● దంపతులను బలిగొన్నస్నేహితుల మోసం, ఆర్థిక ఇబ్బందులు ● ఆస్పత్రిలో చికిత్స పొందుతున్న కూతురు ● జెజ్జంకిలో తీవ్ర విషాదంబెజ్జంకి(సిద్దిపేట): స్నేహితుడిని ఆదుకునేందుకు వహించిన మధ్యవర్తిత్వం దంపతుల ఆత్మహత్యకు కారణమైంది. ఈ ఘటన ఆదివారం బెజ్జంకి మండలంలో తీవ్ర విషాదాన్ని నింపింది. నమ్మిన స్నేహితుల మోసం, ఆర్థిక ఇబ్బందులతో వడ్లకొండ శ్రీహర్ష(33), భార్య రుక్మిణి (28) క్రిమిసంహారక మందు తాగి బలవన్మరణానికి పాల్పడ్డారు. వారి కుమార్తె హరిప్రియకు తాపి ఉంటారన్న అనుమానంతో సిద్దిపేట ఆస్పత్రిలో చికిత్స అందిస్తున్నారు. వివరాలిలా ఉన్నాయి. దాచారం గ్రామానికి చెందిన శ్రీహర్ష బెజ్జంకిలో భార్య, కుమార్తెతో కలిసి అద్దెకు ఉంటూ రెడీమేడ్‌ డ్రెస్సెస్‌ షాపు నిర్వహిస్తున్నారు. శ్రీహర్ష స్నేహితుల వద్ద రూ.13 లక్షల అప్పుల వ్యవహారంలో మధ్యవర్తిగా ఉన్నాడు. దీంతో అప్పుల వారి ఒత్తిడితో.. తీసుకున్న వ్యక్తి తిరిగి డబ్బులు ఇవ్వకపోవడంతో మానసికంగా కుంగిపోయాడు. ఈ క్రమంలో తీవ్ర మనస్తాపానికి గురై భార్య, కూతురుతో సహా క్రిమిసంహారక మందు తాగి, ఆత్మహత్యకు పాల్పడుతున్నట్లు తాను రాసిన సూసైడ్‌ నోట్‌లో పేర్కొన్నారు. భార్య రుక్మిణి అక్కడికక్కడే మృతి చెందగా, శ్రీహర్ష కరీంనగర్‌ ఆస్పత్రికి తరలిస్తుండగా మృతి చెందాడు. శ్రీహర్ష రాసిన సూసైడ్‌ నోట్‌ను పోలీసులు స్వాధీనం చేసుకున్నారు. ‘నమ్మిన మిత్రుల వల్లే నాకు ఈపరిస్థితి వచ్చిందని తమను మోసం చేసిన వారిపై చర్యలు తీసుకుని న్యాయం చేయాల’ని సూసైడ్‌ నోట్‌లో రాసినట్లు సమాచారం. సంఘటనా స్థలాన్ని ఏసీపీ రవీందర్‌రెడ్డి, సిద్దిపేట రూరల్‌ సీఐ శ్రీను, ఎస్‌ఐ సౌజన్య పరిశీలించారు.

మల్లన్నసాగర్‌ నీటి నిల్వ సామర్థ్యం 50 టీఎంసీల్లో హైదరాబాద్‌ మహానగర అవసరాలకు ఏటా 20 టీఎంసీలను వాడుకోవాలని పథకం రూపొందించారు. రూ.4,500 కోట్ల వ్యయంతో 198 కిలోమీటర్ల మేర పైపులైన్‌ల పనులు చేపట్టనున్నారు. ప్రస్తుతం హైదరాబాద్‌కు వెళ్తున్న ఎల్లంపల్లి లైన్‌కు సమాంతరంగా మరో కొత్త పైప్‌లైన్‌ నిర్మించాలని నిర్ణయించారు. ముందుగా మల్లన్నసాగర్‌ నుంచి మేడ్చల్‌ జిల్లా ఘనపూర్‌ వరకు సమారుగా 100 కిలోమీటర్ల మేర 4 డయామీటర్ల పైప్‌లైన్‌ నుంచి నిర్మించి అక్కడ ప్రత్యేక డబ్ల్యూటీపీ (వాటర్‌ ట్రీట్‌మెంట్‌ ప్లాంట్‌) నిర్మించాలని నిర్ణయించారు. అక్కడి నుంచి నగరంలోని ఉస్మాన్‌నగర్‌, హిమాయత్‌ సాగర్‌ రిజర్వాయర్‌లను నింపాలనుకుంటున్నారు. ఇందుకోసం అవుటర్‌ రింగు రోడ్డు గుండా పైప్‌లైన్‌ నిర్మాణం జరగనుంది. దీంతోపాటు మూసీ నది సుందరీకరణకు సైతం ఈ జలాలను తరలించే ప్రత్యేక కార్యాచరణ ఈ పథకంలో ఉంది. మొత్తంగా 198కిలోమీటర్ల మేర పైప్‌లైన్‌ల నిర్మాణం చేపట్టాల్సి ఉందని ఇంజినీర్లు అంచనా వేస్తున్నారు.

సిద్దిపేటజోన్‌: ‘రామరాజ్యం అనేది మహాత్మాగాంధీ కల, అది పీఎం నరేంద్రమోదీ ద్వారానే సాధ్యమవుతుంది. కాంగ్రెస్‌ గాంధీ కలలను పట్టించుకోవడం లేదు, వారికి గాంధీ మీద ప్రేమ లేద’ని మెదక్‌ ఎంపీ రఘునందన్‌ రావు విమర్శించారు. ఆదివారం సిద్దిపేట జిల్లా కేంద్రంలో ఇటీవల గెలుపొందిన బీజేపీ సర్పంచ్‌. ఉప సర్పంచ్‌ల ఆత్మీయ సన్మాన కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ..దేశంలో బీజేపీ మార్పు కోరుతోందన్నారు. కాంగ్రెస్‌ అనేక మాట లు చెప్పి రాష్ట్రంలో అధికారంలోకి వచ్చిందని విమర్శించారు. భవిష్యత్తులో సిద్దిపేట జెడ్పీ పీఠం, మున్సిపాలిటీపై బీజేపీ జెండా ఎగరాలని కార్యకర్తలకు పిలుపునిచ్చారు.

సిద్దిపేటజోన్‌: మహాత్మాగాంధీ పేరును కేంద్ర ప్రభుత్వం కుట్రపూరితంగా ఉపాధి హామీ పథకం నుంచి తొలగించాలని చూస్తుందని జిల్లా కాంగ్రెస్‌ అధ్యక్షురాలు ఆకాంక్షరెడ్డి, ఓబీసీ సెల్‌ కన్వీనర్‌ సూర్యవర్మలు ఆరోపించారు. పార్టీ పిలుపు మేరకు ఆదివారం గాంధీ చౌక్‌ వద్ద నిరసన వ్యక్తం చేశారు. ఈ సందర్భంగా వారు మాట్లాడుతూ.. గాంధీజీ ఆశయాలు, ఆయన పేరుతో ఉన్న పథకాలను కాపాడే బాధ్యత ప్రతి కాంగ్రెస్‌ కార్యకర్తపై ఉందన్నారు. ఉపాధి హామీ పథకం నిర్వీర్యం చేయడాన్ని కాంగ్రెస్‌ ఉరుకోదని అన్నారు. అంతకుముందు గాంధీ విగ్రహానికి పూలమాలలు వేసి నివాళులర్పించారు. కార్యక్రమంలో డీసీసీ మాజీ అధ్యక్షుడు నర్సారెడ్డి, గజ్వేల్‌ మార్కెట్‌ కమిటీ చైర్మన్‌ నరేందర్‌రెడ్డి, నాయకులు చంద్రం, బుచ్చిరెడ్డి, రియాజ్‌, రవితేజ, సర్పంచ్‌లు కార్యకర్తలు పాల్గొన్నారు.

డీఈఓ శ్రీనివాస్‌రెడ్డి దుబ్బాక: కలియుగ దైవం వేంకటేశ్వరస్వామి కృపతో అందరూ సుఖసంతోషాలతో ఉండాలని డీఈఓ శ్రీనివాస్‌రెడ్డి అన్నారు. తెలంగాణ తిరుమలగా ప్రసిద్ధిగాంచిన దుబ్బాక బాలాజీ ఆలయంలో స్వామి వారిని దర్శించుకొని ప్రత్యేక పూజలు చేశారు. ఈ సందర్భంగా డీఈఓ మాట్లాడుతూ ఆలయాన్ని సుందరంగా నిర్మించడం, స్వామి వారు భక్తుల కొంగుబంగారంగా విరజిల్లుతుండడం అద్భు తమని అన్నారు. ఆలయ చైర్మన్‌ వడ్లకొండ శ్రీధర్‌, బాధ్యులు చింత నాగేందర్‌ ఆధ్వర్యంలో డీఈఓతో పాటు ఎంఈఓ ప్రభుదాసును వేదపండితులు సన్మానించారు. తపస్‌ జిల్లా అధ్యక్ష, కార్యదర్శుల ఎన్నిక ప్రశాంత్‌నగర్‌(సిద్దిపేట): తెలంగాణ ప్రాంత ఉపాధ్యాయ సంఘం (తపస్‌) జిల్లా నూతన అధ్యక్ష కార్యదర్శులను ఆదివారం జిల్లా కేంద్రంలో ఎన్నుకున్నారు. జిల్లా నూతన అధ్యక్షులుగా చిలుముల మురళీధర్‌, ప్రధాన కార్యదర్శిగా వంగ నర్సిరెడ్డి లు ఏకగ్రీవంగా ఎన్నికయ్యారు. ఎన్నికల అధికారులుగా దేశ్‌ భాస్కర్‌, హరిపురం రఘులు వ్యవహరించారు. ఈ సందర్భంగా నూతన అధ్యక్షుడు చిలుముల మురళీధర్‌ మాట్లాడుతూ విద్యారంగ అభివృద్ధి, ఉపాధ్యాయ సమస్యల పరిష్కారమే లక్ష్యంగా తపస్‌ నిస్వార్థ సేవలు అందిస్తోందని తెలిపారు. కార్యక్రమంలో మండలాల తెలంగాణ ప్రాంత ఉపాధ్యాయ సంఘం అధ్యక్ష కార్యదర్శులు, కార్యకర్తలు పాల్గొన్నారు. కేంద్ర మంత్రిని కలిసిన నాయకులు కోహెడరూరల్‌(హుస్నాబాద్‌): ఇటీవల జరిగిన పంచాయతీ ఎన్నికల్లో బీజేపీ మద్దతుతో గెలుపొందిన తీగలకుంటపల్లి సర్పంచ్‌ మ్యాక స్వర్ణలత, నాయకులు కేంద్ర మంత్రి బండి సంజ య్‌ కుమార్‌ను కలిశారు. కరీంనగర్‌లోని ఎంపీ కార్యాలయంలో మర్యాదపూర్వకంగా కలిసి సన్మానించారు. ఎంపీ మాట్లాడుతూ గ్రామాల అభివృద్ధికి పూర్తి సహాయసహకారాలు అందిస్తామని హామీ ఇచ్చినట్లు వారు తెలిపారు. బీజేపీని బలోపేతం చేద్దాం ఎంపీ రఘునందన్‌రావు తొగుట(దుబ్బాక): గ్రామీణ ప్రాంతంలో బీజే పీని బలోపేతం చేద్దామని మెదక్‌ ఎంపీ రఘునందన్‌రావు కార్యకర్తలకు సూచించారు. గ్రామ పంచాయతీ ఎన్నికల్లో విజయం సాధించిన పార్టీ బలపరిచిన సర్పంచ్‌, ఉప సర్పంచ్‌లను సిద్దిపేటలో ఆదివారం నిర్వహించిన కా ర్యక్రమంలో సన్మానించారు. ఎంపీ మాట్లా డు తూ వచ్చే ఎంపీటీసీ, జెడ్పీటీసీ ఎన్నికల్లో బీజే పీ సత్తాచాలన్నారు. కార్యక్రమంలో చందాపూ ర్‌ మాజీ సర్పంచ్‌ నర్సింహులు పాల్గొన్నారు. ఎస్సీ, ఎస్టీ అడ్వకేట్‌ జాయింట్‌ సెక్రటరీగా శివకుమార్‌ ప్రశాంత్‌నగర్‌(సిద్దిపేట): జిల్లా ఎస్సీ, ఎస్టీ అడ్వకేట్‌ అసోసియేషన్‌ జాయింట్‌ సెక్రటరీగా చారకొండ శివకుమార్‌ నియమితులయ్యారు. ఈ మేరకు ఆయన మాట్లాడుతూ న్యాయవాదులు ఎదుర్కొంటున్న సమస్యల పరిష్కారానికి తన వంతు కృషి చేస్తానని తెలిపారు. తనకు అవకాశం ఇచ్చిన న్యాయవాదులకు కృతజ్ఞతలు తెలిపారు.

కోహెడరూరల్‌(హుస్నాబాద్‌): విద్యార్థులకు రుచికరమైన భోజనం అందించాలని, రోజూ కామన్‌ డైట్‌ పాటించాలని కలెక్టర్‌ హైమావతి సూచించారు. ఆదివారం సాయంత్రం కోహెడ మండలంలోని తంగళ్ళపల్లిలో కస్తూర్బా గాంధీ బాలికల విద్యాలయాన్ని కలెక్టర్‌ క్షేత్రస్థాయిలో సందర్శించారు. రాత్రి భోజనం, వసతిని పరిశీలించారు. ఈ సందర్భంగా ఆహార పదార్థాలను తనీఖీ చేశారు. విద్యార్ధుల హాజరు ప్రకారం వంట సరుకులు అందించరా?, సన్నబియ్యం నాణ్యతపై ఆరా తీశారు. విద్యాలయ ప్రాంగణంలో వెలుతురు సరిగ్గా లేదని, ఎక్కువ వెలుతురు వచ్చే లైట్లు అవర్చేలా చర్యలు తీసుకోవాలని ఈ సందర్భంగా కలెక్టర్‌ను కోరారు. కలెక్టర్‌ సానుకూలంగా స్పందించి చర్యలు తీసుకుంటామన్నారు.

కోహీర్‌లో చలిమంట కాచుకుంటున్న ప్రజలుపల్లెకు పట్టాభిషేకంనేడు కొలువుదీరనున్న కొత్త పాలకవర్గాలు దుబ్బాకటౌన్‌/చిన్నకోడూరు(సిద్దిపేట): కొత్త పాలకవర్గాలు కొలువు దీరేందుకు పంచాయతీలు ముస్తాబయ్యాయి. సోమవారం జిల్లాలోని గ్రామ పంచాయతీల్లో సర్పంచ్‌లు, ఉప సర్పంచ్‌లు, వార్డు సభ్యులు బాధ్యతలు చేపట్టనున్నారు. ఈ నేపథ్యంలో పంచాయతీ భవనాలను అందంగా తీర్చిదిద్దారు. ప్రమాణ స్వీకారానికి ఏర్పాట్లు చేశారు. జిల్లాలోని గజ్వేల్‌, సిద్ధిపేట, హుస్నాబాద్‌ డివిజన్లలో 508 గ్రామ పంచాయతీలకు మూడు విడతల్లో సర్పంచ్‌, వార్డు సభ్యులకు ఎన్నికలు జరిగాయి. ప్రత్యేకాధికారుల పాలనకు తెర ప్రత్యేక అధికారుల పాలన ముగియనుంది. అలాగే 15వ ఆర్థిక సంఘం నిధులు విడుదల అయ్యేందుకు మార్గం సుగమం కానుంది. రెండేళ్లుగా గ్రామాలు ప్రత్యేకాధికారుల పాలనలో కొనసాగాయి. వారు క్షేత్రస్థాయిలో అందుబాటులో ఉండకపోవడంతో అనేక సమస్యలు పరిష్కారానికి నోచుకోలేదు. పాలనా వ్యవహారాలు పంచాయతీ కార్యదర్శులకు భారంగా మారిందని ప్రచారం. గ్రామ పాలకులు లేకపోవడంతో కేంద్ర, రాష్ట్ర ప్రభుత్వాల నుంచి వచ్చే నిధులు ఆగిపోయాయి. వీధి దీపాలు, పారిశుద్ధ్య పనులు, చెత్త సేకరణ, తాగునీరు, ఇతర అవసరాలకు డబ్బు లేకపోవడంతో కార్యదర్శులు ఆర్థికంగా ఇబ్బంది పడ్డారు. వడ్డీలకు డబ్బు తెచ్చి జీపీలను నడిపించారని జోరుగా ప్రచారం సాగింది. వీటిలో అనేక సమస్యలు పరిష్కారానికి నోచుకోలేదు. కొత్త సర్పంచ్‌లు వస్తే అభివృద్ధి జరుగుతుందని ఆయా గ్రామాల ప్రజలు కోటి ఆశలతో ఎదురుచూస్తున్నారు. అద్దె భవనాల్లో ఏర్పాట్లు.. చిన్నకోడూరు మండలంలోని కొన్ని గ్రామాల్లో పంచాయతీ భవన నిర్మాణాలు అసంపూర్తిగా ఉండటంతో అద్దె భవనాల్లో ఏర్పాట్లు చేశారు. కొన్ని గ్రామాల్లో శిథిలావస్థలో ఉన్న భవనాల్లో నూ ప్రమాణ స్వీకారానికి ఏర్పాట్లు జరిగాయి. ఈ క్రమంలో గ్రామాల్లో సందడి నెలకొంది.

మంచినీటి పథకానికి శ్రీకారం● నీటి సమస్యకు శాశ్వత పరిష్కారం ● హైదరాబాద్‌ మహానగరానికి తరలింపు పనులు ప్రారంభం ● ఏటా 20 టీఎంసీల నీటి తరలింపే లక్ష్యం మల్లన్న జలాలు ఇక పరుగులు పెట్టనున్నాయి. నీటి పథకానికి జిల్లాలో శ్రీకారం చుట్టారు. మంచినీటి సమస్యకు శాశ్వత పరిష్కారం కానుంది. హైదరాబాద్‌ మహా నగరం మంచినీటి అవసరాలను తీర్చేందుకు, అలాగే మూసీ సుందరీకరణకు ఆధారమైన మల్లన్నసాగర్‌ జలాల తరలింపు పనులు ప్రారంభమయ్యాయి. గజ్వేల్‌ ప్రాంతంలోని పాతూరు కూరగాయల మార్కెట్‌ సమీపంలో ఇందుకు సంబంధించిన పైప్‌లైన్‌ పనులు కొన్ని రోజుల కిందట మొదలుపెట్టారు. రూ.4500కోట్ల వ్యయంతో 198 కిలోమీటర్ల మేర జరగనున్నాయి. – గజ్వేల్‌ జిల్లాలో నిర్మించిన మల్లన్నసాగర్‌ రిజర్వాయర్‌ నేడు రాష్ట్ర రాజధాని హైదరాబాద్‌ భవిష్యత్‌ అవసరాలకు కల్పతరువుగా మారింది. ఉత్తర తెలంగాణ ప్రయోజనాలే లక్ష్యంగా 50టీఎంసీల నీటి నిల్వ సామర్థ్యంతో నిర్మించిన ఈ రిజర్వాయర్‌... తాజాగా రాజధానికి గొంతు తడపటానికి ఉపయోగపడబోతోంది. ప్రస్తుతం కృష్ణ, మంజీర నదులు, ఎల్లంపల్లిబ్యారేజీతోపాటు గండిపేట రిజర్వాయర్ల నుంచి మంచినీటి సరఫరా జరుగుతోంది. రోజురోజుకూ పెరుగుతున్న నగర నీటి అవసరాలను అంచనా వేస్తూ.. హైదరాబాద్‌ మెట్రో వాటర్‌ వర్క్స్‌(హెచ్‌ఎండబ్ల్యూఎస్‌) ఆయా వనరుల ద్వారా మంచినీటిని సరఫరా చేస్తున్నది. ఇందులోభాగంగానే జంటనగరాల్లోని వివిధ ప్రాంత్లాల్లో తాగనీటి పరిష్కారం కోసం గోదావరి సుజల స్రవంతి పథకాన్ని పన్నెండేళ్ల క్రితమే రూ.3,375కోట్ల అంచనాల వ్యయంతో పనులు చేపట్టి పూర్తి చేశారు. కరీంనగర్‌ జిల్లా ఎల్లంపల్లి బ్యారేజీ నుంచి ఏటా 10టీఎంసీల నీటిని హైద్రాబాద్‌కు తరలిస్తున్నారు. అయినా మహానగర దాహార్తికి తిప్పలు తప్పడం లేదు. క్రమంలోనే మల్లన్నసాగర్‌ మంచినీటి పథకానికి ఇటీవల రూపకల్పన చేసిన సంగతి తెలిసిందే. మల్లన్నసాగర్‌ మంచినీటి పథకానికి సంబంధించిన పనులు గజ్వేల్‌ ప్రాంతంలో పాతూరు కూరగాయల మార్కెట్‌ పక్కన కొన్ని రోజుల కిందట ప్రారంభమయ్యాయి. గతంలో ఉన్న ఎల్లంపల్లి పైప్‌లైన్‌కు సమాంతరంగా ఈ పనులు చేపడుతున్నారు.

కొమురవెల్లి(సిద్దిపేట): మల్లికార్జున స్వామి ఆలయానికి ఆదివారం భక్తులు పోటెత్తారు. ఆలయ పరిసరాలన్నీ కిటకిటలాడాయి. జిల్లా నుంచే కాకుండా వివిధ ప్రాతాల నుంచి భక్తులు వచ్చి స్వామి వారిని దర్శించుకున్నారు. గంగరేణి చెట్టు వద్ద ముడుపులు కట్టి మొక్కులు చెల్లించుకున్నారు. మరికొంతమంది పట్నాలు వేశారు. ఆలయ ముఖ మండపంలో నిత్యకల్యాణం, అభిషేకం, ఒడిబియ్యాలు పోసి ప్రత్యేక పూజలు చేశారు. అనంతరం ఎల్లమ్మ తల్లికి బోనం పెట్టి వేడుకున్నారు. స్వామి వారి దర్శనానికి సుమారు 3 గంటల సమయం పట్టినట్లు ఆలయ అధికారులు తెలిపారు.

● జిల్లా ప్రధాన న్యాయమూర్తి సాయిరమాదేవి ● జాతీయ లోక్‌ అదాలత్‌లో 2,420 కేసులు పరిష్కారంసిద్దిపేటకమాన్‌: రాజీయే రాజ మార్గమని లోక్‌ అదాలత్‌లో కేసులు పరిష్కరించుకోవాలని న్యాయ సేవాధికార సంస్థ చైర్‌పర్సన్‌, జిల్లా ప్రధాన న్యాయమూర్తి సాయిరమాదేవి తెలిపారు. సిద్దిపేట కోర్టులో నిర్వహించిన జాతీయ లోక్‌ అదాలత్‌లో రాజీ మార్గం ద్వారా న్యాయమూర్తులు పలు కేసులను పరిష్కరించారు. ఈ సందర్భంగా ఆమె మాట్లాడుతూ.. లోక్‌ అదాలత్‌లో కేసులు పరిష్కరించుకోవడం ద్వారా సమయం, డబ్బు ఆదా అవుతుందని తెలిపారు. జాతీయ లోక్‌ అదాలత్‌లో 2,420కేసులు పరిష్కారమైనట్లు వీటిలో 45 సివిల్‌, 16 మోటారు ప్రమాద కేసుల్లో రూ.1,34,75,000 పరిష్కరించినట్లు తెలిపారు. 67బ్యాంకు పీఎల్‌సీ కేసుల్లో రూ.26,97,267 పరిష్కరించారన్నారు. లోక్‌ అదాలత్‌ సందర్భంగా పీవీ నరసింహారావు చారిటబుల్‌ ట్రస్ట్‌ డాక్టర్‌ సుధాకిరణ్‌ ఆధ్వర్యంలో నిర్వహించిన బ్లడ్‌ డోనేషన్‌ క్యాంపులో 62యూనిట్ల రక్తాన్ని సేకరించారు. కార్యక్రమంలో న్యాయసేవాధికార సంస్థ సెక్రటరీ, ప్రిన్సిపాల్‌ సీనియర్‌ సివిల్‌ జడ్జి సంతోష్‌కుమార్‌, న్యాయమూర్తులు తదితరులు పాల్గొన్నారు.

● దశాబ్దాల పారిశుద్ధ్య సమస్యకు పరిష్కారం ● ఆదర్శంగా చౌదరిపల్లి వాసులు వర్గల్‌(గజ్వేల్‌): మురుగుకాలువ సదుపాయం లేక సతమతమయ్యారు. మురుగు దుర్గంధంతో తల్లడిల్లిపోయారు. పట్టించుకునేవారు లేరని ఆవేదన చెందారు. తలో పైసా పోగేసుకున్నారు. అండర్‌గ్రౌండ్‌ డ్రైనేజీ నిర్మించుకున్నారు. దశాబ్దాలుగా వేధిస్తున్న పారిశుధ్య సమస్య పరిష్కరించుకున్నారు. గజ్వేల్‌–వర్గల్‌ రోడ్డు మార్గంలో వర్గల్‌ మండలం చౌదరిపల్లి చౌరస్తా ఉంది. మెయిన్‌రోడ్డు ఆనుకుని చాలా ఇళ్లు ఉంటాయి. ఆ ఇళ్ల నుంచి వృథానీరు వెళ్లేందుకు సైడ్‌ డ్రైయిన్లు (మురుగు కాలువలు) లేవు. ఇంట్లో నీరు ఇంటి ప్రాంగణంలోనే నిలిచిపోయి, వర్షకాలంలో వరదనీరు తోడై దుర్భర పరిస్థితి ఎదుర్కోవాల్సివచ్చేది. పలుమార్లు అధికారుల దృష్టికి తెచ్చినా, దశాబ్దాలు గడుస్తున్నా ఎవరూ పట్టించుకోలేదు. దీంతో ఆ ఇళ్ల యజమానులు రూ. 40,000 దాకా పోగేశారు. పైపులు, ఛాంబర్లు తెప్పించారు. ఇళ్ల ముందు నుంచి చౌరస్తా వద్ద మెయిన్‌లైన్‌లోకి మురుగునీరు వెళ్లిపోయేలా అండర్‌గ్రౌండ్‌ డ్రైనేజీ నిర్మించుకున్నారు. తమ సమస్య తామే పరిష్కరించుకుని ఆదర్శంగా నిలిచారు. అండర్‌గ్రౌండ్‌ డ్రైనేజీ నిర్మించాం చౌదరిపల్లి చౌరస్తాలో చాలా ఇళ్లకు మురుగు నీరు వెళ్లే మార్గం లేదు. వానపడితే ఇళ్లల్లోకి నీరు వస్తుండే. వాసన, దోమలతోని బాధలు పడ్డాం. ఎవరికీ చెప్పినా ప్రయోజనం లేకపోవడంతో డబ్బులు జమ చేసి రోడ్డు పక్కన అండర్‌గ్రౌండ్‌ డ్రైనేజీ నిర్మించాం. మురుగు బాధ నుంచి బయటపడ్డాం. – తుమ్మ వెంకటేశ్‌, చౌదరిపల్లి చౌరస్తా

బెజ్జంకి (సిద్దిపేట): అప్పులిచ్చిన వారి వేధింపులు భరించలేక దంపతులు ఆత్మహత్య చేసుకున్నారు. ఈ సంఘటన సిద్దిపేట జిల్లా బెజ్జంకి మండల కేంద్రంలో ఆదివారం జరిగింది. స్థానికుల కథనం మేరకు.. మండలంలోని దాచారం గ్రామానికి చెందిన వడ్లకొండ శ్రీనివాస్, రేణుకలకు ఇద్దరు కుమారులు. పెద్ద కుమారుడు శ్రీహర్ష (33)కు మూడేళ్ల క్రితం రుక్మిణి (28)తో వివాహం జరిగింది. బెజ్జంకిలో వస్త్ర దుకాణం పెట్టుకుని అక్కడే జీవిస్తున్నారు. వీరికి కూతురు హరిప్రియ ఉంది. కాగా శ్రీహర్ష తన మిత్రుడి వద్ద డబ్బులు తీసుకుని, మరో మిత్రునికి ఇచ్చాడు. డబ్బులివ్వాలని అప్పుచి్చన వ్యక్తి మరో ముగ్గురితో కలిసి వేధిస్తుండగా, తీసుకున్న వ్యక్తి ఇవ్వడం లేదు. ఈ క్రమంలో వారి వేధింపులతో అవమానంగా భావించిన శ్రీహర్ష, భార్య, కూతురుతో కలిసి క్రిమిసంహారక మందు తాగారు. చిన్నారి రోదన విని సమీప వ్యక్తులు శ్రీహర్ష తండ్రికి సమాచారమందించారు. అతను వచ్చి ఇంటి తలుపులు తెరిచి వెళ్లేసరికి అప్పటికే రుక్మిణి మృతి చెందింది. శ్రీహర్ష, చిన్నారిని సిద్దిపేట ప్రభుత్వ ఆస్పత్రికి తరలించారు. మెరుగైన చికిత్స కోసం శ్రీహర్షను కరీంనగర్‌ ప్రైవేటు ఆస్పత్రికి తరలిస్తుండగా మార్గమధ్యలో మృతి చెందాడు. కాగా చిన్నారి సిద్దిపేట ప్రభుత్వ ఆస్పత్రిలో చికిత్స పొందుతోంది. తమ చావుకు కారణమైన వారిపై చర్యలు తీసుకోవాలని రాసిన సూసైడ్‌ నోట్‌ను పోలీసులు స్వా«దీనం చేసుకున్నారు. సంఘటనా స్థలాన్ని ఏసీపీ రవీందర్‌రెడ్డి, రూరల్‌ సీఐ శ్రీను, ఎస్‌ఐ సౌజన్య పరిశీలించారు.

● వచ్చేది బీఆర్‌ఎస్‌ ప్రభుత్వమే ● అన్ని పనులు చేసుకుందాం ● మా సర్పంచులను తన ఖాతాలో వేసుకుంటున్న సీఎం ● ఎమ్మెల్యే హరీశ్‌రావు ఎద్దేవాసాక్షి ప్రతినిధి, సంగారెడ్డి: బీఆర్‌ఎస్‌ సర్పంచులు ధైర్యంగా పనిచేయాలని మాజీమంత్రి, ఎమ్మెల్యే హరీశ్‌రావు అన్నారు. ఎల్లప్పుడు అందుబాటులో ఉంటూ ప్రజల ఆకాంక్షల మేరకు పనిచేయాలని చెప్పారు. బీఆర్‌ఎస్‌ మద్దతుతో గెలిచిన సర్పంచులను సంగారెడ్డిలో శనివారం ఆయన సన్మానించారు. ఈ సందర్భంగా మాట్లాడుతూ.. కాంగ్రెస్‌ పార్టీ ఎన్ని కేసులు పెట్టినా.. డబ్బులు పంచి గూండాయిజం చేసినా బీఆర్‌ఎస్‌ నాయకులు ధైర్యంగా ఎదుర్కొని సర్పంచులుగా విజయం సాధించారని చెప్పారు. మరో రెండేళ్లలో వచ్చేది తమ ప్రభుత్వమేనని, బీఆర్‌ఎస్‌ సర్పంచులు అధైర్య పడాల్సిన అవసరం లేదన్నారు. సర్పంచులు ఐదేళ్లు పదవిలో ఉంటారని, బీఆర్‌ఎస్‌ ప్రభుత్వం వచ్చాక అన్ని గ్రామాల అభివృద్ధికి సంబంధించిన అన్ని పనులను తాను దగ్గరుండి చేయిస్తానని భరోసా ఇచ్చారు. ముఖ్యమంత్రికి, ఎమ్మెల్యేలకు లేని చెక్‌ పవర్‌ సర్పంచులకే ఉంటుందని అన్నారు. స్థానిక సంస్థల ఎన్నికల్లో ఎప్పడైనా అధికార పార్టీ 90 శాతం స్థానాలను గెలుచుకుటుందని, కానీ ఈ సర్పంచ్‌ ఎన్నికల్లో 40 శాతానికి మించి సుమారు నాలుగు వేల సర్పంచ్‌ స్థానాలను బీఆర్‌ఎస్‌ గెలుచుకుందని హరీశ్‌ చెప్పారు. సీఎం రేవంత్‌రెడ్డి బీఆర్‌ఎస్‌ సర్పంచులను కాంగ్రెస్‌ ఖాతాలో వేసుకుంటున్నారని విమర్శించారు. రాష్ట్రంలో అన్ని వర్గాల ప్రజలు కేసీఆర్‌ సీఎం కావాలని ఎదురు చూస్తున్నారని పేర్కొన్నారు. సర్పంచులు ఎవరికి భయపడాల్సిన అవసరం లేదని, కేంద్రం నుంచి వచ్చే 15వ ఆర్థిక సంఘం నిధులు నేరుగా సర్పంచుల ఖాతాల్లో జమ అవుతాయని పేర్కొన్నారు. కొత్త సర్పంచులకు అవగాహన కార్యక్రమాలు కొత్తగా సర్పంచులుగా ఎన్నికై న వారికి అవగాహన కల్పించేందుకు పార్టీ ఆధ్వర్యంలో త్వరలో సర్పంచులకు శిక్షణ కార్యక్రమాలను నిర్వహిస్తామని ప్రకటించారు. సర్పంచ్‌ ఎన్నికల్లో ఓడిపోయిన వారికి భవిష్యత్‌ ఉంటుందని, గెలిచిన వారికి బాధ్యత ఉంటుందని పేర్కొన్నారు. కార్యక్రమంలో సంగారెడ్డి ఎమ్మెల్యే చింతా ప్రభాకర్‌, ఆ పార్టీ నాయకులు కాసాల బుచ్చిరెడ్డి, విజయేందర్‌రెడ్డి, డాక్టర్‌ శ్రీహరి, పట్నం మాణిక్యం తదితరులు పాల్గొన్నారు.

సిద్దిపేటకమాన్‌: జిల్లాలో మూడు విడతలుగా జరిగిన గ్రామ పంచాయతీ ఎన్నికలు ప్రశాంత వాతావరణంలో ముగిశాయి. ఎన్నికల నియమావళి అమల్లోకి వచ్చినప్పటి నుంచి పోలింగ్‌, కౌంటింగ్‌ ముగిసే వరకు పటిష్ట పోలీసు బందోబస్తు నిర్వహించారు. ఎన్నికల సందర్భంగా ఇటీవల నూతన పోలీసు కమిషనర్‌గా బాధ్యతలు చేపట్టిన విజయ్‌కుమార్‌ తన మార్క్‌ చాటుకున్నారు. సర్పంచ్‌, వార్డు మెంబర్లుగా పోటీ చేసిన అభ్యర్థులు ఓటర్లను ప్రసన్నం చేసుకోవడానికి రకరకాల ప్రయత్నాలు చేశారు. ఎన్నికల నియమావళి అమల్లో ఉండగా నిబంధనలకు విరుద్ధంగా నిల్వ ఉంచిన, మద్యం పంపిణీని అడ్డుకుని పోలీసులు కేసులు నమోదు చేశారు. ఓటర్లను ప్రలోభ పెట్టేలా ఎవరు చట్టవ్యతిరేక కార్యక్రమాలకు పాల్పడిన వారిపై కేసులు నమోదు చర్యలు తీసుకున్నారు. ఎన్నికల నియమావళి అమల్లోకి వచ్చినప్పటి నుంచి ఈ నెల 17న మూడవ విడత పోలింగ్‌, కౌంటింగ్‌ ముగిసే వరకు నిబంధనలు ఉల్లంఘించిన వారిపై జిల్లాలో మొత్తం 432 కేసులు నమోదు చేశారు. వీటిలో 271 మద్యం కేసులు నమోదయ్యాయి. రూ.37,89,530 విలువగల 5,181 లీటర్ల మద్యాన్ని పోలీసులు స్వాధీనం చేసుకున్నారు. ఓటర్లను ప్రలోభపెట్టేందుకు ఉచితంగా వివిధ రకాల వస్తువులను పంపిణీ చేసేందుకు పలువురు ప్రయత్నించగా తనిఖీ బృందాలు పట్టుకుని 35 కేసులు నమోదు చేసి రూ.2,29,560 విలువగల వస్తువులను సీజ్‌ చేశారు. సరైన పత్రాలు లేకుండా తరలిస్తున్న రూ.30,36,620 నగదును పోలీసులు సీజ్‌ చేశారని తెలిపారు. అనుమతి లేని ర్యాలీలు నిర్వహించిన వారిపై 27కేసులు, బాణసంచా కాల్చడంపై 15కేసులు నమోదు చేశారు. శాంతి భద్రతలకు విఘాతం కలగకుండా ముందస్తు జాగ్రత్తగా 2,729 మందిని అధికారుల ముందుగానే బైండోవర్‌ చేశారు. సమస్యాత్మక పోలింగ్‌ కేంద్రాలపై ప్రత్యేక పోలీసు నిఘా ఏర్పాటు చేశారు.

చేర్యాల(సిద్దిపేట): మహాత్మా గాంధీ జాతీయ ఉపాధి హామీ చట్టాన్ని యథావిధిగా కొనసాగించాలని సీపీఎం జిల్లా కమిటీ సభ్యుడు వెంకట్‌మావో అన్నారు. ఈ సందర్భంగా శనివారం స్థానిక పాత బస్టాండ్‌ సమీపంలో జాతీయ రహదారిపై నిరసన చేపట్టి వీబీ జీ రాం జీ పేరుతో ఉన్న ఉపాధి హామీ పథకం పత్రాలను దహనం చేశారు. ఈ సందర్భంగా ఆయన మాట్లాడుతూ వీబీ జీ రాంజీ పేరుతో ఉపాధి హామీ పథకాన్ని రద్దు చేసేందుకు కేంద్రం కుట్ర పన్నుతోందన్నారు. రాజ్యాంగంలో పేర్కొన్న విధంగా పని హక్కుగా ఉన్న పాత చట్టాన్ని మార్చి సాధారణ పథకంగా అమలు చేయాలని చూస్తుందన్నారు. ఎంజీఎన్‌ఆర్‌ఈజీఎస్‌ పేరుతో ఉన్న పథకం పేరు మార్చడం మహాత్ముడిని అవమానపర్చడమే అన్నారు. ఈ పథకం అమలు చేసేందుకు కేంద్రం ఇస్తున్న 90 శాతం నిధులను 60 శాతానికి తగ్గించి రాష్ట్రాలపై భారం మోపుతుందన్నారు. ఉపాధి హామీ పథకాన్ని యథావిధిగా కొనసాగించాలని, లేనియెడల పెద్ద ఎత్తున ఆందోళన చేపడతామని హెచ్చరించారు, ఈ కార్యక్రమంలో సీపీఎం నాయకులు అరుణ్‌, నర్సిరెడ్డి, శ్రీహరి, శోభ, రాజు, మైసయ్య, రవీందర్‌, బ్రహ్మయ్య తదితరులు పాల్గొన్నారు.సీపీఎం జిల్లా కమిటీ సభ్యుడు వెంకట్‌మావో

గుంతలమయంగా రోడ్డు గజ్వేల్‌ రూరల్‌: గజ్వేల్‌ మండలం బయ్యారం గ్రామ ప్రధాన రహదారి గుంతలమయం కావడంతో ప్రమాదాలు చోటు చేసుకుంటున్నాయి. ఇటీవల రాత్రి సమయంలో పలువురు ద్విచక్ర వాహనదారులు అదుపు తప్పి కిందపడటంతో తీవ్రంగా గాయపడి ఆస్పత్రి పాలయ్యారు. ఈ మార్గం గుండా వెళ్లాలంటే జంకుతున్నారు. రోడ్డు మరమ్మతులు చేపట్టాలని ప్రజలు కోరుతున్నారు. నిలిచిన జీపీ భవన నిర్మాణం అక్కన్నపేట: అక్కన్నపేట మండలం కన్నారం గ్రామ పంచాయతీ భవన నిర్మాణం మధ్యలోనే నిలిచిపోయింది. మూడేళ్ల క్రితం నిర్మాణ పనులు ప్రారంభించారు. అది ఇప్పటికీ పూర్తి కాకపోవడంతో శిథిలావస్థలో ఉన్న భవనంలోనే పాలన కొనసాగిస్తున్నారు. ప్రస్తుతం నిర్మాణంలో ఉన్న భవనం ఎప్పుడు కూలిపోతుందో తెలియని పరిస్థితి నెలకొంది. తొగుట: తొగుట మండల కేంద్రంలో పలు కాలనీల్లో మురుగు కాలువలు లేక ప్రజలు తీవ్ర ఇబ్బంది పడుతున్నారు. కొన్నేళ్లుగా మురుగు కాలువల నిర్మాణం చేపట్టకపోవడంతో ఇళ్ల ముందే గుంతలు తవ్వి మురుగు నీటిని పంపిస్తున్నారు. దీంతో దోమలతో సతమతం అవుతున్నారు. ఎన్నికల సమయంలో డ్రైనేజీ కాలువల నిర్మాణం చేస్తామని ఇప్పటివరకు పూర్తి చేయలేదని స్థానికులు ఆరోపిస్తున్నారు.

సాక్షి, సిద్దిపేట: ప్రాథమిక వ్యవసాయ సహకార సొసైటీ (పీఏసీఎస్‌) ప్రస్తుత పాలకవర్గాలను రాష్ట్ర ప్రభుత్వం రద్దు చేసింది. తదుపరి ఉత్తర్వులు జారీ అయ్యేంత వరకు పర్సన్‌ ఇన్‌చార్జీలుగా కొనసాగనున్నారు. పీఏసీఎస్‌ పాలకవర్గాల పదవీకాలం ఈ ఏడాది ఫిబ్రవరి 14న ముగిసింది. వాటినే పర్సన్‌ ఇన్‌చార్జి మేనేజింగ్‌ కమిటీలుగా ఆరు నెలలు పాటు కొనసాగించేందుకు ఉత్తర్వులు ఇచ్చింది. ఆ గడువు ముగిసిన తర్వాత ఆగస్టు 14న నిరవధికంగా పొడిగింపు ఇచ్చింది. తాజాగా శుక్రవారం వాటిని రద్దు చేస్తూ నిర్ణయం తీసుకుంది. దీంతో జిల్లాలో ఉన్న 21 పీఏసీఎస్‌లకు పర్సన్‌ ఇన్‌చార్జిలను జిల్లా సహకార అధికారి వరలక్ష్మి నియమించారు. కొండపాక పీఏసీఎస్‌ పర్సన్‌ ఇన్‌చార్జిగా డీసీఏవో నాగేశ్వర్‌ రావు, చేర్యాల, రేబర్తికి అసిస్టెంట్‌ రిజిస్ట్రార్‌ సతీశ్‌ రెడ్డి, ములుగు, వర్గల్‌లకు శ్రీనివాస్‌ రెడ్డి, హుస్నాబాద్‌, కట్కూర్‌లకు గౌతమ్‌, సిద్దిపేట, గంగాపూర్‌కు అమృతసేనారెడ్డి, దుబ్బాక, మిరుదొడ్డిలకు రాజశేఖర వర్మ, గజ్వేల్‌, జగదేవ్‌పూర్‌లకు రఘోత్తమ్‌రెడ్డి, కోహెడ, బెజ్జంకిలకు రాజమౌళి, పాలమాకుల, నంగునూరులకు సీనియర్‌ ఇన్‌స్పెక్టర్‌ ప్రవీణ్‌ రెడ్డి, దౌల్తాబాద్‌, కానుగల్‌కు రవి, మిట్టపల్లి, అల్లీపూర్‌లకు యాదగిరి నియమితులయ్యారు. శనివారం వీరంతా బాధ్యతలు స్వీకరించారు.బాధ్యతల స్వీకరణ

సిద్దిపేటరూరల్‌: నాసిక్‌ క్షేత్ర పర్యటనలో భాగంగా మహిళలు వ్యవసాయ ఉత్పత్తుల మార్కెటింగ్‌ మెలకువలను నేర్చుకొని ఆర్థిక పురోగతి సాధించాలని కలెక్టర్‌ కె.హైమావతి కోరారు. శనివారం కలెక్టరేట్‌ నుంచి మహారాష్ట్రలోని నాసిక్‌లో గల సయ్యాద్రి ఫామ్స్‌లను క్షేత్రస్థాయిలో పరిశీలించేందుకు మూడు రోజుల పాటు పర్యటించనున్న మహిళా సంఘాల సభ్యుల బృందం వాహనాన్ని కలెక్టర్‌ పచ్చజెండా ఊపి ప్రారంభించారు. ఈ సందర్భంగా ఆమె మాట్లాడుతూ వ్యవసాయ మార్కెటింగ్‌ రంగంలో స్వయం సహాయక మహిళా సంఘాలను ప్రోత్సహించడం, టెక్నాలజీ పరిశీలన కోసం జిల్లా సమాఖ్య, మండల మహిళా సమాఖ్య అధ్యక్షులు మొత్తం 25 మంది పంపుతున్నట్లు పేర్కొన్నారు. ఆర్థికంగా ఎదగడం కోసం ప్రతి అవకాశాన్ని సద్వినియోగం చేసుకోవాలన్నారు. ఈ కార్యక్రమంలో అదనపు కలెక్టర్‌ అబ్దుల్‌ హమీద్‌, డీఆర్డీఓ జయదేవ్‌ ఆర్య, ఎల్డీఎం హరిబాబు, అదనపు డీఆర్డీఓ సుధీర్‌ బాబు, డీపీఎం వాసుదేవ్‌, జిల్లా మహిళా సమాఖ్య అధ్యక్షురాలు రేణుక తదితరులు పాల్గొన్నారు. జాతీయ రోడ్డు భద్రతా మాసోత్సవాలలో భాగంగా అధికారులు రోడ్డు భద్రత నిబంధనలపై విస్తృత అవగాహన కల్పించాలని కలెక్టర్‌ కె.హైమావతి అన్నారు. శనివారం పోలీస్‌, రవాణా, ఆర్టీసీ, రోడ్లు భవనాలు, నేషనల్‌ హైవే, విద్యాశాఖ అధికారులతో కలెక్టర్‌ మాట్లాడారు. జనవరి 1 నుండి 31వ తేదీ వరకు జిల్లా వ్యాప్తంగా వాహనదారులకు, డ్రైవర్లకు, విద్యార్థులకు సాధారణ ప్రజలకు అవగాహన కార్యక్రమాలు నిర్వహించాలన్నారు. సమవేశంలో అదనపు డీసీపీ కుశాల్కర్‌, ఏసీపీలు, జిల్లా వైద్యాధికారి డాక్టర్‌. ధనరాజ్‌, సిద్దిపేట ఆర్టీసీ డిపో మేనేజర్‌ భవభూతి, రవాణా శాఖ అధికారులు తదితరులు పాల్గొన్నారు. సోమవారం కలెక్టరేట్లో నిర్వహించాల్సిన ప్రజావాణి కార్యక్రమాన్ని తాత్కాలికంగా రద్దు చేసినట్లు కలెక్టర్‌ తెలిపారు. వచ్చే సోమవారం నుంచి యథావిధిగా కార్యక్రమం ఉంటుందన్నారు.

సాక్షి, సిద్దిపేట: నూతనంగా ఎన్నికై న సర్పంచ్‌లకు పల్లెల్లో సమస్యలు స్వాగతం పలుకుతున్నాయి. దాదాపు రెండేళ్లుగా పాలకవర్గాలు లేకపోవడంతో ప్రతి పంచాయతీలో సమస్యలు తిష్టవేశాయి. రోడ్లు, డ్రైనేజీలు, పారిశుద్ధ్య లోపం, నీటి సరఫరాలో అంతరాయం, పాఠశాలలు, అంగన్‌వాడీలకు ప్రహరీ లేకపోవడం, వీధిలైట్లు... ఇలా అనేక సమస్యలు సవాల్‌గా మారాయి. పన్నుల ద్వారా సమకూరే ఆదాయం కేవలం సిబ్బంది జీత భత్యాలు, ట్రాక్టర్‌ ఈఎంఐలు, ఇతర పారిశుద్ధ్య నిర్వహణకే సరిపోవడం లేదు. పలుచోట్ల పంచాయతీ కార్యదర్శులు సొంత డబ్బులు ఖర్చు చేశారు. జిల్లాలోని 508 సర్పంచ్‌లు, 4,508 వార్డులకు ఇటీవల ఎన్నికలు జరిగాయి. కొత్తగా ఎన్నికై న సర్పంచ్‌లు సోమవారం బాధ్యతలు స్వీకరించనున్నారు. నూతన సర్పంచ్‌లకు సమస్యల స్వాగతం రెండేళ్ల తర్వాత పంచాయతీ పాలకవర్గాలు జిల్లాలో 508 జీపీలు, 4,508 వార్డులు రేపు బాధ్యతలు స్వీకరించనున్న సర్పంచ్‌లు

గజ్వేల్‌రూరల్‌: జాతీయ స్థాయి నెట్‌బాల్‌ పోటీల్లో రాణించి కళాశాలకు మంచి పేరు తీసుకురావాలని గజ్వేల్‌ ప్రభుత్వ బాలికల జూనియర్‌ కళాశాల ప్రిన్సిపాల్‌ జ్యోతిర్మయి అన్నారు. పట్టణంలోని బాలికల ఎడ్యుకేషన్‌ హబ్‌లోని ప్రభుత్వ బాలికల జూనియర్‌ కళాశాలలో ఎంఎల్‌టీ ద్వితీయ సంవత్సరం చదువుతున్న వాసాల వైష్ణవి ఎంపికయింది. ఈ నెల 25 నుంచి 30 వరకు కర్ణాటకలోని మంగుళూరులో స్కూల్‌ గేమ్స్‌ ఫెడరేషన్‌–19 బాలికల విభాగంలో జాతీయస్థాయి నెట్‌బాల్‌ పోటీల్లో ఆడానుంది. ఈ సందర్భంగా వైష్ణవితో పాటు కళాశాల పీడీ సమ్మయ్యలను డీఐఈఓ రవీందర్‌రెడ్డి, కళాశాల ప్రిన్సిపల్‌ జ్యోతిర్మయిలు అభినందించారు.

వైభవంగా మూల మహోత్సవం వర్గల్‌(గజ్వేల్‌): చదువుల తల్లి నెలవు వర్గల్‌ శ్రీవిద్యా సరస్వతి క్షేత్రం శనివారం మూల మహోత్సవ వేడుకలతో అలరారింది. ఆలయ వ్యవస్థాపక చైర్మన్‌ చంద్రశేఖరసిద్ధాంతి పర్యవేక్షణలో అమ్మవారికి విశేష పంచామృతాభిషేకం చేశారు. పట్టువస్త్రాలు, పూలమాలికలు, సకలాభరణాలతో కమనీయంగా అలంకరించారు. లక్ష పుష్పార్చన, లలితాపారాయణం, సప్తశతీ పారాయణం, చండీహోమం నిర్వహించారు. పూజలు, కుంకుమార్చన జరిపారు. వేడుకలో భక్తులు పాల్గొని తరించారు. తీర్థప్రసాదాలు స్వీకరించారు. ఖైదీలు సత్ప్రవర్తనతో ఉండాలి న్యాయ సేవాధికార సంస్థ కార్యదర్శి సంతోష్‌కుమార్‌ సిద్దిపేటకమాన్‌: ఖైదీలు సత్ప్రవర్తనతో ఉండాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి సంతోష్‌కుమార్‌ అన్నారు. సిద్దిపేట జిల్లా జైలును శనివారం ఆయన సందర్శించారు. ఖైదీల వంట గది, స్టోర్‌ రూమ్‌ను పరిశీలించారు. ఈ సందర్భంగా ఆయన మాట్లాడుతూ.. ఖైదీలందరికీ న్యాయవాదులు ఉండాలని తెలిపారు. లీగల్‌ ఎయిడ్‌ డిఫెన్స్‌ కౌన్సిల్స్‌ వారానికి మూడు సార్లు జైలును సందర్శిస్తారని, అడ్వకేట్స్‌ లేనివారికి న్యాయ సహాయం అందజేస్తారని తెలిపారు. బీఆర్‌ఎస్‌ హయాంలోనే గ్రామాల అభివృద్ధి నిజాంపేట(మెదక్‌): బీఆర్‌ఎస్‌ హయాంలోనే గ్రామాలు అభివృద్ధి చెందాయని దుబ్బాక ఎ మ్మెల్యే కొత్త ప్రభాకర్‌రెడ్డి అన్నారు. ఈమేరకు శనివారం మండల పరిధిలోని కల్వకుంట పంచాయతీ పాలకవర్గ సభ్యులు ఎమ్మెల్యేను ఆయన స్వగృహంలో కలిశారు. ఈసందర్భంగా వారిని సన్మానించారు. అనంతరం ఎమ్మె ల్యే మాట్లాడుతూ.. గ్రామాల అభివృద్ధికి కేసీఆర్‌ చాలా కృషి చేశారని తెలిపారు. ప్రస్తుత పాలక గ్రామాల అభివృద్ధికి కృషి చేయాలని సూచించారు. కార్యక్రమంలో సర్పంచ్‌ అందె కొండల్‌రెడ్డి, వార్డు సభ్యులు మహిపాల్‌, తిరుపతి, భవాని, పద్మ, రేణుక, శ్యామల, శ్రీనివాస్‌గౌడ్‌, రాజు, నాగరాజుగౌడ్‌, భారతమ్మ, కనకరాజు, సుల్తానా తదితరులు పాల్గొన్నారు. పోటీ పరీక్షలతో విద్యార్థులకు మేలు టీఎంఎఫ్‌ జిల్లా అధ్యక్షుడు శ్రీనివాస్‌రావు

సిద్దిపేటరూరల్‌: వచ్చే ఏడాది జనవరి, ఫిబ్రవరి నెలల్లో జరిగే పోటీ పరీక్షలకు అన్ని ఏర్పాట్లు చేయాలని కలెక్టర్‌ హైమావతి అధికారులను ఆదేశించారు. యూజీసీ నెట్‌, జేఈఈ తదితర ఆన్‌లైన్‌ పరీక్షల నేపథ్యంలో శుక్రవారం కలెక్టరేట్‌ లోని కాన్ఫరెన్స్‌ హాల్లో అధికారులతో సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ నేషనల్‌ టెస్టింగ్‌ ఏజెన్సీ మార్గదర్శకాల ప్రకారం సెంటర్లను ఎంపిక చేసినట్లు తెలిపారు. పరీక్షా కేంద్రాల్లో సీసీ కెమెరా, పవర్‌ సప్లై, నీటి వసతి, ఫర్నిచర్‌, టాయిలెట్స్‌, కంప్యూటర్లు, నెట్‌ సౌకర్యం ఇతరత్రా అన్ని సౌకర్యాలు చెక్‌ చేయాలని అధికారులను ఆదేశించారు. సమావేశం లో డీఈఓ శ్రీనివాస్‌రెడ్డి, ఏఓ రాజ్‌ కుమార్‌, కేవీ ప్రిన్సిపాల్‌ సూర్య ప్రకాష్‌, నవోదయ స్కూల్‌ ప్రిన్సిపాల్‌ రాజేందర్‌, పోలీస్‌, ఎన్‌ఐిసీ అధికారులు తదితరులు పాల్గొన్నారు. ప్రణాళిక ఏర్పాటు చేయండి జిల్లాలో ఎలాంటి విపత్తులు జరిగినా వెంటనే స్పందించడానికి ఒక ప్రణాళికను సిద్ధం చేసుకోవాలని కలెక్టర్‌ హైమావతి అధికారులను ఆదేశించారు. శుక్రవారం విపత్తుల నిర్వహణపై రాష్ట్ర ప్రభుత్వ ప్రధాన కార్యదర్శి రామకృష్ణారావు నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. అనంతరం కలెక్టర్‌ మాట్లాడుతూ జిల్లాలో విపత్తు నిర్వహణ శాఖ ఎప్పటికప్పుడు వివరాలను అప్‌డేట్‌ చేయాలన్నారు. అన్ని శాఖల అధికారులు వారి వద్ద ఉన్న వివరాలను విపత్తు శాఖకు అందించాలన్నారు. ఎక్కడ ఎలాంటి విపత్తు జరిగినా వెంటనే స్పందించాలన్నారు. ఈ కాన్ఫరెన్స్‌లో అదనపు కలెక్టర్‌ అబ్దుల్‌ హమీద్‌, అదనపు డీసీసీ సుభాష్‌చంద్రబోస్‌, డీఆర్‌ఓ నాగరాజమ్మ, ఆర్డీఓలు సదానందం, చంద్రకళ, రామ్మూర్తి తదితరులు పాల్గొన్నారు. కలెక్టర్‌ హైమావతి అధికారులతో కలెక్టర్‌ సమావేశం

గజ్వేల్‌: మండల పరిధి కొడకండ్ల గ్రామంలో కాంగ్రెస్‌కు చెందిన యువకులు శుక్రవారం మాజీ మంత్రి హరీశ్‌రావు సమక్షంలో బీఆర్‌ఎస్‌లో చేరారు. హరీశ్‌రావు వారికి కండువాలు కప్పి పార్టీలోకి ఆహ్వానించారు. కార్యక్రమంలో ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి, గజ్వేల్‌ మార్కెట్‌ కమిటీ మాజీ చైర్మన్‌ మాదాసు శ్రీనివాస్‌, బీఆర్‌ఎస్‌ జిల్లా నాయకులు పండరి రవీందర్‌రావు, గజ్వేల్‌ మండల శాఖ అధ్యక్షులు బెండె మధు తదితరులు పాల్గొన్నారు. కాగా ఇటీవల రోడ్డు ప్రమాదానికి గురై మృతిచెందిన బీఆర్‌ఎస్‌ నాయకుడు శేక్‌భాస్కర్‌ కుటుంబీకులను హరీశ్‌రావు కోమటిబండ గ్రామంలో పరామర్శించారు.

