Mahabubnagar District Latest News

అలంపూర్‌: రైతాంగాన్ని ఆదుకోవడానికి ఆర్డీఎస్‌ ఆనకట్టను బ్యారేజీగా మార్చాలని ఉమ్మడి జిల్లా పెండింగ్‌ ప్రాజెక్టుల సాధన సమితి జిల్లా జేఏసీ చైర్మన్‌ రాజేందర్‌రెడ్డి, అలంపూర్‌ నియోజకవర్గ జేఏసీ కన్వీనర్‌ రామ్మోహన్‌ డిమాండ్‌ చేశారు. అలంపూర్‌ చౌరస్తాలోని వైష్ణవి స్కూల్‌ ఆవరణలో ఆర్డీఎస్‌, పెండింగ్‌ ప్రాజెక్టులు, సాగునీటి సాధనకు రైతు మహాసదస్సును ఉమ్మడి మహబుబ్‌ నగర్‌ పెండింగ్‌ ప్రాజెక్టుల సాధన సమితి ఆధ్వర్యంలో ఆదివారం నిర్వహించారు. ఈ సమావేశంలో జిల్లా జేఏసీ చైర్మన్‌, అలంపూర్‌ నియోజకవర్గ జేఏసీ కన్వీనర్లు మాట్లాడుతూ.. రైతులకు సాగు నీటిని అందించడానికి ప్రభుత్వం చర్యలు చేపట్టాలన్నారు. అందులో భాగంగా ఆర్డీఎస్‌ ఆనకట్టను బ్యారేజీగా నిర్మించాలన్నారు. కర్ణాటక సరిహద్దు దాటే వరకు తూములు లేకుండా కాల్వల నిర్మాణం చేపట్టాలన్నారు. తెలంగాణ సరిహద్దులో తూములు నిర్మించి చివరి ఆయకట్టు వరకు సాగునీరు అందించాలన్నారు. సుంకేసుల నుంచి ఏపీకి ఎంత నీటిని తరలిస్తున్నారో ఆదే స్థాయిలో ఆర్డీఎస్‌ ద్వారా తెలంగాణ రైతులకు సాగునీరు అందించి నడిగడ్డ రైతులకు న్యాయం చేయాలన్నారు. సుంకేసుల బ్యారేజీ వద్ద ఉన్న 32వ వెంట్‌ తెరవాలన్నారు. ఏపీలో నిర్మిస్తున్న గుండ్రేవుల రిజర్వాయర్‌కు తెలంగాణ ప్రభుత్వం ఆమోదించవద్దన్నారు. బీచుపల్లి–వెల్టూరు–గొందిమల్ల బ్యారేజీ నిర్మాణానికి ప్రభుత్వం చర్యలు చేపట్టాలన్నారు. నెట్టెంపాడు ఎత్తిపోతల పథకం ద్వార పూర్తిస్థాయిలో నీటిని వినియోగించుకోనే విధంగా దాని సామర్థ్యాన్ని పెంచి రెండు లక్షల ఎకరాలకు సాగు నీరు అందించాలన్నారు. చిన్నోనిపల్లి రిజర్వాయర్‌ ద్వారా ఆర్డీఎస్‌ కాల్వలకు లింకు కలిపి సాగునీటిని అందించాలన్నారు. ఆర్డీఎస్‌ చివరి ఆయకట్టులో ఉన్న ఉండవెల్లి మండలంలోని మారమునగాల–ప్రాగటూరు మధ్య కృష్ణానదిపై ఎత్తిపోతల పథకం నిర్మించాలన్నారు. ఎత్తిపోతల పథకం నిర్మించి ఆర్డీఎస్‌ కాల్వల ద్వారా రైతులకు సాగునీటిని అందించాలన్నారు. డిండి ప్రాజెక్టును ప్రభుత్వం రద్దు చేయాలని డిమాండ్‌ చేశారు. సాగునీటి నిర్వాహణకు లస్కర్లను నియమించాలన్నారు.

● హోరాహోరీగా అండర్‌–19 లీగ్‌ మ్యాచ్‌లు ● దూసుకెళ్తున్న ఆతిథ్య మహబూబ్‌నగర్‌ జట్టు ● 48 పరుగుల తేడాతో నల్లగొండపై విజయం మహబూబ్‌నగర్‌ క్రీడలు: పాలమూరు నగరంలో 70వ స్కూల్‌ గేమ్స్‌ ఫెడరేషన్‌ రాష్ట్రస్థాయి అండర్‌–19 బాలుర క్రికెట్‌ చాంపియన్‌షిప్‌ ఉత్సాహంగా కొనసాగుతుంది. ప్రభుత్వ బాలుర జూనియర్‌ కళాశాల మైదానం, నగర శివారులోని (అల్లీపూర్‌ సమీపం) క్రికెట్‌ మైదానాల్లో లీగ్‌ మ్యాచ్‌లు జరుగుతున్నాయి. ఉమ్మడి జిల్లాల జట్లు హోరాహోరీగా తలపడుతున్నాయి. నగర శివారులోని మైదానంలో ఆదివారం రెండోరోజు మ్యాచ్‌లను జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ ప్రారంభించారు. క్రీడాజట్లను ఆయన పరిచయం చేసుకొని మాట్లాడుతూ ప్రతిభచాటి జాతీయస్థాయికి ఎదగాలని ఆకాంక్షించారు. క్రీడాకారులకు ఎలాంటి ఇబ్బందులు తగిన చర్యలు తీసుకుంటున్నట్లు తెలిపారు. కార్యక్రమంలో టోర్నీ రాష్ట్ర పరిశీలకుడు విజయ్‌కుమార్‌తోపాటు బాలరాజు, శ్రీనివాస్‌, అబ్దుల్లా, రాంమోహన్‌, సోహైల్‌, భానుకిరణ్‌, శ్రీనివాస్‌రెడ్డి తదితరులు పాల్గొన్నారు. 33 పరుగులతో హైదరాబాద్‌ గెలుపు మరో లీగ్‌ మ్యాచ్‌లో హైదరాబాద్‌ జట్టు 33 పరుగుల తేడాతో వరంగల్‌ జట్టుపై గెలుపొందింది. తొలుత బ్యాటింగ్‌ చేసిన హైదరాబాద్‌ జట్టు నిర్ణీత 15 ఓవర్లలో 3 వికెట్లు కోల్పోయి 163 పరుగులు చేసింది. జట్టులో ధ్రువరెడ్డి 97 పరుగులు నాటౌట్‌, చాణక్య 35 పరుగులు చేశారు. అనంతరం బ్యాటింగ్‌ చేసిన వరంగల్‌ జట్టు 12 ఓవర్లలో 5 వికెట్ల నష్టానికి 130 పరుగులు చేసింది. ప్రీతమ్‌ 37, అభినవ్‌ 33 పరుగులు చేశారు. ● మరో మ్యాచ్‌లో వరంగల్‌ పది వికెట్ల తేడాతో ఖమ్మంపై గెలుపొందింది. మొదట బ్యాటింగ్‌ చేసిన ఖమ్మం జట్టు 9 ఓవర్లలో 45 పరుగులకు ఆలౌట్‌ అయింది. మణిదీప్‌ 5 వికెట్లు, అనస్‌ 2 వికెట్లు తీశారు. అనంతరం బ్యాటింగ్‌ చేసిన వరంగల్‌ జట్టు వికెట్‌ నష్టపోకుండా 6.4 ఓవర్లలో మూడు వికెట్లు కోల్పోయి 49 పరుగులు చేసింది. ● మరో మ్యాచ్‌లో హైదరాబాద్‌ జట్టు 6 వికెట్ల తేడాతో నల్లగొండపై విజయం సాధించింది. మొదట బ్యాటింగ్‌ చేసిన నల్లగొండ జట్టు 12 ఓవర్లలో 7 వికెట్లు కోల్పోయి 73 పరుగులు చేసింది. అనంతరం బ్యాటింగ్‌ చేసిన హైదరాబాద్‌ జట్టు 4 వికెట్లకు 74 పరుగులు చేసింది. ఆరు వికెట్ల తేడాతో మెదక్‌ గెలుపు ప్రభుత్వ బాలుర జూనియర్‌ కళాశాల మైదానంలో జరిగిన లీగ్‌ మ్యాచ్‌లో మెదక్‌ జట్టు ఆరు వికెట్ల తేడాతో అదిలాబాద్‌ జట్టుపై విజయం సాధించింది. మొదట బ్యాటింగ్‌ చేసిన అదిలాబాద్‌ జట్టు 15 ఓవర్లలో 7 వికెట్ల నష్టానికి 105 పరుగులు చేసింది. అనంతరం బ్యాటింగ్‌ చేసిన మెదక్‌ జట్టు 4 వికెట్లు కోల్పోయి 13.2 ఓవర్లలో 109 పరుగులు చేసింది. చేతన్‌ 33 పరుగులు చేశాడు. ● మరో మ్యాచ్‌లో రంగారెడ్డి జట్టు 51 పరుగుల తేడాతో నిజామాబాద్‌ జట్టుపై విజయం సాధించింది. తొలుత బ్యాటింగ్‌ చేసిన రంగారెడ్డి జట్టు 12 ఓవర్లలో ఆరు వికెట్లు కోల్పోయి 114 పరుగులు చేసింది. అనంతరం బ్యాటింగ్‌కు దిగిన నిజామాబాద్‌ జట్టు 12 ఓవర్లలో 7 వికెట్ల నష్టానికి 63 పరుగులు చేసింది. మహబూబ్‌నగర్‌– నల్లగొండ మధ్య మ్యాచ్‌ బీరేందర్‌(యం.నగర్‌, 50 పరుగులు) ఫైజాన్‌ (యం.నగర్‌, 5 వికెట్లు)

అచ్చంపేట: ముందు వెళ్తున్న ద్విచక్రవాహనాన్ని ఎదురుగా వచ్చి న మరో వాహనం ఢీకొనడంతో ఇద్దరు యువకులు దుర్మరణం పాలయ్యారు. ఈ ఘటనకు సంబంధించి వివరాలిలా.. వనపర్తి జిల్లా వీపనగండ్ల మండలంలోని కల్వరాల గ్రామానికి చెందిన అర్జున్‌, వెంకటయ్య కుటుంబ సమేతంగా శ్రీశైలం దైవదర్శనానికి హైదరాబాద్‌ నుంచి శ్రీశైలానికి టవేరా వాహనంలో వెళ్తున్నారు. బిజినేపల్లి మండలం వెలుగొండకు చెందిన వంశీ(24), తిమ్మాజిపేట మండలం చేగుంటకు చెందిన మహేష్‌(30)లు ఉప్పునుంతల మండలంలోని రాయిచేడ్‌ వద్ద యంగ్‌ ఇండియా ఇంటిగ్రేటెడ్‌ రెసిడెన్షియల్‌ పాఠశాలలో నిర్మాణ పనులు చేపట్టేందుకు వచ్చారు. ఈ క్రమంలో ఆదివారం సాయంత్రం బైక్‌పై వెళ్తున్న వంశీ, మహేష్‌లు హాజీపూర్‌ నుంచి వెళ్తూ ముందు వెళ్తున్న వాహనాన్ని ఓవర్‌టేక్‌ చేయబోగా డిండి వైపు నుంచి వస్తున్న టవేరా ఢీకొనడంతో అక్కడికక్కడే మృతిచెందారు. అలాగే టవేరా డ్రైవర్‌ వీరప్పకు గాయాలవడంతో అచ్చంపేట ఆస్పత్రికి తరలించారు. మృతదేహాలను అచ్చంపేట ప్రభుత్వ అస్పత్రికి తరలించారు. ఈ మేరకు కేసు నమోదు చేసిన దర్యాప్తు చేస్తున్నట్లు ఎస్‌ఐ నరేష్‌ తెలిపారు. వంశీకి తల్లిదండ్రులతోపాటు ముగ్గురు చెల్లెళ్లు ఉన్నారు.

జడ్చర్ల: ‘జడ్చర్ల ప్రభుత్వ ఆస్పత్రికి సంబంధించి రూ.25 కోట్ల డీడీ ఇద్దరం కట్టి పట్టణ సీనియర్ల వద్ద పెడదాం.. స్థలం కేటాయిస్తే నీ డీడీ నువ్వు తీసుకో.. నా డీడీతో ఆస్పత్రి నిర్మాణ పనులు చేపడుతా.. స్థలం కేటాయింపు జీఓ తీసుకురాకపోతే నీవు కట్టిన డీడీతో జడ్చర్ల అభివృద్ధికి నిధులు వెచ్చిద్దాం’ అని మాజీమంత్రి లక్ష్మారెడ్డి ఎమ్మెల్యే అనిరుధ్‌రెడ్డికి ప్రతి సవాల్‌ విసిరారు. ఆదివారం ఆయన జడ్చర్లలో మీడియాతో మాట్లాడుతూ ఎమ్మెల్యే అనిరుధ్‌రెడ్డి మళ్లీ తనపై చేసిన ఆరోపణలపై తీవ్రంగా స్పందించారు. జడ్చర్ల ప్రభుత్వ ఆస్పత్రిలో రోగులు ఇబ్బందులు పడుతున్నారని, రాత్రి కూడా ఓ రోగి విషమ పరిస్థితిలో ఉంటే ఇతర ఆస్పత్రికి రెఫర్‌ చేశారన్నారు. ఆస్పత్రిలో వైద్యులు, సిబ్బందిని నియమించి రోగులకు వైద్యసేవలు అందించాలని హితవు పలికారు. మొదట ప్రహరీ లేకపోవడంతో ఆస్పత్రి ఆవరణలోకి వరద పారిందని, దాన్ని సాకుగా చూపి ఆస్పత్రి గుంతలో ఉందని పదే పదే చెప్పడం భావ్యం కాదని, ఆ పక్కనే ఉన్న లేఅవుట్‌ వెంచర్‌కు సమాంతరంగా ఆస్పత్రి ఉందని పేర్కొన్నారు. దీనికి సంబంధించి ఇద్దరం రూ.5 కోట్లు డీడీ కడదామని సవాల్‌ విసిరారు. వెంచర్‌లోని ఇళ్లకు లెవెల్‌గా తీసుకుని ఆస్పత్రిని చూస్తే తెలుస్తుందన్నారు. పట్టణానికి చెందిన సీనియర్లు, ఇంజినీరింగ్‌ అధికారులను తీసుకెళ్లి గుంతలో ఉందని ధ్రువీకరిస్తే తన రూ.5 కోట్లు డీడీ ఇస్తానని లేదంటే రాజకీయంగా ఎన్నికలలో పోటీ చేయబోనని, అలా లేకపోతే ఎమ్మెల్యే రూ.5 కోట్లు డీడీ ఇచ్చి రాజీనామా చేయాలన్నారు. తాను ఏ పార్టీలో ఉన్నా ఆ పార్టీకి కట్టుబడి ఉన్నానని, ఎంపీ ఎన్నికలలో బీజేపీకి మద్దతు ఇచ్చినట్లు చెప్పడాన్ని తీవ్రంగా ఖండించారు. తాను దేవాదాయ భూమిని ఎప్పుడు కొనుగోలు చేయలేదన్నారు. రెవెన్యూ రికార్డుల ప్రకారంగా ఉన్న పట్టా భూమిని కొనుగోలు చేసి తిరిగి విక్రయించానని చెప్పారు. సమావేశంలో జెడ్పీ మాజీ వైస్‌ చైర్మన్‌ యాదయ్య, నాయకులు ప్రశాంత్‌రెడ్డి, జ్యోతి, నందకిషోర్‌, దానిష్‌ తదితరులు పాల్గొన్నారు.

