Alluri Sitarama Raju District Latest News

రోలుగుంట: గోవాడ చక్కెర కర్మాగారం చెరకు రైతుల బకాయిలు, ఫ్యాక్టరీ నిర్వహణపై ఈ నెల 28న గోవాడలో మహాజన సభ నిర్వహించనున్నామని చోడవరం నియోజకవర్గ సమన్వయకర్త, మాజీ మంత్రి గుడివాడ అమర్‌నాథ్‌ హెచ్చరికతో చంద్రబాబు ప్రభుత్వం దిగిరావడం హర్షణీయమని వైఎస్సార్‌సీపీ బీసీ సెల్‌ రాష్ట్ర ప్రతినిధి పోతల లక్ష్మీశ్రీనివాస్‌, మాజీ ఎంపీపీ యర్రంశెట్టి శ్రీనివాసరావు, పార్టీ మండలాధ్యక్షుడు టి.వి.రమణ తెలిపారు. శుక్రవారం రోలుగుంటలో వారు మాట్లాడుతూ అప్పుల్లో కూరుకుపోయిన గోవాడ సుగర్స్‌ ఫ్యాక్టరీని నడిపించేందుకు గత వైఎస్సార్‌సీపీ హయాంలో అప్పటి మంత్రి అమర్‌నాథ్‌ చొరవ తీసుకుని రూ. 87 కోట్లు మంజూరు చేయించారన్నారు. రైతు పక్షపాతి మాజీ ముఖ్యమంత్రి జగన్‌మోహన్‌రెడ్డి సైతం చెరకు రైతుకు ప్రతి రూపాయి చెల్లిస్తే, సీఎం చంద్రబాబు మాత్రం గతేడాది చెరకు సరఫరా చేసిన రైతులకు 18 నెలలు పైబడి రూ. 25 కోట్లు, ఉద్యోగులకు రూ. 5 కోట్లు వెరసి రూ. 30 కోట్లు బకాయిలు చెల్లించలేదన్నారు. వీటిపై ఈ నెల 9న రోలుగుంటలో పార్టీ కార్యకర్తల సమావేశంలో మాజీ మంత్రి అమర్‌నాథ్‌ కూటమి ప్రభుత్వాన్ని హెచ్చరించారన్నారు. వెంటనే బకాయిలు చెల్లించాలని, లేకుంటే ఈ నెల 28న మహాజన సభ గోవాడలో తానే నిర్వహిస్తానని, ఆ సభను విజయవంతం చేయాలని పిలుపునిచ్చారన్నారు. ఆ మాదిరిగానే సభ నిర్వహణపై అన్ని ఏర్పాట్లు చేస్తుండగా, రాష్ట్ర ప్రభుత్వం దిగొచ్చి బకాయిలు చెల్లించేందుకు సన్నద్ధమవడం, ఇది కేవలం అమర్‌నాథ్‌ సంకల్పంతోనేనని ప్రశంసించారు. కార్యక్రమంలో జెడ్పీటీసీ పోతల లక్ష్మీరమణమ్మ, యవజన విభాగం అధ్యక్షుడు వడ్డాది సతీష్‌, చెట్టుపల్లి వెంకట్రావు, కుంచంగి హరిబాబు, కాళ్ల నాయుడుబాబు పాల్గొన్నారు.గోవాడ సుగర్‌ ఫ్యాక్టరీ రైతుల బకాయి చెల్లింపునకు సన్నద్ధం

బుచ్చెయ్యపేట: మండలంలోని సీతయ్యపేట జగనన్న కాలనీ రోడ్డును స్థానికుడు ఆక్రమించాడు. గత వైఎస్సార్‌సీపీ హయాంలో ఇక్కడ జెడ్పీ హైస్కూల్‌ను ఆనుకుని జగనన్న కాలనీ ఏర్పాటు చేశారు. సీతయ్యపేట, చింతపాక గ్రామాలకు చెందిన 62 మందికి ఇక్కడే లే అవుట్‌ వేశారు. ఇళ్ల స్థలాలకు వెళ్లే రహదారిని స్థానికుడు దున్నేసి మొక్కలు నాటాడు. గతంలో ఇతను ఇదే స్థలాన్ని ఆక్రమించగా, రెవెన్యూ అధికారులు ఆక్రమణలు తొలగించి హెచ్చరిక బోర్డు ఏర్పాటు చేశారు. మూడు రోజులుగా కురుస్తున్న వర్షానికి కాలనీకి వెళ్లే రహదారిలో మొక్కలు నాటడంపై పలువురు ఆగ్రహం వ్యక్తం చేస్తున్నారు. అధికారులు స్పందించి భూ ఆక్రమణలు తొలగించాలని కోరుతున్నారు.

నర్సీపట్నం: రాష్ట్ర స్థాయి వుషూ పోటీలకు నర్సీపట్నం నియోజకవర్గం నుంచి 16 మంది విద్యార్థులు ఎంపికయ్యారు. కేఎస్‌ఆర్‌ స్పోర్ట్సు అకాడమీ ఆధ్వర్యంలో అనకాపల్లిలో బాల, బాలికల విభాగాల్లో జిల్లా స్థాయి పోటీలు నిర్వహించారు. ఇందులో నర్సీపట్నం నియోజకవర్గం నుంచి 12 మంది స్వర్ణ, నలుగురు రజత పతకాలు సాధించారని వుషూ అసోసియేషన్‌ సభ్యులు తెలిపారు. జిల్లా వుషూ క్రీడా అధ్యక్షుడు కే సత్యనారాయణ, కార్యదర్శి వెంకట్‌ బహుమతులు అందజేశారు. ఈ నెల 29, 30 తేదీల్లో రాజమహేంద్రవరంలో నిర్వహించే రాష్ట్ర స్థాయి పోటీల్లో వీరు పాల్గొంటారని కోచ్‌ అబ్బు తెలిపారు.

తుమ్మపాల: జిల్లాలో 2026–27 సంవత్సరానికి 39 మద్యం దుకాణాల కేటాయింపునకు నోటిఫికేషన్‌ విడుదల చేసినట్టు జిల్లా ఎకై ్సజ్‌ అధికారి సుధీర్‌ తెలిపారు. శుక్రవారం జిల్లా ఎకై ్సజ్‌ కార్యాలయంలో ఏర్పాటు చేసిన మీడియా సమావేశంలో ఆయన మాట్లాడుతూ జిల్లాలో ప్రస్తుతం 155 మద్యం దుకాణాలు కొనసాగుతున్నాయని, వాటి కాలపరిమితి ఈ నెల 30తో ముగియనుందని చెప్పారు. వీటిలో 140 ఓపెన్‌ కేటగిరీ, 15 గీత కులాలకు కేటాయించిన దుకాణాలు ఉన్నాయన్నారు. అక్టోబర్‌ 1 నుంచి 2027 సెప్టెంబరు 30 వరకు దుకాణాలను రెన్యువల్‌ చేసుకునేందుకు ప్రభుత్వం అవకాశం కల్పించిందని చెప్పారు. ఈ నెల 23తో రెన్యువల్‌ గడువు ముగిసిందని, 122 దుకాణదారులు రెన్యువల్‌ చేసుకున్నారని తెలిపారు. వీటిలో 107 ఓపెన్‌ కేటగిరీ దుకాణాలు, 15 గీత కులాలకు కేటాయించిన దుకాణాలు ఉన్నాయన్నారు. రెన్యువల్‌ చేసుకోని 33 ఓపెన్‌ కేటగిరీ దుకాణాలతో పాటు గత లీజు సంవత్సరంలో సరెండర్‌ చేసిన, రద్దయిన మరో ఆరు ఓపెన్‌ కేటగిరీ దుకాణాలు కలిపి మొత్తం 39 షాపులకు కొత్తగా నోటిఫికేషన్‌ జారీ చేశామన్నారు. ఈ దుకాణాలకు ఆన్‌లైన్‌లో దరఖాస్తుల స్వీకరణ ప్రారంభమైందని, అక్టోబరు 1న అర్ధరాత్రి 12 గంటల వరకు దరఖాస్తులు స్వీకరిస్తామని చెప్పారు. ఆసక్తి ఉన్న వారు అధికారిక ఆన్‌లైన్‌ పోర్టల్‌ ద్వారా దరఖాస్తు చేసుకోవాలని సూచించారు. దరఖాస్తుల స్వీకరణ ప్రక్రియ పూర్తయిన అనంతరం అక్టోబరు 5న ఉదయం 8 గంటలకు అనకాపల్లి గుండాల జంక్షన్‌లోని ఎస్‌.ఆర్‌. శంకరన్‌ మీటింగ్‌ కాంప్లెక్స్‌లో లాటరీ నిర్వహించి దుకాణాలను కేటాయించనున్నట్టు వెల్లడించారు.అక్టోబర్‌ 1 వరకు ఆన్‌లైన్‌లో దరఖాస్తుల స్వీకరణ

నిరుద్యోగులకు నెలకు రూ.3 వేల చొప్పున భృతి ఇస్తానని ఎన్నికల ముందు సీఎం చంద్రబాబు హామీ ఇచ్చారు. అధికారంలోకి వచ్చాక ముఖం చాటేస్తున్నారు. ఇప్పటికీ ఈ పథకంపై ఎటువంటి ప్రకటన చేయకపోవడం దారుణం. మరో వైపు నిరుద్యోగులకు టోకరా పెట్టి తనకు డబ్బా కొట్టే సోషల్‌ మీడియా ఇన్‌ఫ్లుయెన్సర్లకు వేతనాల రూపంలో ప్రజాధనం దోచుపెట్టేందుకు బాబు సిద్ధం కావడం దారుణం. ప్రజలు గమనిస్తున్నారు. తక్షణం నిరుద్యోగ భృతి పథకం అమలు చేయాలి. – దేశగిరి సింహాచలం, పట్టభద్రుడు, రాకోట గ్రామం, చింతపల్లి మండలం

నా భర్త చనిపోయి రెండేళ్లు అవుతుంది. వయస్సు కూడా 50 ఏళ్లు దాటింది. సీఎం చంద్రబాబు వితంతువు లేదా వృద్ధాప్య పింఛన్‌ ఇస్తారని రెండేళ్లుగా ఎదురుచూస్తున్నాను. ఇటీవల సచివాలయంలో దరఖాస్తు తీసుకున్నప్పటికి పలు కారణాలు చూపారు. కొత్త పింఛన్‌ పొందడం అనుమానంగానే ఉంది. మాలాంటి పేదలను ఆదుకోరు గానీ పథకాల ప్రచారానికి నిధులు ఖర్చు చేస్తున్నారని తెలిసింది. ఇదేం న్యాయం.? – జె.కాసులమ్మ, వితంతువు, గెడ్డంపుట్టు, పాడేరు మండలం ప్రచారానికి నిధులా.. ఇదెక్కడి విడ్డూరం? ఆడబిడ్డ నిధి పేరుతో నెలకు రూ.1500 సాయం అందిస్తానని అప్పట్లో ప్రస్తుత ముఖ్యమంత్రి చంద్రబాబు చెప్పిన మాటలు టీవీల్లో విన్నాను. ఇంత వరకు ఇవ్వలేదు. ముగ్గురు పిల్లలతో జీవనోపాధికి ఆర్థికంగా తీవ్ర ఇబ్బందులు పడుతున్నాను. నెలకు రూ.1500 సాయం అందితే కొంత వరకు మేలు జరుగుతుంది. పథకాల అమలు చేయరు గానీ ప్రచారానికి డబ్బులు ఖర్చు చేస్తున్నారని మా గ్రామంలో అందరూ చెప్పుకోవడం విన్నాను. ఇదెక్కడి విడ్డూరమో అర్థం కావడం లేదు. – కిల్లో అనూష, తుంపాడ గ్రామం, పాడేరు మండలం

యలమంచిలి రూరల్‌: పట్టణంలోని ఉలక్‌పేటకు చెందిన మళ్ల నూకరాజు(51) మృతదేహాన్ని దిమిలిరోడ్డులో రహదారి పక్కన మురుగు కాల్వలో గుర్తించినట్టు పట్టణ ఎస్‌ఐ కె.సావిత్రి తెలిపారు.ఈ నెల 24వ తేదీ రాత్రి భూలోకమాంబ ఆలయం వద్ద వినాయక నవరాత్రి ఉత్సవాల్లో పాల్గొన్న నూకరాజు ఇంటికి తిరిగి రాలేదు. కుటుంబ సభ్యులు చుట్టుపక్కల వెతికినా ఆచూకీ లభించలేదు. శుక్రవారం ఉదయం 7 గంటల సమయంలో కర్రి ఆదిలక్ష్మి అనే మహిళ ద్వారా దిమిలిరోడ్డు కరణం అప్పారావు అపార్టుమెంటు వద్ద పడిఉన్నట్టు తెలుసుకున్న కుటుంబసభ్యులు అక్కడకు వెళ్లి చూశారు. అప్పటికే నూకరాజు మృతి చెందాడు. మృతుడి నుదుటి భాగంలో ఎడమ కన్నుపైన, కుడివైపు దవడపై గాయాలున్నట్టు పోలీసులకిచ్చిన ఫిర్యాదులో మృతుడి కుమారుడు మళ్ల హరి పేర్కొన్నాడు. తమ తండ్రికి నరాల బలహీనత ఉందని, నెమ్మదిగా నడుస్తాడని తెలిపాడు. ప్రమాదవశాత్తు మురుగుకాల్వలో పడి గాని, విద్యుదాఘాతంతో గాని మృతి చెంది ఉండవచ్చని ఫిర్యాదులో పేర్కొన్నట్టు ఎస్‌ఐ తెలిపారు. శవపంచనామా,పోస్టుమార్టం అనంతరం మృతదేహాన్ని కుటుంబసభ్యులకు అప్పగించారు. కేసు నమోదు చేసి దర్యాప్తు చేస్తున్నట్టు ఆమె తెలిపారు.

తుపాను కారణంగా కురిసిన భారీ వర్షాలకు జిల్లాలోని పలు జలాశయాల్లోకి వరద నీరు వచ్చి చేరుతుండడంతో నీటిమట్టాలు పెరుగుతున్నాయి. దీంతో ఖరీఫ్‌ సాగుకు నీరందే అవకాశం ఉందని రైతులు ఆశాభావం వ్యక్తం చేస్తున్నారు. మాడుగుల: కేచ్‌మెంట్‌ ఏరియాలో మూడు రోజులుగా కురుస్తున్న వర్షాలకు మండలంలోని పెద్దేరు జలాశయం జలాశయంలోకి 800 క్యూసెక్కుల వరద నీరు వచ్చి చేరింది. జలాశయం గరిష్ట నీటి మట్టం 137 మీటర్లు కాగా, ప్రస్తుతం 134 మీటర్లకు చేరుకుంది. దీంతో ఖరీఫ్‌లో ఆయకట్టు భూములకు నీటికి ఢోకా ఉండదని రైతులు తెలిపారు. మండలంలో ఇంత వరకు ఎండిపోయిన పెద్దేరు, గొరిగెడ్డల్లో వచ్చి చేరుతోంది. ఈ ఏడాది తొలిసారిగా గెడ్డల్లోకి వరద నీరు చేరడంపై రైతులు ఆనందం వ్యక్తం చేస్తున్నారు. కోనాం.. చీడికాడ: తుపాను కారణంగా మండలంలోని కోనాం జలాశయం నీటిమట్టం నాలుగు రోజుల్లో నాలుగు మీటర్లు పెరిగింది. ఈ నెల 21వ తేదీన 91 మీటర్లు పడిపోయిన నీటిమట్టం గడిచిన నాలుగురోజులుగా కురుస్తున్న వర్షాలకు ఒక్కసారిగా నాలుగు మీటర్లు పెరిగి శుక్రవారం సాయంత్రానికి 95 మీటర్లకు చేరుకుంది. గురువారం ఉదయం నుంచి శుక్రవారం ఉదయం వరకు 1,000 క్యూసెక్కులకు చేరిన ఇన్‌ఫ్లో శుక్రవారం సాయంత్రానికి 600 క్యూసెక్కులకు పడిపోయింది. జలాశయం పూర్తిస్థాయి నీటిమట్టం 101.25 మీటర్లు కాగా ప్రస్తుతం 95 మీటర్లు ఉంది. తాండవ.. నాతవరం: తాండవ రిజర్వాయర్‌లో నీటిమట్టం క్రమేపీ పెరుగుతోందని తాండవ ప్రాజెక్టు కమిటీ చైర్మన్‌ కరక సత్యనారాయణ, డీఈ అనురాధ తెలిపారు. తాండవలో నీటిమట్టాన్ని శుక్రవారం వారు పరిశీలించారు. ఈ సందర్భంగా డీఈ మాట్లాడుతూ... తుపానుకు ముందు ప్రాజెక్టులో నీటిమట్టం 361.3 అడుగులు ఉండేదని, ప్రస్తుతం 367.7 అడుగులకు చేరిందని తెలిపారు. ఎగువ ప్రాంతం నుంచి రోజుకు 3,000 క్యూసెక్కుల చొప్పున ఇన్‌ఫ్లో వస్తోందని చెప్పారు. ప్రాజెక్టులో మరింత నీటిమట్టం పెరిగితే ఖరీఫ్‌కు నీరు సరఫరా చేస్తామన్నారు. వీరి వెంట తాండవ ప్రాజెక్టు జేఈ దుర్గబాబు తదితరులు ఉన్నారు. 105 మీటర్లకు చేరిన రైవాడ నీటిమట్టం దేవరాపల్లి: ఇటీవల కురిసిన వర్షాల ప్రభావంతో రైవాడ జలాశయంలోకి భారీగా వరదనీరు వచ్చి చేరుతోంది. ప్రస్తుతం జలాశయంలోకి 2వేలు క్యూసెక్కుల ఇన్‌ఫ్లో కొనసాగుతోంది. తాజా శుక్రవారం మరో మీటరు మేర నీటిమట్టం పెరిగింది. జలాశయం గరిష్ట నీటిమట్టం 114 మీటర్లు కాగా, ప్రస్తుతం 105 మీటర్లకు చేరుకుంది. రెండు రోజుల వ్యవధిలోని రెండు మీటర్లు నీటిమట్టం పెరగడం పట్ల ఆయుకట్టు రైతులు ఆనందం వ్యక్తం చేస్తున్నారు. ఇన్‌ఫ్లో భారీగా ఉండడంతో నీటిమట్టం మరింత పెరిగే అవకాశం ఉన్నందున ఈ ఏడాది ఖరీఫ్‌కు ఢోకా ఉండదని ఆయకట్టు రైతులు ఆనందం వ్యక్తం చేస్తున్నారు.

ఎన్నికల ముందు ఇచ్చిన సూపర్‌ సిక్స్‌ హామీల అమల్లో జాప్యం చేస్తూ, మరోవైపు ప్రభుత్వ ప్రచారం కోసం సోషల్‌ మీడియా పాలసీ తీసుకొచ్చిన కూటమి ప్రభుత్వంపై ప్రజల్లో తీవ్ర అసంతృప్తి వ్యక్తమవుతోంది. నిరుద్యోగ భృతి, ఆడబిడ్డ నిధి వంటి కీలక హామీలు నెరవేర్చకపోవడంపై యువత, మహిళలు ఆగ్రహం వ్యక్తం చేస్తున్నారు. సోషల్‌ మీడియా ఇన్‌ఫ్లుయెన్సర్లకు వేతనాల పేరిట ‘పచ్చ’దందాకు తెరలేపడంపై మండిపడుతున్నారు. హామీలు గాలికి.. సాక్షి,పాడేరు: గత సార్వత్రిక ఎన్నికల ప్రచారంలో సూపర్‌సిక్స్‌ హామీలు ఇచ్చిన ప్రస్తుత సీఎం చంద్రబాబు వాటిని పూర్తి స్థాయిలో అమలు చేయకుండా ప్రజలకు టోకరా పెట్టారు. జిల్లాలోని అర్హులైన ప్రజలంతా సూపర్‌సిక్స్‌ హమీలపై రెండున్నరేళ్లుగా ఎదురుచూస్తున్నా ప్రభుత్వంలో ఎటువంటి చలనం లేదు. ఇప్పుడు టీడీపీ సోషల్‌ మీడియాకు ప్రభుత్వ పథకాల ప్రచారం పేరిట రూ.కోట్ల నిధులు దోచే పెట్టేందుకు చంద్రబాబు సర్కారు సోషల్‌ మీడియా పాలసీ తీసుకురావడంపై ప్రజలు ఆగ్రహం వ్యక్తం చేస్తున్నారు. ఇన్‌ఫ్లుయెన్సర్లకు ప్రభుత్వ వేతనాలా? ప్రభుత్వ ధనంతో ఇన్‌ఫ్లుయెన్స్‌ ఎంప్లాయిమెంట్‌ పాలసీ అమలుకు కూటమి ప్రభుత్వం సిద్ధమవ్వడంపై నిరుద్యోగులు కూడా మండిపడుతున్నారు. టీడీపీ సోషల్‌ మీడియా, కూటమి ప్రభుత్వానికి బాజాలు కొట్టే కార్యకర్తలకు ప్రతి నెలా వేతనాలు ఇచ్చే పాలసీని తీవ్రంగా వ్యతిరేకిస్తున్నారు. ప్రభుత్వ పథకాల ప్రచారం పేరుతో ప్రజాధనాన్ని దుర్వినియోగం చేసే చర్యలను మేధావులతో పాటు నిరుద్యోగ, యువజన సంఘాలు కూడా ఖండిస్తున్నాయి. భృతి.. బ్రాంతియేనా? కూటమి ప్రభుత్వం ఏర్పడక ముందు చంద్రబాబుతో పాటు కూటమి నేతలంతా నిరుద్యోగులకు నిరుద్యోగ భృతి కల్పిస్తామని ఎన్నికల ప్రచారం చేశారు. సూపర్‌ సిక్స్‌లో ఈ పథకం కూడా ఉంది. రెండున్నరేళ్లలో నిరుద్యోగ యువతను వంచించారు. నిరుద్యోగ భృతి కోసం జిల్లాలో అర్హులైన సుమారు లక్ష మంది వరకు యువతీ, యువకులు ఎదురుచూస్తున్నారు. 50 ఏళ్లకు పింఛన్‌.. హుళక్కేనా? సూపర్‌సిక్స్‌ హామీలో భాగమైన 50 ఏళ్లకు పింఛన్‌ మంజూరును కూడా కూటమి ప్రభుత్వం గాలికి వదిలేసింది. అధికారంలోకి వచ్చిన ఈ రెండున్నరేళ్లలో ఒక్క కొత్త పింఛన్‌ కూడా అర్హులకు ఇవ్వలేదు. స్థానిక ఎన్నికల నేపథ్యంలో ఇటీవల కొత్త పింఛన్లకు దరఖాస్తులు మాత్రం స్వీకరించారు. వాటికి కొత్త నిబంధనలతో అడ్డుకట్ట వేసే ప్రయత్నం చేస్తున్నారు. అటువంటిది 50 ఏళ్లు దాటిన వారు అధికంగా ఉండడంతో ఈ పథకం అమలుపై అనుమానం వ్యక్తం చేస్తున్నారు. ఆడబిడ్డ నిధి ఎప్పుడు? అధికారంలోకి రాగానే ఆడబిడ్డ నిధి పేరుతో 18 ఏళ్లు దాటిన మహిళలకు నెలకు రూ.1500 సాయం చేస్తానన్న చంద్రబాబు మాటలు కూడా ఉత్తిదేనని తేలిపోయింది. ఆడబిడ్డ నిధికి జిల్లాలో సుమారు లక్షా 50వేల మంది వరకు అర్హులైన మహిళలు ఎదురు చూస్తున్నారు. ప్రతి నెల రూ. 1500 అందుకుందాం అని ఆశపడిన మహిళా లోకానికి సీఎం చంద్రబాబు ఝలక్‌ ఇచ్చారు. పథ కాల అమలుకు ముందుకు రాని కూటమి ప్రభుత్వం.. టీడీపీ సోషల్‌ మీడియాకు మాత్రం వేలకు వేలు వేతనాలు చెల్లించేందుకు కొత్త పాలసీ తీసుకురావడంపై మహిళలు కూడా ఖండిస్తున్నారు.

సాక్షి,పాడేరు/సీలేరు: జిల్లా ఏజెన్సీ ఆంధ్ర–ఒడిశా సరిహద్దులోని జీకే వీధి మండలంలో రికార్డు స్థాయిలో వర్షపాతం నమోదైంది. ఈ భారీ వర్షాలకు అనేక గ్రామాలు వరద ముంపులో చిక్కుకుపోయాయి. పంటలు కొట్టుకుపోయాయి. ధారకొండ పంచాయతీ గంగవరం వంతెనపై వరద ఉధృతి పెరగడంతో అవతలి ఒడ్డున ఉన్న గర్భిణులను తాళ్ల సాయంతో గిరిజనులు దాటించారు. పెట్రాయి గ్రామంలో అంబులెన్స్‌ మట్టిలో చిక్కుకుపోవడంతో ట్రాక్టర్‌తో బయటకు తీశారు. ఈలోపు గర్భిణికి గ్రామంలోనే ప్రసవం జరగడం స్థానికుల్లో ఆందోళన కలిగించింది. గాలికొండ పంచాయతీ బొచ్చుకొండ రోడ్డులో వేసిన గ్రావెల్‌ రహదారి పూర్తిగా కొట్టుకుపోయింది. సీలేరు గ్రామంలో రెండో క్రాస్‌ రోడ్డులో భారీ చింత చెట్టు కూలిపోవడం, రెగ్యులేటర్‌ డ్యామ్‌ నుంచి పవర్‌హౌస్‌ మార్గంలో నీటి ప్రవాహం పెరగడం వల్ల రాకపోకలకు ఆటంకం కలిగింది. దుర్గా వీధిలో కాల్వలు లేకపోవడంతో వర్షపు నీరు ఇళ్ల మధ్య నిలిచిపోయి ప్రజలు ఇబ్బందులు పడుతున్నారు. ధారకొండ పంచాయతీ నిమ్మచెట్టు ప్రాంతంలో నాలుగు రోజులుగా వరద నీరు ఉధృతంగా ప్రవహిస్తూ నిత్యావసర సరకుల సరఫరా నిలిచిపోయింది. దారాలమ్మ ఘాట్‌ రోడ్డులో కొండచరియలు జారిపడటంతో విశాఖపట్నం–భద్రాచలం మార్గంలోని కొన్ని బస్సులు రద్దయ్యాయి. ప్రస్తుతం వర్షాలు తగ్గినా, వరద ప్రవాహం మాత్రం కొనసాగుతుండటంతో అధికారులు అప్రమత్తంగా ఉన్నారు. 1176 మిల్లీమీటర్ల వర్షం జిల్లా వ్యాప్తంగా 1176.8 మిల్లీమీటర్ల వర్షం కురిసింది. అత్యధికంగా గూడెంకొత్తవీధి మండలంలో 154.6 మిల్లీమీటర్ల వర్షపాతం నమోదైంది. ముంచంగిపుట్టు 146.2, పెదబయలు 117.6, డుంబ్రిగుడ 86.2, అరకులోయ 95.4, అనంతగిరి 94.4, హుకుంపేట 80.6, పాడేరు 53.2, జి.మాడుగుల 123.2, చింతపల్లి 143.2, కొయ్యూరు 82.2 మిల్లీమీటర్ల వర్షపాతం నమోదైంది.మన్యంలో కొనసాగిన వర్షాలు వాయుగుండం ప్రభావంతో మన్యంలో భారీ వర్షాలు కురుస్తున్నాయి. జిల్లా కేంద్రం పాడేరులో శుక్రవారం ఉదయం నుంచి వర్షం పడుతూనే ఉంది. పాడేరు వారపు సంత కొనుగోలుదారులు లేక వెలవెలబోయింది. అన్ని మండలాల్లోనూ వర్షాలు పడుతుండడంతో జనజీవనం స్తంభించిపోయింది. ఎక్కడికక్కడ కొండవాగులు, గెడ్డల్లో వరద ఉధృతి కొనసాగుతోంది. ప్రధాన మత్స్యగెడ్డ పొంగి పొర్లుతుంది. దీంతో వందలాది మారుమూల గ్రామాలకు రవాణా వ్యవస్థ దెబ్బతింది. దారకొండ, పాడేరు ఘాట్‌ రోడ్లలో కొండచరియలు, చెట్లు నేలకూలడంతో వాహనాల రాకపోకలకు కొంత అంతరాయం కలిగింది.

శ్రీకృష్ణాపురం ఆశ్రమ పాఠశాలలో విద్యార్థులకు డీవార్మింగ్‌ మాత్రలు మింగిస్తున్న కలెక్టర్‌ నిశాంతి సాక్షి, పాడేరు: బాలబాలికలకు నులిపురుగుల నివారణ మందులు వేయడం ద్వారా వారు ఆరోగ్యవంతులుగా ఎదుగుతారని కలెక్టర్‌ నిశాంతి తెలిపారు. జిల్లా వైద్య ఆరోగ్యశాఖ, రాష్ట్రీయ బాల స్వాస్థ్య కార్యక్రమం ఆధ్వర్యంలో శుక్రవారం జాతీయ నులిపురుగుల నివారణ దినోత్సవాన్ని నిర్వహించారు. పాడేరులోని శ్రీకృష్ణాపురం ఆశ్రమ పాఠశాలలో బాలికలకు కలెక్టర్‌ ఆల్బెండజోల్‌ మాత్రలను స్వయంగా మింగించారు. ఈ సందర్భంగా ఆమె మాట్లాడుతూ జిల్లాలో ఈ కార్యక్రమాన్ని విజయవంతంగా అమలు చేయాలని అధికారులకు సూచించారు. అన్ని అంగన్‌వాడీ కేంద్రాలు, పాఠశాలలు, కళాశాలల్లో ఉచితంగా మాత్రలు పంపిణీ చేయడంతో పాటు వైద్య బృందాలు పర్యవేక్షణలో విద్యార్థులు మాత్రలు తీసుకునేలా చర్యలు తీసుకోవాలని ఆదేశించారు. ఏ కారణంతోనైనా మాత్రలు వేసుకోలేని వారికి వచ్చేనెల 5న పంపిణీ చేస్తామన్నారు. ఈ కార్యక్రమంలో డీఎంహెచ్‌వో డాక్టర్‌ రియాజ్‌బైగ్‌, ఏడీఎంహెచ్‌వో డాక్టర్‌ బాలమురళీకృష్ణ, జిల్లా ప్రొగ్రాం అధికారి డాక్టర్‌ ప్రతాప్‌, తహసీల్దార్‌ శ్రీనివాసరావు, వైద్యాధికారి సాయిశ్రీ, పాఠశాల హెచ్‌ఎం మంజుల పాల్గొన్నారు.

చెట్టు తొలగింపు పనుల్లో ఆర్‌అండ్‌బీ ఇన్‌చార్జి ఈఈ శ్రీనివాస్‌, సిబ్బంది సాక్షి,పాడేరు: పాడేరు–వడ్డాది ఘాట్‌రోడ్డులోని ఏనుగురాయి సమీపంలో శుక్రవారం సాయంత్రం 6 గంటల సమయంలో భారీ వృక్షం నేలకూలింది. ఇరువైపులా సుమారు 2 గంటల పాటు ట్రాపిక్‌ నిలిచిపోయింది. పాడేరు నుంచి మైదాన ప్రాంతాలకు పోయే ప్రధాన రోడ్డు కావడంతో రవాణా స్తంభించింది. ఇరువైపులా ఆర్టీసీ బస్సులతో పాటు అన్ని వాహనాలు నిలిచిపోవడంతో ప్రయాణికులు తీవ్ర ఇబ్బందులు పడ్డారు. అడవిలో కారుచీకటితో వారంతా భయాందోళన చెందారు. ఆర్‌అండ్‌బీ శాఖ ఇన్‌చార్జి ఈఈ శ్రీనివాస్‌, ఇతర సిబ్బంది ఘటన స్థలానికి చేరుకుని చెట్టును తొలగించి, రాత్రి 8 గంటల సమయంలో వాహనాల రాకపోకలను పునరుద్ధరించారు.

యలమంచిలి రూరల్‌: గుర్తు తెలియని వాహనం ఢీకొని కొక్కిరాపల్లి హైవే కూడలి సమీపంలో ఓ గుర్తు తెలియని వ్యక్తి మృతి చెందినట్టు యలమంచిలి రూరల్‌ ఎస్‌ఐ ఎం.ఉపేంద్ర తెలిపారు.రోడ్డుపై నడిచి వెళ్తున్న వ్యక్తిని గుర్తు తెలియని వాహనం ఢీకొనగా రహదారిపై పడిన ఆ వ్యక్తిపై నుంచి పలు వాహనాలు ప్రయాణించడంతో శరీర భాగాలు ఛిద్రమయ్యాయి. ప్రమాద సమాచారం అందుకున్న వెంటనే పోలీసులు ఘటనా స్థలానికి వెళ్లి పరిశీలించారు.మృతుని చిరునామా,ఇతర వివరాలు తెలియలేదని, యాచకుడు కావచ్చని భావిస్తున్నట్టు ఎస్‌ఐ తెలిపారు. కొక్కిరాపల్లి వీఆర్వో ఫిర్యాదు మేరకు కేసు నమోదు చేసినట్టు ఆయన తెలిపారు.

సింహాచలం: శ్రీ వరాహ లక్ష్మీనృసింహస్వామిని శుక్రవారం పలువురు ప్రముఖులు దర్శించుకున్నారు. ఆంధ్రప్రదేశ్‌ రియల్‌ ఎస్టేట్‌ రెగ్యులేటరీ అథారిటీ (ఏపీ రేరా) సభ్యులు, పలు రాష్ట్రాల రియల్‌ ఎస్టేట్‌ నియంత్రణ ప్రాధికార సంస్థల చైర్‌పర్సన్లు, మాజీ ఎంపీ ప్రదీప్‌చంద్ర దేవ్‌, ప్రముఖ మణిపురి నృత్య కళాకారిణి పద్మశ్రీ దర్శన జవేరి, ప్రముఖ కూచిపూడి కళాకారిణి, సంగీత నాటక అకాడమీ పురస్కార గ్రహీత అనుపమ మోహన్‌ తదితరులు స్వామివారిని దర్శించుకున్నారు. ఈ సందర్భంగా ఆలయంలోని కప్పస్తంభాన్ని ఆలింగనం చేసుకుని, అంతరాలయంలో అష్టోత్తర పూజలు నిర్వహించారు. అనంతరం వేద ఆశీర్వచనం పొందారు. ఆలయ సంప్రదాయం ప్రకారం అధికారులు స్వామివారి ప్రసాదం, శేషవస్త్రం, చిత్రపటాలను అందజేశారు.

సీలేరు: భారీ వర్షాలతో రాకపోకలు నిలిచిపోయిన గూడెంకొత్తవీధి మండలంలో ఓ నిండు గర్భిణిని జిల్లా యంత్రాంగం సకాలంలో స్పందించి ప్రాణాపాయం నుంచి కాపాడింది. అడవి మార్గంలో అంబులెన్స్‌ సాయంతో తరలించి ఆస్పత్రికి చేర్చడంతో ఆమెకు సుఖ ప్రసవం జరిగి పండంటి మగబిడ్డకు జన్మనిచ్చింది. గత నాలుగు రోజులుగా కురుస్తున్న భారీ వర్షాల కారణంగా గూడెంకొత్తవీధి మండలంలోని గిరిజన గ్రామాలు ఇంకా ముంపులోనే ఉన్నాయి. గంగవరం వంతెన కొట్టుకుపోవడంతో ఎనిమిది గ్రామాలకు రాకపోకలు పూర్తిగా నిలిచిపోయాయి. ఈ పరిస్థితుల్లో పెట్రాయి గ్రామానికి చెందిన సుందరమ్మ అనే గర్భిణికి అర్ధరాత్రి ప్రసవ వేదనలు మొదలయ్యాయి. ఆమెను బయటకు తీసుకువచ్చినప్పటికీ వరదలు, వంతెన దెబ్బతినడం వల్ల ఆస్పత్రికి తరలించే పరిస్థితి లేకపోయింది. ఈ విషయాన్ని ఆశా సిబ్బంది స్థానిక వైద్యాధికారికి తెలియజేయగా, అక్కడి నుంచి జిల్లా వైద్యాధికారికి సమాచారం చేరింది. దీనిపై కలెక్టర్‌ నిశాంతి తక్షణమే స్పందించి గర్భిణిని ఎలాగైనా రక్షించాలని ఆదేశాలు జారీ చేశారు. అవసరమైతే హెలికాప్టర్‌ సాయంతో తరలించాలని కూడా సూచించారు. వెంటనే తహసీల్దార్‌ అన్నాజీరావు, వీఆర్వో, సిబ్బంది రంగంలోకి దిగి ప్రత్యేక చర్యలు చేపట్టారు. అంబులెన్స్‌ను సీలేరు రిజర్వాయర్‌ పైనుంచి బలిమెల–చిత్రకొండ అడవి మార్గం మీదుగా గ్రామానికి తీసుకొచ్చారు. అప్పటికే తీవ్ర నొప్పులతో బాధపడుతున్న గర్భిణిని ఎన్‌డీఆర్‌ఎఫ్‌ బృందం సురక్షితంగా బయటకు తీసుకువచ్చి అంబులెన్స్‌లో ఒడిశా మార్గం ద్వారా దారకొండ ప్రాథమిక ఆరోగ్య కేంద్రానికి తరలించారు. ఆస్పత్రికి చేరుకున్న కొద్దిసేపటికే సుందరమ్మ సుఖంగా ప్రసవించి మగబిడ్డకు జన్మనిచ్చింది. దీంతో గ్రామస్తులు, అధికారులు ఊపిరి పీల్చుకున్నారు. గర్భిణి ప్రాణాలను కాపాడిన కలెక్టర్‌, తహసీల్దార్‌, వైద్య సిబ్బంది, ఎన్‌డీఆర్‌ఎఫ్‌ బృందం సేవలను పలువురు అభినందించారు.

రాంబిల్లి: సెజ్‌లో సీతపాలెం సమీపంలో గల సన్వీరా కంపెనీలో గాయపడి చికిత్స పొందుతూ కాంట్రాక్టు కార్మికుడు షరీఫ్‌ అన్సారీ శుక్రవారం తెల్లవారుజామున మృతి చెందినట్టు ఎస్‌ఐ నాగేంద్ర తెలిపారు. ఈ ఘటనకు సంబంధించి ఆయన తెలిపిన వివరాలిలా ఉన్నాయి. గురువారం సాయంత్రం సన్వీరా కంపెనీలో 12 అడుగుల ఎత్తులో నున్న భవనం పై నుంచి ఐరన్‌ షీట్లును తొలగిస్తుండగా ఈ ప్రమాదం చోటు చేసుకుంది. ఐరన్‌ షీట్లు కట్టిన తాడు తెగిపోవడంతో షరీఫ్‌ అన్సారీ, అఫ్రోజ్‌ అలీమ్‌లు కింద పడి తీవ్ర గాయలపాలయ్యారు. వీరిని అచ్యుతాపురంలో ప్రైవేట్‌ ఆస్పత్రికి తరలించి చికిత్స అందించారు. మెరుగైన వైద్యం కోసం షరీఫ్‌ అన్సారీను వేరే ఆస్పత్రికి తరలిస్తుండగా మృతి చెందినట్లు ఎస్‌ఐ నాగేంద్ర తెలిపారు. కాగా అఫ్రోజ్‌ అలీమ్‌కు కంటి కింది భాగంలో ఫ్యాక్చర్‌ అయిందన్నారు. వీరు దుర్గా భవానీ ఇంజినీరింగ్‌ వర్క్స్‌ లో ఈ ఏడాది జూన్‌ నుంచి పనిచేస్తున్నారని తెలిపారు.తగిన భద్రతా ప్రమాణాలు పాటించకపోవడం వల్లే ప్రమాదం చోటు చేసుకుందని మృతుడి కుటుంబసభ్యులు ఫిర్యాదు చేసినట్టు చెప్పారు.

మల్కాపురం: గురువారం విడుదలైన నీట్‌ పీజీ–2026 ఫలితాల్లో పారిశ్రామిక ప్రాంతానికి చెందిన చెక్కా నాగరత్న అమృత ఆలిండియా 415వ ర్యాంక్‌ సాధించారు. నౌసేనాబాగ్‌ కేవీ పాఠశాలలో పాఠశాల విద్యను పూర్తి చేసిన అమృత.. ఇంటర్‌ విద్యను చైతన్యలో అభ్యసించారు. అనంతరం ఆంధ్ర మెడికల్‌ కళాశాలలో ఎంబీబీఎస్‌ పూర్తి చేశారు. నీట్‌ పీజీలో జాతీయ స్థాయిలో మంచి ర్యాంక్‌ సాధించడంతో ఆమెను పలువురు అభినందించారు. అమృత తండ్రి రామకృష్ణ విశాఖ స్టీల్‌ప్లాంట్‌లో, తల్లి కె. ఆదిలక్ష్మి హెచ్‌పీసీఎల్‌లో విధులు నిర్వహిస్తున్నారు. వీరికి ఏకై క సంతానమైన అమృత.. చిన్ననాటి నుంచే చదువుల్లో ప్రతిభ కనబరుస్తూ వచ్చారు. నీట్‌ పీజీలో సాధించిన ర్యాంక్‌తో రేడియో డయాగ్నోసిస్‌ విభాగంలో ఉన్నత చదువులు కొనసాగించాలనే లక్ష్యం ఉందని అమృత తెలిపారు. చదువులోనే కాకుండా సంగీతంలోనూ ప్రతిభ కనబరిచే ఆమె మంచి గాయనిగా గుర్తింపు పొందారు.

నిండుకుండల్లా సీలేరు: మొన్నటి వరకు నీరు లేక వెలవెలబోయిన సీలేరు కాంప్లెక్స్‌ పరిధిలోని ప్రధాన జలాశయాలు తాజాగా కురిసిన భారీ వర్షాలకు నిండుకుండల్లా కళకళలాడుతున్నాయి. ఎగువ నుంచి భారీగా చేరుతున్న వరదనీటితో నీటి మట్టాలు ఒక్కసారిగా పెరిగాయి. అర్ధరాత్రి సమయంలోనే జెన్‌కో అధికారులు అప్రమత్తమై గేట్లు ఎత్తి నీటిని దిగువకు విడుదల చేశారు. డొంకరాయి జలాశయం డొంకరాయి పూర్తి స్థాయి నీటి మట్టం 1037 అడుగులు కాగా, వలసగెడ్డ, పాలగెడ్డ, మంగపాడు వాగుల నుంచి సుమారు 95,500 క్యూసెక్కుల ఇన్‌ఫ్లో చేరింది. దీంతో గురువారం అర్ధరాత్రి నీటి మట్టం 1036.50 అడుగులకు చేరింది. పరిస్థితి తీవ్రతను దృష్టిలో ఉంచుకుని రాత్రి 2 గంటల సమయంలో ఏడు గేట్లు ఎత్తి 1,02,857 క్యూసెక్కుల నీటిని విడుదల చేశారు. అనంతరం తెల్లవారుజామున నీటి మట్టం 1034.50 అడుగులకు తగ్గడంతో విడుదలను 36,144 క్యూసెక్కులకు తగ్గించారు. ఈ స్థాయిలోనే విడుదల కొనసాగుతుందని అధికారులు తెలిపారు. గుంటవాడ జలాశయం వారం రోజుల క్రితం నీరు లేక వెలవెలబోయిన సీలేరు కాంప్లెక్సులోని గుంటవాడ జలాశయం భారీ వర్షాలతో నిండిపోయింది. నీటి మట్టం 1360 అడుగులు కాగా.. పిల్లిగెడ్డ, ఐస్‌గెడ్డ, కంపెనీ కాలువల నుంచి సుమారు 21,000 క్యూసెక్కుల ఇన్‌ఫ్లో రావడంతో నీటి మట్టం 1558.10 అడుగులకు చేరింది. దీంతో రెండు గేట్లు ఎత్తి 3,700 క్యూసెక్కుల నీటిని విడుదల చేస్తూ స్థిరంగా ఉంచుతున్నారు. ఈఈ అప్పలనాయుడు, ఏడీ జైపాల్‌ పర్యవేక్షణలో చర్యలు కొనసాగుతున్నాయి. బలిమెల జలాశయం బలిమెల పూర్తి స్థాయి 1516 అడుగులు కాగా, ప్రస్తుతం 1494.50 అడుగులకు నీటి మట్టం పెరిగింది. గత మూడు రోజులుగా 1,06,381 క్యూసెక్కుల ఇన్‌ఫ్లో చేరుతోంది. పూర్తి స్థాయికి చేరడానికి ఇంకా 21.50 అడుగులు అవసరం. జోలాపుట్‌ జలాశయం జోలాపుట్‌ పూర్తి స్థాయి 2750 అడుగులు కాగా, ప్రస్తుతం 2743.40 అడుగులకు చేరుకుంది. 43,490 క్యూసెక్కుల ఇన్‌ఫ్లోతో నీటి మట్టం వేగంగా పెరుగుతోంది. పూర్తి స్థాయికి చేరేందుకు ఇంకా 6.60 అడుగులు మాత్రమే మిగిలి ఉన్నాయి.

పాడేరు: అల్లూరి సీతారామరాజు జిల్లా పరిషత్‌ కార్యాలయం శుక్రవారం ప్రారంభమైంది. ఉమ్మడి విశాఖపట్నం జిల్లా విభజన అనంతరం పాడేరు ఎంపీడీవో కార్యాలయంలో తాత్కాలికంగా ఏర్పాటు చేసిన జెడ్పీ కార్యాలయాన్ని కలెక్టర్‌, జిల్లా ప్రత్యేకాధికారి నిశాంతి శుక్రవారం లాంఛనంగా ప్రారంభించారు. అనంతరం తన చాంబర్‌లో జిల్లా ప్రత్యేక అధికారిగా ఆమె బాధ్యతలు స్వీకరించారు. ఈ సందర్భంగా ఆమె మాట్లాడుతూ పరిపాలన వికేంద్రీకరణలో భాగంగా రాష్ట్ర ప్రభుత్వం జిల్లా పరిషత్‌లను విభజించిందన్నారు. స్థానిక జెడ్పీకి 19 ఉద్యోగులను కేటాయించగా, వారిలో 17 మంది విధుల్లో చేరారని, మిగిలిన రెండు పోస్టులు ఖాళీగా ఉన్నాయని తెలిపారు. పాడేరు పట్టణ శివారులోని పాత కమ్యూనిటీ భవనంలో పూర్తి స్థాయి కార్యాలయాన్ని సిద్ధం చేస్తున్నామని, మరో రెండు వారాల్లో అందుబాటులోకి తీసుకువస్తామని చెప్పారు. జెడ్పీకి కేటాయించిన అధికారులు, ఉద్యోగులు తమ బాధ్యతలను సమర్థంగా నిర్వర్తించాలని కలెక్టర్‌ ఆదేశించారు. ఈ కార్యక్రమంలో రాష్ట్ర జానపద కళలు, సృజనాత్మక అకాడమీ చైర్మన్‌ గంగులయ్య, ఆర్టీసీ రీజినల్‌ చైర్మన్‌ దొన్నుదొర, మాజీ ఎమ్మెల్యే ఈశ్వరి, జెడ్పీ డిప్యూటీ సీఈవో రాజ్‌కుమార్‌, తదితరులు పాల్గొన్నారు. జిల్లా పరిషత్‌ ఉద్యోగులు సర్దుబాటు మహారాణిపేట: ఉమ్మడి విశాఖ జిల్లాలో నూతనంగా ఏర్పాటైన జిల్లా ప్రజా పరిషత్‌లకు అధికారులు, సిబ్బంది నియామకం చేపట్టారు. ఉమ్మడి విశాఖ జిల్లాను మూడు జిల్లా పరిషత్‌లుగా విభజించిన సంగతి విదితమే. నాలుగు మండలాలతో విశాఖ జిల్లా పరిషత్‌, 24 మండలాలతో అనకాపల్లి జిల్లా పరిషత్‌, 11 మండలాలతో అల్లూరి జిల్లా పరిషత్‌ ఆవిర్భవించాయి.

కశింకోట: మండలంలోని కన్నూరుపాలెం (ఈశ్వరపల్లి చౌడువాడ) గ్రామంలో రెండేళ్ల క్రితం జరిగిన దొంగతనం కేసులో ముగ్గురు యువకులకు ఏడాది పాటు కఠిన కారాగార శిక్షను విధిస్తూ అనకాపల్లి 12వ అదనపు మెట్రోపాలిటన్‌ మేజిస్ట్రేట్‌ ఎ.రమేష్‌ శనివారం తీర్పు చెప్పారు. సీఐ అల్లు స్వామినాయుడు అందించిన వివరాల ప్రకారం.. కన్నూరుపాలెం గ్రామంలో 2024 జూన్‌ 13న అదే గ్రామానికి చెందిన బొడ్డు కాశీ బద్రి విశ్వేశ్వరరావు కుటుంబ సభ్యులు విజయవాడ వెళ్లారు. ఈ విషయాన్ని గమనించి అదే రోజు రాత్రి సకిలేటి సాయి, దల్లి కామిరెడ్డి, వళ్లు శ్రీను ఇంటి తాళాలు పగులగొట్టి లోపలికి ప్రవేశించి బీరువా, ఇనుప సేఫ్‌ను తెరచి వాటిలో ఉన్న సుమారు రూ. 1.40 లక్షల విలువైన బంగారు, వెండి ఆభరణాలు, నగదు అపహరించారు. బాధితుడి ఫిర్యాదు మేరకు కేసు నమోదు చేసి పోలీసులు దర్యాప్తు చేపట్టారు. బిక్కవోలు పోలీస్‌ స్టేషన్‌లో నమోదైన మరో కేసులో అరెస్టు అయిన నిందితులను విచారించగా, వారు కన్నూరుపాలెంలో జరిగిన చోరీ కేసు వివరాలను వెల్లడించారు. ఈ కేసులో చోరీ చేసిన నగదును పంచుకొని ఖర్చు చేసినట్లు దర్యాప్తులో వెల్లడైంది. కేసు దర్యాప్తు, న్యాయపరమైన చర్యలు అనంతరం అభియోగాలు రుజువు కావడంతో నిందితులకు మేజిస్ట్రేట్‌ జైలు శిక్ష విధిస్తూ తీర్పు చెప్పారు. సీఐ పర్యవేక్షణలో ఎస్‌ఐ కె.లక్ష్మణరావు సమర్థంగా దర్యాప్తు నిర్వహించి కోర్టులో అభియోగ పత్రాలు దాఖలు చేసి శిక్ష పడేలా చేశారు. ఇందుకు ఆయనతోపాటు పబ్లిక్‌ ప్రాసిక్యూటర్‌ ఆర్‌.వాణిలను ఎస్పీ తుహీన్‌ సిన్హా అభినందించారు.

నాతవరం : పండంటి బాబు పుట్టి 15 రోజులైంది...పుట్టింట్లో తల్లిదండ్రులతో ఆనందంగా గడుపుతోంది. బిడ్డ పుట్టిన ఆనందం పంచుకోవడానికి భర్త కూడా అత్తవారింటికి వచ్చాడు. రాత్రి కుటుంబ సభ్యులంతా సరదాగా కబుర్లు చెప్పుకుని భోజనాలు చేసి హాయిగా నిద్రించారు. కానీ తెల్లవారకముందే ఆ కుటుంబంలో ఆనందం తలకిందులైంది. చిమ్మచీకట్లో విద్యుత్‌ వైర్ల రూపంలో విద్యుదాఘాతం బాలింత ఉసురు తీసింది. ఆమెను కాపాడాలని ఆతృతతో కుమార్తెను పొదివిపట్టుకున్న తల్లి కూడా విద్యుదాఘాతానికి బలైంది. ఈ విషాద ఘటన నాతవరంలో బుధవారం రాత్రి చోటు చేసుకుంది. ఎస్‌ఐ వై.తారకేశ్వరరావు అందించిన వివరాలిలా ఉన్నాయి. నాతవరం గ్రామానికి చెందిన గొంప చిన్నబ్బాయి అలియాస్‌ అప్పారావు కుటుంబ సభ్యులతో కలసి బుధవారం రాత్రి భోజనాలు చేసి నిద్రించారు. గురువారం తెల్లవారు 3:30 గంటల సమయంలో చిన్నబ్బాయి కుమార్తె రొంగలి జానకి (28) ఇంటిలోపల బాతురూమ్‌కు వెళ్లింది. భారీ వర్షం కారణంగా ఇంటికి విద్యుత్‌ కోసం ఏర్పాటు చేసిన సర్వీసు వైరు తెగిపోయి కిందికి వేలాడుతోంది. చీకట్లో ఆ వైర్లను జానకి పట్టుకోవడంతో షాక్‌ కొట్టి కింద పడిపోయి పెద్దగా కేకలు వేసింది. ఇది విన్న జానకి తల్లి మంగ(58) పరుగెత్తి కెళ్లి కుమార్తెను కాపాడాలన్న ఆతృతతో గట్టిగా పట్టుకోవడంతో ఆమె కూడా షాక్‌కు గురై కింద పడిపోయి కేకలు వేసింది. ఆ కేకలు విన్న జానకి భర్త రొంగలి నాగరాజు కూడా భార్యను అత్తను కాపాడేందుకు చెక్క కర్రతో విద్యుత్‌ వైర్లు తొలగించే ప్రయత్నం చేసి షాక్‌కు గురై తీవ్రంగా గాయపడ్డాడు. ఆ ఇంట్లో పెద్దగా కేకలు వినిపిస్తున్న విషయాన్ని ఇంటి పక్కనే నివాసం ఉంటున్న అంకంరెడ్డి కుమారి గమనించి వెంటనే విద్యుత్‌ కార్యాలయానికి, పోలీసులకు సమాచారం ఇవ్వడంతో విద్యుత్‌ సరఫరా నిలుపుదల చేశారు. భారీ వర్షం కురుస్తుండగా నాతవరం ఎస్‌ఐ వై.తారకేశ్వరరావు సిబ్బందితో సంఘటన స్థలానికి గొడుగులతో చేరుకున్నారు. ఇంటి లోపల సంఘటన స్థలంలో విద్యుత్‌ షాక్‌ కొట్టి నేలపై పడి ఉన్న వారిని బ్యాటరీ లైట్ల వెలుతురులో పరిశీలించగా తల్లి మంగ, కుమార్తె జానకి మరణించి పడిఉన్నారు. తీవ్ర గాయాలతో అపస్మారక స్థితిలో పడి ఉన్న రొంగలి నాగరాజు ఛాతీపై బలంగా ఒత్తిడి చేయడంతో కదలిక వచ్చింది. వెంటనే అతనిని 108లో నాతవరం పీహెచ్‌సీకి తరలించారు. పరిస్థితి విషమంగా ఉండడంతో మెరుగైన వైద్యం కోసం నర్సీపట్నం ఏరియా అసుపత్రికి తరలించి చికిత్స అందిస్తున్నారు. కళ్ల ముందే భార్య మంగ, కుమార్తె జానకి మరణించడంతో చిన్నబ్బాయి భోరున విలపించాడు. జరిగిన ప్రమాదంపై ఎస్‌ఐ తారకేశ్వరరావు కేను నమోదు చేసి పంచనామా అనంతరం పోస్టుమార్టం నిమిత్తం మృతదేహాలను నర్సీపట్నం ఏరియా అసుపత్రికి తరలించారు. విగత జీవులుగా తల్లి, చెల్లి... మృతురాలు మంగకు కుమార్తె జానకితో పాటు కుమారుడు రాజేష్‌ ఉన్నారు. రాజేష్‌ విజయనగరం జిల్లాలో ఎస్‌ఐగా పని చేస్తున్నారు. తల్లి, చెల్లి మరణించారన్న వార్త తెలిసి గురువారం తెల్లవారునే బయలుదేరి ఇంటికి వచ్చిన రాజేష్‌ మృతదేహాలను చూసి బోరున విలపించారు. జానకి 15 రోజుల బాలింత జానకిని మాకవరపాలెం మండలం తమ్మమ్యపాలేనికి చెందిన నాగరాజుకు ఇచ్చి వివాహం చేశారు. వారికి మొదటి బిడ్డ ఐదేళ్ల బాబు ఉండగా, రెండో కాన్పులో మళ్లీ బాబు పుట్టాడు. భార్య జానకిని చూసేందుకు నాగరాజు అత్తవారింటికి నాతవరం వచ్చాడు. ఈ నేపథ్యంలో కుటుంబ సభ్యులంతా ఆనందంగా ఉన్న తరుణంలో ఈ దుర్ఘటన చోటుకుని తీవ్ర విషాదంలో ముంచింది. బీఎస్సీ నర్సింగ్‌ చదువుకున్న జానకి ప్రభుత్వ ఉద్యోగం కోసం ప్రిపరేషన్‌లో ఉన్నారు.

