Vikarabad District Latest News

బొంరాస్‌పేట: రాష్ట్ర స్థాయి రైతుమేళాను ఆదర్శంగా నిర్వహించి సీఎం రేవంత్‌రెడ్డితో శభాష్‌ అనిపించుకుందామని కలెక్టర్‌ దీపక్‌ తివారి అన్నారు. నవంబర్‌ 7, 8, 9 తేదీల్లో సుమారు 50వేల మంది, 200 స్టాళ్లతో కార్యక్రమం నిర్వహించనున్నట్లు తెలిపారు. దుద్యాల మండలం హకీంపేట సమీపంలో కొనసాగుతున్న ఏర్పాట్లను మంగళవారం ఎస్పీ స్నేహమెహ్ర, అదనపు కలెక్టర్‌ ఉమాశంకర ప్రసాద్‌, ట్రైనీ కలెక్టర్‌ సచిన్‌ బస్వరాజ్‌ గుట్టూరు, కడా ప్రత్యేకాధికారి వెంకట్‌రెడ్డితో కలిసి పరిశీలించారు. రైతు మేళాలో వ్యవసాయ అనుబంధ శాఖల ఆధ్వర్యంలో 200 స్టాళ్లను ఏర్పాటు చేయనున్నారు. ఆధునిక వ్యవసాయం, యంత్రాలు, సాగు విధానంపై అవగాహన కల్పించనున్నారు. ఈ కార్యక్రమాన్ని ముఖ్యమంత్రి రేవంత్‌రెడ్డి ప్రారంభించనున్నారు. చివరి రోజు సుమారు 50వేల మందిలో నిర్వహించే భారీ బహిరంగ సభకు సీఎం, మంత్రులు, ఎమ్మెల్యేలు, శాస్త్రవేత్తలు హాజరుకానున్నారు. కార్యక్రమంలో తాండూరు ఆర్‌డీఓ అనిత, డీఏఓ కవిత, తహసీల్దారు కిషన్‌నాయక్‌ తదితరులు పాల్గొన్నారు. నవంబర్‌ 7, 8, 9 తేదీల్లో కార్యక్రమాలు ఆదర్శంగా నిర్వహిద్దాం కలెక్టర్‌ దీపక్‌ తివారి స్థల పరిశీలన చేసిన అధికారుల బృందం

పరిగి: నేరాల నియంత్రణకు పటిష్ట చర్యలు తీసుకోవాలని ఎస్పీ స్నేహ మెహ్ర సూచించారు. మంగళవారం పరిగి డీఎస్పీ కార్యాలయాన్ని తనిఖీ చేశారు. రికార్డులు, కేసుల ఫైళ్లను పరిశీలించారు. అనంతరం ఆమె మాట్లాడుతూ.. సిబ్బందిని సమన్వయం చేసుకుంటూ నేరాల నియంత్రణకు కృషి చేయాలన్నారు. పెండింగ్‌ కేసుల దర్యాప్తులో వేగం పెంచి నిర్ణీత సమయంలో పరిష్కరించాలని ఆదేశించారు. ఆస్తి, మహిళలు, చిన్నారుల కేసుల దర్యా ప్తులో ప్రత్యేక శ్రద్ధ వహించాలన్నారు. సీసీ కెమెరాల సంఖ్య పెంచాలని సూచించారు. సైబర్‌ నేరాల ఫిర్యాదులపై తక్షణం స్పందించాలన్నారు. కార్యక్రమంలో డీఎస్పీ శ్రీనివాస్‌, పరిగి సీఐ కొండల్‌రెడ్డి, సీఐ చంద్రశేఖర్‌రెడ్డి తదితరులు పాల్గొన్నారు. లక్ష్యం దిశగా చదవాలి కొడంగల్‌ రూరల్‌: క్రమశిక్షణ, పట్టుదలతో చదివితే పోలీస్‌ ఉద్యోగం సాధించవచ్చని ఎస్పీ స్నేహ మెహ్ర అన్నారు. పట్టణంలోని ప్రభుత్వ జూనియర్‌ కళాశాలలో కానిస్టేబుల్‌, ఎస్‌ఐ ఉద్యోగాల కోసం నిర్వహిస్తున్న ఉచిత శిక్షణ శిబిరాన్ని మంగళవారం సందర్శించి అభ్యర్థులకు పలు సూచనలు అందించారు. కార్యక్రమంలో కడా ప్రత్యేకాధికారి వెంకట్‌రెడ్డి, పరిగి డీఎస్పీ శ్రీనివాస్‌, మున్సిపల్‌ చైర్మన్‌ నందారం ప్రశాంత్‌కుమార్‌, సీఐలు, ఎస్‌ఐలు, పోలీసు సిబ్బంది పాల్గొన్నారు. పెండింగ్‌ కేసులపై ప్రత్యేక దృష్టి సారించాలి ఎస్పీ స్నేహమోహ్ర పోలీస్‌ అమరవీరుల త్యాగం ఎప్పటికీ మరచిపోలేమని ఎస్పీ స్నేహామెహ్ర అన్నారు. పోలీస్‌ ప్లాగ్‌ డే కార్యక్రమంలో భాగంగా మంగళవారం రాత్రి పరిగి బస్టాండ్‌ నుంచి అంబేడ్కర్‌ విగ్రహం వరకు క్యాండిల్‌ ర్యాలీ నిర్వహించారు. అమరవీరులకు నివాళులర్పించారు. అనంతరం ఆమె మాట్లాడుతూ.. దేశం కోసం, విధి నిర్వహణలో ప్రాణాలర్పించిన పోలీసుల త్యాగాలు ఎన్నటికీ మరవలేనివమన్నారు. కార్యక్రమంలో అడిషనల్‌ ఎస్పీ రాజేష్‌మీనా, డీఎస్పీ శ్రీనివాస్‌, డీటీసీ డీఎస్పీ శ్రీనివాసులు, సీఐలు, ఎస్సైలు తదితరులు పాల్గొన్నారు.

అనంతగిరి: ఓటు చోరీని అడ్డుకొని ప్రజాస్వామ్యాన్ని పరిరక్షించుకుందామని ఏఐసీసీ ఎస్‌ఐఆర్‌ పరిశీలకుడు రంగరాజన్‌ మోహన్‌ కుమార్‌ మంగళం అన్నారు. ఓటరు జాబితాలో అక్రమాలపై ప్రజల్లో చైతన్యం తీసుకురావాలని పిలుపునిచ్చారు. మంగళవారం వికారాబాద్‌ పట్టణంలోని సత్యభారతి గార్డెన్‌లో కాంగ్రెస్‌ పార్టీ జిల్లా శాఖ ఆధ్వర్యంలో ఓటు బచావో.. దేశ్‌ బచావో కార్యక్రమం నిర్వహించారు. ఈ సందర్భంగా ఆయన మాట్లాడుతూ.. ఓటు హక్కును కాపాడుకోవాల్సిన బాధ్యత ప్రతి పౌరుడిపై ఉందన్నారు. ఓటు ప్రజాస్వామ్యానికి పునాది వంటిదన్నారు. కేంద్ర ప్రభుత్వం ఎన్నికల కమిషన్‌ను అడ్డు పెట్టుకొని ఓటు చోరీకి పాల్పడుతోందని ఆరోపించారు. నవంబర్‌ ఒకటిన ఢిల్లీలోని రాంలీల మైదానంలో నిర్వహించే నిరసన కార్యక్రమాన్ని విజయవంతం చేయాలని పిలుపునిచ్చారు. రాహుల్‌ గాంధీ పోరాటానికి ప్రజలు మద్దతు పలకాలని కోరారు. కార్యక్రమంలో పార్టీ జిల్లా అధ్యక్షుడు ధారాసింగ్‌, పీసీసీ కోఆర్డినేటర్‌ అప్సర్‌ యూసుఫ్‌ జాహి, ఎమ్మెల్యేలు రామ్మోహన్‌రెడ్డి, మనోహర్‌ రెడ్డి, పరిగి మున్సిపల్‌ చైర్మన్‌ రజిత, మాజీ చైర్మన్‌ సత్యనారాయణ, వైస్‌ చైర్మన్‌ సుధాకర్‌ రెడ్డి, జాతీయ యువ నాయకుడు సంతోష్‌ కుమార్‌, మార్కెట్‌ కమిటీ చైర్మన్‌ శ్రీనివాస్‌, విజయభాస్కర్‌ రెడ్డి, సీనియర్‌ నాయకులు కరణం పురుషోత్తంరావు, కిషన్‌ నాయక్‌, మైపాల్‌ రెడ్డి, అనంత్‌రెడ్డి, రాంచంద్రా రెడ్డి, పార్టీ మండల అధ్యక్షుడు రాజశేఖర్‌ రెడ్డి తదితరులు పాల్గొన్నారు. ప్రజాస్వామ్యాన్ని కాపాడుకుందాం ఏఐసీసీ ఎస్‌ఐఆర్‌ పరిశీలకుడు రంగరాజన్‌

అనంతగిరి: మోదీ సుపరిపాలన చూసి ఓర్వలేక కాంగ్రెస్‌ పార్టీ జాతీయ అధ్యక్షుడు మల్లికార్జున ఖర్గే లేనిపోని ఆరోపణలు చేస్తున్నారని బీజేపీ జిల్లా అధ్యక్షుడు రమేష్‌ కుమార్‌ ఆగ్రహం వ్యక్తం చేశారు. ప్రధాని, అతని తండ్రిపై అనుచిత వ్యాఖ్యలు చేయడం సమంజసం కాదన్నారు. మంగళవారం వికారాబాద్‌లోని ఎన్టీఆర్‌ చౌరస్తాలో కాంగ్రెస్‌ పార్టీ దిష్టి బొమ్మ దహన కార్యక్రమం నిర్వహించారు. ఈ సందర్భంగా ఆయన మాట్లాడుతూ.. మోదీ స్వచ్ఛమైన నాయకుడన్నారు. ఆయనపై బురదజల్లే ప్రయత్నం చేస్తున్నారని మండిపడ్డారు. ఇప్పటికై నా అనవసర ఆరోపణలు చేయడం మానుకోవాలని హితవు పలికారు. కాంగ్రెస్‌ కుట్రలను ప్రజలు గమనిస్తున్నారని తెలిపారు. రాబోయే రోజుల్లో ఆ పార్టీకి ప్రజలే బుద్ధి చెబుతారన్నారు. పోలీసులు దిష్టి బొమ్మ దహనాన్ని అడ్డుకున్నారు. బీజేపీ నాయకులను అరెస్టు చేసి పోలీస్‌ స్టేషన్‌ కు తరలించారు. కార్యక్రమంలో పార్టీ పట్టణ అధ్యక్షురాలు యాస్కీ శిరీష, రాష్ట్ర నాయకులు శివరాజ్‌, పాండు గౌడ్‌, భద్రేశ్వర్‌, కేశవులు, అనిల్‌ కుమార్‌ యాదవ్‌, వివేకానంద రెడ్డి, శ్రీధర్‌ రెడ్డి, నవీన్‌ కుమార్‌, మల్లేశ్‌, పటేల్‌ మల్లేశం, సాయి చరణ్‌ రెడ్డి, హరికృష్ణ, శ్రీకాంత్‌ రెడ్డి, రమేష్‌, ఆంజనేయులు తదితరులు పాల్గొన్నారు. బీజేపీ జిల్లా అధ్యక్షుడు రమేష్‌ కుమార్‌ వికారాబాద్‌లో నిరసన కార్యక్రమం అదుపులోకి తీసుకున్న పోలీసులు

కుల్కచర్ల: మండల కేంద్రంలోని జెడ్పీ బాలుర పాఠశాలలో ఈ నెల 30న జిల్లాస్థాయి వాలీబాల్‌ పోటీలు నిర్వహించనున్నట్లు పీడీ ప్రవీణ్‌ మంగళవారం ఒక ప్రకటనలో తెలిపారు. బాలుర, బాలికల విభాగంలో పోటీలు ఉంటాయన్నారు. ఈ కార్యక్రమానికి పరిగి ఎమ్మెల్యే రామ్మోహన్‌ రెడ్డి ముఖ్యఅతిథిగా హాజరుకానున్నారని తెలిపారు. అడిషనల్‌ కలెక్టర్‌ వెంకటాచారి, ఆర్డీఓ వాసుచంద్ర దోమ: ఇండస్ట్రియల్‌ పార్కు కోసం భూములిచ్చిన రైతులకు ఆర్‌అండ్‌ఆర్‌ ప్యాకేజీ కింద న్యాయం జరిగేలా చూస్తామని అడిషనల్‌ కలెక్టర్‌ వెంకటాచారి, ఆర్డీఓ వాసుచంద్ర తెలిపారు. మంగళవారం మండలంలోని దిర్సంపల్లిలో రైతులతో సమావేశమై ప్యాకేజీపై చర్చించారు. భూములు ఇచ్చే రైతులకు ప్రభుత్వం అండగా ఉంటుందన్నారు. ట్రైనీ డిప్యూటీ కలెక్టర్‌ చంద్రకిరణ్‌ బంట్వారం: భూ భారతి రీ సర్వేతో ఏళ్ల నాటి సమస్యలకు పరిష్కారం లభిస్తుందని ట్రైనీ డిప్యూటీ కలెక్టర్‌ పెండాల్య చంద్రకిరణ్‌ అన్నారు. మంగళవారం కోట్‌పల్లి మండలం బుగ్గాపూర్‌ రైతు వేదికలో భూ భారతి చట్టంపై అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ.. సర్వే సమయంలో రైతులు తప్పని సరిగా ఉండాలన్నారు. మొదట గ్రామ శివారు భూమి, తర్వాత గ్రామ కంఠం భూములను సర్వే చేసి హద్దులు ఏర్పాటు చేస్తారన్నారు. పట్టా భూముల్లో నిర్మించిన ఇళ్లకు కొలతలు చేస్తారన్నారు. టైటిల్‌ ఆధా రంగా సర్వే నంబర్లను గుర్తించి, డిజిటల్‌ సర్వే చేస్తారన్నారు. ఇందుకు రైతులు సహకరించాలన్నారు. కార్యక్రమంలో ఆర్‌ఐ నరేష్‌కుమార్‌, జీపీఓలు లవకుమార్‌, నారాయణ, జూనియర్‌ అసిసెంట్‌ బాలరాజ్‌, రైతులు పాల్గొన్నారు. డీఆర్‌డీఓ శ్రీనివాస్‌ మోమిన్‌పేట: మండలంలో చేపట్టిన జలసిరి పనులను వెంటనే పూర్తి చేయాలని డీఆర్‌డీఓ శ్రీ నివాస్‌ సూచించారు. మంగళవారం చక్రంపల్లి, దేవరంపల్లి, అంరాధికలాన్‌, రాళ్లగుడుపల్లి, కే సారం, గోవిందాపూర్‌, సయ్యద్‌ అల్లీపూర్‌ తదితర గ్రామాల్లో చేయూత లబ్ధిదారుల ఎంపిక, జలసిరి పనులను పరిశీలించారు. ఈ సందర్భంగా ఆయన మాట్లాడుతూ.. ప్రతి గ్రామంలో ఎండిన బోరుబావులను రీచార్జ్‌ చేయాలన్నారు. సా మాజిక ఇంకుడు గుంతలు, ఫాం పాండ్లు నిర్మించుకోవాలని సూచించారు. అర్హులైన వారికి పింఛన్లు మంజూరవుతాయని పేర్కొన్నారు. కార్యక్రమంలో ఎంపీడీఓ సృజనా సాహిత్య, ఏపీఎం మధుకర్‌, ఏపీఓ శంకర్‌, టీఏలు పాల్గొన్నారు. ఆరుతడి పంటలు సాగు చేయాలి మంచాల: ఎల్‌నినో ప్రభావాన్ని దృష్టిలో ఉంచుకొని రైతులు ఆరుతడి పంటలు సాగు చేయాలని జిల్లా వ్యవసాయాధికారి సుజాత అన్నారు. మండల కేంద్రంలోని రైతు వేదిక భవనంలో మంగళవారం అవగాహన సదస్సు నిర్వహించారు. ఈ సందర్భంగా ఆమె మాట్లాడుతూ.. ఇప్పటికే 15శాతం బోరు బావులు ఎండిపోయాయని, భవిష్యత్‌లో మరో 40 శాతం ఎండిపోయే ప్రమాదం ఉందన్నారు. భూగ ర్భ జలాలు తగ్గిపోయి సాగు నీరే కాదు, తాగు నీటి సమస్య కూడా తీవ్రరూపం దాల్చనుందన్నారు. రైతులు పరిస్థితులకు అనుగుణంగా పంటలు సాగు చేయాలని సూచించారు. ఉద్యాన శాఖ ద్వారా డ్రిప్‌లు, స్ప్రింక్లర్లు సబ్సిడీపై అందించడం జరుగుతుందన్నారు. తక్కువ నీటితో ఎక్కువ విస్తీర్ణంలో పంటలు సాగు చేసుకోవడానికి అవకాశం ఉందన్నారు. కార్యక్రమంలో పీఏసీఎస్‌ చైర్మన్‌ హన్మంత్‌ రెడ్డి, కృషి విజ్ఞాన కేంద్రం శాస్త్రవేత్త శ్రీకృష్ణ, ఉద్యాన శాఖ జిల్లా అధికారి సురేష్‌ పాల్గొన్నారు.

సమస్యల పరిష్కారమే.. తాండూరు పరిశుభ్రత, ప్రజా సమస్యలపరిష్కారమే లక్ష్యమని ఎమ్మెల్యే మనోహర్‌రెడ్డి అన్నారు. సాక్షి, రంగారెడ్డిజిల్లా: వర్షాభావ పరిస్థితుల నేపథ్యంలో ఉమ్మడి జిల్లాలో కరువు ప్రభావిత మండలాలను ప్రభుత్వం ప్రకటించింది. ఈ మేరకు మంగళవారం ఉత్తర్వులు జారీ చేసింది. లోటు వర్షపాతం నమోదైన మండలాలు సహా భూగర్భ జలాలు వేగంగా పడిపోతున్న మండలాలను ఈ జాబితాలో చేర్చింది. ఉమ్మడి జిల్లాలో మొత్తం 38 మండలాలను కరువు ప్రభావిత ప్రాంతాలుగా నిర్ధారించింది. వీటిలో 16 మండలాలను తీవ్ర కరువు ప్రభావిత మండలాలుగా, మిగిలిన మండలాలను సాధారణ కరువు ప్రభావిత మండలాలుగా గుర్తించింది. ఆయా మండలాల్లో తాగునీటి సరఫరా, నిత్యావసరాల పంపిణీ, యాసంగిలో వరికి ప్రత్యామ్నాయంగా చేపట్టాల్సిన పంటల సాగుపై దృష్టి సారించాల్సిందిగా సంబంధిత జిల్లాల అధికారులకు ఆదేశాలు జారీ చేసింది. జిల్లాల వారీగా.. రంగారెడ్డి జిల్లాలో 27 మండలాలు ఉండగా, వీటిలో 18 కరువు మండలాలుగా నిర్ధారించింది. వీటిలో గండిపేట్‌, రాజేంద్రనగర్‌, హయత్‌నగర్‌, అబ్దుల్లాపూర్‌మెట్‌, కొత్తూరు మండలాలను అతి తీవ్ర కరువు ప్రభావిత ప్రాంతాలుగా, బాలాపూర్‌, సరూర్‌నగర్‌, ఇబ్రహీంపట్నం, యాచారం, ఆమనగల్లు, కేశంపేట, కందుకూరు, మహేశ్వరం, శంషాబాద్‌, చేవెళ్ల, షాబాద్‌, ఫరూఖ్‌నగర్‌, జిల్లేడు చౌదరిగూడను సాధారణ కరువు ప్రభావిత ప్రాంతాలుగా ప్రకటించింది. వికారాబాద్‌ జిల్లాలోని మొత్తం మండలాలను కరువు ప్రభావిత మండలాలుగా ప్రకటించింది. వీటిలో మర్పల్లి, నవాబ్‌పేట, కుల్కచర్ల, దోమ, బంట్వారం, పెద్దేముల్‌, తాండూరు, బషీరాబాద్‌, యాలాల, కొడంగల్‌, దౌల్తాబాద్‌ మండలాలను తీవ్ర కరువు ప్రభావిత ప్రాంతాలుగా గుర్తించింది. ఇక మోమిన్‌పేట, వికారాబాద్‌, పరిగి, ధారూరు, బొంరాస్‌పేట, దుద్యాల, కొట్‌పల్లి, పూడూరు, చౌడాపూర్‌ మండలాలను సాధారణ కరువు ప్రభావిత ప్రాంతాలుగా ప్రకటించింది. వికారాబాద్‌ జిల్లాలో 20 రంగారెడ్డి జిల్లాలో 18 ప్రకటించిన ప్రభుత్వం ప్రత్యామ్నాయ చర్యలు చేపట్టాలని అధికార యంత్రాంగానికి ఆదేశాలుఆయా మండలాల పరిధిలో వరికి ప్రత్యామ్నాయంగా ఆరు తడిపంటలను సాగు చేయించేలా రైతులకు అవగాహన కల్పించాల్సిందిగా ఆదేశాలు జారీ చేసింది. వచ్చే వేసవిని దృష్టిలో పెట్టుకుని తాగునీటి సరఫరాకు ఇబ్బందులు తలెత్తకుండా ఇప్పటి నుంచే ప్రత్యామ్నాయ చర్యలు చేపట్టాల్సిందిగా సూచించింది. అంతేకాకుండా పౌరసరఫరాల శాఖ నుంచి ప్రతి నెలా పేదలకు సరఫరా చేసే బియ్యం, ఇతర నిత్యావసరాలు సహా పశువుల మేత వంటి అంశాలపై కూడా దృష్టి సారించాల్సిందిగా పేర్కొంది. ఈ మేరకు మండలాల వారీగా సమగ్ర నివేదిక సిద్ధం చేయాల్సిందిగా స్పష్టం చేసింది.

ఇబ్రహీంపట్నం రూరల్‌: జీహెచ్‌ఎంసీ పరిధి నుంచి ఎనిమిది కిలోమీటర్ల పరిధి లోపల కార్యాలయాల్లో పని చేస్తున్న ఉద్యోగులకు 24 శాతం హెచ్‌ఆర్‌ఏ మంజూరు చేయాలని ఉద్యోగ జేఏసీ నాయకులు డిమాండ్‌ చేశారు. ఈ మేరకు మంగళవారం ఉద్యోగుల జేఏసీ ఆధ్వర్యంలో అదనపు కలెక్టర్‌ కిరణ్మయికి వినతిపత్రం అందజేశారు. ఈ సందర్భంగా జిల్లా అధ్యక్షుడు ఊటు యశ్వంత్‌, కన్వీనర్‌ డాక్టర్‌ రామారావు మాట్లాడుతూ.. గ్రేటర్‌ హైదరాబాద్‌ మున్సిపల్‌ కార్పొరేషన్‌ నుంచి ఎనిమిది కిలోమీటర్ల పరిధిలో పని చేస్తున్న ఉద్యోగులకు 24 శాతం ఇంటి అద్దె భత్యం మంజూరు చేసే అంశాన్ని పరిశీలించి, ఆర్థిక శాఖ అనుమతి కోసం ప్రభుత్వానికి ప్రతిపాదనలు పంపించాలని కోరారు. గతంలో జీహెచ్‌ఎంసీ నుంచి 8 కిమీ పరిధిలో పని చేస్తున్న ఉద్యోగులకు 24 శాతం హెచ్‌ఆర్‌ఏ వర్తింపజేసేందుకు కలెక్టర్‌ అనుమతి ఇచ్చి నట్లు సమాచారం ఉందన్నారు. ఉద్యోగుల ప్రయోజనాలను దృష్టిలో పెట్టుకొని సానుకూలంగా స్పందించాలని విజ్ఞప్తి చేశారు. కార్యక్రమంలో జేఏసీ నాయకులు మహేందర్‌రెడ్డి, రమేష్‌గౌడ్‌, శ్రీనేష్‌కుమార్‌ నోరీ, నూతనకంటి వెంకట్‌, శాంతిశ్రీ, రేవతి, నర్సిరెడ్డి, రాకేష్‌, శ్రీనివాస్‌, సైదమ్మ, అనిత, నాగేశ్వర్‌రావు, మహేశ్‌, బాలేశ్వరి, జ్యోత్స్న, రాణి, ప్రమీల, రంగయ్య, గోపాల్‌ నాయక్‌, శ్రీధర్‌రెడ్డి, శేఖర్‌, వాణి, గౌస్‌, తేజ, రాములు, మోహన్‌ తదితరులు పాల్గొన్నారు.రంగారెడ్డి అదనపు కలెక్టర్‌కు ఉద్యోగుల జేఏసీ నేతల వినతి

తాండూరు టౌన్‌: విద్యార్థులకు చట్టాలపై అవగాహన ఉండాలని తాండూరు జూనియర్‌ సివిల్‌ కోర్టు జడ్డి గిరిజ తిరందాసు సూచించారు. మండల లీగల్‌ సర్వీస్‌ కమిటీ ఆధ్వర్యంలో మంగళవారం పట్టణంలోని ప్రభుత్వ నంబర్‌ వన్‌ పాఠశాలలో సురక్షిత్‌ బచ్చన్‌ అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. తెలిసీ తెలియని వయసులో విద్యార్థులు నేరాలకు పాల్పడుతుంటారని, దీంతో వారి భవిష్యత్‌ అంధకారమవుతోందన్నారు. నేరాలు, వాటికి విధించే శిక్షలపై అవగాహన ఏర్పర్చుకోవాలన్నారు. బాలల హక్కులు, బాల్యవివాహాల నిర్మూలన, పోక్సో, విద్యా హక్కు చట్టాల గురించి తెలుసుకోవాలన్నారు. వ్యసనాలకు దూరంగా ఉండాలన్నారు. క్రమశిక్షణ, చదువులో రాణిస్తూ ఉన్నత శిఖరాలకు చేరుకోవాలని సూచించారు. కార్యక్రమంలో తాండూరు బార్‌ అసోసియేషన్‌ అధ్యక్షుడు కే శ్రీనివాస్‌, ప్రధాన కార్యదర్శి పాశం రవికుమార్‌, ప్యానల్‌ న్యాయవాదులు జిలాని, అరుణ, పరమేశ్వరి, మస్తాన్‌, దేవ్‌రాజ్‌, పాఠశాల హెచ్‌ఎం గోపాల్‌, ఉపాధ్యాయులు, విద్యార్థులు తదితరులు పాల్గొన్నారు. తాండూరు జూనియర్‌ సివిల్‌ కోర్టు జడ్డి గిరిజ తిరందాసు

హుడాకాంప్లెక్స్‌: ఇటీవల జిల్లా వైద్యాధికారిగా బాధ్యతలు చేపట్టిన డాక్టర్‌ కళ్యాణ్‌ చక్రవర్తికి మంగళవారం తెలంగాణ మెడికల్‌ అండ్‌ హెల్త్‌ అసోసియేషన్‌ తరఫున జిల్లా కమ్యూనిటీ హెల్త్‌ ఆఫీసర్స్‌ శుభాకాంక్షలు తెలిపి సన్మానించారు. ఈ సందర్భంగా ఉద్యోగుల సమస్యలు ఎప్పటికప్పుడు పరిష్కరించాలని కోరారు. కార్యక్రమంలో కమ్యూనిటీ హెల్త్‌ ఆఫీసర్స్‌ బి.పరాంకుశం, పి.శ్రీనివాసులు, ఎండీ షాయాద్‌, చిట్టిబాబు, ఎండీ రఫీక్‌, కళమ్మ పాల్గొన్నారు. ఆమనగల్లు: రోడ్డు ప్రమాదాల నివారణకు చర్యలు తీసుకుంటున్నట్లు ఫ్యూచర్‌సిటీ ట్రాఫిక్‌ డీసీపీ శివం ఉపాధ్యయ తెలిపారు. మండలంలో ఉన్న హైదరాబాద్‌–శ్రీశైలం జాతీయ రహదారిపై ప్రమాదకర బ్లాక్‌ స్పాట్లను మంగళవారం స్థానిక పోలీసు, మున్సిపల్‌ అధికారులతో కలిసి పరిశీలించారు. ఈ సందర్భంగా ఆయన మాట్లాడుతూ.. ప్రమాదాల నివారణకు హెచ్చరిక బోర్డులు ఏర్పాటు చేయనున్నట్టు చెప్పారు. ట్రాఫిక్‌కు అంతరాయం కలిగిస్తున్న ఆక్రమణలను తొలగిస్తామన్నారు. పట్టణంలో ప్రమాదకరంగా ఉన్న దుకాణాలు, ఆక్రమణలను తొలగించి వాహనాల రాకపోకలు సజావుగా సాగేలా చూస్తామని వివరించారు. కార్యక్రమంలో సీఐ వెంకటేశ్వర్లు, ఆమనగల్లు ట్రాఫిక్‌ సీఐ శంకరయ్య, మహేశ్వరం ట్రాఫిక్‌ సీఐ అశోక్‌, మున్సిపల్‌ కమిషనర్‌ రాఘవేందర్‌రెడ్డి తదితరులు పాల్గొన్నారు. మంచాల: మండలంలోని ఆరుట్లలో బెల్ట్‌ దుకాణాలు బంద్‌ చేయాలని పంచాయతీ పాలక వర్గం తీర్మానం చేసింది. ఈ మేరకు మంగళవారం మంచాల ఎస్‌ఐ నాగేశ్వర్‌ రావుకు తీర్మాన పత్రాన్ని అందజేశారు. ఈ సందర్భంగా సర్పంచ్‌ మానుపాటి శోభ కుమార్‌, ఉప సర్పంచ్‌ విజయ్‌ కుమార్‌ మాట్లాడుతూ.. గ్రామంలో విచ్చిలవిడిగా మద్యం దుకాణాలు వెలిశాయన్నారు. యువత మద్యానికి అలవాటుపడి బంగారు భవిష్యత్‌ను పాడు చేసుకోకూడదని, గ్రామంలో ప్రశాంత వాతావరణం ఉండాలంటే కచ్చితంగా మద్యం విక్రయాలను నిలిపి వేయాలని ఈ నిర్ణయం తీసుకున్నట్టు స్పష్టం చేశారు. కార్యక్రమంలో వార్డు సభ్యులు పున్నం రాము, పద్మ, శ్రావణ్‌, శేఖర్‌, బాను, మణెమ్మ తదితరులు పాల్గొన్నారు. షాద్‌నగర్‌రూరల్‌: ఆధునిక, సాంకేతిక బోధనతో విద్యార్థులకు నాణ్యమైన విద్య అందుతుందని గిరిజన గురుకుల విద్యాసంస్థల సెక్రటరీ సీతాలక్ష్మి అన్నారు. పట్టణ సమీపంలోని నూర్‌ ఇంజనీరింగ్‌ కళాశాల భవనంలో కొనసాగుతున్న గిరిజన సంక్షేమ మహిళా డిగ్రీ, పీజీ కళాశాలలో మంగళవారం గిరిజన గురుకుల విద్యాసంస్థల ఆధ్వర్యంలో శ్రీసాంకేతిక పరిజ్ఞానంతో కూడిన విద్యకోసం ఉపాధ్యాయుల సాధికారతశ్రీ అంశంపై ఒకరోజు శిక్షణ కార్యక్రమం నిర్వహించారు. కార్యక్రమానికి ముఖ్యఅతిథిగా హాజరైన సీతాలక్ష్మి మాట్లాడుతూ.. డిజిటల్‌ సాంకేతిక సాధనాలు, సాంకేతిక పరిజ్ఞాన ఆధారిత బోధనా పద్ధతులపై ఉపాధ్యాయులు అవగాహన కలిగి ఉండాలని తెలిపారు. తరగతి గదుల్లో ఏఐ సాధనాలను వినియోగించే విధానాలను తెలుసుకోవాలని సూచించారు. ఆధునిక సాంకేతికతను బోధనలో అనుసంధానం చేయడం ద్వారా బోధనా ప్రక్రియ సులభతరం అవుతుందన్నారు. సాంకేతిక పరిజ్ఞానంలో వస్తున్న మార్పులకు అనుగుణంగా తమ నైపుణ్యాలను పెంపొందించుకోవాలని సూచించారు. విద్యా ప్రమాణాలను మెరుగుపరుచుకొని, విద్యార్థులకు సాంకేతిక ఆధారిత విద్యను అందించడంద్వారా ఉత్తమ ఫలితాలు సాధించవచ్చని చెప్పారు. కార్యక్రమంలో గురుకుల విద్యాసంస్థల జాయింట్‌ సెక్రటరీ వెంకన్న, రీజినల్‌ కో ఆర్డినేటర్‌ నాగార్జునరావు, డిగ్రీ కళాశాలల డిప్యూటీ సెక్రటరీ డాక్టర్‌ వేణుగోపాల్‌, అకాడమిక్‌ డిప్యూటీ సెక్రటరీ వెంకటేశం, కళాశాల ప్రిన్సిపాల్‌ డాక్టర్‌ నీతాపోలె, వైస్‌ ప్రిన్సిపాల్‌ డాక్టర్‌ కళాజ్యోతి తదితరులు పాల్గొన్నారు. ఆమనగల్లు: తలకొండపల్లి మండలంలోని వివిధ గ్రామాల్లో పలువురు పోగొట్టుకున్న, దొంగిలించబడిన సెల్‌ఫోన్‌లను గుర్తించి పోలీసులు తిరిగి బాధితులకు అప్పగించారు. దొంగిలించబడిన సెల్‌ఫోన్‌లను సీఈఐఆర్‌ పోర్టల్‌ ద్వారా గుర్తించి రికవరీ చేశారు. తలకొండపల్లి పోలీసు స్టేషన్‌లో మంగళవారం జరిగిన కార్యక్రమంలో 11 మంది బాధతులకు సీఐ జానకిరాంరెడ్డి, ఎస్‌ఐ కానుగుల శేఖర్‌ సెల్‌ఫోన్‌లు అప్పగించారు. రికవరీలో చొరవచూపిన క్రైం కానిస్టేబుల్‌ జాషువాను సీఐ అభినందించారు.

కందుకూరు: గత ప్రభుత్వ హయాంలో ఫార్మాసిటీ కోసం సేకరించిన భూములకు సంబంధించి ఏళ్లు గడుస్తున్నా అభివృద్ధి చేసిన ప్లాట్లు అందక చాలా మంది రైతులు ఆందోళన చెందుతున్నారు. ఈ నెల మరో నెల అంటూ అధికారులు దాటవేస్తుండటంతో లబ్ధిదారులు ఇబ్బందులు పడుతున్నారు. ఫ్యూచర్‌సిటీ పరిధిలో భూములు కోల్పోయిన చాలా మంది రైతులు ప్రస్తుతం ఇలాంటి పరిస్థితే ఎదుర్కొంటున్నారు. ఎకరాకు 121 గజాలు గత ప్రభుత్వం ఫార్మాసిటీ పేరుతో కందుకూరు, యాచారం, కడ్తాల్‌ మండలాల్లో 19,333 ఎకరాల భూమిని సేకరించడానికి నిర్ణయించి దాదాపు 14 వేల ఎకరాల వరకు సమీకరించింది. పరిహారంతో పాటు అదనంగా ఎకరాకు 121 గజాల చొప్పున ప్లాటుకు సంబంధించి సర్టిఫికెట్లు జారీ చేసింది. అప్పట్లో మీర్‌ఖాన్‌పేట, పంజగూడ రెవెన్యూలో సుమారు 622 ఎకరాల విస్తీర్ణంలో టీజీఐఐసీ ఆధ్వర్యంలో మెగా లేఅవుట్‌ నిర్మించారు. ఏడాది దాటినా.. మొదట్లో ఏర్పాటు చేసిన ఆ లేవుట్‌లో కొంత భాగాన్ని మళ్లీ అమేజాన్‌ సంస్థకు ప్రస్తుత ప్రభుత్వం కేటాయించింది. దీంతో లబ్ధిదారులందరికీ సరిపడా ప్లాట్లు లేక కొంతమంది వరకే డ్రా ద్వారా అధికారులు కేటాయించారు. ఆ మెగా వెంచర్‌లో జూలై 2025 7వ తేదీ నుంచి 11వ తేదీ మధ్య లబ్ధిదారులకు లాటరీ ద్వారా ప్లాట్లను పంపిణీ చేశారు. కలెక్టర్‌ నారాయణరెడ్డి, ఎఫ్‌సీడీఏ కమిషనర్‌ శశాంక, ఇబ్రహీంపట్నం ఎమ్మెల్యే మల్‌రెడ్డి రంగారెడ్డి చేతుల మీదుగా డ్రా ప్రక్రియ ప్రారంభించారు. అప్పట్లో ఏర్పాటు చేసిన లేఅవుట్‌లో కందుకూరు, యాచారం మండలాల పరిధిలో రైతుల నుంచి సేకరించిన భూములకు ఎకరాకు 121 గజాల చొప్పున కేటాయించారు. అందులో అర ఎకరం నుంచి 5 ఎకరాల్లోపు రైతులకు మాత్రమే ప్లాట్లు కేటాయించారు. దీంతో వారి అవసరాన్ని బట్టి విక్రయాలు చేపట్టారు. ఒక్క కందుకూరు మండలంలో భూములు కోల్పోయిన రైతులకు 605 నుంచి 2,420 గజాల వరకు దాదాపు 199 మందికి ప్లాట్లు అందాల్సి ఉంది. వీటికి తోడు యాచారం మండలంలో లబ్ధిదారులు అదనంగా ఉన్నారు. ఐదెకరాల పైబడి భూములు కోల్పోయిన రైతుల పరిస్థితి అగమ్యగోచరంగా మారింది. ఎప్పుడు కొత్తగా లేఅవుట్‌ నిర్మిస్తారో.. మళ్లీ తమకు ఎప్పుడు ప్లాట్లు కేటాయిస్తారో తెలియక ఆందోళన చెందుతున్నారు. అవసరానికి అమ్ముకోవడానికి సర్టిఫికెట్‌ మినహా మరేమీ లేక అవస్థలు పడుతున్నారు. ఉన్నతాధికారులు స్పందించి సమస్య పరిష్కరించాలని కోరుతున్నారు. గత ప్రభుత్వ హయాంలో ఫార్మాసిటీకి భూ సేకరణ పరిహారంతో పాటు ఎకరాకు 121 గజాల చొప్పున ప్లాటు ఇస్తామని ప్రకటన టీజీఐఐసీ ఆధ్వర్యంలో మెగా లేఅవుట్‌ నిర్మాణం సర్టిఫికెట్లతో సరిపెట్టిన అధికారులు వెంచర్‌లో సరిపడా స్థలం లేక అందరికీ జరగని కేటాయింపులు ఏడాదికి పైగా నిరీక్షిస్తున్న లబ్ధిదారులు

తుర్కయంజాల్‌: ఆదిభట్ల సర్కిల్‌ పరిధి రాగన్నగూడలోని తారా చిల్డ్రన్స్‌ అండ్‌ మల్టీస్పెషాలిటీ హాస్పిటల్‌లో డెంగీ లక్షణాలతో చికిత్స పొంది మృతి చెందిన వినూత్‌ మృతిపై విచారణ జరుపుతున్నట్టు జిల్లా వైద్యాధికారి డాక్టర్‌ కళ్యాణ్‌ చక్రవర్తి తెలిపారు. మంగళవారం ఆయన వివాదానికి కారణమైన ఆస్పత్రిని అధికారుల బృందంతో కలిసి పరిశీలించారు. అనంతరం మాట్లాడుతూ.. ఆస్పత్రిలో బాలుడికి అందించిన చికిత్స, వైద్య రికార్డులు, అందుబాటులో ఉన్న సదుపాయాలను పరిశీలిస్తున్నట్టు తెలిపారు. రెండు రోజుల్లో విచారణ పూర్తి చేస్తామని, విచారణలో నిబంధనల ఉల్లంఘన, నిర్లక్ష్యం ఉన్నట్లు తేలితే చట్టప్రకారం చర్యలు తప్పవని హెచ్చరించారు. కార్యక్రమంలో డిప్యూటీ డీఎంహెచ్‌ఓ మంజుల, మండల వైద్యాధికారి ప్రియాంక తదితరులు పాల్గొన్నారు. మొయినాబాద్‌రూరల్‌: అథ్లెటిక్స్‌లో చేవెళ్ల సాంఘిక సంక్షేమ గురుకుల పాఠశాల విద్యార్థిని వైష్ణవి అద్భుత ప్రతిభకనబరిచి రాష్ట్రస్థాయి పోటీలకు ఎంపికై ంది. ఈ సందర్భంగా మంగళవారం గురుకుల పాఠశాలలో ప్రిన్సిపాల్‌ మాలతి విద్యార్థినిని అభినందించారు. 70వ ఎస్‌జీఎఫ్‌ జిల్లా స్థాయి పోటీల్లో వైష్ణవి 100 మీటర్లు, 200 మీటర్లలో బంగారు పతకాలు సాధించిందని తెలిపారు. దీంతో రాష్ట్రస్థాయి పోటీలకు ఎంపికై ందని చెప్పారు.

లక్డీకాపూల్‌: ఆలూరులో డేటా సెంటర్‌ ఏర్పాటుతో ఆ ప్రాంత ప్రజలకు నష్టమేనని, జీవితాలు నాశనమవుతాయంటూ చేవెళ్ల ఎంపీ కొండా విశ్వేశ్వర్‌రెడ్డి ఆందోళన వ్యక్తం చేశారు. డేటా సెంటర్‌తో 3, 4 డిగ్రీల మేర ఎండ పెరిగే ప్రమాదం లేకపోలేదన్నారు. హైదరాబాద్‌ ప్రెస్‌క్లబ్‌లో మంగళవారం అలూరు రైతుల అరిగోస పేరిట ఏర్పాటు చేసిన సమావేశంలో మాజీ ఎమ్మెల్యే రత్నంతో కలిసి మాట్లాడారు. ప్రభుత్వ భూములు చాలా ఉండగా రైతుల భూములను గుంజుకుంటామంటే సహించేది లేదన్నారు. తాతల నుంచి పండించుకున్న 1,248 ఎకరాల పట్టభూములపై ప్రభుత్వం సైలెంట్‌ స్కెచ్‌ వేసిందని ఆరోపించారు. ఇనామ్‌ భూములుగా పహాణి పొందిన వ్యవసాయ భూములను వక్ఫ్‌ భూముల పేరిట అధికారులు రైతుల నోట్లో మట్టికొట్టే ప్రయత్నం చేస్తోందని మండిపడ్డారు. అదేమంటే పాన్‌ మక్త భూములుగా పేర్కొంటూ.. బలవంతంగా లాక్కోవాలని చూస్తున్నారన్నారు. ఆ భూములే కావాలంటే మార్కెట్‌ విలువకు మూడింతలు అదనంగా రైతులకు ఇచ్చి స్వాధీనం చేసుకోవాలన్నారు. అలూరు రైతులు అంజయ్య, కృష్ణ, రాజు, కసిర్రే వెంకటేశ్‌, బర్ల బుచ్చయ్య, రమేష్‌, మాణిక్యం, పుప్పాల సాయన్న మాట్లాడుతూ.. తమ భూములు తమకే కావాలని స్పష్టం చేశారు. ఈ విషయంలో హైకోర్ట్‌ ఆర్డర్‌ను వెంటనే అమలు చేయాలని డిమాండ్‌ చేశారు. చేవెళ్ల ఎంపీ కొండా విశ్వేశ్వరరెడ్డి

ఇబ్రహీంపట్నం: పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ విజయమే లక్ష్యంగా పనిచేయాలని ఎన్నికల ఇన్‌చార్జి, శాసనమండలి మాజీ చైర్మన్‌ స్వామిగౌడ్‌, ఆ పార్టీ జిల్లా ఽఅధ్యక్షుడు మంచిరెడ్డి కిషన్‌రెడ్డి పిలుపునిచ్చారు. నియోజకవర్గ బీఆర్‌ఎస్‌ సమన్వయ కమిటీ సమావేశం మంగళవారం ఇబ్రహీంపట్నంలోని పార్టీ కార్యాలయంలో నిర్వహించారు. ఈ సందర్భంగా వారు మాట్లాడుతూ.. పట్టభద్రులను కలుసుకొని, బీఆర్‌ఎస్‌ హయాంలో జరిగిన అభివృద్ధి, సంక్షేమాన్ని వివరించాలన్నారు. నిరుద్యోగులకు కాంగ్రెస్‌ ప్రభుత్వం ఇచ్చిన హామీలను అమలు చేయడంలో విఫలమైందని విమర్శించారు. పట్టభద్రుల సమస్యలను విస్మరించిన ప్రభుత్వ వైఖరిని ఎండగట్టాలన్నారు. కార్యక్రమంలో భువనగిరి పార్లమెంట్‌ బీఆర్‌ఎస్‌ ఇన్‌చార్జి క్యామ మల్లేష్‌, జిల్లా గ్రంథాలయ సంస్థ మాజీ చైర్మన్‌ సత్తు వెంకటరమణారెడ్డి, నాయకులు దండెం రాంరెడ్డి, బీఆర్‌ఎస్‌ సర్పంచ్‌లు, కౌన్సిలర్లు పాల్గొన్నారు.శాసనమండలి మాజీ చైర్మన్‌ స్వామిగౌడ్‌

పూడూరు: వికారాబాద్‌ను కరువు జిల్లాగా ప్రకటించి రైతులను ఆదుకోవాలని తెలంగాణ రైతు సంఘం జిల్లా కార్యదర్శి ఆర్‌ మహిపాల్‌ ప్రభుత్వాన్ని డిమాండ్‌ చేశారు. మంగళవారం తెలంగాణ రైతు సంఘం, సీఐటీయూ, ఎస్‌ఎఫ్‌ఐ, సీపీఎం ఆధ్వర్యంలో దేవనోనిగూడ, సోమన్‌గుర్తి, కెరవెళ్లి, పూడూరు గ్రామాల్లో పంటలను పరిశీలించారు. రైతులతో మాట్లాడి వారి సమస్యలు తెలుసుకున్నారు. అనంతరం ఆయన మాట్లాడుతూ.. ఎల్‌నినో ప్రభావంతో వర్షాలు లేక పంటలు దెబ్బతిన్నాయన్నారు. అప్పులు చేసి పెట్టుబడులు పెట్టిన రైతులకు తీరని నష్టం జరిగిందన్నారు. పంట రుణాలను మాఫీ చేసి ఆదుకోవాలని కోరారు. కార్యక్రమంలో సీఐటీయూ జిల్లా అధ్యక్షుడు రామకృష్ణ, జిల్లా ఉపాధ్యక్షుడు తేజ, రైతు సంఘం జిల్లా ఉపాధ్యక్షుడు నర్పింలు, నాయకులు యాదయ్య, అనంతయ్య, నర్పింలు, నారాయణ, అనంతయ్య, మహేశ్‌, మల్లేశ్‌, రాములు తదితరులు పాల్గొన్నారు. తెలంగాణ రైతు సంఘం జిల్లా కార్యదర్శి మహిపాల్‌

వార్డుల్లో పర్యటిస్తున్న ఎమ్మెల్యే బీఎంఆర్‌తాండూరు: పట్టణాన్ని పరిశుభ్రంగా తీర్చిదిద్దడంతో పాటు ప్రజా సమస్యలను పరిష్కరించడమే లక్ష్యమని ఎమ్మెల్యే మనోహర్‌రెడ్డి అన్నారు. మంగళవారం పట్టణంలో స్పెషల్‌ డ్రైవ్‌ కార్యక్రమం నిర్వహించారు. 19 నుంచి 24వ వార్డు వరకు పారిశుద్ధ్య పనులు చేపట్టారు. గొల్ల చెరువు అభివృద్ధి పనులను పరిశీలించారు. ఈ సందర్భంగా ఆయన మాట్లాడుతూ.. మురుగు కాలువలను ఎప్పటికప్పుడు శుభ్రం చేయాలని తెలిపారు. దోమల నివారణకు చర్యలు తీసుకోవాలని ఆదేశించారు. కాలువల నిర్మాణానికి ప్రతిపాదనలు సిద్ధం చేయాలని మున్సిపల్‌ కమిషనర్‌ రాకేష్‌రెడ్డికి సూచించారు. అనంతరం పారిశుద్ధ్య కార్మికులతో మాట్లాడి వారి సమస్యలు తెలుసుకున్నారు. కార్యక్రమంలో మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి, వైస్‌ చైర్మన్‌ అబ్దుల్‌ రజాక్‌, కౌన్సిలర్లు జుంటిపల్లి వెంకట్‌, సభాఫాతిమా, రామకృష్ణ తదితరులు పాల్గొన్నారు.ఎమ్మెల్యే మనోహర్‌రెడ్డి

షాద్‌నగర్‌: తెలంగాణ రాష్ట్ర గ్రాడ్యుయేషన్‌ అసోసియేషన్‌ వర్కింగ్‌ ప్రెసిడెంట్‌గా షాద్‌నగర్‌ మార్కెట్‌ కమిటీ డైరెక్టర్‌ కరుణాకర్‌ ఎన్నికయ్యారు. హైదరాబాద్‌లో సోమవారం తెలంగాణ లెక్చరర్ల ఫోరం చైర్మన్‌ ప్రొఫెసర్‌ డాక్టర్‌ కత్తి వెంకటస్వామి, ఫోరం అధ్యక్షుడు రామకృష్ణ ఆధ్వర్యంలో నూతన అసోసియేషన్‌ సభ్యులను ఎన్నుకున్నారు. కరుణాకర్‌ను గ్రాడ్యుయేషన్‌ అసోసియేషన్‌ రాష్ట్ర వర్కింగ్‌ ప్రెసిడెంట్‌గా నియమిస్తూ ఉత్తర్వులు జారీ చేశారు. ఈ సందర్భంగా కరుణాకర్‌ మాట్లాడుతూ.. పట్టభద్రుల సమస్యల పరిష్కారానికి కృషి చేస్తానని అన్నారు. ఎమ్మెల్సీ ఎన్నికల నేపథ్యలో అర్హులైన పట్టభద్రులు ఓటు హక్కు నమోదు చేసుకోవాలని సూచించారు. ఈ సందర్భంగా ఆయనను అసోసియేషన్‌ సభ్యులు, ఎమ్మెల్యే వీర్లపల్లి శంకర్‌ ఘనంగా సన్మానించారు.

● అంగన్‌వాడీ టీచర్‌, ఆయా పోస్టులకు పోటాపోటీ ● మెరిట్‌, స్థానికతకు ప్రాధాన్యమంటున్న అధికారులు 23 పోస్టులు.. తాండూరు రూరల్‌: అంగన్‌వాడీ పోస్టుల భర్తీకి అభ్యర్థుల నుంచి విశేష స్పందన లభించింది. తాండూరు క్లస్టర్‌ పరిధిలోని నాలుగు మండలాలు, ఓ మున్సిపాల్టీలో అంగన్‌వాడీ టీచర్‌, ఆయా పోస్టులకు ప్రభుత్వం నోటిఫికేషన్‌ జారీ చేసింది. ఇందులో టీచర్‌ పోస్టులు 23, ఆయా పోస్టులు 28 ఉన్నాయి. ఈనెల 10నుంచి ఆన్‌లైన్‌లో దరఖాస్తులు స్వీకరించగా, 24తో గడువు ముగిసింది. టీచర్‌ పోస్టులతో పాటు ఆయా పోస్టులను కూడా స్థానికంగా ఉండేవారికే ప్రాధాన్యం ఇస్తామని ఐసీడీఎస్‌ అధికారులు చెబుతున్నారు. దరఖాస్తులు ఇలా.. తాండూరు ఐసీడీఎస్‌ క్లస్టర్‌ పరిధిలో తాండూరు, పెద్దేముల్‌, యాలాల, బషీరాబాద్‌ మండలాలతో పాటు తాండూరు మున్సిపాలిటీ ఉంది. వీటి పరిధిలో ఖాళీగా ఉన్న 23 టీచర్‌ పోస్టులకు 548 దరఖాస్తులు వచ్చాయి. ఇందులో తాండూరు మున్సిపాల్టీలోని 6 టీచర్‌ పోస్టులకు 367 అప్లికేషన్లు రావడం అధికారులను ఆశ్చర్యానికి గురిచేసింది. 28 ఆయా పోస్టులకు 65 దరఖాస్తులు వచ్చాయి. తాండూరు మండలంలో.. తాండూరు మండలంలోని ఓగిపూర్‌ అంగన్‌వాడీ టీచర్‌ పోస్టుకు 1 దరఖాస్తు, సంగెంకలాన్‌– 6, సంకిరెడ్డిపల్లితండా– 6 దరఖాస్తులు వచ్చాయి. యాలాల మండలం నాగసముందర్‌ అంగన్‌వాడీ టీచర్‌ పోస్టుకు– 3, అగ్గనూర్‌– 27, అక్కంపల్లి– 14, మల్‌రెడ్డిపల్లి– 13, కోకట్‌– 18, తుప్పెర్లగడ్డతండా– 9 దరఖాస్తులు అందాయి. బషీరాబాద్‌ మండలంలోని కొర్విచెడ్‌లో– 11, బద్లాపూర్‌తండా– 13, జీవన్గి గ్రామంలోని మూడు టీచర్‌ పోస్టులకు– 23 దరఖాస్తులు వచ్చాయి. పెద్దేముల్‌ మండలంలోని కొండాపూర్‌లో టీచర్‌ పోస్టుకు– 9, ఉషానాయక్‌తండా–15, నెల్లిగడ్డతండా– 13 అప్లికేషన్లు అందాయి. తాండూరు మున్సిపాల్టీలో.. తాండూరు ఐసీడీఎస్‌ క్లస్టర్‌ పరిధిలోని తాండూరు మున్సిపాల్టీలో 6 అంగన్‌వాడీ టీచర్‌ పోస్టులు ఖాళీగా ఉన్నాయి. వీటికోసం ఏకంగా 367 దరఖాస్తులు వచ్చాయి. ఇందులో వడ్డెరగల్లి– 64, గడి– 60, గుమస్తానగర్‌– 118, పుటన్‌గల్లి– 62, రాజీవ్‌ గృహకల్ప– 31, మాణిక్‌నగర్‌– 32 దరఖాస్తులు వచ్చినట్లు అధికారులు తెలిపారు. 28 ఆయా పోస్టులకు 65 దరఖాస్తులు తాండూరు ఐసీడీఎస్‌ క్లస్టర్‌ పరిధిలోని పలు అంగన్‌వాడీ కేంద్రాల్లో ఖాళీగా ఉన్న 28 ఆయా పోస్టులకు గాను 65 దరఖాస్తులు వచ్చినట్లు అధికారులు తెలిపారు. గిరిజన తండాల్లోని సెంటర్లలో ఉన్న ఆయా పోస్టులను మాత్రమే భర్తీ చేస్తున్నారు. పైరవీలకు తావులేదు తాండూరు ఐసీడీఎస్‌ క్లస్టర్‌ పరిధిలోని టీచర్‌, ఆయా పోస్టుల ఎంపిక విషయంలో ఎలాంటి పైరవీలకు తావు లేదు. అభ్యర్థుల స్థానికతతో పాటు మార్కుల ఆధారంగా ఎంపిక చేస్తాం. క్షేత్రస్థాయిలో అడిషనల్‌ సీడీపీఓతో పాటు సూపర్‌వైజర్‌ వెళ్లి దరఖాస్తులను క్షుణంగా పరిశీలిస్తారు. అనంతరం అప్లికేషన్లను కలెక్టర్‌కు పంపిస్తాం. ఎంపిక అంశం కలెక్టర్‌ పరిధిలోనే ఉంటుంది. – కాంతారావు, సీడీపీఓ, తాండూరు క్లస్టర్‌

శంకర్‌పల్లి: రాబోయే విపత్తులను ముందే గుర్తించి, అందుకు తగ్గట్లు సన్నద్ధత కావాలని విద్యార్థులకు జాతీయ విపత్తు నిర్వహణ సంస్థ మాజీ ఉపాధ్యక్షుడు మర్రి శశిధర్‌రెడ్డి సూచించారు. సోమవారం మండలంలోని దొంతాన్‌పల్లిలో గల ఇక్ఫాయ్‌ డీమ్డ్‌ యూనివర్సిటీలో సాక్ష్యం, గయా క్లబ్‌ మూడు రోజుల పాటు నిర్వహించిన వర్డే–2026 సదస్సు ముగింపు కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా ఉత్తమ ప్రతిభ కనబరిచిన విద్యార్థులకు బహుమతులు అందజేశారు. అనంతరం ఆయన మాట్లాడుతూ.. పర్యావరణ సవాళ్లు అనేవి భౌగోళికంగా రాజకీయ పరిస్థితులను దాటి ఉంటాయని స్పష్టం చేశారు. వీటిని ప్రభుత్వాలు, పలు సంస్థలు, పౌరులు అధిగమించేందుకు నిరంతరం శ్రమించాలని కోరారు. కార్యక్రమంలో ఐఎఫ్‌హెచ్‌ఈ డైరెక్టర్‌ జనరల్‌ ప్రొ.డా.వి జయేందర్‌కుమార్‌, లా స్కూల్‌ అసిస్టెంట్‌ డీన్‌ ప్రొ.డా.అరుణ్‌కుమార్‌, కో–ఆర్డినేటర్లు హృదయ్‌తేజ్‌, డీవీఎన్‌ మూర్తి తదితరులు పాల్గొన్నారు.

ఇబ్రహీంపట్నం: పేద ప్రజల కోసం ప్రాణాలర్పించిన కామ్రేడ్స్‌ మహబూబ్‌ పాష, నరహరి ఆశయాల సాధనకు ఉద్యమించాలని సీపీఎం జిల్లా కార్యదర్శి బోడ సామెల్‌ పిలుపునిచ్చారు. పాష,నరహరి వర్దంతిని పురస్కరించుకొని సోమవారం ఇబ్రహీంపట్నం అంబేడ్కర్‌ చౌరస్తాలో వారి చిత్రపటాలకు పూలమాలలు వేసి నివాళులు అర్పించారు. ఈ సందర్భంగా సామెల్‌ మాట్లాడుతూ.. పేదల హక్కుల కోసం పోరాడిన యోధులు పాష, నరహరి అని కొనియాడారు. అనేక గ్రామాల్లో భూ పోరాటాలు నిర్వహించి పేదలకు పంచారన్నారు. ఎల్‌నినో ప్రభావంతో జిల్లాలో తీవ్ర కరువు పరిస్థితులు నెలకొన్నాయని వెంటనే కరువు జిల్లాగా ప్రకటించాలని డిమాండ్‌ చేశారు. కార్యక్రమంలో పార్టీ జిల్లా కార్యదర్శి వర్గసభ్యులు కాడిగళ్ల భాస్కర్‌, కె.జగన్‌, జిల్లా కమిటీ సభ్యులు జంగయ్య, పి.జగన్‌, మండల కార్యదర్శి బుగ్గరాములు తదితరులు పాల్గొన్నారు. పేదలకు భూ పంపిణీ వారి ఘనతే.. యాచారం: కామ్రేడ్‌ పాష, నరహరిల పోరాటాలతో నాటి కాంగ్రెస్‌ సర్కార్‌ పేదలకు భూ పంపిణీ చేసిందని సీపీఎం జిల్లా కార్యదర్శి బోడ సామెల్‌ పేర్కొన్నారు. మండల కేంద్రంలో పార్టీ మండల కార్యదర్శి ఆలంపల్లి నర్సింహ ఆధ్వర్యంలో సోమవారం పాష, నరహరి వర్ధంతిని నిర్వహించారు. ఈ సందర్భంగా ఆయన మాట్లాడుతూ.. ఈ ప్రాంత పేదల సమస్యలపై పాష, నరహరి ప్రాణం ఉన్నంత వరకు పోరాటాలు చేశారని గుర్తు చేశారు. వారు మృతి చెంది 37 ఏళ్లు అవుతున్నా పేదల గుండెల్లో చిరస్థాయిగా నిలిచారన్నారు. కార్యక్రమంలో మంచాల మాజీ ఎంపీపీ పగడాల యాదయ్య, పి.అంజయ్య తదితరులు పాల్గొన్నారు.

చేవెళ్ల: రేషన్‌ డీలర్ల నియామకంలో అవకతవకలు జరిగాయని, విచారణ చేసి న్యాయం చేయాలని చేవెళ్ల డివిజన్‌లోని నాలుగు మండలాలకు సంబంధించిన పలువురు అభ్యర్థులు కోరారు. సోమవా రం కలెక్టర్‌ కార్యాలయంలోని ప్రజావాణిలో కలెక్టర్‌ నారాయణరెడ్డికి ఫిర్యాదు చేశారు. ఈ సందర్భంగా వారు మాట్లాడుతూ.. చేవెళ్ల డివిజన్‌లో ఇటీవల చేపట్టిన రేషన్‌ డీలర్ల ఎంపికలో అర్హులైన వారికి అన్యాయం చేశారని ఆరోపించారు. పరీక్షలు రాసిన అభ్యర్థుల మార్కులు, ఇంటర్వ్యూలో ఎంపికై న వారి వివరాలను నోటీస్‌ బోర్డులో పెట్టలేదన్నారు. మెరిట్‌ లిస్ట్‌ లేకుండానే ఎలా ఎంపిక చేశారో చెప్పాలని స్థానిక మండలాల్లో నిర్వహించిన ప్రజావాణిలలో, ఆర్టీఐ కింద కూడా దరఖాస్తులు చేసినా తమకు న్యాయం జరగటం లేదన్నారు. వివరాలు అడిగితే తప్పుడు సమాచారాలు అందించారని వాపోయారు. దీనిపై విచారణ చేసి తగున్యాయం చేయాలని కోరారు. దీనిపై కలెక్టర్‌ సానుకులంగా స్పందించి తప్పకుండా విచారణ చేసి న్యాయం చేస్తామని తెలిపారన్నారు. కలెక్టర్‌ను కలిసిన వారిలో గుండాలకు చెందిన సౌజన్య, కౌకుంట్లకు చెందిన శ్రీనివాస్గౌడ్‌, కృష్ణగౌడ్‌, మహేందర్‌, చిన్నమంగళారంకు చెందిన సాయికుమార్‌, వెంకటాపూర్‌కు చెందిన గడ్డం ప్రభులింగం, సురేందర్‌, సురంగల్‌కు చెందిన మధుగౌడ్‌ తదితరులు ఉన్నారు.

