Nagarkurnool District News

నాగర్‌కర్నూల్‌/కందనూలు: జిల్లాలో బియ్యం ధరల నియంత్రణకు పటిష్ట చర్యలు చేపడుతున్నట్లు కలెక్టర్‌ హేమంత్‌ కేశవ్‌ పాటిల్‌ అన్నారు. బుధవారం కలెక్టరేట్‌లోని వీసీ హాల్‌లో కలెక్టర్‌ అధ్యక్షతన నిర్వహించిన జిల్లా ధరల పర్యవేక్షణ కమిటీ సమావేశంలో నిత్యావసర వస్తువుల ధరలు, మార్కెట్‌లో వాటి లభ్యత, బియ్యం ధరల నియంత్రణ, నిల్వల పరిస్థితి, వినియోగదారుల ప్రయోజనాల పరిరక్షణకు తీసుకోవాల్సిన చర్యలపై సమగ్రంగా సమీక్షించారు. ఈ సందర్భంగా ఆయన మాట్లాడుతూ.. ప్రభుత్వ మార్గదర్శకాల ప్రకారం జిల్లాలో బియ్యం ధరలను నియంత్రించేందుకు చర్యలు తీసుకుంటున్నామన్నారు. అందులో భాగంగా వివిధ రకాల బియ్యం 26 కిలోల బస్తాల విక్రయాల ప్రాతిపదికన కిలోకు గరిష్ట చిల్లర ధరలను కమిటీ నిర్ణయించిందని వెల్లడించారు. బీపీటీ, కేఎన్‌ఎం రకం బియ్యం కిలో రూ.66, ఆర్‌ఎన్‌ఆర్‌, తెలంగాణ సోనా రూ.74, హెచ్‌ఎంటీ, జేఎస్‌ఆర్‌ రూ.79 చొప్పున గరిష్ట వినియోగదారు ధరలకు విక్రయించేందుకు రైస్‌ మిల్లర్లు, బియ్యం వ్యాపారులు అంగీకరించారని కలెక్టర్‌ తెలిపారు. బియ్యం బస్తాపై నిర్దేశించిన ధరలను తప్పనిసరిగా ముద్రించాలని సూచించారు. హోల్‌సేల్‌, రిటైల్‌ వ్యాపారులు, సూపర్‌ మార్కెట్ల నిర్వాహకులు నిర్ణయించిన గరిష్ట ధరల కంటే అధికంగా వసూలు చేయరాదని స్పష్టం చేశారు. కేవలం బ్రాండ్‌ పేరు లేదా బ్రాండ్‌ విలువ ఆధారంగా ఒకే రకం బియ్యాన్ని అధిక ధరకు విక్రయించడానికి అనుమతి లేదన్నారు. రైస్‌ మిల్లర్లు ప్రతి నెలా కొనుగోలు రిటర్న్‌లను సంబంధిత శాఖలకు సమర్పించాలని సూచించారు. బియ్యం ధరల నియంత్రణ నిబంధనల అమలును పర్యవేక్షించేందుకు పౌరసరఫరాలు, లీగల్‌ మెట్రాలజీ, విజిలెన్స్‌ అండ్‌ ఎన్‌ఫోర్స్‌మెంట్‌, టాస్క్‌ఫోర్స్‌ శాఖల అధికారులతో సంయుక్త బృందాలను ఏర్పాటుచేసి, నిరంతర తనిఖీలు నిర్వహించనున్నట్లు కలెక్టర్‌ తెలిపారు. ధరల లేబుళ్లలో అక్రమంగా మార్పులు చేయడం, తప్పనిసరిగా ముద్రించాల్సిన వివరాలను ముద్రించకపోవడం, నిర్ణీత గరిష్ట చిల్లర ధర కంటే అధిక ధరలను ముద్రించడం వంటి ఉల్లంఘనలకు పాల్పడితే సంబంధిత ప్యాకింగ్‌ యూనిట్లపై లీగల్‌ మెట్రాలజీ చట్టం–2009, ప్యాకేజ్డ్‌ కమోడిటీస్‌ నిబంధనలు–2011 ప్రకారం చర్యలు తీసుకుంటామని హెచ్చరించారు. అలాగే ప్రజాపంపిణీ వ్యవస్థ (పీడీఎస్‌) ద్వారా పేదలకు సరఫరాచేసే బియ్యం అక్రమ రవాణాను అరికట్టేందుకు పోలీసుశాఖతో సమన్వయం చేసుకుంటూ ప్రత్యేక నిఘా ఏర్పాటు చేయాలని అధికారులను ఆదేశించారు. జిల్లాలో స్థానిక వినియోగ అవసరాలకు సరిపడా బియ్యం, ధాన్యం నిల్వలు అందుబాటులో ఉండేలా కొనుగోళ్లు, నిల్వల స్థితిగతులను నిరంతరం పర్యవేక్షించాలని తెలిపారు. ధాన్యం ఇతర జిల్లాలకు లేదా పొరుగు రాష్ట్రాలకు తరలిపోతున్నట్లు సమాచారం అందిన వెంటనే సంబంధిత అధికారులు స్పందించి తగిన చర్యలు చేపట్టాలని కలెక్టర్‌ ఆదేశించారు. స్థానిక మార్కెట్లలో బియ్యం కొరత ఏర్పడినా, ధరలు అసాధారణంగా పెరిగినా వెంటనే ఉన్నతాధికారుల దృష్టికి తీసుకురావాలని తెలిపారు. సమావేశంలో ఆయా శాఖల అధికారులు, జిల్లా రైస్‌మిల్లర్ల సంఘం ప్రతినిధులు, వ్యాపారులు ఉన్నారు.

మాది భూత్పూర్‌ మండలం మద్దిగట్ల గ్రామం. నేను రోజు బస్సులో నాగర్‌కర్నూల్‌ ప్రభుత్వ బాలికల జూనియర్‌ కళాశాలకు వస్తుంటాను. కళాశాలలో ప్రభుత్వం మధ్యాహ్న భోజన పథకం అమలు చేయకపోవడంతో దూర ప్రాంతాల నుంచి వచ్చే మాలాంటి విద్యార్థులు ఆకలితో ఇబ్బందులు పడుతున్నారు. ప్రభుత్వం చొరవ తీసుకొని త్వరగా పథకం అమలు చేయాలి. – నందిని, ఇంటర్‌ విద్యార్థిని, బాలికల జూనియర్‌ కళాశాల, నాగర్‌కర్నూల్‌ మాది నాగర్‌కర్నూల్‌ మండలం శ్రీపురం గ్రామం. నేను రోజు బస్సులో జిల్లా కేంద్రానికి వచ్చి చదువుకుంటాను. కళాశాలలో మధ్యాహ్న భోజనం వసతి లేకపోవడంతో దూర ప్రాంతాల నుంచి వచ్చే విద్యార్థులు చదువుపై దృష్టి పెట్టలేకపోతున్నారు. ఉదయం బస్సు త్వరగా వచ్చిందని ఒక్కోసారి టిఫిన్‌ లేకుండా వస్తుంటాం. అప్పుడు ఉదయం నుంచి సాయంత్రం వరకు అన్నం తినకుండానే ఉంటుంటాం. ప్రభుత్వం మధ్యాహ్న భోజన పథకం అమలుచేస్తే బాగుంటుంది. – స్పందన, ఇంటర్‌ విద్యార్థిని, ప్రభుత్వ బాలికల జూనియర్‌ కళాశాల, నాగర్‌కర్నూల్‌ ప్రభుత్వ జూనియర్‌ కళాశాలల్లో మధ్యాహ్న భోజన పథకం అమలుపై ఇప్పటి వరకు ప్రభుత్వం నుంచి ఎలాంటి సమాచారం లేదు. విద్యార్థుల ఆకలి సమస్యను ప్రభుత్వం దృష్టికి తీసుకెళ్లే ప్రయత్నం చేస్తాం. ప్రభుత్వం నుంచి ఆదేశాలు వచ్చిన వెంటనే పథకాన్ని అమలు చేస్తాం. – వెంకటరమణ, డీఐఈఓ ●

కోడేరు: ప్రజా సంక్షేమమే ధ్యేయంగా తమ ప్రభుత్వం పనిచేస్తోందని రాష్ట్ర ఎక్సైజ్‌, పర్యాటకశాఖ మంత్రి జూపల్లి కృష్ణారావు అన్నారు. బుధవారం కోడేరు మండలంలోని కొండ్రావుపల్లి, నాగులపల్లి తండా, రేకులపల్లి తండా, మైలారం గ్రామాల్లో ఇందిరమ్మ ఇళ్లను ప్రారంభించడంతో పాటు పలు అభివృద్ధి పనులకు శంకుస్థాపన చేశారు. ఈ సందర్భంగా మంత్రి మాట్లాడుతూ.. పేదల సొంతింటి కలను సాకారం చేయడమే తమ ప్రభుత్వ లక్ష్యమన్నారు. విడుతల వారీగా అర్హులందరికీ ఇందిరమ్మ ఇళ్లు మంజూరు చేస్తున్నట్లు చెప్పారు. గత బీఆర్‌ఎస్‌ హయాంలో ఏ ఒక్కరికీ కూడా ఇల్లు నిర్మించిన పాపాన పోలేదన్నారు. కాంగ్రెస్‌ ప్రభుత్వం వచ్చాక ఇందిరమ్మ ఇళ్లతో పాటు మహిళలకు ఆర్టీసీ బస్సుల్లో ఉచిత ప్రయాణ సౌకర్యం, 200 యూనిట్ల వరకు ఉచిత విద్యుత్‌, రేషన్‌ దుకాణాల్లో ఉచితంగా సన్నబియ్యం, రూ.500కు సిలిండర్‌ తదితర పథకాలు అందిస్తున్నామన్నారు. తాము చేస్తున్న ప్రజా సంక్షేమం, అభివృద్ధి కార్యక్రమాలను బీఆర్‌ఎస్‌, బీజేపీ నేతలు చూసి ఓర్వలేకపోతున్నారని విమర్శించారు. రాబోయే రోజుల్లో మళ్లీ కాంగ్రెస్‌ పార్టీ అధికారంలోకి రావడం ఖాయమన్నారు. కార్యక్రమంలో మాజీ ఎంపీపీ కొత్త రామ్మోహన్‌రావు, ఎంపీడీఓ విజయలక్ష్మి, హౌసింగ్‌ ఏఈ నాగరాజు, సర్పంచ్‌ కొమ్ము కుర్మయ్యయాదవ్‌ పాల్గొన్నారు.

కురుమూర్తిస్వామి బ్రహ్మోత్సవాలు వైభవంగా కొనసాగుతున్నాయి. ఉత్సవాల్లో భాగంగా రెండో రోజు బుధవారం పద్మావతి సమేత కురుమూర్తి రాయుడు హంస వాహనంపై భక్తులకు దర్శనమిచ్చారు. ఉదయం అవాహిత దేవతా పూజలు, హోమ కార్యక్రమాలు శాస్త్రోక్తంగా నిర్వహించారు. రాత్రి స్వామివారిని హంస వాహనంపై ఊరేగించగా.. వివిధ గ్రామాల నుంచి తరలివచ్చిన భక్తులు భక్తిశ్రద్ధలతో దర్శించుకున్నారు. గోవింద నామస్మరణలతో ఆలయ ప్రాంగణం మారుమోగింది. భక్తుల కోలాహలం మధ్య హంస వాహన సేవ ప్రత్యేక ఆకర్షణగా నిలిచింది. కార్యక్రమంలో ఆలయ ఈఓ మధనేశ్వరెడ్డి, ఆలయ చైర్మన్‌ బత్తుల బాల్‌రాజు ఆలయ కమిటీ సభ్యులు పాల్గొన్నారు. – చిన్నచింతకుంట

మహబూబ్‌నగర్‌ మున్సిపాలిటీ: ఉమ్మడి జిల్లాలోనే అతి పెద్దదైన మహబూబ్‌నగర్‌ ప్రధాన రైల్వేస్టేషన్‌ను స్వాతంత్య్రానికి ముందే నిజాం కాలంలో నిర్మించారు. ప్రస్తుత అవసరాలకు ఏమాత్రం సరిపోనందున ఈ స్టేషన్‌ను అమృత్‌ పథకం కింద సుమారు రూ.44 కోట్లతో ఆధునికీకరిస్తున్నారు. ఏడాది క్రితమే ఈ పనులు ఆరంభమైనప్పటికీ కొన్ని నెలలుగా ఎంతో నెమ్మదిగా కొనసా..గుతున్నాయి. మొదట్లో వచ్చే నెలాఖరు నాటికే ఈ పనులన్నీ పూర్తవుతాయని దక్షిణమధ్య రైల్వే ఉన్నతాధికారులు భావించారు. అయితే ఇప్పటివరకు కేవలం 45 శాతం మాత్రమే చేపట్టారు. కాగా, గత ఆగస్టు 31న జిల్లాకేంద్రానికి వచ్చి పరిశీలించిన కేంద్ర బొగ్గు, గనుల శాఖ మంత్రి కిషన్‌రెడ్డి వచ్చే ఏడాది మార్చి నాటికి ఎలాగైనా పూర్తవుతాయని ప్రకటించారు. అయితే వాస్తవానికి ఈ ఐదు నెలల్లో అయ్యే పరిస్థితులు కనిపించడం లేదు. పూర్తయింది ఫుట్‌ ఓవర్‌ బ్రిడ్జి ఒక్కటే.. ఆధునికీకరణలో భాగంగా రెండు నెలల క్రితం ఎలాగోలా పాదచారుల వంతెన (ఫుట్‌ ఓవర్‌ బ్రిడ్జి)ను అందుబాటులోకి తెచ్చారు. అప్పట్లో ఇక్కడ ఎడమ వైపు ఒకే పాదచారుల వంతెన ఎంతో ఇరుకుగా ఉండేది. దీనిపై నుంచే ప్రయాణికులు ఎన్నో ఇబ్బందులు పడుతూ రాకపోకలు సాగించారు. ప్రస్తుతం విశాలమైన కొత్తది నిర్మించడంతో పాత దానిని పూర్తిగా తొలగించారు. దీని నుంచే ప్రయాణికులు రెండు, మూడు, నాలుగో ప్లాట్‌ ఫారాలకు చేరుకుంటున్నారు. పక్కనే అధునాతన లిఫ్ట్‌ నిర్మిస్తుండటంతో పూర్తయ్యాక దీనికి అనుసంధానం చేయనున్నారు. సునాయసంగా పైకి, కిందికి వెళ్లడానికి ఎస్కలేటర్లు సైతం ఏర్పాటు చేయాల్సి ఉంది. ఇంకా ఈ పనులు మొదలు కాలేదు. పాత భవనం స్థానంలో అధునాతన టర్మినల్‌తో పాటు ప్రయాణికులు కూర్చునేందుకు కుడి, ఎడమ వైపున భారీ స్థాయిలో లాన్‌లను ఏర్పాటు చేస్తున్నారు. ఇదిలాఉండగా టికెట్‌ బుకింగ్‌ కౌంటర్‌, రిజర్వేషన్‌, విచారణ విభాగాలను ప్రవేశద్వారం వద్ద ఉన్న తాత్కాలిక భవనాల్లోనే నిర్వహిస్తున్నారు. ఇక పరిపాలన భవనాన్ని సమీపంలోని రైల్వే విశ్రాంతి భవనం (ఫంక్షన్‌ హాల్‌)లో కొనసాగిస్తున్నారు. అమృత్‌ పథకం కింద రూ.44 కోట్లతో పనులు ఏడాది గడిచినా 45 శాతమే పూర్తి మార్చి నాటికి పూర్తయ్యేనా? అందుబాటులోకి వచ్చిన ఫుట్‌ ఓవర్‌ బ్రిడ్జి ఒక్కటే ప్రయాణికులకు తప్పని ఇబ్బందులు

కందనూలు: ప్రభుత్వ పాఠశాలల్లో విద్యార్థులకు అన్ని వసతులు కల్పించి.. మెరుగైన విద్య అందిస్తున్నట్లు నాగర్‌కర్నూల్‌ ఎంపీ మల్లు రవి అన్నారు. బుధవారం నాగర్‌కర్నూల్‌ మండలం దేశిటిక్యాలలో ఎంపీ నిధులతో నిర్మించిన మండల పరిషత్‌ ప్రాథమికోన్నత పాఠశాల భవనాన్ని ఎమ్మెల్యే కూచుకుళ్ల రాజేశ్‌రెడ్డితో కలిసి ప్రారంభించారు. ఈ సందర్భంగా ఎంపీ మాట్లాడుతూ.. విద్యారంగం బలోపేతానికి కాంగ్రెస్‌ ప్రభుత్వం కృత నిశ్చయంతో ఉందన్నారు. ప్రభుత్వం కల్పిస్తున్న సౌకర్యాలను సద్వినియోగం చేసుకొని విద్యార్థులు బాగా చదువుకోవాలని సూచించారు. అనంతరం దేశిటిక్యాలలో రూ. 3.50కోట్లతో నిర్మించిన బ్రిడ్జిని వారు ప్రారంభించారు. కార్యక్రమంలో మార్కెట్‌ కమిటీ చైర్మన్‌ రమణారావు, మున్సిపల్‌ చైర్మన్‌ తీగల సునేంద్ర పాల్గొన్నారు. తాడూరు: గ్రామీణ ప్రాంతాల అభివృద్ధికి బ్యాంకింగ్‌ సేవలు కీలకమని.. ప్రజలకు ఆర్థిక సేవలను మరింత చేరువ చేయడమే లక్ష్యంగా నూతన బ్యాంకు ఏర్పాటు ఎంతో ప్రయోజనకరమని ఎంపీ మల్లు రవి అన్నారు. తాడూరు మండలం మేడిపూరులో నూతనంగా ఏర్నాటుచేసిన యూనియన్‌ బ్యాంక్‌ ఆఫ్‌ ఇండియా శాఖను స్థానిక ఎమ్మెల్యే రాజేశ్‌రెడ్డితో కలిసి ఆయన ప్రారంభించి మాట్లాడారు. గ్రామీణ ఆర్థిక వ్యవస్థ బలోపేతానికి, ప్రజల ఆర్థికి స్వావలంబనకు బ్యాంకింగ్‌ సదుపాయాలు దోహదపడతాయన్నారు. మేడిపూర్‌లో యూనియన్‌ బ్యాంక్‌ ఏర్పాటుతో సమీప తొమ్మిది గ్రామాల ప్రజలకు బ్యాంకింగ్‌ సేవలు మరింత సులభతరం కానున్నాయని చెప్పారు. ముఖ్యమంత్రి రేవంత్‌రెడ్డి నాయకత్వంలోని కాంగ్రెస్‌ ప్రభుత్వం ప్రజా సంక్షేమం, అభివృద్ధికి సమప్రాధాన్యం ఇస్తోందన్నారు. గత ప్రభుత్వ హయాంలో ఆర్ధిక వ్యవస్థ అస్తవ్యస్తంగా మారినప్పటికీ.. ప్రజలకు ఇచ్చిన హామీలను నెరవేర్చడంతో పాటు సంక్షేమ పథకాలను సమర్థవంతంగా అమలు చేసేందుకు కాంగ్రెస్‌ ప్రభుత్వం కట్టుబడి ఉందన్నారు. సర్పంచ్‌ మల్లయ్య, సింగిల్‌విండో చైర్మన్‌ రామచంద్రారెడ్డి, యూనియన్‌ బ్యాంక్‌ అధికారులు, సిబ్బంది పాల్గొన్నారు.

మహబూబ్‌నగర్‌లోని ప్రధాన రైల్వే స్టేషన్‌ ఆధునికీకరణ పనులను గడువులోగా పూర్తి చేసి అన్ని సౌకర్యాలతో అందుబాటులోకి తేవాలి. ప్రస్తుతం ఈ పనులు కొన్ని నెలలుగా జరుగుతున్నందున ప్రయాణికుల రాకపోకలకు పలు ఇబ్బందులు తలెత్తుతున్నాయి. ముఖ్యంగా మహిళలకు టాయిలెట్లు ఎక్కడ ఉన్నాయో తెలియని పరిస్థితి నెలకొంది. అంతా గజిబిజిగా ఉండటంతో ఎక్కాల్సిన రైలు కోసం సంబంధిత ప్లాట్‌ఫారం వరకు సకాలంలో వెళ్లడం ఎలా అని ప్రయాణికులు వాపోతున్నారు. – డి.గోపాల్‌ నారాయణ, డీఆర్‌యూసీసీ సభ్యుడు, హైదరాబాద్‌ డివిజన్‌, షాద్‌నగర్‌ ●

కల్వకుర్తి రూరల్‌: రాష్ట్రంలో అర్హులైన ప్రతి ఒక్కరికి ఇందిరమ్మ ఇళ్లు కేటాయిస్తున్నామని.. తద్వారా పేదల సొంతింటి కల సాకారం చేసి వారి జీవితాల్లో కొత్త వెలుగులు నింపుతున్న ప్రజా పాలనకు ప్రజలు అండగా నిలబడాలని ఎంపీ మల్లు రవి, ఎమ్మెల్యే కసిరెడ్డి నారాయణరెడ్డి అన్నారు. దీపావళి పండుగ సందర్భంగా సీఎం రేవంత్‌రెడ్డి పిలుపుమేరకు ఆదివారం కలెక్టర్‌ హేమంత కేశవ్‌ పాటిల్‌తో కలిసి ఇందిరమ్మ లబ్ధిదారులు వెంకటమ్మ ఇంటికి వెళ్లి దీపావళి వేడుకలు నిర్వహించారు. ఈ సందర్భంగా లబ్ధిదారులకు నూతన వస్త్రాలు అందించి దీపావళి తొలి పండుగను ఆనందోత్సవాల మధ్య ఘనంగా జరిపారు. రాష్ట్ర ప్రభుత్వ సహకారంతో జిల్లాలో 2802 మందికి ఇందిరమ్మ ఇళ్లను మంజూరు చేసి.. ప్రతి ఇంటికి నాలుగు దశల్లో రూ.5 లక్షలు వారి బ్యాంకు ఖాతాలో జమ చేశామన్నారు. సొంత ఇంటిని నిర్మించుకున్న కుటుంబాలు కొత్త ఆశలతో ముందుకు సాగుతున్నాయన్నారు. ప్రభుత్వ సంక్షేమ పథకాలను సద్వినియోగం చేసుకొని ముందుకు సాగాలన్నారు. ఇందిరమ్మ ఇళ్ల పథకం పేద కుటుంబాలకు శాశ్వత నివాస సౌకర్యం కల్పించడంతోపాటు వారి జీవన ప్రమా ణాలను మెరుగుపరిచేందుకు దోహదం చేస్తుందన్నారు. ఇళ్లు మంజూరైన లబ్ధిదారులు పనులను సకాలంలో పూర్తి చేసుకోవాలని సూచించారు. కలెక్టర్‌ హేమంత కేశవ్‌ పాటిల్‌ మాట్లాడుతూ ఇళ్ల నిర్మాణాల పురోగతిని అధికారులు ఎప్పటికప్పుడు పరిశీలించడంతోపాటు లబ్ధిదారులకు అవసరమైన మార్గదర్శకాలు అందించాలని ఆదేశించారు. కార్యక్రమంలో మున్సిపల్‌ చైర్‌పర్సన్‌ రత్నమాల, గృహ నిర్మాణ శాఖ ఇన్‌చార్జి పీడీ గోపాల్‌నాయక్‌, మున్సిపల్‌ కమిషనర్‌ మహమూద్‌ షేక్‌, ఎంపీడీఓ యాదయ్య, మున్సిపల్‌ వైస్‌ చైర్మన్‌ షానవాజ్‌ఖాన్‌, మార్కెట్‌ డైరెక్టర్‌ రమాకాంత్‌రెడ్డి తదితరులు పాల్గొన్నారు.

● నేటి నుంచి కురుమూర్తి స్వామి బ్రహ్మోత్సవాలు ● 14న స్వర్ణాభరణాల అలంకారోత్సవం ● 16న ప్రత్యేక ఆకర్షణగా ఉద్దాల ఉత్సవం ● నెల రోజుల పాటు కొనసాగనున్న జాతర పాలమూరు తిరుపతిగా ప్రసిద్ధిగాంచిన కురుమూర్తి క్షేత్రం బ్రహ్మోత్సవ శోభను సంతరించుకోనుంది. తెలంగాణ ప్రజల ఆరాధ్యదైవమైన శ్రీ కురుమూర్తి స్వామివారి బ్రహ్మోత్సవాలు మంగళవారం నుంచి అంగరంగ వైభవంగా ప్రారంభం కానున్నాయి. వేడుకల్లో భాగంగా 14న స్వర్ణాభరణాల అలంకారోత్సవం, 16న ఉద్దాల ఉత్సవం నిర్వహించనున్నారు. అనంతరం నెలరోజులపాటు జాతర ఉత్సవాలు కొనసాగనున్నాయి. స్వామివారి వైభవాన్ని చాటేలా ఆలయాన్ని సర్వాంగసుందరంగా తీర్చిదిద్దగా.. ఉత్సవాల నిర్వహణకు అధికార యంత్రాంగం అన్ని ఏర్పాట్లు పూర్తి చేసింది. – చిన్నచింతకుంట

● ఈ నెల 24న కార్తీక పౌర్ణమి ● స్నాన, జప, ఉపవాసాలతో జీవనశైలి మెరుగు ● నేటినుంచి ఆలయాల్లో మొదలుకానున్న సందడి అచ్చంపేట: కార్తీక మాసం మంగళవారం నుంచి ప్రారంభం కానుంది. ఈ మాసం హరిహరులకు ప్రీతిపాత్రమైన నెలగా భక్తులు విశ్వసిస్తారు. వేకువజామున స్నానాలు ఆచరించి.. దీపాలు వెలిగించడం వెనక గొప్ప ఆరోగ్య సూత్రం ఉందని భావిస్తుంటారు. స్నాన, దాన, జప, పూజ, ఉపవాస, దీపారాధన, వన భోజనాలు వంటివి చేయడం ద్వారా జన్మజన్మల పాపాలను ప్రక్షాళన చేసి.. అనంతమైన పుణ్యాలను పొందవచ్చని భక్తుల నమ్మకం. ప్రత్యేక అభిషేకాలు, పూజలు కనుల పండువగా నిర్వహిస్తారు. కార్తీకమాసంలో దీపదానం చేయాలన్నది శాస్త్రవచనం. కార్తీక మాసంలో సూర్యోదయానికి ముందు చన్నీటితో స్నానం ఎంతో ఆరోగ్యదాయకం. ఉసిరి చెట్టును శ్రీమహావిష్ణువుగా, లక్ష్మీప్రదంగా భావించాలని ఉంది. అత్యంత ప్రీతిపాత్రమైన ఉసిరి చెట్టు కింద వనభోజనాలకు ప్రాధాన్యం ఇస్తారు. ఈ మాసంలో ఉమ్మడి పాలమూరు జిల్లావాసులు కృష్ణానదిలో కార్తీక స్నానాలు ఆచరించి.. వైష్ణవ, శివాలయాల వద్ద ఆకాశ దీపాలు ఏర్పాటు చేస్తారు. కాగా జిల్లాలోని సోమశిల సోమేశ్వరాలయం, అచ్చంపేట సమీపంలోని ఉమామహేశ్వర క్షేత్రం, పాతాళగంగ వద్ద భక్తుల సందడి నెలకొంటుంది.

ఉప్పునుంతల: పేద, మధ్య తరగతి విద్యార్థులకు అంతర్జాతీయ ప్రమాణాలతో కార్పొరేట్‌ స్థాయిలో ఉచిత విద్యను అందించే లక్ష్యంతోనే ప్రభుత్వం యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూళ్లు ఏర్పాటు చేస్తుందని ఎమ్మెల్యే వంశీకృష్ణ అన్నారు. సోమవారం మండలంలోని రాయిచేడ్‌ గ్రామ శివారులోని నూతనంగా నిర్మిస్తున్న యంగ్‌ ఇండియా ఇంటిగ్రేటెడ్‌ స్కూల్‌ పనులను ఆయన పరిశీలించారు. సంబంధిత ఇంజినీర్లతో మాట్లాడి పనుల పురోగతిని తెలుసుకున్నారు. పనుల్లో నాణ్యతా ప్రమాణాలను కచ్చితంగా పాటిస్తూ నిర్దేశించిన గడువులోగా పూర్తిచేయాలని అధికారులు, కాంట్రాక్టర్లను ఆదేశించారు. ఈ స్కూల్‌ అందుబాటులోకి వస్తే నియోజకవర్గంలోని పేద విద్యార్థులకు ఉన్న ప్రమాణాలతో విద్యను అందించడానికి అవకాశం ఉంటుందన్నారు.

చారకొండ: నిత్యం సినిమా షుటింగ్‌లతో బిజీగా ఉండే సినీ హీరో శర్వానంద్‌ చారకొండ తహసీల్దార్‌ కార్యాలయంలో సోమవారం ప్రత్యక్షమయ్యారు. మండలంలోని జూపల్లి శివారులోని జేపల్లి గ్రామం సమీపంలో మూడు నెలల క్రితం సర్వే నం.148లో దాదాపు 25 ఎకరాలు కొనుగోలు చేశారు. గత ఆగస్టులో 17 ఎకరాలు రిజిస్ట్రేషన్‌ పూర్తి కాగా.. తాజాగా మరో 4.10 ఎకరాల భూమి రిజిస్ట్రేషన్‌ ఉన్నందున చారకొండ తహసీల్దార్‌ కార్యాలయానికి వచ్చారు. భూమికి సంబంధించిన పత్రాలతో నిబంధనల మేరకు రిజిస్ట్రేషన్‌ ప్రక్రియ పూర్తి చేశారు. అనంతరం తహసీల్దార్‌ ఉమ సంబంధిత పత్రాలు అందజేశారు. చారకొండకు హీరో శర్వానంద్‌ రాకతో సందడి నెలకొంది. అభిమానులు ఆయనతో సెల్ఫీలు తీసుకున్నారు. ప్రజావాణి ఫిర్యాదులు సత్వరమే పరిష్కరించాలి నాగర్‌కర్నూల్‌: ప్రజావాణి కార్యక్రమంలో ప్రజలు అందించిన ఫిర్యాదులను అధికారులు సత్వరమే పరిష్కరించాలని కలెక్టర్‌ హేమంత కేశవ్‌ పాటిల్‌ అన్నారు. ప్రజల సమస్యల పరిష్కారంలో నిర్లక్ష్యం వహించకుండా, పెండింగ్‌లో ఉన్న దరఖాస్తులపై ప్రత్యేక దృష్టిసారించి వెంటనే తగిన చర్యలు తీసుకోవాలన్నారు. సోమవారం కలెక్టరేట్‌లోని సమావేశ మందిరంలో నిర్వహించిన ప్రజావాణిలో అదనపు కలెక్టర్లు చెన్నయ్య, దేవసహాయంతో కలిసి కలెక్టర్‌ ప్రజల నుంచి 23 ఫిర్యాదులు స్వీకరించారు. కార్యక్రమంలో డీఆర్‌ఓ పాండునాయక్‌, ఏఓ చంద్రశేఖర్‌ తదితరులు పాల్గొన్నారు. పోలీస్‌ గ్రీవెన్స్‌కు 4.. కందనూలు: ప్రజలు నేరుగా తమ సమస్యలపై పోలీసులకు ఫిర్యాదు చేయాలని ఎస్పీ సంగ్రామ్‌ సింగ్‌జీ పాటిల్‌ అన్నారు. ఎస్పీ కార్యాలయంలో నిర్వహించిన గ్రీవెన్స్‌ సెల్‌లో బాధితుల నుంచి ఎస్పీ 4 ఫిర్యాదులు స్వీకరించారు. ఇందులో 1 భూమికి సంబంధించినవి, 2 కుటుంబ పంచాయితీ, 1 తగు న్యాయం చేయాలని ఫిర్యాదు వచ్చాయి. ఆయా ఫిర్యాదుల పరిష్కారం కోసం సంబంధిత స్టేషన్లకు పంపినట్లు ఎస్పీ చెప్పారు. వైద్యాధికారులు అందుబాటులో ఉండాలి తిమ్మాజిపేట: ఆరోగ్య కేంద్రాల్లో వైద్యాధికారులు, సిబ్బంది అందుబాటులో ఉండి ప్రజలకు మెరుగైన వైద్యసేవలు అందించాలని డీఎంహెచ్‌ఓ కృష్ణ అన్నారు. సోమవారం ఆయన స్థానిక పీహెచ్‌సీని ఆకస్మికంగా తనిఖీ చేసి.. వైద్య సిబ్బందికి సూచనలు, సలహాలు ఇచ్చారు. ప్రతిఒక్కరు విధులకు సకాలంలో హాజరుకావాలని, రోగులకు వైద్య సేవలు అందించడంతో పాటు వైద్య సలహాలు ఇవ్వాలని సూచించారు. ఆరోగ్య కేంద్రంలో కొంత సమయం రోగులకు వైద్య సేవలు అందించారు. ఓపీ రిజిష్టర్‌, వైద్య సిబ్బంది హాజరు, పలు రికార్డులను పరిశీలించారు. అంతకు ముందు మరికల్‌లోని ఉపవైద్య కేంద్రాన్ని ఆయన తనిఖీ చేశారు. ఆయన వెంట డాక్టర్‌ సుష్మ తదితరులున్నారు. ఎన్‌హెచ్‌ఎంల డిమాండ్లపై సానుకూల స్పందన కందనూలు: జాతీయ ఆరోగ్య మిషన్‌ ఉద్యోగుల సమస్యల పరిష్కారానికి ప్రభుత్వం సానుకూలంగా స్పందించిందని డీఎంహెచ్‌ఓ కృష్ణ ఒక ప్రకటనలో తెలిపారు. ఈ మేరకు సోమవారం డీఎంహెచ్‌ఓ కార్యాలయంలో ఎన్‌హెచ్‌ఎం నాయకులతో చర్చలు జరిపారు. ఈ సందర్భంగా కమిషనర్‌ ఆఫ్‌ ఫ్యామిలీ వెల్ఫేర్‌ ముషారఫ్‌ అలీ ఫారూఖీ టెలీకాన్ఫరెన్స్‌లో మాట్లాడుతూ ఎన్‌హెచ్‌ఎం ఉద్యోగుల సమస్యల పరిష్కారానికి ప్రభుత్వం సుముఖంగా ఉందని, వారి సంక్షేమానికి అవసరమైన చర్యలు తీసుకుంటామని వివరించారు. అయితే కొన్ని న్యాయపరమైన సమస్యలు ఉన్నందున వాటిని సమగ్రంగా అధ్యయనం చేసి పరిష్కార మార్గాలను సూచించేందుకు ప్రత్యేక కమిటీ ఏర్పాటు చేసే దిశగా ప్రభుత్వం హామీ ఇచ్చినట్లు వెల్లడించారు. ఉద్యోగులు సమ్మె విరమించి వెంటనే విధులకు హాజరుకావాలని సూచించినట్లు చెప్పారు. విధులకు హాజరుకాని ఉద్యోగుల విషయంలో నిబంధనల ప్రకారం ‘నో వర్క్‌– నో పే’ విధానాన్ని అమలు చేసే అవకాశం ఉందని స్పష్టం చేశారు.

● చిరునామా మారిన వారికి మార్గం సుగమం ● ఫారం–8 అవసరం లేకుండానే ప్రక్రియ ● ఈ నెల 21 వరకు దరఖాస్తుల సమర్పణకు గడువు ● ఏఎస్‌డీడీ జాబితా ఓటర్లకు ఊరట ఏఎస్‌డీడీ జాబితాలో నమోదైన ఓటర్లు తుది జాబితాలో తమ పేర్లను నమోదు చేసుకునేందుకు కేంద్ర ఎన్నికల సంఘం మరో అవకాశం కల్పించింది. అర్హులైన ప్రతి ఒక్కరు తమ ఓటు హక్కును పరిరక్షించుకోవాలి. గతంలో ఎన్యుమరేషన్‌ ఫారాలు జారీ చేసినప్పటికీ పలు కారణాలతో ముసాయిదా జాబితాలో చోటు దక్కని వారి కోసం ఈ ప్రక్రియ చేపడుతున్నాం. ఓటు హక్కు పొందాలనుకునే వారు వెంటనే సంబంధిత బీఎల్‌ఓ, ఏఈఆర్వో, ఈఆర్వోలను సంప్రదించి అవసరమైన ఎన్యుమరేషన్‌ డాక్యుమెంట్లు సమర్పించాలి. – హేమంత కేశవ్‌ పాటిల్‌, కలెక్టర్‌, నాగర్‌కర్నూల్‌ అచ్చంపేట: ఓటరు జాబితాలో పేరు లేని వారు చింతించాల్సిన అవసరం లేదు. ప్రత్యేక ఓటరు జాబితా సవరణ (సర్‌)– 2026 ప్రక్రియలో భాగంగా ముసాయిదా ఓటరు జాబితా నుంచి పేర్లు గల్లంతైన, చిరునామా మారిన ఓటర్లకు ఎన్నికల సంఘం (ఈసీ) మరో అవకాశం కల్పించింది. ఇప్పటికే ప్రచురించిన సర్‌ ముసాయిదా జాబితాలో ఆబ్సెంట్‌, షిఫ్టెడ్‌, డెడ్‌, డూప్లికేట్‌ (ఏఎస్‌డీడీ) కారణాలతో పేర్లు తొలగిపునకు గురైన వారు మళ్లీ దరఖాస్తు చేసుకోవచ్చు. వీరి దరఖాస్తులను పరిశీలించి తుది జాబితాలో చేరుస్తామని ఈసీ ప్రకటించింది. గత ఆగస్టు 17న విడుదల చేసిన ముసాయిదా జాబితా ప్రకారం ఉమ్మడి మహబూబ్‌నగర్‌ జిల్లాలో 4,63,155 మంది ఏఎస్‌డీడీ (గైర్హాజరు, చిరునామా మార్పు, మృతి చెందిన, డూప్లికేట్‌) కేటగిరీలో ఉండగా.. వారిలో అత్యధికంగా 2,41,883 మంది శాశ్వత చిరునామా మారినవారే. వీరు తిరిగి ఓటరు జాబితాలో చోటు దక్కించుకునేందుకు ప్రక్రియను సులభతరం చేశారు. మరణించిన వారు 88,198, అన్‌కలెక్టబుల్‌/ ఆబ్సెంట్‌ 50,828, ఇతరులు 3,723, చిరునామా మార్పు కోసం 78,477 మంది ఉన్నారు. చిరునామా మార్పు కోసం ప్రత్యేకంగా ఫారం–8 సమర్పించాల్సిన అవసరం లేదు. ఇప్పటికే ఫారం–6 ద్వారా ఓటరు నమోదుకు దరఖాస్తు చేసుకున్నవారు ఎన్యుమరేషన్‌ ఫారం సమర్పించాల్సిన అవసరం లేదు. కొత్త చిరునామాకు సంబంధించిన ఆధారాన్ని సమర్పిస్తూ ఎన్యూమరేషన్‌ ఫారంలో వివరాలు నమోదు చేయవచ్చు. కొత్త చిరునామా, సంబంధిత అసెంబ్లీ నియోజకవర్గం వివరాలను స్పష్టంగా పేర్కొనాల్సి ఉంటుంది. ఈ వెసులుబాటుతో చిరునామా మారినవారు తిరిగి ఓటర్ల జాబితాలో చేరేందుకు అవకాశం ఏర్పడింది. ఇలాంటి వారు ఈ నెల 21లోగా సంబంధిత పత్రాలను సమర్పించాల్సి ఉంటుంది. ఫారం తప్పనిసరి కాదు.. సాధారంగా ఓటరు జాబితాలో పేరు గల్లంతైతే మళ్లీ కొత్తగా చేరేందుకు ఫారం–6 సమర్పించడం తప్పనిసరి. అయితే ప్రత్యేక ఓటరు జాబితా సవరణ ప్రక్రియలో గైర్జాజర్‌,చిరునామా అందుబాటులో లేకపోవడం, మరణం, నకిలీ నమోదులు తదితర సాంకేతిక కారణాలతో పేర్లు కోల్పోయిన వారి ఇబ్బందులను దృష్టిలో ఉంచుకుని ఎన్నికల సంఘం నిబంధనలను సడలించింది. ఇకపై అర్హులైన ఓటర్లు ఫారం–6 సమర్పించాల్సిన పనిలేదు. సంబంధిత ఎన్యుమరేషన్‌ పత్రంతోపాటు అవసరమైన స్వీయ ధ్రువీకరణ పత్రాన్ని సమర్పిస్తే సరిపోతుందని వెల్లడించారు. గతంలో ఎన్యుమరేషన్‌ ఫారాలు జారీ చేసినప్పటికీ పలు కారణాలతో ముసాయిదా జాబితాలో చోటు దక్కని వారి కోసం ఈ ప్రక్రియ చేపట్టారు. క్షేత్రస్థాయి పరిశీలన సమయంలో అందుబాటులో లేనివారు, నివాసం మారినవారు, మరణించినట్లు తప్పుగా నమోదైనవారు, ఒకటి కంటే ఎక్కువ చోట్ల నమోదైన వారి పేర్లు ముసాయిదా ఓటర్ల జాబితాలో లేవని, సంబంధిత పౌరులు వెంటనే తమ వివరాలను ముసాయిదా జాబితాలో సరిచేసుకోవాలని ఎన్నికల సంఘం ఆదేశించింది. ఓటు హక్కు కోల్పోయిన పౌరులు బూత్‌ లెవెల్‌ అధికారి, ఎన్నికల నమోదు అధికారి లేదా సహాయక ఎన్నికల నమోదు అధికారిని సంప్రదించవచ్చు. వీరికి అవసరమైన పత్రాలను అందజేసి జాబితాలో పేరును పునరుద్ధరించుకోవచ్చు. ఇప్పటికే ఎన్యుమరేషన్‌ పత్రం సమర్పించిన వారు మళ్లీ దరఖాస్తు చేయాల్సిన అవసరం లేదు. నివాసం లేదా చిరునామా మారిన ఓటరు తమ కొత్త చిరునామాతోపాటు శాసనసభ నియోజకవర్గ సమాచారాన్ని స్పష్టంగా జతచేయాలి.

ఉప్పునుంతల: మండలంలోని అయ్యవారిపల్లి శివారు సర్వే నం.115లో 13.17 ఎకరాల భూమి బదలాయింపు వ్యవహారంలో అక్రమంగా ఫోర్జరీ పహాణిలు సమర్పించి రెవెన్యూ అధికారులను తప్పుదారి పట్టించారనే ఆరోపణలతో కలెక్టర్‌ ఆదేశాల మేరకు తహసీల్దార్‌ మల్లెల స్వప్న సోమవారం స్థానిక పోలీస్‌స్టేషన్‌లో 9 మందిపై ఫిర్యాదు చేశారు. తహసీల్దార్‌ ఫిర్యాదు చేసిన వారిలో అయ్యవారిపల్లికి చెందిన బూరం మల్లయ్య, ఆరెకంటి భగవంతు, తాడూరు రమేష్‌, బండమీది మహేష్‌, ఆరెకంటి స్వప్న, ఉప్పరి శోభ, బూరం సరిత, చౌట పుల్ల య్య, ఎడ్ల ఇంద్రజ ఉన్నారు. ఈ మేరకు కేసు నమోదు చేసి దర్యాప్తు చేస్తామని పోలీసులు తెలిపారు.

గ్రామీణ విద్యార్థులకు శాసీ్త్రయ దృక్పథం, పరిశోధన ఆలోచనలను పెంపొందించాలి ● బిర్లా సైన్స్‌ సెంటర్‌ ఆధ్వర్యంలో విద్యార్థుల కోసం ప్రత్యేక శిక్షణ ● కోస్గిలో సైన్స్‌ మ్యూజియం ప్రారంభోత్సవంలో సీఎం రేవంత్‌రెడ్డి ● 106 ఇంటారాక్టివ్‌ సైన్స్‌ ప్రదర్శనలతో విజ్ఞానం పెంపు కోస్గి: గ్రామీణ ప్రాంత విద్యార్థులకు ఆధునిక విజ్ఞాన శాస్త్రాన్ని చేరువ చేయడంతో పాటు వారిలో శాసీ్త్రయ దృక్పథం, పరిశోధనాత్మక ఆలోచనా విధానాన్ని పెంపొందించడమే లక్ష్యం అని ముఖ్యమంత్రి ఎనుముల రేవంత్‌రెడ్డి అన్నారు. ఈ మేరకు నారాయణపేట జిల్లా కోస్గిలో రూ.6.6 కోట్లతో 106 ఇంటారాక్టివ్‌ సైన్స్‌ ప్రదర్శనలను నిర్మించిన సర్‌ సీవీ రామన్‌ సైన్స్‌ మ్యూజియంను ఆదివారం సీఎం ప్రారంభించారు. అంతకు ముందు నారాయణపేట కలెక్టర్‌ ప్రియాంక సీఎంకు పుష్పగుచ్ఛం అందించి స్వాగతం పలికారు. సైన్స్‌ మ్యూజియంలో సీవీ రామన్‌ విగ్రహానికి వారు నివాళులర్పించారు. ఫిజిక్స్‌ అండ్‌ ఫన్‌ సైన్స్‌ గ్యాలరీ, బయాలజీ అండ్‌ లైఫ్‌ సైన్స్‌ గ్యాలరీ, మేథమెటిక్స్‌ గ్యాలరీ, ఖగోళశాస్త్రం గ్యాలరీ, ప్రముఖ శాస్త్రవేత్తల విగ్రహాలు, డిజిటల్‌ టచ్‌ స్క్రీన్‌ తదితర వాటిని సందర్శించారు. విజ్ఞానశాస్త్ర పరికరాలు, వాటి నమునాలు, ఇంటారాక్టివ్‌ ప్రదర్శనలు, వాటి పనితీరు, ప్రత్యేకతలు, విద్యార్థులకు కలిగే ప్రయోజనాలను జిల్లా సైన్స్‌ అధికారి, కోస్గి బాలుర ఉన్నత పాఠశాల విద్యార్థులు సీఎంకు వివరించారు. విద్యార్థులు పాఠ్య పుస్తకాల్లోని శాసీ్త్రయ సిద్ధాంతాలను ప్రత్యక్షంగా పరిశీలించి.. ప్రయోగాల ద్వారా అర్థం చేసుకొనే అరుదైన అవకాశాన్ని మ్యూజియం కల్పిస్తుందన్నారు. విద్యార్థుల్లో పరిశీలనాశక్తి, ప్రశ్నించేతత్వం, విమర్శనాత్మక ఆలోచనను పెంపొందించడంతోపాటు పరిశోధనలు, నూతన ఆవిష్కరణల పట్ల ఆసక్తి కలుగుతోందన్నారు. గ్రామీణ ప్రాంత విద్యార్థులకు నాణ్యమైన విజ్ఞాన వనరులను చేరువ చేయడం ద్వారా భావి శాస్త్రవేత్తలు, సాంకేతిక నిపుణులుగా ఎదిగేందుకు కోస్గిలోని మ్యూజియం ప్రేరణగా నిలుస్తుందని అభిప్రాయపడ్డారు. బీఎం బిర్లా సైన్స్‌ సెంటర్‌ ఆధ్వర్యంలో రూ.6.6 కోట్ల వ్యయంతో సైన్స్‌ మ్యూజియాన్ని రూపొందించగా.. ఇందులో హండ్‌– ఆన్‌ శాసీ్త్రయ పరికరాలు, ప్రత్యేక విజ్ఞాన ప్రదర్శనల ఏర్పాటుకు రూ.2.5 కోట్లు కేటాయించారు. కార్యక్రమంలో ఎకై ్సజ్‌, పర్యాటక శాఖ మంత్రి జూపల్లి కృష్ణారావు, పరిగి ఎమ్మెల్యే రామ్మోహన్‌రెడ్డి, డైరెక్టర్‌ ఆఫ్‌ స్కూల్‌ ఎడ్యుకేషన్‌ కమిషనర్‌ నవీన్‌ నికోలస్‌, ఆర్జేడీ సోమిరెడ్డి, అదనపు కలెక్టర్‌ శ్రీను, ఎస్పీ డాక్టర్‌ వినీత్‌, కడా ప్రత్యేకాధికారి వెంకట్‌రెడ్డి, బిర్లా సైన్స్‌ సెంటర్‌ డైరెక్టర్‌ మృత్యుంరెడ్డి, ప్రాజెక్టు ఆఫీసర్‌ సుబ్రమణ్యం, డీఈఓ గోవిందరాజులు, గ్రంథాలయ సంస్థ చైర్మన్‌ విజయ్‌కుమార్‌, మండలాధ్యక్షుడు రఘువర్ధన్‌రెడ్డి, మున్సిపల్‌ చైర్మన్‌ నరేందర్‌, కమిషనర్‌ నాగరాజు తదితరలు పాల్గొన్నారు. సీఎం రేవంత్‌రెడ్డి కోస్గి పర్యటన నేపథ్యంలో భద్రత, బందోబస్తు ఏర్పాట్లను జోగుళాంబ జోన్‌ ఇన్‌చార్జి డీఐజీ చందనాదీప్తి, నారాయణపేట ఎస్పీ డాక్టర్‌ వినీత్‌ పర్యవేక్షించారు. అధికారులకు భద్రతాపరంగా పలు సూచనలు చేశారు. అధికారులు సమన్వయంతో నిర్వహించిన బందోబస్తు ఫలితంగా కోస్గిలో ముఖ్యమంత్రి పర్యటన ప్రశాంతంగా ముగిసిందని తెలిపారు. ప్రజలకు ఎలాంటి ఇబ్బందులు కలగకుండా పర్యటనను విజయవంతంగా నిర్వహించడంలో కృషిచేసిన పోలీసు అధికారులు, సిబ్బందిని అభినందించారు. కార్యక్రమంలో వికారాబాద్‌ ఎస్పీ స్నేహ మెహ్రా, ఏఎస్పీ రియాజ్‌ హుల్‌హక్‌, డీఎస్పీలు మహేష్‌, లింగయ్య, సీఐలు సైదులు, భగవంతురెడ్డి, రాంలాల్‌ తదితరులు పాల్గొన్నారు.

కొడంగల్‌ ప్రజలే ● మీరే నా ఆత్మ బంధువులు.. నా బలం ● ఈప్రాంతానికి మంచి రోజులు వచ్చాయి ● గత పాలకుల నిర్లక్ష్యంతోనే వెనకబాటు ● మీ ఆశీర్వాదంతో సీఎంనయ్యా ● రూ.10 వేల కోట్లతో అభివృద్ధి పనులు ప్రారంభించా ● ముఖ్యమంత్రి ఎనుముల రేవంత్‌రెడ్డి రైతుమేళా సభావేదికపై సీఎం రేవంత్‌రెడ్డి, స్పీకర్‌ గడ్డం ప్రసాద్‌, మంత్రులు దామోదర రాజనర్సింహ, తుమ్మల నాగేశ్వర్‌రావు, దుద్దిళ్ల శ్రీధర్‌బాబు తదితరులు– వివరాలు IIలో..

నాగర్‌కర్నూల్‌దివ్యకాంతుల.. ఆదివారం శ్రీ 8 శ్రీ నవంబర్‌ శ్రీ 2026అచ్చంపేట/ కందనూలు: దీపావళి.. చీకట్లను పారదోలి వెలుగులు నింపే పండుగను ఆదివారం ఇంటింటా వైభవంగా జరుపుకొనేందుకు జిల్లా ప్రజలు సిద్ధమయ్యారు. ఈ ఏడాది తిథులు, నక్షత్రాల ప్రకారం ఆదివారం నరక చతుర్దశి, అదేరోజు మధ్యాహ్నం 2 గంటల తర్వాత అమావాస్య రావడంతో కేదారేశ్వర నోములు నోచుకోవచ్చని పండితులు వెల్లడించడంతో ఆది, సోమవారాల్లో నోములు, వత్రాలు చేసుకోనున్నారు. ఈ మేరకు దూర ప్రాంతాల్లో ఉన్నవారు స్వగ్రామాలకు చేరుకుంటున్నారు. పూజకు వినియోగించే ప్రమిదలు, అమ్మవారి ప్రతిమలు కొనుగోళ్లతో మార్కెట్లు సందడిగా మారాయి. పూల గిరాకీ పెరగగా.. టపాసుల దుకాణాల్లో రద్దీ నెలకొంది. నేడు నరక చతుర్దశి, అమావాస్య లక్ష్మిపూజలు అందరి జీవితాల్లో వెలుగులు నింపే పండుగ గౌరీ నోములు, వత్రాలకు ప్రత్యేకం ప్రమిదలు, పటాకులు, పూలకు భలే గిరాకీ జిల్లాలోని మార్కెట్లకు వెలుగుల శోభ

కందనూలు: తెలుగుభాషపై అభిరుచి పెంపొందించుకోవాలని డీఈఓ రమేష్‌కుమార్‌ అన్నారు. మహాకవి గుర్రం జాషువా జయంతిని పురస్కరించుకొని జిల్లాకేంద్రలలోని సత్యసాయి మందిరంలో శనివారం క్లాస్‌మేట్‌ క్లబ్‌ ఆధ్వర్యంలో జిల్లాస్థాయి పద్య పఠన పోటీలు నిర్వహించారు. ఈ పోటీల్లో జిల్లాలోని 20 పాఠశాలలకు చెందిన 4వ తరగతి నుంచి 10వ తరగతి విద్యార్థులు 90 మంది పాల్గొని తమ పద్య పఠన ప్రతిభను ప్రదర్శించారు. గుర్రం జాషువా పద్యాలతోపాటు వేమన, సుమతి శతకం, ఇతర కవుల రచనలను స్పష్టమైన ఉచ్ఛారణతో, భావయుక్తంగా ఆలపించి సభికులను ఆకట్టుకున్నారు. విద్యార్థుల ఉచ్ఛారణ, పద్య భావం, ధైర్యం, ప్రదర్శన ఆధారంగా న్యాయనిర్ణేతలు మార్కులు కేటాయించారు. విజేతలకు డీఈఓ చేతులమీదుగా నగదు బహుమతులు అందజేశారు. అనంతరం డీఈఓ మాట్లాడుతూ నేటితరం విద్యార్థులు ఆంగ్లమాధ్యమంతోపాటు తెలుగ భాషపై కూడా అభిరుచి పెంచుకోవాలని పేర్కొన్నారు. కార్యక్రమంలో క్లాస్‌మేట్‌ క్లబ్‌ ఫౌండర్‌ రాఘవేందర్‌, జిల్లా ప్రధాన కార్యదర్శి రమణకుమార్‌, డీఎస్‌ఓ శైలజ, జీసీడీఓ నిర్మల తదితరులు పాల్గొన్నారు.

దీపావళి పర్వదినాన్ని పురస్కరించుకుని జిల్లాలో మార్కెట్లు సందడిగా మారాయి. దీపాలు, బంతిపూలు, మిఠాయిలు, లక్ష్మీదేవి చిత్రపటాలు, గౌరీ నోముల దండలు, చాటలు, కుంకుమ, పూలు, పండ్లు, మామిడి ఆకుల విక్రయాలతోపాటు పటాకులు, బంగారు ఆభరణాలు, కొత్త దుస్తుల కొనుగోళ్లు జోరుగా సాగాయి. దీంతో మార్కెట్లు ప్రజలతో కిక్కిరిసిపోయాయి. జిల్లాకేంద్రంలోని శ్రీపురం చౌరస్తా, నల్లవెల్లి రోడ్డు, బస్టాండ్‌తోపాటు అచ్చంపేట, కల్వకుర్తి, కొల్లాపూర్‌ పట్టణాలు, మండల కేంద్రాల్లో మార్కెట్లు కిటకిటలాడాయి. జిల్లా కేంద్రంలో శ్రీపురం చౌరస్తాలో బంతిపూలు కొనుగోలు చేస్తున్న ప్రజలు

కందనూలు: వికారాబాద్‌ జిల్లా కొడంగల్‌ నియోజకవర్గం హకీంపేట గ్రామంలో కొనసాగుతున్న రాష్ట్రస్థాయి రైతు మేళాకు జిల్లా నుంచి 2,500 మంది రైతులు హాజరవుతారని, వీరి కోసం ప్రత్యేకంగా 50 బస్సులు ఏర్పాటు చేసినట్లు కలెక్టర్‌ హేమంత కేశవ్‌ పాటిల్‌ అన్నారు. ఒక్కో బస్సులో 50 మంది రైతులు ప్రయాణించేలా ప్రణాళిక రూపొందించామని, రైతుల ప్రయాణాన్ని క్రమబద్ధంగా నిర్వహించడంతోపాటు మార్గమధ్యంలో ఎలాంటి ఇబ్బందులు తలెత్తకుండా ప్రతి బస్సుకు ఒక వ్యవసాయ విస్తరణాధికారిని నోడల్‌ అధికారిగా నియమించినట్లు చెప్పారు. సదరు అధికారి రైతుల హాజరు, ప్రయాణ ఏర్పాట్లు, రైతు మేళా సందర్శన, తిరుగు ప్రయాణం తదితర అంశాలను పర్యవేక్షిస్తారన్నారు. అదేవిధంగా ప్రతి బస్సుకు ఒక పోలీసు అధికారిని భద్రతా బాధ్యతల కోసం నియమించడంతో పాటు, రైతులకు అవసరమైన సహాయ సహకారాలు అందించేందుకు ఒక్కో బస్సుకు ఒక మహిళా సంఘం సభ్యురాలిని ఏర్పాటు చేసినట్లు వివరించారు. రైతుల ప్రయాణం ప్రారంభమైనప్పటి నుంచి తిరిగి స్వగ్రామాలకు చేరుకునే వరకు అధికారులు సమన్వయంతో వ్యవహరించేలా చర్యలు చేపట్టామన్నారు. రైతులు దూరప్రాంతాల నుంచి రైతు మేళాకు ప్రయాణించనున్న నేపథ్యంలో వారి సౌకర్యాలకు జిల్లా యంత్రాంగం ప్రత్యేక ప్రాధాన్యత ఇస్తుందని, రైతులకు ప్రయాణ సమయంలో అల్పాహారం, రైతు మేళా సందర్శన సందర్భంగా మధ్యాహ్న భోజనం, తిరుగు ప్రయాణంలో రాత్రి భోజనం అందించేలా ఏర్పాట్లు చేశామన్నారు. ప్రజా సంక్షేమమే ప్రభుత్వ లక్ష్యం ప్రజా సంక్షేమమే ప్రభుత్వ లక్ష్యమని కలెక్టర్‌ హేమంత కేశవ్‌ పాటిల్‌, ఎమ్మెల్యే రాజేశ్‌రెడ్డి అన్నారు. జిల్లాకేంద్రంలోని ఆర్టీసీ బస్టాండ్‌, ప్రభుత్వ జనరల్‌ ఆస్పత్రి, కలెక్టరేట్‌లో జిల్లా మహిళా, శిశు సంక్షేమ శాఖ ఆధ్వర్యంలో ఏర్పాటు చేసిన తల్లిపాలు అందించే కేంద్రాన్ని వారు ప్రారంభించి మాట్లాడారు. ప్రయాణ సమయంలో బాలింతలు తమ శిశువులకు ఇబ్బంది లేకుండా తల్లిపాలు అందించేందుకు ప్రత్యేక సౌకర్యాన్ని అందుబాటులోకి తీసుకురావడం జరిగిందన్నారు. కార్యక్రమంలో మున్సిపల్‌ చైర్మన్‌ సురేంద్ర, డీఆర్‌ఓ పాండు, ఆర్టీసీ డీఎం యాదగిరి, జనరల్‌ ఆస్పత్రి సూపరింటెండెంట్‌ సుప్రియ, మున్సిపల్‌ కౌన్సిలర్లు పాల్గొన్నారు.

● దైవాదీనంగా మారిన నీటి వనరుల పరిరక్షణ ● చెట్లు కమ్ముకొని అడవులను తలపిస్తున్న కట్టలు ● నిర్వహణ లేక చెరువులు, కుంటల ఉనికికే ప్రమాదం ● పట్టింపులేని పాలకులు, అధికారులు – ఉప్పునుంతల – వివరాలు IIIలో..

బాణాసంచా.. ● ఆకాశంలో తారాజువ్వలు.. పాతాళంలో భూచక్రాలు ● దీపావళి నేపథ్యంలో జోరందుకున్న టపాసుల విక్రయాలు ● అమాంతం ఎగబాకిన రేట్లతో సామాన్యుల బెంబేలు ● జిల్లాలో 50 మంది తాత్కాలిక దరఖాస్తు అచ్చంపేట/ కందనూలు: చిన్నారులు, పెద్దలు తేడా లేకుండా అందరికీ ఎంతో ఇష్టమైన దీపావళి పండగ రానే వచ్చేసింది. ఈ నేపథ్యంలో బాణాసంచా కాల్చేందుకు ప్రతిఒక్కరూ ఆసక్తి చూపిస్తారు. ఇందుకోసం తాత్కాలిక లైసెన్స్‌దారులు జిల్లావ్యాప్తంగా దుకాణాలు ఏర్పాటు చేసుకునే పనిలో నిమగ్నమయ్యారు. ఈ మేరకు సంబంధిత అధికారులకు 50 మంది ఆన్‌లైన్‌లో దరఖాస్తు చేసుకున్నారు. జిల్లాకేంద్రంలోని జెడ్పీ బాలుర ఉన్నత పాఠశాల మైదానంలో దాదాపు 14 టపాసుల దుకాణాలు ఏర్పాటు చేయగా.. శనివారం బాణసంచా కొనుగోలు చేయడంతో దుకాణాల వద్ద సందడి కనిపించింది. అయితే టపాసుల ధరలు సామాన్యులను బెంబేలెత్తించాయి. తారాజువ్వల ధరలు ఆకాశాన్నంటగా.. భూచక్రాలు పాతాళానికి చేరాయి. ఈసారి 25 శాతం వరకు ధరలు పెరి గాయి. యూత్‌ సౌండ్‌ పొల్యూషన్‌, ఎయిర్‌ పొల్యూషన్‌ లేకుండా ఉండే స్టాండర్డ్‌ క్రాకర్స్‌ తీసు కుంటున్నారు. మరోవైపు అమ్మకాలు మాత్రం ఏటేటా తగ్గుతున్నట్లు వ్యాపారులు వాపోతున్నారు.

కోడేరు: ప్రజా సమస్యల పరిష్కారంలో అధికారులు బాధ్యతాయుతంగా వ్యవహరించాలని.. ప్రజల నుంచి వచ్చిన ప్రతి వినతిని క్షుణ్ణంగా పరిశీలించి క్షేత్రస్థాయిలో విచారణ జరిపి వారికి న్యాయం చేయాలని రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావు అన్నారు. శనివారం కోడేరులో బస్టాండ్‌ వద్ద నిర్వహించిన మండల స్థాయి అధికారుల సమీక్ష సమావేశంలో కలెక్టర్‌ హేమంత కేశవ్‌ పాటిల్‌తో కలిసి పాల్గొన్నారు. ఈ సందర్భంగా మంత్రి మాట్లాడుతూ ప్రజల సమస్యలు పరిష్కరించకుండా కాలయాపన చేయడం, ఒక శాఖ నుంచి మరో శాఖకు పంపుతూ దాటవేత ధోరణి అవలంభిస్తే సహించేది లేదన్నారు. ఈ క్రమంలోనే కొల్లాపూర్‌ ఆర్డీఓ బన్సీలాల్‌, కోడేరు తహసీల్దార్‌ జమీల్‌ పనితీరుపై మంత్రి ఆగ్రహం వ్యక్తం చేశారు. ప్రజలు కార్యాలయాల చుట్టూ తిరిగే పరిస్థితి ఎందుకు వస్తుందని ప్రశ్నించారు. మండలంలో 395 ఫిర్యాదులు అందాయని, ప్రతి ఫిర్యాదుపై క్షేత్రస్థాయిలో విచారణ జరిపి వాస్తవాలను నిర్ధారించి అర్హులకు న్యాయం చేయాలని ఆదేశించారు. అనంతరం కలెక్టర్‌ మాట్లాడుతూ ప్రజల సమస్యలను పరిష్కరించడంలో ప్రభుత్వ అధికారులు జవాబుదారిగా వ్యవహరించాలన్నారు. వినతులపై అధికారులు స్పందించకపోయినా.. సమస్యలపై జాప్యం జరిగినా కఠిన చర్యలు తీసుకుంటామని హెచ్చరించారు. అనంతరం మా ఇందిరమ్మ ఇంట్లో దీపావళి పండుగ వాల్‌పోస్టర్లను విడుదల చేసి కల్యాణలక్ష్మి, షాదీ ముబారక్‌ చెక్కులు పంపిణీ చేశారు. ● ఇదిలా ఉండగా.. మంత్రి మాట్లాడుతుండగా ఎస్‌ఎఫ్‌ఐ నాయకులు ప్లకార్డులతో నిరసన వ్యక్తం చేశారు. బీసీ హాస్టల్‌కు సొంత భవనం, గురుకుల బాలికల హాస్టల్‌కు స్థలం కేటాయించాలని, పెండింగ్‌లో ఉన్న జెడ్పీహెచ్‌ఎస్‌, కేజీబీవీలను పూర్తిచేయాలని, అక్రమ డిప్యూటేషన్లపై వెళ్లిన టీచర్లను తిరిగి వెనక్కి రప్పించాలని విన్నవించారు. పేదలకు ఆర్థిక భరోసా కొల్లాపూర్‌ రూరల్‌: ఇందిరమ్మ ఇళ్ల పథకంతో నిరుపేదలకు ఆర్థిక భరోసా లభిస్తుందని మంత్రి జూపల్లి కృష్ణారావు అన్నారు. కొల్లాపూర్‌ మండలంలోని రామాపురంలో ఇందిరమ్మ ఇళ్ల నిర్మాణానికి ఆయన భూమిపూజ చేసి పనులు ప్రారంభించి మాట్లాడారు. సొంత ఇల్లు ప్రతి పేద కుటుంబానికి ఒక కల అని, ఆ కలను నిజం చేసేందుకు ప్రజా ప్రభుత్వం కట్టుబడి ఉందన్నారు. ఇళ్ల నిర్మాణాలు నాణ్యతగా, నిర్దేశిత గడువులోగా పూర్తయ్యేలా అధికారులు చర్యలు తీసుకోవాలన్నారు. ప్రభుత్వం అందిస్తున్న ఆర్థిక సహాయాన్ని సద్వినియోగం చేసుకొని లబ్ధిదారులు తమ ఇళ్ల నిర్మాణాలను త్వరితగతిన పూర్తి చేసుకోవాలని సూచించారు.