ప్రశాంత్‌నగర్‌(సిద్దిపేట): ముఖ్యమంత్రి ఓవర్సీస్‌ స్కాలర్‌షిప్‌ పథకానికి (సీఎంఓఎస్‌ఎస్‌) అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా మైనార్టీ సంక్షేమశాఖ అధికారి నాగరాజమ్మ శుక్రవారం ఒక ప్రకటనలో పేర్కొన్నారు. విదేశీ విశ్వవిద్యాలయాల్లో పీజీ, డాక్టోరల్‌ కోర్సు విద్యను అభ్యసిస్తున్న మైనార్టీ విద్యార్థులు దరఖాస్తులు చేసుకోవాలన్నారు. ఆసక్తి కల్గిన అభ్యర్థులు జనవరి 19 సాయంత్రం 5గంటల లోపు దరఖాస్తు చేసుకోవచ్చన్నారు. జాన్‌ విల్సన్‌ ఆదర్శనీయుడుఏసీపీ సదానందం హుస్నాబాద్‌: పోలీస్‌ విధి నిర్వహణలో నక్సలైట్లు పేల్చిన మందుపాతరకు ప్రాణాలు కోల్పోయిన ఎస్సై జాన్‌ విల్సన్‌ను పోలీసులు ఆదర్శంగా తీసుకోవాలని ఏసీపీ సదానందం అన్నారు. శుక్రవారం పోలీస్‌ స్టేషన్‌ ఆవరణలో ఎస్సై జాన్‌ విల్సన్‌ వర్ధంతి కార్యక్రమాన్ని నిర్వహించారు. ఆయన విగ్రహానికి పూల మాలలు వేసి నివాళులర్పించారు. ఈ సందర్భంగా ఏసీపీ సదానందం మాట్లాడుతూ 34 ఏళ్ల క్రితం ఈ ప్రాంతంలో నక్సల్స్‌ ప్రభావం అధికంగా ఉండేదన్నారు. అలాంటి పరిస్థితిలో జాన్‌ విల్సన్‌ మందుపాతరకు బలయ్యారని ఆవేదన వ్యక్తం చేశారు. ఇప్పటికీ ఈ ప్రాంత ప్రజల మనస్సులో జాన్‌ విల్సన్‌ చిరస్థాయిగా నిలువడం పోలీస్‌ శాఖకే గర్వకారణమన్నారు. కార్యక్రమంలో ఎస్సై లక్ష్మారెడ్డి, జిల్లా గ్రంథాలయ సంస్థ చైర్మన్‌ కేడం లింగమూర్తి, సింగిల్‌ విండో చైర్మన్‌ బొలిశెట్టి శివయ్య, జాన్‌ విల్సన్‌ ట్రస్ట్‌ చైర్మన్‌ బోయిని ఎల్లయ్య, పోలీస్‌ సిబ్బంది, ప్రముఖులు పాల్గొన్నారు. స్వచ్ఛ పథకానికి జెడ్పీ బాలుర పాఠశాల దుబ్బాకటౌన్‌: దౌల్తాబాద్‌ జిల్లా పరిషత్‌ బాలుర ఉన్నత పాఠశాల స్వచ్ఛ విద్యాలయ పథకానికి ఎంపిక కావడం అభినందనీయమని మండల విద్యాధికారి కనకరాజు అన్నారు. స్వచ్ఛ విద్యాలయ పరిశీలనలో భాగంగా రాష్ట్ర బృందం పాఠశాలను పరిశీలించింది. ఈ సందర్భంగా ఆయన మాట్లాడుతూ పాఠశాల మౌలిక వసతులు, పరిశుభ్రతను స్వచ్ఛ విద్యాలయ పథకంలోని ప్రతి అంశాన్ని క్షుణ్ణంగా పరిశీలించారని చెప్పారు. అనంతరం పాఠశాల ఆవరణలో మొక్కను నాటారు. ప్రజల ఆదరణ మరువలేనిదిఉమ్మడి జిల్లా డీసీసీబీ డైరెక్టర్‌ అంజిరెడ్డి ములుగు(గజ్వేల్‌): బీఆర్‌ఎస్‌ పార్టీపై ప్రజల ఆదరణ మరువలేనిదని ఉమ్మడి మెదక్‌ జిల్లా డీసీసీబీ డైరెక్టర్‌, ములుగు పీఏసీఎస్‌ చైర్మన్‌ బట్టు అంజిరెడ్డి అన్నారు. నూతన సర్పంచ్‌ తిగుళ్ల కనుకయ్య, ఉపసర్పంచ్‌ కర్ణాకర్‌రెడ్డి, వార్డు సభ్యులను శుక్రవారం ఆయన అభినందించి, శాలువాతో సత్కరించి శుభాకాంక్షలు తెలిపారు. అనంతరం ఆయన మాట్లాడుతూ ములుగు ప్రజలు మూడవసారి బీఆర్‌ఎస్‌ బలపరిచిన అభ్యర్థికి పట్టం కట్టడం అభినందనీయమన్నారు. ప్రజల నమ్మకాన్ని కాదనకుండా నూతన సర్పంచ్‌లు అభివృద్ది, సంక్షేమ పథకాలను చేపట్టి ఆదర్శంగా నిలవాలని సూచించారు. 23న క్రాస్‌ కంట్రీ ఎంపిక పోటీలుసిద్దిపేటజోన్‌: స్థానిక స్టేడియంలో ఈనెల 23న జిల్లా క్రాస్‌ కంట్రీ ఎంపిక పోటీలు నిర్వహించనున్నట్లు అథ్లెటిక్స్‌ అసోసియేషన్‌ అధ్యక్షుడు పరమేశ్వర్‌, కార్యదర్శి వెంకట్‌ స్వామి ఒక ప్రకటనలో పేర్కొన్నారు. ఆసక్తి ఉన్న వారు ఈనెల 22 సాయంత్రంలోపు రిజిస్ట్రేషన్‌ చేసుకోవాలని సూచించారు. పురుషులకు 10కిలోమీటర్లు, మహిళలకు 8 కిలోమీటర్లు, అండర్‌ 20 బాలురకు 8కిలోమీటర్లు, అండర్‌ 18 బాలురకు 6 కిలోమీటరు పరుగు పోటీలు నిర్వహించడం జరుగుతుందని పేర్కొన్నారు.

సిద్దిపేటకమాన్‌: పట్టణంలో ఉన్న నాలుగు బస్తీ దవాఖానాల్లో మూడింటిలో డాక్టర్లు లేరని.. డాక్టర్‌ కుర్చీకి దుమ్ము పట్టిందని.. బస్తీ దవాఖానాలకే సుస్తి తెచ్చిన ప్రభుత్వమని మాజీ మంత్రి, ఎమ్మెల్యే హరీశ్‌రావు ఫైర్‌ అయ్యారు. పట్టణంలోని ఆర్‌అండ్‌బీ గెస్ట్‌ హౌస్‌ వద్ద గల బస్తీ దవాఖానను హరీశ్‌రావు శుక్రవారం ఆకస్మికంగా సందర్శించారు. విధుల్లో ఉన్న స్టాఫ్‌ నర్సుతో మాట్లాడారు. ఈ సందర్భంగా ఆయన మాట్లాడుతూ.. గత ప్రభుత్వంలో కేసీఆర్‌నగర్‌, కాళ్లకుంట కాలనీ, లింగారెడ్డిపల్లి, ఆర్‌అండ్‌బీ కార్యాలయం వద్ద నాల్గు బస్తీ దవాఖానాలు ఏర్పాటు చేశామన్నారు. మూడు బస్తీ దవాఖానాల్లో ఆరు నెలలుగా డాక్టర్లు లేకపోవడంపై ఆగ్రహం వ్యక్తం చేశారు. మెడికల్‌ ఆఫీసర్‌ రూమ్‌ పెచ్చులు ఊడిపోయి, డాక్టర్‌ కుర్చీ దుమ్ము పట్టి ఉండటంపై ఇదేనా బస్తీ దవాఖాన తీరని, డాక్టర్‌ లేకుండా వైద్యం ఎలా అందిస్తారని ప్రశ్నించారు. జలుబు, షుగర్‌, విరేచనాలకు సంబంధించిన మాత్రలు సైతం లేవన్నారు. ప్రజా వైద్యంపై నిర్లక్ష్యం వీడాలని, వెంటనే బస్తీ దవాఖానలో వైద్యులను ఏర్పా టు చేసి సకాలంలో మందులు అందుబాటులో ఉంచాలని హరీశ్‌రావు డిమాండ్‌ చేశారు. బస్తీ దవాఖానాలకే సుస్తి తెచ్చిన సర్కార్‌ మాజీ మంత్రి హరీశ్‌రావు ఫైర్‌

సిద్దిపేటకమాన్‌: ప్రభుత్వ ఉద్యోగులు, పెన్షనర్లు, జర్నలిస్టులకు వైద్య సేవలందించే ఉద్దేశ్యంతో ఏర్పాటు చేసిన వెల్‌నెస్‌ సెంటర్‌ సేవలు మరింత విస్తృతం అయ్యాయి. సిద్దిపేట పట్టణంలోని పాత ఎంసీహెచ్‌ భవనంలో వెల్‌నెస్‌ సెంటర్‌ కొనసాగుతోంది. జర్నలిస్టులతో పాటు ప్రభుత్వ ఉద్యోగులు, పెన్షనర్లకు ఈ సెంటర్‌ ద్వారా వైద్య సేవలు అందుతున్నాయి. ప్రస్తుతం అందుతున్న జనరల్‌ మెడిసిన్‌, డెంటల్‌, ఫిజియోథెరపీతో పాటు గైనకాలజీ, ఆర్థోపెడిక్‌, డెర్మటాలజీ, జనరల్‌ సర్జరీ, ఈఎన్‌టీ, సైకియాట్రీ విభాగాల్లో వైద్య సేవలు అందనున్నాయి. ఇక నుంచి వెల్‌నెస్‌ సెంటర్‌కు సిద్దిపేట ప్రభుత్వాసుపత్రి సూపరింటెండెంట్‌ నోడల్‌ ఆఫీసర్‌గా వ్యవహరించడంతో ప్రభుత్వాస్పత్రి పర్యవేక్షణలో కొనసాగనుంది. అదేవిధంగా వెల్‌నెస్‌లో గైనకాలజీ, డెర్మటాలజీ, ఆప్తమాలజీ, ఈఎన్‌టీ, ఆర్థోపెడిక్‌, సైకియాట్రి విభాగాల్లో రోజు ఉదయం 9గంటల నుంచి మధ్యాహ్నం ఒంటి గంట వరకు ఓపీ సేవలు అందుబాటులో ఉంటాయి. అన్ని రకాల మందులు ఉచితంగా అందుబాటులో ఉండేలా చూడాలని, మెరుగైన వైద్య సేవలందించాలని, సిబ్బంది సమయ పాలన పాటించాలని వెల్‌నెస్‌ సెంటర్‌లో శుక్రవారం ఏర్పాటు చేసిన సమావేశంలో నోడల్‌ ఆఫీసర్‌ డాక్టర్‌ సంగీత తెలిపారు. కార్యక్రమంలో సీఎస్‌ ఆర్‌ఎంఓ డాక్టర్‌ జ్యోతి, డాక్టర్‌ సురేష్‌బాబు, డాక్టర్‌ చందర్‌, డాక్టర్‌ సదానందం, వెల్‌నెస్‌ సెంటర్‌ ఇన్‌చార్జి ప్రసాద్‌గౌడ్‌, సిబ్బంది పాల్గొన్నారు. ఎనిమిది విభాగాల్లో ఓపీ వైద్య సేవలు నోడల్‌ ఆఫీసర్‌గా ప్రభుత్వాస్పత్రి సూపరింటెండెంట్‌ డాక్టర్‌ సంగీత

ములుగు(గజ్వేల్‌): అగ్ని ప్రమాదాల నియంత్రణ అందరి బాధ్యత అని ములుగు అటవీ కళాశాల, పరిశోధన సంస్థ అసిస్టెంట్‌ ప్రొఫెసర్‌, ఎన్‌ఎస్‌ఎస్‌ కోఆర్డినేటర్‌ డాక్టర్‌.ఎన్‌ఎస్‌ శ్రీనిధి అన్నారు. కళాశాలలో ఎన్‌ఎస్‌ఎస్‌ యూనిట్‌ ఆధ్వర్యంలో శుక్రవారం గజ్వేల్‌ అగ్నిమాపక కేంద్ర సిబ్బందిచే అగ్ని ప్రమాద నియంత్రణ పై నిర్వహించిన అవగాహన కార్యక్రమంలో ఆమె మాట్లాడారు. అనుకోని ప్రమాదం జరిగినప్పుడు ఆందోళనకు గురికాకుండా ఎలా ఎదుర్కోవాలనేది అవగాహన ఉన్నట్లయితే వాటి నుంచి తప్పించుకోవచ్చని వివరించారు. అవగాహన కార్యక్రమాలతో అగ్ని ప్రమాదాలు కొంత మేరకై నా నియంత్రించవచ్చని తెలిపారు. అగ్ని ప్రమాదాల నివారణ,అత్యవసర పరిస్థితుల్లో తీసుకోవాల్సిన జాగత్త్రలు, అగ్నిమాపక పరికరాల సురక్షిత వినియోగం, చిన్నపాటి అగ్ని ప్రమాదాలను ప్రారంభ దశలో ఎలా నియంత్రించాలి? అనే అంశాలపై గజ్వేల్‌ అగ్నిమాపక సిబ్బంది ప్రత్యక్షంగా ఇచ్చిన ప్రదర్శనలు ఎన్‌ఎస్‌ఎస్‌ వలంటీర్లకు, విద్యార్థులకు అవగాహన పెంపొందింపజేశాయి. కార్యక్రమంలో కళాశాల సిబ్బంది, విద్యార్థులు పాల్గొన్నారు.ములుగు అటవీ కళాశాల అసిస్టెంట్‌ ప్రొఫెసర్‌ శ్రీనిధి

ప్రశాంత్‌నగర్‌(సిద్దిపేట): ఇండియన్‌ నేషనల్‌ మ్యాఽథమెటిక్స్‌ ఒలింపియాడ్‌ పరీక్షకు జిల్లాకు చెందిన అంకం రిషిక్‌తేజ్‌, బత్తుల శ్రీనయనలు అర్హత సాధించినట్లు జిల్లా విద్యాశాఖ అధికారి శ్రీనివాస్‌రెడ్డి తెలిపారు. శుక్రవారం జిల్లా కేంద్రంలోని శ్రీ చైతన్య పాఠశాలలో జిల్లా విద్యాశాఖ అధికారి శ్రీనివాస్‌రెడ్డి, మండల విద్యాశాఖ అధికారి ప్రభాకర్‌రెడ్డిలు ఒలింపియాడ్‌కు ఎంపికై న విద్యార్థులను అభినందించారు. ఒలింపియాడ్‌ పరీక్షకు అర్హత సాధించిన విద్యార్థులు జిల్లా కేంద్రంలోని ఓ ప్రైవేటు పాఠశాలలో టెన్త్‌ చదువుతున్నారు.

సిద్దిపేటఅర్బన్‌: వచ్చే అసెంబ్లీ ఎన్నికల్లో సిద్దిపేటలో కాంగ్రెస్‌ జెండా ఎగురవేసి సిద్దిపేటను కాంగ్రెస్‌ కంచుకోటగా మారుస్తామని కార్మిక, మైనింగ్‌ శాఖ మంత్రి వివేక్‌ అన్నారు. శుక్రవారం సిద్దిపేటలో ఎన్సాన్‌పల్లి సర్పంచ్‌గా పోటీ చేసిన బాలరాజ్‌ కృష్ణమూర్తితో పాటు ఉప సర్పంచ్‌, వార్డు సభ్యులు మంత్రి సమక్షంలో కాంగ్రెస్‌ పార్టీలో చేరారు. ఈ సందర్భంగా మంత్రి మాట్లాడుతూ సిద్దిపేటలో బీఆర్‌ఎస్‌ను కనుమరుగు చేస్తామన్నారు. ప్రజలు బీఆర్‌ఎస్‌పై, హరీశ్‌రావుపై విశ్వాసం కోల్పోయారన్నారు. ఇక నుంచి సిద్దిపేటపై ప్రత్యేక దృష్టి సారిస్తామన్నారు. అభివృద్ధిని పరుగులు పెట్టిస్తామన్నారు. సిద్దిపేట నియోజకవర్గంలోని ప్రతి గ్రామంలో కాంగ్రెస్‌ ప్రభుత్వం అందిస్తున్న సంక్షేమ పథకాలను ప్రజలకు వివరించాలని, వాటి ఫలాలను ప్రజలకు అందేలా చూడాలని నియోజకవర్గ ఇన్‌ఛార్జి పూజల హరికృష్ణకు మంత్రి సూచించారు. కార్యక్రమంలో డీసీసీ మహిళా అధ్యక్షురాలు లక్ష్మి, అర్బన్‌ మండల అధ్యక్షుడు భిక్షపతి, గ్రామ శాఖ అధ్యక్షుడు కట్కూరి సత్యనారాయణ, ఉప సర్పంచ్‌ సంతోష్‌రెడ్డి, వార్డు సభ్యులు కనకరాజు, కరుణాకర్‌, గిరి, సతీష్‌, కంది ప్రభాకర్‌రెడ్డి తదితరులు ఉన్నారు. వచ్చే అసెంబ్లీ ఎన్నికల్లో జెండా ఎగురవేస్తాం ఉమ్మడి జిల్లా ఇన్‌చార్జి మంత్రి వివేక్‌ ఎన్సాన్‌పల్లిలో పార్టీలోకి భారీగా చేరికలు

గజ్వేల్‌రూరల్‌: గ్రామీణ ప్రాంత ప్రజలకు ఉపాధిని కల్పించేందుకు మహాత్మాగాంధీ జాతీయ గ్రామీణ ఉపాధి హామీ పథకం పేరిట తీసుకువచ్చిన చట్టాన్ని కేంద్ర ప్రభుత్వం నిర్వీర్యం చేయడం సరికాదని సీపీఎం నాయకులు మండిపడ్డారు. ఈ సందర్భంగా శుక్రవారం పట్టణంలోని అంబేడ్కర్‌ చౌరస్తా వద్ద వీబీ జీ రామ్‌ జీ బిల్లు ప్రతులను దహనం చేశారు. అనంతరం ఏర్పాటు చేసిన కార్యక్రమంలో సీపీఎం జిల్లా కార్యదర్శివర్గ సభ్యుడు ఎల్లయ్య మాట్లాడుతూ గ్రామీణ ప్రజల ఉపాధిని దెబ్బతీసే విధంగా వీబీ జీ రామ్‌ జీ (వికసిత్‌ భారత్‌ గ్యారంటీ ఫర్‌ రోజ్‌గార్‌ అండ్‌ అజివిక మిషన్‌) ఉందన్నారు. కేంద్ర ప్రభుత్వం అవలంబిస్తున్న తీరు సరైంది కాదని మండిపడ్డారు. కార్యక్రమంలో నాయకులు బండ్ల స్వామి, ప్రవీణ్‌, రాజగోపాల్‌, నర్సింలు, రమేష్‌, శ్రీను, మనోజ్‌ తదితరులు పాల్గొన్నారు.

చేర్యాల(సిద్దిపేట): గెలుపొందిన సర్పంచులు, వార్డు సభ్యులు నిత్యం ప్రజలకు అందుబాటులో ఉండి సేవలందించాలని జనగామ ఎమ్మెల్యే పల్లా రాజేశ్వర్‌రెడ్డి అన్నారు. శుక్రవారం స్థానిక ఓ ఫంక్షన్‌ హాల్‌లో జరిగిన నాలుగు మండలాల బీఆర్‌ఎస్‌ బలపర్చిన సర్పంచ్‌, వార్డు సభ్యుల అభినందన సభలో ఆయన మాట్లాడుతూ ఓడి పోయిన వారు నిరుత్సాహపడొద్దన్నారు. ప్రజా సేవలో ఉన్నవారికి ఎప్పుడైనా అవకాశాలు వస్తాయని అన్నారు. ఎన్నికల్లో అధికార పార్టీ ఎన్ని అడ్డంకులు కలిగించినా ఎదుర్కొని నిలిచి గెలిచిన పార్టీ అభ్యర్థులు, కార్యకర్తలను అభినందించారు. గెలిచిన సర్పంచ్‌, వార్డు సభ్యులకు శాలువాలు కప్పి సన్మానించారు. ప్రజలు కేసీఆర్‌ పాలన కావాలని కోరుతున్నారనడానికి ఈ ఫలితాలే నిదర్శనమన్నారు. ఎమ్మెల్యే పల్లా రాజేశ్వర్‌రెడ్డి గెలుపొందిన సర్పంచ్‌లు, వార్డు సభ్యులకు సన్మానం

శనివారం శ్రీ 20 శ్రీ డిసెంబర్‌ శ్రీ 2025ఇంకా షాక్‌లోనే ఓడిన అభ్యర్థులుఒక్కొక్కరు రూ.20 లక్షల నుంచి రూ.60 లక్షలకుపైగా ఖర్చుపంచాయతీ ఎన్నికల పుణ్యామా.. వందలాది కుటుంబాల పరిస్థితి అగమ్యగోచరంగా తయారైంది. పోటీకోసం చేసిన ఖర్చు తడిసి మోపెడయ్యాయి. ఇప్పుడు అప్పులు తీర్చేదెలా? అని ఓటమి అభ్యర్థుల కుటుంబాల్లో తీవ్ర ఆంతర్మథనం నెలకొంది. ‘రిజర్వేషన్లు అనుకూలంగా వచ్చాయని పోటీ చేస్తే.. తీరా ఇంత పెద్ద ఎత్తున ఖర్చు చేసినా.. గెలవకపోతిమి. ఉన్న ఆస్తులు, బంగారం పాయే.. అప్పుల కుప్పాయె’.. అంటూ చాలా కుటుంబాలు కుమిలిపోతున్నాయి. – దుబ్బాక పంచాయతీ ఎన్నికల్లో పోటీచేసి ఓడిపోయిన వారి పరిస్థితి అగమ్యగోచరంగా మారింది. తాకత్‌కు మించి ఖర్చు పెట్టినా ఫలితం లేకపోవడంతో దిక్కుతోచనిస్థితికి గురవుతున్నారు. ఉన్న ఆస్తులు పోయి అప్పుల పాలయ్యారు. చాలా మంది ఎన్నికల ఖర్చు కోసం తమ పొలాలు, ప్లాట్లు, ఇళ్లు, బంగారం కుదవపెట్టి(తాకట్టు) అప్పులు తీసుకున్నారు. మరికొందరైతే ఏకంగా ఆస్తులకు రిజిస్ట్రేషన్లే చేసి డబ్బులు తీసుకున్నారు. రూ.50 లక్షలకు పైగా విలువ ఉన్న ప్లాటును, పొలాన్ని కేవలం రూ.20 లక్షల నుంచి రూ.30 లక్షలోపే తీసుకొని సేల్‌డీడ్‌లు చేయించిన సంఘటనలు ఉన్నాయి. మరికొందరు తమకు నమ్మకం ఉన్న వారి దగ్గర, తమ బంధువుల వద్ద రూ.లక్షల్లో అప్పులు తెచ్చి ఖర్చు పెట్టారు. తీరా ఫలితాలు విరుద్ధంగా రావడంతో తీవ్ర మనోవేదనకు గురవుతున్నారు. పార్టీల నుంచి భరోసా అందక.. ఓడిపోయి నైరాశ్యంలో ఉన్న అభ్యర్థులకు వారివారి ఎమ్మెల్యేలు, మంత్రులు, ఎంపీలు, పెద్దల నుంచి పెద్దగా ధైర్యం, భరోసా కూడా లేకపోవడంతో ఇంకా ఆందోళనకు గురవుతున్నారు. పోటాపోటీగా ఖర్చు.. పట్టణాలకు దగ్గరగా ఉన్న గ్రామాలు, మండల కేంద్రాలు, రాజకీయంగా పలుకుబడి ఉన్న గ్రామాల్లో ఎలాగైన గెలవాలన్న పట్టుదలతో చాలా మంది అభ్యర్థులు పోటీపడి ఖర్చు చేశారు. చాలా మంది అభ్యర్థులు రూ.20లక్షల నుంచి రూ.50 లక్షలు, రూ.60 లక్షలు, రూ.70 లక్షలు ఇలా ఇంత కంటే ఎక్కువే ఖర్చుపెట్టి ఓడిపోవడం శోచనీయం. గెలిచిన వారి పరిస్థితీ అంతే! ఓడిపొయిన సర్పంచ్‌ల పరిస్థితియే కాదు రూ.లక్షలు పెట్టి గెలిచిన సర్పంచ్‌ల పరిస్థితి కూడాదయనీయంగానే తయారైంది. లక్షలు పెట్టి గెలిచాం.. ఈ అప్పులు ఎలా తీర్చాలో ఏం చేద్దామన్న ఆలోచనలతో చాల మంది గెలిచిన సర్పంచ్‌లు తలలు పట్టుకుంటున్నారు. ఏదైమెనా ఈ పంచాయతి ఎన్నికలు చాల కుటుంబాలను ఆర్ధికంగా, మానసికంగా కోలుకోలేకుండా చేశాయనే చెప్పవచ్చు.కుటుంబాల్లో కంటతడిగెలుస్తామన్న నమ్మకంతో ఉన్న ఆస్తులు తాకట్టు పెట్టి రూ.లక్షల్లో ఖర్చు పెట్టినా గెలవకపోవడంతో చాలా మంది ఓడిపోయిన సర్పంచ్‌ అభ్యర్థులు, వారి కుటుంబాలు ఇంకా ఆ షాక్‌ నుంచి తేరుకోలేకపోతున్నాయి. ‘పైసలు తీసుకుండ్రు.. తాగిండ్రు.. తిన్నరు.. మమ్మల్ని మోసం చేసిండ్రు.. ఈ అప్పులు ఎట్లా తీర్చాలో..’ అంటూ చాలా కుటుంబాలు కంటతడి పెడుతున్నాయి. బంధువులు వచ్చి ధైర్యం చెబుతూ ఓదారుస్తున్న పరిస్థితి చాలా గ్రామాల్లో కనబడుతోంది. గెలుపు కోసం భూములు, ప్లాట్లు, బంగారం తాకట్టు దిక్కుతోచని స్థితిలో ఓడిన అభ్యర్థుల కుటుంబాలు

● రైతులకు అవగాహన కల్పించాలి ● అధికారులు స్పెషల్‌ డ్రైవ్‌ చేపట్టాలి ● కలెక్టర్‌ హైమావతి సిద్దిపేటరూరల్‌: జిల్లాలో ఆయిల్‌పామ్‌ సాగు లక్ష్యాన్ని సమన్వయంతో పూర్తి చేయాలని కలెక్టర్‌ హైమావతి అధికారులను ఆదేశించారు. గురువారం కలెక్టరేట్‌లోని కాన్ఫరెన్స్‌ హాలులో ఉద్యాన శాఖ, ఆయిల్‌ ఫెడ్‌, మైక్రో ఇరిగేషన్‌ అధికారులతో కలెక్టర్‌ సమీక్ష నిర్వహించారు. జిల్లాలో ఇప్పటివరకు 13,576 ఆయిల్‌ పామ్‌ మొక్కలు ప్లాంటేషన్‌ జరిగినట్లు అధికారులు కలెక్టర్‌కు వివరించారు. అనంతరం కలెక్టర్‌ మాట్లాడుతూ ఈ ఏడాది జిల్లాలో 6,500 ఎకరాల లక్ష్యానికి 1,536 ఎకరాల్లో మాత్రమే ప్లాంటేషన్‌ పూర్తి చేశారన్నారు. ఆశించిన స్థాయిలో సాగు లేదని అసహనం వ్యక్తం చేశారు. రబీ సీజన్‌కు సన్నద్ధమయ్యే లోపు ప్రతి రైతుని కలిసి ఆయిల్‌ పామ్‌ సాగుపై అవగాహన కల్పించాలన్నారు. ఈ వారం మొత్తం స్పెషల్‌ డ్రైవ్‌ గా తీసుకుని ప్రణాళిక ప్రకారం ప్రతి గ్రామంలో రైతులతో సమావేశాలు నిర్వహించాలన్నారు. మీకు ఇచ్చిన టార్గెట్‌ తప్పనిసరిగా చేరుకోవాలన్నారు. విధుల్లో నిర్లక్ష్య వహిస్తే కఠిన చర్యలు తప్పవన్నారు. మెరుగైన వైద్యసేవలు అందించండి పీహెచ్‌సీకి వచ్చే రోగులకు మెరుగైన వైద్య సేవలు అందించాలని కలెక్టర్‌ హైమావతి వైద్య సిబ్బందికి సూచించారు. గురువారం నారాయణరావుపేట మండల కేంద్రంలోని ప్రాథమిక ఆరోగ్య కేంద్రాన్ని కలెక్టర్‌ సందర్శించి, వైద్య సేవలను పరిశీలించారు. రికార్డులు చక్కగా నిర్వహించాలని, మొక్కుబడిగా రాస్తే ఉపేక్షించేది లేదని హెచ్చరించారు.

హుస్నాబాద్‌రూరల్‌: గురుకుల పాఠశాలలో చదివిన వేల్పుల సంపత్‌ క్రీడల్లోనూ రాణించారు. అదే పట్టుదలతో గ్రామ సర్పంచ్‌గా పోటీచేసి గెలుపొందారు. హుస్నాబాద్‌ మండలం మీర్జాపూర్‌ సర్పంచ్‌ వేల్పుల సంపత్‌ డిగ్రీ పూర్తి చేసి ఎస్బీఐ ఇన్సూరెన్స్‌లో పని చేస్తున్నారు. పాఠశాల దశ నుంచి అథ్లెటిక్స్‌, జిమ్నాస్టిక్స్‌ జాతీయ క్రీడల్లో పాల్గొన్నారు. పలు రాష్ట్రాల్లో జరిగిన క్రీడల్లో పాల్గొని బహుమతులు పొందారు. పంచాయతీ ఎన్నికల్లో కాంగ్రెస్‌ పార్టీ మద్దతుతో సర్పంచ్‌గా పోటీ చేసి విజయం సాధించారు. క్రీడల్లో రాణించినట్లే పట్టుదలతో గ్రామాభివృద్ధికి కృషి చేస్తానని సంపత్‌ తెలిపారు. విద్యావంతులు.. గ్రామ పాలకులు అక్కన్నపేట(హుస్నాబాద్‌): మూడో విడత పంచాయతీ ఎన్నికల్లో విద్యావంతులు సర్పంచ్‌లుగా గెలిచారు. మండలంలోని మైసమ్మవాగుతండా సర్పంచ్‌గా గెలిచిన కృష్ణనాయక్‌ బీఈడీ, పీజీ ఉస్మానియా యూనివర్సిటీలో పూర్తి చేశారు. పెద్దతండా సర్పంచ్‌గా గెలిచిన గుగులోతు తిరుపతినాయక్‌ ఎంఏ, ఎంఈడీ, పీహెచ్‌డీ ఓయూలో చేశారు. సేవా లాల్‌ మహరాజ్‌తండా సర్పంచ్‌గా గెలిచిన జరుపుల సునీత డిగ్రీ చదివారు. ఈమె వయస్సు 22 ఏళ్లు. చిన్న వయస్సులో సర్పంచ్‌ కావడంతో తండావాసులు సంతోషం వ్యక్తం చేశారు. విద్యావంతులై ప్రథమ పౌరులుగా, ప్రజా సేవకు సిద్ధమవుతుండటంతో సర్వత్రా హర్షం వ్యక్తమవుతోంది. నాడు భర్త.. నేడు భార్య కొమురవెల్లి(సిద్దిపేట): మొన్నటి వరకు భర్త సర్పంచ్‌గా ఉన్నారు. బుధవారం జరిగిన ఎన్నికల్లో భార్య సర్పంచ్‌గా గెలిచారు. మండలంలోని రసులాబాద్‌ సర్పంచ్‌గా బీఆర్‌ఎస్‌ మద్దతుదారు పచ్చిమడ్ల స్వామి అనూష సర్పంచ్‌గా గెలుపొందారు. ఇప్పటి వరకు ఆమె భర్త పచ్చిమడ్ల స్వామి సర్పంచ్‌గా ఉండగా ఈసారి భార్యను పోటీలో ఉంచారు. స్వతంత్ర అభ్యర్థిపై 50 ఓట్లతో గెలుపొందారు. ఆకునూరు.. రవి జోరుచేర్యాల(సిద్దిపేట): మండల పరిధిలోని మేజర్‌ గ్రామ పంచాయతీ ఆకునూరులో అర్ధరాత్రి వరకు ఓట్ల లెక్కింపు కొనసాగింది. సర్పంచ్‌, 11 వార్డు స్థానాలకు జరిగిన ఎన్నికల పోలింగ్‌లో 3,592 ఓట్లు పోలయ్యాయి. భోజన విరామ అనంతరం ప్రారంభమైన ఓట్ల లెక్కింపు అర్ధరాత్రి వరకు కొనసాగడంతో గెలుపుపై అందరిలో ఉత్కంఠ నెలకొంది. ఓట్లు ఎక్కవ కావడం, బరిలో నిలిచిన అభ్యర్థుల సంఖ్య కూడా ఎక్కువగా ఉండటంతో లెక్కింపునకు సమయం పట్టినట్లు అధికారులు తెలిపారు. ఉత్కంఠ భరిత ఓట్ల లెక్కింపులో కాంగ్రెస్‌ మండల అధ్యక్షుడు కొమ్ము రవి 856 ఓట్ల మెజార్టీతో విజయం సాధించారు. సర్పంచ్‌ అభ్యర్థికి ఒక్కటే ఓటు చేర్యాల మండల పరిధిలోని శభాష్‌గూడెం సర్పంచ్‌గా బరిలో నిలిచిన దాసరి శ్రీశైలం అనే అభ్యర్థికి కేవలం ఒక్క ఓటు మాత్రమే వచ్చినట్లు అధికారులు ధ్రువీకరించారు. సర్పంచ్‌గా పోటీ చేయాలంటే అదే గ్రామానికి చెందిన ఒక ఓటరు బలపర్చాల్సి ఉంటుంది. ఇక్కడ ఈ అభ్యర్థికి కేవలం ఒక్క ఓటే వచ్చింది. అంటే బలపర్చిన వ్యక్తి కూడా ఓటు వేయలేదా? అన్న చర్చ జరుగుతోంది.

● జిల్లాలో 30 మంది సర్పంచ్‌లే గెలుపు ● ఇండిపెండెంట్లకు దక్కిన స్థానాల కంటే తక్కువే.. ● తీవ్ర నిరాశలో కార్యకర్తలు పల్లెల్లో కమలం వాడిపోయింది. ఇండిపెండెంట్లకు దక్కిన స్థానాలు సైతం గెలవలేక చతికిలపడింది. పంచాయతీ ఎన్నికల్లో పార్టీకి గట్టి ఎదురుదెబ్బ తగిలినట్లయింది. ఇద్దరు బీజేపీ ఎంపీల పరిధిలో చాలా మండలాలు ఉన్నప్పటికీ ఉనికి చాటలేదు. ఎన్నికల ఫలితాలను చూస్తే పార్టీ పట్టుకోల్పోయిందన్న చర్చ జరుగుతోంది. జిల్లా వ్యాప్తంగా 5.90శాతం సీట్లు మాత్రమే బీజేపీ మద్దతుదారులు సర్పంచ్‌లుగా గెలుపొందారు. సంస్థాగతంగా గ్రామ స్థాయిలో బలోపేతం కావాలని ఉవ్విళ్లూరిన బీజేపీ సత్తా చాటడంలో విఫలమైంది. – సాక్షి, సిద్దిపేట‘స్థానిక’ ఎన్నికల్లో బీజేపీ డీలాజిల్లా వ్యాప్తంగా మూడు విడతల్లో 26 మండలాల్లోని 508 గ్రామ సర్పంచ్‌లకు ఎన్నికలు జరగాయి. కేవలం 30 సర్పంచ్‌ స్థానాలు మాత్రమే బీజేపీకి దక్కాయి. మొదటి విడతలో 10, రెండో విడతలో 13, మూడో విడతలో 7 సర్పంచ్‌ స్థానాలలో బీజేపీ బలపర్చిన అభ్యర్థులు గెలుపొందారు. ఈ మూడు విడతల్లో ఇండిపెండెంట్‌లు 52 మంది విజయం సాధించారు. ఇండిపెండెంట్లు గెలుపొందిన సంఖ్య సైతం బీజేపీకి దక్కలేదు. కేంద్రంలో అధికారంలో ఉన్న బీజేపీ.. గ్రామ పంచాయతీ ఎన్నికలను జిల్లా నాయకత్వం, ప్రజాప్రతినిధులు పట్టించుకోలేదా? అన్న చర్చ జిల్లా వ్యాప్తంగా సాగుతోంది. కేంద్ర ప్రభుత్వ పథకాలు ఉపాధి హామీ పథకంతో పాటు పలు పథకాలు కొనసాగుతున్నా.. వాటిని ప్రచారం చేయడంలో పార్టీ నేతలు విఫలమయ్యారని తెలుస్తోంది. పలు గ్రామ పంచాయతీల పరిధిలో బీజేపీ నేతలు ప్రచారం నిర్వహించినప్పటికీ ఓటమి చెందారు. సిద్దిపేట నియోజకవర్గంలో మూడు చోట్ల మాత్రమే బీజేపీ బలపర్చిన అభ్యర్థులు గెలుపొందారు. గెలుపొందిన సర్పంచ్‌ల సన్మాన కార్యక్రమాన్ని త్వరలో ఏర్పాటు చేయాలని నిర్ణయించినట్లు తెలిసింది. ‘ఎన్నికల సమయంలో పట్టించుకోలేదని.. ఇప్పుడు గెలుపొందిన తర్వాత మేము కావాల్సి వచ్చామా? అని పలువురు డుమ్మా కొట్టే ఆలోచనలో ఉన్నట్లు విశ్వసనీయ సమాచారం. వర్గపోరును కట్టడి చేస్తేనే.. పార్టీలో వర్గపోరును కట్టడి చేసి నేతలను ఏకం చేస్తే తప్ప క్షేత్రస్థాయిలో పార్టీ బలోపేతం కావడం కష్టమని కార్యకర్తలు చర్చించుకుంటున్నారు. ఒక వర్గం నేతలు జిల్లాలో జరిగే పార్టీ కార్యక్రమాలకు సైతం దూరంగా ఉంటున్నారు. ఇప్పటికై నా అధిష్టానం ప్రత్యేక దృష్టి సారించి అందరిని ఒక్కతాటి పైకి తీసుకవచ్చి పార్టీని ముందుకు తీసుకవెళ్లాలని కార్యకర్తలు కోరుతున్నారు. మెదక్‌, కరీంనగర్‌ ఎంపీలుగా రఘునందన్‌ రావు, బండి సంజయ్‌లు గెలుపొందడంతో పార్టీలో జోష్‌ కనిపించినా.. ప్రస్తుత సర్పంచ్‌ ఎన్నికల్లో ఎక్కువ స్థానాల్లో గెలుపొందకపొవడంతో కార్యకర్తల్లో నైరాశ్యం అలుముకుంది. రాబోయే కాలమంతా ఎన్నికల కాలం.. ఇలాంటి సమయంలో కేడర్‌ అంతా నిరుత్సాహంలో ఉంటే ఎలా అని కార్యకర్తలు అయోమయానికి గురవు తున్నారు. త్వరలో ఎంపీటీసీ, జెడ్పీటీసీ, తర్వాత మున్సిపాలిటీ ఎన్నికలు జిల్లాలో జరగనున్నాయి. పరిస్థితి ఇలానే కొన సాగితే అసెంబ్లీ, పార్లమెంట్‌ ఎన్నికల్లోనూ ప్రభావం పడే అవకాశాలున్నాయి. తొగుటలో ఖాతా తెరిచి..తొగుట(దుబ్బాక): మండలంలో ఎట్టకేలకు బీజేపీ ఖాతా తెరించింది. పంచాయతీ ఎన్నికల్లో మొదటి సారిగా ఆ పార్టీ నాయకులు సర్పంచ్‌ ఎన్నికల్లో పోటీకి దిగారు. వరదరాజుపల్లిలో పార్టీ నాయకుడు ఎర్వ గోపాల్‌రెడ్డి సర్పంచ్‌గా విజయం సాధించారు. తొగుట, తుక్కాపూర్‌, లింగాపూర్‌, కాన్గల్‌, గుడికందుల, గోవర్ధనగిరి, వర్దరాజుపల్లి గ్రామాల్లో బీజేపీ మద్దతుతో సర్పంచ్‌ అభ్యర్థులు బరిలోకి దిగారు. గుడికందుల, లింగాపూర్‌, గోవర్ధనగిరిలో ప్రత్యర్థులకు గట్టి పోటీనిచ్చారు. రెండు చోట్ల ద్వితీయ స్థానంలో నిలవగా మిగతా చోట్ల గెలుపోటములపై తీవ్ర ప్రభావం చూపినట్లు మండలంలో చర్చజరుగుతోంది. తుక్కాపూర్‌లో బీజేపీ మండల అధ్యక్షుడు చిక్కుడు చంద్రం తన భార్యను రంగంలోకి దింపారు. కారణమేంటో తెలియదుగాని బరిలో నుంచి అర్ధంతరంగా తప్పుకున్నారు. సర్పంచ్‌ ఎన్నికల్లో ఖాతా తెరిచిన బీజేపీ త్వరలో జరగనున్న ఎంపీటీసీ, జెడ్పీటీసీ ఎన్నికల్లోనూ ఏమేరకు సత్తా చూపుతారో వేచిచూడాలి.

జిల్లాలోని 26 మండలాల్లో 508 పంచాయతీలు ఉన్నాయి. మొదటి విడతలో 163, రెండో విడతలో 182, మూడో విడతలో 163 పంచాయతీల్లో ఎన్నికలు జరిగాయి. ఈనెల 22న కొత్త సర్పంచ్‌లు కొలువు దీరనున్నారు. ఈనేపథ్యంలో గ్రామాల్లో నెలకొన్న సమస్యలపైనే అందరి దృష్టి నెలకొంది. గత 2024 ఫిబ్రవరి నెలలో సర్పంచ్‌ల పదవీకాలం ముగిసింది. దీంతో 20 నెలలకుపైగా పంచాయతీలకు నిధులు నిలిచిపోయాయి. 15వ ఆర్థిక సంఘం, ఎఫ్‌ఎఫ్‌ఎసీ, ఉపాధిహామీ తదితర పథకాల అమలు ఆగిపోయింది. ఫలితంగా ఎన్నో సమస్యలు అపరిష్కృతంగా మిగిలిపోయాయి. ప్రత్యేకించి గ్రామాల్లో పారిశుద్ధ్యం పడకేసింది. చాలా గ్రామాల్లో పంచాయతీలకు కేటాయించిన చెత్త సేకరణ ట్రాక్టర్లకు డీజీల్‌ పోయించుకోలేని దయనీయ పరిస్థితి ఏర్పడింది. ఈ పరిస్థితి వల్ల పారిశుద్ధ్య నిర్వహణ గాలికొదిసినట్లయ్యింది. దాదాపు అన్ని చోట్ల పంచాయతీ కార్యదర్శులు అప్పులు చేసి పారిశుద్ధ్య నిర్వహణ చేపట్టారు. ఈ బిల్లులు అందక ఇప్పటికీ నానా తంటాలు పడుతున్నారు. వ్యాధుల విజృంభణ పారిశుద్ధ్య నిర్వహణ సక్రమంగా లేకపోవడంతో గ్రామాల్లో వ్యాధుల వ్యాప్తి పెరిగిపోయింది. ఊర్లకు ఊళ్లు.. డెంగీ, మలేరియా, టైఫాయిడ్‌ లాంటి భయంకరమైన జ్వరాలు బారిన పడ్డాయి. వందల సంఖ్యలో రోగులు మంచాన పడ్డారు. గత ఆగస్టు నెలలో జిల్లాలోని జగదేవ్‌పూర్‌ మండలం తిమ్మాపూర్‌లో ఇద్దరు, అనంతసాగర్‌లో ఒకరు డెంగీ బారిన పడి మృతి చెందడం రాష్ట్రవ్యాప్తంగా కలకలం రేపింది. ఈ రెండు గ్రామాల్లోనే కాదు.. జిల్లాలోని అన్ని గ్రామాల్లో విష జ్వరాలు విజృంభించాయి. ఈ పరిస్థితి మార్చాల్సిన అధికారులు పంచాయతీ కార్యదర్శులపై సస్పెన్షన్‌ వేటు వేసి చేతులు దులుపుకొన్నారు. కేంద్రం నుంచి వచ్చే నిధులపైనే.. పంచాయతీలకు మార్చిలోగా రెండేళ్ల 15వ ఆర్థిక సంఘం నిధులు రావాల్సి ఉన్నది. 20నెలలుగా సర్పంచ్‌ల ఎన్నికలు జరగకపోవడం ఈ నిధులు రాలేదు. 2026మార్చిలోగా ఈ నిధులను రాబట్టుకోవాల్సిన అవసరం ఉంది. గ్రామాల జనాభా దామాషా ప్రకారం ఒక్కొక్కరికి రూ.900–1400చొప్పున నిధులు రానున్నాయి. కేంద్రం నుంచి ఎన్ని నిధులు వస్తాయో.. అన్ని నిధులు రాష్ట్రం నుంచి కూడా రావాల్సి ఉంది. ఉదాహరణకు 3వేల జనాభా ఉన్న గ్రామాలకు కేంద్రం నుంచి రూ.27లక్షల వరకు నిధులు వచ్చే అవకాశం ఉంది. రెండేళ్ల నిధులు ఇస్తే.. ఇది రెట్టింపు అవుతుంది. ఈ లెక్కన గ్రామాలకు దండిగా నిధులు రానున్నాయి. రాష్ట్ర ప్రభుత్వం కూడా తన వాటాగా నిధులు విడుదల చేయడంతోపాటు ఎస్‌ఎఫ్‌సీ నిధులు కూడా ఇస్తే గ్రామాలకు మహర్దశ పట్టనుంది. ప్రభుత్వ సహకారం కీలకం గ్రామాల్లో నెలకొన్న సమస్యల పరిష్కారానికి ప్రభుత్వాల సహకారమే కీలకం. గ్రామాల్లో ఎన్నో సమస్యలు పెండింగ్‌లో ఉన్నాయి. సమస్యలు కొత్త సర్పంచ్‌లకు సవాలుగా మారాయి. ప్రభుత్వాలు నిధులు విడుదల చేసి ప్రజల ఇబ్బందులను తీర్చడానికి కృషి చేయాలని కోరుకుంటున్నాం. – ప్రభాకర్‌, ఆహ్మదీపూర్‌ సర్పంచ్‌, గజ్వేల్‌ మండలంపడకేసిన పారిశుద్ధ్యం పంచాయతీ ఎన్నికలు పూర్తయిన నేపథ్యంలో.. ఇక అందరి దృష్టి గ్రామాల్లో నెలకొన్న సమస్యలపైనే కేంద్రీకృతమై ఉంది. ప్రత్యేకించి కేంద్రం నుంచి రావాల్సిన 15వ ఆర్థిక సంఘం నిధుల కోసం ఎదురుచూపుల్లో ఉన్నారు. కొత్త సర్పంచ్‌లు కొలువుతీరిన వెంటనే వస్తే.. మేలు జరిగే అవకాశం ఉంది. –గజ్వేల్‌

సంక్షేమ పథకాలే కాంగ్రెస్‌ను గెలిపించాయి: మంత్రి పొన్నం ప్రభాకర్‌ హుస్నాబాద్‌: ప్రజా పాలన ప్రభుత్వంలో అమలు చేస్తున్న సంక్షేమ పథకాలు, అభివృద్ధి కార్యక్రమాలకు ప్రజలు ఆశీర్వదించారని మంత్రి పొన్నం ప్రభాకర్‌ అన్నారు. గురువారం క్యాంప్‌ కార్యాలయంలో నూతన సర్పంచ్‌లు, ఉప సర్పంచ్‌లు, వార్డు సభ్యులకు అభినందనలు తెలుపుతూ ఘనంగా సన్మానించారు. అంతకు ముందు ఉదయం కార్యకర్తలతో కలిసి బైక్‌ నడుపుతూ గల్లి గల్లి తిరుగుతూ ప్రజల సమస్యలు అడిగి తెలుసుకున్నారు. అభివృద్ధి పనులను పర్యవేక్షించారు. అనంతరం క్యాంప్‌ కార్యాలయంలో సర్పంచ్‌లతో కలిసి విలేకరులతో మాట్లాడారు. నియోజకవర్గంలో 171 సర్పంచ్‌ స్ధానాలకు ఎన్నికలు జరిగితే 108 మంది కాంగ్రెస్‌ మద్దతుదారులు గెలిచారన్నారు. మరో 11 మంది ఇండిపెండెంట్లు కాంగ్రెస్‌లోకి వస్తున్నారన్నారు. పార్టీ కార్యకర్తల కృషి వల్లే అత్యధిక స్ధానాల్లో గెలిచామన్నారు. నియోజకవర్గంలో 80 శాతం పైగా పోలింగ్‌ జరిగిన గ్రామాలకు అభినందనలు తెలిపారు. గ్రామీణ ప్రాంత ప్రజలకు ప్రజాస్వామ్యం మీద విశ్వాసంతో పోలింగ్‌ కేంద్రాలకు పెద్ద ఎత్తున తరలివచ్చారని తెలిపారు. విద్య, వైద్యం, ఉపాధి కల్పన, వ్యవసాయం, టూరిజం అన్ని రంగాల్లో అబివృద్ధి చేస్తామన్నారు. అనంతరం క్యాంప్‌ కార్యాలయంలో నేషనల్‌ హైవేస్‌ అథారిటీ అధికారులతో సమీక్ష నిర్వహించారు. వేర్వేరుగా జరిగిన కార్యక్రమాల్లో జిల్లా గ్రంథాలయ సంస్థ చైర్మన్‌ కేడం లింగమూర్తి, సింగిల్‌ విండో చైర్మన్‌ బొలిశెట్టి శివయ్య, మున్సిపల్‌ కమిషనర్‌ మల్లికార్జున్‌, అధికారులు పాల్గొన్నారు.

● పూర్తి సహాయ సహకారాలు అందిస్తా ● నూతన సర్పంచ్‌లతో మంత్రి వివేక్‌ ప్రశాంత్‌నగర్‌(సిద్దిపేట): స్థానిక సంస్థల ఎన్నికల్లో విజయం సాధించిన దుబ్బాక, సిద్దిపేట అసెంబ్లీ పరిధిలోని సర్పంచ్‌, వార్డు మెంబర్లు మంత్రి వివేక్‌ను కలిశారు. గురువారం గాడిపల్లి రఘువర్ధన్‌ రెడ్డి ఆధ్వర్యంలో మంత్రిని హైదరాబాద్‌లో కలిసినట్లు జిల్లా కాంగ్రెస్‌ పార్టీ ఉపాధ్యక్షుడు మంద పాండు తెలిపారు. నూతన సర్పంచ్‌లు, వార్డు సభ్యులు గ్రామాల అభివృద్ధికి కృషి చేయాలని, అన్ని రకాలుగా సహాయ సహకారాలు అందిస్తానని మంత్రి హామీ ఇచ్చారన్నారు. మంత్రిని కలిసిన వారిలో కాంగ్రెస్‌ నాయకులు సదాశివరెడ్డి, మంద వనజ, తదితరులు ఉన్నారన్నారు.

గజ్వేల్‌: పేదల సంక్షేమమే కాంగ్రెస్‌ లక్ష్యమని గజ్వేల్‌ మాజీ ఎమ్మెల్యే నర్సారెడ్డి అన్నారు. బుధవారం జగదేవ్‌పూర్‌ మండలం తీగుల్‌ గ్రామంలో పలువురు బీఆర్‌ఎస్‌ నాయకులు, కార్యకర్తలు నర్సారెడ్డి సమక్షంలో కాంగ్రెస్‌లో చేరారు. ఈ సందర్భంగా ఏర్పాటు చేసిన కార్యక్రమంలో నర్సారెడ్డి మాట్లాడుతూ ఎన్నికల్లో హామీ ఇచ్చిన విధంగా ముఖ్యమంత్రి రేవంత్‌రెడ్డి సంక్షేమ పథకాల అమలుపైనే ప్రత్యేక దృష్టి పెట్టారని కొనియాడారు. రుణమాఫీ, సన్నబియ్యం, ఉచిత బస్సు ప్రయాణం, గ్యాస్‌ రాయితీ, 200 యూనిట్ల వరకు కరెంట్‌ ఫ్రీ తదితర పథకాలతో గ్రామీణ సమాజంలో గొప్ప పరివర్తన వస్తోందని చెప్పారు. సంక్షేమం, అభివృద్ధి కార్యక్రమాలకు ఆకర్షితులై వివిధ పార్టీల నాయకులు కాంగ్రెస్‌లో చేరుతు న్నారని తెలిపారు. కార్యక్రమంలో మార్కెట్‌ కమిటీ చైర్మన్‌ వంటేరు నరేందర్‌రెడ్డి, కాంగ్రెస్‌ జగదేవ్‌పూర్‌ మండల శాఖ అధ్యక్షుడు రవీందర్‌రెడ్డి, నాయకులు తదితరులు పాల్గొన్నారు. ‘ఉపాధి’ని ఎత్తివేసేందుకు కుట్ర: సీఐటీయూగజ్వేల్‌: పోరాడి సాధించుకున్న ఉపాధి హామీ పథకాన్ని ఎత్తివేసేందుకు కేంద్రంలోని బీజేపీ ప్రభుత్వం కుట్రలు చేస్తున్నదని సీఐటీయూ జిల్లా ఉపాధ్యక్షుడు బండ్ల స్వామి మండిపడ్డారు. బుధవారం గజ్వేల్‌లో ఏర్పాటు చేసిన విలేకరుల సమావేశంలో ఆయన మాట్లాడుతూ ఉపాధి హామీ చట్టం స్థానంలో కేంద్రం వికసిత్‌ భారత్‌ గ్యారంటీ ఫర్‌ రోజ్‌గార్‌ అజివిక మిషన్‌ పేరుతో బిల్లును తీసుకువస్తున్నారని చెప్పారు. పథకాన్ని నీరుగార్చే ఉద్దేశంలో భాగంగానే ఈ బిల్లును తీసుకొస్తున్నారని ఆరోపించారు. వామపక్షాల పోరాటాల ఫలితంగా 2005లో అప్పటి యూపీఏ ప్రభుత్వం ఉపాధిహామీ పథకాన్ని తీసుకొచ్చిందని గుర్తుచేశారు. ఈ పథకం వల్ల నిరుపేద కూలీలకు భారీ ప్రయోజనం కలిగిందన్నారు. 2014నుంచి కేంద్రంలో అధికారంలోకి వచ్చిన బీజేపీ క్రమంగా ఈ పథకాన్ని నీరుగారుస్తున్నదని ఆందోళన వ్యక్తం చేశారు. ఇప్పటికై నా ఉపాధిహామీ బిల్లును మార్చే నిర్ణయాన్ని ఉపసంహరించుకోకపోతే పోరాటాలు తప్పవని హెచ్చరించారు. సీఎం దృష్టికి బీడీ కార్మికుల సమస్యలు దుబ్బాక: బీడీ కార్మికుల సమస్యలను సీఎం రేవంత్‌రెడ్డి దృష్టికి తీసుకెళ్లి పరిష్కరించేందుకు కృషి చేస్తానని మాజీ ఎమ్మెల్యే మైనంపల్లి హన్మంతరావు తెలిపారు. బుధవారం తెలంగాణ ఆల్‌ బీడీ కార్మిక సంఘం రాష్ట్ర అధ్యక్షుడు(ఐఎన్‌టీయూసీ) తుమ్మ శంకర్‌ ఆధ్వర్యంలో మైనంపల్లిని కలిసి విన్నవించారు. ఈ సందర్భంగా బీడీ కార్మికుల సమస్యలను తెలుసుకున్న యన తప్పకుండా న్యాయం చేస్తామని హామీనిచ్చినట్లు శంకర్‌ తెలిపారు. కార్యక్రమంలో నాయకులు లక్ష్మీనారాయణ తదితరులు ఉన్నారు.

● 150 సర్పంచ్‌, 1,182 వార్డుల్లో ఎన్నికలు ● భారీగా తరలివచ్చి ఓటేసిన పల్లె వాసులు తుది విడత పోలింగ్‌ 88.45 శాతం నమోదుసాక్షి, సిద్దిపేట: జిల్లాలో పల్లె ఓటరు ఓటెత్తారు. తుది విడత గ్రామ పంచాయతీ ఎన్నికల్లో పెద్ద ఎత్తున ప్రజలు పోలింగ్‌ కేంద్రాలకు తరలివచ్చి ఓటు హక్కును వినియోగించుకున్నారు. బుధ వారం ఉదయం ఏడు గంటల నుంచి మధ్యాహ్నం ఒంటి గంట వరకు పోలింగ్‌ జరిగింది. మధ్యాహ్న భోజన విరామం అనంతరం రెండు గంటల నుంచి ఓట్ల లెక్కింపు ప్రక్రియ చేపట్టారు. జిల్లాలోని తొమ్మిది మండలాల్లో పోలింగ్‌ జరిగింది. గజ్వేల్‌ అసెంబ్లీ నియోజకవర్గంలోని కొండపాక, కుకునూరుపల్లి, జనగామ నియోజకవర్గం పరిధిలోని చేర్యాల, కొమురవెల్లి, మద్దూరు, దూల్మిట్ట, హుస్నాబాద్‌ పరిధిలో హుస్నాబాద్‌, కోహెడ, అక్కన్నపేట మండలాలల్లో ఎన్నికలు జరిగాయి. ఏకగ్రీవం అయిన సర్పంచ్‌ స్థానాలు13 మినహాయిస్తే 150 సర్పంచ్‌ పదవులకు, 574 అలాగే ఏకగ్రీంగా ఎన్నికై న 249 వార్డు సభ్యుల స్థానాలను మినహాయించి 1,182వార్డు స్థానాలకు 3,059 పోటీ చేశారు. తుది విడత పోలింగ్‌ ప్రశాంతంగా ముగిసింది. కుకునూరుపల్లిలో అత్యధికం మూడో(చివరి) విడతలో 88.45శాతం పోలింగ్‌ నమోదైంది. కుకునూరుపల్లి మండలంలో అత్యధికంగా 91.08 శాతం పోలింగ్‌ నమోదు కావడం గమనార్హం. అత్యల్పంగా చేర్యాలలో 86.87 శాతం ఓట్లు పోలయ్యాయి. పురుషులే అత్యధికంగా ఓటు హక్కును వినియోగించుకున్నారు. మూడు విడతల్లో ఓటు హక్కు వినియోగించుకోని ఓటర్లు మండలాల వారీగా.. అక్కన్నపేట 29,441(88.06 శాతం) చేర్యాల 28,911(86.87 శాతం) దూల్మిట్ట 11,975(89.70 శాతం) హుస్నాబాద్‌ 14,976(89.46 శాతం) కోహెడ 33,002(88.38 శాతం) కొమురవెల్లి 13,842(87.49 శాతం) కొండపాక 23,488(89.05 శాతం) కుకునూరుపల్లి 12,976(91.08 శాతం) మద్దూరు 15,642(88.24 శాతం)తొమ్మిది మండలాల్లో.. మొత్తం ఓటర్లు: 2,08,314 పురుషులు: 1,02,716 మహిళలు: 1,05,595 ఇతరులు: 03 ఓటు హక్కు వినియోగించుకున్న వారు పురుషులు 91,492 (89.07%) మహిళలు 92,759 (87.84%) ఇతరులు 02 మొత్తం 1,84,253 (88.45%) ఉదయం 9 గంటల వరకు పోలైన ఓట్లు: 50,727 (24.35%) ఉదయం 11 గంటల వరకు.. : 1,25,311 (60.15%) మధ్యాహ్నం 1 గంట వరకు.. : 1,80,692 (86.74%) పోలింగ్‌ ముగిసే సమయం వరకు: 1,84,253 (88.45%)

● ‘స్థానిక ’ ఎన్నికల్లో ఏరులై పారిన మద్యం ● జిల్లాలో రూ.69.95కోట్ల మద్యం అమ్మకాలు ● గత నెలతో పోలిస్తే ఈ నెలలో భారీగా విక్రయాలు సిద్దిపేటకమాన్‌: జిల్లాలో మూడు విడతల్లో జరిగిన స్థానిక సంస్థల ఎన్నికల నేపథ్యంలో మద్యం ఏరులై పారింది. సర్పంచ్‌, వార్డు మెంబర్లుగా పోటీ చేసిన అభ్యర్థులు మద్యానికే భారీగా డబ్బు వెచ్చించినట్లు సమాచారం. ఓటర్లను ప్రసన్నం చేసుకోవడానికి అన్ని విధాలుగా ప్రయత్నాలు చేశారు. కుల, యువజన సంఘాలను ఏకం చేస్తూ వారికి పలు విధాలుగా హామీలు ఇచ్చారు. అభ్యర్థులు, వారి మద్దతుదారులు ఎన్నికలు పూర్తయ్యేంత వరకు ఓటర్లకు రోజూ బిర్యానీ, మద్యంతో దావత్‌లు ఏర్పాటు చేశారు. కొన్ని గ్రామాల్లో పోలింగ్‌కు రెండు రోజుల ముందు నుంచే ఓటర్లకు నగదు, మద్యం పంపిణీ చేశారు. కొన్నిచోట్ల అక్రమంగా నిల్వ ఉంచిన, రవాణా చేస్తున్న మద్యాన్ని పోలీసులు స్వాధీనం చేసుకుని కేసులు నమోదు చేశారు. పెరిగిన అమ్మకాలు జిల్లాలోని ఐదు ఎకై ్సజ్‌ పోలీసు స్టేషన్ల పరిధిలో 93 వైన్‌ షాపులు, 16 బార్‌ అండ్‌ రెస్టారెంట్ల ద్వారా మద్యం విక్రయాలు జరుగుతున్నాయి. నూతన మద్యం పాలసీ (2025–27) ప్రకారం ఇటీవల మద్యం దుకాణాలు దక్కించుకున్న వారు ఈ నెల 1వ తేదీ నుంచి అమ్మకాలు జరుపుతున్నారు. పంచాయతీ ఎన్నికల నేపథ్యంలో వైన్‌ షాపుల నుంచి 15రోజులుగా భారీగా మద్యం అమ్మకాలు జరిగాయి. ఇటీవల నూతన పోలీసు కమిషనర్‌గా బాధ్యతలు చేపట్టిన విజయ్‌కుమార్‌ ఎన్నికల నిబంధనలు ఉల్లంఘించిన వారిపై కేసులు నమోదు చేశారు. పోలీసు శాఖ కట్టడి చేసినప్పటికీ రకరకాల పద్ధతుల ద్వారా మద్యం సరఫరా చేశారు. జిల్లాలో గత నెల నవంబర్‌లో రూ.53.44కోట్ల విలువగల 68,682 కేసుల లిక్కర్‌, 84,037 కేసుల బీర్ల విక్రయాలు జరిగాయి. ఈ నెల డిసెంబర్‌లో ఇప్పటి వరకు రూ.69.95కోట్ల విలువగల 74,678 కేసుల లిక్కర్‌, 79,828 కేసుల బీర్లను విక్రయించారు. ఎన్నికల్లో పోటీ చేసిన అభ్యర్థులు మద్యంపై భారీగా ఖర్చు చేసినట్లు పలువురు చర్చించుకుంటున్నారు. భారీగా మద్యం విక్రయాలు మద్యం దుకాణాల ద్వారా ఈ నెలలో భారీగా మద్యం విక్రయాలు జరిగాయి. నూతన షాప్‌లు కావడంతో ఈ నెలలో ఇప్పటి వరకు 74,678 కేసుల లిక్కర్‌, 79,828 కేసుల బీర్లు విక్రయించారు. మొత్తం రూ.69.95 కోట్ల మద్యం విక్రయాలు జరిగాయి. నూతన సంవత్సర వేడుకల నేపథ్యంలో చివరి వారంలో విక్రయాలు భారీగా పెరిగే అవకాశం ఉంది. లైసెన్స్‌దారులు నిబంధనలకు అనుగుణంగా విక్రయాలు జరపాలి. – శ్రీనివాసమూర్తి, జిల్లా ఎకై ్సజ్‌ సూపరింటెండెంట్‌

ఉదయం 7 గంటలకు పోలింగ్‌ ప్రక్రియ ప్రారంభమై మధ్యాహ్నం ఒంటి గంటకు ముగిసింది. చలిని సైతం లెక్క చేయకుండా ఓటు హక్కును వినియోగించుకున్నారు. వలసవెల్లిన పల్లె వాసులు తమ సొంత గ్రామానికి చేరుకుని ఓటు వేశారు. చాలా మంది ఓటర్లను సర్పంచ్‌, వార్డు అభ్యర్థులు తమ సొంత వాహనాల్లో పోలింగ్‌ కేంద్రాలకు తరలించి ఓట్లు వేయించారు. మధ్యాహ్నం ఒంటి గంట వరకు పోలింగ్‌ కేంద్రాలకు చేరుకున్న ఓటర్లందరికీ ఓటు వేసే అవకాశం కల్పించారు. ఒంటి గంటకు పోలింగ్‌ కేంద్రం గేటు తాళం వేశారు. జిల్లా ఎన్నికల అధికారి, కలెక్టర్‌ హైమావతి పర్యవేక్షించారు.