తుర్కయంజాల్‌: అబ్దుల్లాపూర్‌మెట్‌ మండలం మన్నెగూడ రెవెన్యూ సర్వే నంబర్‌ 40, 41లోని భూమిలో ప్రహరీ కూల్చివేత వివాదానికి దారితీసింది. ఇరువర్గాల వారు సోమవారం అక్కడికి చేరుకోవడం ఉద్రిక్తతకు కారణమైంది. దీనిపై ప్రముఖ్‌ టౌన్‌షిప్‌ కాలనీ వాసులతో పాటు, జీవీఆర్‌ ఫంక్షన్‌ హాల్‌ నిర్వాహకులు ఒకరిపై మరొకరు ఆదిభట్ల పోలీసులకు ఫిర్యా దు చేసుకున్నారు. విచారణ అనంతరం చర్య లు తీసుకుంటామని పోలీసులు తెలిపారు. గంజాయి పట్టివేత అబ్దుల్లాపూర్‌మెట్‌ : గంజాయి విక్రయించేందుకు యత్నిస్తున్న ఇద్దరిని అదపులోకి తీసుకున్న పోలీసులు వారి నుంచి 168 గ్రాముల గంజాయి స్వాధీనం చేసుకుని రిమాండ్‌కు తరలించారు. ఈ సంఘటన అబ్దుల్లాపూర్‌మెట్‌ పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం.. అబ్దుల్లాపూర్‌మెట్‌ మండల కేంద్రంలోని బాలాజీ దాబా వద్ద విజయవాడ జాతీయ రహదారిపై ఆదివారం రాత్రి ఇద్దరు వ్యక్తులు అనుమానాస్పదంగా తిరుగుతుండడాన్ని గమనించిన పోలీసులు వారిని అదుపులోకి తీసుకుని విచారించారు. వారు హయత్‌నగర్‌ శారదానగర్‌కు చెందిన మణికంఠ, అబ్దుల్లాపూర్‌మెట్‌ బీసీకాలనీకి చెందిన ప్రతాప్‌గా తేలింది. వారి నుంచి 168 గ్రాముల గంజాయితో పాటు రెండు సెల్‌ఫోన్లు స్వాధీనం చేసుకుని ఇద్దరినీ రిమాండ్‌కు తరలించారు. ఇబ్రహీంపట్నం రూరల్‌: వృత్తి నైపుణ్య శిక్షణ కోర్సులకు దరఖాస్తులు ఆహ్వానిస్తున్నట్లు జిల్లా యువజన క్రీడల అఽధికారి ఎస్‌.స్వర్ణలత సోమవారం ఒక ప్రకటనలో పేర్కొన్నారు. నవంబర్‌ 1 నుంచి తరగతులు ప్రారంభం అవుతాయని తెలిపారు. శంషాబాద్‌ మినీ స్టేయంలో నిర్వహిస్తున్న వృత్తి నైపుణ్య శిక్షణ కేంద్రంలో నిరుద్యోగ యువతీయువకులకు వివిధ స్వయం ఉపాధి కోర్సుల్లో తక్కువ ఫీజుతో శిక్షణ అందించనున్నట్లు చెప్పారు. ఇప్పటికే 12 బ్యాచ్‌ల శిక్షణ విజయవంతంగా పూర్తయిందన్నారు. బ్యూటీషియన్‌, ఫ్యాషన్‌ డిజైనింగ్‌, టైలరింగ్‌, ఎంఎస్‌ ఆఫీస్‌ కోర్సుల్లో శిక్షణ ఉంటుందని తెలిపారు. ఆసక్తిగల నిరుద్యోగ యువతీ యువకులు దరఖాస్తు చేసుకోవాలని సూచించారు. టీపీఎస్‌ పనుల్లో వేగం పెంచండి మంచాల: మండల కేంద్రంలో కొనసాగుతున్న టీపీఎస్‌ నిర్మాణ పనులను వేగవంతం చేయాలని అడిషనల్‌ కలెక్టర్‌ కిరణ్మయి ఆదేశించారు. సోమవారం రాత్రి పాఠశాల నిర్మాణ పనులను ఆమె పరిశీలించారు. నవంబర్‌లో సీఎం పర్యటన ఉన్నందున్న పనుల్లో వేగం పెంచాలన్నారు. అధికారులు పూర్తి స్థాయిలో దృష్టి సారించి పనులు చకచకా నిర్వహించాలన్నారు. కార్యక్రమంలో డీఈఓ వెంకటేశ్వర్లు, తహసీల్దార్‌ ఎం.వీ.ప్రసాద్‌, నోడల్‌ అధికారి కిషన్‌ చౌహాన్‌, పాఠశాల ఇన్‌చార్జి వాణి పాల్గొన్నారు.

కొత్తూరు: పట్టణంలో ఉన్న ఓ పైపుల పరిశ్రమ నుంచి సోమవారం పెద్ద ఎత్తున మంటలు, నల్లటి పొగ వెలువడ్డాయి. దీంతో స్థానికులు భయాందోళనకు గురయ్యారు. కొందరు మంటల సమీపంలోకి వెళ్లి పరిశీలించారు. వ్యర్థాలకు నిప్పు అంటుకోవడంతో మంటలు, పొగ వ్యాపించినట్లు గుర్తించారు. ఇళ్లకు సమీపంలో ఉన్న పరిశ్రమల్లో ఇలాంటి వాటితో ప్రమాదాలు సంభవించే అవకాశం ఉందని ఆందోళన వ్యక్తం చేశారు. సంబంధిత శాఖల అధికారులు స్పందించాలని కోరారు. అనుమానాస్పదస్థితిలో యువకుడి మృతి శ్రీనగర్‌కాలనీ: అనుమానాస్పదస్థితిలో ఓ యువకుడు మృతిచెందిన ఘటన మధురానగర్‌ పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం..విజయవాడకు చెందిన రమేష్‌ గుప్తా(35) ఆదిలాబాద్‌కు చెందిన ఇద్దరు, నర్సరావుపేటకు చెందిన యువకుడితో కలిసి సినీ కార్మికుడిగా పనిచేస్తూ యూసుఫ్‌గూడ ఎల్‌ఎన్‌నగర్‌లో నివాసముంటున్నాడు. సోమవారం పెంట్‌హౌస్‌ నుంచి దుర్వాసన రావడంతో ఓనర్‌ మధురానగర్‌ పోలీసులకు సమాచారం ఇచ్చాడు. తలుపు తెరిచిచూసే సరికి రమేష్‌ మృతదేహం కుళ్లిపోయి కనిపించింది. రమేష్‌ స్నేహితులు ముగ్గురూ కొన్ని రోజులుగా కనిపించకుండా పరారీలో ఉన్నారు. హత్య చేసి పారిపోయారా లేక ఆత్మహత్య చేసుకున్నాడా అనే అంశాలపై క్లూస్‌టీంతో విచారణ చేపడుతున్నారు. ఘటనా స్థలాన్ని జూబ్లీహిల్స్‌ జోన్‌ డీసీపీ రమణారెడ్డి, ఏసీపీ వెంకటరెడ్డి, ఇన్‌స్పెక్టర్‌ ప్రభాకర్‌ పరిశీలించారు. మృతదేహాన్ని పోస్ట్‌మార్టం నిమిత్తం గాంధీ ఆసుపత్రికి తరలించారు. ఈ మేరకు పోలీసులు కేసు నమోదుచేసి దర్యాప్తు చేస్తున్నారు. బైక్‌ దొంగకు రిమాండ్‌ యాచారం: బైక్‌ దొంగను యాచారం పోలీసులు సోమవారం రిమాండ్‌కు తరలించారు. వివరాలివీ.. నల్లగొండ జిల్లా డిండి మండలం ఖానాపూర్‌ గ్రామానికి చెందిన కె.నవీన్‌ నగరంలోని సరూర్‌నగర్‌లో నివాసం ఉంటున్నాడు. జల్సాల కోసం పలు చోట్ల బైక్‌ల దొంగతనాలకు పాల్పడుతున్నాడు. ఆదివారం మాల్‌ మార్కెట్‌లో ఒక బైక్‌ను దొంగతనం చేస్తుండగా పోలీసులు పట్టుకున్నారు. తమదైన శైలిలో విచారించగా గతంలో సరూర్‌నగర్‌, నాగోల్‌ తదితర పోలీస్‌స్టేషన్ల పరిధిలో పలు బైక్‌లను చోరీ చేయగా ఆరు కేసులు నమోదైనట్లు గుర్తించారు. కేసు నమోదు చేసిన యాచారం పోలీసులు సోమవారం నవీన్‌ను రిమాండ్‌కు తరలించారు. బాలుడిని గాయపరిచిన యువకుడిపై కేసు నమోదు షాబాద్‌: తన చెల్లిని ఎందుకు దుర్భాషలాడావని ప్రశ్నించిన బాలుడిని గాయపరిచిన యువకుడిపై కేసు నమోదు చేసిన సంఘటన షాబాద్‌ పోలీస్‌స్టేషన్‌ పరిధిలో చోటు చేసుకుంది. సీఐ లక్ష్మిరెడ్డి తెలిపిన వివరాల ప్రకారం.. మండలంలోని కుర్వగూడ గ్రామానికి చెందిన ఓ యువకుడు ఈ నెల 24న తన ఇంటి ముందు నుంచి వెళ్తున్న బాలికను దుర్భాషలాడాడు. బాలిక విషయాన్ని తన అన్నకు చెప్పగా అతను సదరు యువకుడిని నిలదీశాడు. దీంతో ఆ బాలుడిని యువకుడు చెక్క కర్రతో తలపై గాయపరిచాడు. బాధితుడి ఫిర్యాదు మేరకు కేసు నమోదు చేసి నిందితుడిని కోర్టులో హాజరు పరిచారు. సోమవారం రిమాండ్‌కు తరలించారు.

షాబాద్‌: సెల్‌ఫోన్‌ విషయమై జరిగిన గొడవలో భాగంగా ఓ వ్యక్తిని చితకబాదిన ముగ్గురిపై కేసు నమోదు చేసి రిమాండ్‌కు తరలించారు. ఈ సంఘటన షాబాద్‌ పోలీస్‌ స్టేషన్‌ పరిధిలో చోటుచేసుకుంది. సీఐ లక్ష్మిరెడ్డి తెలిపిన వివరాల ప్రకారం.. రేగడిదోస్వాడ గ్రామానికి చెందిన శ్రీనివాస్‌రెడ్డికి అతని వద్ద డ్రైవర్‌గా ఉండే ఖలీల్‌కు ఈనెల 22న సెల్‌ఫోన్‌ విషయమై గొడవ జరిగింది. ఖలీల్‌ తన బావమరుదులు అయిన ఆదిల్‌, అద్నాన్‌తో కలిసి కర్రలతో దాడి చేసి శ్రీనివాస్‌రెడ్డిని గాయపరిచారు. బాధితుడి ఫిర్యాదు మేరకు కేసు నమోదు చేసిన పోలీసులు ముగ్గురిని సోమవారం కోర్టులో హాజరు పర్చారు. అనంతరం నిందితులను రిమాండ్‌కు తరలించారు.

● బెంగాల్‌కు చెందిన తల్లీకూతుళ్ల అరెస్టు ● 70 గ్రాముల బంగారం, రూ.10 వేలు స్వాధీనంసికింద్రాబాద్‌:భర్త ఆసుపత్రి ఖర్చుల నిమిత్తం నగరానికి వచ్చి చోరీల బాట పట్టిన తల్లీకూతుళ్లు కటకటాలపాలయ్యారు. ఈ ఇద్దరినీ సోమవారం సికింద్రాబాద్‌ రైల్వే పోలీసులు అదుపులోకి తీసుకుని, వారి వద్ద నుంచి 70 గ్రాముల బంగారు ఆభరణాలు, రూ.10 వేల నగదును స్వాధీనం చేసుకున్నారు. జీఆర్‌పీ డీఎస్‌పీ ఎస్‌.ఎన్‌. జావెద్‌ తెలిపిన వివరాల ప్రకారం.. పశ్చిమ బెంగాల్‌ రాష్ట్రం బార్ధమాన్‌ జిల్లాకు చెందిన జమునా బైద్య (38), మాలతి బైద్య (20)లు తల్లీకూతుళ్లు. జమునా బైద్య భర్తకు వైద్యం చేయించేందుకు జమున కుమార్తె మాలతి, మనవడితో కలిసి నగరానికి వచ్చింది. గచ్చిబౌలిలో అద్దెకు గది తీసుకుని ఏఐజీ ఆసుపత్రిలో భర్తకు చికిత్స చేయిస్తున్నారు. వైద్యం కోసం డబ్బు అవసరం పడడంతో, పాత నేరస్తులైన వీరు తిరిగి చోరీలకు పాల్పడాలని నిర్ణయించుకున్నారు.సికింద్రాబాద్‌ రైల్వేస్టేషన్‌ను వేదికగా చేసుకున్న ఈ తల్లీకూతుళ్లు, ప్రయాణికుల రద్దీ ఎక్కువగా ఉన్న రైళ్లలోకి ఎక్కే మహిళలను లక్ష్యంగా చేసుకునేవారు. ఒకరు హ్యాండ్‌ బ్యాగుల్లోని విలువైన వస్తువులు, డబ్బు దొంగిలిస్తుండగా, మరొకరు ప్రయాణికుల కదలికలను గమనిస్తూ సహకరించేవారని పోలీసులు తెలిపారు. రైల్వేస్టేషన్‌లో అనుమానాస్పదంగా తిరుగుతుండగా పోలీసులకు పట్టుబడ్డ వీరిని అదుపులోకి తీసుకుని విచారించారు. గతంలో బెంగాల్‌ రాష్ట్రంలోనూ పలు నేరాలకు పాల్పడి జైలుకు వెళ్లొచ్చినట్లు తెలిసింది. నిందితులను అదుపులోకి తీసుకుని ఆభరణాలను స్వాధీనం చేసుకున్న జీఆర్‌పీ ఎస్‌ఐలు సుబ్బారెడ్డి, టి. మాధవ్‌ బృందానికి అధికారులు రివార్డులను ప్రకటించారు.

ఇబ్రహీంపట్నం రూరల్‌: గ్రామకంఠం భూమిని స్వాధీనం చేసుకొని ప్రజలకు పంచాలని డీఎస్‌పీ రాష్ట్ర అధ్యక్షుడు డాక్టర్‌ విశారదన్‌ మహారాజ్‌ డిమాండ్‌ చేశారు. గ్రామకంఠం భూమి కబ్జాకు గురైందని, కాపాడాలని కోరుతూ మండలంలోని దండుమైలారం గ్రామస్తులు సోమవారం కలెక్టరేట్‌ ఎదుట ధర్నా చేపట్టారు. కార్యక్రమానికి డాక్టర్‌ విశారదన్‌ మహారాజ్‌ సంఘీభావం తెలిపి మాట్లాడారు. దండుమైలారంలో ఓ భూస్వామి ఆక్రమించిన 4.20 ఎకరాల భూమిని కబ్జా నుంచి విడిపించాలని అన్నారు. పంచాయతీ రికార్డులు తారుమారు చేయడంపై సమగ్ర విచారణ చేపట్టాలన్నారు. 32 రోజులుగా ఆందోళనలు చేపడుతుంటే స్పందించకపోవడం సిగ్గు చేటన్నారు. గ్రామానికి చెందిన మరి కొందరు ఆరు ఎకరాల గ్రామకంఠం భూమి అక్రమించారని వారిపై కూడా చర్యలు తీసుకోవాలన్నారు. కార్యక్రమంలో బీసీ, ఎస్సీ, ఎస్టీ జేఎసీ నాయకులు పాల్గొన్నారు.

యాలాల: భూ సమస్యలను వెంటనే పరిష్కరించి బాధితులకు న్యాయం చేయాలని ప్రజా సంఘాల నాయకులు డిమాండ్‌ చేశారు. ఈ మేరకు సోమవారం యాలాల మండల కేంద్రంలో కేవీపీఎస్‌, వ్యవసాయ కార్మిక సంఘం, ఎంఆర్‌పీఎస్‌, ప్రజా సంఘాల ఆధ్వర్యంలో రిలే నిరాహార దీక్షలు ప్రారంభించారు. ఈ సందర్భంగా నాయకులు మాట్లాడుతూ.. భూ సమస్యలతో రైతులు, పేద ప్రజలు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. పలుమార్లు అధికారుల దృష్టికి తీసుకెళ్లినా సమస్య పరిష్కరం కాకపోవడంతో దీక్షలకు దిగాల్సి వచ్చిందన్నారు. అధికారులు సమగ్ర విచారణ జరిపి బాధితులకు న్యాయం చేయలని డిమాండ్‌ చేశారు. సమస్య పరిష్కారమయ్యే వరకు పోరాటం కొనసాగిస్తామని స్పష్టంచేశారు. ఈ కార్యక్రమంలో రైతు సంఘం జిల్లా కార్యదర్శి మహిపాల్‌, కేవీపీఎస్‌ జిల్లా కార్యదర్శి ఉప్పలి మల్కయ్య, వ్యవసాయ కార్మిక సంఘం జిల్లా అధ్యక్షుడు బుగ్గప్ప, ఎమ్మార్పీఎస్‌ నాయకులు డప్పు మహేందర్‌, కేవీపీఎస్‌ నాయకులు నర్సింహులు, లాలప్ప, అనిల్‌, రైతులు తదితరులు పాల్గొన్నారు. ప్రజా సంఘాల డిమాండ్‌ యాలాలలో రిలే దీక్షలు

మొయినాబాద్‌/మొయినాబాద్‌రూరల్‌: మొయినాబాద్‌లో కొత్తగా ఏర్పాటు చేయనున్న అజీజ్‌నగర్‌ పోలీస్‌ష్టేషన్‌, మొయినాబాద్‌ ట్రాఫిక్‌ పోలీస్‌స్టేషన్‌, మొయినాబాద్‌ డివిజన్‌ ఏసీపీ కార్యాలయం ఏర్పాటుకోసం ఫ్యూచర్‌ సిటీ కమిషనర్‌ తరుణ్‌ జోషి పలు భవనాలను పరిశీలించారు. సోమవారం అజీజ్‌నగర్‌లో బీఎస్‌ఎన్‌ఎల్‌ భవనం, పీహెచ్‌సీ, అంగన్‌వాడీ భవనం, నాగిరెడ్డిగూడలో పంచాయతీ కార్యాలయం, హిమాయత్‌నగర్‌లోని వార్డు కార్యాలయాన్ని అజీజ్‌నగర్‌ పోలీస్‌స్టేషన్‌ ఏర్పాటుకోసం పరిశీలించారు. మండల తహసీల్దార్‌ కార్యాలయం వెనకాల ఉన్న సోషల్‌ వెల్ఫేర్‌ హాస్టల్‌ భవనాన్ని, చిలుకూరు మహిళా ప్రాంగణంలోని భవనాలను ఏసీపీ కార్యాలయం, ట్రాఫిక్‌ పోలీస్‌స్టేషన్లకోసం పరిశీలించారు. వీటిలో మౌలిక సదుపాయాలు, ప్రజలకు అందుబాటులో ఉండే భవనాలు, అనుకూలమైన అంశాలను సమీక్షించారు. ఆయన వెంట చేవెళ్ల డీసీపీ యోగేష్‌గౌతమ్‌, ట్రాఫిక్‌ డీసీపీ శివం ఉపాధ్యాయ, చేవెళ్ల ఏసీపీ కిషన్‌, మొయినాబాద్‌ ఇన్‌స్పెక్టర్‌ మల్లికార్జున్‌రెడ్డి, ఎస్‌ఐలు వెంకన్న తదితరులు ఉన్నారు. క్రికెట్‌ మైదానాల పరిశీలన ఆల్‌ ఇండియా పోలీస్‌ క్రికెట్‌ టోర్నమెంట్‌ నిర్వహణ కోసం పలు క్రికెట్‌ మైదానాలను ఫ్యూచర్‌సిటీ కమిషనర్‌ తరుణ్‌ జోషి పరిశీలించారు. మొయినాబాద్‌లోని క్రికెట్‌ గ్రౌండ్‌లను పరిశీలించి టోర్నమెంట్‌లో భాగంగా రాష్ట్రాల వారీగా నిర్వహించే మ్యాచ్‌లు, క్రీడాకారులకు అవసరమైన మౌలిక సదుపాయాలను అడిగి తెలుసుకున్నారు. టోర్నమెంట్‌ను విజయవంతంగా నిర్వహించేందుకు అవసరమైన ఏర్పాటు చేయాలని సంబంధిత అధికారులకు తగిన సూచనలు చేశారు. ఆయన వెంట స్పోర్ట్స్‌ అండ్‌ వెల్ఫేర్‌ ఐజీపీ గజరావు భూపాల్‌ ఉన్నారు.

మంగళవారం శ్రీ 27 శ్రీ అక్టోబర్‌ శ్రీ 2026వికారాబాద్‌: జిల్లా రైతుల నుంచి సేకరించిన సన్న వడ్లకు సంబంధించి బోనస్‌ డబ్బులు ఇప్పటికీ చెల్లించలేదు. గత రెండు సీజన్లలో మద్దతు ధరకు సన్న, దొడ్డు రకాల ధాన్యాన్ని కొనుగోలు చేసిన ప్రభుత్వం వెంటవెంటనే డబ్బులు చెల్లించింది. కానీ, సన్న వడ్లకు ఇస్తామన్న రూ.500 బోనస్‌ పెండింగ్‌లో పెట్టింది. ఈ డబ్బుల కోసం రైతులు ఆశగా ఎదురు చూస్తున్నారు. అంచనాలకు మించి కొనుగోళ్లు గత మూడు సీజన్లతో పోలిస్తే 2025 రబీ సీజన్‌లో భారీగా ధాన్యం కొనుగోలు చేశారు. 92 వేల ఎకరాల్లో వరి సాగు చేయగా, రెండు లక్షల మెట్రిక్‌ దిగుబడి వస్తుందని వ్యవసాయ శాఖ అధికారులు అంచనా వేశారు. ఇందులో 90 వేల మెట్రిక్‌ టన్నుల ధాన్యాన్ని కొనుగోలు చేయాలని లక్ష్యంగా పెట్టుకున్నారు. కానీ, అంచనాలకు మించి లక్ష మెట్రిక్‌ టన్నుల దొడ్డు రకం ధాన్యం సేకరించారు. వీటితో పాటు 3,900 మెట్రిక్‌ టన్నుల సన్నరకం ధాన్యానిసేకరించారు. ఇందుకు గానూ క్వింటాలుకు రూ.500 చొప్పున రైతులకు రూ.1.95 కోట్ల బోనస్‌ డబ్బులు చెల్లించాల్సి ఉండగా, ఇప్పటికీ ఖాతాల్లో జమకాలేదు. 2026 యాసంగి సీజన్‌కు సంబంధించి మొత్తం 90 వేల ఎకరాల్లో వరి సాగు చేయగా 1.10 లక్షల మెట్రిక్‌ టన్నుల ధాన్యాన్ని ప్రభుత్వం కొనుగోలు చేసింది. వీటితో పాటు 8,421 మెట్రిక్‌ టన్నుల సన్నరకం వడ్లను సేకరించింది. ఇందుకు సంబంధించిన బోనస్‌ రూ.4.46 కోట్లు రైతులకు చెల్లించాల్సి ఉన్నా, ఇప్పటికీ ఎదురు చూపులు తప్పడం లేదు. ప్రైవేటు వైపు రైతన్న చూపు జిల్లాలో సాధారణ వరి సాగు విస్తీర్ణం 93 వేల ఎకరాలు కాగా, గత మూడు సీజన్లుగా అంతకు మించి నమోదైంది. గత వానాకాలం సీజన్‌లో 1.30 లక్షల ఎకరాల్లో వరి సాగు చేయగా, యాసంగిలో 90 వేలకుపైగా ఎకరాల్లో సాగైంది. ఇందులో అత్యధికంగా పరిగి వ్యవసాయ డివిజన్‌లో 46,876 ఎకరాలు, కొడంగల్‌ డివిజన్‌లో 45,137, తాండూరు 29,964, వికారాబాద్‌ డివిజన్‌లో 8,023 ఎకరాల్లో వరి సాగైంది. జిల్లాలో మొత్తం 20 మండలాలు ఉండగా ఇందులో 12 మండలాల్లో వెయ్యి నుంచి ఐదు వేల ఎకరాల్లో వరి సాగు నమోదైంది. 2023 మరియు 2024 సీజన్లతో పోలిస్తే 2025 యాసంగిలో సన్నరకం వడ్ల సాగు విస్తీర్ణం గననీయంగా పెరిగింది. రెండు మూడు వేల ఎకరాలు దాటని సన్నరకం సాగు 2025 యాసంగిలో 14 వేల ఎకరాల్లో సాగైంది. 8,421 మెట్రిక్‌ టన్నుల సన్నరకం ధాన్యాన్ని రైతులు ప్రభుత్వ కొనుగోలు కేంద్రాల్లో విక్రయించారు. బోనస్‌ డబ్బులు చెల్లించకపోవడంతో 2026 యాసంగి సీజన్‌లో కేవలం 3,900 మెట్రిక్‌ టన్నులు మాత్రమే ప్రభుత్వానికి అమ్మారు. మిగిలినవారు ప్రైవేటు వ్యాపారులకు విక్రయించారు. ఇప్పటికీ దిగుమతే.. జిల్లాలోని ప్రైవేటు వ్యాపారులు కర్నూలుతో పాటు తెలంగాణలోని మిర్యాలగూడ ప్రాంతంలో పండించిన సన్నరకం బియ్యాన్ని దిగుమతి చేసుకుంటున్నారు. ఈ తరుణంలో సన్నవడ్ల సాగు పెరగడం శుభపరిణామంగా కనిపించింది. అయితే, బోనస్‌ చెల్లించే విషయంలో ప్రభుత్వం చేస్తున్న జాప్యం ప్రభావం గత సీజన్‌తో పాటు ప్రస్తుత సీజన్‌పై కూ డా పడనుంది. ప్రభుత్వం ఇప్పటికై నా బోనస్‌ డబ్బు లు చెల్లిస్తే కొనుగోలు కేంద్రాల్లో విక్రయించే అవకాశం ఉంది. ప్రస్తుతం బహిరంగ మార్కెట్లో సన్న బియ్యం ధరలు ఆకాశన్నంటడంతో సాధ్యమైనంత త్వరగా బకాయిలు విడుదల చేయాలి. లేదంటే ఈసారి కూడా ప్రైవేటుకే మొగ్గు చూపే ఛాన్స్‌ ఉంది. బొంపల్లితండాకు చెందిన మాన్యనాయక్‌ సైతం గత రెండు సీజన్లలో సన్న రకం వడ్లు పండించి కొనుగోలు కేంద్రాల్లో విక్రయించారు. ప్రభుత్వం స్పందించి వెంటనే బోనస్‌ డబ్బులు ఇవ్వాలని డిమాండ్‌ చేస్తున్నారు. దోమ మండలం బొంపల్లి గ్రామానికి చెందిన రైతు జంగయ్య ప్రభుత్వానికి సన్న రకం వడ్లు విక్రయించారు. ఏడాదిగా ఎదురు చూస్తున్నా బోనస్‌ అందడం లేదని ఆవేదన వ్యక్తంచేస్తున్నారు. ప్రభుత్వం ఇచ్చే బోనస్‌కు ఆశపడి సన్నరకం ధాన్యం పండించినా ఫలితం లేకుండాపోతోందని అసహనం వ్యక్తంచేశారు. ప్రోత్సాహక నగదు చెల్లింపులో తీవ్ర జాప్యం రెండు సీజన్లుగా అందని బకాయిలు క్వింటాలుకు రూ.500 చొప్పున రూ.6.41 కోట్లు పెండింగ్‌

అనంతగిరి: సమాజంలో వెట్టిచాకిరీ వంటి అమానవీయ విధానాలను పూర్తిగా నిర్మూలించేందుకు ప్రతిఒక్కరూ బాధ్యతగా వ్యవహరించాలని కలెక్టర్‌ దీపక్‌ తివారి సూచించారు. వెట్టి చాకిరీ నిర్మూలనపై ప్రజల్లో అవగాహన కల్పించేందుకు కార్మిక శాఖ ఏర్పాటు చేసిన ప్రత్యేక వాహనాన్ని సోమవారం జెండా ఊపి ప్రారంభించారు. వెట్టిచాకిరీ నిర్మూలనకు కృషి చేస్తామని, చట్టాల అమలులో నిష్పక్షపాతంగా వ్యవహరించి బాధితులకు న్యాయం జరిగేలా చూస్తామని, అందరికీ సమానత్వం, సామాజిక న్యాయం జరిగేలా పనిచేస్తామని అధికారులతో ప్రతిజ్ఞ చేయించారు. అనంతరం కలెక్టర్‌ మాట్లాడుతూ.. వెట్టిచాకిరీ బాధితులను గుర్తించి, విముక్తి కల్పిస్తామన్నారు. వీరికి పునరావాసం కల్పించడంతో పాటు సంక్షేమ పథకాలు అందేలా తగిన చర్యలు తీసుకుంటామని స్పష్టంచేశారు. ఎవరైనా బాధితులను గుర్తిస్తే వెంటనే అధికారులకు సమాచారం ఇవ్వాలని సూచించారు. వాల్మీకి మహర్షికి ఘన నివాళి బీసీ సంక్షేమ శాఖ ఆధ్వర్యంలో సోమవారం వాల్మీకి మహర్షి జయంతిని ఘనంగా నిర్వహించారు. కలెక్టరేట్‌లో ఏర్పాటు చేసిన కార్యక్రమంలో కలెక్టర్‌ దీపక్‌ తివారి వాల్మీకి చిత్రపటానికి పూలమాలలు వేసి నివాళులర్పించారు. ఆయన బోధనలు సమాజాన్ని సత్యం, ధర్మం, న్యాయం, మానవీయ విలువల మార్గంలో నడిచేందుకు స్ఫూర్తినిస్తాయని తెలిపారు. కార్యక్రమంలో ట్రైనీ కలెక్టర్‌ సచిన్‌ బస్వరాజ్‌ గుటూరు, కార్మిక శాఖ అధికారి వాల్యనాయక్‌, బీసీ, ఎస్సీ వెల్ఫేర్‌ అధికారులు మాధవరెడ్డి, జైపాల్‌రెడ్డి, డీపీఓ జయసుధ, హైదరాబాద్‌ నుంచి వచ్చిన కళాకారులు, సంబంధిత శాఖల అధికారులు, సిబ్బంది తదితరులు పాల్గొన్నారు. ప్రజావాణిలో ఫిర్యాదుల స్వీకరణ.. ప్రజావాణిలో వచ్చిన ఫిర్యాదులను అధికారులు సకాలంలో పరిష్కరించాలని జిల్లా కలెక్టర్‌ దీపక్‌ తివారి ఆదేశించారు. ఈ మేరకు సోమవారం కలెక్టరేట్‌లో నిర్వహించిన కార్యక్రమంలో ప్రజల నుంచి వచ్చిన ఫిర్యాదులను స్వీకరించి, సమస్యలను అడిగి తెలుసుకున్నారు. అనంతరం సంబంధిత శాఖ అధికారులకు ఫిర్యాదులు అందజేసి తక్షణ విచారణకు ఆదేశించారు. కలెక్టర్‌ దీపక్‌ తివారి

తాండూరు టౌన్‌: శాసన సభ స్పీకర్‌ గడ్డం ప్రసాద్‌కుమార్‌ బుధవారం తాండూరుకు రానున్నట్లు స్థానిక ఎమ్మెల్యే క్యాంపు కార్యాలయ సిబ్బంది సోమవారం ఒక ప్రకటనలో తెలిపారు. తాండూరు ఎమ్మెల్యే బుయ్యని మనోహర్‌రెడ్డికి చెందిన బీఎమ్మార్‌ ఫౌండేషన్‌ ఆధ్వర్యంలో పోటీ పరీక్షల కోసం యువతకు ఉచితంగా అందిస్తున్న శిక్షణ శిబిరాన్ని స్పీకర్‌ సందర్శిస్తారని పేర్కొన్నారు. పట్టణంలోని విలియంమూన్‌ పాఠశాలలో కొనసాగుతున్న క్యాంపులో ఎస్‌ఐ, కానిస్టేబుల్‌తో పాటు వివిధ పోటీ పరీక్షలకు సిద్ధమవుతున్న వారికి ఉచితంగా స్టడీ మెటీరియల్‌ అందజేస్తారని పేర్కొన్నారు. మధ్యాహ్నం 3గంటలకు కార్యక్రమం ప్రారంభమవుతుందని తెలిపారు. అనంతగిరి: అనంతగిరి గుట్ట వద్ద ఈనెల 3న జరిగిన రోడ్డు ప్రమాదంలో గాయపడిన వారిని కాపాడిన ఇద్దరు యువకులకు ప్రభుత్వం నగదు ప్రోత్సాహం అందజేసింది. జిల్లా ఇన్‌ఛార్జ్‌ మంత్రి శ్రీధర్‌ బాబు ఆదేశాల కలెక్టర్‌ దీపక్‌ తివారి, ఎస్పీ స్నేహమెహ్ర సోమవారం రియాజ్‌ఖాన్‌, మైతాఫ్‌కు రూ.25 వేల చొప్పున చెక్కులు అందజేశారు. అనంతగిరి: అర్హులైన పట్టభద్రులు ఎమ్మెల్సీ ఓటరుగా నమోదు చేసుకునేందుకు అన్ని చర్యలు తీసుకుంటున్నామని అదనపు కలెక్టర్‌ (రెవెన్యూ) వెంకటాచారి అన్నారు. ఈ మేరకు రాష్ట్ర ఎన్నికల ప్రధాన అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌కు హాజరయ్యారు. ఇప్పటి వరకు జిల్లావ్యాప్తంగా 20,316 మంది ఓటు హక్కు కోసం నమోదు చేసుకున్నారని తెలిపారు. ఓటరు జాబితా రూపకల్పనలో ఎలాంటి తప్పులు లేకుండా తగిన జాగ్రత్తలు తీసుకుంటున్నామని వివరించారు. ఆర్డీవో వాసుచంద్ర, సూపరింటెండెంట్‌ నేమత్‌ అలీ, తహసీల్దార్‌ రవీందర్‌ తదితరులు పాల్గొన్నారు. తాండూరు రూరల్‌: మండలంలో వీబీజీ రామ్‌జీ కింద చేపట్టిన పనులను క్షేత్రస్థాయిలో తనిఖీ చేయాలని వీబీజీ రామ్‌ జీ స్టేట్‌ రిసోర్స్‌ పర్సన్‌ ప్రదీప్‌కుమార్‌ అన్నారు. ఈ మేరకు సోమవారం తాండూరు ఎంపీడీఓ కార్యాలయంలో డీఆర్పీలతో సమావేశం నిర్వహించారు. మంగళవారం నుంచి మండలంలో 17వ విడత సామాజిక తనిఖీ నిర్వహించనున్నట్లు తెలిపారు. ఇప్పటికే రికార్డులను స్వాధీనం చేసుకున్నామని స్పష్టంచేశారు. కార్యక్రమంలో ఈసీ మధుసూధన్‌రెడ్డి, జూనియర్‌ అసిస్టెంట్‌ అమీద్‌, పంచాయతీ కార్యదర్శులు పాల్గొన్నారు. ఇబ్రహీంపట్నం రూరల్‌: మహర్షి వాల్మీకి బోధనలు సమాజానికి మార్గదర్శకం అని అదనపు కలెక్టర్‌ డాక్టర్‌ కె.కిరణ్మయి పేర్కొన్నారు. కలెక్టరేట్‌లోని జిల్లా వెనుకబడిన తరగతుల సంక్షేమ శాఖ ఆధ్వర్యంలో సోమవారం మహర్షి వాల్మీకి జయంతి వేడుకలను ఘనంగా నిర్వహించారు. ఈ సందర్భంగా అదనపు కలెక్టర్‌ మహర్షి వాల్మీకి చిత్రపటానికి పూలమాల వేసి నివాళి అర్పించారు. అనంతరం మాట్లాడుతూ.. మహర్షి వాల్మీకి జీవితం, ఆయన రచనలు నేటి తరానికి స్ఫూర్తిదాయకమని తెలిపారు. వాల్మీకి బోధించిన విలువలను ప్రతి ఒక్కరూ ఆచరిస్తూ, సమాజంలో ఐక్యత సోదరభావం, నైతిక విలువలను పెంపొందించుకోవాలని సూచించారు. కార్యక్రమంలో జిల్లా వెనకబడిన తరగతుల సంక్షేమ శాఖ అధికారి కేశురాం, వాల్మీకి సంఘం ప్రతినిధులు పాల్గొన్నారు.

వికారాబాద్‌: ప్రభుత్వ శాఖలు, ప్రజలు కలిసికట్టుగా ఎల్‌నినోను ఎదుర్కోవాల్సిన అవసరం ఉందని ప్రభుత్వ ప్రత్యేక ప్రధాన కార్యదర్శి దాన కిషోర్‌ అన్నారు. వికారాబాద్‌ కలెక్టరేట్‌లో సోమవారం కలెక్టర్‌ దీపక్‌ తివారితో కలిసి జిల్లా స్థాయి అధికారులతో సమీక్ష నిర్వహించారు. జిల్లాలో ఎల్‌నినో ప్రభావం ఎలా ఉంది..? శాఖల వారీగా తీసుకుంటున్న చర్యలు ఏమిటి..? ఎన్ని గ్రామ పంచాయతీలు, ఎన్ని ఆవాసాలు, ఆయా గ్రామాల్లో నెలకొన్న సమస్యలు, ఎల్‌నినోను ఎదుర్కొనేందుకు చేపడుతున్న సంసిద్ధతా కార్యక్రమాలపై చర్చించారు. జిల్లాలో ఎన్ని చెరువులు ఉన్నాయి..? వీటి నీటి నిల్వ సామర్థ్యం ఎంత.. ప్రస్తుతం ఎంతశాతం నీరు నిల్వ ఉంది..? తదితర అంశాలను అడిగి తెలుసుకున్నారు. వీబీజీరామ్‌జీ పథకంలో కల్పిస్తున్న పనులు, వస్తున్న కూలీలు, జిల్లాకు అనుగుణంగా చేస్తున్న ప్రణాళికలు తదితర అంశాలపై క్షుణ్ణంగా సమీక్షించారు. అర్హత కలిగిన ప్రతీ కుటుంబానికి అడిగిన వెంటనే పనులు కల్పించాలని డీఆర్డీఏ అధికారులను ఆదేశించారు. ఎల్‌నినోను దృష్టిలో ఉంచుకుని పనులు ప్లాన్‌ చేసుకోవాలన్నారు. పశుపోషణ విషయంలో తీసుకుంటున్న చర్యలను తెలుసుకున్నారు. గ్రాసం కొరత రాకుండా తగిన జాగ్రత్తలు తీసుకోవాలన్నారు. పంటల సాగు విధానం మారేలా రైతులకు అవగాహన కల్పించాలని వ్యవసాయ, ఉద్యాన శాఖల అధికారులకు సూచించారు. నీటి ఎద్దడిని దృష్టిలో ఉంచుకుని అవసరమైన చర్యలు తీసుకోవాలన్నారు. నీటిని పొదుపుగా వాడేలా చూడాలని తెలిపారు. తక్కువ నీటితో పండే స్వల్పకాలిక పంటలు సాగు చేసేలా అవగాహన కల్పించాలన్నారు. ఎల్‌నినో ప్రణాళిక తప్పనిసరి అడిగిన ప్రతిఒక్కరికీ పని కల్పించాలి నీటి సంరక్షణకు ప్రాధాన్యం ఇవ్వాలి ప్రభుత్వ ప్రత్యేక ప్రధాన కార్యదర్శి దాన కిషోర్‌ వికారాబాద్‌లో జిల్లా స్థాయి అధికారుల సమీక్ష కలెక్టర్‌ దీపక్‌ తివారి మాట్లాడుతూ.. ఎల్‌నినో ప్రభావం నేపథ్యంలో జిల్లాలో తీసుకుంటున్న చర్యలను వివరించారు. వీబీజీరామ్‌జీలో నీటి నిల్వకు అవసరమైన పనులు చేపట్టేలా ప్రణాళిక సిద్ధం చేశామని తెలిపారు. నేలపై రాలిన ప్రతీ నీటి చుక్క లోనికి ఇంకేలా గుంతలు తవ్విస్తున్నామని స్పష్టంచేశారు. సాగు పద్ధతులపై ఎప్పటికప్పుడు రైతులకు సూచనలు చేస్తున్నామన్నారు. అనంతరం మండల పరిధిలోని పీలారం గ్రామాన్ని సందర్శించి బీవీజీరామ్‌జీ పనులను పరిశీలించారు. ఈ కార్యక్రమంలో అడిషనల్‌ కలెక్టర్లు వెంకటాచారి, ఉమాశంకర్‌ప్రసాద్‌, అడిషనల్‌ కమిషనర్లు రవిందర్‌, శ్రీనివాస్‌, జెడ్పీ సీఈఓ సుధీర్‌, డీఆర్డీఓ శ్రీనివాస్‌, డీపీఓ జయసుధ, డీఏఓ కవిత తదితరులు పాల్గొన్నారు.

మొయినాబాద్‌: ప్రజాస్వామ్య వ్యవస్థలో అత్యంత కీలకమైన ఓటు హక్కును కాపాడుకోవాల్సిన బాధ్యత ప్రతి పౌరుడిపై ఉందని.. ఓటు హక్కు పరిరక్షణే దేశ పరిరక్షణ అని ఏఐసీసీ పరిశీలకుడు మోహన్‌ కుమారన్‌ మంగళం అన్నారు. ‘ఓట్‌ బచావో – దేశ్‌ బచావో’లో భాగంగా మొయినాబాద్‌లోని పార్టీ కార్యాలయంలో డీసీసీ అధ్యక్షురాలు చిగురింత పారిజాత, ఇతర నాయకులతో కలిసి సోమవారం విలేకరుల సమావేశంలో మాట్లాడారు. ప్రజాస్వామ్యాన్ని సజీవంగా ఉంచాలంటే ఓటు హక్కును కాపాడుకోవడం అవసరమన్నారు. ఎలక్షన్‌ కమిషన్‌ కేంద్ర ప్రభుత్వం చేతుల్లో కీలుబొమ్మగా మారిందని.. ఎస్‌ఐఆర్‌ పేరుతో ప్రతి నియోజకవర్గంలో లక్షల మంది ఓట్లు తొలగించారని మండిపడ్డారు. దేశంలో మారుతున్న రాజకీయ పరిణామాల దృష్ట్యా ప్రజలను చైతన్యవంతం చేయడానికి కాంగ్రెస్‌ పార్టీ ‘ఓట్‌ బచావో – దేశ్‌ బచావో’ కార్యక్రమాన్ని చేపట్టినట్టు చెప్పారు. ఇందులో భాగంగా నవంబర్‌ 1న ఢిల్లీలోని రామ్‌లీలా మైదానంలో అత్యంత ప్రతిష్టాత్మకంగా నిర్వహించనున్న భారీ బహిరంగ సభకు రాష్ట్రం నుంచి భారీగా తరలివచ్చి విజయవంతం చేయాలని పిలుపునిచ్చారు. సమావేశంలో రాష్ట్ర కార్పొరేషన్‌ చైర్మన్లు చల్లా నర్సింహారెడ్డి, జ్ఞానేశ్వర్‌ ముదిరాజ్‌, రఘునాథ్‌ యాదవ్‌, చేవెళ్ల, శేరిలింగంపల్లి నియోజకవర్గాల ఇన్‌చార్జులు భీమ్‌ భరత్‌, జగదీశ్వర్‌ గౌడ్‌, రాష్ట్ర యూత్‌ కాంగ్రెస్‌ అధ్యక్షుడు జక్కిడి శివ చరణ్‌ రెడ్డి, జెడ్పీ మాజీ చైర్‌పర్సన్‌ తీగల అనితా రెడ్డి, పీసీసీ అధికార ప్రతినిధి గౌరీ సతీష్‌, రాష్ట్ర నాయకులు ఏనుగు జంగారెడ్డి, షాబాద్‌ దర్శన్‌, రాంరెడ్డి, జిల్లా యూత్‌ కాంగ్రెస్‌ అధ్యక్షుడు నాగేందర్‌ రెడ్డి, జిల్లా మహిళా కాంగ్రెస్‌ అధ్యక్షురాలు జ్యోతి భీమ్‌ భరత్‌, జిల్లా మైనారిటీ సెల్‌ చైర్మన్‌ ఖాజా సలావుద్దీన్‌ అమీర్‌, మొయినాబాద్‌, చేవెళ్ల మున్సిపాలిటీల చైర్‌పర్సన్‌లు సోనియాదర్శన్‌, సమత వెంకట్‌ రెడ్డి, పార్టీ మండల అధ్యక్షుడు సత్యనారాయణ, మాజీ అధ్యక్షుడు మాణయ్య తదితరులు పాల్గొన్నారు. ఏఐసీసీ పరిశీలకుడు మోహన్‌ కుమారన్‌ మంగళం

బంజారాహిల్స్‌: మద్యానికి అలవాటుపడ్డ ఓ ఆటోడ్రైవర్‌ తాను అద్దెకు తీసుకున్న ఆటోలోనే స్నాచింగ్‌లకు పాల్పడుతూ బంజారాహిల్స్‌ పోలీసులకు చిక్కాడు. నిందితుడిని పోలీసులు ఆదివారం అరెస్టు చేసి రిమాండ్‌కు తరలించారు. వివరాల్లోకి వెళితే.. భోజగుట్టలో నివసించే గువ్వా శ్రీను (31) ఆటోను అద్దెకు తీసుకుని బతుకుతున్నాడు. మద్యానికి అలవాటుపడి ఈజీ మనీ కోసం దొంగతనాలు ప్రారంభించాడు. ఈ నేపథ్యంలోనే బంజారాహిల్స్‌ రోడ్డునెంబర్‌–2లోని సాగర్‌ సొసైటీ ముగ్ధా భవన్‌ సెల్లార్‌లో అక్కడి సెక్యూరిటీగార్డ్‌ గోపాల్‌ కళ్లుగప్పి సెల్‌ఫోన్‌ దొంగిలించి ఉడాయించాడు. గంట వ్యవధిలోనే మళ్లీ బంజారాహిల్స్‌ రోడ్డునెంబర్‌–10లోని ఓ ఇంట్లోకి ప్రవేశించి దొంగతనానికి యత్నించగా భవన యజమాని గుర్తించి 100కు డయల్‌ చేశాడు. వెంటనే అక్కడికి చేరుకున్న బంజారాహిల్స్‌ పోలీసులు నిందితుడిని అదుపులోకి తీసుకుని విచారించగా, అంతకముందే సెక్యూరిటీగార్డ్‌ సెల్‌ఫోన్‌ దొంగతనం చేసిన మిస్టరీ వీడింది. సెక్యూరిటీగార్డ్‌ సెల్‌ఫోన్‌ దొంగతనం చేసి మరో ఇంట్లో దొంగతనానికి పాల్పడేందుకు స్కెచ్‌ వేసి పోలీసులకు చిక్కాడు. బంజారాహిల్స్‌ పోలీసులు కేసు దర్యాప్తు చేస్తున్నారు.

సోమవారం శ్రీ 26 శ్రీ అక్టోబర్‌ శ్రీ 2026అలంకారప్రాయం.. వికారాబాద్‌: జిల్లాలోని తెలంగాణ క్రీడా ప్రాంగణాలు అలంకారప్రాయంగా మారాయి. ఐదేళ్ల క్రితం అప్పటి ప్రభుత్వం గ్రామీణ క్రీడాకారులను ప్రోత్సహించేందుకు ప్రతి పంచాయతీలో మైదానాలు ఏర్పాటు చేసింది. భూమి కేటాయించి బోర్డులు పాతింది. క్రీడా పరికరాలు పంపిణీ మరిచింది. ఎంపిక చేసిన స్థలాలను అభివృద్ధి చేయకపోవడం, నిర్వహణను గాలికి వదిలేయడంతో అవి నిరుపయోగంగా మారాయి. ప్రస్తుతం పిచ్చి మొక్కలతో నిండిపోయాయి. అప్పట్లో పలువురు తహసీల్దార్లు ఎంతో శ్రమించి క్రీడా ప్రాంగణాలకు స్థలాలు కేటాయించారు. గత, ప్రస్తుత ప్రభుత్వాలు ఆట వస్తువులు పంపిణీ చేయకపోవడంతో యువకులు క్రీడలకు దూరమవుతున్నారు. మూడెకరాలు అవసరం గత ప్రభుత్వం క్రీడా ప్రాంగణాలకు భూములు కేటాయించి సదుపాయాలు కల్పించడం మరిచిపోయింది. ప్రతి జీపీలో అర ఎకరం మాత్రమే భూమి కేటాయించింది. ఈ స్థలం కొన్ని క్రీడలకు మాత్రమే సరిపోతుంది. క్రికెట్‌కు కనీసం మూడెకరాల స్థలం ఉండాలి. ప్రస్తుతం గ్రామీణ ప్రాంతాల్లో ఎక్కువ మంది యువకులు క్రికెట్‌కే ప్రాధాన్యత ఇస్తున్నారు. ప్రస్తుతం కేటాయించిన భూమి ఏ మాత్రం సరి పోదని రెండు మూడు గ్రామాలకు కలిపి ఒకే చోట క్రికెట్‌ గ్రౌండ్‌ ఏర్పాటు చేస్తే బాగుంటుందని పలువురు అభిప్రాయపడుతున్నారు. క్రీడాప్రాంగణాల నిర్వహణకు ఏడాదికి ఒక్కసారైనా నిధులు కేటా యించాలని కోరుతున్నారు. నిర్వహణ బాధ్యతలు గ్రామ పంచాయతీలకు అప్పగించి ఉన్నతాధికారు లు పర్యవేక్షించాలని కోరుతున్నారు. వికారాబాద్‌, పరిగి, తాండూరు మున్సిపాలిటీల్లో ఇటీవల ప్రైవేటు క్రికెట్‌ మైదానాలు అందుబాటులోకి వచ్చాయి. ఇక్కడ రోజుకు వేలకు వేలు చెల్లించి ఆటలు ఆడాల్సి వస్తోంది. పేద విద్యార్థులు, చిన్నారులు ఈ స్థాయిలో డబ్బు చెల్లించే స్థోమత లేక గల్లీల్లో క్రికెట్‌ ఆడుకోవాల్సి వస్తోంది. జిల్లాలో ఏర్పాటు చేసిన మైదానాలు 585 బోర్డులతో సరి.. నిర్వహణ గాలికి పిచ్చి మొక్కలతో నిండిన ఆట స్థలాలు క్రీడా పరికరాలుపంపిణీ చేయని వైనం ఆటలకు దూరమవుతున్న గ్రామీణ యువకులు585 గ్రామ పంచాయతీల్లో.. జిల్లాలో 585 గ్రామ పంచాయతీలు ఉండగా ప్రతిచోట క్రీడా ప్రాంగణం ఏర్పాటు చేయాలని గత ప్రభుత్వం నిర్ణయించింది. ఆ దశగా చర్యలు తీసుకుంది. ప్రతి ప్రాంగణానికి 2వేల చదరపు గజాలు లేదా 20 గుంటలకు తగ్గకుండా భూమిని కేటాయించింది. ఇందుకోసం గ్రామ సమీపంలో గల ప్రభుత్వ భూమి లేదా అటవీ భూములను సేకరించారు. ప్రభుత్వ స్థలం లేని చోట జీపీల్లో లేఅవుట్లు చేస్తే వాటి ద్వారా సామాజిక అవసరాల కింద ఇచ్చే 10శాతం భూమిని క్రీడా ప్రాంగణాల కోసం కేటాయించేలా నిర్ణయించారు. ఇలా అన్ని జీపీల్లో స్థలాలు కేటాయించారు. కొన్ని చోట్ల చిన్న చిన్న ఆట, వ్యాయామ పరికరాలు ఏర్పాటు చేయగా మెజార్టీ గ్రామాల్లో ప్రాంగణాలు బోర్డులకే పరిమితమయ్యాయి. ఎంతో ఉన్నత లక్ష్యం ఏర్పాటు చేసిన తెలంగాణ క్రీడా ప్రాంగణాలు నేడు అలంకారప్రాయంగా మారాయి. ఇప్పటికై నా అధికారులు సమస్యను ప్రభుత్వం దృష్టికి తీసుకెళ్లి గ్రామీణ క్రీడాకారులను ప్రోత్సహించేందుకు చర్యలు తీసుకోవాలని యువకులు కోరుతున్నారు.

బషీరాబాద్‌: చిట్టీ పాట పాడిన తర్వాత సొమ్ము చెల్లించకుండా దుర్భాషలాడుతూ వేధిస్తున్నారని ఆరోపిస్తూ మంథట్టి గ్రామానికి చెందిన విభూతి పరమేశ్వర్‌ (30) ఆదివారం బషీరాబాద్‌ పోలీసులకు ఫిర్యాదు చేశారు. వివరాలు ఇలా ఉన్నాయి.. గ్రామానికి చెందిన సంకు మహిపాల్‌ వద్ద పరమేశ్వర్‌ రూ.5.10 లక్షల చిట్టీ వేశారు. అవసరం నిమిత్తం సెప్టెంబరు 15న పాట పాడి రూ.4.84 లక్షలకు డిక్లేర్‌ చేసుకున్నారు. అయితే సొమ్ము చెల్లించకుండా నిర్వాహకుడు తిప్పుతున్నాడని బాధితుడు ఆరోపించారు. అక్టోబరు 16న డబ్బుల కోసం వెళ్లగా.. ఇవ్వనని దూషిస్తూ ఇంటి నుంచి గెంటేశాడని ఫిర్యాదులో పేర్కొన్నారు. ఇదే తరహాలో మరికొందరు చిట్టీ సభ్యులను మోసం చేసినట్లు, మహిపాల్‌పై ఇప్పటికే ధారూరు పీఎస్‌లోనూ కేసు నమోదైనట్లు తెలిపారు. తన సొమ్ము ఇప్పించి న్యాయం చేయాలని కోరారు. ఫిర్యాదుపై దర్యాప్తు చేస్తున్నట్లు ఎస్‌ఐ విఠల్‌ తెలిపారు.

మొయినాబాద్‌ రూరల్‌: ఆరోగ్యంపై అవగాహన ఎంతో అవసరమని హైడ్రా కమిషనర్‌ రంగనాథ్‌ అన్నారు. నాగిరెడ్డిగూడ రెవెన్యూ పరిధిలోని ఆరోగ్య గ్రామంలో ఆదివారం వార్షికోత్సవాన్ని ఘనంగా నిర్వహించారు. కార్యక్రమానికి హైడ్రా కమిషనర్‌ రంగనాథ్‌తోపాటు చేవెళ్ల ఎమ్మెల్యే కాలె యాదయ్య, సినీ, వినోద రంగానికి చెందిన ప్రముఖులు సప్తగిరి, కిరాక్‌ ఆర్పీ, ఫైట్‌ మాస్టర్స్‌ రామ్‌లక్ష్మణ్‌, సంగీత దర్శకుడు వందేమాతరం శ్రీనివాస్‌ తదితరులు హాజరయ్యారు. ఈ సందర్భంగా రంగనాథ్‌ మాట్లాడుతూ.. ప్రస్తుతం ఆహారం అంతా కల్తీ అయిపోతోందని, చాలా హోటళ్లు.. రెస్టారెంట్లలో ఫుడ్‌ సేఫ్టీ పాటించడం లేదని ఆందోళన వ్యక్తం చేశారు. అలాంటి ఆహారం భుజించడం ఆరోగ్యానికి హానికరమని పేర్కొన్నారు. సంపూర్ణ జీవన విధానాన్ని అలవర్చుకోవాలని సూచించారు. ఎమ్మెల్యే కాలె యాదయ్య మాట్లాడుతూ.. మారుతున్న కాలానికి అనుగుణంగా ప్రజలు ఆరోగ్యపు అలవాట్లను మార్చుకోవాలని అన్నారు. నాణ్యతతో కూడిన ఆహారం తీసుకుంటే ఆరోగ్యంగా జీవిస్తారన్నారు. అనంతరం కార్యక్రమానికి హాజరైన ప్రముఖులను ఆరోగ్య గ్రామ నిర్వాహకుడు లక్ష్మణ్‌ సన్మానించారు. హైడ్రా కమిషనర్‌ రంగనాథ్‌

సాక్షి, రంగారెడ్డిజిల్లా: ఓ ఫామ్‌హౌస్‌లో బర్త్‌డే వేడుకలు నిర్వహించగా.. మొయినాబాద్‌ పోలీసులు ఆకస్మికంగా దాడులు చేసి ఆరుగురిని అదుపులోకి తీసుకొన్నారు. డ్రగ్‌ టెస్టు చేయగా.. ఒకరికి పాజిటివ్‌గా నిర్ధారణ అయ్యింది. పోలీసుల కథనం ప్రకారం.. ఆదివారం రాత్రి కనకమామిడి గ్రామ శివారులోని మ్యాంగో వుడ్‌ ఫామ్‌హౌస్‌, విల్లా నంబర్‌ 13లో కొంత మంది యువకులు గంజాయి వాడుతున్నట్లు పోలీసులకు పక్కా సమాచారం అందింది. వెంటనే దాడులు జరిపి, ఆరుగురిని అదుపులోకి తీసుకున్నారు. వారిలో బీహార్‌ రాష్ట్రానికి చెందిన బిషు కుమార్‌(25)కి పాజిటివ్‌ వచ్చినట్లు ప్రాథమిక టెస్టులో నిర్ధారణ అయ్యింది. అతడిని ఠాణాకు తరలించి విచారించగా ఐదు నెలల క్రితం మనీష్‌ మొమోస్‌ అనే వ్యక్తి ద్వారా గంజాయి కొనుగోలు చేసి, వాడినట్లు వెల్లడించాడు. ఈ మేరకు కేసు నమోదు చేసి దర్యాప్తు చేస్తున్నారు. తుర్కయంజాల్‌: శ్రీరాముడు, రావణాసురుడి మీద విజయం సాధించడానికి గుర్తుగా.. మహాభారతంలో పాండవులు 12 ఏళ్లు అరణ్యవాసం గడిపి విజయం సాధించడానికి గుర్తుగా ఏటా విజయ దశమిని జరుపుకొంటున్నామని విశ్రాంత యువసేన అధికారి, ప్రముఖ సంఘ సేవకుడు సీబీఆర్‌ ప్రసాద్‌ తెలిపారు. ఆర్‌ఎస్‌ఎస్‌ ఆధ్వర్యంలో ఆదివారం తొర్రూర్‌ డివిజన్‌ న్యూ సూభాష్‌ నగర్‌లో నిర్వహించిన విజయదశమి పదసంచాలన్‌ కార్యాక్రమానికి ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ.. దేశ నిర్మాణంలో ప్రతి ఒక్క స్వయం సేవక్‌ నిమగ్నమై ఉండాలని, దేశ భవిష్యత్తు యువత చేతిలోనే ఉందని అన్నారు. కొంతమంది యువత చెడు వ్యసనాలకు అలవాటు పడి జీవితాలను నాశనం చేసుకుంటున్నారని, లవ్‌ జిహాద్‌, మత మార్పిడులను తరిమికొట్టాలని పిలుపునిచ్చారు. కార్యక్రమంలో తెలంగాణ ప్రాంత సేవ ప్రముఖ్‌ గాజుల శివ శంకర్‌ తదితరులు పాల్గొన్నారు. బస్సు కోసం ఎదురు చూస్తుండగా.. డీసీఎం ఢీకొని మహిళ మృతి మొయినాబాద్‌: రోడ్డుపై బస్సు కోసం ఎదురుచూస్తున్న మహిళను అతివేగం, అజాగ్రత్తగా వస్తున్న ఓ డీసీఎం ఢీ కొట్టింది. ఈ ఘటనలో మహిళ అక్కడికక్కడే మృతి చెందింది. పోలీసులు తెలిపిన వివరాల ప్రకారం.. చిలుకూరుకు చెందిన మల్లేశ్‌, చిన్న నాగమణి (50) దంపతులు. ఆదివారం ఉదయం చిన్న నాగమణి తన కూతురు దగ్గరకు వెళ్లేందు కోసం అజీజ్‌నగర్‌ చౌరస్తాలో బస్సు కోసం నిలబడి ఉంది. అదే సమయంలో హైదరాబాద్‌ నుంచి మొయినాబాద్‌ వైపు అతివేగం, అజాగ్రత్తగా వస్తున్న ఓ డీసీఎం డ్రైవర్‌ ఆమెను బలంగా ఢీ కొట్టాడు. దీంతో తీవ్ర గాయాలతో చిన్న నాగమణి అక్కడికక్కడే మృతి చెందింది. భర్త ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. ఎలక్ట్రీషియన్‌ అదృశ్యం చేవెళ్ల: ఇంట్లో రాత్రి నిద్రించిన వ్యక్తి ఉదయం లేచే సరికి కనిపించకుండా పోయాడు. ఈ సంఘటన చేవెళ్ల పోలీస్‌ స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. రాజేంద్రనగర్‌ మండలం పద్మాశాలిపురానికి చెందిన వరకాల నరేశ్‌ (35) ఎలక్ట్రీషియన్‌గా పనిచేస్తున్నాడు. నాలుగేళ్ల కిత్రం చేవెళ్ల మండలం కౌకుంట్ల గ్రామానికి చెందిన బాలమణితో వివాహం జరిగింది. వివాహానంతరం చేవెళ్లలో కొన్నాళ్లు అద్దె ఇంట్లో ఉన్నారు. ఆర్థిక ఇబ్బందులతో ఇల్లు ఖాళీ చేసి కౌకుంట్ల గ్రామానికి వచ్చి ఉంటున్నారు. ఈ క్రమంలో ఈనెల 23న రాత్రి ఇంట్లో పడుకున్న నరేశ్‌ శనివారం తెల్లవారి లేచి చూసే సరికి కనిపించలేదు. చుట్టుపక్కల, బంధువుల వద్ద వెతికినా ప్రయోజనం లేకపోయింది. దీంతో అతని భార్య ఆదివారం పోలీసులకు ఫిర్యాదు చేసింది. ఈ మేరకు కేసు నమోదు చేసుకొని దర్యాప్తు చేస్తున్నారు.

