ఇంటికెళ్దాం అంటూ కొడుకు మృతదేహం వద్ద ఓ తల్లి రోదించిన తీరు అందరినీ కంటతడి పెట్టించింది. అల్లారు ముద్దుగా పెంచుకున్న కొడుకు అచేతనంగా పడి ఉండడం చూసిన ఆ తల్లి హృదయం తల్లడిల్లిపోయింది. చెరువులో పడి ఓ బాలుడి మృతి చెందిన ఘటన నీలాద్రిపేట గ్రామంలో చోటుచేసుకుంది. ఆ వివరాల్లోకి వెళ్తే.. గండేపల్లి మండలం నీలాద్రిరావుపేటకు చెందిన కాసా వరలక్ష్మీ, సత్తిబాబు దంపతులు. సత్తిబాబు తాపీ పనిచేస్తూ కుటుంబాన్ని పోషిస్తున్నాడు. వీరి తొమ్మిదేళ్ల కుమారుడు కాసా యశ్వంత్‌ సింగర సూర్య మూడో తరగతి వరకు చదువుకున్నాడు. అక్కడి నుంచి చదువు మానేశాడు. సొంత గేదెలను మేపుతూ ఉండేవాడు. సోమవారం ఇంటికి సమీపంలోని సూరయ్య చెరువులో వాటికి తాగునీటి కోసం తోలుకు వెళ్లేవాడు. గేదెలను చెరువులోకి తోలుకు వెళ్లి వాటి వెంట తాను కూడా చెరువులోకి దిగాడు. ఈ నేపథ్యంలో నీటిలో మునిగిపోతుండగా, వెంట వెళ్లిన తమ్ముడు దిలీప్‌ వాళ్ల అమ్మమ్మ మంగకు చెప్పాడు. ఆమె కేకలు గమనించిన స్థానిక యువకులు హుటాహుటిన చెరువులోకి దిగి బాలుడి కోసం గాలించారు. సుమారు రెండు గంటల అనంతరం సింగర సూర్యను వెలికితీసి, జెడ్‌.రాగంపేట పరిధిలోని సీహెచ్‌సీకి తరలించారు. వైద్యులు పరీక్షించి అప్పటికే మృతి చెందినట్టు ధ్రువీకరించారు. ఇదిలా ఉండగా తల్లిదండ్రులు వరలక్ష్మి, సత్తిబాబు రాజవొమ్మంగి పరిధి లబ్బర్తిలో బాలుడి నాన్నమ్మ మృతి చెందడంతో అక్కడకు వెళ్లారు. జరిగిన సంఘటన తెలిసిన వెంటనే తల్లి సీహెచ్‌సీకి వచ్చి.. లే నాన్నా అంటూ విలపించింది. మృతుడి బంధువుల ఫిర్యాదు మేరకు కేసు నమోదు చేయనున్నట్టు పోలీసులు తెలిపారు. ఇదీ చదవండి: 3 టిఫిన్ల బిల్లు రూ.795

సిద్ధిపేట జిల్లా: కత్తితో పొడిచి చంపేస్తానని బెదిరి స్తుండడంతో కోపంతో ఊగిపోయిన భార్య కారం పొడి చల్లి తాడుతో చెట్టుకు కట్టేసి భర్తను చంపేసింది. ఈ ఘటన సిద్దిపేట జిల్లా అక్కన్నపేట మండలం సేవాలాల్‌ మహారాజ్‌తండా గ్రామంలో ఆదివారం చోటుచేసుకుంది. గ్రామస్తుల వివరాల ప్రకారం.. తండాకు చెందిన రాజేశ్వరికి ఒక కూతురు ఉంది. భర్త చనిపోవడంతో 15 ఏళ్ల క్రితం నర్మెట మండలం మలకపేట్‌తండాకు చెందిన బానోతు భగవాన్‌ (43)తో వివాహం అయ్యింది. వీరిద్దరికి ఇద్దరు కుమార్తెలు, ఒక కుమారుడు ఉన్నారు. అయితే రాజేశ్వరి–భగవాన్‌ దంపతుల మధ్య తరచు గొడవలు జరుగుతున్నాయి. ఈ క్రమంలో ఆదివారం రాజేశ్వరి తల్లిగారింటికి వచ్చింది. భగవాన్‌ అక్కడకు వచ్చి కత్తితో అందరిని పొడిచి చంపేస్తానని బెదిరించాడు. దీంతో విసిగిపోయిన రాజేశ్వరి తన భర్తనుచెట్టుకు కట్టేసింది. ఆ తర్వాత కర్రతో పాటు పక్కనే ఉన్న బండరాళ్లతో కిరాతకంగా కొట్టి చంపేసింది. ఆ తర్వాత భర్తను తనే చంపేశానని నేరుగా పోలీస్‌స్టేషన్‌కు వెళ్లి లొంగిపోయింది. రాజేశ్వరికి మొదటి భర్తకు జన్మించిన కూతురును భగవాన్‌ వేధిస్తుండడంతో హత్య చేసినట్టు పోలీసులు అనుమానిస్తున్నారు.

హైదరాబాద్: పుట్టుకతోనే తన చిన్న కూతురు మలద్వారం లేకుండా జన్మించడంతో ఆసుపత్రుల చుట్టూ తిరుగుతూ చికిత్స చేయించలేక హుస్సేన్‌ సాగర్‌లో తోసేసి పరారైన విషయం తెలిసిందే. ఆటో డ్రైవర్‌ గమనించి పాపను కాపాడారు. దోమలగూడ పోలీసులు పరారీలో ఉన్న షబానాను అదుపులోకి తీసుకుని విచారించారు. ఐదేళ్ల క్రితమే భర్త రెహమాన్‌ వదిలేసి వెళ్లడంతో, షబానా ఇళ్లలో పనిచేస్తూ ఇద్దరు కుమార్తెలు మహేక్, రుక్సానాలను పోషిస్తోంది. ఆరేళ్లుగా గాంధీ ఆసుపత్రి చుట్టూ తిరిగినా ఆపరేషన్‌కు నిర్ణీత వయస్సు రావాలని వైద్యులు చెప్పడం, వైద్య పరీక్షలు చేయించలేక విసుగు చెందడంతోనే ఈ దారుణానికి ఒడిగట్టినట్లు విచారణలో ఒప్పుకుంది. ప్రస్తుతం తండ్రి రెహమాన్‌ గుంటూరులో పనిచేస్తున్నట్లు ఇన్‌స్పెక్టర్‌ అంజద్‌ అలీ తెలిపారు. చైల్డ్‌ ఉమెన్‌ వెల్ఫేర్‌ కమిటీ, పోలీసుల సహకారంతో చిన్నారికి గాంధీ ఆసుపత్రిలో శస్త్రచికిత్స జరిగేలా చర్యలు తీసుకుంటున్నారు.

ఏలూరు టౌన్‌ : శారీరక లోపాన్ని దాచిపెట్టి వివాహం చేసుకోవడంతో పాటు సంతానం కోసం తన స్నేహితుడితో సంబంధం పెట్టుకోవాలని కట్టుకున్న భార్యనే వేధించిన దారుణ ఘటన ఏలూరులో వెలుగుచూసింది. ఇందుకు నిరాకరించిన ఆమెను హతమార్చేందుకు యత్నించిన భర్త, అత్తమామలపై ఆమె పోలీసులకు ఫిర్యాదు చేసింది. పోలీసుల వివరాల ప్రకారం.. ఏలూరు పవర్‌పేట వాసుదేవాలయం సమీపంలో నివాసం ఉండే యువతి (21)కు తెనాలికి చెందిన దిలీప్‌తో ఏలూరులో వివాహం జరిగింది.పెళ్లి సమయంలో యువతి తల్లిదండ్రులు 15 కాసుల బంగారం, కిలోన్నర వెండి వస్తువులు, పెళ్లి ఖర్చుల నిమిత్తం రూ.5 లక్షల నగదు ఇవ్వడంతో పాటు సుమారు రూ.13 లక్షలు ఖర్చు చేసి ఘనంగా వివాహం జరిపించారు. అయితే వివాహమైన నాటి నుంచి దిలీప్‌ భార్యతో దాంపత్య జీవితానికి దూరంగా ఉంటున్నాడు. చికిత్స చేయించుకుని మందులు వాడి ఆపరేషన్‌ చేయించుకున్నా ఫలితం లేకపోయింది. ఈ క్రమంలో బెంగళూరులోని ఓ హోటల్లో బస చేసిన సమయంలో తన స్నేహితుడితో శారీరకంగా కలిస్తే సంతానం కలుగుతుందని భార్యపై ఒత్తిడి తెచ్చాడు. ఇందుకు ఆమె నిరాకరించడంతో ఆగ్రహానికి గురైన దిలీప్‌ దిండుతో ఆమె ముఖంపై అదిమి ఊపిరాడకుండా చేసి చంపబోయాడు. అలాగే భర్త చెప్పినట్టు వినాలని అత్త , మామ కూడా ఆమెపై ఒత్తిడి తెచ్చారు. భర్త నుంచి విడిపోవాలనుకుంటే అదనంగా డబ్బులు తీసుకురావాలని డిమాండ్‌ చేశారు. వారి మానసిక వేధింపులు తాళలేక బాధితురాలు తిరిగి ఏలూరు చేరుకుని మహిళా పోలీస్‌స్టేషన్‌లో ఫిర్యాదు చేసింది. అయితే కౌన్సెలింగ్‌ సమయంలో అత్తింటి వారు ఇచ్చిన హామీలను నమ్మి ఆ ఫిర్యాదును వెనక్కి తీసుకుంది. ఆ తర్వాత పెద్దల సమక్షంలో మాట్లాడుకునేందుకు బంధువులతో కలిసి తెనాలిలోని అత్తింటికి వెళ్లగా ఇంటికి తాళం వేసి ఉంది. ఫోన్‌ చేసినా భర్త, అత్తమామలు స్పందించలేదు. దీంతో ఆమె మరలా పోలీసులను ఆశ్రయించింది. ఆమె ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

సాక్షి, తిరుపతి: తిరుపతిలో దారుణ సంఘటన వెలుగుచూసింది. తన భార్యను కాపురానికి పంపకపోతే మనవరాలి నగ్న ఫొటోలను సోషల్ మీడియాలో పోస్ట్ చేస్తానని అత్తను బెదిరించిన అల్లుడిని తిరుపతి గ్రామీణ పోలీసులు అరెస్టు చేశారు.చిత్తూరు జిల్లా పుంగనూరు సమీపంలోని కొత్తపల్లికి చెందిన బిరుదాల ఈశ్వర్‌రెడ్డి (35) కొంతకాలంగా తుమ్మలగుంటలో నివసిస్తున్నాడు. గతంలో ఓ మహిళను వివాహం చేసుకుని ఆమెతో విడిపోయాడు. చదువుకునే రోజుల్లో పరిచయమున్న రామానుజపల్లికి చెందిన కిన్నెరను రెండో వివాహం చేసుకున్నాడు. కిన్నెర కూడా తన మొదటి భర్తతో విడిపోయి కుమార్తెను తీసుకుని ఈశ్వర్‌రెడ్డితో కలిసి జీవించింది.బాలికపై అత్యాచారయత్నం.. తొలి కేసుగతేడాది జనవరిలో కిన్నెర కుమార్తెపై ఈశ్వర్‌రెడ్డి అత్యాచారయత్నానికి పాల్పడ్డాడు. దీంతో తిరుపతి గ్రామీణ పోలీసులు పోక్సో కేసు నమోదు చేసి అతడిని అరెస్టు చేసి జైలుకు పంపారు. అనంతరం బెయిల్‌పై బయటకు వచ్చిన ఈశ్వర్‌రెడ్డి.. భార్య కిన్నెరను తిరిగి తన వద్దకు రావాలని కోరాడు. అందుకు ఆమె నిరాకరించడంతో.. తన భార్యను కాపురానికి రాకుండా ఆమె తల్లి కమలమ్మ అడ్డుకుంటోందని భావించాడు. ఈ క్రమంలో కమలమ్మపై సీసాతో దాడి చేశాడు. ఈ ఘటనపై తిరుపతి పడమర పోలీసులు కేసు నమోదు చేశారు.అత్తపై వరుసగా ఒత్తిడిదాడిలో గాయపడిన కమలమ్మ ఆస్పత్రిలో చికిత్స తీసుకుని ఇంటికి వచ్చిన నెల రోజుల తర్వాత ఈశ్వర్‌రెడ్డి అక్కడికి వెళ్లాడు. కూతురిని తన వద్దకు పంపాలని ఆమెను బెదిరించాడు. దీనిపై కమలమ్మ ఫిర్యాదు చేయడంతో అతడిపై మరో కేసు నమోదైంది. ఈ పరిణామాల నేపథ్యంలో కమలమ్మ తన కుమార్తె కిన్నెరను దుబాయ్‌కి పంపించింది. మనవరాలిని మాత్రం తన వద్దే ఉంచుకుంది. దీంతో ఆగ్రహానికి గురైన ఈశ్వర్‌రెడ్డి.. కిన్నెరను దుబాయ్‌ నుంచి తిరిగి పిలిపించకపోతే బాలిక నగ్న ఫొటోను సామాజిక మాధ్యమాల్లో వైరల్‌ చేస్తానంటూ కమలమ్మను బెదిరించాడు.మార్ఫింగ్‌ చేసి బంధువులకు పంపి..అంతటితో ఆగకుండా బాలిక ఫొటోను మార్ఫింగ్‌ చేసి నగ్న ఫొటోగా మార్చి బంధువులకు పంపించాడు. దీంతో భయాందోళనకు గురైన కమలమ్మ పోలీసులను ఆశ్రయించింది. ఆమె ఫిర్యాదు మేరకు పోలీసులు మరోసారి పోక్సో చట్టం కింద కేసు నమోదు చేసి ఈశ్వర్‌రెడ్డిని అరెస్టు చేశారు.

సాక్షి, విజయవాడ: అరండల్ పేటలో దారుణం జరిగింది. మహిళ దారుణ హత్యకు గురైంది. మృతురాలిని సునీతగా గుర్తించారు. నిందితుడు నాగరాజు.. ఆ మహిళను కత్తితో పొడిచి హత్య చేశాడు. ఇద్దరి మధ్య పెనుగులాటలో నాగరాజుకు కూడా గాయాలయ్యాయి. సునీతను హత్య చేసిన తర్వాత ఇంటి పక్కనే ఉన్న కాలువలోకి దూకి.. నిందితుడు ఆత్మహత్యాయత్నం చేశాడు.నాగరాజును అదుపులోకి తీసుకున్న పోలీసులు ఆసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు. వివాహేతర సంబంధమే హత్యకు కారణమని పోలీసులు భావిస్తున్నారు.ఇదీ చదవండి: ఘోర రోడ్డు ప్రమాదం.. ముగ్గురు టెన్నిస్‌ ప్లేయర్లు మృతి

శ్రీకాకుళం : ఆపరేషన్‌ వికటించడం వల్ల బాలింత మృతి చెందిందంటూ కుటుంబ సభ్యులు, బంధువులు ఆందోళన చేపట్టారు. బాధిత కుటుంబ సభ్యులు తెలిపిన వివరాల ప్రకారం.. శ్రీకాకుళం రూరల్‌ మండలం బైరివానిపేటకు చెందిన బుద్దల దివ్య(24) రెండో కాన్పు కోసం నరసన్నపేట ఏరియా ఆసుపత్రిలో ఈ నెల ఒకటో తేదీన జాయిన్‌ చేశారు. అదే రోజు ఆపరేషన్‌ చేశారు. స్త్రీ వైద్య నిపుణురాలు కృషి పక్కనే ఉండి పీజీ చేస్తున్న వైద్యులతో ఈ ఆపరేషన్‌ చేయించారు. ఆపరేషన్‌ వికటించడంతో గర్భంలోనే రక్తం ధారలుగా పోయింది. అప్పటికప్పుడు మూడు ప్యాకెట్ల రక్తం ఎక్కించారు. అయినా పరిస్థితి మారకపోవడంతో వైద్యుల సూచన మేరకు రిమ్స్‌కు రెండో తేదీన తరలించగా మళ్లీ అక్కడ ఆపరేషన్‌ చేశారు. ఈ క్రమంలో దివ్య మృతి చెందింది. దివ్య మృతికి ఆపరేషన్‌ వికిటించడమేనని కుటుంబ సభ్యులు, గ్రామస్తులు ఆరోపిస్తూ మంగళవారం ఆందోళనకు దిగారు. దివ్య కన్నవారి ఊరు బుడితి వద్ద అవలింగి కావడంతో మొదటి కాన్పు నుంచీ ప్రభుత్వ ఆసుపత్రి వైద్యురాలు కృషి వద్దే చికిత్స చేయిస్తున్నామని, రెండో కాన్పుకూ ఇక్కడికే తీసుకురావడం తమ కొంప ముంచిందని కుటుంబ సభ్యులు అంటున్నారు. ప్రైవేటు క్లినిక్‌ వద్ద ఉద్రిక్తత.. బైరివానిపేటకు చెందిన దివ్య బంధువులు, కుటుంబ సభ్యులు మంగళవారం ఉదయానికే ప్రభుత్వ ఆసుపత్రి వైద్యురాలు నిర్వహించే ప్రైవేటు క్లినిక్‌ వద్దకు చేరుకున్నారు. ఆస్పత్రి సిబ్బందితో వాగ్వాదానికి దిగారు. సమాచారం తెలుసుకున్న నరసన్నపేట ఎస్‌ఐ బి.గణేష్‌ పోలాకి ఎస్సై రంజిత్, సిబ్బంది వచ్చి బంధువులకు నచ్చచెప్పారు. అనంతరం స్థానిక టీడీపీ నాయకులు మధ్యవర్తిత్వం నడిపి నష్టపరిహారం ఇప్పించేందుకు సంప్రదింపులు చేసినా బెడిసికొట్టినట్లు సమాచారం. అప్పుడప్పుడు జరుగుతుంటాయి. వంద కేసుల్లో ఒకటో రెండో ఇలా జరుగుతుంటాయని, అలాగని వైద్యులపై నిందలు వేయడం, ఆందోళనకు దిగడం సరికాదని ఏరియా ఆసుపత్రి సూపరింటెండెంట్‌ శ్రీనుబాబు అన్నారు. డాక్ట కృషి సీనియర్‌ వైద్యురాలని, ఇకపై తగిన జాగ్రత్తలు తీసుకుంటామని పేర్కొన్నారు.

సాక్షి ఆంధ్రప్రదేశ్‌: మనిషి ఆఖరి ప్రయాణం కూడా సాఫీగా సాగని దుస్థితి.. డాక్టర్‌ బీఆర్‌ అంబేద్కర్‌ కోనసీమ జిల్లాలో చోటుచేసుకుంది. వంతెన పనులు పూర్తికాకపోవడంతో మృతదేహాన్ని ప్రమాదకరంగా ఉన్న తాత్కాలిక వంతెనపై నుంచి తరలించాల్సి వచ్చింది. ఈ హృదయ విదారక ఘటన అమలాపురం రూరల్‌ మండలం వన్నెచింతలపూడి వీరయ్యపేటలో చోటుచేసుకుంది.గ్రామానికి వెళ్లే మార్గంలో వంతెన నిర్మాణం ఇంకా పూర్తికాకపోవడంతో స్థానికులు కొబ్బరి తోపులతో తాత్కాలికంగా దారి ఏర్పాటు చేసుకున్నారు. ఇదే ప్రమాదకర మార్గంలో నిత్యం రాకపోకలు సాగిస్తున్నారు. తాజాగా గ్రామానికి చెందిన ఓ వ్యక్తి మృతిచెందడంతో మృతదేహాన్ని తీసుకెళ్లేందుకు కుటుంబ సభ్యులు, స్థానికులు తీవ్ర ఇబ్బందులు ఎదుర్కొన్నారు. తప్పనిసరి పరిస్థితుల్లో అదే తాత్కాలిక వంతెనపై నుంచి మృతదేహాన్ని మోసుకెళ్లారు.బతికున్నప్పుడే కాదు.. చనిపోయిన తర్వాత కూడా అవస్థలేనా? అంటూ గ్రామస్తులు ఆవేదన వ్యక్తం చేస్తున్నారు. కనీసం ఆఖరి ప్రయాణమైనా గౌరవంగా సాగించే పరిస్థితి లేకపోవడం బాధాకరమని వాపోతున్నారు. ఇప్పటికైనా ప్రభుత్వం స్పందించి వంతెన నిర్మాణ పనులను వేగవంతం చేసి, తమ కష్టాలకు శాశ్వత పరిష్కారం చూపాలని గ్రామస్తులు డిమాండ్‌ చేస్తున్నారు.ఇదీ చదవండి: యూనివర్శిటీ విద్యార్థిని మృతి కేసు : నిందితుడిపై కాల్పులు

తిరుపతి: అక్రమ సంబంధానికి అడ్డుగా ఉన్నాడని ప్రియుడితో కలిసి భర్తను హత్య చేయించిన కేసులో భార్య నెల్లూరు చిత్ర, ఆమె ప్రియుడు తొండా కృష్ణమూర్తికి గూడూరు 7వ ఏడీజే కోర్టు న్యాయమూర్తి వెంకటనాగపవన్‌ జీవిత ఖైదుతో పాటుగా రూ.15 వేలు జరిమానా విధిస్తూ సోమవారం తీర్పు ఇచ్చినట్టు స్థానిక సీఐ ఎం.మురళీకృష్ణ తెలిపారు. సీఐ కథనం.. సూళ్లూరుపేట పట్టణంలోని గణపతినగర్‌కి చెందిన నెల్లూరు చిత్ర(26), జగదీష్‌కు పెద్దలు నిశ్చయించి వివాహం జరిపించారు.ఈ క్రమంలో తడ మండలం, పాములమిట్ట గ్రామానికి చెందిన తొండా కృష్ణమూర్తి (25)తో చిత్రకు ఏర్పడిన పరిచయం కాస్త అక్రమ సంబంధానికి దారితీసింది. వీరిద్దరి అక్రమ సంబంధానికి భర్త అడ్డుగా ఉన్నాడని భావించి 2023 అక్టోబర్‌ 14వ తేదీ రాత్రి ప్రియుడు కృష్ణమూర్తికి ఫోన్‌ చేసి తన భర్తను చంపేయాలని కోరింది. కృష్ణమూర్తి అదే రోజు రాత్రి 8 గంటల ప్రాంతంలో మోటార్‌ సైకిల్‌పై జగదీష్‌ను ఎక్కించుకుని మన్నారుపోలూరు క్రాస్‌ రోడ్డు సమీపంలోని పొలాల్లోకి తీసుకెళ్లాడు. అక్కడ ఇద్దరూ కలిసి మద్యం సేవించారు. జగదీష్‌కు మరింత ఎక్కువగా తాగించి బాగా మైకమెక్కాక పదునైన బ్లేడ్‌తో గొంతుకోసి పారిపోయాడు. జగదీష్‌ తీవ్రమైన రక్తస్రావంతో నడుచుకుంటూ వచ్చి జాతీయ రహదారి డివైడర్‌ మీద పడి చనిపోయాడు. అప్పటి సూళ్లూరుపేట ఇన్‌చార్జి సీఐ సోమయ్య దర్యాప్తు చేసి నిందితులను అరెస్ట్‌ చేశారు. ఆ తరువాత మరో సీఐ మధుబాబు తదుపరి దర్యాప్తు పూర్తి చేసి కోర్టులో చార్జిషీటు దాఖలా చేశారు. నేరం రుజువు కావడంతో ముద్దాయిలు నెల్లూరు చిత్ర, ఆమె ప్రియుడు తొండా కృష్ణమూర్తికి జీవితఖైదుతో పాటు జరిమానా విధిస్తూ న్యాయమూర్తి తీర్పు చెప్పారు.

సిరిసిల్లటౌన్‌: సిరిసిల్ల జిల్లా కేంద్రంలోని ఓ ప్రైవేటు కంటి ఆస్పత్రి వైద్యులు ఎడమ కంటికి చేయాల్సిన ఆపరేషన్‌ కుడికంటికి చేశారు. హాస్పిటల్‌ యాజమా న్యం ఆ తప్పును కప్పిపుచ్చుకునే ప్రయత్నాలు చేయడంతో బాధిత కుటుంబం ఆగ్రహం వ్యక్తం చేసింది. వైద్యుల నిర్లక్ష్యంపై బాధిత కుటుంబీకులు సోమవా రం ఆందోళనకు దిగారు. పట్టణానికి చెందిన కొమ్ము వెంకమ్మ కంటి చూపు సమస్యతో బాధపడుతుండగా కుటుంబ సభ్యులు సెప్టెంబర్‌ 28న స్థానిక ఓ కంటి ఆస్పత్రికి తీసుకెళ్లారు. పరీక్షించిన వైద్యులు శస్త్రచికిత్స అవసరమని సూచించారు. వెంకమ్మకు షుగర్‌ లెవెల్స్‌ అధికంగా ఉండటంతో తగ్గిన తరువాత రావాలని తెలపడంతో, సోమవారం వెళ్లగా అడ్మిట్‌ చేసుకొని ఎడమ కంటికి ఆపరేషన్‌ చేయడానికి థియేటర్‌లోకి తీసుకెళ్లారు. శస్త్రచికిత్స పూర్తయిన తర్వాత వెంకమ్మను బయట కు తీసుకురాగా.. కుడి కంటికి ఆపరేషన్‌ చేసి ఉండటంతో కుటుంబ సభ్యులు వైద్యులతో వాగ్వాదానికి దిగారు. ఉన్నతాధికారులు సరైన విచారణ చేపట్టి బాధ్యులపై చర్యలు తీసుకోవాలని డిమాండ్‌ చేశారు. ఈ ఘటనపై ఆస్పత్రి నిర్వాహకురాలు మణిచందన మాట్లాడుతూ.. వెంకమ్మకు రెండు కళ్లలోనూ చూపు సమస్య ఉందని, రెండు నేత్రాలకు ఆపరేషన్‌ చేయాలని కుటుంబ సభ్యులకు ముందుగానే చెప్పామన్నారు. శస్త్రచికిత్స విషయంలో ఎలాంటి నిర్లక్ష్యం జరగలేదని తెలిపారు.

ఆ విమానంలో 170 మందికిపైగా ప్రయాణికులు.. వారిలో ఎక్కువమంది ఇజ్రాయెల్‌ పౌరులు. దుబాయ్‌ నుంచి టెల్‌అవీవ్‌కు వెళ్తున్న విమానం ఒక్కసారిగా వేల అడుగుల మేర కిందికి పడిపోయింది. కాక్‌పిట్‌లో పైలట్‌పై కో-పైలట్‌ దాడి చేశాడు. విమానం అదుపు తప్పుతున్నట్లు కనిపించింది. ఆ సమయంలో ప్రయాణికులు, సిబ్బంది ధైర్యంగా స్పందించకపోయి ఉంటే పెను విషాదమే జరిగేది. ఇప్పుడు ఈ ఘటనపై దర్యాప్తులో వరుసగా కొత్త విషయాలు బయటకొస్తున్నాయి. ప్లైదుబాయ్‌ ఘటనను ఉగ్ర దాడిగా అటు యూఏఈ, ఇటు ఇజ్రాయెల్‌లు ప్రకటించాయి. పైగా అల్‌ఖైదా స్పందనతో హమామ్‌ అల్‌-హమ్మామీ ఆ సంస్థలోనే ట్రైనింగ్‌ తీసుకుని ఉంటాడని దాదాపుగా అంచనాకు వచ్చారు. ఈ తరుణంలో ఓ బిగ్‌ ట్విస్ట్‌ బయటపడింది. “గాజా ప్రతీకారం కోసం చేశాను.. అమరుడిగా చనిపోవాలనుకున్నా” అంటూ కో-పైలట్‌ హమామ్‌ అల్‌-హమ్మామీ విచారణలో చెప్పినట్లు తాజాగా ఇజ్రాయెల్‌ మీడియా కథనాలు వెల్లడించాయి. అదే సమయంలో విమానం ఇజ్రాయెల్‌ వైపు కొనసాగి ఉంటే.. ప్రయాణికులతో నిండిన ఆ విమానాన్ని కూల్చివేయడానికి కూడా ఇజ్రాయెల్‌ సిద్ధమైందన్న విషయం వెలుగులోకి వచ్చింది.గాజా ప్రతీకారం కోసమా?ఫ్లైదుబాయ్‌ ఘటనలో ఇరాన్‌ కోణంపై అమెరికా, ఇజ్రాయెల్‌లు అనుమానాలు వ్యక్తం చేశాయి. అయితే దర్యాప్తులో మాత్రం కొత్త విషయాలు వెలుగు చూస్తున్నాయి. విచారణలో హమామీ “గాజాకు ప్రతీకారంగా చేశాను. అమరుడిగా చనిపోవాలనుకున్నాను” అని చెప్పినట్లు సమాచారం. దీనిని దర్యాప్తు అధికారులు గనుక ధృవీకరిస్తే.. కీలక సమాధానమే దొరికినట్లవుతుంది. అయితే హమామీ ఒంటరిగానే ఈ దాడికి పాల్పడ్డాడా? ఎవరైనా అతడిని ప్రేరేపించారా? ఎవరైనా సంస్థ అతడిని ఉపయోగించుకుందా? ప్రయాణాలు, పరిచయాలు, విదేశాల్లో ఎవరెవరిని కలిశాడు? ఇలా అన్ని కోణాల్లోనూ దర్యాప్తు చేస్తున్నారు. అయితే ప్రస్తుతానికి ఇజ్రాయెల్‌ దర్యాప్తు వర్గాలు దీనిని లొన్‌-వోల్ఫ్‌ దాడి అయ్యే అవకాశం ఉందని భావిస్తున్నాయట. ముందే స్కెచ్‌ వేశాడా?హమామీ విచారణలో మరో సంచలన విషయం కూడా బయటకొచ్చింది. హమామీ ఫ్లైదుబాయ్‌లో చేరకముందే ఈ దాడికి ప్రణాళిక వేసుకున్నట్లు ఇజ్రాయెల్‌ అధికారి ఒకరు ఓ మీడియా సంస్థకు వెల్లడించారు. విమానాన్ని చివరకు టెల్‌అవీవ్‌లోని బెన్‌ గురియన్‌ విమానాశ్రయంలో కూల్చేయాలన్నది అతడి ఉద్దేశమని ఆ అధికారి చెప్పినట్లు నివేదిక పేర్కొంది. అంతేకాదు.. టెల్‌అవీవ్‌కు వెళ్లే విమానాల్లో పని చేసే అవకాశం కోసం అతడు ఫ్లైదుబాయ్‌లో చేరాడా? అనే కోణంలోనూ దర్యాప్తు జరుగుతోంది. దీంతో.. ఇది అకస్మాత్తుగా జరిగిన దాడి కాదా? ముందే లక్ష్యాన్ని ఎంచుకుని పథకం ప్రకారం చేశాడా? అనే అనుమానాలు మరింత బలపడుతున్నాయి.విమానం కూల్చేందుకు ఇజ్రాయెల్‌ రెడీ!ఇక ఈ ఘటనలో మరో ఉత్కంఠభరితమైన విషయం తాజాగా బయటపడింది. విమానం కాక్‌పిట్‌లో దాడి జరిగిన తర్వాత అది సుమారు 14 వేల అడుగుల మేర ఒక్కసారిగా కిందికి పడిపోయింది. ఇజ్రాయెల్‌ వైమానిక దళం కాక్‌పిట్‌ను సంప్రదించేందుకు ప్రయత్నించినా స్పందన రాలేదు. దీంతో అక్కడి అధికారులు 9/11 తరహా అత్యవసర పరిస్థితిని ఎదుర్కొనేందుకు ముందే రూపొందించుకున్న ప్రోటోకాల్‌ను అమల్లోకి తెచ్చారు. కమాండ్‌ సెంటర్‌ ఏర్పాటు చేసి.. యుద్ధ విమానాలను రంగంలోకి దించారు. ఇజ్రాయెల్‌ గగనతలాన్ని కూడా మూసివేశారు.విమానం ఇజ్రాయెల్‌కు సుమారు 400 మైళ్ల దూరంలో ఉన్నప్పుడు మాత్రం పరిస్థితి మారింది. ఎఫ్‌జెడ్‌1073 విమానం ఇజ్రాయెల్‌ వైపు కాకుండా సౌదీ అరేబియా వైపు మళ్లినట్లు అధికారులు గుర్తించారు. దీంతో ఇజ్రాయెల్‌ యుద్ధ విమానాలను వెనక్కి పిలిచింది. సౌదీ కూడా తన యుద్ధ విమానాలను రంగంలోకి దించింది.170 మందికిపైగా ఉన్నా.. అదే చివరి నిర్ణయం!అయితే విమానం ఇజ్రాయెల్‌ వైపే కొనసాగి ఉంటే పరిస్థితి మరింత భయంకరంగా ఉండేది. విమానం హైజాక్‌ అయిందని నిర్ధారణై, కాక్‌పిట్‌ నుంచి ఎలాంటి స్పందన లేకపోతే యుద్ధ విమానాలు దాని దగ్గరకు వెళ్లి కాక్‌పిట్‌, ప్రయాణికుల పరిస్థితిని పరిశీలించేవి. ఆ తర్వాత కూడా ముప్పు కొనసాగితే రక్షణ మంత్రి, ప్రధానమంత్రితో అత్యవసర చర్చ జరిగేది.అక్కడే అత్యంత కీలక నిర్ణయం తీసుకోవాల్సి వచ్చేది. ఇజ్రాయెల్‌ ప్రోటోకాల్‌ ప్రకారం.. నియంత్రణలో లేని విమానం కీలక ప్రాంతాల వైపు దూసుకొస్తోందని నిర్ధారణ అయితే దాన్ని కూల్చివేసే అవకాశం ఉంది. ఆ తుది నిర్ణయం ప్రధానమంత్రిదే. ప్రయాణికులతో నిండిన విమానం కూల్చడం కంటే.. అది టెల్‌అవీవ్‌లోని విమానాశ్రయం లేదంటే ఇతర కీలక ప్రాంతాన్ని ఢీకొట్టి వందల మందిని చంపే ప్రమాదాన్ని అడ్డుకోవడమే ఈ విధానం ఉద్దేశమని ఇజ్రాయెల్‌ వర్గాలను ఉటంకిస్తూ ఓ జాతీయ మీడియా కథనం ఇచ్చింది.చివరి నిమిషంలో పెను ప్రమాదం తప్పిందిఇదంతా జరుగుతున్న సమయంలో కాక్‌పిట్‌లో మాత్రం మరో పోరాటం సాగుతోంది. హమామీ దాడిలో గాయపడిన భారత పైలట్‌ స్మిట్‌ మచ్చార్‌ అతడిని అడ్డుకోవడానికి పోరాడాడు. చివరకు కాక్‌పిట్‌ తలుపు తెరవగలిగాడు. దీంతో ప్రయాణికులు, ఫ్లైదుబాయ్‌ సిబ్బంది లోపలికి వెళ్లి హమామీని అదుపులోకి తీసుకున్నారు. విమానంలో ఉన్న ఇద్దరు ఆఫ్‌-డ్యూటీ పైలట్లు నియంత్రణ చేపట్టారు. అనంతరం విమానం సౌదీ అరేబియాలోని టబుక్‌లో అత్యవసరంగా ల్యాండ్‌ అయింది. ఫ్లైదుబాయ్‌ ఘటన వెనుక దాగి ఉన్న కొత్త కోణాలను ఒక్కొక్కటిగా బయటపెడుతున్నాయి. దాడి వెనుక అతడొక్కడే ఉన్నాడా? ఎవరైనా అతడిని నడిపించారా? అన్నది తేలాల్సి ఉంది.ఇదీ చదవండి: హమామీ క్లియరెన్స్‌పై ఒమన్‌ సంచలన వ్యాఖ్యలు

ఖమ్మం: భర్త, కుమార్తె మృతి చెందగా.. కుమారుడైనా బతుకుతాడని భావించిన తల్లి ఆశలు కూడా నెరవేరలేదు. ఆస్పత్రిలో 18రోజుల పాటు చికిత్స చేయించినా ఫలితం దక్కగా బాలుడు మృతి చెందాడు. నేలకొండపల్లి మండలం అప్పలనరసింహాపురం గ్రామానికి చెందిన పుసులూరి శ్రీనివాస్‌ (44) గతనెల 16న అప్పుల బాధ తట్టుకోలేక కుమార్తె లాస్య(14), కుమారుడు నిఖిల్‌(11)ను ఏపీలోని ఎన్‌టీఆర్‌ జిల్లా గండ్రాయిలోని పొలం వద్దకు తీసుకెళ్లి కలుపు మందు తాగడమే కాక పిల్లలకు తాగించాడు. అదేరోజు శ్రీనివాస్, లాస్య మృతి చెందగా నిఖిల్‌కు హైదరాబాద్‌లో చికిత్స చేయిస్తున్నారు. రెండు రోజుల క్రితం పరిస్థితి విషమంగా మారడంతో ఖమ్మంలోని ప్రైవేట్‌ ఆస్పత్రికి తీసుకొచి్చన ఫలితం దక్కగా ఆదివారం మృతి చెందాడు. భర్త, కుమార్తె మృతి ఆవేదన తీరకముందే కుమారుడు కన్నుమూయడంతో శ్రీనివాస్‌ భార్య, ఆయన తల్లిదండ్రులను ఓద్చారడం ఎవరి వల్లా కాలేదు. ఈమేరకు బాలుడి అంత్యక్రియలను స్వగ్రామంలో పూర్తిచేశారు.నేనొస్తా అంటివిగా కొడుకా...తండ్రి, కూతురు కన్నుమూశాక హైదరాబాద్‌లో చికిత్స పొందుతున్న నిఖిల్‌తో వీడియో కాల్‌ చేయించారు. అప్పుడు బాలుడు ‘నాకేం కాలేదు.. బాగానే ఉన్నా.. త్వరగా ఇంటికి వస్తా’అని చెప్పాడు. కానీ ఇప్పుడు మృతి చెందడంతో ఆయన మృతదేహం వద్ద తల్లి, కుటుంబ సభ్యులు ‘నేనొస్తా అంటివి కదా కొడుకా’అంటూ రోదించడం స్థానికులను కంటతడి పెట్టించింది. ఇదీ చదవండి: తెలంగాణ సెక్రటేరియెట్‌లో మంచి నీటి కష్టాలు?

ఫ్లైదుబాయ్‌ ఘటనలో పూటకో విస్తుపోయే విషయం బయటపడుతోంది. ఇప్పటికే దీనిని ఉగ్రదాడి కేసుగా దర్యాప్తు జరుపుతున్నారు. విమానంలో భారత కెప్టెన్‌ స్మిట్‌ మచ్చార్‌పై దాడి చేసిన ఒమన్‌ కో–పైలట్‌ హమామ్‌ అల్‌–హమామీ అసలు ఉద్దేశం ఏంటన్న దానిపై సంచలన విషయాలు వెలుగులోకి వస్తున్నాయి. కెప్టెన్‌ను హతమార్చి విమానాన్ని తన ఆధీనంలోకి తీసుకోవడం అతని ప్రధాన ఉద్దేశంగా తేలింది. విచారణలోనూ తన లక్ష్యం విమానాన్ని కూల్చేయడమేనని హమామీ అంగీకరించినట్లు సమాచారం.సెప్టెంబర్‌ 30న దుబాయ్‌ నుంచి టెల్‌ అవీవ్‌ వెళ్తున్న ఫ్లైదుబాయ్‌ FZ1073 విమానంలో ఒక్కసారిగా గందరగోళం నెలకొంది. విమానం సుమారు 36 వేల అడుగుల ఎత్తులో ఉండగా.. హమామీ క్రాష్‌ యాక్స్‌తో కెప్టెన్‌ స్మిట్‌ మచ్చార్‌పై దాడి చేసి కాక్‌పిట్‌ను తన ఆధీనంలోకి తీసుకునేందుకు ప్రయత్నించాడు. కెప్టెన్‌ను చంపేసిన తర్వాత విమానాన్ని సాధారణంగానే నడుపుతూ.. ల్యాండింగ్‌ క్లియరెన్స్‌ తీసుకుని.. టెల్‌ అవీవ్‌(ఇజ్రాయెల్‌ రాజధాని)లోని ఓ భవనాన్ని ఢీ కొట్టాలని అనుకున్నాడు. ఒకవేళ అది కుదరకుంటే..బెన్‌ గురియన్‌ విమానాశ్రయంలో మరో విమానాన్ని ఢీకొట్టడం అతడి ప్లాన్‌గా దర్యాప్తులో తేలింది. అంటే.. ఈ ప్రణాళిక 9/11 తరహా దాడి తరహాలోనే ఉందని అధికారులు అంటున్నారు.జోర్డాన్‌ గగనతలంలోనే..విమానాన్ని స్వాధీనం చేసుకునేందుకు జోర్డాన్‌ గగనతలంలోకి ప్రవేశించే వరకు వేచి ఉండాలని హమామీ భావించినట్లు సమాచారం. అక్కడ దాడి చేస్తే.. తన ప్రయత్నాన్ని గుర్తించి అడ్డుకునేందుకు ఇతరులకు తక్కువ సమయం ఉంటుందని అతడు అనుకున్నాడట. జూలైలోనే ఇలాంటి దాడికి ప్రయత్నించాలని భావించినా.. అప్పట్లో ఓ సిబ్బంది తనకు స్నేహితుడు కావడంతో చివరి నిమిషంలో వెనక్కి తగ్గినట్లు తెలుస్తోంది.జస్ట్‌ రెండే నిమిషాల్లో..తన ప్లాన్‌ వర్కవుట్‌ కాకపోవడంతో హమామీ మరో ప్లాన్‌కు దిగాడు. కాక్‌పిట్‌లో జరిగిన పెనుగులాట తర్వాత.. ఆటోపైలట్‌, ఇంజిన్‌ స్విచ్చ్‌లు ఆప్‌ చేశాడు. దీంతో బోయింగ్‌ 737 మ్యాక్స్‌–8 విమానం కేవలం రెండు నిమిషాల్లో సుమారు 36 వేల అడుగుల నుంచి 17 వేల అడుగులకు పడిపోయింది. ఈ సమయంలో విమానంపై తీవ్ర ఒత్తిడి ఏర్పడటంతో రడ్డర్‌లోని కొన్ని భాగాలు దెబ్బతిన్నాయి. అప్పటికే హమామీ చేతిలో తీవ్రంగా గాయపడినప్పటికీ కెప్టెన్‌ మచ్చార్‌ కాక్‌పిట్‌ తలుపు తెరవగలిగాడు. దీంతో సిబ్బంది, ప్రయాణికులు లోపలికి వెళ్లి హమామీని అదుపులోకి తీసుకున్నారు. విమానంలో ఉన్న మరో ఇద్దరు ఆఫ్‌–డ్యూటీ పైలట్లు బాధ్యతలు చేపట్టి సౌదీ అరేబియాలోని తబూక్‌లో విమానాన్ని సురక్షితంగా ల్యాండ్‌ చేశారు.3 వేలకుపైగా పోస్టులపై ఆరా..హమామీ సోషల్‌ మీడియా కార్యకలాపాలపైనా దర్యాప్తు సాగుతోంది. ఒమన్‌ తండ్రి, సిరియా తల్లికి జన్మించిన అతడు చాలా కాలం దుబాయ్‌లో నివసించినట్లు సమాచారం. సిరియా అంతర్యుద్ధ సమయంలో కొంతకాలం అక్కడ ఉన్నాడని.. ఆ సమయంలో ఇస్లామిక్‌ తీవ్రవాద భావజాలం వైపు ఆకర్షితుడైనట్లు దర్యాప్తు సంస్థలు అనుమానిస్తున్నాయి. అతడి డిలీట్‌ చేసిన ‘ఎక్స్‌’ ఖాతాకు సంబంధించిన 3,000కుపైగా పోస్టుల స్క్రీన్‌షాట్లు ఇంటర్నెట్‌ ఆర్కైవ్‌లో ఉన్నట్లు సమాచారం. వాటిలో అనేక పోస్టులు ఇస్లామిక్‌ భావజాలానికి సంబంధించినవిగా దర్యాప్తు అధికారులు పరిశీలిస్తున్నారు.ఆస్ట్రేలియా లింక్‌పైనా ఆరా..హమామీకి ఆస్ట్రేలియాతో ఉన్న సంబంధాలపైనా దర్యాప్తు మొదలైంది. ఆస్ట్రేలియా ఫెడరల్‌ పోలీస్‌కు చెందిన కౌంటర్‌ టెర్రరిజం బృందం అతడి పరిచయాలు, సంబంధాలను పరిశీలిస్తోంది. ఫ్లైదుబాయ్‌ సిబ్బందిలో అతడు ఎలా చేరాడు? టెల్‌ అవీవ్‌కు వెళ్లే విమాన సిబ్బందిలో అతడికి అవకాశం ఎలా లభించింది? అనే అంశాలపైనా ఆస్ట్రేలియా, ఇజ్రాయెల్‌ అధికారులు ఆరా తీస్తున్నారు.‘టెర్రరిస్ట్‌ యాక్ట్‌’గా తేల్చేశారుఈ ఘటనను యూఏఈ అటార్నీ జనరల్‌ హమద్‌ సైఫ్‌ అల్‌ షమ్సీ ‘టెర్రరిస్ట్‌ యాక్ట్‌’గా అభివర్ణించారు. క్రాష్‌ యాక్స్‌తో కెప్టెన్‌పై దాడి చేసి విమానాన్ని తన ఆధీనంలోకి తీసుకునేందుకు హమామీ ప్రయత్నించాడని తెలిపారు. ఈ ఘటన వెనుక మరింత విస్తృత కుట్ర ఉందా? అనే కోణంలోనూ దర్యాప్తు జరుగుతోందని చెప్పారు. ప్రస్తుతం హమామీని వివిధ కోణాల్లో ప్రశ్నిస్తున్నారు.ఒమన్‌లో నిషేధం.. అయినా ఎలా?హమామీపై అతడి సొంత దేశం ఒమన్‌లోనే విమానాలు నడపడంపై నిషేధం ఉన్నట్లు సమాచారం. తీవ్రవాద భావజాలం కారణంగానే ఈ నిషేధం విధించినట్లు తెలుస్తోంది. అలాంటి వ్యక్తి ఫ్లైదుబాయ్‌ కో–పైలట్‌గా ఎలా కొనసాగాడు? ఇజ్రాయెల్‌కు వెళ్లే విమానాన్ని నడిపే అవకాశం ఎలా దక్కింది? అనే ప్రశ్నలు ఇప్పుడు తలెత్తుతున్నాయి. ఘటనకు ముందు ప్రయాణికులు, సిబ్బంది వివరాలను యూఏఈ అధికారులు ఇజ్రాయెల్‌తో పంచుకున్నట్లు సమాచారం. ఈ మొత్తం వ్యవహారంలో స్క్రీనింగ్‌, నియామక ప్రక్రియ, భద్రతా సమాచార మార్పిడిపై కూడా దర్యాప్తు జరుగుతోంది.ఫెయిల్‌ అయినా మెచ్చుకున్న అల్‌ఖైదా!హమామీ ప్రయత్నాన్ని ఉగ్రసంస్థ ‘అల్‌ఖైదా’ ప్రశంసించడం ఇప్పుడు మరో సంచలనంగా మారింది. యెమెన్‌లోని ‘అల్‌–బయాన్‌’ వారపత్రికలో ‘సెప్టెంబర్‌ 11, సెప్టెంబర్‌ 30 మధ్య’ పేరుతో ప్రచురించిన సంపాదకీయంలో.. అమెరికా, ఇజ్రాయెల్‌ విమానాలపై ఇలాంటి మరిన్ని దాడులకు పిలుపునిచ్చింది. 2001 సెప్టెంబర్‌ 11న వరల్డ్‌ ట్రేడ్‌ సెంటర్‌పై జరిగిన దాడితోపాటు సెప్టెంబర్‌ 30న ఫ్లైదుబాయ్‌ FZ1073 ఘటనను ప్రస్తావించింది. ‘యుద్ధం ఇంకా ముగియలేదు’ అంటూ వ్యాఖ్యానించింది. హమామీ హైజాక్‌ విజయవంతమై ఉంటే ప్రాంతీయ శక్తి సమీకరణాలు మారిపోయేవని పేర్కొంది. అంటే.. విమానాన్ని కూల్చేయాలన్న హమామీ ప్రయత్నం విఫలమైనా.. దాన్ని అల్‌ఖైదా మాత్రం మెచ్చుకుంది. అంతేకాదు.. 9/11 తరహా దాడులతో పోలుస్తూ, అమెరికా–ఇజ్రాయెల్‌ విమానాలపై మరిన్ని దాడులకు పిలుపునిచ్చింది. ఫ్లైదుబాయ్‌ ఘటనపై దర్యాప్తు కొనసాగుతున్న సమయంలోనే.. హమామీ ప్రయత్నాన్ని అల్‌ఖైదా సమర్థించడం, భవిష్యత్తులో ఇలాంటి దాడులకు ప్రోత్సాహం ఇచ్చేలా పిలుపునివ్వడం భద్రతా వర్గాల్లో మరింత ఆందోళనకు కారణమవుతోంది.ఇదీ చదవండి: ట్రంప్‌ స్థాపించిన ఈ కొత్త ఫోర్స్‌.. చీఫ్‌ ఎవరో తెలుసా?

‘వాడితో ఎందుకు మాట్లాడావ్‌.. వీడితో ఎందుకు మాట్లాడుతున్నావ్‌.. దేవుడి మండపం దగ్గర డ్యాన్సులు వేస్తున్నావేంటి.. బ్లేడుతో కోసేస్తా.. నేను కోసేసుకుంటా అంటున్నాడు.. నన్ను కొడుతున్నాడు.. నీచంగా మాట్లాడుతున్నాడు.. నాకు చాలా భయంగా ఉంటుంది.. ఏదో ఒకరోజు వాడు నన్ను చంపేస్తాడేమో..’ ఇది ప్రేమోన్మాది చిన్నా చేతిలో శనివారం హతమైన మహాలక్ష్మి తన మరదలు మేఘనతో గత నెల రోజుల నుంచి చేస్తున్న సంభాషణ. తనకు ప్రేమ పేరుతో దగ్గరైన మంకు చిన్నారావు అలియాస్‌ చిన్నా చేష్టలతో విసిగిపోయిన ఆమె ప్రతిరోజూ పడిన బాధలు వర్ణణాతీతంగా కనిపిస్తున్నాయి. న్యూరాజరాజేశ్వరీపేటలో జరిగిన ఈ ఘటనలో అనేక విషయాలు వెలుగులోకి వస్తున్నాయి. వేరే వారికి దక్కకూడదని.. మహాలక్ష్మి వేరే ఎవరితోనో మాట్లాడుతోందని.. అందుకే తనతో మాట్లాడడం లేదని.. పెళ్లిచేసుకోడానికి నిరాకరిస్తుందని భావించిన చిన్నారావు.. నాకు దక్కని మహాలక్ష్మిని ఎవరికి దక్కనీయకుండా చేయాలని నిర్ణయించుకున్నాడు. పథకం ప్రకా రం ముందురోజే కొబ్బరికాయలు నరికే కొడవలిని సిద్ధం చేసుకొని మహాలక్ష్మి ఇంటి సమీపంలో మాటు వేసి, నానమ్మ బయటకు వెళ్లిన సమయంలో ఆమె గొంతు కోసేసి అత్యంత కిరాతకంగా హతమర్చాడు. మహాలక్ష్మి కేకలు వినిన స్థానికులు ఇంటి వద్దకు వచ్చి తలుపులు పగలకొట్టే ప్రయత్నం చేశారు. దీంతో చిన్నా ఆ ఇంటి వెనుక తలుపు తీసుకొని అదే భవనం పైకి ఎక్కి అక్కడి నుంచి కిందకు దూకి ఆత్మహత్య చేసుకున్నాడు. చిన్నా ఫోన్‌ కాల్‌ డేటాతో పాటు అతను కత్తి ఎక్కడ నుంచి తెచ్చాడు. అతనికి ఎవరైనా సహకరించారా.. ఇందులో ఇంకా ఎవరి పాత్ర అయినా ఉందా అనే కోణంలో పోలీసులు దర్యాప్తు చేస్తున్నారు. ప్రశాంతంగా అంత్యక్రియలు.. మహాలక్ష్మి, చిన్నారావు ఇళ్లు రెండూ సమీపంలోనే ఉండటంతో పోలీసులు వారి ఇళ్ల వద్ద ప్రత్యేక బందోబస్తును ఏర్పాటుచేశారు. ఎటువంటి గొడవలు, కొట్లాటలు చోటుచేసుకుండా జాగ్రత్తలు తీసుకున్నారు. ప్రశాంత వాతావరణంలో వారి అంత్యక్రియలు జరిగాయి. స్వచ్ఛమైన ప్రేమను కోరుకోవడమే శాపమైంది! పడవల మహాలక్ష్మి(19) పుట్టిన రెండేళ్లలోపే తల్లిదండ్రుల మధ్య విభేదాలు రావడంతో ఆమె తల్లి తనను వదిలి వెళ్లిపోయింది. తండ్రి కూడా ఆమెను తన నాన్నమ్మ శాంతమ్మ దగ్గర వదిలి వేరే మహిళను పెళ్లి చేసుకున్నాడు. ఈ క్రమంలో చిన్ననాటి నుంచి తల్లిదండ్రుల ప్రేమ ఆప్యాయతలను నోచుకోని మహాలక్ష్మి అనేక కష్టాల సుడిగుండాల మధ్య పెరిగింది. బాల్యం ఎలా గడిచినా కనీసం తన వివాహ బంధమైన అందంగా ఉండాలని.. పెళ్లి తరువాత భర్త ప్రేమ ఆప్యాయతల మధ్య హాయిగా బతకాలని ఆశించింది. అలా ఆ యువతి కన్న కలలే ఆమె పాలిట యమపాశమైంది. ప్రేమ పేరుతో తనకు దగ్గరైన చిన్నారావు కొన్ని నెలలకే ఆమెను వేధించడం, అతనిలో దాగి ఉన్న సైకో లక్షణాలు ఒక్కొక్కటిగా బయట పెడుతుండటంతో అవి చూసి ఆమె వణికిపోయింది. తాను కన్న కలల కోట కళ్లముందే కన్నీళ్లపాలవుతుంటే సహించలేకపోయింది. ‘ఇలా అయితే నీతో నేనుండలేను.. ఇప్పటి వరకూ నేను పడినా కష్టాలు చాలు.. ఇంకా మిగిలిన బతుకంతా నీతో కష్టాలు పడలేను’ అని మనసులో మాట చెప్పింది.మరింతగా పగబట్టి..ఆమె మాటలేవి తలకెక్కించుకోని చిన్నా నువ్వు ఎవరితో మాట్లాడానికి వీలులేదు.. షాపునకు వెళ్లొద్దు.. అంటూనే ఇంటి దగ్గర వారితో.. పనిచేసే దుకాణం వద్ద వారితో సంబంధాలు అంటకట్టాడు. ఆమెకు ఫోన్లు చేసి వేధించడమే కాకుండా నువ్వు నా మాట వినకపోయినా.. నేను చెప్పినట్లు చేయకపోయినా చంపేస్తానని రోడ్డుపై ఇష్టం వచ్చినట్లుగా కొట్టే వాడని మహాలక్ష్మి కుటుంబ సభ్యులు చెబుతున్నారు. దీంతో అతడి చేష్టలతో విసిగిపోయిన మహాలక్ష్మి అప్పటినుంచి చిన్నా ఫోన్లు ఎత్తకుండా, అతనితో మాట్లాడకుండా తన పని తాను చేసుకుంటోంది. ఈ క్రమంలో చిన్నా నువ్వు నన్ను పెళ్లి చేసుకోవాలి.. లేకపోతే బ్లేడుతో కోసేసుకుంటా.. చచ్చిపోతా.. నిన్ను చంపేస్తానంటూ బెదిరింపులకు దిగాడు. దీంతో భయపడిపోయిన మహాలక్ష్మి విషయాన్ని నాన్నమ్మ శాంతమ్మకు, మరదలు మేఘనకు, తన తండ్రికి, బంధువులకు చెప్పడంతో వారు చిన్నా కుటుంబ సభ్యులకు విషయాన్ని వివరించి పెద్దల సమక్షంలో మాట్లాడుకున్నారు. మహాలక్ష్మి జోలికి రావద్దని ఒప్పందం కుదుర్చుకున్నా ఫలితం లేకపోయింది.అజిత్‌సింగ్‌నగర్‌(విజయవాడసెంట్రల్‌): ఇదీ చదవండి: రోడ్డు ప్రమాదంలో యువ డాక్టర్‌ మృతి

వికారాబాదు జిల్లా: అదృశ్యమైన మహిళ విగతజీవిగా కనిపించింది. ఇంటి నుంచి బయటకు వెళ్లిన ఆమె హత్యకు గురైంది. ప్రియుడి మోజులో పడి తిరిగిరానిలోకాలకు చేరింది. పోలీసులు తెలిపిన వివరాల ప్రకారం.. మండల పరిధిలోని చెల్లాపూర్‌ గ్రామానికి చెందిన అమృతమ్మ(34)కు కుల్కచర్లకు చెందిన గంధం భీమయ్యతో వివాహం జరిగింది. రెండేళ్ల క్రితం భర్త చనిపోవడంతో ఇద్దరు పిల్లలతో కలిసి చెల్లాపూర్‌లోని పుట్టింట్లో ఉంటోంది. అప్పుడప్పుడూ కుల్కచర్లలోని అత్తవారింటికి వచ్చి వెళ్తోంది. ఈక్రమంలో అదేగ్రామానికి చెందిన మంగలి ఆనంద్‌(28)తో పరిచయం వివాహేతర సంబంధానికి దారితీసింది. ఇల్లు చూసి వస్తానని.. కుల్కచర్లలోని ఇల్లును చూసి వస్తానని చెప్పిన అమృతమ్మ గత నెల 18న చెల్లాపూర్‌ నుంచి బయల్దేరింది. మూడు రోజులు గడిచినా తిరిగి రాకపోవడంతో కుటుంబ సభ్యులు తెలిసిన వారిని వాకబు చేసినా ఫలితం కనిపంచలేదు. దీంతో 29న కుల్కచర్ల పోలీసులకు ఫిర్యాదు చేశారు. కేసు నమోదు చేసిన ఎస్‌ఐ రమేష్‌ కేసును దర్యాప్తు ప్రారంభించారు. ఆమెతో సన్నిహితంగా ఉంటున్న పలువురిని అదుపులోకి తీసుకుని విచారించగా అమృతమ్మతో వివాహేతర సంబంధం కొనసాగిస్తున్న మంగలి ఆనంద్‌ ఆమెను హత్యచేసినట్లుగా గుర్తించారు. ఆభరణాలు అడగడంతోనే.. ఆనంద్‌తో సన్నిహితంగా ఉంటున్న అమృత అతని అవసరాల నిమిత్తం బంగారు, వెండి ఆభరణాలను ఇచ్చింది. వీటిని తనఖా పెట్టిన ఆనంద్‌ రూ.2 లక్షలు తీసుకుని వాడుకున్నాడు. తన నగలు ఇవ్వాలని పదేపదే అడుగుతుండటంతో అమృతమ్మను చంపాలని నిర్ణయించుకున్నాడు. సెపె్టంబర్‌ 18న కొత్తపల్లిలో ఆమెను కారు ఎక్కించుకున్నాడు. మహబూబ్‌నగర్‌ జిల్లా గండేడ్‌ మండలం వెన్నాచెడ్‌ చెరువు కట్ట వద్దకు తీసుకెళ్లి చీరకొంగును మెడకు బిగించి హత్యచేశాడు. చనిపోయిందని నిర్ధారించుకున్న అనంతరం ముందస్తు పథకం ప్రకారం తెచ్చుకున్న డీజిల్‌ పోసి నిప్పంటించాడు. మృతదేహం కాలకపోవడం, అప్పటికే ఎక్కువ సమయం కావడంతో ఆందోళనకు గురై బాడీని మూట కట్టి కారులో పెట్టుకుని తెలంగాణ రాష్ట్ర సరిహద్దు ప్రాంతమైన కృష్ణ జిల్లా తుంగభద్ర నదీ పరీవాహక అటవీ ప్రాంతంలో పడేశాడు. విచారణ అనంతరం మృతదేహం మూటను పోలీసులు గుర్తించారు. శవపంచనామా నిర్వహించారు. అదృశ్యం కేసును హత్యకేసుగా మార్చి తదుపరి విచారణ చేపట్టనున్నట్లు ఎస్‌ఐ తెలిపారు.