సాక్షి, సిద్దిపేట: ప్రజాస్వామ్యంలో ప్రతి ఓటూ కీలకమే. ఆ ఒక్క ఓటే అభ్యర్థుల గెలుపోటములను శాసిస్తోంది. ఎంతో మంది అభ్యర్థుల తలరాతను మార్చి పదవులు వచ్చేలా చేయడంతో పాటు పరాజితులను సైతం చేసి ఇంటికి పరిమితం చేసేది ఓటే.. అలాంటిది జిల్లాలో సర్పంచ్‌, వార్డు సభ్యుల ఎన్నికలలో పల్లె ఓటర్లు 74,527 మంది ఓటుకు దూరంగా ఉన్నారు. ఈ నెల 11, 14, 17వ తేదీలలో సర్పంచ్‌, వార్డు సభ్యులకు ఎన్నికలు జరిగాయి. జిల్లా వ్యాప్తంగా 88.30శాతం మంది ఓటర్లు తమ ఓటు హక్కును వినియోగించుకున్నారు. ఓటు హక్కును వినియోగించుకోవాలని చైతన్య కార్యక్రమాలు నిర్వహించినప్పటికీ చాలా మందిలో మార్పు రాకపోవడం గమనార్హం. చాలా చోట్ల అభ్యర్థులే నేరుగా ఓటర్లను పోలింగ్‌ కేంద్రాలకు తరలించారు. 5,62,518 మంది ఓటేశారు.. జిల్లా వ్యాప్తంగా 508 సర్పంచ్‌లు, 4,508 వార్డు సభ్యులకు ఎన్నికల నామినేషన్లు స్వీకరించగా 39 సర్పంచ్‌ స్థానాలకు, 729 వార్డులు ఏకగ్రీవం అయ్యాయి. 469 సర్పంచ్‌ స్థానాలకు 1,653 మంది, 3,779 వార్డులకు 9,835 మంది పోటీ చేశారు. మూడు విడతల్లో ఎన్నికలు నిర్వహించిన సర్పంచ్‌, వార్డు లలో మొత్తం 6,37,045 ఓటర్లు ఉండగా అందులో 5,62,518 మంది ఓటర్లు తమ ఓటు హక్కును వినియోగించుకున్నారు. పురుషులే అధికం పల్లెల్లో జరిగిన ఎన్నికల్లో మహిళల కంటే పురుషులే అధికంగా తమ ఓటు హక్కును వినియోగించుకున్నారు. పురుషులు 3,12,530 మంది ఓటర్లుండగా 2,78,265 (89.03 శాతం), మహిళలు 3,24,509 మంది ఓటర్లుండగా 2,84,250 (87.59 శాతం) మంది ఓటు వేశారు. జిల్లాలో అత్యధికంగా మూడో విడతలో జరిగిన కుకునూరుపల్లి మండలంలో 91.08శాతం మంది, అత్యల్పంగా మొదటి విడతలో జరిగిన జగదేవ్‌పూర్‌లో 84.27శాతం మంది ఓటు వేశారు. విడతల వారీగా ఇలా.. విడత పురుషులు మహిళలు ఇతరులు మొత్తం మొదటి 80,413 81,557 01 1,61,253 రెండో 1,06,360 1,09,934 0 2,16,294 మూడో 91,492 92,759 02 1,84,253ఓటరు జాబితా తప్పుల తడక మృతి చెందిన, డబుల్‌ ఓటర్ల పేర్లను గ్రామీణ ఓటరు జాబితాలో నుంచి తొలగించలేదు. క్షేత్రస్థాయిలో పరిశీలించి మృతిచెందిన ఓటర్లను ఓటరు జాబితా సవరణల సమయంలో బీఎల్‌ఓలు, పంచాయతీ కార్యదర్శులు తొలగించాలి. కానీ చేయలేదు. ఉదాహరణకు కొమురవెల్లి మండలం గౌరాయపల్లిలో 1,325 ఓటర్లు ఉండగా అందులో దాదాపు 110 వరకు ఓటర్లు మృతి చెందినవారి, డబుల్‌, ఇతర ప్రాంతాలకు షిఫ్ట్‌ అయిన వారి పేర్లను తొలగించలేదు. దీంతో ఆ గ్రామంలో 74శాతం మంది మాత్రమే ఓటు హక్కును వినియోగించుకున్నారని తెలింది. ఇప్పటికై నా చనిపోయిన ఓటర్లు, డబుల్‌ ఉన్న వారు, ఇతర ప్రాంతాలకు వలస వెళ్లిన వారి ఓట్లును తొలగించాలని ప్రజలు కోరుతున్నారు.

హుస్నాబాద్‌: నూతనంగా గెలిచిన సర్పంచ్‌లు గ్రామాల అభివృద్ధికి ఐక్యంగా కృషి చేయాలని రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్‌ అన్నారు. బుధవారం క్యాంప్‌ కార్యాలయంలో హుస్నాబాద్‌, అక్కన్నపేట, కోహెడ, సైదాపూర్‌ మండలాల్లో కాంగ్రెస్‌ మద్దతు దారులు సర్పంచ్‌లుగా గెలిచిన వారిని సన్మానించారు. ఈ సందర్భంగా మంత్రి మాట్లాడుతూ మూడో విడత పంచాయతీ ఎన్నికల్లో మెజార్టీ స్థానాల్లో కాంగ్రెస్‌ మద్దతుదారులు విజయం సాధించారన్నారు. నిరంతరం ప్రజా సమస్యలపై ప్రజలకు అండగా ఉన్న నాయకులకు పట్టం కట్టారన్నారు.

ములుగు(గజ్వేల్‌): మండల కేంద్రంలోని సెంటర్‌ ఆఫ్‌ ఎక్సలెన్స్‌(సీఓఈ), అచ్చాయిపల్లి ఏటీజీసీని ఉద్యానశాఖ జాయింట్‌ డైరెక్టర్‌ రామలక్ష్మి, ఆయా రాష్ట్రాలకు చెందిన ఉద్యాన అధికారుల బృందం మంగళవారం సందర్శించింది. ఈ సందర్భంగా వారు సెంటర్‌ ఆఫ్‌ ఎక్సలెన్స్‌లో జరుగుతున్న వివిధ రకాల కూరగాయలు, నర్సరీల పెంపకం తీరును పరిశీలించారు. మొక్కల ఉత్పత్తి విధానంలో సాగుచేస్తున్న మామిడి, జామ, సీతాఫలం, నిమ్మలో పాటించాల్సిన మెలకువల గురించి జాయింట్‌ డైరెక్టర్‌ రామలక్ష్మి బృందానికి వివరించారు. కార్యక్రమంలో జిల్లా ఉద్యాన అధికారి శ్రీధర్‌ పాల్గొన్నారు.

ములుగు(గజ్వేల్‌): గ్రామాల అభివృద్ధికి నూతన సర్పంచ్‌లు కృషి చేయాలని డీసీసీ అధ్యక్షురాలు ఆంక్షారెడ్డి, మాజీ ఎమ్మెల్యే నర్సా రెడ్డి సూచించారు. ములుగు మండలం బండనర్సంపల్లిలో మొదటి విడత గ్రామపంచాయ తీ ఎన్నికల్లో కాంగ్రెస్‌ బలపరిచిన అభ్యర్థులు గెలుపొందారు. సర్పంచ్‌ ఆర్‌ఆర్‌. లహరీశ్రీధర్‌రెడ్డి, ఉపసర్పంచ్‌ జహంగీర్‌, వార్డు సభ్యులను మంగళవారం వారు అభినందించి, శాలువాలతో సత్కరించి శుభాకాంక్షలు తెలిపారు. ఈ సందర్భంగా వారు మాట్లాడుతూ ప్రభుత్వ సహకారంతో సర్పంచ్‌లు గ్రామాలలో పలు అభివృద్ధి పనులు చేపట్టి ఆదర్శంగా నిలవాలన్నారు. కార్యక్రమంలో నాయకులు శ్రీధర్‌రెడ్డి, భిక్షపతిరెడ్డి, ప్రవీణ్‌రెడ్డి, మురళి, రమణారెడ్డి, స్వామిగౌడ్‌, చంద్రయ్య, యాదగిరి, హన్మంతరెడ్డి, నర్సింలు, నర్సింహ్మారెడ్డి, సునీల్‌రెడ్డి పాల్గొన్నారు.

జిల్లా ప్రధాన న్యాయమూర్తి సాయిరమాదేవిసిద్దిపేటకమాన్‌: జాతీయ లోక్‌ అదాలత్‌ ఈ నెల 21న జరగనున్న దృష్ట్యా అధిక కేసులు రాజీకుదిర్చేలా చూడాలని జిల్లా న్యాయ సేవాధికార సంస్థ చైర్‌పర్సన్‌, జిల్లా ప్రధాన న్యాయమూర్తి సాయిరమాదేవి తెలిపారు. సిద్దిపేట, హుస్నాబాద్‌, గజ్వేల్‌, దుబ్బాక కోర్టు న్యాయమూర్తులతో జిల్లా ప్రధాన న్యాయమూర్తి మంగళవారం సమావేశం నిర్వహించారు. ఈ సందర్భంగా ఆమె మాట్లాడుతూ జిల్లాలో క్రిమినల్‌, సివిల్‌, ఎకై ్సజ్‌, మోటారు వాహనాల కేసులు అధిక మొత్తంలో పెండింగ్‌లో ఉన్నాయన్నారు. జాతీయ లోక్‌ అదాలత్‌లో అధిక మొత్తంలో కేసులు రాజీపడేలా చర్యలు చేపట్టాలని న్యాయమూర్తులకు సూచించారు. కార్యక్రమంలో అదనపు సీనియర్‌ సివిల్‌ జడ్జి సంతోష్‌కుమార్‌, న్యాయమూర్తులు తరణి, రేవతి, ప్రమీద, స్వాతిగౌడ్‌, జితేందర్‌, న్యాయసేవ సిబ్బంది పాల్గొన్నారు.

వర్గల్‌(గజ్వేల్‌): మండల పరిధి గౌరారం కావేరీ యూనివర్సిటీకి ‘తెలంగాణ బెస్ట్‌ యూనివర్సిటీ’ అవార్డు లభించినట్లు వర్సిటీ ఛాన్స్‌లర్‌ జీవీ భాస్కర్‌రావు పేర్కొన్నారు. న్యూఢిల్లీలోని వెటరన్స్‌ ఇండియా, ఏఐసీటీఈ, ఎన్‌బీఏ, ఏఐయూ, ఈపీఎస్‌ఐ సంయుక్తంగా దేశభక్తి తదితర అంశాలు ప్రాతిపదికన నిర్వహించిన ప్రైడ్‌ ఆఫ్‌ నేషన్‌ అవార్డ్స్‌– 2025లో కావేరీ యూనివర్సిటీ ‘తెలంగాణ బెస్ట్‌ యూనివర్సిటీ’గా ఎంపికైందన్నారు. విజయ దివస్‌ సందర్భంగా న్యూఢిల్లీలో నిర్వహించిన కార్యక్రమంలో వర్సిటీ వైస్‌ఛాన్స్‌లర్‌ డాక్టర్‌ ప్రవీణ్‌రావు ఈ అవార్డును అందుకున్నట్లు పేర్కొన్నా రు. అవార్డు రావడంపై రిజిస్ట్రార్‌ డాక్టర్‌ బి. శ్రీనివాసులు, డైరెక్టర్‌ హర్ష పొలసాని, డీన్లు డాక్టర్‌ కొండా శ్రీనివాస్‌, డాక్టర్‌ ప్రతాప్‌ కుమార్‌రెడ్డి, సిబ్బంది హర్షం వ్యక్తం చేశారు. అజ్ఞానం వీడితేనే ప్రశాంతత మిరుదొడ్డి(దుబ్బాక): మన చుట్టూ ఆవరించిన అజ్ఞాన పొరలను తొలగించినప్పుడే మనసుకు ప్రశాంత లభిస్తుందని రంగంపేట పీఠాధిపతి మాధవానంద సరస్వతి స్వామి తెలిపారు. మండల కేంద్రమైన మిరుదొడ్డిలో నిర్వహిస్తున్న గీతా పారాయణం 16వ అధ్యాయం ముగింపు సందర్భంగా మంగళవారం భక్తులకు ఆయన అనుగ్రహభాషణం చేశారు. పారాయణంలో పాల్గొన్న మహిళా భక్తులు ప్రత్యేక పూజలు చేశారు. ఈ సందర్భంగా ఆయన మాట్లాడుతూ భక్తి భావం కలిగిన పల్లెలు ఆధ్యాత్మిక కేంద్రాలుగా వర్ధిల్లుతాయన్నారు. దైవ చింతన కలిగి ఉండటంతో పాటు, సామాజిక స్పృహ కలిగి ఉండాలన్నారు. అనంతరం భక్తులకు తీర్థ ప్రసాద వితరణ చేశారు. నిబంధనలు ఉల్లంఘిస్తే కేసులు: సీపీ విజయ్‌కుమార్‌ సిద్దిపేటకమాన్‌: ఎన్నికల నిబంధనలు ఉల్లంఘించే వారిపై కేసులు నమోదు చేసి చట్టపరమైన చర్యలు తీసుకుంటామని సీపీ విజయ్‌కుమార్‌ తెలిపారు. ఈ సందర్భంగా ఆయన మాట్లాడుతూ ఎన్నికల నిబంధనలకు విరుద్ధంగా విజయోత్సవ ర్యాలీలు, బాణాసంచా కాల్చడం వంటివి చేయకూడదన్నారు. మొదటి దశ ఎన్నికల రోజు ఉల్లంఘన కేసులు 20, రెండో దశలో 13 కేసులు నమోదు చేసినట్లు తెలిపారు. జిల్లాలో మూడో దశ ఎన్నికలు జరుగుతున్న గ్రామాల్లో ఎన్నికల నిబంధనలు అమల్లో ఉంటాయని తెలిపారు. వ్యాధిగ్రస్తుల గుర్తింపు పకడ్బందీగా చేపట్టాలి డీఎంహెచ్‌ఓ డాక్టర్‌ ధనరాజ్‌ సిద్దిపేటకమాన్‌: జిల్లాలో ఈ నెల 18 నుంచి 31వరకు నిర్వహించనున్న కుష్ఠు వ్యాధిగ్రస్థుల గుర్తింపు కార్యక్రమం పకడ్బందీగా నిర్వహించాలని డీఎంహెచ్‌ఓ డాక్టర్‌ ధనరాజ్‌ తెలిపారు. ఆయన మాట్లాడుతూ జిల్లాలో 14రోజుల పాటు 273మంది ఆరోగ్య పర్యవేక్షకుల ఆధ్వర్యంలో, 822మంది ఆశా కార్యకర్తలు ఇంటింటి సర్వే నిర్వహిస్తారని తెలిపారు. శరీరంపై స్పర్శ లేని మచ్చలు, తిమ్మిర్లు, వంటి సమస్యలు గుర్తించి నమోదు చేసుకుంటారని తెలిపారు. వ్యాధి నిర్ధారణ మేరకు మందులు పంపిణీ చేస్తామన్నారు. చికిత్స ద్వారా ఈ వ్యాధి ఆరు నెలల నుంచి 12 నెలల్లో నయమవుతుందన్నారు. అన్ని ప్రాథమిక ఆరోగ్య కేంద్రాల్లో మందులు అందుబాటులో ఉన్నాయని తెలిపారు. జిల్లాస్థాయి అబాకస్‌ పోటీలు ప్రశాంత్‌నగర్‌(సిద్దిపేట): విశ్వం ఎడ్యుకేషనల్‌ ఆధ్వర్యంలో మంగళవారం జిల్లా కేంద్రంలో అబాకస్‌ వేదిక్‌ మ్యాథ్స్‌ జిల్లాస్థాయి పోటీలు నిర్వహించారు. ఈ పోటీలలో జిల్లాలోని 30 పాఠశాలలకు చెందిన 650 మంది విద్యార్థులు పాల్గొన్నారు. ప్రతిభ చూపిన 26 మంది విద్యా ర్థులకు బహుమతులు అందించారు. వారంతా జనవరిలో జరగనున్న రాష్ట్రస్థాయి పోటీ లలో పాల్గొంటారని నిర్వాహకులు తెలిపారు.

బుధవారం శ్రీ 17 శ్రీ డిసెంబర్‌ శ్రీ 2025మూడో విడత పంచాయతీ ఎన్నికలకు అధికారులు ఏర్పాట్లు పూర్తి చేశారు. ఎన్నికల సామగ్రిని ఆయా మండల కేంద్రాల్లో మంగళవారం పంపిణీ చేశారు. హుస్నాబాద్‌కు స్థానిక మండల పరిషత్‌ కార్యాలయంలో, అక్కన్నపేటకు జెడ్పీహెచ్‌ ఎస్‌లో, కోహెడకు ప్రభుత్వ జూనియర్‌ కళాశాలలో, చేర్యాలకు మండల పరిషత్‌ కార్యాలయంలో, మద్దూరుకు తాజ్‌ ఫంక్షన్‌ హాలులో, దూల్మిట్టకు రైతు వేదికలో, కొమురవెల్లికి జెడ్పీహెచ్‌ఎస్‌లో, కొండపాకకు ఐఎంఓసీ, కుకునూరుపల్లికి కోల అంజయ్య ఫంక్షన్‌ హాలులో ఎన్నికల సామగ్రిని అందజేశారు. సిబ్బందికి బ్యాలెట్‌ బాక్స్‌లు, బ్యాలెట్‌ పత్రాలు, ఇతర సామగ్రిని అందించి దిశానిర్దేశం చేశారు. పోలింగ్‌ కేంద్రాలకు సిబ్బంది ప్రత్యేక బస్సుల తరలివెళ్లారు. ఆ వెంటనే కౌంటింగ్‌.. గ్రామ పంచాయతీ ఎన్నికలు బుధవారం ఉదయం 7 గంటల నుంచి ఒంటి గంట వరకు నిర్వహించనున్నారు. మధ్యాహ్నం 2 గంటల నుంచి ఓట్ల లెక్కింపు ప్రక్రియ మొదలు కానుంది. లెక్కింపు సజావుగా, పారదర్శకంగా జరిగేలా ఉద్యోగులకు శిక్షణ ఇచ్చారు. కౌంటింగ్‌ కేంద్రాల వద్ద తాత్కాలిక స్ట్రాంగ్‌ రూమ్‌లు ఏర్పాటు చేయడంతో పాటు సీసీ కెమెరాలు అమర్చారు. పోలింగ్‌ పూర్తి కాగానే బ్యాలెట్‌ బాక్స్‌లు, ఇతర సామగ్రిని స్ట్రాంగ్‌ రూమ్‌లో భద్రపర్చి రెండు గంటల నుంచి ఓట్లు లెక్కిస్తూ, ఫలితాలను ప్రకటిస్తారు. బ్యాలెట్‌ బాక్స్‌ల్లో సర్పంచ్‌ ఓట్లను వేరు చేస్తూనే , తొలుత వార్డుల వారీగా ఓట్లను లెక్కిస్తారు. పంచాయతీ చివరి వార్డు ఫలితం వెల్లడించిన తర్వాత సర్పంచ్‌ ఓట్లను గుర్తుల వారీగా వేరు చేసి లెక్కిస్తారు. జిల్లాలో తుది విడత గ్రామ పంచాయతీ ఎన్నికలకు సర్వం సిద్ధమైంది. బుధవారం తొమ్మిది మండలాల్లో పోలింగ్‌ జరగనుంది. హుస్నాబాద్‌, అక్కన్నపేట, కోహెడ, మద్దూరు, చేర్యాల, దుల్మిట్ట, కొమురవెల్లి, కొండపాక, కుకునూర్‌పల్లి మండలాల్లో పోలింగ్‌ కోసం ఏర్పాట్లు చేశారు. మొత్తం 163 పంచాయతీలకు గాను 13 సర్పంచ్‌ స్థానాలు ఏకగ్రీవం కాగా, 150 స్థానాలకు ఎన్నికలు జరుగనున్నాయి. 1,432 వార్డు స్థానాల్లో 249 ఏకగ్రీవం కాగా, 1,182 వార్డు స్థానాలకు ఎన్నికలు నిర్వహిస్తున్నారు. ఉదయం 7 గంటల నుంచి మధ్యాహ్నం ఒంటి గంట వరకు పోలింగ్‌ జరగనుంది. 3,895 మంది అభ్యర్థులు తమ అదృష్టాన్ని పరీక్షించుకోనున్నారు. – హుస్నాబాద్‌ పోలింగ్‌ అధికారులు ఇలా.. మూడో విడత పంచాయతీ ఎన్నికల సందర్భంగా ఆయా పోలింగ్‌ కేంద్రాలకు అధికారులను నియమించారు. పోలింగ్‌ కేంద్రాలు 1,432, సమస్యాత్మక కేంద్రాలు 46, రిటర్నింగ్‌ అధికారులు 195 మంది, పీఓలు 1,718 మంది, అసిస్టెంట్‌ పీఓలు 2,123 మంది, మైక్రో అబ్జర్వర్స్‌ 37 మంది, వెబ్‌ కాస్టింగ్‌ 9, జోనల్‌ ఆఫీసర్స్‌ 24 మంది, రూట్‌ ఆఫీసర్స్‌ 56 మందిని కేటాయించారు.

హుస్నాబాద్‌: మూడో విడత గ్రామ పంచాయతీ ఎన్నికల ఫలితాలపై సర్వత్రా ఉత్కంఠ నెలకొంది. గెలుపు ఎవరిని వరిస్తుందోనన్న చర్చ గ్రామాల్లో జోరుగా జరుగుతోంది. మొదటి, రెండో విడత ఎన్నికల్లో కాంగ్రెస్‌, బీఆర్‌ఎస్‌ పార్టీలు బలపర్చిన అభ్యర్థులు మెజార్టీ స్థానాల్లో విజయం సాధించారు. దీంతో మూడో విడత ఎన్నికల్లోనూ ఆ పార్టీలు బలపర్చిన అభ్యర్థులే గెలుస్తారన్న ధీమా వ్యక్తం చేస్తున్నారు. మూడో విడత గ్రామాల్లో రాజకీయాలు వేడిని పుట్టిస్తున్నాయి. ఓటర్లను మచ్చిక చేసుకునేందుకు ఇప్పటికే మందు, నగదు ఇచ్చినట్లు ప్రచారం జరుగుతోంది. పల్లె ఎవరికి పట్టం కడుతుందోనని ఉత్కంఠగా ఎదురు చూస్తున్నారు. ఓ వైపు గజగజ వణికే చలి, మరో వైపు నరాలు తేగే ఉత్కంఠ నెలకొంది. గ్రామాల్లో పోలీసులు విస్తృత తనిఖీలు చేస్తున్నా మద్యం, డబ్బు పంపిణీకి అడ్డుకట్ట పడకపోవడం గమనార్హం. హుస్నాబాద్‌ మండలం కూచనపల్లిలోని ఓ తోటలో పంపిణీకి సిద్ధం చేసిన డబ్బులు, మద్యం బాటిళ్లను సిద్దిపేట టాస్క్‌ఫోర్స్‌ పోలీసులు భారీగా పట్టుకున్నారు. పోలీసులు డేగ కన్ను వేసినా.. ఆయా గ్రామాల అభ్యర్థులు గుట్టు చప్పుడు కాకుండా ఓటర్లకు డబ్బులు అందజేస్తున్నట్లు వినికిడి. ఏది ఏమైనా మరి కొన్ని గంటల్లో అభ్యర్థుల భవిత్యం తేలనుంది. ఎన్నికల విధుల్లో నిర్లక్ష్యం తగదు కొండపాక(గజ్వేల్‌): ఎన్నికల విధుల్లో నిర్లక్ష్యం తగదని, అప్రమత్తంగా ఉండాలని కలెక్టర్‌ హైమావతి సూచించారు. కొండపాక, కుకునూరుపల్లి మండలంలో జరిగే మూడో విడత సర్పంచ్‌ ఎన్నికల నిర్వహణ ప్రక్రియలో భాగంగా మంగళవారం ఎన్నికల సామగ్రి పంపిణీ కేంద్రాలను పరిశీలించారు. ఈ సందర్భంగా అధికారులకు దిశానిర్దేశం చేశారు. ఎన్నికల డ్యూటీ నిర్వహణలో ఎలాంటి సందేహాలున్నా నివృత్తి చేసుకోవాలన్నారు. పోలింగ్‌కేంద్రాల్లో పోలింగ్‌ మెటీరియల్‌ చెక్‌చేసుకోవాలన్నారు. ఓటింగ్‌ ప్రక్రియ ఉదయం ఏడు గంటలకే ప్రారంభం కావాలన్నారు. ప్రతీ రెండు గంటలకోమారు పోలింగ్‌ శాతాన్ని అందించాలన్నారు. మధ్యాహ్నం 2 గంటలకు కౌటింగ్‌ ప్రక్రియకు మొదలు పోస్టల్‌ బ్యాలెట్‌ ఓట్లను లెక్కించుకోవాలన్నారు. కార్యక్రమంలో ఆర్డీఓ చంద్రకళ, తహసీల్దార్లు తదితరులు పాల్గొన్నారు. ప్రశాంతంగా ప్రక్రియ నిర్వహించాలి మద్దూరు(హుస్నాబాద్‌): మూడో విడత గ్రామ పంచాయతీ ఎన్నికలు ప్రశాంతంగా జరిగేలా అధికారులు చర్యలు తీసుకోవాలని కలెక్టర్‌ హైమావతి సూచించారు. మంగళవారం మద్దూరు మండల కేంద్రంలోని తాజ్‌ ఫంక్షన్‌హాల్‌లో ఎన్నికల సామగ్రి పంపిణీ కేంద్రాన్ని పరిశీలించారు. ఈ సందర్భంగా అధికారులకు సూచనలు చేస్తూ ఎన్నికల నిబంధనలు తప్పక పాటించాలన్నారు. పోలింగ్‌ ముగిశాక మధ్యాహ్నం 2 గంటలకు కౌంటింగ్‌ మొదలు పెట్టాలన్నారు. ముందుగా పోస్టల్‌ బ్యాలెట్‌ ఓట్లు లెక్కించాలని తెలిపారు. కౌంటింగ్‌ ప్రక్రియ పూర్తి కాగానే అబ్జర్వర్‌ అనుమతితో మాత్రమే ఫలితాలు విడుదల చేయ్యాలని తెలిపారు.

● రైతులు నమోదు చేసుకోవాలి ● జిల్లా వ్యవసాయ అధికారి స్వరూపరాణి ప్రశాంత్‌నగర్‌(సిద్దిపేట): వ్యవసాయ రంగంలో ప్రభుత్వ పథకాల ద్వారా లభించే రాయితీలు, సబ్సిడీలు పొందాలంటే ఫార్మర్‌ ఐడీ తప్పనిసరి అని జిల్లా వ్యవసాయ అధికారి స్వరూపరాణి మంగళవారం తెలిపారు. జిల్లాలోని రైతులు తమ పరిధిలో ఉన్న వ్యవసాయ విస్తరణ అధికారిని, సమీపంలోని మీ సేవ కేంద్రాలను సంప్రదించి ఫార్మర్‌ ఐడీ నమోదు చేసుకోవాలన్నారు. అగ్రిస్టాక్‌ తెలంగాణ ఫార్మర్‌ రిజిస్ట్రేషన్‌ ద్వారా కేంద్ర, రాష్ట్ర ప్రభుత్వాల వ్యవసాయ పథకాల లబ్ధిని సులభంగా పొందవచ్చన్నారు. ముఖ్యంగా పీఎం కిసాన్‌ పథకం సహాయం పొందేందుకు ఫార్మర్‌ ఐడీ తప్పనిసరి అని తెలిపారు. రైతుల వివరాలు కచ్చితంగా నమోదు కావడం వల్ల పారదర్శకత పెరుగుతుందని చెప్పారు. బీమా, సబ్సిడీలు, రుణాలు తదితర ప్రభుత్వ పథకాలు త్వరితగతిన అందుతాయని తెలిపారు. ఒకే ఫార్మర్‌ ఐడి ద్వారా లబ్ధి నేరుగా రైతుల బ్యాంకు ఖాతాలోకి జమ అవుతుందని, భవిష్యత్తు పథకాల ప్రయోజనాలు సులభంగా పొందే అవకాశం ఉంటుందన్నారు. సరైనా గుర్తింపు ఉండటం వల్ల మోసాలు తగ్గుతాయని పేర్కొన్నారు. ఫార్మర్‌ ఐడి రిజిస్ట్రేషన్‌కు ఆధార్‌ కార్డు నంబర్‌, పట్టాదార్‌ పాస్‌బుక్‌ వివరాలు, ఆధార్‌తో లింక్‌ అయిన మొబైల్‌ నంబర్‌ అవసరమని తెలిపారు. సమీపంలోని మీ సేవ కేంద్రాలలో కేవలం రూ.15 చెల్లించి నమోదు చేసుకునే అవకాశం కల్పించామని, అలాగే రైతు వేదికలలో వ్యవసాయ విస్తరణ అధికారి ద్వారా ఉచితంగా ఫార్మర్‌ ఐడీ రిజిస్ట్రేషన్‌ చేసుకోవచ్చని జిల్లా వ్యవసాయ అధికారి తెలిపారు.

● ధనుర్మాసోత్సవ సంరంభం ● వైభవంగా స్వాతి నక్షత్ర మహోత్సవం ● నాచగిరిలో ఆధ్యాత్మిక వైభవం వర్గల్‌(గజ్వేల్‌): ‘స్వాతి’ నక్షత్రం.. నృసింహుడి జన్మనక్షత్రం.. ధనుర్మాసోత్సవ ప్రారంభ వేళ.. హరిహరుల నెలవు సుప్రసిద్ధ పుణ్యక్షేత్రం నాచగిరి భక్తజన సందోహమైంది. భక్తజన సామూహిక విజయాచల గిరి ప్రదక్షిణతో ఆధ్యాత్మికత వెల్లివిరిసింది. రంగం పేట పీఠాధిపతి మాధవానంద సరస్వతి దిశానిర్దేశం చేశారు. మాజీ ఎమ్మెల్యే తూంకుంట నర్సారెడ్డి, ఆలయ చైర్మన్‌ రవీందర్‌ గుప్తా పర్యవేక్షణ, ధర్మకర్తలు, అర్చక వేదపండితులు, సిబ్బంది, భక్తజన పరివారం తోడుగా మంగళవారం స్వాతి నక్షత్ర మహోత్సవం అంగరంగ వైభవంగా జరిగింది. ఉదయం 7.30 గంటలకు పీఠాధిపతి కార్యక్రమం ప్రారంభించగా, భక్తజన హర్షధ్వానాలు, భజనలు, నారసింహ స్మరణల మధ్య గిరి ప్రదక్షిణ సంరంభం ఆద్యంతం నేత్రపర్వం చేసింది. ధనుర్మాసోత్సవంలో గిరి ప్రదక్షిణ అత్యంత శుభకరమని పీఠాధిపతి శ్రీమాధవానంద సరస్వతి అన్నారు. గిరి ప్రదక్షిణ అనంతరం అనుగ్రహ భాషణం చేశారు. భక్తులు నృసింహుని దర్శించుకుని తరించారు. మహాప్రసాదం స్వీకరించారు.

● మీకు సంపూర్ణ సహకారం అందిస్తా ● మాజీ మంత్రి హరీశ్‌రావు సిద్దిపేటజోన్‌: నియోజకవర్గ పరిధిలోని 91 గ్రామాలకు 77 గ్రామ పంచాయతీలను బీఆర్‌ఎస్‌ కైవసం చేసుకుందని, గొప్ప విజయమని, మీకు సంపూర్ణ సహకారాన్ని అందిస్తానని మాజీ మంత్రి, ఎమ్మెల్యే హరీశ్‌రావు భరోసా ఇచ్చారు. రెండో విడత గ్రామ పంచాయతీ ఎన్నికల్లో విజయం సాధించిన పార్టీ బలపర్చిన వారు తమ పాలకవర్గ సభ్యులతో కలిసి ఆదివారం క్యాంపు కార్యాలయంలో హరీశ్‌రావును మర్యాదపూర్వకంగా కలిశారు. ఈ సందర్భంగా వారిని అభినందించి సన్మానించారు. అనంతరం వారిని ఉద్దేశించి మాట్లాడారు. ఎన్నికల్లో గెలుపు ఓటములు సహజమన్నారు. బీఆర్‌ఎస్‌ ప్రభుత్వంలో గ్రామాలు అభివృద్ధి చెందగా, కాంగ్రెస్‌ హయాంలో నిర్వీర్యం అయ్యాయని ఆవేదన వ్యక్తంచేశారు. రెండేళ్లుగా మన తెలంగాణ రాష్టానికి ఒక్క అవార్డు రాలేదన్నారు. మళ్ళీ వచ్చేది మన ప్రభుత్వమని దైర్యంగా ఉండాలని భరోసా ఇచ్చారు. ఆదర్శ గ్రామంగా తీర్చిదిద్దే క్రమంలో ఐక్యతతో పనిచేయాలని సూచించారు. కోలాహలంగా క్యాంపు కార్యాలయం రెండో విడత గ్రామ పంచాయతీ ఎన్నికల్లో బీఆర్‌ఎస్‌ బలపర్చిన అభ్యర్థులు పెద్ద ఎత్తున విజయం సాధించి క్లీన్‌ స్వీప్‌ చేశారు. ఈ నేపథ్యంలో గెలిచిన వారంతా పెద్ద ఎత్తున అనుచరులతో క్యాంపు కార్యాలయానికి రావడంతో పెద్ద ఎత్తున కోలాహలంగా మారింది. తెల్లవారుజామున నుంచి మధ్యాహ్నం వరకు వచ్చిన వారికి ఆప్యాయంగా పలకరించి, అభినందించారు. పెద్ద ఎత్తున నాయకులు కార్యకర్తలు స్వీట్స్‌ పంపిణీ చేసుకొని సంబరాలు చేసుకున్నారు.

ముగిసిన మూడో విడత ప్రచారంఎన్నికల ప్రచారం ముగిసింది. మైక్‌లు మూగబోయాయి. ఇక మిగిలింది బేరసారాలు. ఓటర్లను మచ్చిక చేసుకునేందుకు మందు, విందులకు గ్రామాలు వేదికగా మారుతున్నాయి. ప్రతి గడప తడుతూ ‘మీ ఓటు మాకే వేయాలంటూ..’ డబ్బు, మద్యం పంపిణీ చేసేందుకు ఏర్పాట్లు చేసినట్లు వినికిడి. కుల సంఘాలను గంపగుత్తగా తమ వైపు తిప్పుకునేందుకు సర్వశక్తులు ఒడ్డుతున్నారు. ప్రతి ఇంటికి కిలో మాంసం, క్వార్టర్‌ మందు సీసా చేతిలో పెట్టి వేడుకుంటున్నారు. సమయానికి అభ్యర్థుల వద్ద పెద్ద మొత్తంలో డబ్బు లేక పోవడంతో వ్యవసాయ భూములు, ప్లాట్లు అమ్ముతున్నట్లు సమాచారం. తమకు ఉన్న పరపతితో వడ్డీలకు డబ్బులు తెచ్చి ఓటర్లను మచ్చిక చేసుకునే పనిలో పడ్డారు. ఒక్కో ఓటరుకు రూ.500 నుంచి రూ.2వేలు ఇచ్చేందుకు సిద్ధపడుతున్నారు. పట్టణ ప్రాంతాల్లో ఉన్న ఓటర్లకు ప్రయాణ ఖర్చులు ఇచ్చి కుటుంబ సభ్యులతో రప్పించే ప్రయత్నం చేస్తున్నారు. ఓటర్లు ఏది అడిగితే అది కాదనకుండా ఇంటి ముంగిటకే తెచ్చి పెడుతున్నారు. మరో వైపు పోలీసులు నిరంతరం తనిఖీలు నిర్వహిస్తుండటంతో మద్యం, డబ్బులు పంపిణీ గుట్టుగా చేసేందుకు చర్యలు చేపడుతున్నారు. అభ్యర్థుల బల ప్రదర్శన ప్రచారం చివరి రోజు సోమవారం అభ్యర్థులు బల ప్రదర్శన చేశారు. గ్రామాల్లో సమావేశాలు పెట్టి తాము గెలిస్తే ఏమేమి అభివృద్ధి పనులు చేస్తామో ఎల్‌ఈడీల ద్వారా హామీలు గుప్పిస్తూ ప్రచారాన్ని హోరెత్తించారు. గతంలో ఎన్నడూ లేని విధంగా ప్రచారానికి ఊపు తెచ్చారు. ‘ఒక్కసారి అవకాశం ఇవ్వండి సమస్యలు తీరుస్తా’మని హామీల వర్షం కురిపించారు. కాంగ్రెస్‌, బీఆర్‌ఎస్‌, బీజేపీ, సీపీఐ పార్టీలు బలపరిచిన అభ్యర్థులతో పాటుగా మిగతా అభ్యర్థులు కూడా తమ గెలుపు కోసం విశ్వ ప్రయత్నాలు చేస్తున్నారు. కొన్ని గ్రామాల్లో పార్టీలకతీతంగా అభ్యర్థుల మధ్య పోటీ ఉంటే, మరికొన్ని గ్రామాల్లో కాంగ్రెస్‌, బీఆర్‌ఎస్‌ బలపరిచిన అభ్యర్థుల మధ్య నువ్వా నేనా అన్నట్లుగా పోటీ సాగుతోంది. మూడో విడత ఎన్నికల నేపథ్యంలో పోలింగ్‌ ఏర్పాట్లల్లో అధికారులు నిమగ్నమయ్యారు. ఆయా మండల కేంద్రాల్లో బ్యాలెట్‌ బాక్స్‌లు, బ్యాలెట్‌ పేపర్లు, ఇతర సామగ్రిని పంపిణీ చేసేందుకు ఏర్పాట్లు వేగవంతం చేశారు. జోరందుకున్న ప్రలోభాల పర్వం ప్రధాన పార్టీల ర్యాలీలుచేర్యాల(సిద్దిపేట): ప్రధాన పార్టీలన్నీ ప్రచారాన్ని హోరెత్తించాయి. సోమవారం ప్రచారానికి చివరి రోజు కావడంతో గ్రామాల్లో ఎవరికి వారు వారివారి మద్దతు దారులతో ర్యాలీలు, ప్రదర్శనలు నిర్వహించారు. ఆయా గ్రామాల్లో సర్పంచ్‌, వార్డుల స్థానాల్లో అభ్యర్థులు తమ గుర్తులతో కూడిన నమూనా బ్యాలెట్‌ పత్రాలతో ఓటర్ల వద్దకు వెళ్లి తమకు ఓటువేసి గెలిపించాలని అభ్యర్థించారు. ప్రధానంగా అధికార కాంగ్రెస్‌, బీఆర్‌ఎస్‌ పార్టీలు బలపర్చిన అభ్యర్థుల మధ్య తీవ్ర పోటీ నెలకొంది, బీఆర్‌ఎస్‌ బలపర్చిన అభ్యర్థులకు మద్దతుగా స్థానిక ఎమ్మెల్యే పల్లా రాజేశ్వర్‌రెడ్డి గ్రామాల్లో ప్రచారం నిర్వహించారు. గ్రామ పంచాయతీ ఎన్నికలు చివరి అంకానికి చేరుకున్నాయి. మూడో విడత ఎన్నికల ప్రచారం సోమవారం సాయంత్రం 5 గంటలకు ముగిసింది. ఓటర్లను మచ్చిక చేసుకునేందుకు మంగళవారం ఒక్క రోజే కీలకం. దీంతో అభ్యర్థులు ప్రలోభాలకు తెరలేపారు. ఓటర్లకు డబ్బు, మద్యం జోరుగా పంపిణీ చేస్తున్నట్లు ప్రచారం. బుధవారం ఉదయం 7 నుంచి మధ్యాహ్నం ఒంటి గంట వరకు పోలింగ్‌ జరగనుంది. 2 గంటల నుంచి ఓట్ల లెక్కింపు చేపడతారు. మూడో విడతలో 9 మండలాల్లో 163 గ్రామ పంచాయతీలు, 1,432 వార్డు స్థానాలున్నాయి. వీటిలో 13 మంది సర్పంచ్‌లు, 249 వార్డు స్థానాలు ఏకగ్రీవమయ్యాయి. మిగతా 150 సర్పంచ్‌లకు 587 మంది, 1,182 వార్డు స్థానాలకు 3,308 మంది అభ్యర్థులు బరిలో ఉన్నారు. –హుస్నాబాద్‌

వర్గల్‌(గజ్వేల్‌): సుప్రసిద్ధ నాచగిరి లక్ష్మీనృసింహ క్షేత్రంలో మంగళవారం స్వాతి నక్షత్రం సందర్భంగా గిరి ప్రదక్షిణ కార్యక్రమం నిర్వహిస్తున్నట్లు ఆలయ చైర్మన్‌ రవీందర్‌ గుప్త, ఈఓ విజయరామారావు తెలిపారు. లక్ష్మీనృసింహుని జన్మ నక్షత్ర వేళ ఉదయం 7.30 గంటలకు నాచగిరి ప్రదక్షిణ ప్రారంభమవుతుందన్నారు. కార్యక్రమంలో భక్తులు పెద్దసంఖ్యలో పాల్గొని తరించాలని వారు కోరారు. గురు మదనానంద క్షేత్రం పీఠాధిపతి మాధవానంద సరస్వతి పర్యవేక్షణలో గిరి ప్రదక్షిణ కొనసాగనుంది. ప్రతిభ చాటినప్పుడే గుర్తింపు గజ్వేల్‌రూరల్‌: విద్యార్థులు తమలోని ప్రతిభను చాటినప్పుడే గుర్తింపు లభిస్తుందని మాజీ ఇస్రో శాస్త్రవేత్త డాక్టర్‌ రామచంద్రమూర్తి అన్నారు. వరంగల్‌ జిల్లా ప్లాటినం జూబ్లీ హైస్కూల్‌లో నిర్వహించిన ఫెస్ట్‌ కార్యక్రమానికి వివిధ జిల్లాల నుంచి 260 మంది విద్యార్థులు, గైడ్‌ టీచర్లు 120 ప్రాజెక్టులతో హాజరు కాగా ప్రజ్ఞాపూర్‌లోగల సేయింట్‌ మేరీస్‌ విద్యానికేతన్‌ పాఠశాలకు చెందిన అటల్‌ టింకరింగ్‌ ల్యాబ్‌ ఇన్‌స్పెక్టర్‌ వైష్ణవి, గైడ్‌ టీచర్‌ నాగలక్ష్మి పర్యవేక్షణలో విద్యార్థులు రూపొందించిన ప్రాజెక్టులను ప్రదర్శించారు. ఈ సందర్భంగా జరిగిన ప్రారంభోత్సవ కార్యక్రమంలో ఆయన మాట్లాడుతూ దేశవ్యాప్తంగా ప్రభుత్వ, ప్రైవేటు విద్యాసంస్థల్లో అటల్‌ టింకరింగ్‌ ల్యాబ్‌లను ఏర్పాటు చేసినట్లు తెలిపారు. సైన్స్‌ కేవలం తరగతి గదిలో నేర్చుకునేది కాదని, ఇలాంటి కార్యక్రమాల ద్వారా విద్యార్థుల్లో నూతన ఆవిష్కరణలకు నాంది పలుకుతుందన్నారు. సేయింట్‌ మేరీస్‌ విద్యార్థులు రూపొందించిన ప్రాజెక్టుల పట్ల అభినందిస్తూ బహుమతులను అందజేశారు. ఈ సందర్భంగా పాఠశాల కరస్పాండెంట్‌ ఇన్నారెడ్డి ఏటీఎల్‌ ఇన్‌స్పెక్టర్‌ వైష్ణవి, గైడ్‌ టీచర్‌ నాగలక్ష్మితో పాటు విద్యార్థులను అభినందించారు. కార్మికుల సమస్యలపై నిరంతర పోరాటాలు సీఐటీయూ జిల్లా ఉపాధ్యక్షుడు బండ్ల స్వామి గజ్వేల్‌: కార్మికుల సమస్యల పరిష్కారానికి సీఐటీయూ నిరంతర పోరాటాలను కొనసాగిస్తుందని ఆ యూనియన్‌ జిల్లా ఉపాధ్యక్షుడు బండ్ల స్వామి అన్నారు. ప్రతి కార్మికుని ఇంటిపై సీఐటీయూ జెండా ఎగురవేయాలని రాష్ట్ర కమిటీ ఇచ్చిన పిలుపుమేరకు గజ్వేల్‌లోని తన ఇంటిపై సోమవారం జెండాను ఆవిష్కరించారు. ఈ సందర్భంగా బండ్ల స్వామి మాట్లాడుతూ సీఐటీయూ అఖిలభారత మహాసభలు విశాఖపట్టణంలో ఈ నెల 31 నుంచి జనవరి 4వరకు నిర్వహిస్తున్నట్లు తెలిపారు. కేంద్ర, రాష్ట్ర ప్రభుత్వాలు అవలంబిస్తున్న కార్మిక వ్యతిరేక విధానాలపై పోరాట కార్యాచరణ రూపొందించడానికి మహాసభల్లో తీర్మానాలుంటాయన్నారు. కేంద్రం తెచ్చిన లేబర్‌ కోడ్‌లను వెంట నే ఉపసంహరించుకోవాలని డిమాండ్‌ చేశారు. అసంఘటిత రంగ కార్మికులకు, స్కీమ్‌ వర్కర్లకు కనీస వేతనం నెలకు రూ. 26 వేలు అందేలా జీఓలు సవరణ చేయాలన్నారు. పాఠశాలలో మాక్‌ పోలింగ్‌ కొండపాక(గజ్వేల్‌): కుకునూరుపల్లి మండలం లకుడారం గ్రామంలోని హైస్కూల్లో సోమ వారం మాక్‌ పోలింగ్‌ నిర్వహించారు. ఎన్నికల నిర్వహణతోపాటు ఓటు హక్కు వినియోగంపై ఉపాధ్యాయులు అవగాహన కల్పించారు. విద్యార్థులచే ఓటు వేయించారు. నమూనా ఎన్నికల్లో సర్పంచ్‌ అభ్యర్థిగా వంకని శివమణి, ఉపసర్పంచ్‌గా వంకని లోకేష్‌లు విజయం సాధించారు. ఎన్నికల నిర్వహణ అధికారిగా హెచ్‌ఎం జానకీరెడ్డి, ఇతర అధికారులుగా సత్యంతో పాటు తదితరులు పాల్గొన్నారు.

● కలెక్టర్‌ హైమావతి ● జూమ్‌ ద్వారా అధికారులకు దిశానిర్దేశం సిద్దిపేటరూరల్‌: జిల్లాలో మూడో విడత పంచాయతీ ఎన్నికల పోలింగ్‌కు పకడ్బందీ ఏర్పా ట్లు చేస్తున్నట్లు కలెక్టర్‌ హైమావతి తెలిపారు. ఈ మేరకు సోమవారం అధికారులకు దిశానిర్దేశం చేశారు. ఈనెల 17న అక్కన్నపేట, హుస్నాబాద్‌, కోహెడ, చేర్యాల, మద్దూరు, కొండపాక, కుకునూరుపల్లి, మండలాల్లోని 163 సర్పంచ్‌, 1,432 వార్డు స్థానాలకు ఎన్నికలు జరగనున్నట్లు తెలిపారు. మొత్తంగా 3,841 మంది సిబ్బందిని నియమించినట్లు తెలిపారు. 1,432 పోలింగ్‌ కేంద్రాల్లో అన్ని ఏర్పాట్లు చేసుకుని ఎలాంటి ఇబ్బందులు లేకుండా పోలింగ్‌ ప్రక్రియ పూర్తి చేయాలన్నారు. ఓటర్లు ప్రశాంత వాతావరణంలో తమ ఓటు హక్కును వినియోగించుకునేందుకు, ఎన్నికలను పారదర్శకంగా నిర్వహించేందుకు చర్యలు చేపట్టాలన్నారు. కార్యక్రమంలో జిల్లా ఎన్నికల సాధారణ పరిశీలకులు హరిత, డీపీఓ రవీందర్‌, డీఈఓ శ్రీనివాస్‌రెడ్డి, ఈడీఎం ఆనంద్‌, జెడ్సీ సీఈఓ రమేశ్‌, ట్రైనీ డీపీఓ వినోద్‌కుమార్‌ తదితరులు పాల్గొన్నారు. వసతులు కల్పించండి చేర్యాల(సిద్దిపేట): మూడో విడత పంచాయతీ ఎన్నికలు జరిగే పోలింగ్‌ కేంద్రాల్లో వసతులు కల్పించాలని కలెక్టర్‌ హైమావతి అధికారులను ఆదేశించారు. గ్రామాల్లో ఎన్నికల నిర్వహణకు అవసరమైన ఏర్పాట్లు సకాలంలో పూర్తి చేయాలన్నారు. సోమవారం చేర్యాల మండలం గుర్జకుంట, వేచరేణి, కడవేర్గు, నాగపురి, ముస్త్యాల, ఆకునూరు గ్రామాల్లోని పోలింగ్‌ కేంద్రాలను ఆమె సందర్శించారు. ఈ సందర్భంగా మాట్లాడుతూ మూడో విడత పంచాయతీ ఎన్నికల పోలింగ్‌ ప్రక్రియ సజావుగా జరిపేందుకు అధికారులు పోలింగ్‌ కేంద్రాల్లో అన్ని సౌకర్యాలు కల్పించాలన్నారు. సమస్యాత్మక పోలింగ్‌ స్టేషన్లలో వెబ్‌ కాస్టింగ్‌కు పెట్టేందుకు సౌకర్యంగా ఉండాలన్నారు. లైవ్‌ వెబ్‌ కాస్టింగ్‌ కోసం నెట్‌ కనెక్షన్‌ ఉండేలా చూసుకోవాలన్నారు. అలాగే కౌంటింగ్‌ కోసం సౌకర్యంగా ఉండేలా పెద్ద గదిని ఎంచుకోవాలని ఆయా ఎంపీడీఓలను ఆదేశించారు. ఓటర్‌ స్లిప్‌ల పంపిణీ 100 శాతం చేయాలని బీఎల్‌ఓలను ఆదేశించారు. పోలింగ్‌ స్టేషన్లలో ఎవరికి ఫోన్‌ అనుమతి లేదని, చుట్టూ గట్టి బందోబస్తు ఏర్పాటు చేయాలని పోలీసు అధికారులకు సూచించారు. ఆమె వెంట ఎంపీడీఓ, ఎంపీఓ, ఆయా గ్రామాల పంచాయతీ కార్యదర్శులు తదితరులు ఉన్నారు.

సిద్దిపేటజోన్‌: గ్రామ పంచాయతీ ఎన్నికల రెండో విడత పోలింగ్‌ ఆదివారం ప్రశాంతంగా ముగిసింది. చలిని సైతం లెక్కచేయకుండా ఓటర్లు పెద్ద ఎత్తున పోలింగ్‌ కేంద్రాలకు తరలివచ్చి తమ ఓటుహక్కును వినియోగించుకున్నారు. 2,44,776 ఓట్లకు గాను 2,16,294 మంది ఓటు హక్కును వినియోగించుకున్నారు. దీంతో 88.36 పోలింగ్‌ శాతం నమోదైంది. ఏకగ్రీవమైన స్థానాలను మినహాయించి 172 సర్పంచ్‌ స్థానాలకు, 1,371 వార్డులకు పోలింగ్‌ జరిగింది. రెండో విడతలో సిద్దిపేట నియోజకవర్గ పరిధిలోని సిద్దిపేట అర్బన్‌, సిద్దిపేట రూరల్‌, నారాయణరావుపేట, నంగనూరు, చిన్నకోడూరు మండలాలతో పాటు దుబ్బాక నియోజకవర్గ పరిధిలోని దుబ్బాక, మిరుదొడ్డి, తొగుట, భూపల్లి, మానకోడూరు నియోజకవర్గ పరిధిలోని బెజ్జంకి మండలాల్లో పోలింగ్‌ నిర్వహించారు. ఆదివారం జరిగిన రెండో విడత పోలింగ్‌ ప్రక్రియ మెల్లమెల్లగా పుంజుకుంది. నిర్ణీత సమయం 7గంటలకు పోలింగ్‌ ప్రక్రియ మొదలైంది. మొదటి గంట పోలింగ్‌ శాతం కొద్దిగా నెమ్మదించిన తర్వాత పుంజుకుంది. 9గంటల వరకు సగటున 23శాతం చేరుకుంది. వీకెండ్‌ కావడంతో పాటు రెండో శనివారం రావడం ఓటర్లకు కలిసి వచ్చింది. సుదూర ప్రాంతాల్లో ఉన్నవారు సైతం ఓటు వేసేందుకు స్వగ్రామాలకు చేరుకుని ఓటు వేశారు. మధ్యాహ్నం ఒంటి గంట సమయం గడువు దాటినా కొన్ని పోలింగ్‌ కేంద్రాల్లో ఓటర్లు క్యూ కట్టారు. వారందరికీ అధికారులు అవకాశం కల్పించారు. షెడ్యూల్‌ మేరకు ఓట్ల లెక్కింపు ప్రారంభించారు. పోలింగ్‌ సరళిని కలెక్టర్‌ హైమావతి, పోలీసు కమిషనర్‌ విజయ్‌ కుమార్‌ క్షేత్ర స్థాయిలో పరిశీలించారు. ఎలాంటి అవాంఛనీయ సంఘటనలు చోటుచేసుకోకుండా అధికారులు పకడ్బందీ చర్యలు చేపట్టడంతో పోలింగ్‌ ప్రశాంతంగా ముగిసింది. ప్రశాంతంగా రెండో విడత పోలింగ్‌పది మండలాల్లో ఓటర్ల సంఖ్య: 2,44,776 పురుషులు: 1,19,471 మహిళలు: 1,25,304 ఇతరులు: 01 పోలింగ్‌ శాతం సరళి.. ఉదయం 9 వరకు పోలైన ఓట్లు: 56,905 (23.25) 11 గంటల వరకు.. 1,43,027 (58.43) ఒంటి గంట వరకు పోలైన మొత్తం ఓట్లు: 2,16,294 (88.36)జిల్లాలో 88.36 శాతం నమోదు మండలాల వారీగా పోలింగ్‌ శాతం.. అక్బర్‌ పేట–భూపల్లి: 87.63 బెజ్జంకి: 85.89చిన్నకోడూరు: 87.99 దుబ్బాక: 86.91మిరుదొడ్డి: 87.70 నంగునూరు: 90.16 నారాయణరావు పేట: 89.78 సిద్దిపేట రూరల్‌: 89.52 సిద్దిపేట అర్బన్‌: 89.30తొగుట: 89.74

పోలీసులకు, గ్రామస్తుల మధ్య వాగ్వాదం మిరుదొడ్డి(దుబ్బాక): అక్బర్‌పేట–భూంపల్లి మండల పరిధిలోని ఖాజీపూర్‌లో ఉద్రిక్తత పరిస్థితులు నెలకొన్నాయి. సర్పంచ్‌ అభ్యర్థులు పోలింగ్‌ కేంద్రానికి సమీపంలో ప్రచారం నిర్వహిస్తున్నారన్న ఆరోపణలతో ఇద్దరు అభ్యర్థులను పోలీసులు వారించే ప్రయత్నం చేశారు. దీంతో అభ్యర్థులు, పోలీసులకు మధ్య మాటా మాటా పెరిగి చివరికి వాగ్వాదానికి దారి తీసింది. ఘటనా స్థలంలో జనాలు గుమిగూడటంతో ఉద్రిక్తతంగా మారింది. పరిస్థితి చేయి దాటక ముందే పోలీసులు.. అభ్యర్థులను, గ్రామస్తులను చెదర గొట్టి పరిస్థితిని అదుపులోకి తెచ్చారు. మిరుదొడ్డిలో పోలీసుల అత్యుత్సాహం మండల కేంద్రమైన మిరుదొడ్డిలో వార్తా సేకరణకు వెళ్లిన విలేకరులపై పోలీసులు అత్యుత్సాహం ప్రదర్శించారు. పోలింగ్‌ కేంద్రానికి సుమారు వెయ్యి మీటర్ల దూరంలో ఫొటోలు తీస్తున్న విలేకరులను వారిస్తూ వారి నుంచి అక్రిడిటేషన్‌ కార్డులు, సెల్‌ఫోన్‌ స్వాధీనం చేసుకుని ఫొటోలను డిలేట్‌ చేశారు. ఇదేమిటని ప్రశ్నించిన విలేకరులపై విరుచుపడ్డారు. చివరికి ఎస్‌ఐ సమత జోక్యంతో సమస్య సద్దుమణిగింది. సమస్య ఉత్పన్నం కాకుండా చూడాల్సిన పోలీసులే సమస్యలకు కారణమవడంపై సర్వత్రా చర్చనీయాంశంగా మారింది.