దీపావళి పండుగ సందర్భంగా జిల్లాలో అన్ని రకాల వస్తువుల ధరలు అమాంతంగా పెరిగాయి. ఏ వస్తువు కొందామన్న ధరలు అందుబాటులో లేవని వినియోగదారులు వాపోతున్నారు. ప్రజల అవసరాలను ఆసరా చేసుకుని వ్యాపారులు ఇష్టానుసారంగా ధరలు పెంచి విక్రయిస్తున్నారు. ధనలక్ష్మి పూజ కోసం వినియోగించే బంతిపూల ధరలకు రెక్కలొచ్చాయి. మాములు రోజుల్లో కిలో రూ.50 ఉంటే.. ప్రస్తుతం రూ.100 వరకు విక్రయిస్తున్నారు. రూ.10 నుంచి రూ.30 వరకు కొత్త కొత్త డిజైన్లలో ప్రమిదలు అందుబాటులో ఉన్నాయి. ఇక విద్యుత్‌ లైట్లతో కూడిన దివ్వెలు, ప్రమిదలు, రంగురంగుల లైట్లు ఆకట్టుకున్నాయి. ఈ ఎలక్ట్రికల్‌ ప్రమిదలను రూ.200 నుంచి రూ.500 వరకు విక్రయిస్తున్నారు. డిజైన్లను బట్టి ప్రమిదల్లో కూడా గతంలో కిలో రూ.400 ఉంటే ఈసారి రూ.600 పెరిగింది. నాణ్యమైన పేనీలు కిలో రూ.150 ఉంటే ఈసారి రూ.220 ఎగబాకింది.

చారకొండ: ఉమ్మడి పాలమూరుకు అన్యాయం చేసే డిండి లిఫ్టు ఇరిగేషన్‌ను రద్దు చేయాలని, రద్దు చేసే వరకు పోరాటం చేస్తామని పాలమూరు అధ్యయన వేదిక కల్వకుర్తి కన్వీనర్‌ అశోక్‌గౌడ్‌ అన్నారు. శనివారం చారకొండలో ప్రధాన రహదారిపై డీఎల్‌ఐ రద్దు కోరుతూ పండుగ సాయన్న స్ఫూర్తితో లక్ష సంతకాల మహోద్యమ కార్యక్రమం చేపట్టారు. ఇందులో భాగంగా పాలమూరు అధ్యయన వేదిక ఆధ్వర్యంలో మండలంలోని రైతులు, మేధావులు, యువకులతో సంతకాలు సేకరించారు. ఈ సందర్భంగా ఆయన మాట్లాడుతూ పాలమూరులో పెండింగ్‌ ప్రాజెక్టులు పూర్తి చేయాలని ప్రభుత్వాన్ని డిమాండ్‌ చేశారు. ఉమ్మడి పాలమూరు జిల్లాకు అన్యాయం చేయవద్దు అని, వెంటనే డీఎల్‌ఐని రద్దు చేయాలని కోరారు. విద్యార్థులకు నాణ్యమైన భోజనం అందించాలి కల్వకుర్తి రూరల్‌: పట్టణంలోని ప్రభుత్వ ఉన్నత పాఠశాలలో విద్యార్థులకు మధ్యాహ్న భోజనంలో పురుగుల అన్నం వడ్డించారని ఏబీవీపీ రాష్ట్ర కార్యవర్గ సభ్యుడు ప్రశాంత్‌యాదవ్‌ తెలిపారు. పాఠశాల విద్యార్థులు సమాచారం ఇవ్వడంతో భోజనాన్ని తనిఖీ చేశామన్నారు. విద్యార్థులకు నాణ్యమైన, పోషక విలువలతో కూడిన ఆహారం అందించాలని డిమాండ్‌ చేశారు. విద్యార్థుల ఆరోగ్యంతో చెలగాటమాడితే ఏబీవీపీ చూస్తూ ఊరుకోదని, మధ్యాహ్న భోజనం పథకంలో ఎలాంటి సమస్య తలెత్తిన ఉపేక్షించే ప్రసక్తే లేదని ఆయన హెచ్చరించారు. నగర కార్యదర్శి వసంత చరణ్‌ యాదవ్‌ మాట్లాడుతూ విద్యార్థుల ఆరోగ్యం తమ బాధ్యత అని, నాణ్యమైన విద్య, పోషక ఆహారం విద్యార్థులకు అందించాలని డిమాండ్‌ చేశారు. కార్యక్రమంలో నగర సంయుక్త కార్యదర్శి శివరాం, భరద్వాజ్‌, నర్సింహ, శివ, రామ్‌చరణ్‌, శివచరణ్‌, పవన్‌చారి తదితరులు పాల్గొన్నారు. ఫార్మా–డీ, లా పరీక్ష ఫలితాలు విడుదల మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ (పీయూ) ఫార్మా–డీ, లా కళాశాల పరీక్ష ఫలితాలను వీసీ శ్రీనివాస్‌ శనివారం విడుదల చేశారు. ఫార్మా–డీ మొదటి సంవత్సరం పరీక్షలకు 29 మందికి గాను 17 మంది, రెండో సంవత్సరం 51 మందికి గాను 46 మంది హాజరయ్యారు. ఎల్‌ఎల్‌బీ ఇంటిగ్రేటెడ్‌ కోర్సు ఆరో సెమిస్టర్‌ పరీక్షలకు 29 మంది హాజరయ్యారు. ఈ సందర్భంగా వీసీ మాట్లాడుతూ విద్యార్థులు క్రమశిక్షణ, పట్టుదలతో చదివి జీవితంలో ఉన్నత స్థాయికి ఎదగాలని సూచించారు. కార్యక్రమంలో రిజిస్ట్రార్‌ రమేష్‌బాబు, ఆడిట్‌ సెల్‌ డైరెక్టర్‌ చంద్రకిరణ్‌, కంట్రోలర్‌ ప్రవీణ, ప్రిన్సిపాల్‌ భూమయ్య, ఈశ్వర్‌కుమార్‌, రవీందర్‌రెడ్డి పాల్గొన్నారు.

పేలుడు పదార్థాలతో తయారు చేసిన టపాసులు ఊరి బయట విక్రయించాల్సి ఉండగా వ్యాపారులు నిబంధనలకు విరుద్ధగా పట్టణ నడ్డిబొడ్డున దుకాణాలు ఏర్పాటు చేశారు. అచ్చంపేటలోని కన్నయ్య రైస్‌మిల్లు మైదానంలో వీటిని ఏర్పాటు చేసినప్పటికీ ఇప్పటి వరకు లైసెన్స్‌లు కూడా తీసుకోకుండా అక్రమార్జనే ధ్యేయంగా ముందుకు సాగుతున్నారు. తక్కువ కాలుష్యం వెదజల్లే టపాసులు కాల్చాలన్న నిబంధనను తుంగలో తొక్కుతున్నారు. దీనిని సంబంధిత శాఖల అధికారులు ‘మామూలు’గా తీసుకుంటుండటంతో అక్రమ దందా యథేచ్ఛగా సాగుతోంది.

● రోడ్డు ప్రమాద బాధితులను కాపాడేందుకు కేంద్రం సరికొత్త పథకం ● రూ.1.50 లక్షల వరకు ఉచితంగా వైద్య చికిత్స ● క్షేత్రస్థాయిలో అవగాహన కల్పిస్తేనే ఉపయోగం – వివరాలు 8లో..పీఎం రాహత్‌తో భరోసా కందనూలు: రోడ్డు ప్రమాదాలు నిత్యం ఎన్నో కుటుంబాల్లో తీరని విషాదం నింపుతున్నాయి. ఈ క్రమంలో ప్రమాద సమయంలో సరైన వైద్యం అందక ప్రాణాలు కోల్పోయే పరిస్థితులను నివారించేందుకు.. గోల్డెన్‌ అవర్‌లో బాధితుల ప్రాణాలు కాపాడేందుకు కేంద్ర ప్రభుత్వం పీఎం రాహత్‌ పథకాన్ని తీసుకొచ్చింది. రోడ్డు ప్రమాద బాధితులకు సకాలంలో వైద్య సహాయం అందించడంతోపాటు ఆర్థిక భారం తగ్గించడం ఈ పథకం ప్రధాన లక్ష్యం. ఈ పథకం ద్వారా రోడ్డు ప్రమాదంలో గాయపడిన బాధితులకు నిబంధనల ప్రకారం నగదు రహిత వైద్య చికిత్స అందించే అవకాశం కల్పిస్తారు. ప్రమాదం జరిగిన వెంటనే బాధితులను సమీపంలోని గుర్తింపు పొందిన ఆస్పత్రికి తరలించి అత్యవసర చికిత్స అందించడంపై ప్రత్యేకంగా దృష్టిసారిస్తారు. చికిత్స ఖర్చుల గురించి ఆలోచిస్తూ ప్రాణాలను ప్రమాదంలోకి నెట్టుకోకుండా బాధితులకు అండగా ఉండేందుకు కేంద్ర ప్రభుత్వం ఈ పథకాన్ని తీసుకొచ్చింది. రోడ్డు ప్రమాద బాధితులకు సకాలంలో వైద్యం అందకపోవడం, ఆర్థిక ఇబ్బందులతో చికిత్స ఆలస్యం కావడం వంటి సమస్యలకు ఈ పథకం పరిష్కారంగా నిలవనుంది. ముఖ్యంగా పేద, మధ్య తరగతి కుటుంబాలకు ఇది ఎంతగానో ఉపయోగపడనుంది. జిల్లా పరిధిలో ఇలా.. జిల్లాలో 24 ప్రాథమిక ఆరోగ్య కేంద్రాలు, 4 కమ్యూనిటీ హెల్త్‌ సెంటర్లు, ఒక జనరల్‌ ఆస్పత్రిలో వైద్యసేవలు అందుబాటులో ఉన్నాయి. వీటితోపాటు జిల్లాలోని ప్రైవేట్‌ ఆస్పత్రులు సైతం ఈ పథకం కింద వైద్య సేవలు అందిస్తే ప్రజలకు మరింత మెరుగైన వైద్యసేవలు అందుబాటులోకి వస్తాయి. రోడ్డు ప్రమాదంలో గాయపడిన బాధితులకు గరిష్టంగా రూ.1.50 లక్షల వరకు, ఏడు రోజులపాటు నగదు రహిత వైద్యం అందిస్తారు. ప్రమాదం జరిగిన వెంటనే బాధితులను సమీపంలోని ఆస్పత్రికి తరలిస్తే చాలు అతడికి ఈ పథకం కింద అత్యవసర చికిత్స అందిస్తారు. ప్రమాదం జరిగిన క్షణం నుంచి ఏడు రోజుల వరకు అయ్యే అన్ని రకాల అత్యవసర వైద్య ఖర్చులను ప్రభుత్వమే భరిస్తుంది. ఆర్థిక ఇబ్బందుల కారణంగా బాధితులకు ఆస్పత్రులు వైద్యం నిరాకరించకూడదన్నదే ఈ పథకం ముఖ్య ఉద్దేశం. ప్రత్యేక పోర్టల్‌.. రోడ్డు ప్రమాదాల బాధితులకు భరోసా కల్పిస్తూ.. అత్యవసర వైద్యం అందించడంతోపాటు ఆస్పత్రి ఖర్చుల భారం తగ్గించే ఉద్దేశంతో కేంద్ర ప్రభుత్వం ‘ప్రైమ్‌ మినిస్టర్‌ రోడ్‌ ఆక్సిడెంట్‌ విక్టమ్స్‌ హాస్పిటలైజేషన్‌ అండ్‌ అస్యూర్డ్‌ ట్రీట్‌మెంట్‌’ (పీఎం రాహత్‌) అనే పథకాన్ని ఈ ఏడాది ఫిబ్రవరి 13న ప్రవేశపెట్టింది. దీని కింద రోడ్డు ప్రమాదం జరిగిన వెంటనే వివరాలు సేకరించి ఈడీఏఆర్‌ పోర్టల్‌లో నమోదు చేయాల్సి ఉంటుంది. అనంతరం బాధితులను సమీపంలోని అర్హత కలిగిన ఆస్పత్రులకు తరలించి ఆలస్యం చేయకుండా వెంటనే చికిత్స అందించాలి. అలాగే రోడ్డు ప్రమాదాలు ఎక్కువగా జరిగే ప్రాంతాలను గుర్తించి నివారణ చర్యలు చేపట్టడంతోపాటు మ్యాపింగ్‌ చేసి వాటి వివరాలను ఈడీఏఆర్‌ పీఎం రాహత్‌ పోర్టల్‌లో నమోదు చేయాల్సి ఉంటుంది. అలాగే ప్రమాదం జరిగిన వెంటనే బాధితులు లేదా స్థానికులు 112 హెల్ప్‌లైన్‌ నంబర్‌కు ఫోన్‌ చేసి సమీపంలోని ఆస్పత్రుల వివరాలతోపాటు అంబలెన్స్‌ సౌకర్యాన్ని పొందవచ్చు. అవగాహన కల్పిస్తే మేలు.. పీఎం రాహత్‌ పథకంపై ప్రజలకు పూర్తిస్థాయిలో అవగాహన కల్పించాల్సిన అవసరం ఉంది. పోలీసులు, వైద్య, ఆరోగ్య శాఖ అధికారులు, రవాణా శాఖ సమన్వయంతో పథకం వివరాలను ప్రజలకు తెలియజేయాలి. ప్రమాదం జరిగినప్పుడు బాధితులకు తక్షణ సహాయం అందించేలా చర్యలు తీసుకోవాలి. రోడ్డు ప్రమాద బాధితులకు వైద్య సహాయం అందించడం కేవలం ప్రభుత్వ బాధ్యత మాత్రమే కాకుండా.. ప్రతి ఒక్కరి సామాజిక బాధ్యత కూడా. అత్యవసర సమయంలో స్పందించి బాధితులను ఆస్పత్రికి చేర్చ డం ద్వారా ప్రాణాలను కాపాడవచ్చు. పీఎం రాహత్‌ పథకం సమర్థవంతంగా అమలైతే రోడ్డు ప్రమాద బాధితులకు నిజమైన భరోసా లభించనుంది.

నాగర్‌ కర్నూల్‌: విధి నిర్వహణలో మృతి చెందిన ఆర్మ్‌డ్‌ రిజర్వు కానిస్టేబుల్‌ రాజు కుటుంబానికి స్టేట్‌ బ్యాంక్‌ ఆఫ్‌ ఇండియా అందించే రూ.కోటి విలువైన పోలీస్‌ శాలరీ ప్యాకేజ్‌ ఇ న్సూరెన్స్‌ చెక్కును ఎస్పీ డా.సంగ్రామ్‌ సింగ్‌ జి పాటిల్‌ శుక్రవారం జిల్లా పోలీస్‌ కార్యాలయంలో బాధిత కుటుంబ సభ్యులకు అందజేశారు. గత ఆగస్టులో సీఎం కొల్లాపూర్‌లో పర్యటించిన నేపథ్యంలో ఏఆర్‌ కానిస్టేబుల్‌ రాజు విధులు ముగించుకొని తిరిగి నాగర్‌ కర్నూల్‌ వస్తున్న క్రమంలో పిడుగుపాటుకు గురై అక్కడికక్కడే మృతి చెందారు. ఆయనకు స్టేట్‌ బ్యాంక్‌ ఆఫ్‌ ఇండియాలో పోలీస్‌ శాలరీ ప్యాకేజ్‌ ఖాతా ఉ న్నందున, సంబంధిత బీమా నిబంధనల ప్రకా రం బ్యాంకు యాజమాన్యం రూ.కోటి పరిహా రాన్ని మంజూరు చేసింది. ఈ సందర్భంగా ఎస్పీ మాట్లాడుతూ బాధిత కుటుంబానికి కానిస్టేబుల్‌ రాజు లేని లోటు తీర్చలేనిదని, ఇటువంటి క్లిష్ట సమయంలో రాజు కుటుంబానికి పోలీస్‌ శాఖ ఎల్లప్పుడూ అండగా ఉంటుందన్నారు. ఈ క్లిష్ట సమయంలో ఎస్‌బీఐ వారి కుటుంబానికి అందించిన పరిహారం ఆర్థికంగా ఆసరాగా నిలుస్తుందన్నారు. ప్రతి ఒక్క సిబ్బంది పోలీస్‌ శాలరీ ప్యాకేజ్‌ చేయించుకోవాలని అదేవిధంగా హెల్త్‌ ఇన్సూరెన్స్‌ తీసుకోవాలని సూచించారు. కార్యక్రమంలో జిల్లా పోలీస్‌ కార్యాలయ ఏవో కృష్ణయ్య, ఆర్‌ఐ రాఘవరా వు, ఆర్‌ఎస్‌ఐ గౌస్‌ పాషా, జిల్లా పోలీస్‌ కోఆర్డినేటర్‌ శ్రీనివాస్‌, స్టేట్‌ బ్యాంక్‌ ఆఫ్‌ ఇండియా ప్రతినిధులు పాల్గొన్నారు.

కందనూలు: ప్రభుత్వం అమలు చేస్తున్న సంక్షేమ, అభివృద్ధి పనులను వేగవంతం చేయాలని రాష్ట్ర ప్రభుత్వ ప్రధాన కార్యదర్శి సంజయ్‌జాజు అన్నారు. శుక్రవారం హైదరాబాద్‌ నుంచి అన్ని జిల్లాల కలెక్టర్లు, ఇతర అధికారులతో వీసీ నిర్వహించి.. ప్రభుత్వ శాఖల పనితీరు, పథకాల అమలు, అభివృద్ధి కార్యక్రమాల పురోగతిపై సమీక్షించారు. సమీక్షలో కలెక్టర్‌ హేమంత కేశవ్‌ పాటిల్‌ పాల్గొని జిల్లా పరిస్థితులను వివరించారు. జిల్లాలో వివిధ శాఖల ఆధ్వర్యంలో కొనసాగుతున్న ప్రభుత్వ పథకాలు, అభివృద్ధి కార్యక్రమాలు, తాగునీటి సరఫరాకు చేపడుతున్న ముందస్తు చర్యలు, ఇందిరమ్మ ఇళ్ల నిర్మాణాల పురోగతి, బుల్లెట్‌ రైల్వే, రోడ్లు, సాగునీటి ప్రాజెక్టుల పనులు, భూ సేకరణ ప్రక్రియ తదితర అంశాలను వివరించారు. అనంతరం కలెక్టర్‌ మాట్లాడుతూ సమగ్ర శిక్ష అభియాన్‌ పథకం కింద ప్రభుత్వ పాఠశాలల్లో విద్యార్థులకు కల్పిస్తున్న మౌలిక వసతులు, బ్రేక్‌ఫాస్ట్‌, యూనిఫాంల పంపిణీ, పాఠశాల భవనాల నిర్మాణాలు, కేటాయించిన నిధుల వినియోగంపై సమీక్షించారు. విద్యార్థులకు అవసరమైన సౌకర్యాలు సకాలంలో అందేలా చర్యలు తీసుకోవాలని, పాఠశాలల్లో చేపట్టిన నిర్మాణాలను నిర్దేశిత గడువులోగా పూర్తిచేయాలని సూచించారు. ఎల్‌నినో నేపథ్యంలో తాగునీటి సమస్య తలెత్తకుండా ముందస్తు ప్రణాళికతో సిద్ధంగా ఉండాలని చెప్పారు. గ్రామీణ ప్రాంతాల్లో ఉపాధి అవకాశాలు మెరుగుపరిచేందుకు వీబీజీ రాంజీ పథకం కింద ఉపాధి పనులను విస్తృతంగా చేపట్టాలని కలెక్టర్లకు సూచించారు. గ్రామాల్లో అవసరమైన పనులను గుర్తించి, కూలీలకు అధిక సంఖ్యలో ఉపాధి అవకాశాలు కల్పించేలా చర్యలు తీసుకోవాలని ఆదేశించారు.

ఏదుల–డిండి లింక్‌పై భిన్నాభిప్రాయాలు ● శ్రీశైలం నుంచి అదనంగా 0.6 టీఎంసీల తరలింపు ● పాలమూరుకు ఢోకా లేకుండా ప్రత్యేక వ్యవస్థ ఏర్పాటుకు అడుగులు ● 0.5 టీఎంసీలు డిండికి, 0.1 టీఎంసీ అచ్చంపేట లిఫ్ట్‌కు అని సీఎం వెల్లడి ● లేని స్పష్టత.. పునరాలోచన చేసి మళ్లీ లింక్‌ పెట్టడంపై ప్రజాసంఘాల మండిపాటు ● మౌలికంగా భూమి.. అనుబంధంగా నీటి పోరాటమని వెల్లడి ● ఈ సమస్య పరిష్కారం కాకుండా స్కీం పూర్తి కాదని స్పష్టం సాక్షి ప్రతినిధి, మహబూబ్‌నగర్‌: ‘పాలమూరు–రంగారెడ్డి ఎత్తిపోతల పథకానికి ఢోకా లేకుండా శ్రీశైలం నుంచి అదనంగా 0.6 టీఎంసీల నీటిని తరలించే వ్యవస్థను ఏర్పాటు చేస్తాం. ఏదుల నుంచి డిండికి 0.5 టీఎంసీలు.. అదేవిధంగా అచ్చంపేట లిఫ్ట్‌కు 0.1 టీఎంసీలు తరలించేలా మధ్యే మార్గంగా ఈ నిర్ణయం తీసుకున్నాం. ఈ వ్యవస్థ ఏర్పాటు దిశగా ఎక్కడెక్కడ పంప్‌లు, పంప్‌ హౌస్‌లు, కెనాళ్లు, టన్నెళ్ల సామర్థ్యం పెంపు కోసం డిజైన్‌ రూపొందించేలా అధ్యయనం చేయాలని అధికారులను ఆదేశించాం.’ ..ముఖ్యమంత్రి రేవంత్‌రెడ్డి గత నెల 23న మంత్రులు, అధికారులతో సమీక్ష సందర్భంగా చేసిన వ్యాఖ్యలివి. ఏదుల నుంచి రెండు పథకాలకు నీరు తరలించేలా ఖర్చు బేరీజు వేసుకుని ప్రత్యేక వ్యవస్థ ఏర్పాటుకు ఈ నిర్ణయం తీసుకున్నట్లు ఆయన వెల్లడించారు. అయితే దీనిపైనా ఉమ్మడి జిల్లాలో భిన్నాభిప్రాయాలు వ్యక్తమవుతున్నాయి. దీంతో పాటు పలు సాంకేతిక సమస్యలు ఉత్పన్నమయ్యే అవకాశం ఉన్నట్లు తెలుస్తోంది. మధ్యే మార్గమంటూ మళ్లీ లింకా.. ఏదుల నుంచి డిండికి నీటి తరలింపుపై ఉమ్మడి పాలమూరు జిల్లా పెండింగ్‌ ప్రాజెక్ట్‌ల సాధన జేఏసీ, పాలమూరు అధ్యయన వేదిక, ప్రజా సంఘాలు పోరు బాట పట్టిన విషయం తెలిసిందే. తొలి దశలో జరుగుతున్న పనులపై ప్రతి ఊరిలో పర్యటించడం, దీని వల్ల పాలమూరుకు జరిగే అన్యాయాన్ని వివరించడంతో పాటు పాదయాత్రతో ఉద్యమాన్ని ఉధృతం చేశారు. ఈ క్రమంలో ప్రభుత్వం పునరాలోచనలో పడింది. పాలమూరుకు ఢోకా లేకుండా శ్రీశైలం నుంచి అదనంగా 0.6 టీఎంసీల నీటిని ఏదుల నుంచే డిండికి తరలించే వ్యవస్థ ఏర్పాటు చేస్తామని ప్రకటించింది. పాలమూరుకు అన్యాయం చేసే ఏదుల–డిండి లింక్‌ వద్దే వద్దంటూ పోరాట బాట పడితే.. పునరాలోచన చేసి మళ్లీ అదే లింక్‌కు ముడిపెట్టడంపై ఆయా సంఘాలు మండిపడుతున్నాయి. ప్రత్యేక వ్యవస్థ ఏర్పాటును ముక్తకంఠంతో వ్యతిరేకిస్తున్నారు. ప్రత్యేక వ్యవస్థ ఏర్పాటు ఎలానో.. పాలమూరుకు ఇబ్బంది లేకుండా ఏర్పాటు చేసే ప్రత్యేక వ్యవస్థ ఎలా ఉంటుందనే దానిపై స్పష్టత లేకపోవడంతో నానారకాల ఊహాగానాలు వినిపిస్తున్నాయి. ముఖ్యమంత్రి గత నెలలో నిర్వహించిన సమీక్షలో చెప్పిన దాని ప్రకారం ప్రత్యేక వ్యవస్థకు మొత్తం పని వేరుగా చేయాల్సి ఉంటుందని సాంకేతిక నిపుణులు చెబుతున్నారు. ఇప్పటివరకు పాలమూరు–డిండి అనుసంధానం కోసం జరిగిన పనులకు సంబంధం లేకుండా టన్నెళ్లు, స్ట్రక్చర్‌ పనులను మొత్తం కొత్తగా చేయాల్సిందేనని అంటున్నారు. 0.5 టీఎంసీలు, 0.1 టీఎంసీల నీటి తరలింపునకు సంబంధించి పంప్‌లను వేరే చోట పెట్టాలంటే అక్కడే పనిచేయాల్సి ఉంటుందని ఉదహరిస్తున్నారు. అంతకంటే పుట్టంగండి పక్కనే పంప్‌ పెట్టుకుని అక్కడి నుంచి అక్కడే డిండికి నీరు తీసుకుంటే బాగుంటుందని సూచిస్తున్నారు. మరోవైపు ప్రత్యేక వ్యవస్థ ఏర్పాటుపై అధికారులను ప్రశ్నించగా.. తమకు ఇంకా అధికారికంగా ఎలాంటి ఆదేశాలు రాలేదని చెబుతున్నారు. అయితే.. సీఎం ప్రకటన కంటే ముందు జిల్లా ఇరిగేషన్‌ అధికారులు ప్రత్యేక వ్యవస్థ ఏర్పాటుకు సంబంధించి ప్రతిపాదనలు చేశారు. ఏదుల నుంచి డిండి ఎత్తిపోతల పథకానికి రోజుకు 0.5 టీఎంసీ చొప్పున 60 రోజుల్లో 30 టీఎంసీల నీళ్లు తరలించి 3.61 లక్షల ఎకరాల ఆయకట్టుకు సాగునీరు అందించవచ్చని అందులో పేర్కొన్నారు. అధికార ప్రతిపాదన ప్రకారం నార్లపూర్‌ రిజర్వాయర్‌ నుంచి ఏదులకు కొత్తగా ప్రత్యేక లైనింగ్‌ కాల్వ, సొరంగం ఏర్పాటు చేసి నీటిని తరలిస్తారు. ఇక్కడ పంపింగ్‌ సిస్టమ్‌ ఏర్పాటు చేసి ఏదుల నుంచి 800 మీటర్ల ఆప్రోచ్‌ కాల్వ, 0–2.52 కి.మీ ఓపెన్‌ ప్రధాన కాల్వ, 16కి.మీ సొరంగం.. అ తర్వాత 3.05 కి.మీ కాల్వ ఏర్పాటు చేసి దుందుబీ నదిలోకి నీళ్లు తీసుకెళ్లేందుకు డిజైన్‌ చేశారు. అక్కడి నుంచి ఉల్పర వద్ద రబ్బర్‌ డ్యామ్‌ నిర్మించి కెనాల్‌ కాల్వల ద్వారా నల్లగొండ జిల్లా మునుగోడు, దేవరకొండ, నల్లగొండ, గుర్రపోడు వంటి ప్రాంతాలోని ఆయకట్టుకు నీరు అందించనున్నారు. దీనిపై అధికారికంగా ప్రభుత్వం ఎలాంటి ప్రకటన చేయకపోవడంతో ప్రజల్లో అనేక అనుమానాలు వ్యక్తం అవుతున్నాయి. నీటితో పాటు నేల పోరాటం.. నాగర్‌కర్నూల్‌ జిల్లాలో ఇర్విన్‌, ఎర్రవల్లి, ఉల్పర, కార్వంగ రైతులు భూముల కోసం ఇప్పటికీ పోరాడుతున్నారు. ప్రాజెక్ట్‌ల నిర్మాణంలో భాగంగా జిల్లాలో ఐదు పర్యాయాలు భూములు ముంపునకు గురయ్యాయి. ఈ క్రమంలో ఇది మౌలికంగా భూ పోరాటం అని.. అనుబంధంగా నీటి పోరాటం అని ఉమ్మడి పాలమూరు జిల్లా పెండింగ్‌ ప్రాజెక్ట్‌ల సాధన జేఏసీ, పాలమూరు అధ్యయన వేదిక బాధ్యులు స్పష్టం చేస్తున్నారు. ప్రత్యేక వ్యవస్థ ఏర్పాటు అంటే ఏదుల–డిండి లింక్‌కు సంబంధించిన టన్నెళ్లు, స్ట్రక్చర్లు, కాల్వలను ముట్టుకోవద్దని. ముఖ్యమంత్రి ఆదేశాలు అమలు కావాలంటే మొత్తం పని వేరే చేయాల్సిందేనని అంటున్నారు. లేని పక్షంలో ఉద్యమాన్ని మరింత ఉధృతం చేస్తామని హెచ్చరిస్తున్నారు.

● ధరణి ఆపరేటర్‌ను తొలగిస్తూ కలెక్టర్‌ ఉత్తర్వులు ఉప్పునుంతల: మండలంలోని అయ్యవారిపల్లి శివారు సర్వే నం.115లో దాదాపు రూ.4 కోట్ల విలువ చేసే 13.17 ఎకరాల భూమిని సంబంధం లేని వ్యక్తులపై అక్రమంగా బదలాయించిన వ్యవహారంలో రెవెన్యూ అధికారులకు ఉచ్చు బిగుస్తుంది. ఈ వ్యవహారంపై రెవెన్యూ అధికారుల భూ మాయాజాలంపై గత నెల 14న ‘సాక్షి’లో ‘ఇదెక్కడి న్యాయం’ శీర్షికన ప్రచురితమైన కథనంపై కలెక్టర్‌ స్పందించారు. ప్రాథమిక విచారణలో అవినీతి, అక్రమాలు జరిగినట్లు వెల్లడి కావడంతో ఈ విషయాన్ని కలెక్టర్‌ హేమంత కేశవ్‌ పాటిల్‌ సీరియస్‌గా తీసుకున్నట్లు సమాచారం. అందులో భాగంగానే ఇటీవల ఉప్పునుంతల తహసీల్దార్‌ అద్దంకి సునీతను సస్పెండ్‌ చేసిన ఆయన శుక్రవారం ధరణి ఆపరేటర్‌ రాజ్‌కుమార్‌ను ఉద్యోగం నుంచి తొలగిస్తూ ఉత్తర్వులు జారీచేశారని నూతన తహసీల్దార్‌ స్వప్న వెల్లడించారు. భూ అక్రమ బదలాయింపులో మరికొందరి అధికారులపై వేటు పడే అవకాశం ఉన్నట్లు సమాచారం. ఒకపక్క బాధ్యులైన అధికారులపై చర్యలు తీసుకోవడంతోపాటు ఫోర్జరీ పత్రాలతో అక్రమంగా భూమిని తన పేరిట మార్పు చేయించుకున్న వారిపైనా క్రిమినల్‌ కేసులు నమోదు చేయడానికి రెవెన్యూ అధికారులు సన్నద్ధమవుతున్నారు. ఈ భూ అక్రమ బదలాయింపులో జరుగుతున్న విచారణలో అవకతవకలు వెల్లడి కావడంతోపాటు రూ.లక్షలు చేతులు మారినట్లు ఆరోపణలు వస్తుండటంతో మున్ముందు ఎంతమంది అధికారులపై చర్యలు తీసుకుంటారో వేచిచూడాలి. గత నెల 14న ‘సాక్షి’లో ప్రచురితమైన కథనం

పాలమూరుకు అన్యాయం చేసే డిండి లింక్‌పై ఇప్పటికే ధర్నాలు, పాదయాత్ర, లక్ష సంతకాల సేకరణ వంటి వివిధ పద్ధతుల్లో పోరాడుతున్నాం. 400 మంది రైతులు బండ్లు కట్టుకుని మాడ్గుల తహసీల్‌కు వెళ్లి 4 గంటల పాటు ధర్నా చేశారు. ఎర్రవల్లి రైతులు దీక్షలు చేస్తూనే ఉన్నారు. దీంతో పునరాలోచన చేసిన సీఎం ప్రత్యేక వ్యవస్థ ఏర్పాటు చేస్తున్నామంటూ మళ్లీ ఏదుల–డిండికి లింక్‌ పెట్టడం కరెక్ట్‌ కాదు. మా స్టాండ్‌ మారలేదు.. పోరాటంలోనే ఉన్నాం. భూమి పోరాటం పరిష్కారం కాకుండా ఎవరు ఏం చెప్పినా ఈ స్కీం పూర్తికాదు. – రాఘవాచారి, జిల్లా కన్వీనర్‌, పాలమూరు అధ్యయన వేదిక

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ (పీయూ) న్యాక్‌ గ్రేడింగ్‌ మెరుగుపరిచేందుకు అధ్యాపకులు, సిబ్బంది సమష్టిగా కృషి చేయాలని వీసీ శ్రీనివాస్‌ సూచించారు. యూనివర్సిటీలో నిర్వహించిన న్యాక్‌ ఏక్యూఏఆర్‌, ఐక్యూఏసీ సమీక్ష సమావేశంలో ఆయన మాట్లాడారు. బోధన, పరిశోధన, విద్యార్థుల అభివృద్ధి, మౌలిక సదుపాయాల కల్పన తదితర అంశాల్లో నాణ్యత పెంచేందుకు అన్ని విభాగాల వారు సమన్వయంతో పనిచేయాలని అన్నారు. రిజిస్ట్రార్‌ రమేష్‌బాబు మాట్లాడుతూ న్యాక్‌ గ్రేడింగ్‌కు సంబంధించి నిర్ణీత గడువులోగా అవసరమైన ఆధారాలతో నివేదికలు సమర్పించాలని సూచించారు.

కందనూలు: విద్యార్థులు సైన్స్‌ పట్ల ఆసక్తి పెంచుకుంటే సమాజ అభివృద్ధి, మానవ ప్రగతికి దోహదపడుతుందని డీఈఓ రమేష్‌కుమార్‌ అన్నారు. శుక్రవారం జిల్లాకేంద్రంలోని జెడ్పీహెచ్‌ఎస్‌లో 32వ జిల్లాస్థాయి జాతీయ బాలల సైన్స్‌ కాంగ్రెస్‌–2026 కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ విద్యార్థుల్లో శాసీ్త్రయ ఆలోచనా విధానాన్ని పెంపు, వారిలో సృజనాత్మకతను వెలికితీయడానికి జాతీయ బాలల సైన్స్‌ ఎంతో దోహదపడుతుందన్నారు. విద్యార్థులు తమ పరిసరాల్లోని సమస్యలను గుర్తించి, వాటికి శాసీ్త్రయ పరిష్కారాలను అన్వేషించే దిశగా ముందుకు సాగాలని సూచించారు. పాఠ్య పుస్తకాల్లోని అంశాలను కేవలం చదవడానికే పరిమితం కాకుండా.. ప్రయోగాలు, పరిశీలన, పరిశోధనల ద్వారా వాటిపై అవగాహన పెంచుకోవాలని చెప్పారు. సైన్స్‌ అనేది కొత్త విషయాలను తెలుసుకోవడానికి, సమాజంలో నెలకొన్న సమస్యలకు పరిష్కారాలను చూపడానికి ఉపయోగపడే ముఖ్యమైన సాధనం అన్నారు. జిల్లాస్థాయి జాతీయ బాలల సైన్స్‌ కాంగ్రెస్‌లో విద్యార్థులు తమ పరిశోధనాత్మక ప్రాజెక్టులను ప్రదర్శించారు. వివిధ అంశాలపై రూపొందించిన ప్రాజెక్టులను పరిశీలించి, ప్రతిభ కనబరిచిన విద్యార్థులకు డీఈఓ బహుమతులు అందజేశారు. రాష్ట్రస్థాయికి నాలుగు ప్రాజెక్టులను ఎంపిక చేసినట్లు జిల్లా సైన్స్‌ అధికారి శైలజ తెలిపారు. కార్యక్రమంలో ఏఎంఓ కిరణ్‌, జీహెచ్‌ఎం లత, జీసీడీఓ నిర్మల తదితరులు పాల్గొన్నారు.

అచ్చంపేట: రాష్ట్ర ప్రభుత్వం గిరిజన యువతకు కల్పిస్తున్న ఉచిత శిక్షణ అవకాశాలను ప్రతిఒక్కరూ సద్వినియోగం చేసుకోవాలని జిల్లా గిరిజన అభివృద్ధి అధికారి కోటాజీ అన్నారు. శుక్రవారం గిరిజన అభివృద్ధి శాఖ, ఐటీడీఏ ఆధ్వర్యంలో అచ్చంపేట గిరిజన సంక్షేమ శాఖ యువజన శిక్షణ కేంద్రంలో పోలీస్‌ కానిస్టేబుల్‌, సబ్‌ ఇన్‌స్పెక్టర్‌ ఉద్యోగాలకు దరఖాస్తు చేసుకున్న గిరిజన అభ్యర్థులకు ఉచిత శిక్షణ అందిస్తున్నారు. ఈ సందర్భంగా వారికి స్టడీ మెటీరియల్‌, క్రీడా దుస్తులు, షూస్‌ ఉచితంగా అందజేశారు. అనంతరం ఆయన మాట్లాడుతూ అభ్యర్థులకు చదువుతోపాటు శారీరక దారుఢ్య అవసమన్నారు. అభ్యర్థులు పోలీస్‌, ఎస్‌ఐ ఉద్యోగాలే లక్ష్యంగా పెట్టుకొని క్రమశిక్షణతో చదువుతూ.. ప్రతిరోజూ కష్టపడి మైదానంలో సాధన చేయాలన్నారు. వచ్చిన అవకాశం, సమయాన్ని వృథా చేయకుండా ఏకాగ్రతతో చదువుకోవాలని, శారీరక దారుఢ్య పరీక్షల్లో అర్హత సాధించేందుకు నిరంతరం సాధన చేయాలని సూచించారు. కొన్ని నెలలపాటు పట్టుదల, ప్రణాళికాబద్ధంగా కష్టపడితే తప్పకుండా అనుకున్న లక్ష్యాన్ని చేరుకోవచ్చని అభ్యర్థుల్లో ఆత్మవిశ్వాసం నింపారు. కార్యక్రమంలో సహాయ గిరిజన అభివృద్ధి అధికారి నాగరాజు, హెచ్‌డబ్ల్యూఓ కాశన్న, రాజేందర్‌ తదితరులు పాల్గొన్నారు.

మిల్లర్లపై కేసులు.. ● ఒక్క గద్వాల జిల్లాలోనే రూ.70 కోట్ల విలువైన ధాన్యం స్వాహా ● అక్రమాలకు పాల్పడిన 3 మిల్లులపై కేసులు.. ఇద్దరు మిల్లర్లు రిమాండ్‌ ● మిల్లర్లకు సహకరించిన అధికారుల మాటేమిటి? ● ఇతర జిల్లాల్లో అధికారులపై చర్యలు.. ఉమ్మడి పాలమూరులో అంతా గప్‌చుప్‌ 2025–26 ఖరీఫ్‌లో ఉమ్మడి జిల్లా వ్యాప్తంగా కేటాయించిన ధాన్యం వివరాలు.... జిల్లా మిల్లులు కేటాయించిన ధాన్యం (మె.ట) మహబూబ్‌నగర్‌ 77 1,47,938 గద్వాల 49 1,34,495 వనపర్తి 69 2,20,182 నాగర్‌కర్నూల్‌ 56 1,14,442 నారాయణపేట 51 1,40,266 అక్రమాలకు పాల్పడుతున్న మిల్లర్లపై కేసులు నమోదు చేయడమే కాకుండా వారిని రిమాండ్‌కు పంపుతున్నాం. అదేవిధంగా మిల్లర్లకు సహకరిస్తున్న అధికారులపై ఇప్పటికే నిఘా పెట్టాం. ఇందులో భాగంగా ఇద్దరు డీటీలపై సస్పెన్షన్‌ వేటు వేశాం. పాత సిబ్బందిని మార్చాం. అవినీతికి పాల్పడిన అధికారుల పాత్రపై విచారణ జరుపుతున్నాం. దీనిపై ఇప్పటికే సీఐడీ దృష్టిసారించారు. ఎవరినీ ఉపేక్షించే ప్రసక్తే లేదు. – రిజ్వాన్‌బాషా షేక్‌, కలెక్టర్‌, గద్వాల జిల్లా గద్వాల: ప్రభుత్వ ధాన్యం పక్కదారి పడుతున్నా.. బాధ్యులైన మిల్లర్లపై కేసులు నమోదవుతున్నా.. ఈ అక్రమాలకు సహకరించిన అధికారులపై మాత్రం చర్యలు కనిపించడం లేదన్న విమర్శలు వెల్లువెత్తుతున్నాయి. రైతుల నుంచి ప్రభుత్వం కొనుగోలు చేసిన ధాన్యాన్ని కస్టమ్‌ మిల్లింగ్‌ రైస్‌ (సీఎమ్మార్‌) కింద తిరిగి బియ్యంగా అప్పగించాల్సిన రైస్‌మిల్లర్లు కొందరు అక్రమాలకు పాల్పడుతున్నారనే ఆరోపణలు ఉన్నాయి. ఒక్క గద్వాల జిల్లాలోనే సుమారు రూ.70 కోట్ల విలువైన ప్రభుత్వ ధాన్యం పక్కదారి పట్టినట్లు ఆరోపణలు వినిపిస్తుండగా.. ఉమ్మడి జిల్లావ్యాప్తంగా ఈ మొత్తం రూ.200 కోట్లకు పైగా ఉంటుందని అంచనాలు వ్యక్తమవుతున్నాయి. తాజాగా గద్వాల జిల్లాలో మరో మూడు మిల్లులపై కేసులు నమోదవడం ఈ వ్యవహారాన్ని మరోసారి తెరపైకి తెచ్చింది. మిల్లర్లపై చర్యలు తీసుకుంటున్న అధికారులు.. వారికి సహకరించినట్లు ఆరోపణలు ఎదుర్కొంటున్న తమ శాఖలోని అధికారులపై ఎందుకు విచారణ చేపట్టడం లేదన్న ప్రశ్నలు తలెత్తుతున్నాయి. మిల్లర్ల అవతారంలో అక్రమార్కులు ప్రభుత్వం రైతుల నుంచి ధాన్యం కొనుగోలు చేసేందుకు వేల కోట్ల రూపాయలు ఖర్చు చేస్తోంది. సేకరించిన ధాన్యాన్ని మిల్లుల సామర్థ్యాన్ని బట్టి రైస్‌మిల్లర్లకు కేటాయించి, నిర్ణీత గడువులో సీఎమ్మార్‌ బియ్యం తిరిగి ప్రభుత్వానికి అప్పగించాలని నిబంధనలు విధిస్తోంది. అయితే ఈ ప్రక్రియలో కొందరు మిల్లర్లు అక్రమాలకు పాల్పడుతున్నారనే ఆరోపణలున్నాయి. గతంలో పీడీఎస్‌ బియ్యం అక్రమ రవాణా వ్యవహారాల్లో ఉన్నవారు, మిల్లింగ్‌ రంగంలో అనుభవం లేనివారు సైతం మిల్లుల ఏర్పాటుకు అనుమతులు పొందడం, ధాన్యం కేటాయింపులు దక్కించుకోవడం వెనుక కొందరు అధికారుల సహకారం ఉందన్న విమర్శలు వినిపిస్తున్నాయి. అనుమతులు, ధాన్యం కేటాయింపులు, సీఎమ్మార్‌ బియ్యం స్వీకరణ వరకు ప్రతి దశలోనూ అధికారుల పర్యవేక్షణ అవసరమనే నేపథ్యంలో ఈ ఆరోపణలకు ప్రాధాన్యత ఏర్పడింది. 7.57 లక్షల టన్నుల ధాన్యం 2025–26 ఖరీఫ్‌ సీజన్‌కు సంబంధించి ఉమ్మడి పాలమూరులో ప్రభుత్వం 7.57 లక్షల మెట్రిక్‌ టన్నుల ధాన్యాన్ని సేకరించి మిల్లులకు కేటాయించింది. అక్టోబర్‌ 31 నాటికి సీఎమ్మార్‌ బియ్యం తిరిగి అప్పగించాల్సి ఉండగా.. అప్పటివరకు సగం మాత్రమే అందించినట్లు సమాచారం. అందులోనూ సన్నరకం ధాన్యానికి బదులుగా దొడ్డురకం బియ్యాన్ని అప్పగించి ప్రభుత్వాన్ని మోసం చేస్తున్నారనే ఆరోపణలు ఉన్నాయి. నారాయణపేట, గద్వాల, వనపర్తి, మహబూబ్‌నగర్‌, నాగర్‌కర్నూల్‌ జిల్లాల్లో ఈ తరహా అక్రమాలు జరుగుతున్నట్లు విమర్శలు వ్యక్తమవుతున్నాయి. మూడు మిల్లులపై కేసులు గద్వాల జిల్లాలో రాధాకృష్ణ రైస్‌మిల్‌, ఫరీదా రైస్‌మిల్‌, దువాసిపల్లి వెంకటేశ్వర మోడ్రన్‌ రైస్‌మిల్లులపై అక్రమాలకు సంబంధించి కేసులు నమోదయ్యాయి. వీరిలో ఇద్దరు మిల్లర్లు రిమాండ్‌కు వెళ్లారు. ప్రభుత్వ ధాన్యాన్ని పక్కదారి పట్టించినట్లు ఆరోపణలు ఎదుర్కొంటున్న మిల్లర్లపై పోలీసు కేసులు నమోదు చేసి చర్యలు తీసుకుంటున్నప్పటికీ.. ఈ అక్రమాలు జరగడానికి కారణమైన అధికారుల పాత్రపై మాత్రం సమగ్ర విచారణ జరగడం లేదన్న విమర్శలు ఉన్నాయి. గద్వాల జిల్లాలోని ఫరీదా రైస్‌ మిల్లులో అధికారుల సోదాలు(ఫైల్‌) రాష్ట్రంలోని కరీంనగర్‌, ములుగు, నిజామాబాద్‌ జిల్లాల్లో సీఎమ్మార్‌ అక్రమాల వ్యవహారంలో దర్యాప్తు సంస్థలు రంగంలోకి దిగి అధికారులపైనా చర్యలు చేపడుతున్నట్లు వార్తలు వస్తున్నాయి. ఉమ్మడి పాలమూరు జిల్లాలో మాత్రం ఇప్పటివరకు బాధ్యులైన అధికారులపై చర్యలు కనిపించడం లేదని విమర్శలు వినిపిస్తున్నాయి. మిల్లర్లకు సహకరించారనే ఆరోపణలు ఎదుర్కొంటున్న అధికారులపై రాజకీయ అండదండలు, ఉన్నతస్థాయి పలుకుబడితో చర్యలు లేకుండా చేస్తున్నారనే ఆరోపణలూ ఉన్నాయి. ముఖ్యంగా గద్వాల సివిల్‌ సప్లయీస్‌ శాఖలో ఓ ఉన్నతాధికారి పాత్రపై అనుమానాలు వ్యక్తమవుతున్నాయి. అయితే ఈ ఆరోపణలపై అధికారిక విచారణలో వాస్తవాలు తేలాల్సి ఉంది. ప్రభుత్వ ధాన్యం పక్కదారి పట్టిన వ్యవహారంలో మిల్లర్లతోపాటు బాధ్యులైన అధికారుల పాత్రపైనా సమగ్ర విచారణ జరిపి చర్యలు తీసుకోవాలని రైతులు, ప్రజలు కోరుతున్నారు.

● 800 మంది జనాభాకు ఒక ఎన్యూమరేషన్‌ బ్లాక్‌ ● ఒక్కో మండలం ఒక్కో చార్జ్‌గా గుర్తింపు ● జిల్లాలో 24 చార్జ్‌లుగా విభజించే అవకాశం జనవరి 25 నుంచి జనగణనకు యంత్రాంగం ఏర్పాట్లు అచ్చంపేట: జనగణన (సెన్సెస్‌) రెండో విడతకు జిల్లా యంత్రాంగం సన్నద్ధమవుతోంది. ఇప్పటికే ఇళ్ల గణన(హౌస్‌ లిస్టింగ్‌ ఆపరేషన్‌) పూర్తిచేసిన అధికారులు.. 2027 జనవరి 25 నుంచి ఫిబ్రవరి 28వ తేదీ వరకు జనాభా లెక్కలు సేకరించేందుకు సిద్ధమవుతున్నారు. అయితే ఇంటింటికి తిరిగి జనాభాను లెక్కించే ప్రక్రియ ప్రారంభం కావడానికి ముందుగా జనవరి 10 నుంచి 24వ తేదీ వరకు ప్రజలు స్వయంగా తమ వివరాలను నమోదు చేసుకునే (సెల్ప్‌ ఎన్యూమరేషన్‌) అవకాశం కల్పిస్తున్నారు. మొదటి విడత హౌస్‌ లిస్టింగ్‌ మాదిరిగానే జనగణన కోసం ప్రతి 800 మంది జనాభాకు ఒక ఎన్యూమరేషన్‌ బ్లాక్‌ను గుర్తించనున్నారు. ఇళ్ల గణన చేసినప్పుడు వచ్చిన గణాంకాల ఆధారంగా ఈ బ్లాక్‌లను గుర్తిస్తున్నారు. బ్లాక్‌లుగా గుర్తించేందుకు.. జనగణన చేసే ఎన్యూమరేటర్లకు పని ఒత్తిడి లేకుండా బ్లాక్‌లు ఏర్పాటు చేస్తున్నారు. ఈ బాధ్యతలను చార్జ్‌ క్లర్కులు, టెక్నికల్‌ అసిస్టెంట్లకు అప్పగించి ఇప్పటికే శిక్షణ ఇచ్చారు. రెవెన్యూ శాఖకు చెందిన ఆర్‌ఐలు, డీటీలు, సీనియర్‌ అసిస్టెంట్లు చార్జ్‌ క్లర్కులుగా వ్యవహరించనున్నారు. అలాగే అన్ని మున్సిపాలిటీల్లో వార్డు ఆఫీసర్లు, ఆ స్థాయి అధికారులు పనిచేస్తారు. వీరికి టెక్నికల్‌ అసిస్టెంట్ల సహాయంతో ప్రత్యేక సాఫ్ట్‌వేర్‌ రూపొందించి బ్లాక్‌లను గుర్తిస్తున్నారు. ఒక్కో చార్జ్‌లో 2వేలకు పైగా బ్లాక్‌లు.. జిల్లావ్యాప్తంగా 24 చార్జ్‌లుగా ఉండనున్నాయి. జనగణన ప్రక్రియలో ఒక్కో మండలాన్ని ఒక్కో రూరల్‌ చార్జ్‌గా పిలవనున్నారు. మున్సిపాలిటీలను అర్బన్‌ చార్జ్‌గా పేర్కొంటున్నారు. ఈ క్రమంలో జిల్లాలో 20 మండలాలు, నాలుగు మున్సిపాలిటీలు ఉండగా.. ఈ మేరకు చార్జ్‌లుగా విభజించే అవకాశముంది. ఈ చార్జ్‌ల్లో 2వేలకు పైగా బ్లాక్‌లుగా ఉండనున్నాయి. హౌస్‌ లిస్టింగ్‌ సమయంలో అధికారులు ఈ మేరకే బ్లాక్‌లను గుర్తించి మొదటి విడతలో ఇళ్ల లెక్కింపు చేపట్టారు. జనగణన ప్రక్రియకు సంబంధించి మండల, మున్సిపల్‌ చార్జ్‌ స్థాయి అధికారులకు శిక్షణ, అవగాహన కార్యక్రమం కొనసాగుతుంది. వచ్చే ఏడాది జనవరి 25 నుంచి ఫిబ్రవరి 28 వరకు సెన్సెక్స్‌ నిర్వహిస్తాం. 800 మందికి ఒక బ్లాక్‌గా గుర్తించి సెన్సెస్‌ చేపడతాం. జనాభాను లెక్కించే కంటే ముందు జనవరి 10 నుంచి 24 వరకు సెల్ఫ్‌ ఎన్యుమరేషన్‌ చేసుకోవచ్చు. – జనార్దన్‌రెడ్డి, ఆర్డీఓ, కల్వకుర్తి జనగణన ప్రక్రియలో ఎన్యూమరేటర్లుగా ప్రభుత్వ, ప్రైవేటు విద్యాసంస్థల ఉపాధ్యాయులతో పాటు ప్రభుత్వ రంగ సంస్థలు, బ్యాంకులు, ప్రైవేటు కంపెనీల్లో పనిచేసే వారిని వినియోగించుకోనున్నారు. ఈ మేరకు సెన్సస్‌ నిబంధనలు–1990కి కేంద్ర ప్రభుత్వం కీలక సమవరణలు చేసింది. ఇందుకు సంబంధించిన నోటిఫికేషన్‌ ఈ నెల 16న విడుదలైంది. తాజా నిబందనలను సెన్సస్‌ (సవరణ) నిబంధనలు–2026గా వ్యవహరించనున్నారు. కొత్త నిబంధనల ప్రకారం జనగణన విధుల్లో ఎన్యూమరేటర్లుగా ప్రభుత్వ, స్థానిక సంస్థలతో పాటు ఎయిడెడ్‌, అన్‌ ఎయిడెడ్‌ ప్రైవేటు విద్యా సంస్థలు, సొసైటీలు, ట్రస్టులకు చెందిన ఉపాధ్యాయులతో పాటు చట్టబద్ధమైన సంస్థలు, బ్యాంకులు, కంపెనీలు, ఇతర సంస్థలు, సొసైటీలు, ట్రస్టుల్లో పనిచేసే సిబ్బంది ఎన్యూమరేటర్లుగా విధులు నిర్వహించడానికి రాష్ట్ర ప్రభుత్వం నియమించుకునే అవకాశం కల్పించారు. కేంద్ర ప్రభుత్వం ప్రతిష్టాత్మకంగా చేపట్టిన జనగణన ప్రక్రియలో ఎలాంటి పొరపాట్లు జరగకుండా ఉండేందుకు గాను పక్కాగా శిక్షణ, అవగాహన కార్యక్రమాలతో అధికారులను కీలకం చేయనున్నారు. ఈ నేపథ్యంలోనే త్వరలోనే కలెక్టర్‌, అదనపు కలెక్టర్‌, ఇతర జిల్లా ఉన్నతాధికారులతో పాటు మండల అధికారులకు సైతం జనగణన ప్రక్రియపై ప్రత్యేక శిక్షణ అందించనున్నారు.

మన్ననూర్‌: రాష్ట్ర ప్రభుత్వం అటవీ సరిహద్దు ప్రాంతంలోని కుటుంబాలకు కల్పిస్తున్న పునరావాసం ప్యాకేజీలో దివ్యాంగులకు ప్రత్యేక అవకాశం కల్పించాలని సంఘం ఉమ్మడి జిల్లా కన్వీనర్‌ రాజశేఖర్‌ అన్నారు. గురువారం అచ్చంపేటలో సబ్‌ కలెక్టర్‌, ఐటీడీఏ పీఓ సలోని ఛాబ్రాను కలిసి డిమాండ్లతో కూడిన వినతిపత్రం అందజేశారు. ఈ సందర్భంగా ఆయన మాట్లాడుతూ ఎన్‌టీసీఏ గైడ్‌ లైన్స్‌–2016 ప్రకారం పునరావాసం కోసం ప్రకటించిన మొత్తంతోపాటు దివ్యాంగులకు అదనంగా 25 శాతం కేటాయించాలనే నిబంధనను అనుసరిస్తూ దివ్యాంగులకు సరైన న్యాయం చేయాలని కోరారు. ఈ విషయమై సానుకూలంగా స్పందించిన సబ్‌ కలెక్టర్‌ ఉన్నతాధికారులతో మాట్లాడి నిబంధనలకు అనుకూలంగా అనుసరిస్తూ న్యాయం చేస్తామని హామీ ఇచ్చారు. పుస్తక పఠనాన్ని అలవాటుగా చేసుకోవాలి మహబూబ్‌నగర్‌ ఎడ్యుకేషన్‌: విద్యార్థులు పుస్తక పఠనాన్ని అలవాటుగా చేసుకోవాలని పీయూ వీసీ శ్రీనివాస్‌ సూచించారు. పీయూ లైబ్రరీలో ఏర్పాటు చేసిన మూడు రోజుల పుస్తక ప్రదర్శనను గురువారం ఆయన ప్రారంభించారు. ఈ సందర్భంగా మాట్లాడుతూ.. పుస్తకాలు చదవడం వల్ల ఉన్నత విద్య, పరిశోధనతో పాటు పోటీ పరీక్షల్లో రాణించేందుకు అవసరమైన జ్ఞానం లభిస్తుందని పేర్కొన్నారు. వ్యక్తిత్వ వికాసం, సృజనాత్మకత పెంపొందించుకోవడానికి పఠనం దోహదపడుతుందన్నారు. పీయూలో పోటీ పరీక్షల పుస్తకాలతో పాటు వివిధ మ్యాగజైన్లు, దినపత్రికలు అందుబాటులో ఉన్నాయని, విద్యార్థులు వాటిని సద్వినియోగం చేసుకోవాలని సూచించారు. గొప్ప వ్యక్తులు పుస్తక పఠనం ద్వారానే ఉన్నత స్థాయికి చేరుకున్నారని గుర్తుచేశారు. కార్యక్రమంలో రిజిస్ట్రార్‌ రమేష్‌బాబు, కంట్రోలర్‌ ప్రవీణ, ప్రిన్సిపాల్‌ మధుసూదన్‌రెడ్డి, ఈశ్వర్‌కుమార్‌, భూమయ్య, కరుణాకర్‌రెడ్డి, ఐక్యూఏసీ డైరెక్టర్‌ రాజ్‌కుమార్‌, అర్జున్‌కుమార్‌, కోఆర్డినేటర్‌ జయనాయక్‌ పాల్గొన్నారు. 7న ఉమ్మడి జిల్లా అథ్లెటిక్స్‌ ఎంపికలు మహబూబ్‌నగర్‌ క్రీడలు: జిల్లాకేంద్రంలోని మెయిన్‌ స్టేడియంలో ఈనెల 7వ తేదీన స్కూల్‌ గేమ్స్‌ ఫెడరేషన్‌ అండర్‌–19 ఉమ్మడి జిల్లా బాలబాలికల అథ్లెటిక్స్‌ ఎంపికలు నిర్వహించనున్నట్లు జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ గురువారం ఓ ప్రకటనలో తెలిపారు. విద్యార్థులు బోనఫైడ్‌, ఆధార్‌కార్డులతో ఉదయం 9 గంటలకు స్టేడియంలో రిపోర్టు చేయాలని కోరారు.

అమరచింత: ప్రియదర్శిని జూరాల ప్రాజెక్టు కుడి, ఎడమ కాల్వలకు నీటి సరఫరాను గురువారం తెల్లవారుజామున నిలిపివేశారు. వారబందీ విధానంలో జూరాల ఆయకట్టుకు సాగునీటిని అందిస్తున్న ప్రాజెక్టు అధికారులు గత నెల 31న చివరితడి అంటూ ఐదురోజుల పాటు నీటిని వదిలారు. ప్రస్తుతం జలాశయంలో 1.702 టీఎంసీల నీరు మాత్రమే నిల్వ ఉందని ఏఈ సుదర్శన్‌ తెలిపారు. ప్రధాన ఎడమ కాల్వ పరిధిలో 85 వేల ఎకరాల ఆయకట్టు ఉండగా.. వానాకాలంలో రైతులు అత్యధికంగా వరి సాగుచేశారు. అదేవిధంగా కుడి కాల్వ పరిధిలో 35 వేల ఎకరాలు ఉండగా.. 20 వేలు మాత్రమే సాగైంది. ప్రస్తుతం ఇదే చివరితడి అని కాల్వలకు నీటిని నిలిపివేయడంతో ఆయకట్టు రైతులు ఆందోళన చెందుతున్నారు. మరోతడి ఇవ్వాలని కోరుతున్నారు.

కొల్లాపూర్‌/ కందనూలు: ఎన్‌హెచ్‌ఎం ఉధ్యోగుల సమస్యల పరిష్కారానికి కృషిచేస్తానని రాష్ట్ర ఎకై ్సజ్‌, పర్యాటక శాఖమంత్రి జూపల్లి కృష్ణారావు అన్నారు. సంఘం ప్రతినిధులు గురువారం కొల్లాపూర్‌లో మంత్రి జూపల్లి కృష్ణారావును కలిసి.. డిమాండ్లతో కూడిన వినతిపత్రాన్ని అందజేశారు. తాము 24 రోజులుగా శాంతియుతంగా పోరాటం చేస్తున్నామని, తమను రెగ్యులరైజ్‌ చేయాలని, వేతనాలు పెంచాలని వినతిలో కోరారు. ఎన్‌హెచ్‌ఎం ఉద్యోగుల డిమాండ్లను కేబినెట్‌ సమావేశంలో చర్చిస్తానని మంత్రి వారికి హామీ ఇచ్చారు. కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు బాలకృష్ణ, ప్రధాన కార్యదర్శి కుమార్‌, పరశురాం, గోపి, మంజుల, హరిసురేష్‌, చెన్నమ్మ తదితరులు పాల్గొన్నారు. ● ఎన్‌హెచ్‌ఎం ఉద్యోగుల న్యాయమైన డిమాండ్ల పరిష్కారానికి కృషిచేస్తానని ఎమ్మెల్యే రాజేశ్‌రెడ్డి అన్నారు. కలెక్టరేట్‌ ఎదుట 24 రోజులుగా చేస్తున్న సమ్మెను ఎమ్మెల్యే సందర్శించి మాట్లాడారు. ఎన్‌హెచ్‌ఎం ఉద్యోగుల సమస్యలను ఇప్పటికే రాష్ట్ర వైద్య, ఆరోగ్య శాఖ మంత్రి దామోదర రాజనర్సింహ దృష్టికి తీసుకెళ్లామని, ఈ అంశాన్ని ముఖ్యమంత్రి దృష్టికి కూడా తీసుకెళ్లేలా కృషిచేస్తానన్నారు. ఉద్యోగులు అధైర్యపడకుండా సంయమనంతో, ఐక్యంగా తమ పోరాటాన్ని కొనసాగించాలని, తన సంపూర్ణ మద్దతు ఉంటుందని స్పష్టం చేశారు. కార్యక్రమంలో మున్సిపల్‌ చైర్మన్‌ సునేంద్ర, పట్టణ అధ్యక్షుడు జక్కరాజు, ఎన్‌హెచ్‌ఎం సంఘం అధ్యక్షుడు బాలకృష్ణ, ప్రధాన కార్యదర్శి కుమార్‌, ప్రతినిధులు శ్రీనివాసులు, ప్రవీణ్‌, జగన్‌ తదితరులు పాల్గొన్నారు.

