Yadadri District News

ఫ వ్యవసాయ శాఖ ప్రిన్సిపల్‌ సెక్రటరీ సురేంద్రమోహన్‌ చౌటుప్పల్‌ : వర్షాభావ పరిస్థితుల నేపథ్యంలో రైతులు వరికి బదులుగా ఆరుతడి పంటలు వేసుకోవాలని వ్యవసాయ ఉత్పత్తి కమిషనర్‌, వ్యవసాయ శాఖ ప్రిన్సిపల్‌ సెక్రటరీ సురేంద్రమోహన్‌ సూచించారు. శనివారం చౌటుప్పల్‌ మండల పరిధిలోని ఆరెగూడెం గ్రామాన్ని ఆయన సందర్శించారు. పత్తిచేనులో మొక్కలకు ఉన్న పత్తి నాణ్యతను పరిశీలించారు. ఈ సందర్భంగా ఆయన మాట్లాడుతూ.. వరికి సరిపడా నీటి లభ్యత లేనందున రైతాంగం తప్పనిసరిగా పంటల మార్పిడి చేసుకోవాలన్నారు. ఆరుతడి పంటల సాగు ఎంతగానో ప్రయోజనం చేకూరుతుందని తెలిపారు. రైతులు రైతు ఉత్పత్తిదారుల సంఘాలు ఏర్పాటు చేసుకొని పట్టు పరిశ్రమ ఉత్పత్తులు, పంట ఉత్పత్తులను రైతులు స్వయంగా కొనుగోలు చేయడం ద్వారా లాభాలు అర్జించవచ్చన్నారు. పత్తి క్వింటాకు రూ.10వేలకు పెంచితే తమకు గిట్టుబాటు అవుతుందని, ధర పెంచేలా చూడాలని రైతులు విన్నవించుకున్నారు. స్పందించిన ఆయన సమస్యను కేంద్ర ప్రభుత్వం దృష్టికి తీసుకెళ్తామని హామీ ఇచ్చారు. ఆయన వెంట జిల్లా వ్యవసాయాధికారి వెంకటరమణారెడ్డి, ఉద్యానవన జిల్లా అధికారి హేమలత, మండల వ్యవసాయాధికారి ముత్యాల నాగరాజు, ఉద్యానవన అధికారి కవిత, ఏఈఓ వెన్నెల, సర్పంచ్‌ ఎన్నేపల్లి ధనలక్ష్మివెంకట్‌రెడ్డి, ఉపసర్పంచ్‌ నిమ్మల సత్యనారాయణ పాల్గొన్నారు.

సాక్షి, యాదాద్రి : జిల్లాలో ఆధ్యాత్మిక, పర్యాటక రంగాలకు సరికొత్త ఊతమిచ్చేలా కేంద్ర ప్రభుత్వం పర్యాటకాభివృద్ధి పనులను వేగవంతం చేసింది. కేంద్ర ప్రభుత్వ శ్రీపర్వతమాలశ్రీ పథకంలో భాగంగా రాష్ట్రవ్యాప్తంగా రూ.1,230 కోట్లతో ఐదు రోప్‌వే ప్రాజెక్టులు మంజూరు కాగా.. అందులో యాదగిరిగుట్ట నుంచి పెద్దగుట్ట మార్గం ఒకటిగా నిలిచింది. మరోవైపు శ్రీభారత్‌మాలశ్రీ పథకం కింద భువనగిరి ఖిలాపైకి మంజూరైన రోప్‌వే పనులు ఇప్పటికే చురుగ్గా సాగుతున్నాయి. హైదరాబాద్‌ శివారులోనే ఉన్న యాదాద్రి భువనగిరి జిల్లాలో ఈ పర్యాటక ప్రాజెక్టులు అందుబాటులోకి వస్తే స్థానిక యువతకు ఉపాధి అవకాశాలు మరింత మెరుగుపడనున్నాయి. యాదగిరిగుట్ట నుంచి పెద్దగుట్ట వరకు.. యాదగిరిగుట్ట లక్ష్మీనరసింహస్వామి కొలువుదీరిన ప్రధాన ఆలయం నుంచి పక్కనే ఉన్న పెద్దగుట్ట టెంపుల్‌ సిటీ వరకు ఈ రోప్‌వేను నిర్మించనున్నారు. గుట్టకు వచ్చే భక్తుల సౌకర్యార్థం పెద్దగుట్టలో 206 ఎకరాల్లో టెంపుల్‌ సిటీని ఇదివరకే అభివృద్ధి చేశారు. అక్కడ ఇప్పటికే పూలవనాలు, ల్యాండ్‌స్కేప్‌లు, విశాలమైన రహదారులను తీర్చిదిద్దారు. దాతల సహకారంతో అత్యాధునిక వసతి గృహాల నిర్మాణం చేపట్టేందుకు ప్రణాళికలు రూపొందించారు. దీనికి తోడు ఇటీవల ముఖ్యమంత్రి రేవంత్‌రెడ్డి వేద పాఠశాల భవన సముదాయానికి శంకుస్థాపన చేశారు. అలాగే జిల్లా ఆస్పత్రి, వైద్య కళాశాల నిర్మాణాలు కూడా ఇక్కడే వేగంగా సాగుతున్నాయి. పాతగుట్ట స్వామి దర్శనమూ సులభతరం పెద్దగుట్టకు ఆనుకుని ఉన్న పాతగుట్ట లక్ష్మీనరసింహస్వామి ఆలయానికి నిత్యం వేలాది మంది భక్తులు వస్తుంటారు. ప్రధాన ఆలయం నుంచి సుమారు రెండున్నర కిలోమీటర్ల కంటే ఎక్కువ దూరంలో ఉన్న ఈ రెండు క్షేత్రాల మధ్య రోప్‌వే అందుబాటులోకి వస్తే ప్రయాణ సమయం గణనీయంగా తగ్గనుంది. దీనివల్ల భక్తులకు రవాణా వ్యయంతో పాటు ప్రయాణ ప్రయాసలు తప్పనున్నాయి. భువనగిరి ఖిలాపైకి శరవేగంగా రోప్‌వే పనులు పర్యాటక ప్రాంతమైన భువనగిరి ఖిలాపైకి రోప్‌వే నిర్మాణ పనులు శరవేగంగా సాగుతున్నాయి. భారత్‌మాల పథకంలో భాగంగా కేంద్ర నిధులతో భువనగిరి ఖిలాను సర్వాంగ సుందరంగా తీర్చిదిద్దుతున్నారు. జాతీయ రహదారి పక్కనుంచే ఖిలా పైభాగానికి ఈ రోప్‌వేను ఏర్పాటు చేస్తున్నారు. ఇటీవలే రాష్ట్ర పర్యాటక శాఖ మంత్రి జూపల్లి కృష్ణారావు భువనగిరి ఖిలాను సందర్శించి రోప్‌వే పనులను వేగవంతం చేయాలని అధికారులను ఆదేశించారు. ఈ ప్రాజెక్టు పూర్తయితే ఖిలాను సందర్శించే పర్యాటకుల సంఖ్య గణనీయంగా పెరగనుంది.ఆధ్యాత్మిక, పర్యాటక క్షేత్రాలుగా రూపుదిద్దుకున్న యాదగిరిగుట్ట, భువనగిరిల నడుమ దూరం 10 కిలోమీటర్లు మాత్రమే. యాదగిరిగుట్ట ప్రధాన ఆలయం దివ్యక్షేత్రంగా పునర్నిర్మాణం పొంది, స్వర్ణ తాపడాలు పూర్తి చేసుకున్నాక భక్తుల రద్దీ విపరీతంగా పెరిగింది. విశేష పర్వదినాల్లో లక్ష మందికి పైగా భక్తులు స్వామివారిని దర్శించుకుంటున్నారు. వీరికి భక్తి పారవశ్యంతో పాటు ఆహ్లాదాన్ని పంచేందుకు పెద్దగుట్ట టెంపుల్‌ సిటీ, భువనగిరి ఖిలాలు ఎంతగానో ఉపయోగపడతాయి. హైదరాబాద్‌ మెట్రో నగరానికి సమీపంలో ఉండటంతో పర్యాటకుల రాకపోకలు నిత్యం కొనసాగుతున్నాయి. యాదగిరిగుట్ట – పెద్దగుట్ట రోప్‌వేకి సంబంధించి సమగ్ర ప్రాజెక్టు నివేదిక సిద్ధమైన అనంతరం పూర్తిస్థాయి నిధుల కేటాయింపు జరగనుంది. ఫ ఇప్పటికే శరవేగంగా సాగుతున్న భువనగిరి ఖిలా రోప్‌వే పనులు ఫ ఆధ్యాత్మిక, పర్యాటక రంగాల అభివృద్ధితో స్థానికంగా పెరగనున్న ఉపాధి అవకాశాలు

చిట్యాల మండలంలోని పెద్దకాపర్తి, వెలిమినేడు, గుండ్రాంపల్లి, నేరడ గ్రామాలకు చెందిన పలువురు రైతులు, చిరు వ్యాపారులు కూరగాయల విక్రయాలకు ఆన్‌లైన్‌ ప్రచారాన్ని వాడుకుంటున్నారు. సొంతంగా పండించిన కూరగాయలతో పాటు ఇతర ప్రాంతాల నుంచి కొనుక్కొచ్చిన కూరగాయలను ప్రజలకు అందుబాటులో ఉంచుతున్నారు. ఏయే కూరగాయలు ఉన్నాయి? వాటి ధరలు ఎంత? ఎక్కడ విక్రయిస్తున్నారు? తదితర వివరాలతో ఏఐ ద్వారా రూపొందించిన పోస్టర్లను సోషల్‌ మీడియాలో పోస్ట్‌ చేస్తున్నారు. దీంతో వినియోగదారులకు ముందే సమాచారం అందుతుండగా.. వ్యాపారులకు సైతం కొనుగోళ్లు వేగవంతంగా జరిగిపోతున్నాయి.

సమన్వయంతో పనిచేయాలి భువనగిరి: కేసుల్లో నేర నిరూపణ శాతం పెంచేందుకు సమన్వయంతో పనిచేయాలని ఎస్పీ అక్షాంశ్‌ యాదవ్‌ అన్నారు. శనివారం భువనగిరిలోని డీఏఆర్‌ హెడ్‌క్వార్టర్స్‌లో కోర్టు కేసుల పురోగతి, ఈ–సమన్ల అమలుపై సమీక్షా సమావేశం నిర్వహించారు. ఈసందర్భంగా ఎస్పీ మాట్లాడుతూ.. ప్రతి పోలీస్‌స్టేషన్‌ పరిధిలో పాయింట్‌ బుక్స్‌ను క్రమంతప్పకుండా పరిశీలించాలన్నారు. అనంతరం రాజాపేట పోలీస్‌స్టేషన్‌ పరిధిలో నమోదైన హత్య కేసులో నిందితుడికి శిక్ష పడేలా సమర్థవంతంగా కృషి చేసిన పబ్లిక్‌ ప్రాసిక్యూటర్‌ కేశవరెడ్డి, విధి నిర్వహణలో ప్రతిభ కనబర్చిన సీడీఓ వీరారెడ్డిని సన్మానించారు. సమావేశంలో అదనపు ఎస్పీ లక్ష్మీనారాయణ, డీఎస్పీలు, సీఐలు, ఎస్‌హెచ్‌ఓలు, ఎస్సైలు పాల్గొన్నారు. పంటల సంరక్షణే ధ్యేయం భువనగిరి: పంటల సంరక్షణే ధ్యేయమని టీజీఎస్‌పీడీసీఎల్‌ ఆపరేషన్‌ డైరెక్టర్‌ నరసింహులు అన్నారు. శనివారం బీబీనగర్‌ మండలంలోని కొండమడుగు, భట్టుగూడెం, గుర్రాలదండి, భువనగిరి మండలం బొల్లేపల్లి, సూరేపల్లి గ్రామాల్లో ఆయన పర్యటించారు. ఈ సందర్భంగా రైతులతో కలిసి వారి సమస్యలను అడిగి తెలుసుకున్నారు. రైతులకు ఎలాంటి ఇబ్బందులు కలగకుండా విద్యుత్‌ సరఫరా చేసేందుకు ప్రత్యేక చర్యలు తీసుకుంటున్నట్లు తెలిపారు. ఆయన వెంట ఎస్‌ఈ సురేష్‌, డీఈ వెంకటేశ్వర్లు, డీఎంఆర్‌టీ విజయభాస్కర్‌రెడ్డి, ఏడీఈలు రవీందర్‌ మచ్చేందర్‌, ఏఈ మనోహర్‌రెడ్డి, వెంకటేశ్వర్లు పాల్గొన్నారు. యాదగిరీశుడికి సంప్రదాయ పూజలుయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో శనివారం నిత్య పూజలు విశేషంగా జరిగాయి. గర్భాలయంలోని స్వయంభూ మూర్తులకు పంచామృతాలతో అభిషేకం చేశారు. ముఖ మండపంలోని బంగారు ఉత్సవమూర్తులకు అష్టోత్తరం, సువర్ణ పుష్పార్చన పూజలు నిర్వహించారు. ప్రథమ ప్రాకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం, బ్రహ్మోత్సవం చేపట్టారు. సాయంత్రం ఆలయ తిరు, మాఢ వీధిలో జోడు సేవలను ఊరేగించారు. రాత్రి శ్రీస్వామి అమ్మవార్లకు శయనోత్సవం నిర్వహించి, ఆలయాన్ని ద్వార బంధనం చేశారు. అదేవిధంగా విజయ దశమిని పురస్కరించుకొని ఆలయంలో శ్రీలక్ష్మీ అమ్మవారి విశేష ఆరాధన ఉత్సవాలకు అర్చకులు శ్రీకారం చుట్టారు. ఆలయ ముఖ మండపంలోని ఉత్సవమూర్తుల చెంత శ్రీమహాలక్ష్మీ అమ్మవారి కలశ స్థాపన పూజ నిర్వహించారు.

ఫ రాష్ట్ర పంచాయతీరాజ్‌ శాఖ డిప్యూటీ కమిషనర్‌ సరిత ఆలేరురూరల్‌: నీటి సంరక్షణ పనులపై ప్రత్యేక దృష్టి సారించాలని రాష్ట్ర పంచాయతీరాజ్‌, గ్రామీణాభివృద్ధి శాఖ డిప్యూటీ కమిషనర్‌ సరిత అన్నారు. శనివారం ఆలేరు మండలం శారాజీపేట గ్రామ పంచాయతీలో విబీజీ రామ్‌జీ పథకంలో భాగంగా చేపడుతున్న జలసిరి పనులను పరిశీలించారు. గ్రామంలో నిర్మిస్తున్న ఫామ్‌పాండ్‌ పనులను క్షేత్రస్థాయిలో సందర్శించి, పనుల పురోగతిపై ఆరా తీశారు. ఉష్ణోగ్రతల్లో మార్పులు సంభవించినా నీటి వనరులకు ఇబ్బందులు తలెత్తకుండా తీసుకుంటున్న చర్యలను అధికారులను అడిగి తెలుసుకున్నారు. గ్రామ పంచాయతీ ప్రణాళికలో గుర్తించిన పనులు, వ్యక్తిగత లబ్ధిదారులకు చేపడుతున్న పనులు, సామూహిక అవసరాల కోసం నిర్వహిస్తున్న పనుల వివరాలను తెలుసుకున్నారు. అదేవిధంగా జలసిరి కార్యక్రమంలో భాగంగా చేపడుతున్న మ్యాజిక్‌ సోక్‌పిట్‌లు, బోర్‌వెల్‌ రీచార్జ్‌ పనులు, ఫామ్‌పాండ్‌ నిర్మాణాల పురోగతిపై డిప్యూటీ కమిషనర్‌ సరిత సమీక్ష నిర్వహించారు. జిల్లా పంచాయతీ అధికారి, మండల స్పెషల్‌ ఆఫీసర్‌తోపాటు విబీజీరామ్‌జీ సిబ్బందితో పనుల పురోగతి, అమలులో ఎదురవుతున్న సమస్యలు, భవిషత్తులో చేపట్టాల్సిన చర్యలపై సమీక్షించారు. ఆమె వెంట ఎంపీడీఓ సత్యాంజనేయ ప్రసాద్‌, సర్పంచ్‌ కంతి మధు, ఏపీఓ నవీన్‌, ఎంపీఓ అనురాధ, ఏపీఓ అరుణ, అధికారులు చారి, మానస, సుజాత, రేణుక తదితరులున్నారు.

భువనగిరిలోని రైతు బజార్‌ పక్కన ఉన్న 999 గజాల స్థలంలో రూ.6 కోట్ల అంచనా వ్యయంతో నాలుగు అంతస్తుల భవనాన్ని నిర్మిస్తున్నాం. కంట్రోల్‌ రూమ్‌ డేటా సెంటర్‌ అధినేత పిన్నపురెడ్డి శ్రీధర్‌రెడ్డి గారు దాతగా ఈ భవన నిర్మాణానికి ముందుకు రావడం అభినందనీయం. త్వరలోనే గౌరవ రాష్ట్ర గవర్నర్‌ చేతుల మీదుగా ఈ భవన నిర్మాణానికి శంకుస్థాపన చేయనున్నాం. ఈ నూతన భవనంలోని గ్రౌండ్‌ ఫ్లోర్లో వాహనాల పార్కింగ్‌ సదుపాయం ఉంటుంది. మొదటి అంతస్తులో తలసేమియా బాధితులకు ప్రత్యేక చికిత్స విభాగం, రెండో అంతస్తులో ఆధునిక బ్లడ్‌ బ్యాంక్‌, బ్లడ్‌ కలెక్షన్‌ సెంటర్‌, క్లినికల్‌ ల్యాబ్‌ ఉంటుంది. మూడో అంతస్తులో కిడ్నీ బాధితుల కోసం 6 పడకల ఉచిత డయాలసిస్‌ సెంటర్‌, నాలుగవ అంతస్తులో రెడ్‌క్రాస్‌ జిల్లా పరిపాలనా కార్యాలయం ఉంటుంది. ఈ ల్యాబ్‌లకు కావాల్సిన అత్యాధునిక వైద్య పరికరాలను ప్రభుత్వ సహకారంతో సమకూరుస్తున్నాం.

సాక్షి, యాదాద్రి : తీవ్ర వర్షాభావ పరిస్థితుల నేపథ్యంలో జిల్లాలో యాసంగి సాగు అంచనాలు భారీగా పడిపోయాయి. ఒకవైపు కరువు ఛాయలు, మరోవైపు అడుగంటిన భూగర్భ జలాలతో రైతాంగం తీవ్ర ఆందోళనలో ఉంది. జిల్లా వ్యాప్తంగా 22 శాతం లోటు వర్షపాతం నమోదు కాగా.. 14 మండలాల్లో భూగర్భ జలాలు పూర్తిగా అడుగంటిపోయాయి. ఈ విపత్కర పరిస్థితుల్లో వ్యవసాయ శాఖ ప్రత్యామ్నాయ పంటల సాగుకు ప్రణాళికలు రచిస్తున్నప్పటికీ.. రైతులు అటువైపు ఏ మేరకు మొగ్గు చూపుతారనేది ప్రశ్నార్థకంగా మారింది. మూసీ ఆయకట్టు కింద కూడా వరి విస్తీర్ణం భారీగా తగ్గే అవకాశం ఉందని వ్యవసాయ శాఖ అంచనా వేసింది. సగానికి పైగా తగ్గనున్న వరి సాగు.. జిల్లాలో 2026–27 యాసంగి పంటల ప్రణాళిక రైతుల భవిష్యత్తుపై కీలక ప్రశ్నలను లేవనెత్తుతోంది. గత యాసంగిలో 3,70,309 ఎకరాలుగా ఉన్న మొత్తం పంటల సాగు విస్తీర్ణాన్ని ఈసారి కేవలం 1,78,564 ఎకరాలుగా అధికారులు అంచనా వేశారు. ప్రధానంగా వరి సాగు ఒక్కటే 3,46,454 ఎకరాల నుంచి 1,31,500 ఎకరాలకు పడిపోతుందని భావిస్తున్నారు. ఇంత భారీ స్థాయిలో తగ్గుదల అంచనా వేసిన అధికారులు.. రైతులకు లాభదాయకమైన ప్రత్యామ్నాయ మార్గాలను స్పష్టంగా చూపలేకపోతున్నారనే విమర్శలు వినిపిస్తున్నాయి. పంట మార్పిడా.. సాగుకే విరామమా? ప్రణాళిక ప్రకారం వరి విస్తీర్ణం ఏకంగా 2,14,954 ఎకరాలు తగ్గనుండగా.. వరియేతర వ్యవసాయ పంటల విస్తీర్ణం 2,147 ఎకరాల నుంచి 25,655 ఎకరాలకు పెరుగుతుందని అంచనా వేశారు. అంటే ప్రత్యామ్నాయ పంటల్లో పెరుగుదల కేవలం 23,508 ఎకరాలుగా మాత్రమే లెక్కకట్టారు. ఉద్యాన పంటల విస్తీర్ణం కూడా మొత్తంగా 299 ఎకరాలు తగ్గుతుందని పేర్కొన్నారు. ఫలితంగా గత సీజన్‌తో పోలిస్తే ఈసారి ఏకంగా 1,91,745 ఎకరాల మేర సాగు విస్తీర్ణం తగ్గనుంది. ఆ మేరకు భూములను రైతులు బీడుగా వదిలేయాల్సిన పరిస్థితి కనిపిస్తోంది. ప్రత్యామ్నాయ విత్తన ప్రణాళిక సరిపోతుందా.. పెసర 5,410 ఎకరాలు, మినుము 3,560, వేరుశనగ 1,675, శనగ 1,200 ఎకరాల్లో సాగవుతుందని అధికారులు నివేదిక రూపొందించారు. కానీ, ప్రభుత్వం వద్ద సమర్పించిన సబ్సిడీ విత్తన ప్రతిపాదనల్లో పెసరకు 5,704 ఎకరాలు, వేరుశనగకు 1,620 ఎకరాలు, శనగకు 1,985 ఎకరాలను ప్రాతిపదికగా తీసుకున్నారు. కుసుమ సాగు అంచనా 1,020 ఎకరాలుగా ఉంది. గత సీజన్‌లో ఆయిల్‌పామ్‌ విస్తీర్ణం 5,159 ఎకరాలు కాగా, ఉద్యాన పంటల పట్టికలో ఈసారి 4,368 ఎకరాలుగా నమోదైంది. రైతుల సందిగ్ధం.. యాసంగి సీజన్‌లో జిల్లాలో సహజంగానే అత్యధికంగా వరి సాగు చేస్తారు. ఆ తర్వాత కూరగాయల సాగు ఉంటుంది. మూసీ ఆయకట్టు ప్రాంతమంతా వరి సాగుపైనే ఆధారపడుతుంది. ఇక నాన్‌–మూసీ ఆయకట్టులో భూగర్భ జలాలపై ఆధారపడి వరి వేస్తారు. కానీ, ఈసారి భూగర్భ జలాలు దారుణంగా పడిపోవడంతో రైతులు ఏ పంట వేయాలన్న సందిగ్ధంలో ఉన్నారు. ప్రభుత్వం చెబుతున్న ప్రత్యామ్నాయ పంటల సాగు కూడా ప్రశ్నార్థకమేనని రైతులు ఆవేదన వ్యక్తం చేస్తున్నారు. సగానికి పైగా పడిపోయిన పంట సాగు అంచనాలు ఫ వరి 1,31,500 ఎకరాలకు పడిపోతుందని భావిస్తున్న అధికారులు ఫ రైతులు ప్రత్యామ్నాయ పంటల వైపు మొగ్గు చూపేనా? ఫ విత్తన ప్రణాళికపై వీడని సందిగ్ధత మూసీ ఆయకట్టు మండలాలైన పోచంపల్లి, బీబీనగర్‌, రామన్నపేట, వలిగొండ మండలాల్లో వరి విస్తీర్ణం 1,18,021 ఎకరాల నుంచి 81,000 ఎకరాలకు తగ్గుతుందని అంచనా. సెమీ మూసీ ప్రాంతంలోని అడ్డగూడూరు, భువనగిరి, చౌటుప్పల్‌ మండలాల్లో 57,971 ఎకరాల నుంచి 18,000 ఎకరాలకు సాగు పరిమితం కానుంది. మూసీయేతర ప్రాంతంలోని పది మండలాల్లో అత్యధికంగా వరి సాగు 1,70,463 ఎకరాల నుంచి కేవలం 32,500 ఎకరాలకు పడిపోతుందని భావిస్తున్నారు. ఇందులో ఆత్మకూరు(ఎం)లో 24,925 ఎకరాల నుంచి 3,500 ఎకరాలకు, రాజాపేటలో 21,852 నుంచి 5,000 ఎకరాలకు, మోటకొండూరులో 19,378 నుంచి 3,000 ఎకరాలకు వరి సాగు భారీగా తగ్గనుందని అంచానా వేశారు.

భువనగిరి: దసరా సెలవులు వచ్చాయంటే చాలు.. విద్యార్థులు టీవీలు, మొబైల్‌ ఫోన్లకు అతుక్కుపోతారు. ఈ సమయాన్ని సద్వినియోగం చేసుకుంటూ, వారు కొత్త విషయాలు నేర్చుకునేలా రాష్ట్ర విద్యాశాఖ, రాష్ట్ర విద్యా పరిశోధన శిక్షణ సంస్థ (ఎస్‌సీఈఆర్‌టీ) ప్రత్యేకంగా ఒక పోర్టల్‌ను అందుబాటులోకి తీసుకొచ్చాయి. తరగతి గదిలో నేర్చుకున్న విజ్ఞానానికి తోడుగా, భవిష్యత్తుకు అవసరమయ్యే సాంకేతిక పరిజ్ఞానం, డిజిటల్‌ లెర్నింగ్‌పై పట్టు సాధించేందుకు వీలుగా ఇందులో పలు రకాల అభ్యసన కార్యక్రమాలను పొందుపరిచారు. అదనపు నైపుణ్యాలపై దృష్టి భువనగిరి జిల్లా వ్యాప్తంగా ఉన్న 715 పాఠశాలల్లో సుమారు 42,196 మంది విద్యార్థులు చదువుతున్నారు. దసరా సెలవుల్లో వీరు పుస్తకాలను పక్కనపెట్టి సందడి చేస్తున్నారు. ముఖ్యంగా 4 నుంచి 10వ తరగతి చదువుతున్న పిల్లలు, ఈ సెలవుల్లో కొంత సమయాన్ని కేటాయించి కొత్త నైపుణ్యాలు పెంపొందించుకోవాలనే లక్ష్యంతో విద్యాశాఖ ఈ డిజిటల్‌ వేదికను అందుబాటులోకి తెచ్చింది. ఆటలతో పాటు ఏఐ, కోడింగ్‌ డిజిటల్‌ లెర్నింగ్‌తో పాటు ఆర్టిఫిషియల్‌ ఇంటెలిజెన్స్‌ (ఏఐ)ను ఉపయోగించి కొత్త ఆలోచనలకు శ్రీకారం చుట్టేలా ఈ పోర్టల్‌ను తీర్చిదిద్దారు. కోడింగ్‌లో ప్రాథమిక నైపుణ్యాలు, డేటా ఫండమెంటల్స్‌, వివిధ రకాల గేమ్స్‌, డిజైన్లు చేసేందుకు అవసరమైన పాఠాలను ఇందులో పొందుపరిచారు. అలాగే గణితం, భౌతికశాస్త్రం (ఫిజిక్స్‌)కు సంబంధించిన కాన్సెప్ట్‌లు, సమస్యలను సాధన చేసే విధానాలను కూడా రూపొందించారు. భవిష్యత్తులో విద్యార్థులు రాయబోయే జేఈఈ, నీట్‌ వంటి పోటీ పరీక్షలకు అవసరమైన ప్రాథమిక సామర్థ్యాలను మెరుగుపరుచుకోవడానికి ఈ ప్రాక్టీస్‌ ఎంతగానో ఉపయోగపడుతుంది. విస్తృత ప్రచారం కల్పించాలి విద్యార్థులు ఆనందంగా కొత్త విషయాలను సెలవుల్లో నేర్చుకునేందుకు విద్యాశాఖ ఇచ్చిన సంబంధిత వెబ్‌సైట్‌ లింక్‌ను ఓపెన్‌ చేసి, తమ పిన్‌ నంబర్‌తో లాగిన్‌ అయి ఈ అంశాలను సాధన చేయవచ్చు. విద్యార్థులు ఈ అవకాశాన్ని సద్వినియోగం చేసుకునేలా విద్యాశాఖ అధికారులు, ఎంఈఓలు, పాఠశాలల ఉపాధ్యాయులు తరగతుల వారీగా ఉన్న విద్యార్థుల వాట్సాప్‌ గ్రూపుల్లో విస్తృత ప్రచారం కల్పించి, వారిని ప్రోత్సహించాల్సిన అవసరం ఉంది.ఫ విద్యార్థుల్లో నైపుణ్యాల పెంపునకు విద్యాశాఖ ప్రత్యేక పోర్టల్‌ ఫ 4 నుంచి 10వ తరగతి విద్యార్థుల కోసం రూపకల్పన ఫ ఆటల ద్వారా ఏఐ, కోడింగ్‌, డిజిటల్‌ నైపుణ్యాల అభ్యసనం ఫ జేఈఈ, నీట్‌ లాంటి పోటీ పరీక్షలకు పునాది పడేలా పాఠాలు

నల్లగొండ : ఎల్‌నినో ప్రభావంతో రానున్న రోజుల్లో తాగునీరు, వ్యవసాయం, విద్యుత్‌ తదితర రంగాల్లో సమస్యలు తలెత్తకుండా ముందస్తు కార్యాచరణ సిద్ధం చేసి అప్రమత్తంగా ఉండాలని రాష్ట్ర కార్మిక, ఉపాధి కల్పన, శిక్షణ శాఖ కార్యదర్శి, ఉమ్మడి నల్లగొండ జిల్లా ప్రత్యేక అధికారి దాసరి హరిచందన ఆదేశించారు. శుక్రవారం నల్లగొండ కలెక్టరేట్‌లో నల్లగొండ, సూర్యాపేట, యాదాద్రి భువనగిరి జిల్లాల కలెక్టర్లు, వివిధ శాఖల అధికారులతో ఎల్‌నినో ప్రభావంపై నిర్వహించిన సమీక్ష సమావేశంలో ఆమె మాట్లాడారు. జిల్లాల్లోని ఇప్పటికే కరువు పరిస్థితులు నెలకొన్నాయని, డిసెంబర్‌ చివరి నాటికి ఎల్‌నినో ప్రభావం తీవ్రస్థాయికి చేరే ప్రమాదముందన్నారు. దీని ప్రభావం వ్యవసాయం, భూగర్భ జలాలు, తాగునీరు, విద్యుత్‌ రంగాలపై పడే అవకాశం ఉన్నందన్నారు. ప్రతి ఇంటికీ తాగునీరు అందేలా చూడాలి ఎల్‌నినో పరిస్థితుల్లో తాగునీటికి అత్యధిక ప్రాధాన్యం ఇవ్వాలని హరిచందన స్పష్టం చేశారు. నా లుగైదు నెలలపాటు ప్రతి గ్రామంలో ప్రతి ఇంటికీ తాగునీరు అందేలా సూక్ష్మస్థాయి ప్రణాళికలు రూపొందించాలని మూడు జిల్లాల కలెక్టర్లకు సూచించారు. భూగర్భ జలాల లభ్యత, బోర్లలో నీటి పరి స్థితి, గ్రామాల్లో ఉన్న నీటి ట్యాంకులు, వాటి పని తీ రును అంచనా వేసి నీటిని పొదుపుగా వినియోగించుకునేలా ప్రజలకు అవగాహన కల్పించాలన్నారు. నీటి సంరక్షణ చాలా అవసరం భూగర్భ జలాలను పెంపొందించేందుకు వీబీజీ రాంజీ పథకం కింద పెద్ద ఎత్తున నీటి సంరక్షణ పనులు చేపట్టడం చాలా అవసరమని ఆమె అన్నారు. ప్రతి గ్రామంలో మ్యాజిక్‌ సోక్‌పిట్లు, కమ్యూనిటీ సోక్‌పిట్లు, నీటి నిల్వ నిర్మాణాలు చేపట్టాలని తెలిపారు. భవిష్యత్తులో భూగర్భ జలాలు తగ్గినా నీటి సరఫరాలో ఇబ్బందులు తలెత్తకుండా ప్రత్యామ్నాయ వనరులను సిద్ధం చేసుకోవాలన్నారు. విద్యుత్‌ వినియోగం, నష్టాలను తగ్గించేందుకు సోలార్‌ విద్యుత్‌, సోలార్‌ బ్యాటరీలు, సోలార్‌ మోటార్లు, సూర్యఘర్‌ వంటి పథకాలపై రైతులకు, ప్రజలకు అవగాహన కల్పించాలని సూచించారు. కూలీలకు వసతులు కల్పించండి వీబీజీ రాంజీ పథకం కింద ఉపాధి పనులు జరిగే ప్రాంతాల్లో కూలీలకు తాగునీరు, ఓఆర్‌ఎస్‌ ప్యాకెట్లు, ప్రథమ చికిత్స సౌకర్యాలు, నీడ కల్పించాలన్నారు. మండల ప్రత్యేక అధికారులు ప్రతి వారం పరిస్థితులను సమీక్షించి గ్రామస్థాయి నుంచి జిల్లా స్థాయి కార్యాచరణ ప్రణాళికలు రూపొందించాలని స్పష్టం చేశారు. అనంతరం యాదాద్రి భువనగిరి కలెక్టర్‌ అనురాగ్‌ జయంతి జిల్లాలో వ్యవసాయం, భూగర్భ జలాలు, విద్యుత్‌, తాగునీరు, పశుగ్రాసం, సాగునీటి పరిస్థితులను వివరించారు. రబీ సీజన్‌లో రైతులు వరికి బదులుగా తక్కువ నీటితో పండించే పెసర్లు, ఉలవలు, కందులు, ఉద్యాన పంటలు సాగుచేసేలా వ్యవసాయ శాఖ అధికారులు అవగాహన కల్పించాలని సూచించారు. నీరు, విద్యుత్‌ పొదుపునకు సూక్ష్మ సేద్యం కింద బిందు, తుంపర సేద్య పద్ధతులను ప్రోత్సహించేలా కార్యాచరణ రూపొందించాలని చెప్పారు. పశువులకు తాగునీరు, పశుగ్రాసం కొరత రాకుండా ప్రతి గ్రామంలో వనరులను గుర్తించాలని ఆదేశించారు. ఫ తాగునీటి సరఫరాకు తొలి ప్రాధాన్యం ఇవ్వాలి ఫ రబీలో వరికి బదులు ప్రత్యామ్నాయ పంటలు సాగుచేయాలి ఫ గ్రామాల వారీగా కార్యాచరణ సిద్ధం చేయండి ఫ నల్లగొండలో జరిగిన సమీక్షలో ఉమ్మడి జిల్లా ప్రత్యేక అధికారి దాసరి హరిచందన

భువనగిరి (భువనగిరిటౌన్‌) : బీబీనగర్‌ ఆల్‌ ఇండి యా ఇనిస్టిట్యూట్‌ ఆఫ్‌ మెడికల్‌ సైన్సెస్‌ (ఎయిమ్స్‌) అనాటమీ విభాగం ఆధ్వర్యంలో గురువారం ప్రపంచ అనాటమీ దినోత్సవం నిర్వహించారు. ఈసందర్భంగా ఎంబీబీఎస్‌, ఎండీ (అనాటమీ) విద్యార్థులకు.. శరీర నిర్మాణ శాస్త్రంపై అవగాహన, సృజనాత్మకత, శాసీ్త్రయ పరిశోధనా నైపుణ్యాలు వంటి పలు విద్యా సంబంధిత కార్యక్రమాలు చేపట్టారు. ముఖ్య అతిథిగా హాజరైన ఎయిమ్స్‌ డైరెక్టర్‌ డాక్టర్‌ అమితా అగర్వాల్‌ మాట్లాడుతూ.. వైద్య విద్యార్థులకు శరీర నిర్మాణ శాస్త్రం పునాది వంటిదని పేర్కొన్నారు. మృతదేహాల విచ్ఛేదన (శవపరీక్ష/డిసెక్షన్‌) సమయంలో జిజ్ఞాసను ప్రదర్శిస్తూ, సామూహికంగా నేర్చుకోవడం ద్వారా భవిష్యత్తులో ఉత్తమ వైద్యులుగా రాణించవచ్చన్నారు. విద్యార్థుల కోసం జాతీయ స్థాయి ఈ–పోస్టర్‌ పోటీ అనాటోఆర్ట్‌ నిర్వహించారు. అలాగే అనాటోస్క్రిప్ట్‌ బూట్‌ క్యాంప్‌ పేరిట ప్రత్యేక వర్క్‌షాప్‌ను ఏర్పాటు చేశారు. వివిధ పోటీల్లో ప్రతిభ కనబరిచిన విజేతలకు ఎగ్జిక్యూటివ్‌ డైరెక్టర్‌తో పాటు డీన్‌ (అకడమిక్స్‌) ప్రశంసాపత్రాలు, బహుమతులు అందజేశారు. వివిధ విభాగాల అధిపతులు, అధ్యాపకులు పాల్గొన్నారు. ఫ ఎయిమ్స్‌ డైరెక్టర్‌ అమితా అగర్వాల్‌

యాదగిరిగుట్ట: యాదగిరిగుట్ట పట్టణా నికి చెందిన పీబీ శ్రీవల్లి 2026 జూనియర్‌ సివిల్‌ జడ్జి (జేసీజే) పరీక్షల్లో ఉత్తీర్ణత సాధించి సివిల్‌ జడ్జిగా ఎంపికయ్యారు. యాదగిరి శ్రీలక్ష్మీనరసింహస్వామి వారి ఆలయంలో విధులు నిర్వహిస్తున్న రంగాచార్యులు– లక్ష్మీ దంపతుల కుమార్తె అయిన శ్రీవల్లి బుధవారం విడుదల చేసిన ఫలితాల్లో ఆమె ఉత్తీర్ణత సాధించి సివిల్‌ జడ్జిగా ఎంపిక కావడం పట్ల కుటుంబ సభ్యులు ఆనందం వ్యక్తం చేస్తున్నారు. ఉస్మానియా విశ్వ విద్యాలయంలోని యూనివర్సిటీ కాలేజ్‌ ఆఫ్‌ లాలో ఎల్‌ఎల్‌బీ పూర్తి చేశారు. హైదరాబాద్‌లోని నల్సార్‌ న్యాయ విశ్వ విద్యాలయంలో ఎల్‌ఎల్‌ఎం చదివారు. యూజీసీ నెట్‌లో అర్హత సాధించి కొంత కాలంగా అసిస్టెంట్‌ ప్రొఫెసర్‌గా సేవలు అందించారు. న్యాయ వ్యవస్థలో ప్రజలకు సేవలు చేయాలనే ఉద్దేశంతో ఆమె పట్టుదలతో చదివి జేసీజే పరీక్షల్లో ఉత్తమ ఉత్తీర్ణత సాధించారు. ఈసందర్భంగా స్థానిక ప్రజలు అభినందనలు తెలిపారు.

- IIలోభువనగిరి : జిల్లా ప్రభుత్వ జనరల్‌ ఆస్పత్రిలోని జిల్లా మెంటల్‌ హెల్త్‌ క్లినిక్‌ (మానసిక చికిత్స ఓపీ) సేవలు నామమాత్రంగా సాగుతున్నాయి. సిబ్బంది కొరత, వైద్యుల సమయపాలన లేమి తదితర కారణాలతో మానసిక రోగులకు పూర్తిస్థాయిలో వైద్యం అందడం లేదనే ఆరోపణలు వినిపిస్తున్నాయి. కౌన్సిలర్‌ లేక.. నిబంధనల ప్రకారం ఈ విభాగంలో ఒక ప్రొఫెసర్‌, అసోసియేట్‌ ప్రొఫెసర్‌, ఇద్దరు అసిస్టెంట్‌ ప్రొఫెసర్లతో పాటు ఒక కౌన్సిలర్‌ ఉండాలి. కానీ ప్రస్తుతం కౌన్సిలర్‌ లేకపోవడంతో వైద్యులే రోగులకు కౌన్సిలింగ్‌ చేయాల్సి వస్తోంది. ఉదయం 9 నుంచి మధ్యాహ్నం 2 గంటల వరకు సేవలందించాల్సిన సిబ్బంది.. ఆలస్యంగా రావడం, ముందుగానే వెళ్లిపోతున్నారనే విమర్శలు ఉన్నాయి. చికిత్స పొందుతున్నది 20 శాతమే.. కేవలం 15 నుంచి 20 శాతం మంది మానసిక రోగులు చికిత్స పొందుతున్నారు. ఇటీవల కోవిడ్‌–19 భయాలు, సామాజిక మాధ్యమాల్లోని ప్రచారాలతో మానసిక రోగుల సంఖ్య పెరుగుతోంది. సర్వేల ప్రకారం ప్రతి 10 మంది పిల్లల్లో ఒకరు, నలుగురు పెద్దల్లో ఒకరు ఈ సమస్యలు ఎదుర్కొంటున్నారు. భువనగిరి ఆస్పత్రికి నిత్యం 20 నుంచి 25 మంది (ఏడాదికి సుమారు 6 వేల నుంచి 7,500 మంది) వస్తున్నారు. సమస్య కాస్త తీవ్రంగా ఉన్న వారిని ఇక్కడ నయం చేసే అవకాశం లేక నేరుగా హైదరాబాద్‌కు రిఫర్‌ చేస్తున్నారన్న విమర్శలున్నాయి. ఫ భువనగిరి జనరల్‌ ఆస్పత్రిలో కౌన్సిలర్‌ పోస్టు ఖాళీ ఫ వైద్యులపైనే పడుతున్న కౌన్సిలింగ్‌ భారం ఫ సమస్య సీరియస్‌గా ఉంటే హైదరాబాద్‌కు రిఫర్‌ మానసిక చికిత్స ఓపీలో ప్రస్తుతం కౌన్సిలర్‌ పోస్టు మాత్రమే ఖాళీగా ఉంది. నియామకం కోసం ఉన్నతాధికారులకు ప్రతిపాదనలు పంపాం. అనుమతి రాగానే భర్తీ చేస్తాం. ఉన్న వైద్యులు రోగులకు మెరుగైన సేవలు అందిస్తున్నారు. – లక్ష్మణ్‌, ఇన్‌చార్జి సూపరింటెండెంట్‌, జిల్లా ప్రభుత్వ జనరల్‌ ఆస్పత్రి

భువనగిరి (భువనగిరిటౌన్‌) : పెండింగ్‌లో ఉన్న భూ సమస్యల పరిష్కారానికి నవంబర్‌, డిసెంబర్‌లో పెద్దఎత్తున ఆందోళనలు కార్యాక్రమాలు చేపట్టనున్నట్లు సీపీఎం జిల్లా కార్యదర్శి, రాష్ట్ర కార్యదర్శివర్గ సభ్యుడు ఎండీ జహంగీర్‌ వెల్లడించారు. స్థానిక సుందరయ్య భవనంలో పార్టీ రాష్ట్ర కమిటీ సభ్యులు కొండమడుగు నరసింహ అధ్యక్షతన నిర్వహించిన భూ సదస్సులో ఆయన మాట్లాడారు. జిల్లాలో పేదలకు పట్టా సర్టిఫికెట్లు ఇచ్చి ఏళ్లు గడుస్తున్నా భూ పంపిణీ చేయకపోవడం దారుణమన్నారు. బసవపురం ప్రాజెక్టు నిర్వాసితులకు, గౌరెల్లి, భద్రాచలం రోడ్డు బాధితులకు తగిన నష్టపరిహారం చెల్లించలేదని ఆరోపించారు. మోటకొండూరు మండలం మాటూరులో 65 మంది దళితులకు పాస్‌ పుస్తకాలు ఇవ్వకపోవడం, వక్ఫ్‌ భూముల పరిరక్షణలో అలసత్వం వహించడంపై ఆగ్రహం వ్యక్తం చేశారు. సదస్సులో నాయకులు బట్టుపల్లి అనురాధ, కల్లూరి మల్లేశం, దాసరి పండు, కోమటిరెడ్డి చంద్రారెడ్డి, ఎంఏ ఇక్బాల్‌, గంగాదేవి సైదులు, గడ్డం వెంకటేష్‌ తదితరులు పాల్గొన్నారు. యాదగిరి క్షేత్రంలో ఊంజల్‌ సేవోత్సవం యాదగిరిగుట్ట: యాదగిరి లక్ష్మీనరసింహస్వామి వారి ఆలయంలో శుక్రవారం ఆండాళ్‌ అమ్మవారికి ఊంజల్‌ సేవోత్సవం నిర్వహించారు. ఆలయ మండపంలో ఆండాళ్‌ దేవిని విశేషంగా అలంకరించారు. అనంతరం అమ్మవారిని ప్రత్యేక సేవపై అధిష్టించి ఆలయ తిరు, మాఢ వీధుల్లో ఊరేగించారు. ఆండాళ్‌ అమ్మవారికి అద్దాల మండపంలో ఊంజల్‌ సేవోత్సవం జరిపించారు. ఆలయంలో ఉదయం నుంచి రాత్రి వరకు నిత్య కై ంకర్యాలు నిర్వహించారు. వివిధ పూజల్లో భక్తులు పాల్గొని మొక్కులు తీర్చుకున్నారు. ప్రభుత్వ అసమర్థ విధానాల వల్లే కరువుసాక్షి,యాదాద్రి: రాష్ట్రంలో కరెంటు కోతలు తీవ్రమై, వేల ఎకరాల్లో పంటలు ఎండిపోతున్నాయని, దీనికి పూర్తిగా కాంగ్రెస్‌ ప్రభుత్వపు అసమర్థ విధానాలే కారణమని బీఆర్‌ఎస్‌ జిల్లా అధ్యక్షుడు కంచర్ల రామకృష్ణారెడ్డి ఆరోపించారు. శుక్రవారం భువనగిరిలోని ఆ పార్టీ కార్యాలయంలో ఆయన మాట్లాడారు. రాష్ట్రంలో కనీసం 5, 6 గంటల కరెంటు కూడా ఇవ్వకపోవడం వల్లే వేల ఎకరాల పంటలు నీరులేక ఎండిపోతున్నాయన్నారు. ఇది ఎల్‌నినో వల్లనో, ప్రకృతి వైపరీత్యాల వల్ల వచ్చిన కరువు కాదని, కాంగ్రెస్‌ ప్రభుత్వానికి ముందుచూపు, సరైన ఆలోచన లేకపోవడం వల్లే ఈ దుస్థితి వచ్చిందన్నారు. లిఫ్ట్‌ ఇరిగేషన్‌ ప్రాజెక్టులను రద్దు చేయడం వల్ల రాష్ట్రంలో వేలాది మంది ఉపాధి కోల్పోయారని, బాధితులకు తగిన నష్టపరిహారం చెల్లించాలని డిమాండ్‌ చేశారు. సమావేశంలో బీఆర్‌ఎస్‌ నాయకులు ఎనబోయిన ఆంజనేయులు, ఏవీ కిరణ్‌, రచ్చ శ్రీనివాస్‌రెడ్డి, కేశపట్నం రమేష్‌, సబ్బురు మల్లయ్య, రేకల శ్రీనివాస్‌ పాల్గొన్నారు.

పెద్దవూర : ఎల్‌నినో ప్రభావంతో వానాకాలం సీజన్‌లో జిల్లాలో కంది పంటను రైతులు అధిక విస్తీర్ణంలో సాగు చేశారు. ప్రస్తుతం కంది పూత దశలో ఉంది. ఈ దశలో సస్యరక్షణ పద్ధతులు సకాలంలో చేపడితేనే మేలైన దిగుబడులు సాధించవచ్చని పెద్దవూర మండల వ్యవసాయ అధికారి ఎన్‌. సత్యనారాయణ సూచించారు. కందిని ఆశించే తెగుళ్లు, పురుగులు, వాటి నివారణ చర్యలను ఆయన వివరించారు. 1. ఆకుచుట్టు పురుగు : లేత దశలోనే తల్లి పురుగులు ఆకుల ఈనెల పక్కన గుడ్లు పెడతాయి. లార్వాలు పత్రహరితాన్ని గీకి తింటూ, ఆకులను చుట్టేసి గూడు కట్టుకుంటాయి. దీంతో ఆకులు మడతపడి, చుట్టుకుపోయి ఎండిపోతాయి. ఆకులపై ఎండు మచ్చలు (బొబ్బలు) ఏర్పడతాయి. నివారణ : వేప సంబంధిత మందులు వాడాలి. లీటర్‌ నీటిలో 1.6 మిల్లీలీటర్ల మోనోక్రోటోఫాస్‌ లేదా 2 మిల్లీలీటర్ల క్వినాల్‌ఫాస్‌ కలిపి పిచికారీ చేయాలి. 2. పూత పురుగు (మారుకా మచ్చల పురుగు) : ఇవి లేత ఆకులు, పూతపై గుడ్లు పెడతాయి. పిల్ల పురుగులు (లార్వాలు) మొక్క చివరన గూడు కట్టుకుని పూలు, మొగ్గలు, ఆకులను తింటూ పెరుగుతాయి. నివారణ : పురుగు ప్రారంభ దశలో ఎకరాకు లీటర్‌ వేపనూనె పిచికారీ చేయాలి. లేదా లీటర్‌ నీటిలో మోనోక్రోటోఫాస్‌, డైక్లోర్‌వాస్‌ 1.6 మి.లీ లేదా క్లోరిపైరిఫాస్‌, డైక్లోర్‌వాస్‌ 0.1 మి.లీ లేదా కేవలం డైక్లోర్‌వాస్‌ (నువాన్‌) 1 మి.లీ చొప్పున కలిపి పిచికారీ చేసుకుంటే పూత పురుగు బెడద తప్పుతుంది. 3. శనగపచ్చ పురుగు : ఈ పురుగు లేత ఆకుల మీద, పూ మొగ్గల మీద, కాయల మీద విడిగా ఒక్కొక్క గుడ్డు పెడుతుంది. గుడ్డు నుంచి వెలువడిన పిల్ల పురుగులు పత్రహరితాన్ని పూ మొగ్గలను గీకి తింటుంటాయి. తదుపరి మొగ్గలు, కాయలు, పూలను తొలచి నష్టపరుస్తాయి. ఇవి కాయ లోపలికి తలను ఉంచి, మిగిలిన శరీరాన్ని బయటే ఉంచి లోపల గింజలను తినేస్తాయి. ఒకే పురుగు చాలా పంటకు నష్టం కలిగిస్తుంది. ఈ పురుగులు ఆశించిన కంది కాయలోని ప్రతి కణుపుకు గుండ్రని రంధ్రాలు కనిపిస్తుంటాయి. 4. కాయ ఈగ : తల్లి పురగులు నల్లటి ఈగ ఆకారంలో ఉండి కంది పిందెలు, కాయలపై కవచాల్లోకి తమ ప్రత్యేక అవయవాలతో గుడ్లను లోపలికి చొప్పిస్తాయి. వీటి నుంచి వెలువడే తెల్లని కాళ్లులేని పిల్ల పురుగులు కాయలోని గింజల పైభాగంలో దారులు చేసుకుంటూ పెరుగుతాయి. ఈ క్రమంలో ఇవి గింజ లోపలి భాగమంతా డొల్లగా చేస్తాయి. కాయ లోపలి పురుగు మొక్క ఉనికిని కాయ కవచంపై ఏర్పడే పల్చటి పొర ద్వారా గుర్తించవచ్చు. కాయ నుంచి పురుగు వెలువడిన గుర్తుగా చిన్న రంధ్రం కాయ పైభాగంలో ఏర్పడుతుంది. నివారణ : తల్లి పురుగులను గుర్తించిన వెంటనే లీటర్‌ నీటికి 1.6 మి.లీ మోనోక్రోటోఫాస్‌ లేదా 2 మి.లీ ప్రొఫెనోఫాస్‌ కలిపి పిచికారీ చేయాలి.ఎండు తెగులు : నేలలో తగినంత తేమ ఉన్నా మొక్కలు నీటి ఎద్దడికి గురైనట్లు పసుపు రంగులోకి మారి వడలిపోతాయి. పై కొమ్మ నుంచి కింది కొమ్మ వరకు ఎండిపోతాయి. కాండంపై బెరడు తీసి చూస్తే నలుపు చారలు ఉంటాయి. క్రమంగా కాండం మొత్తం నల్లబడుతుంది. ఈ శిలీంధ్రం నేలలో ఎన్నో ఏళ్లు జీవించి, 3 మీటర్ల మేర వ్యాపిస్తుంది. 35 డిగ్రీల ఉష్ణోగ్రతను సైతం తట్టుకోగలదు. నివారణ : ఎండు తెగులును తట్టుకునే రకాలను సాగు చేయాలి. తెగులు ఆశించిన పొలాల్లో జొన్న లేదా పొగాకు పంటల మార్పిడి చేయాలి. 100 కిలోల పశువుల ఎరువు, 10 కిలోల వేప పిండిలో 2 కిలోల ట్రైకోడెర్మా విరిడి ఫార్ములేషన్‌ కలిపి నీళ్లు చల్లి, బస్తా కప్పి 10 రోజుల పాటు నీడలో ఉంచాలి. ఆకుపచ్చని శిలీంధ్రం రాగానే ఆ ఎరువును ఎకరం పొలంలో చల్లాలి. విత్తే ముందే కిలో విత్తనానికి 5 గ్రాముల ట్రైకోడెర్మా విరిడితో విత్తన శుద్ధి చేసుకుంటే పైరును కాపాడుకోవచ్చు. పెద్దవూర మండల వ్యవసాయాధికారి సత్యనారాయణ సూచనలు

హుజూర్‌నగర్‌ : మొబైల్‌ దుకాణాలలో చోరీలకు పాల్పడుతున్న అంతర్రాష్ట్ర దొంగను మఠంపల్లి పోలీసులు అరెస్ట్‌ చేశారు. ఈ కేసు వివరాలను గురువారం హుజూర్‌నగర్‌ సీఐ చరమంద రాజు ఎస్‌ఐ ప్రవీణ్‌తో కలిసి వెల్లడించారు. ఏపీలోని పల్నాడు జిల్లా దాచేపల్లికి చెందిన చక్రవర్తి అలియాస్‌ బాబు డ్రైవర్‌గా పనిచేస్తున్నాడు. రాత్రివేళ తాళాలు వేసిన ఇళ్లు, దుకాణాలను లక్ష్యంగా చేసుకుని చోరీలకు పాల్పడుతున్నాడు. ఇటీవల మఠంపల్లిలోని ఓ మొబైల్‌ దుకాణంలో చక్రవర్తి చోరీకి పాల్పడ్డాడు. దొంగిలించిన సెల్‌ఫోన్లను ఇతరులకు విక్రయించాడు. మొబైల్‌ దుకాణం యజమాని ఫిర్యాదు మేరకు మఠంపల్లి పోలీసులు కేసు నమోదు చేసి దర్యాప్తు చేపట్టారు. పోలీసులు సాంకేతికతను ఉపయోగించి నిందితుడి ఆచూకీని గుర్తించారు. మఠంపల్లిలోని మొబైల్‌ దుకాణంలో మరోసారి చోరీ చేసేందుకు వచ్చిన నిందితుడిని పోలీసులు అదుపులోకి తీసుకున్నారు. అతడి నుంచి సుమారు రూ.80వేల విలువైన 6 స్మార్ట్‌ఫోన్‌లను స్వాధీనం చేసుకుని రిమాండ్‌కు తరలించినట్లు సీఐ తెలిపారు. నిందితుడిపై గతంలో హైదరాబాద్‌లోని ఎల్బీనగర్‌ పోలీస్‌ స్టేషన్‌లో ఒకటి, చైతన్యపురి పోలీస్‌ స్టేషన్‌లో ఒకటి, కోదాడ టౌన్‌ పోలీస్‌ స్టేషన్‌లో మూడు చోరీ కేసులు నమోదైనట్లు సీఐ పేర్కొన్నారు. 2023లో అతడు జైలుకు కూడా వెళ్లొచ్చినట్లు తెలిపారు.

చౌటుప్పల్‌ : దసరా పండుగ నేపథ్యంలో హైదరాబాద్‌ నుంచి పెద్దసంఖ్యలో ప్రజలు సొంతూళ్లకు బయల్దేరడంతో హైదరాబాద్‌–విజయవాడ జాతీయ రహదారి గురువారం వాహనాల రద్దీ విపరీతంగా పెరిగింది. చౌటుప్పల్‌ మున్సిపాలిటీ పరిధిలో విజయవాడ మార్గంలో కిలోమీటర్ల మేర ట్రాఫిక్‌జామ్‌ అయ్యింది. ముఖ్యంగా చౌటుప్పల్‌ మండల పరిధిలోని ధర్మోజిగూడెం నుంచి చౌటుప్పల్‌ మున్సిపాలిటీలోని లింగోజిగూడెం శివారు వరకు ఐదు కిలోమీటర్ల మేర వాహనాలు బారులుదీరాయి. ఈ ఐదు కిలోమీటర్ల దూరం దాటేందుకు వాహనదారులకు గంట సమయం పట్టింది. బంపర్‌ టు బంపర్‌ వాహనాలు వెళ్తుండడంతో వాహనదారులు నరకయాతనకు గురయ్యారు. తెల్లవారుజాము నుంచి ప్రారంభమైన వాహనాల రద్దీ రాత్రి వరకు కొనసాగింది. ఈ రద్దీ కారణంగా హైవేపై చిన్నచిన్న రోడ్డు ప్రమాదాలు సైతం చోటుచేసుకున్నాయి. సాధారణ రోజులతో పోలిస్తే గురువారం జాతీయ రహదారిపై వాహనాల రద్దీ రెండింతలు పెరిగినట్లు సమాచారం. వాహనాల రద్దీకి అనుగుణంగా పంతంగి టోల్‌ప్లాజా వద్ద నిర్వాహకులు ముందస్తు జాగ్రత్తలు చేపట్టారు. ఈ రద్దీ కారణంగా వాహనదారులు, ప్రయాణీకులు, వృద్ధులు, చిన్నపిల్లలు తీవ్ర ఇబ్బందులకు గురయ్యారు. ఫ హైదరాబాద్‌–విజయవాడ జాతీయ రహదారిపై భారీగా ట్రాఫిక్‌జామ్‌ ఫ ధర్మోజిగూడెం నుంచి చౌటుప్పల్‌ వరకు వాహనాల బారులు

మిర్యాలగూడ అర్బన్‌ : మిర్యాలగూడ ఆర్టీసీ బస్టాండ్‌ ఎదుట ప్రైవేట్‌ వాహనాల డ్రైవర్ల ఆగడాలు మితిమీరిపోతున్నాయి. బస్టాండ్‌ ముందే ప్రైవేట్‌ వాహనాలు, కార్లను నిలుపుతుండటంతో ఆర్టీసీ బస్సుల రాకపోకలకు తీవ్ర అంతరాయం ఏర్పడుతోంది. దీంతో ప్రయాణికులు తీవ్ర అసౌకర్యానికి గురవుతున్నారు. బుధవారం రాత్రి బస్టాండ్‌ ఎదుట ప్రైవేట్‌ వాహనాలు నిలపవద్దని చెప్పిన ఆర్టీసీ డ్రైవర్‌పై ప్రైవేట్‌ కారు డ్రైవర్‌ దాడికి దిగాడు. వివరాలు.. ఆర్టీసీ డ్రైవర్‌ మొర్సు శంకరయ్య బుధవారం రాత్రి బస్టాండ్‌ వద్ద విధుల్లో ఉన్న సమయంలో ప్రయాణికులను ఎక్కించుకునేందుకు ఒక ఎర్టిగా కారు వచ్చింది. బస్టాండ్‌ ఎదుట కాకుండా కొంచెం ముందుకు వెళ్లి కారును నిలపాలని కోరగా.. ఆ కారు డ్రైవర్‌ దుర్భాషలాడుతూ తనపై దాడి చేశాడని శంకరయ్య ఆవేదన వ్యక్తం చేశారు. ఆర్టీసీ డ్రైవర్‌ ఇచ్చిన ఫిర్యాదు మేరకు మిర్యాలగూడ టూటౌన్‌ సీఐ సోమనర్సయ్య కేసు నమోదు చేసి దర్యాప్తు చేస్తున్నారు. ఆర్టీసీ ఆదాయానికి గండి.. ట్రాఫిక్‌ ఇబ్బందులు పండుగలు, ఇతర సమయాల్లో దూర ప్రాంతాలకు వెళ్లే ప్రయాణికులను ఆకర్షించేందుకు ప్రైవేట్‌ వాహనాలను ఆర్టీసీ బస్టాండ్‌ ముందే నిలిపి ఉంచుతున్నారు. బస్టాండ్‌లోకి వెళ్లే ప్రయాణికులను దారి మళ్లించి ప్రైవేట్‌ వాహనాల్లో హైదరాబాద్‌కు తరలిస్తూ ఆర్టీసీ ఆదాయానికి గండి కొడుతున్నారు. అంతేకాకుండా నిత్యం రద్దీగా ఉండే ప్రాంతంలో ప్రైవేట్‌ వాహనాలు ఆపుతుండటంతో ట్రాఫిక్‌ సమస్యలు తలెత్తుతున్నాయి. నిబంధనలకు విరుద్ధంగా వ్యవహరిస్తున్న ప్రైవేట్‌ వాహనాలపై కఠిన చర్యలు తీసుకోవాలని ఆర్టీసీ సిబ్బంది, ప్రయాణికులు కోరుతున్నారు. ఫ ప్రైవేట్‌ వాహన డ్రైవర్‌పై పోలీసులకు ఫిర్యాదు

మునగాల : చదువుకు వయస్సు అడ్డంకి కాదని నిరూపించాడు మునగాల మండల కేంద్రానికి చెందిన అలుగుబెల్లి శ్రీనివాసరెడ్డి. ఆయన 59 ఏళ్ల వయస్సులో మధ్యప్రదేశ్‌లోని ఇండోర్‌ మాల్వంచల్‌ యూనివర్సిటీ నుంచి మెడికల్‌ బయో కెమిస్ట్రీలో పీహెచ్‌డీ పూర్తిచేశారు. డాక్టర్‌ జయాజైన్‌ మార్గదర్శకత్వంలో మూత్రపిండాల వైఫల్య రోగుల్లో ఆక్డిడేటివ్‌ స్ట్రెస్‌ మార్గాలపై పరిశోధన పూర్తిచేసి ఈ 13న పరిశోధనా థీసిస్‌ను సమర్పించారు. 14న ప్రొవిజనల్‌ ధృవీకరణ పత్రాన్ని యూనివర్సిటీ అధికారుల చేతులమీదుగా అందుకున్నారు. కాగా.. సెప్టెంబర్‌ 13న శ్రీనివాసరెడ్డి మాతృమూర్తి అనంతమ్మ అనారోగ్యంతో మృతిచెందినప్పటికీ.. ఆ విషాధాన్ని దిగమింగుకొని తన లక్ష్యాన్ని పూర్తిచేశారు. ప్రస్తుతం శ్రీనివాసరెడ్డి సిద్దిపేట ప్రభుత్వ మెడికల్‌ కళాశాలలో అసిస్టెంట్‌ ప్రొఫెసర్‌గా విధులు నిర్వర్తిస్తున్నారు.