రెండో విడతలో బీఆర్‌ఎస్‌ 119.. కాంగ్రెస్‌ 33 స్థానాల్లో గెలుపుసిద్దిపేటజోన్‌: గ్రామ పంచాయతీ రెండో విడత ఎన్నికల్లో బీఆర్‌ఎస్‌ మద్దతుదారులదే హవా కొనసాగింది. ఆదివారం పోలింగ్‌ అనంతరం ఓట్ల లెక్కింపులో బీఆర్‌ఎస్‌ పార్టీ బలపర్చిన అభ్యర్థులు అత్యధికంగా విజయం సాధించారు. బీఆర్‌ఎస్‌ 119 స్థానాల్లో.. కాంగ్రెస్‌ 33 స్థానాల్లో, బీజేపీ 13 స్థానాల్లో, ఇండిపెండెంట్‌లు 17 స్థానాల్లో విజయం సాధించారు. గులాబీకి పట్టు న్న సిద్దిపేట, దుబ్బాక నియోజకవర్గాల్లో వారికి అనుకూలంగా ఫలితాలు వచ్చాయి. బెజ్జంకి మండలంలో కాంగ్రెస్‌ బలపర్చిన అభ్యర్థులు ఎక్కువగా విజయం సాధించారు. మరోవైపు బీజేపీ నామమాత్రంగా ప్రభావం చూపగా, స్వతంత్ర అభ్యర్ధులు డబుల్‌ డిజిట్‌లో గెలుపొందారు. సిద్దిపేట పట్టణ సరిహద్దులోని కొన్ని మేజర్‌ గ్రామాల్లో స్వతంత్ర అభ్యర్థులదే పైచేయిగా నిలిచింది. సిద్దిపేటలో కొనసాగిన హవా.. సిద్దిపేట నియోజకవర్గ పరిధిలోని ఐదు మండలాల్లో బీఆర్‌ఎస్‌ ప్రభావం కొట్టొచ్చినట్లు కన్పించింది. కొన్ని రోజులుగా గ్రామాల్లో పోటీలో ఉన్న అభ్యర్థులు పెద్ద ఎత్తున ప్రచారం నిర్వహించారు. పోటీల్లో బీఆర్‌ఎస్‌ పార్టీ అనుచరులు అధిక సంఖ్యలో ఉండడంతో పోటీ రసవత్తరంగా మారింది. చివరకు బీఆర్‌ఎస్‌ బలపర్చిన అభ్యర్థులు విజయం సాధించారు. చిన్నకోడూరు, నంగునూరు, సిద్దిపేట రూరల్‌, అర్బన్‌, నారాయణరావుపేట మండలాల్లో మంచి ఫలితాలు వచ్చాయి. బీఆర్‌ఎస్‌కు 76 స్థానాలు రాగా కాంగ్రెస్‌, బీజేపీలకు డబుల్‌ డిజిట్‌ కూడా దక్కలేదు. బెజ్జంకిలో కాంగ్రెస్‌ ప్రభావం.. మానకోడూరు నియోజకవర్గం బెజ్జంకి మండలంలో కాంగ్రెస్‌ ఆధిపత్యం కనిపించింది. పార్టీ బలపర్చిన అభ్యర్థులు అత్యధికంగా విజయం సాధించారు. 13స్థానాల్లో కాంగ్రెస్‌ విజయం సాధించగా, 8స్థానాల్లో బీఆర్‌ఎస్‌ గెలిచింది. ఇక్కడ మూడు చోట్లా స్వతంత్ర అభ్యర్థులు గెలుపొందారు. వికసించని కమలం ప్రజాప్రతినిధుల పట్టు రెండో విడత ఓట్ల లెక్కింపులో ప్రజాప్రతినిధులు సొంత గ్రామాల్లో పట్టు సాధించారు. మాజీ సీఎం కేసీఆర్‌ స్వగ్రామమైన చింత మడకలో బీఆర్‌ఎస్‌, ఎమ్మెల్యే హరీశ్‌రావు స్వగ్రామం తోటపల్లిలో బీఆర్‌ఎస్‌ అభ్యర్థులు గెలుపొందారు. ఎంపీ రఘునందన్‌ రావు స్వగ్రామంలో బీజేపీ అభ్యర్థులు విజయం సాధించారు.

కొమురవెల్లి(సిద్దిపేట): మల్లికార్జున స్వామి ఆలయ అభివృద్ధికి కృషి చేస్తామని రాష్ట్ర దేవాదాయ శాఖ మంతి కొండా సురేఖ తెలిపారు. బ్రహ్మోత్సవాల నాటికి మేడాలమ్మ, కేతమ్మలకు సుమారు 2 కిలోల బంగారు కిరీటాలు, స్వామి వారి పల్లకీకి వెండి తాపడం చేయిస్తామన్నారు. ఆదివారం స్వామి వారికి ప్రభుత్వం తరపున పట్టువస్త్రాలు, ముత్యాల తలంబ్రాలు సమర్పించారు. ఈ సందర్భంగా ఆమె విలేకరులతో మాట్లాడుతూ మల్లన ఆలయ అభివృద్ధికి త్వరలోనే మాస్టర్‌ ప్లాన్‌ ఏర్పాటు చేసేలా చర్యలు చేపడతామన్నారు. ముఖ్యమంత్రి రేవంత్‌రెడ్డి ఆలయాల అభివృద్ధికి కట్టుబడి ఉన్నారన్నారు. గిరిజనుల ఆరాధ్య దైవం సమ్మక్క –సారక్క జాతర ఏర్పాట్లకు ప్రభుత్వం కనివిని ఎరుగని రీతిలో నిధులు మాంజూరు చేసినట్లు తెలిపారు.

మాజీ మంత్రి హరీశ్‌రావుగజ్వేల్‌: సర్పంచ్‌లుగా ఎన్నికైనవారు ప్రజల మన్ననలు పొందాలని మాజీ మంత్రి హరీశ్‌రావు సూచించారు. ఆదివారం గజ్వేల్‌ మార్కెట్‌ కమిటీ మాజీ చైర్మన్‌ మాదాసు శ్రీనివాస్‌ ఆధ్వర్యంలో తొలివిడత ఎన్నికల్లో గజ్వేల్‌ మండలం ఆహ్మదీపూర్‌ సర్పంచ్‌గా ఎన్నికై న ప్రభాకర్‌, ఉప సర్పంచ్‌ గోపాల్‌రెడ్డి, వార్డుసభ్యులు హరీశ్‌రావును కలిశారు. ఈ సందర్భంగా హరీశ్‌రావు వారిని శాలువాతో సన్మానించి అభినందనలు తెలిపారు. ఈ సందర్భంగా హరీశ్‌రావు మాట్లాడుతూ ఓట్లేసి గెలిపించిన ప్రజల నమ్మకాన్ని వమ్ముచేయకుండా పనిచేయాలన్నారు. కార్యక్రమంలో గ్రామ బీఆర్‌ఎస్‌ నాయకులు మద్ది రాజిరెడ్డి, చాడ శ్రీనివాస్‌రెడ్డి, పాల రమేశ్‌గౌడ్‌ తదితరులు పాల్గొన్నారు.

కొమురవెల్లి(సిద్దిపేట): మేళతాళాలు.. మంగళవాయిద్యాలు.. భక్తుల జయజయధ్వానాల మధ్య కొమురవెల్లి కోరమీసాల మల్లన్న కల్యాణం అత్యంత వైభవంగా జరిగింది. ఆదివారం క్షేత్రంలోని తోట బావి వద్ద సర్వాంగసుందరంగా ముస్తాబు చేసిన ప్రత్యేక మండపంలో మల్లన్న స్వామి.. మేడలాదేవి, కేతమ్మలను సరిగ్గా మధ్యాహ్నం 12.01గంటలకు వివాహమాడారు. ఆలయ అధికారుల పర్యవేక్షణలో వీరశైవ ఆగమ పండితులు కల్యాణ క్రతువును కనుల పండువగా నిర్వహించారు. కల్యాణ వేడుకను వీక్షించేందుకు రాష్ట్రం నుంచే కాక వివిధ రాష్ట్రాల నుంచి భక్తులు భారీగా తరలివచ్చారు. ఆలయ గర్భగుడిలో ఉదయం 9 గంటలకు మూల విరాట్‌కు కల్యాణం నిర్వహించారు. అనంతరం స్వామి. అమ్మవార్ల ఉత్సవ విగ్రహాలను ప్రత్యేక పల్లకీలో ఊరేగింపుగా మేళాతాళలతో తోటబావి వద్ద గల మల్లన్న కళ్యాణవేదికకు చేర్చి కల్యాణ క్రతువు చేపట్టారు. ప్రభుత్వం తరపున మల్లికార్జున స్వామికి ముత్యాల తలంబ్రాలు, పట్టు వస్త్రాలను దేవాదాయ శాఖ మంత్రి కొండా సురేఖ సమర్పించారు. మాజీ ఎమ్మెల్సీ రాజలింగం, మాజీ ఎమ్మెల్యే కొమ్మూరి ప్రతాప్‌రెడ్డి, మాజీ మంత్రి చామకూర మల్లారెడ్డి తదితరులు స్వామివారిని, అమ్మవార్లను దర్శించుకుని పూజలు నిర్వహించారు. పీఠాధిపతుల పర్యవేక్షణలో .. మల్లికార్జున స్వామి కల్యాణాన్ని పీఠాధిపతి మహమండలేశ్వర్‌ మహంత్‌ సిద్ధేశ్వరానందగిరి మహరాజ్‌ పర్యవేక్షణలో కొనసాగగా.. కల్యాణ వ్యాఖ్యతలుగా డాక్టర్‌ మహంతయ్య, సాంబశివశర్మ, శశిభూషణ సిద్దాంతిలు వ్యవహరించారు. దాదాపు మూడు గంటల పాటు జరిగిన స్వామి వారి కల్యాణ వేడుకను భక్తులు భక్తి శ్రద్ధలతో తిలకించారు.భారీగా హాజరైన భక్తజనం

దుబ్బాక: పంచాయతీ ఎన్నికల్లో గెలుపే లక్ష్యంగా అభ్యర్థులు సర్వశక్తులు ఒడ్డారు. ఈ క్రమంలో విచ్చలవిడిగా డబ్బులు, మద్యం పంపిణీ చేసినట్లు విశ్వసనీయంగా సమాచారం. మండల కేంద్రాలతో పాటు, ప్రధాన గ్రామాల్లో పోటీని ప్రతిష్టాత్మకంగా తీసుకున్న అభ్యర్థులు దేనికి వెనుకాడకుండా ఓటర్లను ప్రలోభాలకు గురిచేస్తున్నట్లు వినికిడి. ఓటుకు రూ.2 నుంచి 4 వేలు కొన్ని ప్రధాన గ్రామాల్లో పోటీ తీవ్రంగా ఉండటంతో పోటీలో ఉన్న అభ్యర్థులు ఓటుకు రూ.2 వేల నుంచి 4 వేల వరకు ఇంటింటికీ పంపిణీ చేసినట్లు ప్రచారం జరుగుతోంది. కొన్ని గ్రామాల్లో అయితే పలనా వారు రూ.2 వేలు ఇచ్చినట్లు తెలిస్తే.. కొందరు ఓటుకు రూ.3 వేలు సైతం ఇచ్చిటన్లు సమాచారం. ఓ వైపు పోలీసులు గ్రామాల్లో నిఘా పెట్టినప్పటికీ అభ్యర్థులు మాత్రం యథేచ్ఛగా డబ్బులు, మద్యం పంపిణీ చేయడం గమనార్హం.

● ఎమ్మెల్యే కొత్త ప్రభాకర్‌రెడ్డి ● నూతన సర్పంచ్‌లు, ఉప సర్పంచ్‌లకు సన్మానం దుబ్బాక: కేసీఆర్‌ను మళ్లీ సీఎంను చేయడమే లక్ష్యంగా కృషి చేద్దామని ఎమ్మెల్యే కొత్త ప్రభాకర్‌రెడ్డి పిలుపునిచ్చారు. శనివారం దుబ్బాక పట్టణంలోని క్యాంపు కార్యాలయంలో మొదటి విడత ఎన్నికల్లో గెలుపొందిన నియోజకవర్గంలోని దౌల్తాబాద్‌, రాయపోల్‌ మండలాలకు చెందిన బీఆర్‌ఎస్‌ సర్పంచ్‌లు, ఉప సర్పంచ్‌లు, వార్డు సభ్యులను ఘనంగా సన్మానించారు. ఈ సందర్భంగా ఆయన మాట్లాడుతూ అధికారంలో లేకున్నా మెజార్టీ సర్పంచ్‌లను బీఆర్‌ఎస్‌ గెలుచుకోవడం చాలా సంతోషకరమన్నారు. ఇదే స్ఫూర్తితో రెండో విడత ఎన్నికల్లో సైతం పెద్ద ఎత్తున సర్పంచ్‌లను గెలిపించుకుందామన్నారు. నియోజకవర్గంలోని ప్రతి గ్రామం అభివృద్ధికి నిధుల కోసం పోరాడుతానన్నారు. కార్యక్రమంలో బీఆర్‌ఎస్‌ నాయకులు ఉన్నారు.

జిల్లాలో రెండో విడత గ్రామ పంచాయతీ ఎన్నికలకు సర్వం సిద్ధమైంది. ఆదివారం 172 సర్పంచ్‌, 1,371 వార్డు స్థానాలకు ఎన్నికలు జరగనున్నాయి. ఉదయం 7 నుంచి మధ్యాహ్నం ఒంటి గంట వరకు పోలింగ్‌ జరగనుంది. పోలింగ్‌ నిర్వహణతోపాటు కౌంటింగ్‌ కోసం 4,763 మంది సిబ్బందిని నియమించారు. రెండో విడతలో 38 గ్రామాలు సమస్యాత్మక గ్రామాలుగా గుర్తించారు. రెండో విడతలో 4,328 మంది తమ అదృష్టాన్ని పరీక్షించుకుంటున్నారు. పోలీసులు పటిష్ట బందోబస్తును ఏర్పాటు చేశారు. ఎన్నికల ఏర్పాట్లను కలెక్టర్‌ హైమావతి పర్యవేక్షించారు. – సాక్షి, సిద్దిపేట జిల్లాలో మూడు విడతలలో 508 సర్పంచ్‌లు, 4,508 వార్డులకు ఎన్నికలు నిర్వహిస్తున్నారు. ఈ మేరకు మొదటి విడత ఈ నెల 11న ముగియగా, ఆదివారం రెండో విడతలో 10 మండలాల్లో సర్పంచ్‌, వార్డు స్థానాలకు ఎన్నికలు జరగనున్నాయి. ఈ క్రమంలో 182 సర్పంచ్‌లు, 1,644 వార్డులకు గాను 10 సర్పంచ్‌లు, 273 వార్డులు ఏకగ్రీవం అయ్యాయి. మిగతా 172 సర్పంచ్‌ స్థానాలకు 684 మంది, 1,371 వార్డు స్థానాలకు 3,644 మంది పోటీ చేస్తున్నారు. ఎన్నికల నేపథ్యంలో పలు చోట్ల ఓటర్లకు డబ్బులు, మద్యం, వివిధ రకాల గిఫ్ట్‌లను అందజేసినట్లు తెలిసింది. పోలింగ్‌ కేంద్రాలకు చేరుకున్న సిబ్బంది పది మండలాల్లో పది చోట్ల ఎన్నికల సిబ్బందికి బ్యాలెట్‌ బాక్స్‌లు, పేపర్లు, ఇతర మెటీరియల్‌ను పంపిణీ చేశారు. అక్బర్‌పేట – భూంపల్లిలో శ్రీనివాస ఐటీఐ, చిన్నకోడూరులో ఎంపీడీఓ కార్యాలయం, దుబ్బాకలో ఎంపీడీఓ కార్యాలయం, మిరుదొడ్డిలో మోడల్‌ స్కూల్‌, నంగునూరులో ఎంపీడీఓ కార్యాలయం, నారాయణరావు పేటలో జెడ్పీహెచ్‌ఎస్‌, సిద్దిపేట రూరల్‌లో మైనార్టీ కాలేజీ, సిద్దిపేట అర్బన్‌లో మెరీడియన్‌ స్కూల్‌, తొగుటలో ఎంపీడీఓ కార్యాలయం, బెజ్జంకిలో శ్రీసత్యసాయి గురుకుల విద్యానికేతన్‌లో పోలింగ్‌ సామగ్రిని అందజేశారు. ఆయా కేంద్రాల నుంచి ఎన్నికల సిబ్బంది పోలింగ్‌ కేంద్రాలకు చేరుకున్నారు. పోలింగ్‌ తర్వాత మధ్యాహ్నం 2గంటల నుంచి ఓట్ల లెక్కింపు ప్రక్రియ జరగనుంది. మొదట వార్డు ఓట్ల లెక్కింపు బ్యాలెట్‌ బాక్స్‌లో సర్పంచ్‌ ఓట్లను వేరు చేస్తూనే.. తొలుత వార్డుల వారీగా ఓట్లను లెక్కిస్తారు. పంచాయతీ చివరి వార్డు ఫలితం వెల్లడించాక.. సర్పంచ్‌ ఓట్లను గుర్తుల వారీగా వేరు చేసి లెక్కిస్తారు. చిన్న గ్రామ పంచాయతీలు సాయంత్రం 5గంటలలోగా ఫలితాలు వెల్లడికానున్నాయి. పెద్ద గ్రామ పంచాయతీల ఫలితాలు రాత్రి 7గంటల తర్వాతే వచ్చే అవకాశం ఉంది.విధుల్లో 4 వేల మంది.. ఎన్నికల నిర్వహణకు 4,763 మంది సిబ్బందిని నియమించారు. పోలింగ్‌ అధికారులు1,973, పోలింగ్‌ సిబ్బంది 2,436 మందిని నియమించగా ప్రత్యేక వాహనాల ద్వారా పోలింగ్‌ కేంద్రాలకు తరలించారు.

● ప్రచారానికి పైసలిచ్చి తీసుకెళ్తున్న నేతలు ● నేడు ఒక అభ్యర్థికి.. రేపు మరొకరికి జైవెల్దుర్తి(తూప్రాన్‌): ఒకప్పుడు పల్లెకో, పట్టణానికో నాయకుడు వస్తే జనం స్వచ్ఛందంగా కదలివచ్చేవారు. ర్యాలీల్లో నేతలతో కలిసి పాదం పాదం కలిపేందుకు, సభల్లో వారి ప్రసంగాలు వినేందుకు పోటీ పడేవారు. కానీ ప్రస్తుత రాజకీయాలు మారిపోయాయి. ముఖ్య కార్యకర్తలు తప్ప పని వదిలి ప్రచారానికి తరలివచ్చేవారు.. నేతల మాటలు వినడానికి కదిలే వారు కరువయ్యారు. దీంతో అభ్యర్థులు, ఆశావహులు సభలు, ప్రచారాల కోసం కూలీలను ఆశ్రయిస్తున్నారు. ఇవాళ ఇక్కడ.. రేపు అక్కడ.. కూలీలు సైతం ఎవరు ఎక్కువ డబ్బులు ఇస్తే ఆ రోజు వారికే ప్రచారం చేస్తున్నారు. ఈ రోజు ఒక పార్టీకి జై కొడితే.. రేపు మరో పార్టీకి అనుకూలంగా నినాదాలు చేస్తున్నారు. ఆయా గ్రామాల్లో తమ పార్టీలోకి ఎక్కువ చేరికలు జరిగాయని చెప్పుకునేందుకు కూలీలకు సైతం కండువాలు కప్పుతున్న నేతలకు లెక్కేలేదు. ఈ వ్యవహారాన్ని చూసి పలువురు ముక్కున వేలేసుకుంటున్నారు. ఇదిలా ఉండగా గ్రామాలు, పట్టణాల్లో కూలీలకు ఒక్కసారిగా డిమాండ్‌ పెరిగింది. ప్రచారానికి వస్తే రోజుకు రూ. 300 కూలీ ఇస్తూ టిఫిన్‌, భోజనం ఉచితంగా అందిస్తున్నారు. ఒకే రోజు రెండు పార్టీల మీటింగ్‌లు, ప్రచారాలు ఉంటే మాత్రం కూలీల రేటు రెండింతలు అవుతుంది. పైపెచ్చు ప్రచారం పూర్తికాగానే మగవారికి మద్యం బాటిల్‌ చేతిలో పెట్టి రేపటి ప్రచారానికి మళ్లీ రావాలని మురిపిస్తున్నారు.

కొమురవెల్లిలో నేటి ఉదయం 10:45 గంటలకు.. కొమురవెల్లి(సిద్దిపేట): భక్తుల కొంగుబంగారమైన కొమురవెల్లి మల్లికార్జున స్వామి కల్యాణ మహోత్సవం ఆదివారం అత్యంత వైభవోపేతంగా నిర్వహించనున్నారు. మల్లన్న క్షేత్రంలోని జరిగే కల్యాణోత్సవానికి రాష్ట్ర నలుమూలలతో పాటు పొరుగు రాష్ట్రాల నుంచి భక్తులు వేలాదిగా తరలిరానున్నారు. ఈ మహోత్సవాన్ని వైభవంగా జరిపేందుకు ఆలయవర్గాలు విస్తృత ఏర్పాట్లు చేశాయి. తోటబావి ప్రాంగణంలో ప్రత్యేకంగా ఏర్పాటు చేసిన కల్యాణ మండలపంలో మల్లికార్జున స్వామి, కేతలమ్మ, మేడలదేవిని ఉదయం 10.45నిమిషాలకు వివాహమాడనున్నారు. మార్గశిర మాసం చివరి ఆదివారాన్ని పురస్కరించుకుని వీరశైవ ఆగమ శాస్త్రం ప్రకారం నిర్వహించే కల్యాణోత్సవంతో స్వామి వారి బ్రహ్మోత్సవాలు ప్రారంభం కానున్నాయి. మల్లన్న కల్యాణానికి దేవాదాయ శాఖ మంత్రి కొండా సురేఖతో పాటు పలువురు ప్రముఖులు, అధికారులు హాజరుకానున్నారు. శనివారం పీఠాధిపతులు మహమండలేశ్వర్‌, డాక్టర్‌ మహంత్‌ సిద్ధేశ్వరానందగిరి మహంత్‌ మహస్వామి కొమురవెల్లికి చేరుకున్నారు. స్వామి తరపున పడిగన్నగారి వంశస్తులు.. ఆలయ గర్భగుడిలో మల్లన్న మూల విరాట్‌ వద్ద మొదట కల్యాణ తంతును ప్రారంభించి అదే సమయంలో తోట బావి వద్ద ఉత్సవ విగ్రహాలకు కల్యాణం జరిపిస్తారు. వధువులు బలిజ మేడలమ్మ, గొల్ల కేతమ్మ తరపున మహదేవుని వంశస్తులు, వరుడు మల్లికార్జున స్వామి తరపున పడిగన్నగారి వంశస్తులు పెళ్లి పెద్దలుగా వ్యవహరిస్తారు. సర్వాంగసుందరంగా కల్యాణ వేదిక స్వామివారి కల్యాణ వేదికను సర్వాంగ సుందరంగా తీర్చిదిద్దారు. చలువపందిళ్లు వేశారు. స్వామి వారి రథం పనులు, గుట్టపైన ఎల్లమ్మ ఆలయ అలంకరణ పనులు పూర్తీ చేశారు. పటిష్ట బందోబస్తు మల్లన్న కల్యాణానికి పటిష్ట బందోబస్తు ఏర్పాటు చేసినట్లు అదనపు డీసీపీ చంద్రబోస్‌ తెలిపారు. బందోబస్తుకు వచ్చిన పోలీసులకు దిశానిర్దేశం చేశారు. ప్రతి ఒక్కరూ విధులను పకడ్బందీగా నిర్వహించాలని, భక్తులకు ఇబ్బందులు లేకుండా చూడాలన్నారు. బందోబస్తులో అదనపు డీసీపీ, ఏసీపీలు ఇద్దరు, సీఐలు 10మంది , ఎస్‌ఐలు12, కానిస్టేబుల్‌లు మొత్తం 361 సిబ్బందితో బందోబస్తు నిర్వహిస్తున్నట్లు తెలిపారు. భక్తులు పోలీసులకు సహకరించాలని, పార్కింగ్‌ ప్రదేశాలలోనే వాహనాలను పార్కు చేయాలని సూచించారు. ఏర్పాట్లను పరిశీలించిన కలెక్టర్‌ స్వామి వారి కల్యాణం ఏర్పాట్లను కలెక్టర్‌ హైమావతి పరిశీలించారు. ఆలయ పరిసరాలలో పారిశుద్ధ్యంపై అప్రమత్తంగా ఉండాలని ఆలయ అధికారులను ఆదేశించారు. అనంతరం బండ గుట్టపై చేపడుతున్న 50 గదుల నిర్మాణపనులను పరిశీలించారు.

అధికారులపై కలెక్టర్‌ ఆగ్రహంబెజ్జంకి(సిద్దిపేట): ఎన్నికల సామగ్రి పంపిణీ కేంద్రంలో ఏర్పాట్లపై కలెక్టర్‌ హైమావతి తీవ్ర అసంతృప్తి వ్యక్తం చేశారు. బెజ్జంకిలోని సత్యసాయి గురుకుల పాఠశాలలో ఏర్పాటు చేసిన ఎన్నికల సామగ్రి పంపిణీ కేంద్రాన్ని శనివారం జిల్లా ఎన్నికల అధికారి, కలెక్టర్‌ హైమావతి పరిశీలించారు. భోజన, తదితర వసతులపై అసంతృప్తి వ్యక్తం చేశారు. సెంటర్‌లోని మైక్‌ పని చేయకపోవడంతో ఎంపీడీఓ ప్రవీణ్‌పై ఆగ్రహం వ్యక్తం చేశారు. ఇలా చేస్తే విధులు నిర్వహించడం కష్టమని, బెజ్జంకి కేంద్రంపై దృష్టి సారించాలని ఆర్‌డీఓకు సూచించారు. ఎన్నికల విధులకు అధికారులు తప్పనిసరిగా హాజరుకావాలన్నారు. గైర్హాజరైతే కఠిన చర్యలు తీసుకుంటామని హెచ్చరించారు. ఉదయం 7 గంటల నుంచి పోలింగ్‌ ప్రారంభం కావాలన్నారు. పోలింగ్‌ సిబ్బందికి రాత్రి వేళ సంబంధిత పోలింగ్‌ కేంద్రాలలో భోజనవసతి కల్పించాలని కార్యదర్శులకు సూచించారు. కార్యక్రమంలో హుస్నాబాద్‌ ఆర్డీఓ రామ్మూర్తి, తహసీల్దార్‌ శ్రీకాంత్‌, ఎంపీడీఓ ప్రవీణ్‌, తదితరులు పాల్గొన్నారు. ఓటు హక్కు మరవొద్దు సిద్దిపేటరూరల్‌: ప్రజలు ఎలాంటి ప్రలోభాలకు లోనుకాకుండా ప్రశాంత వాతావరణంలో ఓటు వేయాలని, ఓటు హక్కు మరవద్దని కలెక్టర్‌ హైమావతి శనివారం ఒక ప్రకటనలో పేర్కొన్నారు. ఎన్నికల్లో ఓటర్లు ప్రశాంత వాతావరణంలో తమ ఓటు హక్కును వినియోగించుకునేందుకు, ఎన్నికలను పారదర్శకంగా నిర్వహించేందుకు అన్ని ఏర్పాట్లు పూర్తి చేశామన్నారు. ఈ అవకాశాన్ని ఆయా మండలాల్లోని గ్రామాల ప్రజలు సద్వినియోగం చేసుకోవాలన్నారు. అంతకు ముందు ఎన్నికల సామగ్రి పంపిణీ కేంద్రాలను పరిశీలించారు. అనంతరం అధికారులకు పలు సూచనలు చేశారు. కార్యక్రమంలో ఆర్డీఓ రామ్మూర్తి, జెడ్పీ సీఈఓ రమేశ్‌, ట్రైనీ డిప్యూటీ కలెక్టర్‌ భవ్య, ఎంపీడీఓలు, తహసీల్దార్‌లు తదితరులు పాల్గొన్నారు.

ఎక్కువ చోట్ల బీఆర్‌ఎస్‌ గెలుపు ● గతం కంటే ఎక్కువ స్థానాలు సాధించిన కాంగ్రెస్‌సాక్షి, సిద్దిపేట: ప్రతిపక్షంలో ఉన్నప్పటికీ పంచాయతీ ఎన్నికల్లో కాంగ్రెస్‌ కంటే అధిక సర్పంచ్‌ స్థానాలు గెలుపొందామని బీఆర్‌ఎస్‌ శ్రేణులు.. గతం కంటే ఎక్కువ సర్పంచ్‌లు గెలిచామని కాంగ్రెస్‌ నాయకులు, కార్యకర్తలు జోష్‌లో ఉన్నారు. గురువారం జరిగిన మొదటి విడత ఎన్నికల్లో అధికార, ప్రతిపక్ష పార్టీల బలపర్చిన అభ్యర్థులు నువ్వా నేనా? అన్నట్లుగా పోటీ రసవత్తరంగా సాగింది. గజ్వేల్‌ నియోజకవర్గం పరిధిలోని గజ్వేల్‌, జగదేవ్‌పూర్‌, వర్గల్‌, ములుగు, మర్కూక్‌ మండలాలు, దుబ్బాక నియోజకవర్గం పరిధిలోని రాయపోలు, దౌల్తాబాద్‌ మండలాల్లోని 163 సర్పంచ్‌లు, 1,432 వార్డులకు ఎన్నికలు మొదటి విడతలో నిర్వహించారు. అందులో 16 సర్పంచ్‌లు, 224 వార్డులు ఏకగ్రీవం కాగా గురువారం147 సర్పంచ్‌, 1,208 వార్డులకు ఎన్నికలు జరిగాయి. అందులో బీఆర్‌ఎస్‌ బలపర్చినవారు సర్పంచ్‌లుగా 68 మంది, కాంగ్రెస్‌కు చెందిన వారు 59 మంది, బీజేపీ వారు 8, ఇతరులు 12 మంది గెలుపొందారు. నేతల విస్తృత ప్రచారం బీఆర్‌ఎస్‌ పార్టీ బలపర్చిన అభ్యర్థుల మద్దతుగా ముఖ్యనాయకులు అంతగా ఎవరూ ప్రచారం చేయనప్పటికీ ఆ పార్టీ నాయకులే ఎక్కువగా సర్పంచ్‌లుగా గెలుపొందారు. మండల నాయకుల సహకారంతో విస్తృతంగా ఎన్నికల ప్రచారం నిర్వహించారు. ప్రతి ఒక్క ఓటరును కలిసి గ్రామ అభివృద్ధి ఎజెండాను వివరించి తమకు ఓటు వేయాలని అభ్యర్థించారు. ఈ రెండు నియోజకవర్గాల్లో ఇద్దరు బీఆర్‌ఎస్‌ పార్టీకి చెందిన ఎమ్మెల్యేలే ఉన్నారు. గజ్వేల్‌ నియోజకవర్గంలో ఐదు మండలాల్లో 46 మంది , దుబ్బాక నియోజకవర్గంలో రెండు మండలాల్లో 22 మంది బీఆర్‌ఎస్‌ బలపర్చిన అభ్యర్థులు సర్పంచ్‌లుగా విజయం సాదించారు. రెండు, మూడో విడతలపై ప్రభావం మొదటి విడతలో వచ్చిన ఫలితాలు రెండవ, మూడవ విడతలలో జరిగే గ్రామ పంచాయతీ ఎన్నికల ఫలితాల పై ప్రభావం పడే అవకాశం ఉంది. దీంతో ఆయా పార్టీల నేతలు ప్రచార వేగం పెంచారు. జిల్లాలో అత్యధికంగా సర్పంచ్‌లు గెలుపొందాలని లక్ష్యంగా రెండు పార్టీలు ముందుకు సాగుతున్నాయి. ఈ నెల 14న, 17న ఆయా గ్రామ పంచాయతీల్లో జరిగే ఎన్నికల్లో ప్రజలు ఏ గ్రామ పంచాయతీలో ఎవరికి పట్టం కడతారో వేచిచూడాల్సిందే.గజ్వేల్‌లో 46 చోట్ల కాంగ్రెస్‌ గెలుపు జిల్లా కాంగ్రెస్‌ పార్టీ(డీసీసీ) అధ్యక్షురాలు తూంకుంట ఆంక్షారెడ్డి, మాజీ ఎమ్మెల్యే నర్సారెడ్డిలు ఇద్దరు గజ్వేల్‌ నియోజకవర్గానికి చెందిన వారే కావడంతో పలు గ్రామాల్లో ప్రచారంలో పాల్గొన్నారు. గజ్వేల్‌ నియోజకవర్గంలో ఐదు మండలాల్లో 46 సర్పంచ్‌లు గెలుపొందారు. దుబ్బాక నియోజకవర్గంలో రెండు మండలాల్లో 13 కాంగ్రెస్‌ బలపర్చిన అభ్యర్థులకు సర్పంచ్‌ పదవులు దక్కాయి. ఈ ఇద్దరు నేతలు వర్గల్‌ మండల కేంద్రంలోని గ్రామ పంచాయతీపై ప్రత్యేక దృష్టి పెట్టినప్పటికీ కాంగ్రెస్‌ పార్టీ బలపర్చిన అభ్యర్థి ఓటమి చెందడం గమనార్హం.

పట్టు వస్త్రాలు సమర్పించనున్న మంత్రి కొండా సురేఖ స్వామివారి కల్యాణం సందర్భంగా స్వామివారికి, అమ్మవార్లకు పట్టు వస్త్రాలు, ముత్యాల తలంబ్రాలు ప్రభుత్వం తరఫున దేవాదాయ శాఖ మంత్రి కొండా సురేఖ సమర్పించనున్నారు. స్థానిక సంస్థల ఎన్నికల నేపథ్యంలో ముత్యాల తలంబ్రాలు పట్టు వస్త్రాలు మంత్రి తీసుకువచ్చేందుకు దేవాదాయ శాఖ.. రాష్ట్ర ఎన్నికల కమిషన్‌ నుంచి అనుమతి తీసుకున్నది. ఏర్పాట్లు పూర్తి చేసిన అధికారులు ● నేడు దిష్టి కుంభానికి బియ్యం సేకరణకొమురవెల్లి(సిద్దిపేట): మల్లికార్జున స్వామి వార్షిక కల్యాణ మహోత్సవానికి సర్వం సిద్ధమైంది. ఆదివారం ఆలయ తోట బావి వద్ద కల్యాణమండపంలో ఉదయం 10.45 గంటలకు స్వామివారి కల్యాణం నిర్వహించనున్నారు. వీర శైవ ఆగమశాస్త్ర సంప్రదాయం ప్రకారం ఉజ్జయిని పీఠాధిపతులు సిద్ధిలింగరాజశికేంద్రశివాచార్య మహాస్వామి పర్యవేక్షణలో కల్యాణం నిర్వహిస్తారు. మొదట ఆలయ గర్భగుడిలో మూల విరాట్‌కు కల్యాణం నిర్వహించేందుకు వధువు (బలిజమేడలమ్మ, గొల్ల కేతమ్మ) తరఫున మహాదేవుని వంశస్తులు, వరుడు మల్లికార్జున స్వామి తరఫున పడిగన్నగారి వంశస్తులు పెండ్లి పెద్దలుగా వ్యవహరిస్తారు. అదే సమయంలో తోట బావి వద్ద కల్యాణోత్సవంలోనూ వీరే పెళ్లి పెద్దలుగా వ్యవహరించనున్నారు. ఆదివారం తెల్లవారుజామున 6 గంటలకు స్వామి వారి ఆలయంలో దిష్టి కుంభం నిర్వహిస్తారు. శనివారం గ్రామంలో అందరి ఇళ్లలోంచి రతి బియ్యాన్ని తీసుకువస్తారు. దీంతో మల్లన్న కల్యాణ వేడుకల తంతు ప్రారంభమవుతుంది. మల్లన్న కల్యాణంతో జాతర షురూ.. మల్లన్న బ్రహ్మోత్సవాలు మార్గశిర మాసం చివరి ఆదివారంతో మొదలై ఫాల్గున మాసం చివరి ఆదివారం అగ్ని గుండాలతో జాతర ముగుస్తుంది. పూజా సామగ్రి సిద్ధం కల్యాణోత్సవం సందర్భంగా ప్రత్యేక పూజా సామాగ్రిని ఆలయ అర్చకులు శుక్రవారం సిద్ధం చేశారు. స్వర్ణకిరీటం, కోరమీసాలు, ఖడ్గం, రుద్రాక్షమాల, స్వామి వారి నామాలు, పంచహారతి, రుద్రపాదం, తదితర సామగ్రిని సిద్ధం చేశారు. వైభవంగా నిర్వహిస్తాం కొమురవెల్లి మల్లికార్జున స్వామి కల్యాణోత్సవాన్ని వైభవంగా నిర్వహించేందుకు అన్ని ఏర్పాట్లు చేస్తున్నాం. కల్యాణోత్సవానికి సుమారు 50 వేల మందికి పైగా భక్తులు హాజరు కానున్నారు. భక్తులకు ఇబ్బందులకు కలగకుండా ఏర్పాటు పూర్తి చేశాం. – వెంకటేశ్‌, ఆలయ ఈఓ

● పార్టీల ప్రభావం అంతంతే.. ● అభ్యర్థి కేంద్రంగానే ఎన్నికలు వెల్దుర్తి(తూప్రాన్‌): గత అనుభవాలు, క్షేత్రస్థాయిలో ప్రస్తుత పరిస్థితులను పరిగణలోకి తీసుకుంటే పంచాయతీ ఎన్నికల పోరు, సం‘కుల’ సమరంగా మా రింది. పల్లెల్లో కులాలు, వర్గాల ప్రాతిపదికనే సమీకరణలు సాగుతున్నట్లు స్పష్టమవుతోంది. మెజారిటీ పంచాయతీల్లో ఇదే పరిస్థితి ఉండగా, కులాలవారీగా సమావేశాలు, విందులు జోరందుకున్నాయి. పార్టీల ప్రభావం అంతంత మాత్రంగానే ఉండగా, అభ్యర్థి కేంద్రంగా ఎన్నికలు జరుగుతున్నాయి. గెలిచాక ఏదో ఒక పార్టీ వంచన చేరే అవకాశాలు లేకపోలేదు. ఎన్నికల గుర్తులతో అభ్యర్తులు ప్రజలను కలుస్తూ తనకు ఓటువేసి గెలిపించాలని అభ్యర్థిస్తున్నారు. పార్టీల ప్రభావం అంతంతే.. అసెంబ్లీ ఎన్నికలు పార్టీ కేంద్రంగా జరిగితే పంచాయతీ ఎన్నికలు ప్రధానంగా అభ్యర్థి కేంద్రంగా జరగుతున్నాయి. రాజ్యాంగ స్ఫూర్తి కూడా ఇదే. పచ్చని పల్లెల్లో రాజకీయాలకు అతీతంగా ఎన్నికలు జరగాలనే ఉద్దేశంతో పార్టీలకు సంబంధం లేకుండా పంచాయతీ ఎన్నికలు నిర్వహిస్తున్నారు. పార్టీలకు సంబంధం లేని గుర్తులనే కేటాయిస్తున్నారు. క్షేత్రస్థాయి పరిస్థితులను బట్టి చూస్తే గ్రామాల్లో పార్టీలతో సంబంధం లేకుండానే ఎన్నికలు జరిగే అవకాశాలు కనిపిస్తున్నాయి. కొన్ని గ్రామాల్లోనైతే పార్టీలు ప్రతిష్టాత్మకంగా తీసుకొని పోటాపోటీగా ప్రచారం నిర్వహిస్తున్నాయి. కులాల వారీగా అభ్యర్థులు సర్పంచ్‌ పదవుల రిజర్వేషన్లు ఖరారైన వెంటనే ఆయా గ్రామాల్లో కులాలవారీగా పెద్దలు రంగంలోకి దిగారు. ఎక్కువ మంది సంఘ సభ్యులున్నచోట తమ అభ్యర్థిని బరిలో నిలిపారు. పోటీ అధికంగా ఉన్న చోట ఆశావహుల నడుమ రాజీ కుదుర్చి ఒక్కరే బరిలో ఉండేలా చూసుకున్నారు. పంచాయతీ ఎన్నికల్లో అవకాశం రానివారికి రాబోయే మండల, జిల్లా పరిషత్‌ ఎన్నికల్లో అవకా శం వచ్చేలా చూస్తామని హామీ ఇవ్వగా కొందరూ పోటీకి దూరంగా ఉన్నారు. మరికొందరు మాత్రం బరిలో నిలిచారు. ఎస్సీ, ఎస్టీ, బీసీలే కాకుండా జనరల్‌ స్థానాల్లోనూ ఇదే పరిస్థితి కనిపిస్తుంది.

హుస్నాబాద్‌: ‘నా రాజకీయ పరపతిని హుస్నాబాద్‌ నియోజకవర్గ అభివృద్ధికి వినియోగిస్తా.. ప్రగతే లక్ష్యంగా ముందుకు వెళ్తున్నా’ నని మంత్రి పొన్నం ప్రభాకర్‌ అన్నారు. శుక్రవారం మంత్రి క్యాంప్‌ కార్యాలయంలో నూతనంగా గెలుపొందిన సర్పంచ్‌లు, ఉప సర్పంచ్‌లు, వార్డు సభ్యులను సన్మానించారు. అనంతరం విలేకరులతో మాట్లాడారు. హుస్నాబాద్‌ నియోజకవర్గంలోని 173 మంది సర్పంచ్‌లకు త్వరలో పంచాయతీ రాజ్‌ శాఖ ఆధ్వర్యంలో గ్రామాల అభివృద్ధిపై శిక్షణ ఇవ్వనున్నట్లు వెల్లడించారు. మొదటి విడతలో జరిగిన ఎన్నికల్లో కాంగ్రెస్‌ పార్టీ బలపరిచిన అభ్యర్థులు గణనీయమైన స్థానాలు గెలుచుకున్నారన్నారు. రెండో విడత ఎన్నికల్లోనూ కాంగ్రెస్‌ బలపరిచిన అభ్యర్థులనే గెలిపించాలని కోరారు. గాంధీజీ కలలు కన్న విధంగా గ్రామాభివృద్ధికి కృషి చేయాలన్నారు. ప్రజల సమస్యలను ఉన్నతాధికారులు, ప్రజాప్రతినిధుల దృష్టికి తీసుకెళ్లి పరిష్కరించాలన్నారు. ఇంజనీరింగ్‌ కళాశాల, యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూల్‌, బాసర ట్రిపుల్‌ ఐటీ బ్రాంచ్‌, కరీంనగర్‌, జనగామ, అక్కన్నపేట నాలుగు లేన్ల రోడ్‌, 250 పడకల ఆస్పత్రి, ఎల్లమ్మ చెరువును అభివృద్ధి చేస్తున్నామని తెలిపారు.నాగారం గ్రామాన్ని సుందరంగా తీర్చిదిద్దుతా.. హుస్నాబాద్‌రూరల్‌: పంచాయతీ ఎన్నికల్లో కాంగ్రెస్‌ పార్టీ బలపర్చిన అభ్యర్థులను గెలిపించాలని మంత్రి పొన్నం ప్రభాకర్‌ కోరారు. శుక్రవారం నాగారంలో కుమారస్వామికి మద్ధతుగా ప్రచారంలో పాల్గొన్నారు. ఈ సందర్భంగా మంత్రి మాట్లాడుతూ నాగారం గ్రామానికి కావల్సిన అభివృద్ధికి నిధులను ఇస్తామన్నారు. గ్రామానికి మౌలిక వసతులు కల్పనకు నిధులు మంజూరు చేస్తామని చెప్పారు. మహ్మదాపూర్‌లో కాంగ్రెస్‌ నాయకుడు తౌటు రాజయ్య ఇటీవల మరణించి వారి కుటుంబాన్ని పరామర్శించి భరోసా ఇచ్చారు. వీరి వెంట మార్కెట్‌ వైస్‌ చైర్మన్‌ బంక చందు, బొలిశెట్టి శివయ్య, చిత్తారి రవీందర్‌ తదితరులు ఉన్నారు. రాజకీయ పరపతిని వినియోగిస్తా త్వరలో నూతన సర్పంచ్‌లకు శిక్షణ మంత్రి పొన్నం ప్రభాకర్‌

ములుగు(గజ్వేల్‌): ఉద్యాన విశ్వవిద్యాలయంలోని డిగ్రీలో ఖాళీగా ఉన్న సీట్ల భర్తీకి కౌన్సెలింగ్‌ నిర్వహించనున్నట్లు వర్సిటీ రిజిస్ట్రార్‌ భగవాన్‌ శుక్రవారం ఒక ప్రకటనలో పేర్కొన్నారు. ఈనెల 17న ఉదయం 10:30 నుంచి ప్రొఫెసర్‌ జయశంకర్‌ వ్యవసాయ విశ్వవిద్యాలయం కంబైన్డ్‌ కౌన్సెలింగ్‌కు దరఖాస్తు సమర్పించాలన్నారు. ఎప్‌సెట్‌ –2025లో ర్యాంకు పొందిన విద్యార్థులు ఈ కౌన్సెలింగ్‌ కు హాజరు కావచ్చన్నారు. విశ్వవిద్యాలయం పరీక్షా కేంద్రంలో కౌన్సెలింగ్‌ నిర్వహిస్తారన్నారు. మరిన్ని వివరాలకు 96524 56779 నంబర్‌ను సంప్రదించాలని ఆయన సూచించారు. గ్రామాల్లో వైద్య శిబిరాలు నిర్వహించండి: జడ్జి రేవతి హుస్నాబాద్‌: ప్రభుత్వం అమలు చేస్తున్న హెల్త్‌ స్కీంలు ప్రజలకు తెలిసే విధంగా అవగాహన కల్పించాలని ప్రిన్సిపల్‌ జూనియర్‌ సివిల్‌ జడ్జి రేవతి కోరారు. శుక్రవారం ప్రభుత్వ ఆస్పత్రిని సందర్శించి రోగులకు అందుతున్న వైద్య సేవలను తెలుసుకున్నారు. వైద్య పరికరాలు, మందులు పరిశీలించారు. అనంతరం జడ్జి రేవతి మాట్లాడుతూ ఆస్పత్రికి వచ్చే రోగులకు సకాలంలో వైద్య సేవలు అందించాలని సిబ్బందికి సూచించారు. గ్రామాల్లో, పాఠశాలల్లో హెల్త్‌ క్యాంప్‌లు నిర్వహించి వైద్యం అందించాలని కోరారు. అనంతరం కోర్టు హాల్‌లో ఈ నెల 21న నిర్వహించే లోక్‌ అదాలత్‌ కార్యక్రమం సందర్భంగా పోలీస్‌, ఎకై ్సజ్‌ అధికారులతో కో ఆర్డినేషన్‌ సమావేశం నిర్వహించారు. కార్యక్రమంలో అదనపు జూనియర్‌ సివిల్‌ జడ్జి ప్రమిద, ఆస్పత్రి సూపరింటెండెంట్‌ డాక్టర్‌ రమేష్‌ రెడ్డి, న్యాయవాదులు, వైద్య సిబ్బంది పాల్గొన్నారు. చదువుతోనే ఉజ్వల భవిష్యత్‌ ప్రశాంత్‌నగర్‌(సిద్దిపేట): చదువుతోనే విద్యార్థులకు ఉజ్వల భవిష్యత్‌ ఉంటుందని బాలల హక్కుల ప్రజా వేదిక రాష్ట్ర అధ్యక్షుడు సుభాష్‌చంద్రబోస్‌ విద్యార్థులకు సూచించారు. శుక్రవారం జిల్లా కేంద్రంలోని సమీకృత వసతి గృహం ఆవరణలో విద్యార్థులను కలిసి మాట్లాడారు. వసతి గృహంలో అన్ని రకాల మౌలిక సౌకర్యాలు ఉన్నాయా అని అడిగి తెలుసుకున్నారు. విద్యార్థులు ప్రభుత్వం కల్పిస్తున్న మౌలిక సౌకర్యాలను సద్వినియోగం చేసుకుని ఉన్నత స్థాయికి చేరుకోవాలన్నారు. విద్యార్థి దశ నుంచే మంచి అలవాట్లను, క్రమశిక్షణ, సమయపాలనను అలవర్చుకోవాలన్నారు. పీఓ, ఏపీఓలకు శిక్షణ హుస్నాబాద్‌రూరల్‌: డివిజన్‌లో 3వ విడత పంచాయతీ ఎన్నికలు జరగనుండగా పీఓ, ఏపీఓ అధికారులకు శుక్రవారం మండల పరిషత్‌ కార్యాలయంలో శిక్షణ ఇచ్చారు. ఈ సందర్భంగా ఎంపీడీఓ రమేశ్‌ మాట్లాడుతూ గ్రామాల్లో వార్డుల వారీగా పోలింగ్‌ కేంద్రాలు ఏర్పాటు చేశామన్నారు. బ్యాలెట్‌ పేపర్లు, పోలింగ్‌ బాక్స్‌లు సీల్‌ వేయడం, ఓట్ల లెక్కింపునకు తీసుకోవాల్సిన జాగ్రత్తల గురించి అవగాహన కల్పించారు. పోలింగ్‌ కేంద్రాలకు వచ్చే ఓటర్లకు త్వరగా బ్యాలెట్‌ పేపర్‌ ఇచ్చి ఓటు వేసేందుకు అవకాశం కల్పించాలన్నారు. మద్దూరులో.. మద్దూరు(హుస్నాబాద్‌): ఉమ్మడి మద్దూరు మండల పరిధిలో శుక్రవారం ప్రొసీడింగ్‌ అధికారులకు శిక్షణ ఇచ్చారు. పోలింగ్‌ రోజున నిర్వహించాల్సిన విధులపై శిక్షణపై అవగాహన కల్పించారు. కార్యక్రమంలో మద్దూరు, ధూళ్మిట్ట మండలాల ఎంపీడీఓలు, ఎంఈవోలు పాల్గొన్నారు. ఫోన్‌ ఇన్‌ కార్యక్రమం రద్దుసిద్దిపేటకమాన్‌: సామాన్య ప్రజలతో నేరుగా మాట్లాడి సమస్యలు తెలుసుకునేందుకు ప్రతి శనివారం సీపీతో నిర్వహించే ఫోన్‌ ఇన్‌ కార్యక్రమం నిర్వహించడం లేదని సీపీ విజయ్‌కుమార్‌ శుక్రవారం ఒక ప్రకటనలో పేర్కొన్నారు. రెండో విడత గ్రామ పంచాయతీ ఎన్నికల సందర్భంగా ఫోన్‌ ఇన్‌ కార్యక్రమం రద్దు చేసినట్లు తెలిపారు. ఈ నెల 20న యథావిధిగా తిరిగి నిర్వహించనున్నట్లు సీపీ పేర్కొన్నారు.

మిరుదొడ్డి(దుబ్బాక): ప్రచారానికి శుక్రవారం ఆఖరి రోజు కావడంతో అయా గ్రామాల్లో సర్పంచ్‌ అభ్యర్థులు భారీ రోడ్డు షోలు నిర్వహించారు. తమకు కేటాయించిన గుర్తుకు ఓటు వేసి భారీ మెజార్టీతో గెలిపించాలని కోరుతూ ఓటర్లను అభ్యర్థించారు. అక్బర్‌పేట–భూంపల్లి మండల పరిధిలోని రుద్రారంలో సర్పంచ్‌ అభ్యర్థిగా బరీలో నిలిచిన కాముని మంజుల ఎన్నికల ప్రచారంలో సీఐటీయూ రాష్ట్ర అధ్యక్షుడు చుక్క రాములు, సీపీఎం జిల్లా కార్యదర్శి వర్గ సభ్యులు రాళ్లబండి శశిధర్‌, సీఐటీయూ జిల్లా కార్యదర్శి గోపాల స్వామి, జిల్లా సహాయ కార్యదర్శి చొప్పరి రవికుమార్‌, శిరీష తదితరులు పాల్గొన్నారు. కాముని మంజులను గెలిపించాలని కోరుతూ ఓటర్లను అభ్యర్థించారు.

సీపీ విజయ్‌కుమార్‌ సిద్దిపేటకమాన్‌: జిల్లాలో రెండో విడత గ్రామ పంచాయతీ ఎన్నికలు ప్రశాంత వాతావరణంలో నిర్వహించేందుకు పటిష్ట పోలీసు బందోబస్తు ఏర్పాట్లు చేసినట్లు సీపీ విజయ్‌కుమార్‌ తెలిపారు. ఆయన మాట్లాడుతూ.. సిద్దిపేట అర్బన్‌, రూరల్‌, అక్బర్‌పేట భూంపల్లి, బెజ్జంకి, చిన్నకోడూరు, దుబ్బాక, మిరుదొడ్డి, నంగునూరు, నారాయణరావుపేట, తొగుట మండలాల్లో ఈ నెల 14న పోలింగ్‌ జరగనున్నట్లు తెలిపారు. పోలింగ్‌ కేంద్రానికి 100మీటర్ల లోపల, ఓటర్లు పోలింగ్‌ కేంద్రానికి వెళ్లే మార్గంలో ఎలాంటి ప్రచారం నిర్వహించకూడదన్నారు. నిబంధనలు ఉల్లంఘించే వారిపై చర్యలు తీసుకుంటామని తెలిపారు. ప్రశాంత వాతావరణంలో ఎన్నికలు జరిగేలా పోలీసులకు ప్రజలు సహకరించాలని తెలిపారు.

మిరుదొడ్డి(దుబ్బాక): రెండో విడత పంచాయతీ ఎన్నికల పోలింగ్‌ ప్రక్రియ సజావుగా జరిగేందుకు పకడ్బందీ ఏర్పాట్లు చేస్తున్నట్లు కలెక్టర్‌ హైమావతి తెలిపారు. ఈ మేరకు అధికారులకు దిశానిర్దేశం చేశారు. శుక్రవారం మిరుదొడ్డి మండలంతో పాటు, అక్బర్‌పేట–భూంపల్లి మండల పరిధిలోని పలు సమస్యాత్మక పోలింగ్‌ కేంద్రాలను పరిశీలించారు. ఈ సందర్భంగా ఆమె మాట్లాడుతూ రాష్ట్ర ఎన్నికల కమిషన్‌ నియమావళి నిబంధనల ప్రకారం పోలింగ్‌ కేంద్రాల్లో కరెంటు, విద్యుత్‌ దీపాలు, ఫ్యాన్లు, ర్యాంపులు, మరుగుదొడ్లు, తాగు నీటి వసతి కల్పించేలా చర్యలు చేపడుతున్నట్లు తెలిపారు. ప్రతి పోలింగ్‌ కేంద్రాల్లో వెబ్‌ కాస్టింగ్‌ నెట్‌ కనెక్షన్‌ ఉండే విధంగా చూసుకోవాలని అధికారులకు సూచించారు. కలెక్టర్‌ వెంట ఎంపీడీఓ గంగుల గణేశ్‌రెడ్డి, ఇన్‌చార్జి ఎంపీఓ ఫహీం, ఆయా గ్రామాలకు చెందిన పంచాయతీ కార్యదర్శులు తదితరులు పాల్గొన్నారు. పోలింగ్‌ కేంద్రాలలో సౌకర్యాలు కల్పించాలి పోలింగ్‌ కేంద్రాల పరిశీలన తొగుట(దుబ్బాక): ఓటర్లకు ఇబ్బందులు కలుగకుండా పోలింగ్‌ కేంద్రాల్లో అన్ని సౌకర్యాలు కల్పించాలని జిల్లా ఎన్నికల అధికారి హైమావతి అధికారులను ఆదేశించారు. మండలంలోని గుడికందుల, పెద్ద మాసాన్‌పల్లి గ్రామాల్లో శుక్రవారం పోలింగ్‌ కేంద్రాలను పరిశీలించారు. ఈ సందర్భంగా అధికారులకు పలు సూచనలు చేశారు.

కొమురవెల్లి(సిద్దిపేట): కొమురవెల్లిలో ఈనెల 14న జరిగే మల్లన్న కల్యాణ ఏర్పాట్లను దేవాదాయ శాఖ జాయింట్‌ కమిషనర్‌ రామకృష్ణారావు గురువారం ఆలయ అధికారులతో కలిసి పరిశీలించారు. స్వామి వారి కల్యాణం జరిగే తోటబావి ప్రాంగణం, క్యూకాంప్లెక్స్‌, ఆలయ పరిసరాలను సందర్శించారు. అనంతరం ఆలయ కార్యాలయంలో అధికారులతో సమావేశం ఏర్పాటు చేసి తగు సూచనలు చేశారు. భక్తులకు ఇబ్బంది కలగకుండా చర్యలు తీసుకోవాలన్నారు. ఆలయ పరిసరాలలో శానిటేషన్‌ సమస్య తలెత్తకుండా చర్యలు చేపట్టాలని ఆదేశించారు. ఆయన వెంట ఏసీ సుధాకర్‌ రెడ్డి, డిప్యూటీ ఎగ్జిక్యూటివ్‌ ఇంజనీర్‌ ఓం ప్రకాశ్‌, ఆలయ ఈఓ వెంకటేశ్‌, ఏఈఓ బుద్ది శ్రీనివాస్‌, పర్యవేక్షకులు చంద్రశేఖర్‌లు ఉన్నారు. వెండి వస్తువుల బహూకరణ మల్లన్న స్వామికి అమీన్‌పూర్‌కు చెందిన భక్తులు తుమ్మల చంద్రశేఖర్‌ రెడ్డి 500 గ్రాములు వెండి వస్తువులను విరాళంగా గురువారం ఆలయ ఈఓ టంకసాల వెంకటేశ్‌కు అందిచారు. స్వామివారికి నైవేద్యం సమర్పించేందుకు ఉపయోగించే వెండి బాక్స్‌లను బహూకరించారు. అనంతరం స్వామి వారిని దర్శించుకుని ప్రత్యేక పూజలు నిర్వహించారు. కార్యక్రమంలో ఆలయ ప్రధానార్చకులు మహదేవుని మల్లికార్జున్‌, ముఖ్య అర్చకులు చిన్న మల్లికార్జున్‌, మనోహర్‌, శివప్రసాద్‌ తదితరులు పాల్గొన్నారు.

● మంత్రి పొన్నం ప్రభాకర్‌ ● ఏకగ్రీవంగా ఎన్నికై న సర్పంచ్‌ భూక్య రాజేశ్వరికి సన్మానం హుస్నాబాద్‌: ఇందుర్తి మాజీ ఎమ్మెల్యే బొమ్మ వెంకటేశ్వర్లు ఆశయాలను కొనసాగిస్తామని మంత్రి పొన్నం ప్రభాకర్‌ తెలిపారు. బొమ్మ వెంకటేశ్వర్లు జయంతిని పురస్కరించుకుని గురువారం ఆయన విగ్రహానికి మంత్రి పూల మాలలు వేసి నివాళులర్పించారు. ఈ సందర్భంగా మంత్రి మాట్లాడుతూ నేను విద్యార్థి దశలో ఉన్నప్పుడే బలహీన వర్గాల ఉద్యమం, సామాజిక న్యాయం కోసం పోరాడిన వ్యక్తి వెంకటేశ్వర్లు అని కొనియాడారు. ఈ ప్రాంతంలో దివంగత వైఎస్‌ రాజశేఖరరెడ్డి పాదయాత్ర సందర్బంగా ప్రజల ఆకాంక్ష గౌరవెల్లి ప్రాజెక్టు సాధన కోసం పని చేశారన్నారు. మార్గదర్శిగా ఉన్న బొమ్మ వెంకటేశ్వర్లు ఆశయాలను కొనసాగిస్తామని తెలిపారు. కార్యక్రమంలో జిల్లా గ్రంథాలయ సంస్థ చైర్మన్‌ కేడం లింగమూర్తి, సింగిల్‌ విండో చైర్మన్‌ బొలిశెట్టి శివయ్య, నాయకులు చిత్తారి రవీందర్‌, ఎండీ హస్సెన్‌ తదితరులు ఉన్నారు. సర్పంచ్‌, ఉప సర్పంచ్‌లకు సన్మానం హుస్నాబాద్‌ మండలం వంగ రామయ్య పల్లి సర్పంచ్‌గా ఏకగ్రీవంగా ఎన్నికై న భూక్య రాజేశ్వరి తిరుపతిని మంత్రి పొన్నం ప్రభాకర్‌ సత్కరించి అభినందించారు. అలాగే ఏకగ్రీవంగా ఎన్నికై న ఉప సర్పంచ్‌ దండుగుల రాజుతో పాటుగా వార్డు సభ్యులను సన్మానించారు.