● రెండో స్థానంలో నిలిచిన వరంగల్‌ జట్టు ● పాలమూరు, ఆదిలాబాద్‌ జట్లకు తృతీయ స్థానం ఖమ్మం స్పోర్ట్స్‌: రాష్ట్రస్థాయి జూనియర్‌ బాలికల హ్యాండ్‌బాల్‌ టోర్నీలో భాగంగా ఉత్కంఠభరితంగా సాగిన ఫైనల్‌ మ్యాచ్‌లో ఉమ్మడి ఖమ్మం జిల్లా జట్టు టైటిల్‌ను కై వసం చేసుకుంది. ఖమ్మంలోని సర్దార్‌ వల్లభాయ్‌ పటేల్‌ స్టేడియంలో రెండు రోజులుగా జరుగుతున్న టోర్నీ ఆదివారం ముగిసింది. ఈ మేరకు ఫైనల్స్‌లో ఖమ్మం– వరంగల్‌ జట్లు తలపడగా మ్యాచ్‌ హోరాహోరీగా సాగింది. చివరకు ఖమ్మం 11 గోల్స్‌ సాధించగా, వరంగల్‌ 8 గోల్స్‌కే పరిమితం కావడంతో ఖమ్మం బాలికలు విజయం దక్కించుకున్నారు. ఇక మూడో స్థానం కోసం మహబూబ్‌నగర్‌– ఆదిలాబాద్‌ జట్లు తలపడగా సమాన పాయింట్లు రావడంతో ఇరు జట్లకు ట్రోఫీ అందజేశారు. డీవైఎస్‌ఓ సునీల్‌రెడ్డి, హ్యాండ్‌బాల్‌ అసోసియేష న్‌ రాష్ట్ర కార్యదర్శి శ్యామల పవన్‌కుమార్‌, హ్యాండ్‌బాల్‌ జిల్లా అధ్యక్ష, కార్యదర్శులు అశోక్‌రెడ్డి, వరికూటి మోహన్‌తోపాటు మంత్రి పొంగులేటి క్యాంపు కార్యాలయ ఇన్‌చార్జి తుంబూరు దయాకర్‌రెడ్డి తదితరులు ట్రోఫీలు అందజేశారు.

ఎర్రవల్లి: శ్రీరాముని జన్మనక్షత్రమైన పునర్వసు నక్షత్రాన్ని పురస్కరించుకొని బీచుపల్లి పుణ్యక్షేత్రంలోని కోదండరామస్వామి ఆలయంలో ఆదివారం సీతారాముల కల్యాణ వేడుకను అంగరంగ వైభవంగా నిర్వహించారు. ఈ సందర్భంగా ఆలయ ప్రధాన అర్చకులు సీతారాములను అపురూపంగా ముస్తాబుచేసి వేదమంత్రాల నడుమ వైభవంగా కల్యాణతంతు జరిపించారు. ఈ కార్యక్రమాన్ని తిలకించేందుకు వివిధ ప్రాంతాల నుంచి భక్తులు అధిక సంఖ్యలో బీచుపల్లికి చేరుకొని పవిత్ర కృష్ణానదిలో పుణ్యస్నానాలు ఆచరించారు. అనంతరం భక్తిశ్రద్ధలతో సీతారాముల కల్యాణంలో పాల్గొని కార్యక్రమాన్ని కనులారా తిలకించారు. కల్యాణానికి హాజరైన భక్తులకు ఆలయ పాలక మండలి ఆధ్వర్యంలో అన్నదానం చేశారు.

ఆతిథ్య మహబూబ్‌నగర్‌ జట్టు టోర్నమెంట్‌లో దూసుకెళ్తోంది. రెండో లీగ్‌ మ్యాచ్‌లో మహబూబ్‌నగర్‌ జట్టు 48 పరుగుల తేడాతో నల్లగొండపై విజయం సాధించింది. నగర శివారులోని మైదానంలో జరిగిన మ్యాచ్‌లో మొదట బ్యాటింగ్‌ చేసిన మహబూబ్‌నగర్‌ జట్టు నిర్ణీత 12 ఓవర్లలో 3 వికెట్ల నష్టానికి 110 పరుగులు చేసింది. జట్టులో బీరేందర్‌ అర్ధ సెంచరీతో రాణించాడు. 32 బంతుల్లో 6 ఫోర్లతో 50 పరుగులు, రామాచారి 35 పరుగులు చేశారు. అనంతరం బ్యాటింగ్‌కు దిగిన నల్లగొండ జట్టు మహబూబ్‌నగర్‌ బౌలర్ల ధాటికి వరుసగా వికెట్లను కోల్పోయింది. 12 ఓవర్లలో 8 వికెట్లు కోల్పోయి 62 పరుగులు చేసింది. మహబూబ్‌నగర్‌ బౌలర్‌ ఫైజాన్‌ 3 ఓవర్లలో కేవలం 8 పరుగులు ఇచ్చి ఐదు వికెట్లు తీశాడు.

అలంపూర్‌: పంట సాగులో చీడపీడలను సమర్థవంతంగా నివారిస్తే అధిక దిగుబడి సాధించొచ్చు. వరి పంట సాగులో నారుమడి నుంచే సరైన యాజ మాన్య పద్ధతులు పాటిస్తే చీడపీడలను నివారించొచ్చని మండల వ్యవసాయ శాఖ అధికారి నాగార్జునరెడ్డి రైతులకు సూచించారు. విత్తన శుద్ధి: నారుమడి పోసే ముందు తప్పనిసరిగా విత్తన శుద్ధి చేసుకోవాలి. తడి విత్తన శుద్ధిలో 1 కిలో విత్తనానికి 1 గ్రాము కార్భండిజం 1 లీటర్‌ నీటిలో కలిపి 24 గంటలు నానబెట్టి, 24 గంటలు మండే కట్టి మొలకలను దంపనారు మడిలో చల్లుకోవాలి. విత్తన మో తాదు ఎకరాకు 20 నుంచి 25 కేజీలు సరిపోతుంది. ఎరువుల యాజమాన్యం.. ఎకరాకు సరిపడే నారును 5 సెంట్లలో 2 కిలోల నత్రజని (5 కిలోల యూరియా), ఒక కిలో భాస్వరం (6కిలోల ఎస్‌ఎస్‌పీ), ఒక కిలో పొటాషియం (2 కిలోల మ్యూరేట్‌ ఆఫ్‌ పొటాష్‌) ఇచ్చే ఎరువులను నారు వేసిన ముందు చివర దమ్ములోనే వేసుకోవాలి. నత్రజని ఇచ్చే ఎరువులను తేలిక నేలల్లో అయితే రెండుసార్లు వేసుకోవచ్చు. ఒక కిలో నత్రజని విత్తనం చల్లే ముందు, మరో కిలో విత్తిన 12 నుంచి 14 రోజులకు వేయాలి. 50 కిలోల యూరియాకి 10 కిలోల వేప పిండి లేక 250 కిలోల తేమ కలిగిన మట్టిగానీ కలిపి రెండు రోజు లు నిల్వ ఉంచి పొలంలో వెదజల్లితే నత్రజని వినియోగం పెరుగుతుంది. పొటాష్‌ ఎరువులను రేగడి నేలల్లో ఆఖరి దమ్ములో పూర్తిగా ఒకేసారి వేయాలి. తేలిక భూము ల్లో ఆఖరి దమ్ములో సగం, అంకురం ఏర్పడే దశలో మిగితా సగాన్ని వేయాలి. కాంప్లెక్స్‌ ఎరువులను పైపాటుగా దమ్ములోనే వేయడం మంచిది. జింకు లోపం లక్షణాలు పై నుంచి 3 లేక 4 ఆకుల్లో మధ్య ఈనె పాలిపోతుంది.నాటిన 2 నుంచి 4 వారాల్లో ముదురాకు చివర్లో, మధ్య ఈనె కు ఇరుపక్కల తుప్పు లేక ఇటుక రంగు మచ్చలు కనిపిస్తాయి. ఆకులు చిన్నవిగా పెలు సుగా మారి వంచగానే శబ్దం చేస్తూ విరిగిపోతాయి. మొక్కలు గిడసబారి దుబ్బు చేయవు. నత్రజని ఎరువులు వేసినప్పటికి పైరు పచ్చగానే ఉండదు. నివారణ.. ప్రతి సీజన్‌లో ఆఖరి దమ్ములో ఎకరాకు 20 కిలోల జింకు సల్ఫేట్‌ వేయాలి. లేదా పైరుపై జింకు లోపం కనిపించగానే లీటరు నీటికి 2 గ్రాముల జింకు సల్ఫేట్‌ చొప్పున కలిపి 5 రోజుల వ్యవధిలో 2 నుంచి 3 సార్లు పిచికారీ చేయాలి. భాస్వరం ఎరువుతో జింకు సల్ఫేట్‌ కలిపి వేయరాదు. కనీసం 3 రోజుల వ్యవధి ఉండాలి. జింకు సల్ఫేట్‌ ద్రావణంలో పురుగు, తెగుళ్ల మందులు కలిపి వాడరాదు. బోరు నీటిని వాడుతున్నట్లయితే ప్రతి రెండేళ్లకు ఒకసారి నీటి పరీక్ష చేయించాలి. ఒక వేళ నీటిలో ఉప్పు ఎక్కువగా ఉన్నట్లయితే క్లిష్టమైన దశలో ఈ నీటిని పంటకు ఇవ్వకుండా ఆపేయాలి. దశ మోతాదు (ఎకరాకు) చివరి దమ్ము యూరియా 35 కిలోలు ఎస్‌ఎస్‌పీ 150 కిలోలు పొటాష్‌ 30 కిలోలు దుబ్బు చేసే దశలో యూరియా 35 కిలోలు అంకురం దశలో యూరియా 35 కిలోలు పాడి–పంట

గట్టు: కట్టుకున్న భర్త వేధింపులు భరించలేక ఓ వివాహిత పురుగు మందు తాగి బలవన్మరణానికి పాల్పడింది. ఈ ఘటనకు సంబంధించి వివరాలిలా.. మండలంలోని గొర్లఖాన్‌దొడ్డి గ్రామానికి చెందిన ఉప్పరి రాధ(35) భర్త ఉప్పరి భీమేష్‌ వేధింపులు భరించలేక గత నెల 28న పురుగు మందు తాగింది. దీంతో కుటుంబ సభ్యులు రాధను కర్నూలు ఆస్పత్రికి తరలించగా..అక్కడే చికిత్స పొందుతూ ఆదివారం ఉదయం మృతి చెందింది. రాధకు భర్తతోపా టు ఇద్దరు కుమారులు, ఓ కుమార్తె ఉన్నారు. ఈ సంఘటనతో కుటుంబంలో విషాదం అలుముకుంది. ఈ ఘటనపై బంధువుల ఫిర్యాదు మేరకు భర్త భీమేష్‌పై కేసు నమోదు చేసినట్లు ఎస్‌ఐ కల్యాణ్‌కుమార్‌ తెలిపారు. ట్రాక్టర్‌ బోల్తాపడి రైతు మృతి ఎర్రవల్లి: జాతీయ రహదారిపై ట్రాక్టర్‌ బోల్తాపడి రైతు మృతిచెందిన ఘటన కోదండాపురం పీఎస్‌ పరిధిలో ఆదివారం చోటు చేసుకుంది. ఎస్‌ఐ తరుణ్‌ కుమార్‌ రెడ్డి, స్థానికుల కథనం ప్రకారం.. మండలంలోని పుటాన్‌ దొడ్డికి చెందిన నాగేశ్వర్‌రెడ్డి (35) తమ ట్రాక్టర్‌తో వ్యవసాయ పనుల నిమిత్తం పొలానికి వెళ్లి తిరిగి స్వగ్రామానికి వెళ్తున్నాడు. ఈ క్రమంలో 44వ జాతీయ రహదారిపై వేముల స్టేజీ సమీపంలో వెళ్తుండగా ఒక్కసారిగా ట్రాక్టర్‌ అదుపుతప్పి బోల్తాపడడంతో తీవ్ర రక్త గాయాలయ్యాయి. గమనించిన స్థానికులు అంబులెన్స్‌లో కర్నూల్‌ ఆస్పత్రికి తరలించగా డ్యూటీ డాక్టర్‌ వైద్యపరీక్షలు నిర్వహించి అప్పటికే మృతి చెందినట్లు ధ్రువీకరించారని తెలిపారు. మృతిపై తమకు ఇంకా ఫిర్యాదు అందలేదని ఎస్‌ఐ పేర్కొన్నారు. రైలుకిందపడి గుర్తుతెలియని యువకుడు.. దేవరకద్ర రూరల్‌: రైలుకిందపడి యువకుడు మృతిచెందిన ఘటన అదివారం చోటుచేసుకుంది. రైల్వే పోలీసుల కథనం మేరకు.. దేవర కద్ర–కౌకుంట్ల రైల్వేస్టేషన్ల మధ్య రైల్వే కిలోమీటర్‌ 139/15–16 వద్ద గుర్తు తెలియని వ్యక్తి చనిపోయి ఉండడాన్ని గమనించిన స్థానికులు పోలీసులకు సమాచారం అందించారు. పోలీ సులు అక్కడికి చేరుకొని మృతుడి వివరాలు సేకరించారు. మృతుడి వయస్సు 19ఏళ్లు ఉంటుందని తెలిపారు. ఘటనా స్థలంలో లభించిన సూసైడ్‌ నోట్‌లో తన పేరు కె.మధుసూద న్‌, బాబాయి పేరు అశోక్‌గా రాసి ఉన్నట్లు వెల్లడించారు. అయితే స్వగ్రామం వివరాలు లభించలేదు. మృతదేహాన్ని జిల్లా ఆస్పత్రికి తరలించారు. మృతుడిని గుర్తించినవారు 87126 58597 నెంబర్‌కు సమాచారం ఇవ్వాలని రైల్వే ఎస్‌ఐ కోరారు. రేషన్‌ బియ్యం పట్టివేత నవాబుపేట: అక్రమంగా రేషన్‌బియ్యం తరలింపును కొందరు గ్రామస్తులు అడ్డుకుని పోలీసులకు సమాచారం ఇవ్వడంతో పోలీసులు వాటిని స్వాధీంనం చేసుకున్నారు. ఆదివారం రాత్రి మండల పరిధిలోని అమ్మపూర్‌– లింగంపల్లి రోడ్డులో లారీలో తరలుతున్న సన్న బియ్యాన్ని అటుగా వెళ్తున్న కొందరు గ్రామస్తులు అనుమానంతో అడ్డుకున్నారు. దీంతో లారీలో రవాణా చేస్తున్న బియ్యాన్ని పరిశీలించి రేషన్‌ దుకాణాల్లో ప్రజల కు అందించే సన్నబియ్యం అక్రమంగా తరలిస్తు న్నారని వారు పోలీసులకు సమాచారం ఇవ్వడంతో పోలీసులు లారీని అదుపులోకి తీసుకున్నారు. దొడ్డు బియ్యం ముసుగులో.. బియ్యాన్ని తరలిస్తున్న కాంట్రాక్టర్‌ దొడ్డు బియ్యం ముసుగులో సన్నబియ్యాన్ని తరలిస్తున్నట్లు తెలిసింది. తాజాగా ఆదివారం తరులుతున్న బియ్యం లారీలో దొడ్డు బియ్యంతోపాటు 200బస్తాలకు పైగా రేషన్‌ దుకాణాల్లో సరఫరా చేసే సన్నబియ్యం ఉన్నట్లు గ్రామస్తులు అనుమానం వ్యక్తం చేశారు. దీంతో లారీని ఒక బొలేరోను అదుపులోకి తీసుకుని ఆరాతీస్తున్నట్లు పోలీసులు తెలిపారు. సివిల్‌ సప్లయి అధికారులతో విచారణ బియ్యానికి సంబంధించి సివిల్‌ సప్లయి అధికారులు పరిశీలన చేసి విచారణ చేసిన అనంతరం రేషన్‌ సన్న బియ్యం ఉన్నట్‌లైయితే వారిపై కేసునమోదు చేసి చర్యలు తీసుకుంటామని అప్పటి వరకు పోలీసుల అదుపులోనే లారీ, బొలేరో ఉంటాయని ఎస్‌ఐ నరేందర్‌ తెలిపారు.