కందనూలు/ తెలకపల్లి: పట్టభద్రుల ఓటరు నమోదు ప్రక్రియను వేగవంతం చేయడంతోపాటు అర్హులైన వారి దరఖాస్తులను నిబంధనల ప్రకారం గడువులోగా పరిశీలించి ఆమోదించాలని రాష్ట్ర ఎన్నికల ప్రధాన అధికారి సుదర్శన్‌రెడ్డి అన్నారు. గురువారం హైదరాబాద్‌ నుంచి కలెక్టర్లతో నిర్వహించిన వీసీలో కలెక్టర్‌ హేమంత కేశవ్‌ పాటిల్‌, అదనపు కలెక్టర్‌ చెన్నయ్య హాజరయ్యారు. ఈ సందర్భంగా జిల్లాలో పట్టభద్రుల ఓటరు నమోదు ప్రక్రియ పురోగతి, ఇప్పటివరకు నమోదైన ఓటర్ల వివరాలు, దరఖాస్తుల పరిశీలన స్థితిని కలెక్టర్‌ వివరించారు. జిల్లాలో ఇప్పటి వరకు మొత్తం 38,377 మంది పట్టభద్రులు ఓటర్లుగా నమోదు చేసుకున్నారని, వీటిలో 80 శాతం దరఖాస్తులను పరిశీలించి ఆమోదించామన్నారు. పెండింగ్‌లో ఉన్న 1,426 దరఖాస్తులను గడువులోగా పరిశీలించి అర్హతల ఆధారంగా ఓటర్లుగా నమోదు చేస్తామని చెప్పారు. ఓటరు నమోదు ప్రక్రియ పారదర్శకంగా, నిష్పక్షపాతంగా జరిగేలా అధికారులు చర్యలు తీసుకుంటున్నారని పేర్కొన్నారు. వీసీలో ఆర్డీఓలు అర్చన, బన్సీలాల్‌, జనార్దన్‌రెడ్డి, కలెక్టరేట్‌ ఎన్నికల విభాగం సూపరింటెండెంట్‌ రవికుమార్‌, ఎన్నికల డీటీ కల్పన తదితరులు పాల్గొన్నారు. పకడ్బందీగా భూ రీ సర్వే భూ రీ సర్వే ప్రక్రియ పకడ్బందీగా చేపట్టాలని కలెక్టర్‌ అన్నారు. తెలకపల్లి మండలంలోని గౌతంపల్లిలో ఆయన భూ రీ సర్వేను పరిశీలించారు. భూ సర్వే పురోగతిని అధికారులను అడిగి తెలుసుకున్నారు. ప్రభుత్వ భూముల నుంచి రైతులు స్వీకరించిన నీటిపారుదల భూముల వివరాలను పరిశీలించారు. భూముల సరిహద్దులు, విస్తీర్ణం భూ యాజమాన్యానికి పరిశీలించి నమోదు చేయాలన్నారు. భూముల సర్వే వివరాలు స్పష్టంగా ఉండాలన్నారు. రైతులకు సందేహాలు ఉంటే రికార్డులతో సరి పోల్చుకోవాలని, భూముల వర్గీకరణలో స్పష్టత ఉండాలని, ఎలాంటి సమస్యలు తలెత్తకుండా జాగ్రత్తలు తీసుకోవాలని సూచించారు. కలెక్టర్‌ వెంట తహసీల్దార్‌ విజయ్‌కుమార్‌, సర్వేయర్‌ శివరంజని, డీపీఓ రాంగోపాల్‌ తదితరులు పాల్గొన్నారు.

ఉప్పునుంతల: వీబీజీ రాంజీ ఉపాధి హామీ పనులపై ప్రత్యేక శ్రద్ధపెట్టి కూలీల సంఖ్య పెంచాలని, వచ్చే వారం నుంచి ప్రతి గ్రామ పంచాయతీలో వంద మందికిపైగా కూలీలు పనులకు వచ్చేవిధంగా చూడాలని డీఆర్‌డీఓ చిన్న ఓబులేసు అన్నారు. గురువారం ఉప్పునుంతల కేజీబీవీ సమీపంలో కొనసాగుతున్న కేఎల్‌ఐ కాల్వ పూడికతీత, శుభ్రం చేసే పనులు, గుట్టమీదితండా రోడ్డుకు ఇరువైపులా మొక్కల ప్లాంటేషన్‌ను డీఆర్‌డీఓ పరిశీలించారు. పనులు చేస్తున్న కూలీలతో మాట్లాడి వివరాలు తెలుసుకున్నారు. గ్రామంలో తోటి కూలీలను పనులకు తీసుకురావాలని సూచించారు. కరువు నేపథ్యంలో కూలీలు ఈజీఎస్‌ పనులను సద్వినియోగం చేసుకోవాలని చెప్పారు. ఆయన వెంట ఎంపీడీఓ వరుణ్‌తేజ, ఈజీఎస్‌ ఏపీఓ పర్వతాలు, టీఏ సింగోటం, ఫీల్డ్‌ అసిస్టెంట్‌ మల్లయ్య తదితరులున్నారు.

కొల్లాపూర్‌ రూరల్‌: పేదవారికి అండగా రాష్ట్రంలో కాంగ్రెస్‌ పార్టీ ప్రజా పరిపాలన ప్రభుత్వం కొనసాగుతుందని, పేదల సంక్షేమం, వారి సొంతింటి కల నెరవేర్చడమే తమ ధ్యేయమని రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావు అన్నారు. ఇందులో భాగంగా ప్రతి పేదవారికి ఇందిరమ్మ ఇళ్లు మంజూరు చేస్తున్నామని మంత్రి పేర్కొన్నారు. గురువారం మండలంలోని బోడబండతండా, లచ్చనాయక్‌తండా, వడ్డెర గుడిసెలులో మంత్రి జూపల్లి పర్యటించి పలువురు లబ్ధిదారులకు మంజూరైన ఇందిరమ్మ ఇళ్లకు భూమి పూజ చేశారు. అలాగే లచ్చనాయక్‌తండాలో నూతన గ్రామ పంచాయతీ భవనాన్ని ప్రారంభించారు. నార్లాపూర్‌లో మహిళా సమాఖ్య భవనానికి భూమి పూజ చేశారు. ఈ సందర్భంగా మంత్రి మాట్లాడుతూ కాంగ్రెస్‌ ప్రజాపాలన ప్రభుత్వంలో రాష్ట్రవ్యాప్తంగా పేదలకు ఎన్నో సంక్షేమ పథకాలు అమలు చేస్తున్నామని, వీటి ద్వారా ప్రతి పేదవారికి మేలు జరుగుతుందని వివరించారు. కార్యక్రమంలో ఆయా గ్రామాల సర్పంచ్‌లు రామన్‌గౌడ్‌, బామినీ, రాములునాయక్‌, జెడ్పీటీసీ మాజీ సభ్యుడు హన్మంతునాయక్‌, కాంగ్రెస్‌ పార్టీ మండలాధ్యక్షుడు బాలరాజు, నాయకులు బాలునాయక్‌, రహీంపాషా, శేఖర్‌రెడ్డి తదితరులు పాల్గొన్నారు.

కందనూలు: కొడంగల్‌ నియోజకవర్గంలోని హకీంపేటలో ఈ నెల 9న రాష్ట్రస్థాయిలో నిర్వహించనున్న రైతు మేళాకు జిల్లా నుంచి పెద్ద సంఖ్యలో రైతులను తరలించేందుకు అవసరమైన అన్ని ఏర్పాట్లు చేయాలని కలెక్టర్‌ హేమంత్‌ కేశవ్‌ పాటిల్‌ సంబంధిత అధికారులను ఆదేశించారు. బుధవారం హైదరాబాద్‌ నుంచి రాష్ట్ర వ్యవసాయశాఖ ప్రత్యేక కార్యదర్శి సురేంద్రమోహన్‌ నిర్వహించిన వీసీలో ఆయన పాల్గొని మాట్లాడారు. జిల్లా నుంచి రైతులను తరలించేందుకు అవసరమైన ఏర్పాట్లు చేపడుతున్నామని.. రైతులు సకాలంలో మేళాకు చేరుకునేలా సంబంధిత అధికారులు సమన్వయంతో పనిచేస్తున్నారని వివరించారు. అనంతరం జిల్లా అధికారులతో నిర్వహించిన కలెక్టర్‌ సమీక్షించారు. ఈ సందర్భంగా ఆయన మాట్లాడుతూ.. మేళాకు హాజరయ్యే రైతులకు ఎలాంటి అసౌకర్యం కలుగకుండా తగిన చర్యలు తీసుకోవాలన్నారు. మండలాల వారీగా రైతుల తరలింపునకు ప్రణాళిక రూపొందించడంతో పాటు ప్రతి మండలానికి ప్రత్యేక అధికారులను సమన్వయ బాధ్యతతో నియమించాలని సూచించారు. రైతు మేళాకు వెళ్లే బస్సుల వివరాలు, బయలుదేరే సమయాలు, పికప్‌ పాయింట్లు, ప్రయాణించే రైతుల సంఖ్య తదితర వివరాలను సంబంధిత యాప్‌లో ఎప్పటికప్పుడు నమోదు చేయాలన్నారు. వ్యవసాయశాఖ అధికారులు, ఇతర శాఖల సిబ్బంది క్షేత్రస్థాయిలో రైతులకు కార్యక్రమ వివరాలను తెలియజేసి.. పెద్ద సంఖ్యలో హాజరయ్యేలా చర్యలు తీసుకోవాలన్నారు. లైజనింగ్‌ అధికారులు సిబ్బందితో నిరంతరం సమన్వయం చేసుకుంటూ, బస్సులు బయలుదేరినప్పటి నుంచి గమ్యస్థానానికి చేరుకునే వరకు పర్యవేక్షించాలని కలెక్టర్‌ ఆదేశించారు. జిల్లాస్థాయిలో ప్రత్యేక కంట్రోల్‌ పాయింట్‌ ఏర్పాటు చేసి, రైతుల ప్రయాణం సజావుగా సాగేలా అన్నిశాఖల అధికారులు సమన్వయంతో పనిచేయాలని సూచించారు. సమావేశంలో అదనపు కలెక్టర్‌ దేవసహాయం, డీఏఓ యశ్వంత్‌రావు, ఆర్టీసీ డీఎం యాదగిరి, డీఆర్డీఓ చిన్న ఓబులేషు, ఎల్‌డీఎం చంద్రశేఖర్‌, హార్టికల్చర్‌ అధికారి వెంకటేశం తదితరులు ఉన్నారు.

కందనూలు: ప్రభుత్వ పరిపాలనలో డిజిటల్‌ విధానాలను అమలు చేయడంతో పాటు ఆర్థిక లావాదేవీలు, ఉద్యోగుల సేవా సంబంధిత వ్యవహారాలు, ప్రభుత్వ పనులకు సంబంధించిన అకౌంట్ల నిర్వహణను మరింత పారదర్శకంగా, సమర్థవంతంగా చేపట్టేందుకు ప్రభుత్వం ప్రవేశపెట్టిన ఐఎఫ్‌ఎంఐఎస్‌ వ్యవస్థపై అధికారులకు సంపూర్ణ అవగాహన ఉండాలని జిల్లా ట్రెజరీ అధికారి ఎంఏ రషీద్‌ సూచించారు. రాష్ట్ర ఆర్థికశాఖ ఆదేశాల మేరకు ఈ–సాంక్షన్‌, ఈ–హెచ్‌ఆర్‌ఎంఎస్‌, వర్క్స్‌ అకౌంట్స్‌ మేనేజ్‌మెంట్‌ ఇన్ఫర్మేషన్‌ సిస్టమ్‌ విధానాల అమలులో భాగంగా జిల్లాలోని వివిధ ప్రభుత్వ శాఖలకు చెందిన డ్రాయింగ్‌ అండ్‌ డిస్బర్సింగ్‌ అధికారులకు బుధవారం కలెక్టరేట్‌లోని సమావేశ మందిరంలో ఒకరోజు శిక్షణ తరగతులు నిర్వహించారు. ఈ సందర్భంగా ఆయన మాట్లాడుతూ.. ప్రభుత్వ శాఖల్లో పరిపాలనా ప్రక్రియను సాంకేతిక పరిజ్ఞానంతో అనుసంధానం చేసి, ప్రతి దశలో పారదర్శకతను పెంపొందించడమే ఐఎఫ్‌ఎంఐఎస్‌ వ్యవస్థ ప్రధాన ఉద్దేశమన్నారు. రాష్ట్ర ప్రభుత్వం ప్రవేశపెట్టిన నూతన డిజిటల్‌ వ్యవస్థలను అధికారులు సమర్థవంతంగా వినియోగించుకోవాలని సూచించారు. ఈ–సాంక్షన్‌ విధానం ద్వారా ప్రభుత్వ నిధుల మంజూరు, సంబంధిత అనుమతుల ప్రక్రియలను ఆన్‌లైన్‌ విధానంలో నిర్వహించేందుకు వీలుంటుందని వివరించారు. ఈ–హెచ్‌ఆర్‌ఎంఎస్‌ ద్వారా ప్రభుత్వ ఉద్యోగుల సర్వీసుకు సంబంధించిన వివరాలు, సేవా రికార్డుల నిర్వహణ వంటి అంశాలను డిజిటల్‌ విధానంలో చేపట్టవచ్చన్నారు. శిక్షణలో భాగంగా ఆయా సాఫ్ట్‌వేర్ల వినియోగం, ఆన్‌లైన్‌లో అనుసరించాల్సిన కార్యాచరణ ప్రక్రియ, డీడీఓలు నిర్వహించాల్సిన బాధ్యతలు, సంబంధిత వివరాల నమోదులో తీసుకోవాల్సిన జాగ్రత్తలు, ప్రభుత్వ మార్గదర్శకాల అమలుపై అధికారులకు అవగాహన కల్పించారు.

బల్మూర్‌/అమ్రాబాద్‌/తెలకపల్లి: రాష్ట్రంలో వర్షాభావ పరిస్థితులతో నెలకొన్న కరువు రక్కసి నుంచి రైతాంగాన్ని, ప్రజలను ఆదుకోవాలని సీపీఐ జాతీయ కార్యదర్శి మాజీ ఎమ్మెల్యే పల్లా వెంకట్‌రెడ్డి ప్రభుత్వాన్ని డిమాండ్‌ చేశారు. బుధవారం బల్మూర్‌ మండలంలోని మహదేవ్‌పూర్‌, అమ్రాబాద్‌ మండలం తిర్మలాపూర్‌ (బీకే), ఉప్పునుంతల (బీకే), పదర మండలం చిట్లంకుంట, పెట్రాల్‌చేన్‌పెంట, తెలకపల్లి మండలం గౌరారం గ్రామాల్లో సీపీఐ రాష్ట్ర బృందం పర్యటించి, ఎండిన పంటలను పరిశీలించింది. ఈ సందర్భంగా ఆయన మాట్లాడుతూ.. వర్షాలు లేక పంటలు పూర్తిగా దెబ్బతిన్నాయన్నారు. ముఖ్యంగా పత్తి, మొక్కజొన్న పంటలకు తీవ్ర నష్టం వాటిల్లడంతో రైతులు అప్పుల ఊబీలో కూరుకుపోయారన్నారు. ప్రభుత్వం జిల్లాను తీవ్ర కరువు ప్రాంతంగా ప్రకటించడంతో పాటు పంటలు ఎండిన రైతులకు పరిహారం అందించి ఆదుకోవాలని కోరారు. అలాగే వచ్చే సీజన్‌లో పంటల సాగుకు పెట్టుబడి సాయం అందించాలన్నారు. చెంచుపెంటలు, గిరిజన తండాల్లో తాగునీటి ఎద్దడిని నివారించేందుకు అవసరమైన చర్యలు తీసుకోవాలని తెలిపారు. కార్యక్రమంలో సీపీఐ రాష్ట్ర కార్యదర్శివర్గ సభ్యుడు ఎం.బాలనర్సింహ, జిల్లా కార్యదర్శి ఎస్‌ఎండీ ఫయాజ్‌, నాయకులు కె.కేశవులుగౌడ్‌, వి.వెంకటయ్య, పి.విజయ్‌, చంద్రమౌళి, రైతు సంఘం జిల్లా కార్యదర్శి సూర్యశంకర్‌గౌడ్‌, జిల్లా అధ్యక్షుడు బి.శ్రీనివాసులు, బి.రవీందర్‌, బండి లక్ష్మీపతి, ఏఐటీయూసీ జిల్లా కార్యదర్శి మారేడు శివశంకర్‌, ఏఐఎస్‌ఎఫ్‌ జిల్లా కార్యదర్శి బి.ప్రేమ్‌కుమార్‌, పి.గోపాల్‌, పరశురాం, నరేందర్‌రెడ్డి, విష్ణు, వంకేశ్వరం శ్రీనివాసులు, వేనేపల్లి రవీందర్‌, మల్లేష్‌, నారాయణరెడ్డి పాల్గొన్నారు.

జిల్లావ్యాప్తంగా 1.58లక్షల ఎకరాల్లో పంటలపై ప్రతికూల పరిస్థితులు ● వర్షాభావంతో 1.16లక్షల ఎకరాల్లో పంటలపై ఒత్తిడి ● 42వేల ఎకరాల్లో ఎండుముఖం ● పత్తి, మొక్కజొన్నపై తీవ్ర ప్రభావం నాగర్‌కర్నూల్‌: ఈసారి వానాకాలం పంటలకు తీవ్ర ప్రతికూల పరిస్థితులు ఎదురయ్యాయి. ఎల్‌నినో కారణంగా నెలకొన్న వర్షాభావంతో నానాటికీ పంటల పరిస్థితి ఆందోళనకరంగా మారింది. ముఖ్యంగా నేలలో తేమ తగ్గిపోవడం పంటల ఎదుగుదలపై తీవ్ర ప్రభావం చూపాయి. ముఖ్యంగా పత్తి, మొక్కజొన్న సాగుచేసిన రైతులు ఇబ్బందులు ఎదుర్కొంటున్నారు. జిల్లాలో మొత్తం 5,14,146 ఎకరాల్లో వివిధ పంటలు సాగు చేయగా.. వీటిలో వ్యవసాయశాఖ అంచనా ప్రకారం 3,55,871 ఎకరాల్లో మాత్రమే పంటలు సాధారణ స్థితిలో ఉన్నా యి. మొత్తంగా 1,58,275 ఎకరాల్లో పంటలు ప్రతికూల పరిస్థితులను ఎదుర్కొంటున్నట్లు గణాంకా లు స్పష్టం చేస్తున్నాయి. ప్రస్తుత పరిస్థితిని వ్యవసాయశాఖ అంచనా వేసి ప్రభుత్వానికి నివేదించింది. పత్తిపైనే అధిక ప్రభావం.. జిల్లాలో అత్యధికంగా 2,69,206 ఎకరాల్లో పత్తిసాగు చేశారు. ఇందులో 96,031 ఎకరాల్లో పంట ఒత్తిడిలో ఉండగా.. 28,661 ఎకరాల్లో వాడుదల, 4,272 ఎకరాల్లో ఎండుదల నమోదైంది. అంటే మొత్తం పత్తి విస్తీర్ణంలో సుమారు 48 శాతం మేర పంటలు సాధారణ పరిస్థితుల్లో లేవు. వర్షాధారంగా సాగుచేసిన పొలాల్లో నేల తేమ తగ్గడంతో పంట ఎదుగుదల, కాయల అభివృద్ధిపై ప్రభావం పడింది. మొక్కజొన్నకూ తప్పని కష్టాలు.. జిల్లావ్యాప్తంగా మొక్కజొన్న 20,166 ఎకరాల్లో సాగు కాగా.. 4,493 ఎకరాల్లో పంట ఒత్తిడిలో ఉంది. మరో 3,224 ఎకరాల్లో వాడుదల, 3,852 ఎకరాల్లో ఎండుదల నమోదైంది. మొత్తంగా 11,569 ఎకరాల్లో పంట సాధారణ స్థితిలో లేదు. అంటే మొక్కజొన్న విస్తీర్ణంలో సుమారు 57 శాతం మేర ప్రతికూల పరిస్థితులు ఉన్నట్లు స్పష్టమవుతోంది. పంట కీలక ఎదుగుదల దశలో తగినంత తేమ అందకపోవడంతో దిగుబడులపై ప్రభావం పడుతుందని వ్యవసాయశాఖ అధికారులు పేర్కొంటున్నారు. జిల్లాలో జూన్‌ నుంచి అక్టోబర్‌ వరకు సాధారణ వర్షపాతం 583.2 మి.మీ. కురువాల్సి ఉండగా.. 339.4 మి.మీ. వర్షపాతం మాత్రమే నమోదైంది. దీంతో 120 శాతం లోటు ఏర్పడింది. అక్టోబర్‌లో జిల్లా అంతట కేవలం ఒక రోజు మాత్రమే వర్షం కురిసింది. 106.1 మి.మీ. సాధారణ వర్షపాతం నమోదు కావాల్సి ఉండగా.. 11.3 మి.మీ. వర్షపాతమే కురిసింది. ఈ ఒక్క నెలలో 89శాతం లోటు ఉంది. వర్షాలు సకాలంలో కురవకపోవడం, ఆ తర్వాత విరామాలు రావడంతో పంటలకు అవసరమైన తేమ అందడంలో ఇబ్బందులు ఎదురయ్యాయి. తద్వారా పత్తి, మొక్కజొన్నతో పాటు ఇతర పంటలకు ప్రతికూల పరిస్థితులు పరిస్థితులు ఏర్పడ్డాయి. దీంతో పంటల దిగుబడులు వస్తాయా.. లేదా అనే ఆందోళన రైతుల్లో నెలకొంది. ఇప్పటికే ప్రభుత్వం పరిస్థితిని గమనించి.. జిల్లాలో 13 మండలాలను కరువు మండలాలుగా ప్రకటించింది. యాసంగి సీజన్‌లో క్రాప్‌ హాలీడే ప్రకటించాలని ప్రభుత్వం చెబుతోంది. వానాకాలం పంటలతో రైతులకు లాభాలు లేకపోగా.. నష్టమే కలగనుంది. ఇక యాసంగిలో పంటలు లేకపోతే ఆర్థిక ఇబ్బందులు తప్పవని రైతులు ఆందోళన చెందుతున్నారు. జిల్లాలో 1,26,858 ఎకరాల్లో వరిసాగు చేశారు. ఇందులో 1,11,101 ఎకరాల్లో పంట సాధారణ స్థితిలో ఉంది. 14,042 ఎకరాల్లో ఒత్తిడి, 1,715 ఎకరాల్లో వాడుదల నమోదైంది. వ్యవసాయశాఖ నివేదిక ప్రకారం వరి పంటలో ఎండుదల నమోదు కాలేదు. ఇతర పంటలతో పోలిస్తే వరిపంట పరిస్థితి కొంత మెరుగ్గా కనిపిస్తుంది. అయితే వర్షాభావ పరిస్థితులతో భూగర్భజలాలు గణనీయంగా తగ్గిపోవడంతో నీటి లభ్యత ఇబ్బందిగా మారడం.. కేఎల్‌ఐ నుంచి సాగునీరు సక్రమంగా రాకపోవడంతో సమస్యగా మారింది. దీంతోపాటు కరెంటు సమస్య రైతులను ఉక్కిరిబిక్కిరి చేస్తోంది.

నాగర్‌కర్నూల్‌: స్థానిక ఎమ్మెల్యే, రాష్ట్ర డెంటల్‌ కౌన్సిల్‌ అధ్యక్షుడు డా.కూచుకుళ్ల రాజేశ్‌రెడ్డికి జాతీయ స్థాయిలో మరో కీలక బాధ్యత లభించింది. జాతీయ దంత వైద్య కమిషన్‌ పరిధిలోని అండర్‌ గ్రాడ్యుయేట్‌, పోస్ట్‌ గ్రాడ్యుయేట్‌ డెంటల్‌ ఎడ్యుకేషన్‌ బోర్డు స్వయం ప్రతిపత్తి సంస్థ పార్ట్‌టైమ్‌ సభ్యుడిగా ఎమ్మెల్యే రాజేశ్‌రెడ్డి బుధవారం నియమితులయ్యారు. కేంద్ర పాలిత, రాష్ట్ర ప్రభుత్వాల తరఫున 10 మంది, రాష్ట్ర డెంటల్‌ కౌన్సిళ్ల తరఫున 9 మంది పార్ట్‌టైమ్‌ సభ్యులను రెండేళ్ల పదవీ కాలానికి ఎంపిక చేశారు. ఇప్పటికే జాతీయ దంత వైద్య కమిషన్‌ సభ్యుడిగా కొనసాగుతున్న రాజేశ్‌రెడ్డికి తాజాగా అండర్‌ గ్రాడ్యుయేట్‌, పోస్ట్‌ గ్రాడ్యుయేట్‌ డెంటల్‌ ఎడ్యుకేషన్‌ బోర్డు సభ్యుడిగా అదనపు బాధ్యతలు అప్పగించడం విశేషం. ఈ సందర్భంగా ఆయన మాట్లాడుతూ.. తనపై నమ్మకంతో అదనపు బాధ్యతలు అప్పగించిన కేంద్ర ఆరోగ్య, కుటుంబ సంక్షేమ మంత్రిత్వశాఖకు కృతజ్ఞతలు తెలిపారు. ఇందుకు సహకరించిన ముఖ్యమంత్రి రేవంత్‌రెడ్డికి, వైద్యారోగ్య, కుటుంబ సంక్షేమశాఖ మంత్రికి ప్రత్యేక ధన్యవాదాలు తెలియజేశారు. నీటి కుంటల నిర్మాణానికి ముందుకురావాలి : డీఏఓ కల్వకుర్తి రూరల్‌: ఎల్‌నినో వంటి పరిస్థితులను అధిగమించేందుకు భూగర్భజలాలను పెంపొందించుకోవాల్సిన ఆవశ్యకత ఉందని.. రైతులు తమ వ్యవసాయ పొలాల్లో నీటి కంటల నిర్మాణానికి స్వచ్ఛందంగా ముందుకురావాలని డీఏఓ యశ్వంత్‌రావు కోరారు. బుధవారం కల్వకుర్తి మండలం మార్చాలలో రైతులతో నిర్వహించిన సమావేశంలో ఆయన మాట్లాడారు. వీబీ–జీ రామ్‌జీ పథకం ద్వారా రూ.1.25 లక్షలతో నీటి కుంటలు నిర్మించుకునేందుకు అవకాశం ఉందన్నారు. వీటి నిర్మాణంతో భూగర్భజలాలు కొంతమేర పెరగడంతో పాటు నిల్వ ఉండే నీటితో రైతులకు ప్రయోజనం చేకూరుతుందన్నారు. జలసిరి కార్యక్రమంలో భాగంగా జిల్లావ్యాప్తంగా నీటి కుంటల నిర్మాణాలను పెద్దఎత్తున చేపడుతున్నట్లు తెలిపారు. ఈ అవకాశాన్ని రైతులు సద్వినియోగం చేసుకోవాలని ఆయన సూచించారు. సమావేశంలో ఏడీఏ మంజుల, ఎంపీడీఓ యాదయ్య, ఏఓ సురేష్‌, వెటర్నరీ డాక్టర్‌ వెంకటేశ్‌, సర్పంచ్‌ తలసాని కృష్ణారెడ్డి, ఉపసర్పంచ్‌ నిజాముద్దీన్‌ ఉన్నారు. సైబర్‌ మోసాలపై అప్రమత్తత అవసరం కందనూలు: రోజురోజుకూ సైబర్‌ మోసాలు పెరుగుతున్న నేపథ్యంలో ప్రజలు మరింత అప్రమత్తం కావాల్సిన అవసరముందని అడిషనల్‌ ఎస్పీ వెంకటేశ్వర్లు అన్నారు. బుధవారం బిజినేపల్లి మండలం పాలెం డిగ్రీ కళాశాలలో విద్యార్థులకు అవగాహన కార్యక్రమం నిర్వహించారు. ఈ సందర్భంగా ఏఎస్పీ మాట్లాడుతూ.. సెల్‌ఫోన్‌కు వచ్చే సందేశాలకు స్పందించడం, వ్యక్తిగత సమాచారం ఇతరులకు ఇవ్వడం వంటివి చేయరాదన్నారు. అలాగే ఫ్రాడ్‌ కాల్స్‌, నకిలీ ట్రెడింగ్స్‌, ఇన్వెస్ట్‌మెంట్‌, నకిలీ సంస్థల పేర్లు, లోగోలతో వచ్చే పెట్టుబడి ప్రకటనలను ఎట్టి పరిస్థితుల్లోనూ నమ్మవద్దని సూచించారు. అనంతరం సైబర్‌ క్రైం పోస్టర్‌ ఆవిష్కరించారు. కార్యక్రమంలో సీసీఎల్‌ సీఐ శంకర్‌, ఎస్‌ఐ శంషొద్దీన్‌, సైబర్‌ క్రైం ఎస్‌ఐ గిరిమనోహర్‌రెడ్డి పాల్గొన్నారు. పోడు భూములకు పట్టాలు ఇవ్వాలి కొల్లాపూర్‌ రూరల్‌: గిరిజన రైతులు సాగుచేసుకుంటున్న పోడు భూములకు పట్టాలు ఇవ్వాలని గిరిజన సంఘం రాష్ట్ర నాయకుడు అశోక్‌ నాయక్‌ ప్రభుత్వాన్ని డిమాండ్‌ చేశారు. బుధవారం మండలంలోని ముక్కిడిగుండంలో పోడు రైతులతో నిర్వహించిన సమావేశంలో ఆయన మాట్లాడారు. అడవిలో నివాసిస్తూ, జీవనోపాధి కోసం పోడు భూములను సాగుచేసుకుంటున్న గిరిజన రైతులను ఇబ్బందులకు గురిచేయడం సరికాదన్నారు. అటవీశాఖ అధికారులు వేధింపులను ఆపడంతో పాటు అటవీ ప్రాంతంలోని చెంచుగూడెలలో నెలకొన్న సమస్యలను పరిష్కరించాలని ఆయన కోరారు. లేనిచో గిరిజన సంఘం ఆధ్వర్యంలో పెద్దఎత్తున పోరాటాలు చేస్తామని హెచ్చరించారు.

● ఉమ్మడి పాలమూరులో పది మండలాలకే పరిమితం ● మహబూబ్‌నగర్‌లో 6, నారాయణపేట జిల్లాలోని 4 మండలాల్లో అమలు ● గద్వాల, వనపర్తి, నాగర్‌కర్నూల్‌ జిల్లాల్లో ఇంకా ప్రారంభం కాని వైనం ● 22,881 మంది విద్యార్థులకే ఉదయపు అల్పాహారం మహబూబ్‌నగర్‌ ఎడ్యుకేషన్‌: ప్రభుత్వ పాఠశాలల్లో చదువుకునే చిన్నారులకు ఉదయమే పౌష్టిక అల్పాహారం అందించాలన్న లక్ష్యం ఇంకా పూర్తిస్థాయిలో కార్యరూపం దాల్చడం లేదు. బడికి వచ్చే విద్యార్థులు ఖాళీ కడుపుతో ఉండకూడదనే ఉద్దేశంతో ప్రభుత్వం ప్రతిష్టాత్మకంగా చేపట్టిన ఈ కార్యక్రమం ఉమ్మడి పాలమూరులోని కొన్ని మండలాలకే పరిమితమైంది. మహబూబ్‌నగర్‌, నారాయణపేట జిల్లాల్లో దశలవారీగా అమలు చేస్తున్నా.. జోగుళాంబ గద్వాల, వనపర్తి, నాగర్‌కర్నూల్‌ జిల్లాల్లో ఇప్పటికీ ప్రారంభం కాలేదు. ప్రస్తుతం రెండు జిల్లాల్లోని పది మండలాల పరిధిలో 263 పాఠశాలల్లో 22,881 మంది విద్యార్థులకు మాత్రమే అల్పాహారం అందుతోంది. మిగతా మండలాల విద్యార్థులకూ ఈ పథకం ఎప్పటికి చేరుతుందన్నది ప్రశ్నార్థకంగా మారింది. కిచెన్‌షెడ్లే కీలకం.. ఉదయం వేళ విద్యార్థులకు ఐదు రకాల అల్పాహారంతోపాటు పాలు, జావ అందించాల్సి ఉంది. ఇందుకోసం పాఠశాలల్లోనే వంట చేయడం కాకుండా.. సమీప ప్రాంతాల్లో ఏర్పాటు చేసిన కిచెన్‌షెడ్లలో ఒకేచోట అల్పాహారం తయారు చేసి పాఠశాలలకు తరలించే ఇంటిగ్రేటెడ్‌ విధానాన్ని అమలు చేస్తున్నారు. హరేకృష్ణ మూవ్‌మెంట్‌ ఫౌండేషన్‌ ఆధ్వర్యంలో ఈ పంపిణీ కార్యక్రమం కొనసాగుతోంది. అయితే అవసరమైన చోట్ల కిచెన్‌షెడ్లు అందుబాటులో లేకపోవడంతో పథకం విస్తరణకు ఆటంకం ఏర్పడుతోంది. ఉన్న కొద్దిపాటి వంటశాలల నుంచే పాఠశాలలకు అల్పాహారం సరఫరా చేస్తున్నారు. ● మహబూబ్‌నగర్‌ జిల్లాలో మొత్తం 17 మండలాలు ఉండగా.. ప్రస్తుతం ఆరు మండలాల్లోని 160 పాఠశాలల్లో ఈ పథకం అమలవుతోంది. మహబూబ్‌నగర్‌ రూరల్‌, అర్బన్‌, చిన్నచింతకుంట, కౌకుంట్ల, నవాబుపేట, హన్వాడ మండలాల్లోని 14,681 మంది విద్యార్థులకు అల్పాహారం అందిస్తున్నారు. గతంలో రూరల్‌, హన్వాడ మండలాల్లోనే మాత్రమే కొనసాగిన ఈ కార్యక్రమాన్ని ఈనెల నుంచి మరో నాలుగు మండలాలకు విస్తరించారు. అయినప్పటికీ మిగతా 11 మండలాల్లోని విద్యార్థులకు ఇంకా ఈ పథకం అందుబాటులోకి రాలేదు. ● నారాయణపేట జిల్లాలోని కోస్గి, మద్దూర్‌, కొత్తపల్లి, గుండుమాల్‌ మండలాల్లో 123 పాఠశాలల పరిధిలో 8,200 మంది విద్యార్థులకు అల్పాహారం అందిస్తున్నారు. రెండు నెలల క్రితం రెండు మండలాల్లో ప్రారంభించిన ఈ కార్యక్రమాన్ని ఈ నెల మొదటి వారం నుంచి మరో రెండు మండలాలకు విస్తరించారు.ప్రస్తుతం మహబూబ్‌నగర్‌ జిల్లాలో ఆరు మండలాల్లో సుమారు 14 వేల మంది విద్యార్థులకు ప్రతిరోజూ అల్పాహారం అందిస్తున్నాం. ఈ కార్యక్రమాన్ని మరిన్ని పాఠశాలలకు విస్తరించేందుకు చర్యలు తీసుకుంటున్నాం. ఇందుకోసం ఇంటిగ్రేటెడ్‌ విధానంలో కిచెన్‌షెడ్లను అందుబాటులోకి తీసుకురావాల్సి ఉంది. విద్యార్థులకు ప్రతిరోజూ తాజా అల్పాహారం అందించాలంటే ఉదయమే వంట చేసి పాఠశాలలకు సరఫరా చేయాలి. అవసరమైన ఏర్పాట్లు చేసుకుంటూ దశలవారీగా అన్ని ప్రాంతాలకూ ఈ కార్యక్రమాన్ని విస్తరిస్తాం. – విజయకుమారి, జిల్లా విద్యాశాఖ అధికారి, మహబూబ్‌నగర్‌ పథకాన్ని మరిన్ని మండలాలకు విస్తరించాలంటే ముందుగా కిచెన్‌షెడ్లను ఏర్పాటు చేయాల్సి ఉంది. మహబూబ్‌నగర్‌ బోయపల్లి, నవాబుపేటలో తాత్కాలిక వంటశాలల ద్వారా అల్పాహారం తయారు చేసి పాఠశాలలకు సరఫరా చేస్తున్నారు. గతంలో కోడూరు వద్ద ఉన్న కిచెన్‌షెడ్డును రోడ్డు విస్తరణ కారణంగా ఖాళీ చేయాల్సి వచ్చిందని అధికారులు చెబుతున్నారు. మిగతా ప్రాంతాల్లోనూ అవసరమైన వంటశాలలు ఏర్పాటు చేస్తేనే పథకాన్ని విస్తరించే అవకాశం ఉంది. దీంతో కిచెన్‌షెడ్ల నిర్మాణం, ప్రత్యామ్నాయ ఏర్పాట్లపై అధికారులు దృష్టి సారించాల్సిన అవసరం ఉంది.

పాన్‌గల్‌: మహిళలు అక్షరాస్యులైనప్పుడే ఆత్మ విశ్వాసం, ఆర్థిక స్వావలంబన సాధించేందుకు మరిన్ని అవకాశాలు లభిస్తాయని రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు అన్నారు. బుధవారం మండలంలోని తెల్లరాళ్లపల్లి, కేతేపల్లి, శాగాపూర్‌, దావత్‌ఖాన్‌పల్లి, రాయినిపల్లిలో పర్యటించి స్మార్ట్‌ రేషన్‌ కార్డులు, కల్యాణలక్ష్మి చెక్కులను మంత్రి పంపిణీ చేసి మాట్లాడారు. ప్రతి ఒక్కరికి చదవడం, రాయడం వస్తేనే సంక్షేమ పథకాలు కొనసాగిస్తామని, చదువుకోకుంటే నిలిపివేస్తామని చెప్పారు. గ్రామాల్లోని మహిళలకు రోజు ఉదయం, సాయంత్రం గంట పాటు చదువు నేర్పించేందుకు ఉపాధ్యాయులను నియమించాలని తెల్లరాళ్లపల్లి సర్పంచ్‌ జంబులయ్యకు సూచించారు. మహిళలకు చదువుపై ఆసక్తి పెంపొందించేందుకు చదవడం, రాయడం ముందుగా నేర్చుకునే మహిళకు రూ.5 వేలు నగదు ప్రోత్సాహకాన్ని అందజేస్తామని మంత్రి ప్రకటించారు. వేలిముద్రకు స్వస్తి పలికి ప్రతి ఒక్కరు పేరు రాయడం నేర్చుకోవాలని సూచించారు. ప్రతి ఒక్కరూ వృఽథా ఖర్చులు చేయకుండా తమ పిల్లలను మంచిగా చదివించాలని.. చదువుతోనే సమాజంలో గుర్తింపు, గౌరవం లభిస్తుందన్నారు. ప్రభుత్వ ఆర్థిక పరిస్థితి బాగోలేకున్నా ఇచ్చిన హామీ మేరకు ప్రభుత్వం సంక్షేమ పథకాలను కొనసాగిస్తున్నట్లు పేర్కొన్నారు. గతంలో కేసీఆర్‌ ప్రభుత్వం చేసిన అప్పులకే ప్రతి నెల రూ.ఏడు వేల కోట్ల వరకు వడ్డీ చెల్లిస్తున్నట్లు తెలిపారు. పలు అభివృద్ధి పనులకు భూమిపూజ.. మండలంలోని కేతేపల్లిలో రూ.20 లక్షల ఎస్‌డీఎఫ్‌ నిధులతో నిర్మించే కురువ కమ్యూనిటీ హాల్‌, దావత్‌ఖాన్‌పల్లిలో రూ.20 లక్షలతో నిర్మించే జీపీ భవనం, రాయినిపల్లిలో రూ.10 లక్షలతో నిర్మించే గ్రామ వీఓ భవనానికి మంత్రి భూమిపూజ నిర్వహించారు. కార్యక్రమంలో తహసీల్దార్‌ కార్తీక్‌రావు, ఆయా గ్రామాల సర్పంచ్‌లు జంబులయ్య, మైబూషమ్మ, స్వప్న, కాంగ్రెస్‌పార్టీ మండల అధ్యక్షుడు వెంకటేష్‌నాయుడు, జెడ్పీటీసీ మాజీ సభ్యుడు రవికుమార్‌, మండల సర్పంచ్‌ల సంఘం అధ్య క్షులు హేమాద్రినాయుడు, భాస్కర్‌యాదవ్‌, రాము యాదవ్‌, మధుసూదన్‌రెడ్డి, బాలరాజుయాదవ్‌, అరవింద్‌ చౌహాన్‌, గిరినాయుడు, తహసీల్దార్‌ కార్తీక్‌రావు, ఎంపీడీఓ గోవింద్‌రావు తదితరులు పాల్గొన్నారు.

5-11-2026రేపు అథ్లెటిక్స్‌ క్రీడాకారుల ఎంపికలు మహబూబ్‌నగర్‌ క్రీడలు: హనుమకొండలో ఈనెల 10 నుంచి 12వ తేదీ వరకు జరిగే రాష్ట్రస్థాయి అండర్‌–14 ఎస్‌జీఎఫ్‌ బాలబాలికల అథ్లెటిక్స్‌ పోటీల్లో పాల్గొనే ఉమ్మడి జిల్లా అథ్లెటిక్స్‌ క్రీడాకారుల ఎంపికలను జిల్లాకేంద్రంలోని మెయిన్‌ స్టేడియంలో ఈనెల 6వ తేదీన ఉదయం 9 గంటలకు నిర్వహించనున్నట్లు జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ బుధ వారం ఓ ప్రకటనలో తెలిపారు. ఎంపికల్లో పాల్గొనే బాలబాలికలు అర్హత దరఖాస్తుతో రిపోర్టు చేయాలని సూచించారు.

భూగర్భ జలమట్టాలు తగ్గితే బోర్లపై ఆధారపడే రైతులకు నీటి లభ్యత సమస్యగా మారే అవకాశం ఉంది. తాగునీటి అవసరాల కోసం భూగర్భ జలాలను వినియోగించే గ్రామాల్లోనూ అప్రమత్తత అవసరం. వర్షపు నీటిని ఒడిసిపట్టడం, చెరువులు, కుంటల్లో నీటి నిల్వలను పెంచడం, ఇంకుడు గుంతల ద్వారా భూమిలోకి నీరు ఇంకేలా చూడడం, భూగర్భ జలాల వినియోగాన్ని సమర్థంగా నిర్వహించడం వంటి చర్యలకు ప్రాధాన్యం ఇవ్వాలి. మండలాల వారీగా జలమట్టాల మార్పులను నిరంతరం పర్యవేక్షిస్తూ.. నీటి కొరత ముప్పు ఉన్న ప్రాంతాలపై ప్రత్యేకంగా దృష్టిసారించాల్సిన అవసరం ఉంది. వెల్దండ మండలం చెదురుపల్లి గ్రామ శివారులో తక్కువ నీరు పోస్తున్న బోరు

చారకొండ: డిండి లిఫ్టు ఇరిగేషన్‌లో భాగంగా నిర్మిస్తున్న మండలంలోని గోకారం జలాశయంలో ముంపునకు గురవుతున్న ఎర్రవల్లి, ఎర్రవల్లి తండాలను మినహాయించాలని నిర్వాసితులు చేపట్టిన రిలే నిరాహార దీక్షలు మంగళవారం 337వ రోజుకు చేరాయి. ఈ సందర్భంగా దీక్షలో కూర్చున్న నిర్వాసిత మహిళలు మాట్లాడుతూ తమ గ్రామాలను ముంపు నుంచి మినహాయించాలని కోరుతూ ఏడాది గడుస్తున్నా ప్రభుత్వం పట్టించుకోవడం లేదన్నారు. ఇప్పటికే భూములు కోల్పోయాం.. ఇప్పుడు గ్రామాలను కూడా వదిలిపోవాలంటే ఎలా అని ఆవేదన వ్యక్తం చేశారు. తమ గ్రామాలను ఎట్టి పరిస్థితుల్లోనూ వదులుకోమని, ప్రభుత్వం దిగి వచ్చే దాకా దీక్షలు కొనసాగిస్తామని వారు తేల్చిచెప్పారు. పీజీ కళాశాలలోస్పాట్‌ అడ్మిషన్లు కొల్లాపూర్‌: పట్టణంలోని ప్రభుత్వ పీజీ కళాశాలలో స్పాట్‌ అడ్మిషన్లు ప్రారంభించినట్లు ప్రిన్సిపల్‌ అశోక్‌కుమార్‌ మంగళవారం ఒక ప్రకటనలో తెలిపారు. 2026– 27 విద్యాసంవత్సరానికి సంబంధించి పీజీ కోర్సుల్లో మిగిలి ఉన్న సీట్లను స్పాట్‌ అడ్మిషన్ల ద్వారా భర్తీ చేయనున్నట్లు వెల్లడించారు. బుధవారం నుంచి 7వ తేదీ వరకు స్పాట్‌ అడ్మిషన్ల ప్రక్రియ కొనసాగుతుందని, ఆసక్తి గలవారు విద్యార్హత ధ్రువపత్రాలతో కళాశాలలో సంప్రదించాలని సూచించారు. పూర్తి వివరాలకు సెల్‌ నంబర్లు 63099 01035, 94402 39539లకు ఫోన్‌ చేయాలని కోరారు.

● రూ.1,778 కోట్ల రుణాల పునర్వ్యవస్థీకరణకు చర్యలు ● 12 నెలల మారటోరియం.. 60 నెలల వరకు చెల్లింపు గడువు ● అర్హులైన రైతులను గ్రామాల వారీగా గుర్తించాలి: కలెక్టర్‌ నాగర్‌కర్నూల్‌: కరువు, పంట నష్టాలతో ఆర్థిక ఇబ్బందులు ఎదుర్కొంటున్న రైతులకు రుణ పునర్వ్యవస్థీకరణ ద్వారా ఊరట కల్పించాలని కలెక్టర్‌ హేమంత కేశవ్‌ పాటిల్‌ బ్యాంకు అధికారులను ఆదేశించారు. అర్హులైన రైతులకు 12 నెలల మారటోరియం కల్పించి.. కరువు తీవ్రతను బట్టి రుణ చెల్లింపు గడువును గరిష్టంగా 60 నెలల వరకు పొడిగించేలా చర్యలు తీసుకోవాలని సూచించారు. మంగళవారం కలెక్టరేట్‌లో నిర్వహించిన ప్రత్యేక జిల్లా సంప్రదింపుల కమిటీ (డీసీసీ) సమావేశంలో వ్యవసాయ రుణాల పునర్వ్యవస్థీకరణపై సమీక్షించారు. జిల్లాలో 65,893 మంది రైతులు రూ.1,125.10 కోట్ల పంట రుణాలు, మరో 27,297 మంది రూ.653.41 కోట్ల వ్యవసాయ కాలపరిమితి రుణాలు పొందినట్లు అధికారులు తెలిపారు. మొత్తం రూ.1,778.51 కోట్ల రుణాలకు సంబంధించి అర్హులైన రైతులను గుర్తించి నిబంధనల ప్రకారం ప్రయోజనాలు కల్పించాలని చెప్పారు. పంట నష్టం తీవ్రంగా ఉన్న 10 మండలాల్లో అర్హులైన రైతులకు 12 నెలల మారటోరియం కల్పించి, రుణాల తిరిగి చెల్లింపు వ్యవధిని గరిష్టంగా 60 నెలల వరకు పొడిగించేలా చర్యలు తీసుకోవాలన్నారు. పాక్షిక కరువు ప్రభావిత మండలాల్లో 12 నెలల మారటోరియంతోపాటు, నిబంధనల ప్రకారం చెల్లింపు గడువును గరిష్టంగా 36 నెలల వరకు పొడిగించాలన్నారు. తదుపరి పంట సాగుకు కొత్త రుణాలు సకాలంలో మంజూరు చేయాలని, రైతులపై బలవంతపు రుణ వసూళ్లకు పాల్పడరాదని స్పష్టం చేశారు. వ్యవసాయ శాఖ, బ్యాంకులు గ్రామాల వారీగా అర్హులైన రైతులను గుర్తించి, వారం రోజుల్లో అమలు పురోగతిపై నివేదిక ఇవ్వాలని పేర్కొన్నారు. సమావేశంలో అదనపు కలెక్టర్లు చెన్నయ్య, దేవసహాయం, లీడ్‌ బ్యాంక్‌ మేనేజర్‌ చంద్రశేఖర్‌, ఆర్బీఐ, నాబార్డు ప్రతినిధులు, వ్యవసాయ శాఖ అధికారులు పాల్గొన్నారు.

కందనూలు: ప్రజారోగ్య పరిరక్షణే లక్ష్యంగా ఎన్నో ఏళ్లుగా అంకితభావంతో సేవలందిస్తున్న ఎన్‌హెచ్‌ఎం ఉద్యోగులకు భద్రత కల్పిస్తూ న్యాయమైన డిమాండ్లు నెరవేర్చాలని జిల్లా ప్రధాన కార్యదర్శి కుమార్‌ అన్నారు. జిల్లాకేంద్రంలోని కలెక్టరేట్‌ ఎదుట ఉద్యోగులు చేస్తున్న నిరవధిక సమ్మె మంగళవారం 22వ రోజు కొనసాగింది. ఈ సందర్భంగా సమ్మె శిబిరంలో ఉద్యోగులు పోశమ్మ తల్లికి బోనం సమర్పించి నిరసన తెలిపారు. అనంతరం ఆయన మాట్లాడుతూ ప్రజల ప్రాణాలను కాపాడటమే ధ్యే యంగా విధులు నిర్వహిస్తున్న ఉద్యోగుల జీవితాలకే భద్రత లేకపోవడం విచారకరమన్నారు. ము ఖ్యంగా కరోనా మహమ్మారి సమయంలో ప్రాణాలను సైతం లెక్కచేయకుండా విధులు నిర్వర్తించి ప్రజల ప్రాణాలను కాపాడిన ఉద్యోగులు నేడు తమ కుటుంబాల భవిష్యత్‌ కోసం రోడ్డెక్కాల్సిన పరిస్థితి రావడం బాధాకరమన్నారు. 22 రోజుల నుంచి వివిధ పద్ధతుల్లో ఆందోళనలు చేస్తున్నా ప్రభుత్వం స్పందించకపోవడం దారుణమన్నారు. 78 కేడర్ల ఉద్యోగుల క్రమబద్ధీకరణే ప్రధాన ఎజెండా అని స్పష్టం చేశారు. ఎన్నో ఏళ్లుగా ప్రభుత్వ ఆరోగ్య వ్యవస్థలో కీలక పాత్ర పోషిస్తున్న ఉద్యోగులకు న్యాయం జరిగే వరకు తమ పోరాటం ఆగదని పేర్కొన్నారు. కార్యక్రమంలో జేఏసీ జిల్లా అధ్యక్షుడు బాలకృష్ణ, శ్రీనివాసులు, హైమావతి, జగన్‌, ప్రవీణ్‌, భీముడు, ప్రకాష్‌ పాల్గొన్నారు.

చైనా ఉప్పు.. కృత్రిమ రంగులు.. నాసిరకం మసాలాల మోత ● హోటళ్లు, రెస్టారెంట్లలో యథేచ్ఛగా కల్తీ పదార్థాల వినియోగం ● ఉమ్మడి జిల్లాలో ఇటీవల కొరవడిన ఆహార తనిఖీలు ● టీజీ–సేఫ్‌ కింద 15 బృందాలతో ప్రత్యేక తనిఖీలకు సన్నాహాలు ● నాగర్‌కర్నూల్‌లో 15 రోజుల పాటు స్పెషల్‌ డ్రైవ్‌ రుచికర వంటకాల్లో.. ● రెండు రోజుల క్రితం వనపర్తిలో ఫుడ్‌ ఇన్‌స్పెక్టర్‌ కరుణాకర్‌ ఆధ్వర్యంలో శ్రీలక్ష్మి బేకరీలో తనిఖీలు నిర్వహించగా.. కేకుల్లో ఫంగస్‌ కనిపించడంతో బేకరీ యజమానిపై కేసు నమోదు చేసి, దుకాణాన్ని సీజ్‌ చేశారు. అలాగే ఓ స్వీట్‌హౌస్‌లోని మిఠాయిలను పరీక్షల నిమిత్తం ల్యాబ్‌కు పంపించారు. ● ఇటీవల జడ్చర్లలోని పలు హోటళ్లలో తనిఖీలు చేసి, నిబంధనలకు విరుద్ధంగా ఉండడంతో నోటీసులు జారీ చేశారు. ● నాగర్‌కర్నూల్‌, కల్వకుర్తిలో హోటళ్లు, మిఠాయి దుకాణాల్లో తనిఖీలు నిర్వహించి, పరీక్ష నిమిత్తం పది శాంపిల్స్‌ ల్యాబ్‌కు పంపించారు. నాసిరకంగా ఉండడంతో అల్లం, వెల్లుల్లి పేస్టు తయారీదారులపై రెండు కేసులు నమోదు చేశారు. ● గద్వాలలో ఇటీవల ఓ డ్రైఫూట్‌ కేంద్రంలో తనిఖీలు చేసి నాసిరకం ఉన్నట్లు గుర్తించి నోటీసులు జారీ చేశారు. ఈ జిల్లాలో ఈ ఏడాది 22 కేసులు నమోదు చేయడంతో పాటు రూ.1.73లక్షల జరిమానా విధించారు.

● కూరగాయలు,పండ్ల తోటలకు ప్రోత్సాహకం ● రాయితీ అందిస్తున్న ప్రభుత్వం తాడూరు: ఎల్‌నినో ప్రభావం వల్ల రైతులు సాగు చేసిన వివిధ రకాల పంటలకు ఆశించిన దిగుబడి లేకపోవడం.. మరోపక్క భూగర్భజలాలు తగ్గడంతో.. తక్కువ నీటితో అధిక విస్తీర్ణంలో సాగుచేయాలని ప్రభుత్వం ఇస్తున్న సబ్సిడీ వినియోగించుకోవాలని ఉద్యానవన శాఖ అధికారులు సూచిస్తున్నారు. ఉద్యాన పంటలకు ప్రభుత్వం మరింత ప్రోత్సహిస్తుంది. ప్రస్తుతం నెలకొన్న వర్షాభావ పరిస్థితుల వల్ల వరికి బదులుగా ఆకుకూరలు, కూరగాయలు, పండ్ల తోటలు సాగు చేసి ప్రత్యేక ప్రోత్సాహం అందుకోవాలని సూచించారు. రాయితీ ఇలా.. కూరగాయలు సాగు చేసే రైతులకు ఎకరాకు రూ.9,600 ఆర్థిక సహాయం అందిస్తుంది. మల్చింగ్‌ విధానంలో పంటలు పండించే వారికి రూ.8 వేలు ఇవ్వనుంది. సూక్ష్మ సేద్య పరికరాలు డ్రిప్స్‌, స్ప్రింక్లర్ల కోసం ఎకరాకు రూ.90 వేలు సబ్సిడీ, కూరగాయల పందిరి నిర్మాణం కోసం అర ఎకరాకు రూ.75 వేలు, పాంపాండ్‌ నిర్మాణం ఒక యూనిట్‌కు రూ.90 వేలతోపాటు డ్రాగన్‌ ఫ్రూట్‌, అంజీరా, అవకాడో, మామిడి, పాపాయ సపోటా వంటి తోటలకు రాయితీ అందిస్తుంది. హైబ్రిడ్‌ కూరగాయల తోటల పెంపకంలో భాగంగా టమాట, మిరప, వంకాయ, క్యాబేజీ, క్యాలీఫ్లవర్‌ నారు అందుబాటులో ఉంది. ఆసక్తి గల రైతులు 30 నుంచి 40 రోజుల్లో తయారు చేసి అందిస్తామని అధికారులు చెప్పారు. పూల తోటలు.. బంతి, చామంతి, కనకాంబరం, గులాబీ వంటి తోటలు ఎకరాకు రూ.38 వేల రాయితీ అందనుంది. ప్లాస్టిక్‌ మల్చింగ్‌ వేసినట్లయితే ఎకరాకు రూ.8 వేలు, ఉద్యాన యాంత్రీకరణలో మినీ ట్రాక్టర్‌, స్పేయర్‌ అందుబాటులో ఉన్నాయి. రాష్ట్రీయ కృషి యోజన పథకంలో కావాల్సిన రైతులకు డ్రిప్స్‌ సిస్టట్‌, స్ప్రింక్లర్లు, రెయిన్‌ గన్‌లు సబ్సిడీపై అందుబాటులో ఉన్నట్లు అధికారులు పేర్కొన్నారు. రాయితీలు బాగున్నాయి.. ఎల్‌నినో ప్రభావంతో ఆశించిన మేర వాన లు పడలేదు. దీంతో భూగర్భ జలాలు గణనీయంగా తగ్గిపోతున్నాయి. ప్రభుత్వ సూచన మేరకు ఉద్యాన పంటల సాగుకు రైతులు ముందుకు రావాలి. ఇందుకోసం భారీస్థాయిలో రాయితీలు అందిస్తుంది. – జగన్‌, ఉద్యాన శాఖ డివిజన్‌ అధికారి

● నారాయణపేట జిల్లా భౌగోళిక విస్తీర్ణం 2,366.44 చ.కి.మీ. ఉంటే అడవులు 84.63 చ.కి.మీ. (3.62 శాతం) విస్తరించింది. ఈ జిల్లాను కొన్నేళ్లుగా ఇన్‌చార్జ్‌ డీఎఫ్‌ఓలతోనే నెట్టుకొస్తున్నారు. ఇక్కడ 12 మంది బీట్‌ ఆఫీసర్లకు గాను ఇద్దరే పనిచేస్తున్నారు. మహబూబ్‌నగర్‌ మున్సిపాలిటీ: ఉమ్మడి మహబూబ్‌నగర్‌ జిల్లా పరిధిలోని అటవీశాఖలో కొన్నేళ్లుగా ఇన్‌చార్జీల వ్యవస్థ కొనసాగుతోంది. దీంతో క్షేత్రస్థాయిలో అడవుల పర్యవేక్షణ, పరిరక్షణ కరువైంది. ఇదే అదునుగా భావించిన కొందరు వ్యక్తులు యథేచ్చగా అడవులలో చాలా వరకు విలువైన చెట్లను నరికి అక్రమంగా కలపను ఇతర ప్రాంతాలకు రవాణా చేస్తున్నారు. ఇక వనమహోత్సవంలో భాగంగా ఏటేటా ఆయా ప్రాంతాలలో మొక్కలను విరివిగా నాటినా వాటి సంరక్షణ లేక ఎలాంటి ప్రయోజనం దక్కడం లేదు. వాస్తవానికి జిల్లాల పునర్విభజన సమయంలో జోగుళాంబ సర్కిల్‌, నాగర్‌కర్నూల్‌ ఏటీఆర్‌ (అమ్రాబాద్‌ టైగర్‌ రిజర్వ్‌ ఫారెస్ట్‌) సర్కిల్‌గా విభజించారు. ఈ రెండు చోట్ల ఇన్‌చార్జ్‌ కన్జర్వేటర్లే పనిచేస్తున్నారు. నాగర్‌కర్నూల్‌కు హైదరాబాద్‌లోని కన్జర్వేటర్‌ ఎస్‌.వి.ఎన్‌.ప్రసాద్‌, జోగుళాంబ సర్కిల్‌కు నల్లగొండ జిల్లా యాదాద్రిలో పనిచేస్తున్న శివాల రాంబాబు కొన్నేళ్లుగా ఇన్‌చార్జ్‌గా వ్యవహరిస్తున్నారు. రాంబాబు పరిధిలో వనపర్తి, నారాయణపేట, మహబూబ్‌నగర్‌, గద్వాల జిల్లాలు ఉన్నాయి. ఇన్‌చార్జీలతోనే అటవీశాఖ నెట్టుకొస్తున్న వైనం జోగుళాంబ గద్వాల, వనపర్తి, నారాయణపేటలో డీఎఫ్‌ఓలు లేరు నాగర్‌కర్నూల్‌, మహబూబ్‌నగర్‌ రెగ్యులర్‌ అధికారుల నియామకం చాలా చోట్ల ఎఫ్‌ఆర్‌ఓ, బీఓ, ఎస్‌ఓలను భర్తీ చేయని వైనం క్షేత్రస్థాయిలో అడవుల పర్యవేక్షణ, పరిరక్షణ కరువైన తీరు ఉమ్మడి మహబూబ్‌నగర్‌ జిల్లాలోని అటవీశాఖలో ఇదీ పరిస్థితి – మహబూబ్‌నగర్‌ జిల్లా భౌగోళిక విస్తీర్ణం 2,948.66 చ.కి.మీ. ఉంటే అడవులు 270.75 చ.కి.మీ. (9.18 శాతం) విస్తరించింది. సుమారు మూడున్నర నెలల అనంతరం గత సెప్టెంబర్‌ 9న నవీన్‌రెడ్డిని రెగ్యులర్‌ డీఎఫ్‌ఓగా నియమించారు. ఇక్కడ మహబూబ్‌నగర్‌, మహమ్మదాబాద్‌ లలో రేంజ్‌ కార్యాలయాలు ఉన్నాయి. సుమారు ఏడాది పాటు ఇన్‌చార్జీల పాలనలోనే కొనసాగిన మహబూబ్‌నగర్‌కు ఎట్టకేలకు ఈనెల 2న సి.మనోహర్‌ ఎఫ్‌ఆర్‌ఓగా బదిలీపై రాష్ట్ర విజిలెన్స్‌ అండ్‌ ఎన్‌ఫోర్స్‌మెంట్‌ విభాగం (నల్లగొండ) నుంచి వచ్చారు. ఈ జిల్లాలో మొత్తం 46 మంది బీట్‌ ఆఫీసర్లకు గాను 18 మాత్రమే పనిచేస్తున్నారు. పోస్టులు భర్తీ చేయాలని నివేదించాం కొన్నేళ్లుగా చాలా చోట్ల ఇన్‌చార్జ్‌ అధికారులే ఉండటంతో క్షేత్రస్థాయిలో పర్యవేక్షణ ఆశించినస్థాయిలో లేకపోవడం వాస్తవమే. దీంతో ఉన్నవారిపైనే పని భారం పడింది. ఉమ్మడి మహబూబ్‌నగర్‌ జిల్లా పరిధిలో ఖాళీగా ఉన్న అటవీ శాఖ అధికారుల పోస్టులను భర్తీ చేయాలని ఇప్పటికే రెండుసార్లు రాష్ట్రస్థాయి ఉన్నతాధికారులకు నివేదించాం. – శివాల రాంబాబు, కన్జర్వేటర్‌ ఆఫ్‌ ఫారెస్ట్‌, జోగుళాంబ సర్కిల్‌

వనపర్తి: ‘కరువుతో పంటలు నష్టపోయిన రైతులు, కూలీలకు ఏం సాయం అందిస్తామనేది స్పష్టం చేయకుండా కరువు మండలాలు ప్రకటించడం ఏమిటి.. అని మాజీ మంత్రి తన్నీరు హరీశ్‌రావు అన్నారు. సోమవారం పెద్దమందడి మండలం అల్వాల గ్రామంలో ఎండిన పంటలను ఆయన పరిశీలించారు. ఈ సందర్భంగా రైతులతో మాట్లాడి, వరిసాగు కోసం పెట్టిన పెట్టుబడులు, పంటనష్టం తదితర వివరాలను తెలుసుకున్నారు. అనంతరం ఏర్పాటు చేసిన సభలో హరీశ్‌రావు మాట్లాడుతూ.. పక్కనున్న మహారాష్ట్ర, ఆంధ్రప్రదేశ్‌లో ఎండిన పంటలకు ఇన్‌ఫుట్‌ సబ్సిడీతోపాటు వ్యవసాయ కూలీలకు రూ.12 వేల సాయం అందించనున్నట్లు కరువు మండలాల ప్రకటనతో అక్కడి ప్రభుత్వాలు వెల్లడించాయన్నారు. ఇక్కడ అవగాహన లేని రేవంత్‌రెడ్డి మాత్రం కరువు మండలాలు ప్రకటించి.. చేతులు దులుపుకొన్నారని విమర్శించారు. రైతులు ఎవరూ అధైర్యపడొద్దు.. మిమ్మల్ని ఆదుకునేందుకే పాలమూరు పర్యటనకు వచ్చాం.. పాలకులను నిలదీసి అందరికీ పరిహారం అందించేలా చూస్తామని హరీశ్‌రావు పేర్కొన్నారు. రాష్ట్రంలో పంటలు ఎండిపోయి కన్నీళ్లు పెట్టుకుంటున్న రైతుల సమస్యలను విస్మరించి.. ఢిల్లీలో కూర్చొని మియ్యాపూర్‌ భూముల విక్రయాలు, వచ్చే కమీషన్లపై సుదీర్ఘ చర్చలు చేయడాన్ని రాష్ట్రంలో కడుపు మండిన రైతులు గమనిస్తున్నారన్నారు. వాటాల కోసం ఢిల్లీలో ఓ మంత్రి, ఓ ఎమ్మెల్యే మద్యం తాగి కుమ్ములాడుకోవడం ప్రస్తుతం తెలంగాణలో హాట్‌టాఫిక్‌గా మారిందన్నారు. వరదను దిగువకు వదిలేయడంతో.. ఎగువ నుంచి జూరాలకు వచ్చిన వరద జలాలను కాంగ్రెస్‌ పాలకులు ముందుచూపు లేకుండా దిగువకు వదిలేయడంతో ఏపీ ప్రభుత్వం 100 టీఎంసీలను వేర్వేరు ప్రాజెక్టులతో ఎత్తిపోసుకుని కరువును అధిగమించారని మాజీ మంత్రి సింగిరెడ్డి నిరంజన్‌రెడ్డి అన్నారు. తాము పండగలా మార్చిన వ్యవసాయాన్ని.. కాంగ్రెస్‌ పాలకులు దండగలా మార్చారని దుయ్యబట్టారు. మరొక్క ఏడాది ఓపిక పడితే.. మళ్లీ కేసీఆర్‌ పాలన వచ్చి రైతుల కష్టాలు తీరుతాయని అభిప్రాయపడ్డారు. కార్యక్రమంలో ఎమ్మెల్సీ నవీన్‌రెడ్డి, మాజీమంత్రులు శ్రీనివాస్‌గౌడ్‌, లక్ష్మారెడ్డి, మాజీ ఎమ్మెల్యేలు అంజయ్యయాదవ్‌, ఆల వెంకటేశ్వర్‌రెడ్డి, బీరం హర్షవర్ధన్‌రెడ్డి, మర్రి జనార్దన్‌రెడ్డి, బీఆర్‌ఎస్‌ ప్రధాన కార్యదర్శి ఆర్‌ఎస్‌ ప్రవీణ్‌కుమార్‌, గిడ్డంగుల కార్పొరేషన్‌ మాజీ చైర్మన్‌ రజని, నాయకులు గట్టుయాదవ్‌, వాకిటి శ్రీధర్‌, నందిమల్ల అశోక్‌, రఘుపతిరెడ్డి, జగదీశ్వర్‌రెడ్డి, రాము తదితరులు పాల్గొన్నారు. రాష్ట్రంలో రైతులను గాలికొదిలేసి సీఎం ఢిల్లీ పర్యటనలు అన్నదాతకు ధైర్యం చెప్పేందుకే పాలమూరుకు వచ్చాం మాజీ మంత్రి తన్నీరు హరీశ్‌రావు

కందనూలు: ప్రజల సమస్యలను పరిష్కరించడానికి అధికారులు కృషిచేయాలని కలెక్టర్‌ హేమంత కేశవ్‌పాటిల్‌ అన్నారు. సోమవారం కలెక్టరేట్‌లోని ప్రజావాణి కార్యక్రమంలో అదనపు కలెక్టర్‌ చెన్నయ్యతో కలిసి జిల్లాలోని వివిధ ప్రాంతాల నుంచి ప్రజలతో 57 దరఖాస్తులు స్వీకరించారు. ఈ సందర్భంగా కలెక్టర్‌ మాట్లాడుతూ ప్రజలు సమర్పించిన ప్రతి దరఖాస్తును అధికారులు క్షుణ్ణంగా పరిశీలించి, సమస్య స్వభావాన్ని బట్టి నిబంధనల మేరకు పరిష్కరించాలని సూచించారు. కార్యక్రమంలో డీఆర్‌ఓ పాండు, ఏఓ చంద్రశేఖర్‌ తదితరులు పాల్గొన్నారు. పోలీసు గ్రీవెన్స్‌కు 16.. ప్రజలు నిర్భయంగా మూడో వ్యక్తి ప్రమేయం లేకుండా నేరుగా తమ సమస్యలపై పోలీసులకు ఫిర్యాదు చేయాలని ఎస్పీ సంగ్రామ్‌ సింగ్‌జీ పాటిల్‌ అన్నారు. సోమవారం ఎస్పీ కార్యాలయంలో నిర్వహించిన గ్రీవెన్స్‌ సెల్‌లో బాధితుల నుంచి ఎస్పీ 16 ఫిర్యాదులను స్వీకరించారు. ఇందులో 9 భూమికి సంబంధించి, 1 కుటుంబ గొడవలు, 6 న్యాయం చేయాలని ఫిర్యాదు వచ్చాయి. ఆయా ఫిర్యాదుల పరిష్కారం కోసం సంబంధిత స్టేషన్లకు పంపినట్లు ఎస్పీ చెప్పారు. మిగులు సీట్ల భర్తీకి దరఖాస్తుల స్వీకరణ మన్ననూర్‌: రాష్ట్ర గిరిజన సంక్షేమ మినీ గురుకులాల్లో 2026– 27 విద్యా సంవత్సరానికి గాను మిగులు సీట్ల భర్తీకి దరఖాస్తులు స్వీకరిస్తున్నట్లు ఐటీడీఏ పీఓ సలోని ఛాబ్రా సోమవారం ఒక ప్రకటనలో తెలిపారు. మహబూబ్‌నగర్‌ రివిజన్‌ పరిధిలోని అమ్రాబాద్‌, బిజినేపల్లి, గండేడ్‌, జడ్చర్ల మినీ గురుకులాల్లో 1, 2, 3, 5 తరగతుల్లో మిగిలి ఉన్న సీట్లను గిరిజన విద్యార్థులతో భర్తీ చేస్తామన్నారు. దరఖాస్తులు ఆయా మండలంలోని మినీ గురుకుల పాఠశాలలో నేరుగా అందజేయాలని, స్థానిక విద్యార్థులకు మొదటి ప్రాధాన్యత ఉంటుందన్నారు. ఆసక్తి గలవారు ఈ నెల 9వ తేదీ వరకు దరఖాస్తు చేసుకోవాలని, 12న లాటరీ ద్వారా విద్యార్థుల ఎంపిక, 13న కౌన్సిలింగ్‌ నిర్వహిస్తామని చెప్పారు. పూర్తి సమాచారం కోసం ఆయా పాఠశాలలు అమ్రాబాద్‌ (77320 82256), బిజినేపల్లి (63043 53881), గండేడ్‌ (94948 84630), జడ్చర్ల (94910 30260)లను సంప్రదించాలని సూచించారు. జీవాల పెంపకందారులకు పెన్షన్‌ ఇవ్వాలి కందనూలు: ప్రభుత్వం గొర్రెలు, మేకల పెంపకందారుల సమస్యలు పరిష్కరించి వారికి నెలకు రూ.5 వేల పింఛన్‌ ఇవ్వాలని సంఘం రాష్ట్ర అధ్యక్షుడు కిల్లె గోపాల్‌ అన్నారు. సోమవారం జిల్లాకేంద్రంలోని సీఐటీయూ కార్యాలయంలో నిర్వహించిన జిల్లా కమిటీ సమావేశంలో ఆయన మాట్లాడారు. గొర్రెలు, మేకల పెంపకం ద్వారా జీవనం సాగిస్తున్న కాపరులు ఆర్థికంగా వెనకబడి ఇబ్బందులు పడుతున్నారని, వారిని కాపాడాల్సిన బాధ్యత ప్రభుత్వంపై ఉందని అభిప్రాయపడ్డారు. తక్షణమే బీసీ కార్పొరేషన్‌ ద్వారా సబ్సిడీ ఇవ్వాలని ప్రభుత్వాన్ని డిమాండ్‌ చేశారు. కార్యక్రమంలో జిల్లా అధ్యక్షుడు మల్లేష్‌, కార్యదర్శి శ్యాంసుందర్‌ తదితరులు పాల్గొన్నారు. నేటినుంచి విద్యుత్‌ వినియోగదారుల దినోత్సవం అచ్చంపేట: రాష్ట్ర విద్యుత్‌ నియంత్రణ మండలి ఆదేశాల మేరకు మంగళవారం నుంచి విద్యుత్‌ వినియోగదారుల దినోత్సవం నిర్వహిస్తున్నట్లు ఎస్‌ఈ నర్సింహారెడ్డి సోమవారం ఒక ప్రకటనలో తెలిపారు. మంగళవారం ఉదయం 11 గంటల నుంచి నాగర్‌కర్నూల్‌ డివిజన్‌ సర్కిల్‌, సబ్‌ డివిజన్‌ కార్యాలయం, అచ్చంపేట డివిజన్‌, సబ్‌ డివిజన్‌, కొల్లాపూర్‌ సబ్‌ డివిజన్‌, కల్వకుర్తి సబ్‌ డివిజన్‌ కార్యాలయాల్లో కొనసాగుతాయన్నారు. విద్యుత్‌ వినియోగదారుల నుంచి సరఫరాలో అంతరాయాలు, మీటర్‌ సమస్య, విద్యుత్‌ బిల్లులు, కొత్త సర్వీసులు తదితర సమస్యలపై ఫిర్యాదులు స్వీకరించి, వాటిని సాధ్యమైనంత త్వరగా పరిష్కరించేందుకు అధికారులు, సిబ్బంది చర్యలు తీసుకుంటారన్నారు. అలాగే వినియోగదారుల హక్కులు, ఫిర్యాదుల పరిష్కార వేదిక, విద్యుత్‌ అంబుడ్స్‌మన్‌ సేవలు, విద్యుత్‌ భద్రత, పొదుపుపై అవగాహన కల్పిస్తారని చెప్పారు.