హైదరాబాద్‌: దిల్‌సుఖ్‌నగర్‌ బస్‌డిపో సమీపంలో సంతోషిమాత దేవాలయంలోకి చొరబడిన డుండగుడు కర్రతో అమ్మవారి విగ్రహాన్ని ధ్వంసం చేయటంతో స్థానికంగా ఉద్రిక్తత చోటు చేసుకుంది. చైతన్యపురి పోలీసులు తెలిపిన మేరకు.. శుక్రవారం ఉదయం ఆలయంలో భక్తులు పూజలు చేస్తున్న సమయంలో ఓ అగంతకుడు గర్భగుడిలోకి వెళ్లి కర్రతో అమ్మవారి విగ్రహాన్ని ధ్వంసం చేశాడు. పూజారి, భక్తులు వెంటనే నిందితుడిని పట్టుకొని తాళ్లతో కట్టివేసి పోలీసులకు సమాచారం అందజేశారు. ఇన్‌స్పెక్టర్‌ సైదులు సిబ్బందితో వచ్చి నిందితుడిని అదుపులోకి తీసుకుని స్టేషన్‌కు తరలించారు. స్థానికుల ఆందోళనలు, రాస్తారోకో ఈ విషయం తెలుసుకున్న బీజేపి, వీహెచ్‌పి, బజరంగ్‌దల్‌ నాయకులు, కాలనీవాసులు దేవాలయం వద్దకు చేరుకుని ఆందోళనకు దిగారు. అనంతరం దిల్‌సుఖ్‌నగర్‌ రాజీవ్‌ చౌక్‌ వద్ద జాతీయ రహదారిపై బైటాయించి దర్నా నిర్వహించారు. ట్రాఫిక్‌జాం కావడంతో పోలీసులు వారిని అదుపులోకి తీసుకొని వివిధ పోలీస్‌ స్టేషన్లకు తరలించారు. మెట్రో స్టేషన్, చైతన్యపురి పోలీస్‌ స్టేషన్‌ వద్ద కూడా ఆందోళనకు దిగారు. చర్యలు తీసుకుంటాం ఆలయ చైర్మన్‌ శ్రీనివాసయాదవ్‌ ఇచ్చిన పిర్యాదు మేరకు కేసు నమోదు చేశామని ఎల్‌బీనగర్‌ ఇంచార్జి ఏసీపీ రవీందర్‌రెడ్డి తెలిపారు. నిందితుడు సంగారెడ్డికి చెందిన వ్యక్తిగా గుర్తించామని, దిల్‌సుఖ్‌నగర్‌లో కుటుంబంతో నివసిస్తున్నట్లు గుర్తించామన్నారు. సంతోíÙమాత ఆలయాన్ని శుక్రవారం రాత్రి రాష్ట్ర బీజేపీ అధ్యక్షుడు రాంచందర్‌రావు సందర్శించి సంఘటనగురించి ఆరా తీశారు. నిందితుడిని కఠినంగా శిక్షించాలని డిమాండ్‌ చేశారు.

నిండు గర్భిణిని ప్రసవానికి ఒక ఆస్పత్రిలో చేర్పించారు. అక్కడ ఒక బిడ్డకు జన్మనివ్వగానే పరిస్థితి విషమించడంతో మరో ఆస్పత్రికి తరలించగా ఇంకో శిశువుకు జన్మనిచ్చింది. గంటన్నర వ్యవధిలో వేర్వేరు ఆస్పత్రుల్లో కవలలకు జన్మనివ్వగా.. రెండు ఆస్పత్రుల వైద్యులు సమన్వయంతో వ్యవహరించగా తల్లీబిడ్డలు క్షేమంగా ఉన్నారు. ఈ ఘటనకు సంబంధించి వివరాలిలా ఉన్నాయి. భద్రాద్రి కొత్తగూడెం జిల్లా మణుగూరు మండలం పగిడేరుకు చెందిన గుత్తికోయ మహిళ భీమమ్మకు పురిటినొప్పులు రావడంతో గురువారం రాత్రి 10 గంటలకు మణుగూరు ప్రభుత్వ ఆస్పత్రికి తీసుకొచ్చారు. అయితే, ఆమె గర్భం దాల్చినప్పటి నుంచి వైద్య పరీక్షలు చేయించుకోలేదు. దీంతో వైద్యులు పరీక్షించగా హిమోగ్లోబిన్‌ లోపించడమే కాక తీవ్ర రక్తహీనత, రక్తపోటు ఉండడంతో చికిత్స ప్రారంభించగా రాత్రి 11 గంటలకు 1.6 కిలోల బరువుతో మగబిడ్డ సాధారణ ప్రసవంలో జన్మించాడు. ఆమె కడుపులో ఇంకో బిడ్డ ఉండడంతో అరగంట పర్యవేక్షించినా ఫలితం లేక శస్త్రచికిత్స అవసరం కావడం, ఆస్పత్రిలో ఆమెకు అవసరమైన బీ–పాజిటివ్‌ రక్తం పూర్తిగా లేక భద్రాచలం ఏరియా ఆస్పత్రికి తరలించారు. ముందస్తు సమాచారంతో భద్రాచలం వైద్యులు సిద్ధమై గురువారం అర్ధరాత్రి దాటాక 12.30 గంటలకు శస్త్రచికిత్స చేయగా 2.2 కిలోల బరువుతో ఆడబిడ్డ జన్మించింది. ఇలా తొలి బిడ్డ పుట్టాక పరిస్థితి క్లిష్టంగా మారడంతో మణుగూరు వైద్యులు సకాలంలో భద్రాచలం పంపించడం, ఈ ఆస్పత్రి వైద్యులు సమయానికి శస్త్రచికిత్స చేయడంతో ప్రస్తుతం తల్లీబిడ్డలు క్షేమంగా ఉన్నారు. కాగా, మణుగూరు, భద్రాచలం ఆస్పత్రుల్లో వైద్యులు శ్రీనిధి, వంశీ, సుప్రియ, పూజ, మల్లేష్‌ డాక్టర్‌ విజయరావు, సాయికిషోర్‌ చికిత్సలో పాలుపంచుకోగా, పాల్గొన్న సిబ్బంది ఇందిర, ఆదిలక్ష్మి, స్రవంతి, లలిత, శైలజ, ఖాజా, శివ తదితరులను భద్రాద్రి జిల్లా డీసీహెచ్‌ఎస్‌ జి.రవిబాబు అభినందించారు.భద్రాచలం అర్బన్‌/మణుగూరు రూరల్‌:

న్యూఢిల్లీ: ఫ్లై దుబాయ్‌ విమానంలో కో–పైలట్‌ దాడిలో తీవ్రంగా గాయపడి, రక్తమోడుతున్నా సరే ప్రయాణికులను కాపాడాలన్న సంకల్పం మాత్రం చెక్కుచెదరలేదు. తనకు ఏం జరిగినా ఫర్వాలేదు వారు బతికుంటే చాలు అని భావించారు. ఒకవైపు కత్తి దూస్తున్న కో–పైలట్‌తో పెనుగులాడుతూనే మరోవైపు కాక్‌పిట్‌ తలుపు తెరిచారు. అంతటి విపత్కర పరిస్థితిలో ఆయన తీసుకున్న ఆ ఒక్క నిర్ణయమే 174 మంది ప్రయాణికులను కాపాడింది. ఫ్లై దుబాయ్‌ విమానంలో భారతీయ కెప్టెన్‌ స్మిత్‌ మచ్ఛార్‌ ప్రదర్శించిన ధైర్య సాహసాలను ప్రపంచమంతా కొనియాడుతోంది. కష్టాల్లో ఉన్నప్పుడల్లా హనుమాన్‌ చాలీసాను పఠిస్తానని స్మిత్‌ చెప్పారు. విమానంలో తనపై దాడి జరిగిన తర్వాత కూడా హనుమాన్‌ చాలీసాను పఠించడం తనకు కొండంత ధైర్యాన్ని ఇచ్చిందని తెలిపారు. ఇదే విషయాన్ని స్వయంగా ప్రధానమంత్రి నరేంద్ర మోదీతో పంచుకున్నారు. కో–పైలట్‌ దాడిలో గాయపడి, యూఏఈ ఆసుపత్రిలో చికిత్స పొందుతున్న స్మిత్‌ మచ్ఛార్‌తో శుక్రవారం మోదీ వీడియో కాల్‌ ద్వారా మాట్లాడారు. కెప్టెన్‌ ప్రదర్శించిన ధైర్యం, సమయస్ఫూర్తి, సంయమనాన్ని ప్రశంసించారు. ఆయన తీసుకున్న తక్షణ నిర్ణయం ఎంతోమంది ప్రాణాలను కాపాడిందని పేర్కొన్నారు. జరిగిన సంఘటన గురించి వివరాలు అడిగి తెలుసుకున్నారు. ఈ సందర్భంగా స్మిత్‌ భావోద్వేగానికి గురయ్యారు. ‘మీరే నాకు స్ఫూర్తి’అని మోదీతో అన్నారు. ప్రధానమంత్రితో స్మిత్‌ ఏం చెప్పారంటే.. అది అత్యంత క్లిష్టమైన సమయం ‘‘దాడిలో గాయపడి కాక్‌పిట్‌లో నేలపై ప్రాణాపాయ స్థితిలో పడి ఉన్నప్పటికీ ప్రయాణికులంతా సురక్షితంగా ఉండాలన్న దృఢ సంకల్పంతో నాలో మిగిలి ఉన్న శక్తితోనే సమయస్ఫూర్తిగా వ్యవహరించి విమానాన్ని కాపాడగలిగాను. అప్పుడు నేను నా ప్రాణాల కోసం పోరాడుతున్నాను. కానీ, ఇతరులు చనిపోకూడదని నిర్ణయించుకున్నాను. అది అత్యంత క్లిష్టమైన సమయం. ఏదో ఒకటి చేయకపోతే ప్రమాదం తప్పదని నాకు అనిపించిన క్షణం అది. కాక్‌పిట్‌లో నేను కిందపడి ఉన్నప్పటికీ, విమానం కిందకు పడిపోతోందని గ్రహించగలిగాను. సహ పైలట్‌ నన్ను కత్తితో పదేపదే పొడిచాడు. చాలా గాయాలయ్యాయి. అయినా సరే లేచి ఏదో ఒకటి చేయాలని నాకు నేను చెప్పుకున్నాను. ఆ సమయంలో నేను సరిగ్గా స్పందించకపోతే పరిస్థితి భయానకంగా మారుతుందని తెలుసు. 17 ఏళ్లుగా విమానాలు నడుపుతున్నాను, గత 11 ఏళ్లుగా కెప్టెన్‌గా ఉన్నాను. కళ్లు మూసుకున్నా కూడా విమానంలో ఏం జరుగుతుందో గుర్తించగలను. కాక్‌పిట్‌ తలుపు తెరవడమే తక్షణ మార్గమని ఆ క్షణంలో ఆలోచన వచ్చింది. తలుపు తెరిచిన వెంటనే మిగిలిన వారందరూ లోపలికి వచ్చారు. విమానాన్ని కాపాడడంలో వారందరూ నాతో సమానమైన పాత్ర పోషించారు. ప్రయాణికులను ఎలాగైనా కాపాడాలన్న సంకల్పమే నన్ను ముందుకు నడిపించింది. కళ్లముందే వారు మరణిస్తూ ఉంటే చూస్తూ ఉండలేను కదా!’’అని స్మిత్‌ పేర్కొన్నారు. మన సంస్కృతికి దూరం కాకూడదు ఈ ఘటన తర్వాత, భారతీయులు ఇతరుల ప్రాణాలు తీసేవారు కారని, పైగా ఇతరులను కాపాడటం కోసం తమ ప్రాణాలను పణంగా పెట్టడానికి సిద్ధపడే వీరులుగా దేశం గర్వంగా చెప్పుకోగలదని మచ్ఛార్‌తో ప్రధాని మోదీ అన్నారు. ‘‘ఆ సమయంలో మీరు ఎన్నో గాయాలకు గురయ్యారు, ప్రాణాలకు ముప్పు వాటిల్లే పరిస్థితిలో పోరాడారు. మీ సొంత భద్రతను పక్కన పెట్టి, ప్రయాణికుల భద్రతకే ప్రాధాన్యతనిచ్చారు. 140 కోట్ల మంది భారతీయుల గౌరవాన్ని పెంచారు. మిమ్మల్ని చూసి గర్వపడుతున్నాను’’అని పేర్కొన్నారు. మోదీ ప్రశంసలకు మచ్ఛార్‌ ప్రతిస్పందించారు. హనుమాన్‌ చాలీసా పఠించడం గురించి మాట్లాడారు. ‘‘నాకు నొప్పి లేదా బాధ కలిగినప్పుడల్లా నా మనసులో మెదిలే విషయం హనుమాన్‌ చాలీసా పఠనమే. విమానంలో దాడి తర్వాత కూడా హనుమాన్‌ చాలీసానే పఠిస్తూ ఉన్నాను. ఆ దేవుడే నన్ను కాపాడాడని తెలుసు. మోదీని ఆదర్శప్రాయుడిగా, స్ఫూర్తిప్రదాతగా భావిస్తున్నాను. మీరు చేసిన ఫోన్‌కాల్‌ నాలో ఎంతో ధైర్యాన్ని, ఉత్సాహాన్ని నింపింది. నాకు ఎంతో గర్వంగా అనిపిస్తోంది. మీ నుంచి ఫోన్‌కాల్‌ రావడం నాకు గర్వకారణం. మీ ముందు ఇలా భావోద్వేగంతో రోదిస్తున్నందుకు క్షమించండి’’అని మోదీతో చెప్పారు. దీనికి స్పందిస్తూ.. నా ముందు కన్నీళ్లు పెట్టుకోలేకపోతే ఇక ఎవరి ముందు పెట్టుకుంటారని మచ్ఛార్‌తో అన్నారు. ‘‘అయ్యా, ప్రతిరోజూ ఉదయం నేను ప్రార్థన చేసుకునేటప్పుడు నా రెండేళ్ల కుమారుడు నా ఒడిలో కూర్చుంటాడు. అప్పుడు నేను అతడికి హనుమాన్‌ చాలీసా వినిపిస్తాను. ఎందుకంటే చిన్నప్పుడు నాకు కూడా అలాగే నేరి్పంచారు. మనం నేడు మన దేశానికి దూరంగా ఉన్నప్పటికీ, మన సంస్కృతికి మాత్రం దూరంగా ఉండకూడదు’’అని మచ్ఛార్‌ చెప్పారు. ఆసుపత్రి వైద్యులు, సిబ్బంది తనను ప్రేమ, శ్రద్ధతో బాగా చూసుకుంటున్నారని తెలియజేశారు. కత్తిపోట్లను కేవలం ఒక గాయంగా చూడటం లేదని, అలా చేస్తే కోలుకోవడం మరింత కష్టమవుతుందని అన్నారు. దీనిని నెమ్మదిగా సాగే ఒక ప్రయాణంలా భావిస్తున్నానని వెల్లడించారు. తాను త్వరగా కోలుకొని, పూర్తి ఆరోగ్యవంతుడిగా మారుతానని విశ్వాసం వ్యక్తం చేశారు. An unforgettable conversation with Captain Smit, filled with pride and emotions. pic.twitter.com/CCf46PKOWR— Narendra Modi (@narendramodi) October 2, 2026అహింసకు అర్థాన్ని చెప్పారు స్మిత్‌ మచ్ఛార్‌ త్వరగా కోలుకోవాలని దేశవ్యాప్తంగా ఆలయాల్లో ప్రత్యేక ప్రార్థనలు జరిగాయని, చాలామంది భారతీయులు మహా మృత్యుంజయ మంత్రాన్ని పఠిస్తున్నారని ప్రధాని మోదీ చెప్పారు. ‘‘మీరు ధైర్యవంతులు, మీకు స్వాగతం పలికేందుకు భారత్‌ ఎదురుచూస్తోంది’’అని కెప్టెన్‌తో అన్నారు. భగవద్గీత బోధనలు, విలువలతో తన బిడ్డను పెంచిన మచ్ఛార్‌ తల్లి గీతా బెన్‌ గురించి మోదీ ప్రస్తావించారు. భారతదేశంలోనే కాకుండా ప్రపంచవ్యాప్తంగా ప్రజలు మచ్ఛార్‌తో మాట్లాడటానికి ఆసక్తి చూపుతున్నారని తెలిపారు. దేశ గౌరవాన్ని పెంచారంటూ మచ్ఛార్‌ను ప్రశంసించారు. ఆసుపత్రిలో ఆయనను చక్కగా చూసుకున్నందుకు సౌదీ అరేబియా, యూఏఈ ప్రభుత్వాలకు మోదీ కృతజ్ఞతలు తెలిపారు. భారతీయ పైలట్ల ప్రతిష్టను ఉన్నత స్థాయికి తీసుకెళ్లారని, ఇకపై ప్రపంచం వారిని కొత్త కోణంలో చూస్తుందని మచ్ఛార్‌తో అన్నారు. ‘‘ఈ రోజు గాంధీ జయంతి. అహింస నిజమైన అర్థం ఏమిటో మీరు ప్రపంచానికి చాటిచెప్పారు’’అని శ్లాఘించారు. మచ్ఛార్‌ స్వస్థలం గుజరాత్‌. ఆయనతో మోదీ కొద్దిసేపు గుజరాతీ భాషలో మాట్లాడడం విశేషం. అనంతరం ఆ వీడియో కాల్‌ గురించి మోదీ సోషల్‌ మీడియాలో పోస్టుచేశారు. ‘‘కెప్టెన్‌ స్మిత్‌తో గర్వం, భావోద్వేగాలతో కూడిన ఒక చిరస్మరణీయ సంభాషణ జరిగింది’’అని పేర్కొన్నారు. ఇదీ చదవండి: మీరే నాకు స్ఫూర్తి.. మోదీతో మచ్చార్‌

ఫ్లైదుబాయ్‌ విమానంలో పెను ప్రమాదాన్ని తప్పించిన భారత పైలట్‌ కెప్టెన్‌ స్మిట్‌ మచ్చార్‌తో ప్రధాని నరేంద్ర మోదీ శుక్రవారం ఫోన్‌లో మాట్లాడారు. ప్రస్తుతం యూఏఈలోని అబుదాబిలో చికిత్స పొందుతున్న ఆయన .. ఘటనకు సంబంధించిన విషయాలు పంచుకున్నారు. ఆ సమయంలో ప్రాణాలను పణంగా పెట్టి ప్రయాణికులను కాపాడిన ఆయన ధైర్యసాహసాలను ప్రధాని ప్రశంసించగా.. మచ్చార్‌ భావోద్వేగానికి లోనయ్యారు.కో-పైలట్‌ తనపై ఎలా దాడి చేశాడో.. ఆ సమయంలో తనకు ధైర్యం ఇచ్చిన విషయాలేంటో కెప్టెన్‌ స్మిట్‌ మచ్చర్‌ ప్రధాని మోదీకి వివరించారు. దాడిలో తీవ్రంగా గాయపడి లేవలేని పరిస్థితిలో ఉన్నప్పటికీ.. విమానం ఒక్కసారిగా కిందకు దిగడాన్ని గమనించానని చెప్పారు. ఆ సమయంలో ప్రయాణికుల ప్రాణాలకు ప్రమాదం ఉందన్న భయంతో ఎలాగైనా కాక్‌పిట్‌ తలుపు తెరవాలని నిర్ణయించుకున్నట్లు తెలిపారు.“ఏదో విధంగా నిలబడి కాక్‌పిట్‌ తలుపు తెరిచాను. ప్రయాణికులు లోపలికి రావడంతో పరిస్థితి అదుపులోకి వచ్చింది” అని స్మిట్‌ వివరించారు. ప్రమాద సమయంలో తనకు ధైర్యం ఇచ్చింది హనుమాన్‌ చాలీసా అని, దానిని చదువుకుంటూ ధైర్యం తెచ్చుకున్నానని చెప్పారు. “ఆ భగవంతుడే నన్ను కాపాడాడు. మీతో మాట్లాడతానని నేను అనుకోలేదు. నాకు మీరే నాకు స్ఫూర్తి” అంటూ మచ్చార్‌ భావోద్వేగానికి లోనయ్యారు. #WATCH | Flydubai Captain Smit Machchhar turns emotional as he recounts his ordeal before PM Modi; he says, "You are my biggest idol. I feel proud of the way you are encouraging me today. I had so many injuries, but I told myself I have to get up and act. At the time, I told… pic.twitter.com/eqGloeCTSl— ANI (@ANI) October 2, 2026అత్యంత క్లిష్ట పరిస్థితుల్లోనూ స్మిట్‌ మచ్చర్‌ చూపిన సమయస్ఫూర్తి, ధైర్యాన్ని ప్రధాని మోదీ అభినందించారు. ఆయన ఆరోగ్య పరిస్థితిని అడిగి తెలుసుకున్న మోదీ.. త్వరగా పూర్తిగా కోలుకోవాలని ఆకాంక్షించారు. మీకు ఎప్పుడు ఏ అవసరం వచ్చినా.. నేను ఫోన్‌లో అందుబాటులో ఉంటాను అంటూ మచ్చార్‌కు మోదీ మాటిచ్చారు.బుధవారం ఉదయం దుబాయ్‌ నుంచి టెల్‌ అవీవ్‌ వెళ్తున్న ఫ్లైదుబాయ్‌ ఎఫ్‌జెడ్‌1073 విమానంలో కో-పైలట్‌ దాడి చేసిన ఘటనలో కెప్టెన్‌ స్మిట్‌ మచ్చర్‌ తీవ్రంగా గాయపడ్డారు. అయినప్పటికీ అత్యంత క్లిష్ట పరిస్థితుల్లోనూ ఆయన కాక్‌పిట్‌ తలుపు తెరిచి సహాయం కోరడంతో పాటు విమానాన్ని సురక్షితంగా ల్యాండ్‌ చేసేందుకు కీలకంగా వ్యవహరించారు. ఈ ఘటనలో విమానంలో ఉన్న 174 మంది ప్రయాణికులు, సిబ్బంది ప్రాణాలు కాపాడటంలో స్మిట్‌ మచ్చర్‌ పాత్ర కీలకంగా మారింది. గాయాలతో పోరాడుతూనే ఆయన చూపిన ధైర్యంపై అంతర్జాతీయంగా ప్రశంసలు వెల్లువెత్తుతున్నాయి.ఘటన అనంతరం తొలుత సౌదీ అరేబియాలోని తబూక్‌ ఆస్పత్రిలో ఆయనకు వైద్యం అందించారు. అనంతరం మెరుగైన చికిత్స కోసం యూఏఈకి ఎయిర్‌లిఫ్ట్‌ చేశారు. ప్రస్తుతం స్మిట్‌ మచ్చర్‌ యూఏఈలోని అబుదాబిలో చికిత్స పొందుతున్నారు. ఆయనకు శస్త్రచికిత్స విజయవంతంగా జరిగిందని.. ఆయన మాట్లాడగలుగుతున్నారని.. త్వరలో కోలుకుంటారని వైద్యులు, ఇటు భారత రాయబార కార్యాలయమూ ఒక ప్రకటన చేసింది.కెప్టెన్‌ స్మిట్‌ మచ్చార్‌ సాహసం చూసి దేశం గర్విస్తోందని భారత ప్రధాని నరేంద్ర మోదీ ఇంతకు ముందు అభినందించారు. మరో 9/11 తరహా దాడి జరగకుండా మచ్చార్‌ అడ్డుకోగలిగారంటూ పొగిడారు. అంతేకాదు.. అతని కుటుంబ సభ్యులతో మాట్లాడిన ఆయన అధైర్య పడొద్దని.. భారత ప్రభుత్వం తరఫున అన్నివిధాల సాయం అందిస్తామని భరోసా ఇచ్చారు. ఇదీ చదవండి: ఫ్లైదుబాయ్‌ ఘటన.. వీడియోలో భయానక దృశ్యాలు

దుబాయ్‌ నుంచి టెల్‌ అవీవ్‌ వెళ్తున్న ఫ్లైదుబాయ్‌ విమానంలో జరిగిన ఘటనపై దర్యాప్తు కొనసాగుతున్న వేళ కొత్త విషయాలు వెలుగులోకి వస్తున్నాయి. కాక్‌పిట్‌లో జరిగిన దాడి వెనుక ఉద్దేశం ఏమిటి? విమానాన్ని కూల్చే ప్రయత్నమేనా? లేక మరేదైనా కారణమా? అన్న అంశాలపై అధికారులు ఆరా తీస్తున్నారు. ఈ ఘటనపై ఇజ్రాయెల్‌ ప్రధాని బెంజమిన్‌ నెతన్యాహూ చేసిన వ్యాఖ్యలు ఇప్పుడు చర్చకు దారితీశాయి.ఫాక్స్‌ న్యూస్‌కు ఇచ్చిన ఇంటర్వ్యూలో నెతన్యాహూ.. ఒమన్‌కు చెందిన కో-పైలట్‌ ఇస్లామిక్‌ తీవ్రవాద భావజాలానికి ప్రభావితుడై ఉండొచ్చని తెలిపారు. అతడి వ్యక్తిగత సమాచారంలో కొన్ని అంశాలు బయటపడ్డాయని, దర్యాప్తు కొనసాగుతోందని చెప్పారు. అదుపులోకి తీసుకున్న సమయంలో కో-పైలట్‌ “కిల్‌ మీ.. కిల్‌ మీ” అంటూ అరచినట్లు పేర్కొన్నారు. అతడు ఆత్మహత్యా ధోరణిలో ఉన్నట్లు కనిపించిందని, విమానాన్ని ప్రమాదంలోకి నెట్టే ఉద్దేశం ఉండి ఉండొచ్చని అనుమానం వ్యక్తం చేశారు.ఇటు అమెరికా అధ్యక్షుడు డొనాల్డ్‌ ట్రంప్‌.. ఫ్లైదుబాయ్‌ ఘటనను తీవ్రంగా పరిగణించారు. భారత పైలట్‌ స్మిట్‌ మచ్చార్‌పై దాడి చేసిన ఆ కోపైలట్‌కు ఇరాన్‌తో లింకులు ఉండొచ్చన్న అనుమానాలు వ్యక్తం చేశారు. దర్యాప్తు జరుగుతోందని.. అదే గనుక నిజమని తేలితే ఇరాన్‌పై భీకరదాడులు జరుపుతామని హెచ్చరించారు.కాక్‌పిట్‌లో రక్తపాతం..వీడియో బయటకుఫ్లైదుబాయ్‌ ఎఫ్‌జెడ్‌1073 విమానం దుబాయ్‌ నుంచి టెల్‌ అవీవ్‌కు వెళ్తుండగా ఈ ఘటన జరిగింది. విమానంలో 174 మంది ప్రయాణికులు, ఎనిమిది మంది సిబ్బంది ఉన్నారు. విమాన కాక్‌పిట్‌లో కో-పైలట్‌ భారతీయ కెప్టెన్‌ స్మిట్‌ మచ్చార్‌పై దాడి జరిగింది. ఈ సమయంలో విమానం ఒక్కసారిగా వేల అడుగుల ఎత్తు నుంచి కిందికి దిగడంతో ప్రయాణికుల్లో తీవ్ర భయాందోళనలు నెలకొన్నాయి.బయటకు వచ్చిన వీడియోల్లో విమానం లోపల గందరగోళ పరిస్థితులు కనిపించాయి. ప్రయాణికులు కాక్‌పిట్‌ వైపు పరుగులు తీస్తూ కనిపించారు. “అతడు విమానాన్ని కూల్చేందుకు ప్రయత్నించాడు” అంటూ కొందరు ప్రయాణికులు అరుస్తున్న దృశ్యాలు కూడా బయటకు వచ్చాయి.గాయాలతోనే తలుపు తెరిచి..దాడిలో తీవ్రంగా గాయపడిన కెప్టెన్‌ స్మిట్‌ మచ్చర్‌ రక్తస్రావంతో ఉన్నప్పటికీ కాక్‌పిట్‌ తలుపు తెరిచినట్లు ఆ దృశ్యాలు ఉన్నాయి. దీంతో ప్రయాణికులు లోపలికి వెళ్లి కో-పైలట్‌ను అదుపులోకి తీసుకున్నారు. “అతడు నన్ను చాలా సార్లు కొట్టాడు” అంటూ కెప్టెన్‌ చెప్పిన దృశ్యాలు వీడియోల్లో కనిపించినట్లు సమాచారం.ఈ సమయంలో కొందరు ప్రయాణికులు ధైర్యంగా ముందుకు వచ్చారు. ట్జ్వికా మానెస్‌, అసఫ్‌ రాజువాన్‌, యానివ్‌ హయూన్‌ వంటి ప్రయాణికులు కాక్‌పిట్‌లోకి వెళ్లి దాడి చేసిన వ్యక్తిని అదుపులోకి తీసుకోవడంలో సహకరించారు.ప్లంబర్‌, డెంటిస్ట్‌.. ప్రయాణికులే హీరోలుఈ ఘటనలో ప్రయాణికుల పాత్ర కీలకంగా మారింది. విమానంలో ఉన్న డెంటిస్ట్‌ షోటా ముసాయెవ్‌ గాయపడిన కెప్టెన్‌కు ప్రథమ చికిత్స అందించారు. అలాగే విమానంలో ఉన్న ఆఫ్‌-డ్యూటీ పైలట్లు పరిస్థితిని చక్కదిద్దడంలో సహకరించారు. ప్రయాణికుడు యానివ్‌ హయూన్‌.. విమాన ప్రమాదాలకు సంబంధించిన టీవీ షోలు చూసిన అనుభవం ఆ సమయంలో తనకు ఉపయోగపడిందని చెప్పినట్లు సమాచారం.కోలుకుంటున్న భారత పైలట్‌ఘటన తర్వాత సౌదీ అరేబియాలోని టబూక్‌ ఆస్పత్రిలో చికిత్స పొందిన కెప్టెన్‌ స్మిట్‌ మచ్చర్‌ను అనంతరం యూఏఈకి తరలించారు(ఎయిర్‌లిఫ్ట్‌). యూఏఈలో భారత రాయబారి దీపక్‌ మిట్టల్‌ ఆస్పత్రికి వెళ్లి కెప్టెన్‌, ఆయన కుటుంబ సభ్యులను కలిశారు. స్మిట్‌ ఆరోగ్యం నిలకడగా ఉందని, కుటుంబ సభ్యులతో మాట్లాడుతున్నారని తెలిపారు. “ధైర్యవంతుడైన భారత ముద్దుబిడ్డ” అంటూ స్మిట్‌ను ఆయన ప్రశంసించారు. మానవ ప్రాణాలను కాపాడటంలో ఆయన గొప్ప సేవ చేశారని పేర్కొన్నారు.కో-పైలట్‌ UAE అదుపులోకిఘటన తర్వాత సౌదీ అధికారులు కో-పైలట్‌ను అదుపులోకి తీసుకున్నారు. ప్రాథమిక విచారణ అనంతరం అతడిని యూఏఈ అధికారులకు అప్పగించారు. ఈ ఘటన ఉగ్రవాద సంబంధమా? ముందస్తు ప్రణాళిక ఉందా? కో-పైలట్‌ ఒక్కడే ఈ చర్యకు పాల్పడ్డాడా? అన్న అంశాలపై దర్యాప్తు జరుగుతోంది. ఈ దర్యాప్తులో ఇజ్రాయెల్‌ కూడా భాగం కావొచ్చని సమాచారం. ఘటనపై అనుమానాలు?ఈ ఘటన తర్వాత విమాన భద్రతా వ్యవస్థపై కూడా ప్రశ్నలు తలెత్తుతున్నాయి. ఒమన్‌, ఇజ్రాయెల్‌కు అధికారిక దౌత్య సంబంధాలు లేనప్పటికీ.. ఆ దేశానికి చెందిన వ్యక్తి ఇజ్రాయెల్‌ వెళ్లే విమానంలో విధులు నిర్వహించడం ఎలా సాధ్యమైందన్న చర్చ మొదలైంది. ఏమైనా లోపాలు జరిగాయా? అన్నది దర్యాప్తులో తేలాల్సి ఉంది.మరోవైపు.. అంతర్జాతీయ మీడియా సంస్థలు ఈ ఘటనపై అనుమానాలు వ్యక్తం చేస్తున్నాయి. ప్లంబర్‌ అయిన యానివ్‌ హయూన్‌ ఆ సమయంలో విమానం కంట్రోల్‌ చేశాడన్న కోణాన్ని ఏకిపారేస్తున్నాయి. హయూన్‌ నేరుగా ప్రధాని నెతన్యాహూను కలవడం, ఆ సమయంలో జరిగిందంతా డ్రామాగా అభివర్ణిస్తూ కథనాలు ఇస్తున్నాయి. ఇటు ఒమన్‌కు చెందిన వ్యక్తికి.. ఇజ్రాయెల్‌కు విమానం నడిపే అవకాశం ఎలా దక్కింది? అని మాజీ పైలట్లు ప్రశ్నిస్తున్నారు. ఇంకోవైపు ఎన్నికల్లో లబ్ధి కోసమే నెతన్యాహూ ఈ డ్రామాలు ఆడుతున్నారేమో అని ఇజ్రాయెల్‌ ప్రతిపక్షాలు అనుమానాలు వ్యక్తం చేస్తున్నాయి. ఇదీ చదవండి: ఎలక్షన్‌ దాకా ఆగడం ఎందుకు? బాంబులేస్తే పోలా!

సాక్షి, బాపట్ల జిల్లా: వేటపాలెంలో విషాదం జరిగింది. రైలు కింద పడి ఓ విద్యార్థి ఆత్మహత్యకు పాల్పడ్డాడు. తల్లి మందలించిందని మనస్తాపానికి గురైన విద్యార్థి.. క్షణికావేశంలో దారుణ నిర్ణయం తీసుకున్నాడు. మృతుడు హరి మాస్టార్ స్కూల్‌లో 8వ తరగతి చదువుతున్న షణ్ముఖ్‌గా గుర్తించారు. సమాచారం అందుకుని ఘటనా స్థలానికి చేరుకున్న రైల్వే పోలీసులు వివరాలు సేకరిస్తున్నారు. ఘటనపై కేసు నమోదు చేసి మృతదేహాన్ని పోస్టుమార్టం నిమిత్తం చీరాల ఏరియా వైద్యశాలకు పోలీసులు తరలించారు.మరో ఘటనలో..గుంటూరు జిల్లా మోరంపూడి గ్రామానికి చెందిన వేమూరి ప్రభు కిరణ్‌ (7) అదృశ్యం కేసు విషాదంగా ముగిసింది. పోలీసులు తెలిపిన వివరాల ప్రకారం.. దుగ్గిరాల మండలం మోరంపూడి గ్రామానికి చెందిన వేమూరి కిరణ్‌ కుమార్‌ కుమారుడు ప్రభు కిరణ్‌ సోమవారం ఆడుకోవడానికి వెళ్ళిన కుమారుడు కనిపించడం లేదని మంగళవారం పోలీసులకు ఫిర్యాదు చేశారు.స్పందించిన ఎస్‌ఐ వెంకట రవి దర్యాప్తు చేపట్టగా బుధవారం ఉదయం చెరువులో ప్రభుకిరణ్‌ మృతదేహం లభించింది. పోస్టుమార్టం నిర్వహించి వెంటనే తల్లిదండ్రులకు అప్పగించారు. బాలుడు మృతితో గ్రామంలో విషాద ఛాయలు అలముకున్నాయి.ఇదీ చదవండి: ప్రకాశం జిల్లాలో ‘ఇరుముడి’ సీన్‌ రిపీట్‌!

దుబాయ్‌–టెల్‌అవీవ్‌ ఫ్లై దుబాయ్‌ విమానంలో చోటుచేసుకున్న ఘటనలో భారత పైలట్‌ కెప్టెన్‌ స్మిట్‌ మచ్చార్‌ ప్రదర్శించిన ధైర్యసాహసాలను ప్రధాని నరేంద్ర మోదీ ప్రశంసించారు. తీవ్రంగా గాయపడినప్పటికీ పరిస్థితిని ఎదుర్కొని.. విమానంలోని వందలాది మంది ప్రయాణికుల ప్రాణాలకు ముప్పు వాటిల్లకుండా కీలకంగా వ్యవహరించారని అన్నారు.‘‘కెప్టెన్‌ స్మిట్‌ మచ్చార్‌ ఒక హీరో. భారత్‌ ఆయనను చూసి గర్విస్తోంది’’ అని ప్రధాని మోదీ పేర్కొన్నారు. స్మిట్‌ మచ్చార్‌ తెగువను కొనియాడుతూ మోదీ ‘ఎక్స్‌’లో పోస్ట్‌ చేశారు. అత్యంత ప్రమాదకర పరిస్థితుల్లోనూ, తీవ్రంగా గాయపడినప్పటికీ ఇతరుల ప్రాణాలను కాపాడేందుకు ఆయన అపారమైన ధైర్యం, వెనక్కి తగ్గని సంకల్పాన్ని ప్రదర్శించారని అన్నారు. ఆయన చూపిన తెగువ వందలాది మంది ప్రాణాలను కాపాడటంతోపాటు పెను విషాదాన్ని తప్పించిందని పేర్కొన్నారు. స్మిట్‌ మచ్చార్‌ త్వరగా కోలుకోవాలని, మరింత శక్తితో పూర్తి ఆరోగ్యంతో తిరిగి రావాలని ఆకాంక్షించారు.Captain Smit Machchhar is a HERO.In the face of the gravest danger and despite being seriously injured, he showed immense courage and an unwavering resolve to protect the lives of others. His valour helped save hundreds of lives and avert a great tragedy.India is proud of…— Narendra Modi (@narendramodi) October 1, 2026బుధవారం దుబాయ్‌ నుంచి టెల్‌అవీవ్‌కు బయలుదేరిన ఫ్లై దుబాయ్‌ విమానం FZ1073లో ఈ ఘటన చోటుచేసుకుంది. బోయింగ్‌ 737 విమానం సుమారు 34 వేల అడుగుల ఎత్తులో ప్రయాణిస్తుండగా.. కాక్‌పిట్‌లో ఒక్కసారిగా కలకలం రేగింది. సహ పైలట్‌ విమానాన్ని ప్రమాదానికి గురిచేసేందుకు ప్రయత్నించినట్లు ఆరోపణలు ఉన్నాయి. ఈ క్రమంలో అడ్డుకునేందుకు ప్రయత్నించిన కెప్టెన్‌ స్మిట్‌ మచ్చార్‌పై అతడు దాడి చేసి కత్తితో పొడిచినట్లు సమాచారం.దాడితో మచ్చార్‌ తీవ్రంగా గాయపడ్డారు. అదే సమయంలో విమానం భారీ వేగంతో కిందికి దిగడం ప్రారంభించింది. ఫ్లైట్‌ ట్రాకింగ్‌ డేటా ప్రకారం.. దాదాపు 37 సెకన్లలోనే విమానం 14,300 అడుగుల మేర కిందికి దిగింది. ఒక దశలో నిమిషానికి సుమారు 23 వేల అడుగుల వేగంతో కిందికి దూసుకెళ్లినట్లు సమాచారం. దీంతో విమానంలో తీవ్ర భయాందోళనలు నెలకొన్నాయి.కుటుంబానికి మోదీ ధైర్యంకెప్టెన్‌ స్మిట్‌ మచ్చార్‌ కుటుంబంతోనూ గురువారం ఉదయం ప్రధాని మోదీ ఫోన్‌లో పరామర్శించినట్లు తెలుస్తోంది. మచ్చార్‌ తల్లిదండ్రులతో పాటు అతని భార్యతోనూ మోదీ మాట్లాడినట్లు అధికార వర్గాలు వెల్లడించాయి. స్మిట్‌ సాహసాన్ని ప్రస్తావిస్తూ అధైర్య పడొద్దని.. అవసరమైన సాయం అందిస్తామని ఆయన చెప్పినట్లు సమాచారం. గాయాలతోనే ఎదురుదాడి..ఈ సమయంలో తీవ్రంగా గాయపడినప్పటికీ కెప్టెన్‌ మచ్చార్‌ వెనక్కి తగ్గలేదు. సహ పైలట్‌ను ప్రతిఘటిస్తూ కాక్‌పిట్‌ తలుపు తెరిచినట్లు సమాచారం. దీంతో ముందు వరుసలో ఉన్న ప్రయాణికులు, సిబ్బంది కాక్‌పిట్‌లోకి చేరుకుని దాడి చేసిన వ్యక్తిని అదుపులోకి తీసుకునేందుకు సహకరించారు. విమానంలో ఉన్న మరో ఇద్దరు రిలీఫ్‌ పైలట్లు అనంతరం నియంత్రణ బాధ్యతలు చేపట్టారు. విమానాన్ని సౌదీ అరేబియాలోని తబుక్‌ విమానాశ్రయానికి మళ్లించారు. అక్కడ విమానం సురక్షితంగా ల్యాండ్‌ అయింది. ల్యాండింగ్‌ అనంతరం గాయపడిన స్మిట్‌ మచ్చార్‌, సహ పైలట్‌ను ఆసుపత్రికి తరలించారు. ప్రయాణికులకు కూడా విమానాశ్రయంలో వైద్య సాయం అందించారు. ప్రస్తుతం ఆయన ఆరోగ్యం నిలకడగా ఉన్నట్లు తెలుస్తోంది.9,750 గంటల ఫ్లయింగ్‌ అనుభవంస్మిట్‌ మచ్చార్‌ భారతీయుడు. ఫ్లై దుబాయ్‌లో చేరకముందు స్పైస్‌జెట్‌లో సుమారు 11 ఏళ్లు పనిచేశారు. బోయింగ్‌ 737 విమానాల్లో 13 ఏళ్లకు పైగా వాణిజ్య విమానయాన అనుభవం ఉంది. ఆయన లింక్డ్‌ఇన్‌ ప్రొఫైల్‌ ప్రకారం.. దాదాపు 9,750 గంటల ఫ్లయింగ్‌ అనుభవంతోపాటు లైన్‌ ట్రైనింగ్‌ కెప్టెన్‌గా కూడా పనిచేశారు.ట్రంప్‌, నెతన్యాహు ప్రశంసలుస్మిట్‌ మచ్చార్‌ ధైర్యాన్ని ఇజ్రాయెల్‌ ప్రధాని బెంజమిన్‌ నెతన్యాహు కూడా ప్రశంసించారు. దాడిలో గాయపడినప్పటికీ విమానాన్ని, ప్రయాణికులను రక్షించేందుకు ఆయన చేసిన ప్రయత్నాలను కొనియాడారు. ప్రయాణికులు, సిబ్బంది సైతం దాడిచేసిన వ్యక్తిని అదుపులోకి తీసుకోవడంలో కీలకంగా వ్యవహరించినట్లు పేర్కొన్నారు. ఇటు ట్రంప్‌ కూడా స్మిట్‌ను హీరో అని, కోపైలట్‌ను టెర్రరిస్ట్‌ అని అభివర్ణించారు.ఈ ఘటనకు దారితీసిన కారణాలు, సహ పైలట్‌ ఎందుకు దాడికి పాల్పడ్డాడు? విమానాన్ని ఎందుకు కిందికి దించాడు? అనే అంశాలపై దర్యాప్తు కొనసాగుతోంది. అయితే తీవ్ర ప్రమాదం ఎదురైన సమయంలో గాయాలను లెక్కచేయకుండా స్మిట్‌ మచ్చార్‌ తీసుకున్న చర్యలు ఇప్పుడు ఈ ఘటనలో ప్రధానంగా చర్చనీయాంశంగా మారాయి.ఇదీ చదవండి: ప్చ్‌.. డంకీ ఎంత పని చేసింది?

విమానం గాల్లో ఉంది.. ఒక్కసారిగా కాక్‌పిట్‌లో కలకలం. కో-పైలట్‌ కత్తితో కెప్టెన్‌పై దాడి చేశాడు. తీవ్రంగా గాయపడినప్పటికీ ఆ భారత పైలట్‌ వెనక్కి తగ్గలేదు. కాక్‌పిట్‌ తలుపు తెరిచి బయటకు వచ్చి సంకేతం ఇచ్చాడు. ప్రయాణికులు, ఇతర సిబ్బంది వెంటనే స్పందించడంతో పెను విమాన ప్రమాదం తప్పింది. ఈ ఘటనలో ధైర్యసాహసాలు ప్రదర్శించిన భారత పైలట్‌ స్మిట్‌మచ్చర్‌పై అమెరికా అధ్యక్షుడు డొనాల్డ్‌ ట్రంప్‌, ఇజ్రాయెల్‌ ప్రధాని బెంజమిన్‌ నెతన్యాహు ప్రశంసలు కురిపించారు.ఫ్లైదుబాయ్‌ విమానం FZ1073లో జరిగిన ఘటనపై ఇజ్రాయెల్‌ ప్రధాని బెంజమిన్‌ నెతన్యాహు స్పందించారు. ‘‘భారత పైలట్‌ కెప్టెన్‌ స్మిట్‌ మచ్చర్‌ అసాధారణ ధైర్యానికి నా సెల్యూట్‌’’ అని ఎక్స్‌లో పోస్టు చేశారు. కత్తిపోట్లతో తీవ్రంగా గాయపడినప్పటికీ మచ్చర్‌ ప్రతిఘటించి కాక్‌పిట్‌ తలుపు తెరిచారని తెలిపారు. దీంతో ప్రయాణికులు, సిబ్బంది లోపలికి వెళ్లి దాడి చేసిన వ్యక్తిని అదుపులోకి తీసుకోగలిగారని పేర్కొన్నారు. ఈ చర్య పెను విమాన ప్రమాదాన్ని నివారించిందని, ఆయన త్వరగా కోలుకోవాలని ఆకాంక్షించారు.ఇటు అమెరికా అధ్యక్షుడు డొనాల్డ్‌ ట్రంప్‌ కూడా స్మిట్‌ మచ్చర్‌ను ‘హీరో’గా అభివర్ణించారు. ఇజ్రాయెల్‌ ప్రధాని నెతన్యాహు తనకు చెప్పిన వివరాలను మీడియాతో పంచుకున్న ట్రంప్‌.. తీవ్రంగా గాయపడినప్పటికీ పైలట్‌ చేసిన చర్యను అద్భుతమైనదిగా పేర్కొన్నారు.30 సెకన్లలో 14 వేల అడుగులు కిందకు!భారత కాలమానం ప్రకారం.. బుధవారం ఉదయం దుబాయ్‌-టెల్‌అవీవ్‌ మధ్య ప్రయాణిస్తున్న బోయింగ్‌ 737 MAX 8 విమానం పైలట్‌, కో-పైలట్‌ మధ్య కాక్‌పిట్‌లో ఘర్షణతో ఒక్కసారిగా ఉద్రిక్తంగా మారింది. ఈ క్రమంలో కో-పైలట్‌ కెప్టెన్‌ మచ్చర్‌పై కత్తితో దాడి చేసినట్లు సమాచారం. అనంతరం విమానం ఒక్కసారిగా ఎత్తు కోల్పోయింది. ఫ్లైట్‌ ట్రాకింగ్‌ డేటా ప్రకారం కేవలం 30 సెకన్లలో దాదాపు 14 వేల అడుగుల మేర కిందికి పడిపోయింది.విమానంలోని ప్రయాణికులకు పరిస్థితి అర్థమయ్యేలోపే కాక్‌పిట్‌ నుంచి అరుపులు వినిపించాయి. ఇదే సమయంలో గాయపడిన కెప్టెన్‌ మచ్చర్‌ కాక్‌పిట్‌ తలుపు తెరిచారు. దీంతో ప్రయాణికులు, సిబ్బంది లోపలికి వెళ్లే అవకాశం ఏర్పడింది.‘‘విమానాన్ని కూల్చేందుకు ప్రయత్నించాడు’’ఈ దాడికి సంబంధించి సంచలన ఆరోపణలు వినిపిస్తున్నాయి. కో-పైలట్‌ విమానం వ్యవస్థలను ధ్వంసం చేసేందుకు ప్రయత్నించినట్లు ఆరోపణలు ఉన్నాయి. ప్రయాణికుడు యానివ్‌ తెలిపిన వివరాల ప్రకారం.. మచ్చర్‌ కాక్‌పిట్‌ తలుపు తెరిచి కుప్పకూలిన తర్వాత ప్రయాణికులు లోపలికి వెళ్లి దాడి చేసిన వ్యక్తిని అదుపులోకి తీసుకున్నారు. అనంతరం విమానంలో ఉన్న మరో సెట్‌ పైలట్లు కాక్‌పిట్‌లోకి చేరుకుని విమానాన్ని కంట్రోల్‌ చేయగలిగారు. అటు నుంచి సౌదీ అరేబియాలోని టబుక్‌కు మళ్లించారు. అక్కడ విమానం సురక్షితంగా ల్యాండ్‌ అయింది.ఎవరీ స్మిట్‌మచ్చర్‌?స్మిట్‌ మచ్చర్‌ భారత పౌరుడు. బోయింగ్‌ 737 విమానాలపై ఆయనకు 13 ఏళ్లకు పైగా వాణిజ్య విమానయాన అనుభవం ఉంది. సుమారు 9,750 గంటల ఫ్లయింగ్‌ అనుభవం ఉన్నట్లు ఆయన లింక్డ్‌ఇన్‌ ప్రొఫైల్‌ ఆధారంగా వివరాలు వెల్లడయ్యాయి. 2011లో స్పైస్‌జెట్‌లో చేరిన మచ్చర్‌.. అక్కడ లైన్‌ ట్రైనింగ్‌ కెప్టెన్‌, సీనియర్‌ కమాండర్‌గా పనిచేశారు. 2022 జూన్‌లో స్పైస్‌జెట్‌ను వీడి ఫ్లై దుబాయ్‌లో డైరెక్ట్‌ ఎంట్రీ కెప్టెన్‌గా చేరారు. ఆయన సోదరుడు కూడా ఇటీవల ఫ్లై దుబాయ్‌లో చేరినట్లు సమాచారం.ఆసుపత్రిలో చికిత్స.. పరిస్థితి నిలకడగాకాక్‌పిట్‌ ఘటనలో తీవ్రంగా గాయపడిన మచ్చర్‌ను సౌదీ అరేబియాలోని టబుక్‌ ఆసుపత్రికి తరలించారు. ఆయనకు చికిత్స కొనసాగుతోంది. భారత రాయబార కార్యాలయం, జెడ్డాలోని కాన్సులేట్‌ ఆయన ఆరోగ్య పరిస్థితిని పర్యవేక్షిస్తున్నాయి. ప్రస్తుతం ఆయన పరిస్థితి నిలకడగా ఉన్నట్లు సమాచారం. కుటుంబ సభ్యులతోనూ అధికారులు సంప్రదింపులు జరుపుతున్నారు.‘‘180 మంది ప్రాణాలు కాపాడారు’’ఇజ్రాయెల్‌ అంబాసిడర్‌ రూవెన్‌ అజార్‌ కూడా మచ్చర్‌ను ప్రశంసించారు. అనుభవజ్ఞుడైన, ప్రతిభావంతుడైన భారత పైలట్‌గా అభివర్ణించారు. మచ్చర్‌తో పాటు ప్రయాణికులు, సిబ్బంది చూపిన ధైర్యం 180 మంది ప్రాణాలను కాపాడిందని పేర్కొన్నారు.విమానం టబుక్‌లో సురక్షితంగా దిగిన తర్వాత ప్రయాణికులు సుమారు ఎనిమిది గంటలు సౌదీ అరేబియాలో ఉన్నారు. అనంతరం ప్రత్యామ్నాయ ఫ్లై దుబాయ్‌ విమానంలో ఇజ్రాయెల్‌కు బయలుదేరారు. కత్తిపోట్లతో తీవ్రంగా గాయపడినా.. విమానాన్ని కాపాడేందుకు చివరి వరకు పోరాడిన భారత పైలట్‌ స్మిట్‌మచ్చర్‌ ఇప్పుడు అంతర్జాతీయంగా ప్రశంసలు అందుకుంటున్నారు.ఇదీ చదవండి: యూఏఈలో వాహనదారులకు షాక్‌

సాక్షి,తిరుపతి: నగరంలోని డీబీఆర్‌ రోడ్డులోని శ్రీ కన్వెన్షన్ సమీపంలో ఘోర ప్రమాదం చోటుచేసుకుంది. భవన నిర్మాణ పనులు జరుగుతున్న సమయంలో క్రేన్, జేసీబీ విరిగిపడిన దుర్ఘటనలో ముగ్గురు దుర్మరణం చెందగా, మరో ముగ్గురు తీవ్రంగా గాయపడ్డారు.శ్రీ కన్వెన్షన్ పక్కనే ఉన్న స్థలంలో నంది గ్రూప్ ఆఫ్ హోటల్స్ ఆధ్వర్యంలో నూతన భవన నిర్మాణం జరుగుతోంది. ఇందులో భాగంగా సుమారు 30 అడుగుల మేర పునాదులు తీస్తున్నారు. ఈ క్రమంలో మట్టి తోలుతున్న జేసీబీ,క్రేన్ అకస్మాత్తుగా విరిగిపడటంతో అక్కడే పనిచేస్తున్న కార్మికులపై పడ్డాయి.ఈ ప్రమాదంలో ముగ్గురు అక్కడికక్కడే ప్రాణాలు కోల్పోయారు. మృతులు ఒరిస్సాకు చెందిన వలస కూలీ రామారావు, శ్రీకాకుళానికి చెందిన సైట్ ఇంజనీర్ సందీప్, తిరుపతికి చెందిన సెక్యూరిటీ గార్డు గంగయ్య (45)గా గుర్తించారు. తీవ్రంగా గాయపడిన బీహార్ రాష్ట్రానికి చెందిన షేక్ ఫర్హాన్, నౌషాన్, అలాగే మల్లవరానికి చెందిన మురుగయ్యలను ఆస్పత్రికి తరలించి మెరుగైన వైద్యం అందిస్తున్నారు.అధికారుల పరిశీలనప్రమాద స్థలాన్ని తిరుపతి మున్సిపల్ కార్పొరేషన్ కమిషనర్ జయకృష్ణ పరిశీలించారు. అనంతరం ఆయన మాట్లాడుతూ.. ఈ దుర్ఘటనలో ముగ్గురు మృతి చెందడం బాధాకరమని, క్షతగాత్రులకు మెరుగైన చికిత్స అందిస్తున్నామని తెలిపారు. ఇదీ చదవండి: ఒక్కసారి పుట్టింటికి పంపండి... రెండ్రోజులు ఉండి వస్తా!