దౌల్తాబాద్‌: వికసిత్‌ భారత్‌ లక్ష్యంగా మోదీ పాలన సాగుతోందని మహబూబ్‌నగర్‌ ఎంపీ డీకే అరుణ అన్నారు. ఆదివారం మండలంలోని గోకఫసల్‌వాద్‌ గ్రామంలో మన్‌కీబాత్‌ కార్యక్రమంలో పాల్గొని మాట్లాడారు. ప్రపంచ దేశాలు భారత్‌ వైపు చూసేలా మోదీ పాలన చేస్తున్నారని తెలిపారు. దీనిని కాంగ్రెస్‌ జీర్ణించుకోలేక విదేశీ వేదికలపై రాహుల్‌గాంధీ అసత్య ఆరోపణలు చేస్తున్నారని అన్నారు. ఆపరేషన్‌ సింధూర్‌తో శత్రుదేశాలకు భయం పుట్టించారన్నారు. ఎస్‌ఐఆర్‌ ప్రక్రియ మొదటిసారి కాదని ఇప్పటికే ఎనిమిది సార్లు జరిగిందని గుర్తు చేశారు. తెలంగాణలో ప్రజా సమస్యలను పరిష్కరించకుండా ముఖ్యమంత్రి రేవంత్‌రెడ్డి ఢిల్లీలో ధర్నా చేస్తున్నారని విమర్శించారు. ప్రజలకు నష్టపరిహారం ఇవ్వకుండా కొడంగల్‌ నియోజకవర్గంలో ఇండ్లను కూల్చివేయడం దారుణమన్నారు. ఉమ్మడి జిల్లాలోని 14 నియోజకవర్గాలను కొడంగల్‌ తరహాలో అభివృద్ధి చేయాలని డిమాండ్‌ చేశారు. తెలంగాణ భవిష్యత్‌ బాగుండాలంటే బీజేపీ అధికారంలో ఉండాలన్నారు. రాబోయే పట్టభధ్రుల ఎన్నికల్లో కార్యకర్తలు బీజేపీ అభ్యర్థి గెలుపే లక్ష్యంగా పని చేయాలని పిలుపునిచ్చారు. కార్యక్రమంలో పార్టీ రాష్ట్ర కార్యవర్గ సభ్యులు పవన్‌కుమార్‌రెడ్డి, రతంగ్‌పాండ్‌ రెడ్డి, పడాకుల శ్రీనివాస్‌, జిల్లా అధ్యక్షుడు రమేష్‌, నాయకులు ప్రతాప్‌రెడ్డి, పున్నంచంద్‌ లాహోటీ, మండల అధ్యక్షులు అశోక్‌, సతీష్‌, బస్వరాజు, కేశవరెడ్డి, బుగ్గప్ప తదితరులు పాల్గొన్నారు. కాంగ్రెస్‌ అబద్దపు ప్రచారాన్ని ప్రజలు నమ్మొద్దు మహబూబ్‌నగర్‌ ఎంపీ డీకే అరుణ

సంఘం జిల్లా అధ్యక్షుడు శ్రీధర్‌ బంట్వారం: మత్స్యకారుల సంక్షేమానికి శక్తి వంచన లేకుండా కృషి చేస్తామని మత్స్య సహకార సంఘం జిల్లా అధ్యక్షుడు శ్రీధర్‌ అన్నారు. ఆదివారం కోట్‌పల్లి మండల కేంద్రంలో సంఘం సభ్యులతో మాట్లాడారు. ముదిరాజ్‌లు ఐకమత్యంగా ఉండాలన్నారు. కోట్‌పల్లి ప్రాజెక్టులో చేపలు పట్టడం ద్వారా రెట్టింపు ఆదాయం పొందాలన్నారు. మత్స్య శాఖ అధికారుల ఖాతాలో రూ.8 లక్షలు ఉన్నాయని వాటిని త్వరలోనే సంఘం సభ్యులకు పంచుతామన్నారు. సంఘంలో రూ.40 లక్షలకు పైగా దుర్వినియోగం జరిగిందని వాటిని రికవరీ చేసే వరకు పోరాడుతామన్నారు. కార్యక్రమంలో సంఘం మాజీ అధ్యక్షుడు నక్కలి బందెయ్య, సంఘం సభ్యులు పాల్గొన్నారు. పరిగి: రంగారెడ్డి జిల్లా చేవెళ్ల మండలం నాంచేరి గ్రామంలో నిర్వహించిన జిల్లాస్థాయి బాల్‌ బ్యాడ్మింటన్‌ టోర్నమెంట్‌లో ఆదివారం పరిగి ప్రగతి బాల్‌ బ్యాడ్మింటన్‌ అసోషియోషన్‌ జట్టు విజేతగా నిలిచి ప్రథమ బహుమతిని సొంతం చేసుకుంది. టోర్నీలో మొత్తం ఎనిమిది జట్లు పాల్గొన్న పరిగి జట్టు ప్రతిభ కనబరిచింది. రైల్వే క్రీడాకారుడు విజయ్‌కుమార్‌ విజేతలకు బహుమతులు ప్రదానం చేశారు. ఈ సందర్భంగా పలువురు మాట్లాడుతూ.. ప్రతి ఒక్కరూ క్రీడాల్లో పాల్గొనాలని సూచించారు. మొదటి బహుమతి గెలుపొందిన క్రీడాకారులు లక్నాపూర్‌ శ్రీనివాస్‌, శ్రీశైలం, శంకర్‌రావు, ఖదీర్‌, నరేందర్‌, నరేష్‌, మాధవరెడ్డి, లక్ష్మయ్య, కార్తికేయను పలువురు అభినందించారు. మర్పల్లి: దేశాన్ని యూనిట్‌గా కాకుండా రాష్ట్రాల వారీగా తీసుకొని నియోజకవర్గాల పెంపుపై పార్లమెంట్‌లో చర్చ చేయాలని బీసీ విద్యార్థి సంఘం జాతీయ జాయింట్‌ కన్వీనర్‌ ఈశ్వర్‌ కోరారు. ఆదివారం నగరంలో రాజ్యసభ సభ్యుడు ఆర్‌ కృష్ణయ్యకు మర్యాద పూర్వకంగా కలిసి ఈ మేరకు విజ్ఞప్తి చేశారు. అనంతరం ఆయన మాట్లాడుతూ.. బీసీలకు రాజకీయంగా, ఆర్థికంగా, విద్యాపరంగా తీరని నష్టం జరుగుతోందని తెలిపారు. కేంద్రం యూనిట్‌గా తీసుకొని డీలిమిటేషన్‌ చేస్తే తెలంగాణలోని కొన్ని జిల్లాలకు నష్టం జరుగుతుందన్నారు. ఈ విషయాన్ని ప్రధాని మోదీ దృష్టికి తీసుకెళ్లి రాష్ట్రానికి న్యాయం జరిగేలా చూడాలని ఆర్‌ కృష్ణయ్యకు విజ్ఞప్తి చేశారు. షాబాద్‌: డాక్టర్‌ బీఆర్‌ అంబేడ్కర్‌ జాతీయ అవార్డుకు మండలంలోని తాళ్లపల్లి గ్రామానికి చెందిన అప్పలి శ్రీనివాసులు ఎంపికయ్యారు. ఈ మేరకు ఆదివారం నగరంలోని బహుజన సాహిత్య అకాడమీ రాష్ట్ర కార్యాలయంలో జాతీయ అధ్యక్షుడు నల్లా రాధాకృష్ణ చేతుల మీదుగా ఎంపిక పత్రం అందుకున్నారు. ఈ సందర్భంగా అప్పలి శ్రీనివాసులు మాట్లాడుతూ.. అవార్డుకు ఎంపికవడం ఆనందంగా ఉందన్నారు. నవంబర్‌ 15న న్యూ ఢిల్లీలో జరిగే 20వ జాతీయ సదస్సులో ప్రదానం చేయనున్నట్లు తెలిపారు. కార్యక్రమంలో బీఎస్‌ఏ రాష్ట్ర నాయకులు మల్లగళ్ల మల్లేష్‌, కోటేశ్వరరావు, విజయ్‌కుమార్‌, విష్ణవర్ధన్‌, అవార్డుల ఎంపిక కమిటీ సభ్యులు, ప్రజా సంక్షేమ సంఘం వ్యవస్థాపక అధ్యక్షుడు చొక్కంపేట ఆంజనేయులు, సామాజిక ఉద్యమకారులు పాల్గొన్నారు.

దోమ: ఎలాంటి అనుమతులు లేకుండా ప్రభుత్వ భూముల్లో అక్రమంగా మట్టి తరలిస్తున్న వాహనాలను పోలీసులు స్వాధీనం చేసుకున్నారు. దోమ మండలం దిర్సంపల్లి అనుబంధ గ్రామమైన అనంతరెడ్డిపల్లి సమీపంలో అక్రమంగా మట్టి తవ్వి రోడ్డు పనులకు తరలిస్తున్నారనే ఫిర్యాదుతో రెవెన్యూ, పోలీస్‌ అధికారులు తనిఖీలు చేపట్టారు. మట్టి తవ్వేందుకు వినియోగిస్తున్న రెండు హిటాచీలు, తరలించేందుకు సిద్ధంగా ఉన్న నాలుగు టిప్పర్లను ఎస్‌ఐ వసంత్‌ జాదవ్‌ సీజ్‌ చేశారు. ఆదివారం రెవెన్యూ ఇన్‌స్పెక్టర్‌ రాంచందర్‌రావు ఫిర్యాదు మేరకు కేసు నమోదు చేశారు. దిర్సంపల్లి సమీపంలో కొంత కాలంగా ప్రభుత్వ భూమిలో ఎలాంటి అనుమతులు లేకుండా మట్టి తవ్వకాలు చేస్తున్నారు. అక్రమంగా తరలించి ప్రభుత్వ ఖజానాకు గండి కొడుతున్నారు. ఈ వ్యవహారంపై రెవెన్యూ అధికారులకు సమాచారం అందడంతో రంగంలోకి దిగారు. మట్టి తరలిస్తున్న విషయం తెలుసుకొని దాడులు చేశారు. రెవెన్యూ ఇన్‌స్టెక్టర్‌ రాంచందర్‌రావు పోలీసులతో కలిసి దాడి చేసి నాలుగు టిప్పర్లు, రెండు హిటాచీలను సీజ్‌ చేశారు. ఈ మేరకు పోలీసులు కేసు నమోదు చేశారు. రెవెన్యూ, పోలీస్‌ అధికారుల సంయుక్త దాడులు నాలుగు టిప్పర్లు, రెండు హిటాచీలు సీజ్‌ కేసులు నమోదు

సాక్షి, రంగారెడ్డి జిల్లా: అనుమతి లేకుండా పార్టీలు నిర్వహిస్తున్న ఫామ్‌హౌస్‌లపై చేవెళ్ల డీసీపీ యోగేశ్‌ గౌతమ్‌ ఆధ్వర్యంలో పోలీసులు శనివారం రాత్రి దాడులు నిర్వహించారు. అక్రమంగా నిల్వ చేసిన 26 లీటర్ల మద్యం, నాలుగు హుక్కా పాట్స్‌ని స్వాధీనం చేసుకున్నారు. ఈ సందర్భంగా డీసీపీ మాట్లాడుతూ.. సురంగల్‌, తోలుకట్టలోని వన్‌ వ్యూ, వనం, ప్రణవిల్లా, జెడ్‌, రాయల్‌ వుడ్‌ ఫామ్‌హౌస్‌ల్లో అనుమతి లేకుండా పార్టీలు నిర్వహిస్తున్నట్లు సమాచారం అందిందని తెలిపారు. వాటిపై దాడులు చేసి, అక్రమంగా నిల్వ చేసిన మద్యం, హుక్కా పాట్స్‌ని స్వాధీనం చేసుకొని, యజమానులపై కేసు నమోదు చేసినట్టు చెప్పారు. ప్రభుత్వ నిబంధనలకు అనుగుణంగా ఫామ్‌హౌస్‌ నిర్వాహకులు నడుచుకోవాలని, చట్టవిరుద్ధ కార్యకలాపాలకు పాల్పడితే కఠిన చర్యలు తప్పవని హెచ్చరించారు. దాడుల్లో చేవెళ్ల ఏసీపీ కిషన్‌, మొయినాబాద్‌ సీఐ మల్లికార్జున్‌ రెడ్డి, డీఐ ఉపేందర్‌, సిబ్బంది పాల్గొన్నారు. చేవెళ్ల పరిధిలో ఆకస్మిక తనిఖీలు చేవెళ్ల: మండలంలోని పలు ఫామ్‌హౌస్‌ల్లో ఐదు ప్రత్యేక బృందాలతో శనివారం అర్ధరాత్రి పోలీసులు తనిఖీలు చేపట్టారు. ఈ సందర్భంగా ఎలైట్‌ ఫామ్‌హౌస్‌లో అనుమతులు లేకుండా హుక్కా వినియోగిస్తున్న ముగ్గురిని పట్టుకున్నారు. రెండు హుక్కాపాట్స్‌, వాటి పైపులను స్వాధీనం చేసుకున్నారు. ఈ మేరకు కేసు నమోదు చేశారు. ఈ సందర్భంగా చేవెళ్ల సీఐ నరేందర్‌రెడ్డి మాట్లాడుతూ.. అక్రమ కార్యకలాపాలను అరికట్టడం, శాంతిభద్రతలను పరిరక్షించడం లక్ష్యంగా చేవెళ్ల డీసీపీ యోగేష్‌ గౌతమ్‌ ఆదేశాల మేరకు ఫామ్‌హౌస్‌ల్లో ప్రత్యేక తనిఖీలు చేపట్టినట్లు తెలిపారు. ఫామ్‌హౌస్‌ యజమానులు, నిర్వాహకులు ఎలాంటి చట్ట విరుద్ధమైన కార్యకలాపాలకు పాల్పడినా చట్టరీత్య చర్యలు తప్పవని హెచ్చరించారు.

బషీరాబాద్‌: సొంతింటి కల నెరవేర్చుకునేందుకు ఎదురుచూస్తున్న పేదలకు ప్రభుత్వం మరో అవకాశం కల్పించనుంది. ఇందిరమ్మ ఇళ్ల పథకంలో భాగంగా జిల్లాకు కొత్తగా 6,669 ఇళ్లను కేటాయించింది. ఎల్‌–1 జాబితాలోని అర్హుల నుంచే లబ్ధిదారులను ఎంపిక చేయనున్నారు. గతంలో మంజూరై నిర్మాణాలు ప్రారంభం కాని సుమారు 3వేల ఇళ్లను కొత్త లబ్ధిదారులకు కేటాయించనున్నారు. శిథిలావస్థకు చేరిన ఇళ్ల మరమ్మతులు చేపట్టి కొత్తగా స్లాబ్‌ వేసుకోవాలనుకునే అర్హులకు ప్రభుత్వం రూ.2 లక్షల ఆర్థిక సాయం అందించనుంది. ఇంటికి నాలుగు గోడలు ఉండటంతోపాటు ప్లింత్‌ ఏరియా 600 చదరపు అడుగులు ఉండాలనే నిబంధన వర్తిస్తుందని అధికారులు చెబుతున్నారు. స్లాబ్‌ వేసి నిర్మాణం పూర్తి చేసిన తర్వాత నిబంధనల ప్రకారం సాయం అందించనున్నారు. రూఫ్‌ రీప్లేస్‌మెంట్‌ పథకం కింద ప్రతి నియోజకవర్గానికి 500 ఇళ్ల చొప్పున కేటాయించనున్నారు. జిల్లాకు ఈ విభాగంలో కొత్తగా 2 వేల ఇళ్లు కేటాయించినట్లు అధికారులు తెలిపారు. కమిటీల ద్వారా ఎంపిక గ్రామాల్లోని ఇందిరమ్మ కమిటీలు అర్హులైన లబ్ధిదారులను ఎంపిక చేసి జాబితాలను ఎమ్మెల్యేల ద్వారా జిల్లా కలెక్టర్‌కు అందజేస్తాయి. తర్వాత అర్హులకు మంజూరు పత్రాలు జారీ చేసి, నిర్మాణాలకు మార్కింగ్‌ ఇస్తారు. కొత్తవారికి అవకాశం జిల్లాలో కొత్తగా వచ్చిన 6,669 ఇళ్లలో ఒక్కో నియోజవర్గానికి 2 వేలు కేటాయించారు. వీటితో పాటు మొదటి విడతలో మంజూరై ఇప్పటికీ ఇంటి నిర్మాణాలు ప్రారంబించని మరో 3వేల ఇళ్లు కూడా ఎల్‌–1 జాబితాలోని అర్హులైన కొత్తవారికి కేటాయించనున్నారు. ఈ నిర్ణయంతో మరిన్ని పేద కుటుంబాలకు సొంతింటి కల నెరవేరే అవకాశం ఉంది. ఎల్‌ –1 జాబితా నుంచే లబ్ధిదారుల ఎంపిక రూఫ్‌ రీప్లేస్‌మెంట్‌కూ రూ.2 లక్షల సాయం ప్రతి నియోజకవర్గానికి 500 ఇళ్ల కేటాయింపు ప్లింత్‌ ఏరియా 600 చదరపు అడుగులు తప్పనిసరి ప్రారంభం కాని 3వేల ఇళ్లు కొత్తవారికి నియోజకవర్గాల వారీగా.. నియోజకవర్గాల వారీగా ఇందిరమ్మ ఇళ్లను పంపిణీ చేశాం. గ్రామాల్లోని కమిటీలు లబ్ధిదారులను ఎంపిక చేసి జాబి తాను ఎమ్మెల్యేల ద్వా రా అందజేయాలి. వాటి ఆధారంగా అర్హులకు మంజూరు పత్రాలు జారీ చేస్తాం. ఇళ్ల నిర్మాణాలకు మార్కింగ్‌ ఇస్తాం. వీటిలోనే రూఫ్‌ రీప్లేస్‌మెంట్‌ కింద కొత్తగా 2 వేల ఇళ్లు కూడా కేటాయించాం. అర్హులు స్లాబ్‌ వేసి నిర్మాణం పూర్తి చేస్తే రూ.2 లక్షల సాయం అందుతుంది. – మత్రునాయక్‌, పీడీ హౌసింగ్‌

జలం..సాక్షి, రంగారెడ్డిజిల్లా: భూగర్భ జలాలు పాతాళానికి వేగంగా పడిపోతున్న జిల్లాల జాబితాలో ఉమ్మడి రంగారెడ్డి తెలంగాణలోనే ముందు వరుసలో నిలిచింది. గత ఏడాది సెప్టెంబర్‌తో పోలిస్తే ఈ ఏడాది 5.43 మీటర్ల లోతుకు పడిపోయాయి. ఆశించినస్థాయిలో వర్షపాతం నమోదు కాకపోవడానికి తోడు శివారు ప్రాంతాలు పూర్తిగా కాంక్రీట్‌ జంగిల్స్‌గా మారడం, భారీ బహుళ అంతస్తుల నిర్మాణాలు వెలుస్తుండటం, గృహ, వాణిజ్య, పారిశ్రామిక, వ్యవసాయ అవసరాల కోసం నీటిని తోడేస్తుండటంతో వేగంగా పాతాళానికి పడిపోతున్నాయి. ఇళ్లు, వ్యాపార, వాణిజ్య సముదాయాల్లోని బోరుమోటార్లు ఎండిపోతున్నాయి. గేటెడ్‌ కమ్యూనిటీలు, అపార్ట్‌మెంట్లు, ప్రభుత్వ, ప్రైవేటు కార్యాలయాలు, గురుకులాలు, హాస్టళ్లు, హోటళ్లు, ఆస్పత్రులు, వ్యాపార, వాణిజ్య సముదాయాల్లో నీటి కటకట తప్పడం లేదు. పైపులైన్ల ద్వారా కృష్ణా, గోదావరి జలాలను జలమండలి సరఫరా చేస్తున్నా అవసరాలు తీరడం లేదు. విధిలేని పరిస్థితుల్లో ప్రైవేటు ట్యాంకర్లను ఆశ్రయించాల్సి వస్తోంది. 13మండలాల్లో లోటు వర్షపాతమే.. సాధారణంగా జిల్లాలో సెప్టెంబర్‌ చివరి నాటికి 547.8 మిల్లీమీటర్ల వర్షపాతం నమోదు కావాల్సి ఉంది. ఈ ఏడాది ఇప్పటి వరకు 468 మిల్లీ మీటర్లకు మించలేదు. మైనస్‌ 14.6 శాతం లోటు నమోదైంది. 27 మండలాల్లో కేవలం ఒక మండలంలో (షాబాద్‌లో 26.2 శాతం) అధిక వర్షపాతం నమోదైంది. 13 మండలాల్లో సాధారణ వర్షపాతం నమోదైంది. వీటిలో కొందుర్గులో 18.9 శాతం, కేశంపేటలో 16.3, నందిగామలో 12.6, మొయినాబాద్‌లో 5.9, చేవెళ్లలో 3.8, మాడ్గులలో మైనస్‌ 5.0, శంకర్‌పల్లిలో మైనస్‌ 6.7, శేరిలింగంపల్లిలో మైనస్‌ 7.1, రాజేంద్రనగర్‌లో మైనస్‌ 8.0, ఫరూఖ్‌నగర్‌లో మైనస్‌ 8.6, చౌదరిగూడలో మైనస్‌ 14.5 శాతం వర్షపాతం నమోదైంది. కందుకూరు, ఆమనగల్లు, కడ్తాల్‌, గండిపేట్‌, శంషాబాద్‌, బాలాపూర్‌, హయత్‌నగర్‌, సరూర్‌నగర్‌, మంచాల, తలకొండపల్లి, యాచారం, అబ్దుల్లాపూర్‌మెట్‌, ఇబ్రహీంపట్నం మండలాల్లో సాధారణం కంటే అతి తక్కువై లోటు వర్షపాతం నమోదైంది. మరింత లోతుకు భూగర్భ జలమట్టం ఎండిపోతున్న పొలాలు, ఆందోళనలో రైతులు పంటలను కాపాడుకునేందుకు ట్యాంకర్లతో నీటి సరఫరా కరెంట్‌ కోతలపై కన్నెర్ర.. సబ్‌స్టేషన్ల ముట్టడి చేవెళ్ల, షాద్‌నగర్‌, కందుకూరు, ఇబ్రహీంపట్నం రెవెన్యూ డివిజన్ల పరిధిలో పంటలు వాడిపోతున్నాయి. మెజార్టీ బోర్లు ఇప్పటికే ఎండిపోయాయి. చెరువులు, కుంటల కింద ఉన్న బోరు బావుల్లో నీరు ఉన్నప్పటికీ.. కరెంట్‌ కోతలతో ఇబ్బందులు తలెత్తుతున్నాయి. సరఫరాలో హెచ్చుతగ్గుల సమస్యతో డిస్ట్రిబ్యూషన్‌ ట్రాన్స్‌ఫార్మర్లు సహా మోటార్లు కాలిపోతున్నాయి. జిల్లాలోని మూడు సర్కిళ్ల పరిధిలో 3,298 ట్రాన్స్‌ఫార్మర్లు కాలిపోయాయంటే క్షేత్రస్థాయిలో విద్యుత్‌ డిమాండ్‌, సరఫరా తీరు ఎంత దారుణంగా ఉందో అర్థం చేసుకోవచ్చు. కరెంట్‌ లేక పంటలు ఎండిపోతుండటంతో రైతులు సబ్‌స్టేషన్లను ముట్టడిస్తున్నారు. మహేశ్వరం, కందుకూరు, తలకొండపల్లి, కేశంపేట, కొందుర్గు, మంచాల, మాడ్గుల మండలాల్లోని రైతులు ఇప్పటికే రోడ్డెక్కి ఆందోళన చేశారు. ఎండిపోయిన పంటల వివరాలు సేకరించి, ప్రభుత్వానికి నివేదించడంలో సంబంధిత శాఖలు మొద్దునిద్ర వీడటం లేదు.

చేవెళ్ల: ఆరుగాలం కష్టపడి పంటలు పండించడం ఒకెత్తయితే.. పండించిన ఉత్పత్తులను అమ్ముకోవడం రైతన్నకు అంతకన్నా భారంగా మారింది. చేవెళ్ల వ్యవసాయ మార్కెట్‌కు కూరగాయల దిగుబడులు అధికంగా వస్తుండడంతో ఆశించిన ధర లభించడం లేదు. మార్కెట్‌కు తీసుకు వచ్చిన కూరగాయలు అమ్ముడుపోక మిగిలిపోతుండడంతో ఆందోళనకు గురవుతున్నారు. శ్రమించి పండించిన పంటను చివరికి పశువులకు మేతగా వేయాల్సిన దుస్థితి ఏర్పడుతోంది. ఒకవైపు ఎల్‌నినో ప్రభావంతో వర్షాలు సకాలంలో లేక నీటికొరత ఏర్పడిన పరిస్థితుల్లో పంటలను కాపాడుకుంటూ తీరా మార్కెట్‌కు తెస్తే ధర లేకపోవడంతో రైతులు తీవ్ర ఆవేదన చెందుతున్నారు. పెట్టుబడులు నష్టపోతున్నామని వాపోతున్నారు. మిగిలిపోతున్న కూరగాయల గుట్టలు వంకాయి, కాకర, మిర్చి, క్యాబేజీ, బీరకాయి, గోకర, ఇతర కూరగాయల దిగుబడులు ఎక్కువగా వస్తుండటంతో రైతులు చేవెళ్ల మార్కెట్‌కు తీసుకు వస్తున్నారు. ఆశించిన ధర లేక.. మొత్తం సరుకు విక్రయం కాక మిగిలిపోతున్నాయి. వాటిని తిరిగి తీసుకెళ్లడం కూడా భారంగా మారడంతో కొందరు రైతులు అక్కడే వదిలి వెళ్తున్నారు. దీంతో మిగిలిపోయిన కూరగాయలను పశువులు ఉన్న వారు వచ్చి మేత కోసం తమ వాహనాల్లో తీసుకెళ్తున్నారు. మార్కెట్‌లో నిత్యం విక్రయించే సరుకులకంటే ఎక్కువ దిగుబడులు రావడంతో అమ్ముడు పోవడం లేదని కమీషన్‌ ఏజెంట్లు చెబుతున్నారు. ఇక్కడ మార్కెట్‌లో అన్ని కూరగాయలు కలిపి రోజుకు 3 క్వింటాళ్ల వరకు డిమాండ్‌ ఉండగా దాదాపు 6 క్వింటాళ్ల వరకు దిగుబడులు వస్తున్నాయని తెలిపారు. ఏది ఏమైనా పండించిన రైతు మాత్రం ఇది తీరని నష్టం అని వాపోతున్నారు. చేవెళ్ల మార్కెట్‌కు అధికంగా కూరగాయల దిగుబడులు ఆశించిన ధర రాక.. తెచ్చినవి విక్రయం కాక వదిలి వెళ్తున్న రైతులు పశువులకు మేతగా మారుతున్న వైనం

అనంతగిరి: పట్టభద్రుల ఎమ్మెల్సీ ఎన్నికల నేపథ్యంలో అర్హులైన ప్రతి ఒక్కరూ ఓటరుగా నమోదు చేసుకోవాలని ప్రైవేటు పాఠశాలల సంఘం(ట్రస్మ) రాష్ట్ర అధ్యక్షుడు ఎస్‌ఎన్‌ రెడ్డి అన్నారు. ఆదివారం వికారాబాద్‌ పట్టణంలోని న్యూ గీతాంజలి విద్యాలయంలో ప్రైవేటు పాఠశాల యాజమాన్యాల సమావేశం జరిగింది. ఈ సందర్భంగా ఆయన మాట్లాడుతూ.. ప్రైవేటు పాఠశాలల యాజమాన్యాలు ఐకమత్యంతో ముందుకు సాగాలని పిలుపునిచ్చారు. ప్రభుత్వాలు మనల్ని గుర్తించాలన్నా, మన సమస్యలు పరిష్కరం కావాలన్నా ఓటు అనే ఆయుధం మన వద్ద ఉండాలని సూచించారు. రానున్న పట్టభద్రుల ఎమ్మెల్సీ ఎన్నికల్లో మన బలాన్ని భారీగా పెంచుకోవాలని కోరారు. జిల్లాలో సుమారు లక్ష ఓట్లు నమోదు చేయాలని లక్ష్యంగా నిర్ణయించారు. సమావేశంలో రాష్ట్ర కోర్‌ కమిటీ సభ్యులు ఎం నాగయ్య, రాష్ట్ర కమిటీ సభ్యులు బసవరాజ్‌, జిల్లా అధ్యక్షుడు వెంకటరెడ్డి, వికారాబాద్‌ పట్టణ అధ్యక్షుడు చంద్రశేఖర్‌, ప్రధాన కార్యదర్శి ప్రవీణ్‌ కుమార్‌ తదితరులు పాల్గొన్నారు. ప్రైవేటు పాఠశాలల సంఘంరాష్ట్ర అధ్యక్షుడు ఎస్‌ఎన్‌ రెడ్డి

● ఈసీ వాగు నుంచి యథేచ్ఛగా తరలింపు ● ట్రాక్టర్‌కు రూ.4వేల నుంచి రూ.6వేల వరకు విక్రయం ● దర్జాగా సొమ్ము చేసుకుంటున్న వ్యాపారులు ● చూసీచూడనట్టు వ్యవహరిస్తున్న అధికారులు షాబాద్‌: ఈసీ వాగు నుంచి ఇసుక దందా జోరుగా సాగుతున్నా అడిగే నాథుడే కరువయ్యాడు. రాత్రిపూట అక్రమంగా రవాణా చేస్తున్నా ఎవరూ పట్టించుకోవడం లేదు. మండలంలోని నాగర్‌గూడ, తిమ్మారెడ్డిగూడ, ఏట్ల ఎర్రవల్లి, తాళ్లపల్లి, చందనవెల్లి, రుద్రారం, హైతాబాద్‌, సోలీపేట్‌ తదితర గ్రామాల మీదుగా ఈసీ వాగు ప్రవహిస్తోంది. అక్రమార్కులు అనుమతి లేకుండా వాగు నుంచి యథేచ్ఛగా ఇసుకను తరలిస్తున్నారు. ట్రాక్టర్లు, టిప్పర్లు, జేసీబీల సాయంతో ట్రాక్టర్‌ ఇసుక రూ.4వేల నుంచి రూ.6వేల వరకు విక్రయిస్తూ సొమ్ము చేసుకుంటున్నారు. అధికారులు చూసీ చూడనట్లు వ్యవహరిస్తుడండంతో వాగులో పెద్దపెద్ద గోతులు ఏర్పడ్డాయి. చుట్టు పక్కల మండలాలకు సైతం వ్యాపారులు ట్రాక్టర్ల ద్వారా ఇసుక చేరవేస్తూ క్యాష్‌ చేసుకుంటున్నారు. అభివృద్ధి పనులకు సైతం ఇసుక, మట్టిని తరలించేందుకు ఎలాంటి అనుమతులు ఇవ్వకున్నా వ్యాపారులు మాత్రం ఇష్టారాజ్యంగా తోడేస్తున్నారు. దీంతో బోరుబావులు ఎండిపోయే దశకు చేరుకున్నాయి. అధికారులు వెంటనే స్పందించి ఇసుక అక్రమ రవాణాకు అడ్డుకట్ట వేయాలని ప్రజలు కోరుతున్నారు. కళ్లముందే తరలిస్తున్నా.. ఇసుక రవాణా జోరుగా సాగుతున్నా.. కళ్ల ముందు నుంచే ట్రాక్టర్లు, టిప్పర్లలో తరలిస్తున్నా అధికారులు ఏ మాత్రం పట్టించుకోవడం లేదన్న విమర్శలు ఉన్నాయి. ఎవరైనా అధికారులను ప్రశ్నిస్తే లిఖిత పూర్వకంగా ఫిర్యాదు చేస్తే చర్యలు తీసుకుంటామని, తమ దృష్టికి రానప్పుడు ఏం చేస్తామని నిర్లక్ష్యంగా సమాధానమిస్తున్నారు. చర్యలు తీసుకుంటాం ఈసీ వాగు నుంచి ఇసుక అక్రమంగా రవాణా చేస్తున్నారని మా దృష్టికి వచ్చింది. అలాంటి వారిపై నిఘూ ఉంచి కేసులు నమోదు చేస్తాం. ఏ గ్రామంలోనైనా వాగుల్లో నుంచి తరలిస్తే సమాచారం అందించండి. వాహనాలను సీజ్‌ చేసి, వ్యాపారులపై చట్టరీత్యా చర్యలు తీసుకుంటాం. – లక్ష్మిరెడ్డి, సీఐ షాబాద్‌

షాద్‌నగర్‌: రాజ్యాంగ సంస్థలపై కాంగ్రెస్‌ పార్టీ నాయకులు చేస్తున్న ఆరోపణలు సరికావని బీజేపీ జిల్లా అధ్యక్షుడు రాజభూపాల్‌గౌడ్‌ అన్నారు. ఎమ్మెల్సీ ఎన్నికల నేపథ్యంలో ఆదివారం పట్టణంలోని ఏబీ ఫంక్షన్‌ హాల్‌లో నియోజకవర్గస్థాయి పార్టీ నాయకులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. రాబోయే ఎమ్మెల్సీ ఎన్నికల్లో అర్హులైన పట్టభద్రులు తమ ఓటు హక్కును నమోదు చేసుకోవాలని కోరారు. పార్టీ నాయకులు పట్టభద్రులకు అవగాహన కల్పించి, ఓటరు నమోదు ప్రక్రియను వేగవంతం చేయాలని సూచించారు. ఎన్నికల్లో పార్టీ అభ్యర్థి గెలుపే లక్ష్యంగా ముందుకు సాగాలన్నారు. కాంగ్రెస్‌ పార్టీ నాయకులు రాజకీయ ప్రయోజనాల కోసం ఎన్నికల సంఘం, సుప్రీంకోర్టు వంటి రాజ్యాంగ సంస్థలపై ఆరోపణలు చేయడం సరికాదని హితవు పలికారు. తప్పుడు ప్రచారాలను తిప్పికొట్టాలని పిలుపునిచ్చారు. ఓటరు జాబితా సవరణ ప్రక్రియను కేంద్ర ప్రభుత్వం పారదర్శకంగా నిర్వహిస్తోందని తెలిపారు. దేశాన్ని అన్ని రంగాల్లో అభివృద్ధి చేసేందుకు ప్రధాని మోదీ ఎంతో కృషి చేస్తున్నారని చెప్పారు. దేశం అభివృద్ధి పథంలో ముందుకు సాగుతుంటే కాంగ్రెస్‌ పార్టీ నాయకులు ఓర్వలేకపోతున్నారని దుయ్యబట్టారు. సమావేశంలో నాయకులు శ్రీవర్ధన్‌రెడ్డి, దేపల్లి అశోక్‌గౌడ్‌, కక్కునూరి వెంకటేశ్‌గుప్తా, మనోహర్‌రెడ్డి, కమ్మరి భూపాల్‌చారి, ఇస్నాతి శ్రీనివాస్‌, నర్సింహ, మోహన్‌సింగ్‌, వంశీకృష్ణ, చెట్ల వెంకటేశ్‌, ఉమా మహేశ్వరి, శ్యాంసుందర్‌, బోయ అశోక్‌, రాజ్‌నాయక్‌ తదితరులు పాల్గొన్నారు. బీజేపీ రంగారెడ్డి అధ్యక్షుడు రాజభూపాల్‌గౌడ్‌

● జిల్లా పంచాయతీ అధికారి జయసుధ ● చౌడాపూర్‌, మందిపల్‌లో అభివృద్ధి పనుల పరిశీలన కుల్కచర్ల: మహిళా సమాఖ్య గ్రామ సంఘాల భవనాల నిర్మాణంలో నిర్లక్ష్యం తగదని జిల్లా పంచాయతీ అధికారి జయసుధ అన్నారు. శనివారం ఆమె చౌడాపూర్‌ మండల కేంద్రంతో పాటు మందిపల్‌లో పర్యటించారు. ఆయా గ్రామాల్లో కొనసాగుతున్న అభివృద్ధి పనులను పరిశీలించారు. మందిపల్‌లో చేపట్టిన గ్రామ సంఘం భవన నిర్మాణ పూజలో పాల్గొన్నారు. గ్రామ సంఘాలు, పంచాయతీ భవనాల నిర్మాణాలు, సామూహిక మరుగుదొడ్లు, ఇంకుడు గుంతలు తదితర అభివృద్ధి పనుల నిర్వహణలో నిర్లక్ష్యం చేయకూడదన్నారు. ఆయా భవనాలకు అవసరమైన స్థలాల కోసం తహసీల్దార్లను సంప్రదించాలని సూచించారు. వీబీరాంజీ ద్వారా గ్రామాల్లో వివిధ పనులు నిర్వహించుకునేందుకు అవకాశం ఉందని, వీటిపై రైతులకు అవగాహన కల్పించాలని సూచించారు. పంచాయతీ కార్యదర్శులు సమయపాలన పాటించాలని, విధుల పట్ల నిర్లక్ష్యం వహిస్తే చర్యలు తప్పవని పేర్కొన్నారు. ఈ కార్యక్రమంలో ఇన్‌ఛార్జ్‌ ఎంపీడీఓ వెంకన్న, ఎంపీఓ శ్రీనివాస్‌రెడ్డి, ఏపీఓ చంద్రశేఖర్‌, మందిపల్‌ సర్పంచ్‌ నాగరాజు, ఆయా గ్రామాల కార్యదర్శులు తదితరులు పాల్గొన్నారు.

మొయినాబాద్‌: ఎదురెదురుగా కారు, బైకు ఢీకొని రోడ్డు నిర్మాణంకోసం తీసిన కాలువలో పడటంతో ఇద్దరికి గాయాలయ్యాయి. ఈ సంఘటన మొయినాబాద్‌ పోలీస్‌స్టేషన్‌ పరిధిలోని కేతిరెడ్డిపల్లి గేటు వద్ద హైదరాబాద్‌–బీజాపూర్‌ జాతీయ రహదారిపై శనివారం ఉదయం చోటుచేసుకుంది. స్థానికులు తెలిపిన వివరాల ప్రకారం.. నగరం నుంచి చేవెళ్ల వైపు బైక్‌పై ఇద్దరు వెళ్తున్నారు. అదే సమయంలో చేవెళ్ల నుంచి నగరం వైపు అతివేగంతో వచ్చిన కారు, బైక్‌ను ఢీకొట్టింది. దీంతో బైక్‌పై ఉన్న ఇద్దరు కింద పడి గాయాలయ్యాయి. ఢీకొన్న రెండు వాహనాలు రోడ్డు నిర్మాణంకోసం తవ్విన కాలువలోకి దూసుకెళ్లి పల్టీ కొట్టాయి. గాయాలైన ఇద్దరిని స్థానికులు చికిత్సకోసం నగరంలోని ఓ ప్రైవేటు ఆస్పత్రికి తరలించారు. ప్రమాదం జరిగినట్లు సమాచారం అందిన వెంటనే పోలీసులు అక్కడికి చేరుకున్నారు. గాయాలైనవారి వివరాలను మాత్రం శనివారం రాత్రి వరకు సేకరించలేదు. మరోవైపు హైదరాబాద్‌–బీజాపూర్‌ జాతీయ రహదారి విస్తరణ పనులు చేపడుతున్న కాంట్రాక్టర్‌ నిర్లక్ష్యం వాహనదారులకు శాపంగా మారింది. రోడ్డు విస్తరణ పనుల్లో కాంట్రాక్టర్‌ నిబంధనలు, జాగ్రత్తలు పాటించడంలేదని స్పష్టమవుతోంది. ప్రస్తుతం ఉన్న రోడ్డు పక్కనుంచి కొత్త రోడ్డు నిర్మాణంకోసం కాలువలు తవ్వారు. వాటికి అడ్డంగా సూచిక బోర్డులు, సిమెంటు దిమ్మెలు పెట్టాల్సి ఉన్నా.. అవేమీ పట్టించుకోవడంలేదు. దీంతోనే ప్రమాదాలు జరుగుతున్నాయని స్థానికులు, వాహనదారులు ఆరోపిస్తున్నారు. కాలువలో పడిన కారు, బైకు రోడ్డు ప్రమాదంలో ఇద్దరికి గాయాలు

షాబాద్‌: భూ వివాదం నేపథ్యంలో కత్తితో దాడి చేసిన కేసులో షాబాద్‌ పోలీసులు తొమ్మిది మంది నిందితులను అరెస్టు చేశారు. సీఐ డీకే లక్ష్మిరెడ్డి తెలిపిన వివరాల ప్రకారం.. మండలంలోని హైతాబాద్‌ సర్వేనంబర్‌ 202లోని భూమికి సంబంధించి దీర్ఘకాలిక వివాదం కొనసాగుతోంది. ఈ నేపథ్యంలో శుక్రవారం సాయంత్రం రెండు వర్గాల మధ్య ఘర్షణ చోటుచేసుకుంది. చాంద్‌పాషా, అతని కుమారులు సోహెల్‌, ఫైజల్‌పై దాడి చేయడానికి నిందితులు ముందస్తు పథకం వేసుకున్నారు. ఈ క్రమంలో రెండు కార్లు, ఒక మోటార్‌ సైకిల్‌పై ఆయుధాలతో అక్కడికి చేరుకుని దాడికి పాల్పడ్డారు. ముజఫర్‌ ఉద్దీన్‌ ఓ వ్యక్తిపై కత్తితో దాడి చేశాడు. అనంతరం జరిగిన ఘర్షణలో వాహనాలు ధ్వంసమయ్యాయి. ఈ కేసులో షాబాద్‌ పోలీసులు శనివారం తొమ్మిది మంది నిందితులను అదుపులోకి తీసుకున్నారు. రెండు కార్లు, ఒక మోటార్‌ సైకిల్‌, రెండు క్రికెట్‌ బ్యాట్‌లు, కత్తి, పలు సెల్‌ఫోన్లు స్వాధీనం చేసుకున్నారు.

ఒకప్పుడు వినోదం.. ఆహ్లాదం పంచే టూర్లంటే గోవా.. కశ్మీర్‌.. ఊటీ.. కొడైకెనాల్‌ వంటి దేశీయ నగరాలు గుర్తుకువచ్చేవి.. రానురాను ట్రెండ్‌ మారుతోంది.. గ్రామీణ ప్రాంతాలు మొదలు పట్టణ ప్రాంతాల వరకు జనం గేరు మార్చారు.. దేశాన్నే కాదు..విదేశాలను సైతం చుట్టేదాం అంటూ ముందుకు సాగుతున్నారు. విదేశాలకు సంబంధించిన ప్రత్యేక ప్యాకేజీలు.. అందుబాటులో విమానయాన చార్జీలు.. సోషల్‌ మీడియాలో విదేశాల్లో ఉన్న ఆసక్తికరమైన ప్రదేశాల గురించి వీడియోలు ఇటువైపు నడిపిస్తున్నాయి.. దీంతో విదేశాలకు వెళ్లే వారి సంఖ్య రోజురోజుకూ పెరుగుతోంది. షాద్‌నగర్‌: యాత్రల విషయంలో అందరి అభిరుచుల్లో మార్పు కనిపిస్తోంది.. చాలా మంది సకుటుంబ సమేతంగా విదేశాలకు వెళ్తున్నారు. ఇక యువకులు, సాఫ్ట్‌వేర్‌ ఉద్యోగులు, వ్యాపారులు చేసే విదేశీ ప్రయాణాల గురించి చెప్పాల్సిన పని లేదు. ఎక్కువ శాతం మంది థాయిలాండ్‌, వియత్నాం, ఇండోనేషియా, శ్రీలంక, సింగపూర్‌, మలేషియా, దుబాయ్‌ లాంటి దేశాలకు పయనమవుతున్నారు. గతంలో ఆర్థికంగా బలంగా ఉన్న వారు మాత్రమే విదేశాలకు వెళ్లే వారు. ఇప్పుడు పరిస్థితి మారింది. గ్రామీణప్రాంతాల వారు కూడా విదేశాలకు వెళ్లడంపై ఆసక్తి కనబరుస్తున్నారు. సెలవులు వచ్చాయంటే చాలు గ్లోబల్‌ బీచ్‌లకు వెళ్లేందుకు చాలామంది ఆసక్తి కనబరుస్తున్నారు. సోషల్‌ మీడియాలో ప్రచారం విదేశీ యాత్రలపై ఆసక్తి పెరగడానికి ప్రధాన కారణం సోషల్‌ మీడియా. వివిధ దేశాలు, అక్కడ ఉండే సుందరమైన ప్రదేశాలు, అందాలు, అక్కడికి వెళ్లడానికి ఉన్న మార్గాల గురించి సోషల్‌ మీడియాలో విపరీతమైన ప్రచారం జరుగుతోంది. దీంతో ఆయా ప్రాంతాలను చూడాలన్న ఆసక్తి జనంలో పెరుగుతోంది. దీనికి తోడు పర్యాటక సంస్థలు ప్రత్యేక ప్యాకేజీలు అందిస్తున్నాయి. వివిధ సాఫ్ట్‌వేర్‌ సంస్థలు, పరిశ్రమలు, వ్యాపార సంస్థలు, ఇన్సూరెన్స్‌ కంపెనీలు ఆయా సంస్థల్లో పని చేసే ఉద్యోగులకు టార్గెట్లు విధించి పూర్తి చేసిన వారిని విదేశాలకు తీసుకెళ్తున్నాయి. ఎలాంటి ఖర్చు లేకుండా విదేశాలకు వెళ్లి ఎంజాయ్‌ చేసి వస్తున్నారు. కొత్తగా పెళ్లి చేసుకున్న జంటలు హనీమూన్‌ కోసం విదేశీ టూర్లపై ఇంట్రెస్ట్‌ చూపుతున్నాయి. సెలువులు వచ్చాయంటే చాలు చాలా కుటుంబాలు తమకు నచ్చిన స్థలాలను ఎంపిక చేసుకొని వీసాలు తీసుకొని, టికెట్లు బుక్‌ చేసుకొని విదేశాలకు వెళ్తున్నారు. దేశీయ పర్యాటక ప్రాంతాలకు వెళ్లేందుకు అయ్యే ఖర్చుతోనే కొన్ని విదేశీ టూర్‌ ప్యాకేజీలు అందుబాటులో వస్తుండటంతో పర్యాటకులు మొగ్గు చూపుతున్నారు. తక్కువ ప్యాకేజీలో విదేశీ టూర్లు ట్రావెల్‌సంస్థల లెక్కల ప్రకారం ఒక మధ్యతరగతి కుటుంబం కశ్మీర్‌, కేరళ, ఊటీ వంటి పర్యటనకు వెళ్లేందుకు విమాన టికెట్లు, హోటల్‌ వసతి, ఇతరు ఖర్చులు కలిపి ఒక్కొక్కరికి రూ.40వేల వరకు ఖర్చవుతుంది. కాస్త అటు ఇటుగా థాయిలాండ్‌, వియత్నాం, ఇండోనేషియా, మలేషియా, దుబాయ్‌ తదితర దేశాలకు వెళ్లేందుకు నాలుగు నుంచి వారం రోజులకు రూ.40 వేల నుంచి రూ.1.20 లక్షల వరకు వివిధ ప్యాకేజీలు అందుబాటులో ఉన్నాయి. పర్యాటక సంస్థలు కొన్ని ప్యాకేజీలను ప్రచారం చేస్తుండడంతో విదేశీ ప్రయాణం చేయాలకునే వారికి కొత్త అవకాశాలు కనిపిస్తున్నాయి. విమాన టికెట్లు, త్రీస్టార్‌ హోటల్‌, ఎయిర్‌పోర్టు నుంచి పికప్‌, డ్రాప్‌, సైట్‌ సీయింగ్‌, గైడ్‌, వీసా, ట్రావెల్‌ ఇన్సూరెన్స్‌ అన్ని ప్యాకేజీలు ఉండటం గమనార్హం. ప్యాకేజీ ధరలు ప్రయాణ తేదీలు, విమాన టికెట్లు, హోటల్‌ వసతి, భోజనం, వీసా ఇతర ఖర్చులపై ఆధారపడి మారుతుంటాయి. ఒకవైపు సముద్రపు అలలు.. మరోవైపు ఆహ్లాదకరమైన బీచ్‌లు.. ఇంకోవైపు క్యాసినోల సందడి.. వెరసి బ్యాంకాక్‌, శ్రీలంక, వియత్నాం, ఇండోనేషియా పర్యాటకులకు సరికొత్త అనుభూతిని పంచుతున్నాయి. ప్రకృతి అందాలు, సముద్రతీరాలు, నైట్‌ లైఫ్‌, వినోద కార్యక్రమాలతో ఆయా ప్రాంతాలు పర్యాటకులను ఆకర్షిస్తున్నాయి. శ్రీలంక, గోవాలో ఉండే క్యాసినోలో సభ్యత్వం తీసుకున్న వారు నెలకోసారి వెళ్లి వస్తున్నారు. అక్కడి నిర్వాహకులు ఎక్కుడ డబ్బులు చెల్లించి సభ్యత్వం తీసుకున్న వారికి విమాన టికెట్లు, రూంలు ప్రత్యేకంగా బుక్‌ చేస్తుండడం విశేషం. యాత్రల విషయంలో మారుతున్న ట్రెండ్‌

ఇబ్రహీంపట్నం: పేద ప్రజల కోసం ప్రాణాలర్పించిన మహబూబ్‌ పాష, నరహరిల స్ఫూర్తితో సీపీఎం ప్రజా పోరాటాలు నిర్వహిస్తోందని ఆ పార్టీ జిల్లా కార్యదర్శి బోడ సామెల్‌ అన్నారు. స్థానిక పాషనరహరి స్మారక కేంద్రంలో శనివారం విలేకరుల సమావేశంలో మాట్లాడారు. కార్మిక, కర్షక, కష్టజీవుల అభ్యున్నతికి నిరంతరం పోరాటం చేసిన పాష, నరహరిలను భూస్వాములు, మతోన్మాదులు కక్షగట్టి దారుణంగా హతమార్చారని గుర్తు చేశారు. వారి వర్ధంతి సభలను గ్రామగ్రామాన నిర్వహించాలని.. ఇబ్రహీంపట్నంలోని అంబేడ్కర్‌ చౌరస్తాలో సోమవారం నిర్వహించే సభకు పెద్ద సంఖ్యలో పార్టీ శ్రేణులు, ప్రజలు హాజరుకావాలని పిలుపునిచ్చారు. సమావేశంలో పార్టీ జిల్లా కార్యదర్శివర్గ సభ్యుడు కె.జగన్‌, జిల్లా కమిటీ సభ్యులు పి.జగన్‌, పి.అంజయ్య, ప్రకాశ్‌ కారత్‌, యాదగిరి, విజయ్‌, కార్తీక్‌, కృష్ణ పాల్గొన్నారు.

తాండూరు రూరల్‌: అక్రమంగా ఇసుక తరలిస్తున్న ట్రాక్టర్‌ను కరన్‌కోట్‌ పోలీసులు పట్టుకున్నారు. ఈ సంఘటన తాండూరు మండలం గోనూర్‌లో శనివారం ఉదయం చోటుచేసుకుంది. ఎస్‌ఐ అన్వేష్‌రెడ్డి కథనం ప్రకారం.. గ్రామానికి చెందిన మాచనూర్‌ శివకుమార్‌ కాగ్నా వాగు నుంచి ట్రాక్టర్‌లో అక్రమంగా ఇసుక తరలిస్తుండగా పట్టుకున్నారు. వాహనాన్ని పీఎస్‌కు తరలించి, యజమాని శివకుమార్‌తో పాటు డ్రైవర్‌పై కేసు నమోదు చేశామని ఎస్‌ఐ తెలిపారు. ఇదిలా ఉండగా ట్రాక్టర్‌ను వదిలిపెట్టాలని అధికార పార్టీ నేతల నుంచి పోలీసులకు ఒత్తిడి వచ్చినట్లు సమాచారం. అంతకుముందే గోనూర్‌లో ఓ ట్రాక్టర్‌ యజమాని పోలీసుల పట్ల దురుసుగా ప్రవర్తించడాన్ని చూసి, గ్రామస్తులు విస్తుపోయారు. పోలీసులు అతన్ని జీపులో పీఎస్‌కు తరలించారు. యజమాని, డ్రైవర్‌పై కేసు

● రైతు సంఘం నేతల డిమాండ్‌ ● పలు గ్రామాల్లో ఎండిపోయిన పంటల పరిశీలనఅనంతగిరి: వర్షాభావ పరిస్థితులతో పంటలు ఎండిపోయి తీవ్రంగా నష్టపోయిన రైతులను ప్రభుత్వం వెంటనే ఆదుకోవాలని తెలంగాణ రైతు సంఘం జిల్లా కార్యదర్శి మహిపాల్‌ డిమాండ్‌ చేశారు. ఈ మేరకు శనివారం వికారాబాద్‌ మండల పరిధిలోని పీరంపల్లి, పులుసుమామిడి, సిద్ధులూరు గ్రామాల్లో పర్యటించిన జిల్లా బృందం, పంట నష్టాన్ని పరిశీలించింది. ఈ సందర్భంగా ఆయన మాట్లాడుతూ.. ఎల్‌నినో ప్రభావం, బోర్లలో నీటి కొరత, విద్యుత్‌ సరఫరాలో అంతరాయాల కారణంగా పత్తి, వరి, కంది పంటలతో పాటు క్యారెట్‌, బీట్‌రూట్‌, క్యాబేజీ తదితర కూరగాయల పంటలు, పూల తోటలు తీవ్రంగా దెబ్బతిన్నాయని ఆవేదన వ్యక్తం చేశారు. పెట్టుబడులు పెట్టి పంటలు సాగు చేసిన రైతులు దిగుబడులు లేక ఆర్థిక ఇబ్బందులు ఎదుర్కొంటున్నారని పేర్కొన్నారు. సీఎం రేవంత్‌రెడ్డి, స్పీకర్‌ ప్రసాద్‌కుమార్‌ స్పందించి వెంటనే వికారాబాద్‌ను కరువు జిల్లాగా ప్రకటించాలని కోరారు. రైతులను ఆదుకునేందుకు రూ.2 వేల కోట్లు కేటాయించాలని డిమాండ్‌ చేశారు. ఈ కార్యక్రమంలో తెలంగాణ రైతు సంఘం జిల్లా ఉపాధ్యక్షుడు ఇందురూపాటి గోపాల్‌రెడ్డి, తేజ, శ్రీనివాస్‌, రైతులు తదితరులు పాల్గొన్నారు.

షాద్‌నగర్‌రూరల్‌: మహిళల్లో అక్షరాస్యతను పెంపొందించి, వారిని విద్యావంతులుగా తీర్చిదిద్దడమే లక్ష్యమని రాష్ట్ర వయోజన విద్యాశాఖ డైరెక్టర్‌ శ్రీనివాస్‌రెడ్డి అన్నారు. రాష్ట్రంలో తొలిసారిగా ప్రభు త్వం ఫరూఖ్‌నగర్‌ మండలంలో ఉర్దూభాష అభ్యసన (ఉల్లాస్‌) కార్యక్రమాన్ని చేపట్టింది. పట్టణంలో ని మండల పరిషత్‌ సమావేశ మందిరంలో శనివా రం ఏర్పాటు చేసిన సమావేశానికి ముఖ్యఅతిథిగా హాజరైన శ్రీనివాస్‌రెడ్డి మాట్లాడుతూ.. మహిళలు విద్యావంతులుగా ఎదిగినప్పుడే ఆ కుటుంబం, సమాజం అభివృద్ధి చెందుతుందని అన్నారు. రాను న్న మార్చి నెలాఖరు వరకు జిల్లాలో 5,500 మంది మహిళలకు విద్యను అందించి ప్రభుత్వ లక్ష్యాన్ని చేరుకోవాలని సూచించారు. మహిళల్లో అక్షరాస్యతను పెంచేందుకు అధికారులు, స్వచ్ఛంద సంస్థలు సమన్వయంతో పని చేయాలని సూచించారు. అనంతరం ఉర్దూ అభ్యసన పుస్తకాన్ని ఆవిష్కరించారు. కార్యక్రమంలో వయోజన విద్యాశాఖ డిప్యూటీ డైరెక్టర్‌ అనిత, తహసీల్దార్‌ నాగయ్య, మున్సిపల్‌ చైర్మన్‌ అగ్గనూర్‌ బస్వం, మార్కెట్‌ కమిటీ వైస్‌ చైర్మన్‌ మహ్మద్‌ అలీఖాన్‌బాబర్‌, కాంగ్రెస్‌ పార్టీ జిల్లా ప్రధానకార్యదర్శి ఎం.డి.ఇబ్రహీం తదితరులు పాల్గొన్నారు.

● ఇచ్చిన హామీలను నెరవేరుస్తున్నాం ● ఎమ్మెల్యే రామ్మోహన్‌రెడ్డి ● పరిగిలో ధాన్యం కొనుగోలు కేంద్రం ప్రారంభంపరిగి: రైతుల సంక్షేమానికి కాంగ్రెస్‌ ప్రభుత్వం కట్టుబడి ఉందని ఎమ్మెల్యే టి.రామ్మోహన్‌రెడ్డి అన్నారు. డీసీఎంఎస్‌ ఆధ్వర్యాన పట్టణంలో ఏర్పాటు చేసిన వరి ధాన్యం కొనుగోలు కేంద్రాన్ని శనివారం ఈయన ప్రారంభించారు. అనంతరం మాట్లాడుతూ.. రైతులు పండించిన ధాన్యాన్ని కొనుగోలు చేసేందుకు అన్ని ఏర్పాట్లు చేస్తున్నామన్నారు. గిట్టుబాటు ధర కల్పించేందుకు ప్రభుత్వం చర్యలు తీసుకుంటోందని తెలిపారు. ఎన్నికల్లో భాగంగా రైతులకు ఇచ్చిన హామీలను నెరవేరుస్తున్నామన్నారు. అధికారంలోకి వచ్చిన వెంటనే రూ.2 లక్షల వరకు రుణమాఫీ చేశామని, యంత్రాలు, పనిముట్లను సబ్సిడీపై అందజేస్తున్నామని తెలిపారు. వాతావరణ మార్పులు, ఎల్‌నినో వంటి పరిణామాలను రాజకీయాలతో ముడిపెట్టి ప్రజల్లో సృష్టించడం సరికాదన్నారు. ప్రభుత్వంపై ప్రతిపక్షాలు చెబుతున్న లేనిపోని మాటలను ప్రజలు నమ్మే పరిస్థితి లేదని ఎద్దేవాచేశారు. రబీలో వరి సాగు చేయకపోవడమే మంచిదని సూచించారు. తక్కువ నీటితో పండే పంటలే వేయాలన్నారు. ఈ కార్యక్రమంలో మున్సిపల్‌ చైర్మన్‌ రజిత, మార్కెట్‌ కమిటీ చైర్మన్‌ పరశురాంరెడ్డి, వైస్‌ చైర్మన్‌ అయూబ్‌, కాంగ్రెస్‌ మండల అధ్యక్షుడు వెంకట్‌రాములు, పీఏసీఎస్‌ చైర్మన్‌ పార్థసారథిపంతులు, ఆత్మకమిటీ చైర్మన్‌ శ్రీనివాస్‌రెడ్డి, నాయకులు తౌర్యనాయక్‌, తదితరులు పాల్గొన్నారు.

బంట్వారం: యాంటీ డ్రగ్స్‌ నినాదంతో ఏపీలో 1,036 కిలోమీటర్లు సైకిల్‌ యాత్ర పూర్తి చేసిన బంట్వారం మండలం తొర్మామిడి నివాసి మీరాసాబ్‌ జహీర్‌ పాషాకు లెజెండ్స్‌ అవార్డు దక్కింది. శనివారం హైదరాబాద్‌లోని బిర్లా ఆడిటోరియంలో తెలంగాణ మైనార్టీ కమిషన్‌ చైర్‌పర్సన్‌ తారిఖ్‌ అన్సారీ చేతులమీదుగా అవార్డు అందుకున్నారు. ఈ సందర్భంగా పాషా మాట్లాడుతూ.. అవార్డు తన బాధ్యతను పెంచిందన్నారు. మాదక ద్రవ్యాల నిర్మూలన కోసం తెలంగాణ, ఏపీలో పలు కార్యక్రమాలు చేపట్టామన్నారు. యువతను మేల్కొల్పేందుకు, డ్రగ్స్‌ నివారణపై నిరంతర కృషి చేస్తానని స్పష్టంచేశారు.