నాగర్‌కర్నూల్‌/ కందనూలు: మురసు తుపాను ప్రభావంతో జిల్లాలో రానున్న మూడు రోజుల్లో భారీ నుంచి అతి భారీ వర్షాలు కురిసే అవకాశం ఉన్నందున అన్ని శాఖల అధికారులు అప్రమత్తంగా ఉండాలని కలెక్టర్‌ హేమంత కేశవ్‌ పాటిల్‌ అన్నారు. ప్రజల ప్రాణ, ఆస్తినష్టం జరగకుండా అన్ని శాఖల అధికారులు సమన్వయంతో పనిచేస్తూ ముందస్తు చర్యలు చేపట్టాలన్నారు. సోమవారం కలెక్టరేట్‌లోని వీసీ హాల్‌లో ఎస్పీ సంగ్రామ్‌ సింగ్‌జీ పాటిల్‌, అదనపు కలెక్టర్‌ చెన్నయ్య, డీఎఫ్‌ఓ రేవంత్‌చంద్ర ఇతర అధికారులతో కలిసి ప్రత్యేకాధికారులు, ఆర్డీఓలు, మున్సిపల్‌ కమిషనర్లు, తహసీల్దార్లు, ఎంపీడీఓలతో వెబ్‌ఎక్స్‌ ద్వారా కలెక్టర్‌ అత్యవసర సమీక్ష సమావేశం నిర్వహించారు. తుపాను ప్రభావాన్ని దృష్టిలో ఉంచుకొని జిల్లాలో చేపట్టాల్సిన ముందస్తు చర్యలపై అధికారులకు దిశానిర్దేశం చేశారు. ఈ సందర్భంగా కలెక్టర్‌ మాట్లాడుతూ భారీ వర్షాల నేపథ్యంలో అధికారుల సెలవులు రద్దు చేస్తున్నట్లు చెప్పారు. అధికారులు నిరంతరం క్షేత్రస్థాయిలో అందుబాటులో ఉంటూ వర్షాల పరిస్థితిని ఎప్పటికప్పుడు పర్యవేక్షించాలని ఆదేశించారు. లోతట్టు ప్రాంతాలు, శిథిల ఇళ్లలో నివసిస్తున్న ప్రజలను సురక్షిత ప్రాంతాలకు తరలించాలన్నారు. ప్రతి మండలంలో సహాయక కేంద్రాలను ఏర్పాటు చేసి ఆహారం, తాగునీరు, విద్యుత్‌, వైద్య సదుపాయాలు అందుబాటులో ఉంచాలన్నారు. చెరువులు, వాగులు, వంకలు పొంగిపొర్లే ప్రాంతాల్లో రాకపోకలను నిలిపివేయాలని, ప్రమాదకర ప్రాంతాల్లో బారికేడ్లు ఏర్పాటు చేయాలని ఆదేశించారు. అచ్చంపేట– శ్రీశైలం జాతీయ రహదారిపై రాళ్లు, చెట్లు విరిగిపడే ప్రమాదం ఉన్నందున ముందస్తు జాగ్రత్తలు తీసుకోవాలని, నల్లమల ఘాట్‌ రోడ్డులో ప్రత్యేక నిఘా ఏర్పాటు చేయాలన్నారు. రైతులు కోసిన వరి, పత్తి పంటలు వర్షాలకు తడవకుండా తగిన జాగ్రత్తలు తీసుకోవాలన్నారు. పిడుగులు పడే ప్రమాదం ఉన్నందున వర్షాలు, ఈదురుగాలులు వీచే సమయంలో ఎవరూ బయటకు వెళ్లకుండా అప్రమత్తం చేయాలన్నారు. అత్యవసర పరిస్థితులు ఎదురైతే 24 గంటలు పనిచేసే కంట్రోల్‌ రూమ్‌ సెల్‌ నంబర్‌ 98667 56825కు సమాచారం అందించాలని ఆదేశించారు. ● రోడ్డు ప్రమాదాల్లో గాయపడిన బాధితులకు ప్రభుత్వం అందిస్తున్న పీఎం రాహత్‌ పథకం ద్వారా సకాలంలో మెరుగైన వైద్య సేవలు అందించాలని కలెక్టర్‌ సూచించారు. ఈ పథకం కింద బాధితులకు అందుతున్న వైద్య చికిత్స, ఆస్పత్రి స్థాయిలో చేపడుతున్న నమోదు ప్రక్రియ, సంబంధిత వివరాలను ఆన్‌లైన్‌ పోర్టల్‌లో నమోదు చేస్తున్న విధానాన్ని కలెక్టర్‌ సోమవారం జిల్లా ప్రభుత్వ జనరల్‌ ఆస్పత్రిలో పరిశీలించారు. పీఎం రాహత్‌ పథకం కింద బాధితులకు అందుతున్న వైద్య సేవలను పరిశీలించారు. ప్రభుత్వ పథకాల ప్రయోజనాలు అర్హులైన బాధితులకు సక్రమంగా అందేలా అధికారులు చర్యలు తీసుకోవాలన్నారు. కలెక్టర్‌ వెంట ఏఎస్పీ వెంకటేశ్వర్లు, ఆస్పత్రి సూపరింటెండెంట్‌ సుప్రియ, ఆర్‌ఎంఓ అజీమ్‌, ఎన్‌ఐసీ డీఆర్‌ఎం మధు తదితరులు పాల్గొన్నారు.

తాడూరు: కల్తీ మిర్చి విత్తనాలు అంటగట్టి రైతులు నష్టపోయేలా చేసిన కంపెనీపై చర్యలు తీసుకోవడంతోపాటు బాధిత రైతులను ప్రభుత్వ పరంగా ఆదుకోవాలని సీపీఎం జిల్లా కార్యదర్శి పర్వతాలు అన్నారు. మండలంలోని గుంతకోడూరు మిర్చి రైతులతో కలిసి సోమవారం కలెక్టరేట్‌ ప్రజావాణిలో ఫిర్యాదు చేశామన్నారు. జిల్లా అధికారులు కల్తి విత్తనాలపై సమగ్ర విచారణ జరిపించి కంపెనీ యజమానులపై చర్యలు తీసుకోవాలని డిమాండ్‌ చేశారు. మిర్చి విత్తనాల నాణ్యత లోపించడంతో సాగు చేసి దాదాపు 3 నెలలు గడుస్తున్నా ఇప్పటికీ మిరపకాయ రాకపోవడంలో ఎకరాకు రూ.3 లక్షల పెట్టుబడి పెట్టి నష్టపోయారని ఆరోపించారు. దీనిపై ఒక్క అధికారి కూడా స్పందించకపోవడంతో రైతులు తీవ్ర ఆందోళన చెందుతున్నారన్నారు. ఇప్పటికై నా జిల్లాస్థాయి అధికారులు క్షేత్రస్థాయిలో మిరిప పంటను పరిశీలించి నష్టపోయిన రైతులను ఆదుకోవాలని కోరారు. కార్యక్రమంలో రైతులు శ్యాంసుందర్‌, చాందుపాషా, వెంకట్‌నర్సింహ, నాయకులు శ్రీనివాసులు, రామయ్య, కాశన్న, మధు, వెంకటయ్య, జాఫర్‌ తదితరలు పాల్గొన్నారు.

సర్టిఫికెట్ల వెరిఫికేషన్‌.. టీచర్‌ పోస్టులకు దరఖాస్తు చేసుకున్న అభ్యర్థుల సర్టిఫికెట్ల పరిశీలన జరుగుతుంది. వారు స్థానికంగా ఉంటున్నారా.. వారి కుటుంబ నేపథ్యం ఏమిటి అనే దానిపై ఆరాతీస్తున్నాం. త్వరలోనే ఇంటర్వ్యూలు ఉంటాయి. ప్రస్తుతానికి జిల్లాలోని ఎస్టీ ప్రాంతాలకు సంబంధించి 148 టీచర్లు, 107 ఆయా పోస్టులకు నోటిఫికేషన్‌ ఇచ్చాం. ఇంకా 27 టీచర్లు, 482 ఆయా పోస్టులు ఖాళీగా ఉండగా.. త్వరలోనే మరో నోటిఫికేషన్‌ వెలువడుతుంది. – పాండునాయక్‌, ఇన్‌చార్జి డీడబ్ల్యూఓ, డీఆర్‌ఓ అచ్చంపేట: జిల్లాలో అంగన్‌వాడీ టీచర్‌ పోస్టులకు డిమాండ్‌ బాగా పెరిగింది. గతంలో 10వ తరగతి చదివిన వారిని మార్కుల మెరిట్‌ ఆధారంగా ఎంపిక చేసేవారు. కానీ, ఈసారి మాత్రం ఇంటర్‌మీడియట్‌ చదివిన వారిని తీసుకోవాలనే నిబంధనతో నోటిఫికేషన్‌ ఇచ్చారు. కాగా జిల్లాలో 148 అంగన్‌వాడీ టీచర్‌ పోస్టులకు గాను ఏకంగా 2,158 మంది.. 107 హెల్పర్‌ పోస్టులకు 492 మంది దరఖాస్తు చేసుకున్నారు. అంటే ఒక్క టీచర్‌ పోస్టుకు సగటున 15 మంది పోటీపడగా.. హెల్పర్‌ పోస్టులకు ఒక్కో దానిని ఐదుగురు ఆశిస్తున్నారు. అంగన్‌వాడీ కేంద్రాల ద్వారా చిన్నారులు, బాలింతలు, గర్భిణులకు పౌష్టికాహారంతోపాటు పిల్లలకు పూర్వ ప్రాథమిక విద్యలో భాగంగా ఆటపాటలతో కూడిన బోధన కొనసాగించేందుకు కేంద్ర, రాష్ట్ర ప్రభుత్వాలు పలురకాల చర్యలు చేపడుతున్నాయి. అయితే జిల్లాలోని కొన్ని అంగన్‌వాడీ కేంద్రాల్లో టీచర్లు, ఆయాలు రిటైర్డ్‌ కావడంతో చాలాకాలంగా ఖాళీలు ఏర్పడ్డాయి. దీంతో పక్క సెంటర్ల టీచర్లకు బాధ్యత అప్పగించినప్పటికీ వాటిపై పూర్తి అజమాయిషీ లేకపోవడంతో ఆయా సెంటర్లలో కనీసం పౌష్టికాహారం అందని పరిస్థితి నెలకొంది. సర్టిఫికెట్ల పరిశీలన పూర్తి.. జిల్లావ్యాప్తంగా 175 అంగన్‌వాడీ కేంద్రాల్లో పోస్టులు ఖాళీగా ఉన్నాయి. అలాగే హెల్పర్‌ పోస్టులు సైతం 589 కేంద్రాల్లో ఖాళీలు ఉండగా, ఇటీవల 148 టీచర్లు, 107 ఆయా పోస్టుల భర్తీ కోసం నోటిఫికేషన్‌ ఇచ్చారు. ఇంకా 27 టీచర్‌ పోస్టులు, 482 ఆయా పోస్టులు ఖాళీలు ఉన్నాయి. అయితే ఏజెన్సీ, ఎస్టీ ప్రాంతాల్లోనే ఆయా పోస్టులకు నోటిఫికేషన్‌ ఇచ్చారు. మిగతా గ్రామాల్లోని ఖాళీల భర్తీకి నోటిఫికేషన్‌ ఇవ్వలేదు. ఇంటర్‌మీడియట్‌ చదివిన వారు అర్హులని పేర్కొనడంతో అభ్యర్థులు ఆన్‌లైన్‌ ద్వారా దరఖాస్తు చేసుకున్నారు. కాగా ఇప్పటికే సర్టిఫికెట్ల పరిశీలన సైతం పూర్తిచేసిన అధికారులు ఇళ్ల పరిశీలన చేస్తున్నారు. దరఖాస్తు చేసిన వారు గ్రామంలోనే ఉంటున్నారా.. లేదా అనే వివరాలను తెలుసుకునే పనిలో నిమగ్నమయ్యారు. హెల్పర్‌ పోస్టులకూ తగ్గని డిమాండ్‌ అంగన్‌వాడీల్లో ఖాళీ భర్తీకి గట్టి పోటీనే ఇంటర్మీడియట్‌ అర్హతతో నోటిఫికేషన్‌ ఈసారి కొత్త నిబంధనలతో ఇంటర్వ్యూలు ప్రస్తుతానికి ఎస్టీ ప్రాంతాల్లోనేభర్తీకి చర్యలు

నాగర్‌కర్నూల్‌: రాష్ట్ర ప్రభుత్వం నిర్ణయించిన ధరలకే బియ్యం విక్రయించాలని అదనపు కలెక్టర్‌ బి.చెన్నయ్య వ్యాపారులకు సూచించారు. నిర్ణీత ధరల కంటే అధికంగా విక్రయిస్తే కఠిన చర్యలు తీసుకుంటామని ఆదివారం ఓ ప్రకటనలో హెచ్చరించారు. తెలంగాణ బీపీటీ కిలో రూ.66, సోనా రూ.74, శ్రీరామ్‌ గోల్డ్‌ రూ.79కు మించి విక్రయించరాదని స్పష్టం చేశారు. రైస్‌ మిల్లర్లు, హోల్‌సేల్‌ వ్యాపారులు, చిల్లర వర్తకులు ఈ ధరలను తప్పనిసరిగా పాటించాలని సూచించారు. తనిఖీల్లో అధిక ధరలకు విక్రయిస్తున్నట్లు తేలితే నిబంధనల ప్రకారం చర్యలు తీసుకుంటామన్నారు. ప్రజలకు నాణ్యమైన బియ్యాన్ని న్యాయమైన ధరలకు అందించేందుకు వ్యాపారులు సహకరించాలని కోరారు. ఎన్‌హెచ్‌ఎం ఉద్యోగుల వినూత్న నిరసన నాగర్‌కర్నూల్‌: తమ న్యాయమైన డిమాండ్లు నెరవేర్చాలని డిమాండ్‌ చేస్తూ జిల్లా కేంద్రంలో ఎన్‌హెచ్‌ఎం ఉద్యోగులు చేపట్టిన నిరవధిక సమ్మె 20వ రోజుకు చేరింది. ఆదివారం ప్రధాన రహదారిపై వాహనాలను శుభ్రం చేసి వినూత్నంగా నిరసన తెలిపారు. ఈ సందర్భంగా జేఏసీ జిల్లా అధ్యక్షుడు డా.బాలకృష్ణ, ప్రధాన కార్యదర్శి దామగట్ల కుమార్‌ మాట్లాడుతూ.. ప్రజలకు నిరంతరం సేవలందించే ఎన్‌హెచ్‌ఎం ఉద్యోగుల సమస్యలు ప్రభుత్వానికి పట్టకపోవడం బాధాకరమన్నారు.78 కేడర్ల ఉద్యోగులను క్రమబద్ధీకరించడంతో పాటు సమాన పనికి సమాన వేతనం అమలుచేయాలని వారు డిమాండ్‌ చేశారు. తమ సమస్యలపై ముఖ్యమంత్రి, వైద్య ఆరోగ్యశాఖ మంత్రి స్పందించి చర్చలకు ఆహ్వానించాలని విజ్ఞప్తి చేశారు. కార్యక్రమంలో రాష్ట్ర ఉపాధ్యక్షుడు గౌస్‌ పాషా, హైమావతి, శ్రీనివాసులు, డా.సంధ్య, డా.రామకృష్ణ పాల్గొన్నారు.

మందకొడిగా 167కే జాతీయ రహదారి పనులు ● హైవే నిర్మాణానికి అడ్డంకిగా మారిన భూ సేకరణ ● నాగర్‌కర్నూల్‌ వద్ద నిలిచిన బైపాస్‌ ఫ్లైఓవర్‌ పనులు ● మూడేళ్లు దాటినా పూర్తికాని రహదారి –8లో uనాగర్‌కర్నూల్‌ వద్ద బైపాస్‌ నిర్మాణానికి సంబంధించి 4 కి.మీ. మేర భూసేకరణ పెండింగ్‌లో ఉంది. 24.28 ఎకరాల భూ సేకరణ పూర్తయితే పనులు వేగంగా సాగుతాయి. తాడూరు వైపు నుంచి నిలిచిన పనులు ప్రారంభించాం. కొల్లాపూర్‌ చౌరస్తా నుంచి భూసేకరణ అనంతరం పనులు మొదలవుతాయి. కొట్ర వద్ద 600 మీటర్ల పనులు చేయాల్సి ఉంది. కోర్టు కేసుతో నిలిచింది. జాతీయ రహదారుల నిబంధనల ప్రకారం వంతెనలు నిర్మిస్తున్నాం. – రమేశ్‌, డీఈఈ, జాతీయ రహదారుల సంస్థ అచ్చంపేట: ఉమ్మడి తెలుగు రాష్ట్రాలను అనుసంధానించే కల్వకుర్తి – నంద్యాల (167కే) జాతీయ రహదారి పనులు ముందుకు సాగడం లేదు. పూర్తిస్థాయిలో భూ సేకరణ జరగకపోవడం పనులకు అడ్డంకిగా మారింది. 2021లో ప్రభుత్వం 173.73 కి.మీ ఎన్‌హెచ్‌–167కే మంజూరు చేస్తూ.. ఐదు ప్యాకేజీలుగా విభజించింది. మొదటి దశ పనులు 2022 సెప్టెంబర్‌లో కల్వకుర్తి (కొట్ర) నుంచి సోమశిల రహదారి విస్తరణ, బైపాస్‌ నిర్మాణాలకు టెండర్లు ఆహ్వానించారు. ఈ పనులను రూ. 436.91 కోట్లకు ఓ సంస్థ దక్కించుకోగా.. 2023 జూలైలో అధికారికంగా పనులను ప్రారంభించారు. ఇప్పటికీ మూడేళ్లు దాటినా జాతీయ రహదారి పనులు నత్తనడకన సాగుతున్నాయి. ప్రతిష్టాత్మక ప్రాజెక్టుపై పాలకులు, అధికారుల చిత్తశుద్ధిని వేలెత్తి చూపేలా కనిపిస్తోంది. తెలంగాణ వైపు సోమశిల (మల్లేశ్వరం) 87.360 కి.మీ నుంచి ఏపీ అవతల సిద్దేశ్వరం గుట్ట 88.437 కి.మీ. వరకు 1,077 మీటర్ల పొడవునా తీగల వంతెన నిర్మాణం చేపట్టాల్సి ఉంది. ఇది పూర్తయితేనే రెండు రాష్ట్రాల మధ్య రాకపోకల సమస్య తీరుతుంది. ఇందుకోసం 59 హెక్టార్ల భూసేకరణ చేయాల్సి ఉండగా.. ఇందులో 25 హెక్టార్ల అటవీ భూమికి ప్రత్యామ్నాయంగా అమ్రాబాద్‌ మండలంలో భూమి కేటాయించారు. 34 హెక్టార్లకు సంబంధించిన పరిహారం చెల్లింపులో ఆలస్యమవుతోంది. రెండో ప్యాకేజీలో ఏపీలోని సంగమేశ్వరం – కపిలేశ్వరం మధ్య చేపట్టే 5 కి.మీ. అప్రోచ్‌ రోడ్డు నిర్మాణంలో 29 హెక్టార్ల అటవీ భూమి కోల్పోతోంది. దీనికి ప్రత్యామ్నాయంగా భూములు కేటాయించాల్సి ఉండగా.. ఏపీ ప్రభుత్వం ఇప్పటి వరకు భూసేకరణ చేయకపోవడంతో వంతెన నిర్మాణంలో ఆలస్యమవుతోందని తెలుస్తోంది. అత్మకూరు – వెలుగోడు మధ్య 15 కి.మీ. మేర కొత్తపల్లి మండలం ఎర్రమఠం, ముసలిమడుగు నల్లమల అటవీ అనుమతులు ఆటంకంగా మారాయి. అయితే అధికారులు ప్రత్నామ్నాయ మార్గంపై ప్రణాళికలు రూపొందించినప్పటికీ రహదారి పనులు ముందుకు సాగడం లేదు. కల్వకుర్తి నుంచి కొల్లాపూర్‌ బైపాస్‌లోని సోమశిల రహదారి వరకు 79 కి.మీ. నిర్మాణానికి గాను ఇప్పటి వరకు 74.5 కి.మీ. మేర 10 మీటర్ల వెడల్పుతో రెండు వరుసల బీటీ పనులు పూర్తయ్యాయి. కొట్ర వద్ద శ్రీశైలం జాతీయ రహదారి–765ని కలుపుతూ చేపట్టాల్సిన 600 మీటర్ల రోడ్డు పనులు సైతం కోర్టు కేసు వల్ల నిలిచిపోయాయి. కల్వకుర్తి, సింగోటం క్రాస్‌రోడ్డు, పెంట్లవెల్లి వద్ద అండర్‌ పాస్‌లు నిర్మించారు. నాగర్‌కర్నూల్‌ వద్ద 11 కి.మీ. బైపాస్‌ నిర్మాణానికి సంబంధించి భూసేకరణ జరగకపోవడంతో పనులు ముందుకు సాగడం లేదు. తాడూరు నుంచి నాగర్‌కర్నూల్‌ వరకు 7 కి.మీ. మేర భూ సేకరణ పూర్తికాగా.. కొల్లాపూర్‌ క్రాస్‌రోడ్‌ నుంచి దేశిఇటిక్యాల వరకు 4 కి.మీ. మేర భూసేకరణ పూర్తి కాలేదు. రోడ్డు నిర్మాణం కోసం 24.28 ఎకరాల భూమి సేకరించాల్సి ఉండగా.. అవసరమైన మేర చెల్లింపులు జరపకపోవడాన్ని పరిశీలించాలని బాధిత రైతులు కలెక్టర్‌కు దరఖాస్తు చేసుకున్నారు. అయితే భూ సేకరణకు ఇచ్చిన 60 రోజుల గడువు పూర్తయినా అడుగు ముందుకు పడటం లేదు. ఫలితంగా నాగర్‌కర్నూల్‌ వద్ద బైపాస్‌ నిర్మాణం పిల్లర్లకే పరిమితమైంది. భూసేకరణ సమస్యతో కొల్లాపూర్‌ వరిదేల రెవెన్యూ శివారు 79 కి.మీ. నుంచి మల్లేశ్వరం (సోమశిల) కృష్ణానది గుట్ట 87,360 కి.మీ (ఐకానిక్‌ వంతెన) వరకు 8 కి.మీ. అప్రోచ్‌ రోడ్డు పనులు కూడా నిలిచిపోయాయి.

● క్రిటికల్‌ కేర్‌ యూనిట్‌ స్థల ఎంపికపై మాజీ ఎమ్మెల్యే అభ్యంతరం ● తాజా, మాజీల మధ్య తీవ్రస్థాయిలో మాటల యుద్ధం ● వాస్తు గండమా.. వరద ముప్పా.. రాజకీయ విమర్శలా.. అర్థం కాని పరిస్థితి వివాదాస్పదంగా మారిన జడ్చర్లలోని వంద పడకల ప్రభుత్వ ఆస్పత్రి ఇదే.. జడ్చర్ల: ప్రజలకు మెరుగైన వైద్యసేవలు అందించాల్సిన ప్రభుత్వ ఆస్పత్రి రాజకీయ వివాదాలకు వేదికగా మారింది. ఇందుకు వాస్తు గండమా.. వరద ముప్పా.. రాజకీయ విమర్శలా.. అన్న అంశాలపై సాగుతున్న చర్చలు ప్రజలను తీవ్ర గందరగోళానికి గురిచేస్తున్నాయి. ఒకవైపు విమర్శలు, ప్రతి విమర్శలు కొనసాగుతుండగా.. మరోవైపు ఆస్పత్రిలో మెరుగైన వైద్యం చేయించుకోవాల్సిన సామాన్య ప్రజలు మాత్రం ఏం జరుగుతుందో అర్థం కాక సందిగ్ధంలో పడుతున్నారు. దీంతో జడ్చర్ల ఏరియా ఆస్పత్రి వ్యవహారం చర్చనీయాంశంగా మారింది. కీలకమైన విభాగం.. క్రిటికల్‌ కేర్‌ యూనిట్‌ అనేది అత్యవసర పరిస్థితుల్లో ప్రాణాపాయ స్థితిలో ఉన్న రోగులకు తక్షణ వైద్య సేవలు అందించేందుకు ఉద్దేశించిన అత్యంత కీలకమైన విభాగం. అలాంటి విభాగం నిర్మాణంలో స్థల ఎంపిక, అత్యవసర వాహనాల రాకపోకలు, రోగులను తరలించే సౌలభ్యం, ఆక్సిజన్‌ సరఫరా, వైద్య పరికరాల ఏర్పాటు, భద్రత వంటి అంశాలకు ప్రాధాన్యం ఇవ్వాల్సి ఉంటుంది. అయితే ఇంత ముఖ్యమైన విభాగం నిర్మాణం వాస్తు వివాదంతో ముడిపడడంతో ప్రజల్లో సందేహాలు వ్యక్తమవుతున్నాయి. లోతట్టు ప్రాంతం, వరద ముప్పు వంటి ఆరోపణలను ఎందుకు పరిగణలోకి తీసుకోలేదన్నది ఒక ప్రశ్న కాగా.. ప్రస్తుతం నిర్మిస్తున్న క్రిటికల్‌ కేర్‌ యూనిట్‌ స్థలాన్ని మార్చాల్సిన అవసరం ఉందా.. అన్నది మరో ప్రశ్నగా మారింది. వంద పడకల ఆస్పత్రికి వరద ముప్పు ఎంతమాత్రం లేదు. భవనానికి ఉత్తర దిశగా వాస్తు ప్రకారంగా ఖాళీ స్థలం ఉండాలి. కానీ, అక్కడ క్రిటికల్‌ కేర్‌ యూనిట్‌ నిర్మాణం చేపట్టడంతో వాస్తు గండం ఏర్పడింది. భవిష్యత్‌లో మార్చురీని తొలగించి మరో చోట నిర్మించి ఖాళీ స్థలంగా ఉంచితే వాస్తు కుదురుతుంది. క్రిటికల్‌ కేర్‌ యూనిట్‌ను ఆ పక్కనే ఉన్న అసైన్‌ భూమిలో నిర్మించి ఉంటే బాగుండేది. – లక్ష్మారెడ్డి, మాజీ ఎమ్మెల్యే, జడ్చర్ల వంద పడకల ఆస్పత్రిని గుంతలో నిర్మించి వాస్తు లేకుండా చేశారు. క్రిటికల్‌ కేర్‌ యూనిట్‌ను ఆస్పత్రికి అనుసంధానంగానే నిర్మించాలన్న నిబంధనల మేరకే అక్కడ నిర్మిస్తున్నాం. దూరంగా మరో చోట నిర్మించడానికి నిబంధనలు అడ్డంకిగా మారాయి. – అనిరుధ్‌రెడ్డి, ఎమ్మెల్యే, జడ్చర్ల

● మురసు తుఫాన్‌తో భారీ వర్షాలు కురిసే అవకాశం ● జిల్లాకు ఆరెంజ్‌ అలర్ట్‌ ● కలెక్టర్‌ హేమంత్‌ కేశవ్‌ పాటిల్‌ నాగర్‌కర్నూల్‌: మురసు తుఫాన్‌ ప్రభావంతో జిల్లావ్యాప్తంగా భారీ నుంచి అతి భారీ వర్షాలు కురిసే అవకాశం ఉన్నందున ప్రజలు అప్రమత్తంగా ఉండాలని కలెక్టర్‌ హేమంత్‌ కేశవ్‌ పాటిల్‌ ఆదివారం ఓ ప్రకటనలో పేర్కొన్నారు. వాతావరణశాఖ హెచ్చరికల నేపథ్యంలో సోమవారం ఉదయం 8:30 నుంచి మంగళవారం ఉదయం 8:30 గంటల వరకు జిల్లాకు ఆరెంజ్‌ అలర్ట్‌ జారీ చేసినట్లు తెలిపారు. ఈ నెల 3, 4 తేదీల్లో ఎల్లో అలర్ట్‌ ఉన్నట్లు పేర్కొన్నారు. సోమవారం మధ్యాహ్నం నుంచి ఈదురుగాలుల తీవ్రత పెరిగే అవకాశం ఉందని.. రాత్రి నుంచి గంటకు 60 నుంచి 90 కి.మీ. వేగంతో గాలులు వీచే ప్రమాదం ఉందని హెచ్చరించారు. ఉరుములు, మెరుపులతో కూడిన వర్షాలు కురిసే అవకాశం ఉన్నందున ప్రజలు అత్యవసరమైతే తప్ప బయటకు రావొద్దని కలెక్టర్‌ సూచించారు. పిడుగులు పడే సమయంలో బహిరంగ ప్రదేశాల్లో ఉండొద్దన్నారు. ఎట్టి పరిస్థితుల్లోనూ చెట్లు, విద్యుత్‌ స్తంభాలు, హోర్డింగ్‌ల కింద ఆశ్రయం పొందవద్దని తెలిపారు. రైతులు వ్యవసాయ పనుల విషయంలో అప్రమత్తంగా ఉండాలని.. పశువులను సురక్షిత ప్రాంతాల్లో ఉంచాలని కోరారు. లోతట్టు ప్రాంతాల ప్రజలు జాగ్రత్తగా ఉండాలని.. వర్షపు నీరు నిలిచే ప్రాంతాలు, వాగులు, వంకలను దాటేందుకు ప్రయత్నించవద్దని తెలిపారు. తుఫాన్‌ ప్రభావాన్ని దృష్టిలో ఉంచుకొని అన్ని శాఖల అధికారులు అప్రమత్తంగా ఉండాలని.. ప్రజలకు అవసరమైన సహాయ సహకారాలు అందించాలని ఆదేశించారు. అత్యవసర సహాయం కోసం కలెక్టరేట్‌లో ఏర్పాటుచేసిన హెల్ప్‌లైన్‌ నంబర్‌ 08540–230201ను సంప్రదించాలని కలెక్టర్‌ కోరారు.

తాడూరు/తెలకపల్లి: విద్యార్థులకు ఉన్నత ప్రమాణాలతో కూడిన విద్య అందించాలని డీఈఓ రమేశ్‌కుమార్‌ ఉపాధ్యాయులకు సూచించారు. ఆదివారం తాడూరు మండల కేంద్రం, తెలకపల్లి మండలం రాకొండలోని కస్తూర్బాగాంధీ బాలికల విద్యాలయాల్లో ఆయన ఆకస్మిక తనిఖీలు చేపట్టారు. ఈ సందర్భంగా విద్యార్థినుల హాజరు, పాఠశాలల్లో కల్పిస్తున్న వసతులు, ఆహారం నాణ్యతను పరిశీలించారు. అలాగే విద్యార్థినుల అభ్యసన సామర్థ్యాలను తెలుసుకున్నారు. పదో తరగతి వార్షిక పరీక్షల్లో ఉత్తమ ఫలితాలు సాధించేందుకు విద్యార్థినులను ప్రణాళికాబద్ధంగా సిద్ధం చేయాలని ఉపాధ్యాయులకు సూచించారు. చదువులో వెనుకబడిన వారిపై ప్రత్యేక శ్రద్ధ చూపాలన్నారు. పాఠశాలల్లో విద్యా ప్రమాణాల పెంపునకు కృషి చేయాలన్నారు. ప్రభుత్వం సరఫరా చేసిన పాఠ్యపుస్తకాలు, దుస్తులు షూ, ఇతర సామగ్రి అందరికీ అందేలా చూడటంతో పాటు మెనూ ప్రకారం నాణ్యమైన ఆహారం అందించాలని సూచించారు. డీఈఓ వెంట విద్యాశాఖ అధికారి నర్సింహులు ఉన్నారు.

కల్వకుర్తి రూరల్‌: పట్టణంలోని స్టేడియంలో ఈ నెల 3న సబ్‌ జూనియర్‌ బాలుర కబడ్డీ జట్టు ఎంపికలు నిర్వహించనున్నట్లు కబడ్డీ అసోసియేషన్‌ జిల్లా అధ్యక్ష కార్యదర్శులు ముచ్చర్ల జనార్దన్‌రెడ్డి, యాదయ్యగౌడ్‌ ఆదివారం ఒక ప్రకటనలో తెలిపారు. 2010 డిసెంబర్‌ తర్వాత జన్మించి, 60 కిలోలలోపు బరువు ఉన్న క్రీడాకారులు అర్హులని పేర్కొన్నారు. ఆసక్తిగల క్రీడాకారులు పదో తరగతి మెమో, జనన ధ్రువపత్రం, ఆధార్‌ కార్డు తీసుకొని రావాలని సూచించారు. మరిన్ని వివరాలకు 99516 29694, 63030 91551 నంబర్లను సంప్రదించాలని వారు తెలిపారు. మైసమ్మ జాతరకు పోటెత్తిన భక్తజనం పెద్దకొత్తపల్లి: నాయినోనిపల్లి మైసమ్మ జాతరకు ఆదివారం భక్తులు పోటెత్తారు. వివిధ ప్రాంతాల నుంచి కుటుంబ సమేతంగా తరలివచ్చి.. అమ్మవారి దర్శనానికి క్యూ కట్టారు. ఆలయం వద్ద ప్రదక్షిణ అనంతరం అమ్మవారికి నైవేద్యం సమర్పించి, మొక్కులు తీర్చుకున్నారు. భక్తులతో జాతర మైదానం కిటకిటలాడింది. మైసమ్మ జాతరకు వెళ్లి వచ్చే వాహనాలతో పెద్దకొత్తపల్లిలో ట్రాఫిక్‌ సమస్య ఏర్పడింది. స్థానిక పోలీసులు వాహనాల రాకపోకలను క్రమబద్ధీకరించారు. సుమారు 10వేల మంది భక్తులు అమ్మవారిని దర్శించుకున్నట్లు ఆలయ సిబ్బంది తెలిపారు. లేబర్‌ కోడ్‌లతో అన్యాయం పెద్దకొత్తపల్లి: కేంద్ర ప్రభుత్వం తీసుకొచ్చిన లేబర్‌ కోడ్‌లతో కార్మికులు అన్యాయానికి గురవుతున్నారని.. కార్మిక వ్యతిరేక కోడ్‌లను వెంటనే రద్దు చేయాలని ీసీఐటీయూ జిల్లా ప్రధాన కార్యదర్శి శ్రీనివాసులు డిమాండ్‌ చేశారు. ఆదివారం మండల కేంద్రంలో భవన నిర్మాణ కార్మికులతో నిర్వహించిన సమావేశంలో ఆయన మాట్లాడారు. భవన నిర్మాణ కార్మికులను కేంద్ర, రాష్ట్ర ప్రభుత్వాలు దగా చేస్తున్నాయన్నారు. జీవో నం. 12ను రద్దు చేసి, వెల్ఫేర్‌ బోర్డు ద్వారానే కార్మికులకు సంక్షేమ పథకాలు అందించాలని డిమాండ్‌ చేశారు. అలాగే 55 ఏళ్లు పైబడిన కార్మికులకు రూ. 6వేల పింఛన్‌, పిల్లల చదువుకు స్కాలర్‌షిప్‌ అందించాలన్నారు. లేబర్‌ కార్డు ఉన్న కార్మికుడు ఏ రాష్ట్రంలో మరణించినా ఎక్స్‌గ్రేషియా చెల్లించాలని కోరారు. సీఐటీయూ జిల్లా సహాయ కార్యదర్శి దశరథం, భవన నిర్మాణ కార్మిక సంఘం జిల్లా అధ్యక్షుడు తిరుపతయ్య, కార్యదర్శి శంకర్‌, ఉపాధ్యక్షుడు తిరుపతయ్య, సహాయ కార్యదర్శి ప్రవీణ్‌, యాదగిరి, రాముడు, బాలరాజు, నారాయణ, కుర్మయ్య ఉన్నారు. ‘స్ఫూర్తి మాణిక్యాలు’ పుస్తకావిష్కరణ కొల్లాపూర్‌: పాన్‌గల్‌ మండలం చింతకుంటకు చెందిన న్యాయవాది సూగూరు కిషన్‌రావు రచించిన స్ఫూర్తి మాణిక్యాలు పుస్తకాన్ని ఆదివారం కొల్లాపూర్‌లో కవి, రచయితల సంఘం నాయకులు ఆవిష్కరించారు. ఈ సందర్భంగా వారు మాట్లాడుతూ.. నేటి తరం విద్యార్థులు, యువత చెడు వ్యసనాలకు లోనుకాకుండా క్రమశిక్షణ, అంకితభావం, దేశభక్తి, దైవభక్తితో ఉత్తమ పౌరులుగా ఎదిగేందుకు అవసరమైన నీతి సూక్తులు ఈ పుస్తకంలో ఉన్నాయని వివరించారు. ఈ పుస్తకాన్ని ప్రతి విద్యార్థి, యువతీ యువకులు చదవాలని వారు సూచించారు. కార్యక్రమంలో తెలంగాణ సారస్వత పరిషత్‌ సభ్యులు వేదార్థం మధుసూదన్‌ శర్మ, తెలుగు భారతి సంస్థ అధ్యక్షుడు ఆమని కృష్ణ, భూజల భాస్కర్‌రెడ్డి, గూడేలి శ్రీను, రాఘవేంద్ర, మహిమూద్‌ పాల్గొన్నారు.

ఎల్‌నినో అన్నదాతలను ఆందోళనకు గురిచేస్తుంది. బోరుబావుల్లో నీటిమట్టం అడుగంటడం, కాల్వల ద్వారా సాగునీరు అందక సాగు చేసిన పంటలను కాపాడుకునేందుకు రైతులు నానా పాట్లు పడుతున్నారు. పాన్‌గల్‌ మండలం బండపల్లికి చెందిన శేషయ్య 1.20 ఎకరాల్లో వరి సాగు చేశారు. భీమా 27వ ప్యాకేజీకి సాగునీరు నిలిచిపోవడం, విద్యుత్‌ కోతలతో బోరుమోటారు నుంచి సరిపడా నీరందడం కష్టంగా మారింది. దీంతో చివరి దశలో ఉన్న పంటను కాపాడుకునేందుకు ట్యాంకర్‌ను అద్దెకు తీసుకొని ట్రిప్పునకు రూ.వెయ్యి చొప్పున చెల్లిస్తూ కేఎల్‌ఐ నీటిని నింపుకొని పొలానికి అందిస్తున్నారు. – పాన్‌గల్‌

వెల్దండ: త్వరలో గ్రాడ్యుయేట్‌ ఎమ్మెల్సీ ఎన్నికలు జరగనున్న నేపథ్యంలో పట్టభద్రులందరూ విధిగా తమ ఓటు హక్కు నమోదు చేసుకోవాలని రాష్ట్ర ఫుడ్‌ కమిషన్‌ చైర్మన్‌ గోలి శ్రీనివాస్‌రెడ్డి సూచించారు. ఆదివారం మండలంలోని చౌదర్‌పల్లి, లింగారెడ్డిపల్లి గ్రామాల్లో పట్టభద్రుల ఎమ్మెల్సీ ఎన్నికలపై అవగాహన కల్పించారు. ఈ సందర్భంగా ఆయన మాట్లాడుతూ.. బీఆర్‌ఎస్‌ హయాంలోనే రైతులు, ప్రజా సంక్షేమానికి అనేక పథకాలను అమలు చేశామన్నారు. కాంగ్రెస్‌ ప్రభుత్వం ఎన్నికల సమయంలో ఇచ్చిన హామీలను విస్మరించి, ప్రజలను మోసం చేసిందన్నారు. రాబోయే ఎమ్మెల్సీ ఎన్నికల్లో బీఆర్‌ఎస్‌ పార్టీ బలపరిచిన అభ్యర్థికి మద్దతుగా నిలవాలని కోరారు. అనంతరం పట్టభద్రులతో ఓటరు నమోదు చేయించారు. మున్సిపల్‌ మాజీ చైర్మన్‌ ఎడ్మ సత్యం, బీఆర్‌ఎస్‌ అధ్యక్షుడు పుట్టా రాంరెడ్డి, సింగిల్‌విండో డైరెక్టర్లు శేఖర్‌ ముదిరాజ్‌, నాగులునాయక్‌, మాజీ సర్పంచ్‌ వెంకట్‌రెడ్డి, అనిల్‌కుమార్‌, నిరంజన్‌, బాలయ్య, అంజి మాస్టర్‌, అశోక్‌, ఆనంద్‌, బాబురావు, అంజినాయక్‌, రాజు, అశోక్‌, ప్రసాద్‌ పాల్గొన్నారు.

నాకర్‌కర్నూల్‌/తాడూరు: ఉక్కుమనిషి సర్ధార్‌ వల్లభాయ్‌ పటేల్‌ ఆశయ సాధనకు ప్రతిఒక్కరూ కృషిచేయాలని ఏఎస్పీ వెంకటేశ్వర్లు అన్నారు. శనివారం పటేల్‌ జయంతిని పురస్కరించుకొని ఎస్పీ కార్యాలయంలో ఆయన చిత్రపటానికి ఘనంగా నివాళులర్పించారు. ఈ సందర్భంగా ఏఎస్పీ మాట్లాడుతూ స్వాతంత్య్రం అనంతరం 500పైగా సంస్థానాలను దేశంలో విలీనం చేసి జాతికి ఒకే సార్వభౌమాధికారాన్ని ప్రసాదించి అఖండ భారతాన్ని నిర్మించిన మహా నాయకుడు సర్ధార్‌ వల్లభాయ్‌ పటేల్‌ అన్నారు. ఆయన చూపిన ధైర్యం, రాజనీతిజ్ఞత, పరిపాలన దూర దృష్టే ప్రతి భారతీయుడికి మార్గదర్శకాలు కావాలన్నారు. దేశ సమగ్రత, శాంతిభద్రతల పరిరక్షణ కోసం విధులు నిర్వర్తించే పోలీసు వ్యవస్థకు పటేల్‌ జీవన ప్రస్థానం అత్యంత స్ఫూర్తిదాయకం అన్నారు. కార్యక్రమంలో డీఎస్పీ శ్రీనివాస్‌యాదవ్‌, ఏఓ కృష్టయ్య, ఆర్‌ఐ జగన్‌, ఆర్‌ఎస్‌ఐలు ప్రశాంత్‌, గౌస్‌పాషా, శివాజీ తదితరులు పాల్గొన్నారు. అలాగే బీజేపీ జిల్లా కార్యాలయంలో, స్థానిక ప్రాంత ఉద్యోగుల సంఘం భవనంలో పటేల్‌ జయంతి వేడుకలు నిర్వహించారు.

అయ్యవారిపల్లి భూ వ్యవహారంలో.. ఉప్పునుంతల: మండలంలోని అయ్యవారిపల్లిలో అక్రమ భూ బదలాయింపులో తహసీల్దార్‌పై సస్పెన్షన్‌ వేటు పడింది. ఈ వ్యవహారంపై రెవెన్యూ అధికారుల భూ మాయాజాలంపై గత నెల 14న ‘సాక్షి’లో ‘ఇదెక్కడి న్యాయం’ శీర్షికన ప్రచురితమైన కథనంపై కలెక్టర్‌ స్పందించారు. ఈ ఘటనపై విచారణ చేసి ఎట్టకేలకు అక్రమ భూ రిజిస్ట్రేషన్‌, విధి నిర్వహణలో నిర్లక్ష్యంగా వ్యవహరించిన ఉప్పునుంతల తహసీల్దార్‌ అద్దంకి సునీతను సస్పెండ్‌ చేస్తూ శనివారం కలెక్టర్‌ హేమంత కేశవ్‌ పాటిల్‌ ఉత్తర్వులు జారీ చేశారు. ఆమెను వెంటనే విధుల నుంచి తప్పిస్తూ.. నాగర్‌కర్నూల్‌ ఆర్డీఓ కార్యాలయంలో డీఏఓగా పనిచేస్తున్న మల్లెల స్వప్నను ఉప్పునుంతల తహసీల్దార్‌గా నియమిస్తూ కలెక్టర్‌ ఆదేశాలు జారీచేశారు. ఈ మేరకు ఆమె ఉప్పునుంతల తహసీల్దార్‌గా బాధ్యతలు తీసుకున్నారు. అయ్యవారిపల్లి శివారులో దాదాపు రూ.4 కోట్ల విలువ చేసే సర్వే నం.115లోని 13.17 ఎకరాల భూమిని సంబంధం లేని వ్యక్తులపై భూ అక్రమ బదలాయింపులో తహసీల్దార్‌ పాత్రపై ఆరోపణలు రావడంతో విచారణ చేసి నివేదిక అందించాలని కలెక్టర్‌ అచ్చంపేట సబ్‌ కలెక్టర్‌ సలోని ఛాబ్రాను ఆదేశించారు. ఈ మేరకు సబ్‌ కలెక్టర్‌ సదరు భూమికి సంబంధించిన పత్రాలను పరిశీలించి నివేదికను కలెక్టర్‌కు అందజేశారు. విచారణలో అక్రమం జరిగినట్లు తేలడంతో తహసీల్దార్‌ను సస్పెండ్‌ చేశారు. ఈ భూ అక్రమ బదలాయింపులో అధికారులు పూర్తిస్థాయి విచారణ చేస్తే మరికొంత మంది అధికారులు సస్పెన్షన్‌కు గురయ్యే అవకాశం ఉంది.

తిమ్మాజిపేట: ప్రపంచ వ్యాప్తంగా నియంతలుగా వ్యవహరించిన దేశాధినేతలకు సందర్భానుసారంగా కాలం చెల్లిందని సీపీఐ రాష్ట్ర కార్యదర్శి వర్గ సభ్యుడు బాల్‌నర్సింహ అన్నారు. శనివారం జిల్లాకేంద్రంలోని లక్ష్మణాచారి భవనంలో ఆనంద్‌జీ అధ్యక్షతన నిర్వహించిన జిల్లా కౌన్సిల్‌ సమావేశంలో ఆయన పాల్గొని మాట్లాడారు. ప్రపంచంలోని కొందరు నియంతలైన దేశాధినేతలు మూడు నెలల వ్యవధిలోనే జరిగిన ఎన్నికలలో ఓడిపోవడం గమనార్హమన్నారు. కమ్యూనిస్టు పార్టీల ప్రాబల్యం ఉన్న దేశాలు బ్రెజిల్‌, ఫ్రాన్స్‌ ఇతర దేశాలలో కమ్యూనిస్టు పార్టీల ప్రభుత్వాలు రావడం ఇందుకు నిదర్శనం అన్నారు. అదేవిధంగా కుల, మతాలను అడ్డుపెట్టుకొని అధికారంలోకి వచ్చిన బీజేపీ ప్రభుత్వం అంతమయ్యే రోజులు వస్తాయన్నారు. స్వాతంత్య్రం వచ్చిన నాటి నుంచి నేటి వరకు దేశ రాజధాని ఢిల్లీ నగరంలో ప్రజాస్వామ్య హక్కుల కోసం నిరసనలు చేసేందుకు వేదికగా ఉన్న జంతర్‌ మంతర్‌ ఉండేదన్నారు. ఇటీవల ఢిల్లీలో నిరసనలు చేపడితే కేంద్రం అక్కడ నిషేధం విధించడంపై ఆగ్రహం వ్యక్తం చేశారు. సర్‌ పేరుతో కేంద్ర ప్రభుత్వానికి వ్యతిరేకంగా ఉన్న వారి ఓట్లను తొలగించి ప్రజాస్వమ్యానికి తూట్లు పొడిచారని ఆరోపించారు. కరువు పరిస్థితుల దృష్ట్యా అవసరమైన చర్యలు తీసుకోవాలని డిమాండ్‌ చేశారు. సమావేశంలో జిల్లా కార్యదర్శి ఎస్‌ఎండీ ఫయాజ్‌, నాయకులు వెంకటయ్య, నర్సింహ, చంద్రమౌళి, సూర్యశంకర్‌గౌడ్‌, వెంకటయ్య, రవీందర్‌, శివుడు, లక్ష్మీపతి, మధుగౌడ్‌ తదితరులు పాల్గొన్నారు.

బల్మూర్‌: పీఎంశ్రీ స్కూల్స్‌ ఇంటర్నేషనల్‌ ఎక్స్‌పర్ట్‌ టాక్‌లో భాగంగా బల్మూర్‌ జెడ్పీహెచ్‌ఎస్‌ విద్యార్థులకు అంతర్జాతీయ స్థాయి నిపుణుడితో మాట్లాడే అవకాశం లభించింది. అమెరికాలోని నార్త్‌ కరోలినా యూనివర్సిటీ ప్రొఫెసర్‌ గడ్డమీది శోభన్‌బాబు శనివారం ఆన్‌లైన్‌ ద్వారా పీఎంశ్రీ జెడ్పీహెచ్‌ఎస్‌ బల్మూర్‌ పాఠశాల విద్యార్థులతో ఇంటరాక్ట్‌ అయ్యారు. ఈ సందర్భంగా ఆయన విద్యార్థులనుద్దేశించి మాట్లాడుతూ చదువు పట్ల శ్రద్ధ ఎలా పెంచుకోవాలి.. జీవితంలో లక్ష్యాన్ని ఎలా నిర్దేశించుకోవాలని.. ఆ లక్ష్యాన్ని చేరుకోవడానికి ఎలాంటి కృషి చేయాలో వివరించారు. ఉపాధ్యాయులు చెప్పే పాఠాలను సులభంగా గుర్తుంచుకునే మెళకువలు, జ్ఞాపకశక్తి పెంపుపై సూచనలు ఇచ్చారు. విద్యార్థులు కేవలం మార్కులకే పరిమితం కాకుండా సమాజానికి ఉపయోగపడే పౌరులుగా ఎలా ఎదగాలో అవగాహన కల్పించారు. ప్రస్తుత పోటీ ప్రపంచంలో నెగ్గుకు రావడానికి అనుసరించాల్సిన వ్యూహాలు చెప్పారు. ప్రస్తుతం క్యాన్సర్‌ రావడానికి గల కారణాలపై పరిశోధన చేస్తున్నట్లు తెలిపిన ప్రొఫెసర్‌ శోభన్‌బాబు క్యాన్సర్‌ కారకాలు, నివారణ చర్యలపై విద్యార్థులతో చర్చించారు. విద్యార్థులు అడిగిన పలు సందేహాలకు సమాధానాలిచ్చారు. కార్యక్రమంలో పాఠశాల ఇన్‌చార్జి హెచ్‌ఎం రజాక్‌, ఉపాధ్యాయులు, విద్యార్థులు పాల్గొన్నారు.

నాగర్‌కర్నూల్‌: ఎన్‌హెచ్‌ఎం ఉద్యోగులు చేతులకు తాళ్లతో కట్టెసుకొని వినూత్నంగా నిరసన చేపట్టారు. కలెక్టరేట్‌ ఎదటు ఎదుట తమను రెగ్యులరైజ్‌ చేసి ఉద్యోగ భద్రత కల్పించాలని డిమాండ్‌ చేస్తూ చేపట్టిన నిరవధిక సమ్మె శనివారానికి 19వ రోజు చేరింది. కాంట్రాక్టు, ఔట్‌సోర్సింగ్‌ విధానాల నుంచి విముక్తి కల్పించి తమ కుటుంబాలకు భరోసా ఇవ్వాలని ప్రభుత్వాన్ని కోరారు. ఈ సందర్భంగా జేఏసీ జిల్లా అధ్యక్షుడు బాలకృష్ణ, ప్రధాన కార్యదర్శి కుమార్‌ మాట్లాడుతూ 19 రోజులుగా శాంతియుతంగా ఆందోళన చేస్తున్నా ప్రభుత్వం నుంచి స్పందన లేకపోవడం బాధాకరమన్నారు. కరోనా సమయంలో ప్రాణాలను సైతం లెక్కచేయకుండా ప్రజలకు వైద్య సేవలందించిన తమ సేవలను గుర్తించాలని కోరారు. ప్రభుత్వ ఆరోగ్య కార్యక్రమాల అమలులో కీలక పాత్ర పోషిస్తున్న 78 కేడర్ల ఉద్యోగులకు నేటికీ ఉద్యోగ భద్రత లేకపోవడం విచారకరమన్నారు. సీఎం రేవంత్‌రెడ్డి, వైద్య, ఆరోగ్య శాఖ మంత్రి స్పందించి తమను రెగ్యులరైజ్‌ చేయడంతోపాటు ఉద్యోగ భద్రత కల్పించాలని విజ్ఞప్తి చేశారు. న్యాయమైన డిమాండ్లు నెరవేరే వరకు ఐక్యంగా పోరాటం కొనసాగిస్తామని స్పష్టం చేశారు. కార్యక్రమంలో జేఏసీ రాష్ట్ర ఉపాధ్యక్షుడు గౌస్‌పాషా, హైమావతి, శ్రీనివాసులు, రామకష్ణ, ప్రవీణ్‌కుమార్‌, గోపి, రాజయ్య తదితరులు పాల్గొన్నారు.

నాగర్‌కర్నూల్‌: చట్టాలపై విద్యార్థులతోపాటు ప్రతిఒక్కరు అవగాహన పెంచుకోవాలని స్పెషల్‌ సెషన్స్‌ ఫర్‌ పోక్సో కోర్టు న్యాయమూర్తి నసీం సుల్తానా అన్నారు. జిల్లాకేంద్రంలోని మైనార్టీ రెసిడెన్షియల్‌ పాఠశాలలో శనివారం న్యాయ విజ్ఞాన సదస్సు నిర్వహించారు. సదస్సుకు ముఖ్య అతిథిగా విచ్చేసిన ప్రధాన న్యాయమూర్తి మాట్లాడుతూ సురక్షిత్‌ బచ్చన్‌ అభియాన్‌ పథకం ముఖ్య ఉద్దేశం అని, దేశంలో పిల్లల రక్షణ, వారి హక్కులు, భద్రతను పెంపొందించడమే అన్నారు. చిన్నపిల్లలపై లైంగిక దాడులు, వేధింపులను అడ్డుకోవడం కోసం ఏర్పాటు చేసిన పోక్సో చట్టంపై పాఠశాలలో విద్యార్థులకు, ఉపాధ్యాయులకు అవగాహన కల్పించాలని సూచించారు. అలాగే విద్యార్థులకు గుడ్‌ టచ్‌– బ్యాడ్‌ టచ్‌పై అవగాహన కల్పించారు. బాలల రక్షణకు సంబంధించిన వాల్‌పోస్టర్‌ విడుదల చేశారు. కార్యక్రమంలో లీగల్‌ సర్వీసెస్‌ జిల్లా సెక్రెటరీ నిహారిక, న్యాయవాది శ్రీరామ్‌ ఆర్య తదితరులు పాల్గొన్నారు. పట్టు మెళకువలపై రైతులకు అవగాహన బల్మూర్‌: నూతనంగా పట్టుపరిశ్రమ చేపట్టిన రైతుల కోసం స్థానిక రైతువేదిక భవనంలో శనివారం జిల్లాలో పట్టు పరిశ్రమను విస్తరించేందుకు సీఎస్‌ బీ–ఆర్‌ఎస్‌ ఆర్‌ఎస్‌, ములుగు బృందం అవగాహన కార్యక్రమం చేపట్టింది. ఈ సందర్భంగా మల్బరీ తోటల నిర్వహణ, పట్టు పురుగుల పెంపకంలో పాటించాల్సిన మెళకువలపై రైతులకు శాస్త్రవేత్తలు అవగాహన కల్పించారు. ఎల్‌నినో ప్రభావంపై తిరుపతిరెడ్డి మాట్లాడుతూ పట్టుపరిశ్రమపై ఎల్‌నినో ప్రభావం, దానిని ఎదుర్కొనే మార్గాలు, వేరుకుళ్లు తెగులు నివారణ పద్ధతులు వివరించారు. వాతావరణ మార్పుల నేపథ్యంలో తీసుకోవాల్సిన జాగ్రత్తలను సూచించారు. శాస్త్రవేత్త భువన మాట్లాడుతూ సంప్రదాయ పంటల నుంచి పట్టుపరిశ్రమకు మారే రైతులు నేల సారాన్ని మెరుగు పరుచుకోవాలన్నారు. సేంద్రియ ఎరువుల వినియోగం, సేంద్రియ వ్యవసాయ ప్రాధాన్యతను ఆమె వివరించారు. ఏడీఏ చంద్రశేఖర్‌ నీటి సంరక్షణ నిర్మాణాలు, వాటి ఏర్పాటుకు అందించే రాయితీలపై వివరించగా, డాక్టర్‌ రాఘవేందర్‌ పట్టుపరిశ్రమ ప్రభుత్వ పథకాలు, రాయితీలను తెలియజేశారు. పట్టుపరిశ్రమ, వ్యవసాయ శాఖల అధికారులు జనార్దన్‌, మల్లేశం పాల్గొన్నారు. జూరాల కాల్వలకు నీటి విడుదల అమరచింత: ప్రియదర్శిని జూరాల జలాశయం ప్రధాన కుడి, ఎడమ కాల్వలతో పాటు సమాంతర కాల్వకు శనివారం నీటిని విడుదల చేసినట్లు ఏఈ సుదర్శన్‌ తెలిపారు. ఆయకట్టుకు వారాబందీ విధానంలో ప్రాజెక్టు అధికారులు సాగునీటిని వదులుతున్నారు. ఇందులో భాగంగానే శనివారం నుంచి 4 రోజుల పాటు నిరంతరాయంగా కాల్వలకు నీటిని వదలనున్నట్లు వెల్లడించారు. ప్రధాన ఎడమకాల్వకు 1,140 క్యూసెక్కులు, కుడి కాల్వకు 730, సమాంతర కాల్వకు 1,100, భీమా ఎత్తిపోతలకు 750 క్యూసెక్కులు.. మొత్తంగా 3,033 క్యూసెక్కుల నీటిని వదులుతున్నారు. జూరాల ప్రధాన కుడి, ఎడమ కాల్వలకు మాత్రమే సాగునీటిని వదలాలని.. సమాంతర కాల్వకు కేవలం వరద వచ్చినప్పుడే వదలాలని అమరచింత, ఆత్మకూర్‌ మండలాల ఆయకట్టు రైతులు డిమాండ్‌ చేస్తున్నారు. సమాంతర కాల్వ ద్వారా ప్రాజెక్టులో ఉన్న నిల్వనీటిని దిగువకు తీసుకెళ్లే కుట్రలు మానుకోవాలని, లేనిపక్షంలో ఆందోళనలు చేస్తామని రైతులు హెచ్చరించారు.