● మారుమూల గ్రామాలకు నిలిచిపోయిన రాకపోకలు ● నీటమునిగిన పంట పొలాలు.. కూలిన ఇళ్లు ● పొంగిపొర్లిన గెడ్డలు, వాగులు, కాజ్‌వేలు ● మత్స్యగెడ్డ ఉగ్రరూపం.. స్తంభించిన జనజీవనంవాయుగుండం ప్రభావంతో ఏజెన్సీ ప్రాంతం మొత్తం వరదలతో అతలాకుతలమైంది. మత్స్యగెడ్డ ఉగ్రరూపం దాల్చడంతో పాటు వాగులు, గెడ్డలు పొంగిపొర్లి వందలాది మారుమూల గ్రామాలకు రవాణా పూర్తిగా నిలిచిపోయింది. పాడేరు, జి.మాడుగుల రహదారి తెగిపోవడంతో జనజీవనం స్తంభించింది. మూడు రోజులుగా కురిసిన కుండపోత వర్షాలకు కాజ్‌వేల పైనుంచి వరద నీరు ముంచెత్తడంతో వాహనాల రాకపోకలు నిలిచిపోయాయి. పలు చోట్ల పంట పొలాలు ముంపునకు గురయ్యాయి. మట్టి ఇళ్లు నాని కూలిపోయాయి. మత్స్యగుండం బండరాళ్ల మీదుగా ఉధృతంగా ప్రవహిస్తున్న వరదనీరుముంచెత్తిన వరదగిన్నెలకోట నుంచి ఇనుపతీగల గ్రామం వరకు మట్టి రోడ్డుపై గెడ్డను తలపిస్తూ ప్రవహిస్తున్న వరద నీరు వాయుగుండం ప్రభావంతో మన్యంలో కుండపోత వర్షాలుసాక్షి, పాడేరు: వాయుగుండం ప్రభావంతో ఏజెన్సీ వ్యాప్తంగా మూడు రోజులుగా భారీ వర్షాలు కురుస్తున్నాయి. గురువారం కుండపోత వర్షంతో జనజీవనం స్తంభించిపోయింది. ఎక్కడికక్కడ కొండవాగులు, గెడ్డలు ఉధృతంగా ప్రవహించడంతో రవాణా వ్యవస్థ నిలిచిపోయింది. పాడేరు, జి.మాడుగుల, పెదబయలు, జి.కె.వీధి, ముంచంగిపుట్టు, హుకుంపేట, అరకులోయ, డుంబ్రిగుడ, అనంతగిరి మండలాల్లోని గెడ్డలు, కొండవాగులు ప్రమాదకరంగా పొంగిపొర్లుతున్నాయి. దీంతో వందలాది గ్రామాలకు రాకపోకలు పూర్తిగా నిలిచిపోయాయి. మత్స్యగెడ్డ ఉధృతి కారణంగా కుంబిడిసింగి, పరదానిపుట్టు కాజ్‌వేలపై నీరు పొంగి ప్రవహిస్తూ మూడు రోజులుగా సుమారు 150 గ్రామాలకు వాహన రాకపోకలు నిలిచిపోయాయి. హుకుంపేట మండలంలోని రాళ్లగెడ్డ కూడా కాజ్‌వేపై నుంచి ప్రవహిస్తోంది. మత్స్యగుండం పుణ్యక్షేత్రం బండరాళ్ల వద్ద పరిస్థితి అత్యంత ప్రమాదకరంగా మారడంతో దర్శనాలను పూర్తిగా నిలిపివేసి హెచ్చరిక బోర్డులు ఏర్పాటు చేశారు. జి.మాడుగులకు రాకపోకలు బంద్‌ పాడేరు నుంచి జి.మాడుగుల వైపు వెళ్లే జాతీయ రహదారిలో తాత్కాలిక పైప్‌ కల్వర్టుపై వరదనీరు ఉధృతంగా ప్రవహించడంతో పోలీసులు రాకపోకలను నిలిపివేశారు. అనంతరం కల్వర్టు కొట్టుకుపోవడంతో రవాణా పూర్తిగా నిలిచిపోయింది. జి.మాడుగుల, చింతపల్లి ప్రాంతా లతో సంబంధాలు తెగిపోయాయి. కొయ్యూరు చింతాలమ్మ ఘాట్‌లో కొండచరియలు విరిగిపడడంతో భారీ వాహనాల రాకపోకలకు అంతరాయం కలిగింది. పాడేరు ఘాట్‌లో మరోచోట పడిన చరియలను ఆర్‌అండ్‌బీ అధికారులు తొలగించారు. పంట భూములు మునక జి.మాడుగుల, పాడేరు, హుకుంపేట, పెదబయలు మండలాల్లో లోతట్టు వ్యవసాయ భూములు ముంపునకు గురయ్యాయి. సంగం, నుర్మతికొత్తూరు గ్రామాల వద్ద వరి పంట పొలాలు చెరువుల్లా మారాయి. గబ్బంగి, గుత్తులపుట్టు, కొంతిలి, మఠం, రంగశీల పంచాయతీల్లోనూ పంట నష్టం చోటుచేసుకుంది. పలుచోట్ల గిరిజనుల మట్టి గోడల ఇళ్లు కూలిపోయాయి. జలపాతాల వద్ద ప్రమాద హెచ్చరికలు ఏజెన్సీ ప్రాంతంలోని ప్రధాన జలపాతాలన్నింటిలోనూ వరద ఉధృతి అధికంగా ఉంది. కొత్తపల్లి, చాపరాయి, రణజిల్లెడ, కటిక, పెద్దబయలు జలపాతాల్లో నీటి ప్రవాహం ప్రమాదకరంగా మారడంతో పర్యాటకుల సందర్శనను నిలిపివేశారు. చింతాలమ్మ ఘాట్‌లో విరిగిన కొండ చరియలుకొయ్యూరు: చింతాలమ్మ ఘాట్‌ రోడ్డులో ఐదు మలుపు వద్ద కొండచరియలు విరిగిపడ్డాయి. చరియలు విరిగిపడే ముందు అనుమానంతో ఓ కారు పక్కకు నిలిపివేయడంతో ప్రమాదం తప్పింది. జాతీయ రహదారి అధికారులు నిర్మించిన రక్షణ గోడ కూడా ఈ చరియలను అడ్డుకోలేకపోయింది. సమాచారం అందుకున్న సీఐ శ్రీనివాసరావు, ఎస్‌ఐ కిషోర్‌వర్మ ఘటన స్థలానికి చేరుకుని పొక్లెయిన్‌ సహాయంతో మట్టి పెళ్లలను తొలగించి రాకపోకలను కొంత వరకు పునరుద్ధరించారు. యూచీడిపాలెం పంచాయతీ బంగరుబండకు చెందిన పాంగి చంపకు గురువారం తీవ్ర కడుపు నొప్పి రావడంతో ఆస్పత్రికి తరలించేందుకు కుటుంబ సభ్యులు తీవ్ర అవస్థలు పడ్డారు. సింగవరం కాలువ ఉధృతంగా ప్రవహించడంతో తాడుసాయంతో ఆమెను కాలువ దాటించి అనంతరం వాహనంలో వై.రామవరం ఆస్పత్రికి తరలించారు. ఎం.బీమవరం వాలుగూడెంలో ఇళ్లలోకి వరదనీరు చేరగా, మారేడుమిల్లి–గుర్తేడు మార్గంలో వాహన రాకపోకలకు అంతరాయం ఏర్పడింది. కొయ్యూరు, కాకరపాడు కాలువలు ఉధృతంగా ప్రవహిస్తున్నాయి. తాండవ జలాశయానికి నీరు అందించే తీగలమెట్ట కాలువ కూడా ఉప్పొంగుతోంది. 22 మందితో ఎస్‌డీఆర్‌ఎఫ్‌ బృందం రాక గూడెంకొత్తవీధి: భారీ వర్షాల ప్రభావంతో ప్రజల భద్రత దృష్ట్యా రాష్ట్ర విపత్తుల నిర్వహణ సంస్థ(ఎస్‌డీఆర్‌ఎఫ్‌) 22 మంది సభ్యులతో కూడిన బృందం గురువారం గూడెం చేరుకుంది. వారిలో 11 మందిని తోకరాయి గ్రామంలో ప్రమాదకరంగా మారిన కాలువ వద్ద సహాయక చర్యలకు నియమించగా, మిగిలిన 11 మందిని గంగవరం–డీ.ఆగ్రహారం గ్రామాల మధ్య వంతెన వద్ద మోహరించారు. ప్రస్తుతం పరిస్థితులను ఎప్పటికప్పుడు పర్యవేక్షిస్తున్నామని తహసీల్దార్‌ అన్నాజీరావు తెలిపారు. భారీ వర్షాల కారణంగా వంతెనలు దెబ్బతినడంతో పాటు అనేక ఇళ్లు కూలిపోయాయి. పలు రహదారులపై చెట్లు పడిపోవడంతో రాకపోకలకు అంతరాయం ఏర్పడింది. పనసపల్లి నుంచి పెబ్బంపల్లి, బంధవీధి, తడపల్లి, ధారకొండ ప్రాంతాల మీదుగా గూడెం పంచాయతీలోని బొడ్డుమానుపాకల–చుక్కగొయ్యి మార్గాల్లో కల్వర్టులు మునిగిపోయాయి. జాతీయ రహదారిపై బుధవారం రాత్రి చెట్లు కూలిపోగా, గూడెం పాతవీధిలో కూడా చెట్లు పడిపోయాయి. గూడెం పంచాయతీలో కొట్టుకుపోయిన కల్వర్టుపాడేరు మండలం దేవరాపల్లి ప్రాంతంలో వరిపంట భూముల మీదుగా వరదనీరుపెదబయలు: గిన్నెలకోట పంచాయతీ కేంద్రం నుంచి సుమారు 2 కిలోమీటర్ల దూరంలో ఉన్న ఇనుపతీగల గ్రామానికి వెళ్లే మట్టి రహదారి వర్షాల కారణంగా గెడ్డను తలపిస్తోంది. ప్రస్తుతం కురుస్తున్న భారీ వర్షాలకు రోడ్డంతా నీటితో నిండిపోయింది. డ్రైనేజీ సౌకర్యం లేకపోవడంతో వరదనీరు రోడ్డుపైనే ప్రవహిస్తోంది. దీంతో గ్రామానికి వెళ్లే రెండు కిలోమీటర్ల ప్రయాణం ఎంతో కష్టసాధ్యంగా మారింది. అత్యవసర పరిస్థితుల్లో గ్రామస్తులు బయటకు రావడానికే ఇబ్బంది పడుతున్నారు. గ్రామంలో సుమారు 55 కుటుంబాలు, 280 మంది నివసిస్తున్నారు. సరైన రహదారి లేక నిత్యం అవస్థలు పడుతున్నామని గ్రామస్తులు వాపోతున్నారు. గ్రామానికి తారురోడ్డు మంజూరు చేయాలని, రోడ్డుపై వరదనీరు నిల్వ కాకుండా తగిన డ్రైనేజీ వ్యవస్థ ఏర్పాటు చేయాలని వైఎస్సార్‌సీపీ నాయకుడు చిక్కుడు సూరయ్య, గ్రామస్తులు ప్రభుత్వాన్ని డిమాండ్‌ చేశారు. డొంకరాయి డ్యాం గేట్లు ఎత్తివేత సీలేరు: ఏపీ జెన్‌కో సీలేరు విద్యుత్‌ కాంప్లెక్స్‌లోని డొంకరాయి మెయిన్‌ డ్యామ్‌ నీటి మట్టం పెరగడంతో అధికారులు అప్రమత్తమయ్యారు. గురువారం రాత్రి 7.30 గంటల సమయంలో ఆరో నెంబర్‌ గేటును రెండు అడుగులు ఎత్తి 2,000 క్యూసెక్కుల నీటిని దిగువకు వదిలారు. ఏవీపీ డ్యామ్‌ నుంచి 6,000 క్యూసెక్కుల నీటిని విడుదల చేస్తున్నారు. కాంప్లెక్స్‌ చీఫ్‌ ఇంజనీర్‌ కె.వి.రాజారావు డొంకరాయి డ్యామ్‌ను సందర్శించి నీటి మట్టాలను పరిశీలించారు. పరిస్థితిని ఎప్పటికప్పుడు గమనిస్తూ అప్రమత్తంగా ఉండాలని ఏఈ శివశంకర్‌కు ఆదేశాలు జారీ చేశారు. రాష్ట్రంలోని ఇతర విద్యుత్‌ కేంద్రాల్లో ఉత్పత్తి కొనసాగుతున్న నేపథ్యంలో సీలేరు కాంప్లెక్స్‌లో ఉత్పత్తి తగ్గడంతో నీటిని దిగువకు విడుదల చేయాల్సిన పరిస్థితి ఏర్పడింది.

డాబాగార్డెన్స్‌: నగరంలో వర్షాలు కొనసాగుతున్న నేపథ్యంలో ప్రజల ప్రాణ, ఆస్తి రక్షణకు జీవీఎంసీ సహాయక చర్యలు ముమ్మరం చేసినట్లు కమిషనర్‌ కేతన్‌గార్గ్‌ తెలిపారు. మరో రెండు రోజుల పాటు వర్షాలు కురిసే అవకాశం ఉన్నందున అధికారులు, సిబ్బంది క్షేత్రస్థాయిలో అందుబాటులో ఉండాలని గురువారం నిర్వహించిన టెలీకాన్ఫరెన్స్‌లో ఆదేశించారు. రోడ్లపై నిలిచిన నీటిని తొలగించడం, మ్యాన్‌హోల్స్‌, డ్రెయిన్లు, కాలువల్లో అడ్డంకులను తొలగించడం, కూలిన చెట్లు, గోడలను తొలగించి రాకపోకలకు అంతరాయం లేకుండా చర్యలు చేపట్టాలని సూచించారు. నగరంలో ముందస్తుగా 56 పునరావాస కేంద్రాలను సిద్ధం చేసి, ఇప్పటి వరకు 58 మందిని సురక్షిత ప్రాంతాలకు తరలించినట్లు కమిషనర్‌ తెలిపారు. గురువారం సాయంత్రం 7 గంటల వరకు 143 వర్ష సంబంధిత ఘటనలు, ఫిర్యాదులు నమోదు కాగా 140 పరిష్కరించినట్లు చెప్పారు. 89 చెట్లు కూలిన ఘటనల్లో తొలగింపు చర్యలు పూర్తయ్యాయని తెలిపారు. ప్రజలు అప్రమత్తంగా ఉండాలని, అధికారిక సమాచారాన్ని మాత్రమే అనుసరించాలని కలెక్టర్‌ ఎం.అభిషిక్త్‌ కిషోర్‌, కమిషనర్‌ కేతన్‌గార్గ్‌ సూచించారు.

జి.మాడుగుల: వరద ఉధృతికి జాతీయ రహదారిలోని సంగం ప్రాంతంలో కొట్టుకుపోయిన తాత్కాలిక పైపు కల్వర్టును పునరుద్ధరించే పనులు చురుగ్గా జరుగుతున్నాయి. పాడేరు–జి.మాడుగుల మధ్య వాహనాల రాకపోకలు నిలిచిపోవడంతో అధికారులు అప్రమత్తమయ్యారు. వర్షం కాస్త తగ్గుముఖం పట్టడంతో పైపు కల్వర్టు నిర్మాణ పనుల్లో జాతీయ రహదారి విభాగం అధికారులు నిమగ్నమయ్యారు. ఈ పనులను తహసీల్దార్‌ రాజ్‌కుమార్‌, సీఐ లక్ష్మణరావు, ఎస్‌ఐ సాయిరామ్‌పడాల్‌, ఎన్‌హెచ్‌ జేఈఈ లోకేష్‌ పర్యవేక్షిస్తున్నారు. శుక్రవారం ఉదయం నాటికి ఈ రోడ్డులో వాహనాల రాకపోకలు సాగేలా చర్యలు తీసుకుంటున్నారు. కల్వర్టు పునరుద్ధరణ పనులను వైఎస్సార్‌సీపీ నేత, మాజీ ఎంపీపీ మత్స్యరాస వెంకటగంగరాజు పరిశీలించారు. యుద్ధప్రాతిపదికన పనులు వేగవంతం చేయాలని ఆయన అధికారులను కోరారు.

కశింకోట : మండలంలోని కొత్తపల్లి వద్ద ఉన్న క్రెబ్స్‌ బయో కెమికల్‌ పరిశ్రమను తెరిపించడానికి చర్యలు తీసుకోవాలని పరిశ్రమ వర్కర్స్‌ యూనియన్‌ (సీఐటీయు అనుబంధం) అధ్యక్షుడు అప్పారావు, ప్రధాన కార్యదర్శి బాబూరావు కోరారు. సీఐటీయు రాష్ట్ర అధ్యక్షుడు సిహెచ్‌. నరసింగరావు ఆధ్వర్యంలో విజయవాడలోని కాలుష్య నియంత్రణ మండలి కమిషనర్‌ను గురువారం కలిసి వినతి పత్రం అందజేసి కోరినట్టు వారు తెలిపారు. ఏడాదిన్నరగా కాలుష్య నియంత్రణ మండలి ఆదేశాలతో పరిశ్రమను మూసివేశారని, దీనివల్ల 330 మంది కార్మికులు, ఉద్యోగుల కుటుంబాలు ఆర్థిక ఇబ్బందులు పడుతున్నాయని ఆవేదన వ్యక్తం చేశారు. ఒకపక్క రాష్ట్ర ప్రభుత్వం పరిశ్రమలను ప్రోత్సహిస్తున్నామని, లక్షలాది మందికి ఉపాధి కల్పిస్తున్నామని ప్రచార ఆర్భాటం చేస్తుందని, అయితే ఉన్న పరిశ్రమలను మాత్రం తెరిపించేందుకు చర్యలు చేపట్టకపోవడం శోచనీయమన్నారు. తక్షణమే క్రెబ్స్‌ పరిశ్రమను తెరిపించి తమ ఇబ్బందులు తొలగించాలని కోరారు. యూనియన్‌ ప్రతినిధులు కన్నబాబు, జి. శ్రీనివాసరావు కార్యక్రమంలో పాల్గొన్నారు.

సీలేరు: కొద్ది రోజులుగా కురుస్తున్న వర్షాల కారణంగా ఆంధ్ర–ఒడిశా సరిహద్దులోని జలాశయాలు నిండుకుండలా మారాయి. సీలేరు విద్యుత్‌ కాంప్లెక్స్‌ పరిధిలోని జోలాపూట్‌, బలిమెల, గుంటవాడ, డొంకరాయి జలాశయాలకు భారీగా ఇన్‌ఫ్లోలు చేరుతుండటంతో నీటిమట్టాలు వేగంగా పెరుగుతున్నాయి. ఉమ్మడి నిర్వహణలో ఉన్న జోలాపూట్‌ రిజర్వాయర్‌ పూర్తిస్థాయి నీటిమట్టం 2,750 అడుగులు కాగా, గురువారం సాయంత్రానికి 2,740 అడుగులకు చేరుకుంది. బలిమెల జలాశయం పూర్తిస్థాయి స్థాయికి చేరువలో ఉండగా, గత నాలుగు రోజులుగా రోజుకు 2–3 అడుగుల చొప్పున నీటిమట్టం పెరుగుతూ ప్రస్తుతం 1,590 అడుగులకు చేరుకుంది. గుంటవాడ, డొంకరాయి జలాశయాలు ఇప్పటికే ప్రమాదస్థాయికి చేరుకున్నాయి. గుంటవాడ రిజర్వాయర్‌ పూర్తిస్థాయి స్థాయి 1,360 అడుగులు కాగా, సాయంత్రం 6 గంటలకు 1,056 అడుగులకు చేరి వేగంగా పెరుగుతోంది. పిల్లిగడ్డ వాగు నుంచి భారీగా ఇన్‌ఫ్లోలు రావడం వల్ల నీటిమట్టం గంట గంటకు పెరుగుతోంది. డొంకరాయి జలాశయం పూర్తిస్థాయి 1,037 అడుగులకు ప్రస్తుతం 1,031.40 అడుగులకు చేరుకుంది. ప్రస్తుతం సీలేరు జలవిద్యుత్‌ కేంద్రంలో ఒక యూనిట్‌ ద్వారా విద్యుత్‌ ఉత్పత్తి కొనసాగుతోంది. ఇన్‌ఫ్లోలు ఇదే విధంగా కొనసాగితే గేట్లు ఎత్తి నీటిని విడుదల చేయాల్సిన పరిస్థితి ఏర్పడుతుందని జెన్‌కో అధికారులు తెలిపారు. ఇప్పటికే సంబంధిత శాఖలకు నోటీసులు జారీ చేసి, దిగువ ప్రాంతాల ప్రజలను అప్రమత్తంగా ఉండాలని హెచ్చరించారు.

అచ్యుతాపురం రూరల్‌: గృహావసరాలకు ఉపయోగించే వంటగ్యాస్‌ పక్కదారి పడుతోంది. ప్రత్యేక ఆర్థిక మండలి పరిధిలో కొంతమంది వ్యాపారులు చిన్న సిలిండర్లలోకి రీఫిల్లింగ్‌ చేసి అధిక ధరలకు విక్రయిస్తున్నారు. ఇది వరలో పౌరసరఫరాల అధికారులు నిర్వహించిన తనిఖీల్లో 82 సిలిండర్లు పట్టుబడటం స్థానికంగా కలకలం రేపింది. అచ్యుతాపురం, రాంబిల్లి మండలాల పరిధిలో సెజ్‌ కార్మికులు, వలస కార్మికులను ఆసరాగా చేసుకుని నిత్యావసరమైన వంట గ్యాస్‌ను అక్రమంగా విక్రయిస్తున్నారు. సాధారణ సిలిండర్లు బుక్‌ చేసుకున్న వారికి ఓటీపీ చెప్పాల్సిందేనని నిబంధనలు చెబుతున్న డీలర్లు.. అక్రమ రీఫిల్లింగ్‌ చేసుకునే వారికి మాత్రం రోజుకు పెద్ద మొత్తంలో సిలిండర్లు సరఫరా చేయడం ప్రశ్నార్థకంగా మారింది. గృహావసరాలకు అందని సిలిండర్లు పారిశ్రామిక ప్రాంతం పరిసరాల్లో వంట గ్యాస్‌ సరఫరా వ్యవస్థపై ప్రజల్లో తీవ్ర అసంతృప్తి వ్యక్తమవుతోంది. గృహావసరాల కోసం గ్యాస్‌ సిలిండర్‌ బుక్‌ చేస్తున్నప్పటికీ సకాలంలో అందడం లేదని వినియోగదారులు ఆవేదన వ్యక్తం చేస్తున్నారు. మరోవైపు పారిశ్రామిక ప్రాంతంలో హోటళ్లు, టిఫిన్‌ సెంటర్లు, ఫాస్ట్‌ ఫుడ్‌ సెంటర్లు, క్యాంటీన్లు, ఇతర వాణిజ్య సంస్థలకు గృహ వినియోగ సిలిండర్లు అధిక ధరలకు చేరుతున్నాయి. గృహావసరాలకు కేటాయించిన సిలిండర్లు వాణిజ్య అవసరాలకు మళ్లుతున్నాయి. గ్యాస్‌ బుక్‌ చేసుకున్నవారికి నెల, రెండు నెలలు కూడా ఆలస్యం అవుతుంది. అదే వ్యాపారులకు మాత్రం క్షణాల్లో అందుబాటులోకి ఉంటున్నాయి. గ్యాస్‌ బుక్‌ చేసినా బొగ్గుల పొయ్యే దిక్కు ఇంట్లో వంట గ్యాస్‌ సిలిండర్లు అయిపోయిన వెంటనే వినియోగదారులు సిలిండర్‌ కోసం బుకింగ్‌ చేసుకుంటున్నారు. అయితే బుకింగ్‌ చేసిన తర్వాత సిలిండర్‌ సకాలంలో అందక గృహిణులు కట్టెల పొయ్యి లేదా బొగ్గు పొయ్యి మీదో వంట చేసుకునే పరిస్థితి ఏర్పడింది. ఉరుకులు పరుగులు తీస్తూ జీవనం సాగించే ప్రస్తుత ప్రపంచంలో, బొగ్గుల పొయ్యిలపై ఆలస్యంగా వంటలు చేసుకుని దినసరి కూలి పనులు చేసుకోవడానికి వెళ్లేందుకు ప్రజలు అనేక ఇబ్బందులు ఎదుర్కొంటున్నారు. వ్యాపారులకు మాత్రం కొరత లేదు ఇళ్లకు సరఫరా కావాల్సిన గ్యాస్‌ సిలిండర్లు కొందరు వ్యాపారులకు ఎలా అందుతున్నాయనే ప్రశ్నలు వినియోగదారుల నుంచి వ్యక్తమవుతున్నాయి. గృహ వినియోగ సిలిండర్లను అధిక ధరలకు ఇతరులకు విక్రయించడంలో గ్యాస్‌ ఏజెన్సీలు తమదైన చేతివాటం చూపుతున్నాయి. ఒక్కో సిలిండర్‌ రూ.2 వేలు పైబడి అక్రమంగా అమ్ముకుంటూ కుబేరులవుతున్నారని, గ్యాస్‌ అమ్మకాలు చేసే వారు రోజుకు వేళల్లో అక్రమంగా సంపాదించుకుంటున్నారనే ఆరోపణలు లేకపోలేదు. ఎక్కడిపడితే అక్కడ అనధికారంగా గ్యాస్‌ నిల్వలు కొన్ని ప్రాంతాల్లో భద్రతా నిబంధనలను పట్టించుకోకుండా గ్యాస్‌ సిలిండర్లను నిల్వ ఉంచుతున్నారనే విమర్శలు ఉన్నాయి. జనావాసాల మధ్య, దుకాణాల వద్ద అనధికారంగా సిలిండర్లు నిలువలు ఉంటున్నాయని స్థానికులంటున్నారు. ఇలాంటి నిల్వల వల్ల ప్రమాదం సంభవిస్తే భారీ నష్టం జరిగే అవకాశం ఉందని ప్రజలు ఆందోళన చెందుతున్నారు. అధికారులు దృష్టి సారించాలి అనధికార నిల్వలు, అధిక ధరలకు నిక్రయాలు, గృహ వినియోగ సిలిండర్ల దుర్వినియోగంపై అధికారులు ప్రత్యేక దృష్టి సారించాలని వినియోగదారులు కోరుతున్నారు. గ్యాస్‌ ఏజెన్సీల వద్ద బుకింగ్‌ నుంచి డెలివరీ వరకూ ప్రక్రియను పరిశీలించి, సిలిండర్లను సకాలంలో వినియోగదారులకు చేరేలా చర్యలు తీసుకోవాలని కోరుతున్నారు. అక్రమంగా నిల్వలు ఉంచుతున్న వారిపై తనిఖీలు నిర్వహించి, నిబంధనలు ఉల్లంఘించిన వారిపై కఠిన చర్యలు తీసుకోవాలని కోరుతున్నారు. సిలిండర్‌ కోసం సామాన్యుడు ఎదురు చూడాల్సిన పరిస్థితి లేకుండా.. గ్యాస్‌ సరఫరాలో పారదర్శకత తీసుకురావాల్సిన అవసరం ఉందని కోరుతున్నారు.

పాయకరావుపేట : శ్రీ ప్రకాష్‌ విద్యా సంస్థల అనుబంధ సంస్థ స్పేసెస్‌ డిగ్రీ కళాశాల కామర్స్‌ అండ్‌ మేనేజ్‌మెంట్‌ లెక్చరర్‌, ఎన్‌ఎస్‌ఎస్‌ ప్రోగ్రామ్‌ ఆఫీసర్‌ జిల్లా ఎన్‌ఎస్‌ఎస్‌ నోడల్‌ అధికారి జి.తాతయ్య నాయుడు ఆంధ్ర విశ్వవిద్యాలయ ఉత్తమ ఎన్‌ఎస్‌ఎస్‌ ప్రోగ్రామ్‌ ఆఫీసర్‌ అవార్డును అందుకున్నట్టు విద్యాసంస్థల సంయుక్త కార్యదర్శి సిహెచ్‌.విజయ్‌ప్రకాష్‌ తెలిపారు. విశాఖలోని ఆంధ్ర విశ్వవిద్యాలయంలో కాలేజీ కోదండరామయ్య బ్లాక్‌లో జరిగిన కార్యక్రమంలో ఆంధ్రప్రదేశ్‌ రాష్ట్ర ఎన్‌ఎస్‌ఎస్‌ అధికారి డా.ఎం.సుధాకర్‌, ఆంధ్ర విశ్వవిద్యాలయం రెక్టార్‌ ప్రొఫెసర్‌ పులిపాటి కింగ్‌ చేతుల మీదుగా అవార్డును స్వీకరించారన్నారు. విద్యార్థుల్లో సేవాభావం, సామాజిక బాధ్యతను పెంపొందిస్తూ రక్తదాన శిబిరాలు, పారిశుధ్య కార్యక్రమాలు, అవగాహన ర్యాలీలు, పర్యావరణ పరిరక్షణ, సామాజిక సేవా కార్యక్రమాల్లో ఎన్‌ఎస్‌ఎస్‌ వలంటీర్లను చురుగ్గా భాగస్వాములను చేసినందుకు ఆయన సేవలకు ఈ అవార్డు లభించిందన్నారు. ఈ సందర్భంగా విద్యాసంస్థల అధినేత నరసింహారావు, కళాశాల ప్రిన్సిపాల్‌ డా.ఎ.ఆర్‌.కె.రెడ్డితో పాటు అధ్యాపకులు అభినందించారు.

మాజీ సీఎం జగన్‌మోహన్‌రెడ్డిని కలిసిన మాజీ డిప్యూటీ సీఎం బూడి ముత్యాలనాయుడు, మండల అధ్యక్షుడు బూరె బాబూరావు దేవరాపల్లి : వైఎస్సార్‌సీపీ అధ్యక్షుడు, మాజీ ముఖ్యమంత్రి వై.ఎస్‌.జగన్‌మోహన్‌రెడ్డిని గురువారం తాడేపల్లిలోని కేంద్ర కార్యాలయంలో మాజీ డిప్యూటీ సీఎం, వైఎస్సార్‌సీపీ శ్రీకాకుళం, పార్వతీపురం మన్యం జిల్లాల రీజనల్‌ కోఆర్డినేటర్‌ బూడి ముత్యాలనాయుడు, వైఎస్సార్‌సీపీ దేవరాపల్లి మండల అధ్యక్షుడు బూరె బాబూరావు మర్యాద పూర్వకంగా కలిశారు. స్థానిక ఎన్నికల్లో సమన్వయంతో పార్టీ అభ్యర్థుల గెలుపునకు కష్టపడి పని చేయాలని మాజీ సీఎం జగన్‌మోహన్‌రెడ్డి సూచించారని బూడి ముత్యాలనాయుడు చెప్పారు.

పైపుల ద్వారా పెద్ద చెరువులోకి విడుదల చేస్తున్న రసాయన వ్యర్థ జలాలు పరవాడ: నిబంధనలకు విరుద్ధంగా చెరువులు, గెడ్డల్లోకి రసాయన వ్యర్థ జలాలను విడుదల చేస్తున్న ఫార్మా యాజమాన్యాలపై చర్యలు తీసుకోవాలని సిటు రాష్ట్ర కౌన్సిల్‌ సభ్యుడు గనిశెట్టి సత్యనారాయణ డిమాండ్‌ చేశారు. గురువారం ఆయన పెద్ద చెరువును పరిశీలించి, మీడియాతో మాట్లాడారు. వర్షాలు పడినప్పుడల్లా ఫార్మా పరిశ్రమల యాజమాన్యాలు శుద్ధి చేయని రసాయన వ్యర్థాలను యథేచ్ఛగా చెరువులు, గెడ్డలు, కాలువల్లోకి విడుదల చేస్తుండడం వలన ఆయా ప్రాంతాల ప్రజలు తీవ్ర అనారోగ్యాల బారిన పడుతున్నారని ఆందోళన వ్యక్తం చేశారు. కిడ్నీ, చర్మ, క్యాన్సర్‌, గుండె, ఊపిరితిత్తులకు సంబంధించిన వ్యాధులకు గురై నానా అవస్థలు పడుతున్నారని ఆవేదన వ్యక్తం చేశారు.

చెట్టుపడి గాయాలపాలయిన గొర్రెల మంద పాయకరావుపేట : మండలంలో గల పెంటకోట గ్రామానికి చెందిన కొల్లి రామలక్ష్మి రమణకు చెందిన 20 గొర్రెలు గాయాలపాలయ్యాయి. తుఫాన్‌ ప్రభావం కారణంగా ఈదురు గాలులు వేయడంలో ఇంటిపైన చెట్టు పడి ఇల్లు బీటలు వేసింది. పక్కనే వున్న గొర్రెల మందపై కూడా చెట్టు పడి సుమారు 20 గొర్రెలు కాళ్లు విరిగిపోగా, కొన్ని గొర్రెలకు నడుం విరిగిపోయి గాయపడ్డాయని రామలక్ష్మి రమణ దంపతులు విచారం వ్యక్తం చేసారు. గొర్రెలు మేపుకొంటూ వాటి ఆధారంగా జీవిస్తున్నట్టు తెలిపారు.

అనకాపల్లి : స్థానిక ఎస్పీ కార్యాలయంలో ఏర్పాటు చేసిన గణపతి నవరాత్రులు ఉత్సవాలు గురువారం ముగిసాయి. అదనపు ఎస్పీ ఎల్‌.మోహనరావు గణపతికి ప్రత్యేక పూజలు చేశారు. ఈ సందర్బంగా ఆయన మాట్లాడుతూ ప్రశాంతమైన వాతావరణంలో ఈ ఏడాది నవరాత్రుల ఉత్సవాలను నిర్వహించడం జరిగిందన్నారు. కార్యాలయం ఆవరణలో మధ్యాహ్నాం పోలీసులు కుటుంబ సమేతంగా అన్నసమారాధన కార్యక్రమాన్ని నిర్వహించారు. ఈ కార్యక్రమంలో కార్యాలయం ఏవో సీహెచ్‌.తిలక్‌బాబు, సీఐలు టి.లక్ష్మీ, బాలసూర్యారావు, శ్రీనివాసరావు, రమేష్‌, రమణ్య, ఎస్‌ఐలు పాల్గొన్నారు.

పాడేరు: వాయుగుండం కారణంగా జిల్లా వ్యాప్తంగా కురుస్తున్న భారీ వర్షాల దృష్ట్యా అన్ని శాఖల అధికారులను అప్రమత్తం చేసి కంట్రోల్‌ రూమ్‌ల ద్వారా పరిస్థితులను నిరంతరం పర్యవేక్షిస్తున్నామని కలెక్టర్‌ టి.నిశాంతి తెలిపారు. గురువారం సాయంత్రం కలెక్టరేట్‌లో నిర్వహించిన విలేకరుల సమావేశంలో ఆమె మాట్లాడారు. జిల్లా, మండల స్థాయిలో ఏర్పాటు చేసిన కంట్రోల్‌ రూమ్‌ల ద్వారా వర్షపాతం, తుపాను పరిస్థితులు, రహదారులు, వంతెనలు, వాగులు, వంకలు, లోతట్టు ప్రాంతాల పరిస్థితులను పర్యవేక్షిస్తున్నామని చెప్పారు. తహసీల్దార్లు, ఎంపీడీవోలు, పోలీసులు సహా క్షేత్రస్థాయి సిబ్బంది క్షేత్ర స్థాయిలో పరిస్థితులను సమీక్షిస్తున్నారన్నారు. అత్యవసర పరిస్థితుల్లో స్పందించేందుకు సిబ్బంది, వాహనాలు, యంత్రాలు సిద్ధంగా ఉంచామని తెలిపారు. దెబ్బతిన్న రహదారులు, కల్వర్టులు తదితర మార్గాలను సంబంధిత శాఖలు పరిశీలిస్తూ, మట్టిపెళ్లలు, చెట్లు వంటి అవరోధాలను తొలగించి రాకపోకలు పునరుద్ధరించేందుకు చర్యలు తీసుకుంటున్నామని చెప్పారు. మధ్యాహ్నం 2 గంటల నాటికి అందిన సమాచారం మేరకు నష్టాలను ప్రాథమికంగా అంచనా వేస్తున్నామని, పూర్తి స్థాయి పరిశీలన అనంతరం గణాంకాలు వెల్లడిస్తామని పేర్కొన్నారు. వైద్యారోగ్య శాఖను అప్రమత్తం చేసి అత్యవసర సేవలకు సిబ్బందిని సిద్ధంగా ఉంచామని, వరదల అనంతరం వ్యాధులు వ్యాప్తి చెందకుండా పారిశుద్యంపై ప్రత్యేక దృష్టి సారిస్తామన్నారు. అవసరమైన చోట్ల ప్రజలను సురక్షిత ప్రాంతాలకు తరలించే ఏర్పాట్లు చేశామని చెప్పారు. అన్ని శాఖలు 24 గంటలు సమన్వయంతో పనిచేస్తున్నాయని పేర్కొన్నారు. అత్యవసరమైతే తప్ప, ప్రయాణాలను ప్రజలు వాయిదా వేసుకోవాలని కలెక్టర్‌ సూచించారు.

నేటి నుంచి ప్రత్యేక అధికారుల పాలన మహారాణిపేట: ఉమ్మడి విశాఖ జిల్లా పరిషత్‌ ప్రస్థానంలో ఒక అధ్యాయం ముగిసింది. జె.సుభద్ర అధ్యక్షతన కొనసాగిన జెడ్పీ పాలకవర్గం గడువు గురువారంతో పూర్తయింది. జిల్లాల పునర్విభజన నేపథ్యంలో సుదీర్ఘ చరిత్ర కలిగిన విశాఖ జెడ్పీ స్వరూపం మారిపోనుంది. శుక్రవారం నుంచి కొత్త జిల్లాల్లో ప్రత్యేక అధికారుల పాలన ప్రారంభం కానుంది. ఉమ్మడి విశాఖ జిల్లా పరిషత్‌కు దాదాపు 67 ఏళ్ల సుదీర్ఘ చరిత్ర ఉంది. దీని పరిధిలో మొత్తం 39 మండలాలు ఉండగా.. జిల్లాల విభజన తర్వాత విశాఖపట్నం జిల్లాకు 4, అనకాపల్లికి 24, అల్లూరి సీతారామరాజు జిల్లాకు 11 మండలాలు కేటాయించారు. 2021 సెప్టెంబర్‌ 25న బాధ్యతలు స్వీకరించిన పాలకవర్గం గడువు తీరడంతో ఉమ్మడి జెడ్పీ పేరు కనుమరుగవుతోంది. గడువు ముగిసిన నేపథ్యంలో జెడ్పీల పాలనకు ప్రభుత్వం ప్రత్యేక అధికారులను నియమిస్తూ ఉత్తర్వులు జారీ చేసింది. విశాఖపట్నం జిల్లా ప్రత్యేక అధికారిగా కలెక్టర్‌ ఎం.అభిషిక్త్‌ కిశోర్‌, అనకాపల్లి జిల్లాకు కలెక్టర్‌ విజయకృష్ణన్‌, అల్లూరి సీతారామరాజు జిల్లాకు కలెక్టర్‌ పి.నిశాంతిలు బాధ్యతలు చేపట్టనున్నారు. అధికారులతో పాటు అవసరమైన సిబ్బంది కేటాయింపులు కూడా పూర్తయ్యాయి.

నీట్‌ పీజీ ఫలితాల్లో ఆలిండియా స్థాయిలో 5వేల ర్యాంక్‌ సాధించిన హరిణితో తల్లిదండ్రులు మునగపాక : నీట్‌ పీజీ 2026 పరీక్ష ఫలితాల్లో మునగపాకకు చెందిన కొమ్మూరి హరిణి ఆలిండియా స్థాయిలో 5వేల ర్యాంక్‌ను సాధించింది. నీట్‌ పీజీ పరీక్ష ఆగస్టు 30వ తేదీన నిర్వహించిన సంగతి తెలిసిందే. మునగపాకకు చెందిన కొమ్మూరి శ్రీనివాసరావు, ప్రవళిక దంపతుల కుమార్తె హరిణి ఆలిండియా స్థాయిలో 5000 ర్యాంక్‌ను సొంతం చేసుకున్నారు. హరిణి భువనేశ్వర్‌లోని ప్రఖ్యాత ఎయిమ్స్‌లో మెడిసిన్‌ చదువుకుంది. తల్లిదండ్రుల ప్రోత్సాహంతో పాటు మెడిసిన్‌లో ఫ్రొఫెసర్ల సహకారంతో తనకు ఈ ర్యాంక్‌ వచ్చినట్లు హరిణి తెలిపారు. హరిణి ప్రతిభకు మునగపాక గ్రామస్తులతో పాటు తల్లిదండ్రులు హర్షం వ్యక్తం చేస్తున్నారు.

పాడేరు: మండలంలోని ఇరడాపల్లి పంచాయతీ ఈ.కొత్తూరు మత్స్యగెడ్డ వద్ద నిర్మించిన భారీ వంతెన ప్రారంభించిన మూడు నెలలకే అప్రోచ్‌ రోడ్డు ధ్వంసమైంది. ప్రస్తుతం కురుస్తున్న వర్షాలకు బుధవారం సాయంత్రం వంతెన ఒక వైపు అప్రోచ్‌ రోడ్డు పూర్తిగా కూలిపోవడంతో ఆ మార్గంలో రాకపోకలు నిలిచిపోయాయి. ఈ ఘటనతో నిర్మాణ నాణ్యతపై అనుమానాలు వ్యక్తమవుతున్నాయి. కాంట్రాక్టర్లు నాసిరకం పనులు చేయడం, అధికారులు సక్రమంగా పర్యవేక్షణ చేయకపోవడం వల్లే వంతెన అప్రోచ్‌ రోడ్డు ఈ స్థితికి చేరిందని స్థానికులు ఆరోపిస్తున్నారు. విషయం తెలుసుకున్న పాడేరు ఎమ్మెల్యే మత్స్యరాస విశ్వేశ్వరరాజు గురువారం ఘటనా స్థలాన్ని పరిశీలించారు. ఈ సందర్భంగా ఆయన అధికారులపై తీవ్ర ఆగ్రహం వ్యక్తం చేశారు. రెండున్నరేళ్ల క్రితం ఇదే ప్రాంతంలో వరదల సమయంలో ఒక వ్యక్తిని తానే స్వయంగా గెడ్డలోకి దిగి రక్షించానని గుర్తుచేశారు. ఆ ఘటన తర్వాత తన విజ్ఞప్తి మేరకు భారీ వంతెన మంజూరై నిర్మాణం చేపట్టినప్పటికీ పనుల్లో నాణ్యత ప్రమాణాలు పాటించలేదని విమర్శించారు. వర్షాలు మొదలైన తొలి రోజుకే రోడ్డు కూలిపోవడం అధికారుల నిర్లక్ష్యానికి నిదర్శనమన్నారు. ప్రస్తుత పరిస్థితుల్లో వంతెనకే ముప్పు వాటిల్లే ప్రమాదం ఉందని గిరిజనులు ఆందోళన వ్యక్తం చేస్తున్నారని చెప్పారు. తక్షణమే అధికారులు స్పందించి వంతెనకు పూర్తి స్థాయిలో మరమ్మతులు చేపట్టి రాకపోకలు పునరుద్ధరించాలని, లేని పక్షంలో ఆందోళన చేపడతామని ఎమ్మెల్యే హెచ్చరించారు.

పాడేరు: జిల్లాలోని ప్రతి కుటుంబానికి సకాలంలో మెరుగైన వైద్య సేవలు అందించడం, అనారోగ్య సమస్యలను ప్రాథమిక దశలోనే గుర్తించి తగిన చికిత్స అందించడమే ‘ప్రధానమంత్రి సేవా సంకల్ప అభియాన్‌’ ప్రధాన ఉద్దేశమని జిల్లా కలెక్టర్‌ టి. నిశాంతి స్పష్టం చేశారు. స్థానిక జిల్లా ఆస్పత్రిలో బుధవారం సేవా సంకల్ప్‌ అభియాన్‌లో భాగంగా నిర్వహించిన ఉచిత వైద్య శిబిరాన్ని ఆమె జ్యోతి ప్రజ్వలన చేసి ప్రారంభించారు. ఈ సందర్భంగా నిర్వహించిన సమావేశంలో కలెక్టర్‌ మాట్లాడుతూ.. ఈ కార్యక్రమం ద్వారా జిల్లాలోని పలు ప్రాంతాల్లో మెగా మెడికల్‌ క్యాంపులను నిర్వహిస్తున్నట్లు తెలిపారు. ఆరోగ్యకరమైన జీవనశైలి కోసం ప్రజలు నూనె, పంచదార, ఉప్పు వినియోగాన్ని తగ్గించుకుని క్రమం తప్పకుండా పౌష్టికాహారం తీసుకోవాలని సూచించారు. జిల్లా ఆస్పత్రి ఆవరణలో నూతనంగా ఏర్పాటు చేసిన జనఔషధి మెడికల్‌ స్టోర్‌ అందుబాటులోకి వచ్చిందని, ప్రజలు నాణ్యమైన మందులను ఇక్కడ తక్కువ ధరలకే కొనుగోలు చేసుకోవచ్చని తెలిపారు. జిల్లా ఆస్పత్రిలో ఓపీ సమయంలో వైద్య సేవల కోసం వచ్చిన రోగులు, సందర్శకులను నేరుగా కలిసి ఆస్పత్రిలో అందుతున్న వైద్య సేవలను అడిగి తెలుసుకున్నారు. ఈ కార్యక్రమంలో జిల్లా ఆస్పత్రి సూపరింటెండెంట్‌ డాక్టర్‌ శ్రీనివాసరావు, ప్రభుత్వ వైద్య కళాశాల ప్రిన్సిపాల్‌ డాక్టర్‌ బి. వెంకటేశ్వర్లు, ఏడీఎంహెచ్‌వో డాక్టర్‌ మురళీకృష్ణ, జిల్లా ఆస్పత్రి డిప్యూటీ సూపరింటెండెంట్‌ డాక్టర్‌ ఎర్రయ్య, ఆస్పత్రి వైద్యులు, వైద్య సిబ్బంది తదితరులు పాల్గొన్నారు.

కశింకోటలో హజరత్‌ సయ్యద్‌ అబ్దుల్‌ అజీజ్‌ షా ఖాదరీ బాబా చందనోత్సవ ఊరేగింపు కశింకోట: హజరత్‌ సయ్యద్‌ అబ్దుల్‌ అజీజ్‌ షా ఖాదరీ బాబా ఉరుసు ఉత్సవాలు(చందనోత్సవం) కొనసాగుతున్నాయి. మూడు రోజుల ఉత్సవాల్లో భాగంగా రెండో రోజు బుధవారం నిర్వహించిన చందనోత్సవంలో దర్గా నుంచి డప్పులు, వాయిద్యాలతో గుర్రంపై సంప్రదాయబద్ధంగా చందనాన్ని ఉంచి జెండాలతో ఊరేగించారు. ఈ ఊరేగింపులో ముస్లింలతోపాటు ఉభయ గోదావరి, విశాఖపట్నం జిల్లాల నుంచి వచ్చిన భక్తులు, స్థానిక హిందువులు భారీగా పాల్గొన్నారు. దర్గా నుంచి పెద్దబజారు, సంతబయలు, జాతీయ రహదారి మీదుగా ఖాదరీబాబా నివాసం వరకు ఊరేగింపును నిర్వహించి, అనంతరం తిరిగి దర్గా వరకు తీసుకువచ్చారు. తుపాను ప్రభావంతో వర్షం కురుస్తున్నప్పటికీ ఊరేగింపు నిరాటంకంగా కొనసాగింది. భక్తులు చందనాన్ని దర్శించుకుని ప్రార్థనలు చేశారు.

తారువలో గణపతికి 50 కేజీల లడ్డూను సమర్పించి పూజలు చేస్తున్న మాజీ డిప్యూటీ సీఎం బూడి ముత్యాలనాయుడు దేవరాపల్లి : వినాయక నవరాత్రి మహోత్సవాలలో మండలంలోని తారువలో గణపయ్యకు 50 కేజీల భారీ లడ్డూను మాజీ డిప్యూటీ సిఎం బూడి ముత్యాలనాయుడు చేతుల మీదుగా బుధవారం సమర్పించారు. స్థానిక మర్లమాంబ యూత్‌, స్థానిక ప్రజలు సమకూర్చిన ఈ లడ్డూను వినాయకుని వద్ద ఉంచి మాజీ డిప్యూటీ సీఎం ప్రత్యేక పూజలు, అభిషేకాలు నిర్వహించారు. వినాయక నిమజ్జనం రోజున ఈ లడ్డూ ప్రసాదాన్ని భక్తులకు పంపిణీ చేయనున్నట్లు స్థానిక యూత్‌ కమిటీ సభ్యులు తెలిపారు. ఐక్యతగా వినాయక నవరాత్రి మహోత్సవాలను వైభవంగా నిర్వహిస్తున్న స్థానిక యూత్‌ను మాజీ డిప్యూటీ సిఎం ముత్యాలనాయుడు ప్రత్యేకంగా అభినందించారు.

చోడవరం : స్థానిక శ్రీ కేశవస్వామి ఆలయంలో దొంగలు పడ్డారు. ఆలయంలో శ్రీదేవిభూదేవి సమేతుడైన శ్రీ కేశవస్వామివారి విగ్రహాలపై ఉన్న బంగారు, వెండి ఆభరణలు దొంగలించుకుపోయారు. ఆలయం ప్రధాన ద్వారం గేటు తాళాలు పగలు గొట్టి ఆలయంలోకి దొంగలు ప్రవేశించారు. అమ్మవారి మెడలో ఉన్న బంగారు శతమానాలతోపాటు సుమారు 500 గ్రామాలు విలువైన వెండి ఆభరణాలు, పూజా సామాగ్రిని చోరీ చేశారు. అయితే హుండీ జోలికి వెళ్లలేదు. ఈ హుండీ చాలా యేళ్లుగా తెరవకపోవడంతో సుమారు రూ. 80వేలకు పైబడి హుండీలో డబ్బులు ఉన్నట్టు పోలీసులు పరిశీలనతో తేలింది. దొంగలు ఆలయంలోకి చొరబడి గర్భాలయంలో ఉన్న 3గ్రాముల బంగారు శతమానాలు, 500 గ్రామాలు వెండి ఆభరణలు దొంగలించుకుపోయినట్టు చోడవరం సీఐ అప్పలరాజు తెలిపారు. డాగ్‌స్క్వాడ్‌, పోలీసు బృందాలు వచ్చి ఆలయాన్ని పరిశీలించారు. దొంగలు కోసం వెతుకుతున్నామని సీఐ తెలిపారు.

చోడవరం: గోవాడ సుగర్‌ ఫ్యాక్టరీ మహాజనసభను వైఎస్సార్‌సీపీ ఆధ్వర్యంలో ఈనెల 28వ తేదీన నిర్వహించేందుకు ఏర్పాట్లు సిద్ధం చేస్తోంది. దీనిలో భాగంగా మహాజనసభ ప్రచార వాల్‌ పోస్టర్లను ఎక్కడికక్కడ ఆ పార్టీ నాయకులు ఆవిష్కరించి, రైతులకు పంపిణీ చేస్తున్నారు. చోడవరం వైఎస్సార్‌సీపీ కార్యాలయంలో వాల్‌పోస్టర్లను ఆ పార్టీ రాష్ట్ర బీసీ సెల్‌ సంయుక్త కార్యదర్శి పల్లా నర్సింగరావు, జిల్లా యూత్‌ అధ్యక్షుడు పుల్లేటి వెంకటేష్‌, జిల్లా రైతు విభాగం అధ్యక్షుడు నాగులాపల్లి రాంబాబు, మాజీ జెడ్పీటీసీ బొడ్డేడ సూర్యనారాయణ, జిల్లా కార్యదర్శి దొడ్డి వెంకట్రావు బుధవారం ఆవిష్కరించారు. చెరకు రైతులను టీడీపీ కూటమి ప్రభుత్వం మోసం చేసిందని, ఫ్యాక్టరీ మహాజనసభను నిర్వహించలేదని, రైతులకు చెరకు బకాయిలు రెండేళ్లుగా చెల్లించలేదని వారు ధ్వజమెత్తారు. అందుకే రైతులు, కార్మికుల తరపున పోరాటం చేసేందుకు వైఎస్సార్‌సీపీ సిద్ధమైందన్నారు. ఈ నెల 28న జరగనున్న సభ్య చెరకు రైతుల మహాజన సభను రైతులంతా విజయవంతం చేయాలని వైఎస్సార్‌సీపీ నాయకులు పిలుపు ఇచ్చారు.