సాక్షి, హైదరాబాద్‌: తెలంగాణ అసెంబ్లీ వద్ద బీఆర్‌ఎస్‌ మహిళా ఎమ్మెల్యేల పట్ల పోలీసులు వ్యవహరించిన తీరుపై హైకోర్టు మంగళవారం కీలక ఆదేశాలు జారీ చేసింది. మహిళా ఎమ్మెల్యేల పట్ల అనుచితంగా ప్రవర్తించిన పోలీసులను గుర్తించాలని డైరెక్టర్‌ జనరల్‌ ఆఫ్‌ పోలీస్‌(DGP) ఆదేశించింది. ఘటనపై విచారణ జరిపి.. బాధ్యులపై తీసుకున్న చర్యల వివరాలతో నివేదికను స్పీకర్‌ ముందు ఉంచాలని సూచించింది. అలాగే అసెంబ్లీ నిబంధనలు ఉల్లంఘించినట్లయితే చర్యలు తీసుకునే అధికారం స్పీకర్‌కే ఉంటుందని స్పష్టం చేసింది.ప్రభుత్వం దాఖలు చేసిన పిటిషన్‌పై విచారణ సందర్భంగా.. బీఆర్‌ఎస్‌ ఎమ్మెల్యేలను పోలీసులు ఎందుకు అడ్డుకున్నారని హైకోర్టు ప్రశ్నించింది. ఎమ్మెల్యేలు ఫ్లకార్డులు, ప్రభుత్వానికి వ్యతిరేకంగా రాతలున్న టీషర్టులతో అసెంబ్లీలోకి వెళ్లేందుకు ప్రయత్నించారని, శాంతిభద్రతల పరిరక్షణలో భాగంగానే పోలీసులు వారిని అడ్డుకున్నారని అడ్వొకేట్‌ జనరల్‌ ఏ. సుదర్శన్‌రెడ్డి వివరించారు. ఎమ్మెల్యేలు అసెంబ్లీ నియమావళితో పాటు నిషేధాజ్ఞలను ఉల్లంఘించారని, విధుల్లో ఉన్న మహిళా కానిస్టేబుళ్లతో అనుచితంగా ప్రవర్తించారని ఆయన వాదించారు.అసెంబ్లీ సజావుగా జరిగేలా చూడాల్సిన బాధ్యత స్పీకర్‌పై ఉంటుందని.. ఆయన ఆదేశాల మేరకే చీఫ్‌ మార్షల్స్‌, పోలీసులు వ్యవహరించారని ఏజీ కోర్టుకు తెలిపారు. అయితే దీనిపై హైకోర్టు కీలక ప్రశ్నలు వేసింది. స్పీకర్‌ నుంచి పోలీసులకు స్పష్టమైన ఆదేశాలు ఉన్నాయా? ఎమ్మెల్యేలను అడ్డుకోవాలని ఎలాంటి ఉత్తర్వులు జారీ చేశారు? అసెంబ్లీ నియమావళికి సంబంధించిన విషయాలను ఎమ్మెల్యేలకు ముందుగానే తెలియజేశారా? అని ప్రశ్నించింది.మహిళా ఎమ్మెల్యేల విషయంలో ఎందుకలా?మహిళా ఎమ్మెల్యేల పట్ల పోలీసులు ఎందుకు అనుచితంగా ప్రవర్తించారన్న అంశంపై హైకోర్టు తీవ్రంగా ప్రశ్నించింది. ఓ సీనియర్‌ మహిళా ఎమ్మెల్యే మెడపై చేయి వేసి ఎందుకు నెట్టారని ప్రశ్నించింది. మహిళా ఎమ్మెల్యేలు నల్ల చీరలు మాత్రమే ధరించారని, ఫ్లకార్డులు లేదా నినాదాలున్న టీషర్టులు ధరించలేదన్న అంశాన్ని కూడా కోర్టు ప్రస్తావించింది.అయితే మహిళా ఎమ్మెల్యేలతో పోలీసులు అసభ్యంగా ప్రవర్తించారన్న ఆరోపణలను ఏజీ ఖండించారు. అలాంటి ఘటన జరగలేదని కోర్టుకు తెలిపారు. హైదరాబాద్‌ సీపీ సజ్జనార్‌ కౌంటర్‌ దాఖలు చేసిన తర్వాత పూర్తి వివరాలను పరిశీలిస్తామని చెప్పారు.‘నిబంధనలు ఉల్లంఘిస్తే స్పీకర్‌దే అధికారం’మరోవైపు బీఆర్‌ఎస్‌ తరఫు న్యాయవాది ప్రభుత్వ వాదనలను వ్యతిరేకించారు. ఎమ్మెల్యేలు ఏదైనా అసెంబ్లీ నిబంధన ఉల్లంఘిస్తే వారిపై చర్యలు తీసుకునే అధికారం స్పీకర్‌కే ఉంటుందని.. పోలీసులు ఎమ్మెల్యేలను అసెంబ్లీలోకి వెళ్లకుండా అడ్డుకునే అధికారం లేదని వాదించారు. చీఫ్‌ మార్షల్స్‌కు స్పీకర్‌ ఆదేశాలు ఇచ్చినట్లు ఎలాంటి ఉత్తర్వులు చూపలేదని తెలిపారు. శాంతిభద్రతలకు భంగం కలుగుతోందని భావించినా ఎమ్మెల్యేలను స్పీకర్‌ వద్దకు తీసుకెళ్లాల్సిందని.. అరెస్ట్‌ చేసి తెలంగాణ భవన్‌కు ఎందుకు తరలించారని ప్రశ్నించారు.స్పీకర్‌ ఆదేశాలైతే.. ఆయన పరిధిలోనేస్పీకర్‌ ఆదేశాల మేరకే పోలీసులు వ్యవహరించి ఉంటే.. ఆ వ్యవహారం స్పీకర్‌ అధికార పరిధిలోకి వస్తుందని హైకోర్టు స్పష్టం చేసింది. అసెంబ్లీ నిబంధనల ఉల్లంఘన జరిగితే చర్యలు తీసుకునేది స్పీకర్‌ మాత్రమేనని పేర్కొంది. అదే సమయంలో ఘటన అసెంబ్లీ లోపల కాకుండా బయట, గేటు వద్ద జరిగి ఉంటే.. ఆ అంశంపై ప్రత్యేకంగా నివేదిక సమర్పించాలని ఆదేశించింది. మహిళా ఎమ్మెల్యేలు పోలీసులతో అనుచితంగా ప్రవర్తించినట్లు ఆధారాలు లేవన్న అంశాన్ని కూడా కోర్టు పరిగణనలోకి తీసుకుంది.మధ్యంతర ఉత్తర్వుల్లో మార్పులుఈ పరిణామాల నేపథ్యంలో గతంలో ఇచ్చిన మధ్యంతర ఉత్తర్వులను హైకోర్టు సవరించింది. మహిళా ఎమ్మెల్యేల పట్ల దురుసుగా వ్యవహరించిన పోలీసులను గుర్తించి.. వారిపై తీసుకున్న చర్యల వివరాలను నివేదిక రూపంలో సమర్పించాలని డీజీపీని ఆదేశించింది. అసెంబ్లీకి వెళ్లే ఎమ్మెల్యేలను పోలీసులు అడ్డుకోవద్దని స్పష్టం చేసింది. ఈ కేసులో తదుపరి విచారణను నాలుగు వారాలకు వాయిదా వేసింది.ఇదీ చదవండి: రాష్ట్రం దాటితే.. ‘స్థానికత’ దూరం!

విశాఖపట్నం: భీమిలి మండలంలో ప్రేమ వివాహం ఘర్షణకు దారితీసింది. ప్రేమించి పెళ్లి చేసుకున్నారన్న కక్షతో యువతి బంధువులు యువకుడి తరఫు వారిపై కత్తులు, కర్రలతో దాడికి పాల్పడ్డారు. ఈ ఘటనలో నలుగురు తీవ్రంగా గాయపడగా.. గొడవను ఆపబోయిన ఒక స్పెషల్‌ బ్రాంచ్‌ (ఎస్‌బీ) హెడ్‌ కానిస్టేబుల్‌పై కూడా దాడి చేసి గాయపరిచారు. వివరాల్లోకి వెళితే.. భీమిలి మండలంలోని మజ్జిపేటకు చెందిన గంగరాజు, తగరపువలస బంగ్లామెట్టకు చెందిన నీలిమ కొంతకాలంగా ప్రేమించుకుని వివాహం చేసుకున్నారు. అయితే వీరి పెళ్లిని యువతి తరఫు బంధువులు తీవ్రంగా వ్యతిరేకించారు. ఈ విషయమై ఇరువర్గాల మధ్య ఘర్షణ చెలరేగడంతో వివాదం పోలీసు స్టేషన్‌కు చేరింది. దీంతో పోలీసులు ఇరువర్గాలను స్టేషన్‌కు పిలిపించి సీఐ దివాకర్‌ యాదవ్‌ వారికి సర్దిచెప్పి, గొడవలకు దూరంగా ఉండాలని హెచ్చరించి పంపించారు. అడ్డుకుని మరీ దాడి.. : పోలీస్‌ స్టేషన్‌ నుంచి గంగరాజు, అతని వర్గీయులు వెళుతుండగా.. మార్గమధ్యలో వ్యవసాయ మార్కెట్‌ సమీపంలో యువతి నీలిమ వర్గీయులైన ఇంటి సతీ‹Ù, లావేటి వెంకటేష్, ఇంటి నర్సింగ్‌ మరికొందరితో కలిసి వారిని అడ్డుకున్నారు. ముందస్తు పథకం ప్రకారం కత్తులు, కర్రలతో విచక్షణారహితంగా దాడి చేశారు. ఈ దాడిలో సంపంగి ముత్యాలమ్మ (22), నీలాపు అప్పారావు (43), మీసాల బంగారయ్య (45), నీలాపు లక్ష్మి (35) తీవ్రంగా గాయపడ్డారు. హెడ్‌ కానిస్టేబుల్‌పై కూడా.. : అదే సమయంలో ఆ మార్గంలో వెళుతున్న స్పెషల్‌ బ్రాంచ్‌ (ఎస్‌బీ) హెడ్‌ కానిస్టేబుల్‌ ఊడికల ఆనంద్‌ గొడవను చూసి ఆగి, వారిని వారించేందుకు ప్రయతి్నంచారు. అయితే దుండగులు హెడ్‌ కానిస్టేబుల్‌ అని కూడా చూడకుండా ఆయనపై విరుచుకుపడి తీవ్రంగా కొట్టడంతో పాటు, ఆయన సెల్‌ఫోన్లను పగులగొట్టారు. సమాచారం అందుకున్న స్థానిక పోలీసులు వెంటనే సంఘటనా స్థలానికి చేరుకుని, తీవ్రంగా గాయపడ్డ క్షతగాత్రులను చికిత్స నిమిత్తం ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఇదీ చదవండి: భార్యను చంపేసి.. పరుపులో చుట్టేసి..

హైదరాబాద్‌: బాలుడిపై లైంగిక దాడికి పాల్పడిన ఓ ట్రాన్స్‌జెండర్‌ను కాచిగూడ పోలీసులు అరెస్ట్‌ చేసి రిమాండ్‌కు తరలించారు. ఇన్‌స్పెక్టర్‌ రాజశేఖర్‌ తెలిపిన మేరకు.. నింబోలిఅడ్డాకు చెందిన జి.అవంతిక భార్గవ్‌ అలియాస్‌ శ్రవణ్‌ కుమార్‌(33) అనే ట్రాన్స్‌జెండర్‌ ఓ బాలుడి(14)పై లైంగిక దాడికి పాల్పడ్డాడు. కుటుంబసభ్యుల ఫిర్యాదు మేరకు కేసు నమోదు చేసుకున్న కాచిగూడ పోలీసులు నిందితుడిని అదుపులోకి తీసుకున్నారు.

సిద్దిపేటకమాన్‌: ఇష్టపడి వివాహం చేసుకున్న వ్యక్తి వదిలి వెళ్లాడాన్న మానసిక వేదనతో ఓ ట్రాన్స్‌జెండర్‌ ఆత్మహత్య చేసుకుంది. ఈ ఘటన సిద్దిపేట పట్టణంలో చోటు చేసుకుంది. సిద్దిపేట వన్‌ టౌన్‌ సీఐ మహేందర్‌రెడ్డి తెలిపిన వివరాల ప్రకారం.. రంగారెడ్డి జిల్లా బాలాపూర్‌ మండలానికి చెందిన జెర్పాటి శివ (25) తనలో వచ్చిన జన్యుమార్పిడి వల్ల నాలుగేళ్ల క్రితం ట్రాన్స్‌జెండర్‌గా మారి సునందగా పేరు మార్చుకున్నారు. సిద్దిపేట పట్టణానికి వచ్చి స్థానిక లింగారెడ్డిపల్లి ఇందిరమ్మ కాలనీలో అద్దె ఇంట్లో నివాసం ఉంటున్నారు. ట్రాన్స్‌జెండర్లతో కలిసి జీవనాన్ని కొనసాగిస్తున్నారు. ఈ క్రమంలోనే సునందకు సిద్దిపేటకు చెందిన బత్తుల అజయ్‌కుమార్‌తో పరిచయం ఏర్పడి రెండున్నరేళ్ల క్రితం వివాహం చేసుకున్నారు. కొంత కాలం తర్వాత మనస్పర్థలు రావడంతో ఇద్దరు విడిపోతున్నట్లుగా ఈ నెల 21న బాండ్‌ పేపర్‌ రాసుకున్నారు. తాను పెళ్లి చేసుకున్న వ్యక్తి విడిపోతున్నాడనే బెంగతో సునంద మానసిక వేదనతో బుధవారం రాత్రి ఇంట్లో ఫ్యాన్‌కు ఉరి వేసుకుని ఆత్మహత్యకు పాల్పడింది. ఘటనపై మృతురాలి సోదరుడు మల్లేశ్‌ ఫిర్యాదు మేరకు కేసు దర్యాప్తు చేస్తున్నట్లు సీఐ తెలిపారు. ఇదీ చదవండి : ఫోజు కొడితే తాట తీస్తా..

హైదరాబాద్‌: ప్రియుడే హంతకుడా? ఓయో రూంలో విగతజీవిగా పడి ఉన్న యువతిని ఆసుపత్రిలో చేర్చి చనిపోయిందని తెలియడంతో ప్రియుడు శ్రీనివాస రవితేజ పరారైన విషయం తెలిసిందే. గదిలో రక్తపు మరకలు ఉండడం, ప్రియుడు పరారు కావడంతో అతనే హత్య చేశాడనే అనుమానాలకు బలం చేకూరుతోంది. గదిలో మద్యం బాటిళ్లు, రక్తపు మరకలు ఉండడంతో ఇద్దరి మధ్యా గొడవ జరిగినట్లు తెలుస్తోంది. ఓయో నిర్వాహకులకు పోలీసులు ప్రశ్నిస్తున్నారు. మాదాపూర్‌లోని గుట్టలబేగంపేట్‌ ఓయో రూమ్‌ హత్యకేసులో బుధవారం జార్ఖండ్‌ నుంచి వచ్చిన తల్లిదండ్రులు ఉస్మానియా జనరల్‌ ఆసుపత్రికి చేరుకున్నారు. పోస్టుమార్టం అనంతరం అంత్యక్రియలు నిర్వహించేందుకు షారోన్‌ నిఖిత టోప్నో మృతదేహాన్ని ఆమె తండ్రికి అప్పగించారు. నిందితుడి ఆచూకి కోసం గాలింపు చర్యలు నిర్వహిస్తున్నట్టు పోలీసులు తెలిపారు.

యశవంతపుర: బెంగళూరు కేఆర్‌ పురలో తల్లిదండ్రులు, చెల్లెలిని ఓ మహిళా టెక్కీ, ఆమె ప్రియునితో కలిసి హత్య చేసిన కేసులో చాషిటు దాఖలు చేశారు. తమ ప్రేమకు అడ్డుగా ఉన్నారని, డబ్బుల గొడవలతో సొంత కుమార్తే తల్లిదండ్రులను నరికి చంపడం అప్పట్లో సంచలనం సృష్టించింది. జూన్‌ 23న ప్రియుడు కెన్నెత్‌తో కలిసి టెక్కీ శ్వేత తన తల్లి ముత్తులక్ష్మి, తండ్రి సోమసుందర్, చెల్లెలు సుప్రియాను కత్తులతో పొడిచి చంపింది. పోలీసులు సంపూర్ణ విచారణ చేసి 2,085 పేజీలతో భారీ చాషిట్‌ను కోర్టుకు సమరి్పంచారు. శ్వేత వద్ద నుంచి తల్లిదండ్రులిద్దరూ డబ్బులు తీసుకొనేవారు. ఇది ఆమెకు నచ్చేది కాదు, వారు లేకపోతే తమ డబ్బుతో విలాసంగా ఉండవచ్చని శ్వేత అనుకుంది. అలాగే శ్వేత, కెన్నెత్‌ మధ్య రూ.55 లక్షల లావాదేవీలు జరిగాయి, ఆ డబ్బులు చెల్లించాలని కెన్నెత్‌ ఒత్తిడి చేయడంతో ఆమె అప్పు తీసుకుని కెన్నెత్‌కు ఇచ్చింది. చెల్లెలు, తల్లిదండ్రులు లేకుంటే తమను అడిగేవారు ఉండరనే ఉద్దేశంతో హత్యాకాండకు పాల్పడినట్లు పేర్కొన్నారు. కాగా నిందితులు కారాగారంలో ఉన్నారు.

తమిళనాడు: పొన్నేరి ప్రభుత్వ వైద్యశాలలో కంప్యూటర్‌ ఆపరేటర్‌గా పని చేస్తున్న అవుట్‌ సోర్సింగ్‌ సిబ్బందిపై వైద్యశాల ఆవరణలోనే పెట్రోల్‌ పోసి నిప్పటించిన సంఘటన రాష్ట్ర వ్యాప్తంగా సంచలనం కలిగించింది. తిరువళ్లూరు జిల్లా పొన్నేరి తాలుకా ప్రభుత్వ వైద్యశాలలో కంప్యూటర్‌ ఆపరేటర్‌గా రాజేశ్వరి(36) అవుట్‌ సోర్సింగ్‌గా పని చేస్తున్నారు. ఈమె సోమవారం సాయంత్రం విధులు ముగించుకుని ఇంటికి బయలుదేరే సమయంలో అక్కడికి వచ్చిన వ్యక్తి రాజేశ్వరిపై పెట్రోల్‌ పోశాడు. దీంతో యువతి భయంగా పరుగులు పెట్టగా వెంటనే ఆమెపై నిప్పును విసరడంతో మంటల్లో చిక్కుకుంది. భయంతో వైద్యశాలలోకి పరుగులు పెట్టిన మహిళను వైద్యశాల సిబ్బంది రక్షించి ప్రాధమిక చికిత్స అందించిన తరువాత మెరుగైన చికిత్స కోసం చెన్నై కీళ్‌పాక్కం వైద్యశాలకు తరలించి అక్కడ వైద్యసేవలను అందిస్తున్నారు. కాగా మహిళకు నిప్పు పెట్టిన వ్యక్తి అక్కడి నుంచి క్షణాల్లో పరారయ్యాడు. సమాచారం అందుకుని సంఘటన స్థలానికి వచ్చిన స్థానిక పోలీసులు సీసీటీవీ ఫుటేజి ఆధారంగా నిందితుడ్ని గుర్తించి రెండు ప్రత్యేక బృందాలుగా ఏర్పడిన గాలింపు చర్యలనుచేపట్టారు. నిందితుడు ప్రకాష్‌ మాధవరం సమీపంలోని శ్మశాన వాటిక వద్ద వున్నట్టు గుర్తించిన పోలీసులు అక్కడికి వెళ్లి అరెస్టు చేసే ప్రయత్నం చేశారు. దీంతో అతడు ఎదురుదాడికి దిగాడు. ప్రకాష్‌ ను పట్టుకోవడానికి యత్నించిన తమిళ్‌సెల్వవన్‌ను కత్తితో దాడి చేయడంతో అతడు గాయపడ్డాడు. వెంటనే ఇన్పెక్టర్‌ శివకుమార్‌ నిందితుడిపై కాల్పులు జరిపి అతడ్ని అరెస్టు చేశారు. అనంతరం నిందితుడ్ని చికిత్స కోసం చెన్నై స్టాన్లీ వైద్యశాలకు తరలించారు. ఈ సంఘటనవ స్తానికంగా తీవ్ర కలకలం రేపింది. కాగా సంఘటన స్థలాన్ని కలెక్టర్‌ కవిత పరిశీలించారు. బాధితురాలు రాజేశ్వరి ఆరోగ్య పరిస్థితి నిలకడగా వుందని, వెంటిలేటర్స్‌ అవసరం లేకుండానే ఆమె స్పందిస్తున్నారని కలెక్టర్‌ వివరించారు.

భద్రాద్రి కొత్తగూడెం జిల్లా: జూలూరుపాడులో నర్సింగ్ విద్యార్థిని హారణి అనుమానాస్పదంగా మృతి చెందడం కలకలం రేపింది. ఇంటి వెనుక భాగంలోని బాత్‌రూమ్ సమీపంలో ఆమె విగతజీవిగా పడి ఉండటాన్ని కుటుంబ సభ్యులు గుర్తించారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.పోలీసుల వివరాల ప్రకారం.. హారణి మృతదేహంపై గాయాల గుర్తులు కనిపించాయి. అలాగే మెడకు చున్నీ బిగించిన ఆనవాళ్లు ఉన్నట్లు గుర్తించారు. దీంతో ఇది హత్యా? లేక మరేదైనా కారణమా? అనే కోణాల్లో పోలీసులు విచారణ కొనసాగిస్తున్నారు.ఘటన జరిగిన సమయంలో ఇంటి ముందు తలుపులు మూసి ఉండగా.. వెనుక తలుపు తెరిచి ఉండటంపై పోలీసులు అనుమానాలు వ్యక్తం చేస్తున్నారు. ఇంటి పరిసరాలను పరిశీలించిన పోలీసులు ఆధారాల కోసం క్లూస్‌టీమ్‌ను రంగంలోకి దించారు.సీఐ శ్రీలక్ష్మి, ఎస్సై జినత్ కుమార్ ఘటన స్థలాన్ని పరిశీలించి దర్యాప్తు ముమ్మరం చేశారు. హారణి మృతికి గల కారణాలను తెలుసుకునేందుకు కుటుంబ సభ్యులు, స్థానికులను విచారిస్తున్నారు. పోస్టుమార్టం నివేదిక అనంతరం మరిన్ని వివరాలు వెల్లడయ్యే అవకాశం ఉంది.

సాక్షి, హైదరాబాద్‌: మాదాపూర్‌ ఓయో హోటల్‌లో యువతి అనుమానాస్పదంగా మృతిచెందింది.‍ ప్రియుడే హత్య చేసినట్లు పోలీసులు అనుమానం వ్యక్తం చేస్తున్నారు. మృతురాలు విశాఖకు చెందిన నిఖితగా పోలీసులు గుర్తించారు. హోటల్‌ గదిలో గోడలు, బెడ్‌షీట్‌పై రక్తపు మరకలు ఉన్నాయి. ఘటన స్థలంలో ఖాళీ బీర్‌, విస్కీ బాటిళ్లను గుర్తించారు. రంగంలో దిగిన క్లూస్‌ టీమ్‌.. ఆధారాలను సేకరించింది. ప్రియుడు శ్రీనివాస రవితేజ కోసం పోలీసులు గాలింపు చర్యలు చేపట్టారు.మరో ఘటనలో.. యువతికి వీడియో కాల్‌ చేసి..పెళ్లి విషయంలో మనస్థాపంతో ఏఆర్‌ కానిస్టేబుల్‌ యువతికి వీడియో కాల్‌ చేసి ఫ్యాన్‌కు ఉరేసుకున్నాడు. మలక్‌పేట పోలీసులు తెలిపిన మేరకు.. మంచిర్యాల, బెల్లంపల్లికి చెందిన ముత్తా చంద్రశేఖర్‌ (36) శాలివాహననగర్‌ డ్రీమ్‌ హోమ్‌ అపార్ట్‌మెంట్‌లో ఉంటున్నాడు. మల్కాజ్‌గిరి కమిషనరేట్‌ పరిధిలో ఏఆర్‌ విభాగంలో కానిస్టేబుల్‌గా అంబర్‌పేట హెడ్‌క్వార్టర్స్‌లో పనిచేస్తున్నాడు.ఇటీవల మంచిర్యాలకు చెందిన సమీప బంధువైన యువతితో పెళ్లి కుదిరింది. కొద్ది రోజుల తర్వాత చంద్రశేఖర్‌ తనకు ఆ పెళ్లి ఇష్టం లేదని చెప్పాడు. ఈ క్రమంలో ఇద్దరి మధ్య గొడవలు మొదలయ్యాయి.ఇదీ చదవండి: UFO: 50 ఏళ్ల తర్వాత.. ఇరాన్‌ ఆకాశంలో మరో వింత వస్తువుదీంతో పెళ్లిని రద్దు చేసుకున్నారు. ఆ తర్వాత కూడా ఇద్దరూ ఫోన్‌లో మాట్లాడుకుంటున్నారు. ఆదివారం అర్ధరాత్రి యువతికి వీడియో కాల్‌ చేసి ఆత్మహత్య చేసుకుంటున్నానని చెప్పి బెడ్‌ïÙట్‌తో గదిలోని ఫ్యాన్‌కు ఉరేసుకున్నాడు. యువతి పోలీసులకు సమాచారం ఇవ్వడంతో మలక్‌పేట పోలీసులు ఘటన స్థలానికి చేరుకుని అతడిని ఉస్మానియా ఆసుపత్రికి తరలించారు.అప్పటికే మృతి చెందినట్లు డాక్టర్లు నిర్ధారించారు. పెళ్లికి సంబంధించిన సమస్యల కారణంగా మనస్తాపానికి గురై ఆత్మహత్యకు పాల్పడినట్లు పోలీసులు తెలిపారు. ఎస్సై సంజీవరెడ్డి కేసు నమోదు చేసి దర్యాప్తు చేస్తున్నారు.

విశాఖపట్నం: దైవ దర్శనానికి వెళ్లి వస్తున్న ఓ యువతి స్కూటీ అదుపు తప్పి స్థానిక వేంకటాద్రి కొండను ఆనుకుని ఉన్న లోయలో పడిపోయింది. దాదాపు 30 అడుగుల లోయలో పడివున్న సదరు యువతిని గుర్తించిన స్థానికులు పోలీసులకు సమాచారం అందించడంతో ప్రాణాపాయం నుంచి బయటపడింది. వివరాలివి.. చినముషిడివాడ శారాదపీఠం ప్రాంతంలో నివాసం ఉంటున్న జాహ్నవి(24) సోమవారం ఉదయం వేంకటాద్రిపై ఉన్న వేంకటేశ్వరస్వామి ఆలయానికి దర్శనానికి వెళ్ళింది. తిరిగి స్కూటీపై దిగువ ఘాట్‌లో వస్తున్న క్రమంలో అదుపు తప్పి, పక్కనే ఉన్న లోయలో స్కూటీతో సహా పడిపోయింది. బాగా లోతులోకి పడిపోయిన ఆమె బిగ్గరగా అరవడంతో స్థానికులు ప్రమాదాన్ని గుర్తించారు. వెంటనే పోలీసులకు సమాచారం అందించారు. సీఐ కేవీ సతీష్‌ కుమార్‌ ఆదేశాల మేరకు పోలీసులు అక్కడికి చేరుకున్నారు. పోలీస్‌ బృందం లోయలోకి దిగి జాహ్నవిని సురక్షితంగా పైకి తీసుకొచ్చారు. చిన్నపాటి గాయాలతో పాటు, తీవ్ర ఆందోళనకు గురైన బాధితురాల్ని చికిత్స నిమిత్తం ఆస్పత్రికి తరలించారు.

బిహార్‌ జముయిలో మోరల్‌ పోలీసింగ్‌ పేరిట జరిగిన దారుణం.. దేశవ్యాప్తంగా చర్చనీయాంశంగా మారింది. పదో తరగతి విద్యార్థిని, ఆమె స్నేహితుడిపై ఓ గ్యాంగ్‌ దాడి చేయడం.. ఆమెను లైంగికంగా వేధించిన ఘటన దేశవ్యాప్తంగా కలకలం రేపుతోంది. ఈ దారుణంపై పోలీసుల దర్యాప్తు, వరుస అరెస్టుల మధ్యే.. బిహార్‌ మంత్రి చేసిన వ్యాఖ్యలు చర్చనీయాంశంగా మారాయి. ఘటనను ఖండించడం మాట అటుంచి. అప్పుడప్పుడు ఇలాంటివి జరుగుతుంటాయి అనడంతో రాజకీయ దుమారం రేగింది.జముయి ఘటనపై ప్రతిపక్షాలు బిహార్‌లో ‘జంగిల్‌ రాజ్‌’ నడుస్తోందంటూ ప్రభుత్వాన్ని లక్ష్యంగా చేసుకున్నాయి. దీనిపై స్పందించిన మంత్రి శ్రవణ్‌ కుమార్‌.. ‘ఇది ఓ చిన్న ఘటన. ఐసోలేటెడ్‌ ఇన్సిడెంట్స్‌ అప్పుడప్పుడు జరుగుతుంటాయి. ప్రపంచంలో నేరం పూర్తిగా అంతం కాలేదు’ అంటూ వ్యాఖ్యానించారు. అయితే ఈ వ్యాఖ్యలపై తీవ్ర విమర్శలు వెల్లువెత్తాయి. ఇంత తీవ్రమైన ఘటనను సాధారణ నేరంగా చూడకూడదని ప్రతిపక్షాలు మండిపడ్డాయి. దీంతో తన వ్యాఖ్యలను పొరపాటుగా అర్థం చేసుకున్నారని.. నిందితులపై కఠిన చర్యలు తీసుకుంటామని ఆయన చెప్పుకొచ్చారు. గతంలో నితీశ్‌కుమార్‌, ఇప్పుడు సామ్రాట్‌ చౌద్రీ ఇలా ఎవరి హయాంలో అయినా ఇలాంటివి జరిగాయి. ఆ సమయాల్లో కఠిన చర్యలు తీసుకున్నారు. ఇప్పుడు అదే పని చేస్తాం అని అన్నారాయన. అయినప్పటికీ మంత్రి తీరుపై పలువురు మండిపడుతున్నారు. मंत्री श्रवण कुमार ने जमुई घटना हुई लड़की के साथ छेड़खानी की गई है उसे पर कहा बिहार में छुटपुट घटनाएं हो रही है उसे पर हम इनकार नहीं कर सकते हैं।हम उसे दुखी हैं फिर से ऐसी घटना दोबारा ना हो कानून के हिसाब से दोषियों पर कार्रवाई की जाएगी अपराध मुक्त पूरी दुनिया भी नहीं है छिट… pic.twitter.com/IQ0TYNAsVG— Sadan Singh Rajput (@SadanJee) September 22, 2026మరోవైపు మంత్రి వ్యాఖ్యలపై జేడీయూ నేత, పార్టీ రాష్ట్ర అధ్యక్షుడు ఉమేశ్‌ కుశ్వాహా కూడా స్పందిస్తూ.. తాను, మంత్రి చేసిన వ్యాఖ్యలను నోరు జారి చేసినవిగా(స్లిప్‌ ఆఫ్‌ ది టంగ్‌)గా అభివర్ణించారు. ఇలాంటి ఘటనలకు పాల్పడిన వారిపై గతంలోనూ చర్యలు తీసుకున్నామని, ఇకపైనా ఎవరినీ వదిలిపెట్టబోమని ఆయన స్పష్టం చేశారు.అసలేం జరిగిందంటే..సెప్టెంబర్‌ 19న మడ్వా పహాడ్‌ ప్రాంతంలో కోచింగ్‌ క్లాస్‌ ముగించుకుని స్కూటర్‌పై తిరిగి వస్తున్న పదో తరగతి విద్యార్థులు.. ఓ గ్యాంగ్‌ బారినపడ్డారు. వారి వాహనాన్ని అడ్డుకున్న నిందితులు ఇద్దరినీ కిందకు దించి దాడి చేశారు. బాలుడిని కాలర్‌ పట్టుకుని లాగగా.. బాలిక రక్షించే ప్రయత్నం చేసింది. ఇంతలో ముసుగులో ఉన్న ఓ వ్యక్తి దూసుకొచ్చి బలవంతంగా ఆమెను ఎత్తుకుని పరిగెత్తే ప్రయత్నం చేశాడు. ఆ సమయంలో ఆమెను అతను అసభ్యంగా తాకాడు. అయితే ఆమె స్నేహితుడు వెంటపడి ఆమెను విడిపించగలిగాడు. ఇద్దరూ తమను వదిలేయాలని వేడుకున్నప్పటికీ గ్యాంగ్‌ కొంతసేపు వారిని వేధించారు. చివరకు.. చేతులెత్తి బతిమాలడంతో అక్కడి నుంచి వెళ్లేందుకు అనుమతింంచారు. ఈ ఘటనను గ్యాంగ్‌లోని ఒకరు వీడియో తీసి సోషల్‌ మీడియాలో పెట్టడంతో విషయం వెలుగులోకి వచ్చింది. తన స్నేహితురాలిని కాపాడుకున్న ఆ యువకుడు తెగువపై ‍ప్రశంసలు కురిశాయి.ముగ్గురు అరెస్ట్‌, ఏడుగురి గుర్తింపువీడియో వైరల్‌ కావడంతో పోలీసులు వెంటనే దర్యాప్తు చేపట్టారు. ఇప్పటివరకు ముగ్గురు నిందితులను అరెస్ట్‌ చేశారు. వీడియో, ఇతర ఆధారాల ఆధారంగా మొత్తం ఏడుగురిని గుర్తించినట్లు అధికారులు తెలిపారు. మిగిలిన వారి కోసం ప్రత్యేక దర్యాప్తు బృందం (SIT) గాలిస్తోంది. పోక్సోతో పాటు సంబంధిత బీఎన్‌ఎస్‌ సెక్షన్ల కింద కేసు నమోదు చేశారు.వీడియో షేర్‌ చేసినా చిక్కులేఘటనకు సంబంధించిన వీడియోను సోషల్‌ మీడియాలో వైరల్‌ చేసిన ఖాతాలపైనా పోలీసులు చర్యలు ప్రారంభించారు. బాలిక మైనర్‌ కావడంతో ఆమె గుర్తింపు బయటపడేలా వీడియోను ప్రసారం చేయడం చట్టరీత్యా నేరమని పోలీసులు హెచ్చరించారు. ఇప్పటివరకు 13 ఫేస్‌బుక్‌, 12 ఇన్‌స్టాగ్రామ్‌, 7 ఎక్స్‌ ఖాతాలు.. మొత్తం 32 సోషల్‌ మీడియా అకౌంట్లను గుర్తించి తొలగింపు చర్యలకు పంపినట్లు అధికారులు తెలిపారు.మహిళా కమిషన్ల జోక్యంఘటనపై జాతీయ మహిళా కమిషన్‌ సుమోటోగా స్పందించింది. నిందితులపై చట్టప్రకారం కఠిన చర్యలు తీసుకోవాలని బిహార్‌ డీజీపీని ఆదేశించి.. ఏడు రోజుల్లోగా నివేదిక ఇవ్వాలని కోరింది. రాష్ట్ర మహిళా కమిషన్‌ కూడా జిల్లా యంత్రాంగం నుంచి వివరాలు కోరింది.రాజకీయ దుమారంఈ ఘటనపై కాంగ్రెస్‌ నేత రాహుల్‌ గాంధీ తీవ్రంగా స్పందించారు. బీజేపీ పాలిత రాష్ట్రాల్లో ఘోరమైన పాలన నడుస్తోందని.. మహిళలకు రక్షణ కరువైందని ఆవేదన వ్యక్తం చేశారు. బాలిక చేతులు జోడించి వేడుకున్నప్పటికీ గ్యాంగ్‌ ఆమెను వేధించడం తీవ్ర ఆందోళనకరమని పేర్కొన్నారు. నిందితులందరినీ గుర్తించి పోక్సో చట్టం కింద కఠిన చర్యలు తీసుకోవాలని డిమాండ్‌ చేశారు. బిహార్‌ ప్రతిపక్ష నేత తేజస్వీ యాదవ్‌ కూడా ప్రభుత్వంపై విమర్శలు గుప్పించారు.మరోవైపు అధికార పక్షం మాత్రం ఘటనపై ప్రభుత్వం సీరియస్‌గా ఉందని, దోషులుగా తేలిన ఎవరినీ వదిలిపెట్టబోమని చెబుతోంది. పోలీసులు ఇప్పటికే అరెస్టులు చేపట్టడంతో పాటు మిగిలిన నిందితుల కోసం గాలిస్తున్నారు. దీంతో జముయి ఘటనలో అసలు నిందితులందరినీ ఎప్పుడు పట్టుకుంటారు? మంత్రి వ్యాఖ్యలపై తీవ్ర విమర్శల వేళ ప్రభుత్వం ఏ విధంగా స్పందిస్తుంది? అనేది ఇప్పుడు చర్చనీయాంశంగా మారింది.

పెద్దపల్లి జిల్లా: తనను ప్రేమించి మరొకరితో చనువుగా ఉండడాన్ని సహించలేని పాలిటెక్నిక్‌ కాంట్రాక్ట్‌ లెక్చరర్‌ జెట్టి నవీన్‌కుమార్‌.. పథకం ప్రకారమే యువతి తాండ్ర అక్షితరాణి (20)ని ఆత్మహత్యకు ప్రేరేపించి ఆపై మృతి చెందేవరకూ ప్లాన్‌ అమలు చేసినట్లు పోలీసులు తేల్చారు. నిన్నటివరకూ ఆత్మహత్య చేసుకున్నట్లు అందరూ భావించారు. కానీ, పోలీసుల దర్యాప్తులో హత్యగానే తేలింది. పెద్దపల్లి జిల్లా గోదావరిఖని వన్‌టౌన్‌ పోలీసుస్టేషన్‌లో ఆదివారం ఏర్పాటు చేసిన విలేకరుల సమావేశంలో డీసీపీ రాంరెడ్డి కేసు వివరాలు వెల్లడించారు. పెద్దపల్లి జిల్లా గోదావరిఖనిలోని లెనిన్‌నగర్‌కు చెందిన అక్షితరాణి 2022లో మంచిర్యాల జిల్లా సీసీ నస్పూర్‌లోని సింగరేణి పాలిటెక్నిక్‌లో చదివింది. ఆ సమయంలో కాంట్రాక్ట్‌ లెక్చరర్‌ నవీన్‌కుమార్‌తో సాన్నిహిత్యం పెరిగి ప్రేమగా మారింది. నవీన్‌కుమార్‌కు అప్పటికే భార్య, ఇద్దరు పిల్లలు ఉన్నా.. అక్షితరాణిని పెళ్లి చేసుకునే వరకూ తీసుకెళ్లాడు. కానీ, డిప్లొమా పూర్తయ్యాక ఆమె హైదరాబాద్‌లో బీటెక్‌ మైనింగ్‌ చదువుతూ జీడీకే–2వ గనిలో అప్రెంటిషిప్‌ చేసింది. ఈక్రమంలో ఓవర్‌మన్‌ బొమ్మకంటి రవికుమార్‌తో పరిచయం ఏర్పడి నవీన్‌కుమార్‌కు దూరంగా ఉంటూ వస్తోంది. దీంతో అసూయ పెంచుకున్న నవీన్‌కుమార్‌ ఆమెను హత్య చేయాలని పకడ్బందీ పథకం రచించాడు. ఈనెల12న గౌతమినగర్‌లోని ఓ కంప్యూటర్‌ సెంటర్‌లో అక్షితరాణి విధులు ముగించుకుని ఆటోలో వెళ్తుండగా ఎఫ్‌సీఐ క్రాస్‌రోడ్డు వద్ద అడ్డగించి కారులో ఎక్కించుకుని వివిధ ప్రాంతాల్లో తిప్పుతూ గొడవ పడ్డాడు. రవికుమార్‌ తనపై అత్యాచారం చేయడంతోనే ఆత్మహత్య చేసుకుంటున్నట్లు ప్రేరేపించి సూసైడ్‌ నోట్‌ రాయించాడు. అప్పటికే తన వద్ద సిద్ధంగా ఉంచుకున్న పురుగుల మందును బలవంతంగా తాగించాడు. స్పృహ కోల్పోయిన యువతిని ఆస్పత్రికి తరలించకుండా అనేక ప్రాంతాల్లో తిప్పి కావాలనే జాప్యం చేశాడు. చివరకు యువతి ఫోన్‌నుంచి ఆమె తండ్రికి ఫోన్‌కాల్‌ చేసి ఆత్మహత్య చేసుకున్నట్లు నమ్మించేందుకు యత్నించాడు. రాత్రి సుమారు 7.30 సమయంలో యువతిని ఇంటికి తీసుకెళ్లి తల్లిదండ్రులను కారులో ఎక్కించుకుని స్థానిక ప్రభుత్వ ఆస్పత్రికి తీసుకెళ్లాడు. అక్షితరాణి చికిత్స పొందుతూ ఈనెల 13న మృతి చెందింది.ఇదీ చ‌ద‌వండి: లగ్జరీ కారులో మంటలు ఎలా చెలరేగాయి?ఆధారాలు చెరిపేసే యత్నంయువతి మృతితో తన విషయం బయటపడుతుందనే భయంతో నవీన్‌కుమార్‌ ఆధారాలను ధ్వంసం చేసేందుకు యత్నించాడు. కారు శుభ్రం చేయడం, సూసైడ్‌నోట్, పురుగులమందు బాటిల్, మొబైల్‌ సిమ్‌లు తొలగించాడు. అనంతరం హైదరాబాద్‌కు పారిపోయాడు. అయితే కేసును సీరియస్‌గా తీసుకున్న పోలీసులు.. సీసీ కెమెరా ఫుటేజీలు, కాల్‌డేటా, కాల్‌రికార్డింగ్స్‌ తదితర సాంకేతిక ఆధారాలు విశ్లేషించి నవీన్‌కుమార్‌ను అదుపులోకి తీసుకున్నారు. తర్వాత విచారణ చేయగా అసలు విషయం వెలుగులోకి వచ్చింది.రవికుమార్‌పై ఆరోపణలపైనా దర్యాప్తుజీడీకే–2 గని ఓవర్‌మన్‌ రవికుమార్‌తో అక్షితరాణికి పరిచయం ఏర్పడింది. ఈ నేపథ్యంలోనే ఆమె ఇష్టానికి విరుద్ధంగా శారీరక సంబంధానికి పాల్పడ్డాడు. దీంతో సింగరేణి అధికారులకు బాధితురాలు ఫిర్యాదు చేసింది. ఈ ఆరోపణల నేపథ్యంలో రవికుమార్‌ను కూడా పోలీసులు అదుపులోకి తీసుకున్నారు. సమావేశంలో గోదావరిఖని ఏసీపీ రమేశ్, సీఐ ఇంద్రసేనారెడ్డి, రెండో సీఐ అఫ్జలుద్దీన్, ఎస్‌ఐ మనోహర్‌ పాల్గొన్నారు. ఇదీ చదవండి: అక్క వివాహేతర సంబంధం చెల్లికి తెలియడంతో..

తమిళనాడు: కరూర్‌లోని వెంకమేడు ప్రాంతానికి చెందిన రమేష్‌ కుమార్‌ కుమార్తెలు వినోదిని(21), దాశిని(17). వీరిలో వినోదిని కరూర్‌లోని వెంగ మేడులో ఉన్న కాపర్‌ మార్కెట్లో పనిచేస్తుండగా, దాశిని అక్కడే ఓ ప్రభుత్వ పాఠశాలలో చదువుతోంది. ఈ స్థితిలో, 25 రోజుల క్రితం దశిని అదశ్యమైంది. వెంగమేడు పోలీసులు కేసు నమోదు చేసి విద్యార్థిని కోసం గాలించారు. వారు దశిని సోదరి వినోది ని ఉపయోగించిన సెల్‌ఫోన్‌ను పరిశీలించి దర్యాప్తు చేశారు. ఇందులో వినోదిని ఒ​క యువకుడితో వివాహేతర సంబంధం పెట్టుకుందని వెల్లడైంది. పెళ్లయినప్పటికీ వినోదిని వివాహేతర సంబంధంలో చిక్కుకుంది. దీనిని ప్లస్‌–2 విద్యార్థిని దాశిని ఖండించింది. తన ప్రేమ వ్యవహారాన్ని కుటుంబానికి చెబుతానని స్పష్టం చేసింది, దీంతో తీవ్ర ఆగ్రహానికి గురైన వినోదిని, ఆమె వివాహేతర ప్రియుడు మోహన్‌రాజ్‌ తో కలిసి ప్లస్‌–2 విద్యార్థినిని దారుణంగా హత్య చేసినట్లు వెల్లడైంది. ఈ కేసుపై నెల రోజుల దర్యాప్తు అనంతరం పోలీసులు శనివారం వినోదిని, మోహ¯న్‌రాజ్‌ను అరెస్టు చేశారు. కరూర్‌ వెంకమెట్‌ నుండి వంగల్‌ వెళ్లే రహదారి పక్కన ఉన్న అటవీ ప్రాంతంలో దర్శినిని హత్య చేసి, ఆమె మృతదేహాన్ని పడేశారని మోహనరాజ్‌ పోలీసులకు తెలిపాడు. దీంతో పోలీసులు అగ్నిమాపక సిబ్బందితో కలిసి ఘటనా స్థలానికి చేరుకుని మృతదేహం కోసం గాలింపు మొదలుపెట్టారు. కరూర్‌ జిల్లా సూపరింటెండెంట్‌ ఆఫ్‌ పోలీస్‌ హరి కిరణ్‌ ప్రసాద్‌ ఘటనా స్థలానికి వెళ్లి మృతదేహం కోసం గాలింపును ముమ్మరం చేశారు.5 గంటలకు పైగా సాగిన గాలించిన అనంతరం విద్యార్థిని దర్శిని మతదేహం లభ్యమైంది. మురుగు కాలువ సమీపంలోని పొదలున్న ప్రాంతంలో దర్శిని మృతదేహం కుళ్లిపోయిన స్థితిలో లభించింది. ఆమె తల వేరుగా నరికివేయబడి ఉంది. పోలీసులు దానిని స్వా«దీనం చేసుకున్నారు. మృతదేహం బాగా కుళ్లిపోయి ఉండటంతో, తలను కూడా వేరుగా నరికివేసి ఉంటారని భావించారు. వైద్యులను పిలిపించి అటవీ ప్రాంతంలో విద్యార్థి మృతదేహానికి పోస్ట్‌మార్టం నిర్వహించారు. వివాహేతర ప్రేమ వ్యవహారంలో పాఠశాల విద్యార్థిని హత్యకు గురికావడం కరూర్‌లో కలకలం రేపింది.

తెలంగాణ: ప్రమాదవశాత్తు నీటి గుంతలో పడి అక్కాచెల్లెళ్లు మృతి చెందారు. ములుగు జిల్లా కాసిందేవిపేట గ్రామంలో ఆదివారం ఈ సంఘటన జరిగింది. గ్రామస్తుల కథనం ప్రకారం.. ములుగు మండలం కాసిందేవిపేట గ్రామానికి చెందిన మహ్మద్‌ అంజాద్‌పాషా తన కుటుంబ సభ్యులతో కలిసి పత్తి చేనుకు పురుగు మందు కొట్టేందుకు వెళ్లాడు.కాగా, తల్లిదండ్రులు పత్తి చేనుకు పురుగు మందు కొడుతున్న సమయంలో పిల్లలు సమ్యాన్‌ (19), ఆసియా (10) పక్కన ఉన్న పంట పొలంలో నీటి గుంత వద్దకు కాళ్లు కడుక్కునేందుకు వెళ్లారు. ఈ క్రమంలో ఆసియా కాళ్లు కడుక్కుంటూ ప్రమాదవశాత్తు నీటి గుంతలో మునిగిపోతుండగా.. చెల్లిని కాపాడేందుకు అక్క సమ్యాన్‌ నీటి గుంతలోకి దిగింది.కాగా, పిల్లలు కనిపించకపోవడంతో తల్లిదండ్రులు ఆందోళన చెందారు. అనుమానంతో పక్కనే ఉన్న నీటి గుంత వద్దకు వెళ్లి చూడగా మునిగిపోతూ కనిపించారు. వెంటనే నీటిగుంతలోకి దిగి పిల్లలను ఒడ్డుకు తీసి కాపాడేందుకు ప్రయత్నించినా ఫలితం లేకుండా పోయింది. ఒకే కుటుంబానికి చెందిన అక్కా చెల్లెళ్లు మృతి చెందడంతో గ్రామంలో విషాదఛాయలు అలుముకున్నాయి.ఇదీ చదవండి: తల్లిని చంపి.. మృతదేహంపై బిడ్డను వదిలేశారు

అనైతిక బంధాలు, కాపురాల్లో కోపావేశాలకు విలువైన ప్రాణాలు బలవుతున్నాయి. దారితప్పి చివరకు రక్తపాతంతో ముగుస్తున్నాయి. ఫలితంగా ఎన్నో కుటుంబాలకు కన్నీరే మిగులుతోంది. ఈ పెడపోకడలు సామాజిక సమస్యగా పరిణమించాయి.కర్ణాటక: ముగ్గురు పిల్లల తల్లిని ఆమె ప్రియుడే గొంతుకోసి హతమార్చిన సంఘటన దావణగెరె సిటీ శేఖరప్ప నగరలో జరిగింది. నాగరత్న(45)ను నాగరాజు (36) హత్య చేశాడు. ఆమెకు ముగ్గురు పిల్లలు ఉన్నారు. నాగరాజుతో అక్రమ సంబంధం సాగుతోంది. ఆమె ఇంట్లో ఒంటరిగా ఉండగా చొరబడ్డ నాగరాజు కత్తితో హత్య చేశాడు. నాగరత్న ఆర్తనాదాలు విన్న స్థానికులు అక్కడకు చేరుకుని పరారవుతున్న నాగరాజును పట్టుకుని చెట్టుకు కట్టేసి చితకబాదారు. పోలీసులు నాగరాజును అదుపులోకి తీసుకున్నారు.ప్రియురాలి చేతిలో ప్రియుడు హతం దొడ్డబళ్లాపురం: ప్రియురాలి చేతిలో ప్రియుడు హత్యకు గురైన సంఘటన దావణగెరెలోని కేశవమూర్తి కాలనీలో జరిగింది. మంజప్ప (40)ను, ప్రేయసి షబీనా (38) చీరతో గొంతు బిగించి ప్రాణాలు తీసింది. మంజప్పకు భార్య, ఇద్దరు పిల్లలు ఉండగా విడాకులు తీసుకుని షబీనాతో జీవిస్తున్నాడు. శుక్రవారం రాత్రి మద్యం మత్తులో ఇద్దరూ గొడవకు దిగారు. దీంతో ఆమె ఏకంగా హత్య చేసింది. పోలీసులు నిందితురాలిని నిర్బంధించారు.భార్యను కడతేర్చి.. తానూ ఆత్మహత్య దొడ్డబళ్లాపురం: దొడ్డబళ్లాపురం పట్టణంలోని ఒక లాడ్జిలో భార్యను హత్య చేసి పరారైన కసాయి భర్త చివరకు ఆత్మహత్య చేసుకున్నాడు. దొడ్డ రూరల్‌ ఠాణా దగ్గర లాడ్జిలో భార్య విద్య (21)ను ఆమె ఐడెంటిటీ కార్డ్‌ ట్యాగ్‌తో గొంతు బిగించి హత్య చేసి పరారైన భర్త ఆనంద్‌ నాలుగు రోజుల నుంచి జాడ లేడు. సొంతూరైన గౌరిబిదనూరు తాలూకా ముదుగెరె చెరువు వద్ద మద్యం తాగి చెట్టుకు ఉరివేసుకుని చనిపోయాడు. బైక్, 2 మొబైళ్లు తదితరాలు అక్కడ ఉన్నాయి. గౌరిబిదనూరు గ్రామీణ పోలీసులు కేసు నమోదు చేసుకున్నారు.ఇద్దరు పిల్లలను బావిలోకి తోసేసింది బనశంకరి: కుటుంబ కలహాలతో కోపోద్రిక్తురాలైన మహిళ ఇద్దరు పిల్లలను బావిలోకి తోసేసిన ఘటన మంగళూరు వద్ద ఉప్పినంగడి పోలీస్‌స్టేషన్‌ పరిధిలో శనివారం జరిగింది. ఒకరు మృతిచెందగా మరో చిన్నారి తీవ్రంగా గాయపడింది. సినాన్, నూరున్నీషా దంపతుల మధ్య ఫోన్‌కాల్‌ గురించి రగడ మొదలైంది. నూరున్నీషా కోపం పట్టలేక తన మూడేళ్ల కుమారుడు, భర్త చెల్లెలి మూడేళ్లు కొడుకుని తీసుకెళ్లి ఇంటి వద్దనున్న బావిలోకి పడేసింది. స్థానికులు చూసి పిల్లలను బయటకు తీశారు. భర్త చెల్లి కుమారుడు చనిపోగా, సొంత కొడుకు తీవ్ర అస్వస్థత పాలయ్యాడు. అతనిని మంగళూరు ఆస్పత్రిలో చేరి్పంచారు. పోలీసులు ఆమెను అరెస్టు చేశారు.