పరిగి: జాతీయ రహదారిపై కారు టాప్‌పై కూర్చుని విన్యాసాలు చేస్తూ ట్రాఫిక్‌ నిబంధనలను ఉల్లంఘించిన వారిపై శనివారం పరిగి పోలీసులు కేసు నమోదు చేశారు. ఈవివరాలతో శనివారం సాక్షిలో ప్రచురితమైన వార్తకు స్పందించిన ఎస్‌ఐ మోహనకృష్ణ సదరు కారును గుర్తించి సీజ్‌ చేశారు. కారుతో హల్‌చల్‌ చేసి, ఇతర వాహనదారులకు ఇబ్బంది కలిగించిన నలుగురిపై కేసు నమోదు చేసి దర్యాప్తు చేస్తున్నట్టు తెలిపారు. ప్రశాంతంగా అసిస్టెంట్‌ సైంటిస్ట్‌ పరీక్ష మొయినాబాద్‌: అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పరీక్ష శనివారం ప్రశాంతంగా జరిగింది. ఉదయం 10 నుంచి మధ్యాహ్నం 12.30 గంటల వరకు,మధ్యాహ్నం 2.30 నుంచి సాయంత్రం 5 గంటల వరకు రెండు షిఫ్టుల్లో పరీక్ష నిర్వహించారు.సమయానికంటే గంట ముందుగానే అభ్యర్థులు పరీక్ష కేంద్రాలకు చేరుకున్నారు. మున్సిపల్‌ పరిధిలో ఏర్పాటు చేసిన ఐదు కేంద్రాల్లో 46.46 శాతం మంది మాత్రమే హాజరయ్యారు. 665 మంది అభ్యర్థులకుగాను 309 మంది మాత్రమే పరీక్ష రాశారు, 356 మంది హాజరు కాలేదు. గ్లోబల్‌ ఇంజనీరింగ్‌ కళాశాలలో 125 మందికి 65 మంది, చైతన్య డీమ్డ్‌ టూబీ యూనివర్సిటీలో 120 మందికి 53, కేజీరెడ్డి ఇంజనీరింగ్‌ కళాశాలలో 200 మందికి 80, జేబీఐఈటీ కళాశాలలో 120 మందికి 66, వీజేఐటీ కళాశాలలో 100 మందికి 45 మంది హాజరయ్యారు. పరీక్ష కేంద్రాల వద్ద ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. విజయం సాధించేదాకా విశ్రమించొద్దు బడంగ్‌పేట్‌: విజయం సాధించే వరకు విశ్రమించొద్దని అదనపు కలెక్టర్‌ డాక్టర్‌ కిరణ్మయి పోటీపరీక్షలకు సన్నద్ధం అవుతున్న విద్యార్థులకు సూచించారు. బడంగ్‌పేటలోని జిల్లా కేంద్ర గ్రంథాలయాన్ని శనివారం ఆకస్మికంగా తనిఖీ చేశారు. పాఠకులకు అందిస్తున్న సదుపాయాలు, నిర్వహణ తదితర అంశాలను అధికారులను అడిగి తెలుసుకున్నారు. లైబ్రరీకి వచ్చిన పాఠకులతో మాట్లాడారు. విద్యార్థుల పోటీ పరీక్షలకు అవసరమైన మెటీరియల్‌ అందుబాటులో ఉంచాలని గ్రంథ పాలకులకు సూచించారు. అదనపు కలెక్టర్‌ వెంట గ్రంథాలయ సంస్థ కార్యదర్శి పీజీవీ రాణి, గ్రంథాలయ సిబ్బంది ఉన్నారు. మేడిపల్లి: పెళ్లి చేసుకుంటానని నమ్మించి, అధిక మొత్తంలో డబ్బు తీసుకొని మోసం చేసిన వ్యక్తిపై ఓ మహిళ మేడిపల్లి పోలీసులకు ఫిర్యాదు చేసింది. పోలీసులు తెలిపిన మేరకు.. మేడిపల్లిలోని కెనరా నగర్‌కు చెందిన ఓ మహిళ (41) నారపల్లిలోని ఓ ఇంజనీరింగ్‌ కళాశాలలో అసోసియేట్‌ ప్రొఫెసర్‌గా పనిచేస్తోంది. 2024 ఆగస్టులో ఓ మాట్రిమోని వెబ్‌సైట్‌ ద్వారా పరిచయమైన ప్రదీప్‌ కోనేటి పెళ్లి చేసుకుంటానని నమ్మించి పరిచయం ఏర్పరచుకున్నాడని ఫిర్యాదులో ఆరోపించింది. వ్యాపారం పేరుతో డబ్బులు తీసుకోవడంతో పాటు బంగారు ఆభరణాలు, బ్యాంక్‌ లావా దేవీలు, ఆన్‌లైన్‌ రుణాల ద్వారా తనను ఆర్థికంగా నష్టపరిచాడని ఫిర్యాదులో పేర్కొంది. నిందితుడు, అతడి అనుచరులు కలిసి మొత్తం రూ.1,18,94,098 తీసుకున్నారని తెలిపింది. తమ వివరాలు బయట పెడతానని బెదిరింపులకు పాల్పడ్డాడని ఆరోపించింది. బాధితురాలి ఫిర్యాదుతో మేడిపల్లి పోలీసులు కేసు నమోదు చేసి దర్యాప్తు చేపట్టారు.

ఆదివారం శ్రీ 25 శ్రీ అక్టోబర్‌ శ్రీ 2026వికారాబాద్‌: వర్షాభావ పరిస్థితులతో జిల్లాలో కరువు ఛాయలు స్పష్టంగా కనిపిస్తున్నాయి. భూగర్భ జలాలు రోజురోజుకూ అడుగంటుతున్నాయి. ఎండల తీవ్రత, లోటు వర్షపాతంతో చెరువులు, కుంటలు వెలవెలబోతున్నాయి. మొత్తం 20 మండలాలకు గాను 16 మండలాల్లో తక్కువ వర్షపాతం నమోదైంది. 11 మండలాల్లో తీవ్రమైన కరువు ఛాయలు ఉన్నట్లు ప్రభుత్వం గుర్తించింది. బావులు, బోర్లలో నీళ్లు అడుగంటి ఖరీఫ్‌ పంటలు ఎండిపోతున్నాయి. గతేడాది సెప్టెంబర్‌ చివరన జిల్లాలో సగటున 5.79 మీటర్ల లోతులో నీరు ఉండగా, ఈఏడాది అక్టోబర్‌ చివర్లోనే 11.96 మీటర్ల లోతుకు పడిపోయాయి. ఇదీ పరిస్థితి ● భూగర్భ జలాలు దుద్యాల మండలంలో 25.95, మర్పల్లిలో 24.05, పెద్దేముల్‌లో 15.61 మీటర్ల లోతుకు పడిపోయాయి. ● జిల్లావ్యాప్తంగా నాలుగు మండలాల్లో మాత్రమే సాధారణ వర్షపాతం నమోదైంది. ● వానాకాలం ప్రారంభమైన నాటి నుంచి ఇప్పటి వరకు 738.4 మిల్లీమీటర్ల సాధారణ వర్షపాతం నమోదు కావాల్సి ఉండగా.. కేవలం 475.2 మిల్లీమీటర్లుగా రికార్డయింది. ● రాష్ట్రంలో సగటున 25 శాతం లోటు వర్షపాతం నమోదు కాగా మన జిల్లాలో 36 శాతం లోటు వర్షపాతం నమోదవడం గమనార్హం. ● మిగిలిన జిల్లాలతో పోలిస్తే ఎల్‌నినో ప్రభావం మన జిల్లాపైనే అధికంగా ఉంది. ● రాష్ట్రంలో అత్యధిక కరువు ఛాయలు నెలకొన్న గద్వాల తర్వాతి స్థానంలో వికారాబాద్‌ ఉండటం ఆందోళన కలిగిస్తోంది. ● ఖరీఫ్‌లో వేసిన వరి, కంది పంటలు తీవ్ర నీటి ఎద్దడిని ఎదుర్కొంటున్నాయి. ● జిల్లాలో 2.19 లక్షల ఎకరాల్లో పత్తి, 95 వేల ఎకరాల్లో కంది, 1.2 లక్షల ఎకరాల్లో వరి, 35 వేల ఎకరాల్లో మొక్కజొన్న సాగయ్యాయి. ఇందులో మొక్కజొన్న కోత దశకు రావడంతో ఈ పంటకు ఇబ్బంది లేదు. ● కంది, పత్తి, వరి దిగుబడి 25 నుంచి 50శాతం తగ్గే అవకాశం ఉంది. రబీపై నీలినీడలు గతేడాది రబీలో వరితో కలిపి 1.85 లక్షల ఎకరాల్లో వివిధ పంటలు సాగయ్యాయి. ఇందులో వరి ఒక్కటే 90 వేల ఎకరాలకు పైగా ఉంది. ప్రస్తుతం ఈపంట జోలికి వెళ్లకపోవడమే మంచిదని అధికారులు సూచిస్తున్నారు. నీటి లభ్యత ఆధారంగా జిల్లాలో రబీ సాగు 30 వేల ఎకరాలకు పడిపోయే అవకాశం ఉంది. ఈస్థానంలో స్వల్పకాలిక, ఆరుతడి పంటలు వేసుకోవటం మేలు. శనగ, జొన్నతో పాటు తీగజాతి కూరగాయల పంటలను నాటుకోవాలి. జిల్లాలో కరువు ఛాయలు 16 మండలాల్లో లోటు వర్షపాతం అడుగంటుతున్న భూగర్భ జలాలు మండుతున్న ఎండలు.. ఎండుతున్న పంటలు నష్టనివారణ చర్యలకు అధికారుల కసరత్తు జిల్లాలో నెలకొన్న పరిస్థితిని ఎప్పటికప్పుడు ప్రభుత్వానికి వివరిస్తున్నాం. ఉద్యాన శాఖ ద్వారా ప్రభుత్వం డ్రిప్‌, స్ప్రింక్లర్లు అందిస్తోంది. మల్చింగ్‌ షీట్లు, డ్రిప్పు, మినీ స్ప్రింక్లర్లు, విత్తనాలు, షేడ్‌నెట్‌లు, రాయితీపై ఇస్తే బాగుంటుందని సిఫారసు చేశాం. గ్రామాలు, పట్టణాల్లో నీటి వృథాను అరికట్టాలి. వర్షపు నీటిని భూమిలో ఇంకించే పనులు పెరగాలి. పంటలకు నీటి వినియోగాన్ని తగ్గించుకుని పశువులు, మనుషుల తాగునీటి అవసరాలకు ఇబ్బంది లేకుండా చూసుకోవాలి. ఈనెల 22నుంచి నవంబర్‌ 30 వరకు అవగాహన కార్యక్రమాలు నిర్వహిస్తాం. కేతీ బచావో పేరుతో కేంద్ర ప్రభుత్వం చేపడుతున్న కార్యక్రమానికి అందరూ సహకరించాలి. – దీపక్‌తివారి, కలెక్టర్‌, వికారాబాద్‌ జిల్లా

మోమిన్‌పేట: విద్యుత్‌ షార్ట్‌ సర్క్యూట్‌ సంభవించిన వెల్‌చాల్‌ చర్చిని శనివారం స్పీకర్‌ గడ్డం ప్రసాద్‌కుమార్‌ సందర్శించారు. చర్చిలో కాలిపోయిన ఫర్నిచర్‌ను పరిశీలించారు. అనంతరం కమిటీ సభ్యులతో మాట్లాడారు. నీటి సమస్య పరిష్కారానికి బోరు మంజూరు చేస్తానని హామీ ఇచ్చారు. ఆయన వెంట సర్పంచ్‌ శ్రీనివాస్‌, మర్పల్లి మార్కెట్‌ కమిటీ చైర్మన్‌ మహేందర్‌రెడ్డి, కాంగ్రెస్‌ మండల అధ్యక్షుడు, పీఏసీఎస్‌ చైర్మన్‌ శంకర్‌, మండల సర్పంచుల సంఘం అధ్యక్షుడు సురేందర్‌ పార్టీ నాయకులు తదితరులు ఉన్నారు. పరిగి: ప్రజల భద్రతే లక్ష్యంగా పనిచేస్తామని మున్సిపల్‌ కమిషనర్‌ మల్లేశ్‌ అన్నారు. పట్టణం వీధి కుక్కల నియంత్రణ చర్యలు చేపట్టారు. ఈమేరకు శనివారం బ్లూ క్రాస్‌ ఆధ్వర్యంలో 170 శునకాలను పట్టించారు. అనంతరం ఆయన మాట్లాడుతూ.. వీధి కుక్కలను పట్టుకుని, వాటి వ్యాప్తి జరగకుండా శస్త్ర చికిత్సలు చేయించి, ఇతర ప్రాంతాలకు తరలిస్తున్నామని తెలిపారు. మిగిలిన వాటిని కూడా పట్టుకుంటామన్నారు. కార్యక్రమంలో మున్సిపల్‌ సిబ్బంది తదితరులు పాల్గొన్నారు. తాండూరు టౌన్‌: పట్టణంలోని సాయిపూర్‌ ప్రసన్న అభయాంజనేయ స్వామి ఆలయంలో శనివారం ఉత్సవాలు వైభవంగా జరిగాయి. స్థానికులు పెద్ద ఎత్తున తరలివచ్చి స్వామివారికి ప్రత్యేక పూజలు చేశారు. మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి దంపతులు పల్లకీ సేవలో పాల్గొన్నారు. గ్రామ పెద్దల ఆధ్వర్యంలో భక్తులకు మహా అన్నదాన కార్యక్రమం నిర్వహించారు. కౌన్సిలర్లు బంటు వేణుగోపాల్‌, శ్రీకాంత్‌, పురవాసులు పాల్లొన్నారు. డీఆర్‌డీఓ శ్రీనివాస్‌ మర్పల్లి: అర్హులైన వితంతువులు, ఒంటరి మహిళలకు ప్రభుత్వం త్వరలోనే ఆసరా పింఛన్లు అందించనుందని డీఆర్‌డీఓ శ్రీనివాస్‌ అన్నారు. మండల పరిధిలోని కొంషెట్‌పల్లి, పట్లూర్‌, మర్పల్లి, కొత్లాపూర్‌, సిరిపురంలో ఆన్‌లైన్‌ ద్వారా వచ్చిన దరఖాస్తులపై శనివారం ఎంపీడీఓ శాంత, ఏపీఎం సమ్మయ్యతో కలిసి క్షేత్రస్థాయి విచారణ చేశారు. అనంతరం ఆయా గ్రామాల్లో ఇంకుడు గుంతలు, బోర్‌వెల్‌ స్ట్రక్చర్‌ పనులను పరిశీలించారు. ఆయన వెంట ఏపీఓ అంజిరెడ్డి, ఆయా గ్రామాల సర్పంచ్‌లు రఫియొద్దీన్‌, పరషురామ్‌, లక్ష్మి మాధవరెడ్డి, సంగీతకృష్ణారెడ్డి, వార్డు మెంబర్లు ఉన్నారు. మీర్‌పేట: అర్హులైన పట్టభద్రులంతా ఓటు హక్కు నమోదు చేసుకునేలా నాయకులు, కార్యకర్తలు అవగాహన కల్పించాలని మాజీ మంత్రి, ఎమ్మెల్యే సబితారెడ్డి, ఎమ్మెల్సీ సురభి వాణిదేవి సూచించారు. మీర్‌పేటలోని ఎమ్మెల్యే క్యాంపు కార్యాలయంలో పట్టభద్రుల ఓటర్ల నమోదు అంశంపై శనివారం నిర్వహించిన నియోజకవర్గ స్థాయి ముఖ్య కార్యకర్తల సమావేశానికి వారు హాజరయ్యారు. ఈ సందర్భంగా మాట్లాడుతూ.. నియోజకవర్గంలోని బీఆర్‌ఎస్‌ శ్రేణులంతా సమన్వయంతో పనిచేసి పెద్ద ఎత్తున పట్టభద్రులను ఓటర్లుగా నమోదు చేయాలన్నారు.

● హార్వెస్టర్‌ లీజ్‌ పత్రాల పరిశీలన ● ఏపీఎంపై వచ్చిన ఆరోపణలపై ఆరా తాండూరు రూరల్‌: తాండూరు మండల మహిళా సమాఖ్య కార్యాలయంలో శనివారం విజిలెన్స్‌ అధికారులు విచారణ చేపట్టారు. వరికోత యంత్రం వినియోగంతో పాటు ఏపీఎం బాలయ్యపై వచ్చిన అభియోగాలపై వివరాలు సేకరించారు. హార్వెస్టర్‌ లీజు పత్రాలు, ఆఫీసు ఖర్చులపై ఆరా తీశారు. అనంతరం డీపీఎం శేఖర్‌, ఏపీఎం బాలయ్యతో పాటు మహిళా సమాఖ్య అధ్యక్ష, కార్యదర్శి, కోశాధికారి భాగ్యలక్ష్మి, భానుప్రియ, నాగమ్మ, అకౌంటెంట్‌ కవితతో విడివిడిగా మాట్లాడి వివరాలు సేకరించారు. ఈ నివేదికను వారం రోజుల్లో డీఆర్‌డీఓకు అందజేస్తామని వీబీజీరామ్‌జీ జిల్లా విజిలెన్స్‌ అధికారి కుసుమ మాధురి, సీబీఓఏ అడిట్‌ అధికారి ప్రవీణ్‌రెడ్డి స్పష్టంచేశారు.

అనంతగిరి: వికారాబాద్‌లో చేపట్టిన ఫ్లైఓవర్‌ పనులను వేగవంతం చేయాలని శాసనసభ స్పీకర్‌ జి.ప్రసాద్‌ కుమార్‌ సంబంధిత అధికారులను ఆదేశించారు. ఈ మేరకు శనివారం కలెక్టర్‌ దీపక్‌ తివారి, ప్రజా ప్రతినిధులు, అధికారులతో కలిసి పనులను పరిశీలించారు. ఈ సందర్భంగా స్పీకర్‌ మాట్లాడుతూ.. గడువులోపు అందుబాటులోకి తేవాలన్నారు. నాణ్యత పాటించేలా చూడాలని అధికారులకు సూచించారు. రవాణాపరంగా ప్రజలకు ఇబ్బంది కలగకుండా చూడాలని, ట్రాఫిక్‌కు అంతరాయం ఏర్పడకుండా చర్యలు తీసుకోవాలని తెలిపారు. సంబంధిత శాఖలు సమన్వయంతో పనిచేస్తూ, పనుల పురోగతిపై ఎప్పటికప్పుడు పర్యవేక్షించాలన్నారు. ఫ్లైఓవర్‌ నిర్మాణంలో ఆస్తులు కోల్పోయిన వారికి వారం రోజుల్లో పరిహారం అందేలా చర్యలు తీసుకుంటామని స్పష్టంచేశారు. ఈ కార్యక్రమంలో ఆర్డీఓ వాసుచంద్ర, ఆర్‌అండ్‌బీ ఎగ్జిక్యూటివ్‌ ఇంజనీర్‌ శ్రీధర్‌రెడ్డి, డీసీసీబీ డైరెక్టర్‌ కిషన్‌ నాయక్‌, మున్సిపల్‌ వైస్‌ చైర్మన్‌ సుధాకర్‌రెడ్డి, మార్కెట్‌ కమిటీ చైర్మన్‌ చాపల శ్రీనివాస్‌ ముదిరాజ్‌, మున్సిపల్‌ మాజీ చైర్మన్‌ సత్యనారాయణ, మాజీ వైస్‌ చైర్మన్‌ చిగుళ్లపల్లి రమేష్‌ కుమార్‌, మున్సిపల్‌ కౌన్సిలర్లు, అధికారులు తదితరులు పాల్గొన్నారు. ఫ్లైఓవర్‌ పనులను వేగవంతం చేయాలి స్పీకర్‌ గడ్డం ప్రసాద్‌కుమార్‌ కలెక్టర్‌ దీపక్‌తివారితో కలిసి పనుల పరిశీలన

ఆమనగల్లు: రోడ్డు ప్రమాదంలో గ్రామ కార్యదర్శికి గాయాలయ్యాయి. వివరాలివీ.. తలకొండపల్లి మండలం వెల్జాల గ్రామ కార్యదర్శిగా పనిచేస్తున్న వాజిద్‌ ఆమనగల్లులో ఉంటూ విధులు నిర్వర్తిస్తున్నారు. విధి నిర్వహణలో భాగంగా శుక్రవారం ఉదయం బైక్‌పై వెల్జాల వెళ్తుండగా చింతలపల్లి గ్రామం దాటిన తరువాత పలుగుగుట్ట సమీపంలో ఎదురుగా వస్తున్న ఆటో ఢీకొట్టింది. ఈ ప్రమాదంలో వాజిద్‌ తీవ్రంగా గాయపడ్డాడు. వెంటనే 108 అంబులెన్స్‌లో చికిత్స కోసం వెల్దండలోని ఎన్నం ఆస్పత్రికి తరలించారు. పోలీసులు కేసు నమోదు చేసి దర్యాప్తు జరుపుతున్నారు.

యాలాల: మండలంలోని దౌలాపూర్‌ శివారులో ఇంటిగ్రేటెడ్‌ స్కూల్‌కు కేటాయించిన స్థలానికి సంబంధించి బాధిత రైతులకు పరిహారం అందించాలని కేవీపీఎస్‌ జిల్లా ప్రధాన కార్యదర్శి మల్క య్య, ఎమ్మార్పీఎస్‌ జిల్లా నాయకుడు డప్పు మహేందర్‌ డిమాండ్‌ చేశారు. అధికారులు చర్యలు తీసుకోకుంటే సోమవారం నుంచి తహసీల్దార్‌ కార్యాలయం ఎదుట నిరాహార దీక్షలు చేపట్టనున్నట్లు తెలిపారు. శుక్రవారం యాలాలలో భూ బాధితులతో కలిసి విలేకరులతో మాట్లాడారు. దౌలాపూర్‌లోని సర్వే నంబరు 73లో 25 ఎకరాల భూమిని ఇంటిగ్రేటెట్‌ పాఠశాలకు కేటాయించారన్నారు. ఇదే స్థలంలో దౌలాపూర్‌, చెన్నారం తదితర గ్రామాలకు చెందిన దళితులకు ప్రభుత్వ భూమి కేటాయించారన్నారు. మొన్నటి వరకు ఆ భూమిని నమ్ముకుంటూ బతుకుతున్న పేదలకు ఎలాంటి సమాచారం లేకుండా లాక్కోవడం తగదన్నారు. భూ బాధితులకు వెంటనే పరిహారం అందేలా ఉన్నతాధికారులు చర్యలు తీసుకోవాలన్నారు. లేనిపక్షంలో నిరాహార దీక్షకు దిగుతామని హెచ్చరించారు. కార్యక్రమంలో బాధిత రైతులు నర్సింహులు, మల్కప్ప, బాలరాజ్‌, వెంకటయ్య, చంద్రమ్మ తదితరులు పాల్గొన్నారు.

షాద్‌నగర్‌: ప్రభుత్వం వెంటనే పీఆర్సీని ప్రకటించాలని పెన్షనర్ల సంఘం రాష్ట్ర అధ్యక్షుడు వెంకట్‌రెడ్డి డిమాండ్‌ చేశారు. పట్టణంలోని పెన్షనర్స్‌ భవనంలో శుక్రవారం సంఘం జిల్లా కార్యవర్గ సమావేశం నిర్వహించారు. సమావేశానికి ముఖ్య అతిథిగా విచ్చేసిన వెంకట్‌రెడ్డి మాట్లాడుతూ.. ప్రభుత్వం ఎమ్మెల్సీ ఎన్నికల కంటే ముందే ఉద్యోగుల పీఆర్సీని ప్రకటించాలని కోరారు. సమస్యలు పరిష్కరించే వారికే తమ మద్దతు ప్రకటిస్తామని స్పష్టం చేశారు. పీఆర్సీని ప్రకటించడంతో పాటు పాత బకాయిలను వెంటనే విడుదల చేయాలన్నారు. సమావేశంలో సంఘం జిల్లా అధ్యక్షుడు సరాపు జగదీశ్వర్‌, రాష్ట్ర ప్రధాన కార్యదర్శి ఉస్మాన్‌, నాయకులు సుధాకర్‌రెడ్డి, జనార్దన్‌, కృష్ణయ్య, నర్సింలు, రమేష్‌, పాండు, అబ్దుల్‌ గఫార్‌, నందిగామ సురేష్‌ పాల్గొన్నారు.

కుల్కచర్ల: సమగ్ర భూసర్వేతో భవిష్యత్తులో భూ సంబంధ సమస్యలు తగ్గుముఖం పడతాయని భూసర్వే ఏడీ మధుసూదన్‌ రావు అన్నారు. శుక్రవారం మండలంలోని సాల్వీడులో గ్రామసభను నిర్వహించారు. ఈ సందర్భంగా ఆయన మాట్లాడుతూ.. సమగ్ర భూసర్వేతో భూముల హద్దులు గుర్తిస్తారని, క్రయ విక్రయాలు చేసే సమయంలో ఇది ఉపయోగ పడుతుందని తెలిపారు. రైతులకు రెవెన్యూ సేవలను సులభతరం చేసేందుకే ప్రభుత్వం సమగ్ర భూసర్వే చేపట్టిందని, ఇందుకు ప్రతి ఒక్కరూ సహకరించాలని కోరారు. కార్యక్రమంలో కాంగ్రెస్‌ పార్టీ మండల అధ్యక్షుడు గోపాల్‌ నాయక్‌, సర్పంచ్‌ లక్ష్మమ్మ, ఉప సర్పంచ్‌ సంధ్యారాణి, దీప్లానాయక్‌ తండా సర్పంచ్‌ అంజలి, పీరంపల్లి సర్పంచ్‌ వెంకటయ్య, గిర్దవరి రవీందర్‌చారి తదితరులు పాల్గొన్నారు.

కొడంగల్‌: పట్టణంలోని ప్రధాన రహదారి విస్తరణకు అధికారులు రంగం సిద్ధం చేశారు. ముఖ్యమంత్రి రేవంత్‌రెడ్డి గురువారం కొడంగల్‌కు వచ్చిన సందర్భంఆ రోడ్ల పరిస్థితిని గమనించారు. ఏడాది క్రితమే విస్తరణకు అధికారులు సమాయత్తమయ్యారు. గత ఏడాది అక్టోబర్‌ ఒకటిన రహదారికి ఇరువైపులా 60 అడుగులు వరకు విస్తరించడానికి మార్కింగ్‌ వేశారు. స్థానికుల విజ్ఞప్తి మేరకు 10 అడుగులు తగ్గించి 50కి కుదించారు. ఎంత మంది నివాసాలు, స్థలాలు పోతున్నాయో గుర్తించివారికి నోటీసులు ఇచ్చారు. నష్ట పరిహారం విషయంలో బాధితులతో అధికారులు చర్చించారు. కొందరి నుంచి అంగీకార పత్రాలు తీసుకున్నారు. అయితే పనులు ప్రారంభించడంలో జాప్యం జరిగింది. గురువారం సీఎం పర్యటన సందర్భంగా రోడ్లను చూసి వెంటనే పనులు ప్రారంభించాలని అధికారులను ఆదేశించారు. దీంతో మున్సిపల్‌ చైర్మన్‌ నందారం ప్రశాంత్‌, కమిషనర్‌ బలరాం నాయక్‌, తహసీల్దార్‌ రాంబాబు, ఆర్‌అండ్‌బీ అధికారులు శుక్రవారం ప్రధాన రహదారికి ఇరువైపులా స్థలపరిశీలన చేశారు. రోడ్డు మధ్య నుంచి అటు 25 అడుగులు, ఇటు 25 ఫీట్లు మొత్తంగా 50 అడుగులు రోడ్డు వేయనున్నట్లు అధికారులు తెలిపారు. లాహోటీ కాలనీ నుంచి గుడి వరకు.. పట్టణంలోని లాహోటీ కాలనీ నుంచి వినాయక చౌరస్తా మీదుగా మహాలక్ష్మీ వేంకటేశ్వర స్వామి ఆలయం వరకు ప్రధాన రహదారిని విస్తరించనున్నారు. ఈ మేరకు అధికారులు పర్యటించి స్థానికంగా ఉన్న సమస్యలను తెలుసుకున్నారు. స్థలాల యజమానులతో మాట్లాడారు. విస్తరణ పనులు ప్రారంభం అవుతాయని తెలిపారు. బాధితులకు ఇవ్వాల్సిన పరిహారం అధికారులు లెక్క కట్టి ఇస్తారని అన్నారు. పట్టణ ప్రజలకు మెరుగైన రవాణా సౌకర్యం కల్పించడంతో పాటు కొడంగల్‌ను అన్ని రంగాల్లో అభివృద్ధి చేయడమే లక్ష్యంగా పని చేస్తున్నట్లు మున్సిపల్‌ చైర్మన్‌ నందారం ప్రశాంత్‌ తెలిపారు. కార్యక్రమంలో మున్సిపల్‌ కౌన్సిలర్లు, పలు శాఖల అధికారులు పాల్గొన్నారు. వినాయక చౌరస్తా విస్తరణ పట్టణంలోని వినాయక చౌరస్తా ఇరుకుగా ఉండడం వల్ల ట్రాఫిక్‌ సమస్యలు ఎదురవుతున్నాయి. మహబూబ్‌నగర్‌ – చించోలీ జాతీయ రహదారి విస్తరణలో భాగంగా వినాయక చౌరస్తాను విస్తరించాల్సి ఉంది. వినాయక చౌరస్తా సమీపంలో ప్రభుత్వ జూనియర్‌ కళాశాల, జిల్లా పరిషత్‌ ఉన్నత పాఠశాల, ప్రభుత్వ వసతి గృహాలు, ప్రాథమిక, ప్రాథమికోన్నత పాఠశాలలు ఉన్నాయి. నిత్యం వేలాది మంది విద్యార్థులు తిరుగుతుంటారు. రోజా ఈ ప్రాంతం రద్దీగా ఉంటుంది. ప్రయాణికులను ఎక్కించుకోడానికి దించడానికి ఆర్టీసీ బస్సులు కూడా ఇక్కడే ఆగుతాయి. దీంతో ట్రాఫిక్‌ సమస్య ఏర్పడుతోంది. మహబూబ్‌నగర్‌ జిల్లా కేంద్రం నుంచి కొడంగల్‌, తాండూరు మీదుగా కర్ణాటక రాష్ట్రం చించోలీ వరకు జాతీయ రహదారిని నిర్మిస్తున్నారు. బెంగళూరు, ముంబై జాతీయ రహదారులను కలిపే ఈ రహదారిపై నిత్యం వేలాది వాహనాలు తిరుగుతాయి. మహబూబ్‌నగర్‌, కొడంగల్‌, తాండూరు మీదుగా చించోలి, మన్నాకెళ్లి వరకు నాలుగు లేన్ల రహదారి నిర్మిస్తున్నారు. ఈ క్రమంలో వినాయక చౌరస్తాను వెడల్పు చేయాల్సి ఉందని అధికారులు తెలిపారు.

ఇబ్రహీంపట్నం రూరల్‌: ప్రమాదాలు లేని జిల్లాగా తీర్చిదిద్దాడానికి అధికారులు, ప్రజలు సమష్టిగా కృషి చేయాలని అదనపు కలెక్టర్‌ డాక్టర్‌ కిరణ్మయి పేర్కొన్నారు. జిల్లా సమీకృత కార్యాలయాల సముదాయ భవనంలోని సమావేశ మందిరంలో శుక్రవారం రోడ్డు ప్రమాదాల నివారణకు తీసుకోవాల్సిన చర్యలు, ప్రమాదాలు అధికంగా జరుగుతున్న ప్రాంతాలు, భద్రతా ఏర్పాట్లపై సంబంధిత అధికారులతో సమీక్షించారు. పవర్‌ పాయింట్‌ ప్రజెంటేషన్‌ ద్వారా ప్రమాదాలు అధికంగా జరుగుతున్న ప్రాంతాల వివరాలు పరిశీలించి నియంత్రణకు చేపట్టాల్సిన చర్యలపై చర్చించారు. ఈ సందర్భంగా అదనపు కలెక్టర్‌ మాట్లాడుతూ.. జిల్లాలో రోడ్డు ప్రమాదాల నివారణకు పోలీస్‌, మున్సిపాలిటీ, జాతీయ రహదారులు, రోడ్లు భవనాల వాఖ, రవాణ, ట్రాఫిక్‌, ఆర్టీసీ శాఖల అధికారులు సమన్వయంతో పని చేయాలని సూచించారు. ప్రమాదాలు అధికంగా జరిగే ప్రాంతాలను గుర్తించి అవసరమైన రహదారి భద్రతా చర్యలు చేపట్టాలని ఆదేశించారు. ట్రాఫిక్‌ సిగ్నల్స్‌ సక్రమంగా పని చేసేలా ఎప్పటికప్పుడు తనిఖీలు నిర్వహించాలని, అవసరమైన చోట అదనపు భద్రతా ఏర్పాట్లు చేయాలన్నారు. రక్షణాత్మక డ్రైవింగ్‌ అలవర్చుకోవాలని, వాహనం నడిపేటప్పుడు పరిసరాలను గమనిస్తూ అప్రమత్తంగా ఉండడం ద్వారా ప్రమాదాలను నివారించవచ్చని తెలిపారు. రోడ్డు భద్రతపై పాఠశాల విద్యార్థులు, కళాశాల యువతకు విస్తృతంగా అవగాహన కల్పించాలన్నారు. సమావేశంలో వివిధ శాఖల అధికారులు పాల్గొన్నారు. రోడ్డు ప్రమాదాలను నివారిద్దాం రంగారెడ్డి అదనపు కలెక్టర్‌ కిరణ్మయి

బంట్వారం: మైనింగ్‌ క్వారీ నీటి గుంతలో పడి కర్ణాటక రాష్టం కుంచారానికి చెందిన ఇద్దరు విద్యార్థులు మృతి చెందారు. ఈ ఘటన శుక్రవారం మండలంలోని తెలంగాణ సరిహద్దు బొప్పునారం శివారులో చోటుచేసుకుంది. వివరాలిలా ఉన్నాయి.. గ్రామానికి చెందిన అజయ్‌(14), సురేందర్‌(15) ఈత కొట్టేందుకు సమీపంలోని మణికంట మైనింగ్‌ క్వారీకి వెళ్లారు. వీరితో కలిసి వెళ్లిన రాహుల్‌ అనే యువకుడు గట్టుపై ఉన్నాడు. అజయ్‌, సురేందర్‌ నీటి గుంతలోకి దూకారు. అజయ్‌కు ఈత రాకపోవడంతో సురేందర్‌ను గట్టిగా పట్టుకున్నాడు. ఈ క్రమంలో ఇద్దరూ నీట మునిగి ఊపిరాడక మృతి చెందారు. గట్టుపై నిల్చున్న రాహుల్‌ వెంటనే క్వారీ సిబ్బందికి చెప్పడంతో వారు మృతదేహాలను బయటకు తీశారు. మృతులిద్దరు కుంచారం ప్రభుత్వం పాఠశాలలో చదువుకుంటున్నారు. మైనింగ్‌ యాజమాన్యం క్వారీ గుంతల వద్ద ఎలాంటి భద్రత చర్యలు చేపట్ట లేదని స్థానికులు ఆగ్రహం వ్యక్తం చేశారు. సమాచారం అందిన వెంటనే ధారూరు సీఐ రఘురాములు, ఎస్‌ఐ పుండ్లిక్‌ ఘటనా స్థలానికి చేరుకుని పంచనామా జరిపించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ రఘురాములు తెలిపారు. మృతదేహలను పోస్టుమార్టం నిమిత్తం మర్పల్లి ప్రభుత్వ ఆస్పత్రికి తరలించారు.

కొత్తూరు: సిద్ధాపూర్‌లో డంప్‌యార్డు ఏర్పాటు కోసం ప్రభుత్వం జారీ చేసిన జీవో నంబర్‌ 641ను రద్దు చేసే వరకు దీక్షలు కొనసాగుతాయని జేఏసీ అధ్యక్షుడు రాంబాల్‌నాయక్‌ స్పష్టం చేశారు. గ్రామంలో కొనసాగుతున్న దీక్షలు శుక్రవారంతో 20 రోజులకు చేరాయి. ఈ సందర్భంగా ఆయన మాట్లాడుతూ.. డంప్‌యార్డు ఏర్పాటుతో సమీపంలోని 50 గ్రామాల్లో ప్రజలు అన్ని రకాలుగా నష్టపోతారని ఆందోళనలు చేస్తున్నా ప్రభుత్వం పట్టించుకోకపోవడం దారుణమన్నారు. ఇప్పటికే జవహర్‌నగర్‌ డంప్‌యార్డుతో పెద్ద ఎత్తున జల, వాయు, ఇతర కాలుష్యాలు వెలువడుతున్నట్లు ఇటీవలే ఆరోగ్య సంస్థలు చేసిన పరిశోధనల్లో తేలిందన్నారు. ఇవేవీ పట్టించుకోకుండా సాంకేతికత పేరుతో డంప్‌యార్డు ఏర్పాటుకు ప్రభుత్వం తీసుకున్న నిర్ణయాన్ని ఉపసంహరించుకోవాలన్నారు. కార్యక్రమంలో నాయకులు బాలయ్య, మహేశ్‌, రాజేందర్‌రెడ్డి, శ్రీధర్‌చారి, నరేందర్‌రెడ్డి, ప్రశాంత్‌ పాల్గొన్నారు. తుర్కయంజాల్‌: అక్రమంగా మట్టి తవ్వకం, తరలింపు చేపడితే చట్టరీత్యా చర్యలు తప్పవని మైనింగ్‌ సర్వేయర్‌ సుజాత తెలిపారు. శుక్రవారం ఆమె ఆర్‌ఐలు ఇందిర, వెంకన్నతో కలిసి ఆదిభట్ల సర్కిల్‌ పరిధి రాగన్నగూడ లక్ష్మీ మెగా టౌన్‌షిప్‌లో అనుమతులు లేకుండా చేపడుతున్న మైనింగ్‌ పనులను పరిశీలించారు. అనంతరం కొలతలు తీసుకున్నారు. ఈ సందర్భంగా వారు మాట్లాడుతూ.. మైనింగ్‌ నిర్వాహకులు గతంలో అనుమతలు పొందిన దాని కంటే అదనంగా మట్టిని తవ్వినందుకు జరిమానా విధించినట్టు తెలిపారు. అయినా తీరు మార్చుకోకుండా యథావిధిగా రాత్రి వేళల మైనింగ్‌ చేపడుతున్నట్లు గుర్తించామన్నారు. కొలతల ఆధారంగా మరోసారి జరిమానా విధించడంతో పాటు ఉన్నతాధికారులకు నివేదిక అందజేస్తామని వెల్లడించారు. మంచాల: ఫుడ్‌ డెలివరీ ముసుగులో గంజాయి సరఫరా చేస్తున్న యువకులను ఎస్‌ఓటీ పోలీసులు పట్టుకున్నారు. వారి నుంచి 1.1 కిలోల గంజాయి స్వాధీనం చేసుకున్నారు. వివరాలు ఇలా ఉన్నాయి. ఆంధ్రప్రదేశ్‌ రాష్ట్రం అరకు ప్రాంతానికి చెందిన ప్రదీప్‌, గద్వాల్‌ జిల్లా అయిజ మండలం ఉప్పల్‌ గ్రామానికి చెందిన గడుమూర్‌ సుకేష్‌ బాబు (28), గద్వాల్‌ జిల్లా రాజోలి మండలం మాన్‌దొడ్డి గ్రామానికి చెందిన గంపటపోగు రవి (29) గంజాయి వంటి మత్తు పదార్థాలను అనుమానం రాకుండా ఫుడ్‌ డెలివరీ మాదిరిగా గ్రామాలకు నేరుగా చేరవేస్తున్నారు. సమాచారం అందుకున్న ఎస్‌ఓటీ పోలీసులు నిఘా పెట్టి శుక్రవారం వారిని మంచాల మండలం ఆగాపల్లి క్రాస్‌రోడ్డు వద్ద పట్టుకున్నారు. వారి నుంచి 1.1 కిలోల ఎండు గంజాయి, మోటార్‌ సైకిల్‌, వేయింగ్‌ మిషన్‌, రెండు సెల్‌ఫోన్లు స్వాధీనం చేసుకున్నట్లు తెలిసింది. గడుమూర్‌ సుకేష్‌ బాబు, గంపటపోగు రవి పోలీసుల అదుపులో ఉండగా, ప్రధాన నిందితుడు ప్రదీప్‌ పరారీలో ఉన్నట్లు సమాచారం. కేసును మంచాల పోలీసులకు అప్పగించినట్లు తెలిసింది.

షాద్‌నగర్‌: ‘రైతులకు విద్యుత్‌ సరఫరా విషయంలో ఎలాంటి ఇబ్బందులు వచ్చినా క్షేత్రస్థాయిలో పర్యటిస్తూ పరిశీలిస్తున్నాం. ఒక్క ఫోన్‌ చేస్తే చాలు అంతరాయాలు, ఇతర సాంకేతిక సమస్యలపై ప్రజల నుంచి వచ్చిన ఫిర్యాదులపై వెంటనే స్పందించి పరిష్కరిస్తున్నాం. వర్షాభావ పరిస్థితులతో సతమతమవుతున్న అన్నదాతలకు ప్రభుత్వ ఆదేశాల మేరకు అదనపు విద్యుత్‌ సరఫరా చేస్తున్నాం’ అని షాద్‌నగర్‌ ట్రాన్స్‌కో డీఈ శ్యాంసుందర్‌రెడ్డి తెలిపారు. విద్యుత్‌ సమస్యల పరిష్కారంపై డీఈ వెల్లడించిన అంశాలు ఆయన మాటల్లోనే.. ప్రశ్న: రైతులకు విద్యుత్‌ అందించే విషయంలో ఎలాంటి చర్యలు తీసుకుంటున్నారు? జవాబు: విద్యుత్‌ సమస్యలపై పూర్తి స్థాయిలో దృష్టి సారించాం. ఇంతకు ముందు 9 గంటల విద్యుత్‌ ఇచ్చే వాళ్లం. ఇప్పుడు అదనంగా ప్రభుత్వ ఆదేశాల మేరకు మూడు గంటలు పెంచాం. ప్రశ్న: ౖనియోజకవర్గంలో రైతులకు సంబంధించి ఎన్ని విద్యుత్‌ కనెక్షన్లు ఉన్నాయి. ఎంత విద్యుత్‌ అవసరం ఉంది? జవాబు: 40వేల వ్యవసాయ విద్యుత్‌ కనెక్షన్లు ఉన్నాయి. 112 మెగావాట్ల డిమాండ్‌ ఉంది. ఎల్‌నినో ప్రభావంతో వినియోగం బాగా పెరిగింది. డిమాండ్‌ మేరకు ప్రణాళికాబద్ధంగా సరఫరా చేస్తున్నాం. ప్రశ్న: ౖక్షేత్ర స్థాయిలో మీ దృష్టికి రాకుండా పలుచోట్ల సమస్యలు ఉత్పన్నం అవుతున్నాయి. వీటిని ఏవిధంగా పరిష్కరిస్తున్నారు? జవాబు: ప్రతి రోజు ఏదో ఒక గ్రామానికి వెళ్లి రైతులతో మాట్లాడుతున్నాం. ఇబ్బందులను క్షేత్రస్థాయిలో తెలుసుకొని పరిష్కరిస్తున్నాం. ప్రశ్న: ౖకాలం చెల్లించిన ట్రాన్స్‌ఫార్మర్లు, స్తంభాలు, విద్యుత్‌ తీగలతో సమస్యలు ఏర్పడుతున్నాయి. ఏవిధమైన చర్యలు తీసుకుంటున్నారు? జవాబు: ఇప్పటికే చాలామంది రైతులు ఈ సమస్యలు మా దృష్టికి తెచ్చారు. అవసరమైన ట్రాన్స్‌ఫార్మర్లు ఏర్పాటు చేయడం, స్తంభాలు, వైర్లు మార్చి సమస్యలు ఎప్పటికప్పుడు పరిష్కరిస్తున్నాం. ప్రస్తుతం వ్యవసాయం విషయంలో విద్యుత్‌ చాలా కీలకం. ఎలాంటి సమస్య వచ్చినా వెంటనే స్పందించి సిబ్బందిని అప్రమత్తం చేస్తున్నాం. ప్రశ్న: ౖరైతులకు సమస్యలు వస్తే అధికారులు, సిబ్బంది అందుబాటులో ఉండరనే ఆరోపణలు ఉన్నాయి. వీటిని ఎలా అధిగమిస్తారు? జవాబు: లైన్‌మెన్‌ నుంచి ఉన్నతస్థాయి అధికారుల వరకు అందరం అందుబాటులో ఉంటున్నాం. ఒక్కఫోన్‌ కాల్‌ చేస్తే చాలు సమస్య ఉన్న చోటకు వెళ్లి వెంటనే పరిష్కరిస్తున్నాం. ఈ విషయంలో ఎలాంటి రాజీలేదు. సిబ్బంది స్పందించకపోతే చర్యలు తప్పవు. ప్రశ్న: ౖలో ఓల్టేజీ సమస్యతో ఇబ్బంది పడుతున్నామని మున్సిపాలిటీలోని కొన్ని కాలనీవాసులు చెబుతున్నారు. ఎలాంటి చర్యలు తీసుకుంటున్నారు? జవాబు: గతంలో కొన్ని కాలనీల్లో లోఓల్జేజీ సమస్య ఉన్న మాట వాస్తవం. సమస్యలు ఉన్న కాలనీలను గుర్తించి కొత్త ట్రాన్స్‌ఫార్మర్లు, స్తంభాలు, వైర్లు ఏర్పాటు చేశాం. ఇప్పటికీ ఎక్కడైనా సమస్య ఉంటే మా దృష్టికి తీసుకొస్తే వెంటనే పరిష్కరిస్తాం. విద్యుత్‌ సమస్యలకు పరిష్కారం ఫిర్యాదులపై తక్షణం స్పందన క్షేత్రస్థాయికి విద్యుత్‌ సిబ్బంది రైతులకు ఎలాంటి ఇబ్బందులు రానీయం ‘సాక్షి’తో షాద్‌నగర్‌ ట్రాన్స్‌కో డీఈ శ్యాంసుందర్‌రెడ్డి

కొడంగల్‌: పట్టణంలోని సబ్‌స్టేషన్‌లో శుక్రవారం ఉదయం అగ్ని ప్రమాదం చోటుచేసుకుంది. ఉదయం నుంచి సాయంత్రం వరకు 10 గ్రామాలకు విద్యుత్‌ సరఫరా ఆగిపోయింది. ట్రాన్స్‌ఫార్మర్ల నుంచి ఆయిల్‌ లీక్‌ కావడంతోనే ప్రమాదం జరిగినట్లు తెలిసింది. లీకేజీ విషయం కింది స్థాయి సిబ్బందికి తెలియజేసినా వారు పట్టించుకోలేదని సమాచారం. ఉదయం 8 గంటల సమయంలో సబ్‌స్టేషన్‌లో అకస్మాత్తుగా మంటలు చెలరేగినట్లు పరిసర వాసులు తెలిపారు. పరిస్థితిని గమనించిన సిబ్బంది వెంటనే అగ్నిమాపక సిబ్బందికి సమాచారం ఇచ్చారు. వారు ఘటనా స్థలానికి చేరుకొని మంటలను అదుపులోకి తెచ్చారు. కొడంగల్‌లో సాయంత్రం ఆరుగంటలకు విద్యుత్‌ సరఫరాను పునరుద్ధరించారు.

పరిగి: ట్రాఫిక్‌ నిబంధనలను బేఖాతరు చేస్తూ ఆకతాయిలు ప్రజల ప్రాణాలతో చెలగాటమాడుతున్నారు. గురువారం రాత్రి పరిగి పట్టణంలో ఓ వ్యక్తి వేగంగా వెళ్తున్న కారు టాప్‌పై కూర్చొని ప్రమాదకర విన్యాసాలు చేశాడు. ఈ వీడియో శుక్రవారం సోషల్‌ మీడియలో వైరల్‌గా మారింది. పట్టణ పరిధిలోని బీజాపూర్‌ – హైదరాబాద్‌ జాతీయ రహదారిపై కొందరు వ్యక్తులు వేగంగా కారు నడిపారు. ఓ వ్యక్తి కారు టాప్‌పై కూర్చుని చల్‌చల్‌ చేశారు. తోటి వాహనదారులను భయాందోళనకు గురి చేశారు. ఇలాంటి వ్యక్తుల కారణంగానే ప్రమాదాలు చోటు చేసుకుంటున్నాయని పలువురు అభిప్రాయం వ్యక్తం చేశారు. ఒకరు కారు టాప్‌పై కూర్చొని మరో ముగ్గురు లోపల ఉన్నట్ల తెలిసింది. మద్యం మత్తులో కారు నడిపారని స్థానికులు ఆరోపించారు. ఆకతాయిలపై చట్టపరమైన చర్యలు తీసుకోవాలని కోరారు. ఈ విషయమై ఎస్‌ఐ మోహనకృష్ణను వివరణ కోరగా వాహనాన్ని గుర్తించామని కేసు నమోదు చేస్తామని తెలిపారు. పరిగి పట్టణంలో ఘటన ఆందోళనకు గురైన ప్రజలు, వాహనదారులు కేసు నమోదు చేస్తామన్న ఎస్‌ఐ

వికారాబాద్‌: రేడియల్‌ రోడ్డు దిశగా వడివడిగా అడుగులు పడుతున్నాయి. ఇప్పటికే టెండర్‌ ప్రక్రియను పూర్తి చేసిన ప్రభుత్వం త్వరలో పనులు ప్రారంభించేందుకు కసరత్తు చేస్తోంది. నవంబర్‌ మొదటి వారంలో సీఎం చేతుల మీదుగా భూమిపూజ చేసేందుకు అధికారులు ఏర్పాట్లు చేస్తున్నారు. శంషాబాద్‌ సమీపంలోని బుద్వేల్‌ ఔటర్‌ రింగ్‌ రోడ్డు ఎగ్జిట్‌ నంబర్‌ 17 నుంచి శంషాబాద్‌, షాబాద్‌, పరిగి, పూడూరు, దోమ మండలాల మీదుగా కొడంగల్‌ నియోజకవర్గ పరిధిలోని హకీంపేట్‌ వరకు రేడియల్‌ రోడ్డు నిర్మించనున్నారు. ఈ రోడ్డు రాజేంద్రనగర్‌, చేవెళ్ల, పరిగి, కొడంగల్‌ నియోజకవర్గాలను కలపనుంది. ఔటర్‌ రింగు రోడ్డు నుంచి ప్రారంభమై నేషనల్‌ హైవే 167తో అనుసంధానం చేస్తుంది. నాలుగు నెలల క్రితమే సీఎం రేవంత్‌రెడ్డి ఈ విషయాన్ని ప్రకటించగా దీనికి సంబంధించిన ప్రక్రియను అధికారులు ముమ్మరం చేశారు. 81 కిలోమీటర్ల దూరం ఆరు వరుసలుగా నిర్మించనున్నారు. ఇందు కోసం రూ.3,295 కోట్లు ఖర్చు చేయనున్నారు. రింగ్‌రోడ్డును కలుపుతూ రెండవ రేడియల్‌ రోడ్డుగా అభివృద్ధి చేస్తారు. వికారాబాద్‌, రంగారెడ్డి జిల్లాల్లో భూ సేకరణ ప్రక్రియ దాదాపు పూర్తయ్యింది. టెండర్‌ ప్రక్రియను పూర్తి చేశారు. 246 అడుగుల వెడ ల్పుతో 81 కిలోమీటర్ల దూరం వరకు నాలుగు వరుసలుగా ఈ గ్రీన్‌ ఫీల్డ్‌ హైవేను నిర్మించనున్నారు. భవిష్యత్తులో మెట్రోను సైతం అనుసంధానించేలా భూసేకరణ, డిజైన్‌ చేశారు. 18 గ్రామాల మీదుగా.. జిల్లాలోని ఆరు మండలాల పరిధిలోని 18 గ్రామాల మీదుగా రేడియల్‌ రోడ్డు వెళ్లనుంది. దోమ మండలంలో తొమ్మిది గ్రామాల మీదుగా వెళ్తుంది. ఆ గ్రామాల్లో భూ సేకరణ పూర్తి చేశారు. కుల్కచర్ల, పూడూరు మండలాల్లో ఒక్కో గ్రామం మీదుగా.. పరిగి మండలంలో ఐదు గ్రామాల మీదుగా, దుద్యాల మండలంలో రెండు గ్రామాల గుండా ఈ రోడ్డు వెళ్లనుంది. పరిగి నియోజకవర్గంలో 400 పైచిలుకు ఎకరాలు, దుద్యాల మండలంలో 99 ఎకరాలు కలిపి మొత్తం 500 ఎకరాలు సేకరించారు. భూమి విలువకు కొంచం అటూ ఇటూగా నాలుగు రెట్ల అధికంగా పరిహారం ఇచ్చారు. కొంతమంది రైతులు మినహా అందరూ స్వచ్ఛందంగా భూములు ఇచ్చారు. రోడ్డు నిర్మాణం పూర్తయితే భూముల విలువ పెరగనుంది. రవాణా సౌకర్యం మెరుగు పడుతుంది. పరిగి మండలం సయ్యద్‌పల్లి, రాపోల్‌ తదితర గ్రామాల్లో ఎకరా భూమి విలువ రూ.8.40లక్షలు ఉండగా ప్రభుత్వం రూ.32 లక్షల నుంచి రూ.34 లక్షల వరకు పరిహారం రూపంలో చెల్లించింది. దోమ, దుద్యాల మండలాల్లో ఎకరానికి రూ.24 లక్షల చొప్పున పరిహారం ఇవ్వనున్నారు. రేడియల్‌ నిర్మాణ బాధ్యతలు హెచ్‌ఎండీఏ చేపడుతోంది. 18 నెలల వ్యవధిలో పనులు పూర్తి చేయాల్సి ఉంది. మూడు ప్యాకేజీలుగా విభజించి నిర్మించనున్నారు. మొదటి ప్యాకేజీ బుద్వేల్‌ నుంచి షాబాద్‌ వరకు, రెండో ప్యాకేజీ షాబాద్‌ నుంచి దోమ మండలం గూడూరు వరకు మూడో ప్యాకేజీ గూడూరు నుంచి కొడంగల్‌ సమీపంలోని జాతీయ రహదారి 167 నాచారం వరకు నిర్మించనున్నారు. ఓఆర్‌ఆర్‌ను కలుపుతూ రెండో రోడ్డుగా అభివృద్ధి పారిశ్రామిక అభివృద్ధికి ఊతం ఈ అధునాతన సువిశాల రోడ్డు (రేడియల్‌ రోడ్డు) నిర్మాణం పూర్తయితే రంగారెడ్డి జిల్లా పశ్చిమ ప్రాంతంతో పాటు వికారాబాద్‌ జిల్లా అభివృద్ధి వేగం పుంజుకునేందుకు అవకాశం ఉంది. ఓఆర్‌ఆర్‌ నుంచి నిర్మించబోయే ట్రిపుల్‌ఆర్‌ను అనుసంధానించనున్నారు. పరిగి మండలం రాపోల్‌, కాండ్లాపూర్‌ గ్రామాల్లో నిర్మించతలపెట్టిన ఇండస్ట్రియల్‌ పార్కు, షాబాద్‌ మండలం సీతారాంపూర్‌, హైతాబాద్‌ సమీపంలో ఏర్పాటైన పారిశ్రామిక కారిడార్‌, భవిష్యత్తులో దోమ మండలంలో ఏర్పాటు చేయనున్న పారిశ్రామిక వాడ, కొడంగల్‌ నియోజకవర్గ పరిధిలోని మల్టీపర్పస్‌ ఇండస్ట్రియల్‌ పార్కులకు రేడియల్‌ ద్వారా ప్రయోజనం చేకూరనుంది. యుద్ధ ప్రాతిపదికన పనులు పూర్తి చేయాలని ప్రభుత్వం భావిస్తోంది. రేడియల్‌ రోడ్డు అందుబాటులోకి వస్తే భవిష్యత్తులో ఏర్పాటయ్యే ఐటీ క్లస్టర్లు, పారిశ్రామిక వాడల అభివృద్ధికి ఎంతో ఉపయోగపడనుంది. ఇదే సమయంలో పారిశ్రామిక వాడలకు శంషాబాద్‌ కార్గో టెర్మినల్‌ ద్వారా భారీ యంత్రాలు, ముడి సరుకులను పరిశ్రమలకు తరలించటానికి సులభతరమవుతుంది. దీంతో పాటు ట్రిపుల్‌ ఆర్‌, ఓఆర్‌ఆర్‌లను అనుసంధానించడం ద్వారా అన్ని ప్రధాన జాతీయ రహదారులకు కూడా ఇక్కడి నుంచి వెళ్లడం సలువవుతుంది. శంషాబాద్‌లోని అంతర్జాతీయ విమానాశ్రయం నుంచి పారిశ్రామిక వాడలకు లింక్‌ అవుతుంది.

బషీరాబాద్‌: తాండూరు కాంగ్రెస్‌లో రాజకీయ పరిణామాలు ఆసక్తికరంగా మారుతున్నాయి. ఎమ్మెల్యే మనోహర్‌రెడ్డి, ఎమ్మెల్సీ మహేందర్‌రెడ్డి మధ్య విభేదాల నేపథ్యంలో.. ఎమ్మెల్యే వైఖరిపై అసంతృప్తితో ఉన్న పలువురు సీనియర్‌ నేతలు శుక్రవారం రాత్రి బషీరాబాద్‌లో మాజీ ఎమ్మెల్యే నారాయణరావు నివాసంలో మహేందర్‌రెడ్డితో భేటీ అయ్యారు. ఈ సమావేశం స్థానిక రాజకీయ వర్గాల్లో చర్చనీయాంశమైంది. విశ్వసనీయ సమాచారం ప్రకారం.. ఎమ్మెల్యే మనోహర్‌రెడ్డి ఏకపక్ష నిర్ణయాలతో పార్టీకి నష్టం జరుగుతోందని, మొదటి నుంచి కాంగ్రెస్‌ కోసం పనిచేసిన నాయకులు, కార్యకర్తలకు తగిన ప్రాధాన్యం దక్కడం లేదని నారాయణరావు ప్రస్తావించినట్లు తెలిసింది. అవసరమైతే ముఖ్యమంత్రిని కలిసి తాండూరు కాంగ్రెస్‌ ఇన్‌చార్జి బాధ్యతలను మహేందర్‌రెడ్డికి అప్పగించాలని కోరుతామని చెప్పినట్లు సమాచారం. అందరినీ కలుపుకొని వెళ్లే నాయకత్వం అవసరమని, మహేందర్‌రెడ్డి ఎమ్మెల్యేగా పోటీ చేస్తే తామంతా అండగా నిలిచి గెలిపించేందుకు కృషి చేస్తామని నేతలు హామీ ఇచ్చినట్లు తెలిసింది. భవిష్యత్తులో తమకు అండగా ఉండాలని కోరినట్లు సమాచారం. దీనిపై మహేందర్‌రెడ్డి స్పందిస్తూ.. నాయకులందరికీ అన్ని విషయాల్లో అండగా ఉంటానని, ఎవరూ అధైర్యపడవద్దని భరోసా ఇచ్చినట్లు భేటీలో పాల్గొన్న నేతలు తెలిపారు. సమావేశంలో జెడ్పీటీసీ మాజీ సభ్యుడు రాకేశ్‌ మహరాజ్‌, నాయకులు మాధవరెడ్డి, వెంకట్‌రామ్‌రెడ్డి, వెంకటేశ్‌ మహరాజ్‌, రోహివత్‌ మహరాజ్‌, సుధాకర్‌రెడ్డి, శ్రీనివాస్‌రెడ్డి, మాణిక్‌రెడ్డి, రాంనాయక్‌, నర్సిరెడ్డి, పవన్‌ ఠాకూర్‌, సిద్ధార్థ్‌ తదితరులు పాల్గొన్నారు. మాజీ ఎమ్మెల్యే నారాయణరావు ఇంట్లో సమావేశం ఎమ్మెల్యే ఏకపక్ష నిర్ణయాలపై నేతల చర్చలు

అనంతగిరి: స్వీయ జనగణన చేసుకునేలా విద్యావంతులను ప్రోత్సహించాలని అదనపు కలెక్టర్‌ వెంకటాచారి సూచించారు. జనగణన 2027 రెండో దశపై జిల్లా, సబ్‌ డివిజనల్‌, చార్జ్‌ ఆఫీసర్లు, అదనపు చార్జ్‌ అధికారులకు శుక్రవారం కలెక్టరేట్‌ సమావేశ మందిరంలో శిక్షణ కార్యక్రమం నిర్వహించారు. ఈ సందర్భంగా ఆయన మాట్లాడుతూ.. జనగణన ప్రక్రియను సమర్థవంతంగా, పారదర్శకంగా, నిర్దేశిత గడువులో పూర్తి చేయాలన్నారు. ఉద్యోగులు, విద్యావంతులు స్వీయ జనగణనలో పెద్ద సంఖ్యలో పాల్గొనేలా అధికారులు ప్రత్యేక శ్రద్ధ తీసుకోవాలని తెలిపారు. సేకరించే వివరాలు కచ్చితంగా ఉండేలా చూసుకోవాలన్నారు. రికార్డుల ఆధారంగా భూదాన్‌ భూముల వివరాలు సేకరించాలని ఆదేశించారు. తాజా సమాచారంతో నవీకరించాలని తెలిపారు. హైకోర్టు పెండింగ్‌ కేసులకు సంబంధించి ప్రత్యేకమైన రిజిస్టర్లలో నమోదు చేసి ఎప్పటికప్పుడు వాటి పరిష్కారానికి అధికారులు కృషి చేయాలని తెలిపారు. భూములకు సంబంధించిన రికార్డులను పారదర్శకంగా, కచ్చితంగా నిర్వహించడం ద్వారా భూముల పరిరక్షణకు, అర్హులైన లబ్ధిదారుల ప్రయోజనాల సంరక్షణకు ప్రాధాన్యత కల్పించిన వారమవుతామని ఆయన తెలిపారు. కార్యక్రమంలో సీపీఓ వెంకటేశ్వర్లు, జిల్లా పంచాయతీ అధికారి జయసుధ, ప్రణాళిక శాఖ విశ్రాంతి డైరెక్టర్‌ దయానంద్‌, ఏడీ రవిచంద్ర, శిక్షణాధికారి జంగయ్య తదితరులు పాల్గొన్నారు.