మొదటి విడత పల్లె పోరులో పోటాపోటీగా ఫలితాలు సాక్షి, సిద్దిపేట: పంచాయతీ ఎన్నికల్లో ఓట్ల లెక్కింపు ఉత్కంఠ భరితంగా సాగింది. పోలీసుల భారీ బందోబస్తు మధ్య కౌంటింగ్‌ జరిగింది. హోరాహోరీగా సాగిన తొలివిడత పంచాయతీ ఎన్నికల ఫలితాలు అధికార, ప్రతిపక్షాలు పోటా పోటీగా సర్పంచ్‌లను దక్కించుకున్నారు. మొదటి విడత సర్పంచ్‌ ఎన్నికల్లో బీఆర్‌ఎస్‌ పార్టీ బలపరిచిన అభ్యర్థులే ఎక్కువగా విజయం సాధించారు. అధికార కాంగ్రెస్‌ పార్టీ సత్తా చాటింది. గ్రామ పంచాయతీ ఎన్నికలను రెండు పార్టీలు ప్రతిష్టాత్మకంగా తీసుకున్నాయి. దీంతో ఈ ఎన్నికలు రసవత్తరంగా సాగాయి. ఈ రెండు పార్టీల మద్దతుదారులు పోటాపోటీగా ప్రచారం చేశారు. వారం రోజుల పాటు ప్రచారాన్ని హోరెత్తించారు. పెద్ద మొత్తంలో ఎన్నికల్లో ఖర్చు చేశారు. మద్యం, మాంసం, విందులు ఇచ్చారు. కీలకమైన కులసంఘాలు, యువతను ఆకట్టుకునేందుకు అన్ని ప్రయత్నాలు చేశారు. బీఆర్‌ఎస్‌ బలంగా ఉన్న చోట.. తొలి విడతలో గజ్వేల్‌, జగదేవ్‌పూర్‌, మర్కూక్‌, వర్గల్‌, ములుగు, దౌల్తాబాద్‌, రాయపోలు మండలాల్లో ఎన్నికలు జరిగాయి. మొత్తం 163 గ్రామ పంచాయతీలకు ఎన్నికలు జరగగా బీఆర్‌ఎస్‌ పార్టీ 73 సర్పంచ్‌ స్థానాలు, కాంగ్రెస్‌ పార్టీ 64 సర్పంచ్‌లు, బీజేపీ 10 సర్పంచ్‌ స్థానాలు, ఇండిపెండెంట్లు 16 సర్పంచ్‌లు దక్కించుకున్నాయి. బీఆర్‌ఎస్‌ పార్టీల బలంగా ఉన్న చోట కాంగ్రెస్‌ సర్పంచ్‌లు గెలుపొందడంతో ఆ పార్టీ శ్రేణుల్లో జోష్‌ నెలకొంది. వికసించని కమలం కమలం పార్టీ మద్దతు దారులు ఈ ఎన్నికల్లో తమ ఉనికి చాటలేదు. గత పార్లమెంట్‌ ఎన్నికల్లో సత్తా చాటిన కమలం పార్టీ పంచాయతీ ఎన్నికలకు వచ్చే సరికి ఆ స్థాయిలో సత్తా చాటలేకపోయింది. మరోవైపు స్వతంత్రుల కంటే బీజేపీ సర్పంచ్‌లు తక్కువ మంది గెలుపొందారు.. ఆయా గ్రామాల్లో అభ్యర్థికి ఉన్న మంచి పేరుతో విజయం సాధించినట్లయింది. ఈ గ్రామాల ప్రజలు పార్టీలకు అతీతంగా స్వతంత్య్ర అభ్యర్థిని గెలిపించడం గమనార్హం. తూంకుంట ఇలాకాలో బీఆర్‌ఎస్‌.. మాజీ ఎమ్మెల్యే తూంకుంట నర్సారెడ్డి, డీసీసీ అధ్యక్షురాలు తూంకుంట ఆంక్షారెడ్డిది వర్గల్‌ మండల కేంద్రం.. అక్కడ బీఆర్‌ఎస్‌ పార్టీ బలపరిచిన అభ్యర్థి జయభారతి గెలుపొందారు. డీసీసీ అధ్యక్షురాలిగా ఆంక్షారెడ్డి నియమితులైన తర్వాత తొలి ఎన్నికల్లోనే పార్టీ బలపర్చిన అభ్యర్థి ఓటమి చెందారు. డ్రాతో సర్పంచ్‌గా గెలిచి.. మర్కూక్‌ మండలం గంగాపూర్‌–యూసుఫ్‌ఖాన్‌పల్లి సర్పంచ్‌గా పోటీ చేసిన ఇద్దరు బీఆర్‌ఎస్‌కు చెందిన వారే.. ఐతం శ్యామల, జంపల్లి లక్ష్మికి 194 ఓట్ల చొప్పున వచ్చాయి. డ్రా తీయగా శ్యామల గెలుపొందినట్లు అధికారులు ప్రకటించారు. డ్రా తీసినప్పుడు ఎవరి పేరు వచ్చిందో పూర్తిగా చూపించ కుండానే శ్యామల గెలుపొందారని ప్రకటించారని లక్ష్మి తన అనుచరులతో కలిసి ఆందోళన చేశారు. దీంతో పోలీసులు స్వల్పంగా లాఠీ చార్జీ చేశారు. ఈ ప్రకటనపై ఎన్నికల సంఘానికి ఫిర్యాదు చేస్తామని లక్ష్మి తెలిపారు.

88.05 శాతం పోలింగ్‌ నమోదు.. తొలి విడత 147 సర్పంచ్‌, 1,208 వార్డుల్లో ఎన్నికలు పోలింగ్‌ కేంద్రాలకు తరలివచ్చి ఓటేసిన పల్లె వాసులు సాక్షి, సిద్దిపేట: జిల్లాలో పల్లె ఓటరు ఓటెత్తారు. తొలి విడత గ్రామ పంచాయతీ ఎన్నికల్లో పెద్ద ఎత్తున ఓటర్లు పోలింగ్‌ కేంద్రాలకు తరలివచ్చి తమ ఓటు హక్కును వినియోగించుకున్నారు. గురువారం ఉదయం ఏడు గంటల నుంచి మధ్యాహ్నం ఒంటి గంట వరకు పోలింగ్‌ జరిగింది. మధ్యాహ్న భోజన విరామం అనంతరం రెండు గంటల నుంచి ఓట్ల లెక్కింపు ప్రక్రియ చేపట్టారు. జిల్లాలోని ఏడు మండలాల్లో పోలింగ్‌ జరిగింది. గజ్వేల్‌ అసెంబ్లీ నియోజకవర్గంలోని గజ్వేల్‌, మర్కూక్‌, జగదేవ్‌పూర్‌, ములుగు, వర్గల్‌, దుబ్బాక నియోజకవర్గంలోని దౌల్తాబాద్‌, రాయపోలు మండలాలల్లో ఎన్నికలు జరిగాయి. ఏకగ్రీవమైన స్థానాలు మినహాయించి 147 సర్పంచ్‌, 1,208వార్డు సభ్యుల స్థానాలకు పోలింగ్‌ ప్రశాంతంగా ముగిసింది. చలి తీవ్రత కారణంగా... ఉదయం 7 గంటలకు పోలింగ్‌ ప్రక్రియ ప్రారంభమైంది. చలి తీవ్రత ఎక్కువగా ఉండటంతో తొలి గంట సేపు పోలింగ్‌ నెమ్మదిగా సాగింది. 8 గంటల నుంచి ఊపందుకుంది. పోలింగ్‌కు ఆరు గంటల సమయం ఉండటంతో పోలింగ్‌ కేంద్రాలకు త్వరగా వచ్చారు. హైదరాబాద్‌కు ఉపాధికి, ఉద్యోగ కోసం వెళ్లిన పల్లె ఓటర్లు తమ సొంత గ్రామానికి చేరకుని ఓటు వేశారు. చాలా మంది ఓటర్లను అభ్యర్థులు తమ సొంత వాహనాల్లో పోలింగ్‌ కేంద్రాలకు తరలించారు. చివరి అరగంట పోలింగ్‌ కేంద్రాల వద్ద హడావుడి కనిపించింది. మధ్యాహ్నం ఒంటి గంట వరకు పోలింగ్‌ కేంద్రాలకు చేరుకున్న ఓటర్లందరికీ ఓటు వేసే అవకాశం కల్పించారు. జిల్లా ఎన్నికల అధికారి, కలెక్టర్‌ హైమావతి, సీపీ విజయ్‌ కుమార్‌ పర్యవేక్షించారు. భారీగా పోలింగ్‌.. తొలివిడత పోలింగ్‌ భారీగానే నమోదైంది. ఏకంగా 88.05 శాతం నమోదైంది. రాయపోలు మండలంలో అత్యధికంగా 89.59 శాతం పోలింగ్‌ నమో దైంది. అత్యల్పంగా జగదేవ్‌పూర్‌లో 84.27 శాతం ఓట్లు పోలయ్యాయి. మహిళలు అత్యధికంగా ఓటు హక్కును వినియోగించుకున్నారు.ఓటింగ్‌ సరళి ఇలా.. ఉదయం 9 గంటల వరకు పోలైన ఓట్లు: 44,995 (24.46 శాతం) 11 గంటల వరకు ఇలా: 1,10,488 (60.06 శాతం) మధ్యాహ్నం 1 గంట వరకు : 1,47,348 (80.10 శాతం) పోలింగ్‌ ముగిసే సమయం వరకు : 1,61,971 (88.05 శాతం)

గజ్వేల్‌రూరల్‌: గజ్వేల్‌ మండలం జాలిగామలో గురువారం జరిగిన ఎన్నికల్లో ఉద్రిక్త వాతావరణం చోటు చేసుకుంది. ఓటర్లను ప్రలోభ పెడుతూ ప్రచా రం నిర్వహిస్తున్నట్లు అందిన సమాచారంతో పోలీసులు గ్రామానికి చెందిన కాంగ్రెస్‌ పార్టీ సర్పంచ్‌ అభ్యర్థి తాళ్ల లావణ్య భర్త నవీన్‌గౌడ్‌ను, 4వ వార్డు స్వతంత్ర అభ్యర్థి కరుణాకర్‌ భార్య అనసూయలను అదుపులోకి తీసుకున్నారు. అదే విధంగా పోలింగ్‌ కేంద్రం సమీపంలో గుంపులుగుంపులుగా వస్తుండటంతో పోలీసులు వారిని చెదరగొట్టే ప్రయత్నం చేయడంతో ఉద్రిక్త వాతావరణం నెలకొంది. బహిలంపూర్‌లో.. ములుగు(గజ్వేల్‌): మండల పరిధి బహిలంపూర్‌లో స్వల్ప ఉద్రిక్తత చోటుచేసుకుంది. పోలింగ్‌ కేంద్రం సమీపంలో అధికారులు నిర్దేశించిన ప్రదేశంలో వేచిఉన్న వారిని పోలీసులు అక్కడినుంచి పంపించే క్రమంలో గ్రామస్తులకు, పోలీసులకు వాగ్వివాదం చోటుచేసుకుంది. దీంతో ఉన్నతాధికారులు జోక్యం చేసుకుని గ్రామస్తులకు నచ్చజెప్పడంతో సమస్య సద్దుమణిగింది.

● సొంత వనరులతో పాటు కేంద్ర, రాష్ట్ర ప్రభుత్వాల గ్రాంట్లు ● ఆయా నిధులతోనే మౌలిక, సామాజిక వసతుల కల్పన ● మూడు రకాలుగా సమకూరనున్న ఆదాయం జహీరాబాద్‌: గ్రామ పంచాయతీ ఎన్నికల ప్రక్రియ కొనసాగుతోంది. త్వరలో కొత్త పాలక మండలి ఏర్పడనుంది. ఈ క్రమంలో గ్రామాభివృద్ధి సంక్షేమ కార్యక్రమాలు చేపట్టేందుకు నిధుల అవసరం ఎంతో ఉంటుంది. ఇందు కోసం గ్రామ పంచాయతీలు ముఖ్యంగా సొంత వనరులను సమకూర్చుకోవడంతో పాటు కేంద్ర, రాష్ట్ర ప్రభుత్వాల నుంచి గ్రాంట్ల రూపంలో నిధులు పొందుతాయి. కర్మాగారాల నుంచి సీఎస్‌ఆర్‌ నిధులు కూడా కేటాయింపులు జరుగుతాయి. పంచాయతీలు విధించే పన్నులు, రుసుముల ద్వారా ఆదాయం పొందుతాయి. ఇంటి, నల్లా, వృత్తి, వ్యాపార పన్నులు, వారపు సంతలు, మార్కెట్ల నిర్వహణ, పంచాయతీకి చెందిన భవనాలు, ఖాళీ స్థలాల వంటి ఆస్తులు అద్దెకు ఇవ్వడం ద్వారా ఆదాయాన్ని సమకూర్చుకుంటాయి. కేంద్ర ప్రభుత్వ నిధులు ఐదు సంవత్సరాలకు ఒకసారి కేంద్ర ఆర్థిక సంఘం సిఫార్సుల మేరకు నేరుగా గ్రామ పంచాయతీ ఖాతాల్లోకి కేంద్ర ఆర్థిక సంఘం గ్రాంట్లు బదిలీ అవుతాయి. ఇవి పారిశుద్ధ్యం మౌలిక వసతుల కల్పనకు ఉపయోగపడతాయి. జాతీయ గ్రామీణ ఉపాధి హామీ పథకం ద్వారా గ్రామాల్లో అభివృద్ధి పనులకు, కూలీల వేతనాలకు నిధులు అందుతాయి. స్వచ్ఛ భారత్‌ మిషన్‌ ద్వారా గ్రామ పారిశుద్ధ్య, ఘన వ్యర్థాల నిర్వహణకు నిధులు కేటాయిస్తారు. ప్రధానమంత్రి గ్రామ సడక్‌ యోజన వంటి పథకాలతో గ్రామీణ ప్రాంతాల అభివృద్ధికి, రోడ్ల నిర్మాణానికి నిధులు మంజూరవుతాయి. కేంద్ర ప్రభుత్వం 2019లో ప్రారంభించిన జల్‌ జీవన్‌ మిషన్‌ ద్వారా శుద్ధమైన తాగునీటి సరఫరాకు నిధులు విడుదల చేస్తోంది. రాష్ట్ర ప్రభుత్వం నుంచి.. రాష్ట్ర ప్రభుత్వం స్టాంపు డ్యూటీ వాటా చెల్లిస్తుంది. భూముల కొనుగోలు, రిజిస్ట్రేషన్ల ద్వారా ప్రభుత్వానికి వచ్చే స్టాంపు డ్యూటీలో కొంత వాటాను పంచాయతీలకు అందిస్తుంది. రాష్ట్ర ఆర్థిక సంఘం సిఫార్సుల మేరకు అభివృద్ధి, నిర్వహణ ఖర్చుల కోసం ప్రభుత్వం సాధారణ గ్రాంట్లు విడుదల అవుతాయి. ప్రత్యేక అవసరాల కోసం ముఖ్యమంత్రి హామీల అమలుకు, ఇతర కార్యక్రమాలకు రాష్ట్ర ప్రభుత్వం నిధులు విడుదల చేస్తుంది. గ్రామ పంచాయతీ ఖర్చులను మూడు రకాలుగా పరిశీలించవచ్చు. కార్యాలయ నిర్వహణ, పాలనా వ్యయాలు, రోడ్లు, డ్రైనేజీ, వీధి దీపాలు, పచ్చదనం నిర్వహణ, సామాజిక కార్యక్రమాలకు నిధులు వ్యయం చేస్తారు. ప్రజలు కేంద్ర ప్రభుత్వ ఈ గ్రామ స్వరాజ్‌ పోర్టల్‌ ద్వారా పంచాయతీకి కేటాయించిన బడ్జెట్‌, ఖర్చుల వివరాలు, ఆడిట్‌ నివేదికను సులభంగా పరిశీలించవచ్చు. ఇది గ్రామాభివృద్ధిలో జవాబుదారీ తనాన్ని పెంచుతుంది.

హుస్నాబాద్‌: గౌరవెల్లి ప్రాజెక్టుకు మాజీ ఎమ్మెల్యే బొమ్మ వెంకటేశ్వర్లు పేరు పెట్టాలని మంత్రి పొన్నం ప్రభాకర్‌కు విజ్ఞప్తి చేస్తామని కాంగ్రెస్‌ నాయకులు అన్నారు. గురువారం కాంగ్రెస్‌ పార్టీ ఆధ్వర్యంలో బొమ్మ వెంకటేశ్వర్లు జయంతి కార్యక్రమాన్ని నిర్వహించారు. ఆయన విగ్రహానికి పూల మాలలు వేసి నివాళులు అర్పించారు. ఈ సందర్బంగా జిల్లా గ్రంథాలయ సంస్థ చైర్మన్‌ కేడం లింగమూర్తి మాట్లాడుతూ గౌరవెల్లి ప్రాజెక్టు బీజం పడింది వెంకటేశ్వర్లు కృషి వల్లేనని కొనియాడారు. ఈ ప్రాంతంలో బస్‌ డిపో, కోర్టు, డిగ్రీ కళాశాలల ఏర్పాటుకు విశేషంగా కృషి చేశారన్నారు. పేద ప్రజల అభ్యున్నతికి తోడ్పాటును అందించారన్నారు. నియోజకవర్గంలో కాంగ్రెస్‌ పార్టీ బలోపేతానికి కృషి చేశారన్నారు. కార్యక్రమంలో రాష్ట్ర హౌస్‌ ఫెడ్‌ మాజీ చైర్మన్‌ బొమ్మ శ్రీరాంచక్రవర్తి, సింగిల్‌ విండో చైర్మన్‌ బొలిశెట్టి శివయ్య, మార్కెట్‌ కమిటీ చైర్మన్‌ తిరుపతి రెడ్డి, నాయకులు తదితరులు ఉన్నారు.

సాక్షి, సిద్దిపేట: ఆల్జీబ్రా.. గుండె గాబరా అనే చందంగా లెక్కలంటే కొందరు విద్యార్థులకు చెప్పలేనంత భయం. పరీక్షల్లో మిగతా సబ్జెక్టుల్లో ఎక్కువ మార్కులు సాధిస్తున్నా మ్యాథ్స్‌లో మాత్రం జస్ట్‌ పాస్‌ మార్కులతో గట్టెక్కడం లేదా ఫెయిల్‌ అవుతూ ఉంటారు. అదే సమయంలో ఆటపాటలను మాత్రం ఎంతో ఇష్టపడుతుంటారు. విద్యార్థుల్లో గణితంపట్ల ఉన్న ఈ భయాన్ని పోగొట్టి లెక్కలంటే ఇష్టం పెంచేందుకు సిద్దిపేట జిల్లా వర్గల్‌లోని జవహర్‌ నవోదయ విద్యాలయం సరికొత్త ఆలోచనకు శ్రీకారం చుట్టింది. విద్యాలయం ప్రాంగణంలో దాదాపు 500 గజాల విస్తీర్ణంలో మ్యాథ్స్‌ థీమ్‌ పార్కును ఏర్పాటు చేసింది. 6వ తరగతి నుంచి 12వ తరగతి వరకు విద్యార్థులకు ఉపయోగపడేలా థీమ్‌ పార్కును తీర్చిదిద్దింది. తరగతి గదిలో బోధనతోపాటు ఓపెన్‌ స్పెస్‌ లర్నింగ్‌ ద్వారా విద్యార్థులు సులువుగా, త్వరగా అర్థం చేసుకునేలా గణితం ఉపాధ్యాయులు అమ్మని, శేషు, అనిల్‌ కుమార్‌ పాఠాలు బోధిస్తున్నారు. వారంలో రెండు క్లాస్‌లను మ్యాథ్స్‌ పార్క్‌లో ప్రత్యక్షంగా వివిధ ఆకారాలను చూపిస్తూ బోధిస్తున్నారు. సర్కిల్‌ తీరంస్, టైప్‌ ఆఫ్‌ యాంగిల్స్, ట్రైయాంగిల్స్, క్వాడ్రిలేటరల్స్, ఎక్స్‌టర్నల్, పైథాగరస్‌ పెంటగాన్, కోన్, ట్రైయాంగిల్‌ ప్రిజం, స్క్వేర్‌ ప్రిజం, త్రీ డైమన్షనల్‌ ప్లేన్, సిలిండర్, క్యూబ్, క్యూబాయిడ్, పిరమిడ్‌ వంటి ఆకారాలతో పార్క్‌ను నిర్మించారు. అందులో ల్యాడర్‌ గేమ్, ప్రైమ్‌ ఫాక్టర్స్‌ ఆటలను ఆడిస్తూ తరగతులు చెబుతున్నారు. జామెట్రికల్, టూడీ, త్రీడీ, సాలిడ్‌ ఫిగర్స్, క్షేత్ర సమితి, వైశాల్యాలు, ఘన పరిమాణాలు, సమాంతర రేఖలు, గ్రాఫ్‌లపై విద్యార్థులకు మెరుగైన అవగాహన కల్పిస్తున్నారు. విద్యార్థుల్లో స్ఫూర్తి నింపేందుకు పార్క్‌ మధ్యలో ప్రఖ్యాత గణిత మేధావి శ్రీనివాస రామానుజన్‌ విగ్రహాన్ని ఏర్పాటు చేశారు.సులభంగా అర్థమవుతోంది మ్యాథ్స్‌ థీమ్‌ పార్క్‌లో వివిధ తీరంస్‌ను చూపిస్తూ ప్రత్యక్షంగా బో«ధించడంతో సులభంగా అర్థమవుతోంది. వివిధ యాంగిల్స్‌ గురించి ఇలా నేర్పించడంతో ఎప్పటికీ గుర్తుండి పోతాయి. ఓపెన్‌ స్పేస్‌ లర్నింగ్‌ ఎంతో ఉపయోగపడుతోంది. – అఖిలేష్, 7వ తరగతి ఓపెన్‌ లర్నింగ్‌లో భాగమే.. విద్యార్థులు చూస్తూ నేర్చుకోవడంతో ఎప్పటికీ గుర్తుండిపోతాయి. విద్యార్థులకు తరగతి గదిలోనే బోధన కాకుండా ఓపెన్‌ లర్నింగ్‌ ద్వారా విద్యను అందిస్తున్నాం. హ్యాండ్స్‌ ఆన్‌ యాక్టివిటీలో భాగంగా మ్యాథ్స్‌ పార్క్‌ను నిర్మించాం. పీఎంశ్రీ పథకం, పాఠశాల నిధులతో ఈ పార్క్‌ను ఏర్పాటు చేశాం. – రాజేందర్, ప్రధానోపాధ్యాయుడు, నవోదయ విద్యాలయ, వర్గల్‌

దుబ్బాక/వర్గల్‌: పంచాయతీ ఎన్నికల పర్వం తుదిఅంకానికి చేరుకోవడంతో అభ్యర్థుల్లో టెన్షన్‌ నెలకొంది. గెలుపే లక్ష్యంగా ముమ్మర ప్రచారం కొనసాగించిన అభ్యర్థులు బుధవారం ఓటరు దేవుని ప్రసన్నం కోసం చిట్టచివరి ప్రయత్నం వదలలేదు. గుట్టు చప్పుడు కాకుండా కొన్ని గ్రామాల్లో ఓటర్లకు తాయిళాలు, నగదు, మద్యం పంపిణీ చేసినట్లు సమాచారం. ఇదిలా ఉంటే.. తొలి విడత ఎన్నికలు జరుగుతున్న గ్రామాల్లోని సర్పంచ్‌, వార్డు సభ్యుల కుటుంబాల్లో తీవ్ర అయోమయ పరిస్థితులు నెలకొన్నాయి. గురువారం మొదటి విడత పంచాయతీ ఎన్నికలు జరుగుతుండటం.. పోలింగ్‌ ముగిసిన వెంటనే ఓట్ల లెక్కింపు కానుండటంతో పోటీలో ఉన్న అభ్యర్థుల గుండెల్లో గుబులు నెలకొంది. ఇన్ని రోజులు సర్వశక్తులు ఒడ్డి ప్రచారాలు.. ప్రలోభాలు చేపట్టాం.. ఇప్పుడు ఏం జరుగుతుందో? తీర్పు ఎలా ఉంటుందో? నన్న తీవ్ర ఉత్కంఠ వారిలో నెలకొంది. గెలవకుంటే ఎట్లా..? ‘ఉన్న ఆస్తులు తాకట్టు పెట్టాం.. అమ్ముకున్నాం.. అప్పులు తెచ్చి ఎన్నికల్లో నిలబడ్డాం ఓటర్ల తీర్పు ఎలా ఉంటుందో..’ అంటూ పోటీలో ఉన్న అభ్యర్థులు తీవ్ర కలవరం చెందుతున్నారు. గెలవకుంటే ఎట్లా అన్న సందిగ్ధం వారిలో నెలకొంది. ఏదేమైనా ఈ పంచాయతీ ఎన్నికలు పోటీలో ఉన్న అభ్యర్థులకు కంటిమీద కునుకులేకుండా చేశాయి. ఎవరు గెలుస్తారో, ఎవరు ఓడుతారో కొన్ని గంటల్లో తేలనుంది. అభ్యర్థుల్లో టెన్షన్‌ నేడు తేలనున్న భవితవ్యం

ప్రశాంత్‌నగర్‌(సిద్దిపేట): మానవ హక్కుల పరిరక్షణ బాధ్యత అందరిపై ఉందని అదనపు సీనియర్‌ జడ్జి సంతోష్‌కుమార్‌ విద్యార్థులకు సూచించారు. జాతీయ మానవ హక్కుల దినోత్సవం పురస్కరించుకుని బుధవారం జిల్లా కేంద్రంలోని ప్రభుత్వ బాలికల ఉన్నత పాఠశాలలో అవగాహన కార్యక్రమం నిర్వహించారు. ముఖ్య అతిథిగా హాజరైన అదనపు సీనియర్‌ జడ్జి సంతోష్‌కుమార్‌ మాట్లాడుతూ ప్రతి ఒక్కరికి సమాజంలో స్వేచ్ఛగా జీవించే హక్కు ఉందన్నారు. మానవ హక్కులకు భంగం వాటిల్లకుండా చేసుకునే హక్కు అందరికీ ఉందన్నారు. భంగం వాటిల్లితే మానవ హక్కుల కమిషన్‌కు ఫిర్యాదు చేయాలన్నారు. కార్యక్రమంలో లీగల్‌ ఎయిడ్‌ డిఫెన్స్‌ కౌన్సిల్‌ డిప్యూటీ చీఫ్‌ శరత్‌బాబు, ప్రధానోపాధ్యాయులు, ఉపాధ్యాయులు తదితరులు పాల్గొన్నారు. 010 ఖాతా ద్వారా జీతాలు చెల్లించాలి గజ్వేల్‌రూరల్‌: ఉద్యోగుల వేతనాలను 010 ఖాతా ద్వారా చెల్లించాలని గజ్వేల్‌ ప్రభుత్వాసుపత్రి సిబ్బంది డిమాండ్‌ చేశారు. ఈ సందర్భంగా బుధవారం గజ్వేల్‌ పట్టణంలోని ప్రభుత్వాస్పత్రి సూపరింటెండెంట్‌ అన్నపూర్ణకు వినతిపత్రం అందజేశారు. అనంతరం వారు మాట్లాడుతూ వైద్య విధాన పరిషత్‌ను రద్దు చేసి డైరెక్టర్‌ ఆఫ్‌ సెకండరీ హెల్త్‌ సర్వీసెస్‌ ఏర్పాటుకు సంబంధించిన ప్రక్రియను త్వరితగతిన పూర్తి చేయాలన్నారు. ప్రభుత్వ ప్రధాన ఖాతా (010) ద్వారా వేతనాలు చెల్లించడం ద్వారా పారదర్శకత, ఉద్యోగ భద్రత అంశాల్లో స్పష్టత లభిస్తుందని తెలిపారు. ప్రభుత్వం తమ సమస్యల పరిష్కారానికి చొరవ చూపాలని విజ్ఞప్తి చేశారు. కార్యక్రమంలో ఆర్‌ఎంఓలు, వైద్యు లు, నర్సింగ్‌ అధికారులు, పారా వైద్య సిబ్బంది, కార్మికులు పాల్గొన్నారు. ఆన్‌డ్యూటీగా పరిగణించండి ప్రశాంత్‌నగర్‌(సిద్దిపేట): గ్రామ పంచాయతీ ఎన్నిలలో విధులు నిర్వహిస్తున్న ఉపాధ్యాయులకు పోలింగ్‌ మరుసటి రోజు ఓడీ (ఆన్‌ డ్యూటీ)గా పరిగణించాలని యూటీఎఫ్‌ నాయకులు కోరారు. బుధవారం యూటీఎఫ్‌ ఆధ్వర్యంలో జిల్లా విద్యాశాఖ అధికారి శ్రీనివాస్‌ రెడ్డికి వినతి పత్రం అందజేశారు. ఈ సందర్భంగా యూటీఎఫ్‌ నాయకులు మాట్లాడుతూ జిల్లాలో మూడు విడతల్లో జరుగుతున్న గ్రామపంచాయతీ ఎన్నికల్లో విధులు నిర్వహిస్తున్న ఉపాధ్యాయులకు పోలింగ్‌ డే మరుసటి రోజున విధులకు రావడం సాధ్యం కాదన్నారు. అందువలన పోలింగ్‌ మరుసటి రోజున ఓడీ ఇవ్వాలన్నారు. ఈ అంశాన్ని కలెక్టర్‌ దృష్టికి తీసుకువెళ్తానని డీఈఓ తెలిపారన్నారు. కార్యక్రమంలో జిల్లా ప్రధాన కార్యదర్శి తప్పెట్ల యాదగిరి, జిల్లా కార్యదర్శి గ్యార ప్రవీణ్‌ కుమార్‌, జిల్లా కమిటీ సభ్యులు తలారి కనకయ్య, కిషన్‌, గెజిటెడ్‌ ప్రధానోపాధ్యాయులు పాల్గొన్నారు. నేడు పత్తి కొనుగోళ్లు బంద్‌ గజ్వేల్‌రూరల్‌: స్థానిక సంస్థల ఎన్నికలు జరగనున్న నేపథ్యంలో సీసీఐ ఆధ్వర్యంలో పత్తి కొనుగోళ్లను నిలిపివేస్తున్నట్లు అధికారులు బుధవారం ఒక ప్రకటనలో పేర్కొన్నారు. గురువారం గజ్వేల్‌ మండలం పిడిచెడ్‌ సమీపంలోని ఈశ్వరసాయి కాటన్‌ ఇండస్ట్రీస్‌, సాయి బాలాజీ కాటన్‌ ఇండస్ట్రీస్‌, శివగంగా కాటన్‌ ఇండస్ట్రీస్‌(బయ్యారం)తో పాటు పట్టణ శివారులోని శ్రీ వాసవి కాటన్‌ ఇండస్ట్రీస్‌(జిన్నింగ్‌ మిల్‌)లలో సీసీఐ ఆధ్వర్యంలో పత్తి కొనుగోళ్లు జరగవని తెలిపారు. ఎన్నికలు జరిగే రోజున కపాస్‌ కిసాన్‌ యాప్‌లో స్లాట్‌ బుకింగ్‌ ఉండదని, గజ్వేల్‌ వ్యవసాయ మార్కెట్‌ కమిటీ మూసి ఉంటుందని తెలిపారు. రైతులు విషయాన్ని గుర్తించి సహకరించాలని కోరారు.

● అధికారుల అనుమతి తర్వాతే ఫలితాలు వెల్లడించాలి ● జిల్లా ఎన్నికల అధికారి, కలెక్టర్‌ హైమావతిములుగు(గజ్వేల్‌): గ్రామ పంచాయతీ ఎన్నికల కౌంటింగ్‌ ప్రక్రియ అత్యంత పారదర్శకంగా నిర్వహించాలని, పై అధికారుల అనుమతితో ఫలితాలను విడుదల చేయాలని జిల్లా ఎన్నికల అధికారి, కలెక్టర్‌ కె.హైమావతి సూచించారు. ములుగు మండల కేంద్రంలోని రైతువేదిక వద్ద ఏర్పాటు చేసిన డిస్ట్రిబ్యూషన్‌, రిసెప్షన్‌ సెంటర్లను ఆమె బుధవారం పరిశీలించారు. కలెక్టర్‌ మాట్లాడుతూ పీఓ, ఓపీఓలకు బ్యాలెట్‌ బ్యాక్స్‌ ఉపయోగించే ప్రక్రియ గురించి ఎలాంటి సందేహాలున్నా మాస్టర్‌ ట్రైనర్‌లను అడిగి పరిష్కరించుకోవాలని తెలిపారు. పోలింగ్‌ మెటీరియల్‌తో పోలింగ్‌ స్టేషన్లకు వెళ్లిన సిబ్బంది ఫర్నిఛర్‌, బ్యాలెట్‌ బాక్స్‌లు, ఆయా మెటీరియల్‌ను సరిచేసుకోవాలని సూచించారు. ఓటింగ్‌ ప్రక్రియ తప్పనిసరిగా ఉదయం 7 గంటలకు మొదలు పెట్టాలన్నారు. ప్రతి 2 గంటలకు ఒకసారి పోలింగ్‌ శాతాన్ని తెలపాలని అధికారులను ఆదేశించారు. మధ్యాహ్నం ఒంటి గంట వరకు పోలింగ్‌ కేంద్రంలో ఉన్న ఓటర్లకు ఓటు వేసుకునే అవకాశం కల్పించాలని, ఆతరువాతే బ్యాలెట్‌ బాక్స్‌లకు సీల్‌ వేయాలన్నారు. మధ్యాహ్నం 2 గంటలకు కౌంటింగ్‌ ప్రక్రియ ప్రారంభిచాలని తెలిపారు. కౌంటింగ్‌ కేంద్రాలలోకి ఏజెంట్లు, పోలింగ్‌ సిబ్బందికి ఫోన్‌ల అనుమతి లేదన్నారు. ఎన్నికల సిబ్బందికి కావాల్సిన సౌకర్యాలు పంచాయతీ కార్యదర్శులు సమకూరుస్తారని తెలిపారు. ఎన్నికల విధులకు గైర్హాజరు అయిన వారిపై కఠిన చర్యలు తీసుకుంటామన్నారు. అందరూ సహకరించాలి గజ్వేల్‌: ప్రశాంత వాతావరణంలో ఎన్నికలు జరిగేలా అంతా సహకరించాలని కలెక్టర్‌ హైమావతి సూచించారు. బుధవారం గజ్వేల్‌ ఐఓసీ (ఇంటిగ్రేటెడ్‌ ఆఫీస్‌ కాంప్లెక్స్‌)లోని ఎన్నికల సామగ్రి పంపిణీ కేంద్రాన్ని సందర్శించారు. ఈ సందర్భంగా అధికారులకు పలు సూచనలు చేశారు. గజ్వేల్‌, దుబ్బాక నియోజకర్గాల్లోని 147 సర్పంచ్‌ స్థానాలు, మరో 1208 వార్డు సభ్యుల స్థానాలకు మొదటి విడత పోలింగ్‌ జరుగుతోందని చెప్పారు. 33 సమస్యాత్మక కేంద్రాలను గుర్తించామని, ఇందులో 5 కేంద్రాల్లో వెబ్‌కాస్టింగ్‌, మిగిలిన చోట మైక్రోఅబ్జర్వర్ల నిఘా ఉంటుందన్నారు. ప్రతి ఒక్కరూ ఎన్నికల కమిషన్‌ నిబంధనలు పాటించాలన్నారు. ఓటర్లు ఓటు వేయడానికి వచ్చే సందర్భాల్లో తమ వెంట తప్పనిసరిగా గుర్తింపుకార్డును తెచ్చుకోవాలన్నారు. నిబంధనలు పాటించకతప్పకపోతే చర్యలు తప్పవన్నారు.

మొదటి విడత పోలింగ్‌కు సర్వం సిద్ధంపోలింగ్‌ సామగ్రితో సిబ్బందిగజ్వేల్‌: జిల్లాలో గురువారం జరగనున్న మొదటి విడత పంచాయతీ ఎన్నికలకు అధికారులు సర్వం సిద్ధం చేశారు. ఉదయం 7 నుంచి ఒంటి గంట వరకు పోలింగ్‌ జరగనుంది. మధ్యాహ్నం 2గంటల తర్వాత ఓట్ల లెక్కింపు చేపట్టనున్నారు. గజ్వేల్‌ నియోజకవర్గంలోని గజ్వేల్‌, ములుగు, వర్గల్‌, జగదేవ్‌పూర్‌, మర్కూక్‌తోపాటు దుబ్బాక నియోజకవర్గంలోని రాయపోల్‌, దౌల్తాబాద్‌ మండలాల్లో 163 పంచాయతీలున్నాయి. ఇందులో 16 సర్పంచ్‌, 224 వార్డులు ఏకగ్రీవం కాగా మిగిలిన 147 సర్పంచ్‌, 1208వార్డుల్లో పోలింగ్‌ జరగనున్నది. ఎన్నికల సామగ్రి పంపిణీ.. ఎన్నికల సిబ్బందికి అధికారులు సామగ్రి అందజేశారు. గజ్వేల్‌ మండలానికి సంబంధించి పట్టణంలోని ఐఓసీ(ఇంటిగ్రేటెడ్‌ ఆఫీస్‌ కాంప్లెక్స్‌)లో, మర్కూక్‌ మండలానికి జిల్లా పరిషత్‌ ఉన్నత పాఠశాలలో, ములుగు మండలానికి రైతు వేదిక, వర్గల్‌ మండలానికి ప్రభుత్వ జూనియర్‌ కళాశాలలో, జగదేవ్‌పూర్‌ మండలానికి ఎస్‌వీ ఫంక్షన్‌ హాల్‌లో, దౌల్తాబాద్‌ మండలానికి తెలంగాణ మోడల్‌ స్కూల్‌లో, రాయపోల్‌ మండలానికి జీఎల్‌ఆర్‌ ఫంక్షన్‌హాలులో ఎన్నికల సామగ్రి పంపిణీ కేంద్రాలను ఏర్పాటు చేశారు. గజ్వేల్‌, ములుగు, రాయపోల్‌, దౌల్తాబాద్‌ సామాగ్రి పంపిణీ కేంద్రాలను కలెక్టర్‌ హైమావతి, అధికారులు పోలింగ్‌ నిర్వహణపై సూచనలు చేశారు. సాయంత్రం పోలింగ్‌ సిబ్బంది తమకు కేటాయించిన కేంద్రాలకుసామగ్రితో తరలివెళ్లారు. పటిష్టమైన భద్రతా ఏర్పాట్లు పోలింగ్‌ ప్రశాంతంగా జరిగేలా పోలీసు శాఖ పటిష్టమైన భద్రతా ఏర్పాట్లను చేపట్టింది. ఇందులోభాగంగా ఇద్దరు అదనపు ఎస్పీలు, ముగ్గురు ఏసీపీలు, 15మంది సీఐలు, 35మంది ఎస్‌ఐలు, రెండు ఫ్లటూన్లు, 900మంది ఏఎస్‌ఐలు, హెడ్‌కానిస్టేబుళ్లు కలుపుకొని 1010 మంది పోలీసు సిబ్బందిని నియమించినట్లు గజ్వేల్‌ ఏసీపీ నర్సింహులు తెలిపారు. మండలాల వారీగా ఓటర్ల వివరాలు.. గజ్వేల్‌ మండలంలో 34,006మంది ఓటర్లు ఉండగా, ఇందులో 16,544 మంది పురుషులు, 17,460మంది మహిళలు, మరో ఇద్దరు ఇతరులు ఉన్నారు. ములుగు మండలంలో 31,055మంది ఓటర్లు ఉన్నారు. ఇందులో 15,450మంది పురుషులు, 15,605మంది మహిళలు ఉన్నారు. మర్కూక్‌ మండలంలో 19,493 మంది ఓటర్లుకుగానూ 9,575మంది పురుషులు, 9,918మంది మహిళలు ఉన్నారు. వర్గల్‌ మండలంలో 29,241ఓటర్లు ఉన్నారు. ఇందులో 14,458మంది పురుషులు, 14,783 మంది మహిళలు ఉన్నారు. జగదేవ్‌పూర్‌ మండలంలో 31,298మంది ఓటర్లకుగానూ 15,305మంది పురుషులు, 15,993మంది మహిళలు ఉన్నారు. దౌల్తాబాద్‌ మండలంలో 24,484మంది ఓటర్లకుగానూ 11,974మంది పురుషులు, 12,510మంది మహిళలు ఉన్నారు. రాయపోల్‌ మండలంలో 21,529మంది ఓటర్లకుగానూ 10,524మంది పురుషులు, 11,005మంది మహిళలు ఉన్నారు. పోలింగ్‌ అధికారులు, సహాయ పోలింగ్‌ అధికారులు, వెబ్‌కాస్టింగ్‌, మైక్రో అబ్జర్వర్లు, జోనల్‌ అధికారులు, రూట్‌ అధికారులు కలుపుకొని మొత్తంగా 3,600మందికిపైగా నియమించారు. పోలీస్‌ శాఖ ఆధ్వర్యంలో భద్రత కట్టుదిట్టం 147 సర్పంచ్‌, 1208 వార్డుల స్థానాల్లో ఎన్నికలు ఉదయం ఏడు నుంచి మధ్యాహ్నం ఒంటి గంట వరకు పోలింగ్‌ 2 గంటల నుంచి ఓట్ల లెక్కింపు ఏర్పాట్లను పరిశీలించిన కలెక్టర్‌ఏకగ్రీవమైన సర్పంచ్‌ స్థానాలు ఇవే.. రంగంపేట(గజ్వేల్‌), ఎర్రవల్లి, నర్సన్నపేట(మర్కూక్‌), జప్తి సింగాయపల్లి(ములుగు), పలుగుగడ్డ, బీజీ వెంకటాపూర్‌, నిర్మల్‌నగర్‌, అనంతసాగర్‌, కొండాపూర్‌(జగదేవ్‌పూర్‌), గుంటిపల్లి, చాంద్‌ఖాన్‌మక్త, తునికి మక్త(వర్గల్‌) ఆరేపల్లి, కొత్తపల్లి(రాయపోల్‌), నర్సంపల్లి, లింగాయపల్లి తండా(దౌల్తాబాద్‌)లు ఉన్నాయి.

ఎన్నికల పరిశీలకురాలు నిశాంతి చేర్యాల(సిద్దిపేట): సర్పంచ్‌, వార్డు సభ్యుల అభ్యర్థులు ఎన్నికల ఖర్చుల వివరాలు తప్పనిసరిగా సమర్పించాలని వ్యయ పరిశీలకురాలు నిశాంతి అన్నారు. పంచాయతీ ఎన్నికల్లో భాగంగా బుధవారం మండల పరిధిలోని ముస్త్యాల రైతు వేదికలో నిర్వహించిన సమావేశంలో సర్పంచ్‌, వార్డు సభ్యులుగా పోటీ చేస్తున్న అభ్యర్థులకు ఖర్చుల నిర్వహణపై అవగాహన కల్పించారు. ఈ సమావేశంలో వ్యయ పరిశీలకురాలు నిశాంతి మాట్లాడుతూ అభ్యర్థులు తమ ఎన్నికల ఖర్చులకు సంబంధించిన లెక్కలు రాసి సమర్పించాలన్నారు. ఎంపీడీఓ ప్రణయ్‌ మాట్లాడుతూ అభ్యర్థులు ఎన్నికల నియమావలి పాటించాలన్నారు. సమావేశంలో తహసీల్దార్‌ దిలీప్‌ నాయక్‌, సహాయ పరిశీలకులు శ్రీనివాస్‌రెడ్డి, పోలీసు అదికారులు, బరిలో నిలిచిన అభ్యర్థులు, ఆఫీసు సిబ్బంది పాల్గొన్నారు.

మిరుదొడ్డి(దుబ్బాక): బీజేపీతోనే పల్లెల అభివృద్ధి సాధ్యమని మెదక్‌ ఎంపీ మాధవనేని రఘునందన్‌రావు అన్నారు. పంచాయతీ ఎన్నికల నేపథ్యంలో మిరుదొడ్డి సర్పంచ్‌గా బీజేపీ బలపర్చిన కానుగంటి స్వప్న శ్రీనివాస్‌ గెలుపు కోపం మిరుదొడ్డిలో బుధవారం నిర్వహించిన రోడ్‌ షోలో ఆయన పాల్గొన్నారు. అంబేడ్కర్‌ విగ్రహానికి పూల మాలలు వేసి నివాళులర్పించారు. ఈ సందర్భంగా ఆయన మాట్లాడుతూ అధికారం లేని అభ్యర్థులకు ఓటేస్తే అభివృద్ధి పూర్తిగా కుంటుపడుతుందన్నారు. రాష్ట్రంలో ఉన్న కాంగ్రెస్‌ నాయకులు నిధులు లేవన్న సాకుతో పాలన చేతకాక చేతులెత్తేశారని మండిపడ్డారు. కేంద్రంలో ఉన్న బీజేపీతోనే పల్లెల అభివృద్ధి సాధ్యమన్నారు. గ్రామీణ ప్రాంతాల్లో పోటీ చేస్తున్న బీజేపీ అభ్యర్థులను గెలిపించాలని ఓటర్లను అభ్యర్థించారు. కార్యక్రమంలో టెలికం బోర్డు మెంబర్‌ మొగుళ్ల మల్లేశం, నాయకులు ఎల్లం, రాములు, రాజు తదితరులు పాల్గొన్నారు.ఎంపీ రఘునందన్‌రావు

దుబ్బాకటౌన్‌: ఎన్నికలో పోటీచేసే అభ్యర్థులు ఎన్నికల ప్రవర్తన నియమావళిని తప్పక పాటించాలని సిద్దిపేట పోలీస్‌ కమిషనర్‌ విజయ్‌ కుమార్‌ అన్నారు. బుధవారం దౌల్తాబాద్‌, రాయపోల్‌ మండల కేంద్రాల్లో గ్రామపంచాయతీ ఎన్నికల సందర్భంగా బందోబస్తును పర్యవేక్షించారు. ఈ సందర్భంగా ఆయన మాట్లాడుతూ ఎన్నికల నేపథ్యంలో అధికారులు, సిబ్బంది పూర్తిగా అప్రమత్తంగా ఉండాలని సూచించారు. పోలింగ్‌ కేంద్రాల వద్ద 163 సెక్షన్‌ అమల్లో ఉంటుందని, 100 నుంచి 200 మీటర్ల పరిధిలో ప్రత్యేక నిబంధనలు ఉండటంతో ప్రజలు అనవసరంగా గుమిగూడకూడదని తెలిపారు. ఓటర్లు క్యూ లైన్‌ పద్ధతిని పాటించి పోలీసులకు సహకరించాలని కోరారు. సోషల్‌ మీడియాలో రెచ్చగొట్టే పోస్టులు పెట్టేవారి పై ప్రత్యేక నిఘా కొనసాగుతోందని తెలిపారు. గొడవలు, అల్లర్లకు పాల్పడితే కఠిన చర్యలు తీసుకుంటామని హెచ్చరించారు. ఎన్నికల తర్వాత విజయోత్సవ ర్యాలీలు నిర్వహించకూడదని సూచించారు. కార్యక్రమంలో అదనపు డీసీపీ అడ్మిన్‌ కుశాల్కర్‌, గజ్వేల్‌ ఏసీపీ నరసింహులు, టాస్క్‌ ఫోర్స్‌ ఏసీపీ రవీందర్‌, తొగుట సీఐ లతీఫ్‌, సీసీఆర్బి ఇన్‌స్పెపక్టర్‌ రామకృష్ణ, పోలీస్‌ అధికారులు సిబ్బంది పాల్గొన్నారు.పోలీస్‌ కమిషనర్‌ విజయ్‌కుమార్‌

ప్రశాంత్‌నగర్‌(సిద్దిపేట): విద్యార్థుల్లో ఎన్నికల గుబులు పట్టుకుంది. ఒకవైపు పరీక్షలు సమీపిస్తుండగా.. మరోవైపు ఎన్నికల విధుల్లో ఉపాధ్యాయులు ఉండటంతో గడువులోగా సిలబస్‌ పూర్తికావడంపై సందిగ్ధం నెలకొంది. విద్యార్థులు ఉత్తమ ఫలితాలు సాధించాలంటే నాణ్యమైన విద్యను అందించాలి. అలాగే వారిలో పరీక్షలపై ఉన్న భయాన్ని పోగొట్టాలి. దీంతో వారు పరీక్షలకు సన్నద్ధమై పరీక్షల్లో ఉత్తమ ఫలితాలు సాధించే అవకాశం ఉంటుంది. అందుకు ముందుగానే పాఠ్యాంశాలు పూర్తి చేసి, విద్యార్థులకు పునశ్చరణ చేయాల్సి ఉంటుంది. అయితే ప్రస్తుతం పంచాయతీ ఎన్నికల విధులకు ఉపాధ్యాయులను వినియోగిస్తున్నారు. ఎన్నికల నిర్వహణలో ఉపాధ్యాయులే కీలకం. వీరికి ముందుగానే ఎన్నికల కోసం ప్రత్యేక శిక్షణ ఇచ్చారు. అలాగే ఓటింగ్‌, కౌంటింగ్‌ విధులు నిర్వహించనున్నారు. దీంతో పాఠశాలల్లో ఉండాల్సిన ఉపాధ్యాయులు ఎన్నికల విధుల్లో ఉంటున్నారు. గడువులోగా సిలబస్‌ పూర్తయ్యేనా

బుధవారం శ్రీ 10 శ్రీ డిసెంబర్‌ శ్రీ 2025జోరుగా ప్రలోభాల పర్వం ● ముగిసిన మొదటి విడత ప్రచారం ● 147 సర్పంచ్‌ పదవులకు 481 మంది పోటీ ● 1,208 వార్డులకు 2,972 మంది బరిలో.. ● రేపు తొలి విడత పంచాయతీ ఎన్నికలు నేరుగా ఓటరును కలిసి.. గ్రామ పంచాయతీ ఎన్నికలు కీలక దశకు చేరుకున్నాయి. మొదటి విడతలో జరిగే పంచాయతీల్లో ప్రచారం మంగళవారం సాయంత్రం 5గంటలతో ముగిసింది. ఇక పోటీ చేసే అభ్యర్థులు.. ప్రలోభాలకు తెరలేపారు. మద్యం, డబ్బుల పంపిణీకి ముమ్మరంగా ఏర్పాట్లు చేసినట్లు తెలిసింది. గురువారం ఉదయం 7గంటల నుంచి మధ్యాహ్నం ఒంటిగంట వరకు పోలింగ్‌ జరగనుంది. అదే రోజు మధ్యాహ్నం 2గంటల నుంచి ఓట్లను లెక్కించనున్నారు. – సాక్షి, సిద్దిపేట మొదటి విడత గ్రామ పంచాయతీ ఎన్నికలకు 163 సర్పంచ్‌, 1,432 వార్డు స్థానాలకు నవంబర్‌ 27 నుంచి 29వ తేదీ వరకు నామినేషన్లను స్వీకరించారు. ఈ నెల 3న నామినేషన్ల విత్‌డ్రా, మధ్యాహ్నం 3గంటలకు అభ్యర్థులకు గుర్తులను కేటాయించారు. మొదటి విడతలో జరిగే వాటిలో 16 సర్పంచ్‌లు, 224 వార్డు సభ్యులు ఏకగ్రీవం అయ్యాయి. దీంతో 147 సర్పంచ్‌లకు గాను 481 అభ్యర్థులు, 1,208 వార్డు సభ్యులకు 2,972 మంది తమ అదృష్టాన్ని పరీక్షించుకుంటున్నారు. హోరాహోరీగా ప్రచారం మొదటి విడత గ్రామ పంచాయతీల్లో ప్రచారం మంగళవారం చివరి రోజు హోరెత్తించారు. అసెంబ్లీ ఎన్నికలు తలెదన్నేలా గ్రామ పంచాయతీ ఎన్నికల ప్రచారం హోరాహోరీగా నిర్వహించారు. సర్పంచ్‌లు, వార్డు సభ్యులు గెలుపు కోసం ఇంటింటికీ ఓట్లను అభ్యర్థించారు. ఉన్న సమయంలో ఓటర్ల మద్దతును కూడగట్టే ప్రయత్నం చేశారు. సర్పంచ్‌, వార్డు సభ్యునిగా పోటీ చేస్తున్న అభ్యర్థులు ఒక అవకాశాన్ని ఇవ్వాలని కోరారు. తమను గెలిపిస్తే సమస్యలను పరిష్కరిస్తామని హామీలు గుప్పిస్తున్నారు. బీఆర్‌ఎస్‌, కాంగ్రెస్‌, బీజేపీ బలపర్చిన సర్పంచ్‌ అభ్యర్థులే కాకుండా మిగతా పోటీలో ఉన్న అభ్యర్థులు కూడా గెలుపు కోసం ఒప్పందాలు చేసుకున్నట్లు సమాచారం.పోలింగ్‌ ఏర్పాట్లు మొదటి విడత గ్రామాల్లో పోలింగ్‌ కోసం అధికారులు ఏర్పాట్లు చేస్తున్నారు. ఆయా మండల కేంద్రాల్లో బ్యాలెట్‌ బాక్స్‌లు, బ్యాలెట్‌ పేపర్లు, సామగ్రిని పంపిణీ చేసేందుకు ఏర్పాట్లు చేశారు. ఇప్పటికే పోలింగ్‌ అధికారులకు, సిబ్బందికి శిక్షణ ఇచ్చారు.ఓటరును నేరుగా కలిసి డబ్బు, మద్యం పంపిణీ చేసేందుకు ఏర్పాట్లు చేసుకున్నట్లు సమాచారం. పెద్ద గ్రామ పంచాయతీలలో ఓటుకు రూ.500 నుంచి రూ.2,000 వరకు అందజేసే విధంగా ప్రణాళికలు రూపొందించుకున్నట్లు తెలుస్తోంది. బ్యాంకులు, ఇతర ఫైనాన్స్‌ సంస్థల పై నిఘా ఉండటంతో తమకు దగ్గరగా ఉన్న బంధువులు, స్నేహితుల ద్వారా డబ్బులను సర్దుబాటు చేసుకుంటున్నారు. పోలీసులు నిత్యం తనిఖీలు చేస్తుండటంతో మద్యం, డబ్బులు ఎలా పంపిణీ చేయాలని తర్జనభర్జన చెందుతున్నారు.

కొమురవెల్లి(సిద్దిపేట): కొమురవెల్లి మల్లన్న కల్యాణం ఈనెల 14న జరగనుండటంతో ఆల య అధికారులు ఏర్పాట్లను ముమ్మరం చేశారు. మంగళవారం రాతిగీరలు, కోనేరు లోని విగ్రహాలు, రాజగోపురం, కొడెల స్తంభం, స్వామివారి రథానికి రంగులు వేశారు.సోనియా చొరవతోనే ప్రత్యేక రాష్ట్రం హుస్నాబాద్‌: కాంగ్రెస్‌ పార్టీ అధినేత్రి సోనియా గాంధీ చొరవతోనే ప్రత్యేక రాష్ట్రం సిద్ధించిందని జిల్లా గ్రంథాలయ సంస్థ చైర్మన్‌ కేడం లింగమూర్తి అన్నారు. మంగళవారం కాంగ్రెస్‌ పార్టీ ఆధ్వర్యంలో సోనియా గాంధీ జన్మదిన వేడుకలను ఘనంగా నిర్వహించారు. కేక్‌ కట్‌ చేసి స్వీట్లు పంచారు. ఈ సందర్భంగా లింగమూర్తి మాట్లాడుతూ 16 ఏళ్ల క్రితం తెలంగాణ ఉద్యమం ఉవ్వెత్తున ఎగసిన సందర్భంగా ప్రజల ఆకాంక్షను నెరవేర్చడానికి అప్పటి కేంద్ర మంత్రి చిదంబరం రాష్ట్ర ఏర్పాటును ప్రకటించారన్నారు. బీఆర్‌ఎస్‌ హయాంలో అప్పులు తప్ప ప్రజలకు ఒరిగిందేమి లేదన్నారు. కార్యక్రమంలో సింగిల్‌ విండో చైర్మన్‌ బొలిశెట్టి శివయ్య, మార్కెట్‌ కమిటీ చైర్మన్‌ తిరుపతి రెడ్డి, తదితరులు ఉన్నారు. తెలంగాణ తల్లికి క్షీరాభిషేకం సిద్దిపేటజోన్‌: బీఆర్‌ఎస్‌ రాష్ట్ర అధిష్టానం పిలుపు మేరకు మంగళవారం డిసెంబర్‌ 9 పురస్కరించుకుని జిల్లా కేంద్రంలో వేడుకలు నిర్వహించారు. స్థానిక కోటిలింగాల దేవాలయం వద్ద తెలంగాణ తల్లి విగ్రహానికి క్షీరాభిషేకం చేశారు. కార్యక్రమంలో మాజీ ఎమ్మెల్సీ ఫారూఖ్‌, రాష్ట్ర కార్యదర్శి శర్మ, మున్సిపల్‌ మాజీ చైర్మన్‌ రాజనర్స్‌, మార్కెట్‌ కమిటీ మాజీ చైర్మన్లు వేణుగోపాల్‌ రెడ్డి, సాయిరాం, కౌన్సిలర్లు, నాయకులు పాల్గొన్నారు. బహిరంగ ప్రదేశాల్లో చెత్త వేయొద్దు మున్సిపల్‌ కమిషనర్‌ ఆశ్రిత్‌ సిద్దిపేటజోన్‌: సిద్దిపేట మున్సిపాలిటీ పరిధిలోని పలు వార్డుల్లో మంగళవారం మున్సిపల్‌ కమిషనర్‌ ఆశ్రిత్‌ కుమార్‌ క్షేత్ర స్థాయిలో పరిశీలించారు. 2, 8, 13, 16, 32, వార్డుల్లో సమస్యలపై ఆరా తీశారు. బహిరంగ ప్రాంతాల్లో చెత్త వేయరాదని వార్డులో ప్రజలకు సూచించారు. యూజీడీ సమస్యలు పరిష్కరించాలని ఆదేశించారు. ప్రభుత్వ అభివృద్ధి నిర్మాణ పనులను త్వరితగతిన పూర్తి చేయాలన్నారు. ఇటీవల వేసిన సీసీ రోడ్లను పరిశీలించారు. మురికి కాల్వలో సిల్ట్‌ తొలగించాలని, చెత్త చెదారం లేకుండా చూడాలని ఆదేశించారు. రోడ్డు పక్కన మాంస విక్రయాలు జరుగుతున్న నేపథ్యంలో ఆగ్రహం వ్యక్తంచేశారు. మాంస విక్రయాలు కేవలం మార్కెట్‌లలో మాత్రమే చేయాలని సూచించారు. అదేవిధంగా ఇరుకోడ్‌ శివారులో ఉన్న స్లాటర్‌ హౌస్‌ను సద్వినియోగం చేసుకోవాలని, అక్కడే మేకలను వధించాలని సూచించారు. ఆయన వెంట మున్సిపల్‌ కౌన్సిలర్లు సురేష్‌, రాజేశం, చంద్రం, మల్లికార్జున్‌, పృథ్వి తదితరులు పాల్గొన్నారు.