భారీ వర్షాలకు ఉధృతంగా ప్రవాహాలు దెబ్బతిన్న వంతెనలు, రహదారులు మారుమూలగ్రామాలకు నిలిచిన రాకపోకలు లోతట్టు ప్రాంతాలు జలమయం స్తంభించిన జనజీవనం పాడేరు: అర్నాబ్‌ తుపాను తీవ్రతతో జిల్లా వ్యాప్తంగా భారీ వర్షాలు కురుస్తున్నాయి. గత రెండు రోజులుగా కురుస్తున్న కుండపోత వానలకు కొండవాగులు, గెడ్డలు ఉగ్రరూపం దాల్చడంతో జనజీవనం పూర్తిగా అస్తవ్యస్తమైంది. సాయంత్రం వరకు ఎడతెరిపి లేకుండా కురిసిన వర్షాలకు ప్రజలు నానా ఇబ్బందులు పడ్డారు. కించుమండ, చింతపల్లి, డముకు వారపు సంతలు పూర్తిగా నిలిచిపోయాయి. ఉప్పొంగుతున్న మత్స్యగెడ్డ.. నిలిచిన రాకపోకలు ఏజెన్సీ వ్యాప్తంగా గెడ్డలన్నీ ప్రమాదకర స్థాయికి చేరగా, ప్రధానమైన ‘మత్స్యగెడ్డ’ ఉప్పొంగి ప్రవహిస్తోంది. జి.మాడుగుల మండలం కుంబిడిసింగి, పెదబయలు మండలం పరదానిపుట్టు కాజ్‌వేల పైనుంచి వరద నీరు భారీగా ప్రవహిస్తోంది. జి.మాడుగుల, పెదబయలు, పాడేరు మండలాల్లోని కుంబిడిసింగి, కించూరు, పెదకోడాపల్లి, కిముడుపల్లి, కుంతుర్ల పంచాయతీల పరిధిలోని దాదాపు 150 గ్రామాలకు రాకపోకలు పూర్తిగా నిలిచిపోయాయి. మూతపడిన పర్యాటక ప్రాంతాలు మత్స్యగుండం వద్ద మత్స్యగెడ్డ ప్రమాదకరంగా ప్రవహిస్తుండటంతో భక్తుల సందర్శనను నిలిపివేశారు. అలాగే జి.మాడుగుల మండలంలోని కొత్తపల్లి జలపాతానికి వరదనీరు పోటెత్తడంతో ఆయా పర్యాటక కేంద్రాలను అధికారులు మూసివేశారు. ● హుకుంపేట మండలంలో రాళ్లగెడ్డ ఉధృతి పెరగడంతో కాజ్‌వేపై నీరు ప్రవహిస్తోంది. దీంతో చీడిపుట్టు, దొంతురాయి, బారాపల్లి పంచాయతీల పరిధిలోని గిరిజన గ్రామాలకు మండల కేంద్రంతో సంబంధాలు తెగిపోయాయి. పెదబయలు: మండలంలోని గుల్లేలు పంచాయతీ కించూరు గెడ్డ, జామిగుడ గెడ్డ ఉధృతంగా ప్రవహిస్తున్నాయి. అలాగే కుంతుర్ల, కిముడుపల్లి పంచాయతీల పరిధిలోని మచ్చుపల్లి – కన్నెలకట్లు గ్రామాల మధ్యలో గేదెగెడ్డ పొంగిపర్లుతోంది. కిముడుపల్లి పంచాయతీ చేదుపుట్టు గ్రామం సమీపంలో కల్వర్టుపై నుంచి వరద నీరు ప్రవహిస్తుండటంతో రాకపోకలకు తీవ్ర అంతరాయం ఏర్పడింది. జామిగుడ, గిన్నెలకోట, కుంతుర్ల, గుల్లేలు పంచాయతీల్లో గెడ్డల ఉధృతి కారణంగా ఆయా గ్రామాలకు, మండల కేంద్రానికి మధ్య సంబంధాలు పూర్తిగా తెగిపోయాయి. ఫలితంగా రవాణా వ్యవస్థ నిలిచిపోయి అత్యవసర సేవలు సైతం బందయ్యాయి. చేదుపుట్టు కల్వర్టుపై పొంగి ప్రవహిస్తున్న వరద నీరు కొయ్యూరు: ప్రజలు ఎవరికి వారు అప్రమత్తంగా ఉండాలని ఎంపీడీవో డీవీడీ ప్రసాదరావు, తహశీల్దార్‌ ప్రసాదరావు బుధవారం విలేకరులతో మాట్లాడుతూ హెచ్చరించారు. తుపాను తీరం దాటే సమయంలో భారీ వర్షాలతో పాటు ఈదురుగాలులు వీచే అవకాశం ఉందని, పిడుగులు పడే ప్రమాదం ఉన్నందున సాధ్యమైనంత వరకు ఎవరూ ఇళ్ల నుంచి బయటకు రావద్దని సూచించారు. ఈ నేపథ్యంలో ఎంపీడీవో మంపలో పర్యటించి పరిస్థితులను సమీక్షించారు. పూరి గుడిసెలు, కూలిపోయే దశలో ఉన్న శిథిలావస్థ ఇళ్లలో ఉంటున్న వారు అప్రమత్తంగా ఉండాలని విజ్ఞప్తి చేశారు. డుంబ్రిగుడ: మండలంలోని పోతంగి పంచాయతీ పరిధిలోని పెద్దపాడు, కోసంగి, కోసంగి కాలనీ, చంపాపట్టి, శీలంగొంది, జాంకరవలస, ఊయ్యలగుడ, అమలగుడ గ్రామాలకు రాకపోకలు పూర్తిగా బందయ్యాయి. ముఖ్యంగా చాపరాయి నుంచి పెద్దపాడు, కోసంగి గ్రామాలకు వెళ్లే మార్గంలో గెడ్డ ఉగ్రరూపం దాల్చడంతో గిరిజనులు తీవ్ర ఇబ్బందులు పడుతున్నారు. మరోవైపు, వరద ఉధృతి కారణంగా చాపరాయి జలపాతం వద్ద పర్యాటకుల సందర్శనను ఐటీడీఏ అధికారులు మూడు రోజులుగా నిషేధించడంతో వస్తున్న పర్యాటకులు వెనుదిరుగుతున్నారు. అలాగే, కించుమండలో ప్రతి బుధవారం జరిగే వారపు సంత భారీ వర్షాల కారణంగా రద్దయింది. వర్షాల ప్రభావంతో సొవ్వ పంచాయతీ కొరంజిగుడ గ్రామానికి చెందిన పొండొయి అప్పలరాజు అనే గిరిజనుడి ఇంటి బయటి గోడ తడిసి కూలిపోయింది. సీలేరు: గూడెంకొత్తవీధి మండలం దారకొండ పంచాయతీ నుంచి ఒడిశా వెళ్లే చిన్న గంగవరం మార్గంలోని తాత్కాలిక వంతెన మరోసారి కొట్టుకుపోయింది. పదిహేను రోజుల క్రితం కురిసిన వర్షాలకు ఇదే వంతెన కొట్టుకుపోవడంతో అధికారులు తాత్కాలికంగా పైపులు వేసి రాకపోకలు పునరుద్ధరించారు. అయితే, గత మూడు రోజులుగా కురుస్తున్న భారీ వర్షాలకు కొండల నుంచి వరద ఉధృతంగా రావడంతో బుధవారం ఉదయం ఈ తాత్కాలిక వంతెన పూర్తిగా కొట్టుకుపోయింది. సరిహద్దు రాకపోకలు నిలిచిపోవడంతో పాటు వంతెన అవతల ఉన్న ఎనిమిది గ్రామాల గిరిజనులకు బాహ్య ప్రపంచంతో సంబంధాలు తెగిపోయాయి. సీఐ సుధాకర్‌, ఎస్‌ఐ యాసిన్‌ సంఘటన స్థలానికి చేరుకుని పరిస్థితిని సమీక్షించారు. ఆంధ్ర–ఒడిశా సరిహద్దు ప్రాంతాల్లో ఏకధాటిగా కురుస్తున్న వర్షాలకు పిల్లిగడ్డ, మాదిగమల్లు, నిమ్మచెట్టు వాగులు ఉప్పొంగి ప్రవహిస్తున్నాయి. పలు గిరిజన గ్రామాలకు రాకపోకలు పూర్తిగా స్తంభించిపోయాయి. గూడెంకొత్తవీధి: లంకపాకలకు చెందిన జర్త గంగాభవానీ పూరిళ్లు పూర్తిగా కూలిపోయింది. గత రెండు రోజులుగా ఎడతెరిపి లేకుండా కురుస్తున్న వర్షాలకు ఇళ్ల గోడలు నానిపోయి ఒక్కసారిగా కుప్పకూలాయి. ఈ ప్రమాదంతో నిలువ నీడ కోల్పోయి తీవ్ర ఇబ్బందులు పడుతున్నానని బాధితురాలు ఆవేదన వ్యక్తం చేశారు. ప్రభుత్వం స్పందించి తక్షణ సాయం అందించాలని ఆమె కోరుతున్నారు. చింతపల్లి: మండలంలో గత రెండు రోజులుగా ఎడతెరిపి లేకుండా కురుస్తున్న భారీ వర్షాలకు గిరిజనులకు చెందిన రెండు నివాసాలు పూర్తిగా నేలకూలాయి. చింతపల్లి మండల కేంద్రంలోని సాయినగర్‌లో ఒక ఇల్లు, అలాగే చెరువులగొంది గ్రామానికి చెందిన పాంగి మహేష్‌కు చెందిన ఇల్లు వర్షానికి తడిసి కుప్పకూలాయి. ముంచంగిపుట్టు: వనుగుమ్మ పంచాయతీ పరిధి లోని పనస గ్రామంలో ఈదురుగాలుల తీవ్రతకు భారీ పనస చెట్టు నేలకూలింది.బరడ పంచాయతీ బలియాగూడ నుంచి బురుసుందిపుట్టు వెళ్లే మలుపు వద్ద భారీ జీడి చెట్టు రోడ్డుపై పడిపోవడంతో రాకపోకలు నిలిచిపోయాయి. వెంటనే అప్రమత్తమైన స్థానిక గిరిజనులు శ్రమించి చెట్టును తొలగించి రాకపోకలను పునరుద్ధరించారు. ప్రజలు అప్రమత్తత అవసరం: కలెక్టర్‌ నిశాంతి

నక్కపల్లి : ఉపమాక వెంకన్న వార్షిక బ్రహ్మోత్సవాల్లో భాగంగాబుధవారం వినోదోత్సవం, చక్రస్నానం, లక్ష్మిసంవాదం నేత్రపర్వంగా జరిగాయి. ఈ కార్యక్రమాల్లో ప్రధాన ఘట్టమైన స్వామివారి ఉంగరం మాయంకావడం, దాన్ని వెతికే సన్నివేశం భక్తులను ఆకట్టుకున్నాయి. భారీవర్షం కారణంగా బ్రహ్మోత్సవ కార్యక్రమాలన్ని ఆలయ ప్రాంగణంలోనే నిర్వహించారు. ఈ సందర్బంగా ఉదయం స్వామివారికి ప్రత్యేక పూజలు చేశారు. రోలు,రోకలి, డోలు, కత్తిలకు పూజలు నిర్వహించారు. సాయంత్రం ఉభయదేవేరులతో స్వామివారిని పుణ్యకోటి వాహనంపై ఊరేగించారు. అర్చక స్వాములు స్వామివారి ధనుర్భాణాలను సంధించే ఘట్టం భక్తులను ఆకట్టుకుంది. స్వామి వారి ఉంగరం మాయం.. ఎవరు తీశారో చెప్పండి... వేంకటేశ్వరస్వామి ఉంగరం పడిపోయింది...మీలో ఎవరు తీసారో చెప్పాలంటూ అర్చక స్వాములు వినోదోత్సవం సందర్భంగా స్వామివారి దర్శనానికి వచ్చిన భక్తులను ఆపి నిలదీయడంతో ఒక్కసారిగా ఉత్కంఠ నెలకొంది. ఉంగరం మేం తీయలేదంటూ మేం తీయలేదు, మాకు దొరక లేదంటూ అందరూ చెప్పినప్పటికీ అర్చకులు వినలేదు. అనుమానంతో కొంతమంది భక్తులతో పాటు, ఒకరిద్దరు టీటీడీ ఉద్యోగులను బంధించి ఉంగరం గురించి గట్టిగా ఆరాతీయడంతో ఏం చేయాలో తెలియని పరిస్దితి ఏర్పడింది. బ్రహ్మోత్సవాలకు వచ్చిన వారే స్వామివారి ఉంగరం కాజేసారంటూ అర్చకులు నింద మోపడంతో బాబోయ్‌ మాకేం తెలియదంటూ బిక్కమొహాలు వేశారు. అందరి సమక్షంలో వెతికినప్పటికి ఎంతకీ ఉంగరం కనిపించకపోవడంతో చివరగా స్వామివారి ధరించిన వస్త్రాలను క్షుణ్ణంగా పరిశీలించడంతో ఉంగరం లభించింది. ఉంగరం దొరికిందని.. మీరెవరూ కంగారు పడొద్దని అర్చకులు చెప్పడంతో అంతా ఊపిిరి పీల్చుకున్నారు. ఇదంతా స్వామివారి బ్రహ్మోత్సవాల్లో భాగమైన వినోదోత్సవమని తెలిసి భక్తులంతా ఆనంద పరవశుయ్యారు. అలరించిన లక్ష్మీ సంవాదం అనంతరం ఆలయంలో లక్ష్మీ సంవాదం కార్యక్రమం జరిగింది. (ఆలయంలోకి స్వామివారి ప్రవేశాన్ని ఉభయ దేవేరులు అడ్డుకుంటారు. మీరెవరో చెప్పాలని పట్టుబడతారు. తాను శ్రీవేంకటేశ్వరస్వామినని చెప్పడంతో శ్రీదేవీ, భూదేవీ స్వామివారిని గర్భాలయ ప్రవేశానికి అంగీకరిస్తారు.) తదుపరి కొట్నాల ఉత్సవం, చూర్ణోత్సవం నిర్వహించి, చూర్ణాన్ని భక్తులపై జల్లారు. ఆలయంలోనే చక్రవారి స్నానం నేత్రపర్వంగా నిర్వహించారు. అనంతరం అద్దపు సేవ, కంకణ విసర్జన, మహా పూర్ణాహుతి కార్యక్రమాలు జరిగాయి. కార్యక్రమాల్లో ప్రధానార్చకులు వరప్రసాదాచార్యులు, అర్చక స్వాములు కృష్ణమాచార్యులు, శేషాచార్యులు, గోపాలాచార్యులు, రాజ గోపాలాచార్యులు, సాయిఆచార్యులు, దేవస్థానం సిబ్బంది పాల్గొన్నారు.

తుమ్మపాల : ఆయుర్వేద వైద్య సేవా కార్యక్రమాల్లో మరో రెండు ప్రపంచ రికార్డు గుర్తింపులు లభించాయని ఆరోగ్యధాత్రి ఆయుర్వేద రీసెర్చ్‌ ఇన్‌స్టిట్యూట్‌ నిర్వాహకులు డాక్టర్‌ టి. సుందర రాజ్‌ పెరుమాల్‌ తెలిపారు. జాతీయ ఆయుర్వేద దినోత్సవం, ధన్వంతరి జయంతి సందర్భంగా అనకాపల్లి మండలం కొడూరులో విశ్వ ఆయుర్వేద పరిషత్‌, వరము చారిటబుల్‌ ట్రస్ట్‌ ఆధ్వర్యంలో నిర్వహించిన మెగా ఉచిత జలౌకావచారణ శిబిరంలో 142 మంది రోగులకు చికిత్స అందించడంతో ది బుక్‌ ఆఫ్‌ వరల్డ్‌ రికార్డ్స్‌ గుర్తించి రికార్డు ధ్రువీకరణ అందించారన్నారు. ఈ సందర్భంగా ఆయన మాట్లాడుతూ ప్రపంచ రికార్డు గుర్తింపులు ఒక్క వ్యక్తికి సంస్థకు మాత్రమే దక్కిన గౌరవం కాదని, వైద్యులు, థెరపిస్టులు,వలంటీర్లు, రోగులు, సేవాభిమానుల సమష్టి కృషికి దక్కిన గుర్తింపు అని అన్నారు. భవిష్యత్తులోనూ ఉచిత ఆయుర్వేద వైద్య శిబిరాలు, ప్రజారోగ్య అవగాహన కార్యక్రమాలను కొనసాగిస్తామన్నారు. చరక జయంతి సందర్భంగా ఆగస్టు 16 నుంచి 18 వరకు ఆరోగ్యధాత్రి ఆయుర్వేద రీసెర్చ్‌ ఇన్‌స్టిట్యూట్‌లో నిర్వహించిన మెగా అగ్నికర్మ కార్యక్రమంలో 210 మంది రోగులకు చికిత్స అందించామన్నారు. గతంలో నిర్వహించిన మెగా వస్తి కార్యక్రమంలో 548 మంది రోగులకు ఉచితంగా వస్తి కర్మ చికిత్స అందించామని, స్వల్ప వ్యవధిలోనే మూడు భారీ స్థాయి ఆయుర్వేద వైద్య సేవా కార్యక్రమాలకు ప్రపంచ రికార్డు గుర్తింపు లభించడంపై ఆనందం వ్యక్తం చేసారు. 548 మందికి ఉచిత వస్తి కర్మ, 210 మందికి అగ్నికర్మ, 142 మందికి జలౌకావచారణ చికిత్సలు అందించామని, ఆయుర్వేదంలోని ప్రాచీన చికిత్సా విధానాలను ప్రజలకు అందుబాటులోకి తీసుకురావడం, అవసరమైన వారికి ఉచిత వైద్య సేవలు అందించడం, ఆయుర్వేదంపై ప్రజల్లో అవగాహన కల్పించడమే తమ ప్రధాన ఉద్దేశమన్నారు. ఈ కార్యక్రమంలో బీజెపీ జిల్లా అధ్యక్షుడు ద్వారంపూడి పరమేశ్వరరావు, డాక్టర్‌ ఎన్‌. ఆంజనేయమూర్తి పాల్గొన్నారు.

వేలం పాటలో రూ. 50వేలకు దక్కించుకున్న భారీ లడ్డూను చిమ్మినాయుడుకు అందజేస్తున్న ఆలయ కమిటీ ప్రతినిధులు చోడవరం : చోడవరం శ్రీ స్వయంభూ విఘ్నేశ్వరస్వామివారి ఆలయంలో వినాయక నవరాత్రి ఉత్సవాలో భాగంగా భారీ లడ్డూను వేలం వేశారు. నవరాత్రి ఉత్సవాల్లో 50 కేజీల భారీ లడ్డూను స్వామివారికి ప్రసాదంగా ఉంచారు. ఈ లడ్డూను వేలం వేయడం ఏటా వస్తున్న సంప్రదాయం. ఈ ఏడాది కూడా 50కేజీల లడ్డూను దేవదాయశాఖ ఎగ్జిక్యూటివ్‌ ఆఫీసర్‌ కిరణ్మయి, ఆలయ ప్రధాన అర్చకుడు కొడమంచిలి చలపతిరావు, ఆలయ కమిటీ చైర్మన్‌ మంగ శ్రీనివాసరావు, లయన్స్‌ క్లబ్‌ అధ్యక్షుడు ఎన్‌.గనిరెడ్డి పర్యవేక్షణలో లడ్డూను వేలం వేశారు. పెద్దసంఖ్యలో ఈ లడ్డూ వేలంలో భక్తులు పాల్గొన్నారు. వైఎస్సార్‌సీపీ మండల అధ్యక్షుడు శరగడం చిమ్మినాయుడు ఈ భారీ స్వామివారి లడ్డూను రూ. 50 వేలకు దక్కించుకొన్నారు. లడ్డూను భక్తులందరికీ ప్రసాదంగా పంపిణీ చేయాలని చిమ్మినాయుడు ఆలయ కమిటీకి అప్పగించారు.

చింతపల్లి: మండలంలో గెలుపొందిన ప్రజాప్రతినిధులు సమన్వయంతో పనిచేస్తేనే అభివృద్ధి సాధ్యపడుతుందని ఉమ్మడి విశాఖ జెడ్పీ చైర్‌పర్సన్‌ జల్లిపల్లి సుభద్ర అన్నారు. బుధవారం స్థానిక మండల పరిషత్‌ సమావేశ మందిరంలో ఎంపీడీవో లాలం సీతయ్య అధ్యక్షతన ఎంపీపీ, జెడ్పీటీసీ, ఎంపీటీసీల అభినందన, సన్మాన సభ ఘనంగా జరిగింది. ఈ కార్యక్రమానికి ముఖ్య అతిథిగా హాజరైన ఆమె మాట్లాడుతూ పలు కీలక విషయాలు వెల్లడించారు. తాను ఉమ్మడి విశాఖ జిల్లాలో రూ. 300 కోట్లు నిధులు మంజూరు చేస్తే.. చింతపల్లి ఎంపీపీ అనూషదేవి, జెడ్పీటీసి బాలయ్య పడాల్‌ పోటీపడి కేవలం తమ మండలానికి రూ. 3 కోట్లు జిల్లా పరిషత్‌ నిధులు సాధించుకోవడం అభినందనీయమన్నారు. చాలా చోట్ల ఎంపీపీ, జెడ్పీటీసీల మధ్య సమన్వయ లోపాలు ఉంటాయని, కానీ చింతపల్లిలో ఎలాంటి బేదాభిప్రాయాలకు తావులేకుండా అభివృద్ధే ధ్యేయంగా పాలన ఆనందదాయకమన్నారు. మహిళా సాధికారతకు వైఎస్సార్‌సీపీ పెద్దపీట ఈ ప్రాంతంలో మహిళలు రాజకీయంగా మరింత చైతన్యవంతం కావాలని జెడ్పీ చైర్‌పర్సన్‌ పిలుపునిచ్చారు. మన్యంలో మహిళా రాజకీయ చైతన్యానికి వైఎస్సార్‌సీపీయే నాంది పలికిందని, మాజీ ఎంపీ గొడ్డేటి మాధవి, మాజీ ఎమ్మెల్యే కొట్టగుళ్లి భాగ్యలక్ష్మి, మాజీ జీసీసీ చైర్మన్‌ శోభా స్వాతిరాణి తదితరులు ఇందుకు నిదర్శనమన్నారు. అత్యంత మారుమూల ప్రాంతం నుంచి వచ్చిన తనకు వైఎస్సార్‌సీపీ అధినాయకత్వం, మాజీ సీఎం వైఎస్‌ జగన్‌మోహన్‌రెడ్డి అత్యంత ప్రతిష్టాత్మకమైన జెడ్పీ చైర్మన్‌ పదవి కేటాయించారని, వారికి జీవితాంతం రుణపడి ఉంటానని భావోద్వేగంతో పేర్కొన్నారు. రానున్న స్థానిక ఎన్నికలపై దిశానిర్దేశం మాజీ ఎంపీ మాధవి మాట్లాడుతూ.. స్థానిక సంస్థల ఎన్నికలు ఎంతో కీలకమని, ప్రతి పంచాయతీలో వైఎస్సార్‌సీపీ జెండా ఎగురవేసేలా శ్రేణులు శ్రమించాలని పిలుపునిచ్చారు. ఎంపీపీ, జెడ్పీటీసీ, ఎంపీటీిసీలను ఘనంగా సత్కరించారు. వైస్‌ ఎంపీపీలు శారద, వెంగళరావు, డిప్యూటీ ఎంపీడీవోలు సీతామహాలక్ష్మి, మూర్తి, ఎంఈవో ప్రసాద్‌, బోడంనాయుడు, ఏటీడబ్ల్యూవో జయనాగలక్ష్మి పాల్గొన్నారు. ఉమ్మడి విశాఖ జెడ్పీ చైర్‌పర్సన్‌ జల్లిపల్లి సుభద్ర

ప్రభుత్వ శాఖల్లో అవినీతి మరోసారి బట్టబయలైంది. బాధ్యతాయుతమైన పదవిలో ఉంటూ వ్యవస్థను ప్రక్షాళన చేయాల్సిన అధికారులే స్వయంగా లంచాలకు అలవాటు పడుతుండటానికి ఈ ఘటనే ప్రత్యక్ష నిదర్శనం. సాక్షి, పాడేరు: పాడేరు కలెక్టరేట్‌లో బుధవారం సాయంత్రం తీవ్ర కలకలం రేపింది. తుపాను, వరదల సమీక్షలతో కలెక్టరేట్‌ అంతా బిజీగా ఉన్న సమయంలో ఏసీబీ అధికారులు అకస్మాత్తుగా డీఆర్వో కార్యాలయంలోకి ప్రవేశించారు. ఇదే కార్యాలయంలో జూనియర్‌ అసిస్టెంట్‌గా పనిచేస్తున్న అమ్ము సూర్యచక్రవర్తి నుంచి ఇన్‌చార్జ్‌ డీఆర్వో ఎంవీఎస్‌ లోకేశ్వరరావు రూ. 50 వేలు లంచం తీసుకుంటుండగా ఏసీబీ అధికారులు రెడ్‌హ్యాండెడ్‌గా పట్టుకున్నారు. లంచం డిమాండ్‌ వెనుక అసలు కారణం జూనియర్‌ అసిస్టెంట్‌ చక్రవర్తికి సంబంధించి 2024లో రెగ్యులర్‌ పే–స్కేల్‌ క్రమబద్ధీకరణ, వార్షిక ఇంక్రిమెంట్లు మంజూరు చేయాల్సి ఉంది. సుమారు రూ. 18 లక్షల బిల్లులకు గాను ట్రెజరీ, ఇతర ఖర్చుల నిమిత్తం ఇన్‌చార్జ్‌ డీఆర్వో లోకేశ్వరరావు రూ. 50 వేలు లంచం డిమాండ్‌ చేశారు. దీంతో బాధితుడు చక్రవర్తి ఏసీబీ అధికారులను ఆశ్రయించగా, ఈ దాడి జరిగినట్లు ఏసీబీ ఏఎస్పీ హర్షిత తెలిపారు. నిందితుడి నేపథ్యం.. అరెస్ట్‌: లోకేశ్వరరావు 2005లో ఎకై ్సజ్‌ ఎస్‌ఐగా ఉద్యోగంలో చేరి, 2010లో సీఐగా పదోన్నతి పొందారు. ఆ తర్వాత రెవెన్యూ శాఖలోకి వచ్చి గాజువాక, పద్మనాభంలో తహసీల్దార్‌గా పనిచేశారు. గత ఏడాది జనవరిలో పాడేరు గిరిజన సంక్షేమ శాఖ ప్రత్యేక డిప్యూటీ కలెక్టర్‌గా బాధ్యతలు స్వీకరించారు. కొద్ది నెలలుగా డీఆర్‌వో పోస్టు ఖాళీగా ఉండడంతో ఈయన ఇన్‌చార్జ్‌ డీఆర్వోగా అదనపు బాధ్యతలు నిర్వహిస్తున్నారు. రెండు కీలక పోస్టుల్లో ఉన్న ఆయనపై ఇటీవల అవినీతి ఆరోపణలు పెరిగాయి. చివరకు తన సొంత కార్యాలయంలోని చిరు ఉద్యోగి నుంచే లంచం తీసుకుంటూ ఏసీబీకి చిక్కడం జిల్లాలో సంచలనం సృష్టించింది. రిమాండ్‌కు తరలింపు నిందితుడిని అరెస్ట్‌ చేసి కోర్టులో హాజరుపరిచి రిమాండ్‌కు తరలిస్తున్నట్లు ఏసీబీ ఏఎస్పీ వెల్లడించారు. ప్రభుత్వ శాఖల్లో ఎక్కడైనా అవినీతికి సంబంధించిన ఘటనలు జరిగితే ప్రజలు ఏసీబీ టోల్‌ఫ్రీ నంబర్‌ 1064 లేదా మొబైల్‌ నంబర్‌ 9440440057 ద్వారా సంప్రదించాలని, ఫిర్యాదుదారుల వివరాలు గోప్యంగా ఉంచుతామని ఆమె తెలిపారు.

ఎన్టీఆర్‌ ఆస్పత్రి వద్ద 11వ జాతీయ ఆయుర్వేద వేడుకలు నిర్వహిస్తున్న లావణ్య అనకాపల్లి : జిల్లా ఆయూష్‌ విభాగం ఆధ్వర్యంలో స్థానిక ఎన్టీఆర్‌ ఆస్పత్రి ఆవరణలో 11వ జాతీయ ఆయుర్వేద వేడుకలు బుధవారం జరిగాయి. ఈ సందర్భంగా జిల్లా ఆయూష్‌ విభాగం అధికారి కె.లావణ్య, డీసీహెచ్‌ఎస్‌ పి.శ్రీనివాసరావు, ఎన్టీఆర్‌ ఆస్పత్రి సూపరింటెండ్‌ రవికుమార్‌ మాట్లాడుతూ ఆయుర్వేద వైద్యం పూర్వీకుల నుంచి ఉందని, ఇంగ్లిస్‌ మందులు ద్వారా రోగి వ్యాధిని ఏవిధంగా నివారించవచ్చో ఆయుర్వేదంలో అదేవిధంగా నివారించవచ్చన్నారు. ఈ కార్యక్రమంలో ఆయుర్వేద ఆస్పత్రి సిబ్బంది సీ.గణేష్‌, జిల్లా ప్రొగ్రామ్‌ కన్వీనర్‌ బి.మమతా, యోగా శిక్షకులు బి.అప్పారావు, ఎం.చంద్రిక పాల్గొన్నారు.

జేసీ తిరుమణి శ్రీపూజ సాక్షి, పాడేరు: తుపాను హెచ్చరికల నేపథ్యంలో అన్ని మండలాల్లో హై అలర్ట్‌ అమలులో ఉందని, ఈమేరకు మండల కేంద్రాలలో కంట్రోల్‌రూమ్‌లు ఏర్పాటు చేయాలని జేసీ తిరుమణిశ్రీపూజ రెవెన్యూ యంత్రాంగాన్ని ఆదేశించారు. బుధవారం కలెక్టరేట్‌ నుంచి అన్ని మండలాల తహసీల్దార్లు, వీఆర్వోలతో వీడియో సమావేశం నిర్వహించారు. మండలాల వారీగా వరద పరిస్థితిపై సమీక్షించారు.ఈ సందర్భంగా ఆమె మాట్లాడుతూ గెడ్డలు, కొండవాగులలో వరద ఉధృతిపై ప్రత్యేకంగా దృష్టి పెట్టాలన్నారు. తుపాను సహాయక కార్యక్రమాల్లో రెవెన్యూ యంత్రాంగం విధులు సక్రమంగా చేపట్టాలని ఆదేశించారు.

ప్రాణాలు కాపాడిన వైద్యాధికారి బాబ్జి, సిబ్బంది సీలేరు: ఏజెన్సీలో తుఫాన్‌ ప్రభావంతో భారీ వర్షాలు కురుస్తున్నప్పటికీ, వైద్య సిబ్బంది ప్రాణాలకు తెగించి బాధితుడిని కాపాడిన ఘటన గూడెంకొత్తవీధి మండలంలో చోటుచేసుకుంది. గుమ్మరేవులు పంచాయతీ బూసుమానుగూడ గ్రామానికి చెందిన అయ్యప్ప అనే యువకుడు బుధవారం పొలానికి వెళ్లిన సమయంలో పాముకాటుకు గురయ్యాడు. కుటుంబ సభ్యులు దారకొండ పీహెచ్‌సీ సిబ్బందికి సమాచారం అందించారు., భారీ వర్షాన్ని సైతం లెక్కచేయకుండా అంబులెన్స్‌లో సిబ్బంది వెంటనే ఘటనా స్థలానికి చేరుకుని బాధితుడిని ఆసుపత్రికి తీసుకువచ్చారు. మండలంలో విద్యుత్‌ సరఫరా నిలిచిపోవడంతో.. చీకటిలోనే సెల్‌ఫోన్‌ వెలుతురులో డాక్టర్‌ బాబ్జీ ఆ యువకుడికి ప్రాణాలను నిలిపేలా అత్యవసర వైద్యం అందించారు. ప్రస్తుతం నిపుణుల పర్యవేక్షణలో చికిత్స కొనసాగుతోందని, అవసరమైతే మెరుగైన వైద్యం కోసం చింతపల్లికి తరలిస్తామని వైద్యులు తెలిపారు. విధి నిర్వహణలో వైద్య సిబ్బంది చూపిన అంకితభావంపై సర్వత్రా ప్రశంసలు వ్యక్తమవుతున్నాయి.

జగన్‌మోహన్‌రెడ్డిని కలిసిన సినీ నటుడు జోగినాయుడు దంపతులు నాతవరం : తాడేపల్లి క్యాంపు కార్యాలయంలో మాజీ సీఎం వై.ఎస్‌.జగన్‌మోహన్‌రెడ్డిని సినీ నటుడు ఎల్‌.జోగినాయుడు కుటుంబ సభ్యులతో బుధవారం కలిశారు. వైఎస్సార్‌సీపీ ప్రభుత్వ హయాంలో చేసిన అభివృద్ధి పనులు సంక్షేమ పథకాలు గుర్తు చేస్తూ జోగినాయుడు సొంతంగా తయారు చేసిన ఫొటో ఆల్బమ్‌ను అందజేశారు. అనకాపల్లి : తాడేపల్లి క్యాంప్‌ కార్యాలయంలో మాజీ ముఖ్యమంత్రి వై.ఎస్‌.జగన్‌మోహన్‌రెడ్డిని జిల్లా వైఎస్సార్‌సీపీ నేతలు బుధవారం మర్యాదపూర్వకంగా కలిశారు. మాజీ మంత్రి అమర్‌నాథ్‌, మాజీ ఎమ్మెల్యేలు పెట్ల ఉమాశంకర్‌ గణేష్‌, కరణం ధర్మశ్రీ, జిల్లా వైఎస్సార్‌సీపీ అధ్యక్షుడు బొడ్డేడ ప్రసాద్‌ మాజీ సీఎంను కలిశారు. జిల్లాలో పార్టీ బలోపేతానికి చేపడుతున్న కార్యక్రమాలను అధినేత దృష్టికి తీసుకెళ్లారు.

గంటపాటు నిలిచిన రాకపోకలుగూడెంకొత్తవీధి: వర్ష బీభత్సానికి గూడెంకొత్తవీధి మండలం పెదవలస జాతీయ రహదారి ఘాట్‌ రోడ్డులో బుధవారం రాత్రి కొండచరియలు విరిగిపడ్డాయి. రాత్రి 7 గంటల సమయంలో ఒక్కసారిగా పెద్ద ఎత్తున బండరాళ్లతో పాటు భారీ చెట్టు రోడ్డుపైకి నేలకూలడంతో జాతీయ రహదారిపై వాహనాల రాకపోకలు సుమారు గంటపాటు నిలిచిపోయాయి. దీంతో ఆర్టీసీ బస్సులు, ప్రైవేట్‌ వాహనాల్లో ప్రయాణిస్తున్న ప్రయాణికులు సుమారు గంటపాటు తీవ్ర ఇబ్బందులు పడ్డారు. సమాచారం అందుకున్న సమీప గ్రామాలైన చాపరాతిపాలెం, పెదవలస ప్రజలు వెంటనే ఘటనా స్థలానికి చేరుకుని శ్రమించి కొండచరియలను, చెట్టును పక్కకు తొలగించారు. దీంతో రాకపోకలు పునరుద్ధరించడంతో ప్రయాణికులు ఊపిరి పీల్చుకున్నారు.

రెండు గేట్లు ఎత్తి 2,600 క్యూసెక్కుల విడుదల ముంచంగిపుట్టు: B…{«§ýl&JyìlÔ> Æ>[ÚëtË$ ç܅Ķæ¬-MýS¢…V> °Æý‡Ó-íßæ-çÜ$¢¯]l² Ð]l*^Œl-Q…yŠæ fÌSÑ-§ýl$Å™Œæ MóS…{§é°MìS ±Æý‡…-¨…^ól yýl$yýl$Ð]l$ fÌê-ÔèæĶæ$…ÌZ ±sìæ-Ð]l$rt… {ç³Ð]l*-§ýl-MýSÆý‡ Ýë¦Æ‡$$MìS ^ólÆý‡$MýS$…-sZ…-¨. çÜÇ-çßæ§ýl$ª {´ë…™éÌZÏ VýS™èl Æð‡…yýl$ Æøk-Ë$V> Gyýl-™ðl-Çí³ ÌôæMýS$…yé MýS$Æý‡$çÜ$¢¯]l² ¿êÈ Ð]lÆ>Û-ÌSMýS$ fÌê-Ôèæ-Ķæ$…-ÌZMìS ¿êÈV> Ð]lÆý‡§ýl ±Æý‡$ Ð]l_a ^ólÆý‡$-™ø…¨. yýl$yýl$Ð]l$ fÌêÔèæĶæ$… ç³NÇ¢ Ýë¦Æ‡$$ ±sìæ-Ð]l$rt… 2590 Ayýl$-VýS$Ë$ M>V>, º$«§ýl-ÐéÆý‡… ¯ésìæMìS ±sìæÐ]l$rt… 2587.09 Ayýl$-VýS$ÌSMýS$ ^ólÇ…-¨. ±sìæ Ð]l$rt… {MýSÐ]l$…V> ò³Æý‡$-VýS$™èl$…-yýl-r…™ø A{ç³Ð]l$-™èl¢-OÐðl$¯]l fÌê-ÔèæĶæ$ íܺ¾…-¨.. ¿ýæ{§ýl™é ^èlÆý‡ÅÌZÏ ¿êVýS…V> 2 Ð]l$ÇÄ¶æ¬ 6 ¯]l…ºÆŠæ VóSrϯ]l$ Æð‡…yýl$ Ayýl$VýS$ÌS BÆý‡$ A…VýS$âêÌS Ðól$ರ-ೆMìS Oò³MðS†¢, çÜ$Ð]l*Æý‡$ 2,600 MýS*ÅòÜ-MýS$PÌS ±sìæ° ºÍ-Ððl$ÌS fÌê-Ôèæ-Ķæ*-°MìS Ñyýl$-§ýlÌS ^ólçÜ$¢¯é²Æý‡$. Ð]lÆ>ÛË$ C§ól Ñ«§ýl…V> Mö¯]lÝëW™ól Ð]l¬ç³š ÐésìæÌôæÏ AÐ]l-M>Ôèæ… E…§ýl° ¿êÑ…-_¯]l {´ëgñæMýS$t A«¨-M>-Æý‡$Ë$, íܺ¾…¨ Gç³µsìæ-MýS-糚yýl$ ±sìæ °ÌSÓ-ÌS¯]l$ A…^èl¯é ÐólçÜ*¢ {ç³Ð]l*§ýl Ýë¦Æ‡$$ ¯]l$…_ Ý뫧é-Æý‡×æ Ýë¦Æ‡$$MìS ™ðl^óla…§ýl$MýS$ °Æý‡…-™èlÆý‡… {ÔèæÑ$çÜ$¢-¯é²Æý‡$.

ద్వారకానగర్‌: పోలీసు సిబ్బంది విధి నిర్వహణకు ఆటంకం కలిగించడం, బెదిరింపులకు పాల్పడిన ఘటనపై న్యాయవాది గీతాప్రసన్నపై పోలీసులు మరో కేసు నమోదు చేశారు. ఇప్పటికే ఆమైపె సైబర్‌ క్రైమ్‌ కేసు నమోదు కాగా, తాజాగా ద్వారక పోలీసు స్టేషన్‌లో మంగళవారం రెండో కేసు నమోదైంది. సైబర్‌ క్రైమ్‌ కేసులో విచారిస్తున్న పోలీసులకు న్యాయవాది గీతాప్రసన్న ప్రమేయం ఉండటంతో పూర్తిస్థాయిలో దర్యాప్తు చేపట్టారు. సైబర్‌ క్రైమ్‌ కేసులో అరెస్టు చేసే సమయంలో ఆమె మహిళా పోలీస్‌ సిబ్బందిపై దురుసుగా ప్రవర్తించడంతో ఈ కేసు నమోదయింది. ఈ నెల18న న్యాయవాది గీతాప్రసన్న ద్వారకానగర్‌ పబ్లిక్‌ లైబ్రరీలో ఏర్పాటు చేసిన మీడియా సమావేశంలో ఈ ఘటన జరిగింది. ఆమెను అదుపులోకి తీసుకునే సమయంలో పోలీసులను బెదిరించడంతో పాటు, చెవిపోగుతో తనకు తానే గాయపర్చుకునేందుకు ప్రయత్నించినట్లు ఆరోపణలు ఉన్నాయి. పోలీసు సిబ్బంది విధులును అడ్డుకోవడం, వారిపై బలప్రయోగం చేయడంతో పిట్టా జయలక్ష్మి ఇచ్చిన నివేదిక ఆధారంగా ద్వారక పోలీసులు కేసు నమోదు చేసి దర్యాప్తు చేస్తున్నారు.

విద్యార్ధిని మౌనికను అభినందిస్తున్న కళాశాల ప్రిన్సిపాల్‌ డాక్టర్‌ ఎస్‌.రాజు నర్సీపట్నం : ఇటీవల కర్ణాటకలో జరిగిన బాక్సింగ్‌ సౌత్‌ ఇండియన్‌ బాక్సింగ్‌ ఛాంపియన్‌షిప్‌ 2026 పోటీల్లో ప్రభుత్వ డిగ్రీ కళాశాలలో బీఏ చదువుతున్న బొంతు మౌనిక బ్రాంజ్‌ మెడల్‌ సాధించింది. ఆ విద్యార్థినితో పాటు ఫిజికల్‌ డైరెక్టర్‌ రెడ్డి శ్రీనివాస్‌ను మంగళవారం కళాశాల ప్రిన్సిపాల్‌ డాక్టర్‌ ఎస్‌.రాజు, అధ్యాపకులు అభినందించారు. బాక్సింగ్‌లో మరింత రాణించి కళాశాలకు మంచి పేరు తీసుకురావాలని ప్రిన్సిపాల్‌ అకాంక్షించారు.

నక్కపల్లి : ఉపమాక వేంకటేశ్వరస్వామి ఆలయంలో వార్షిక బ్రహ్మోత్సవాల్లో భాగంగా మంగళవారం మృగవేట కార్యక్రమం నేత్ర పర్వంగా జరిగింది. ఉదయం కొండపై కల్కి అవతారంలో వెలసిన స్వామివారికి పంచామృతాభిషేకం, నిత్యార్చనలు పూర్తిచేసి భక్తులకు దర్శనం కల్పించారు. కొండ దిగువ క్షేత్ర పాలకుడు వేణుగోపాలస్వామి, ఆండాళ్ల మ్మవారి సన్నిధిలో నిత్యపూజలు చేసిన అనంతరం పల్లకిలో సుదర్శన పెరుమాళ్లను ఉంచి గ్రామ బలిహరణలు పూర్తి చేశారు. అనంతరం నీరాజన మంత్రపుష్పాలు, తీర్థగోష్టి, ప్రసాద వినియోగం జరిగింది. సాయంకాలారాధనలో ప్రత్యేక హోమాలు నిర్వహించిన తర్వాత గ్రామ బలిహరణలు పూర్తి చేశారు. సాయంత్రం శ్రీదేవీ, భూదేవీ సమేత శ్రీ వేంకటేశ్వరస్వామిని గజవాహనంలో వేంచేయింపజేసి బందుర సరస్సు వద్ద ఉన్న లంకవారి మండపం వద్దకు తీసుకెళ్లి మృగవేట కార్యక్రమం నిర్వహించాల్సి ఉంది. వర్షం కారణంగా ఈ కార్యక్రమాన్ని ఆలయంలోనే నిర్వహించారు. తర్వాత నీరాజన మంత్రపుష్పములు తీర్థగోష్టి, అనంతరం ప్రసాద వినియోగం జరిగింది. గ్రామ తిరువీథి సేవ జరిగింది. ప్రధానార్చకులు గొట్టుముక్కల వరప్రసాద్‌, అర్చక స్వాములు, సంకర్షణపల్లి రాజగోపాల కృష్ణమాచార్యులు, పీసపాటి వెంకటశేషాచార్యులు భాగవతం గోపాలాచార్యులు దేవస్థానం సిబ్బంది పాల్గొన్నారు.

● జిల్లా స్థాయిలో 2 స్వర్ణ, 3 కాంస్య పతకాలు కై వసంస్కేటింగ్‌లో సత్తా చాటిన డావెన్సీ పాఠశాల విద్యార్థులు మునగపాక : తిమ్మరాజుపేట డావెన్సీ అంతర్జాతీయ పాఠశాల విద్యార్థులు జిల్లా స్థాయి స్కేటింగ్‌లో సత్తా చాటారు. విశాఖపట్నంలోని గోపాలపట్నంలో అల్వార్‌ స్కూల్‌ ఆఫ్‌ ఎక్స్‌లెన్స్‌ నిర్వహించిన 2026–27 ఫెస్ట్‌లో భాగంగా జరిగిన జిల్లా స్థాయి స్కేటింగ్‌ పోటీల్లో 2 స్వర్ణ , 3 కాంస్య పతకాలు సాధించారు. బి.రిషికేష్‌ నాయుడు ఒక నిమిషం రేసు , 20 సెకెండ్ల రేసులో రెండు బంగారు పతకాలు సాధించారు. అలాగే కాండ్రేగుల విన్మయీశ్రీ ఒక నిమిషం రేసులో కాంస్య పతకం, వి.తేజ రిత్విక్‌ 1 నిమిషం రేసుతో పాటు 20 సెకెండ్ల రేసులో కాంస్య పతకం సాధించారు. దీంతో మంగళవారం స్కూల్లో ఆయా విద్యార్థులను మేనేజింగ్‌ డైరెక్టర్‌ సుందరయ్య, డైరెక్టర్‌ రమణాజీ, డీన్‌ దీప, ప్రిన్సిపాల్‌ రమేష్‌, కోచ్‌ రమేష్‌ అభినందించారు.

ఈవో వెంకటరావు చెక్కు అందిస్తున్న దాత నడింపల్లి వెంకట రామకృష్ణరాజు సింహాచలం: శ్రీ వరాహ లక్ష్మీనృసింహస్వామి దర్శనార్థం సింహగిరికి వచ్చే దివ్యాంగుల సౌకర్యార్థం బ్యాటరీ కారు కొనుగోలుకు రూ.7 లక్షల విరాళాన్ని హైదరాబాద్‌కి చెందిన నడింపల్లి వెంకట రామకృష్ణరాజు(జలవిహార్‌ రాజు) మంగళవారం అందించారు. సింహగిరికి కుటుంబ సమేతంగా వచ్చిన ఆయన సంబంధిత విరాళ చెక్కును ఆలయంలో దేవస్థానం ఈవో జల్లేపల్లి వెంకటరావుకి అందజేశారు. దేవస్థానం తరఫున దాతకు స్వామివారి దర్శనం కల్పించి ప్రసాదం, శేషవస్త్రంలను ఈవో అందించారు.

నక్కపల్లి: రాజయ్యపేటకు చెందిన మత్స్యకార సామాజిక వర్గానికి చెందిన తెలుగుదేశం పార్టీ నాయకుడు చొక్కా కాశీ మంగళవారం వైఎస్సార్‌సీపీలో చేరారు. నక్కపల్లి పార్టీ కార్యాలయం వద్ద వైఎస్సార్‌సీపీ రాష్ట్ర కార్యదర్శి వీసం రామకృష్ణ, మండల శాఖ అధ్యక్షుడు గొర్ల గోవిందరావు అతనికి కండువా కప్పి పార్టీలోకి సాదరంగా ఆహ్వానించారు. త్వరలో జరగనున్న రాజయ్యపేట మత్స్యకార సొసైటీ ఎన్నికల్లో వైఎస్సార్‌సీపీ తరపున కాశీ పోటీచేస్తారని వారు ప్రకటించారు. ఉపాధ్యక్షుడిగా గ్రామ పెద్ద పిక్కి నాగరాజును పార్టీ తరపున నియోజకవర్గ సమన్వయకర్త కంబాల జోగులు ఆశీస్సులతో ఎంపిక చేశామన్నారు. గ్రామంలో వైఎస్సార్‌సీపీ నాయకులు, కార్యకర్తలు, మత్స్యకారులు కాశీ, నాగరాజులకు మద్దతు ప్రకటించాలన్నారు. వైఎస్సార్‌సీపీలో చేరిన కాశీ, నాగరాజులను మత్స్యకార సొసైటీ అధ్యక్ష ఉపాధ్యక్షులుగా గెలిపించాలని పార్టీ జిల్లా ప్రధాన కార్యదర్శి శీరం నర్సింహమూర్తి కోరారు. పార్టీలో చేరిన కాశీని అభినందించారు. కార్యక్రమంలో గ్రామ శాఖ అధ్యక్షుడు మైలపల్లి బాబ్జి, మైలపల్లి సూరిబాబు, మాజీ ఎంపీటీసీ పిక్కి తాతీలు, పిక్కి నూకరాజు, మండల కార్యదర్శి ఎరిపల్లి నాగేశు, యజ్జల అప్పలరాజు తదితరులు పాల్గొన్నారు.

అచ్యుతాపురం రూరల్‌ : విజయవాడలోని స్పోర్ట్స్‌ అథారిటీ ఆఫ్‌ ఆంధ్రప్రదేశ్‌ (శాప్‌) కార్యాలయం వద్ద డీఎస్సీ స్పోర్ట్స్‌ కోటా నియామకాలపై సోమవారం జరిగిన ఆందోళన సందర్భంగా పోలీసుల లాఠీచార్జీ ఘటనను వైఎస్‌ఆర్‌ ట్రేడ్‌ యూనియన్‌ అనకాపల్లి జిల్లా అధ్యక్షుడు చోడిపల్లి అప్పారావు ఖండించారు. ఈ ఘటనలో వైఎస్‌ఆర్‌టీయూసీ రాష్ట్ర అధ్యక్షుడు డా.పూనూరు గౌతమ్‌రెడ్డిపై లాఠీచార్జీ జరిగిందని ఆయన పేర్కొన్నారు. డీఎస్సీ స్పోర్ట్స్‌ కోటా నియామకాల్లో అవకతవకలు జరిగాయనే ఆరోపణలపై ప్రభుత్వం స్పష్టత ఇవ్వాలని డిమాండ్‌ చేశారు. శాంతియుతంగా నిరసన తెలిపే ప్రజాస్వామ్య హక్కులను హరించడం సరికాదన్నారు. ఘటనపై ప్రభుత్వం, అధికారులు చట్ట ప్రకారం చర్యలు తీసుకోవాలని కోరారు.

తుపాను హెచ్చరికల నేపథ్యంలో జిల్లాలో రెడ్‌ అలర్ట్‌ అమలు చేస్తున్నామని, అధికార యంత్రాంగం అంతా అప్రమత్తంగా ఉండాలని కలెక్టర్‌ టి.నిశాంతి మంగళవారం అధికారులను ఆదేశించారు. తుపాను ముందస్తు జాగ్రత్తలపై ఆమె అన్ని మండలాల అధికారులతో వీడియో సమావేశం నిర్వహించారు. భారీ వర్షాల కారణంగా గెడ్డల్లో వరదనీటి ప్రవాహం పెరిగే అవకాశం ఉందని, కొండచర్యలు విరిగిపడే ప్రమాదం ఉన్నందున అధికారులు తగిన నివారణ చర్యల్లో నిమగ్నమవ్వాలని స్పష్టం చేశారు. 24 గంటలూ పరిస్థితిని పర్యవేక్షించాలని, పోలీసు, రెవెన్యూ, సచివాలయ సిబ్బంది విధుల్లోనే ఉండాలని తహసీల్దార్లను ఆదేశించారు. ప్రమాదకర వాగులు, జలపాతాల వద్ద హెచ్చరిక బోర్డులు ఏర్పాటు చేయాలని సూచించారు. ● రోడ్లు, కల్వర్టులు దెబ్బతింటే ప్రజలకు ఎలాంటి ఇబ్బందులు కలగకుండా తక్షణ పునరుద్ధరణ పనులు చేపట్టాలని ఆర్‌అండ్‌బీ, విద్యుత్‌, పంచాయతీరాజ్‌ ఇంజనీరింగ్‌ శాఖల అధికారులను అప్రమత్తం చేశారు. విద్యార్థుల భద్రతకు ప్రాధాన్యం విద్యార్థుల భద్రతను దృష్టిలో ఉంచుకుని జిల్లాలోని అన్ని ప్రభుత్వ, ప్రైవేట్‌ ప్రాథమిక పాఠశాలలకు బుధవారం సెలవు ప్రకటిస్తున్నట్లు కలెక్టర్‌ తెలిపారు. రెసిడెన్సియల్‌ పాఠశాలల విద్యార్థులు మాత్రం పాఠశాలల ప్రాంగణాలు దాటి వెలుపలకు వెళ్లకుండా ప్రత్యేక జాగ్రత్తలు తీసుకోవాలని జిల్లా విద్యాశాఖాధికారి, గిరిజన సంక్షేమ శాఖ డీడీని ఆదేశించారు.

రైల్వే అధికారులకు జీఎం సందీప్‌ మాధుర్‌ ఆదేశాలు తాటిచెట్లపాలెం: బంగాళాఖాతంలో అల్పపీడనం, భారీ వర్షాల నేపథ్యంలో ఎలాంటి అత్యవసర పరిస్థితినైనా ఎదుర్కొనేందుకు సిద్ధంగా ఉండాలని సౌత్‌ కోస్ట్‌ రైల్వే జీఎం సందీప్‌ మాథుర్‌ అధికారులను ఆదేశించారు. మంగళవారం ఆయన ప్రిన్సిపల్‌ హెడ్స్‌, నాలుగు డివిజన్ల (విశాఖ, విజయవాడ, గుంతకల్లు, గుంటూరు) డీఆర్‌ఎంలతో ప్రత్యేక భద్రతా సమావేశం నిర్వహించారు. ప్రయాణికుల భద్రతకు తొలి ప్రాధాన్యత ఇవ్వాలని, సమస్యాత్మక బ్రిడ్జిలు, ట్రాక్‌లు, యార్డుల వద్ద 24/7 నిరంతర నిఘా ఉంచాలని సూచించారు. రైల్వే స్టేషన్లలో ప్రయాణికుల సహాయార్థం హెల్ప్‌లైన్‌ సెంటర్లు, సరిపడా ఆహారం, తాగునీరు అందుబాటులో ఉంచాలన్నారు. అత్యవసర పరిస్థితుల కోసం పవర్‌ బ్యాకప్‌, డీజిల్‌ లోకోలు, ప్రమాద సహాయక రైళ్లు, విపత్తు నిర్వహణ బృందాలను సిద్ధంగా ఉంచాలని, డ్రైనేజీ సమస్యలు తలెత్తకుండా తక్షణ చర్యలు చేపట్టాలని అధికారులను ఆదేశించారు.

అనకాపల్లి : జిల్లాలోని యువతకు, మహిళలకు, పరిశ్రమలకు అవసరమైన నైపుణ్యాలను అందించి మెరుగైన ఉపాధి అవకాశాలు కల్పించేందుకు జిల్లా యంత్రాంగం ప్రత్యేక చర్యలు చేపడుతోందని కలెక్టర్‌ విజయకృష్ణన్‌ అన్నారు. కలెక్టరేట్‌లో మంగళవారం రేనూ ప్రైవేట్‌ లిమిటెడ్‌ సంస్థతో నైపుణ్య శిక్షణ కార్యక్రమం ప్రారంభానికి సంబంధించిన అవగాహన ఒప్పంద ప్రతాలను అందజేశారు. ఈ సందర్భంగా కలెక్టర్‌ మాట్లాడుతూ జిల్లాలోని యువతకు, మహిళలకు పరిశ్రమలకు అనుగుణమైన సాంకేతిక, ఉద్యోగ నైపుణ్యాలపై శిక్షణ అందిస్తారని, మొదటి దశలో 300 మంది యువతకు నైపుణ్య శిక్షణ ఇవ్వనున్నట్టు తెలిపారు. అచ్యుతాపురంలో ఏపీఐఐసీకి చెందిన వన్‌స్టెఫ్‌ సెంటర్‌లో శిక్షణ కార్యక్రమం అక్టోబర్‌ నుంచి ప్రారంభమవుతుందన్నారు. మహిళలకు ప్రత్యేక ప్రాధాన్యం ఇవ్వడం ద్వారా వారు నైపుణ్యాలను అభివృద్ధి చేసుకుని ఆర్థికంగా స్వావలంబన సాధించడమే కాకుండా, కుటుంబం, సామాజిక అభివృద్ధిలో క్రియాశీలకంగా మారుతారన్నారు. పరిశ్రమల అవసరాలకు అనుగుణంగా శిక్షణ ఇవ్వడం ద్వారా నైపుణ్యం–ఉపాధి మధ్య అంతరాన్ని తగ్గించవచ్చన్నారు. కార్యక్రమంలో రేనూ ప్రైవేట్‌ లిమిటెడ్‌ సంస్థకు చెందిన సీఈవో సంజయ్‌ వర్గీస్‌, ప్రతినిధులు జితేంద్ర, త్రిభవన్‌, పరిశ్రమల శాఖ జనరల్‌ మేనేజర్‌ పి.కె.పి.ప్రసాద్‌ పాల్గొన్నారు. హాస్టళ్లలో మెరుగైన వసతులు కల్పించాలి అనకాపల్లి : విద్యార్థుల హాజరు, విద్యా ప్రమాణాలపై ప్రత్యేక దృష్టి సారించాలని కలెక్టర్‌ విజయకృష్ణన్‌ అన్నారు. తమ కార్యాలయంలో మంగళవారం జిల్లాలో విద్యాశాఖ అధికారులతో సమీక్ష సమావేశం నిర్వహించారు. పాఠశాలల్లో విద్యార్థుల రోజువారీ హాజరును అధికారులు క్రమం తప్పకుండా పరిశీలించి, హాజరు శాతం పెరిగేలా తగిన చర్యలు చేపట్టాలని ఆదేశించారు. పదో తరగతి విద్యార్థులపై ప్రత్యేక దృష్టి సారించి, వారిలో విద్యా ప్రమాణాలు మెరుగుపడేలా కార్యాచరణ రూపొందించాలని సూచించారు. సంబంధిత ఎంపీడీఓలతో సమన్వయం చేసుకుని శిథిలావస్థలో ఉన్న, ప్రమాదకరంగా మారిన పాఠశాల భవనాలను గుర్తించి, అవసరమైన చోట్ల వెంటనే డిస్మాంట్లింగ్‌ చర్యలు చేపట్టాలని ఆదేశించారు. పాఠశాలల్లో విద్యార్థుల అభ్యసన సామర్‌ాధ్యన్ని మెరుగుపరచాలని సూచించారు. కార్యక్రమంలో డీఈవో నాగేశ్వరరావు, మండల విద్యాశాఖాధికారులు పాల్గొన్నారు.