సాక్షి, హైదరాబాద్‌: పహాడీషరీఫ్‌ పోలీసుస్టేషన్‌ పరిధిలోని తుక్కుగూడలో నర్సుపై (21) ‘హత్యా’చారం చేసిన కేసులో నిందితుడిగా ఉన్న మహ్మద్‌ సనావుల్లాను (34) న్యాయస్థానంలో దోషిగా నిరూపించడానికి పోలీసులు పక్కా ఆధారాలు సేకరిస్తున్నారు. కేవలం సాక్షుల వాంగ్మూలాలు, భౌతికాంశాలే కాకుండా శాస్త్రీయ ఆధారాల పైనా దృష్టి పెట్టారు. ఇందులో భాగంగా హతురాలి శరీరం నుంచి సేకరించిన జీవ నమూనాలను నిందితుడి నుంచి సేకరించిన శాంపిల్స్‌ పోలుస్తూ డీఎన్‌ఏ పరీక్షలు నిర్వహించారు. రాష్ట్ర ఫోరెన్సిక్‌ లాబోరేటరీ (ఎఫ్‌ఎస్‌ఎల్‌) చేపట్టిన పరీక్షల్లో నివేదికలు పాజిటివ్‌గా వచ్చాయి. దీంతో ఈ కేసులో నిందితుడిని దోషిగా నిరూపించడంలో ఈ నివేదిక కీలకం కానుంది. దారుణం జరిగిన మరుసటి రోజే (ఆగస్టు 30) పోలీసులు బిహార్‌కు చెందిన సనావుల్లాను పట్టుకున్నారు. హత్య కేసుగా నమోదైన ఈ కేసులో తర్వాత అత్యాచారం, ఎస్సీ, ఎస్టీలపై అఘాయిత్యాల నిరోధక చట్టంలో సెక్షన్లను చేర్చారు. ఇదిలా ఉండగా నిందితుడు దాదాపు నెల రోజుల పాటు నర్సు కదలికలను గమనించినట్లు వెల్లడైంది. సనావుల్లాను అరెస్టు చేసిన పోలీసులు నేర నిరూపణలో కేవలం అతడి వాంగ్మూలం పైనే ఆధారపడకూడదని భావించారు.ఉన్నతాధికారులు ఆదేశాల మేరకు సాంకేతిక, శాస్త్రీయ ఆధారాలపైనా దృష్టి సారించారు. ఘటనాస్థలంలో లభించిన వస్తువులు, వెంట్రుకలు, ఇతర ఫోరెన్సిక్‌ ఆధారాలను క్లూస్‌ టీమ్స్‌ సాయంతో సేకరించారు. వీటితో పాటు నిందితుడి కదలికలకు సంబంధించిన సీసీ కెమెరాల్లో రికార్డు అయిన ఫుటేజ్‌నీ సంగ్రహించారు. హతురాలి శరీరంపై నుంచి సేకరించిన డీఎన్‌ఏ నమూనాలను ఫోరెన్సిక్‌ ల్యాబ్‌కు పంపిన అధికారులు కోర్టు అనుమతితో నిందితుడి నుంచి శాంపుల్స్‌ సేకరించి పరీక్ష చేయించారు. ఈ నేపథ్యంలో ఆమె శరీరంపై లభించిన డీఎన్‌ఏ సనావుల్లా డీఎన్‌ఏతో సరిపోలినట్లు ఎఫ్‌ఎస్‌ఎల్‌ నివేదిక అందించింది. ఇది నర్సుపై నిందితుడే లైంగిక దాడి చేశాడని న్యాయస్థానంలో నిరూపించడానికి తిరుగులేని ఆధారంగా మారనుంది. త్వరలో ఈ కేసు దర్యాప్తు పూర్తి చేసి న్యాయస్థానంలో అభియోగపత్రాలు దాఖలు చేయడానికీ పోలీసులు సన్నాహాలు చేస్తున్నారు. ఇదీ చదవండి: వివాహేతర సంబంధం.. మహిళ దారుణ హత్య!

బెంగళూరు: భార్యను లాడ్జికి తీసికెళ్లిన భర్త ఆమెను గొంతు బిగించి హత్య చేసిన సంఘటన దొడ్డబళ్లాపురంలో జరిగింది. వివరాలు.. గౌరిబిదనూరు తాలూకా నగరగెరె గ్రామానికి చెందిన విద్య (23), నాలుగేళ్ల క్రితం ముదుగెరె నివాసి ఆనంద్‌ ప్రేమ వివాహం చేసుకున్నారు. వీరికి ఒక కుమారుడు ఉన్నాడు. విద్య ఫాక్స్‌కాన్‌ ఫ్యాక్టరీలో పని చేస్తోంది. ఇద్దరి మధ్య గొడవలు రావడంతో ఆమె బెంగళూరులో పీజీ హాస్టల్‌లో ఉంటోంది. ఇటీవల ఆనంద్‌ తన భార్య కనబడడం లేదని దొడ్డబళ్లాపురం మహిళా పోలీస్‌స్టేషన్‌లో ఫిర్యాదు చేశాడు. విద్యను తీసుకువచ్చిన పోలీసులు 20 రోజుల క్రితం ఇద్దరికీ కౌన్సిలింగ్‌ ఇచ్చి కలిపి పంపించేశారు. బుధవారం రాత్రి విద్యను తీసుకుని ఆనంద్‌ దొడ్డలో ఓ లాడ్జిలో దిగాడు. ఆమె ఐడీ కార్డ్‌తోనే గొంతు బిగించి హత్య చేసి మొబైల్‌ను తీసుకుని అర్ధరాత్రి వెళ్లిపోయాడు. పోలీసులు కేసు నమోదు చేసుకుని పరారీలో ఉన్న ఆనంద్‌ కోసం గాలిస్తున్నారు.

ఖమ్మం: నేలకొండపల్లి మండలం అప్పలనరసింహాపురానికి చెందిన రైతు పుసులూరి శ్రీనివాస్‌ కలుపు మందు కలిపిన కూల్‌ డ్రింగ్‌ తాగి.. ఆ తర్వాత తన కుమారుడు, కుమార్తెకు కూడా తాగించిన విషయం విదితమే. ఘటనలో శ్రీనివాస్, ఆయన కుమార్తె లాస్య మృతి చెందగా.. కుమారుడు నిఖిల్‌ హైదరాబాద్‌లో చికిత్స పొందుతున్నాడు. ఈమేరకు తండ్రీకుమార్తె మృతదేహాలను గురువారం అప్పలనరసింహాపురం తీసుకురాగా.. కుటుంబీకులు, స్థానికుల రోదనల నడుమ అంత్యక్రియలు పూర్తిచేశారు.పిల్లలను పానీపూరి తినిపించి...పుసులూరి శ్రీనివాస్‌–లీలా దంపతులకు కుమార్తె లాస్య, కుమారుడు నిఖిల్‌ ఉన్నారు. ఆయన గ్రామంలోని పది ఎకరాలతో పాటు ముదిగొండ మండలం పెద్ద మండవ, ఏపీలోని గండ్రాయిలో పదేసి ఎకరాలు కౌలుకు తీసుకుని పంటలు సాగు చేస్తున్నాడు. ఇటీవల పెట్టుబడులకు అప్పులు చేయగా, చీడపీడలకు తోడు సరిపడా నీరు అందక మనోవేదనకు గురయ్యాడు. దాదాపు రూ.15 లక్షల అప్పు ఎలా తీర్చాలో తెలియక ఆత్మహత్య చేసుకోవాలని నిర్ణయించుకున్నట్లు తెలిసింది. వినాయకచవితి పండగ కోసం ఇంటికి వచ్చిన లాస్యను బుధవారం బైక్‌పై తీసుకుని నిఖిల్‌ స్కూల్‌కు వద్దకు వెళ్లి బయటకు తీసుకొచ్చాడు. కోదాడలో ఇద్దరికీ ఇష్టమని పానీపూరి తినిపించాక కలుపు మందు కలిపిన థమ్సఫ్‌ సీసాతో గండ్రాయిలో కౌలు చేస్తున్న పొలం వద్దకు వెళ్లాడు. తొలుత శ్రీనివాస్‌ తాగి... ఆ తరువాత లాస్యకు తాగించగా.. నిఖిల్‌ కొద్దిగా తాగగానే ఘాటుగా ఉందని తాగలేకపోయాడు. ఆ తర్వాత విషయాన్ని శ్రీనివాస్‌ తన బావమరిదికి ఫోన్‌లో చెప్పి స్విచాఫ్‌ చేసినా పోలీసుల సాయంతో ఘటనా స్థలిని గుర్తించే సరికి శ్రీనివాస్, లాస్య స్పృ హ కోల్పోయారు. ముగ్గురికి గండ్రాయిలో చికిత్స అందించి ఖమ్మం తరలించగా తండ్రి, కూతురు మృతి చెందారు.నన్ను బతికించండి మామయ్యాఖమ్మంలో చికిత్స పొందుతుండగా లాస్య వద్దకు వెళ్లిన మేనమామను చూసి బోరున విలపించించిందని కుటుంబీకులు తెలిపారు. ‘మామయ్యా కడుపులో నొప్పి, మంటగా ఉంది.. నన్ను బ్రతికించండి...’ అంటూ రోదించిందని గుర్తు చేసుకుంటూ మృతదేహం వద్ద కన్నీళ్లు పెట్టుకున్నారు. కాగా, హైదరాబాద్‌లో చికిత్స పొందుతున్న నిఖిల్‌ను గురువారం శ్రీనివాస్‌ తండ్రి రామారావుతో వీడియో కాల్‌ మాట్లాడించగా.. ‘తాతా నేను బాగున్నా.. నాకేమీ కాలేదు...’ అని చెప్పాడు. ఇక గండ్రాయి శివారులో శ్రీనివాస్‌ ఆత్మహత్య చేసుకోగా అక్కడి పోలీసులు గురువారం అప్పలనరసింహాపురం వచ్చారు. శ్రీనివాస్‌ భార్య లీల, తండ్రి రామారావు నుంచి వివరాలు సేకరించారు. అయితే, ‘అప్పులు ఉన్నాయని చెప్పుకుని బాధపడేవాడు.. ఏమీ కాదని ధైర్యం చెప్పాను. అయినా ఇలా చేసుకుంటాడని ఊహించలేదు’ అని శ్రీనివాస్‌ తండ్రి రామారావు పోలీసులకు వివరించారు. ఇక భర్త, కుమార్తెను కోల్పోగా.. కుమారుడు ఆస్పత్రిలో చికిత్స పొందుతున్న లీల రోదించిన తీరు అందరినీ కంట తడిపెట్టించింది. ఇదీ చదవండి: నీకు నా మీద లవ్ తగ్గిపోయింది కదా...

గుంటూరు : మైనర్‌ను వ్యభిచార కూపంలోకి దించిన కేసులో పోలీసులు పూర్తిస్థాయిలో దర్యాప్తు చేయలేదనే విమర్శలు వెల్లువెత్తుతున్నాయి. అసలు మైనర్‌ను సుమారు ఏడాదిపాటు వ్యభిచార కూపంలోకి దించిన మహిళ, మరో నలుగురు వ్యక్తుల అరెస్ట్‌ విషయంలో ఏదైనా మతలబు జరిగిందా..? అనే అనుమానాలు లేకపోలేదు. పది రోజుల క్రితం గుంటూరు ఈస్ట్‌ సబ్‌డివిజన్‌ పాతగుంటూరు పోలీసుస్టేషన్‌లో మైనర్‌తో వ్యభిచారం చేయించిన ఘటనపై కేసు నమోదైంది. పరిస్థితిని ఆసరాగా తీసుకుని... మైనర్‌ విద్యార్థిని తల్లిదండ్రులు మనస్పర్థల కారణంగా వేర్వేరుగా ఉంటున్నారు. ఒంగోలులో ఉంటున్న తల్లి దగ్గర నుంచి తండ్రి వద్దకు వచ్చిన మైనర్‌ను నగరంలోని ఒక ప్రభుత్వ కళాశాలలో ఇంటర్మీడియట్‌లో చేర్పించారు. ఈ క్రమంలో తండ్రి పాతగుంటూరు బాలాజీనగర్‌లో నివాసం ఉండే తన సోదరుడి దగ్గర కుమార్తెను ఉంచి చదివిస్తున్నారు. అదే ప్రాంతంలో నివాసం ఉండే పావని అనే మహిళతో పరిచయం ఏర్పడింది. విద్యార్థినికి మాయమాటలు చెప్పి, లేనిపోని ఆశలు చూపి వ్యభిచార కూపంలోకి దించింది. అసలు ఆ బాలిక ఇంటికి కూడా సరిగా రావడం లేదని తెలుసుకున్న తల్లిదండ్రులు ఆరా తీయగా అసలు విషయం బయటకు వచ్చింది. దీనిపై ఈ నెల 5వ తేదీన పాతగుంటూరు పీఎస్‌లో కేసు నమోదు చేశారు. తొలి నుంచి గోప్యమే... ఈ కేసులో పోలీసులు తొలి నుంచి గోప్యంగానే వ్యవహరించారు. విషయం బయటకు పొక్కకుండా, మీడియా అడుగుతున్నప్పటికీ సమాధానం దాటవేస్తూ వచ్చారు. ప్రధాన నిందితురాలు పావని, ఆమె భర్తను అరెస్ట్‌ చేశారు. తర్వాత విద్యార్థినిపై అత్యాచారానికి పాల్పడిన ముగ్గురిని అరెస్ట్‌ చేసి, వారిని సైలెంట్‌గా కోర్టుకు హాజరుపరిచారు. ఫిర్యాదులో స్పష్టంగా గుంటూరు ఆర్టీసీ బస్టాండ్, విజయవాడతో పాటు పలు ప్రాంతాలకు పావని తనను తీసుకుని వెళ్లిందని మైనర్‌ పోలీసులకు సమాచారం ఇచ్చినట్లు తెలుస్తోంది. నెలల తరబడి ఈ తంతు జరిగినా కేవలం ముగ్గురిని మాత్రమే నిందితులుగా చూపడంపై సర్వత్రా చర్చనీయాంశమైంది. ఈ ఘటనలో అసలు ఏ లాడ్జికి తీసుకుని వెళ్లారు.. అక్కడ ఆధార్‌ ఏం ఇచ్చారు.. మైనర్‌ లాడ్జిలోకి వెళ్తుంటే ఎలా అంగీకరించారు..? అనే అంశాలు మిస్టరీగానే ఉన్నాయి. ఈ కేసులో ఇంకెంత మంది నిందితులు ఉన్నారనే ప్రశ్నలు ఉత్పన్నం అవుతున్నాయి. నాడు బాధితులకు న్యాయం మేడికొండూరుకు చెందిన ఒక మైనర్‌ ఘటన గతంలో రాష్ట్ర వ్యాప్తంగా సంచలనం రేకెత్తించింది. ఈ కేసు విషయంలో అప్పటి వెస్ట్‌ సబ్‌ డివిజన్‌ డీఎస్పీగా ఉన్న కె. సుప్రజ పూర్తిస్థాయిలో విచారణ చేపట్టారు. ఏపీ, తెలంగాణతోపాటు అనేక రాష్ట్రాలకు వెళ్లి మరీ 112 మంది నిందితులను అరెస్ట్‌ చేశారు. అందులో ఇద్దరికి లుక్‌ అవుట్‌ సర్క్యులర్‌ (ఎల్‌ఓసీ) కూడా జారీ చేశారు. ఈ కేసు విచారణ సుమారు సుదీర్ఘంగా మూడు నెలలపైనే సాగింది. నాడు వైఎస్సార్‌సీపీ ప్రభుత్వం అధికారంలో ఉండటంతో దర్యాప్తు నిష్పక్షపాతంగా సాగింది. తీవ్ర నిర్లక్ష్యం ఈ కేసు పరిణామంలో పోలీసులు నిందితులను వదిలివేశారా..? కేసును తూతూ మంత్రంగా విచారించారా..? ఎవరైనా పెద్దల ప్రమేయం ఉందా..? అనే అనుమానాలు వ్యక్తమవుతున్నాయి. పావని, ఆమె భర్త, కేవలం ముగ్గురు విటులుగా ఉన్న వారిని అరెస్ట్‌ చేసి మమ అనిపించారనే ఆరోపణలు వస్తున్నాయి. దీనిపై మరింత లోతుగా దర్యాప్తు చేయాల్సిన పోలీసులు.. ఎందుకు నిర్లక్ష్యంగా వ్యవహరిస్తున్నారనేది ప్రశ్నార్థంగా మిగిలిపోయింది. ఈ కేసులో లాడ్జి నిర్వాహకులు, పావనికి సహకరించిన మరికొంత మందిని ఎందుకు నిందితులుగా చేర్చలేదనే అభిప్రాయాలు వ్యక్తమవుతున్నాయి. మీడియాకు తెలియకుండా అరెస్ట్‌ చూపించడం మరిన్ని అనుమానాలకు తావిస్తోంది. ఇకనైనా టీడీపీ ప్రభుత్వం స్పందించి తగిన న్యాయం చేయాలని బాధితులు డిమాండ్‌ చేస్తున్నారు. ఇదీ చదవండి: టీడీపీ నేతల వికృత చేష్టలు

ఖమ్మం జిల్లా: క్షణికావేశంలో నాగార్జునసాగర్‌ కాల్వలో దూకిన గల్లంతయ్యాడనే విషయం తెలిసి సదరు వ్యక్తి భార్య ఇంట్లో ఫ్యాన్‌కు ఉరి వేసుకుని బలవన్మరణానికి పాల్పడింది. ఖమ్మం జిల్లా కొణిజర్ల మండలం అమ్మపాలెంలో బుధవారం చోటు చేసుకున్న ఘటన వివరాలిలా ఉన్నాయి. ఆటో నడుపుతూ జీవనం సాగించే అమ్మపాలెంనకు చెందిన తేజావత్‌ హరిప్రసాద్‌కు అన్నవరం గ్రామానికి చెందిన సునీత(28)తో పదిహేనేళ్ల క్రితం వివాహమైంది. వీరికి ఓ కుమారుడు, కుమార్తె ఉన్నారు. ఇటీవలే ఇందిరమ్మ ఇల్లు నిర్మించుకోగా అప్పులయ్యాయి. దీనికి తోడు వారం రోజులుగా భార్యాభర్తల మధ్య మనస్పర్థలు మొదలుకావడంతో హరిప్రసాద్‌ బుధవారం ఉదయం బయటకు వెళ్లి తన అన్న రామ్మూర్తికి ఫోన్‌ చేసి చనిపోతున్నానని, బిడ్డలను జాగ్రత్తగా చూసుకోవాలని కోరాడు. ఇదే సమాచారం సర్పంచ్‌కు కూడా ఇవ్వగా వారు పోలీసులకు తెలపడంతో ఫోన్‌ నంబర్‌ ఆధారంగా వి.వెంకటాయపాలెం సమీపాన ఎన్‌ఎస్‌పీ ప్రధాన కాల్వ వద్ద ఉన్నట్లు గుర్తించారు. అక్కడకు వెళ్లి పరిశీలించగా హరిప్రసాద్‌ ఆటో, చెప్పులు, సెల్‌ఫోన్‌ ఉండడంతో ఆయన కాల్వలో దూకాడనే అనుమానంతో ఎన్‌డీఆర్‌ఎఫ్‌ బృందంతో గాలింపు చేపట్టగా రాత్రి వరకు ఆచూకీ లభించలేదు. కాగా, భర్త కాల్వలో దూకాడని తెలియగానే సునీత ఇంట్లో ఫ్యాన్‌కు ఉరి వేసుకుని ఆత్మహత్యకు పాల్పడింది. హరిప్రసాద్‌ దంపతులు ఇటీవలే ప్రైవేట్‌ బ్యాంకులో రుణానికి దరఖాస్తు చేసుకోగా విచారణకు వచ్చిన సిబ్బంది ఎంత పిలిచినా స్పందన లేకపోవడంతో కిటికీలో నుంచి చూశారు. దీంతో సునీత ఉరి వేసుకుని కనిపించగా స్థానికులకు చెప్పడంతో పరిశీలించేసరికి ఆమె మృతి చెందింది. అయితే, సునీత బలవన్మరణంపై ఆమె తరఫు బంధువులు భిన్నాభిప్రాయాలు వ్యక్తం చేస్తున్నారు. ఘటనపై అందిన ఫిర్యాదుతో కేసు నమోదు చేశామని, విచారణలో వివరాలు వెల్లడవుతాయని ఎస్‌ఐ సూరజ్‌ తెలిపారు. కాగా, హరిప్రసాద్‌ కానరాకుండా పోవడం, సునీత ఎందుకు మృతి చెందిందో తెలియక వీరి పిల్లలు మనోహర్, భార్గవి అడుగుతున్న ప్రశ్నలు స్థానికులను కంటతడి పెట్టించాయి.

ఖమ్మం జిల్లా: ఏం కష్టం వచ్చిందో ఏమో కానీ... ఓ రైతు కలుపు మందు తాగడమేకాక తన కుమారుడు, కుమార్తెకు కూడా తాగించాడు. ఘటనలో తండ్రి, కుమార్తె మృతి చెందగా కుమారుడి పరిస్థితి విషమంగా ఉంది. ఆంధ్రప్రదేశ్‌ రాష్ట్రంలో జరిగిన ఈ ఘటనకు సంబంధించి వివరాలు.. ఖమ్మం జిల్లా నేలకొండపల్లి మండలం అప్పలనరసింహాపురం గ్రామానికి చెందిన పుసులూరి శ్రీనివాస్‌ (44) స్వగ్రామంలోనే కాక ఆంధ్రప్రదేశ్‌లోని ఎన్‌టీఆర్‌ జిల్లా జగ్గయ్యపేట మండలంలోని గండ్రాయిలో భూమి కౌలుకు తీసుకుని భార్యతో కలిసి వ్యవసాయం చేస్తున్నాడు.ఈక్రమాన భార్య అప్పలనరసింహాపురంలోని ఇంట్లో ఉండగా... సూర్యాపేట జిల్లా కోదాడలోని రెసిడెన్షియల్‌ పాఠశాలలో చదువుతున్న కుమార్తె లాస్య (14), నేలకొండపల్లి మండలం చెరువుమాధారం ప్రైవేట్‌ స్కూల్‌లో చదువుతున్న కుమారుడు నిఖిల్‌ (11)ను బుధవారం వారి పాఠశాలలకు వెళ్లి తీసుకొచ్చాడు. ఆపై పిల్లలతో కలిసి గండ్రాయిలో కౌలుకు తీసుకున్న పొలం వద్దకు వెళ్లాడు. తండ్రి ఇచ్చింది విషమని తెలియక... ముందుగా శ్రీనివాస్‌ థమ్సప్‌ సీసాలో గడ్డి మందు కలిపినట్లు తెలుస్తుండగా, పొలం వద్ద తొలుత తాను తాగాడు. ఆ తర్వాత లాస్య, నిఖిల్‌కు కూడా తాగించాడు. తండ్రి ఇచ్చింది విషమని తెలియని ఆ చిన్నారులు సైతం తాగేశారు. ఆపై బంధువులకు ఫోన్‌ చేసిన శ్రీనివాస్‌ విషయాన్ని చెప్పి స్విచ్చాఫ్‌ చేశాడు. దీంతో బంధువులు, గ్రామస్తులు గండ్రాయిలోని పలు ప్రాంతాల్లో గాలించినా ఆచూకీ లభించలేదు. చివరకు పోలీసుల సాయం తీసుకుని ఫోన్‌ సిగ్నల్‌ లొకేషన్‌ ఆధారంగా గుర్తించేసరికి ముగ్గురూ స్పృహ తప్పి కనిపించాడు. ఈ మేరకు శ్రీనివాస్, ఇద్దరు పిల్లలను ఖమ్మం జనరల్‌ ఆస్పత్రికి తీసుకురాగా చికిత్స పొందుతూ తండ్రి, కుమార్తె లాస్య మృతి చెందారు. ఇక కుమారుడు నిఖిల్‌ పరిస్థితి విషమంగా ఉండటంతో మెరుగైన వైద్యం కోసం హైదరాబాద్‌కు తరలించారు. శ్రీనివాస్‌కు గ్రామంలో ఉత్తమ రైతుగా పేరుండటమేకాక అందరితో కలివిడిగా ఉండేవాడు. దీంతో ఆయన ఆత్మహత్య మిస్టరీగా మారింది. ఈ ఘటనపై ఏపీలోని చిల్లకల్లు పోలీస్‌స్టేషన్‌లో కేసు నమోదైంది.

సాక్షి, హైదరాబాద్‌: ఓ వ్యక్తి హత్య.. రెండు కుటుంబాలను విషాదంలో ముంచింది. బేగంపేట పోలీసుస్టేషన్‌ పరిధిలోని సీబీఎన్‌ నగర్‌కు చెందిన క్యాబ్‌ డ్రైవర్‌ రాజశేఖర్‌ సంగారెడ్డి జిల్లాలో దారుణ హత్యకు గురయ్యారు. ఈ కేసు వివరాలు ఆరా తీయడానికి శనివారం సాయంత్రం పటాన్‌చెరు ఠాణాకు వెళ్లిన ఆయన బంధువు శ్యామ్‌ గుండెపోటుతో అక్కడిక్కడే చనిపోయారు. దీంతో రెండు కుటుంబాలు శోకసంద్రంలో మునిగిపోయాయి. గురువారం రాత్రి అదృశ్యం.. ఖమ్మం జిల్లా పాతర్లపాడుకు చెందిన రాజశేఖర్‌ (32) నగరానికి వలసవచ్చి బేగంపేట పోలీసుస్టేషన్‌ పరిధిలోని సీబీఎన్‌ నగర్‌లో స్ధిరపడ్డారు. ఈయనకు భార్య లీల, ఎనిమిదేళ్ల లోపు వయసున్న కుమార్తెలు శ్రీనిధి, అనన్య ఉన్నారు. రాజశేఖర్‌కు రెండు కార్లు ఉండేవి. ఒకదాన్ని తాను నడుపుతూ.. మరో దాన్ని డ్రైవర్‌ ద్వారా నడిపిస్తున్నారు. రాజశేఖర్‌ సమీప బంధువు అశోక్‌ మూడు రోజుల క్రితం ఓ కారు ఖరీదు చేశారు. దీన్ని ప్రస్తుతం రాజశేఖర్‌ నడుపుతున్నారు. గురువారం రాత్రి ఇంటి నుంచి బయటకు వెళ్లిన రాజశేఖర్‌ తిరిగి రాలేదు. ఆయన ఫోన్‌ కూడా స్విచ్ఛాఫ్‌ రావడంతో కుటుంబీకులు శుక్రవారం బేగంపేట పోలీసుస్టేషన్‌లో ఫిర్యాదు చేశారు. మృతదేహం, కారు వేర్వేరు చోట్ల.. సంగారెడ్డి జిల్లా కోహిర్‌లోని గోల్డెన్‌ దాబా సమీపంలో రాజశేఖర్‌ కారు పోలీసులకు లభించింది. సమాచారం తెలుసుకున్న కుటుంబీకులు అక్కడికి వెళ్లారు. రాజశేఖర్‌ కోసం పోలీసులు, కుటుంబీకులు, స్నేహితులు వెతికారు. శుక్రవారం అర్ధరాత్రి రుద్రారం శివారులోని చెట్ల పొదల్లో రాజశేఖర్‌ మృతదేహం లభించింది. హతుడి సోదరుడు రాంబాబు ఫిర్యాదుతో పటాన్‌చెరు పోలీసులు కేసు దర్యాప్తు ప్రారంభించారు. సంగారెడ్డి ప్రభుత్వ ఆస్పత్రిలో రాజశేఖర్‌ మృతదేహానికి వైద్యులు పోస్టుమార్టం నిర్వహించారు. బెల్ట్‌ వంటి దాంతో మెడకు ఉరి బిగించి చంపినట్లు నిర్ధారించారు ఠాణాలో కుప్పకూలిన బంధువు.. కేసు పూర్వాపరాలు, దర్యాప్తు అంశాలను ఆరా తీయడానికి రాజశేఖర్‌ బంధువులు, స్నేహితులు శనివారం సాయంత్రం పటాన్‌చెరు ఠాణాకు వెళ్లారు. అక్కడ పోలీసు అధికారులతో మాట్లాడుతున్న సమయంలో హతుడి సమీప బంధువు శ్యామ్‌ గుండెపోటుతో కుప్పకూలారు. ఆస్పత్రికి తరలించగా అప్పటికే మృతి చెందినట్లు వైద్యులు ప్రకటించారు. దీంతో అటు రాజశేఖర్, ఇటు శ్యామ్‌ కుటుంబాల్లో విషాద ఛాయలు అలుముకొన్నాయి. కారు కోసమే ఘాతుకమా? ప్రాథమిక ఆధారాలను బట్టి రాజశేఖర్‌ నడుపుతున్న కారు కోసమే ఆయన హత్య జరిగినట్లు భావిస్తున్నారు. ప్యాసింజర్ల మాదిరిగా కారు బుక్‌ చేసుకుని, ఆపై వెనుక సీటు నుంచి మెడకు బెల్టు బిగించి చంపేసినట్లు అనుమానిస్తున్నారు. కాగా.. కారు మరమ్మతులకు లోనుకావడంతోనే అక్కడ వదిలేసి పారిపోయినట్లు భావిస్తున్నారు. ఇదీ చదవండి: నార్సింగి దగ్గర ఘోర రోడ్డు ప్రమాదం

కాకినాడ రూరల్‌: పిఠాపురం పంచాయతీరాజ్‌ ఏఈ టి.నూకరాజు కుటుంబం ఆత్మహత్య, ఆయన అల్లుడు జగదీశ్వరరెడ్డి హత్య కేసుల్లో నిందితుడిగా ఉన్న కాకినాడకు చెందిన షేక్‌ సాధిక్‌ ఖాన్‌ ఈ నేరానికి సంబంధించి పోలీసుల ప్రశ్నలకు వరుసగా రెండవరోజూ ఎప్పటిలాగే ‘తనకేం తెలియదు, తన తప్పేంలేదు’ అని సమాధానం చెప్పినట్లు తెలుస్తోంది. ‘తప్పంతా జగదీశ్వరరెడ్డి భార్య సౌజన్యదే’ అంటూ ఆమెపై నెట్టే ప్రయత్నం చేసినట్లు సమాచారం. మూడు రోజుల విచారణ నిమిత్తం సాధిక్‌ను పోలీసులు తమ కస్టడీలోకి తీసుకున్న విషయం తెలిసిందే. సంబంధిత వర్గాల సమాచారం ప్రకారం మొదటిరోజు మంగళవారం విచారణలో 60 ప్రశ్నలు సంధించిన పోలీసులు, బుధవారం రెండోరోజూ పలు కీలకమైన అంశాలపై 70 ప్రశ్నలతో సమాధానాలు రాబట్టే ప్రయత్నం చేశారు. విచారణ మొత్తాన్ని వీడియో రికార్డింగ్‌ చేశారు. బుధవారం ఉదయం నుంచి రాత్రి వరకూ సీఐ గదిలో సీసీ కెమెరాల పర్యవేక్షణలో న్యాయవాది సమక్షంలో సాధిక్‌ను ప్రశ్నించారు. జగదీశ్వరరెడ్డి హత్యకుగాను సాధిక్‌కు సైనేడ్‌ ఎలా వచ్చిందనే కోణంలో హైదరాబాద్‌కు చెందిన ముగ్గురు వ్యక్తులను పోలీసులు సర్పవరం స్టేషన్‌కు రప్పించి సాధిక్‌ సమక్షంలో విచారించారు. ఈ క్రమంలో ఒకరు సైనేడ్‌ ఇచ్చిన విషయం ఒప్పుకున్నట్టు తెలిసింది. ఉదయం విచారణలో అదనపు ఎస్పీ మహంతి కిశోర్‌ కుమార్‌ స్వయంగా పాల్గొన్నారు. ముఖ్యంగా సౌజన్యతో పరిచయం ఎలా ఏర్పడింది, ఆమె భర్త జగదీశ్వరరెడ్డి హత్య, అందుకు వినియోగించిన రసాయనాలు, నూకరాజు కుటుంబానికి వేధింపులు, వారి ఆస్తులపై కన్ను, నకిలీ సర్టిఫికెట్లతో రైఫిల్‌ షూటింగ్‌ అకాడమీ నిర్వహణ తదితర అంశాలపై సమాధానాలు రాబట్టే ప్రయత్నం చేశారు. సాధిక్‌ విచారణ కోసం మొదటి నుంచీ సేకరించిన ఆధారాలు, సూసైడ్‌ నోట్లలోని అంశాల ఆధారంగా సుమారు 200 ప్రశ్నలతో జాబితా సిద్ధం చేసుకున్న పోలీసులు ఆ విధంగానే ముందుకు సాగుతున్నారు.

తెలీదు.. గుర్తులేదు.. మర్చిపోయా.. సర్పవరం పోలీసుల తొలిరోజు విచారణలో నిందితుడు సాధిక్‌ఖాన్‌ ఇచ్చిన సమాధానాలు దాదాపుగా ఇవే. పిఠాపురం పంచాయతీరాజ్‌ ఏఈ నూకరాజు కుటుంబం ఆత్మహత్య, అల్లుడు అనుమానాస్పద మృతిలో కీలక నిందితుడు సాధిక్‌ ఖాన్‌ను మంగళవారం కస్టడీకి తీసుకున్న సర్పవరం పోలీసులు తొలిరోజు విచారణ ప్రారంభించారు. అతడి న్యాయవాది సమక్షంలో అదనపు ఎస్పీ మహంతి కిషోర్‌కుమార్‌ ఆధ్వర్యంలో రూరల్‌ పీఎస్‌ ఆవరణలో ఉన్న ప్రత్యేక గదిలో అతన్ని విచారిస్తున్నారు.ఉదయం ప్రారంభమైన విచారణ, రాత్రి 9.30 సమయానికి కూడా కొనసాగుతోంది. పోలీసు వర్గాల నుంచి తెలిసిన సమాచారం మేరకు.. సాధిక్‌ను విచారించేందుకు 200 ప్రశ్నలతో జాబితాను సిద్ధం చేసుకున్న పోలీసులు తొలిరోజు 60 ప్రశ్నలు అడిగారు. అందులో ఎక్కువ మేరకు తెలీదు, గుర్తులేదు, మర్చిపోయా అంటూ సాధిక్‌ సమాధానం ఇవ్వడం గమనార్హం. సాంకేతిక ఆధారాలతో సాధిక్‌ను అడిగిన ప్రశ్నలకు వాస్తవ సమాధానాలు కనిపెట్టే యోచనలో పోలీసులు ఉన్నారు. విచారణకు పూర్తి స్థాయి సహకారం లేకపోవడం వల్ల సాంకేతిక అంశాలపై ఆధారపడి కేసు విచారణ కొనసాగించే అవకాశం ఉందని సమాచారం. మీరట్‌లో ఏం జరిగింది... సాధిక్‌ మీరట్‌ వెళ్లడం వెనుక కారణాలను పోలీసులు ఆరా తీస్తున్నారు. నేరుగా ఆంధ్రా పోలీసులకు చిక్కకుండా సాధిక్‌ అక్కడి పోలీసుల ద్వారా అరెస్టయ్యాడని తెలిసింది. స్థానిక పోలీసులు అరెస్టు చేయడం వల్లే ఆంధ్రా పోలీసులు వెళ్లి ట్రాన్సిట్‌ వారెంట్‌ ద్వారా తీసుకురావలసి వచ్చిందని స్పష్టమైంది. ఆంధ్ర పోలీసులకు చిక్కే సమయానికి సాధిక్‌కు చెందిన స్థానికులు మీరట్‌ పోలీసులకు సమాచారం అందించి కావాలనే అరెస్టు చేయించారని, నేరుగా ఆంధ్రా పోలీసులకు చిక్కితే పరిణామాలు తీవ్రంగా ఉంటాయని ముందే గుర్తించిన సాధిక్‌ తన మార్గదర్శి ద్వారా ఈ పన్నాగం పన్నాడని చెబుతున్నారు. అతడి వెనకున్నదెవరు అన్న విషయాలపై ఆరా తీస్తున్నారు. సాధారణంగా దేశంలో ఏ మూల ఉన్నా నిందితులను పోలీసులు ఆయా ప్రాంతాలను వెళ్లి అరెస్టు చేసి జిల్లాకు తీసుకువస్తారు. కాని సాధిక్‌ విషయంలో అలా జరగలేదు. ట్రాన్సిట్‌ వారెంట్‌ తప్పనిసరి అయింది. అవును రసాయనం తెచ్చాను... సౌజన్య భర్త జగదీశ్వర్‌ రెడ్డి హత్యకు వినియోగించాడని చెబుతున్న ప్రాణాంతక రసాయనం ఏంటి, ఎక్కడి నుంచి తెచ్చావన్న ప్రశ్నకు రసాయనం తేవడం నిజమేనని అంగీకరించినట్టు తెలిసింది. అయితే, ఆ రసాయనం ఉపయోగించి తాను చంపలేదని చెబుతున్నాడు. ఈ విషయాన్ని నిరూపించడం పోలీసులకు ఓ సవాల్‌గా మారింది. ఇప్పటికే జగదీశ్వర్‌రెడ్డి చికిత్స పొందిన ఆసుపత్రుల నుంచి ఆరోగ్య నివేదికలు సేకరించారు. వాటిని నిపుణుల పరిశీలనకు పంపారు. నకిలీ డిగ్రీ సర్టిఫికెట్‌తో.. మంగళవారం నాటి విచారణలో పోలీసులు కీలక విషయం రాబట్టారు. మోసం చేయడం ఆది నుంచి సాధిక్‌కు ఓ అలవాటైన విషయమని మరోసారి నిర్ధారించుకున్నారు. ఇంత డాబు, దర్పాన్ని ప్రదర్శిస్తున్న సాధిక్‌ కనీసం డిగ్రీ కూడా పూర్తి చేయలేదు. నకిలీ సర్టిఫికెట్‌ ఒకటి తయారు చేయించుకొని వివిధ పోటీలలో పాల్గొనడం దగ్గర నుంచి, కోచ్‌గా పాఠశాలల్లో చేరడం వరకు చేశాడని పోలీసులు నిర్ధారించుకున్నారు. ఈ విషయాన్ని స్వయానా సాధిక్‌ అంగీకరించాడు. ఇద్దరు సెంటు వ్యాపారస్తుల విచారణ... సా«ధిక్‌ ఖాన్‌ను కస్టడీకి తీసుకొచ్చే కొద్ది రోజుల ముందు కీలక పరిణామం చోటుచేసుకుంది. జగదీశ్వర్‌రెడ్డిని హతమార్చేందుకు సాధిక్‌ సర్వ ప్రయత్నాలు చేశాడన్న విషయం రూఢీ అయింది. అందులో భాగంగా రాజమహేంద్రవరం గాం«దీపురంలో ఉన్న ఓ సెంటు వ్యాపారస్తుడు అబ్దుర్‌ రెహమాన్ సాధిక్‌ సంప్రదించాడు. తనకు హానికారక రసాయనం కావాలని, ఒక వ్యక్తిని హతమార్చాలని చెప్పాడు. అది ప్రస్తుతం తన వద్ద లేదని చెప్పిన రెహమాన్ హైదరాబాద్‌కు చెందిన అబ్దుల్‌ ఖాదిర్‌ను సంప్రదించాలని చెప్పి ఫోన్‌ నంబర్‌ ఇచ్చాడు. పోలీసులు వీరిద్దరినీ విచారిస్తుండగా వారి న్యాయవాది వచ్చి విడుదల చేయించారని, విచారణకు అన్ని విధాలా సహకరిస్తామని చెప్పి తీసుకెళ్లారని తెలిసింది. సాధిక్‌ విచారణ కొనసాగుతుండడంతో వారిద్దరినీ మరో మారు పిలిపించే అవకాశం ఉంది. ఆ పార్సిల్‌లో ఏముంది? అబ్దుల్‌ ఖాదిర్‌ హైదరాబాద్‌ నుంచి సెంట్‌ల తయారీలో వినియోగించే ఓ హానికర రసాయనాన్ని సాధిక్‌కు పంపాడని సమాచారం. ఈ విషయాన్ని నిర్ధారించుకునేందుకు పంపిన మార్గాన్ని పోలీసులు అన్వేషిస్తున్నారు. ఓ ట్రావెల్‌ బస్సులో కొద్ది రోజుల క్రితం సాధిక్‌కు ఓ పార్సిల్‌ అందిందన్న సమాచారం పోలీసులకు తెలియడంతో డీఎంహెచ్‌వో కార్యాలయం ఎదురుగా ఉన్న సదరు ట్రావెల్స్‌ ఆఫీసులో విచారణ చేశారు. అక్కడి వారు పార్సిల్‌ రావడం నిజమేనని నిర్ధారించారు. ఆ పార్సిల్‌లో ఏమొచ్చిందో పోలీసులకు అంతుబట్టడం లేదు. అది ఖాదిర్‌ పంపిన విషపూరిత రసాయనం అయి ఉండొచ్చన్న అనుమానాలు పోలీసులలో ఉన్నాయి. -కాకినాడచదవండి: బ్యాంకులకు వరుసగా నాలుగు రోజులు సెలవులు

విశాఖపట్నం: రెక్కాడితే గానీ డొక్కాడని సామాన్య మత్స్యకార కుటుంబం వారిది. కష్టాల కడలిని ఈదుతూ నాలుగు రాళ్లు సంపాదించుకునేందుకు పొరుగు జిల్లా నుంచి వలసొచ్చిన ఆ కుటుంబంలో తీరని విషాదం అలుముకుంది. రాత్రి ‘బయటకు వెళ్లి వస్తా’నని చెప్పి వెళ్లిన వ్యక్తి.. తెల్లవారేసరికి సముద్రతీరంలో విగతజీవిగా కనిపించడంతో భార్యాపిల్లలు, కుటుంబ సభ్యులు గుండెలవిసేలా రోదిస్తున్నారు. సముద్రపు ఒడ్డున రక్తపు మడుగులో.. వన్‌ టౌన్‌ సీఐ వరప్రసాద్‌ తెలిపిన వివరాల ప్రకారం.. విజయనగరం జిల్లా భోగాపురం మండలం ముక్కాం గ్రామానికి చెందిన మైలపల్లి చంటి(30) కొంతకాలంగా విశాఖ ఫిషింగ్‌ హార్బర్‌లో చేపలవేట చేస్తూ జీవనం సాగిస్తున్నాడు. భార్య, పిల్లలతో కలిసి స్థానిక పెయిన్‌దొరపేటలో నివాసం ఉంటున్నాడు. వారం రోజులుగా వేటకు వెళ్లకుండా ఇంట్లోనే ఉంటున్న చంటి, ఆదివారం రాత్రి 9 గంటల సమయంలో బయటకు వెళ్లాడు. సోమవారం ఉదయం నేవల్‌ కోస్టల్‌ బ్యాటరీ సమీపంలోని గంగాలమ్మ గుడి వద్ద రక్తపు మడుగులో కనిపించాడు. చంటిని గుర్తించిన స్థానిక మత్స్యకారులు పోలీసులకు సమాచారం అందించారు. గుర్తు తెలియని వ్యక్తులు అతడి తలపై కర్రలతో బలంగా కొట్టి, మెడకు నైలాన్‌ తాడు బిగించి అత్యంత కిరాతకంగా హతమార్చినట్లు పోలీసులు ప్రాథమికంగా నిర్ధారించారు. ముందే ఊహించినా.. దక్కని ప్రాణం ఈ దారుణం వెనుక పక్కా ప్రణాళిక ఉన్నట్లు తెలుస్తోంది. కొందరు వ్యక్తులు తనను చంపేస్తామని బెదిరిస్తున్నట్లు ఆదివారమే చంటి తన సోదరి అప్పలకొండ వద్ద వాపోయాడు. అంతలోనే.. హత్యకు గురికావడం ఆ కుటుంబాన్ని తీవ్ర దిగ్భ్రాంతికి గురిచేసింది. ఆ బెదిరింపులకు పాల్పడినవారే ఈ ఘాతుకానికి ఒడిగట్టారా? లేక మరేదైనా వివాదం ఉందా? అనే కోణంలో పోలీసులు ఆరా తీస్తున్నారు. మృతుడి సోదరి అప్పలకొండ ఇచ్చిన ఫిర్యాదు మేరకు వన్‌ టౌన్‌ పోలీసులు కేసు నమోదు చేశారు. క్లూస్‌ టీమ్, డాగ్‌ స్క్వాడ్‌లతో ఘటనా స్థలాన్ని పరిశీలించి కీలక ఆధారాలు సేకరించారు. నిందితులను గుర్తించేందుకు దర్యాప్తును ముమ్మరం చేశారు. కష్టపడి బతికే మత్స్యకారుడి ప్రాణాలు గాల్లో కలసిపోవడంతో స్థానికంగా విషాదం నెలకొంది. చదవండి: భర్త ఫోన్‌ ఎత్తలేదని భార్య ఆత్మహత్య

హైదరాబాద్‌: జూబ్లీహిల్స్‌లో అర్ధరాత్రి దాటిన తరువాత ఒక స్టార్‌ హోటల్‌ పబ్‌లో రెండు వర్గాలు ఘర్షణకు దిగాయి. ఒక వర్గంలో రాజ్యసభ సభ్యుడు అనిల్‌కుమార్‌ యాదవ్‌ సోదరుడు సైతం ఉన్నట్లు పోలీసులు గుర్తించారు. వివరాల్లోకి వెళితే..జూబ్లీహిల్స్‌ దసపల్లా హోటల్‌లోని ఎనిమిదో అంతస్థులో ‘కారా కారా’ పేరుతో పబ్‌ ఉంది. శనివారం రాత్రి దాదాపు 2.10 గంటల ప్రాంతంలో పబ్‌లో దాదాపు 200 మందికిపైగా ఉన్నారు. అదే సమయంలో పబ్‌లో గోడకు, టేబుల్‌కు మధ్యలో ఉన్న అనిల్‌ కుమార్‌యాదవ్‌ సోదరుడు అరవింద్‌ యాదవ్‌ (టిల్లు)ను దాటుకొని వెళ్లడానికి మరో యువకుడు ప్రయత్నించాడు. దీంతో ఇద్దరి మధ్య మాటామాట పెరిగి ఒకరిపై ఒకరు దాడికి పాల్పడ్డారు. అక్కడే ఉన్న అరవింద్‌ యాదవ్‌ స్నేహితులు యువకుడిపై దాడికి దిగారు. ఇది గమనించిన యువకుడి స్నేహితులు సైతం ఒక్కసారిగా రెచ్చిపోయి అరవింద్‌తోపాటు అతని స్నేహితులపై ఎదురుదాడికి దిగారు. దీంతో పబ్‌లో రణరంగం చోటచేసుకొంది. బీరు సీసాలతో చేతులు, కాళ్లతో దాడికి దిగబడటంతో చుట్టు ఉన్న వారు భయాందోళనకు గురయ్యారు. దీంతో ఉద్రిక్త వాతవారణం చోటుచేసుకొంది. ఈ గొడవలో ఒక యువతి కింద పడిపోయింది. అదే సమయంలో పబ్‌లోని బౌన్సర్లు వచ్చి ఇరువర్గాలను అడ్డుకొని అక్కడి నుంచి కిందకు పంపారు. వీరంతా హోటల్‌ సెల్లార్‌లోకి చేరుకుని అక్కడా ఘర్షణకు దిగారు. కొన్ని కార్ల అద్దాలు ధ్వంసమయ్యాయి. ఇరువర్గాల్లో కొందరికి గాయాలయ్యాయి. ఈ దాడుల్లో దాదాపు 30 నుంచి 40 మంది వరకు ఉన్నట్లు తెలుస్తుంది. హోటల్‌ నిర్వాహకులతోపాటు అక్కడే ఉన్న కొందరు పోలీసులకు సమాచారం అందించడంతో ఇరువర్గాలు పరారయ్యారు. విషయం తెలుసుకున్న జూబ్లీహిల్స్‌ పోలీసులు సంఘటనా స్థలానికి చేరుకున్నారు. హోటల్‌లో అద్దాలు పగిలి ఉండటంతోపాటు, బల్లలు, కురీ్చలు దెబ్బతిని ఉండటాన్ని గుర్తించారు. దాడికి సంబంధించిన సీసీటీవీ ఫుటేజీలను స్వాధీనం చేసుకున్నారు. సీసీ టీవీ ఫుటేజీల్లో అరవింద్‌ యాదవ్‌ టోపీ ధరించి ఉన్నట్లు గుర్తించారు. ఎస్‌ఐ సందీప్‌ రెడ్డి ఫిర్యాదు మేరకు జూబ్లీహిల్స్‌ పోలీసులు పబ్‌పై సుమోటోగా కేసు నమోదు చేశారు. ఇప్పటికే కొందరిని విచారిస్తున్నారు. దాడుల్లో పాల్గొన్న వారిని గుర్తించేందుకు సీసీ టీవీ ఫుటేజీలను పరిశీలిస్తున్నారు. సమయానికి మించి పబ్‌ను నడపడంతో మరో కేసు సైతం సుమోటోగా నమోదు చేశారు.

ఉన్నత చదువుల కోసం ఢిల్లీ వచ్చిన విద్యార్థుల జీవితాల్లో పెను విషాదం చోటుచేసుకుంది. దక్షిణ ఢిల్లీలోని సత్య నికేతన్‌లో ఆదివారం కుప్పకూలిన పీజీ హాస్టల్‌ భవనం ప్రమాదంలో మృతుల సంఖ్య ఆరుకు చేరింది. రాత్రంతా కొనసాగిన సహాయక చర్యల్లో మరో వ్యక్తిని శిథిలాల నుంచి బయటకు తీసినప్పటికీ.. అప్పటికే మృతి చెందినట్లు అధికారులు తెలిపారు. ఇప్పటివరకు 11 మందిని రక్షించగా.. మరికొందరి కోసం గాలింపు కొనసాగుతోంది.బేస్‌మెంట్‌లో మరమ్మతు పనులు జరుగుతుండగానే.. ఆదివారం మధ్యాహ్నం 1.30 గంటల సమయంలో ఐదు అంతస్తుల భవనం ఒక్కసారిగా కుప్పకూలింది. దీంతో లోపల ఉన్న పలువురు విద్యార్థులు శిథిలాల కింద చిక్కుకుపోయారు. ప్రమాదం జరిగిన వెంటనే పోలీసులు, అగ్నిమాపక సిబ్బంది, ఎన్‌డీఆర్‌ఎఫ్‌ బృందాలు రంగంలోకి దిగి సహాయక చర్యలు చేపట్టాయి. భవనం కూలడానికి బేస్‌మెంట్‌ పనులు, నిర్మాణంలో లోపాలపై అధికారులు దర్యాప్తు చేస్తున్నారు.ఈ ప్రమాదానికి సంబంధించిన మరో సీసీటీవీ దృశ్యం తాజాగా వెలుగులోకి వచ్చింది. కూలిపోయిన భవనానికి ఎదురుగా ఉన్న దుకాణం వద్ద ఓ వ్యక్తి కూర్చుని ఉండగా.. ఒక్కసారిగా భవనం కూలడం ప్రారంభమైంది. భారీగా దుమ్ము కమ్ముకోవడంతో అప్రమత్తమైన అతడు వెంటనే దుకాణం నుంచి బయటకు పరుగెత్తాడు. క్షణాల వ్యవధిలోనే భవనం కుప్పకూలడంతో అతడు తృటిలో ప్రాణాలతో బయటపడ్డాడు. ఈ దృశ్యాలు ప్రమాద తీవ్రతను కళ్లకు కడుతున్నాయి.DELHI: SATYA NIKETAN BUILDING COLLAPSE: CCTV FOOTAGE EMERGESCCTV footage from opposite the building captures the moment a person rushes out of his shop to save his life as the collapse unfolds.Search and rescue operations continue at the site. pic.twitter.com/svxVTwDYhW— Subodh Kumar (@kumarsubodh_) September 7, 2026తప్పిన పెనుముప్పు?సత్య నికేతన్‌లోని ఈ ఐదు అంతస్తుల భవనంలో సుమారు 15 గదులు ఉన్నట్లు స్థానికులు తెలిపారు. ఒక్కో గదిలో ఇద్దరు, ముగ్గురు విద్యార్థులు ఉండేవారని చెప్పారు. ప్రమాదం ఆదివారం మధ్యాహ్నం చోటుచేసుకోవడంతో చాలామంది విద్యార్థులు బయట ఉండటం వల్ల ప్రాణనష్టం కొంత తగ్గిందని స్థానికులు పేర్కొన్నారు. ఇక సుమారు 30 ఏళ్ల నాటి ఈ భవనంలో ‘హాస్టల్‌ డేజ్‌’ పేరుతో పీజీ వసతి గృహం నిర్వహిస్తున్నారు. ప్రమాదానికి ముందు బేస్‌మెంట్‌లో మరమ్మతు పనులు జరుగుతున్నట్లు సమాచారం. ఇటీవలి వర్షాలతో బేస్‌మెంట్‌లో నీరు చేరి పునాది బలహీనపడటం వల్లే భవనం కూలిపోయి ఉండొచ్చని స్థానికులు చెబుతున్నారు. అయితే ప్రమాదానికి అసలు కారణం ఏమిటన్నది అధికారుల దర్యాప్తులో తేలాల్సి ఉంది.శిథిలాల కింద ఆర్తనాదాలు..భవనం కూలిన వెంటనే చుట్టుపక్కల ప్రాంతంలో భయానక పరిస్థితులు నెలకొన్నాయి. శిథిలాల కింద చిక్కుకున్నవారు తమను కాపాడాలంటూ ఫోన్లు చేసినట్లు అధికారులు తెలిపారు. కొందరు బాధితులు లోపల నుంచి వీడియోలు తీసి మిత్రులకు పంపించారు. శిథిలాల కింద ఉన్నవారు ఊపిరి పీల్చుకునేందుకు ఆక్సిజన్‌ సిలిండర్లను పంపించినట్లు సహాయక సిబ్బంది వెల్లడించారు.ఎన్‌డీఆర్‌ఎఫ్‌, అగ్నిమాపక సిబ్బంది సహాయక చర్యలు చేపట్టి శిథిలాలను తొలగిస్తున్నారు. ఇరుకైన వీధులు కావడంతో సహాయక చర్యలకు ఇబ్బందులు ఎదురవుతున్నాయి. శిథిలాల కింద పలు వాహనాలు కూడా ధ్వంసమయ్యాయి.పీజీల నిర్వహణపై ప్రశ్నలుసత్య నికేతన్‌లో పెద్ద సంఖ్యలో విద్యార్థులు పీజీలు, హాస్టళ్లలో ఉంటున్నారు. పాత భవనాలను పీజీలుగా మార్చి నిర్వహిస్తున్న తీరుపై స్థానికులు ఆందోళన వ్యక్తం చేస్తున్నారు. భవనాల నిర్మాణ నాణ్యత, భద్రతా ప్రమాణాలు, నిర్వహణపై అధికారులు క్రమం తప్పకుండా తనిఖీలు నిర్వహించాల్సిన అవసరం ఉందని చెబుతున్నారు.ప్రముఖుల సంతాపంఈ విషాద ఘటనపై రాజకీయ ప్రముఖులు తీవ్ర దిగ్భ్రాంతి వ్యక్తం చేశారు. రాష్ట్రపతి ద్రౌపది ముర్ము, ప్రధాని నరేంద్ర మోదీ సంతాపం వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. గాయపడిన వారు త్వరగా కోలుకోవాలని ఆకాంక్షించారు. ఢిల్లీ సీఎం రేఖా గుప్తా, లెఫ్టినెంట్‌ గవర్నర్‌ తరణ్‌జీత్‌ సింగ్‌ సంధు కూడా ఘటనపై దిగ్భ్రాంతి వ్యక్తం చేశారు. ప్రమాదంపై ఎఫ్‌ఐఆర్‌ నమోదు ప్రక్రియ ప్రారంభించినట్లు పోలీసులు తెలిపారు.మరోవైపు.. మృతుల సంఖ్య ఆరుకు చేరడం, మరికొందరి కోసం గాలింపు కొనసాగుతుండటంతో సత్య నికేతన్‌లో విషాద ఛాయలు అలుముకున్నాయి. తాజాగా బయటపడిన సీసీటీవీ దృశ్యాలు మాత్రం ప్రమాదం కూలిన భవనం లోపలే కాదు.. చుట్టుపక్కల ఉన్నవారినీ ఎంతటి ముప్పులోకి నెట్టిందో స్పష్టం చేస్తున్నాయి.ఇదీ చదవండి: రీల్స్‌ చూసి మోసపోవద్దు! పాపం ఆ అమ్మాయి..