కల్వకుర్తి రూరల్‌: ఎన్నికల సమయంలో చేవెళ్లలో ఏర్పాటు చేసిన సమావేశంలో కాంగ్రెస్‌ పార్టీ గిరిజనులకు ఇచ్చిన హామీలను వెంటనే అమలు చేయాలని డిమాండ్‌ చేస్తూ సేవాలాల్‌ సేన ఆధ్వర్యంలో గిరిజన గళం తండాలో నిద్ర కార్యక్రమం చేపట్టింది. ఇందులో భాగంగా సంఘం వ్యవస్థాపక అధ్యక్షుడు సంజీవ్‌ నాయక్‌, రాష్ట్ర అధ్యక్షుడు హుస్సేన్‌ నాయక్‌ ఆధ్వర్యంలో నిర్వహిస్తున్న కార్యక్రమం ఆదివారం కల్వకుర్తిలో చేపట్టారు. ఈ సందర్భంగా పట్టణంలోని శివాజీ చౌక్‌లో ఏర్పాటు చేసిన సమావేశంలో తెలంగాణ రాష్ట్ర ఫుడ్‌ కమిషన్‌ చైర్మన్‌ గోలి శ్రీనివాస్‌రెడ్డి, మున్సిపల్‌ మాజీ చైర్మన్‌ ఎడ్మ సత్యం తదితరులు హాజరై గిరిజనులకు మద్దతు తెలిపారు. ఎన్నికల సందర్భంగా ప్రతి కులానికి హామీలు ఇచ్చి అధికారంలోకి వచ్చిన కాంగ్రెస్‌ ప్రభుత్వం ఆ తర్వాత హామీలు నెరవేర్చకుండా మోసం చేసిందని ఆరోపించారు. కాంగ్రెస్‌ పార్టీకి ప్రజలు, గిరిజనులు గుణపాఠం చెప్పాలని గోలి శ్రీనివాసరెడ్డి, ఎడ్మ సత్యం పిలుపునిచ్చారు. గిరిజన సంఘం నాయకులు మాట్లాడుతూ మైదాన ప్రాంతాల్లో ఐటీడీఏ ఏర్పాటు చేసి వారిని ఆదుకోవాలన్నారు. మైదాన ప్రాంతాల గిరిజనులకు రాజకీయాల్లో అవకాశం కల్పించాలని, మంత్రివర్గంతోపాటు కార్పొరేషన్‌ చైర్మన్‌ పదవులలో గిరిజనులకు ప్రాధాన్యం ఇవ్వాలని సంజీవ్‌ నాయక్‌ డిమాండ్‌ చేశారు. కార్యక్రమంలో కౌన్సిలర్‌ రామునాయక్‌, విజయ్‌గౌడ్‌, దేవిలాల్‌ చౌహాన్‌, గుండ్యా నాయక్‌, గిరిజనులు పాల్గొన్నారు.

మహబూబ్‌నగర్‌ క్రీడలు: పాలమూరు నగరంలోని ఇండోర్‌ స్టేడియంలో ఆదివారం ఉమ్మడి జిల్లా యోగా సీనియర్‌ క్రీడాకారుల ఎంపికలు నిర్వహించారు. ఎంపికల్లో ఉమ్మడి జిల్లా నుంచి 40 మంది పురుషులు, మహిళలు పాల్గొన్నట్లు యోగా సంఘం ప్రధాన కార్యదర్శి చంద్రశేఖర్‌ తెలిపారు. ముఖ్య అతిథులుగా డీవైఎస్‌ఓ రాజశేఖర్‌రెడ్డి, ఉమ్మడి జిల్లా ఒలింపిక్‌ సంఘం ప్రధాన కార్యదర్శి కురుమూర్తిగౌడ్‌, జిల్లా యోగా సంఘం వర్కింగ్‌ చైర్మన్‌ రాములు తదితరులు పాల్గొన్నారు. క్రీడాకారులు రాష్ట్రస్థాయి యోగా పోటీల్లో పతకాలు సాధించి జిల్లాకు పేరు ప్రతిష్టలు తీసుకురావాలని ఆకాంక్షించారు. ఎంపికల సందర్భంగా క్రీడాకారుల యోగా విన్యాసాలు ఆకట్టుకున్నాయి. కార్యక్రమంలో ముత్యం గురుస్వామి, జిల్లా ఆర్చరీ సంఘం కార్యదర్శి రాంచందర్‌, మణికంఠ, నాగరాజు, సాగర్‌, బాలమణి తదితరులు పాల్గొన్నారు.

భూ సేకరణలో నిర్లక్ష్యం.. ప్రతిష్టాత్మక ప్రాజెక్టుపై పాలకులు, అధికారుల చిత్తశుద్ధిని వేలెత్తి చూపేలా చేస్తోంది. తెలంగాణ వైపు సోమశిల (మల్లేశ్వరం) 87.360 కి.మీ., నుంచి ఏపీ అవతల సిద్దేశ్వరం గుట్ట 88.437 కి.మీ., వరకు 1,077 మీటర్ల పొడవునా తీగల వంతెన నిర్మాణం చేపట్టాల్సి ఉంది. ఇది పూర్తయితేనే రెండు రాష్ట్రాల మధ్య రాకపోకల సమస్య తీరుతుంది. ఇందుకోసం 59 హెక్టార్ల భూసేకరణ చేయాల్సి ఉండగా.. ఇందులో 25 హెక్టార్ల అటవీ భూమికి ప్రత్యామ్నాయంగా అమ్రాబాద్‌ మండలంలో భూమి కేటాయించారు. మరో 34 హెక్టార్లకు సంబంధించిన పరిహారం చెల్లింపు ఆలస్యమవుతోంది. నాగర్‌కర్నూల్‌ వద్ద బైపాస్‌ నిర్మాణానికి సంబంధించి 4 కి.మీ. మేర భూసేకరణ పెండింగ్‌లో ఉంది. 24.28 ఎకరాల భూ సేకరణ పూర్తయితే పనులు వేగంగా సాగుతాయి. తాడూరు వైపు నుంచి నిలిచిన పనులు ప్రారంభించాం. కొల్లాపూర్‌ చౌరస్తా నుంచి భూసేకరణ అనంతరం పనులు మొదలవుతాయి. కొట్ర వద్ద 600 మీటర్ల పనులు చేయాల్సి ఉంది. కోర్టు కేసుతో నిలిచింది. జాతీయ రహదారుల నిబంధనల ప్రకారం వంతెనలు నిర్మిస్తున్నాం. – రమేశ్‌, డీఈఈ, జాతీయ రహదారుల సంస్థ అచ్చంపేట: ఉమ్మడి తెలుగు రాష్ట్రాలను అనుసంధానించే కల్వకుర్తి – నంద్యాల జాతీయ రహదారి–167కే పనులు ముందుకు సాగడం లేదు. పూర్తిస్థాయిలో భూ సేకరణ జరగకపోవడం పనులకు అడ్డంకిగా మారింది. 2021లో ప్రభుత్వం 173.73 కి.మీ., ఎన్‌హెచ్‌–167కే మంజూరు చేస్తూ.. ఐదు ప్యాకేజీలుగా విభజించింది. మొదటి దశ పనులు 2022 సెప్టెంబర్‌లో కల్వకుర్తి (కొట్రా) నుంచి సోమశిల రహదారి విస్తరణ, బైపాస్‌ నిర్మాణాలకు టెండర్లు ఆహ్వానించారు. ఈ పనులను రూ.436.91 కోట్లకు ఓ సంస్థ దక్కించుకోగా.. 2023 జూలైలో అధికారికంగా పనులను ప్రారంభించారు. ఇప్పటికీ మూడేళ్లు దాటినా జాతీయ రహదారి పనులు నత్తనడకన సాగుతున్నాయి. వంతెన వెడల్పు, ఎత్తు.. నాగర్‌కర్నూల్‌ – శ్రీశైలం వెళ్లే ప్రధాన రహదారి మీదుగా జాతీయ రహదారి–167కే బైపాస్‌ వెళ్తుంది. అయితే కొల్లాపూర్‌ చౌరస్తాలోని జిల్లా పోలీసు కార్యాలయం సమీపంలో చేపడుతున్న బైపాస్‌ ఫ్లైఓవర్‌ నిర్మాణంపై అభ్యంతరాలు వ్యక్తమవుతున్నాయి. వ్యవసాయ ఉత్పత్తులు తరలించే వాహనాలు, భారీ యంత్ర పరికరాలు తరలించే వాహనాలకు తక్కువ ఎత్తున్న వంతెనతో ఇబ్బందులు తలెత్తుతాయని స్థానికులు సందేహిస్తున్నారు. ఈ రహదారిపై మొత్తం నాలుగు వంతెనలు ఉండగా.. కల్వకుర్తి, సింగోటం క్రాస్‌రోడ్డు, పెంట్లవెల్లి రహదారిలో పూర్తి కాగా.. నాగర్‌కర్నూల్‌ వద్ద మాత్రమే పెండింగ్‌లో ఉంది. ప్రస్తుత రహదారిని పరిగణలోకి తీసుకుని 18 ఫీట్ల ఎత్తులో నిర్మిస్తున్నారు. అయితే వంతెన ఎత్తు సరిపోదని.. అలాగే రెండు పిల్లర్ల మధ్య రోడ్డు వెడల్పు 22 మీటర్లు మాత్రమే ఉందని స్థానికులు పేర్కొంటున్నారు. భవిష్యత్‌లో భూత్పూర్‌– మన్ననూర్‌– మద్దిమడుగు రహదారి జాతీయ రహదారిగా మారే అవకాశం ఉందని.. నాగర్‌కర్నూల్‌ ఆర్టీసీ డిపో నుంచి కొల్లాపూర్‌ చౌరస్తా వరకు నాలుగు వరుసల రహదారిగా విస్తరించేందుకు ఇప్పటికే ప్రతిపాదనలు సిద్ధం చేశారని.. ఫ్లైఓవర్‌ బ్రిడ్జి 30 మీటర్ల వెడల్పుతో ఏర్పాటు చేయకుండా, తగ్గించడం వల్ల ఇబ్బందులు తప్పవని అభిప్రాయపడుతున్నారు. మందకొడిగా 167కే జాతీయ రహదారి పనులు హైవే నిర్మాణానికి అడ్డంకిగా మారిన భూ సేకరణ నాగర్‌కర్నూల్‌ వద్ద నిలిచినబైపాస్‌ ఫ్లైఓవర్‌ పనులు మూడేళ్లు దాటినా పూర్తికాని రహదారి కల్వకుర్తి నుంచి కొల్లాపూర్‌ బైపాస్‌లోని సోమశిల రహదారి వరకు 79 కి.మీ. నిర్మాణానికి గాను ఇప్పటి వరకు 74.5 కి.మీ. మేర 10 మీటర్ల వెడల్పుతో రెండు వరుసల బీటీ పనులు పూర్తయ్యాయి. కొట్ర వద్ద శ్రీశైలం జాతీయ రహదారి–765ని కలుపుతూ చేపట్టాల్సిన 600 మీటర్ల రోడ్డు పనులు సైతం కోర్టు కేసు వల్ల నిలిచిపోయాయి. కల్వకుర్తి, సింగోటం క్రాస్‌రోడ్డు, పెంట్లవెల్లి వద్ద అండర్‌ పాస్‌లు నిర్మించారు. నాగర్‌కర్నూల్‌ వద్ద 11 కి.మీ. బైపాస్‌ నిర్మాణానికి సంబంధించి భూసేకరణ జరగకపోవడంతో పనులు ముందుకు సాగడం లేదు. తాడూరు నుంచి నాగర్‌కర్నూల్‌ వరకు 7 కి.మీ. మేర భూ సేకరణ పూర్తికాగా.. కొల్లాపూర్‌ క్రాస్‌రోడ్‌ నుంచి దేశిఇటిక్యాల వరకు 4 కి.మీ. మేర భూసేకరణ పూర్తి కాలేదు. రోడ్డు నిర్మాణం కోసం 24.28 ఎకరాల భూమి సేకరించాల్సి ఉండగా.. అవసరమైన మేర చెల్లింపులు జరపకపోవడాన్ని పరిశీలించాలని బాధిత రైతులు కలెక్టర్‌కు దరఖాస్తు చేసుకున్నారు. అయితే భూ సేకరణకు ఇచ్చిన 60 రోజుల గడువు పూర్తయినా అడుగు ముందుకు పడటం లేదు. ఫలితంగా నాగర్‌కర్నూల్‌ వద్ద బైపాస్‌ నిర్మాణం పిల్లర్లకే పరిమితమైంది. భూసేకరణ సమస్యతో కొల్లాపూర్‌ వరిదేల రెవెన్యూ శివారు 79 కి.మీ. నుంచి మల్లేశ్వరం (సోమశిల) కృష్ణానది గుట్ట 87,360 కి.మీ (ఐకానిక్‌ వంతెన) వరకు 8 కి.మీ. అప్రోచ్‌ రోడ్డు పనులు కూడా నిలిచిపోయాయి.

నవాబుపేట: కరువు వచ్చినా పంటలు పండించుకునేందుకు సాగునీరు నిల్వ ఉంచాలన్న ఉద్దేశంతోనే అప్పటి సీఎం కేసీఆర్‌ ముందుచూపుతో కాళేశ్వరం, పాలమూరు లాంటి ప్రాజెక్టులు నిర్మించారని బీఆర్‌ఎస్‌ జిల్లా అధ్యక్షుడు, మాజీ మంత్రి లక్ష్మారెడ్డి, మాజీ ఎంపీ శ్రీనివాస్‌రెడ్డి విమర్శించారు. కాంగ్రెస్‌ మాత్రం ప్రజాపాలన పేరుతో అధికారంలోకి వచ్చి.. నిర్లక్ష్యం ఫలితంగా రైతులకు తీవ్ర దుర్భిక్షం వచ్చిపడిందని ఆరోపించారు. ఆదివారం మండలంలోని దర్పల్లి, అమ్మాపూర్‌ గ్రామాల్లో వరి పంట ఎండిన రైతుల పొలాలను మండల నాయకులతో కలిసి పరిశీలించి రైతులకు ధైర్యం చెప్పారు. ఈ సందర్భంగా వారు మాట్లాడుతూ ఒక్కో గ్రామంలో వందలాది ఎకరాల పంటలు ఎండుతున్నా ప్రభుత్వానికి చీమకుట్టినట్లు కూడా లేదని విమర్శించారు. పాలన చేతకాక రాజకీయ కూతలతో కాలం గడుపుతున్న కాంగ్రెస్‌కు రైతులపై, ప్రజలపై కనీసం ద్యాస కూడా లేదని మండిపడ్డారు. ఎల్‌నినోతో కరువు విలయతాండవం చేస్తుంటే కరువు ప్రాంతంగా ప్రకటించాల్సింది పోయి కుంటిసాకులు చెబుతున్నారని దుయ్యబట్టారు. ప్రస్తుత పరిస్థితుల్లో పాలమూరును కరువు జిల్లాగా ప్రకటించి రైతులను ఆదుకోవాలని డిమాండ్‌ చేశారు. బీఆర్‌ఎస్‌ ఆధ్వర్యంలో తాజా పరిస్థితులపై ప్రభుత్వానికి సలహాలు, సూచనలు ఇస్తామే తప్ప రాజకీయ విమర్శలు చేయడం లేదని పేర్కొన్నారు. కార్యక్రమంలో బీఆర్‌ఎస్‌ మండలాధ్యక్షుడు నర్సింహులు, జెడ్పీటీసీ మాజీ సభ్యుడు రవీందర్‌రెడ్డి, మాజీ ఎంపీపీ శ్రీనివాస్‌, నాగిరెడ్డి తదితరులు పాల్గొన్నారు.