మారుమూల ప్రాంతంలో జన్మించిన తనకు ఐదేళ్లపాటు జిల్లా పరిషత్‌ చైర్‌పర్సన్‌గా అవకాశం కల్పించిన వైఎస్సార్‌ సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డికి జీవితాంతం రుణపడి ఉంటానని జెడ్పీ చైర్‌పర్సన్‌ జల్లిపల్లి సుభద్ర అన్నారు. రాజకీయ అనుభవం లేని తనకు జిల్లాలో అత్యున్నతమైన జిల్లా ప్రజా పరిషత్‌ చైర్‌పర్సన్‌ పదవి కల్పించడం ఎంతో గౌరవంగా భావిస్తున్నానన్నారు. చైర్‌పర్సన్‌గా ఐదేళ్లపాటు ప్రజలకు సేవ చేయడం సంతృప్తినిచ్చిందని తెలిపారు. ఉమ్మడి జిల్లా పరిషత్‌ చివరి సమావేశం కావడం కొంత బాధగా ఉన్నప్పటికీ, పరిపాలనా వికేంద్రీకరణలో భాగంగా జిల్లాల విభజన సహజ ప్రక్రియ అని పేర్కొన్నారు. జిల్లాలు విడిపోయినా ప్రజాసేవలో మాత్రం అందరం కలిసే ఉంటామన్నారు. తన పదవీకాలంలో సహకరించిన జెడ్పీటీసీ సభ్యులు, వైస్‌ చైర్మన్లు, ప్రజాప్రతినిధులు, అధికారులు, సిబ్బంది, మీడియా మిత్రులకు జల్లిపల్లి సుభద్ర కృతజ్ఞతలు తెలిపారు.

సాక్షి, పాడేరు: గిరిజన మహిళలంతా ఆధునిక సాంకేతిక పరిజ్ఞానాన్ని అందిపుచ్చుకుని, త్రీడి ప్రింటింగ్‌ ద్వారా ఆర్థికాభివృద్ధి సాధించాలని కలెక్టర్‌ టి.నిశాంతి పిలుపునిచ్చారు. స్థానిక గిరిజన మహిళా సమాఖ్య కార్యాలయంలో డీఎస్టీ, గాయత్రి విద్యా పరిషత్‌ కాలేజ్‌ ఆఫ్‌ ఇంజనీరింగ్‌, డీఆర్‌డీఏ సంయుక్త ఆధ్వర్యంలో హస్తకళల్లో త్రీడీ ప్రింటింగ్‌పై ఏర్పాటు చేసిన రెండు రోజుల శిక్షణ కార్యక్రమాన్ని ఆమె ప్రారంభించారు. ఈ సందర్భంగా కలెక్టర్‌ మాట్లాడుతూ... త్రీడి ప్రింటింగ్‌ ద్వారా విభిన్నమైన హస్తకళా రూపాలు, కళాకృతులను తయారు చేయడం ద్వారా మహిళలకు మెరుగైన జీవనోపాధి లభిస్తుందన్నారు. శిక్షణ పూర్తి చేసుకున్న మహిళలు తయారు చేసే ఉత్పత్తులకు ట్రైఫెడ్‌ ద్వారా తగిన మార్కెటింగ్‌ సౌకర్యం కల్పిస్తామని భరోసా ఇచ్చారు. ఈ కార్యక్రమంలో డీఆర్‌డీఏ పీడీ జయకృష్ణ, ప్రాజెక్ట్‌ ప్రధాన పరిశోధకులు డాక్టర్‌ బి.కీర్తిప్రియ తదితరులు పాల్గొన్నారు.

అచ్యుతాపురం రూరల్‌ : పూడిమడక సముద్రంలో మునిగి యువకుడు మృతి చెందిన ఘటన మంగళవారం చోటుచేసుకుంది. మండల కేంద్రమైన అచ్యుతాపురం కోనేంపాలెం గ్రామానికి చెందిన లాలం సత్యవతి, అప్పారావు దంపతుల చిన్న కుమారుడు లాలం లక్ష్మణరావు (25) మృతి చెందాడు. తల్లి లాలం సత్యవతి ఫిర్యాదు మేరకు కేసు నమోదు చేసినట్టు పోలీసులు తెలిపారు. లక్ష్మణరావుకు కొంత కాలంగా మతిస్థిమితం సరిగా లేకపోవడంతో బయట తిరుగుతుండేవాడని తల్లి సత్యవతి తెలిపారు. సోమవారం మధ్యాహ్నం ఇంటి నుంచి బయటకు పరిగెత్తుకుంటూ పూడిమడక రోడ్డువైపు వెళ్లడంతో ఆమె వెంట వెళ్లి పట్టుకునేందుకు ప్రయత్నించినప్పటికీ, పరుగెత్తుకుంటూ వెళ్లిపోయినట్టు పేర్కొన్నారు. అనంతరం పూడిమడక గ్రామంలో తిరుగుతూ సాయంత్రం సుమారు 5 గంటల సమయంలో సముద్రంలోకి వెళ్లినట్టు తెలిపారు. లోతైన ప్రాంతంలోకి వెళ్లడంతో బలమైన అలల కారణంగా సముద్రంలో మునిగిపోయినట్టు ఫిర్యాదులో పేర్కొన్నారు. మంగళవారం పూడిమడక తీరం వద్ద మృతదేహం కొట్టుకురాగా, అది తన కుమారుడిదేనని గుర్తించినట్టు సత్యవతి తెలిపారు.

చింతపల్లి ఏడీఆర్‌ ఆదిలక్ష్మిచింతపల్లి: జిల్లాలో రానున్న ఐదు రోజుల్లో మోస్తరు వర్షాలు కురిసే అవకాశం ఉందని చింతపల్లి వ్యవసాయ పరిశోధన స్థానం అసోసియేట్‌ డైరెక్టర్‌ ఆఫ్‌ రీసెర్చ్‌, వాతావరణ విభాగం నోడల్‌ అధికారి డాక్టర్‌ డి. ఆదిలక్ష్మి మంగళవారం తెలిపారు. ఈ నెల 23 నుంచి 27 వరకు అల్లూరి జిల్లా పరిధిలోని వాతావరణ వివరాలను ఆమె వెల్లడించారు. చింతపల్లి, పాడేరు, అరకు డివిజన్ల పరిధిలో 10 నుంచి 53 మిల్లీమీటర్ల వర్షపాతం నమోదయ్యే అవకాశం ఉందన్నారు. గరిష్ణ ఉష్ణోగ్రతలు 22.5నిసెంటీగ్రేడ్‌ నుంచి 22.9 సెంటీగ్రేడ్‌ మధ్య, కనిష్ణ ఉష్ణోగ్రతలు 20.3ని సెంటీగ్రేడ్‌ నుంచి 21.0 సెంటీగ్రేడ్‌ మధ్య ఉండవచ్చన్నారు. గాలిలో సాపేక్ష తేమ శాతం ఉదయం వేళల్లో 92 నుంచి 93 , మధ్యాహ్న సమయాల్లో 90 నుంచి 95 శాతం మధ్య నమోదు అవుతుందన్నారు. గాలి గంటకు 10 నుంచి 12 కిలోమీటర్ల వేగంతో వీచే సూచనలు ఉన్నాయని తెలిపారు. ఈ వాతావరణ పరిస్థితుల దృష్ట్యా రైతులు పంటల విషయంలో తగు జాగ్రత్తలు పాటించాలని ఏడీఆర్‌ సూచించారు.

కళ్లలో సంతృప్తి.. గుండెల్లో వీడ్కోలు బాధ.. ఈ రెండు భావాల మధ్య మంగళవారం ఉమ్మడి విశాఖ జిల్లా పరిషత్‌ చివరి సర్వసభ్య సమావేశం జరిగింది. జిల్లాల విభజనతో మూడు ముక్కలైన ఉమ్మడి విశాఖను ఒకే వేదికపైకి తీసుకొచ్చిన ఈ చివరి భేటీ, కేవలం ఒక పరిపాలనా తంతుగా కాక భావోద్వేగాల సంగమంగా మారింది. పింఛన్ల మంజూరు మొదలు వైద్య సేవల విస్తరణ దాకా ప్రజా సమస్యలపై వాడీవేడి చర్చలు ఒకవైపు సాగుతుండగా, మరోవైపు ఐదేళ్ల అనుబంధాన్ని గుర్తుచేసుకుంటూ జెడ్పీ చైర్‌పర్సన్‌ జల్లిపల్లి సుభద్ర గొంతు వణికింది. ‘జిల్లాలు విడిపోయినా ప్రజాసేవలో మాత్రం మనమంతా కలిసే ఉంటాం’ అంటూ ఆమె పలికిన మాటలు సభాస్థలిని కంటతడి పెట్టించాయి. –సాక్షి, విశాఖపట్నంసమావేశంలో విద్య, వైద్యం, తాగునీరు, రహదారులు, గ్రామీణాభివృద్ధి, సంక్షేమ అంశాలపై సభ్యులు చర్చించారు.గ్రామ స్థాయి సమస్యల పరిష్కారంలో అధికారుల నిర్లక్ష్యంపై సభ్యులు ప్రస్తావించారు. మండల కేంద్రాల్లో అంబులెన్స్‌ సేవలు అందుబాటులోకి తేవాలని, ఏజెన్సీ ప్రాంతాల నుంచి వచ్చే రోగులను కేజీహెచ్‌కు రిఫర్‌ చేయాలని కోరారు. సీజనల్‌ వ్యాధుల నియంత్రణపై కూడా చర్చించారు.కొత్త పింఛన్ల మంజూరు, సదరం సర్టిఫికెట్ల జారీలో అర్హులందరికీ న్యాయం జరిగేలా చర్యలు తీసుకోవాలని సూచించారు. ఒంటరి మహిళల పింఛన్ల నిబంధనలు సడలించాలని కోరారు. జెడ్పీటీసీలు, ఎంపీటీసీల గౌరవ వేతనాలు పెండింగ్‌లో ఉన్న అంశాన్ని సభ్యులు సమావేశంలో ప్రస్తావించారు. పింఛన్లపై వాడీవేడిగా చర్చ పింఛన్ల అంశంపై సమావేశంలో వాడీవేడి చర్చ జరిగింది. సభ్యుల డిమాండ్‌తో జిల్లా పరిషత్‌ చైర్‌పర్సన్‌ సుభద్ర అధికారులను ఉమ్మడి జిల్లాలో వచ్చిన పింఛన్‌ దరఖాస్తుల వివరాలు వెల్లడించాలని ఆదేశించారు. జీవీఎంసీ, డీఆర్‌డీఏ అధికారులు వివరాలు ఇవ్వగా, వాటిపై సభ్యులు అభ్యంతరం వ్యక్తం చేశారు.విడో, దివ్యాంగ, వృద్ధాప్య పింఛన్లు, సదరం సర్టిఫికెట్ల జారీలో సమన్యాయం లేదని సభ్యులు ప్రస్తావించారు. శిశుసంక్షేమశాఖ స్టాండింగ్‌ కమిటీ చైర్మన్‌ ఈర్లె అనురాధ మాట్లాడుతూ కూటమి ప్రభుత్వం ఏర్పడి రెండున్నరేళ్లు దాటినా పింఛన్లు మంజూరు కాలేదన్నారు. దరఖాస్తులకు ఇచ్చిన గడువు తక్కువగా ఉందని, అర్హులందరికీ పింఛన్లు అందుతాయా అనే అనుమానాలు ఉన్నాయని పేర్కొన్నారు. భర్తను కోల్పోయిన మహిళలకు విడో పింఛన్‌ దరఖాస్తులోనూ ఆంక్షలు ఎక్కువగా ఉన్నాయని తెలిపారు. దీనిపై అధికారులు స్పష్టత ఇవ్వాలని సభ్యులు కోరారు. జెడ్పీటీసీల గౌరవ వేతనాలకు తీర్మానం 2021–2026 సెప్టెంబర్‌ 24 వరకు పనిచేసిన జెడ్పీటీసీ సభ్యుల పెండింగ్‌ గౌరవ వేతనాలు చెల్లించాలని సభ్యులు కోరారు. జెడ్పీ జనరల్‌ ఫండ్‌ నుంచైనా మంజూరు చేయాలని విజ్ఞప్తి చేయగా, జెడ్పీ చైర్‌పర్సన్‌ సానుకూలంగా స్పందించారు. ప్రభుత్వం నుంచి పెండింగ్‌లో ఉన్న 18 నెలల గౌరవ వేతనం రూ.66 లక్షలు విడుదల చేయాలని, 15వ ప్లానింగ్‌ కమిషన్‌ చివరి క్వార్టర్‌ నిధులు రూ.2.82 కోట్లు మంజూరు చేయాలని సభ్యులు ఏకగ్రీవంగా తీర్మానించారు. జిల్లాల మధ్య ఆస్తుల పంపిణీపై సూచన జిల్లా పరిషత్‌ విభజన అనంతరం విశాఖ, అనకాపల్లి, అల్లూరి సీతారామరాజు జిల్లాలకు సమన్యాయం జరిగేలా చర్యలు తీసుకోవాలని జెడ్పీ చైర్‌పర్సన్‌ సుభద్ర, సీఈవోలను ఎమ్మెల్యే బండారు సత్యనారాయణమూర్తితో పాటు సభ్యులు కోరారు. ఉమ్మడి జిల్లా ఆస్తులు, గెస్ట్‌హౌస్‌లను మూడు జిల్లాలకు చెందినవిగా పరిగణించాలని, భవిష్యత్తులో జనాభా ప్రాతిపదికన న్యాయమైన వాటా కల్పించాలని కోరారు. ఏజెన్సీ, అనకాపల్లి ప్రాంతాల ప్రజలు, మాజీ ప్రజాప్రతినిధులు జడ్పీ గెస్ట్‌హౌస్‌లను వినియోగించుకునేలా వెసులుబాటు కల్పించాలని విజ్ఞప్తి చేశారు. ఆత్మీయ సత్కారం జెడ్పీ చైర్‌పర్సన్‌ జల్లిపల్లి సుభద్రను రాజ్యసభ సభ్యుడు గొల్ల బాబూరావు, ఎమ్మెల్సీ వరుదు కల్యాణి, ఎమ్మెల్యే బండారు సత్యనారాయణమూర్తి తదితరులు సత్కరించి, జ్ఞాపికను అందజేశారు. ఉమ్మడి విశాఖ జిల్లాకు చెందిన జెడ్పీటీసీ సభ్యులు, పలువురు ఎంపీపీలను కూడా అతిథుల చేతుల మీదుగా ఆత్మీయంగా సత్కరించారు. ఈ సందర్భంగా సభ్యులు భావోద్వేగ ప్రసంగాలు చేస్తూ తమ అనుభవాలు, జ్ఞాపకాలను పంచుకున్నారు. పార్టీలకు అతీతంగా ప్రజా సమస్యలపై చర్చించి పరిష్కారానికి కృషి చేశారని ఎమ్మెల్యే బండారు సత్యనారాయణమూర్తి జెడ్పీ చైర్‌పర్సన్‌ సుభద్రను అభినందించారు. అల్లూరి ఐటీడీఏ పీవో ఆదిత్యవర్మ, డిప్యూటీ సీఈవో రాజ్‌కుమార్‌, ఉమ్మడి జిల్లాలోని వివిధ శాఖల అధికారులు పాల్గొన్నారు. పంచాయతీరాజ్‌ వ్యవస్థే రాజకీయ పునాది పంచాయతీరాజ్‌ వ్యవస్థ ప్రజాప్రతినిధుల రాజకీయ ప్రస్థానానికి పునాది వంటిదని రాజ్యసభ సభ్యుడు గొల్ల బాబూరావు అన్నారు. అభివృద్ధి, సంక్షేమ పథకాలు క్షేత్రస్థాయికి చేరాలంటే పంచాయతీరాజ్‌ సంస్థలను బలోపేతం చేయాలని పేర్కొన్నారు. జిల్లా పరిషత్‌లో పనిచేసిన అనుభవమే తన రాజకీయ ఎదుగుదలకు పునాదిగా మారిందన్నారు. విశాఖ జిల్లా పరిషత్‌ నాలుగు మండలాలకు పరిమితం కావడం బాధాకరమని, విస్తృత సేవల కోసం మరిన్ని మండలాలు ఉండాలని అభిప్రాయపడ్డారు. ప్రస్తుత పదవీకాలాన్ని ముగింపుగా కాకుండా భవిష్యత్‌ అవకాశాలకు పునాదిగా చూడాలని సభ్యులకు సూచించారు. ప్రజల విశ్వాసమే అసలైన గుర్తింపు ప్రజల విశ్వాసాన్ని పొందడమే ప్రజాప్రతినిధుల అసలైన విజయమని ఎమ్మెల్సీ వరుదు కల్యాణి అన్నారు. జిల్లా పరిషత్‌ ద్వారా గ్రామీణాభివృద్ధికి చైర్‌పర్సన్‌, సభ్యులు అందించిన సేవలను అభినందించారు. విద్య, వైద్యం, వ్యవసాయం, సాగునీరు, తాగునీరు వంటి సమస్యలను సమావేశాల్లో ప్రస్తావించి పరిష్కారానికి కృషి చేశారని తెలిపారు. పదవులు శాశ్వతం కాదని, ప్రజల కోసం చేసిన సేవలు, సంపాదించుకున్న గౌరవమే చిరస్థాయిగా నిలుస్తాయని పేర్కొన్నారు. ప్రజా సేవలో అంకితభావంతో పనిచేద్దాం జెడ్పీ చైర్‌ పర్సన్‌ సుభద్ర భావోద్వేగాల నడుమ ఆఖరి సర్వసభ్య సమావేశం ఉమ్మడి జిల్లా సమగ్ర అభివృద్ధిపై చర్చ

కుండపోత వర్షాలతో వణికిపోతున్న మన్యం ● ఉప్పొంగి ప్రవహిస్తున్న ప్రధాన గెడ్డలు ● ఉధృతంగా గెడ్డలు ● స్తంభించిన జనజీవనం ఉప్పొంగిన చాపరాయి గెడ్డ.. ప్రవేశద్వారం మూసివేత డుంబ్రిగుడ: మండలంలో మంగళవారం ఉదయం 5 గంటల నుంచే ఏకధాటిగా వర్షాలు కురుస్తున్నాయి. ఈ వర్షాల వల్ల పంట పొలాలకు తగిన సాగునీరు అందే అవకాశం ఉందని గిరిజన రైతులు ఆశాభావం వ్యక్తం చేస్తున్నారు. మరోవైపు, ప్రముఖ పర్యాటక కేంద్రమైన చాపరాయి వద్ద వరద నీరు భారీ ఎత్తున పొంగి ప్రవహిస్తోంది. ఐటీడీఏ అధికారుల ఆదేశాల మేరకు పర్యాటకులను లోపలికి అనుమతించడం లేదు. రానున్న మూడు రోజుల పాటు భారీ వర్షాలు కురిసే అవకాశం ఉండటంతో పర్యాటకులు ఎవరూ రావద్దని నిర్వాహకులు బోర్డులు ఏర్పాటు చేశారు.సాక్షి, పాడేరు: తుపాను ప్రభావంతో జిల్లా వ్యాప్తంగా మంగళవారం ఉదయం నుంచి కుండపోత వర్షం కురుస్తోంది. ఎడతెరిపి లేకుండా కురుస్తున్న ఈ వర్షాల కారణంగా జనజీవనానికి తీవ్ర అంతరాయం ఏర్పడింది. పాడేరుతో పాటు జిల్లాలోని అన్ని మండలాల్లోనూ భారీ వర్షాలు నమోదయ్యాయి. మత్స్యగెడ్డకు వరద నీరు భారీగా పోటెత్తింది. ప్రసిద్ధ పుణ్యక్షేత్రం, పర్యాటక ప్రాంతమైన మత్స్యగుండం వద్ద బండరాళ్ల మీదుగా మత్స్యగెడ్డ అత్యంత ప్రమాదకరంగా ప్రవహిస్తోంది. 442.9 ఎంఎం వర్షపాతం జిల్లాలో మంగళవారం 442.9 మిల్లీమీటర్ల వర్షపాతం నమోదైంది. అత్యధికంగా అరకులోయలో 61.9, పాడేరులో 56.4, జి.మాడుగులలో 56.2, అనంతగిరిలో 47.2, గూడెంకొత్తవీధిలో 43, ముంచంగిపుట్టులో 42, హుకుంపేటలో 39.8, పెదబయలులో 34.8, డుంబ్రిగుడలో 30.2, కొయ్యూరులో 18.2, చింతపల్లిలో 13.2మిల్లీమీటర్ల వర్షం కురిసిందని అధికారవర్గాలు తెలిపాయి. పెదబయలు: వర్షాలకు మారుమూల ప్రాంతాల్లోని వాగులు, గెడ్డలు ఉప్పొంగి ప్రవహిస్తున్నాయి. వర్షాలు మెట్ట పంటల సాగుకు కొంతమేర మేలు చేస్తుండగా... ప్రస్తుతం ’రాజ్‌మా’ పంట వేయడానికి మాత్రం ఇవి అడ్డంకిగా మారాయని రైతులు ఆందోళన వ్యక్తం చేస్తున్నారు. భారీ వర్షాల కారణంగా కించూరు గెడ్డ, జామిగుడ, చింతలవీధి, కుంతుర్ల పంచాయతీల పరిధిలోని గెడ్డలు పొంగి ప్రవహిస్తున్నాయి. ఇలావుండగా కిముడుపల్లి, కుంతుర్ల పంచాయతీలను అనుసంధానిస్తూ తక్షణమే రోడ్డు నిర్మాణం చేపట్టాలని వైయస్సార్‌సీపీ నేతలు వంతాల అప్పారావు, పాంగి రామారావు, పాంగి అప్పలకొండ, ఏసుబాబు, కోరాబు కృష్ణపడాల్‌ కోరారు. కిముడుపల్లి పంచాయతీ మచ్చుపల్లి, కుంతుర్ల పంచాయతీ కన్నెలకట్లు గ్రామాల మధ్య ఉన్న గెడ్డపై వంతెన నిర్మించాలని విజ్ఞప్తి చేశారు. కొయ్యూరు: మండలంలో సోమవారం తెల్లవారుజాము నుంచి వర్షాలు కురుస్తున్నాయి. ఈ వర్షాలు వరి సాగు చేసిన రైతులకు ఎంతగానో మేలు చేయనున్నాయి. సాగునీరు అందక కొన్ని ప్రాంతాల్లో ఎండిపోతున్న పంటలకు ఈ వర్షం ప్రాణం పోసింది. కాకరపాడు–కొయ్యూరు ప్రధాన రహదారిపై ప్రయాణం కష్టంగా మారింది. . ముంచంగిపుట్టు: తుపాను వర్షాల కారణంగా వాగులు, గెడ్డల్లోకి భారీగా వరదనీరు చేరి ఉధృతంగా ప్రవహిస్తున్నాయి. లక్ష్మీపురం, బుంగాపుట్టు, రంగబయలు, భూసిపుట్టు, దొడిపుట్టు పంచాయతీల పరిధిలోని మారుమూల గ్రామాల్లో వాగులు పొంగిపొర్లాయి. గెడ్డల వద్ద వరద నీరు ప్రమాదకరంగా ప్రవహిస్తుండటంతో లక్ష్మీపురం పంచాయతీ ఉబ్బెంగుల, దొరగూడ గ్రామాల చుట్టూ నీరు చేరింది. దీంతో ఆయా గ్రామాల గిరిజనులు బయటకు రావడానికి వీలులేక ఇళ్లకే పరిమితమయ్యారు. జి.మాడుగుల: మండలంలో మంగళవారం ఎడతెరిపి లేకుండా విస్తారంగా వర్షం కురిసింది. ఈ వర్షాల కారణంగా గ్రామీణ ప్రాంతాల్లోని ప్రధాన రోడ్లు, వీధులు పూర్తిగా జలమయమయ్యాయి. ముఖ్యంగా జి.మాడుగుల నుంచి లంబసింగి, పాడేరు వెళ్లే జాతీయ రహదారిపై రోడ్డు విస్తరణ పనులు జరుగుతుండటంతో, ఆ మట్టి రోడ్డంతా వర్షానికి బురదమయంగా మారింది. దీంతో ఆ మార్గంలో రాకపోకలు సాగించే వాహనదారులు తీవ్ర ఇబ్బందులు, సమస్యలు ఎదుర్కొన్నారు. సీలేరు: జిల్లాలోని ఆంధ్ర–ఒడిశా సరిహద్దు ప్రాంతంలో మంగళవారం అర్ధరాత్రి నుంచి ఎడతెరిపి లేకుండా భారీ వర్షం కురుస్తోంది. గూడెం కొత్తవీధి మండలం సప్పర్ల నుంచి దారకొండ వరకు భారీ వర్షంతో పాటు దట్టమైన మంచు కురుస్తుండటంతో రాకపోకలకు తీవ్ర అంతరాయం ఏర్పడుతోంది. రోడ్డు సరిగా కనిపించకపోవడంతో వాహనదారులు తీవ్ర ఇబ్బందులు పడుతున్నారు. మాదిగమల్లు, చిన్న గంగవరం, పిల్లిగెడ్డ తదితర వాగులు, గెడ్డల్లో వరద నీరు ఉధృతంగా ప్రవహిస్తోంది. జర్రాయి– వసమామిడి మార్గంలో పొంగి ప్రవహిస్తున్న గెడ్డమూతపడిన చాపరాయిమచ్చుపల్లి, కన్నెలకట్లు గ్రామాల మధ్య వాగులో బైక్‌ దాటిస్తున్న గ్రామస్తులుమత్స్యగుండం వద్ద ఉధృతంగా గెడ్డచోటముఖిపుట్టు వద్ద కల్వర్టుపై చేరిన వరద నీరుకంట్రోల్‌ రూమ్‌ ఏర్పాటు కలెక్టరేట్‌తో పాటు డివిజన్‌.మండల స్థాయిలో కంట్రోల్‌రూమ్‌ను ఏర్పాటుచేశామని కలెక్టర్‌ నిశాంతి తెలిపారు. కలెక్టరేట్‌లో జిల్లా స్థాయి కంట్రోల్‌రూమ్‌లో 22వతేదీ బుధవారం ఎం.అర్జున్‌ (9391319286), ఎల్‌.చక్రధర్‌(7095239800), కె.దినేష్‌కుమార్‌(9440603641), ఎస్‌.వెంకటబాలు(7382323241), 23వతేదీ గురువారం ఎస్‌.వసంతరావు (9493415670), ఎస్‌.దిలీప్‌కుమార్‌(7981301820), ఏఎస్‌ చక్రవర్తి(7780137849), 24వతేదీ శుక్రవారం పి.కిరణ్‌కుమార్‌ (9494372648), పి.సత్యారావు(9014350957).రాజేష్‌ (912143829), సతీష్‌(7981056206) 24గంటలు కంట్రోల్‌రూమ్‌లో అందుబాటులో ఉంటారని ఆమె తెలిపారు. తుపానుతో ప్రజలు ఎలాంటి ఇబ్బందులకు గురైనా నష్టాలు సంభవించినా కంట్రోల్‌ రూమ్‌కు వెంటనే సమాచారం ఇవ్వాలని కలెక్టర్‌ కోరారు.

నర్సీపట్నం : నర్సీపట్నం మున్సిపాలిటీ సమగ్ర అభివృద్ధికి ప్రభుత్వం రూ.25 కోట్లు మంజూరు చేసింది. ఈ పనులకు సీఎం చంద్రబాబునాయుడు కుప్పం నుంచి వర్చువల్‌ విధానంలో శంకుస్థాపన చేశారు. ఈ సందర్భంగా స్పీకర్‌ సిహెచ్‌.అయ్యన్నపాత్రుడు మాట్లాడుతూ ఈ నిధులతో మున్సిపాలిటీని మరింత అభివృద్ధి చేస్తామన్నారు. సృష్టి క్షేత్రం ఏర్పాటు చేసి పర్యాటక హబ్‌గా అభివృద్ధి చేసేందుకు ప్రణాళికలతో ముందుకు వెళ్తున్నామన్నారు. పట్టణ అభివృద్ధికి అందరూ సహకరించాలన్నారు. రాజ్యసభ సభ్యుడు సిహెచ్‌.విజయ్‌ మాట్లాడుతూ నర్సీపట్నం అభివృద్ధికి స్పీకర్‌ తొలి ప్రాధాన్యం ఇస్తున్నారన్నారు. కూటమి ప్రభుత్వం వచ్చిన రెండేళ్లలో రూ.532 కోట్ల విలువైన అభివృద్ధి పనులు చేపట్టామన్నారు. ఎంపీ నిధులతో నియోజకవర్గంలో ప్రత్యేక లైబ్రరీల ఏర్పాటుకు చర్యలు తీసుకుంటున్నామని వెల్లడించారు. రెండేళ్లలో మున్సిపాలిటీలో ఎంతో అభివృద్ధి జరిగిందని జిల్లా కలెక్టర్‌ విజయకృష్ణన్‌ పేర్కొన్నారు. రూ.25 కోట్లతో పట్టణంలోని ప్రధాన కూడలి నుంచి శ్రీకన్య కూడలి, అబీద్‌ కూడలి మీదుగా ప్రభుత్వ డిగ్రీ కళాశాల వరకు ఆధునిక సెంట్రల్‌ లైటింగ్‌ వ్యవస్థను ఏర్పాటు చేస్తున్నామన్నారు. మున్సిపాలిటీలోని మొత్తం 40 వార్డుల్లో అంతర్గత సీసీ రోడ్ల నిర్మానాన్ని పూర్తి చేయనున్నామన్నారు. అనంతరం నియోజకవర్గంలో రెండేళ్ల కాలంలో జరిగిన అభివృద్ధిపై రూపొందించిన ప్రత్యేక పుస్తకాన్ని ఆవిష్కరించారు. ఈ కార్యక్రమంలో వీఎంఆర్‌డీఎ చైర్మన్‌ ప్రణవ్‌గోపాల్‌, మున్సిపల్‌ కమిషనర్‌ జంపా సురేంద్ర పాల్గొన్నారు.

సింహాచలం: సింహగిరిపై శ్రీ వరాహ లక్ష్మీనృసింహస్వామివారి పవిత్రోత్సవాల్లో భాగంగా రెండోరోజు మంగళవారం హోమాలు, పవిత్ర ప్రతిష్ట పూజలు నిర్వహించారు. ఉదయం స్వామివారి ఉత్సవమూర్తులు గోవిందరాజస్వామి, శ్రీదేవి,భూదేవిలను ఆలయ కల్యాణమండపంలో కొలువుదీర్చి శాంతిపఠనం, యాగశాలార్చన, కుంభావాహనం, పవిత్రాధివాసం, చక్రాబ్జమండలరచనం, ఆవాహనం, పవిత్రప్రతిష్ట జరిపించారు. సాయంత్రం 5గంటల నుంచి ఆలయ బేడామండపంలో తిరువీధి, రాత్రి విశేష హోమాలు నిర్వహించారు. ఆలయ స్థానాచార్యులు టి.పి.రాజగోపాల్‌, ప్రధానార్చకుడు కరి సీతారామాచార్యులు, ఉప ప్రధానార్చకుడు కె.కె.ప్రసాదాచార్యులు, అర్చకులు, పారాయణదారులు, వేద పండితులు ఈ కార్యక్రమాన్ని నిర్వహించారు.

అనంతగిరి (సాక్షి, పాడేరు): వివాదాస్పద భూములపై విచారణ జరపకుండా, ఎలాంటి నోటీసులు ఇవ్వకుండానే కార్పొరేట్‌ శక్తులకు సుమారు 30 ఎకరాల భూములను ధారాదత్తం చేయడంపై అనంతగిరి మండలం రొంపిల్లి పంచాయతీ గిరిశిఖర చిన్నకోనిల గిరిజనులు ఆగ్రహం వ్యక్తం చేశారు. ఆర్‌వోఆర్‌ చట్టానికి వ్యతిరేకంగా సర్వే నంబర్‌ 1 నుంచి 5 వరకు 30.32 ఎకరాల జిరాయితీ భూమిని కార్పొరేట్‌ వ్యక్తులైన కర్రి సముద్రాలరెడ్డి, సూరెడ్డి త్రిలోక్‌, ప్రగాడ రాములు సాగు చేస్తున్నట్టు వెబ్‌సైట్‌లో నమోదవడంతో గిరిజనులంతా సోమవారం ఆందోళన చేపట్టారు. అర్ధనగ్నంగా ప్రదర్శన చేపట్టి రెవెన్యూ అధికారుల తీరును నిరసించారు. ఈ సందర్భంగా పలువురు మాట్లాడుతూ జిరాయితీ భూమిని నమ్ముకుని వ్యవసాయం చేసుకుంటూ జీవనం సాగిస్తున్నామని, ఈ భూములను లాక్కోవడం అన్యాయమన్నారు. గతంలో ఈ భూములపై పాడేరు సబ్‌కలెక్టర్‌ కోర్టులో ఆర్‌వోఆర్‌ కేసు దాఖలు చేశామని, 2020 నుంచి ఈ భూములు డిస్ప్యూట్‌ రిజిస్టర్‌లో నమోదయ్యాయన్నారు. అయితే వివాదాస్పద భూములపై విచారణ పూర్తికాక ముందే కార్పొరేట్‌ వ్యక్తులకు భూములను రెవెన్యూ అధికారులు అప్పగించడం అన్యాయమని వారు ఆవేదన వ్యక్తం చేశారు. సబ్‌కలెక్టర్‌ ఈ భూములను పరిశీలించి తమకు న్యాయం చేయని పక్షంలో ఆందోళన కార్యక్రమాలను ఉధృతం చేస్తామని వారు హెచ్చరించారు. ఈ కార్యక్రమంలో గ్రామ పెద్దలు సోమిల అప్పలరాజు, కొనపర్తి సింహచలం, గిరిజన సంఘం నేత జన్ని శంకరరావు, గిరిజనులు పాల్గొన్నారు. చిన్నకోనిలలో అర్ధనగ్నంగా గిరిజనుల ఆందోళన

బుచ్చెయ్యపేట : అర్హత ఉన్నా వితంతువులకు పింఛన్‌లు అందక తీవ్ర అవస్థలు పడుతున్నారు. పొట్టిదొరపాలెం గ్రామానికి చెందిన బల్లి సత్యవతికి 11 ఏళ్ల కిందట వివాహం జరిగింది. ఈమె భర్త సత్తిబాబు తాగుడుకు బానిసై ఏడాది కిందట మృతి చెందాడు. ఈమెకు 9 ఏళ్ల వయస్సు గల కుమార్తె, 7 ఏళ్ల వయస్సున్న కుమారుడు ఉన్నారు. భర్త లేకపోయినా కూలి పనులు చేసుకుని ఇద్దరు పిల్లలను చదివించుకుంటుంది. ఈమెకు ఏడేళ్ల కిందటే భర్త పేరుపై ప్రత్యేక రేషన్‌ కార్డు ఉంది. భర్త చనిపోవడంతో ఇటీవల కూటమి ప్రభుత్వం కొత్త పింఛన్‌లు మంజూరు కోసం దరఖాస్తు చేసుకోవడానికి సచివాలయానికి వెళ్లగా నీకు పింఛన్‌ రాదు.. అని అధికారులు తేల్చి చెప్పేశారు. హౌస్‌ హోల్డ్‌ మ్యాపింగ్‌ అవక నీకు పింఛన్‌ ఇవ్వలేమని చెప్పడంతో ఆమె నిరాశ చెందింది. పెళ్లయి 11 ఏళ్లు దాటిన నాకు ఇద్దరు పిల్లలకు కలిసి ప్రత్యేక రేషన్‌ కార్డు ఉన్నా భర్త పోయి ఉన్న నాకు వితంతు పింఛన్‌ ఇవ్వకపోతే ఎలా అని ఆవేదన చెందుతోంది. ఇదే గ్రామానికి చెందిన కొసిరెడ్డి నూకలక్ష్మి శ్రీనివాసరావులకు ఐదేళ్ల కిందట వివాహం జరిగింది. భర్త శ్రీనివాసరావు డెంగ్యూ జ్వరంతో ఏడాది కిందట మృతి చెందాడు. ఈమెకు నాలుగేళ్ల కుమార్తె ఉంది. నూకలక్ష్మికి, ఆమె పాపకు రేషన్‌ కార్డు ఉంది. కానీ హౌస్‌ హోల్డ్‌ మ్యాపింగ్‌ అవలేదని వితంతు పింఛన్‌కు దరఖాస్తు చేసినా మంజూరు కాదని అధికారులు తెలపడంపై ఆమె దిగులు చెందుతోంది. భర్త లేని తాను కూలి పనులు చేసుకుని కుమార్తెను పోషించుకుంటున్నానని, తనలాంటి వాళ్లకి పింఛను మంజూరు చేయకపోతే ఎలా బతకాలని ఆవేదన చెందుతోంది. అధికారులు హౌస్‌ హోల్డ్‌ మ్యాపింగ్‌ చేసి వితంతు పింఛన్‌ అందేలా చేయాలని బాధితులు కోరుతున్నారు. కొసిరెడి నూకలక్ష్మిబల్లి సత్యవతి

అరకులోయ ఎమ్మెల్యే రేగం మత్స్యలింగండుంబ్రిగుడ: వైఎస్సార్‌సీపీలో కష్టపడి పనిచేసే ప్రతి కార్యకర్తకు తగిన గుర్తింపు ఉంటుందని ఎమ్మెల్యే రేగం మత్స్యలింగం తెలిపారు. స్థానిక అల్లూరి గ్రౌండ్‌లో పార్టీ అధ్యక్షుడు పాంగి పరశురామ్‌ అధ్యక్షతన నిర్వహించిన మండల స్థాయి సమావేశంలో ఎమ్మెల్యే మాట్లాడుతూ పార్టీలో నిస్వార్థంగా పనిచేసే నాయకు లు, కార్యకర్తలకు అన్యాయం జరగదని చెప్పారు. స్థానిక ఎన్నికలకు సంబంధించి ప్రతి పంచాయతీ నుంచి ఇద్దరు పురుషులు, ఇద్దరు మహిళా అభ్యర్థు లను సిద్ధం చేయాలని సూచించారు. కూటమి ప్ర భుత్వం సూపర్‌ సిక్స్‌ పథకాల్లో ఏఒక్క పథకాన్ని సక్రమంగా ప్రజలకు అందచడం లేదని మండిపడ్డారు. ఐడీకార్డుల పంపిణీ ఈసందర్భంగా కార్యకర్తలకు ఐడీ కార్డులను పంపిణీ చేశారు. కార్డు పొందిన కార్యకర్తలకు రూ.2 లక్షల ప్రమాదబీమా వర్తిస్తుందని ఎమ్మెల్యే తెలిపారు. ఈకార్యక్రమంలో వైఎస్సార్‌సీపీ రాష్ట్ర యువజన విభాగం ఉపాధ్యక్షుడు రేగం చాణక్య, ఎంపీపీ బాకా ఈశ్వరి, జెడ్పీటీసీ చట్టారి జానకమ్మ, వైస్‌ఎంపీపీలు శెట్టి ఆనంద్‌రావు, పంచాడి లలిత, ఎంపీటీసీలు విజయ, రామరావు, అనంతగిరి అధ్యక్షుడు కొర్ర సూర్యనారాయణ, మండల కార్యదర్శులు మఠం శంకర్‌, లీలారాణి, రామునాయుడు, మాజీ జెడ్పీటీసీ మండ్యగురు శ్రీరాములు, మాజీ సర్పంచ్‌ వెంకటరావు, నాయకులు రాజరమేష్‌బోసు, బాకా సింహాచలం, తాంగుల రామదాస్‌, నరసింగరావు, చిరంజీవి, మాజీ సర్పంచ్‌లు, అను బంధ విభాగాల నాయకులు, సీనియర్‌ నాయకులు కార్యకర్తలు పాల్గొన్నారు. కష్టపడే కార్యకర్తలకే టికెట్లు హుకుంపేట(డుంబ్రిగుడ): కష్టపడి, పార్టీకి బలోపేతానికి కృషి చేసే నమ్మకమైన కార్యకర్తలకే టికెట్లు కేటాయిస్తామని ఎమ్మెల్యే రేగం మత్స్యలింగం తెలిపారు. మండల కేంద్రం హుకుంపేటలో మండల అధ్యక్షుడు పాంగి అనిల్‌ అధ్యక్షతన సోమవారం నిర్వహించిన వైఎస్సార్‌సీపీ మండల విస్తృత స్థాయి సమావేశంలో ఆయన మాట్లాడారు. రానున్న స్థానిక సంస్థల ఎన్నికల్లో ప్రతి వార్డు, సర్పంచ్‌, ఎంపీటీసీ, జెడ్పీటీసీ స్థానంలో వైఎస్సార్‌సీపీ అభ్యర్థులు కచ్చితంగా పోటీచేసి విజయం సాధిస్తారని చెప్పారు. పార్టీకి వ్యతిరేకంగా పనిచేసే వారికి టికెట్‌ ఇవ్వబోమని తెలిపారు. మండలంలోని 54 బూత్‌లు ఉన్నాయని, రానున్న ఎన్నికల్లో వీటి సంఖ్య పెరుగుతుందని చెప్పారు. జిల్లాలో వైఎస్సార్‌సీపీ బలంగా ఉందని, ముఖ్యమంతి, ఉపముఖ్యమంత్రి భయపడుతున్నాని చెప్పారు. అనంతరం కార్యకర్తలు, నాయకులకు పార్టీ గుర్తింపు కార్డులను పంపిణీ చేశా రు. ఈ సమావేశంలో వైఎస్సార్‌సీపీ రాష్ట్ర సంయుక్త కార్యదర్శి తెడబారికి సురేష్‌కుమార్‌, పార్టీ జిల్లా ఉపాధ్యక్షుడు బత్తిరి రవిప్రసాద్‌, వైస్‌ ఎంపీపీ జి.సుశీల, మహిళాఅధ్యక్షురాలు సమిడ పూర్ణిమ, యువజన నాయకులు రేగం శివరామకృష్ణ పాల్గొన్నారు.

సాక్షి, పాడేరు: మహాకవి గురజాడ అప్పారావు జయంతిని కలెక్టరేట్‌లో సోమవారం ఘనంగా నిర్వహించారు. గురజాడ చిత్రపటానికి కలెక్టర్‌ టి.నిశాంతి పూలమాలలు వేసి నివాళులర్పించారు. ఈ సందర్భంగా కలెక్టర్‌ మాట్లాడుతూ మహాకవి రాసిన కన్యాశుల్కం ద్వారా ఆనాటి సమాజంలోని దురాచారాలను, మూఢనమ్మకాలను నిరసించారన్నారు. ఆధునిక తెలుగు సాహిత్యానికి గురజాడ దిశానిర్దేశం చేశారని తెలిపారు. ‘దేశమంటే మట్టి కాదోయ్‌... దేశమంటే మనుషులోయ్‌’ అని ఆయన అందించిన అమూల్యమైన సందేశం నిరంతరం స్ఫూర్తిదాయకమన్నారు. గురజాడ రచనలు, గేయాలు నేటికీ సామాజిక చైతన్యానికి మార్గదర్శకాలుగా నిలుస్తున్నాయని చెప్పారు. మహాకవి చూపిన బాటలో పయనిస్తూ, సమాజ శ్రేయస్సుకు, అభ్యుదయానికి ప్రతి ఒక్కరూ కృషి చేయాలని సూచించారు. ఈ కార్యక్రమంలో ఇన్‌చార్జి డీఆర్‌వో లోకేశ్వరరావు, డీఎంహెచ్‌వో డాక్టర్‌ రియాజ్‌బైగ్‌, జిల్లా టూరిజం అధికారి పట్టాసి చలపతిరావు తదితరులు పాల్గొన్నారు.

తుమ్మపాల : ఈవీఎం గోడౌన్‌ వద్ద సిబ్బంది అనుక్షణం అప్రమత్తంగా ఉండాలని కలెక్టర్‌ విజయకృష్ణన్‌ ఆదేశించారు. నెలవారీ తనిఖీల్లో భాగంగా సోమవారం జిల్లా ఎస్పీ కార్యాలయం వద్ద ఉన్న ఈవీఎం గొడౌన్‌ను వివిధ రాజకీయ పార్టీల ప్రతినిధులతో కలిసి ఆమె తనిఖీ చేశారు. గొడౌన్‌ పరిసరాల్లో సీసీ కెమెరాల పనితీరు, ప్రధాన ద్వారానికి ఉన్న సీల్స్‌, భద్రతా ఏర్పాట్లను కలెక్టర్‌ క్షుణ్ణంగా పరిశీలించారు. తనిఖీలకు సంబంధించిన లాగ్‌బుక్‌లో సంతకం చేశారు. గోడౌన్‌న్‌లో భద్రపరిచిన ఈవీఎంల స్థితిగతులను ఎన్నికల విభాగం అధికారులు కలెక్టర్‌కు వివరించారు. భద్రతా ప్రమాణాలు, లాగ్‌బుక్‌ నిర్వహణ తదితర అంశాలపై అధికారులు, రాజకీయ పార్టీల ప్రతినిధులతో కలెక్టర్‌ చర్చించారు. రాజకీయ పార్టీల ప్రతినిధులతో డీఆర్‌వో సమావేశం నెలవారీ సమావేశాల్లో భాగంగా జిల్లా రెవెన్యూ అధికారి వై. సత్యనారాయణరావు సోమవారం తన చాంబర్‌లో వివిధ రాజకీయ పార్టీల ప్రతినిధులతో ఓటర్ల జాబితా నవీకరణ ప్రక్రియపై సమావేశం నిర్వహించారు. ఈ సందర్భంగా ఆయన మాట్లాడుతూ గుర్తింపు పొందిన రాజకీయ పార్టీల ప్రతినిధులు బూత్‌ లెవల్‌ అధికారులతో సమన్వయంతో పనిచేయాలని సూచించారు. ఓటర్ల సంఖ్య, పోలింగ్‌ కేంద్రాలు తదితర అంశాలపై చర్చించి, రానున్న ఎన్నికలను సజావుగా నిర్వహించేందుకు సహకరించాలని కోరారు. ఇన్‌చార్జి ఆర్డీఓ వై.శ్రీనివాసరావు,అధికారులు, సిబ్బంది పాల్గొన్నారు. జూలో కృష్ణనేను కృష్ణను. వయసు నలభై ఎనిమిదేళ్లు. నా జీవితంలో 39 ఏళ్లగా విశాఖ జూలోనే ఉంటున్నాను. మీరు నన్ను చూడగానే భయపడతారని తెలుసు. కానీ నా కథ వింటే మీ మనసు మారొచ్చు. నేను పుట్టింది ఏ అడవిలోనో, ఎప్పుడో గుర్తు లేదు. తెలిసొచ్చేసరికి ఇక్కడే ఉన్నాను. మా జాతి పేరు ఎలిఫాస్‌ మాక్సిమస్‌ అని పిలుచుకుంటారు. మేం పూర్తి శాకాహారులం. చెట్ల బెరడు, కాండం, పండ్లు, గ్రాసం.. ఇదే మా ఆహారం. మీరు నమ్మరేమో, రోజుకి 265 కిలోల వరకు తింటా..అరటి దవ్వ, గడ్డి, చెరకు, పుచ్చకాయలు, రాగి, కేటిల్‌ ఫీడ్‌, బెల్లం...ఇంకా 150 లీటర్ల నీళ్లు తాగుతాను. నా తొండం ఒక్కసారికి పది లీటర్ల నీళ్లు పీల్చుకోగలదు, తెలుసా? – ఆరిలోవ బ్రేక్‌ఫాస్ట్‌ : రాగి సంగటిఅనధికార బాణసంచా కేంద్రాలపై ప్రత్యేక దృష్టి అనకాపల్లి : అనకాపల్లి పోలీస్‌శాఖ సబ్‌ డివిజన్‌ పరిధిలో అనధికార బాణసంచా కేంద్రాలుపై ప్రత్యేక దృష్టి సాదించడం జరిగిందని ఇన్‌ఛార్జ్‌ డీఎస్పీ ఈ.శ్రీనివాసులు అన్నారు. స్థానిక గవరపాలెం, రాజుపాలెం, ఎరుకువానిపాలెం, వల్లూరు, జాతీయరహదారి తోటాడ జంక్షన్‌ బాణసంచా దుకాణాలను పట్టణ, రూరల్‌ సీఐలు జి.ప్రేమ్‌కుమార్‌, ఆశోక్‌కుమార్‌ ఆధ్వర్యంలో సోమవారం పరిశీలించారు. ఈ సందర్భంగా ఆయన మాట్లాడుతూ నిల్వ ఉంచిన పేలుడు పదార్థాలు, భద్రతా ప్రమాణాలు, అగ్నిమాపక పరికరాలు, లైసెన్సుల వివరాలను తెలుసుకోవడం జరిగిందన్నారు. ప్రజల ప్రాణ, ఆస్తి భద్రతను దృష్టిలో ఉంచుకుని నిబంధనలకు విరుద్ధంగా వ్యవహరించే వారిపై చట్టపరంగా కఠిన చర్యలు తీసుకోవడం జరుగుతుందని, ఎలాంటి అనుమతులు లేకుండా గృహాలు మధ్యలో గానీ, జనావాసాల్లో గానీ బాణాసంచా తయారు చేసినా, అక్రమంగా నిల్వ ఉంచినా, అమ్మకాలు చేపట్టినా వారిపై చట్టప్రకారం కేసులు నమోదు చేస్తామన్నారు. ప్రభుత్వం నుంచి అధికారిక అనుమతులు (లైసెన్స్‌) పొందిన తయారీ, నిల్వ కేంద్రాల నిర్వాహకులు తప్పనిసరిగా నిర్దేశిత భద్రతా ప్రమాణాలు పాటించాలన్నారు. నిల్వ కేంద్రాల వద్ద అగ్నిమాపక పరికరాలు అందుబాటులో ఉంచుకోవడంతో పాటు అన్ని ముందస్తు జాగ్రత్తలు తీసుకోవాలన్నారు. ఎవరైనా అనధికారికంగా బాణాసంచా నిల్వ ఉంచినా లేదా విక్రయాలు జరిపినా ప్రజలు డయల్‌ 112, స్థానిక పోలీస్‌స్టేషన్‌కు సమాచారం అందించాలన్నారు. ఈ కార్యక్రమంలో రూరల్‌ ఎస్‌ఐ రవికుమార్‌ పాల్గొన్నారు.

కలెక్టరేట్‌ వద్ద నిరసన చేస్తున్న ఏఐఎస్‌ఎఫ్‌ నాయకులు ప్రభుత్వ నిబంధనలు పాటించకుండా ఇష్టారాజ్యంగా నిర్వహిస్తున్న ప్రైవేట్‌, కార్పొరేట్‌ విద్యాసంస్థలపై తక్షణమే చర్యలు తీసుకోవాలని ఏఐఎస్‌ఎఫ్‌ జిల్లా జిల్లా కార్యదర్శి జి.ఫణీంద్ర కుమార్‌, కలెక్టర్‌కు వినతిపత్రం సమర్పించారు. ఈ సందర్భంగా ఏఐఎస్‌ఎఫ్‌ జిల్లా కార్యదర్శి జి.ఫణీంద్ర కుమార్‌ మాట్లాడుతూ శ్రీచైతన్య, నారాయణ, భాష్యం వంటి కార్పొరేట్‌ విద్యాసంస్థలతో పాటు పలు ప్రైవేట్‌ కళాశాలలు ప్రభుత్వ నిబంధనలను పాటించడం లేదని, విద్యాసంస్థల భవనాల్లో భద్రతా ప్రమాణాలు పాటించకపోవడం, ప్రభుత్వం ప్రకటించిన సెలవు రోజుల్లోనూ తరగతులు నిర్వహించడం ద్వారా విద్యార్థులపై ఒత్తిడి పెంచుతున్నారన్నారు. ఆదివారాల్లో సైతం ఐఐటీ, నీట్‌ కోచింగ్‌ పేరుతో విద్యార్థులకు తరగతులు నిర్వహిస్తూ మానసిక ఒత్తిడికి గురిచేస్తున్నారని, అంతేకాకుండా తల్లిదండ్రుల నుంచి అధిక ఫీజులు వసూలు చేస్తున్నారనే ఫిర్యాదులపై అధికారులు దృష్టి సారించాలని కోరారు. నిరసనలో ఏఐఎస్‌ఎఫ్‌ జిల్లా నాయకులు మణికంఠ, అజయ్‌ తదితరులు పాల్గొన్నారు.

అర్జీదారుల సమస్యలు తెలుసుకుంటున్న ఎస్పీ తుహిన్‌ సిన్హా అనకాపల్లి : ఎస్పీ కార్యాలయంలో సోమవారం పీజీఆర్‌ఎస్‌కు 75 అర్జీలు వచ్చాయి. ఎస్పీ తుహిన్‌ సిన్హా జిల్లాలో వివిధ ప్రాంతాల నుంచి వచ్చిన అర్జీలు స్వీకరిస్తూ సమస్యలు తెలుసుకున్నారు. ఈ సందర్భంగా ఆయన మాట్లాడుతూ చట్ట పరిధిలో ఉన్న సమస్యలు త్వరితగతిన పరిష్కరానికి చర్యలు చేపట్టడం జరుగుతుందన్నారు. భూ తగాదాలు, ఆస్తి గొడవలు, ఆర్థిక మోసాలు, భార్యాభర్తల వేధింపులు, గృహకలహాలు, శాంతిభద్రతలు, ఇతర సమస్యలపై అర్జీలు వచ్చాయన్నారు. ఎలాంటి ఒత్తిళ్లకు లొంగకుండా నిజాల అధారంగా పారదర్శకంగా దర్యాప్తు చేస్తామని, స్టేషన్లలో కేసు ఏ దశలో ఉందో బాధితులకు ఎప్పటికప్పుడు సమాచారం అందిస్తూ వారిలో నమ్మకం నింపుతూ, విచారణ ముగిసిన తక్షణమే తీసుకున్న చర్యలపై పూర్తి నివేదికను అందజేస్తామన్నారు. చట్టపరిధిలో సమస్యలను వారం రోజుల్లో పరిష్కారానికి చర్యలు చేపట్టడం జరుగుతుందన్నారు. ఈ కార్యక్రమంలో అదనపు ఎస్పీ ఎల్‌.మోహన్‌రావు, ఎస్‌ఐ శ్రీనివాసరావు పాల్గొన్నారు.