ముట్టజెప్పారా సరి..సాక్షి, రంగారెడ్డిజిల్లా: భూ బాధితులకు క్షేత్రస్థాయిలోని పలువురు అధికారులు చుక్కలు చూపిస్తున్నారు. నివేదికలను సిద్ధం చేసేందుకు చేతివాటం ప్రదర్శిస్తున్నారు. పట్టా భూములను అసైన్డ్‌గా నమోదు చేయడం, విస్తీర్ణంలో హెచ్చుతగ్గులు, సరిహద్దు, సర్వే నంబర్లలో దొర్లిన తప్పుల సవరణ, భూస్వభావం, కేటగిరీ, యజమానుల పేర్లలో దొర్లిన తప్పులను సరి చేయాలంటే ఎంతో కొంత ముట్టజెప్పాల్సిందే. ఇచ్చేందుకు నిరాకరించిన వారి ఫైళ్లకు కొర్రీలు పెట్టి.. సమస్యను మరింత జఠిలం చేస్తున్నారు. క్షేత్రస్థాయి నుంచి నివేదికలు అందిన వాటిని కూడా పెండింగ్‌లో పెట్టి భేరసారాలకు దిగుతున్నారు. సాధారణ రైతులకు నిరాకరించి.. పైరవీకారులకు పెద్దపీఠ వేస్తున్నారనే విమర్శలు వ్యక్తమవుతున్నాయి. ప్రస్తుతం తహసీల్దార్ల వద్ద 12,369 దరఖాస్తులు పెండింగ్‌లో ఉండగా, 3,211 ఆర్డీఓల వద్ద ఉన్నాయి. అదనపు కలెక్టర్‌ (రెవెన్యూ) వద్ద ఏకంగా 6,932 దరఖాస్తులు పెండింగ్‌లో ఉంటే కలెక్టర్‌ వద్ద 2,041 ఉండటం విశేషం. నివేదికలు పంపడంలో నిర్లక్ష్యం ప్రభుత్వం ప్రతిష్టాత్మకంగా చేపట్టిన రెవెన్యూ సదస్సుల్లో భాగంగా 17 వేలకుపైగా దరఖాస్తులు అందాయి. వీటిలో ఇప్పటి వరకు మెజార్టీ పెండింగ్‌లోనే ఉన్నాయి. ఇక ప్రతి సోమవారం నిర్వహించే శ్రీప్రజావాణిశ్రీకి సగటున 60 నుంచి 100 వరకు అర్జీలు వస్తుంటాయి. అధికారులు వాటిని క్షేత్రస్థాయికి పంపుతుంటారు. రెవెన్యూ ఇన్‌స్పెక్టర్‌ (ఆర్‌ఐ) క్షేత్ర స్థాయిలో పర్యటించి, నిజనిర్ధారణ చేసి తహసీల్దార్‌కు నివేదిక ఇవ్వాల్సి ఉంది. ఆయన తన ఆఫీసులో ఉన్న భూ రికార్డులను క్షుణ్ణంగా పరిశీలించి, అన్నీ సవ్యంగా ఉన్నాయని నిర్ధారించుకున్న తర్వాత నివేదికను ఆర్డీఓకు పంపుతుంటారు. ఆయన తన వద్ద ఉన్న రికార్డులను పరిశీలించి తుది నివేదికను అదనపు కలెక్టర్‌/ కలెక్టర్‌కు పంపుతుంటారు. ఒక్కో దశలో ఒక్కో రేటు క్షేత్రస్థాయి నుంచి అందిన నివేదికల ఆధారంగానే కలెక్టర్లు వాటిని ఆమోదించడమో లేక తిరస్కరించడమో చేస్తుంటారు. అసలు కథ ఇక్కడే మొదలవుతుంది. ప్రభుత్వ పెద్దలు రంగప్రవేశం చేసి అధికారులపై ఒత్తిడి తెస్తున్నారు. అధికారులు దీన్ని అవకాశంగా తీసుకుని అక్రమార్జనకు పాల్పడుతున్నారు. అడిగినంత ముట్టజెప్పిన వారికి ఆశించిన విధంగా నివేదికలు సిద్ధం చేస్తున్నారు. నిరాకరించిన వారి ఫైళ్లను పరిశీలించకుండానే రిజెక్ట్‌ చేస్తున్నారు. ఎక్కడ భూమి తమకు కాకుండా పోతుందోననే భయంతో బాధితులు మధ్యవర్తులను ఆశ్రయించి వారు అడిగినంత ముట్టజెబుతున్నారు. ఆర్‌ఐ నుంచి అదనపు కలెక్టర్‌ వరకు ప్రతి దశలోనూ భారీ మొత్తం చేతులు మారుతున్నట్లు ఆరోపణలు ఉన్నాయి. ఇప్పటికే ఓ అదనపు కలెక్టర్‌ సహా పలువురు తహసీల్దార్లు, ఆర్‌ఐలు ఏసీబీకి పట్టుబడటం తెలిసిందే. ఆర్థిక స్థోమత లేని పేద రైతులు తమ భూములను తక్కువ ధరకు అమ్ముకోవాల్సి వస్తోంది. లక్షల్లో సమస్యలు.. వేలల్లో పరిష్కారాలు భూ సమస్యలకు సంబంధించి ధరణి సహా ప్రస్తుత భూ భారతి పోర్టల్స్‌కు ఇప్పటి వరకు 4,10,269 అప్లికేషన్లు వచ్చాయి. వీటిలో చేవెళ్ల రెవెన్యూ డివిజన్‌ పరిధిలోని మొయినాబాద్‌, చేవెళ్ల, షాద్‌నగర్‌, శంకర్‌పల్లి మండలాల నుంచి 1,12,782 భూ సమస్యలు ఉన్నట్లు తేలింది. వీటిలో 52,925 సమస్యలకు అధికారులు పరిష్కారం చూపించారు, మరో 41,177 అర్జీలను తిరస్కరించారు. ఇబ్రహీపట్నం రెవెన్యూ డివిజన్‌ పరిధిలోని మంచాల, యాచారం, ఇబ్రహీంపట్నం, అబ్దుల్లాపూర్‌మెట్‌ మండలాల నుంచి 94,389 దరఖాస్తులు అందగా, వీటిలో 38,029 అర్జీలను ఆమోదించి మిగిలిన వాటిని తిరస్కరించారు. కందుకూరు రెవెన్యూ డివిజన్‌ పరిధిలోని మహేశ్వరం, కడ్తాల్‌, ఆమనగల్లు, కందుకూరు మండలాల నుంచి 99,657 దరఖాస్తులు అందగా, 42,397 అర్జీలను ఆమోదించారు. రాజేంద్రనగర్‌ రెవెన్యూ డివిజన్‌ పరిధిలోని శంషాబాద్‌, గండిపేట, రాజేంద్రనగర్‌, శేరిలింగంపల్లి మండలాల నుంచి 42,040 దరఖాస్తులు అందగా, వీటిలో 17,707 ఆమోదించి మిగిలినవి తిరస్కరించారు. షాద్‌నగర్‌ రెవెన్యూ డివిజన్‌ పరిధిలోని కేశంపేట, కొందుర్గు, ఫరూఖ్‌నగర్‌, కొత్తూరు, జిల్లేడు చౌదరిగూడ, నందిగామ మండలాల నుంచి 61,401 దరఖాస్తులు అందగా, వీటిలో 28,003 ఆమోదించారు. అధికారులు తిరస్కరించిన వాటిలో మెజార్టీ భూములు ప్రభుత్వ, అసైన్డ్‌, భూదాన్‌, వక్ఫ్‌, దేవాదాయశాఖలకు సంబంధించినవే ఉండటం గమనార్హం. ఇబ్రహీంపట్నం మండలం రాందాస్‌పల్లి రెవెన్యూ సర్వే నంబర్‌ 41లో 1,161 ఎకరాల భూమి ఉంది. దీనిలో 600 ఎకరాలకుపైగా రియల్టర్ల చేతుల్లోకి వెళ్లింది. మరో 400 ఎకరాలు 150 మంది రైతుల చేతిలో ఉంది. బాండెడ్‌ లేబర్‌కు 82 ఎకరాలు సహా కోర్టు కేసులో 11 ఎకరాలు ఉంది. ఇప్పటికే రియల్టర్లు, నేతల చేతుల్లోకి వెళ్లిన 600 ఎకరాలను పట్టాగా మార్చేశారు. ఏళ్లుగా సాగులో ఉన్న 150 మంది రైతుల భూములను మాత్రం నిషేధిత జాబితాలో పెట్టారు. వారంతా భూ భారతి పోర్టల్‌లో దరఖాస్తు చేసుకున్నారు. రైతుల చేతుల్లో ఉన్నవి పూర్తిగా పట్టాభూములేనని, నిషేధిత జాబితా నుంచి విముక్తి కల్పిస్తున్నట్లు అసెంబ్లీ సాక్షిగా మంత్రి పొంగులేటి శ్రీనివాసరెడ్డి ప్రకటించారు. ఈ మేరకు సెప్టెంబర్‌ 11న కలెక్టర్‌ నారాయణరెడ్డి స్పష్టమైన ప్రకటన విడుదల చేశారు. క్షేత్రస్థాయి అధికారులు మాత్రం ఎప్పటికప్పుడు దాటవేత ధోరణి అవలంబించడం అనుమానాలకు తావిస్తోంది.భూ భారతి పోర్టల్‌లో పేరుకుపోయిన దరఖాస్తులు క్షేత్రస్థాయిలో అందని నివేదికలు 24 వేలకుపైగా అర్జీలు పెండింగ్‌ కిందిస్థాయి నుంచి ఉన్నతాధికారుల వరకు ఇదే తంతు బాధితులకు తప్పని తిప్పలు అధికారుల చుట్టూ ప్రదక్షిణలుడివిజన్‌ తహసీల్దార్లు ఆర్‌డీఓ అదనపు కలెక్టర్‌ కలెక్టర్‌ చేవెళ్ల 3,018 630 1,497 603 ఇబ్రహీంపట్నం 3,358 999 1,664 478 కందుకూరు 2,861 736 2,024 427 రాజేంద్రనగర్‌ 1,360 164 710 238 షాద్‌నగర్‌ 1,772 682 1,037 295 ఇదీ భూ భారతి లెక్క.. పోర్టల్‌కు వచ్చిన దరఖాస్తులు 4,10,269 ఇప్పటి వరకు పరిష్కరించినవి 1,79,061 తిరస్కరించినవి 1,56,298 తహసీల్దార్ల వద్ద పెండింగ్‌ 12,369 ఆర్డీఓల వద్ద 3,211 అదనపు కలెక్టర్‌ వద్ద 6,932 కలెక్టర్‌ వద్ద: 2,041 మొత్తం పెండింగ్‌ 24,553

ఆర్‌డబ్ల్యూఎస్‌ డీఈ వెంకటేశ్‌ తాండూరు రూరల్‌: ఎల్‌నినో ప్రభావంతో గ్రామాల్లో తాగునీటి ఇబ్బందులు తలెత్తే అవకాశం ఉన్నందున ప్రజలు నీటిని వృథా చేయరాదని ఆర్‌డబ్ల్యూఎస్‌ తాండూరు డివిజన్‌ డీఈ వెంకటేశ్‌ సూచించారు. శుక్రవారం పట్టణంలో ప్రత్యేక సమావేశం నిర్వహించారు. ఈ సందర్భంగా ఆయన మాట్లాడుతూ.. పబ్లిక్‌ వాటర్‌ స్కీం కింద తాండూరు మండలంలో 105 బోర్లు, పెద్దేముల్‌లో 83, యాలాలలో 61, బషీరాబాద్‌లో 96 బోర్లు ఉన్నట్లు తెలిపారు. వీటి ద్వారా నీటిని సరఫరా చేస్తామని చెప్పారు. సింగిల్‌ ఫేజ్‌ మోటర్లతో పాటు మిషన్‌ భగీరఽథ ద్వారా కూడా తాగునీటిని సరఫరా చేస్తున్నట్లు వివరించారు. పెద్దేముల్‌, బషీరాబాద్‌ మండలాల్లో భూగర్భజలాలు అడుగంటుతున్నందున నీటిని పొదుపుగా వాడుకోవాలని సూచించారు. నల్లాలకు ఆన్‌ అండ్‌ ఆఫ్‌ సిస్టం ఏర్పాటు చేసుకోవాలన్నారు. గ్రామాల్లో ఇంకుడు గుంతలు తవ్వుకోవాలని చెప్పారు. ఎల్‌నినో నేపథ్యంలో ప్రజలు అప్రమత్తంగా ఉండాలని సూచించారు. సబితారెడ్డిని కలిసిన బీఆర్‌ఎస్‌ నాయకులు నవాబుపేట: మాజీ మంత్రి, మహేశ్వరం ఎమ్మెల్యే సబితారెడ్డిని శుక్రవారం బీఆర్‌ఎస్‌ మండల నాయకులు మర్యాదపూర్వకంగా కలిశారు. దసరా పండుగ శుభాకాంక్షులు తెలిపారు. ఈ సందర్భంగా ఆమె మాట్లాడుతూ.. రానున్న పట్టభద్రుల ఎన్నికల్లో బీఆర్‌ఎస్‌ అభ్యర్థిని భారీ మెజారిటీతో గెలిపించుకునేందుకు ప్రతి కార్యకర్తా కృషి చేయాలని సూచించారు. కార్యక్రమంలో దయాకర్‌రెడ్డి, భరత్‌రెడ్డి, పురుషోత్తం, మాణిక్‌రెడ్డి, వెంకట్‌రెడ్డి, రాజు, మల్లేశం తదితరులు పాల్గొన్నారు. గడువు పొడిగింపు అనంతగిరి: ఉద్యాన పట్టు పరిశ్రమల శాఖ పరిధిలో ఉల్లి, వాము పంటల సాగు, మల్చింగ్‌కు సబ్సిడీ పొందేందుకు దరఖాస్తు గడువును నవంబర్‌ 10వ తేదీ వరకు పొడిగించినట్లు జిల్లా ఉద్యాన పట్టు పరిశ్రమ శాఖ అధికారి ఎంఏ సత్తార్‌ శుక్రవారం ఒక ప్రకటనలో తెలిపారు. ప్రస్తుత వాతావరణ పరిస్థితులు, ఎల్‌నినో ప్రభావంతో వర్షపాతంలో హెచ్చుతగ్గులు, నీటి లభ్యతలో మార్పులను దృష్టిలో ఉంచుకుని రైతులు తక్కువ నీటితో సాగయ్యే పంటలను ఎంపిక చేసుకోవాలని సూచించారు. ప్రాంతీయ వాతావరణ పరిస్థితులు, నేల స్వభావం, నీటి లభ్యతకు అనుగుణంగా ఉద్యాన పంటలను ఎంపిక చేసుకోవాలన్నారు. మల్చింగ్‌ విధానం ద్వారా నేలలో తేమను కాపాడుకోవడం, కలుపు మొక్కల పెరుగుదలను నియంత్రించడం, నీటి వినియోగ సామర్థ్యాన్ని మెరుగుపరచుకోవడం వంటి ప్రయోజనాలు పొందవచ్చని పేర్కొన్నారు. ఆసక్తి ఉన్న రైతులు డివిజన్‌ ఉద్యాన అధికారులను సంప్రదించి దరఖాస్తులు సమర్పించాలని ఆయన కోరారు. ఓటరుగా నమోదు చేసుకోండి మాజీ ఎమ్మెల్యే ఆనంద్‌ అనంతగిరి: రానున్న ఎమ్మెల్సీ ఎన్నికలను దృష్టిలో ఉంచుకొని అర్హులైన పట్టభద్రులు ఓటరుగా నమోదు చేసుకోవాలని వికారాబాద్‌ మాజీ ఎమ్మెల్యే డాక్టర్‌ మెతుకు ఆనంద్‌ సూచించారు. శుక్రవారం బీఆర్‌ఎస్‌ పార్టీ నాయకులతో కలిసి పట్టణంలోని 4, 5వ వార్డుల్లో పట్టభద్రులను కలిశారు. ఓటరుగా నమోదు చేసు కోవాలని కోరారు. పలువురిని ఓటర్లుగా నమో దు చేయించారు. కార్యక్రమంలో పార్టీ రాష్ట్ర నాయకులు శుభప్రద్‌ పటేల్‌, విజయ్‌కుమార్‌, నాగేందర్‌గౌడ్‌, గోపాల్‌ ముదిరాజు, కడియాల వేణుగోపాల్‌ తదితరులు పాల్గొన్నారు.

కొడంగల్‌: పేదల పక్షాన పోరాటం చేసి అమరుడైన పండుగ సాయన్న జయంతిని గురువారం పట్టణంలోని కడా కార్యాలయంలో ఘనంగా నిర్వహించారు. వికారాబాద్‌, నారాయణపేట జిల్లాల కలెక్టర్లు దీపక్‌ తివారి, ప్రియాంకలు సాయన్న చిత్రపటానికి పూలమాలలు వేసి నివాళులర్పించారు. నిజాం ప్రభుత్వ హయాంలో భూస్వాములు, పెత్తందారుల అరాచకాలకు వ్యతిరేకంగా పోరాడిన వీరుడని కొనియాడారు. పేదలు బడుగు బలహీన వర్గాల అభ్యున్నతికి ఆయన ఎంతో కృషి చేశారని అన్నారు. పండుగ సాయన్న పోరాట స్ఫూర్తి, సామాజిక స్పృహ నేటి యువతకు ఆదర్శంగా నిలవాలని ఆకాంక్షించారు. కార్యక్రమంలో అదనపు కలెక్టర్లు ఉమాశంకర ప్రసాద్‌, వెంకటాచారి, ఆర్‌డీఓ అనిత, కడా ప్రత్యేకాధికారి వెంకట్‌రెడ్డి, బీసీ సంక్షేమ శాఖ అధికారి మాధవరెడ్డి, తహసీల్దార్‌ రాంబాబు, మిషన్‌ భగీరథ డీఈ శశాంక్‌, ఎంపీడీఓ ఉషశ్రీ తదితరులు పాల్గొన్నారు. పోరాట యోధుడు సాయన్న: ఎమ్మెల్యే రామ్మోహన్‌రెడ్డి పరిగి: నిజాం నిరంకుశ పాలనకు, భూస్వాములు, జమిందార్ల దౌర్జనాలకు వ్యతిరేకంగా పోరాటం చేసిన మహోన్నత వ్యకి పండుగ సాయన్న అని ఎమ్మెల్యే టీ రామ్మోహన్‌రెడ్డి అన్నారు. గురువారం సాయన్న జయంతిని పురస్కరించుకొని పట్టణంలోని ఆయన విగ్రహానికి పూలమాల వేసి నివాళులర్పించారు. అనంతరం ఆయన మాట్లాడుతూ.. పండుగ సాయన్న జయంతిని ప్రభుత్వం అధికారికంగా నిర్వహించడం ఎంతో సంతోషించదగ్గ విషయమన్నారు. ఎన్నికల సమయంలో ముదిరాజ్‌లకు ఇచ్చిన హామీలను సీఎం రేవంత్‌రెడ్డి నెరవేరుస్తున్నారని తెలిపారు. గత పాలకులు సాయన్నను విస్మరించారని ఆరోపించారు. ముదిరాజ్‌ల సంక్షేమానికి అన్ని విధాలా కృషి చేస్తామన్నారు. అనంతరం మాజీ ఎమ్మెల్యే కొప్పుల మహేశ్‌రెడ్డి సాయన్న విగ్రహానికి పూలమాల వేసి నివాళులర్పించారు. కార్యక్రమంలో మున్సిపల్‌ చైర్‌పర్సన్‌ రజిత, కాంగ్రెస్‌ పార్టీ మండల అధ్యక్షుడు వెంకట్‌రాములు, ప్రజా సంఘాల నాయకులు పాల్గొన్నారు. వికారాబాద్‌, నారాయణపేట జిల్లాల కలెక్టర్లు దీపక్‌ తివారి, ప్రియాంక

సాక్షి, సిటీబ్యూరో: దేశవ్యాప్త పరిశుభ్రతా కార్యక్రమం ‘స్పెషల్‌ క్యాంపెయిన్‌ 6.0’లో భాగంగా దక్షిణ మధ్య రైల్వే గురువారం పలు స్టేషన్లలో ‘రైల్‌ జన్‌ సంవాద్‌’ నిర్వహించింది. చర్లపల్లి రైల్వే స్టేషన్‌లో జరిగిన కార్యక్రమంలో జనరల్‌ మేనేజర్‌ సంజయ్‌ కుమార్‌ శ్రీవాస్తవ పాల్గొని ప్రయాణికులతో మాట్లాడారు. ఈ సందర్భంగా భద్రత, పరిశుభ్రత, తాగునీరు, అదనపు రైళ్లపై ప్రయాణికులు ఇచ్చిన సూచనలపై తగిన చర్యలు తీసుకుంటామని జీఎం హామీ ఇచ్చారు. అమృత్‌ భారత్‌ పథకం కింద స్టేషన్ల ఆధునీకరణ జరుగుతోందని, ప్రస్తుత పండుగ సీజన్‌లో 4 లక్షల మందికి పైగా ప్రయాణికుల కోసం 120 ప్రత్యేక రైళ్లు నడిపినట్లు తెలిపారు. దీపావళి, సంక్రాంతి, శబరిమల రద్దీ దృష్ట్యా ఫిబ్రవరి వరకు ప్రత్యేక రైళ్లు, అదనపు కోచ్‌లు కొనసాగుతాయని స్పష్టం చేశారు. అనంతరం ఆయన చర్లపల్లి స్టేషన్‌ వసతులు, అప్రోచ్‌ రోడ్డు పనులను తనిఖీ చేశారు. సికింద్రాబాద్‌ డివిజనల్‌ రైల్వే మేనేజర్‌ డాక్టర్‌ ఆర్‌. గోపాలకృష్ణన్‌, రైల్‌ నిలయం, సికింద్రాబాద్‌ డివిజన్‌ లకు చెందిన ఉన్నతాధికారులు కూడా పాల్గొన్నారు. దక్షిణ మధ్య రైల్వే జీఎం సంజయ్‌ కుమార్‌ శ్రీవాస్తవ

బొంరాస్‌పేట: దుద్యాల మండల వ్యవసాయాధికారిగా సీహెచ్‌ వినోద్‌ గురువారం బాధ్యతలు స్వీకరించారు. ఇదివరకు దౌల్తాబాద్‌ ఏఓ తులసి ఇన్‌చార్జ్‌గా ఉండగా రంగారెడ్డి జిల్లా కార్యాలయంలో ఏఓగా విధులు నిర్వహిస్తున్న వినోద్‌ బదిలీపై ఇక్కడికి వచ్చారు. ఈ సందర్భంగా ఆయన మాట్లాడుతూ.. రైతులకు అందుబాటులో ఉంటూ ప్రభుత్వ పథకాలు అందేలా కృషి చేస్తానని తెలిపారు. సూపరింటెండెంట్‌గా శ్రీనివాసులు దుద్యాల మండల పరిషత్‌ కార్యాలయ సూపరింటెండెంట్‌గా శ్రీనివాసులు గురువారం విధుల్లో చేరారు. ఐదు నెలల క్రితం కుల్కచర్ల మండలానికి బదిలీపై వెళ్లారు. తిరిగి విధుల్లో చేరారు.

మర్పల్లి: మండలంలో ఆర్‌అండ్‌బీ, పంచాయతీ రాజ్‌ రోడ్లు కంకర తేలి అధ్వానంగా మారాయి. ఏళ్ల తరబడి మరమ్మతులకు నోచుకోవడం లేదు. ఆర్టీసీ అధికారులు గ్రామీణ ప్రాంతాలకు కండీషన్‌లో లేని బస్సులను నడుపుతుండటంతో ప్రయాణికులతో పాటు సిబ్బంది అవస్థలు పడుతున్నారు. దెబ్బతిన్న రోడ్ల కారణంగా తరచూ వాహనాలు పాడవుతున్నాయి. పలు రూట్లలో వాహనాలు నడపాలంటే ఎప్పుడు ఏ ప్రమాదం జరుగుతుందోనని హడలిపోతున్నారు. గురువారం మండల కేంద్రంలోని కల్‌ఖోడ ఆర్‌అండ్‌బీ రోడ్డులో తాండూరు డిపోకు చెందిన బస్సు మర్పల్లికి వస్తున్న క్రమంలో టైర్‌ పంక్చర్‌ అయ్యింది. ప్రయాణికులు రెండు గంటల పాటు బస్సు వద్దే నిరీక్షించారు. మరమ్మతుల అనంతరం బస్సు ఇంజన్‌ ఆన్‌ కాలేదు. చేసేది లేక ప్రయాణికులు కిందకు దిగి బస్సును నెట్టడంతో స్టార్ట్‌ అయ్యింది. కంకర తేలిన రోడ్ల కారణంగా తరచూ వాహనాలు పాడవుతున్నట్లు ప్రయాణికులు తెలిపారు. ఇప్పటికై నా సంబంధిత శాఖల అధికారులు, పాలకులు స్పందించి రోడ్లకు మరమ్మతులు చేయించాలని పలువురు డిమాండ్‌ చేశారు. తరచూ మరమ్మతులకు గురవుతున్న వాహనాలు ఇబ్బందుల్లో ప్రయాణికులు పట్టించుకోని అధికారులు

నవాబుపేట: కాంగ్రెస్‌ ప్రజా ప్రభుత్వంలో పేదవాడి సొంతింటి కల నెరవేరుతోందని చేవెళ్ల ఎమ్మెల్యే కాలె యాదయ్య అన్నారు. గురువారం మండలంలోని గుబ్బడిపత్తేపూర్‌లో మేకల అనూష సుధాకర్‌ పూర్తి చేసుకున్న ఇందిరమ్మ ఇంటిని ప్రారంభించారు. అనంతరం ఆయన మాట్లాడు తూ.. పేదలకు ఇచ్చిన హామీలను కాంగ్రెస్‌ ప్రభు త్వం నెరవేరుస్తోందని తెలిపారు. లబ్ధిదారులు కళ్లల్లో సొంతింటి ఆనందం కనిపిస్తోందన్నారు. అర్హులైన ప్రతి ఒక్కరికీ ఇందిరమ్మ ఇల్లు మంజూరు చేస్తామని చెప్పారు. ఇళ్లు రానివారు ఆందోళన చెందరాదని, రెండో విడతలో వస్తాయని హామీ ఇచ్చారు. కార్యక్రమంలో సర్పంచులు సామెల్‌, జేయయ్య, పంచాయతీ కార్యదర్శి పాండురంగం, నాయకులు, రాములు, ఇసూబ్‌ పాల్గొన్నారు. ఎమ్మెల్యే కాలె యాదయ్య

వికారాబాద్‌: దసరా, బతుకమ్మ పండుగల నేపథ్యంలో ఆర్‌టీసీకి రెండింతల ఆదాయం సమకూరింది. మహిళలకు ఉచిత ప్రయాణంతో సర్వీసులు కిటకిట లాడుతుండగా పండుగలకు మరింత రద్దీ పెరిగింది. ఈ నెల 17 నుంచి 22వ తేదీ వరకు బస్సులన్నీ ప్రయాణికులతో కిక్కిరిసిపోయాయి. రద్దీని ముందుగానే అంచనా వేసిన ఆర్‌టీసీ అధికారులు ప్రత్యేక బస్సులు నడిపారు. పాఠశాలలు, కళాశాలలకు వారం నుంచి పది రోజుల పాటు సెలవులు ఉండటంతో సొంత ఊర్లకు వెళ్లారు. రోజూ సగటున లక్ష మంది ప్రయాణం జిల్లాలో వికారాబాద్‌, తాండూరు, పరిగిలో డిపోలు ఉన్నాయి. వీటి పరిధిలో 200 పైచిలుకు బస్సులు నడుస్తున్నాయి. మూడు డిపోల ద్వారా రోజుకు సగటున లక్ష మంది ప్రయాణికులు వారి గమ్య స్థానాలకు చేరుకుంటున్నారు. వికారాబాద్‌ డిపో పరిధిలో సాధారణ రోజుల్లో 15వేల నుంచి 20వేల మంది వరకు మహిళలు ఉచిత ప్రయాణం చేస్తున్నారు. పండుగ కావడంతో గడిచిన వారం రోజుల్లో సగటున 60 వేల నుంచి 70వేల మంది ప్రయాణించారు. సాధారణ రోజుల్లో సంస్థకు రోజుకు సగటున రూ.4 లక్షల మేర ఆదాయం వచ్చేది. గడిచిన రెండు రోజుల్లో నిత్యం రూ.7 లక్షల నుంచి రూ.11 లక్షల చొప్పున ఆదాయం సమకూరింది. తాండూరు డిపోలో సాధారణ రోజుల్లో రోజుకు సగటున రూ.10 లక్షల నుంచి రూ.12 లక్షల ఆదాయం వచ్చేది. పండుగ సందర్భంగా రోజుకు రూ.20 లక్షలు దాటి ఆదాయం వచ్చింది. పరిగి డిపోలో రోజుకు సగటున రూ.9 లక్షల నుంచి రూ.11 లక్షల ఆదాయం వచ్చేది.. పండుగల నేపథ్యంలో రోజుకు రూ.18 లక్షల నుంచి రూ.25 లక్షల ఆదాయం సమకూరింది. ప్రైవేటు బాదుడు పండుగ రద్దీ విపరీతంగా పెరగడంతో ప్రైవేటు వాహనదారులు టెకెట్ల రేట్లను భారీగా పెంచేశారు. కొన్ని రూట్లలో సాధారణ రోజులతో పోలిస్తే రెండింతలు వసూలు చేశారు. చాలా మంది విధిలేక ప్రైవేటు వాహనాలను అద్దెకు మాట్లాడుకుని సొంత ఊర్లకు వెళ్లారు. వికారాబాద్‌ బస్టాండులో ప్రయాణికుల రద్దీ బతుకమ్మ, దసరా పండుగల నేపథ్యంలో ఆర్‌టీసీకి ఫుల్‌ గిరాకీ సమకూరిన రెండింతల ఆదాయం భారీగా ప్రైవేటు బాదుడు

సీఐటీయూ జిల్లా కార్యదర్శి శ్రీనివాస్‌ తాండూరు టౌన్‌: కేంద్ర, రాష్ట్ర ప్రభుత్వాలు కార్మికులకు ఇచ్చిన హామీలను వెంటనే అమలు చేయాలని సీఐటీయూ జిల్లా కార్యదర్శి కె శ్రీనివాస్‌ డిమాండ్‌ చేశారు. ఈ అంశంపై ఈ నెల 25, 26వ తేదీల్లో మల్లిపుల్‌ డేస్‌ ధర్నా కార్యక్రమాన్ని హైదరాబాద్‌లో నిర్వహించనున్నట్లు తెలిపారు. గురువారం పట్టణంలోని అంబేడ్కర్‌ చౌక్‌లో ధర్నా పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. కేంద్ర, రాష్ట్ర ప్రభుత్వాలు కార్మికుల హక్కులు, సామాజిక భద్రతను తుంగలో తొక్కాయన్నారు. కేంద్రం తెచ్చిన నాలుగు లేబర్‌ కోడ్‌లను వెంటనే రద్దు చేయాలని డిమాండ్‌ చేశారు. కనీస వేతనం, ఉద్యోగ భద్రత, పీఆర్‌సీ, డీఏల చెల్లింపు, ప్రభుత్వ రంగ సంస్థల పరిరక్షణ కల్పించాలన్నారు. కార్యక్రమంలో కార్మిక సంఘం నాయకులు నరేష్‌, బలరాం, శంకర్‌, వెంకటప్ప, గుండమ్మ, మైసమ్మ, ఎల్లమ్మ తదితరులు పాల్గొన్నారు. పార్టీ పట్టణ అధ్యక్షుడు నాగరాజు తాండూరు టౌన్‌: పట్టభద్రులంతా కాంగ్రెస్‌ పార్టీ వైపే మొగ్గు చూపుతున్నారని ఆ పార్టీ పట్టణ అధ్యక్షుడు బాతుల నాగరాజు అన్నారు. మహబూబ్‌నగర్‌, రంగారెడ్డి, హైదరాబాద్‌ పట్టభద్రుల ఎమ్మెల్సీ ఎన్నికల్లో భాగంగా గురువారం శంషాబాద్‌లో ఏర్పాటు చేసిన ఉమ్మడి రంగారెడ్డి జిల్లా సన్నాహక సమావేశానికి తాండూరు నుంచి పలువురు నాయకులు, కార్యకర్తలు వెళ్లారు. ఈ సందర్భంగా ఆయన మాట్లాడుతూ.. కాంగ్రెస్‌ ప్రభుత్వం వచ్చాక 60వేల ఉద్యోగాలు భర్తీ చేసిందన్నారు. ప్రభుత్వ, ప్రైవేటు రంగాల్లో లక్ష వరకు నియామకాలు జరిగాయన్నారు. గత ప్రభుత్వం పట్టభద్రులను, నిరుద్యోగులను పూర్తిగా విస్మరించిందని ఆరోపించారు. రాబోయే పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి ఘన విజయం సాధించడం తథ్యమన్నారు. అనంతగిరి: దసరా పండుగను పురస్కరించుకుని వికారాబాద్‌ మాజీ ఎమ్మెల్యే డాక్టర్‌ మెతుకు ఆనంద్‌, బీసీ కమిషన్‌ మాజీ సభ్యుడు శుభప్రద్‌పటేల్‌, ఇతర ముఖ్య నాయకులు గురువారం బీఆర్‌ఎస్‌ వర్కింగ్‌ ప్రసిడెంట్‌ కేటీఆర్‌, మాజీ మంత్రి సబితారెడ్డిని మర్యాదపూర్వకంగా కలిశారు. ఈ సందర్భంగా జమ్మి ఇచ్చి పండుగ శుభాకాంక్షలు తెలిపారు. బొంరాస్‌పేట: ఎస్సెస్సీ, ఓ ఎస్సెస్సీ, ఒకేషనల్‌ పబ్లిక్‌ పరీక్షలు మార్చి – 2027 వార్షిక పరీక్షల ఫీజు చెల్లింపుల వివరాలను గురువారం విద్యాశాఖ విడుదల చేసినట్లు దుద్యాల, బొంరాస్‌పేట ఎంఈఓలు శంకర్‌, హరిలాల్‌ గురువారం ఒక ప్రకటనలో తెలిపారు. ఈ నెల 30 నుంచి ఎలాంటి ఆలస్య రుసుం లేకుండా ఫీజు చెల్లించే అవకాశం ఉందన్నారు. నవంబరు 18 నుంచి ఆలస్య రుసుం రూ.50, డిసెంబరు 8నుంచి రూ.200 ఆలస్య రుసుం, డిసెంబరు 18 నుంచి రూ.500 ఆలస్య రుసుంతో 30వ తేదీ వరకు ఫీజు చెల్లించవచ్చని తెలిపారు. అన్ని సబ్జెక్టులకు గాను రూ.125, ఫెయిల్‌ అయినవారు మూడు సబ్జెక్టులకు రూ.110, మూడు సబ్జెక్టులకు పైగా ఉంటే రూ.125, ఒకేషనల్‌ విద్యార్థులు రూ.60 చెల్లించాల్సి ఉందని పేర్కొన్నారు. మిగితా వివరాలను సంబంధిత పాఠశాలల్లో సంప్రదించాలన్నారు. మర్పల్లి: రబీ పంటగా శనగ సాగు చేసే రైతులకు సబ్సిడీపై 200 బ్యాగుల విత్తనాలు అందుబాటులో ఉన్నాయని ఏఓ శ్రీకాంత్‌ గురువారం ఒక ప్రకటనలో తెలిపారు. ఆసక్తి ఉన్న రైతులు రైతు వేదికల్లో ఏఈఓలను సంప్రదించాలన్నారు. 30 కేజీల శనగ విత్తనాల బస్తా ధర రూ.2,500 ఉందని, సబ్సిడీ రూ.1,000 పోను రైతు వాటాగా రూ.1,500 చెల్లించాల్సి ఉంటుందన్నారు. జాతీయ ఆహార భద్రత పథకం కింద 16 కేజీల బస్తాలు 25 ఉన్నాయన్నారు. రైతులు పట్టాదారు పాసు పుస్తకం, ఆధార్‌ కార్డు జిరాక్స్‌ కాపీలతో రైతు వేదికల్లో అధికారులను సంప్రదించి విత్తనాలు పొందవచ్చని తెలిపారు.

ధారూరు: ఎల్‌నినో ప్రభావంతో వర్షాభావ పరిస్థితులు నెలకొన్న దృష్యా రైతులు వరి సాగు తగ్గించి సేంద్రియం మొగ్గు చూపాలని జిల్లా వ్యవసాయాధికారి కవిత సూచించారు. గురువారం ధారూరు రైతు వేదికలో ఖేత్‌ బచావో అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. రైతులు విధిగా భూసార పరీక్షలు చేయించాలన్నారు. పంట మార్పిడితో అధిక దిగుబడి పొందవచ్చని తెలిపారు. నీటిని కాపాడుకోవడం ద్వారా ఎల్‌నినో ప్రభావాన్ని ధైర్యంగా ఎదుర్కోవాలని సూచించారు. ప్రతి రైతూ ఫార్మర్‌ రిజిస్ట్రేషన్‌ చేయించుకోవాలని తెలిపారు. పొలాల్లో ఇంకుడు గుంతలు నిర్మించుకోవాలన్నారు. పంట ఉత్పత్తులను దళారులకు కాకుండా వ్యవసాయ మార్కెట్లలో విక్రయించి లబ్ధి పొందాలని తెలిపారు. అనంతరం ఏఎంసీ చైర్మన్‌ విజయభాస్కర్‌రెడ్డి మాట్లాడుతూ.. తక్కువ నీటితో సాగయ్యే పంటలను వేయాలని రైతులకు సూచించారు. వరి పంటను పూర్తిగా తగ్గిస్తే మంచిదన్నారు. అనంతరం ఉద్యాన శాఖ జిల్లా అధికారి సత్తార్‌ మాట్లాడుతూ.. వరికి బదులుగా ప్రత్యామ్నాయ పంటలు వేయాలన్నారు. అంతకుముందు స్పెషల్‌ రైతు నేస్తం వీడియో కాన్ఫరెన్స్‌ జరిగింది. మంత్రి తుమ్మల నాగేశ్వర్‌రావు రైతులకు పలు సూచనలు చేశారు. కార్యక్రమంలో జిల్లా మార్కెంగ్‌ అధికారి స్వరన్‌సింగ్‌, డీపీఓ రవీందర్‌, ఏడీఏ వెంకటేశం, జెడ్పీటీసీ మాజీ సభ్యుడు పీ రాములు, ఏఎంసీ కార్యదర్శి సిద్దమ్మ, ఏఓ సూర్యప్రకాశ్‌, ఉద్యాన శాఖ అధికారి యమున, సర్పంచులు ప్రమీలగౌడ్‌, అనంతయ్య తదితరులు పాల్గొన్నారు. వరి సాగు తగ్గించి సేంద్రియం వైపు మొగ్గు చూపాలి జిల్లా వ్యవసాయాధికారి కవిత

నిర్ణీత గడువులోగా ఆలయ నవీకరణ పనులు పూర్తి కావాలి కొడంగల్‌: పట్టణంలోని పద్మావతీ సమేత మహాలక్ష్మీ వేంకటేశ్వర స్వామి ఆలయ పునర్నిర్మాణ పనులను ముఖ్యమంత్రి రేవంత్‌రెడ్డి గురువారం పరిశీలించారు. ఈ సందర్భంగా ఆలయ అర్చకులు సీఎంకు పూర్ణ కుంభంతో స్వాగతం పలికారు. శ్రీవారి బాలాలయంలో ప్రత్యేక పూజలు చేశారు. అనంతరం ఆలయ నిర్మాణ పనుల తీరును గమనించారు. నిర్ణీత గడువులోపు పూర్తి కావాలని అధికారులకు సూచించారు. కొత్తగా నిర్మిస్తున్న కట్టడాలను గమనించారు. పనుల్లో పురోగతి సాధించాలని, ఎక్కడా జాప్యం లేకుండా అధికారులు సమన్వయంతో పని చేయాలని ఆదేశించారు. నాణ్యతా ప్రమాణాలు పాటించాలని కలెక్టర్‌ దీపక్‌ తివారికి సూచించారు. పనుల పురోగతిపై నిరంతరం సమీక్ష నిర్వహించాలన్నారు. వైఖానస ఆగమ శాస్త్రోకంగా ప్రధాన ఆలయం, అమ్మవార్ల ఆలయాలు, ఉప ఆలయాలు, మాడ వీధులు, క్యూలైన్‌, కల్యాణ మండపం, కల్యా ణ కట్ట, పూజా మందిరాలు, వసతి గదులు, స్నాన ఘట్టాలు, ప్రత్యేక అవసరాల గదులు, పార్కింగ్‌, పుష్కరిణి, ప్రసాదం కౌంటర్లు తదితర వాటికి ఆధునాతన వసతులతో చేపట్టాలన్నారు. కొడంగల్‌ అభివృద్ధిలో భాగంగా చేపట్టిన పనులను వేగవంతం చేయాలన్నారు. రూ.110 కోట్ల వ్యయంతో చేపట్టిన ఆలయ పునర్నిర్మాణ పనులను ఏడాదిలోపు పూర్తి కావాలన్నారు. దేవాదాయ శాఖ ఉన్నతాధికారులతో పాటు వాస్తు నిపుణులతో కలిసి సమన్వయంతో పని చేయాలని సూచించారు. కార్యక్రమంలో నారాయణ పేట జిల్లా కలెక్టర్‌ ప్రియాంక, వికారాబాద్‌ ఎస్పీ స్నేహ మెహ్ర, అదనపు కలెక్టర్లు ఉమాశంకర ప్రసాద్‌, వెంకటాచారి, ఆర్‌డీఓ అనిత, కడా ప్రత్యేకాధికారి వెంకట్‌రెడ్డి, మున్సిపల్‌ చైర్మన్‌ నందారం ప్రశాంత్‌, పలు శాఖల అధికారులు పాల్గొన్నారు. ముఖ్యమంత్రి రేవంత్‌రెడ్డి క్షేత్రస్థాయిలో పనుల పరిశీలన శ్రీవారిని దర్శించుకున్న సీఎం స్వాగతం పలికిన కలెక్టర్లు కొడంగల్‌ పర్యటనకు వచ్చిన ముఖ్యమంత్రి రేవంత్‌రెడ్డికి హెలిప్యాడ్‌ వద్ద వికారాబాద్‌, నారాయణపేట జిల్లాల కలెక్టర్లు దీపక్‌ తివారి, ప్రియాంక, ఎస్పీ స్నేహ మెహ్ర ఇతర అధికారులు పుష్పగుచ్ఛం ఇచ్చి స్వాగతం పలికారు. వందలాది మంది పోలీసులతో పటిష్ట భద్రత ఏర్పాటు చేశారు. కొడంగల్‌లో అడుగడుగునా నిఘా ఏర్పాటు చేశారు. భారీ బందోబస్తు మధ్య సీఎం పర్యటన సాగింది. మధ్యాహ్నం 2.15 గంటలకు హెలిక్యాప్టర్‌లో సీఎం కొడంగల్‌ చేరుకున్నారు. సాయంత్రం 5 గంటలకు హైదరాబాద్‌కు తిరుగు ప్రయాణం అయ్యారు.

ఇప్పటి వరకు 18,093 మంది కోర్సు పూర్తి సాక్షి, సిటీబ్యూరో: వాహనదారుల్లో రహదారి భద్రతపై అవగాహన పెంచేందుకు రవాణాశాఖ కొత్తగా ప్రవేశపెట్టిన ఆన్‌లైన్‌ రోడ్డు భద్రత కోర్సుకు విశేష ఆదరణ లభిస్తోంది. మొదట కూకట్‌పల్లి రవాణా కార్యాలయంలో ప్రయోగాత్మకంగా ప్రారంభించారు. ప్రస్తుతం క్యూర్‌ పరిధిలోని అన్ని ప్రాంతీయ రవాణా కార్యాలయాలకు ఈ కోర్సును విస్తరించారు. లెర్నర్స్‌ లైసెన్స్‌ తీసుకొని పర్మనెంట్‌ లైసెన్స్‌ కోసం ఎదురుచూసే వాళ్లు తప్పనిసరిగా ఆన్‌ లైన్‌ కోర్సును పూర్తి చేయాలి. ఈ మేరకు ఇప్పటి వరకు 21,606 మంది ఈ కోర్సు కోసం నమో దు చేసుకున్నారు. వీరిలో 18,098 మంది కోర్సు ను విజయవంతంగా పూర్తి చేసినట్లు రవాణా అధికారులు తెలిపారు. నగరంలోని వివిధ ప్రాంతీయ రవాణా కార్యాలయాల పరిధిలో రోజుకు 1000 మంది ఈ కోర్సుకు హాజరవుతున్నారు. అవగాహన తప్పనిసరి.. కొత్తగా స్టీరింగ్‌ పట్టుకొనే ప్రతి వ్యక్తికి రోడ్డు నిబంధనలు, రహదారి భద్రతపై స్పష్టమైన అవగాహన ఉండాలని, అలాంటి వారికే వాహనాలను నడిపేందుకు లైసెన్సును ఇవ్వాలని సుప్రీంకోర్టు నియమించిన రోడ్డు భద్రతా కమిటీ సూచించింది. ఏటా పెరుగుతున్న రోడ్డు ప్రమాదాలు, మృతులు, క్షతగాత్రుల సంఖ్య ఆందోళన కలిగిస్తున్నట్లు పేర్కొంది. ఈ మేరకు రవాణాశాఖ రోడ్డు భద్రతా పాఠాలను తప్పనిసరి చేసింది. మోటారు వాహన నిబంధనల మేరకు ఆర్టీఏ కార్యాలయాల్లో నిర్వహించే లెర్నర్స్‌ పరీక్షలకు హాజరైనవారు తిరిగి శాశ్వత డ్రైవింగ్‌ లైసెన్స్‌ కోసం డ్రైవింగ్‌ టెస్ట్‌ ట్రాక్‌లలో నిర్వహించే పరీక్షలకు హాజరయ్యే లోపు (ఎల్‌ఎల్‌ఆర్‌ తీసుకొన్న నెల నుంచి 6 నెలల వరకు) వీడియో కోర్సును పూర్తి చేయాల్సి ఉంటుంది. రెండున్నర గంటల నిడివి ఉండే వీడియో పాఠాల్లో డిఫెన్సివ్‌ డ్రైవింగ్‌పైనా అవగాహన కల్పిస్తారు. అతివేగం, నిర్లక్ష్యపు డ్రైవింగ్‌, మద్యం తాగి వాహనాలు నడపడం, హెల్మెట్‌, సీటుబెల్ట్‌ ధరించకపోవడం, డ్రైవింగ్‌ సమయంలో మొబైల్‌ ఫోన్‌నున్‌ఉపయోగించడం వంటి ప్రవర్తనల వల్ల తలెత్తే అనర్థాలను, ప్రమాదాల ముప్పును ఈ వీడియో పాఠాలు వివరిస్తాయని రవాణాశాఖ విజిలెన్స్‌ విభాగం జాయింట్‌ ట్రాన్స్‌పోర్ట్‌ కమిషనర్‌ మామిండ్ల చంద్రశేఖర్‌గౌడ్‌ తెలిపారు.

సాక్షి, రంగారెడ్డి జిల్లా: ‘నాడు ఇందిరాగాంధీ పేదలకు భూములను పంచితే.. ఆమె పేరు చెప్పుకొని అధికారంలోకి వచ్చిన సీఎం రేవంత్‌రెడ్డి బలవంతపు భూ సేకరణకు పాల్పడుతున్నాడు. పరిశ్రమల పేరుతో పేదల భూములు దోచి.. పెద్దలకు కట్టబెడుతున్నాడు. రెండున్నరేళ్లలో ఒక్క పరిశ్రమ రాలేదు. ఒక్కరికి కూడా ఉద్యోగం దక్కలేదు. అయినా నిత్యం ఏదో ఒక పేరుతో భూసేకరణ నోటిఫికేషన్లు జారీ చేస్తూ ఉమ్మడి జిల్లా రైతులకు కంటిమీద కునుకు లేకుండా చేస్తున్నాడు.’ అని మాజీ మంత్రి మహేశ్వరం ఎమ్మెల్యే పటోళ్ల సబితా ఇంద్రారెడ్డి ఆరోపించారు. ఈ మేరకు సోమవారం ‘సాక్షి ప్రతినిధి’కి ప్రత్యేక ఇంటర్వ్యూ ఇచ్చారు. ఆమె మాటల్లోనే.. ప్రభుత్వం నాపై కత్తికట్టింది సీఎం రేవంత్‌ నేతృత్వంలోని కాంగ్రెస్‌ ప్రభుత్వం నాపై కత్తికట్టి, కక్ష పూరితంగా వ్యవహరిస్తోంది. గత ప్రభుత్వ హయాంలో నేను మహేశ్వరానికి మంజూరు చేయించుకున్న రూ.280 కోట్ల నిధులను రద్దు చేసింది. అరవై శాతం కమీషన్లకు ఆశపడి అవసరం లేకపోయినా మహేశ్వరం, కందుకూరులో హైమాస్ట్‌ లైట్లు ఏర్పాటు చేసింది. వీటి కరెంట్‌ బిల్లులు ఆయా జీపీలకు పెద్ద గుదిబండలా మారాయి. ఎన్నికల్లో నాపై పోటీ చేసి ఓటమి పాలైన వాళ్లు.. అధికారులపై పెత్తనం చలాయిస్తున్నారు. మహేశ్వరం మెడికల్‌ కాలేజీని మరో చోటికి తరలించారు. 400 పడకల ఆస్పత్రి నిర్మాణానికి నిధులు మంజూరైనా ఉద్దేశ పూర్వకంగానే ఆ పనులను అడ్డుకున్నారు. కాంగ్రెస్‌ హయాంలో ఉమ్మడి జిల్లాకు తీరని అన్యాయం జరుగుతోంది. రూ.6,478 కోట్లతో ప్రతిపాదించిన హ్యామ్‌ రోడ్లను ఒకే కాంట్రాక్టర్‌కు కట్టబెట్టే కుట్ర చేస్తున్నారు. ప్రభుత్వ వేధింపులు, అక్రమ కేసులకు భయపడే ప్రసక్తే లేదు. అవసరం లేకపోయినా.. నిరుద్యోగ యువతకు పెద్ద ఎతున ఉపాధి కల్పించాలనే ఉద్దేశంతో నాటి బీఆర్‌ఎస్‌ ప్రభుత్వం ఫార్మాసిటీ పేరుతో కందుకూరు, యాచారం మండలాల్లో 19,330 ఎకరాలు సేకరించింది. ఫార్మా పరిశ్రమలు వస్తే ఈ ప్రాంతం కాలుష్య కోరల్లో చిక్కుకుంటుందని, తాము అధికారంలోకి వస్తే దీన్ని రద్దు చేసి, రైతుల భూములను తిరిగి ఇచ్చేస్తామని కాంగ్రెస్‌ నేతలు హామీ ఇచ్చారు. అధికారం వచ్చిన తర్వాత ఫ్యూచర్‌సిటీ పేరుతో రియల్‌ ఎస్టేట్‌ వ్యాపారానికి తెరతీశారు. అనామక కంపెనీలకు అడ్డగోలుగా భూములు కట్టబెడుతున్నారు. అన్నాదమ్ముళ్లు కలిసి వందలాది ఎకరాలు కొల్లగొట్టారు. వాటి ధరలు పెంచుకునేందుకు అప్పటికే మంజూరైన శ్రీశైలం జాతీయ రహదారి, నాగార్జున సాగర్‌ రహదారులను వదిలేసి, అవసరం లేకపోయినా కొత్తగా రెండు రేడియల్‌ రోడ్లను తెరపైకి తెచ్చారు. వీటి వల్ల సీఎం సోదరులకు మినహా.. సాధారణ ప్రజలకు ఏమాత్రం ఉపయోగం లేదు. నోటిఫికేషన్లు.. లూటిఫికేషన్లు కాంగ్రెస్‌ అధికారంలోకి వచ్చి రెండున్నరేళ్లు దాటింది. ఇప్పటికే సేకరించిన భూముల్లో కొత్తగా ఒక్క పరిశ్రమను తీసుకురాలేదు. భూములిచ్చిన ఏ ఒక్క రైతు కుటుంబానికి ఉద్యోగ అవకాశం దక్కలేదు. గత ప్రభుత్వ హయాంలో వికారాబాద్‌ జిల్లా మన్నెగూడ, మోమిన్‌పేటలో 1,200 ఎకరాలు సేకరించి పెట్టింది. వీటిలో ఒక్క పరిశ్రమను కూడా తీసుకురాలేదు. గుడిమల్కాపూర్‌లోని పూలమార్కెట్‌ను అజీజ్‌నగర్‌కు తరలించనున్నట్లు ప్రకటించారు. ఇందుకు 40 ఎకరాలు సరిపోతుంది. కానీ ప్రభుత్వం 250 ఎకరాల సేకరణకు నోటిఫికేషన్‌ చేసింది. ఎన్కెపల్లిలో గోశాల పేరుతో 100 ఎకరాలకు, మామిడిపల్లిలో మరో 100 ఎకరాలకు ఎసరు పెట్టింది. కేంద్రం నుంచి స్పష్టమైన ప్రకటన లేకుండానే బుల్లెట్‌ౖ రెలు పేరుతో బహుదుర్‌గూడలో బలవంతపు భూసేకరణకు దిగింది. పక్కనే ఉన్న పెద్దల భూములను వదిలి కేవలం సాగులో ఉన్న పేదలను టార్గెట్‌ చేసింది. ఇక్కడ 600 ఎకరాలు కొల్లగొట్టేందుకు యత్నిస్తోంది. కొత్తగా మరికొన్ని భూసేకరణ నోటిఫికేషన్లు జారీ చేస్తోంది. చేవెళ్ల మండలం ఆలూరులో 1,248 ఎకరాలు, పరిగిలో 1,179 ఎకరాలకు నోటిఫికేషన్‌ ఇచ్చింది. కొత్త పారిశ్రామిక వాడలు, రేడియల్‌ రోడ్ల పేరుతో పోలీసు బందోబస్తు మధ్య బలవంతపు భూసేకరణకు పాల్పడుతోంది. రైతుల కంటిమీద కునుకు లేకుండా చేస్తోంది. 22–ఏను అడ్డుపెట్టుకుని.. ఓఆర్‌ఆర్‌ లోపల ఉన్న విలువైన భూములను కొట్టేసేందుకు ప్రభుత్వం కుట్రపన్నింది. గతంలో ప్రభుత్వాలు పరిశ్రమల ఏర్పాటు కోసం కేటాయించిన భూముల్లో అపార్ట్‌మెంట్లు కట్టుకునేందుకు కొత్తగా హిల్ట్‌పాలసీని తెరపైకి తీసుకొచ్చి రైతులు, పారిశ్రామికవేత్తలపై బెదిరింపులకు దిగుతోంది. చివరకు యూనివర్సిటీ భూములను సైతం అమ్ముకునేందుకు సిద్ధపడింది. 22– ఏపేరుతో వేలాది ఎకరాల పట్టాభూములను నిషేధిత జాబితాలో చేర్చి, ప్రజల జీవితాలతో ఆడుకుంటోంది. మూసీ రివర్స్‌ ఫ్రంట్‌ పేరుతో వేలాది మంది ఇళ్ల కూల్చివేతకు పాల్పడుతోంది. అడ్డగోలు నోటిఫికేషన్లతో భూములు కొల్లగొడుతున్నారు స్వలాభం కోసమే గ్రీన్‌ఫీల్డ్‌ రోడ్ల నిర్మాణం కాంగ్రెస్‌ పాలనలో ఉమ్మడి జిల్లాకు తీరని అన్యాయం ‘సాక్షి’తో మాజీ మంత్రి, మహేశ్వరం ఎమ్మెల్యే సబితారెడ్డి జీహెచ్‌ఎంసీ విభజన సహా పోలీసు కమిషనరేట్ల ఏర్పాటు కూడా పూర్తి అశాసీ్త్రయంగా జరిగింది. పక్కనే ఉన్న సైబరాబాద్‌ పోలీసు కమిషనరేట్‌ను వదిలి.. మొయినాబాద్‌, చేవెళ్లను 70 కిలోమీటర్ల దూరంలో ఉన్న ఫ్యూచర్‌సిటీ కమిషనరేట్‌లో కలిపారు. కమిషనర్‌ ఆఫీసును ఇప్పటికే ఒకసారి కలెక్టరేట్‌లో, మరో సారి ఫ్యాబ్‌సిటీలో ప్రారంభించారు. మీర్‌ఖాన్‌పేటలో భవనానికి శంకుస్థాపన కూడా చేశారు. తాజాగా ఇబ్రహీంపట్నం ఆక్టోపస్‌లో భవనాన్ని ప్రారంభించారు. కరెంట్‌, సాగు, తాగునీటి సంక్షోభాన్ని ఎల్‌నినోపై నెట్టేసి తప్పించుకునే ప్రయత్నం చేస్తున్నారు.

సాక్షి, రంగారెడ్డి జిల్లా: విభేదాలను పక్కన పెట్టి పార్టీ అభ్యర్థి గెలుపు కోసం అంతా కలిసికట్టుగా పని చేయాలని ఐటీ, పరిశ్రమలశాఖ మంత్రి దుద్దిళ్ల శ్రీధర్‌బాబు నేతలకు సూచించారు. పాత, కొత్త నాయకులంతా సమన్వయంతో పని చేయాలన్నారు. ఈ మేరకు గురువారం హైదరాబాద్‌– రంగారెడ్డి– మహబూబ్‌నగర్‌ గ్రాడ్యుయేట్‌ ఎమ్మెల్సీ ఎన్నికల ఉమ్మడి రంగారెడ్డి జిల్లా నేతలతో శంషాబాద్‌లో సన్నాహక సమావేశం నిర్వహించారు. ముఖ్య అతిథిగా హాజరైన మంత్రి కాంగ్రెస్‌ శ్రేణులకు దిశానిర్దేశం చేశారు. అంతర్గతంగా ఎన్ని విభేదాలున్నా.. పక్కన పెట్టి, పార్టీ అభ్యర్థి సామ రామ్మోహన్‌రెడ్డి గెలుపు కోసం కృషిచేయాలన్నారు. అందివచ్చిన అవకాశాన్ని ఎట్టిపరిస్థితుల్లోనూ చేజారనివ్వకూడని ఆదేశించారు. పార్టీ వ్యతిరేక చర్యలకు పాల్పడే వారిపట్ల కఠినంగా వ్యవహరిస్తామని హెచ్చరించారు. గ్రాడ్యుయేట్‌ ఎన్నికల్లో గెలిచేది, కాంగ్రెస్‌ అభ్యర్థేనని ధీమా వ్యక్తంచేశారు. అత్యధిక మెజార్టీ కోసం ప్రతిఒక్కరూ కృషిచేయాలన్నారు. గ్రాడ్యుయేట్‌ ఓటర్ల నమోదును పార్టీ శ్రేణులు అత్యంత ప్రతిష్టాత్మకంగా తీసుకోవాలని, అర్హులైన ప్రతి పట్టభద్రుడిని ఓటరుగా నమోదు చేయించే బాధ్యత నాయకులు, కార్యకర్తలదేనని గ్రామాలు, మున్సిపాలిటీలు, వార్డుల వారీగా ప్రత్యేక ఓటర్‌ ఎన్‌రోల్‌మెంట్‌ డ్రైవ్‌ చేపట్టాలని, బూత్‌ స్థాయి నుంచి ప్రతి గ్రాడ్యుయేట్‌ ఓటరును కలిసి ప్రభుత్వం చేపట్టిన సంక్షేమ, అభివృద్ధి వివరించాలని, బీఆర్‌ఎస్‌, బీజేపీ వైఫల్యాలను మరింత బలంగా ప్రజల్లోకి తీసుకెళ్లాలని సూచించారు. ఈ సమావేశంలో ఎంపీ మల్లు రవి, ఎమ్మెల్యేలు మల్‌రెడ్డి రంగారెడ్డి, రామ్మోహన్‌రెడ్డి, మనోహర్‌రెడ్డి, కసిరెడ్డి నారాయణరెడ్డి, ప్రభుత్వ విప్‌, ఎమ్మెల్సీ బల్మూరు వెంకట్‌, ఎమ్మెల్సీ అభ్యర్థి సామ రామ్మోహన్‌రెడ్డి తదితరులు పాల్గొన్నారు. కార్యక్రమంలో రంగారెడ్డి డీసీసీ అధ్యక్షురాలు చిగురింత పారిజాత నర్సింహారెడ్డి, మేడ్చల్‌ జిల్లా అధ్యక్షుడు వజ్రేష్‌ యాదవ్‌, వికారాబాద్‌ జిల్లా అధ్యక్షుడు ధారాసింగ్‌, కేంద్ర మాజీ మంత్రి వేణుగోపాలాచారి, పార్టీ సీనియర్‌ నాయకులు హాజరయ్యారు. అభ్యర్థి మీరే పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ విజయానికి ప్రతీ నాయకుడు, కార్యకర్త తానే అభ్యర్థిగా భావించి కష్టపడి పనిచేయాలని ఆలిండియా ప్రొఫెషనల్‌ కాంగ్రెస్‌ చైర్మన్‌ మధుయాస్కిగౌడ్‌ అన్నారు. ముఖ్యమంత్రి రేవంత్‌రెడ్డి ప్రాతినిధ్యం వహిస్తున్న పట్టభద్రుల ఎమ్మెల్సీ స్థానాన్ని గెలిచుకోవడాన్ని ప్రతిష్టాత్మకంగా తీసుకోవాలని సూచించారు. ఉమ్మడి జిల్లా నుంచి అత్యధికంగా పట్టభద్రుల ఓటరు నమోదును చేపట్టి, పార్టీ అభ్యర్థి విజయంపై ముఖ్యమంత్రికి విశ్వాసం కల్పించాల్సిన బాధ్యత నాయకులు, కార్యకర్తలపై ఉందన్నారు. ఎమ్మెల్సీ ఎన్నికల్లో కాంగ్రెస్‌ పార్టీ విజయం సాధిస్తే.. జిల్లాకు మంత్రి పదవి దక్కే అవకాశం ఉందని తెలిపారు. పార్టీ కోసం కష్టపడే నాయకులు, కార్యకర్తలకు నామినేటెడ్‌ పదవుల రూపంలో తగిన గుర్తింపు లభిస్తుంది. కాంగ్రెస్‌ అభ్యర్థి గెలుపే లక్ష్యంగా పనిచేయండి జిల్లా ఇన్‌చార్జ్‌ మంత్రి శ్రీధర్‌బాబు ఉమ్మడి రంగారెడ్డి జిల్లా నేతలతో సమావేశం

● తొలిదశలోనే గుర్తించి చికిత్స అందించాలి ● డీఎంహెచ్‌ఓ కళ్యాణ్‌ చక్రవర్తి ● సరూర్‌నగర్‌లో అవగాహన ర్యాలీ హుడాకాంప్లెక్స్‌: కుష్టు వ్యాధి నిర్మూలనకు వైద్యారోగ్య శాఖ ఆధ్వర్యంలో అవగాహన కార్యక్రమాలు చేపట్టాలని డీఎంహెచ్‌ఓ కళ్యాణ్‌చక్రవర్తి అన్నారు. కుష్టువ్యాధి నివారణ వారోత్సవాల సందర్భంగా గురువారం సరూర్‌నగర్‌ ఆస్పత్రి పరిసర ప్రాంతాల్లో వ్యాధిగ్రస్తుల గుర్తింపు ఉద్యమ అవగాహన ర్యాలీ నిర్వహించారు. ఈ సందర్భంగా ఆయన మాట్లాడుతూ.. వ్యాధి లక్షణాలను తొలిదశలోనే గుర్తించి, సకాలంలో చికిత్స అందేలా చర్యలు తీసుకోవాలన్నారు. వ్యాధిపై ప్రజల్లో ఉన్న అపోహలను తొలగించి, బాధితులకు అండగా నిలవాలని సూచించారు. లక్షణాలు కనిపించిన వెంటనే సమీపంలోని ప్రభుత్వ ఆరోగ్య కేంద్రాన్ని సంప్రదించేలా ప్రజలకు అవగాహన కల్పించాలని సూచించారు. సిబ్బంది క్షేత్రస్థాయిలో పర్యటిస్తూ వ్యాధి లక్షణాల గుర్తింపు, చికిత్స, నివారణను వివరించాలని, వ్యాధిగ్రస్తుల పట్ల వివక్ష చూపకూడదని తెలిపారు. కుష్టు నిర్మూలన లక్ష్యాన్ని సాధించేందుకు వైద్య ఆరోగ్య శాఖ అధికారులు, సిబ్బంది సమన్వయంతో పనిచేయాలని సూచించారు. ర్యాలీలో స్థానిక వైద్య సిబ్బంది పాల్గొన్నారు.