నల్లగొండ : పీఆర్‌టీయూ రాష్ట్ర కౌన్సిల్‌ సమావేశాలు గురువారం నల్లగొండలోని జీఎం కన్వెన్షన్‌ హాల్‌లో రాష్ట్ర అధ్యక్షుడు పులగం దామోదర్‌రెడ్డి అధ్యక్షతన ప్రారంభమయ్యాయి. ఈ సమా వేశాలు రెండు రోజుల పాటు జరగనున్నాయి. మొదటి రోజు 33 జిల్లాల అధ్యక్ష కార్యదర్శులు, రాష్ట్ర కమిటీ సభ్యులు పాల్గొన్నారు. ఉదయం 10 గంటలకు కౌన్సిల్‌ సమావేశం ప్రారంభంగా.. అంతకుముందు రిజిస్ట్రేషన్లు చేసుకున్నారు. ఈ సందర్భంగా పీఆర్‌టీయూ ప్రధాన కార్యదర్శి ఆర్థిక నివేదిక ప్రవేశపెట్టారు. అనంతరం అన్ని జిల్లాల అధ్యక్ష, కార్యదర్ళులు విద్యారంగ పరిరక్షణ, ఉపాధ్యాయుల సమస్యల సాధన, ప్రభుత్వ పాఠశాలల బలోపేతం తదితర అంశాలపై తీర్మానాలు పెట్టారు. వాటిపై చర్చించారు. ఈ సమావేశంలో ఎమ్మెల్సీ పింగిలి శ్రీపాల్‌రెడ్డి, మాజీ ఎమ్మెల్సీ దామోదర్‌రెడ్డి, అధికార ప్రతినిధి మహేందర్‌రెడ్డి, మాజీ అధ్యక్షులు వెంకట్‌రెడ్డి, లక్ష్మణ్‌, నల్లగొండ జిల్లా అధ్యక్ష కార్యదర్శులు కాలం నారాయణరెడ్డి, మేకల జాన్‌రెడ్డి, గీత, త్రివేణి, విజయలక్ష్మి, మహేందర్‌రెడ్డి తదితరులు పాల్గొన్నారు. రాష్ట్ర కార్యవర్గం రద్దు.. గురువారం సాయంత్రం పీఆర్‌టీయూ రాష్ట్ర కార్యవర్గాన్ని రద్దు చేశారు. కొత్తగా ఎన్నికలకు సంబంధించి రాష్ట్ర అధ్యక్ష, కార్యదర్శులకు పోటీ చేసే వారి నుంచి నామినేషన్ల స్వీకరించారు. అనంతరం నామినేషన్ల పరిశీలన, ఉపసంహరణ జరిగాయి. శుక్రవారం పీఆర్‌టీయూ రాష్ట్ర సంఘం ఎన్నికలు జరగనున్నాయి. కొన్ని జిల్లాల నుంచి అధ్యక్ష కార్యదర్శులు రాష్ట్ర పోస్టులకు పోటీ చేసేందుకు సిద్ధమవుతున్నందున ఎన్నికలు ఏకగ్రీవం అయ్యే అవకాశాలు కనిపించడం లేదు. నూతన కార్యవర్గంచే శుక్రవారం ప్రమాణ స్వీకారం చేయిస్తారు. 20 ఏళ్ల తర్వాత మళ్లీ పోరు.. 2006లో పీఆర్‌టీయూ రాష్ట్ర కమిటీకి ఎన్నికలు జరిగాయి. ఆ తర్వాత ప్రతిసారి ఏకగ్రీవంగానే ఎన్నికలు జరుగుతూ వచ్చాయి. ఈసారి ఎన్నికలు జరిగే అవకాశం ఉన్నట్లు తెలుస్తోంది. ఎమ్మెల్సీ అభ్యర్థిగా సుంకరి భిక్షంగౌడ్‌.. పీఆర్‌టీయూ తరఫున నల్లగొండ, వరంగల్‌, ఖమ్మం పట్టభద్రుల ఎమ్మెల్సీ అభ్యర్థిగా సుంకరి భిక్షంగౌడ్‌ను ప్రకటించారు. ఫ మొదటి రోజు విద్యారంగ పరిరక్షణ, ఉపాధ్యాయ సమస్యల పరిష్కారం తదితర అంశాలపై చర్చ ఫ సంఘం రాష్ట్ర కమిటీ రద్దు ఫ నేడు నూతన రాష్ట్ర కమిటీ ఎన్నిక

రాజాపేట : హత్య కేసులో నిందితుడికి జీవిత ఖైదు పడినిట్లు రాజాపేట ఎస్‌ఐ తఖియోద్దీన్‌ గురువారం తెలిపారు. ఎస్‌ఐ తెలిపిన వివరాల ప్రకారం.. రాజాపేట మండలం రఘునాథపురం గ్రామానికి చెందిన మజ్జిగ యాదగిరి 2024 నవంబర్‌ 16న తన వ్యవసాయ బావి వద్ద పశువులకు మేతవేసి ఇంటికి తిరిగి వస్తుండగా.. అదే గ్రామానికి చెందిన వడ్లకొండ నాగరాజు హత్య చేశాడు. మృతుడి కుటుంబ సభ్యుల ఫిర్యాదు మేరకు కేసు నమోదు చేసిన పోలీసులు దర్యాప్తు చేసి తగిన సాక్ష్యాధారాలను కోర్టుకు సమర్పించారు. సాక్ష్యాధారాలను పరిశీలించిన భువనగిరి ఒకటవ అదనపు జిల్లా సెషన్స్‌ కోర్టు జడ్జి మిలింద్‌ కాంబ్లే.. నిందితుడు నాగరాజుకు జీవిత ఖైదుతో పాటు రూ.10వేల జరిమానా, 5 సంవత్సరాలు కఠిన కారాగార శిక్ష విధిస్తూ తీర్పు వెలువరించినట్లు ఎస్‌ఐ తెలిపారు.

చౌటుప్పల్‌, నార్కట్‌పల్లి : యువత మత్తు పదార్ధాలకు దూరంగా ఉండాలని, రోడ్డు ప్రమాదాలు నివారణకు ట్రాఫిక్‌ నిబంధనలు పాటించాలని సూర్యాపేట జిల్లా మద్దిరాల మండలం గోరంట్ల ప్రభుత్వ పాఠశాల ఉపాధ్యాయుడు రాచకొండ ప్రభాకర్‌ గురువారం చౌటుప్పల్‌ పట్టణంలో, నార్కట్‌పల్లి బస్టాండ్‌ వద్ద వినూత్నంగా ప్రచారం చేశారు. పిట్టలదొర వేషధారణలో పాటలు, పద్యాలు పాడుతూ డ్రగ్స్‌ వలన కలిగే అనర్థాలపై అవగాహన కల్పించారు. రోడ్డు ప్రమాదాల వలన జరిగే ప్రాణనష్టం గురించి కళ్లకు కట్టినట్టు చెప్పారు. భర్త దశ దినకర్మ రోజే భార్య మృతిమునుగోడు(చండూరు) : భర్త దశ దినకర్మ రోజే భార్య మృతిచెందింది. ఈ ఘటన చండూరు మండలం పుల్లెంల గ్రామంలో జరిగింది. పుల్లెంల గ్రామానికి చెందిన మెగుదాల పెంటయ్య(92) పది రోజలు క్రితం మృతిచెందాడు. గురువారం పెంటయ్య దశ దినకర్మ నిర్వహించేందుకు కుటుంబ సభ్యులు ఏర్పాట్లు చేశారు. అయితే పెంటయ్య భార్య మెగుదాల సాలమ్మ(84) గురువారం తెల్లవారుజామున మృతిచెందింది. పదిరోజుల వ్యవధిలో భార్యాభర్తలు మృతిచెందడంతో కుటుంబ సభ్యులు కన్నీటి పర్యంతమయ్యారు. ఫ పిట్టలదొర వేషధారణలో అవగాహన కల్పించిన ప్రభుత్వ ఉపాధ్యాయుడు రాచకొండ ప్రభాకర్‌

సూర్యాపేట : డ్రంకెన్‌ డ్రైవ్‌ తనిఖీల్లో పట్టుబడిన ముగ్గురు వ్యక్తులను కోర్టులో హాజరుపర్చగా జడ్జి వారికి జైలుశిక్ష, జరిమానా విధించినట్లు సూర్యాపేట ట్రాఫిక్‌ ఎస్‌ఐ యాదవేందర్‌రెడ్డి తెలిపారు. సూర్యాపేట ట్రాఫిక్‌ పోలీస్‌ స్టేషన్‌ పరిధిలో నిర్వహించిన డ్రంకెన్‌ డ్రైవ్‌ తనిఖీల్లో పట్టుబడిన ఆరుగురిని గురువారం సూర్యాపేట కోర్టులో హాజరుపర్చగా.. ఇద్దరికి రెండు రోజుల చొప్పున జైలుశిక్ష, జరిమానా, మరొకరికి మూడు రోజుల జైలుశిక్ష, జరిమానా, మరో ముగ్గురికి జరిమానా, పనిష్మెంట్‌ విధిస్తూ ప్రిన్సిపల్‌ జ్యూడీషియల్‌ ఫస్ట్‌క్లాస్‌ మెజిస్ట్రేట్‌ గోపు రజిత తీర్పు వెలువరించినట్లు ట్రాఫిక్‌ ఎస్‌ఐ పేర్కొన్నారు. బైక్‌ను ఢీకొట్టిన బొలేరో.. ఒకరు మృతిచిట్యాల : బైక్‌పై వెళ్తున్న వ్యక్తిని బొలేరో వాహనం ఢీకొనడంతో మృతిచెందాడు. ఈ ఘటన చిట్యాల మండలం ఉరుమడ్ల–ఆరెగూడెం గ్రామాల మధ్యన గురువారం జరిగింది. చిట్యాల పట్టణానికి చెందిన చెందిన ఎస్‌కే. గౌస్‌ పాషా(37) ఎలక్ట్రీషియన్‌గా పనిచేస్తూ జీవనం సాగిస్తున్నాడు. పని నిమిత్తం గురువారం ఆరెగూడెం గ్రామానికి బైక్‌పై వెళ్లాడు. అక్కడి నుంచి ఉరుమడ్ల గ్రామానికి వెళ్తుండగా.. మార్గమధ్యలో ఎదురుగా వస్తున్న బొలేరో వాహనం ఢీకొట్టింది. ఈ ప్రమాదంలో గౌస్‌ పాషా అక్కడికక్కడే మృతిచెందాడు. మృతుడికి భార్య, ముగ్గురు కుమార్తెలున్నారు. పోలీసులు గౌస్‌ పాషా మృతదేహాన్ని పోస్టుమార్టం నిమత్తం నల్లగొండ ప్రభుత్వాస్పకి తరలించారు. రైల్లో నుంచి జారిపడి ప్రయాణికుడికి తీవ్ర గాయాలురామగిరి(నల్లగొండ) : నల్లగొండ పట్టణంలోని పెద్దబండ సమీపంలో గురువారం రైల్లో నుంచి జారిపడి ప్రయాణికుడు తీవ్రంగా గాయపడ్డాడు. అతడి ఎడమ కాలు పూర్తిగా విరిగిపోయింది. స్థానికులు గమనించి 108 సిబ్బందికి సమాచారం అందించారు. 108 సిబ్బంది క్షతగాత్రుడికి ఘటనా స్థలంలోనే ప్రథమ చికిత్స అందించారు. అనంతరం మెరుగైన వైద్యం కోసం నల్లగొండ ప్రభుత్వ జనరల్‌ ఆస్పత్రికి తరలించారు. కారును ఢీకొట్టిన ఆర్టీసీ బస్సుచిట్యాల : హైదరాబాద్‌ నుంచి సూర్యాపేటకు వెళ్తున్న సూర్యాపేట డిపోకు చెందిన ఆర్టీసీ ఎలక్ట్రిక్‌ బస్సు.. చిట్యాల మండలం పెద్దకాపర్తి శివారులోకి రాగానే ముందు వెళ్తున్న కారును ఢీకొట్టింది. ఈ ప్రమాదంలో కారు, బస్సు రోడ్డుకు అడ్డంగా నిలిచిపోయాయి. దీంతో హైవేపై కాసేపు ట్రాఫిక్‌జామ్‌ ఏర్పడింది. హైవే నిర్వహణ సిబ్బంది ఘటనా స్థలానికి చేరుకుని జేసీబీ సహాయంతో వాహనాలను రోడ్డు పక్కకు తొలగించి ట్రాఫిక్‌ను క్రమబద్ధీకరించారు. డీసీఎం ఢీకొని గాయాలుదేవరకొండ : బైక్‌పై వెళ్తున్న వ్యక్తిని డీసీఎం ఢీకొనడంతో తీవ్రంగా గాయపడ్డాడు. ఈ ఘటన దేవరకొండ పట్టణ శివారులోని జంగాలకాలనీ వద్ద గురువారం జరిగింది. స్థానికులు తెలిపిన వివరాల ప్రకారం.. చందంపేట మండలం గాగిళ్లాపురం మాజీ ఎంపీటీసీ సభ్యుడు తంగెళ్ల రామకృష్ణారెడ్డి తన ద్విచక్ర వాహనంపై దేవరకొండ నుంచి స్వగ్రామానికి వెళ్తున్నాడు. అదే సమయంలో దేవరకొండ వైపు వస్తున్న డీసీఎం స్థానిక జంగాలకాలనీ వద్ద ద్విచక్ర వాహనాన్ని ఢీకొట్టింది. ఈ ప్రమాదంలో రామకృష్ణారెడ్డి తల, కాళ్లకు తీవ్ర గాయాలయ్యాయి. ఆయనను స్థానికులు దేవరకొండ ఏరియా ఆస్పత్రికి తరలించారు. అనంతరం మెరుగైన వైద్యం కోసం కుటుంబ సభ్యులు హైదరాబాద్‌కు తీసుకెళ్లారు.

నకిరేకల్‌(కట్టంగూర్‌) : వర్షాలు పడక, లోఓల్టేజీ, విద్యుత్‌ కోతలతో పంట నష్టపోయిన రైతులను రాష్ట్ర ప్రభుత్వం ఆదుకోవాలని నకిరేకల్‌ మాజీ ఎమ్మెల్యే చిరుమర్తి లింగయ్య డిమాండ్‌ చేశారు. గురువారం కట్టంగూర్‌ మండలం కురుమర్తి గ్రామంలో ఎండిపోయిన వరి చేలను ఆయన రైతులతో కలిసి పరిశీలించారు. ఈ సందర్భంగా ఆయన మాట్లాడుతూ.. నకిరేకల్‌ నియోజకవర్గంలోని అన్ని మండలాలను ప్రభుత్వం కరువు మండలాలుగా ప్రకటించి వరికి ఎకరానికి రూ.25వేలు, పత్తికి ఎకరానికి రూ.20 వేల చొప్పున నష్టపరిహారం చెల్లించాలని డిమాండ్‌ చేశారు. బీఆర్‌ఎస్‌ ప్రభుత్వం హయాంలో రైతులకు నాణ్యమైన విద్యుత్‌, సాగునీరు అందించటతో పంటలు సమృద్ధిగా పండాయని గుర్తుచేశారు. ప్రస్తుతం విద్యుత్‌ సరఫరాలో అంతరాయం, లో ఓల్టేజీతో విద్యుత్‌ మోటార్లు కాలిపోవడంతో పంటలు ఎండిపోయి రైతులు తీవ్రంగా నష్టపోయినా పట్టించుకునే వారు కరువయ్యారన్నారు. రైతులకు ఇచ్చిన హామీలను అమలు చేయటంలో రాష్ట్ర ప్రభుత్వం విఫలమైందని విమర్శించారు. పెట్టుబడుల కోసం అప్పులు చేసిన రైతులు పంటలు ఎండిపోవడంతో దిక్కుతోచని స్థితిలో ఉన్నారన్నారు. వ్యవసాయానికి నిరంతర విద్యుత్‌ను సరఫరా చేయాలని డిమాండ్‌ చేశారు. ఈ కార్యక్రమంలో మాజీ జెడ్పీటీసీ సభ్యుడు తరాల బలరాములుయాదవ్‌, గడుసు కోటిరెడ్డి, పోగుల నర్సింహా, పెద్ది బాలనర్సింహా, బీరెల్లి ప్రసాద్‌, గుండగోని రాములు, కొంపెల్లి సైదులు, బోడ యాదగిరి, అంతటి శ్రీను ఉన్నారు. ఫ నకిరేకల్‌ మాజీ ఎమ్మెల్యే చిరుమర్తి లింగయ్య

భువనగిరి: పీఎంశ్రీ నిధులను సక్రమంగా వినియోగించుకోవాలని డీఈఓ భిక్షపతి కోరారు. బుధవారం భువనగిరి మండలం రాయగిరి గ్రామ పరిధిలో గల జిల్లాపరిషత్‌ ప్రభుత్వ ఉన్నత పాఠశాలలో ఎంఈఓల సమావేశంలో ఆయన మాట్లాడారు. డ్రాప్‌ బాక్స్‌ పూర్తి చేయడంతో పాటు ఆధార్‌, అపార్‌ పనుల పురోగతిని వేగవంతం చేయాలన్నారు. ప్రీ ప్రైమరీ బోధకులకు ఆయాలకు దసరాలోపు వేతనాలు చెల్లించాలని ఆయన ఆదేశించారు. ఈ కార్యక్రమంలో సెక్టోరియల్‌ అధికారులు శ్రీహరిఅయ్యంగార్‌, జానీ అప్ఘన్‌, పాఠ్యపుస్తకాల కో ఆర్డినేటర్‌ అంజయ్య, గెజిటెడ్‌ అధికారుల సంఘం అధ్యక్షుడు సురేందర్‌రెడ్డి, ఎంఈఓలు తదితరులు పాల్గొన్నారు.

యాదగిరిగుట్ట రూరల్‌: రైతులకు సాగు నీటి ఇబ్బందులను తొలగించడమే లక్ష్యమని జిల్లా కలెక్టర్‌ అనురాగ్‌ జయంతి పేర్కొన్నారు. యాదగిరిగుట్ట మండలం చొల్లేరు గ్రామ పరిధిలో ఉన్న కాన్లకుంట చెరువుకు నీటిని అందించే ఫీడర్‌ కెనాల్‌ను బుధవారం పరిశీలించారు. ఫీడర్‌ కెనాల్‌ దెబ్బతినడంతో నీరు చెరువుల్లోకి వెళ్లకుండా వృథాగా పోతున్నాయని రైతులు కలెక్టర్‌ దృష్టికి తీసుకెళ్లారు. స్పందించిన కలెక్టర్‌ ఈ ఫీడర్‌కెనాల్‌ పునరుద్ధరణ చేయడానికి డీఎమ్‌ఎఫ్‌టీ నిధుల నుంచి రూ.125.45 లక్షలు మంజూరు చేస్తామని హామీ ఇచ్చారు. కార్యక్రమంలో తహసీల్దార్‌ గణేష్‌ నాయక్‌, సర్పంచ్‌లు చిన్నం మమత శ్రీనివాస్‌, ఆరె రమేష్‌ గౌడ్‌, సోకం అనిత, ఎల్లేష్‌, మాజీ సర్పంచ్‌ తోటకూరి బీరయ్య, ఆరె మల్లేష్‌ గౌడ్‌, కొక్కలకొండ అరుణ, పీస్‌ సంస్థ డైరెక్టర్‌ నిమయ్య, రైతులు పాల్గొన్నారు. యాదగిరిగుట్ట: వృత్తి నైపుణ్య శిక్షణతో యువతకు ఉపాధి అవకాశాలను కల్పించాలని కలెక్టర్‌ అనురాగ్‌ జయంతి సూచించారు. యాదగిరిగుట్ట పట్టణంలోని వృత్తి నైపుణ్య శిక్షణ కేంద్రాన్ని బుధవారం ఆయన సందర్శించారు. ఈ సందర్భంగా కేంద్రంలో అందిస్తున్న శిక్షణ, విద్యార్థుల హాజరు, పరీక్షల నిర్వహణ విధానం, శిక్షణ అనంతరం కల్పిస్తున్న ఉపాధి అవకాశాలపై సంబంధిత అధికారులు అడిగి తెలుసుకున్నారు. కేంద్రంలో నిర్వహిస్తున్న వివిధ కోర్సులు, బోధన, ప్రాక్టికల్‌ శిక్షణ తదితర అంశాలను పరిశీలించి మాట్లాడారు. ఆయన వెంట జిల్లా యువజన, క్రీడల శాఖ అధికారి ధనుంజనేయులు, కమిషనర్‌ బి.శ్రీనివాస్‌, తహసీల్దార్‌ గణేష్‌ నాయక్‌ తదితరులున్నారు. ఫ కలెక్టర్‌ అనురాగ్‌ జయంతి

భువనగిరి: భువనగిరి పట్టణ శివారులోని స్వర్ణగిరి క్షేత్రంలో గల శ్రీ వేంకటేశ్వర స్వామి దేవాలయంలో దేవీ శరన్నవరాత్రి ఉత్సవాల్లో భాగంగా బుధవారం పద్మావతి అమ్మవారికి ఆలయ మాడవీధుల్లో తిరువీధి ఉత్సవ సేవ నిర్వహించారు. అంతకు ముందు ఆలయంలో స్వామి వారికి సుప్రభాత సేవ, తోమాల సేవ, సహస్రనామార్చన సేవ, నిత్య కల్యాణ మహోత్సవం, అష్టదశలపాదపద్మార్చన సేవ కార్యక్రమాన్ని నిర్వహించారు. పద్మావతి అమ్మవారికి తిరువీధి ఉత్సవ సేవ నిర్వహిస్తున్న ఆలయ అర్చకులు, భక్తులు

భువనగిరి: వైద్య శాఖలో పనిచేస్తున్న జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు సమ్మెకు దిగారు. వైద్యులు మొదలుకొని అటెండర్ల వరకు సుమారు 78 కేటగిరీలకు చెందిన కాంట్రాక్ట్‌, ఔట్‌సోర్సింగ్‌ సిబ్బంది ఈ సమ్మెలో పాల్గొన్నారు. ఉద్యోగాల క్రమబద్ధీకరణ, సమాన పనికి సమాన వేతనం తదితర తొమ్మిది ప్రధాన డిమాండ్లతో జేఏసీ ఆధ్వర్యంలో కలెక్టరేట్‌ వద్ద ఆందోళన చేపట్టారు. వైద్య సేవలపై తీవ్ర ప్రభావం జిల్లా వ్యాప్తంగా 21 ప్రాథమిక ఆరోగ్య కేంద్రాలు (పీహెచ్‌సీలు), 142 సబ్‌ సెంటర్లు, ప్రభుత్వ జనరల్‌ ఆసుపత్రి, కమ్యూనిటీ, ఏరియా ఆసుపత్రుల్లో మొత్తం 362 మంది ఎన్‌హెచ్‌ఎం కింద విధులు నిర్వర్తిస్తున్నారు. రెగ్యులర్‌ సిబ్బందితో సమానంగా పనిచేస్తున్నా వేతనాలు తక్కువగా ఉన్నాయని వీరు ఆవేదన వ్యక్తం చేస్తున్నారు. చాలా పీహెచ్‌సీలు, ఆయుష్మాన్‌ ఆరోగ్య మందిరాలు వీరిపైనే ఆధారపడి కొనసాగుతున్నాయి. అలాగే, పాఠశాలల్లో పిల్లలకు వైద్య పరీక్షలు నిర్వహించే ఆర్‌బీఎస్‌కే సిబ్బంది కూడా సమ్మెలో పాల్గొనడంతో ఆ సేవలు పూర్తిగా నిలిచిపోయాయి. ప్రధాన డిమాండ్లు ఇవే.. ● సుప్రీంకోర్టు ఆదేశాల ప్రకారం ప్రతి ఉద్యోగికి క్యాడర్‌ ఫిక్సేషన్‌ అమలు చేసి 100శాతం గ్రాస్‌ శాలరీ చెల్లించాలి. ● ఇతర సేవల ఏజెన్సీలను రద్దు చేసి, ఎన్‌హెచ్‌ఎం ఉద్యోగులందరినీ స్టేట్‌ హెల్త్‌ సొసైటీ (ఎస్‌హెచ్‌ఎస్‌) పరిధిలోకి తెచ్చి స్పర్శ్‌ ద్వారా నేరుగా వేతనాలు ఇవ్వాలి. ● 2002 నుంచి పనిచేస్తున్న ఉద్యోగులకు 5శాతం ఇంక్రిమెంట్‌, 8శాతం లాయల్టీ బోనస్‌ మంజూరు చేయాలి. ● మహిళా సిబ్బందికి కేడర్‌తో సంబంధం లేకుండా 180 రోజుల వేతనంతో కూడిన ప్రసూతి సెలవులు ఇవ్వాలి. ● ఉద్యోగి మృతి చెందితే కుటుంబానికి రూ.20 లక్షల ఎక్స్‌గ్రేషియా లేదా బీమాతో పాటు కుటుంబంలో ఒకరికి అర్హతను బట్టి ఉద్యోగం కల్పించాలి. ● ప్రతి ఉద్యోగికి ఉద్యోగ భద్రతతో పాటు ఈహెచ్‌ఎస్‌ లేదా ఈఎస్‌ఐ సౌకర్యం కల్పించాలి. ● పెండింగ్‌లో ఉన్న 9 నెలల పీఆర్‌సీ బకాయిలను (ఏరియర్స్‌) తక్షణమే విడుదల చేయాలి.ఫ సమ్మెలో పాల్గొన్న 362 మంది కాంట్రాక్ట్‌, ఔట్‌సోర్సింగ్‌ సిబ్బంది ఫ సమాన పనికి సమాన వేతనం, ఉద్యోగాల క్రమబద్ధీకరణ కోసం కలెక్టరేట్‌ వద్ద ఆందోళన రాష్ట్ర వైద్య ఆరోగ్యశాఖలో పనిచేస్తున్న ఎన్‌హెచ్‌ఎం సి బ్బందిని రెగ్యులరైజ్‌ చే యాలి. రాష్ట్ర ప్రభుత్వాలు రెగ్యులరైజేషన్‌ చేసుకోవచ్చని కేంద్ర ప్రభుత్వం ఆదేశాలు ఇచ్చింది.కోవిడ్‌ సమయంలో ఎంతో శ్రమించి పనిచేశాం. తక్కువ వేతనాలతో కుటుంబ పోషణ భారంగా మారుతోంది. – డాక్టర్‌ ప్రశాంత్‌ వైద్య ఆరోగ్యశాఖలో ఎన్‌హెచ్‌ఎం కింద పనిచేస్తున్న ఉద్యోగులకు సమాన పనికి సమాన వేతనం ఇవ్వాలి. చాలా సంవత్సరాల నుంచి తక్కువ వేతనంతోనే పనిచేస్తున్నాం. తప్పని సరి పరిస్థితుల్లో సమ్మె చేయాల్సిన పరిస్థితి వచ్చింది. ప్రభుత్వం ఉద్యోగుల సమస్యలను పరిష్కరించాలి. – డాక్టర్‌ షాహిద్‌

యాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో బుధవారం సంప్రదాయ పూజలు కొనసాగాయి. వేకువజామునే ఆలయాన్ని తెరచిన అర్చకులు శ్రీస్వామి అమ్మవార్లకు సుప్రభాతం నిర్వహించారు. అనంతరం గర్భాలయంలోని స్వయంభూ మూర్తులకు పంచామృతాలతో అభిషేకం చేసి, తులసీ దళాలతో సహస్ర నామార్చన, కుంకుమార్చన వంటి పూజలను చేశారు. ఇక ముఖ మండపంలోని బంగారు ఉత్సవమూర్తులకు అష్టోత్తరం, సువర్ణ పుష్పార్చన పూజలను జరిపించారు. ప్రథమ ప్రాకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం, బ్రహ్మోత్సవం నిర్వహించి, సాయంత్రం ఆలయ తిరు, మాడ వీధిలో జోడు సేవలను పాంచరాత్ర ఆగమశాస్త్రానుసారంగా ఊరేగించారు. రాత్రి శ్రీస్వామి అమ్మవార్లకు శయనోత్సవం నిర్వహించి, ఆలయాన్ని ద్వార బంధనం చేశారు. కొనసాగుతున్న పండుగ రద్దీచౌటుప్పల్‌ : హైదరాబాద్‌–విజయవాడ జాతీయ రహదారిపై వాహనాల రద్దీ బుధవారం సైతం కొనసాగింది. ఇరు మార్గాల్లోనూ వాహనాలు బారులుదీరి రాకపోకలు సాగించాయి. ప్రస్తుతం తెల్లవారుజాము నుంచి ఉదయం 11గంటల వరకు, సాయంత్రం 6గంటల నుంచి రాత్రి 11గంటల వరకు రద్దీ కొనసాగుతోంది. చౌటుప్పల్‌ పట్టణంలో అండర్‌పాస్‌ బ్రిడ్జి నిర్మాణ పనులు కొనసాగుతుండడంతో సమస్య తీవ్రత మరింత ఎక్కువైంది. మండల పరిధిలోని ధర్మోజిగూడెం గ్రామం నుంచి మున్సిపాలిటీ పరిధిని దాటేందుకు వాహనదారులు తీవ్రమైన ఇబ్బందులు పడాల్సివస్తోంది. పీఆర్‌టీయూ జిల్లా కార్యవర్గం ఎన్నికఆలేరు : పీఆర్‌టీయూ జిల్లా కార్యవర్గాన్ని ఆ సంఘం జిల్లా అధ్యక్షుడు గడసంతల మధుసూదన్‌ బుధవారం ప్రకటించారు. జిల్లా అసోసియేట్‌ అధ్యక్షులుగా గుండెబోయిన మల్లయ్య, కె.చంద్రశేఖర్‌, రావుల సత్యనారాయణరెడ్డి, ఎండీ.ఖాజావలీ, జె.సతీష్‌కుమార్‌, మహిళా అసోసియేట్‌ అధ్యక్షురాలిగా ఆకారపు జ్యోతిర్మయి, ఉపాధ్యక్షుడిగా ఎన్‌.దశమంతరెడ్డి, కార్యదర్శులుగా అనుమంతుల వెంకటయ్య, సుదర్శన్‌లు ఎన్నికై నట్లు వివరించారు.

గుండాల : వ్యవసాయ రంగంలో మహిళలకు సరికొత్త అవకాశాలు కల్పిస్తూ గుండాల మండల కేంద్రంలో మహిళా ఉత్పత్తిదారుల సంస్థ (ఎఫ్‌పీఓ)విశేష కృషి చేస్తోంది. కేంద్ర, రాష్ట్ర ప్రభుత్వాల ప్రోత్సాహంతో ఏర్పాటైన ఈ సంస్థలో జిల్లాలోని 17 మండలాలకు చెందిన సుమారు 2,625 మంది మహిళా రైతులు వాటాదారులుగా ఉన్నారు. వీరంతా కలిసి గతేడాది వెల్మజాల గ్రామంలో కందుల కొనుగోలు కేంద్రాన్ని ఏర్పాటు చేసి లాభాల బాట పట్టారు. మధ్యవర్తుల ప్రమేయం లేకుండా.. రైతులు పండించిన పంటకు గిట్టుబాటు ధర కల్పించడంతో పాటు మధ్యవర్తుల ప్రమేయాన్ని తగ్గించాలనేది ఈ సంస్థ ప్రధాన లక్ష్యం. ఇందులో భాగంగా 183 మంది రైతుల నుంచి 3,324 బస్తాల కందులను (1,660 క్వింటాళ్లు) కొనుగోలు చేశారు. ఇందుకు సంబంధించిన రూ. 1,32,96,000లను నేరుగా రైతుల ఖాతాల్లోనే జమ చేశారు. ఈ లావాదేవీల ద్వారా మహిళా ఉత్పత్తిదారుల సంస్థకు సుమారు రూ.1,32,960 కమీషన్‌ వచ్చింది. ఈ–పాస్‌ యంత్రాలతో డిజిటల్‌ సేవలు రైతులకు నాణ్యమైన విత్తనాలు, ఎరువులు అందుబాటులో ఉంచాలనే ఉద్దేశంతో గుండాలలో ఎఫ్‌పీఓ సేవా కేంద్రాన్ని కూడా ప్రారంభించారు. రైతులు సులభంగా తమకు కావాల్సిన వ్యవసాయ ఇన్‌పుట్‌ను తీసుకునేలా ఈ–పాస్‌ యంత్రంతో బుకింగ్‌, కొనుగోలు ప్రక్రియపై అవగాహన కల్పిస్తున్నారు. భవిష్యత్‌ ప్రణాళికలు భవిష్యత్తులో రైతుల అవసరాలకు అనుగుణంగా తమ సేవలను మరింత విస్తరించాలని మహిళలు ప్రణాళికలు రచిస్తున్నారు. పంటల సేకరణ, నిల్వ, ప్రాసెసింగ్‌, మార్కెటింగ్‌, వ్యవసాయ ఇన్‌పుట్‌ సరఫరా, రైతులకు శిక్షణ వంటి రంగాలలో సేవలను విస్తరిస్తాం అని సంస్థ డైరెక్టర్లు పోతారం భాగ్యమ్మ, మల్లం అనిత, బొమ్మగాని అంజమ్మలు తెలిపారు. రైతుల సౌకర్యార్థం ఏర్పాటు చేసిన ఈ సేవా కేంద్రంలోనే నాణ్యమైన విత్తనాలు, ఎరువులు కొనుగోలు చేసి సద్వినియోగం చేసుకోవాలని వారు కోరారు.రైతులకు సకాలంలో మార్కెటింగ్‌ సదుపాయం కల్పించడంతో పాటు ఎఫ్‌పీఓకు ఆదాయ మార్గం ఏర్పడటంతో ఈ మోడల్‌ విజయవంతమైంది. దీంతో చుట్టు పక్కల జిల్లాల నుంచి ఎఫ్‌పీఓ ప్రతినిధులు, అధికారులు ఇక్కడికి వచ్చి కొనుగోలు విధానాన్ని పరిశీలిస్తున్నారు. లాభాల బాటలో గుండాల మహిళా ఉత్పత్తిదారుల సంస్థ ఫ 2,625 మంది మహిళా రైతులే వాటాదారులు ఫ నేరుగా కందుల కొనుగోళ్లు ఫ రూ.1.32 కోట్లకు పైగా లావాదేవీలు ఫ కమీషన్‌ రూపంలో రూ.1.32 లక్షల ఆదాయం

బీసీలు మిలిటెంట్‌ తరహా ఉద్యమాలు చేయాలని బీసీ సంక్షేమ సంఘం జాతీయ అధ్యక్షుడు కృష్ణయ్య పిలుపినిచ్చారు. - 8లోవైద్య సేవలు అందించడంలో నిర్లక్ష్యం వద్దుభువనగిరి: జిల్లాలోని ప్రజలకు నాణ్యమైన వైద్య సేవలందించడంలో నిర్లక్ష్యం వహించవద్దని కలెక్టర్‌ అనురాగ్‌ జయంతి పేర్కొన్నారు. మంగళవారం కలెక్టరేట్‌లో వైద్య ఆరోగ్యశాఖ పనితీరు–వివిధ ఆరోగ్య కార్యక్రమాల అమలు పై వైద్యాధికారులతో నిర్వహించిన వీడియో కాన్ఫరెన్స్‌లో ఆయన మాట్లాడారు. గర్భిణుల నమోదు, ఏఎన్‌సీ పరీక్షలు, ప్రసవానంతరం సేవలు, పిల్లల ఆరోగ్య సంరక్షణ పై ప్రత్యేక దృష్టి సారించాలన్నారు. ఆరోగ్య కార్యక్రమాల పురోగతిపై ప్రతి వైద్యాధికారి తమ పరిధిలో ఉన్న ఆస్పత్రులను పర్యవేక్షించాలన్నారు. సమావేశంలో జిల్లా వైద్య ఆరోగ్యశాఖ అధికారి డాక్టర్‌ మనోహర్‌ పాల్గొన్నారు.

మోత్కూరు : కుటుంబానికి ఆర్థిక భద్రత కల్పించడంలో బీమా ఎంతో కీలకమని తెలంగాణ గ్రామీణ బ్యాంకు రీజనల్‌ మేనేజర్‌ ఉదయ్‌కుమార్‌ పేర్కొన్నారు. తెలంగాణ గ్రామీణ బ్యాంకు ద్వారా ఎస్‌బీఐ జనరల్‌ ఇన్సూరెన్సులో వెయ్యి రూపాయల బీమా చేయించుకున్న అడ్డగూడూరు మండలం బొడ్డుగూడేనికి చెందిన చుక్క భిక్షం (ఖాతాదారుడు) చెట్టు కూలి మృతి చెందడంతో నామినీ అయిన ఆయన భార్య చుక్క సరితకు బీమా సొమ్ము రూ.20 లక్షల చెక్కును సోమవారం అందజేశారు. ఈ సందర్భంగా ఆర్‌ఎం మాట్లాడారు. తక్కువ మొత్తంతో బీమా చేయించుకున్నప్పటికీ ఆపద సమయంలో బాధిత కుటుంబానికి పెద్ద మొత్తంలో ఆర్థిక భరోసా లభిస్తుందని పేర్కొన్నారు. కుటుంబ పెద్దను కోల్పోయిన సమయంలో బీమా డబ్బులు ఆ కుటుంబానికి ఆర్థికంగా అండగా నిస్తాయన్నారు. కార్యక్రమంలో తెలంగాణ గ్రామీణ బ్యాంకు బ్రాంచ్‌ మేనేజర్‌ సత్యనారాయణ, ఎస్‌బీఐ జనరల్‌ ఇన్సూరెన్సు సీఎస్‌ఎం సతీష్‌, బీడీఎం శ్యామ్‌రెడ్డి, రామ్‌ప్రసాద్‌రెడ్డి పాల్గొన్నారు.

యాదగిరిగుట్ట: యాదగిరి కొండపైన అనుబంధ ఆలయంగా కొనసాగుతున్న శ్రీపర్వత వర్ధిని సమేత రామలింగేశ్వరస్వామి సన్నిధిలో శ్రీదేవి శరన్నవరాత్రి ఉత్సవాలను పూజారులు వైభవంగా నిర్వహిస్తున్నారు. మంగళవారం మూడవ రోజు కావడంతో అమ్మవారిని అన్నపూర్ణాదేవిగా అలంకరించి, భక్తులకు దర్శన భాగ్యం కల్పించారు. ఉదయం నుంచి రాత్రి వరకు ప్రాతః కాల పూజ, అర్చనలు, పారాయణాలు, శ్రీదేవి మూలమంత్ర జపములు, సహస్రనామార్చన, నవావరణ పూజ, సహస్రనామార్చనలు, మంత్ర పుష్పాలు వంటి పూజలు నిర్వహించారు.

సాక్షి, యాదాద్రి: పచ్చని సంసారాల్లో చిచ్చుపెడుతున్న మద్యం మహమ్మారిపై ప్రజలు, మహిళలు, యువత ఏకమై సమరశంఖం పూరిస్తున్నారు. బెల్టుదుకాణాలు మూసివేయాలని పలు గ్రామాల్లో డిమాండ్‌ చేస్తున్నారు. ఈనేపథ్యంలో జిల్లాలోని కొన్ని గ్రామాల్లో మద్యం అమ్మకాలను నిషేధిస్తూ పంచాయతీలు తీర్మానాలు చేస్తున్నాయి. మద్యం విక్రయిస్తే జరిమానాలు సైతం విధిస్తామని హెచ్చరిస్తున్నాయి. పాలకవర్గాల నిర్ణయాలను విధిగా పాటిస్తూ పల్లెలు ఆదర్శంగా నిలుస్తున్నాయి. మద్యం వ్యాపారుల అడ్డంకులు బెల్టు షాపుల ద్వారా వచ్చే ఆదాయాన్ని కోల్పోతున్నామనే అక్కసుతో మద్యం వ్యాపారులు కొందరిని రెచ్చగొడుతున్నారు.ఊర్లలోని కొందరి వ్యక్తుల ద్వారా గ్రామాల్లో ఉద్రిక్తతలు సృష్టిస్తూ, రహస్యంగా మద్యం విక్రయాలు జరిగేలా ఒత్తిడి తెస్తున్నారు.అయితే, ఎంతటి ఒత్తిళ్లు ఎదురైనా కొన్ని గ్రామ పంచాయతీలు మాత్రం ఎట్టి పరిస్థితుల్లోనూ అమ్మకాలకు తావులేదని తేల్చిచెబుతున్నాయి. –ఆలేరు మండలం కొలనుపాకలో 30కిపైగా బెల్టుదుకాణాలు ఉన్నాయి. ఒక వైన్స్‌ ఉంది. బెల్ట్‌ షాపులు నిషేధించాలని జూలై 27న గ్రామపంచాయతీ తీర్మానం చేసింది. దీనిని ఆగస్టు 1 నుంచి అమలు చేయాలని నిర్ణయించింది. అధికారుల నుంచి సరైన స్పందన రాలేదు. దీంతో బెల్టు షాపులు నిషేధించాలని కోరుతూ ఎకై ్సజ్‌, పోలీస్‌ శాఖల అధికారులతో పాటు కలెక్టర్‌కు వినతిపత్రాలు అందజేశారు. ఎకై ్సజ్‌ అధికారులు సహకరించడంలేదని ఆలేరులోని ఆ శాఖ కార్యాలయం ముందు ధర్నా కూడా చేశారు. కాగా ఎకై ్సజ్‌ అధికారులు ఇటీవల బెల్టుదుకాణాల్లో మద్యం అమ్మకాలను అడ్డుకుంటన్నారని గ్రామ సర్పంచ్‌ బెదరబోయిన యాకమ్మ వెంకటేశ్‌లు తెలిపారు. ● బీబీనగర్‌ మండలంలోని రాఘవపురంలో సెప్టెంబర్‌ 26న మహిళాసంఘాల ఆధ్వర్యంలో గ్రామ పంచాయతీ సహకారంతో గ్రామ సభ ఏర్పాటు చేసి మద్యం విక్రయాలపై తీర్మానించారు. ● భూదాన్‌ పోచంపల్లి మండలంలో కప్రాయిపల్లి, కనుముక్కుల గ్రామాలలో గాంధీ జయంతి గ్రామ సభలలో మద్యం విక్రయాలను నిషేధిస్తూ తీర్మాణం చేసుకున్నారు. ● సంస్థాన్‌ నారాయణపురం మండలంలోని అన్ని గ్రామాల్లో ఎమ్మెల్యే కోమటిరెడ్డి రాజగోపాల్‌ రెడ్డి ఆదేశాల మేరకు రెండున్నరేళ్ల నుంచి బెల్ట్‌ షాపులు మూసివేశారు. ప్రతి గ్రామంలో మద్యం అమ్మకాలు నిషేధించారు. మండలం కేంద్రంలోని రెండు వైన్‌ షాపులు, సర్వేల్‌లోని మరొక వైన్‌ షాప్‌ కూడా ఉదయం తెరవాల్సినప్పటికీ ఎమ్మెల్యే సూచనల మేరకు మధ్యాహ్నం ఒంటి గంట తర్వాతనే ఓపెన్‌ చేస్తారు. సాయంత్రం వరకు సిట్టింగ్‌కు కూడా పర్మిషన్‌ లేదు. సాయంత్రం 6 గంటల నుంచి 10 గంటల వరకు సిట్టింగ్‌ పర్మిషన్‌. బెల్ట్‌ షాప్‌ అనేది లేదు. ఫ బెల్టు షాపుల నిషేధానికి పలు గ్రామపంచాయతీల్లో తీర్మానం ఫ ఆదర్శంగా నిలుస్తున్న పల్లెలు యాదగిరిగుట్ట మండలం మహబూబ్‌పేటలో మద్యం అమ్మకాలు పూర్తిగా నిషేధిస్తున్నట్లు, గ్రామపంచాయతీ పాలకవర్గం సోమవారం గ్రామ సభలో తీర్మానం చేసింది. మద్యం షాపుల నిర్వాహకులు నిబంధలు ఉల్లంఘిస్తే రూ. 20వేల జరిమానా విధిస్తామని నిర్ణయం తీసుకుంది.భువనగిరి మండలంలో తుక్కాపురం గ్రామంలో తొమ్మిదేళ్లుగా మద్యం విక్రయాలపై నిషేధం అమల్లో ఉంది. గ్రామంలో మద్యాన్ని విక్రయించిన వారికి రూ. లక్ష వరకు జరిమానా విధిస్తామని మహిళాసంఘాలు, యువజన సంఘాలు, గ్రామ పంచాయతీ పాలక వర్గం ఆధ్వర్యంలో తీర్మానం చేశారు. నాటి నుంచి నేటి వరకు వరకు గ్రామంలో మద్యం విక్రయాలు జరగడం లేదు.వలిగొండ మండలం సుంకిశాలలో మద్యం విక్రయాలపై పదేళ్ల క్రితం నిషేధం విధిస్తూ స్థానికులంతా ఏకమై నిర్ణయం తీసుకున్నారు. ఒకవేళ విక్రయిస్తే రూ.50వేలు జరిమానా విధిస్తామని నిర్ణయించారు. అప్పటి నుంచి మద్యం విక్రయాలపై నిషేధం కొనసాగుతూనే ఉంది.

రామన్నపేట: రైతులు సాగు చేసిన పంటల వాస్తవ వివరాలను సేకరించేందుకు చేపట్టిన డిజిటల్‌ క్రాప్‌ సర్వే తుదిదశకు చేరింది. జిల్లాలో మొత్తం 8,93,481 ప్లాట్లకు గాను ఇప్పటివరకు 8,29,924 (93శాతం) ప్లాట్లలో సర్వే పూర్తయింది. వలంటీర్లు నేరుగా పొలాల వద్దకు వెళ్లి, యాప్‌లో ఫొటోలతో సహా పంట వివరాలను నమోదు చేస్తున్నారు. అత్యధికంగా సర్వే పూర్తయిన మండలాలు రాజాపేట మండలంలో డిజిటల్‌ క్రాప్‌ సర్వే వందశాతం, గుండాలలో 99శాతం. మోటకొండూరు, ఆత్మకూరు(ఎం), బీబీనగర్‌లలో 98శాతం సర్వే పూర్తయ్యింది. వలంటీర్‌ నమోదు చేసిన వెంటనే రైతు ఫోన్‌కు మెసేజ్‌ వస్తుంది. నమోదులో ఏవైనా పొరపాట్లు ఉంటే, మెసేజ్‌ వచ్చిన 72 గంటల లోపు వ్యవసాయ విస్తరణాధికారిని కలిసి సవరించుకోవచ్చు. ప్రయోజనాలు ధాన్యం కొనుగోలు సమయంలో వచ్చే వివాదాలకు శాశ్వత పరిష్కారం లభిస్తుంది. పంట రుణాలు, బీమా, ప్రకృతి వైపరీత్యాల పరిహారం త్వరగా అందుతాయి. విత్తనాలు, ఎరువుల అవసరాలను కచ్చితంగా అంచనా వేయవచ్చు. ఫ తుదిదశకు పంటల సర్వే ఫ రాజాపేటలో వందశాతం పూర్తి ఫ వివరాల సవరణకు 72 గంటల వ్యవధి డిజిటల్‌ క్రాప్‌ సర్వే వల్ల రైతులకు చాలా మేలు కలుగుతుందని జిల్లా వ్యవసాయ అధికారి వెంకటరమణారెడ్డి తెలిపారు. పంటలను అమ్ముకునే సమయంలో ఏ విధమైన ఇబ్బంది కలుగదన్నారు. ఫొటోతో సహా పంటల వివరాలు నమోదు చేయడం వల్ల పారదర్శకత పెరుగుతుందన్నారు. – జిల్లా వ్యవసాయాధికారి వెంకటరమణారెడ్డి

గుండాల : గ్రామీణ ప్రాంత మహిళలకు మెరుగైన వైద్యం అందించాలనే ఉద్దేశంతో ప్రభుత్వం ప్రతి మంగళవారం ప్రతిష్టాత్మకంగా ఆరోగ్య మహిళ కార్యక్రమాన్ని నిర్వహిస్తోంది. ఈ కార్యక్రమంలో భాగంగా వైద్యులు మహిళలకు పరీక్షలు నిర్వహించి, అవసరమైన మందులు అందజేయాలి. కానీ గుండాల మండల ప్రాథమిక ఆరోగ్య కేంద్రంలో ఇందుకు పూర్తిగా విరుద్ధంగా జరుగుతోంది. ప్రతి మంగళవారం విధులకు హాజరుకావాల్సిన డాక్టర్‌ రాకపోవడం, రోగులను పరీక్షించకపోవడం సర్వసాధారణమైంది. ఎంఎల్‌హెచ్‌పీల ద్వారా వైద్యం ప్రభుత్వ ఆసుపత్రికి డాక్టర్‌ రాకపోవడంతో, వైద్యం అందించాల్సిన బాధ్యతను ఎంఎల్‌హెచ్‌పీలు నిర్వర్తించాల్సి వస్తోంది. డాక్టర్‌ అందుబాటులో లేకపోవడంతో మహిళలు తీవ్ర నిరాశకు గురవుతున్నారు. తమ ఆరోగ్య సమస్యలను డాక్టర్‌తో చెప్పుకుని, పరీక్షలు చేయించుకుని మందులు తీసుకెళ్దామని ఎన్నో ఆశలతో సుదూర ప్రాంతాల నుంచి వచ్చే మహిళలు.. వైద్యురాలు లేకపోవడంతో చేసేదేమీ లేక వెనుదిరుగుతున్నారు. ప్రభుత్వ లక్ష్యానికి తూట్లు పొడుస్తున్న ఈ తీరుపై తీవ్ర అసహనం వ్యక్తం చేస్తున్నారు అధికారుల పర్యవేక్షణ లోపం క్షేత్రస్థాయిలో ఉన్నతాధికారుల పర్యవేక్షణ కొరవడటమే వైద్యుల నిర్లక్ష్యానికి కారణమని స్థానికులు ఆరోపిస్తున్నారు. బాధ్యత రహితంగా వ్యవహరిస్తూ ప్రభుత్వ ఆసుపత్రికి రాకుండా విధులకు గైర్హాజరవుతున్న ఆ డాక్టర్‌పై తక్షణమే శాఖాపరమైన చర్యలు తీసుకోవాలని డిమాండ్‌ చేస్తున్నారు.డాక్టర్‌ రాదు.. నాడీ పట్టదు ఫ గుండాల పీహెచ్‌సీలో ప్రతి మంగళవారం అమలుకునోచని ఆరోగ్య మహిళ ఫ నిరాశతో వెనుదిరిగిపోతున్న రోగులుఊపిరి పీల్చుకున్నప్పుడు ఛాతీలో నొప్పి వస్తోందని చూపించుకోవడానికి ప్రభుత్వ దవాఖా నాకు వస్తే డాక్టర్‌ రాలేదు. దవాఖానాలో బీపీ చెక్‌ చేసి మందులు ఇచ్చారు. కానీ నాడి పట్టి చూడలేదు. మహిళల కోసం ఏర్పాటు చేసిన ఆరోగ్య మహిళ కార్యక్రమానికి వచ్చి మా సమస్యలు చెప్పుకుందామంటే డాక్టర్‌ లేక పోవడంతో వెళ్లి పోతున్నాం. – చంద్రగిరి విజయ, గంగాపురం

రామన్నపేట: రాష్ట్ర ప్రభుత్వం ప్రతిష్టాత్మకంగా చేపట్టిన ఇందిరమ్మ ఇళ్ల నిర్మాణాల్లో ఏఐ (ఆర్టిఫీషియల్‌ ఇంటెలిజెన్స్‌) సాంకేతికతను ఉపయోగిస్తున్నారు. పేదవారు సొంతింటి నిర్మాణంలో అప్పులపాలు కాకూడదనే ఉద్దేశంతో గృహనిర్మాణ శాఖ కొత్త మార్గదర్శకాలను జారీ చేసింది. నిర్దేశించిన స్లాబ్‌ విస్తీర్ణంలో నిబంధనలకు మించి ఒక ఇంచు పెరిగినా ఏఐ టెక్నాలజీ ఇట్టే పసిగట్టేస్తుంది. నిర్మాణాలు ఆగొద్దనే సరికొత్త నిబంధనలు ప్రభుత్వం ఇచ్చే రూ.5లక్షల ఆర్థిక సాయంలోనే ఇల్లు పూర్తయ్యేలా స్లాబ్‌ విస్తీర్ణాన్ని నిర్దేశించారు. ఇల్లు కనీసం 500 చదరపు అడుగులకు తగ్గకుండా, గరిష్టంగా 750 చదరపు అడుగులకు మించకుండా నిర్మించుకోవాల్సి ఉంటుంది. ప్లింత్‌ ఏరియాకు గరిష్టంగా 25 శాతం మాత్రమే స్లాబ్‌ ఏరియా పెంచుకోవడానికి అవకాశముంది. ఇంటి ముందు భాగంలో 3 ఫీట్లు, ఇరువైపులా, వెనుక భాగంలో ఒక్కో ఫీటు పెంచుకుంటే సరిపోతుంది. ఇష్టానుసారంగా విస్తీర్ణం పెంచితే నిర్మాణ వ్యయం ఎక్కువై, ఇళ్లు అర్ధాంతరంగా నిలిచిపోతాయనే భావనతోనే ఈ నిబంధనలు తీసుకువచ్చారు. ఇళ్ల నిర్మాణం మొదలు పెట్టనివారికి, కొత్తగా గ్రౌండింగ్‌ చేస్తున్న వారికి, బేస్‌మెంట్‌ లెవల్‌, రూఫ్‌ లెవల్‌లో ఉన్న ఇళ్లకు, కొత్తగా ఇళ్లు నిర్మించుకునే వారికి ఈ మార్గదర్శకాలను వర్తింపజేస్తున్నారు. ఇందిరమ్మ ఇళ్ల నిర్మాణం కోసం ముగ్గుపోసిన ప్రదేశంలో లొకేషన్‌ తీసుకుని అప్‌లోడ్‌ చేస్తారు. కొలతల విషయంలో చిన్న తప్పిదం జరిగినా ఏఐ ఇట్టే పట్టేస్తుంది. అర్హుల ఎంపికలో పారదర్శకత ఇందిరమ్మ ఇళ్ల పథకం మొదటిదశలో ఎదురైన అనుభవాలను దృష్టిలో పెట్టుకొని రెండవ విడత అమలు విషయంలో అనేక జాగ్రత్తలు తీసుకుంటున్నారు. ఆధార్‌లింక్‌ ఇన్‌కమ్‌ ట్యాక్స్‌ చెల్లింపు. ఫోర్‌ వీలర్‌ వాహనాలు, భూ వివరాలు తెలుసుకోవడం ద్వారా అర్హులైన లబ్ధిదారుల ఎంపికకు దోహదపడుతుంది. రెండవ విడతలో గుడిసెల్లో నివసిస్తూ నిరుపేదలకు ఇళ్లు మంజూరు చేస్తున్నారు. పటిష్టమైన గోడలు కలిగి రేకులు లేదా పెంకుల కప్పు కలిగిన వారు స్లాబ్‌ వేసుకోవడానికి ముందుకు వచ్చే వారికి రెండవ ప్రాధాన్యత ఇవ్వనున్నారు. మొదటి దశ ఇందిరమ్మ ఇళ్ల నిర్మాణంలో జిల్లా మంచి పురోగతి సాధించింది. వివిధ దశల నిర్మాణాలకు సంబంధించిన బిల్లులను సకాలంలో లబ్ధిదారుల ఖాతాల్లో జమ చేస్తున్నాం. నిరుపేదలు ఆర్థిక ఇబ్బందులకు గురికాకూడదనే ఉద్దేశంతోనే ఈ కొత్త మార్గదర్శకాలు జారీ అయ్యాయి. ఇంటి ముందు కిటికీలకు వర్షం, ఎండ పడకుండా తక్కువ ఖర్చుతో జీఐ షీట్లు వేసుకుంటే మంచిది. – అలివేలు, హౌసింగ్‌ పీడీ, యాదాద్రి భువనగిరిమొదటి దశ మంజూరైన ఇళ్లు : 9,618నిర్మాణం మొదలు పెట్టినవి : 8,121పూర్తయిన ఇళ్లు : 5,420రెండవ దశ నియోజకవర్గానికి : 2000ఒక్కో నియోజకవర్గానికి రూఫ్‌ రిప్లేస్‌మెంట్‌కు : 500 ఇళ్లు (లబ్ధిదారుడికి రూ.2లక్షల ఆర్థికసాయం) ఫ ఏఐ టెక్నాలజీతో ఇందిరమ్మ ఇళ్ల పరిశీలన ఫ గరిష్టంగా 750 చదరపు అడుగులకే పరిమితి ఫ అప్పులపాలు కాకూడదనే కొత్త మార్గదర్శకాలు జారీ

కాజీపేట రూరల్‌ : ఆలేరు వద్ద గల కొలనుపాక జైన్‌ టెంపుల్‌ 1400 సంవత్సరాల ఉత్సవాల నేపథ్యంలో 2027 ఫిబ్రవరి 11 నుంచి 13వ తేదీ వరకు 5 రైళ్లకు తాత్కాలిక హాల్టింగ్‌ కల్పించినట్లు దక్షిణ మధ్య రైల్వే సీపీఆర్వో ఎ.శ్రీధర్‌ మంగళవారం తెలిపారు. ఫిబ్రవరి 10 నుంచి 12వ తేదీ వరకు విశాఖపట్నం–హైదరాబాద్‌ గోదావరి ఎక్స్‌ప్రెస్‌, ఫిబ్రవరి 11 నుంచి 13వ తేదీ వరకు హైదరాబాద్‌–విశాఖపట్నం గోదావరి ఎక్స్‌ప్రెస్‌, 2027 ఫిబ్రవరి 10వ తేదీ నుంచి 12వ తేదీ వరకు తాంబరం–హైదరాబాద్‌ చార్మినార్‌ ఎక్స్‌ప్రెస్‌, ఫిబ్రవరి 11 నుంచి 13వ తేదీ వరకు హైదరాబాద్‌–తాంబరం ఎక్స్‌ప్రెస్‌, ఫిబ్రవరి 10న సికింద్రాబాద్‌–హిస్సర్‌ ఎక్స్‌ప్రెస్‌ రైళ్లకు ఆలేరులో హాల్టింగ్‌ కల్పించినట్లు సీపీఆర్వో తెలిపారు.

సాక్షి ప్రతినిఽధి, నల్లగొండ : వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఎన్నికపై కాంగ్రెస్‌ పార్టీ ప్రత్యేక దృష్టి సారించింది. ఎన్నికల ప్రక్రియలో కీలకమైన పట్టభద్రుల ఓటర్ల నమోదుతో పాటు ప్రచార కార్యక్రమాలు చేపట్టేందుకు సన్నద్ధమవుతోంది. ఇందులో భాగంగా ప్రతి నియోజకవర్గానికి ఒక కోఆర్డినేటర్‌ను నియమిస్తూ తెలంగాణ ప్రదేశ్‌ కాంగ్రెస్‌ కమిటీ (టీపీసీసీ) అధ్యక్షుడు బొమ్మ మహేష్‌కుమార్‌గౌడ్‌ ఉత్తర్వులు జారీచేశారు. ఇందులో మంత్రులు, ఎంపీలు, ఎమ్మెల్సీలు, ఎమ్మెల్యేలకు బాధ్యతలు అప్పగించారు. నియమితులైన వారంతా తమ పరిధిలోని జిల్లాల్లో సంబంధిత నాయకుల సమన్వయంతో పట్టభద్రుల ఓటర్ల నమోదు, ప్రచార కార్యక్రమాలు సజావుగా జరిగేలా చూడాలని ఆదేశించారు. ఈ ఉత్తర్వులు తక్షణమే అమల్లోకి వస్తాయని స్పష్టం చేశారు. పట్టభద్రుల ఓటర్ల నమోదు ప్రక్రియలో అర్హులకు అవగాహన కల్పించడం, పార్టీ నాయకులతో సమన్వయం చేసుకోవడం, నమోదు కార్యక్రమం సమర్థవంతంగా సాగేలా పర్యవేక్షించడం వంటి బాధ్యతలను కోఆర్డినేటర్లు చూస్తారు. దాంతో పాటు క్షేత్ర స్థాయిలో అవసరమైన ప్రచార కార్యక్రమాల రూపకల్పన, నిర్వహణ బాధ్యతలను పీసీసీ అప్పగించింది. ఉమ్మడి నల్లగొండ జిల్లాతోపాటు ఉమ్మడి వరంగల్‌, ఖమ్మం జిల్లాల్లోనూ అసెంబ్లీ నియోజకవర్గాల వారీగా కోఆర్డినేటర్లను నియమించారు. 12 మందికి బాధ్యతలు ఉమ్మడి నల్లగొండ జిల్లాలోని 11 అసెంబ్లీ నియోజకవర్గాలకు మంత్రులు, ఎమ్మెల్యేలను, మరొక చోట అభ్యర్థిని కోఆర్డినేటర్లుగా నియమించింది. నల్లగొండకు మంత్రి కోమటిరెడ్డి వెంకట్‌రెడ్డి, హుజూర్‌నగర్‌కు మంత్రి నలమాద ఉత్తమ్‌కుమార్‌రెడ్డి, నకిరేకల్‌కు వేముల వీరేశం, కోదాడకు నలమాద పద్మావతిరెడ్డి, తుంగతుర్తికి మందుల సామేల్‌, భువనగిరికి కుంభం అనిల్‌కుమార్‌రెడ్డి, మునుగోడుకు కోమటిరెడ్డి రాజగోపాల్‌రెడ్డి, నాగార్జునసాగర్‌కు కుందూరు జైవీర్‌రెడ్డి, ఆలేరుకు బీర్ల ఐలయ్య, మిర్యాలగూడకు బత్తుల లక్ష్మారెడ్డి, దేవరకొండకు నేనావత్‌ బాలునాయక్‌, సూర్యాపేటకు రాంరెడ్డి సర్వోత్తమ్‌రెడ్డిని నియమించింది.ఫ నియోజకవర్గాల వారీగా నియామించిన పీసీసీ ఫ మంత్రులు, ఎంపీలు, ఎమ్మెల్సీలు, ఎమ్మెల్యేలకు బాధ్యతలు

మోత్కూరు : రాష్ట్ర స్థాయి స్కూల్‌ గేమ్స్‌ జూడో పోటీల్లో మోత్కూరు విద్యార్థులు అద్భుత ప్రతిభ కనబరిచారు. వరంగల్‌ జిల్లా కేంద్రంలోని కెమిస్ట్రీ భవన్‌లో ఈ నెల 11, 12 తేదీల్లో నిర్వహించిన ఈ పోటీల్లో మోత్కూరు ప్రాంతానికి చెందిన క్రీడాకారులు పతకాలు కై వసం చేసుకున్నట్లు జూడో కోచ్‌ అన్నెపు వెంకట్‌ మంగళవారం స్థానిక విలేకరులకు తెలిపారు. 23 కేజీల విభాగంలో ఎస్‌.నిత్య, 44 కేజీల విభాగంలో సిహెచ్‌.వీణ రజత పతకాలు .. ఎస్‌.రోషన్‌, డి.అశ్విత్‌, ఎ.సాత్విక ప్రశంసా పత్రాలు అందుకున్నారు. విద్యార్థులను జూడో ఫౌండర్‌ పి.బాలరాజు, స్కూల్‌ గేమ్స్‌ జిల్లా కార్యదర్శి కె.దశరథరెడ్డి కరాటే మాస్టర్లు బి.కార్తీక్‌, పి.మచ్చేందర్‌, పి.నిఖిల్‌, యు.మచ్చగిరి అభినందించారు.