యలమంచిలి రూరల్‌ : నియోజకవర్గంలోని యలమంచిలి మండలం పురుషోత్తపురం గ్రామంలో కూటమి భాగస్వామ్య పక్షాలైన జనసేన, తెలుగుదేశం పార్టీ నాయకుల మధ్య సోమవారం చోటు చేసుకున్న విభేదాలు రాజకీయంగా చర్చనీయాంశంగా మారాయి. గ్రామంలో నూతనంగా నిర్మించిన రైతు సేవా కేంద్రం భవనం ప్రారంభోత్సవానికి తమకు జనసేన ఎమ్మెల్యే నుంచి ఆహ్వానం లేదంటూ గ్రామానికి చెందిన టీడీపీ నేతలు కొలుకులూరి విజయబాబు, ఇత్తంశెట్టి రాజు, రాజాన వెంకటరమణ, రాజాన వెంకునాయుడు, గ్రామ టీడీపీ అధ్యక్షుడు రెడ్డి నానాజీ, ఇత్తంశెట్టి సూరిబాబు తదితరులు పాత రామాలయం దగ్గర మౌన దీక్షతో నిరసనకు దిగారు. కూటమి ప్రభుత్వంలో ప్రధాన భాగమైన తమను పక్కన పెట్టి కేవలం జనసేన నేతలతోనే ప్రారంభోత్సవం చేయడానికి యత్నించడం తమకు తీవ్ర అవమానకరమంటూ టీడీపీ నేతలు తీవ్ర ఆగ్రహం వ్యక్తం చేశారు. ఎమ్మెల్యే సుందరపు విజయ్‌కుమార్‌ వెళ్లే మార్గం పక్కనే టీడీపీ నేతలు నిరసనకు దిగడంతో యలమంచిలి రూరల్‌ పోలీసులు నిరసన శిబిరం వద్దకు చేరుకుని ఉద్రిక్త పరిస్థితి రాకుండా జాగ్రత్త వహించారు. ఎమ్మెల్యే సుందరపు విజయ్‌కుమార్‌, జనసేన నాయకులు ఏకపక్షంగా వ్యవహరిస్తున్నారని టీడీపీ నేత విజయబాబు ఆరోపించారు. టీడీపీ నేతలు తమ నిరసనకు సంబంధించిన వీడియోలు, ఫొటోలు, వివరాలు సామాజిక మాధ్యమాల్లో పోస్ట్‌ చేయడం విశేషం. దీంతో జనసేనతో అటో ఇటో తేల్చుకోవడానికే టీడీపీ నాయకులు సిద్ధమైనట్టు జోరుగా చర్చ జరుగుతోంది. వెనక్కి తగ్గిన జనసేన ఎమ్మెల్యే పురుషోత్తపురంలో సుమారు రూ.25 లక్షలతో నిర్మించిన రైతు సేవా కేంద్రం నూతన భవనం ప్రారంభోత్సవానికి అధికారులు ఏర్పాట్లు చేసినప్పటికీ టీడీపీ నేతల నిరసన విషయం తెలుసుకున్న యలమంచిలి జనసేన ఎమ్మెల్యే సుందరపు విజయ్‌కుమార్‌ వెనక్కి తగ్గారు. ప్రారంభోత్సవ కార్యక్రమాన్ని రద్దు చేసుకున్నారు. ఉదయం 9 గంటల నుంచి ఎమ్మెల్యే కోసం ఎదురు చూసిన వివిధ శాఖల అధికారులు, జనసేన నాయకులు మధ్యాహ్నం 12 గంటల తర్వాత నిరాశతో వెనుదిరగాల్సి వచ్చింది. ఆహ్వానం పంపించినా టీడీపీ నాయకులు కావాలనే నిరసన చేపట్టారని జనసేన నాయకులు ఆరోపించారు. గత సాధారణ ఎన్నికలు పూర్తయిన దగ్గర్నుంచి నియోజకవర్గంలో జనసేన,టీడీపీ నాయకుల మధ్య తరచుగా విభేదాలు బయటపడుతూనే ఉన్నాయి. అధికార కాంక్షతో రెండు పార్టీల నాయకులు వ్యవహరిస్తున్నారే తప్ప ప్రజలకు చేసిందేమీ లేదన్న విమర్శలు సర్వత్రా వెల్లువెత్తుతున్నాయి.

సాక్షి, పాడేరు: స్థానిక గిరికై లాస క్షేత్రంలోని రాజరాజేశ్వరి ఆలయం వద్ద అక్టోబర్‌ 11వతేదీ నుంచి 20వతేదీ వరకు విజయదశమి నవరాత్రులను నిర్వహించనున్నట్టు ఆలయ ధర్మకర్త కొట్టగుళ్లి సింహాచలంనాయుడు ఓ ప్రకటనలో తెలిపారు. ఉత్సవాలకు సంబంధించి కమిటీలను ఏర్పాటు చేసినట్టు పేర్కొన్నారు. ఉత్సవ కమిటీ అధ్యక్షుడిగా కొమ్మోజు వెంకటరమణ, ప్రధాన కార్యదర్శులుగా కొట్టగుళ్లి రామారావు, యాదగిరి శ్రీనివాసరావు, కార్యదర్శిగా కిముడు ప్రభాకర్‌, ఉపాధ్యక్షుడిగా కొట్టగుళ్లి పోతురాజు, కోశాధికారులుగా కోనే శివ, దాసరి నాగు, సలహాదారులుగా ఉడా త్రినాథ్‌, వంతెన్బ రాజబాబు, దేసిది బాబూరావు, పలాస బాలన్న, కూడా సురేష్‌కుమార్‌, ముకుందరావు, కె.రమేష్‌నాయుడు, కొట్టగుళ్లి చిట్టినాయుడు ఎంపికయ్యారని ఆయన తెలిపారు. మహిళా కమిటీ అధ్యక్షురాలిగా కొట్టగుళ్లి భాగ్యలక్ష్మి, ఉపాధ్యక్షురాలిగా కె.జ్యోతి, ప్రధాన కార్యదర్శిగా దాసరి ఈశ్వరమ్మ, కార్యదర్శులుగా కె.వసంతకుమారి, కించేయి జ్యోతి, సహాయ కార్యదర్శులు,సలహాదారులుగా కొట్టగుళ్లి రమాదేవి, కిముడు కాత్యాయిని, వి.గాయత్రిదేవి, భాగ్యలక్ష్మి, వైదేహి, నిర్మల, సత్యవతితో పాటు పలువురు సభ్యులుగా ఎంపికయ్యారని తెలిపారు. ఈరెండు కమిటీల ఆధ్వర్యంలో దసరా నవరాత్రులను ఘనంగా నిర్వహిస్తామని ఆయన పేర్కొన్నారు.

రాజ్‌మా విత్తనాలుఇష్టానుసారంగా పంపిణీ మారుమూల ప్రాంతాల రైతులకు అన్యాయం ప్రైవేట్‌ మార్కెట్‌లో అధిక ధరలు కొనలేకపోతున్న అన్నదాతలు కూటమి ప్రభుత్వ తీరుపై ఆగ్రహం సాక్షి, పాడేరు: రాజ్‌మా విత్తనాల పంపిణీ వ్యవహారం జిల్లాలో తీవ్ర దుమారం రేపుతోంది. రైతులకు రాయితీతో పంపిణీ చేయాల్సిన విత్తనాలను పక్కదారి పట్టించారని పలువురు ఆరోపిస్తున్నారు. దీంతో గంజాయి ప్రభావిత ప్రాంతాల గిరిజన రైతులు బయట మార్కెట్‌లో అధిక ధర చెల్లించి కొనుగోలు చేయాల్సిన పరిస్థితి దాపురించింది. గంజాయి సాగుకు దూరంగా ఉన్న మారుమూల గిరిజన గ్రామాలకు రాజ్‌మా విత్తనాలు పూర్తిస్థాయిలో అందకపోవడంతో అక్కడి రైతులు అవస్థలకు గురవుతున్నారు. వైఎస్సార్‌సీపీ ప్రభుత్వ హయాంలో 90 శాతం సబ్సిడీపై రాజ్‌మా విత్తనాల పంపిణీలో మారుమూల గ్రామాలకే అధిక ప్రాధాన్యత ఉండేది. పోలీసుశాఖ కూడా గంజాయి నిర్మూలన లక్ష్యంగా ఆయా గ్రామాలలో విత్తనాలు అధికంగా ఇవ్వాలని సూచించింది. కానీ కూటమి ప్రభుత్వం మాత్రం రాజ్‌మా విత్తనాలను అరకొరగా కేటాయిస్తోంది. అందులోనూ మారుమూల గిరిజన రైతులకు పూర్తిగా పంపిణీ చేయని పరిస్థితి నెలకొంది. ఆ విత్తనాలను పక్కదారి పట్టించారనే ఆరోపణలు వినిపిస్తున్నాయి. 4,913 క్వింటాళ్ల కేటాయింపు జిల్లాలో 18 వేల హెక్టార్లలో రాజ్‌మా పంట సాగు చేస్తుండగా, కేవలం 9,600 హెక్టార్లకు సరిపడే 4,913 క్వింటాళ్ల విత్తనాలను మాత్రమే కూటమి ప్రభుత్వం అందుబాటులోకి తెచ్చింది. ఏపీ సీడ్స్‌ నుంచి కిలో రూ.158 ధరతో సేకరించి, గిరిజన రైతులకు 90 శాతం సబ్సిడీపై పంపిణీ చేస్తోంది. గంజాయి సాగు నిర్మూలనలో భాగంగా జి.మాడుగుల, పాడేరు, పెదబయలు, ముంచంగిపుట్టు, చింతపల్లి, జి.కె.వీధి మండలాల్లోని మారుమూల గ్రామాల రైతులకు రాజ్‌మా విత్తనాలను అధికంగా ఇవ్వాల్సి ఉంది. కానీ వ్యవసాయశాఖ మాత్రం రోడ్డు పక్క గ్రామాలతో పాటు నచ్చిన ప్రాంతాల్లోని రైతులకు మాత్రమే సబ్సిడీ విత్తనాల పంపిణీ చేసి, మమ అనిపించింది. ఒడిశా సరిహద్దులో ఉన్న మారుమూల గ్రామాలకు విత్తనాలతో వాహనాలు కూడా వెళ్లని పరిస్థితి నెలకొంది. దీంతో అక్కడ పంపిణీ చేయలేదని తెలిసింది. ప్రైవేట్‌ మార్కెట్‌లో కిలో రూ.150 రాజ్‌మా విత్తనాలను ప్రైవేట్‌ మార్కెట్‌లో అధిక ధరలకు విక్రయిస్తున్నారు. కిలో రాజ్‌మా విత్తనాలను రూ.150 ధరతో వ్యాపారులు అమ్ముతున్నారు. ఎకరం పంటకు సుమారు 30 కిలోల వరకు రాజ్‌మా విత్తనాలు అవసరమవుతాయి. అధిక ధరలతో కొనే ఆర్థిక స్తోమత లేక మారుమూల గ్రామాల గిరిజనులు రాజ్‌మా పంట సాగుకు దూరం కావాల్సిన పరిస్థితి నెలకొంది. విత్తనాలకోసం ఎదురుచూపులు మారుమూల గ్రామాల్లోని రైతులు.. ప్రభుత్వం అందించే రాయితీ రాజ్‌మా విత్తనాలకు ఎదురుచూస్తున్నారు. ఇప్పటికే తమ గ్రామాలకు ఆనుకుని ఉన్న కొండపోడు భూములలో తుప్పలు, డొంకలు తొలగించి విత్తనాలు జల్లేందుకు సిద్ధం చేశారు. సాగుకు పూర్తిస్థాయిలో సమాయత్తం అయినప్పటికీ గిరిజన రైతులకు విత్తనాల సమస్య వేధిస్తోంది. అందని రాజ్‌మా విత్తనాలు గంజాయి సాగుకు దూరంగా ఉన్న గిరిజనులంతా రాజ్‌మా చిక్కుళ్ల సాగుతోనే కొంతవరకు ఆర్థిక అవసరాలు తీర్చుకుంటున్నారు. పెదబయలు మండలం ఇంజరి పంచాయతీలో రాజ్‌మా విత్తనాలకు గిరిజనులంతా తీవ్ర ఇబ్బందులు పడుతున్నారు. రైతులంతా రాజ్‌మా సాగుకు కొండపోడు భూములను సిద్ధం చేసుకున్నారు. సబ్సిడీపై అందించే విత్తనాల కోసం అన్ని గ్రామాల గిరిజనులు ఎదురుచూస్తున్నారు. వ్యవసాయశాఖ సిబ్బందికి ఫోన్లు చేస్తున్నా పట్టించుకోవడం లేదు. –కొర్రా జీవన్‌, గిరిజన రైతు, గబుడుపుట్టు గ్రామం, ఇంజరి పంచాయతి, పెదబయలు మండలం.

మహారాణిపేట: విద్యుత్‌ వినియోగదారుల సమస్యల సత్వర పరిష్కారం కోసం ఏపీఈపీడీసీఎల్‌ ప్రతి సోమవారం నిర్వహిస్తున్న ‘డయల్‌ యువర్‌ ఏపీఈపీడీసీఎల్‌ సీఎండీ’కార్యక్రమానికి వినియోగదారుల నుంచి 56 వినతులు అందాయి. నగరంలోని సంస్థ కార్పొరేట్‌ కార్యాలయంలో నిర్వహించిన ఈ కార్యక్రమంలో వినియోగదారులు వివిధ సమస్యలను ప్రస్తావించారు. ముఖ్యంగా వ్యవసాయ విద్యుత్‌ కనెక్షన్ల మంజూరు, లైన్‌ షిఫ్టింగ్‌, కొత్త విద్యుత్‌ కనెక్షన్లు, విద్యుత్‌ బిల్లులు, పోల్‌ షిఫ్టింగ్‌ తదితర ఫిర్యాదులు, వినతులను నేరుగా సీఎండీ దృష్టికి తీసుకువచ్చారు. వీటిని పరిశీలించి, పరిష్కారానికి తక్షణ చర్యలు తీసుకోవాలని సంబంధిత అధికారులను ఆదేశించారు. వినియోగదారులు విద్యుత్‌ శాఖ టోల్‌ ఫ్రీ నంబర్‌ 1912, లేదా 9493681912 వాట్సాప్‌ నంబర్‌ ద్వారా కూడా తమ విద్యుత్‌ సమస్యలను నివేదించవచ్చన్నారు. కార్యక్రమంలో సీజీఎం పి.సోల్మన్‌రాజు, జనరల్‌ మేనేజర్లు ఎం.ఝాన్సీ, వీవీఎస్‌ఎన్‌వీ ప్రసాద్‌ తదితరులు పాల్గొన్నారు.

సాక్షి,పాడేరు: జిల్లాలోని రెవెన్యూ విభాగాల్లో ప్రజా సేవలను వేగవంతం చేయాలని జాయింట్‌ కలెక్టర్‌ తిరుమణిశ్రీపూజ ఆదేశించారు. కలెక్టరేట్‌లో సోమ వారం రెవెన్యూ అధికారులతో సమావేశం నిర్వహిం చారు. ఈ సందర్భంగా ఆమె మాట్లాడుతూ శాఖాపరమైన పనులు పెండింగ్‌లో లేకుండా ఎప్పటికప్పుడు పూర్తిచేయాలని,సిబ్బంది పనితీరుమెరుగుపడాల న్నా రు. భూముల రీసర్వే ప్రక్రియతో పాటు భూ రికార్డుల ప్రక్షాళనను వేగవంతం చేయాలని ఆదేశించారు. స్థానిక సంస్థల ఎన్నికల సన్నాహాలు, ఓటర్ల జాబితాల సవరణలతో పాటు శాంతి భద్రతల పరిరక్షణ, మెజిస్టీరియల్‌ విచారణ రికార్డుల విధులను సమర్థంగా నిర్వహించాలన్నారు. ఈ–గవర్నెస్‌, సీఎం రిలీఫ్‌ఫండ్‌ సేవలను మరింత సులభతరం చేయాలని సూచించారు. ఆర్‌ఆర్‌యాక్ట్‌ కింద బకాయిల వసూళ్లు, పీజీఆర్‌ఎస్‌ అర్జీలకు ప్రాధాన్యత ఇవ్వాలన్నారు. సెక్షన్‌ సూపరింటెండెంట్లు, సీనియర్‌, జూనియర్‌ అసిస్టెంట్లు విధుల నిర్వహణలో నిర్లక్ష్యం వహిస్తే సహించేది లేదని ఆమె హెచ్చరించారు. సమావేశంలో ఇన్‌చార్జి డీఆర్‌వో లోకేశ్వరరావు,సర్వేఏడీఈశ్వరదొరతదితరులుపాల్గొన్నారు.

చోడవరం: చోడవరం శ్రీ స్వయంభూ విఘ్నేశ్వరస్వామి ఆలయంలో భస్మ సహిత చందన అలంకరణలో కార్యసిద్ధి గణపతిస్వామి భక్తులకు సోమవారం దర్శనమిచ్చారు. వినాయకచవితి నవరాత్రి ఉత్సవాల్లో భాగంగా రోజుకో అలంకరణలో స్వయంభూ విఘ్నేశ్వరస్వామి దర్శన మిస్తున్నారు. 8వ రోజు స్వామివారు భస్మ సహిత చందన అలంకరణలో దర్శనమిచ్చారు. స్వామివారిని మాజీ మంత్రి, వైఎస్సార్‌సీపీ సమన్వయకర్త గుడివాడ అమర్‌నాఽథ్‌ దర్శించుకున్నారు. పెద్దసంఖ్యలో భక్తులు తరలివచ్చారు. స్వామివారికి ప్రత్యేక కుంకుమార్చన, అభిషేకాలు చేశారు. ఆలయ ప్రధాన అర్చకుడు కొడమంచిలి చలపతిరావు ఆధ్వర్యంలో వేదపండితులు ప్రత్యేక పూజలు చేశారు. అనంతరం సా యంత్రం సాంస్కృతిక కార్యక్రమాలు నిర్వహించారు. పీఎస్‌పేటలో శ్రీ లక్ష్మీగణపతి స్వామివారి ని అమర్‌నాథ్‌ దర్శించుకున్నారు. అక్కడ ఆలయ కమిటీ చైర్మన్‌ పుట్రేవు శ్యామ్‌ప్రసాద్‌ ఆధ్వర్యంలో వేదపండితులు అమర్‌నాఽథ్‌కు ఘనస్వాగతం పలికారు. ప్రత్యేక పూజలు నిర్వహించారు.

ఐటీడీఏ పీవో ఆదిత్యవర్మ వెల్లడి పాడేరు: పాడేరు ఐటీడీఏ ఆధ్వర్యంలో నిర్వహిస్తున్న అనంతగిరి, ముంచంగిపుట్టు, కొయ్యూరు మండలాల్లోని హెచ్‌పీసీఎల్‌ పెట్రోల్‌ బంకుల నిర్వహణకు ఔత్సాహిక గిరిజన పారిశ్రామికవేత్తల నుంచి దరఖాస్తులను స్వీకరిస్తున్నట్లు ఐటీడీఏ ప్రాజెక్టు అధికారి ఆదిత్యవర్మ సోమవారం తెలిపారు. జిల్లా పరిధిలోని డిగ్రీ అర్హత కలిగిన స్థానిక గిరిజన గిరిజన యువతీయువకులు దరఖాస్తు చేసుకోవాలన్నారు. లాటరీ తీసి ఎంపిక చేస్తామన్నారు. ఎంపికై న లీజుదారులు పెట్రోల్‌ బంకు నిర్వహణకు పూర్తి పెట్టుబడి పెట్టాలని తెలిపారు. ఐటీడీఏకు పెట్రోల్‌ బంకు అద్దె చెల్లించాల్సి ఉంటుందన్నారు. ఐటీడీఏ నిబంధనల ప్రకారం దరఖాస్తు చేసుకునే అభ్యర్థులు పాడేరు ఐటీడీఏ ప్రాజెక్టు అధికారి పేరిట దరఖాస్తు ఫీజు రూ.5 వేల నగదుతో పాటు రూ.లక్ష డీడీ తీసి ఇవ్వాల్సి ఉంటుందని పేర్కొన్నారు. లాటరీ ద్వారా ఎంపిక కాని అభ్యర్థులకు రూ.లక్ష డీడీ తిరిగి చెల్లిస్తామని చెప్పారు. ఆసక్తి గల గిరిజన అభ్యర్థులు ఈ నెల 21 నుంచి 28వ తేదీ సాయంత్రం 5 గంటల లోపు దరఖాస్తు చేసుకోవాలన్నారు. దరఖాస్తు చేసుకున్న అభ్యర్థులకు అక్టోబర్‌ 1వ తేదీ ఉదయం 11 గంటలకు పాడేరు ఐటీడీఏ కార్యాలయంలో లాటరీ నిర్వహిస్తామన్నారు. మరిన్ని వివరాలకు 9440972048 నంబర్‌లో సంప్రదించాలన్నారు.

సాక్షి, పాడేరు: జిల్లాలో డ్రగ్స్‌ నియంత్రణ, గంజాయి సాగు నిర్మూలన, మహిళల భద్రత, రోడ్డు ప్రమాదాల నివారణపై ప్రత్యేకంగా దృష్టి పెట్టాలని కలెక్టర్‌ టి.నిశాంతి ఆదేశించారు. సోమవారం కలెక్టరేట్‌లో జిల్లా స్థాయి ఎన్‌సీవోఆర్‌డీ సమావేశాన్ని నిర్వహించి, సమీక్షించారు. ఈ సందర్భంగా కలెక్టర్‌ మాట్లాడుతూ త్రిశూల్‌ వ్యూహాన్ని పకడ్బందీగా అమలు చేయాలని, జీరో డ్రగ్స్‌, మహిళలపై అఘాయిత్యాల విషయంలో జీరో టాలరెన్స్‌, జీరో రోడ్డు ప్రమాదాల లక్ష్యంగా పనిచేయాలన్నారు. గంజాయి సాగుపై డ్రోన్లతో నిఘా: ఎస్పీ అమిత్‌ బర్దర్‌ గంజాయి సాగుపై డ్రోన్లు, మానవ వనరులతో నిఘా పెట్టినట్టు ఎస్పీ అమిత్‌ బర్దర్‌ తెలిపారు. గతంలో గుర్తించిన 357 గ్రామాల్లో నిఘా పెంచినట్టు చెప్పారు. జి.మాడుగుల, చింతపల్లి, గూడెం కొత్తవీధి, పెదబయలు, ముంచంగిపుట్టు మండలాల్లో 92 ప్రాంతాల్లో డ్రోన్లు, మానవ వనరులతో తనిఖీ పూర్తయిందని, ఎక్కడా గంజాయి సాగు జరగడం లేదని ఆయన చెప్పారు. చైతన్యం కార్యక్రమంలో గిరిజనులు భాగస్వామ్యమవుతున్నారన్నారు. గంజాయి, డ్రగ్స్‌ రవాణాకు సంబంధించి ఎన్‌డీపీఎస్‌ చట్టం కింద నిరోధక చర్యలు కొనసాగుతున్నాయన్నారు. ఇప్పటివరకు 32 మందిని గుర్తించగా, 15 డిటెన్షన్‌ ఆర్డర్లు అమలు చేశామని, 586 సస్పెక్ట్‌ షీట్లు తెరిచామని ఆయన వివరించారు. మహిళల రక్షణ చర్యలు, రోడ్డు ప్రమాదాల నివారణకు అన్ని చర్యలు తీసుకుంటున్నామన్నారు. ఈ సమావేశంలో జేసీ తిరుమణి శ్రీపూజ, ఐటీడీఏ పీవో ఆదిత్యవర్మ, పలు శాఖల జిల్లా అధికారులు పాల్గొన్నారు.

సాక్షి, విశాఖపట్నం: ఒకనాడు రాష్ట్రంలోని అతిపెద్ద జిల్లా పరిషత్‌లలో ఒకటిగా వెలుగొందిన ఉమ్మడి విశాఖ జెడ్పీ చరిత్ర ముగియనుంది. 1950లో ఆవిర్భవించిన ఈ సంస్థ.. 76 ఏళ్ల ప్రస్థానం అనంతరం మూడు జిల్లాలుగా విడిపోనుంది. ప్రస్తుత పాలకవర్గం గడువు ఈ నెల 24తో ముగియనుండగా.. నేడు జరిగే సర్వసభ్య సమావేశమే ఉమ్మడి విశాఖ జెడ్పీకి చివరిది కానుంది. కొత్త జిల్లాల ప్రాతిపదికన జిల్లా పరిషత్‌లను ఏర్పాటు చేయాలని ప్రభుత్వం నిర్ణయించడంతో విశాఖ, అనకాపల్లి, అల్లూరి సీతారామరాజు జిల్లాలకు జెడ్పీలు ఏర్పడనున్నాయి. నాలుగు మండలాలకే విశాఖ జెడ్పీ ఉమ్మడి విశాఖ జెడ్పీ పరిధిలో గతంలో 39 మండలాలు ఉండేవి. తాజా విభజనతో అనకాపల్లి జెడ్పీ పరిధిలో 24 మండలాలు, అల్లూరి సీతారామరాజు జెడ్పీ పరిధిలో 11 మండలాలు చేరనున్నాయి. విశాఖ జెడ్పీకి మాత్రం భీమిలి, ఆనందపురం, పద్మనాభం, పెందుర్తి మండలాలు మాత్రమే మిగలనుండటంతో.. నాలుగు మండలాలతో రాష్ట్రంలోనే అతిచిన్న జిల్లా పరిషత్‌గా విశాఖ జెడ్పీ ఏర్పడనుంది. 1950లో మొదలు.. 2026లో ముగింపు విశాఖ జిల్లా పరిషత్‌ ప్రస్థానం 1950లో ప్రారంభమైంది. 1959లో సమితులు, తాలూకాలు, జిల్లా బోర్డుల వ్యవస్థగా కొనసాగిన ఈ సంస్థ.. 1983లో మండల, జిల్లా ప్రజా పరిషత్‌లుగా రూపాంతరం చెందింది. 1986లో పూర్తిస్థాయి మండల, జిల్లా ప్రజా పరిషత్‌గా ఏర్పడింది. 2021 సెప్టెంబర్‌ 25న జె. సుభద్ర అధ్యక్షతన ప్రస్తుత పాలకవర్గం కొలువుదీరింది. ఈ పాలకవర్గం గడువు ఈ నెల 24తో ముగియడంతో ఉమ్మడి విశాఖ జెడ్పీకి అధికారికంగా తెరపడనుంది. చివరి చైర్‌పర్సన్‌గా జల్లిపల్లి సుభద్ర నిలవనున్నారు. సిబ్బంది కేటాయింపులోనూ విభజన రాష్ట్రపతి ఉత్తర్వుల మేరకు ఈ నెల 25 నుంచి విభజన ప్రక్రియ అధికారికంగా అమల్లోకి రానుంది. ఈ నేపథ్యంలో అధికారులు, సిబ్బంది కేటాయింపునకు అధికారులు చర్యలు చేపట్టారు. పంచాయతీరాజ్‌ శాఖలో సీనియారిటీ ఆధారంగా బదిలీలు, సిబ్బంది పంపకాలకు రంగం సిద్ధమైంది. ఉమ్మడి జెడ్పీ పరిధిలోని 876 మంది అధికారులు, సిబ్బందిని జిల్లాల వారీగా సర్దుబాటు చేయనున్నారు. అనకాపల్లి జిల్లాకు 60 శాతం, అల్లూరి సీతారామరాజు జిల్లాకు 30 శాతం, విశాఖ జిల్లాకు 10 శాతం చొప్పున కేటాయించనున్నారు. నిధులు, అభివృద్ధిపై సందేహాలు? ఒకప్పుడు 39 మండలాలతో విస్తరించిన ఉమ్మడి విశాఖ జెడ్పీ.. ఇప్పుడు కేవలం నాలుగు మండలాలకే పరిమితం కానుంది. కొత్త జెడ్పీలో చైర్మన్‌, వైస్‌చైర్మన్‌ పదవులతో పాటు పరిమిత సంఖ్యలో సభ్యులతో పాలన సాగనుంది. ఇంత చిన్న పరిధిలో జెడ్పీకి వచ్చే నిధులు, చేపట్టే అభివృద్ధి కార్యక్రమాలపై ఆసక్తి నెలకొంది. ఇదిలా ఉండగా.. భీమిలి, ఆనందపురం, పద్మనాభం, పెందుర్తి మండలాలను జీవీఎంసీలో విలీనం చేసే ప్రతిపాదనలపై ఇటీవల నిర్వహించిన గ్రామసభల్లో పలుచోట్ల ప్రజల నుంచి వ్యతిరేకత వ్యక్తమైంది. ఆయా గ్రామాలు కూడా జీవీఎంసీలో విలీనమైతే విశాఖ జెడ్పీ పరిధి మరింత తగ్గిపోనుంది. ఈ నేపథ్యంలో నిధులు, అభివృద్ధిపై పలు సందేహాలు వ్యక్తమవుతున్నాయి. జెడ్పీ సర్వసభ్య సమావేశం నేడు మహారాణిపేట: జిల్లా ప్రజా పరిషత్‌ సర్వసభ్య సమావేశం మంగళవారం ఉదయం 10.30 గంటలకు స్థానిక జెడ్పీ సమావేశ మందిరంలో నిర్వహించనున్నట్లు జెడ్పీ ముఖ్య కార్యనిర్వహణ అధికారి పి.నారాయణమూర్తి ఒక ప్రకటనలో తెలిపారు. చైర్‌పర్సన్‌ జె.సుభద్ర అధ్యక్షతన సమావేశం జరుగుతుందని పేర్కొన్నారు. ప్రస్తుత పాలకవర్గానికి ఇదే చివరి సమావేశమన్నారు. విశాఖపట్నం, అనకాపల్లి, అల్లూరి సీతారామరాజు జిల్లాలకు చెందిన అన్ని శాఖల అధికారులు పూర్తి నివేదికలతో హాజరు కావాలని సూచించారు. ప్రాదేశిక నియోజకవర్గ సభ్యులు, ఎంపీపీలు, అధికారులు సమావేశానికి హాజరుకావాలని కోరారు.

అర్జీదారుల సమస్యలపై తుమ్మపాల : పీజీఆర్‌ఎస్‌, రెవెన్యూ క్లినిక్‌లకు వచ్చే అర్జీదారుల సమస్యలను అధికారులు వ్యక్తిగతంగా క్షేత్ర స్థాయిలో పర్యటించి అర్జీదారులు సంతృప్తి చెందేలా పరిష్కరించాలని వివిధ శాఖల జిల్లా అధికారులను కలెక్టర్‌ విజయకృష్ణన్‌ ఆదేశించారు. సోమవారం కలెక్టరేట్‌ సమావేశ మందిరంలో నిర్వహించిన పీజీఅర్‌ఎస్‌, రెవెన్యూ క్లినిక్‌ కార్యక్రమంలో ఆమెతో పాటు జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై.సత్యనారాయణరావు ప్రజల నుంచి అర్జీలు స్వీకరించారు. అర్జీల గూర్చి వెంటనే సంబంధిత అదికారులను వివరాలు అడిగి తెలుసుకొని వాటి పరిష్కారానికి సత్వరమే చర్యలు తీసుకోవాలని అధికారులను ఆదేశించారు. ఈ సందర్బంగా కలెక్టర్‌ మాట్లాడుతూ అర్జీదారులు అందజేసిన దరఖాస్తుల పరిష్కారానికి అర్జీదారులతో అధికారులు నేరుగా మాట్లాడాలన్నారు. పరిష్కారం అయ్యే సమస్యలను పరిష్కరించి పరిష్కారం కాని దరఖాస్తుల గూర్చి వారికి అందుకు గల కారణాలు వివరంగా తెలియజేయడం ద్వారా అర్జీలు రీ ఓపెన్‌ కాకుండా నివారించవచ్చని తెలిపారు. అధికారులు క్షేత్ర స్థాయి పర్యటనలు చేయాలన్నారు. ప్రతిశాఖ అధికారి వారి శాఖకు సంబంధించిన అర్జీల పరిష్కార పరిస్థితిని ప్రతిరోజు పర్యవేక్షణ చేసి, గడువులోపల చర్యలు తీసుకోవాలని తెలిపారు. మొత్తం 559 అర్జీలు నమోదు కాగా రెవెన్యూ శాఖ 338, మిగిలినవి వివిధ శాఖల్లో నమోదయ్యాయి. ఈ కార్యక్రమంలో ప్రత్యేక ఉప కలెక్టర్‌ సూర్యలక్ష్మి, జిల్లా ఎకై ్సజ్‌ అధికారి వి.సుధీర్‌, జిల్లా సర్వే, భూ రికార్డుల సహాయ సంచాలకులు గోపాల్‌రాజా, జిల్లా వ్యవసాయ అధికారి ఆశాదేవి, జిల్లా అధికారులు పాల్గొన్నారు రెవెన్యూ రికార్డుల తారుమారుపై ఫిర్యాదు అనకాపల్లి జీవీఎంసీ విలీన గ్రామం రాజుపాలెం సర్వే నెం.176/6లోని 22 సెంట్ల భూమిని ఆన్‌లైన్‌లో తొలగించి ఇతరుల పేరున తారుమారు చేసి భూ కబ్జాకు ప్రయత్నిస్తున్నారని ఎరుకువానిపాలేనికి చెందిన గైపూరి సూరమ్మ అనే వృద్ధుఽరాలు కలెక్టర్‌కు ఫిర్యాదు చేశారు.1996లో ఖాతా నెం.75 పట్టాదారు పాసు పుస్తకం మంజూరు చేశారని, సాగుచేసుకుంటూ ప్రతి ఏటా రైతు భరోసా కూడా వచ్చేదని, ఇటీవల కొందరు వ్యక్తులు రెవెన్యూ సిబ్బందితో కుమ్మక్కె తన భూమిని ఆన్‌లైన్‌లో తొలగించారని, ఇలాంటి అక్రమాలకు పాల్పడిన వారిపై చర్యలు తీసుకోవడంతో పాటు భూమి రికార్డును యథావిధిగా తనకు అప్పగించాలని కోరింది. జనావాసాల నడుమ విద్యుత్‌ ట్రాన్స్‌ఫార్మర్‌ వద్దంటూ నిరసన చోడవరం మండలం దుడ్డుపాలెం గ్రామంలో జనావాసాల మధ్య ఏర్పాటు చేస్తున్న విద్యుత్‌ ట్రాన్స్‌ఫార్మర్‌ను మరోచోటకు మార్చాలంటూ భారత కమ్యూనిస్టు పార్టీ ఆధ్వర్యంలో గ్రామస్తులు కలెక్టరేట్‌ వద్ద నిరసన చేశారు. సీపీఐ జిల్లా సహాయ కార్యదర్శి రెడ్డిపల్లి అప్పలరాజు మాట్లాడుతూ ఊరు మధ్యలో మంచినీరు ట్యాంకు, మంచినీటి కుళాయిలు, స్కూల్‌ పిల్లలు, నివాస గృహాలు, నిరంతరం ప్రజలు సమావేశం అయ్యే ప్రాంతం మధ్య ట్రాన్స్‌ఫార్మర్‌ నిర్మాణం చేపట్టాలని అధికారులు చేసిన ఆలోచనను తక్షణమే వెనక్కు తీసుకుని మరో చోట ఏర్పాటు చేయాలన్నారు. ఇప్పటికే నిర్మించిన ట్రాన్ప్‌ఫార్మర్‌ను దిమ్మను తక్షణమే కోరారు.

పాడేరు: స్థానిక సంస్థల ఎన్నికలు సమీపిస్తున్న తరుణంలో ఇతర పార్టీల నుంచి వైఎస్సార్‌సీపీలోకి చేరికలు కొనసాగుతున్నాయి. తాజాగా పాడేరు నియోజకవర్గంలోని జీకే వీధి మండలం వంచుల పంచాయతీ ఎల్లవరం, వంచుల అద్దెరివీధి గ్రామాలకు చెందిన టీడీపీ సీనియర్‌ కార్యకర్తలు గెమ్మెలి పండన్న, గెమ్మెలి గున్నమ్మ, కంకిపాటి బాలరాజుతో సహా సుమారు 30 మంది కార్యకర్తలు సోమవారం పాడేరు ఎమ్మెల్యే క్యాంప్‌ కార్యాలయంలో వైఎస్సార్‌సీపీలో చేరారు. వీరికి ఎమ్మెల్యే, వైఎస్సార్‌సీపీ జిల్లా అధ్యక్షుడు మత్స్యరాస విశ్వేశ్వరరాజు కండువాలు వేసి పార్టీలోకి సాదరంగా ఆహ్వానించారు. ఈ సందర్భంగా ఎమ్మెల్యే విశ్వేశ్వరరాజు మాట్లాడుతూ రానున్న స్థానిక సంస్థల ఎన్నికల్లో వైఎస్సార్‌సీపీ అభ్యర్థులు, వైఎస్సార్‌సీపీ మద్దతుదారులను జెడ్పీటీసీలు, ఎంపీటీసీలు, సర్పంచ్‌లుగా గెలిపించేందుకు శక్తివంచన లేకుండా కృషి చేయాలన్నారు. పార్టీ అభ్యర్థుల విజయం కోసం, పార్టీ పటిష్టత కోసం పనిచేసే ప్రతి ఒక్కరికీ తగిన గుర్తింపు ఉంటుందని చెప్పారు. కూటమి పార్టీల మోసాలు, అన్యాయాలు, అక్రమాలు, అవినీతిపై గ్రామాల్లో ప్రజలకు తెలియజేయాలని సూచించారు.

● గిరిజనుల్లో విప్లవాత్మక మార్పు ● గత వైఎస్సార్‌సీపీ ప్రభుత్వంలో తీసుకున్న చర్యలే కారణం ● గంజాయి వీడి కాఫీ, రాజ్‌మా వైపు మొగ్గు కొయ్యూరు: ఒకప్పుడు గంజాయి సాగుకు నిలయంగా ఉన్న ఏజెన్సీ ప్రాంతం నేడు దానికి క్రమంగా దూరమవుతోంది. గత వైఎస్సార్‌సీపీ ప్రభుత్వ హయాంలో గంజాయి నిర్మూలనకు కఠిన చర్యలు తీసుకోవడంతో నేడు గిరిజనులు ఎవరూ కూడా గంజాయి సాగు చేయడం లేదు. అప్పట్లో నేరుగా పోలీసులే రంగంలోకి దిగి వందలాది ఎకరాల్లో గంజాయి తోటలను ధ్వంసం చేశారు. సాగు చేస్తే చట్టరీత్యా కఠిన చర్యలు తప్పవని పోలీసులు చేసిన హెచ్చరికలతో గంజాయి పెంపకానికి అడ్డుకట్ట పడింది. కాగా, మారుమూల ప్రాంతాల్లో గంజాయి సాగు పరిస్థితులపై పూర్తి వివరాలు తెలుసుకునేందుకు వీలుగా పోలీసులు డ్రోన్ల ద్వారా ఏరియల్‌ సర్వేలు నిర్వహిస్తున్నారు. – ఒకప్పుడు కొయ్యూరు మండలంలోని బూదరాళ్ల పంచాయతీలోని అనేక గ్రామాలు గంజాయి సాగుకు, తరలింపునకు ప్రధాన కేంద్రాలుగా ఉండేవి. మైదాన ప్రాంతాలకు చెందిన వ్యాపారులు గిరిజనుల నుంచి గంజాయిని కొనుగోలు చేసి తరలించేవారు. అయితే ఇటీవల పోలీసుల దాడులు, నిఘా పెరగడంతో గంజాయి రవాణా చాలావరకు నిలిచిపోయింది. ఒడిశా నుంచి అక్రమంగా రవాణా అవుతున్న గంజాయిని సైతం పోలీసులు తరచూ పట్టుకుంటున్నారు. ఉన్నతాధికారుల ఆదేశాలతో.. మారుమూల గ్రామాల్లో గంజాయి సాగును నిర్ధారించేందుకు డ్రోన్ల ద్వారా ఏరియల్‌ సర్వేలు చేపడుతున్నారు. కొయ్యూరు, చింతపల్లి, గూడెం కొత్తవీధి, జి.మాడుగులతో పాటు ఇతర సరిహద్దు మండలాల్లో ఈ సర్వేలు నిర్వహిస్తున్నారు. అయితే ఈ డ్రోన్ల ద్వారా వచ్చిన చిత్రాలను పరిశీలించగా ఎక్కడా గంజాయి సాగు కావడం లేదని పోలీసులు నిర్ధారించారు. వాణిజ్య పంటల వైపు గిరిజనుల మొగ్గు గడిచిన మూడేళ్లుగా గిరిజన రైతులు గంజాయి సాగును పూర్తిగా వీడి వాణిజ్య పంటలపై దృష్టి సారించారు. బూదరాళ్ల పంచాయతీ పరిధిలో కాఫీ సాగు విస్తీర్ణం పెరిగింది. కొయ్యూరు మండలంలో వాతావరణం అంతగా అనుకూలించకపోవడంతో కాఫీ సాగు తక్కువగా ఉన్నప్పటికీ.. అపరాలు, చోడి, సామ, రాజ్‌మా వంటి ప్రత్యామ్నాయ పంటలను గిరిజనులు అధికంగా పండిస్తున్నారు. దీనివల్ల వారికి సక్రమ మార్గంలో మంచి ఆదాయం సమకూరుతోంది. మరోవైపు ఆపరేషన్‌ వజ్రప్రహార్‌లో భాగంగా పోలీసులు కూడా గిరిజన గ్రామాల్లో అవగాహన కల్పిస్తూ, గంజాయి సాగు వల్ల కలిగే అనర్థాలను వివరిస్తున్నారు.మన్యంలో మత్తు వదిలింది.. సీన్‌ పూర్తిగా రివర్స్‌ అయింది! ఒకప్పుడు గంజాయి సాగుకు కేంద్రంగా ఉన్న కొయ్యూరు ప్రాంతం నేడు పచ్చని ప్రత్యామ్నాయ పంటలతో కళకళలాడుతోంది. డ్రోన్‌ కెమెరాలతో ఏరియల్‌ సర్వేలు చేసినా గంజాయి మొక్క కూడా దొరకనంతగా ఏజెన్సీ వాసులు మార్పు బాట పట్టారు. కష్టించి పండించే కాఫీ, రాజ్‌మా పంటలతోనే తమకు నిజమైన సిరులు కురుస్తున్నాయని గిరిజన రైతులు ఆనందం వ్యక్తం చేస్తున్నారు.

కాంట్రాక్ట్‌ ఉద్యోగులను అడ్డుకుంటున్న పోలీసులుఉద్యోగుల ఆందోళనకు సంఘీభావం తెలియజేస్తున్న జేఏసీ నాయకులుమహారాణిపేట(విశాఖ): కాంట్రాక్ట్‌ ఉద్యోగులను రెగ్యులర్‌ చేయాలని కోరుతూ ఆందోళన చేస్తున్న వైద్య ఆరోగ్యశాఖ కాంట్రాక్ట్‌ ఉద్యోగుల జేఏసీ ఆదివారం సమరభేరి మోగించింది. ఉమ్మడి ఉత్తరాంధ్ర జిల్లాల జోన్‌–1 మహా సమావేశాన్ని టర్నర్‌ సత్రం ఆవరణలో నిర్వహించాలని నిర్ణయించగా, అనుమతులు రద్దు చేసినట్లు పోలీసులు తెలిపారు. అనుమతి లేకుండా సమావేశం నిర్వహించవద్దని సూచించారు. దీంతో సమావేశాన్ని రామాటాకీస్‌ అంబేద్కర్‌ భవన్‌కు మార్చారు. శ్రీకాకుళం, విజయనగరం, పార్వతీపురం మన్యం, విశాఖ, అనకాపల్లి, అల్లూరి జిల్లాలకు చెందిన కాంట్రాక్టు ఉద్యోగులు పెద్ద సంఖ్యలో హాజరయ్యారు. జేఏసీ నాయకులు ఎస్‌.కె.ఆశ, ఎం.సిహెచ్‌ కిశోర్‌రావు, పైడిరాజు ఆధ్వర్యంలో కార్యక్రమం జరిగింది. ఉద్యోగులు చేరుకున్న వెంటనే పోలీసులు అంబేడ్కర్‌ భవన్‌ వద్ద బారికేడ్లు ఏర్పాటు చేశారు. తనిఖీల అనంతరం మాత్రమే లోపలికి అనుమతించారు. డిమాండ్లపై ఉద్యోగుల ఆందోళన పోలీసు ఆంక్షల మధ్య సమావేశం నిర్వహించారు. కాంట్రాక్టు ఉద్యోగులందరినీ తక్షణమే రెగ్యులరైజ్‌ చేయాలని, అప్పటివరకు 100 శాతం గ్రాస్‌ శాలరీ అమలు చేయాలని, ఉద్యోగ భద్రత కల్పించాలని జేఏసీ డిమాండ్‌ చేసింది. అనుమతి లేకుండా ర్యాలీలు, రాస్తారోకోలు నిర్వహించవద్దని పోలీసులు సూచించారు. ఇటీవల సచివాలయం ఉద్యోగుల ఆందోళనల నేపథ్యంలో ముందస్తు జాగ్రత్తగా నిబంధనలు విధించినట్లు తెలిసింది. మధ్యాహ్నానికి సమావేశం ముగిసింది. శాంతియుతంగా సమస్యలను ప్రభుత్వం దృష్టికి తీసుకెళ్లేందుకు కార్యక్రమం చేపడుతుండగా పోలీసుల ఆంక్షలు విధించడం సరికాదని జేఏసీ నాయకులు ఎస్‌.కె.ఆశ, ఎం.సిహెచ్‌ కిశోర్‌రావు, పైడిరాజు అసంతృప్తి వ్యక్తం చేశారు. సమావేశానికి పోలీసుల ఆంక్షలు

● అరకు ఎమ్మెల్యే రేగం మత్స్యలింగం ● వైఎస్సార్‌సీపీలో పలువురి చేరిక పెదబయలు: రాష్ట్రంలో కూటమి ప్రభుత్వంలో చంద్రబాబు నాయుడి పాలన నచ్చకనే టీడీపీతో పాటు ఇతర పార్టీల నాయకులు, కార్యకర్తలు వైఎస్సార్‌సీపీలోకి చేరుతున్నారని అరకు ఎమ్మెల్యే రేగం మత్స్యలింగం తెలిపారు. ఆదివారం పెదబయలు మార్కెట్‌ యార్డులో నిర్వహించిన వైఎస్సార్‌సీపీ విస్తృత స్థాయి సమావేశంలో పలు కుటుంబాలు పార్టీలో చేరాయి. మండలంలోని ఇంజరి పంచాయతీ పరిధిలోని చంపాడు, మాలసీతకోట, సరియాపల్లి గ్రామాలకు చెందిన టీడీపీ నేతలు కిముడు చిట్టిపడాల్‌, గొల్లోరి సత్యనారాయణ, కొర్ర చిన్నారావు, కిల్లో లోకేష్‌లతో పాటు మరో ఆరు కుటుంబాలు ఎమ్మెల్యే మత్స్యలింగం సమక్షంలో వైఎస్సార్‌సీపీలో చేరాయి. వారికి ఎమ్మెల్యే పార్టీ కండువాలు కప్పి సాదరంగా ఆహ్వానించారు. అలాగే పెదబయలు గ్రామానికి చెందిన రిటైర్డ్‌ ఉద్యోగి పెనుమాల రాధాకృష్ణ కూడా వైఎస్సార్‌సీపీ తీర్థం పుచ్చుకున్నారు. ఈ సందర్భంగా ఎమ్మెల్యే మాట్లాడుతూ.. గిరిజన ప్రాంతాల్లో గత ప్రభుత్వ హయాంలో సంక్షేమ పథకాలు నేరుగా అందేవని, కానీ ప్రస్తుత కూటమి పాలనలో సంక్షేమం గిరిజనులకు అందనంత దూరంలో ఉండిపోయిందని విమర్శించారు. అందుకే టీడీపీ సహా ఇతర కూటమి పార్టీల నుంచి చేరికలు రోజురోజుకూ ఊపందుకుంటున్నాయన్నారు. పార్టీలో క్రమశిక్షణతో పనిచేసే ప్రతి ఒక్కరికీ తగిన గుర్తింపు ఉంటుందని హామీ ఇచ్చారు.

పెదబయలు: అరకు నియోజకవర్గంలోని ఆరు మండలాల్లో వైఎస్సార్‌సీపీ ఎంతో బలంగా ఉందని, క్యాడర్‌ అంతా సమష్టిగా పనిచేసి రాబోయే స్థానిక సంస్థల ఎన్నికల్లో అధిక స్థానాల్లో పార్టీ జెండాను ఎగురవేయాలని అరకు ఎమ్మెల్యే రేగం మత్స్యలింగం పిలుపునిచ్చారు. ఆదివారం స్థానిక మార్కెట్‌ యార్డులో మండల పార్టీ అధ్యక్షుడు మజ్జి చంద్రబాబు అధ్యక్షతన వైఎస్సార్‌సీపీ విస్తృత స్థాయి మండల కార్యకర్తల సమావేశం జరిగింది. ఈ సందర్భంగా ఎమ్మెల్యే మాట్లాడుతూ.. పార్టీ కోసం నిష్టతో పనిచేసే ప్రతి ఒక్కరికీ రాబోయే రోజుల్లో తగిన స్థానం, గుర్తింపు లభిస్తాయని చెప్పారు. వ్యక్తుల కంటే పార్టీయే ముఖ్యమని స్పష్టం చేశారు. నాయకులు, కార్యకర్తలు పదవులపై ఆశపడటం సహజమే అయినప్పటికీ అందరికీ ఒకేసారి అవకాశం రాకపోవచ్చని, అవకాశం రాని వారు నిరుత్సాహ పడాల్సిన అవసరం లేదన్నారు. పార్టీ నిర్ణయించిన అభ్యర్థులకు అండగా నిలిచి, పంచాయతీలు, సెగ్మెంట్ల వ్యాప్తంగా విజయం సాధించి పార్టీ జెండాను రెపరెపలాడించాలని కోరారు. కూటమి పాలనపై తీవ్ర విమర్శలు రాష్ట్రంలో కూటమి పాలనలో సూపర్‌ సిక్స్‌ పేరుతో ప్రజలను తీవ్రంగా మోసం చేస్తున్నారని, అన్ని వర్గాల ప్రజలకు హామీలిచ్చి మరిచారని ఎమ్మెల్యే రేగం మత్స్యలింగం మండిపడ్డారు. 18 ఏళ్లు నిండిన ప్రతి మహిళకు నెలకు రూ.1,500 చొప్పున ఇస్తామని చెప్పిన చంద్రబాబు నాయుడు, కాలం గడుస్తున్నా ఆ హామీ ఊసే ఎత్తడం లేదన్నారు. నిరుద్యోగులకు ఉపాధి చూపిస్తామని, లేని పక్షంలో నిరుద్యోగ భృతి ఇస్తామని చెప్పి దగా చేశారని విమర్శించారు. నూతన పింఛన్లు ఇవ్వడంలో ప్రభుత్వం పూర్తిగా విఫలమైందని, కేవలం 9 రోజులు మాత్రమే పోర్టల్‌ తెరచి, కఠిన నిబంధనలు పెట్టి లబ్ధిదారులను తీవ్ర ఇబ్బందులకు గురిచేస్తున్నారని ఆరోపించారు. గతంలో వాలంటీర్లు నేరుగా ఇళ్లకు వచ్చి ధ్రువపత్రాలు తీసుకుని పింఛన్లు, రేషన్‌ సరుకులు అందించేవారని.. నేడు డిపోల వద్ద గంటల తరబడి వేచి చూడాల్సిన పరిస్థితి దాపురించిందన్నారు. కూటమి పాలనపై ప్రజలు విసుగు చెందారని, స్థానిక ఎన్నికల్లో ఓటుతో బుద్ధి చెప్పడానికి సిద్ధంగా ఉన్నారని వ్యాఖ్యానించారు. కార్యకర్తలకు ఐడీ కార్డుల పంపిణీ మండలంలోని 23 గ్రామ పంచాయతీల్లో పనిచేస్తున్న వైఎస్సార్‌సీపీ కార్యకర్తలకు ఎమ్మెల్యే మత్స్యలింగం చేతుల మీదుగా పార్టీ ఐడీ కార్డులను పంపిణీ చేశారు. ఈ ఐడీ కార్డు పొందిన ప్రతి కార్యకర్తకు రూ.2 లక్షల ప్రమాద బీమా సదుపాయం లభిస్తుందని తెలిపారు. ఐడీ కార్డులు రాని వారికి త్వరలోనే నమోదు చేయించి అందిస్తామని హామీ ఇచ్చారు. అనంతరం ఎమ్మెల్యేను మండల పార్టీ నాయకులు శాలువాతో సన్మానించారు. ఈ కార్యక్రమంలో మండల పార్టీ అధ్యక్షుడు మజ్జి చంద్రబాబు, స్థానిక జెడ్పీటీసీ కూడా బొంజుబాబు, గ్రీవెన్స్‌ సెల్‌ అధ్యక్షుడు సందడి కొండబాబు, మాజీ జెడ్పీటీసీ జర్సింగి గంగాభవాని, మాజీ వైస్‌ ఎంపీపీ వంతాల అప్పారావు, నాయకులు వంతాల రామన్న, ధనలక్ష్మి, నవీన్‌, కనకరాజు, కిముడు చిట్టిబాబు, పార్టీ ఉపాధ్యక్షుడు పల్టాసింగి ధనరాజ్‌, మాజీ ఎంపీటీసీలు, మాజీ సర్పంచ్‌లు, బూత్‌ కమిటీ నాయకులు పాల్గొన్నారు. అరకు ఎమ్మెల్యే రేగం మత్స్యలింగం

యలమంచిలి రూరల్‌: అంతవరకూ ఆనందంగా... స్నేహితుల కోలాహలంతో సాగుతున్న ప్రయాణంలో అంతలోనే విషాదం అలుముకుంది. వారాంతంలో సరదాగా స్నేహితులతో కలిసి విశాఖపట్నం నుంచి ప్రకాశం జిల్లా చీరాల బీచ్‌కు లాంగ్‌ రైడ్‌కు వెళ్లిన యువ వ్యాపారి తిరుగు ప్రయాణంలో విశాఖకు వస్తుండగా యలమంచిలి మండలం రేగుపాలెం హైవే కూడలి వద్ద జరిగిన ఘోర రోడ్డు ప్రమాదంలో దుర్మరణం చెందాడు. దీంతో స్నేహితులు, మృతుని కుటుంబ సభ్యులు కన్నీరుమున్నీరయ్యారు. యలమంచిలి రూరల్‌ ఎస్‌ఐ ఉపేంద్ర, స్థానికుల కథనం మేరకు... విశాఖపట్నం కంచరపాలెం ప్రాంతానికి చెందిన దుస్తుల వ్యాపారి పురిపండ నాగ దంతేశ్వర రావు(34).. వీకెండ్‌ కావడంతో తన స్నేహితులు జోసెఫ్‌, మాథ్యూ, రితేష్‌ , మరికొందరితో కలిసి స్పోర్ట్స్‌ బైక్‌లపై లాంగ్‌ రైడ్‌కు చీరాల బీచ్‌కు వెళ్లారు. అక్కడ సరదాగా గడిపిన అనంతరం తిరిగి విశాఖపట్నం ప్రయాణమయ్యారు. ఈ క్రమంలో యలమంచిలి మండలం రేగుపాలెం హైవే కూడలి సమీపానికి వచ్చేసరికి దంతేశ్వరరావు తన ద్విచక్ర వాహనాన్ని ముందు వెళ్తున్న లారీని ఎడమ వైపు నుంచి ఓవర్‌టేక్‌ చేయడానికి ప్రయత్నించాడు. ద్విచక్రవాహనం అదుపుతప్పి లారీ వెనుక చక్రాల కిందకు దూసుకుపోయింది. దంతేశ్వరరావు శరీరంపై నుంచి లారీ వెళ్లడంతో అక్కడికక్కడే దుర్మరణం చెందాడు. అతని శరీర భాగాలు పూర్తిగా నుజ్జు కావడంతో చూసిన వారంతా భయాందోళనకు గురయ్యారు. మరో గంటన్నరలో ఇంటికి చేరుకోవాల్సిన దంతేశ్వరరావు లారీ చక్రాల కింద నలిగి ప్రాణాలు కోల్పోవడంతో స్నేహితులు, కుటుంబ సభ్యులను తీవ్రంగా కలచివేసింది. సరదా కోసం మొదలైన ప్రయాణం రోడ్డు ప్రమాదం రూపంలో మృత్యువు కబళించడంతో విషాదాంతమైంది. ప్రమాద సమాచారం అందుకున్న హైవే పెట్రోలింగ్‌ పోలీసులు, యలమంచిలి రూరల్‌ ఎస్‌ఐ ఉపేంద్ర, సిబ్బందితో ప్రమాద స్థలానికి చేరుకుని లారీ చక్రాల కింద చిక్కుకుపోయిన ద్విచక్రవాహనాన్ని, మృతదేహాన్ని పక్కకు తొలగించి, వాహనాల రాకపోకలకు అంతరాయం లేకుండా చేశారు. మృతదేహాన్ని అంబులెన్సులో అనకాపల్లి ఎన్టీఆర్‌ ఆస్పత్రి మార్చురీకి తరలించారు. మృతుడి సోదరుడు నవీన్‌ ఫిర్యాదు మేరకు కేసు దర్యాప్తు చేస్తున్నట్టు ఎస్‌ఐ తెలిపారు.