లింగాల: వలసలు వెళ్లకుండా వీబీజీ రాంజీ పథకంలో చేపడుతున్న ఉపాధి పనులను సద్వినియోగం చేసుకోవాలని సబ్‌ కలెక్టర్‌ సలోని ఛాబ్రా అన్నారు. శనివారం మండలంలోని చెన్నంపల్లి, ఎర్రపెంట, శ్రీరంగాపూర్‌, అప్పాయపల్లి గ్రామాలను సందర్శించిన సబ్‌ కలెక్టర్‌ చెంచులను కలిసి అభివృద్ధి పనులపై అవగాహన కల్పించారు. మండలంలోని ఆయా గ్రామాలకు చెందిన చెంచులు ఇటీవల వలసలు వెళ్తుండగా అధికారులు అడ్డుకున్నారు. ఈ క్రమంలో చెంచుల వలసలను నిరోధించడానికి సబ్‌ కలెక్టర్‌ ఆయా గ్రామాలను సందర్శించి చెంచులతో మాట్లాడారు. ప్రభుత్వం కల్పిస్తున్న సౌకర్యాలను సద్వినియోగం చేసుకోవాలని సూచించారు. ముఖ్యంగా వీబీజీ రాంజీ పథకం ద్వారా ఉపాధి పనులు అమలు చేస్తున్నామని, వారంలో చేసిన పనులకు మరుసటి వారం కూలీ డబ్బులు వస్తాయని అవగాహన కల్పించారు. అంతే కాకుండా అర్హులైన చెంచులకు పింఛన్లు ఇవ్వడం జరుగుతుందని, అర్హులను గుర్తించి పింఛన్లకు దరఖాస్తు చేసుకునేలా పంచాయతీ కార్యదర్శులు కృషిచేయాలన్నారు. చెంచుల అమాయకత్వాన్ని ఆసరాగా చేసుకొని గుంపు మేసీ్త్రలు చెంచులను వలసలకు తీసుకెళ్తే కఠిన చర్యలు తీసుకుంటామని హెచ్చరించారు. ప్రభుత్వం చెంచులను అన్ని విధాలుగా ఆదుకుంటుందని, వలస వెళ్లకుండా స్థానికంగా జీవనోపాధి పొందాలని సూచించారు. ఇదిలా ఉండగా ఉపాధి పనులు చేస్తే సకాలంలో కూలీ డబ్బులు రావడం లేదని, దీంతో కుటుంబాలను పోషించుకోలేక ఇబ్బంది పడుతున్నట్లు చెంచులు వాపోయారు. ఇక నుంచి కూలీ డబ్బులు చెల్లించడంలో ఎలాంటి జాప్యం జరగదని ఆమె చెంచులకు భరోసా ఇచ్చారు. ఆమె వెంట ఎంపీడీఓ విజయలక్ష్మి తదితరులున్నారు.

నాగర్‌కర్నూల్‌: ఓటరు జాబితా ప్రత్యేక సమగ్ర సవరణ (సర్‌) ప్రక్రియలో భాగంగా క్లెయింలు, అభ్యంతరాల స్వీకరణ గడువును నవంబర్‌ 26 వరకు పొడిగించినట్లు జిల్లా ఎన్నికల అధికారి, కలెక్టర్‌ హేమంత కేశవ్‌ పాటిల్‌ అన్నారు. ఈ ప్రక్రియ పూర్తయిన అనంతరం నవంబర్‌ 30న తుది ఓటరు జాబితా విడుదల చేస్తామన్నారు. శనివారం ఓటరు జాబితా సవరణ, పట్టభద్రుల ఎమ్మెల్సీ ఓటరు నమోదు అంశాలపై గుర్తింపు పొందిన రాజకీయ పార్టీల ప్రతినిధులతో నిర్వహించిన సమీక్ష సమావేశంలో ఆయన మాట్లాడారు. ఓటరు జాబితాను పారదర్శకంగా, తప్పుల్లేకుండా రూపొందించడంతోపాటు అర్హులైన ప్రతిఒక్కరికీ ఓటు హక్కు కల్పించడమే సర్‌ లక్ష్యం అన్నారు. బీఎల్‌ఓలు దరఖాస్తులను క్షేత్రస్థాయిలో పరిశీలించి, అవసరమైన ధ్రువీకరణ చేపడుతున్నట్లు వివరించారు. రాజకీయ పార్టీల ప్రతినిధులు ఓటరు జాబితాలను పరిశీలించి, లోపాలు లేదా అభ్యంతరాలు ఉంటే అధికారుల దృష్టికి తీసుకురావాలని సూచించారు. అర్హుల పేర్లు జాబితాలో ఉండేలా, అనర్హుల పేర్లు నిబంధనలకు విరుద్ధంగా నమోదు కాకుండా చూడాలన్నారు. ● పట్టభద్రుల ఎమ్మెల్సీ ఓటరు నమోదుకు ఈ నెల 6 చివరి తేదీ అని కలెక్టర్‌ స్పష్టం చేశారు. జిల్లాలో ఇప్పటి వరకు 29,890 మంది పట్టభద్రులు ఓటర్లుగా నమోదయ్యారని, మరో 1,335 దరఖాస్తులు పరిశీలనలో ఉన్నాయని వెల్లడించారు. వాటిని నిబంధనల ప్రకారం పరిశీలించి, అర్హమైన దరఖాస్తులకు ఆమోదం తెలుపుతామని పేర్కొన్నారు. సమావేశంలో అదనపు కలెక్టర్‌ చెన్నయ్య, ఎన్నికల విభాగం సూపరింటెండెంట్‌ రవికుమార్‌, ఆయా పార్టీల ప్రతినిధులు హబీబ్‌, నాగేందర్‌గౌడ్‌, విష్ణుసాగర్‌, ఎండీ హుస్సేన్‌, బాలకృష్ణ తదితరులు పాల్గొన్నారు.

ప్రతి పాఠశాల ఉపాధ్యాయులు, హెచ్‌ఎంల లాగిన్‌ ద్వారా ప్రశస్త్‌ యాప్‌లోకి వెళ్లి.. తరగతుల వారీగా విద్యార్థులకు సంబంధించిన ప్రశ్నలకు సమాధానాలు నమోదు చేస్తూ స్క్రీనింగ్‌ పూర్తిచేయాలి. జిల్లాలో దాదాపు 96 శాతం ప్రభుత్వ, ప్రైవేట్‌ పాఠశాలలు యాప్‌లో రిజిస్టర్‌ అయ్యాయి. ప్రభుత్వ పాఠశాలల్లో స్క్రీనింగ్‌ జోరుగా సాగుతున్నప్పటికీ.. ప్రైవేట్‌ పాఠశాలలు వెనకబడి ఉన్నందున మండల కేంద్రాల్లో ప్రైవేట్‌ పాఠశాలల ఉపాధ్యాయులకు అవగాహన/ శిక్షణ కార్యక్రమాలు నిర్వహిస్తున్నాం. – మాధవరెడ్డి, సీఎంఓ ●

ఈ పథకంతో విద్యార్థులకు ప్రయోజనాలెన్నో..! అచ్చంపేట: ప్రభుత్వ, ప్రైవేట్‌ పాఠశాలల్లో విద్యను అభ్యసిస్తున్న విద్యార్థుల ఆరోగ్యం పట్ల కేంద్ర, రాష్ట్ర ప్రభుత్వాలు ప్రత్యేక శ్రద్ధ తీసుకుంటున్నాయి. పాఠశాల స్థాయిలో ప్రాథమిక దశలో విద్యార్థులను పరీక్షించి 21 రకాల వైకల్యాలను గుర్తించి అవసరమైన సహాయం అందించేందుకు ప్రత్యేక దివ్యాంగుల స్క్రీనింగ్‌ టూల్‌ను కేంద్ర ప్రభుత్వ మంత్రిత్వ శాఖ ఎన్సీఈఆర్టీ ద్వారా అమలు చేస్తున్నారు. ఈ టూల్‌ యాప్‌లో పది వీడియోలను అందులో నిక్షిప్తం చేశారు. ఈ వీడియోల అనుగుణంగా వారిని గుర్తించాల్సి ఉంటుంది. ప్రాథమిక పరిశీలనలో భాగంగా ప్రభుత్వ పాఠశాలలో చదువుకునే విద్యార్థి ప్రవర్తన, కదలికలు, చదవడం, రాయడంలో పడుతున్న ఇబ్బందులను గుర్తించి యాప్‌లో ఉన్న చెక్‌ లిస్ట్‌ ఆధారంగా నమోదు చేయాల్సి ఉంది. యాప్‌ ద్వారా నిర్ధిష్టమైన దృష్టి లోపం, నేర్చుకోవడంలో ఇబ్బంది పడుతున్న విద్యార్థుల వివరాలను ప్రధానోపాధ్యాయుల ద్వారా ప్రత్యేకంగా విద్యా నిపుణులకు ఐఈఆర్పీలు (స్పెషల్‌ ఎడ్యుకేటర్స్‌) వైద్యాధికారులకు పంపించడం జరుగుతుంది. ఇలా పంపించిన పాఠశాలల వివరాలను ప్రశస్త్‌ యాప్‌ ద్వారా స్పెషల్‌ ఎడ్యుకేటర్స్‌, వైద్య బృందం పాఠశాలను సందర్శించి ఎవరికై తే ఎలాంటి సమస్యలున్నాయని ప్రశస్త్‌ యాప్‌లో పొందుపరిచారో వారి వివరాల ఆధారంగా విద్యార్థిని పూర్తిగా పరిశీలిస్తారు. కంటి సమస్య తీవ్రంగా ఉన్నట్లు గుర్తిస్తే ఉచితంగా కళ్లద్దాలు అందజేసి ఆ విద్యార్థులకు ప్రత్యేక బోధనా పద్ధతులను ప్రారంభించేందుకు ఈ యాప్‌ ఎంతగానో ఉపయోగపడుతుంది. జిల్లాలో 1,29,240 మంది విద్యార్థులు ఉండగా ఇప్పటి వరకు 20 వేల మంది విద్యార్థుల స్క్రీనింగ్‌ మాత్రమే పూర్తయింది. ప్రైవేట్‌ పాఠశాలలు, భవిత కేంద్రాల్లో మందకొడిగా సాగడమే ఇందుకు కారణంగా తెలుస్తోంది. మొత్తం విద్యార్థులు 81,350 భవిత సెంటర్లు 5 సీడబ్ల్యూఎస్‌ఎన్‌ విద్యార్థులు 2,300 21 రకాల దివ్యాంగుల స్క్రీనింగ్‌ టూల్‌ నూతనంగా ఎన్సీఈఆర్టీ ద్వారా అమలు జిల్లాలోని ప్రైవేట్‌ పాఠశాలల్లో వెనకబడిన కార్యక్రమం వీడియోలతో టీచర్లకు అవగాహన కల్పిస్తున్న అధికారులు

నాగర్‌కర్నూల్‌: ఉమ్మడి పాలమూరు జిల్లాలోని అన్ని మండలాలను ప్రభుత్వం కరువు మండలాలుగా గుర్తించి.. పంటలు నష్టపోయిన రైతులకు పరిహారం చెల్లించాలని మాజీ మంత్రి శ్రీనివాస్‌గౌడ్‌ డిమాండ్‌ చేశారు. శుక్రవారం జిల్లా కేంద్రంలోని మాజీ ఎమ్మెల్యే మర్రి జనార్దన్‌రెడ్డి నివాసంలో ఏర్పాటుచేసిన విలేకర్ల సమావేశంలో ఆయన మాట్లాడారు. ప్రభుత్వం ఇటీవల ప్రకటించిన కరువు మండలాల్లో ఉమ్మడి జిల్లాలోని 15 మండలాలను ప్రకటించకపోవడం దారుణమన్నారు. ఆయా మండలాల్లో రైతులు, ప్రజలు సాగు, తాగునీరు అందించాలని రోడ్డెక్కుతున్నా ప్రభుత్వానికి కనిపించడం లేదా అని ఆయన ప్రశ్నించారు. రాష్ట్రంలో కరువు పరిస్థితులపై అధికారులు సత్వర చర్యలు చేపట్టాలన్నారు. రైతులకు పంటనష్ట పరిహారం అందించడంతో పాటు ప్రజలకు నిత్యావసర వస్తువులు, కరువు సాయం అందించాలని డిమాండ్‌ చేశారు. అచ్చంపేట నియోజకవర్గంలో చెంచులు తాగునీటికి ఇబ్బందులు పడుతున్నారని.. సీఎంగా కేసీఆర్‌ ఉన్నప్పుడు మిషన్‌ భగీరథ పథకం ద్వారా తాగునీరు అందించామన్నారు. తమ ప్రభుత్వం సమస్యలను శాశ్వతంగా పరిష్కరించేందుకు కృషిచేస్తే.. ఇప్పటి కాంగ్రెస్‌ ప్రభుత్వం బేషజాలకు పోయి ప్రాజెక్టులను పట్టించుకోలేదన్నారు. వెంటనే ఉపాధిహామీ పనులను ముమ్మరం చేసి, విద్యుత్‌ కొరత లేకుండా చూడాలన్నారు. ప్రజలకు తాగు, సాగునీటి సమస్య ఏర్పడకుండా చర్యలు తీసుకోవాలన్నారు. లేనిచో రాష్ట్ర సచివాలయాన్ని ముట్టడిస్తామని ఆయన హెచ్చరించారు. సమావేశంలో బీఆర్‌ఎస్‌ నాయకులు వెంకటయ్య, మాజీ జెడ్పీటీసీ శ్రీశైలం, కౌన్సిలర్లు గంగాధర్‌, జేపీ చారి, మాజీ చైర్మన్‌ బాబురావు, నాయకులు షఫీ ఉల్లాఖాన్‌, కేశవులుగౌడ్‌, శంకర్‌గౌడ్‌, కుర్మయ్య, కిషోర్‌గౌడ్‌, టింకు పాల్గొన్నారు.

కొల్లాపూర్‌: రైతాంగ సమస్యలను పరిష్కరించడంలో ప్రభుత్వం నిర్లక్ష్యంగా వ్యవహరిస్తోందని బీజేపీ నియోజకవర్గ ఇన్‌చార్జి ఎల్లేని సుధాకర్‌రావు ఆరోపించారు. శుక్రవారం పార్టీ శ్రేణులు, రైతులతో కలిసి పట్టణంలో భారీ ర్యాలీ నిర్వహించారు. అనంతరం ఆర్టీసీ బస్టాండ్‌ ఎదుట బైఠాయించి ధర్నా చేపట్టారు. ఈ సందర్భంగా ఆయన మాట్లాడుతూ.. రెండు వారాల క్రితం నియోజకవర్గంలోని పలు గ్రామాల్లో పర్యటించినప్పుడు సాగు, తాగునీరు, విద్యుత్‌ సరఫరాలో సమస్యలు తీవ్రంగా ఉన్నాయని గుర్తించినట్లు పేర్కొన్నారు. వాటి పరిష్కారానికి చొరవ చూపాలని రాష్ట్ర మంత్రి జూపల్లి కృష్ణారావుతో పాటు జిల్లా అధికారులను కోరామని చెప్పారు. పంటలు నష్టపోయిన రైతులకు ఎకరానికి రూ. 20వేల పరిహారం ఇవ్వాలని విన్నవించామని తెలిపారు. అయితే మంత్రి, అధికారుల నుంచి ఎలాంటి స్పందన లేకపోవడంతో ధర్నాకు దిగాల్సి వచ్చిందన్నారు. నాగర్‌కర్నూల్‌, వనపర్తి కలెక్టర్లు స్పష్టమైన హామీ ఇస్తేనే ధర్నా విరమిస్తామని తేల్చిచెప్పారు. అయితే మధ్యాహ్నం 12 గంటల నుంచి రాత్రి వరకు బస్టాండ్‌ ఎదుట పెద్ద సంఖ్యలో బీజేపీ నాయకులు, రైతులు కూర్చున్నారు. ధర్నా విరమించాలని స్థానిక సీఐ శంకర్‌నాయక్‌తో పాటు ఎస్‌ఐలు పలుమార్లు సుధాకర్‌రావును కోరారు. అయితే అఽధికారులు వచ్చి రైతుల సమస్యలు పరిష్కరిస్తామని హామీ ఇస్తేనే ధర్నా విరమిస్తామని చెప్పడంతో ఆర్డీఓ కార్యాలయ ఏఓను పిలిపించి మాట్లాడించారు. అయితే కిందిస్థాయి అధికారులు కాదని.. కలెక్టర్‌ లేదా ఆర్డీఓ తమకు హామీ ఇవ్వాలని ఆయన డిమాండ్‌ చేశారు. ఈ క్రమంలో జనం ఎక్కువగా పోగుకాకుండా బస్టాండ్‌ పరిసరాల్లో వ్యాపార దుకాణాలను పోలీసులు మూసి వేయించారు. ఆర్టీసీ బస్సుల రాకపోకలకు ఇబ్బందులు తలెత్తకుండా చూశారు. రాత్రి 9 గంటలకు బస్టాండ్‌ గేటు వద్దే బీజేపీ నాయకులు, రైతులు భోజనాలు చేశారు. 10 గంటల ప్రాంతంలో సుధాకర్‌రావుతో పాటు పలువురిని పోలీసులు అరెస్టు చేసి స్టేషన్‌కు తరలించారు. ధర్నాలో నాయకులు ధారాసింగ్‌, శ్రీనివాస్‌ యాదవ్‌, సందు రమేశ్‌, శేఖర్‌గౌడ్‌, జగ్గారి శ్రీధర్‌రెడ్డి, భీమేష్‌, గడ్డం శేఖర్‌యాదవ్‌, పరమేష్‌, భరత్‌చంద్ర తదితరులు ఉన్నారు.

●మహబూబ్‌నగర్‌ ఎడ్యుకేషన్‌: పీయూలో ఉన్నత విద్య అభ్యసిస్తున్న విద్యార్థులకు నాణ్యమైన విద్య, ఉపాధి అవకాశాలు కల్పించేందుకు అధికారులు చర్యలు తీసుకుంటున్నారు. అందుకోసం జాతీయ, అంతర్జాయ, రాష్ట్రస్థాయి సంస్థలతో అధికారులు ఎంఓయూ (మెమోరాండం ఆఫ్‌ అండర్‌ స్టాండింగ్‌)లు కుదుర్చుకుంటున్నారు. అందులో భాగంగా పీయూ వైస్‌ చాన్స్‌లర్‌ శ్రీనివాస్‌ పాలమూరు బయోసైన్స్‌ను సందర్శించి.. ఇక్కడ చేపడుతున్న పరిశోధనలు, ప్రయోగాల గురించి సంస్థ ప్రతినిధులతో వివరాలు తెలుసుకున్నారు. యూనివర్సిటీలో చదువుతున్న విద్యార్థులకు పరిశోధన పరిజ్ఞానం అందించాలని విన్నవించారు. యూనివర్సిటీ పరిధిలోని గద్వాల, కొల్లాపూర్‌, వనపర్తి, పీజీ కళాశాలల్లో పలు సైన్స్‌ కోర్సులు నిర్వహిస్తున్నారు. వీటితోపాటు పీయూ పరిధిలో మొత్తం 110 కళాశాలల్లో చదువుతున్న 25 వేల మంది విద్యార్థులకు ఈ ఎంఓయూలు వర్తించనున్నాయి. కెమిస్ట్రీ విద్యార్థులకు శిక్షణ గత నెలలో పీయూ అధికారులు ప్రతిష్టాత్మక జాతీయ స్థాయి సీఎస్‌ఐఆర్‌ (ఇండియన్‌ ఇనిస్టిట్యూట్‌ ఆఫ్‌ కెమికల్‌ టెక్నాలజీ) హైదరాబాద్‌ వారితో ఎంఓయూ కుదుర్చుక్నునారు. ఇందులో కెమిస్ట్రీ చదువుతున్న విద్యార్థులకు పరిశోధన పరంగా శిక్షణ ఇచ్చేందుకు అవగాహన ఒప్పందం చేసుకున్నారు. ఈ మేరకు పీయూలో చదివిన 12 మంది సీనియర్‌ విద్యార్థులు అక్కడ రీసెర్చిలో పాల్గొనడం గమనార్హం. ఇంటిగ్రేటెడ్‌ కెమిస్ట్రీతోపాటు పలు సంస్థల్లో ఇలాంటి అవకాశాలు విద్యార్థులకు లభిస్తున్నాయి. ఇక మ్యాజిక్‌ బస్‌ వంటి ఫౌండేషన్ల ఆధ్వర్యంలో విద్యార్థులకు క్యాంపస్‌ సెలక్షన్స్‌ నిర్వహించి వెంటనే ఉద్యోగావకాశాలు కల్పించేందుకు ఒప్పందం చేసుకున్నారు. వీటితోపాటు ఎక్స్‌టెల్‌ టెక్‌ ప్రైవేటు లిమిటెడ్‌, డాక్టర్‌ ఎమ్మెస్కే రావు రీసెర్చి అండ్‌ ఇన్నోవేషన్‌ సొల్యూషన్స్‌, క్లినోసాల్‌ రీసెర్చి ప్రైవేట్‌ లిమిటెడ్‌, పాలమూరు రైతు డెవలప్‌మెంట్‌ సొసైటీ, మహబూబ్‌నగర్‌, కల్పవృక్ష మ్యూచువల్‌ ఎయిడ్‌ మల్టీపర్సస్‌ కోఆపరేటివ్‌ సొసైటీ, మహబూబ్‌నగర్‌, ఏరో ఫైన్‌ సొల్యూషన్స్‌ ప్రైవేట్‌ లిమిటెడ్‌ వారితో ఎంఓయూలు కుదుర్చుకున్నారు. త్వరలో మరిన్ని సంస్థలతో ఎంఓయూలు కుదుర్చుకునే అవకాశం ఉంది. వందరోజుల శిక్షణ.. పీయూ పరిధిలోని విద్యార్థులకు స్కిల్‌ డెవలప్‌మెంట్‌ కోసం కోడ్‌తంత్ర అనే సంస్థ ఆధ్వర్యంలో శిక్షణ ఇస్తున్నారు. ఆన్‌లైన్‌లో నిర్వహించే శిక్షణలో విద్యార్థులకు బిహేవియర్‌, లాంగ్వేజ్‌, పర్సనాలిటీ, ప్రొఫీషియన్సీ, కమ్యూనికేషన్‌ స్కిల్స్‌ వంటి వాటిపై శిక్షణ ఇస్తున్నారు. ఇందులో ఏవైనా సందేహాలు ఉంటే.. విద్యార్థులు తమకు నచ్చిన భాషలో ప్రశ్నలు వేస్తే అది తిరిగి సమాధానం చెబుతుంది. ఇలా విద్యార్థులకు ఉద్యోగాల కోసం ఇంటర్వ్యూలకు వెళ్లినప్పుడు ఎలాంటి ప్రశ్నలు వస్తాయి. ఎలాంటి సమాధానాలు చెప్పాలి అనే అంశంపై వందరోజుల శిక్షణ ఇస్తున్నారు. శిక్షణ పొందిన వారికి సంస్థ సర్టిఫికెట్‌ సైతం అందించనుంది. వీటి ద్వారా విద్యార్థులు సులువుగా ఉద్యోగావకాశాలు పొందేందుకు ఆస్కారం ఉంది. ఇప్పటికే సుమారు 8 వేల మంది శిక్షణ తీసుకుంటున్నారు. నాణ్యమైన విద్య.. పీయూ పరిధిలో చదువుతున్న విద్యార్థులకు నాణ్యమైన విద్యను అందించే లక్ష్యతో పనిచేస్తున్నాం. అలాగే విద్యార్థుల చదువులు పూర్తయిన వెంటనే ఉద్యోగాలు సాధించేలా చర్యలు తీసుకుంటన్నాం. అందుకోసం ఇప్పటికే పలు సంస్థలతో ఎంఓయూలు చేసుకున్నాం. శుక్రవారం పాలమూరు బయోటెక్‌ సంస్థను సందర్శించి.. పీయూ విద్యార్థులకు పరిశోధన పరమైన శిక్షణ ఇవ్వాలని కోరాం. తద్వారా విద్యార్థులు ఏ సంస్థకు వెళ్లినా వెంటనే మంచి వేతనంతో సులువుగా ఉద్యోగాలు సాధించేలా తీర్చిదిద్దుతున్నాం. మరో సంస్థ ఆధ్వర్యంలో 100 రోజుల స్కిల్‌ డెవలప్‌మెంట్‌ శిక్షణ ఇస్తున్నాం. – జీఎన్‌ శ్రీనివాస్‌, వీసీ, పీయూ వివిధ సంస్థల ఆధ్వర్యంలో శిక్షణకు పీయూ ఎంఓయూలు తద్వారా విద్యార్థుల రీసెర్చి, ట్రైనింగ్‌కు విరివిగా అవకాశాలు రెండేళ్లలో 9 సంస్థలతో ఒప్పందాలు.. తాజాగా పాలమూరు బయోసైన్స్‌తో చర్చలు చదువు పూర్తయిన వెంటనే క్యాంపస్‌ రిక్రూట్‌మెంట్లకు ఆస్కారం డిగ్రీ స్థాయిలోనే స్కిల్‌ డెవలప్‌మెంట్‌ శిక్షణకు శ్రీకారం చుట్టిన అధికారులు రీసెర్చి ఫెసిలిటీ భవనం.. ఇటీవల కేంద్ర ప్రభుత్వం విడుదల చేసిన రూ.100 కోట్ల నుంచి రీసెర్చి ఫెసిలిటీ భవనాన్ని నిర్మించారు. ఇలాంటి రీసెర్చి ఫెసిలిటీ భవనం హైదరాబాద్‌ మినహా ఎక్కడా అందుబాటులో లేదు. ఇందులో రూ.కోట్లు వెచ్చించి అత్యాధునిక పరికరాలు, మైక్రోస్కోప్‌లు తదితర వాటిని ఏర్పాటు చేయనున్నారు. ఇప్పటికే వీటి కోసం సుమారు రూ.10 కోట్లతో టెండర్‌ పిలిచారు. విదేశాల నుంచి పరికరాలు త్వరలో దిగుమతి కానున్నాయి. ఇది అందుబాటులోకి వస్తే ప్రైవేటు కంపెనీలు, సంస్థలు, రీసెర్చి స్కాలర్స్‌ ఇక్కడ కొత్త అంశాలపై రీసెర్చి చేసుకునేందుకు వెసులుబాటు కలుగుతుంది. అలాగే దీనిని వినియోగించుకున్నందుకు కొంత మొత్తాన్ని కూడా వసూలు చేయనున్నారు. అంతేకాకుండా పలు ప్రాజెక్టులు సైతం యూనివర్సిటీకి వచ్చే అవకాశం ఉంది.

అచ్చంపేట: ఎల్‌నినో ప్రభావంతో ఎదురయ్యే పరిస్థితులను ముందుగానే అంచనా వేస్తూ.. రాబోయే రోజుల్లో సాగునీటి సమస్య తలెత్తకుండా పకడ్బందీ చర్యలు చేపట్టాలని అచ్చంపేట ఎమ్మెల్యే డా.చిక్కుడు వంశీకృష్ణ అధికారులకు సూచించారు. పట్టణంలోని బీఆర్‌ అంబేడ్కర్‌ ప్రజా భవన్‌లో శుక్రవారం సాగునీటి పారుదలశాఖ అధికారులతో సాగునీటి నిర్వహణపై సమీక్షించారు. ఈ సందర్భంగా వర్షపాతం, నీటి లభ్యతలో తలెత్తే మార్పులను దృష్టిలో ఉంచుకొని సాగునీటి వనరుల పరిస్థితి, చెరువులు, కుంటల్లో నీటి నిల్వలు, నీటి వినియోగం, సాగునీటి సరఫరా తదితర అంశాలపై చర్చించారు. అనంతరం ఎమ్మెల్యే మాట్లాడుతూ.. అందుబాటులో ఉన్న నీటి వనరులను సమర్థవంతంగా వినియోగిస్తూ, రైతులకు సాగునీటి ఇబ్బందులు కలుగకుండా అవసరమైన చర్యలు చేపట్టాలని అధికారులకు సూచించారు. అచ్చంపేట నియోజకవర్గంలో సాగునీటి వనరుల నిర్వహణపై ప్రత్యేక దృష్టి సారించాలని.. ప్రజల అవసరాలు, రైతుల ప్రయోజనాలే లక్ష్యంగా సమన్వయంతో పనిచేయాలన్నారు. సమావేశంలో సాగనీటి పారుదలశాఖ ఈఈ అమర్‌సింగ్‌, డీఈ బాలస్వామి ఉన్నారు. ఉపాధి పనుల్లో కూలీల సంఖ్య పెంచాలి తాడూరు: వీబీ–జీ రామ్‌జీ పథకం ద్వారా గ్రామాల్లో చేపడుతున్న ఉపాధి పనుల్లో కూలీల సంఖ్య పెంచాలని డీఆర్డీఓ చిన్న ఓబులేషు సూచించారు. శుక్రవారం తాడూరు మండలం ఆకునెల్లికుదురులో చేపట్టిన వీబీ–జీ రామ్‌జీ పనులను పరిశీలించారు. ఈ సందర్భంగా ఆయన మాట్లాడుతూ.. ఎల్‌నినో కారణంగా వర్షాభావ పరిస్థితులు నెలకొన్న నేపథ్యంలో నీటి వనరుల సంరక్షణ పనులకు ప్రాధాన్యం ఇవ్వాలని సూచించారు. రోజు 60 మందికి తగ్గకుండా కూలీల సంఖ్య ఉండాలన్నారు. అలాగే వనమహోత్సవంలో భాగంగా నాటిన మొక్కలు ఎండకుండా నీరందించాలని తెలిపారు. డీఆర్డీఓ వెంట సర్పంచ్‌ బాల్‌వెంకటయ్య, ఏపీఓ చంద్ర సిద్ధార్థ, పంచాయతీ కార్యదర్శి నరేష్‌, ఫీల్డ్‌ అసిస్టెంట్‌ పెద్దయ్య ఉన్నారు. రేపు ఉమ్మడి జిల్లా యోగా క్రీడాకారుల ఎంపికలు మహబూబ్‌నగర్‌ క్రీడలు: నగరంలోని మెయిన్‌ స్టేడియంలో ఆదివారం ఉదయం 9 గంటలకు ఉమ్మడి జిల్లా యోగా సీనియర్‌ పురుషులు, మహిళల ఎంపికలు నిర్వహిస్తున్నట్లు ఉమ్మడి జిల్లా యోగా సంఘ అధ్యక్ష, కార్యదర్శులు ఆనంద్‌కుమార్‌గౌడ్‌, చంద్రశేఖర్‌ శుక్రవారం ఒక ప్రకటనలో తెలిపారు. 18– 21, 22– 25, 26– 30, 31– 35, 36– 40, 41– 45 ఏళ్లలోపు విభాగాల్లో ఎంపికలు ఉంటాయన్నారు. క్రీడాకారులు కళాశాల నుంచి వయస్సు నిర్ధారణ పత్రం, మిగతావారు ఎస్‌ఎస్‌సీ సర్టిఫికెట్‌తో ఎంపికలకు హాజరుకావాలని కోరారు. పూర్తి వివరాల కోసం పీడీ అరుణజ్యోతి సెల్‌ నం.91772 52541ను సంప్రదించాలని సూచించారు. నేడు జూరాల కాల్వలకు నీటి విడుదల అమరచింత: జూరాల కాల్వలకు శనివారం నీటిని విడుదల చేయనున్నట్లు ప్రాజెక్టు సీఈ రహిమొద్దీన్‌ శుక్రవారం ఒక ప్రకటనలో తెలిపారు. ప్రభుత్వ ఆదేశాల మేరకు శనివారం నుంచి నవంబర్‌ 4 వరకు ప్రధాన ఎడమ, కుడి కాల్వలకు వదులుతున్నట్లు పేర్కొన్నారు. జలాశయానికి ఎగువ నుంచి వరద భారీగా రాకపోవడంతో వానాకాలంలో ఆయకట్టు కింద సాగుచేసిన వరి పంటలకు చివరితడిగా నీటిని అందించేందుకు ప్రభుత్వం ఆదేశించినట్లు వివరించారు. భవిష్యత్‌ తాగునీటి అవసరాల దృష్ట్యా ప్రాజెక్టులోని నీటిని పొదుపుగా వినియోగిస్తున్నామన్నారు.

వర్షం లోటు.. ● జిల్లాలో లోటు వర్షపాతమే ప్రధాన కారణం ● డ్రై స్పెల్స్‌తో వ్యవసాయంపై తీవ్ర ప్రభావం ● కరువు సహాయక చర్యలకు యంత్రాంగం సిద్ధం జిల్లాలోని 13 మండలాల్లో లోటు వర్షపాతం నమోదైంది. అచ్చంపేటలో సాధారణం కంటే 26 శాతం, అమ్రాబాద్‌లో 54 శాతం, బల్మూరులో 25 శాతం, బిజినేపల్లిలో 33 శాతం, చారకొండలో 20 శాతం, కల్వకుర్తిలో 35 శాతం, కోడేరులో 9 శాతం, లింగాలలో 43 శాతం, పదరలో 61 శాతం, పెద్దకొత్తపల్లిలో 45 శాతం, ఊర్కొండలో 35 శాతం, వంగూరులో 17 శాతం, వెల్దండలో 34 శాతం వర్షపాతం లోటు నమోదైంది. వీటిలో పదర, అమ్రాబాద్‌, పెద్దకొత్తపల్లి, లింగాల మండలాల్లో లోటు అధికంగా ఉంది. నాగర్‌కర్నూల్‌: జిల్లాను కరువు ఛాయలు కమ్మేశాయి. వర్షాభావ పరిస్థితులు, వరుసగా ఏర్పడిన పొడి వాతావరణం, పంటలకు సరిపడా తేమ అందకపోవడం వంటి అంశాలు వ్యవసాయంపై తీవ్ర ప్రభావం చూపుతున్నాయి. ఈ పరిస్థితులను పరిగణనలోకి తీసుకున్న ప్రభుత్వం.. జిల్లాలోని 13 మండలాలను కరువు మండలాలుగా గుర్తించింది. వర్షపాతం లోటుతో పాటు పంటల సాగు విస్తీర్ణంలో తేమ పరిస్థితులు, వృక్ష సంపద స్థితిగతులు కరువు తీవ్రతను సూచిస్తున్నాయి. మండలాల వారీగా పరిశీలిస్తే.. 11 మండలాల్లో తీవ్ర కరువు పరిస్థితులు, రెండు మండలాల్లో మోస్తరు పరిస్థితులు ఉన్నట్లు అధికారులు గుర్తించారు. దిగుబడులపై ప్రభావం.. పంట పొలంలో ఎంతమేర తేమ అందుబాటులో ఉందో సూచించే మాయిశ్చర్‌ అడెక్వసీ ఇండెక్స్‌ (ఎంఏఐ)ను పరిశీలిస్తే.. 13 మండలాల్లోనూ పరిస్థితి తీవ్రంగా ఉన్నట్లు అర్థమవుతుంది. వర్షాభావ పరిస్థితుల్లో పంటలకు అవసరమైన తేమ అందకపోతే దిగుబడులు తగ్గే ప్రమాదం ఉంటుంది. ముఖ్యంగా వర్షాధారంగా సాగుచేసే రైతులకు ఈ పరిస్థితులు ఆందోళన కలిగిస్తున్నాయి. వృక్ష సంపదపైనా.. వెజిటేషన్‌ కండిషన్‌ ఇండెక్స్‌ (వీసీఐ) ప్రకారం పంటలతో పాటు వృక్ష సంపదపైనా ఈ పరిస్థితులు తీవ్ర ప్రభావం చూపనున్నాయి. అమ్రాబాద్‌, బల్మూరు, పెద్దకొత్తపల్లి, పదర మండలాల్లో తీవ్ర పరిస్థితులు నమోదయ్యాయి. మిగిలిన మండలాల్లోనూ మోస్తరు నుంచి తీవ్ర స్థాయి వరకు ప్రభావం ఉన్నట్లు నివేదిక సూచిస్తోంది. పంటలతో పాటు వృక్ష సంపద పరిస్థితులు కూడా కరువు తీవ్రతను అంచనా వేయడంలో కీలకంగా మారాయి. అచ్చంపేట, బిజినేపల్లి మండలాల్లో మోస్తరు కరువు పరిస్థితులు ఉండగా.. అమ్రాబాద్‌, బల్మూరు, చారకొండ, కల్వకుర్తి, కోడేరు, లింగాల, పదర, పెద్దకొత్తపల్లి, ఊర్కొండ, వంగూరు, వెల్దండ మండలాల్లో తీవ్ర పరిస్థితులు ఉన్నట్లు అధికారులు ప్రభుత్వానికి పంపిన నివేదికలో పేర్కొన్నారు. ఆశించిన స్థాయిలో వర్షాలు కురవకపోవడంతో పంటలకు అవసరమైన తేమ అందలేదు. వర్షాలు లేకుండా గడిచిన రోజులు (డ్రై స్పెల్స్‌) కూడా వ్యవసాయంపై తీవ్ర ప్రభావం చూపుతున్నాయి. వ్యవసాయశాఖ నివేదిక ప్రకారం అమ్రాబాద్‌లో మూడు డ్రై స్పెల్స్‌ నమోదు కాగా.. బల్మూరు, లింగాల, పదర మండలాల్లో రెండేసి నమోదయ్యాయి. మిగిలిన మండలాల్లో ఒక్కో డ్రై స్పెల్‌ నమోదైంది. వర్షాల మధ్య విరామం పెరగడం, నేలలో తేమ తగ్గడం పంటల ఎదుగుదలపై ప్రభావం చూపింది.

చారకొండ: భూ సమస్యలను శాశ్వతంగా పరిష్కరించేందుకు చేపట్టిన రీ సర్వేను పకడ్బందీగా పూర్తి చేయాలని అదనపు కలెక్టర్‌ చెన్నయ్య అన్నారు. చారకొండ మండలం గోకారం రెవెన్యూ శివారులోని చంద్రాయన్‌పల్లిలో నిర్వహిస్తున్న భూముల రీ సర్వేను శుక్రవారం ఆయన పరిశీలించారు. ఈ సందర్భంగా సర్వేలో ఎదురవుతున్న సమస్యలను తెలుసుకున్నారు. అనంతరం అదనపు కలెక్టర్‌ మాట్లాడుతూ.. సర్వేలో ఎలాంటి సమస్యలు తలెత్తకుండా రైతులు సహకరించాలన్నారు. వివరాల నమోదులో ఎలాంటి పొరపాట్లు జరగకుండా జాగ్రత్తలు తీసుకోవాలని సిబ్బందికి సూచించారు. ఆయన వెంట తహసీల్దార్‌ ఉమ, సర్పంచులు పరుశరాములు, శంకర్‌ ముదిరాజ్‌, ఆర్‌ఐ సుజాత, సర్వేయర్‌ అనూష, జీపీఓ ఆంజనేయులు ఉన్నారు.

నాగర్‌కర్నూల్‌: రాష్ట్ర ప్రభుత్వం జిల్లాలోని 13 మండలాలను కరువు మండలాలుగా గుర్తించిన నేపథ్యంలో సంబంధిత అధికారులు సమన్వయంతో సమగ్ర నివేదికలను సిద్ధం చేయాలని కలెక్టర్‌ హేమంత కేశవ్‌ పాటిల్‌ ఆదేశించారు. ఆయా మండలాల్లో వ్యవసాయ, ఉద్యాన పంటల నష్టం సేకరణతో పాటు తాగునీటి ఇబ్బందులు తలెత్తకుండా పటిష్టమైన చర్యలు చేపట్టాలని సూచించారు. శుక్రవారం కలెక్టరేట్‌లోని వీడియో కాన్ఫరెన్స్‌ హాల్‌లో ఆర్డీవోలు, మున్సిపల్‌ కమిషనర్లు, వ్యవసాయ, ఉద్యాన, మిషన్‌ భగీరథ, నీటిపారుదల, భూగర్భజల, డీఆర్డీఓ, పంచాయతీరాజ్‌ తదితర శాఖల అధికారులతో నిర్వహించిన సమీక్షలో ఆయన మాట్లాడారు. జిల్లాలోని ఊర్కొండ, వెల్దండ, కల్వకుర్తి, వంగూరు, చారకొండ, అమ్రాబాద్‌, పదర, అచ్చంపేట, బల్మూరు, లింగాల, పెద్దకొత్తపల్లి, కోడేరు, బిజినేపల్లి మండలాలను ప్రభుత్వం కరువు మండలాలుగా గుర్తించిందన్నారు. ఆయా మండలాల్లో కరువు పరిస్థితులను క్షేత్రస్థాయిలో సమగ్రంగా పరిశీలించి, వాస్తవానికి అనుగుణంగా శాఖల వారీగా పూర్తిస్థాయి నివేదికలు రూపొందించాలన్నారు. కరువు ప్రభావాన్ని అంచనా వేయడంలో ఎలాంటి నిర్లక్ష్యానికి తావివ్వొద్దన్నారు. ప్రజలకు అవసరమైన మౌలిక సదుపాయాలు అందుబాటులో ఉండేలా చర్యలు తీసుకోవాలని సూచించారు. ముఖ్యంగా వేసవి పరిస్థితులను దృష్టిలో ఉంచుకొని గ్రామాల్లో తాగునీటి సరఫరాపై ప్రత్యేక దృష్టి సారించాలని కలెక్టర్‌ ఆదేశించారు. గ్రామాల్లోని తాగునీటి బోరుబావులు, చేతిపంపులు, ఓవర్‌హెడ్‌ ట్యాంకులు, నీటి సరఫరా పైపులైన్ల పరిస్థితిని క్షేత్రస్థాయిలో పరిశీలించాలని సూచించారు. 15 రోజులకు ఒకసారి విధిగా నీటి సరఫరాపై పర్యవేక్షణ చేపట్టాలని ఆదేశించారు. ఎక్కడైనా నీటి సరఫరాలో అంతరాయం ఏర్పడితే వెంటనే పరిష్కరించాలన్నారు. మిషన్‌ భగీరథ, పంచాయతీరాజ్‌, గ్రామీణ నీటి సరఫరా, భూగర్భజల శాఖల అధికారులు పరస్పర సమన్వయంతో వ్యవహరించి ప్రతి గ్రామంలో తాగునీటి లభ్యతపై పర్యవేక్షణ చేయాలన్నారు. వ్యవసాయ, ఉద్యానశాఖల అధికారులు కరువు పరిస్థితుల ప్రభావాన్ని అంచనా వేసి.. రైతులకు అవసరమైన సూచనలు, సలహాలు అందించాలని కలెక్టర్‌ సూచించారు. పంటల పరిస్థితి, సాగునీటి లభ్యత, భూగర్భజలమట్టాలు తదితర అంశాలను ఎప్పటికప్పుడు పరిశీలించి, సంబంధిత నివేదికలను సమర్పించాలని తెలిపారు. సమావేశంలో అదనపు కలెక్టర్లు బి.చెన్నయ్య, దేవసహాయం, డీఆర్వో పాండు, ఆర్డీవోలు అర్చన, భన్సీలాల్‌, డీఏఓ యశ్వంత్‌రావు, డీఆర్డీఓ చిన్న ఓబులేషు, శ్రీరాములు, సుధాకర్‌సింగ్‌ తదితరులు ఉన్నారు.

అమ్రాబాద్‌: గ్రామాల్లోని కూలీలందరికీ వీబీ–జీ రామ్‌జీ పథకం ద్వారా పనులు కల్పించాలని డీఆర్డీఓ చిన్న ఓబులేషు అన్నారు. తెలంగాణ సమ్మిళిత జీవనోపాధుల అభివృద్ధి కార్యక్రమంపై గురువారం అమ్రాబాద్‌ మండల మహిళా సమాఖ్య భవనంలో నిర్వహించిన అవగాహన కార్యక్రమంలో ఆయన మాట్లాడారు. ఎల్‌నినో ప్రభావంతో తీవ్రమైన కరువు పరిస్థితులు ఏర్పడటంతో పనులు లేక కూలీలు ఇబ్బంది పడే పరిస్థితి ఉందన్నారు. ముందస్తు ప్రణాళికలతో కూలీలకు సరిపడా పనులు కల్పించాలని సూచించారు. అదే విధంగా తెలంగాణ సమ్మిళిత జీవనోపాధుల అభివృద్ది కార్యక్రమంలో శిక్షణ పొందుతున్న వారు ఉపాధిహామీ పనులను కూలీలు సద్వినియోగం చేసుకునే విధంగా అవగాహన కల్పించాలన్నారు. సమావేశంలో ఎంపీడీఓలు రామన్న, సుధాకరాచారి, ఈజీఎస్‌ సిబ్బంది ఉన్నారు. రేపు గ్రంథాల ఆవిష్కరణ స్టేషన్‌ మహబూబ్‌నగర్‌: నగరంలోని న్యూటౌన్‌ శ్రీసీతారామాంజనేయ గ్రంథాలయంలో శనివారం తెలుగు సాహితీ వికాస వేదిక, మహిళా సాహిత్య సాంస్కృతిక సంస్థ పాలమూరు సంయుక్త ఆధ్వర్యంలో విశ్రాంత తెలుగు ఉపాధ్యాయులు గన్నోజు శ్రీనివాసాచారి రచించిన శ్రీనివాస శతకం, గన్నోజు సప్తపది గ్రంథాల ఆవిష్కరణ, డాక్టర్‌ కపిలవాయి లింగమూర్తి సాహిత్య వ్యాసాలు మొదటి భాగం ఆవిష్కరణ కార్యక్రమాలు నిర్వహించనున్నట్లు సంస్థల ప్రతినిధులు డి.రాములు, గన్నోజు పద్మావతి, రావూరి వనజ, జి.శాంతారెడ్డి గురువారం ఒక ప్రకటనలో తెలిపారు. ఈ కార్యక్రమంలో ముఖ్య అతిథులుగా ఆచార్య మసన చెన్నప్ప, ఎమ్మెల్సీ గోరటి వెంకన్న, ప్రముఖ న్యాయవాది మనోహర్‌రెడ్డి తదితరులు హాజరవుతారని, జిల్లాలోని సాహితీవేత్తలు తదితరులు అధిక సంఖ్యలో పాల్గొనాలని కోరారు. ధాన్యం ధరలు ౖపైపెకి జడ్చర్ల: బాదేపల్లి వ్యవసాయ మార్కెట్‌ యార్డులో పంట దిగుబడులకు మంచి ధరలు లభిస్తున్నాయి. రోజురోజుకూ ధాన్యం ధరలు ౖపైపెకి ఎగబాకుతున్నాయి. ఈ క్రమంలో గురువారం ధాన్యం ఆర్‌ఎన్‌ఆర్‌ క్వింటాల్‌ గరిష్టంగా రూ.3,701, కనిష్టంగా రూ.2,828 ధరలు లభించాయి. అలాగే మొక్కజొన్న క్వింటాల్‌ గరిష్టంగా రూ.3,139, కనిష్టంగా రూ.2,727, ఆముదాలు క్వింటాల్‌ రూ.7,939, రాగులు క్వింటాల్‌ రూ.5,329 చొప్పున పలికాయి. వేరుశనగ క్వింటా రూ.8,070 గద్వాలవ్యవసాయం: జిల్లా కేంద్రంలోని వ్యవసాయ మార్కెట్‌యార్డుకు గురువారం 254 క్వింటాళ్ల వేరుశనగ అమ్మకానికి వచ్చింది. క్వింటాకు గరిష్టంగా రూ. 8,070, కనిష్టంగా రూ. 5,320, సరాసరి రూ. 6,390 ధరలు లభించాయి. అలాగే 19 క్వింటాళ్ల ఆముదాలు రాగా.. క్వింటాకు గరిష్టంగా రూ. 7,950, కనిష్టంగా రూ. 7,839, సరాసరి రూ. 7930 ధరలు పలికాయి. 19 క్వింటాళ్ల వరి (సోన) రాగా.. రూ. 3,227 ధర వచ్చింది.

తిమ్మాజిపేట: ప్రభుత్వ పాఠశాలల అభివృద్ధిలో ప్రతి ఒక్కరూ భాగస్వాములు కావాలని నాగర్‌కర్నూల్‌ ఎమ్మెల్యే డా.కూచుకుళ్ల రాజేశ్‌రెడ్డి అన్నారు. గురువారం మండలంలోని రాళ్లచెరువు తండా, మారేపల్లి, ఎదిరేపల్లి, ఇప్పలపల్లి, తుమ్మలకుంట తండా, చంద్రాయన్‌పల్లి తండాల్లో పలు అభివృద్ధి కార్యక్రమాలకు ఆయన శంకుస్థాపనలు, ప్రారంభోత్సవాలు చేశారు. ఈ సందర్భంగా మాట్లాడుతూ.. నాగర్‌కర్నూల్‌ మండలం తూడుకుర్తి, బిజినేపల్లి మండలం వట్టెం గ్రామాల్లో సీఎస్‌ఆర్‌ నిధులతో పాఠశాలల నిర్మాణం చేపట్టినట్లు చెప్పారు. ప్రస్తుతం మారేపల్లి ఉన్నత పాఠశాలలో అదనపు గదులు, టాయిలెట్స్‌ నిర్మాణాలకు అరబిందో కంపెనీ ముందుకు రావడం అభినందనీయమన్నారు. ప్రభుత్వ పాఠశాలల్లో విద్యార్థులకు అన్ని వసతులు కల్పించి, మెరుగైన విద్య అందిస్తున్నట్లు చెప్పారు. పదో తరగతి ఫలితాల్లో జిల్లా రెండో స్థానంలో ఉందని.. ఈ ఏడాది మొదటి స్థానంలో వచ్చేలా ఉపాధ్యాయుల కృషి చేయాలని ఆయన సూచించారు. అలాగే పలు గ్రామాల్లో ఇందిరమ్మ ఇళ్లతో పాటు హైమాస్ట్‌ లైట్లను ఆయన ప్రారంభించారు. కార్యక్రమంలో కాంగ్రెస్‌ పార్టీ మండల అధ్యక్షుడు వివేక్‌రెడ్డి, జిల్లా కార్యదర్శి వెంకట్రామారెడ్డి, శ్రీనివాస్‌ బహదూర్‌, హెచ్‌ఎం ప్రేమలత, సర్పంచులు గోపాల్‌ నాయక్‌, రాజు నాయక్‌, శారద, నాయకులు భాస్కర్‌రెడ్డి, శ్రీనివాస్‌రెడ్డి, మాధవ్‌, మనోహర్‌, అజయ్‌, నాగ సాయిలు, తిరుపతిరెడ్డి, గోవిందు, సహదేవ్‌ శ్రీను, శంకర్‌ పాల్గొన్నారు.

పాలమూరు– రంగారెడ్డి ప్రాజెక్టును 2023 సెప్టెంబర్‌ 16న అప్పటి ముఖ్యమంత్రి కేసీఆర్‌ ప్రారంభించారు. ఎల్లూరు సమీపంలోని పంప్‌హౌజ్‌లో ఒక మోటారు ఆన్‌చేసి.. నీటి ఎత్తిపోతలు చేపట్టారు. అప్పట్లో 2 టీఎంసీల నీటిని నార్లాపూర్‌ రిజర్వాయర్‌లో నింపారు. కాంగ్రెస్‌ ప్రభుత్వం అధికారంలోకి వచ్చాక రెండో మోటారును లాంఛనంగా ప్రారంభించారు. డ్రై రన్‌ నిర్వహించి, కొంతమేరకు నీటిని ఎత్తిపోశారు. అయితే నార్లాపూర్‌ రిజర్వాయర్‌లో ముంపునకు గురయ్యే గ్రామాల ప్రజలు తమ ఇళ్లను ఖాళీ చేయకపోవడం.. ప్రాజెక్టు అవసరాలకు సరిపడా విద్యుత్‌ సరఫరా వ్యవస్థ లేకపోవడంతో నీటి ఎత్తిపోతలకు అడ్డంకులు ఏర్పడ్డాయి. ఆ సమస్యలు పరిష్కారం కావడంతో ఈ నెల 14న రాష్ట్ర ఎకై ్సజ్‌శాఖ మంత్రి జూపల్లి కృష్ణారావు రెండు మోటార్ల ద్వారా నీటి ఎత్తిపోతలు ప్రారంభించారు. 5 రోజులపాటు పంపింగ్‌ కొనసాగింది. ప్రస్తుతం నార్లాపూర్‌ రిజర్వాయర్‌లో 6.2 టీఎంసీల నీరు నిల్వ ఉంది.

కందనూలు: గ్రామ పంచాయతీ మల్టీపర్పస్‌ సిబ్బంది శ్రమ దోపిడీకి గురవుతున్నారు. ఉదయం లేచింది మొదలు ఇంటింటికి తిరిగి చెత్త సేకరించడం.. మురుగు కాల్వలను శుభ్రం చేయడం.. మొక్కల సంరక్షణ.. దోమల నివారణ చర్యలు.. తాగునీటి నిర్వహణ.. ఇలా గ్రామాల్లో అన్నీ తామై పనిచేస్తున్నారు. పల్లెలను పరిశుభ్రంగా ఉంచడంలో కీలక పాత్ర పోషిస్తున్న పారిశుద్ధ్య కార్మికులు చాలీచాలని జీతాలతోనే నెట్టుకొస్తున్నారు. తమకు కనీస వేతనాలు లేకపోగా.. ఉద్యోగ భద్రత కూడా లేదని ఆవేదన చెందుతున్నారు. తమకు ఉద్యోగ భద్రత కల్పించి.. పెన్షన్‌, బీమా సౌకర్యం కల్పించాలని ఏళ్లుగా ప్రభుత్వాలకు విన్నవించుకున్నా అమలుకు నోచుకోవడం లేదని వాపోతున్నారు. శ్రమకు తగిన గుర్తింపు కరువు.. జిల్లాలో 460 గ్రామ పంచాయతీలు ఉండగా.. అందులో కేవలం 1,814 మంది మాత్రమే మల్టీపర్పస్‌ వర్కర్లుగా పనిచేస్తున్నారు. గత ప్రభుత్వం జనాభా ప్రాతిపదికన 500 మందికి ఒకరి చొప్పున ప్రతి జీపీలో ఇద్దరికి తగ్గకుండా నియమించారు. గ్రామాల్లో వీధులను శుభ్రం చేయడం, చెత్తను తొలగించడం వంటి పనులను పారిశుద్ధ్య కార్మికులు నిత్యం నిర్వహిస్తున్నారు. ఎండ, వానను సైతం లెక్కచేయకుండా గ్రామాల పరిశుభ్రత కోసం శ్రమిస్తున్నారు. ప్రజలు ఆరోగ్యంగా ఉండేందుకు తమవంతు కృషి చేస్తుండగా.. ప్రభుత్వం తమ సేవలను గుర్తించడం లేదని ఆవేదన వ్యక్తం చేస్తున్నారు. చాలీచాలని జీతాలు.. పారిశుద్ధ్య కార్మికులకు గతం నుంచి కూడా పంచాయతీ నిధుల నుంచే వేతనాలు చెల్లిస్తున్నారు. దాదాపు ఆరేళ్ల నుంచి ఒక్కొక్కరికి నెలకు రూ. 9,500 చొప్పున ఇస్తున్నారు. కొన్ని గ్రామాల్లో సమయానికి జీతాలు చెల్లించక ఇబ్బందులు పడుతున్న సందర్భాలు లేకపోలేదు. దీంతో తమ కుటుంబ పోషణ కష్టతరంగా మారిందని కార్మికులు ఆవేదన వ్యక్తం చేస్తున్నారు. పిల్లలను ఉన్నత చదువులు చదివించడానికి ఇబ్బందులు పడుతున్నామని అంటున్నారు. లేబర్‌ చట్టం ప్రకారం ప్రతినెలా రూ. 26వేల చొప్పున వేతనం చెల్లించాలని, ప్రతినెలా జీతం నేరుగా తమ అకౌంట్లలో జమచేయాలని కోరుతున్నారు. సరైన వసతులు కరువు.. మల్టీపర్పస్‌ పేరుతో పారిశుద్ధ్య కార్మికులతో అనేక రకాల పనులు చేయిస్తున్నారు. అయితే వారికి కనీస సౌకర్యాలు కల్పించడం లేదు. చేతులకు గ్లౌస్‌లు, ఆయిల్‌ సబ్బులు, యూనిఫాం తదితర వస్తువులు అందజేయడం లేదు. కొన్ని గ్రామాల్లో మాత్రమే యూనిఫాంలు ఇచ్చి, మిగతా ఎలాంటి వస్తువులు ఇవ్వకపోవడంతో తరచుగా అనారోగ్యం బారిన పడు తున్నామని కార్మికులు గోడు వెలబోసుకుంటున్నారు. ఉద్యోగ భద్రత లేని పంచాయతీ కార్మికులు చాలీచాలని వేతనాలతో కుటుంబాల పోషణ కనీస వేతనం అమలు చేయాలని వేడుకోలు మల్టీపర్పస్‌ విధానాన్ని రద్దు చేయాలి.. గ్రామ పంచాయతీ కార్మికులకు శాపంగా మారిన జీవోనం. 51 సవరించి, మల్టీపర్పస్‌ విధానాన్ని రద్దు చేయాలి. కార్మికులకు విద్యుత్‌, ట్రాక్టర్‌ డ్రైవింగ్‌ వంటి పనులు రాక ప్రమాదాలకు గురవుతున్నారు. కార్మికులకు బీమా సౌకర్యం కల్పించడంతో పాటు శ్రమకు తగ్గిన వేతనాలు అందించాలి. – బత్తుల వెంకటేశ్‌, పారిశుద్ధ్య కార్మికుల సంఘం జిల్లా అధ్యక్షుడు కనీస వేతనం ఇవ్వాలి.. పారిశుద్ధ్య కార్మికులకు కనీస వేతనం రూ. 26వేలు అమలు చేయాలి. అలాగే కార్మికులను రెగ్యులరైజ్‌ చేసి, ఉద్యోగ భద్రత కల్పించాలి. కార్మికుల కుటుంబాలకు ప్రైవేటు ఆస్పత్రుల్లో ఉచిత వైద్య సౌకర్యం కల్పించేలా ప్రభుత్వం చర్యలు తీసుకోవాలి. – మిద్దె బాలమ్మ, పారిశుద్ధ్య కార్మికురాలు, కోడేరు వేతనాలు పెంచాలని విజ్ఞప్తి.. గ్రామాల పరిశుభ్రత కోసం నిరంతం శ్రమిస్తున్న పారిశుద్ధ్య కార్మికుల ఆర్థిక పరిస్థితిని ప్రభుత్వం పరిగణనలోకి తీసుకోవాలని పలువురు కోరుతున్నారు. పెరుగుతున్న ధరలకు అనుగుణంగా వేతనాలను పెంచాలని, ఉద్యోగ భద్రత కల్పించాలని, కార్మికుల సంక్షేమానికి ప్రత్యేక చర్యలు తీసుకోవాలని విజ్ఞప్తి చేస్తున్నారు. గ్రామాలను పరిశుభ్రంగా ఉంచే కార్మికుల జీవితాల్లోనూ ఆర్థిక భద్రత కల్పించాల్సిన అవసరం ఉందని అభిప్రాయపడుతున్నారు.

స్టేషన్‌ మహబూబ్‌నగర్‌: శ్రీఅన్నమయ్యవాణి లలితా సంగీత విద్యాలయం వ్యవస్థాపకుడు గద్వాల చంద్రశేఖరరావు ఆధ్వర్యంలో నగరంలోని ఓ ఫంక్షన్‌హాల్‌లో నిర్వహించిన శ్రీవనమాలి పాదపద కవితా తాత సంకీర్తనా షష్టమ వారోత్సవాలు గురువారం ఘనంగా ముగిశాయి. చివరిరోజు కార్యక్రమంలో ముఖ్య అతిథులుగా చిలకపాటి విజయరాఘవాచార్యులు, సామవేదం వెంకటమురళీకృష్ణ, మనోహర్‌రెడ్డి, మల్లారెడ్డి, టీపీసీసీ ప్రధాన కార్యదర్శి ఏపీ మిథున్‌రెడ్డి, తిరుమలనాథాచార్యులు తదితరులు పాల్గొన్నారు. ఈ సందర్భంగా సంకీర్తనా వారోత్సవాలు నిర్వహిస్తున్న గద్వాల చంద్రశేఖరరావును అభినందించారు.