మహబూబ్‌నగర్‌ క్రైం: జిల్లాలో మహిళలు, బాలికల భద్రతకు షీటీం నిరంతరం నిఘా పెడుతుందని, వేధింపులకు గురిచేసిన.. పాల్పడిన వారిపై కఠిన చర్యలు తీసుకుంటామని ఎస్పీ డి.జానకి ఆదివారం ఒక ప్రకటనలో తెలిపారు. అక్టోబర్‌ నెల రోజుల్లో షీటీంకు మొత్తం 20 ఫిర్యాదులు రాగా వాటిలో 9 మందికి కౌన్సిలింగ్‌ ఇవ్వడం జరిగిందని, 10 ఈ–పెట్టీ కేసులు, ఒక ఎఫ్‌ఐఆర్‌ నమోదు చేసినట్లు వెల్లడించారు. అలాగే 16 మందిని వేధింపులకు గురి చేస్తున్న ఆకతాయిలను రెడ్‌హ్యాండెడ్‌గా పట్టుకున్నామన్నారు. జిల్లావ్యాప్తంగా 20 అవగాహన కార్యక్రమాలతోపాటు 50 హాట్‌స్పాట్‌ ప్రాంతాలను సందర్శించినట్లు చెప్పారు. అన్ని రకాల పాఠశాలలు, కళాశాలల్లో ర్యాగింగ్‌, ఈవ్‌టీజింగ్‌, పోక్సో చట్టం, గుడ్‌ టచ్‌– బ్యాడ్‌ టచ్‌, సోషల్‌ మీడియా వినియోగంపై అవగాహన కార్యక్రమాలు చేపడుతున్నట్లు పేర్కొన్నారు. రేపు సబ్‌ జూనియర్‌ కబడ్డీ జట్టు ఎంపిక మహబూబ్‌నగర్‌ క్రీడలు: నగరంలోని ఇండోర్‌ స్టేడియంలో బుధవారం ఉదయం 9 గంటల నుంచి జిల్లా సబ్‌ జూనియర్‌ బాలుర కబడ్డీ జట్టు ఎంపికలు నిర్వహించనున్నట్లు జిల్లా కబడ్డీ అసోసియేషన్‌ అధ్యక్షుడు శాంతికుమార్‌, ప్రధాన కార్యదర్శి కురుమూర్తిగౌడ్‌ ఆదివారం ఒక ప్రకటనలో తెలిపారు. ఎంపికలకు వచ్చే సబ్‌ జూనియర్‌ బాలురు 13.12.2010 తర్వాత పుట్టినవారై, 60 కిలోల లోపు బరువు ఉండాలని పేర్కొన్నారు. ఆధార్‌కార్డు, ఎస్సెస్సీ మెమో, జనన ధ్రువీకరణ పత్రంతో ఎంపికలకు హాజరుకావాలని కోరారు. ఎంపికయ్యే జిల్లా జట్టు వికారాబాద్‌ జిల్లా ఎన్నపల్లి సాకేత్‌నగర్‌లో ఈ నెల 12 నుంచి 14 వరకు జరిగే రాష్ట్రస్థాయి కబడ్డీ పోటీల్లో పాల్గొంటారని చెప్పారు. రాష్ట్రస్థాయి పోటీల్లో చాంపియన్‌గా నిలవాలి మహబూబ్‌నగర్‌ క్రీడలు: రాష్ట్రస్థాయి స్కూల్‌ గేమ్స్‌ ఫెడరేషన్‌ క్రీడాపోటీల్లో జిల్లా జట్లు మెరుగైన ప్రతిభ కనబరిచి చాంపియన్లుగా నిలవాలని జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ అన్నారు. జిల్లాకేంద్రంలోని మెయిన్‌ స్టేడియంలో ఆదివారం అండర్‌–19 విభాగం ఉమ్మడి జిల్లాస్థాయి బాల, బాలికల హ్యాండ్‌బాల్‌ ఎంపికలు నిర్వహించారు. ఈ సందర్భంగా వేణుగోపాల్‌ క్రీడాకారులను పరిచయం చేసుకొని మాట్లాడుతూ సమష్టిగా ఆడితే విజయం సాధించవచ్చన్నారు. ఉమ్మడి జిల్లా క్రీడాకారులు రాష్ట్ర, జాతీయస్థాయికి ఎదగాలని ఆకాంక్షించారు. కార్యక్రమంలో ఎండీ జియావుద్దీన్‌, బాలరాజు, రాంమోహన్‌, ప్రదీప్‌కుమార్‌, అహ్మద్‌ హుస్సేన్‌, అర్చన, నర్సింహులు పాల్గొన్నారు. ఆర్చరీ పోటీలకు ఎంపిక మహబూబ్‌నగర్‌ ఎడ్యుకేషన్‌: పీయూలో ఆర్చరీ విభాగం సౌత్‌జోన్‌ ఇంటర్‌ యూనివర్సిటీ పోటీలకు ఆదివారం ఎంపికలను నిర్వహించారు. ఇందులో ఆరుగురు విద్యార్థులు ఎంపికవగా.. వీసీ శ్రీనివాస్‌ బహుమతులను అందజేశారు. ఇక్కడ ఎంపికై న వారు డిసెంబర్‌లో కర్ణాటకలోని మంగళూరు యూనివర్సిటీలో జరిగే పోటీల్లో పాల్గొననున్నారు. కార్యక్రమంలో పీడీ శ్రీనివాస్‌ తదితరులు పాల్గొన్నారు. ‘ఓటు బచావో’ ర్యాలీలో పాలమూరు నేతలు మహబూబ్‌నగర్‌ మున్సిపాలిటీ: కాంగ్రెస్‌ పార్టీ ఆద్వర్యంలో ‘ఓటు బచావో.. దేశ్‌ బచావో’ పేరిట ఢిల్లీలో ఆదివారం నిర్వహించిన భారీ ర్యాలీలో జిల్లాకు చెందిన కాంగ్రెస్‌ పార్టీ నాయకులు అధిక సంఖ్యలో పాల్గొన్నారు. ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి, దేవరకద్ర ఎమ్మెల్యే జి.మధుసూదన్‌రెడ్డి, రాష్ట్ర మైనారిటీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌, డీసీసీ అధ్యక్షుడు సంజీవ్‌ ముదిరాజ్‌, టీపీసీసీ ప్రధాన కార్యదర్శి ఏపీ మిథున్‌రెడ్డి, అధికార ప్రతినిధి జహీర్‌అక్తర్‌, ముడా చైర్మన్‌ కె.లక్ష్మణ్‌ యాదవ్‌, మున్సిపల్‌ మాజీ చైర్మన్‌ ఆనంద్‌కుమార్‌గౌడ్‌ తదితరులున్నారు.

● క్రిటికల్‌ కేర్‌ యూనిట్‌ స్థల ఎంపికపై మాజీ ఎమ్మెల్యే అభ్యంతరం ● తాజా, మాజీల మధ్య తీవ్రస్థాయిలో మాటల యుద్ధం ● వాస్తు గండమా.. వరద ముప్పా.. రాజకీయ విమర్శలా.. అర్థం కాని పరిస్థితి వివాదాస్పదంగా మారిన జడ్చర్లలోని వంద పడకల ప్రభుత్వ ఆస్పత్రి ఇదే.. జడ్చర్ల: ప్రజలకు మెరుగైన వైద్యసేవలు అందించాల్సిన ప్రభుత్వ ఆస్పత్రి రాజకీయ వివాదాలకు వేదికగా మారింది. ఇందుకు వాస్తు గండమా.. వరద ముప్పా.. రాజకీయ విమర్శలా.. అన్న అంశాలపై సాగుతున్న చర్చలు ప్రజలను తీవ్ర గందరగోళానికి గురిచేస్తున్నాయి. ఒకవైపు విమర్శలు, ప్రతి విమర్శలు కొనసాగుతుండగా.. మరోవైపు ఆస్పత్రిలో మెరుగైన వైద్యం చేయించుకోవాల్సిన సామాన్య ప్రజలు మాత్రం ఏం జరుగుతుందో అర్థం కాక సందిగ్ధంలో పడుతున్నారు. దీంతో జడ్చర్ల ఏరియా ఆస్పత్రి వ్యవహారం చర్చనీయాంశంగా మారింది. కీలకమైన విభాగం.. క్రిటికల్‌ కేర్‌ యూనిట్‌ అనేది అత్యవసర పరిస్థితుల్లో ప్రాణాపాయ స్థితిలో ఉన్న రోగులకు తక్షణ వైద్య సేవలు అందించేందుకు ఉద్దేశించిన అత్యంత కీలకమైన విభాగం. అలాంటి విభాగం నిర్మాణంలో స్థల ఎంపిక, అత్యవసర వాహనాల రాకపోకలు, రోగులను తరలించే సౌలభ్యం, ఆక్సిజన్‌ సరఫరా, వైద్య పరికరాల ఏర్పాటు, భద్రత వంటి అంశాలకు ప్రాధాన్యం ఇవ్వాల్సి ఉంటుంది. అయితే ఇంత ముఖ్యమైన విభాగం నిర్మాణం వాస్తు వివాదంతో ముడిపడడంతో ప్రజల్లో సందేహాలు వ్యక్తమవుతున్నాయి. లోతట్టు ప్రాంతం, వరద ముప్పు వంటి ఆరోపణలను ఎందుకు పరిగణలోకి తీసుకోలేదన్నది ఒక ప్రశ్న కాగా.. ప్రస్తుతం నిర్మిస్తున్న క్రిటికల్‌ కేర్‌ యూనిట్‌ స్థలాన్ని మార్చాల్సిన అవసరం ఉందా.. అన్నది మరో ప్రశ్నగా మారింది. వంద పడకల ఆస్పత్రికి వరద ముప్పు ఎంతమాత్రం లేదు. భవనానికి ఉత్తర దిశగా వాస్తు ప్రకారంగా ఖాళీ స్థలం ఉండాలి. కానీ, అక్కడ క్రిటికల్‌ కేర్‌ యూనిట్‌ నిర్మాణం చేపట్టడంతో వాస్తు గండం ఏర్పడింది. భవిష్యత్‌లో మార్చురీని తొలగించి మరో చోట నిర్మించి ఖాళీ స్థలంగా ఉంచితే వాస్తు కుదురుతుంది. క్రిటికల్‌ కేర్‌ యూనిట్‌ను ఆ పక్కనే ఉన్న అసైన్‌ భూమిలో నిర్మించి ఉంటే బాగుండేది. – లక్ష్మారెడ్డి, మాజీ ఎమ్మెల్యే, జడ్చర్ల వంద పడకల ఆస్పత్రిని గుంతలో నిర్మించి వాస్తు లేకుండా చేశారు. క్రిటికల్‌ కేర్‌ యూనిట్‌ను ఆస్పత్రికి అనుసంధానంగానే నిర్మించాలన్న నిబంధనల మేరకే అక్కడ నిర్మిస్తున్నాం. దూరంగా మరో చోట నిర్మించడానికి నిబంధనలు అడ్డంకిగా మారాయి. – అనిరుధ్‌రెడ్డి, ఎమ్మెల్యే, జడ్చర్ల

గడ్డు కాలం..! ● వరి కోతల వేళ పెరుగుతున్న ఎండుగడ్డి ధరలు ● రానున్న వేసవిలో పశుగ్రాసం కొరత ● పాల దిగుబడిపైనా ప్రభావం చూపే అవకాశం ● ముందస్తు కార్యాచరణతో పశుసంవర్ధక శాఖ –8లో uనాకు ఏడు ఆవులు, ఐదు గేదెలు ఉన్నాయి. ఎల్‌నినో ప్రభావంతో వర్షాలు లేక సహజంగా లభించే పశుగ్రాసం దొరకడం లేదు. గతంలో వరి గడ్డి కట్ట రవాణా ఖర్చులతో కలిపి రూ.50–60కు లభించేది. ఇప్పుడు అదే కట్టకు రూ.130 చెల్లించాల్సి వస్తోంది. గడ్డి కొరతకు తోడు దాణా ఖర్చులు పెరగడంతో పాడి పరిశ్రమ నిర్వహణ కష్టమవుతోంది. ప్రభుత్వం పశుసంవర్ధకశాఖ ఆధ్వర్యంలో పాడి రైతులకు సబ్సిడీపై పశుదాణా పంపిణీ చేసి, పశుగ్రాసం అందుబాటులోకి తీసుకురావాలి. – అస్గర్‌అలీ, పాడి రైతు, నవాబుపేట మండలం వర్షాలు లేక భూమిపై పచ్చిగడ్డి కనిపించడం లేదు. నేను సాగు చేసిన నాలుగు ఎకరాల్లో నీళ్లు లేక వరి ఎండిపోయింది. నాకు ఐదు గేదెలు ఉన్నాయి. గతంలో ఉదయం, సాయంత్రం కలిపి 14 లీటర్ల పాలు వచ్చేవి. పచ్చిగడ్డి తిన్నప్పుడు గేదెలు ఎక్కువ పాలు ఇస్తాయి. సంక్రాంతి తర్వాత ఎండుగడ్డితోనే మేపుతాం. కానీ, ఈసారి వర్షాలు లేక ఇప్పటి నుంచే ఎండుగడ్డిపై ఆధారపడాల్సి వస్తోంది. దీంతో పాల దిగుబడి కూడా తగ్గిపోయింది. మున్ముందు పశువులకు మేత ఎలా సమకూర్చాలో అర్థం కావడం లేదు. – వెంకట్రాములు, పాడిరైతు, వేపూర్‌ గ్రామం, హన్వాడ మండలం జిల్లాలో కరువు పరిస్థితుల నేపథ్యంలో పశువులకు ఎలాంటి ఇబ్బందులు తలెత్తకుండా ప్రత్యేక కార్యాచరణ ప్రణాళిక రూపొందించాం. జిల్లాలో పశుగ్రాసం 3.33 లక్షల మె.ట., అవసరం కాగా.. ప్రస్తుతం 3.45 లక్షల మె.ట., లభ్యత ఉంది. పశుగ్రాసం కొరత ఏర్పడకుండా రైతులకు సబ్సిడీపై విత్తనాల పంపిణీ, పంట అవశేషాల సంరక్షణ, వ్యక్తిగత పశుగ్రాసం ఏర్పాటును ప్రోత్సహిస్తున్నాం. పశువులకు తాగునీటి సౌకర్యం కల్పించేందుకు నీటి తొట్టెల మరమ్మతు, అవసరమైన చోట కొత్త తొట్టెల ఏర్పాటుకు చర్యలు తీసుకుంటున్నాం. వ్యాధుల నివారణకు టీకాలు, నులిపురుగుల నివారణ కార్యక్రమాలు చేపడుతున్నాం. – శివానందస్వామి, జిల్లా పశుసంవర్ధక శాఖ అధికారి ఎన్‌నినో ఎఫెక్ట్‌తో పాడి రైతులకు కొత్త కష్టాలు మహబూబ్‌నగర్‌ (వ్యవసాయం): వానలు లేక పంటలు ఎండిపోతున్నాయి.. పశువులకు మేత కరువయ్యే పరిస్థితులు కనిపిస్తున్నాయి. ఎల్‌నినో ప్రభావంతో నెలకొన్న వాతావరణ పరిస్థితులు పాడి రైతులను ఆందోళనకు గురిచేస్తున్నాయి. సాధారణంగా వరి కోతల సమయంలో అందుబాటులోకి వచ్చే గడ్డి పశువులకు ప్రధాన ఆహారంగా ఉపయోగపడుతుంది. అయితే ఈసారి కరువు పరిస్థితులు, పంటల దిగుబడిపై అనిశ్చితి నేపథ్యంలో పశుగ్రాసం లభ్యత, ధరలపై రైతులు ఆందోళన చెందుతున్నారు. మరోవైపు రానున్న యాసంగి సీజన్‌లో మేత కొరత తీవ్రతరం కావచ్చని అంచనాలతో పశుసంవర్ధకశాఖ ముందస్తు చర్యలకు ఉపక్రమించింది. పశువులకు మేత, తాగునీరు అందించడంతోపాటు పాల ఉత్పత్తిపై వాతావరణ ప్రభావాన్ని ఎదుర్కొనేందుకు ప్రణాళికలు రూపొందిస్తుంది. పశువులకు తగినంత పోషకాహారం, స్వచ్ఛమైన తాగునీరు అందకపోతే పాల ఉత్పత్తిపై ప్రభావం పడుతుంది. చలికాలంలోనూ సాధరణానికి మించి ఉష్ణోగ్రతలు నమోదైతే పశువులపై వేడి ఒత్తిడి పెరిగే అవకాశం ఉంది. దీంతో పాల దిగుబడి తగ్గడం వంటి సమస్యలు తలెత్తవచ్చు. అయితే జిల్లాలో ప్రస్తుతం పాల దిగుబడిపై ఎంతమేర ప్రభా వం పడిందన్న దానికి నిర్దిష్ట గణాంకాలు అందుబాటులో లేవు. వాతావరణ పరిస్థితులు, పశువుల ఆరోగ్యం, మేత నాణ్యతను బట్టి ప్రభావం మారుతుంది. పాడి రైతులు ముందస్తుగా పశుగ్రాసాన్ని నిల్వ చేసుకోవడం, పశువులకు నిరంతరం నీరు అందించడం, నీడ కల్పించడం అవసరం. పాడి పశువుల పోషణలో వరి గడ్డి కీలక పాత్ర పోషిస్తుంది. కోతల అనంతరం పొలాల్లో లభించే గడ్డిని రైతులు నిల్వ చేసుకుని ఏడాది పొడవునా వినియోగిస్తుంటారు. గతంలో సొంత పొలాల్లో పండిన వరి నుంచి గడ్డిని సేకరించి పశువులకు మేతగా ఉపయోగించేవారు. అవసరమైనప్పుడు ఇతర రైతుల నుంచి కొనుగోలు చేసేవారు. ప్రస్తుతం మేత అవసరాలు పెరగడం, రవాణా ఖర్చులు తోడవడంతో గడ్డి కొనుగోలు పాడి రైతులకు భారంగా మారుతోంది. ఈసారి కోతల సమయంలోనూ గడ్డి ధరలు ఏ మేరకు ఉంటాయన్నది కీలకంగా మారింది. దిగుబడులు తగ్గితే అందుబాటులోకి వచ్చే గడ్డి పరిణామం తగ్గి ధరలు మరింత పెరిగే అవకాశం ఉందన్న ఆందోళన వ్యక్తమవుతోంది. పశుగ్రాస కొరతను నివారించేందుకు వ్యక్తిగత పశుగ్రాస ప్లాట్ల ఏర్పాటు, పంట అవశేషాల సంరక్షణ, సబ్సిడీపై పశుగ్రాస విత్తనాల పంపిణీకి శాఖ ప్రణాళికలు రూపొందించింది. పశువులకు తాగునీరు అందించేందుకు నీటి తొట్టెల మరమ్మతు, అవసరమైన చోట కొత్త తొట్టెల ఏర్పాటుపైనా దృష్టి సారించింది. వ్యాధుల పర్యవేక్షణ, టీకాలు నులిపురుగుల నివారణ, అత్యవసర పశువైద్య శిబిరాల నిర్వహణకు చర్యలు చేపడుతోంది. పశుగ్రాస నిల్వలు, ధరల పరిస్థితిని ఎప్పటికప్పుడు పర్యవేక్షిస్తూ.. రైతులకు అవసరమైన సూచనలు అందిస్తే కరువు ప్రభావాన్ని కొంతవరకు తగ్గించే వీలుంది. జిల్లాలో పశుసంపద ఇలా.. గోజాతి 89,500 గేదె జాతి 79,102