వర్గల్‌(గజ్వేల్‌): హేమాహేమీల నెలవైన వర్గల్‌ మండల కేంద్రంలో పంచాయతీ ఎన్నికల పోరు ప్రతిష్టాత్మకంగా మారింది. జిల్లా కాంగ్రెస్‌ అధ్యక్షురాలు తూంకుంట ఆంక్షారెడ్డి, గజ్వేల్‌ మాజీ ఎమ్మెల్యే నర్సారెడ్డి సొంత గ్రామం కావడంతో ప్రాధాన్యత సంతరించుకుంది. కాంగ్రెస్‌, బీఆర్‌ఎస్‌, బీజేపీ మద్దతుతో ముగ్గురు అభ్యర్థులు పోటీకి దిగడంతో త్రిముఖ పోటీ నెలకొన్నది. వర్గల్‌ పంచాయతీ బీసీ మహిళకు రిజర్వ్‌ కావడంతో దీటైన అభ్యర్థి కోసం ఆయా పార్టీలు తీవ్ర కసరత్తు చేశాయి. కాంగ్రెస్‌ మద్దతుతో వర్గల్‌ మాజీ జెడ్పీటీసీ తాళ్ల సుధారాణి, బీఆర్‌ఎస్‌ మద్దతుతో ఆ పార్టీ జిల్లా యూత్‌ అధ్యక్షుడు నాగరాజు తల్లి దేవగణిక జయభారతి, బీజేపీ మద్దతుతో వర్గల్‌ మాజీ ఉపసర్పంచ్‌ రమేశ్‌ సతీమణి పసుల రజిత పోటీలో నిలిచారు. ప్రతిష్టాత్మకమైన ఈ స్థానం కైవసం చేసుకునేందుకు ముగ్గురూ హోరాహోరీగా ప్రచారం చేస్తున్నారు. మరోవైపు ఆంక్షారెడ్డి, నర్సారెడ్డి పర్యటిస్తూ ఎప్పటికప్పుడు పార్టీ శ్రేణులకు దిశానిర్దేశం చేశారు. నర్సారెడ్డి సమక్షంలో ఇటీవల తాజా మాజీ జెడ్పీటీసీ బాలమల్లు యాదవ్‌ బీఆర్‌ఎస్‌ నుంచి కాంగ్రెస్‌లో చేరారు. ప్రతిష్టాత్మకమైన వర్గల్‌ తుది ఫలితం ఎలా ఉంటుందన్న ఆసక్తి జిల్లా వ్యాప్తంగా నెలకొంది.

గుర్తు చేతపట్టి.. మిరుదొడ్డి(దుబ్బాక): గ్రామ పంచాయతీ అభ్యర్థులకు గుర్తులు కేటాయించడంతో ఆయా గుర్తులతో అభ్యర్థులు ప్రచారాన్ని కొత్త పుంతలు తొక్కిస్తున్నారు. గుర్తుల కరపత్రాలు, వాల్‌ పోస్టర్లతోనే కాకుండా తమకు కేటాయించిన గుర్తులను చేతబూని ఓటర్లను ఆకట్టుకుంటున్నారు. తమకు కేటాయించిన గుర్తులకు ఓటు వేసి గెలిపించాలని కోరుతూ ఓటర్లను అభ్యర్థిస్తున్నారు. ‘గుర్తు’ను గీసి.. ప్రచారం చేసిపంచాయతీ ఎన్నికల ప్రచారం రసవత్తరంగా మారింది. మిరుదొడ్డిలోని 6వ వార్డులో ఓ చిన్నారి వినూత్న రీతిలో ప్రచారం చేయడం ఆలోచింపజేసింది. వార్డు మెంబర్‌గా బరిలో ఉన్న అంజయ్య కూతురు రియా ఇంటింటా తిరుగుతూ ప్రచారం చేసింది. తన తండ్రికి కేటాయించిన గౌను గుర్తును తానే స్వయంగా గీసి ప్రచారం చేయడం ఆకట్టుకుంది. మా నాన్నకు ఓటు వేసి గెలిపించాలని ఓటర్లను అభ్యర్థిస్తూ ఇలా కనిపించింది.

సెంటిమెంట్‌ రగిలిస్తూ.. కాళ్లపై మోకరిల్లుతూ.. గజ్వేల్‌: జిల్లాలో మొదటి విడత ఎన్నికలకు సంబంధించి నిన్నమొన్నటి వరకు నిత్యం ప్రచారంలో మునిగి తేలిన అభ్యర్థులు.. పోలింగ్‌కు ఇక ఒకే ఒక్క రోజు మిగిలి ఉండటంతో అఖరి ప్రయత్నాలను మొదలుపెట్టారు. ఎలాగైనా గెలిచి తీరాలని, అందుకు తగ్గ వ్యూహాలు రచిస్తున్నారు. కుల సంఘాల ఓట్లను ఇప్పటికే గంపగుత్తగా కొనుగోలు చేసిన అభ్యర్థులు ఈనెల 10 రాత్రి ఓటరు వారీగా పెద్ద ఎత్తున డబ్బు పంపిణీ చేపట్టడానికి వ్యుహాల్లో ఉన్నారు. కొన్ని ప్రధాన గ్రామాల్లో ఒక్కో ఓటుకు రూ.1000–3000 ఇవ్వడానికి సిద్ధమవుతున్న ట్లు ప్రచారం. ఇకపోతే మద్యం కూడా నాణ్య మైన బ్రాండ్లను అందజేస్తున్నట్లు తెలుస్తోంది. ఓటర్లను ఆకట్టుకునేందుకు.. ఓటర్లను వివిధ రూపాల్లో ఆకట్టుకోవడానికి అభ్యర్థులు ప్రయత్నిస్తున్నారు. చివరగా సెంటిమెంట్‌ అస్త్రాన్ని ఓటర్లపై ప్రయోగిస్తున్నారు. ‘అన్ని శక్తులొడ్డి ఎన్నికల్లో దిగినం.. ఇక మీ దయ’ అని కొందరు, ‘మాపై కుట్రలు జరుగుతున్నయ్‌.. సాదుకున్న మీరే సంపుకున్న మీరే’ అంటూ మరికొందరు, ‘గెలిపిస్తే మిమల్ని కళ్లల్లో పెట్టి చూసుకుంటా’ మని ఇంకొందరు సెంటిమెంట్‌ రగిలిస్తున్నారు. ఇవన్నీ పక్కనబెడితే కొందరు అభ్యర్థుల తమకు ఈ ఎన్నికలు చావో.. రేవో అంటూ ప్రతి ఓటరు కాళ్లపై మోకరిల్లుతున్నారు. ఈ సమయంలో కన్నీరు పెడుతూ ఓటు వేయాలని అడుగుతున్నారు. వినూత్న హామీలపై ఆశలు... మొదటి విడత ఎన్నికల్లో అభ్యర్థుల వినూత్న హామీలు చర్చనీయాంశంగా మారుతున్నాయి. ఆడపిల్ల పుడితే.. రూ.5000 డిపాజిట్‌ చేస్తామని, పెళ్లిల్లో ఆడపిల్లకు రూ.5వేల నజరానా ఇస్తామని తదితర వినూత్న హామీలు పనిచేస్తాయని అభ్యర్థులు భావిస్తున్నారు. మరికొందరు ఇంకొ అడుగు ముందుకేసి సమస్యల పరిష్కారానికి బాండ్‌ పేపర్లు రాసిస్తున్నారు. చివరి రోజు బలప్రదర్శన.. మంగళవారం చివరి రోజు ప్రచారంలో అభ్యర్థులు బలాన్ని ప్రదర్శించడానికి ప్రయత్నించారు. భారీ ర్యాలీలు, మైక్‌ ప్రచారాలు, సభలు, సమావేశాలు నిర్వహించారు. పార్టీలకు సంబంధించిన రాష్ట్ర, జిల్లా, నియోజకవర్గస్థాయి నాయకులను ఈ ప్రచారాల్లో భాగస్వాములను చేశారు. మొత్తానికి గజ్వేల్‌, దుబ్బాక నియోజకవర్గాల్లో మొదటి విడత ఎన్నికల పర్వం సర్వత్రా ఆసక్తిని రేకిత్తించింది.ఎల్లయ్య.. ఎవ్వలకు ఓటేద్దాం.. దుబ్బాకరూరల్‌: గ్రామాల్లో రాజకీయాలు రంజుగా సాగుతున్నాయి. ఎక్కడ చూసినా పంచాయతీ ఎన్పికలపైనే చర్చ జరుగుతోంది. సర్పంచ్‌ల ఎన్నికల వాతావరణం వేడెక్కడంతో ఎక్కడ చూసినా గ్రామ ప్రజలంతా గ్రామ చావిడి, హోటళ్ల వద్ద గుమిగూడి ముచ్చట్లు పెడుతున్నారు. ‘అవురా.. ఎల్లయ్య మన ఊళ్లో ఎవ్వలకు ఓటు వేద్దాం? ముగ్గురు నిలబడిరి. ఎవ్వలైతే మంచిగుంటదరా’ అంటూ వృద్ధులు ముచ్చటిస్తున్నారు. ‘అరేయ్‌ మల్లయ్య.. గ్రామాన్ని ఎవ్వలైతే అభివృద్ధి చేస్తారో వారికే ఓటు వేద్దాం రా..’ అంటూ ముచ్చట పెడుతున్నారు. వృద్ధులు ముచ్చట పెడుతున్న ఈ దృశ్యం మండలంలోని అచ్చుమాయిపల్లి గ్రామంలోనిది.ప్రభుత్వ, ప్రైవేటు సంస్థలకు రేపు సెలవు సిద్దిపేటరూరల్‌: మొదటి విడతలో భాగంగా ఈనెల 11న జరిగే ఎన్నికల ప్రాంతాల్లో ప్రభుత్వ, ప్రైవేటు సంస్థలు, కార్యాలయాలు, విద్యాసంస్థలకు సెలవు ప్రకటించినట్లు కలెక్టర్‌, జిల్లా ఎన్నికల అధికారి హైమావతి మంగళవారం ఒక ప్రకటనలో పేర్కొన్నారు. గజ్వేల్‌, మర్కూక్‌, వర్గల్‌, జగదేవపూర్‌, ములుగు, దౌల్తాబాద్‌, రాయపోల్‌ మండలాల పరిధిలోని గ్రామాల్లో జరగనున్న పోలింగ్‌లో ఓటు హక్కు వినియోగించుకునేందుకు అన్ని ఏర్పాట్లు చేశామన్నారు. ఉదయం 7 గంటల నుంచి మధ్యాహ్నం ఒంటి గంట వరకు ఓటు హక్కును వినియోగించుకోవాలన్నారు. అంతకుముందు రాష్ట్ర ఎన్నికల కమిషనర్‌ రాణి కుముదిని నిర్వహించిన వీడియో కాన్ఫరెన్స్‌లో కలెక్టర్‌, ఎన్నికల సాధారణ పరిశీలకులు హరిత, వ్యయ పరిశీలకులు నిశాంతి, అదనపు డీసీపీ కుశాల్కర్‌, డీపీఓ రవీందర్‌, డీఆర్డీఓ జయదేవ్‌ ఆర్య, డీఈఓ శ్రీనివాస్‌రెడ్డి తదితరులు పాల్గొన్నారు.

టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి ప్రశాంత్‌నగర్‌(సిద్దిపేట): జిల్లాలో జరుగుతున్న పంచాయతీ ఎన్నికల విధుల నుంచి దివ్యాంగ ఉపాధ్యాయులకు మినహాయించాలని టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి సోమవారం సిద్దిపేటలో అన్నారు. రిటైర్డ్‌ అయిన ఉపాధ్యాయులకు ఎన్నికల విధులు వేయడం తగదన్నారు. కొంతమంది ఉపాధ్యాయులను అసలే తీసుకోలేదని, వచ్చినవారికి మూడు డ్యూటీలు వేశారని ఆరోపించారు. ముందస్తు ఎలాంటి సమాచారం ఇవ్వకుండా నేరుగా శిక్షణలకు పంపించడం, సుదూర ప్రాంతాల్లో ఎన్నికల విధులు కేటాయించడం వలన ఉపాధ్యాయులు తీవ్ర ఇబ్బందులు పడుతున్నారన్నారు. మానవతా దృక్పథంతో ఎన్నికల విధులనుంచి మినహాయించాలని ఆయన కోరారు. నాడు పతులు.. నేడు సతులుచేర్యాల(సిద్దిపేట): మండల పరిధిలోని వీరన్నపేట సర్పంచ్‌గా గత ఎన్నికల్లో భర్తలు ప్రత్యర్థులుగా పోటీ పడ్డారు. నేటి ఎన్నికల్లో వారి భార్యలు ప్రధాన పార్టీల మద్దతుతో పోటీలో నిలిచారు. నాడు కొండపాక భిక్షపతి, ఎలికట్టె శివశంకర్‌ పోటీ పడగా భిక్షపతి సర్పంచ్‌గా గెలిచారు. తర్వాత జరిగిన ఎంపీటీసీ ఎన్నికల్లో ఎలికట్టె శివశంకర్‌ బీఆర్‌ఎస్‌ పార్టీ తరఫున ఎంపీటీసీగా గెలుపొందారు. ప్రస్తుతం గ్రామ సర్పంచ్‌ పదవి జనరల్‌ మహిళకు రిజర్వు కావడంతో అధికార పార్టీ మద్దతుతో భిక్షపతి భార్య కనకలక్ష్మి, బీఆర్‌ఎస్‌ మద్దతుతో ఎలికట్టె శివశంకర్‌ భార్య శైలజ బరిలో నిలిచారు. దరఖాస్తుల ఆహ్వానం హుస్నాబాద్‌: రేణుకా ఎల్లమ్మ దేవాలయ కమిటీ ఏర్పాటుకు దరఖాస్తు చేసుకోవాలని దేవాదాయ ధర్మాదాయ శాఖ కమిషనర్‌ ఉత్తర్వులు జారీ చేశారు. ఎల్లమ్మ జాతర సందర్భంగా నెల రోజుల పాటు ఉత్సవ కమిటీ వేశారు. ఆ గడవు ముగిసింది. ప్రస్తుతం కొత్తగా ఆసక్తి గల అభ్యర్థులు సంగారెడ్డి సహాయ కమిషనర్‌ కార్యాలయంలో దరఖాస్తులు సమర్పించాలని ఆలయ కమిటీ కార్యనిర్వాహణ అధికారి కిషన్‌రావు పేర్కొన్నారు. నేడు విజయోత్సవ వేడుకలు సిద్దిపేటజోన్‌: బీఆర్‌ఎస్‌ పార్టీ ఆధ్వర్యంలో డిసెంబర్‌ 9 పురస్కరించుకుని మంగళవారం తెలంగాణ విజయోత్సవ వేడుకలను నిర్వహించనున్నట్లు పట్టణ పార్టీ అధ్యక్షుడు సంపత్‌రెడ్డి పేర్కొన్నారు. ఉదయం 10గంటలకు కోటిలింగాల దేవాలయం వద్ద తెలంగాణ తల్లి విగ్రహానికి పాలాభిషేకం, అనంతరం ప్రభుత్వ ఆస్పత్రిలో పండ్లు పంపిణీ, మోడల్‌ బస్టాండ్‌ వద్ద అంబేడ్కర్‌ విగ్రహానికి పూలమాలలు వేసి నివాళులర్పించనున్నట్లు పేర్కొన్నారు. పార్టీ ప్రజాప్రతినిధులు, నాయకులు పెద్ద ఎత్తున హాజరుకావాలని పిలుపునిచ్చారు. మద్యం కొనొద్దని వినూత్న నిరసన సిద్దిపేటజోన్‌: మద్యం కొనొద్దని బీజేపీ నేతలు వినూత్న నిరసనకు దిగారు. పట్టణ శివారులో దేవాలయం సమీపంలో వైన్స్‌ ఏర్పాటు చేశారని, వెంటనే తొలగించాలని వారు డిమాండ్‌ చేశారు. సోమవారం పట్టణ అధ్యక్షుడు వెంకట్‌ ఆధ్వర్యంలో మద్యం దుకాణం ఎదుట మద్యం కొనొద్దని ఫ్లెక్సీ ఏర్పాటు చేసి ఆందోళన చేపట్టారు. విషయం తెలుసుకున్న పోలీసులు అక్కడికి చేరుకుని వారిని శాంతిపజేశారు. పనిచేసిన చోటే ప్రజాప్రతినిధిని కావాలని.. సిద్దిపేటఅర్బన్‌: మండలంలోని మిట్టపల్లి గ్రామంలో ఏడే ఎల్లవ్వ 7వ వార్డ్‌ సభ్యురాలిగా పోటీ చేస్తున్నారు. భర్త మరణించడంతో ఎల్లవ్వ గతంలో గ్రామ సేవకురాలిగా పనిచేశారు. ఇప్పుడు తమ వార్డు రిజర్వేషన్‌ ఎస్సీ మహిళకు రిజర్వ్‌ కావడంతో వార్డు మెంబర్‌గా పోటీలో నిలిచారు. తాను గెలిచి చిరుద్యోగిగా పనిచేసిన చోటే ప్రజా ప్రతినిధిగా సేవలందిస్తానని చెప్తున్నారు. సర్పంచ్‌ బరిలో ముగ్గురు రేషన్‌ డీలర్లు బెజ్జంకి(సిద్దిపేట): ముగ్గురు రేషన్‌ డీలర్లు సర్పంచ్‌లుగా పోటీ చేస్తున్నారు. బెజ్జంకి సర్పంచ్‌గా బొల్లం శ్రీధర్‌(పెద్దన్న), రేగులపల్లెలో దుంబాల పద్మ, దేవక్కపల్లెలో పడాల సత్యనారాయణ బరిలో ఉన్నారు. ప్రజలతో ఉన్న సత్సంబంధాలే తమకు విజయం చేకూరుస్తాయని ఆశాభావం వ్యక్తం చేస్తున్నారు.

హలో తమ్మి.. ● అభ్యర్థుల మంతనాలు ● నేటితో ముగియనున్న మొదటి దశ ప్రచారం ● యువ ఓటర్ల పైనే ఆశలు‘ఏం తమ్మి అంతా మంచిదేనా.. కుటుంబ సభ్యులందరూ బాగున్నారా.. ఈ మధ్య ఊరికి వచ్చుడే బంద్‌జేసినవ్‌.. ఓటేసేందుకు తప్పక రావాలి.. నేను పలానా గుర్తుకు నిలబడినా.. ’ అంటూ కొందరు సర్పంచ్‌ అభ్యర్థులు కనిపించిన యువకులతో మాట్లాడుతూ ఓట్లను అభ్యర్థిస్తున్నారు. మరోవైపు ఫోన్ల ద్వారా సంప్రదిస్తున్నారు. ఏ సమస్య వచ్చినా అండగా ఉంటామని, ఒక్క అవకాశం ఇచ్చి గెలిపించాలని ప్రాధేయపడుతుండటంతో సర్వత్రా ఆసక్తికరంగా మారింది. – దుబ్బాకటౌన్‌ జిల్లాలో మొదటి విడత జరిగే పంచాయతీ ఎన్నికలల్లో భాగంగా గజ్వేల్‌ డివిజన్‌లో మంగళవారంతో ప్రచారం ముగియనుంది. దీంతో సోమవారం ప్రచారం జోరందుకుంది. కోడికూత కూయగానే అభ్యర్థులు చలిని సైతం లెక్క చేయకుండా ఇంటింటా ప్రచారం చేస్తున్నారు. ప్రచారానికి ఒక్క రోజు సమయం ఉండటంతో ముమ్మరంగా ప్రచారం చేశారు. అటు సోషల్‌ మీడియాలో సైతం పలానా గుర్తుకు ఓటేయాలని స్టేటస్‌లు పెడుతూ..సమీప బంధువులు, స్నేహితులతో సైతం స్టేటస్‌లు పెట్టిస్తుండటం గమనార్హం. జర ఓటేయమని చెప్పవా.. బాపు కొడుకుకి ఫోన్‌ చేసినా ఎత్తడం లేదు. జర ఫోన్‌ చేసినపుడు జర ఓటేయమని చెప్పు. గెలుస్తే తప్పక ఏ సమస్య వచ్చినా తీరుస్తా.. అని ఇంటింటికీ ప్రచారం చేస్తూ పట్టణంలోని యువకుల ఓట్ల కోసం బతిమాలుతున్నారు.

● కలెక్టర్‌ హైమావతి ● సమస్యాత్మక గ్రామాల సందర్శనగజ్వేల్‌: పోలింగ్‌ కేంద్రాల్లో వసతుల కల్పనపై అధికారులు దృష్టి పెట్టాలని కలెక్టర్‌ హైమావతి సూచించారు. సోమవారం గజ్వేల్‌ మండలంలో సమస్యాత్మక పోలింగ్‌ కేంద్రాలుగా గుర్తించిన శ్రీగిరిపల్లి, సింగాటం, జాలిగామ గ్రామాల్లోని పోలింగ్‌ స్టేషన్లను సందర్శించారు. ఈ సందర్భంగా అధికారులకు పలు సూచనలు చేశారు. పోలింగ్‌ ప్రక్రియను సజావుగా జరిపేలా కృషి చేయాలని ఆదేశించారు. ఎన్నికల కమిషన్‌ నిబంధనల ప్రకారం పోలింగ్‌ కేంద్రాల వద్ద విద్యుత్‌ సరఫరా, లైట్లు, ఫ్యాన్లు, ర్యాంపు, మరుగుదొడ్లు, ఫర్నిచర్‌, మంచినీరు తదితర కనీస వసతులను కల్పించాలని చెప్పారు. లైవ్‌ వెబ్‌కాస్టింగ్‌ కోసం నెట్‌ కనెక్షన్‌ ఉండేలా చూసుకోవాలన్నారు. ప్రతి పోలింగ్‌ స్టేషన్‌లో కౌంటింగ్‌ సెంటర్లను ఏర్పాటు చేయాలని సూచించారు. ఓటరు స్లిప్పులను వందశాతం పంపిణీ చేయాలని ఆదేశించారు.

తొగుట(దుబ్బాక): సర్పంచ్‌ పదవి కోసం తోటి కోడళ్ల మధ్య పోటీ రసవత్తరంగా మారింది. రిజర్వేషన్లలో భాగంగా లింగంపేట సర్పంచ్‌ పదవి బీసీ మహిళకు కేటాయించారు. స్వయాన అన్నదమ్ములైన గొడుగు ఐలయ్య, గొడుగు నర్సింహులు తమ సతీమణులు యాదమ్మ, జయమ్మలను బరిలో దింపారు. దీంతో వారు ఇంటింటికీ తిరుగుతూ సర్పంచ్‌గా గెలిపిస్తే చేపట్టే అభివృద్ధి కార్యక్రమాలను వివరిస్తున్నారు. మద్దతుగా నిలవాలని ఓటర్లను అభ్యర్థిస్తున్నారు. సర్పంచ్‌ ఎన్నికలు అన్నదమ్ముల మధ్య పోరు రసవత్తరంగా మారిందని పలువురు అంటున్నారు. గొడుగు యాదమ్మ 2006లో సర్పంచ్‌గా పనిచేశారు. గ్రామంలో వందశాతం మరుగుదొడ్లు నిర్మించి అప్పటి రాష్ట్రపతి అబ్దుల్‌ కలామ్‌ చేతుల మీదుగా నిర్మల్‌ గ్రామ పురస్కార్‌ను అందుకున్నారు. ఒక్క సారి అవకాశం ఇస్తే అభివృద్ధి చేసి తీరుతానంటూ జయమ్మ సైతం ఓటర్లను కోరుతున్నారు.

మంగళవారం శ్రీ 9 శ్రీ డిసెంబర్‌ శ్రీ 2025ఏకగ్రీవాల కోసం ప్రలోభాలుగ్రామాల్లో సర్పంచ్‌ పదవుల ఏకగ్రీవానికి ఆఫర్లు వెల్లువెత్తుతున్నాయి. జిల్లాలో పంచాయతీ ఎన్నికలు మూడు విడతలుగా ఈ నెల 11, 14, 17వ తేదీల్లో జరగనున్నాయి. ఇప్పటికే సర్పంచ్‌, వార్డు సభ్యుల నామినేషన్ల స్వీకరణ పూర్తి అయ్యింది. రెండు విడతల్లో ఉప సంహరణలు ముగిశాయి. మూడో విడత మంగళవారంతో నామినేషన్ల ఉపసంహరణ గడువు ముగియనుంది. ఏకగ్రీవాలకు ప్రత్యేక నిధులు కేటాయిస్తామంటూ ప్రజా ప్రతినిధులు.. గ్రామాభివృద్ధికి సొంత నిధులను వెచ్చిస్తామంటూ అభ్యర్థులు ముందుగానే ప్రకటిస్తున్నారు. ఇప్పటివరకు 26 గ్రామ పంచాయతీ సర్పంచ్‌లు ఏకగ్రీవం కాగా, పలు చోట్ల ఆఫర్లు బహిరంగంగా జరగడంతో పోలీసులు కేసులు నమోదుచేశారు. వీటిపై క్షేత్రస్థాయి అధికారులు విచారణ చేపడుతున్నారు. – సాక్షి, సిద్దిపేట

సిద్దిపేటఎడ్యుకేషన్‌: సిద్దిపేట ప్రాంతానికి విద్యుత్‌ కాంతులతో పాటు విద్యాకాంతులను పంచిన మహనీయుడు, మాజీ ఎమ్మెల్యే పండరి వెంకట రాజేశ్వరరావు అని ఎమ్మెల్సీలు దేశపతి శ్రీనివాస్‌, సురభివాణీ కొనియాడారు. జిల్లా కేంద్రంలోని ప్రభుత్వ డిగ్రీ, పీజీ అటానమస్‌ కళాశాలలో సోమవారం రాజేశ్వరరావు శతజయంతి ఉత్సవాలను ఘనంగా నిర్వహించారు. ఈ సందర్భంగా కళాశాల ఆవరణలో ఉన్న ఆయన విగ్రహానికి పూలమాలలు వేసి నివాళులర్పించారు. అనంతరం కళాశాల ఆడిటోరియంలో ఏర్పాటు చేసిన సమావేశంలో వారు మాట్లాడారు. ఉమ్మడి రాష్ట్రంలో సిద్దిపేటకు డిగ్రీ కళాశాలను ఏర్పాటు చేయించిన గొప్పవ్యక్తి రాజేశ్వరరావు అని అన్నారు. వేల మంది విద్యార్థుల జీవితాల్లో వెలుగులు నింపిన కళాశాల మలిదశ తెలంగాణ ఉద్యమానికి నాయకులను అందించిందని చెప్పారు. దార్శనికతతో చేసిన గొప్ప పనులు ప్రజల హృదయాల్లో చిరస్థాయిగా నిలిచిపోయాయన్నారు. సిద్దిపేట ప్రాంతానికి ఆయన చేసిన సేవలు చిరస్మరణీయమని కొనియాడారు. కళాశాల ప్రిన్సిపాల్‌ డాక్టర్‌ సునీత మాట్లాడుతూ 1956లో 36 మంది విద్యార్థులో ప్రారంభమైన కళాశాల ప్రస్తుతం 22 యూజీ కోర్సులు, 12 పీజీ కోర్సులతో 4,500ల మంది విద్యార్థులతో రాష్ట్రంలోనే ప్రతిష్టాత్మకంగా ఎదిగిందన్నారు. నాటి నుంచి కళాశాల ఎంతో మంది ఐఏఎస్‌లను, ఎమ్మెల్యేలు, ఎమ్మెల్సీలను, రాజకీయనాయకులను, సామాజికవేత్తలను, ఉద్యోగులను, కళాకారులను అందించిందన్నారు. కార్యక్రమంలో మాజీ ఎమ్మెల్సీ ఫారూఖ్‌హుస్సేన్‌, దేవీప్రసాద్‌, డాక్టర్‌ నందిని సిధారెడ్డి, డాక్టర్‌ పాపయ్య, రాఘవేందర్‌రావు, కళాశాల వైస్‌ ప్రిన్సిపాల్‌ డాక్టర్‌ అయోధ్యరెడ్డితో పాటు రాజేశ్వర్‌రావు కుటుంబసభ్యులు పాల్గొన్నారు.

పీపడ్‌పల్లి సర్పంచ్‌ అభ్యర్థి ఆత్మహత్యరాయికోడ్‌(అందోల్‌): కొడుకు సర్పంచ్‌ బరిలో దిగితే ఆ మాతృమూర్తి మురిసిపోయింది. ఊరికి రా‘రాజు’అవుతాడని కలలు కన్నది. అయితే.. ఎన్నికల్లో అన్నీ ప్రతికూల పరిస్థితులు ఎదురవడం.. నమ్మిన వారే నట్టేట ముంచడం.. చేతిలో ఉన్న డబ్బు చూస్తుండగానే కర్పూరంలా కరిగిపోవడం.. ఆఖరుకు తల్లి ధైర్యం చెప్పినా కోలుకోలేని నిస్సహాయస్థితి దాపురించడంతో తీవ్ర మనస్తాపం చెందిన ఓ సర్పంచ్‌ అభ్యర్థి ఆత్మహత్యకు పాల్పడడం కలకలం రేపింది. రాయికల్‌ మండలంలోని పీపడ్‌పల్లికి చెందిన రాజు (35) చురుకై న కాంగ్రెస్‌ కార్యకర్త. ఆ పార్టీ మద్దతుతో సర్పంచ్‌ బరిలో నిలిచాడు. ఎన్నికల ప్రచారం ఊపందుకుంటున్న క్రమంలో ఎన్నికల ఖర్చులు తడిసి మోపడవుతున్నాయి. నమ్ముకున్న పార్టీ నాయకులు ఒక్కొక్కరు పక్కకు జారుకుంటున్నారు. బరిలో దింపిన సీనియర్లే తనకు సహకరించడం లేదని సన్నిహితులు, కుటుంబ సభ్యుల వద్ద రాజు ఆవేదన వ్యక్తం చేశాడు. చేతిలో ఉన్న డబ్బు అయిపోయింది. తోటి నాయకుల సహకారం లభించడం లేదు. బిడ్డా.. పొలం అమ్ముకో.. ఇక తాను ఒంటరిగా ఎన్నికలను ఎదుర్కోలేనని తల్లికి చెప్పాడు. ఒక్కగానొక్క కొడుకు పడుతున్న బాధలు భరించలేని ఆ తల్లి.. ‘ఎకరం పొలం అమ్ముకో బిడ్డా.. ధైర్యంగా ఉండు’అని చెప్పింది. అన్ని వైపుల నుంచి ప్రతికూల పరిస్థితులు ఎదురవుతుండడంతో రాజు ధైర్యం కోల్పోయాడు. అయ్యప్ప మాల ధరించిన అతను .. ఉపవాస దీక్షతో పాటు ప్రచారం చేస్తుండటం సరైన నిద్ర లేదే. దీంతో ఆరోగ్య సమస్యలు కూడా తలెత్తాయి. ఈ నేపథ్యంలో ఆదివారం రాత్రి ఛాతిలో నొప్పి వస్తుందని చెప్పడంతో స్నేహితులు రాయికోడ్‌లోని ఓ ఆస్పత్రిలో చికిత్స చేయించారు. అనంతరం ఎప్పటిలాగానే శంషొద్దీన్‌పూర్‌ గ్రామ శివారులోని అయ్యప్ప సన్నిధానానికి చేరుకున్నాడు. అక్కడే తోటి స్వాములతో కలసి నిద్రించాడు. వేకువజామున ఐదు గంటలకు కాలకృత్యాలకని వెళ్లి సన్నిధానానికి కొంతదూరంలోని చెట్టుకు మెడలోని మాల టవల్‌తో ఉరివేసుకున్నాడు. ఎంతకూ తిరిగి రాకపోవడంతో తోటి స్వాములు వెతకగా అప్పటికే ఉరివేసుకుని చనిపోయాడు. సమాచారం అందుకున్న పోలీసులు.. సంఘటనా స్థలం వద్ద, మృతదేహాన్ని పరిశీలించారు. క్లూస్‌టీం వివరాలు సేకరించింది. మృతదేహాన్ని పోస్టుమార్టం నిమిత్తం జహీరాబాద్‌ ప్రభుత్వాసుపత్రికి తరలించారు. మృతుడి భార్య ఫిర్యాదు మేరకు కేసు దర్యాప్తు చేస్తున్నట్లు ఎస్‌ఐ తెలిపారు. సహకరించని తోటి నాయకులు చూస్తుండగానే కర్పూరంలా కరిగిన డబ్బు తల్లి ధైర్యం చెప్పినా ఆగని దారుణం మృతుడు అయ్యప్ప మాలధారుడు రాయికల్‌ మండలంలో కలకలం మృధుస్వభావి అయిన రాజు ఆత్మహత్య చేసుకోవడంతో గ్రామంలో విషాదఛాయలు అలుముకున్నాయి. మృతుడి తల్లికి ఒక్కడే కుమారుడు. విషయం తెలుసుకున్న చుట్టుపక్కల గ్రామస్తులు పెద్ద సంఖ్యలో అక్కడికి చేరుకున్నారు. మృతుడి తల్లి, భార్య బంధువుల రోదనలు మిన్నంటాయి. గ్రామంలో విషాద ఛాయలు

దుబ్బాక: బహుళజాతి కంపెనీల ప్రయోజనాల కోసమే కేంద్రం కొత్తగా విత్తనచట్టం తెచ్చిందని రైతు కూలిసంఘం నాయకులు మండిపడ్డారు. ఈ మేరకు సోమవారం పట్టణంలోని అంబేడ్కర్‌ చౌరస్తాలో విత్తన చట్టం ప్రతులను దహనం చేశారు. ఈ సందర్భంగా రైతు కూలి సంఘం రాష్ట్ర ఉపాధ్యక్షుడు స్వామి, జిల్లా అధ్యక్షుడు ఎల్లన్న, ప్రజాసంఘాల ఉమ్మడి వేదిక రాష్ట్ర కన్వీనర్‌ సంతోష్‌ మాట్లాడుతూ ఇది పూర్తిగా రైతు వ్యతిరేక చట్టమన్నారు. ఈ చట్టంతో విత్తనాలతో నష్టపోయిన రైతులకు నష్టపరిహారం, ఆహార భద్రత లేకపోగా బహుళ జాతి, ప్రైవేట్‌ కంపెనీల నియంత్రణలో కొనసాగే విధంగా ఉందన్నారు. రైతు కేంద్రీకృత వ్యవస్థను బలహీనపర్చడమే కాకుండా జీవవైవిధ్య పరిరక్షణ, రైతుల హక్కుల కు సంబంధించిన భారత న్యాయనిర్మాణాన్ని దెబ్బతీస్తుందన్నారు. ఇది పూర్తిగా కార్పొరేట్‌ సంస్థల లాభం కోసం పనిచేసే చట్టం అన్నారు. కార్యక్రమంలో రైతు కూలిసంఘం జిల్లా నాయకులు మేకల రాములు, శ్రామికశక్తి బీడీవర్కర్స్‌ యూనియన్‌ జిల్లా నాయకురాలు శ్రీదేవి, లక్ష్మణ్‌, రాజేష్‌, శేఖర్‌ ఉన్నారు.

సిద్దిపేటరూరల్‌: జిల్లాలో మొదటి, రెండో విడతల్లో మొత్తం 26 గ్రామాల్లో సర్పంచ్‌లు ఏకగ్రీవంగా ఎన్నికయ్యారు. మొదటి విడతలో 16, రెండో విడతలో 10 సర్పంచ్‌ స్థానాలు ఏకగ్రీవం అయినట్లు అధికారికంగా ప్రకటించారు. మూడో విడత లెక్క మరో మూడు రోజుల్లో తేలనుంది. ఎన్నికల షెడ్యూల్‌ మేరకు మొదటి విడతలో 7 మండలాల్లో 163 గ్రామాల్లో, 1,432 వార్డుల్లో, అదేవిధంగా రెండో విడతలో 182 గ్రామాలు, 1,644 వార్డుల్లో నామినేషన్లు స్వీకరించారు. షెడ్యూల్‌ మేరకు ఆయా విడతల్లో 26 గ్రామాల్లో ఏకగ్రీవం కాగా మిగతా స్థానాల్లో పోలింగ్‌ ప్రక్రియ జరగనుంది. ఈ లెక్కన మొదటి విడత సర్పంచ్‌ స్థానానికి 481మంది, వార్డు సభ్యుల స్థానాలకు 2,972మంది పోటీలో నిలిచారు. అలాగే రెండో విడతలో జరిగే ఎన్నికల్లో సర్పంచ్‌ స్థానాలకు 694 మంది, వార్డు సభ్యుల స్థానాలకు 3,917 మంది పోటీలో ఉన్నారు. మొదటి విడత పోలింగ్‌ ఈనెల 11, రెండో విడతకు ఈనెల 14 పోలింగ్‌ ఉండడంతో పోటీలో ఉన్న అభ్యర్థులు ఆ దిశగా దృష్టి సారిస్తూ ప్రచార పర్వంలో తలమునకలై ఉన్నారు. రెండు విడతల్లో తేలిన లెక్క సర్పంచ్‌ బరిలో 1,175మంది మరో మూడు రోజుల్లో క్లారిటీ

అధిక స్థానాలే లక్ష్యంపంచాయతీ ఎన్నికలపై పార్టీలు సీరియస్‌గా దృష్టి పెట్టాయి. మెజార్టీ స్థానాలను దక్కించుకోవడమే లక్ష్యంగా ముందుకుసాగుతున్నాయి. మొదటి విడత ఎన్నికల పోలింగ్‌కు కేవలం మూడు రోజులు మాత్రమే మిగిలి ఉండటంతో మరింతగా అప్రమత్తమయ్యాయి. కార్యకర్తలు, మద్దతుదారులతో సమావేశాలు నిర్వహించి దిశానిర్దేశం చేస్తున్నాయి. – గజ్వేల్‌మొదటి విడత పోలింగ్‌ తేదీ సమీపిస్తున్న కొద్దీ ఆయా పార్టీల నాయకులు ప్రత్యేక దృష్టి సారించారు. జిల్లాలోని గజ్వేల్‌, జగదేవ్‌పూర్‌, మర్కూక్‌, ములుగు, వర్గల్‌ మండలాలు, దుబ్బాక నియోజకవర్గంలోని దౌల్తాబాద్‌, రాయపోల్‌ మండలాల్లో మొదటి విడత జరుగుతున్న సంగతి తెల్సిందే. ఈనెల 11న పోలింగ్‌కు ఏర్పాట్లు జరుగుతున్నాయి. ఇక్కడ వచ్చే ఫలితాలే రెండు, మూడు విడతల్లో జరగనున్న ఎన్నికలపై ప్రభావం చూపే అవకాశం ఉన్నందునా.. ప్రధాన పార్టీలు ఛాలెంజ్‌గా తీసుకొని ముందుకెళ్తున్నాయి. మాజీ సీఎం కేసీఆర్‌ ప్రాతినిథ్యం వహిస్తున్న గజ్వేల్‌ నియోజకవర్గంలో ఈ ఎన్నికలు బీఆర్‌ఎస్‌తోపాటు అధికార కాంగ్రెస్‌ పార్టీకి ప్రతిష్టాత్మకంగా మారాయి. కాంగ్రెస్‌, బీఆర్‌ఎస్‌ పోటాపోటీ గజ్వేల్‌ నియోజకవర్గంలో ప్రస్తుతం 148 పంచాయతీల్లో ఎన్నికలు జరుగుతున్నాయి. ఇందులో 12 పంచాయతీలు ఏకగ్రీవం కాగా, మిగిలిన 136 స్థానాల ఎన్నికలపై ఉత్కంఠ నెలకొంది. ఎలాగైనా ఈ నియోజకవర్గంలో తమ పట్టు నిలుపుకోవాలని బీఆర్‌ఎస్‌ ప్రయత్నిస్తుండగా, కాంగ్రెస్‌ మెజార్టీ స్థానాల సాధనపై గురి పెట్టింది. ఈ క్రమంలోనే రెండు పార్టీలు అప్రమత్తమై ఎత్తుకు పైఎత్తులతో ముందుకుసాగుతున్నాయి. కాంగ్రెస్‌కు సంబంధించి ఆదివారం నియోజకవర్గ కేంద్రమైన గజ్వేల్‌లో మాజీ ఎమ్మెల్యే తూంకుంట నర్సారెడ్డి, డీసీసీ అధ్యక్షురాలు ఆంక్షారెడ్డిల ఆధ్వర్యంలో నిర్వహించిన కార్యకర్తల సమావేశానికి జిల్లా ఇన్‌చార్జి మంత్రి వివేక్‌ హాజరయ్యారు. ఈ సందర్భంగా ఈ నియోజకవర్గంలో మొదటి ఎన్నికలు జరిగే గ్రామాల పరిస్థితిపై సమీక్షించారు. ఎలాగైనా మెజార్టీ స్థానాలను సాధించాలని మంత్రి దిశానిర్దేశం చేశారు. ఇందుకోసం ముఖ్యమంత్రి రేవంత్‌రెడ్డి ఆధ్వర్యంలో కొనసాగుతున్న అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లి ఓట్లు అడగాలని పిలుపునిచ్చారు. మొత్తానికి ఈ సమావేశం ద్వారా పార్టీ శ్రేణుల్లో ఉత్సాహాన్ని నింపే ప్రయత్నం చేశారు. బీఆర్‌ఎస్‌ నేతల సమీక్షలు.. ఇకపోతే బీఆర్‌ఎస్‌ గజ్వేల్‌ నియోజకవర్గ ఇన్‌చార్జి వంటేరు ప్రతాప్‌రెడ్డి, ఎమ్మెల్సీ డాక్టర్‌ యాదవరెడ్డి సమన్వయంతో నియోజకవర్గంలోని కార్యకర్తలు, నాయకులతో ఎన్నికలపై నిత్యం సమీక్షిస్తున్నారు. ప్రచార కార్యక్రమాల్లో విస్త్రతంగా పాల్గొంటున్నారు. అభ్యర్థులు బలహీనంగా ఉన్న గ్రామాల్లో తీసుకోవాల్సిన కార్యాచరణను ఎప్పటికప్పుడు కార్యకర్తలకు సూచనలు చేస్తున్నారు. మరోవైపు ప్రభుత్వం ఇచ్చిన హామీలను అమలు చేయడం లేదని ప్రజల్లోకి తీసుకెళ్లే ప్రయత్నం చేస్తున్నారు. బీజేపీ సైతం తమ అభ్యర్థులు బరిలో ఉన్న గ్రామాల్లో ఓటర్లను ఆకట్టుకునే ప్రయత్నం చేస్తున్నది. మెదక్‌ ఎంపీ రఘునందన్‌రావు తమ పార్టీ అభ్యర్థులను గెలిపించే గ్రామాలకు ప్రత్యేకంగా నిధులు వచ్చేలా కృషి చేస్తానని హామీ ఇస్తున్నారు. దుబ్బాక నియోజకర్గంలో.. దుబ్బాక నియోజకవర్గం దౌల్తాబాద్‌ మండలంలోని 25 పంచాయతీలు, రాయపోల్‌ మండలంలోని 19 పంచాయతీల్లో ఎన్నికలు జరుగుతుండగా అధిక స్థానాలను దక్కించుకోవడానికి కాంగ్రెస్‌, బీఆర్‌ఎస్‌లు పోటీపడుతున్నాయి. బీజేపీ సైతం తనదైన శైలిలో ప్రయత్నాలను ముమ్మరం చేసింది. మొత్తానికి మొదటి విడత ఎన్నికల ఫలితాలు మూడు రోజుల తర్వాత తేలనుండగా, సర్వత్రా ఆసక్తి నెలకొంది. పంచాయతీ ఎన్నికలపైపార్టీల ప్రత్యేక నజర్‌ మొదటి విడత పోలింగ్‌సమీపిస్తుండటంతో అప్రమత్తం కార్యకర్తలు, మద్దతుదారులతో జోరుగా సమీక్షలు

మెదక్‌జోన్‌/మెదక్‌ కలెక్టరేట్‌: సీఐటీయూ రాష్ట్ర మహాసభలు ఆదివారం మెదక్‌ పట్టణంలో అట్టహాసంగా ప్రారంభమయ్యాయి. రాష్ట్ర నలుమూలల నుంచి భారీ ఎత్తున కార్మికులు తరలివచ్చారు. ఈసందర్భంగా సంఘం రాష్ట్ర అధ్యక్షుడు చుక్క రాములు, అఖిల భారత ఉపాధ్యక్షురాలు హేమలత మాట్లాడుతూ.. ఇప్పటికే కేంద్ర, రాష్ట్ర పరిధిలోని విధులు నిర్వరించే ఔట్‌సోర్సింగ్‌, కాంట్రాక్టు పద్దతిన విధులు నిర్వహించే లక్షలాది మందికి కార్మిక చట్టం ప్రకారం వేతనాలు అందటం లేదన్నారు. కార్మిక చట్టం (వెజ్‌బోర్డు) ప్రకారం ప్రతి కార్మికుడిని పీఎఫ్‌, ఈఎస్‌ఐతో పాటు ఉద్యోగ భద్రత కల్పించాలని డిమాండ్‌ చేశారు. గతంలో యాజమాన్యాలు తప్పు చేస్తే వెజ్‌బోర్డు ఆధారంగా వారిని జైలుకు పంపే అధికారం కార్మిక చట్టాల్లో ఉండేదని, ప్రస్తుతం వాటిని తొలగించి కార్మికులు హక్కుల కోసం ప్రశ్నిస్తే శిక్షించే విధంగా నూతన కార్మిక చట్టాలను తెచ్చారని వాపోయారు. కార్మికులు రోజుకు 8 గంటల కన్నా ఎక్కువగా పనిచేయరాదనే నిబంధన ఉండేదని, ప్రస్తుతం నూతన చట్టాల్లో దాన్ని తొలగించారన్నారు. వీటిని సాధించుకోవటానికి అంతా ఏకమై పోరాటం చేయాల్సిన అవసరం ఉందని పిలుపునిచ్చారు. సీఐటీయూ జాతీయ కోషాధికారి సాయిబాబ, రాష్ట్ర ఉపాధ్యక్షులు వీరయ్య, రమణ, జిల్లా నేతలు మల్లేశం, బాలమణి తదితరులు పాల్గొన్నారు.

ఏళ్లుగా భక్తుల ఎదురుచూపులు ● మూడేళ్లక్రితం అనుమతిచ్చినా నేటికీ అమలు కాని దుస్థితి ● ఆలయ వర్గాల జాప్యమే కారణమా? కొమురవెల్లి(సిద్దిపేట): కొమురవెల్లి మల్లన్న భక్తులు పల్లకీ సేవ భాగ్యం కోసం ఏళ్లుగా ఎదురుచూస్తున్నారు. గతంలో కొనసాగిన ఉత్సవ మూర్తుల సేవను పునరుద్ధరించేందుకు దేవాదాయ శాఖ అనుమతి ఇవ్వడంతో తిరిగి ప్రారంభించనున్నట్లు ఆలయ అధికారులు ప్రకటించి మూడేళ్లవుతున్నా.. నేటికీ అమలుకునోచుకోవడంలేదు. వాస్తవానికి ఆలయాల్లో ప్రతిష్ఠించిన మూల విరాట్‌ను కదిలించే అవకాశం ఉండదు. ఉత్సవ విగ్రహాలకు పూజలు చేస్తూ ఉత్సవాలకు వినియోగిస్తారు. స్వామి వారి పూజలకు సంబంధించి పల్లకీ సేవ కూడా ఉపాచారంగా భావించి ఉత్సవ మూర్తులతో ఉత్సవాలు నిర్వహిస్తారు. తద్వారా పల్లకీ మోసిన వారికి, దేవతామూర్తులను చూసిన వారికి సంపూర్ణం అనుగ్రహం కలుగుతుందని భక్తుల నమ్మకం. గతంలో నిత్యం సాయంత్రం వేళ ఆలయ మండపం నుంచి రాతిగీరల వరకు పల్లకీ సేవ నిర్వహించేవారు. అందుకు టికెట్‌ ధర రూ.65 ఉండేది. సుమారు 26 ఏళ్ల క్రితం ఈసేవను ఆలయంలో నిలిపేశారు. తదనంతరం ఎవరూ పట్టించుకోలేదు. ఇతర ఆలయాల్లో పల్లకీ సేవా కొనసాగుతుండడంతో ఇక్కడ కూడా పునరుద్ధరించాలని భక్తులు కోరుతున్నారు. మాజీ ఎమ్మెల్యే విన్నపంతో.. ఈవిషయమై మాజీ ఎమ్మెల్యే ముత్తిరెడ్డి యాదగిరి నాలుగేళ్ల క్రితం సూచనలు చేయడంతో ఆలయ వర్గాలు సమీక్షించి టికెట్‌ ధర రూ.500 నిర్ణయిస్తూ దేవాదాయశాఖకు ప్రతి పాదనలు పంపించారు. దేవాదాయ శాఖ కమిషనర్‌ అనమతినివ్వడంతో 2023 ఏప్రిల్‌ నుంచి ప్రారంభించేందుకు చర్యలు తీసుకున్నారు. కానీ ఇంత వరకు అమలుకు నోచుకోలేదు. గతంతో గ్రామంలోని పద్మశాలీ కులస్తులు పల్లకీని మోసేవారు. అందుకు వారికి టికెట్‌ ధరలో కొంత భాగం ఆలయ వర్గాలు చెల్లించేవారు. ప్రస్తుతం టికెట్‌ తీసకున్న భక్తులే నేరుగా పల్లకీ మోసేందకు అనుమతి నివ్వాలని భక్తులు కోరుతున్నారు. ఏదీ ఎమైనా ఆలయంలో పల్లకీ సేవా ప్రారంభించాలని భక్తులు కోరుతున్నారు. మరి ఆలయ అధికారులు ఎప్పుడు ప్రారంభిస్తారో వేచిచూడాల్సిందే ఆలయంలో భక్తుల రద్దీ.. కొమురవెల్లి మల్లన్న ఆలయానికి భక్తులు ఆదివారం భారీ సంఖ్యలో తరలివచ్చారు. దీంతో ఆలయ పరిసరాలన్నీ మల్లన్న నామస్మరణంతో మారుమోగాయి. వేకువజామునుంచే కోనేరులో స్నానాలు చేసి స్వామి వారిని దర్శించుకున్నారు. అభిషేకాలు, పట్నాలు, ప్రత్యేక పూజలు, ఒడిబియ్యం, కేశఖండన, గంగిరేణిచెట్టువద్ద ముడుపులు కట్టి మొక్కులు చెల్లించుకున్నారు. ఒగ్గుకళాకారుల నృత్యాలు, శివసత్తుల పూనకాలతో ఆలయ ప్రాంగణం హోరెత్తింది. భక్తులకు కావాల్సిన ఏర్పాట్లను ఆలయ సిబ్బంది పర్యవేక్షించారు. ఆనవాయితీ కొనసాగించాలి ఆలయంలో స్వామి వారి ఉత్సవ విగ్రహాల పల్లకీ సేవను గతంలో పద్మశాలీ కులస్తులే నిర్వహించేవారు. ప్రస్తుతం ఉత్సవాల సమయంలో కూడా పద్మశాలీలే పల్లకీని మోస్తున్నారు. అదే సంప్రదాయాన్ని ఆలయ అధికారులు కొనసాగించాలి. – కొండ శ్రీధర్‌, పద్మశాలీ కులస్తుడు త్వరలోనే నిర్ణయిస్తాం ఆలయ ఈఓగా ఇటీవలే బాధ్యతలు చేపట్టాను. దేవాదాయ శాఖ అధికారులు పల్లకీ సేవ పునరుద్ధరణకు అనుమతినిచ్చిన విషయం వాస్తవమే. తిరిగి ప్రారంభించేందుకు ఆలయ వర్గాలతో చర్చించి నిర్ణయం తీసుకుంటాం – టంకసాల వెంకటేశ్‌, ఆలయ ఈఓ రాజగోపురం ఎదుట భక్తుల సందడి

గజ్వేల్‌: పంచాయతీ ఎన్నికల్లో కాంగ్రెస్‌ సత్తాను చాటాలని జిల్లా ఇన్‌చార్జి మంత్రి వివేక్‌ పిలుపునిచ్చారు. ఆదివారం గజ్వేల్‌లో మాజీ ఎమ్మెల్యే తూంకుంట నర్సారెడ్డి, డీసీసీ అధ్యక్షురాలు ఆంక్షారెడ్డిల ఆధ్వర్యంలో కాంగ్రెస్‌ సర్పంచ్‌ అభ్యర్థులు, ముఖ్య కార్యకర్తల సమావేశం జరిగింది. సమావేశానికి ముఖ్యఅతిథిగా హాజరైన మంత్రి మాట్లాడుతూ ముఖ్యమంత్రి రేవంత్‌రెడ్డి ఆధ్వర్యంలో కొనసాగుతున్న అభివృద్ధి, సంక్షేమ కార్యక్రమాలపై ప్రజలు సంతోషంగా ఉన్నారన్నారు. గత బీఆర్‌ఎస్‌ పాలనలో రేషన్‌ కార్డుల కోసం, ఇళ్ల కోసం పేదలకు ఎదురుచూపులే మిగిలాయన్నారు. నేడు ఆ పరిస్థితి లేకుండా అర్హులైన ప్రతి ఒక్కరికీ రేషన్‌ కార్డులు, ఇందిరమ్మ ఇళ్లను అందిస్తున్న ఘనత తమ ప్రభుత్వానికే దక్కిందన్నారు. ప్రస్తుతం జరుగుతున్న పంచాయతీ ఎన్నికల్లో విభేదాలను పక్కనబెట్టి పార్టీ అభ్యర్థుల గెలుపునకు కలిసికట్టుగా పనిచేయాలన్నారు. మాజీ ఎమ్మెల్యే నర్సారెడ్డి, డీసీసీ అధ్యక్షురాలు ఆంక్షారెడ్డి మాట్లాడుతూ నియోజకవర్గంలో మెజార్టీ సర్పంచ్‌ స్థానాలను గెలుచుకోవడమే కార్యకర్తలు, నాయకుల లక్ష్యం కావాలన్నారు. ఏకగ్రీవ సర్పంచ్‌లకు సన్మానం ఏకగ్రీవంగా ఎన్నికైన సర్పంచ్‌లను మంత్రి సన్మానించారు. జగదేవ్‌పూర్‌ మండలం నిర్మల్‌నగర్‌ సర్పంచ్‌ కత్తి పద్మారావు, కొండాపూర్‌ సర్పంచ్‌ పుష్ప, పలుగుగడ్డ సర్పంచ్‌ కనకయ్య, వర్గల్‌ మండలం తున్కిమక్త సర్పంచ్‌ స్వామి, కుకునూర్‌పల్లి మండలం పీటీ వెంకటాపూర్‌ సర్పంచ్‌ భాస్కర్‌ తదితరులు సన్మానం పొందిన వారిలో ఉన్నారు. ‘స్థానిక’ ఎన్నికల్లో సత్తాచాటాలి అభివృద్ధి, సంక్షేమ పథకాలే ప్రచారాస్త్రాలు విభేదాలను పక్కనబెట్టి పనిచేయండి జిల్లా ఇన్‌చార్జి మంత్రి వివేక్‌ ‘స్థానిక’ంగా కాంగ్రెస్‌ జోష్‌.. ప్రశాంత్‌నగర్‌(సిద్దిపేట): స్థానిక ఎన్నికల నేపథ్యంలో కాంగ్రెస్‌ పార్టీకి జోష్‌ వచ్చిందని మంత్రి వివేక్‌ అన్నారు. ఆదివారం జిల్లా కేంద్రంలోని నియోజకవర్గ పార్టీ కార్యాలయంలో నిర్వహించిన సమావేశానికి మంత్రి వివేక్‌ ముఖ్య అతిథిగా హాజరయ్యారు. ఈ సందర్భంగా బీఆర్‌ఎస్‌ పార్టీ నుంచి కాంగ్రెస్‌లో చేరిన వారికి పార్టీ కండువా కప్పి ఆహ్వానించారు. అనంతరం పార్టీ బలపరిచిన సర్పంచ్‌, వార్డు సభ్యులను అభినందించారు. ఈ సందర్భంగా ఆయన మాట్లాడుతూ కాంగ్రెస్‌ పార్టీ అమలుచేస్తున్న పథకాలపై ప్రజలు సంతృప్తి వ్యక్తం చేస్తున్నారన్నారు. స్థానిక సంస్థల ఎన్నికల్లో అన్ని చోట్లా కాంగ్రెస్‌ మద్దతు దారులే విజయం సాధిస్తారన్నారు. గ్రామాల్లో సర్పంచ్‌, వార్డు సభ్యులకు పోటీ చేస్తున్న అభ్యర్థులకు అండగా ఉంటామని హామీ ఇచ్చారు. బీఆర్‌ఎస్‌ నాయకులు చేస్తున్న తప్పుడు ప్రచారాలను తిప్పికొట్టాలన్నారు. కార్యక్రమంలో కాంగ్రెస్‌ నాయకులు అత్తు ఇమామ్‌, సాకి ఆనంద్‌, కలీముద్దీన్‌, బొమ్మల యాదగిరి, భిక్షపతి గయాజుద్దీన్‌ తదితరులు పాల్గొన్నారు.

ఇటు ప్రచారం.. అటు ఏకగ్రీవంవర్గల్‌(గజ్వేల్‌): ఇంటి పక్కన ఇళ్లు.. కలిసిపోయినట్లున్న ఊర్లు.. చెట్టే గెట్టు అన్నట్లు ఆవలవైపు చాంద్‌ఖాన్‌ మక్త (మక్త మైలారం), చెట్టు ఈవలి వైపు చౌదరిపల్లి పరిధిలోకి వస్తుంది. వర్గల్‌ మండల పరిధిలోని ఈ రెండు గ్రామాలలో చాంద్‌ఖాన్‌ మక్త పంచాయతీ ఏకగ్రీవమైంది. దీంతో ఇక్కడ ఎన్నికల ప్రచారార్భాటం లేకుండాపోయింది. పక్కనే ఆనుకుని ఉన్న చౌదరిపల్లిలో పోటీ నెలకొన్నది. ఇక్కడ అభ్యర్థుల ప్రచారం ముమ్మరంగా సాగుతున్నది. దీంతో మీకు ఓట్ల పండుగ, మాకు ఏమిలేకుండా పాయె అంటూ ఇరుగు, పొరుగు సరిహద్దు ఇళ్లవారు చర్చించుకుంటున్నారు.