నెల్లూరు జిల్లా: పెళ్లయి పట్టుమని పదిరోజులు కూడా కాలేదు. అంతలోనే వివాదాలు నెలకొని భార్య గొంతు, రెండు చేతుల మణికట్టు వద్ద భర్త కత్తితో కోసి హత్యాయత్నానికి పాల్పడిన ఘటన ఆత్మకూరు పరిధిలో శనివారం జరిగింది. ఎస్సై జంపానికుమార్‌ వివరాల మేరకు.. ఏఎస్‌పేట మండలం పందిపాడుకు చెందిన బద్దుకూరి మహాలక్ష్మి, హేమసాయి దగ్గరి బంధువులు కావడంతో కుటుంబ సభ్యులు గత నెల చివర్లో వివాహం చేశారు. వారు బైక్‌పై శనివారం సినిమాకి వెళ్లి ఆత్మకూరుకు వస్తున్నారు. ఈ క్రమంలో ముస్తాపురం సమీపంలో ఏఎస్‌పేట ఆర్చి వద్ద రోడ్డు పక్కనున్న నిమ్మతోట వద్ద బైక్‌ను నిలిపి దంపతులు గొడవ పడ్డారు. కోపోద్రిక్తుడైన భర్త హేమసాయి ముందుగా తెచ్చుకున్న కత్తితో ఆమె గొంతు, మణికట్టు వద్ద కోసి తీవ్రంగా గాయపరిచాడు. అదే సమయంలో ఆ మార్గంలో వెళ్తున్న ఏఎస్‌పేట ఎస్సై జిలానీ గుర్తించి తన వాహనంలో ఆత్మకూరు ప్రభుత్వాస్పత్రికి తరలించారు. ఆత్మకూరు పోలీసులకు సమాచారం ఇచ్చారు. ఆమె భర్తను పోలీసులు అదుపులోకి తీసుకున్నారు. అతని చేతికి కూడా గాయాలు కావడంతో ఆస్పత్రిలో చికిత్స చేయించారు. తీవ్రంగా గాయపడిన మహాలక్ష్మిని మెరుగైన వైద్యం కోసం నెల్లూరుకు తరలించారు. కేసు నమోదు చేసుకుని దర్యాప్తు చేస్తున్నట్లు ఎస్సై పేర్కొన్నారు. చదవండి: చిన్న పిల్లలు ఉన్నారన్నా.. నన్ను బతికించండి!

బనశంకరి: బెంగళూరులో నడిరోడ్డున శనివారం తెల్లవారుజామున దంపతులను అడ్డగించి దోచుకున్న దుండగులు.. అంతటితో ఆగకుండా భర్త ఎదురుగా భార్యపై సామూహిక లైంగికదాడికి పాల్పడినట్లు సమాచారం. ఈ ఘటన పులకేశినగర పోలీస్‌స్టేషన్‌ పరిధిలో జరిగింది. వివరాలు.. ఓ దంపతులు స్నేహితుని ఇంటికి వెళ్లి అక్కడి నుంచి ఆటోలో తిరి వెళ్తున్నారు. భారతీనగర వద్ద ఐటీసీ ఫ్లై ఓవర్‌ పైన వెళుతుండగా బైకులలో వచ్చిన ఐదారుమంది అల్లరి మూకలు కత్తులతో ఆటోడ్రైవరు, దంపతులను బెదిరించి మొబైల్, బంగారు గొలుసు, పర్సు లాక్కున్నారు. మహిళను ఆటోలో నుంచి కిందికి లాగి భర్త ఎదురుగా ఆమెపై అత్యాచారం చేశారు. బాధితురాలు గట్టిగా కేకలు వేయడంతో అల్లరిమూకలు ఉడాయించారు. భార్యాభర్తలు నేరుగా పోలీస్‌స్టేషన్‌కు వెళ్లి ఫిర్యాదు చేశారు. పోలీసులు సీసీ కెమెరాల దృశ్యాలు ఆధారంగా దుండగుల కోసం తీవ్రంగా గాలిస్తున్నారు.చదవండి: రన్నింగ్‌ ఆటోలోనే ప్రసవం.. రోడ్డుపై విసిరేసిన తల్లి

అమలాపురం టౌన్‌: అల్లవరం మండలం బోడసకుర్రు గ్రామానికి చెందిన కొందరు చిన్నారులు పిచ్చి కుక్క దాడిలో గాయపడి స్థానిక ప్రభుత్వ ఏరియా ఆస్పత్రిలో చికిత్స పొందుతున్నారు. వారిని అమలాపురం నియోజకవర్గ వైఎస్సార్‌ సీపీ కో ఆర్డినేటర్‌ డాక్టర్‌ పినిపే శ్రీకాంత్‌ శనివారం పార్టీ నాయకులతో కలసి వచ్చి పరామర్శించారు. ఆ సమయంలో పిచ్చి కుక్క కరిచిన పిల్లల గాయాలకు హైడ్రోజన్‌ ఫైరాక్సైడ్, స్పిరిట్, బెటాడిన్, నార్మల్‌ సైలన్‌ వంటి వాటితో కాకుండా సరైన వైద్య విధానాలు పాటించకుండా చికిత్స చేస్తున్న తీరను చూసి డాక్టర్‌ శ్రీకాంత్‌ వైద్యులు, సిబ్బందిపై ఆగ్రహం వ్యక్తం చేశారు. గాయాలను దుస్తులు ఉతికే రిన్‌ సబ్బుతో శుభ్రపరిచే విధానాన్ని ఆయన తప్పు పట్టారు. కుక్క కరిచిన బాధిత చిన్నారుల విషయంలో జరుగుతున్న నిర్లక్ష్యంపై ఆయన అసంతృప్తి వ్యక్తం చేశారు. వైద్య నిబంధనల ప్రకారం బాధితులకు మెరుగైన, నాణ్యమైన చికిత్స అందించాలని శ్రీకాంత్‌ డిమాండ్‌ చేశారు. చిన్నారుల ఆరోగ్యంతో చెలగాటం ఆడడంపై ఆయన మండిపడ్డారు. చిన్నారులు తీవ్రంగా గాయపడి చికిత్స పొందుతుంటే స్థానిక ఎమ్మెల్యే అయితాబత్తుల ఆనందరావుకు పట్టదా...? అని ఆయన ప్రశ్నించారు. ప్రభుత్వ ఏరియా ఆస్పత్రిలో రిన్‌ సబ్బుతో వైద్యం చేస్తున్న తీరును, వైద్యులు చూపిస్తున్న నిర్లక్ష్య వైఖరిని డాక్టర్‌ శ్రీకాంత్‌ తీవ్రంగా ఖండించారు.

‘నాకు జన్మ ఇవ్వమని అడిగానా అమ్మా..ఎందుకు పుట్టిన వెంటనే పేగుబంధం తెంచ్చుకొని రోడ్డుపై వదిలేసి వెళ్లావ్‌’ అంటూ ఒక నవజాత శిశువు మూగరోదన ఇది. అప్పుడే పుట్టిన నవజాత శిశువును రోడ్డుపై వదిలేసి వెళ్లిన అమానుష ఘటన మహబూబ్‌నగర్‌ నగరంలో చోటుచేసుకుంది. రన్నింగ్‌ ఆటోలోనే ప్రసవం జరిగిన అనంతరం గుర్తుతెలియని మహిళ శిశువును రోడ్డుపై వదిలేసినట్లు పోలీసులు అనుమానిస్తున్నారు. రక్తపు మరకలను గమనించిన వాహనదారులు వాటిని అనుసరించడంతో శిశువు ఆచూకీ లభించింది. సకాలంలో గుర్తించడంతో ప్రాణాపాయం తప్పింది. నగరంలోని న్యూటౌన్‌ హెచ్‌డీఎఫ్‌సీ సమీపంలో శనివారం తెల్లవారుజామున 2 గంటల సమయంలో ఈ ఘటన జరిగింది. గుర్తుతెలియని మహిళ ఆటోలో ప్రసవించిన అనంతరం శిశువును చీరలో చుట్టి కేఎఫ్‌సీ దుకాణం ఎదుట రోడ్డుపై వదిలేసి వెళ్లిపోయినట్లు తెలుస్తోంది. కొద్దిసేపటి తర్వాత అటుగా వెళ్తున్న వాహనదారులు రోడ్డుపై రక్తపు మరకలను గుర్తించారు. వాటిని అనుసరించగా శిశువు కనిపించడంతో వెంటనే పోలీసులకు సమాచారం అందించారు. టూటౌన్‌ పోలీసులు ఘటనా స్థలానికి చేరుకుని నవజాత శిశువును మహబూబ్‌నగర్‌ జనరల్‌ ఆస్పత్రికి తరలించారు. ప్రస్తుతం శిశువు ఆస్పత్రిలోని ఎస్‌ఎన్‌సీయూలో చికిత్స పొందుతున్నాడు. సీసీ కెమెరాల్లో రికార్డు శిశువును ఆటో నుంచి రోడ్డుపై వదిలేస్తున్న దృశ్యాలు సమీపంలోని దుకాణాల సీసీ కెమెరాల్లో రికార్డైనట్లు పోలీసులు గుర్తించారు. వాటిని పరిశీలిస్తూ శిశువును వదిలేసిన మహిళతో పాటు ఆటో వివరాలను తెలుసుకునే ప్రయత్నం చేస్తున్నారు. రోడ్డుపై పడివున్న శిశువును వాహనదారులు సకాలంలో గుర్తించకపోయి ఉంటే పరిస్థితి మరింత విషమంగా మారేదని స్థానికులు ఆవేదన వ్యక్తం చేస్తున్నారు. ఘటనపై కేసు నమోదు చేసి దర్యాప్తు చేస్తున్నట్లు టూటౌన్‌ సీఐ ఇజాజుద్దీన్‌ తెలిపారు. శిశువును ఎవరు వదిలేసి వెళ్లారనే విషయంపై ఇంకా స్పష్టత రాలేదని, సీసీ కెమెరాల ఆధారంగా వివరాలు సేకరిస్తున్నామని పేర్కొన్నారు.మహబూబ్‌నగర్‌ క్రైం: చదవండి: చిన్న పిల్లలు ఉన్నారన్నా.. నన్ను బతికించండి!

సాక్షి, హైదరాబాద్‌: వరంగల్‌ జిల్లా గీసుకొండ మండలం గొర్రెకుంటకు చెందిన ల్యాదెల్ల రాజు మృతదేహంపై గాయాల గుర్తులున్నా, గుండెపోటుతో సహజ మరణంగా కేసును మూసివేయడంపై హైకోర్టు అభ్యంతరం వ్యక్తం చేసింది. మరోసారి ఫోరెన్సిక్‌ అభిప్రాయం తీసుకోవాలని పోలీసులను ఆదేశించింది. ఉస్మానియా జనరల్‌ ఆస్పత్రి ఫోరెన్సిక్‌ మెడిసిన్‌ విభాగం అధిపతికి పోలీసులు లేఖ రాయాలని ఆదేశించింది. పోస్టుమార్టం నివేదిక, మృతదేహం ఫొటోలు, గతంలో ఇచ్చిన ఫోరెన్సిక్‌ అభిప్రాయాలతో పాటు సంబంధిత రికార్డులన్నింటినీ పంపించాలని స్పష్టం చేసింది. తాజా ఫోరెన్సిక్‌ అభిప్రాయం అందిన అనంతరం పోలీసులు చట్టప్రకారం తదుపరి చర్యలు తీసుకోవాలని స్పష్టం చేసింది. కొత్తగా ఇచ్చే అభిప్రాయం కాపీని పిటిషనర్‌కు కూడా అందించాలని ఆదేశించింది. ఈ ప్రక్రియను ఉత్తర్వుల కాపీ అందిన తేదీ నుంచి మూడు నెలల్లో పూర్తి చేయాలని గడువు విధిస్తూ.. విచారణ ముగించింది. తన భర్త రాజు మృతి కేసులో పోలీసులు నిష్పక్షపాతంగా దర్యాప్తు చేయడం లేదంటూ ప్రియాంక హైకోర్టులో పిటిషన్‌ దాఖలు చేశా రు. ఈ పిటిషన్‌పై జస్టిస్‌ తంగిరాల మాధవీ దేవి ధర్మాసనం విచారణ చేపట్టింది. ఇరుపక్షాల వాదనలు విన్న న్యాయమూర్తి.. మరో సారి అన్ని పరీక్షలు నిర్వహించి, నివేదికలు తీసుకోవాలని పోలీసులను ఆదేశించారు.

కర్నూలు: వివాహేతర సంబంధానికి అడ్డుగా ఉన్నాడని ఓ మహిళ తన భర్తను కడతేర్చిన çఘటన ఆళ్లగడ్డ పట్టణంలో చోటు చేసుకుంది. ఈ దారుణానికి ఒడిగట్టిన మహిళతో పాటు ఆమె ప్రియుడు, సహకరించిన మరో వ్యక్తిని పోలీసులు మంగళవారం అరెస్ట్‌ చేశారు. స్థానిక పట్టణ పోలీస్‌ స్టేషన్‌లో ఏర్పాటు చేసిన మీడియా సమావేశంలో డీఎస్పీ శ్రీనివాసరావు నిందితుల వివరాలు వెల్లడించారు. పట్టణంలోని నాయీబ్రాహ్మణ కాలనీలో నివాసముండే ఆంజనేయులు (27)కు రుద్రవరం మండలం లింగందిన్నె గ్రామానికి చెందిన సుబ్బులుతో ఐదేళ్ల క్రితం వివాహమైంది. వీరికి ఇద్దరు కూతుర్లు ఉన్నారు. ఈ క్రమంలో సుబ్బులుకు చాగలమర్రి మండలం తోడేండ్లపల్లె గ్రామానికి చెందిన గురుప్రసాద్‌ ఏర్పడిన పరిచయం వివాహేతర సంబంధంగా మారింది. విషయం తెలుసుకున్న ఆంజనేయులు భార్యను హెచ్చరిస్తూ వచ్చాడు. ఈ నేపథ్యంలో ఎలాగైనా భర్తను అడ్డుతొలగించుకోవాలని సుబ్బులు తన ప్రియుడు గురుప్రసాద్‌తో కలిసి కుట్ర పన్నింది. ఈ మేరకు గురుప్రసాద్, అతని స్నేహితుడు షరీఫ్‌ ఆదివారం రాత్రి ఆంజనేయులను మద్యం తాగుదామంటూ నమ్మించి పాలసాగరం రోడ్డులోని మొక్కజొన్న పొలంలోకి తీసుకెళ్లారు. అక్కడ ఆంజనేయులకు మద్యం తాగించి తర్వాత రాళ్లతో తలపై మోది హత్య చేశారు. సోమవారం హత్య విషయం వెలుగులోకి వచ్చింది. అయితే మృతుడి భార్య ఏమి తెలియనట్లు ఎవరో గుర్తు తెలియని వ్యక్తులు ఇంటి దగ్గరున్న తన భర్తను పిలుచుకు పోయారని, తెల్లారే సరికి హత్య చేశారని నమ్మబలికింది. ఆమె మాటలపై అనుమానం వచ్చిన పోలీసులు తమదైన శైలిలో విచారించగా తన ప్రియుడితో కలిసి ఈ హత్య చేయించినట్లు ఒప్పుకుంది. దీంతో సుబ్బులు, గురుప్రసాద్‌తో పాటు హత్య కు సహకరించిన షరీఫ్‌ను అరెస్ట్‌ చేసి రిమాండ్‌కు తరలించినట్లు డీఎస్పీ తెలిపారు. కాగా హత్య జరిగిన ఒక రోజులోనే కేసును ఛేదించి నిందితులను అరెస్ట్‌ చేసిన సీఐ నాగరాజారావు, ఎస్‌ఐ చిన్న పీరయ్యను డీఎస్పీ అభినందించారు.

కఠ్మాండు: నేపాల్‌లోని భోటేకోషి-త్రిశూలి నదుల్లో వరదలు వచ్చి నేటికి ఏడు రోజులు పూర్తయింది. ఈ నేపథ్యంలో సహాయక చర్యలు, పునరావాసం, మృతదేహాల నిర్వహణకు సంబంధించిన వివరాలను ప్రధాన మంత్రి బాలేంద్ర షా మీడియాకు వివరించారు. టిబెట్ సరిహద్దులో బుధవారం సంభవించిన భీకర వరద సాధారణ సంఘటన కాదని, ఇది పూర్తిగా వాతావరణ మార్పుల వల్ల సంభవించినదని ఆయన పేర్కొన్నారు. ఒక సోషల్ మీడియాలో పోస్ట్‌లో ఆయన.. అంతర్జాతీయ స్థాయిలో తక్షణ చర్యలు తీసుకోవాలని డిమాండ్ చేశారు. హిమాలయ ప్రాంతంలో మంచు, హిమపాతం కారణంగా సంభవించిన అతిపెద్ద ప్రకృతి వైపరీత్యాల్లో ఇది ఒకటని ఆయన అభివర్ణించారు.ప్రాజెక్టుల సొరంగాల్లో వందలాది కార్మికులుకాగా జలవిద్యుత్ ప్రాజెక్టుల సొరంగాల్లో వందలాది మంది కార్మికులు చిక్కుకుని ఉండవచ్చనే అనుమానంతో రెస్క్యూ ఆపరేషన్ వేగవంతం చేశారని ప్రధాని తెలిపారు. ఈ సహాయక చర్యల్లో కొందరు విదేశీ నిపుణులు కూడా భాగస్వాములవుతున్నారన్నారు. వరదల కారణంగా నేపాల్‌లో ఇప్పటివరకు 900 మందికి పైగా మరణించినట్లు అధికారికంగా నిర్ధారణ అయింది. సుమారు 4,000 మంది ఆచూకీ గల్లంతైంది. రసువాలో ఏర్పడిన ఒక హిమ సరస్సు పరిమాణం క్రమంగా పెరుగుతుండటంతో అధికారులు ప్రమాద హెచ్చరికలు జారీ చేశారు. ప్రభుత్వం ప్రస్తుతం సహాయక చర్యలపైనే పూర్తి దృష్టి సారించిందని ప్రధాన వెల్లడించారు.987కి చేరిన మృతుల సంఖ్యనేషనల్ డిజాస్టర్ రిస్క్ రిడక్షన్ అండ్ మేనేజ్‌మెంట్ అథారిటీ మంగళవారం ఉదయం అందించిన సమాచారం ప్రకారం, భోటేకోషి వరదల కారణంగా మరణించిన వారి సంఖ్య 987కి చేరింది. ఇంకా 3,916 మంది ఆచూకీ గల్లంతైనట్లు ప్రవక్త శాంతి మహత్ తెలిపారు. సోమవారం ఉదయం వరకు 2,500 మందికి పైగా గల్లంతయినట్లు చూపిన గణాంకాలు, మధ్యాహ్నానికి అకస్మాత్తుగా 4,200 దాటాయి. క్షేత్రస్థాయి నుంచి సమాచారం అందడంలో ఆలస్యం కావడం వల్లే ఈ హెచ్చుతగ్గులు ఏర్పడ్డాయని అధికారులు స్పష్టం చేశారు. మృతదేహాలు దొరికినప్పటికీ చాలా వరకు ఇంకా గుర్తింపు (సనాఖత్) కాలేదని, దీనివల్ల మృతులు మరియు గల్లంతైన వారి సంఖ్యలో కొన్నిసార్లు పునరావృతం జరిగే అవకాశం ఉందని పేర్కొన్నారు. ఈ డేటాను మరింత శాస్త్రీయంగా నిర్వహించడానికి జిల్లాలన్నింటినీ అనుసంధానిస్తూ కొత్త యాప్‌ను రూపొందిస్తున్నట్లు తెలిపారు.గ్యాస్ ట్యాంకర్లు వెళ్లేందుకు మార్గం లేక..పృథ్వీ హైవేలోని కృష్ణభీర్ వద్ద రహదారి కుంగిపోవడంతో కాట్మండు లోయ వెలుపలి ప్రాంతాలలో ఎల్‌పీ గ్యాస్ సిలిండర్లను నింపే ఏర్పాట్లు చేశారు. గ్యాస్ ట్యాంకర్లు వెళ్లేందుకు మార్గం లేకపోవడంతో, లోయ, పొరుగు జిల్లాల్లోని 16 గ్యాస్ పరిశ్రమలు.. బారా, పార్సా, చిత్వన్, మక్వాన్‌పూర్, నవల్‌పరాసి జిల్లాల పరిశ్రమలతో సమన్వయం చేసుకుని అక్కడే సిలిండర్లు నింపి చిన్న వాహనాల ద్వారా రవాణా చేయడానికి ప్రణాళిక సిద్ధం చేశాయి. కాట్మండు లోయలో మొత్తం వినియోగంలో 40 శాతానికి పైగా గ్యాస్ అవసరమని నేపాల్ ఎల్‌పీ గ్యాస్ ఇండస్ట్రీ అసోసియేషన్ అధ్యక్షుడు దేవాన్ చంద్ తెలిపారు.ఎనిమిది జిల్లాల్లో మృతదేహాలుభోటేకోషి, త్రిశూలి వరదల్లో మరణించిన వారి మృతదేహాలను సహాయక సిబ్బంది వెలికితీస్తున్నారు. ఇప్పటివరకు రసువా నుండి నవల్‌పరాసి పశ్చిమం వరకు ఎనిమిది జిల్లాలలో మృతదేహాలు వెలుగుచూశాయి. నేపాల్ పోలీసుల వెబ్‌సైట్ ప్రకారం, సోమవారం నాటికి మృతుల సంఖ్య 951కి చేరింది. కాగా, అత్యధికంగా చిత్వన్ జిల్లాలోనే 282 మృతదేహాలు లభించినట్లు పోలీసులు వెల్లడించారు. నేపాల్ సైన్యం, పోలీసులు, సాయుధ పోలీసులు మొదటి రోజు నుంచే సహాయక చర్యలు, రోడ్లపై అడ్డంకులను తొలగించడం, జలవిద్యుత్ ప్రాజెక్టుల సొరంగాల్లో గాలింపు చర్యలు ముమ్మరంగా కొనసాగిస్తున్నారు.నేడు అఖిలపక్ష సమావేశంభోటేకోషి, త్రిశూలి నదుల వరదల వల్ల జరిగిన నష్టం, గల్లంతైన వారి అన్వేషణ, సహాయక చర్యలు, పునరావాస అంశాలపై చర్చించేందుకు నేడు(మంగళవారం) అఖిలపక్ష సమావేశం జరగనుంది. రాష్ట్రీయ స్వతంత్ర పార్టీ (ఆర్‌ఎస్‌పీ) పార్లమెంటరీ పార్టీ కార్యాలయంలో మధ్యాహ్నం 2:00 గంటలకు ఈ సమావేశం ప్రారంభం కానుంది.ఇది కూడా చదవండి: దీక్ష విరమణ వెనుక.. నిజాలు వెల్లడించిన వాంగ్‌చుక్‌!

సాక్షి, హైదరాబాద్‌: పహాడీషరీఫ్‌ పోలీసుస్టేషన్‌ పరిధిలోని తుక్కుగూడలో నర్సును హత్య చేసి, ఆమె మృతదేహంపై అత్యాచారం చేసిన మానవమృగం ఎండీ సనావుల్లా ఫోన్‌ నిండా అశ్లీల వీడియోలే ఉన్నాయి. ఈ ‘హత్యా’చారానికి వాటి ప్రభావమూ తీవ్రంగా ఉందని పోలీసులు చెప్తున్నారు. కేవలం ఇలాంటి వాళ్లే కాదు... మైనర్లు కూడా పెడదోవ పట్టడం వెనుక పోర్న్‌ వెబ్‌సైట్ల ప్రభావం ఎక్కువగానే ఉంటోందని అంటున్నారు. ఇంటర్‌నెట్‌లో ఉన్న వీటి సర్వర్లు విదేశాల్లో ఉండటంతో చర్యలకు ఆస్కారం ఉండట్లేదని చెప్తున్నారు. నిఘా సంస్థలు సైతం చైల్డ్‌ పోర్నోగ్రఫీని పరిగణించినంత తీవ్రంగా ఇతర అశ్లీలతను పరిగణించట్లేదు.‘చేతుల్లోకి’ రావడంతో తేలికైంది... కొన్నేళ్ల క్రితం అశ్లీల చిత్రాలు చూడాలంటే ప్రత్యేకించి సినిమా థియేటర్లు ఉండేవి. ఆ తర్వాత వీడియో క్యాసెట్ల రూపంలో అందుబాటులోకి రావడంతో వీసీపీ, టీవీ ఉంటేనే వీటిని చూడటానికి ఆస్కారం ఉండేది. కంప్యూటర్, ల్యాప్‌టాప్‌ల వాడకం పెరిగిన తర్వాత నెట్‌కేఫ్‌లతో పాటు ఇళ్లల్లోనూ ఈ ‘దృశ్యాలు’ కనిపించడం మొదలైంది. అప్పట్లో ఎదుటి వారు చూస్తారనే భయం, అదే జరిగితే పరువు పోతుందనే ఆందోళన యువతలో ఉండేది. స్మార్ట్‌ఫోన్‌ యుగం ప్రారంభమైన తర్వాత ఈ పోర్న్‌ సైట్లన్నీ వాటి నుంచే చూసేందుకు అవకాశం చిక్కింది. ఈ కారణంగానే అనేక మంది యువత పోర్నోగ్రఫీకి బానిసలుగా మారుతున్నారు. కొందరు అదుపుతప్పి జీవితాన్ని బుగ్గి చేసుకుంటున్నారు. సర్వర్లు ఇక్కడ లేకపోవడంతో... ఈ పోర్న్‌ వెబ్‌సైట్లపై ఫిర్యాదులు వచ్చినప్పుడు కేంద్ర ప్రభుత్వం వాటిని నిషేధించి బ్లాక్‌ చేయిస్తోంది. అయితే తెలివిమీరిన వీటి నిర్వాహకులు బ్లాక్‌ అయిన వెబ్‌సైట్‌ పేరును పోలిన లేదా దాని చివర 1, 2 లాంటి అంకెలు ఏర్పాటు చేసి మరో సైట్‌ ప్రారంభిస్తున్నారు. వీటిపై ఫిర్యాదులు అందే వరకు యథేచ్ఛంగా ఇంటర్‌నెట్‌లో ఉంటున్నాయి. ఈ తరహా వెబ్‌సైట్లను హోస్ట్‌ చేస్తున్న సర్వర్లన్నీ విదేశాల్లో ఉన్నవే. ఈ కారణంగానే వరుసగా ఫిర్యాదులు వచి్చన వెబ్‌సైట్ల నిర్వాహకుల వివరాలు తెలుసుకోవడానికి, వారిపై చర్యలు తీసుకోవడానికి అవకాశం ఉండట్లేదు. ఆ చర్యలు మిగిలిన వాటిపై లేవు... ప్రస్తుతం చైల్డ్‌ పోర్నోగ్రఫీని మాత్రమే తీవ్రమైన అంశంగా పరిగణిస్తున్నారు. దీనిపై ప్రపంచ వ్యాప్తంగా నిషేధమూ కొనసాగుతోంది. ఇంటర్‌నెట్‌తో పాటు సోషల్‌ మీడియాలో సాగుతున్న చైల్డ్‌ పోర్నోగ్రఫీపై కన్నేసి ఉంచడానికి అమెరికాకు చెందిన యునైటెడ్‌ స్టేట్స్‌ కాంగ్రెస్‌ అనే స్వచ్ఛంద సంస్థ నేతృత్వంలో నేషనల్‌ సెంటర్‌ ఫర్‌ మిస్సింగ్‌ అండ్‌ ఎక్స్‌ప్లాయిటెడ్‌ చిల్డన్ర్‌ (ఎన్‌సీఎంఈసీ) పని చేస్తోంది. అలాంటి చర్యలు వీటికీ అవసరం.. ఆయా సైబర్‌ స్పేస్, సోషల్‌ మీడియాల్లో చైల్డ్‌ పోర్నోగ్రఫీకి సంబంధించిన విషయాలను కనిపెట్టడానికి కొన్ని కీవర్డ్స్‌ను రూపొందించింది. ఫలితంగా ప్రపంచంలో ఎవరైనా ఆయా వేదికలపై సీఎస్‌ఏఎంకు సంబంధించి ఎవరైనా సెర్చ్‌ చేసినా, వీక్షించినా, డౌన్‌లోడ్‌ చేసినా, అప్‌లోడ్‌ చేసినా..తక్షణం గుర్తించే సాంకేతిక పరిజ్ఞానం వారి వినియోగించిన ఐపీ అడ్రస్‌లను గుర్తిస్తుంది. ఈ సమాచారం స్థానిక పోలీసులకు ఇచ్చి నిందితులను అరెస్టు చేయిస్తుంది. చైల్డ్‌ పోర్నోగ్రఫీపై ఉన్న మాదిరిగానే ఇతర అశ్లీల అంశాలపైనా చర్యలు అవసరమన్నది నిపుణుల మాట. పోర్న్‌సైట్స్‌ను ఎవరు సెర్చ్‌ చేసినా చర్యలు తీసుకోవాలని చెప్తున్నారు. దీనిపైనా సుమోటో కేసుల్ని నమోదు చేయాలని ఐటీ యాక్ట్‌లోని సెక్షన్ల ప్రకారం చర్యలు తీసుకోవాలని సూచిస్తున్నారు. చదవండి: ఉదయకృష్ణారెడ్డికి పరీక్షపై పట్టుబట్టొద్దు

కాకినాడ క్రైం: పంచాయతీరాజ్‌ శాఖ పిఠాపురం ఏఈ టి.నూకరాజు కుటుంబం ఆత్మహత్య కేసులో నిందితుడైన సాధిక్‌ ఖాన్‌ వ్యవహారంలో తవ్వుతున్నకొద్దీ విస్తుపోయే నిజాలు బయట పడుతున్నాయి. నూకరాజు అల్లుడు జగదీశ్వర్‌రెడ్డికి చెందిన కరూర్‌ వైశ్యా బ్యాంక్‌(కేవీబీ)కు సంబంధించి రూ.2 కోట్ల ఓడీ పరిమితి ఉన్న ఖాతా సాధిక్‌ ఖాన్‌ చేతికి చిక్కిందనే కీలక విషయం పోలీసుల దృష్టికి వచ్చింది. ఈ నేపథ్యంలో పోలీసులు కేవీబీ భానుగుడి బ్రాంచికి శుక్రవారం వెళ్లి మేనేజర్‌ను ఆ ఖాతా వివరాలు ఇవ్వాలని కోరారు. తనకు, జగదీశ్వరరెడ్డికి చెందిన ఖాతాల్లో తన ఫోన్‌ నంబర్‌ మార్చి, వాటి ఆర్థిక లావాదేవీలను సాధిక్‌ ఖాన్‌ తన చేతుల్లో పెట్టుకున్నాడన్న నూకరాజు కుమార్తె సౌజన్య ఆరోపణలపై లోతైన విచారణ చేపట్టారు. ఈ ఆరోపణలకు బలం చేకూర్చేలా పోలీసులకు కీలక ఆధారాలు లభ్యమయ్యాయి. మరింత స్పష్టత కోసం బ్యాంకుల నుంచి వివరాలు సేకరిస్తున్నారు. అలాగే, సాధిక్‌ సోదరి, తల్లికి చెందిన బ్యాంక్‌ ఆఫ్‌ బరోడా సహా ఇతర బ్యాంకు ఖాతాలపై పరిశీలన మొదలు పెట్టారు. సౌజన్య దగ్గర నుంచి సాధిక్‌ తీసుకున్న సొత్తును వారికి బదలాయించాడన్న ఆరోపణలపై నిజానిజాలను నిగ్గు తేల్చే పనిలో పోలీసులున్నారు. ఇదిలా ఉండగా సాధిక్‌ను కోర్టు సోమవారం తమ కస్టడీకి ఇచ్చే అవకాశం ఉన్నందున ప్రశ్నల వర్షం కురిపించి మరిన్ని వివరాలు రాబట్టేందుకు పోలీసులు సమాయత్తమవుతున్నారు. అంతకు ముందే పూర్తి వివరాలు, సాక్ష్యాధారాలను సేకరించే పనిలో నిమగ్నమయ్యారు.సాధిక్‌ ఖాన్‌ కస్టడీ పిటిషన్‌పైవిచారణ వాయిదా కాకినాడ లీగల్‌: పిఠాపురం పంచాయతీరాజ్‌ ఏఈ నూకరాజు కుటుంబం ఆత్మహత్య, ఆయన అల్లుడు జగదీశ్వరరెడ్డి అనుమానాస్పద మృతి కేసులో నిందితుడైన రైఫిల్‌ ఘాటింగ్‌ శిక్షకుడు షేక్‌ సాధిక్‌ ఖాన్‌ను పలీసు కస్టడీకి ఇవ్వాలని కోరుతూ దాఖలైన పిటిషన్‌పై విచారణ వాయిదా పడింది. దీనిని న్యాయస్థానం వచ్చే నెల రెండో తేదీకి వాయిదా వేసింది. కస్టడీ పిటిషన్‌పై శుక్రవారం మొబైల్‌ కోర్టులో విచారణ జరిగింది. ఇరు పక్షాల వాదనలు పూర్తి కాకపోవడంతో విచారణను న్యాయమూర్తి వాయిదా వేశారు. చదవండి: నా బిడ్డకు తండ్రి నువ్వే.. డీఎన్ఏ పరీక్షకు సిద్ధం!

సాక్షి, గద్వాల (ధరూరు): తనకు తండ్రి గుర్తింపు ఇవ్వాలని ఓ యువకుడు ధర్నాకు దిగిన ఘటన మండల పరిధిలోని చింతలరేవులలో శుక్రవారం జరిగింది. పూర్తి వివరాలు.. గ్రామానికి చెందిన ఓ వ్యక్తి ఇంట్లో 20 ఏళ్ల క్రితం మైనర్ అయిన తన తల్లి పనికి వెళ్లగా ఆ సమయంలో ఆమెను నమ్మంచి మోసం చేశాడని, ఇన్నేళ్లుగా తన తల్లి మనో వేదనను అనుభవిస్తూ ఉందని, తనకు తండ్రి గుర్తింపు ఇవ్వాలని మోసం చేసిన వ్యక్తి ఇంటి ముందు బైఠాయించారు.తాను ఆయన సంతానమేనని ఇప్పుడు 20 ఏళ్లు పైబడి ఉన్నాయని.. డీఎన్ఏ పరీక్షకు సైతం సిద్ధమేనన్నాడు. ఈ విషయమై చేతబడి చేసి చంపు తానని బెదిరిస్తున్నాడని ఆరోపించాడు. చట్టం ప్రకారం తమకు న్యాయం చేయాలంటూ యువకుడు, అతడి తల్లి కలిసి ఇంటి ఎదుట బైఠాయించి నిరసనకు దిగారు. విషయం తెలుసుకున్న పోలీసులు.. పోలీసుస్టేషన్లో ఫిర్యాదు చేయాలని, ఇంటి వద్ద కూర్చుంటే న్యాయమెలా జరుగుతుందన్నారు. న్యాయం జరిగే వరకు పోరాటం కొనసాగిస్తామని బాధితులు పేర్కొంటున్నారు. చదవండి: ‘అంతా ఆ ఉంగరం వల్లే’..

అప్పుల ఊబిలో చిక్కుకున్న ఆ కుటుంబంలో ఆశల దీపాలు ఒక్కసారిగా ఆరిపోయాయి. ‘అమ్మా.. నాన్న.. ఎప్పుడొస్తారు?’ అంటూ ఆ పసికవలలు అడుగుతున్న ప్రశ్నలకు ఆ ఇల్లంతా మూగబోయింది. రూ.50 వేల విలువైన ఉంగరం కోసం సాగిన వేధింపులు, బెదిరింపులు చివరికి ఆ దంపతులను గోదావరి ప్రవాహంలోకి నెట్టేశాయి. రెండేళ్ల క్రితం తీసుకున్న చిన్న బాకీ, మానసిక ఒత్తిడి ఆ దంపతుల ప్రాణాలను బలిగొనగా, అల్లారుముద్దుగా పెంచుకున్న పిల్లలను అనాథలను చేసింది. ఈ విషాద ఘటన ఊరందరినీ కంటతడి పెట్టిస్తోంది.తణుకు అర్బన్‌ : యలమంచిలి మండలం చించినాడ బ్రిడ్జిపై నుంచి దంపతులు గోదావరిలోకి దూ కిన ఉదంతం కలకలం రేపుతోంది. ఆర్థిక సమస్య లు, ఒత్తిళ్లు, బెదిరింపులు వీరి ఆత్మహత్యాయత్నానికి కారణంగా తెలుస్తోంది. అమ్మా.. నాన్న.. అంటూ విలపిస్తున్న పసిపిల్లలు, కుమారుడు, కోడలును పోగొట్టుకున్న తల్లిదండ్రుల రోదనలతో వే ల్పూరులో విషాదఛాయలు అలముకున్నాయి. వే ల్పూరుకు చెందిన దొడ్డా వెంకట ధన సాయికృష్ణ అలియాస్‌ డీవీడీ (32), భార్య శిరీష (28)కు ఐదేళ్ల క్రితం వివాహమైంది.గురువారం రాత్రి వీరిద్దరూ గోదావరి దూకి ఆత్మహత్యకు యత్నించారు. వేల్పూరులో నివసిస్తున్న సాయికృష్ణ కొన్ని నెలల నుంచి భీమవరంలో బంధువుల ఇంట్లో ఉంటున్నాడు. వివాహానికి ముందు ఉపాధి నిమిత్తం గల్ఫ్‌ దేశంలో కొంతకాలం పనిచేశాడు. స్వదేశానికి వచ్చిన తర్వా త శిరీషను వివాహం చేసుకుని కొన్నాళ్లు హైదరాబాద్‌లో అంబులెన్స్‌ డ్రైవర్‌గానూ జీవనం సాగించాడు. అనంతరం వేల్పూరులో రెడీమేడ్‌ వస్త్ర దుకాణం నిర్వహించినా వ్యాపారం లేక అప్పులపాలై దుకాణం మూతపడింది. ఆర్థిక సమస్యల నేపథ్యంలో తల్లితండ్రులు వెంకటేశ్వరరావు, దుర్గ వారి ఇంటిని సైతం విక్రయించి ప్రస్తుతం అద్దె ఇంట్లో నివసిస్తుండగా కొంతమేర రుణాల నుంచి బయటపడినట్టు తెలుస్తోంది. సాయికృష్ణ దంపతులకు కుమారుడు, కుమార్తె (కవలలు) ఉన్నారు. హింస పెట్టి, నానా మాటలు అన్నారు ‘నేను ఒకరి వద్ద ఉంగరం తీసుకుని ఇవ్వలేకపోయాను. దీంతో వారు మమ్మల్ని హింసపెట్టి నానామాటలు అనడం, చేసిన రాద్ధాంతంతో టెన్షన్‌ వచ్చి ఉండలేకపోయాం. పరిస్థితులు బాగోనప్పుడు.. నానామాటలు పడటంతో ధైర్యం చాలక ఏంచేయాలో తెలియక ఈ నిర్ణయం తీసుకున్నాం. ఇప్పటికే మేం చేసిన అప్పులు మా అ మ్మా నాన్న తీర్చారు.. మా చావుకు మా అమ్మ నాన్నలకు ఎటువంటి సంబంధం లేదు..’ – సాయికృష్ణ మాట్లాడినట్టువైరల్‌ అవుతున్న వాయిస్‌ రికార్డింగ్‌గోదావరిలో కొనసాగుతున్న గాలింపు యలమంచిలి: చించినాడ వద్ద వశిష్ట గోదావరిలో దొడ్డా సాయికృష్ణ, శిరీష దంపతుల కోసం శుక్రవారం పోలీసుల గాలింపు కొనసాగింది. ఎస్సై మోటూరి రాజ్‌కుమార్‌ ఆధ్వర్యంలో స్పెషల్‌ బ్రాంచ్‌ పోలీసులు, అగ్నిమాపక సిబ్బంది, రెస్క్యూ టీం సభ్యులు సంయుక్తంగా స్పీడ్‌ బోట్లలో చించినాడ నుంచి ఏనుగువానిలంక, రామరాజులంక వైపు గాలించారు. రాత్రి 7 గంటల వరకు గాలించినా ఆచూకీ లభించకపోవడం, మరో వైపు చీకటి పడడంతో గాలింపు ఆపివేశారు. ఆదివారం ఉదయం మళ్లీ గాలింపు కొనసాగిస్తామని ఎస్సై రాజ్‌కుమార్‌ చెప్పారు. ఉంగరం కోసం రాద్ధాంతంతోనే.. దొడ్డా వెంకటేశ్వరరావు (సాయికృష్ణ తండ్రి) తమ సమీప నివాసితుడైన రవి అనే వ్యక్తి నుంచి తీసుకున్న ఉంగరం దంపతుల ప్రాణంపైకి వచ్చిందని సాయికృష్ణ తల్లితండ్రులు చేస్తున్న ఆరోపణలు సంచలనంగా మారాయి. రెండేళ్ల క్రితం రవి నుంచి తీసుకున్న ఉంగరాన్ని తమ కుమారుడు తాకట్టు పెట్టి తిరిగి ఇవ్వలేకపోయాడని, గురువారం రవి కొందరు వ్యక్తులను వెంటపెట్టుకుని వచ్చి ఉంగరం కోసం చేసిన ఒత్తిడి, రాద్ధాంతం చేశాడని అన్నారు. ఈ కారణంగానే తన కుమారుడు, కోడలు బలవన్మరణానికి పాల్పడ్డారంటూ తల్లితండ్రులు మీడియా వద్ద వాపోయారు. ముందుగా వేల్పూరులో తమ ఇంటికి వచ్చి దుర్భాషలాడారని, అనంతరం భీమవరం వెళ్లి సాయికృష్ణ, శిరీషను ఇష్టానుసారంగా మాట్లాడి దాడికి దిగబోయారని కన్నీళ్లపర్యంతమయ్యారు. పసిపిల్లలను చూసి కూడా వారికి జాలి కలగలేదని కేవలం రూ.50 వేల కోసం తమను నానా మాటలు అన్నారంటూ వాపోయారు. ఇదిలా ఉండగా కొద్దిరోజుల క్రితం సాయికృష్ణ ఫ్యాన్‌కు ఉరేసుకుని చేసిన సెల్ఫీ వీడియో కూడా వైరల్‌గా మారడం తాజాగా గందరగోళాన్ని సృష్టిస్తోంది. ఈ ఘటనలో అసలు ఏం జరిగిందో తేలాల్సి ఉండగా, దీనిపై ఎ టువంటి ఫిర్యాదులు అందలేదని తణుకు రూరల్‌ ఎస్సై నాళం శ్రీనివాసరావు తెలిపారు. చదవండి: వీడియో కాల్‌ వైద్యానికి గర్భిణి మృతి

కాకినాడ క్రైం: ఓ ద్విచక్ర వాహనం వచ్చి ఆగింది. ఆ వాహనంపై వచ్చిన వ్యక్తితో నలుగురు చుట్టుముట్టారు. వారిలో ఇద్దరిపై ఆ వ్యక్తి దాడి చేశాడు. వారు ప్రతిదాడి చేశారు. వీరికి మిగిలిన ఇద్దరూ తోడయ్యారు. మొత్తం నలుగురూ కలసి మూకదాడికి దిగారు. అక్కడే ఉన్న చెక్కతో ఆ వ్యక్తిపై విచక్షణారహితంగా చావబాదారు. విరిగిన చెక్కలో పదునైన భాగాన్ని.. అపస్మారక స్థితికి చేరుకున్న ఆ వ్యక్తి గొంతులో పరమ కిరాతకంగా దించేశారు. అయినా బతికేస్తాడేమోననే అనుమానంతో ఆ కర్రను బయటకు తీసి మరింత లోతుగా దించారు. ఇలా ఒళ్లు గగుర్పొడిచే రీతిలో మూడుసార్లు తీసి గుచ్చి, చివరిగా ఆ కర్రను బలంగా గొంతులోకి దిగ్గొట్టి క్రూరాతిక్రూరంగా హతమార్చారు. ఇదంతా మూడంటే మూడు నిమిషాల్లోనే జరిగిపోయింది. ఏదో క్రైం థ్రిల్లర్‌ కథలా.. సినిమాలోని క్రూర సన్నివేశంలా జరిగిన ఈ దారుణం.. ప్రశాంతతకు మారుపేరుగా చెప్పుకొనే కాకినాడ నగరం నడిబొడ్డున.. భానుగుడి సెంటర్‌లో.. జిల్లా పోలీసు కార్యాలయానికి కూతవేటు దూరాన.. ఈ నెల 25వ తేదీ అర్ధరాత్రి చోటు చేసుకుంది. జిమ్‌ ట్రైనర్‌ కొడమాటి సతీష్‌రెడ్డి (30) క్రూరహత్యోదంతం జిల్లాను కుదిపేసింది. రాష్ట్రవ్యాప్తంగా చర్చనీయాంశమైంది. జిల్లాలో పోలీసు భద్రతను ప్రశ్నార్థకం చేసింది. హతమార్చింది అందుకేనా? ఈ హత్య చేయించాడనే ఆరోపణలు వినిపిస్తున్న వ్యక్తికి రాజకీయ అండదండలున్నాయని చెబుతున్నారు. అతడి భార్య బ్యూటీషియన్‌గా పని చేస్తోంది. వీరిద్దరి మధ్య విభేదాలు తలెత్తడంతో విడాకుల కేసు కోర్టులో నడుస్తోందని సమాచారం. ఆమెతో హతుడు సతీష్‌ చనువుగా ఉండేవాడని తెలుస్తోంది. అతడి స్నేహితుడు సాయికిరణ్‌ కూడా ఆమెపై కన్ను వేశాడని, ఆమెకు ఇష్టం లేకపోయినా దగ్గరవ్వాలనే ప్రయత్నాలు చేశాడని చెబుతున్నారు. ఈ విషయాన్ని ఆ మహిళ సతీష్‌కు చెప్పడంతో అతడికి, సాయికిరణ్‌కు మధ్య తరచుగా గొడవలు జరుగుతూండేవి. ఈ నేపథ్యంలో సాయికిరణ్‌ ఆ మహిళ భర్తకు సతీష్‌ పై లేనిపోని చాడీలు చెప్పి, ఇద్దరి మధ్య కక్షలు పెంచాడని అంటున్నారు. ఈ నేపథ్యంలో ఆ మహిళ భర్త ఆదేశాలు, అండదండలతో సాయికిరణ్, మరో ముగ్గురు కలసి సతీష్‌ను ప్రణాళిక ప్రకారం అర్థరాత్రి భానుగుడి సెంటర్‌కు రప్పించి హతమార్చినట్లు తెలుస్తోంది. హత్యకు ఉపయోగించిన కర్రను సాయికిరణ్‌ అప్పటికే సమకూర్చుకున్నాడని తెలుస్తోంది. ఆ నాలుగు రోజుల్లో ఏం జరిగింది! గత నెల 8 నుంచి 12వ తేదీ మధ్య జరిగిన సంఘటనలే ఈ హత్యకు దారి తీశాయని తెలియవచ్చింది. ఆ మహిళ విషయంలో సతీష్‌ భార్య జయశ్రీని సాయికిరణ్‌ కలిశాడు. ఆ మహిళతో సతీష్‌ సన్నిహితంగా ఉంటున్నాడని, ఆమె ఫలానా వ్యక్తి భార్య అని వెల్లడించాడు. టీడీపీ ముఖ్య నాయకుడి అనుచరుడిగా చెబుతున్న ఆ వ్యక్తి అప్పటికే తన భర్త సతీష్‌ ద్వారా జయశ్రీకి తెలుసు. గర్భిణిగా ఉన్న ఆమె పుట్టింట్లో ఉండగా సాయికిరణ్, ఆ వ్యక్తితో జయశ్రీని కలిశాడు. ఆమె భర్తను చంపేస్తానని చెప్పాడు. తనను, కడుపులో ఉన్న బిడ్డను చూసి తన భర్తను విడిచిపెట్టాలని, సతీష్‌ ఆ మహిళ జోలికి వెళ్లకుండా చూసుకుంటానని ఆమె చెప్పింది. వారు వెళ్లిన తర్వాత రోజు ఆ మహిళ విషయమై సతీష్‌ను జయశ్రీ నిలదీసింది. ఆమెతో మాట్లాడుతున్నానని ఒప్పుకున్న అతడు.. నిండుగర్భిణిగా ఉన్న తన భార్యకు ఈ విషయం చెప్పిన సాయికిరణ్‌పై ఆగ్రహంతో రగిలిపోయాడు. అప్పటి నుంచీ వారిద్దరి మధ్య మాటల యుద్ధం జరుగుతోంది. ఈ నేపథ్యంలో భార్య పుట్టింట్లో ఉండగా, మంగళవారం అర్ధరాత్రి సాయికిరణ్, సతీష్‌లు ఫోనులో గొడవ పడ్డారు. దమ్ముంటే రా అంటూ సవాళ్లు విసురుకున్నారు. ఆగ్రహంతో రగిలిపోయిన సతీష్‌ తన ద్విచక్ర వాహనంపై కిరణ్‌ ఉన్న భానుగుడి జంక్షన్‌కు రాత్రి 1.45 సమయంలో వెళ్లాడు. ముందే సిద్ధం చేసుకున్న పథకం ప్రకారం అతడిని సాయికిరణ్, అనుచరుల హతమార్చారు. సతీష్‌కు జయశ్రీతో ఏడాదిన్నర క్రితమే వివాహమైంది. ప్రస్తుతం ఆమె ఆరో నెల గర్భిణి. పొంతన లేకుండా.. ఈ హత్యకు సంబంధించి పోలీసులు చెబుతున్న కారణాలకు, కుటుంబ సభ్యులు, తెలిసిన వారు చెబుతున్న విషయాలకు ఏమాత్రం పొంతన కుదరడం లేదు. తునికి చెందిన ఓ యువతిని ఇద్దరూ ప్రేమించి గొడవ పడగా అది హత్యకు దారి తీసిందని పోలీసులు చెబుతున్నారు. కానీ, అది పోలీసుల కల్పిస్తామని కుటుంబ సభ్యులు అంటున్నారు. నిద్రలో నైట్‌ డ్యూటీ కమాండ్‌ కంట్రోల్‌ సిబ్బంది ఈ హత్య నేపథ్యంలో పోలీసుల రాత్రి నిఘా పూర్తిగా విఫలమైందనే విమర్శలు వస్తున్నాయి. హత్య జరిగిన భానుగుడి సెంటర్‌ జిల్లా పోలీసు కార్యాలయానికి 200 మీటర్ల లోపే ఉంది. హత్య సమయంలో అరగంట పైగా అక్కడ అలజడి చోటు చేసుకుంది. అయినప్పటికీ నైట్‌ బీట్లు అటువైపు కనీసం దృష్టి పెట్టలేకపోయాయి. పోనీ కూతవేటు దూరంలోనే ఉన్న కమాండ్‌ కంట్రోల్‌ సిబ్బంది కూడా సీసీ కెమెరాల ద్వారా ఏమీ గమనించలేదు. రాత్రి వేళ డ్యూటీల్లో ఉన్న వారు గుర్రు పెట్టి నిద్రపోవడం వల్లనే దీనిని గమనించలేదనే తీవ్ర విమర్శలు వస్తున్నాయి. వారే కనుక మేల్కొని ఉండి, ఈ విషయాన్ని సీసీ కెమెరాల ద్వారా గమనించి ఉంటే కనీసం సైరన్‌ మోగించే అవకాశం ఉండేది. అప్పుడైనా ఈ నేరం ఆగి ఉండేదని పలువురు అంటున్నారు. పోలీసులపై టీడీపీ నేత ఒత్తిళ్లు! రాష్ట్రంలోనే తీవ్ర సంచలనం రేపిన ఈ హత్యపై పోలీసు ఉన్నతాధికారులు ఇప్పటి వరకూ ఎటువంటి ప్రకటనా చేయలేదు. సతష్‌ హత్యను నగరంలోని ఓ ముఖ్య టీడీపీ నేత అనుచరుడే చేయించాడని ప్రచారం జరుగుతోంది. అతడు సెటిల్‌మెంట్లు, దందాలతో పేట్రేగిపోతూ నగరంలో గూండాగిరి చేస్తూంటాడని, అతడే ఈ హత్య చేయించాడని సతీష్‌ కుటుంబ సభ్యులు సైతం ఆరోపిస్తున్నారు. అయితే, తమ నోటి వెంట అతడి పేరు రానివ్వకుండా పోలీసులు ఒత్తిడి తెస్తున్నారని మృతుడి కుటుంబ సభ్యులు వాపోతున్నారు. సతీష్‌ హత్య రాత్రి 2 గంటల సమయంలో జరిగితే, ఆరోపణలు ఎదుర్కొంటున్న ఆ టీడీపీ నాయకుడి అనుచరుడు తనకు ఒంట్లో బాగోలేదంటూ సర్పవరం జంక్షన్‌ సమీపంలోని ఓ కార్పోరేట్‌ ఆసుపత్రిలో 3 గంటల ప్రాంతంలో చేరడం చర్చనీయాంశమైంది. ఈ కేసు నుంచి తన అనుచరుడిని తప్పించాలంటూ ఆ టీడీపీ నేత ఉన్నతాధికారుల ద్వారా పోలీసులపై తీవ్ర ఒత్తిడి తెస్తున్నట్లు సమాచారం. హత్యకు పాల్పడిన నలుగురు దుర్మార్గులూ ప్రస్తుతం పోలీసుల అదుపులోనే ఉన్నారు.చదవండి: సినిమా చూసి ఇంటికెళ్తుండగా ఘోరం.. బైక్‌ను ఈడ్చుకెళ్లిన లారీ

మొగల్రాజపురం(విజయవాడ తూర్పు): విజయవాడ జయ­ప్రకాష్‌ నగర్‌కు చెందిన పడికిటి లక్ష్మీతేజ(30) హైదరాబాద్‌లో అమెజాన్‌ కంపెనీలో ఐదేళ్లుగా సాఫ్ట్‌వేర్‌ ఇంజినీర్‌గా పనిచేస్తున్నారు. ఆమెకు తండ్రి రామ్‌ప్రసాద్, తల్లి కవిత, తమ్ముడు దేవివరప్రసాద్‌ ఉన్నారు. మిలాద్‌ ఉన్‌నబీ, రాఖీ, వీకెండ్‌ వరుస సెలవులు కావడంతో ఆమె తమ్ముడికి రాఖీ కట్టేందుకు విజయవాడకు ప్రైవేటు ట్రావెల్స్‌ బస్సులో ఆనందంగా బయలుదేరారు. మంగళవారం రాత్రి తండ్రికి ఫోన్‌ చేసి బుధవారం ఉదయం ఆరు గంటలకల్లా విజయవాడలో ఉంటానని సంతోషంగా చెప్పింది. కూతురి కోసం ఏడు గంటల వరకు వేచి చూసిన తల్లిదండ్రులు కూతురుకు ఫోన్‌ చేశారు. ఫోన్‌ కలవకపోవడంతో ఏం జరిగిందో తెలీక కంగారు పడ్డారు. ఇంతలో కోదాడ సమీపంలో ప్రమాదం జరిగిందని టీవీలో వార్తలు ప్రసారం కావడం, మృతుల జాబితాలో లక్ష్మీతేజ పేరు ఉండడంతో తండ్రి రాంప్రసాద్‌ హుటాహుటిన ఘటనాస్థలానికి వెళ్లారు. అప్పటికే లక్ష్మితేజ మృతదేహాన్ని ఆసుపత్రి మార్చురిలో ఉంచారు. రాత్రి ఫోన్‌ చేసి ఉదయానికి వస్తాను నాన్న అని చెప్పిన నా కూతురిని ఇలా చూస్తానని అనుకోలేదని రాంప్రసాద్‌ కన్నీరుమున్నీరయ్యారు. ఇంటికి తీసుకొచ్చిన కూతురు మృతదేహంపై పడి తల్లి కవిత విలపిస్తున్న తీరు చూపరులను కంటతడి పెట్టించింది. ఇంటికి వచ్చినప్పుడల్లా నీ కాళ్ల పట్టీలు కావాలమ్మా.. అని అడిగేదానివి కదా.. లే అమ్మా పట్టీలు ఇస్తాను. తమ్ముడికి రాఖీ కడుదువుగానీ అంటూ ఆమె గుండెలవిసేలా రోదిస్తోంది. ఆమెను ఓదార్చడం ఎవరి తరమూ కావడం లేదు. గత రెండేళ్ల నుంచి లక్ష్మితేజకు పెళ్ళి సంబంధాలు చూస్తున్నామని, ఈ ఏడాది ఎలాగైనా కల్యా­ణం జరిపించాలని అనుకున్నామని తల్లిదండ్రులు కన్నీరు­మున్నీరవుతున్న తీరు స్థానికుల హృదయాలను కలచివేసింది.చదవండి: ఉద్యోగం వస్తుందన్న ఆనందం అంతలోనే ఆవిరి...