జడ్చర్ల: అరకొర కొర్రీలు పెట్టి తప్పించుకునే విధంగా మాట్లాడొద్దని మాజీ మంత్రి లక్ష్మారెడ్డికి ఎమ్మెల్యే అనిరుధ్‌రెడ్డి సూచించారు. శనివారం మీడియా సమావేశంలో మాజీ మంత్రి లక్ష్మారెడ్డి మాట్లాడిన తర్వాత ఎమ్మెల్యే అనిరుధ్‌రెడ్డి వీడియో సందేశాన్ని విడుదల చేశారు. ముందుగా రూ.25 కోట్లు డీడీ తీసి సీఎంకు లేఖ రాయాలని సూచించారు. ఒరిజనల్‌ డీడీ మీ వద్దనే ఉంచుకుని.. తమకు జిరాక్స్‌ ఇస్తే చాలన్నారు. జీఓ వచ్చిన తర్వాతనే ఒరిజనల్‌ డీడీ ద్వారా ఆస్పత్రి నిర్మాణం చేయవచ్చన్నారు. ఇక తన భార్య పేరున కొనుగోలు చేసిన భూమిపై కూడా లక్ష్మారెడ్డి కన్ను పడిందన్నారు. లోన్‌ తీసుకుని పక్కాగా పట్టా భూమిని కొనుగోలు చేశామన్నారు. ఎమ్మెల్యేగా ఉన్న కాలంలో చేసిన భూదందాలు చాలవా అంటూ ప్రశ్నించారు. తనకు టికెట్‌ రాని ఒత్తిడిలో బీఆర్‌ఎస్‌ అభ్యర్థిగా ఉన్న లక్ష్మారెడ్డిని తాను కలిసిన మాట వాస్తవమేనని.. తర్వాత మల్లురవి తన వద్దకు వచ్చి నచ్చజెప్పడంతో మనసు మార్చుకుని మల్లురవి గెలుపునకు కృషి చేశామన్నారు. ఇటీవల ఎంపీ ఎన్నికల్లో బీఆర్‌ఎస్‌ అభ్యర్థి మన్నె శ్రీనివాస్‌రెడ్డి గెలుపునకు కృషి చేయకుండా బీజేపీ అభ్యర్థి గెలుపునకు పని చేశారా లేదా అని మాజీ మంత్రిని ప్రశ్నించారు. తనకు 2014లో జెడ్పీటీసీ, జెడ్పీ చైర్మన్‌ పదువులు ఇస్తామని ఆఫర్‌ ఇచ్చినా.. తాను బీఆర్‌ఎస్‌లో చేరలేదన్నారు. ● కొర్రీలు పెట్టి తప్పించుకోవద్దంటూ హితవు ● ఒరిజినల్‌ డీడీ మీ వద్దే ఉంచుకుని జిరాక్స్‌ ఇస్తే చాలు.. ● మాజీ మంత్రి లక్ష్మారెడ్డికి ఎమ్మెల్యే అనిరుధ్‌రెడ్డి సూచన ● నిన్ను కలిసిన మాట వాస్తవమే.. కానీ మల్లు రవి గెలుపు కోసమే కృషి చేశా

నాగర్‌కర్నూల్‌: వ్యవసాయ పనుల కోసం పొలా నికి వెళ్లిన రైతు పాముకాటుకు గురై మృతి చెందాడు. ఇంటికి పెద్దదిక్కుగా ఉన్న వ్యక్తి ఆకస్మికంగా దూరం కావడంతో భార్య, ముగ్గురు కుమార్తెలు దిక్కుతోచని స్థితిలో పడిపోయారు. ఈ విషాద ఘటన మండలంలోని పెద్దముద్దనూరు గ్రామంలో శనివారం సాయంత్రం చోటుచేసుకుంది. గ్రామానికి చెందిన కొంకల కృష్ణయ్య (42) తన సొంత పొలంలో నీరు పారిస్తుండగా పాము కాటుకు గురయ్యాడు. కుటుంబ సభ్యులు వెంటనే అతడిని నాగర్‌కర్నూల్‌ జిల్లా కేంద్రంలోని ఆస్పత్రికి తరలించారు. పరిస్థితి విషమంగా ఉండటంతో వైద్యుల సూచన మేరకు మహబూబ్‌నగర్‌ ఆస్పత్రికి తీసుకెళ్లారు. అక్కడ పరీక్షించిన వైద్యులు అప్పటికే మృతి చెందినట్లు నిర్ధారించారు. కుటుంబానికి అండగా నిలిచిన కృష్ణయ్య మృతితో భార్య, ముగ్గురు కుమార్తెలు కన్నీరుమున్నీరయ్యారు. ఈ ఘటనతో పెద్దముద్దనూరు గ్రామంలో విషాదఛాయలు అలుముకున్నాయి. పోలీసులు కేసు నమోదు చేసి దర్యాప్తు చేస్తున్నారు.

సాక్షి మ్యాథ్స్‌ బి పోటీల్లో పాల్గొనటం చాలా ఆనందంగా ఉంది. ఈ పోటీ ద్వారా గణితంపై ఆసక్తి పెరగడంతోపాటు లెక్కలను వేగంగా, కచ్చితంగా చేయటం నేర్చుకున్నాం. ఇలాంటి పోటీల్లో పాల్గొనేలా చేసినందుకు యాజమాన్యానికి కృతజ్ఞతలు. – వీరా, 1వ తరగతి, మౌంట్‌బాసిల్‌ స్కూల్‌. ఆలోచన శక్తి మ్యాథ్స్‌ బి పోటీతో మా తార్కి ఆలోచనా శక్తి (లాజికల్‌ థింకింగ్‌) మెరుగుపడింది. అలాగే సమస్యలను పరిష్కరించే నైపుణ్యం తెలిసి వచ్చింది. గణితం అంటే భయం కాకుండా ఆసక్తి కలిగించే విషయమని తెలుసుకున్నాం. – శ్రావణి, 7వ తరగతి, మౌంట్‌బాసిల్‌ స్కూల్‌. ఆత్మవిశ్వాసం పెరిగింది సాక్షి మ్యాథ్స్‌ బి పోటీల్లో పాల్గొనడం వల్ల ఆత్మవిశ్వాసం పెరిగింది. ఇలాంటి పోటీ లు మాలో చదువుపై మరింత శ్రద్ధ పెంపొందిస్తుందనటంలో నిస్సందేహం. మ్యాథ్స్‌ బి లో పాల్గొనేందుకు అవకాశం కల్పించిన పాఠశాల, సాక్షి యాజమాన్యానికి కృతజ్ఞతలు. – తరుణ్‌, 3వ దీక్ష, మౌంట్‌బాసిల్‌.

మహమ్మదాబాద్‌: రోడ్డు ప్రమాదంలో తలకు తీవ్రగాయాలపాలై ఆస్పత్రిలో మృత్యువుతో పోరాడుతూ నెలరోజుల తర్వాత ఏఆర్‌ కానిస్టేబుల్‌ ప్రాణాలు కోల్పోయాడు. మండలంలోని నంచర్లకు చెందిన గడ్డమీది రమేష్‌(25) పోలీసు శాఖలో ఏఆర్‌ కానిస్టేబుల్‌గా పనిచేస్తున్నాడు. గతనెలలో గణేశ్‌ నిమ్జనంలో భాగంగా ఆయన మహబూబ్‌నగర్‌లో విధులు నిర్వహించాడు. అనంతరం ఉదయం తిరిగి బైకుపై వస్తుండగా ప్రమాదవశాత్తు పిల్లిగుండు వద్ద బొలేరో ఢీకొన్నది. అక్కడే తలకు తీవ్ర గాయాలపాలై అపస్మారక స్థితిలో ఆస్పత్రిలో చేర్చారు. రూ.30లక్షలు ఖర్చు చేసినా ఫలితం లేకపోయింది. చివరకు మృత్యువుతో పోరాడుతూ శనివారం ఉదయం మృతిచెందాడు. ఉద్యోగం చేసి కుటుంబాన్ని ఆదుకునే కుమారుడు మృతిచెందిన వార్త తట్టుకోలేక తల్లి రోధదనలు మిన్నంటాయి. దీంతో నంచర్లలో విషాదఛాయలు అలుముకున్నాయి.

పాలమూరు: గ్రామాల్లో ఉన్న ప్రతి ఒక్కరికి చట్టాలపై న్యాయ అవగాహన పెరగాల్సిన అవసరం ఉందని జిల్లా న్యాయ సేవా అధికార సంస్థ కార్యదర్శి డి.ఇందిర అన్నారు. కోయిలకొండ మండలం అయ్యవారిపల్లిలో నెల రోజులుగా నిర్వహిస్తున్న నాల్సా పథకాల మెగా డ్రైవ్‌ శనివారం ముగిసింది. ఈ సందర్భంగా న్యాయమూర్తి నెల రోజులుగా న్యాయ సేవా అధికార సంస్థ చేసిన కార్యక్రమాలను వివరించారు. ప్రభుత్వ సంక్షేమ పథకాలు అర్హులైన ప్రతి ఒక్కరికి అందేలా కృషి చేయాలన్నారు. ప్రజలు తమ సమస్యల పరిష్కారం కోసం న్యాయ సేవా అధికార సంస్థ అందిస్తున్న ఉచిత న్యాయ సేవలను సద్వినియోగం చేసుకోవాలన్నారు. ఆ తర్వాత అర్హులైన వారికి కార్మికశాఖ కార్డులు, మెగా డ్రైవ్‌లో పాల్గొన్న పారా లీగల్‌ వలంటీర్లకు సర్టిఫికెట్స్‌ అందించారు. కార్యక్రమంలో డీడబ్ల్యూఓ జరీనాబేగం, ఎంపీడీఓ ధనుంజయ్‌గౌడ్‌, తహసీల్దార్‌ దీపక్‌రావు, ఎస్‌ఐ నాగరాజు పాల్గొన్నారు. పోలీసులు, ప్రాసిక్యూషన్‌ సమన్వయంతో పనిచేయాలి : ఎస్పీ మహబూబ్‌నగర్‌ క్రైం: కోర్టుల్లో కేసుల సత్వర పరిష్కారంతో పాటు నేర నిరూపణ జరిగేలా పోలీసులు, ప్రాసిక్యూషన్‌ అధికారులు సమన్వయంతో పనిచేయాలని ఎస్పీ డి.జానకి సూచించారు. శనివారం జిల్లా పోలీసు కార్యాలయంలో కోర్టు డ్యూటీ, లైజన్‌ అధికారులతో సమీక్ష నిర్వహించారు. పెండింగ్‌ కేసుల పరిష్కారం, సాక్షుల హాజరు, పటిష్టమైన సాక్ష్యాధారాల సమర్పణపై దృష్టి పెట్టాలన్నారు. ప్రతి కేసు పురోగతి, తదుపరి విచారణ తేదీ, సమన్లు, వారెంట్ల అమలును నిరంతరం పర్యవేక్షించాలని ఆదేశించారు. సాక్షులు, దర్యాప్తు అధికారులు సకాలంలో కోర్టులకు హాజరయ్యేలా చర్యలు తీసుకోవాలన్నారు. పోక్సో, మహిళలకు సంబంధించిన కేసులు, తీవ్రమైన నేరాల విచారణలో ప్రత్యేక శ్రద్ధ చూపాలని సూచించారు. నాణ్యమైన దర్యాప్తు, పటిష్టమైన ఆధారాలతో నేరస్తులకు చట్టప్రకారం శిక్షలు పడేలా పనిచేయాలని స్పష్టం చేశారు. సమావేశంలో డీసీఆర్‌బీ డీఎస్పీ రమణారెడ్డి, కోర్టు డ్యూటీ అధికారులు పాల్గొన్నారు. పత్తి క్వింటా రూ.9,019 జడ్చర్ల/దేవరకద్ర: బాదేపల్లి వ్యవసాయ మార్కెట్‌లో శనివారం పత్తి క్వింటా గరిష్టంగా రూ.9,019, కనిష్టంగా రూ.8,579 ధర పలికింది. ధాన్యం ఆర్‌ఎన్‌ఆర్‌ రకం గరిష్టంగా రూ.3,689, కనిష్టంగా రూ.2,865, మొక్కజొన్న గరిష్టంగా రూ.3,257, కనిష్టంగా రూ.1,851, ఆముదాలు రూ.7,889 ధరలు లభించాయి.అలాగే దేవరకద్ర మార్కెట్‌లో ఆర్‌ఎన్‌ఆర్‌ ధాన్యం గరిష్టంగా రూ.3,551, కనిష్టంగా రూ.2,500, కేఎన్‌ఎమ్‌ ధాన్యం ధర గరిష్టంగా రూ.3,319, కనిష్టంగా రూ. 2,750 గా ధరలు లభించాయి. మార్కెట్‌కు దాదాపు 4 వేల బస్తాల ధాన్యం అమ్మకానికి వచ్చింది.