భువనగిరి: మెదక్‌ జిల్లా తుప్రాన్‌ మండల కేంద్రంలో ఈనెల 10,11,12 తేదీల్లో నిర్వహించిన 45వ తెలంగాణ రాష్ట్ర స్థాయి షూటింగ్‌ బాల్‌ పోటీల్లో జిల్లా జట్టు ప్రథమ స్థానంలో నిలిచింది. ఈ సందర్భంగా మంగళవారం క్రీడాకారులతో పాటు షూటింగ్‌ బాల్‌ అసోసియేషన్‌ రాష్ట్ర గౌరవ అధ్యక్షుడు యాదయ్యను జిల్లా యువజన క్రీడల శాఖ కార్యాలయంలో జిల్లా అధికారి కె. ధనుంజనేయులు సన్మానించారు. ఆంజనేయస్వామికి ఆకుపూజయాదగిరిగుట్ట: యాదగిరి శ్రీలక్ష్మీనరసింహస్వామి దేవాలయానికి క్షేత్రపాలకుడిగా కొనసాగుతున్న శ్రీఆంజనేయస్వామికి విశేష పూజలు నిర్వహించారు. మంగళవారం కొండపైన పుష్కరిణి వద్ద, ఆలయ ముఖ మండపం వద్ద ఉన్న క్షేత్రపాలకుడికి అర్చకులు సంప్రదాయంగా పూజలు జరిపించారు. పాలు, సింధూరం, పంచామృతాలతో అభిషేకం చేసి తమలపాకులతో అర్చన నిర్వహించారు. అనంతరం నైవేద్యం సమర్పించారు. ఇక ఆలయంలో నిత్య కై ంకర్యాలను పాంచరాత్ర ఆగమశాస్త్రానుసారంగా జరిపించారు. గ్రంథాలయాల అభివృద్ధే ధ్యేయంభువనగిరిటౌన్‌ : గ్రంథాలయాల అభివృద్ధే ధ్యేయంగా పనిచేస్తున్నామని గ్రంథాలయ సంస్థ జిల్లా చైర్మన్‌ ఎండీ అవెస్‌ ఉర్‌ రహమాన్‌ చిస్తీ అన్నారు. మంగళవారం జిల్లా కేంద్రంలో ఆయన అధ్యక్షతన గ్రంథాలయ సంస్థ సర్వసభ్య సమావేశం నిర్వహించారు. ఈ సమావేశంలో జిల్లా విద్యాశాఖ అధికారి భిక్షపతి, జిల్లా పంచాయతీ అధికారి శ్రీనివాస్‌ రెడ్డి, సంస్థ కార్యదర్శి ఎస్‌. వంశీకృష్ణ పాల్గొని గ్రంథాలయాల పురోగతిపై సుదీర్ఘంగా చర్చించారు. 2026–27 ఆర్థిక సంవత్సర బడ్జెట్‌కు సర్వసభ్య సమావేశం ఏకగ్రీవ ఆమోదం తెలిపింది. విద్యార్థుల్లో పఠనాభిలాష పెంచేందుకు జిల్లాలోని 18 పాఠశాలల్లో నూతన గ్రంథాలయాలు ఏర్పాటు చేయాలని .. జిల్లా కేంద్ర గ్రంథాలయాన్ని సంపూర్ణంగా డిజిటలైజేషన్‌ చేయాలని తీర్మానించారు. వలిగొండ గ్రంథాలయానికి భవన నిర్మాణం, తుర్కపల్లి గ్రంథాలయ స్థలానికి ఫెన్సింగ్‌ ఏర్పాటుకు ఆమోదం తెలిపారు. పోచంపల్లి, రాజపేట, నారాయణపురం, రామన్నపేట, ఆలేరుగ్రంథాలయాల్లో మరుగుదొడ్ల నిర్మాణం, రంగులు వేయించడం, నిబంధనల ప్రకారం పాత దిన, వారపత్రికలను వేలం వేయాలని నిర్ణయించారు.

చౌటుప్పల్‌: జిల్లాలోని ప్రభుత్వ పాఠశాలలకు చెందిన 50 వేల మంది విద్యార్థులకు ఉదయాన్నే పౌష్టికాహారం అందించేందుకు ప్రభుత్వం శ్రీకారం చుట్టింది. ఇందులో భాగంగా చౌటుప్పల్‌ మున్సిపాలిటీ పరిధిలోని తంగడపల్లిలో సెంట్రల్‌ కిచెన్‌ షెడ్‌ నిర్మాణ పనులకు హరేకృష్ణ మూమెంట్‌ చారిటబు ల్‌ ఫౌండేషన్‌ అధ్యక్షుడు సత్యగౌర చంద్రదాస స్వామీజీ, దివీస్‌ పరిశ్రమ మేనేజర్‌ బి. కిశోర్‌కుమార్‌ చౌదరి సోమవారం శంకుస్థాపన చేశారు. దీని కోసం లింగోజిగూడెం పరిధిలోని దివీస్‌ ల్యాబొరేటరీస్‌ లిమిటెడ్‌ సంస్థ తమ కార్పొరేట్‌ సామాజిక బాధ్యత కింద రూ. 12,18,62,700 నిధులను కేటాయించింది. ఈ సందర్భంగా సత్యగౌర చంద్రదాస స్వామీజీ మాట్లాడుతూ విద్యార్థులకు ఉదయాన్నే పోషక విలువలతో కూడిన అల్పాహారం అందించడం వల్ల వారి ఆరోగ్యం మెరుగుపడటమే కాకుండా, చదువుపై ఏకాగ్రత పెరుగుతుందన్నారు. ప్రభుత్వం చేపట్టిన ఈ బృహత్తర పథకానికి సెంట్రల్‌ కిచెన్‌ ఎంతగానో ఉపయోగపడుతుందన్నారు. దివీస్‌ ల్యాబొరేటరీస్‌ మేనేజర్‌ బి. కిశోర్‌కుమార్‌ చౌదరి మాట్లాడుతూ విద్యాభివృద్ధికి, విద్యార్థుల సంక్షేమానికి తమ పరిశ్రమ ఎల్లప్పుడూ ప్రాధాన్యతనిస్తుందన్నారు. అందులో భాగంగానే అత్యధిక సీఎస్‌ఆర్‌ నిధులను కేటాయించినట్లు తెలిపారు. ఈ కార్యక్రమంలో హరేకృష్ణ మూమెంట్‌ చారిటబుల్‌ ఫౌండేషన్‌ సీఈఓ కౌంతియదాస స్వామీజీ, ప్రతినిధులు కృష్ణప్రేమదాస స్వామీజీ, సద్గురు భక్తదాస స్వామీజీ తదితరులు పాల్గొన్నారు.ఫ జిల్లాలోని ప్రభుత్వ పాఠశాలల విద్యార్థులకు ఇక్కడి నుంచే అల్పాహారంఫ కిచెన్‌ షెడ్‌కు శంకుస్థాపన ఫ రూ. 12.18 కోట్ల సీఎస్‌ఆర్‌ నిధులు కేటాయించిన దివీస్‌ ల్యాబొరేటరీస్‌

యాదగిరిగుట్ట: యాదగిరి శ్రీలక్ష్మీనరసింహస్వామి వారి దేవస్థానం పాలక మండలి 3వ సమావేశం మంగళవారం నిర్వహించనున్నట్లు ఆలయ ఈఓ భవానీ శంకర్‌ ఒక ప్రకటనలో తెలిపారు. ఉదయం వైటీడీ ధర్మకర్తల మండలి చైర్మన్‌ డాక్టర్‌ సత్యనారాయణరెడ్డితో పాటు సభ్యులు పాల్గొంటారని వెల్లడించారు. శివాలయంలో విశేష పూజలుయాదగిరిగుట్ట: యాదగిరి శ్రీలక్ష్మీనరసింహస్వామి వారి దేవాలయానికి కొండపైన అనుబంధంగా కొనసాగుతున్న శ్రీపర్వత వర్ధిని సమేత రామలింగేశ్వరస్వామి వారికి సోమవారం పూజారులు విశేష పూజలు నిర్వహించారు. ఉదయమే గర్భాలయంలోని మహా శివుడికి, ముఖ మండపంలోని స్పటిక రామలింగేశ్వరస్వామికి శుద్ధ జలం, పంచామృతాలతో అభిషేకం నిర్వహించారు. అనంతరం బిల్వ పత్రాలతో అర్చన చేశారు. సాయంత్రం శ్రీపర్వత వర్ధిని సమేత రామలింగేశ్వరస్వామి వారి సేవను ఊరేగించారు. ఇక శ్రీలక్ష్మీనృసింహస్వామి వారి ప్రధానాలయంలో ఉదయం నుంచి రాత్రి వరకు నిత్య కై ంకర్యాలు కొనసాగాయి. ప్రజావాణికి స్పందన కరువుపై వినూత్న నిరసన ఆత్మకూరు(ఎం): ప్రజా సమస్యల సత్వర పరిష్కారం కోసం ప్రభుత్వం ప్రతి సోమవారం నిర్వహిస్తున్న ప్రజావాణి కార్యక్రమానికి అధికారుల నుంచి సరైన స్పందన కరువైందని ఓ సామాజిక కార్యకర్త వినూత్న రీతిలో నిరసన తెలిపారు. ఆత్మకూరు(ఎం) మండలం రాయిపల్లి గ్రామానికి చెందిన సామాజిక కార్యకర్త జెట్ట శ్రీనివాస్‌ సోమవారం మండల కేంద్రంలో పనిచేయని ఒక పాత పోస్ట్‌ బాక్స్‌లో తన ఫిర్యాదు పత్రాన్ని వేసి తన నిరసన వ్యక్తం చేశారు. ఈ సందర్భంగా ఆయన మాట్లాడుతూ.. మండల స్థాయిలోనూ, జిల్లా స్థాయిలోనూ అనేకసార్లు ప్రజావాణిలో అర్జీలు సమర్పించినప్పటికీ అధికారులు ఏమాత్రం పట్టించుకోవడం లేదని ఆరోపించారు. ప్రభుత్వం ఎంతో ప్రతిష్టాత్మకంగా నిర్వహిస్తున్న ప్రజావాణి అధికారుల నిర్లక్ష్యం వల్ల నిర్వీర్యమవుతోందని, సమస్యలకు పరిష్కారం చూపడంలో విఫలమవుతున్నారని ఆవేదన వ్యక్తం చేశారు. ఇకనైనా అధికారులు స్పందించి ప్రజల సమస్యలను పరిష్కరించాలని ఆయన డిమాండ్‌ చేశారు. యాసంగిలో ఆరుతడి పంటలకే ప్రాధాన్యంఆలేరురూరల్‌: యాసంగిలో ఎల్‌నినో ప్రభావంతో వాతావరణ మార్పులు చోటుచేసుకునే అవకాశం ఉన్నందున, నీటి లభ్యతను బట్టి ఆరుతడి పంటల సాగుకు ప్రాధాన్యం ఇవ్వాలని రెవెన్యూ అదనపు కలెక్టర్‌ వెంకారెడ్డి సూచించారు. సోమవారం ఆలేరు మండలం గొలనుకొండ రైతువేదికలో నిర్వహించిన రైతునేస్తం వీడియో కాన్ఫరెన్స్‌లో ఆయన మాట్లాడారు. వరికి బదులుగా పప్పుధాన్యాలు, నూనెగింజలు, కూరగాయల సాగును ప్రోత్సహించాలన్నారు. భూగర్భ జలాల లభ్యతపై రైతులకు అవగాహన కల్పించాలని ఆదేశించారు. ఈ కార్యక్రమంలో ఏడీఏ నిర్మల, ఏఓ శ్రీనివాస్‌, ఎంపీడీఓ సత్యాంజనేయప్రసాద్‌, సర్పంచ్‌ ఇందూరి యాదిరెడ్డి, రాజశేఖర్‌రెడ్డి, రైతులు తదితరులు పాల్గొన్నారు.

దసరా తర్వాత పత్తి కొనుగోళ్లకు సన్నాహాలుభువనగిరి: రైతులకు కనీస మద్దతు ధర కల్పించడమే లక్ష్యంగా కాటన్‌ కార్పొరేషన్‌ ఆఫ్‌ ఇండియా (సీసీఐ) కసరత్తు వేగవంతం చేసింది. దసరా పండుగ తర్వాత పత్తి కొనుగోళ్లు ప్రారంభించేందుకు అధికారులు ఏర్పాట్లు చేస్తున్నారు. ఈసారి జిన్నింగ్‌ మిల్లుల వారీగా కేటగిరీల విధానాన్ని తొలగించి, అన్ని మిల్లుల్లోనూ ఒకేసారి కేంద్రాలను ప్రారంభిస్తుండటం రైతులకు ఎంతో ఊరటనివ్వనుంది. జిన్నింగ్‌ మిల్లులే కేంద్రాలుగా.. ఈ ఏడాది జిల్లాలో రైతులు 1.12 లక్షల ఎకరాల్లో పత్తి పంట సాగు చేశారు. ప్రస్తుత సీజన్‌లో పత్తి పంట సాగును దృష్టిలో ఉంచుకుని జిల్లా వ్యాప్తంగా మొత్తం 6.75 లక్షల క్వింటాళ్ల పత్తి దిగుబడి వస్తుందని అధికారులు అంచనా వేశారు.దళారుల బెడద లేకుండా నేరుగా ప్రభుత్వ మద్దతు ధరను అందించేందుకు జిల్లాలోని ప్రధాన ప్రాంతాల్లోని జిన్నింగ్‌ మిల్లులను సీసీఐ అధికారులు కొనుగోలు కేంద్రాలుగా మారుస్తున్నారు. ఈక్రమంలో ఆలేరులో రెండు, కొండమడుగులో ఒకటి, మోత్కూరులో ఏడు, వలిగొండలో రెండు కేంద్రాలు ఇలా మొత్తంగా 12 కేంద్రాల ద్వారా కొనుగోళ్లు జరగనున్నాయి. రైతులు ఇబ్బందులు పడుకుండా.. గత ఏడాది కాటన్‌ కార్పొరేషన్‌ ఇఫ్‌ ఇండియా(సీసీఐ) కొనుగోలు కేంద్రాలను ఎల్‌–1, ఎల్‌–2, ఎల్‌–3గా వర్గీకరించడం వల్ల కొన్ని మిల్లులకే ప్రాధాన్యం దక్కి మిల్లర్లు, రైతులు ఇబ్బందులు పడ్డారు. దీనిని దృష్టిలో ఉంచుకుని ఈసారి కేటగిరీల విధానాన్ని పూర్తిగా తొలగించారు. అన్ని జిన్నింగ్‌ మిల్లుల్లోనూ ఒకేసారి కొనుగోలు కేంద్రాలు ప్రారంభం కానుండటంతో రైతులకు రవాణా భారం, దూరభారం తగ్గనుంది. తగ్గిన పత్తి సాగు ఎల్‌నినో వల్ల ఏర్పడిన వర్షాభావ పరిస్థితులు ఈసారి పత్తి సాగుపై తీవ్ర ప్రభావం చూపాయి. గత ఏడాది (2025–26) జిల్లాలో 1.34 లక్షల ఎకరాల్లో పత్తి సాగు చేయగా, ఈసారి అది 1.12 లక్షల ఎకరాలకు పడిపోయింది. అంతేకాక, వర్షాలు సరిగా కురవకపోవడంతో రైతులు రెండు మూడు సార్లు విత్తనాలు వేయాల్సి వచ్చి తీవ్ర పెట్టుబడి నష్టాలను చవిచూశారు. గతేడాది ఎకరాకు 6 నుంచి 10 క్వింటాళ్ల వరకు దిగుబడి రాగా, ప్రస్తుత పరిస్థితిని బట్టి దిగుబడి గణనీయంగా తగ్గే అవకాశం ఉంది. సీసీఐ కేంద్రాలు ఆలేరు 2 కొండమడుగు 1 మోత్కూరు 7 వలిగొండ 2జిల్లాలో సీసీఐ ఆధ్వర్యంలో పత్తి కొనుగోలు కేంద్రాలను ఏర్పాటు చేసేందుకు సన్నాహాలు పూర్తి చేస్తున్నాం. రైతులు ఎవరూ దళారులను ఆశ్రయించి నష్టపోవద్దు. ప్రభుత్వ కేంద్రాల ద్వారానే పత్తిని విక్రయించి మద్దతు ధర పొందాలి. – సారంగపాణి, మార్కెటింగ్‌ శాఖ జిల్లా అధికారి ఫ జిల్లా వ్యాప్తంగా 1.12 లక్షల ఎకరాల్లో పత్తి సాగు ఫ 6.75 లక్షల క్వింటాళ్ల దిగుబడి వస్తుందని అధికారుల అంచనా

యాదగిరిగుట్ట రూరల్‌: యాదగిరిగుట్ట మండలం మహబూబ్‌పేటలో మద్యం అమ్మకాలను నిషేధిస్తూ సోమవారం గ్రామ పంచాయతీ నిర్ణయంతీసుకుంది. ఈ మేరకు గ్రామ సభలో పంచాయతీ పాలకవర్గం తీర్మానం చేసింది. మద్యం సేవించడం వల్ల పలు కుటుంబాలు తీవ్ర ఇబ్బందులు ఎదుర్కొంటున్నాయని కొందరు గ్రామస్తులు ఫిర్యాదు చేశారు. గ్రామ ప్రజల కోరిక మేరకు ఈ నిర్ణయం తీసుకున్నట్లు సర్పంచ్‌ఆరె రమేష్‌ గౌడ్‌ తెలిపారు. ఇక నుంచి గ్రామంలో ఎవరు కూడా మద్యం అమ్మవద్దని, అలా అమ్మితే రూ.20000 జరిమానా విధించనున్నట్లు హెచ్చరించారు. ఈ కార్యక్రమంలో ఉపసర్పంచ్‌ సోకం అనిత మల్లేష్‌, పంచాయతీ సెక్రటరీ రమేష్‌, వార్డు సభ్యులు గాజుల స్వర్ణలత, మారబోయిన భారతమ్మ, గాజుల శ్రీకాంత్‌, అంగడి మల్లేష్‌, గాజుల రాజు, బరిగె రాజు, అంగడి కిరణ్‌ తదితరులు పాల్గొన్నారు.

మోటకొండూరు పెద్దవాగుపై నిర్మించిన చెక్‌డ్యామ్‌ల వద్ద అక్రమ తవ్వకాలు మోటకొండూరులో తరలించడానికి సిద్ధంగా ఉన్న ఇసుక మోటకొండూర్‌: మోటకొండూర్‌ మండలంలో ఇసుక అక్రమ రవాణా యథేచ్ఛగా సాగుతోంది. పోలీసులు ఇప్పటికే ఆరుగురిపై బైండోవర్‌ కేసులు నమోదు చేసినా, అక్రమార్కుల్లో ఏమాత్రం భయం కలగడం లేదు. అమ్మనబోలు, ఇక్కుర్తి, దిలావర్‌పూర్‌, కాటేపల్లి, చాడ, కొండాపూర్‌, మాటూర్‌, తేర్యాల తదితర గ్రామాల వాగుల నుంచి రాత్రి వేళల్లో, సెల వు రోజుల్లో దొంగచాటుగా ఇసుకను తోడేస్తున్నారు. నీటితో ఫిల్టర్‌ చేసి.. ఇందిరమ్మ ఇళ్ల నిర్మాణాల పేరుతో కొందరు ఒక ట్రిప్‌ కు పర్మిషన్‌ పొంది, పదుల సంఖ్యలో ట్రాక్టర్లద్వారా ఇసుక దందా సాగిస్తున్నారు. మోటకొండూర్‌ వాగులో ఇసుక లేకపోవడంతో గడ్డలను నీటితో ఫిల్టర్‌ చేసి మరీ విక్రయిస్తున్నారు. అధికారులు అడపాదడపా తక్కువ మొత్తంలో జరిమానాలు విధించి విడిచిపెడుతుండటంతో అక్రమార్కులకు సహకరిస్తున్నట్లవుతోందని ప్రజలు ఆరోపిస్తున్నారు. మరోవైపు బిక్కేరు, ఆలేరు పెద్దవాగులో భూగర్భజలాలను పెంచడం కోసం నిర్మించిన చెక్‌ డ్యామ్‌ల చుట్టూ ఉన్న ఇసుకను సైతం తోడేయడంతో లక్షలాది రూపాయల ప్రజాధనం వృథా అవుతోంది. వర్షాభావ పరిస్థితులకు తోడు ఈ అక్రమ తవ్వకాల వల్ల బావులు, బోర్లు పూర్తిగా అడుగంటిపోతున్నాయి. దీంతో పంటలకు నీరందక తీవ్ర ఎద్దడి తలెత్తుతుందని స్థానిక రైతులు ఆందోళన వ్యక్తం చేస్తున్నారు. ఫ బైండోవర్‌ కేసులు పెట్టినా ఆగని ఇసుక అక్రమ రవాణా ఫ అడుగంటిన భూగర్భ జలాలు ఫ ఆందోళనలో మోటకొండూర్‌ మండల రైతులు

భువనగిరి: జిల్లాలోని మున్సిపాలిటీల్లో ఖాళీ స్థలాలపై విధించే వేకెంట్‌ ల్యాండ్‌ టాక్స్‌ (వీఎల్‌టీ) వసూళ్లపై అధికారులు నిర్లక్ష్యం వహిస్తున్నారు. పట్టణాలు విస్తరిస్తున్న కొద్దీ వందల సంఖ్యలో కొత్త ప్లాట్లు వెలుస్తున్నా, వాటిని గుర్తించి పన్ను పరిధిలోకి తీసుకురావడంలో మున్సిపల్‌ రెవెన్యూ విభాగం విఫలమవుతోందనే ఆరోపణలు వస్తున్నాయి. జిల్లాలోని భువనగిరి, చౌటుప్పల్‌, యాదగిరిగుట్ట, ఆలేరు, పోచంపల్లి, మోత్కూర్‌ మున్సిపాలిటీల్లోని ప్రధాన రహదారులు, కొత్త కాలనీలు, శివారు ప్రాంతాల్లో నిర్మాణాలు జరగని ఖాళీ ప్లాట్లు పెద్ద సంఖ్యలో ఉన్నాయి. ఇవన్నీ వీఎల్‌టీ పరిధిలోకి వచ్చాయా? అసెస్‌మెంట్లు ఎన్ని ఉన్నాయి? అనే వివరాలను క్షేత్రస్థాయిలో పరిశీలించే వారే కరువయ్యాడు. 0.5 శాతం వీఎల్‌టీ నిబంధన ఉన్నా.. తెలంగాణ మున్సిపాలిటీ యాక్ట్‌–2019 ప్రకారం నిర్మాణానికి అనువైన వ్యవసాయేతర ఖాళీ స్థలాలపై 0.5 శాతం వీఎల్‌టీ విధించాలనే నిబంధన ఉంది. ఖాళీ స్థలానికి సంబంధించి నిర్మాణం చేపట్టేటప్పుడు లేదా రిజిస్ట్రేషన్‌ సమయంలో ఈ పన్ను విధించే అవకాశం చట్టంలో పేర్కొన్నారు. సమన్వయం లేక.. ఖాళీ స్థలాల పన్ను వసూలుకు ప్రత్యేక ఆన్‌లైన్‌ మాడ్యూల్‌ ఉన్నప్పటికీ, అధికారులు క్షేత్రస్థాయి పరిశీలన చేయడం లేదు. రిజిస్ట్రేషన్‌ శాఖ వద్ద ఉండే ఆస్తి వివరాలను మున్సిపల్‌ వ్యవస్థతో సమన్వయం చేయకపోవడంతో అసెస్‌మెంట్‌లు పెరగడం లేదు. నోటీసులు జారీ చేయకపోవడంతో పాటు పాత అసెస్‌మెంట్లను నవీకరించకపోవడం వల్ల మున్సిపాలిటీలు రావాల్సిన భారీ ఆదాయాన్ని కోల్పోతున్నాయి. మరోవైపు వీఎల్‌టీతో సంబంధం లేకుండా కేవలం నాలా, లేదా ఎల్‌ఆర్‌ఎస్‌ ఆధారంగానే ప్లాట్ల రిజిస్ట్రేషన్లు జరిగిపోతున్నాయి. ఫ మున్సిపాలిటీల్లో వీఎల్‌టీపై నిర్లక్ష్యం ఫ భారీగా ఆదాయం కోల్పోతున్న పురపాలికలు వేకెంట్‌ ల్యాండ్‌ ట్యాక్‌ వసూళ్లు 2020 నుంచి 2023 వరకు జరిగాయి. ఆ తర్వాత దీనిపై రాష్ట్ర ప్రభుత్వం నుంచి ఎలాంటి ఆదేశాలు రాలేదు. దీంతో వీఎల్‌టీ పన్నులు వసూలు చేయడం లేదు. – చంద్రప్రకాష్‌రెడ్డి, మున్సిపల్‌ కమిషనర్‌, భువనగిరి

భువనగిరి: పెండింగ్‌లో ఉన్న కేసుల దర్యాప్తులను వేగవంతం చేసి, త్వరితగతిన పరిష్కరించాలని జిల్లా ఎస్పీ అంక్షాశ్‌యాదవ్‌ స్పష్టం చేశారు. సోమవారం భువనగిరి పట్టణంలోని డీఏఆర్‌ హెడ్‌క్వార్టర్స్‌లో జిల్లా స్థాయి నెలవారీ క్రైమ్‌ సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ.. కేసుల ఛేదనలో ఆధునిక సాంకేతిక పరిజ్ఞానాన్ని సమర్థంగా ఉపయోగించుకోవాలని, సాక్ష్యాధారాల సేకరణలో ప్రత్యేక శ్రద్ధ పెట్టాలని ఆదేశించారు. ప్రతి డివిజన్‌లో పెండింగ్‌ కేసుల పురోగతిపై డీఎస్పీలు సమీక్షా సమావేశాలు నిర్వహించాలని సూచించారు. ఈ సమావేశంలో అదనపు ఎస్పీ లక్ష్మీనారాయణ, డీఎస్పీలు, సీఐలు, ఎస్‌హెచ్‌వోలు, ఎస్సైలు, టెక్నికల్‌ టీమ్‌, సీసీఎస్‌, సైబర్‌ క్రైమ్‌, డీసీఆర్‌బీ అధికారులు పాల్గొన్నారు. అంకితభావంతో పనిచేస్తే గుర్తింపు ప్రజల భద్రత కోసం అంకితభావంతో పనిచేస్తేనే తగిన గుర్తింపు లభిస్తుందని జిల్లా ఎస్పీ అక్షాంశ్‌ యాదవ్‌ అన్నారు. సోమవారం జిల్లా ఎస్పీ కార్యాలయంలో ఏర్పాటు చేసిన ప్రత్యేక కార్యక్రమంలో, విధి నిర్వహణలో విశేష ప్రతిభ కనబర్చిన 120 మంది పోలీస్‌ సిబ్బందికి ఆయన ప్రశంసా పత్రాలను అందజేశారు.ఈ సందర్భంగా ఆయన మాట్లాడుతూ.. నిజాయితీ, నిబద్ధత, వృత్తి నైపుణ్యంతో ప్రజలకు మెరుగైన సేవలందించాలని పిలుపునిచ్చారు. ఈ కార్యక్రమంలో పలువురు పోలీస్‌ అధికారులు, సిబ్బంది పాల్గొన్నారు.ఫ ఎస్పీ అంక్షాశ్‌యాదవ్‌

యాదగిరిగుట్ట రూరల్‌: ఖమ్మం–వరంగల్‌–నల్లగొండ పట్టభద్రుల నియోజకవర్గ ఎమ్మెల్సీ ఎన్నికలు ప్రభుత్వ పనితీరుకు రెఫరెండంలా మారుతాయని బీఆర్‌ఎస్‌ ఎమ్మెల్సీ అభ్యర్థి రాకేష్‌ రెడ్డి అన్నారు. యాదగిరిగుట్ట మండలం వంగపల్లిలో నిర్వహించిన ఎమ్మెల్సీ ఎన్నికల సన్నాహక సమావేశంలో ఆయన మాట్లాడారు. ఎమ్మెల్సీ ఎన్నికల్లో గెలవడం ద్వారా బీఆర్‌ఎస్‌ జైత్రయాత్రప్రారంభిస్తామన్నారు. రాష్ట్రంలో ఈ ఎన్నికలు గీటురాయిగా మారుతాయని, ప్రతీ కార్యకర్త సైనికుడిలా పని చేయాలన్నారు. ప్రణాళికతో ముందుకెళ్తే భారీ మెజారిటీతో గెలుస్తామన్నారు. రాష్ట్రంలో రెండు ఎమ్మెల్సీ స్థానాలు గెలిస్తే, వచ్చే అసెంబ్లీ ఎన్నికల్లో కేసీఆర్‌ మళ్లీ సీఎం అవుతారని తెలిపారు. మాజీ విప్‌ గొంగిడి సునీత మాట్లాడుతూ ఎమ్మెల్సీ ఎన్నికల్లో ప్రతీ ఓటును ఒడిసి పట్టాలన్నారు. తప్పకుండా ఈ సారి, బీఆర్‌ఎస్‌ పార్టీని గెలిపించుకోవాలన్నారు. ఈ కార్యక్రమంలో మాజీ జెడ్పీటీసీ తోటకూరి అనురాధ, మదర్‌ డెయిరీ మాజీ చైర్మన్‌ లింగాల శ్రీకర్‌ రెడ్డి, జెడ్పీ మాజీ కోఆప్షన్‌ మెంబర్‌ ఖలీల్‌, పాపట్ల నరహరి, మండల పార్టీ అధ్యక్షులు, సర్పంచ్‌లు పాల్గొన్నారు.

అర్హులను ఎంపిక చేయడానికి ప్రభుత్వం రెండు స్థాయిల్లో కమిటీలను ఏర్పాటు చేసింది. మండల స్థాయి కమిటీ : ఎంపీడీఓ (గ్రామీణ ప్రాంతాల్లో), మున్సిపల్‌ కమిషనర్‌ (పట్టణాల్లో) ఆధ్వర్యంలోని కమిటీ దరఖాస్తులను క్షేత్రస్థాయిలో విచారించి, ఆదాయ–కుల ధ్రువపత్రాలను సరిచూ సి ప్రాథమిక అర్హుల జాబితాను సిద్ధం చేస్తుంది. జిల్లా స్థాయి కమిటీ: కలెక్టర్‌ చైర్మన్‌గా వ్యవహరించే కమిటీ.. మండలాల నుంచి వచ్చిన నివేదికలను సమగ్రంగా పరిశీలించి తుది లబ్ధిదారుల జాబితాకు ఆమోదం తెలుపుతుంది. భువనగిరిటౌన్‌: వెనుకబడిన తరగతుల (బీసీ) మహిళలు ఆర్థికంగా నిలదొక్కుకుని స్వయం ఉపాధి పొందేలా ప్రభుత్వం ప్రవేశపెట్టిన ఉచిత ఆటోమేటిక్‌ కుట్టు యంత్రాల పంపిణీ పథకానికి జిల్లాలో విశేష స్పందన లభించింది. ప్రస్తుత ఆర్థిక సంవత్సరానికి ఆగస్టు 15 నుంచి సెప్టెంబరు 30 వరకు దరఖాస్తులు స్వీకరించగా 15,583 మంది మహిళలు ఆన్‌లైన్‌లో దరఖాస్తు చేసుకున్నారు. 2 వేల యూనిట్లే లక్ష్యం.. ప్రభుత్వ నిబంధనల ప్రకారం అసెంబ్లీ నియోజకవర్గానికి వెయ్యి చొప్పున ఆటోమేటిక్‌ కుట్టు మిషన్లను కేటాయించారు. ఈ లెక్కన జిల్లాలోని భువనగిరి, ఆలేరు రెండు నియోజకవర్గాలకు కలిపి మొత్తం 2,000 మిషన్లను ఉచితంగా పంపిణీ చేయనున్నారు. కానీ ఎనిమిది రెట్లకు పైగా దరఖాస్తులు రావడంతో, అర్హులను ఎంపిక చేయడం అధికారులకు కత్తిమీద సాములా మారింది. మండలాల వారీ కోటాపై రాని స్పష్టత నియోజకవర్గాల వారీగా లక్ష్యం ఖరారైనప్పటికీ, మండలాలు, మున్సిపాలిటీల వారీగా కేటాయింపులపై స్పష్టమైన మార్గదర్శకాలు రాలేదు. జిల్లాలోని మోత్కూరు, అడ్డగూడూరు మండలాలు తుంగతుర్తి నియోజకవర్గంలోకి, రామన్నపేట మండలం నకిరేకల్‌ పరిధిలోకి, చౌటుప్పల్‌, సంస్థాన్‌ నారాయణపురం మండలాలు మునుగోడు పరిధిలోకి వస్తాయి. ఆలేరు నియోజకవర్గ పరిధిలో 8 మండలాలు, 2 మున్సిపాలిటీలు విస్తరించి ఉన్నాయి. భువనగిరిలో రెండు మున్సిపాలిటీలు, నాలుగు మండలాలు, సరిహద్దు మండలాల విభజన, అధికారిక కోటా ఉత్తర్వులు అందిన తర్వాతే మండలాల వారీ కేటాయింపులు కొలిక్కి రానున్నాయి. ఫ యూనిట్లు 2వేలు.. వచ్చిన దరఖాస్తులు 15,583 ఫ ఎనిమిది రెట్లు పెరిగిన పోటీ

సాక్షి, యాదాద్రి : మదర్‌ డెయిరీ సంస్థలో 2014 నుంచి 2024 వరకు దాదాపు రూ.9.75 కోట్ల మేర అక్రమాలు జరిగినట్లు తేలింది. ఈ అక్రమాలపై ఏసీబీ, స్టేట్‌ కోఆపరేటివ్‌ అధికారులు విచారణ జరిపి 800 పేజీల నివేదికను ప్రభుత్వంతోపాటు మదర్‌ డెయిరీ ఎండీ, చైర్మన్‌ పాలకవర్గం, జిల్లా కలెక్టర్‌ అందజేశారు. ఈ నెల 9 నుంచి వచ్చేనెల 9వ తేదీలోపు ప్రత్యేక జనరల్‌ బాడీ సమావేశాన్ని ఏర్పాటు చేయాలని ఆదేశించారు. అక్రమాలకు బాధ్యులైన మాజీ ఎండీలపై క్రిమినల్‌ కేసులు నమోదు చేయాలని, వారి నుంచి నిధులు రికవరీ చేయాలని నివేదికలో స్పష్టం చేశారు. డెయిరీలో అక్రమాలు జరిగాయని డైరెక్టర్‌ దొంతిరి సోమిరెడ్డి, చైర్మన్‌ గుడిపాటి మధుసూదన్‌రెడ్డి గతంలోనే రంగారెడ్డి జిల్లా డీసీఓకు ఫిర్యాదు చేయగా చర్యలకు సిఫార్సు చేశారు. ఈ అక్రమాల వ్యవహారంపై తదుపరి చర్యలకు డెయిరీ యంత్రాంగం సమగ్ర కార్యాచరణ సిద్ధం చేస్తున్నట్టు సమాచారం. ఫ రూ.9.75 కోట్ల నిధులు దుర్వినియోగం ఫ బాధ్యులపై చర్యలకు సిఫార్సు చేసిన డీసీఓ

యాదగిరిగుట్ట రూరల్‌: పునరావాస స్థలంలో లప్పానాయక్‌ తండావాసులకు అన్ని మౌలిక వసతులు కల్పించి మినీ బంజారాహిల్స్‌గా మార్చి అండగా ఉంటామని ప్రభుత్వ విప్‌ బీర్ల ఐలయ్య హామీ ఇచ్చారు. యాదగిరిగుట్ట మండలం దాతర్‌పల్లి గ్రామంలోని పునరావాస స్థలంతో లప్పానాయక్‌ తండావాసులకు శుక్రవారం 250 ప్లాట్ల పట్టాలను డ్రా ద్వారా పంపిణీ చేశారు. ఈ సందర్బంగా ఆయన మాట్లాడుతూ గంధమల రిజర్వాయర్‌తో సర్వస్వం కోల్పోయిన తండావాసులకు దాతర్‌పల్లి పునరావాస స్థలంలో మంచి గ్రామాన్ని ఏర్పాటు చేసుకుందామన్నారు. పునరావాస స్థలంలో 100 ఇందిరమ్మ ఇళ్ల ప్యాకేజీని ఇవ్వమని సీఎం రేవంత్‌రెడ్డిని అడుగుతానన్నారు. ప్లాట్లల్లో ఇళ్లు కట్టుకునే 250 మందికి బీర్ల ఫౌండేషన్‌ తరఫున ఒక్కో లబ్ధిదారుడికి 200 సిమెంటు బస్తాలు ఇస్తానని హామీ ఇచ్చారు. ఆలేరు గడ్డ ఐలయ్యదే గుర్తు పెట్టుకోండి అని ప్రభుత్వం విప్‌ ఐలయ్య ప్రస్తావించారు. నియోజకవర్గంలో తాను చేస్తున్న అభివృద్ధిని ఓర్వలేకనే ఇటీవల కొంతమంది బీఆర్‌ఎస్‌ నాయకులు తనపై ఇష్టానుసారంగా మట్లాడుతున్నారన్నారు. తనను విమర్శించే వారి తిట్లు తనకు ఆశీర్వచనాలు అవుతాయన్నారు. ఈ కార్యక్రమంలో అదనపు కలెక్టర్‌ వెంకారెడ్డి, ఆర్డీఓ కృష్ణారెడ్డి, తహసీల్దార్‌ గణేష్‌ నాయక్‌, డీటీ సత్యనారాయణ, పీఏసీఎస్‌ చైర్మన్‌ చీర శ్రీశైలం, సర్పంచ్‌ గాసీరాం నాయక్‌, ఉపసర్పంచ్‌ ధీరావత్‌ లక్ష్మి, కాల్నె సరిత, కాల్నె భాస్కర్‌, బిచ్యానాయక్‌, భరత్‌, శంకర్‌ నాయక్‌ పాల్గొన్నారు.ఫ ప్రభుత్వ విప్‌ బీర్ల ఐలయ్య

యాదగిరిగుట్ట : ప్రతి ఏడాది భాద్రపద మాసం కృష్ణ పక్షంలో పాడ్యమి నుంచి అమావాస్య వరకు ‘మహాలయ పక్షం’, ‘పితృపక్షం’ అని పిలుస్తారు. ఈ పక్షంలో ఆఖరి రోజైన అమావాస్యను ‘మహాలయ అమావాస్య’, ‘సర్వపితృ అమావాస్య’ అంటారు. శనివారం మహాలయ అమావాస్య రోజున పితృదేవతలకు తర్ఫణాలు, పిండ ప్రదానాలు చేస్తే మంచిదని యాదగిరి క్షేత్రం ప్రధానార్చకుడు కాండూరి వెంకటాచార్యులు తెలిపారు. గతించిన పూర్వీకులకు, కుటుంబంలో అకాల మరణం చెందిన వారికి ప్రతి సంవత్సరం శ్రాద్ధ తిథులను నిర్వహించడం కొందరికి వీలు కాకపోవచ్చని, అలాగే జాతకరీత్యా పితృదోషాలు ఉండవచ్చని పేర్కొన్నారు. అలాంటి వారు మహాలయ పక్షంలో శ్రార్థ కర్మలను నిర్వహించడం ద్వారా పితృదేవతల ఆశీస్సులు పొందుతారని, పితృదోషాల నుంచి విముక్తి పొందుతారని శాస్త్రవాక్యం చెబుతుందని చెప్పారు. మహాలయ పక్షంలో ప్రతిరోజూ ప్రత్యేకమైనదేనని, ఆయా రోజుల్లో నిర్వహించాల్సిన నిర్దేశిత కర్మలు ఉన్నాయని వివరించారు. ఆఖరి రోజైన అమావాస్యకు ఎంతో ప్రాధాన్యత ఉందని, తమ పూర్వీకులు మరణించిన తిథి తెలియనప్పుడు అమావాస్య నాడు పిండ ప్రదానాలు, తర్పణాలు నిర్వహిస్తే వారికి ఫలితాలు అందుతాయని తెలిపారు. బంధువులకు, స్నేహితులకు, బాగా కావలసిన వారికి కూడా మహాలయ పక్షంలో తర్పణాలు, పిండ ప్రదానాలు నిర్వహించవచ్చని పేర్కొన్నారు. అలాగే పేదలకు, ఆకలితో ఉన్న వారికి అన్నదానం చేయడం, పక్షులకు ప్రధానంగా కాకులకు, జంతువులకు ఆహారం పెట్టడం, పురోహితులకు స్వయం పాకాలు ఇవ్వడం శ్రేయస్కరమని, పితృదేవతలు సంతృప్తి చెందితేనే కుటుంబ వృద్ధి, ఆరోగ్యం, ఐశ్వర్యం కలుగుతాయని తెలిపారు. ఫ మరణించిన వ్యక్తుల పేర్లతో దానాలు చేస్తే మంచిది ఫ యాదగిరి క్షేత్రం ప్రధానార్చకుడు కాండూరి వెంకటాచార్యులు

ఫ నేడు ఎంగిలిపూల బతుకమ్మతో సంబరాలు ప్రారంభం భువనగిరి : ప్రకృతి ఆరాధనకు, సంస్కృతి, సంప్రదాయాలకు నిలువెత్తు రూపమైన బతుకమ్మ ఉత్సవాలు శనివారం నుంచి ప్రారంభం కానున్నాయి. తంగేడు, గునుగు, చామంతి, గులాబీ పట్టుకుచ్చుల వంటి రంగురంగుల పూలతో బతుకమ్మను పేర్చి వాటి చుట్టూ చేరి ఏమేమి పూవొప్పునే గౌరమ్మ.. ఏమేమి కాయప్పునే గౌరమ్మ.. గుమ్మడి కాయప్పునే గౌరమ్మ... ఒక్కేసి పువ్వేసి చందమామ, ఒక రూపమాయే చందమామ అంటూ ఆడపడుచులు పాడే పాటలతో పల్లెలు, పట్టణాల్లో పండుగ శోభ సంతరించుకోనుంది. తొమ్మిది రోజులు.. వివిధ పేర్లు ఫ తొలిరోజు ఎంగిలిపూల బతుకమ్మ. ఫ రెండోరోజు అటుకుల బతుకమ్మ. ఫ మూడోరోజు ముద్దపప్పు బతుకమ్మగా కొలుస్తారు. ఫ నాలుగో రోజు బతుకమ్మను నాన బియ్యం బతుకమ్మ అని పిలుస్తారు. ఫ ఐదో రోజు అట్ల బతుకమ్మ అని పిలుస్తారు. ఫ ఆరో రోజు అలిగిన బతుకమ్మగా కొలుస్తారు. ఫ ఏడో రోజు వేపకాయల బతుకమ్మ అని పిలుస్తారు. ఫ ఎనిమిదో రోజు వెన్నముద్ద బతుకమ్మగా పిలుస్తారు. ఫ తొమ్మిదో రోజు సద్దుల బతుకమ్మ. కొన్నిచోట్ల పెద్ద బతుకమ్మ అని కూడా పిలుస్తారు. ఈ రోజు తల్లి బతుకమ్మ, పిల్ల బతుకమ్మ పేర్చుతారు. భువనగిరిలో పూలు కొనుగోలు చేస్తున్న మహిళలు

కష్టమొచ్చిందితంగెళ్లు పూయలేదు.. చెరువులు నిండలేదురాజాపేట : తెలంగాణ ఆడపడుచులకు ఆనందాన్ని తెచ్చిపెట్టే పూల పండుగ బతుకమ్మపై ఈ సారి కరువు ప్రభావం పడింది. తెలంగాణ సంస్కృతి సంప్రదాయాలకు చిహ్నంగా తంగేడు, గునుగు, అడవి చేమంతి, పట్టుకుచ్చులు, గుమ్మడి, ముత్యాల, బంతిపూలతో అందంగా బతుకమ్మలు పేర్చి పూల పండుగ జరుపుకుంటారు. కానీ, ఈ సారి కొన్ని ప్రాంతాల్లో వర్షాలు ఆలస్యంగా కురవడంతో గునుగు, ఇతర పూలు మొగ్గ దశలోనే ఉన్నాయి. ఇక తంగేడు చెట్లకు పూలే కనిపించడం లేదు. దీంతో బతుకమ్మ పేర్చడానికి గునుగు, తంగేడు పూలు కరువయ్యాయి. ఈసారి బతుకమ్మ పండుగ ప్రకృతి పూలు లేక వెలబోయిన పోయే పరిస్థితి దాపురించింది. ఈ నేపథ్యంలో కొందరు మహిళలు టేకు పూలు తెంపి కట్టలు కట్టి రంగులద్ది బతుకమ్మకు సిద్ధమవుతున్నారు. మరి కొందరు మార్కెట్‌లో దొరికే బంతి, చేమంతి పూలను కొనుగోలు చేసి బతుకమ్మలను తయారు చేసే పరిస్థితి నెలకొంది. కరువు పరిస్థితులే కారణం వర్షాభావ పరిస్థితుల కారణంగా కొండ కోనల్లో, బీడు భూముల్లో విరివిగా దొరికే తంగేడు, కొండ చామంతి పూల చెట్లు ఎండిపోయాయి. మెట్టపంటలైన జొన్న, మొక్కజొన్న, పెసర పత్తి చేలలో విరివిగా దొరికే గునుగు, ముత్యాల పూలు కూడా ఈ యేడాది లభించని పరిస్థితి నెలకొంది. రైతులు ఈ యేడాది వర్షాభావ పరిస్థితుల కారణంగా మెట్టపంటల సాగుపై దృష్టిసారించకుండా పోవడంతో పూలకు కరువు వచ్చినట్టయ్యింది. అంతే కాకుండా ఈ యేడాది వర్షాలు లేకపోవడంతో చెరువులు, కుంటలు ఎండిపోయాయి. గతనెలలో నవరాత్రులు ముగించుకున్న వినాయక విగ్రహాలను కూడా భక్తులు తప్పని పరిస్థితుల్లో నీళ్లులేని చెరువుల్లో వదిలేసి వెళ్లడం కరువుకు అద్దం పడుతోంది. ఒకవేళ తాము బతుకమ్మ ఆడినా చెరువులు, కంటల్లో నీళ్లు లేని కారణంగా వాటిని ఎక్కడ నిమజ్జనం చేయాలో తెలియని పరిస్థితి నెలకొందని మహిళలు ఆవేదన చెందుతున్నారు. పూతలేని తంగేడు చెట్లు అడపాదడపా వర్షాలు కురిసినా, అధిక మాసం కారణంగా ఈ యేడాది పూలు కరువయ్యాయి. బతుకమ్మ కోసం ఈ సారి మార్కెట్‌లో దొరికే బంతి, చేమంతి, పట్టుకుచ్చుల పూలు కొనాల్సిన పరిస్థితి ఏర్పడింది. – భూపతి సునీత, పారుపల్లి

భువనగిరిటౌన్‌ : వర్షాభావ నేపథ్యంలో నేలలో తేమ విశ్లేషణ, రిజర్వాయర్లలో నీటి నిల్వ వివరాలు, వర్షపాతం, విద్యుత్‌ వినియోగ డేటాను క్రోడీకరించి వెంటనే సమగ్ర నివేదికలను సమర్పించాలని కలెక్టర్‌ అనురాగ్‌ జయంతి అధికారులను ఆదేశించారు. రాష్ట్రంలో ఎల్‌నినో ప్రభావంతో నెలకొన్న వర్షాభావ పరిస్థితుల నేపథ్యంలో రాష్ట్ర ప్రభుత్వ ప్రధాన కార్యదర్శి సంజయ్‌ జాజు జిల్లా కలెక్టర్లతో హైదరాబాద్‌నుంచి వీడియో కాన్ఫరెన్స్‌ నిర్వహించారు. అనంతరం అధికారులతో కలెక్టర్‌ సమీక్ష నిర్వహించి మాట్లాడారు. ఈ సమావేశంలో జిల్లా వ్యవసాయ అధికారి రమణారెడ్డి, జిల్లా ఉద్యానవన పట్టు పరిశ్రమ అధికారి హేమలతతో పాటు వివిధ శాఖల అధికారులు పాల్గొన్నారు. 21 పోలీస్‌ సంస్మరణ దినోత్సవంయాదగిరిగుట్ట రూరల్‌: ఈ నెల 21న నిర్వహించనున్న పోలీస్‌ అమరవీరుల సంస్మరణ దినోత్సవానికి ఏర్పాట్లు పక్కాగా ఉండాలని ఎస్పీ అక్షాంశ్‌ యాదవ్‌ అన్నారు. శుక్రవారం యాదగిరిగుట్ట మండలంలోని సైదాపురం గ్రామ పరిధిలోని పోలీస్‌ పరేడ్‌ గ్రౌండ్‌లో ఏర్పాట్లను పరిశీలించారు. పరేడ్‌ నిర్వహణ, బందోబస్తు, వేదిక ఏర్పాటు, ఇతర మౌలిక సదుపాయాల కల్పన గురించి చర్చించారు. ఈ సందర్భంగా ఆయన మాట్లాడుతూ అందరూ సమన్వయంతో పనిచేయాలని సూచించారు. ఆయన వెంట డీఎస్పీ శ్రీనివాస్‌ నాయుడు, సీఐ భాస్కర్‌, ట్రాఫిక్‌ సీఐ వెంకటేశ్వరరావు ఉన్నారు ఎక్స్‌ప్రెస్‌ రైళ్లకు యాదాద్రిలో హాల్టింగ్‌కాజీపేట రూరల్‌ : కాజీపేట జంక్షన్‌ మీదుగా సికింద్రాబాద్‌– సిర్పూర్‌ కాగజ్‌నగర్‌–హైదరాబాద్‌ (07711/07712) మధ్య ప్రయాణించే బతుకమ్మ, దసరా డైలీ ప్రత్యేక రైళ్లకు యాదాద్రి స్టేషన్‌లో హాల్టింగ్‌ కల్పించినట్లు శుక్రవారం దక్షిణ మధ్య రైల్వే సీపీఆర్వో ఎ.శ్రీధర్‌ తెలిపారు. ఈ నెల 9వ తేదీ నుంచి 25వ తేదీ వరకు కాజీపేట మీదుగా అప్‌అండ్‌డౌన్‌ రూట్లలో ప్రయాణించే 34 బతుకమ్మ, దసరా ప్రత్యేక రైళ్లకు ప్రయాణికుల సౌకర్యార్థం యాదాద్రి రైల్వే స్టేషన్‌లో హాల్టింగ్‌ కల్పించినట్లు సీపీఆర్వో పేర్కొన్నారు. నేటి నుంచి దసరా సెలవులుభువనగిరి : ప్రభుత్వ, ప్రైవేటు పాఠశాలలకు శనివారం నుంచి దసరా పండుగ సెలవులు ప్రారంభం కానున్నాయి. ఈ నెల 1 నుంచి 9 వరకు పాఠశాలల్లో 1 నుంచి 10వ తరగతి వరకు ఎస్‌ఏ–1 పరీక్షలను నిర్వహించారు. ఈ పరీక్షలు శుక్రవారంతో ముగియడంతో ప్రభుత్వం దసరా సెలవులు ప్రకటిచింది. తిరిగి పాఠశాలలలు ఈ నెల 23న పునఃప్రారంభం అవుతాయని, ఈ సెలవుల్లో ప్రైవేటు పాఠశాలల యాజమాన్యాలు తరగతులు నిర్వహిస్తే చర్యలు తీసుకుంటామని డీఈఓ భిక్షపతి చెప్పారు. గురుకులాలు, హాస్టళ్లలో ఉంటూ చదివే విద్యార్థులు ఇంటిబాట పట్టారు. దీంతో ఒకపక్క విద్యార్థులు.. మరోపక్క ఇతర ప్రయాణికులతో బస్టాండ్లలో రద్దీ నెలకొంది.

సాక్షి, యాదాద్రి : జిల్లాలోని గ్రామీణ, పట్టణ ప్రాంతాల్లో డిజిటల్‌ వినియోగం శరవేగంగా పుంజుకుంటోంది. నేషనల్‌ ఫ్యామిలీ హెల్త్‌ సర్వే తాజా గణాంకాల ప్రకారం.. జిల్లా మహిళలు సాంకేతికతను అందిపుచ్చుకుంటున్నారు. సెల్‌ఫోన్‌ల ద్వారా సమాచారం, వినోదంతోపాటు ఉపాధి మార్గాలను మెరుగుపరుచుకుంటూ డిజిటల్‌ రంగంలో సత్తా చాటుతున్నారు. సెల్‌ వినియోగం పెరుగుతోంది.. జిల్లాలో 15 నుంచి 49 ఏళ్ల వయస్సున్న మహిళల్లో 71.3 శాతం మంది సొంతంగా సెల్‌ఫోన్‌లు ఉపయోగిస్తున్నారు. అలాగే 74.1 శాతం మంది ఇంటర్నెట్‌ సేవలు వినియోగిస్తున్నట్లు సర్వే వెల్లడించింది. యూట్యూబ్‌, సోషల్‌ మీడియా, ఆన్‌లైన్‌ పేమెంట్లు, సమాచార సేకరణకు నెట్‌ వినియోగం పెరిగింది. విద్యావసరాలకు యువతులు, ప్రాథమిక ఆరోగ్య సమాచారం కోసం గర్భిణులు, బాలింతలు ఫోన్లను సద్వినియోగం చేసుకుంటున్నారు. బ్యాంక్‌ ఖాతాలు 92.8 శాతం మందికి.. జిల్లాలో 92.8 శాతం మంది మహిళలకు బ్యాంకు లేదా పోస్టాఫీసుల్లో సొంత సేవింగ్స్‌ ఖాతాలున్నాయి. వీటికి మొబైల్‌ నంబర్‌ లింక్‌ చేయడంతో ఆన్‌లైన్‌ లావాదేవీలు, ప్రభుత్వ సంక్షేమ పథకాల లబ్ధి పొందడం సులభతరమైంది. మహిళలకు బ్యాంకింగ్‌ సేవలపై విస్తృత అవగాహన పెరగడంతో పాటు డిజిటల్‌ చెల్లింపులు గ్రామీణ ప్రాంతాలకు సైతం విస్తరించాయి. కీలక నిర్ణయాల్లో మహిళల పాత్రే అధికం మహిళల్లో ఆర్థిక, డిజిటల్‌ స్వావలంబన పెరగడంతో కుటుంబ వ్యవహారాల్లోనూ వారి పాత్ర పెరిగింది. కుటుంబ ఆరోగ్య సంరక్షణ, భారీ కొనుగోళ్లు వంటి కీలక విషయాల్లో 88–90 శాతం మంది మహిళలు భాగస్వామ్య నిర్ణయాలు తీసుకుంటున్నారు. అయితే ఇంటర్నెట్‌ వినియోగంలో పురుషులతో పోలిస్తే మహిళలు ఇంకా కొంత వెనుకబడే ఉన్నారు. మొత్తంగా ఇంటి నుంచే సొంత వ్యాపారాలు నిర్వహిస్తూ మహిళలు నేడు ఆదర్శంగా నిలుస్తున్నారు. రాబోయే రోజుల్లో వీరికి డిజిటల్‌ ఫైనాన్షియల్‌ అక్షరాస్యతను మరింత పెంచితే సైబర్‌ మోసాల బారిన పడకుండా ఆర్థికంగా మరింత స్వతంత్రంగా ఎదగగలుగుతారు. ఆధునిక కాలంలో సోషల్‌ మీడియా కేవలం వినోదానికే పరిమితం కాకుండా ఉపాధి వేదికగా మారింది. ఇన్‌స్ట్రాగామ్‌, యూట్యూబ్‌ ద్వారా మహిళలు తమ ప్రతిభను చాటుకుంటూ ఆర్థికంగా స్థిరపడుతున్నారు. బట్టల వ్యాపారాలు, డిజైనర్‌ బొటిక్స్‌, కుట్టు శిక్షణ, ఇంటి తినుబండారాల విక్రయాలు ఆన్‌లైన్‌ ద్వారా జోరుగా సాగుతున్నాయి. వంటలు, వ్యవసాయం, ఆరోగ్య చిట్కాలపై వీడియోలు, రీల్స్‌ చేస్తూ బ్రాండ్‌ ప్రమోషన్ల ద్వారా ఆదాయం ఆర్జిస్తున్నారు. మహిళల చేతిలో డిజిటల్‌ విప్లవం ఫ పెరుగుతున్న సెల్‌ఫోన్‌, ఇంటర్నెట్‌ వినియోగం ఫ 92.8 శాతం మందికి బ్యాంక్‌ ఖాతాలు ఫ సోషల్‌ మీడియాతో ఇంటి నుంచే వ్యాపారాలు, ఉపాధి ఫ కుటుంబ నిర్ణయాల్లోనూ అతివల భాగస్వామ్యమే ఎక్కువ

ఫ ఎమ్మెల్సీ కోదండరాం భువనగిరి: నిజమైన ఉద్యమకారులను గుర్తించి న్యాయం చేయాలని ఎమ్మెల్సీ ప్రొఫెసర్‌ కోదండరాం అన్నారు. తెలంగాణ ప్రజాఫ్రంట్‌ 17వ ఆవిర్భావ దినోత్సవాన్ని పురస్కరించుకుని పట్టణంలో ఏర్పాటు చేసిన మలిదశ ఉద్యమకారుల సదస్సుకు ఆయన ముఖ్య అతిథిగా హాజరై మాట్లాడారు. 1980 నుంచి 2014 వరకు దశలవారీగా జరిగిన ప్రత్యేక తెలంగాణ ఉద్యమంలో పాల్గొన్న ప్రతి ఒక్కరిని ఉద్యమకారులుగా గుర్తించాలన్నారు. అనంతరం ఉద్యమకారుడు గాదె ఇన్నయ్య, విద్యావంతుల వేదిక రాష్ట్ర అధ్యక్షుడు అంబటి నాగయ్య మాట్లాడుతూ ఎలాంటి కాలయాపన చేయకుండా ఉద్యమకారులను గుర్తించి వారికి సంక్షేమ ఫలాలు అందించాలన్నారు. టీపీఎఫ్‌ జిల్లా అధ్యక్షుడు కాశపాక మహేష్‌ అధ్యక్షతన జరిగిన ఈసదస్సులో కావలి యాదయ్య, పాకాల వెంకన్న, బట్టు రాంచంద్రయ్య, పవన్‌కుమార్‌, బాలస్వామి, నరసింహ, శ్రీను, మల్లారెడ్డి, చెన్నయ్య పాల్గొన్నారు.

రామగిరి(నల్లగొండ) : ఆర్టీసీ గుర్తింపు సంఘం ఎన్నికలు ప్రధానంగా రెండు బలమైన కూటముల మధ్య హోరాహోరీగా సాగాయి. ఎంప్లాయీస్‌ యూనియన్‌, తెలంగాణ మజ్దూర్‌ యూనియన్‌ ఒక కూటమిగా, తెలంగాణ ఆర్టీసీ వర్కర్స్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌ మరో కూటమిగా పోటీలో నిలిచిన విషయం తెలిసిందే. శుక్రవారం రాత్రి వెలువడిన ఫలితాల్లో రాష్ట్ర గుర్తింపునకు సంబంధించి తెలంగాణ ఎంప్లాయిస్‌ యూనియన్‌కు 1,017 ఓట్లు, తెలంగాణ ఆర్టీసీ వర్కర్స్‌ యూనియన్‌కు 918 ఓట్లు దక్కాయి. రీజియన్‌ స్థాయి గుర్తింపునకు స్టాఫ్‌ అండ్‌ వర్కర్స్‌ ఫెడరేషన్‌కు 977 ఓట్లు, తెలంగాణ మజ్దూర్‌ యూనియన్‌కు 966 ఓట్లు వచ్చాయి. 98.97 శాతం పోలింగ్‌ సుదీర్ఘ విరామం తర్వాత నిర్వహించిన ఈ ఎన్నికలపై ఆర్టీసీ కార్మికులు, సిబ్బందిలో తీవ్ర ఆసక్తి నెలకొంది. రీజియన్‌ పరిధిలోని ప్రధాన డిపోల్లో ఉదయం నుంచే ఉద్యోగులు భారీగా తరలివచ్చి తమ ఓటు హక్కును వినియోగించుకున్నారు. ఉదయం నుంచి డిపోల వారీగా శరవేగంగా సాగిన ఓటింగ్‌.. సాయంత్రం 6 గంటల సమయానికి ముగిసేసరికి రీజియన్‌ వ్యాప్తంగా ఏకంగా 98.97 శాతం ఓటింగ్‌ నమోదైంది. ఆర్టీసీ ఉద్యోగులు తమ ఓటు హక్కును ఎంతో ఉత్సాహంగా వినియోగించుకున్నారు. నల్లగొండ, నార్కట్‌పల్లిలతో పాటు నల్లగొండ ఆర్‌ఎం ఆఫీస్‌లో 100 శాతం పోలింగ్‌ నమోదు కావడం విశేషం. రీజియన్‌ పరిధిలోని మొత్తం 2,036 ఓట్లకు గాను 2,015 మంది కార్మికులు తమ ఓటు హక్కును వినియోగించుకున్నారు. వీటితో పాటు మిర్యాలగూడలో 1, దేవరకొండలో 4 చొప్పున మొత్తం 5 పోస్టల్‌ బ్యాలెట్‌ ఓట్లు ఉన్నాయి. రీజియన్‌ స్థాయిలో పోటీ అత్యంత సమీపంలో సాగింది. స్టాఫ్‌ అండ్‌ వర్కర్స్‌ ఫెడరేషన్‌ కేవలం 11 ఓట్ల స్వల్ప ఆధిక్యంతో నిలవగా.. రాష్ట్ర స్థాయిలో తెలంగాణ ఎంప్లాయీస్‌ యూనియన్‌ 99 ఓట్ల స్పష్టమైన ఆధిక్యాన్ని సాధించింది. రెండు ప్రధాన కూటములకు కార్మికుల నుంచి సమాన స్థాయిలో మద్దతు లభించడంతో ఫలితాల సరళి ఆద్యంతం ఉత్కంఠగా సాగింది. ఎన్నికలు ప్రశాంతంగా ముగిసేలా రీజియన్‌ అధికారులు, పోలీసులు తగిన భద్రతా ఏర్పాట్లు చేపట్టారు. ఫ రీజియన్‌ స్థాయిలో ఎస్‌డబ్ల్యూఎఫ్‌, రాష్ట్రస్థాయిలో ఈయూకి మెజార్టీ

ఫ బీఆర్‌ఎస్‌ నేతలు కంచర్ల రామకష్ణారెడ్డి, గొంగిడి సునీత వెల్లడి సాక్షి యాదాద్రి : తెలంగాణలో నూతన జిల్లాలు, రెవెన్యూ డివిజన్లు, మండలాలు, గ్రామ పంచాయతీల ఏర్పాటు జరిగి పదేళ్లు పూర్తయిన సందర్భంగా ఈ నెల 11న జిల్లావ్యాప్తంగా దశాబ్ది ఉత్సవాలు ఘనంగా నిర్వహించనున్నట్లు బీఆర్‌ఎస్‌ జిల్లా అధ్యక్షుడు కంచర్ల రామకష్ణారెడ్డి, ఆలేరు మాజీ ఎమ్మెల్యే గొంగిడి సునీతా మహేందర్‌రెడ్డి అన్నారు. శుక్రవారం భువనగిరిలోని బీఆర్‌ఎస్‌ జిల్లా పార్టీ కార్యాలయంలో నిర్వహించిన సన్నాహక, మీడియా సమావేశంలో వారు మాట్లాడారు. నాటి ముఖ్యమంత్రి కేసీఆర్‌ వల్లే యాదాద్రి భువనగిరి జిల్లాతో పాటు మోత్కూరు, అడ్డగూడూరు మండలాలు, చౌటుప్పల్‌ డివిజన్‌ ఆవిర్భావించి నేడు సమగ్ర అభివృద్ధి సాధించాయన్నారు. ఈ నెల 11న ఉదయం 5:30 గంటలకు యాదగిరిగుట్టలో భారీ గిరి ప్రదక్షిణతో దశాబ్ది ఉత్సవాలు ప్రారంభమవుతాయని వెల్లడించారు. అనంతరం భువనగిరిలోని తెలంగాణ భవన్‌లో జరిగే వేడుకల్లో తెలంగాణ ఉద్యమకారులు, న్యాయవాదులు, జర్నలిస్టులు, కవులు, కళాకారులు, సాహితీవేత్తలను ఘనంగా సన్మానించనున్నట్లు తెలిపారు. సమావేశంలో జిల్లా పరిషత్‌ మాజీ చైర్మన్‌ ఎలిమినేటి సందీప్‌రెడ్డి, బీఆర్‌ఎస్‌వీ రాష్ట్ర ఉపాధ్యక్షుడు తుంగ బాలు, ముఖ్య నేతలు గాదె నరేందర్‌రెడ్డి, కొలుపుల అమరేందర్‌, జిల్లా, మండల నాయకులు పాల్గొన్నారు.