సాక్షి, కాకినాడ జిల్లా: ఏఈ నూకరాజు కుటుంబం ఆత్మహత్యకు సాధిక్ వేధింపులు కారణం కాదని సాధిక్‌ ఖాన్ తల్లి నూర్జహాన్‌ తెలిపారు. ఆమె మీడియాతో మాట్లాడుతూ.. నూకరాజు అల్లుడు జగదీశ్వర్‌రెడ్డిని సాధిక్ చంపలేదన్నారు. ‘‘సౌజన్య రెండు సార్లు మా ఇంటికొచ్చింది. సాధిక్‌ను పెళ్ళి చేసుకుంటానని చెప్పింది. ఈ ప్రతిపాదనకు మా కుటుంబం ఒప్పుకోలేదు. జగదీశ్వరరెడ్డి మరణించాక తనను పెళ్లి చేసుకోవాలని సౌజన్య.. సాధిక్‌ను ఒత్తిడి చేసింది’’ అంటూ సాధిక్ ఖాన్ తల్లి చెప్పుకొచ్చారు.‘‘ఈ ఏడాది ఫిబ్రవరి 14న సౌజన్య ఇంటికి రమ్మని సాధిక్‌ను పిలిచింది. అక్కడ సాధిక్‌పై జగదీశ్వర్‌రెడ్డి అతని మనుషులు దాడి చేసి బంధించారు. దీంతో వంటగదిలో కత్తితో బెదిరించి సాధిక్ అక్కడ నుండి పారిపోయాడు. జగదీశ్వరరెడ్డితో పెళ్లి కాకపొతే సౌజన్యను సాధిక్ ఇచ్చి వివాహం చేసేవాడినని నూకరాజు మా ఇంటికి వచ్చి చెప్పాడు. ఈ రిలేషనల్ మంచిది కాదని సాధిక్‌ను మందలించాను. తన భర్త పట్టించుకోవడం లేదని సాధిక్‌తో సౌజన్య రిలేషన్ నడిపింది. సౌజన్య కొడుకు సాధిక్‌ను అబ్బు అని.. తన తండ్రిని ఇడియట్ అని పిలిచేవాడు. రోజు ఫోన్‌లో మా అబ్బాయి చెప్పే కథలు విని సౌజన్య కొడుకు పడుకునేవాడు.‘‘మా ఇంటికి వచ్చి తెలుగు ఖురాన్, బుర్కా కావాలని సౌజన్య అడిగింది. చనిపోయిన రోజు సాయంత్రం 5:30కి సాధిక్‌కు సౌజన్య ఫోన్ చేసి ఇంటికి రమ్మని పిలిచింది. తన స్టూడెంట్స్ కేరళలో ఈవెంట్స్‌ వెళ్లాలని.. రావడం కుదరదని చెప్పి సాధిక్ అకాడమీకి వెళ్ళిపోయాడు. నూకరాజు, జగదీశ్వర రెడ్డి ఆస్తులు, బంగారం మా వద్ద లేదు. మా కుటుంబం బ్యాంక్ పుస్తకాలు, ఆధార్ కార్డులు పోలీసులకు ఇచ్చేశాము.’’ అని సాధిక్ ఖాన్ తల్లి నూర్జహాన్ పేర్కొన్నారు.ఇదీ చదవండి: 6 ఏళ్లకే ఈ బాలుడు ‘అభిజీత్‌ దీప్కే’లా అయిపోయాడు..

యాదాద్రి భువనగిరి జిల్లా: వివాహేతర సంబంధానికి అడ్డొస్తున్నాడని వరుసకు కొడుకైన వ్యక్తితో కలిసి భర్తను హత్య చేసింది ఓ భార్య. నిందితులిద్దరిని పోలీసులు అరెస్టు చేసి రిమాండ్‌కు తరలించారు. ఈ కేసు వివరాలను చౌటుప్పల్‌ డీఎస్పీ పటోళ్ల మధుసూదన్‌రెడ్డి సోమవారం విలేకరుల సమావేశంలో వెల్లడించారు. చౌటుప్పల్‌ మండలం అంకిరెడ్డిగూడెం గ్రామానికి చెందిన రాపోలు దానయ్య(38), శారద దంపతులకు ఇద్దరు కుమార్తెలు, ఒక కుమారుడు ఉన్నారు. వీరు పంతంగి గ్రామ శివారులోని శనిగలగుట్ట లక్ష్మీనరసింహస్వామి దేవాలయం సమీపంలో పొలం కౌలుకు తీసుకొని వ్యవసాయం చేస్తున్నారు.శారదకు పలువురితో వివాహేతర సంబంధాలు ఉన్నట్లు తెలుసుకున్న భర్త దానయ్య ఆమెను పలుమార్లు మందలించాడు. శారద గతంలో పంతంగి గ్రామానికి చెందిన ఓ వ్యక్తితో కలిసి వెళ్లిపోయి తిరిగి భర్త వద్దకు వచ్చింది. ఇటీవల దానయ్య సొంత అన్న కుమారుడు రాపోలు శివతో శారద వివాహేతర సంబంధం పెట్టుకుంది. దానయ్యకు ఈ విషయం తెలియడంతో ఇద్దరిని మందలించాడు. తమ వివాహేతర సంబంధానికి అడ్డొస్తున్నాడని భావించిన రాపోలు శివ తన బాబాయి అయిన దానయ్యను చంపుతానంటూ గతంలో పలుమార్లు బెదిరించాడు. దురాజ్‌పల్లికి వెళ్లాల్సి ఉండగా..దానయ్య ఆదివారం సూర్యాపేట జిల్లాలోని దురాజ్‌పల్లికి వెళ్లాల్సి ఉండగా.. భార్య శారద అతడిని దురాజ్‌పల్లికి వెళ్లకుండా ఆపి పొలం వద్దకు తీసుకెళ్లింది. కొంతసేపటి తర్వాత తన ప్రియుడు రాపోలు శివను పొలం వద్దకు పిలిపించుకుంది. శారద, శివ ఏకాంతంగా ఉన్న సమయంలో దానయ్య గమనించి శివతో గొడవపడ్డాడు. ఇద్దరు ఒకరిపై ఒకరు దాడి చేసుకున్నారు. ఈ క్రమంలో దానయ్య కిందపడిపోగా అతడి కాళ్లను శారద బిగ్గరగా పట్టుకుంది. శివ అక్కడే ఉన్న బండరాళ్లతో దానయ్యపై విచక్షణారహితంగా దాడి చేసి హత్య చేశారు. భార్య ప్రవర్తనపై అనుమానంతో..హత్య చేసిన తర్వాత శారద పక్క పొలంలో పనిచేస్తున్న వ్యక్తి వద్దకు వెళ్లి తన భర్త కనిపించడంలేదని చెప్పింది. చుట్టుపక్కల వెతకగా దానయ్య రక్తపు మడుగులో కనిపించాడు. సమాచారం తెలుసుకున్న పోలీసులు ఘటనా స్థలానికి చేరుకుని పరిశీలించారు. శారద ప్రవర్తనపై పోలీసులకు అనుమానం రావడంతో ఆమెను అదుపులోకి తీసుకుని విచారించగా.. నిజం ఒప్పుకుంది. అప్పటికే రాపోలు శివ సెల్‌ఫోన్లు, తన దుస్తులను తీసుకొని పారిపోయాడు. వాటిని చిట్యాల మండలం గుండ్రాంపల్లి చెరువులో పడేయగా.. పోలీసులు వాటిని స్వాధీనం చేసుకున్నారు. పంతంగి టోల్‌ప్లాజా వద్ద పోలీసులకు శివ పట్టుబడ్డాడు. నిందితులను అరెస్టు చేసి రిమాండ్‌కు తరలించినట్లు డీఎస్పీ తెలిపారు. మృతుడి భార్యకు చాలా మందితో వివాహేతర సంబంధాలు ఉన్నాయని, ఆమెకు సోషల్‌ మీడియాలో రకరకాల అకౌంట్లు ఉన్నట్లు డీఎస్పీ పేర్కొన్నారు. చౌటుప్పల్‌ మండలంలోని పలు గ్రామాలకు చెందిన పలువురు రాజకీయ నాయకులు ఆమెతో సంబంధాలు కలిగి ఉన్నారని డీఎస్పీ తెలిపారు.

కోటా: రాజస్థాన్‌లోని కోటా జిల్లా పరిధిలోని ఓ ప్రభుత్వ పాఠశాలలో మధ్యాహ్న భోజనం వికటించి సుమారు 27 మంది విద్యార్థులు అస్వస్థతకు గురయ్యారు. సోమవారం పాఠశాలలో భోజనం చేసిన కొద్దిసేపటికే విద్యార్థులకు వాంతులు, తలతిరగడం, తీవ్రమైన తలనొప్పి వంటి లక్షణాలు కనిపించాయి. వెంటనే అప్రమత్తమైన అధికారులు పలువురు చిన్నారులను స్థానిక మెడికల్ కాలేజీ ఆసుపత్రికి తరలించగా, మరికొందరి కోసం పాఠశాల వద్దకు ప్రత్యేక వైద్య బృందాన్ని పంపించారు. VIDEO | Rajasthan: More than 27 students fell ill after allegedly consuming the mid-day meal provided at a Government Upper Primary School in the Ranpur police station area of Kota on Monday. The students from 1-8 classes suffered from nausea, vomiting, stomach aches, and… pic.twitter.com/QxUpUx6sYf— Press Trust of India (@PTI_News) August 24, 2026ఈ ఘటనపై సమాచారం అందుకున్న కోటా జిల్లా విద్యాశాఖ అధికారి (డీఈఓ) రూప్ సింగ్ మీనా ఆసుపత్రికి చేరుకుని పరిస్థితిని సమీక్షించారు. సుమారు 27 మంది విద్యార్థులు అస్వస్థతకు గురికాగా, 10 నుంచి 12 మందిని మెడికల్ కాలేజీకి తరలించారని, అందులో నలుగురిని చేర్చుకుని మిగిలిన వారికి ప్రాథమిక చికిత్స అందించామని ఆయన పేర్కొన్నారు. ప్రస్తుతం పిల్లలందరి ఆరోగ్య పరిస్థితి నిలకడగా ఉందని, నిరంతర పర్యవేక్షణలో ఉంచామని అధికారులు తెలిపారు.రాష్ట్ర మంత్రి మదన్ దిలావర్ ఆసుపత్రిని సందర్శించి బాధితులను పరామర్శించారు. చిన్నారులందరూ ప్రమాదం నుంచి బయటపడ్డారని, ఆహార నాణ్యతపై విచారణకు ఆదేశించామని ఆయన స్పష్టం చేశారు. వీరి అనారోగ్యానికి భోజనమే కారణమా కాదా అన్నది దర్యాప్తు తర్వాత తేలనుంది. ఇటీవల బిహార్‌లోని నలంద జిల్లాలో ఉప్పుకు బదులు డిటర్జెంట్ పౌడర్ కలపడంతో 34 మందికి పైగా విద్యార్థులు అస్వస్థతకు గురైన ఘటన మరవకముందే ఈ ఉదంతం చోటుచేసుకోవడం గమనార్హం.ఇది కూడా చదవండి: అంటార్కిటికాకు ఫైబర్ నెట్.. షాకిస్తున్న భారీ ప్లాన్‌!

రాజమహేంద్రవరం వద్ద గోదావరి నదిలోకి పిఠాపురం పంచాయతీరాజ్‌ ఏఈ నూకరాజు కుటుంబం ఈ నెల 16న దూకి ఆత్మహత్యాయత్నానికి పాల్పడిన విషయం తెలిసిందే. ఇందులో నూకరాజు భార్య మీనా మృతదేహం శనివారం లభ్యం కాగా, ఆదివారం పోస్టుమార్టం పూర్తి చేశారు. ఇదిలావుండగా మీనా మృతదేహం బాగా పాడవడంతో కుటుంబీకులు సొంతూరు కాకినాడకు తీసుకెళ్లకుండా, ధవళేశ్వరంలోని శ్మశానవాటికలో అంత్యక్రియలు నిర్వహించారు. కంబాలచెరువు (రాజమహేంద్రవరం)

1959 ఫిబ్రవరి ఒకటో తేదీ... రష్యాలోని యూరల్‌ పర్వత ప్రాంతం– సంధ్యకాంతుల్లో ఆ మంచు పర్వతం శోభాయమానంగా కనిపిస్తోంది. అప్పుడే అక్కడకు ఓ పర్వతారోహకుల బృందం వచ్చింది. ‘‘ఈ రాత్రికి ఇక్కడ బస చేద్దాం’’ అని 23 ఏళ్ల ఇగోర్‌ డియాట్లోవ్‌ తన సహచరులను ఉద్దేశించి అనడంతో అందరూ టెంట్‌ వేయడానికి ఉపక్రమించారు.గంటలు గడిచాయి. అందరూ గాఢనిద్రలోకి జారుకున్నారు. చుట్టూ తెల్లటి మంచుకొండలు తప్ప ఎలాంటి అలికిడీ లేదు. బయట ఉష్ణోగ్రత మైనస్‌ 30 డిగ్రీలకు పడిపోయి భయంకరమైన నిశ్శబ్దం రాజ్యమేలుతోంది. అంతలోనే ఏమైందో తెలియదు– టెంటులో ఒక్కసారిగా అలజడి చెలరేగింది. లోపలున్నవారు విపరీతమైన భయంతో టెంట్‌ను కత్తితో చీల్చుకుని బయటకు వచ్చారు. పెద్దగా అరుస్తూ ప్రాణభయంతో తలోదిక్కుకు పరుగులు తీశారు. ఆ రాత్రి వారి జీవితంలో కాళరాత్రిగా మిగిలిపోయింది.ఆ భయానక రాత్రికి ఎనిమిది రోజుల ముందు– అంటే, 1959 జనవరి 23న రష్యాలోని యూరల్‌ పాలిటెక్నిక్‌ ఇన్‌ స్టిట్యూట్‌కు చెందిన ఎనిమిది మంది యువకులు, ఇద్దరు యువతులు ‘ఓటోర్టెన్‌’ అనే ప్రమాదకరమైన మంచు పర్వతాన్ని అధిరోహించడానికి బయలుదేరారు. అనారోగ్యం కారణంగా ‘యూరీ యుడిన్‌’ అనే యువకుడు వెనక్కి తిరిగి వెళ్లిపోయాడు.మిగిలిన తొమ్మిదిమంది ఫిబ్రవరి 1న ‘ఖోలాట్‌ స్యాఖ్ల్‌’ అనే కొండపైకి చేరుకుని అక్కడ టెంట్‌ వేసుకున్నారు. షెడ్యూల్‌ ప్రకారం ఫిబ్రవరి 12 నాటికి తిరిగి రావాలి. కానీ ఫిబ్రవరి 20 వచ్చినా వారి నుంచి ఎలాంటి సమాచారం లేదు. దీంతో కుటుంబసభ్యుల విన్నపం మేరకు రష్యా ప్రభుత్వం సెర్చ్‌ ఆపరేషన్‌ ప్రారంభించింది. ఫిబ్రవరి 26న సహాయక బృందాలు ఆ కొండ వద్దకు చేరుకుని అక్కడి దృశ్యాలు చూసి షాక్‌ తిన్నాయి.టెంట్‌ను లోపల నుంచి కోసిన ఆనవాళ్లు కనిపించాయి. కానీ చుట్టుపక్కల ఎవరూ లేరు. టెంట్‌కు దాదాపు ఒకటిన్నర కిలోమీటర్ల దూరంలో ఓ చెట్టు కింద ఇద్దరి మృతదేహాలు కనిపించాయి. వారి ఒంటిపై లోదుస్తులు మాత్రమే ఉన్నాయి. మరికొంత దూరంలో డియాట్లోవ్‌ సహా మరో ముగ్గురి శవాలు మంచులో గడ్డకట్టి కనిపించాయి. మిగిలిన నలుగురి మృతదేహాలు మే నెలలో కరిగిన మంచు ప్రవాహంలో దొరికాయి. వీరిలో కొందరి పక్కటెముకలు విరిగిపోగా, ఒకరి పుర్రె పగిలిపోయింది. ల్యూడ్మిలా దుబినినా అనే యువతి నాలుక, కళ్లు కనిపించలేదు. మరొకరి కనుగుడ్లు లేవు. వారి ఒంటిపై అంతటి గాయాలు ఉన్నప్పటికీ, బయటి నుంచి దెబ్బలు తగిలిన గుర్తులు లేవు. కొందరి దుస్తులపై రేడియోయాక్టివ్‌ ఆనవాళ్లు కూడా కనిపించాయి.ఈ మరణాలపై దశాబ్దాల పాటు రకరకాల ప్రచారాలు సాగాయి. ఆ రాత్రి ఆకాశంలో వింత కాంతులు కనిపించాయని స్థానికులు చెప్పడంతో ఏలియన్స్‌ లేదా యూఎఫ్‌ఓల దాడే కారణమని కొందరు నమ్మారు. రష్యా మిలిటరీ అక్కడ రేడియేషన్‌ ఆయుధాలను పరీక్షించిందని, అది వికటించి వీరు చనిపోయారని ప్రచారం జరిగింది. ఆ ప్రాంతంలో ఉండే ‘మాన్సీ’ అనే గిరిజన తెగకు చెందిన వ్యక్తులు తమ పవిత్ర స్థలంలోకి వచ్చినందుకు వీరిని హత్య చేశారని అనుకున్నారు.భారీ ఆకారం కలిగిన యతి అనే మంచు మనిషి దాడి చేయడం వల్లే వారికి ఎముకలు విరిగిపోయాయని మరో ఊహాగానం సాగింది. కానీ వీటికి ఎలాంటి శాస్త్రీయ ఆధారాలూ లభించలేదు. చివరకు ప్రభుత్వం– ‘నిరోధించలేని ఒక అపరిమితమైన ప్రకృతి శక్తి’ వల్ల వీరు చనిపోయారని 1959లోనే ఆ కేసును మూసివేసింది. అనంతరం ఆ ప్రాంతం ఆ గ్రూప్‌ లీడర్‌ పేరుతో ‘డియాట్లోవ్‌ పాస్‌’గా ప్రసిద్ధికెక్కింది.మిస్టరీగా మిగిలిపోయిన ఆ మరణాలపై 2021లో స్విట్జర్లాండ్‌కు చెందిన శాస్త్రవేత్తలు జోహన్‌ గౌమే, అలెగ్జాండర్‌ పుజ్రిన్‌ కలిసి కంప్యూటర్‌ మోడళ్లు, స్నో ఫిజిక్స్‌ ఆధారంగా అధ్యయనం చేసి, శాస్త్రీయ వివరణ ఇచ్చారు. ఆ రాత్రి వీచిన బలమైన గాలుల వల్ల ఒక భారీ మంచుపలక టెంట్‌పై పడిందని, దీంతో అందులో ఉన్నవారి పక్కటెముకలు విరిగిపోయాయని అంచనా వేశారు.మంచు పలకలు పడతాయనే భయంతో వారు టెంట్‌ను లోపలి నుంచి కోసుకుని బయటకు పరిగెత్తారని, మైనస్‌ 30 డిగ్రీల చలిలో ‘హైపోథెర్మియా’ (శరీర ఉష్ణోగ్రత పడిపోవడం)తో చనిపోయారని వివరించారు. మృతదేహాలు చాలారోజులు మంచులో ఉండటంతో పక్షులు, అడవి జంతువులు కళ్లు, నాలుకలను తినేసి ఉంటాయని పేర్కొన్నారు. అందులో కొందరు గతంలో రేడియేషన్‌ కు గురయ్యే వాతావరణంలో ఉన్నందున వారి దుస్తులపై రేడియేషన్‌ ఆనవాళ్లు కనిపించి ఉండొచ్చని అభిప్రాయపడ్డారు. అయితే, ఈ వివరణపైనా భిన్నాభిప్రాయాలు వ్యక్తమయ్యాయి.ఇంతకీ అసలా రాత్రి ఏం జరిగింది? వారంతా ఎలా చనిపోయారు... అనే ప్రశ్నలకు సమాధానాలు మాత్రం నేటికీ ఆ యూరల్‌ పర్వతాల మంచు పొరల కిందే నిక్షిప్తమై ఉండిపోయాయి.- సత్యకిశోర్‌ కొండ్రెడ్డి

తూర్పుగోదావరి: స్థానిక యూనియన్‌ బ్యాంకులో రూరల్‌ డెవలప్‌మెంట్‌ ఆఫీసర్‌ (ఆర్‌డీఓ)గా పనిచేస్తున్న గానుగపెంట సుప్రియ (28) మృతదేహం గురువారం లభ్యమైంది. ఈ నెల 17న బ్యాంకులో మొబైల్‌ ఫోన్, చొప్పెల్ల లాకుల వద్ద తన స్కూటర్, తాళం, పాదరక్షలు, కళ్లజోడు వదిలి అదృశ్యమైన సుప్రియ నాలుగు రోజుల అనంతరం తూర్పుగోదావరి జిల్లా కపిలేశ్వరపురం మండలంలోని కాలేరు వద్ద కోరంగి పంట కాలువలో శవమై తేలింది. ఆమె అదృశ్యమైనప్పటి నుంచి స్థానిక పోలీసులు ఎన్ని విధాల గాలించినా ఫలితం లేకపోయింది. చివరకు స్థానికుల సమాచారంతో పోలీసులు వెళ్లి మృతదేహాన్ని స్వా«దీనం చేసుకున్నారు. ఈ సమాచారాన్ని కడప జిల్లాలోని సింగారెడ్డిపల్లిలోని కుటుంబ సభ్యులకు బ్యాంకు అధికారులకు తెలియజేశారు. ఆమె మృతదేహాన్ని పోస్టుమార్టం నిమిత్తం మండపేట ప్రభుత్వాస్పత్రికి తరలించారు. ఎస్సై జి.నరేష్‌ కేసు దర్యాప్తు చేస్తున్నారు. బ్రాంచిలో చేరిన మూడు నెలల్లోనే.. శవమై సుప్రియ డాక్టర్‌ బీఆర్‌ అంబేడ్కర్‌ కోనసీమ జిల్లా కొత్తపేట యూనియన్‌ బ్యాంకు శాఖ నుంచి ఆలమూరు శాఖకు వచ్చిన మూడు నెలల్లోనే తూర్పు డెల్టా ప్రధాన కాలువలో దూకి ఆత్మహత్యకు పాల్పడ్డారు. అవసరమైతే తప్ప ఎవరితోనూ ఎక్కువగా మాట్లాడేవారు కాదని సహోద్యోగులు తెలిపారు. ఆమె తన తల్లితో కలిసి స్థానిక పోలీసు స్టేషన్‌ ఎదుటి వీధిలో నివసిస్తున్నారు. ఆమె మృతికి కారణాలు తెలియరాలేదు. ఆమె మృతితో సహోద్యోగులు విచారం వ్యక్తం చేశారు. చదవండి: వాషింగ్‌మిషన్‌ ప్లగ్‌ తీసేందుకు వెళ్లి..

మీరట్: ఉత్తరప్రదేశ్‌లోని మీరట్ జిల్లాలోని సివిల్ లైన్స్ పోలీస్ స్టేషన్ పరిధిలో ఒక హిందూ యువతి అనుమానాస్పద స్థితిలో అదృశ్యమైన ఘటన కలకలం రేపింది. మంగళవారం ఉదయం ఇంటి నుంచి బయటకు వెళ్లిన ఆ యువతి తిరిగి రాలేదు. దీంతో కుటుంబ సభ్యులు ఆచూకీ కోసం గాలించగా, కచేరీ మసీదు ఇమామ్ (మౌలానా) మన్సూర్ కుమారుడు ఫైజ్ ఆమెను మభ్యపెట్టి తన వెంట తీసుకెళ్లినట్లు ప్రాథమికంగా తెలిసింది. యువతి స్నేహితురాలి ద్వారా ఈ సమాచారం బయటకు రావడంతో కుటుంబ సభ్యులు తీవ్ర ఆందోళన చెందారు.అనంతరం అఖిల భారత హిందూ సురక్షా సంఘటన్ కార్యకర్తలతో కలిసి బాధిత కుటుంబీకులు సివిల్ లైన్స్ పోలీస్ స్టేషన్‌కు చేరుకుని ఆందోళన చేపట్టారు. నిందితుడిపై కఠిన చర్యలు తీసుకోవాలని డిమాండ్ చేస్తూ పోలీసులకు లిఖితపూర్వక ఫిర్యాదు అందజేశారు. తమ కుమార్తెను బలవంతంగా మతమార్పిడి చేసే అవకాశం ఉందని, ఆమె ప్రాణాలకు ముప్పు పొంచి ఉందని కుటుంబ సభ్యులు ఫిర్యాదులో ఆందోళన వ్యక్తం చేశారు. బాధితుల ఫిర్యాదు మేరకు పోలీసులు కేసు నమోదు చేసుకుని, నిందితుడి కోసం గాలింపు చర్యలు చేపట్టారు.ఇది కూడా చదవండి: జాబిల్లిపై రాకెట్ క్రాష్‌.. భారీ గుంతను గుర్తించిన నాసా!

పల్నాడు: విడాకులు తీసుకోకుండానే తన భార్య రెండో పెళ్లి చేసుకుందని మైదుకూరు పట్టణంలోని రాజీవ్‌ గాంధీ నగర్‌కు చెందిన కాకిమాను వెంకట నరేష్‌ మంగళవారం పోలీసులకు ఫిర్యాదు చేశారు. వివరాలు.. రాజీవ్‌ గాంధీ నగర్‌కు చెందిన రెడ్డప్ప కుమారుడు వెంకట నరేష్‌కు పల్నాడు జిల్లా చిన్నకొండాయపల్లెకు చెందిన తురుమెల్ల దుర్గారావు కుమార్తె ప్రవల్లికతో 2022 ఆగస్టు 13న పెద్దల సమక్షంలో వివాహం జరిగింది. కొన్నాళ్లకు నరేష్‌ భార్య రాజీవ్‌ గాంధీ నగర్‌కే చెందిన నరేష్‌ బంధువు అయిన తిరువాయిపాటి సందీప్‌తో వివాహేతర సంబంధం పెట్టుకుంది. ఆ విషయమై మామ రెడ్డప్ప, భర్త నరేష్‌.. ప్రవల్లికను మందలించారు. అది మనసులో పెట్టుకొని నరేష్‌తో, అత్తమామలతో ఆమె చీటికిమాటికి గొడవపడేది. భార్యాభర్తల మధ్య మనస్పర్థలు రావడంతో ప్రవల్లిక కాపురం చేయకుండా ఇంటి నుంచి వెళ్లిపోయింది. తన భార్య తన బంధువైన సందీప్‌ను వివాహం చేసుకున్నట్లు తెలియడంతో నరేష్‌ మంగళవారం పోలీసులకు ఫిర్యాదు చేశారు. మనస్పర్థలతో తాము దూరంగా ఉంటున్నామని, విడాకులు తీసుకోలేదని పోలీసులకు ఇచ్చిన ఫిర్యాదులో నరేష్‌ పేర్కొన్నారు. చట్టపరంగా విడాకులు తీసుకోకుండా, తన అనుమతి లేకుండా తన భార్య రెండో వివాహం చేసుకుందని తెలిపారు. తన భార్యపై, ఆమెను వివాహం చేసుకున్న సందీప్‌పై చర్యలు తీసుకోవాలని ఆయన కోరారు.

తూర్పుగోదావరి: రాజమహేంద్రవరంలో డాక్టర్‌ ప్రియాంక మృతి ఘటన సంచలనం సృష్టించింది. ఈ కేసు దర్యాప్తునకు తూర్పుగోదావరి జిల్లా అదనపు ఎస్పీ పాటిల్‌ దేవరాజ్‌ మనీష్‌ను విచారణ అధికారిగా ప్రభుత్వం నియమించింది. దీంతో డాక్టర్‌ ప్రియాంక కేసులో కీలక పరిణామాలు చోటుచేసుకోనున్నాయి. ఇప్పటివరకు వెలుగులోకి వచ్చిన అంశాలపై అనేక అనుమానాలు, ప్రశ్నలు వ్యక్తమవుతున్న నేపథ్యంలో ఈ విచారణకు ప్రాధాన్యం ఏర్పడింది. ముఖ్యంగా స్థానిక ప్రసాదిత్య మాల్‌ వద్ద ఘటన జరిగిన తేదీ నుంచి విషయం అధికారికంగా వెలుగులోకి వచ్చే వరకు గడిచిన సమయం ఏమిటి? ఆ మధ్యలో అసలు ఏం జరిగింది? ఈ ఘటనకు సంబంధించిన సమాచారం పోలీసులకు ఎప్పుడు చేరింది? చేరిన వెంటనే ఎలాంటి చర్యలు తీసుకున్నారు? అనే ప్రశ్నలకు స్పష్టమైన ఆధారాలను సేకరించనున్నారు. అదేవిధంగా ఘటనా స్థలంలోని సీసీ కెమెరాల ఫుటేజీ, మృతురాలి కాల్స్‌ డేటా, ఆమెతో చివరిగా మాట్లాడిన వ్యక్తులు, నిందితుల కదలికలు, వాహనాల ప్రయాణ వివరాలు, ఫోరెన్సిక్‌ ఆధారాలు, పోస్ట్‌మార్టం నివేదికతో పాటు ఇప్పటివరకు సేకరించిన ప్రతి ఆధారాన్ని విచారణ అధికారి పరిశీలించాల్సిన అవసరం ఉంది. అసలు పరీక్ష ఇక్కడే.. ఇప్పటికే బయటకు వచ్చిన సమాచారాన్ని మాత్రమే ధ్రువీకరించడమా? లేకుంటే ఘటనకు ముందు నుంచి, ఘటన జరిగిన సమయం నుంచి, ఆ తర్వాత విషయం వెలుగులోకి వచ్చే వరకు జరిగిన ప్రతి పరిణామాన్ని స్వతంత్రంగా పరిశీలించడమా? అనేది కీలకం. ఈ విచారణలో ప్రతి అనుమానానికి ఆధారాలతో సమాధానం లభిస్తేనే ప్రజల్లో నెలకొన్న సందేహాలు తొలగుతాయి. ఎవరి తప్పు ఉన్నా బయటపెట్టడం, దర్యాప్తులో ఎక్కడైనా లోపం జరిగి ఉంటే దానిని కూడా స్పష్టంగా వెల్లడించడం ఈ విచారణకు అసలు సవాల్‌. ఈ విచారణలో భాగంగా కేసు ఫైల్స్‌ను పాటిల్‌కు ప్రకాశ్‌నగర్‌ పోలీసులు అప్పగించారు.

పిఠాపురం: స్థానిక పంచాయతీరాజ్‌ ఏఈ నూకరాజు కుటుంబంతో సహా ఆత్మహత్యా యత్నానికి పాల్పడడం.. దానికి కారణాలు తెలుపుతూ సూసైడ్‌ నోట్‌ రాయడం అందరినీ కలచివేసింది. ఈ ఘటన పిఠాపురంలో కలకలం రేపింది. స్థానికులు, పోలీసుల వివరాల ప్రకారం.. నూకరాజుకు కుమారుడు, కుమార్తె ఉన్నారు. వారిని అల్లారుముద్దుగా పెంచి పెద్ద చేశారు. ఆనందంగా ఉంటున్న ఆ కుటుంబంలో విధి వక్రించింది. కుమారుడు కొన్నేళ్ల క్రితమే మృతి చెందడంతో విషాదం అలుముకుంది. దాని నుంచి తేరుకుని కుమార్తెకు జగదీశ్వరరావుతో పెళ్లి చేయగా, పండంటి మనువడు కార్తికేయరెడ్డి పుట్టడంతో వారింట్లో మళ్లీ ఆనందం వెల్లివిరిసింది. కుమార్తెను అల్లుడిని మనువడిని ఎంతో ప్రేమగా చూసుకుంటూ, కొడుకు చనిపోయిన లోటును మర్చిపోయి ఆనందంగా ఉంటున్న వారి కుటుంబంలోకి షేక్‌ సాధిక్‌ఖాన్‌ అనే వ్యక్తి వేధింపులు అల్లుడిని కూడా పొట్టన పెట్టుకున్నట్లు చెబుతున్నారు. గత జూలైలో అల్లుడు చనిపోవడం, షేక్‌ షాధిక్‌ఖాన్‌ వేధింపులు రోజురోజుకూ రెట్టింపు కావడంతో కుటుంబం అంతా ప్రతి రోజూ నరకం అనుభవించేదని బంధువులు అంటున్నారు. సమాజంలో బాధ్యతాయుతమైన పదవిలో (పంచాయతీరాజ్‌ ఏఈగా) ఉంటూ కంటికి రెప్పలా చూసుకునే కన్న కూతురికి ఎదురైన వేధింపుల నుంచి ఆమెను కాపాడలేని నిస్సాయస్థితిలో సమాజంలో తలదించుకుని బతకాల్సి వస్తుందన్న భయంతో తండ్రిగా నూకరాజు, ఆయన భార్య మీనా, కుమార్తె సౌజన్య, మనువడు కార్తికేయరెడ్డి బలవన్మరణానికి తెగించేలా చేసిందంటున్నారు. రాజమహేంద్రవరంలో గోదావరిలోకి దూకిన నూకరాజు, ఆయన భార్య, కుమార్తె గల్లంతు కావడం.. ఆయన మనువడికి మాత్రం ఈత రావడంతో ప్రాణాలతో బయటపడడం జరిగింది. ఇంకా సూసైడ్‌ నోట్లు ఉన్నాయా! నూకరాజుతో పాటు ఆయన కుమార్తె, భార్య సైతం తాము చనిపోతున్నట్లు దానికి కారణాలను తెలుపుతూ మరో రెండు సూసైడ్‌ నోట్లు రాసినట్లు ప్రచారం జరుగుతోంది. అయితే అవి బయటపడలేదంటున్నారు. వారు కూడా తమ బాధను వ్యక్తం చేస్తూ లెటర్లు రాసి ఆత్మహత్యాయత్నానికి ఒడిగట్టినట్లు సమాచారం. అయితే ఇప్పటి వరకు వారు రాసినట్లు చెబుతున్న సూసైడ్‌నోట్లు బయటపడలేదు. అటువంటివి ఏమైనా ఉన్నాయా అనే కోణంలో దర్యాప్తు చేస్తున్నట్లు పోలీసులు చెబుతున్నారు. దిగ్భ్రాంతిలో పిఠాపురం పిఠాపురంలో పంచాయతీ రాజ్‌ ఏఈగా పనిచేస్తున్న నూకరాజు కుటుంబంతో సహా ఆత్మహత్య చేసుకున్నారన్న వార్తను పిఠాపురంలో సహచర ఉద్యోగులతో పాటు పలువురు ప్రజాప్రతినిధులు జీరి్ణంచుకోలేక పోతున్నారు. అందరితో కలుపుగోరుతనంగా ఉంటూ ఎవరినీ ఇబ్బంది పెట్టకుండా తన పని తాను చేసుకుపోయే మంచి మనస్తత్వం ఉన్న వ్యక్తిగా పేరున్న నూకరాజు హఠాత్తుగా ఆత్మహత్య చేసుకున్నారన్న విషయం తెలియడంతో పిఠాపురంలో నేతలు అధికారులు దిగ్భ్రాంతికి గురయ్యారు. 12 ఏళ్లుగా ఒకేచోట అదీ పిఠాపురంలో ఆయన పని చేస్తున్నారంటే ఆయన మంచితనమే ఇక్కడ ఇంతకాలం పనిచేసేలా చేసిందని సహచర ఉద్యోగులు చెబుతున్నారు. పిఠాపురంలో పోలీసుల విచారణ పిఠాపురం పంచాయతీరాజ్‌ విభాగంలో ఏఈగా పని చేస్తున్న నూకరాజు ఆత్మహత్యకు పాల్పడడంతో ఆ కార్యాలయంలో పోలీసులు విచారణ చేపట్టారు. ఆయన ఆత్మహత్యకు సూసైడ్‌ నోట్‌లో రాసిన కారణంతో పాటు ఇతర కారణాలు ఏమైనా ఉన్నాయా, ఆయన పని చేసేటప్పుడు ఎలా ఉండేవారు, ఇతర ఇబ్బందులు ఏమైనా ఉన్నాయా అనే కోణాల్లో సహచర ఉద్యోగులను అడిగి వివరాలు సేకరించారు. పిఠాపురం సీఐ శ్రీనివాస్‌ ఆధ్వర్యంలో పోలీసులు వివరాలు తీసుకున్నారు.గంటన్నరకు పైగా ఈతకొట్టి..కారులో ఊరికి వెళుతున్నామని బయలుదేరాం. చుట్టాలింటికి అనుకున్నాను. కానీ రాజమహేంద్రవరం బ్రిడ్జిపై కారు ఆపి అందరం దిగాం. నేను చూస్తుండగానే మా తాత, అమ్మమ్మ గోదావరిలోకి దూకేశారు. వారి వెనుక మా అమ్మ నా చేయి పట్టుకుని దూకేసింది. కానీ నేను బ్రిడ్జి రెయిలింగ్‌ పట్టుకుని ఉండిపోయాను. కానీ కొంతసేపటికి చేయిజారి పోయి గోదావరిలో పడిపోయాను. నాకు ఈత రావడం వల్ల సుమారు గంటన్నరకు పైగా కిలోమీటరు దూరం వరకు ఈత కొడుతూ పైకి తేలాను. ఇంతలో ఒక బోటు వచ్చి, నన్ను కాపాడిందని మృత్యుంజయుడిగా బయటపడిన కార్తికేయరెడ్డి చెబుతున్న మాటలు విన్న వారిని కలిచివేశాయి.

ఖమ్మం క్రైం: ఆటోపై కుక్క మూత్ర విసర్జన చేసిందనే కారణంతో మొదలైన వివాదం తీవ్రరూపం దాల్చగా ఓ యువకుడి మృతికి దారి తీసింది. అయితే, ఘర్షణ పడిన ఇద్దరి మధ్య పాత ఘర్షణలు ఉండడం గొడవ పెరగడానికి కారణమని తెలుస్తోంది. ఖమ్మం త్రీ టౌన్‌ ప్రాంతంలో ఈ ఘటన గురువారం అర్ధరాత్రి చోటు చేసుకుంది. ఉపాధి కోసం వచ్చిన కుటుంబాలుఖమ్మం రూరల్‌ మండలం పోలేపల్లికి చెందిన ఉండేటి ఏసు – నాగమణి దంపతులకు కుమారుడు శ్రీనాధ్‌ అలియాస్‌ పండు(24), కుమార్తె ఉన్నారు. శ్రీనాధ్‌ చిన్నప్పటి నుంచి త్రీటౌన్‌ ప్రాంతంలోని రంగనాయకుల గుట్ట ప్రాంతంలో అమ్మమ్మ వెంకటమ్మ, మేనమామ రాజు వద్ద ఉంటూ ఫ్లెక్సీ వర్కర్‌గా పనిచేస్తున్నాడు. ఆయన తల్లిదండ్రులు టేకులపల్లిలోని డబుల్‌ బెడ్‌రూమ్‌లో నివసిస్తున్నారు. ఇక రంగనాయకుల గుట్ట వద్దే మహబూబాబాద్‌ జిల్లా గార్ల మండలానికి చెందిన వేముల యల్లమ్మ తన కుమారుడైన మధుతో కలిసి కూలీ పనులు చేస్తూ అద్దె ఇంట్లో జీవిస్తోంది. కాగా, శ్రీనాధ్‌ – మధుకు మధ్య పాత గొడవలు ఉన్నాయి. ఈక్రమాన గురువారం రాత్రి 11గంటలు దాటాక మ«ధు తన పెంపుడు కుక్కను బయటకు తీసుకెళ్లగా శ్రీనాధ్, ఆయన స్నేహితుడు వీరేశ్‌తో కలిసి ఆటోలో కూర్చున్నారు. ఈమేరకు కుక్క వారు కూర్చున్న ఆటోపై మూత్రవిసర్జన చేయడమే కాక చీకట్లో ఉన్న శ్రీనాధ్, ఆయన స్నేహితుడిని చూసి మొరిగింది. దీంతో కావాలనే మధు తమపై కుక్కను ఉసిగొల్పాడని భావించి వాగ్వావాదానికి దిగారు. ఈక్రమాన ‘కుక్కను కట్టేసి వచ్చి సంగతి చూస్తా’ అంటూ మధు వెళ్లిపోయాడు. అక్కడి నుంచి శ్రీనాధ్, వీరేశ్‌ ఆయన ఇంటికి వెళ్లి గొడవ పడుతూ కర్రలతో కొట్టుకున్నారు. దీంతో క్షణికావేశంతో మధు ఇంట్లోకి వెళ్లి కూరగాయలు కోసే కత్తి తీసుకొచ్చి శ్రీనాధ్‌ను పలుమార్లు పొడవగా తీవ్ర రక్తస్రావంతో ఆయన సమీపంలోని డ్రెయినేజీలో పడి అపస్మారక స్థితికి చేరాడు. ఈలోగా శ్రీనాధ్‌ అమ్మమ్మ, మేనమామ చేరుకుని పెద్దాస్పత్రికి తరలించగా అప్పటికే మృతి చెందాడని వైద్యులు నిర్ధారించారు.పోలీసుల అదుపులో నిందితుడు?ఘటన సమాచారం అందుకున్న నగర ఏసీపీ రమణమూర్తి, త్రీటౌన్‌ సీఐ మోహన్‌బాబు, సిబ్బంది వచ్చేసరికి మధు పారిపోయాడు. కాగా, శ్రీనాధ్‌ మృతదేహంపై ఏడు కత్తిపోట్లు ఉండగా, పేగులు సైతం బయటకు రావడంతో మృతి చెందినట్లు భావిస్తున్నారు. ఆయన మృతదేహాన్ని మార్చురీకి తరలించగా స్నేహితులు భారీగా తరలివచ్చారు. అలాగే, కాంగ్రెస్‌ నాయకులు రుద్రగాని ఉపేందర్, నల్లపు శ్రీను ఆయన కుటుంబీకులను పరామర్శించారు. మూడేళ్ల పంపింగ్‌ వెల్‌రోడ్డులో జరిగిన ఘర్షణలో సాయి అనే వ్యక్తి కత్తిపోట్లతో మృతి చెందా డు. మళ్లీ ఇప్పుడు తరహా గొడవ జరగడం గమనార్హం. కాగా, పరారీలో ఉన్న మధును పోలీసులు అదుపులోకి తీసుకుని విచారిస్తున్నట్లు తెలిసింది. మరోపక్క పోసుమార్టం అనంతరం శ్రీనాధ్‌ మృతదేహాన్ని రంగనాయకుల గుట్ట వద్ద ఇంటికి తీసుకొచ్చాక స్వగ్రామమైన పోలేపల్లికి తీసుకెళ్లారు. ఈక్రమాన పోలీసులు బందోబస్తు చేపట్టారు.

సాక్షి, సూర్యాపేట: మోతె మండల కేంద్రంలో దంపతుల హత్య కేసులో నిందితులను పోలీసులు అరెస్ట్‌ చేశారు. కానిస్టేబుల్‌ షరీఫ్‌తో పాటు మరో నిందితుడిని పోలీసులు అదుపులోకి తీసుకున్నారు. మృతురాలు బూబాతో షరీఫ్‌కు వివాహేతర సంబంధం కొనసాగుతుండగా.. మరో మహిళతోనూ షరీఫ్‌కు అక్రమ సంబంధం పెట్టుకున్నాడు. దీంతో మరో మహిళతో సంబంధంపై షరీఫ్‌ను బూబా నిలదీసింది. కొంతకాలంగా బూబా, షరీఫ్‌ మధ్య గొడవ జరుగుతుంది.ఓ నిర్మానుష్య ప్రాంతానికి షరీఫ్‌తో పాటు బూబా వెళ్లింది. మాటామాటా పెరిగి బూబాను షరీఫ్‌ హత్య చేశాడు. బూబాను హత్య చేసేందుకు షరీఫ్‌కు సుందరయ్య సహకరించాడు. అదే సమయంలో విషయం తెలుసుకుని ఘటనాస్థలికి వెళ్లిన బూబా భర్తను సైతం కొట్టి చంపిన కానిస్టేబుల్‌ షరీఫ్‌.. హత్యానంతరం దంపతుల డెడ్‌బాడీలను పాతిపెట్టాడు.దంపతులను హత్య చేసిన తర్వాత మోతె నుంచి సూర్యాపేట వెళ్లిపోయిన కానిస్టేబుల్ షరీఫ్.. బుధవారం యథావిధిగా విధులకు హాజరయ్యాడు. ఘటనా స్థలంలో మృతదేహాలను వెలికితీసే సమయంలో అక్కడే విధుల్లో పాల్గొన్న షరీఫ్.. తనకేం తెలియదన్నట్లు అమాయకంగా ప్రవర్తించారు. స్థానికులు.. ఘటనా స్థలంలోకి‌ వస్తున్న సమయంలో ఆధారాలు చెదిరిపోతాయంటూ అరుస్తూ షరీఫ్‌ ఏమీ తెలియనట్టు నటించాడు.అయితే, ఈ కేసులో సీసీ ఫుటేజ్ నిందితులను పట్టించింది. సుందరయ్య గుంతను పూడ్చేందుకు పార తీసుకెళ్తున్న విజువల్స్‌ సీసీ కెమెరాలో రికార్డయ్యాయి. సుందరయ్యను అదుపులోకి తీసుకుని‌ విచారించగా అసలు విషయం వెలుగులోకి వచ్చింది. గతంలోనే ఓసారి బూబా హత్యకు షరీఫ్ ప్లాన్ చేసినట్లు పోలీసులు గుర్తించారు. షరీఫ్ చంపిన బూబా వయస్సు 42 సంవత్సరాలు కాగా, హత్య చేసిన కానిస్టేబుల్ షరీఫ్ వయస్సు 26 సంవత్సరాలు.

అనంతపురం సెంట్రల్‌: ఓ మ్యాట్రిమోనీ ద్వారా వారిద్దరి మనసులు కలిశాయి. కొన్ని రోజులకే వివాహం చేసుకుని ఒక్కటయ్యారు. ఏమైందో తెలియదు కానీ పెళ్లైన నెలరోజులకే భర్త కాలయముడిగా మారి భార్యను కడతేర్చాడు. పోలీసుల కథనం మేరకు... శ్రీ సత్యసాయి జిల్లా కొత్తచెరువు మండలం పోతుకుంట గ్రామానికి చెందిన మహేష్‌ గుంటూరుకు చెందిన శాంతి (26)కి మధ్య ఓ మ్యాట్రిమొనీ వెబ్‌సైట్‌ ద్వారా పరిచయం కుదిరి మనసులు కలిశాయి. నెలరోజుల క్రితం ఇద్దరూ వివాహం చేసుకున్నారు. ఇద్దరికీ ఇది రెండో పెళ్లి కావడం గమనార్హం. పెళ్లైన తర్వాత మహేష్‌ శాంతిలు అనంతపురం నగరంలోని యల్లమ్మకాలనీలో ఓ ఇంటిని అద్దెకు తీసుకుని కాపురం పెట్టారు. శాంతి ఇంట్లోనే ఉంటుండగా, మహేష్‌ ఓ ఆటో తీసుకొని పాల ప్యాకెట్ల వ్యాపారం చేసేవాడు. ఏమైందో తెలియదు కానీ, మూడు రోజుల క్రితం రోకలి బండతో మోది శాంతిని మహేష్‌ దారుణంగా హత్య చేశాడు. గుట్టు చప్పుడు కాకుండా ఇంటికి తాళం వేసి ఎక్కడికో పరారయ్యాడు. కొత్తగా పెళ్లయిన వారు కావడంతో భార్యాభర్తలిద్దరూ బంధువుల ఊళ్లకు వెళ్లారేమోనని ఇంటి యజమానులు భావించారు. బుధవారం ఇంట్లో నుంచి దుర్వాసన వస్తుండడంతో అనుమానం వచ్చి పోలీసులకు సమాచారం ఇచ్చారు. పోలీసులు ఇంటి తలుపులు బద్దలు కొట్టి చూడగా శాంతి రక్తపు మడుగులో విగతజీవిగా కనిపించింది. కేసు నమోదు చేసుకున్న పోలీసులు గుంటూరులో నివాసముంటున్న మృతురాలి బంధువులకు సమాచారం అందించారు. పోస్టుమార్టం నిమిత్తం మృతదేహాన్ని అనంతపురం ప్రభుత్వాసుపత్రికి తరలించారు. ఘటనా స్థలాన్ని అనంతపురం డీఎస్పీ చంద్రశేఖర్‌ పరిశీలించారు. మృతురాలి బంధువుల ఫిర్యాదు మేరకు కేసు నమోదు చేసి దర్యాప్తు చేస్తామని పోలీసులు వెల్లడించారు.