జెడ్పీ సెంటర్‌ (మహబూబ్‌నగర్‌): బస్సు కోసం నిరీక్షణ.. ఆటో కోసం వెతుకులాట.. వెళ్లాల్సిన చోటుకు చేరుకునే వరకు తిప్పలు.. ఒకప్పుడు పట్టణ ప్రయాణాల్లో ఇవి సాధారణం. ఇప్పుడా పరిస్థితి మారుతోంది. చేతిలో స్మార్ట్‌ఫోన్‌ ఉంటే చాలు.. రాపిడో యాప్‌లో బైక్‌ లేదా ఆటో బుక్‌ చేసుకుంటే వాహనం మన దగ్గరికే వస్తుంది. తక్కువ సమయంలో గమ్యస్థానానికి చేరుకునే వెసులుబాటు కల్పిస్తోంది. మహబూబ్‌నగర్‌తో పాటు జడ్చర్ల, భూత్పూర్‌ మున్సిపాలిటీల్లోనూ ఈ సేవలు అందుబాటులోకి రావడంతో ప్రయాణికులకు సౌకర్యం కలుగుతోంది. మరోవైపు యువతకు ఉపాధి అవకాశాలు లభిస్తున్నాయి. యాప్‌లో బుకింగ్‌.. సులువుగా ప్రయాణం ప్రయాణికులు ముందుగా తమ సెల్‌ఫోన్‌లోని ప్లే స్టోర్‌ నుంచి రాపిడో యాప్‌ను డౌన్‌లోడ్‌ చేసుకోవాలి. అవసరమైన వివరాలు నమోదు చేసి, వెళ్లాల్సిన ప్రాంతాన్ని ఎంచుకుంటే ప్రయాణ చార్జీ, వాహనం చేరుకునే అంచనా సమయం కనిపిస్తాయి. చార్జీకి అంగీకరించి బుకింగ్‌ చేస్తే సమీపంలోని రైడర్‌ వచ్చి పికప్‌ చేసుకుంటారు. దీంతో తక్కువ దూరాలకు వెళ్లేవారికి, అత్యవసర పనులపై బయటకు వెళ్లేవారికి ఈ సేవలు ఉపయోగపడుతున్నాయి. 400కు పైగా బైక్‌లు.. వందల సంఖ్యలో ఆటోలు మహబూబ్‌నగర్‌ నగరంలో రాపిడోకు చెందిన 400కు పైగా బైక్‌లు ఉండగా, వాటిలో సుమారు 260 క్రియాశీలంగా నడుస్తున్నట్లు సమాచారం. వీటితో పాటు 365 ఆటోలు సేవలందిస్తున్నాయి. మహబూబ్‌నగర్‌ నుంచి జడ్చర్ల పట్టణంతో పాటు చుట్టుపక్కల గ్రామాల వరకు, పీయూ నుంచి అప్పన్నపల్లి వరకు, క్రిస్టియన్‌పల్లి నుంచి వీరన్నపేట, భూత్పూర్‌ పట్టణం వరకు రాపిడో సేవలు అందుబాటులో ఉన్నాయి. ప్రయాణికుల నుంచి డిమాండ్‌ పెరిగితే మరిన్ని ప్రాంతాలకు విస్తరించే అవకాశం ఉంది. భద్రతకు హెల్మెట్లు ప్రయాణికులను చేరవేసే క్రమంలో రైడర్లు నిరంతరం రద్దీ రహదారులపై తిరుగుతుంటారు. ఈ నేపథ్యంలో వారి భద్రతకు ప్రాధాన్యం ఇవ్వాల్సిన అవసరం ఉంది. ఇటీవల జడ్చర్లలో రాపిడో రైడర్లకు ఎస్పీ జానకి హెల్మెట్లు పంపిణీ చేశారు. రవాణా సౌకర్యాన్ని పెంచడంతో పాటు రహదారి భద్రతా నిబంధనలు పాటించడం కూడా కీలకమని ఈ కార్యక్రమం గుర్తుచేస్తోంది. రోజుకు 40–50 రైడ్లు.. నా సొంత బైక్‌ను రాపిడో యాప్‌లో నమోదు చేసుకుని మహబూబ్‌నగర్‌లో రైడర్‌గా పనిచేస్తున్నాను. రోజూ 40 నుంచి 50 రైడ్లు వస్తుంటాయి. వీటి ద్వారా రోజుకు సుమారు రూ.వెయ్యి వరకు సంపాదిస్తున్నాను. ఈ ఆదాయంతోనే నా కుటుంబాన్ని పోషించుకుంటున్నాను. అయితే నగరంలో రాపిడో సేవలు అందుబాటులో ఉన్నప్పటికీ చాలామందికి వీటి గురించి తెలియదు. దీంతో రైడ్లు ఆశించిన స్థాయిలో రావడం లేదు. మరింతమందికి ఈ సేవలపై అవగాహన కల్పిస్తే మాకు ఉపాధి పెరుగుతుంది. – ఎండీ ఫయాజ్‌, రాపిడో రైడర్‌ రాపిడోతో ఉపాధి దొరికింది గతంలో వివిధ వ్యాపారాలు చేసి చాలా నష్టపోయాను. చివరకు రాపిడో రూపంలో నాకు ఉపాధి లభించింది. ప్రతిరోజూ ఉదయం 6 గంటల నుంచి రైడింగ్‌ ప్రారంభిస్తాను. రోజుకు సుమారు 20 రైడ్లు వస్తుంటాయి. వాటి ద్వారా వచ్చే ఆదాయంతో నా కుటుంబాన్ని పోషించుకుంటున్నాను. రాపిడో వల్ల సొంత బైక్‌తోనే సంపాదించుకునే అవకాశం లభించింది. నష్టాల నుంచి బయటపడేందుకు ఈ పని నాకు ఎంతో తోడ్పడుతోంది. – శైలేందర్‌సింగ్‌, రాపిడో రైడర్‌ యువతకు అదనపు ఆదాయం రాపిడో సేవలు నిరుద్యోగ యువతకు, ప్రైవేట్‌ సంస్థల్లో పనిచేసేవారికి అదనపు ఆదాయ మార్గంగా మారుతున్నాయి. రాపిడో కెప్టెన్‌ యాప్‌లో నమోదు చేసుకుని, అవసరమైన వాహన పత్రాలు, డ్రైవింగ్‌ లైసెన్స్‌ తదితర వివరాలు సమర్పించి రైడర్‌గా సేవలందించవచ్చు. పార్ట్‌టైమ్‌గా పనిచేస్తూ ఖాళీ సమయాన్ని ఆదాయ వనరుగా మార్చుకునే అవకాశం ఉంది. పూర్తి సమయం పనిచేసే రైడర్లు రోజుకు రూ.700 నుంచి రూ.1,000 వరకు సంపాదించే అవకాశం ఉందని నిర్వాహక వర్గాలు చెబుతున్నాయి. అయితే ఆదాయం రైడ్ల సంఖ్య, పని గంటలు, ఇతర ఖర్చులపై ఆధారపడి ఉంటుంది. నగరం, పట్టణాల్లో బైక్‌, ఆటో ట్యాక్సీ సేవలు ప్రయాణికులకు సౌకర్యం.. యువతకు ఉపాధి మహబూబ్‌నగర్‌, జడ్చర్ల, భూత్పూర్‌లో అందుబాటులోకి సేవలు యాప్‌లో బుక్‌ చేస్తే ఇంటి ముందుకే బైక్‌, ఆటో సమయం, ఖర్చు ఆదా.. గమ్యస్థానానికి సులువుగా చేరుకునే అవకాశం

● ప్రభుత్వ పాఠశాలల్లో ‘ఫౌండేషన్‌ ఆఫ్‌ ఫ్యూచర్‌ రెడీనెస్‌’ కార్యక్రమం ప్రారంభం ● కలెక్టర్‌ ఖుష్బూగుప్తా చేతుల మీదుగా ప్రోగ్రాం ఆవిష్కరణ జెడ్పీసెంటర్‌ (మహబూబ్‌నగర్‌): ప్రభుత్వ పాఠశాలల విద్యార్థులను భవిష్యత్‌ సవాళ్లకు సిద్ధం చేసే లక్ష్యంతో రూపొందించిన ‘ఫౌండేషన్‌ ఆఫ్‌ ఫ్యూచర్‌ రెడీనెస్‌ ప్రోగ్రామ్‌’ను కలెక్టర్‌ ఖుష్బూగుప్తా ప్రారంభించారు. శనివారం కలెక్టరేట్‌లో నిర్వహించిన కార్యక్రమంలో ప్రోగ్రామ్‌కు సంబంధించిన పుస్తకాన్ని ఆవిష్కరించారు. ఈ సందర్భంగా ఆమె మాట్లాడుతూ.. మారుతున్న సాంకేతిక, సామాజిక, ఉద్యోగ రంగాలకు అనుగుణంగా విద్యార్థులను తీర్చిదిద్దాల్సిన అవసరం ఉందన్నారు. కేవలం మార్కులే కాకుండా కమ్యూనికేషన్‌, ఆర్థిక అక్షరాస్యత, సమస్యల పరిష్కారం, విమర్శ నాత్మక ఆలోచన, కెరీర్‌ ప్రణాళిక వంటి నైపుణ్యాలు భవిష్యత్‌లో ఎంతో కీలకమని పేర్కొన్నారు. డీఈఓ విజయకుమారి మాట్లాడుతూ.. ప్రభుత్వ పాఠశాలల విద్యార్థులకు ప్రైవేటు విద్యార్థులతో సమానంగా అవకాశాలు కల్పించేందుకు ఈ కార్యక్రమం దోహదపడుతుందన్నారు. విద్యార్థుల్లోని అంతర్గత ప్రతిభను వెలికితీసేందుకు ఇది వేదికగా నిలుస్తుందని తెలిపారు. నాలుగు విభాగాల్లో శిక్షణ జిల్లాలోని 9 జిల్లా పరిషత్‌ ఉన్నత పాఠశాలలు, 15 కస్తూర్బా గాంధీ బాలికా విద్యాలయాలు, మరో 2 ప్రభుత్వ పాఠశాలలు కలిపి మొత్తం 26 పాఠశాలల్లో కార్యక్రమాన్ని అమలు చేయనున్నారు. ఇందులో నాలుగు ప్రధాన అంశాలకు ప్రాధాన్యం ఇవ్వనున్నారు. ‘యంగ్‌ ఒరేటర్స్‌ క్లబ్‌’ ద్వారా ఆంగ్ల సంభాషణ, వేదికపై ప్రసంగం, భావ వ్యక్తీకరణ; ‘థింక్‌ అండ్‌ మేక్‌’ ద్వారా సృజనాత్మక, విమర్శనాత్మక ఆలోచన, సమస్యల పరిష్కార నైపుణ్యాలను పెంపొందిస్తారు. ‘స్వతః’తో పాటు ‘ఫ్యూచర్‌ డాట్స్‌’ ద్వారా విద్యార్థుల వ్యక్తిగత అభివృద్ధి, 9, 10వ తరగతుల వారికి వృత్తులు, ఉన్నత విద్య, ఉద్యోగ అవకాశాలు, కెరీర్‌ ప్రణాళికపై అవగాహన కల్పించనున్నారు. కార్యక్రమంలో ఏఎంఓ శ్రీనివాస్‌, డీఎస్‌ఓ షంషీర్‌, జీసీడీఓ అస్రా ఖాద్రి, ఎంఈఓ ఉషారాణితో పాటు హెచ్‌ఎంలు, కేజీబీవీ ప్రత్యేక అధికారులు పాల్గొన్నారు.

● ఎకరాకు రూ.25 వేల నష్టపరిహారం చెల్లించాలి ● రైతులను ఆదుకోవాలని మాజీ మంత్రి శ్రీనివాస్‌గౌడ్‌ మహబూబ్‌నగర్‌ రూరల్‌: కరెంట్‌ కోతలతో పంటలు ఎండిపోయి నష్టపోయిన రైతులను ప్రభుత్వం ఆదుకోవాలని మాజీ మంత్రి శ్రీనివాస్‌గౌడ్‌ డిమాండ్‌ చేశారు. శనివారం మండలంలోని మాచన్‌పల్లిలో ఎండిన వరి పొలాలను పరిశీలించి రైతులతో మాట్లాడారు. అప్పులు చేసి సాగు చేసిన రైతులకు పంట చేతికందక తీవ్ర ఇబ్బందులు ఎదురవుతున్నాయని ఆవేదన వ్యక్తం చేశారు. రైతుల కష్టాలకు ప్రభుత్వ నిర్లక్ష్యమే కారణమని విమర్శించారు. పంటలు నష్టపోయిన రైతులకు ఎకరాకు రూ.25 వేల చొప్పున పరిహారం ఇవ్వాలని, మిగిలిన పంటలను కాపాడేందుకు నాణ్యమైన విద్యుత్‌ను నిరంతరాయంగా సరఫరా చేయాలని కోరారు. గతంలో రూ.381 కోట్లతో ట్రాన్స్‌ఫార్మర్లు, విద్యుత్‌ లైన్లు, స్తంభాలు ఏర్పాటు చేసినా ప్రస్తుతం సక్రమంగా విద్యుత్‌ అందడం లేదన్నారు. పశుగ్రాసాన్ని సబ్సిడీపై పంపిణీ చేయడంతో పాటు సాగునీటి వసతులు కల్పించాలని డిమాండ్‌ చేశారు. పాలమూరు ప్రాజెక్టును పూర్తి చేయాలి పాలమూరు–రంగారెడ్డి ఎత్తిపోతల పథకాన్ని పూర్తి చేయకుండా టెండర్లు రద్దు చేశారని శ్రీనివాస్‌గౌడ్‌ ఆరోపించారు. కృష్ణా జలాల వినియోగం, ప్రాజెక్టుల నిర్వహణలో పాలమూరు ప్రాంతానికి అన్యా యం జరుగుతోందన్నారు. చెరువులకు నీళ్లు అంద ని పరిస్థితి నెలకొందని విమర్శించారు. పంటలు వేయవద్దని సూచించిన ప్రభుత్వం రైతులకు రైతుబంధుతో పాటు ప్రత్యామ్నాయ ఉపాధి, ఆర్థిక స హాయం అందించాలని కోరారు. వ్యవసాయ కూలీలకు ఎన్నికల హామీ మేరకు చెల్లించాల్సిన రూ.36 వేల బకాయిలను విడుదల చేయాలని డిమాండ్‌ చేశారు. కార్యక్రమంలో జిల్లా గ్రంథాలయ సంస్థ మాజీ చైర్మన్‌ బి.రాజేశ్వర్‌గౌడ్‌, మార్కెట్‌ కమిటీ మాజీ చైర్మన్‌ ఆంజనేయులు, సర్పంచ్‌ గచ్చుమాలె వెంకటయ్య, బీఆర్‌ఎస్‌ మండల అధ్యక్షుడు మల్లు దేవేందర్‌రెడ్డి తదితరులు పాల్గొన్నారు.