సాక్షి, యాదాద్రి: ఎల్‌ నినో ప్రభావంతో జిల్లాలో తీవ్ర కరువు ఛాయలు అలుముకున్నాయి. వానాకాలం సీజన్‌లో కనీసం సాధారణ వర్షపాతం కూడా నమోదు కాకపోవడంతో.. తరి, మెట్ట పంటలు సాగు చేసిన రైతులు తీవ్రంగా నష్టపోతున్నారు. వర్షాభావ పరిస్థితుల కారణంగా వరి, పత్తి, కంది తదితర పంటల సాగు విస్తీర్ణం తగ్గిపోగా.. సాగైన పంటలు సైతం వర్షాలు లేక దెబ్బతిన్నాయి. పొట్ట దశలో ఉన్న వరి పంట నీరందక ఎండిపోతోంది. మరోవైపు భూగర్భ జలాలు పాతాళానికి పడిపోవడంతో గ్రామాల్లో మంచినీటి బోర్లు ఎండిపోయి, సాగునీటికే కాక.. తాగునీటికీ తీవ్ర ఇబ్బందులు తలెత్తుతున్నాయి. కరువు అంచనాల్లో యంత్రాంగం.. జిల్లాలో కరువు నష్టాన్ని అంచనా వేసే పనిలో అధికారులు నిమగ్నమయ్యారు. 17 మండలాలకు సుమారు 13 మండలాల్లో కరువు పరిస్థితులు ఉన్నట్లు గుర్తించి, రాష్ట్ర యంత్రాంగం కేంద్రానికి నివేదిక పంపించింది. ఈ వానాకాలం సీజన్‌లో జూన్‌ 1 నుంచి సెప్టెంబర్‌ 30 వరకు నమోదైన లోటు వర్షపాతం, అలాగే డ్రై స్పెల్‌ (రెండు వర్షాల మధ్య 15 రోజుల సుదీర్ఘ విరామం), సాగు విస్తీర్ణం గణనీయంగా తగ్గిపోవడం వంటి అంశాలను ప్రాతిపదికన తీసుకుని కరువును లెక్కిస్తున్నారు. ఈ క్రమంలో కేంద్ర కరువు బృందాలు త్వరలో రాష్ట్రానికి రానున్నట్లు తెలుస్తోంది. కేంద్ర బృందం రాకకంటే ముందే.. వ్యవసాయ, భూగర్భ జలవనరులు, రెవె న్యూ, పంచాయతీరాజ్‌, ప్లానింగ్‌ శాఖల అధికారులు నివేదికలను సిద్ధం చేయనున్నారు. పత్తి రైతులపై తీవ్ర ప్రభావంవర్షాభావ పరిస్థితులు పత్తి పంటపై తీవ్ర ప్రభావం చూపుతున్నాయి. గత ఏడాది ఎకరాకు 6 నుంచి 10 క్వింటాళ్ల వరకు పత్తి దిగుబడి రాగా.. ప్రస్తుతం 40 నుంచి 60 కిలోలకు పడిపోయింది. వర్షాలు అనుకూలించక రైతులు రెండు, మూడుసార్లు పత్తి విత్తనాలు వేయాల్సి రావడంతో పెట్టుబడులు పెరిగి నష్టాలపాలయ్యారు. ఐదు మండలాల్లోనే సాధారణం వానాకాలం సీజన్‌లో తుర్కపల్లి, ఆత్మకూరు (ఎం), మోత్కూరు, అడ్డగూడూరు, గుండాల మండలాల్లో మాత్రమే సాధారణ వర్షపాతం నమోదు కాగా.. బీబీనగర్‌, భువనగిరి మండలాల్లో అత్యధిక లోటు వర్షపాతం రికార్డైంది. ఫ కురవని వానలు.. ఎండుతున్న పత్తి, వరి, కంది పంటలు ఫ 17 మండలాలకు గాను 13 మండలాల్లో వర్షాభావం ఫ 10.58 మీటర్ల లోతుకు పడిపోయిన భూగర్భ జలాలు ఫ భారీగా తగ్గిన పంటలసాగు విస్తీర్ణం ఫ అప్పుల ఊబిలో రైతులుసంస్థాన్‌నారాయణపురం మండలం జనగాంకు చెందిన రైతు బైకని యాదయ్య తనకున్న 8 ఎకరాలతో పాటు మరో 70 ఎకరాలు కౌలుకు తీసుకుని పత్తి సాగు చేశాడు. సరైన వర్షాలు లేక విత్తిన ప్రతీసారి మొలకలు రాకపోవడంతో మూడుసార్లు విత్తనాలు వేశాడు. మొత్తం రూ.22లక్షలు పెట్టుబడి పెట్టాడు. వానలు లేక పత్తి మొక్కలకు ఒకటి, రెండు కాయలే వచ్చాయి. గతేడాది ఎకరాకు 8 క్వింటాళ్ల దిగుబడి రాగా, ఈసారి కనీసం ఎకరాకు 50–60 కిలోలకు మించి దిగుబడి రావడం లేదు. ఏరితే కూలీల ఖర్చు కూడా రాదని వదిలేశాడు. భూమిని బట్టి ఎకరాకు రూ.5 వేల నుంచి రూ.8 వేల వరకు కౌలు చెల్లించాలి. పరిస్థితి చూస్తే అప్పులే మిగిలేలా ఉన్నాయి.

● భువనగిరి మండలం కూనూరు గ్రామంలోని సర్వే నంబర్‌ 126లోని 167 గజాల స్థలానికి స్లాట్‌ బుక్‌ చేసుకున్నారు. ఆ భూమి ప్రభుత్వ భూమిగా, 22ఏ పరిధిలో ఉన్నట్లు రికార్డుల్లో ఉండటంతో ఫైల్‌ను కలెక్టరేట్‌లోని రెవెన్యూ అధికారులకు పంపారు. గతంలో ఇదే ప్లాట్‌కు రిజిస్ట్రేషన్‌ డాక్యుమెంట్‌ ఉన్నప్పటికీ 22ఏలో ఉండటంతో ప్రస్తుత రిజిస్ట్రేషన్‌ నిలిచిపోయింది. సాక్షి ప్రతినిధి, నల్లగొండ : పట్టా భూములు కూడా 22ఏ నిషేధిత జాబితాలో చేరడంతో రైతులు, భూ యజమానులు గగ్గోలు పెడుతున్నారు. ఏళ్ల తరబడి పట్టా భూములుగా కొనసాగుతూ, సాగు చేసుకుంటున్న భూములు సైతం ప్రభుత్వ భూములుగా నమోదవడంతో ఆందోళన చెందుతున్నారు. తాతల కాలం నుంచి అనుభవిస్తున్న భూములు, గతంలో క్రయవిక్రయాలు జరిగిన స్థలాలు కూడా 22ఏ జాబి తాలోకి వెళ్లడంతో రిజిస్ట్రేషన్లు నిలిచిపోతున్నాయి. తమ భూములను నిషేధిత జాబితా నుంచి తొలగించాలంటూ రైతులు తహసీల్దార్‌ కార్యాలయాలు, ఆర్డీ వో కార్యాలయాలు, కలెక్టరేట్‌ చుట్టూ తిరుగుతున్నారు. ఇబ్బందుల్లో రైతులు ఉమ్మడి నల్లగొండ జిల్లాలో 2.87 లక్షల ఎకరాలకుపైగా వ్యవసాయ భూములు 22ఏ పరిధిలోకి వెళ్లాయి. అంతేకాదు వ్యవసాయేతర భూములు పెద్ద సంఖ్యలో 22ఏ జాబితాలో ఉండటంతో సమస్య తీవ్రంగా మారింది. ప్రభుత్వం దరఖాస్తుల ద్వారా సమస్యలను పరిష్కరించుకునే అవకాశం కల్పించడంతో పెద్ద సంఖ్యలో దరఖాస్తులు వస్తున్నాయి. రికార్డులు, హక్కులు, సర్వే నంబర్లు, గతంలో జరిగిన రిజిస్ట్రేషన్లు తదితర అంశాలను అధికారులు పరిశీలించిన తర్వాతే భూమిని 22ఏ నుంచి తొలగింపునకు చర్యలు చేపడుతున్నా.. పెద్ద సంఖ్యలో తిరస్కరిస్తుండటంతో రైతులకు ఇబ్బందులు తప్పడం లేదు. నల్లగొండలోనే 1.46 లక్షల ఎకరాలు నల్లగొండ జిల్లాలోని 33 మండలాల పరిధిలో 1,46,936 ఎకరాల వ్యవసాయ భూములు 22ఏ జాబితాలో చేరినట్లు నమోదైనట్లు అధికారులు పేర్కొంటున్నారు. వీటిలో పట్టా భూములు కూడా ఉండటంతో రైతుల్లో ఆందోళన నెలకొంది. సాగు చేసుకుంటున్న భూములను విక్రయించుకోవాలన్నా, అవసరానికి బ్యాంకు రుణం తీసుకోవాలన్నా, వారసత్వ బదలాయింపు చేసుకోవాలన్నా రికార్డుల్లో 22ఏ నిషేధిత జాబితా అడ్డంకిగా మారుతోంది. తమ భూములు పొరపాటున నిషేధిత జాబితాలో చేరాయని పేర్కొంటూ రైతులు రెవెన్యూ అధికారులను ఆశ్రయిస్తున్నారు. కొన్నిచోట్ల పరిశీలన అనంతరం తొలగింపులు జరుగుతున్నా.. అత్యధిక గ్రామాల్లో ఇంకా సమస్య పరిష్కారం కాకపోవడంతో భూ యజమానులు ఆవేదన వ్యక్తం చేస్తున్నారు. నాన్‌ అగ్రికల్చర్‌లోనూ.. వ్యవసాయ భూములకే కాకుండా వ్యవసాయేతర భూములు, ఇళ్ల స్థలాలు కూడా 22ఏ జాబితాలో చేరాయి. ఉమ్మడి నల్లగొండ జిల్లా పరిధిలోని సబ్‌ రిజిస్ట్రార్‌ కార్యాలయాల్లో 22ఏలో ఉన్న భూముల రిజిస్ట్రేషన్ల కోసం 87 మంది జిల్లా రిజిస్ట్రార్‌కు దరఖాస్తు చేసుకున్నారు. వీటిలో 42 దరఖాస్తులు పరిష్కరించి రిజిస్ట్రేషన్లకు అవకాశం కల్పించగా 19 దరఖాస్తులు తిరస్కరించారు. మరో 26 దరఖాస్తులు పెండింగ్‌లో ఉన్నాయి. భూమికి సంబంధించిన రికార్డులు, హక్కులు, సర్వే నంబర్లు తదితర అంశాలను అధికారులు పరిశీలించిన అనంతరం అన్నీ సక్రమంగా ఉన్నట్లు తేలితే 22ఏ నుంచి తొలగించి రిజిస్ట్రేషన్‌కు అవకాశం కల్పిస్తున్నారు. భువనగిరిలో 39,468 ఇళ్లు.. 28,549 ఎకరాలు యాదాద్రి భువనగిరి జిల్లాలో 39,468 ఇళ్లు, 28,549 ఎకరాల వ్యవసాయ భూములు 22ఏ నిషేధిత జాబితాలో చేరినట్లు అధికారులు పేర్కొంటున్నారు. ఇందులో కొన్నేళ్లుగా నివాసం ఉంటున్న ఇళ్లు, పట్టా భూములు కూడా ఉండటం గమనార్హం. 22ఏలో ఉన్న భూములకు రిజిస్ట్రేషన్‌ చేయాలంటే ముందుగా నిషేధిత జాబితా నుంచి తొలగించాలి. దీంతో భూ యజమానులు ముందుగా రెవెన్యూ అధికారులను ఆశ్రయించాల్సి వస్తోంది. రికార్డుల్లో చిన్నపాటి తేడా ఉన్నా దాని ప్రభావం రిజిస్ట్రేషన్‌పై పడుతోంది. తమ భూములు పట్టా భూములేనని పత్రాలు చూపిస్తున్నా.. రికార్డుల్లో 22ఏగా నమోదై ఉండటంతో సమస్య ఎదురవుతోందని రైతులు వాపోతున్నారు. ఫ పట్టా భూములు సైతం 22ఏ లోకి.. ఫ ఒక్క నల్లగొండలోనే లక్షన్నర ఎకరాలు ఫ మిగతా రెండు జిల్లాల్లో మరో లక్షన్నర ఎకరాలపై నిషేధం ఫ ఆందోళన చెందుతున్న రైతులు, ప్రజలు ఫ నిషేధిత జాబితా నుంచి తొలగించాలని రెవెన్యూ కార్యాలయాల చుట్టూ ప్రదక్షిణలు

యాదగిరిగుట్ట: ఢిల్లీలో ప్రతిపక్ష నాయకులపై పోలీసుల చర్యలు ప్రజాస్వామ్య స్ఫూర్తికి విరుద్ధమని ప్రభుత్వ విప్‌, ఆలేరు ఎమ్మెల్యే బీర్ల ఐలయ్య అన్నారు. ఢిల్లీలో ఓటు చోరీపై నిరసన తెలిపిన లోక్‌సభ ప్రతిపక్ష నేత రాహుల్‌గాంధీ, ఎంపీ ప్రియాంకగాంధీలతో పాటు ప్రతిపక్ష ఎంపీలను అరెస్టు చేసిన ఘటనపై గురువారం యాదగిరిగుట్ట పట్టణంలో బ్లాక్‌ డేగా పాటిస్తూ నిరసన ర్యాలీ నిర్వహించారు. అనంతరం సీఈసీ జ్ఞానేష్‌ కుమార్‌ దిష్టిబొమ్మను దహనం చేశారు. ఈ సమయంలో పోలీసులు అడ్డుకునే ప్రయత్నం చేశారు. అనంతరం ఐలయ్య మాట్లాడుతూ, ఓటు చోరీకి ప్రధాన బాధ్యుడైన సీఈసీ జ్ఞానేష్‌ కుమార్‌ను ప్రధాని నరేంద్రమోదీ వెనకేసుకొస్తున్నాడని ఆరోపించారు. ప్రధాని మోదీని గద్దె దింపేంత వరకు కాంగ్రెస్‌ పోరాటం ఆగదని స్పష్టం చేశారు. ఈ కార్యక్రమంలో మున్సిపల్‌ చైర్‌పర్సన్‌ గుండ్లపల్లి వాణి భరత్‌గౌడ్‌, వైస్‌ చైర్‌పర్సన్‌ రమ్య, పట్టణ అధ్యక్షుడు ముక్కెర్ల మల్లేష్‌ యాదవ్‌, మాజీ అధ్యక్షులు గుండ్లపల్లి భరత్‌గౌడ్‌, బందారపు భిక్షపతి, మాజీ ధర్మకర్త పెలిమెల్లి శ్రీధర్‌గౌడ్‌, నాయకులు కాటబత్తిని ఆంజనేయులు, నువ్వుల రమేష్‌, గుండు నర్సింహ, కలకుంట్ల శేఖర్‌, బిట్టు హరీష్‌, కానుగు బాలరాజు, బూడిద భాస్కర్‌, ఎర్రగుంట్ల శేఖర్‌, ఉత్తేజ్‌, గుడ్ల నరేష్‌, ముక్కెర్ల వెంకటేష్‌, కోల కృష్ణ, యాకూబ్‌, బండారు హరిప్రసాద్‌ పాల్గొన్నారు.

సాక్షి, యాదాద్రి: భువనగిరిలోని ఓ రైస్‌ మిల్లులో భారీ స్థాయిలో కస్టమ్‌ మిల్లింగ్‌ రైస్‌ (సీఎంఆర్‌) ధాన్యం పక్కదారి పట్టిన ఘటన వెలుగుచూసింది. పౌరసరఫరాల శాఖ కమిషనర్‌ స్టీఫెన్‌ రవీంద్ర ఆదేశాల మేరకు బుధవారం అర్ధరాత్రి వరకు భువనగిరిలోని శివ పార్‌బాయిల్డ్‌ రైస్‌ మిల్లులో సివిల్‌ సప్లయ్‌ అధికారులు తనిఖీలు నిర్వహించారు. ఈ తనిఖీల్లో సుమారు రూ.18.40 కోట్ల విలువ చేసే ధాన్యం బస్తాల లెక్కల్లో భారీ వ్యత్యాసాన్ని అధికారులు గుర్తించారు. తనిఖీల్లో వెలుగుచూసిన అక్రమాలు 2025–26 ఖరీఫ్‌ సీజన్‌కు సంబంధించి రాష్ట్ర ప్రభుత్వం శివ పార్‌బాయిల్డ్‌ రైస్‌ మిల్లుకు మొత్తం 12,739 మెట్రిక్‌ టన్నుల ధాన్యాన్ని మిల్లింగ్‌ కోసం కేటాయించింది. అయితే, మిల్లు యాజమాన్యం కేవలం 2,882 మెట్రిక్‌ టన్నుల బియ్యాన్ని మాత్రమే ప్రభుత్వానికి సీఎంఆర్‌ కింద అప్పగించింది. పౌరసరఫరాల శాఖ జిల్లా అధికారులు రోజారాణి, హరికృష్ణలతో పాటు మరో ఆరుగురు సభ్యుల తో కూడిన ప్రత్యేక బృందం మిల్లులోని రికార్డులను, భౌతిక నిల్వలను పరిశీలించింది. నిల్వ ఉండాల్సిన దానికంటే 6,302 మెట్రిక్‌ టన్నుల వడ్లు (సుమారు 1,57,575 బస్తాలు) తక్కువగా ఉన్నట్లు అధికారులు నిర్ధారించారు. పక్కదారి పట్టిన ఈ ధాన్యం విలువ సుమారు రూ. 18.40 కోట్లు ఉంటుందని అధికారులు తెలిపారు. దీనిపై మిల్లు యజమాని గంపా నాగేంద్ర నోటీసు జారీ చేశారు. మిల్లు పార్ట్‌నర్‌లకు కూడా నోటీసులు జారీ చేయనున్నట్లు అధికారులు తెలిపారు. ఇప్పటికే రెండు మిల్లుల్లో తేడా జిల్లాలోని రెండు మిల్లుల్లో ఇప్పటికే ధాన్యంలో భారీగా తేడాలు ఉన్నట్లు సివిల్‌ సప్లయ్‌ అధికారులు గుర్తించారు. భువనగిరి పట్టణంలోని యాదాద్రి ఆగ్రో ఇండస్ట్రీస్‌లో రూ.24 కోట్ల విలువైన ధాన్యం లోటును గుర్తించి, యజమానులపై కేసులు నమోదు చేసి కొందరిని అరెస్ట్‌ చేశారు. అలాగే, రామన్నపేట మండలం ఇంద్రపాలనగరంలోని విద్యా ఆగ్రోస్‌ రైస్‌ ప్రొడక్ట్‌లో ఏకంగా రూ. 33.60 కోట్ల విలువైన ధాన్యం పక్కదారి పట్టినట్లు తేల్చారు. ఫ భువనగిరిలోని శివ పార్‌బాయిల్డ్‌ రైస్‌ మిల్లులో సివిల్‌ సప్లయ్‌ అధికారుల తనిఖీలు ఫ 6,302 మెట్రిక్‌ టన్నుల వడ్లు మాయం ఫ మిల్లు యజమానికి నోటీసులు జారీ

భువనగిరి: జిల్లా వ్యాప్తంగా ప్రభుత్వ పాఠశాలల్లో కొనసాగుతున్న ఎస్‌ఏ–1ను ప్రత్యేకంగా నియమించిన తనిఖీ బృందం పరిశీలించింది. 9వ తరగతి ఎస్‌ఏ–1లో మాస్‌కాపీయింగ్‌ శీర్షికన గురువారం సాక్షి దిన పత్రికలో ప్రచురితమైన కథనానికి విద్యాశాఖ అధికారులు స్పందించి తనిఖీ బృందాన్ని ఏర్పాటు చేశారు. బృందంలోని అధికారులు డీసీఈబీ పాండు, ఏసీజీఈ శ్రీనివాస్‌, సెక్టోరియల్‌ అధికారులు టి. శ్రీహరిఅయ్యంగార్‌, పి. లింగారెడ్డి, డీసీఈబీ అసిస్టెంట్‌ సెక్రటరీ బి. రమేష్‌లు భువనగిరి, వలిగొండ, ఆలేరు, బొమ్మలరామారం, రాజాపేట, చౌటుప్పల్‌ మండలాల్లోని పాఠశాలల్లో పరీక్షల నిర్వహణ తీరును పరిశీలించారు. అలాగే 9వ తరగతి పరీక్షల సమాధాన పత్రాల మూల్యాంకనం చేస్తున్న కేంద్రాలను తనిఖీ చేశారు. నవంబర్‌ 15న లక్ష మంది రైతులతో మహా ప్రదర్శనచౌటుప్పల్‌ : నవంబర్‌ 15నుంచి 18వ తేదీ వరకు నల్లగొండలో ఏఐకేఎస్‌ 36వ మహాసభలను నిర్వహిస్తున్నామని తెలంగాణ రైతు సంఘం రాష్ట్ర ప్రధానకార్యదర్శి తీగల సాగర్‌ తెలిపారు. స్థానిక రంగారెడ్డి స్మారక భవనంలో గురువారం నిర్వహించిన తెలంగాణ రైతు సంఘం జిల్లా విస్తృతస్థాయి సమావేశంలో ఆయన మాట్లాడారు. తెలంగాణ రైతాంగ సాయుధ పోరాట స్ఫూర్తిని దేశవ్యాప్తంగా రైతాంగ ఉద్యమాలకు చాటిచెప్పే లక్ష్యంతో ఈ మహాసభలను నల్లగొండలో నిర్వహిస్తున్నామన్నారు. అందులో భాగంగా నవంబర్‌ 15న లక్షమంది రైతులతో మహాప్రదర్శన నిర్వహిస్తామన్నారు. కార్యక్రమంలో రాష్ట్ర ఉపాధ్యక్షులు బొంతల చంద్రారెడ్డి, ఎం.డి.జహంగీర్‌, జిల్లా అధ్యక్షుడు మేక అశోక్‌రెడ్డి, కార్యదర్శి మాటూరు బాలరాజు, బూరుగు కృష్ణారెడ్డి, కోట రామచంద్రారెడ్డి, చీరిక అలివేలు, యాదిరెడ్డి, విజయభాస్కర్‌, సంజీవరెడ్డి, నర్సిరెడ్డి, శ్రీనివాసరెడ్డి, శ్రీశైలం, ధర్మయ్య, శ్రీను, బుచ్చిరెడ్డి, మల్లేశం పాల్గొన్నారు. క్షయ రహిత సమాజ నిర్మాణం అందరి బాధ్యతభువనగిరి: క్షయ రహిత సమాజ నిర్మాణం ప్రతి ఒక్కరి బాధ్యత అని జిల్లా వైద్య ఆరోగ్యశాఖ అధికారి డాక్టర్‌ మనోహర్‌ అన్నారు. గురువారం కలెక్టరేట్‌లో నిర్వహించిన టీబీ ముక్త్‌ భారత్‌ అభియాన్‌లో భాగంగా ఏర్పాటు చేసిన కార్యక్రమంలో ఆయన మాట్లాడారు. టీబీకి సంబంధించిన అన్ని రకాల పరీక్షలను ప్రభుత్వ ఆస్పత్రుల్లో ఉచితంగా నిర్వహిస్తున్నామన్నారు. అలాగే వ్యాధి నిర్ధారణ అయిన వారికి చికిత్స పూర్తయ్యే వరకు ప్రతి నెలా రూ. 1000 ఇవ్వనున్నట్లు తెలిపారు. జిల్లాలోని 427 గ్రామ పంచాయతీలకు గాను 46 గ్రామాలను టీబీ రహితంగాతీర్చిదిద్దారు. వీటి కోసం కృషి చేసిన ప్రజాప్రతినిధులు, వైద్య సిబ్బందికి ప్రశంస పత్రాలను అందజేసి, సన్మానించారు.ఈ కార్యక్రమంలో మున్సిపల్‌ చైర్‌పర్సన్‌ తంగళ్లపల్లి శ్రీవాణిరవికుమార్‌, గ్రంథాలయ సంస్థ చైర్మన్‌ అవెజ్‌చిస్తీ, ఎన్‌సీసీ కో ఆర్డినేటర్‌ ప్రసాద్‌, డాక్టర్‌ వంశీ కృష్ణ, డాక్టర్‌ రామకృష్ణ, డిప్యూటీ డీఎంహెచ్‌ఓ డాక్టర్‌ సుమన్‌కళ్యాణ్‌, యూత్‌ నేతలు కరుణ్‌ పాల్గొన్నారు. యాదగిరీశుడి క్షేత్రంలో నిత్యపూజలుయాదగిరిగుట్ట: యాదగిరి శ్రీలక్ష్మీనరసింహస్వామి ఆలయంలో గురువారం నిత్య పూజలు విశేషంగా నిర్వహించారు. ఉదయాన్నే శ్రీస్వామి అమ్మవార్లకు సుప్రభాత సేవ చేపట్టారు. వేద మంత్రాలతో గర్భాలయంలోని స్వయంభూ మూర్తులకు, బంగారు ప్రతిష్ఠా అలంకార మూర్తులకు అభిషేకం జరిపించి, తులసీ దళాలతో అర్చన, సహన్రనామార్చన, కుంకుమార్చన చేశారు. ఇక ముఖ మండపంలోని ఉత్సవమూర్తుల చెంత అష్టోత్తరం, సువర్ణ పుష్పార్చన పూజలు జరిపారు. ప్రథమ ప్రాకార మండపంలో పాంచరాత్ర ఆగమశాస్త్రానుసారంగా శ్రీసుదర్శన నారసింహ హోమం, గజవాహన సేవ, నిత్య కల్యాణం, బ్రహ్మోత్సవం వంటి పూజ నిర్వహించారు. సాయయంత్రం జోడు సేవ, రాత్రి ద్వార బంధనం చేశారు.

రామగిరి(నల్లగొండ), యాదగిరిగుట్ట, : తెలంగాణ రాష్ట్ర రోడ్డు రవాణా సంస్థ (టీజీ ఆర్టీసీ) గుర్తింపు యూనియన్‌ ఎన్నికలు ఉమ్మడి జిల్లాలో శుక్రవారం జరగనున్నాయి. ఉదయం 5 గంటలకు పోలింగ్‌ ప్రారంభమై సాయంత్రం 6 గంటల వరకు కొనసాగనుంది. పోలింగ్‌ ముగిసిన వెంటనే ఓట్ల లెక్కింపు చేపట్టి రాత్రి వరకు ఫలితాలు వెల్లడించేందుకు ఆర్టీసీ యాజమాన్యం అన్ని ఏర్పాట్లు పూర్తి చేసింది. ఈ నేపథ్యంలో కార్మికులంతా తమ ఓటు హక్కును వినియోగించుకునేందుకు సిద్ధమయ్యారు. 9 మంది అభ్యర్థుల మధ్య గట్టి పోటీ.. ఈ విడత గుర్తింపు ఎన్నికల్లో మొత్తం 12 యూనియన్లు పరోక్షంగా, ప్రత్యక్షంగా భాగస్వామ్యం అవుతున్నాయి. ఉమ్మడి నల్లగొండ రీజియన్‌ స్థాయిలో ప్రాతినిధ్యం వహించడానికి 9 మంది అభ్యర్థులు బరిలో నిలిచారు. క్షేత్రస్థాయిలో ప్రధాన కూటముల మధ్య తీవ్రమైన పోటీ నెలకొంది. ప్రతి ఒక్క ఓటరును నేరుగా కలిసి ప్రచారం ముగించిన నేతలు తమదే గెలుపని ధీమాతో ఉన్నారు. దసరా వేళ.. సవాల్‌గా ఎన్నికలు దసరా, బతుకమ్మ పండుగల రద్దీ నెలకొననున్న సమయంలో ఎన్నికలు నిర్వహించడం ఆర్టీసీ యాజమాన్యానికి పెద్ద పరీక్షగా మారింది. ఈ నేపథ్యంలో ప్రయాణికులకు ఎలాంటి ఇబ్బంది కలగకుండా ప్రత్యేక ఏర్పాట్లు చేశామని అధికారులు తెలిపారు. ఫలితంపై తీవ్ర ఉత్కంఠ సాయంత్రం 6 గంటలకు పోలింగ్‌ ముగిసిన వెంటనే ప్రత్యేక కౌంటింగ్‌ కేంద్రాల్లో ఓట్ల లెక్కింపు ప్రారంభమవుతుంది. రాత్రికి ఫలితాలు వెల్లడయ్యే అవకాశం ఉండటంతో గెలుపు ఎవరిని వరిస్తుందోనని కార్మిక వర్గాల్లో తీవ్ర ఉత్కంఠ నెలకొంది. నల్లగొండ రీజియన్‌ కార్మికులు ఎవరికి పట్టం కడతారో శుక్రవారం రాత్రి వరకు తేలిపోనుంది. ఫ ఉదయం 5 నుంచి సాయంత్ర ం6 గంటల వరకు పోలింగ్‌ ఫ ఉమ్మడి జిల్లాలో ఎనిమిది పోలింగ్‌ కేంద్రాలు ఫ పోలింగ్‌ ముగియగానే ఓట్ల లెక్కింపు ఫ రాత్రి వరకు తేలనున్న ఫలితాలు ఫ ఓటుహక్కు వినియోగించుకోనున్న 2,036 మంది కార్మికులుఉమ్మడి జిల్లా పరిధిలోని ఏడు డిపోల్లో డిపోకు ఒక పోలింగ్‌ బూత్‌ చొప్పున, నల్లగొండలో రెండు చొప్పున మొత్తం 8 కేంద్రాలను సిద్ధం చేశారు. కార్మికుల విధులకు ఎలాంటి ఆటంకం కలగకుండా ఉదయం 5 గంటల నుంచి సాయంత్రం 6 గంటల వరకు పోలింగ్‌ నిర్వహించనున్నారు. ఉమ్మడి నల్లగొండ రీజియన్‌ వ్యాప్తంగా డ్రైవర్లు, కండక్టర్లు, గ్యారేజ్‌ సిబ్బందితో కలిపి మొత్తం 2,036 మంది ఓటర్లు ఉన్నారు. దూర ప్రాంత సర్వీసుల్లో ఉండే డ్రైవర్లు, కండక్టర్లు ఓటు హక్కు కోల్పోకుండా చూసేందుకు పోస్టల్‌ బ్యాలెట్‌ సదుపాయాన్ని కూడా అందుబాటులోకి తీసుకొచ్చారు.

యాసంగిలో పంటల సాగు అంచనా విస్తీర్ణం (ఎకరాల్లో) వరి: 2,07,354 పండ్లు, కూరగాయలు 5,600 పెసర్లు 5,410 మినుములు 3,560 పశుగ్రాసం 3,680 వేరుశనగ 1,675 జొన్న 1,540 శనగలు 1,200 పొద్దుతిరుగుడు 1,020 నువ్వులు 1,010 మొక్కజొన్న 950 ఆముదం 174 బొబ్బర్లు 171 కందులు 55 ఇతర పంటలు 3,680 రామన్నపేట: ఎల్‌నినో ప్రభావంతో ఈ ఏడాది ఆశించిన స్థాయిలో వర్షాలు కురవకపోవడంతో భూగర్భజలాలు అడుగంటిపోయాయి. చెరువులు, కుంటలు ఎండిపోగా, మూసీ కాలువల్లో సైతం నీటి ప్రవాహం తగ్గింది. ఈ నేపథ్యంలో యాసంగి సీజన్‌లో తీవ్ర నీటి ఎద్దడి ఏర్పడే ప్రమాదం ఉండటంతో, రైతులను సన్నద్ధం చేసేందుకు వ్యవసాయ శాఖ ముమ్మర కసరత్తు ప్రారంభించింది. వరి జోలికి వెళ్లకుండా.. ఎక్కువ నీరు అవసరమయ్యే వరి పంట జోలికి వెళ్లకుండా, తక్కువ నీటితోనే పండే ఆరుతడి పంటలను సాగు చేయాలని వ్యవసాయాధికారులు సూచిస్తున్నారు. రైతులను చైతన్యపరిచేందుకు వాట్సాప్‌ గ్రూపులు, సోషల్‌ మీడియా వేదికలతో పాటు విత్తనాలు, ఎరువుల దుకాణాల ద్వారా విస్తృతంగా అవగాహన కల్పిస్తున్నారు. సిద్ధమైన యాసంగి ప్రణాళిక వరదలు, సాగునీటి కొరత అంచనాలను దృష్టిలో ఉంచుకొని వ్యవసాయ శాఖ రబీ యాక్షన్‌ ప్లాన్‌ను సిద్ధం చేసింది. గత రబీ సీజన్‌లో జిల్లా వ్యాప్తంగా 3,46,454 ఎకరాల్లో వరి సాగు కాగా, ఈసారి సాగు విస్తీర్ణం 2,07,354 ఎకరాలకు పరిమితమయ్యే అవకాశం ఉందని అంచనా వేశారు. అంటే సుమారు 1,39,100 ఎకరాల్లో వరి సాగు తగ్గనుంది.వర్షాభావ పరిస్థితులను దృష్టిలో పెట్టుకొని రైతులు ఎక్కువ నీరు అవసరమయ్యే పంటల జోలికి వెళ్లకూడదు. తక్కువ కాలంలో, తక్కువ నీటితో పండే ఆరుతడి పంటలను సాగు చేయాలి. – వెంకటరమణారెడ్డి, జిల్లా వ్యవసాయాధికారిఫ యాసంగి యాక్షన్‌ప్లాన్‌ సిద్ధం ఫ ఎల్‌నినోతో తీవ్ర వర్షాభావ పరిస్థితులు ఫ అడుగంటిన భూగర్భ జలాలు.. ఎండిన చెరువులు, కుంటలు ఫ ఆరుతడి పంటల వైపే మొగ్గు చూపాలని వ్యవసాయ శాఖ పిలుపు

రామన్నపేట, ఆలేరు రూరల్‌: వర్షాభావ పరిస్థితుల కారణంగా జిల్లాలోని 9 మండలాల్లో తీవ్ర కరువు నెలకొంది. వ్యవసాయ బోర్లు వట్టిపోవడం, వేసిన పంటలు ఎండిపోవడంతో రైతులు తీవ్ర నష్టాలను చవిచూస్తున్నారు. సాగు పనులు లేక వ్యవసాయ కూలీలతో పాటు, చిన్న, కౌలు రైతులు సైతం ఉపాధి కోల్పోయారు. ఉపాధి లేక వలసల బాట పడుతున్న ఈ వర్గాలను ఆదుకునేందుకు ప్రభుత్వం ఉపాధి పథకం ద్వారా కోరుకున్న ప్రతి ఒక్కరికీ పని కల్పించాలని నిర్ణయం తీసుకుంది. కొత్త కార్డుల జారీ కరువు ప్రభావిత ప్రాంతాల్లోని నిరుపేదలకు అండగా నిలిచేందుకు వీబీ జీరామ్‌జీ (ఉపాధి హామీ) పథకం కింద కొత్త జాబ్‌ కార్డులు జారీ చేయాలని ప్రభుత్వం పంచాయతీరాజ్‌, గ్రామీణాభివృద్ధి శాఖలను ఆదేశించింది. దరఖాస్తు చేసుకున్న 15 రోజుల్లోగా వీటిని విధిగా మంజూరు చేయాలి. 18 ఏళ్లు నిండిన వారు తమ దరఖాస్తు ఫారానికి ఆధార్‌ కార్డు నకలు, ఫొటోను జతచేసి సంబంధిత గ్రామ పంచాయతీ కార్యదర్శికి అందజేయాల్సి ఉంటుంది. ఉపాధి కల్పనే లక్ష్యం ప్రస్తుతం ఉన్న జాబ్‌కార్డులతో పాటు కొత్తగా చేరే వారిని కలుపుకొని, ప్రతి గ్రామంలో కనీసం 100 నుంచి 150 మందికి ప్రతిరోజూ పని కల్పించాలని ప్రభుత్వం నిర్దేశించింది. జిల్లాలో ప్రస్తుతం 2,61,745 జాబ్‌ కార్డులు ఉండగా, కరువు దృష్ట్యా దరఖాస్తు చేసుకునే ప్రతి ఒక్కరికీ కార్డు అందజేసి, జిల్లా వ్యాప్తంగా ఉపాధి పొందే కూలీల సంఖ్యను 3,04,445 కు పెంచేలా అధికారులు చర్యలు తీసుకోవాలని ఆదేశాలు జారీ అయ్యాయి.ఫ 18 ఏళ్లు నిండిన వారు అర్హులు ఫ కరువు నేపథ్యంలో వలసల నివారణే లక్ష్యం ఫ ప్రతి గ్రామంలో రోజుకు 100 నుంచి 150 మందికి వీబీజీరామ్‌జీ పథకం కింద పనులు

క్యాంపస్‌ సమాచారంఎంజీయూలో క్రాస్‌ కంట్రీ పరుగు పందెం పోటీలునల్లగొండ టూటౌన్‌ : మహాత్మాగాంధీ యూనివర్సిటీ (ఎంజీయూ), క్లౌడెలీ సంస్థల మధ్య విద్యా–పరిశ్రమ అనుసంధానానికి సంబంధించి అవగాహన ఒప్పందం బుధవారం యూనివర్సిటీలో వీసీ ఖాజా అల్తాఫ్‌ హుస్సేన్‌ ఆధ్వర్యంలో జరిగింది. ఈ సందర్భంగా వీసీ మాట్లాడుతూ.. విద్యార్థుల్లో పరిశ్రమకు అవసరమైన నైపుణ్యాలు, ప్రాక్టికల్‌ నాలెడ్జ్‌, ఆర్టిఫీషియల్‌ ఇంటెలిజెన్స్‌, అగ్రిటెక్‌, మార్కెటింగ్‌, సాఫ్ట్‌ స్కిల్స్‌ తదితర రంగాల్లో శిక్షణ, ప్రాజెక్ట్‌ ఆధారిత అభ్యసనం, పరిశ్రమ అనుభవాన్ని పెంపొందించడమే అవగాహన ఒప్పంద ముఖ్య ఉద్ధేశమన్నారు. ఈ ఒప్పందం ద్వారా విద్యార్థులకు శిక్షణ, వర్క్‌షాప్‌లు, మెంటరింగ్‌, ప్రాజెక్ట్‌ ఆధారిత అభ్యసనం, పరిశ్రమ పరస్పర చర్యలు, ఇంటర్న్‌షిప్‌, ప్లేస్‌మెంట్‌–రెడీనెస్‌కు సంబంధించిన అవకాశాలను అందుకునేందుకు అవకాశం ఏర్పడుతుందన్నారు. ఈ కార్యక్రమంలో రిజిస్ట్రార్‌ కె. అంజిరెడ్డి, ఐక్యూఏసీ డైరెక్టర్‌ మిర్యాల రమేష్‌, ప్రిన్సిపాల్‌ కె. హరీష్‌కుమార్‌, రేఖ, వై. నాగరాజు, జ్యోతిరాణి పాల్గొన్నారు. నల్లగొండ టూటౌన్‌ : నల్లగొండలోని మహాత్మాగాంధీ యూనివర్సిటీలో బుధవారం నిర్వహించిన అంతర్‌ కళాశాలల 10 కిలోమీటర్ల క్రాస్‌ కంట్రీ పరుగు పందెం పోటీలను రిజిస్ట్రార్‌ కొప్పుల అంజిరెడ్డి ప్రారంభించారు. ఈ పోటీల్లో మహిళల విభాగంలో భువనగిరిలోని ఆర్మీ డిగ్రీ కళాశాల విజేతగా నిలవగా.. రెండో స్థానంలో దేవరకొండలోని ట్రైబల్‌ వెల్ఫేర్‌ డిగ్రీ కళాశాల నిలిచింది. పురుషుల విభాగంలో ఎంజీయూ కామర్స్‌ బిజినెస్‌ మేనేజ్‌మెంట్‌ కళాశాల విద్యార్థులు మొదటి స్థానం సాధించగా.. గోపాలకృష్ణ వ్యాయామ కళాశాల రెండో స్థానంలో నిలిచింది. రిజిస్ట్రార్‌ అంజిరెడ్డి విజేతలకు బహుమతులు అందజేశారు. ఈ కార్యక్రమంలో స్పోర్ట్స్‌ బోర్డు సెక్రటరీ మద్దిలేటి, అంతర్‌ కళాశాలల మహిళల ఆర్గనైజింగ్‌ సెక్రటరీ ఆర్‌. మురళి, పురుషుల ఆర్గనైజింగ్‌ సెక్రటరీ వై. శ్రీనివాస్‌రెడ్డి పాల్గొన్నారు.

రాజాపేటలో నిరుపేద కుటుంబాలకు తోచిన సాయం అందించాలనే ఉద్ధేశంతోనే జైశ్రీరామ్‌ ఫౌండేషన్‌ ఏర్పాటు చేశాం. ఇప్పటివరకు మా ఫౌండేషన్‌తో పాటు ప్రజల సహకారంతో మొత్తంగా రూ.15లక్షల వరకు ఆర్థికసాయం అందజేశాం. మున్ముందు కూడా సేవా కార్యక్రమాలు కొనసాగిస్తాం. – కోయ మధు, జైశ్రీరామ్‌ ఫౌండేషన్‌ నిర్వాహకుడు కష్టాల్లో ఉన్న నిరుపేదలను ఆదుకోవాలనేదే మా ఫౌండేషన్‌ ముఖ్య లక్ష్యం. రాజాపేట గ్రామంలో ఎవరైనా ఆపదలో ఉన్నారని తెలిస్తే చాలు.. వారికి ఆర్థిక సాయం చేయడం మాకు అలవాటుగా మారింది. దాతలు సహాయం చేసినన్ని రోజులు ఈ కార్యక్రమాలను ఇలాగే కొనసాగిస్తూనే ఉంటాం. – గాండ్ల నర్సింగరావు, ఫౌండేషన్‌ సభ్యుడు

రాజాపేట : దళితుల అభ్యున్నతికి ప్రతి ఒక్కరూ పాటుపడాలని మాజీ డిప్యూటీ సీఎం తాటికొండ రాజయ్య, ఉన్నత విద్యా మండలి వైస్‌ చైర్మన్‌ ఇటికాల పురుషోత్తం పిలుపునిచ్చారు. బుధవారం రాజాపేట మండల కేంద్రంలో దళిత ప్రజా ప్రతినిధుల సన్మాన కార్యక్రమాన్ని దళిత ఉపకులాల సన్మాన కమిటీ ఆధ్వర్యంలో నిర్వహించారు. మండల పరిధిలోని దళిత సర్పంచ్‌లు, వార్డు సభ్యులు, ప్రజా ప్రతినిధులను శాలువాలతో ఘనంగా సత్కరించి జ్ఞాపికలను అందజేశారు. ఈ సందర్భంగా వారు మాట్లాడుతూ దళితులంతా సమష్టిగా హక్కుల సాధనకు పోరాడాలని కోరారు. అంతకు ముందు ర్యాలీ నిర్వహించారు. ఈ కార్యక్రమంలో దళిత సంఘం నాయకులు పాల్గొన్నారు.పాడి రైతులు జాగ్రత్తలు పాటించాలిఆత్మకూరు(ఎం): పాడి పశువుల పెంపకంలో రైతులు జాగ్రత్తలు తీసుకోవాలని పశు వైద్యాధికారి గిరి సూచించారు. ఆత్మకూరు(ఎం) మండలంలోని పలు గ్రామాల్లో పాడి పశువులు లంపీ స్కిన్‌ వ్యాధికి గురై రైతులు ఆందోళన చెందుతున్న నేపథ్యంలో ఈ నెల 6న్ఙపాడి పశువులపై ‘లంపీ పంజా’ అనే శీర్షిక కథనం ప్రచురితం అయింది. దీనికి స్పందించిన పశు వైద్యాధికారులు రహీంఖాన్‌పేటలో లంపీ స్కిన్‌ వ్యాధి సోకిన లేగదూడను పరిశీలించి రైతు తాల్లపెల్లి నర్సయ్యతో మాట్లాడారు. మందులు అందచేశారు. ఆయన వెంట వీఎల్‌ఓ సత్యనారాయణ, గోపాల మిత్ర బండారు సురేష్‌, అటెండర్‌ గణేష్‌ ఉన్నారు. యాదగిరి క్షేత్రంలో నిత్య కల్యాణంయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆయలంలో నిత్య కల్యాణ వేడుకను పాంచరాత్ర ఆగమ శాస్త్రానుసారం జరిపించారు. బుధవారం ఉదయం సుప్రభాత సేవ చేపట్టారు. అనంతరం గర్భాలయంలోని స్వయంభూ, ప్రతిష్ఠా అలంకారమూర్తులకు నిజాభిషేకం, సహస్ర నామార్చన, కుంకుమార్చన జరిపించారు. ముఖ మండపంలోని సువర్ణ ఉత్సవమూర్తులకు అష్టోత్తర పూజలు నిర్వహించారు. ప్రథమ ప్రాకార మండపంలో శ్రీసుదర్శన హోమం, గజ వాహన సేవ, నిత్య కల్యాణ వేడుక, బ్రహ్మోత్సవం వంటి పూజలు చేపట్టారు. సాయంత్రం వేళ జోడు సేవను తిరు, మాడ వీధుల్లో ఊరేగించారు. రాత్రి శ్రీస్వామి వారికి శయనోత్సవం జరిపించి, ఆలయాన్ని ద్వారబంధనం చేశారు. క్షయ రహిత గ్రామంగా ఖైతాపురంచౌటుప్పల్‌ : చౌటుప్పల్‌ మండలంఖైతాపురం క్షయ రహిత గ్రామంగా ఎంపికై ంది. కేంద్రం చేపట్టిన టీబీ ముక్త్‌ భారత్‌ కార్యక్రమంలో భాగంగా క్షయ రహిత గ్రామంగా ఎంపిక చేశారు. ఈమేరకు జిల్లా వైద్య, ఆరోగ్య శాఖ బుధవారం ఉత్తర్వులు జారీ చేసింది. ప్రజల ఆరోగ్య పరిరక్షణకు పంచాయతీ పాలకవర్గం, ఆరోగ్య సిబ్బంది సమన్వయంతో పనిచేసి ముందస్తు జాగ్రత్తలు తీసుకోవడంతో ఈ గుర్తింపు దక్కిందని సర్పంచ్‌ రామలింగేశ్వర్‌రెడ్డి తెలిపారు. గురువారం భువనగిరిలో అవార్డు అందుకోనున్నట్టు ఆయన చెప్పారు.

సాక్షి యాదాద్రి : ప్రధాని నరేంద్ర మోదీ 25 ఏళ్ల రాజకీయ ప్రస్థానం దేశ నిర్మాణానికి, ప్రజల విశ్వాసానికి నిలువెత్తు నిదర్శనమని బీజేపీ రాష్ట్ర ఉపాధ్యక్షుడు కాసం వెంకటేశ్వర్లు అన్నారు. బుధవారం భువనగిరి పట్టణంలోని బాబూ జగ్జీవన్‌ రామ్‌ విగ్రహం వద్ద బీజేపీ జిల్లా అధ్యక్షుడు ఊట్కూరు అశోక్‌ గౌడ్‌ అధ్యక్షతన సేవా సంకల్ప్‌ అభియాన్‌ నిర్వహించారు. ఈ సందర్భంగా వికసిత్‌ భారత్‌ సంకల్ప సభతో పాటు పట్టణంలో భారీ సేవా జ్యోతి యాత్ర చేపట్టారు. రాష్ట్ర ప్రధాన కార్యదర్శి వేముల అశోక్‌తో కలిసి జ్యోతి ప్రజ్వలన చేసి కార్యక్రమాన్ని ప్రారంభించారు. అనంతరం మోదీ ప్రత్యక్ష ప్రసంగాన్ని కార్యకర్తలతో కలిసి వీక్షించారు. కాసం మాట్లాడుతూ మోదీ జీవితం దేశ సేవకే అంకితమైందని కొనియాడారు. జాతి ప్రయోజనాల కోసం విప్లవాత్మక నిర్ణయాలు తీసుకున్న ధీశాలి మోదీ అని పేర్కొన్నారు. ఈ కార్యక్రమంలో బీజేపీ జిల్లా మాజీ అధ్యక్షుడు పాశం భాస్కర్‌, రాష్ట్ర కార్యవర్గ సభ్యులు ఏలే చంద్రశేఖర్‌, తుమ్మల మురళీధర్‌ రెడ్డి, మాయ దశరథ, జిల్లా ఉపాధ్యక్షులు జైనపల్లి శ్యాంసుందర్‌ రెడ్డి, పట్నం శ్రీనివాస్‌, గూడూరు నరోత్తం రెడ్డి, ప్రధాన కార్యదర్శులు కొప్పుల యాదిరెడ్డి, చందా మహేందర్‌ గుప్తా, కాదురాచ్చయ్య, కార్యదర్శులు కామిటికారి కృష్ణ, వైజయంతి, మేడి కోటేష్‌, మీడియా కన్వీనర్‌ ఆకుతోట రామకృష్ణ, కార్యాలయ కార్యదర్శి మంగు నరసింహారావు, పట్టణ అధ్యక్షుడు రత్నపురం బలరాం, యువమోర్చా జిల్లా అధ్యక్షుడు దయ్యాల కుమార్‌, మహిళా మోర్చా జిల్లా అధ్యక్షురాలు మాధురి చంద్ర, నేతలు దాసరి మల్లేశం, పడమటి జగన్మోహన్‌ రెడ్డి, సుర్వి శ్రీనివాస్‌, సుదగాని ఉదయ్‌, రాళ్లబండి కష్ణచారి, వంగేటి సుచరిత, స్వర్ణలత, యాస్మిన్‌ తదితరులు పాల్గొన్నారు.ఫ బీజేపీ రాష్ట్ర ఉపాధ్యక్షుడు కాసం వెంకటేశ్వర్లు

కట్టంగూర్‌ : రైతులకు సాగునీరు, నాణ్యమైన విద్యుత్‌ అందించటంలో కాంగ్రెస్‌ ప్రభుత్వం నిర్లక్ష్యంగా వ్యవహరిస్తోందని నకిరేకల్‌ మాజీ ఎమ్మెల్యే చిరుమర్తి లింగయ్య విమర్శించారు. బుధవారం కట్టంగూర్‌లో ఏర్పాటు చేసిన విలేకరుల సమావేశంలో ఆయన మాట్లాడారు. వ్యవసాయ రంగానికి 24గంటల ఉచిత విద్యుత్‌ అందిస్తున్నామని ప్రభుత్వం ప్రకటన చేస్తున్నా, క్షేత్రస్థాయిలో మాత్రం ఐదారు గంటలు కూడా రావడం లేదన్నారు. రైతులకు కనీసం 12 గంటలు నాణ్యమైన విద్యుత్‌ను నిరంతరాయంగా ఇవ్వాలన్నారు. ఎల్‌నినో ప్రభావంతో వచ్చే ఏడాది మే వరకు సాగునీటి కోసం రైతులు తీవ్ర ఇబ్బందులు ఎదుర్కొనే అవకాశముందని ఆందోళన వ్యక్తం చేశారు. ఏఎమ్మార్పీ నీటితో ఆయకట్టు గ్రామాలలో చెరువులు, కుంటలను నింపి రైతులు సాగు చేసిన బత్తాయి, నిమ్మ, ఆయిల్‌ఫాం తోటలను కాపాడాలన్నారు. బీఆర్‌ఎస్‌ నాయకులపై రాజకీయ కక్ష సాధింపు ధోరణి వీడి, ప్రజా సమస్యలపై పరిష్కారంపై ప్రభుత్వం దృష్టి సారించాలన్నారు. ఈ సమావేశంలో మాజీ జెడ్పీటీసీ తరాల బలరాములు, నాయకులు పోగుల నర్సింహ, పెద్ది బాలనర్సింహ, సర్పంచ్‌ బెల్లి సుధాకర్‌, బీరెళ్ళి ప్రసాద్‌, నోముల వెంకటేశ్వర్లు, యాదయ్య, జనార్దన్‌, అంజయ్య పాల్గొన్నారు. ఫ నకిరేకల్‌ మాజీ ఎమ్మెల్యే చిరుమర్తి లింగయ్య

మోత్కూరు : మండలంలోని దత్తప్పగూడెంకి చెందిన అక్కెనపల్లి రఘురామ్‌రావు ప్రతిష్టాత్మక ఫార్మారత్న పురస్కారానికి ఎంపికయ్యారు. ఫార్మసీ కౌన్సిల్‌ ఆఫ్‌ ఇండియా ఆధ్వర్యంలో ఈ నెల 27న ఢిల్లీలో జరిగే కార్యక్రమంలో ఆయన ఈ పురస్కారం అందుకోనున్నారు. రఘురామ్‌రావు ప్రస్తుతం నల్లగొండలోని మహాత్మాగాంధీ యూనివర్సిటీ ఫార్మసీ సైన్సెస్‌ కళాశాల ప్రిన్సిపాల్‌గా బాధ్యతలు నిర్వహిస్తున్నారు. గ్యాస్‌ లీకై పూరిల్లు దగ్ధంమునగాల : మండలంలోని కలకోవ గ్రామంలో బుధవారం గ్యాస్‌ లీకై పూరిల్లు దగ్ధమైంది. గ్రామానికి చెందిన చిర్రా గురవయ్య వ్యవసాయ కూలీగా పనిచేస్తూ పూరి గుడిసెలో నివాసం ఉంటున్నాడు. ఆయన భార్య.. కుమార్తె ఇంటికి వెళ్లగా, బుధవారం గురవయ్య టీ పెట్టుకునేందుకు గ్యాస్‌ స్టవ్‌ వెలిగించాడు. ఈ క్రమంలో గ్యాస్‌ లీకై ఒక్కసారిగా మంటలు చెలరేగి పూరిల్లు కాలిబూడిదైంది. నిత్యావసర సరుకులతో పాటు దుస్తులు, బీరువా పూర్తిగా కాలిపోయాయి. సుమారు రూ.2.50లక్షల ఆస్తి నష్టం వాటిల్లినట్లు బాధితుడు తెలిపాడు. తన కుటుంబానికి నష్టపరిహారం ఇప్పించాలని గురవయ్య వేడుకుంటున్నాడు. బైక్‌ అదుపుతప్పి గాయాలునిడమనూరు : ద్విచక్ర వాహనం అదుపుతప్పడంతో ఒకరికి తీవ్ర గాయాలయ్యాయి. నిడమనూరుకు చెందిన పోలె గిరి ద్విచక్ర వాహనంపై స్థానిక వైకుంఠధామం వద్ద యూటర్న్‌ తీసుకుంటుండంగా అదపుతప్పి కిందపడిపోవడంతో గాయపడ్డాడు. స్థానికులు అతడిని చికిత్స నిమిత్తం 108 వాహనంలో మిర్యాలగూడ ఏరియా ఆస్పత్రికి తరలించారు. కుటుంబ సమస్యలతో మహిళ ఆత్యహత్యమఠంపల్లి : కుటుంబ సమస్యలతో మహిళ ఉరేసుకుని ఆత్మహత్య చేసుకుంది. ఈ ఘటన మఠంంపల్లి మండలం చౌటపల్లి గ్రామంలో బుధవారం జరిగింది. ఎస్‌ఐ ప్రవీణ్‌కుమార్‌ తెలిపిన వివరాల ప్రకారం.. చౌటపల్లికి చెందిన శీలం అంజలి(35)కి హుజూర్‌నగర్‌ మండలం గోవిందాపురం గ్రామానికి చెందిన శీలం సురేష్‌తో 20 ఏళ్ల క్రితం వివాహం జరిగింది. వారికి ఇద్దరు కుమార్తెలు ఉన్నారు. అయితే సురేష్‌ అనారోగ్యానికి గురై కొద్ది సంవత్సరాలుగా భార్యకు దూరంగా ఉంటున్నాడు. దీంతో అంజలి పిల్లలతో కలిసి తన పుట్టినిల్లు చౌటపల్లికి వచ్చి జీవనం సాగిస్తోంది. కాగా కుటుంబ పోషణ భారంగా మారడంతో మనస్తాపానికి గురైన ఆమె బుధవారం ఉదయం ఇంట్లో ఎవరూ లేని సమయంలో ఉరేసుకుంది. కొద్దిసేపటి తర్వాత కుటుంబ సభ్యులు గమనించి మఠంపల్లి పీహెచ్‌సీకి.. అక్కడి నుంచి హుజూర్‌నగర్‌ ప్రభుత్వాస్పత్రికి తరలించగా అప్పటికే ఆమె మృతిచెందినట్లు వైద్యులు నిర్ధారించారు. మృతురాలి భర్త సురేష్‌ ఇచ్చిన ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు.

సాక్షి,యాదాద్రి : జిల్లాలో మాదకద్రవ్యాల వినియోగం, అక్రమ రవాణాను అరికట్టేందుకు ప్రత్యేక నిఘా ఉంచాలని కలెక్టర్‌ అనురాగ్‌ జయంతి ఆదేశించారు. బుధవారం కలెక్టరేట్‌లో మత్తు పదార్థాల నిరోధక విభాగంపై నిర్వహించిన సమీక్షలో కలెక్టర్‌ మాట్లాడారు. పారిశ్రామిక వాడలు, కంపెనీలపై దృష్టిపెట్టాలన్నారు. యువత చెడు వ్యసనాల బారిన పడకుండా కళాశాలలు, గ్రామాలు, పట్టణాల్లో చైతన్య కార్యక్రమాలు నిర్వహించాలన్నారు. ఎస్పీ అక్షాంశ్‌యాదవ్‌ మాట్లాడుతూ కర్మాగారాల్లో పనిచేసే కార్మికులపై నిఘా ఉంచాలని, విద్యాసంస్థల్లో విద్యార్థులకు అవగాహన సదస్సులు నిర్వహించాలని సూచించారు. కార్యక్రమంలో జిల్లా ఎకై ్సజ్‌ అధికారి తుక్యా నాయక్‌, జిల్లా సంక్షేమ అధికారి శ్రీనివాస్‌ పాల్గొన్నారు. ప్రధానోపాధ్యాయులు ప్రధాన పాత్రపోషించాలి భువనగిరి: పాఠశాలల సమగ్ర అభివృద్ధిలో ప్రధానోపాధ్యాయులు, ఎంఈఓలు ప్రధాన పాత్ర పోషించాలని కలెక్టర్‌ అనురాగ్‌జయంతి సూచించారు. బుధవారం కలెక్టరేట్‌లో ఎంఈఓలు, ప్రధానోపాధ్యాయులతో నిర్వహించిన సమావేశంలో మాట్లాడారు. ఎఫ్‌ఎల్‌ఎన్‌లో ప్రగతి సాధించడానికి ప్రతి పాఠశాలల స్టడీ అవర్‌ ప్రారంభించాలన్నారు. అదనపు కలెక్టర్‌ భాస్కర్‌రావు మాట్లాడుతూ ఉపాధ్యాయులు విద్యార్థుల హాజరుతో పాటు ఇతర విషయాలలో జిల్లాను ఉన్నత స్థానంలో నిలుపాలన్నారు. సమావేశంలో డీఈఓ భిక్షపతి, జెడ్పీ డిప్యూటీ సీఈఓ సీహెచ్‌ శ్రీనివాస్‌, జిల్లా కామన్‌పరీక్షల బోర్డు అధికారి పాండునాయక్‌, ప్రభుత్వ పరీక్షల విభాగం అదనపు కార్యదర్శి జె. శ్రీనివాస్‌, సెక్టోరియల్‌ అధికారులు ఎన్‌. అండాలు, శ్రీహరి అయ్యంగార్‌, పెసరు లింగారెడ్డి,, జానీ ఆప్ఘన్‌, నరహరి, డీఎస్‌ఓ రాజశేఖర్‌, స్కౌట్స్‌ అధికారి శ్రీధర్‌, పాఠ్యపుస్తకాల సహశాఖాధికారి బుస్సా రమేష్‌, ఎఫ్‌ఎల్‌ఎన్‌ రాష్ట్ర బాధ్యులు కావ్య, చందన పాల్గొన్నారు. ఫ కలెక్టర్‌ అనురాగ్‌ జయంతి

నల్లగొండ టూటౌన్‌ : బాధ్యతాయుతంగా సామాజిక కార్యక్రమాలు చేపట్టి విద్యార్థుల్లో సేవాతత్పరత, సమగ్రత, దేశభక్తిని పెంపొందించాలని ఎన్‌ఎస్‌ఎస్‌ డిప్యూటీ స్టేట్‌ ఆఫీసర్‌ నరసింహగౌడ్‌ అన్నారు. ఆయన బుధవారం నల్లగొండలోని ఎంజీ యూనివర్సిటీలో జాతీయ సేవా పథకం ఆధ్వర్యంలో ఏర్పాటుచేసిన సన్నాహక సమావేశంలో మాట్లాడారు. నషాముక్త్‌ భారత్‌పై 100 రోజుల సమరానికి పూర్తిస్థాయి కార్యాచరణ, ప్రతి నెల రిపోర్టుల సమర్పణ, గ్రామాలలో ప్రత్యేక శిబిరాల నిర్వహణపై వివరించారు. ఎన్‌ఎస్‌ఎస్‌ బ్యాంకు అకౌంట్ల సమగ్ర నిర్వహణపై ఆయన చర్చించారు. ఈ సమావేశంలో రమణారెడ్డి, వై. వివేకానందరెడ్డి, షరీఫ్‌, రామచంద్రుడు, కిరణ్‌, ఆనంద్‌, శ్రీనివాస్‌, వెంకటేశ్వర్లు, కోటయ్య పాల్గొన్నారు.