● రంగారెడ్డి కలెక్టర్‌ నారాయణరెడ్డి ● సంబంధిత అధికారులకు శిక్షణ ఇబ్రహీంపట్నం రూరల్‌: తెలంగాణ ప్రభుత్వం నిర్వహించబోయే ఫేజ్‌– 2 జనాభా గణన కార్యక్రమాన్ని సమర్థవంతంగా నిర్వహించాలని కలెక్టర్‌ సి.నారాయణరెడ్డి అధికారులను ఆదేశించారు. ఈ మేరకు గురువారం సంబంధిత అధికారులకు శిక్షణ కార్యక్రమం నిర్వహించారు. జనాభా గణనకు సంబంధించిన విధివిధానాలు, సంబంధిత శాఖల మధ్య సమన్వయం, నిర్ణీత సమయంలో గణన పూర్తిచేయడం తదితర అంశాలపై జిల్లా రెవెన్యూ అధికారులు, తహసీల్దార్లు, మున్సిపల్‌ కమిషనర్లు, ఎంపీడీఓలకు అవగాహన కల్పించారు. నిర్దేశిత మార్గదర్శకాలను పాటించాలన్నారు. ఈ కార్యక్రమంలో అదనపు కలెక్టర్‌ కిరణ్మయి, మేడ్చల్‌ అదనపు కలెక్టర్‌ విజయేందర్‌రెడ్డి, డీఆర్‌ఓలు శారదదేవి, మాలతి తదితరులు పాల్గొన్నారు.

సికింద్రాబాద్‌: రైలు ప్రయాణంలో తీవ్ర అసవస్థతకు గురైన ఒక ప్రైవేటు ఉపాధ్యాయురాలు గురువారం తెల్లవారుజామున సికింద్రాబాద్‌ రైల్వేస్టేషన్‌ సమీపంలో మృతి చెందింది. జీఆర్‌పీ హెడ్‌ కానిస్టేబుల్‌ కే.నాగేశ్వరరావు తెలిపిన వివరాల మేరకు... విజవాడ దుర్గాపురానికి చెందిన వి.విశాలాక్షి (41) చందానగర్‌లోని శ్రీ చైతన్య పాఠశాలలో ఉపాధ్యాయురాలిగా పనిచేస్తోంది. దసరా సెలవులకు స్వంత ఊరికి వెళ్లిన ఆమె తిరిగి నగరానికి వచ్చేందుకు బుధవారం రాత్రి విజయవాడలో మచిటీపట్నం–బీదర్‌ రైలు ఎక్కింది. లింగంపల్లి స్టేషన్‌లో దిగాల్సిన విశాలాక్షికి సికింద్రాబాద్‌ రైల్వేస్టేషన్‌కు రైలు తెల్లవారు జామున చేరుకుంటున్న సమయంలో ఫిట్స్‌ వచ్చాయి. దీంతో బెర్త్‌లోనే ఆమె అపస్మారకస్థితికి చేరడంతో తోడి ప్రయాణికులు రైల్వే పోలీసులకు సమాచారం అందించారు. జీఆర్‌పీ పోలీసులు పరిశీలించగా.. అప్పటికే విశాలక్షి మృతి చెందినట్టు గుర్తించారు.

● ఆరుతడి పంటల సాగుపై దృష్టి పెట్టాలి ● రంగారెడ్డి డీఏఓ సుజాత యాచారం: వర్షాభావంతో భూగర్భజలాలు గణనీయంగా తగ్గిపోతున్నాయని, యాసంగిలో వరి సాగు చేయొద్దని జిల్లా వ్యవసాయాధికారి ఎం.సుజాత రైతులకు సూచించారు. యాచారం రైతు వేదికలో గురువారం ఎల్‌నినో ప్రభావం, వర్షాభావ పరిస్థితులు, సాగు భూమి సంరక్షణ తదితర అంశాలపై రైతులకు అవగాహన కల్పించారు. ఈ సందర్భంగా ఆమె మాట్లాడుతూ... రెండేళ్లుగా వర్షాలు సమృద్ధిగా కురవకపోవడంతో నీటి సమస్యలు తలెత్తుతాయన్నారు. యాసంగిలో వరి పంటను పూర్తిగా ఆపేయాలని సూచించారు. స్వల్ప కాలంలో ఆదాయాన్ని తెచ్చి పెట్టే కూరగాయలు, ఆకుకూరల పంటల సాగుపై దృష్టి పెట్టాలని సూచించారు. ప్రస్తుతం వరి పంటను కోసిన తర్వాత గడ్డిని రైతులు తగులబెట్టరాదని తెలిపారు. బోరుబావుల్లో ఉన్న కొద్దిపాటి నీటితో మూగజీవాలకు దాహార్తి తీర్చేందుకు కృషి చేయాలని తెలిపారు. పత్తి తీత పనులు జరుగుతున్న దృష్ట్యా జిల్లాలో పలు చోట్ల సీసీఐ కేంద్రాలు ఏర్పాటు చేశామన్నారు. రైతులు నీటి పొదుపు కోసం డ్రిప్‌ విధానాన్ని వినియోగించాలని సూచించారు. ఈ కార్యక్రమంలో జిల్లా ఉద్యాన శాఖ అధికారి కె.సురేష్‌, జిల్లా మార్కెటింగ్‌ శాఖ అధికారి ఎండీ రియాజ్‌, యాచారం మండల వ్యవసాయాధికారి రవినాథ్‌, ఇబ్రహీంపట్నం డివిజన్‌ ఉద్యాన శాఖ అధికారి నవీన, పలు గ్రామాల రైతులు పాల్గొన్నారు.

● రూ.3.96 కోట్లతో సుందరీకరణ పనులు● పిల్లర్లు, క్రాష్‌బ్యారియర్లపై ఆర్టిస్టిక్‌ పెయింటింగ్‌లు ● మూడు నెలల్లో పనులు పూర్తి సాక్షి, సిటీబ్యూరో: నగర సుందరీకరణకు ప్రాధాన్యమిస్తూ ఇప్పటికే పలు ఫ్లై ఓవర్లను అందమైన రంగులు, కళాకృతులతో తీర్చిదిద్దిన జీహెచ్‌ఎంసీ తాజాగా షేక్‌పేట్‌ ఫ్లైఓవర్‌కు కొత్త హంగులద్దేందుకు సిద్ధమైంది. ఫ్లైఓవర్‌ పరిసరాలను ఆకర్షణీయంగా తీర్చిదిద్దడంతో పాటు పిల్లర్లు, క్రాష్‌బ్యారియర్లపై కళాత్మక చిత్రాలు, రంగులతో ఆకట్టుకునే పనులు చేపట్టనున్నట్లు అధికారులు తెలిపారు. ఇందుకోసం రెండు విభాగాలుగా రూ. 3.96 కోట్లకు జీహెచ్‌ఎంసీ కమిషనర్‌ ఇప్పటికే పరిపాలన అనుమతులు జారీ చేయడంతో త్వరలోనే కాంట్రాక్టు ఏజెన్సీని ఖరారు చేసి పనులు చేపట్టనున్నారు. ఈ పనులు మూడునెలల్లో పూర్తవుతాయని అధికారులు పేర్కొన్నారు. తెలంగాణ సంస్కృతి ఉట్టిపడేలా.. ఫ్లైఓవర్‌ పిల్లర్లపై తెలంగాణ సంస్కృతి, చారిత్రక వారసత్వం, ఆధునిక నగర జీవనశైలిని ప్రతిబింబించే కళాత్మక చిత్రాలను ఆవిష్కరించనున్నారు. అదే సమయంలో క్రాష్‌బ్యారియర్లను రంగురంగుల డిజైన్లతో అలంకరించి ఫ్లై ఓవర్‌ మొత్తానికి ప్రత్యేక అందాన్ని తీసుకురానున్నారు. ఇప్పటికే తీర్చిదిద్దిన పలు ఫ్లైఓవర్లు, అండర్‌పాస్‌లు కళాత్మక పెయింటింగ్‌లతో ప్రత్యేక గుర్తింపు పొందిన నేపథ్యంలో షేక్‌పేట్‌ ఫ్లైఓవర్‌ను కూడా అదే తరహాలో అభివృద్ధి చేసేందుకు జీహెచ్‌ఎంసీ సిద్ధమైంది. ఈ పనులు పూర్తయిన తర్వాత షేక్‌పేట్‌ ఫ్లైఓవర్‌ కేవలం ప్రయాణ మార్గంగా కాకుండా నగరంలో ఫొటోగ్రఫీ, విజువల్‌ ఆకర్షణకు కేంద్రంగా మారనుందని.. ప్రజలకు ఆహ్లాదకర వాతావరణం కల్పించడంతో పాటు నగర ప్రతిష్ట మరింత పెంచడమే ఈ ప్రాజెక్ట్‌ ప్రధాన ఉద్దేశమని జీహెచ్‌ఎంసీ వర్గాలు చెబుతున్నాయి.

సాక్షి, సిటీబ్యూరో/రాంగోపాల్‌పేట్‌: దసరా నేపథ్యంలో నగరంలోని వేర్వేరు ప్రాంతాల్లో సుమారు 8 పాలపిట్టలను నగర పోలీసు విభాగంతో పాటు గ్రేటర్‌ హైదరాబాద్‌ సొసైటీ ఫర్‌ ద ప్రివెన్షన్‌ ఆఫ్‌ క్రూయల్టీ టు యానిమల్స్‌ (జీహెచ్‌ఎస్పీసీఏ) ప్రతినిధుల బృందం కాపాడాయి. ప్రజల నుంచి అందిన సమాచారంతో లంగర్‌హౌస్‌ బాపూఘాట్‌ సమీపంలోని ఆలయం వద్ద ఇరుకై న బోనుల్లో నరకయాతన అనుభవిస్తున్న రెండు పాలపిట్టలను విడిపించిన అధికారులు కేబీఆర్‌ పార్క్‌ అటవీ అధికారులకు అప్పగించారు. ఛత్రినాక శ్రీ చిత్రగుప్త స్వామి ఆలయం వద్ద చెట్టుకు బోను వేలాడదీసి నిర్బంధించిన ఒక పాలపిట్టను, మంగళ్‌హాట్‌ బాలాజీనగర్‌ గుడి సమీపంలో బోనులో ఉంచిన మరో పాలపిట్టను రెస్క్యూ చేసి ఫారెస్ట్‌ అధికారు లకు అప్పగించారు. అలాగే.. జీహెచ్‌ఎస్పీసీఏ ప్రతినిధులు.. తాడ్‌బండ్‌ హనుమాన్‌ దేవాలయం ప్రాంతంలో రెండు, నాగోల్‌లో ఒకటి, బేగంబజార్‌లో ఒక పాల పిట్టను రక్షించి వైద్య పరీక్షలకు పంపించినట్లు తెలిపారు. రాష్ట్ర పక్షి పాలపిట్టను హింసిస్తే చట్టప్రకారం కఠిన చర్యలు తప్పవని కొత్వాల్‌ వీసీ సజ్జనర్‌ హెచ్చరించారు. వన్యప్రాణులకు హాని తలపెట్టే ఘటనలు ఎక్కడ కనిపించినా 180042 55364, 9803338666 లేదా డయల్‌ 112కు సమాచారం అందించాలని ఆయన సూచించారు.

వికారాబాద్‌: ‘ఇతర జిల్లాలతో పోలీస్తే మనజిల్లాపై ఎల్‌నినో ప్రభావం తీవ్రంగా ఉంది.. వాతావరణ, భూగర్భ జలవనరులు, వ్యవసాయ, ఉద్యానశాఖల నిపుణుల గణాంకాలు ఈ విషయాన్ని స్పష్టం చేస్తున్నాయి.. దీన్ని దృష్టిలో ఉంచుకుని అందరం కలిసికట్టుగా ఎల్‌నినోను ఎదుర్కోవాల్సిన అవసరం ఉంది’ అని కలెక్టర్‌ దీపక్‌ తివారి అన్నారు. జిల్లాలో వర్షపాతం.. భూగర్భ జలాలు.. ఎండల తీవ్రత.. నీటి లభ్యత.. పంటలు.. పశు సంపదను కాపాడుకోవడం కోసం ప్రభుత్వం తీసుకుంటున్న చర్యలు, జిల్లా తరఫున చేసిన సిఫారసులను బుధవారం ఆయన ‘సాక్షి’తో పంచుకున్నారు. వరి పంటపై ఒత్తిడి ప్రస్తుత ఖరీఫ్‌ సీజనలో వేసిన పంటల్లో వరి, కంది తీవ్ర ఒత్తిడిని ఎదుర్కొంటున్నాయి. రాష్ట్రంలో 20 శాతం లోటు వర్షపాతం నమోదైతే జిల్లాలో 35 శా తం లోటు ఉంది. రాష్ట్ర సగటు కంటే మన జిల్లాలో పది శాతం అధిక లోటు ఉంది. ఎల్‌నినో ప్రభావంతో ఎండల తీవ్రత పెరిగి సాధారణం కంటే అధిక ఉష్ణోగ్రతలు నమోదవుతున్నాయి. భూగర్భజలాలు వేసవి తరహాలో పడిపోతున్నాయి. ప్రస్తుతం కొన్ని మండలాల్లో 25 మీటర్ల కంటే ఎక్కువ లోతుకు పడిపోయాయి. ఈ ప్రభావం ప్రజలు, పశుపక్షాదులపై పడింది. వీటితో పాటు వ్యవసాయం, వ్యవసాయ అనుబంధ శాఖలు, రైతులపై ఇంకాస్త ఎక్కువ ఉంది. ఈ పరిస్థితిల్లో మనమందరం రైతులను కాపాడుకోవడం ఎంతో అవసరం. అన్నదాతలు పరిస్థితులకు అనుగుణంగా సాగు విధానం మార్చుకోవాల్సిన అవసరం ఉంది. ప్రస్తుతం జిల్లాలో 2.19 లక్ష ల ఎకరాల్లో పత్తి, 95వేల ఎకరాల్లో కంది, 1.2లక్షల ఎకరాల్లో వరి, 35వేల ఎకరాల్లో మొక్కజొన్న పంటలు సాగు చేశారు. మొక్కజొన్న కోత దశలో ఉన్నందున ఈ పంటపై పెద్ద ప్రభావం ఉండదు. కానీ మిగతా పంటలపై ఎక్కువ ప్రభావం ఉంటుంది. కంది, పత్తి దిగుబడి 25నుంచి 50శాతం వరకు తగ్గే అవకాశం ఉంది. వరి పంట ప్రస్తుతం ఎక్కువ ఒత్తిడిని ఎదుర్కొంటోంది. రైతులను అప్రమత్తం చేయాలని వ్యవసాయ, దాని అనుబంధ శాఖలకు ఆదేశాలు ఇచ్చాం. నిరంతరం సమీక్షలు నిర్వహిస్తున్నాం. ఎల్‌నినో కారణంగా 20 నుంచి 25శాతం వరకు వరి వాడిపోతున్నట్లు తెలుస్తోంది. పంటను కాపాడుకోవడం కోసం రైతులు రెండు శాతం యూ రియా కలుపుకొని పిచికారీ చేస్తే ప్రయోజనం. ప్రభుత్వానికి పలు సిఫారసులు ఎల్‌నినో ప్రభావంతో జిల్లాలో నెలకొన్న పరిస్థితిని ప్రభుత్వానికి ఎప్పటికప్పుడు తెలియజేస్తున్నాం. హర్టీకల్చర్‌ శాఖ ద్వారా ప్రభుత్వం స్ప్రింక్లర్లు, డ్రిప్‌ పరికరాలు, విత్తనాలపై రాయితీలు ఇస్తోంది. వీటిని రైతులు సద్వినియోగం చేసుకోవాలి. జిల్లా తరఫున ప్రభుత్వానికి పలు సిఫారసులు చేశాం. మల్చింగ్‌ షీట్లు, డ్రిప్పు, మినీ స్ప్రింక్లర్లు, విత్తనాలు, షెడ్‌నెట్లు రాయితీపై ఇస్తే బాగుంటుందని కోరాం. గ్రామాల్లో, పట్టణ ప్రాంతాల్లో నీటి వినియోగం, నీటి వృథాను తగ్గించుకోవాలి. వర్షపు నీరు భూమిలోకి ఇంకే కార్యక్రమాలు పెరగాలి. పంటలకు నీటి వినియోగం తగ్గించుకుని పశువులు, మనుషుల తాగునీటి అవసరాలకు తగినంత అందుబాటులో ఉంచుకోవాలి. ఎల్‌నినో ప్రభావం, దాన్ని ఎలా ఎదుర్కోవాలి.. ప్రజలు, రైతులు తీసుకోవాల్సిన జాగ్రత్తలపై అవగాహన కల్పించేందుకు కేంద్ర ప్రభుత్వం కూడా సిద్ధమైంది. నేటి నుంచి నవంబర్‌ 30వ తేదీ వరకు అవగాహన కార్యక్రమాలు నిర్వహించనున్నట్లు కలెక్టర్‌ తెలిపారు. వ్యవసాయం, వ్యవసాయ అనుబంధ శాఖలతో కలిసి కేతీ బచావో పేరుతో ప్రభుత్వం ఈ కార్యక్రమం చేపడుతోంది. ఇందుకు ప్రతి ఒక్కరూ సహకరించాలి. పంట మార్పిడి అవసరంఖరీఫ్‌ పంటల విషయంలో రైతులు జాగ్రత్తలు తీసుకుంటే 20 నుంచి 40 శాతం వరకు దిగుబడి తగ్గినా బయట పడతారు. ప్రస్తుతం రబీ సీజన్‌ ప్రారంభమైనందున పంటలసాగు విషయంలో మరింత జాగ్రత్తలు తీసుకోవాలి. గతేడాది రబిలో 1.85లక్షల ఎకరాల్లో ఆయా పంటలు సాగయ్యాయి. ఇందులో వరి ఒక్కటే 90వేల పైచిలుకు ఎకరాల్లో వేశారు. ఎల్‌నినో పరిస్థితుల నేపథ్యంలో రబిలో వరి వేయకపోవడమే మంచిదని వ్యవసాయ, వాతావరణ శాఖల నిపుణులు సూచిస్తున్నారు. నీటి లభ్యతను దృష్టిలో ఉంచుకుని జిల్లాలో 30వేల ఎకరాలకు తగ్గే అవకాశం ఉంది.వరి స్థానంలో స్వల్పకాలిక ఆరుతడి పంటలువేసుకోవడం మేలు. ప్రధానంగా ఉద్యానపంటలైన కూరగాయలు, ఆకు కూరలు సాగు చేసుకోవాలి. నీరు తక్కువ అవసరమయ్యే శనగ, జొన్న పంటలు మంచిది. వరితో పోలిస్తే ఈ పంటలకు నాలుగింతల నీరు తక్కువగా అవసరం ఉంటుంది.

స్పీకర్‌ ప్రసాద్‌ కుమార్‌ దేశ రక్షణ, శాంతిభద్రతల పరిరక్షణలో అసువులు బాసిన పోలీసుల త్యాగం మరువలేనిదని స్పీకర్‌ ప్రసాద్‌ కుమార్‌ అన్నారు. బుధవారం ఈ మేరకు ఒక ప్రకటన విడుదల చేశారు. పోలీస్‌ యూనిఫాం అధికారానికి చిహ్నం మాత్రమే కాదని, ప్రజల ప్రాణాలు, హక్కులు, రాజ్యాంగ విలువలను కాపాడే పవిత్ర బాధ్యతకు ప్రతీక అని తెలిపారు. ఏటా అక్టోబర్‌ 21న పోలీసు అమరవీరుల సంస్మరణ దినోత్సవంగా జరుపుకొంటున్నామని గుర్తు చేశారు. ప్రజల ప్రాణాలను కాపాడటం కోసం, నేరాలను అరికట్టడం కోసం, విధి నిర్వహణలో ప్రాణత్యాగం చేసిన ప్రతి పోలీసు అమరవీరుడికి నివాళి అర్పిస్తున్నట్లు తెలిపారు. వారి బలిదానాలు దేశ భద్రతకు, ప్రజల శాంతిభద్రతల పరిరక్షణకు పునాదిగా నిలిచాయన్నారు. విధి నిర్వహణలో ఎలాంటి ప్రమాదం ఎదురైనా, ప్రజల రక్షణే ప్రధాన లక్ష్యంగా నిరంతరం సేవలందిస్తున్నారని కొనియాడారు. పోలీసు అమరవీరుల కుటుంబాలకు అండగా నిలబడటం అందరి బాధ్యత అన్నారు. తెలంగాణ ప్రజా ప్రభుత్వం పోలీసు సంక్షేమానికి కట్టుబడి ఉందని స్పష్టం చేశారు. అమరవీరుల త్యాగాలు పోలీస్‌ శాఖకు నిరంతర స్ఫూర్తి అని, ప్రతి పోలీస్‌ అధికారి వారి ఆశయాలను ఆదర్శంగా తీసుకుని నిజాయితీ, నిబద్ధత, క్రమశిక్షణతో విధులు నిర్వర్తించాలని సూచించారు.

● రోడ్డు ప్రమాదంలో పెళ్లికుమార్తె అక్క దుర్మరణం ● చెల్లెలి పెళ్లయిన రెండు రోజులకే దారుణంరాజేంద్రనగర్‌: చెల్లెలి పెళ్లయిన రెండు రోజులకే అక్క మరణించడంతో ఆ కుటుంబంలో విషాద ఛాయలు అలుముకున్నాయి. ఈ ప్రమాదంలో పెళ్లి కోసం ఒంగోలు నుంచి వచ్చిన మరో యువకుడు తీవ్ర గాయాలకు గురై ఆసుపత్రిలో చికిత్స పొందుతున్నాడు. రాజేంద్రనగర్‌ ఎస్‌ఐ రాఘవేందర్‌ తెలిపిన వివరాల ప్రకారం బండ్లగూడ కాళీమందిర్‌ అభ్యుదయ నగర్‌లో పరిశుద్ధరావు తన కుటుంబ సభ్యులతో నివసిస్తున్నాడు. పెద్ద కుమార్తె ఐశ్వర్య (25) ప్రైవేటు స్కూల్‌లో టీచర్‌గా పనిచేస్తోంది. రెండవ కుమార్తె వివాహం రెండు రోజుల క్రితం జరిగింది. ఈ క్రమంలో ఒంగోలు నుంచి పెళ్లికి వచ్చిన మాథ్యూస్‌(26) తో కలసి మంగళవారం టిఫిన్‌ చేయడానికి కాళీమందిర్‌ వద్దకు బైక్‌పై వచ్చారు. టిఫిన్‌ చేసి తిరిగి అభ్యుదయ నగర్‌ వైపు వెళుతున్నారు. ఓ లారీకి కాళీమందిర్‌ వద్ద పూజలు చేసుకుని కిస్మత్‌పూర్‌ వైపు వెళుతుండగా బైక్‌ నడుపుతున్న మాథ్యూస్‌ లారీని దాటుకుని వెళ్లాలనుకుని అదుపుతప్పి పడిపోయారు. ఈ సంఘటనలో లారీ కింద పడిన ఐశ్వర్య అక్కడికక్కడే మృతి చెందింది. మాథ్యూస్‌ తీవ్రంగా గాయపడ్డాడు. ఎస్‌ఐ రాఘవేందర్‌ సంఘటన స్థలానికి చేరుకుని లారీని స్వాధీనం చేసుకున్నారు. లారీ నడుపుతున్న యువకుడు పారిపోయాడు. కేసు నమోదు చేసుకున్న పోలీసులు దర్యాప్తు చేస్తున్నారు.

శంషాబాద్‌ రూరల్‌: ఎదురుగా వస్తున్న ఆటో ట్రాలీని బైక్‌ ఢీకొన్న ఘటనలో తండ్రి మృతి చెందగా.. కూతురుకు గాయాలయ్యాయి. పెద్దషాపూర్‌ పోలీసులు తెలిపిన మేరకు.. షాబాద్‌ మండలం మద్దూరుకు చెందిన మన్మరి రవి(38)కి భార్య, కూతురు దేవీ(10) ఉన్నారు. దసరా పండగ సందర్భంగా నారాయణగూడలో ఉండే రవి సోదరి వద్దకు దేవి వెళ్లింది. పండగ తరువాత రవి బుధవారం ఉదయం కూతురును తీసుకుని బైక్‌పై స్వగ్రామానికి బయలుదేరాడు. శంషాబాద్‌–షాబాద్‌ రహదారిలో కాచారం శివారులో ఉన్న మూల మలుపు వద్ద బైక్‌ అదుపుతప్పి ఎదురుగా వస్తున్న ఆటో ట్రాలీని ఢీకొంది. ఈ ప్రమాదంలో రవికి తీవ్ర గాయాలుకాగా చికిత్స కోసం ఆస్పత్రికి తరలించారు. అయితే అప్పటికే మృతి చెందినట్లు వైద్యులు తెలిపారు. దేవీ ఆస్పత్రిలో చికిత్స పొందుతుంది. తండ్రి మృతి, కూతురికి గాయాలు

● కలెక్టర్‌ దీపక్‌ తివారి ● వికారాబాద్‌లో ఘనంగా పోలీసు అమరవీరుల సంస్మరణ దినోత్సవం ● పాల్గొన్న ఎస్పీ స్నేహమెహ్ర అనంతగిరి: పోలీసు అమరవీరుల త్యాగం చిరస్మరణీయమని కలెక్టర్‌ దీపక్‌ తివారి అన్నారు. గురువారం పోలీసు శాఖ ఆధ్వర్యంలో పట్టణంలోని పోలీస్‌ పరేడ్‌ గ్రౌండ్‌లో పోలీసు అమరవీరుల సంస్మరణ దినోత్సవాన్ని ఘనంగా నిర్వహించారు. ఎస్పీ స్నేహ మెహ్రతో కలిసి అమరవీరుల స్థూపం వద్ద నివాళులర్పించారు. అనంతరం ఆయన మాట్లాడుతూ.. పోలీసుల త్యాగాన్ని కొనియాడారు. వారి సేవలు అంత్యంత విలువైనవని పేర్కొన్నారు. అమరవీరుల త్యాగాలు దేశ భద్రతకు, ప్రజల శాంతిభద్రతల పరిరక్షణకు పునాదిగా నిలిచాయన్నారు. విధి నిర్వహణలో ఎలాంటి ప్రమాదం ఎదురైనా ప్రజల రక్షణే ధ్యేయంగా సేవలందిస్తున్నారని అన్నారు. దేశం కోసం ప్రాణత్యాగం చేసి పోలీసు అధికారుల సేవలకు స్మరించుకున్నారు. బాధిత కుటుంబాలకు సమాజం, ప్రభుత్వం అండగా నిలవాలని, వారి త్యాగాలను ఎప్పటికీ మరచిపోరాదన్నారు. వారు మన మధ్య లేకపోయినా ప్రజలకు సేవ చేయాలనే వారి స్ఫూర్తి ప్రతి పోలీసు అధికారిలో సజీవంగా ఉంటుందని తెలిపారు. అనంతరం ఎస్పీ మాట్లాడుతూ.. పోలీసు అమరవీరుల సంస్మరణ దినోత్సవం ప్రతి పోలీసు అధికారి సిబ్బందికి అత్యంత ప్రాముఖ్యత కలిగిన రోజన్నారు. దేశ భద్రత, ప్రజల రక్షణ, శాంతిభద్రతల పరిరక్షణ కోసం తమ ప్రాణాలను సైతం లెక్క చేయకుండా విధులు నిర్వహించిన అమర వీరుల త్యాగాలను స్మరించుకోవడం మనందరి బాధ్యత అని తెలిపారు. ప్రతి పోలీసు అధికారి వారి ఆశయాలను ఆదర్శంగా తీసుకుని నిజాయితీ, నిబద్దత, క్రమశిక్షణతో విధులు నిర్వహించాలని సూచించారు. ప్రజలతో మర్యాదగా వ్యవహరిస్తే వారి సమస్యలను సానుభూతితో విని చట్ట పరిదిలో న్యాయం అందించేందుకు కృషి చేయాలన్నారు. పోలీసు అమరుల కుటుంబాలకు పోలీసు శాఖ ఎల్లప్పుడు అండగా ఉంటుందన్నారు. విధి నిర్వహణలో ఎదుర య్యే ప్రమాదాలను ధైర్యంగా ఎదుర్కొంటూ ప్రజల భద్రతకు ప్రాధాన్యత ఇవ్వడమే నిజమైన పోలీసింగ్‌ అని తెలిపారు. సురక్షితమైన ప్రశాంతమైన సమాజ నిర్మాణానికి ప్రతి ఒక్కరూ కృషి చేయచాలని పిలుపునిచ్చారు. సంస్మరణ దినోత్సవం పురస్కరించుకుని పోలీసులకు నిర్వహించిన ఎస్‌ఐస్థాయి వ్యాసరచన పోటీల్లో మొదటి స్థాని కోట్‌పల్లి ఎస్‌ఐ మీనాక్షి, రెండో స్థానం పెద్దేముల్‌ ఎస్‌ఐ ప్రశాంత్‌వర్ధన్‌, తృతీయ స్థానం పరిగి ఎస్‌ఐ మోహన్‌ కృష్ణ నిలవగా ఏఎస్‌ఐ స్థాయి వరకు వరుసగా ప్రత్యూష(పీసీ), సంతోష్‌(పీసీ), దీపిక(పీసీ) నిలిచారు. ఈ సందర్భంగా వారిని అభినందించారు. కార్యక్రమంలో ఏఎస్పీ రాజేష్‌ మీనా, డీఎస్పీలు జానయ్య, శ్రీనివాస్‌, అంజయ్య, యాదయ్య, శ్రీనివాస్‌, వీరేష్‌, సీఐలు, ఎస్‌ఐలుచ, ఆర్‌ఎస్‌ఐలు ఇతర పోలీసు అధికారులు, సిబ్బంది తదితరులు పాల్గొన్నారు.

కొడంగల్‌: ముఖ్యమంత్రి రేవంత్‌రెడ్డి గురువారం కొడంగల్‌ పర్యటన సందర్భంగా బుధ వారం పట్టణంలోని కడా కార్యాలయంలో అడ్వాన్స్‌ సెక్యూరిటీ లైషన్‌ (ఏఎస్‌ఎల్‌) సమావేశం నిర్వహించారు. ఇంటెలిజెన్స్‌ స్పెషల్‌ ఆఫీసర్‌ శ్రీనివాస్‌, కలెక్టర్‌ దీపక్‌ తివారి, ఎస్పీ స్నేహ మెహ్ర పలు శాఖల అధికారులతో సమీక్ష నిర్వహించారు. ఈ సందర్భంగా వారు మాట్లాడుతూ.. అధికారులందరూ సమన్వయంతో పని చేయాలన్నారు. పటిష్టమైన బందోబస్తు ఏర్పాటుకు చర్యలు తీసుకున్నట్లు చెప్పారు. భద్రత ఏర్పాట్లు, ట్రాఫిక్‌ నియంత్రణ, వైద్యసేవలు, విద్యుత్‌ సరఫరా తదితరల అంశాలపై చర్చించారు. సీఎం పర్యటనకు సంబంధించి చేపట్టాల్సిన ఏర్పాట్లపై వివిధ శాఖల అధికారులకు సూచనలు చేశారు. ఎలాంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలన్నారు. ఎత్తైన భవనాలపై పోలీసు పహారా ఏర్పాటు చేయాలన్నారు. అగ్నిమాపక వాహనాన్ని అందుబాటులో ఉంచాలన్నారు. రోడ్ల సమస్యలను పరిష్కరించడంతో పాటు ప్టాస్టిక్‌ కవర్లు, ఇతర వ్యర్థాలను తొలగించి పరిసరాలను శుభ్రంగా ఉంచాలన్నారు. వైద్య ఆరోగ్య శాఖ అధికారులు అంబులెన్స్‌లను అందుబాటులో ఉంచాలన్నారు. కొడంగల్‌ ఆస్పత్రిలో ఎమర్జెన్సీ విభాగం వద్ద వైద్యులు, సిబ్బంది అందుబాటులో ఉండేలా చర్యలు తీసుకోవాలన్నారు. విద్యుత్‌ అంతరాయం లేకుండా చూడాలని, అత్యవసర పరిస్థితుల్లో వాడుకోడానికి జనరేటర్లు ఏర్పాటు చేయాలని ఆదేశించారు. ఆహార భద్రత అధికారులు ఆహార పదార్థాలను తనిఖీ చేసి నాణ్యతపై నిర్ధారణ చేసిన తర్వాతనే సంబంధిత వ్యక్తులకు అందించాలని స్పష్టం చేశారు. అటవీశాఖ అధికారులు క్రిమి కీటకల సమస్యలను పరిశీలించి తగిన చర్యలు తీసుకోవాలన్నారు. ముఖ్యమంత్రి పర్యటన విజయవంతంగా జరిగేలా ప్రతి ఒక్కరూ కృషి చేయాలని సూచించారు. ఈ సమావేశంలో కడా ప్రత్యేకాధికారి వెంకట్‌రెడ్డి, అడిషనల్‌ ఎస్పీ రాజేష్‌ మీనా, డీఎస్పీ శ్రీనివాస్‌, మున్సిపల్‌ చైర్మన్‌ నందారం ప్రశాంత్‌, పలు శాఖల అధికారులు తదితరులు పాల్గొన్నారు.

కొడంగల్‌: పట్టణంలోని శ్రీవారి ఆలయానికి బీజేపీ సీనియర్‌ నాయకుడు కరెంటు రాములు కుటుంబ సభ్యులు బుధవారం దివ్యవేద వాణి గ్రంథాన్ని బహూకరించారు. ఆలయంలో నిత్యం వేద పఠనం జరగాలని.. ఆ వాణిని ప్రజలకు వినించాలనే ఉద్దేశంతో గ్రంథం అందజేసినట్లు రాములు తెలిపారు. ఈ గ్రంథంలో నాలుగు వేదాలు ఉన్నట్లు చెప్పారు. రుగ్వేదం, సామవేదం, యజుర్వేదం, అధర్వణ వేదం తెలుగు అనువాదం ఉన్నట్లు తెలిపారు. భగవంతుని సన్నిధిలో వేద పారాయణం జరగాలనే సంకల్పంతో గ్రంథం ఇచ్చినట్లు చెప్పా రు. కార్యక్రమంలో లయన్స్‌ క్లబ్‌ కోశాధికారి మురహరి వశిష్ట, బాల ప్రకాశ్‌, కేసీ వెంకటేశ్‌, భాగ్యలత, కొంతం సత్యనారాయణ, నందారం రత్నం, మధు, గోపాల్‌ పాల్గొన్నారు. అమ్మవారి ముక్కుపుడక రూ.1,16,116 కుల్కచర్ల: దేవీ నవరాత్రి ఉత్సవాల్లో భాగంగా దుర్గామాతకు అలంకరించిన ముక్కుపుడకను నీరటి సంజీవ్‌ కుటుంబీకులు రూ.1,16,116కు దక్కించుకున్నారు. మండల కేంద్రంలోని అంగడిబజార్‌లో ఏర్పాటు చేసిన అమ్మవారి మండపం వద్ద నిమజ్జన ప్రక్రియలో భాగంగా మంగళవారం వేలం నిర్వహించారు. గ్రామానికి చెందిన సంజీవ్‌ ముక్కుపుడకను దక్కించుకున్నారు. ఆయన్ను ఉత్సవ కమిటీ సభ్యులు సన్మానించారు. వికారాబాద్‌ను అభివృద్ధి చేస్తాం స్పీకర్‌ ప్రసాద్‌కుమార్‌ అనంతగిరి: విజయదశమి సందర్భంగా వికారాబాద్‌ పట్టణంలోని అలంపల్లి బోనమ్మ గుడి వద్ద సీసీ రోడ్డును స్పీకర్‌ ప్రసాద్‌ కుమార్‌ ప్రారంభించారు. రూ.65 లక్షలతో నిర్మించిన రోడ్డును, హైమాస్ట్‌ లైట్లను స్థానిక కౌన్సిలర్లు, నాయకులతో కలిసి ప్రారంభించారు. ఈ సందర్భంగా ఆయన మాట్లాడుతూ.. రానున్న రోజుల్లో వికారాబాద్‌ పట్టణాన్ని మరింతగా అభివృద్ధి చేస్తామన్నారు. కార్యక్రమంలో మున్సిపల్‌ వైస్‌ చైర్మన్‌ అర్ధ సుధాకర్‌ రెడ్డి, మా జీ చైర్మన్‌ సత్యనారాయణ, మాజీ వైస్‌ చైర్మన్‌ చిగుర్లపల్లి రమేష్‌ కుమార్‌, కౌన్సిలర్లు లక్ష్మీకాంత్‌ రెడ్డి, రాఘవేందర్‌, వికారాబాద్‌ ఏఎంసీ చైర్మన్‌ చాపల శ్రీనివాస్‌, కాంగ్రెస్‌ పార్టీ మండల అధ్యక్షుడు రాజశేఖర్‌ రెడ్డి, నాయకులు ప్రభాకర్‌ రెడ్డి తదితరులు పాల్గొన్నారు. ఓటరుగా నమోదు చేసుకోండి అనంతగిరి: పట్టభద్రులందరూ తప్పనిసరిగా ఓటరుగా నమోదు చేసుకోవాలని బీసీ కమిషన్‌ మాజీ సభ్యుడు శుభప్రద్‌ పటేల్‌ అన్నారు. దసరా పండుగను పురస్కరించుకుని ఆయన నివాసంలో జరిగిన ఉమ్మడి కుటుంబ ఆత్మీయ కలయికలో ఒకే కుటుంబానికి చెందిన 26మంది పట్టభద్రులు తమ ఓటు హక్కును నమోదు చేసుకున్నారు.ఈ సందర్భంగా ఆయన మాట్లా డుతూ..నవంబర్‌ 6వ తేదీ వరకు ఓటరు న మోదుకు అవకాశం ఉన్నందన్నారు. ఈ అవకాశాన్ని సద్వినియోగం చేసుకోవాలని కోరారు. షాద్‌నగర్‌: జూనియర్‌ సివిల్‌ జడ్జి పరీక్షా ఫలితాల్లో సత్తాచాటి న్యాయమూర్తిగా ఎంపికై న షాద్‌నగర్‌ పట్టణానికి చెందిన ఆగీరు లక్ష్మీప్రసాద్‌ను బుధవారం ఎమ్మెల్యే వీర్లపల్లి శంకర్‌, మాజీ ఎమ్మెల్యే చౌలపల్లి ప్రతాప్‌రెడ్డి ఘనంగా సన్మానించారు. లక్ష్మీప్రసాద్‌ తల్లిదండ్రులు వెంకటేశ్‌, చంద్రకళలను శాలువా, పూల మాలతో సన్మానించారు. ఈ కార్యక్రమంలో మున్సిపల్‌ చైర్మన్‌ బస్వం, వైస్‌ చైర్మన్‌ అందె మోహన్‌, మాజీ ఎంపీపీ శివశంకర్‌గౌడ్‌, నాయకులు రవికుమార్‌గుప్త, కృష్ణ, గుట్ట రాజు, రాజు నాయక్‌, శ్రీశైలంగౌడ్‌ తదితరులు పాల్గొన్నారు.

● తనిఖీల్లో తుపాకీ, బుల్లెట్లతో పట్టుబడిన వేటగాళ్లు ● మలక్‌పేటలో కేసు నమోదు.. ముగ్గురి అరెస్ట్‌ మలక్‌పేట: అడవిలో జింకల వేటకు వెళ్లి వస్తున్న ముగ్గురు వ్యక్తులను మలక్‌పేట పోలీసులు మంగళవారం అరెస్ట్‌ చేశారు. ఇన్‌స్పెక్టర్‌ కందూరు వెంకట్‌రెడ్డి తెలిపిన వివరాలు.. కొందరు వ్యక్తులు అడవి జంతువుల వేటకు వెళ్లి వస్తున్నారనే సమాచారంతో మలక్‌పేట పోలీసులు, చార్మినార్‌ టాస్క్‌ఫోర్స్‌ పోలీసులు సంయుక్తంగా ఈనెల 19న సోమవారం సాయంత్రం మలక్‌పేట పీఎస్‌ పరిధిలోని రేస్‌కోర్సు రోడ్‌లో వాహనాలు తనిఖీలు చేపట్టారు. సయ్యద్‌ హుస్సేన్‌(47), సయ్యద్‌ ఒమర్‌(49), మహమ్మద్‌ హమీద్‌(40) ముగ్గురు స్కార్పియో వాహనంలో వస్తుండగా పోలీసులు పట్టుకున్నారు. మలక్‌పేట సలీంనగర్‌ తీగలగూడ ప్రాంతానికి చెందిన వీరు ఈనెల 18 తేదీన కర్ణాటక రాష్ట్రం, కలబురిగి జిల్లా చిమ్మన్‌చోడ్‌ గ్రామ అటవీ ప్రాంతానికి వెళ్లారు. లైసన్స్‌ ఆయుధంతో అటవీ జంతువులను వేటాడేందుకు 12 రౌండ్లు కాల్చినట్లు పోలీసులు నిర్ధారించారు. జంతువులు దొరక్క పోవడం వల్ల 8 రౌండ్ల బుల్లెట్లు మిగిలినట్లు తెలిపారు. వారి నుంచి 30–60 స్పోర్టింగ్‌ రైఫిల్‌, నైట్‌విజన్‌ టెలిస్కోప్‌, 8 బుల్లెట్లు, సెల్‌ఫోన్లు, వాహనం స్వాధీనం చేసుకున్నట్లు ఇన్‌స్పెక్టర్‌ తెలిపారు. జింకల వేటలో పాల్గొన్నట్లు నిందితులు వెల్లడించారని సమాచారం.

మంచాల: వైద్యం వికటించి వ్యక్తి మృతిచెందాడని ఆరోపిస్తూ బాధిత కుటుంబ సభ్యులు ఆర్‌ఎంపీ క్లినిక్‌ వద్ద శవంతో ఆందోళన నిర్వహించారు. స్థానికుల కథనం ప్రకారం మండల పరిధిలోని పోచారం గ్రామానికి చెందిన ఈర్లపల్లి విజయ్‌కుమార్‌(36) కూలీ పనులు చేస్తూ కుటుంబాన్ని పోషించుకుంటున్నాడు. దసరా పండుగ సందర్భంగా చిత్తాపూర్‌ గ్రామంలోని అత్తగారి ఇంటికి వచ్చాడు. బుధవారం ఛాతిలో మంటగా ఉందని చెప్పడంతో బంధువులు అతన్ని బైక్‌పై మంచాలలోని ఓ ఆర్‌ఎంపీ వైద్యుడి వద్దకు తీసుకెళ్లారు. అక్కడ ఇంజక్షన్‌ తీసుకుని తిరిగి వెళ్తుండగా సమీపంలోని పెట్రోల్‌ బంక్‌ వద్ద విజయ్‌ బైక్‌ పైనుంచి కుప్పకూలిపోయాడు. అక్కడి నుంచి ఇబ్రహీంపట్నంలోని ఓ ప్రైవేట్‌ ఆస్పత్రికి తీసుకెళ్లగా, చికిత్స చేస్తుండగానే ప్రాణం వదిలాడు. ఆర్‌ఎంపీ వైద్యం వికటించడంతోనే విజయ్‌ చనిపోయాడంటూ ఆగ్రహించిన అతని బంధువులు మృతదేహంతో మంచాలకు వచ్చారు. ఆర్‌ఎంపీ క్లినిక్‌ ఎదటు శవంతో ఆందోళన చేశారు. అప్పటికే వైద్యుడు అక్కడి నుంచి వెళ్లిపోయాడు. మృతుడి కుటుంబానికి రూ.10 లక్షలు ఇస్తామని ఒప్పందం చేసుకున్నట్లు తెలిసింది. మృతుడికి భార్య దీక్షిత, కూతుళ్లు శ్రీమహంతి, దేవకి ఉన్నారు. ● ఆర్‌ఎంపీ చికిత్సతో వ్యక్తి చనిపోయాడని బంధువుల ఆరోపణ ● మంచాలలోని క్లినిక్‌ ఎదుట ధర్నా

సాక్షి, సిటీబ్యూరో: తీవ్ర వర్షాభావం రీత్యా భూగర్భ జలాలు వేగంగా అడుగంటుతున్నాయి. క్యూర్‌ పరిధిలో అపార్టుమెంట్లలోని బోర్లు మొరాయిస్తున్నాయి. వచ్చే రుతుపవనాల వరకు ఉన్న 8 నెలలు అత్యంత కీలకం. దీంతో అధికార యంత్రాంగం నీటి వృథాపై చర్యలకు దిగింది. కొత్త బోర్ల తవ్వకాలపై నిషేధం విధించింది. విషయంలో క్షేత్రస్థాయి తనిఖీలకూ సిద్ధమైంది. నిర్మాణ రంగానికి శుద్ధి చేసిన నీటి వినియోగాన్ని తప్పనిసరి చేసింది. ఈ ఆంక్షలు తాగునీటికే కాక నిర్మాణాలు, ఇతర అవసరాలకు వర్తిస్తాయి. రోజుకు 200 పైనే కొత్త బోర్లు క్యూర్‌లో సుమారు 13 నుంచి 15 లక్షలకు పైగా బోర్లున్నాయని అంచనా. రికార్డుల్లో మాత్రం 2.43 లక్షల బోర్లే. నిబంధనలకు విరుద్ధంగా రోజుకు సగటున 200పైగా కొత్త బోర్ల తవ్వకాలు జరుగుతున్నాయని సమాచారం. రోజుకు 100 బోర్లు ఎండిపోతున్నాయి. కొండాపూర్‌, బంజారాహిల్స్‌, బండ్లగూడ జాగీర్‌ వంటి ప్రాంతాల్లో అపార్ట్‌మెంట్‌వాసులు 400 అడుగుల పరిమితిని దాటి తవ్వుతున్నారు. కొన్నిచోట్ల వెయ్యి అడుగులకు మించుతున్నారు. ఫలితంగా భూగర్భ జలాల వినియోగం 102 శాతానికి చేరింది. నేలలోకి చేరుతున్న నీటి కంటే ఎక్కువ తోడేస్తుండడంతో భూగర్భ జల లభ్యత ‘క్రిటికల్‌’గా ఉన్నట్లు పలు నివేదికలు స్పష్టం చేస్తున్నాయి. తీవ్ర వర్షాభావ పరిస్థితులతో క్యూర్‌ పరిధిలో భూగర్భ జలమట్టం కిందికి దిగజారుతున్న నేపథ్యంలో నిర్మాణ రంగ పనుల కోసం కొత్త బోర్లకు అనుమతులు ఇవ్వొద్దు. – జిల్లా కలెక్టర్లకు ప్రభుత్వ ప్రధాన కార్యదర్శి సంజయ్‌ జాజు ఆదేశాలు

శంకర్‌పల్లి: ఓ కారు అతివేగం, అజాగ్రత్తగా వెళ్తూ ముందు వెళ్తున్న మరో కారును ఢీ కొట్టిన తర్వాత అదుపుతప్పి రోడ్డుపై వెళ్తున్న గొర్రెల మందపైకి దూసుకెళ్లింది. ఈ సంఘటన బుధవారం బుల్కాపూర్‌ కాళికామాత దేవాలయం వద్ద చోటు చేసుకుంది. పోలీసులు తెలిపిన వివరాల ప్రకారం.. నారాయణపేట్‌ జిల్లా ధన్వాడ మండలం పాతపల్లికి చెందిన చిన్న బాలరాజు తన గొర్రెలతో వెళ్తుండగా స్టేషన్‌ నాగులపల్లి గ్రామానికి చెందిన ప్రకాశ్‌ కారులో శంకర్‌పల్లి వైపు వెళ్తూ కాళికామాత ఆలయం వద్ద ముందు వెళ్తున్న మరో కారును ఢీకొట్టాడు. అనంతరం కారు అదుపుతప్పి రోడ్డుపై వెళ్తున్న గొర్రెలను ఢీకొట్టడంతో ఏడు జీవాలు అక్కడికక్కడే మృతిచెందాయి. ఘటనపై శంకర్‌పల్లి పోలీసులు కేసు నమోదు చేసుకుని, దర్యాప్తు చేస్తున్నారు. తనకు న్యాయం చేయాలని బాధితుడు వేడుకున్నాడు.

మంచాల: ఓ కోళ్ల ఫాంలో పేకాట ఆడుతున్న వ్యక్తులను అరెస్టు చేసిన సంఘటన మంచాల మండలంలోని ఆరుట్ల గ్రామంలో బుధవారం చోటు చేసుకుంది. మంచాల సీఐ మధు కథనం ప్రకారం.. మంద బుచ్చిరెడ్డి వ్యవసాయ పొలం వద్ద ఎనిమిది మంది పేకాట ఆడుతున్నారు. ఈ విషయం తెలిసిన పోలీసులు దాడి చేసి పట్టుకున్నారు. వీరి నుంచి రూ.5,790 స్వాధీనం చేసుకున్నారు. రాజేంద్రనగర్‌: గుర్తు తెలియని వాహనం ఢీకొనడంతో గుర్తుతెలియని మహిళ మృతి చెందిన సంఘటన రాజేంద్రనగర్‌ పోలీస్‌ స్టేషన్‌ పరిధిలో చోటు చేసుకుంది.పోలీసులు తెలిపిన మేరకు.. బుధవారం తెల్లవారు జాము న 3.30 గంటలకు హైదర్‌ గూడ వద్ద గుర్తు తెలియని వాహనం ఢీ కొనడంతో గుర్తు తెలియ ని మహిళ మృతి చెందింది. పోలీసులు మృతదేహాన్ని ఉస్మానియా ఆస్పత్రికి తరలించారు. డివైడర్‌ను ఢీకొని యువకుడి మృతి ● ఎదుటి వాహనం లైట్లతో దారి కనిపించక అదుపు తప్పిన బైక్‌ ఘట్‌కేసర్‌: ఎదుటి వాహనం లైట్ల కారణంగా దారి కనిపించక ద్విచక్ర వాహనం అదుపుతప్పడంతో డివైడర్‌ను ఢీకొట్టి ఓ యువకుడు అక్కడికక్కడే మృతి చెందాడు. ఘట్‌కేసర్‌ పోలీసులు తెలిపిన మేరకు.. హనుమకొండకు చెందిన బొప్పరాజు పవన్‌ తేజ (21) కూకట్‌పల్లిలో నివాసముంటు ప్రైవేటు ఉద్యోగం చేస్తున్నాడు. మంగళవారం బంధువు ఉప్పల్‌కు చెందిన పోతరాజు అజయ్‌(23)కు చెందిన పల్సర్‌ బైక్‌ పై వెనక కూర్చొని కూకట్‌పల్లి నుండి ఇంటికి బయల్దేరాడు. రాత్రి ఘట్‌కేసర్‌ యంనంపేట్‌ చౌరస్తా వరంగల్‌ బస్‌ స్టాప్‌ వద్దకు చేరుకున్నారు. అదే సమయంలో ఎదురుగా రాంగ్‌ రూట్‌లో వచ్చిన ఓ వాహనం లైట్లు నేరుగా కళ్లలో పడడంతో దారి సరిగా కనిపించక బైక్‌ అదుపు తప్పి డివైడర్‌ను ఢీకొట్టింది. దీంతో పవన్‌ తేజ తలకు తీవ్ర గాయాలై అక్కడికక్కడే మరణించాడు. గాయాలైన అజయ్‌ను గాంధీ ఆస్పత్రికి తరలించారు. కుత్బుల్లాపూర్‌ : రోడ్డు ప్రమాదంలో ఓ ద్విచక్ర వాహనదారుడు మృతి చెందిన ఘటన పేట్‌ బషీరాబాద్‌ పోలీస్‌ స్టేషన్‌ పరిధిలో జరిగింది. పోలీసుల వివరాల ప్రకారం.. బ్లింకిట్‌ డెలివరీ బాయ్‌గా పనిచేస్తున్న మహాపత్తర్‌ జీవన్‌ కుమార్‌ (22) మంగళవారం సాయంత్రం గుండ్లపోచంపల్లి ఫ్లైఓవర్‌ రోడ్డుపై ద్విచక్ర వాహనంపై వెళ్తుండగా, అతని వెనకాల వస్తున్న మరో ద్విచక్రవాహనం వేగంగా వచ్చి ఢీకొట్టింది. దీంతో జీవన్‌ కుమార్‌ ముందుగా వెళ్తున్న లారీని ఢీకొని తీవ్రంగా గాయపడ్డాడు. స్థానికులు శ్రీకర ఆసుపత్రికి తరలించగా, పరీక్షించిన వైద్యులు అతడు మరణించినట్లు నిర్ధారించారు. ఈ ప్రమాదంలో మరో మోటార్‌ సైకిల్‌పై ఉన్న ఇద్దరు వ్యక్తులు కూడా గాయపడగా, వారిలో అజీబుర్‌ అలీ పరిస్థితి విషమంగా ఉంది.

కుల్కచర్ల: కారు బైక్‌ ఢీకొన్న ప్రమాదంలో ఆర్మీ ఉద్యోగి గాయపడ్డారు. ఈ ఘటన మండలంలో బుధవారం చోటుచేసుకుంది. పోలీసులు తెలిపిన వివరాల ప్రకారం.. కామునిపల్లి గ్రామానికి చెందిన కృష్ణయ్య బైక్‌పై పాత గ్రామ పంచాయతీ కార్యాలయం నుంచి పరిగి – మహబూబ్‌నగర్‌ రోడ్డుపైకి వెళ్తున్న క్రమంలో పరిగి నుంచి మహబూబ్‌నగర్‌కు వెళ్తున్న కారు ఢీ కొంది. ఈ ప్రమాదంలో కృష్ణయ్యకు కాలు విరిగింది. అతన్ని మహబూబ్‌నగర్‌లోని ఆస్పత్రికి తరలించారు. కారును ఫొటో గ్రాఫర్‌ ఎండీ ఇస్మాయిల్‌ నడుపుతున్నట్లు తెలిసింది. ఈ మేరకు పోలీసులు కేసు నమోదు చేశారు. రోడ్డు ప్రమాదంలో యువకుడు మృతి పరిగి: లారీ ఢీకొని యువకుడు మృతి చెందిన ఘటన పరిగి పట్ట ణ పరిధిలోని బీజాపూర్‌ జాతీయ రహదారిపై బుధవారం చో టుచేసుకుంది. ఎస్‌ఐ మోహనకృష్ణ తెలిపిన వివరాల ప్రకారం.. దోమ మండలం బుద్లాపూర్‌తండా(గోన్యనాయక్‌ తండా)కు చెందిన నేనావత్‌ రవికుమార్‌(27) బీటెక్‌ పూర్తి చేసి ఉద్యోగ అన్వేషణలో ఉన్నాడు. ఉదయం ఇంటి నుంచి బైక్‌పై వికారాబాద్‌కు బయలుదేరాడు. మార్గమధ్యలో పరిగి మండలం గోవిందాపూర్‌ తండా గేట్‌ సమీపంలో పరిగి వైపు నుంచి వస్తున్న లారీ వేగంగా ద్విచక్ర వాహనాన్ని ఢీకొంది. ఈ ప్రమాదంలో రవికుమార్‌ తల, ఇతర భాగాల కు బలమైన గాయాలు కావడంతో అక్కడికక్క డే మృతి చెందాడు. మృతుడి తండ్రి తుల్జారాం ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు. మొయినాబాద్‌ రూరల్‌: తాళం వేసిన ఇంట్లో చోరీ జరిగిన ఘటన మండల పరిధిలోని అమ్డాపూర్‌లో చోటుచేసుకుంది. మొయినాబాద్‌ సీఐ మల్లికార్జున్‌రెడ్డి తెలిపిన వివరాలు ఇలా ఉన్నాయి.. గ్రామానికి చెందిన కట్కూరి లక్ష్మయ్య కుటుంబ సభ్యులు ఇంటికి తాళం వేసి విహార యాత్రకు వెళ్లారు. ఇది గమనించిన దుండగులు సోమవారం తాళం పగులగొట్టి తులంన్నర బంగారు గొలుసు, వెండి పూజా సామగ్రిని ఎత్తుకెళ్లారు. చోరీ అనంతరం ఇల్లంతా కారంపొడి చల్లినట్లు తెలిపారు. అమ్డాపూర్‌ గ్రామంలో దొంగతనం చేసి, ఇలా మిర్చీ పౌడర్‌ చల్లడం రెండోసారి అని వెల్లడించారు. క్లూస్‌ టీమ్‌, డాగ్‌ స్క్వాడ్‌కు దొరకకుండా దుండగులు గ్లౌజులు ధరించి దొంగతనానికి పాల్పడ్డారని తెలిపారు. బాధితుడు రాజేష్‌ ఇచ్చిన ఫిర్యాదు మేరకు కేసు నమోదు చేసి, దర్యాప్తు చేస్తున్నామని సీఐ తెలిపారు. ఇబ్రహీంపట్నం రూరల్‌: సెల్‌ఫోన్‌ నొనివ్వడం లేదని మద్యం మత్తులో ఓ యువకుడు ఆత్మహత్య చేసుకున్న సంఘటన ఆదిభట్ల పోలీస్‌ స్టేషన్‌ పరిధిలో బుధవారం సాయంత్రం చోటు చేసుకుంది. సీఐ రమేష్‌ కథనం ప్రకారం.. వరంగల్‌ జిల్లా, చింతల్‌, ఆర్‌ఎస్‌ఆర్‌ నగర్‌కు చెందిన గుడెల్లి రవికిరణ్‌ తల్లితో కలిసి మన్నెగూడ సమీపంలోని ఎన్‌ఎస్‌ఆర్‌ నగర్‌లో నివాసం ఉండేవాడు. తనకు సెల్‌ ఫోన్‌ కొనివ్వాలని నెల రోజులుగా తల్లితో గొడవ పడుతున్నాడు. నిత్యం మద్యం తాగి వచ్చి సెల్‌ఫోన్‌ కావాలని ఒత్తిడి చేస్తుండటంతో రెండు రోజుల్లో కొనిస్తానని తల్లి తెలిపింది. ఇదిలా ఉండగా సాయంత్రం ఇంట్లో ఎవరూ లేని సమయంలో రవికిరణ్‌ (27) ఫ్యాన్‌కు ఉరి వేసుకొని ఆత్మహత్య చేసుకున్నాడు. తల్లి ఫిర్యాదు మేరకు పోలీసులు కేసు నమోదు చేసుకున్నారు. మృతదేహాన్ని పోస్టుమార్టం నిమిత్తం ఉస్మానియా అస్పత్రికి తరలించారు. ఇబ్రహీంపట్నం రూరల్‌: బైక్‌ అదుపు తప్పి డివైడర్‌ను ఢీకొట్టిన ఘటనలో ఓ వ్యక్తి మృతి చెందాడు. ఈసంఘటన ఆదిభట్ల పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ రమేష్‌ కథనం ప్రకారం.. ఆంధ్రప్రదేశ్‌ రాష్ట్రం నందిగామ మండలం, ఎన్‌టీఆర్‌ జిల్లాకు చెందిన బిక్కి గోపీకృష్ణ (43), ఆదిభట్ల జీహెచ్‌ఎంసీ పరిధిలోని బొంగ్లూర్‌ గంగానగర్‌ కాలనీలో నివాసం ఉంటూ సెక్యూరిటీ గార్డుగా పని చేస్తున్నాడు. మద్రాస్‌ ఫిల్టర్‌ కాఫీ షాపు వద్ద బైక్‌పై వెళ్లుండగా, అదుపు తప్పి డివైడర్‌ను ఢీకొట్టడంతో తీవ్ర గాయాలై అక్కడికక్కడే మృతిచెందాడు. ఈ మేరకు కేసు నమోదు చేసుకొని, దర్యాప్తు చేస్తున్నామని సీఐ తెలిపారు.