సాక్షి, పాడేరు: పట్టణంలోని మెయిన్‌ బజార్‌ పాత ఆసుపత్రి సెంటర్‌లో దసరా ఉత్సవాలను అత్యంత ఘనంగా నిర్వహించేందుకు ఏర్పాట్లు చేస్తున్నారు. వచ్చేనెల 16 నుంచి 21 వరకు ఐదు రోజుల పాటు నిర్వహించే ఈ దసరా ఉత్సవాలకు సంబంధించి నూతన ఉత్సవ కమిటీని ఆదివారం ఏకగ్రీవంగా ఎన్నుకున్నారు. గౌరవ అధ్యక్షులుగా పాడేరు ఎమ్మెల్యే మత్స్యరాస విశ్వేశ్వరరాజు, మాజీ ఎమ్మెల్యే గిడ్డి ఈశ్వరి, జానపద కళలు–సాంస్కృతిక విభాగం చైర్మన్‌ వి. గంగులయ్య, బీజేపీ జిల్లా అధ్యక్షురాలు మఠం శాంతకుమారి, సలహాదారుగా పి. గోవిందరావు వ్యవహరించనున్నారు. ఉత్సవ కమిటీ అధ్యక్షుడిగా వెయ్యాకుల సత్యనారాయణ, ప్రధాన కార్యదర్శులుగా బుద్దా జ్యోతికిరణ్‌, యాదగిరి శ్రీను ఎంపికయ్యారు. ఉపాధ్యక్షులుగా గంగపూజారి శివకుమార్‌, బోనంగి వెంకటరమణ, బిమ్మలపూజారి ఈశ్వరరావు, పూసర్ల గోపి, కూడి వలసంనాయుడు బాధ్యతలు చేపట్టనున్నారు. కార్యదర్శులుగా నవర మోదకొండబాబు, కూడి నాయుడు, సున్నం లక్ష్మణ్‌, వర్తన నీలకంఠం, సమిరెడ్డి తిరుపతిరావులను, కోశాధికారులుగా బూరెడ్డి రామునాయుడు, పచ్చా రవీంద్రలను ఎన్నుకున్నారు. వీరితో పాటు సహాయ కార్యదర్శులు, సభ్యులుగా మరికొంతమందిని కమిటీలోకి ఏకగ్రీవంగా ఎంపిక చేశారు.

కొయ్యూరు: ప్రాసెసింగ్‌ ఫీజు పేరిట డబ్బులు కాజేస్తున్న సైబర్‌ నేరగాళ్ల పట్ల ప్రజలందరూ అప్రమత్తంగా ఉండాలని కొయ్యూరు ఎస్‌ఐ కిషోర్‌ వర్మ సూచించారు. ప్రభుత్వం అమలు చేస్తున్న ’తల్లికి వందనం’ పథకం పేరుతో సైబర్‌ మోసాలకు పాల్పడుతున్నారని తెలిపారు. ఆదివారం ఆయన విలేకరులకు విడుదల చేసిన ఒక ప్రకటనలో ఈ వివరాలను వెల్లడించారు. మోసం చేసే తీరు ఇదే.. తల్లికి వందనం పథకంలో నగదు మంజూరైందని, ఆ నిధులను మీ బ్యాంక్‌ ఖాతాలో జమ చేయాలంటే ప్రాసెసింగ్‌ ఫీజుగా కొంత సొమ్ము చెల్లించాలని సైబర్‌ నేరగాళ్లు నమ్మిస్తున్నారని ఎస్‌ఐ తెలిపారు. వాట్సాప్‌ సందేశాలు లేదా సాధారణ ఫోన్‌ కాల్స్‌ ద్వారా ప్రజలను సంప్రదించి డబ్బులు పంపాలని కోరుతున్నారని, అటువంటి వారి మాటలు నమ్మి ఎవరూ మోసపోవద్దని హెచ్చరించారు. అపరిచితులు పంపే క్యూఆర్‌ కోడ్‌లను ఎట్టిపరిస్థితుల్లోనూ స్కాన్‌ చేయరాదన్నారు. అనుమానాస్పద లింకులు లేదా సందేశాలపై క్లిక్‌ చేయకూడదని సూచించారు. అలా చేస్తే ఖాతాలోని సొమ్ము మొత్తం ఖాళీ అయ్యే ప్రమాదం ఉందన్నారు. యూపీఐ పిన్‌ లేదా ఏటీఎం పిన్‌ వివరాలను ఎవరితోనూ పంచుకోకూడదన్నారు. ఒకవేళ ఎవరైనా అజాగ్రత్తగా ఉండి సైబర్‌ మోసానికి గురై డబ్బులు కోల్పోతే, వెంటనే 1930 ఉచిత సైబర్‌ క్రైమ్‌ హెల్ప్‌లైన్‌ నంబర్‌కు ఫోన్‌ చేసి ఫిర్యాదు చేయాలని ఎస్‌ఐ సూచించారు. అలాగే సైబర్‌ నేరగాళ్లతో జరిపిన సంభాషణల వివరాలు, వారి ఫోన్‌ నంబర్లు, లావాదేవీల స్క్రీన్‌షాట్‌లను ఆధారాలుగా సురక్షితంగా భద్రపరచుకోవాలని స్పష్టం చేశారు.

● పాలసముద్రంలా వ్యూ పాయింట్‌ ● తరలివస్తున్న పర్యాటకులు చింతపల్లి: ఆంధ్ర కాశ్మీర్‌గా గుర్తింపు పొందిన లంబసింగికి పర్యాటకులు పెద్ద ఎత్తున తరలివస్తున్నారు. ఆదివారం చెరువులవేనం వ్యూ పాయింట్‌ వద్ద పర్యాటకుల రాకతో సందడి వాతావరణం నెలకొంది. ఈ ఏడాది అడపాదడపా వర్షాలు కురుస్తుండటంతో మన్యంలో వాతావరణం భిన్నంగా, ఆహ్లాదకరంగా మారింది. దాంతో వారాంతాల్లో (వీకెండ్స్‌లో) పర్యాటకులు ఏజెన్సీకి తరలిరావడం ప్రారంభమైంది. ప్రస్తుతం లంబసింగి ప్రాంతంలో ఉదయం వేళ దట్టమైన పొగమంచు కురుస్తుండటంతో అప్పుడే పర్యాటక సీజన్‌ ప్రారంభమైందా అనే భావన కలుగుతోంది. లంబసింగి సమీపంలో ఉన్న చెరువులవేనం వ్యూ పాయింట్‌ వద్ద పాలసముద్రాన్ని తలపించే మేఘాల అందాలను వీక్షించేందుకు పర్యాటకులు ఆసక్తి చూపుతున్నారు. అక్కడి ప్రకృతి రమణీయతను ఆస్వాదిస్తూ, సెల్ఫీలు, ఫొటోలు తీసుకుంటూ సందడి చేస్తున్నారు.

మహారాణిపేట(విశాఖ): జిల్లా పరిషత్‌ చైర్‌పర్సన్‌గా నిజాయితీగా పనిచేశానని, ఈ నెల 25 నుంచి పూర్తిస్థాయి రాజకీయ నేతగా మారబోతున్నానని ఉమ్మడి విశాఖ జిల్లా పరిషత్‌ చైర్‌పర్సన్‌ జల్లిపల్లి సుభద్ర స్పష్టం చేశారు. జిల్లా పరిషత్‌ సమావేశ మందిరంలో పంచాయతీరాజ్‌ మినిస్టీరియల్‌ ఉద్యోగుల సంఘం ఆధ్వర్యంలో ఆదివారం ఆమెకు ఆత్మీయ సత్కార సభ నిర్వహించారు. ఈ సందర్భంగా ఆమె మాట్లాడుతూ మాజీ ముఖ్యమంత్రి వైఎస్‌ జగన్‌మోహన్‌రెడ్డి తనకు కల్పించిన అవకాశాన్ని ఐదేళ్లపాటు సద్వినియోగం చేసుకున్నానని తెలిపారు. రాజకీయాల్లో ఓనమాలు కూడా తెలియని తనకు ఉమ్మడి విశాఖ జిల్లా ప్రజలకు సేవ చేసే అవకాశం కల్పించిన జగన్‌మోహన్‌రెడ్డిని జీవితాంతం గుర్తుంచుకుంటానని భావోద్వేగానికి గురయ్యారు. తనకు అండగా నిలిచిన సోదరుడు, కుటుంబ సభ్యులకు కృతజ్ఞతలు తెలిపారు. ఒత్తిళ్లకు లొంగకుండా.. చైర్‌పర్సన్‌గా ఎన్ని ఒత్తిళ్లు వచ్చినా లొంగకుండా.. జిల్లా అధిపతిగా కాకుండా ఉత్తమ అధికారిలా పనిచేయాలనే ఆలోచనతో ముందుకు సాగానన్నారు. అందుకే జెడ్పీ ఉద్యోగులంతా తన కుటుంబ సభ్యులుగా మారారని పేర్కొన్నారు. కోవిడ్‌ తదితర కారణాలతో మృతి చెందిన ఉద్యోగుల కుటుంబాలకు చెందిన 160 మందికి కారుణ్య నియామకాల ద్వారా ఉద్యోగాలు ఇప్పించామన్నారు. తన హయాంలో వివిధ స్థాయిల్లో 195 మందికి పదోన్నతులు కల్పించగలిగామని, కష్టాల్లో ఉన్న ఉద్యోగుల కుటుంబాలకు అండగా నిలిచినందుకు సంతృప్తిగా ఉందన్నారు. పాలనాదక్షతకు చైర్‌పర్సన్‌ నిదర్శనం జెడ్పీ సీఈవో నారాయణమూర్తి మాట్లాడుతూ.. పాలనా దక్షత, నిబద్ధతకు చైర్‌పర్సన్‌ సుభద్ర నిదర్శనమన్నారు. ఉద్యోగులను కుటుంబ సభ్యులుగా చూసుకుంటూనే రాజకీయ ఒత్తిళ్లను అధిగమించి అభివృద్ధికి ప్రాధాన్యమిచ్చారని తెలిపారు. జెడ్పీ చరిత్రలోనే ఉద్యోగులంతా సంతోషంగా గడిపిన కాలం చైర్‌పర్సన్‌ సుభద్ర హయాంలోనేనన్నారు. ఆమెకు మంచి రాజకీయ భవిష్యత్తు ఉండాలని ఆకాంక్షించారు. డిప్యూటీ సీఈవో రాజకుమార్‌, పంచాయతీరాజ్‌ మినిస్టీరియల్‌ ఉద్యోగుల సంఘం జిల్లా అధ్యక్షుడు సత్తిబాబు తదితరులు సుభద్ర సేవలను కొనియాడారు. అనంతరం జల్లిపల్లి సుభద్ర–మూర్తి దంపతులను ఉద్యోగులు గజమాలతో ఘనంగా సన్మానించారు. కార్యక్రమంలో డీడీవో ఉషారాణి, ఎస్‌జీఎస్‌డబ్ల్యూ జిల్లా అధికారి సత్యనారాయణ, సంఘం ప్రధాన కార్యదర్శి సీతారామరాజు, అఖిల భారత గిరిజన ఉద్యోగుల సంఘం అధ్యక్షుడు సోనాయి అప్పలరాజు, ఉద్యోగులు పాల్గొన్నారు.

పాడేరు రూరల్‌: స్థానిక మోదకొండమ్మ అమ్మవారి ఆలయం వద్ద ఆదివారం అన్నసమారాధన నిర్వహించారు. పాడేరు ఎమ్మెల్యే విశ్వేశ్వరరాజు ఆదేశాల మేరకు, స్థానిక పూర్వపు సీఐ దీనబంధు దంపతుల సహకారంతో ఈ కార్యక్రమం జరిగింది. శెలవు దినం కావడంతో వివిధ ప్రాంతాల నుంచి అమ్మవారిని దర్శించుకునేందుకు భక్తులు భారీగా తరలివచ్చారు. గతంలో పాడేరు పోలీస్‌ స్టేషన్‌లో సీఐగా విధులు నిర్వహించిన దీనబంధు ఇటీవల విశాఖపట్నంకు బదిలీ అయ్యారు. ఈ నేపథ్యంలో అమ్మవారికి మొక్కు తీర్చుకునేందుకు ఆయన కుటుంబసమేతంగా ఆదివారం ఆలయానికి వచ్చి దర్శనం చేసుకున్నారు. అనంతరం ఏర్పాటు చేసిన అన్నదాన కార్యక్రమంలో పాల్గొన్నారు. ఈ కార్యక్రమంలో ఆలయ కమిటీ సభ్యులు కోటిబాబు, సతీష్‌, చంద్రమోహన్‌, సూర్యప్రకాష్‌, సత్తిబాబు తదితరులు పాల్గొన్నారు.

కలెక్టర్‌ నిశాంతిపాడేరు: ప్రజా సమస్యల పరిష్కారాన్ని మరింత వేగవంతం, సులభతరం చేసేందుకు జిల్లా యంత్రాంగం ప్రత్యేక చర్యలు చేపట్టింది. ప్రతి శుక్రవారం ఐటీడీఏ కార్యాలయంలో, ప్రతి సోమవారం మండల కేంద్రాల్లో నిర్వహిస్తున్న ప్రజా సమస్యల పరిష్కార వ్యవస్థ (పీజీఆర్‌ఎస్‌) కార్యక్రమానికి ప్రజలు నేరుగా వచ్చేందుకు పడుతున్న ఇబ్బందులను దృష్టిలో ఉంచుకుని పీజీఆర్‌ఎస్‌ క్యూఆర్‌ కోడ్‌ను అందుబాటులోకి తెచ్చినట్లు కలెక్టర్‌ టి. నిశాంతి ఆదివారం ఒక ప్రకటనలో తెలిపారు. జిల్లాలోని సుదూర మారుమూల గ్రామాల నుంచి ప్రజలు ఐటీడీఏ లేదా మండల కేంద్రాలకు వ్యయప్రయాసలకోర్చి రావాల్సిన అవసరం లేకుండా ఈ నూతన విధానాన్ని రూపకల్పన చేసినట్లు చెప్పారు. ఇంటి నుంచే ఆన్‌లైన్‌లో ఫిర్యాదులు ఈ క్యూఆర్‌ కోడ్‌ విధానం ద్వారా గిరిజనులు, ఫిర్యాదుదారులు కార్యాలయాల చుట్టూ తిరగాల్సిన అవసరం ఉండదని కలెక్టర్‌ తెలిపారు. ప్రజలు తమ గ్రామం నుంచే స్మార్ట్‌ఫోన్లను ఉపయోగించి పీజీఆర్‌ఎస్‌ క్యూఆర్‌ కోడ్‌ను స్కాన్‌ చేయడం ద్వారా ఆన్‌లైన్‌లో తమ సమస్యలను సులభంగా నమోదు చేసుకోవచ్చని వివరించారు. అన్ని సచివాలయాల్లో క్యూఆర్‌ కోడ్‌ల ప్రదర్శన సమస్యల నమోదు, పరిష్కార ప్రక్రియను పారదర్శకంగా మార్చేందుకు ఈ పీజీఆర్‌ఎస్‌ క్యూఆర్‌ కోడ్‌లను అన్ని ప్రభుత్వ కార్యాలయాలు, గ్రామ/వార్డు సచివాలయాలు, రద్దీగా ఉండే ముఖ్యమైన ప్రదేశాల్లో ప్రదర్శించేందుకు చర్యలు తీసుకుంటున్నామని కలెక్టర్‌ తెలిపారు. సుదూర ప్రాంతాల నుంచి వచ్చే ఫిర్యాదుదారులు, ప్రజలంతా ఈ ఆన్‌లైన్‌ అవకాశాన్ని సద్వీనియోగం చేసుకోవాలని ఆమె కోరారు.

పెదవాల్తేరు: ఉత్తరాంధ్ర ప్రజల ఇలవేల్పుగా, విశాఖలో ప్రసిద్ధి చెందిన పెదవాల్తేరు కరక చెట్టు పోలమాంబ అమ్మవారి ఆలయ ఆదాయంపై వివాదం నెలకొంది. ఆలయానికి ప్రధాన ఆదాయ వనరైన కల్యాణ మండపం టెండర్‌దారుడు నిబంధనల మేరకు సొమ్ము చెల్లించకుండానే మండపాన్ని నిర్వహిస్తున్నారనే ఆరోపణలు వినిపిస్తున్నాయి. అధికారులు చర్యలు తీసుకోవడంలో జాప్యం చేస్తున్నారని స్థానికులు ఆరోపిస్తున్నారు. రూ.1.60 కోట్లకు టెండర్‌.. చెల్లించింది రూ.45 లక్షలే దేవదాయ శాఖ ఆధ్వర్యంలోని పోలమాంబ ఆలయ కల్యాణ మండపానికి పెళ్లిళ్లు, ఇతర శుభకార్యాలతో పాటు ఎగ్జిబిషన్లు, వివిధ కార్యక్రమాల నిర్వహణకు డిమాండ్‌ ఉంది. మండపం నిర్వహణకు ప్రతి రెండేళ్లకోసారి బహిరంగ వేలం నిర్వహిస్తారు. 2025 జూన్‌లో జరిగిన వేలంలో శ్రీనివాస్‌ అనే వ్యక్తి రెండేళ్ల కాలానికి రూ.1.60 కోట్లకు టెండర్‌ దక్కించుకున్నట్లు సమాచారం. జీఎస్టీతో కలిపి ఈ మొత్తం సుమారు రూ.1.89 కోట్లు వరకు చెల్లించాల్సి ఉంది. నిబంధనల ప్రకారం తొలి ఏడాదిలో మొత్తం టెండర్‌ విలువలో 50 శాతం, అంటే రూ.80 లక్షలు చెల్లించాల్సి ఉంది. మిగతా మొత్తాన్ని రెండో ఏడాదిలో చెల్లించాలి. అయితే 16 నెలలు గడిచినా ఇప్పటివరకు రూ.45 లక్షలు మాత్రమే చెల్లించినట్లు తెలుస్తోంది. 4 నెలల సొమ్ము ఎగ్గొట్టే ఎత్తుగడ? బకాయిలు చెల్లించాలని అధికారులు నోటీసులు పంపించారు. దీంతో టెండర్‌దారుడు తనకు నష్టం వచ్చిందని, తెలియక ఎక్కువగా వేలంపాట పాడానని, ఏడాది లీజు చెల్లించి తప్పుకుంటానని ప్రతిపాదన పెట్టినట్లు తెలుస్తోంది. దీనిపై టీడీపీ నేతలు కూడా అధికారులపై ఒత్తిడి తీసుకువస్తున్నట్లు వార్తలు వినిపిస్తున్నాయి. అయితే 16 నెలలపాటు మండపాన్ని వినియోగించుకుని 12 నెలలకు చెల్లిస్తే ఆలయ ఆదాయానికి నష్టం వాటిల్లుతుందన్న అభిప్రాయాలు వ్యక్తమవుతున్నాయి. తెరవెనుక టీడీపీ నేతలు సాధారణంగా టెండర్‌ నిబంధనలు ఉల్లంఘిస్తే వెంటనే నోటీసులు ఇచ్చి టెండర్‌ రద్దు చేయాలి. కానీ 4 నెలలుగా గడువు దాటినా దేవదాయ శాఖ అధికారులు ఎలాంటి చర్యలు తీసుకోకపోవడం పలు అనుమానాలకు తావిస్తోంది. దీని వెనుక స్థానికంగా ఉన్న కొంతమంది అధికార టీడీపీ నాయకుల హస్తం ఉందని, వారి అండదండలతోనే లీజు మొత్తాన్ని చెల్లించడం లేదన్న వాదనలు ఉన్నాయి. ఆలయ ఆదాయానికి నష్టం వాటిల్లకుండా పెండింగ్‌ బకాయిలు వడ్డీతో సహా వసూలు చేయాలని భక్తులు డిమాండ్‌ చేస్తున్నారు. అక్టోబరు నాటికి ఏడాది బకాయి చెల్లిస్తానన్నారు టెండర్‌కు సంబంధించి ఏడాది కాలానికి చెల్లించాల్సిన బకాయి సొమ్ము చెల్లించాలని శ్రీనివాస్‌కు నోటీసులు ఇచ్చాం. దీనిపై శ్రీనివాస్‌ స్పందిస్తూ.. అక్టోబరు నాటికి ఏడాది కాలం బకాయిలు చెల్లిస్తానని రాతపూర్వకంగా చెప్పారు. ఈ విషయాన్ని ఉన్నతాధికారుల దృష్టికి తీసుకెళతాం. వారి ఆదేశాల మేరకు చర్యలు తీసుకుంటాం –రాజగోపాల్‌రెడ్డి, ఈవో, పోలమాంబ దేవాలయం

● గ్రంథాలయానికి పుస్తకాల వితరణ చింతపల్లి: మండలంలోని చౌడుపల్లి పంచాయతీ కేంద్రంలో ఇటీవల యువత ఆధ్వర్యంలో ఏర్పాటు చేసిన గ్రంథాలయంలో పోటీ పరీక్షలకు సిద్ధమవుతున్న అభ్యర్థులకు పుస్తకాలను వితరణ చేశారు. ఈ ప్రాంతం నుంచి డీఎస్సీ తదితర పోటీ పరీక్షలకు హాజరయ్యే గిరిజన అభ్యర్థులకు ఉపయోగపడేలా, అన్ని సబ్జెక్టులకు సంబంధించిన ప్రామాణిక పుస్తకాలను గ్రామానికి చెందిన బ్యాంక్‌ మేనేజర్‌ యెమ్మిలి శ్రీనివాస్‌ దంపతులు ఆదివారం ఉచితంగా అందజేశారు. గ్రామ పెద్దలు దేపూరి వెంగళయ్య, యెమ్మిలి మధు, గంపరాయి విజయ్‌కుమార్‌ సమక్షంలో గ్రంథాలయ నిర్వాహకుడు ఉగ్రంగి రవిప్రసాద్‌కు ఈ పుస్తకాలను అందించారు. అదేవిధంగా, వర్షపు నీరు లీక్‌ కాకుండా గ్రంథాలయ భవనానికి అవసరమైన మరమ్మతులు చేపట్టేందుకు జిల్లా ఉద్యానశాఖ అధికారి కంఠా బాలకృష్ణ ఆర్థిక సహాయం అందించారని నిర్వాహకులు తెలిపారు. ఈ కార్యక్రమంలో గ్రామ యువత, అభ్యర్థులు పెద్ద సంఖ్యలో పాల్గొన్నారు.

కోటవురట్ల: చినబొడ్డేపల్లి శివారు రెడ్డి కొత్తూరులో కొండపై అక్రమంగా గ్రావెల్‌ తవ్వకాలు చేస్తుండగా పోలీసులు దాడి చేశారు. పొక్లెయిన్‌, గ్రావెల్‌ లోడు ట్రాక్టరును పట్టుకున్నారు. ఎస్‌ఐ విజయ్‌కుమార్‌ తెలిపిన వివరాలివి.. కొండపై అక్రమంగా తవ్వకాలు చేస్తున్నారన్న సమాచారంతో సిబ్బందితో కలిసి దాడి చేశారు. ట్రాక్టరులో గ్రావెల్‌ను లోడింగ్‌ చేస్తుండగా పొక్లెయిన్‌, ట్రాక్టరును స్వాధీనం చేసుకుని పోలీసు స్టేషన్‌కు తరలించారు. దీనిపై కేసు నమోదు చేసి తదుపరి చర్యలు చేపడతామని ఎస్‌ఐ తెలిపారు. ఎవరైనా అక్రమంగా ఇసుక, గ్రావెల్‌, రాయిని తరలిస్తే చట్టపరంగా చర్యలు తీసుకుంటామని హెచ్చరించారు.

● ఏఐఎస్‌ఎఫ్‌ జిల్లా అధ్యక్షుడువంతల కృష్ణ పాడేరు రూరల్‌: గిరిజన సంక్షేమ ఆశ్రమ బాలబాలికల వసతి గృహాల్లో నెలకొన్న సమస్యలను తెలుసుకునేందుకు ఈ నెల 21 నుంచి 30 వరకు ప్రత్యేక సందర్శన కార్యక్రమం చేపడుతున్నట్లు ఏఐఎస్‌ఎఫ్‌ జిల్లా అధ్యక్షుడు వంతల కృష్ణ తెలిపారు. ఆదివారం ఆయన మాట్లాడుతూ.. వసతి గృహాల్లో విద్యార్థులు ఎదుర్కొంటున్న ప్రధాన సమస్యలపై ఏఐఎస్‌ఎఫ్‌ ప్రత్యేక దృష్టి సారిస్తుందన్నారు. రాష్ట్ర ప్రభుత్వం విద్యార్థుల సమస్యలను పూర్తిగా గాలికి వదిలేసిందని ఆయన విమర్శించారు. గిరిజన వసతి గృహాల్లో కనీస మౌలిక సదుపాయాలైన తాగునీరు, మరుగుదొడ్లు, విద్యుత్‌ వంటి వసతులు సరిగా లేవని ఆందోళన వ్యక్తం చేశారు. విద్యార్థులకు అందించాల్సిన భోజనం విషయంలో కూడా సంబంధిత అధికారుల పర్యవేక్షణ లోపించడంతో మెనూ సరిగా అమలు కావడం లేదని, నాణ్యత కరువైందని ఆరోపించారు. ఈ నేపథ్యంలో తామే ప్రత్యక్షంగా వసతి గృహాలకు వెళ్లి విద్యార్థులతో నేరుగా మాట్లాడి వారి సమస్యలను తెలుసుకోనున్నట్లు చెప్పారు. గిరిజన విద్యార్థుల సమస్యల పరిష్కారం కోసం విద్యార్థి సంఘాల నాయకులంతా కలిసికట్టుగా పోరుబాట పట్టాలని పిలుపునిచ్చారు. ఈ కార్యక్రమంలో విద్యార్థి సంఘాల నాయకులు అరుణ్‌, సాయి, ఇసాక్‌, సత్య, మోహన్‌, భాస్కర్‌ తదితరులు పాల్గొన్నారు.

కొయ్యూరు: పాడేరులో ఈనెల 18న నిర్వహించిన జిల్లా స్థాయి జాతీయ సైన్స్‌ సెమినార్‌లో కొయ్యూరు గురుకుల పాఠశాల విద్యార్థి జి.దేశ్వంత్‌ ఉత్తమ ప్రతిభ కనబరిచి రాష్ట్ర స్థాయి పోటీలకు ఎంపికయ్యాడు. తొమ్మిదో తరగతి చదువుతున్న దేశ్వంత్‌.. పాడేరు డీఈఓ భానుమూర్తి రాజు ఆధ్వర్యంలో భారత ఆహార భద్రత (2047) అనే అంశంపై నిర్వహించిన ఈ సెమినార్‌లో పాల్గొని జిల్లా స్థాయిలో ప్రథమ స్థానంలో నిలిచాడు. ఈ సందర్భంగా సెమినార్‌ నిర్వాహకులు దేశ్వంత్‌కు ప్రశంసా పత్రాన్ని అందజేశారు. విద్యార్థి ప్రతిభను ప్రశంసిస్తూ పాఠశాల ప్రిన్సిపాల్‌ నరసింహమూర్తి, ఎంఈఓ సింహచలం మరియు ఉపాధ్యాయులు అతడిని ప్రత్యేకంగా అభినందించారు. రాష్ట్ర స్థాయి పోటీల్లోనూ ఇదే విధమైన ఉత్తమ ప్రతిభ కనబరిచి పాఠశాలకు మంచి పేరు తీసుకురావాలని ఆకాంక్షించారు.

చింతపల్లి: గిరిజన రైతుల అనుమతి లేకుండా, వారు సాగు చేసుకుంటున్న 30 ఎకరాల భూమిని కుంకుమ పువ్వు ప్రాజెక్టుకు కేటాయించడాన్ని తీవ్రంగా వ్యతిరేకిస్తున్నామని గిరిజన సంఘం జిల్లా ప్రధాన కార్యదర్శి సాగిన చిరంజీవి తెలిపారు. ఆదివారం చౌడుపల్లి పంచాయతీ పరిధిలోని చెరువీధి గ్రామంలో ఆదివాసీ రైతులతో కలసి ఆయన నిరసన ఆందోళన కార్యక్రమాన్ని చేపట్టారు. ఈ సందర్భంగా ఆయన మాట్లాడుతూ.. గత 50 ఏళ్లుగా ఈ గ్రామానికి చెందిన 23 ఆదివాసీ కుటుంబాలు ఐటీడీఏకు చెందిన భూమిని సాగు చేసుకుంటూ జీవనం సాగిస్తున్నారని తెలిపారు. ప్రస్తుతం ఈ భూమిలో 20 ఎకరాల్లో వివిధ రకాల పంటలు, మరో 10 ఎకరాల్లో కాఫీ, మిరియాలు సాగు చేస్తున్నారని వివరించారు. ఇప్పుడు ప్రభుత్వం ఈ భూమిని కుంకుమ పువ్వు ప్రాజెక్టుకు కేటాయించడం వల్ల పేద గిరిజన రైతులకు తీవ్ర నష్టం వాటిల్లుతుందని ఆందోళన వ్యక్తం చేశారు. పీసా కమిటీ తీర్మానంపై ఆగ్రహం గ్రామానికి చెందిన గిరిజన రైతుల అభిప్రాయాలను పరిగణనలోకి తీసుకోకుండా, మండల పీసా కమిటీ ఏకపక్షంగా తీర్మానం చేసి అధికారులకు నివేదిక ఇవ్వడాన్ని రైతులు తీవ్రంగా నిరసిస్తున్నారని చిరంజీవి మండిపడ్డారు. సాగు చేసుకుంటున్న రైతులకు ప్రత్యామ్నాయ ఏర్పాట్లు చేసేవరకు ఈ భూ కేటాయింపు ప్రక్రియను వెంటనే నిలిపివేయాలని డిమాండ్‌ చేశారు. రైతులకు అన్యాయం చేసేలా ప్రభుత్వం ముందుకెళ్తే గిరిజనులను సమీకరించి పెద్ద ఎత్తున ఆందోళనలు చేపడతామని హెచ్చరించారు. ఈ కార్యక్రమంలో పీసా కమిటీ కార్యదర్శి జి. అప్పారావు, గిరిజన సంఘం నాయకులు అప్పాలస్వామి, చిరంజీవి, రైతులు గురు, బలరాం, సొన్నుదొర, వంతల సైత్‌, సూరిబాబు, రాజుబాబు, గాసిరాం, సత్యబాబు, మోహన్‌ తదితరులు పాల్గొన్నారు.

ఆంధ్రా కశ్మీర్‌గా పేరొందిన లంబసింగి పరిసరాల్లోని చేరువులవెనం అందాలు ఆకట్టుకుంటున్నా.. అక్కడికి చేరుకోవాలంటే మాత్రం నరకయాతనే. 2 కిలోమీటర్ల ఘాట్‌లో మట్టిరోడ్డుపై ప్రయాణం గిరిజనులు, పర్యాటకులకు నిత్యం సాహస యాత్రే. మంజూరైన పక్కా రోడ్డుకు అటవీ శాఖ అనుమతుల జాప్యం కారణంగా పనులు ముందుకు కదలడం లేదు. సాక్షాత్తూ రాష్ట్ర అటవీ శాఖ మంత్రి, డిప్యూటీ సీఎం పవన్‌ కల్యాణ్‌ రోడ్డు మంజూరు చేస్తే.. ఆ శాఖే కొర్రీలు పెట్టడడం స్థానికంగా చర్చనీయాంశంగా మారింది. పవన్‌ ఇచ్చిన మాటసాక్షి, పాడేరు: చింతపల్లి మండలం లంబసింగి పంచాయతీలోని చేరువులవెనం ఆదివాసీ గ్రామం అద్భుతమైన పర్యాటక కేంద్రంగా పేరుగాంచింది. సముద్ర మట్టానికి సుమారు 2,400 అడుగుల ఎత్తులో ఉన్న ఈ గిరిశిఖర ప్రాంతానికి చేరుకోవాలంటే మాత్రం కష్టసాధ్యమైన ప్రయాణం తప్పదు. రాళ్లతో కూడిన మట్టిరోడ్డులో వాహనాల ప్రయాణం ప్రమాదకరంగా మారింది. స్థానిక గిరిజనులు సుమారు 2 కిలోమీటర్ల ఘాట్‌ను కాలినడకనే దాటుతూ తమ దైనందిన అవసరాలు తీర్చుకుంటున్నారు. పర్యాటకులు మాత్రం వాహనాలను కొండ దిగువన ఉన్న బీమానపల్లి వద్దే నిలిపివేసి కష్టపడి కొండెక్కుతున్నారు. నడవలేని వారు సర్వీస్‌ జీపులపై ప్రమాదకర ప్రయాణం చేయాల్సి వస్తోంది. దీనికి అధిక ఖర్చులు కూడా భారం అవుతున్నాయి. ‘అడవిబాట’లో రోడ్డు మంజూరు చేరువులవెనం ఘాట్‌రోడ్డును తారురోడ్డుగా అభివృద్ధి చేసేందుకు అడవిబాట పథకం కింద రూ.2.80 కోట్లు మంజూరయ్యాయి. డుంబ్రిగుడ మండలంలో డిప్యూటీ సీఎం, అటవీశాఖ మంత్రి పవన్‌ కల్యాణ్‌ శంకుస్థాపన చేసిన రోడ్లలో ఇదీ ఒకటి. అయితే అటవీశాఖ అనుమతుల జాప్యం కారణంగా టెండర్లు పూర్తయ్యినా పనులు ప్రారంభం కాలేదు. గతేడాది నుంచి పనులు నిలిచిపోవడంతో గిరిజనులు ఆందోళన వ్యక్తం చేస్తున్నారు. కలెక్టర్‌, ఐటీడీఏ పీవోలకు పలుమార్లు వినతిపత్రాలు ఇచ్చినా ఫలితం లేకపోయిందని వారు వాపోతున్నారు. ప్రస్తుతం పర్యాటక సీజన్‌ ప్రారంభమవడంతో సందర్శకుల రద్దీ పెరిగినా రోడ్డు దుస్థితి కారణంగా తీవ్ర ఇబ్బందులు ఎదురవుతున్నాయి. పాడేరు ఐటీడీఏ, పంచాయతీరాజ్‌ ఇంజినీరింగ్‌ అధికారులు స్పందించి కనీసం ఘాట్‌లో బండరాళ్ల తొలగింపు, మట్టి చదును పనులు చేపట్టాలని గిరిజనులు డిమాండ్‌ చేస్తున్నారు. వర్షం కురిస్తే నడవడానికీఇబ్బందే.. చేరువులవెనం ఘాట్‌రోడ్డు అభివృద్ధిని ప్రభుత్వం పట్టించుకోవడం లేదు. అటవీ శాఖ అనుమతులు లేవని గత సంవత్సరం నుంచి రోడ్డు పనులు ప్రారంభం కాలేదు. వర్షం వస్తే కాలినడకకు తీవ్ర ఇబ్బందులు పడుతున్నాం. పర్యాటకులు కూడా భయపడుతూనే సర్వీసు జీపుల్లో ప్రయాణిస్తున్నారు. ద్విచక్రవాహన చోదకులు తరచూ జారీ పడుతున్నారు. గత కలెక్టర్‌తో పాటు ప్రస్తుత ఐటీడీఏ పీవోకు అనేక సార్లు వినతిపత్రం అందజేసినా రోడ్డు అభివృద్ధికి నోచుకోలేదు. – పాంగి చంటిబాబు,చేరువులవెనం, చింతపల్లి మండలం డీఆర్‌సీ ఆమోదం చేరువులవెనం రోడ్డు పనులకు ఇటీవల కలెక్టర్‌ అధ్యక్షతన డీఆర్‌సీ ఆమోదం తెలిపింది. అటవీ శాఖ నుంచి అనుమతులు ఇస్తూ నిర్ణయం తీసుకున్నాం. రోడ్డు పనులను ఇంజినీరింగ్‌ శాఖలు చేపట్టాల్సి ఉంటుంది. – నరసింహారావు, డీఎఫ్‌వో, చింతపల్లి అటవీ డివిజన్‌ అందమైన చేరువులవెనం కొండపైకి మట్టిరోడ్డే దిక్కు పక్కా రోడ్డుకు ఏడాదిగాఅటవీ శాఖ కొర్రీ ఆ శాఖ మంత్రి పవన్‌ కల్యాణ్‌ ఆదేశాలూ బేఖాతర్‌ పర్యాటకులు, గిరిజనులకుతప్పని పాట్లు

రావికమతం: మండలంలోని కొత్తకోటలో శనివారం జరిగిన రోడ్డుప్రమాదంలో ఇద్దరు విద్యార్థులు గాయపడ్డారు. కొత్తకోట ఎస్‌ఐ శ్రీనివాస్‌ తెలిపిన వివరాలు ఇలా ఉన్నాయి. కొత్తకోట గ్రామానికి చెందిన బడుగుశెట్టి కార్తీక్‌, కొప్పోజు వీర సత్యరాణి ఉదయం గ్రామంలో హైస్కూల్‌కు వెళుతుండగా, అదే గ్రామానికి చెందిన అద్దిపల్లి ఆర్యకుమార్‌ బైక్‌తో ఢీకొన్నాడు. దీంతో తీవ్రంగా గాయపడిన కార్తీక్‌, సత్యరాణిలను నర్సీపట్నంలో ఆస్పత్రికి తరలించారు. బాధితుల తల్లిదండ్రులు ఫిర్యాదు మేరకు ఆర్య కుమార్‌ను అదుపులోకి తీసుకున్నట్టు ఎస్‌ఐ తెలిపారు.

నక్కపల్లి: తిరుమల లడ్డూలో జంతుకొవ్వు కలవలేదని ఈడీ ఇచ్చిన నివేదిక కూటమి ప్రభుత్వానికి చెంప పెట్టులాంటిదని పాయకరావుపేట నియోజకవర్గం వైఎస్సార్‌ సీసీ సమన్వయకర్త కంబాల జోగులు అన్నారు. శనివారం ఆయన నక్కపల్లిలో విలేకరులతో మాట్లాడుతూ వైఎస్సార్‌సీపీపై నిందలు మోపేందుకు కూటమి ప్రభుత్వం తిరుమల తిరుపతి దేవస్థానాన్ని రాజకీయంగా వాడుకుందని తెలిపారు. కోట్లాదిమంది భక్తులు ఎంతో పవిత్రంగా భావించే తిరుమల లడ్డూలో జంతుకొవ్వు కలిసిందని తప్పుడు ప్రచారం చేసిందన్నారు. విచారణ అనంతరం లడ్డూ తయారీలో జంతువు కొవ్వు కలవలేదని కోర్టుకు ఈడీ నివేదిక సమర్పించిందన్నారు.ఈ నివేదిక చంద్రబాబు నాయుడు ప్రభుత్వానికి చెప్పుదెబ్బలాంటిదన్నారు. జగన్‌మోహన్‌రెడ్డి ప్రభుత్వానికి అప్రతిష్టపాలు చేయాలని దురుద్దేశంతో తప్పుడు ప్రచారం చేశారన్నారు. ఇప్పటికై నా కూటమి నాయకులు, చంద్రబాబు, నారా లోకేష్‌,పవన్‌కల్యాణ్‌ బుద్ధి తెచ్చుకుని, తప్పు ఒప్పుకుని లెంపలు వేసుకోవాలన్నారు. కోట్లాదిమంది వేంకటేశ్వర స్వామిని భక్తులను క్షమాపణ చెప్పాలన్నారు.

● రైతులకు తక్షణమే పరిహారంప్రకటించాలి ● ఎమ్మెల్యే, వైఎస్సార్‌సీపీ జిల్లా అధ్యక్షుడు విశ్వేశ్వరరాజు పాడేరు: అల్లూరి సీతారామరాజు జిల్లాను కరువు జిల్లాగా ప్రకటించి, పంట సాగులో నష్టపోయిన గిరిజన రైతులకు మానవత దృక్పథంతో తగిన పరిహారం అందించి ఆదుకోవాలని పాడేరు ఎమ్మెల్యే, వైఎస్సార్‌సీపీ జిల్లా అధ్యక్షుడు మత్స్యరాస విశ్వేశ్వరరాజు డిమాండ్‌ చేశారు. మండలంలోని డి.గొందూరు గ్రామ పరిసరాల్లో ఎండిపోయిన, బీడువారిన పంట పొలాలను శనివారం ఆయన పరిశీలించారు. ఈ సందర్భంగా పలువురు గిరిజన రైతులు తమ ఆవేదనను వ్యక్తం చేశారు. సకాలంలో వర్షాలు లేకపోవడంతో కొందరు రైతులు వరి సహా ఇతర పంటల సాగుకు దూరమయ్యారని, మరికొందరు సాగు చేసిన పంటలు పూర్తిగా ఎండిపోయి నష్టపోయామని ఎమ్మెల్యే ఎదుట కన్నీటి పర్యంతమయ్యారు. ఎమ్మెల్యే విశ్వేశ్వరరాజు మాట్లాడుతూ రాష్ట్రంలో చంద్రబాబు అధికారంలో ఉన్నప్పుడల్లా రైతులకు కరువు కాటకాలు తప్పడం లేదని ఎద్దేవా చేశారు. ఈ ఏడాది జిల్లా వ్యాప్తంగా రైతులు తీవ్రంగా నష్టపోయారని, తిండి గింజలు కూడా దక్కని పరిస్థితి నెలకొందన్నారు. కరువు పరిస్థితుల్లో గిరిజన రైతులను ఆదుకునేందుకు ప్రభుత్వం కనీస చర్యలు తీసుకోకపోవడం బాధాకరమన్నారు. రైతులు ఇబ్బందులు పడుతున్నా ప్రభుత్వం సమగ్ర సర్వే చేపట్టకపోవడం దారుణమన్నారు. వెంటనే జిల్లా వ్యాప్తంగా సర్వే నిర్వహించి గిరిజన రైతులకు తగిన పరిహారం ప్రకటించాలని, పంట రుణాలను పూర్తిగా మాఫీ చేయాలని డిమాండ్‌ చేశారు. అదేవిధంగా ఉచితంగా బియ్యం, నిత్యావసర సరుకులు అందించాలని కోరారు. ఈ పరిస్థితుల్లో వైఎస్సార్‌సీపీ ప్రభుత్వం అధికారంలో ఉండి ఉంటే రైతుల కష్టాలు తగ్గేవని పేర్కొన్నారు. గిరిజన రైతులను ఆదుకోకపోతే రైతులతో కలిసి పెద్ద ఎత్తున ఆందోళనలు చేపడతామని హెచ్చరించారు. ఈ కార్యక్రమంలో పార్టీ మండల అధ్యక్షుడు సీదరి రాంబాబు, జిల్లా అధికార ప్రతినిధి సురేష్‌కుమార్‌, ఐటీ విభాగం జిల్లా అధ్యక్షుడు సుబ్రమణ్యం, మాజీ సర్పంచ్‌లు వనుగు బసవన్నదొర, సిరగం దశమూర్తి, నాయకులు ముంచంగి రాజం నాయుడు, రామ్‌గోపాల్‌, కళ్యాణ్‌ తదితరులు పాల్గొన్నారు.

అనంతగిరి(సాక్షి, పాడేరు): అనంతగిరి గిరిజన సంక్షేమ బాలికల ఆశ్రమ పాఠశాల–1ను ఎమ్మెల్యే రేగం మత్స్యలింగం శనివారం ఆకస్మికంగా తనిఖీ చేశారు. పాఠశాలలోని వంటగది, కూరగాయల నిల్వ గదిని పరిశీలించారు. విద్యార్థినుల హాజరు, స్టాక్‌ రిజిస్టర్లను క్షుణంగా తనిఖీ చేశారు. వంట గదిని తనిఖీ చేసిన ఎమ్మెల్యే.. విద్యార్థినులకు వండే కూరగాయలు తక్కువగా ఉండడాన్ని గమనించి ప్రశ్నించారు. మెనూ ప్రకారం 57 కిలోల కూరగాయలతో వంటకాలు చేయాల్సి ఉండగా, 15 కిలోలనే వినియోగించడాన్ని గుర్తించి నిలదీశారు. 420 మంది బాలికలకు 15 కిలోల కూరగాయలతో కూరలు వండడం దారుణమని ఎమ్మెల్యే ఆగ్రహం వ్యక్తం చేశారు. పిల్లల పౌష్టికాహారం, ఆరోగ్యంతో చెలగాటం ఆడడం సరికాదని పాఠశాల నిర్వాహకులను హెచ్చరించారు. అనంతరం పాఠశాల సమస్యలపై సమీక్షించారు. ప్రహరీ లేకపోవడంతో బాలికలకు భద్రత సమస్య తలెత్తుతోందని ఉపాధ్యాయులు ఎమ్మెల్యే దృష్టికి తీసుకెళ్లారు. ఇందుకు స్పందించి ఎమ్మెల్యే ఫోన్‌లో కలెక్టర్‌తో మాట్లాడారు. బాలికల సంక్షేమం, భద్రత చర్యలను వెంటనే చేపట్టాలని కోరారు. బాలికల పౌష్టికాహారంపై నిర్లక్ష్యం తగదు అరకు ఎమ్మెల్యే రేగం మత్స్యలింగం ఆగ్రహం అనంతగిరి బాలికల ఆశ్రమ పాఠశాల ఆకస్మిక తనిఖీ

● సాధ్యాసాధ్యాలపై జెన్‌కో అధ్యయనం ● అండర్‌వాటర్‌ డైవింగ్‌ నిపుణులతోపరిశీలన పాఠశాల భవనం పైనుంచి జారిపడిన బాలిక గూడెంకొత్తవీధి: ప్రమాదవశాత్తూ స్థానిక ఆశ్ర మ పాఠశాల భవనం పైనుంచి శనివారం జా రిపడిన విద్యార్థిని రాజేశ్వరికి తీవ్ర గాయాలయ్యాయి. ఆమెను గూడెం నుంచి చింతపల్లి ఆస్ప త్రికి, అక్కడ నుంచి నర్సీపట్నం ఏరియా ఆస్పత్రికి శనివారం తరలించారు. బాలిక దుస్తులు ఆరబెట్టేందుకు భవనంపైకి ఎక్కింది. ప్రమాదవశాత్తు కాలు జారి భవనంపై నుంచి పడిపోయింది. ఆమె నడుముకు గాయం కావడంతో వెంటనే ఆస్పత్రికి తరలించారు. బాలికకు మెరుగైన వై ద్యం అందిస్తామని సంబంధిత అధికారులు తెలిపారు.సీలేరు రెగ్యులేటర్‌ డ్యాం వద్ద స్టాప్‌లాక్‌ గేట్లు?డాబాగార్డెన్స్‌(విశాఖ): ముఖ్యమంత్రి చంద్రబాబు నాయుడు శనివారం విశాఖలో నిర్వహించిన కార్యక్రమాలకు భారీగా ఆర్టీసీ బస్సులను తరలించడంతో సామాన్య ప్రయాణికులు నరకం చూశారు. జన సమీకరణ కోసం జిల్లాలోని వివిధ డిపోల నుంచి దాదాపు 70 శాతం బస్సులను సీఎం సభకు మళ్లించడంతో ప్రజా రవాణా వ్యవస్థ ఒక్కసారిగా స్తంభించింది. ఆర్టీసీ యాజమాన్యం ప్రయాణికుల కోసం ఎలాంటి ప్రత్యామ్నాయ ఏర్పాట్లు చేయకపోవడంతో విద్యార్థులు, ఉద్యోగులు, రైల్వే ప్రయాణికులు తీవ్ర ఇక్కట్లు ఎదుర్కొన్నారు. గంటల తరబడి నిరీక్షణ.. కిక్కిరిసిన ప్రయాణం పాఠశాలలు, కళాశాలలకు వెళ్లే విద్యార్థులు, ఆసుపత్రులకు వెళ్లే రోగులతో పాటు డాక్‌యార్డ్‌, సింధియా, నేవీ తదితర సంస్థలకు వెళ్లే ఉద్యోగులు బస్టాండ్లలో గంటల తరబడి పడిగాపులు కాయాల్సి వచ్చింది. ఎప్పుడో ఒకసారి వచ్చిన కొద్దిపాటి బస్సులన్నీ కిక్కిరిసిపోయాయి. దీంతో ప్రయాణికులు ప్రాణాలను అరచేతిలో పెట్టుకుని ఫుట్‌బోర్డులపై ప్రమాదకరంగా గమ్యస్థానాలకు చేరారు. బస్సులు ఎక్కే క్రమంలో తొక్కిసలాట జరిగి మహిళలు తీవ్ర ఇబ్బందులు పడ్డారు. బస్సు పాసులున్నా ప్రయోజనం లేకుండా పోయిందని పలువురు ఉద్యోగులు వాపోయారు. మరోవైపు సీఎం సభకు వెళ్లిన కొన్ని బస్సులు కేవలం 10, 15 మందితోనే ఖాళీగా దర్శనమివ్వడం పట్ల ప్రజలు మండిపడ్డారు. నిలువునా దోచేసిన ఆటోవాలాలు బస్సులు లేకపోవడాన్ని ఆసరాగా చేసుకున్న ఆటోలు, ప్రైవేట్‌ ట్రావెల్స్‌ నిర్వాహకులు ప్రయాణికుల నుంచి ఇష్టారీతిన చార్జీలు వసూలు చేసి జేబులు గుల్ల చేశారు. ముంబై, హైదరాబాద్‌, చైన్నె, బెంగళూరు తదితర ప్రాంతాల నుంచి విశాఖ రైల్వే స్టేషన్‌లో దిగిన ప్రయాణికులు.. గమ్యస్థానాలకు చేరేందుకు బస్సులు లేక గందరగోళానికి గురయ్యారు. తప్పనిసరి పరిస్థితుల్లో డిమాండ్‌ చేసినంత చెల్లించి ఆటోలను ఆశ్రయించాల్సి వచ్చింది. నెలలో ఇది రెండోసారి రాజకీయ సభల కోసం బస్సులను మళ్లించి సామాన్యులను ఇబ్బంది పెట్టడం షరా మామూలుగా మారిందని ప్రయాణికులు ఆగ్రహం వ్యక్తం చేస్తున్నారు. ఈ నెలలోనే పాయకరావుపేటలో జరిగిన జలహారతి కార్యక్రమానికి, గత నెలలో భోగాపురం విమానాశ్రయం ప్రారంభోత్సవానికి సైతం వందలాది బస్సులను తరలించారు. ప్రతిసారీ ప్రత్యామ్నాయ ఏర్పాట్లు చేయకుండా ఆర్టీసీ యాజమాన్యం తమను రోడ్డున పడేస్తోందని ప్రయాణికులు అసహనం వ్యక్తం చేస్తున్నారు. రాజకీయ సభల కోసం ప్రజా రవాణా వ్యవస్థను స్తంభింపజేయడంపై సర్వత్రా వ్యతిరేకత వ్యక్తమవుతోంది.సీలేరు: రాష్ట్రానికి ప్రధాన విద్యుత్‌ వనరుగా నిలిచిన సీలేరు జలవిద్యుత్‌ కేంద్రం పనితీరును మరింత మెరుగుపరచి, నిరాటంక విద్యుత్‌ ఉత్పత్తికి దోహదం చేసే దిశగా జెన్‌కో అధికారులు కీలక నిర్ణయాలపై ముందడుగు వేస్తున్నారు. రెగ్యులేటర్‌ డ్యాం గేట్ల వద్ద అదనంగా స్టాప్‌లాక్‌ గేట్లు ఏర్పాటు సాధ్యాసాధ్యాలపై ప్రత్యేకంగా అండర్‌వాటర్‌ సర్వే చేపట్టారు. గుంటవాడ జలాశయం నుంచి కేంద్రానికి నీటి సరఫరా చేసే రెగ్యులేటర్‌ డ్యాం వద్ద ఉన్న గేట్ల పనితీరును మెరుగుపరిచే లక్ష్యంతో, అదనంగా స్టాప్‌లాక్‌ గేట్లు ఏర్పాటు చేయడం సాధ్యమా అన్న అంశంపై శనివారం పరిశీలన చేశారు. సుమారు 50 ఏళ్ల క్రితం నిర్మించిన ఈ గేట్లు కొన్ని సందర్భాల్లో సక్రమంగా పనిచేయకపోవడం వల్ల నీటి లీకేజీ సమస్యలు ఎదురవుతున్నాయి. ఈ నేపథ్యంలో ప్రస్తుత ఎనిమిది గేట్లకు ఇరువైపులా స్టాప్‌లాక్‌ గేట్లు ఏర్పాటు చేసి, మధ్యలో ఉన్న గేట్లను అవసరమైనప్పుడు మరమ్మతులు చేసుకునే విధంగా ప్రణాళిక సిద్ధం చేస్తున్నారు. ఈ పనుల సాధ్యతను అంచనా వేయడానికి జెన్‌కో అధికారులు అండర్‌వాటర్‌ డైవింగ్‌ నిపుణులతో కలిసి నీటి అడుగుభాగంలో సర్వే నిర్వహించారు. పాత గేట్ల స్థితిని పరిశీలించి ఫొటోలు సేకరించారు. గేట్లకు అమర్చిన రబ్బర్‌ సీల్స్‌ను మార్చే దిశగా కూడా చర్యలు ప్రారంభించారు. ఈ పరిశీలనలో జెన్‌కో ఏఈఈ సురేష్‌ సహా డైవింగ్‌ బృందం సభ్యులు పాల్గొన్నారు. బాబు సభకు బస్సులు .. జనాలకు తిప్పలు! జన సమీకరణ కోసం 70 శాతం బస్సుల తరలింపు బస్టాండ్లలో గంటల తరబడి పడిగాపులు కాసిన విద్యార్థులు, కార్మికులు కిక్కిరిసిన బస్సులు.. ఫుట్‌బోర్డులపై ప్రమాదకర ప్రయాణాలు ఇదే అదునుగా ప్రయాణికులను దోచుకున్న ఆటోవాలాలు ప్రత్యామ్నాయం ఏదీ?.. నెలలో ఇదిరెండోసారి అంటూ ప్రజల ఆగ్రహం

సింహాచలం: శ్రీ వరాహ లక్ష్మీనృసింహ స్వామికి శనివారం ఆర్జిత సేవలు వైభవంగా జరిగాయి. ఉదయం 7 గంటలకు స్వామివారి ఉత్సవమూర్తులు గోవిందరాజస్వామి, శ్రీదేవి, భూదేవిలను ఆలయ బేడామండపంలో వేదికపై వేంజేపచేసి 100 నామాలతో సహస్రనామార్చన నిర్వహించారు. ఉభయదాతలకు శేషవస్త్రాలు, ప్రసాదం అందజేశారు. శాస్త్రోక్తంగా నిత్యకల్యాణం.. వరాహ లక్ష్మీనృసింహ స్వామికి శనివారం ఉదయం 9.30 గంటల నుంచి నిత్యకల్యాణం శాస్త్రోక్తంగా జరిగింది. ఆలయ బేడా మండపంలో ఉత్సవమూర్తులు గోవిందరాజ స్వామి, శ్రీదేవి, భూదేవిలను వేంజేపచేశారు. విష్వక్సేన పూజ, పుణ్యాహవాచనం, కంకణధారణ, యజ్ఞోపవీతం, జీలకర్రబెళ్లం, మాంగళ్యధారణ, తలంబ్రాలు తదితర ఘట్టాలతో కల్యాణం నిర్వహించారు. ఉభయదాతలకు కల్యాణ అక్షింతలు, ప్రసాదం, శేషవస్త్రం అందజేశారు. ఘనంగా గరుడ సేవ.. సింహాలేశుడికి గరుడ సేవ ఘనంగా జరిగింది. ఆలయ బేడా మండపంలో ఉత్సవమూర్తి గోవిందరాజ స్వామిని వెండి గరుడ వాహనంపై వేంజేపచేశారు. అష్టోత్తర శతనామావళి పూజ చేసి, విశేషంగా హారతులు అందజేశారు. భక్తులను గరుడ వాహనం చుట్టూ ప్రదక్షిణ చేయించారు.