భువనగిరిటౌన్‌ : తెలంగాణ సంస్కతి, సంప్రదాయాలకు కాపాడుకోవాలని సీపీఐ జిల్లా కార్యదర్శి యానాల దామోదర్‌ రెడ్డి పిలుపునిచ్చారు. బుధవారం భువనగిరి పట్టణంలోని అంబేద్కర్‌ విగ్రహం వద్ద మహిళా సమాఖ్య, ప్రజానాట్యమండలి ఆధ్వర్యంలో బతుకమ్మ ఆడారు. ప్రజానాట్యమండలి జిల్లా ప్రధాన కార్యదర్శి చెక్క వెంకటేష్‌ అధ్యక్షతన నిర్వహించిన సభలో దామోదర్‌ రెడ్డి మాట్లాడారు. కార్యక్రమంలో ప్రజానాట్యమండలి రాష్ట్ర అధ్యక్షుడు కురిమిద్ద శ్రీనివాస్‌, మహిళా సమాఖ్య జిల్లా అధ్యక్షురాలు సోమన సబిత, బండి జంగమ్మ, బోలగాని సత్యనారాయణ, ఎండీ ఇమ్రాన్‌, కళ్లెం కష్ణ, బుషపాక నరసింహ, ఎండీ నయీమ్‌, ఇంజా హేమలత, సామల శోభన్‌ బాబు, పుట్ట రమేష్‌, మాటూరి జానమ్మ, యానాల సంధ్య, మంచాల రాధమ్మ, సుగుణ, కట్ల యాదగిరి, మొగుళ్ళ శేఖర్‌ రెడ్డి, బోడ సోమనర్సయ్య, జాను, అండాలు, సరిత, పుష్ప, విజయ, సంధ్య, మల్లమ్మ, శ్రీదేవి, కవిత, వాణి, లావణ్య పాల్గొన్నారు.

రాజాపేట : మానవ సేవే.. మాధవ సేవ అని భావిస్తూ రాజాపేట మండల కేంద్రానికి చెందిన యువకులు ఆపదలో ఉన్నవారికి ఆపద్బాంధవులుగా మారుతున్నారు. 2019లో ఏర్పాటు చేసిన జైశ్రీరామ్‌ ఫౌండేషన్‌ ఆధ్వర్యంలో నిరుపేదలు, బాధిత కుటుంబాలకు ఆర్థిక సాయం అందిస్తూ అండగా నిలుస్తున్నారు. 2019లో 25 మంది యువకులు ఓ వాట్సాప్‌ గ్రూపుగా ఏర్పడి ఈ ఫౌండేషన్‌ను ప్రారంభించారు. 2020 కరోనా విపత్కర సమయంలో ప్రజలకు కూరగాయలు, నిత్యావసర సరుకులు, మాస్కులు, శానిటైజర్లు అందించడం ద్వారా సేవా కార్యక్రమాలకు శ్రీకారం చుట్టారు. ఆ తర్వాత పార్టీలకతీతంగా యువకులు ఒక్కొక్కరుగా చేరడంతో ప్రస్తుతం సభ్యుల సంఖ్య 134కు చేరింది. అప్పటి నుంచి ఇప్పటి వరకు రాజాపేటలో ఎవరైనా ఆపదలో ఉంటే వైద్య ఖర్చుల కోసం ఆర్థిక సాయం చేస్తూ భరోసా కల్పిస్తున్నారు. ప్రమాదాలు, అనారోగ్యంతో ఆస్పత్రిలో చికిత్స పొందుతున్న నిరుపేదలకు సాయం చేయడంతో పాటు.. అనాథ వృద్ధులను ఆశ్రమాల్లో చేర్పించడం, దహన సంస్కారాలకు నిధులు అందించడం, రక్తదానాలు చేయడం, ఇల్లు లేని పేదలకు గూడు నిర్మించి ఇవ్వడం లాంటి సామాజిక కార్యక్రమాలు చేపడుతున్నారు. చేయూత ఇలా.. గ్రామంలో ఏ నిరుపేద కుటుంబానికై నా ఆపద వచ్చిందంటే ఫౌండేషన్‌ నిర్వాహకులు వెంటనే స్పందిస్తారు. సామాజిక మాధ్యమాల్లో జైశ్రీరామ్‌ ఫౌండేషన్‌ వాట్సాప్‌ నంబర్‌ను షేర్‌ చేసి దాతల నుంచి విరాళాలు సేకరిస్తారు. తగినంత నిధి ఏర్పడగానే ఆ మొత్తాన్ని బాధిత కుటుంబానికి అందించి ధైర్యం కల్పిస్తారు. ఈ క్రమంలో రాజాపేటలో మరణించిన 190 మంది నిరుపేదల కుటుంబాలకు రూ.5వేల చొప్పున మొత్తం రూ.9.50లక్షల ఆర్థిక సాయం అందించారు. మరికొన్ని సందర్భాల్లో ప్రజలను కూడా భాగస్వాములను చేసి మరో 10 మందికి రూ.10వేల నుంచి రూ.35వేల వరకు సాయం అందజేశారు. ఫ వాట్సాప్‌ గ్రూప్‌గా ఏర్పడి విస్తృత సేవలు ఫ బాధిత కుటుంబాలకు రూ.15 లక్షల ఆర్థిక సాయం

నడిగూడెం : వివిధ పంటల సాగులో మోతాదుకు మించి రసాయన మందుల వాడకంతో భూసారం దెబ్బతింటోంది. ఈ నేపథ్యంలో భూసారం పెరిగి అధిక దిగుబడులు సాధించాలంటే ప్రకృతి వ్యవసాయ పితామహుడు సుభాష్‌ పాలేకర్‌ రూపొందించిన జీవామృతం ఉపయోగించడం మేలని నడిగూడెం మండల వ్యవసాయాధికారి గోలి మల్సూర్‌ సూచిస్తున్నారు. జీవామృతం తయారీ విధానం, ఉపయోగించే పద్ధతులు ఆయన మాటల్లోనే.. జీవామృతం తయారీకి కావాల్సిన పదార్థాలు దేశీ ఆవుపేడ 10 కిలోలు, దేశీ ఆవు మూత్రం 5 నుంచి 10 లీటర్లు, బెల్లం 2 కిలోలు, ద్విదళ పప్పుల పండి 2 కిలోలు, బావి లేదా బోరు నీరు 200 లీటర్లు, పిడికెడు పొలం గట్టు మట్టి లేదా పుట్ట మట్టి కావాల్సి ఉంటుంది. తయారీవిధానం.. ఎండ తగలని చోట పెట్టిన సిమెంట్‌ తొట్టి లేదా ప్లాస్టిక్‌ డ్రమ్ములో 200 లీటర్ల నీటిని నింపాలి. పేడ, మూత్రం, బెల్లం, పిండి తదితరాలను అందులో వేసి, బాగా కలపాలి. గడియారం ముల్లు తిరిగే దిశలో అంటే సవ్య దిశలో కర్రతో కలియతిప్పాలి. గోనె సంచి కప్పాలి. ఉదయం ఒక నిమిషం, సాయంత్రం ఒక నిమిషం కలియదిప్పాలి. అందులోని సూక్ష్మజీవరాశి ప్రతి 20 నిమిషాలకోసారి రెట్టింపు అవుతూ ఉంటుంది. 48 గంటల తర్వాత వాడకానికి జీవామృతం సిద్ధమవుతుంది. అప్పటి నుంచి తర్వాత వారం రోజుల్లోగా ఉపయోగించాలి. ఎకరానికి 200 లీటర్ల జీవామృతాన్ని ప్రతి 15 రోజులకు ఒకసారి నీటితోపాటు పిచికారీ చేయాలి. లేదా భూమిలో పదునుంటే నేరుగా చల్లాలి. జీవామృతం అన్ని పంటలకు, పొలాల్లోనూ వాడవచ్చు. ఉపయోగం ఇలా.. ● జీవామృతం వినియోగం వల్ల పంటల్లో అద్భుతమైన ఫలితాలు వస్తున్నప్పటికీ జీవామృతం పంటలకు లేదా చెట్లకు ఆహారం మాత్రం కాదు. ● ఇది అనంతకోటి సూక్ష్మజీవులతో కూడిన మహాసాగరం లాంటిది. ● ఈ సూక్ష్మజీవులు భూమిలో మొక్కల వేర్లు పోషకాలను వినియోగించుకునే రీతిలో మార్చి అందుబాటులోకి తెస్తాయి. ● ఆవు వేసిన 1 గ్రాము పేడలో 300 నుండి 500 కోట్ల సూక్ష్మజీవులు ఉంటాయి. అంటే 10 కిలోల పేడలో 30 లక్షల కోట్ల నుంచి 50 లక్షల కోట్ల సూక్ష్మజీవుల వరకు వృద్ధి చెందుతాయి. ● జీవామృతంలో 10 కిలోల పేడ కలిపిన తర్వాత ప్రతి 20 నిమిషాలకు వీటి సంఖ్య రెట్టింపు అవుతుంది. ● జీవామృతాన్ని తయారు చేసిన 2 రోజుల వరకు పులియపెట్టినప్పుడు వాటి సంఖ్య లెక్కకు అందనంతగా పెరుగుతుంది. ● ఎప్పుడైతే నీటిలో గానీ, తడి నేలపైగానీ జీవామృతాన్ని పోస్తామో అప్పుడు అవి భూమిలోని పోషకాలను వేర్లు ఉపయోగించుకునే రూపంలోకి మార్చు పనిని ప్రారంభిస్తాయి. ● జీవామృతాన్ని భూమిలో పోసిన వెంటనే భూమిలో 10–15 అడుగుల లోతులో ఉన్న వానపాములు చైతన్యమవుతాయి. చురుకుగా పనిచేయడం ప్రారంభిస్తాయి. ఫ భూసారం పెంపునకు ప్రకృతి వ్యవసాయం మేలు ఫ రైతులకు నడిగూడెం ఏఓ మల్సూర్‌ సూచన

సాక్షి, యాదాద్రి: సమగ్ర ఓటరు జాబితా సవరణ(సర్‌) ప్రక్రియ చివరి దశకు చేరుకుంది. నోటీసులు అందుకున్న ఓటర్ల నుంచి అభ్యంతరాల స్వీకరణ గడువు బుధవారంతో ముగిసింది. హియరింగ్‌కు హాజరైన ఓటర్లు తమ వివరాలను అధికారులకు అందించారు.ఇక ఫారం 6, 7, 8 ద్వారా దరఖాస్తు చేసుకున్న ఓటర్ల పరిశీలన ప్రక్రియ ప్రారంభం కానుంది. వచ్చేనెల 9 వ తేదీన తుది ఓటర్ల జాబితాను ఎన్నికల అధికారులు ప్రకటిస్తారు. 4.59 లక్షల మంది ఓటర్లు సర్‌ ప్రక్రియ అనంతరం ఆగస్టు 17వ తేదీన జిల్లా ఎన్నికల అధికారి ప్రకటించిన ముసాయిదా ఓటరు జాబితా ప్రకారం జిల్లాలోని ఆలేరు, భువనగిరి నియోజకవర్గాల్లో 4.59 లక్షల మంది ఓటర్లు ఉన్నారు. వీరిలో 97,102 మంది ఓటర్లకు ఎన్నికల అధికారులు నోటీసులు జారీ చేశారు. వీరిలో 92,968 మంది హియరింగ్‌ కు హాజరుకాగా మరో 4,060 మంది గైర్హాజరయ్యారు. ఏఎస్‌డీ ఓటర్లు 305 మంది ఉన్నారు. వీరిలో డబుల్‌ ఓటర్లు, చనిపోయిన వారు, స్థానికంగాలేని వారు ఉండడంతో హియరింగ్‌ కు హాజరు కాలేక పోయినట్లు తెలుస్తోంది. హియరింగ్‌కు హాజరుకాని వారి వివరాలను సేకరిస్తామని ఎన్నికల అఽధికారులు చెబుతున్నారు. దరఖాస్తులను పరిశీలించి.. జిల్లాలో సమగ్ర ఓటరు ప్రత్యేక సవరణ ప్రక్రియ ముగియడంతో 18 ఏళ్లు నిండిన వారికి కొత్త గా ఓటరుగా నమోదు చేసుకోవడానికి ఎన్నికల సంఘం అవకాశం కల్పించింది. ముసాయిదా జాబితాలో చోటు లేని ఓటర్లు సైతం కొత్తగా ఓటు హక్కు కోసం ఫామ్‌ – 6 ద్వారా దరఖాస్తు చేసుకున్నారు. అలాగే ఓటు హక్కు తొలగింపు కోసం ఫామ్‌ – 7, ఓటరు వివరాల సవరణకు ఫారం– 8 సమర్పించారు. ఈ గడువు సైతం బుధవారం అర్ధరాత్రితో ముగిసింది. వీరి దరఖాస్తులను పరిశీలించి అర్హులకు ఓటు హక్కు కల్పించనున్నారు. చివరగా నవంబర్‌ 9వ తేదీన తుది ఓటరు జాబితాను ఎన్నికల అధికారులు ప్రకటిస్తారు. ఫ ప్రారంభం కానున్న ఫారం 6, 7, 8 దరఖాస్తుల పరిశీలనఫ చివరి దశకు సమగ్ర ఓటరు జాబితా ప్రత్యేక సవరణ ప్రక్రియ ఫ నవంబర్‌ 9న తుది ఓటరు జాబితాఎస్‌ఐఆర్‌ నేపథ్యంలో ఓటర్లలో టెన్షన్‌ నెలకొంది. ఓట్లు తొలగిస్తారన్న ప్రచారం జరుగుతోంది. దీంతో తమ ఓటు ఉంటుందా ... లేదా అన్న అనుమానం ఓటర్లు వ్యక్తం చేస్తున్నారు. గ్రామాల్లో బీఎల్‌వోలను కలిసి ఓటు వివరాలను అడిగి తెలుసుకుంటున్నారు. తుది జాబితా వచ్చే వరకు ఓటర్లలో ఎడతెగని ఆసక్తి కొనసాగుతోంది.

ఆలయ అడుగు భాగంలో ఏర్పాటు చేసిన జాకీలు జాకీల సహాయంతో జరుగుతున్న పనులు కోదాడ రూరల్‌ : కోదాడ మండలం గుడిబండ గ్రామంలోని శ్రీసీతారామాంజనేయ స్వామి ఆలయాన్ని 1976లో నిర్మించారు. ఆ సమయంలో ఆలయం రోడ్డుకు ఎత్తుగా ఉన్నది. కాలక్రమేణ కోదాడ–మేళ్లచెర్వు ప్రధాన రహదారి కావడంతో పలు దఫాలుగా రోడ్డు నిర్మాణం జరగడంతో ప్రస్తు తం ఆలయం.. రోడ్డుకు దిగువకు అయింది. దీంతో గ్రామస్తులు నూతన ఆలయం నిర్మించేందుకు చర్చలు జరిపారు. నూతన ఆలయ నిర్మాణం వ్యయప్రయాసలకు కూడుకున్నది కావడంతో ప్రస్తుతం ఉన్న ఆలయాన్నే రోడ్డుకు మించి ఎత్తు లేపేందుకు గ్రామస్తులు నడుంబిగించారు. ఈ పనుల్లో అత్యంత నైపుణ్యం కలిగిన ఉత్తరప్రదేశ్‌, కేరళకు చెందిన కాంట్రాక్టర్‌లతో ఒప్పందం చేసుకొన్నారు. 60 జాకీల సహా యంతో మొదటగా ఒక అడుగు ఎత్తు లేపి దాని కింద కాంక్రీట్‌ పనులు చేస్తున్నారు. ఆ తర్వాత మరో అడుగు లేపి రాతితో నిర్మాణం చేసి ఇలా ఐదు అడుగులు ఎత్తు లేపేందుకు ఏర్పాట్లు చేస్తున్నారు. పనులు జరగుతున్న సమయంలో ఆలయ గోడలకు, గోపురానికి ఎలాంటి పగుళ్లు రాకుండా కార్మికులు జాగ్రత్తలు తీసుకుంటున్నారు. కార్తీక మాసంలో ఆలయ పునఃప్రతిష్ఠకు గ్రామస్తులు సన్నాహాలు చేస్తున్నారు.

రామగిరి(నల్లగొండ): దసరా పండుగ సందర్భంగా ఉమ్మడి నల్లగొండ జిల్లా ప్రజలకు టీజీఎస్‌ ఆర్టీసీ ప్రత్యేక బస్సులు ఏర్పాటు చేసింది. పండుగ వేళ హైదరాబాద్‌ నుంచి స్వగ్రామాలకు వెళ్లే ప్రయాణికుల సౌకర్యార్థం, అలాగే తిరుగు ప్రయాణాల కోసం ఆర్టీసీ నల్లగొండ రీజియన్‌ ప్రత్యేక ఏర్పాట్లు చేసింది. ఈ వివరాలను నల్లగొండ రీజినల్‌ మేనేజర్‌ టీ. జోత్స్న బుధవారం వెల్లడించారు. రీజియన్‌ పరిధిలోని 7 డిపోల నుంచి ప్రతిరోజూ 80 ప్రత్యేక బస్సుల ద్వారా మొత్తం 160 అదనపు ట్రిప్పులను ఆపరేట్‌ చేస్తున్నట్లు తెలిపారు. ఈ ప్రత్యేక బస్సులు ఈ నెల 10 నుంచి 21వ తేదీ వరకు నిరంతరాయంగా అందుబాటులో ఉంటాయని పేర్కొన్నారు. హైదరాబాద్‌ నుంచి నల్లగొండ, సూర్యాపేట, మిర్యాలగూడ, దేవరకొండ, కోదాడ, యాదగిరిగుట్టలకు వెళ్లే ప్రయాణికులు ఈ అవకాశాన్ని సద్వినియోగం చేసుకోవాలన్నారు. డిపోల వారీగా ప్రత్యేక బస్సులు ఇలా.. సూర్యాపేట డిపో నుంచి 20, దేవరకొండ 14, మిర్యాలగూడ 12, యాదగిరిగుట్ట 12, కోదాడ డిపో నుంచి 10, నల్లగొండ 8, నార్కట్‌పల్లి నుంచి 4 బస్సులు నడపనున్నారు. రెండు బైక్‌లు ఢీ.. నలుగురికి గాయాలుయాదగిరిగుట్ట రూరల్‌(మోటకొండూర్‌) : రెండు బైక్‌లు ఎదురెదురుగా ఢీకొనడంతో నలుగురికి తీవ్ర గాయాలయ్యాయి. ఈ ఘటన మోటకొండూర్‌ మండలం ముత్తిరెడ్డిగూడెంలో బుధవారం రాత్రి జరిగింది. ఎస్‌ఐ కుమారస్వామి తెలిపిన వివరాల ప్రకారం.. నార్కట్‌పల్లి మండలం అక్కెనపల్లి గ్రామానికి చెందిన మర్రి మధు, వలిగొండ మండలం వేములకొండ వెంకటాపూర్‌ గ్రామానికి చెందిన కంబాలపల్లి సుజాత బైక్‌పై రాయిగిరి నుంచి ముత్తిరెడ్డిగూడెం వస్తున్నారు. అదేవిధంగా భువనగిరికి చెందిన అనపర్తి ఉపేందర్‌, కట్ట ఉదయ్‌కుమార్‌ మరో బైక్‌పై ముత్తిరెడ్డిగూడెం నుంచి భువనగిరి వైపు వెళ్తున్నారు. ఈ రెండు బైక్‌లు ముత్తిరెడ్డిగూడెం లక్ష్మీ వైన్స్‌ వద్ద ఎదురెదురుగా ఢీకొన్నాయి. ఈ ప్రమాదంలో నలుగురికి తీవ్ర గాయాలయ్యాయి. నలుగురిని అంబులెన్స్‌లో భువనగిరి ఏరియా ఆస్పత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. అంగన్‌వాడీ టీచర్‌ అదృశ్యంభువనగిరి(బీబీనగర్‌) : బీబీనగర్‌కు చెందిన అంగన్‌వాడీ టీచర్‌ హైమావతి అదృశ్యమైంది. పోలీసులు తెలిపిన వివరాల ప్రకారం.. ఈ నెల 1వ తేదీన హైమావతి అంగన్‌వాడీ సెంటర్‌కు వెళ్తున్నానని చెప్పి ఇంటి నుంచి బయల్దేరింది. సాయంత్రం వరకు ఇంటికి తిరిగి రాకపోవడంతో కుటుంబ సభ్యులు ఎంత వెతికినా ఆమె ఆచూకీ లభించలేదు. దీంతో బుధవారం ఆమె కుమారుడు సందీప్‌ బీబీనగర్‌ పోలీస్‌ స్టేషన్‌లో ఫిర్యాదు చేశాడు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ సూర్యనాయక్‌ తెలిపారు.

యాదగిరిగుట్ట రూరల్‌(మోటకొండూర్‌) : కారు, బొలేరో వాహనం ఎదురెదురుగా ఢీకొన్న ఘటన మోటకొండూర్‌ మండలం కాటేపల్లి సమీపంలో బుధవారం జరిగింది. ఎస్‌ఐ కుమారస్వామి తెలిపిన వివరాల ప్రకారం.. ఆత్మకూర్‌(ఎం)కు చెందిన మజ్జిగ నరేష్‌ తన కారులో మోటకొండూర్‌ మండలంలోని కాటేపల్లి వైపు నుంచి ఆత్మకూర్‌(ఎం)కు వెళ్తున్నాడు. అదేవిధంగా సంగారెడ్డి జిల్లా అమీన్‌పూర్‌ మండలం కృష్ణారెడ్డిపేటకు చెందిన ఎండీ సమద్‌ ఖురేషి ఆత్మకూర్‌(ఎం) వైపు నుంచి బొలేరో వాహనంలో వస్తున్నాడు. ఈ రెండు వాహనాలు కాటేపల్లి సమీపంలోని బ్రిడ్జి వద్ద ఎదురెదురుగా ఢీకొన్నాయి. బొలేరో వాహనం బోల్తా పడగా.. కారు ధ్వంసమైంది. ఎలాంటి ప్రాణనష్టం జరగలేదు. బాధితులు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ కుమారస్వామి తెలిపారు. దొంగల ముఠాను పట్టుకున్న గ్రామస్తులు ఫ పోలీసులకు అప్పగింత చౌటుప్పల్‌ : మండల పరిధిలోని కొయ్యలగూడెం గ్రామస్తులు బుధవారం దొంగల ముఠాను పట్టుకుని పోలీసులకు అప్పగించారు. కొయ్యలగూడెం, దేవలమ్మనాగారం గ్రామాలకు రెండు ఆటోలలో గుర్తుతెలియని మహిళలు, పురుషులు వచ్చారు. దేవలమ్మనాగారం గ్రామంలో రెండు ఇళ్ల తాళాలు పగులగొట్టి రెండు రాగి బిందెలను ఎత్తుకెళ్లారు. అటు నుంచి కొయ్యలగూడెం గ్రామానికి చేరుకున్నారు. అక్కడ సైతం ఓ తాళం వేసిన ఇంట్లోకి ప్రవేశించి రూ.16వేల నగదు, రాగి వస్తువులను ఎత్తుకెళ్లారు. చోరీ జరిగిన ఇంటి యజమాని ఊరెళ్లినప్పటికీ తలుపు తెరిచి ఉండడంతో గ్రామస్తులు లోపలికి వెళ్లి పరిశీలించగా దొంగతనం జరిగినట్లు గుర్తించారు. వెంటనే ఇతర గ్రామస్తులకు సమాచారం ఇచ్చారు. అందరూ కలిసి గాలింపు నిర్వహించారు. ఈ క్రమంలో ఆటోలో పారిపోతున్న దొంగలను వెంబడించి పట్టుకుని పోలీసులకు అప్పగించారు. పట్టుబడిన వారిలో ముగ్గురు మహిళలు, ఆటో డ్రైవర్‌ ఉన్నారు. మరో ఆటో తప్పించుకుపోయినట్లు తెలుస్తోంది. నలుగురిని అదుపులోకి తీసుకున్న పోలీసులు విచారణ నిర్వహిస్తున్నారు. బోల్తాపడిన బొలేరో వాహనం ప్రమాదంలో ధ్వంసమైన కారు

యాదగిరిగుట్ట: ఆర్టీసీలో కార్మికుల గుర్తింపు సంఘం ఎన్నికల్లో భాగంగా వారం రోజులుగా సాగుతున్న ప్రచారం బుధవారం సాయంత్రం ముగిసింది. చివరి రోజు ఐఎన్‌టీయూసీ అనుబంధంగా ఉన్న టీడబ్ల్యూయూ, ఎస్‌డబ్ల్యూఎఫ్‌ ఐక్య కూటమి అభ్యర్థులను గెలిపించాలని ప్రభుత్వ విప్‌ బీర్ల ఐలయ్య ప్రచారం చేశారు. అభ్యర్థులు వీఎస్‌రావు బాణం గుర్తుకు, మొగుళ్ళ రాజిరెడ్డి నక్షత్రం గుర్తుకు ఓటు వేసి గెలిపించాలని ఐలయ్య కోరారు. ఈ ప్రచారంలో మున్సిపల్‌ చైర్‌పర్సన్‌ గుండ్లపల్లి వాణి, కానుగు బాలరాజుగౌడ్‌, గున్న ప్రభాకర్‌రెడ్డి, మార్త కృష్ణయ్య, యాదప్ప, ఎ.ప్రవీణ్‌, ఏపీ రెడ్డి, నర్సింగ్‌రావు తదితరులున్నారు. ఎంప్లాయీస్‌ యూనియన్‌ (ఈయూ), టీఎంయూ, ఎన్‌ఎంయూ కూటమి అభ్యర్థులను గెలిపించాలని సీపీఐ జిల్లా కార్యదర్శి యానాల దామోదర్‌రెడ్డి గుట్ట డిపోలో ప్రచారం నిర్వహించారు. బస్సు, నిచ్చెన గుర్తులకు ఓట్లు వేసి కూటమి అభ్యర్ధులకు మద్దతుగా నిలవాలన్నారు. ఈ కార్యక్రమంలో కురుమిద్ద శ్రీనివాస్‌, బోలగాని సత్యనారాయణ, ఎండీ ఇమ్రాన్‌, కళ్లెం కృష్ణ, చెక్క వెంకటేష్‌, కొల్లూరు రాజయ్య, పేరబోయిన మహేందర్‌, సోకం వెంకన్న, వేముల సోమేష్‌,సురేందర్‌, ప్రవీణ్‌, రమేష్‌, జాల నర్సింహ తదితరులున్నారు. బీఎంఎస్‌ (కార్మిక్‌ సంఘ్‌), టీజేఎంయూ నాయకులు ..ఓటర్లను కలిసి తమకు ఓటు వేయాలని వేడుకున్నారు. ఫ రేపటి ఎన్నికలకు ఏర్పాట్లు పూర్తి

మోత్కూరు : మండలంలోని రాగిబావి, పాలడుగు గ్రామాల్లో కపాస్‌ కాంతి–మిషన్‌ ఫర్‌ కాటన్‌ ప్రొడక్టివిటీ(ఎంసీపీ) కార్యక్రమం కింద చేపట్టిన క్లోజర్‌ స్పేసింగ్‌ విధానంలో సాగుచేస్తున్న పత్తి పంటను అధికారులు మంగళవారం క్షేత్రస్థాయిలో పరిశీలించారు. పాలడుగులో రైతులు మిడిదొడ్డి భిక్షం, బర్ల రవీందర్‌రెడ్డి, బరిగెల సూర్యనారాయణ, ఎం. ఉపేష్‌, ఎం. స్వాతి, కె. స్వాతి సాగు చేస్తున్న పత్తి పంటలను రాగిబావిలో మెండు సత్తిరెడ్డి, కరుణాకర్‌, జయమ్మ దామోదరరెడ్డి చేన్లను పరిశీలించారు. ఈ సందర్భంగా మొక్కల సాంద్రత, ఎరువుల యాజమాన్యం, కలుపు నివారణ, చీడపీడల నియంత్రణ, పంట ఆరోగ్యం, సమగ్ర పంట యాజమాన్య పద్ధతులపై రైతులకు సూచనలు చేశారు. క్లోజర్‌ స్పేసింగ్‌ విధానంతో వనరులను సమర్థంగా వినియోగించుకొని పత్తి ఉత్పాదకతను పెంచుకోవచ్చని తెలిపారు. ఈ కార్యక్రమంలో డీఓసీడీ నాగ్‌పూర్‌ సీనియర్‌ టెక్నికల్‌ అసిస్టెంట్‌ ప్రియాంక అగర్వాల్‌, జిల్లా వ్యవసాయ అధికారి పుణ్యాల వెంకటరమణారెడ్డి, ఆలేరు ఏడీఏ కె. నిర్మల, మోత్కూరు ఏఓ వి. కీర్తి, ఏఈఓలు ఆర్‌. సింహప్రసాద్‌, జి. సోమప్ప, జి. కళ్యాణి పాల్గొన్నారు.

యాదగిరిగుట్ట : యాదగిరిగుట్ట మున్సిపాలిటీ పరిధిలోని యాదగిరిపల్లి శివారులో మైలార్‌గూడెం వెళ్లే దారిలో గల రాచకొండ రాజు ఇంట్లోకి మంగళవారం రాత్రి భారీ కొండ చిలువ ప్రవేశించింది. రాత్రి 9.45గంటల ప్రాంతంలో రాజు కుటుంబ సభ్యులు పక్కన ఇంట్లోకి వెళ్లారు. ఆ సమయంలో సుమారు 12 అడుగులున్న భారీ కొండచిలువ ఇంట్లోకి వెళ్లడాన్ని రాజు ఇంటి ముందు ఉన్న మరో వ్యక్తి చూసి వారికి సమాచారం ఇచ్చారు. దీంతో రాజు కుటుంబ సభ్యులు ఇంటి ముందుకు వెళ్లి చూసేసరికి కొండచిలువ ఇంట్లో తలుపు ముందు కనిపించింది. ఆందోళనకు గురైన రాజు కుటుంబ సభ్యులు వెంటనే భువనగిరిలో పాములు పట్టుకునే వ్యక్తులకు ఫోన్‌ చేసి పిలిపించగా.. వారు కొండచిలువను బంధించి అటవీశాఖ అధికారులకు సమాచారం ఇవ్వడంతో అటవీ ప్రాంతంలో వదిలేందుకు తీసుకెళ్లారు.

ఫ రూ.5వేల నగదు, విలువైన డాక్యుమెంట్లు దగ్ధం మోత్కూరు : మోత్కూరు మున్సిపాలిటీ పరిధిలోని కొండగడప గ్రామంలో మంగళవారం ఓ ఇంట్లో ప్రమాదవశాత్తు అగ్నిప్రమాదం చోటు చేసుకుంది. ఈ ఘటనలో నగదు, విలువైన డాక్యుమెంట్లు దగ్ధమయ్యాయి. స్థానికులు తెలిపిన వివరాల ప్రకా రం.. కొండగడప గ్రామానికి చెందిన అన్నందాసు లక్ష్మి మంగళవారం ఉదయం ఇంట్లో దేవుడికి దీపం వెలిగించి అనంతరం ఇంటికి తాళం వేసి బయటకు వెళ్లింది. కొద్దిసేపటికే ఆమె ఇంట్లో మంటలు చెలరేగినట్లు స్థానికులు తెలిపారు. మంటలు వేగంగా వ్యాపించడంతో దుస్తులు, గృహోపకరణాలతో పాటు బీరువాలో ఉంచిన రూ.5వేల నగదు, భూమికి సంబంధించిన పట్టాదారు పాసుపుస్తకం, ప్లాట్లకు సంబంధించిన డాక్యుమెంట్లు కాలిబూడిదైనట్లు బాధితురాలు పేర్కొంది. సుమారు రూ.లక్ష ఆస్తి నష్టం జరిగిందని ఆమె చెబుతున్నారు. సమాచారం అందుకున్న అగ్నిమాపక సిబ్బంది, పోలీసులు వెంటనే ఘటనా స్థలానికి చేరుకున్నారు. అగ్నిమాపక సిబ్బంది సుమారు గంట పాటు శ్రమించి మంటలను పూర్తిగా అదుపులోకి తీసుకొచ్చారు. ఆటో దొంగిలించిన వ్యక్తి అరెస్ట్‌సూర్యాపేట(ఆత్మకూర్‌.ఎస్‌) : ఆటో దొంగిలించిన వ్యక్తిని ఆత్మకూర్‌(ఎస్‌) పోలీసులు మంగళవారం పట్టుకున్నారు. ఎస్‌ఐ ఐలయ్య తెలిపిన వివరాల ప్రకారం.. ఆత్మకూర్‌(ఎస్‌) మండల పరిధి లోని కోటినాయక్‌ తండాకు చెందిన ధరావత్‌ ప్రవీణ్‌కుమార్‌ ఆగస్టు 30న రాత్రి తన ఆటోను ఇంటి ముందు పార్కింగ్‌ చేశాడు. మరుసటిరోజు ఉదయం చూసేసరికి ఆటో కనిపించలేదు. దీంతో బాధితుడు స్థానిక పోలీస్‌ స్టేషన్‌లో ఫిర్యాదు చేశాడు. ఈ మేరకు పోలీసులు కేసు నమోదు చేసి దర్యాప్తు చేపట్టారు. కాగా, మంగళవారం ఆత్మకూర్‌ క్రాస్‌ రోడ్డు వద్ద పోలీసులు వాహనాలు తనిఖీ చేస్తుండగా అనుమానాస్పదంగా వెళ్తున్న ఆటోను ఆపి డ్రైవర్‌ను విచారించినట్లు ఎస్‌ఐ తెలిపారు. డ్రైవర్‌ వరంగల్‌ జిల్లా సంగెం మండలం గవిచర్ల గ్రామానికి చెందిన రాయపూరి రాజుగా గుర్తించామని, కోటినాయక్‌ తండాలో ఆటోను దొంగిలించింది తానేనని అతడు ఒప్పుకున్నాడని ఎస్‌ఐ పేర్కొన్నారు. ఆటోను స్వాధీనం చేసుకుని నిందితుడిని అరెస్ట్‌ చేసి రిమాండ్‌కు తరలించినట్లు తెలిపారు.

ఫ ఎంజీయూ రిజిస్ట్రార్‌ కొప్పుల అంజిరెడ్డి నల్లగొండ టూటౌన్‌ : క్రీడలతో మానసిక ప్రశాంతత చేకూరుతుందని మహత్మాగాంధీ యూనివర్సిటీ రిజిస్ట్రార్‌ కొప్పుల అంజిరెడ్డి అన్నారు. ఎంజీయూ డిపార్ట్‌మెంట్‌ ఆఫ్‌ ఫిజికల్‌ ఎడ్యుకేషన్‌, యూనివర్సిటీ స్పోర్ట్స్‌ బోర్డు ఆధ్వర్యంలో మంగళవారం అంతర్‌ కళాశాలల హ్యాండ్‌ బాల్‌ పోటీలను ప్రారంభించారు. ఈ సందర్భంగా ఆయన మాట్లాడుతూ విద్యార్థులు నిత్యం క్రీడల్లో శిక్షణ పొందడం ద్వారా జాతీయ, అంతర్జాతీయ స్థాయిలో రాణించవచ్చని తెలిపారు. కార్యక్రమంలో ఎన్‌ఎస్‌ఎస్‌ కోఆర్డినేటర్‌ మారం వెంకటరమణారెడ్డి, బోర్డు కార్యదర్శి పసుపుల మద్దిలేటి పాల్గొన్నారు.

సాక్షి, యాదాద్రి: సమగ్ర ఓటర్ల సర్వే (ఎస్‌ఐఆర్‌) పేరిట దేశవ్యాప్తంగా ఓట్లను అక్రమంగా తొలగిస్తున్న కేంద్ర ప్రధాన ఎన్నికల కమిషనర్‌ (సీఈసీ) జ్ఞానేష్‌ కుమార్‌ను వెంటనే పదవి నుంచి బర్తరఫ్‌ చేయాలని ప్రభుత్వ విప్‌, ఆలేరు ఎమ్మెల్యే బీర్ల ఐలయ్య డిమాండ్‌ చేశారు. ఏఐసీసీ, పీసీసీ ఇచ్చిన పిలుపు మేరకు చేపట్టిన ‘సేవ్‌ డెమోక్రసీ వీక్‌’లో భాగంగా మంగళవారం జిల్లా కలెక్టరేట్‌ ఎదుట కాంగ్రెస్‌, సీపీఎం, సీపీఐ, సీపీఐ (ఎంఎల్‌) న్యూడెమాక్రసీ పార్టీల ఆధ్వర్యంలో మహాధర్నా నిర్వహించారు. జ్ఞానేష్‌ కుమార్‌ ఫ్లెక్సీని దహనం చేశారు. ఎస్‌ఐఆర్‌ ప్రక్రియను వెంటనే నిలిపివేయాలని కోరుతూ అదనపు కలెక్టర్‌ వెంకా రెడ్డికి వినతిపత్రం సమర్పించారు.ఈ సందర్భంగా ప్రభుత్వ విప్‌ ఐలయ్య మాట్లాడుతూ ఎస్‌ఐఆర్‌ ప్రక్రియలో జరిగిన అవకతవకలపై క్రిమినల్‌ కేసులు నమోదు చేసి, బాధ్యులను అరెస్టు చేయాలన్నారు. భువనగిరి ఎమ్మెల్యే కుంభం అనిల్‌ కుమార్‌ రెడ్డి మాట్లాడుతూ ప్రజాస్వామ్యానికి ప్రాణవాయువైన ఓటు హక్కుకే ముప్పు వాటిల్లుతుంటే కేసీఆర్‌, కేటీఆర్‌ ఎందుకు మౌనంగా ఉన్నారని ప్రశ్నించారు. సీపీఎం నేత చెరుపల్లి సీతారాములు సీపీఎం జిల్లా కార్యదర్శి ఎం.డి. జహంగీర్‌, సీపీఐ జిల్లా కార్యదర్శి యానాల దామోదర్‌ రెడ్డి, సీపీఐ (ఎంఎల్‌) రాష్ట్ర నాయకుడు మామిడాల భిక్షపతి మాట్లాడుతూ ప్రజాస్వామ్య మూలాలను దెబ్బతీసేలా సాగుతున్న ఓట్ల తొలగింపు విషయంలో భారత రాష్ట్రపతి తక్షణమే జోక్యం చేసుకోవాలని కోరారు. ఈ మహాధర్నాలో తెలంగాణ మహిళా సహకార అభివృద్ధి సంస్థ మాజీ చైర్‌పర్సన్‌ బండ్రు శోభారాణి, సీపీఐ జిల్లా మాజీ కార్యదర్శి గోద శ్రీరాములు, సీపీఎం రాష్ట్ర కమిటీ సభ్యులు కొండమడుగు నరసింహ, భువనగిరి మున్సిపల్‌ చైర్‌పర్సన్‌ తంగళ్లపల్లి శ్రీవాణి రవికుమార్‌, వైస్‌ చైర్మన్‌ పోతంశెట్టి మంజుల వెంకటేశ్వర్లు, కాంగ్రెస్‌ నేత ప్రమోద్‌ కుమార్‌, నీలం పద్మ వెంకటస్వామి, గుడిపాటి మధుసూదన్‌రెడ్డి తదితరులు పాల్గొన్నారు. ఫ ప్రభుత్వ విప్‌ బీర్ల ఐలయ్య డిమాండ్‌ ఫ కలెక్టరేట్‌ ఎదుట కాంగ్రెస్‌, వామపక్షాల మహాధర్నా

ఫ ఎత్తిపోతల పథకానికి నీళ్లు ఎక్కడి నుంచి తీసుకోవాలనే విషయంపై వీడని సందిగ్ధం ఫ సీఎం, మంత్రి చర్చించినా కొలిక్కిరాని అంశం ఫ నేరుగా శ్రీశైలం నుంచే తీసుకోవాలంటూ సూచించడంతో గందరగోళం సాక్షి ప్రతినిధి, నల్లగొండ : డిండి ఎత్తిపోతల పథకానికి నీటిని ఎక్కడి నుంచి తీసుకోవాలనే విషయంలో పీటముడి వీడలేదు. ఎన్నో ఏళ్లుగా సాగుతున్న ఈ ప్రాజెక్టు కథ మరోసారి మొదటికొచ్చింది. మహబూబ్‌నగర్‌ జిల్లా నుంచి వ్యక్తమైన అభ్యంతరాలు ఈ సమస్యను మరింత జఠిలం చేశాయి. సీఎం రేవంత్‌రెడ్డి, సాగునీటి పారుదల శాఖ మంత్రి ఉత్తమ్‌కుమార్‌రెడ్డి సోమవారం సమీక్ష చేసినా ఓ కొలిక్కరాకపోవడం.. ఏదుల నుంచి మొత్తం నీటిని మహబూబ్‌నగర్‌కే తీసుకుంటామని, డిండికి శ్రీశైలం బ్యాక్‌ వాటర్‌ నుంచే తీసుకోవాలంటూ చేసిన ప్రతిపాదనతో ప్రాజెక్టు భవిష్యత్తు గందరగోళంలో పడింది. ఉమ్మడి నల్లగొండ జిల్లాలోని 3.61 లక్షల ఎకరాలకు సాగునీరు అందించేలా బీఆర్‌ఎస్‌ ప్రభుత్వం డిండి ప్రాజెక్టుకు అనుమతులు ఇచ్చింది. 2015లో జూన్‌ 11న రూ.6,194 కోట్లతో ఈ ప్రాజెక్టు నిర్మాణానికి ఉత్తర్వులు (జీవో 107) జారీచేసింది. నల్లగొండ జిల్లాలో 5 రిజర్వాయర్ల నిర్మాణ పనులు చేపట్టింది. అవి వివిధ దశల్లో ఉన్నాయి. అనంతరం అధికారంలోకి వచ్చిన కాంగ్రెస్‌ ప్రభుత్వం డీపీఆర్‌ను ఆమోదించడంతో పాటు డిండికి నీటిని ఏదులలో ప్రతిపాదించిన వీరాంజనేయ రిజర్వాయర్‌ నుంచి తీసుకోవాలని నిర్ణయించింది. ఏదుల నుంచే 436.41 అడుగుల నీటిమట్టం నుంచి ఇటు డిండికి, అటు మహబూబ్‌నగర్‌కు నీటిని తరలించాలని నిర్ణయించింది. ఏదుల నీటిమట్టం విషయంలో పేచీ ఏదుల రిజర్వాయర్‌ పూర్తి నీటి నిల్వ సామర్థ్యం 445 అడుగులు. రిజర్వాయర్‌లో 436.41 అడుగుల నీటి మట్టం ఉన్నప్పుడు మహబూబ్‌నగర్‌ జిల్లాకు, నల్లగొండ జిల్లాకు నీటిని తీసుకునేలా మొదట నిర్ణయించారు. అయితే మహబూబ్‌నగర్‌ జిల్లా నేతల ఒత్తిడితో గత ఏడాది ఇంజనీర్ల కమిటీ మరో ప్రతిపాదనను తెరపైకి తీసుకొచ్చింది. మహబూబ్‌నగర్‌కు 436.41 అడుగుల వద్ద నీటిని తీసుకునే అవకాశం కల్పిస్తూ, డిండికి మాత్రం 440 అడుగుల నీటి మట్టం ఉన్నప్పుడు నీటిని తీసుకోవాలని ప్రతిపాదించింది. ఈ ప్రతిపాదనపై నల్లగొండ జిల్లాలో తీవ్ర వ్యతిరేకత వ్యక్తమైంది. తాజా ప్రతిపాదనతో మరింత క్లిష్ట పరిస్థితి ఏదుల రిజర్వాయర్‌ నుంచి పూర్తిగా మహబూబ్‌నగర్‌కే నీటిని ఇవ్వాలని, డిండికి నేరుగా శ్రీశైలం బ్యాక్‌ వాటర్‌ నుంచే తీసుకోవాలని మహబూబ్‌నగర్‌ జిల్లా నేతలు డిమాండ్‌ చేస్తున్నారు. అదే జరిగితే డిండి ప్రాజెక్టుకు నీరు అందించడం మరో పెద్ద సవాలుగా మారనుంది. శ్రీశైలం బ్యాక్‌ వాటర్‌ నుంచి ప్రత్యేకంగా కాల్వలు ఏర్పాటు చేసి డిండికి నీటిని తరలించాల్సి ఉంటుంది. ఈ ప్రతిపాదన అమలైతే డిండి ప్రాజెక్టు లక్ష్యమే దెబ్బతిని ఉమ్మడి నల్లగొండ జిల్లాకు తీరని అన్యాయం జరుగుతుందని ఇక్కడి నేతలు పేర్కొంటున్నారు.

దేవరకొండ(చందంపేట) : రెండు బైక్‌లు ఎదురెదురుగా ఢీకొన్న ఘటనలో ఇద్దరు మృతిచెందారు. మరొకరి పరిస్థితి విషమంగా ఉంది. ఈ ఘటన దేవరకొండ మండలం మడమడక గ్రామ స్టేజీ సమీపంలో మంగళవారం రాత్రి జరిగింది. పోలీసులు తెలిపిన వివరాల ప్రకారం.. నేరెడుగొమ్ము మండలం పెద్దమునిగల్‌ గ్రామానికి చెందిన యాద అంజయ్య(55) తన భార్య వాణితో కలిసి ద్విచక్ర వాహనంపై దేవరకొండ నుంచి స్వగ్రామానికి వెళ్తున్నాడు. అదేవిధంగా చందంపేట మండలం పోలేపల్లి గ్రామానికి చెందిన నోముల కోటేష్‌(30) అదే గ్రామానికి చెందిన కావటి అనిల్‌తో కలిసి ద్విచక్ర వాహనంపై దేవరకొండకు వెళ్తున్నారు. దేవరకొండ మండలం మడమడక గ్రామ స్టేజీ సమీపంలో ఈ రెండు బైక్‌లు ఎదురెదురుగా ఢీకొన్నాయి. ఈ ప్రమాదంలో అంజయ్య, కోటేష్‌ తీవ్రంగా గాయపడి అక్కడికక్కడే మృతిచెందారు. అంజయ్య భార్య వాణికి, మరో బైక్‌పై ఉన్న అనిల్‌కు కూడా గాయాలయ్యాయి. వాణి పరిస్థితి విషమంగా ఉండడంతో ఆమెను చికిత్స నిమిత్తం హైదరాబాద్‌లోని ఓ ప్రైవేట్‌ ఆస్పత్రికి తరలించారు. అనిల్‌ను దేవరకొండలోని ప్రైవేటఆస్పత్రికి తరలించారు. మృతుడు కోటేష్‌ డీసీఎం డ్రైవర్‌గా పనిచేస్తుండగా.. అతడికి భార్య, ఐదేళ్ల చిన్నారి, నాలుగేళ్ల కుమారుడు ఉన్నారు. మరో మృతుడు అంజయ్య పెద్దమునిగల్‌ గ్రామంలో కిరాణ దుకాణం నిర్వహిస్తూ జీవనం సాగిస్తున్నాడు. మృతదేహాలను పోస్టుమార్టం నిమిత్తం పోలీసులు దేవరకొండ ఏరియా ఆస్పత్రికి తరలించారు. ఎస్‌ఐ నారాయణరెడ్డి ఘటనా స్థలానికి చేరుకొని వివరాలు సేకరించారు. ఫ ఇద్దరు దుర్మరణం ఫ మరొకరి పరిస్థితి విషమం

భువనగిరిటౌన్‌ : వృద్ధులను గౌరవించడం, వారి హక్కులను పరిరక్షించడం ప్రతి ఒక్కరి బాధ్యత అని స్థానిక సంస్థల అదనపు కలెక్టర్‌ భాస్కర్‌ రావు అన్నారు. మంగళవారం కలెక్టరేట్‌లో సంక్షేమ, గ్రామీణాభివృద్ధి శాఖల ఆధ్వర్యంలో అంతర్జాతీయ వృద్ధుల దినోత్సవం నిర్వహించారు. జ్యోతి ప్రజ్వలన అనంతరం వృద్ధులతో కలిసి అధికారులు కేక్‌ కట్‌ చేసి శుభాకాంక్షలు తెలిపారు. ఈ సందర్భంగా అదనపు కలెక్టర్‌ మాట్లాడారు. వృద్ధుల రక్షణకు ప్రత్యేక చట్టాలు ఉన్నాయని, వారికి ప్రేమ, ఆప్యాయతలు అందించాలని సూచించారు. కార్యక్రమంలో డీఆర్‌డీఓ నాగిరెడ్డి, జెడ్పీ సీఈఓ శోభారాణి, డీడబ్ల్యూఓ ఇన్‌చార్జ్‌ అధికారి శ్రీనివాస్‌, జేఏసీ చైర్మన్‌ ఉపేందర్‌ రెడ్డి, డీఎంహెచ్‌ఓ తదితరలుఉ పాల్గొన్నారు.

నల్లగొండ : నల్లగొండలో ఈ నెల 15, 16 తేదీల్లో నిర్వహించనున్న పీఆర్టీయూ రాష్ట్ర కౌన్సిల్‌ సమావేశాలను విజయవంతం చేయాలని ఎమ్మెల్సీ పింగిలి శ్రీపాల్‌రెడ్డి కోరారు. మంగళవారం నల్లగొండలోని పీఆర్టీయూ భవన్‌లో సంఘం జిల్లా అధ్యక్షుడు కాళం నారాయణరెడ్డి అధ్యక్షతన నిర్వహించిన సమావేశంలో ఆయన మాట్లాడారు. అన్ని జిల్లాల నుంచి సుమారు 8వేల మంది పీఆర్టీయూ ప్రతినిధులు, సభ్యులు రెండు రోజుల పాటు సమావేశాలకు హాజరవుతారని తెలిపారు. వారికి భోజనం, వసతి, సమావేశ ఏర్పాట్లను పకడ్బందీగా చేయాలని సూచించారు. దీనికి ప్రత్యేక కమిటీలను ఏర్పాటు చేసి మహాసభలు పూర్తయ్యే వరకు సమన్వయంతో పనిచేయాలని కోరారు. పీఆర్టీయూ రాష్ట్ర ప్రధాన కార్యదర్శి సుంకరి భిక్షంగౌడ్‌ మాట్లాడుతూ.. పీఆర్టీయూ చరిత్రలో రాష్ట్ర కౌన్సిల్‌ సమావేశాలను నల్లగొండ జిల్లాలో నిర్వహించే అవకాశం తొలిసారి లభించడం సంతోషకరమన్నారు. అనంతరం నూతన కార్యవర్గంతో ప్రమాణ స్వీకారం చేయించి వారికి నియామక పత్రాలు అందజేశారు. ఈ కార్యక్రమంలో రాష్ట్ర క్రమశిక్షణ కమిటీ చైర్మన్‌ కోమటిరెడ్డి నర్సింహారెడ్డి, రాష్ట్ర ఆడిట్‌ కమిటీ చైర్మన్‌ సోమిరెడ్డి శ్రీనివాస్‌రెడ్డి, జిల్లా ప్రధాన కార్యదర్శి మేకల జానారెడ్డి, జిల్లా మాజీ అధ్యక్షుడు ఫణికుమార్‌, మాజీ ప్రధాన కార్యదర్శి బసిరెడ్డి రవీందర్‌రెడ్డి, జిల్లా అసోసియేట్‌ అధ్యక్షుడు కిరణ్‌కుమార్‌, గాదె వెంకట్‌రెడ్డి, నామిరెడ్డి మహేందర్‌రెడ్డి, వీరమల్ల శ్రీనివాస్‌, యూసుఫ్‌పాషా, బత్తుల భాస్కర్‌, సూదిరెడ్డి రవీందర్‌రెడ్డి, సుధాకర్‌రెడ్డి, గుర్రం రవి పాల్గొన్నారు. ఫ ఎమ్మెల్సీ పింగిలి శ్రీపాల్‌రెడ్డి

యాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో ఏకాదశిని పురస్కరించుకొని శ్రీస్వామి అమ్మవార్లకు లక్ష పుష్పార్చన పూజ నిర్వహించారు. మంగళవారం సుప్రభాతం, అభిషేకం, సహస్రనామార్చన, కుంకుమార్చన వంటి పూజలు జరిపించారు. అనంతరం ముఖ మండపంలోని సువర్ణ ఉత్సవమూర్తులకు సంప్రదాయంగా వివిధ రంగులు, సుగంధ పరిమళాలు వెదజల్లే పూలతో లక్ష పుష్పార్చన చేశారు. శ్రీస్వామి అమ్మవార్లకు హారతినిచ్చారు. క్షేత్రపాలకుడికి ఆకుపూజ జరిపించారు. ఆలయ ప్రథమ ప్రాకార మండపంలో శ్రీసుదర్శన హోమం, నిత్య కల్యాణం, సాయంత్రం ఆలయ తిరుమాడ వీధుల్లో జోడు సేవలను ఊరేగించారు.

యాదగిరిగుట్ట: యాదగిరిగుట్ట ఆర్టీసీ డిపోలో కార్మిక సంఘాల గుర్తింపు ఎన్నికల ప్రచారం స్థానిక సంస్థల పోరును తలపిస్తూ ఊపందుకుంది. ఈ నెల 9వ తేదీన పోలింగ్‌ జరగనుండగా.. ప్రధాన యూనియన్ల నాయకులు ప్రచారంలో హోరాహోరీగా దూసుకుపోతున్నారు. అయితే, పోటీలో ఉన్న వివిధ యూనియన్లు ఏర్పాటు చేసిన ప్రచార ఫ్లెక్సీల్లో ప్రభుత్వ విప్‌ బీర్ల ఐలయ్య ఫొటోలను వాడుకోవడం ఇప్పుడు డిపోలో తీవ్ర చర్చనీయాంశంగా మారింది. కూటమిగా ఏర్పడి.. కాంగ్రెస్‌ మిత్రపక్షాలైన సీపీఐ, ఏఐటీయూసీలకు అనుబంధంగా ఉన్న ఎంప్లాయీస్‌ యూనియన్‌ (ఈయూ), టీఎంయూ, ఎన్‌ఎంయూ ఒక కూటమిగా, ఐఎన్‌టీయూసీకి అనుబంధంగా ఉన్న టీడబ్ల్యూయూ, ఎస్‌డబ్ల్యూఎఫ్‌లు మరో కూటమిగా బరిలోకి దిగి ప్రచారాన్ని హోరెత్తిస్తున్నాయి. బీఎంఎస్‌ (కార్మిక్‌ సంఘ్‌), టీజేఎంయూ ఒంటరిగా బరిలో నిలిచి ప్రచారం కొనసాగిస్తున్నాయి. చర్చనీయాంశంగా ఫ్లెక్సీలు.. డిపో వద్ద ఆయా సంఘాలు ఏర్పాటు చేసిన ప్రచార ఫ్లెక్సీలు ఆసక్తికరంగా మారాయి. ఈయూ, టీఎంయూ, ఎన్‌ఎంయూ కూటమితో పాటు.. టీడబ్ల్యూయూ, ఎస్‌డబ్ల్యూఎఫ్‌ల ఐక్య కూటమి సైతం ప్రభుత్వ విప్‌ బీర్ల ఐలయ్య ఫొటోను తమ ఫ్లెక్సీలపై ముద్రించుకున్నాయి. పైగా ఐక్య కూటమి నాయకులు ఇటీవల బీర్ల ఐలయ్యను టీడబ్ల్యూఎఫ్‌ డిపో గౌరవ అధ్యక్షుడిగా నియమించుకున్నారు. మరోవైపు ఒంటరిగా పోటీ చేస్తున్న తెలంగాణ జాతీయ మజ్దూర్‌ యూనియన్‌ (టీజేఎంయూ) ఫ్లెక్సీలోనూ ఆయన ఫొటో దర్శనమిస్తోంది. ఇలా అన్ని యూనియన్లు ఆయన ఫొటోను వాడుకోవడం చర్చనీయాంశం అయ్యింది. ఫ తొమ్మిదేళ్ల తర్వాత ఆర్టీసీలో గుర్తింపు ఎన్నికలు ఫ యూనియన్ల నేతల విస్తృత ప్రచారం ఫ ఈ నెల 9వ తేదీన పోలింగ్‌

ఫ ఆందోళనలో పాడి రైతులు ఫ ప్రత్యేక వైద్య శిబిరాలు ఏర్పాటు చేయాలని విజ్ఞప్తి ఆత్మకూరు (ఎం) : పాడి పశువులకు వచ్చే లంపీ స్కిన్‌ (ముద్ద చర్మ) వ్యాధి పాడి రైతులను కలవరపెడుతోంది. ముఖ్యంగా ఆత్మకూరు(ఎం) మండలంలోని పలు గ్రామాల్లో పాడి పశువులు ఈ వ్యాధి బారిన పడుతున్నాయి. లంపీ స్కిన్‌ వ్యాధి నివారణకు ప్రత్యేకంగా ఎలాంటి టీకా లేకపోవడంతో పాడి రైతులు తీవ్ర ఆందోళన చెందుతున్నారు. పశువైద్యులు యాంటీబయోటిక్స్‌, ఇతర మందులు అందిస్తూ వ్యాధిని నివారించేందుకు చర్యలు తీసుకుంటున్నారు. వ్యాధి లక్షణాలు ఇవే.. లంపీ స్కిన్‌ వ్యాధి ముఖ్యంగా తెల్ల ఆవులకు ఎక్కువగా సోకుతుంది. ఈగలు, దోమలు, తేళ్లు, ఇతర కీటకాలు కుట్టడం వల్ల ఈ వ్యాధి ఒక పశువు నుంచి మరొక పశువుకు వ్యాపిస్తుంది. లంపీ స్కిన్‌ వ్యాధి బారిన పడిన పశువులకు నోరు, ముక్కుల నుంచి ద్రవాలు కారుతాయి. శరీరమంతా పొక్కులు ఏర్పడతాయి. వ్యాధి సోకిన పశువుల్లో పాల ఉత్పత్తి తగ్గిపోతుంది. మేత మేయడానికి తీవ్ర ఇబ్బందులు పడతాయి. అధిక జ్వరం వచ్చి కొన్నిసార్లు మరణాలు సంభవించే అవకాశం కూడా ఉంటుంది. ఈ వ్యాధి నివారణకు ప్రత్యేకమైన టీకా లేనప్పటికీ.. దీని వ్యాప్తిని అరికట్టేందుకు యాదాద్రి భువనగిరి జిల్లాలో ముందస్తుగా సుమారు 60 వేల పాడి పశువులకు ‘గోట్‌పాక్స్‌’ వ్యాక్సిన్‌ వేశారు. పెద్ద పశువుల్లో రోగ నిరోధకశక్తి (ఇమ్యూనిటీ) ఉండటంతో అవి ఈ వ్యాధికి అంతగా గురికావడం లేదు. అయితే 6 నుంచి 8 నెలల వయసున్న లేగ దూడల్లో రోగ నిరోధకశక్తి తక్కువగా ఉండటంతో అవి లంపీ స్కిన్‌ బారిన పడుతున్నాయి. ఈ వ్యాధికి గురవుతున్న ఒక్కో పశువు చికిత్స కోసం సుమారు రూ.1,500 వరకు ఖర్చవుతోందని రైతులు పేర్కొంటున్నారు. నివారణకు తీసుకోవాల్సిన చర్యలు లంపీ స్కిన్‌ను తెలుగులో ‘ముద్ద చర్మ వ్యాధి’ అని అంటారు. సరైన జాగ్రత్తలు తీసుకోవడం ద్వారా రైతులు ఈ వ్యాధిని నివారించవచ్చు. ముఖ్యంగా పశువుల దొడ్డిని ఎప్పటికప్పుడు శుభ్రంగా ఉంచుకోవాలి. పరిసరాల్లో క్రిమి కీటకాలు, దోమలు, ఈగలు రాకుండా చూసుకుంటూ, క్రిమి సంహారక మందులను పిచికారీ చేయాలి. వ్యాధి సోకిన పశువును ఇతర పశువులతో కలవకుండా దూరంగా ఉంచాలి. వ్యాధి నిర్ధారణ అయిన వెంటనే మంద నుంచి వేరు చేయాలి. పశువైద్యుల సలహా మేరకు యాంటీబయోటిక్స్‌, ఇతర మందులు వాడటంతో పాటు శరీరంపై ఏర్పడిన పుండ్లకు ఆయింట్‌మెంట్‌ పూయాలి.