వికారాబాద్‌: గ్రామాల్లో మద్యం ఏరులై పారుతోంది. శాంతిభద్రతల పర్యవేక్షణలో పోలీసులకు సవాలుగా మారినప్పుడు.. ఎన్నికల కోడ్‌ అమలులో ఉన్న సమయంలో మాత్రమే బెల్టు షాపులను కట్టడి చేస్తున్నారు. ఆ తర్వాత వాటి గురించి పట్టించుకోవడం లేదనే విమర్శలు ఉన్నాయి. దీంతో గ్రామాల్లో మద్యం తాండవిస్తోంది.. దసరా పండుగ కావటంతో గ్రామాల్లోని బెల్టు షాపులకు పెద్ద మొత్తంలో మద్యం తరలిస్తున్నారు. ఇటీవల మున్సిపల్‌, జీపీ ఎన్నికల సమయంలో బెల్టు షాపుల నిర్వాహకులపై వందల సంఖ్యలో కేసులు నమోదు చేశారు. పలువురిని బైండోవర్‌ చేసి అమ్మకాలను కట్డడి చేశారు. పెద్ద మొత్తంలో మద్యం సీజ్‌ చేశారు. ఎన్నికల అనంతరం పరిస్థితి మళ్లీ మొదటికి వచ్చింది. ఇక కల్లు దుకాణాల విషయం చెప్పనవసరం లేదు. మందు కలపని కల్లు అంటే బంగారంతో సమానమే. తరచు కల్తీ కల్లు తాగి పలువురు ఆస్పత్రి పాలవుతున్నారు. కల్లులో ఆల్పాజోలం లాంటి డ్రగ్స్‌ వాడుతుండటంతో మత్తుకు బానిసలవుతున్నారు. గ్రామాలు, మున్సిపాలిటీల్లో నిబంధనలకు విరుద్ధంగా కల్లు దుకాణాలు నిర్వహిస్తున్నారు. వీటిని కట్టడి చేయటంలో అధికారులు పూర్తిగా విఫలమవుతున్నారు. దీంతో గ్రామాల్లో శాంతిభద్రతలకు విఘాతం కలుగుతోంది. మామూళ్ల మత్తులో.. తండాలు, గిరిజన గూడాలు, మారుమూల అటవీ ప్రాంతాల్లో గుడుంబాను కట్టడి చేసిన ఎకై ్సజ్‌ అధికారులు బెల్టు షాపులను పట్టించుకోవడం లేదనే విమర్శలు ఉన్నాయి. క్వార్టర్‌, హాఫ్‌, ఫుల్‌ బాటిల్‌, బీరు బాటిల్‌ ధరపై రూ.10 నుంచి రూ.50 వరకు పెంచి విక్రయిస్తున్నారు. పోలీసుల దాడుల్లో బెల్టు షాపు నిర్వాహకులు పట్టుబడితే వీరికి మద్యం సరఫరా చేసే దుకాణ యజమానులు రక్షణగా నిలుస్తున్నారు. వారి పలుకుబడితో కేసులు కాకుండా చూస్తున్నారు. ఎకై ్సజ్‌ అధికారులు నెలనెలా మామూళ్లు తీసుకుంటున్నారనే ఆరోపణలు ఉన్నాయి. పోలీసు శాఖలో కూడా ఈ తంతు కొనసాగుతోంది. గల్లీకో దుకాణం గ్రామాల్లో ప్రతి వీధిలో మద్యం విక్రయాలు జరుగుతుండటం ఆందోళన కలిగిస్తోంది. కిరాణా దుకాణాల కంటే బెల్టు షాపులే ఎక్కువగా కనిపిస్తున్నాయి. మెజార్టీ దుకాణాల్లో మద్యం అమ్మకాలు జరుగుతున్నాయి. ఒక్కో ఎకై ్సజ్‌ ఠాణా పరిధిలో 400 వరకు బెల్టు షాపులు ఉన్నట్లు సమాచారం. ఈ లెక్కన జిల్లా వ్యాప్తంగా దాదాపు 1900 షాపులు ఉన్నట్లు తెలిసింది. మద్యం దుకాణంలో ఒక రోజు వ్యాపారం 30 శాతం ఉంటే బెల్టు షాపుల్లో 70 శాతం అమ్మకాలు ఉంటున్నాయి. రోజుకు రూ.లక్ష అమ్మకాలు దాటని షాపులో నేడు రూ.5 నుంచి రూ.10 లక్షలు దాటి సేల్స్‌ ఉంటున్నాయి. మద్యం వ్యాపారులు సిండికేట్‌గా మారి కొన్ని దుకాణాల్లో రీటేల్‌గా విక్రయిస్తు మరికొన్ని దుకాణాల్లో హోల్‌సెల్‌గా బెల్టు షాపులకు విక్రయిస్తున్నట్లు తెలిసింది. తరచూ గొడవలు మందు బాబుల కారణంగా గ్రామాల్లో తరచూ గొడవలు జరుగుతున్నట్లు తెలిసింది. మహిళలు, యువతులు కూడా ఇబ్బంది పడుతున్నట్లు సమాచారం. మద్యం తాగి కుటుంబ సభ్యులపై దాడు చేస్తున్న ఘటనలు కూడా ఉన్నాయి. రోజంతా కష్టపడగా వచ్చిన డబ్బును తాగుడుకు తగలేస్తున్నారని మహిళలు ఆవేదన వ్యక్తం చేస్తున్నారు. ఇప్పటికై నా ఎకై ్సజ్‌, పోలీస్‌ శాఖ అధికారులు బెల్టు షాపులను కట్టడి చేయాలని పలువురు కోరుతున్నారు. 60నుంచి 70శాతం మద్యం నిల్వలు బెల్టు షాపుల ద్వారానే విక్రయం కిరాణ దుకాణాల కంటే ఇవే అధికం దసరా పండుగ నేపథ్యంలో గ్రామాలకు భారీగా తరలింపు అదే స్థాయిలో మందు కల్లు విక్రయాలు చూసీచూడనట్లు వ్యవహరిస్తున్న అధికారులు

తల్లీబిడ్డ క్షేమం తాండూరు: ఆర్టీసీ బస్సులో ఓ మహిళ ప్రసవించింది. ఈ ఘటన తాండూరులో చోటుచేసుకుంది. వివరాలు ఇలా ఉన్నాయి. సోమవారం కర్ణాటక రాష్ట్ర సరిహద్దు ప్రాంతం జెట్టూరు గ్రామానికి చెందిన పుష్పలత తాండూరు నుంచి సొంత గ్రామానికి బస్సులో బయలుదేరింది. మండలంలోని గౌతాపూర్‌ వద్ద మహిళకు పురిటి నొప్పులు వచ్చాయి. డ్రైవర్‌, కండక్టర్‌ తాండూరు వైపు వెళ్తున్న కర్ణాకట ఆర్టీసీ బస్సును ఆపి పుష్పలతను తాండూరులోని మాతాశిశు ఆస్పత్రికి తీసుకెళ్లాలని కోరారు. బస్సు ఆస్పత్రికి చేరుకోగానే అందులోనే మహిళ ప్రసవించింది. వైద్యులు తల్లీబిడ్డను పరీక్షించారు. సహకరించిన కర్ణాకట ఆర్టీసీ డ్రైవర్‌, కండక్టర్‌కు మహిళ కుటుంబ సభ్యులు కృతజ్ఞతలు తెలిపారు.

అనంతగిరి: వికారాబాద్‌ పట్టణం ఆలంపల్లిలోని లక్ష్మీ అనంతపద్మనాభ స్వామి ఆలయంలో బ్రహ్మోత్సవాల్లో భాగంగా బుధవారం పెరుగుబసంతం వేడుకను ఘనంగా నిర్వహించారు. ఉదయం ప్రత్యేక పూజలు, అనంతరం స్వామివారు గరుడ వాహనంపై విహరించారు. మున్సిపల్‌ తరఫున వైస్‌ చైర్మన్‌ సుధాకర్‌రెడ్డి, కౌన్సిలర్లు స్వామివారికి పట్టు వస్త్రాలు సమర్పించారు. కార్యక్రమంలో మాజీ ఎమ్మెల్యే డాక్టర్‌ మెతుకు ఆనంద్‌, బీసీ కమిషన్‌ రాష్ట్ర మాజీ సభ్యుడు శుభప్రద్‌పటేల్‌, ఆలయ ఈఓ నరేందర్‌, ట్రస్టీ చైర్మన్‌ పద్మనాభం, కౌన్సిలర్లు చిగుళ్లపల్లి రమేష్‌కుమార్‌, లక్ష్మికాంత్‌రెడ్డి తదితరులు పాల్గొన్నారు.

పరిగి: పండుగల సాయన్న జయంతిని ప్రభుత్వం అధికారికంగా నిర్వహించడం ఎంతో సంతోషించ దగ్గ విషయమని ఎమ్మెల్యే టీ రామ్మోహన్‌రెడ్డి అన్నారు. సోమవారం పట్టణంలోని తన నివాసంలో వేడుకలకు సంబంధించిన వాల్‌ పోస్టర్‌ను ఆవిష్కరించారు. ఈ సందర్భంగా ఆయన మాట్లాడుతూ.. ఈ నెల 22న సాయన్న జయంతిని ఘనంగా నిర్వహించుకుందామని, ప్రతి ఒక్కరూ పాల్గొనాలని పిలుపునిచ్చారు. తెలంగాణ తొలి స్వాతంత్య్ర సమరయోధుడికి కాంగ్రెస్‌ ప్రభుత్వం మంచి గౌరవం ఇచ్చిందన్నారు. కార్యక్రమంలో మున్సిపల్‌ చైర్‌పర్సన్‌ రజిత, పార్టీ మండల అధ్యక్షుడు వెంకట్‌రాములు, పట్టణ అధ్యక్షుడు రామకృష్ణారెడ్డి, నాయకులు మాణిక్యం, వెంకటేశ్‌ తదితరులు పాల్గొన్నారు. వేడుకల్లో ప్రతి ఒక్కరూ పాల్గొనాలి ఎమ్మెల్యే రామ్మోహన్‌రెడ్డి

వికారాబాద్‌లో కిటకిటలాడుతున్న వస్త్ర దుకాణం కుల్కచర్ల: పూజలందుకున్న అమ్మవారు అనంతగిరి: పూలు, పండ్లు కొనుగోలు చేస్తున్న జనం వికారాబాద్‌: ఊరూ వాడా దసరా సందడి కనిపిస్తోంది. పెద్ద పండుగ కావడంతో దూర ప్రాంతాల్లో ఉంటున్న వారంతా సొంత గ్రామాలకు చేరుకున్నారు. ఆప్యాయ పలకరింపులు, బంధువుల క్షేమ సమాచారం తెలుసుకుంటున్నారు. హిందూ ఉత్సవ సమితీ ఆధ్వర్యంలో పండుగ ఏర్పాట్లు చేశారు. రావణ దహణానికి సర్వం సిద్ధం చేశారు. ప్రధాన కూడళ్లల్లో పెద్ద పెద్ద కటౌట్లు ఏర్పాటు చేశారు. ఆడపడుచులు గ్రామాలకు రావడంతో ఇళ్లన్నీ కళకళలాడుతున్నాయి. కొత్త బట్టల కొనుగోలు దాదాపు పూర్తయ్యింది. పండుగ సామగ్రి ఇంటికి చేరింది. పిండి వంటలు చేసేందుకు ఏర్పాట్లు చేసుకున్నారు. పది రోజులుగా విద్యా సంస్థలకు సెలవులు రావడంతో చిన్నారులు ఇళ్లకే పరిమితమయ్యారు. ప్రయాణికులతో ఆర్టీసీ బస్సులు, ఆటోలు, ఇతర వాహనాలు కిక్కిరిసిపోతున్నాయి. ఆడపడుచులకు చీర సారె పెట్టడం ఆనవాయితీ. దీంతో బట్టల దుకాణాలు సందడిగా మారాయి. పూలు, గుమ్మడి కాయలు కొనే పనిలో ప్రజలు నిమగ్నమయ్యారు. వీటి ధర రెండింతలయ్యాయి. పండగ నేపథ్యంలో మద్యం దుకాణాలు కిటకిటలాడుతున్నాయి. ముస్తాబైన ఆలయాలు పండుగ సందర్భంగా జిల్లాలోని అన్ని ఆలయాలు ముస్తాబయ్యాయి. ప్రత్యేక పూజలు, అర్చనలు నిర్వహించనున్నారు. భక్తుల కోసం అన్ని ఏర్పాట్లు చేశారు. జమ్మి చెట్టుకు పూజ చేయనుండటంతో చెట్లు పరిశసరాలను శుభ్రం చేశారు. గ్రామాల్లో బంధువుల సందడి పండుగ సామగ్రి కొనుగోలులో జనం బిజీ రావణ దహణానికి ఏర్పాట్లు భారీగా పెరిగిన పూలు, గుమ్మడికాయల ధరలు

తాండూరు: ఆర్టీసీ బస్సులో ప్రయాణిస్తున్న మహిళ మెడలోని రెండున్నర తులాల బంగారు గొలుసు చోరీకి గురైంది. ఈ ఘటన తాండూరు బస్టాండ్‌లో సోమవారం చోటు చేసుకుంది. వివరాలిలా ఉన్నాయి. హైదరాబాద్‌లో ఉంటున్న శిరీష దసరా పండుగ కోసం పాత తాండూరులో ఉంటున్న తల్లి ఆండాలమ్మ ఇంటికి వచ్చింది. శిరీష భర్త సతీష్‌ ఫోన్‌ చేసి హైదరాబాద్‌కు రావాలని చెప్పాడు. దీంతో తల్లి ఆండాలమ్మతో కలిసి తాండూరు బస్టాండ్‌కు వచ్చింది. హైదరాబాద్‌ బస్సు రాగానే అందులో కూర్చున్నారు. బస్సు బయలుదేరి రాజీవ్‌ కాలనీ వద్దకు రాగానే మెడలోని బంగారు గొలుసు కనిపించలేదు. ఆందోళనకు గురై బస్సంతా వెతికారు. కనిపించకపోవడంతో బస్సు దిగి ఇంటికి వెళ్లి వెతికారు.. లాభం లేకపోవడంతో ఆర్టీసీ బస్టాండ్‌లో వెతికారు. అయినా కనిపించలేదు. వెంటనే తాండూరు పట్టణ పోలీస్‌ స్టేషన్‌లో ఫిర్యాదు చేశారు. ఈ మేరకు పోలీసులు కేసు నమోదు చేసి దర్యాప్తు చేపట్టారు.

అనంతగిరి: కేంద్ర ఆర్థిక శాఖ, ఆర్థిక సేవల విభాగం ఆదేశాల మేరకు ఈ నెల 21 నుంచి డిసెంబర్‌ 31వ తేదీ వరకు జిల్లాలోని అన్ని గ్రామ పంచాయతీలు, పట్టణ, స్థానిక సంస్థల పరిధిలో ‘ఆర్థిక సమ్మిళిత సంతృప్త ప్రచారం’ నిర్వహించనున్నట్లు కలెక్టర్‌ దీపక్‌ తివారి తెలిపారు. ప్రధానమంత్రి జనధన్‌ యోజన, జీవన్‌ జ్యోతి బీమా యోజన, సురక్షా బీమా యోజన, అటల్‌ పెన్షన్‌ యోజన వంటి పథకాల కవరేజీని పెంచి, అర్హులైన ప్రతి ఒక్కరికీ బ్యాంకింగ్‌.. సామాజిక భద్రతా సేవలు అందేలా చూస్తామని పేర్కొన్నారు. లీడ్‌ బ్యాంక్‌ మేనేజర్‌ డేవిడ్‌ విల్సన్‌ జిల్లాస్థాయి నోడల్‌ అధికారిగా ప్రచారాన్ని సమన్వయం చేసి పర్యవేక్షిస్తారని తెలిపారు. డీఆర్డీఏ, మెప్మా, జిల్లా పంచాయతీ అధికారి, మున్సిపల్‌ కమిషనర్లు, మండల, గ్రామ స్థాయి అధికారులు ఈ కార్యక్రమంలో పాల్గొనాలని ఆదేశించారు. ప్రజలు తమ గ్రామంలో నిర్వహించే శిబిరానికి అవసరమైన పత్రాలతో (ఆధార్‌, పాన్‌ కార్డు, బ్యాంకు పాస్‌బుక్‌, మొబైల్‌ నంబరు తదితర పత్రాలు) హాజరై ఈ అవకాశాన్ని సద్వినియోగం చేసుకోవాలని కోరారు. సత్వరం పరిష్కరించాలి ప్రజావాణి దరఖాస్తులను పెండింగ్‌లో ఉంచరాదని, సకాలంలో పరిష్కరించాలని కలెక్టర్‌ దీపక్‌ తివారి ఆదేశించారు. సోమవారం కలెక్టరేట్‌లో నిర్వహించిన కార్యక్రమంలో ప్రజల నుంచి అర్జీలు స్వీకరించారు. కార్యక్రమంలో అడిషనల్‌ కలెక్టర్‌ ఉమాశంకర్‌ ప్రసాద్‌, డీఆర్‌డీఓ శ్రీనివాస్‌ తదితరులు పాల్గొన్నారు. వాల్‌పోస్టర్‌ ఆవిష్కరణ యాక్ట్‌ నవ్‌ సెవ్‌ పాలపిట్ట అనే సందేశంతో రూపొందించిన వాల్‌పోస్టర్‌ను సోమవారం కలెక్టర్‌ దీపక్‌తివారి తన చాంబర్‌లో ఆవిష్కరించారు. పాలపిట్ట సంరక్షణపై ప్రజల్లో అవగాహన పెంపొందించడం, వన్య ప్రాణాల పరిరక్షణకు ప్రతి ఒక్కరూ సహకరించడం ఈ కార్యక్రమం ముఖ్య ఉద్దేశమన్నారు. డీఎఫ్‌ఓ వికాస్‌ బత్తుల, ఎఫ్‌ఆర్‌ఓ నాగేశ్వరావు తదితరులు పాల్గొన్నారు. కలెక్టర్‌ దీపక్‌ తివారి

మండలి చీఫ్‌ విప్‌ పట్నం మహేందర్‌రెడ్డి తాండూరు: విజయ దశమి పండుగ విజయాలు అందించాలని మండలి చీఫ్‌ విప్‌ పట్నం మహేందర్‌రెడ్డి పేర్కొన్నారు. ఉమ్మడి రంగారెడ్డి జిల్లా ప్రజలు విజయాలు, పాడి పంటలు, సుఖశాంతులతో తులతూగాలని ఆకాంక్షిస్తున్నట్లు తెలిపారు. దసరా పండుగను ఉత్సాహంగా జరుపుకోవాలన్నారు. అనంతరం ప్రజలకు పండుగ శుభాకాంక్షలు తెలిపారు. తాండూరు రూరల్‌: మండలంలోని చెన్‌గేస్‌పూర్‌ హనుమాన్‌ ఆలయ కమిటీ చైర్మన్‌గా ఆర్‌ శ్రీనివాస్‌ రెడ్డి నియమితులయ్యారు. ఈ మేరకు దేవాదాయ శాఖ అధికారులు సోమవారం ఉత్తర్వులు జారీ చేశారు. డైరెక్టర్లుగా వెంకటప్ప, బాలసాగర్‌ గౌడ్‌, కాశప్ప, మమతను నియమించారు. చైర్మన్‌గా నియమితులైన శ్రీనివాస్‌రెడ్డిని గ్రామ నాయకులు శ్రీశైలంగౌడ్‌, రాజు గౌడ్‌, ఆర్‌ వెంకటేశ్‌, వెంకటయ్య, యాసిన్‌ అభినందించారు. త్వరలో ఎమ్మెల్యే మనోహర్‌రెడ్డి ఆధ్వర్యంలో ప్రమాణ స్వీకారం చేయనున్నట్లు శ్రీనివాస్‌రెడ్డి తెలిపారు. కొడంగల్‌ రూరల్‌: మండలంలోని పర్సాపూర్‌లో గ్రామ యువత ఆధ్వర్యంలో సర్పంచ్‌ కన్నం రాధా శ్రీనివాస్‌రెడ్డి సహకారంతో నిర్వహించనున్న కబడ్డీ పోటీలను సోమవారం మున్సిపల్‌ చైర్మన్‌ నందారం ప్రశాంత్‌కుమార్‌ ప్రారంభించారు. ఈ సందర్భంగా ఆయన మాట్లాడుతూ.. విద్యార్థులు చదువుతోపాటు క్రీడల్లో రాణించాలన్నారు. కార్యక్రమంలో కాంగ్రెస్‌ పార్టీ మండల అధ్యక్షుడు సంజీవరెడ్డి, వర్కింగ్‌ ప్రెసిడెంట్‌ ఆనంద్‌రెడ్డి, ప్రధాన కార్యదర్శి తట్టేపల్లి రాములు, ఉప సర్పంచ్‌ శివమ్మ, నాయకులు దస్తప్ప, శ్రీశైలం, నర్సింలు, మధుమతి, సురేష్‌ తదితరులు పాల్గొన్నారు. కొడంగల్‌ రూరల్‌: పేదల తిరుపతిగా పేరుగాంచిన కొడంగల్‌లోని మహాలక్ష్మీ వేంకటేశ్వర స్వామి బాలాలయంలో నేడు(మంగళవారం) దసరా పారువేట ఉత్సవం నిర్వహించనున్నట్లు ఆలయ ధర్మకర్తలు తెలిపారు. ఉదయం స్వామివారికి ప్రత్యేక పూజలు, సాయంత్రం 5గంటలకు శమీ పూజ కార్యక్రమాలను ఆలయ వంశపార పర్య ధర్మకర్తలు నిర్వహిస్తారని తెలిపారు. భక్తులు అధిక సంఖ్యలో పాల్గొని స్వామివారి కృపకు పాత్రులు కావాలని కోరారు. కందుకూరు: కారు అదుపు తప్పి దేవాలయం కోనేరులోకి దూసుకెళ్లింది. అందులో ఉన్న డ్రైవర్‌ తేరుకుని అద్దం తీసుకుని బయటికి రావడంతో ప్రాణపాయం నుంచి బయటపడ్డాడు. ఈ సంఘటన మహేశ్వరం పోలీస్‌ స్టేషన్‌ పరిధిలో చోటు చేసుకుంది. స్థానికులు, పోలీసులు తెలిపిన వివరాల ప్రకారం.. ఆమనగల్లు మండలం కోనాపూర్‌కు చెందిన చెందిన బొడ్డుపల్లి కుమార్‌ (32) గ్రామంలో టీ దుకాణం నిర్వహిస్తూ వంట మాస్టర్‌గా పని చేస్తున్నాడు. ఆదివారం పని ముగించుకుని అర్ధరాత్రి సమయంలో కారులో హైదరాబాద్‌కు వెళ్తున్నాడు. మార్గమధ్యలో మహేశ్వరం శివగంగ దేవాలయం వద్ద హైదరాబాద్‌ వైపు మళ్లాల్సి ఉండగా నిద్రమత్తులోకి జారుకున్నాడు. దీంతో కారు నేరుగా శివగంగ కోనేరులోకి బారికేడ్లను ధ్వంసం చేసుకుంటూ వెళ్లి నీటిలో మునిగింది. ఆ సమయంలో అప్రమత్తమైన కుమార్‌ అద్దం దింపి అందులో నుంచి బయటపడ్డాడు. ఓ వైపు ఆలయం, మరోవైపు ట్రాన్స్‌ఫార్మర్‌ ఉన్నాయి. అదృష్టవశాత్తు ఆ రెండింటి మధ్య నుంచి దూసుకుపోవడంతో డ్రైవర్‌ ప్రాణాలతో బయపడ్డాడు. సోమవారం ఉదయం పోలీసులు క్రేన్‌ సాయంతో కారును బయటికి తీశారు. ఈ మేరకు కేసు నమోదు చేసుకుని దర్యాప్తు చేపట్టారు.

కొందుర్గు: జిల్లేడ్‌ చౌదరిగూడ మండలంలోని వనంపల్లిలో సోమవారం ఇన్‌చార్జి తహసీల్దార్‌ భాస్కర్‌ స్మార్ట్‌ రేషన్‌కార్డులు పంపిణీ చేశారు. ఈ సందర్భంగా ఆయన మాట్లాడుతూ.. స్మార్ట్‌ కార్డులు లబ్ధిదారులకు ఎంతో ఉపయోగకరంగా ఉంటాయన్నారు. అందరూ ఈ అవకాశాన్ని సద్వినియోగం చేసుకోవాలని సూచించారు. కార్యక్రమంలో కాంగ్రెస్‌ పార్టీ మండల అధ్యక్షుడు చంద్రశేఖర్‌, సర్పంచ్‌లు అరుణ, రామచంద్రయ్య, నాయకులు పాల్గొన్నారు. నియామకంశంకర్‌పల్లి: ఆల్‌ ఇండియా అంబేడ్కర్‌ యువజన సంఘం రాష్ట్ర కార్యదర్శిగా శంకర్‌పల్లికి చెందిన తొండ యాదయ్య నియామకమయ్యారు. ఈ మేరకు సోమవారం ఆయన నగరంలో సంఘం జాతీయ అధ్యక్షుడి నుంచి నియామకం పత్రం అందుకున్నారు. ఈ సందర్భంగా తొండ యాదయ్య మాట్లాడుతూ.. డా.బీఆర్‌ అంబేడ్కర్‌ ఆశయాలు, ఆలోచనలకు అనుగుణంగా తాను ముందుకు సాగనున్నట్లు స్పష్టం చేశారు. కార్మికులకు అండగా ఉంటాంశంకర్‌పల్లి: మున్సిపల్‌ చైర్మన్‌ సాత ప్రవీణ్‌కుమార్‌ జన్మదినం సందర్భంగా సోమవారం శంకర్‌పల్లి మున్సిపల్‌ కార్యాలయ ఆవరణలో కార్మికులకు వారి దంపతులు దుస్తులు పంపిణీ చేశారు. అనంతరం వారు మాట్లాడుతూ.. కార్మికులు ఎల్లప్పుడూ సుఖసంతోషాలతో జీవించాలని, ఏ కష్టం వచ్చినా సాయం అందించేందుకు ముందుంటానని స్పష్టం చేశారు. కార్యక్రమంలో మున్సిపల్‌ మాజీ చైర్‌పర్సన్‌ సాత విజయలక్ష్మి, నాయకులు పాండురంగారెడ్డి, రాజశేఖర్‌రెడ్డి తదితరులు పాల్గొన్నారు. దుస్తుల పంపిణీ చేవెళ్ల: దసరా పండుగ సందర్భంగా సోమవారం మున్సిపాలిటీ పరిధిలోని పామెన వార్డులో కౌన్సిలర్‌ దవాల్‌గారి గోపాలరెడ్డి కార్మికులకు దుస్తులు పంపిణీ చేశారు. అదేవిధంగా దామరగిద్ద వార్డులో మాజీ సర్పంచ్‌ మధుసూదన్‌గుప్తా, చేవెళ్లలో మున్సిపల్‌ చైర్‌పర్సన్‌ దేవర సమతారెడ్డి కార్మికులకు దుస్తులు పంపిణీ చేశారు. అనంతరం వారు ప్రజలకు, కార్మికులకు పండుగ శుభాకాంక్షలు తెలిపారు. క్రీడలతో శారీరక దారుఢ్యం మొయినాబాద్‌రూరల్‌: క్రీడలు శారీరక దారుఢ్యానికి ఎంతో దోహదపడతాయని మండల సర్పంచ్‌ల సంఘం ప్రధాన కార్యదర్శి మాడి రాజేందర్‌రెడ్డి అన్నారు. సోమవారం మండల పరిధిలోని కాశీంబౌలిలో కీర్తిశేషులు గుమ్మి చంద్రశేఖర్‌రెడ్డి, మాడి శివాంత్‌రెడ్డి జ్ఞాపకార్థం క్రికెట్‌ టోర్నమెంట్‌ను నిర్వహించారు. ఈ టోర్నమెంట్‌కు చుట్టు పక్కన గ్రామాల నుంచి క్రీడాకారులు పాల్గొని తమ ప్రతిభ కనబరిచారు. గెలుపొందిన వారికి రాజేందర్‌రెడ్డి ముఖ్య అతిథిగా హాజరై బహుమతులు అందజేశారు. కార్యక్రమంలో నిర్వాహకులు మాడి విజయ్‌రెడ్డి, గౌతమ్‌రెడ్డి, ప్రశాంత్‌రెడ్డి, మహేందర్‌రెడ్డి, జగదీశ్‌రెడ్డి, శరత్‌రెడ్డి పాల్గొన్నారు. పాలపిట్టను బంధిస్తే చట్టరీత్యా చర్యలు ఫారెస్ట్‌ సెక్షన్‌ ఆఫీసర్‌ అన్వర్‌ హుస్సేన్‌ఖాన్‌కేశంపేట: దసరా పండుగను పురస్కరించుకొని గ్రామాల్లో ఎక్కడైనా పాలపిట్టను బంధించినా, విక్రయించినా చట్టరీత్యా చర్యలు తీసుకుంటామని కేశంపేట ఫారెస్ట్‌ సెక్షన్‌ అధికారి అన్వర్‌ హుస్సేన్‌ఖాన్‌ తెలిపారు. సోమవారం పోలీస్‌స్టేషన్‌లో ఎస్‌ఐ పరమేశ్‌తో కలిసి కేశంపేట ఫారెస్టు సెక్షన్‌ అధికారి అన్వర్‌ హుస్సేన్‌ఖాన్‌ పాలపిట్ట సంరక్షణకు సంబంధించిన మన రాష్ట్ర పక్షి–పాలపిట్ట వాల్‌పోస్టర్‌ను అవిష్కరించారు. అనంతరం మండల కేంద్రంలో ప్రజలకు పాలపిట్టను బంధించొద్దని, దాని సంరక్షణకు సహకరించాలని అవగాహన కల్పించారు. ఈ సందర్భంగా అయన మాట్లాడుతూ.. పాలపిట్టను బంధించడం, వేటాడడం వన్యప్రాణుల సంరక్షణ చట్టానికి విరుద్ధమన్నారు. ఎవరైన చట్టంకు వ్యతిరేకంగా ప్రవర్తిస్తే వారిపైన వన్యప్రాణి రక్షణ చట్టం 1972 ప్రకారం కఠిన చర్యలు తీసుకుంటామని అయన హెచ్చరించారు. పండుగల సమయంలో సాంప్రదాయాలను పాటిస్తూ ప్రకృతిని, పక్షులను కాపాడుకోవాలని అయన కోరారు. కార్యక్రమంలో పోలీస్‌, మండల పరిషత్‌ కార్యాలయ అధికారులు, ప్రజలు తదితరులు పాల్గొన్నారు.

తాండూరు: పట్టణ నడిబొడ్డున ఉన్న పొట్లి మహరాజ్‌ ఆలయ భూముల వ్యవహారం వివాదాస్పదమవుతోంది. దేవాదాయ ధర్మాదాయ శాఖ అధికారుల పర్యవేక్షణ లేకపోవడంతో స్థానిక అధికారి ఆడింది ఆట.. పాడింది పాట అన్నట్లు తయారైందనే ఆరోపణలు ఉన్నాయి. ఆలయ పాలక మండలి పదవీ కాలం ముగిసి ఆరు నెలలు కావస్తున్నా పనుల్లో మాజీ చైర్మన్‌ ప్రసాద్‌గౌడ్‌ జోక్యం చేసుకుంటున్నారనే విమర్శలు ఉన్నాయి. రెండు రోజుల క్రితం తాండూరు పట్టణంలో ఎమ్మెల్యే మనోహర్‌రెడ్డి ప్రారంభించిన షాపింగ్‌ కాంప్లెక్స్‌ కార్యక్రమంలో ఆయన పాల్గొన్నారు. అయితే శిలాఫలకంలో చైర్మన్‌గా ప్రసాద్‌గౌడ్‌ పేరు ఉండటం చర్చనీయాంశంగా మారింది. పట్టణంలోని వినాయక చౌక్‌ ప్రాంతంలోని ఆలయ భూముల్లో ఓ ప్రైవేటు స్కూల్‌ యాజమాన్యం తరగతి గదులు నిర్మిస్తోంది. ఈ నెల 15న తాండూరులో షాపింగ్‌ కాంప్లెక్స్‌ను ఎమ్మెల్యే ప్రారంభించారు. అయితే దీనికి మున్సిపల్‌ అనుమతులు లేనట్లు తెలిసింది. గడువు ముగిసినా.. 2025 ఏప్రిల్‌ 23న పొట్లి మహరాజ్‌ ఆలయ పాలక వర్గం కొలువుదీరింది. ఈ ఏడాది ఏప్రిల్‌ 23తో వారి పదవీ కాలం ముగిసింది. చైర్మన్‌ పదవీ కాలం ముగిసినా ప్రసాద్‌గౌడ్‌ వివిధ పనుల్లో జోక్యం చేసుకుంటుండం చర్చనీయాంశంగా మారుతోంది. ఓ ప్రైవేటు పాఠశాల నిర్వాహకులు, ఆలయ ఈఓ, పాలక మండలి మాజీ సభ్యులతో సిండికేట్‌గా ఏర్పడి అక్రమ కట్టడాలు, అనుమతులు లేని నిర్మాణాలకు అండగా నిలుస్తున్నట్లు ఆరోపణలు వస్తున్నాయి. పాలకవర్గం పదవీ కాలం పొడిగించినట్లు అధికారులు చెబుతున్నా అందుకు సంబంధించిన ఉత్తర్వులను మాత్రం చూపడం లేదు. దీంతో పలువురు సందేహం వ్యక్తం చేస్తున్నారు. ఈ విషయమై దేవాదాయ శాఖ ఉమ్మడి జిల్లా అసిస్టెంట్‌ కమిషనర్‌ నాగరాజ్‌ను ఫోన్‌లో వివరణ కోరగా పాలక మండలి పదవీ కాలం ముగిసిన విషయం వాస్తవమేనని, పొగింపు విషయం ఈఓ నుంచి వివరణ కోరుతామని తెలిపారు. ఈఓ నరేందర్‌ను ‘సాక్షి’ వివరణ కోరగా సరైన సమాధానం ఇవ్వలేదు. వివాదాలకు నిలయంగా.. పొట్లి మహరాజ్‌ ఆలయం 1.05 ఎకరాల విస్తీర్ణంలో ఉంది. పాలక మండలి పదవీ కాలం మరో 20 రోజుల్లో ముగుస్తుందనగా అధికారులతో కలిసి ఎలాంటి నిబంధనలు పాటించకుండా వ్యాపారుల నుంచి పెద్ద మొత్తంలో డబ్బులు వసూలు చేసి షాపింగ్‌ కాంప్లెక్‌, ప్రైవేటు పాఠశాల తరగతి గదులు నిర్మించడం వివాదాస్పదంగా మారింది. ఆ ఆలయం పక్కనే శివాలయం ఉంది. ఇది శిథిలావస్థకు చేరడంతో మూడేళ్ల క్రితం జీర్ణోద్దరణ పనులకు శ్రీకారం చుట్టారు. అప్పట్లో ప్రభుత్వం మారడంతో చైర్మన్‌గా ఉన్న తర్లపల్లి భానుకుమార్‌ తన పదవికి రాజీనామా చేశారు. తదనంతరం నూతనంగా ఏర్పడిన పాలక మండలి సభ్యులు ఆలయ నిర్మాణ పనులను పక్కన పెట్టి దేవాదాయ శాఖ ఈఓ నరేందర్‌ షాపింగ్‌ కాంప్లెక్స్‌ నిర్మాణానికి తెరలేపారు. ఆలయ ఆవరణలో ఉన్న ఇళ్లలో నివసిస్తున్న కుటుంబాలను ఖాళీ చేయించి ఆరు నెలల్లో దుకాణాలను నిర్మించి ప్రారంభించడం వివాదాస్పదంగా మారింది. నిబంధనలకు విరుద్ధంగా ప్రైవేటు స్కూల్‌ తరగతి గదులు, షాపింగ్‌ కాంప్లెక్స్‌ వ్యాపారుల నుంచి డబ్బు వసూలు చేసి దుకాణాల నిర్మాణం పాలక మండలి పదవీ కాలం ముగిసినా మాజీ చైర్మన్‌ జోక్యం ప్రొటోకాల్‌ పాటించడం లేదు పొట్లి మహరాజ్‌ ఆలయ ప్రాంగణంలో నిర్మించిన దుకాణాల ప్రారంభోత్సవంలో దేవాదాయ శాఖ అధికారులు ప్రోటోకాల్‌ పాటించలేదు. తరతరాలుగా మా కుటుంబ సభ్యులే ధర్మకర్తలుగా ఉన్నారు. శివాలయ జిర్ణోద్దరణ పనులను పక్కన పెట్టి దుకాణాల నిర్మాణానికి అధిక ప్రధాన్యత ఇవ్వడం సరికాదు. ఈఓ నరేందర్‌ రాజకీయాలు చేయడం మానుకోవాలి. – తార్లపల్లి భానుకుమార్‌, మాజీ చైర్మన్‌, పోట్లి మహరాజ్‌ ఆలయం

కేశంపేట: పంట చేతికి వచ్చే సమయంలో విద్యుత్‌ సమస్య రైతులను తీవ్ర ఇబ్బందులకు గురిచేస్తోంది. గ్రామాల్లో వ్యవసాయ అధికారులు ఉదయం విద్యుత్‌ సరఫరా చేస్తుండటంతో లోఓల్టేజీ సమస్య ఏర్పడి, బోరు మోటార్లు కాలిపోతున్నాయని రైతులు వాపోతున్నారు. బోరు మోటారు కాలిపోతుండడంతో విసుగు చెంది, చేతికి వచ్చిన పంటను కాపాడుకునేందుకు మండల పరిధిలోని తొమ్మిదిరేకుల గ్రామానికి చెందిన రైతు లాలమోని శ్రీరాములు వినూత్న ఆలోచన చేశాడు. ట్రాక్టర్‌కు డైనమోను ఏర్పాటు చేసుకోని దాని ద్వారా విద్యుత్‌ను ఉత్పత్తి చేసి బోరు మోటార్‌కు సరఫరా చేసుకొని వరి పంటకు నీటిని అందిస్తున్నాడు. భారీగా ఖర్చు చేసి.. వరి పంటకు 10 నుంచి 15 రోజులు నీటిని అందిస్తే చేతికి వస్తుంది. కానీ లోఓల్టేజీ సమస్యతో బోరు మోటార్‌తో నీరు అందించలేకపోతున్నారు. దీంతో రైతు లాలమోని శ్రీరాములు సుమారుగా లక్ష రూపాయలు ఖర్చు చేసి ట్రాక్టర్‌కు డైనమోను ఏర్పాటు చేశాడు. ప్రతి రోజు 4 నుంచి 5 గంటల వరకు ట్రాక్టర్‌ ద్వారా బోరు మోటార్‌ను నడిపిస్తూ వరి పంటకు నీళ్లు అందిస్తున్నాడు. గంటకు మూడు లీటర్ల డీజిల్‌ చొప్పున ప్రతి రోజు 15 లీటర్ల వరకు డీజిల్‌ ఖర్చు అవుతుంది. బోరు మోటార్‌ కాలిపోతే 10 నుంచి 15 వేల వరకు ఖర్చు అవుతుందని రైతు తెలిపారు. మూడు ఎకరాల్లో వరి పంటను సాగు చేస్తే నీళ్లు లేక ఇప్పటికే ఒక ఎకరం చేను ఎండిపోయిందని వాపోయాడు. గ్రామంలోనే విద్యుత్‌ సబ్‌స్టేషన్‌ ఉన్న రైతులకు లోఓల్టేజీ లేకుండా విద్యుత్‌ను సరఫరా చేయడం లేదని ఆరోపిస్తున్నారు. వ్యవసాయనికి నాణ్యమైన విద్యుత్‌ను సరఫరా చేయాలని రైతులు కోరుతున్నారు. పంటలు సాగు చేసి, దిగుబడి పొందే కీలక సమయంలో విద్యుత్‌ సమస్యలు ఎదురవడంతో రైతులు ఆందోళన వ్యక్తం చేస్తున్నారు. ట్రాక్టర్‌కు డైనమో ఏర్పాటు చేసి వరికి నీరు ఇప్పటికే రూ.లక్ష పెట్టుబడి.. డీజిల్‌కు 60 వేలు అదనం పంటను కాపాడుకోవడానికి వినూత్న ఆలోచన

శంకర్‌పల్లి: ఓ గుర్తు తెలియని వాహనం ఢీ కొట్టడంతో ఓ వ్యక్తి మృతి చెందిన సంఘ టన పట్టణ శివారులో చోటు చేసుకుంది. ఎస్‌ఐ సురేశ్‌ కథనం ప్రకారం.. మున్సిపల్‌ పరిధిలోని సింగాపురానికి చెందిన మొగులయ్య (48) ఆదివారం అర్ధరాత్రి ద్విచక్రవాహనంపై సంగారెడ్డి వైపు వెళ్తున్నాడు. బైక్‌ అదుపుతప్పి కింద పడింది. అదే సమయంలో వెనుక నుంచి వస్తున్న గుర్తు తెలియని వాహనం మొగులయ్యపై నుంచి వెళ్లడంతో అక్కడికక్కడే మృతి చెందాడు. కుటుంబసభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మరో ప్రమాదంలో.. శంకర్‌పల్లి: ఓ ద్విచక్రవాహనదారుడు కింద పడి మృతి చెందిన సంఘటన పట్టణంలో చోటు చేసుకుంది. ఎస్‌ఐ సురేశ్‌ కథనం ప్రకారం.. మండలంలోని అలంఖాన్‌గూడకు చెందిన భుజంగారెడ్డి (55) ఆదివారం వ్యక్తిగత పనులపై బయటకు వెళ్లాడు. సోమవారం ఉదయం తిరిగి ఇంటికి వస్తుండగా హుస్సేన్‌పూర్‌ వద్ద బైక్‌ అదుపుతప్పి కింద పడిపోయాడు. తలకి బలమైన గాయాలు కావడంతో అక్కడికక్కడే మృతి చెందాడు. పోలీసులు మృతదేహాన్ని పోస్టుమార్టం నిమిత్తం చేవెళ్ల ప్రభుత్వ ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు. రెండు బైక్‌లు ఢీ: ఒకరి మృతి చేవెళ్ల: రెండు బైక్‌లు ఎదురెదురుగా ఢీకొన్న ప్రమాదంలో ఓ బైక్‌పై ఉన్న రైతు మృతి చెందాడు. ఈ సంఘటన చేవెళ్ల పోలీస్‌స్టేషన్‌ పరిధిలో చోటు చేసుకుంది. పోలీసుల కథనం ప్రకారం.. మండలంలోని నాంచేరికి చెందిన ఆలూరి కిష్టయ్య(42) పాడిపశువుల నుంచి సేకరించిన పాలను ఆలూరులోని పాల కేంద్రానికి పోస్తుంటాడు. రోజు మాదిరిగానే ఆదివారం రాత్రి పాలు తీసుకొని బైక్‌పై ఆలూరుకు వెళ్తున్నాడు. అదే సమయంలో ఆలూరు గ్రామానికి చెందిన బి.హరి మరో బైక్‌పై ఎదురుగా వచ్చాడు. రెండు బైక్‌లు ఢీకొన్నాయి. ఈ ప్రమాదంలో కిష్టయ్యకు తీవ్ర గాయలు కావడంతో నగరంలోని ప్రైవేటు ఆస్పత్రికి తరలించారు. అక్కడ వైద్యులు పరిశీలించి మృతి చెందినట్లు ధ్రువీకరించారు. హరికి స్వల్ప గాయాలయ్యాయి. మృతుడి భార్య ఫిర్యాదు మేరకు పోలీసుల కేసు నమోదు చేసుకొని దర్యాప్తు చేస్తున్నారు.

కొందుర్గు: కొందుర్గు మండలాన్ని కరువు మండలంగా ప్రకటించాలని తెలంగాణ వ్యవసాయ కార్మిక సంఘం జిల్లా ప్రధాన కార్యదర్శి బుద్దుల జంగయ్య డిమాండ్‌ చేశారు. సోమవారం తహసీల్దార్‌ ఆజాం అలీకి వినతిపత్రం అందజేశారు. ఈ సందర్భంగా ఆయన మాట్లాడుతూ.. ఎల్‌నినో ప్రభావంతో పంటలు పూర్తిగా ఎండిపోయాయని, కరెంట్‌ సరఫరా లేక పంటలు దెబ్బతిన్నాయని వాపోయారు. అధికారులు దెబ్బతిన్న పంటలను సర్వేచేసి రైతులను ఆదుకోవాలని డిమాండ్‌ చేశారు. ఎకరానికి రూ. 50 వేలు రైతులకు అందించాలన్నారు. వినతిపత్రం అందించిన వారిలో నాయకులు వెంకటేశ్‌, కృష్ణ, భూపాల్‌, యాదయ్య, పద్మమ్మ పాల్గొన్నారు.

నవాబుపేట: పక్కింటివారు మాటలతో దూషించారని మనస్థాపం చెందిన గృహిణి ఆత్మహత్య చేసుకుంది. పోలీసులు తెలిపిన వివరాల ప్రకారం.. మండలంలోని చిట్టిగిద్ద గ్రామానికి చెందిన అయ్యగల్ల ఆశీర్వాదం భార్య సుమలత (27). వీరికి ఇద్దరు పిల్లలు ఉన్నారు. ఈ నెల 16వ తేదీ ఉదయం సుమలత కూతురు అనన్యశ్రీ ఇంటి ముందు ఆడుకుంటుండగా తల్లి మందలించింది. ఆ మాటలు విన్న పాలివారు.. కూతురు నెపంతో మమ్మల్ని తిడుతున్నావా అని దూషించారు. ఈ విషయాన్ని సుమలత భర్తకు చెప్పగా ఆయన కూడా భార్యనే మందలించాడు. దీంతో తీవ్ర మనస్తాపానికి గురైన సుమలత ఆదివారం రాత్రి ఉరివేసుకుంది. గమనించిన భర్త కొన ఊపిరితో ఉన్న భార్యని వికారాబాద్‌ ప్రభుత్వ ఆసుపత్రికి తరలించాడు. అప్పటికే సుమలత మృతి చెందినట్లు వైద్యులు తెలిపారు. మృతురాలి తండ్రి నర్సింలు ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై గిరి తెలిపారు.

సాక్షి, రంగారెడ్డిజిల్లా: సీఎం రేవంత్‌రెడ్డి జిల్లాలో సోమవారం సుడిగాలి పర్యటన చేశారు. ఒకవైపు ప్రారంభోత్సవాలు.. మరోవైపు శంకుస్థాపనలు.. ఇంకోవైపు సమీక్ష సమావేశాలతో బిజీబిజీగా గడిపారు. సాయంత్రం నాలుగున్నర గంటలకు హెచ్‌ఆర్‌డీ నుంచి హెలీప్యాడ్‌లో బయలుదేరి నేరుగా ఇబ్రహీంపట్నం వినోబానగర్‌లోని ‘అక్టోపస్‌’ క్యాంపస్‌కు చేరుకున్నారు. సాయంత్రం సరిగ్గా ఐదు గంటలకు ఫ్యూచర్‌సిటీ పోలీసు కమిషనరేట్‌ కార్యాలయాన్ని ప్రారంభించారు. ీసీపీ తరుణ్‌జోషిని కుర్చీలో కూర్చొబెట్టారు. శాంతి భద్రతల పరిరక్షణలో ఫ్యూచర్‌సిటీ పోలీసు కమిషనరేట్‌ కీలకంగా వ్యవహరించబోతుందని తెలిపారు. రేడియల్‌ రోడ్డు పరిశీలన సాయంత్రం 5.20 గంటలకు అటు నుంచి నేరుగా హెలీప్యాడ్‌లో బయలుదేరి, రేడియల్‌ రోడ్డు–1 పనులను పరిశీలించారు. సాయంత్రం 6 గంటలకు మీర్‌ఖాన్‌పేటలోని యంగ్‌ ఇండియా స్కిల్‌ వర్సిటీకి చేరుకున్నారు. నిర్మాణాలను పరిశీలించారు. నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం)కు శంకుస్థాపన చేశారు. అక్కడే ఫ్యూచర్‌సిటీ డెవలప్‌మెంట్‌ అథారిటీ అధికారులతో సమీక్ష సమావేశం ఏర్పాటు చేశారు. డిసెంబర్‌లో నిర్వహించనున్న గ్లోబల్‌ సమ్మిట్‌ సహా ఏర్పాట్లు, రేడియల్‌ రోడ్డు నిర్మాణం వంటి పనులపై సమీక్షించారు. రోడ్డు పనుల్లో మరింత వేగం పెంచాలని ఆదేశాలు జారీ చేశారు. భారత్‌ ఫ్యూచర్‌సిటీకి సంబంధించిన సమగ్ర మాస్టర్‌ప్లాన్‌ సిద్ధం చేయాలని సూచించారు. ఎఫ్‌సీడీఏ వద్దే ఎన్‌ఐయూఎంకు శంకుస్థాపన సీఎం పర్యటన షెడ్యూల్‌ ప్రకారం రూ.200 కోట్ల పెట్టుబడితో 20 ఎకరాల విస్తీర్ణంలో నిర్మించతలపెట్టిన ఎన్‌ఐయూఎం నేట్‌ జీరో ప్రాంగణానికి కుర్మిద్దలో శంకుస్థాపన చేయాల్సి ఉంది. రైతుల ఆందోళనలు, క్షేత్రస్థాయి పరిస్థితుల నేపథ్యంలోఎఫ్‌సీడీఏ భవనం వద్దే ఆ భవనానికి శంకుస్థాపన చేశారు. సీఎం రాక సందర్భంగా అటు ఇబ్రహీంపట్నంలోనూ, ఇటు మీర్‌ఖాన్‌పేటలోనూ భారీ పోలీసు బందోబస్తు ఏర్పాటు చేశారు. శిలాఫలకాన్ని ఆవిష్కరించి సీపీని కుర్చీలో కూర్చోబెట్టిన సీఎం నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌కు శంకుస్థాపన రేడియల్‌రోడ్డు, యంగ్‌ ఇండియా స్కిల్‌ వర్సిటీ పనుల పరిశీలన గ్లోబల్‌ సమ్మిట్‌–2026 ఏర్పాట్లపై అధికారులతో సమీక్ష

కేశంపేట: గ్రామాల్లో అభివృద్ధికి అధిక ప్రాధాన్యతనిస్తూ, ప్రజలకు అవసరమైన మౌలిక సదుపాయాలు కల్పించేందుకు కృషి చేస్తున్నామని ఎమ్మెల్యే వీర్లపల్లి శంకర్‌ అన్నారు. మండల పరిధిలోని పాపిరెడ్డిగూడ, ఇప్పలపల్లి, దేవునిగుడితండా, వేములనర్వ, కేశంపేట గ్రామాల్లో ఏర్పాటు చేసిన హైమాస్ట్‌ లైట్లను సోమవారం ఆయన ప్రారంభించారు. ఈ సందర్భంగా ఆయన మాట్లాడుతూ.. గ్రామాల అభివృద్ధికి అధికారులు, ప్రజాప్రతినిధులు కలిసి పనిచేయాలని సూచించారు. ఆయా కార్యక్రమాల్లో కాంగ్రెస్‌ పార్టీ మండల అధ్యక్షుడు అనుమగళ్ల రమేశ్‌, పీఏసీఎస్‌ చైర్మన్‌ యెన్నం శ్రీధర్‌రెడ్డి, వివిధ గ్రామాల సర్పంచ్‌లు చేవెళ్ల శశిరేఖ యాదయ్య, మంజుల జంగయ్య, సుజాత, సువర్ణ చిన్ననర్సింహ, జెడ్పీటీసీ మాజీ సభ్యురాలు విశాల శ్రావణ్‌రెడ్డి, వీరేశ్‌, పీఏసీఎస్‌ డైరెక్టర్‌ వర్కల భిక్షపతి తదితరులు పాల్గొన్నారు. ఎమ్మెల్యే వీర్లపల్లి శంకర్‌

షాద్‌నగర్‌: దసరా పండుగను పురస్కరించుకొని ఫరూఖ్‌నగర్‌లోని శ్రీవేంకటేశ్వరస్వామి ఆలయం ఆవరణలో నిర్వహించనున్న ఉత్సవాల ఏర్పాట్లను సోమవారం విశ్వహిందూ పరిషతత్‌్‌ నాయకులతో కలిసి బీజేపీ నాయకులు పరిశీలించారు. ఈ సందర్భంగా బీజేపీ రాష్ట్ర నాయకులు అందె బాబయ్య, శ్రీవర్ధన్‌రెడ్డి, నాయకులు చెట్ల వెంకటేశ్‌, డాక్టర్‌ రాచప్ప మాట్లాడుతూ.. మంగళవారం సాయంత్రం 4.30 నుంచి పట్టణంలోని కన్యకాపరమేశ్వరీ దేవాలయం నుంచి వేంకటేశ్వరస్వామి దేవాలయం వరకు ఊరేగింపు, అనంతరం సాయంత్రం 7 గంటలకు రావణ దహనం నిర్వహిస్తున్నట్లు నిర్వాహకులు తెలిపారు. దసరా ఉత్సవాల్లో భక్తులు పెద్దసంఖ్యలో పాల్గొని విజయవంతం చేయాలని కోరారు. కార్యక్రమంలో నాయకులు శ్రీనివాస్‌చారి, శివలింగం, అంబలి శ్రీశైలం, గణేష్‌, అభిలాశ్‌ పాల్గొన్నారు.

● బంజారాలు రాజ్యాధికారం దిశగా ముందుకు సాగాలి ● పరిగి, తాండూరు ఎమ్మెల్యేలు రామ్మోహన్‌ రెడ్డి, మనోహర్‌ రెడ్డి కుల్కచర్ల: బంజార ప్రజలు రాజ్యాధికారం దిశగా ముందుకు సాగాలని పరిగి, తాండూరు ఎమ్మెల్యేలు రామ్మోహన్‌ రెడ్డి, మనోహర్‌ రెడ్డి అన్నారు. ఆదివారం మండలంలోని దాస్యనాయక్‌ తండాలో బంజారా సేవాదళ్‌ వ్యవస్థాపక అధ్యక్షుడు అజయ్‌ నాయక్‌ ఆధ్వర్యంలో దాస్యనాయక్‌ విగ్రహాన్ని ఆవిష్కరించారు. ఈ సందర్భంగా వారు మాట్లాడుతూ.. గతంలో ఒక గిరిజన ఆవాసం మొత్తం రాజకీయాలకు అతీతంగా దాస్యనాయక్‌ అనే వ్యక్తి చేతుల్లో ఉంటూ మంచి చెడులు చూసుకునే వారని, వారి ఐక్యతను మనం స్ఫూర్తిగా తీసుకోవాలన్నారు. బంజార ప్రజలు అన్ని రంగాల్లో రాణించాల్సిన అవసరం ఉందన్నారు. గిరిజన ఆవాసాల అభివృద్ధికి ప్రభుత్వం ప్రత్యేక కృషి చేస్తోందని తెలిపారు. కార్యక్రమంలో గిరిజన ఉద్యోగుల సంఘం రాష్ట్ర అధ్యక్షుడు రాంచందర్‌, ఎంఈఓ హరిశ్చందర్‌, హరిలాల్‌, సర్పంచ్‌ కవితరాజు, సర్పంచుల సంఘం మాజీ అధ్యక్షుడు శంకర్‌ నాయక్‌, పీఏసీఎస్‌ చైర్మన్‌ భీంరెడ్డి, ఏఎంసీ చైర్మన్‌ ఆంజనేయులు, ఘట్యనాయక్‌, పరిగి ఆర్టీసీ డిపో కార్మిక సంఘం అధ్యక్షుడు పెంటయ్య, నాయకులు చంద్రయ్య, విఠల్‌ నాయక్‌ తదితరులు పాల్గొన్నారు.

పాల్గొన్న ఎస్పీ స్నేహమెహ్ర అనంతగిరి: వికారాబాద్‌ పట్టణంలోని ఏఆర్‌ హెడ్‌ క్వార్టర్స్‌లో ఆదివారం ఎస్పీ స్నేహమెహ్ర ఆధ్వర్యంలో ఆయుధ పూజ నిర్వహించారు. బెల్‌ ఆఫ్‌ ఆర్మ్‌లో భద్రపరిచిన ఆయుధాలు, మందుగుండు సామగ్రి, పోలీసు వాహనాలకు పూజలు చేశారు. కార్యక్రమంలో ఏఎస్పీ రాజేష్‌ మీనా, ఏఆర్‌ డీఎస్పీ వీరేష్‌, ఆర్‌ఐలు, సిబ్బంది తదితరులు పాల్గొన్నారు. ఆర్యసమాజ్‌ భవనంలో.. తాండూరు: పట్టణంలోని ఆర్యసమాజ్‌ భవనంలో ఆదివారం దుర్గాష్టమి పూజ కార్యక్రమాలు జరిగాయి. ఈ సందర్భంగా నిర్వహించిన ఆయుధ పూజలో సమాజ్‌ ప్రతినిధులతో పాటు బిజేపీ జిల్లా అధ్యక్షుడు రమేష్‌కుమార్‌, నాయకులు కృష్ణముదిరాజ్‌, భద్రేశ్వర్‌, శ్రీకాంత్‌, కృష్ణ, సమాజం ప్రతినిధులు శివప్రకాష్‌, మోహన్‌రావు, కమలాకర్‌, శివాజి, నరేందర్‌, బస్వలింగప్ప, గోపాల్‌ సంతోష్‌ పాల్గొన్నారు. చేవెళ్ల: పండుగల సాయన్న జయంతి వేడుకలను ఈనెల 22న ఘనంగా నిర్వహించుకోవాలని ముదిరాజ్‌ కార్పారేషన్‌ చైర్మన్‌ బొర్ర జ్ఞానేశ్వర్‌ముదిరాజ్‌ పిలుపునిచ్చారు. చేవెళ్లలో ఆదివారం ఆయన ముదిరాజ్‌ సంఘం నాయకులతో సమావేశమయ్యారు. ఈ సందర్భంగా మాట్లాడుతూ.. పండుగల సాయన్న జయంతిని ప్రభుత్వం అధికారికంగా నిర్వహించడం సంతోషకరమని అన్నారు. ముదిరాజ్‌ల సమస్యలపై ప్రభుత్వంతో చర్చించి పరిష్కరించేందుకు కృషి చేస్తానని తెలిపారు. కార్యక్రమంలో ముదిరాజ్‌ సంఘం జిల్లా అధ్యక్షుడు తలారి మల్లేశ్‌, మండల అధ్యక్షుడు నర్సింలు, యువజన సంఘం అధ్యక్షుడు తెలుగు శ్రీనివాస్‌, ఊరడి నర్సింలు, రాంప్రసాద్‌, గోపాల్‌, శంకర్‌పల్లి అధ్యక్షుడు మైసయ్య, షాబాద్‌ అధ్యక్షుడు గోపాల వెంకటేశ్‌, జనార్దన్‌ పాల్గొన్నారు. మంచాల: పండుగ పేరుతో రాష్ట్రపక్షి పాలపిట్టను బంధించి హింసిస్తే చట్ట పరంగా కఠిన చర్యలు తీసుకుంటామని అటవీ శాఖ సెక్షన్‌ ఆఫీసర్‌ చంద్రశేఖర్‌ అన్నారు. మండల కేంద్రంలోని పోలీస్‌స్టేషన్‌లో ఆదివారం సీఐ మధు ఆధ్వర్యంలో వాల్‌పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. దసరా పండుగ రోజు పాలపిట్టను చూడాలని పట్టుకోవాలని ప్రయత్నం చేయడం సరైంది కాదన్నారు. కొంతమంది ప్రజల సందర్శనార్థం పట్టుకొచ్చి గ్రామాల్లో ప్రదర్శిస్తారని, ఇలాంటివి చేయకూడదన్నారు. వన్యప్రాణి చట్టం కింద కేసులు నమోదు చేసి చర్యలు తీసుకుంటామని హెచ్చరించారు. కార్యక్రమంలో అటవీశాఖ సిబ్బంది జంగారావు, మహేందర్‌ తదితరులు పాల్గొన్నారు. షాబాద్‌: కుటుంబపరమైన సమస్యల కారణంగా ఓ వ్యక్తి ఉరివేసుకుని ఆత్మహత్య చేసుకున్న సంఘటన షాబాద్‌ పోలీస్‌స్టేషన్‌ పరిధిలో చోటుచేసుకుంది. సీఐ డీకే లక్ష్మిరెడ్డి తెలిపిన వివరాల ప్రకారం.. శంషాబాద్‌ మండలం పాలమాకుల గ్రామానికి చెందిన గడ్డంగుల ముర్గేశ్‌ (32) షాబాద్‌లో కూలీ పని చేసుకుంటూ జీవనం సాగిస్తున్నాడు. కుటుంబపరమైన సమస్యల కారణంగా ఆదివారం ఉరివేసుకుని ఆత్మహత్య చేసుకున్నాడు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.

● పట్టభద్రులు ఓటు హక్కు నమోదు చేసుకోవాలి ● చేవెళ్ల ఎంపీ కొండా విశ్వేశ్వర్‌ రెడ్డి కుల్కచర్ల: విద్యావంతులతోనే వ్యవస్థలో మార్పు వస్తుందని చేవెళ్ల ఎంపీ కొండా విశ్వేశ్వర్‌ రెడ్డి అన్నారు. ఆదివారం మండల కేంద్రంలోని బీజేపీ కార్యాలయంలో కార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ.. పట్టభద్రులు ఓటు హక్కును వినియోగించుకొని ఉత్తమ వ్యక్తికి చట్టసభల్లో అవకాశం కల్పించాలని కోరారు. పార్టీ కార్యకర్తలు ఎన్నికలకు సిద్ధంగా ఉండాలన్నారు. అనంతరం గ్రామంలో కొనసాగుతున్న పోచమ్మ తల్లి ఆలయ ధ్వజస్తంభ ప్రతిష్ఠాపన వేడుకల్లో పాల్గొని పూజలు చేశారు. కార్యక్రమంలో పార్టీ జిల్లా కన్వీనర్‌ కరణం ప్రహ్లాద్‌రావు, జిల్లా అధ్యక్షుడు రమేష్‌, మండల అధ్యక్షుడు వెంకటయ్య, పార్టీ రాష్ట్ర నాయకులు శరత్‌కుమార్‌ రెడ్డి, ఘనపురం వెంకటయ్య గౌడ్‌, దిశ కమిటీ జిల్లా సభ్యులు జానకీరాం, మహిళా మోర్చా జిల్లా అధ్యక్షురాలు పట్లోళ్ల సౌమ్యారెడ్డి తదితరులు పాల్గొన్నారు.