నాగర్‌కర్నూల్‌: జిల్లాలో వానాకాలం వరిసాగులో సన్న రకాలకే రైతులు అధిక ప్రాధాన్యం ఇచ్చారు. దొడ్డు రకాలతో పోలిస్తే సన్న రకాల సాగు విస్తీర్ణం గణనీయంగా పెరిగింది. వ్యవసాయశాఖ గణాంకాల ప్రకారం జిల్లావ్యాప్తంగా 1,30,503.20 ఎకరాల్లో వరి సాగైనట్లు అంచనా. వీటిలో 1,13,675.20 ఎకరాల్లో సన్న రకాలు, 16,828 ఎకరాల్లో దొడ్డు రకాలను సాగుచేశారు. వరి విస్తీర్ణంలో సుమారు 87శాతం సన్న రకాలే ఉండటం విశేషం. అయితే జిల్లావ్యాప్తంగా 3,16,573 మెట్రిక్‌ టన్నుల ధాన్యం ఉత్పత్తి కావొచ్చని వ్యవసాయశాఖ అంచనా వేసి ప్రభుత్వానికి నివేదిక అందజేసింది. ప్రభుత్వం ఎంపిక చేసిన ఏడు రకాల సన్నాలకే బోనస్‌ ఇస్తామని ప్రకటించడంతో రైతులు వాటి సాగుకు ఎక్కువ ప్రాధ్యానం ఇచ్చారు. ఇక మొదట్లో వేసిన వరిపంట కోతలు వారం రోజుల్లో ప్రారంభం కానున్నాయి. బిజినేపల్లిలో అత్యధికం.. మండలాల వారీగా వరిసాగు విస్తీర్ణం, ఉత్పత్తి అంచనాలను పరిశీలిస్తే.. బిజినేపల్లి మండలం ముందంజలో ఉంది. ఈ మండలంలో 18,768 ఎకరాల్లో వరిసాగు కాగా.. 45,143.40 మెట్రిక్‌ టన్నుల ఉత్పత్తి అంచనా వేశారు. నాగర్‌కర్నూల్‌ మండలంలో 13,404.20 ఎకరాలకు గాను 32,385.08 టన్నుల దిగుబడి రావొచ్చని అంచనా. కల్వకుర్తిలో 9,978 ఎకరాలకు గాను 24,545.20 టన్నులు, తాడూరులో 9,267 ఎకరాలకు గాను 22,977.80 టన్నులు, తిమ్మాజిపేటలో 8,705 ఎకరాలకు గాను 20,972.60 టన్నుల దిగుబడి రావొచ్చని అంచనా వేశారు. మండలాల మధ్య వ్యత్యాసం.. వరిసాగు విస్తీర్ణం, ఉత్పత్తిలో మండలాల మధ్య స్పష్టమైన వ్యత్యాసం కనిపిస్తోంది. బిజినేపల్లి, నాగర్‌కర్నూల్‌ మండలాలు అధిక ఉత్పత్తి అంచనాలతో ముందుండగా.. అమ్రాబాద్‌లో 273 ఎకరాల్లో మాత్రమే సాగైంది. పంటల సాగు విస్తీర్ణం, రకాల ఎంపిక ఆధారంగా మండలాల వారీగా దిగుబడి అంచనాల్లో తేడాలు నమోదయ్యాయి. దిగుబడులపై ఆసక్తి.. వానాకాలం పంటల సాగు వివరాల ఆధారంగా వ్యవసాయశాఖ ఉత్పత్తిని అంచనా వేసింది. వాస్తవ దిగుబడి మాత్రం పంట కోతలు, ధాన్యం నాణ్యత, పంట పరిస్థితులపై ఆధారపడి ఉంటుంది. జిల్లాలో సన్న రకాల సాగు అధికంగా ఉండటంతో మొత్తం ధాన్యం ఉత్పత్తిలోనూ వాటిదే కీలక వాటా కానుంది. పంట కోతలు పూర్తయ్యే కొద్దీ తుది దిగుబడుల వివరాలపై స్పష్టత రానుంది. తాడూరులో సాగుచేసిన వరిపంట రకం సాగు విస్తీర్ణం ఉత్పత్తి అంచనా (ఎకరాలు) (మె.ట.) సన్న రకాలు 1,13,675.20 2,72,820.48 దొడ్డు రకాలు 16,828.00 43,752.80 మొత్తం 1,30,503.20 3,16,573.28 సన్నరకమే సాగుచేశా.. ప్రభుత్వం అందించే బోనస్‌ కోసం సూచించిన సన్నరకం వరి విత్తనాలే సాగుచేశా. రెండు ఎకరాల్లో సాగుచేసిన పంట బాగానే ఉంది. దిగుబడి సైతం వస్తుందని నమ్మకం ఉంది. ధర అధికంగా ఉండటంతో సంతోషంగా ఉంది. – బాలస్వామి, రైతు, అల్లాపూర్‌ ●జిల్లాలో వరిసాగు విస్తీర్ణం ఇలా.. మూడు రకాలకే ప్రాధాన్యం.. ప్రభుత్వం ఏడు రకాల సన్నాలకే రూ.500 బోనస్‌ ఇస్తామని ప్రకటించిన విషయం తెలిసిందే. అయితే వాటిలో మూడు రకాలకే రైతులు ప్రాధాన్యం ఇచ్చారు. జిల్లాలో బీపీటీ 5204 రకం విత్తనాలను 17,680 ఎకరాల్లో, తెలంగాణ సోన (ఆర్‌ఎన్‌ఆర్‌ 1504) రకం 64,298, కేఎన్‌ఎం 1638 రకం 25,049 ఎకరాల్లో సాగుచేయగా.. కేఎన్‌ఎం 7715 రకం కేవలం కొన్ని మండలాల్లోనే 4,999 ఎకరాల్లో రైతులు సాగుచేశారు. జైశ్రీరాం రకం 1,226 ఎకరాల్లో, హెచ్‌ఎంటీ సోనా 413 ఎకరాల్లో, డబ్ల్యూజీఎల్‌ 44 రకం విత్తనాలు కేవలం తాడూరు మండలంలో 10 ఎకరాల్లో సాగు చేశారు. అంతేకాకుండా ప్రభుత్వం బోనస్‌ ఇవ్వని ఇతర రకాల విత్తనాలను సైతం సాగు చేశారు. జిల్లావ్యాప్తంగా 1.30 లక్షల ఎకరాల్లో వరిసాగు అత్యధికంగా 1,13,675 ఎకరాల్లో సన్న రకాలు 2,72,820 మెట్రిక్‌ టన్నుల దిగుబడి అంచనా 16,828 ఎకరాల్లో మాత్రమే దొడ్డు రకాలు

అచ్చంపేట: ప్రతి ఒక్కరు తప్పనిసరిగా చట్టాలపై అవగాహన పెంచుకోవాలని జూనియర్‌ సివిల్‌జడ్జి స్పందన అన్నారు. సురక్షిత్‌ బచ్‌పన్‌ అభియాన్‌–2026లో భాగంగా గురువారం అచ్చంపేట పట్టణంలోని ప్రభుత్వ బాలికల ఉన్నత పాఠశాలలో విద్యార్థులకు చట్టాలు, సమాజంలో జరుగుతున్న నేరాలపై అవగాహన కార్యక్రమం నిర్వహించారు. ఈ సందర్భంగా న్యాయమూర్తి మాట్లాడుతూ.. బాలబాలికలకు గుడ్‌ టచ్‌, బ్యాడ్‌ టచ్‌పై అవగాహన కలిగి ఉండాలని తెలిపారు. బాలికలపై ఎవరైనా వేధింపులకు పాల్పడితే పోక్సో చట్టం మేరకు కఠిన చర్యలు ఉంటాయన్నారు. చిన్న పిల్లలపై అఘాయిత్యాలకు పాల్పడే వారిని వదలిపెట్టేది లేదన్నారు. బాలికలను ప్రేమ పేరిట ఎవరైనా ఇబ్బందులకు గురిచేస్తే తల్లిదండ్రులకు చెప్పాలని సూచించారు. బాలికలు భయం లేకుండా సురక్షిత వాతావరణంలో జీవించడంతో పాటు ఉన్నత విద్య అభ్యసించి, హక్కులను స్వేచ్ఛగా వినియోగించుకునే అవకాశం కల్పించాల్సిన బాధ్యత అందరిపై ఉందన్నారు. అనంతరం పాఠశాలలో మధ్యాహ్న భోజనం, విద్యార్థినుల బాగోగులను తెలుసుకున్నారు. కార్యక్రమంలో హెచ్‌ఎం సరళ, ఉపాధ్యాయులు పాల్గొన్నారు.

చర్మ ఉత్పత్తుల పరిశ్రమల ద్వారా రాష్ట్రవ్యాప్తంగా లక్షమందికి ఉపాధి కల్పించాలనే లక్ష్యంతో అప్పట్లో లెదర్‌ పార్కుల ఏర్పాటుకు ప్రణాళికలు రూపొందించారు. ఇందులో భాగంగా 2002లో జడ్చర్ల మండలం పోలేపల్లి సెజ్‌ సమీపంలో లిడ్‌క్యాప్‌ (చర్మ ఉత్పత్తుల పారిశ్రామిక అభివృద్ధి సంస్థ)కు 25 ఎకరాల అసైన్డ్‌ భూమిని కేటాయించారు. నాగర్‌కర్నూల్‌ జిల్లా బల్మూరు మండలం జినుకుంటలో మరో 25 ఎకరాలు కేటాయించారు. 2004లో పోలేపల్లిలో ‘మలుపు’ పథకం కింద సుమారు రూ.10 లక్షలతో భవనాన్ని నిర్మించారు. జినుకుంటలో రూ.25 లక్షలతో మరో భవనం ఏర్పాటు చేశారు. చర్మ ఉత్పత్తుల తయారీకి అవసరమైన యంత్ర సామగ్రి కోసం సుమారు రూ.2 కోట్లు వెచ్చించారు. అయినప్పటికీ, ఆశించిన స్థాయిలో పరిశ్రమలు ప్రారంభం కాకపోవడంతో ప్రభుత్వ లక్ష్యం నెరవేరలేదు.

బల్మూర్‌: ప్రతి ఇంటికీ సౌర విద్యుత్‌ సదుపాయం కల్పించి కొండారెడ్డిపల్లిని వందశాతం సోలార్‌ గ్రామంగా తీర్చిదిద్దాలని కలెక్టర్‌ హేమంత కేశవ్‌పాటిల్‌ అన్నారు. సంప్రదాయ విద్యుత్‌పై ఆధారపడటాన్ని తగ్గిస్తూ.. పునరుత్పాదక ఇంధన వినియోగాన్ని ప్రోత్సహించే దిశగా కొండారెడ్డిపల్లిలో చేపడుతున్న చర్యలు అభినందనీయమన్నారు. మండలంలోని కొండారెడ్డిపల్లిలో బుధవారం అచ్చంపేట సబ్‌ కలెక్టర్‌ సలోని ఛాబ్రాతో కలిసి కలెక్టర్‌ పర్యటించారు. తెలంగాణ రెడ్కో భాగస్వామ్యంతో గ్రామంలో గృహాలపై ఏర్పాటు చేసిన సోలార్‌ ప్యానెళ్లను పరిశీలించి, పనుల పురోగతిపై ఆరా తీశారు. ఇప్పటివరకు 101 ఇళ్లపై సోలార్‌ ప్యానెళ్లు ఏర్పాటు చేసినట్లు అధికారులు వివరించారు. అనంతరం గ్రామంలో నిర్మాణంలో ఉన్న ఇందిరమ్మ ఇళ్లను కలెక్టర్‌ పరిశీలించారు. లబ్ధిదారులు ఎల్లమ్మ, పార్వతమ్మ ఇళ్ల నిర్మాణ పనుల పురోగతి తెలుసుకున్నారు. ఇప్పటి వరకు అందిన బిల్లులు, పెండింగ్‌లో ఉన్న చెల్లింపుల వివరాలను అధికారులను అడిగి తెలుసుకున్నారు. లబ్ధిదారులకు రూ.3.40 లక్షల మేర బిల్లులు అందాయని, మరో బిల్లు పెండింగ్‌లో ఉందని అధికారులు వివరించారు. అలాగే గ్రామంలోని అంగన్‌వాడీ కేంద్రాన్ని సందర్శించిన కలెక్టర్‌ చిన్నారులకు అందిస్తున్న పౌష్టికాహారం, కేంద్రం నిర్వహణ, పిల్లల సంరక్షణకు సంబంధించిన అంశాలను పరిశీలించారు. ఈ సందర్భంగా కలెక్టర్‌ చిన్నారులతో ఆప్యాయంగా ముచ్చటించారు. అంగన్‌వాడీ కేంద్రంలో పిల్లలకు మెరుగైన వాతావరణం కల్పించి, వారి సమగ్ర అభివృద్ధికి అవసరమైన చర్యలు తీసుకోవాలని సిబ్బందికి సూచించారు. గ్రామంలో రూ.20 లక్షల అంచనా వ్యయంతో నిర్మిస్తున్న గ్రామ పంచాయతీ భవన పనులను, పోలేపల్లిలో భూ రీ సర్వే పనులను పరిశీలించారు. అంతకు ముందు కొండారెడ్డిపల్లిలోని ఆలయాన్ని సందర్శించి పూజలు చేశారు. కార్యక్రమంలో తహసీల్దార్‌ శ్రీకాంత్‌, ఎంపీడీఓ రేవత్‌రెడ్డి, వ్యవసాయాధికారి నరేష్‌, పశువైద్యాధికారులు అనఅల్‌, మహేశ్వరి, విద్యుత్‌ ఏఈ శ్రీనివాస్‌, పీఆర్‌ఏఈ శ్రీనివాస్‌, టీజీ రెడ్కో అధికారులు, సర్పంచ్‌ రాధాకృష్ణ తదితరులు పాల్గొన్నారు. కలెక్టర్‌ హేమంత కేశవ్‌ పాటిల్‌

● అత్యధికంగా చారకొండలో వంద.. అత్యల్పంగా పదరలో 47 శాతం నమోదు ● ప్రత్యేకంగా వలంటీర్లకు శిక్షణ ఇచ్చి వివరాల నమోదు ● లక్ష్యం చేరికపై అధికార యంత్రాంగం ప్రత్యేక దృష్టి ● మరో పదిరోజుల్లో పూర్తిచేసేలా కసరత్తు నాగర్‌కర్నూల్‌: వ్యవసాయ భూములు.. సాగులో ఉన్న పంటల వివరాలను డిజిటల్‌ విధానంలో నమోదు చేసే క్రాప్‌ సర్వేలో జిల్లా 90.91 శాతం పురోగతి సాధించింది. జిల్లాలోని 20 మండలాల పరిధిలో మొత్తం 8,60,938 ప్లాట్లను (సబ్‌ నంబర్లు) సర్వే చేయాల్సి ఉండగా ఇప్పటి వరకు 7,82,640 ప్లాట్ల వివరాలను నమోదు చేశారు. ఇంకా 78,298 ప్లాట్ల సర్వే మిగిలి ఉంది. జిల్లా సగటు పురోగతి ఆశాజనకంగా ఉన్నప్పటికీ.. మండలాల వారీగా పరిశీలిస్తే పనుల్లో స్పష్టమైన వ్యత్యాసం కనిపిస్తోంది. కొన్ని మండలాలు లక్ష్యానికి చేరువవుతుండగా.. మరికొన్ని మండలాలు వెనకబడటం స్పష్టంగా కనిపిస్తోంది. కేంద్ర ప్రభుత్వం పంటల కాకి లెక్కలకు పుల్‌స్టాప్‌ పెట్టాలని నిర్ణయించి దేశవ్యాప్తంగా డిజిటల్‌ క్రాప్‌ సర్వే యాప్‌ను ఈ ఏడాది ప్రారంభించింది తెలిసిందే. దీని వల్ల పంటల లెక్క పక్కాగా తేలుతుంది. అంతేకాకుండా పంటల వివరాలతోపాటు రైతు పేరు, ఎక్కడ ఏ సర్వే నంబరులో ఏ పంట, ఎంత విస్తీర్ణంలో సాగు చేశారో తెలుస్తుంది. జిల్లాలో ఆగస్టు నెలలో ఈ సర్వే ప్రారంభించారు. ఇందుకోసం ప్రత్యేక వలంటీర్లను నియమించి శిక్షణ ఇవ్వగా.. గ్రామాల్లో యాప్‌ ద్వారా సర్వే చేస్తున్నారు. ఈ డిజిటల్‌ క్రాప్‌ సర్వేలో చారకొండ మండలం వందశాతం పూర్తి చేసి జిల్లాలో అగ్రస్థానంలో నిలిచింది. పెంట్లవెల్లి 98.86 శాతంతో రెండో స్థానంలో ఉండగా.. తిమ్మాజిపేట 97.79, బిజినేపల్లి 96.81, తెలకపల్లి 96.31, కల్వకుర్తి 96.24 శాతం పురోగతి సాధించాయి. ఈ మండలాలు సర్వే లక్ష్యానికి దగ్గరలో ఉన్నాయి. కోడేరు, ఉప్పునుంతల, ఊర్కొండ, నాగర్‌కర్నూల్‌, వంగూరు మండలాల్లోనూ 93 శాతానికి పైగా సర్వే పూర్తయింది. మిగిలిన కొద్దిపాటి పనులను వేగవంతం చేస్తే ఈ మండలాలు కూడా వంద శాతం లక్ష్యాన్ని చేరుకునే అవకాశం ఉంది.

కొల్లాపూర్‌: పట్టభద్రుల ఎమ్మెల్సీ ఎన్నికల సందర్భంగా ఓటరు నమోదుపై బీఆర్‌ఎస్‌ శ్రేణులు దృష్టిసారించాలని రాష్ట్ర స్పోర్ట్స్‌ అథారిటీ మాజీ చైర్మన్‌ అల్లీపురం వెంకటేశ్వర్‌రెడ్డి అన్నారు. బుధవారం ఆయన కొల్లాపూర్‌లో బీఆర్‌ఎస్‌ పార్టీ నాయకులతో సమావేశమై మాట్లాడారు. ఎమ్మెల్సీ ఎన్నికల ఎన్‌రోల్‌మెంట్‌ గతంలో కంటే ఎక్కువగా జరిగేలా చూడాలన్నారు. యువత, నిరుద్యోగులు కాంగ్రెస్‌ విధానాలపై తీవ్రమైన అసంతృప్తితో ఉన్నారని, వారంతా బీఆర్‌ఎస్‌ వెంట నడిచేందుకు సిద్ధంగా ఉన్నారని వివరించారు. బీఆర్‌ఎస్‌ పార్టీ అభ్యర్థి విజయం కోసం ప్రతిఒక్కరూ కష్టపడి పనిచేయాలని కోరారు. సమావేశంలో నాయకులు నరేందర్‌రెడ్డి, జంబులయ్య, సాంబశివుడు, వెంకటస్వామి, సాయిరాం, నిరంజన్‌, రుక్మద్దీన్‌, భాస్కర్‌రావు, శంకర్‌నాయక్‌, కృష్ణమూర్తి, ఖాదర్‌పాష, దశరథం, చంద్రశేఖర్‌, అశోక్‌, గోపాల మల్లయ్య తదితరులు పాల్గొన్నారు. కాంట్రాక్టు అధ్యాపకులను క్రమబద్ధీకరించాలి మహబూబ్‌నగర్‌ ఎడ్యుకేషన్‌: రాష్ట్రంలోని యూనివర్సిటీల్లో పనిచేస్తున్న కాంట్రాక్టు అధ్యాపకులను ప్రభుత్వం వెంటనే క్రమబద్ధీకరించి, ఉద్యోగ భద్రత కల్పించాలని అధ్యాపకులు కోరారు. పీయూలో నిర్వహించిన కార్యక్రమంలో వారు మాట్లాడుతూ.. వివిధ యూనివర్సిటీల్లో సుమారు 1,200 మంది కాంట్రాక్టు అధ్యాపకులు ఏళ్లుగా సేవలందిస్తున్నారని తెలిపారు. నెట్‌, సెట్‌, పీహెచ్‌డీ వంటి అర్హతలున్నప్పటికీ ఉద్యోగ భద్రత లేక ఇబ్బందులు పడుతున్నామని ఆవేదన వ్యక్తం చేశారు. రెగ్యులర్‌ అధ్యాపకుల నియామక ప్రక్రియలో తమకు న్యాయం చేయాలని ప్రభుత్వాన్ని కోరారు. ఈనెల 30న నిర్వహించే అఖిలపక్ష సమావేశానికి కాంట్రాక్టు అధ్యాపకులు పెద్ద సంఖ్యలో హాజరుకావాలని పిలుపునిచ్చారు. కార్యక్రమంలో భూమయ్య, శ్రీధర్‌రెడ్డి, రవికుమార్‌, సోమేశ్వర్‌, సుదర్శన్‌రెడ్డి, జ్ఞానేశ్వర్‌, రామ్మోహన్‌, ప్రభాకర్‌రెడ్డి, శ్రీలత, మృదుల తదితరులు పాల్గొన్నారు. పత్తి క్వింటా రూ.9,060 జడ్చర్ల: బాదేపల్లి మార్కెట్‌ యార్డులో బుధ వారం పత్తి క్వింటా గరిష్టంగా రూ.9,060, కనిష్టంగా రూ.8,860 ధర పలికింది. అలాగే ధాన్యం ఆర్‌ఎన్‌ఆర్‌ రకం గరిష్టంగా రూ. 3,301, కనిష్టంగా రూ.2,071, మొక్కజొన్న గరిష్టంగా రూ.3,072, కనిష్టంగా రూ.2,651, ఆముదాలు గరిష్టంగా రూ.7,966, కనిష్టంగా రూ.7,825 ధరలు లభించాయి. పెరగని హంస ధాన్యం దేవరకద్ర: సన్నరకం ధాన్యం ఒక్క సారిగా ధరలు పెరిగిపోతుండగా దొడ్డు రకం హంస ధాన్యం ధరలు మాత్రమే పెరగకుండా నిలకడగా ఉన్నాయి. బుధవారం దేవరకద్ర మార్కెట్‌కు దాదాపు మూడు వేల బస్తాల ధాన్యం అమ్మకానికి వచ్చింది. ఆర్‌ఎన్‌ఆర్‌ ధాన్యం ధర క్వింటా గరిష్టంగా రూ.3,256, కనిష్టంగా రూ.2,819గా ధరలు పలికాయి. కేఎన్‌ఎమ్‌ రకం ధాన్యం గరిష్టంగా రూ.3,303, కనిష్టంగా రూ.2,869గా ధరలు లభించాయి. హంస ధాన్యం ధర క్వింటా గరిష్టంగా రూ.2109గా ఒకే ధర నమోదైంది.

జడ్చర్ల/బల్మూరు: దళిత యువతకు ఉపాధి కల్పించాలన్న లక్ష్యం.. చర్మ ఉత్పత్తుల తయారీ రంగాన్ని అభివృద్ధి చేయాలన్న సంకల్పం.. వెరసి లెదర్‌ పార్కుల ఏర్పాటుకు ప్రభుత్వం శ్రీకారం చుట్టింది. స్థలాలు కేటాయించింది.. భవనాలు నిర్మించింది.. యంత్ర సామగ్రిని సమకూర్చింది.. నిరుద్యోగ యువతకు శిక్షణ కూడా ఇచ్చింది. కానీ, పరిశ్రమలు మాత్రం ఏర్పాటు కాలేదు. ఉపాధి అవకాశాలు అందలేదు. ఫలితంగా ఉమ్మడి పాలమూరులోని పోలేపల్లి, జినుకుంట లెదర్‌పార్కుల లక్ష్యం నెరవేరకుండానే పోయింది. కోట్ల విలువైన భూములు, లక్షలాది రూపాయలతో నిర్మించిన భవనాలు, యంత్రాలు నిరుపయోగంగా మారాయి. శిక్షణ ఇచ్చారు.. ఉపాధి మరిచారు చర్మ ఉత్పత్తుల తయారీలో నైపుణ్యం పెంచేందుకు నిరుద్యోగ దళిత యువతకు శిక్షణ ఇచ్చారు. కొందరిని చైన్నెకి పంపించి శిక్షణ ఇప్పించగా, జడ్చర్ల పారిశ్రామిక పార్కులో సుమారు 250 మందికి శిక్షణ అందించారు. శిక్షణ సమయంలో నెలకు రూ.1,500 చొప్పున స్టైపెండ్‌ చెల్లించి ధ్రువీకరణ పత్రాలు అందజేశారు. అనంతరం ఎస్సీ కార్పొరేషన్‌ ద్వారా ఒక్కొక్కరికి రూ.7,500 రుణసదుపాయం కల్పించారు. జినుకుంటలోనూ సుమారు 400 మందికి శిక్షణ ఇచ్చారు. లెదర్‌ పార్కుల్లో ఏర్పాటయ్యే పరిశ్రమల్లో ఉద్యోగ, ఉపాధి అవకాశాలు కల్పిస్తామని అప్పట్లో అధికారులు హామీ ఇచ్చారు. అయితే పరిశ్రమలే ప్రారంభం కాకపోవడంతో శిక్షణ పొందిన యువతకు ఆశించిన ప్రయోజనం దక్కలేదు. రూ.60 లక్షలు ఏమయ్యాయి? లిడ్‌క్యాప్‌ శిక్షణ కేంద్రాన్ని తిరిగి ప్రారంభించేందుకు తెలంగాణ ప్రభుత్వం 2022లో రూ.60 లక్షలు కేటాయించినట్లు అప్పట్లో అధికారులు ప్రకటించారు. సీఎల్‌ఆర్‌ఐ (సెంట్రల్‌ లెదర్‌ రీసెర్చ్‌ ఇన్‌స్టిట్యూట్‌)కు సంబంధించిన శిక్షణ కార్యక్రమాల కోసం ఈ నిధులు కేటాయించినట్లు వెల్లడించారు. అయితే ఆ నిధుల వినియోగం, శిక్షణ కేంద్రం పునఃప్రారంభం, ప్రస్తుత పురోగతిపై స్పష్టత లేకపోవడం ఆందోళన కలిగిస్తోంది. ఏపీఐఐసీకి అప్పగింత.. మళ్లీ లిడ్‌క్యాప్‌కు పోలేపల్లి భూమిని 2008లో లెదర్‌ పార్కు ఏర్పాటుకు లిడ్‌క్యాప్‌ అప్పటి ఏపీఐఐసీకి అప్పగించింది. అయితే అక్కడ పరిశ్రమల అభివృద్ధి ముందుకు సాగలేదు. దీంతో 2013లో ప్రభుత్వం ఆ భూమిని ఏపీఐఐసీ నుంచి వెనక్కి తీసుకుని తిరిగి లిడ్‌క్యాప్‌కు బదలాయించింది. భూమిని స్వాధీనం చేసుకున్న సంస్థ ఆ తర్వాత కూడా అభివృద్ధి కార్యక్రమాలు చేపట్టకపోవడంతో 25 ఎకరాలు నిరుపయోగంగానే మిగిలాయి. మరోవైపు పోలేపల్లి భూమి సెజ్‌, జాతీయ రహదారి సమీపంలో ఉండటంతో దాని మార్కెట్‌ విలువ భారీగా పెరిగింది. స్థానికంగా ఎకరం ధర రూ.3 కోట్లకు పైగా పలుకుతున్నట్లు అంచనా. ఇంత విలువైన భూమి అన్యాక్రాంతం కాకుండా కాపాడటంతో పాటు, అసలు లక్ష్యమైన పారిశ్రామిక అభివృద్ధికి వినియోగించాల్సిన బాధ్యత ప్రభుత్వంపై ఉంది. చర్మ ఉత్పత్తులకు మార్కెట్‌లో ఉన్న డిమాండ్‌ను వినియోగించుకుంటూ లెదర్‌ పార్కులను అభివృద్ధి చేస్తే స్థానిక యువతకు ఉపాధి అవకాశాలు లభించే వీలుంది. పరిశ్రమల ఏర్పాటుకు కార్యాచరణ రూపొందించడం, యంత్రాలను పునరుద్ధరించడం, శిక్షణ కేంద్రాలను ప్రారంభించడం, పెట్టుబడిదారులను ఆకర్షించడం వంటి చర్యలపై ప్రభుత్వం దృష్టి సారించాల్సిన అవసరం ఉంది. ఉపాధి హామీ ఉత్తిమాటే.. పోలేపల్లి, జినుకుంటలో 50 ఎకరాలు నిరుపయోగం రూ.2 కోట్లతో యంత్రాలు.. శిథిలావస్థలో భవనాలు శిక్షణ పొందినా దక్కని ఉపాధి.. ప్రశ్నార్థకంగా ప్రభుత్వ లక్ష్యం ఉపాధి అవకాశాలు కల్పించాలి చర్మ ఉత్పత్తుల తయారీలో పొందిన శిక్షణ నిరుపయోగంగా మారింది. శిక్షణతో ఉద్యోగ, ఉపాధి అవకాశాలు మెరుగుపడతాయని, లెదర్‌ పార్కుల్లో ఏర్పాటయ్యే పరిశ్రమలు తమ జీవితాలకు బాటలు వేస్తాయని ఆశించాం. కానీ పాలకులు వీటి అభివృద్ధిపై దృష్టి సారించలేదు. తెలంగాణ ఏర్పాటైన తర్వాత కూడా మాకు న్యాయం జరగలేదు. ఇప్పటికై నా ప్రభుత్వం స్పందించి దళితులకు ఉపాధి అవకాశాలు కల్పించాలి. – కృష్ణయ్య, చర్మకారుల సంఘం అధ్యక్షుడు, జడ్చర్ల ప్రభుత్వం దృష్టికి తీసుకెళ్తాం పోలేపల్లి గ్రీన్‌ ఇండస్ట్రియల్‌ పార్కులో లెదర్‌ పార్కు అభివృద్ధికి చర్యలు చేపడతాం. ఇప్పటికే ఈ సమస్యను ప్రభుత్వం దృష్టికి తీసుకెళ్లినా నిధులు విడుదల కాలేదు. మరోసారి ముఖ్యమంత్రి రేవంత్‌రెడ్డి దృష్టికి తీసుకెళ్లి, దళితులకు ఉద్యోగ, ఉపాధి అవకాశాలు కల్పించేలా కృషి చేస్తాం. – అనిరుధ్‌రెడ్డి, ఎమ్మెల్యే, జడ్చర్ల

నాగర్‌కర్నూల్‌: విద్యార్థులు చదువుతోపాటు క్రీడలపై ఆసక్తి పెంపొందించుకొని.. తమలోని ప్రతిభను వెలికితీసి ఉన్నతస్థాయికి ఎదగాలని డీఈఓ రమేష్‌కుమార్‌ అన్నారు. క్రీడలు విద్యార్థుల్లో శారీరక దృఢత్వంతోపాటు క్రమశిక్షణ, ఆత్మవిశ్వాసం, పట్టుదల, నాయకత్వ లక్షణాలను పెంపొందిస్తాయన్నారు. జిల్లాలోని 24 పీఎంశ్రీ పాఠశాలలకు చెందిన బాలబాలికలకు జిల్లాకేంద్రంలోని బాలుర జెడ్పీహెచ్‌ఎస్‌ క్రీడా మైదానంలో నిర్వహించిన జిల్లాస్థాయి క్రీడా పోటీలు బుధవారం ముగిశాయి. రెండు రోజులపాటు కబడ్డీ, వాలీబాల్‌తోపాటు 100 మీ., 200 మీ., 400 మీటర్ల పరుగు, లాంగ్‌జంప్‌, షాట్‌పుట్‌, త్రోబాల్‌ తదితర క్రీడా విభాగాల్లో పోటీలు నిర్వహించగా విద్యార్థులు ఉత్సాహంగా పాల్గొని తమ క్రీడా నైపుణ్యాలను ప్రదర్శించారు. అనంతరం డీఈఓ మాట్లాడుతూ విద్యార్థుల సర్వతోముఖాభివృద్ధిలో క్రీడలకు ప్రత్యేక స్థానం ఉందన్నారు. గెలుపోటములను సమానంగా స్వీకరిస్తూ క్రీడాస్ఫూర్తితో ముందుకు సాగాలని సూచించారు. పాఠశాల స్థాయి నుంచే క్రీడలపై ఆసక్తి పెంచుకుంటే భవిష్యత్‌లో రాష్ట్ర, జాతీయ స్థాయి పోటీల్లో రాణించే అవకాశాలు మెరుగుపడతాయని అభిప్రాయపడ్డారు. జిల్లాస్థాయి పోటీల్లో ప్రతిభ కనబరిచిన క్రీడాకారులు భవిష్యత్‌లో మరింత కృషి చేసి ఉన్నత విజయాలు సాధించాలని ఆకాంక్షించారు. అనంతరం వివిధ క్రీడా విభాగాల్లో విజయం సాధించిన విద్యార్థులను డీఈఓ అభినందించి, విజేతలకు జ్ఞాపికలు అందజేశారు. కార్యక్రమంలో ఎస్‌జీఎఫ్‌ కార్యదర్శి నాగేశ్వరరావు, వ్యాయామ ఉపాధ్యాయులు రమేష్‌, వెంకటయ్య, పాండు, యాదయ్యగౌడ్‌ తదితరులు పాల్గొన్నారు.

కందనూలు: ఎన్‌హెచ్‌ఎం ఉద్యోగుల న్యాయమైన డిమాండ్లను రాష్ట్ర ప్రభుత్వం వెంటనే పరిష్కరించాలని కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి అన్నారు. జిల్లాకేంద్రంలోని కలెక్టరేట్‌ ఎదుట ఎన్‌హెచ్‌ఎం ఉద్యోగుల ఆధ్వర్యంలో చేపట్టిన నిరవధిక సమ్మె బుధవారం 16వ రోజు చేరుకుంది. ఈ సందర్భంగా సమ్మె శిబిరాన్ని సందర్శించిన ఆయన ఉద్యోగులకు సంఘీభావం తెలిపి మాట్లాడారు. ప్రజారోగ్య పరిరక్షణలో ఉద్యోగులు కీలక పాత్ర పోషిస్తున్నారన్నారు. ఎన్నో ఏళ్లుగా వైద్య సేవలు అందిస్తున్న వారికి ఉద్యోగ భద్రత కల్పించడంతోపాటు సమాన పనికి సమాన వేతనం అమలు చేయాలని ప్రభుత్వాన్ని కోరారు. ఉద్యోగుల న్యాయమైన డిమాండ్లపై ప్రభుత్వం సానుకూలంగా స్పందించి, సమస్యలను పరిష్కరించాలని డిమాండ్‌ చేశారు. అనంతరం బీసీ సంఘం నాయకులు సంఘీభావం తెలిపారు. కార్యక్రమంలో ఎన్‌హెచ్‌ఎం జిల్లా అధ్యక్షుడు బాలకృష్ణ, ప్రధాన కార్యదర్శి కుమార్‌, హైమావతి, జగన్‌, భీముడు, రామకృష్ణ తదితరులు పాల్గొన్నారు.

కందనూలు: క్రీడలతో మానసికోల్లాసం కలుగుతుందని ఎస్‌జీఎఫ్‌ జిల్లా కార్యదర్శి నాగేశ్వర్‌రావు అన్నారు. మంగళవారం జిల్లాకేంద్రంలోని బాలుర ఉన్నత పాఠశాలలో జిల్లాలోని పీఎంశ్రీ పాఠశాలల విద్యార్థులకు జిల్లాస్థాయి కబడ్డీ, ఖోఖో పోటీలు నిర్వహించారు. ఇందులో జిల్లాస్థాయి బాలికల విభాగంలో ఖోఖోలో ఎంజేపీ కల్వకుర్తి జట్టు ప్రథమ స్థానం, తూడుకుర్తి ఉన్నత పాఠశాల ద్వితీయ స్థానం సాధించాయి. బాలురు విభాగంలో ఖోఖోలో ఎంజేపీ కల్వకుర్తి ప్రథమ, జెడ్పీహెచ్‌ఎస్‌ అంబటిపల్లి ద్వితీయ స్థానంలో నిలిచాయి. అలాగే కబడ్డీలో బాలుర విభాగంలో తెలంగాణ మోడల్‌ స్కూల్‌ కోడేరు ప్రథమ, జెడ్పీహెచ్‌ఎస్‌ బల్మూరు ద్వితీయ స్థానంలో నిలిచాయని నిర్వాహకులు తెలిపారు. కార్యక్రమంలో జిల్లా ఖోఖో అసోసియేషన్‌ అధ్యక్షుడు నిరంజన్‌యాదవ్‌, కబడ్డీ అసోసియేషన్‌ కార్యదర్శి యాదయ్య, అసిస్టెంట్‌ సెక్రెటరీ రమేష్‌ తదితరులు పాల్గొన్నారు.

కందనూలు: కలెక్టరేట్‌ సమీపంలోని ఈవీఎం గోదాం జాతీయ రహదారి–167కే నిర్మాణ పనుల పరిధిలోకి వస్తున్న నేపథ్యంలో ఈవీఎం గోదాంను నెల్లికొండ వ్యవసాయ మార్కెట్‌ యార్డుకు తరలించేందుకు అవసరమైన ప్రత్యామ్నాయ భవన వసతులను కలెక్టర్‌ కలెక్టర్‌ హేమంత కేశవ్‌ పాటిల్‌ మంగళవారం పరిశీలించారు. ఈ సందర్భంగా నెల్లికొండ వ్యవసాయ మార్కెట్‌ యార్డులో ఈవీఎం గోదాం ఏర్పాటుకు అనువైన గదులను పరిశీలించిన కలెక్టర్‌ గోదాం తరలింపునకు అవసరమైన తాత్కాలిక ఏర్పాట్లు సకాలంలో పూర్తి చేయాలని ఆదేశించారు. నూతన ఈవీఎం గోదాం నిర్మాణం పూర్తయ్యే వరకు ఎలక్ట్రానిక్‌ ఓటింగ్‌ యంత్రాల (ఈవీఎంల) భద్రత, రక్షణ, నిల్వకు అవసరమైన మౌలిక వసతులు, ఇతర భద్రతాపరమైన అంశాలపై ప్రత్యేక శ్రద్ధ వహించాలని సూచించారు. ఈవీఎం గోదాం తరలించే ముందు కేంద్ర, రాష్ట్ర ఎన్నికల సంఘాల నుంచి అవసరమైన అనుమతులు తప్పనిసరిగా పొందాలని, అనంతరం గుర్తింపు పొందిన రాజకీయ పార్టీల ప్రతినిధుల సమక్షంలో గోదాం తరలింపు చర్యలు చేపట్టాలని స్పష్టం చేశారు. కార్యక్రమంలో అదనపు కలెక్టర్‌ చెన్నయ్య, ఆర్డీఓ అర్చన, ఎన్నికల విభాగం సూపరింటెండెంట్‌ రవికుమార్‌ తదితరులు పాల్గొన్నారు.

జూన్‌ 1 నుంచి.. జాతీయ కరువు నిర్వహణ మాన్యువల్‌– 2016 (డిసెంబర్‌ 2020 వరకు నవీకరించిన మార్గదర్శకాలు) ప్రకారం ప్రభుత్వం మండలాల వారీగా కరువు పరిస్థితులను అంచనా వేసింది. ఇందులో జూన్‌ 1 నుంచి సెప్టెంబర్‌ 30 వరకు నమోదైన స్వయంచాలక వర్షపాత గణాంకాలు, వర్షాభావ కాలవ్యవధి వివరాలను పరిశీలించింది. వ్యవసాయ సాగు విస్తీర్ణంలో లోటు, ఉపగ్రహ ఆధారిత వృక్షసంపద పరిస్థితి, నేలలో తేమ వంటి ప్రభావ సూచికలను కూడా పరిగణలోకి తీసుకున్నట్లు ఉత్తర్వుల్లో పేర్కొంది. ఈ మేరకు కరువు ప్రభావిత మండలాల్లో తక్షణ చర్యలు చేపట్టేందుకు అవసరమైన భౌతిక, ఆర్థిక వనరుల వివరాలతో కార్యాచరణ ప్రణాళిక సమర్పించాలని కలెక్టర్లు, వ్యవసాయ, ఉద్యాన వన, పశు సంవర్ధక శాఖల అధికారులను ఆదేశించింది. కేంద్రం నుంచి జాతీయ విపత్తు ప్రతిస్పందన నిధి కింద సహాయం కోరేందుకు అవసరమైన నివేదికలను సిద్ధం చేసి పంపేలా ప్రభుత్వం చర్యలు చేపట్టింది. నారాయణపేట: ప్రస్తుత వానాకాలం సీజన్‌లో నెలకొన్న వర్షాభావ పరిస్థితుల నేపథ్యంలో ఉమ్మడి పాలమూరులో 63 మండలాలను కరువు ప్రభావిత ప్రాంతాలుగా ప్రకటిస్తూ రాష్ట్ర ప్రభుత్వ ప్రధాన కార్యదర్శి సంజయ్‌జాజు ఉత్తర్వులు జారీ చేశారు. ఈ మేరకు రెవెన్యూ (విపత్తు నిర్వహణ) శాఖ జీఓ ఎంఎస్‌ నంబర్‌ 3ను విడుదల చేసింది. ఎల్‌నినో ప్రభావం, నైరుతి రుతుపవనాల సమయంలో నమోదైన వర్షపాత లోటు, పంటల కీలక ఎదుగుదల దశల్లో నెలకొన్న దీర్ఘకాలిక పొడి వాతావరణం, నేలలో తేమశాతం తగ్గిపోవడం వంటి అంశాలను పరిగణలోకి తీసుకుని ఈ నిర్ణయం తీసుకుంది. ఈ నేపథ్యంలో కొన్నింటిని తీవ్ర, మరికొన్ని మధ్యస్థ ప్రభావిత మండలాలుగా గుర్తించింది. ఇందులో భాగంగానే ఉమ్మడి పాలమూరులోని నారాయణపేట, మహబూబ్‌నగర్‌, నాగర్‌కర్నూల్‌, వనపర్తి, జోగుళాంబ గద్వాల జిల్లాల్లో కలిపి మొత్తం 63 కరువు మండలాలుగా ప్రకటించింది. ఇందులో 44 మండలాలు తీవ్ర కరువు ప్రభావిత, 19 మధ్యస్థ కరువు మండలాలుగా ప్రభుత్వం గుర్తించింది. ఉమ్మడి జిల్లాలో 63 మండలాలను ప్రకటించిన ప్రభుత్వం 44 మండలాల్లో తీవ్రం.. 19 చోట్ల మధ్యస్థ కరువు వర్షాభావం, నేలలో తగ్గిన తేమతో పంటలకు ముప్పు

కల్వకుర్తి రూరల్‌: ఎన్నో కేసులు సక్సెస్‌ చేశామంటూ ప్రైవేట్‌ ఆస్పత్రుల యాజమాన్యం చేయించుకునే ప్రకటనలకు జాతీయ వైద్య మండలి చెక్‌ పెట్టింది. కొంతమంది కార్పొరేట్‌, ప్రైవేట్‌ ఆస్పత్రుల నిర్వాహకులు రోగులను ఆకట్టుకునేందుకు చికిత్స చేయించుకున్న వారి అనుభవాలతో ప్రచారానికి ప్రాధాన్యం ఇస్తుంటారు. వివిధ స్పెషలిస్ట్‌ వైద్యులు తాము చేసిన చికిత్స విజయాలను చెప్పుకొంటూ పరోక్షంగా ప్రకటనలు గుప్పిస్తుంటారు. మరి కొంతమంది రోగులకు సర్జరీ చేయకముందు.. సర్జరీ చేసిన తర్వాత ఎలా ఉంటారో చూపేందుకు తమ క్లినిక్‌, నర్సింగ్‌ హోంలలో పెద్ద పెద్ద అక్షరాలు, బొమ్మలతో ప్రచారం చేసుకుంటారు. ఆర్థోపెడిక్‌, ప్లాస్టిక్‌ సర్జరీ, స్కిన్‌ తదితర క్లినిక్‌లలో ప్రచారం చేసుకోవడానికి ఇదొక మార్గంగా ఎంచుకుంటారు. ఇక నుంచి ఇలాంటి వాటికి ప్రైవేట్‌ వైద్యులు దూరంగా ఉండాల్సిందే. ఈ మేరకు జాతీయ వైద్య మండలి అనవసరమైన ప్రకటనలు నిషేధిస్తూ ఈ నెల 6న ఉత్తర్వులు జారీ చేసింది. ఎవరైనా ఉల్లంఘిస్తే కఠిన చర్యలకు ఆదేశించింది. అయితే జిల్లాలో 211 ప్రైవేట్‌ ఆస్పత్రులు ఉన్నట్లు వైద్య శాఖ లెక్కలు చెబుతుండగా.. దాదాపు అన్ని ఆస్పత్రుల్లోనూ ఇలాంటి ప్రకటనలే దర్శనమిస్తుంటాయి. జిల్లాలో పెద్దఎత్తున ప్రచారాలు.. హైదరాబాద్‌కు చెందిన ఓ బడా కార్పొరేట్‌ ఆస్పత్రి వైద్యులు ఇటీవల కల్వకుర్తిలో ఒక సమావేశం ఏర్పాటు చేసి తమ ఆస్పత్రిలో ఫలానా వైద్యుడు చేసిన వైద్యం విజయవంతమైందని చెప్పుకొచ్చారు. అదే ఆస్పత్రి యాజమాన్యం జిల్లాకేంద్రంలో రెండుసార్లు సమావేశాలు నిర్వహించి తమ ఆస్పత్రి, వైద్యుల ఘనతను వెల్లడించారు. అలాగే కల్వకుర్తిలోని ఓ ప్రైవేట్‌ ఆస్పత్రిలో జరిగిన ఆపరేషన్‌ విజయవంతం అయిందని ప్రచారం చేపట్టారు. కల్వకుర్తిలోనే మరో ఆస్పత్రి నిర్వాహకులు తమ ఘనతను వివరిస్తూ ప్రచారం చేశారు. అచ్చంపేట ప్రాంతంలోనూ ఓ ప్రైవేట్‌ ఆస్పత్రి తాము నిర్వహించిన ఆపరేషన్‌ ద్వారా కణతి తొలగించామని ప్రచారం చేసుకున్నారు. కాగా జిల్లావ్యాప్తంగా కొంతమంది వైద్యులు ప్రతినిత్యం సామాజిక మాధ్యమాల్లో డయాబెటిస్‌, బీపీ, ఇతర వ్యాధుల నివారణ, జాగ్రత్తలను వివరిస్తూ ప్రచారం చేస్తున్నారు. అతిక్రమిస్తే అంతే.. ఎన్‌ఎంసీ నిబంధనలను ఉల్లంఘించే వైద్యులపై చర్యలు తప్పవు. మొదటిసారి ఉల్లంఘిస్తే హెచ్చరికతోపాటు తప్పనిసరి నైతిక శిక్షణ పొందాల్సి ఉంటుంది. రెండోసారి మందలింపుతోపాటు జరిమానా విధిస్తారు. మూడోసారి అయితే 3 నెలల నుంచి 6 నెలలు రిజిస్ట్రేషన్‌ సస్పెన్షన్‌ చేస్తారు. తప్పుదోవ పట్టించే చికిత్స హామీలు, రోగులకు ప్రోత్సాహకాలు, భారీ స్థాయిలో డిజిటల్‌ తప్పుడు ప్రచారాలు చేసినట్లు రుజువు అయితే 6 నుంచి 12 నెలలు సస్పెన్షన్‌ విధించే అవకాశం ఉంది. పదేపదే ఉల్లంఘిస్తే ఏడాది నుంచి మూడేళ్లపాటు వైద్య రిజిస్టర్‌ నుంచి తొలగించేలా చర్యలు తీసుకోవచ్చు. ప్రైవేటు ఆస్పత్రుల ప్రకటనలపై జాతీయ వైద్య మండలి ఆంక్షలు అధికారికంగా రాలేదు.. ఇటీవల జాతీయ వైద్య మండలి నూతన మార్గదర్శకాలను జారీ చేసిన విషయం తెలిసింది. కాగా వైద్య ఆరోగ్య శాఖ కమిషనర్‌ నుంచి తమకు అధికారికంగా స్పష్టమైన ఆదేశాలు అందలేదు. ఆదేశాలు అందిన వెంటనే నిబంధనలను పరిశీలించి ఉల్లంఘించిన వారిపై చర్యలు తీసుకుంటాం. – కృష్ణ, డీఎంహెచ్‌ఓ

అచ్చంపేట రూరల్‌: ఎల్‌నినో పట్ల ప్రజలు అప్రమత్తంగా ఉండాలని, బీఆర్‌ఎస్‌ చేస్తున్న దుష్ప్రచారాన్ని కాంగ్రెస్‌ కార్యకర్తలు తిప్పి కొట్టాలని డీసీసీ అధ్యక్షుడు, ఎమ్మెల్యే వంశీకృష్ణ అన్నారు. మంగళవారం అచ్చంపేటలోని ఓ ఫంక్షన్‌ హాల్‌లో ఓటు బచావో– దేశ్‌ బచావోపై సమావేశం నిర్వహించారు. ఏఐసీసీ పరిశీలకుడు రవీంద్ర దాస్‌, నాగర్‌కర్నూల్‌ పార్లమెంట్‌ సర్‌ ఇన్‌చార్జి సిద్దేశ్వర్‌ ముఖ్య అతిథులుగా హాజరయ్యారు. ఈ సందర్భంగా ఎమ్మెల్యే మాట్లాడుతూ రాష్ట్రంలో వర్షాలు లేక పంటలు ఎండిపోయి రైతులు అనేక ఇబ్బందులు పడుతున్నారని, ఆ స్థితిని గమనించి సీఎం రేవంత్‌రెడ్డి అధికారులను అప్రమత్తం చేస్తూ సమీక్ష చేసి కరువు మండలాలుగా ప్రకటించి వారిని ఆదుకోవాలని చూస్తున్నారన్నారు. రాబోయే ఎమ్మెల్సీ పట్టభద్రుల అభ్యర్థి సామ రామ్మోహన్‌రెడ్డిని అధిక మెజార్టీతో గెలిపించాలని కోరారు.

వివిధ స్థాయిల్లో పింఛన్‌ దరఖాస్తుల పరిశీలన ● అర్హులకు ప్రయోజనం చేకూర్చేలా వేగంగా ప్రక్రియ ● మూడేళ్లుగా కొత్త పింఛన్ల మంజూరుపై కొరవడిన స్పష్టత ● పండుగ ముందు ఆశలు రేపి.. ఆ తర్వాత నిరాశ ● కార్యాలయాల చుట్టూ తిరుగుతున్న దరఖాస్తుదారులు నెరవేరని ఎన్నికల హామీ.. అసెంబ్లీ ఎన్నికల సమయంలో పింఛన్లు రూ.2 వేల నుంచి రూ.4 వేలకు పెంచుతామని కాంగ్రెస్‌ పార్టీ హామీ ఇచ్చింది. ఇతర పింఛన్లు కూడా పెంచుతామని ప్రకటించి అధికారంలోకి వచ్చిన తర్వాత పెంచకపోవడంపై అర్హులు ఆందోళన చెందుతున్నారు. ప్రజాపాలన కార్యక్రమంలోనూ కొత్త పింఛన్ల కోసం దరఖాస్తులు స్వీకరించారు. కొత్త పింఛన్ల కోసం దరఖాస్తు చేసుకున్న లబ్ధిదారులు ప్రభుత్వ కార్యాలయాల చుట్టూ తిరుగుతూ తమ దరఖాస్తుల పరిస్థితి తెలుసుకునే ప్రయత్నం చేస్తున్నారు. కరువు పరిస్థితుల్లో పింఛన్లు మంజూరు కాకపోవడంతో కుటుంబ పోషణ తీవ్ర ఇబ్బందులు పడుతున్నామని ఆవేదన వ్యక్తం చేస్తున్నారు. వృద్ధాప్య పింఛన్లు ఏవి..? రాష్ట్ర ప్రభుత్వం అందించే పింఛన్ల కోసం ఏళ్లుగా ఎదురుచూస్తున్నారు. ఈసారి కొత్త పింఛన్ల మంజూరులో వృద్ధులకు, బీడీ కార్మికులు, ట్రాన్స్‌జెండర్లకు అవకాశం ఇవ్వలేదు. వితంతువులు, ఒంటరి మహిళలు, గీత, చేనేత కార్మికులు, దివ్యాంగులు, ఫైలేరియా, డయాలసిస్‌లకు మాత్రమే కొత్త పింఛన్లలో అవకాశం కల్పించింది. వృద్ధుల విషయానికి వస్తే.. గత ప్రభుత్వం వయోపరిమితిని 60 నుంచి 57 ఏళ్లకు తగ్గించడమే కారణంగా పక్కన పెట్టినట్లు తెలుస్తోంది. దీంతో అర్హత ఉన్న వృద్ధులు సైతం పింఛన్ల మంజూరుపై అసంతృప్తి వ్యక్తం చేస్తున్నారు. 57 ఏళ్లు నిండిన ప్రతి ఒక్కరికి చేయూత పింఛన్లు ఇవ్వాలని డిమాండ్‌ చేస్తున్నారు. అచ్చంపేట: చేయూత పథకం కింద కొత్తగా వచ్చిన దరఖాస్తుల పరిశీలన వేగంగా కొనసాగుతుంది. కొత్త పింఛన్లకు వేలల్లో దరఖాస్తులు వచ్చాయి. అర్హుల ఎంపికకు గ్రామానికో ప్రత్యేక అధికారిని నియమించి పరిశీలన చేస్తున్నారు. జిల్లాలోని 20 మండలాలు, 4 మున్సిపాలిటీల పరిధిలో సెర్ప్‌ ఆధ్వర్యంలో చేపట్టిన ప్రక్రియలో జిల్లావ్యాప్తంగా మొత్తం 14,324 దరఖాస్తులు వచ్చాయి. ఇందులో దరఖాస్తులను ట్యాగింగ్‌ చేసి ప్రాసెస్‌ చేసి.. 12,429 మందిని అర్హులుగా తేల్చారు. క్షేత్రస్థాయిలో అర్హత పరిశీలనతోపాటు ఎంపీడీఓల స్థాయిలో ఆమోద ప్రక్రియ కొనసాగుతోంది. అర్హులైన లబ్ధిదారులకు పథకం ప్రయోజనాలు త్వరగా అందేలా అధికారులు ప్రక్రియను వేగవంతం చేస్తున్నా వేలాది మంది పేదలు కళ్లు కాయలు కాసేలా పింఛన్ల కోసం ఎదురుచూస్తున్నారు. కాంగ్రెస్‌ ప్రభుత్వం అధికారంలోకి వచ్చిన తర్వాత కొత్త పింఛన్లు మంజూరు చేయడంతోపాటు.. ప్రస్తుతం ఇస్తున్న పింఛన్‌ మొత్తాన్ని పెంచుతామని ఇచ్చిన హామీ ఇంకా అమలుకు నోచుకోవడం లేదు. కాంగ్రెస్‌ ప్రభుత్వం అధికారంలోకి వచ్చి మూడేళ్లయినా కొత్త పింఛన్లపై ఎలాంటి స్పష్టత లేకపోవడతో అర్హుల్లో ఆందోళన నెలకొంది. జూన్‌ 2, ఆగస్టు 15, దసరా పండుగ.. ఇలా ఏ పండుగ వచ్చినా కొత్త పింఛన్లు వస్తాయని ఆశగా ఎదురుచూడటం, ఆ తర్వాత నిరాశ చెందడం లబ్ధిదారులకు పరిపాటిగా మారింది. 12 వేలకుపైగా అర్హత.. ప్రభుత్వం చేయూత కొత్త పింఛన్లకు కసరత్తు ముమ్మరం చేసింది. దరఖాస్తులను వడబోసి అర్హులను ఎంపిక చేస్తోంది. వెరిఫికేషన్‌లో అర్హత పొందిన దరఖాస్తుల్లోనూ తుది ఆమోదం కోసం ఎదురుచూస్తున్నాయి. ఎంపీడీఓ స్థాయిలో దరఖాస్తుల పరిశీలన చేస్తున్నా ఇంకా పెండింగ్‌లో చాలా ఉన్నాయి. దరఖాస్తుల పరిశీలన, ఆమోద ప్రక్రియ ఒకవైపు కొనసాగుతున్నప్పటికీ.. అసలు కొత్త పింఛన్ల పంపిణీ ఎప్పటి నుంచి ప్రారంభిస్తారనే దానిపై ప్రభుత్వం నుంచి ఎలాంటి ప్రకటన లేకపోవడంతో లబ్ధిదారుల్లో ఆందోళన వ్యక్తమవుతోంది. అలాగే పింఛన్లలో వృద్ధులకు అవకాశం కల్పించకపోవడంతో ఆవేదన చెందుతున్నారు. జిల్లాలో ప్రస్తుతం 1,04,197 చేయూత పింఛన్లు అందుతుండగా, కొత్తగా వీఓల స్థాయిలో జరిగిన క్షేత్ర పరిశీలనలో 12,429 దరఖాస్తులు అర్హమైనవిగా తేలాయి. మరో 1,895 దరఖాస్తులు అనర్హమైనవిగా గుర్తించారు.

మహబూబ్‌నగర్‌ మున్సిపాలిటీ: ఈసారి దసరా పండుగ సెలవుల కారణంగా ఆర్టీసీకి రూ.కోట్లలో ఆదాయం సమకూరింది. మహబూబ్‌నగర్‌ రీజియన్‌ పరిధిలోని పది డిపోల నుంచి 762 అదనపు బస్సు సర్వీసులను నడిపారు. ముఖ్యంగా ఆయా డిపోల నుంచి హైదరాబాద్‌ రూట్లో ఎక్కువ బస్సులను నడిపించారు. ఈ రూట్లోనే మహబూబ్‌నగర్‌ ఆర్టీసీ రీజియన్‌కు అధిక ఆదాయం వచ్చింది. దసరా పండుగ ప్రయాణికుల రద్దీని దృష్టిలో ఉంచుకుని ఈ నెల 9 నుంచి 26వ తేదీ వరకు మహబూబ్‌నగర్‌ ఆర్టీసీ రీజియన్‌కు రూ.38,17,94,000 ఆదాయం సమకూరింది. ఈ 18 రోజుల్లో 64.29 లక్షల కిలోమీటర్లు బస్సులు తిరిగాయి. మహబూబ్‌నగర్‌ రీజియన్‌ 104 శాతం ఆక్యుపెన్షి రేషియా సాధించింది. గత ఏడాది ఇదే సీజన్‌లో రూ.33,64,90,000 రరాబడి రాగా, ఈసారి రూ.4.60 కోట్లు అదనంగా వచ్చింది. అందరి కృషితో సాధించాం.. దసరా పండుగ రోజుల్లో ప్రయాణికులకు ఎలాంటి ఇబ్బందులు లేకుండా బస్టాండ్లలో అన్ని ఏర్పాటు చేశాం. అన్ని డిపోల డ్రై వర్లు, కండక్టర్లు, సూపర్‌ వైజర్లు, ఇతర ఉద్యోగులు సమష్టి కృషి తో ఆక్యుపెన్సీ రేషియో పెరిగింది. ఆర్టీసీపై ఆదరణ చూపించిన ఉమ్మడి జిల్లాలోని ప్రయాణికులకు ధన్యవాదాలు తెలుపుతున్నాం. – పి.సంతోష్‌కుమార్‌, రీజినల్‌ మేనేజర్‌, మహబూబ్‌నగర్‌ ఆర్టీసీకి దసరా బొనాంజ రీజియన్‌ పరిధిలో భారీగా ఆదాయం 64.29 లక్షల కి.మీ. తిరిగిన 762 ప్రత్యేక బస్సులు గతేడాది కంటే రూ.4.60 కోట్ల అదనపు రాబడి

కందనూలు: జిల్లాకేంద్రంలోని కలెక్టరేట్‌ ఎదుట ఎన్‌హెచ్‌ఎం జేఏసీ ఆధ్వర్యంలో కొనసాగుతున్న నిరవధిక సమ్మె సోమవారం 14వ రోజు చేరుకుంది. ఈ సందర్భంగా కరోనా కిట్లు ధరించి నిరసన తెలిపారు. కోవిడ్‌ మహమ్మారి సమయంలో ప్రాణాలకు తెగించి ప్రజారోగ్య సేవలందించిన ఉద్యోగుల సమస్యలను ప్రభుత్వం వెంటనే పరిష్కరించాలని జేఏసీ నాయకులు డిమాండ్‌ చేశారు. ఈ సందర్భంగా జిల్లా అధ్యక్ష, కార్యదర్శి బాలకృష్ణ, కుమార్‌ మాట్లాడుతూ కరోనా ప్రారంభ దశలో కిట్లు, మాస్కులు, గ్లౌజుల కొరత వంటి ఇబ్బందులు ఎదురైనా ఉద్యోగులు ఇంటింటికి తిరిగి ఫీవర్‌ సర్వే, కరోనా లక్షణాల గుర్తింపు, ఆరోగ్య అవగాహన కార్యక్రమాలు, ఇతర ప్రజారోగ్య సేవలను అంకితభావంతో నిర్వహించారని గుర్తుచేశారు. కోవిడ్‌ సమయంలో ప్రజల ప్రాణాల కోసం పనిచేసిన ఉద్యోగులు ప్రస్తుతం తమ హక్కుల కోసం పోరాడాల్సి రావడం బాధాకరమన్నారు. ఉద్యోగ భద్రత కల్పించాలని, సమాన పనికి సమాన వేతనం అమలు చేయాలని, న్యాయమైన డిమాండ్లను పరిష్కరించాలని కోరారు. ప్రభుత్వం నుంచి స్పష్టమైన హామీ వచ్చే వరకు నిరవధిక సమ్మె కొనసాగుతుందని తేల్చిచెప్పారు. కార్యక్రమంలో జేఏసీ ప్రతినిధులు హైమావతి, రామకృష్ణ, రాజు, మహతి, చంద్రకళ, రజియా పాల్గొన్నారు.

పొట్టదశలో వరిపైరు.. జూరాల ఎడమ కాల్వ పరిధిలో 85 వేలు, కుడి కాల్వ పరిధిలో 30 వేల ఎకరాల్లో వరిసాగు చేశారు. ప్రస్తుతం వరిపైరు పొట్ట దశలో ఉంది. అయితే ఈ నెల 31 నుంచి 4 రోజులపాటు మాత్రమే కాల్వలకు సాగునీటిని వదులుతామని అధికారులు ప్రకటించడంతో ఆయకట్టు రైతులు ఆందోళన చెందుతున్నారు. నవంబర్‌ చివరి నాటికి రెండు తడులైనా అందించాలని వేడుకుంటున్నారు. సకాలంలో వరిపంటకు నీరు అందకపోతే తీవ్ర నష్టం వాటిల్లుతుందని వాపోతున్నారు. ప్రభు త్వం ఆయకట్టు రైతుల బాధను అర్థం చేసుకుని ఈ ఒక్క పంటకై నా పూర్తిస్థాయిలో సాగునీటిని వదలాలని కోరుతున్నారు. అమరచింత ఎత్తిపోతల పరిధిలో సింగంపేటకు చెందిన రైతు విష్ణుమూర్తి 18 ఎకరాలను కౌలుకు తీసుకొని వరిసాగు చేశారు. ఇప్పటికే ఎకరానికి రూ.30 వేలు ఖర్చుపెట్టారు. ప్రస్తుతం వరిపైరు పొట్టదశలో ఉంది. జూరాల ఎడమ కాల్వ ద్వారా అమరచింత ఎత్తిపోతలకు సాగునీరు అందుతుంది. ప్రస్తుతం కాల్వలకు సాగునీటిని నిలిపివేయడంతో సాగు ప్రశ్నార్థకంగా మారిందని రైతు విష్ణుమూర్తి ఆందోళన చెందుతున్నారు. ప్రభుత్వం చొరవ చూపి నవంబర్‌ చివరి వరకు సాగునీరు అందించాలని కోరుతున్నారు. అమరచింత: ప్రియదర్శిని జూరాల ప్రాజెక్టుకు ఎగువ నుంచి వరద పూర్తిగా నిలిచిపోవడంతో ఆయకట్టు రైతుల పరిస్థితి దయనీయంగా మారింది. ప్రస్తుతం జూరాలలో 2.862 టీఎంసీల నీరు మాత్రమే నిల్వ ఉండటంతో ఆయకట్టు సాగు ప్రశ్నార్థకంగా మారుతోంది. రానున్న గడ్డుకాలాన్ని దృష్టిలో ఉంచుకుని ఇక తాగునీటి అవసరాలకే జలాశయంలోని నీటిని నిల్వ ఉంచుకోవాలని ప్రభుత్వం ప్రకటించడంతో అధికారులు జూరాల కుడి, ఎడమ కాల్వలకు శనివారం సాగునీటిని నిలిపివేశారు. ఎగువ నుంచి వరదలు వస్తేనే నవంబర్‌ వరకు సాగునీటిని విడుదలచేసే అవకాశాలు ఉన్నాయని.. వరద రాకపోతే ఈ నెలాఖరులో 4 రోజులపాటు కాల్వలకు సాగునీటిని అందించి, ఆ తర్వాత పూర్తిస్థాయిలో నిలిపివేయనున్నట్లు పీజేపీ సీఈ రహీముద్దీన్‌ వెల్లడించారు. అయితే ప్రస్తుతం వరిపైరు పొట్టదశలో ఉందని.. నవంబర్‌ వరకు సాగునీరు అందిస్తేనే పంట చేతికొస్తుందని ఆయకట్టు రైతులు ఆందోళన చెందుతున్నారు. సాగునీరు లేక బోసిపోయిన జూరాల ప్రధాన ఎడమ కాల్వ జూరాలకు పూర్తిగా నిలిచిన వరద ప్రాజెక్టులో కేవలం 2.862 టీఎంసీలు మాత్రమే నిల్వ ఈనెల 31 నుంచి 4 రోజులు మాత్రమే చివరి తడి అందిస్తామని అధికారుల ప్రకటన ఆందోళనలో ఆయకట్టు రైతులు నవంబర్‌ వరకు సాగునీరు అందించాలని వేడుకోలు కుడి, ఎడమ కాల్వ పరిధిలో 1.15లక్షల ఎకరాల్లో వరిసాగు

కందనూలు: ఆదికవి, మహార్షి వాల్మీకి ఆశయాలను ఆదర్శంగా తీసుకుని ప్రతిఒక్కరూ ఉన్నతమైన విలువలతో జీవించాలని అదనపు కలెక్టర్లు చెన్నయ్య, దేవసహాయం అన్నారు. కలెక్టరేట్‌లో బీసీ సంక్షేమ శాఖ ఆధ్వర్యంలో సోమవారం వాల్మీకి జయంతి ఉత్సవాలను ఘనంగా నిర్వహించారు. ఈ కార్యక్రమానికి ముఖ్య అతిథులుగా అదనపు కలెక్టర్లు హాజరై వాల్మీకి చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా వారు మాట్లాడుతూ వాల్మీకి రచించిన రామాయణం భారతీయ సంస్కృతి, సంప్రదాయాలకు ప్రతీకగా నిలుస్తోందని అభిప్రాయపడ్డారు. రామాయణంలోని ఆదర్శాలు, ధర్మబద్ధమైన జీవన విధానం, నైతిక విలువలు నేటి సమాజానికి ఎంతో స్ఫూర్తిదాయకం అన్నారు. కార్యక్రమంలో డీఆర్‌ఓ పాండు, బీసీ సంక్షేమ శాఖ సహాయ అధికారి శ్రీరాములు, డిప్యూటీ సీఈఓ గోపాల్‌నాయక్‌, జిల్లా అధికారులు ఉమాపతి, కోటయ్య, సీతారాం తదితరులు పాల్గొన్నారు.