దుబ్బాక: కాంగ్రెస్‌ ప్రభుత్వంలోనే అన్ని వర్గాల ప్రజలకు న్యాయం జరుగుతోందని పీసీసీ అధ్యక్షుడు మహేష్‌కుమార్‌గౌడ్‌ అన్నారు. ఆదివారం భూంపల్లి–అక్బర్‌పేట మండలం పోతారెడ్డిపేటలో కాంగ్రెస్‌ సీనియర్‌ నాయకుడు, ఉమ్మడి ఏపీ గీతాపారిశ్రామిక సంఘం మాజీ చైర్మన్‌ దివంగత బండి నర్సాగౌడ్‌ సతీమణి భాగ్యలక్ష్మి దశదినకర్మ కార్యక్రమంలో పాల్గొన్నారు. ఈ సందర్భంగా ఆమె చిత్రపటానికి పూలమాల వేసి నివాళులు అర్పించి కుటుంబ సభ్యులను పరామర్శించారు. అనంతరం ఆయన విలేకరులతో మాట్లాడారు. రాష్ట్రంలో సీఎం రేవంత్‌రెడ్డి నాయకత్వంలో ప్రజాపాలన విజయవంతంగా చేపడుతున్నామన్నారు. గత బీఆర్‌ఎస్‌ ప్రభుత్వంలో ప్రజలకు తీరని అన్యాయం జరిగిందని వాటిని సరిచేస్తూ ప్రజలకు మేలు చేయాలనే లక్ష్యంతో పనిచేస్తున్నామన్నారు. మంచి వారినే ఎన్నుకోవాలి సర్పంచ్‌ల ఎన్నికల్లో సమర్థులైన మంచి నాయకులను ఎన్నుకోవాలని ఆయన సూచించారు. అధికారపార్టీకి చెందిన వారిని ఎన్నుకుంటే గ్రామాలు అభివృద్ధి చెందుతాయని దీన్ని దృష్టిలో పెట్టుకొని ప్రజలు ఓట్లు వేయాలన్నారు. గ్రామాల అభివృద్ధిలో సర్పంచ్‌లే కీలకమన్నారు. ప్రజలు కాంగ్రెస్‌ పాలనపై సంతృప్తిగా ఉన్నారని తెలిపారు. కార్యక్రమంలో దుబ్బాక బ్లాక్‌ కాంగ్రెస్‌ అధ్యక్షుడు పాతూరి శ్రీనివాస్‌గౌడ్‌, ఏఎంసీ చైర్మన్‌ సంయుక్త శ్రీధర్‌, నాయకులు కమలాకర్‌, మంద చంద్రసాగర్‌, బాల్‌యాదవ్‌, శ్రీనివాస్‌గౌడ్‌, మధు, ప్రతాప్‌, బాల్తె వెంకటేశం తదితరులు ఉన్నారు. గ్రామాభివృద్ధికి పాటుపడేవారినేఎన్నుకోండి విజయవంతంగా ప్రజాపాలన పీసీసీ అధ్యక్షుడు మహేశ్‌కుమార్‌గౌడ్‌

సిద్దిపేటజోన్‌: గ్రామంలో ఏకగ్రీవంగా ఆమోదం ఎలా సాధించారో అదే తరహాలో ఐక్యతతో గ్రామాన్ని ఆదర్శంగా అభివృద్ధి చేసుకోవాలని మాజీ మంత్రి, ఎమ్మెల్యే హరీశ్‌రావు పిలుపునిచ్చారు. ఆదివారం ఎమ్మెల్యే క్యాంపు కార్యాలయంలో బొగ్గులోనిబండ, రామంచ గ్రామాల ఏకగ్రీవ సర్పంచ్‌లు, గ్రామస్తులు మర్యాదపూర్వకంగా హరీశ్‌రావును కలిశారు. ఈ సందర్భంగా వారితో ఆయన మాట్లాడారు. నియోజకవర్గ పరిధిలోని నాలుగు గ్రామాలు ఏకగ్రీవంగా సర్పంచ్‌ను ఎన్నుకున్నారని, ఇదే స్ఫూర్తితో అభివృద్ధికి అందరూ సమష్టిగా ముందుకు సాగాలని సూచించారు. గ్రామాల అభివృద్ధికి సంపూర్ణ సహకారాన్ని అందిస్తానన్నారు. గ్రామాలు ఆదర్శంగా నిలిచేలా పాలక వర్గాలు సమన్వయంతో పనిచేయాలని సూచించారు. ప్రజల మన్ననలు పొందాలన్నారు. రామంచలో అనేక అభివృద్ధి కార్యక్రమాలు గత ప్రభుత్వ హయాంలో జరిగిన విషయాన్ని గుర్తు చేశారు. 20 ఏళ్ల క్రితం తొలిసారిగా రామంచలో కొనుగోలు కేంద్రం ప్రారంభించిన విషయాన్ని గుర్తు చేశారు. నిండు మనసుతో ప్రజలు ఏకగ్రీవంగా ఎన్నుకున్నారని వారి ఆకాంక్షలు నిజం చేయాలని సూచించారు. అనంతరం బొగ్గులోనిబండ ఏకగ్రీవ సర్పంచ్‌ అందే శంకర్‌, రామంచ ఏకగ్రీవ సర్పంచ్‌ భవానిలను ఆయన అభినందించారు. విద్యార్థినికి చేయూత సిద్దిపేటజోన్‌: పేద దళిత విద్యార్థిని వైద్యవిద్య కోసం ఎమ్మెల్యే హరీశ్‌రావు అండగా నిలిచారు. పట్టణానికి చెందిన పెరక శ్రీజకు కరీంనగర్‌ చలమేడ ఆనందరావు మెడికల్‌ కళాశాలలో సీటు వచ్చింది. ఆర్థిక పరిస్థితి అంతంత మాత్రమేనని తెలుసుకున్న హరీశ్‌రావు ఈ ఏడాది కళాశాల ఫీజు కోసం ఆమెకు రూ.60 వేలు అందించారు. వైద్య విద్య పూర్తయ్యేవరకు ఫీజు చెల్లిస్తానని భరోసా ఇచ్చారు. ఈ సందర్భంగా శ్రీజ కుటుంబ సభ్యులు హరీశ్‌రావుకు కృతజ్ఞతలు తెలియజేశారు. ఎమ్మెల్యేగా సంపూర్ణ సహకారం అందిస్తా ఏకగ్రీవ గ్రామాల ప్రతినిధులకు భరోసా

దుబ్బాకరూరల్‌: అత్తింటి వేధింపులు తాళలేక వివాహిత ఆత్మహత్య చేసుకుంది. ఈ సంఘటన మండలంలోని తిమ్మాపూర్‌ గ్రామంలో జరిగింది. ఎస్‌ఐ కీర్తి రాజ్‌ వివరాల ప్రకారం... రాజన్న సిరిసిల్ల జిల్లా ఇల్లంతకుంట మండలం పెద్దలింగాపూర్‌ గ్రామానికి చెందిన పెద్దోళ్ల సుష్మ(32)ను పన్నెండేళ్ల క్రితం శ్రీకాంత్‌కు ఇచ్చి వివాహం చేశారు. వీరికి ఇద్దరు కుమారులు సంతానం. కొంత కాలంగా భర్త, అత్తామామల నుంచి పలు రకాలుగా వేధింపులు ఎక్కువయ్యాయి. తల్లిదండ్రులకు తరుచు తెలుపడంతో నచ్చజెప్పేవారు. ఈ క్రమంలో శనివారం ఇంట్లో ఉరి వేసుకుంది. సమాచారం అందుకున్న పోలీసులు అక్కడకు చేరుకుని మృతదేహాన్ని పోస్టుమార్టమ్‌ నిమిత్తం దుబ్బాక ప్రభుత్వ ఆస్పత్రికి తరలించారు. తమ కుమార్తె మృతికి అల్లుడు శ్రీకాంత్, అత్త ఎల్లవ్వ, మామ బాబు కారణమని మృతురాలి తల్లి పోలీసులకు ఫిర్యాదు చేసింది.

మిరుదొడ్డి(దుబ్బాక): సిద్దిపేట జిల్లా అక్బర్‌పేట–భూంపల్లి మండలం జంగపల్లి సర్పంచ్‌ పదవికి నర్సింహారెడ్డి ఇద్దరు భార్యలు లావణ్య, రజిత నామినేషన్లు దాఖలు చేసిన విషయం తెలిసిందే. వీరిద్దరూ ఒకే కుటుంబానికి చెందిన అక్కాచెల్లెళ్లు కూడా. శనివారం రజిత తన నామినేషన్‌ను ఉపసంహరించుకుంది. దీంతో లావణ్య ఒక్కరే పోటీలో ఉండటంతో సర్పంచ్‌ పదవి ఏకగ్రీవమైంది. పంచాయతీ పరిధిలోని 10 వార్డులు కూడా ఏకగ్రీవమయ్యాయి.భర్త నామినేషన్‌ రిజెక్ట్‌.. భార్య అభ్యర్థిత్వానికి ఓకేస్కూల్‌ అసిస్టెంట్, అంగన్‌వాడీ టీచర్‌ ఉద్యోగాలు వదిలి... ఇబ్రహీంపట్నం రూరల్‌: రంగారెడ్డి జిల్లా ఇబ్రహీంపట్నం మండలం కప్పపహాడ్‌లో సర్పంచ్‌ పదవి ఎస్సీ జనరల్‌కు రిజర్వు అయ్యింది. దీంతో గ్రామానికి చెందిన స్కూల్‌ అసిస్టెంట్‌ బింగి రాములయ్య ఓ రాజకీయ పార్టీ మద్దతుతో సర్పంచ్‌ పదవికి నామినేషన్‌ వేశారు. మరో పది నెలల సర్వీస్‌ ఉండగానే వీఆర్‌ఎస్‌ కోసం ప్రయత్నించారు. ఇందులో భాగంగా అక్టోబర్‌ 30న తన రాజీనామా పత్రాన్ని డీఈఓ సుశీందర్‌రావుకు అందజేశారు. రాములయ్య సతీమణి బింగి గీత సైతం ఇదే గ్రామంలో అంగన్‌వాడీ టీచర్‌గా పనిచేస్తున్నారు. ఈనెల 5న తన ఉద్యోగానికి రాజీనామా చేసి ఇబ్రహీంపట్నం ఐసీడీఎస్‌ పీడీకి లేఖ అందజేశారు. అనంతరం ఆమె కూడా సర్పంచ్‌ అభ్యర్థిగా నామినేషన్‌ వేశారు. గీత రాజీనామాకు సంబంధిత శాఖ నుంచి ఎన్‌ఓసీ జారీ కాగా, ఆమె అభ్యర్థిత్వానికి మార్గం సుగమమైంది. కానీ, విద్యాశాఖ నుంచి రాములయ్యకు నో అబ్జెక్షన్‌ సర్టిఫికెట్‌ అందకపోవడంతో ఆయన నామినేషన్‌ తిరస్కరణకు గురైంది.

సిద్ధిపేట జిల్లా: హుస్నాబాద్ మండలం జిల్లెలగడ్డ పంచాయతీ రాజకీయాల్లో అరుదైన పరిణామం చోటు చేసుకుంది. సాధారణంగా గ్రామ సర్పంచ్ పదవికి రైతులు, స్థానిక నాయకులు పోటీ చేస్తుంటే, ఈసారి ఒక సాఫ్ట్‌వేర్ కంపెనీ యజమాని బరిలోకి దిగడం గ్రామంలో చర్చనీయాంశమైంది. జిల్లెలగడ్డ పంచాయతీకి చెందిన లావుడ్య రవీందర్‌ సర్పంచ్ పదవికి పోటీ చేస్తున్నారు. ఆయన ఒక సాఫ్ట్‌వేర్‌ కంపెనీని నడుపుతున్నారు. బీటెక్, ఎంబీఏ చదివిన రవీందర్‌.. కొన్నాళ్ల పాటు విదేశాల్లో ఉద్యోగం చేశారు. హైదరాబాద్ వచ్చి సొంతంగా కంపెనీ పెట్టారు.ప్రస్తుతం కంపెనీ బాధ్యతలు చూస్తోన్న రవీందర్ సర్పంచ్ బరిలో నిలవాలని భావించారు. జిల్లెలగడ్డ గ్రామ సర్పంచ్ పదవిని.. ఈ సారి ఎస్టీ జనరల్‌కు కేటాయించారు. ఉన్నత చదువులు చదివి.. విదేశాల్లో కొలువు చేసి.. ఇప్పుడు సొంతంగా కంపెనీ నడుపుతున్న లావుడ్య రవీందర్.. సర్పంచ్ పదవికి పోటీ చేయాలని నిర్ణయించుకున్నారు. రవీందర్ శుక్రవారం తన నామినేషన్‌ను డప్పుల చప్పుళ్లతో, కుటుంబ సభ్యులు, మద్దతుదారులతో కలిసి దాఖలు చేశారు. ఉన్నత చదువులు చదివి, విదేశాల్లో ఉద్యోగం చేసి, ఇప్పుడు గ్రామ అభివృద్ధి కోసం రాజకీయ రంగంలోకి రావడం గ్రామస్తుల్లో ఆసక్తిని రేకెత్తిస్తోంది. ఉన్నత చదువులు చదివిన వ్యక్తి సర్పంచ్‌గా వస్తే గ్రామానికి కొత్త ఆలోచనలు, అభివృద్ధి అవకాశాలు వస్తాయి అని ఆశాభావం వ్యక్తం చేస్తున్నారు.అప్పుడే కండువాలు కప్పుతాం..హుస్నాబాద్‌: సర్పంచ్‌ ఎన్నికల్లో ఎవరు గెలిచి వస్తే వారే మావాళ్లు.. అధికార పార్టీ కండువ కప్పుకోవాలని వెళ్లిన అభ్యర్థులకు కాంగ్రెస్‌ పార్టీ పెడుతున్న షరతులివి. ‘గెలిచి రండి.. అప్పుడే కండువాలు కప్పుతాం’ అని కాంగ్రెస్‌ అధిష్టానం చెబుతోంది. అధికార పార్టీ మద్దతు ఉంటే ఎక్కువ ఓట్లు పడే అవకాశం ఉంటుందని అభ్యర్థులు భావిస్తున్నారు. మూడో విడత సర్పంచ్, వార్డు సభ్యుల నామినేషన్ల స్వీకరణకు శుక్రవారం చివరి రోజు కావడంతో నామినేషన్‌ కేంద్రాల వద్ద పోటీదారుల సందడి నెలకొంది. హుస్నాబాద్‌ మండలంలో 17 జీపీలు, 140 వార్డులు, అక్కన్నపేట మండలంలో 38 జీపీలు, 306 వార్డులు, కోహెడ మండలంలో 27 జీపీలు, 244 వార్డులకు ఎన్నికలు జరుగనున్నాయి. పోటీదారులు తమ బలాన్ని నిరూపించుకునేందుకు భారీ ర్యాలీలతో వచ్చి నామినేషన్లు దాఖలు చేశారు. మంత్రి పొన్నం ప్రభాకర్‌ (Ponnam Prabhakar) ప్రాతినిధ్యం వహిస్తున్న హుస్నాబాద్‌ నియోజకవర్గంలోని పల్లెల్లో ఎన్నికల వాతావరణం వేడెక్కుతోంది. చాలా గ్రామాల్లో కాంగ్రెస్‌ పార్టీకి చెందిన అభ్యర్థులు ఇద్దరు, ముగ్గురు సర్పంచ్‌ పదవుల కోసం పోటీ పడుతున్నారు. ఎవరికి వారే ప్యానల్‌ను ఏర్పాటు చేసుకున్నారు. దీంతో గ్రామాల్లో కాంగ్రెస్‌ పార్టీ నాయకత్వం వర్గాలుగా విడిపోయింది. నచ్చిన వారికి మద్దతు తెలుపుతున్నారు. ఎవరు అధికార పార్టీ వారో తెలియక కార్యకర్తలు అయోమయోంలో పడుతున్నారు. ఎవరు గెలిచినా మా వద్దకే వస్తారని కాంగ్రెస్‌ అంచనా వేస్తోంది. పలాన వ్యక్తి మా అభ్యర్థి అని ప్రకటిస్తే మిగతా వారు దూరమయ్యే అవకాశం ఉంటుంది. అందుకే అధికార పార్టీ కండువా కప్పడానికి సమ్మతించడం లేదు.

కోహెడరూరల్‌(హుస్నాబాద్‌): ఎన్నికల నియమావళిని ఉల్లంఘించిన వ్యక్తులపై కేసు నమోదు చేసినట్లు ఎస్‌ఐ అభిలాష్‌ తెలిపారు. గురువారం రాత్రి వాహన తనిఖీలు చేస్తుండగా ద్విచక్ర వాహనంపై భారీగా మద్యం తరలిస్తున్న మైసంపల్లి గ్రామానికి చెందిన పుప్పాల రమేశ్‌, ఎట్టబోయిన శ్రీకాంత్‌ పట్టుపడ్డారు. వారిని విచారించగా గ్రామానికి చెందిన ఓ వార్డు సభ్యురాలిగా పోటీచేస్తున్న అభ్యర్థి తీసుకురమ్మన్నట్టు తెలిపారు. దీంతో వారిపై పంచాయతీ రాజ్‌, ఎకై ్సజ్‌, ఎన్నికల నియమావళి ఉల్లంఘనకు సంబంధించి కేసులు నమోదు చేశామని ఎస్‌ఐ తెలిపారు. మరో ముగ్గురిపై.. హుస్నాబాద్‌రూరల్‌: హుస్నాబాద్‌ మండలంలో ఎన్నికల కోడ్‌ ఉల్లంఘించిన ముగ్గురిపై కేసు నమోదు చేసినట్లు ఎస్‌ఐ లక్ష్మారెడ్డి శుక్రవారం తెలిపారు. జిల్లెలగడ్డలో పంచాయతీ సర్పంచ్‌ అభ్యర్థి రవీందర్‌ ఎలాంటి అనుమతి లేకుండా తన వాహనాన్ని ఎన్నికల ప్రచారానికి వినియోగించారు. అలాగే హుస్నాబాద్‌ నుంచి మల్లంపల్లికి అక్రమంగా మద్యం తరలిస్తున్న పబ్బ సంపత్‌పైనా, భల్లునాయక్‌తండాలో అక్రమంగా బీర్లు విక్రయించిన మహిళపైనా కేసులు నమోదు చేసినట్లు ఆయన తెలిపారు. అనుమతి లేకుండా ప్రచారంలో వాహనాలు వినియోగించినా.. అక్రమంగా మద్యం తరలించినా కఠిన చర్యలు తీసుకుంటామని హెచ్చరించారు.

● జిల్లాఓ 15 వేల ఎకరాలలో సాగు ● చీడపీడలతో అప్రమత్తం ● శాస్త్రవేత్త పల్లవిదుబ్బాకటౌన్‌: సిద్దిపేట జిల్లాలో వర్షాధారంగా సాగుచేస్తున్న పప్పుదినుసుల పంటలో కంది కీలంగా ఉంది. దాదాపు 15 వేల ఎకరాలలో కంది సాగు చేసినట్లు అధికారులు అంచనా వేశారు. ఈ యేడు విత్తుకున్న పంట ప్రస్తుతం పూతదశలో ఉంది. ఈ సమయంలో సరైన యాజమాన్య పద్ధతులు చేపడితే అధిక దిగుబడులు పొందవచ్చునని సిద్దిపేట రైతు విజ్ఞానకేంద్రం శాస్త్రవేత్త పల్లవి రైతులకు సూచించారు. పూత దశలో.. వర్షపాతం లేని చోట పూతకు ముందు 19:19:19 ను 5 గ్రా. లీటరు నీటికి కలిపి పిచికారీ చేసుకోవాలి. పూతదశలో నీటి ఎద్దడికి గురైనా, పూతదశలో నీరు ఎక్కువైనా పూత రాలిపోతుంది. సరైన సమయంలో నీటి తడులు పెట్టుకోవాలి. ఇసుక నేలల్లో సాగుచేసిన పంటలో ఎక్కువ శాతం పూత రాలిపోయే సమస్య కనిపిస్తుంది. దానిని నివారించడానికి ప్లానోఫిక్స్‌ 0.2 మి.లీ. లీటరు నీటికి కలిపి 15 రోజుల వ్యవధిలో రెండుసార్లు పిచికారీ చేసుకుంటే పూత, పిందె రాలడాన్ని అరికట్టవచ్చు. కాత ఏర్పడే దశలో పరిస్థితులను అధిగమించేందుకు ఒకసారి (13–0–45) పొటాషియం నైట్రేట్‌ 5 గ్రా. లీటరు నీటికి కలిపి పిచికారీ చేసుకోవాలి. కాయ తొలిచే ఈగ: ఈ ఈగ పూత, లేత కాయలు లేదా పిందెలలో గుడ్లు పెడుతుంది. వాటి నుంచి వచ్చిన పిల్ల పురుగులు గింజలను తినేస్తాయి. గింజల మీద తెల్లని చారలను ఏర్పరుస్తాయి. ఆశించిన కాయలను బయట నుంచి గుర్తించలేం. ఫ్యుజేరియం ఎండు తెగులు: కందిలో ప్రధానమైన సమస్య ఫ్యుజేరియం ఎండు తెగులు. ఇది భూమి ద్వారా సంక్రమిస్తుంది. ఈ తెగులు మొలక దశ నుంచి పూత, కాత దశ వరకు వ్యాపించే అవకాశం ఉంది. ఈ తెగులు లక్షణాలు మొక్కల చిగుర్లు లేదా కొమ్మలు కిందికి వంగి వాడిపోతాయి. క్రమేణా ఆకులన్నీ పండుబారి, మొక్కలు ఎండిపోతాయి.శనగపచ్చ పురుగు: దీని తల్లి పురుగు మొగ్గలపై లేత పసుపు, తెలుపు రంగు గుడ్లను పెడుతుంది. దీని నివారణకు తొలిదశలోనే వేప నూనె/ వేపగింజల కషాయాన్ని 5మి.లీ. లీటరు నీటికి కలిపి పిచికారీ చేయాలి. ఎకరాకు 5 లింగాకర్షక బుట్టలనుఅమర్చాలి.మారుకా మచ్చల పురుగు: ముఖ్యంగా పూతదశలో మారుకా మచ్చల పురుగు ఆశించే అవకాశం ఉంది. ఈ పురుగు ఆశిస్తే మొక్కలలో ఎదుగుదల లోపిస్తుంది. నివారణకు వేప గింజల కషాయం 5శాతం లేదా వేపనూనె (అజాడిరాక్టిన్‌ 1500 పి.పి.యం.) 5 మి.లీ. లీటరు నీటిలో కలిపి పిచికారీ చేయాలి.

కొండపాక(గజ్వేల్‌): కొండపాక హైస్కూల్‌ 8వ తరగతి విద్యార్థి రిత్విక్‌ తేజ రాష్ట్ర స్థాయి కథల పోటీల్లో తృతీయ బహుమతికి ఎంపికయ్యాడని హెచ్‌ఎం విఠల్‌ నాయక్‌ శుక్రవారం తెలిపారు. బాలల దినోత్సవాన్ని పురస్కరించుకొని ఇటీవల హైదారాబాద్‌లో రాష్ట్రస్థాయి సాహిత్య పోటీలు నిర్వహించారు. ఈ పోటీల్లో ఎనిమిది మంది విద్యార్థులు పాల్గొనగా శుక్రవారం వెలువడిన విజేతల జాబితాలో రిత్విక్‌ తేజ తృతీయ బహుమతికి ఎంపికయ్యారన్నారు. విద్యార్థుల్లో దాగి ఉన్న సృజనాత్మకతను వెలికి తీయడానికి సాహిత్య అకాడమీ పోటీలు నిర్వహించడం గొప్ప విషయమన్నారు. రిత్విక్‌ తేజ రాష్ట్రస్థాయిలో రాణిస్తూ పాఠశాల, గ్రామం పేరు ప్రతిష్టతలను పెంచాడన్నారు. ఈ సందర్భంగా తెలుగు టీచర్‌ సత్యలక్ష్మికి ఆయన కృతజ్ఞతలు తెలిపారు.

సిటిజన్స్‌ క్లబ్‌ప్రదర్శనగజ్వేల్‌: ‘అభ్యర్థులారా ఓటును కొనకండి – గ్రామస్తులారా ఓటును అమ్మకండి’ అనే నినాదంతో జగదేవ్‌పూర్‌ మండలం తిగుల్‌ గ్రామంలో సిటిజన్స్‌ క్లబ్‌ ఆధ్వర్యంలో శుక్రవారం ప్రదర్శన నిర్వహించారు. ఎన్నికల్లో ప్రలోభాల ప్రభావం వల్ల ప్రజాస్వామ్యం దెబ్బతింటుందని, ప్రజలను చైతన్యవంతులను చేయడమే లక్ష్యంగా ఈ ప్రదర్శన నిర్వహిస్తున్నట్లు క్లబ్‌ అధ్యక్షుడు ఎల్లు రాంరెడ్డి తెలిపారు. ఈ సందర్భంగా ఆయన మాట్లాడుతూ ఓటు ప్రజల హక్కు, శక్తి, గౌరవం అని అభివర్ణించారు. కార్యక్రమంలో క్లబ్‌ ప్రతినిధులు బట్టు దయానందరెడ్డి, రామకృష్ణారెడ్డి, కొన్యాల కిష్టారెడ్డి, శ్రీనివాస్‌రెడ్డి, మల్లికార్జున్‌రెడ్డి, భిక్షపతి, వెంకట్‌రెడ్డి, యువజన సంఘాల నాయకులు రంగ వెంకట్‌గౌడ్‌ పాల్గొన్నారు.

ప్రశాంత్‌నగర్‌(సిద్దిపేట): స్థానిక సంస్థల ఎన్నికల విధుల నుంచి దివ్యాంగ, దీర్ఘకాలిక వ్యాధిగ్రస్త ఉపాధ్యాయులకు మినహాయింపు ఇవ్వాలని పీఆర్టీయూ జిల్లా అధ్యక్ష కార్యదర్శులు ఇంద్రసేనారెడ్డి, శశిధర్‌శర్మ కోరారు. డీఈఓ శ్రీనివాస్‌రెడ్డికి శుక్రవారం వినతిపత్రం అందించారు. ఈ సందర్భంగా వారు మాట్లాడుతూ దీర్ఘకాలిక వ్యాధిగ్రస్తులు, దివ్యాంగులు, ఆరు నెలలోపు ఉద్యోగ విరమణ కలిగిన వారికి, గర్భిణులు, బాలింతలకు ఎన్నికల విధులు అప్పగించడం సరికాదన్నారు. రాష్ట్రస్థాయి ‘కబడ్డీ’కి ఎంపిక హుస్నాబాద్‌రూరల్‌: రాష్ట్రస్థాయి కబడ్డీ పోటీలకు హుస్నాబాద్‌ క్రీడాకారులు ఎంపికై నట్లు కోచ్‌ మడక కృష్ణ శుక్రవారం తెలిపారు. జిల్లాస్థాయి క్రీడల్లో ప్రతిభ చూపిన క్రీడాకారులు గడిపె సిద్ధు, నన్నె సాయి, రణిల్‌, అభిలాష్‌ 7వ వరకు మహబూబ్‌నగర్‌లో జరిగే రాష్ట్రస్థాయి జూనియర్‌ కబడ్డీ క్రీడల్లో పాల్గొంటారని కోచ్‌ తెలిపారు. ఆటపాటలతో విద్యాబోధన హుస్నాబాద్‌: విద్యార్థులకు ఇంటిని మరిపించే విధంగా ఆటపాటలతో విద్యాబోధనకు సిద్ధం చేస్తున్నామని, అందులో భాగంగా ఇన్‌స్ట్రక్టర్లకు శిక్షణ ఇస్తున్నట్టు ఎంఈఓ బండారి మనీల చెప్పారు. స్థానిక ప్రభుత్వ బాలికల ఉన్నత పాఠశాలలో శుక్రవారం ప్రి ప్రైమరీ ఇన్‌స్ట్రక్టర్లకు శిక్షణ తరగతులు నిర్వహించారు. ఈ సందర్భంగా డీఈఓ మాట్లాడతూ హుస్నాబాద్‌, అక్కన్నపేట, కోహెడ, బెజ్జంకి మండలాలకు చెందిన ఇన్‌స్ట్రక్టర్లకు నిర్వహిస్తున్న ఈ శిక్షణ 8 వరకు కొనసాగుతుందన్నారు. పరిమితిని మించొద్దు బెజ్జంకి(సిద్దిపేట): పంచాయతీ ఎన్నికలలో సర్పంచ్‌, వార్డు పదవులకు పోటీచేసే అభ్యర్థులు పరిమితికి అనుగుణంగా ఖర్చు చేయా లని ఎంపీడీఓ ప్రవీణ్‌ సూచించారు. బెజ్జంకిలో శుక్రవారం అభ్యర్థులకు ఎన్నికల నిబంధనలపై అవగాహన సమావేశం నిర్వహించారు. ఈ సందర్భంగా ఆయన మాట్లాడుతూ 5 వేలలోపు జనాభా ఉన్న గ్రామాలలో సర్పంచ్‌ అభ్యర్థులు రూ.1.50 లక్షలు, వార్డు సభ్యులు రూ.30 వేలు వరకు ఖర్చు చేయవచ్చన్నారు. ఎక్కువ జనాభా ఉన్న గ్రామాల్లో రూ.2.50 లక్షలు. రూ.50 వేలు వరకు ఖర్చు చేయవచ్చని చెప్పారు. ప్రతి రూపాయి జీరో అకౌంట్‌ నుంచి వెచ్చించాలని సూచించారు. సమావేశంలో ఎన్నికల వ్యయ పరిశీలకుడు రాజమౌళి, రూర ల్‌ సీఐ శ్రీను, తహసీల్దార్‌ శ్రీకాంత్‌, ఎస్‌ఐ సౌజన్య తదితరులు పాల్గొన్నారు. ట్రాఫిక్‌ నిబంధనలు తప్పనిసరి: ట్రాఫిక్‌ ఎస్‌ఐ సిద్దిపేటజోన్‌: ప్రతి ఒక్కరూ ట్రాఫిక్‌ నిబంధనలు తప్పనిసరిగా పాటించాలని ట్రాఫిక్‌ ఎస్‌ఐ విజయ్‌ భాస్కర్‌ సూచించారు. ఓ స్థానిక స్కూల్‌లో విద్యార్థులకు శుక్రవారం ట్రాఫిక్‌ నిబంధనలపై అవగాహన కల్పించారు. ఆయన మాట్లాడుతూ.. మైనర్లు వాహనాలు నడపడం నేరమన్నారు. ట్రాఫిక్‌ నిబంధనలు, రోడ్డు భద్రతా, మైనర్‌ డ్రైవింగ్‌ తదితర అంశాలపై వివరించారు. కార్యక్రమంలో ప్రిన్సిపాల్‌ హన్మంతారెడ్డి, ఉపాధ్యాయులు పాల్గొన్నారు. మద్యం పట్టివేత మిరుదొడ్డి(దుబ్బాక): అక్రమంగా నిల్వ ఉంచిన మద్యాన్ని స్వాధీనం చేసుకున్నట్లు మిరుదొడ్డి ఎస్‌ఐ సమత తెలిపారు. శుక్రవారం ఆమె మాట్లాడుతూ మండల పరిధిలోని మల్లుపల్లిలో గరిపల్లి లక్ష్మణ్‌ ఇంటిలో సోదా నిర్వహించగా 12.39 లీటర్ల మద్యం బాటిళ్ళను పట్టుకొన్నామన్నారు. నిందితుడిపై కేసు నమోదు చేసి దర్యాప్తు చేస్తున్నట్లు చెప్పారు.

జనగామ ఎమ్మెల్యే పల్లామద్దూరు(హుస్నాబాద్‌): స్థానిక సంస్థ ఎన్నికల సందర్భంగా ఓట్ల కోసం వచ్చే కాంగ్రెస్‌ నాయకులను ఇచ్చిన హామీల కోసం నిలదీయాలని జనగామ ఎమ్మెల్యే పల్లా రాజేశ్వర్‌రెడ్డి అన్నారు. మండలంలోని గాగ్గిళ్లాపూర్‌ గ్రామానికి చెందిన పలువురు శుక్రవారం కాంగ్రెస్‌ పార్టీ నుంచి బీఆర్‌ఎస్‌లో చేరారు. ఎమ్మెల్యే వారికి బీఆర్‌ఎస్‌ కండువాలు కప్పి పార్టీలోకి ఆహ్వానించారు. అనంతరం ఆయన మాట్లాడుతూ బీఆర్‌ఎస్‌ పార్టీ బలపర్చిన సర్పంచ్‌ అభ్యర్థులు విజయం సాధించేలా స్థానిక నాయకులు, కార్యకర్తలు సమష్టిగా పనిచేయాలన్నారు. అభ్యర్థులను భారీ మెజార్టీతో గెలిపించి పంచాయతీలపై గులాబీ జెండా ఎగురవేయాలని కోరారు. కార్యక్రమంలో సంతోష్‌కుమార్‌, చంద్రమౌళి, మహేశ్‌ తదితరులు పాల్గొన్నారు.

బీఆర్‌ఎస్‌ బీసీ సంఘం నేతనర్సిహంగరావుగజ్వేల్‌రూరల్‌: కాంగ్రెస్‌ ప్రభుత్వం బీసీలను మాయమాటలతో మభ్యపెడుతోందని, ఇప్పటికై నా మేల్కొని బీసీలు రిజర్వేషన్ల కోసం పోరాడాలని బీఆర్‌ఎస్‌ పార్టీ బీసీ సంఘం నాయకుడు కల్యాణ్‌కర్‌ నర్సింగరావు అన్నారు. ఎమ్మెల్యే క్యాంపు కార్యాలయంలో శుక్రవారం ఆయన మాట్లాడుతూ కామారెడ్డి డిక్లరేషన్‌ పేరు చెప్పి అధికారంలోకి వచ్చిన కాంగ్రెస్‌ ఇప్పుడు బీసీలను రిజర్వేషన్ల పేరుతో మోసం చేయడానికి ప్రయత్నిస్తోందన్నారు. ప్రజలకు అవసరమైన వసతులు, సమస్యల పరిష్కారంపై దృష్టి సారించకుండా కాలయాపన చేస్తోందని మండిపడ్డారు. కాంగ్రెస్‌ ప్రభుత్వ పాలన పాలనలో ఈశ్వర సాయిచారి బలిదానానికి సిద్ధపడి గాంధీ ఆస్పత్రిలో చావుబతుకుల మధ్య కొట్టుమిట్టాడుతున్నాడని వాపోయారు. కార్యక్రమంలో బీసీ నేత ఆర్‌కే శ్రీను తదితరులు పాల్గొన్నారు.

● 15 కిలోల కణతి తొలగింపు ● సూపరింటెండెంట్‌ సంగీత, డాక్టర్‌ చందర్‌సిద్దిపేటకమాన్‌: ప్రభుత్వ ఆస్పత్రి వైద్యులు అరుదైన శస్త్ర చికిత్స నిర్వహించి ఓ మహిళ కడుపులో నుంచి 15 కిలోల కణతిని తొలగించారు. ఈ ఘటన ప్రభుత్వ ఆస్పత్రిలో శుక్రవారం చోటు చేసుకుంది. ఆస్పత్రి సూపరింటెండెంట్‌ డాక్టర్‌ సంగీత, డిప్యూటీ సూపరింటెండెంట్‌ డాక్టర్‌ చందర్‌ తెలిపిన వివరాల ప్రకారం.. రామాయంపేటకు చెందిన 59 యేళ్ల మహిళ కొన్ని నెలలుగా కడుపు నొప్పి, ఉబ్బసంతో బాధపడుతోంది. ఆర్‌ఎంపీల వద్ద చికిత్స తీసుకున్నా ఫలితం లేకపోయింది. దీంతో పది రోజుల క్రితం ప్రభుత్వ ఆస్పత్రి వైద్యులను సంప్రదించింది. పలు రకాల పరీక్షలు నిర్వహించి ఆమె కడుపులో పెద్ద కణతి ఉన్నట్లు గుర్తించారు. దీంతో శుక్రవారం వైద్యులు చందర్‌, అనుపమ, సహస, రవిమోహన్‌, దేవేందర్‌, అభిషేక్‌ మూడు గంటల పాటు శస్త్ర చికిత్స నిర్వహించి 15 కిలోల కణతిని తొలగించారు. ప్రస్తుతం ఆ మహిళ ఆరోగ్యం నిలకడగా ఉందని, ఐసీయూలో చికిత్స పొందుతోందని వారు తెలిపారు. విషయం తెలుసుకున్న ప్రభుత్వ మెడికల్‌ కళాశాల డైరెక్టర్‌ డాక్టర్‌ విమలాథామస్‌, సూపరింటెండెంట్‌ సంగీత సర్జరీ చేసిన వైద్య బృందాన్ని అభినందించారు. కార్యక్రమంలో సీఎస్‌ఆర్‌ఎంఓ జ్యోతి, ఆర్‌ఎంఓలు శ్రావణి, సదానందం తదితరులు పాల్గొన్నారు.

గజ్వేల్‌రూరల్‌: విద్యార్థులు సమాజ సేవలో భాగస్వాములు కావాలని ప్రభుత్వ మహిళా డిగ్రీ కళాశాల ప్రిన్సిపాల్‌ ప్రొఫెసర్‌ అనిత అబ్రహం పిలుపునిచ్చారు. ఎన్‌ఎస్‌ఎస్‌ ఆధ్వర్యంలో కళాశాలలో శుక్రవారం అంతర్జాతీయ స్వచ్ఛంద దినోత్సవం నిర్వహించారు. ఈ సందర్భంగా ఆమె మాట్లాడుతూ ఆపదలో ఉన్న వారికి సహకారం అందించి ఆదుకోవాలన్నారు. క్రమశిక్షణ, ఐక్యత, నైతికత, బాధ్యతతో వ్యవహరించడం లాంటి విలువల గురించి విద్యార్థులకు అవగాహన కల్పించారు. ఈ సందర్భంగా ఎన్‌ఎస్‌ఎస్‌ వలంటీర్లు స్వచ్ఛంద సేవ ప్రతిజ్ఞ చేశారు. కళాశాల పరిసరాలను పరిశుభ్రం చేశారు. కార్యక్రమంలో ఎన్‌ఎస్‌ఎస్‌ ప్రోగ్రాం అధికారులు డాక్టర్‌ సౌజన్య, డాక్టర్‌ సరోజ, అధ్యాపకులు కస్తూరిబాయి, వీఆర్‌ అర్చన, డాక్టర్‌ శోభారాణి పాల్గొన్నారు.

గజ్వేల్‌రూరల్‌: డ్రంకెన్‌ డ్రైవ్‌లో పట్టుపడిన ఇద్దరికి న్యాయమూర్తి స్వాతిగౌడ్‌ నాలుగు రోజుల జైలుశిక్ష విధించారు. ట్రాఫిక్‌ సీఐ మురళి శుక్రవారం విలేకరులతో మాట్లాడుతూ పలు ప్రాంతాల్లో ఇటీవల నిర్వహించిన తనిఖీల్లో ఏడుగురు మద్యం తాగి వాహనాలు నడుపుతూ పట్టుపడ్డారన్నారు. వారిని శుక్రవారం కోర్టులో హాజరు పర్చామని, న్యాయమూర్తి వారిలో ఐదుగురికి రూ.50 వేలు, మరో ఇద్దరికి నాలుగు రోజుల జైలుశిక్ష విధించినట్లు చెప్పారు. మద్యం తాగి వాహనాలు నడపడం వల్ల ప్రమాదాలు జరిగే ఆస్కారముందని, ట్రాఫిక్‌ నిబంధనలు తప్పనిసరిగా పాటించాలని సూచించారు. నిర్లక్ష్యంగా వ్యవహరించే చర్యలు తప్పవని హెచ్చరించారు. నేడు విద్యుత్‌ నిలిపివేత దుబ్బాక: మండల పరిధిలోని హబ్సీపూర్‌ విద్యుత్‌ సబ్‌స్టేషన్‌లో పనులు నిర్వహిస్తున్న కారణంగా శనివారం విద్యుత్‌ సరఫరాలో అంతరాయం ఏర్పడుతుందని దుబ్బాక సబ్‌డివిజన్‌ ఏడీ గంగాధర్‌ పేర్కొన్నారు. ఉదయం 9 నుంచి మధ్యాహ్నం 12.30 వరకు దుబ్బాక మున్సిపాలిటీ, భూంపల్లి–అక్బర్‌పేట మండలంలోని కొన్ని గ్రామాలతోపాటు మిరుదొడ్డి మండలంలోని ధర్మారం, అందె, కొండాపూర్‌, కాసులాబాద్‌ గ్రామాల్లో విద్యుత్‌ నిలిపివేయనున్నట్టు తెలిపారు. సిద్దిపేటలో.. ప్రశాంత్‌నగర్‌(సిద్దిపేట): పట్టణంలోని 11కేవీ వన్‌టౌన్‌ ఫీడర్‌ మరమ్మతుల కారణంగా శనివారం విద్యుత్‌ సరఫరాలో అంతరాయం ఉంటుందని పట్టణ అసిస్టెంట్‌ డివిజనల్‌ ఇంజనీర్‌ సుధాకర్‌రెడ్డి శుక్రవారం ఒక ప్రకటనలో పేర్కొన్నారు. మంగమ్మతోట, చర్వాదాన్‌, బారాహిమామ్‌, నాసర్‌పుర, చేపల మార్కెట్‌ ప్రాంతాలలో శనివారం ఉదయం 9గంటల నుంచి మధ్యాహ్నం 12 వరకు విద్యుత్‌ సరఫరాలో అంతరాయం ఉంటుందని తెలిపారు. దరఖాస్తుల ఆహ్వానం దుబ్బాకటౌన్‌: దౌల్తాబాద్‌ ఆదర్శ పాఠశాలలో ఖాళీగా ఉన్న గణిత పీజీటీ పోస్టుకు దరఖాస్తులు ఆహ్వానిస్తున్నట్లు ప్రిన్సిపాల్‌ దుర్గాప్రసాద్‌ శుక్రవారం ఒక ప్రకటనలో పేర్కొన్నారు. ఎంఎస్సీ, బీఈడీ పూర్తి చేసిన వారు అర్హులని, అనుభవం కలిగిన వారికి ప్రాధాన్యం ఉంటుందని తెలిపారు. సోమవారంలోగా పాఠశాలలో దరఖాస్తులు అందజేయాలని, మంగళవారం ఇంటర్వ్యూ ద్వారా ఎంపిక చేస్తామని పేర్కొన్నారు. మరిన్ని వివరాల కోసం 73823 25007నంబర్‌ను సంప్రదించాలని సూచించారు. హరీశ్‌రావు సమక్షంలో బీఆర్‌ఎస్‌లోకి.. సిద్దిపేటజోన్‌: సిద్దిపేట అర్బన్‌ మండలం వెల్కటూర్‌ మాజీ ఎంపీటీసీ నర్సింహులు తిరిగి సొంత గూటికి చేరారు. ప్రస్తుతం కాంగ్రెస్‌ పార్టీలో ఉన్న ఆయన శుక్రవారం ఎమ్మెల్యే క్యాంపు కార్యాలయంలో ఎమ్యెల్యే హరీశ్‌రావు సమక్షంలో గులాబీ పార్టీలో చేరారు. హరీశ్‌రావు ఆయనకు కండువా కప్పి పార్టీలోకి ఆహ్వానించారు. పార్టీ బలోపేతానికి ఐక్యంగా పనిచేయాలని సూచించారు.

గజ్వేల్‌: జిల్లాలో జరుగుతున్న ఎస్సీ, ఎస్టీ దాడులను అరికట్టడంలో పోలీసు, రెవెన్యూశాఖల అధికారులు విఫలమవుతున్నారని దళిత బహుజన ఫ్రంట్‌(డీబీఎఫ్‌) జాతీయ కార్యదర్శి పి.శంకర్‌ ఆరోపించారు. గురువారం గజ్వేల్‌లోని అంబేడ్కర్‌ భవన్‌లో ఎస్సీ, ఎస్టీ అట్రాసిటీ కేసుల బాధితుల సమావేశం నిర్వహించారు. సమావేశంలో ఆయన మాట్లాడుతూ న్యాయం కోసం బాధితులు పోలీస్‌ స్టేషన్లను ఆశ్రయిస్తే.. సరైన న్యాయం జరగడం లేదన్నారు. పోలీసు కమిషనర్‌ జోక్యం చేసుకుంటే తప్పా నిందితులను అరెస్ట్‌ చేయడం లేదన్నారు. ప్రభుత్వ లెక్కల ప్రకారం జిల్లాలో 81మంది ఎస్సీ, ఎస్టీ అట్రాసిటీ కేసుల బాధితులు ఉన్నారని చెప్పారు. వీరికి రూ.1.5కోట్ల పరిహారం చెల్లించాల్సి ఉన్నదన్నారు. సమావేశంలో డీబీఎఫ్‌ రాష్ట్ర కార్యదర్శి దాసరి ఏగొండస్వామి, జాతీయ ప్రజా ఉద్యమాల వేదిక రాష్ట్ర నాయకులు జాన్‌ మైకేల్‌, సెంట్రల్‌ యూనివర్శిటీ విద్యార్థులు అపర్ణ, హేమలత, దళిత ఉద్యోగుల సంఘం నాయకులు పి. ఎల్లయ్య, డీబీఎఫ్‌ జిల్లా కార్యదర్శి వేణు, ముస్లిం హక్కుల సంఘం నాయకుడు కాశీం, న్యాయవాది బత్తుల రాజు తదితరులు పాల్గొన్నారు.డీబీఎఫ్‌ జాతీయ కార్యదర్శి శంకర్‌

సిద్దిపేటరూరల్‌: తప్పుడు కుల ధ్రువీకరణ పత్రాలతో ఎన్నికల్లో పోటీ చేస్తున్న వారిపై చర్యలు తీసుకోవాలని, లేదంటే ఎన్నికల్లో ఓట్లు వేసే ప్రసక్తే లేదని ఇబ్రహీంపూర్‌ గ్రామ ఎస్సీ కులస్తులు నిరసన తెలిపారు. గురువారం నారాయణరావుపేట మండలం ఇబ్రహీంపూర్‌లో ఎస్సీ కులస్తులు విలేకరులతో మాట్లాడుతూ బీసీ దాసరి కులానికి చెందిన కొందరు వ్యక్తులు తప్పుడు ఆధారాలు చూపి ఎస్సీ వర్గానికి చెందిన వారీగా కుల ధ్రువీకరణ పత్రాలు పొందారు. గతంలో వారిని బీసీగా పరిగణించి వార్డు స్థానాలకు పోటీ చేశారు. కానీ ప్రస్తుత గ్రామ పంచాయతీ ఎన్నికల్లో తప్పుడు కుల ధ్రువీకరణ పత్రంతో రిజర్వేషన్ల వార్డు స్థానాలకు నామినేషన్లు వేశారన్నారు. అర్హులైన మాకు రాజ్యాంగం ఇచ్చిన హక్కులను వినియోగించుకోకుండా బీసీ కులానికి చెందిన వ్యక్తులు నామినేషన్‌ వేయడం సరికాదని, ఈ విషయంపై ఎన్నోసార్లు ఉన్నతాధికారులకు విన్నవించినా స్పందన లేదన్నారు. సమస్య పరిష్కరించకపోతే గ్రామపంచాయతీ ఎన్నికల్లో తమ వర్గం ఓట్లు బహిష్కరిస్తామన్నారు. కార్యక్రమంలో ఎమ్మార్పీఎస్‌ మండల అధ్యక్షుడు సుమన్‌, మాజీ సర్పంచ్‌ దేవయ్య, కనకయ్య, నర్సింహులు, చిన్న దేవయ్య, లక్ష్మి, సాయవ్వ, పుష్పలత, లత,ఎల్లవ్వ, ప్రమీల తదితరులు పాల్గొన్నారు. తప్పుడు ఎస్సీ సర్టిఫికెట్‌తో నామినేషన్‌ విచారణ చేపట్టి చర్యలు తీసుకోవాలి ఇబ్రహీంపూర్‌లో ఎస్సీ కుల సభ్యుల నిరసన

జిల్లాలో గ్రామ పంచాయతీ ఎన్నికల ప్రచారం ఊపందుకుంది. సమయం తక్కువగా ఉండటంతో అభ్యర్థులు ప్రచారాన్ని హోరెత్తిస్తున్నారు. గుర్తుల కేటాయింపుతో ప్రచార ప్రణాళికలను రూపొందించుకున్నారు. మొదటి విడత ఎన్నికల్లో భాగంగా 163 సర్పంచ్‌, 1,432 వార్డు స్థానాలకు ఈ నెల 11న ఎన్నికలు జరగనున్నాయి. మొదటి విడతలో జరిగే వాటిలో 16 సర్పంచ్‌లు, 224 వార్డు సభ్యులు ఏకగ్రీవం అయ్యాయి. దీంతో 147 సర్పంచ్‌లకు గాను 497 మంది అభ్యర్థులు, 1,208 వార్డు సభ్యులకు 3,196 మంది తమ అదృష్టాన్ని పరీక్షించుకుంటున్నారు. – సాక్షి, సిద్దిపేటమొదటి విడత జరిగే ఎన్నికలు పోటాపోటీగా జరుగుతున్నాయి. ముఖ్యంగా ఏడు మండలాల్లోని.. మూడు గ్రామ పంచాయతీలలో పోటీ తీవ్రంగా ఉంది. ఆయా గ్రామాల్లో సర్పంచ్‌ అభ్యర్థులుగా 8 మంది చొప్పున బరిలో నిలిచారు. ములుగు మండలం కొత్తూరు, మునిగడప(జగదేవ్‌పూర్‌), సూరంపల్లి(దౌల్తాబాద్‌)లో అత్యధికంగా అభ్యర్థులు పోటీ చేస్తున్నారు. వర్గల్‌ మండలం మాదారంలో ఏడుగురు, గజ్వేల్‌ మండలం బేజుగాం, రాయపోలులో ఆరుగురు, కాశిరెడ్డిపల్లి(మర్కూక్‌)లో ఐదుగురు సర్పంచ్‌కు పోటీ చేస్తున్నారు. మిగతా చోట్ల ఐదు కంటే తక్కువ మంది పోటీలో ఉన్నారు. ఎక్కువగా త్రిముఖ పోటీ ఉంది. ప్రత్యేకంగా పాటల రూపకల్పన సర్పంచ్‌, వార్డు సభ్యులుగా పోటీ చేసే అభ్యర్థులు ప్రత్యేకంగా పాటలను తయారు చేసుకుని ప్రచారం ప్రారంభించారు. అలాగే కరపత్రాలు, వాల్‌ పోస్టర్లను వినియోగిస్తున్నారు. కేటాయించిన గుర్తులతో సోషల్‌ మీడియా వేదికగా ప్రచారం చేస్తున్నారు. పోటీ చేస్తున్న అభ్యర్థులు, వారి బంధువులు, స్నేహితులు వారి వారికి తెలిసిన వాళ్లకు ఫోన్‌లు చేసి ‘గుర్తు’ంచుకోండి..’ అంటూ చెబుతున్నారు. ఈ నెల 11న ఎన్నికలు జరగనుండటంతో 9వ తేదీతో ప్రచారం ముగియనుంది. సమయం తక్కువగా ఉండటంతో ప్రచార వేగం పెంచారు. ఇప్పటికే ఇంటింటి ప్రచారం మొదలుపెట్టారు. రాజకీయ వ్యూహాలతో ముందుకు సాగుతున్నారు. ఇప్పటికే కొందరు సర్పంచ్‌ అభ్యర్థులు ఎన్నికల అవసరాల కోసం ముందస్తుగానే భారీగా డబ్బులు, మధ్యాన్ని సమకూర్చుకున్నట్లు సమాచారం.ప్రచారం.. ముమ్మరం తొలివిడతలో 147 సర్పంచ్‌లు,1,208 వార్డులకు ఎన్నికలు అదృష్టాన్ని పరీక్షించుకోనున్న1,705 మంది అభ్యర్థులు మూడు చోట్ల.. 8 మంది చొప్పున పోటీ ‘గుర్తు’ంచుకోండి.. అంటూ అభ్యర్థుల విన్నపాలు మొదటి విడతలో 16 సర్పంచ్‌లు,224 వార్డు సభ్యులు ఏకగ్రీవం13 జీపీలలో మొత్తం ఏకగ్రీవం మొదటి విడతలో జరిగే 13 గ్రామ పంచాయతీలలో సర్పంచ్‌లు, వార్డు సభ్యులను ఏకగ్రీవంగా ఎన్నుకున్నారు. లింగాయపల్లి తండా, నర్సంపల్లి(దౌల్తాబాద్‌), రంగంపేట(గజ్వేల్‌), నిర్మల్‌నగర్‌, బీజీ వెంకటాపూర్‌, పలుగుగడ్డ, అనంతసాగర్‌, కొండాపూర్‌ (జగదేవ్‌పూర్‌), ఎర్రవల్లి(మర్కూక్‌), ఆరేపల్లి (రాయపోల్‌), చాంద్‌కాన్‌మక్తా, గుంటిపల్లి, తునికిమక్తా(వర్గల్‌) గ్రామాల్లో అన్ని స్థానాలు ఏకగ్రీవమయ్యాయి.

కొండపాక(గజ్వేల్‌): కుకునూరుపల్లి, కొండపాక మండలాల్లో మూడో విడత నామినేషన్ల స్వీకరణ ప్రక్రియ కొనసాగుతోంది. గురువారం అభ్యర్థులు మద్దుతు దారులు, ప్రజలు, నాయకులతో భారీ సంఖ్యలో తరలివచ్చి నామినేషన్లు దాఖలు చేశారు. మంగోల్‌, తిప్పారం సర్పంచ్‌, వార్డు స్థానాల్లో అభ్యర్థులు కొందరు పెద్ద సంఖ్యలో ప్రజల, నాయకులతో తరలివచ్చి నిమినేషన్లను వేశారు. మండల వ్యాప్తంగా సర్పంచ్‌లకు.. 37, వార్డు స్థానాల కోసం 184 నామినేషన్‌న్లు దాఖలయ్యాయి. కుకునూరుపల్లి మండల వ్యాప్తంగా సర్పంచ్‌లకు 17, వార్డు సభ్యుల కోసం 58 నామినేషన్లు దాఖలయ్యాయని ఎంపీడీఓలు వెంకటేశ్వర్లు, రాంప్రసాద్‌లు పేర్కొన్నారు. పోలీసులు బందోబస్తు నిర్వహించారు.

దుబ్బాకరూరల్‌: ఎన్నికల కోడ్‌ ఉల్లంఘించిన 63 మందిపైపోలీసులు కేసు నమోదు చేశారు. వివరాలిలా ఉన్నాయి. అక్బర్‌పేట–భూంపల్లి మండలం తాళ్లపల్లి సర్పంచ్‌ అభ్యర్థి జనరల్‌ కావడంతో ఐదుగురు అభ్యర్థులు నామినేషన్లు వేశారు. వీరంతా బీసీ ముదిరాజ్‌ కులానికి చెందిన వారు కావడం.. గ్రామంలో వారి ఓట్లు ఎక్కువగా ఉండటంతో తీవ్ర పోటీ నెలకొంది. ఈ క్రమంలో ఒకే అభ్యర్థి పోటీలో ఉండాలనే కులస్తుంతా నిర్ణయానికి వచ్చారు. కులదేవత పెద్దమ్మ గుడి నిర్మాణానికి ఎవరైతే ఎక్కువ డబ్బులు ఇస్తారో వారే సర్పంచ్‌ అభ్యర్థిగా బరిలో ఉండాలని వారికే ఓటు వేయాలని నిర్ణయించారు. సమాచారం అందుకున్న ఎస్‌ఐ హరీశ్‌ తన సిబ్బందితో చేరుకుని విచారించారు. విషయం నిజం కావడంతో ఎన్నికలకోడ్‌ ఉల్లంఘించారని సుమోటో పిటిషన్‌పై ఐదుగురు సర్పంచ్‌ అభ్యర్థులు, 56మందితో సహా మొత్తం 63మందిపై కేసు నమోదు చేసినట్లు ఎస్‌ఐ తెలిపారు. గురువారం 63 మందిని భూంపల్లి పోలీస్‌ స్టేషన్లో హాజరు పరిచారు. ఏసీపీ రవీందర్‌, సీఐ శ్రీనివాస్‌ పోలీస్‌ స్టేషన్‌కు చేరుకుని వివరాలు అడిగి తెలుసుకున్నారు. ఓటర్లను ప్రలోభ పెడితే ఎంతటి వారైనా చట్ట పరంగా చర్యలు తప్పవని ఏసీపీ హెచ్చరించారు.

జిల్లాలో మొదటి విడత ఎన్నికలు ఆసక్తికరంగా సాగుతున్నాయి. నామినేషన్‌ల ఉసంహరణ తర్వాత దౌల్తాబాద్‌, గజ్వేల్‌, జగదేవ్‌పూర్‌, మర్కూక్‌, ములుగు, రాయపోల్‌, వర్గల్‌ మండలాల్లోని 163 సర్పంచ్‌ పదవులకుగానూ 480మంది బరిలో ఉన్నారు. 1,432 వార్డు సభ్యుల పదవుల కోసం.. 2,797మంది పోటీలో ఉన్న సంగతి తెల్సిందే. ఎన్నికల రంగంలో తమ సత్తాను నిరూపించుకోవడానికి సిద్ధమైన వీరంతా ఎలాగైనా గెలవాలనే సంకల్పంతో ముందుకుసాగుతున్నారు. ఈ క్రమంలోనే గెలుపు కోసం అనువైన మార్గాలపై దృష్టి పెట్టారు. గ్రామాల్లో గెలుపోటములను ప్రభావితం చేసేదీ కుల సంఘాలే. ఈ క్రమంలో సంఘాలకు చెందిన పెద్దలను ప్రసన్నం చేసుకోవడానికి ప్రయత్నిస్తున్నారు. ఇప్పటికే అన్ని పార్టీలకు చెందిన అభ్యర్థులు, స్వతంత్ర అభ్యర్థులు జోరుగా మంతనాలు సాగిస్తున్నారు. కొందరైతే భారీగా నజరానాలను ప్రకటించి అందజేస్తున్నారు. ప్రధానంగా కుల సంఘాలకు చెందిన ఆలయాలకు పెద్ద మొత్తంలో విరాళాలను అందజేస్తున్నారు. అంతేకాకుండా వంట, టెంట్‌ సామగ్రిని సైతం అందజేస్తున్నారు. ఇవేకాకుండా కుల సంఘాల్లోని సభ్యుల లెక్క మేరకు ఒక్కొక్కరికీ కొంత నగదును ముట్టజెప్పుతున్నారు. పోలింగ్‌కు సమయం దగ్గరపడుతుండటంతో ఈ తంతూ చాలా వేగంగా సాగుతోంది. ములుగు, వర్గల్‌, మర్కూక్‌, గజ్వేల్‌ మండలాల్లో తాయిలాల ప్రభావం అధికంగా కనిపిస్తున్నది. ఓ అభ్యర్థి తన గ్రామంలో ఓ సంఘానికి అత్యధికంగా రూ.10లక్షల వరకు ముట్టజెప్పడం చర్చనీయాంశంగా మారుతోంది. భిన్నంగా ప్రచార పర్వం.. పంచాయతీ ఎన్నికల్లో ప్రచార పర్వం భిన్నంగా సాగుతోంది. ఈ ఎన్నికల్లో పార్టీల కంటే వ్యక్తులకే ప్రాధాన్యత ఉండటం వల్ల మెజార్టీ అభ్యర్థులు తమ వ్యక్తిగత ప్రచారంతోనే ముందుకుసాగుతున్నారు. కొందరు మందీమార్బలంతో హడావిడి చేస్తుండగా, చాలామంది ఒక్కరుగా రాత్రి, తెల్లవారుజాముల్లో ఓటర్లను ఇళ్ల వద్దకు వెళ్లి తమకు ఓటు వేయాలని మాట తీసుకుంటున్నారు. మరికొందరు సోషల్‌ మీడియా ప్రచారానికే ప్రాధాన్యతనిస్తున్నట్లు కనపడుతోంది. వాట్సాప్‌ సందేశాలు, టెక్ట్స్‌ మేసేజ్‌లు, ఫెస్‌బుక్‌, ఇన్‌స్టా ప్రచారాలను హోరెత్తిస్తున్నారు. మరోముఖ్యమైన అంశమేమీటంటే జానపద బాణీల్లో పాటలు తయారు చేయించి మైక్‌ ప్రచారాన్ని విస్త్రతంగా నిర్వహిస్తున్నారు.సోషల్‌ మీడియాలో జోరుగా చర్చ ప్రస్తుత సర్పంచ్‌ ఎన్నికల్లో ఎవరిని ఎన్నుకుంటే బాగుంటుంది? అనే అంశంపై గ్రామాల్లోని వాట్సాప్‌ గ్రూపుల్లో చర్చలను లేవదీస్తున్నారు. ఈ చర్చల్లో యువత పాల్గొంటున్నారు. కానీ చర్చలు వ్యక్తిగత విమర్శలు, ఆరోపణలకు దారితీస్తుండగా.. ఘర్షణ వాతావరణం నెలకొంటున్నది. చాలా గ్రామాల్లో ఈ పరిస్థితి కనిపిస్తోంది. ఈ పరిస్థితికి అడ్డుకట్టవేయడానికి పోలీసు శాఖ ప్రత్యేక దృష్టి పెట్టాల్సిన అవసరం ఉంది.భారీగా ఆఫర్లు చేస్తున్న అభ్యర్థులు ఆలయాలకు విరాళాలు, వంట,టెంట్‌ సామగ్రి తదితరాల అప్పగింత రసకందాయంలో ‘పంచాయతీ’ పోరు

చేర్యాల(సిద్దిపేట): ఎన్నికల ప్రక్రియలో భాగంగా ఏర్పాటు చేసిన చెక్‌ పోస్టుల్లో ప్రతీ వాహనం తనిఖీ చేయాలని, టైమ్‌తో సహా వివరాలు నమోదు చేయాలని కలెక్టర్‌ హైమావతి సూచించారు. గురువారం మండల పరిధిలోని ముస్త్యాలలో జాతీయ రహదారిపై ఏర్పాటు చేసిన ఎస్‌ఎస్‌టి శిబిరాన్ని ఆమె సందర్శించారు. ఈ సందర్భంగా అక్కడ ఉన్న రిజిస్టర్‌ను పరిశీలించారు. రాష్ట్ర ఎలక్షన్‌ కమిషన్‌ మార్గదర్శకాల ప్రకారం ఎన్నికల ప్రక్రియ ముగిసే వరకు ప్రతి వాహనాన్ని క్షుణ్ణంగా పరిశీలన చేస్తూ మొత్తం వీడియో తీయాలని సిబ్బందిని ఆదేశించారు. మండల పరిధిలోని ముస్యాల క్లస్టర్‌లో నామినేషన్ల ప్రక్రియను కలెక్టర్‌ పరిశీలించారు. ఈ సందర్భంగా అధికారులకు దిశానిర్దేశం చేశారు. నామినేషన్‌ కేంద్రాల వద్ద గట్టి బందోబస్తు నిర్వహించాలని పోలీస్‌ అధికారులను ఆదేశించారు. విధుల్లో నిర్లక్ష్యం వహిస్తే కఠిన చర్యలు తప్పవని ఎన్నికల విధులు సక్రమంగా నిర్వహించాలని అధికారులను ఆదేశించారు. అభ్యర్థులు గుంపులు గుంపులుగా వచ్చి నామినేషన్‌ వేయకూడదని, అధికారులకు సహకరించాలని విజ్ఞప్తి చేశారు. టైంతో సహా వివరాలు నమోదు చేయాలి కలెక్టర్‌ హైమావతి

శివపార్వతుల ఉత్సవ విగ్రహాల ఊరేగింపులో భక్తజనంప్రశాంత్‌నగర్‌(సిద్దిపేట): జిల్లా కేంద్రంలోని సుందర సత్సంగ్‌ భవన్‌లో బుధవారం శివపార్వతుల కల్యాణం అత్యంత వైభవంగా జరిగింది. లాల్‌కమాన్‌ ఆర్యవైశ్య ఫ్యామిలీ అసోసియేషన్‌ ఆధ్వర్యంలో సంతోష్‌ మాత ఆలయం నుంచి శివపార్వతుల ఉత్సవ మూర్తులను పట్టణంలోని ప్రధాన వీధులగుండా సుందర సత్సంగం వరకు ఊరేగించారు. మహిళలు కోలాటాలతో దేవ దేవతలకు స్వాగతం పలికారు. భక్తులు భారీ సంఖ్యలో పాల్గొన్నారు. అనంతరం వేద మంత్రోచ్ఛరణలు, మంగళ వాయి ద్యాల మధ్య కల్యాణం కమనీయంగా సాగింది. శివనామస్మరణతో కల్యాణమండపం మార్మోగింది.