లేగ దూడలు లంపీ స్కిన్‌ వ్యాధి బారిన పడుతున్నాయి. ప్రసు తం గోపాలమిత్రల ద్వారానే చికిత్స చేయిస్తున్నాం. డాక్టర్లు ఎవరూ రావడం లేదు. ప్రభుత్వం వెంటనే ప్రత్యేక వైద్య శిబిరాలు నిర్వహించి పాడి రైతులను ఆదుకోవాలి. – తాళ్లపల్లి నర్సయ్య, పాడి రైతు, రహీంఖాన్‌పేట పాడి పశువులకు లంపీ స్కిన్‌ వ్యాధి నివారణకు రైతులు ముందుస్తు జాగ్రత్తలు తీసుకోవాలి. పశువులకు ఈ వ్యాధి సోకినట్లు రైతులు గుర్తిస్తే, వెంటనే సమీపంలోని పశువుల దవాఖానాలో సమాచారం ఇస్తే యాంటీ బయోటిక్స్‌, ఇతర మందులు ఇస్తాం. – పి. జానయ్య, జిల్లా పశువైద్య, పశు సంవర్ధక శాఖ అధికారి

దేవరకొండ(చింతపల్లి) : రోడ్డు ప్రమాదంలో తీవ్రంగా గాయపడిన బాలుడు ఆస్పత్రిలో చికిత్స పొందుతూ మంగళవారం మృతిచెందాడు. పోలీసులు, కుటుంబ సభ్యులు తెలిపిన వివరాల ప్రకారం.. చింతపల్లి మండలం రోటిగడ్డతండాకు చెందిన నేనావత్‌ రాజు కుమారుడు ముకేష్‌(15), నేనావత్‌ పొద కుమారుడు శ్రీరామ్‌(15) సోమవారం ద్విచక్ర వాహనంపై తక్కళ్లపల్లి వైపు వెళ్తుండగా.. రోటిగడ్డతండా పరిధిలోనే ఇస్లావత్‌ బాలోజీ అనే వ్యక్తి అజాగ్రత్తగా, అతివేగంగా ట్రాక్టర్‌పై వస్తూ ద్విచక్ర వాహనాన్ని ఢీకొట్టాడు. ఈ ప్రమాదంలో ముఖేష్‌ అక్కడికక్కడే మృతిచెందాడు. గాయాలపాలైన శ్రీరామ్‌ను స్థానికులు మాల్‌లోని ఓ ప్రైవేట్‌ ఆస్పత్రికి తరలించగా.. చికిత్స పొందుతూ మంగళవారం మృతిచెందాడు. ముఖేష్‌ తండ్రి రాజు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ ముత్యాల రామ్మూర్తి తెలిపారు. స్టార్టర్‌ బాక్స్‌లలోని మాగ్నెట్‌ కాయిల్స్‌ చోరీసూర్యాపేట(ఆత్మకూర్‌.ఎస్‌): ఆత్మకూర్‌(ఎస్‌) మండలం గట్టికల్‌ గ్రామంలో రైతుల వ్యవసాయ బావుల వద్ద స్టార్టర్‌ బాక్స్‌లలోని మాగ్నెట్‌ కాయిల్స్‌ను కొద్దిరోజులుగా గుర్తుతెలియని వ్యక్తులు చోరీ చేస్తున్నారు. వారం క్రితం ఎరక్రుంట చెరువు సమీపంలో సుమారు 15 మంది రైతుల స్టార్టర్‌ పెట్టెలలోని మాగ్నెట్‌ కాయిల్‌లను దొంగిలించారు. సోమవారం రాత్రి ఇదే గ్రామంలో మరో 20 మంది రైతులకు చెందిన మాగ్నెట్‌ కాయిల్‌లను దొంగిలించారు. మండలంలోని పలు గ్రామాల్లో సైతం ఇదే తరహాలో చోరీలు జరుగుతున్నట్లు సమాచారం. పోలీసులు నిఘా పెట్టి దొంగలను పట్టుకోవాలని రైతులు కోరుతున్నారు. ఈతకు వెళ్లి బాలుడు మృతి దేవరకొండ(చింతపల్లి) : కుంటలో ఈతకు వెళ్లిన బాలుడు నీటిలో మునిగి మృతిచెందాడు. ఈ ఘటన చింతపల్లి మండలం హరిజనపురం గ్రామంలో మంగళవారం జరిగింది. పోలీసులు, మృతుడి కుటుంబ సభ్యులు తెలిపిన వివరాల ప్రకారం.. హరిజనపురం గ్రామానికి చెందిన కంబాలపల్లి అబ్బమ్మ, ఎల్లయ్య దంపతుల కుమారుడు శివశంకర్‌(9) స్థానిక ప్రభుత్వ ప్రాథమిక పాఠశాలలో 5వ తరగతి చదువుతున్నాడు. రోజుమాదిరిగానే మంగళవారం కూడా శివశంకర్‌ పాఠశాలకు వెళ్లాడు. సాయంత్రం 4గంటల సమయంలో పాఠశాల వదిలిన తర్వాత శివశంకర్‌ తన స్నేహితులతో కలిసి స్థానిక దోవయ్యదొర కుంటలో ఈతకు వెళల్లి ప్రమాదవశాత్తు నీటిలో మునిగి ఊపిరాడక మృతిచెందాడు. మృతురాలి తల్లి ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ ముత్యాల రామ్మూర్తి తెలిపారు. జాతీయ రహదారిపై ట్రాఫిక్‌ జామ్‌చౌటుప్పల్‌ : విజయవాడ–హైదరాబాద్‌ జాతీయ రహదారిపై చౌటుప్పల్‌ మండల పరిధిలో మంగళవారం ట్రాఫిక్‌ జామ్‌ అయ్యింది. బొర్రోళ్లగూడెం గ్రామ స్టేజీ వద్ద విజయవాడ మార్గంలో హైవేపై తారు పనులు చేపట్టారు. దీంతో ఆ మార్గంలో కిలోమీటర్ల మేర ట్రాఫిక్‌ జామ్‌ అవ్వడంతో వాహనాలు నిదానంగా ముందుకు సాగాయి.

డిండి ప్రాజెక్టు స్పిల్‌వే వద్ద ఊడిపోయిన రాళ్లను గుర్తించి వెంటనే మరమ్మతులు చేపట్టాలి. ప్రాజెక్టు నిర్వహణపై సంబంధిత అధికారుల పర్యవేక్షణ పూర్తిగా కరువైంది. భవిష్యత్తులో వరద ఉధృతి ఎక్కువగా ఉంటే భారీగా నష్టం జరిగే అవకాశం ఉంది. – ఎండీ మైనొద్దీన్‌, సీపీఐ రైతు సంఘం నల్లగొండ జిల్లా అధ్యక్షుడు పట్టించుకోకపోతే ప్రమాదమే మండల కేంద్రంలోని డిండి ప్రాజెక్టు వద్ద నెలకొన్న సమస్యలపై ఇరిగేషన్‌ అధికారులు నిఘా ఉంచి, ఎప్పటికప్పుడు అవసరమైన మరమ్మతులు చేపట్టాలి. గత కొన్నేళ్లుగా స్పిల్‌వే కిందిభాగాన మరమ్మతులు చేయలేదు. వెంటనే స్పందించకపోతే భవిష్యత్తులో ప్రాజెక్టుకే ప్రమాదం. – జంగయ్య, రైతు, ఎర్రారం

భువనగిరిటౌన్‌ : అంగన్‌వాడీ కేంద్రాల ద్వారా చిన్నారులు, గర్భిణులు, బాలింతలకు పోషకాహారం సక్రమంగా అందేలా చూడాలని కలెక్టర్‌ అనురాగ్‌ జయంతి సూచించారు. మంగళవారం భువనగిరి మున్సిపాలిటీ పరిధిలోని న్యూ రాంనగర్‌ కాలనీలో గల అంగన్‌వాడీ కేంద్రాన్ని కలెక్టర్‌ తనిఖీ చేశారు. కేంద్రంలో నమోదైన చిన్నారులు, గర్భిణులు, బాలింతల వివరాలు, వారి రోజువారీ హాజరును అడిగి తెలుసుకున్నారు. గర్భిణులకు అందిస్తున్న గుడ్లు, పాలు, పప్పుధాన్యాలు తదితర పోషకాహారాన్ని పరిశీలించి, అర్హులైన ప్రతి ఒక్కరికీ సకాలంలో నాణ్యమైన ఆహారం అందించాలని ఆదేశించారు. న్యూరాంనగర్‌ అంగన్‌ వాడీ కేంద్రానికి సొంత భవనం నిర్మించాలని, కమ్యూనిటీ హాల్‌ పైభాగంలో స్థలం అందుబాటులో ఉందని కార్యకర్త అనురాధ కలెక్టర్‌కు విన్నవించగా, వెంటనే ప్రతిపాదనలు సమర్పించాలని ఆదేశించారు. ఎస్‌ఐఆర్‌ సర్వే విధుల్లో ఉపాధ్యాయులు పాల్గొంటున్న వేళ, ప్రీ–స్కూల్‌ పిల్లలకు టీచర్‌ రావడం లేదని కేంద్రాలకు వెళ్లామని అంటున్నట్లు లబ్ధిదారులకు కలెక్టర్‌ దృష్టికి తీసుకొచ్చారు. ఇబ్బంది కలగకుండా బీఎడ్‌ పూర్తి చేసిన కొందరు తల్లులు స్వచ్ఛందంగా తరగతులు నిర్వహిస్తుండటంపై కలెక్టర్‌ అభినందించారు. ఫ కలెక్టర్‌ అనురాగ్‌ జయంతి

డిండి : డిండి ప్రాజెక్టు స్పిల్‌వే రాళ్లు ఒక్కొక్కటిగా ఊడిపోతుండటం, మట్టికట్టలపై పిచ్చిమొక్కలు ఏపుగా పెరగడంతో రైతులు, స్థానికులు ఆందోళన వ్యక్తం చేస్తున్నారు. వర్షాకాలంలో భారీ వరదలు వస్తే ప్రాజెక్టుకు తీవ్ర నష్టం వాటిల్లే ప్రమాదం ఉందని, నీటిపారుదల శాఖ అధికారులు కనీస పర్యవేక్షణ, మరమ్మతులు చేపట్టకపోవడంపై తీవ్ర విమర్శలు వెల్లువెత్తుతున్నాయి. సాగు, తాగునీటి అవసరాల కోసం 1940–43 మధ్య కాలంలో అప్పటి నిజాం ప్రభుత్వం డిండి ప్రాజెక్టును నిర్మించింది. అప్పటి నుంచి ఈ ప్రాజెక్టు పూర్తిగా వర్షాధారంపైనే ఆధారపడి ఉంది. ఎగువ ప్రాంతాల్లో సమృద్ధిగా వర్షాలు కురిసినప్పుడల్లా ప్రాజెక్టు పూర్తిస్థాయిలో నిండి అలుగు పారుతుంది. ప్రాజెక్టులో పూర్తిస్థాయిలో నీరు నిల్వ ఉన్నప్పుడు ఆయకట్టు కింద 15 వేల ఎకరాల వరకు భూమి సాగవుతుంది. రాళ్లు ఊడిపోతున్నాయి.. స్పిల్‌వే కింది భాగంలో అప్పట్లో నిర్మించిన రాతి కట్టడాల నుంచి ప్రస్తుతం ఒక్కొక్కటిగా రాళ్లు ఊడిపోతున్నాయి. దీంతో స్పిల్‌వే రోజురోజుకూ బలహీనపడుతోంది. భవిష్యత్తులో ఎగువ ప్రాంతంలో కురిసే భారీ వర్షాలకు ప్రాజెక్టు పూర్తిస్థాయిలో నిండి అలుగు పోస్తే.. ఆ వరద ఉధృతికి స్పిల్‌వే మరింత దెబ్బతినే ప్రమాదం ఉందని స్థానికులు అంటున్నారు. ఇప్పటికే పలు చోట్ల రాతి కట్టడాలు దెబ్బతినడంతో ముందస్తుగా మరమ్మతులు చేపట్టకపోతే భవిష్యత్తులో సమస్య తీవ్రమయ్యే ప్రమాదం ఉందని రైతులు, స్థానికులు హెచ్చరిస్తున్నారు. గతేడాది వానా కాలంలో కురిసిన వర్షాలకు ప్రాజెక్టు కుడి భాగాన ఉన్న చిన్న అలుగు గుండా ప్రవహించిన వరద ఉధృతిని తట్టుకోలేక హైదరాబాద్‌–శ్రీశైలం జాతీయ రహదారి బ్రిడ్జి వద్ద రోడ్డు కొట్టుకుపోయింది. దర్శనమిస్తున్న పిచ్చిమొక్కలు డిండి ప్రాజెక్టుకు ఏర్పాటు చేసిన మట్టికట్టల లోపల, బయట ముళ్ల పొదలను తలపించేలా పిచ్చిమొక్కలు ఏపుగా పెరిగాయి. వాటి వేర్ల కారణంగా అక్కడక్కడ మట్టికట్టలకు పగుళ్లు ఏర్పడి దెబ్బతింటున్నాయి. ఈ పిచ్చిమొక్కలను తొలగించకపోవడంతో మట్టికట్ట ధ్వంసమవుతోంది. డిండి ప్రాజెక్టుపై ఇరిగేషన్‌ అధికారుల పర్యవేక్షణ కరువైందన్న విమర్శలు వినిపిస్తున్నాయి. నీటిపారుదలశాఖ ఉన్నతాధికారులు స్పందించి స్పిల్‌వే, మట్టికట్టలకు మరమ్మతులు చేపట్టాలని రైతులు కోరుతున్నారు. ఫ ఊడుతున్న డిండి ప్రాజెక్టు స్పిల్‌వే రాళ్లు ఫ మట్టికట్టలపై ఏపుగా పెరిగిన పిచ్చిమొక్కలు ఫ మరమ్మతులు చేపట్టకుంటే ప్రాజెక్టుకే ముప్పు ఫ ఆందోళనలో రైతులు

సాక్షి, యాదాద్రి: గ్రామీణ మహిళా స్వయం సహాయక సంఘాలు తయారుచేసిన అద్భుతమైన హస్తకళలు, చేనేత వస్త్రాలు, నోరూరించే పల్లె రుచులను నగరవాసులకు నేరుగా చేరువ చేసేందుకు హైదరాబాద్‌ వేదికగా సరస్‌ మేళా (సేల్‌ ఆఫ్‌ ఆర్టిసన్స్‌ రూరల్‌ ప్రాడక్ట్‌ ఎగ్జిబిషన్‌)కు రంగం సిద్ధమైంది. తెలంగాణ సెర్ప్‌ ఆధ్వర్యంలో బుధవారం నుంచి 18వ తేదీ వరకు హుస్సేన్‌ సాగర్‌ తీరంలోని హెచ్‌ఎండీఏ గ్రౌండ్స్‌లో ఈ మేళా జరగనుంది. మహిళా సంఘాల ఉత్పత్తులకు పట్టణ మార్కెట్‌ను కల్పించి, దళారుల ప్రమేయం లేకుండా నేరుగా వినియోగదారులకు విక్రయించుకునే వేదికను అందించడమే ఈ మేళా ప్రధాన ఉద్దేశం. దేశవ్యాప్తంగా వివిధ రాష్ట్రాల నుంచి వస్తున్న వారితో కలిపి మొత్తం 204 స్టాళ్లను ఇక్కడ ఏర్పాటు చేయగా, అందులో 95 స్టాళ్లు తెలంగాణ రాష్ట్రానికే కేటాయించారు. ఈ బృహత్తర ప్రదర్శనలో జిల్లా నుంచి ప్రఖ్యాతి గాంచిన పోచంపల్లి ఇక్కత్‌ వస్త్రాలతో పాటు, మన మహిళా సంఘాలు తయారుచేసిన నోరూరించే వంటకాలు ప్రత్యేక ఆకర్షణగా నిలవనున్నాయి. నేటి నుంచి హైదరాబాద్‌ సరస్‌ మేళాలో ఉత్పత్తుల ప్రదర్శన ఫ పోచంపల్లి ఇక్కత్‌.. కాటన్‌ వస్త్రాలు.. ఫ బిర్యానీ నుంచి బొబ్బట్ల దాకా స్టాళ్లు ఫ జిల్లా నుంచి నాలుగు సమభావన సంఘాలకు ప్రాతినిధ్యం జిల్లా నుంచి సరస్‌ మేళాలో చేనేత వస్త్రాలది ప్రత్యేక స్థానం. పోచంపల్లికి చెందిన ఉదయశ్రీ స్వయం సహాయక సంఘం ప్రతినిధి చిలువేరు శృతి ఆధ్వర్యంలో పట్టు ఇక్కత్‌ వస్త్రాల స్టాల్‌ను ఏర్పాటు చేస్తున్నారు. ఇందులో సంప్రదాయ టై అండ్‌ డై డిజైన్లతో కూడిన పట్టు చీరలు, డ్రెస్‌ మెటీరియల్స్‌, దుపట్టాలు, స్టోల్స్‌ను ప్రదర్శించి విక్రయించనున్నారు. అలాగే, చౌటుప్పల్‌ మండలం కొయ్యలగూడేనికి చెందిన స్వాతి సమభావన సంఘం ప్రతినిధి శోభారాణి టై అండ్‌ డై కాటన్‌ వస్త్రాలను మేళాకు తీసుకువస్తున్నారు. ఇందులో బెడ్‌షీట్లు, కాటన్‌ షర్ట్‌లు, ఫ్రాక్‌లు, లేడీస్‌ టాప్‌లు, చున్నీలు, వాల్‌ హ్యాంగింగ్స్‌ వంటి పలురకాల చేనేత ఉత్పత్తులు అందుబాటులో ఉంటాయి.

భువనగిరి : సైబర్‌ నేరాలపై ప్రతిఒక్కరూ అప్రమత్తంగా ఉండాలని జిల్లా ఎస్పీ అక్షాంశ్‌ యాదవ్‌ సూచించారు. మంగళవారం జిల్లా ఎస్పీ కార్యాలయంలో సైబర్‌ మోసాల పై అవగాహన కల్పించడానికి రూపొందించిన పోస్టర్‌ను ఆవిష్కరించారు. ఈ సందర్భంగా ఆయన మాట్లాడారు. తెలియని లింక్‌లు క్లిక్‌ చేయడంతో పాటు ఓటీపీ, పిన్‌, సీవీవీ వంటి బ్యాంకింగ్‌ వివరాలను ఇతరులతో పంచుకోవద్దన్నారు. డిజిటల్‌ అరెస్టు , కేవైసీ,ఫేక్‌ పోలీస్‌కాల్స్‌, ఆన్‌లైన్‌ పెట్టుబడుల పట్ల ప్రజలు అప్రమత్తంగా ఉండాలన్నారు. సైబర్‌ మోసాలకు గురైన వెంటనే 1930కు కాల్‌ చేసి ఫిర్యాదు చేయవచ్చని కోరారు. ఈ కార్యక్రమంలో పోలీస్‌ సిబ్బంది ఉన్నారు. తాగునీరు అందించడంలో విఫలంఆలేరురూరల్‌: ఇంటింటికీ తాగునీరు అందించడంలో కాంగ్రెస్‌ ప్రభుత్వం విఫలమైందని ఆలేరు మాజీ ఎమ్మెల్యే గొంగిడి సునీతమహేందర్‌రెడ్డి విమర్శించారు. మంగళవారం ఆలేరు పట్టణంలో విలేకరుల సమావేశంలో మాట్లాడారు. కేసీఆర్‌ ప్రభుత్వ హయాంలో వేల కిలోమీటర్లు పైప్‌లైన్‌లు వేసి, ప్రతి గ్రామానికి ఓవర్‌హెడ్‌ ట్యాంకులు కట్టించి మిషన్‌ భగీరథ ద్వారా మంచినీరు అందించారని గుర్తు చేశారు. ప్రజా వ్యతిరేక పాలన చేస్తూ దొరికినంత దోచుకో దోచుకున్నది దాచుకో అన్న ధోరణిలో కాంగ్రెస్‌ ప్రభుత్వం ఉందన్నారు. భూకబ్జాలు, ఇసుక దందాలతో నియోజకవర్గంలో అనేక అక్రమాలు జరుగుతున్నాయని ఆరోపించారు. సమావేశంలో పార్టీ మండల అధ్యక్షుడు గంగుల శ్రీనివాస్‌, రచ్చ రాంనర్సయ్య, బాలస్వామి, పరిదె సంతోష్‌, మామిడాల భానుచందర్‌ పాల్గొన్నారు. కష్టపడి చదివితే ఉన్నత శిఖరాలుయాదగిరిగుట్ట: విద్యార్థులు కష్టపడి చదివితే ఉన్నత శిఖరాలు అధిరోహించవచ్చని డీఐఈఓ సురేష్‌రెడ్డి సూచించారు.యాదగిరిగుట్ట పరిధి లోని యాదగిరిపల్లి ప్రభుత్వ జూనియర్‌ కళా శాల విద్యార్థులకు మంగళవారం యూనిఫామ్‌ అందజేసి మాట్లాడారు. విద్యార్థులు ప్రభుత్వం అందిస్తున్న ఉచిత దుస్తులు, ఇతర సంక్షేమ పథకాలను సద్వినియోగం చేసుకోవాలన్నారు. కార్యక్రమంలో కళాశాల ప్రిన్సిపల్‌ మంజూల, అధ్యాపకులు, నాన్‌ టీచింగ్‌ స్టాఫ్‌ పాల్గొన్నారు. కార్మికులను నిర్బంధాలకు గురిచేసిన బీఆర్‌ఎస్‌ యాదగిరిగుట్ట: గత బీఆర్‌ఎస్‌ ప్రభుత్వం కార్మికుల హక్కులను కాలరాసి, నిర్బంధాలకు గురి చేసిందని టీఎంయూ జనరల్‌ సెక్రటరీ అశ్వత్థామరెడ్డి ఆరోపించారు. మంగళవారం యాదగిరిగుట్ట ఆర్టీసీ డిపోలో గుర్తింపు సంఘం ఎన్నికల ప్రచారంలో భాగంగా టీడబ్ల్యూయూ, ఎస్‌డబ్ల్యూఎఫ్‌ మహాకూటమి తరఫున నిర్వహించిన ప్రచారంలో ఆయన మాట్లాడారు. కాంగ్రెస్‌ అధికారంలోకి వచ్చిన తరువాత పెండింగ్‌లో ఉన్న రెండు వేతన సవరణలు జరిగాయన్నారు. కార్యక్రమంలో టీడబ్ల్యూయూ రాష్ట్ర అధ్యక్షుడు మొగుళ్ళ రాజిరెడ్డి, వి.ఎస్‌.రావు, వీర ఆంజనేయులు, పి.రవీందర్‌రెడ్డి, మల్లిఖార్జున్‌, కోమటిరెడ్డి చంద్రారెడ్డి, కల్లూరి మల్లేశం, జనగాం ఉపేందర్‌రెడ్డి, జీవన్‌రెడ్డి, గున్న ప్రభాకర్‌రెడ్డి, ఎ.ప్రవీణ్‌, నర్సింహారావు, మార్త కృష్ణయ్య, యాదప్ప తదితరులు పాల్గొన్నారు.

భువనగిరిటౌన్‌ : జిల్లా రెడ్‌క్రాస్‌ సొసైటీ ఎన్నికలు ఉత్కంఠభరితంగా ముగిశాయి. 15 డైరెక్టర్‌ పదవులకు 22 మంది అభ్యర్థులు బరిలో నిలిచారు. పోలింగ్‌ అనంతరం చేపట్టిన ఓట్ల లెక్కింపు రాత్రి పొద్దుపోయే వరకు కొనసాగింది. అత్యధిక ఓట్లు పొందిన మొదటి 15 మంది డైరెక్టర్లుగా విజయం సాధించినట్లు ఎన్నికల అధికారులు ప్రకటించారు. అధిక ఓట్లు సాధించిన వారు అభ్యర్థుల్లో ఇ.లావణ్య అత్యధికంగా 1,228 ఓట్లు సాధించి మొదటి స్థానంలో నిలిచారు. డాక్టర్‌ ఎ.అనిల్‌ కుమార్‌ (1,185), డి.బాలాజీ (1,180), కుకుట్ల చంద్రశేఖర్‌ (1,175), సద్ది వెంకట్‌రెడ్డి (1,161), డాక్టర్‌ జి.లక్ష్మీనర్సింహారెడ్డి (1,125), సీహెచ్‌.సోమనరసింహాచారి (1,099), ఎమ్మడి రామచంద్రారెడ్డి (1,082), జె.అంజయ్య (1,077), ఇల్లెని రాంరెడ్డి (1,048), ఎం.అమరేందర్‌రెడ్డి (1,025), కొమ్మిడి ప్రభాకర్‌ రెడ్డి (1,018), ఎంఏ.రహీమ్‌ (1,017), ఎం.వెంకటేశ్వర్రెడ్డి (985), పి.పూర్ణచందర్‌రాజు 966 ఓట్లు పొంది డైరెక్టర్లుగా ఎన్నికయ్యారు. ఎన్నికై న డైరెక్టర్లు త్వరలోనే సమావేశమై చైర్మన్‌, వైస్‌ చైర్మన్లను ఎన్నుకోనున్నారు. కౌంటింగ్‌ ప్రక్రియను అదనపు కలెక్టర్‌ భాస్కర్‌రావు, డీపీఓ శ్రీనివాస్‌రెడ్డి పర్యవేక్షించారు. రాయగిరి హైస్కూల్‌లో పోలింగ్‌ రాయగిరి జెడ్పీహెచ్‌ఎస్‌లో ఎనిమిది కేంద్రాల్లో పోలింగ్‌ ప్రక్రియ ఉదయం 8 గంటల నుంచి మధ్యాహ్నం 3 గంటల వరకు కొనసాగింది. మొత్తం 2,035 ఓట్లకు గాను 1,514 ఓట్లు పోలయ్యాయి. భువనగిరికి చెందిన ప్రైవేట్‌ ఉపాధ్యాయురాలు పద్మావతి తన ఓటు హక్కు వినియోగించుకోవడానికి కేంద్రానికి రాగా, అప్పటికే ఆమె పేరుతో గుర్తుతెలియని వ్యక్తులు ఓటు వేసేశారు. అధికారులు ఆమె ఓటు వేసేందుకు అవకాశం కల్పించలేదు. అధికారుల తీరు, అక్రమాలపై రాష్ట్ర గవర్నర్‌కు లిఖితపూర్వకంగా ఫిర్యాదు చేస్తామని బాధితురాలితోపాటు మరికొందరు ఓటర్లు పేర్కొన్నారు. ఫ ప్రశాంతంగా ఎన్నికలు.. 15 స్థానాలకు 22 మంది పోటీ ఫ 2,035 ఓట్లకు పోలైనవి 1,514 ఫ రాత్రి వరకు కొనసాగిన ఓట్ల లెక్కింపు

భూదాన్‌పోచంపల్లి : పోచంపల్లి ఇక్కత్‌ వస్త్రాల డిజైన్లు ఎంతో బాగున్నాయని ఎండోమెంట్‌ డిప్యూటీ కమిషనర్‌ వినోద్‌రెడ్డి అన్నారు. ఆదివారం పోచంపల్లిలోని చేనేత గృహాలను సందర్శించి మగ్గాలపై తయారవుతున్న చేనేత వస్త్రాల తయారీని పరిశీలించారు. చేనేత వస్త్రాల నాణ్యత, డిజైన్లు చూసి కార్మికుల నైపుణ్యాలను అభినందించారు. అనంతరం వస్త్రాలను కొనుగోలు చేశారు. ఈ కార్యక్రమంలో కేవీటీ స్పోర్ట్‌ క్లబ్‌ అధ్యక్షుడు, అర్బన్‌ బ్యాంకు డైరెక్టర్‌ కర్నాటి వెంకటబాలసుబ్రమణ్యం, టై అండ్‌ డై అసోషియేషన్‌ అధ్యక్షుడు కర్నాటి బాలరాజు, పద్మశాలి పురోహిత సంఘం రాష్ట్ర అధ్యక్షుడు రుద్ర పాండురంగ శాస్త్రి, మహేశ్‌, ఓంప్రకాశ్‌, సతీష్‌, ప్రసాద్‌, రాంమాధవ్‌ తదితరులు ఉన్నారు. ఎండోమెంట్‌ డిప్యూటీ కమిషనర్‌ వినోద్‌రెడ్డి

అర్వపల్లి : పొలం వద్దకు వెళ్లిన వ్యక్తి పాముకాటుకు గురై మృతిచెందాడు. ఈ ఘటన జాజిరెడ్డిగూడెం మండలం బొల్లంపల్లి శివారులో శనివారం రాత్రి జరిగింది. బొల్లంపల్లికి చెందిన కాంగ్రెస్‌ పార్టీ నాయకుడు, చైతన్యభారతి పాఠశాల కరస్పాండెంట్‌ కేసగాని మహేశ్వర్‌(58) శనివారం రాత్రి గ్రామ శివారులోని రుద్రమచెరువు వద్ద ఉన్న తన పొలం వద్దకు వెళ్లి అక్కడ పొలం పనులు చేస్తుండగా పాము కాటేసింది. దీంతో ఆయన అక్కడికక్కడే మృతిచెందాడు. మృతుడికి భార్య, కుమార్తె ఉన్నారు. ఆదివారం ఆయన అంత్యక్రియలకు వివిధ పార్టీల నాయకులు, ప్రజాప్రతినిధులు హాజరై నివాళులర్పించారు. ట్రాక్టర్ల బ్యాటరీలు చోరీ మోత్కూరు : ట్రాక్టర్ల బ్యాటరీలను గుర్తుతెలియని వ్యక్తులు చోరీ చేశారు. ఈ ఘటన మోత్కూరు మండలం అనాజిపురం గ్రామంలో ఆదివారం వెలుగులోకి వచ్చింది. గ్రామ పంచాయతీ కార్యాలయం వద్ద గ్రామ పంచాయతీ ట్రాక్టర్‌ బ్యాటరీతో పాటు పక్కనే ఉన్న రైతు శాఖపురం మల్లేష్‌కు చెందిన ట్రాక్టర్‌ బ్యాటరీని దుండగులు అపహరించారు. ఒక్కో బ్యాటరీ విలువ రూ.8వేలు ఉంటుందని బాధితుడు తెలిపారు. రాత్రివేళ గ్రామంలో పోలీసు గస్తీ పెంచాలని గ్రామస్తులు కోరుతున్నారు. ఆవుల అపహరణ మర్రిగూడ : మండలంలోని రాంరెడ్డిపల్లి శివారులో తానేదారుపల్లి గ్రామానికి చెందిన అబ్బనగోని కృష్ణయ్యకు చెందిన రెండు ఆవులను శనివారం రాత్రి గుర్తుతెలియని వ్యక్తులు అపహరించారు. శనివారం సాయంత్రం తన వ్యవసాయ పొలంలోని ఎడ్ల కొట్టంలో ఆవులను కట్టేసి ఇంటికి వెళ్లానని.. ఆదివారం ఉదయం కొట్టం వద్దకు వచ్చి చూసేసరికి రెండు ఆవులు కనిపించలేదని బాధితుడు కృష్ణయ్య తెలిపాడు. అర్ధరాత్రి దుండగులు ఆవులను అపహరించినట్లు వాపోయాడు. రెండు కుటుంబాల మధ్య ఘర్షణ ● ఆరుగురికి గాయాలుత్రిపురారం : ఇరు కుటుంబాల మధ్య పాత కక్షల నేపథ్యంలో జరిగిన గొడవలో ఆరుగురు వ్యక్తులు తీవ్రంగా గాయపడ్డారు. ఈ ఘటన త్రిపురారం మండలం రూప్లతండా గ్రామ పంచాయతీ పరిధిలోని కున్యతండాలో ఆదివారం జరిగింది. స్థానికులు తెలిపిన వివరాల ప్రకారం.. కున్యతండాకు చెందిన ధనావత్‌ వెంకట్రాం, ధనావత్‌ కృష్ణ కుటుంబాల మధ్య కొంతకాలంగా గొడవలు జరుగుతున్నాయి. ఈ క్రమంలో ఆదివారం రెండు కుటుంబాల సభ్యులు ఒకరిపై ఒకరు దాడి చేసుకున్నారు. ఈ దాడిలో ధనావత్‌ దస్రు, ధనావత్‌ శివాజి, ధనావత్‌ బాలు, ధనావత్‌ గమ్మ, ధనావత్‌ చింటు, ధనావత్‌ శివ, ధనావత్‌ బాలకు తీవ్ర గాయాలయ్యాయి. క్షతగాత్రులను గ్రామస్తులు మిర్యాలగూడ ఏరియా ఆస్పత్రికి తరలించారు. ఇరు కుటుంబాలు త్రిపురారం పోలీస్‌ స్టేషన్‌లో ఫిర్యాదు చేసుకున్నట్లు సమాచారం. ద్విచక్ర వాహనాన్ని ఢీకొట్టిన ట్రాక్టర్‌ ● యువకుడికి తీవ్ర గాయాలునిడమనూరు : చేపలు కొనుగోలు చేసి ద్విచక్ర వాహనంపై వెళ్తున్న యువకుడిని ట్రాక్టర్‌ ఢీకొనడంతో తీవ్రంగా గాయపడ్డాడు. హాలియాకు చెందిన నీలం శివ ఆదివారం మాడుగులపల్లి మండలం కన్నెకల్‌ చెరువు వద్ద చేపలు కొనుగోలు చేసి ద్విచక్ర వాహనంపై హాలియా వైపు వెళ్తుండగా.. నిడమనూరు శివారులోని బంగారు మైసమ్మ ఆలయ సమీపంలో డివైడర్‌ వద్ద యూటర్న్‌ తీసుకుంటున్న ట్రాక్టర్‌ ఢీకొట్టింది. ఈ ప్రమాదంలో శివకు తీవ్ర గాయాలయ్యాయి. స్థానికులు అతడిని 108 వాహనంలో మిర్యాలగూడ ఏరియా ఆస్పత్రికి తరలించారు. ఈ మేరకు కేసు నమోదు చేసుకొని దర్యాప్తు చేస్తున్నట్లు ఏఎస్‌ఐ యాదగిరి తెలిపారు.

● రాష్ట్ర స్థాయి పోటీలకు పలువురి ఎంపిక భువనగిరి : భువనగిరి పట్టణంలోని ప్రభుత్వ బాలుర జూనియర్‌ కళాశాల మైదా నంలో ఆదివారం 70వ స్కూల్‌ ఫెడరేషన్‌ గేమ్స్‌(ఎస్‌జీఎఫ్‌) అండర్‌–19 బాలబాలికల విభాగాల్లో ఉమ్మడి జిల్లా స్థాయి వాలీబాల్‌ పోటీలు నిర్వహించారు. ఈ పోటీల్లో బాలికలు 70, బాలురు 100 మంది పాల్గొన్నారు. ఈ పోటీల్లో గెలుపొందిన వారు మహబూబ్‌నగర్‌ జిల్లా జడ్చర్లలో ఈ నెల 9, 10, 11 తేదీల్లో జరిగే రాష్ట్ర స్థాయి వాలీబాల్‌ పోటీల్లో పాల్గొంటారని ఎస్‌జీఎఫ్‌ సెక్రటరీ ప్రసాద్‌ తెలిపారు.

రామన్నపేట : ఉమ్మడి నల్లగొండ జిల్లా అభివృద్ధికి, పేద ప్రజల సంక్షేమానికి జెడ్పీ మాజీ చైర్‌పర్సన్‌ వేమవరపు ప్రసన్న, రత్నాకర్‌ దంపతులు చేసిన కృషి చిరస్మరణీయమని నకిరేకల్‌ మాజీ ఎమ్మెల్యే చిరుమర్తి లింగయ్య కొనియాడారు. ఆదివారం రత్నాకర్‌ దంపతుల 23వ వర్ధంతి సందర్భంగా రామన్నపేట మండలం జనంపల్లి గ్రామంలో వారి విగ్రహాలకు చిరుమర్తి లింగయ్య పూలమాలలు వేసి నివాళులర్పించారు. మాజీ ఎంపీటీసీ సభ్యుడు వేమవరపు సుధీర్‌బాబు ఆధ్వర్యంలో ఏర్పాటు చేసిన అన్నదాన కార్యక్రమాన్ని ప్రారంభించారు. అనంతరం ఏర్పాటు చేసిన సంస్మరణ సభలో ఆయన మాట్లాడారు. జెడ్పీ చైర్‌పర్సన్‌ పదవిని వేమవరపు ప్రసన్న సమర్ధవంతంగా నిర్వహించి అందరి మన్ననలు పొందారని అన్నారు. నిరుపేదల పిల్లల ఉన్నత చదువులను వారు ప్రోత్సహించారని గుర్తు చేశారు. ఈ కార్యక్రమంలో సర్పంచులు కమ్మంపాటి శ్రీనివాసులు, గర్దాసు విక్రం, నాయకులు వేమవరపు సుధీర్‌బాబు, దూదిమెట్ల సత్తయ్య, పోచబోయిన మల్లేశం, బందెల రాములు, ఎడ్ల మహేందర్‌రెడ్డి, అంబటి రవీందర్‌రెడ్డి, మేకల రాజిరెడ్డి, బొక్క మాధవరెడ్డి, కన్నెబోయిన బలరాం, పిట్ట కృష్ణారెడ్డి, పులిపలుపుల వీరస్వామి, ఇడెం శ్రీనివాస్‌, చిన్నపాక శ్రీనివాస్‌, మిర్యాల మల్లేశం, ఎడ్ల నరేందర్‌రెడ్డి, సొప్పరి నర్సింహ, బుర్ర శ్రీశైలం, బాసాని రాజు, ఆవుల శ్రీధర్‌, జెట్టి శివప్రసాద్‌, చిన్నపాటక రమేష్‌ పాల్గొన్నారు. నకిరేకల్‌ మాజీ ఎమ్మెల్యే చిరుమర్తి లింగయ్య

గ్రామంలో ఐదు ఎకరాలు కౌలుకు తీసుకొని పత్తిసాగు చేశాను. గతేడాది ఎకరాకు పది క్వింటాళ్ల దిగుబడి వచ్చింది. ఈసారి చేను ఎదుగుదలలేదు. సరైన పూత రాలేదు. ఇటీవల కురిసిన వర్షం కొంత ఊరటనిచ్చింది. అయినప్పటికీ గత ఏడాదితో పోలిస్తే దిగుబడి సగానికి పడిపోయే ప్రమాదం ఉంది. – సాగర్ల సైదులు, కౌలురైతు వెల్లంకి, రామన్నపేట మండలంపత్తి రైతుల పరేషాన్‌ ఫ వర్షాభావ పరిస్థితులతో ఎదుగుదల లోపించిన పత్తిచేలు ఫ గతేడాది ఎకరాకు 12 క్వింటాళ్ల వరకు దిగుబడి ఫ ఈ సారి 5 క్వింటాళ్లు కూడా వచ్చే పరిస్థితి లేదుపది ఎకరాల నల్లరేగడి భూమిని కౌలుకు తీసుకొని పత్తిసాగు చేశాను. ఎకరాకు రూ.పదివేల చొప్పున ముందుగానే కౌలు చెల్లించాను. దున్నకం, విత్తనాలు, కలుపు తీయుట పెస్టిసైడ్స్‌ కోసం రూ 2లక్షల వరకు ఖర్చు చేశాను. రెక్కల కష్టం దేవుడెరుగు పెట్టుబడి డబ్బులు కూడా వచ్చే పరిస్థితి లేదు. – పాలడుగు నర్సయ్య, మాసాన్‌పల్లి, గుండాల మండలం రామన్నపేట : పత్తి రైతులు ఏటా నష్టాలను చవిచూస్తూనే ఉన్నారు. ఈ సారి ఎల్‌నినో ప్రభావంతో వర్షాలు లేక పత్తిచేలు ఎదుగుదల లోపించింది. ఫలితంగా దిగుబడిపై తీవ్ర ప్రభావం చూపుతున్నాయి. లాభం దేవుడెరుగు కానీ, ఈ ఏడాది పెట్టిన పెట్టుబడులు కూడా వచ్చే పరిస్థితి లేదని, అప్పులపాలు కాక తప్పదని రైతులు ఆందోళన చెందుతున్నారు. జిల్లా వ్యాప్తంగా ఈ వానాకాలం సీజన్‌లో రైతులు 1,12,521 ఎకరాల్లో పత్తిని సాగు చేశారు. 2025 సీజన్‌తో పోలిస్తే ఈ సారి 22,421 ఎకరాల వరకు పత్తి సాగు విస్తీర్ణం తగ్గింది. కాగా జిల్లాలో సంస్థాన్‌ నారాయణపురం, అడ్డగూడూరు, వలిగొండ, రామన్నపేట, చౌటుప్పల్‌ మండలాల్లో ఈ సారి పత్తిని అధికంగా సాగుచేసినట్టు వ్యవసాయ శాఖ గణాంకాలు చెబుతున్నాయి. సీజన్‌ ప్రారంభం నుంచే సరైన వర్షాల్లేక.. సీజన్‌ ప్రారంభంలో వర్షాలు కురుస్తాయనే ఆశతో వేలాది మంది రైతులు పొడి దుక్కుల్లోనే పత్తి విత్తనాలు విత్తారు. వరుణుడు ముఖం చాటేయడంతో విత్తనాలు మొలకెత్తలేదు. దీంతో చాలాచోట్ల రైతులు రెండు, మూడు పర్యాయాలు విత్తనాలు పెట్టుకోవాల్సి వచ్చింది. అదనపు విత్తనాల వ్యయంతోపాటు భూములను అచ్చు తోలడానికి, కూలీ ఖర్చుల కోసం ఎకరాకు రూ.20 వేల నుంచి రూ.30వేల వరకు ఖర్చు చేయాల్సి వచ్చింది. జూన్‌, జూలై, ఆగస్టు మాసాల్లో సాధారణ వర్షం కూడా కురువక పోవడంతో మొక్కలకు సరైన పోషకాలు అందక పత్తిచేలు ఎదుగుదల లోపించాయి. దీంతో రైతులు పూర్తిగా పత్తిచేలపై ఆశలు వదులుకున్నారు. ఇదే సమయంలో సెప్టెంబర్‌ 12, 13, 19 తేదీల్లో కురిసిన వర్షాలతో రైతుల్లో తిరిగి ఆశలు చిగురించాయి. దిగుబడి రావడం కోసం అడుగు మందులు పెట్టడం, కలుపు తీయడం, గుంటుకలు తోలే పనులు చేపట్టారు. తగ్గనున్న దిగుబడి ఈ యేడు పత్తి విత్తనాలు పెట్టినప్పడి నుంచి ఎప్పుడూ సకాలంలో వర్షాలు కురువలేదు. దీంతో చేలు ఎదగక కురుసగా మిగిలిపోయాయి. కొన్ని ప్రాంతాల్లో పత్తిమొక్కలు అడుగు ఎత్తుకూడా ఎదగలేదు. పూత, పిందె రాలిపోగా మిగిలిన కాయలు సన్నగా పెరిగాయి. గతంలో ఎకరాకు 8 నుంచి 12 క్వింటాళ్ల దిగుబడి వచ్చేది. అలా దిగుబడి వస్తేనే రైతులకు గిట్టుబాటు అయ్యేది. ప్రస్తుత పరిస్థితుల్లో ఎకరాకు రెండు నుంచి ఐదు క్వింటాళ్ల మించి దిగుబడి వచ్చే సూచనలు కనిపించడం లేదని రైతులు ఆవేదన వ్యక్తం చేస్తున్నారు. జిల్లాలో పత్తిసాగు వివరాలు – 2026 (ఎకరాల్లో..) పత్తిసాగు అంచనా 1,40,000 సాగైంది 1,12,521 దిగుబడి అంచనా 6.75 లక్షల క్వింటాళ్లు 2025లో పత్తిసాగు 1,34,942

పెద్దవూర : రైతులు పండించే రకరకాల పంటల్లో ఎన్నో రకాల చీడపీడలు, బాక్టీరియా, వైరస్‌లు ఆశించి పంట నాణ్యత, దిగుబడులు క్షీణిస్తున్నాయి. వీటి సమస్యలు తగ్గించడానికి చాలా రకాల రసాయన మందులు వాడుతున్నారు. కానీ సరైన పద్ధతులు పాటించకపోవడం వల్ల ఆరోగ్య సమస్యలు ఎదుర్కొంటున్నారు. పురుగు మందులు పిచికారీ చేసే సమయంలో రైతులు, వ్యవసాయదారులు ప్రాణాపాయ, ఆరోగ్య సమస్యలు తలెత్తకుండా జాగ్రత్తలు తప్పనిసరిగా తీసుకోవాలని పెద్దవూర మండల వ్యవసాయ అధికారి ఎన్‌. సత్యనారాయణ సూచిస్తున్నారు. పలు సూచనలు ఆయన మాటల్లోనే.. సిఫారసు చేసిన మందులే వాడాలి పంటకు చీడపీడలు ఆశించినప్పుడు మొక్కను లేదా పంటను అనుభవం, పరిజ్ఞానం ఉన్న వ్యవసాయ, ఉద్యానవన అధికారికి చూపించి వారు సిఫారసు చేసిన మందును వాడాలి. సిఫారసు చేసిన మోతాదులోనే వాడాలి. మందు పిచికారీ చేసేటప్పుడు ఆకులపై, కింది భాగంలో తడసేలా పిచికారీ చేయాలి. రెండు, మూడు రకాల మందులు వాడేటప్పుడు అవి కలిసిపోయే తత్వాన్ని గమనించి మాత్రమే వాడుకోవాలి. మందును పిచికారీ చేసే ముందు మందును డ్రమ్ములో లేదా బకెట్‌లో కలుపుకుని తర్వాత స్ప్రేయర్‌లో నింపుకుని పిచికారీ చేయాలి. పిచికారీకి ముందు.. మందులు కొనుగోలు చేసేటప్పుడు ఎక్స్‌ఫైరీ తేదీని చూసి, మందుల డబ్బాలపై ఉండే లేబుల్స్‌, మోతాదు, సూచనలను క్షుణ్ణంగా పూర్తిగా చదవాలి. రక్షణ దుస్తులు, పూర్తిచేతుల చొక్కా, ప్యాంటు, గ్లౌజులు, కళ్లకు రక్షణ అద్దాలు, ముక్కుకు మాస్క్‌ ధరించాలి. లీకేజీలు లేని మంచి నాణ్యమైన స్ప్రేయర్లను ఎంచుకోవాలి. మందును పరిశుభ్రమైన నీటితో మాత్రమే కలపాలి. ద్రావణాన్ని చేతులతో కలపకుండా కర్రనుగాని, ప్లాస్టిక్‌ గొట్టాన్ని గాని ఉపయోగించాలి. పిచికారీ సమయంలో.. గాలి వీచే దిశను బట్టి నిలబడి పిచికారీ చేయాలి. వ్యతిరేక దిశలో పిచికారీ చేయరాదు. గాలికి ఎదురుగా నిలబడితే మందు తుంపర్లు ముఖంపై పడే ప్రమాదం ఉంది. ఉదయం లేదా సాయంత్రం వేళల్లో ఎండ తక్కువగా ఉన్నప్పుడు మాత్రమే రసాయన మందులను పిచికారీ చేయాలి. మూసుకుపోయిన నాజిల్స్‌ను నోటితో ఊదకూడదు. పిచికారీ చేసే సమయంలో ఎలాంటి తిండి తినడం, పొగతాగడం, గుట్కా నమలడం వంటివి చేయకూడదు. అవసరమైన మేరకే ద్రావణాన్ని తయారు చేసుకుని సిఫార్సు చేసిన మోతాదులోనే పిచికారీ చేయాలి. పిచికారీ చేసిన తర్వాత.. పిచికారీ అయిన వెంటనే చేతులు, కాళ్లు సబ్బుతో శుభ్రంగా కడుక్కోవాలి. వాడిన దుస్తులను వేరుగా ఉతకాలి. ఖాళీ డబ్బాలను పగలగొట్టి పాతిపెట్టాలి. లేదంటే సురక్షితంగా పారవేయాలి. స్ప్రేయర్‌ ట్యాంక్‌, గొట్టాలు, నాజిల్స్‌ను శుభ్రమైన నీటితో బాగా కడిగి భద్రపర్చాలి. రసాయన మందులను పిచికారీ చేసిన తర్వాత మిగిలిన మందుల ద్రావణాన్ని సురక్షిత ప్రాంతంలో పారబోయాలి. మిగిలిపోయిన మందులను పిల్లలు, పశువులకు దూరంగా భద్రపర్చాలి. ఖాళీ డబ్బాలను పారవేయాలి. ఫ గాలివీచే దిశను బట్టి పిచికారీ చేయాలి ఫ తప్పనిసరిగా రక్షణ దుస్తులు వాడాలి ఫ రైతులకు పెద్దవూర ఏఓ సత్యనారాయణ సూచనలు

భువనగిరి : జిల్లాలో పీఎంశ్రీ పాఠశాలల్లో చదువుతున్న ప్రత్యేక అవసరాల గల విద్యార్థులకు మెరుగైన విద్యాబోధన, సహాయక సేవలు అందించేందుకు ప్రభుత్వం ప్రత్యేక అతిథి విద్యాబోధకులను నియమించనుంది. 2026 నవంబర్‌ నుంచి 2027 మార్చి వరకు ఐదు నెలల కాలానికి చేపట్టనున్న ఈ నియామకాల్లో ఒక్కొక్కరికి నెలకు రూ.16,500 వేతనం చెల్లించనున్నారు. జిల్లాలో మొత్తం 20 పీఎంశ్రీ పాఠశాలల్లో వీరిని నియమించనున్నారు. పీఎం శ్రీ పాఠశాలతో పాటు క్లస్టర్‌, మండల, కాంప్లెక్స్‌ పరిధిలోని ప్రత్యేక అవసరాల గల విద్యార్థులకు వీరు సేవలు అందించాల్సి ఉంటుంది. కంటి చూపు, వినికిడి, శారీరక వైకల్యం, మేధోపరమైన వైకల్యం తదితర సమస్యలు ఉన్న విద్యార్థుల అవసరాలకు అనుగుణంగా ప్రత్యేక బోధన అందించనున్నారు. ఇప్పటికే మండల కేంద్రాల్లోని భవిత సెంటర్ల ద్వారా ప్రత్యేక అవసరాల గల పిల్లలకు సేవలు అందుతున్నాయి. పీఎంశ్రీ పాఠశాలల్లో ప్రత్యేక విద్యా బోధకుల నియామకంతో వారికి మరిన్ని సేవల అందుబాటులోకి రానున్నాయి. ఫ ప్రత్యేక అవసరాలు గల పిల్లలకు బోధన, సహాయక సేవలకు.. ఫ ఐదు నెలలకు గాను నియామకం ఫ ఒక్కొక్కరికి నెలకు రూ.16,500 వేతనం పీఎంశ్రీ స్కూళ్లలో ఐదు నెలలపాటు ప్రత్యేక అవసరాలు కలగిన చిన్నారులకు బోధించేందుకు ప్రత్యేక అతిథి విద్యాబోధకుల నియామకాలకు నోటిఫికేషన్‌ విడుదలైంది. స్పెషల్‌ బీఈడీ, బీఈడీ జనరల్‌, స్పెషల్‌ ఎడ్యుకేషన్‌ డిప్లామా, పీజీ డిప్లామా చేసిన వారికి ప్రాధాన్యత ఉంటుంది.అర్హత, ఆసక్తి కలిగిన అభ్యర్థులు ఈ నెల 9వ తేదీలోపు సంబంధిత పీఎం శ్రీ పాఠశాలల్లో దరఖాస్తులు చేసుకోవాలి. – భిక్షపతి, జిల్లా విద్యా శాఖ అధికారి

ఆలేరురూరల్‌: నిరుద్యోగ యువత ఏడాదిన్నరగా ఎదరుచూస్తున్న రాజీవ్‌ యువ వికాసం పథకం అమలులో ఎట్టకేలకు కదలిక వచ్చింది. 2025 ఏప్రిల్‌ 15తో దరఖాస్తుల గడువు ముగిసింది. అయితే లబ్ధిదారులను ఎంపిక చేసిన అధికారులు రుణాలు మంజూరు చేసే సమయంలో వివిధ రకాల కారణాలతో ప్రభుత్వం ఆ ప్రక్రియను నిలిపివేసింది. ఉపముఖ్యమంత్రి మల్లు భట్టివిక్రమార్క ఇటీవల ఈ పథకంపై వివిధ సంక్షేమ శాఖలతో సమీక్షించి నవంబర్‌ 19 నుంచి రుణాలు ఇచ్చేలా చర్యలు తీసుకోవాలని ఆదేశాలు జారీ చేశారు. ఈ నేపథ్యంలో ఆయా శాఖల అధికారులు కసరత్తు ప్రారంభించారు. రూ.50 వేల నుంచి రూ.4 లక్షల వరకు రుణాలు స్వయం ఉపాధి కల్పనలో భాగంగా రాజీవ్‌ యువ వికాసం పథకం కింద ఎంపికై న నిరుద్యోగులకు 70 శాతం నుంచి వంద శాతం రాయితీతో రుణాలు మంజూరు చేయనున్నారు. రూ.50 వేల నుంచి రూ.4లక్షల వరకు రుణాలు అందజేస్తారు. దరఖాస్తులు ఇలా.. రాజీవ్‌ యువ వికాసం పథకం కోసం జిల్లాలో 17 మండలాల్లో వివిధ వర్గాలకు చెందిన 38,900 మంది నిరుద్యోగులు దరఖాస్తు చేసుకున్నారు. లబ్ధిదారుల ఎంపిక కోసం గతేడాదిలోనే ఇంటర్వ్యూలు సైతం నిర్వహించారు. మొత్తం 7,041 యూనిట్లు మంజూరయ్యాయి. ఇందులో రూ.50 వేల రుణ యూనిట్లు 2,600 వరకు ఉన్నాయి. బీసీలకు 2,500 యూనిట్లు మంజూరు కాగా 23,578 మంది దరఖాస్తు చేసుకున్నారు. ఒక్కో యూనిట్‌కు కనీసం 9 మంది పోటీ పడుతున్నారు. ఈబీసీలకు 608 యూనిట్లు మంజూరు కాగా 863 మంది దరఖాస్తు చేసుకున్నారు. ఫ నవంబర్‌ 19 నుంచి రుణాలు ఇవ్వాలని ప్రభుత్వం ఆదేశం ఫ శాఖల వారీగా అధికారుల కసరత్తు

దేవరకొండ : పట్టణ ప్రజల ఆరోగ్యాన్ని కాపాడుతూ ప్రతిరోజూ పారిశుద్ధ్య పనుల్లో నిమగ్నమయ్యే కార్మికుల ఆరోగ్యం, సంక్షేమాన్ని దృష్టిలో ఉంచుకుని కేంద్ర ప్రభుత్వం సఫాయి సురక్ష పథకానికి శ్రీకారం చుట్టింది. స్వచ్ఛ భారత్‌ మిషన్‌ ఆధ్వర్యంలో దేవరకొండ మున్సిపాలిటీలో పనిచేస్తున్న పారిశుద్ధ్య కార్మికులకు ఈ పథకాన్ని వర్తింపజేసేందుకు అధికారులు సన్నాహాలు చేస్తున్నారు. ఇందులో భాగంగా కార్మికుల ఆరోగ్య ప్రొఫైల్‌ నమోదు చేయడంతో పాటు వారి సంక్షేమానికి ప్రత్యేక కార్యాచరణ రూపొందిస్తున్నారు. క్రమం తప్పకుండా వైద్య పరీక్షలు ప్రతిరోజూ పట్టణంలో పోగయ్యే చెత్తను సేకరిస్తూ, మురుగు కాలువల్లో పేరుకుపోయిన వ్యర్థాలను తొలగిస్తూ నిరంతరం శ్రమిస్తున్న పారిశుద్ధ్య కార్మికులు పలు అనారోగ్య సమస్యలను ఎదుర్కొంటున్నారు. దీన్ని నివారించేందుకు శ్రీసఫాయి సురక్షశ్రీ ద్వారా ప్రతి ఆరు నెలలకు ఒకసారి కార్మికులందరికీ సమగ్ర వైద్య పరీక్షలు నిర్వహించనున్నారు. అవసరమైన వారికి అక్కడికక్కడే ఉచితంగా మందులను పంపిణీ చేసేలా ఏర్పాట్లు చేస్తున్నారు. ఈఎస్‌ఐ, పీఎఫ్‌ వర్తింపు మున్సిపాలిటీలోని శానిటేషన్‌ విభాగం అధికారులు ప్రస్తుతం పారిశుద్ధ్య కార్మికుల పూర్తి సమాచారాన్ని సేకరిస్తున్నారు. ఈ డేటా ఆధారంగా వారికి వివిధ ప్రభుత్వ సంక్షేమ పథకాల లబ్ధి చేకూర్చడంతో పాటు ఈఎస్‌ఐ, పీఎఫ్‌లు సక్రమంగా వర్తించేలా ప్రణాళికాబద్ధమైన చర్యలు చేపడుతున్నారు. సేకరించిన ఆరోగ్య వివరాలను మున్సిపల్‌ రికార్డుల్లో నిక్షిప్తం చేస్తున్నారు. ఆరోగ్య పరిరక్షణ కిట్ల అందజేత మున్సిపల్‌ పారిశుద్ధ్య కార్మికులకు గతంలో ఏటా ప్రభుత్వ పరంగా రక్షణ కిట్లను అందజేసేవారు. అయితే గత కొంతకాలంగా వీటి పంపిణీ సక్రమంగా జరగకపోవడంతో కార్మికులు పనుల సమయంలో ఇబ్బందులు ఎదుర్కొన్నారు. ఇప్పుడు సఫాయి సురక్ష పథకం కింద కార్మికులందరికీ తప్పనిసరిగా చేతి గ్లౌజులు, బూట్లు, హెల్మెట్లతో కూడిన ప్రత్యేక రక్షణ కిట్లను పంపిణీ చేశారు. ప్రతి ఆరు నెలలకోసారి ఉచిత వైద్య పరీక్షలు, మందుల పంపిణీ ఈఎస్‌ఐ, పీఎఫ్‌ అమలయ్యేలా చర్యలు రక్షణ కిట్ల అందజేత

భువనగిరిటౌన్‌ : భువనగిరి మున్సిపాలిటీ పరిధిలోని ప్రధాన రహదారుల గుండా పాదచారులు నడిచేందుకు ఏర్పాటు చేసిన ఫుట్‌పాత్‌లు ఆక్రమణకు గురవుతున్నాయి. పాదచారులు రోడ్లపై నడిచి ప్రమాదాల బారిన పడకుండా కాలిబాటలను సుందరీకరిస్తుంటే, స్థానిక దుకాణదారులు మాత్రం ఆ ఫుట్‌పాత్‌లు తమ సొంత జాగాలన్నట్లుగా యథేచ్ఛగా ఆక్రమించి వ్యాపారులు కొనసాగిస్తున్నారు. ప్రభుత్వ నిధులతో నిర్మించిన ఫుట్‌పాత్‌ స్థలాలను కబ్జా చేస్తూ, వ్యాపార సామగ్రిని, నేమ్స్‌ బోర్డులు సైతం రోడ్లపైకి వచ్చేలా పెడుతున్నారు. ఈ ఆక్రమణలపై జిల్లా ఉన్నతాధికారులు స్పందించి చర్యలు తీసుకోవాలని స్పష్టమైన ఆదేశాలు జారీ చేస్తున్నప్పటికీ, క్షేత్రస్థాయిలో ఉన్న మున్సిపల్‌ టౌన్‌ ప్లానింగ్‌ అధికారులు, అలాగే ట్రాఫిక్‌ పోలీసులు ఏమాత్రం పట్టించుకోవడం లేదనే విమర్శలు వెల్లువెత్తుతున్నాయి. ఫలితంగా పాదచారులు ఫుట్‌పాత్‌లపై కాకుండా రోడ్లమీదనే నడుస్తూ ప్రమాదాల బారిన పడాల్సిన పరిస్థితులు దాపురించాయని స్థానికులు తీవ్ర ఆగ్రహం వ్యక్తం చేస్తున్నారు. కార్యాలయానికే పరిమితమైన అధికారులు గతంలో మున్సిపల్‌ అధికారులు ప్రతిరోజూ మార్నింగ్‌ వాక్‌, సాయంత్రపు తనిఖీల ద్వారా క్షేత్రస్థాయిలో ప్రజల సమస్యలను అడిగి తెలుసుకునేవారు. మధ్యాహ్నం వేళల్లో సైతం ఫుట్‌పాత్‌లపై జరిగే ఆక్రమణలను తొలగించి ట్రాఫిక్‌ ఇబ్బందులు తలెత్తకుండా చూసేవారని, ప్రస్తుత మున్సిపల్‌ అధికారులు మాత్రం కార్యాలయానికే పరిమితమయ్యారని, ఫుట్‌పాత్‌లు ఆక్రమణకు గురవుతున్నా పట్టించుకోవడం లేదని పట్టణవాసులు ఆరోపిస్తున్నారు. అధికారుల పర్యవేక్షణ పూర్తిగా లోపించడం వల్లే ఫుట్‌పాత్‌లను అడ్డగోలు ఆక్రమించి వ్యాపారాలు కొనసాగిస్తున్నారని ప్రజలు అంటున్నారు. సుందరంగా మారుతున్న భువనగిరి పట్టణాన్ని ఆక్రమణల అడ్డాగా మారుస్తున్న దుకాణదారులపై కఠిన చర్యలు తీసుకోవాలని స్థానికులు డిమాండ్‌ చేస్తున్నారు. జిల్లా కలెక్టర్‌ స్పందించి, తక్షణమే ప్రత్యేక డ్రైవ్‌ చేపట్టి ఫుట్‌పాత్‌ల ఆక్రమణలను తొలగింపజేయాలని ప్రజలు కోరుతున్నారు. ఫ భువనగిరిలో దుకాణదారుల నిర్వాకం ఫ సామగ్రి రోడ్లపైనే పెడుతున్న వ్యాపారులు ఫ ప్రధాన రహదారుల వెంట పాదచారులకు బాట కరువు

భువనగిరి : క్యాన్సర్‌ మహమ్మారి పల్లెలకూ వ్యాపిస్తోంది. దీంతో ప్రజలు భయాందోళనకు గురువుతున్నారు. మారుతున్న జీవనశైలి, ఆహారపు అలవా ట్లలో మార్పులు, అవగాహన లోపం కారణాలతో ప్రజలు క్యాన్సర్‌ బారిన పడుతున్నారు. ఉమ్మడి నల్లగొండ జిల్లా వ్యాప్తంగా వందలాది మంది క్యాన్సర్‌ బాధితులు ఉన్నట్లు నాన్‌–కమ్యూనికబుల్‌ డిసీజేస్‌ (ఎన్‌సీడీ) విభాగం ఇటీవల నిర్వహించిన సర్వేలో వెల్లడైంది. మహిళలే అధికం ఉమ్మడి నల్లగొండ జిల్లాలో ఎన్‌సీడీ సర్వే ప్రకారం 2,831 మంది క్యాన్సర్‌ బాధితులు ఉన్నారు. వీరిలో నల్లగొండ జిల్లాలో అత్యధికంగా గర్భాశయ ముఖ ద్వారా క్యాన్సర్‌ బాధితులు 388 మంది, రొమ్ము క్యాన్సర్‌ బాధితులు 395 మంది ఉన్నారు. ఇతర క్యాన్సర్‌ రోగులు సూర్యాపేట జిల్లాలో అత్యధికంగా 232 మంది ఉన్నారు. అయితే నోటి క్యాన్సర్‌ రోగులు యాదాద్రి భువనగిరి జిల్లాలో అత్యల్పంగా 91 మంది ఉన్నారు. క్యాన్సర్‌ బాధితుల్లో నల్లగొండ జిల్లాలో మహిళలే అధికంగా ఉన్నారు. రొమ్ము, గర్భాశయ ముఖద్వార (సర్వైకల్‌) క్యాన్సర్‌ బారిన పడటం ఆందోళన కలిగిస్తోంది. పొగాకు, గుట్కా, ధూమపానం వంటి వ్యసనాలతో వందలాది మంది నోటి క్యాన్సర్‌ బారినపడుతున్నట్టు సర్వేలో తేలింది. వ్యాప్తికి కారణాలివే.. క్యాన్సర్‌ వ్యాధి బారిన పడటానికి గల ప్రధాన కారణాలను వీటిని తీసుకోవచ్చు. ఇందులో శారీక శ్రమ లేకపోవడం, స్థూలకాయం, ఆలస్యంగా వివాహం జరగటం, పిల్లలకు తల్లిపాలు ఇవ్వకపోవడం తదితర కారణాలతో రోమ్ము క్యాన్సర్‌ వస్తుంది. వ్యక్తిగత పరిశుభ్రత లోపించటం, హెచ్‌పీవీ సంక్రమణ, చిన్న వయస్సులోనే వివాహం కావడం తరచూ గర్భధారణ తదితర కారణాలతో గర్భాశయ ముఖద్వార క్యాన్సర్‌, గుట్కా ఖైనీ, జర్థా నమలటం, ధూమపానం, మద్యపానం తీసుకోవడం వంటి అలవాట్లతో నోటి క్యాన్సర్‌ వ్యాపిస్తుంది. ప్రభుత్వ ఆస్పత్రుల్లో పరీక్షలు ఉమ్మడి జిల్లాలోని ప్రభుత్వ జనరల్‌ ఆస్పత్రులతోపాటు సీహెచ్‌సీలు, పీహెచ్‌సీల్లో ఉచితంగా స్క్రీనింగ్‌ పరీక్షలు నిర్వహిస్తున్నారు. అనుమానిత లక్షణాలు ఉన్నవారిని వెంటనే హైదరాబాద్‌లోని క్యాన్సర్‌ ఆస్పత్రికి పంపుతున్నారు. ఆరోగ్యశ్రీ పథకం ద్వారా పేదలకు ఖరీదైన కిమోథెరపీ, రేడియేషన్‌, శస్త్ర చికిత్సలు ఉచితంగా అందిస్తున్నారు. ఫ రోజురోజుకూ పెరుగుతున్న క్యాన్సర్‌ రోగులు ఫ ఉమ్మడి జిల్లాలో 2,831 మంది బాధితులు ఫ ఎన్‌సీడీ సర్వేలో వివరాలు వెల్లడి

మఠంపల్లి : మట్టపల్లిలోని రాజ్యలక్ష్మి, చెంచులక్ష్మి సమేత భక్తప్రహ్లాద యోగానంద లక్ష్మీనరసింహస్వామి దేవాలయంలో ఈ నెల 8 నుంచి 11వ తేదీ వరకు పవిత్రోత్సవాలు జరగనున్నాయి. ఈ మేరకు ఆలయ అధికారులు ఏర్పాట్లు చేస్తున్నారు. 8వ తేదీన సాయంత్రం 7గంటలకు ప్రార్థనా సూక్తపఠన, స్వామివారి అనుజ్ఞాస్వీకారం, విష్వక్సేనారాధన, పుణ్యాహవచనం, అఖండ దీపారాధన, పంచగవ్యారాధన, ప్రాశన, రుత్విగ్వరణం, దీక్షాధారణ, రక్షాబంధనం, మేదినీపూజ, మత్స్యంగ్రహణం, అంకురారోపణతో ఉత్సవాలను ఆగమ ప్రవర బొర్రా వాసుదేవాచార్యులు ఆధ్యర్యంలో ప్రారంభిస్తారు. 9న ఉదయం 8గంటలకు వాస్తు పూజ, వాస్తు హోమం, వాస్తుపర్యగ్రీకరణం, పంచగవ్యప్రోక్షణ, అగ్నిమథనం, శిలావిహారణం, అఖల్మషహోమం, అగ్నిప్రతిష్టాపన, పవిత్రములకు శుద్ధి, సప్తదశకుంభాసాధన, ఆవాహన, రామాయణ, భాగవత, సూర్యనమస్కారములు, రాత్రి 7గంటలకు అగ్నిధ్యానం, శయ్యావేది ప్రకల్పనం, పవిత్రావాహనం, పంచశయ్యాదివాసములు, సుదర్శన యంత్రస్థాపన, అష్టమంగళ పంచాయుధస్థాపన, బలిహరణ, నీరాజనమంత్రపుష్పములు నిర్వహిస్తారు. 10న దేవోత్తాపన, ఆరాధన, పవిత్రారోపణము గావిస్తారు. రాత్రి స్వామివారికి ఉత్సవము, మహాశాంతి హోమం చేపడతారు. 11న ఉదయం 8గంటలకు అగ్నిరాధనలు, పూర్ణాహుతి, పవిత్ర విసర్జనోత్సవం, సప్తదశకుంభారోపణం, శాంతి కల్యాణ మహోత్సవం, ఆచార్య సన్మానంతో ఉత్సవాలు ముగుస్తాయి. కోదాడ, హుజూర్‌నగర్‌ నుంచి అదేవిధంగా ఆంధ్రా ప్రాంతం నుండి వచ్చే భక్తులకు పల్నాడు జిల్లా దాచేపల్లి నుంచి మట్టపల్లి క్షేత్రం వరకు ఆర్టీసీ బస్సులు నడుస్తాయి. భక్తులు అదిక సంఖ్యలో తరలివచ్చి స్వామివారి పవిత్రోత్సవాలలో పాల్గొనాలని ఆలయ పాలకవర్గం కోరుతున్నారు. లక్ష్మీనరసింహస్వామి ఆలయంలో ఈ నెల 8వ తేదీ నుంచి నాలుగు రోజుల పాటు ఉత్సవాలు ఏర్పాట్లు చేస్తున్న ఆలయ అధికారులు

చౌటుప్పల్‌ : చౌటుప్పల్‌ పట్టణ పరిధిలోని హైదరాబాద్‌–విజయవాడ జాతీయ రహదారిపై ఆదివారం వాహనాల రద్దీ నెలకొంది. వీకెండ్‌ కావడంతో ఇరువైపులా వాహనాలు బారులుదీరాయి. ఉదయం నుంచి అర్ధరాత్రి వరకు ఈ రద్దీ కొనసాగింది. చౌటుప్పల్‌ మున్సిపాలిటీ పరిధిలోని లక్కారం గ్రామ శివారులోని తంగేడువనం పార్కు నుంచి పట్టణంలోని వలిగొండ క్రాస్‌రోడ్డు వరకు మూడున్నర కిలోమీటర్ల దూరం వాహనాలు నిదానంగా కదిలాయి. ఓ వైపున అండర్‌పాస్‌ బ్రిడ్జి నిర్మాణ పనులు కొనసాగుతుండడం, మరోవైపున వాహనాల రద్దీ నెలకొనడంతో స్థానిక వ్యాపారులు, ప్రజలు తీవ్ర ఇబ్బందులు పడ్డారు.