అమరచింత ఎత్తిపోతల ద్వారా ఆయకట్టుకు వస్తున్న సాగునీటిపై ఆధారపడి 4 ఎకరాల్లో వరిసా గు చేస్తున్నా. మొదట్లో సాగునీరు వస్తుందో.. రాదో అన్న సందేహాలతో కాస్త ఆలస్యంగా వరిసాగు చేశా. ఎకరం సాగుకు ఇప్పటికే రూ. 25వేల వరకు ఖర్చు పెట్టాను. నీటి సరఫరా నిలిచిపోతే పంట ఎండిపోవడం ఖాయం. – కిరణ్‌కుమార్‌రెడ్డి, రైతు, అమరచింత ఇక చివరి తడి మాత్రమే.. ప్రభుత్వ ఆదేశాల మేరకు జూరాల ఆయకట్టుకు సాగునీటిని విడుదల చేస్తున్నాం. ఎగువ నుంచి వరద రాకపోవడంతో నిల్వ ఉన్న నీటితో ఇప్పటి వరకు సాగునీటిని వారాబందీ ద్వారా అందించాం. ప్రస్తుతం ప్రాజెక్టులో రెండున్నర టీఎంసీల నీరు మాత్రమే నిల్వ ఉంది. ఈ నెలాఖరు నుంచి 4 రోజుల పాటు మాత్రమే చివరి తడిగా కాల్వలకు సాగునీరు అందిస్తాం. – చంద్రశేఖర్‌, ఎస్‌ఈ ●

కందనూలు: జిల్లాలోని ఏదుల నుంచి డిండి ప్రాజెక్టుకు నీరు తరలిస్తే అడ్డుకొని తీరుతామని బీజేపీ సీనియర్‌ నేత నాగురావు నామాజీ అన్నారు. సోమవారం జిల్లాకేంద్రంలోని బీజేపీ జిల్లా కార్యాలయంలో అధ్యక్షుడు నరేందర్‌రావు అధ్యక్షతన ఏర్పాటు చేసిన విలేకరుల ఆయన మాట్లాడారు. పాలమూరు– రంగారెడ్డి ప్రాజెక్టు నుంచి నల్లగొండకు నీరు తరలిస్తే ఉమ్మడి పాలమూరు ప్రజలు మళ్లీ బొంబాయికి వలస వెళ్లే పరిస్థితి వస్తుందన్నారు. ప్రత్యేక తెలంగాణ రాష్ట్రంలో అధికారం చేపట్టిన కాంగ్రెస్‌, బీఆర్‌ఎస్‌ పార్టీలు పాలమూరు ప్రజల నోట్లో మట్టికొట్టి ఆంధ్రకు నీళ్లను ధారాదత్తం చేస్తున్నాయని విమర్శించారు. ప్రస్తుత కాంగ్రెస్‌ ప్రభుత్వం కపట నాటకాలతో పాలమూరుకు అన్యాయం చేస్తే చూస్తూ ఊరుకునే ప్రసక్తే లేదని, ఉమ్మడి జిల్లా నుంచి పెద్దఎత్తున బీజేపీ ఉద్యమిస్తుందని హెచ్చరించారు. బీసీ కమిషన్‌ మాజీ సభ్యుడు ఆచారి మాట్లాడుతూ జిల్లాలో 20 ఏళ్లనుంచి కల్వకుర్తి ప్రజలు సాగునీటి కోసం ఎదురుచూస్తుంటే.. కాంగ్రెస్‌ ప్రభుత్వం ఏకంగా నల్లగొండకు నీళ్లు ఇస్తానంటుంది.. మరి కల్వకుర్తి ప్రజల పరిస్థితి ఏం కావాలని ప్రశ్నించారు. పాలమూరు– రంగారెడ్డి పరిరక్షణ కమిటీని ఏర్పాటు చేశామని, ఈ కమిటికి చైర్మన్‌గా ఎల్లేని సుధాకర్‌రావు, కన్వీనర్‌గా మాజీ ఎమ్మెల్యే గువ్వల బాలరాజు నేతృత్వం వహిస్తారని చెప్పారు. త్వరలోనే కార్యాచరణ ప్రకటించి.. ఉద్యమిస్తామని తేల్చిచెప్పారు. అనంతరం ప్రధాని నరేంద్రమోదీపై జాతీయ కాంగ్రెస్‌ అధ్యక్షుడు మల్లిఖార్జున ఖర్గే చేసిన వ్యాఖ్యలను నిరసిస్తూ కొల్లాపూర్‌ చౌరాస్తాలో ఖర్గే దిష్టిబొమ్మను దహనం చేశారు. సమావేశంలో మాజీ ఎమ్మెల్యే గువ్వల బాలరాజు, నాయకులు దిలీపాచారి, నరేష్‌చారి, ఎల్లేని సుధాకర్‌రావు, వీరభద్రచారి, నాగేంద్రంగౌడ్‌ తదితరులు పాల్గొన్నారు.

కందనూలు: ప్రజల సమస్యలను సత్వరమే పరిష్కరించాలని కలెక్టర్‌ హేమంత కేశవ్‌ పాటిల్‌ అన్నారు. సోమవారం కలెక్టరేట్‌లోని వీసీ హాల్‌లో నిర్వహించిన ప్రజావాణిలో ప్రజల నుంచి వివిధ సమస్యలకు సంబంధించిన 33 ఫిర్యాదులను అదనపు కలెక్టర్లు చెన్నయ్య, దేవసహాయం, డీఆర్‌ఓ పాండుతో కలిసి కలెక్టర్‌ స్వీకరించారు. ప్రజల నుంచి వచ్చిన ఫిర్యాదుల పరిష్కారానికి అధికారులు చర్యలు తీసుకోవాలని ఆదేశించారు. కలెక్టరేట్‌ ఏఓ చంద్రశేఖర్‌ పాల్గొన్నారు. పోలీస్‌ గ్రీవెన్స్‌కు 6 వినతులు కందనూలు: ప్రజలు నిర్భంయంగా మూడో వ్యక్తి ప్రమేయం లేకుండా నేరుగా తమ సమస్యలపై పోలీసులకు ఫిర్యాదు చేయాలని సీసీఐ సీఐ శంకర్‌ అన్నారు. సోమవారం ఎస్పీ కార్యాలయంలో నిర్వహించిన గ్రీవెన్స్‌ సెల్‌లో బాధితుల నుంచి 6 ఫిర్యాదులు స్వీకరించారు. ఇందులో 4 భూ వివాదాలకు సంబంధించినవి, 2 తగు న్యాయం చేయాలని ఫిర్యాదు వచ్చినట్లు చెప్పారు. ఆయా ఫిర్యాదుల పరిష్కారం కోసం సంబంధిత స్టేషన్లకు పంపినట్లు వివరించారు. చట్టాలపై అవగాహన పెంచుకోవాలి కందనూలు: విద్యార్థులు పాఠశాల స్థాయిలోనే చట్టాలపై అవగాహన పెంచుకోవాలని జిల్లా న్యాయ సేవాధికార సంస్థ కార్యదర్శి నిహారిక అన్నారు. సోమవారం జిల్లాకేంద్రంలోని జిల్లా పరిషత్‌ బాలికల ఉన్నత పాఠశాలలో సురక్షిత్‌ బచ్‌పన్‌ అభియాన్‌ ఏపాన్‌ ఇండియా స్కూల్‌ అవేర్నెస్‌ క్యాంపెయిన్‌పై విద్యార్థులకు న్యాయ విజ్ఞాన సదస్సు నిర్వహించారుఆమె మాట్లాడుతూ సురక్షిత్‌ బచ్‌పన్‌ అభియాన్‌ అనేది దేశంలో పిల్లల రక్షణ, హక్కులు, వారి భద్రతను పెంపొందించడం కోసం ఉద్దేశించినదన్నారు. దేశవ్యాప్తంగా పిల్లల అక్రమ రవాణా, బాల కార్మిక వ్యవస్థను అరికట్టడం, చిన్న పిల్లలపై లైంగిక దాడులు, వేధింపులను అడ్డుకోవడం, పోక్సో చట్టంపై పాఠశాల స్థాయిలో విద్యార్థులకు అవగాహన కల్పించాలన్నారు. విద్యార్థులకు ఎలాంటి ఇబ్బందులు కలిగినా చైల్డ్‌ హెల్ప్‌ లైన్‌ 1098 నంబర్‌ను అత్యవసర రక్షణ కోసం ఉపయోగించుకోవాన్నారు. విద్యార్థి దశ అనేది భవిష్యత్‌కు బంగారు బాట వంటిది కాబట్టి విద్యార్థులు అందరూ జీవితంలో గొప్ప లక్ష్యాన్ని నిర్దేశించుకొని చదువుకోవాలని సూచించారు. డిస్ట్రిక్ట్‌ చైల్డ్‌ ప్రొటెక్షన్‌ అధికారి శ్రీశైలం, హెచ్‌ఎం భాస్కర్‌రెడ్డి, ఉపాధ్యాయులు, విద్యార్థులు పాల్గొన్నారు.

కొల్లాపూర్‌ మండలం నార్లాపూర్‌ సమీపంలోని కేఎల్‌ఐ డీ–5 కాల్వకు గండి పడి సాగు నీరు వృథాగా పారుతోంది. నాలుగు రోజులుగా కాల్వ నీరు వృథాగా పోతున్న విషయం అధికారులకు చెప్పినా గండికి మరమ్మతు చేయడం లేదని రైతులు ఆగ్రహం వ్యక్తం చేస్తున్నారు. అసలే ఎల్‌నినో ప్రభావంతో వర్షాలు కురవలేదని, సాగునీటిని పొదుపుగా వాడుకోవాలని, ఆరుతడి పంటలే సాగు చేయాలని చెప్పే అధికారులకు కాల్వ నీరు వృథాగా పారుతున్నా పట్టదా అని ప్రశ్నిస్తున్నారు. తక్షణమే కాల్వ గండికి మరమ్మతు చేపట్టి సాగునీటి వృథాను అరికట్టాలని సూచిస్తున్నారు. – కొల్లాపూర్‌ రూరల్‌

కందనూలు: బీజేపీ ప్రభుత్వం చేపడుతున్న సర్‌ ప్రక్రియ తప్పుల తడకగా ఉందని ఓటు బచావో.. దేశ్‌ బచావో పేరుతో నవంబర్‌ 1న ఢిల్లీలో పెద్దఎత్తున ఆందోళనలు నిర్వహిస్తున్న ట్లు ఏఐసీసీ పరిశీలకులు రవీంద్రదాస్‌ పిలుపునిచ్చారు. ఆదివారం డీసీసీ అధ్యక్షుడు, ఎమ్మె ల్యే వంశీకృష్ణ అధ్యక్షతన జిల్లాకేంద్రంలోని ఓ ఫంక్షన్‌ హాల్‌లో ఏర్పాటు చేసిన విలేకరుల సమావేశంలో ఆయన మాట్లాడారు. రాహుల్‌గాంధీ నాయకత్వంలో ఓటు చోరీకి వ్యతిరేకంగా ప్రజాస్వామ్యాన్ని కాపాడాలని దేశవ్యాప్తంగా పలు కార్యక్రమాలు నిర్వహిస్తున్నారన్నారు. ఎన్నికల కమిషనర్‌ జ్ఞానేష్‌కుమార్‌ను తొలగించాలని డిమాండ్‌ చేస్తున్నట్లు తెలిపారు. ఢిల్లీ నుంచి గ్రామస్థాయి వరకు ప్రతి కార్యకర్త కార్యక్రమంలో పాల్గొనాలని పిలుపునిచ్చారు. కార్యక్రమంలో ఎమ్మెల్యేలు రాజేశ్‌రెడ్డి, కసిరెడ్డి నారాయణరెడ్డి, ఎస్‌ఐఆర్‌ ఇన్‌చార్జిలు సిద్దేశ్వర్‌, శ్రీకాంత్‌ తదితరులు పాల్గొన్నారు. నేడు ఆర్టీసీ విశ్రాంత ఉద్యోగుల ఫోరం సమావేశం మహబూబ్‌నగర్‌ మున్సిపాలిటీ: ఆర్టీసీ విశ్రాంత ఉద్యోగుల ఫోరం విస్తృతస్థాయి సమావేశం ఈనెల 26న మెట్టుగడ్డలోని సీనియర్‌ సిటిజన్స్‌ ఫోరం కార్యాలయంలో నిర్వహించనున్నట్లు ‘ఫోరం’ అధ్యక్ష, కార్యదర్శులు రాజసింహుడు, రవీందర్‌రెడ్డి సంయుక్త ప్రకటనలో తెలిపారు. ఉదయం 10:30గంటలకు ప్రారంభమయ్యే ఈ సమావేశానికి ‘ఫోరం’ రాష్ట్ర ప్రధాన కార్యదర్శి నాగేశ్వరరావు, కోశాధికారి సయ్యద్‌ ఫరీద్‌ ముఖ్య అతిథులుగా హాజరవుతారన్నారు. ఆర్టీసీ విశ్రాంత ఉద్యోగులు అధిక సంఖ్యలో పాల్గొనాలని విజ్ఞప్తి చేశారు. ‘నో పెన్షన్‌ సర్టిఫికెట్‌’ ఆర్టీసీ విశ్రాంత ఉద్యోగులకు పెన్షన్‌ లేనందున ‘నో పెన్షన్‌ సర్టిఫికెట్‌’ ఇచ్చేందుకు యాజమాన్యం అంగీకరించిందని ఆర్టీసీ విశ్రాంత ఉద్యోగుల ఫోరం అధ్యక్షుడు ఎ.రాజసింహుడు తెలిపారు. ఈ మేరకు సంస్థ ఎండీ నాగిరెడ్డి ఈనెల 8న జి.సి.1/255 (80) 2026–పీఓ (టీ అండ్‌ డబ్ల్యూ) ద్వారా ఉత్తర్వులు జారీ చేశారని పేర్కొన్నారు. అర్హులైన విశ్రాంత ఉద్యోగులు ప్రభుత్వ సంక్షేమ పథకాల కోసం దరఖాస్తు చేసుకోవడానికి సంబంధిత డీఎంను సంప్రది స్తే ఈ సర్టిఫికెట్‌ ఇస్తారన్నారు. ఈ అవకాశాన్ని అందరూ సద్వినియోగం చేసుకోవాలన్నారు. రుణమాఫీ చేయాలి స్టేషన్‌ మహబూబ్‌నగర్‌: రాష్ట్రంలో ప్రస్తుతం ఎల్‌నినో ప్రభావంతో తీవ్ర వర్షాభావ పరిస్థితులు నెలకొన్న నేపథ్యంలో ప్రభుత్వం వెంటనే రైతులను ఆదుకొని వారి పంట రుణాలను మాఫీ చేయాలని పాలమూరు రెడ్డిసేవా సమితి ఉమ్మడి జిల్లా అధ్యక్షుడు ఇంద్రసేనారెడ్డి పేర్కొన్నారు. స్థానిక రాజా బహదూర్‌రెడ్డి కన్వెన్షన్‌లో ఆదివారం పాలమూరు రెడ్డిసేవా సమితి ఉమ్మడి జిల్లా కార్యవర్గ సమావేశం నిర్వహించారు. ఆయన మాట్లాడుతూ.. పంటలు నష్టపోయిన రైతులకు నష్టపరిహారం అందించాలని కోరారు.

● 13 రోజులుగా కలెక్టరేట్‌ ఎదుట నిరసన ● పల్లె దవాఖానాలు, పీహెచ్‌సీల్లో నిలిచిన వైద్యసేవలు ● ప్రత్యామ్నాయ ఏర్పాట్లు చేయని జిల్లా వైద్య, ఆరోగ్యశాఖ జిల్లాకేంద్రంలోని ప్రభుత్వ ఆస్పత్రిలో చిన్నారులకు టీకా వేయిద్దామని వస్తే ఇక్కడ ఉన్న ఏఎన్‌ఎంలు మీ ఊరిలోనే వేయించుకోండి అని చెబుతున్నారు. మా ఊరిలో సమ్మె కారణంగా పల్లె దవాఖానాలు మూసి ఉన్నాయి. ఇప్పుడు ఎక్కడికి వెళ్లాలి. జిల్లా వైద్యాధికారి ప్రజలకు ఇబ్బందులు కలగకుండా ప్రత్యామ్నాయ ఏర్పాట్లు చేయాలి. – మంజుల, వట్టెం గ్రామం, బిజినేపల్లి మండలం ఎన్‌హెచ్‌ఎం ఉద్యోగుల సమ్మె కారణంగా గ్రామీణ ప్రాంతాల్లో ఉండే ప్రజలకు ఇబ్బందులు కలుగుతాయి. గ్రామాల్లోని పల్లె దవాఖానాలు మేం ఎలా తెరిపిస్తాం. ఎన్‌హెచ్‌ఎం ఉద్యోగుల సమ్మె నా పరిధిలో లేదు. వారి సమస్యల పరిష్కారం అనేది ప్రభుత్వ నిర్ణయంపై ఆధారపడి ఉంటుంది. – కృష్ణ, డీఎంహెచ్‌ఓ జిల్లాలో ప్రజలకు సేవలు అందిస్తున్న మమ్మల్ని ప్రభుత్వం ఇప్పటి వరకు గుర్తించకపోవడం బాధాకరం. ఉద్యోగులతో పని ఎక్కువ చేయిస్తూ.. జీతం మాత్రం పనికి తగినట్లుగా చెల్లించడం లేదు. పెరిగిన ధరలతో మాకు వచ్చే జీతం ఏమాత్రం సరిపోవడం లేదు. వెంటనే ప్రభుత్వం స్పందించి మాకు న్యాయం చేయాలి. – కుమార్‌, జిల్లా ప్రధాన కార్యదర్శి, ఎన్‌హెచ్‌ఎం జేఏసీ ఎన్‌హెచ్‌ఎం ఉద్యోగులను రెగ్యులరైజ్‌ చేసి ఉద్యోగ భద్రత కల్పించాలి. సమానపనికి సమాన వేతనం చెల్లించాలి. కొన్నేళ్లుగా చాలీచాలని వేతనాలతో నెట్టుకొస్తున్నాం. ఏళ్లతరబడిగా వేతనాలు పెరగడం లేదు. తమ సమస్యల పరిష్కారం కోసం 13 రోజులుగా సమ్మె చేస్తున్నా ప్రభుత్వం పట్టించుకోకపోవడం దారుణం. – బాలకృష్ణ, జిల్లా అధ్యక్షుడు, ఎన్‌హెచ్‌ఎం జేఏసీ కందనూలు: తమ సమస్యలు పరిష్కరించాలని డిమాండ్‌ చేస్తూ జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు ఆందోళన బాటపట్టారు. జిల్లావ్యాప్తంగా ఎన్‌హెచ్‌ఎం ఉద్యోగులు విధులకు దూరంగా ఉండి తమ డిమాండ్ల సాధన కోసం 13 రోజులుగా నిరసన కొనసాగిస్తున్నారు. నిరవధిక సమ్మె కారణంగా గ్రామీణ ప్రాంతాల్లో వైద్య సేవలు అందకపోవడంతో ప్రజలు పట్టణాలకు వెళ్లాల్సిన పరిస్థితులు నెలకొన్నాయి. జిల్లాలో ప్రజలకు వైద్య సేవలు అందించడంలో జాతీయ ఆరోగ్య మిషన్‌ ఉద్యోగులు కీలక పాత్ర పోషిస్తున్నారు. గ్రామీణ ప్రాంతాల్లో ఆరోగ్య సేవలు, ప్రజలకు వైద్య అవగాహన కల్పించడం, వివిధ ఆరోగ్య కార్యక్రమాల అమలులో వీరు సేవలందిస్తున్నారు. అలాంటి ఉద్యోగులు తమ సమస్యలు పరిష్కారం కాకపోవడంతో ఆందోళన బాట పట్టడం చర్చనీయాంశంగా మారింది. 480 మంది ఉద్యోగులు.. జిల్లాలో 28 ప్రాథమిక ఆరోగ్య కేంద్రాలు, 178 ఆరోగ్య ఉపకేంద్రాలు ఉండగా.. వీటి పరిధిలో 480 మంది ఎన్‌హెచ్‌ఎం ఉద్యోగులు మూడు డిపార్టుమెంట్లు మెడికల్‌ ఎడ్యుకేషన్‌, వైద్య విధాన పరిషత్‌, డైరెక్టర్‌ ఆఫ్‌ పబ్లిక్‌ హెల్త్‌ విభాగాల్లో 78 కేడర్లలో కాంట్రాక్టు పద్ధతిలో పనిచేస్తున్నారు. అయితే తమను రెగ్యులర్‌ చేయాలని, సమాన పనికి సమాన వేతనం ఇవ్వాలనే డిమాండ్‌తో ఈ నెల 13 నుంచి నిరవధిక సమ్మెలోకి వెళ్లారు. జిల్లాకేంద్రంలోని కలెక్టరేట్‌ ప్రధాన గేటు ముందు ప్రతిరోజు నిరసనలు చేపడుతున్నారు. వీరికి బీఆర్‌ఎస్‌, వాపక్షాల నాయకులు మద్దతు ప్రకటించారు. తప్పని ఇబ్బందులు.. గ్రామీణ ప్రజలకు వైద్య సేవలు అందించే ఎన్‌హెచ్‌ఎం ఉద్యోగుల సమ్మెతో పల్లె దవాఖానాలు మూతబడ్డాయి. వైద్య సిబ్బంది విధులకు హాజరుకాకపోవడంతో తెరుచుకునే పరిస్థితి లేదు. సాధారణంగా పీహెచ్‌సీలు, పల్లె దవాఖానాలు ఉదయం 9 నుంచి సాయంత్రం 4 గంటల వరకు వైద్య సేవలు అందించాలి. సబ్‌ సెంటర్లలోనూ ఏఎన్‌ఎం ద్వారా ఆరోగ్య సేవలు అందుతాయి. పల్లె దవాఖానాల్లో పనిచేసే వైద్యులు, సహాయక సిబ్బంది పూర్తిస్థాయిలో జాతీయ ఆరోగ్య మిషన్‌కు చెందినవారు కావడంతో సమ్మె కారణంగా వారు విధులకు రావడం లేదు. రెగ్యులర్‌ ఏఎన్‌ఎం లేని పల్లె దవాఖానాలకు తాళాలు పడ్డాయి. ● ప్రతి బుధవారం, శనివారం చిన్నారులకు టీకాలు అందించాల్సి ఉండగా సమ్మె కారణంగా టీకాల కార్యక్రమం నిలిచిపోయింది. అలాగే గర్భిణులకు చెకప్‌, సీజనల్‌ వ్యాధుల నిర్మూలన, ఫ్రైడే డ్రైడే, యువిన్‌ పోర్టల్‌లో నమోదు ప్రక్రియ నిలిచిపోవడంతోపాటు ప్రతి వారం బీపీ, షుగర్‌ వ్యాధిగ్రస్తులకు మందుల పంపిణీలో కూడా సమస్యలు ఎదురవుతున్నాయి. ప్రత్యామ్నాయ ఏర్పాట్లు ఎక్కడ.. జిల్లాలో ఎన్‌హెచ్‌ఎం ఉద్యోగుల నిరవధిక సమ్మె చేపట్టగా జిల్లా వైద్య, ఆరోగ్యశాఖ ఎక్కడా కూడా ప్రత్యామ్నాయ ఏర్పాట్లు చేయకపోవడం గమనార్హం. చిన్నపిల్లలకు టీకాలు, ముసలివారు బీపీ, షుగర్‌, ఇతర వైద్యం కోసం వ్యయప్రయాసాలతో ప్రైవేటు ఆస్పత్రులను ఆశ్రయిస్తున్నారు. జిల్లాలో ప్రజలకు ఇబ్బందులు కలగకుండా చూడాల్సిన వైద్య, ఆరోగ్యశాఖ నిమ్మకు నీరెత్తినట్లు వ్యవహరిస్తుందని పలువురు రోగులు ఆరోపిస్తున్నారు.

నాగర్‌కర్నూల్‌: జిల్లాలో 2026– 27 ఖరీఫ్‌ సీజన్‌కు సంబంధించి వరి ధాన్యం కొనుగోళ్లను ప్రొక్యూర్‌మెంట్‌ సెంటర్‌ సెల్ఫ్‌ అసెస్‌మెంట్‌ పోర్టల్‌ ద్వారానే నిర్వహించాలని అదనపు కలెక్టర్‌ చెన్నయ్య అన్నారు. శనివారం కలెక్టరేట్‌లోని వీసీ హాల్‌లో నిర్వహించిన సమావేశంలో ఆయన మాట్లాడారు. జిల్లాలో 183 కొనుగోలు కేంద్రాలను ఏర్పాటు చేయాలన్నారు. కేంద్రాలకు ధాన్యం తీసుకొచ్చే రైతులు ఎక్కువ సమయం వేచి ఉండకుండా తగిన ఏర్పాట్లు చేయాలన్నారు. రైతులు ధాన్యాన్ని బాగా ఆరబెట్టి, చెత్త, తాలు, మట్టి, రాళ్లు లేకుండా శుభ్రపరిచి తీసుకురావాలని సూచించారు. ధాన్యంలో తేమ శాతం ప్రభుత్వ నిబంధనలకు అనుగుణంగా ఉండేలా చూసుకోవాలన్నారు. కొనుగోలు కేంద్రాల్లో తూకం, తేమ కొలిచే యంత్రాలు, టార్పాలిన్లు, తాగునీరు సహా అవసరమైన మౌలిక సదుపాయాలు కల్పించాలని ఆదేశించారు. ప్రతి కొనుగోలు కేంద్రాన్ని జియో ట్యాగింగ్‌ చేసి, కేంద్రాల వివరాలు, మౌలిక సదుపాయాల ఫొటోలు, ఆధారాలను పోర్టల్‌లో నమోదు చేయాలన్నారు. ధాన్యం రవాణా, నిల్వకు అవసరమైన గిడ్డంగి సౌకర్యాలను ముందుగానే సిద్ధం చేయాలని, వాహనాల కదలికలను నిరంతరం పర్యవేక్షించాలని చెప్పారు. కొనుగోలులో పారదర్శకత పాటిస్తూ, రైతులకు కనీస మద్దతు ధర సకాలంలో అందేలా చూడాలని ఆదేశించారు. కాగా గ్రేడ్‌–ఏ రకం ధాన్యం క్వింటాకు రూ.2,461 కనీస మద్దతు ధరగా ప్రకటించిందన్నారు. అలాగే ప్రభుత్వం గుర్తించిన ఏడు సన్న రకాల ధాన్యానికి క్వింటాకు రూ.500 అదనపు బోనస్‌ అందిస్తుందని పేర్కొన్నారు.

కొల్లాపూర్‌/ పెద్దకొత్తపల్లి/ కోడేరు: పంటల సాగు కోసం రైతులకు నిరంతరం విద్యుత్‌ సరఫరా చేయాలని బీజేపీ నియోజకవర్గ ఇన్‌చార్జి ఎల్లేని సుధాకర్‌రావు అన్నారు. శనివారం కొల్లాపూర్‌, పెద్దకొత్తపల్లిలోని సబ్‌స్టేషన్ల ముందు బీజేపీ ఆధ్వర్యంలో చేపట్టిన ధర్నాల్లో ఆయన పాల్గొని మాట్లాడారు. మంత్రి జూపల్లి కృష్ణారావు ప్రాతినిధ్యం వహిస్తున్న కొల్లాపూర్‌ నియోజకవర్గంలో విద్యుత్‌ సరఫరా సక్రమంగా లేక రైతుల పంటలు ఎండిపోయే దశకు చేరాయని ఆరోపించారు. రైతుల కరెంట్‌ కోసం నేను జైలుకు వెళ్లానని గొప్పలు చెప్పుకొనే మంత్రి జూపల్లి ఇప్పుడు ఏం సమాధానం చెబుతారని ప్రశ్నించారు. వెంటనే విద్యుత్‌ శాఖ అధికారులతో సమీక్ష నిర్వహించి, రైతుల అవసరాల మేరకు విద్యుత్‌ సరఫరా చేపట్టాలని డిమాండ్‌ చేశారు. ఇప్పటికే రైతులు సాగుచేసిన వరి, మినుము, వేరుశనగ పంటలను కాపాడేందుకు నానా అవస్థలు పడుతున్నారన్నారు. దీనికితోడు లో ఓల్టేజీ సమస్యతో మోటార్లు, ట్రాన్స్‌ఫార్మర్లు కాలిపోయి రైతులపై అదనపు భారం పడుతుందని వాపోయారు. ఇప్పటికై నా మంత్రి జూపల్లి స్పందించి వ్యవసాయానికి మెరుగైన విద్యుత్‌ సరఫరా చేసేలా చర్యలు తీసుకోవాలని, లేనిపక్షంలో రైతులతో కలిసి పెద్దఎత్తున ఆందోళనలు చేపడుతామని హెచ్చరించారు. నాయకులు శ్రీనివాస్‌యాదవ్‌, శేఖర్‌గౌడ్‌, రమేష్‌, పరమేష్‌, భరత్‌చంద్ర, పరశురాం, తిరుమల్‌, మల్లేష్‌, నాగరాజు, లింగన్‌గౌడ్‌, తిర్మల్‌యాదవ్‌, యాదయ్య, రైతులు పాల్గొన్నారు.

కందనూలు: రోడ్డు ప్రమాదాల్లో గాయపడిన బాధితులకు సత్వర వైద్యసేవలు అందించడంతోపాటు వారికి ఆర్థిక భారం లేకుండా మెరుగైన చికిత్స అందించేందుకు కేంద్ర ప్రభుత్వం అమలు చేస్తున్న పీఎం రాహత్‌ పథకం కింద అర్హత కలిగిన ఆస్పత్రుల నమోదును వేగవంతం చేయాలని, ప్రజలకు ఈ పథకంపై అవగాహన కల్పించాలని కలెక్టర్‌ హేమంత కేశవ్‌ పాటిల్‌ అన్నారు. శనివారం హైదరాబాద్‌ నుంచి రాష్ట్ర ప్రభుత్వ ప్రధాన కార్యదర్శి సంజయ్‌జాజు కలెక్టర్లు, ఎస్పీలు, సంబంధిత శాఖల అధికారులతో వీసీ నిర్వహించి పీఎం రాహత్‌ పథకం అమలు, విధివిధానాలను వివరించారు. వీసీ అనంతరం కలెక్టర్‌ సంబంధిత శాఖల అధికారులతో సమీక్షా సమావేశం నిర్వహించి మాట్లాడారు. రోడ్డు ప్రమాదం జరిగిన వెంటనే బాధితులకు అత్యవసర వైద్యసహాయం అందించడం అత్యంత ముఖ్యం అన్నారు. ప్రమాద బాధితులకు సకాలంలో చికిత్స అందేలా వైద్య, ఆరోగ్యశాఖ, పోలీసు, ఆర్‌అండ్‌బీ శాఖల అధికారులు సమన్వయంతో పనిచేయాలని సూచించారు. జిల్లాలో పీఎం రాహత్‌ పథకం కింద వైద్యసేవలు అందించేందుకు 40 ఆస్పత్రులను గుర్తించి, వాటికి అవసరమైన అనుమతులు కల్పించేలా చర్యలు తీసుకోవాలని చెప్పారు. అనుమతి పొందిన ఆస్పత్రులు నేషనల్‌ ఇన్ఫర్మేటిక్స్‌ సెంటర్‌ ద్వారా ఆన్‌లైన్‌లో నమోదు చేసుకునేలా అధికారులు చర్యలు చేపట్టాలన్నారు. పథకం అమలు విధివిధానాలను ఆస్పత్రుల యాజమాన్యాలకు వివరించి, అవసరమైన ప్రక్రియలను త్వరితగతిన పూర్తి చేయాలని ఆదేశించారు. పీఎం రాహత్‌ పథకం నిబంధనల ప్రకారం అర్హులైన రోడ్డు ప్రమాద బాధితులకు గరిష్టంగా రూ.1.50 లక్షల వరకు నగదు రహిత చికిత్స అందించే అవకాశం ఉందన్నారు. ఈ పథకం ద్వారా అందించే వైద్యసేవలపై ప్రజలకు విస్తృతంగా అవగాహన కల్పించాలని సూచించారు. 24 గంటల్లో ఎఫ్‌ఐఆర్‌ నమోదయ్యేలా పోలీస్‌ శాఖ చర్యలు తీసుకుంటుందని వివరించారు. రోడ్డు ప్రమాదాలు ఎక్కువగా జరిగే ప్రాంతాల్లో ప్రజలకు అవగాహన కార్యక్రమాలు నిర్వహించాలని ఆదేశించారు. సమావేశంలో ఏఎస్పీ వెంకటేశ్వర్లు, డీఎంహెచ్‌ఓ కృష్ణ, ఆర్‌అండ్‌బీ ఈఈ శ్రీధర్‌ తదితరులు పాల్గొన్నారు.

కందనూలు: ఎన్‌హెచ్‌ఎం ఉద్యోగుల సమ్మె పట్ల ప్రభుత్వం నిర్లక్ష్యం వీడి.. ఉద్యోగుల న్యాయ సమ్మతమైన సమస్యలు పరిష్కరించి వారి ఉద్యోగాలను పర్మనెంట్‌ చేయాలని ఐద్వా జిల్లా కార్యదర్శి కందికొండ గీత అన్నారు. జిల్లాకేంద్రంలోని కలెక్టరేట్‌ ఎదుట ఎన్‌హెచ్‌ఎం వైద్య సిబ్బంది తమ ఉద్యోగాలను పర్మినెంట్‌ చేయాలని చేస్తున్న సమ్మెకు శనివారం ఆమె మద్దతు ప్రకటించి మాట్లాడారు. ప్రజలకు మెరుగైన వైద్య సేవలు అందించడంలో ఎన్‌హెచ్‌ఎం ఉద్యోగులు కీలక పాత్ర పోషిస్తున్నారన్నారు. ఎన్నో సంవత్సరాలుగా వైద్య రంగంలో సేవలందిస్తున్న సిబ్బందికి ఉద్యోగ భద్రత కల్పించాలని, వారి న్యాయమైన డిమాండ్లను ప్రభుత్వం వెంటనే పరిష్కరించాలని డిమాండ్‌ చేశారు. రాష్ట్రవ్యాప్తంగా ఉన్న 17 వేల మంది ఉద్యోగులందరినీ క్రమబద్ధీకరించాలని, వేతనాల పెంపు సుప్రీంకోర్టు ఆదేశాల ప్రకారం ప్రతి కేడర్‌ ఉద్యోగికి 100 శాతం గ్రాస్‌ జీతం అందించాలని కోరారు. కార్యక్రమంలో ఎన్‌హెచ్‌ఎం జిల్లా జేఏసీ అధ్యక్షుడు బాలకృష్ణ, ప్రధాన కార్యదర్శి కుమార్‌, ఉద్యోగులు తదితరులు పాల్గొన్నారు.

కందనూలు: కేంద్ర ప్రభుత్వ అవలంభిస్తున్న కార్మిక ప్రజా వ్యతిరేక విధానాలు, నాలుగు కార్మిక లేబర్‌ కోడ్ల రద్దు కోసం హైదరాబాద్‌లో ఆది, సోమవారాల్లో నిర్వహించే మహాధర్నాకు తరలిరావాలని సీఐటీయూ జిల్లా ప్రధాన కార్యదర్శి శ్రీనివాసులు అన్నారు. శనివారం జిల్లాకేంద్రంలోని ప్రభుత్వ ఆస్పత్రి ఆవరణలో మహాధర్నా వాల్‌పోస్టర్‌ ఆవిష్కరించి మాట్లాడారు. కేంద్ర, రాష్ట్ర ప్రభుత్వాలు కార్మిక ప్రజా సమస్యల పరిష్కరించడంలో ఘోరంగా విఫలమయ్యాయన్నారు. కార్యక్రమంలో జిల్లా కోశాధికారి రామయ్య, బాలకృష్ణమ్మ, రేణుక, రాధ తదితరులు పాల్గొన్నారు. యురేనియం తరహాలో సాగునీటి పోరాటం అమ్రాబాద్‌: యురేనియం తవ్వకాల వ్యతిరేక పోరాటం తరహాలో సాగునీటి కోసం ఉమ్మడి అమ్రాబాద్‌ మండల ప్రజలు ఉద్యమించాలని నల్లమల యురేనియం తవ్వకాల వ్యతిరేక జేఏసీ కన్వీనర్‌ నాసరయ్య అన్నారు. శనివారం సాయంత్రం వివిధ సంఘాల ఆధ్వర్యంలో స్థానిక విలేకరులతో మాట్లాడారు. పక్కనే కృష్ణమ్మ పారుతున్నా సాగునీటి కోసం ఈ ప్రాంత ప్రజలు ప్రజాప్రతినిధులు, అధికారుల చుట్టూ తిరుగుతున్నారన్నారు. గతంలో దారవాగు, మానువడ్డవాగు ద్వారా సాగునీరు ఇస్తామని, ఇప్పుడు నక్కలగండి– నార్లాపూర్‌, ఏదుల రిజార్వాయర్‌ అంటూ చెబుతున్నారని దుయ్యబట్టారు. ముఖ్యమంత్రి రేవంత్‌రెడ్డి అధ్యక్షతన జరిగిన సమావేశంలో నల్లగొండకు నీరందించేందుకు సిద్ధమయ్యారు కానీ.. నది ఒడ్డున ఉన్న మా అప్పర్‌ప్లాట్‌ ప్రస్తావన లేకపోవడం బాధాకరమన్నారు. పోరాటాల ద్వారానే సమస్యలు పరిష్కారమవుతాయని, ఇందుకోసం ప్రజలు మరో పోరాటానికి సిద్ధం కావాలని పిలుపునిచ్చారు. సమావేశంలో నాయకులు బాలకిష్టయ్య, శ్రీను, విజయమోహన్‌, బాలయ్య, చెన్నకిష్టయ్య, రామస్వామి, రంగయ్య తదితరులు పాల్గొన్నారు. శనేశ్వరుడికి పూజలు నాగర్‌కర్నూల్‌: బిజినేపల్లి మండలంలోని నందివడ్డేమాన్‌ గ్రామంలో శని త్రయోదశిని పురస్కరించుకొని శనివారం శనేశ్వరస్వామికి భక్తులచే శని గ్రహదోష నివారణకు తిలతైలాభిషేక పూజలు నిర్వహించినట్లు ఆలయ పూజారి గవ్వమఠం విశ్వనాథశాస్త్రి తెలిపారు. గోచార రీత్యా, జన్మ రిత్యా ఉన్న గ్రహ దోష పరిహారం కోసం అభిషేక పూజలు నిర్వహిస్తున్నట్లు చెప్పారు. అనంతరం భక్తులకు వేద ఆశీర్వచనం, తీర్థ ప్రసాదాలు అందజేశారు. ఆలయ చైర్మన్‌ గోపాల్‌రావు, సర్పంచ్‌ సుగుణమ్మ, కమిటీ సభ్యులు, భక్తులు పాల్గొన్నారు.

మామిడి తోటల్లో పనులు ప్రారంభించిన రైతులు ● ముందస్తు పూతల కోసం కసరత్తు ముమ్మరం ● ఇప్పటికే రెండు, మూడుసార్లు మందుల పిచికారీ ● రైతులకు సబ్సిడీపై ఫ్రూట్‌ కవర్లు అందిస్తున్న ఉద్యానశాఖ ● ఎల్‌నినో నేపథ్యంలో జాగ్రత్తలు పాటించాలని సూచన కొల్లాపూర్‌: మామిడి తోటల సాగు పనులకు రైతులు శ్రీకారం చుట్టారు. ముందస్తు దిగుబడుల కోసం ప్రయత్నాలు ప్రారంభించారు. ఒకప్పుడు రబీ సీజన్‌ మధ్యలో మామిడి తోటల్లో సాగు పనులు మొదలయ్యేవి. కానీ, గత కొన్నేళ్లుగా ఖరీఫ్‌ సీజన్‌ చివరి నుంచే మామిడి సాగు పనులు చేపడుతున్నారు. ఇవి కొందరు రైతులకు లాభాలు తెచ్చి పెడుతున్నాయి. ముందస్తు పూతలు నిలబడితే రైతులకు కాసుల పంట పండుతోంది. మామిడిలో అధిక దిగుబడులు సాధించేందుకు వివిధ రకాల మందులు వినియోగిస్తున్నారు రైతులు. జిల్లా పరిధిలో ఇలా.. జిల్లావ్యాప్తంగా 37,343 ఎకరాల్లో మామిడి తోటలు సాగవుతుండగా.. కొల్లాపూర్‌ నియోజకవర్గంలోనే అత్యధికంగా 26,317 ఎకరాల్లో సాగు జరుగుతోంది. మామిడి పంట ఎకరాకు రెండున్నర మెట్రిక్‌ టన్నుల నుంచి మూడు మెట్రిక్‌ టన్నుల వరకు దిగుబడి వస్తుంది. అయితే సంప్రదాయ పద్ధతిలో సాగు చేస్తే మామిడి పూతలు జనవరిలో ప్రారంభమై.. ఏప్రిల్‌ వరకు కాయలు విక్రయ దశకు చేరుకుంటాయి. ఆ సమయానికి మార్కెట్లో మామిడి ధరలు పూర్తిగా పడిపోయి రైతులు ఆర్థికంగా నష్టపోతున్నారు. ఈ సమస్యను అధిగమించేందుకు రైతులు ముందస్తుగా చెట్లకు పూతలు పూయించేందుకు వివిధ రకాలు రసాయనాలు వాడుతున్నారు. వాటితోపాటే సాగు పనులు కూడా ముమ్మరం చేస్తున్నారు. జిల్లావ్యాప్తంగా ఇప్పటికే మామిడి తోటలు సాగుచేస్తున్న, కౌలు తీసుకున్న రైతులు భూమి దున్నకాలు పూర్తిచేయడంతోపాటు పాదులు తీసి పూతలు రావడానికి అవసరమైన మందులు పిచికారీ చేశారు. నవంబర్‌ నెల వరకు భూమిని బెట్టగా ఉంచాల్సి ఉండగా, అందుకు భిన్నంగా చెట్లకు నీటిని కట్టి సాగు చేపడుతున్నారు. ముందస్తుగా కాపు కాస్తేనే తమకు ఎంతో కొంత లాభాలు వస్తాయని రైతులు చెబుతున్నారు. ఉద్యాన శాఖ సహకారం.. మామిడి రైతులకు ఉద్యాన శాఖ పలు సబ్సిడీలు అందిస్తోంది. తోటల్లో డ్రిప్‌ ఏర్పాటు చేసుకునేందుకు యూనిట్లు మంజూరు చేస్తున్నారు. మామిడి కాయలపై పురుగులు వాలకుండా, రసాయనాలు పడకుండా ఉండేందుకు 50 శాతం సబ్సిడీపై ఫ్రూట్‌ కవర్లు అందిస్తున్నారు. ఈ కవర్లు కట్టే మామిడి కాయలకు మార్కెట్‌లో మంచి ధర లభిస్తోంది. దీంతో రైతులు పెద్ద సంఖ్యలో ఫ్రూట్‌ కవర్ల కోసం దరఖాస్తు చేసుకుంటున్నారు. అలాగే మామిడి తోటల్లో షెడ్ల నిర్మాణాలకు కూడా ఉద్యానశాఖ సబ్సిడీ ఇస్తోంది. ఎన్‌నినో ఎఫెక్ట్‌ ఎంత మేరకు.. జిల్లాలో ఎల్‌నినో ప్రభావం కారణంగా ఈ ఏడాది నీటి ఇక్కట్లు ఎదురయ్యే అవకాశం ఉంది. సాగునీరు పుష్కలంగా ఉంటేనే మామిడి కాయలు ఆశించిన స్థాయిలో ఎదుగుతాయి. సరైన మోతాదులో నీళ్లు అందకుంటే కాయలు సరిగా పెరగవు. లేదంటే రాలిపోయే అవకాశం కూడా ఉంటుంది. చాలా ప్రాంతాల్లో భూగర్భ నీటి మట్టాలు పడిపోతున్నాయి. పరిస్థితి ఇలాగే ఉంటే ఎల్‌నినో ఎఫెక్ట్‌ మామిడి దిగుబడులపై తీవ్రమైన ప్రభావం చూపే అవకాశం ఉంది. కొన్నిచోట్ల చెట్ల తొలగింపు అధిక దిగుబడుల కోసం మామిడి సాగులో రైతులు విరివిగా రసాయనాలు వినియోగిస్తున్నారు. దీంతో మామిడి చెట్ల జీవితకాలం తగ్గుతోంది. అధిక మోతాదులో రసాయనాలు వినియోగించిన చెట్లు కొంతకాలం తర్వాత పంట దిగుబడి ఇవ్వడం లేదు. ఆ చెట్లు మోడువారుతుండడంతో రైతులు వాటిని తొలగించి ఇతర ఉద్యాన పంటల వైపు మళ్లుతున్నారు. కొన్నేళ్లుగా కొల్లాపూర్‌ నియోజకవర్గంలో వందల ఎకరాల్లో మామిడి చెట్లను రైతులు తొలగించారు. కల్వకోల్‌ సమీపంలో మామిడి చెట్లకు చేసిన పాదులు జిల్లాలో మామిడి సాగు వివరాలు ఇలా.. నియోజకవర్గం మామిడి సాగు సాగు విస్తీర్ణం చేస్తున్న రైతులు ఎకరాలు కొల్లాపూర్‌ 13,217 26,317 కల్వకుర్తి 1,349 5,199 నాగర్‌కర్నూల్‌ 1,047 3,210 అచ్చంపేట 830 2,615 అధిక దిగుబడులు సాధించేందుకు రైతులు విరివిగా రసాయనాలు వినియోగించడం మానుకోవాలి. మోతాదుకు తగిన స్థాయిలో ఎరువులు వాడితే చాలు. సాగు అంశాలపై రైతులకు అవగాహన కల్పిస్తున్నాం. సాధారణంగా నవంబర్‌ నెల వరకు తోటలను బెట్టగా ఉంచాలి. కానీ, రైతులు ముందుగానే సాగు పనులు చేపడుతున్నారు. ఎల్‌నినో ప్రభావం మామిడి సాగుపై పడకుండా ఎలాంటి జాగ్రత్తలో తీసుకోవాలో రైతులకు చెబుతున్నాం. – లక్ష్మణ్‌, ఉద్యాన శాఖ అధికారి, కొల్లాపూర్‌ మామిడి పంటకు ముందు కాపు వస్తేనే రైతులకు లాభం. జనవరి నుంచి మార్చి నెలాఖరు వరకు మామిడికి మార్కెట్లో మంచి ధరలు ఉంటాయి. ఆ తర్వాత బాగా తగ్గిపోతాయి. ఆలస్యంగా పంట వస్తే ధరలు కూడా ఉండవు. రూ.లక్షలు పెట్టి తోటలు కౌలుకు తీసుకునే రైతులు ఈ కారణంగానే ఆర్థికంగా నష్టపోతున్నారు. అందుకే ముందస్తు కాపు కోసం రైతులు ముందుగానే తోటలను సిద్ధం చేసుకుంటున్నారు. – బాలచంద్రుడు, మామిడి రైతు, కొల్లాపూర్‌

కందనూలు: తమిళనాడు రాజధాని చైన్నెలో శుక్రవారం నుంచి మంగళవారం వరకు జరుగుతున్న 41వ జాతీయ జూనియర్‌ అథ్లెటిక్స్‌ చాంపియన్‌షిప్‌ పోటీల్లో జిల్లా నుంచి ఐదురుగు విద్యార్థులు ఎంపికయ్యారని జిల్లా అథ్లెటిక్స్‌ కోచ్‌ స్వాములు శుక్రవారం ఒక ప్రకటనలో తెలిపారు. పోటీలకు వివిధ విభాగాల్లో సంతోష్‌కుమార్‌, గణేష్‌, దిల్షాన్‌, స్వప్న, శ్రీవల్లి ఎంపికయ్యారన్నారు. విద్యార్థులు జాతీయ స్థాయిలో ఉత్తమ ప్రతిభకనబరిచి మంచి పేరు ప్రఖ్యాతలు తీసుకురావాలని ఆకాంక్షించారు. మహిళా కబడ్డీ జిల్లా జట్టు ఎంపిక కల్వకుర్తి రూరల్‌: కల్వకుర్తిలోని మహాత్మ జ్యోతిబా పూలే జూనియర్‌ బాలికల కళాశాల మైదానంలో శుక్రవారం జిల్లా మహిళా కబడ్డీ జట్టును ఎంపిక చేశారు. ఈ నెల 28 నుంచి 30 తేదీ వరకు ఖమ్మం జిల్లా సత్తుపల్లిలో నిర్వహించే 73వ సీనియర్‌ మహిళల కబడ్డీ చాంపియన్‌ షిప్‌ పోటీల్లో జిల్లా జట్టు పాల్గొంటుంది. ఈ మేరకు జిల్లాలోని వివిధ ప్రాంతాల నుంచి క్రీడాకారులు హాజరు కాగా.. కబడ్డీ అసోసియేషన్‌ ప్రధాన కార్యదర్శి యాదయ్యగౌడ్‌ ఆధ్వర్యంలో జట్టును ఎంపిక చేశారు. కార్యక్రమంలో రమేష్‌, మోహన్‌లాల్‌, డాక్య, రామన్‌గౌడ్‌, భారతి, ఖేలో ఇండియా కోచ్‌ సందీప్‌ తదితరులు పాల్గొన్నారు. మా భూములు ముంచొద్దు కల్వకుర్తి రూరల్‌: డిండి లిఫ్ట్‌ ఇరిగేషన్‌ పేరుతో పాలమూరు రైతుల భూములు ముంచకుండా.. ప్రత్యామ్నాయ ఏర్పాట్లు చేసుకోవాలని జేఏసీ చైర్మన్‌ సదానందగౌడ్‌ అన్నారు. శుక్రవారం ఆయన విలేకరులతో మాట్లాడుతూ ఉమ్మడి పాలమూరు గుండా 300 కి.మీ., కృష్ణానది ప్రవహిస్తున్నప్పటికీ 80 ఏళ్లుగా పాలమూరు రైతులు సాగు, తాగు నీళ్ల కోసం ఎన్నో అవస్థలు పడుతున్నారని ఆందోళన వ్యక్తం చేశారు. డిండి ప్రాజెక్టు పేరుతో ఈ జిల్లా భూములను ముంచి నల్లగొండకు నీళ్లు తరలించవద్దని వేడుకున్నారు. ప్రభుత్వాలు, పాలకులు మారుతున్నా.. ఉమ్మడి జిల్లా రైతుల బతుకులు మారడం లేదన్నారు. ఉమ్మడి రాష్ట్రంలో పాలమూరును కరువు, వలసల జిల్లాగా చేసి నీళ్ల పంపిణీలో తీవ్ర అన్యాయం చేశారని ఆరోపించారు. ప్రత్యేక తెలంగాణ రాష్ట్రంలో నల్లగొండ జిల్లా రాజకీయ నేతల ఆధిపత్యంతో పాలమూరు రైతుల పొట్ట కొట్టి డిండి ప్రాజెక్టు పేరుతో నీళ్ల దోపిడికి తెరతీశారని దుయ్యబట్టారు. రైతుల పక్షాన ఉద్యమించడానికి ఏ పార్టీ ముందుకు రావడం లేదని, కానీ, ఉమ్మడి పాలమూరు జిల్లా పెండింగ్‌ ప్రాజెక్టుల సాధన జేఏసీ ఆధ్వర్యంలో వేలాది మంది రైతులతో ధర్మ సత్యాగ్రహ దీక్ష, రైతుల పాదయాత్ర, ధర్నా కార్యక్రమాలు ప్రభుత్వాన్ని కదిలించేలా చేశాయని వెల్లడించారు. ఉమ్మడి జిల్లాలోని మంత్రులు, ఎంపీలు, ఎమ్మెల్యేలు ఏకతాటిపైకి రావడం జేఏసీ ఉద్యమ విజయమన్నారు. చేసే పనిలో నిజాయితీ, ధర్మం ఉందని ప్రభుత్వం పాలమూరు జిల్లా రైతాంగానికి న్యాయం చేస్తుందని ఆశాభావం వ్యక్తం చేశారు. నల్లగొండ జిల్లా రైతులకు నాగార్జునసాగర్‌, శ్రీశైలం, గుర్రంపోడు, ఎస్‌ఎల్‌బీసీ ప్రాజెక్టు ద్వారా నీళ్లు అందించే అవకాశం ఉందని చెప్పారు. ఉద్దాల తయారీదారులకు చెక్కుల అందజేత చిన్నచింతకుంట: కురుమూర్తి స్వామి బ్రహ్మోత్సవాలను పురస్కరించుకుని ఉద్దాలు, చాట, తలియ కుండ తయారీదారులకు శుక్రవారం ఆలయ ప్రాంగణంలో చెక్కులు అందజేశారు. ఆలయ చైర్మన్‌ బత్తుల బాల్‌రాజు, ఈవో మధనేశ్వర్‌రెడ్డి తయారీదారులకు చెక్కులను పంపిణీ చేశారు. ఈ సందర్భంగా వారు మాట్లాడుతూ ఈ ఏడాది స్వామివారి బ్రహ్మోత్సవాల ను అంగరంగ వైభవంగా నిర్వహించేందుకు ఏర్పాట్లు చేస్తున్నట్లు తెలిపారు. ఉత్సవాలు ప్రారంభమయ్యే నాటికి నిర్ణీత సమయంలో ఉద్దాలు, చాట, తలియ కుండలను భక్తిశ్రద్ధలతో తయారు చేసి సిద్ధంగా ఉంచాలని సూచించారు. కార్యక్రమంలో ఆలయ కమిటీ సభ్యులు, సిబ్బంది తదితరులు పాల్గొన్నారు.

లింగాల/ కొల్లాపూర్‌ రూరల్‌: పునరావాస ప్రాంతంలో నివసించే ప్రజలకు అన్ని రకాల సౌకర్యాలు కల్పించడం జరుగుతుందని అటవీ శాఖ పీసీసీఎఫ్‌ వినయ్‌కుమార్‌ అన్నారు. శుక్రవారం లింగాల రేంజ్‌ పరిధిలోని బాచారం బీట్‌ పునరావాస ప్రాంతాన్ని అటవీ శాఖ ఉన్నతాధికారులు క్షేత్రస్థాయిలో సందర్శించారు. ఈ సందర్భంగా పీసీసీఎఫ్‌ మాట్లాడుతూ పునరావాస ప్రాంతంలో ఇప్పటికే ఇళ్ల స్థలాలకు సంబంధించిన పట్టాలను కూడా అందజేయడం జరిగిందన్నారు. పునరావాస ప్రాంతంలో ఇళ్ల నిర్మాణాల డిజైన్లను, సీసీ రోడ్లు, డ్రెయినేజీ వ్యవస్థ, ఇతర మౌళిక సదుపాయాలను మ్యాప్‌ ద్వారా ప్రజలకు అవగాహన కల్పించారు. ఈ సందర్భంగా బీట్‌ పరిధిలోని సార్లపల్లి, పులిచింతల బావి, వటువర్లపల్లి గ్రామాల ప్రజలు ఉన్నతాధికారులను కలిసి పలు అంశాలను వివరించారు. కార్యక్రమంలో ఎఫ్‌డీపీటీ ప్రసాద్‌, డీఎఫ్‌ఓ రేవంత్‌చంద్ర, ఎఫ్‌డీఓ చంద్రశేఖర్‌, ఎఫ్‌ఎస్‌పీ ఎఫ్‌డీఓ రామ్మోహన్‌, ఎఫ్‌ఆర్వో ఈశ్వర్‌, ఎఫ్‌ఎస్‌ఓ వెంకటేష్‌, ఎఫ్‌బీఓ ఎండీ ఖాదర్‌పాష పాల్గొన్నారు. ● కొల్లాపూర్‌ మండలంలోని కృష్ణానది బ్యాక్‌వాటర్‌ సమీపంలో అంకాలమ్మ కోట దగ్గర పాత బొల్లారంలో ఏర్పాటు చేసిన వాచ్‌టవర్‌ను పీసీసీఎఫ్‌ వినయ్‌కుమార్‌ ప్రారంభించారు. ఈ సందర్భంగా అక్కడ ఉన్న వసతులను, అనంతరం సోమశిల సమీపంలో ఆక్రమణకు గురైన ఫారెస్టు భూమిని, ఏకో పార్క్‌ను పరిశీలించారు. అక్కడ ఉన్న వాచ్‌టవర్‌ నుంచి సోమశిల నది పరిసరాలు, కృష్ణా రివర్‌ బెల్టులో బోటులో పర్యటించారు. 23ఏసీపీటీ403 : పునరావాస ప్రాంతంలో సదుపాయాల గురించి మ్యాప్‌ ద్వారా వివరిస్తున్న అధికారులు

● గద్వాల జిల్లాలో 150 మంది మహిళలు, 36 మంది పురుషులు క్యాన్సర్‌ బారిన పడ్డారు. ● నాగర్‌కర్నూల్‌ జిల్లాలో కడుపు, పేగు సంబంధిత క్యాన్సర్‌ బారిన పడిన వారు ఎనిమిది మంది, లుకేమియాతో ఆరుగురు, నాలుకకు సంబంధించి 11 మంది మహమ్మారి బారిన పడి చికిత్స పొందుతున్నారు. 264183175176121129111971037671564420361315మహబూబ్‌నగర్‌గద్వాలనాగర్‌కర్నూల్‌వనపర్తినారాయణపేట

పీఎం సూర్య ఘర్‌తో ఇంటింటా సౌర కాంతులుకేంద్ర ప్రభుత్వ అధికారిక వెబ్‌సైట్‌ https://pmsuryaghar.gov.in ద్వారా పథకానికి దరఖాస్తు చేసుకోవచ్చు. ● రిజిస్ట్రేషన్‌, ఆమోదిత విక్రేత ఎంపిక, సోలార్‌ ప్లాంట్‌ ఏర్పాటు, తనిఖీ, నెట్‌ మీటరింగ్‌, సబ్సిడీ పొందే ప్రక్రియను పథకం మార్గదర్శకాల ప్రకారం పూర్తి చేయాలి. ● సోలార్‌ ప్లాంట్‌ ఏర్పాటు చేసుకునే ముందు తమ ఇంటి విద్యుత్‌ వినియోగం, అవసరమైన ప్లాంట్‌ సామర్థ్యం, పైకప్పుపై అందుబాటులో ఉన్న స్థలం, మొత్తం వ్యయం, సబ్సిడీ అర్హత వివరాలను పరిశీలించుకోవాలి. ● మార్కెట్‌లో అనేక సోలార్‌ ప్లేట్ల కంపెనీలు, వెండర్స్‌ (డిస్ట్రిబ్యూటర్స్‌) అందుబాటులోకి వచ్చాయి. నచ్చిన కంపెనీని ఎంపిక చేసుకుంటే వారి సిబ్బంది వచ్చి ప్యానల్స్‌ ఏర్పాటు చేస్తారు. ఆ తర్వాత లబ్ధిదారుల ఖాతాలో రాయితీ సొమ్ము జమవుతుంది. అచ్చంపేట: ఎల్‌నినో ప్రభావంతో వర్షాలు కురవక విద్యుదుత్పత్తి గణనీయంగా తగ్గిపోవడం.. రోజురోజుకూ వినియోగం అమాంతం పెరగడం.. దీనికితోడు విద్యుత్‌ బిల్లులు భారం కానున్న నేపథ్యంలో రూఫ్‌టాప్‌ (గృహాలు, భవనాలపైన) లేదా ఇంటి ఆవరణలో ఖాళీ స్థలం ఉంటే సౌర విద్యుత్‌ ఏర్పాటు చేసుకునేలా.. కేంద్ర ప్రభుత్వం పీఎం సూర్య ఘర్‌– ముఫ్త్‌ బిజ్లీ యోజన తీసుకొచ్చింది. ఈ పథకంలో భాగంగా ప్రజలు ఇళ్లపై రూఫ్‌టాప్‌ సోలార్‌తో విద్యుత్‌ బిల్లులకు చెక్‌ పడనుంది. రూఫ్‌టాప్‌ సోలార్‌ వినియోగం ద్వారా సంప్రదాయ విద్యుత్‌ వనరులపై ఆధారపడటాన్ని తగ్గించడంతోపాటు పర్యావరణ పరిరక్షణకు కూడా తోడ్పడవచ్చు. రాయితీ వర్తింపు ఇలా.. ఒక కిలో వాట్‌ సోలార్‌ ప్లాంట్‌కు రూ.30 వేలు, రెండు కిలోవాట్లకు రూ.60 వేలు, మూడు కిలోవాట్స్‌ అంతకన్నా ఎక్కువ సామర్థ్యానికి గరిష్టంగా రూ.78 వేల వరకు సబ్సిడీ వర్తిస్తోంది. రాయితీలను సద్వినియోగం చేసుకోవడం ద్వారా ప్లాంట్‌ ఏర్పాటుకు అయ్యే ప్రారంభ వ్యయం తగ్గుతుంది. అర్హత, సాంకేతిక ప్రమాణాలు, పథకం నిబంధనలకు అనుగుణంగా సబ్సిడీ లభిస్తుంది. 3 కిలోవాట్లు రూఫ్‌టాప్‌ సోలార్‌ ప్లాంట్‌ రూ.1.80 లక్షల ఖర్చు అవుతుంది. ఇందులో రూ.78 వేల సబ్సిడీ లభించనుంది. అనుకూల పరిస్థితుల్లో నెలకు 360 యూనిట్లకు పైగా విద్యుదుత్పత్తి అయ్యే అవకాశం ఉంటుంది. అయితే వాతావరణ పరిస్థితులు, పైకప్పుపై సూర్యరశ్మి లభ్యత, ప్లాంట్‌ పనితీరు ఆధారంగా ఉత్పత్తి మారుతుంది. ఇంటి విద్యుత్‌ వినియోగం సోలార్‌ ద్వారా ఉత్పత్తి అయ్యే విద్యుత్‌కు అనుగుణంగా ఉంటే విద్యుత్‌ బిల్లును గణనీయంగా తగ్గించుకోవచ్చు. రుణ సదుపాయం.. ఇంటి పైకప్పులపై రూఫ్‌టాప్‌ సోలార్‌ ప్లాంటు ఏర్పాటు చేసుకోవడం ద్వారా సూర్యరశ్మి సహాయంతో విద్యుదుత్పత్తి అవుతుంది. దీనివల్ల గ్రిడ్‌ నుంచి తీసుకునే విద్యుత్‌ వినియోగం తగ్గి.. నెలవారీ విద్యుత్‌ బిల్లుపై గణనీయమైన ఆదా పొందవచ్చు. తద్వారా సోలార్‌ ప్లాంట్‌ సామర్థ్యం, ఇంటి విద్యుత్‌ వినియోగం, సౌర విద్యుదుత్పత్తిని బట్టి విద్యుత్‌ బిల్లు జీరో అవుతుంది. బ్యాంకులు కూడా అతి తక్కువ వడ్డీ రేట్లతో రుణం ఇస్తూ.. నెలవారీగా (ఈఎంఐ) చెల్లించే సదుపాయం కూడా కల్పిస్తున్నాయి. ఇంటిపై సోలార్‌తో విద్యుత్‌ బిల్లులకు చెక్‌ మరోవైపు మిగులు విద్యుత్‌తో రిటర్న్‌ ఆదాయం టీజీఎస్‌పీడీసీఎల్‌, రెడ్‌ కో సంయుక్త ఆధ్వర్యంలో అవగాహన జిల్లాలో ముందుకొస్తున్న గృహ విద్యుత్‌ వినియోగదారులు జిల్లాలో పథకం అమలు ఇలా.. త్వరలో ఏర్పాటు చేయనున్న ఇళ్లు 245రూ.3.17 లక్షలతో 5 కిలోవాట్ల సోలార్‌ ప్యానల్‌ ఏర్పాటు చేసుకున్నా. నెలకు 600 యూనిట్ల విద్యుదుత్పత్తి అవుతుండగా.. మేము 300 యూనిట్లే వాడుతున్నాం. ప్రతినెలా 300 యూనిట్లు విద్యుత్‌ శాఖకు విక్రయిస్తున్నాం. యూనిట్‌కు రూ.2.85 చొప్పున ఆరు నెలలకోసారి ఇస్తున్నారు. విద్యుత్‌ శాఖ ఎలాంటి కొర్రీలు పెట్టకుండా కొనుగోలు చేసిన మిగులు విద్యుత్‌ డబ్బులు సకాలంలో చెల్లించాలి. – వనం చందు, అచ్చంపేట నెలకు రూ.300 యూనిట్ల వరకు వాడే వారికి ఈ పథకం ఎంతో ఉపయోగకరం. వారికి బిల్లుల భారం గణనీయంగా తగ్గుతుంది. కొన్ని రాష్ట్రాల్లో అక్కడి ప్రభుత్వాలు అదనంగా కొంత రాయితీని ఇస్తున్నాయి. ఇదే విధంగా తెలంగాణలోనూ ప్రభుత్వం మరికొంత రాయితీ ఇవ్వాలి. దీంతో ఎక్కువ మంది ఈ పథకం వైపు మొగ్గుచూపే అవకాశం ఉంటుంది. – బైరమోని గౌరీశంకర్‌, అచ్చంపేట జిల్లాలో ప్రతినెలా 10 వరకు ఇళ్లపై రూఫ్‌టాప్‌ సోలార్‌ ప్లాంట్లను మంజూరు చేస్తున్నాం. సౌర విద్యుత్‌పై ప్రజల్లో మంచి అవగాహన వచ్చింది. సోలార్‌ విద్యుత్‌ వల్ల కరెంటు కోసం విదేశాల నుంచి బొగ్గు దిగుమతి చేసుకోవాల్సిన అవసరం తగ్గుతుంది. దీని వల్ల దేశానికి, పర్యావరణానికి ఎంతో మేలు కలుగుతుంది. సౌర విద్యుత్‌ వ్యవస్థ ఏర్పాటుకు ఆన్‌లైన్‌లో దరఖాస్తు చేసుకోవాల్సి ఉంటుంది. – నర్సింహారెడ్డి, ట్రాన్‌కో ఎస్‌ఈ 3 కిలోవాట్లు రూఫ్‌టాప్‌ సోలార్‌ ప్లాంట్‌కు అయ్యే ఖర్చు రూ.1.80 లక్షలు కేంద్ర ప్రభుత్వం అందించే సబ్సిడీ రూ.78 వేలు ఇప్పటి వరకు ఏర్పాటు చేసిన సోలార్‌ వ్యవస్థ 1,079

జిల్లాలో ఎవరైనా లింగ నిర్ధారణ పరీక్షలు చేస్తే కఠిన చర్యలు తీసుకుంటామని కలెక్టర్‌ హేమంత కేశవ్‌ పాటిల్‌ అన్నారు. కలెక్టరేట్‌లోని వీసీ హాల్‌లో నిర్వహించిన క్లినికల్‌ ఎస్టాబ్లిష్‌మెంట్‌ సమావేశంలో ఆయన మాట్లాడుతూ ప్రైవేట్‌ ఆస్పత్రుల్లో సాధారణ ప్రసవాలకు ప్రాధాన్యత ఇవ్వాలని, ప్రభుత్వ నిబంధనలకు అనుగుణంగా వైద్య సేవలు అందించాలని సూచించారు. జిల్లాలో లింగ నిష్పత్తిని మెరుగుపరిచేందుకు నిరంతర పర్యవేక్షణతోపాటు ప్రజలకు అవగాహన కల్పించాలన్నారు. చట్టవిరుద్ధ కార్యకలాపాలకు పాల్పడే వ్యక్తులు, ఆస్పత్రులు, స్కానింగ్‌ కేంద్రాలపై కఠిన చర్యలు తీసుకుంటామని హెచ్చరించారు. సమావేశంలో సీనియర్‌ సివిల్‌ జడ్జి నిహారిక, అదనపు కలెక్టర్‌ దేవసహాయం, ఏఎస్పీ వెంకటేశ్వర్లు, డీఎంహెచ్‌ఓ కృష్ణ, జిల్లా ప్రైవేట్‌ ఆస్పత్రుల సంఘం అధ్యక్షుడు చెన్నయ్య తదితరులు పాల్గొన్నారు.