● తాగునీటి సమస్య పరిష్కారానికిరూ.16 లక్షలు ● డ్రైనేజీ సమస్యలపై తక్షణ చర్యలకు ఆదేశం జి.మాడుగుల: మండలంలోని కె.కోడాపల్లి పంచాయతీ బంధవీధి గ్రామంలో కలెక్టర్‌ టి.నిశాంతి శనివారం పర్యటించారు. గిరిజనులు సంప్రదాయ పద్ధతిలో ఆమెకు ఘన స్వాగతం పలికారు. ప్రభుత్వ పశువైద్యశాల వద్ద స్వచ్ఛాంధ్ర–స్వర్ణాంధ్ర కార్యక్రమంలో పాల్గొని, పరిసరాల పరిశుభ్రత, వ్యక్తిగత శుభ్రత ప్రాముఖ్యతపై గ్రామస్తులకు అవగాహన కల్పించారు. అనంతరం మొక్కలు నాటి పర్యావరణ పరిరక్షణలో ప్రతి ఒక్కరూ బాధ్యత వహించాలని సూచించారు. దిగువ బంధవీధిలో ఒక ఇంటి వద్ద గ్రామస్తులతో ఆత్మీయంగా ముచ్చటించిన కలెక్టర్‌, వారి సమస్యలు, సంక్షేమ పథకాల అమలుపై వివరాలు తెలుసుకున్నారు. గ్రామంలో తాగునీటి సమస్య తీవ్రంగా ఉందని గిరిజనులు తెలియజేయడంతో, వెంటనే సంబంధిత అధికారులను పిలిపించి కారణాలు ఆరా తీశారు. గ్రామంలో తాగునీటి సమస్య పరిష్కారానికి రూ.16 లక్షలు మంజూరు చేసి ఆర్‌డబ్ల్యూఎస్‌ ఏఈ నాగభూషణంకు బాధ్యతలు అప్పగించారు. త్వరితగతిన పనులు పూర్తి చేయాలని ఆదేశించారు. ఎన్‌హెచ్‌–516 ఈ పనుల కారణంగా మూడు హ్యాండ్‌పంపులు, ఒక వాటర్‌ట్యాంకు, ఒక బావి తొలగించడంతో సమస్య తలెత్తినట్లు అధికారులు తెలిపారు. త్వరలో టెండర్లు పిలిచి పనులు ప్రారంభిస్తామని చెప్పారు. డ్రైనేజీ సమస్యపై ఆదేశాలు గ్రామంలో డ్రైనేజీ సమస్యను గ్రామస్తులు కలెక్టర్‌ దృష్టికి తీసుకెళ్లగా.. సంబంధిత అధికారులకు తక్షణ చర్యలు తీసుకోవాలని ఆదేశించారు. పరిశుభ్రత, తాగునీరు, పారిశుధ్యం, మౌలిక వసతుల కల్పనకు అన్ని శాఖలు సమన్వయంతో పని చేయాలని సూచించారు. ఈ కార్యక్రమంలో వివిధ శాఖల అధికారులు, ప్రజాప్రతినిధులు పాల్గొన్నారు. శిక్షణతో బోధన నైపుణ్యాల పెంపు బంధవీధి గ్రామంలోని గిరిజన సంక్షేమ బాలికల ఆశ్రమోన్నత పాఠశాలను కలెక్టర్‌ సందర్శించారు. స్కూల్‌ క్లస్టర్‌ కాంప్లెక్స్‌ను పరిశీలించి, ఉపాధ్యాయులకు నిర్వహిస్తున్న శిక్షణ కార్యక్రమాన్ని ప్రారంభించారు. ప్రతి నెల 3, 4వ శనివారాల్లో నిర్వహించే శిక్షణలో భాగంగా ఈ కార్యక్రమం చేపట్టారు. ఉపాధ్యాయులను ఉద్దేశించి ఆమె మాట్లాడుతూ చిన్న వయస్సులో విద్యార్థులకు అందించే విద్య, విలువలు వారి భవిష్యత్తుకు బలమైన పునాది అవుతాయని చెప్పారు. విద్యార్థులు ఉన్నత స్థాయికి ఎదిగినప్పుడు తమ గురువులను తప్పకుండా గుర్తు చేసుకుంటారని తెలిపారు. శత శాతం ఫలితాలకు కృషి ఉపాధ్యాయులు తమ బోధన పద్ధతులను నిరంతరం సమీక్షించుకోవాలని, ఇప్పటికే మంచి ఫలితాలు సాధిస్తున్న వారు మరింత మెరుగైన లక్ష్యాలతో ముందుకు సాగాలని ఆమె సూచించారు. కార్యక్రమంలో జిల్లా రెవెన్యూ అధికారి ఎంవీఎస్‌ లోకేశ్వరరావు, ఆర్డీవో భుజంగరావు, జిల్లా విద్యాశాఖాధికారి, ఇతర అధికారులు, ఉపాధ్యాయులు పాల్గొన్నారు.

యలమంచిలి రూరల్‌: యలమంచిలి పట్టణానికి సమీపంలో అక్రమంగా గ్రావెల్‌ తరలిస్తున్న రెండు ట్రాక్టర్లను శనివారం సీజ్‌ చేసినట్టు తహసీల్దార్‌ కె.వరహాలు తెలిపారు.16వ నంబరు జాతీయ రహదారిపై నుంచి పట్టణంలోని పైవంతెన మీదుగా గ్రావెల్‌ తరలిస్తున్న రెండు ట్రాక్టర్లను గుర్తించిన తహసీల్దార్‌ వాటిని స్వయంగా ఆపి అనుమతులు ఉన్నాయో?లేదో? పరిశీలించారు. అనుమతులు లేకుండా పెదపల్లి సమీపంలో ఒక క్వారీ నుంచి తవ్వకాలు జరిపి తరలిస్తున్నట్టు నిర్థారించారు. వాటిని స్వాధీనం చేసుకున్నారు. రెండు ట్రాక్టర్లు తనవేనని పట్టణంలోని రాంనగర్‌కు చెందిన పడాల శ్రీను తహసీల్దార్‌ను సంప్రదించారు. అక్రమంగా గ్రావెల్‌ తరలిస్తున్నందుకు ఒక్కో ట్రాక్టరుకు రూ.15వేల చొప్పున మొత్తం రూ.30 వేలు జరిమానా విధించినట్టు తహసీల్దార్‌ ‘సాక్షి’కి తెలిపారు.

తాటిచెట్లపాలెం(విశాఖ): పండగల రద్దీ దృష్ట్యా వివిధ మార్గాల్లో ప్రత్యేక రైళ్లను నడుపుతున్నట్లు విశాఖపట్నం డివిజన్‌ అధికారులు తెలిపారు. చర్లపల్లి–సంత్రగచ్చి (07221) వీక్లీ స్పెషల్‌ ఎక్స్‌ప్రెస్‌ ప్రతి శనివారం ఉదయం 5.40 గంటలకు చర్లపల్లిలో బయలుదేరి అదే రోజు రాత్రి 7.33 గంటలకు దువ్వాడకు, మరుసటి రోజు ఉదయం 11 గంటలకు సంత్రగచ్చి చేరుకుంటుంది. ఈ రైలు అక్టోబర్‌ 31 వరకు నడుస్తుంది. తిరుగు ప్రయాణంలో సంత్రగచ్చి–చర్లపల్లి (07222) వీక్లీ స్పెషల్‌ ఎక్స్‌ప్రెస్‌ ప్రతి ఆదివారం మధ్యాహ్నం 12.25 గంటలకు సంత్రగచ్చిలో బయలుదేరి మరుసటి రోజు తెల్లవారుజామున 3.20 గంటలకు దువ్వాడకు, అదే రోజు సాయంత్రం 5.30 గంటలకు చర్లపల్లి చేరుకుంటుంది. ఈ రైలు నవంబర్‌ 1 వరకు నడుస్తుంది. ● ఎస్‌ఎంవీ బెంగళూరు–మాల్డా టౌన్‌ (06565) వీక్లీ స్పెషల్‌ ఎక్స్‌ప్రెస్‌ ప్రతి ఆదివారం రాత్రి 11.40 గంటలకు ఎస్‌ఎంవీ బెంగళూరులో బయలుదేరి మరుసటి రోజు సాయంత్రం 6.13 గంటలకు దువ్వాడకు, మంగళవారం సాయంత్రం 4.35 గంటలకు మాల్డా టౌన్‌ చేరుకుంటుంది. ఈ రైలు నవంబర్‌ 22 వరకు నడుస్తుంది. తిరుగు ప్రయాణంలో మాల్డా టౌన్‌–ఎస్‌ఎంవీ బెంగళూరు (06566) వీక్లీ స్పెషల్‌ ఎక్స్‌ప్రెస్‌ ప్రతి బుధవారం సాయంత్రం 4 గంటలకు మాల్డా టౌన్‌లో బయలుదేరి మరుసటి రోజు మధ్యాహ్నం 3.33 గంటలకు దువ్వాడకు, శుక్రవారం మధ్యాహ్నం 12.45 గంటలకు ఎస్‌ఎంవీ బెంగళూరు చేరుకుంటుంది. ఈ రైలు నవంబర్‌ 25 వరకు నడుస్తుంది.

కశింకోట: స్థానిక ఆర్‌ఈసీఎస్‌ పరిధిలో ఉన్న ఏపీఈపీడీసీఎల్‌ డివిజన్‌లో పనిచేస్తున్న సీపీడబ్ల్యూలకు ప్రభుత్వం నిర్ణయించిన కనీస వేతనాలను అమలు చేయాలని ఏపీ ఎలక్ట్రిసిటీ స్టాప్‌ అండ్‌ వర్కర్స్‌ యూనియన్‌ (ఏఐటీయూసీ అనుబంధం) జిల్లా గౌరవాధ్యక్షుడు రాజాన దొరబాబు డిమాండ్‌ చేశారు. సీపీడబ్ల్యూల సమస్యలపై విశాఖలో ఏపీఈపీడీసీఎల్‌ చైర్మన్‌ అండ్‌ మేనేజింగ్‌ డైరెక్టర్‌(సీఎండీ)పృథ్వీరాజ్‌కు శనివారం వినతి పత్రం అందజేసినట్లు తెలిపారు. సీపీడబ్ల్యూల నైపుణ్యం, అర్హత, పని బాధ్యతలకు అనుగుణంగా కనీస వేతనాలు చెల్లించాల్సి ఉన్నా అమలుచేయడం లేదన్నారు. సమాన పనికి సమాన వేతనం ఇవ్వాలని, సామాజిక భద్రత కల్పించాలని కోరారు. సీఎండీ సానుకూలంగా స్పందించారని తెలిపారు. ఈ కార్యక్రమంలో యూనియన్‌ ప్రతినిధులు బి.ఈశ్వరరావు, బి.రాజ, అప్పలనాయుడు, అచ్చిబాబు, దాడి లీల తదితరులు పాల్గొన్నారు.

అచ్యుతాపురం రూరల్‌: భార్య మందలించిందన్న మనస్తాపంతో పురుగుమందు తాగిన మండలంలోని పెదపాడుకు చెందిన జనపరెడ్డి నాగసూరి (51) మృతి చెందాడు. పోలీసులు తెలిపిన వివరాలు ఇలా ఉన్నాయి. తాగుడుకు అలవాటు పడిన నాగసూరి మూడేళ్లుగా దానికి దూరంగా ఉంటున్నాడు. ఇటీవల మళ్లీ మద్యం సేవించడంతో భార్య మందలించింది. దీంతో మనస్తాపానికి గురై ఈ నెల 11న పురుగు మందు తాగాడు. గమనించిన కుటుంబ సభ్యులు విశాఖ కేజీహెచ్‌కు తరలించారు. అక్కడ చికిత్స పొందుతూ శుక్రవారం మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వెంకటరావు తెలిపారు.

జి.మాడుగుల: స్థానిక పీహెచ్‌సీలో శనివారం డీఎంహెచ్‌వో డాక్టర్‌ రియాజ్‌ బైగ్‌ ఆకస్మికంగా తనిఖీ చేశారు. పీహెచ్‌సీలో మందుల గది, ల్యాబ్‌ టెస్టింగ్‌ గదిని పరిశీలించారు. నెలకు ఎన్ని ప్రసవాలు జరుగుతున్నాయి? ల్యాబ్‌ టెస్ట్‌ల్లో ఎన్ని మలేరియా కేసులు నమోదయ్యాయి? తదితర వివరాలను పీహెచ్‌సీ వైద్యాధికారులు, సిబ్బందిని ఆయన అడిగి తెలుసుకున్నారు. పీహెచ్‌సీ నిర్వహిణ రికార్డులను తనిఖీ చేశారు. పీహెచ్‌సీలో వైద్య సేవలు మెరుగుపడాలని ఆయన సూచించారు. ఈ కార్యక్రమంలో పీహెచ్‌సీ డాక్టర్‌ కిశోర్‌, డాక్టర్‌ ఇందిర, సిబ్బంది పాల్గొన్నారు.

మహారాణిపేట(విశాఖ) : త్వరలో జరగనున్న ఎంపీటీసీ, జెడ్పీటీసీ ఎన్నికలకు సంబంధించి పోలింగ్‌ కేంద్రాల తుది జాబితాను విశాఖ జిల్లా పరిషత్‌ కార్యాలయంలో శనివారం జెడ్పీ సీఈవో పి.నారాయణమూర్తి, డిప్యూటీ సీఈవో కె.రాజ్‌కుమార్‌, జెడ్పీ పర్యవేక్షకుడు మూర్తి ప్రదర్శించారు. ఉమ్మడి విశాఖ జిల్లాల పరిధిలోని 39 మండలాల్లో మొత్తం 2,350 పోలింగ్‌ కేంద్రాలను ఖరారు చేశారు. వీటిలో విశాఖ జిల్లాలో 203, అనకాపల్లి జిల్లాలో 1,530, అల్లూరి సీతారామరాజు జిల్లాలో 617 కేంద్రాలు ఉన్నాయి. జెడ్పీ అధికారులు ఎన్నికల ప్రక్రియను పారదర్శకంగా నిర్వహించేందుకు చర్యలు చేపడుతున్నట్లు జెడ్పీ సీఈవో తెలిపారు.

చోడవరం: విద్యుత్‌ శాఖ అధికారుల తీరుపై గ్రామస్తులు, అఖిల పక్ష పార్టీల నాయకులు తీవ్ర ఆగ్రహం వ్యక్తం చేశారు. మండలంలోని దుడ్డుపాలెంలో జనావాసాల మధ్య తాగునీటి కుళాయి ట్యాంక్‌ పక్కన కొత్తగా విద్యుత్‌ ట్రాన్స్‌ఫార్మర్‌ ఏర్పాటు చేసేందుకు విద్యుత్‌ శాఖ అధికారులు చర్యలు చేపట్టారు. దీనిని స్థానిక వైఎస్సార్‌సీపీ నాయకులతోపాటు గ్రామస్తు లు, జనసేన, కమ్యూనిస్టు పార్టీల నాయకులు తీవ్రంగా వ్యతిరేకిస్తున్నారు.20 రోజుల కిందట గ్రామానికి చెందిన వైఎస్సార్‌సీపీ అధ్యక్షుడు అయితా వెంకట రమణ, తాజా మాజీ సర్పంచ్‌ కూర్మదాసు మాలిబాబు, తాతబాబు ఆధ్వర్యంలో గ్రామస్తులు ఆర్‌ఈసీఎస్‌ అధికారులు, జిల్లా ఉన్నతాధికారులకు ఫిర్యాదు చేశారు. అయినా పట్టించుకోకుండా విద్యుత్‌ శాఖ అధికారులు విద్యుత్‌ ట్రాన్స్‌ఫార్మర్‌ ఏర్పాటుకు సిమెంటు దిమ్మను నిర్మించారు. దీంతో స్థానికులు ఆందోళనకు దిగారు. తాగునీటి కుళాయిల వద్దకు మహిళలు అధిక సంఖ్యలో వస్తారని, ఈ ప్రదేశంలో ప్రమాదకరమైన విద్యుత్‌ ట్రాన్స్‌ఫార్మర్‌ను ఎలా ఏర్పాటు చేస్తారంటూ ప్రశ్నించారు. అయినా అధికారులు స్పందించకపోవడంతో చోడవరం తహసీల్దార్‌ కార్యాలయం వద్ద శనివారం ధర్నా చేశారు. వైఎస్సార్‌సీపీ నాయకులతోపాటు సీపీఐ జిల్లా సంయుక్త కార్యదర్శి రెడ్డిపల్లి అప్పలరాజు, జనసేన నాయకుడు జెర్రిపోతుల నానాజీ మద్దతు పలికారు. జనవాసాలకు సమీపంలో కుళాయిల సముదాయం పక్కన విద్యుత్‌ ట్రాన్స్‌ఫార్మర్‌ ఏర్పాటు చేయవద్దని, విరమించుకోకపోతే ఆందోళన ఉధృతం చేస్తామని హెచ్చరించారు. రాజకీయ కక్షతోనే ఇటువంటి దుశ్చర్యలకు స్థానిక అధికార పార్టీ నాయకులు పాల్పడుతున్నారని, ప్రజా వ్యతిరేక కార్యక్రమాలు చేపడితే సహించమంటూ అఖిలపక్ష పార్టీల నాయకులు, ప్రజలు హెచ్చరించారు. తక్షణం దీనిపై కలెక్టర్‌, స్థానిక ఎమ్మెల్యే స్పందించి ప్రజలకు ఇబ్బంది లేకుండా ఇదే గ్రామంలో వేరొక చోట విద్యుత్‌ ట్రాన్స్‌ఫార్మర్‌ను ఏర్పాటు చేయాలని డిమాండ్‌ చేశారు. దుడ్డుపాలెంలో విద్యుత్‌ ట్రాన్స్‌ఫార్మర్‌ ఏర్పాటుపై నిరసన కుళాయిల పక్కన ట్రాన్స్‌ఫార్మర్‌వద్దంటూ డిమాండ్‌ తహసీల్దార్‌ కార్యాలయం వద్ద ధర్నా

ఎస్‌.రాయవరం: విద్యార్థులకు పుస్తక జ్ఞానంతో పాటు పురాతన నాగరికతపై అవగాహన కల్పించడం అభినందనీయమని అనకాపల్లి జిల్లా ఉప విద్యాశాఖాధికారి పి.అప్పారావు తెలిపారు. శనివారం కొరుప్రోలు ఉన్నత పాఠశాలలో మండల స్థాయి నాణేల ప్రదర్శన ఆకట్టుకుంది. ఇక్కడ హెచ్‌ఎం కె.ప్రసాద్‌ సేకరించిన 60 దేశాలకు సంబంధించి 500 ఏళ్ల క్రితం నాటి నాణేలను ప్రదర్శనలో ఉంచారు. పలు పాఠశాల ఉపాధ్యాయులు, విద్యార్థులు పాల్గొని ప్రదర్శనను తిలకించారు. ఈ సందర్భంగా డిప్యూటీ డీఈవో మాట్లాడుతూ చరిత్ర ఆనవాళ్లకు నాణేలని, వాటి గురించి విద్యార్థులకు చదువుతో పాటు అవగాహన కల్పించడం అభినందనీయమన్నారు.

సాక్షి, పాడేరు/జి.మాడుగుల/సీలేరు: తుపాన్‌ ప్రభావంతో ఏజెన్సీలో శనివారం మధ్యాహ్నం భారీ వర్షం కురిసింది. జిల్లా కేంద్రం పాడేరులో మధ్యాహ్నం ఒంటి గంట నుంచి సుమారు 2 గంటల పాటు కుండపోతగా వర్షం కురవడంతో జనజీవనం స్తంభించిపోయింది. హుకుంపేట వారపుసంతలో చిరువ్యాపారులు, గిరిజనులు తీవ్ర ఇబ్బందులు పడ్డారు. జి.మాడుగులలోను భారీ వర్షం కురిసింది. డుంబ్రిగుడ, అరకులోయ, సీలేరు ప్రాంతాలలో సాయంత్రం వర్షం పడింది. ఖరీఫ్‌ వ్యవసాయ పంటలకు ఈ వర్షాలు మేలు చేస్తాయని గిరిజన రైతులు సంతోషం వ్యక్తం చేస్తున్నారు.

విశాఖ విద్య: ఆంధ్ర విశ్వవిద్యాలయం అభివృద్ధికి రూ. 500 కోట్లు మంజూరు చేస్తామంటూ ఇచ్చిన హామీ గాల్లోనే తేలిపోయింది. ముఖ్యమంత్రి చంద్రబాబు నాయుడు శనివారం మళ్లీ విశాఖకు వచ్చినా, ఏయూ నిధులపై ఎలాంటి ప్రకటనా చేయకపోవడంపై విశ్వవిద్యాలయ విద్యార్థి, ఉపాధ్యాయ, ఉద్యోగ వర్గాలు తీవ్ర విస్మయం వ్యక్తం చేస్తున్నాయి. నాలుగు నెలలైనా కదలని జీవో ఏప్రిల్‌ 27న జరిగిన ఏయూ శతాబ్ది ఉత్సవాల సందర్భంగా వర్సిటీ మౌలిక వసతులు, ఇతర అభివృద్ధి పనుల కోసం రూ. 500 కోట్లు కేటాయిస్తామని సీఎం హామీ ఇచ్చారు. అయితే నాలుగు నెలలు గడిచినా ఆర్థిక శాఖ నుంచి ఎలాంటి జీవో విడుదల కాలేదు. శనివారం ఏయూ ఇంజినీరింగ్‌ కాలేజీ మైదానంలో జరిగిన కార్యక్రమానికి వచ్చిన సీఎం, నిధుల విడుదలపై స్పష్టత ఇస్తారని అంతా ఆశగా ఎదురుచూశారు. కానీ ఆయన ప్రసంగంలో నిధుల ప్రస్తావన తేకపోవడమే కాకుండా, కనీసం ఏయూ వీసీతో కూడా మాట్లాడకపోవడం నిరాశ పరిచింది. ఖజానా ఖాళీ చేస్తున్నారు: నిరుద్యోగ సంఘాల ఆరోపణ సీఎం చెప్పే మాటలకు, చేసే చేతలకు అసలు పొంతన ఉండటం లేదని పలువురు విమర్శిస్తున్నారు. శతాబ్ది వేడుకలకు ప్రభుత్వం ఒక్క రూపాయి కూడా విడుదల చేయకపోవడం దారుణమని నిరుద్యోగ సంఘాల కన్వీనర్‌ డాక్టర్‌ సురేష్‌ మీనన్‌ మండిపడ్డారు. రూ. 500 కోట్ల మాట దేవుడెరుగు, ఉన్న వర్సిటీ ఖజానాపై కన్నేసి ప్రభుత్వ కార్యకలాపాలకు నిధులను మళ్లిస్తున్నారు. ఏయూ నిధులను సర్కారు వినియోగించడం తక్షణమే మానేయాలని ఆయన డిమాండ్‌ చేశారు. ప్రభుత్వ కార్యక్రమానికి రాజకీయ రంగు విద్యాసంస్థల గౌరవాన్ని, పవిత్రతను కాపాడాల్సిన ప్రజాప్రతినిధులే నిబంధనలను విస్మరిస్తున్నారనే విమర్శలు వెల్లువెత్తుతున్నాయి. శనివారం ఏయూ మైదానంలో పేదలకు పట్టాల పంపిణీ కార్యక్రమం పూర్తిగా ప్రభుత్వ పరమైనది. అయినప్పటికీ, ఏయూ ప్రాంగణానికి వెళ్లే మార్గంలో టీడీపీ జెండాలు, తూర్పు నియోజకవర్గ ఎమ్మెల్యే వెలగపూడి రామకృష్ణబాబు, ఆయన కుమారుడి ఫొటోలతో కూడిన ప్లెక్సీలను ఏర్పాటు చేయడంపై విద్యార్థి సంఘాలు తీవ్ర అభ్యంతరం వ్యక్తం చేస్తున్నాయి. ప్రభుత్వ సంక్షేమ కార్యక్రమాలను స్వాగతిస్తున్నామని అయితే ఏయూ మైదానాలను వాడుకుంటున్నందుకు తక్షణమే వర్సిటీకి అద్దెలు చెల్లించాలని డాక్టర్‌ సురేష్‌ మీనన్‌ కోరారు. విద్యాసంస్థల్లో విద్యార్థులకు రాజకీయ మకిలి అంటించకుండా నాయకులు బాధ్యతతో వ్యవహరించాలని, దిగువ స్థాయి కార్యకర్తలకు సీఎం చంద్రబాబు ఈ విషయంలో స్పష్టమైన దిశా నిర్దేశం చేయాలని విజ్ఞప్తి చేశారు.

● ‘సీలేరు’ పరిధిలో రెండేళ్లుగా470 మంది ఎదురుచూపు సీలేరు: కుల ధ్రువీకరణ పత్రాలు మంజూరు చేసి మా పిల్లల భవిష్యత్తును కాపాడండి అంటూ సీలేరుకు చెందిన పలువురు అధికారులను వేడుకుంటున్నారు. కుల ధ్రువీకరణ పత్రాలు ఇవ్వడంలో ప్రస్తుత ప్రభుత్వ అధికారులు నిర్లక్ష్యం చూపడం వల్ల విద్యార్థులు మెరుగైన చదువులకు, ఉద్యోగాలకు దూరమైపోతున్నారని వారు ఆరోపిస్తున్నారు. సీలేరు గ్రామ సచివాలయం పరిధిలో 470 మంది విద్యార్థులు ఇప్పటివరకు కుల ధ్రువీకరణ పత్రాల కోసం రెండేళ్లుగా ఎదురుచూస్తున్నారన్నారు. ధ్రువపత్రాలకోసం కార్యాలయం చుట్టూ తిరుగుతున్నా అధికారులు పట్టించుకోవడం లేదని వారు ఆవేదన వ్యక్తం చేస్తున్నారు.

కశింకోట: ఉన్నత శిఖరాలకు చేరుకోవడానికి సదస్సులు విద్యార్థులకు ఎంతగానో ఉపయోగపడతాయని జిల్లా విద్యాశాఖ అధికారి జి.జి.ఎస్‌.నాగేశ్వరరావు అన్నారు. స్థానిక డీపీఎన్‌ జెడ్పీ హైస్కూలులో శుక్రవారం ‘ఎనర్జీ బాస్కెట్‌ –2047 అనుకూలతలు, ప్రతి కూలతలు’ అనే అంశంపై శుక్రవారం విద్యార్థులతో జిల్లా స్థాయి సదస్సు నిర్వహించారు. 24 మండలాల నుంచి 48 మంది విద్యార్థులు పాల్గొన్నారు. ఈ సందర్భంగా జిల్లా నుంచి ఇద్దరు విద్యార్థులను రాష్ట్ర స్థాయి సదస్సుకు ఎంపిక చేశారు. అనకాపల్లి మండలం ఎ.కోడూరు జెడ్పీ హైస్కూలుకు చెందిన అనకాపల్లి భార్గవి, కశింకోట మండలం తేగాడ మోడల్‌ స్కూలుకి చెందిన గుడాల లిప్సలను ఎంపిక చేశారు. వీరు ఈ నెల 23, 24 తేదీల్లో వియజవాడలో జరిగే సదస్సుల్లో పాల్గొంటారని జిల్లా సైన్స్‌ అధికారి దాడి కాళిదాసు తెలిపారు. ఈ సందర్భంగా డీఈవో మాట్లాడుతూ రాష్ట్ర స్థాయి సదస్సుల్లో పాల్గొని ప్రతిభను కనబరిచి, జిల్లాకు మంచి పేరు తీసుకురావాలని ఆకాంక్షించారు. విద్యార్థుల్లో దాగి ఉన్న ప్రతిభను గుర్తించడానికి ప్రభుత్వం ఇటువంటి సదస్సులను నిర్వహిస్తూ ప్రోత్సహిస్తున్నట్టు చెప్పారు. మండల విద్యా శాఖ అధికారులు రమణశ్రీ, సురేష్‌, ఉపాధ్యాయులు కార్యక్రమంలో పాల్గొన్నారు.

● ఎఫ్‌పీవో సీఈవో హనుమంతరావు జి.మాడుగుల: గిరిజన రైతులు పండిస్తున్న పంటలకు గిట్టుబాటు ధర ఎఫ్‌పీవో కల్పించడం జరుగుతుందని ఎఫ్‌పీవో సీఈవో ఐసరం హనుమంతరావు అన్నారు. మండలంలోని సొలభం సచివాలయం–1లో శుక్రవారం శ్రీ మత్స్యదేవత ఎఫ్‌పీవో ఆధ్వర్యంలో వార్షిక సర్వసభ్య సమావేశం జరిగింది. ఈ సందర్భంగా ఆయన అజెండాను చదివి సభ్యులకు ఆయన వివరించారు. వర్మీకంపోస్ట్‌ పిట్స్‌, సోయిల్‌ టెస్టింగ్‌ కిట్స్‌, నాణ్యమైన చిరుధాన్యాల విత్తనాలు పంపిణీ చేస్తున్నట్లు ఆయన తెలిపారు. గత సమావేశంలోని మినిట్స్‌ను ధృవీకరించి, ఆ నిర్ణయాలపై తీసుకున్న చర్యలను సమీక్షించారు. 2026–27 ఆర్థిక సంవత్సరానికి ఆడిటర్‌ను నియమించడం, వర్తించే నిబంధనల ప్రకారం ఆడిట్‌ ఫీజు ఆమోదం, అవసరమైన చోట బోర్డు ఆఫ్‌ డైరెక్టర్ల ఎన్నిక, పునర్వ్యవస్థీకరణ, ఖాళీ స్థానాలు భర్తీ చేయడం, ఐఐఎంఆర్‌, ఐసీఐసీఐ ఫౌండేషన్‌ ఇచ్చిన మిల్లెట్స్‌ ప్రాసెసింగ్‌ యూనిట్‌పై చర్చ జరిగింది. ప్రతినిధి సర్వసభ్య సమావేశంలో పాల్గొనేందుకు ఎఫ్‌ఐజీ ప్రతినిధులను ధ్రువీకరించడం, 2026–27 ఆర్థిక సంవత్సరానికి సంబంధించి వ్యాపార ప్రణాళికను, దాని ప్రాధాన్యతలు, లక్ష్యాలతో సహా సమీక్షించి ఆమోదించడం, ఉత్పత్తుల సేకరణ, ప్రొసెసింగ్‌, విలువ జోడింపు, బ్రాండింగ్‌, ప్యాకేజింగ్‌, మార్కెటింగ్‌ ద్వారా ఎఫ్‌పీవోను బలోపేతం చేయడం, రైతుల ఆదాయాన్ని పెంచడంపై చర్చించారు. కాఫీ బోర్డు పథకాలు, సబ్సిడీలు, అర్హత కలిగిన పథకాలపై సమీక్ష, తదితర అంశాలపై చర్చించారు.

రావికమతం: రాళ్ల తరలింపు మైనింగ్‌ శాఖ అధికారులు చూసుకుంటారని, వ్యర్థాలు, కాలుష్య అంశాలపై కాలుష్య నియంత్రణ మండలి అధికారులకు నివేదిక పంపుతామని నర్సీపట్నం అసిస్టెంట్‌ జియాలజిస్టు జి. మురళీకృష్ణతెలిపారు. మండలంలో కొమిర రెవెన్యూ పరిధి పంట భూముల్లో గ్రానైట్‌ వ్యర్థాలు, ఇసుక మేటలు తొలగించాలని గిరిజన రైతులు అర్ధనగ్న ప్రదర్శన చేసిన విషయం విదితమే. దీనిపై శుక్రవారం పలు పత్రికల్లో వార్తలు రావడంతో ఇక్కడ క్వారీ ప్రాంతాన్ని ఆయన పరిశీలించారు. ఈ సందర్భంగా గిరిజన రైతులు, సీపీఎం నాయకుడు కే గోవిందరావు మాట్లాడుతూ వి.మాడుగుల మండలం ఊరలోవ రెవెన్యూ పరిధిలో సీతారాం గ్రానైట్‌, గేలాక్సి, జి.కొండపల్లి గ్రానైట్‌క్వారీల నిర్వహణ వల్ల వమ్మలి జగన్నాథపురం గ్రామానికి సీనరేజ్‌ వస్తుందని, రావికమతం మండలంలో కవ్వుగుంట, కొమిర, బుడ్డిబంద గ్రామాల గిరిజన రైతులు మాత్రం నష్టపోతున్నారని వాపోయారు. జీడి తోటల్లో పనులు చేయాలంటే ఏ రాయి వచ్చి పడుతుందోనని భయం వేస్తుందన్నారు. ఈ సమస్య పరిష్కారం కాకపోతే తోటల్లోనే నిరహార దీక్ష చేస్తామని హెచ్చరించారు. కార్యక్రమంలో వ్యవసాయ కార్మిక సంఘం కార్యవర్గ సభ్యురాలు కే భవాని, గిరిజన సంఘం నాయకులు సోలాం రాజిబాబు, చెప్పాడ అప్పారావు, తోకల నూకాలమ్మ, తుర్రె నరసింహమూర్తి, రైతు సంఘం నాయకుడు మల్లు దేవుళ్లు, గిరిజన రైతులు పాల్గొన్నారు. నర్సీపట్నం అసిస్టెంట్‌ జియాలజిస్టు మురళీకృష్ణ

అక్కిరెడ్డిపాలెం (విశాఖ): నకిలీ ఫోన్‌పే యాప్‌ ద్వారా ప్రజలను మోసం చేస్తున్న అంతర్రాష్ట్ర ముఠా గుట్టును గాజువాక క్రైం పోలీసులు రట్టు చేశారు. శుక్రవారం గాజువాక క్రైం విభాగంలో ఏర్పాటు చేసిన విలేకరుల సమావేశంలో అడిషనల్‌ క్రైమ్‌ డీసీపీ ఎన్‌.రమ్య వివరాలు వెల్లడించారు. ఈ నెల 10న బీహెచ్‌పీవీ జంక్షన్‌ ఎస్‌బీఐ ఏటీఎం వద్ద నగదు జమ చేయడానికి వచ్చిన బోరా వెంకటరమణను నిందితుడు బుద్ధ హేమసాయి మోసం చేశాడు. తనకు అత్యవసరంగా నగదు అవసరమని నమ్మించి, ఫోన్‌పే ద్వారా డబ్బులు పంపిస్తానని చెప్పి అతని వద్ద నగదు తీసుకున్నాడు. అనంతరం నకిలీ ఫోన్‌పే, వాట్సాప్‌ స్క్రీన్‌షాట్‌ చూపించి పరారయ్యాడు. ఖాతాలో డబ్బులు జమ కాకపోవడంతో బాధితుడు పోలీసులను ఆశ్రయించాడు. బాధితుడి ఫిర్యాదు మేరకు క్రైమ్‌ సీఐ జీడీ బాబు ప్రత్యేక బృందాలను ఏర్పాటు చేసి దర్యాప్తు చేపట్టారు. సీసీటీవీ ఫుటేజ్‌ ఆధారంగా నిందితుల కదలికలను గుర్తించి, ఈ నెల 17న శ్రీనగర్‌ ఏటీఎం వద్ద నలుగురు నిందితులను అదుపులోకి తీసుకున్నారు. వారి నుంచి ఒక మొబైల్‌ ఫోన్‌, రూ.2,04,500 నగదు స్వాధీనం చేసుకున్నారు. పోస్టల్‌ ఉద్యోగే సూత్రధారి ప్రధాన నిందితుడు బుద్ధ హేమసాయి పాడేరు పోస్టల్‌ డిపార్ట్‌మెంట్‌లో అసిస్టెంట్‌ బ్రాంచ్‌ పోస్ట్‌మాస్టర్‌గా (ఏబీపీఎం) విధులు నిర్వహిస్తున్నాడు. ప్రస్తుతం మెడికల్‌ లీవ్‌లో ఉన్న అతను, సులభంగా డబ్బు సంపాదించాలనే దురాశతో తన స్నేహితులతో కలిసి ఈ మోసాలకు పాల్పడ్డాడు. నకిలీ ఫోన్‌పే యాప్‌లను ఉపయోగించి ఏటీఎంల వద్ద అమాయకులను లక్ష్యంగా చేసుకుని వరుస మోసాలకు పాల్పడుతున్నట్లు తేలింది. నిందితులపై నగరంలో ఇప్పటికే 14 కేసులు ఉన్నట్లు విచారణలో వెల్లడైంది. నిందితులు హేమసాయి, కోరుబిల్లి తరుణ్‌, శరగడం మురారి, జంజాల గౌతమ్‌ గగన్‌ చంద్‌లను అరెస్ట్‌ చేసి రిమాండ్‌కు తరలించారు. మరో నిందితుడు సూరిశెట్టి హేమంత్‌ పరారీలో ఉండగా, అతని కోసం ప్రత్యేక బృందాలు గాలిస్తున్నాయి. ఈ కేసును విజయవంతంగా ఛేదించిన ఏసీపీ వెంకట్రావు, సీఐ జీడీ బాబు, ఎస్‌ఐ హరికృష్ణతో పాటు సిబ్బందిని డీసీపీ అభినందించారు. నలుగురు నిందితుల అరెస్ట్‌,మరో నిందితుడు పరారీ రూ.2.04 లక్షల నగదు,మొబైల్‌ ఫోన్‌ స్వాధీనం పాడేరు పోస్టల్‌ ఉద్యోగే కీలక సూత్రధారి

ఎస్‌.రాయవరం: స్థానిక సంస్థల ఎన్నికల్లో వైఎస్సార్‌సీపీ విజయమే లక్ష్యంగా ప్రతి కార్యకర్త సైనికుడిలా పనిచేయాలని పాయకరావుపేట నియోజకవర్గ సమన్వయకర్త కంబాల జోగులు అన్నారు. జె.వి. పాలెం, వేమగిరి, సైతారుపేటల్లో గ్రామ కమిటీల సభ్యులకు శుక్రవారం ఆయన ఐడీ కార్డు లు పంపిణీ చేశారు. ఈ సందర్భంగా మాట్లాడుతూ గ్రామాల్లో వైఎస్సార్‌సీపీ చాలా బలంగా ఉందన్నారు. స్థానిక ఎన్నికలను సమర్థంగా ఎదుర్కొనేందుకు వైఎస్సార్‌సీపీ సిద్ధంగా ఉందని చెప్పారు. కూటమి నాయకులు ఎన్నికల్లో తప్పుడు హామీలిచ్చి గద్దెనెక్కారని, ఇప్పుడు వాటిని గాలికి వదిలేశారని చెప్పారు. స్థానిక ఎన్నికలను దృష్టిలో ఉంచుకుని కొత్త పింఛన్ల మంజూరుకు దరఖాస్తులు స్వీకరిస్తున్నారని చెప్పారు. రెండేళ్లుగా ఒక్కొక్కరూ ఏడాదికి రూ.48 వేల నుంచి రూ.72 వేల వరకు నష్టపోయారన్నారు. కూటమి పాలనలో ప్రజలు తీవ్ర ఇబ్బందులకు గురవుతున్నారని, ఎంత తొందరగా సాగనంపుదామని ఎదురు చూస్తున్నారన్నారు. వైఎస్సార్‌సీపీ కార్యకర్తలకు తాము నిత్యం అండగా, అందుబాటులో ఉంటామన్నారు. ఈ కార్యక్రమంలో పార్టీ మండల అధ్యక్షుడు ఎస్‌.ఎ.ఎన్‌. మధువర్మ, వైస్‌ ఎంపీపీ చోడిపల్లి అప్పన్న, వైఎస్సార్‌సీపీ నియోజకవర్గ యూత్‌ అధ్యక్షుడు పోచిన నరేష్‌, ఎంపీటీసీ సభ్యుడు శానాపతి రాము, వైఎస్సార్‌ సీపీ నాయకులు కట్టుమూరి చంద్రరావు, లక్కోజు ఆదిమూర్తి, కర్రి కోటేశ్వరరావు, గట్టెం పర్వతాలు, శానాపతి శ్రీరాములు, కర్రి శ్రీనివాసరావు తదితరులు పాల్గొన్నారు. సమన్వయకర్త కంబాల జోగులు

కోటవురట్ల: తంగేడు రాజుల ఇంట విషాదం చోటుచేసుకుంది. డీసీసీబీ మాజీ చైర్మన్‌ ఆర్‌. ఎస్‌.రామచంద్రరాజు తనయుడు, వైఎస్సార్‌ సీపీ యువ నాయకుడు ఆర్‌.ఎస్‌.విజయ్‌బాబు బ్రైన్‌ స్ట్రోక్‌తో హైదరాబాద్‌లో చికిత్స పొందుతూ గురువారం మృతి చెందారు. పిన్న వయస్సులోనే ఆయన మృతి చెందడంతో విషాదఛాయలు అలుముకున్నాయి. పూర్తి స్థాయి రాజకీయ రంగ ప్రవేశంతో ప్రజా సేవ చేయాలన్న ఆయన ఆశయం నెరవేరకముందే ఇలా జరగడంతో అంతా ఆవేదన చెందారు. మృతదేహాన్ని హైదరాబాద్‌ నుంచి స్వగ్రామమైన కోటవుటర్ల మండలం తంగేడుకు శుక్రవారం తీసుకొచ్చారు. మాజీ ఎమ్మెల్సీ, వైఎస్సార్‌సీపీ కాకినాడ పార్లమెంట్‌ పరిశీలకుడు డి.వి.సూర్యనారాయణరాజు దగ్గర ఉండి కార్య క్రమాన్ని జరిపించారు. మాజీ మంత్రి గుడివాడ అమర్‌నాఽథ్‌, వైఎస్సార్‌ సీపీ రాష్ట్ర మహిళా అధ్యక్షురాలు, ఎమ్మెల్సీ వరుదు కల్యాణి, మాజీ ఎమ్మెల్యేలు కరణం ధర్మశ్రీ, కంబాల జోగులు, పెట్ల ఉమాశంకర గణేష్‌, పార్టీ జిల్లా అధ్యక్షుడు బొడ్డేడ ప్రసాద్‌, పార్టీ రాష్ట్ర కార్యదర్శి వీసం రామకృష్ణ, పార్టీ నియోజకవర్గ పరిశీలకుడు దిలీప్‌కుమార్‌, మండల అధ్యక్షుడు పైల రమేష్‌, టీడీపీ రాష్ట్ర అధ్యక్షుడు, ఎమ్మెల్యే పల్లా శ్రీనివాసరావు, వివిధ పార్టీల నాయకులు, అభిమానులు భౌతికకాయం వద్ద ఘనంగా నివాళులర్పించి, కుటుంబ సభ్యులు ధైర్యం చెప్పారు.

పాడేరు జిల్లాలో పేద గిరిజనులకు పక్కా ఇళ్ల మంజూరు ఇప్పటికీ ఒక అందని ద్రాక్షలాగే మిగిలిపోయింది. హౌసింగ్‌ 2.0 పేరుతో ప్రభుత్వం సర్వేలు నిర్వహించి ఏడాదిన్నర గడుస్తున్నా, ఒక్క గృహం కూడా మంజూరు చేయకపోవడంపై గిరిజనులు తీవ్ర ఆగ్రహం వ్యక్తం చేస్తున్నారు. ఎన్నికల ముందు ఇచ్చిన హామీలను గాలికొదిలేసి, కూటమి ప్రభుత్వం తమను మోసగిస్తోందని మండిపడుతున్నారు. కనీస వసతులు లేక కూలిపోయే దశలో ఉన్న మట్టిగోడల గుడిసెల్లోనే గిరిజనులు బిక్కుబిక్కుమంటూ కాలం వెళ్లదీస్తున్నారు. అనంతగిరి మండలం బల్లగరువులో గిరిజనులు నివాసం ఉంటున్న గుడిసెలుసాక్షి, పాడేరు: జిల్లాలో పేద గిరిజనులకు పక్కా ఇళ్ల మంజూరు కలగానే మిగిలిపోయింది. పేదల ఇళ్ల సర్వే పూర్తి చేసి ఏడాదిన్నర అవుతున్నా, కూటమి ప్రభుత్వం గిరిజనులకు ఒక్క ఇల్లు కూడా మంజూరు చేయలేదు. హౌసింగ్‌ 2.0 పేరిట గ్రామాల్లో ఇళ్ల మంజూరుకు చేపట్టిన సర్వే కేవలం ఉత్తిదే అంటూ గిరిజనులు కూటమి ప్రభుత్వంపై మండిపడుతున్నారు. ● 2024 సార్వత్రిక ఎన్నికల ముందు ఇళ్లు లేని పేదలకు 2 నుంచి 3 సెంట్ల ఇంటి స్థలాలు, పక్కా గృహాలు మంజూరు చేస్తామని, ప్రతి ఇంటి నిర్మాణానికి రూ.5 లక్షల ఆర్థిక సాయం అందిస్తామని కూటమి ప్రభుత్వం హామీ ఇచ్చింది. అయితే, గిరిజన ప్రాంతాల పేదలను ఆ ప్రభుత్వం పూర్తిగా విస్మరించడం అన్యాయమని గిరిజనులు ఆగ్రహం వ్యక్తం చేస్తున్నారు. కేంద్ర ప్రభుత్వం పీవీటీజీ ఆదివాసీలకు అమలు చేస్తున్న పీఎం జన్‌మన్‌ ఇళ్లు మినహా, కూటమి ప్రభుత్వం మిగిలిన గిరిజన జాతుల పేదలకు ఎలాంటి గృహాలు మంజూరు చేయలేదు. కొత్త ఇళ్ల కోసం దరఖాస్తు చేసుకున్న పేద గిరిజనులంతా ప్రభుత్వ తీరును ఎండగడుతున్నారు. జిల్లాలో 56,491 పేద కుటుంబాల సర్వే జిల్లాలోని ఇళ్లు లేని వివిధ గిరిజన తెగల కుటుంబాలపై కూటమి ప్రభుత్వం 2.0 పేరిట సర్వే చేపట్టింది. పీఎంఏవై ఇళ్లు మంజూరు చేసే లక్ష్యంతో ఇళ్లు లేని 56,491 పేద గిరిజన కుటుంబాలను గృహనిర్మాణ సంస్థ, ఇతర అధికారులు ఈ సర్వేలో గుర్తించారు. అయితే, ప్రభుత్వం మాత్రం ఇప్పటివరకు ఆ సర్వే ఆధారంగా ఇళ్లను మంజూరు చేయలేదు. పీఎంఏవై ఇళ్లు మంజూరు చేయాలని కోరుతూ పేద గిరిజనులు సమర్పించిన దరఖాస్తులను అధికారులు పట్టించుకోలేదు. దయనీయంగా నివాసాలు జిల్లా వ్యాప్తంగా ఇళ్లు లేని పలు జాతుల గిరిజనులు దుర్భర జీవనం సాగిస్తున్నారు. కూలిపోయేందుకు సిద్ధంగా ఉన్న మట్టిగోడల గుడిసెల్లో వారు నివాసం ఉంటున్న తీరు చూసేవారిని ఆవేదనకు గురిచేస్తోంది. అయినప్పటికీ, కూటమి ప్రభుత్వ పాలకుల నుంచి ఎలాంటి స్పందన కరువైంది. ● గత ఏడాది ఉప ముఖ్యమంత్రి పవన్‌ కల్యాణ్‌ సందర్శించిన అనంతగిరి మండలం బల్లగరువులోనూ గిరిజనులు కూలే దశలో ఉన్న గుడిసెల్లోనే నివసిస్తున్నారు. గిరిజనుల మట్టిగోడల ఇళ్ల దుస్థితిని స్వయంగా చూసినప్పటికీ, ఆ మారుమూల గ్రామానికి కూడా ఇప్పటివరకు పక్కా గృహాలు మంజూరు కాలేదు. జిల్లాలోని అన్ని మండలాల్లోనూ ఇదే పరిస్థితి నెలకొంది. పీవీటీజీలు మినహా గిరిశిఖర గ్రామాల్లోని వివిధ జాతుల గిరిజనులంతా పక్కా గృహాలకు నోచుకోక తీవ్ర ఇబ్బందులు పడుతున్నారు. గాలివానల సమయంలో మట్టిగోడల గుడిసెలు, పెంకుల ఇళ్లు కూలిపోయే ప్రమాదం పొంచి ఉన్నప్పటికీ, వేరే దారి లేక ఆయా గిరిజనులు భయంభయంగానే కాలం వెళ్లదీస్తున్నారు. సర్వేలు పూర్తి చేసి ఏడాదిన్నర గడిచినా మంజూరు కాని ఇళ్లు 56,491 మంది పేదల ఎదురుచూపు మట్టిగోడల గుడిసెల్లో భయంభయంగా నివాసం గిరిజనుల పక్కా ఇళ్ల కలలపై నీళ్లు కూటమి ప్రభుత్వం మోసపూరిత వైఖరిపై గిరిజనుల ఆగ్రహం!ఇబ్బందులు పడుతున్నాం గుడిసెల్లో జీవిస్తున్న తమకు పక్కా ఇళ్లు మంజూరు చేయాలని పాలకులను, అధికారులను వేడుకుంటున్నా న్యాయం జరగడం లేదు. ఉప ముఖ్యమంత్రి పవన్‌ కళ్యాణ్‌ గత ఏడాది మా గ్రామం పర్యటన సమయంలో కొత్త ఇళ్లకు సర్వే చేశారు. కానీ ఇప్పటికి ఒక్కరికి కూడా పక్కా ఇల్లు మంజూరు కాలేదు. మట్టిగోడల గుడిసెల్లో కుటుంబాలతో దుర్భర జీవనం సాగిస్తున్నాం. – చింత గంగమ్మ, బల్లగరువు, పినకోట పంచాయతీ, అనంతగిరి మండలం తొందరలోనే ఇళ్లు మంజూరు జిల్లాలో 2.0 సర్వే పూర్తి చేసిన గిరిజన లబ్ధిదారులకు తొందరలోనే పక్కా గృహాలు మంజూరు అవుతాయి. అర్బన్‌ ఏరియాల్లో ప్రభుత్వం ఇళ్ల నిర్మాణాల మంజూరును ప్రారంభించింది. గిరిజన ప్రాంతాల్లోనూ సర్వేలో అర్హులైన అన్ని కుటుంబాలకు ఇళ్ల నిర్మాణాలు చేపడతాం. – బాబునాయక్‌, పీడీ, జిల్లా గృహనిర్మాణసంస్థ

విశాఖ విద్య: ఆంధ్ర విశ్వవిద్యాలయం (ఏయూ) మైదానాల అభివృద్ధిని ఒకప్పుడు కంటిలో నలుసులా చూసి.. పనులపై విష ప్రచారం చేసిన కూటమి నేతలకు.. నేడు అధికారంలోకి వచ్చాక అవే మైదానాలు శరణ్యమయ్యాయి. అప్పట్లో మైదానాల విస్తరణను అడ్డుకోవాలని కుట్రలు పన్నిన నోళ్లే.. ఇప్పుడు అదే విశాలమైన గ్రౌండ్స్‌లో హెలికాప్టర్లతో దిగుతూ.. బహిరంగ సభలు నిర్వహిస్తూ.. ప్రగల్బాలు పలుకుతున్నాయి. గతంలో విశ్వవిద్యాలయ అభివృద్ధిని కక్షపూరితంగా విమర్శించిన ముఖ్యమంత్రి చంద్రబాబు నాయుడు.. నేడు అదే ఏయూ ఇంజనీరింగ్‌ కాలేజీ మైదానం వేదికగా పట్టాల పంపిణీ కార్యక్రమం నిర్వహించడం ఆయన ద్వంద్వ వైఖరికి అద్దం పడుతోంది. విశాలంగా మైదానాలు ఏయూ ప్రధాన మైదానం గతంలో పరిమిత విస్తీర్ణంలో ఉండేది. తుప్పలతో అసాంఘిక కార్యక్రమాలకు అడ్డాగా మారింది. దీంతో 2019–2024 మధ్య మైదానాలను విస్తరించి, వర్సిటీ భూములను రక్షించాలనే ఉద్దేశంతో గత ఏయూ పాలకవర్గం పలు చర్యలు చేపట్టింది. ఇందులో భాగంగా ఏయూ ఇంజినీరింగ్‌ కాలేజీ ప్రధాన మైదానాన్ని 15 ఎకరాల నుంచి 23 ఎకరాలకు విస్తరించారు. 12 ఎకరాల్లో ‘ఊర్జా’ మైదానాన్ని ఏర్పాటు చేశారు. 15.6 ఎకరాల స్థలంలో హెలిప్యాడ్‌ నిర్మించి, దాని పక్కనే పార్కింగ్‌ సదుపాయం కల్పించారు. దీంతో నగరంలో భారీ బహిరంగ సభలతో పాటు హెలికాప్టర్‌ ల్యాండింగ్‌కు అనువైన మైదానం ఏయూలో అందుబాటులోకి వచ్చింది. భూముల రక్షణకు చర్యలు వర్సిటీ భూములను పరిరక్షించడంతో పాటు అందుబాటులో ఉన్న స్థలాలను సద్వినియోగం చేసేలా అప్పటి అధికారులు చర్యలు చేపట్టారు. పొలమాంబ ఆలయం వద్ద సుమారు 12 ఎకరాలు భూమి అన్యాక్రాంతం కాకుండా పరిరక్షించారు. మద్దిలపాలెం బ్లాక్‌–1 వద్ద కూడా స్థలాన్ని సద్వినియోగంలోకి తీసుకొచ్చారు. అయితే మైదానాల విస్తరణ సమయంలో అభివృద్ధి పనులను అడ్డుకోడానికి అప్పటి ప్రతిపక్ష టీడీపీ తీవ్ర స్థాయిలో విమర్శలు చేసింది. ఇప్పుడు అదే వేదికపై.. మైదానాల విస్తరణతో ఏయూలో భారీ కార్యక్రమాలకు అనువైన వేదికలు అందుబాటులోకి వచ్చాయి. ప్రధానమంత్రి సభతో పాటు ముఖ్యమంత్రి పాల్గొనే పలు కార్యక్రమాలు ఇక్కడే జరుగుతున్నాయి. ముఖ్యమంత్రి సహా వీవీఐపీలు హెలిప్యాడ్‌లో నేరుగా దిగి కార్యక్రమాలకు హాజరవుతున్నారు. గతంలో మైదానాల అభివృద్ధిని వ్యతిరేకించిన వారే ఇప్పుడు వాటిని వినియోగించుకుంటున్నారని విద్యార్థి సంఘాల నేతలు గుర్తు చేస్తున్నారు. రూ.500 కోట్ల హామీ ఏమైంది? ఏయూ ఇంజనీరింగ్‌ కాలేజీ మైదానంలో ఈ ఏడాది ఏప్రిల్‌ 27న జరిగిన వర్సిటీ శతాబ్ది ఉత్సవాలకు ముఖ్యమంత్రి చంద్రబాబు నాయుడు హాజరయ్యారు. ఈ సందర్భంగా ఏయూ అభివృద్ధికి రూ.500 కోట్లు కేటాయిస్తామని ప్రకటించారు. అయితే ఇప్పటివరకు నిధులు విడుదల కాలేదని, ఇందుకు సంబంధించిన జీవో కూడా రాలేదని విద్యార్థి సంఘాల నేతలు ఆగ్రహం వ్యక్తం చేస్తున్నారు. ఆర్థిక శాఖ నుంచి కూడా ఎలాంటి సమాచారం లేదని చెబుతున్నారు. ఇప్పుడు మళ్లీ ఇదే మైదానంలో పట్టాల పంపిణీ కార్యక్రమానికి సీఎం వస్తున్న నేపథ్యంలో.. గత హామీపై ప్రకటన చేయాలని విద్యార్థులు కోరుతున్నారు. నిధులు విడుదలకు డిమాండ్‌ ప్రభుత్వ కార్యక్రమాలకు ఏయూ మైదానాలు, హాస్టళ్లు, గెస్ట్‌హౌస్‌లను వినియోగిస్తున్నప్పుడు కనీసం అద్దె అయినా చెల్లించాలని విద్యార్థి సంఘాల నేతలు డిమాండ్‌ చేస్తున్నారు. వర్సిటీ అభివృద్ధికి ప్రకటించిన రూ.500 కోట్లను వెంటనే విడుదల చేయాలని, విద్యార్థుల సమస్యలను పరిష్కరించడంతో పాటు మౌలిక వసతులు కల్పించాలని కోరుతున్నారు. శనివారం జరిగే కార్యక్రమంలో ముఖ్యమంత్రి ఈ మేరకు స్పష్టమైన ప్రకటన చేయాలని డిమాండ్‌ చేస్తున్నారు.