● ‘సాక్షి’ ఆధ్వర్యంలో మౌంట్‌ బాసిల్‌, కేపీఎస్‌ పాఠశాలలో నిర్వహణ ● హాజరైన 133 మంది విద్యార్థులు జడ్చర్ల టౌన్‌/ కొత్తకోట రూరల్‌: ‘సాక్షి’ మీడియా గ్రూప్‌ ఆధ్వర్యంలో నిర్వహిస్తున్న స్పెల్‌ బీ, మ్యాథ్స్‌ బీ, చేతిరాత పోటీలకు విశేష స్పందన లభిస్తుంది. ఈ క్రమంలో శుక్రవారం మహబూబ్‌నగర్‌ జిల్లా జడ్చర్ల సమీపంలోని మౌంట్‌ బాసిల్‌ స్కూల్‌లో 64 మంది, వనపర్తి జిల్లా కొత్తకోటలోని కేపీఎస్‌ పాఠశాలలో 69 మంది కలిపి మొత్తం 134 మంది విద్యార్థులు పరీక్షకు హాజరయ్యారని ఆయా పాఠశాలల యాజమాన్యాలు పేర్కొన్నాయి. విద్యార్థులలో ఆంగ్ల భాషా నైపుణ్యాలను పెంపొందించే లక్ష్యంతో నిర్వహించిన పోటీలకు 1 నుంచి 10వ తరగతి వరకు విద్యార్థులు ఎంతో ఆసక్తిగా, ఉత్సాహంగా పాల్గొని పదాల కూర్పు, ఉచ్ఛారణలో విద్యార్థులు తమలోని ప్రతిభచాటారు. మౌంట్‌బాసిల్‌లో గైడ్‌ ఉపాధ్యాయురాలు సాయి ప్రణీత పర్యవేక్షణలో చైర్మన్‌ చంద్రకళ వెంకటయ్య, డైరెక్టర్లు శిరీష ప్రవీణ్‌, పూజిత మోహన్‌రెడ్డి, సుశాంత్‌ కృష్ణ పర్యవేక్షించారు. ఈ సందర్భంగా విద్యార్థులు పోటీలపై తమ అభిప్రాయాలను వెలిబుచ్చారు.

మల్దకల్‌: రెండు మోటారు సైకిళ్లు ఎదురెదురుగా ఢీకొన్న ప్రమాదంలో ఇద్దరు యువకులు మృతి చెందగా.. మరో ముగ్గురికి తీవ్ర గాయాలైన ఘటన శుక్రవారం మండలంలోని శేషంపల్లి స్టేజీ సమీపంలో చోటు చేసుకుంది. వివరాలు ఇలా.. అయిజ మండలం చిన్నతాండ్రపాడు గ్రామానికి చెందిన మహేష్‌, కిరణ్‌ తమ సొంత పనుల నిమిత్తం బైక్‌పై గద్వాలకు వెళ్లి తిరిగి వస్తున్న క్రమంలో జూపాడుకు చెందిన లోకేష్‌, ఏసన్న, రవికుమార్‌ తాటికుంట స్టేజీ నుంచి నీలిపల్లికి బైక్‌పై వస్తున్న క్రమంలో మోటారుసైకిల్‌ బస్సును ఓవర్‌టేక్‌ చేసి వెళ్లే క్రమంలో రెండు బైక్‌లు ఎదురెదురుగా ఢీకొన్నాయి. ఈ ఘటనలో చిన్నతాండ్రపాడు చెందిన మహేష్‌ (23), కర్నూలు జిల్లా జూపాడుకు చెందిన లోకేష్‌ (25) మృతి చెందారు. అలాగే కిరణ్‌, ఏసన్నలకు తీవ్ర గాయాలు కాగా చికిత్స నిమిత్తం 108లో గద్వాల ప్రభుత్వ ఆస్పత్రికి తీసుకెళ్లగా.. వైద్యుల సూచన మేరకు మెరుగైన వైద్యం కోసం కర్నూలుకు తరలించినట్లు పోలీసులు తెలిపారు. రవికుమార్‌ గద్వాల ఆస్పత్రిలో చికిత్స పొందుతున్నాడు. మహేష్‌కు ఏడు నెలల క్రితమే వివాహమైంది. ప్రమాదంపై కేసు నమోదు చేసి దర్యాప్తు చేస్తున్నట్లు ఎస్‌ఐ శ్రీహరి తెలిపారు. ప్రైవేట్‌ ఉద్యోగి.. జడ్చర్ల: మండలంలోని పోలేపల్లి సమీపంలో ప్రధాన రహదారిపై ఎలక్ట్రిక్‌ స్కూటీని ఎదురుగా వచ్చిన తుఫాన్‌ వాహనం అతివేగంగా ఢీకొట్టగా బైక్‌పై ఉన్న యువకుడు అక్కడికక్కడే మృతి చెందిన ఘటన శుక్రవారం చోటు చేసుకుంది. ఎస్‌ఐ ఖాదర్‌ కథనం మేరకు.. మాచారం గ్రామానికి చెందిన నాయినోళ్ల నరేష్‌గౌడ్‌ (26) పోలేపల్లి గ్రీన్‌ ఇండస్ట్రీయల్‌ పార్కులో గల ఎన్‌ఐఎంఎంఎస్‌ యూనివర్సిటీలో హౌస్‌ కీపింగ్‌గా పనిచేస్తున్నాడు. ప్రతిరోజు లాగానే ఇంటి నుంచి తన స్కూటీపై డ్యూటీకి వెళ్తుండగా ఎదురుగా వచ్చిన తుఫాన్‌ వాహనం ఢీకొట్టగా.. నరేష్‌గౌడ్‌ తీవ్రంగా గాయపడి మృతి చెందాడు. మృతదేహాన్ని పోస్టుమార్టం నిమిత్తం జడ్చర్ల ఏరియా ఆస్పత్రికి తరలించారు. మృతుడి తండ్రి నర్సింహులుగౌడ్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు.

వీపనగండ్ల: భర్త రెండు రోజుల క్రితం గుండెపోటుతో మృతి చెందడంతో తీవ్ర మనస్తాపానికి భార్య మృతి చెందిన విషాదకర ఘటన మండలంలోని పుల్గర్‌చర్లలో చోటుచేసుకుంది. పుల్గర్‌చర్లకు చెందిన చాకలి నిరంజన్‌ బుధవారం గుండెపోటుతో మరణించగా.. గురువారం అంత్యక్రియలు నిర్వహించారు. అదే రాత్రి భార్య కూడా తీవ్ర అనారోగ్యానికి గురికాగా కుటుంబ సభ్యులు కర్నూలు ఆస్పత్రికి తరలించారు. చికిత్స పొందుతూ ఆమె కూడా శుక్రవారం మృతి చెందడంతో గ్రామంలో విషాదఛాయలు అలుముకున్నాయి. మృతురాలికి ఒక కుమారుడు, కుమార్తె ఉన్నారు. బాధిత కుటుంబాన్ని ప్రభుత్వపరంగా ఆదుకోవాలని గ్రామస్తులు విజ్ఞప్తి చేస్తున్నారు. నీటి బకెట్‌లో పడి చిన్నారి మృతి తాడూరు: 15 నెలల చిన్నారి బాత్రూంలోని నీటి బకెట్‌లో పడి మృతి చెందిన విషాద ఘటన నాగర్‌కర్నూల్‌ మండలం ఎండ్లబెట్లలో చోటుచేసుకుంది. గ్రామానికి చెందిన జంగయ్య, శివలీల దంపతుల కుమారుడు లోకేష్‌ (చిన్ను) ఇంటి ముందు ఆడుకుంటూ బాత్రూంలోని బకెట్‌ వద్దకు వెళ్లి ప్రమాదవశాత్తు బకెట్‌లో పడిపోయాడు. కుంటంబ సభ్యులు గమనించి బయటకు తీసి వెంటనే జిల్లా జనరల్‌ ఆస్పత్రిక తరలించగా అప్పటికే మృతి చెందినట్లు వైద్యులు నిర్ధారించారు. అల్లారుముద్దుగా పెంచుకుంటున్న కుమారుడిని కోల్పోయిన తల్లిదండ్రుల రోదనలతో గ్రామంలో విషాదఛాయలు అలుముకున్నాయి.

మహబూబ్‌నగర్‌ ఎడ్యుకేషన్‌: ఫార్మసీ విద్యార్థుల పరిశోధనలకు ప్రాధాన్యత ఇవ్వాలని పీయూ వీసీ శ్రీనివాస్‌ పేర్కొన్నారు. ఫార్మసీ మొదటి సంవత్సరం విద్యార్థులకు ఏర్పాటు చేసిన ఓరియంటేషన్‌ కార్యక్రమానికి ముఖ్య అతిథిగా హాజరైన ఆయన మాట్లాడుతూ.. ఫార్మసీ చదివిన విద్యార్థులకు అనేక ఉద్యోగ, ఉపాధి అవకాశాలు ఉన్నాయని, వాటిని అందిపుచ్చుకోవాలని సూచించారు. కార్యక్రమంలో రిజిస్ట్రార్‌ రమేష్‌బాబు, ప్రొఫెసర్‌ సునీత, ప్రిన్సిపాల్‌ ఈశ్వర్‌కుమార్‌, ప్రభాకర్‌రెడ్డి, తరుణ్‌, సైలస్‌, సోమేశ్వర్‌, చిన్నాదేవి, రవికాంత్‌ పాల్గొన్నారు. క్రీడా పోటీలు ప్రారంభం సౌత్‌జోన్‌ ఇంటర్‌ యూనివర్సిటీ చెస్‌, టెబుల్‌ టెన్సిస్‌ పోటీలకు పీయూలో ఎంపికలు జరిగాయి. ఈమేరకు వీసీ శ్రీనివాస్‌ హాజరై పోటీలను ప్రారంభించారు. ఈ సందర్భంగా ఆయన మాట్లాడుతూ విద్యార్థులు తమ ప్రతిభను కనబర్చి యూనివర్సిటీ గోల్డ్‌మెడల్‌ సాధించాలని ఆకాంక్షించారు. కార్యక్రమంలో రిజిస్ట్రార్‌ రమేష్‌బాబు, పీడీ శ్రీనివాస్‌ తదితరులు పాల్గొన్నారు

ఎర్రవల్లి: యువ ఆపద మిత్రులుగా శిక్షణ పొందుతున్న విద్యార్థులు బాధ్యతాయుతంగా వ్యవహరించి సమాజంలో ప్రాణ రక్షణ చర్యలకు సహకరించాలని పదో పటాలం కమాండెంట్‌ అలెక్స్‌ అన్నారు. శుక్రవారం బీచుపల్లి పదవ బెటాలియన్‌లో స్టేట్‌ డిజాస్టర్‌ రెస్పాన్స్‌ ఫోర్స్‌ (ఎస్‌డీఆర్‌ఎఫ్‌), తెలంగాణ స్పెషల్‌ పోలీస్‌ ఆధ్వర్యంలో యువ ఆపద మిత్ర డిజాస్టర్‌ మేనేజ్‌మెంట్‌ రెండో విడుత శిక్షణ కార్యక్రమం ప్రారంభమైంది. కార్యక్రమానికి ముఖ్య అతిథిగా ఆయన హాజరై శిక్షణ కార్యక్రమాన్ని ప్రారంభించారు. శిక్షణలో ఉమ్మడి మహబూబ్‌నగర్‌ జిల్లా నుంచి ఎన్‌ఎస్‌ఎస్‌, ఎన్‌వైకేఎస్‌ సంస్థలకు చెందిన 103మంది బాలబాలికలకు ఏడు రోజులపాటు విపత్తుల సమయంలో తీసుకోవాల్సిన జాగ్రత్తలు, బాధితులను సురక్షితంగా తరలించే విధానాలు, అత్యవసర పరిస్థితుల్లో సమన్వయంతో పనిచేసే విధివిధానాలపై శిక్షణను అందించనున్నట్లు తెలిపారు. అనంతరం ఆయన మాట్లాడారు. అత్యవసర పరిస్థితులు, ప్రకృతి వైపరిత్యాలు లేదా ఇతర విపత్తులు సంభవించినప్పుడు సంబంధిత అత్యవసర సేవల సిబ్బంది ఘటనా స్థలానికి చేరుకునేలోగా, సమీపంలో ఉన్న యువత తమకు అందుబాటులో ఉన్న వసరులతో బాధితులకు ప్రాథమిక సహాయం అందించడం, ప్రాణాలను రక్షించడం, సురక్షిత ప్రాంతాలకు తరలించడం వంటి చర్యలు చేపట్టేలా యువతను సిద్ధం చేయడమే యువ ఆపదమిత్ర కార్యక్రమం ప్రదాన ఉద్దేశమన్నారు. అనంతరం శిక్షణకు అవసరమైన కిట్లను అందజేశారు. కార్యక్రమంలో అడిషనల్‌ కమాండెంట్‌ ఆదినారాయణ, అసిస్టెంట్‌ కమాండెంట్లు పార్థసారదిరెడ్డి, శ్రీను, ఆర్‌ఐలు శ్రీనివాస్‌, నరసింహరాజు, రాజేశం, తిరుపతి, ఇతర అధికారులు, సిబ్బంది తదితరులు పాల్గొన్నారు.