యాదగిరిగుట్ట: యాదగిరిగుట్ట శ్రీలక్ష్మీనరసింహస్వామి ఆలయంలో శ్రీసుదర్శన నారసింహ హోమాన్ని ఆలయ అర్చకులు ఆదివారం ఉదయం పాంచరాత్ర ఆగమశాస్త్రానుసారంగా నిర్వహించారు. వేకువజామునే ఆలయాన్ని తెరిచిన అర్చకులు శ్రీస్వామి అమ్మవార్లకు సుప్రభాతం నిర్వహించి, గర్భాలయంలో స్వయంభూ మూర్తులకు అభిషేక పూజను జరిపించారు. అనంతరం తులసీ దళాలతో సహస్ర నామార్చన, కుంకుమార్చన వంటి పూజలు చేపట్టారు. ఇక ఆలయ ముఖ మండపంలో ఉత్సవమూర్తుల చెంత అష్టోత్తరం, సువర్ణ పుష్పార్చన భక్తుల నడుమ నిర్వహించారు. ప్రథమ ప్రకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం, బ్రహ్మోత్సవం వంటి పూజలు జరిపించారు. సాయంత్రం వేళ జోడు సేవలను ఆలయ వీధుల్లో ఊరేగించారు. రాత్రి శ్రీస్వామి అమ్మవార్లకు ప్రవళింపు సేవను నిర్వహించారు. ఆర్టీసీ ఎన్నికల్లో ఐక్య కూటమిని గెలిపించాలియాదగిరిగుట్ట: ఆర్టీసీ గుర్తింపు ఎన్నికల్లో ఈయూ, టీఎంయూ, ఎంఎన్‌యూ ఐక్య కూటమిని గెలిపించాలని తెలంగాణ మజ్దూర్‌ యూనియన్‌ రాష్ట్ర ప్రధాన కార్యదర్శి థామస్‌రెడ్డి, ఎంప్లాయీస్‌ యూనియన్‌ రాష్ట్ర అధ్యక్షుడు బాబు కోరారు. ఎ ఆదివారం యాదగిరిగుట్ట ఆర్టీసీ డిపోలో ఆర్టీసీ కార్మికులను కలిసి ఓటు అభ్యర్థించారు. ఆర్టీసీలో గత తొమ్మిదేళ్లుగా యూనియన్లు లేక కార్మికులు ఎన్నో విధాలుగా ఇబ్బందులు పడ్డారన్నారు. అశ్వత్థామరెడ్డి ఏనాడూ కార్మికుల యోగా క్షేమాలు పట్టించుకోలేదన్నారు. కార్మికుల సంక్షేమానికి ముందుకు వస్తున్న ఐక్య కూటమిని గెలిపించుకోవడం చాలా అవసరమన్నారు. ఈ కార్యక్రమంలో సీపీఐ జిల్లా మాజీ కార్యదర్శి గోదా శ్రీరాములు, సీపీఐ జిల్లా కార్యవర్గ సభ్యులు కళ్లెం కృష్ణ, ఎంప్లాయిస్‌ యూనియన్‌ రాష్ట్ర కార్యదర్శులు కేఎస్‌రెడ్డి, మంగ, కార్యదర్శులు నరేందర్‌, జాల నర్సింహ పాల్గొన్నారు. రేపు కమ్యూనిటీ కిచెన్‌ షెడ్‌కు శంకుస్థాపనమునగాల: మండలంలోని మునగాల–మాధవరం గ్రామాల మధ్య జాతీయ రహదారి పక్కన ఏర్పాటు చేయనున్న కమ్యూనిటీ కిచెన్‌ షెడ్‌కు మంగళవారం మధ్యాహ్నం 12 గంటలకు ఉపముఖ్యమంత్రి భట్టి విక్రమార్క, రాష్ట్ర నీటిపారుదల శాఖ మంత్రి ఉత్తమ్‌కుమార్‌రెడ్డి శంకుస్థాపన చేయనున్నారు. సూర్యాపేట, నల్లగొండ జిల్లాల్లోని ప్రభుత్వ పాఠశాలలు, జూనియర్‌ కళాశాలల్లో చదువుకుంటున్న 60వేల మంది విద్యార్థులకు ప్రతిరోజు అల్పాహారం అందించేందుకు రూ.9.60కోట్లతో కేంద్రీకృత వంటశాలను నిర్మించనున్నారు. దేశంలోనే అత్యాధునిక సదుపాయాలతో ఈ వంటశాలను అభివృద్ధి చేయనున్నట్లు మంత్రి ఉత్తమ్‌కుమార్‌రెడ్డి తెలిపారు. మంత్రి ఉత్తమ్‌, కోదాడ ఎమ్మెల్యే పద్మావతి విజ్ఞప్తి మేరకు సింగరేణి సంస్థ కమ్యూనిటీ కిచెన్‌ నిర్మాణానికి రూ.9.60కోట్ల విరాళం అందించింది. ముగిసిన జిల్లాస్థాయి అథ్లెటిక్స్‌ మీట్‌ సూర్యాపేట : జిల్లా కేంద్రంలోని పాత ఎస్పీ కార్యాలయంలో నిర్వహించిన నేషనల్‌ ఇంటర్‌ డిస్ట్రిక్‌ జూనియర్‌ అథ్లెటిక్స్‌ మీట్‌ పోటీలు ఆదివారం ముగిశాయి. అండర్‌–14, అండర్‌–16 విభాగాలలో నిర్వహించిన 9రకాల ఈవెంట్స్‌లో సుమారు 450 మంది విద్యార్థులు పాల్గొన్నారు. బి.హరినాథ్‌, కె.ప్రవీణ్‌, సీహెచ్‌.నితిన్‌, ఈ.ప్రణయ్‌, సింధు, మౌనిక, వైష్ణవి, వినయ్‌లను జాతీయ స్థాయి పోటీలకు ఎంపిక చేసినట్లు అథ్లెటిక్స్‌ అసోసియేషన్‌ జిల్లా కార్యదర్శి ఎం.కిరణ్‌కుమార్‌ తెలిపారు. కార్యక్రమంలో ఎస్‌.ఫౌండేషన్‌ సీఈఓ వీరయ్య, గడ్డం వెంకటేశ్వర్లు, చెంబులింగం, మైసయ్య, కార్తీక్‌, సునీత, విజయ్‌, కళమ్మ, మల్లేశ్వరి, ముక్కంటి, పరమేష్‌, అసోసియేషన్‌ ఆర్గనైజింగ్‌ సెక్రటరీ చెరుకు వెంకటేష్‌ పాల్గొన్నారు.

యాదగిరిగుట్ట: దుబాయ్‌ విమానంలో కో–పైలట్‌ దాడిలో గాయపడినప్పటికీ 174 మంది ప్రయాణికులను కాపాడిన భారతీయ కెప్టెన్‌ పైలట్‌ స్మిత్‌ మచ్చార్‌ ఆరోగ్యంగా ఉండాలని యాదగిరి శ్రీలక్ష్మీనరసింహస్వామి వారిని వేడుకున్నట్లు బీజేపీ రాష్ట్ర ఉపాధ్యక్షులు, కర్ణాటక సహ ప్రభారీ కాసం వెంకటేశ్వర్లు అన్నారు. శనివారం యాదగిరీశుడిని దర్శించుకొని, వైకుంఠద్వారం వద్ద శ్రీస్వామి వారి పాదాల చెంత పైలట్‌ స్మిత్‌ మచ్చార్‌ ఆరోగ్యంగా ఆస్పత్రి నుంచి తిరిగి రావాలని కోరుతూ పూజలు నిర్వహించారు. అనంతరం ఆయన విలేకరులతో మాట్లాడారు. ఇండియన్‌ పైలట్‌ ఆరోగ్య పరిస్థితిని తెలుసుకోకుండా మతాల ఆధారంగా కాంగ్రెస్‌ రాజకీయాలు చేస్తోందన్నారు. కాంగ్రెస్‌ గతంలో ఎస్‌ఐఆర్‌ నిర్వహిస్తే లేని తప్పుడు ఇప్పుడు ఎలా అవుతుందో చెప్పాలన్నారు. అనంతరం పట్టణంలో పట్టభద్రుల ఎమ్మెల్సీ ఎన్నికల ఓటు నమోదు ప్రక్రియను పరిశీలించారు. కార్యక్రమంలో బీజేపీ జిల్లా అధ్యక్షుడు ఉట్కూరి అశోక్‌గౌడ్‌, ప్రధాన కార్యదర్శి కాధూరి అచ్చయ్య, మాజీ అధ్యక్షులు పాశం భాస్కర్‌, జిల్లా కార్యదర్శి కృష్ణ, నాయకులు మాయ దశరథ, కర్రె మాధవి, బోడ రాధ, కర్రె ప్రవీణ్‌, జి.మహేశ్వరి సత్యం, దయ్యాల కుమార్‌, రాజేందర్‌రెడ్డి, లక్ష్మీనారాయణ తదితరులు పాల్గొన్నారు.

ప్రభుత్వం ల్యాండ్‌ పూలింగ్‌ చేయాలన్న నిర్ణయాన్ని గుడిమల్కాపురం రైతులు తీవ్రంగా వ్యతిరేకిస్తున్నారు. గ్రామంలోని రైతు అఖిలపక్ష కమిటీ ఆధ్వర్యంలో ఇటీవల తహసీల్దార్‌ కార్యాలయం ఎదుట ధర్నా నిర్వహించారు. భూసేకరణ ఆలోచనను వెంటనే విరమించుకోవాలని డిమాండ్‌ చేస్తూ తహసీల్దార్‌కు వినతిపత్రం అందజేశారు. సంస్థాన్‌ నారాయణపురం: మండలంలో ప్రభుత్వ భూములపై హెచ్‌ఎండీఏ దృష్టి సారించింది. రీజినల్‌ రింగ్‌ రోడ్డు (ట్రిపుల్‌ ఆర్‌) నేపథ్యంలో జిల్లాలో భూముల విలువ అమాంతం పెరుగుతుండటంతో.. ప్రభుత్వ భూములతో పాటు వాటికి ఆనుకుని ఉన్న పట్టా భూములను సేకరించి అభివృద్ధి చేసేందుకు ప్రభుత్వం సన్నాహాలు చేస్తోంది. ఇందులో భాగంగా రెవెన్యూ అధికారులు ఇప్పటికే భూముల గుర్తింపు ప్రక్రియ చేపట్టారు. భూమి విస్తీర్ణం, సర్వే నంబర్లు, భూ స్వభావం తదితర వివరాలను సేకరించి కలెక్టర్‌కు నివేదిక అందజేసినట్లు సమాచారం. ల్యాండ్‌ పూలింగ్‌ (భూ సమీకరణ) పద్ధతిలో వీటిని సేకరించి మౌలిక వసతులతో కూడిన లేఅవుట్లుగా అభివృద్ధి చేసి, వేలం ద్వారా విక్రయించాలని ప్రభుత్వం భావిస్తోంది. గుడిమల్కాపురంలో 190 ఎకరాలు.. హెచ్‌ఎండీఏ పరిధిలోకి వచ్చే భువనగిరి, బీబీనగర్‌, భూదాన్‌ పోచంపల్లి, చౌటుప్పల్‌, బొమ్మలరామారం, సంస్థాన్‌ నారాయణపురం మండలాల్లో ఈ భూముల గుర్తింపు కొనసాగుతున్నట్లు సమాచారం. ప్రధానంగా సంస్థాన్‌ నారాయణపురం మండలంలోని గుడిమల్కాపురం గ్రామ పరిధిలో సర్వే నంబర్‌ 64 నుంచి 79 వరకు 190 ఎకరాల భూమిని అధికారులు గుర్తించారు. ఇందులో సర్వే నంబర్‌ 78లో 120 ఎకరాల ప్రభుత్వ భూమి ఉండగా.. దానికి ఆనుకుని మరో 70 ఎకరాల పట్టా భూములు ఉన్నాయి. ల్యాండ్‌ పూలింగ్‌.. ఆదాయమే లక్ష్యం! గుర్తించిన భూముల్లో ప్రణాళికాబద్ధంగా రోడ్లు, మురుగు కాలువలు, విద్యుత్‌ వంటి మౌలిక వసతులతో లేఅవుట్లు అభివృద్ధి చేయనున్నారు. అనంతరం వాటిని వేలం ద్వారా విక్రయించి ఆదాయం రాబట్టడమే లక్ష్యంగా అడుగులు పడుతున్నాయి. పట్టా భూములను ల్యాండ్‌ పూలింగ్‌ విధానంలో సేకరించి, అభివృద్ధి చేసిన లేఅవుట్‌లో కొంత భాగాన్ని భూ యజమానికి కేటాయించి, మిగతా భూమిని హెచ్‌ఎండీఏ విక్రయించే యోచనలో ఉంది. అయితే, ఇది కేవలం ముందస్తు కసరత్తా? లేక ల్యాండ్‌ పూలింగ్‌ ఫైనల్‌ అయిందా? అన్న దానిపై అధికారిక ఉత్తర్వులు వెలువడిన తర్వాతే పూర్తి స్పష్టత రానుంది. ఫ ప్రభుత్వ భూములపై హెచ్‌ఎండీఏ నజర్‌ ఫ నారాయణపురం మండలంలో ల్యాండ్‌ పూలింగ్‌కు సన్నాహాలు ఫ గుడిమల్కాపురంలో 190 ఎకరాలు గుర్తింపు ఫ కలెక్టర్‌కు నివేదిక పంపిన రెవెన్యూ అధికారులు ఫ అభివృద్ధి చేసి వేలం ద్వారా ఆదాయం రాబట్టే యోచన

అలవాటు మారింది.. అనారోగ్యం దరిచేరిందిసాక్షి ప్రతినిధి, నల్లగొండ : ఆధునిక జీవన విధానంలో ప్రజలు ఎక్కువ మొత్తంలో అధిక బరువు, స్థూలకాయం, బీపీ, షుగర్‌ వ్యాధుల బారిన పడుతున్నారు. ఆహారం, జంక్‌ ఫుడ్‌, ఇతర అలవాట్లు ప్రజల అనారోగ్యానికి కారణం అవుతోంది. స్థూలకాయం సమస్య మహిళల్లో అధికంగా పెరుగుతుండగా, పురుషులు ఎక్కువ మంది బీపీ, షుగర్‌ వంటి వ్యాధుల బారిన పడుతున్నారు. 2023–24 సంవత్సరానికి సంబంధించి రూపొందించిన జాతీయ కుటుంబ ఆరోగ్య సర్వే –6 ఈ విషయాన్ని స్పష్టం చేసింది. ఈ సర్వే నివేదికను కేంద్ర ప్రభుత్వం ఇటీవల విడుదల చేసింది. మౌలిక సదుపాయాల కల్పనలో రాష్ట్రం అభివృద్ధి చెందుతున్నప్పటికీ, క్షేత్రస్థాయిలో ప్రజల జీవన ప్రమాణాల్లో ఇంకా ఎన్నో లోపాలు ఉన్నాయని పేర్కొంది. అందులో ఉమ్మడి నల్లగొండ జిల్లాలో పరిస్థితులను వెల్లడించింది. స్థూలకాయంతో బాధ పడుతున్న మహిళలే ఎక్కువ ● ఉమ్మడి జిల్లా వ్యాప్తంగా చూస్తే అధిక బరువు (స్థూలకాయం) సమస్యతో బాధపడుతున్న మహిళలు సూర్యాపేట జిల్లాలో అత్యధికంగా 44.4 శాతం మంది ఉండగా, నల్లగొండ జిల్లాలో 38.9 శాతం మంది, యాదాద్రి జిల్లాలో 34.4 శాతం మంది ఉన్నట్లు తేలింది. ● రక్తపోటుతో (బీపీ) బాధపడుతున్న పురుషులు అత్యధికంగా యాదాద్రి భువనగిరి జిల్లాలో ఉన్నారు. అక్కడ 35.3 శాతం మంది హైబీపీతో బాధపడుతున్నట్లు తేలింది. సూర్యాపేటలో 30.9 శాతం మంది, నల్లగొండలో 24.5 శాతం మంది బీపీతో బాధపడుతున్న వారు ఉన్నారు. ● మహిళల్లో నల్లగొండలో 22.8 శాతం, సూర్యాపేటలో 26.3 శాతం, యాదాద్రిలో 26.1 మంది హైబీపీతో బాధపడుతున్నారు. సూర్యాపేటలో ఎక్కువ మందికి షుగర్‌ ● షుగర్‌ వ్యాధి బారిన పడిన వారు సూర్యాపేట జిల్లాలోనే అత్యధికంగా ఉన్నారు. పురుషుల్లో సూర్యాపేటలో 28.8 శాతం మంది షుగర్‌ బారిన పడ్డారు. ఇక యాదాద్రి జిల్లాలో 24.6 శాతం మంది, నల్లగొండలో 26 శాతం మంది వీటి బారిన పడ్డారు. ● మహిళల్లో నల్లగొండలో 22.8 శాతం మంది, సూర్యాపేటలో 26.3 శాతం మంది, యాదాద్రిలో 26.1 శాతం మంది షుగర్‌ బారిన పడ్డారు. నల్లగొండ, యాదాద్రిలో మందుబాబులు ఎక్కువే మత్తు పదార్థాల వాడకం విషయానికి వస్తే యాదాద్రి భువనగిరి, నల్లగొండ జిల్లాల్లో 15 ఏళ్లకు పైబడిన వారిలో సగానికి పైగా మందుబాబులు ఉన్నారు. యాదాద్రి భువనగిరి జిల్లాలో 54.1 శాతం మంది, నల్లగొండలో 50.4 శాతం మంది, సూర్యాపేటలో 46.5 శాతం మద్యం తాగే వారు ఉన్నారు. ● పొగాకు వాడకంలో నల్లగొండలో పురుషులు 24.7 శాతం మంది ఉండగా, సూర్యాపేటలో 18 శాతం, యాదాద్రిలో 14.5 శాతం మంది పొగరాయుళ్లు ఉన్నట్లు తేలింది. బాల్య వివాహాలు, యుక్త వయస్సులో గర్భధారణ బాల్య వివాహాల విషయంలో నల్లగొండ జిల్లాలో పరిస్థితి ఆందోళనకరంగా ఉంది. నల్లగొండ జిల్లాలో (20–24 ఏళ్ల మహిళల్లో) 25.2 శాతం మంది 18 ఏళ్ల కంటే ముందే వివాహం చేసుకున్నారు. సూర్యాపేటలో ఇది 17.2 శాతం కాగా, యాదాద్రి భువనగిరిలో చాలా తక్కువగా 11.3 శాతమే నమోదైంది. 15–19 ఏళ్లలోనే గర్భం దాల్చిన వారు నల్లగొండ 10.6 శాతం మంది ఉండగా, సూర్యాపేటలో 9.4 శాతం మంది, యాదాద్రి జిల్లాలో 4.7 శాతం మాత్రమే ఉన్నారు. పిల్లల్లో పోషకాహార లోపం పిల్లల్లో పోషకాహార లోపం అధికంగానే ఉంది. పోషకాహార లోపంతో ఐదేళ్లలోపు పిల్లల్లో వయస్సుకు తగిన ఎత్తు పెరగని పిల్లలు నల్లగొండ జిల్లాలో 26.2 శాతం మంది ఉన్నారు. సూర్యాపేటలో అత్యధికంగా 29.2 శాతం మంది ఉండగా, యాదాద్రి జిల్లాలో 23.6 శాతం ఉన్నారు. ఐదేళ్లలోపు వయస్సుకు తగిన బరువు లేని పిల్లలు అధికంగానే ఉన్నారు. నల్లగొండలో 29 శాతం మంది ఉండగా, సూర్యాపేటలో 25.9 శాతం, యాదాద్రి జిల్లాలో 31 శాతం మంది ఉన్నట్లు తేలింది. అధిక బీపీ ఉన్న పురుషులు, మహిళల శాతం జిల్లా పురుషులు మహిళలు యాదాద్రి 35.3 26.1 సూర్యాపేట 30.9 26.3 నల్లగొండ 24.5 22.8 ఉమ్మడి జిల్లాలో సాధారణ ప్రసవాల కంటే సిజేరియన్లు పెరిగిపోయాయి. అయితే ఆసుపత్రుల్లో ప్రసవాల్లో గణనీయమైన మార్పు వచ్చింది. సూర్యాపేట జిల్లాలో 100 శాతం, నల్లగొండ జిల్లాలో 98.3 శాతం, యాదాద్రి భువనగిరి జిల్లాలో 97.9 శాతం ప్రసవాలు ఆసుపత్రుల్లోనే జరిగాయి. దీంతో మాతాశిశు మరణాలు తగ్గుముఖం పట్టాయి. సిజేరియన్లు అత్యధికంగానే ఉన్నాయి. నల్లగొండ జిల్లాలో 60.3 శాతం సిజేరియన్లు జరగ్గా, సూర్యాపేట జిల్లాలో 66.3 శాతం, యాదాద్రి భువనగిరి జిల్లాలో 65.4 శాతం, సిజేరియన్‌ (ఆపరేషన్‌) ప్రసవాలు జరగడం ఆందోళనకు కారణం అవుతోంది. ప్రపంచ ఆరోగ్య సంస్థ ప్రమాణాల మేరకు సిజేరియన్లు 10–15 శాతం మించడానికి వీల్లేదు. కానీ జిల్లాలో ఇక్కడ 60 శాతానికి పైగా జరగడం చూస్తుంటే అవసరం లేకపోయినా ప్రైవేట్‌ ఆసుపత్రులు ధనార్జన కోసం ఆపరేషన్లు చేస్తున్నాయనే అనుమానాలు వ్యక్తమవుతున్నాయి. దీనివల్ల మహిళల ఆరోగ్యం దీర్ఘకాలంలో దెబ్బతినడమే కాకుండా, సామాన్య కుటుంబాలపై ఆర్థిక భారం పడుతోంది. అధిక షుగర్‌ ఉన్న పురుషులు, మహిళల శాతం జిల్లా పురుషులు మహిళలు సూర్యాపేట 28.8 26.3 యాదాద్రి 24.6 26.1 నల్లగొండ 26 22.8 స్థూలకాయంతో బాధపడుతున్న మహిళల శాతం సూర్యాపేట 44.4 నల్లగొండ 38.9 యాదాద్రి 34.4 ఫ మహిళలను వేధిస్తున్న స్థూలకాయం సమస్య ఫ 60శాతం ప్రసవాలు సిజేరియన్ల ద్వారానే.. ఫ ఐదేళ్లలోపు పిల్లల్లో పోషకాహార లోపం జాతీయ కుటుంబ ఆరోగ్య సర్వే–6లో వెల్లడి

భూదాన్‌పోచంపల్లి : బీబీనగర్‌ మండలం కొండమడుగు మెట్టు సమీపంలో ఇటీవల రైలు ప్రమాదంలో 350 గొర్రెలు మృతి చెంది నష్టపోయిన పోచంపల్లి మండలం అలీనగర్‌కు చెందిన గొర్రెల కాపరి బాలబోయిన కిష్టయ్య శనివారం గొర్రెల కాపరుల సంఘం ఆధ్వర్యంలో వెళ్లి హైదరాబాద్‌లో మాజీ మంత్రి, ఎమ్మెల్యే తలసాని శ్రీనివాస్‌ యాదవ్‌ కలిశాడు. దీంతో మాజీ మంత్రి ఆయనను పరామర్శించి రూ.లక్ష ఆర్థికసాయం అందజేశారు. ఈ కార్యక్రమంలో గొర్రెల కాపరుల సంఘం రాష్ట్ర అధ్యక్షుడు గుండెబోయిన అయోద్య యాదవ్‌, జిల్లా ప్రధాన కార్యదర్శి సోమ రమేష్‌,నాయకులు గండు భిక్షపతి, జంగయ్య, జగదీశ్వర్‌ పాల్గొన్నారు.

మాకున్న 4 ఎకరాల పట్టా భూమిని సాగు చేసుకుంటూ జీవిస్తున్నాం. మా భూములపై అధికారులు చేసిన ప్రతిపాదనలను వెంటనే విరమించుకోవాలి. ప్రభుత్వానికి మా భూములు ఇచ్చేది లేదు. బలవంతంగా లాక్కోవాలని చూస్తే ఎన్ని పోరాటాలకై నా సిద్ధమే. గుడిమల్కాపురంలో సర్వే నంబర్‌ 78లో 120 ఎకరాల ప్రభుత్వ భూమి ఉంది. దాని చుట్టుపక్కల ఉన్న 70 ఎకరాల ప్రైవేటు భూములను గుర్తించి కలెక్టర్‌కు నివేదిక పంపించాం. అయితే ఇంకా హెచ్‌డీఎంఏకి ప్రతిపాదనలు వెళ్లలేదు. ఆ స్థలం నచ్చితే.. పట్టా రైతులతో మాట్లాడి, వారు స్వచ్ఛందంగా ఒప్పుకుంటేనే ల్యాండ్‌ పూలింగ్‌ కోసం సేకరిస్తాం. – శ్రీనివాస్‌రెడ్డి, తహసీల్దార్‌, సంస్థాన్‌ నారాయణపురం

భువనగిరిటౌన్‌ : విధి నిర్వహణలో ఉన్న ప్రభుత్వ ఉద్యోగులపై భౌతిక దాడులు చేయడం సరికాదని ఉద్యోగ జేఏసీ జిల్లా చైర్మన్‌, టీజీఓ రాష్ట్ర అసోసియేట్‌ అధ్యక్షుడు మందడి ఉపేందర్‌రెడ్డి అన్నారు. ఉద్యోగులపై దాడులను ఖండిస్తూ శనివారం భువనగిరి కలెక్టరేట్‌ ఎదుట ఉద్యోగ జేఏసీ ఆధ్వర్యంలో ఉద్యోగులు పెద్ద ఎత్తున నిరసన ప్రదర్శన చేపట్టారు. ఈ సందర్భంగా ఆయన మాట్లాడుతూ ఉద్యోగులపై భౌతిక దాడులకు పాల్పడటం అత్యంత హేయమైన చర్య అన్నారు. విధుల్లో ఏవైనా లోపాలు ఉంటే ఉన్నతాధికారులకు ఫిర్యాదు చేయాలి తప్ప, చట్టాన్ని చేతుల్లోకి తీసుకోవడం క్షమించరాని నేరమని మండిపడ్డారు. ఇటీవల భూదాన్‌ పోచంపల్లి పీహెచ్‌సీలో విధుల్లో ఉన్న మహిళా డాక్టర్‌ శ్వేతపై చికిత్స కోసం వచ్చిన దుద్యాల వెంకట తిరుపతి చేయిచేసుకోవడంతో పాటు కంప్యూటర్‌ ధ్వంసం చేయడం, బొమ్మలరామారం ఆర్‌ఐ కె.వెంకట్‌రెడ్డిపై బెజ్జెంకి వెంకట్‌రెడ్డి, ప్రమోద్‌రెడ్డి దాడి చేయడం, అలాగే మున్సిపల్‌ కమిషనర్‌ను ఓ మహిళా కౌన్సిలర్‌ భర్త దుర్భాషలాడటం శోచనీయమన పేర్కొన్నారు. అనంతరం జల్లా ఎస్పీ అక్షాంశ్‌ యాదవ్‌, అదనపు కలెక్టర్‌ వెంకారెడ్డిలకు వినతిపత్రాలు అందజేసి, నిందితులను వెంటనే అరెస్టు చేయాలన్నారు. కార్యక్రమంలో ట్రెసా జిల్లా అధ్యక్షుడు ఎం.కృష్ణ, టీఎన్జీఓ జిల్లా కోశాధికారి కంచనపల్లి శ్రీకాంత్‌, జిల్లా వైద్యారోగ్యశాఖ అధికారి డాక్టర్‌ మనోహర్‌, మెడికల్‌ ఫోరం అధ్యక్షుడు వెంకటరమణారెడ్డి, కార్యదర్శి సత్యనారాయణ, గెజిటెడ్‌ అధికారుల సంఘం అధ్యక్షుడు మురళీధర్‌రెడ్డి, కార్యదర్శి ప్రవీణ్‌కుమార్‌, ట్రెసా కలెక్టరేట్‌ అధ్యక్షుడు పి.రామారావు, ప్రతినిధులు మేఘలత, ప్రియాంక తదితరులు పాల్గొన్నారు. ఫ ఉద్యోగ జేఏసీ జిల్లా చైర్మన్‌ మందడి ఉపేందర్‌రెడ్డి

భూదాన్‌పోచంపల్లి : మండలంలోని కప్రాయిపల్లి గ్రామంలో శనివారం మద్యపానాన్ని నిషేధిస్తూ ఏకగ్రీవంగా తీర్మానించారు. గ్రామ పంచాయతీ కార్యాలయంలో సర్పంచ్‌ రాగీరు నర్మదసత్యనారాయణ అధ్యక్షతన జరిగిన ప్రత్యేక సమావేశంలో తీర్మానిస్తూ పంచాయతీ పాలకవర్గం, గ్రామస్తులు సామూహిక ప్రతిజ్ఞ చేశారు. ఈ సందర్భంగా సర్పంచ్‌ మాట్లాడుతూ గ్రామంలో ఎవరైనా బెల్టుషాపులు నిర్వహించినా, మద్యం విక్రయించినా భారీగా జరిమానా విధిస్తామన్నారు. అంతేకాక చట్టరీత్యా చర్యలు తీసుకొనేందుకు అధికారులకు సిఫారసు చేస్తామని హెచ్చరించారు. ఈ కార్యక్రమంలో పంచాయతీ కార్యదర్శి నర్సింహ, ఉపసర్పంచ్‌ మార్గం వెంకటేశ్‌, వార్డుసభ్యులు, గ్రామపెద్దలు పాల్గొన్నారు.

యాదగిరిగుట్ట : వ్యవసాయ రంగానికి నాణ్యమైన విద్యుత్‌ కోతలు లేకుండా అందించాలని సీపీఐ జిల్లా కార్యదర్శి యానాల దామోదర్‌రెడ్డి డిమాండ్‌ చేశారు. యాదగిరిగుట్ట పట్టణంలోని విద్యుత్‌ సబ్‌ స్టేషన్‌ను శనివారం సీపీఐ ఆధ్వర్యంలో సందర్శించారు. వ్యవసాయానికి ఎన్ని గంటల విద్యుత్‌ వస్తుందనే అంశాలను రికార్డును పరిశీలించారు. లో ఓల్టేజీ కారణంగా రైతులు ఆందోళన చెందుతున్నారని తెలిపారు. రైతాంగానికి నాణ్యమైన విద్యుత్‌ ఇవ్వని పక్షంలో రైతులు, ప్రజలతో కలిసి సబ్‌ స్టేషన్‌ ముట్టడిస్తామని హెచ్చరించారు. కార్యక్రమంలో సీపీఐ మండల కార్యదర్శి కల్లెపల్లి మహేందర్‌, మర్రిగూడెం సర్పంచ్‌ బోదాసు స్వప్న జగన్‌, మండల కార్యవర్గ సభ్యుడు పేరబోయిన పెంటయ్య తదితరులు పాల్గొన్నారు. రైతు సమస్యలపై అఖిలపక్షం ఏర్పాటు చేయాలినల్లగొండ టౌన్‌ : రైతులు ఎదుర్కొంటున్న సమస్యలపై రాష్ట్ర ప్రభుత్వం అఖిలపక్ష సమావేశం ఏర్పాటు చేయాలని మాజీ ఎమ్మెల్యే జూలకంటి రంగారెడ్డి కోరారు. శనివారం నల్లగొండలోని సీపీఎం కార్యాలయంలో ఆయన విలేకరులతో మాట్లాడారు. నవంబర్‌ 15 నుంచి 18వ తేదీ వరకు నల్లగొండలో అఖిల భారత కిసాన్‌ సభ 36వ మహాసభలు నిర్వహించనున్నట్లు తెలిపారు. మహాసభలను విజయవంతం చేసేందుకు అవగాహన కల్పిస్తున్నారని చెప్పారు. సమావేశంలో తెలంగాణ రాష్ట్ర రైతు సంఘం అధ్యక్షుడు పోతినేని సుదర్శన్‌, రాష్ట్ర కార్యదర్శి తీగల సాగర్‌, జిల్లా అధ్యక్ష, కార్యదర్శులు ముదిరెడ్డి సుధాకర్‌రెడ్డి, వీరేపల్లి వెంకటేశ్వర్లు, నారి ఐలయ్య, బండ శ్రీశైలం, ఎండీ.హాశం, ప్రమీల పాల్గొన్నారు. 5న సీపీఐ ధర్నాఆలేరు : వ్యవసాయానికి 16 గంటలపాటు నాణ్యమైన విద్యుత్‌ను సరఫరా చేయాలనే డిమాండ్‌తో ఈనెల 5వ తేదీన జిల్లా కేంద్రంలోని విద్యుత్‌ ఎస్‌ఈ కార్యాలయం వద్ద ధర్నా నిర్వహించనున్నట్టు సీపీఐ జిల్లా నాయకుడు చెక్క వెంకటేష్‌ శనివారం ఒక ప్రకటనలో పేర్కొన్నారు. జిల్లాలోని అన్ని మండలాల నుంచి పార్టీ శ్రేణులు, రైతులు తరలిరావాలని ఆయన కోరారు.

యాదగిరిగుట్ట: ఆలేరు నియోజకవర్గ సమగ్ర అభివృద్ధికి అవసరమైన నిధులు విడుదల చేయాలని ప్రభుత్వ విప్‌, ఎమ్మెల్యే బీర్ల ఐలయ్య కోరారు. ఈ మేరకు శనివారం హైదరాబాద్‌లో డిప్యూటీ సీఎం భట్టి విక్రమార్కను కలిసి విజ్ఞప్తి చేశారు. నియోజకవర్గానికి సంబంధించిన పలు అభివృద్ధి, సంక్షేమ అంశాలను డిప్యూటీ సీఎం దృష్టికి తీసుకెళ్లినట్లు ఐలయ్య వెల్లడించారు. అనంతరం రాష్ట్ర నీటి పారుదల శాఖ మంత్రి ఉత్తమ్‌ కుమార్‌రెడ్డి, రోడ్లు, భవనాల శాఖ మంత్రి కోమటిరెడ్డి వెంకట్‌రెడ్డిని కలిశారు. ఆలేరు నియోజకవర్గ రైతులకు సాగు నీరు అందించాలనే లక్ష్యంతో పెండింగ్‌లో ఉన్న ప్యాకేజీ–15 కాలువ పనులను, ఇతర అభివృద్ధి పనులపై చర్చించారు. పనుల పూర్తికి కృషిచేస్తున్న మంత్రులకు కృతజ్ఞతలు తెలిపారు. ఈ సందర్భంగా డిప్యూటీ సీఎం, మంత్రులను సన్మానించినట్టు పేర్కొన్నారు. ఫ ప్రభుత్వ విప్‌ బీర్ల ఐలయ్య వినతి

తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌లో ధాన్యానికి ప్రభుత్వ ప్రకటించిన మద్దతు ధర కంటే అధికంగా వస్తున్నది. మార్కెట్‌కు శనివారం 7,157 బస్తాల ధాన్యం వచ్చినట్లు మార్కెట్‌ కార్యదర్శి శంషేర్‌ తెలిపారు. మార్కెట్‌లో దొడ్డు ధాన్యానికి (ఐఆర్‌ 64) గరిష్ఠంగా క్వింటాకు రూ.2480, కనిష్టంగా రూ.2200 ధర పలికింది. సాంబమసూరి క్వింటాకు గరిష్టంగా రూ.3051, కనిష్ఠంగా రూ.2902 పలికింది. ప్రభుత్వ మద్దతు ధర క్వింటాకు రూ.2461 కాగా మార్కెట్‌లో అంతకు మించి ధర రావడంతో రైతులు హర్షం వ్యక్తం చేస్తున్నారు.

యాదగిరిగుట్ట రూరల్‌: గ్రామ పంచాయతీలు బాధ్యతగా తీసుకుని వీబీజీరామ్‌జీ పనులను ఉపాధి హామీ కూలీలచే చేయించాలని రాష్ట్ర గ్రామీణాభివృద్ధి శాఖ స్పెషల్‌ కమిషనర్‌ శ్రీలక్ష్మి అన్నారు. శుక్రవారం యాదగిరిగుట్ట మండలంలోని వంగపల్లి గ్రామంలో నిర్వహించిన వీబీజీ రామ్‌జీ ప్రత్యేక గ్రామసభలో ఆమె మాట్లాడారు. ఈ సందర్భంగా వికసిత్‌ గ్రామ పంచాయతీ ప్లాన్‌ విధానాలపై చర్చించారు. 375 పనులు ఉన్నాయని, ఈ పనులన్నీంటిని గ్రామంలోని ఉపాధిహామీ కూలీలు సద్వినియోగం చేసుకోవాలన్నారు. సమావేశంలో అదనపు కలెక్టర్‌ భాస్కర్‌ రావు, జాయింట్‌ కమిషనర్లు మోర శ్రీనివాస్‌, శేషుకుమార్‌, అడిషనల్‌ డీఆర్‌డీఓ సురేష్‌, ఇన్‌చార్జి ఎంపీడీఓ ఎడ్ల శ్రీనివాస్‌రెడ్డి, ఏపీఓ లింగంపల్లి నర్సయ్య, టీఏ వెంకటనారాయణ, పంచాయతీ సెక్రటరీ అశోక్‌, సర్పంచ్‌ వగ్గు రవళి పాల్గొన్నారు. ఫ రాష్ట్ర గ్రామీణాభివృద్ధి శాఖ స్పెషల్‌ కమిషనర్‌ శ్రీలక్ష్మి

నాగార్జునసాగర్‌కు వచ్చే పర్యాటకులకు లాంచీల కొరత తీవ్ర ఇబ్బందిగా మారింది. మీరూ కావొచ్చు ‘రహవీర్‌’ రోడ్డు ప్రమాద బాధితులను రక్షించే వారికి ప్రభుత్వం నగదు ప్రోత్సాహకం అందించనుంది. - 8లోయాదగిరి క్షేత్రంలో భక్తుల రద్దీయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో భక్తుల సందడి నెలకొంది. గాంధీ జయంతిని పురస్కరించుకొని సెలవు రోజు కావడంతో వివిధ ప్రాంతాలకు చెందిన భక్తులు యాదగిరీశుడి సన్నిధికి తరలివచ్చారు. దీంతో శ్రీస్వామి వారి ఆలయ పరిసరాలు, క్యూలైన్లు, క్యూకాంప్లెక్స్‌, శివాలయం, ప్రసాద విక్రయశాల వంటి ప్రాంతాల్లో భక్తుల రద్దీ ఏర్పడింది. ధర్మ దర్శనానికి 3గంటలు, వీఐపీ దర్శనానికి 1గంట సమయం పట్టింది. శ్రీనృసింహుడిని 30వేలకు పైగా భక్తులు దర్శించుకోగా.. వివిధ పూజలతో నిత్యాదాయం రూ.20,46,855 వచ్చినట్లు అధికారులు వెల్లడించారు.

భువనగిరిటౌన్‌ : భువనగిరి పట్టణంలోని ఓ రిటైల్‌ సూపర్‌ మార్కెట్‌లో అసిస్టెంట్‌ ఫుడ్‌ కంట్రోలర్‌ జ్యోతిర్మయి, డిజిగ్నేటెడ్‌ ఆఫీసర్‌ స్వాతి శుక్రవారం తనిఖీలు చేపట్టారు. ఈ సందర్భంగా అపరిశుభ్రత, ఫంగస్‌ పట్టిన పండ్లు, కూరగాయలు, గడువు ముగిసిన ఉత్పత్తులను విక్రయిస్తున్నట్లు గుర్తించారు. దుర్వాసన వస్తున్న సుమారు రూ. 60 వేల విలువైన 118 కేజీల ఆహార పదార్థాలను ధ్వంసం చేశారు. మెడికల్‌ సర్టిఫికెట్లు లేకపోవడంతో పాటు నిబంధనలు ఉల్లంఘించినందుకు యాజమాన్యానికి ఇంప్రూవ్‌మెంట్‌ నోటీసు జారీ చేశారు. నిర్ణీత గడువులోగా లోపాలు సరిదిద్దకుంటే స్టోర్‌ ఫుడ్‌ లైసెన్స్‌ రద్దు చేస్తామని హెచ్చరించారు. భక్తులకు నాణ్యమైన ప్రసాదం అందించాలి యాదగిరిగుట్ట: యాదగిరి శ్రీలక్ష్మీనరసింహస్వామి వారి క్షేత్రానికి వచ్చే భక్తులకు నాణ్యమైన ప్రసాదం అందించాలని యాదాద్రి జోన్‌ అసిస్టెంట్‌ ఫుడ్‌ కంట్రోలర్‌ జ్యోతిర్మయి, జిల్లా ఆహార భద్రత నిర్దేషిత అధికారిణి (డీఎఫ్‌ఎస్‌డీఓ) స్వాతి సూచించారు. ఫుడ్‌ సేఫ్టీ లైసెన్స్‌ జారీ ప్రక్రియలో భాగంగా శుక్రవారం ప్రసాదాల తయారీ, ముడి పదార్థాల నిల్వ, తయారీ ప్రదేశాల పరిశుభ్రత, ప్రసాదం ప్యాకింగ్‌, భక్తులకు పంపిణీ చేసే విధానాలను వారు పరిశీలించారు. ఆహార భద్రతా ప్రమాణాలను తప్పనిసరిగా పాటిస్తూ భక్తులకు నాణ్యమైన ప్రసాదం అందించాలని సూచించారు. అనంతరం ప్రసాదాల విభాగంలో పాటిస్తున్న నాణ్యతా ప్రమాణాలను పరిశీలించి ఈఓ భవాని శంకర్‌కు లైసెన్సు జారీ చేశారు. వైభవంగా ఊంజల్‌ సేవయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో ఊంజల్‌ సేవోత్సవాన్ని అర్చకులు వైభవంగా నిర్వహించారు. శుక్రవారం ఆండాళ్‌ అమ్మవారికి ఇష్టమైన రోజు కావడంతో సాయంత్రం వేళ మండపంలో అమ్మవారిని ప్రత్యేకంగా అలంకరించారు. అనంతరం అమ్మవారిని ప్రత్యేక పల్లకిపై అధిష్టించి ఆలయ తిరు, మాఢ వీధుల్లో భక్తుల నడుమ ఊరేగించారు. అద్దాల మండపంలో ఆండాళ్‌ దేవిని అధిష్టించి ఊంజల్‌ సేవోత్సవం జరిపించారు. ఆయా పూజల్లో భక్తులు పాల్గొని మొక్కులు తీర్చుకున్నారు. ఇక ఆలయంలో ఉదయం నుంచి రాత్రి వరకు సంప్రదాయ పూజలు కొనసాగాయి.

ఫ రూ.30కోట్లున్నా ముందుకుసాగని అభివృద్ధిపనులు ఫ ప్రతిపాదన దశల్లోనే డ్రెయినేజీలు, అంతర్గత రోడ్లు, పార్కు, ఓపెన్‌జిమ్‌ఆలేరు: ఖజానాలో కోట్ల నిధులున్నా... ఆలేరు మున్సిపాలిటీలో అభివృద్ధి పనులు ప్రతిపాదనల దశలోనే మూలుగుతున్నాయి. అధికారుల నిర్లక్ష్యం, పాలకమండలి ఊదాసీనత .. వెరసి 12 వార్డుల ప్రజలు తీవ్ర ఇబ్బందులు ఎదుర్కొంటున్నారు. వర్షం వస్తే మురుగుమయమయ్యే రోడ్లు, ఉప్పొంగే ఓపెన్‌ నాలాలు, అధ్వానంగా మారిన అంతర్గత రహదారులతో నిత్యం అవస్థలు పడుతున్నారు. నిధులున్నా టెండర్ల ఖరారులో జాప్యం.. పట్టణ ప్రగతికి శాపంగా మారింది. 12 వార్డుల్లో పడకేసిన మౌలిక వసతులు మున్సిపాలిటీ పరిధిలోని 12 వార్డుల్లో మౌలిక వసతుల కొరత తీవ్రస్థాయికి చేరింది. ఎక్కడ చూసినా దెబ్బతిన్న రోడ్లు, అధ్వానమైన డ్రెయినేజీలు దర్శనమిస్తున్నాయి. కాగితాలకే పరిమితం పట్టణ సమస్యల పరిష్కారానికి నిధులైతే మంజూరయ్యాయి కానీ, పనులు మాత్రం ముందుకు సాగడం లేదు. గత బీఆర్‌ఎస్‌ ప్రభుత్వ హయాంలో పట్టణ ఆర్థిక మౌలిక సదుపాయాల అభివృద్ధి సంస్థ (టీయూఎఫ్‌ఐడీసీ) స్కీమ్‌ కింద రూ.15 కోట్లు మంజూరయ్యాయి.గత ఏడాది చివర్లో సీఎం రేవంత్‌రెడ్డి నగరాభివృద్ధి కార్యక్రమంలో భాగంగా మరో రూ.15 కోట్లను కేటాయించారు. మొత్తం రూ.30 కోట్ల నిధులు అందుబాటులో ఉన్నా అధికారులు టెండర్ల ప్రక్రియ పేరుతో కాలయాపన చేస్తుండటంతో పనులకు మోక్షం లభించడం లేదు. ప్రతిపాదనలు ఇవీ..నగరాభివృద్ధి కింద కేటాయించిన రూ.15 కోట్లతో చేపట్డాల్సిన పనులకు అధికారులు ప్రతిపాదనలు సిద్ధం చేశారు. వివిధ వార్డుల్లో వరద నీటి నివారణ కాల్వల నిర్మాణానికి రూ.9 కోట్లు, అంతర్గత రోడ్ల నిర్మాణానికి రూ.4 కోట్లు, బృందావన్‌ కాలనీలో మున్సిపల్‌ పార్కుకు రూ. కోటి, పర్రె కాల్వ వద్ద కల్వర్టు నిర్మాణానికి రూ.75 లక్షలు, ఆలేరు ప్రభుత్వ ఉన్నత పాఠశాల మైదానంలో ఓపెన్‌ జిమ్‌ ఏర్పాటుకు రూ.25 లక్షలు కేటాయించారు. మూడేళ్లుగా మరుగునపడ్డ మున్సిపల్‌ భవనం! మరోవైపు టీయూఎఫ్‌ఐడీసీ పథకం కింద రూ.15 కోట్ల నిధులతో అంతర్గత రోడ్లు, అండర్‌గ్రౌండ్‌ డ్రెయినేజీల నిర్మాణానికి సమగ్ర ప్రాజెక్టు నివేదిక సిద్ధం చేశారు. ఇందులో భాగంగా కొలనుపాక మార్గంలోని పాత పంచాయతీ కార్యాలయం వద్ద రూ.3 కోట్లతో నూతన మున్సిపల్‌ భవన నిర్మాణానికి ప్రతిపాదించారు. మూడేళ్లు కావొస్తున్నా టెండర్ల ప్రక్రియ పూర్తి కాకపోవడంతో పనులు అడుగు కూడా ముందుకు పడలేదు. వార్డుల్లో కనీస వసతులు కల్పించేందుకు అధికారులపై ఒత్తిడి పెంచి పనులు ప్రారంభించేలా చేయడంలో పాలకమండలి అలసత్వం ప్రదర్శిస్తోందని ప్రజలు ఆగ్రహం వ్యక్తం చేస్తున్నారు.

చౌటుప్పల్‌ : చౌటుప్పల్‌లో ఒకవైపు రోడ్డు నిర్మాణ పనులు కొనసాగుతుండటంతో ట్రాఫిక్‌ అస్తవ్యస్తంగా మారింది. ఏ వాహనం ఎటు నుంచి వస్తుందో తెలియని పరిస్థితి. ట్రాఫిక్‌ను నియంత్రించి ప్రజలకు ఇబ్బందులు లేకుండా చూడాల్సిన పోలీసులు.. ఆ బాధ్యతను గాలికొదిలేశారు. కేవలం రోజుకు 150 చలాన్లు ఎలా వేయాలనే దానిపైనే పూర్తిగా దృష్టి సారించారు. ఇష్టానుసారంగా వ్యవహరిస్తూ, ఎక్కడబడితే అక్కడ నిల్చుని ఫొటోలు తీస్తూ వాహనదారులను బెంబేలెత్తిస్తున్నారు. టార్గెట్‌ పూర్తిచేయాలని.. ఇష్టానుసారంగా ఫొటోలు తీసి చలాన్లు వేసే విధానాన్ని ఎవరైనా ప్రశ్నిస్తే వారిపై బెదిరింపులకు పాల్పడుతున్నారని వాహనదారులు పేర్కొంటున్నారు. ‘మాకు ఇచ్చిన 150 చలాన్ల టార్గెట్‌ పూర్తి చేయాలి.. ఏ సమయంలో, ఎక్కడ నిలబడి ఫొటోలు తీయాలో మాకు చెప్పాల్సిన అవసరం లేదని పౌరులపై దబాయిస్తున్నారు. గురువారం సాయంత్రం తంగడపల్లి చౌరస్తా వద్ద జాతీయ రహదారిపై నిల్చొని ఇష్టానుసారంగా ఫొటోలు తీస్తున్న ఓ మహిళా కానిస్టేబుల్‌ను అడిగినందుకు ఓ జర్నలిస్టుపై తీవ్ర దురుసుగా ప్రవర్తించారు. ‘నా డ్యూటీ నేను చేస్తున్నా.. ఏదైనా ఉంటే సీఎం వద్దకు వెళ్లి చెప్పుకో’.. అంటూ రుబాబు చేస్తున్నారని పలువురు వాహనదారులు పేర్కొంటున్నారు. ఈ విషయాన్ని ట్రాఫిక్‌ ఏసీపీ ప్రభాకర్‌రెడ్డి దృష్టికి తీసుకెళ్లగా.. రద్దీ జంక్షన్ల వద్ద ఫొటోలు తీసే విషయమై సిబ్బందికి తగిన సూచనలు చేసి, సమయపాలన పాటించేలా చూస్తానని తెలిపారు. ఫ ఇష్టానుసారంగా వ్యవహరిస్తున్న ట్రాఫిక్‌ సిబ్బంది ఫ రద్దీ సమయాల్లో జంక్షన్ల వద్ద మాటువేసి ఫొటోలు తప్పించుకునే క్రమంలో ప్రమాదాలు అత్యంత రద్దీగా ఉండే సమయాల్లోనే ట్రాఫిక్‌ సిబ్బంది రోడ్లపైకి వస్తున్నారు. పోలీసులు ఫొటోలు తీస్తున్న విషయాన్ని గమనించిన ద్విచక్ర వాహనదారులు.. ఆ చలాన్ల నుంచి తప్పించుకునేందుకు ఆకస్మికంగా బ్రేకులు వేయడం, రాంగ్‌ రూట్‌లో వెళ్లడం వంటి ప్రయత్నాలు చేస్తూ ప్రమాదాల బారిన పడుతున్నారు. పోలీసులు మాత్రం అవేమీ పట్టించుకోకుండా కేవలం తమ టార్గెట్లు పూర్తి చేసుకోవడంపైనే పనిచేస్తున్నారు.

సాక్షి, యాదాద్రి : జిల్లాలో ఇండియన్‌ రెడ్‌క్రాస్‌ సొసైటీ పాలకవర్గ ఎన్నికల పోరు తారాస్థాయికి చేరింది. మానవత్వం, స్వచ్ఛంద సేవ లక్ష్యాలుగా పనిచేసే రెడ్‌క్రాస్‌ డైరెక్టర్ల పదవుల కోసం జరుగుతున్న ఎన్నికలు సాధారణ రాజకీయ ఎన్నికలను తలపిస్తున్నాయి. మొత్తం 15 డైరెక్టర్‌ పోస్టుల కోసం 22 మంది అభ్యర్థులు బరిలో నిలిచారు. అభ్యర్థులు రెండు ప్యానెళ్లుగా విడిపోయి ముమ్మరంగా ప్రచారం సాగిస్తున్నారు. కొందరు అభ్యర్థులకు ప్రధాన రాజకీయ పార్టీల నేతలు మద్దతు తెలుపుతూ లోపాయికారీగా ప్రచారం నిర్వహిస్తుండటం చర్చనీయాంశంగా మారింది. సోషల్‌ మీడియాలో ముమ్మర ప్రచారం ఎన్నికల్లో పోటీ పడుతున్న అభ్యర్థులు ప్రచార వేగం పెంచారు. ఓటర్లకు నేరుగా ఫోన్లు చేస్తూనే వాట్సాప్‌, ఫేస్‌బుక్‌, టెలిగ్రామ్‌ వేదికగా పోస్టులు పెడుతూ ఓట్లు అభ్యర్థిస్తున్నారు. జిల్లా రెడ్‌క్రాస్‌లో మొత్తం 2,036 మంది ఓటర్లు ఉండగా, గత రెండు నెలల వ్యవధిలోనే వెయ్యికి పైగా కొత్త సభ్యత్వాలు నమోదు కావడంపై భిన్నాభిప్రాయాలు వ్యక్తమవుతున్నాయి. సేవా దృక్పథం కంటే ఆధిపత్యం కోసమే పోటీ పడుతున్నారన్న విమర్శలు వస్తున్నాయి. ప్యానెల్‌ తరఫున ప్రచారం చేస్తున్నప్పటికీ, వ్యక్తిగత ప్రాధాన్యతతో తమకే ఓటు వేయాలని పలువురు అభ్యర్థులు కోరుతుండటం గమనార్హం. పోలింగ్‌కు ఏర్పాట్లు పూర్తి ఈనెల 4న జరిగే ఎన్నికల కోసం నిర్వహణ యంత్రాంగం అన్ని ఏర్పాట్లు పూర్తి చేసింది. రాయగిరి జెడ్పీహెచ్‌ఎస్‌ పాఠశాలలో మొత్తం 8 పోలింగ్‌ కేంద్రాలను ఏర్పాటు చేశారు. ఉదయం 8 గంటల నుంచి మధ్యాహ్నం 3 గంటల వరకు పోలింగ్‌ జరగనుంది. ఓటర్లు రెడ్‌క్రాస్‌ సొసైటీ ఐడీ కార్డు లేదా ఆధార్‌ కార్డు చూపించి ఓటు హక్కు వినియోగించుకోవచ్చు. మొత్తం 24 మంది సిబ్బంది ఎన్నికల విధుల్లో పాల్గొంటారు. పోలింగ్‌ ముగిసిన అనంతరం సాయంత్రం 4 గంటల నుంచి 4 కౌంటింగ్‌ టేబుళ్ల ద్వారా ఓట్ల లెక్కింపు ప్రక్రియ చేపడతారు. ఫలితాలు వెల్లడైన వెంటనే.. గెలుపొందిన 15 మంది డైరెక్టర్లు చేతులెత్తే పద్ధతి ద్వారా చైర్మన్‌, వైస్‌ చైర్మన్‌, ట్రెజరర్‌, స్టేట్‌ బాడీ మెంబర్‌ వంటి నాలుగు కీలక పదవులను ఎన్నుకుంటారు. అనంతరం నూతన పాలకవర్గ ప్రమాణ స్వీకారం జరగనుంది. ఈ ఎన్నికలకు రిటర్నింగ్‌ అధికారిగా డీపీఓ శ్రీనివాస్‌రెడ్డి, అబ్జర్వర్‌గా స్థానిక సంస్థల అదనపు కలెక్టర్‌ భాస్కరరావు వ్యవహరిస్తున్నారు. ఫ తారాస్థాయికి చేరిన ఇండియన్‌ రెడ్‌క్రాస్‌ సొసైటీ పాలకవర్గ ఎన్నికల పోరు ఫ రెండు ప్యానెళ్లుగా విడిపోయి ప్రచారం సాగిస్తున్న అభ్యర్థులు ఫ రేపు రాయగిరి జెడ్పీహెచ్‌ఎస్‌లో పోలింగ్‌ ఫ ఓటు హక్కు వినియోగించుకోనున్న 2,036 మంది ఓటర్లు

భువనగిరి: కూలీలకు జూన్‌ 2027 వరకు నిరంతరం ఉపాధి కల్పించేలా ముందస్తు సమగ్ర ప్రణాళికలను రూపొందించాలని భారత ప్రభుత్వ గ్రామీణాభివృద్ధి మంత్రిత్వ శాఖ డైరెక్టర్‌ శివశంకర్‌ అన్నారు. గాంధీ జయంతిని పురస్కరించుకుని శుక్రవారం భువనగిరి మండలంలోని తాజ్‌పూర్‌ గ్రామంలో ప్రత్యేకంగా ఏర్పాటు చేసిన గ్రామ సభకు హాజరై మాట్లాడారు. గ్రామంలోని సహజ వనరులు, భౌగోళిక పరిస్థితులు, ప్రజల అవసరాలను పరిగణనలోకి తీసుకుని సోషల్‌ మ్యాప్‌, రిసోర్స్‌ మాప్‌లను రూపొందించి అవసరమైన పనులను శాసీ్త్రయంగా గుర్తించాలన్నారు. గ్రామ అవసరాలకు అనుగుణంగా ఇంకుడు గుంతలు, ఫామ్‌పాండ్లు, కమ్యూనిటీ సోక్‌ పిట్లు, రెయిన్‌ వాటర్‌ హార్వెస్టర్‌ పిట్లు, చెక్‌ డ్యామ్‌ల వంటి భూగర్భ జలాల పెంపు పనులను గుర్తించి గ్రామ సభ ఆమోదంతో వీబీరామ్‌జీ ప్రణాళికలో చేర్చాలన్నారు. అనంతరం కలెక్టర్‌ అనురాగ్‌ జయంతి మాట్లాడుతూ.. వాతావరణ పరిస్థితులను దృష్టిలో ఉంచుకుని వర్షాధార పంటలపై ఆధార పడకుండా పంటల మార్పిడి విధానాన్ని అవలంబించాలన్నారు. అనంతరం వీబీ రామ్‌జీ కార్యక్రమ లక్ష్యాలు, గ్రామీణ ఉపాధి అవకాశాలు, నీటి సంరక్షణ, సహజ వనరుల అభివృద్ధి, గ్రామాభివృద్ధి ప్రణాళిక తయారీ విధానంపై అవగాహన కల్పించారు. అంతకు ముందు గాంధీ చిత్రపటానికి పూలమాల వేసి నివాళులర్పించారు. గ్రామ సర్పంచ్‌ ర్యాకల సంతోషశ్రీనివాస్‌ అధ్యక్షతన నిర్వహించిన సమావేశంలో గ్రామీఽణాభివృద్ధి శాఖ అధికారి శ్రీకిరణ్‌ చరణ్‌పాండే, తెలంగాణ గ్రామీణాభివృద్ధి శాఖ ప్రత్యేక అధికారి శ్రీలక్ష్మీ, వీబీ రామ్‌జీ జాయింట్‌ కమిషనర్‌ శ్రీనివాస్‌, డిప్యూటీ కమిషనర్‌ శేషుకుమార్‌, టీజీ ఎస్‌బీఎం డైరెక్టర్‌ సురేష్‌బాబు, అడిషనల్‌ డీఆర్‌డీఓ సురేష్‌, డీపీఓ శ్రీనివాస్‌రెడ్డి, జెడ్పీ డిప్యూ టీ సీఈఓ శ్రీనివాస్‌, ఎంపీడీఓ విజయలక్ష్మి, ఎంపీఓ దినకర్‌, సామాజిక వేత్త శ్రీనివాస్‌ పాల్గొన్నారు. ఫ గ్రామీణాభివృద్ధి మంత్రిత్వ శాఖ డైరెక్టర్‌ శివశంకర్‌

భువనగిరిటౌన్‌ : తెలిసీ తెలియక చేసిన తప్పులతో జైలు జీవితం గడుపుతున్న ఖైదీలు ఇకపై సత్ప్రవర్తనతో మెలిగి మంచి మార్గంలో నడవాలని భువనగిరి ప్రిన్సిపల్‌ సీనియర్‌ సివిల్‌ జడ్జి ఉషశ్రీ అన్నారు. గాంధీ జయంతి, ఖైదీల సంక్షేమ దినోత్సవాన్ని పురస్కరించుకుని శుక్రవారం భువనగిరి సబ్‌జైలులో జిల్లా న్యాయసేవాధికార సంస్థ ఆధ్వర్యంలో న్యాయవిజ్ఞాన సదస్సు నిర్వహించారు. ఈ కార్యక్రమానికి ముఖ్య అతిథిగా హాజరైన జడ్జి ముందుగా మహాత్మాగాంధీ చిత్రపటానికి పూలమాల వేసి నివాళులర్పించారు. అనంతరం ఆమె మాట్లాడుతూ.. క్షణికావేశంలో నిర్ణయాలు తీసుకుని జీవితాలను నష్టపరుచుకోవద్దన్నారు. కార్యక్రమంలో సబ్‌జైలు పర్యవేక్షకుడు జాతోతు నెహ్రూ, డిప్యూటీ లీగల్‌ డిఫెన్స్‌ కౌన్సిల్‌ బొమ్మ వెంకటేష్‌, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ నారగోని రాజశేఖర్‌ పాల్గొన్నారు.