తుమ్మపాల: అనకాపల్లి మండలం మార్టూరు జెడ్పీ హైస్కూల్‌లో మధ్యాహ్న భోజనం చాలా నాసిరకంగా ఉందని, పిల్లలు తినలేకపోతున్నారని ఆరోపి స్తూ విద్యార్థుల తల్లిదండ్రులు పాఠశాల వద్ద శుక్రవారం ఆందోళన చేశారు. ఈ సందర్భంగా పలువురు మాట్లాడుతూ ప్రభుత్వం ప్రకటించిన మెనూ ను ఇక్కడ అమలు చేయడం లేదని తెలిపారు. ఇటీవల పాఠశాలలో భోజనం చేసిన ఓ విద్యార్థినికి తీవ్రమైన కడుపునొప్పి, వాంతులు రావడంతో ఆస్పత్రికి తరలించి చికిత్స అందించినట్టు చెప్పారు. వైద్యులు ఫుడ్‌ పాయిజన్‌ అయినట్టు నిర్ధారించారని తెలిపారు. తరచూ ఈ సమస్య పునరావృతమవుతున్నా సంబంధిత సిబ్బంది, అధికారులు పట్టించుకోవడం లేదని వారు ఆగ్రహం వ్యక్తం చేశారు. తాము పలుమార్లు పాఠశాల సిబ్బందికి, సంబంధిత అధికారులకు ఫిర్యాదు చేసినప్పటికీ సమస్య పరిష్కారం కాలేదని తల్లిదండ్రులు వాపోయారు. మార్టూరు జెడ్పీ హైస్కూల్‌ వద్ద విద్యార్థుల తల్లిదండ్రుల ఆందోళన

పాడేరు: స్థానిక ఐటీడీఏ సమావేశ మందిరంలో శుక్రవారం పీజీఆర్‌ఎస్‌ కార్యక్రమం నిర్వహించారు. జిల్లా కలెక్టర్‌ నిశాంతి వివిధ ప్రాంతాల నుంచి వచ్చిన అర్జిదారుల నుంచి వినతులు స్వీకరించారు. ఈ సందర్భంగా ఆమె మాట్లాడుతూ.. ప్రజా సమస్యల పరిష్కార వ్యవస్థలో అర్జిదారులు ఇచ్చే వినతుల పరిష్కారంలో ఎట్టి పరిస్థితుల్లోనూ అలసత్వం చూపవద్దని, నిర్లక్ష్యం చేస్తే శాఖపరమైన చర్యలు తప్పవని హెచ్చరించారు. జిల్లా స్థాయితో పాటు ప్రతి సోమవారం మండల స్థాయిల్లోనూ తప్పనిసరిగా పీజీఆర్‌ఎస్‌ నిర్వహించాలని, అధికారులందరూ సమగ్ర సమాచారంతో హాజరు కావాలని స్పష్టం చేశారు. అర్జిదారులు ’మీకోసం’ కాల్‌ సెంటర్‌ :1100 సేవలను సద్వీనియోగం చేసుకోవాలన్నారు. ఈ కార్యక్రమంలో పీజీఆర్‌ఎస్‌లో 121, రెవెన్యూ క్లీనిక్‌లో 78 ఫిర్యాదులు అందాయి. వివిధ ప్రాంతాల నుంచి వచ్చిన అర్జిదారులకు కలెక్టర్‌ నిశాంతి స్వయంగా భోజనం వడ్డించారు. ఇకపై ప్రతి శుక్రవారం అర్జీదారులకు ఉచితంగా భోజన సదుపాయం కల్పిస్తామని ఆమె తెలిపారు. ఈ కార్యక్రమంలో ఇన్‌చార్జి డీఆర్వో లోకేశ్వరరావు, ఇన్‌చార్జీ ఆర్డీవో భుజంగరావు, వివిధ శాఖల జిల్లా స్థాయి అధికారులు పాల్గొన్నారు. కలెక్టర్‌ నిశాంతి

● అరకు ఎంపీ తనూజరాణి ● చింతపల్లిలో కల్యాణ మండపం ప్రారంభం ● పాల్గొన్న వైఎస్సార్‌సీపీ జిల్లా అధ్యక్షుడు, పాడేరు ఎమ్మెల్యే విశ్వేశ్వరరాజు కల్యాణ మండపం ప్రారంభ శిలాఫలకాన్ని ఆవిష్కరిస్తున్న ఎంపీ తనూజరాణి, ఎమ్మెల్యే విశ్వేశ్వరరాజు, మాజీ ఎమ్మెల్యే భాగ్యలక్ష్మి, ఎంపీపీ అనూషదేవి, జెడ్పీటీసీ బాలయ్యపడాల్‌ తదితరులుమాట్లాడుతున్న ఎంపీ తనూజరాణి, వేదికపై మాజీ ఎమ్మెల్యే భాగ్యలక్ష్మి,ఎంపీపీ, జెడ్పీటీసీ అనూషదేవి, బాలయ్యపడాల్‌చింతపల్లి: అరకు పార్లమెంటు నియోజకవర్గ పరిధిలో శాశ్వత ప్రజా ప్రయోజనాలకే అధిక నిధులు కేటాయిస్తున్నట్లు ఎంపీ గుమ్మ తనూజరాణి అన్నారు. శుక్రవారం చింతపల్లిలోని స్థానిక డెయిరీ ఫారం ప్రాంగణంలో ఎంపీ అభివృద్ధి నిధులు రూ.40 లక్షలు, మండల పరిషత్‌ నిధులు రూ.8 లక్షలతో నిర్మించిన నూతన కల్యాణ మండపాన్ని ఆమె పాడేరు ఎమ్మెల్యే మత్స్యరాస విశ్వేశ్వరరాజుతో కలిసి ప్రారంభించారు. ఈ సందర్భంగా జెడ్పీటీసీ పోతురాజు బాలయ్య పడాల్‌ అధ్యక్షతన జరిగిన సమావేశంలో ఆమె మాట్లాడుతూ.. పార్లమెంటు నిధుల నుంచి కేటాయించిన నిధులతో చేపట్టిన అభివృద్ధి పనులను ప్రజలు శాశ్వతంగా ఉపయోగపడే విధంగా చూసుకోవాల్సిన బాధ్యత స్థానిక నాయకులపై ఉందన్నారు. తాను ఎంపీగా విజయం సాధించిన వెంటనే చింతపల్లిలో కల్యాణ మండ లానికి నిధులు కేటాయించాలని స్థానిక ఎంపీపీ, జెడ్పీటీసీ, తాజా మాజీ సర్పంచ్‌లు అభ్యర్థించడంతో పాటు, స్థానిక ఎమ్మెల్యే విశ్వేశ్వరరాజుతో కలిసి నిధుల మంజూరుకు తీవ్రంగా ఒత్తిడి తెచ్చారని గుర్తుచేశారు. చివరకు సాక్షాత్తు వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి దృష్టికి తీసుకువెళ్లి, ఈ కల్యాణ మండలానికి నిధులు మంజూరు చేసుకునేంత వరకు మొండి పట్టుదలతో వ్యవహరించిన స్థానిక నాయకులను ఆమె అభినందించారు. ఈ నిధులతో ఏర్పాటు చేసుకున్న మండపాన్ని ఇకపై శుభకార్యాలు, సమావేశాలకు ఉపయోగపడే విధంగా సద్వినియోగం చేసుకోవాలని కోరారు. ఈ సందర్భంగా కల్యాణ మండపం చుట్టూ ప్రహరీతోపాటు స్థానిక శ్మశాన వాటికలో షెడ్డు నిర్మాణానికి నిధులు మంజూరు చేయాలని ఎంపీపీ కోరాబు అనూషదేవి, జెడ్పీటీసీ బాలయ్య పడాల్‌ విజ్ఞప్తి చేశారు. పాడేరు ఎమ్మెల్యే విశ్వేశ్వరరాజు మాట్లాడుతూ కల్యాణ మండపాన్ని సద్వినియోగం చేసుకోవాలని కోరారు. ఈ సందర్భంగా ఎంపీకి అభినందనలు తెలిపారు. మాజీ ఎమ్మెల్యే, రాష్ట్ర ఎస్టీ సెల్‌ అధ్యక్షులు కొట్టగుళ్లి భాగ్యలక్ష్మి మాట్లాడుతూ.. ఈ ప్రాంతంలో ప్రాతినిధ్యం వహిస్తున్న ఎంపీలు నిధుల విడుదలలో చింతపల్లికి నిధులు కేటాయించడం జరుగుతుందన్నారు. గత ఎంపీ హయాంలో బోడకొండమ్మ ఆలయం, చెరువులవేనం వ్యూపాయింట్‌లకు అధిక నిధులు కేటాయించడం జరిగిందని గుర్తుచేశారు. గత వైఎస్సార్‌సీపీ ప్రభుత్వ హయాంలో చేపట్టిన గడపగడపకూ మన ప్రభుత్వం కార్యక్రమంలో బలిపం పంచాయతీ సమస్యలను గుర్తించి అధికారుల దృష్టికి తీసుకువెళ్లడంతోనే నేడు కోట్లాది రూపాయలతో వంతెన నిర్మాణ పనులు జరుగుతున్నాయని తెలిపారు. ఈ కార్యక్రమంలో చింతపల్లి, గూడెం కొత్తవీధి, కొయ్యూరు ఎంపీపీలు కోరాబు అనూషదేవి, బోయిన కుమారి, బడుగు రమేష్‌, మండల పార్టీ అధ్యక్షులు పాంగి గణబాబు, రాష్ట్ర రైతు విభాగం కార్యదర్శి బూసరి కృష్ణారావు తదితరులు ప్రసంగించారు. ఈ కార్యక్రమంలో ఎంపీడీవో లాలం సీతయ్య, మార్కెట్‌ కమిటీ అధ్యక్షులు ఊర్మిల, మాజీ సర్పంచ్‌ల ఫోరం అధ్యక్షులు దురియా పుష్పలత, వైస్‌ ఎంపీపీలు శారద, వెంగళరావు, ఎస్‌ఎంఐ ఎగ్జిక్యూటివ్‌ ఇంజనీర్‌ ప్రకాష్‌ రెడ్డి, జిల్లా యువజన విభాగం అధ్యక్షుడు గబ్బాడ శేఖర్‌, జిల్లా విద్యార్థి విభాగం అధ్యక్షుడు వరప్రసాద్‌, చింతపల్లి, చౌడుపల్లి, లంబసింగి ఎంపీటీసిలు నాగలక్ష్మి, జయలక్ష్మి, మీనాకుమారి, నాగమణి, మాజీ సర్పంచ్‌లు కొర్రా రఘునాథ్‌, సింహాచలం, చిన్నబ్బాయి, బొజ్జన్నదొర, రమణమ్మ, రాజేశ్వరి, సోమరత్నం, రమేష్‌ నాయుడు, సీనియర్‌ నాయకులు నూకరాజు, దేపూరి గిరిబాబు, వలంటీర్లు యూనియన్‌ జిల్లా కార్యదర్శి పరమేశ్వరరావుతో పాటు అధిక సంఖ్యలో నాయకులు, కార్యకర్తలు పాల్గొన్నారు.

అనకాపల్లి: రహదారి ప్రమాదాలు చిన్నపాటి మానవుని తప్పిదాలు కారణంగా జరుగుతున్నాయని, రహదారులపై వాహనాలు నడిపే డ్రైవర్లు రోడ్డు ప్రమాదాలు జరగకుండా ప్రత్యేక జాగ్రత్త లు తీసుకోవాలని జిల్లా రవాణాశాఖ మోటార్‌ వెహికల్‌ ఇన్‌స్పెక్టర్‌ లీలాప్రసాద్‌ అన్నారు. స్థానిక ప్రజా రవాణా శాఖ(ఆర్టీసీ)లో హెవీ డ్రైవింగ్‌లో శిక్షణ పొందుతున్న 15వ బ్యాచ్‌కు రోడ్డు ప్రమాదాలపై శుక్రవారం అవగాహన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ సెల్‌ఫోన్‌ డ్రైవింగ్‌, మద్యం సేవించి వాహనాలు నడపడం, ఎదుట వ్యక్తి కూడా జాగ్రత్తగా డ్రైవింగ్‌ చేస్తున్నారో లేదో గమనించి ఎప్పటికప్పుడు అప్రమత్తంగా ఉండాలన్నారు. ట్రాఫిక్‌ రూల్స్‌ను తప్పనిసరిగా పాటించాలన్నారు. రానున్న రోజుల్లో హెవీ డ్రైవింగ్‌కు ఎక్కువగా గిరాకీ ఉండే అవకాశాలు ఉన్నాయన్నారు. డ్రైవింగ్‌ ఇన్‌స్పెక్టర్‌ జి.వి.రమణ, డ్రైవింగ్‌ స్కూల్‌ అసిస్టెంట్‌ ఎ.వి.బాపునాయుడు, సేఫ్టీ డ్రైవింగ్‌ ఇన్‌స్పెక్టర్‌ జెఎం.రావు, తదితరులు పాల్గొన్నారు.

● సీఐటీయూ జిల్లా సహాయ కార్యదర్శి సుందర్రావు పాడేరు రూరల్‌: పారిశుధ్య కార్మికుల సమస్యలను పరిష్కరించకపోతే భవిష్యత్తులో ఉద్యమాలు తీవ్రతరం చేస్తామని సీఐటీయూ జిల్లా సహాయ కార్యదర్శి సుందర్‌రావు హెచ్చరించారు. శుక్రవారం పాడేరు మేజర్‌ పంచాయతీ పారిశుధ్య కార్మికులు సీఐటీయూ నాయకులతో కలిసి అధికారులకు సమ్మె నోటీసులు అందజేశారు. ఈ సందర్భంగా ఆయన మాట్లాడుతూ.. కార్మికుల సమస్యలతో పాటు వారి న్యాయమైన డిమాండ్లను పరిష్కరించడంలో కూటమి ప్రభుత్వం పూర్తిగా విఫలమైందని ఆరోపించారు. గతంలో కార్మిక సంఘాలతో చేసుకున్న ఒప్పందాలు, ఇచ్చిన హామీలను పూర్తిగా విస్మరించారని విమర్శించారు. వేతనాల పెంపుతో పాటు ఇతర డిమాండ్లను పరిష్కరించాలని కోరుతూ.. అక్టోబర్‌ 2 నుంచి పంచాయతీ పారిశుద్ధ్య కార్మికులు సమ్మెకు సిద్ధం కావాలని పిలుపునిచ్చారు. ఈ కార్యక్రమంలో కార్మికులు వసంత్‌, బాలన్న, సూరిబాబు, మోహన్‌, భీమరాజు తదితరులు పాల్గొన్నారు.

గొలుగొండ: మండలంలోని పాకలపాడులో నూతనంగా ఏర్పాటు చేసిన మహానేత వైఎస్‌ రాజశేఖర్‌రెడ్డి భారీ కాంస్య విగ్రహాన్ని వైఎస్సార్‌సీపీ రీజనల్‌ కో– ఆర్డినేటర్‌, కురసాల కన్నబాబు, మాజీ మంత్రి అమర్‌నాథ్‌, నర్సీపట్నం, చోడవరం మాజీ ఎమ్మెల్యేలు పెట్ల ఉమాశంకర్‌ గణేష్‌, కరణం ధర్మశ్రీ, పార్టీ జల్లా అధ్యక్షుడు బొడ్డేడ ప్రసాద్‌, ఈర్లె అనురాధ, తదితరులు ఆవిష్కరించారు. నర్సీపట్నం నియోజకవర్గ విస్తృత స్థాయి సమావేశం పాకలపాడులో జరిగింది. ఈ సందర్భంగా పాకలపాడు గ్రామ నాయకులు ఇక్కడ భారీ కాంస్య విగ్రహాన్ని ఏర్పాటు చేశారు. కార్యక్రమంలో స్థానిక నాయకులు యాళ్ల నాయుడు, రాజాన అప్పలనాయుడు, గోవింద్‌, గంగరాజు, గంగాధర్‌, పెదబాబులు, మాణిక్యం, అప్పలనాయడు, కన్నంనాయుడు పాల్గొన్నారు.

అనకాపల్లి: రాజ్యాంగ నిర్మాత డాక్టర్‌ బి.ఆర్‌.అంబేడ్కర్‌ను ‘కల్పిత నాయకుడు‘ అని కించపరిచిన హైదరాబాద్‌ నివాసి నాగులరావు వరప్రసాద్‌పై చర్యలు తీసుకోవాలని బీఎస్పీ జిల్లా అధ్యక్షుడు మల్లారపు లోవచంద్‌ డిమాండ్‌ చేశారు. పట్టణ పోలీస్‌ స్టేషన్‌లో వరప్రసాద్‌పై శుక్రవారం ఫిర్యాదు చేశారు. ఆయన మాట్లాడుతూ కోట్లాది మంది అంబేడ్కర్‌ అభిమానుల మనోభావాలు దెబ్బతీయడం అన్యాయమన్నారు. దేశప్రజల హక్కులను హరించే విధంగా పుస్తకాన్ని రాస్తున్న వరప్రసాద్‌పై చర్యలు తీసుకోవాలని డిమాండ్‌ చేశారు. బీఎస్పీ జిల్లా నాయకులు సూదికొండ మాణిక్యాలరావు, కాండ్రేగుల రాము, గెడ్డం దశరథరావు, కంకణాల శ్రీను, కొల్లి సురేష్‌, మర్రా రాజు, యరమాల నర్సింగరావు పాల్గొన్నారు.

మాకవరపాలెం: పిడుగు పడి ఓ వృద్ధుడు మృతి చెందాడు. మండలంలోని జి.గంగ వరం శివారు చంద్రయ్యపాలెం గ్రామానికి చెందిన బాలం గంగరాజు(66) ఎప్పటిలాగే శుక్రవారం సాయంత్రం ప్రాథమిక పాఠశాల సమీపంలో గేదెలను మేపుతుండ గా వర్షం కురిసింది. ఈ సమయంలో పిడుగు పడడంతో గంగరాజు మృతి చెందాడు. ఈ ఘటనలో ఆయనతోపాటు ఓ గేదె మరణించింది. విషయం తెలుసుకున్న స్థానికులు గంగరాజును ఆస్పత్రికి తరలించేందుకు ప్రయత్నించినప్పటికీ ఫలితం లేకపోయింది. పోలీసులు కేసు నమోదు చేసి, మృతదేహాన్ని పోస్టుమార్టానికి నర్సీపట్నం ఏరియా ఆస్పత్రికి తరలించారు.

● కార్యకర్తలే పార్టీకి శ్రీరామరక్ష ● వైఎస్సార్‌సీపీ జిల్లా అధ్యక్షుడు, పాడేరు ఎమ్మెల్యే మత్స్యరాస విశ్వేశ్వరరాజు పాడేరు: రానున్నది వైఎస్సార్‌సీపీ శకమేనని, పార్టీ కోసం కష్టపడే ప్రతి కార్యకర్త శక్తివంచన లేకుండా పనిచేయాలని పాడేరు ఎమ్మెల్యే, వైఎస్సార్‌సీపీ జిల్లా అధ్యక్షుడు మత్స్యరాస విశ్వేశ్వరరాజు పిలుపునిచ్చారు. పట్టణంలోని లోచలిపుట్టులో ఉన్న తన క్యాంపు కార్యాలయంలో శుక్రవారం వైఎస్సార్‌సీపీ మండల అధ్యక్షుడు సీదరి రాంబాబు అధ్యక్షతన మండల పార్టీ విస్తృత స్థాయి సమావేశం నిర్వహించారు. ఈ సందర్భంగా ఆయన మాట్లాడుతూ.. వైఎస్సార్‌సీపీలో కష్టపడిన ప్రతి కార్యకర్తకు తగిన గుర్తింపు దక్కాలని, సముచిత న్యాయం జరగాలనే లక్ష్యంతో పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి కృతనిశ్చయంతో ఉన్నారన్నారు. అందుకనుగుణంగానే పార్టీ శ్రేణుల కోసం ప్రత్యేకంగా ఐడీ కార్డులను అందజేస్తున్నట్లు తెలిపారు. ఐడీ కార్డులు అందుకున్న గ్రామ పంచాయతీ, గ్రామ కమిటీలు ప్రతి గడపకూ వెళ్లి.. రాష్ట్రంలో కూటమి ప్రభుత్వం చేస్తున్న మోసాలు, అరాచకాలు, అన్యాయాలు, ప్రజా వ్యతిరేక విధానాలపై ప్రజలకు అవగాహన కల్పించాలని సూచించారు. కూటమి ప్రభుత్వ మోసపూరిత వైఖరిపై పెద్దఎత్తున నిరసనలు తెలపాలని పిలుపునిచ్చారు. రానున్న స్థానిక సంస్థల ఎన్నికలు వైఎస్సార్‌సీపీకి అత్యంత కీలకమని విశ్వేశ్వరరాజు స్పష్టం చేశారు. ఎక్కడా కూడా కూటమి పార్టీల తరఫున ఏకగ్రీవాలు జరగకుండా గట్టిగా అడ్డుకోవాలన్నారు. పోటీ చేసే అన్ని స్థానాల్లోనూ వైఎస్సార్‌సీపీ అభ్యర్థులు, పార్టీ మద్దతుదారులు ఘనవిజయం సాధించేలా కార్యకర్తలు సమన్వయంతో పనిచేయాలని, పార్టీ కోసం కష్టపడిన ప్రతి ఒక్కరికీ భవిష్యత్తులో సముచిత ప్రాధాన్యం ఉంటుందని భరోసానిచ్చారు. ఈ కార్యక్రమంలో భాగంగా గ్రామ పంచాయతీ పార్టీ కమిటీలకు నూతన ఐడీ కార్డులను అందజేశారు. ఈ సమావేశంలో వైఎస్సార్‌సీపీ జిల్లా అధికార ప్రతినిధి కూడ సురేష్‌కుమార్‌, ప్రధాన కార్యదర్శి సీదరి మంగ్లన్నదొర, పార్టీ మహిళా విభాగం అధ్యక్షురాాలు కురుసా పార్వతమ్మ, వైస్‌ ఎంపీపీ కుంతూరు కనకాలమ్మ, పార్టీ ప్రచార విభాగం రాష్ట్ర సంయుక్త కార్యదర్శి కూతంగి సూరిబాబు, పార్టీ నియోజకవర్గ ఎస్టీ సెల్‌ అధ్యక్షుడు శరభ సూర్యనారాయణ, మహిళా విభాగం నియోజకవర్గ అధ్యక్షురాలు కిల్లో ఊర్వశిరాణి, జిల్లా ఐటీ విభాగం అధ్యక్షుడు కూడ సుబ్రమణ్యం, పలువురు ఎంపీటీసీలు, తాజా మాజీ సర్పంచ్‌లు, అనుబంధ విభాగాల అధ్యక్షులు, అధిక సంఖ్యలో పార్టీ శ్రేణులు పాల్గొన్నారు.

● రూ.5 కోట్లతో సుందరీకరణ ● అరకు ఎంపీ తనూజరాణి,ఐటీడీఏ పీవో ఆదిత్యవర్మ వెల్లడి ● జలపాతం సదర్శన పెదబయలు: మారుమూల ప్రాంతంలోని ప్రకృతి సోయగాలకు మరింత వన్నె తెచ్చేలా తారాబు జలపాతం అభివృద్ధికి రూ. 5 కోట్ల ఎంపీ నిధులు కేటాయించినట్లు అరకు ఎంపీ డాక్టర్‌ గుమ్మా తనూజరాణి, పాడేరు ఐటీడీఏ పీవో ఆదిత్యవర్మ వెల్లడించారు. గురువారం పెదబయలు మండలం గిన్నెలకోట, జామిగుడ పంచాయతీల మధ్యలో ఉన్న తారాబు జలపాతాన్ని క్షేత్రస్థాయిలో సందర్శించి, అభివృద్ధి పనులకు సంబంధించిన ప్రణాళికలపై సంబంధిత ఇంజనీర్లతో చర్చించారు. ఈ సందర్భంగా ఎంపీ మాట్లాడుతూ.. పర్యాటకుల సౌకర్యార్థం గ్లాస్‌ బ్రిడ్జ్‌ , టాయిలెట్లు, బట్టలు మార్చుకునే గదులు, లైటింగ్‌, పార్కింగ్‌, తాగునీటి సదుపాయం, విశ్రాంతి ప్రదేశాలు, వాచ్‌ టవర్‌, నడక మార్గాలు, భద్రతా ఏర్పాట్లు, సూచిక బోర్డులు, చెత్త నిర్వహణ తదితర మౌలిక వసతుల కల్పన అంశాలను పరిశీలించినట్లు తెలిపారు. సహజత్వాన్ని కాపాడుకుంటూనే అభివృద్ధి తారాబు జలపాతం సహజ అందాలకు ఎటువంటి భంగం కలగకుండా, పర్యాటకులకు అవసరమైన ఆధునిక సౌకర్యాలు కల్పించేలా సమగ్ర ప్రణాళికతో అభివృద్ధి పనులు చేపట్టాలని అధికారులను ఎంపీ కోరారు. పనులు త్వరతగతిన ప్రారంభించి నాణ్యతతో పూర్తి చేసేలా చర్యలు తీసుకోవాలని ఆదేశించారు. పెదబయలు మండలం మారుమూల జామిగుడ, గుంజివాడ గ్రామాల్లో పర్యటించిన అరకు ఎంపీ డాక్టర్‌ గుమ్మా తనూజరాణికి, పాడేరు ఐటీడీఏ పీవో ఆదిత్యవర్మకు గ్రామస్తులు, స్థానిక నాయకులు గిరిజన సంప్రదాయ ప్రకారం పూలమాలలు వేసి,హారతులిచ్చి ఘన స్వాగతం పలికారు. ఎంతోమంది ప్రజాప్రతినిధులు పనిచేసినప్పటికీ, తమ మారుమూల గ్రామాల అభివృద్ధికి మీరే బాటలు వేశారని గ్రామస్తులు కొనియాడారు. తారాబు జలపాతానికి ఆధునిక సదుపాయాలు కల్పించి ఇక్కడి అందాలను ప్రపంచానికి చాటేందుకు రూ. 5 కోట్ల ఎంపీ నిధులు కేటాయించడం ఎంతో ఆనందంగా ఉందని కృతజ్ఞతలు తెలిపారు. గతంలో వైఎస్‌ జగన్‌మోహన్‌రెడ్డి సీఎంగా ఉన్నప్పుడు రూడకోట నుంచి జామిగుడ వరకు రూ. 15 కోట్లతో తారురోడ్డు నిర్మాణం జరిగిందని, రూ. 2 కోట్లతో జామిగుడ వంతెనకు శంకుస్థాపన చేశారని గుర్తుచేశారు. తారాబు జలపాతం అభివృద్ధి చెందితే స్థానికులకు మెరుగైన ఉపాధి అవకాశాలు లభిస్తాయని ఆశాభావం వ్యక్తం చేశారు. తారాబు జలపాతం అందాలు అద్భుతమని, తగిన సదుపాయాలు కల్పిస్తే ఇది రాష్ట్రస్థాయిలో ప్రత్యేక గుర్తింపు పొందుతుందని ఎంపీ అన్నారు. ఈ సందర్భంగా జలపాతం వద్ద ఎంపీ, అధికారులు స్థానికులతో కలిసి ఫోటోలు దిగారు. ఈ కార్యక్రమంలో అరకు మాజీ ఎమ్మెల్యే చెట్టి పాల్గుణ, మాజీ ఎంపీపీ జర్సింగి సూర్యనారాయణ, వైఎస్సార్‌సీపీ రాష్ట్ర యువజన నాయకులు చెట్టి వినయ్‌, పెదబయలు జెడ్పీటీసి కూడ బొంజుబాబు, సీనియర్‌ నాయకులు మాజీ ఎంపీపీ జర్సింగి బాలంనాయుడు, గంపరాయి సూరయ్య, వైస్‌ ఎంపీపీ రాజుబాబు, మాజీ జెడ్పీటీసి జర్సింగి గంగాభవాని, ఎంపీటీసి వంతాల ఆనందరావు, ఒంటుబు సామ్యూల్‌, పాంగి సింహాచలం, కాతారి సురేశ్‌కుమార్‌, చెండా పాపారావు, రవిశంకర్‌ తదితర పార్టీ నాయకులు పాల్గొన్నారు.

● సీనియర్‌ కన్సల్టెంట్‌ నరసింహమూర్తి చింతపల్లి: కౌమారదశ విద్యార్థుల ఉన్నతే ధ్యేయంగా ఉపాధ్యాయులు శిక్షణ కార్యక్రమాలను సమర్థంగా నిర్వహించాలని ప్రోగ్రామ్‌ సీనియర్‌ కన్సల్టెంట్‌ నరసింహమూర్తి అన్నారు. గురువారం స్థానిక సీ్త్ర శక్తి భవన సమావేశ మందిరంలో నోడల్‌ ఉపాధ్యాయుల రెండు రోజుల శిక్షణ ముగింపు కార్యక్రమం నిర్వహించారు. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. రాష్ట్రంలోనే కౌమారదశ విద్యార్థుల అభ్యున్నతి కోసం ప్రభుత్వం తొలిసారిగా ఈ పైలట్‌ ప్రాజెక్టును అల్లూరి జిల్లాలో ప్రారంభించడం జరిగిందన్నారు. ఈ కార్యక్రమాన్ని గిరిజన సంక్షేమ శాఖ, మహిళా అభివృద్ధి మరియు శిశు సంక్షేమ శాఖ, విద్యాశాఖ సంయుక్త ఆధ్వర్యంలో నిర్వహిస్తున్నట్లు తెలిపారు. మూడు విడతలుగా జరిగిన ఈ శిక్షణ కార్యక్రమాల ద్వారా వచ్చే ఫలితాల ఆధారంగా, రానున్న రోజుల్లో దీనిని రాష్ట్రవ్యాప్తంగా విస్తరించే అవకాశం ఉందన్నారు. ఉపాధ్యాయులకు ఈ శిక్షణ విద్యార్థులకు బోధన చేయడానికి ఎంతగానో దోహదపడుతుందని పేర్కొన్నారు. ఈ సందర్భంగా శిక్షణా అధికారులను అఖిల భారత గిరిజన ఉద్యోగుల సంఘం అధ్యక్షుడు కిట్టంగి ప్రసాద్‌, సంఘ సభ్యులు ఘనంగా సన్మానించారు. ప్రోగ్రామ్‌ అధికారి సుబ్బారెడ్డి, పడాల చారిటబుల్‌ ట్రస్ట్‌ సీఈవో సూర్యపడాల్‌, ఏటీడబ్ల్యూవో జయనాగలక్ష్మి, సీడీపీవో శ్రీదేవి చింతపల్లి, గూడెం కొత్తవీధి, కొయ్యూరు మండలాలకు చెందిన నోడల్‌ ఉపాధ్యాయులు పాల్గొన్నారు.

సెప్టెంబర్‌ త్వరలో ముగుసున్నప్పటికీ ఆశించిన స్థాయిలో వర్షాలు కురవకపోవడంతో ఆంధ్ర–ఒడిశా సరిహద్దులోని ప్రధాన జోలాపుట్టు ప్రాజెక్ట్‌ జలకళ కోల్పోయింది. దీని ప్రభావం మాచ్‌ఖండ్‌ జల విద్యుత్‌ కేంద్రం ఉత్పత్తిపై చూపనుంది. ఈ పరిస్థితుల్లో ఒకవైపు జనరేటర్ల మరమ్మతులు, మరోవైపు వర్షాభావ పరిస్థితులు అధికారులను తీవ్ర ఆందోళనకు గురిచేస్తున్నాయి. జోలాపుట్టుకువిద్యుత్‌ ఉత్పత్తికి నీటికొరత తలెత్తే అవకాశం మాచ్‌ఖండ్‌ జలవిద్యుత్‌ కేంద్రంలో రెండు జనరేటర్ల పనిచేస్తున్నాయి. ప్రస్తుతం 34 మెగావాట్ల విద్యుత్‌ ఉత్పత్తి జరుగుతోంది. త్వరలో మిగిలిన నాలుగు జనరేటర్లను వినియోగంలోకి తీసుకువచ్చేందుకు చర్యలు చేపట్టాం. ఈ ఏడాది వర్షభావ పరిస్థితుల వల్ల జోలాపుట్టు జలాశయంలో నీటి మట్టం తక్కువగా ఉంది. డుడుమ జలాశయంలో నీటిమట్టాన్ని పూర్తి స్థాయిలో ఉంచి విద్యుత్‌ ఉత్పత్తికి వినియోగిస్తున్నాం. అధికంగా వర్షాలు కురిస్తేనే ఉత్పత్తికి ఎటువంటి సమస్య ఉండదు. – సీహెచ్‌ అప్పాజీ, ఎస్‌ఈ, మాచ్‌ఖండ్‌ జలవిద్యుత్‌ కేంద్రం●ముంచంగిపుట్టు: ఆంధ్ర–ఒడిశా రాష్ట్రాలు సంయుక్తంగా నిర్వహిస్తున్న మాచ్‌ఖండ్‌ జల విద్యుత్‌ కేంద్రానికి నీరు అందించే ప్రధాన జోలాపుట్టు జలాశయంలో సెప్టెంబర్‌ నెల వచ్చినా జలకళ కరువైంది. ఆశించిన స్థాయిలో వర్షాలు పడకపోవడంతో జలాశయాలలో నీటి కొరత ఏర్పడి, మాచ్‌ఖండ్‌లో విద్యుత్‌ ఉత్పత్తి చేసే అధికారులకు ఇబ్బందికర పరిస్థితులు నెలకొన్నాయి. ● జోలాపుట్టులోని ప్రధాన, స్పిల్‌వే జలాశయాల పూర్తి స్థాయి నీటి మట్టం 2,750 అడుగులు కాగా, బుధవారం నాటికి జోలాపుట్టు ప్రధాన జలాశయంలో 2,734.20 అడుగుల నీటి మట్టం నమోదైంది. ఇదే రోజు గత ఏడాది 2,748.25 అడుగుల నీటి నిల్వ ఉండేది. గత ఏడాదితో పోలిస్తే ప్రస్తుతం 14 అడుగుల నీటి నిల్వ తక్కువగా ఉంది. ● జోలాపుట్టు స్పిల్‌వే జలాశయం అడుగంటిపోయి కళావిహీనంగా మారింది. గత ఏడాది స్పిల్‌వే జలాశయంలో 2,738 అడుగుల నీరు ఉండగా, ఈ ఏడాది చుక్క నీరు కూడా అందుబాటులో లేకపోవడం గమనార్హం. డుడుమలో జలాశయంలో.. ఈ రెండు జలాశయాల నీటి మట్టంపై ఆధారపడి ఉన్న డుడుమ జలాశయంలో సైతం నీటి మట్టం ఆశించిన స్థాయిలో లేదు. డుడుమ జలాశయ పూర్తి స్థాయి నీటి మట్టం 2,590 అడుగులు కాగా, ప్రస్తుతం 2,588.20 అడుగులుగా ఉంది. డుడుమ జలాశయంలో నీటి స్థాయి తగ్గకుండా చూసేందుకు గత కొన్ని రోజులుగా జోలాపుట్టు జలాశయం నుంచి నీటిని డుడుమకు విడుదల చేస్తున్నారు. మరో రెండు, మూడు వారాల్లో వర్షాలు కురవకపోతే, ఇప్పటికే అడుగంటిన జోలాపుట్టు స్పిల్‌వేతో పాటు ప్రధాన జలాశయంలో కూడా ప్రస్తుతం ఉన్న కొద్దిపాటి నీరు కూడా ఆవిరైపోయే ప్రమాదం ఉంది. విద్యుత్‌ ఉత్పత్తిపై ప్రభావం మాచ్‌ఖండ్‌ జల విద్యుత్‌ కేంద్రంలో 6 జనరేటర్ల సహాయంతో 120 మెగావాట్ల విద్యుత్‌ ఉత్పాదన చేసే సామర్థ్యం ఉంది. అయితే, ఈ ఏడాది మే 23న ప్రాజెక్టులో జరిగిన అగ్నిప్రమాదం కారణంగా నిలిచిపోయిన ఉత్పత్తి, రెండు నెలల తరువాత గత నెల నుంచి మళ్లీ ప్రారంభమైంది. ● ప్రస్తుతం ప్రాజెక్టులో రెండు జనరేటర్ల సహాయంతో 34 మెగావాట్ల విద్యుత్‌ మాత్రమే ఉత్పత్తి జరుగుతోంది. మరో 4 జనరేటర్ల మరమ్మతు పనులు ప్రస్తుతం జరుగుతున్నాయి. అన్ని జనరేటర్లు వినియోగంలోకి వచ్చే నాటికి జలాశయాల్లో నీటి స్థాయి పెరగకపోతే, విద్యుత్‌ ఉత్పాదనకు తీవ్ర ఆటంకం కలగనుంది. ఎప్పుడు భారీ వర్షాలు కురుస్తాయా, జలాశయాలు ఎప్పుడు నిండుతాయా అని ఆంధ్ర–ఒడిశా జెన్‌కో అధికారులు ఆశగా ఎదురుచూస్తున్నారు. అడుగంటిన మత్స్యగెడ్డ... జోలాపుట్టు, డుడుమ జలాశయాల నీటి నిల్వలు ప్రధానంగా మత్స్యగెడ్డపైనే ఆధారపడి ఉంటాయి. ఎన్నడూ లేని విధంగా ఈ ఏడాది మత్స్యగెడ్డ పూర్తిగా ఎండిపోయి కనిపిస్తోంది. మత్స్యగెడ్డ గిరిజన ప్రాంతంలోని ఎనిమిది మండలాలలో కురిసే వర్షపాతంపై ఆధారపడి ఉంటుంది. ● జి.మాడుగుల మొదలుకుని పాడేరు, హుకుంపేట, డుంబ్రిగూడ, అనంతగిరి, పెదబయలు, ముంచంగిపుట్టు మండలాలలో గత కొన్ని రోజులుగా ఆశించిన స్థాయిలో వర్షాలు కురవకపోవడంతో మత్స్యగెడ్డలోకి నీరు చేరలేదు. ఆయా మండలాల్లో భారీగా వర్షాలు కురిస్తేనే మత్స్యగెడ్డలోకి వరదనీరు వచ్చి, జోలాపుట్టు జలాశయంలోకి నీరు చేరుతుంది. దీనివల్ల మాచ్‌ఖండ్‌ జలవిద్యుత్‌ కేంద్రానికి అవసరమైన నీటి సరఫరా సాధ్యమవుతుంది. భారీ వర్షాలు పడితే తప్ప మత్స్యగెడ్డలో నీరు చేరే అవకాశం లేకపోవడంతో, వర్షాలు కురిసే తీరును బట్టే మాచ్‌ఖండ్‌లో భవిష్యత్‌ విద్యుత్‌ ఉత్పత్తి ఆధారపడి ఉంటుందని ప్రాజెక్టు అధికారులు ఆందోళన వ్యక్తం చేస్తున్నారు. సెప్టెంబర్‌ నెల గడుస్తున్నానిండని జలాశయం నిరాశపరుస్తున్న మత్స్యగెడ్డ మాచ్‌ఖండ్‌లో విద్యుత్‌ ఉత్పత్తికినీటిగండం

కలెక్టర్‌ నిశాంతిసాక్షి, పాడేరు: hÌêÏ çÜÐ]l${V>ÀÐ]l–-¨®MìS {ç³™ólÅMýS {ç³×ê-ã-MýSË$ Æý‡*´÷…-¨-çÜ$¢-¯é²Ð]l$° MýSÌñæ-MýStÆŠæ yìl.°-Ô>…† ™ðlÍ-´ëÆý‡$. VýS$Æý‡$ÐéÆý‡… MýSÌñæMýStÆó‡-sŒæÌZ hÌêÏ AÀÐ]l–¨® M>Æý‡Å-{MýS-Ð]l*ÌSOò³ A°² Ô>QÌS A«¨-M>Æý‡$-ÌS™ø çÜÐ]l*-ÐólÔèæ… °Æý‡Ó-íßæ…-^éÆý‡$. D çÜÐ]l*Ðól-Ôèæ…ÌZ ±† BÄñæ*VŠæ, IIG… ÑÔ>-Q-ç³-r-²…, ÑÑ«§ýl ¿êVýS-ÝëÓÐ]l$Å çÜ…çܦÌS {糆°«§ýl$Ë$ ÒyìlÄñæ* M>¯]l¹Æð‡¯ŒSÞ §éÓÆ> ´ëÌŸY-¯é²Æý‡$. D çÜ…§ýl-Æý‡Â…V> MýSÌñæ-MýStÆŠæ Ð]l*sêÏ-yýl$-™èl*.. hÌêÏÌZ° {ç³™ólÅMýS ¿o-Vø-ãMýS ç³Çíܦ-™èl$Ë$, WÇ-f¯]l f¯é¿ê, ÑçܢDž_¯]l °Ðé-ÝëË$, ç³Æ>Å-Ð]l-Æý‡×æ çÜ$°²-™èl-™éÓ°² §ýl–íÙtÌZ E…^èl$MýS$° Ý린MýS ç³Ç-íܦ-™èl$-ÌSMýS$ A¯]l$-VýS$-×æ-OÐðl$¯]l {´ë…™é¯]l$-ÝëÆý‡ AÀÐ]l–¨® {ç³×ê-ãMýS G…™èl-მეù AÐ]l-çÜ-Æý‡Ð]l$° ÑÐ]lÇ…-^éÆý‡$. {ç³MýS–-†, Ð]lÅÐ]l-ÝëĶæ$, ArÒ, Ýë…çÜP–†MýS Ð]l¯]l-Æý‡$Ë$, çÜ$íܦÆý‡ iÐ]l-¯ø-´ë-«§ýl$Ë$, E´ë«¨, Ý린MýS ÑË$-Ð]l-ÌS¯]l$ gZyìl…^ól AÐ]l-M>-Ô>-ÌS¯]l$ AÀ-Ð]l–¨® ^ólĶæ*ÌS° BÐðl$ {ç³Ýë¢-Ñ…-^éÆý‡$. hÌêÏ AÀÐ]l–-¨®MìS ´ëyólÆý‡$, Æý‡…ç³^ø-yýl-Ð]lÆý‡…, _…™èl*-Æý‡$¯]l$ {糫§é¯]l {Vø™Œæ çß滌æ-Ë$V>, Ð]l$…yýl-ÌS/-MýSÏçÜtÆŠæ Ýë¦Æ‡$$ MóS…{§é-ÌS¯]l$ ¨Ó-¡Ä¶æ$ çß滌æ-Ë$V> AÀ-Ð]l–¨® ^ólĶæ*ÌS-¯é²Æý‡$. hÌêÏÌZ° 17 Ððl*yýlÌŒæ ç³…^é-Ķæ$-¡-ÌS¯]l$ ¿êVýSÝëÓÐ]l$Å {ç³×ê-ãMýS Ô>QÌS §éÓÆ> AÀ-Ð]l–¨® ^ólíÜ, AMýSPyýl Ý뫨…_¯]l Ñf-Ķæ$Ð]l…-™èl-OÐðl$¯]l Ñ«§é-¯é-ÌS¯]l$ C™èlÆý‡ ç³…^éĶæ$-¡ÌSMýS$ MýS*yé ÑçÜ¢-Ç…-^éÌS° MýSÌñæ-MýStÆŠæ MøÆ>Æý‡$.

పెదబయలు: మండలంలోని మారుమూల పంచాయతీల్లో పలు అభివృద్ధి పనులను వేగవంతం చేయాలని పాడేరు ఐటీడీఏ పీవో ఆదిత్య వర్మ ఆదేశించారు. గురువారం ఆయన మండలంలోని మారుమూల జామిగుడ, గిన్నెలకోట పంచాయతీల్లో దీర్ఘకాలంగా పెండింగ్‌లో ఉన్న అభివృద్ధి పనులు, సంక్షేమ పథకాల అమలును క్షేత్రస్థాయిలో పరిశీలించారు. పీఎం జన్‌మన్‌ పథకం ద్వారా జరుగుతున్న పనులు, మినీ అంగన్‌వాడీ కేంద్రాలు, ప్రాథమిక ఆరోగ్య కేంద్రాలు, పాఠశాల భవనాలు, రహదారుల పెండింగ్‌ నిర్మాణాలను ఆయన పరిశీలించారు. గిరిజన సంక్షేమ శాఖ, పంచాయతీ రాజ్‌, పీఐయూ విభాగాలకు చెందిన పెండింగ్‌ పనుల పురోగతిపై సంబంధిత అధికారులతో మాట్లాడి, త్వరితగతిన పూర్తి చేయాలని ఆదేశించారు. అనంతరం ముంచంగిపుట్టు మండలం పూలబంధ, తాడిపుట్టు, భూషిపుట్టు గ్రామాల్లో పర్యటించి స్థానిక ప్రజలతో ముఖాముఖి నిర్వహించారు. గ్రామాల్లో తాగునీరు, రహదారులు, గృహ నిర్మాణ సమస్యలను అడిగి తెలుసుకున్నారు. ప్రజా సమస్యలను త్వరలోనే పరిష్కరిస్తామని, పెండింగ్‌లో ఉన్న అన్ని నిర్మాణ పనులను యుద్ధప్రాతిపదికన పూర్తి చేసి ప్రజలకు అందుబాటులోకి తెస్తామని పీవో హామీ ఇచ్చారు.ఐటీడీఏ పీవో ఆదిత్యవర్మ ఆదేశం

కొయ్యూరు: గంజాయి సాగు నిర్థారణ కోసం గురువారం మంప ఎస్‌ఐ సీదరి శ్రీనివాస్‌ డ్రోన్‌ ద్వారా ఏరియల్‌ సర్వే నిర్వహించారు. బూదరాళ్ల పంచాయతీ పరిధిలోని అన్నవరం, కన్నవరం, గరిమండ, కిన్నెర్లబంధ, గొర్లెమెట్ట గ్రామాల్లో డ్రోన్‌ ఉపయోగించి ఈ సర్వే చేపట్టారు. గతంలో ఈ గ్రామాల్లో గంజాయి సాగు చేసేవారు కాగా, నాలుగేళ్ల కిందట పోలీసులు గంజాయి తోటలను ధ్వంసం చేసి హెచ్చరించడంతో గిరిజనులంతా సాగును పూర్తిగా నిలిపివేశారు. తాజాగా ఈ ఐదు గ్రామాల్లో నిర్వహించిన సర్వేలో ఎక్కడా గంజాయి సాగు చేయడం లేదని స్పష్టమైన నిర్ధారణకు వచ్చారు. గంజాయికి బదులుగా గిరిజనులు కాఫీ, రాజ్‌మా, తీపి మొక్కజొన్న తదితర లాభసాటి వాణిజ్య పంటలను సాగు చేస్తున్నట్లు సర్వేలో తేలింది. ఈ సందర్భంగా ఎస్‌ఐ మాట్లాడుతూ.. గంజాయి సాగవుతుందో లేదో పరిశీలించేందుకు డ్రోన్‌ ద్వారా ఏరియల్‌ సర్వే చేపట్టామని, ఎక్కడా గంజాయి సాగు లేదని తెలిపారు. గిరిజన రైతులు ప్రత్యామ్నాయంగా మంచి లాభాలు వచ్చే వాణిజ్య పంటలు వేస్తుండడం అభినందనీయమన్నారు.

ముంచంగిపుట్టు: అనకాపల్లిలో ఈ నెల 23 వరకు 13వ డివిజన్‌ స్థాయి డాక్‌ అదాలత్‌ నిర్వహించనున్నట్లు అరకు పోస్టల్‌ ఐపీవో వి.లక్ష్మీకిషోర్‌ తెలిపారు. గురువారం ఆయన మాట్లాడుతూ.. ప్రజ ల నుంచి పోస్టల్‌ సేవలకు సంబంధించిన నిర్దిష్టమైన వ్యక్తిగత ఫిర్యాదులు, అభ్యంతరాలను ఈ డాక్‌ అదాలత్‌లో విచారించి పరిష్కరిస్తామన్నా రు. ఈ నెల 21వ తేదీలోపు అనకాపల్లి, అల్లూరి సీతారామరాజు జిల్లాలకు చెందిన బాధితులు తమ ఫిర్యాదులను పంపాలని కోరారు. ఫిర్యాదు లేఖలు లేదా కవర్లపై ఖచ్చితంగా ’13వ డాక్‌ అదాలత్‌’ అని స్పష్టంగా రాయాలని సూచించారు. ఫిర్యాదులు డీవీఎన్‌ ప్రతాప్‌, అసిస్టెంట్‌ సూపరింటెండెంట్‌, సూపరింటెండెంట్‌ పోస్ట్‌ ఆఫీస్‌, అనకాపల్లి – 531001కు పంపాలన్నారు. ఈ నెల 23వ తేదీ బుధవారం ఉదయం 11:30 గంటలకు అనకాపల్లి డివిజన్‌ సూపరింటెండెంట్‌ ఆఫ్‌ పోస్టాఫీసు కార్యాలయంలో ఈ కార్యక్రమం జరుగుతుందని తెలిపారు. అరకు, డుంబ్రిగుడ, పెదబయలు, ముంచంగిపుట్టు మండలాల పోస్టల్‌ వినియోగదారులు ఈ అవకాశాన్ని సద్వినియోగం చేసుకోవాలని ఆయన కోరారు.

కలెక్టర్‌ నిశాంతిసాక్షి, పాడేరు: వాస్తు, శిల్పం, నిర్మాణ రంగాల రూపకర్త విశ్వకర్మ జయంతిని గురువారం కలెక్టరేట్‌లో ఘనంగా నిర్వహించారు. విశ్వకర్మ చిత్రపటానికి కలెక్టర్‌ డి.నిశాంతి పూలమాల వేసి ఘనంగా నివాళులు అర్పించారు. ఈ సందర్భంగా ఆమె మాట్లాడుతూ.. శిల్పకళ, వాస్తు, నిర్మాణ నైపుణ్యాలను అందించిన మహనీయుడు విశ్వకర్మ అని, నేటి యువతంతా ఆయనను ఆదర్శంగా తీసుకోవాలన్నారు. సంప్రదాయ వృత్తి నైపుణ్యాలను పరిరక్షించడంతో పాటు, ఆధునిక సాంకేతికతను అందిపుచ్చుకుని నైపుణ్యాలను మరింత అభివృద్ధి చేసుకోవాలని పిలుపునిచ్చారు. విశ్వకర్మ చిత్రపటానికి డీఆర్‌వో లోకేశ్వరరావు, వివిధ శాఖల అధికారులు, విశ్వబ్రహ్మణులు పూలమాలలు వేసి ఘనంగా నివాళులు అర్పించారు. ఈ సందర్భంగా విశ్వకర్మ జీవిత విశేషాలను డీఆర్వో సమగ్రంగా వివరించారు. ఈ కార్యక్రమంలో కలెక్టరేట్‌ అధికారులతో పాటు పాడేరు వీరబ్రహ్మేంద్రస్వామి ఆలయ ధర్మకర్త నవర గోవిందరావు, విశ్వబ్రహ్మణులు పాల్గొన్నారు. ఘనంగా ఊరేగింపు : విశ్వకర్మ జయంతిని పురస్కరించుకుని విశ్వబ్రహ్మణ సంఘం ఆధ్వర్యంలో వేడుకలు ఘనంగా జరిగాయి. విశ్వకర్మ చిత్రపటానికి పూలమాలలు వేసి నివాళులు అర్పించిన అనంతరం, మధ్యాహ్నం అన్న సమారాధన నిర్వహించారు. సాయంత్రం పాడేరు పురవీధుల్లో విశ్వకర్మ చిత్రపటాన్ని పల్లకిలో ఘనంగా ఊరేగించారు. ఈ కార్యక్రమంలో విశ్వబ్రహ్మణ సంఘం నేతలు సున్నం సత్యనారాయణ, దిమిలి రమణ, వెంకటరమణ, శ్రీశైలపు నానాజీ, మొగలతుత్తి శ్రీను, మునసాల బుజ్జి తదితరులు పాల్గొన్నారు.