కంబాలచెరువు (రాజమహేంద్రవరం): వైద్య విద్యార్థిని ప్రియాంకను ఇద్దరు యువకులు కారుతో ఢీకొట్టడం.. రోజుల తరబడి మృత్యువుతో పోరాడి ఆమె మృతి చెందిన ఘటనలో ఎన్నో ప్రశ్నలు ఇప్పటికీ జవాబు లేనివిగానే కనిపిస్తున్నాయి. ఉభయ తెలుగు రాష్ట్రాలతో పాటు దేశవ్యాప్తంగా ఎంతో సంచలనం కలిగించిన ఈ దారుణం రాజమహేంద్రవరం ప్రసాదిత్య మాల్‌ వద్ద ఈ నెల 3వ తేదీ రాత్రి చోటు చేసుకుంది. ఆ తర్వాత మూడు రోజుల పాటు ఈ విషయం వెలుగులోకి రాలేదు. దీనికి తెర వెనుక అధికార పార్టీ నగర నాయకులు కథ నడిపారనే విమర్శలు వచ్చాయి. వారెవరనేది సర్వత్రా చర్చనీయాంశమైంది. మరోవైపు ఈ అపవాదును తుడుచుకునేందుకు అటు పోలీసులు, ఇటు నగర ప్రజాప్రతినిధులు పోటీ పడిన తీరుపై ప్రజలు విస్మయం వ్యక్తం చేస్తున్నారు. ఈ ప్రమాదంలో ప్రియాంక తీవ్రంగా గాయపడి, చావుబతుకుల్లో ఉన్నా ఎవ్వరూ పట్టించుకోకపోవడంతో ఆమె బంధువులు ఈ నెల 5వ తేదీ రాత్రి 10 గంటల సమయంలో సాక్షికి ఈ సమాచారం అందించారు. దీంతో ఈ విషయం వెలుగులోకి వచ్చింది. తెర వెనుక వ్యక్తులెవరు? ఆ రోజు ప్రసాదిత్య మాల్‌ వద్ద సూరారపు ధస్వంత్, ఆండ్రు జోసెఫ్‌ ఎడ్వర్డ్‌ మద్యం తాగి, తమ కారుతో ప్రియాంక ఉన్న ద్విచక్ర వాహనాన్ని ఉద్దేశపూర్వకంగానే మూడుసార్లు ఢీకొన్నారు. అనంతరం, ఆమె తలపై నుంచి కారు ఎక్కించి, అక్కడి నుంచి వేగంగా వెళ్లిపోయారు. ఈ ఘోరంపై అదే రోజు రాత్రి పోలీసులకు సమాచారం అందింది. ఆ రోజు రాత్రి స్థానిక స్వతంత్ర ఆసుపత్రికి వెళ్లి, ఈ సంఘటనలో గాయపడిన ప్రియాంక స్నేహితుడి వాంగ్మూలం సేకరించారు. ప్రియాంకను ఢీకొన్న వెంటనే అక్కడి నుంచి వేగంగా వెళ్లిపోయిన కారును పోలీసులు ఆ మర్నాడు కానీ సీజ్‌ చేయలేదు. తీవ్రమైన ఈ సంఘటన సమాచారాన్ని పోలీసులు తొలుత బహిర్గతం చేయలేదు. దీంతో, కొంత మంది కూటమి నాయకులు వారిపై ఒత్తిడి తెచ్చారనే ఆరోపణలు వచ్చాయి. ఈ దారుణాన్ని చిన్న ప్రమాదంగా కూడా చూపించేందుకు ప్రయత్నాలు జరిగాయని, దీని వెనుక ఉన్న పెద్దలెవరనే ప్రశ్నలు సర్వత్రా వస్తున్నాయి. ఆ సమయంలో దర్యాప్తు అధికారికి వచ్చిన ఫోన్లపై సైతం పలువురు అనుమానాలు వ్యక్తం చేస్తున్నారు. వివాదం పెద్దది అవుతూండటంతో పోలీసులు ఎట్టకేలకు నిందితుల్ని అరెస్టు చేసి, ప్రమాదానికి కారణమైన కారును సీజ్‌ చేసి, స్టేషన్‌ వద్ద ప్రదర్శనకు పెట్టారు. ఆ సమయంలో కారు నంబర్‌ ప్లేట్‌ కూడా లేకపోవడంతో ప్రమాదం నుంచి తప్పించుకునేందుకు నిందితులు ప్రయతి్నంచారనే విషయం స్పష్టమవుతోంది. ప్రసాదిత్య మాల్‌లో సీసీ కెమెరాల్లో ఈ సంఘటన నమోదై ఉండకపోతే ఈ సంఘటన వెలుగులోకే వచ్చేది కాదని పలువురు అంటున్నారు. ఒకరిపై ఒకరు నింద వేస్తూ.. కారు ఢీకొన్న సమయంలో అక్కడే కొందరు మీడియా ప్రతినిధులున్నారనే ఆరోపణలు కూడా వచ్చాయి. వారెవరనేది కూడా పోలీసులు తేల్చాల్సి ఉంది. నిందితుల్లో ఒకరు విదేశాలకు వెళ్లాల్సి ఉండటంతో.. ఉద్దేశపూర్వకంగానే ఈ దారుణ ఘటనలో అలసత్వం ప్రదర్శించారనే ఆరోపణలు కూడా ఉన్నాయి. ఈ నేపథ్యంలోనే ఈ ఘటనను చిన్నదిగా చూపించేందుకు ఎవరి ప్రయత్నం వారు చేసినట్లు అనుమానాలు వ్యక్తమవుతున్నాయి. దీని వెనుక లక్షల రూపాయలు చేతులు మారాయనే ఆరోపణలు కూడా వస్తున్నాయి. ప్రకాశ్‌ నగర్‌ పోలీస్‌ స్టేషన్‌ వద్ద ప్రియాంక తండ్రి విలేకర్లతో మాట్లాడిన రోజే ఆయనను అధికార పార్టీ ప్రజాప్రతినిధులు హడావుడిగా హైదరాబాద్‌కు వెంట పెట్టుకుని వెళ్లారని, దీనిలో ఆంతర్యమేమిటనే ప్రశ్న కూడా జవాబు లేనిదిగానే మిగిలింది. ఈ సంఘటనపై ఉన్నత స్థాయి దర్యాప్తు జరిగితేనే అసలు విషయాలన్నీ వెలుగులోకి వస్తాయనే అభిప్రాయం సర్వత్రా వ్యక్తమవుతోంది. అందుకేనా హైదరాబాద్‌కు?కారు ఢీకొనడంతో తీవ్రంగా గాయపడిన ప్రియాంకను స్వతంత్ర ఆసుపత్రికి తరలించారు. అక్కడ నిపుణులైన వైద్యులతో చికిత్స అందించారు. ఈ దారుణాన్ని సాక్షి మొదటిసారి వెలుగులోకి తీసుకువచ్చింది. అనంతరం, సోషల్‌ మీడియాలో కారు ఢీకొన్న ఘటన వీడియో క్లిప్పింగ్‌లు హల్‌చల్‌ చేయడంతో విద్యార్థి వర్గాలు ఆవేదన, ఆపై ఆగ్రహంతో రగిలిపోయాయి. ఇది మరింత ముదిరి ఆందోళనకు దారి తీస్తుందనే భయంతోనే ప్రియాంకను మెరుగైన చికిత్స పేరుతో హైదరాబాద్‌కు పంపించారనే విమర్శలు సర్వత్రా వ్యక్తమవుతున్నాయి. ఉభయ గోదావరి జిల్లాల్లోనే ప్రధాన ఆసుపత్రి అయిన జీఎల్‌ఎస్‌ ట్రస్టు ఆ మాత్రం వైద్యం అందించలేదా అని పలువురు ప్రశ్నిస్తున్నారు. ఆమెను ఉద్దేశపూర్వకంగానే ఇక్కడి నుంచి తరలించారని అనుమానం వ్యక్తం చేస్తున్నారు.

కొన్ని కొన్ని సందర్భాల్లో పరిస్థితులు అనూహ్యంగా మారిపోతుంటాయి.. కాసేపటి క్రితం వరకు ఒకరినొకరు ఎదుర్కొన్నవారే.. ఆ తర్వాత ఒకరికొకరు అండగా నిలుస్తుంటారు. రాంచీలో నిరసనల సందర్భంలో వర్షం కారణంగా కనిపించిన ఈ దృశ్యం కూడా అలాంటి ఆసక్తికర ఘటనే..!రాంచీలో జేపీఎస్సీ అవకతవకలకు వ్యతిరేకంగా విద్యార్థులు చేపట్టిన అసెంబ్లీ ముట్టడి ఉద్రిక్తంగా మారింది. దీంతో రాష్ట్రవ్యాప్తంగా తరలివచ్చిన విద్యార్థులను అడ్డుకునేందుకు పోలీసులు లాఠీచార్జీ, వాటర్‌ క్యానన్లు, టియర్‌ గ్యాస్‌ ప్రయోగించారు. అయినప్పటికీ విద్యార్థులు వెనక్కి తగ్గకుండా ఆందోళన కొనసాగించారు.అయితే, అదే సమయంలో ఒక్కసారిగా భారీ వర్షం కురవడంతో పరిస్థితి అంతా మారిపోయింది. వర్షం నుంచి రక్షించుకునేందుకు విద్యార్థులు గొడుగులు తెరవగా.. వారిని అడ్డుకుంటున్న కొందరు పోలీసు సిబ్బంది కూడా అదే గొడుగుల కిందకు చేరారు.కాసేపటి క్రితం వరకు లాఠీలు, వాటర్‌ క్యానన్లతో విద్యార్థులను చెదరగొట్టిన పోలీసులు.. ఇప్పుడు అదే విద్యార్థుల గొడుగుల కిందకు చేరి వర్షం నుంచి తలదాచుకోవడం ఆసక్తికరంగా మారింది. పోలీసు, నిరసనకారుల మధ్య కనిపించిన ఈ మానవీయ దృశ్యాలు అక్కడున్న వారిని ఆశ్చర్యంతోపాటు ఎంతో ఆకట్టుకున్నాయి.ప్రకృతి ముందు అందరూ సమానమేనని చాటిచెప్పిన ఈ ఘటనకు సంబంధించిన ఫొటోలు సోషల్‌ మీడియాలో ఇప్పుడు వైరల్‌గా మారాయి. వ్యవస్థపై నిరసన వ్యక్తం చేస్తున్న విద్యార్థులు.. విధులు నిర్వర్తిస్తున్న పోలీసులను వ్యక్తిగత శత్రువులుగా చూడలేదనే విషయాన్ని ఈ దృశ్యాలు చాటిచెప్పాయని పలువురు వ్యాఖ్యానిస్తున్నారు.

శ్రీకాకుళం క్రైమ్‌ : టీడీపీ నేతల ఒత్తిడితో వైఎస్‌ జగన్‌ జిల్లా పర్యటన నాడు ఘటనా స్థలిలో లేని వ్యక్తిపై హత్యాయత్నం, ఇతర నాన్‌బెయిల్‌బుల్‌ సెక్షన్లు ఆపాదించిన పోలీసులు.. ఇప్పుడు తూచ్‌ తూచ్‌ అంటున్నారు. మహిళా ఎస్‌ఐపై అనుచిత ప్రవర్తన కేసులో వైఎస్సార్‌సీపీ ఆమదాలవలస ఇన్‌చార్జి చింతాడ రవికుమార్‌తో పాటు మరో 20 మందిపై అక్రమ కేసులు కట్టి రిమాండ్‌కు పంపిన విషయం విదితమే. వీరిలో ఓ ప్రైవేటు ఉద్యోగి గురుగుబెల్లి తేజేశ్వరరావు పంజాబ్‌ యూనివర్సిటీలో అదే రోజు తన కుమార్తెతో ఉన్నట్లు ఆధారాలు నిర్ధారణ కావడంతో కేసు నుంచి ఆయనని తొలగిస్తున్నట్లు కోర్టుకు మెమో సమరి్పంచామని డీఎస్పీ వివేకానంద స్పష్టం చేయడం విశేషం. ఇప్పటికే ఈ అక్రమ కేసుకు సంబంధించి జిల్లా పీడీఎం కోర్టు ప్రిన్సిపల్‌ సివిల్‌ జడ్జి హత్యాయత్నం, ఉద్దేశపూర్వకంగా నేరం చేయు సెక్షన్‌లైన 109, 111 సెక్షన్లు వర్తించవని ఆదివారం రిమాండ్‌ రిపోర్టులో రాసిన విషయం పాఠకులకు విదితమే. ప్రజల్లో అబాసుపాలు.. టీడీపీ అధిష్టానం, స్థానిక నాయకత్వం ఒత్తిడి మేరకు పోలీసు ఉన్నతాధికారులు తమ పోలీసులతో ఇలాంటి నాన్‌బెయిల్‌బుల్‌ సెక్షన్లు వేయించడం, అదనంగా కేసులో మరో ఏడుగురిని కేసులో చేర్చడం, రి మాండ్‌కు తరలించే సమయంలో చింతాడ రవిని రెండు చోట్ల హైకోర్టు నిబంధనలు కాలరాసి నడిపించుకుని తీసుకువెళ్లడం వంటి అంశాలతో ప్రజల్లో అబాసుపాలయ్యారు. ఈ కేసులో 14 మంది రిమాండ్‌కు వెళ్లడం తెలిసిందే. మరికొంతమంది మంగళవారం ఆమదాలవలస స్టేషన్‌లో లొంగిపోతున్నట్లు సమాచారం. మరోసారి అప్పలరాజును కస్టడీ కోరిన పోలీసులు.. అంపోలు జైలులో ఉన్న మాజీ మంత్రి సీదిరి అప్పలరాజును కాశీబుగ్గ పోలీసులు మరోసారి కస్టడీ విచారణ కోరుతూ సోమవారం పలాస కోర్టులో పిటిషన్‌ వేసినట్లు సమాచారం.

ఫుకెట్‌ నుంచి ఢిల్లీకి వస్తున్న ఎయిర్‌ ఇండియా విమానం గాల్లో ఒక్కసారిగా 300 అడుగుల ఎత్తు కోల్పోయిన ఘటనలో కొత్త అనుమానాలు తెరపైకి వస్తున్నాయి. తొలుత తీవ్ర టర్బులెన్స్‌ కారణంగా భావించిన ఈ ఘటనలో.. విమానంలోని సాంకేతిక వ్యవస్థల పనితీరుపై ఇప్పుడు దర్యాప్తు అధికారులు దృష్టి సారించారు. ప్రయాణ సమయంలో చోటుచేసుకున్న పరిణామాలు, నమోదైన హెచ్చరికలు పలు ప్రశ్నలకు తావిస్తున్నాయి. అసలు ఏం జరిగిందన్నది తేల్చేందుకు ఎయిర్‌క్రాఫ్ట్‌ యాక్సిడెంట్‌ ఇన్వెస్టిగేషన్‌ బ్యూరో (AAIB) లోతైన విచారణ కొనసాగిస్తోంది.ఎయిర్‌ ఇండియాకు చెందిన ఏ320 విమానం AI2379 ఆగస్టు 4న ఫుకెట్‌ నుంచి ఢిల్లీకి బయలుదేరింది. ప్రయాణం సాధారణంగానే సాగుతుండగా.. అకస్మాత్తుగా విమానం ఎత్తు కోల్పోయింది. క్షణాల్లో జరిగిన ఈ పరిణామంతో ప్రయాణికుల్లో తీవ్ర భయాందోళన నెలకొంది. అయితే పైలట్లు పరిస్థితిని అదుపులోకి తీసుకురావడంతో విమానం సురక్షితంగా ఢిల్లీలో ల్యాండ్‌ అయింది.ఈ ఘటనలో ప్రయాణికులు, సిబ్బంది కలిపి 17 మంది గాయపడ్డారు. విమానం ఒక్కసారిగా కిందకు జారిన సమయంలో క్యాబిన్‌లో గందరగోళ పరిస్థితి నెలకొందని ప్రయాణికులు తెలిపారు. కొందరు సీట్ల నుంచి కదిలిపోయారని, ఆకస్మిక కుదుపులతో భయానికి గురయ్యారని చెప్పారు.సాంకేతిక లోపాలపై దర్యాప్తుఈ ఘటనపై దర్యాప్తులో భాగంగా విమానంలోని పలు సాంకేతిక అంశాలు ఇప్పుడు పరిశీలనలోకి వచ్చాయి. ప్రయాణ సమయంలో విమాన వ్యవస్థలు ఎలా స్పందించాయి? ఏ హెచ్చరికలు నమోదయ్యాయి? ఎత్తు కోల్పోయిన సమయంలో కంట్రోల్‌ సిస్టమ్స్‌ పనితీరు ఎలా ఉంది? అనే అంశాలపై అధికారులు వివరాలు సేకరిస్తున్నారు.ఆటోపైలట్‌ డిస్‌కనెక్ట్‌.. మాన్యువల్‌ కంట్రోల్‌లోకి పైలట్‌దర్యాప్తు వివరాల ప్రకారం.. విమాన ప్రయాణ సమయంలో ఆటోపైలట్‌ వ్యవస్థ డిస్‌కనెక్ట్‌ అయినట్లు తెలుస్తోంది. దీంతో కో–పైలట్‌ మాన్యువల్‌గా విమాన నియంత్రణ చేపట్టాల్సి వచ్చింది. ఆ తర్వాత ఫ్లైట్‌ కంట్రోల్‌ వ్యవస్థకు సంబంధించిన హెచ్చరికలు కనిపించినట్లు సమాచారం. కొన్ని ఇండికేటర్‌ స్విచ్‌లు తాత్కాలికంగా పనిచేయకపోవడం వంటి అంశాలను కూడా అధికారులు పరిశీలిస్తున్నారు.హైడ్రాలిక్‌ వ్యవస్థలపైనా అనుమానాలువిమాన నియంత్రణలో కీలకమైన హైడ్రాలిక్‌ వ్యవస్థల్లోనూ సమస్యలు తలెత్తినట్లు సమాచారం. విమానం దిశను నియంత్రించడం, రెక్కల కదలికలు, ల్యాండింగ్‌ వ్యవస్థల పనితీరులో హైడ్రాలిక్‌ వ్యవస్థల పాత్ర కీలకం. అయితే ఈ వైఫల్యాలు విమానం 300 అడుగుల ఎత్తు కోల్పోవడానికి కారణమయ్యాయా? లేదంటే ఇతర సాంకేతిక సమస్యలతో కలిసి ప్రభావం చూపించాయా? అన్నది దర్యాప్తులో తేలాల్సి ఉంది.‘సీరియస్‌ ఇన్సిడెంట్‌’గా డీజీసీఏ గుర్తింపుఈ ఘటనను డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ (DGCA) తీవ్ర ఘటనగా వర్గీకరించింది. దీనిపై AAIB దర్యాప్తు చేపట్టింది. విమానంలోని ఫ్లైట్‌ డేటా రికార్డర్‌, కాక్‌పిట్‌ వాయిస్‌ రికార్డర్‌, ఇతర సాంకేతిక వ్యవస్థలను అధికారులు విశ్లేషిస్తున్నారు. విమానం ఎప్పుడు ఎత్తు కోల్పోయింది? ఆ సమయంలో ఏ వ్యవస్థలు పనిచేశాయి? లోపాలు ఏ క్రమంలో వచ్చాయి? అనే అంశాలపై దర్యాప్తు కొనసాగుతోంది.ఎయిర్‌బస్‌, ఫ్రాన్స్‌ నిపుణుల సహకారంఏ320 విమానం కావడంతో తయారీ సంస్థ ఎయిర్‌బస్‌ నిపుణులు కూడా విచారణలో భాగమవుతున్నారు. అంతర్జాతీయ నిబంధనల ప్రకారం ఫ్రాన్స్‌కు చెందిన విమాన ప్రమాద దర్యాప్తు సంస్థ BEA సాంకేతిక సహకారం అందించనుంది. విమాన సాఫ్ట్‌వేర్‌, కంట్రోల్‌ సిస్టమ్స్‌, హార్డ్‌వేర్‌ పనితీరును నిపుణులు పరిశీలించనున్నారు.పైలట్ల పరీక్షలపైనా దృష్టిఘటన తర్వాత నిబంధనల ప్రకారం ఇద్దరు పైలట్లకు మాదకద్రవ్య పరీక్షలు నిర్వహించారు. పైలట్‌ ఇన్‌ కమాండ్‌ నమూనాలో వచ్చిన ప్రాథమిక ఫలితం(విఫలమైనట్లు వచ్చింది!)పై మరింత నిర్ధారణ అవసరమని అధికారులు తెలిపారు. తుది నివేదిక వచ్చే వరకు ఎలాంటి నిర్ధారణకు రాలేమని స్పష్టం చేశారు. ఇద్దరు పైలట్లను తాత్కాలికంగా ఫ్లయింగ్‌ డ్యూటీల నుంచి తప్పించారు.విమానం ఎత్తు కోల్పోయి కుదుపులకు లోనుకావడానికి కేవలం వాతావరణ పరిస్థితులే కారణమా? లేదంటే సాంకేతిక లోపాలు కూడా ప్రభావం చూపించాయా? అన్నది ఇప్పుడు ప్రధాన ప్రశ్నగా మారింది. ఒకేసారి పలు విమాన వ్యవస్థలకు సంబంధించిన అంశాలు తెరపైకి రావడంతో దర్యాప్తు మరింత కీలకంగా మారింది.

సాక్షి, తూర్పుగోదావరి జిల్లా: ప్రియాంక ఘటన దురదృష్టకరమని జిల్లా ఎస్పీ నరసింహ కిషోర్ అన్నారు. రాజమండ్రిలో కారు ఢీకొన్న ఘటనలో తీవ్రంగా గాయపడిన వైద్య విద్యార్థిని డాక్టర్‌ ప్రియాంక ఆరోగ్య పరిస్థితి విషమంగా ఉన్న సంగతి తెలిసిందే. ఈ కేసు వివరాలను ఎస్పీ మీడియాకు వెల్లడించారు. ‘‘ఈ నెల మూడో తేదీ రాత్రి 10 గంటలకు మెడికల్ సమాచారం వచ్చింది...వెంటనే ప్రకాష్ నగర్ పీఎస్ పోలీసులు ఘటన స్థలానికి వెళ్లారు. ముందస్తు సమాచారంతో కేసు నమోదు చేశాం. ఆ మర్నాడు ఉదయానికి కల్లా నిందితులను గుర్తించాము. నిందితులు బైక్ మీద ఉన్న ప్రియాంకను మూడు సార్లు కారుతో ఢీకొట్టారు. ఇద్దరు నిందితులను విచారించి ఆరో తేదీన అరెస్ట్ చేశాం’’ అని ఎస్పీ తెలిపారు.‘‘గ్యాస్‌ కనెక్షన్‌ ఆధారంగా నిందితులను గుర్తించాం. నిందితులు మాల్‌లో కొందరితో ఘర్షణ పడ్డారు. ప్రియాంకది రోడ్డు ప్రమాదం కాదు.. క్రిమినల్‌ చర్య. ప్రియాంక ఫ్రెండ్‌ ఉమేశ్‌ స్టేట్‌మెంట్‌ను రికార్డ్‌ చేశాం. నిందితులపై హత్యాయత్నం కేసు నమోదు చేశాం. ప్రియాంక తండ్రికి ఈ కేసు విచారణపై బ్రీఫ్ చేశాం. నిందితులను పోలీసు కస్టడికీ తీసుకుంటున్నాం. ఉద్దేశపూర్వకంగా చేశారా? లేదా అనేదానిపై విచారణ చేస్తాం. ఘటన తరువాత ఒక చోటకు వెళ్లి నిందితులు పడుకున్నారు. నిందితులపై గతంలో కేసులు లేవు. నిందితులపై బీఎన్‌ఎస్‌ 110 సెక్షన్ నమోదు చేశామని ఎస్పీ పేర్కొన్నారు.

పెడన: కృష్ణా జిల్లా పెడన మండలంలోని బల్లిపర్రు గ్రామంలో ఉన్న ఓ బాలికల పాఠశాలలో ఇద్దరు విద్యార్థినులు అదృశ్యం కావడం, వారిని గుర్తించిన పోలీసులు క్షేమంగా విద్యా సంస్థకు చేర్చడంతో కథ సుఖాంతమైందని అంతా అనుకున్నారు. పోలీసుల విచారణలో ఈ అదృశ్యం వెనుక ఇద్దరు యువకుల ప్రమేయం ఉందని, వారు బాలికలపై లైంగికదాడి చేసినట్లు తేలింది. దీంతో వారిపై పోక్సో, లైంగికదాడి కేసులను శనివారం నమోదు చేశారు. పోలీసుల కథనం మేరకు.. ఈ నెల ఆరో తేదీన పాఠశాల నుంచి అదృశ్యమైన ఇద్దరు బాలికలు మచిలీపట్నంలోని కోనేరుసెంటరుకు చేరుకున్నారు. అనంతరం బందరు మండలం రుద్రవరం గ్రామానికి చెందిన ఆటో డ్రైవర్‌ మద్దాల శ్యామ్‌కిరణ్‌కు ఫోన్‌ చేశారు. బాలికల విషయం తెలుసుకున్న శ్యామ్‌కిరణ్‌ శారదానగర్‌కు చెందిన స్నేహితుడు ఆటో డ్రైవర్‌ కొక్కిలిగడ్డ సిద్దును వెంటతీసుకువెళ్లాడు. కోనేరుసెంటరులో ఉన్న ఇద్దరు బాలికలను వారిద్దరూ ఆటోలో ఎక్కించుకుని బందరు మండలం రుద్రవరం గ్రామంలోని టిడ్కో గృహాల వద్దకు తీసుకెళ్లారు. అక్కడ ఖాళీగా ఉన్న ఒక ప్లాట్‌లోకి బాలికలను తీసుకువెళ్లి ఇరువురు యువకులు వారిపై లైంగికదాడికి పాల్పడ్డారు. అనంతరం బాలికలను రుద్రవరం తీసుకెళ్లి ఒక బాలిక ఇంటి సమీపంలో వారిని విడిచిపెట్టారు. మరుసటి రోజు ఒక బాలిక అస్వస్థతకు గురికావడంతో అనుమానం వచ్చిన కుటుంబ సభ్యులు నిలదీయగా ఆ బాలిక జరిగిన విషయం చెప్పింది. కుటుంబ సభ్యులు బాలికను తీసుకుని పోలీసులకు వద్దకు వెళ్లారు. బాలికలపై లైంగిక దాడి జరిగినట్లు గుర్తించిన పోలీసులు ఇద్దరు ఆటో డ్రైవర్లపై పోక్సో, లైంగికదాడి కేసు నమోదు చేసినట్లు పెడన పోలీసులు తెలిపారు. జరిగిన సంఘటనపై ఉన్నతాధికారుల ఆదేశాలతో దర్యాప్తును ముమ్మరం చేసినట్లు వారు పేర్కొన్నారు.చదవండి: ఇద్దరు బాలికల అదృశ్యంతో హైటెన్షన్‌

1945 మార్చి 3 – జపాన్‌ రాజధాని టోక్యో సమీపంలోని ఇవోజిమా ద్వీపం...రెండో ప్రపంచ యుద్ధం ఉద్ధృతంగా సాగుతున్న సమయం... అప్పుడే అమెరికాకు చెందిన యుద్ధ విమాన పైలట్‌ జేమ్స్‌ హూస్టన్‌– యుద్ధనౌక నుంచి టేకాఫ్‌కు సిద్ధమయ్యాడు.‘జాక్‌! ఈరోజు శత్రువుల పీచమణిచి విజయంతో తిరిగొస్తా. పార్టీ చేసుకుందాం’ అని తన సహచరుడికి చెప్పి ఇవోజిమా ద్వీపం వైపు దూసుకెళ్లాడు జేమ్స్‌ హూస్టన్‌. జపాన్‌ సేనలపై బాంబుల వర్షం కురిపించాడు. అయితే, జపాన్‌ సైన్యం చేసిన దాడిలో ఇంజిన్‌కు మంటలంటుకుని విమానం సముద్రంలో కూలిపోయింది. విమానంలో ఉన్న జేమ్స్‌ చనిపోయాడు.2000 ఏప్రిల్‌ 10 – అమెరికాలోని లూసియానాలో నివసించే బ్రూస్‌ లైనింజర్, ఆండ్రియా లైనింజర్‌ దంపతులు తమ రెండేళ్ల కుమారుడు జేమ్స్‌ లైనింజర్‌తో కలిసి ఎప్పటిలాగే నిద్రకు ఉపక్రమించారు. అర్ధరాత్రి అకస్మాత్తుగా ఆ బాలుడు గట్టిగా కేకలు వేశాడు.‘విమానం కాలిపోతోంది! మంటలు అంటుకున్నాయి! ఆ చిన్న మనిషి బయటకు రాలేకపోతున్నాడు... కాపాడండి!’ అంటూ అరిచాడు. దీంతో ఉలిక్కిపడ్డ అతడి తల్లిదండ్రులు జేమ్స్‌ను దగ్గరకు తీసుకుని బుజ్జగించి నిద్రపుచ్చారు. ఇక ఆ రోజు నుంచి వారికి నిద్ర కరువైంది. ప్రతిరోజూ రాత్రివేళ నిద్రపోతున్న బాలుడు ఉన్నట్టుండి గాల్లో కాళ్లు, చేతులు విసిరేస్తూ, ఊపిరి ఆడనట్లు విలవిలలాడిపోయేవాడు. చెమటలతో తడిసిపోతూ గట్టిగా కేకలు వేసేవాడు.వారంలో నాలుగైదు రోజులు ఇదే సీన్‌. మొదట్లో తల్లిదండ్రులు ఏదో పీడకల అనుకున్నారు. కానీ అంతకంతకూ ఆ చిన్నారి ప్రవర్తన విచిత్రంగా మారింది. బొమ్మ విమానాలతో ఆడుకుంటూ, వాటిని నేలకేసి కొడుతూ ‘విమానం క్రాష్‌ అయిపోయింది’ అని అరిచేవాడు.రోజులు గడిచేకొద్దీ ఆ చిన్నారి చెబుతున్న మాటలకు తల్లిదండ్రులు షాకయ్యేవారు. ఆ వయసు పిల్లలకు అస్సలు తెలియని ‘విమాన çపరిభాష’ గురించి జేమ్స్‌ మాట్లాడటం చూసి నిర్ఘాంతపోయేవారు. విమానం కింద ఉండే ‘డ్రాప్‌ ట్యాంక్‌’ గురించి, దాన్ని ఎలా డిస్‌కనెక్ట్‌ చేయాలో స్పష్టంగా చెప్పేవాడు. దీంతో ఒకరోజు తండ్రి బ్రూస్‌ తన కొడుకుని దగ్గరకు తీసుకుని నెమ్మదిగా ఆరా తీశాడు.‘నాన్నా, అసలు ఆ విమానం ఎక్కడి నుంచి ఎగిరేది?’ అని అడిగితే, ‘అది నటోమా అనే పెద్ద యుద్ధనౌక మీద నుంచి ఎగిరేది డాడీ’ అని బదులిచ్చాడు. ఆ చిన్న మనిషి ఎవరు నాన్నా అని ప్రశ్నిస్తే, ‘అది నేనే.. నా పేరు కూడా జేమ్సే’ అని సమాధానమిచ్చాడు. ‘నీతో పాటు ఇంకెవరైనా ఉన్నారా?’ అంటే.. ‘నా బెస్ట్‌ ఫ్రెండ్‌ జాక్‌ లార్సన్‌ నాతోనే ఉండేవాడు’ అని చెప్పాడు. ‘జపాన్‌ సైనికులు తన విమానం ఇంజిన్‌ పై దాడి చేసి కూల్చివేశారు. విమానానికి మంటలు అంటుకుని సముద్రంలో పడిపోయి చనిపోయాను’ ఆ పసివాడు కళ్లు పెద్దవి చేసి మరీ వివరించాడు.ఇదంతా పసివాడి ఊహాజనిత కథ అని నిరూపించాలని బ్రూస్‌ నిశ్చయించుకున్నాడు. సైనిక రికార్డులు, రెండో ప్రపంచ యుద్ధ పత్రాలను జల్లెడ పట్టాడు. అవి చూసిన తర్వాత ఆయన వెన్నులో వణుకు పుట్టింది.పసిఫిక్‌ మహాసముద్రంలో రెండో ప్రపంచ యుద్ధంలో పాల్గొన్న అమెరికన్‌ ఎయిర్‌క్రాఫ్ట్‌ క్యారియర్‌ పేరు యూఎస్‌ఎస్‌ నటోమా బే అని, ఆ నౌకపై జాక్‌ లార్సన్‌ అనే పైలట్‌ పనిచేశాడని, అప్పటికి ఆయన ఇంకా జీవించే ఉన్నాడని తెలుసుకున్నాడు.1945 మార్చి 3న జేమ్స్‌ హూస్టన్‌ జూనియర్‌ అనే 21 ఏళ్ల పైలట్‌ విమానంపై జపాన్‌ సైనికులు దాడి చేయడంతో అది సముద్రంలో కూలిపోయి అతడు మరణించాడని మిలిటరీ రికార్డులను బట్టి బ్రూస్‌ నిర్ధారణకు వచ్చాడు. ఈ నమ్మలేని నిజాలను ప్రత్యక్షంగా నిరూపించుకోవడానికి లైనింజర్‌ కుటుంబం– చనిపోయిన పైలట్‌ జేమ్స్‌ హూస్టన్‌ సోదరి యాన్‌ బారన్‌ దగ్గరకు వెళ్లింది. అప్పటికి వృద్ధురాలైన యాన్‌ బారన్‌ ను చూడగానే జేమ్స్‌– పరిగెత్తుకుంటూ వెళ్లి ‘అక్కా’ అంటూ ఆప్యాయంగా హత్తుకున్నాడు. వారి చిన్నతనంలో ఆడుకున్న ఆటలు, హూస్టన్‌ ఇంట్లో ఉన్న బొమ్మల పేర్లు, కేవలం ఆ ఇద్దరికీ మాత్రమే తెలిసిన కుటుంబ విషయాలను పూసగుచ్చినట్లు చెప్పాడు.అవన్నీ విన్న తర్వాత ఆనందబాష్పాలతో యాన్‌ బారన్‌ అన్న మాట: ‘ఇతడు నా తమ్ముడు జేమ్స్‌ హూస్టన్‌... నా తమ్ముడే మళ్లీ పుట్టాడు’ అని ఆనందంతో ఉబ్బితబ్బిబ్బయ్యారు. అనంతరం అప్పటికి బతికి ఉన్న సహచర పైలట్‌ జాక్‌ లార్సన్‌ను కలిసినప్పుడు కూడా చిన్నారి జేమ్స్‌ ఆయనను గుర్తుపట్టి, నాటి యుద్ధ జ్ఞాపకాలను పంచుకున్నాడు.చిన్నారి జేమ్స్‌ లైనింజర్‌ కథ ప్రపంచవ్యాప్తంగా అంతర్జాతీయ మీడియాను, పారాసైకాలజీ పరిశోధకులను ఆకర్షించింది. గత జన్మ వివరాలన్నీ చెప్పిన జేమ్స్‌... తను మరణించిన జపాన్‌ సముద్ర తీర ప్రాంతానికి వెళ్లి నివాళులర్పించాడు. అంతే, అప్పటి నుంచి అతడికి పీడకలలు రావడం ఆగిపోయాయి. శాస్త్రవేత్తలు, డాక్టర్లు దీనికి ఎటువంటి శాస్త్రీయ వివరణ ఇవ్వలేకపోయారు. ప్రస్తుతం సాధారణ యువకుడిలా జీవితం గడుపుతున్న జేమ్స్‌ లైనింజర్‌ కథ– ‘పునర్జన్మ’ ఉందనే నమ్మకానికి ప్రపంచంలోనే అత్యంత బలమైన, సజీవ ఆధారంగా ఉంది.- సత్యకిశోర్‌ కొండ్రెడ్డి

చిలకలూరిపేట: వివాహేతర సంబంధం నేపథ్యంలో మహిళ అనుమానాస్పద స్థితిలో మృతి చెందిన సంఘటన పల్నాడు జిల్లా చిలకలూరిపేట పట్టణంలో శుక్రవారం వెలుగు చూసింది. పోలీసులు తెలిపిన వివరాలు ఇలా ఉన్నాయి. పట్టణంలోని వైఎస్సార్‌ కాలనీకి చెందిన నూర్‌ బాష ఆశా (33) కొంతకాలంగా తన 12 ఏళ్ల కుమారుడితో కలసి తాగునీటి చెరువుకు వెళ్లే టిడ్కో గృహ సముదాయంలో నివాసం ఉంటుంది. సుమారు ఐదేళ్ల కిందట కుటుంబ కలహాల నేపథ్యంలో భర్తతో విడిపోయింది. కొంతకాలంగా తన మాజీ భర్త ఊరికి చెందిన పర్చూరు మండలం నూతలపాడు గ్రామానికి చెందిన, సుల్తాన్‌తో వివాహేతర సంబంధం ఏర్పడింది. సుల్తాన్‌ కూడా భార్యతో విడిపోయి వేరుగా ఉంటున్నాడు. ఈ క్రమంలో ఐదు రోజుల కిందట కుమారుడిని తెలిసిన వాళ్ల ఇంటిలో వదిలివేసి ప్రియుడు సుల్తాన్‌తో కలసి హైదరాబాద్‌ వెళ్లింది. అక్కడ మెకానిక్‌గా పనికి కుదిరిన సుల్తాన్‌ గురువారం ఉదయం పనుల నిమిత్తం షెడ్డుకు వెళ్లాడు. అతను పనిలో ఉండగా ఇంటి చుట్టుపక్కల వారు ఫోన్‌ చేసి ఆశా ఉరివేసుకొని ఆత్మహత్యకు పాల్పడి ఉన్నట్లు, తాము కిటికీలో నుంచి చూశామని సమాచారం అందించారు. దీంతో ఇంటికి చేరుకున్న సుల్తాన్‌ మృతదేహాన్ని తీసుకొని అంబులెన్స్‌లో ఎక్కించుకొని చిలకలూరిపేటలోని వైఎస్సార్‌ కాలనీ వద్దకు చేరుకున్నాడు. అంబులెన్స్‌కు బాడుగ డబ్బులు తీసుకువస్తానని వెళ్లి ఎంతకు రాకపోవడంతో అనుమానం వచ్చిన అంబులెన్స్‌ డ్రైవర్‌ డయల్‌ 100కు, పోలీసులకు సమాచారం ఇచ్చాడు. దీంతో చిలకలూరిపేట పట్టణ పోలీసులు అక్కడికి చేరుకొని మృతదేహాన్ని పోస్టుమార్టం నిమిత్తం చిలకలూరిపేట ప్రభుత్వ వైద్యశాలకు తరలించారు. సుల్తాన్‌ను అదుపులోకి తీసుకొని కేసు నమోదు చేసి దర్యాప్తు చేస్తున్నారు.

బెంగళూరు: సమయానికి సక్రమంగా వంట వండకుండా ఇంట్లో రీల్స్‌తో కాలం గడుపుతున్న భార్యను హత్య చేసినట్లు పోలీసుల ముందు భర్త నోరువిప్పాడు. కుంబళగోడు పోలీస్‌స్టేషన్‌ పరిధిలో 12 రోజుల క్రితం బెడ్‌షీట్‌లో మహిళ శవం చుట్టిన కేసు మిస్టరీని ఛేదించిన పోలీసులు హత్యకు కారణాలను పోలీసులు సేకరించారు. బిహార్‌కు చెందిన ధీరజ్‌ కుమార్‌(24), రీమా కుమారి(20) ప్రేమించుకున్నారు. ఇంట్లో వారికి తెలియకుండా బిహార్‌ నుంచి 10 నెలల క్రితం బెంగళూరుకు చేరుకుని ఇద్దరూ వివాహం చేసుకున్నారు. దంపతులు గేరుపాళ్యలో అద్దె ఇంట్లో నివాసం ఉంటూ సమీపంలోని పరిశ్రమలో పనికి వెళ్లేవారు. రీమా రీల్స్‌ చేయడానికి అలవాటు పడి ఇంట్లో సక్రమంగా వంట చేసేది కాదు. దీంతో కోపోద్రిక్తుడైన ధీరజ్‌కుమార్‌ భార్యతో గొడవ పడేవాడు. ప్రతినిత్యం ఇద్దరూ ఘర్షణ పడేవారు. రీమా ఇటీవల తాను బిహార్‌కు వెళ్లిపోతానని పట్టుబట్టింది. ఈక్రమంలో గత నెల 27న రాత్రి ధీరజ్‌కుమార్‌ విధులు ముగించుకుని ఇంటికి రాగా ఇంట్లో వంట వండలేదు. ఈ విషయంపై ఇద్దరి మధ్య గొడవ ఏర్పడి తీవ్ర స్థాయికి చేరడంతో చేతికి దొరికిన కర్రతో ధీరజ్‌కుమార్‌ రీమాపై దాడి చేశాడు. అనంతరం చున్నీతో రీమా గొంతు బిగించి చంపి ముఖానికి ప్లాస్టిక్‌ కవర్‌ చుట్టి మృతదేహాన్ని బెడ్‌షీట్‌లో చుట్టి బిహార్‌కు పారిపోయాడు. ఈ ఘటనపై కేసు నమోదు చేసిన కుంబళగోడు పోలీసులు పలు కోణాల్లో దర్యాప్తు చేపట్టి బిహార్‌లో ఉన్న ధీరజ్‌కుమార్‌ను అరెస్ట్‌ చేసి విచారణ చేపట్టగా అసలు విషయం వెలుగులోకి వచ్చింది.

సాక్షి, హైదరాబాద్‌: మెడికో ప్రియాంక పరిస్థితి అత్యంత విషమంగా ఉందని వైద్యులు తెలిపారు. నాలుగు రోజుల క్రితం రాజమండ్రిలో కారు ప్రమాదంలో ప్రియాంక గాయపడిన సంగతి తెలిసిందే. మద్యం మత్తులో ప్రియాంక బైక్‌ను యువకులు కారుతో ఢీకొట్టారు. ప్రియాంకపై నుంచి కారు దూసుకెళ్లడంతో బ్రెయిన్‌ డెడ్‌ అయ్యింది. రాష్ట్రవ్యా­ప్తంగా తూర్పుగోదావరి జిల్లా రాజమహేంద్రవరం వైద్య విద్యార్థిని ప్రియాంక ప్రమాద ఘటన సంచలనం రేపింది.ఘటనకు సంబంధించి లభ్యమైన సీసీ టీవీ ఫుటేజీలను పరిశీలిస్తే ఇది ప్రమాదం కాదని.. ఉద్దేశపూర్వకంగా చేసినదేనని స్పష్టమవుతోంది. ప్రమాదానికి కారణమైన యువకులు సూరారపు ధస్వంత్, ఆండ్రు జోసెఫ్‌ ఈ నెల మూడో తేదీ రాత్రి రాజమహేంద్రవరంలోని ఏవీ అప్పారావు రోడ్డులో ఉన్న ప్రసాద్‌ ఆదిత్యమాల్‌కు సినిమా చూసేందుకు కారులో వచ్చారు. వారు మద్యం మత్తులో ఉన్నట్టు అనుమానించిన మాల్‌ సిబ్బంది బ్రీత్‌ ఎనలైజర్‌తో పరిశీలించగా, ఆ యువకులు వారిపై దురుసుగా ప్రవర్తించారు.మద్యం తాగినట్టు నిర్ధారణ కావడంతో వారిని థియేటర్‌ లోపలికి అనుమతించలేదు. దీంతో ఆ యువకులు బయటకు వెళ్లే క్రమంలో నియంత్రణ లేకుండా కారును నడిపినట్టు సీసీ టీవీ ఫుటేజీల్లో నిర్ధారణ అయ్యింది. వారి కారు ఆదిత్య మాల్‌ గేటు దాటుతున్న సమయంలోనే... వైద్య విద్యార్థిని ప్రియాంక, ఆమె స్నేహితుడు మల్లి వెంకటదుర్గసాయి కూడా బైక్‌పై మాల్‌ గేటు దాటుతున్నారు. ఈ క్రమంలో యువకుల కారు వారి బైక్‌ని ఢీకొట్టింది. ప్రియాంక వారి వైపు కోపంగా చూడటంతో మరోసారి కారుతో వారి బైక్‌ను ఢీకొట్టారు. అలా మూడుసార్లు వెంటవెంటనే బైక్‌ని ఢీకొట్టారు. దీంతో బైక్‌ పైనుంచి ప్రియాంక కింద పడిపోయింది.ఇది చూసిన మాల్‌ సిబ్బంది కేకలు వేయడంతో యువకులు కారును వేగంగా దూసుకువెళ్లారు. ఈ క్రమంలో కిందపడిన ప్రియాంక తల పైనుంచి కారు ఎక్కి వెళ్లడం సీసీ టీవీ ఫుటేజీలో కనిపించింది. ప్రియాంకను ఆమె స్నేహితుడు, థియేటర్‌ సిబ్బంది హుటాహుటిన కంబాలచెరువులోని స్వతంత్ర ఆస్పత్రిలో చేర్చారు. పరిస్థితి అత్యంత విషమించడంతో అక్కడి నుంచి ఆమెను హైదరాబాద్‌కు తరలించారు. అక్కడి కిమ్స్‌ ఆస్పత్రి వైద్యులు ఆమెకు బ్రెయిన్‌ డెడ్‌ అయిందని, మృత్యువుతో పోరాడుతోందని వెల్లడించడం ఆందోళన కలిగిస్తోంది.ప్రమాద ఘటనపై థియేటర్‌ మేనేజర్‌ విజయ్‌ ఫిర్యాదు మేరకు ఒక కేసు, ప్రియాంక తండ్రి కనికే వెంకటేష్‌ ఫిర్యాదు మేరకు మరో కేసు నమోదయ్యాయి. సీసీ టీవీ ఫుటేజీల్లో నమోదైన కారు నంబర్‌ ఆధారంగా యువకులను పోలీసులు గుర్తించారు. వారిద్దరూ చింతల నామవరానికి చెందినవారుగా గుర్తించి అదుపులోకి తీసుకొని విచారణ చేస్తున్నారు. అయినా ప్రకాశ్‌నగర్‌ పోలీసులు మాత్రం ఇది మద్యం మత్తు­లో జరిగిన ప్రమా­దమేనని, ఉద్దేశపూ­ర్వకంగా జరి­గింది కాద­ని హడావిడిగా ప్రక­టించ డం పలు అనుమానాలకు తావిస్తోంది.

హైదరాబాద్: మద్యం మత్తులో ఓ వ్యక్తి కన్న కొడుకునే చంపడానికి ప్రయత్నించాడు. రోడ్డుపై వెళుతున్న డీసీఎం కింద తోసినా చనిపోకపోవడంతో ఫ్లై ఓవర్‌ పిల్లర్‌కేసి బాదాడు. అదృష్టవశాత్తు స్థానికులు అడ్డుకోవడంతో బాలుడు మృత్యువాత నుంచి తప్పించుకున్నాడు. ఈ సంఘటన బుధవారం గుడిమల్కాపూర్‌ పోలీస్‌స్టేషన్‌ పరిధిలో చోటు చేసుకుంది. ఇన్‌స్పెక్టర్‌ రామయ్య తెలిపిన వివరాల ప్రకారం గోల్కొండ ఫతేదర్వాజాకు చెందిన సల్మాన్‌ (25) సెంట్రింగ్‌ పనిచేస్తూ జీవనం సాగిస్తుంటాడు. ఇతడికి ముగ్గురు పిల్లలు. కొంతకాలంగా మద్యానికి బానిసగా మారిన సల్మాన్‌ భార్యతో నిత్యం గొడవపడుతూ ఉండేవాడు. మంగళవారం రాత్రి కూడా తీవ్రస్థాయిలో గొడవ జరిగింది. బుధవారం ఉదయం 6.30 గంటల ప్రాంతంలో సల్మాన్‌ తన కుమారుడు అర్మాన్‌(4)ను గోల్కొండ నుంచి పీవీఎన్‌ఆర్‌ ఎక్స్‌ప్రెస్‌వే పిల్లర్‌ నెంబర్‌ 104 వద్దకు తెచ్చాడు. మద్యం మత్తులో కుమారుడిని డీసీఎం ముందుకు తోశాడు. అదృష్టవశాత్తు డీసీఎం వాహనం బాలుడిపై వెళ్లలేదు. అయితే కుమారుడు చనిపోలేదన్న కోపంతో కసాయి తండ్రి చిన్నారి జుట్టును పట్టుకుని పిల్లర్‌కు కొట్టడం ప్రారంభించాడు. దీంతో స్థానికులు సల్మాన్‌ను అడ్డుకొని బాలుడిని కాపాడారు. పోలీసులు సల్మాన్‌ను అదుపులోకి తీసుకున్నారు. తీవ్ర గాయాలతో ఉన్న బాలుడిని ప్రైవేటు ఆసుపత్రికి తరలించారు. పరిస్థితి విషమంగా ఉందని ఆసుపత్రి వర్గాలు తెలిపాయి.

తూర్పుగోదావరి: మండలంలోని పెరుమాళ్లపురంలో ఓ కారు రెండు బైకులను ఢీకొట్టి బీభత్సం సృష్టించిన ఘటనపై కేసు నమోదు చేసినట్టు ఎస్సై జగన్మోహనరావు తెలిపారు. స్థానికులు, పోలీసులు తెలిపిన వివరాల మేరకు రాజమహేంద్రవరం వద్ద బొమ్మూరుకు చెందిన విప్పర్తి మాధవికి తొండంగి మండలం పెరుమాళ్లపురం పంచాయతీ బుచ్చియ్యపేట గ్రామానికి చెందిన అంబుజాలపు బాబ్జీ తన స్నేహితురాలి ద్వారా కొన్నేళ్ల క్రితం పరిచయం ఏర్పడింది. మూడేళ్ల క్రితం బాబ్జీ మాధవి పెళ్లి చేసుకున్నారు. ప్రస్తుతం వారు కాకినాడలో నాలుగు నెలలుగా ఉంటున్నారు. సోమవారం రాత్రి బాబ్జీ కాకినాడ నుంచి తనకు చెప్పకుండా వచ్చేయడంతో మంగళవారం ఉదయం మాధవి బుచ్చియ్యపేటకు తన కారులో వచ్చింది. దీంతో అతని కుటుంబ సభ్యులు ఆమెపై దాడి చేసి కారును సైతం ధ్వంసం చేశారు. దీంతో ఆమె ప్రాణభయంతో కారుతో అతివేగంగా రాజమహేంద్రవరం వైపు బయలుదేరింది. కారు అద్దాలు పగిలిపోవడం, దారి స్పష్టంగా లేకపోవడంతో పెరుమాళ్లపురం మెయిన్‌ సెంటర్‌లో రెండు బైకులను ఢీకొట్టింది. ఈ ఘటనలో ముగ్గురికి గాయాలయ్యయి. దీంతో స్థానికులు కారును అడ్డుకున్నారు. ఈ నేపథ్యంలో మాధవి తనపై జరిగిన దాడిపై ఇచ్చిన ఫిర్యాదుపైనా, కారు ఢీకొన్న ప్రమాదంలో గాయపడిన వారు ఇచ్చిన ఫిర్యాదుపైనా పోలీసులు రెండు కేసులు నమోదు చేసి దర్యాప్తు చేస్తున్నారు.

జనగామ రూరల్‌: భార్యపై భర్త బెస్‌ బాల్‌ బ్యాట్‌తో దాడి చేసిన ఘటన సోమవారం ఆలస్యంగా వెలుగులోకి వచ్చింది. బాధితురాలు, పోలీసులు తెలిపిన వివరాల ప్రకారం.. జనగామ మండలం ఓబుల్‌కేశావాపూర్‌ గ్రామానికి చెందిన మోకు మహేందర్‌రెడ్డి ఎనిమిదేళ్ల క్రితం మాధవిని ప్రేమించి కులాంతర వివాహం చేసుకున్నాడు. వీరికి ఇద్దరు పిల్లలు ఉన్నారు. ఇటీవల మహేందర్‌కు మరో మహిళతో పరిచయం ఏర్పడడంతో భార్యాభర్తల మధ్య విభేదాలు మొదలవడంతో మాధవి మే నెలలో సరూర్‌నగర్‌లో తల్లిగారి ఇంటికి వెళ్లిపోయింది. కాగా ఈ వివాదాన్ని పరిష్కరించేందుకు మాధవి 2వ తేదీన (ఆదివారం) గ్రామానికి వచ్చింది. పంచాయితీకి భర్త రాకపోవడంతో గ్రామ పెద్దమనుషులు ఇంటి తాళం పగలగొట్టి ఉండమని చెప్పి వెళ్లిపోయారు.అనంతరం సుమారు 4 గంటల సమయంలో మహేందర్‌రెడ్డి ఇంటికి వచ్చి వెంట తెచ్చుకున్న బేస్‌బాల్‌ బ్యాట్‌తో భార్యపై విచక్షణారహితంగా దాడి చేశాడు. అడ్డువచ్చిన మాధవి సోదరుడిని కూడా కొట్టాడు. తీవ్ర గాయాలపాలైన మాధవిని జనగామ ప్రభుత్వ ఆస్పత్రికి తరలించా రు. దాడి అనంతరం మహేందర్‌ రెడ్డి ఇద్దరు పిల్లలను తీసుకుని పరారయ్యాడు. కేసు నమోదు చేసిన పోలీసులు నిందితుడి కోసం గాలింపు చేపట్టారు.

జనగామ: ప్రేమించిన పెళ్లి చేసుకున్న భార్యను భర్త దారుణంగా హత్య చేశాడు. ఈ సంఘటన కాకతీయ యూనివర్సిటీ పోలీస్‌స్టేషన్‌ పరి«ధిలోని నాలుగో డివిజన్‌ కృష్ణాకాలనీలో శనివారం రాత్రి జరిగింది. స్థానికుల కథనం ప్రకారం.. జనగామ జిల్లా కొడకండ్ల మండలం ఏడునూతల తండాకు చెందిన గుగులోత్‌ రజిత (26), నర్సంపేట మండలం రాజీపేటకు చెందిన అనిల్‌ ఆరేళ్ల క్రితం ప్రేమ వివాహం చేసుకున్నారు. వీరికి ఇద్దరు పిల్లలు. నెల రోజుల క్రితం రజిత–అనిల్‌ దంపతులు బతుకుదెరువు కోసం నగరానికి వచ్చారు. కృష్ణాకాలనీలో ఓ ఇంటిని అద్దెకు తీసుకున్నారు. కొంతకాలంగా వీరి కుటుంబంలో కలహాలు మొదలయ్యాయి. శనివారం రాత్రి ఇద్దరి మధ్య గొడవ జరిగింది. దీంతో అనిల్‌ తన భార్య రజిత కాళ్లు, చేతులు కట్టి కత్తితో మెడ కోసినట్లు స్థానికులు చెబుతున్నారు. ఈ సంఘటనలో రజిత అక్కడికక్కడే మృతి చెందింది. సమాచారం అందుకున్న కేయూసీ పోలీస్‌ ఇన్‌స్పెక్టర్‌ రవికుమార్, ఎస్సై నవీన్‌ సంఘటనా స్థలానికి చేరుకుని పరిస్థితిని సమీక్షించారు. తల్లి హత్యకు గురికావడంతో ఇద్దరు చిన్నారులు అనాథలయ్యారు.

ఆంధ్రప్రదేశ్‌, విడపనకల్లు: అనంతపురం జిల్లా విడపనకల్లు మోడల్‌ స్కూల్‌ హాస్టల్లో దారుణ సంఘటన శుక్రవారం వెలుగులోకి వచ్చింది. తల్లిదండ్రులు తెలిపిన వివరాల మేరకు.. విడపనకల్లు గ్రామానికి చెందిన చాకలి సుంకన్న కుమార్తె సుస్మిత, మహబూబ్‌ బాష కుమార్తె సోఫియా స్థానిక ఆదర్శ పాఠశాలలో ఇంటర్మీడియెట్‌ ప్రథమ సంవత్సరం చదువుతున్నారు.ఏమైందో ఏమో కానీ అదే హాస్టల్లో ఉంటూ ఇంటర్‌ చదువుతున్న మరో విద్యార్థిని గురువారం రాత్రి పడుకున్న సమయంలో బ్లేడుతో సుస్మిత, సోఫియాల గొంతు కోయడానికి ప్రయత్నించింది. బ్లేడు సరిగా తెగకపోవడంతో ఇద్దరికి గొంతు కింద స్వల్ప గాయమైంది. గొంతు కోసిన విద్యార్థినిని వెంటనే హాస్టల్‌ నుంచి ఇంటికి పంపించేశారు. గాయ­పడిన విద్యార్థి­నులను కనీసం ఆసుపత్రికి కూడా తీసుకెళ్లలేదు. వార్డెన్‌ కనీసం తల్లిదండ్రులకు కూడా తెలపలేదు.విషయం తెలుసుకున్న తల్లిదండ్రులు శుక్ర­వారం మోడల్‌ స్కూల్‌కు చేరుకుని ప్రిన్సిపాల్, వార్డెన్‌లపై తీవ్ర స్థాయిలో మండి పడ్డారు. తమ పిల్లలకు ఏదైనా జరిగి ఉంటే ఎవరు బాధ్యత వహిస్తారని నిలదీశారు. తమ పిల్లల ప్రాణాలతో చెలగాటమాడతారా అంటూ వార్డెన్‌ నల్లమ్మను నిలదీశారు. ఇందుకు వార్డెన్‌.. ‘మీ పిల్లల ప్రాణాలు పోలేదు కదా ఏదో చిన్న గీత పడిందంటూ నిర్లక్ష్యంగా సమాధానం ఇవ్వడంతో తల్లిదండ్రులు మరింత ఆగ్రహం వ్యక్తం చేశారు. ఉన్నతాధికారులు స్పందించి వార్డెన్‌పై చర్యలు తీసుకోవాలని కోరారు.