చౌటుప్పల్‌ : చౌటుప్పల్‌లో జాతీయ రహదారిపై శనివారం భారీగా ట్రాఫిక్‌ జామ్‌ ఏర్పడింది. పట్టణంలో చేపట్టిన రోడ్డు నిర్మాణ పనుల నేపథ్యంలో వాహనాలను పూర్తిగా సర్వీస్‌రోడ్డు మీదుగా పంపిస్తున్నారు. తాజాగా వలిగొండ జంక్షన్‌ వద్ద కూడా వాహనాలను సర్వీస్‌రోడ్డు మీదుగా మళ్లించారు. దీంతో సర్వీస్‌రోడ్డు ఇరుకుగా మారడంతో వాహనాలు వేగంగా వెళ్లలేని పరిస్థితి ఏర్పడింది. మున్సిపాలిటీ పరిధిలోని లక్కారం గ్రామ శివారులోని తంగేడువనం పార్కు నుంచి లింగోజిగూడెం గ్రామ శివారు వరకు నాలుగు కిలోమీటర్ల మేర వాహనాలు బారులుదీరాయి. రద్దీ మూలంగా వచ్చే దుమ్ము, ధూళితో స్థానిక దుకాణాదారులు, బాటసారులు ఇబ్బందులకు గురయ్యారు.

● జూదరుల అరెస్ట్‌ ● నగదు, వాహనాలు, సెల్‌ఫోన్లు స్వాధీనంభువనగిరి : మండలంలోని వడాయిగూడెం గ్రామ పరిధిలోని ఓ లాడ్జిలో మంగళవారం రాత్రి కొందరు వ్యక్తులు పేకాట ఆడుతున్నట్లు పక్కా సమాచారం అందడంతో భువనగిరి రూరల్‌ ఎస్‌హెచ్‌ఓ అనిల్‌కుమార్‌ ఆధ్వర్యంలో పోలీసులు దాడి చేసి 17 మందిని అదుపులోకి తీసుకున్నారు. మరో ముగ్గురు పరారయ్యారు. వారి నుంచి రూ.39,970 నగదు, నాలుగు బైకులు, ఒక వ్యాన్‌, 12 సెల్‌ఫోన్లు స్వాధీనం చేసుకుని కేసు నమోదు చేసినట్లు ఎస్‌హెచ్‌ఓ అనిల్‌కుమార్‌ తెలిపారు. బీబీనగర్‌లో.. బీబీనగర్‌ శివారులోని ఇందిరమ్మ కాలనీ వద్ద మామిడితోటలో పేకాట ఆడుతున్నట్లు అందిన సమాచారం మేరకు బీబీనగర్‌ పోలీసులు, భువనగిరి ఎస్‌ఓటీ పోలీసులు దాడి చేసి 17 మందిని అదుపులోకి తీసుకున్నారు. వారి నుంచి రూ.3,53,740 నగదు, 19 సెల్‌ ఫోన్లు, 3 కార్లు, 2 బైకులు స్వాధీనం చేసుకుని కేసు నమోదు చేసినట్లు సీఐ ప్రభాకర్‌రెడ్డి తెలిపారు. పత్తి లారీ బోల్తా.. క్లీనర్‌కు గాయాలుదేవరకొండ : పత్తి బేళ్లతో వెళ్తున్న లారీ అదుపుతప్పి డివైడర్‌ను ఢీకొని బోల్తా పడింది. ఈ ఘటన దేవరకొండ పట్టణంలో బుధవారం తెల్లవారుజామున జరిగింది. ఏపీలోని కర్నూలు జిల్లా ఆదోని నుంచి పత్తి బేళ్లతో కోల్‌కతాకు వెళ్తున్న లారీ దేవరకొండ పట్టణంలోని వెంకటేశ్వర థియేటర్‌ సమీపంలో అదుపుతప్పి డివైడర్‌ను ఢీకొని బోల్తా పడింది. ఈ ఘటనలో క్లీనర్‌ మంజునాఽథ్‌కు స్వల్ప గాయాలయ్యాయి. లారీ డివైడర్‌ను ఢీకొట్టడంతో విద్యుత్‌ తీగలు, చెట్ల కొమ్మలు తెగిపడ్డాయి. లారీ రోడ్డుకు అడ్డంగా పడడంతో ట్రాఫిక్‌కు అంతరాయం ఏర్పడింది. స్థానిక కౌన్సిలర్‌ సుమలత మున్సిపల్‌ కార్మికుల సహాయంతో చెట్ల కొమ్మలు, విద్యుత్‌ తీగలు తొలగించారు. ఈ ఘటనపై దర్యాప్తు చేపట్టినట్లు సీఐ వెంకట్‌రెడ్డి తెలిపారు.

ఫార్మాలో అవకాశాలను అందిపుచ్చుకోవాలి ఫ మహాత్మాగాంధీ యూనివర్సిటీ వైస్‌ చాన్స్‌లర్‌ ఖాజా అల్తాఫ్‌ హుస్సేన్‌ నల్లగొండ టూటౌన్‌ : విద్యార్థులు ఫార్మా రంగంలో అవకాశాలను అందిపుచ్చుకోవాలని మహా త్మాగాంధీ యూనివర్సిటీ(ఎంజీయూ) వైస్‌ చాన్స్‌లర్‌ ఖాజా అల్తాఫ్‌ హుస్సేన్‌ అన్నారు. బుధవారం ఎంజీయూలో నిర్వహించిన మన్నె అచ్చిరెడ్డి స్మారకోపన్యాసంలో ఆయన పాల్గొని మాట్లాడారు. అనంతరం ఉస్మానియా యూనివర్సిటీ రిటైర్డ్‌ ప్రొఫెసర్‌ పార్ధసారథి మాట్లాడుతూ.. రసాయన శాస్త్రంలో ఆర్టిఫీషియల్‌ ఇంటలిజెన్స్‌(ఏఐ)తో విప్లవాత్మక మార్పులు వచ్చాయని తెలిపారు. రసాయన శాస్త్రంలో వేగవంతమైన, సమర్ధవంతమైన పరిశోధనలకు ఏఐ మార్గం సుగమం చేస్తుందన్నారు. ఏఐతో అరుదైన వ్యాధులు, క్యాన్సర్‌, సంక్రమణ వ్యాధులు, ప్రజారోగ్య సవాళ్లకు వేగంగా పరిష్కారం కనుక్కొనే అవకాశం ఉందన్నారు. ఈ కార్యక్రమంలో సైన్స్‌ కళాశాల ప్రిన్సిపాల్‌ వసంత, డీన్‌ అన్నపూర్ణ, ఫార్మా కళాశాల ప్రిన్సిపాల్‌ రఘురామారావు, ఆడిట్‌ సెల్‌ డైరెక్టర్‌ ప్రశాంతి, రమేష్‌, రూప, జ్యోతి, కళ్యాణి, శంకరచారి, అమరేందర్‌, శ్రీధర్‌రావు, గణేష్‌, ఆయేషా పాల్గొన్నారు. విద్యార్థులకు సామాజిక స్పృహ అవసరం నల్లగొండ టూటౌన్‌ : విద్యార్థులకు విద్యతో పాటు సామాజిక స్పృహ అవసరమని మహాత్మాగాంధీ యూనివర్సిటీ వైస్‌ చాన్స్‌లర్‌ ఖాజా అల్తాఫ్‌ హుస్సేన్‌ అన్నారు. బుధవారం ఎంజీయూలో ఎన్‌ఎస్‌ఎస్‌, రెడ్‌క్రాస్‌ సొసైటీ ఆధ్వర్యంలో రక్తదాన శిబిరం నిర్వహించారు. ఈ సందర్భంగా వీసీ మాట్లాడుతూ.. అత్యవసర పరిస్థితుల్లో రక్తం అందక ఎంతో మంది చనిపోతున్నారని, యువత, విద్యార్థులు స్వచ్ఛందంగా ముందుకు వచ్చి రక్తదానం చేయాలని పిలుపునిచ్చారు. ఈ రక్తదాన శిబిరంలో విద్యార్థులు, అధ్యాపకుల నుంచి 42 యూనిట్ల రక్తాన్ని అందించినట్లు తెలిపారు. ఈ కార్యక్రమంలో ఎన్‌ఎస్‌ఎస్‌ కో ఆర్డినేటర్‌ మారం వెంకటరమణారెడ్డి, రిజిస్ట్రార్‌ కొప్పుల అంజిరెడ్డి, ప్రొఫెసర్‌ విజయ్‌బాబు, హరీష్‌, ఆనంద్‌, కిరణ్‌, రమేష్‌నాయక్‌ పాల్గొన్నారు. ఉద్యోగ నియామక పత్రాలు అందజేతనల్లగొండ టూటౌన్‌ : మహాత్మాగాంధీ యూనివర్సిటీలోని ఇంజనీరింగ్‌ కళాశాలలో నిర్వహించిన ప్లేస్‌మెంట్‌ డ్రైవ్‌లో ఎంపికై న అభ్యర్థులకు బుధవారం వైస్‌ చాన్స్‌లర్‌ ఖాజా అల్తాఫ్‌ హుస్సేన్‌ నియామక పత్రాలు అందజేశారు. అనంతరం ఇంజనీరింగ్‌ కళాశాల ప్రిన్సిపాల్‌ హరీష్‌కుమార్‌ మాట్లాడుతూ.. ప్లేస్‌మెంట్‌ డ్రైవ్‌లో 16 మంది విద్యార్థులు ఉద్యోగాలకు ఎంపికై నట్లు తెలిపారు. ఈ కార్యక్రమంలో రిజిస్ట్రార్‌ కె. అంజిరెడ్డి, ప్లేస్‌మెంట్‌ కోఆర్డినేటర్‌ మారేశ్వర్‌రావు, జయంతి, డీన్‌ రేఖ తదితరులు పాల్గొన్నారు.

నడిగూడెం : జపాన్‌ పాఠశాలల్లో చదువుతో పాటు వ్యక్తిత్వ వికాసం, సామాజిక బాధ్యత, సామాజిక విలువలు, సమయపాలనకు సమాన ప్రాధాన్యత ఇవ్వడం బాగుంది. మన విద్యా వ్యవస్థ కంటే జపాన్‌ విద్యా వ్యవస్థ 25 ఏళ్లు ముందుంది. విద్యా వ్యవస్థలో మనం 2026లో ఉంటే, ఆ దేశంలోని విద్య 2050 నాటి స్థాయిలో పురోగతిలో ఉంది. అక్కడి ప్రాథమిక విద్య నుంచి యూనివర్సిటీ విద్య వరకు బోధన అంతా మాతృభాషలోనే సాగుతుంది. ఉన్నత హోదాల్లో, పెద్ద స్థాయిలో ఉన్నవారు సైతం ఇంగ్లిష్‌ మాట్లాడేందుకు ఆసక్తి చూపరు. ప్రపంచంలోనే ఉత్తమమైన జపాన్‌ విద్యా విధానాలను, అక్కడ అధ్యయనం చేసిన పలు అంశాలను మన తెలంగాణలోనూ అమలు చేయడానికి చేస్తే మంచి ఫలితాలు వస్తాయి. – తాళ్లూరి సాయిఈశ్వరి, ప్రిన్సిపాల్‌, కరివిరాల మోడల్‌ స్కూల్‌, నడిగూడెం

జపాన్‌లోమాతృభాషలోనే ఉన్నతవిద్య మన రాష్ట్ర విద్యార్థులను ఉన్నతంగా ఉన్నతంగా తీర్చిదిద్దాలనే ఉద్దేశంతో ప్రపంచంలోనే అత్యుత్తమ విద్యా విధానాలు అమలుచేస్తున్న దేశాల్లోని పాఠశాలలను అధ్యయనం చేసేందుకు ఉపాధ్యాయుల బృందాలను రాష్ట్ర ప్రభుత్వం అక్కడికి పంపించింది. ఇటీవల ఒక బృందం జపాన్‌, మరొక బృందం సింగపూర్‌ దేశాల్లో పర్యటించారు. ఆయా దేశాలకు వెళ్లిన అధ్యయన బృందంలో ఉమ్మడి జిల్లాకు చెందిన నలుగురు ప్రభుత్వ ఉపాధ్యాయులు.. అక్కడ పరిశీలించిన విద్యా విశేషాలను సాక్షితో పంచుకున్నారు. అక్కడి విద్యా విధానాలపై అధ్యయన బృందం మనోగతం పెద్దవూర : జపాన్‌లో కిండర్‌ గార్డెన్‌ నుంచి ఉన్నత విద్య (పీహెచ్‌డీ) వరకు బోధన అంతా వారి మాతృభాషలోనే సాగుతుంది. దీని వలన విద్యార్థులు ఏ విషయాన్నైనా సులభంగా అర్థం చేసుకుంటున్నారు. అక్కడి యువత తమ దేశంలోనే ఉంటూ జపాన్‌ అభివృద్ధికి ఉపయోగపడుతున్నారు. జపాన్‌ విద్యా విధానంలో కిండర్‌ గార్డెన్‌, ప్రాథమిక పాఠశాలల స్థాయిలో పుస్తక చదువుల కన్నా విలువలు, క్రమశిక్షణ, సమయపాలన, పరిశుభ్రతలకే అధిక ప్రాధాన్యమిస్తున్నారు. చివరికి కిండర్‌ గార్డెన్‌ చిన్న పిల్లలు సైతం తమ తరగతి గదులను తామే శుభ్రం చేసుకుంటారు. సెకండరీ స్కూల్‌ స్థాయిలో ప్రతి విద్యార్థికి ప్రాక్టికల్‌ అనుభవం లభించేలా అత్యాధునిక ప్రయోగశాలలు అందుబాటులో ఉన్నాయి. డిజిటల్‌ లెర్నింగ్‌కు ఎక్కువ ప్రాధాన్యత ఇస్తూ ప్రతి విద్యార్థికి ప్రత్యేకంగా ఒక్కో ల్యాప్‌టాప్‌ కేటాయించారు. సెకండరీ పాఠశాలల్లో కో–ఎడ్యుకేషన్‌ విధానం ఉంటూ, ఎలాంటి లింగభేదం లేకుండా ప్రతి బెంచీలో ఒక అమ్మాయి, ఒక అబ్బాయి కూర్చుంటారు. విద్యార్థులే సొంతంగా రోబోలను తయారు చేస్తున్నారు. వారికి పోటీలు నిర్వహించి ఉపాధ్యాయులు ప్రోత్సహిస్తున్నారు. ప్రతి విద్యార్థి సొంతంగా విడి భాగాలను డిజైన్‌ చేసుకుంటూ బైక్‌లను సైతం అసెంబుల్‌ చేస్తున్నారు. దివ్యాంగులకు ప్రత్యేక శ్రద్ధ.. స్పెషల్‌ ఎడ్యుకేషన్‌ పాఠశాలల్లో దివ్యాంగులైన విద్యార్థుల కోసం ఒక్కో విద్యార్థికి ఒక ఉపాధ్యాయుడిని కేటాయించి ప్రత్యేక శ్రద్ధ తీసుకుంటున్నారు. మానసిక దివ్యాంగులు సైతం పైథాన్‌ కోడింగ్‌ సులభంగా చేయగల్గుతున్నారు. దివ్యాంగుల మానసిక, శారీరక ఎదుగుదల కోసం ప్రత్యేక పరికరాలు, చిన్నచిన్న ఎలక్ట్రానిక్‌ డివైజ్‌లు రూపొందించారు. వారి కోసం ప్రత్యేకంగా డిజైన్‌ చేసిన స్విమ్మింగ్‌ పూల్స్‌ ఉన్నాయి. స్విమ్మింగ్‌ నేర్పించడానికి ఒక్కో విద్యార్థికి ఒక కోచ్‌ ఉన్నారు. – అడపాల వాణి, గెజిటెడ్‌ హెచ్‌ఎం, వెంకటేశ్వర్‌నగర్‌(మాల్‌) జెడ్పీఉన్నత పాఠశాల

● ముగ్గురు ప్రయాణికులకు గాయాలుమోతె : అతివేగంగా ప్రయాణిస్తున్న ట్రావెల్స్‌ బస్సు అదుపుతప్పి బోల్తా పడటంతో ముగ్గురు ప్రయాణికులకు గాయాలయ్యాయి. ఈ ఘటన మోతె మండలం హుస్సేన్‌బాద్‌ గ్రామ శివారులో బుధవారం జరిగింది. పోలీసులు తెలిపిన వివరాల ప్రకారం.. హైదరాబాద్‌ నుంచి ఏపీలోని విశాఖపట్నంకు వెళ్తున్న మైత్రి ట్రావెల్స్‌ బస్సును డ్రైవర్‌ అజాగ్రత్తగా నడపడంతో మార్గమధ్యలో మోతె మండలం హుస్సేన్‌బాద్‌ గ్రామ శివారులో పెట్రోల్‌ బంక్‌ వద్ద బుధవారం తెల్లవారుజామున అదుపుతప్పి బోల్తాపడింది. బస్సులో 36 మంది ప్రయాణికులు ఉంగా.. సూరపురెడ్డి విజయకుమారి, జోగు పవన్‌, ఈశ్వర్‌కు గాయాలయ్యాయి. వీరిని చికిత్స నిమిత్తం అంబులెన్స్‌లో సూర్యాపేట ఏరియా ఆస్పత్రికి తరలించారు. మరో 8 మందికి స్వల్ప గాయాలు కాగా.. మిగిలిన ప్రయాణికులు సురక్షింతంగా ఉన్నారు. ప్రయాణికుడు వి. జగదీష్‌ ఫిర్యాదు మేరకు బస్సు డ్రైవర్‌ రమణ శంకర్‌పై కేసు నమోదు చేసి దర్యాప్తు చేస్తున్నట్లు మోతె ఎస్‌ఐ బి. లచ్చిరెడ్డి తెలిపారు. ఎల్‌ఆర్‌ఎస్‌ను నిరంతరం కొనసాగించాలి ● రియల్‌ ఎస్టేట్‌ వ్యాపారుల అసోసియేషన్‌ రాష్ట్ర అధ్యక్షుడు వీరస్వామిగౌడ్‌ సూర్యాపేట : లేఅవుట్‌ రెగ్యులరైజేషన్‌ స్కీం(ఎల్‌ఆర్‌ఎస్‌) విధానాన్ని నిరంతరం కొనసాగించాలని రియల్‌ ఎస్టేట్‌ వ్యాపారుల అసోసియేషన్‌ రాష్ట్ర అధ్యక్షుడు పంతంగి వీరస్వామిగౌడ్‌ ప్రభుత్వాన్ని కోరారు. బుధవారం సూర్యాపేట జిల్లా కేంద్రంలో ఏర్పాటు చేసిన విలేకరుల సమావేశంలో ఆయన మాట్లాడారు.. ప్రభుత్వం ఇటీవల సబ్‌ రిజిస్ట్రార్‌ కార్యాలయాల్లో ఎల్‌ఆర్‌ఎస్‌ను నిలిపివేయడంతో ప్రజలు తీవ్ర ఇబ్బందులు పడుతున్నారని అన్నారు. పాత పద్ధతిలోనే ఎల్‌ఆర్‌ఎస్‌ను కొనసాగించాలని విజ్ఞప్తి చేశారు. ఎకరం, రెండు ఎకరాలలోపు ఉన్న భూములకు నాలా కన్వర్షన్‌ మీదనే ప్లాట్లకు నంబర్లు వేసి రిజిస్ట్రేషన్లు చేసేలా మార్గదర్శకాలు విడుదల చేయాలన్నారు. గతంలో ఎల్‌ఆర్‌ఎస్‌ కోసం రూ.10వేలు చెల్లించిన వారికి రిజిస్ట్రేషన్‌ చేసుకునేలా అవకాశం కల్పించాలన్నారు. 22–ఏ నిషేధిత భూముల సమస్యను త్వరగా పరిష్కరించాలన్నారు. ఈ సమావేశంలో జిల్లా రియల్‌ ఎస్టేట్‌ అధ్యక్షుడు జలగం సత్యంగౌడ్‌, జిల్లా ప్రధాన కార్యదర్శి వెన్నా శ్రీనివాస్‌రెడ్డి, రాష్ట్ర కార్యదర్శి అమరవాది శ్రావణ్‌, రాష్ట్ర కార్యదర్శి కంభంపాటి అంజయ్యగౌడ్‌, ఆకుల మారయ్య గౌడ్‌, మల్లయ్యగౌడ్‌, రాపర్తి జానయ్య, విన్ను, నరేష్‌, పట్టేటి కిరణ్‌, మాదిరెడ్డి గోపాల్‌రెడ్డి, సారగండ్ల కోటేష్‌ తదితరులు పాల్గొన్నారు.

చండూరు : బైక్‌ వెళ్తున్న వ్యక్తి అదుపుతప్పి కిందపడి మృతిచెందాడు. ఈ ఘటన చండూరు ఉడతలపల్లి గ్రామ శివారులో మంగళవారం రాత్రి జరిగింది. బుధవారం పోలీసులు తెలిపిన వివరాల ప్రకారం.. కనగల్‌ మండలం పొనుగోడు గ్రామానికి చెందిన బండమీది శ్రీనివాస్‌ కురంపల్లిలో బైక్‌ మెకానిక్‌ షాపు నిర్వహిస్తున్నాడు. మంగళవారం రాత్రి మెడిసిన్‌ కోసం చండూరుకు వచ్చి తిరిగి ఇంటికి వెళ్తుండగా.. ఉడతలపల్లి గ్రామ శివారులోకి రాగానే బైక్‌ అదుపుతప్పి కిందపడ్డాడు. శ్రీనివాస్‌ తలకు తీవ్ర గాయాలవ్వడంతో అక్కడికక్కడే మృతిచెందాడు. శ్రీనివాస్‌ ఇంటికి రాకపోవడంతో రాత్రంతా కుటుంబ సభ్యులు అతడి కోసం గాలించారు. బుధవారం ఉదయం అటుగా వెళ్తున్న వారు శ్రీనివాస్‌ మృతదేహాన్ని గుర్తించి పోలీసులకు సమాచారం ఇచ్చారు. పోలీసులు ఘటనా స్థలానికి చేరుకుని వివరాలు సేకరించి కుటుంబ సభ్యులకు సమాచారం ఇచ్చారు. మృతుడి భార్య నాగలక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ శివకుమార్‌ తెలిపారు. స్కూల్‌ బస్సు ఢీకొని మహిళ దుర్మరణంకోదాడరూరల్‌ : స్కూల్‌ బస్సు ఢీకొని మహిళా మృతిచెందింది. ఈ ఘటన కోదాడ పట్టణంలో బుధవారం జరిగింది. అనంతగిరికి చెందిన గుడిచుట్టు ఉపేంద్రమ్మ(43) అనంతగిరి శివారులోని అనురాగ్‌ ఇంజినీరింగ్‌ కళాశాలలో ల్యాబ్‌ అసిస్టెంట్‌గా పనిచేస్తోంది. ఆమె భర్త చనిపోవడంతో కుమారుడు, కుమార్తెను చదివించుకుంటూ కోదాడలోని నయానగర్‌లో ఉంటూ ప్రతిరోజు ఉద్యోగానికి వెళ్లి వస్తుంది. బుధవారం సాయంత్రం విధులు ముగించుకొని సహోద్యోగి శిరీష ద్విచక్ర వాహనంపై కోదాడకు వస్తుండగా.. మార్గమధ్యలో బోడిగుట్ట వద్దకు రాగానే ప్రైవేట్‌ స్కూల్‌ బస్సు వేగంగా వచ్చి ద్విచక్ర వాహనాన్ని ఢీకొట్టింది. దీంతో ఇద్దరు అదుపుతప్పి కిందపడిపోయారు. వెనుక కూర్చున్న ఉపేంద్రమ్మ బస్సు టైరు కింద పడటంతో అక్కడికక్కడే మృతి చెందింది. సమాచారం తెలుసుకున్న పోలీసులు ఘటనాస్థలానికి చేరుకుని మృతదేహాన్ని పోస్టుమార్టం నిమిత్తం కోదాడ ప్రభుత్వాస్పత్రికి తరలించారు. మృతురాలి అన్న గోళ్ల పున్నయ్య ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. మరదలి అంత్యక్రియలకు వచ్చి వదిన మృతినేరేడుచర్ల : అనారోగ్యంతో మృతిచెందిన మరదలిని చివరిసారిగా చూసేందుకు వచ్చిన వదిన కూడా అనుకోని పరిస్థితుల్లో మృతిచెందింది. ఈ ఘటన నేరేడుచర్ల మున్సిపాలిటీ పరిధిలో బుధవారం జరిగింది. వివరాలు.. నేరేడుచర్ల మున్సిపాలిటీలోని నర్సయ్యగూడెంకు చెందిన బుజునూరి రామచంద్రమ్మ (82) అనారోగ్యంతో బాధపడుతూ బుధవారం మృతిచెందింది. రామచంద్రమ్మను చివరి చూపు చూసేందుకు ఆమె వదిన వంటెద్దు వెంకటమ్మ(87) నర్సయ్యగూడేనికి వచ్చింది. మరదలి భౌతికకాయన్ని చూసిన వెంకటమ్మ ఎదురుగా ఉన్న తన తమ్ముడు పెదకోటిరెడ్డి ఇంటికి వెళ్లింది. అక్కడ కుటుంబ సభ్యులతో కలిసి వెంకటమ్మ భోజనం చేస్తుండగా అన్నం ముద్ద గొంతులో ఇరుక్కోవడంతో అస్వస్థతకు గురై మృతిచెందింది. గంటల వ్యవధిలోనే వదిన, మరదలు మృతిచెందడంతో బంధువులు కన్నీరుమున్నీరుగా విలపించారు.

సింగపూర్‌ తిరుమలగిరి(తుంగతుర్తి) : సింగపూర్‌లోని విద్యాలయాల్లో పరిశుభ్రతకు అత్యంత ప్రాధాన్యం ఇస్తారు. ప్రభుత్వ విద్యాలయాలు కార్పొరేట్‌ స్థాయిలో కనిపిస్తాయి. విద్యార్థులకు ప్రాథమిక స్థాయి నుంచే ఆటలు, నైతిక విలువల పెంపుదలకు తరగతులు నిర్వహిస్తారు. ఎవరి పనిని వారు చేసుకునేలా చిన్నప్పటి నుంచే ప్రోత్సహిస్తారు. ఒకటి నుంచి ఆరు సంవత్సరాల వరకు ప్రైమరీ, ఏడు సంవత్సరాలకు ఫస్ట్‌ క్లాస్‌ ప్రారంభమవుతుంది. ఉపాధ్యాయులు, పోషకులు, సమాజం ఎవరి పాత్రను వారు ఆదర్శంగా నిర్వహిస్తారు. ప్రతిఒక్కరూ జవాబుదారీతనంతో ఉంటారు. అందుకే అక్కడ విద్యతో ముడిపడి ఉన్న ఏ చోటా బాధ్యతారాహిత్యం కనిపించదు. తరగతి గదుల్లో విద్యార్థులందరికీ ట్యాబ్‌ల ద్వారా విద్య బోధన జరుగుతుంది. ఉదయం ఏడున్నర నుంచి మధ్యాహ్నం ఒకటిన్నర వరకు పాఠశాల ఉంటుంది. ఆటపాటల ద్వారా విద్యాబోధన జరుగుతుంది. విద్యార్థులకు కమ్యూనికేషన్‌ స్కిల్స్‌ ఎక్కువ నేర్పుతారు. సింగపూర్‌లో ఇంగ్లిష్‌ తర్వాత మాతృభాషకు ప్రాధాన్యత ఉంటుంది. పెద్ద స్థాయిలో ఉన్న వారు సైతం ఆంగ్లంలో మాట్లాడేందుకు ఇష్టపడతారు. ప్రత్యేక అవసరాలు కలిగిన పిల్లలకు చక్కని విద్యా విధానం అమల్లో ఉంది. – ఉప్పు మంగతాయి, ఉపాధ్యాయురాలు, ఎంపీపీఎస్‌ తొండ, తిరుమలగిరి

చౌటుప్పల్‌ : ఆర్థిక ఇబ్బందులు తలెత్తడంతో ఓ యువకుడు తన సమీప బంధువైన వృద్ధురాలిని హత్య చేసి బంగారు, వెండి ఆభరణాలతో ఉడాయించాడు. ఈ ఘటన జరిగిన మూడు రోజుల్లోనే పోలీసులు నిందితుడిని గుర్తించి రిమాండ్‌కు తరలించారు. బుధవారం చౌటుప్పల్‌ సీఐ మన్మథకుమార్‌ తెలిపిన వివరాల ప్రకారం.. చౌటుప్పల్‌ మండలం తూప్రాన్‌పేట గ్రామానికి చెందిన మంటిపల్లి యాదమ్మ(70) తన భర్త నుంచి విడిపోయి గత 50ఏళ్లుగా తూప్రాన్‌పేటలో ఒంటరిగానే నివాసం ఉంటుంది. గత నెల 26న రాత్రి యాదమ్మ తన ఇంట్లోనే మృతిచెందగా.. సమీప బంధువులు పోలీసులకు సమాచారం అందించారు. యాదమ్మ ఒంటిపై చిన్నచిన్న గాయాలు సైతం గుర్తించారు. పోలీసులు అనుమానాస్పద మృతిగా కేసు నమోదు చేసుకున్నారు. సాంకేతిక ఆధారాలతో నిందితుడి గుర్తింపు కేసు విచారణ చేపట్టిన పోలీసులు ముందుగా పోస్టుమార్టం వివరాలను పరిశీలించారు. అదేవిధంగా హత్య జరిగిన రోజు మృతురాలి ఇంటి పరిసరాల్లోని కాల్‌డేటాతో పాటు ఇతర సాంకేతిక ఆధారాలను గుర్తించారు. ఆ ప్రకారంగా మృతురాలిని తూప్రాన్‌పేట గ్రామానికే చెందిన ఆమె సమీప బంధువైన మంటిపల్లి రాజు హత్య చేసినట్లు నిర్ధారించారు. రాజును బుధవారం అతడి ఇంటి వద్ద పోలీసులు అదుపులోకి తీసుకొని విచారించగా.. తనకు ఆర్థిక ఇబ్బందులు తలెత్తాయని, నెలవారీ ఈఎంఐలు చెల్లించలేక ఇబ్బంది పడుతున్నానని, ఈ నేపథ్యంలోనే తనకు వరుసకు అమ్మమ్మ అయిన యాదమ్మను హత్య చేసినట్లు ఒప్పుకున్నాడు. నిందితుడి నుంచి ద్విచక్ర వాహనం, బంగారు, వెండి ఆభరణాలు, సెల్‌ఫోన్‌ స్వాధీనం చేసుకుని స్థానిక కోర్టులో హాజరుపర్చి నల్లగొండ జైలుకు తరలించినట్లు సీఐ తెలిపారు. హత్య చేసింది మృతురాలి సమీప బంధువే నిందితుడి రిమాండ్‌

పెన్‌పహాడ్‌ : సమగ్ర విద్యకు ప్రాధాన్యత ఇస్తూ, విభిన్న అభ్యసన అవసరాలు ఉన్న విద్యార్థులకు తగిన సహకారం అందిస్తున్నారు. జపాన్‌లో గణిత బోధనలో విద్యార్థుల సామర్థ్యాలకు అనుగుణంగా విభిన్న సమూహాలను ఏర్పాటు చేసి బోధించడం, తరగతి సమావేశాలు, బృంద కార్యకలాపాల ద్వారా సహకారం, నిర్ణయాలు తీసుకోవడం, ఇతరులను అర్థం చేసుకోవడం వంటి నైపుణ్యాలను పెంపొందించడం గమనించదగిన అంశాలు. కిండర్‌ గార్డెన్‌లో ఆటలు, ప్రకృతి పరిశీలన, తోట పని, సంగీతం, కథలు, సృజనాత్మకత కార్యకలాపాల ద్వారా పిల్లలకు అనుభవవాత్మక విద్యను అందిస్తున్నారు. పిల్లల్లో స్వతంత్ర సామాజిక నైపుణ్యాలు, కమ్యూనికేషన్‌కు ప్రత్యేక ప్రాధాన్యం ఉంది. విద్యార్థులే స్వయంగా తమ తోటి విద్యార్థులకు క్రమశిక్షణతో ఆహారాన్ని వడ్డించడం నేర్చుకుంటారు. తరగతి గదులు, కారిడార్లు, పాఠశాల ప్రాంగణాన్ని విద్యార్థులే క్రమం తప్పకుండా శుభ్రం చేస్తారు. బాధ్యత, క్రమశిక్షణ, సహకారం, సమయపాలన, సహకారం వంటి విలువలను పెంపొందించడానికి అక్కడి పాఠశాలల్లో ప్రత్యేక కార్యకలాపాలు నిర్వహిస్తున్నారు. – మారం పవిత్ర, ఉపాధ్యాయురాలు, జెడ్పీహెచ్‌ఎస్‌ పెన్‌పహాడ్‌

రామగిరి(నల్లగొండ) : నల్లగొండ పట్టణంలోని హజ్రత్‌ సయ్యద్‌ షా లతీఫ్‌ ఉల్లా ఖాద్రీ ఉర్సు గురువారం నుంచి మూడు రోజుల పాటు జరగనున్నాయి. ఈ సందర్భంగా ఉర్సు పరిసర ప్రాంతాలను విద్యుత్‌ దీపాలతో అలంకరించారు. వ్యాపారులు మిఠాయిలు, బొమ్మల దుకాణాలను నెలకొల్పారు. భక్తులకు ఇబ్బందులు కలగకుండా పోలీసు శాఖ మరియు స్థానిక యంత్రాంగం చర్యలు చేపట్టారు. ● మొదటి రోజు గురువారం సాయంత్రం 5:30 గంటలకు మదీనా మసీదు ప్రాంగణం నుంచి గంధం ఊరేగింపు ప్రారంభమవుతుంది. ఆ తర్వాత దర్గా ప్రాంగణంలో ప్రత్యేక దురూద్‌ మరియు నాత్‌ షరీఫ్‌ కార్యక్రమం ఉంటుంది. రాత్రి మతపెద్దలు సయ్యద్‌ సమేతుల్లా ఖాద్రీ, సయ్యద్‌ గౌస్‌ ఉల్లా ఖాద్రీ, సయ్యద్‌ సల్మాన్‌ ఖాద్రీలచే ధార్మిక ప్రసంగాలు ఉంటాయి. ● రెండో రోజు శుక్రవారం మసీదు అవ్వల్‌ తాలుక్దారీ వద్ద సయ్యద్‌ ముహమ్మద్‌ మసీహుద్దీన్‌ గారి అధ్యక్షతన జలాలుద్దీన్‌ సిరాత్‌–ఉన్‌–నబి సీరత్‌ ఏ ఔలియా మహ్ఫిల్‌ నిర్వహిస్తారు. పవిత్ర ఖురాన్‌ పఠనం, ఫాతెహా ప్రార్థనలు మరియు తబర్రుక్‌ (ప్రసాదం) పంపిణీ జరుగుతుంది. తర్వాత దర్గా షరీఫ్‌లో చిరాగాన్‌ (దివ్య దీపాలంకరణ) మహోత్సవం సాగుతుంది. సాయంత్రం నుంచి రాత్రి వరకు దర్గా మెట్ల వద్ద షబ్‌ ఏ హషిమ్‌ పత్యేక సభ మరియు ఆధ్యాత్మిక ఉపన్యాసాలు ఉంటాయి. ● మూడో రోజు శనివారం రాత్రి దర్గా షరీఫ్‌ ప్రాంగణంలోని మెట్ల వద్ద ప్రత్యేక మహెఫిలే కవ్వాలి కార్యక్రమం అట్టహాసంగా జరుగుతుంది. ఇందులో హైదరాబాద్‌కు చెందిన ఆధ్యాత్మిక కవ్వాల్‌ సయ్యద్‌ ఇక్బాల్‌ అహ్మద్‌ ఖాద్రీ బృందం తమ సుమధుర కవ్వాలీలతో అలరించనున్నారు. మూడు రోజుల పాటు ఉత్సవాలు మదీనా మసీదు ప్రాంగణం నుంచి గంధం ఊరేగింపు

గ్రాడ్యుయేట్‌ ఎమ్మెల్సీ ఎన్నికల సందడి మొదలు కాంగ్రెస్‌ అభ్యర్థి గెలుపు బాధ్యతను మూడు ఉమ్మడి జిల్లాలకు చెందిన ఆరుగురు మంత్రులపై పార్టీ అధిష్టానం పెట్టినట్లు తెలుస్తోంది. నల్లగొండ ఉమ్మడి జిల్లాలో మంత్రులు నలమాద ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి, ఖమ్మం ఉమ్మడి జిల్లాలో ఉప ముఖ్యమంత్రి భట్టి విక్రమార్క, మంత్రులు పొంగులేటి శ్రీనివాస్‌రెడ్డి, తుమ్మల నాగేశ్వర్‌రావు, వరంగల్‌ ఉమ్మడి జిల్లాలో మంత్రి సీతక్క ఎమ్మెల్సీ ఎన్నిక బాధ్యతలు తీసుకుని.. మూడు ఉమ్మడి జిల్లాల్లో పార్టీ శ్రేణులను సమన్వయం చేయనున్నారు. అభ్యర్థిని ప్రకటించిన కాంగ్రెస్‌ పార్టీ ఇక ప్రచారంపై దృష్టి పెట్టనుంది. తొలుత పట్టభద్రుల ఓటర్ల నమోదుపై పార్టీ శ్రేణులను అప్రమత్తం చేయనుంది. ఇప్పటికే పలుచోట్ల కాంగ్రెస్‌ పార్టీ నేతలు ఓటరు నమోదు ప్రక్రియను చేపట్టారు. కాలనీల్లోని గ్రాడ్యుయేట్లకు మెసేజ్‌లు పంపిస్తున్నారు. మరోవైపు నియోజకవర్గ పరిధిలోని మూడు ఉమ్మడి జిల్లాల్లో సమావేశాలు నిర్వహించేందుకు సిద్ధమవుతోంది. ఫ రాంరెడ్డి సర్వోత్తమ్‌రెడ్డిని అభ్యర్థిగా ప్రకటించిన కాంగ్రెస్‌ ఫ గెలుపు బాధ్యతను ఆరుగురు మంత్రులపై పెట్టిన అధిష్టానం ఫ బీఆర్‌ఎస్‌ నుంచి రాకేష్‌రెడ్డిని అధికారికంగా ప్రకటించడమే తరువాయి.. ఫ ఇప్పటికే సమావేశాలు నిర్వహిస్తున్న గులాబీ శ్రేణులు ఫ అభ్యర్థి ఖరారుపై దృష్టిసారించిన బీజేపీ పట్టభద్రుల ఎమ్మెల్సీ ఎన్నికల సందడి మొదలైంది. వరంగల్‌–ఖమ్మం–నల్లగొండ పట్టభద్రుల ఎమ్మెల్సీ స్థానానికి కాంగ్రెస్‌ పార్టీ ముందుగానే అభ్యర్థిని ప్రకటించి పార్టీ క్యాడర్‌ను సిద్ధం చేసింది. ఇక ఇప్పటికే క్షేత్రస్థాయిలో సమావేశాలు నిర్వహిస్తున్న రాకేష్‌రెడ్డి పేరును బీఆర్‌ఎస్‌ అధికారికంగా ప్రకటించడమే మిగిలింది. బీజేపీ.. అభ్యర్థి ఎంపికపై కసరత్తు చేస్తోంది. ప్రధాన పార్టీల అభ్యర్థులు ఖరారైన వెంటనే ప్రచారం ఊపందుకోనుంది. 2027 మార్చిలో ఖాళీ కానున్న స్థానంవరంగల్‌ – ఖమ్మం – వరంగల్‌ పట్టభద్రుల ఎమ్మెల్సీగా ఉన్న తీన్మార్‌ మల్లన్న (చింతపండు నవీన్‌) పదవీకాలం 2027 మార్చితో ముగియనుంది. దీంతో ఎన్నికల సంఘం ఎన్నికల ప్రక్రియను ప్రారంభించింది. ఓటర్ల నమోదు కోసం ఎన్నికల అధికారి, నల్లగొండ కలెక్టర్‌ బి.చంద్రశేఖర్‌ షెడ్యూల్‌ ప్రకటించారు. ప్రస్తుతం పట్టభద్రుల ఓటర్ల నమోదు ప్రక్రియ కొనసాగుతోంది. ఎన్నికల బరిలోకి దిగే అభ్యర్థిని కాంగ్రెస్‌ పార్టీ ముందుగానే ప్రకటించింది. మాజీ మంత్రి, దివంగత రాంరెడ్డి దామోదర్‌రెడ్డి కుమారుడైన సర్వోత్తమ్‌రెడ్డికి పార్టీ అవకాశం కల్పించింది. మొన్నటి అసెంబ్లీ ఎన్నికల్లో దామోదర్‌రెడ్డి సూర్యాపేట నుంచి పోటీ చేసి ఓడిపోయారు. అనంతరం అనారోగ్యంతో ఆయన మరణించారు. ఈ నేపథ్యంలో ఆయన కుమారుడిని ఎమ్మెల్సీ అభ్యర్థిగా ప్రకటించడం ప్రాధాన్యం సంతరించుకుంది. సమావేశాలు నిర్వహిస్తున్న బీఆర్‌ఎస్‌ బీఆర్‌ఎస్‌ ఇప్పటికే పట్టభద్రుల ఎమ్మెల్సీ ఎన్నికలపై దృష్టి సారించింది. మూడు ఉమ్మడి జిల్లాల్లో క్షేత్రస్థాయి సమావేశాలు నిర్వహిస్తూ పార్టీ శ్రేణులను ఎన్నికలకు సమాయత్తం చేస్తోంది. గత ఎన్నికల్లో పోటీ చేసి ఓడిపోయిన రాకేష్‌రెడ్డినే మరోసారి అభ్యర్థిగా ప్రకటించే అవకాశం ఉంది. అధికారిక ప్రకటన వెలువడాల్సి ఉంది. ఆయన క్షేత్రస్థాయిలో పర్యటిస్తూ గ్రాడ్యుయేట్లతో సమావేశాలు నిర్వహిస్తున్నారు. అభ్యర్థి ఎంపికకు బీజేపీ కసరత్తు బీజేపీ కూడా ఎమ్మెల్సీ అభ్యర్థి ఎంపికపై దృష్టి సారించింది. ఆశావహుల పేర్లను పరిశీలిస్తోంది. త్వరలోనే అభ్యర్థిని అధికారికంగా ప్రకటించే అవకాశం ఉంది. బుధవారం నల్లగొండ జిల్లాలో పర్యటించిన బీజేపీ రాష్ట్ర అధ్యక్షుడు రామచందర్‌రావు ఎమ్మెల్సీ అభ్యర్థిని అధిష్టానం ఎంపిక చేస్తుందని.. అదిష్టానం నిర్ణయానికి నాయకులంతా కట్టుబడి ఉంటామని తెలిపారు. క్షేత్ర స్థాయిలో మొదలైన సందడి ఈసారి ప్రధాన ఉపాధ్యాయ సంఘమైన పీఆర్‌టీయూ తమ అభ్యర్థిగా సుంకరి భిక్షంగౌడ్‌ పేరును ఖరారు చేసింది. ఆయన క్షేత్రస్థాఽయిలో ఉపాధ్యాయ సంఘాలతో సమావేశాలు నిర్వహిస్తున్నారు. గిరిజన సంఘం రాష్ట్ర అధ్యక్షుడు ధీరావత్‌ రవినాయక్‌ కూడా ప్రచారంలోకి దిగారు. సాక్షి ప్రతినిధి, నల్లగొండ కాంగ్రెస్‌ అభ్యర్థి ప్రొఫైల్‌ పేరు : రాంరెడ్డి సర్వోత్తమ్‌రెడ్డి తల్లిదండ్రులు : రాంరెడ్డి దామోదర్‌రెడ్డి, వరూధిని చదువు : ఎలక్ట్రానిక్స్‌ అండ్‌ కమ్యూనికేషన్స్‌ ఇంజనీరింగ్‌ రాజకీయ పదవులు : 2012 నుంచి కాంగ్రెస్‌ పార్టీలో చురుగ్గా పని చేస్తున్నారు. ఏఐసీసీ సభ్యుడిగా, తెలంగాణ పీసీసీ సభ్యుడిగా ఉన్నారు.

భూదాన్‌పోచంపల్లి: చేనేత కార్మికులకు మెరుగైన ఉపాధి కల్పించడమే లక్ష్యంగా దసరా పండుగకు ముందు పోచంపల్లిలో థ్రెడ్‌ పోచంపల్లి పేరిట చేనేత ఎక్స్‌పో ఏర్పాటుకు సన్నాహాలు చేస్తున్నామని కలెక్టర్‌ అనురాగ్‌ జయంతి వెల్లడించారు. బుధవారం పోచంపల్లిలో మున్సిపల్‌ చైర్మన్‌ తడక వెంకటేశ్వర్లు, చేనేత సహకార సంఘం అధ్యక్షుడు భారత లవకుమార్‌, టూరిస్ట్‌ అండ్‌ క్రియేటివ్‌ ఎకానమీ డెవలప్‌మెంట్‌ కన్సల్టెన్సీ ప్రతినిధులు సాహితీ, శ్రీనివాస్‌, స్థానిక చేనేత కార్మికులతో నిర్వహించిన సమీక్షా సమావేశంలో కలెక్టర్‌ మాట్లాడారు. థ్రెడ్‌ పోచంపల్లి ట్యాగ్‌లైన్‌ పై సొంతంగా వెబ్‌సైట్‌ రూపొందించుకొని వస్త్ర వ్యాపారాన్ని చేపట్టాలని సూచించారు. ఇక్కత్‌ అంటే కేవలం చీరలకు పరిమితం కాకుండా ఫర్నిషింగ్‌, ఇతర వైరెటీ ఉత్పత్తులను రూపొందించాలని సూచించారు. ఇక్కత్‌ డిజైన్‌ కలిగిన క్యాలెండర్‌, డైరీ, గిఫ్ట్‌లను తయారు చేయాలని చేనేత సహకార సంఘం నాయకులను కోరారు. పోచంపల్లిలో డిజైనింగ్‌ సెంటర్‌ ఏర్పాటు చేస్తామని ఓ సంస్థతో కూడ ఎంఓయూ జరిగిందన్నారు. కస్టమర్లకు నాణ్యమైన వస్త్రాలనే నమ్మకం కలిగించేందుకు చేనేత సహకార సంఘానికి క్యూర్‌ కోడ్‌ అమలు చేస్తున్నామని చెప్పారు. ఈ సమావేశంలో జిల్లా చేనేత జౌళిశాఖ ఏడీ శ్రీనివాసరావు, తహసీల్దార్‌ శ్రీనివాస్‌రెడ్డి, మున్సిపల్‌ కమిషనర్‌ అంజన్‌రెడ్డి, చేనేత నాయకులు తదితరులు పాల్గొన్నారు. రీ సర్వే, ఎస్‌ఐఆర్‌ ప్రక్రియలను వేగవంతం చేయండి సాక్షి, యాదాద్రి : జిల్లాలో భూ రీ–సర్వే, ఎస్‌ఐఆర్‌ ప్రక్రియలను నిర్దేశిత గడువులోగా పూర్తి చేయాలని కలెక్టర్‌ అనురాగ్‌ జయంతి అధికారులను ఆదేశించారు. బుధవారం కలెక్టరేట్‌లో రెవెన్యూ అదనపు కలెక్టర్‌ వెంకారెడ్డితో కలిసి జిల్లాలోని ఆర్డీఓలు, తహసీల్దార్లతో రీసర్వే, ఎస్‌ఐఆర్‌ పనుల పురోగతిపై కలెక్టర్‌ సమీక్షించి మాట్లాడారు. రీ–సర్వే, ఎస్‌ఐఆర్‌ ప్రక్రియల నిర్వహణలో ఎలాంటి పొరపాట్లకు తావివ్వొద్దని ఆదేశించారు. ఈ సమావేశంలో జిల్లా రెవెన్యూ అధికారి జయమ్మ, ఆర్డీఓ శేఖర్‌ రెడ్డి, తహసీల్దార్లు, రెవెన్యూ సిబ్బంది పాల్గొన్నారు. ఫ కలెక్టర్‌ అనురాగ్‌ జయంతి

సీజన్‌ ముగిసింది.. ఈ వానాకాలంలో 22 శాతం లోటు వర్షపాతం అత్యధిక లోటు వర్షపాతం నమోదైన మండలాలు (మి.మీలలో) మండలం సాధారణం కురిసింది లోటు శాతం బీబీనగర్‌ 543.3 275.8 –49 భువనగిరి 610.7 334.8 –45 పోచంపల్లి 552.9 343.9 –38 సాక్షి, యాదాద్రి: ఈ ఏడాది వానాకాలం సీజన్‌ రైతులను తీవ్ర నిరాశకు గురిచేసింది. సెప్టెంబర్‌ 30 నాటికి ప్రభుత్వం విడుదల చేసిన నివేదిక ప్రకారం.. జిల్లా వ్యాప్తంగా తీవ్ర వర్షాభావ పరిస్థితులు నెలకొన్నాయి. సగటున 22 శాతం లోటు వర్షపాతం నమోదు కావడంతో పంటల దిగుబడిపై తీవ్ర ప్రభావం పడింది. వానాకాలంలోనే పరిస్థితి ఇంత దారుణంగా ఉంటే, ఇక వచ్చే యాసంగి సీజన్‌లో సాగు ఎలా ముందుకు సాగుతుందన్న ఆందోళన రైతాంగంలో వ్యక్తమవుతోంది. జిల్లాలో కురిసింది 414.4మి.మీ. మాత్రమే సాధారణంగా జిల్లాలో వానాకాలం సీజన్‌లో 530.4 మిల్లీమీటర్ల వర్షపాతం కురవాల్సి ఉండగా, ఇప్పటివరకు కేవలం 414.4 మి.మీ. వర్షం మాత్రమే కురిసింది. ఇది సాధారణం కంటే 22 శాతం తక్కువ. జిల్లాలోని మొత్తం 17 మండలాల్లో ఏకంగా 12 మండలాలు లోటు వర్షపాతం నమోదు కావడం పరిస్థితి తీవ్రతకు అద్దం పడుతోంది. కేవలం 5 మండలాల్లో మాత్రమే సాధారణ వర్షపాతం నమోదైంది. ఈ సీజన్‌లో జిల్లాలోని ఏ ఒక్క మండలంలోనూ భారీ వర్షపాతం నమోదు కాలేదు. బీబీనగర్‌లో అత్యధిక లోటు .. లోటు వర్షపాతం నమోదైన మండలాల్లో బీబీనగర్‌ పరిస్థితి మరింత దారుణంగా ఉంది. అక్కడ –49 శాతం లోటుతో జిల్లాలోనే అత్యంత తక్కువ వర్షపాతం నమోదైన మండలంగా నిలిచింది. ఆతర్వాత భువనగిరిలో –45శాతం లోటు వర్షపాతం ఉంది. మూటకొండూర్‌లో –32శాతం, యాదగిరిగుట్టలో –30 శాతం మేర లోటు వర్షపాతం నమోదైంది. సాధారణ వర్షపాతం నమోదైన మండలాలు.. జిల్లాలోని తుర్కపల్లి, ఆత్మకూర్‌–ఎం , మోత్కూర్‌ , అడ్డగూడూర్‌, గుండాల మండలాల్లో సాధారణ వర్షపాతం నమోదైంది. అయితే, సరైన సమయంలో వానలు పడకపోవడం వల్ల ఈ వర్షాలు కూడా తమకు పెద్దగా ఉపయోగపడలేదని రైతులు వాపోతున్నారు. పంట నష్టాన్ని అంచనా వేసి.. తీవ్ర వర్షాభావంతో నష్టపోయిన రైతులను ఆదుకోవాల్సిన బాధ్యత ప్రభుత్వంపై ఉందని రైతులు, రైతు సంఘాలు కోరుతున్నాయి. వ్యవసాయ అధికారులు తక్షణమే స్పందించి లోటు వర్షపాతం ఉన్న మండలాల్లో పంట నష్టాన్ని అంచనా వేయాలని, ప్రత్యామ్నాయ నీటిపారుదల సదుపాయాలు కల్పించడంతో పాటు సహాయక చర్యలు చేపట్టాలని వారు డిమాండ్‌ చేస్తున్నారు.ఫ 12 మండలాల్లో తీవ్ర వర్షాభావం ఫ నిండని చెరువులు, పారని వాగులు ఫ అడుగంటుతున్న భూగర్భ జలాలు ఫ ఇక యాసంగి సాగు ఎలా అని రైతుల్లో ఆందోళన మూడు నెలల వానాకాలం ముగిసినా ఆశాజనకంగా వర్షాలు కురవకపోవడంతో జిల్లాలోని చెరువులు, కుంటలు వెలవెలబోతున్నాయి. సీజన్‌ మొత్తంలో ఒక్క వాగు కూడా పారిన దాఖలాలు లేవు. దీనికి తోడు వ్యవసాయ బావులు, బోరుబావుల్లో సైతం భూగర్భ జలమట్టాలు పడిపోతున్నాయి. సరైన సమయంలో నీరు అందకపోవడం వల్ల సాగు చేసిన వరి, పత్తి, కంది తదితర పంటల దిగుబడి గణనీయంగా తగ్గే అవకాశం ఉంది.

యాదగిరిగుట్ట: యాదగిరిగుట్ట డిపో ఆర్టీసీ కార్మికులు ఐఎన్‌టీయూసీ, టీడబ్ల్యూయూ, ఎస్‌డబ్ల్యూఎఫ్‌ ఐక్య కూటమి గౌరవ అధ్యక్షుడిగా ప్రభుత్వ విప్‌, ఆలేరు ఎమ్మెల్యే బీర్ల ఐలయ్యను ఏకగ్రీవంగా ఎన్నుకున్నారు. బుధవారం ప్రభుత్వ విప్‌ బీర్ల ఐలయ్యను కలిసిన ఐక్య కూటమి కార్మికులు నూతన కార్యవర్గాన్ని ఎన్నుకున్నారు. డిపో కార్యదర్శిగా గున్న ప్రభాకర్‌, గ్యారేజీ కార్యదర్శిగా నర్సింగ్‌రావ్‌, అధ్యక్షుడిగా ప్రవీణ్‌, సలహాదారులుగా ఏఆర్‌రెడ్డి, ఎన్‌.ఎల్లయ్య, ఉపాధ్యక్షుడిగా వై.స్వామి, ఎస్‌డబ్ల్యూఎఫ్‌ కార్యదర్శులుగా మార్త కృష్ణ, యాదప్ప, అడిషనల్‌ కార్యదర్శిగా జంగయ్య, రీజినల్‌ మెంబర్‌గా అనంతల శ్రీనివాస్‌, గ్యారేజీ సహాయ కార్యదర్శిగా బి.రాము, కోశాధికారిగా సత్తయ్య, మహిళా కార్యదర్శిగా లక్ష్మీబాయి, ఉపాధ్యక్షులుగా రమణ, పారిజాత, పుష్పలత, సుజాతలను ఎన్నుకున్నారు. భూ సమస్యల పరిష్కారానికి సర్వే దోహదంరామన్నపేట: భూ సమస్యల పరిష్కారానికి సర్వే దోహద పడుతుందని అదనపు కలెక్టర్‌ వెంకారెడ్డి పేర్కొన్నారు.బుధవారం రామన్నపేట మండలంలోని నిధానపల్లిలో ప్రయోగాత్మకంగా చేపట్టిన భూ సర్వే పనులను పరిశీలించి మాట్లాడారు. భూ సర్వేకు రైతులు సహకరించాలని కోరారు. రైతులకు భూధార్‌ కార్డులను అందజేస్తారని తెలిపారు. ఆయన వెంట తహసీల్దార్‌ సి.లాల్‌బహదూర్‌శాస్త్రి, ఆర్‌ఐ శోభ, మాజీ సర్పంచ్‌ గుత్తా నర్సింహారెడ్డి, సర్వే సిబ్బంది ఉన్నారు. సోషల్‌ జస్టిస్‌ కమిషన్‌ చైర్మన్‌గా మల్లికార్జున్‌ఆత్మకూరు(ఎం): ఆత్మకూరు(ఎం) మండలం కొరటికల్‌ గ్రామానికి చెందిన ఎన్‌. మల్లికార్జున్‌ నేషనల్‌ హ్యూమన్‌ రైట్స్‌ అండ్‌ సోషల్‌ జస్టిస్‌ కమిషన్‌ రాష్ట్ర చైర్మన్‌గా నియమితులయ్యారు. ఈ మేరకు కమిషన్‌ జాతీయ అధ్యక్షుడు డాక్టర్‌ మొహతాబ్‌రే బుధవారం నియామక ఉత్తర్వులు అందజేశారు. ఈ సందర్భంగా మల్లికార్జున్‌ మాట్లాడుతూ ప్రజలకు మానవ హక్కులపై అవగాహన కల్పించేందుకు ప్రత్యేక చర్యలు తీసుకుంటానన్నారు. నేటి నుంచి ఎస్‌ఏ–1 భువనగిరి: జిల్లాలోని ప్రభుత్వ, ప్రైవేటు పాఠశాలల్లో 1నుంచి 10 వ తరగతి చదువుతున్న విద్యార్థులకు సమ్మెటివ్‌ అసెస్‌మెంట్‌(ఎస్‌ఏ)–1 గురువారం నుంచి ఈ నెల 9 వరకు నిర్వహించనున్నారు. జిల్లాలో 871 పాఠశాలలు జిల్లా వ్యాప్తంగా ప్రాథమిక, ప్రాథమికోన్నత, జిల్లాపరిషత్‌, ప్రభుత్వ, ప్రైవేట్‌ కలిపి 871 స్కూళ్లు ఉన్నా యి. వీటిలో మొత్తం 78,231 మంది విద్యార్థులు చదువుకుంటున్నారు. వీరికి ఎస్‌ఏ–1 నిర్వహించనున్నారు. పాత పద్ధతిలోనే మూల్యాంకనం? ఇప్పటి వరకు ఆయా పాఠశాలల్లోనే సబ్జెక్టుల టీచర్లు పరీక్షల సమాధాన పత్రాలను మూల్యాంకనం చేసేవారు. కానీ ఈ సారి జవాబు పత్రాలను మరొక పాఠశాలకు తరలించి అక్కడి ఉపాధ్యాయులచే మూల్యాంకనం చేయించాలని విద్యాశాఖ నిర్ణయించింది. కానీ ఈ విధానం అమలుపై ఇప్పటి వరకు ఎలాంటి ఆదేశాలు రాలేదు. దీంతో జవాబు పత్రాల మూల్యాంకనం పాత పద్ధతిలోనే కొనసాగుతుందని భావిస్తున్నారు. పరీక్షలు ముగిసిన మరుసటి రోజు అంటే ఈనెల 10 నుంచి 22 వరకు దసరా సెలవులు ఇవ్వనున్నారు. 23న స్కూళ్లు పునః ప్రారంభం కానున్నాయి. ఎంఎల్‌హెచ్‌పీ పోస్టుల భర్తీకి దరఖాస్తుల ఆహ్వానంభువనగిరి: జిల్లాలో ఖాళీగా ఉన్న 12 ఎంఎల్‌హెచ్‌పీ(మిడ్‌లెవల్‌హెల్త్‌ ప్రొవైడర్‌) పోస్టుల భర్తీకి దరఖాస్తు చేసుకోవాలని డీఎంహెచ్‌ఓ డాక్టర్‌ మనోహర్‌ బుధవారం ఒక ప్రకటనలో తెలిపారు. అభ్యర్థులు ఎంబీబీఎస్‌, బీఏఎంఎస్‌ లేదా స్టాప్‌నర్స్‌ అర్హత కలిగి ఉండాలని పేర్కొన్నారు. ఎంపికై న ఎంబీబీఎస్‌ అర్హత కలిగినవారికి నెలకు రూ.40వేలు, స్టాఫ్‌నర్స్‌ అభ్యర్థులకు రూ. 29,900 వేతనం చెల్లించనున్నట్లు వివరించారు. ఈ నెల 5వ తేదీవరకు దరఖాస్తులు అందజేయాలని కోరారు.