కందనూలు: తమ న్యాయమైన డిమాండ్ల సాధన కోసం జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు చేపట్టిన నిరవధిక సమ్మె గురువారం పదో రోజుకు చేరింది. ఈ సందర్భంగా కలెక్టరేట్‌ వద్ద ఏర్పాటుచేసిన సమ్మె శిబిరంలో ఉద్యోగులు ఒంటి కాలిపై నిలబడి నిరస న తెలిపారు. అనంతరం జేఏసీ జిల్లా అధ్యక్షుడు డా.బాలకృష్ణ, ప్రధాన కార్యదర్శి కుమార్‌ మాట్లాడుతూ.. ఎన్‌హెచ్‌ఎం ఉద్యోగులు న్యాయమైన డిమాండ్ల పరిష్కారం కోసం పది రోజులుగా వివిధ రూపాల్లో నిరసనలు తెలుపుతున్నా ప్రభుత్వం నుంచి స్పష్టమైన హామీ రాకపోవడం ఆవేదన కలిగిస్తోందన్నారు. ఉద్యోగాల క్రమబద్ధీకరణ, సమాన పనికి సమాన వేతనం, ఈహెచ్‌ఎస్‌ అమలు చేయాల ని కోరారు. కార్యక్రమంలో జేఏసీ గౌరవాధ్యక్షు డు శ్రీనివాసులు, కోశాధికారి ప్రవీణ్‌, జేఏసీ ప్రతినిధులు డా.జగన్‌, డా.మహతి, డా.సాయి కంఠ, రజియా, సురేష్‌, వినోద్‌కుమార్‌ పాల్గొన్నారు. 325వ రోజుకు చేరిన దీక్షలు చారకొండ: గోకారం జలాశయం నిర్మాణంలో ఎర్రవల్లి, ఎర్రవల్లి తండాలను ముంపు నుంచి మినహాయించాలని చేపట్టిన రీలే నిరాహార దీక్షలు గురువారం నాటికి 325వ రోజుకు చేరాయి. ఈ సందర్భంగా నిర్వాసితులు మాట్లాడుతూ.. కొండారెడ్డిపల్లిలో సీఎం రేవంత్‌రెడ్డి పర్యటన సందర్భంగా డిండి ఎత్తిపోతలను రద్దు చేయాలని, ఎర్రవల్లి ,ఎర్రవల్లి తండా నిర్వాసితుల గోడు పట్టదా అని ఫ్లకార్డు ప్రదర్శించి.. తమ సమస్యలను సీఎం దృష్టికి తీసుకెళ్లడం జరిగిందన్నారు. ఇప్పటికై నా తమ గ్రామాలను ముంపు ముప్పు నుంచి మినహాయించాలని కోరారు. కాగా, ఎర్రవల్లిలో చేపట్టిన దీక్ష శిబిరంలో ఉమ్మడి మహబూబ్‌నగర్‌ పెండింగ్‌ ప్రాజెక్టుల సాధన సమితి ఆద్వర్యంలో డీఎల్‌ఐని రద్దు చేయాలని సంతకాల సేకరణ చేపట్టారు. కార్యక్రమంలో ఆయా గ్రామాల నిర్వాసితులు, జేఏసీ నాయకులు పాల్గొన్నారు. 24న ఉమ్మడి జిల్లా క్రికెట్‌ ఎంపికలు మహబూబ్‌నగర్‌ క్రీడలు: జోగులాంబ గద్వాల జిల్లా కేంద్రంలోని మినీ స్టేడియంలో ఈనెల 24వ తేదీన స్కూల్‌ గేమ్స్‌ ఫెడరేషన్‌ అండర్‌–19 విభాగం బాలబాలికల ఉమ్మడి జిల్లాస్థాయి క్రికెట్‌ ఎంపికలు జరుగుతాయని అండర్‌–19 ఉమ్మడి జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ గురువారం ఓ ప్రకటనలో తెలిపారు. విద్యార్థులు ఆధార్‌కార్డు, బోనఫైడ్‌, ఎస్‌ఎస్‌సీ మెమోతో ఆ రోజు ఉదయం 10 గంటలకు మినీ స్టేడియంకు చేరుకోవాలని ఆయన సూచించారు.

కందనూలు: జిల్లాలో రెండో దశ జనగణన పకడ్బందీగా, సమర్థవంతంగా నిర్వహించేందుకు అధికారులు, సిబ్బంది ప్రభుత్వ నిర్దేశిత విధి విధానాలను తప్పనిసరిగా పాటించాలని కలెక్టర్‌ హేమంత కేశవ్‌ పాటిల్‌ సూచించారు. జనగణన రెండో దశపై ఆర్డీఓలు, మున్సిపల్‌ కమిషనర్లు, జనగణన చార్జ్‌ అధికారులు, సహాయ చార్జ్‌ అధికారులకు అవగాహన కల్పించేందుకు గురువారం కలెక్టరేట్‌లోని ప్రధాన హాల్‌లో ఏర్పాటుచేసిన రెండు రోజుల శిక్షణ కార్యక్రమాన్ని అచ్చంపేట సబ్‌ కలెక్టర్‌ సలోని ఛాబ్రా, అదనపు కలెక్టర్లు చెన్నయ్య, దేవసహాయంతో కలిసి ఆయన ప్రారంభించి మాట్లాడారు. జనగణన అత్యంత ప్రాధాన్యమైన ప్రభుత్వ కార్యక్రమమన్నారు. ఈ ప్రక్రియలో సేకరించే సమాచారం ప్రామాణికంగా ఉండేలా అధికారులు ప్రత్యేక శ్రద్ధ వహించాలని సూచించారు. సమాచార సేకరణ, నమోదు తదితర ప్రక్రియల్లో నిర్లక్ష్యానికి తావులేకుండా, ప్రతి వివరాన్ని జాగ్రత్తగా పరిశీలించి నమోదు చేయాలని ఆదేశించారు. శిక్షణలో వివరించే అంశాలను పూర్తిస్థాయిలో అవగాహన చేసుకుని, క్షేత్రస్థాయిలో వాటిని తప్పనిసరిగా అమలు చేయాలని తెలిపారు. విధి నిర్వహణలో ఎదురయ్యే సందేహాలను శిక్షణ సమయంలోనే నివృత్తి చేసుకోవాలని సూచించారు. అనంతరం రెండో దశలో చేపట్టాల్సిన విధులు, బాధ్యతలు, అనుసరించాల్సిన కార్యాచరణపై శిక్షకులు శివరామకృష్ణ, రిషిత్‌రెడ్డి శిక్షణ ఇచ్చారు.

రైతులకు ప్రయోజనం.. ఎల్‌నినో ప్రభావంతో వర్షాలు లేకపోవడంతో రైతులు ఇబ్బందులు పడుతున్నారు. జలసిరి కార్యక్రమం ద్వారా ప్రతి రైతు తన వ్యవసాయ పొలంలో నీటి గుంతలు తవ్వించే అవకాశం లభించింది. తద్వారా పంట పొలాలలకు ఉపయోగపడే విధంగా ఏర్పాటు చేస్తున్నాం. అర్హత కలిగిన ప్రతి రైతు పొలాల్లో నీటి కుంటలు, బోర్‌వెల్‌ రీచార్జి తదితర పనులను సద్వినియోగం చేసుకోవాలి. – చిన్న ఓబులేషు, డీఆర్డీఓ కందనూలు: ఎల్‌నినో ప్రభావంతో సరైన వర్షాలు లేక చెరువులు, కుంటలు వెలవెలబోతున్నాయి. రోజురోజుకూ భూగర్భజలాలు అడుగంటిపోతున్నాయి. సాగు, తాగునీటికి తీవ్ర ఇబ్బందులు పడే పరిస్థితులు నెలకొన్నాయి. ఈ నేపథ్యంలో నీటి వనరుల అభివృద్ధికి ప్రభుత్వం ప్రాధాన్యం ఇస్తోంది. అందులో భాగంగా వీబీ–జీ రామ్‌జీ పథకం ద్వారా జలసిరి కార్యక్రమానికి శ్రీకారం చుట్టింది. అందులో భాగంగా గ్రామాల్లో నీటి వనరుల అభివృద్ధి, చెరువుల పునరుద్ధరణ, ఇంకుడు గుంతల నిర్మాణం, వర్షపునీటి నిల్వ వంటి పనులను ముమ్మరం చేశారు. తద్వారా గ్రామీణ కూలీలకు ఉపాధి లభించడంతో పాటు రైతులకు ప్రయోజనం చేకూరుతుందని అధికారులు చెబుతున్నారు. చేపడుతున్న పనులు ఇవే.. జిల్లాలో వాన నీటిని సద్వినియోగం చేసుకొని భూగర్భజలాలు పెంచడం కోసం వివిధ రకా ల పనులను చేపడుతున్నారు. ఉపాధి కూ లీలు, లబ్ధిదారులకు ధర గిట్టుబాటు అయ్యేలా పనుల రేట్లను పెంచారు. ఇంకుడు గుంతకు రూ. 6,600, బోర్‌వెల్‌ రీచార్జీకి రూ. 36వేలు, సామూహిక ఇంకుడు గుంతకు రూ. 13,500, ఫారం పాండ్‌కు (5 రకాలు) రూ. 2లక్షల చొప్పున వీబీ–జీ రామ్‌జీ పథకంలో నిధులు వెచ్చిస్తున్నారు. మొత్తం కూలీలు : 3.67లక్షలు యాక్టివ్‌ జాబ్‌కార్డులు : 98వేలు ప్రస్తుతం పనిచేస్తున్న వారు : 8,200 యాక్టివ్‌ కూలీలు : 1.59లక్షలు జిల్లాలో మొత్తం జాబ్‌కార్డులు : 1.92లక్షలు కల్వకుర్తి పట్టణంలో గురువారం సద్దుల బతుకమ్మ సంబురాలు అంబరాన్నంటాయి. ఉదయం నుంచే మహిళలు, యువతులు తీరొక్క పూలతో బతుకమ్మలను అందంగా పేర్చి.. సాయంత్రం కై లాస గుట్టపైకి పలు కాలనీల నుంచి ఊరేగింపుగా చేరుకొని ఆడి పాడారు. బతుకమ్మ సంబురాలతో పూలసింగిడిని తలపించింది. – కల్వకుర్తి రూరల్‌ – వివరాలు IIIలో..వీబీ–జీ రామ్‌జీ పథకంలో నీటి సంరక్షణ పనులకు ప్రాధాన్యం భూగర్భజలాలు పెంపొందించేలా కార్యాచరణ రైతులకు చేకూరనున్న ప్రయోజనం ఇవీ ప్రయోజనాలు.. వ్యవసాయ పొలాల్లో ఫారం పాండ్స్‌ (నీటి కుంటలు) ఏర్పాటు చేస్తున్నారు. తద్వారా వర్షపు నీటిని నిల్వ చేసి, వ్యవసాయ అవసరాలకు వినియోగించవచ్చు. అలాగే గ్రామ పరిసరాల్లో పెర్కోలేషన్‌ ట్యాంక్‌లు నిర్మిస్తున్నారు. దీంతో భూగర్భజలాలు వృద్ధి అవుతాయి. ఇళ్లలో వినియోగించిన నీటిని, వర్షపు నీటిని భూమిలోకి ఇంకించి, భూగర్బ జలాలు పెరిగేందుకు ఇంకుడు గుంతలు ఉపయోగపడతాయి. వీటి నిర్మాణాలపై ప్రత్యేక దృష్టి పెట్టారు. బోర్‌వెల్‌ల చుట్టూ గుంతలు తీసి, నిర్మాణం చేయడం వల్ల వర్షపు నీరు బోర్‌వెల్‌ లోపలికి వెళ్లి రీచార్జి చేస్తుంది. ఓపెన్‌ వెల్‌ చుట్టూ నిర్మాణం చేయడం వల్ల భూగర్భజలమట్టం పెరుగుతుంది. ఇలా నీటి సంరక్షణ పనులతో సాగు, తాగునీటి కొరతను అధిగమించవచ్చు. కూలీలకు స్థానికంగానే ఉపాధి.. వీబీ–జీ రామ్‌జీ పథకంతో జలసిరి పనులను అనుసంధానం చేయడంతో గ్రామీణ కూలీలకు స్థానికంగానే ఉపాధి లభిస్తోంది. అదే సమయంలో గ్రామాల్లో నీటి వనరులు అభివృద్ధి చెందుతున్నాయి. అయితే అధికారులు గ్రామాల వారీగా నీటి అవసరాలను గుర్తించి, ప్రాధాన్యత ఆధారంగా పనులు చేపట్టాల్సిన అవసరం ఉంది. జలసిరి పనులు కేవలం కాగితాలకే పరిమితం కాకుండా, క్షేత్రస్థాయిలో ఫలితాలు ఇచ్చేలా చర్యలు తీసుకోవాలి. చేపట్టిన పనుల నాణ్యతను పర్యవేక్షించడం, నీటి నిల్వ సామర్థ్యాన్ని అంచనా వేయడం, కూలీలకు సకాలంలో వేతనాలు అందించడం వంటి అంశాలపై అధికారులు దృష్టి సారించాలి. ప్రజల భాగస్వామ్యంతో జలసిరి పనులను సమర్థవంతంగా అమలుచేస్తే, నీటి సంరక్షణతో పాటు గ్రామీణాభివృద్ధికి బాటలు వేయవచ్చనే అభిప్రాయం వ్యక్తమవుతోంది.

కల్వకుర్తి రూరల్‌: ఉమ్మడి పాలమూరు ప్రాంత అభివృద్ధికి సాగునీటి ప్రాజెక్టులు ఎంతో కీలకమని.. పెండింగ్‌ పనులను వెంటనే పూర్తి చేయడంతో పాటు పాలమూరుకు నష్టం కలిగించే డిండి ప్రాజెక్టును రద్దు చేయాలని ఉమ్మడి మహబూబ్‌నగర్‌ పెండింగ్‌ ప్రాజెక్టుల సాధన జేఏసీ నాయకులు డిమాండ్‌ చేశారు. గురువారం పండుగ సాయన్న జయంతి సందర్భంగా కల్వకుర్తిలో లక్ష సంతకాల సేకరణ కార్యక్రమాన్ని ప్రారంభించారు. ఈ సందర్భంగా జేఏసీ నాయకులు మాట్లాడుతూ.. దశాబ్దాలుగా పాలమూరు రైతులు సాగునీటి కోసం ఎదురుచూస్తున్నారని.. ప్రాజెక్టులు పూర్తిస్థాయిలో అందుబాటులోకి రాకపోవడంతో అనేక ఇబ్బందులు పడుతున్నారన్నారు. పాలమూరు రంగారెడ్డి ఎత్తిపోతల పథకంతో పాటు పెండింగ్‌ ప్రాజెక్టులను యుద్దప్రాతిపదికన పూర్తిచేసి, జిల్లాకు దక్కాల్సిన నీటి వాటాను అందించాలని డిమాండ్‌ చేశారు. డిండి ఎత్తిపోతలతో ప్రభావితమయ్యే గ్రామాల ప్రజల సమస్యలను ప్రభుత్వం పరిగణనలోకి తీసుకోవాలని కోరారు. కార్యక్రమంలో నాయకులు కానుగుల జంగయ్య, వీరస్వామి మాదిగ, పెద్దయ్యగౌడ్‌, చీమర్ల అర్జున్‌రెడ్డి, రాజు, రుక్నొద్దీన్‌, పర్వతాలగౌడ్‌ పాల్గొన్నారు.

నాగర్‌కర్నూల్‌: జిల్లాకేంద్రమైన నాగర్‌కర్నూల్‌ మున్సిపాలిటీలో మౌలిక వసతుల అభివృద్ధికి రాష్ట్ర ప్రభుత్వం రూ.40 కోట్లు మంజూరు చేసింది. మున్సిపాలిటీ పరిధిలో అండర్‌గ్రౌండ్‌ డ్రెయినేజీ నిర్మాణాలు పూర్తికాని ప్రాంతాల్లో మిగిలిన పనులను చేపట్టడంతో పాటు సీసీరోడ్ల నిర్మాణానికి ఈ నిధులను వినియోగించనున్నారు. ఈ మేరకు మున్సిపల్‌ పరిపాలనశాఖ ఈ నెల 22న జీఓ ఆర్టీ నంబర్‌ 953ను జారీ చేసింది. రెండు విభాగాలకు సమానంగా నిధులు.. గతంలో జారీ చేసిన జీఓ ఆర్టీ నంబర్‌ 872 ప్రకారం మున్సిపాలిటీలో యూజీడీ పనుల కోసం అదనంగా రూ.40 కోట్లు మంజూరు చేసేందుకు ప్రభుత్వం అనుమతి ఇచ్చింది. అయితే, తెలంగాణ పట్టణ ఆర్థిక మౌలిక వసతుల అభివృద్ధి సంస్థ (టీయూఎఫ్‌ఐడీసీ) వైస్‌ చైర్మన్‌, మేనేజింగ్‌ డైరెక్టర్‌ చేసిన ప్రతిపాదనల మేరకు నిధుల వినియోగంలో మార్పులు చేయాలని ప్రభుత్వం నిర్ణయించింది. దీంతో మొత్తం రూ.40 కోట్లలో రూ.20 కోట్లను యూజీడీ వ్యవస్థ అందుబాటులో లేని ప్రాంతాల్లో మిగిలిన పనులకు, మరో రూ.20 కోట్లను సీసీ రోడ్ల నిర్మాణానికి కేటాయించారు. పట్టణంలో భూగర్భ డ్రెయినేజీ పనులతో పాటు రహదారుల అభివృద్ధికి కూడా నిధులు వినియోగించేలా ఉత్తర్వుల్లో మార్పులు చేశారు. అండర్‌గ్రౌండ్‌ డ్రెయినేజీకి రూ.20కోట్లు.. సీసీరోడ్లకు రూ.20కోట్లు కేటాయింపు హర్షణీయం.. మున్సిపాలిటీ అభివృద్ధికి ప్రభుత్వం రూ.40కోట్లు కేటాయించటం హర్షించదగ్గ విషయం. ఇందుకు చొరవ చూపిన ఎంపీ మల్లు రవి, ఎమ్మెల్యే కూచుకుళ్ల రాజేశ్‌రెడ్డి, ఎమ్మెల్సీ దామోదర్‌రెడ్డికి కృతజ్ఞతలు. ఈ నిధులతో పట్టణంలోని అవసరమైన చోట మురుగు కాల్వలు, సీసీరోడ్ల నిర్మాణం చేపడుతాం. – తీగల సునీంద్ర, మున్సిపల్‌ చైర్మన్‌, నాగర్‌కర్నూల్‌

కందనూలు: శాంతిభద్రతల పరిరక్షణలో పోలీసుల సేవలు ఎనలేనివని ఎస్పీ సంగ్రామ్‌ సింగ్‌జీ పాటిల్‌ అన్నారు. బుధవారం పోలీసు అమరవీరుల సంస్మరణ దినోత్సవం సందర్భంగా జిల్లా పోలీసు పరేడ్‌ మైదానంలోని స్థూపానికి అమరవీరుల కుటుంబ సభ్యులతో కలిసి పూలమాలలు వేసి ఘనంగా నివాళులర్పించారు. ఈ సందర్భంగా ఎస్పీ మాట్లాడుతూ.. పోలీసులు లేని సమాజాన్ని ఊహించలేమన్నారు. శాంతిభద్రతలను పరిరక్షించే క్రమంలో ఎందరో పోలీసులు అమరులయ్యారని గుర్తుచేశారు. 1993 నవంబర్‌ 14న సోమశిలలో జరిగిన దుర్ఘటనలో విధి నిర్వహణలో అశువులు బాసిన పోలీసు అమరుల త్యాగాలు చిరస్మరణీయమని అన్నారు. అలాగే వారి కుటుంబాలకు పోలీసుశాఖ అన్నివిధాలా అండగా ఉంటుందన్నారు. విపత్తులు, పండుగలు, ఎన్నికలు వంటి అన్ని సందర్భాల్లో పోలీసులు ముందుండి సేవలందిస్తున్నారని.. వారి త్యాగాలు అమూల్యమైనవని అన్నారు. దేశాభివృద్ధికి శాంతి, స్థిరత్వం, సామాజిక సమైక్యత అవసరమని.. పోలీసు వ్యవస్థను కాపాడేందుకు నిరంతరం కృషి చేస్తోందన్నారు. అంతకుముందు ఎస్పీ, ఏఎస్పీ పోలీసుల గౌరవ వందనం స్వీకరించారు. అమరవీరులకు సాయుధ దళాలు సంప్రదాయ స్మృతి పరేడ్‌ నిర్వహించారు. అనంతరం పోలీసు పరేడ్‌ నుంచి అంబేడ్కర్‌ చౌరస్తా వరకు శాంతి ర్యాలీ నిర్వహించారు. కార్యక్రమంలో ఏఎస్పీ వెంకటేశ్వర్లు, డీఎస్పీలు బుర్రి శ్రీనివాస్‌, శ్రీనివాస్‌, సీఐ ఆశోక్‌రెడ్డి, ఎస్‌ఐ వెంకట్‌రెడ్డి తదితరులు పాల్గొన్నారు. అమరుల స్థూపానికి నివాళులర్పిస్తున్న కుటుంబ సభ్యుల

ముఖ్యమంత్రి రేవంత్‌రెడ్డి చేతుల మీదుగా ప్రాథమిక ఆరోగ్యకేంద్రం, సెంట్రల్‌ లైటింగ్‌ సిస్టం, ఎస్‌టీపీలను ప్రారంభించడంతో పాటు ఏటీసీ సెంటర్‌కు భూమిపూజ చేయాల్సి ఉండగా.. ఆయన ఆదేశాల మేరకు ఎంపీ మల్లు రవి, ఎమ్మెల్యే వంశీకృష్ణ వాటిని ప్రారంభించారు. కాగా, రాష్ట్ర ముఖ్యమంత్రిగా స్వగ్రామాన్ని అన్నివిధాలుగా అభివృద్ధి చేయాలన్న సంకల్పంతో ఇప్పటి వరకు దాదాపు రూ.200 కోట్ల నిధులను మంజూరు చేశారు. ముఖ్యమంత్రి ఇంటి నుంచి జమ్మిచెట్టు వరకు నడుచుకుంటూ వెళ్తున్న క్రమంలో గ్రామ పంచాయతీ, బస్‌షెల్టర్‌, సోలార్‌ సెంట్రల్‌ లైటింగ్‌ సిస్టం, మిల్క్‌ చిల్లింగ్‌ సెంటర్‌, నూతనంగా నిర్మిస్తున్న పాఠశాల, నాలుగు లెన్ల రహదారిని చూసి మురిసిపోయారు.

● జిల్లా కేంద్రంలో అంబరాన్నంటిన సంబరాలు ● భక్తిశ్రద్ధలతో శమీ పూజలు కందనూలు: విజయదశమి పర్వదినాన్ని మంగళవారం జిల్లావ్యాప్తంగా ఘనంగా జరుపుకొన్నారు. శమీ శమయతే పాపం.. శమీ శత్రు వినాశనం.. అర్జునస్య ధరుర్ధారీ రామస్య ప్రియదర్శనం అని పఠిస్తూ.. శమీ వృక్షానికి ప్రత్యేక పూజలు నిర్వహించారు. అలాగే తెల్లవారుజాము నుంచే దేవాలయాలను సందర్శించి ప్రత్యేక పూజలు చేశారు. సాయంత్రం జమ్మిచెట్టు వద్దకు ఊరేగింపుగా చేరుకుని ప్రత్యేక పూజల అనంతరం ఒకరినొకరు జమ్మిపత్రం పంచుకొని శుభాకాంక్షలు తెలియజేసుకున్నారు. జిల్లా కేంద్రంలోని మినీ ట్యాంక్‌బండ్‌ వద్ద నిర్వహించిన దసరా ఉత్సవాల్లో ఎమ్మెల్యే డా.కూచుకుళ్ల రాజేశ్‌రెడ్డి, సరితారెడ్డి దంపతులు పాల్గొని సందడి చేశారు. ఈ సందర్భంగా మహిళలతో కలిసి బతుకమ్మ ఆడారు. అనంతరం శమీ పూజ చేశారు. జిల్లా కేంద్రంలో చేపట్టిన అభివృద్ధి కార్యక్రమాలను ఎమ్మెల్యే వివరించారు. విజయదశమి పర్వదినం అందరి జీవితాల్లో కొత్త వెలుగులు నింపాలని ఆకాంక్షించారు. జిల్లా కేంద్రాన్ని అన్ని రంగాల్లో అభివృద్ధి చేసి, ఒక ఆధునిక పట్టణంగా తీర్చిదిద్దడమే లక్ష్యంగా పనిచేస్తున్నట్లు చెప్పారు. కార్యక్రమంలో మున్సిపల్‌ చైర్మన్‌ తీగల సునీంద్ర, వైస్‌ చైర్మన్‌ బాదం రమేశ్‌, కౌన్సిలర్లు, కాంగ్రెస్‌ పార్టీ నాయకులు పాల్గొన్నారు. శమీ వృక్షానికి పూజలు చేస్తున్న ఎమ్మెల్యే కూచుకుళ్ల రాజేశ్‌రెడ్డి జిల్లా కేంద్రంలోని మినీ ట్యాంక్‌బండ్‌పై దసరా ఉత్సవాల్లో పాల్గొన్న జనం

● వైభవంగా ముగిసిన దేవి శరన్నవరాత్రి ఉత్సవాలు ● పూర్ణాహుతి, నాగకన్యల బావిలో తీర్థావళి ● నేత్రపర్వంగా ఆదిదంపతుల నదీ విహారం అలంపూర్‌లో తుంగభద్ర నదిలో హంసవాహనంలో ఆది దంపతుల విహారం అలంపూర్‌: అలంపూర్‌ జోగుళాంబ, బాలబ్రహ్మేశ్వర స్వామివార్ల తెప్పోత్సవం మంగళవారం రాత్రి తుంగభద్ర పుష్కరఘాట్‌లో వైభవంగా జరిగింది. హంస వాహనంపై కొలువుదీరిన ఆదిదంపతుల నదీ విహారం భక్తులను విశేషంగా ఆకట్టుకుంది. విద్యుత్‌ దీపాల వెలుగులు, బాణసంచా కాంతుల నడుమ సాగిన తెప్పోత్సవాన్ని తిలకించేందుకు వేలాది మంది భక్తులు తరలివచ్చారు. తెప్పోత్సవానికి ముందు బాలబ్రహ్మేశ్వర స్వామివారు మంగళవాయిద్యాల నడుమ పల్లకీ సేవలో జోగుళాంబ అమ్మవారి ఆలయానికి చేరుకున్నారు. ప్రత్యేక పూజల అనంతరం ఉత్సవమూర్తులను పుష్కర ఘాట్‌కు తీసుకెళ్లి నదీ పూజలు, నవక పూజలు నిర్వహించారు. అనంతరం హంస వాహనంపై దేవతామూర్తులను కొలువుదీర్చి తుంగభద్ర నదిలో విహరింపజేశారు. కార్యక్రమంలో ఎమ్మెల్యే విజయుడు, ఆలయ ఈఓ దీప్తి, అమ్మవారి దీక్ష స్వీకరించిన స్వాములు పాల్గొన్నారు. తెప్పోత్సవంతో శరన్నవరాత్రి ఉత్సవాలు ముగిశాయి. జోగుళాంబ మాత పాహిమాం వివరాలు IIలో..

● డిండి ప్రాజెక్టు రద్దు చేయాలని ఫ్లకార్డు ప్రదర్శన నాగర్‌కర్నూల్‌: దసరా ఉత్సవాల్లో పాల్గొనేందుకు స్వగ్రామం కొండారెడ్డిపల్లికి వచ్చిన సీఎం రేవంత్‌రెడ్డికి డిండి ప్రాజెక్టుపై నిరసన సెగ తగిలింది. గ్రామంలోని హనుమాన్‌ ఆలయానికి సీఎం వెళ్తుండగా.. వంగూరు మండలం పొల్కంపల్లికి చెందిన చీమర్ల అర్జున్‌రెడ్డి ఫ్లకార్డు ప్రదర్శిస్తూ.. డిండి ప్రాజెక్టును రద్దు చేయాలని, గోకారం రిజర్వాయర్‌లో ఎర్రవల్లి, ఎర్రవల్లి తండాలు ముంపు లేకుండా చూడాలని, ఉమ్మడి జిల్లాలోని పెండింగ్‌ ప్రాజెక్టులను పూర్తిచేయాలని గట్టిగా నినాదాలు చేశారు. సీఎం ఎదురుగానే ఫ్లకార్డును ప్రదర్శించి అందరినీ ఆశ్చర్యపరిచారు. ఈ ఘటనతో పోలీసులు కంగుతిన్నారు. వెంటనే అర్జున్‌రెడ్డి వద్ద ఫ్లకార్డు లాక్కొని, అతడిని పక్కకు లాగేశారు. ఈ సందర్భంగా ఆయన మాట్లాడుతూ.. డిండి ప్రాజెక్టుతో పాలమూరు ప్రాంతానికి తీరని అన్యాయం జరుగుతుందన్నారు. ఆ ప్రాజెక్టును రద్దు చేయడంతో పాటు ఉమ్మడి పాలమూరులోని పెండింగ్‌ ప్రాజెక్టులను వేగంగా పూర్తి చేయాలని డిమాండ్‌ చేశారు. అప్పటి వరకు తమ పోరాటం ఆగదని పేర్కొన్నారు. కాగా, డిండి ప్రాజెక్టును రద్దు చేయాలని స్వంత ప్రాంతం నుంచే నిరసన వ్యక్తం కావడం.. ఇప్పటికే స్థానిక ఎమ్మెల్యేలు ఏదుల రిజర్వాయర్‌ నుంచి కాకుండా కృష్ణానది నుంచి నేరుగా డిండి ప్రాజెక్టుకు నీరు తీసుకుపోవాలని లోలోపల ఒత్తిడి తీసుకొస్తున్న అంశానికి ఈ నిరసన తోడైందని చెప్పవచ్చు.

● సాగునీటి ప్రాజెక్టుల పనులను పూర్తిచేయడమే లక్ష్యం ● ఎకై ్సజ్‌, పర్యాటకశాఖ మంత్రి జూపల్లి కృష్ణారావు నార్లాపూర్‌ రిజర్వాయర్‌ తూము నుంచి ఎల్లూరు రిజర్వాయర్‌లోకి నీటిని విడుదల చేస్తున్న మంత్రి జూపల్లి కృష్ణారావు కొల్లాపూర్‌ రూరల్‌: ఎంజీకేఎల్‌ఐ ద్వారా అదనంగా మరో లక్ష ఎకరాలకు సాగునీరు అందుతుందని రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు అన్నారు. బుధవారం కొల్లాపూర్‌ మండలం బోడబండ తండా సమీపంలోని నార్లాపూర్‌ రిజర్వాయర్‌ తూము నుంచి ఎల్లూరు రిజర్వాయర్‌లోకి సాగునీటిని విడుదల చేశారు. ఈ సందర్భంగా మంత్రి మాట్లాడుతూ.. పాలమూరు ప్రాజెక్టు నుంచి కేఎల్‌ఐకి సంబంధించిన ఎల్లూరు రిజర్వాయర్‌లోకి వెయ్యి క్యూసెక్కుల నీటిని విడుదల చేయడం ద్వారా అదనంగా మరో లక్ష ఎకరాల ఆయకట్టుకు సాగునీరు అందుతుందన్నారు. అలాగే ప్రజలకు తాగునీటి ఇబ్బందులు తలెత్తకుండా అవసరమైన చర్యలు తీసుకుంటున్నట్లు మంత్రి వివరించారు. నార్లాపూర్‌ నుంచి ఏదుల వరకు కాల్వల పనులు పూర్తి కావాల్సి ఉందన్నారు. మార్గమధ్యంలో మూడు చోట్ల తండు తవ్వకాలు చేపట్టాల్సి ఉండటంతో పాటు బ్రిడ్జీల నిర్మాణం కొనసాగుతోందన్నారు. కొన్ని ప్రాంతాల్లో రాతి నేల ఉండటంతో తవ్వకాలకు సమయం పడుతోందని ఆయన వివరించారు. అవి పూర్తి కాకుండా నీటిని విడుదలచేస్తే ముందుకు తీసుకెళ్లడం సాధ్యంకాదని స్పష్టం చేశారు. కాల్వ నిర్మాణం పూర్తిచేసి నీటిని సజావుగా ముందుకు తీసుకెళ్లేందుకు ఇంకా నాలుగు నెలల సమయం పడుతుందన్నారు. ప్యాకేజీ–3 పనులను బీఆర్‌ఎస్‌ ప్రభుత్వమే పూర్తిచేసి ఉంటే, ప్రస్తుతం ఈ పరిస్థితి వచ్చేది కాదన్నారు. మాజీ మంత్రి కేటీఆర్‌, నిరంజన్‌రెడ్డితో సహా బీఆర్‌ఎస్‌ నాయకులు పాలమూరు ప్రాజెక్టు క్షేత్రస్థాయి పరిస్థితులను తెలుసుకోకుండా నీటిని విడుదల చేయాలని డిమాండ్‌ చేయడం ప్రజలను తప్పుదోవ పట్టించడమేనని ఆయన అన్నారు. ప్రాజెక్టుల పురోగతిని పరిశీలించి, వాస్తవాల ఆధారంగా మాట్లాడాలని సూచించారు. గాలి మాటలతో ప్రజలను తప్పుదోవ పట్టించే ప్రయత్నాలు మానుకోవాలని హితవు పలికారు. అసంపూర్తి పనులను పూర్తిచేసి రైతులకు సాగునీరు అందించడమే ప్రభుత్వ లక్ష్యమన్నారు. అనంతరం మిషన్‌ భగీరథ పథకం పంపహౌజ్‌లో అధికారులతో మంత్రి సమీక్షించారు. సమావేశంలో కొల్లాపూర్‌ మున్సిపల్‌ చైర్‌పర్సన్‌ రెడ్డి జ్యోతి, వైస్‌చైర్మన్‌ రహింపాషా, ఇరిగేషన్‌ అధికారులు ఉన్నారు. ● కొల్లాపూర్‌ మండలం సోమశిలలో ఇందిరమ్మ ఇళ్ల నిర్మాణాలకు మంత్రి జూపల్లి కృష్ణారావు భూమిపూజ చేశారు. ఈ సందర్భంగా ఆయన మాట్లాడుతూ.. కాంగ్రెస్‌ ప్రభుత్వంలో పేదల సొంతింటి కల నెరవేరుతోందన్నారు. అర్హులందరికీ ఇందిరమ్మ ఇళ్లు మంజూరు చేయడమే తమ లక్ష్యమన్నారు. అనంతరం లబ్ధిదారులకు ఇళ్ల మంజూరు పత్రాలను అందజేశారు. కార్యక్రమంలో సర్పంచ్‌ వెంకటలక్ష్మి, ఆలయ కమిటీ చైర్మన్‌ రామకృష్ణ, ఆర్మీ వెంకటస్వామి, రామ్మోహన్‌ పాల్గొన్నారు.

● ఆంజనేయస్వామి ఆలయంలో ప్రత్యేక పూజలు.. ప్రజాప్రతినిధులు, అధికారులతో భేటీ ● షెడ్యూల్‌ విడుదల చేసిన సీఎంఓ కార్యాలయం ● పకడ్బందీ ఏర్పాట్లు చేసిన యంత్రాంగం ● పర్యవేక్షించిన కలెక్టర్‌, ఎస్పీ.. అధికారులతో సమీక్ష నాగర్‌కర్నూల్‌/ వంగూరు: దసరా పండుగను పురస్కరించుకుని రాష్ట్ర ముఖ్యమంత్రి ఎనుముల రేవంత్‌రెడ్డి ముచ్చటగా మూడోసారి సీఎం హోదాలో మంగళవారం స్వగ్రామం కొండారెడ్డిపల్లికి రానున్నారు. ఇందుకు సంబంధించి జిల్లా అధికార యంత్రాంగం ఏర్పాట్లను పకడ్బందీగా పూర్తిచేశారు. గడిచిన మూడేళ్లలో కొండారెడ్డిపల్లిలో దాదాపు రూ.200 కోట్లతో అభివృద్ధి కార్యక్రమాలను ప్రారంభించి పూర్తిచేశారు. మంగళవారం సీఎం రూ.30 కోట్ల అభివృద్ధి పనులను ప్రారంభించనున్నారు. రూ.10 కోట్లతో నిర్మించనున్న ఏటీసీ సెంటర్‌, రూ.9.5 కోట్లతో నిర్మించిన ఎస్‌టీపీ, ప్రాథమిక ఆరోగ్యకేంద్రం, శ్రీశైలం హైవే నుంచి గ్రామం వరకు ఏర్పాటు చేసిన సోలార్‌ సెంటర్‌ లైటింగ్‌ సిస్టంను ముఖ్యమంత్రి ప్రారంభించనున్నారు. ఇందుకు సంబంధించి ఆయా శాఖల అధికారులు ఏర్పాట్లను పూర్తిచేశారు. కొండారెడ్డిపల్లిలో అధికారుల పర్యటన, గ్రామంలోని ఆలయాలు పూలు, విద్యుత్‌ లైట్లతో శోభాయమానంగా తీర్చిదిద్దడం, గ్రామస్తులు పెద్దఎత్తున ఫ్లెక్సీలు ఏర్పాటు చేయడంతో కొండారెడ్డిపల్లి మొత్తం కోలాహలంగా మారింది. బతుకమ్మలతో స్వాగతం.. ప్రత్యేక హెలీక్యాప్టర్‌లో సీఎం రేవంత్‌రెడ్డి మంగళవారం కొండారెడ్డిపల్లికి రానున్నారు. ఈ మేరకు సీఎం హెలీప్యాడ్‌ వద్ద దిగిన వెంటనే బతుకమ్మ, సాంస్కృతిక నృత్యాలతో స్వాగతం పలికేందుకు గ్రామస్తులు సన్నద్ధమవుతున్నారు. సోమవారం ఇన్‌చార్జి కలెక్టర్‌ ఆదర్శ్‌ సురభి, ఎస్పీ సంగ్రామ్‌సింగ్‌జీ పాటిల్‌, సీఎం భద్రతా అధికారి శ్రీధర్‌ తదితరులు గ్రామంలో సీఎం పర్యటించే ప్రాంతాలను పర్యవేక్షించారు. ఈ సందర్భంగా తీసుకోవాల్సిన జాగ్రత్తలను అధికారులకు సూచించారు. ప్రధానంగా ముఖ్యమంత్రి గ్రామంలోని అంజనేయస్వామి ఆలయం, జమ్మిచెట్టు వద్ద ఎక్కువ సేపు ఉండే అవకాశం ఉండడంతో ఆ ప్రాంతంలో పటిష్ట భద్రతా చర్యలు చేపట్టాలని అధికారులు నిర్ణయించారు. ముఖ్యమంత్రిని చూసేందుకు వచ్చే ప్రజలకు ఎలాంటి అసౌకర్యం కలగకుండా చర్యలు తీసుకోవాలన్నారు. అనంతరం ఆయా ప్రభుత్వ శాఖల అధికారులతో కలెక్టర్‌, ఎస్పీ సమీక్ష నిర్వహించారు. గ్రామంలో విద్యుత్‌, తాగునీటి సరఫరాలో ఎలాంటి అసౌకర్యం కల గకుండా సిబ్బంది చర్యలు తీసుకోవాలన్నారు. సమావేశంలో అదనపు కలెక్టర్లు చెన్నయ్య, దేవసహాయం, ఏఎస్పీ వెంకటేశ్వ ర్లు, సీఎం సోదరుడు, గ్రామ అభివృద్ధి కమిటీ చైర్మన్‌ ఎనుముల కృష్ణారెడ్డి తదితరు లు పాల్గొన్నారు. సీఎం రేవంత్‌రెడ్డి మంగళవారం ఉదయం 11.20 గంటలకు హైదరాబాద్‌లోని డాక్టర్‌ ఎంసీఆర్‌హెచ్‌ఆర్‌డీ ఇనిస్టిట్యూట్‌ నుంచి హెలీక్యాప్టర్‌లో బయలుదేరుతారు. మధ్యాహ్నం 12 గంటలకు కొండారెడ్డిపల్లికి చేరుకుంటారు. మధ్యాహ్నం 12.15 నుంచి 12.45 గంటల వరకు గ్రామంలోని ఆంజనేయస్వామి ఆలయాన్ని సందర్శించి పూజలు చేస్తారు. అనంతరం సొంతింటికి వెళ్తారు. మధ్యాహ్నం 2 గంటలకు ప్రజాప్రతినిధులు, అధికారులతో ప్రత్యేకంగా సమావేశమై మాట్లాడతారు. సాయంత్రం 6 గంటలకు గ్రామంలోని మైసమ్మ ఆలయం, జమ్మిచెట్టు వద్ద పూజలు చేయడానికి ఇంటి నుంచి బయలుదేరుతారు. సాయంత్రం 6.45 గంటలకు ఆంజనేయస్వామి ఆలయ వేదిక వద్ద ప్రజలను కలుసుకుని వారితో మాట్లాడతారు. తిరిగి రాత్రి 7 గంటలకు రోడ్డు మార్గంలో కొండారెడ్డిపల్లి నుంచి హైదరాబాద్‌కు బయలుదేరి వెళ్తారు.

పాన్‌గల్‌: ప్రస్తుతం నెలకొన్న కరువు కాలం తెచ్చింది కాదని.. కాంగ్రెస్‌ ప్రభుత్వం తీసుకొచ్చిన కరువని కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి అన్నారు. ఆదివారం మండల కేంద్రంలోని ఈదమ్మ ఆలయం సమీపంలో ఉన్న కేఎల్‌ఐ ఎంజే–6 పరిధిలో ఎండిన వరి పంటలను స్థానిక నాయకులతో కలిసి ఆయన పరిశీలించారు. ఈ సందర్భంగా మాట్లాడుతూ.. ప్రస్తుత ప్రభుత్వం సాగునీరు ఇవ్వడం లేదని.. కనీసం విద్యుత్‌ సరఫరా సక్రమంగా చేస్తే చేతికొచ్చిన పంటను రైతులు కాపాడుకుంటారన్నారు. ఓ పక్క సాగునీటి కష్టాలు, మరోపక్క విద్యుత్‌ కోతలతో పంటలు ఎండి రైతులు తీవ్రంగా నష్టపోతున్నారని ఆవేదన వ్యక్తం చేశారు. కాంగ్రెస్‌ ప్రభుత్వం కేసీఆర్‌ను తిట్టడం తప్ప రైతులకు సాగునీరు, విద్యుత్‌, రైతుబంధు ఇవ్వడంలో పూర్తిగా విఫలమైందని ఆరోపించారు. భీమా కాల్వ చివరి ఆయకట్టుకు సాగునీరు అందక రైతులు ఘర్షణ పడుతున్నారని.. అధికారుల పర్యవేక్షణ లేకనే గొడవలు జరుగుతున్నాయని విమర్శించారు. పంట నష్టపోయిన రైతులకు పరిహారం అందించి ఆదుకోవాలన్నారు. ఇప్పటికై నా అధికారులు స్పందించి పంటలు చేతికందే దశలోనైనా సాగునీరు, కోతలు లేకుండా విద్యుత్‌ సరఫరా చేసి పంటలను కాపాడాలని.. లేనిచో బీఆర్‌ఎస్‌ పార్టీ ఆధ్వర్యంలో రైతులతో కలిసి ఆందోళనలు చేపడతామని హెచ్చరించారు. బీఆర్‌ఎస్‌ పార్టీ మండల అధ్యక్షుడు వీరసాగర్‌, న్యాయవాది రవికుమార్‌, చంద్రునాయక్‌, వెంకటయ్యనాయుడు, దాసునాయక్‌, గోపాల్‌రెడ్డి, రాంచందర్‌యాదవ్‌, సర్పంచ్‌లు కిశోర్‌నాయక్‌, కృష్ణనాయుడు, ఆయా గ్రామాల పార్టీ నాయకులు పాల్గొన్నారు.

కందనూలు: సమాజంలో చెడును పారద్రోలి, ప్రజలకు రక్షణ కల్పించడమే తమ లక్ష్యమని ఎస్పీ సంగ్రామ్‌ సింగ్‌జీ పాటిల్‌ అన్నారు. విజయదశమి పర్వదినాన్ని పురస్కరించుకొని ఆదివారం జిల్లా సాయుధ దళం కార్యాలయంలో ఆయుధ పూజ నిర్వహించారు. ఈ సందర్భంగా పోలీస్‌ శాఖకు చెందిన ఆయుధాలతో పాటు వాహనాలకు ఎస్పీ ప్రత్యేక పూజలు చేశారు. అనంతరం ఆయన మాట్లాడుతూ.. విజయదశమి సందర్భంగా పోలీస్‌ శాఖ ఆయుధ పూజ నిర్వహించడం గొప్ప సంప్రదాయమని తెలిపారు. జిల్లాలో శాంతిభద్రతల పరిరక్షణ కోసం పోలీస్‌శాఖ నిరంతరం కృషి చేస్తోందన్నారు. ప్రజల భద్రతే లక్ష్యంగా పోలీస్‌ అధికారులు, సిబ్బంది అంకితభావంతో విధులు నిర్వహించాలని ఎస్పీ సూచించారు. కార్యక్రమంలో అదనపు ఎస్పీ వెంకటేశ్వర్లు, డీఎస్పీ శ్రీనివాస్‌, సీఐ అశోక్‌రెడ్డి, ఎస్‌ఐ వెంకట్‌రెడ్డి పాల్గొన్నారు.

కొల్లాపూర్‌: త్వరలోనే మిషన్‌ భగీరథ స్కీంకు నీటి సరఫరా సమస్యలు శాశ్వతంగా తీరనున్నాయి. ఉమ్మడి పాలమూరు జిల్లాతో పాటు రంగారెడ్డి జిల్లాలోని పలు ప్రాంతాలకు భగీరథ స్కీం ద్వారా తాగునీటిని అందిస్తున్న విషయం తెలిసిందే. కొల్లాపూర్‌ మండలం ఎల్లూరు సమీపంలోని మిషన్‌ భగీరథ స్కీంకు ప్రస్తుతం ఎంజీకేఎల్‌ఐ ద్వారా నీటిని సరఫరా చేస్తున్నారు. ఇక నుంచి పాలమూరు ప్రాజెక్టు ద్వారా నీటి సరఫరాకు ప్రభుత్వం శ్రీకారం చుట్టబోతోంది. ఇందుకోసం నార్లాపూర్‌ రిజర్వాయర్‌కు అనుసంధానంగా పంప్‌హౌజ్‌ నిర్మించింది. ఈ పనులు దాదాపుగా తుదిదశకు చేరాయి. త్వరలోనే పంప్‌హౌజ్‌ను ప్రారంభించేందుకు సన్నాహకాలు చేస్తున్నారు. తాగునీటి సరఫరా ఇలా.. కేఎల్‌ఐ ప్రాజెక్టుకు అనుసంధానంగా ఎల్లూరులో మిషన్‌ భగీరథ పంప్‌హౌజ్‌ నిర్మించారు. ఇక్కడి నుంచి ఉమ్మడి మహబూబ్‌నగర్‌ జిల్లాతో పాటు, రంగారెడ్డి జిల్లాలోని 3 నియోజకవర్గాల్లో కలిపి మొత్తం 84 మండలాల్లోని 3,912 గ్రామాల ప్రజలకు తాగునీరు అందించేందుకు పైప్‌లైన్లు, వాటర్‌ట్యాంకులు నిర్మించారు. శాశ్వత పరిష్కారం దిశగా.. మిషన్‌ భగీరథ స్కీంకు వేసవిలో నీటి సరఫరాకు ఇబ్బందులు ఎదురవుతున్న నేపథ్యంలో గత ప్రభుత్వం ఈ సమస్యకు శాశ్వత పరిష్కారం చూపాలని భావించింది. మిషన్‌ భగీరథ స్కీంకు సమీపంలోనే పాలమూరు ప్రాజెక్టు పరిధిలోని నార్లాపూర్‌ రిజర్వాయర్‌ కూడా ఉంది. కేఎల్‌ఐ పరిధిలోని ఎల్లూరు రిజర్వాయర్‌ నీటినిల్వ సామర్థ్యం 0.36 టీఎంసీ కాగా.. నార్లాపూర్‌ రిజర్వాయర్‌ సామర్థ్యం 6.4 టీఎంసీలు. దీంతో నార్లాపూర్‌ రిజర్వాయర్‌ ద్వారా మిషన్‌ భగీరథ స్కీంకు నీటిని మళ్లించాలని అప్పటి ప్రభుత్వం నిర్ణయించింది. ఇందుకోసం రెండు ప్రత్యామ్నాయాలను సిద్దం చేసింది. మొదటగా నార్లాపూర్‌ రిజర్వాయర్‌ పూర్తి నీటి నిల్వతో ఉన్నప్పుడు ఎలాంటి పంపింగ్‌ లేకుండా స్లూయిస్‌ ద్వారా ఎల్లూరు రిజర్వాయర్‌లోకి నీటిని మళ్లించేలా ఏర్పాట్లు చేశారు. నార్లాపూర్‌ రిజర్వాయర్‌లో ఫుల్‌గేజ్‌ నీటి నిల్వ లేని సమయంలో కూడా మిషన్‌ భగీరథకు నీటిని తరలించేందుకు వీలుగా సున్నపుతండా వద్ద పంప్‌హౌజ్‌ నిర్మాణానికి చర్యలు చేపట్టారు. ఇందుకోసం రూ. 140కోట్లు కేటాయించింది. పంప్‌హౌజ్‌ నిర్మాణం నిదానంగా సాగుతూ.. ఇన్నాళ్లకు తుదిదశకు చేరింది. తాగునీటి పథకానికి పాలమూరు ప్రాజెక్టు నుంచి నీటి సరఫరాకు సిద్ధం ఎల్లూరు సమీపంలోని సున్నపుతండాలో రూ.140కోట్లతోపంప్‌హౌజ్‌ నిర్మాణం 1.7 కేవీ సామర్థ్యంతో 6 మోటార్లు ఏర్పాటు సీఎం చేతుల మీదుగా ప్రారంభించేందుకు సన్నాహకాలు

బతుకమ్మ బతుకమ్మ ఊయ్యాలో.. బంగారు బతుకమ్మ ఊయ్యాలో.. ఒక్కేసి పువ్వేసి చందమామ అంటూ మహిళలు ఆడిపాడారు. ఆదివారం జిల్లా కేంద్రంలోని ఎమ్మెల్యే క్యాంపు కార్యాలయంతో పాటు అచ్చంపేట పట్టణంలోని భక్త మార్కండేయ ఆలయం, ఐలవ్‌ అచ్చంపేట వద్ద సద్దుల బతుకమ్మ వేడుకలు అంబర్నాంటాయి. తెలంగాణ సాంస్కృతిక వైభవానికి ప్రతీకగా నిలిచే వేడుకల్లో మహిళలు, యువతులు పెద్ద ఎత్తున పాల్గొని బతుకమ్మ పాటలకు బొడ్డెమ్మ ఆడారు. ఉత్సవాల్లో ఎమ్మెల్యేలు కూచుకుళ్ల రాజేశ్‌రెడ్డి – సరితారెడ్డి, డా.చిక్కుడు వంశీకృష్ణ – అనురాధ దంపతులు పాల్గొన్నారు. అచ్చంపేటలో మున్సిపల్‌శాఖ ఆధ్వర్యంలో నిర్వహించిన వేడుకల్లో వివిధ కుల, ప్రజా సంఘాలు, మహిళా సంఘాలు, అంగన్‌వాడీ సిబ్బంది తీరొక్క పూలతో బతుకమ్మలను తయారుచేసి ఆడిపాడారు. – నాగర్‌కర్నూల్‌/అచ్చంపేట

పెద్దకొత్తపల్లిలో నేలకొరిగిన వరిపైరు, తాడూరు మండలం అల్లాపూర్‌లో దెబ్బతిన్న పత్తిపంట పెద్దకొత్తపల్లి/తాడూరు: జిల్లాలోని పలు ప్రాంతాల్లో శనివారం రాత్రి మోస్తరు వర్షం కురిసింది. ఒక్కసారిగా ఆకాశం మేఘావృతమై కురిసిన వర్షంతో చేతికొచ్చే దశలో ఉన్న వరి, పత్తిపంటలు దెబ్బతిన్నాయి. పెద్దకొత్తపల్లిలో అవ్వగారి కృష్ణయ్య, లక్ష్మయ్యకు చెందిన దాదాపు 12 ఎకరాల వరిపైరు కంకి దశలో ఉండగా.. పూర్తిగా నేలకొరిగింది. గింజలు పట్టకుండా తాలుగా మారే అవకాశం ఉందని రైతులు ఆందోళన చెందుతున్నారు. అలాగే తాడూరు మండల కేంద్రంతో పాటు అల్లాపూర్‌ తదితర గ్రామాల్లో పత్తిపంటకు నష్టం వాటిల్లింది. ఇప్పటికే ఎల్‌నినో ప్రభావంతో వర్షాలు లేక దిగుబడి పూర్తిగా తగ్గిందని రైతులు దిగాలు చెందుతున్నారు. ప్రస్తుతం కురిసిన వర్షంతో ఉన్న పత్తి కాయలు కిందపడ్డాయని వాపోతున్నారు. వర్షాలకు పంటలు దెబ్బతిన్న రైతులను ప్రభుత్వం ఆదుకోవాలని కోరుతున్నారు.

అమరచింత: ప్రియదర్శిని జూరాల ప్రాజెక్టు ప్రధాన కుడి, ఎడమ కాల్వలకు ఆదివారం అధికారులు నీటిని విడుదల చేశారు. వారాబందీ విధానంతో ఆయకట్టుకు నీటిని విడుదల చేస్తున్న అధికారులు 4 రోజుల పాటు వదిలి 3 రోజులు నిలిపివేశారు. మరో తడి కోసం ఆదివారం ప్రధాన ఎడమకాల్వకు 1,190 క్యూసెక్కులు, కుడికాల్వకు 730 క్యూసెక్కుల నీటిని వదులుతున్నారు. జూరాల ఆయకట్టు పరిధిలో సుమారు 1.15 లక్షల ఎకరాల్లో రైతులు వివిధ రకాల పంటలు సాగుచేశారు. ప్రస్తుతం వరి పంట పొట్టదశలో ఉండటంతో సాగునీటిని పొదుపుగా వినియోగించుకోవాలని ప్రాజెక్టు అధికారులు రైతులకు సూచిస్తున్నారు. జలాశయంలో ప్రస్తుతం 3.664 టీఎంసీల నీరు నిల్వ ఉందని అధికారులు వెల్లడించారు.

మన్ననూర్‌: అమ్రాబాద్‌ మండలం వటువర్లపల్లి గ్రామస్తులు స్వచ్ఛందంగా పునరావాసం కోరుకుంటున్నారని డీఎఫ్‌ఓ రేవంత్‌ చంద్ర అన్నారు. ఆదివారం అటవీశాఖ ఆధ్వర్యంలో గ్రామస్తులతో నిర్వహించిన సమావేశంలో 240 కుటుంబాలు పునరావాసానికి సిద్ధంగా ఉన్నామని ఎంఓయూ చేసుకున్నారు. ఈ సందర్భంగా డీఎఫ్‌ఓ మాట్లాడుతూ.. అటవీశాఖ అధికారులు, సిబ్బంది గ్రామస్తులను బెదిరింపులకు పాల్పడుతున్నారని వస్తున్న ఆరోపణల్లో ఏమాత్రం నిజం లేదన్నారు. ఎలాంటి బలవంతం లేకుండా స్వచ్ఛందంగా పునరావాసం కోరుకునే వారికి మాత్రమే ప్రభుత్వం తరఫున కల్పించే సహకారం ఉంటుందని తెలిపారు. కార్యక్రమంలో ఎఫ్‌డీఓ చంద్ర ప్రకాశ్‌ సింఘాల్‌, ఎంపీడీఓ రామన్న, ఎప్‌ఆర్‌ఓలు వీరేష్‌, ఈశ్వర్‌, పునరావాసం కమిటీ అధ్యక్షుడు సాయిబాబు, ఉపసర్పంచ్‌ బాల్‌రాజ్‌ పాల్గొన్నారు. మోకాళ్లపై కూర్చొని ఉద్యోగుల నిరసన కందనూలు: జాతీయ ఆరోగ్య మిషన్‌ పరిధిలో పనిచేస్తున్న కాంట్రాక్ట్‌, ఔట్‌సోర్సింగ్‌ ఉద్యోగులు తమ న్యాయమైన డిమాండ్ల సాధన కోసం జిల్లా కేంద్రంలో చేపట్టిన నిరవధిక సమ్మె ఆదివారం ఆరో రోజుకు చేరింది. జాయింట్‌ యాక్షన్‌ కమిటీ ఆధ్వర్యంలో ఉద్యోగులు మోకాళ్లపై కూర్చొని నిరసన కార్యక్రమం చేపట్టారు. ఈ సందర్భంగా వారు మాట్లాడుతూ.. ఏళ్లుగా ఆరోగ్యశాఖలో విధులు నిర్వహిస్తూ, ప్రజలకు సేవలందిస్తున్న ఎన్‌హెచ్‌ఎం ఉద్యోగుల సమస్యల పరిష్కారంపై ప్రభుత్వం నిర్లక్ష్యం వహించడం సరైంది కాదన్నారు. కాంట్రాక్ట్‌, ఔట్‌సోర్సింగ్‌ ఉద్యోగులను క్రమబద్ధీకరించడంతో పాటు సమాన పనికి సమాన వేతనం అమలు చేయాలని డిమాండ్‌ చేశారు. కార్యక్రమంలో జిల్లా అధ్యక్షుడు బాలకృష్ణ, జనరల్‌ సెక్రటరీ కుమార్‌, రాష్ట్ర ఉపాధ్యక్షుడు గౌస్‌ బాషా పాల్గొన్నారు. ఉపాధ్యాయుల సమస్యలను పరిష్కరించాలి కందనూలు: పెండింగ్‌లో ఉన్న ఉపాధ్యాయుల సమస్యలను పరిష్కరించాలని ఎస్టీయూ రాష్ట్ర మాజీ అధ్యక్షుడు పర్వత్‌రెడ్డి అన్నారు. ఆదివారం జిల్లా కేంద్రంలోని ఎస్టీయూ కార్యాలయంలో ఏర్పాటు చేసిన సమావేశంలో ఆయన మాట్లాడుతూ ప్రభుత్వం ఉపాధ్యాయులకు ఇచ్చిన మాట ప్రకారం హెల్త్‌ కార్డులు, పీఆర్సీ, తదితర అంశాలపై దృష్టి సారించాలని కోరారు. కార్యక్రమంలో జిల్లా అధ్యక్షుడు శ్రీధర్‌రావు, ప్రధాన కార్యదర్శి మధుసూదన్‌రెడ్డి రమేష్‌, ప్రభాకర్‌ తదితరులు పాల్గొన్నారు.

● అత్యధికంగా లా, ఇంజినీరింగ్‌ కళాశాలలకు కేటాయింపు ● త్వరలో రోస్టర్‌, నోటిఫికేషన్‌ ఇవ్వనున్న అధికారులు మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో రెగ్యులర్‌ ప్రతిపాదికన అసిస్టెంట్‌ ప్రొఫెసర్‌ పోస్టులు భర్తీ చేసేందుకు ఇటీవల జీఓ 31ని విడుదల చేసిన ప్రభుత్వం తాజాగా డిపార్టుమెంట్ల వారీగా భర్తీ చేసే పోస్టులకు అనుమతిస్తూ జీఓ 142 జారీచేసింది. మొత్తం పీయూలోని 19 డిపార్ట్‌మెంట్లలో 152 పోస్టులు ఉండగా ఇందులో ప్రస్తుతం రెగ్యులర్‌ ప్రతిపాదికన 18 మంది పనిచేస్తుండగా.. 134 పోస్టులు ఖాళీగా ఉన్నాయి. ఈ క్రమంలో కేవలం 45 పోస్టులకు మాత్రమే భర్తీకి అనుమతించింది. అయితే కాంట్రాక్టు అధ్యాపకులు పనిచేస్తున్న మెజార్టీ డిపార్ట్‌మెంట్లలో ప్రభుత్వం రెగ్యులర్‌ పోస్టులను భర్తీ చేయడంపై సుముఖత వ్యక్తం చేసినట్లు తెలుస్తుంది. ప్రధానంగా పీయూలో కొత్తగా ప్రారంభించిన లా, ఇంజినీరింగ్‌ కళాశాలల్లో లాలో 8, ఇంజినీరింగ్‌లో మూడు డిపార్ట్‌మెంట్లలో 23 పోస్టుల భర్తీకి అనుమతి ఇచ్చింది. యూనివర్సిటీ పరిధిలో భర్తీ చేయనున్న పోస్టులు కావడంతో వాటికి సంబంధించి రోస్టర్‌, నోటిఫికేషన్‌ ప్రక్రియను అధికారులు చేపట్టనున్నారు. అంతేకాకుండా ఈ ప్రక్రియను మార్చిలోగా పూర్తి చేయాలని అధికారులు భావిస్తున్నట్లు సమాచారం. ఇందుకోసం పలు కమిటీలను కూడా త్వరలో ఏర్పాటు చేయనున్నారు. డిపార్ట్‌మెంట్‌ పోస్టులు బాటనీ 2 బిజినెస్‌ మేనేజ్‌మెంట్‌ 1 ఇంగ్లిష్‌ 4 మేథమెటిక్స్‌ 1 లా ( ఎల్‌ఎల్‌బీ, ఎల్‌ఎల్‌ఎం) 8 ఇంజినీరింగ్‌ సీఎస్‌ఈ 6 ఇంజినీరింగ్‌– సీఎస్సీ డాటాసైన్స్‌ 6 ఇంజినీరింగ్‌ (హ్యూమనిటీస్‌, 10 సోషల్‌ సైన్స్‌) ఇంజినీరింగ్‌ ఫిజికల్‌ ఎడ్యుకేషన్‌ 1

కల్వకుర్తి రూరల్‌: డిండి లిఫ్ట్‌ ఇరిగేషన్‌ ప్రాజెక్టులో భాగంగా కల్వకుర్తి నియోజకవర్గం మాడుగుల మండలంలోని ఇర్విన్‌ గ్రామం వద్ద నిర్మించే రిజర్వాయర్‌ను వెంటనే రద్దు చేయాలని డిమాండ్‌ చేస్తూ ఇర్విన్‌, బైరాపూర్‌ రైతులు శనివారం సీఎం రేవంత్‌రెడ్డి స్వగ్రామం కొండారెడ్డిపల్లి గేటు కమాన్‌ వద్ద తీవ్ర నిరసన వ్యక్తం చేశారు. రిజర్వాయర్‌ చేపడితే తమ విలువైన భూములు కోల్పోవడంతోపాటు వ్యవసాయం చేయడం కష్టమవుతుందని రైతులు ఆవేదన వ్యక్తం చేశారు. కల్వకుర్తిలో నిర్వహిస్తున్న మహా ధర్నాకు వస్తూ సీఎం సొంత గ్రామం వద్ద జేఏసీ నాయకుడు రమేష్‌గౌడ్‌ ఆధ్వర్యంలో కొద్దిసేపు ఆందోళన చేపట్టారు. ఈ సందర్భంగా పలువురు మాట్లాడుతూ ప్రభుత్వం ఇచ్చే పరిహారం తమ భూములకు ఏమాత్రం ప్రత్యామ్నాయం కాదని, భూములు కోల్పోతే జీవనాధారం దెబ్బతింటుందని వాపోయారు. తమ సమస్యకు పరిష్కారం రిజర్వాయర్‌ రద్దు మాత్రమేనని తేల్చిచెప్పారు. రాష్ట్ర ప్రభుత్వం తమ సమస్యపై వెంటనే స్పందించి రిజర్వాయర్‌ రద్దు చేయాలని, లేకపోతే రాబోయే రోజుల్లో పెద్దఎత్తున ఆందోళనలు చేపడతామని వారు హెచ్చరించారు.