కర్నూలు జిల్లా: నిద్రిస్తున్న భార్యను అతికిరాతకంగా గొడ్డలితో నరికి చంపిన నిందితుడు ఆమె సమాధి వద్దే బలవన్మరణానికి పాల్పడ్డాడు. స్థానికులు, సీఐ మధు వివరాలు తెలిపారు. రంగారెడ్డి జిల్లా మంచాల మండలం నోముల గ్రామానికి చెందిన మాదరమోని బాబు (56), అమృత (45) దంపతులు. వీరికి ఇద్దరు కుమారులున్నారు. మద్యానికి అలవాటు పడిన బాబు తరచూ భార్యతో గొడవ పడేవాడు. ఈ ఏడాది ఫిబ్రవరి 24న మద్యం మత్తులో ఇంట్లో నిద్రిస్తున్న భార్యను కిరాతకంగా గొడ్డలితో నరికి చంపాడు. అనంతరం వ్యవసాయ పొలం వద్దకు వెళ్లి ఆత్మహత్యకు ప్రయత్నించాడు. విషయం తెలిసిన పోలీసులు అతడిని పట్టుకొని రిమాండ్‌కు తరలించారు. వారం రోజుల కిందట పూచీకత్తుపై విడుదలయ్యాడు. ఈ క్రమంలో అతనితో ఎవరూ సరిగా మాట్లాడటం లేదు. దీంతో మానసిక వేదనకు గురైన బాబు గురువారం రాత్రి నోములలోని వ్యవసాయ పొలం వద్ద ఉన్న భార్య సమాధి వద్దకు వెళ్లి అక్కడే నిద్రపోయాడు. శుక్రవారం తెల్లవారుజామున చెట్టుకు ఉరి వేసుకొని ఆత్మహత్య చేసుకున్నాడు. ఉదయం పొలాలకు వెళ్లిన రైతులు చూసి కుటుంబసభ్యులు, పోలీసులకు సమాచారం ఇచ్చారు. పోలీసులు సంఘటనా స్థలానికి చేరుకుని పంచనామా నిర్వహించారు. ఇబ్రహీంపట్నం ప్రభుత్వ ఆస్పత్రిలో పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు.

గొల్లప్రోలు (పిఠాపురం రూరల్‌): ఓ యువతి అనుమానాస్పద స్థితిలో మృతి చెందిన ఘటన గొల్లప్రోలులో మంగళవారం చోటుచేసుకుంది. పోలీసులు తెలిపిన వివరాల ప్రకారం.. గొల్లప్రోలు రైల్వే స్టేషన్‌ సమీపాన నివాసం ఉంటున్న తండి ప్రిస్కిల్లా (27) కాకినాడలోని ఎస్‌ఆర్‌ఎంటీ మాల్‌లో ఉన్న రిలయన్స్‌ డిజిటల్‌లో బజాజ్‌ ఫైనాన్స్‌ సేల్స్‌ ఆఫీసర్‌గా పని చేస్తుంది. మంగళవారం ఉదయం ఇంట్లో ఎవరూ లేని సమయంలో ఆమె చున్నీతో ఫ్యాన్‌కు ఉరివేసుకున్నట్లు గుర్తించారు. స్థానికుల సహాయంతో ఆమెను వెంటనే పిఠాపురం ప్రభుత్వ ఆసుపత్రికి తరలించగా, పరీక్షించిన వైద్యులు అప్పటికే మృతి చెందినట్లు నిర్ధారించారు. మృతురాలి కుటుంబ సభ్యుల ఫిర్యాదుతో అనుమానాస్పద మృతిగా కేసు దర్యాప్తు చేపట్టినట్లు ఎస్సై రామకృష్ణ తెలిపారు.

సూసైడ్‌ నోట్‌లో సారాంశం అమ్మా నన్ను క్షమించు.. నా కోసం చాలా కష్టపడ్డావ్‌.. డాడీ నీ డ్రీమ్‌ నిలబెట్టలేకపోతున్నా.. నా డ్రీమ్‌ కూడా పూర్తిచేయలేకపోతున్నా.. అమ్మా నాన్నా నాకు బతకాలని ఉంది. కానీ, బతకడానికి చాలా సిగ్గుగా ఉంది. అమ్మా నీ కోసం నేనేం చెయ్యలేదు. నాన్న నేను నీకు ఏదైనా సాధించి చూపించాలని ఉంది. కానీ నేను ఇంతకు మించి తట్టుకోలేకపోతున్నా.. ఈ బాధ ఒక్కదానిని మోయడం నా వల్ల కావట్లేదు. నేను చనిపోయాక నాపై ఎవరూ కోప్పడకండి. డాడీ నన్ను మీరు ఎప్పుడూ లవ్‌ చేస్తూ ఉండండి. అమ్మా బై.. అమ్మమ్మ జాగ్రత్త. అన్నయ్య డాడీ మాట విని జాగ్రత్తగా ఉండు. అన్నయ్య, వదిన, అమ్మ, అమ్మమ్మ ఎప్పటికైనా కలవండి, ద్వేషించుకోకండి.. ఇక ఉంటా.. రంపచోడవరం: ఆ చిన్నారి తల్లడిల్లిపోయింది.. గుండె నిండా బాధతో, బరువెక్కిన హృదయంతో బలవన్మరణానికి పాల్పడింది.. గిరిసీమలో ఓ విద్యాకుసుమం నేలకొరిగింది.. ఇటీవల మెగా పేరెంట్స్, టీచర్స్‌ సభలో తన ప్రసంగంతో మెప్పించి, సీఎం చంద్రబాబు సైతం అబ్బురపడి తన పక్కన కూర్చోబెట్టుకుని మరీ సెల్ఫీ తీసుకున్నారు. ఈ విద్యా సంవత్సరంలో షైనింగ్‌ స్టార్‌గా మెరిసి ముఖ్యమంత్రి చేతుల మీదుగా పతకం, ప్రశంసా పత్రాన్ని అందుకున్న శివాని అనుకోని విధంగా ఆత్మహత్య చేసుకోవడంతో ఏజెన్సీలో విషాదం అలముకొంది. ఇర్లపల్లిలోని ఆర్‌అండ్‌ఆర్‌ కాలనీలో నివాసం ఉంటున్న ముర్రం శివాని రంపచోడవరం ప్రభుత్వ ఉన్నత పాఠశాలలో పదో తరగతి చదువుతోంది. తల్లి సౌభాగ్యవతి, తండ్రి వరప్రసాద్‌లు నాలుగేళ్ల క్రితమే విడిపోయారు. దీంతో శివాని అప్పుడప్పుడూ గోకవరం మండలం బావాజీపేటలో తండ్రి వద్దకు వెళ్లి వస్తూండేది. ఆదివారం పుట్టిన రోజు కావడంతో తండ్రి వద్దకు వెళ్లి సాయంత్రం ఆరు గంటలకు ఇర్లపల్లిలో ఇంటికి వచ్చింది. తల్లి సౌభాగ్యవతి వెదురుపాకలో అంగన్‌వాడీ టీచర్‌గా పనిచేస్తుంది. ఒక్కోసారి ఆమె అక్కడే ఉంటుంటారు. తల్లి లేని సమయంలో శివాని, అమ్మమ్మ బాలమ్మలు ఇద్దరే ఇంటి వద్ద ఉంటారు. బావాజీపేటలో తండ్రి వద్దకు వెళ్లి తిరిగి ఆరు గంటలకు ఇంటికి వచ్చిన తర్వాత గదిలోకి వెళ్లి రాసుకుంటానని అమ్మమ్మకు చెప్పింది. సోమవారం ఉదయం అమ్మమ్మ ఆ గది తలుపు తీసి చూసేసరికి ఫ్యాన్‌కు ఉరివేసుకుని వేలాడుతూ ఉండడంతో కేకలు వేయడంతో, చుట్టుపక్కల వారు వచ్చి బాలికను కిందకు దింపారు. అప్పటికే శివాని మృతిచెంది ఉండడంతో ఆదివారం రాత్రే ఆత్మహత్యకు పాల్పడినట్లు తెలుస్తోంది. డాడీ ఇంటికెళ్లిపోయా.. అదే చివరి మాట తన కుమార్తె శివాని మృతి తండ్రి వరప్రసాద్‌ను కలిచివేసింది. ఆదివారం సెలవు డాడీ వస్తానని చెప్పిందని, రా తల్లీ అన్నానని ఆయన వివరించారు. నేను గోకవరం సమీపంలోని అష్టలక్ష్మి గుడి సమీపంలోని బిర్యానీ పాయింట్‌ నిర్వహిస్తున్నాను.. సాయంత్రం వరకూ తన దగ్గరే ఉంది. నా చిట్టి తల్లి ముఖంలో ఎటువంటి బాధ కనిపించలేదు. పచ్చకామెర్లు వచ్చి తగ్గడంతో ఉత్తి బిర్యానీ తినమని చెప్పాను.. అదే తింది. సీఎంతో ఫొటో తీయించుకున్నావు, బాగా మాట్లాడవు అన్నాను. డాడీ నీ పరువు నిలబెడతానని చెప్పింది. చీకటి పడుతుంది ఉండిపో తల్లీ అన్నాను. వెళ్లిపోతానని చెప్పింది. మా చిన్నోడు బన్నీతో కలసి గోకవరం బస్‌ కాంప్లెక్స్‌లో దింపాను. గోకవరంలో చాక్లెట్‌ కావాలంది. కొనుక్కోమని డబ్బులు ఇచ్చాను. మధ్యలో ఫోన్‌ చేశాను దారిలో ఉన్నాను డాడీ అని చెప్పింది. తరువాత ఇంటికి వచ్చానని చెప్పింది. అవే చివరి మాటలని తండ్రి వరప్రసాద్‌ కన్నీరు మున్నీరుగా విలపించారు. ఏ బాధ ఉండో చెప్పలేదు, ఏ కష్టం ఉందో చెప్పలేదు.. ఎందుకు చనిపోయిందో తెలియడం లేదు. బాధతో చనిపోయింది.. ఇప్పుడు నా ప్రాణమే పోయిందని వరప్రసాద్‌ రోదించారు. లోపం ఎక్కడుంది? పసిపిల్లల్లో.. బలవన్మరణానికి చాలా ధైర్యం కావాలి. ఏం సాధించలేక పోతున్నాననే ఆలోచన ఆ పసి మనసులో, ఆ వయసులోనే రావడం అంటే... అది మన వ్యవస్థలోనే లోపం ఉన్నట్టు కాదా..! మన విద్యా వ్యవస్థ, ఇటువంటి తీవ్ర నిర్ణయాలు తీసుకొనే వారికి... ఎలాగైనా బతికగలం అన్న నమ్మకాన్ని ఎందుకు ఇవ్వలేక పోతోంది... చదువు అంటే... ర్యాంకులు, గ్రేడ్లు, మార్కులు మాత్రమే కాదు.. అనే అంశాన్ని ఆ పసి మనసులకు అర్థమయ్యేలా ఎందుకు వివరించలేకపోతోంది..? లోపం ఎవరిది...? ఎక్కడుంది. పూర్తి స్థాయిలో దర్యాప్తు జరిపిస్తాం: కలెక్టర్‌ రంపచోడవరం ప్రభుత్వ ఉన్నత పాఠశాలలో పదో తరగతి విద్యార్థిని ముర్రం శివాని బలవన్మరణం అత్యంత బాధాకరమని కలెక్టర్‌ కె. దినేష్‌ కుమార్‌ అన్నారు. స్థానిక ఏరియా ఆసుపత్రిలో శివాని మృతదేహాన్ని పరిశీలించిన అనంతరం ఆయన మాట్లాడారు. ఈ ఘటనకు సంబంధించిన అన్ని కోణాల్లో పూర్తి స్థాయిలో దర్యాప్తు చేయాలని అధికారులను ఆదేశించారు. కలెక్టర్‌ దినేష్‌ కుమార్, జాయింట్‌ కలెక్టర్‌ సురపాటి ప్రశాంత్‌ కుమార్, రంపచోడవరం రెవెన్యూ డివిజనల్‌ అధికారి కె.స్వాతి, సబ్‌ డివిజనల్‌ పోలీస్‌ అధికారి అశ్రఫ్‌ అలీతో కలసి శివాని మృతికి సంబంధించిన పరిస్థితులు, ఘటనకు దారితీసిన కారణాలపై సమీక్ష నిర్వహించారు. దర్యాప్తు నివేదిక ఆధారంగా అవసరమైన చర్యలు తీసుకుంటామని కలెక్టర్‌ తెలిపారు. మంచి భవిష్యత్తు ఉన్న విద్యారి్థని ఇలా మృతి చెందడం అత్యంత విషాదకరమని అన్నారు. బాలిక మృతిపై కేసు నమోదు శివాని ఆత్మహత్యపై తల్లి ఇచ్చిన ఫిర్యాదు మేరకు కేసు నమోదు చేశామని ఎస్సై రమేష్‌ తెలిపారు. సంఘటన స్థలంలో సూసైట్‌ నోట్, సెల్‌ఫోన్‌ స్వాదీనం చేసుకున్నామని అన్నారు. తల్లి బంధువుల ఫంక్షన్‌కు వెళ్లడంతో అమ్మమ్మ, బాలిక మాత్రమే ఇంటి వద్ద ఉన్నారన్నారు. ఆత్మహత్యకు గల కారణాలు దర్యాప్తు తెలియాల్సి ఉందని వివరించారు. కుటుంబ కలహాలు ఏమీ లేవని అన్నారు.విద్యార్థిని మృతి బాధాకరం ఇర్లపల్లి గ్రామానికి చెందిన ముర్రం శివాని ఆత్మహత్య చేసుకోవడం చాలా బాధాకరమని నియోజకవర్గ వైఎస్సార్‌ సీపీ కోఆర్డినేటర్, మాజీ ఎమ్మెల్యే నాగులపల్లి ధనలక్ష్మి అన్నారు. ఈ ఘటన తెలిసిన వెంటనే ఇర్లపల్లి ఆర్‌అండ్‌ఆర్‌ కాలనీకి వెళ్లి శివాని మృతదేహానికి పూలమాలు వేసి నివాళులరి్పంచి, కుటుంబ సభ్యులను ఓదార్చారు. కార్యక్రమంలో జెడ్పీటీసీ సభ్యులు పండా వెంకటలక్షి్మ, ఎంపీపీ బంధం శ్రీదేవి, మండల పార్టీ అధ్యక్షుడు జల్లేపల్లి రామన్నదొర, పండా రామకృష్ణదొర, మాజీ సర్పంచ్‌లు మంగా బొజ్జయ్య, రమేష్‌ దొర, బొజ్జయ్య, ఆనందరెడ్డి, పార్టీ ఉపాధ్యక్షుడు బొబ్బా శేఖర్, డొక్కులూరి రత్నరాజు తదితరలు ఉన్నారు.

విజయవాడ: చూడ ముచ్చటైన జంట.. అనురాగం.. ప్రేమ, ఆప్యాయతలతో సంతోషంగా సాగుతున్న సంసారం.. ఏడేళ్ల ఆ బంధానికి ఇద్దరు మగపిల్లల సంతానం.. అంతా బాగుందని అనుకున్న ఆ చిన్న కుటుంబంలో ఒక్కసారిగా పెను విషాదం చోటుచేసుకుంది. ఏం కష్టమొచ్చిందో.. ఏమో కానీ భార్యాభర్తలిద్దరూ విషం తాగి మృత్యువు ఒడికి చేరిపోయారు. ఎన్టీఆర్ జిల్లా విజయవాడలోని అజిత్‌సింగ్‌నగర్‌ పోలీస్‌స్టేషన్‌ పరిధిలోని దేవీనగర్‌లో చోటుచేసుకున్న ఈ ఘటన సోమవారం కలకలం సృష్టించింది. ఏం జరిగిందంటే.. దేవీనగర్‌ ప్రాంతానికి చెందిన తాడిశెట్టి బాజీ సైదులు(30), జలసూత్రం మానస(27)కు పెద్దల సమక్షంలో 2019లో వివాహమైంది. వీరికి సంజయ్‌(5), సంతోష్‌ (ఏడాదిన్నర) కుమారులు ఉన్నారు. సైదులు విజయవాడ మునిసిపల్‌ కార్పొరేషన్‌లో అవుట్‌ సోర్సింగ్‌ విభాగంలో డ్రైవర్‌గా పనిచేస్తున్నాడు. మానస ఇంటి వద్దే ఉంటూ టెట్‌ పరీక్షలకు సన్నద్ధమవుతోంది. ఆదివారం ఉదయం సైదులు తన పిల్లలిద్దరినీ ఇందిరా నాయక్‌నగర్‌లోని తన సోదరుడు నాగుల్‌మీరా వద్ద దింపి పనులకు వెళ్లగా మానస వారి ఇంటి సమీపంలోని చర్చికి ఉదయం పది గంటలకు వెళ్లి మధ్యాహ్నం రెండు గంటల తిరిగి ఇంటికి వచ్చింది. సాయంత్రం ఐదు గంటల సమయంలో సైదులు తన మావయ్య వీరభద్రరావుకు ఫోను చేసి దంపతులిద్దరం విషం తాగేశామని.. ఆస్పత్రికి తీసుకువెళ్లమని చెప్పాడు. దీంతో అతను తన వియ్యంకుడు ఏడుకొండలు, సైదులు సోదరుడు నాగుల్‌మీరాకు ఫోను చేసి హూటాహూటిన వారి ఇంటికి వెళ్లి తలుపులు పగలకొట్టి అపస్మారక స్థితిలో పడి ఉన్న భార్యాభర్తలిద్దరినీ ఆస్పత్రికి తరలించారు. చికిత్స పొందుతున్న భార్యాభర్తలిద్దరూ పరిస్థితి విషమించి సోమవారం మృతిచెందారు. దీంతో వారి ఇళ్లల్లో తీవ్ర విషాదం నెలకొంది. ఆన్‌లైన్‌లో ఆర్డరు పెట్టుకొని.. సైదులు, మానస ఎంతో అన్యోన్యంగా ఉంటారని, వారికి ఆర్థిక సమస్యలు కూడా ఏమీ లేవని వారి కుటుంబ సభ్యులు, బంధువులు చెబుతున్నారు. భార్యాభర్తల మధ్య విభేదాలతో మాటామాటా పెరిగి క్షణికావేశంలో ఈ నిర్ణయం తీసుకొని ఉండొచ్చని పోలీసులు, కుటుంబ సభ్యులు భావిస్తున్నారు. ఆన్‌లైన్‌లో గడ్డిమందు, కూల్‌డ్రింక్‌ను ఆర్డర్‌ పెట్టుకొని డ్రింక్‌లో దానిని కలుపుకొని ఇద్దరూ తాగినట్లుగా తెలుస్తోంది. అనుమానాస్పద మృతిగా కేసు నమోదు చేశామని, అన్ని కోణాల్లో దర్యాప్తు చేపట్టామని త్వరలోనే పూర్తి వివరాలను వెల్లడిస్తామని అజిత్‌సింగ్‌నగర్‌ సీఐ దాడి చంద్ర శేఖర్‌ తెలిపారు.

సాక్షి, పుట్టపర్తి/గోరంట్ల: శ్రీసత్యసాయి జిల్లాలో రాష్ట్ర బీసీ సంక్షేమశాఖ మంత్రి సవిత ప్రాతినిధ్యం వహిస్తున్న పెనుకొండ నియోజకవర్గం గోరంట్ల మండలం దళిత బాలికపై అత్యాచారం జరిగింది. పదోతరగతి చదువుతున్న ఆ బాలిక ప్రస్తుతం ఐదునెలల గర్భంతో ఉన్నట్లు ఆదివారం వెలుగులోకి వచ్చింది. నిందితుడు బొంబాయి బాబు (55)ను గోరంట్ల పోలీసులు అదుపులోకి తీసుకుని విచారిస్తున్నారు. ఓ గ్రామానికి చెందిన బొంబాయి బాబు అదే కాలనీలోకి చెందిన దళిత బాలికను మాయమాటలతో లొంగదీసుకున్నాడు.అనా­రోగ్యంగా ఉన్న బాలికను హిందూపురం ఆస్పత్రికి తీసుకెళ్లగా ఐదునెలల గర్భిణి అని వైద్యులు నిర్ధారించారు. దీంతో బాలిక తల్లిదండ్రులు గోరంట్ల పోలీస్‌ స్టేషన్‌లో ఫిర్యాదు చేశారు. బొంబాయి బాబుపై పోక్సో కేసు నమోదు చేశామని, విచారణ అనంతరం మరిన్ని సెక్షన్లు నమోదు చేసే అవకాశం ఉందని గోరంట్ల సీఐ బోయ శేఖర్‌ చెప్పారు. తనతోపాటు ఇంకొందరు ఆ బాలికపై అత్యాచారం చేశారని నిందితుడు పోలీసుల విచారణలో చెప్పినట్లు తెలిసింది. మద్యం మత్తులో ఉన్న బొంబాయి బాబు ఆ వ్యక్తులు ఎవరనేది చెప్పలేదని, అతడిని మరోసారి విచారిస్తామని పోలీసులు తెలిపారు.

హైదరాబాద్‌: ఓ మహిళ నగ్న ఫొటోలను ఆమె భర్తకు చూపిస్తానని బెదిరించిన వ్యక్తిపై పోచారం ఐటీ కారిడార్‌ పోలీసులు కేసు నమోదు చేశారు. పోలీసులు తెలిపిన మేరకు.. ఇన్ఫోసిస్‌ పోచారం క్యాంపస్‌లో సె క్యూరిటీ గార్డుగా పనిచేస్తున్న మహిళ (34)కు హెడ్‌ సెక్యూరిటీ గార్డు బి.రమేష​తో పరిచయం ఏర్పడి సన్నిహతంగా మెలిగారు. ఈ క్రమంలో ఆమెకు తెలికుండా తీసిన నగ్న ఫొటోలను రమేష్‌ ఆమెకే చూపించాడు. ఈ విషయం గురించి భర్తకు చెబితే తన కు టుంబ జీవితమే నాశనమవుతుందని భయపడి చెప్పలేదు. ఇదిలా ఉండగా, సోమవారం రమేష్‌ బాధితు రాలికి ఫోన్‌ చేసి బెదిరించి తనకు సహకరించకపోతే రహస్య ఫొటోలను భర్తకు చూపిస్తానని బెదిరించాడు. దీంతో ఆమె గురువారం ఫిర్యాదు చేసింది.

తమిళనాడు: కన్యాకుమారి జిల్లా తక్కలై సమీపంలో స్నానం చేస్తున్న ఉపాధ్యాయురాలిని రహస్యంగా వీడియో తీసి, బెదిరించి బలవంతంగా శారీరక సంబంధం పెట్టుకున్న యువకుడు దానిని రికార్డ్‌ చేశాడు. ఆ తర్వాత అతని స్నేహితుడు కూడా సదరు టీచర్‌ను బెదిరించి అత్యాచారానికి పాల్పడ్డాడు. దీనిపై వచ్చిన ఫిర్యాదు మేరకు కోర్టు ఆదేశాల ప్రకారం పోలీసులు కేసు నమోదు చేసి, ఇద్దరు యువకుల కోసం గాలిస్తున్నారు. త‌మిళ‌నాడు కన్యాకుమారి జిల్లా తక్కలై సమీప ప్రాంతానికి చెందిన 36 ఏళ్ల ఉపాధ్యాయురాలు మదురై హైకోర్టు బెంచ్‌లో ఓ పిటిషన్‌ దాఖలు చేశారు. ఆ పిటిషన్‌లో ‘‘నేను ఒక పాఠశాలలో ఉపాధ్యాయురాలిగా పని చేస్తున్నాను. నా భర్త టెంపో డ్రైవర్‌. నేను నా ఇంటి బాత్‌రూమ్‌లో స్నానం చేస్తుండగా, అదే ప్రాంతానికి చెందిన జయకాంతన్‌ అనే వ్యక్తి రహస్యంగా తన సెల్‌ఫోన్‌లో వీడియో తీశాడు. ఆ తర్వాత సదరు వ్యక్తి ఆ వీడియోను అడ్డం పెట్టుకుని తనను బ్లాక్‌మెయిల్‌ చేస్తూ, నిరంతరం వేధింపులకు గురిచేశాడు’’ అని ఆ పేర్కొన్నారు. నిందితుడు తనను భయపెట్టి డబ్బులు వసూలు చేయడమే కాకుండా, అతని స్నేహితుడు కూడా ఈ విషయం తెలుసుకుని తనను వేధించాడని ఆమె ఆవేదన వ్యక్తం చేశారు.ఈ ఫిర్యాదును తీవ్రంగా పరిగణించిన కోర్టు ఆదేశాల మేరకు తక్కలై పోలీసులు కేసు నమోదు చేశారు. నిందితులపై సమాచార సాంకేతిక పరిజ్ఞాన దుర్వినియోగం, బలవంతపు వేధింపులు ఇతర తీవ్రమైన సెక్షన్ల కింద విచారణ చేపడుతున్నారు. ప్రస్తుతం పరారీలో ఉన్న నిందితుల కోసం పోలీసులు ప్రత్యేక బృందాలతో గాలిస్తున్నారు.

కర్ణాటక : జిల్లాలోని హుణసూరు పట్టణంలో హృదయ విదారక సంఘటన జరిగింది. ఓ వ్యక్తి భార్యను, ఇద్దరు పిల్లలను హత్య చేసి, తరువాత ఉరి వేసుకుని ఆత్మహత్య చేసుకున్నాడు. వ్యాపారంలో నష్టాలే కారణమని అనుమానాలున్నాయి. వివరాలు... పట్టణంలోని న్యూ మారుతి బరంగాయ్‌కు చెందిన హరీష్‌ (49), భార్య నిష్ఠ (36), పిల్లలు నిక్షా (12), రక్ష (8)తో నివసిస్తున్నాడు. ఫైనాన్స్, వడ్డీ వ్యాపారం చేసే హరీష్‌ , మూడు రోజుల క్రితం తన తల్లిని వాళ్ళ అమ్మ ఇంటికి పంపించాడు. సోమవారం రాత్రి కింది అంతస్తులో తన భార్య, పిల్లల ముక్కులకు, నోళ్లకు ప్లాస్టర్‌ అతికించి ఊపిరాడకుండా చేసి హత్య చేశాడు. ఆ తర్వాత మొదటి అంతస్తుకు వెళ్లి ఉరి వేసుకుని చనిపోయాడు. ఈ ఘటన అర్ధరాత్రి సమయంలో జరిగిందని అనుమానిస్తున్నారు. ఇరుగుపొరుగు అనుమానంతో.. మంగళవారం ఉదయం 9 గంటలైనా తలుపులు తెరవకపోవడతో ఇరుగుపొరుగు వారు కిటికీలోంచి చూసి ఏదో జరిగిందని కనుగొన్నారు. పట్టణ పోలీసులకు తెలుపగా తలుపులు బద్ధలుకొట్టి లోపలకు ప్రవేశించారు. నలుగురి మృతదేహాలు కనిపించాయి. అక్కడ లభించిన డెత్‌ నోట్‌ను స్వా«దీనం చేసుకుని దర్యాప్తు ప్రారంభించారు. ఫలానా ఆస్తి పత్రాలు ఎక్కడ ఉన్నాయో, ఎవరికి ఇవ్వాలో అందులో రాశాడు. పూర్తి లేఖ బయటకు రాలేదు. ఇరుకుటుంబాల బంధుమిత్రుల రోదనలు మిన్నంటాయి.

సాక్షి, హైదరాబాద్‌: వివాహిత అయిన సహ ట్రైనీని లైంగికంగా వేధించినట్లు ఆరోపణలు ఎదుర్కొంటున్న ట్రైనీ ఐపీఎస్‌ ఎం.ఉదయ్‌ కృష్ణారెడ్డి వ్యవహారంలో సోమవారం ఆద్యంతం హైడ్రామా నడిచింది. మోతీనగర్‌లో ఉండే తన సోదరుడి ఇంట్లో ఈయన స్పృహ లేకుండా పడిపోయారు. పక్కనే మద్యం సీసాలతోపాటు సగం ఖాళీ అయిన ఓ శానిటైజర్‌ బాటిల్, సూ­సైడ్‌ నోట్‌ ఉండటంతో కుటుంబీకులు ఆత్మహత్యాయత్నంగా భావించి ఆస్పత్రికి తరలించారు. స్టమక్‌ వాష్‌తోపా­టు ప్రాథమిక వైద్యం చేసిన వైద్యులు ఆయన రక్తనమూనాలు సేకరించి పరీక్షించారు. వీటిలో ఎలాంటి విష పదార్థపు ఆనవా­ళ్లు లేవని తేలింది. దీంతో ఆ సూసైడ్‌ నోట్‌ ఎందుకు రాశా­రు? అందులో బాధితురాలు, ఆమె భర్తతో పాటు మరికొంద­రు ట్రైనీ ఐపీఎస్‌ల పేర్లు ఎందుకు చేర్చారనే కోణంలో పోలీసు­లు దర్యాప్తు చేస్తున్నారు. కృష్ణారెడ్డి తనపై సానుభూతి కో­సం ఇంతటి హైడ్రామా నడిపినట్లు పోలీసులు అనుమానిస్తున్నారు. సూసైడ్‌ నోట్‌ను పోలీసులు స్వా«దీనం చేసుకున్నారు. కృష్ణారెడ్డి సస్పెన్షన్‌: హైదరాబాద్‌లోని సర్దార్‌ వల్లభాయ్‌­పటేల్‌ జాతీయ పోలీసు అకాడమీలో (ఎస్‌వీపీఎన్‌ పీఏ) శిక్షణ పొందుతున్న మహిళా ట్రైనీ ఐపీఎస్‌ గత గురువారమే కృష్ణారెడ్డి­పై తమ డైరెక్టర్‌కు ఫిర్యాదు చేశారు. ఆయన ఈ అంశంపై విచారణ చేపట్టే బాధ్యతల్ని ఎన్‌పీఏ ప్రివిలేజెస్‌ కమిటీకి అప్పగించారు. అకాడమీలోని సీసీ కెమెరాల్లో నమోదై­న దృశ్యాలు, బాధితురాలి వాంగ్మూలా­న్ని పరిగణనలోకి తీసుకున్న కమిటీ.. ఆరోపణలకు ప్రాథమిక ఆధారాలు ఉ­న్నా­యని తేల్చింది. దీంతో కృష్ణారెడ్డిని ఎన్‌పీఏ నుంచి శుక్రవారం సస్పెండ్‌ చేశారు.దీంతో ఆయన అక్కడ నుంచి మోతీనగర్‌లో ఉన్న తన సోదరుడు ప్రణయ్‌ కృష్ణారెడ్డి ఇంటికి వెళ్లారు. కేసు నమోదు చేసుకున్న పోలీసులు కృష్ణారెడ్డికి నోటీసులు జారీ చేస్తూ ఎనిమిది రోజుల్లోగా వివరణ ఇవ్వాలని స్పష్టం చేశారు. ఈ నేపథ్యంలోనే కృష్ణారెడ్డి తన వాట్సాప్‌ స్టేటస్, ఇన్‌స్ట్రాగామ్‌లో లైంగిక వేధింపుల ఆరోపణలు, తనపై ప్రచారం జరుగుతున్న వదంతులు పూర్తిగా నిరాధారమైనవని పేర్కొన్నారు. అమీర్‌పేటలోని తన స్నేహితుడైన లాయర్‌ ఫ్లాట్‌కు ఆదివారం రాత్రి వెళ్లారు. అనంతరం సోదరుడి ఇంటికి వెళ్లిన కృష్ణారెడ్డి రెండు పేజీల సూసైడ్‌ నోట్‌ రాశారు. ఆపై మద్యం మత్తులో స్పృహ తప్పారు. కృష్ణారెడ్డి సూసైడ్‌ నోట్‌లో ఏముందంటే... ‘నేను.. ఆ వివాహిత 2025 జూన్‌నుంచి రిలేషన్‌లో ఉన్నాం. ఆమెకు వివాహమైన తర్వాత కూడా మా మధ్య శారీరకంగా, భావోద్వేగపరంగా సంబంధం కొనసాగింది. దీనికి సంబంధించిన ఆధారంగా నా ఐఫోన్‌లో వీడియోలు రికార్డు చేశాను. వాటిని ఆమె భర్తకు పంపాను. ఆమె స్నేహితులు నాపై ఫిర్యాదు చేసేలా రెచ్చగొట్టారు. నా ఆత్మహత్యకు ఆమె, ఆమె భర్తతోపాటు ఇద్దరు స్నేహితులు కారణం. వారందరిపై చట్టపరంగా చర్యలు తీసుకోవాలి’.

మేడిపల్లి: మేడ్చల్‌ మల్కాజిగిరి జిల్లా మేడిపల్లి పోలీస్‌ స్టేషన్‌ పరిధిలోని పీర్జాదిగూడ శంకర్‌నగర్‌లో విషాద ఘటన చోటుచేసుకుంది. పోలీసులు తెలిపిన వివరాల ప్రకారం.. విజయనగరం జిల్లా గణపతినగరం మండలం దేవలపల్లి గ్రామానికి చెందిన వకలగాడి తేజస్విని (27) మూడు నెలలుగా తల్లి అరుణతో కలిసి శంకర్‌నగర్‌లో అద్దె ఇంట్లో నివాసం ఉంటోంది. కొంతకాలంగా ఆమె మానసిక ఆందోళనతో బాధపడుతున్నట్లు కుటుంబ సభ్యులు తెలిపారు. ఆమె తండ్రి ఈశ్వర్‌రావు విశాఖ పట్నంలో ఉంటున్నట్లు పోలీసులు చెప్పారు. శుక్రవారం అర్ధరాత్రి ఇంటి నుంచి నగ్నంగా బయటకి వెళ్లిన తేజస్విని.. సమీపంలోని బీరప్ప ఆలయం లోపలకు వెళ్లింది. అనంతరం ఆలయంలోని విగ్రహం తీసుకునివెళ్లి చెరువులో దూకి ఆత్మహత్య చేసుకుంది. సమాచారం అందుకున్న పోలీసులు శనివారం యువతి మృతదేహాన్ని బయటకుతీసి గాంధీ ఆసుపత్రికి తరలించారు. అనంతరం తల్లి ఫిర్యాదుతో కేసు న మోదు చేశారు. తేజస్విని గతంలో బెంగళూరులో సాఫ్ట్‌వేర్‌ ఉద్యోగిగా పనిచేసినట్లు కుటుంబ సభ్యులు తెలిపారు. కాగా, యువతి తీసుకెళ్లిన విగ్రహం కోసం హైడ్రా బృందం ప్రత్యేక పరికరాలతో చెరువులో ముమ్మరంగా అన్వేషణ సాగిస్తోంది. 🚨 Running Naked in the Streets at Midnight, Then Jumping Into a Lake🚨 Tragic Suicide of a Young Woman Causes Stir in Medipally, Telangana."Here is the full story, unfolded" ✍🏻***Disturbing Visuals***A software job at a young age, earning a salary in the lakhs—her happy… pic.twitter.com/1xh7FjBXpf— Vamshi (@vamshi020693) July 19, 2026

సాక్షి, తాడేపల్లి: గుంటూరు ఘటన అత్యంత అమానవీయం అని వైఎస్సార్‌సీపీ నేత, మాజీ మంత్రి అంబటి రాంబాబు అన్నారు. గుంటూరు కృష్ణబాబు కాలనీలో అమానుషంగా మహిళను వివస్త్రను చేసి.. టీడీపీ నేతలు దాడి చేసిన సంగతి తెలిసిందే. బాధిత కుటుంబాన్ని వైఎస్సార్‌సీపీ నేతలు అంబటి రాంబాబు, లేళ్ల అప్పిరెడ్డి, నూరి ఫాతిమా పరామర్శించారు. బాధిత మహిళకు ధైర్యం చెప్పారు.అంబటి రాంబాబు మీడియాతో మాట్లాడుతూ.. ‘‘మూడు రోజుల క్రితం సంఘటన జరిగితే నిన్న జరిగినట్టు చంద్రబాబు చెప్తున్నారు. ఈ మూడు రోజులుగా ఎలాంటి చర్యలు తీసుకోకుండా తొక్కిపెట్టేందుకు ప్రయత్నించారు. సుదీర్ఘ కాలం రాజకీయాల్లో ఉన్న చంద్రబాబు అబద్దాలు చెప్పటం దుర్మార్గం. టీడీపీ నేత మల్లెల మూర్తి బాధిత మహిళ, ఆమె కుమారుడిని దారుణంగా కొట్టారు. అదే రోజు పోలీసు స్టేషన్‌కి వెళ్లి ఫిర్యాదు చేసినా కేసు నమోదు చేయలేదు’’ అని ఆయన మండిపడ్డారు.‘‘నా మీదే స్టేషన్‌కు వెళ్తావా? అంటూ రోడ్డు మీదే కొట్టారు. ఆ మహిళను వివస్త్ర చేశారు. కేసు పెట్టకపోగా కేసు రిజిస్టర్ చేయలేదు. ఆ తర్వాత 16న నమోదు చేసి అరెస్టు కూడా చేయలేదు. సీసీ కెమెరా పుటేజీ బయటకు వచ్చాక చంద్రబాబు, స్థానిక ఎమ్మెల్యే మేల్కొన్నారు. ఆ టీడీపీ నేత మూర్తిని పార్టీ నుండి సస్పెండ్ చేస్తున్నట్టు ప్రకటించారు. మేము పరామర్శకు వెళ్తున్నామని తెలిసి బాధిత కుటుంబాన్ని విచారణ పేరుతో పీఎస్‌కు తరలించారు...టీడీపీ నేత డబ్బులు వసూలు చేసే దందాలో జరిగిన గొడవ ఇది. దీన్ని వెలుగులోకి రాకుండా తొక్కేసేందుకు ప్రయత్నం చేశారు. ఎమ్మెల్యే ఆధ్వర్యంలో ఈ కుట్ర జరిగింది. కానీ పోలీసులను బలి చేసే కుట్ర చేస్తున్నారు. వరుసగా జరుగుతున్న సంఘటనలను చూసి హోంమంత్రి సిగ్గుతో తలదించుకోవాలి. తన పదవికి రాజీనామా చేసి వెళ్లాలి’’ అని అంబటి డిమాండ్‌ చేశారు.

హైదరాబాద్‌: రహదారులు రుధిర ధారలుగా మారాయి. మృతుల కుటుంబాల్లో తీవ్ర విషాదాన్ని మిగిల్చాయి. గ్రేటర్‌ పరిధిలో గురువారం అర్ధరాత్రి, శుక్రవారం మధ్యాహ్నం జరిగిన వేర్వేరు రోడ్డు ప్రమాదాల్లో ఏడుగురు వ్యక్తులు దుర్మరణం పాలయ్యారు. మృతుల్లో ఒకరు పాఠశాల విద్యార్థి, మరొకరు ఇంటర్మీడియట్‌ విద్యార్థి, ఓ మహిళ ఉన్నారు. పోలీసులు చెప్పిన వివరాల ప్రకారం..మేడ్చల్‌లో బైక్‌ను ఢీకొట్టడంతో.. నగర శివారు ఐడీపీఎల్‌ దిల్‌కుష్‌నగర్‌కు చెందిన ఇంటర్మీడియట్‌ విద్యార్థి సొహైల్‌ (18), కుత్బుల్లాపూర్‌ ప్రభుత్వ పాఠశాల విద్యార్థి సుమిత్‌ గైక్వాడ్‌ (17) గురువారం అర్ధరాత్రి మేడ్చల్‌ నుంచి కొంపల్లి వైపు ద్విచక్ర వాహనంపై వెళ్తున్నారు. మార్గంమధ్యలో ఓఆర్‌ఆర్‌ అండర్‌ బ్రిడ్జి సమీపంలోకి రాగానే వీరి బైక్‌ను గుర్తుతెలియని వాహనం ఢీకొట్టింది. దీంతో సొహైల్, సుమిత్‌ గైక్వాడ్‌ రోడ్డుపై పడి అక్కడికక్కడే మృతి చెందారు. మేడ్చల్‌ పోలీసులు కేసు నమోదు చేసుకుని ప్రమాదానికి కారణమైన వాహనం కోసం గాలింపు చర్యలు చేపట్టారు. సమీప ప్రాంతాల్లోని సీసీ కెమెరాలను పరిశీలిస్తున్నారు.కీసర ఓఆర్‌ఆర్‌పై..మెదక్‌ జిల్లా పాపన్నపేటకు చెందిన రషీద్‌ (40) మటన్‌ షాప్‌ యజమాని. అదే గ్రామానికి చెందిన డ్రైవర్‌ రాములు (60), గౌస్‌ కలిసి బొలేరో వాహనంలో గొర్రెల లోడ్‌తో నగర శివారు చెంగిచర్లలోని మండీకి వెళ్తున్నారు. శుక్రవారం తెల్లవారుజామున 3 గంటలకు నిద్ర రావడంతో కీసర ఓఆర్‌ఆర్‌పై రాంపల్లి దాయర వద్ద బొలేరో వాహనాన్ని ఎడమ వైపు ఆపి నిద్రించారు. గుర్తు తెలియని వాహనం వెనక నుంచి వచ్చి బొలేరో వాహనాన్ని ఢీకొట్టి వెళ్లిపోయింది. వాహనంలో నిద్రిస్తున్న రషీద్, రాములు తీవ్ర గాయాలతో అక్కడికక్కడే మృతిచెందారు. గౌస్‌కు కాలు విరిగింది. వాహనంలోని కొన్ని గొర్రెలు సైతం మృతిచెందాయి. మృతుడు రషీద్‌కు భార్య, కుమారుడు, కూతురు ఉన్నారు. రాములుకు భార్య, ఇద్దరు కూతుర్లు ఉన్నారు. కేసు దర్యాప్తు చేస్తున్నట్లు కీసర సీఐ ఆంజనేయులు చెప్పారు. మెట్రో పిల్లర్‌ను బైక్‌ ఢీ..జగిత్యాల జిల్లా బీజ్‌పూర్‌ మండలం నర్సింహుల పల్లె గ్రామానికి చెందిన చెర్పూరి అఖిలేష్‌ యాదవ్‌ (24) నగరంలోని కేపీహెచ్‌బీ కాలనీలోని ఓ హాస్టల్‌లో ఉంటూ ఆస్పత్రిలో ఎలక్ట్రిషియన్‌గా పని చేస్తున్నాడు. కరీంనగర్‌ జిల్లా శంకరపట్నం మండలం కేశవపట్నానికి చెందిన మహమ్మద్‌ యూనిస్‌ (26) ప్రైవేట్‌ ఉద్యోగ చేస్తూ ఇక్కడి హాస్టల్‌లో ఉంటున్నాడు.వీరిద్దరూ కలిసి గురువారం అర్ధరాత్రి దాటిన తర్వాత బైక్‌పై జేఎన్‌టీయూ నుంచి కూకట్‌పల్లి వైపు వెళ్తున్నారు. ఈ క్రమంలో కూకట్‌పల్లి భాగ్యనగర్‌ బస్టాప్‌ వద్ద వీరి బైక్‌ అదుపుతప్పి మెట్రో పిల్లర్‌ను ఢీకొట్టడంతో అఖిలేష్‌ యాదవ్‌ అక్కడికక్కడే మృతి చెందాడు. బైక్‌ వెనక కూర్చున్న మహమమ్మద్‌ యూనిస్‌ను ఆస్పత్రికి తరలించగా.. చికిత్స పొందుతూ మృతి చెందాడు. అఖిలేష్‌ తండ్రి నారాయణ ఫిర్యాదు మేరకు కేసు దర్యాప్తు చేస్తున్నట్లు పోలీసులు తెలిపారు.

కృష్ణాజిల్లా: కట్టుకున్న భర్త మరో మహిళతో ఉంటూ తనని పూర్తిగా నిర్లక్ష్యం చేస్తున్నాడన్న కోపంతో భార్య తన కుటుంబ సభ్యులతో ఆ మహిళపై విచక్షణారహితంగా దాడి చేసిన ఘటన మచిలీపట్నంలో శుక్రవారం జరిగింది. పోలీసులు తెలిపిన వివరాలు ఇలా ఉన్నాయి.. బలరామునిపేటకు చెందిన శ్రీను అనే వ్యక్తికి అంజలితో వివాహం అయ్యింది. శ్రీను శ్లాబు పనులు చేస్తుంటాడు. అయితే ఐదేళ్ల క్రితం శ్రీను మీనాక్షి అనే మరో మహిళను వివాహం చేసుకున్నాడు. కొంతకాలంగా ఆమెతోనే ఉంటూ మొదటి భార్యను పూర్తి నిర్లక్ష్యం చేస్తున్నాడు. ఈ విషయాన్ని జీర్ణించుకోలేని అంజలి శుక్రవారం రాత్రి తన బంధువులతో కలిసి మీనాక్షిని నడిరోడ్డుపై అడ్డుకుని విచక్షణారహితంగా దాడి చేసింది. ఆమెతో పాటు బంధువులు మీనాక్షిని మహిళ అని కూడా చూడకుండా మూకుమ్మడిగా దాడి చేసి తీవ్రంగా గాయపరిచారు. నడిరోడ్డుపై ఆమె దుస్తులను చింపేసి తీవ్రంగా అవమానించారు. కొంత మంది మగాళ్లు కూడా మహిళ అని చూడకుండా మీనాక్షి జుట్టు పట్టుకుని ఈడ్చేశారు. దీంతో ఆమె తీవ్రంగా గాయపడింది. స్థానికులు పలువురు చికిత్స నిమిత్తం ఆమెను మచిలీపట్నం సర్వజన ఆస్పత్రికి తరలించారు. ఆస్పత్రిలో ఆమె చికిత్స పొందుతోంది. విషయం తెలుసుకున్న పోలీసులు ఆస్పత్రికి చేరుకుని బాధితురాలి నుంచి వివరాలు నమోదు చేసుకునేందుకు ప్రయత్నించారు. అయితే ఆమె ఆరోగ్య పరిస్థితి సహకరించకపోవడంతో వైద్యుల సలహా మేరకు పోలీసులు తమ ప్రయత్నాన్ని ఉపసంహరించుకున్నారు. బాధితురాలు కోలుకున్న అనంతరం వివరాలు సేకరించి ఆమె ఇచ్చిన ఫిర్యాదు చేస్తే కేసు నమోదు చేసి దర్యాప్తు చేస్తామని చిలకలపూడి పోలీసులు తెలిపారు.

హైదరాబాద్ : పాతబస్తీ సైదాబాద్‌లోని సక్సెస్ స్కూల్‌ వద్ద ఉద్రిక్త పరిస్థితులు చోటు చేసుకున్నాయి. స్కూల్లో పని చేస్తున్న ఓ టీచర్‌ రెండో తరగతి హిందూ విద్యార్థితో ఉర్దూలోని కల్మా, సూరహ్ ఫాతిహా చదవాలని హోమ్‌వర్క్ ఇవ్వడం సంచలనంగా మారింది. స్కూల్ డైరీలోనూ అదే విషయాన్ని రాశాడు. గమనించిన బాలిక తల్లిదండ్రులు పాఠశాలకు వెళ్లి ఈ విషయంపై టీచర్‌ను నిలదీశారు.విషయం పలు ఇందూ సంఘాలు స్కూల్ యాజమాన్యంపై చర్యలు తీసుకోవాలని ఆందోళనకు దిగడంతో ఉద్రిక్త పరిస్థితులు నెలకొన్నాయి. ఇదే విషయంపై కేంద్ర మంత్రి బండి సంజయ్‌ స్పందించారు. సక్సెస్ స్కూల్‌ యాజమాన్యం తీరుపై ఆగ్రహం వ్యక్తం చేశారు. హిందూ సంస్కృతిపై దాడి చేస్తున్నారని మండిపడ్డారు. స్కూల్ యాజమాన్యంపై చర్యలు తీసుకోవాలని డిమాండ్ చేశారు.

సూపర్‌బజార్‌(కొత్తగూడెం): కొత్తగూడెం టూటౌన్‌ పరిధిలో బాలికపై లైంగికదాడి చేసిన ఘటనలో ఆరుగురిపై పోక్సో కేసు నమోదు చేయగా నలుగురిని అరెస్ట్‌ చేశామని డీఎస్పీ ఆదినారాయణ తెలిపారు. మరో ఇద్దరు పరారీలో ఉన్నారని చెప్పారు. పోలీస్‌స్టేషన్‌లో బుధవారం ఏర్పాటు చేసిన సమావేశంలో ఆయన వివరాలు వెల్లడించారు. గరీబ్‌పేటకు చెందిన మార్తి రామకృష్ణ ఓ బాలికను ప్రేమపేరుతో వేధించాడు. ఆ తర్వాత ఆమెను జాలె నవీన్‌, గణేశ్‌ సహకారంతో ఈ నెల 3వ తేదీన తన బావ, కానిస్టేబుల్‌ వెంకటేశ్‌ గదికి తీసుకువెళ్లి లైంగికదాడి చేశాడని తెలిపారు. తరువాత స్నేహితులైన కలకుంట్ల విజేందర్‌, బడేటి మహేశ్‌కు చెప్పగా వారు కూడా ఈనెల 4, 5వ తేదీల్లో వేర్వేరుగా బాధితురాలిని భయపెట్టి ఆటోల్లో తీసుకువెళ్లి లైంగికదాడి చేశారని వివరించారు. ఈ విషయమైబాలిక ఈ నెల 11న తల్లికి తెలపగా టూటౌన్‌ పోలీస్‌ స్టేషన్‌లో ఫిర్యాదు చేసినట్లు తెలిపారు. కేసు నమోదు చేసి బుధవారం మార్తి రామకృష్ణ, కలకుంట్ల విజేందర్‌, బడేటి మహేశ్‌, బాలె నవీన్‌ను అరెస్ట్‌ చేసి వారి నుంచి మూడు ఆటోలు, సెల్‌ఫోన్లను స్వాధీనం చేసుకున్నట్లు చెప్పారు. మిగిలిన నిందితుల్లో కానిస్టేబుల్‌ వెంకటేశ్‌తో పాటు గణేశ్‌ పరారీలో ఉన్నట్లు డీఎస్పీ వివరించారు. వన్‌టౌన్‌ సీఐ కరుణాకర్‌, టూటౌన్‌ ఎస్‌ఐ రాజశేఖర్‌, సిబ్బంది పాల్గొన్నారు.

కరీంనగర్‌ కార్పొరేషన్‌: నగరపాలకసంస్థలో దారుణం చోటుచేసుకొంది. తప్పతాగిన ఇద్దరు నగరపాలకసంస్థ కంప్యూటర్‌ ఆపరేటర్లు, విధుల్లో ఉన్న ఓ మహిళా కంప్యూటర్‌ ఆపరేటర్‌ను లైంగికవేధింపులకు గురిచేశారు. ఒక దశలో ఆమెను చుట్టుముట్టి నిర్మానుష్యప్రాంతానికి లాక్కెళ్లేందుకు ప్రయత్నించారు. ఆలస్యంగా వెలుగు చూసిన ఈ ఘటన వివరాలిలా ఉన్నాయి. నగరపాలకసంస్థలోని ఓ విభాగంలో పనిచేస్తున్న మహిళా కంప్యూటర్‌ ఆపరేటర్‌ సీతారాంపూర్‌ ప్రాంతంలో ఎస్‌ఐఆర్‌ విధులు చేపడుతున్నారు. ఈ నెల 11వ తేదీన మధ్యాహ్నం ఆమె విధుల్లో ఉండగా, అక్కడికి మద్యం మత్తులో ఉన్న ఇద్దరు కంప్యూటర్‌ ఆపరేటర్లు వచ్చారు. ఆమెను చుట్టుముట్టి లైంగికవేధింపులకు దిగారు. ఒక దశలో నిర్మానుష్యప్రాంతానికి బలవంతంగా లాక్కెళ్లేందుకు ప్రయత్నించగా, ఎస్‌ఐఆర్‌ ప్రక్రియలో భాగంగా అక్కడ జనాలు ఉండడంతో వీలుపడలేదు. ఆమెను దుర్భాషలాడుతూ తమతో రావాలని, తమకు కంపెనీ ఇవ్వాలంటూ వేధించారు. దీంతో తాను కమిషనర్, కలెక్టర్‌కు ఫిర్యాదు చేస్తానని బెదిరిస్తే, ఉన్నతాధికారులు అని కూడా చూడకుండా వారు ఏమీ చేయలేరంటూ దుర్భాషలాడారు. గట్టిగా హెచ్చరించడంతో ఇద్దరు అక్కడి నుంచి వెళ్లిపోయారు. కాగా భర్త మరణంతో కారుణ్య ఉద్యోగం పొందిన ఆమెపై గత ఏడాదిన్నరగా వేధింపులు జరుగుతుండడం గమనార్హం. అప్పట్లోనే బాధిత మహిళ వేధింపులను ఉన్నతాధికారుల దృష్టికి తీసుకురాగా, సదరు కంప్యూటర్‌ ఆపరేటర్‌తో క్షమాపణ చెప్పించారు. విచారణకు ఆదేశంతనను వేధిస్తున్న ఇద్దరు కంప్యూటర్‌ ఆపరేటర్లపై చర్యతీసుకోవాలని ఈ నెల 13వ తేదీన బాధిత ఆపరేటర్‌ నగరపాలకసంస్థ కమిషనర్‌కు ఫిర్యాదు చే సింది. కమిషనర్‌ విచారణకు ఆదేశించారు. బుధవా రం నగరపాలకసంస్థ అంతర్గత ఫిర్యాదుల కమిటీ విచారణ చేపట్టింది. నిందితులు తమకు రాజకీయ పలుకుబడి ఉందంటూ, తమను ఎవరూ ఏం చేయలేరంటూ బాధిత మహిళను బెదిరింపులకు గురిచేస్తున్నట్లు సమాచారం. గతంలోనూ ఇలానే రాజకీయ పలుకుబడితోనే బయటపడ్డారని, మరోసారి అదే ప్రయత్నం చేస్తున్నట్లు ప్రచారం జరుగుతోంది. విధుల్లో ఉన్న మహిళా కంప్యూటర్‌ ఆపరేటర్‌ను లైంగికంగా వేధించిన వారిపై కఠిన చర్యలు తీసుకొని, ఇలాంటి ఘటనలు పునరావృతం కాకుండా చూడాలని మహిళా ఉద్యోగులు కోరుతున్నారు.