విద్యాపరిరక్షణ కమిటీ పరిశీలనగజ్వేల్‌: పాఠశాలల్లో నెలకొన్న సమస్యలపై విద్యాపరిరక్షణ కమిటీ ఆరా తీస్తోంది. టీపీటీఎఫ్‌(తెలంగాణ ప్రొగ్రెసివ్‌ టీచర్స్‌ ఫెడరేషన్‌)కు చెందిన విద్యా పరిరక్షణ కమిటీ రాష్ట్ర బాధ్యులు ప్రొఫెసర్‌ లక్ష్మీనారాయణ, వై.అశోక్‌కుమార్‌, ప్రకాశ్‌రావులు గజ్వేల్‌ మండలం బంగ్లావెంకటాపూర్‌లోని మండల పరిషత్‌ ఉన్నత పాఠశాలను బుధవారం సందర్శించారు. ఈ సందర్భంగా పాఠశాలలోని సమస్యలను అడిగి తెలుసుకున్నారు. ప్రభుత్వం పాఠశాలను బైఫర్‌కేషన్‌ చేసి ఖాళీగా ఉన్న తెలుగు, హిందీ ఉపాధ్యాయుల పోస్టులను మంజూరు చేయాలని ప్రభుత్వాన్ని కోరుతామన్నారు. కార్యక్రమంలో పాఠశాల హెచ్‌ఎం వేణుగోపాల్‌, టీపీటీఎఫ్‌ రాష్ట్ర బాధ్యులు రాజయ్య, రాష్ట్ర కౌన్సిలర్‌ రాజులు, నాయకులు ఎల్లయ్య, మధుమోహన్‌, గజ్వేల్‌ మండల శాఖ అధ్యక్షుడు తాళ్ల నాగరాజు తదితరులు పాల్గొన్నారు.

గుర్రపుడెక్కతో నర్సాపూర్‌ చెరువుసిద్దిపేటజోన్‌: బల్దియాను పట్టిపీడిస్తున్న గుర్రపు డెక్క, కలుషితమైన చెరువుల సమస్యకు శాశ్వత పరిష్కారం లభించనుంది. కేంద్ర ప్రభుత్వం అమృత్‌ పథకంలో భాగంగా చెరువుల పునరుద్ధరణ కింద ఎర్ర చెరువు, నర్సాపూర్‌ చెరువులను ఎంపిక చేసింది. అందుకు అనుగుణంగా ఒక్కో చెరువుకు రూ.3కోట్ల16లక్షల చొప్పున రూ.6 కోట్ల 32లక్షలు మంజూరు చేసింది. ప్రస్తుతం చెరువులకు సంబంధించిన సర్వే ప్రక్రియ సాగుతోంది. వారం రోజుల్లో ప్రక్రియ పూర్తి అనంతరం పనులు మొదలుకానున్నాయి. దీంతో భవిష్యత్తులో చెరువుల్లో గుర్రపు డెక్క సమస్య లేకుండా పర్యాటక ప్రాంతంగా, ఆహ్లాదకరమైన వాతావరణం ముంగిట్లోకి రానుంది. జిల్లాలో ఏకై క స్పెషల్‌ గ్రేడ్‌ మున్సిపాలిటీ సిద్దిపేట. బల్దియా రికార్డుల ప్రకారం 1.67లక్షల జనాభా ఉంది. కొనేళ్ల క్రితమే ఆయా నివాసాలకు సంబంధించిన మురుగు నీటిని అండర్‌ గ్రౌండ్‌ వ్యవస్థ (యూజీడీ) ద్వారా తరలించి రెండు మురికి నీటి శుద్ధీకరణ ప్లాంట్‌ లకు అనుసంధానం చేశారు. పట్టణంలో పూర్తి స్థాయిలో యూజీడీ అమలుకు నోచుకోలేదు. దీంతో మురికి నీరు, వరదనీరు కాల్వల ద్వారా పట్టణ శివార్లలోని ఎర్ర చెరువు, నర్సాపూర్‌ చెరువుల్లో కలుస్తోంది. ఈ క్రమంలో మురికి నీటితో చెరువులు కలుషితమవుతున్నాయి. శుద్ధీకరణే లక్ష్యంగా.. కేంద్ర ప్రభుత్వ నిధులతో చెరువుల శుద్ధీకరణ, సుందరీకరణకు బల్దియా ప్రతిపాదనలను రూపకల్పన చేసింది. చెరువుల్లోకి మురుగు నీరు రాకుండా శాశ్వత పరిష్కారం కోసం ప్రణాళికలు సిద్ధం చేశారు. పట్టణంలోని వివిధ ప్రాంతాల నుంచి వచ్చే మురికి నీటిని చెరువుల్లో విలీనం కాకుండా మళ్లింపు ప్రక్రియ జరగనుంది. కొనసాగుతున్న సర్వే ఎర్ర చెరువు, నర్సాపూర్‌ చెరువు విస్తీర్ణం, మురికి నీటి విలీన ప్రాంతాలు, డైవర్షన్‌ కెనాల్‌ నిర్మాణాలు, ఎస్టీపీకి అనుసంధానంగా ప్రత్యేక కెనాల్‌ ఏర్పాటు తదితర అంశాలపై సర్వే సాగుతోంది. రెండు చెరువుల సమీపంలో ఉన్న మురికి నీటి శుద్ధీకరణ ప్లాంట్‌, చెరువుల స్థితిగతులను అధికారులు పరిశీలించారు. మరో వారం రోజుల్లో సర్వే పూర్తి చేసేలా యంత్రాంగం నిమగ్నమైంది.రూ.6.32కోట్లతోచెరువుల సుందరీకరణ

ఎమ్మెల్యే కొత్త ప్రభాకర్‌రెడ్డి దుబ్బాక: నియోజకవర్గం అభివృద్ధిపై సీఎం రేవంత్‌రెడ్డి వివక్ష చూపడం సమంజసం కాదని ఎమ్మెల్యే కొత్త ప్రభాకర్‌రెడ్డి అన్నారు. బుధవారం దుబ్బాక మున్సిపాలిటీలోని పలు గ్రామాల్లో పర్యటించారు. ఈ సందర్భంగా ఇటీవల మృతి చెందిన బాధిత కుటుంబాలను పరామర్శించారు. ఆయన మాట్లాడుతూ హుస్నాబాద్‌లో జరిగిన సభలో సీఎం.. దుబ్బాక అభివృద్ధిపై ఒక్క మాట కూడా మాట్లాడకపోవడం శోచనీయమన్నారు. రెండేళ్ల కాంగ్రెస్‌ పాలనలో నియోజకవర్గం అన్ని రకాలుగా అన్యాయానికి గురవుతోందన్నారు. రెవెన్యూ డివిజన్‌తో పాటు మల్లన్నసాగర్‌ కాల్వలు పూర్తి చేయాలని ఎన్నోమార్లు సీఎంకు విన్నవించినా ఫలితం లేదన్నారు. నియోజకవర్గం అభివృద్ధికి నిధులు మంజూరు చేయాలని సీఎం, మంత్రులను కలిసినా పట్టించుకోవడం లేదన్నారు. ఇప్పటికై నా సీఎం రేవంత్‌రెడ్డి నియోజకవర్గం అభివృద్ధికి నిధులు మంజూరు చేయాలన్నారు. కార్యక్రమంలో బీఆర్‌ఎస్‌ నాయకులు తదితరులు ఉన్నారు.

కొమురవెల్లి(సిద్దిపేట):మల్లన్న స్వామి మూల విరాట్‌ దర్శనాన్ని ఈనెల 7వతేదీ రాత్రి 8:30 గంటల నుంచి నిలిపివేస్తున్నట్లు ఆలయ ఈఓ టంకసాల వెంకటేశ్‌ బుధవారం తెలిపారు. ఈనెల 14న స్వామి వారి కల్యాణోత్సవాన్ని పురస్కరించుకుని స్వామి, అమ్మవార్ల మూల విరాట్‌ల అలంకరణ నిమిత్తం దర్శనం నిలిపివేస్తున్నట్లు పేర్కొన్నారు. ఈనెల 14న ఉద యం ఆరు గంటల నుంచి పునఃదర్శనం కల్పించనున్నట్లు ఆయన పేర్కొన్నారు. మూల విరాట్‌ దర్శనం నిలిపివేసిన రోజులలో అర్ధమండపంలో ఉత్సవ విగ్రహాల దర్శనం, పూజలు ఉంటాయన్నారు. కొమురవెల్లి(సిద్దిపేట): కొమురవెల్లి పంచాయతీ కార్యదర్శి హరిప్రసాద్‌ను సస్పెండ్‌ చేసినట్లు ఎంపీడీఓ లక్ష్మప్ప బుధవారం తెలిపారు. గతంలో కొండపాక మండలం అంకిరెడ్డిపల్లిలో నిధుల దుర్వినియోగానికి పాల్పడినట్లు తేలడంతో చర్యలు తీసుకున్నట్లు ఎంపీడీఓ చెప్పారు. నంగునూరు(సిద్దిపేట): అగ్నివీర్‌గా ఎంపికై ఆరు నెలల పాటు శిక్షణ పూర్తి చేసుకున్న నంగునూరు మండల యువకులు బుధవారం ఉద్యోగ నియామక పత్రం అందుకున్నారు. పాలమాకులకు చెందిన తోకల సంతోష్‌, కొండంరాజ్‌పల్లికి చెందిన బండి శ్రీనివాస్‌, మగ్దుంపూర్‌కు చెందిన ఓరిగంటి రాహుల్‌ శిక్షణా కాలం పూర్తయింది. బుధవారం బెంగళూర్‌లోని ఆర్మీసర్వీస్‌ క్యాంప్‌ సెంటర్‌లో అధికారుల చేతుల మీదుగా పథక్‌ పట్టా అందజేశారు. హరియాణాలోని ట్రైనింగ్‌ సెంటర్‌లో విధులు నిర్వహించనున్నట్లు వారు తెలిపారు. ప్రశాంత్‌నగర్‌(సిద్దిపేట): కాలం చెల్లిన ఆహార పదార్థాలను విక్రయిస్తున్న మోర్‌ సూపర్‌ మార్కెట్‌ నిర్వాహకులకు మున్సిపల్‌ కమిషనర్‌ ఆశ్రిత్‌కుమార్‌ రూ.20వేల జరిమానా విధించారు. బుధవారం మోర్‌ సూపర్‌ మార్కెట్‌ను ఆకస్మికంగా తనిఖీ చేశారు. పలు ఆహార పదార్థాలు గడువు దాటిపోయి ఉండటాన్ని గమనించి నిర్వాహకులను హెచ్చరించారు. అలాగే పట్టణంలోని మిలన్‌ గార్డెన్‌ వైపు చెత్త వేస్తున్న వారిని గుర్తించి శ్రీకాంత్‌కు రూ.1000, రాజుకు రూ.1000, ప్రసాద్‌కు రూ.500, ఆర్‌ఆర్‌ పాలడెయిరీ నిర్వాహకులకు రూ.500 జరిమానా విధించారు. మరోసారి ఇలాంటి చర్యలు పునరావృతం అయితే భారీ జరిమానా విధిస్తామని హెచ్చిరించారు. దుబ్బాకటౌన్‌: మత్స్యకారులు ఆర్థికంగా అభివృద్ధి సాధించేందుకు ప్రభుత్వం చేప పిల్లలను ఉచితంగా పంపిణీ చేస్తోందని జిల్లా మత్స్య శాఖ ఫీల్డ్‌ ఆఫీసర్‌ గౌతమి అన్నారు. బుధవారం మత్స్య శాఖ ఆధ్వర్యంలో దౌల్తాబాద్‌ మండల కేంద్రంతో పాటు దొమ్మాట, గాజులపల్లి, సూరంపల్లి, ముత్యంపేట గ్రామాల సొసైటీ సంఘాల సభ్యులతో కలిసి చెరువులలో చేప పిల్లలను వదిలారు. ఈ కార్యక్రమంలో ఆయా గ్రామాల సొసైటీ సభ్యులు తలారి నర్సింహులు, సత్యం, రాజు, నాగులు, చంద్రం దశరథం, తదితరులు పాల్గొన్నారు.

పునరుద్ధరణ ప్రక్రియ కింద ఎర్ర చెరువు, నర్సాపూర్‌ చెరువులను ఎంపిక చేశాం. ప్రస్తుతం సర్వే జరుగుతోంది. మురికి నీరు చెరువుల్లో కలవకుండా భవిష్యత్తు ప్రణాళికలు తయారు చేశాం. చెరువుల్లో గుర్రపు డెక్క కు శాశ్వత పరిష్కారం అందుతుంది. – ఆశ్రిత్‌, మున్సిపల్‌ కమిషనర్‌ ద్విముఖ లక్ష్యంగా.. ఇప్పటికే కోమటి చెరువు ఒక పర్యాటక స్థలంగా మారింది. ఎర్ర చెరువు, నర్సాపూర్‌ చెరువుల్లో మురికి నీటి విలీనం కాకుండా, స్వచ్ఛమైన నీటితో లేక్‌ ఉండేలా, ప్రజలకు ఆహ్లదకరం పంచేలా ప్రణాళికలు తయారు చేయడం జరిగింది. రాబోయే రోజుల్లో చెరువులు పర్యాటక ప్రాంతాలుగా మారనున్నాయి. పనులను త్వరితగతిన పూర్తి చేసి అందుబాటులోకి తేవాలి. – హరీశ్‌రావు, ఎమ్మెల్యే

వర్గల్‌(గజ్వేల్‌): బీఆర్‌ఎస్‌కు చెందిన వర్గల్‌ తాజా మాజీ జెడ్పీటీసీ మెంబర్‌ బాలమల్లు యాదవ్‌ కాంగ్రెస్‌ పార్టీలో చేరారు. బుధవారం మాజీ ఎమ్మెల్యే తూంకుంట నర్సారెడ్డి ఆయనకు పార్టీ కండువా కప్పి ఆహ్వానించారు. బీఆర్‌ఎస్‌లో విలువలేకుండా పోయిందని, ఒంటెత్తుపోకడలతో విసిగి వేసారి తాను కాంగ్రెస్‌లో చేరినట్లు ఈ సందర్భంగా బాలమల్లు యాదవ్‌ స్పష్టం చేశారు. కాంగ్రెస్‌ బలోపేతానికి తన వంతు కృషి చేస్తానన్నారు. కార్యక్రమంలో కాంగ్రెస్‌ నాయకులు రంగారెడ్డి, ప్రభుదాస్‌గౌడ్‌ తదితరులు ఉన్నారు.

హుస్నాబాద్‌రూరల్‌: జిల్లాలో 208 ప్రీ ప్రైమరీ పాఠశాలలను ఏర్పాటు చేసినట్లు డీఈఓ శ్రీనివాస్‌రెడ్డి తెలిపారు. బుధవారం పట్టణంలో ప్రభుత్వ బాలికల పాఠశాలలో నిర్వహిస్తున్న శిక్షణ తరగతులకు హాజరై మాట్లాడారు. మొదటి విడత సిద్దిపేట డివిజన్‌లో 110 మంది ఇన్‌స్ట్రక్చర్స్‌కు శిక్షణ ఇచ్చామని, రెండో విడుత గజ్వేల్‌, హుస్నాబాద్‌ డివిజన్‌లో వంద మందికి శిక్షణ ఇస్తున్నామని చెప్పారు. ప్రీ ప్రైమరీ పాఠశాలలను అందంగా అలంకరించి విద్యార్థులను ఆకట్టుకునేలా తయారు చేయాలని చెప్పారు. ఆట పాటలతో విద్యా బోధన చేస్తే పిల్లలకు సులభంగా అర్థమవుతుందన్నారు.

గ్రామాల్లో వెలుగులు నింపే ఎన్నికలివి.. హుస్నాబాద్‌లో నూతన బస్సును ప్రారంభిస్తున్న రేవంత్‌విద్యార్థినులకు సైకిళ్లు పంపిణీ చేసిన సీఎంహుస్నాబాద్‌లో జరిగిన సభకు హాజరైన మహిళలు (ఇన్‌సెట్‌లో) అభివాదం చేస్తున్న సీఎం రేవంత్‌రెడ్డిహుస్నాబాద్‌: ‘మన గ్రామాల్లో వెలుగులు నింపే ఎన్నికలివి.. పంచాయతీ ఎన్నికల్లో మంచివాళ్లను ఎన్నుకోండి. మంత్రులు, ఎమ్మెల్యేలతో కలిసి పనిచేసి అభివృద్ధికి బాటలు వేసే వాళ్లను ఎన్నుకుందాం.. అభివృద్ధికి అడ్డుపడెటోళ్లను, కాళ్లల్లో కట్టెలు పెట్టెటోళ్లను ఎన్నుకుంటే మునిగేది మనమే’ అని ముఖ్యమంత్రి రేవంత్‌రెడ్డి అన్నారు. హుస్నాబాద్‌ పట్టణంలో బుధవారం విజయోత్సవ సభ నిర్వహించారు. సభకు మంత్రి పొన్నం ప్రభాకర్‌ అధ్యక్షత వహించగా, ముఖ్య అతిథిగా సీఎం రేవంత్‌ రెడ్డి హాజరయ్యారు. సీఎం మాట్లాడుతూ గత బీఆర్‌ఎస్‌ ప్రభుత్వంలో కేసీఆర్‌ హుస్నాబాద్‌ను నిర్లక్ష్యం చేశారని మండిపడ్డారు. తాము హుస్నాబాద్‌ను అన్ని రంగాల్లో అభివృద్ధి చేసి తీరుతామని సీఎం స్పష్టం చేశారు. రూ.262.78 కోట్లతో శంకుస్థాపనలు హుస్నాబాద్‌ పట్టణంలోని పలు అభివృద్ధి పనులకు సభా ప్రాంగణంలోనే సీఎం శంకుస్థాపనలు చేశారు. ఇంజనీరింగ్‌ కళాశాల విద్యార్థినులకు సీఎం చేతుల మీదుగా 70 సైకిళ్లు పంపిణీ చేశారు. ప్లాస్టిక్‌ మేనేజ్‌మెంట్‌ వెహికిల్‌ను ప్రారంభించారు. హుస్నాబాద్‌ నుంచి హైదరాబాద్‌కు ఎక్స్‌ప్రెస్‌ బస్సును జెండా ఊపి ప్రారంభించారు. బీఆర్‌ఎస్‌ పాలనలో రాష్ట్రం విధ్వంసం.. పదేళ్ల బీఆర్‌ఎస్‌ పాలనలో తెలంగాణ రాష్ట్రాన్ని విధ్వంసం చేశారని, కాంగ్రెస్‌ ప్రభుత్వంలో సీఎం రేవంత్‌రెడ్డి వికాసమైన పాలన అందిస్తున్నారని రాష్ట్ర వ్యవసాయ శాఖ మంత్రి తుమ్మల నాగేశ్వర్‌ రావు అన్నారు. సభలో మంత్రి మాట్లాడుతూ సర్పంచ్‌ ఎన్నికల తర్వాత నర్మేట ఆయిల్‌ పామ్‌ను సీఎం చేతుల మీదుగా ప్రారంభిస్తామన్నారు. వ్యవసాయ రంగానికి రూ.లక్ష కోట్లు మంజూరు చేసిన రేవంత్‌ రెడ్డికి ఈ సందర్భంగా కృతజ్ఞతలు తెలిపారు. నాడు కరెంట్‌ తీస్తే.. నేడు జీరో బిల్లు ఇస్తుండ్రు గత బీఆర్‌ఎస్‌ ప్రభుత్వంలో కరెంట్‌ చార్జీలు పెంచి కరెంట్‌ను తీసేసిన అధికారులే నేడు జోరో బిల్లు ఇస్తున్నారని ఐటీ శాఖ మంత్రి ధర్‌ బాబు అన్నారు. దేశంలో ఏ రాష్ట్రంలో లేని విధంగా సన్న బియ్యం ఇస్తున్నామన్నారు. సన్న బియ్యం తీసుకున్న వాళ్లంతా కాంగ్రెస్‌ బలపరిచిన సర్పంచ్‌లను ఎన్నుకోవాలని మంత్రి పిలుపునిచ్చారు. పరిశ్రమలకు అనుగుణంగా హుస్నాబాద్‌లో రూ.65 కోట్లతో ఏటీసీ కేంద్రాన్ని ఏర్పాటు చేస్తామన్నారు. ఖజానా ఖాళీ చేసిండ్రు బీఆర్‌ఎస్‌ పాలనలో కేసీఆర్‌ ఖజానాను ఖాళీ చేసి కుటుంబమంతా ఆస్తులను పెంచుకున్నారని మంత్రి వివేక్‌ అన్నారు. ప్రజాసంక్షేమానికే ఆరు గ్యారంటీలను అమలు చేస్తున్నామని తెలిపారు. స్థానిక సంస్థల ఎన్నికల్లో బీఆర్‌ఎస్‌ భూస్థాపితం కావడం ఖాయమన్నారు. కార్యక్రమంలో మంత్రి అడ్లూరి లక్ష్మణ్‌కుమార్‌ తదితరులు పాల్గొన్నారు. కాళ్లల్లో కట్టెలు పెట్టెటోళ్లను ఎన్నుకుంటే మునిగేది మనమే హుస్నాబాద్‌ను అన్ని రంగాల్లో అభివృద్ధి చేస్తాం ముఖ్యమంత్రి రేవంత్‌రెడ్డి పలు అభివృద్ధి పనులకు శంకుస్థాపనలు విద్యార్థినులకు సైకిళ్ల పంపిణీ నిధులు ప్రకటించని సీఎంహుస్నాబాద్‌: ముఖ్యమంత్రి సీఎం రేవంత్‌ రెడ్డి హుస్నాబాద్‌కు వస్తున్నారని, ఈ ప్రాంతానికి వరాల జల్లులు కురిపిస్తారని ఇక్కడి ప్రజలు సంబరపడ్డారు. మంత్రి పొన్నం ప్రభాకర్‌ నియోజకవర్గంలో పలు పనుల నిమిత్తం చాంతాడంతా జాబితా ఇచ్చి నిధులు ఇవ్వాలని విన్నవించారు. తీరా చూస్తే నిధుల ప్రకటన చేయకుండానే సీఎం వెళ్లిపోవడంతో జనం నిరాశ చెందారు. సిద్దిపేట జిల్లాలో సభ పెడితే సీఎం రేవంత్‌రెడ్డి సిద్దిపేట పదాన్ని ఉచ్చరించకుండా అంతా ఉమ్మడి కరీంనగర్‌ జిల్లా జపమే చేశారు. సీఎం హైదరాబాద్‌ నుంచి హుస్నాబాద్‌కు హెలికాప్టర్‌లో రాగా, తిరుగు ప్రయాణం రోడ్డు మార్గం ద్వారా హైదరాబాద్‌కు వెళ్లారు. నియోజకవర్గంలోని అన్ని ప్రభుత్వ పాఠశాలల్లో మౌలిక వసతులు కల్పిస్తున్నామని మంత్రి పొన్నం ప్రభాకర్‌ తెలిపారు. మహిళలు పాడిపరిశ్రమంలో అభివృద్ధి చెందేలా ఒక మంచి పథకానికి శ్రీకారం చుడుతామన్నారు. సభలో మంత్రి పొన్నం మాట్లాడుతూ నాలుగు జిల్లాలకు కేంద్రబిందువుగా మారిన హుస్నాబాద్‌ చుట్టూ రింగ్‌ రోడ్డు నిర్మించాలని సీఎంకు విన్నవించారు. పట్టణంలో వరద నీటి సమస్య తలెత్తకుండా అండర్‌ డ్రైనేజే సిస్టమ్‌ ఏర్పాటు చేయాలన్నారు. దివంగత ముఖ్యమంత్రి వైఎస్‌ రాజశేఖరరెడ్డి హయాంలో గౌరవెల్లి, గండిపెల్లి ప్రాజెక్టులకు శంకుస్థాపన చేయగా, బీఆర్‌ఎస్‌ ప్రభుత్వం పూర్తి చేయలేదన్నారు. మళ్లీ కాంగ్రెస్‌ ప్రభుత్వంలోనే కాలువల నిర్మాణాలు నిర్మించుకుంటున్నామన్నారు. వచ్చే సీజన్‌లో ప్రాజెక్టును పూర్తి చేసి సాగునీటిని అందిస్తామన్నారు.

సిద్దిపేట జిల్లా (గజ్వేల్‌): ప్రేమించిన వ్యక్తి దక్కకపోవడంతో మనస్తాపానికి గురై ఓ యువతి ఆత్మహత్యకు పాల్పడింది. సిద్దిపేట జిల్లా కుకునూరుపల్లి మండలంలో ఈ ఘటన జరిగింది. ఎస్సై శ్రీనివాస్‌ కథనం ప్రకారం.. కుకునూరుపల్లికి చెందిన ఆశని శంకర్‌ కూతురు శ్రావణి (18) ఇంటర్మీడియెట్‌ చదివి ఇంటి వద్దే ఉంటూ కూలీ పనులకు వెళుతోంది. ఇదిలా ఉండగా శంకర్‌ కుటుంబీకుల్లో ఎవరికైనా అనారోగ్య సమస్యలు వచ్చినప్పుడు దౌల్తాబాద్‌ మండలంలోని మల్లేశంపల్లికి చెందిన కుమ్మరి మహేశ్‌ అలియాస్‌ రహీం బాబా వద్దకు వెళ్తుండేవారు. ఈ క్రమంలో శ్రావణికి మహేశ్‌తో ఏర్పడిన పరిచయం ఒకరినొకరు ఇష్టపడే స్థాయికి చేరింది. కాగా, నవంబర్‌ 30న మహేశ్‌ కామెర్ల వ్యాధితో బాధపడుతూ మృతి చెందాడు. అప్పటి నుంచి శ్రావణి మానసికంగా కుంగిపోవడాన్ని గమనించిన తండ్రి శంకర్‌ ఆరా తీయగా మహేశ్‌ను ప్రేమించానని, పెళ్లి కూడా చేసుకోవాలనుకున్నానని చెప్పింది. ఈ క్రమంలో శ్రావణి బుధవారం ఇంట్లో పెద్దవాళ్లు లేని సమయంలో సీలింగ్‌ ఫ్యాన్‌కు చీరతో ఉరివేసుకుంది. ఇది గమనించిన ఆమె తమ్ముడు విషయాన్ని తల్లికి చెప్పగా ఆమె వెంటనే ఇంటికి చేరుకొని తలుపులు బలవంతంగా తెరిచి చూసింది. అప్పటికే అపస్మారక స్థితిలో ఉన్న శ్రావణిని గజ్వేల్‌ ప్రభుత్వ ఆస్పత్రికి తరలించగా మృతి చెందినట్లు వైద్యులు ధ్రవీకరించారు. ఈ ఘటనపై శ్రావణి కుటుంబీకులు పోలీసులకు ఫిర్యాదు చేశారు.

సాక్షి, సిద్దిపేట: కాంగ్రెస్‌ పార్టీ అధికారంలోకి వచ్చిన మొదటి సంవత్సరంలోనే శ్రీకాంతాచారి స్ఫూర్తితో 60వేల ఉద్యోగాలు ఇచ్చామని ముఖ్యమంత్రి ఎనుముల రేవంత్‌రెడ్డి చెప్పారు. మరో ఆరు నెలల్లో 40 వేల ప్రభుత్వ ఉద్యోగాలు భర్తీ చేస్తామని ప్రకటించారు. అధికారంలోకి వచ్చి రెండున్నరేళ్లు పూర్తయ్యేలోగా లక్ష ఉద్యోగాలు భర్తీ చేస్తామని స్పష్టంచేశారు. సిద్దిపేట జిల్లా హుస్నాబాద్‌లో ప్రజా పాలన–ప్రజా విజయోత్సవాల కార్యక్రమం బుధవారం జరిగింది. ఈ కార్యక్రమానికి రేవంత్‌రెడ్డి ముఖ్యఅతిథిగా హాజరై మాట్లాడారు. ‘సర్దార్‌ సర్వాయి పాపన్నగౌడ్‌ హుస్నాబాద్‌ నుంచే బహుజన దండు కట్టారు. తెలంగాణ ఉద్యమం ఈ ప్రాంతం నుంచి ఉవ్వెత్తున ఎగిసిపడింది. 2004లో కరీంనగర్‌లో ఇచ్చిన మాటను నిలబెట్టుకునేందుకు సోనియా గాంధీ ప్రత్యేక తెలంగాణ రాష్ట్రాన్ని 2014లో ఇచ్చారు’ అని రేవంత్‌రెడ్డి పేర్కొన్నారు. ఈ సందర్భంగా రూ.262 కోట్ల అభివృద్ధి పనులకు సీఎం శంకుస్థాపనలు చేశారు. కిరికిరి సర్పంచ్‌లు వస్తే ఐదేళ్లు వృథా ‘యువత పదేళ్లు రాజకీయాలు పక్కన పెట్టి అందరూ ఏకమై, వీలైనంత వరకు ప్రజలను ఒప్పించి ఏకగ్రీవమైనా చేసుకోండి.. లేదా మంత్రులు, ప్రభుత్వం, ఎమ్మెల్యేలతో కలిసి పనిచేసే వాడిని, మంచోడిని గ్రామ సర్పంచ్‌గా ఎన్నుకోవాలి’ అని సీఎం రేవంత్‌రెడ్డి పిలుపునిచ్చారు. మద్యానికి ఆశపడో.. కాళ్లలో కట్టెలు పెట్టే వారిని ఎన్నుకుంటే మీ గ్రామ అభివృద్ధికి నిధులు రావన్నారు. కిరికిరి సర్పంచ్‌లు వస్తే ఐదేళ్ల కాలం వృథా అవుతుందని చెప్పారు. ‘పొంకనాలు కొట్టే వాడిని సర్పంచ్‌గా ఎన్నుకోవద్దు. చిన్న తప్పులు చేస్తే అభివృద్ధి దెబ్బతింటుంది. కేంద్రంతో ఎన్ని వైరుధ్యాలున్నా కొట్లాడి నిధులు తెస్తాం. గ్రామాల అభివృద్ధికి ని«ధులు తెచ్చే బాధ్యత నేను తీసుకుంటా’ అని చెప్పారు. మంచి ప్రభుత్వం ఉంటే రాష్ట్రం ఎలా అభివృద్ధి చెందుతుందో అలాగే ఓ మంచి వ్యక్తి గ్రామ సర్పంచ్‌గా ఉంటే ఆ గ్రామం అలా అభివృద్ధి చెందుతున్నారు. కాళేశ్వరం...కూలేశ్వరమైంది కాంగ్రెస్‌ హయాంలో నిర్మించిన ఎస్సారెస్పీ ఎలా ఉందో?.. బీఆర్‌ఎస్‌ కట్టిన కాళేశ్వరం ఎలా ఉందో ప్రజలు ఆలోచించాలని సీఎం రేవంత్‌రెడ్డి పేర్కొన్నారు. ‘రూ.లక్ష కోట్లు పెట్టి కాళేశ్వరం కడితే కూలేశ్వరమైంది.. ఆనాడు ఎస్సారెస్పీని నెహ్రూ కడితే ఇప్పటికీ చెక్కు చెదరలేదదు. ఆనాడు కాంగ్రెస్‌ కట్టిన ప్రాజెక్టులే దేశానికి సేవలు అందిస్తున్నాయి. అప్పుడు కాంగ్రెస్‌ ప్రభుత్వం నాగార్జున సాగర్, శ్రీరాంసాగర్, నెట్టెంపాడు, జూరాల ప్రాజెక్టులు నిర్మించింది కాబట్టే దేశంలోనే అత్యధికంగా వరి పండించే రాష్ట్రంగా తెలంగాణ వృద్ధి చెందింది. వ్యవసాయం అంటే దండగ కాదు.. పండగ అని చేసి చూపించింది ప్రజా ప్రభుత్వమే’ అని అన్నారు. మహిళలను ఓనర్లను చేశాం విద్య, నీటిపారుదలపై తమ ప్రభుత్వం దృష్టి పెట్టిందని సీఎం రేవంత్‌రెడ్డి చెప్పారు. వ్యవసాయం కోసం రూ1.04 లక్షల కోట్ల నిధులు ఖర్చు పెట్టామని, 25 లక్షల మంది రైతులకు రూ. 21,654 కోట్లను రుణ మాఫీ చేశామన్నారు. రాష్ట్రంలో 3.10 కోట్ల మందికి సన్న బియ్యం పంపిణీ చేస్తున్నామన్నారు. ‘మహిళలకు ఫ్రీ బస్సేకాదు... మహిళా సంఘాలకు వెయ్యి బస్సులను ఇచ్చి ఓనర్లను చేశాం. బీఆర్‌ఎస్‌ పదేళ్లలో డబుల్‌ బెడ్‌ రూంలు ఇవ్వలేదు. పదేళ్లలో కాంగ్రెస్‌ 20 లక్షల ఇందిరమ్మ ఇళ్లను కట్టించే దిశగా అడుగులు వేస్తున్నాం’ అని రేవంత్‌ పేర్కొన్నారు. ఆ మూడు నియోజకవర్గాల్లో దేవుళ్లు పాలించారా? గజ్వేల్, సిద్దిపేట, సిరిసిల్ల నియోజకవర్గాల్లో దేవుళ్లు ఏమైనా పాలించారా?... హుస్నాబాద్‌ను ఎందుకు పట్టించుకోలేదు. గజ్వేల్, సిద్దిపేట నియోజకవర్గాల్లో రంగనాయకసాగర్, కొండపోచమ్మ రిజర్వాయర్లు పూర్తవుతాయి. అదే హుస్నాబాద్‌లోని గండిపెల్లి, గౌరవెల్లి ప్రాజెక్ట్‌లు పూర్తికావు. కేసీఆర్‌కు ప్రచారం మొదలు పెట్టేందుకు సెంటిమెంట్‌గా హుస్నాబాద్‌ కావాలి.. ని«ధులు మాత్రం సున్నా’ అని సీఎం రేవంత్‌రెడ్డి మండిపడ్డారు. గత పాలకుల మాదిరిగా హుస్నాబాద్‌ను నిర్లక్ష్యం చేయం... త్వరలో గౌరవెల్లిని పూర్తి చేసే బాధ్యతను తీసుకుంటానని ప్రకటించారు. ఐటీఐలను ఏటీసీలుగా.. ‘ఐటీఐలు కాలం చెల్లిపోయిన శిక్షణలు ఇచ్చేవి. డీజిల్‌ మెకానిక్‌ రిపేర్‌ చేసే అంబాసిడర్‌ కార్లు షెడ్డుకు పోయాయి. నేర్చుకున్న విద్యార్థులు ఫాం హౌజ్‌లో ఉన్న కారు రిపేర్‌ చేయాలి. ఇప్పుడు ఆడీ, బెంజ్‌ కార్లు వచ్చాయి. అందుకే ఐటీఐ కాలేజీలన్నింటినీ ఏటీసీలుగా మార్చాం. ఏటీసీలో చేరే ప్రతీ విద్యార్థికి నెలనెలా రూ.2 వేలు ఇస్తున్నాం. నిరుద్యోగులను సాంకేతిక నిపుణులుగా తీర్చిదిద్దుతాం’ అని రేవంత్‌రెడ్డి అన్నారు. ఈ కార్యక్రమంలో మంత్రులు పొన్నం ప్రభాకర్, వివేక్‌ వెంకటస్వామి, శ్రీధర్‌ బాబు, లక్ష్మణ్‌ కుమార్, తుమ్మల నాగేశ్వర్‌ రావు, ఎమ్మెల్యేలు, వివిధ కార్పొరేషన్‌ చైర్మన్‌లు పాల్గొన్నారు. కాగా, ఢిల్లీ పర్యటన నేపథ్యంలో సీఎం మధ్యాహ్నం ఒంటి గంటకు హాజరుకావాల్సి ఉండగా సాయంత్రం 5.30 గంటలకు సభావేదిక పైకి వచ్చారు. సీఎం ఆలస్యంగా రావడంతో కొంతమంది వెళ్లిపోయారు.

సాక్షి, సిద్ధిపేట జిల్లా: రూ.262.78 కోట్లతో హుస్నాబాద్‌లో పలు అభివృద్ధి పనులకు సీఎం రేవంత్‌రెడ్డి బుధవారం శంకుస్థాపన చేశారు. 2001లో ఈ ప్రాంతం నుంచే తెలంగాణ ఉద్యమం ప్రారంభమైందని సీఎం రేవంత్‌రెడ్డి అన్నారు. హుస్నాబాద్‌ ప్రజల అభిమానం మరవలేనన్నారు. ‘‘మీ ఓటుతో దుర్మార్గపు పాలనకు చరమగీతం పాడి, కాంగ్రెస్ ప్రజాపాలనను తీసుకొచ్చిన రోజు డిసెంబర్ 3. మొదటి ఏడాదిలోనే 60 వేల ఉద్యోగాల ఖాళీలను భర్తీ చేశాం. మరో 40 వేల ఉద్యోగాల భర్తీకి ప్రభుత్వం యోచిస్తోంది’’ అని రేవంత్‌ చెప్పారు. ‘‘బీఆర్ఎస్ లక్ష కోట్లతో కాళేశ్వరం కడితే అది కూలేశ్వరమైపోయింది. కాంగ్రెస్ హయాంలో కట్టిన ఎస్సారెస్పీ ఎలా ఉంది. బీఆర్ఎస్ కట్టిన కాళేశ్వరం ఎలా ఉందో మీరే ఆలోచించండి. దేశంలో భాక్రానంగల్ నుంచి నాగార్జునసాగర్ వరకూ కాంగ్రెస్ హయాంలో కట్టిన ప్రాజెక్టులే ఇవాళ వ్యవసాయ రంగాన్ని అభివృద్ధి బాటలో నడిపిస్తున్నాయి. ఇవాళ తెలంగాణా వరి దిగుబడుల్లో నంబర్‌ వన్ స్టేట్‌గా నిల్చింది. కేసీఆర్ హయాంలో రేషన్ కార్డు కావాలంటే దొర గడీ ముందు చేతులు కట్టి నిల్చోవాల్సిన పరిస్థితి. ఆనాడు దొడ్డుబియ్యం ఇస్తే, మనం ఈరోజు 3 కోట్ల 10 లక్షల మందికి సన్నబియ్యం పంపిణీ చేస్తున్నాం...మీ పక్కన్నే గజ్వేల్, మరోవైపు సిద్ధిపేట, ఇంకోవైపు సిరిసిల్ల ఉన్నాయి. వాటిని దేవుళ్లేమైనా పాలిస్తున్నారా..?. ఆ ప్రాంతాలు అభివృద్ధి చెందుతాయిగానీ, ఇక్కడి గౌరవెల్లి ఎందుకు పూర్తి చేయలేదో మీరు ఆలోచించాలి. ఇక్కడ ఓ ఆదర్శ గ్రామం అని చెప్పి చిన్నముల్కనూరును నాడు కేసీఆర్ ఏం చేశాడో మీకు తెలుసు. మేం వాళ్లలా హుస్నాబాద్‌ను నిర్లక్ష్యం చేయం, అభివృద్ధి చేసి చూపిస్తాం. అందుకే మంత్రి పొన్నం నా ముందు పెట్టిన అన్ని విజ్ఞప్తులకూ నిధులందిస్తామని హామీ. ఆ సర్కార్ లో ఎవ్వరికీ పదేళ్లల్లో డబుల్ బెడ్రూమ్ ఇళ్లు రాలేదు. కానీ, మేం ఇందిరమ్మ ఇళ్లు కట్టి చూపిస్తాం.ఇవాళ మంచి ప్రభుత్వముంటే అభివృద్ధి, సంక్షేమం ఎలా ముందుకెళ్తాయో, గ్రామాల్లో కూడా మంచి సర్పంచ్‌ను ఎన్నుకుంటేనే మీ గ్రామాల అభివృద్ధి జరుగుతుంది. కాబట్టి మంచివాళ్లను సర్పంచులుగా ఎన్నుకోండి. వీలైనంతగా ఏకగ్రీవం చేసుకునే యత్నం చేయాలని పిలుపునిచ్చిన సీఎం రేవంత్.. సర్పంచులు కిరికిరిగాళ్లు వస్తే గ్రామాలు తిరోగమనం పడతాయంటూ వ్యాఖ్యానించారు.

గజ్వేల్‌: పెండింగ్‌ బిల్లులు అడిగిన పాపానికి సర్పంచ్‌లను జైళ్లకు పంపిన కాంగ్రెస్‌ను ప్రస్తుత పంచాయతీ ఎన్నికల్లో చిత్తుగా ఓడించాలని మాజీ మంత్రి హరీశ్‌రావు పిలుపునిచ్చారు. మంగళవారం గజ్వేల్‌ మండలం రిమ్మనగూడలో వివిధ పార్టీలకు చెందిన నేతలు హరీశ్‌రావు సమక్షంలో బీఆర్‌ఎస్‌లో చేరారు. ఈ సందర్భంగా ఆయన మాట్లాడుతూ కాంగ్రెస్‌ పాలనలో గ్రామాల్లో పారిశుద్ధ్యం పడకేసిందని వాపోయారు. గ్రామాల్లో పారిశుద్ధ్య నిర్వహణకు నిధులు రాక, సొంత డబ్బులు ఖర్చుపెట్టుకోలేక పంచాయతీ కార్యదర్శులు సెలవులు పెట్టి వెళ్లిపోతున్నారని తెలిపారు. వీధి దీపాల నిర్వహణ కూడా సక్రమంగా లేక గ్రామాల్లో చీకట్లు అలుముకున్నాయన్నారు. ప్రభుత్వ అసమర్థత వల్ల గ్రామాలు అధ్వానంగా మారాయని ఆరోపించారు. గత అసెంబ్లీ ఎన్నికల సందర్భంగా ఇచ్చిన హామీలను అమలు చేయడంలో విఫలమైన కాంగ్రెస్‌ను ఎక్కడికక్కడా నిలదీయాలన్నారు. వృద్ధులకు నెలకు రూ.4వేల ఫించన్‌, కల్యాణ లక్ష్మితోపాటు తులం బంగారం హామీలు ఏమయ్యాయని ప్రశ్నించాలన్నారు. ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి ఆధ్వర్యంలో జరిగిన ఈ కార్యక్రమంలో రాష్ట్ర ఎంపీటీసీల ఫోరమ్‌ మాజీ వర్కింగ్‌ ప్రెసిడెంట్‌ దేవీ రవీందర్‌ తదితరులు పాల్గొన్నారు. కుకునూరుపల్లిలో చేరికలు కొండపాక(గజ్వేల్‌): కుకునూరుపల్లి మండలం రాయవరంలో కొందరు నాయకులు బీఆర్‌ఎస్‌లో చేరారు. ఎమ్మెల్యే హరీశ్‌రావు వారికి పార్టీ కండువా కప్పి పార్టీలోకి ఆహ్వానించారు. ఈసందర్భంగా హరీశ్‌రావు మాట్లాడుతూ అధికారం దాహం కోసం పని చేస్తున్న కాంగ్రెస్‌ మద్దుతు దారులను ఓడించాలన్నారు. కాంగ్రెస్‌ నాయకుడు, మాజీ ఉపసర్పంచ్‌ గుర్ర మహేందర్‌తో పాటు కమ్మరి రవి, బక్కోళ్ల కరుణాకర్‌, రాజు, రంగస్వామి, అనిల్‌ మరి కొందరు బీఆర్‌ఎస్‌లో చేరారు. మాజీ మంత్రి హరీశ్‌రావు బీఆర్‌ఎస్‌లో పలువురి చేరిక

సిద్దిపేటరూరల్‌: నామినేషన్లను టీ–పోల్‌లో అప్‌లోడ్‌ చేయాలని, ఏ మాత్రం అశ్రద్ధ చూపవద్దని కలెక్టర్‌ హైమావతి అధికారులను ఆదేశించారు. పంచాయతీ ఎన్నికల ప్రక్రియలో భాగంగా మంగళవారం నారాయణరావుపేట మండలం మల్యాల, రూరల్‌ మండలం పుల్లూరు, మచాపూర్‌ క్లస్టర్లను కలెక్టర్‌ పరిశీలించారు. ఈ సందర్భంగా సాయంత్రం 5 దాటినా మల్యాల, మాచాపూర్‌ క్లస్టర్‌లో ఎక్కువ మంది అభ్యర్థులు లైన్‌లో నిరీక్షించడాన్ని చూసి అధికారులపై ఆగ్రహం వ్యక్తం చేశారు. నామినేషన్‌ పత్రాలు స్వీకరించిన వెంటనే టీ–పోల్‌లో అప్‌లోడ్‌ చేయాలన్నారు. కలెక్టర్‌ హైమావతి క్లస్టర్ల పరిశీలన

సిద్దిపేటరూరల్‌: చదువుతో పాటు క్రీడల్లోనూ సత్తాచాటాలని, అంతర్జాతీయ స్థాయిలో రాణించేలా ముందుకు సాగాలని డీఈఓ శ్రీనివాస్‌రెడ్డి అన్నారు. మంగళవారం పీఎంశ్రీ స్కూల్స్‌ జిలా స్థాయి స్పోర్ట్స్‌ మీట్‌ ను ఓల్డ్‌ ఎల్లంకి ఇంజనీరింగ్‌ కళాశాల ప్రాంగణంలో ప్రారంభించారు. కార్యక్రమానికి ముఖ్య అతిథిగా డీఈఓ హాజరై మాట్లాడారు. ప్రతి విద్యార్థి రోజులో కొంత సమయాన్ని తప్పకుండా ఆటల కోసం కేటాయించాలన్నారు. క్రీడలు శారీరక, మానసిక ఆరోగ్యాన్ని పెంచుతాయన్నారు. స్కూల్‌ గేమ్స్‌ ఫెడరేషన్‌ సెక్రటరీ సౌందర్య మాట్లాడుతూ పీఎంశ్రీ స్కూల్‌ స్థాయిలో మొదటిసారిగా నిర్వహిస్తున్నామని, ఈ క్రీడల్లో గెలుపొందిన విద్యార్థులు రాష్ట్ర స్థాయిలో పాల్గొంటారన్నారు. మొదటి రోజు సుమారు వెయ్యి మంది విద్యార్థులు, 60 మంది వ్యాయామ ఉపాధ్యాయులు, తదితరులు పాల్గొన్నారు. కార్యక్రమంలో మైనార్టీ పాఠశాల ప్రిన్సిపాల్‌ పరకాల శ్రీనివాస్‌ తదితరులు పాల్గొన్నారు. అంతర్జాతీయ స్థాయిలో మెరవాలి డీఈఓ శ్రీనివాస్‌రెడ్డి అట్టహాసంగా పీఎంశ్రీ స్పోర్ట్స్‌ మీట్‌ షురూ..

హుస్నాబాద్‌: మున్సిపాలిటీని రాష్ట్రంలోనే ఆదర్శంగా తీర్చిదిద్దేలా అధికారులు పని చేయాలని రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్‌ అన్నారు. మంగళవారం మున్సిపల్‌ కార్యాలయంలో పెండింగ్‌, పూర్తయిన పనులపై అధికారులతో సమీక్షా సమావేశం నిర్వహించారు. మంత్రి పొన్నం మాట్లాడుతూ సీసీ రోడ్లు, కమ్యూనిటీ భవనాలు, ఎల్లమ్మ చెరువు సుందరీకరణ, మొక్కల పెంపకం వంటి పలు అభివృద్ధి పనుల పురోగతిపై ఆరా తీశారు. పెండింగ్‌ పనుల ఆలస్యంపై అసంతృప్తి వ్యక్తం చేశారు. సీసీ రోడ్లు పెండింగ్‌ పనులను ఈనెలాఖరులోగా, ఎల్లమ్మ చెరువు సుందరీకరణ పనులు మార్చిలోగా పూర్తి చేయాలని ఆదేశించారు. పెండింగ్‌లో ఉన్నవి, ప్రతిపాదనలు చేయాల్సిన పనులపై వివిధ శాఖల అధికారులతో త్రిసభ్య కమిటీ వేశారు. మున్సిపాలిటీకి రింగ్‌ రోడ్‌ త్వరలోనే మంజూరు అవుతుందని మంత్రి తెలిపారు. సమావేశంలో ఆర్డీఓ రామ్మూర్తి, మున్సిపల్‌ కమిషనర్‌ మల్లికార్జున్‌, అధికారులు పాల్గొన్నారు. మున్సిపాలిటీని ఆదర్శంగా తీర్చిదిద్దాలి మంత్రి పొన్నం ప్రభాకర్‌ అధికారులతో మంత్రి సమీక్ష

అర్ధంతరంగా నిలిచిన అభివృద్ధి పనులు నిధుల వరద పారేనా? ● కోటి ఆశలతో ప్రజలు నేడు జిల్లాకు సీఎం రేవంత్‌రెడ్డి రాకప్రాజెక్టులు పూర్తిచేయరూ..గౌరవెల్లి, గండిపెల్లిపై రైతుల కోటి ఆశలుహుస్నాబాద్‌: ముఖ్యమంత్రి రేవంత్‌రెడ్డి మొదటి సారిగా హుస్నాబాద్‌కు వస్తుండటంతో రైతులు గంపెడు ఆశలు పెట్టుకున్నారు. పెండింగ్‌లో ఉన్న ప్రాజెక్టులతో పాటు ఈ ప్రాంత అభివృద్ధికి వరాల జల్లు కురిపిస్తారన్న ఆసక్తితో ఎదురు చూస్తున్నారు. టీపీసీసీ అధ్యక్షుడి హోదాలో రేవంత్‌రెడ్డి ఈ ప్రాంతంలో పాదయాత్ర చేశారు. కాంగ్రెస్‌ పార్టీ అధికారంలోకి రాగానే పెండింగ్‌లో ఉన్న ప్రాజెక్టులను పూర్తి చేసి, ఈ ప్రాంతాన్ని సస్యశ్యామలం చేస్తామని హామీ ఇచ్చారు. 2007లో దివంగత ముఖ్యమంత్రి వైఎస్‌ రాజశేఖరరెడ్డి హుస్నాబాద్‌ నియోజకవర్గంలోని గౌరవెల్లి, గండిపెల్లి ప్రాజెక్టులు 70 శాతం మేర పనులు పూర్తి చేశారు. తర్వాత వచ్చిన బీఆర్‌ఎస్‌ ప్రభుత్వంలో ప్రాజెక్టుల రీ డిజైన్‌లో భాగంగా గౌరవెల్లి ప్రాజెక్టు 8.23 టీఎంసీలు, గండిపల్లి ప్రాజెక్టు 1.15 టీఎంసీల సామర్థ్యానికి పెంచారు. ప్రస్తుతం గౌరవెల్లి ప్రాజెక్టు 90 శాతం పూర్తయి ట్రయల్‌ రన్‌ చేశారు. కాలువలు నిర్మించాల్సి ఉంది. దశాబ్ధ కాలంగా సాగునీటి ప్రాజెక్టుల కోసం ఈ ప్రాంత ప్రజలు కళ్లల్లో వత్తులు వేసుకొని ఎదురు చేస్తున్నారు.సిద్దిపేటలో చేపట్టిన వెయ్యి పడకల ప్రభుత్వ ఆస్పత్రి భవన నిర్మాణ పనులు పూర్తికాకపోవడంతో రోగులకు పూర్తి స్థాయిలో వైద్యసేవలు అందడం లేదు. సిద్దిపేట అర్బన్‌ మండలం ఎన్సాన్‌పల్లి శివారులో రూ.324కోట్ల వ్యయంతో 2020 డిసెంబర్‌లో అప్పటి సీఎం కేసీఆర్‌ శంకుస్థాపన చేశారు. గత ప్రభుత్వంలో పనులు జోరుగా సాగినా.. రెండేళ్లుగా ఎక్కడి పనులు అక్కడే నిలిచిపోయాయి. దాదాపు 90శాతం పనులు పూర్తి అయ్యాయి. మిగిలిన పనులకు నిధుల కొరత అడ్డంకిగా మారింది. ఆస్పత్రి పూర్తి అయితే సిద్దిపేట, మెదక్‌, కామారెడ్డి, సిరిసిల్ల జిల్లా ప్రజలకు మెరుగైన వైద్య సేవలు అందుబాటులోకి రానున్నాయి. అలాగే మరిన్ని మెడికల్‌ పీజీ సీట్లు, అలాగే ఎంబీబీఎస్‌ సీట్లు సైతం పెరగనున్నాయి. దాదాపు మరో రూ.50కోట్లకు పైగా నిధులు కేటాయించి అందుబాటులోకి తీసుకురావాలని ప్రజలు కోరుతున్నారు. అలాగే కరీంనగర్‌ రోడ్‌లో నిర్మిస్తున్న నర్సింగ్‌ కళాశాల పనులు సైతం నిధులు లేక నిలిచిపోయాయి. తలాపున నీళ్లున్నా.. తలాపునే రిజర్వాయర్‌ ఉన్నా.. దుబ్బాక నియోజకవర్గ పరిధిలోని గ్రామాలకు నీరు అందడంలేదు. కాళేశ్వరం ప్రాజెక్ట్‌లో భాగంగా తొగుటలో 50 టీఎంసీల సామర్థ్యంతో మల్లన్నసాగర్‌ రిజర్వాయర్‌ను నిర్మించారు. రిజర్వాయర్‌ పూరై నాలుగేళ్లు గడుస్తున్నా ఇంకా కాలువల నిర్మాణం పూర్తి కాలేదు. డిస్ట్రిబ్యూషన్‌ కాలువల నిర్మాణం చేపట్టకపోవడంతో దుబ్బాక నియోజకవర్గంలోని రైతులకు సాగు నీరు అందక ఇబ్బంది పడుతున్నారు.సిద్దిపేటలో వెయ్యి పడకల ఆస్పత్రి నిర్మాణంప్రజాపాలన విజయోత్సవ సభకు సర్వం సిద్ధం చేశారు. సీఎం రేవంత్‌రెడ్డి మొదటి సారిగా బుధవారం హుస్నాబాద్‌కు వస్తుండటంతో మంత్రి పొన్నం ప్రభాకర్‌ దగ్గరుండి ఏర్పాట్లను పర్యవేక్షించారు. వీఐపీలకు, మహిళలకు, దివ్యాంగులకు ప్రత్యేకంగా గ్యాలరీలను ఏర్పాటు చేశారు. సభా వేదిక వెనుక భాగంలో హెలిప్యాడ్‌ నిర్మించారు. సభ ప్రాంగణంలోనే వివిధ అభివృద్ధి పనులకు శంకుస్థాపన చేస్తారు.ఇంకా పూర్తికాని శిల్పారామం..జిల్లాలో పలు అభివృద్ధి పనులు అర్ధంతరంగా నిలిచిపోయాయి. వెయ్యి పడకల ఆస్పత్రి, పర్యాటక అభివృద్ధి, కాలువల నిర్మాణం, ఇంటిగ్రేటెడ్‌ మార్కెట్‌, పశు వైద్య కళాశాల నిర్మాణాలు పూర్తి అయ్యేందుకు చొరవ చూపాలని ప్రజలు కోరుతున్నారు. కాంగ్రెస్‌ ప్రభుత్వం ఏర్పాటై రెండేళ్లయిన సందర్భంగా విజయోత్సవాలకు బుధవారం సీఎం రేవంత్‌రెడ్డి జిల్లాకు రానున్నారు. ఈ సందర్భంగా సిద్దిపేట, దుబ్బాక, హుస్నాబాద్‌, గజ్వేల్‌ నియోజకవర్గాలకు నిధులు కేటాయిస్తారని ప్రజల్లో కోటి ఆశలు నెలకొన్నాయి. – సాక్షి, సిద్దిపేటప్రజల విన్నపాలు..సీఎం సభకు సర్వం సిద్ధం గతంలో సీఎం రేవంత్‌రెడ్డి హామీ మేరకు.. హుస్నాబాద్‌ను కరీంనగర్‌లో విలీనం చేయాలి. హుస్నాబాద్‌ ప్రాంతంలో క్రీడాకారులకు కొదవ లేదు. ఈ ప్రాంతంలో స్పోర్ట్స్‌ సెంటర్‌ ఏర్పాటు చేస్తే క్రీడాకారులు నైపుణ్యం సాధించే అవకాశం ఉంది. నాలుగు జిల్లాల సరిహద్దులో ఉన్న హుస్నాబాద్‌కు చుట్టూ రింగ్‌ రోడ్డు నిర్మించాలి. ఎన్నికల సమయంలో ప్రియాంక గాంధీ ఇచ్చిన హామీ మేరకు మెడికల్‌ కళాశాలపై ప్రకటన చేయాలి. ఈ ప్రాంతం పారిశ్రామికంగా అభివృద్ధి చెందే అవకాశం మెండుగా ఉన్నాయి. ఏదైన పరిశ్రమ నెలకొల్పితే స్థానిక యువత ఉపాధి పొందుతారు. హుస్నాబాద్‌లోని జనాభా దృష్ట్యా మున్సిపాలిటీని గ్రేడ్‌ 1 గా అప్‌గ్రేడ్‌ చేయాలి.