పండుగపూటావికారాబాద్‌: తెలంగాణ పండుగ, మహిళలు ఎంతో ఉత్సాహంగా జరుపుకొనే వేడుక బతుకమ్మ. ఏటా రాష్ట్ర ప్రభుత్వం బతుకమ్మ కానుక పేరుతో మహిళలకు చీరలు ఇచ్చేది. రెండేళ్ల నుంచి స్వయం సహాయక సంఘాల సభ్యులకు మాత్రమే ఇస్తున్నారు. ఈ సారి వారికి కూడా ఇవ్వలేదు. జిల్లాకు రెండు లక్షల చీరలు ఆర్డరు పెట్టగా సగం కూడా రాలేదు. ఒకరికి ఇచ్చి మరొకరికి ఇవ్వకపోవడం మంచిది కాదని భావించిన అధికారులు పండుగ తర్వాత పంపిణీ చేయాలని నిర్ణయించారు. చీరలన్నీ యూనిఫామ్‌లా ఒకే రంగులో ఉండటం విమర్శలకు తావిస్తోంది. గతేడాది పాలపిట్ట రంగులో పంపిణీ చేయగా.. ఈ సారి చిలకపచ్చ రంగులో ఉన్నాయి. గత ఏడాది కూడా పండుగ తర్వాతే పంపిణీ చేశారు. ప్రస్తుతం జిల్లాకు వచ్చిన చీరలను గోదాముల్లో భద్రపరిచారు. పూర్తిస్థాయిలో రాకపోవడంతో పంపిణీ తేదీని ఖరారు చేయలేదు. జిల్లాలో 3,54,912 మంది మహిళలు ఓటరు జాబితా ఆధారంగా జిల్లాలో 3,54,912 మంది మహిళలు ఉన్నారు. వీరిలో కొందరు చీరలు తీసుకునేందుకు ఆసక్తి చూపకపోవడంతో ఏటా చాలా వరకు మిగిలిపోతున్నాయి. దీంతో 2,73,000 చీరలు సరిపోతాయని అధికారులు భావించి ఆ మేరకే ఆర్డరు ఇస్తున్నారు. ప్రస్తుతం స్వయం సహాయక సంఘాల సభ్యులకు మాత్రమే పంపిణీ చేయాలని నిర్ణయించడంతో ఇండెంట్‌ తక్కువ చేశారు. రెండు లక్షల చీరలు ఆర్డరు ఇచ్చారు. వికారాబాద్‌ నియోజకవర్గానికి 59,443, పరిగికి 48,028, తాండూరుకు 56,198, కొడంగల్‌కు 34,718 చీరలు ఆర్డురు పెట్టారు. అయితే ఇప్పటి వరకు 85,118 మాత్రమే వచ్చాయి. వాటిని ఆయా కేంద్రాల్లోని గోదాముల్లో భద్రపరిచారు. మరో 1,14,882 రావాల్సి ఉంది. సీ్త్ర శక్తి లోగోతో ముంద్రించి పంపిణీ చేయాలని ప్రభుత్వం నిర్ణయించింది. స్వయం సహాయక సంఘాల సభ్యులకు అందని బతుకమ్మ కానుక జిల్లాకు కావాల్సిన చీరలు 2లక్షలు ఇప్పటి వరకు వచ్చింది 85,118 ఇంకా రావాల్సినవి 1,14,882 యూనిఫామ్‌లా ఒకే రంగులో..

● సీఎం పర్యటనకు పటిష్ట భద్రతా ఏర్పాట్లు ● ఫ్యూచర్‌ సిటీ కమిషనర్‌ తరుణ్‌జోషి ఇబ్రహీంపట్నం: ముఖ్యమంత్రి రేవంత్‌రెడ్డి పర్యటన నేపథ్యంలో అన్నిశాఖల అధికారులు సమన్వయంతో పనిచేయాలని ఫ్యూచర్‌ సిటీ కమిషనర్‌ తరుణ్‌జోషి ఆదేశించారు. ఇబ్రహీంపట్నం సమీపంలోని అక్టోపస్‌లో ఫ్యూచర్‌సిటీ పోలీస్‌ కమిషనరేట్‌ ప్రారంభం, యాచారం మండలం కుర్మిద్దలో నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం) నిర్మాణానికి సోమవారం శంకుస్థాపన చేయనున్న నేపథ్యంలో భద్రతా ఏర్పాట్లపై ఆదివారం సీపీ కార్యాలయంలో ఉన్నతస్థాయి సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. పటిష్టమైన భద్రతతోపాటు, ట్రాఫిక్‌ ఇబ్బందులు తలెత్తకుండా చర్యలు చేపట్టాలని, ఆయా కార్యక్రమాలు సజావుగా సాగేలా చూడాలని సూచించారు. ఇబ్రహీంపట్నంలోని కమిషనరేట్‌ ప్రారంభోత్సవ బందోబస్తుకు ఇంటెలిజెన్స్‌ సెక్యూరిటీ వింగ్‌ అదనపు ఎస్పీ శ్రీనివాస్‌రావు, డీఎస్పీ డి.కృష్ణను, కుర్మిద్దలోని ఎన్‌ఐయూఎం శంకుస్థాపన భద్రతా పర్యవేక్షణకు అదనపు ఎస్పీ శ్రీనివాస్‌రావు, డీఎస్పీ జనార్దన్‌ను నియమించారు. సమావేశంలో జాయింట్‌ సీపీ చందనా దీప్తి, పోలీసు అధికారులు పాల్గొన్నారు. కాగా, ఇబ్రహీంపట్నం సమీపంలోని అక్టోపస్‌లో నిర్మించిన ఫ్యూచర్‌ సిటీ కమిషనరేట్‌ భవనం ప్రారంభోత్సవానికి సీఎం రానున్న సందర్భంగా ప్రత్యేక పోలీసు బలగాలు ఆ ప్రాంతాన్ని తమ అధీనంలోకి తీసుకున్నాయి.

కడ్తాల్‌ బల్క్‌ మిల్క్‌ చిల్లింగ్‌ సెంటర్‌కు గత ఏడాది ఇదే సమయంలో రోజుకు సగటున 25,000 లీటర్ల పాలు వచ్చేవి. ప్రస్తుతం 6,700 లీటర్లకు పడిపోయింది. చంద్రదనలో ఐదు వేల నుంచి 3,800కు, మాడ్గులలో 7,500 నుంచి 6000కు, జైత్వారంలో మూడు వేల నుంచి 2,500కు, చల్లంపల్లిలో ఆరు వేల నుంచి 5,500కు, ఇబ్రహీంపట్నంలో 6,500 నుంచి 5,800 లీటర్లు తగ్గింది. జిల్లాలోని షాద్‌నగర్‌, యాచారం, కందుకూరు, మంచాల మిల్క్‌ చిల్లింగ్‌ కేంద్రాల్లోనూ పాల దిగుబడి, సేకరణ భారీగా తగ్గుముఖం పట్టింది.సాక్షి, రంగారెడ్డిజిల్లా: ప్రస్తుత వర్షాభావ పరిస్థితులు వరి, పత్తి పంటలనే కాదు.. పాల దిగుబడిపై కూడా తీవ్ర ప్రభావం చూపుతున్నాయి. ఇప్పటికే వ్యవసాయ భూములన్నీ రియల్‌ వెంచర్లుగా మారడానికి తోడు ప్రస్తుతం సరైన వర్షాలు లేక, చెరువులు, కుంటలు ఎండిపోయి, భూగర్భజలాలు పాతాళానికి పడిపోయి, బోరు బావుల కింద పశుగ్రాసం సాగు తగ్గిపోయింది. పచ్చిగడ్డి లేకపోవడం, మార్కెట్లో దాణా ధరలు అమాంతం పెరగడంతో డెయిరీల నిర్వాహకులు గేదెలు, ఆవులను పోషించలేక వదిలించుకుంటున్నారు. ఉన్న వాటికి కూడా పచ్చిమే త లేకపోవడంతో ఆశించిన స్థాయిలో పాల దిగుబడి రావడం లేదు. విధిలేని పరిస్థితుల్లో ప్రభుత్వ డెయిరీలు సరిహద్దు రాష్ట్రాలను ఆశ్రయించాల్సి వస్తోంది. గ్రేటర్‌ జిల్లాలకు రోజుకు సగటున 33 లక్షల లీటర్ల పాలు అవసరం కాగా, విజయ, మదర్‌ డెయిరీలతో పాటు హెరిటేజ్‌, తిరుమల, దొడ్ల, అమూల్‌, గోకుల్‌ వంటి 12 ప్రముఖ డెయిరీలు సుమారు 15 నుంచి 20 లక్షల లీటర్ల పాలను మాత్రమే రైతుల నుంచి సేకరిస్తున్నట్లు తెలిసింది. డిమాండ్‌కు సరఫరాకు మధ్య భారీ వ్యత్యాసం ఉండటంతో వ్యాపారులు అడ్డదారులు తొక్కుతున్నారు. కొంత మంది పసిపిల్లలు తాగే పాలను కల్తీ చేస్తుంటే.. మరికొంత మంది ఏకంగా కృత్రిమ పాలను తయారు చేస్తూ ప్రజారోగ్యంతో చెలగాటమాడుతున్నారు. జిల్లాలోని కడ్తాల్‌, కందుకూరు, ఆమనగల్లు, కాటేదాన్‌, షాద్‌నగర్‌, ఇబ్రహీంపట్నం, ముచ్చింతల్‌, పసుమాముల, నాదర్‌గుల్‌ తదితర ప్రాంతాల్లో కల్తీపాల దందా మూడు పువ్వులు, ఆరు కాయలు అన్నట్లు సాగుతోంది. ప్రముఖ బ్రాండ్లకు ఏమాత్రం తీసిపోని విధంగా ప్యాకెట్లను తయారు చేసి, మార్కెట్లోకి వదులుతున్నారు. ఈ పాలను తాగిన పిల్లలు అనారోగ్యానికి గురవుతున్నారు. డెయిరీ పేరు: నార్మూల్‌ మదర్‌ (హయత్‌నగర్‌) ప్లాంటు సామర్థ్యం: 3 లక్షల లీటర్లు పాడి రైతులు : 70,000 మంది గతంలో రోజు సగటు పాలసేకరణ: 1.20 లక్షల లీటర్లు ప్రస్తుత సేకరణ: 13 వేల లీటర్లు తగ్గిన పాలదిగుబడి: 95 వేల లీటర్లు పెండింగ్‌లో ఉన్నబిల్లులు: నాలుగు విడతలు డెయిరీ పేరు: విజయ మెగా (రావిర్యాల) ప్లాంటు సామర్థ్యం: ఐదు లక్షల లీటర్లు పాడి రైతులు: లక్షన్నర మంది రోజు సగటు పాలసేకరణ: 80,000 లీటర్లు ప్రస్తుత సేకరణ: 50,000 లీటర్లు తగ్గిన పాలదిగుబడి: 30,000 లీటర్లు పెండింగ్‌లో ఉన్నబిల్లులు: రెండు విడతలు పచ్చిమేత లేక.. పాలదిగుబడి రాక ప్రభుత్వ డెయిరీలకు తగ్గిన సరఫరా డిమాండ్‌, సరఫరాకు మధ్య తీవ్ర వ్యత్యాసం ‘క్యాష్‌’ చేసుకుంటున్న వ్యాపారులు గుట్టుగా కృత్రిమ పాల తయారీ

కొత్తూరు: బీఆర్‌ఎస్‌ పార్టీపై నమ్మకంతోనే ఇతర పార్టీల నుంచి నాయకులు, ప్రజా ప్రతినిధులు పార్టీలో చేరుతున్నట్లు ఎమ్మెల్సీ నవీన్‌కుమార్‌రెడ్డి తెలిపారు. మండల పరిధిలోని పెంజర్ల గ్రామ ఉపసర్పంచ్‌ శంతన్‌రెడ్డితో పాటు సుమారు 100 మంది కాంగ్రెస్‌, ఇతర పార్టీల నుంచి వార్డుసభ్యులు, నాయకులు ఆయన సమక్షంలో బీఆర్‌ఎస్‌లో చేరారు. ఇందులో భాగంగా వారికి ఆయన పార్టీ కండువాలు వేసి ఆహ్వానించారు. గత కొన్నిరోజుల ముందే ఇదే గ్రామం నుంచి పలువురు నాయకులు ఎమ్మెల్సీ ఆధ్వర్యంలో పార్టీలో చేరారు. అనంతరం ఎమ్మెల్సీ మాట్లాడుతూ.. బీఆర్‌ఎస్‌ పార్టీతోనే అభివృద్ధి, నిరుపేదల సంక్షేమం సాధ్యమన్నారు. వచ్చే ఎన్నికల్లో బీఆర్‌ఎస్‌ ఘన విజయం సాధిస్తుందని దీమా వ్యక్తం చేశారు. కార్యక్రమంలో వార్డుసభ్యులు వేదాంతచారి, ఆర్భాస్‌, సహదేవ్‌, రాములు, మాధవి, మైబుబ్‌, బ్యాగరి రాజు, శివాచారి, అనిల్‌ పాల్గొన్నారు.ఎమ్మెల్సీ నవీన్‌కుమార్‌రెడ్డి

కడ్తాల్‌: రోడ్డు ప్రమాదంలో ఓ మహిళ మృతి చెందింది. స్థానికులు, పోలీసులు తెలిపిన వివరాల ప్రకారం.. మహారాష్ట్రకు చెందిన ఇస్లావత్‌ అనుసూజ (55) ఇరవై ఏళ్ల క్రితం కుటుంబంతో వలస వచ్చి మండల కేంద్రంలో నివాసం ఉంటోంది. ఓ హోటల్‌లో దినసరి కూలీగా పనిచేస్తూ కుటుంబానికి తోడుగా ఉంటోంది. రోజు మాదిరిగానే అనుసూజ ఆదివారం తెల్లవారుజామున హోటల్‌కు వెళ్లి జాతీయ రహదారిపై నడుచుకుంటూ వెళ్తుండగా బస్టాండ్‌ సమీపంలో కల్వకుర్తి నుంచి హైదరాబాద్‌ వైపు వెళ్తున్న బొలెరో వాహనం వెనుక నుంచి బలంగా ఢీకొట్టింది. దీంతో ఆమెకు తీవ్రగాయాలు కాగా గమనించిన స్థానికులు పోలీసులు, కుటుంబ సభ్యులకు సమాచారం అందించారు. వెంటనే చికిత్స నిమిత్తం కల్వకుర్తి ప్రభుత్వ ఆస్పత్రికి తరలించారు. మెరుగైన చికిత్స కోసం హైదరాబాద్‌లోని ఉస్మానియా ఆస్పత్రికి తరలించారు. చికిత్స పొందుతూ మృతి చెందింది. మృతురాలి కుమారుడు ఇస్లావత్‌ రాజు ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ సైదిరెడ్డి తెలిపారు.

ఎమ్మెల్యే కాలె యాదయ్య శంకర్‌పల్లి: అభివృద్ధి పనుల్లో గుత్తేదారులు తప్పనిసరిగా నాణ్యత ప్రమాణాలు పాటించాలని స్థానిక ఎమ్మెల్యే కాలె యాదయ్య అన్నారు. ఆదివారం మండలంలోని రావులపల్లికలాన్‌ గ్రామంలో నూతనంగా చేపడుతున్న బీటీరోడ్డు పనులను ఆయన పీఏసీఎస్‌ చైర్మన్‌ బొల్లారం వెంకట్‌రెడ్డితో కలిసి పరిశీలించారు. ఎమ్మెల్యే మాట్లాడుతూ.. ప్రభుత్వం పల్లెలను అభివృద్ధి చేసేందుకు నిరంతరం శ్రమిస్తోందని, దానికి ప్రతి ఒక్కరూ సహకరించాలన్నారు. అదే విధంగా గుత్తేదారులు చేపట్టిన ప్రతి పనిని సంబంధిత శాఖ అధికారులు ఎప్పటికప్పుడూ పరిశీలించాలని, విధుల్లో నిర్లక్ష్యం వహించిన వారిపై కఠిన చర్యలుంటాయని ఎమ్మెల్యే హెచ్చరించారు. కార్యక్రమంలో పాలకవర్గ సభ్యులు, నాయకులు పాల్గొన్నారు. హైమాస్ట్‌ లైట్లు ప్రారంభం మొయినాబాద్‌రూరల్‌: గ్రామాల్లో వెలుగులు నింపేందుకు ప్రభుత్వం ప్రతీ వీధిలో లైట్లు ఏర్పాటు చేస్తుందని ఎమ్మెల్యే కాలె యాదయ్య అన్నారు. మండల పరిధిలోని వెంకటాపూర్‌ గ్రామంలో నూతనంగా ఏర్పాటు చేసిన హైమాస్ట్‌ లైట్లను సర్పంచ్‌ అర్చనఅజయ్‌రెడ్డితో కలిసి ఆయన ప్రారంభించారు. కార్యక్రమంలో గ్రామ కాంగ్రెస్‌ పార్టీ అధ్యక్షుడు విజయ్‌రెడ్డి, ఉపసర్పంచ్‌, వార్డు సభ్యులు పాల్గొన్నారు. ఘన నివాళి షాబాద్‌: మండల పరిధిలోని మన్‌మర్రి గ్రామానికి చెందిన బీఆర్‌ఎస్‌ పార్టీ యువ నాయకుడు ఎర్రవల్లి శివకుమార్‌(రాజు) గత కొద్ది రోజులుగా అనారోగ్యంతో బాధపడుతూ శనివారం మృతి చెందాడు. విషయం తెలుసుకున్న జెడ్పీటీసీ మాజీ సభ్యుడు అవినాశ్‌రెడ్డి ఆదివారం గ్రామానికి వెళ్లి శివకుమార్‌ మృతదేహానికి నివాళులర్పించారు. మృతుడి కుటుంబాన్ని పరామర్శించి, ప్రగాఢ సానుభూతి తెలియజేశారు.

యాచారం: పొట్టకూటి కోసం పట్నం వలసవెళ్లిన కుటుంబం బతుకమ్మ సంబరాలు, దసరా పండుగ కోసం స్వగ్రామానికి బైక్‌పై వస్తున్నారు. మార్గ మధ్యలో బతుకమ్మను పేర్చడానికని పూలు కొనుగోలు చేస్తుండగా వేగంగా వచ్చిన మరో బైక్‌ ఢీకొట్టడంతో మహిళ అక్కడికక్కడే మృతి చెందింది. వివరాలివీ.. మండల పరిధిలోని నక్కర్తమేడిపల్లికి చెందిన కొంగళ్ల పద్మ(45) మల్లేష్‌ దంపతులు కొన్నేళ్లుగా పొట్టకూటి కోసం నగరంలోని బండంగ్‌పేటలో అద్దె ఇంటిని తీసుకుని నివాసం ఉంటున్నారు. దసరా పండుగ కోసమని ఆదివారం సాయంత్రం స్వగ్రామానికి బైక్‌పై బయలుదేరారు. చౌదర్‌పల్లి గేట్‌ సమీపంలోని పెట్రోల్‌ బంకు వద్దకు రాగానే బతుకమ్మను పేర్చడానికని పూలు కొనుగోలు చేయడానికని ఆగారు. పూలు కొని తిరిగి బైక్‌ ఎక్కుతుండగా ఇబ్రహీంపట్నం నుంచి యాచారం వైపు అతి వేగంగా వస్తున్న మరో బైక్‌ బలంగా ఢీకొట్టింది. ఈ ప్రమాదంలో కిందపడిపోయిన పద్మ తలకు తీవ్ర గాయాలై అక్కడికక్కడే మృతి చెందింది. మరికొద్ది నిమిషాల్లో స్వగ్రామానికి చేరుకుంటామనే సంతోషంలో ఉన్న భార్య తన కళ్ల ముందే మృతి చెందడంతో భర్త మల్లేష్‌ రోదించిన తీరు కంటతడి పెట్టించింది. మృతదేహన్ని పోస్టుమార్టం నిమిత్తం ఇబ్రహీంపట్నం ప్రభుత్వాస్పత్రికి తరించారు. యాచారం పోలీసులు కేసు నమోదు చేసి దర్యాప్తు చేస్తున్నారు. రోడ్డు ప్రమాదంలో మహిళ మృతి

కేశంపేట: గ్రామాల రూపురేఖలను మార్చడంతో పాటు ప్రజలకు మౌలిక సదుపాయాలు కల్పించాలనే ఉద్దేశంతో కేంద్ర, రాష్ట్ర ప్రభుత్వాలు సంయుక్తంగా నిధులు అందించి గ్రామాల్లో వైకుంఠధామాలను నిర్మించాయి. ఒక్కో గ్రామంలో రూ.12.60లక్షలను వెచ్చించి సకాలంలో పూర్తి చేసి అందుబాటులోకి తీసుకొచ్చారు. కానీ అవగాహన లేమితో అవి అశించిన స్థాయిలో వినియోగంలోకి రాలేదు. 29 గ్రామాల్లో.. గ్రామాల్లో అంత్యక్రియలు నిర్వహించేందుకు ప్రజలు ఇబ్బందులు పడకూడదనే ఉద్దేశంతో కేంద్ర, రాష్ట్ర ప్రభుత్వాలు నిధులను అందించి అప్పటి జాతీయ ఉపాధి హామీ(బీవీరాంజీ) పథకంలో వైకుంఠధామాల నిర్మాణాన్ని పూర్తిచేశారు. గ్రామాల్లో దహన సంస్కారాలకు అనువైన ప్రదేశంతో పాటు అవసరమైన మౌలిక వసతులు కల్పించారు. మండలంలోని 29 గ్రామాల్లో వైకుంఠధామాలను నిర్మించారు. కానీ కొన్ని గ్రామాల్లో వాటిని వినియోగించేందుకు ప్రజలు ముందుకు రావడం లేదు. ఇందుకు స్థానిక ఆచారాలు, సంప్రదాయాలు, అవగాహన లోపాలే కారణం అంటూ పలువురి నుంచి ఆరోపణలు వెల్లువెత్తుతున్నాయి. ఇకనైనా అధికారులు స్పందించి ప్రజలకు అవగాహన కల్పంచాలని కోరుతున్నారు. సౌకర్యాలు కల్పిస్తున్నా.. వైకుంఠధామాలను పూర్తిస్థాయిలో వినియోగంలోకి తెచ్చేందుకు అధికారులు కృషి చేస్తున్నారు. అందులో భాగంగా గ్రామంలో ఎవరైనా మరణిస్తే వైకుంఠధామంలో దహన సంస్కారాలకు ముందుకొస్తే అధికారులే ఉచితంగా కట్టెలతో పాటు నీటి వసతిని కల్పిస్తున్నారు. వారు ఎంత ప్రయత్నించినా వాటిని పూర్తిస్థాయిలో వినియోగంలోకి తేలేకపోతున్నారు. దీంతో లక్షలతో నిర్మించిన వైకుంఠధామాలు నిరుపయోగంగా మారుతున్నాయి. నిరుపయోగంగా వైకుంఠధామాలు లక్షల ప్రజాధనం వృథా అవగాహన లేమితో ముందుకు రాని ప్రజలు పట్టించుకోని అధికారులు

చేవెళ్ల: మున్సిపాలిటీ పరిధిలోని పామెన వార్డులో బతుకమ్మలు వేసేందుకు నీటి కుంటలు లేకపోవటంతో ఆదివారం స్థానిక కౌన్సిలర్‌ దావల్‌గారి గోపాల్‌రెడ్డి తాత్కాలికంగా నీటి గుంతను ఏర్పాటు చేయించి, నీరు పోయించారు. ఈ సందర్బంగా ఆయన మాట్లాడుతూ.. పామెనలో గతంలో ఎప్పుడు కూడా ఇలాంటి పరిస్థితి రాలేదన్నారు. వాగులో ఎప్పుడు నీళ్లు ఉండేవని, ఈ ఏడాది ఎల్‌నినో ప్రభావంతో వర్షాలు లేకపోవటంతో వాగు ఎండిపోయిందన్నారు. దీంతో బతుకమ్మలు వేసేందుకు నీటి నిల్వ గుంతను ఏర్పాటు చేయించామన్నారు. సోమవారం వార్డులో ఘనంగా బతుకమ్మ సంబరాలు జరుగుతాయని చెప్పారు.

సర్పంచ్‌ శ్రీనివాస్‌ మొయినాబాద్‌రూరల్‌: గ్రామ అభివృద్ధే లక్ష్యంగా పని చేస్తున్నామని మేడిపల్లి సర్పంచ్‌ మల్కపురం శ్రీనివాస్‌ అన్నారు. గ్రామంలోని 5వ వార్డులో ఎంపీ నిధులు రూ.5 లక్షలతో చేపడుతున్న సీసీరోడ్డు పనులను ఆదివారం ఆయన ప్రారంభించారు. ఈ సందర్భంగా ఆయన మాట్లాడుతూ.. గ్రామ అభివృద్ధికి అందరూ సహకరించాలని కోరారు. కార్యక్రమంలో వార్డుసభ్యులు మమతరమేశ్‌, నవీన్‌కుమార్‌, బాలరాజ్‌, శ్రీశైలం, మధూకర్‌ పాల్గొన్నారు. క్రిమినల్‌ కేసులు చేవెళ్ల కోర్టుకు మార్చడం హర్షణీయం కాంగ్రెస్‌ నాయకుడు గోపికృష్ణారెడ్డి మొయినాబాద్‌రూరల్‌: మొయినాబాద్‌ పోలీస్‌స్టేషన్‌ పరిధిలో క్రిమినల్‌ కేసులు చేవెళ్ల కోర్టుకు మార్చడం ప్రజలకు ఎంతో మేలు కలిగించిందని కాంగ్రెస్‌ నాయకులు బూర్గు గోపికృష్ణారెడ్డి అన్నారు. ఆదివారం ఆయన మాట్లాడుతూ.. ఇప్పటివరకు మొయినాబాద్‌కు సంబంధించి సివిల్‌, ట్రాఫిక్‌, ఎకై ్సజ్‌ ఆబ్కారీ కేసులు చేవెళ్ల కోర్టు పరిధిలో ఉండగా.. కేవలం క్రిమినల్‌ కేసులు రాజేంద్రనగర్‌ కోర్టు పరిధిలో ఉండేవన్నారు. ఒకే వ్యక్తికి సంబంధించిన వేరువేరు కేసులు రెండు ప్రాంతాల్లో ఉండడంతో ఇబ్బందికరంగా ఉండేదన్నారు. క్రిమినల్‌ కేసుల కోసం రాజేంద్రనగర్‌ కోర్టుకు, సివిల్‌ ఇతర కేసుల కోసం చేవెళ్ల కోర్టుకు వెళ్లాల్సిన పరిస్థితి ఉందన్నారు. దీంతో ప్రజలు వేరువేరు న్యాయవాదులను ఏర్పాటు చేసుకోవడానికి ఆర్థిక భారం పెరగడమే కాకుండా ప్రయాణానికి ఎక్కువ సమయం వెచ్చించాల్సి వచ్చేదన్నారు. తాజాగా మొయినాబాద్‌ పోలీస్‌స్టేషన్‌ పరిధిలోని క్రిమినల్‌ కేసులు చేవెళ్ల కోర్టుకు మార్చడంతో ప్రజలకు ఎంతో ఊరట లభించిందన్నారు. ప్రజారవాణాపై ఆధారపడే వారికి ఇది ఎంతో ప్రయోజనకరంగా ఉందన్నారు. అభినందన శంకర్‌పల్లి: మహిళలు తాము అనుకున్న లక్ష్యాలను సాధించి, ఉన్నత శిఖరాలను అధిరోహించాలని చేవెళ్ల బీసీ సంక్షేమ సంఘం అధ్యక్షుడు బండమీది వెంకటేశం అన్నారు. ఇటీవల ప్రకటించిన జూనియర్‌ సివిల్‌ జడ్జి ఫలితాల్లో మండలంలోని మహాలింగాపురం గ్రామానికి చెందిన గండు మనీషారెడ్డి సత్తాచాటిన విషయం తెలిసిందే. అయితే ఆదివారం ఆయన మనీషారెడ్డి ఇంటికి వెళ్లి, వారి దంపతులకు భగవద్గీత, శాలువా కప్పి ఘనంగా సన్మానించి, అభినందించారు. అనంతరం ఆయన మాట్లాడుతూ.. తమ మండలం నుంచి ఒక జడ్జి ఎంపిక కావడం గర్వకారణమని కొనియాడారు. ఇదే స్ఫూర్తితో మరింత మంది ముందుకు రావాలని ఆకాంక్షించారు. కార్యక్రమంలో నాయకుడు రాంరెడ్డి తదితరులు పాల్గొన్నారు. మున్సిపల్‌ సిబ్బందికి దుస్తుల పంపిణీ మొయినాబాద్‌: మున్సిపల్‌ సిబ్బందికి తాము అండగా ఉంటామని మున్సిపాలిటీ వైస్‌ చైర్మన్‌ గరుగు రాజు అన్నారు. దసరా పండుగను పురస్కరించుకొని ఆదివారం చిలుకూరులో మున్సిపల్‌ సిబ్బందికి దుస్తులు పంపిణీ చేశారు. అదేవిధంగా సురంగల్‌లో 13వ వార్డు కౌన్సిలర్‌ లక్ష్మీవెంకట్‌రెడ్డి కార్మికులకు దుస్తులు, కిరాణ సామగ్రి అంద జేశారు. చాదర్‌ఘాట్‌: సైదాబాద్‌ స్టీల్‌ బ్రిడ్జి వద్ద జరిగిన రోడ్డు ప్రమాదంలో ఓ యువకుడు మృతి చెందాడు. చాదర్‌ఘాట్‌ పోలీసులు తెలిపిన మేరకు.. పల్టన్‌కు చెందిన విద్యార్థి పవన్‌ (20) స్నేహితుడితో కలిసి శనివారం అర్ధరాత్రి తన ద్విచక్ర వాహనంపై వెళ్తున్నాడు. సైదాబాద్‌ స్టీల్‌బ్రిడ్జ్‌ ప్రారంభం వద్ద వేగంగా వెళ్తూ టిప్పర్‌ లారీ సమీపంలో కట్‌ తీసుకునే ప్రయత్నం చేశాడు. ఆ సమయంలో మరో వాహనాన్ని ఢీకొట్టి ఇద్దరూ కిందపడిపోయారు.తీవ్ర గాయాలతో పవన్‌ అక్కడికక్కడే మృతి చెందాడు. గాయాలైన మరో యువకుడిని చికిత్స నిమిత్తం పోలీసులు ఉస్మానియా ఆసుపత్రికి తరలించారు.

అనంతగిరి: ప్రకృతిలో దొరికే పూలను పూజించే పండుగే బతుకమ్మ అని కలెక్టర్‌ దీపక్‌ తివారి అన్నారు. శిశు సంక్షేమ శాఖ ఆధ్వర్యంలో శనివారం కలెక్టరేట్‌ ఆవరణలో బతుకమ్మ సంబరాలు నిర్వహించారు. ఎస్పీ స్నేహ మెహ్ర, ట్రైనీ కలెక్టర్‌ సచిన్‌ బస్వరాజ్‌ వేడుకల్లో పాల్గొని గౌరీమాతకు పూజలు చేశారు. ఈ సందర్భంగా కలెక్టర్‌ మాట్లాడుతూ.. తెలంగాణ ఆడపడుచుల ఆత్మీయత, ప్రకృతి ఆరాధన, పూల వైవిధ్యానికి బతుకమ్మ ప్రతీకగా నిలుస్తోందని తెలిపారు. మన సంస్కృతి, సంప్రదాయాలను భావితరాలకు అందించడంలో ఈ వేడుక కీలక పాత్ర పోషిస్తోందన్నారు. కార్యక్రమంలో శిశు సంక్షేమ అధికారి కాంతారావు, డీపీఓ జయసుధ, డీపీఆర్‌ఓ చెన్నమ్మ, సీడీపీఓలు, సూపర్‌ వైజర్లు, అంగన్‌వాడీ టీచర్లు, మహిళా ఉద్యోగులు, వివిధ శాఖల సిబ్బంది తదితరులు పాల్గొన్నారు. కలెక్టర్‌ దీపక్‌ తివారి

డీఎస్పీ నర్సింగ్‌ యాదయ్య ● రాజీవ్‌ కాలనీలో విస్తృతంగా తనిఖీలు ● సరైన పత్రాలు లేని వాహనాలు స్వాధీనం తాండూరు: కాలనీల్లో అనుమానాస్పద వ్యక్తుల సంచారంపై జాగ్రత్తగా ఉండటంతో పాటు వెంటనే పోలీసులకు సమాచారం అందించాలని తాండూరు డీఎస్పీ నర్సింగ్‌ యాదయ్య సూచించారు. ఎస్పీ స్నేహ మెహ్ర ఆదేశం మేరకు శనివారం ఉదయం మున్సిపల్‌ పరిఽధిలోని ఎనిమిదో వార్డు రాజీవ్‌ కాలనీలో కమ్యూనిటీ కాంటాక్ట్‌ నిర్వహించారు. పట్టణ సీఐ పరమేశ్వర్‌గౌడ్‌, రూరల్‌ సీఐ ప్రవీణ్‌కుమార్‌, సబ్‌ డివిజన్‌ పరిఽధిలోని ఎస్సైలు, 95 మంది పోలీసు సిబ్బంది విస్తృతంగా తనిఖీలు చేపట్టారు. సరైన పత్రాలు లేని 33 ద్విచక్రవాహనాలు, 9ఆటోలను సీజ్‌ చేశారు. ఓ అనుమానిత వ్యక్తిని గుర్తించి, అదుపులోకి తీసుకున్నారు. ఈ సందర్భంగా డీఎస్పీ మాట్లాడుతూ.. నేరాల నియంత్రణ, అసాంఘిక కార్యకలాపాల కట్టడికి ప్రజల సహకారం ఎంతో అవసరమన్నారు. వాహనాలకు సంబంధించిన పత్రాలను తప్పనిసరిగా కలిగి ఉండాలని సూచించారు. ఇళ్లకు తాళాలు వేసి బయటకు వెళ్లేటప్పుడు తగిన జాగ్రత్తలు తీసుకోవాలన్నారు. ఎవరూ చట్టాన్ని చేతుల్లోకి తీసుకోవద్దని హెచ్చరించారు. శాంతిభద్రతల పరిరక్షణలో ప్రజల భాగస్వామ్యం కీలకమని తెలిపారు.

● ఎస్పీ స్నేహ మెహ్ర ● పోలీసు అధికారులతో సమీక్ష అనంతగిరి: బతుకమ్మ, దసరా వేడుకలు, దుర్గామాత నిమజ్జన కార్యక్రమాలు ప్రశాంతంగా పూర్తయ్యేలా పటిష్ట భద్రత ఏర్పాటు చేయాలని ఎస్పీ స్నేహ మెహ్ర పోలీసు అధికారులను ఆదేశించారు. శాంతిభద్రతల పరిరక్షణ, ప్రజల భద్రత, ట్రాఫిక్‌ నియంత్రణ తదితర అంశాలపై శనివారం పోలీస్‌ అధికారులతో సమీక్ష నిర్వహించారు. పవర్‌ పాయింట్‌ ప్రజెంటేషన్‌ ద్వారా పలు సూచనలు చేశారు. జిల్లా వ్యాప్తంగా 407 దుర్గామాత విగ్రహాలను ప్రతిష్ఠించిన నేపథ్యంలో నిమజ్జన ఊరేగింపు ప్రశాంతంగా పూర్తయ్యేలా చర్యలు చేపట్టాలని సూచించారు. అవసరమైన ప్రాంతాల్లో బారికేడ్లు ఏర్పాటు చేయాలని, ట్రాఫిక్‌కు అంతరాయం కలగకుండా తగిన చర్యలు తీసుకోవాలని ఆదేశించారు. చెరువులు, కుంటలు, ఇతర జలాశయాల వద్ద ప్రత్యేక బందోబస్తు ఏర్పాటు చేయడంతో పాటు, ప్రమాదకర ప్రాంతాలను ముందుగానే గుర్తించి ప్రజల భద్రతకు అత్యంత ప్రాధాన్యం ఇవ్వాలన్నారు. నిమజ్జన సమయంలో చిన్నపిల్లలు, మహిళలు, వృద్ధుల భద్రతపై ప్రత్యేక శ్రద్ధ వహించాలని, ఉత్సవ నిర్వాహకులు విధిగా పోలీసుల సూచనలు పాటించాలని తెలిపారు. వివిధ ప్రాంతాల్లో నిర్వహించే రావణ దహన కార్యక్రమాలకు ప్రజలు పెద్ద సంఖ్యలో హాజరయ్యే అవకాశం ఉన్నందున జన సమూహాల నియంత్రణ, ట్రాఫిక్‌ నిర్వహణ, ప్రజల భద్రతకు సంబంధించి పటిష్టమైన ఏర్పాట్లు చేయాలని ఆదేశించారు. ఈ సమావేశంలో అదనపు ఎస్పీ రాజేష్‌ మీనా, డీఎస్పీలు, సీఐలు తదితరులు పాల్గొన్నారు.

కుల్కచర్ల: బతుకమ్మ యంగ్‌ ఫిల్మ్‌మేకర్స్‌ ఛాలెంజ్‌ అవార్డ్‌ 2026లో మండల వాసి సత్తాచాటి మొదటి బహుమతి పొందారు. ఇప్పాయిపల్లి గ్రామానికి చెందిన రాఘవేందర్‌.. శనివారం నగరంలోని శిల్పాకళావేదికలో జరిగిన కార్యక్రమంలో డిప్యూటీ సీఎం భట్టి విక్రమార్క, ప్రొడ్యూసర్‌ దిల్‌రాజుల చేతుల మీదుగా నగదు బహుమతి అందుకున్నారు. కేయూ క్యాంపస్‌: తెలంగాణ క్రికెట్‌ అసోసియేషన్‌ (టీసీఏ) ఆధ్వర్యంలో అండర్‌ 19 క్రికెట్‌ స్టేట్‌ లీగ్‌ పోటీలు కాకతీయ యూనివర్సిటీలోని క్రీడామైదానంలో ఉత్సాహంగా కొనసాగుతున్నాయి. శనివారం నాలుగు మ్యాచ్‌లు జరిగాయి. జనగామ, రంగారెడ్డి జట్లు తలపడగా జనగామ జట్టు విజేతగా నిలిచింది. రెండో మ్యాచ్‌లో మహబూబ్‌నగర్‌, వికారాబాద్‌ జట్లు తలపడగా వికారాబాద్‌ జట్టు గెలిచింది. మూడో మ్యాచ్‌లో నారాయణపేట, అచ్చంపేట జట్లు తలపడగా అచ్చంపేట జట్టు విజయం సాధించింది. నాలుగో మ్యాచ్‌లో జనగామ, ఖమ్మం జట్లు తలపడగా జనగామ విజేతగా నిలిచింది.

● సెంటర్ల వద్ద వసతులు కల్పించండి ● జిల్లా వ్యాప్తంగా 140 ధాన్యం సేకరణ కేంద్రాలు ● అదనపు కలెక్టర్‌ వెంకటాచారి అనంతగిరి: వరి ధాన్యం కొనుగోళ్లలో రైతులకు ఎలాంటి ఇబ్బందులు కలగకుండా తగిన ఏర్పాట్లు చేయాలని అదనపు కలెక్టర్‌ వెంకటాచారి అధికారులను ఆదేశించారు. ఈ మేరకు శనివారం కలెక్టరేట్‌లో సంబంధిత శాఖల అధికారులతో సన్నాహక సమావేశం, శిక్షణ కార్యక్రమం నిర్వహించారు. ఈ సందర్భంగా ఆయన మాట్లాడుతూ.. జిల్లాలో దొడ్డు రకం ధాన్యం సేకరణకు 118, సన్న రకం ధాన్యం సేకరణకు 22, మొత్తం 140 సెంటర్లు ఏర్పాటు చేయనున్నట్లు తెలిపారు. ప్రతీ సెంటర్‌కు 2 లారీలు 10 మంది హమాలీలను ఏర్పాటు చేస్తామన్నారు. సెంటర్ల వద్ద మౌలిక వసతులు కల్పించాలని సూచించారు. డీసీఓ, డీఆర్డీఓ, డీసీఎంఏలు సమన్వయంగా పనిచేయాలన్నారు. టార్పాలిన్లు, తాత్కాలిక షెడ్లు అందుబాటులో ఉండేలా చూసుకోవాలని సూచించారు. ఒక్కో సెంటర్‌కు 20 టార్పాలిన్లు అందించేలా చర్యలు తీసుకోవాలన్నారు. సన్న రకాలను గుర్తించేందుకు సాంకేతిక నిపుణుల సేవలను వినియోగించుకోవాలని తెలిపారు. నవంబర్‌లో పత్తి కొనుగోలు సీసీఐ ఆధ్వర్యంలో జిల్లా వ్యాప్తంగా నవంబర్‌ మొదటి వారంలో పత్తి కొనుగోలు సెంటర్లు ఏర్పాటు చేస్తామని అడిషనల్‌ కలెక్టర్‌ వెంకటాచారి తెలిపారు. ఇందుకు సంబంధించి సీసీఐ ద్వారా అధికారిక ఆదేశాలు అందాయన్నారు. పత్తి క్వింటాలుకు రూ.8,667 మద్దతు ధర లభిస్తుందని తెలిపారు. ఈ కార్యక్రమంలో వివిధ శాఖల జిల్లా అధికారులు కవిత, శ్రీనివాస్‌, నరసింహ, గణపతి, శ్యాంసుందర్‌, స్వరన్‌సింగ్‌, నాగరాజన్‌ పాల్గొన్నారు.

తాండూరు రూరల్‌: కరన్‌కోట్‌ పోలీస్‌ స్టేషన్‌ ఎదుట శనివారం ప్రజా సంఘాల నాయకులు ధర్నా చేపట్టారు. పోలీసులకు వ్యతిరేకంగా నినాదాలు చేశారు. అనంతరం వారు మాట్లాడుతూ.. జినుగుర్తి గ్రామంలోని దళిత రైతు నర్సిములుకు చెందిన భూమిని కొందరు కబ్జా చేశారని ఆరోపించారు. వారిపై ఎస్సీ, ఎస్టీ కేసు నమోదు చేయాలని స్టేషన్‌లో ఫిర్యాదు చేసినా ఇప్పటి వరకూ చర్యలు తీసుకోలేదని మండిపడ్డారు. కార్యక్రమంలో అబ్దుల్‌ వాహబ్‌, ఆనంద్‌కుమార్‌, ఉప్పలి మల్కయ్య, శ్రీనివాస్‌, బుగ్గప్ప, చంద్రయ్య, గుమ్మడి రత్నం, సత్యనారాయణ, స్వామిదాస్‌, మహేందర్‌, రఘుపతి, నర్సిములు, ప్రకాశ్‌, జినుగుర్తి నర్సింలు పాల్గొన్నారు. సీఐ ఆగ్రహం పీఎస్‌ ఎదుట ధర్నా చేసిన ప్రజాసంఘాల తీరుపై రూరల్‌ సీఐ ప్రవీణ్‌కుమార్‌రెడ్డి ఆగ్రహం వ్యక్తంచేశారు. రెవెన్యూకు సంబంధించిన అంశాల్లో పోలీసులు ఏం చేస్తారని మండిపడ్డారు. భూమి అమ్మిన వ్యక్తి, కొనుగోలు చేసిన వ్యక్తికి సంబంధించిన పంచాయితీని తీసుకొచ్చి పోలీసు అధికారులపై ఆరోపణలు చేయడం ఏమిటని అసహనం వ్యక్తంచేశారు. పీఎస్‌ ఎదుట ధర్నా చేసిన వారిపై కేసులు నమోదు చేయాలని ఎస్‌ఐని ఆదేశించారు. ఫిర్యాదుపై చర్యలు తీసుకోవడం లేదని ఆరోపణ

ధారూరు: చెరువులో నీళ్లు తాగుడానికి వచ్చిన దుప్పిని చంపి, మాసం వండుకుని తిన్న ఆరుగురు వ్యక్తులపై వన్యప్రాణి పరిరక్షణ చట్టం కింద ఫారెస్ట్‌ అధికారులు కేసు నమోదు చేశారు. వికారాబాద్‌ జిల్లా ధారూరు ఫారెస్టు రేంజర్‌ రాజేందర్‌ తెలిపిన వివరాలు ఉన్నాయి.. మండల పరిధిలోని లక్ష్మీనగర్‌తండాకు చెందిన కిషన్‌నాయక్‌, లక్ష్మణ్‌నాయక్‌ ధారూరు ఫారెస్ట్‌ కంచె సమీపంలో శుక్రవారం రాత్రి అటవీ జంతువుల వేట కోసం ఉచ్చు బిగించారు. అటుగా వచ్చిన ఓ అడవి దుప్పి ఇందులో చిక్కుకుని చనిపోయింది. అర్ధరాత్రి దాటిన తర్వాత కిషన్‌నాయక్‌, రఘు దుప్పిని తీసుకెళ్లి మాంసాన్ని ముక్కలు చేశారు. ఇద్దరూ కొంత తీసుకుని మిగిలినది లక్ష్మణ్‌నాయక్‌, విజయ్‌, చందర్‌, గోపాల్‌కు పంచిపెట్టారు. శనివారం ఉదయాన్నే ఆయా కుటుంబాల వారు మాంసాన్ని వండుకుని తిన్నారు. ఈ మేరకు ఆరుగురు వ్యక్తులపై కేసు నమోదు చేసిన అధికారులు కిషన్‌నాయక్‌ను అదుపులోకి తీసుకుని శనివారం వికారాబాద్‌ కోర్టులో హాజరుపర్చారు. న్యాయమూర్తి ఇతనికి 14 రోజుల పాటు రిమాండ్‌ విధించడంతో పరిగి జైలుకు తరలించారు. మిగిలిన వారు పరారీలో ఉన్నారు. ఒకరి రిమాండ్‌.. పరారీలో ఐదుగురు

స్పీకర్‌ గడ్డం ప్రసాద్‌ కుమార్‌ అనంతగిరి: పూల పండుగ అందరి ఇళ్లల్లో సుఖశాంతులు నింపాలని శాసన సభ స్పీకర్‌ గడ్డం ప్రసాద్‌కుమార్‌ ఆకాంక్షించారు. ఈ మేరకు శనివారం ఆయన విడుదల చేసిన ప్రకటనలో తెలంగాణ ఆడ బిడ్డలకు సద్దుల బతుకమ్మ శుభాకాంక్షలు తెలిపారు. పెద్దలు అందించిన ఈ గొప్ప సంస్కృతిని, జీవన విధానాన్ని పరిరక్షించుకోవాల్సిన బాధ్యత ప్రతిఒక్కరిపైనా ఉందని పేర్కొన్నారు. రాష్ట్ర ప్రభుత్వం ఏటా బతుకమ్మ వేడుకలను ఘనంగా నిర్వహిస్తోందని తెలిపారు.అనంతగిరి: సర్‌ ప్రక్రియ పెండింగ్‌ పనులను త్వరితగతిన పూర్తి చేయాలని అదనపు కలెక్టర్‌ వెంకటాచారి అధికారులను ఆదేశించారు. శనివారం ఎస్‌ఐఆర్‌, గ్రాడ్యుయేట్‌ ఎమ్మెల్సీ ఓటరు నమోదు, తదితర అంశాలపై హైదరాబాద్‌ నుంచి రాష్ట్ర ముఖ్య ఎన్నికల అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌కు హాజరయ్యారు. పలు శాఖ అధికారులతో కలిసి జిల్లాలో పరిస్థితులను వివరించారు. అనంతగిరి: వికారాబాద్‌లోని జిల్లా ఆర్మ్‌డ్‌ రిజర్‌డ్డ్‌వ్‌ హెడ్‌ క్వార్టర్‌లోని బెల్‌ ఆఫ్‌ ఆర్‌మ్స్‌ను శనివారం ఎస్పీ స్నేహ మెహ్ర తనిఖీ చేశారు. ఆయుధాలు, మందుగుండు సామగ్రి, మ్యాగజైన్‌ గది, సంబంధిత రికార్డులను పరిశీలించారు. ఆమె ఎంట ఏఆర్‌ డీఎస్పీ వీరేష్‌, ఆర్‌ఎస్‌ఐలు నాగరాజు, శ్రీశైలంగౌడ్‌, అశోక్‌, ఆర్‌ఎస్‌ఐలు రాములు, బాలాజీ నాయక్‌ తదితరులు ఉన్నారు. ఎస్పీ ఆదేశాల మేరకు శనివారం ఏఎస్పీ రాజేష్‌ మీనా ఆధ్వర్యంలో జిల్లా ప్రాసిక్యూషన్‌ రివ్యూ కమిటీ సమావేశం నిర్వహించారు. ఈ సందర్భంగా సెప్టెంబర్‌ నెలలో నమోదైన గ్రేవ్‌ ఆక్సిటల్‌ కేసులపై సమీక్షించారు. ఈ సమావేశంలో లీగల్‌ అడ్వైజర్‌ అనిల్‌కుమార్‌ పీపీ మెహ్రాజ్‌ ఫిర్దోష్‌, డీఎస్పీలు తదితరులు పాల్గొన్నారు. ఇబ్రహీంపట్నం రూరల్‌: త్రుటిలో పెను ప్రమాదం తప్పింది. ఔటర్‌ రింగ్‌రోడ్డుకు సమీపంలో ఐదుగురు ప్రాణాలతో బయటపడ్డారు. ఈ సంఘటన ఆదిభట్ల పోలీస్‌స్టేషన్‌ పరిధిలో చోటు చేసుకుంది. వివరాలివీ.. నాగార్జున సాగర్‌ నుంచి హైదరాబాద్‌కు శనివారం మధ్యాహ్నం వెళ్తున్న కారు బొంగ్లూర్‌ ఔటర్‌రింగ్‌రోడ్డు సమీపంలోకి రాగానే ఒక్కసారిగా మంటలు చెలరేగాయి. దారిలో వెళ్తున్న ప్రయాణికులు గమనించి కారు అద్దాలను పగలగొట్టి అందులో ఉన్న ఐదుగురు యువకులను బయటకు తీశారు. అదే సమయంలో ట్యాంకర్‌ వెళ్తుండటంతో ఆపి నీరు పోసి మంటలు అదుపు చేశారు. స్నేహితుడిని కలవడానికి వెళ్తున్నట్టు కారులో ఉన్న యువకులు తెలిపారు. ఎవరికీ ఏమీ కాకపోవడంతో అంతా ఊపిరి పీల్చుకున్నారు. ‘పట్నం’లో మోస్తరు వర్షం ఇబ్రహీంపట్నం: వర్షాభావ పరిస్థితులు, ఉక్కపోతతో సతమతమవుతున్న ఇబ్రహీంపట్నం ప్రజలకు శనివారం రాత్రి కురిసిన ఓ మోస్తరు వర్షం ఉపశమనం కలిగించింది. ఎల్‌నినో ప్రభావంతో వర్షాకాలం కాస్తా ఎండా కాలాన్ని తలపిస్తున్న నేపథ్యంలో ప్రజలు తీవ్ర ఇబ్బందులు పడుతున్నారు. ఎండ వేడిమి, ఉక్కపోతతో ఫ్యాన్లు, కూలర్లు విరామం లేకుండా పనిచేస్తున్నాయి. వర్షాల కోసం ఎదురుచూస్తున్న ప్రజలకు గాలులతో కురిసిన తేలికపాటి వర్షం కురవడంతో వాతావరణం ఒక్కసారిగా చల్లబడింది. ఇప్పటికే మంచినీటి సమస్యలు తలెత్తడంతో వరుణదేవుడు కరుణించి వర్షాలు కురవాలని ప్రజలు వేడుకుంటున్నారు.

వికారాబాద్‌: జిల్లాలోని పట్టభద్రులు ఓటు హక్కు నమోదు కోసం ముందుకు రావడం లేదు. దీంతో ఈ ప్రక్రియ నత్తనడకన సాగుతోంది. చివరగా 2021 మార్చిలో హైదరాబాద్‌, రంగారెడ్డి, మహబూబ్‌నగర్‌ నియోజకవర్గ గ్రాడ్యుయేట్‌ ఎమ్మెల్సీ ఎన్నికలు నిర్వహించగా, బీఆర్‌ఎస్‌ అభ్యర్థి వాణి సురభిదేవి విజయం సాధించిన విషయం తెలిసిందే. త్వరలో ఆమె పదవీ కాలం ముగియనుండటంతో ఎన్నికల నిర్వహణకు ఎలక్షన్‌ కమిషన్‌ కసరత్తు చేస్తోంది. ఇందులో మూడు ఉమ్మడి జిల్లాల పరిధిలోని తొమ్మిది జిల్లాల ఓటర్లు పాల్గొని తమ ఓటు హక్కు వినియోగించుకోనున్నారు.జనరల్‌ ఓటు ఒక్కసారి నమోదు చేసుకుంటే శాశ్వతంగా ఉండేది. నియోజకవర్గ మార్పు, కరెక్షన్‌ తదితర అంశాలు ఏవైనా ఉంటే మార్పులు చేసుకునే వీలుండేది. కానీ ఈసారి ఎన్నికల సంఘం కొత్త నిబంధన తీసుకువచ్చింది. గతంలో నమోదు చేసుకున్న గ్రాడ్యుయేట్‌ ఓటర్లు సైతం ఇప్పుడు కొత్త ఓటరుగా పేర్లు నమోదు చేసుకోవాలని సూచించింది. దీంతో గతంలో ఓటరుగా నమోదు చేసుకున్నా సరే తాజాగా నమోదు చేసుకోవాల్సి వస్తోంది. ఓటరు నమోదు కార్యాక్రమాన్ని ప్రారంభించిన ఎన్నికల సంఘం ఆన్‌లైన్‌ మరియు ఆఫ్‌లైన్‌ ద్వారా కూడా దరఖాస్తుకు వీలు కల్పించింది. కానీ, ఈప్రక్రియ నత్తనడకన సాగుతోంది. నలభైశాతం లోపే ఓటరు నమోదు ప్రక్రియ నత్తనడకన కొనసాగుతోంది. గత 2021 ఎన్నికల సమయంలో మొత్తం పట్టభద్రుల ఓటర్లు ఆరు లక్షల మంది ఉండగా ఉమ్మడి రంగారెడ్డి జిల్లాలో 60 వేల పైచిలుకు ఓటర్లు ఉన్నారు. వికారాబాద్‌ జిల్లాలో 25,544 మంది నమోదై ఉన్నారు. వీరందరూ ఓటరుగా మళ్లీ నమోదు చేసుకోవటంతో పాటు గ్రాడ్యుయేషన్‌ పూర్తిచేసిన వారు కూడా నమోదు చేసుకోవాలి. ఈసారి ఓటర్లు మరింత పెరిగే అవకాశం ఉంది. జిల్లాలో ఏటా సుమారు ఆరు వేల మంది గ్రాడ్యుయేషన్‌ పూర్తి చేస్తున్నారు. ఈ నేపథ్యంలో 2021 ఓటరు జాబితాతో పోలిస్తే ఓటర్లు రెండింతలైనా ఆశ్చర్యపోవాల్సిన అవసరం లేదు. సెప్టెంబర్‌ 28 నుంచి కేంద్రం ఓటరు నమోదు కార్యక్రమాన్ని ప్రారంభించింది. నవంబర్‌ 6 వరకు ఇది కొనసాగుతుంది. నవంబర్‌ 25న ముసాయిదా ఓటరు జాబితాను ఈసీ ప్రకటించనుంది. డిసెంబర్‌ 30న తుది జాబితా ప్రకటిస్తారు. ఓటరు నమోదు ప్రారంభమై 19 రోజులు కాగా నమోదుకు మరో 19 రోజుల గడువు ఉంది. అయితే నమోదు కావాల్సిన ఓటర్లలో ఇప్పటి వరకు 30 శాతం మందే ఓటరు నమోదుకు దరఖాస్తు చేసుకున్నారు. ఇప్పటి వరకు జిల్లాలో 13,344 మంది మాత్రమే దరఖాస్తు చేసుకోవటం గమనార్హం. వీరిలో ఎక్కువ శాతం మంది ఆన్‌లైన్‌ విధానాన్నే వినియోగించారు. మొత్తం అప్లికేషన్లలో కేవలం 27 మంది మాత్రమే ఆఫ్‌లైన్‌లో అప్లయ్‌ చేసుకున్నారు. పట్టించుకోని పార్టీలు పట్టభద్రుల ఓటరు నమోదుకు అధికారులు శ్రమిస్తున్నారు. అయితే, ప్రతీ విషయంలో హంగామా చేసే రాజకీయ పార్టీలు పెద్దగా స్పందించడం లేదు. కీలకమైన హైదరాబాద్‌ పట్టభద్రుల ఎమ్మెల్సీ సీటును కై వసం చేసుకునేందుకు పావులు కదుపుతున్న పార్టీలు ఓటరు నమోదును పట్టించుకున్న దాఖలాలు లేవు. విజ్ఞులైన పట్టభద్రులకు అవగాహన కల్పించాల్సిన అవసరం పెద్దగా లేకపోయినా.. పార్టీల స్పందన అందరినీ విస్మయానికి గురిచేస్తోంది. నత్తనడకన గ్రాడ్యుయేట్‌ ఓటరు నమోదు జిల్లాలో నలభైశాతం కూడా నమెదు కాని వైనం చివరి తేదీ నవంబర్‌ 6 ఇప్పటి వరకు ఆన్‌లైన్‌లో నమోదు చేసుకున్న ఓటర్లు: 13,344 2021 ఎన్నికల సమయంలో జిల్లాలో పట్టభద్రుల ఓట్లు: 25,544మండలం దరఖాస్తులు వికారాబాద్‌ 1,907 తాండూరు 1,804 పరిగి 1,276 కుల్కచర్ల 764 యాలాల 680 కొడంగల్‌ 652 దోమ 604 పూడూరు 597 నవాబుపేట్‌ 591 ధారూరు 570 పెద్దేముల్‌ 522 దౌల్తాబాద్‌ 491 మోమిన్‌పేట 465 బషీరాబాద్‌ 413 బొంరాస్‌పేట్‌ 383 మర్పల్లి 375 చౌడాపూర్‌ 350 దుద్యాల 327 కోట్‌పల్లి 306 బంట్వారం 264

యాచారం: మండల పరిధిలోని కుర్మిద్దలో ఎన్‌ఐయూఎం భవన నిర్మాణ శంకుస్థాపనకు సీఎం రేవంత్‌రెడ్డి త్వరలో రానున్న నేపథ్యంలో అధికార యంత్రాంగం ముమ్మర ఏర్పాట్లు చేస్తోంది. ఈ నెల 15న ముఖ్యమంత్రితోపాటు డిప్యూటీ సీఎం భట్టి విక్రమార్క రావాల్సి ఉండగా అనివార్య కారణాలతో కార్యక్రమం రద్దయింది. మరో రెండు, మూడు రోజుల్లో సీఎం పర్యటన ఉండే అవకాశం ఉందన్న నేపథ్యంలో శనివారం ఇబ్రహీంపట్నం ఏసీపీ కేపీవీ రాజు, రెవెన్యూ, మున్సిపల్‌, టీజీఐఐసీ ఉన్నతాధికారుల బృందం గ్రామంలో పర్యటించింది. ఎన్‌ఐయూఎంకు కేటాయించిన స్థలాన్ని అధి కారులు సందర్శించారు. భద్రతా ఏర్పాట్లు, సమావేశపు నిర్మాణం, పార్కింగ్‌ వంటి విషయాలపై అధికారులు చర్చించారు.

ఇబ్రహీంపట్నం: తెలంగాణ ఉద్యమకారుల సంక్షేమ సంఘం ఆధ్వర్యంలో స్థానిక అమరవీరుల స్థూపం వద్ద శనివారం అలయ్‌ బలయ్‌ వాల్‌ పోస్టర్‌ను ఆవిష్కరించారు. ఈ సందర్భంగా సంఘం జిల్లా కన్వీనర్‌ బండి మహేశ్‌, కోఆర్డినేటర్‌ ముడుపు వేణుగోపాల్‌రావు మాట్లాడుతూ.. ఈనెల 25న నాగోల్‌లోని శుభం ఫంక్షన్‌ హాల్‌లో సంఘం రాష్ట్ర అధ్యక్షుడు కాచం సత్యనారాయణ ఆధ్వర్యంలో కార్యక్రమాన్ని నిర్వహిస్తున్నట్లు తెలిపారు. ఉద్యమకారులకు పాలకులు ఇచ్చిన హామీలు అమలు చేయాలని, అందుకు ఐక్యంగా కలిసి ఉద్యమించాలన్నారు. ఉద్యమకారుల ఐక్యతను చాటిచేప్పేందుకు కార్యక్రమానికి తరలిరావాలని పిలుపునిచ్చారు. కార్యక్రమంలో ఉద్యమకారుల సమన్వయకర్తలు వినోద్‌కుమార్‌గుప్తా, తాళ్ల వెంకటేశ్‌గౌడ్‌, అముదాల యాదగిరి, సుధాకర్‌, గోపాల్‌, నూతనగంటి శేఖర్‌, ఎన్‌.యాదయ్య, వెంకటేశ్‌యాదవ్‌, గాజుల గోపాల్‌, భర్తకి రాజు, జహీర్‌బాయ్‌, లక్ష్మీపతి, గణేశ్‌ పాల్గొన్నారు.