నాణ్యమైన విద్య.. పీయూ పరిధిలో చదువుతున్న విద్యార్థులకు నాణ్యమైన విద్యను అందించే లక్ష్యతో పనిచేస్తున్నాం. అలాగే విద్యార్థుల చదువులు పూర్తయిన వెంటనే ఉద్యోగాలు సాధించేలా చర్యలు తీసుకుంటన్నాం. అందుకోసం ఇప్పటికే పలు సంస్థలతో ఎంఓయూలు చేసుకున్నాం. శుక్రవారం పాలమూరు బయోటెక్‌ సంస్థను సందర్శించి.. పీయూ విద్యార్థులకు పరిశోధన పరమైన శిక్షణ ఇవ్వాలని కోరాం. తద్వారా విద్యార్థులు ఏ సంస్థకు వెళ్లినా వెంటనే మంచి వేతనంతో సులువుగా ఉద్యోగాలు సాధించేలా తీర్చిదిద్దుతున్నాం. మరో సంస్థ ఆధ్వర్యంలో 100 రోజుల స్కిల్‌ డెవలప్‌మెంట్‌ శిక్షణ ఇస్తున్నాం. – జీఎన్‌ శ్రీనివాస్‌, వీసీ, పీయూ మహబూబ్‌నగర్‌ ఎడ్యుకేషన్‌: పీయూలో ఉన్నత విద్య అభ్యసిస్తున్న విద్యార్థులకు నాణ్యమైన విద్య, ఉపాధి అవకాశాలు కల్పించేందుకు అధికారులు చర్యలు తీసుకుంటున్నారు. అందుకోసం జాతీయ, అంతర్జాయ, రాష్ట్రస్థాయి సంస్థలతో అధికారులు ఎంఓయూ (మెమోరాండం ఆఫ్‌ అండర్‌ స్టాండింగ్‌)లు కుదుర్చుకుంటున్నారు. అందులో భాగంగా పీయూ వైస్‌ చాన్స్‌లర్‌ శ్రీనివాస్‌ పాలమూరు బయోసైన్స్‌ను సందర్శించి.. ఇక్కడ చేపడుతున్న పరిశోధనలు, ప్రయోగాల గురించి సంస్థ ప్రతినిధులతో వివరాలు తెలుసుకున్నారు. యూనివర్సిటీలో చదువుతున్న విద్యార్థులకు పరిశోధన పరిజ్ఞానం అందించాలని విన్నవించారు. యూనివర్సిటీ పరిధిలోని గద్వాల, కొల్లాపూర్‌, వనపర్తి, పీజీ కళాశాలల్లో పలు సైన్స్‌ కోర్సులు నిర్వహిస్తున్నారు. వీటితోపాటు పీయూ పరిధిలో మొత్తం 110 కళాశాలల్లో చదువుతున్న 25 వేల మంది విద్యార్థులకు ఈ ఎంఓయూలు వర్తించనున్నాయి. కెమిస్ట్రీ విద్యార్థులకు శిక్షణ గత నెలలో పీయూ అధికారులు ప్రతిష్టాత్మక జాతీయ స్థాయి సీఎస్‌ఐఆర్‌ (ఇండియన్‌ ఇనిస్టిట్యూట్‌ ఆఫ్‌ కెమికల్‌ టెక్నాలజీ) హైదరాబాద్‌ వారితో ఎంఓయూ కుదుర్చుక్నునారు. ఇందులో కెమిస్ట్రీ చదువుతున్న విద్యార్థులకు పరిశోధన పరంగా శిక్షణ ఇచ్చేందుకు అవగాహన ఒప్పందం చేసుకున్నారు. ఈ మేరకు పీయూలో చదివిన 12 మంది సీనియర్‌ విద్యార్థులు అక్కడ రీసెర్చిలో పాల్గొనడం గమనార్హం. ఇంటిగ్రేటెడ్‌ కెమిస్ట్రీతోపాటు పలు సంస్థల్లో ఇలాంటి అవకాశాలు విద్యార్థులకు లభిస్తున్నాయి. ఇక మ్యాజిక్‌ బస్‌ వంటి ఫౌండేషన్ల ఆధ్వర్యంలో విద్యార్థులకు క్యాంపస్‌ సెలక్షన్స్‌ నిర్వహించి వెంటనే ఉద్యోగావకాశాలు కల్పించేందుకు ఒప్పందం చేసుకున్నారు. వీటితోపాటు ఎక్స్‌టెల్‌ టెక్‌ ప్రైవేటు లిమిటెడ్‌, డాక్టర్‌ ఎమ్మెస్కే రావు రీసెర్చి అండ్‌ ఇన్నోవేషన్‌ సొల్యూషన్స్‌, క్లినోసాల్‌ రీసెర్చి ప్రైవేట్‌ లిమిటెడ్‌, పాలమూరు రైతు డెవలప్‌మెంట్‌ సొసైటీ, మహబూబ్‌నగర్‌, కల్పవృక్ష మ్యూచువల్‌ ఎయిడ్‌ మల్టీపర్సస్‌ కోఆపరేటివ్‌ సొసైటీ, మహబూబ్‌నగర్‌, ఏరో ఫైన్‌ సొల్యూషన్స్‌ ప్రైవేట్‌ లిమిటెడ్‌ వారితో ఎంఓయూలు కుదుర్చుకున్నారు. త్వరలో మరిన్ని సంస్థలతో ఎంఓయూలు కుదుర్చుకునే అవకాశం ఉంది. వందరోజులపాటు.. పీయూ పరిధిలోని విద్యార్థులకు స్కిల్‌ డెవలప్‌మెంట్‌ కోసం కోడ్‌తంత్ర అనే సంస్థ ఆధ్వర్యంలో శిక్షణ ఇస్తున్నారు. ఆన్‌లైన్‌లో నిర్వహించే శిక్షణలో విద్యార్థులకు బిహేవియర్‌, లాంగ్వేజ్‌, పర్సనాలిటీ, ప్రొఫీషియన్సీ, కమ్యూనికేషన్‌ స్కిల్స్‌ వంటి వాటిపై శిక్షణ ఇస్తున్నారు. ఇందులో ఏవైనా సందేహాలు ఉంటే.. విద్యార్థులు తమకు నచ్చిన భాషలో ప్రశ్నలు వేస్తే అది తిరిగి సమాధానం చెబుతుంది. ఇలా విద్యార్థులకు ఉద్యోగాల కోసం ఇంటర్వ్యూలకు వెళ్లినప్పుడు ఎలాంటి ప్రశ్నలు వస్తాయి. ఎలాంటి సమాధానాలు చెప్పాలి అనే అంశంపై వందరోజుల శిక్షణ ఇస్తున్నారు. శిక్షణ పొందిన వారికి సంస్థ సర్టిఫికెట్‌ సైతం అందించనుంది. వీటి ద్వారా విద్యార్థులు సులువుగా ఉద్యోగావకాశాలు పొందేందుకు ఆస్కారం ఉంది. ఇప్పటికే సుమారు 8 వేల మంది శిక్షణ తీసుకుంటున్నారు. రీసెర్చి ఫెసిలిటీ భవనం.. ఇటీవల కేంద్ర ప్రభుత్వం విడుదల చేసిన రూ.100 కోట్ల నుంచి రీసెర్చి ఫెసిలిటీ భవనాన్ని నిర్మించారు. ఇలాంటి రీసెర్చి ఫెసిలిటీ భవనం హైదరాబాద్‌ మినహా ఎక్కడా అందుబాటులో లేదు. ఇందులో రూ.కోట్లు వెచ్చించి అత్యాధునిక పరికరాలు, మైక్రోస్కోప్‌లు తదితర వాటిని ఏర్పాటు చేయనున్నారు. ఇప్పటికే వీటి కోసం సుమారు రూ.10 కోట్లతో టెండర్‌ పిలిచారు. విదేశాల నుంచి పరికరాలు త్వరలో దిగుమతి కానున్నాయి. ఇది అందుబాటులోకి వస్తే ప్రైవేటు కంపెనీలు, సంస్థలు, రీసెర్చి స్కాలర్స్‌ ఇక్కడ కొత్త అంశాలపై రీసెర్చి చేసుకునేందుకు వెసులుబాటు కలుగుతుంది. అలాగే దీనిని వినియోగించుకున్నందుకు కొంత మొత్తాన్ని కూడా వసూలు చేయనున్నారు. అంతేకాకుండా పలు ప్రాజెక్టులు సైతం యూనివర్సిటీకి వచ్చే అవకాశం ఉంది. వివిధ సంస్థల ఆధ్వర్యంలో శిక్షణకు పీయూ ఎంఓయూలు తద్వారా విద్యార్థుల రీసెర్చి, ట్రైనింగ్‌కు విరివిగా అవకాశాలు రెండేళ్లలో 9 సంస్థలతో ఒప్పందాలు.. పాలమూరు బయోసైన్స్‌తో చర్చలు చదువు పూర్తయిన వెంటనే క్యాంపస్‌ రిక్రూట్‌మెంట్లకు ఆస్కారం డిగ్రీ స్థాయిలోనే స్కిల్‌ డెవలప్‌మెంట్‌ శిక్షణకు శ్రీకారం చుట్టిన అధికారులు

జెడ్పీసెంటర్‌ (మహబూబ్‌నగర్‌): నిరుద్యోగులకు ఇచ్చిన ఏ ఒక్క హామీని కూడా నెరవేర్చని కాంగ్రెస్‌ ప్రభుత్వానికి ఎమ్మెల్సీ ఎన్నికల్లో బుద్ధి చెప్పేందుకు పట్టభద్రులు సిద్ధంగా ఉ న్నారని మాజీ మంత్రి శ్రీనివాస్‌గౌడ్‌ అన్నారు. శుక్రవారం నగరంలోని ఓ ప్రైవేట్‌ కళాశాలలో అధ్యాపకులు, విద్యార్థులతో మాట్లాడి పట్టభద్రుల ఓటరు నమోదు ప్రక్రియపై అవగాహన కల్పించారు. ప్రభుత్వ ఉద్యోగాల భర్తీకి అవసరమైన నోటిఫికేషన్లు విడుదల చేయకుండా నిరుద్యోగులకు అన్యాయం చేస్తుందని ఆరోపించారు. గ్రాడ్యుయేట్‌ ఓటరు నమోదు కార్యక్రమాన్ని పార్టీ శ్రేణులు అత్యంత బాధ్యతగా తీసుకోవాలన్నారు. ఓటు హక్కుకు అర్హులైన ప్రతి పట్టభద్రుడిని గుర్తించి, వారందరూ ఓటరుగా నమోదు చేసుకునేలా చూడాలన్నారు. జిల్లాలో పట్టభద్ర ఓటర్ల నమోదు చాలా తక్కువగా ఉందని డిగ్రీ పూర్తి చేసిన ప్రతి ఒక్కరూ నవంబర్‌ 6లోగా ఓటుహక్కు నమోదు చేసుకోవాలని కోరారు. ఇందుకు బీఆర్‌ఎస్‌ పార్టీ ఆధ్వర్యంలో ఏర్పాటు చేసిన ఉచిత ఓటరు నమోదు కేంద్రాలను పట్టభద్రులు వినియోగించుకోవాలని సూచించారు.

ఆంగ్ల భాషపై ఆసక్తి పెంచడానికి స్పెల్‌బీ పరీక్షలు ఎంతో ఉపయోగపడతాయి. చదువుకునే సమయంలో ఎదురయ్యే కష్టమైన పదాలను కూడా ఇలాంటి పరీక్షల ద్వారా సులభంగా నేర్చుకోవచ్చు. ఇలాంటి పోటీ పరీక్షలో పాల్గొనడం వల్ల ఆత్మవిశ్వాసం పెరిగింది. – సహస్ర, 9 జాస్మిన్‌, కేపీఎస్‌ పాఠశాల సవాల్‌గా అనిపించింది.. సాక్షి నిర్వహించిన స్పెల్‌–బీ పరీక్ష ఆసక్తికరంగా, సవాల్‌గా అనిపించింది. పరీక్షలో పాల్గొనడం ద్వారా తమకు తెలిసిన పదాలను గుర్తు చేసుకోవడంతో పాటు కొత్త పదాలు నేర్చుకున్నాను. భవిష్యత్‌లో ఇలాంటి మరిన్ని పోటీల్లో పాల్గొని సత్తాచాటుతా. – సాత్విక్‌, 10 జాస్మిన్‌, కేపీఎస్‌ పాఠశాల●

మహబూబ్‌నగర్‌ క్రీడలు: నగరంలోని మెయిన్‌ స్టేడియం, మల్టీపర్పస్‌ ఇండోర్‌ స్టేడియంలో నిర్వహించనున్న 8వ ఎడిషన్‌ ఖేలో ఇండియా యూత్‌ గేమ్స్‌ పోటీలకు సంబంధించి చేపట్టాల్సిన ముందుస్తు ఏర్పాట్లను శుక్రవారం అదనపు కలెక్టర్‌ మధుసూదన్‌నాయక్‌ పరిశీలించారు. ఆర్‌అండ్‌బీ, జిల్లా యువజన, క్రీడల కార్యాలయ సిబ్బందితో కలిసి ఆయన స్టేడియంను సందర్శించి.. క్రీడా పోటీల నిర్వహణకు అవసరమైన మౌళిక సదుసాయాలు, మైదానాల అభివృద్ధి, మరమ్మతు, విద్యుత్‌, తాగునీరు, పారిశుద్ధ్యం, ప్రేక్షకులు, క్రీడాకారుల సౌకర్యాలను క్షేత్రస్థాయిలో పరిశీలించారు. పోటీల నిర్వహణకు అవసరమైన పనులను త్వరితగతిన పూర్తి చేయాలని, నాణ్యతా ప్రమాణాలను పాటిస్తూ సంబంధిత శాఖల అధికారులు సమన్వయంతో ముందుకెళ్లాలని సూచించారు. ఖేలో ఇండియా యూత్‌ గేమ్స్‌ను మహబూబ్‌నగర్‌ జిల్లాలో విజయవంతంగా నిర్వహించేందుకు అన్ని శాఖల అధికారులు సమన్వయంతో పనిచేసి అవసరమైన ఏర్పాట్లను సకాలంలో పూర్తి చేయాలన్నారు. కార్యక్రమంలో డీవైఎస్‌ఓ రాజశేఖర్‌రెడ్డి, ఆర్‌అండ్‌బీ ఇంజినీర్లు తదితరులు పాల్గొన్నారు.

మహబూబ్‌నగర్‌ (వ్యవసాయం): ధాన్యం కొనుగోళ్ల ప్రక్రియను పారదర్శకంగా నిర్వహించడంతోపాటు సన్నరకం ధాన్యం సేకరణకు అవసరమైన ఏర్పాట్లు పూర్తి చేయాలని అదనపు కలెక్టర్‌ హరిప్రియ అన్నారు. శుక్రవారం జిల్లాలోని పీసీసీ కేంద్రాల ఇన్‌చార్జిలకు పీసీఎస్‌ఏపీ, ఓపీఎంఎస్‌ విధానాలు, నిర్వహణ మార్గదర్శకాలపై రెండో విడత శిక్షణ కార్యక్రమం నిర్వహించారు. ఈ సందర్భంగా ఏడు రకాల సన్నధాన్యాల గుర్తింపు, కొనుగోలు విధానాలపై అధికారులకు అవగాహన కల్పించారు. ధాన్యం కొనుగోలుకు సంబంధించిన అవసరమైన ఫొటో ఆధారాలను పీసీఎస్‌ఏపీ పోర్టల్‌లో ఎలాంటి జాప్యం లేకుండా అప్‌లోడ్‌ చేయాలని సూచించారు. పోర్టల్‌లో ఆధారాలను జాగ్రత్తగా నమోదు చేసి లెవెల్‌–3 సాధించేలా చర్యలు తీసుకోవాలని పీపీసీ కేంద్రాల ఇన్‌చార్జిలను ఆదేశించారు. కేంద్రాలకు ధాన్యం రాకను బట్టి కొనుగోళ్ల ప్రక్రియను ప్రారంభించాలని సూచించారు. కార్యక్రమంలో డీఎస్‌ఓ శ్రీనివాస్‌, డీఎం రవినాయక్‌, జేడీ గోవింద్‌నాయక్‌ తదితరులు పాల్గొన్నారు.

మహబూబ్‌నగర్‌ మున్సిపాలిటీ: రాజకీయాల కోసం జిల్లాల మధ్య సాగు, తాగునీటి విషయంలో తగాదాలు సృష్టించడం మాని తక్షణమే పాలమూరు–రంగారెడ్డి ఎత్తిపోతల పథకానికి జాతీయ హోదా కల్పించాలని సీపీఐ రాష్ట్ర కార్యదర్శివర్గ సభ్యుడు బాలనరసింహ డిమాండ్‌ చేశారు. దీనికోసం అఖిలపక్ష కమిటీ సభ్యులను ఢిల్లీకి తీసుకొని వెళ్లడానికి మహబూబ్‌నగర్‌ ఎంపీ డీకే అరుణ చొరవ చూపాలన్నారు. శుక్రవారం సురవరం వెంకటరామారెడ్డి భవన్‌లో జరిగిన జిల్లా సమితి సభ్యుల సమావేశంలో ఆయన మాట్లాడారు. కార్పొరేట్‌ సంస్థలపై కేంద్రం ప్రత్యేక శ్రద్ధను చూపిస్తూ కరువు జిల్లాల ప్రజాసమస్యలను పట్టించుకోవడం లేదని ఆరోపించారు. రాష్ట్రంలోని 33 జిల్లాలకు కరువు ప్రాంతాలుగా ప్రకటించి రైతులకు నష్టపరిహారం చెల్లించాలని, పశువులకు దాణా, పశుగ్రాసం కొరతను తీర్చాలన్నారు. నిత్యావసర ధరలు పెరుగుతున్నా నివారించడంలో ఎందుకు విఫలమయ్యారో దేశ ప్రజలకు సమాధానం చెప్పాలన్నారు. రాజ్యాంగానికి విరుద్ధంగా కోట్లాది ఓట్లను తొలగించిన సీఈసీ జ్ఞానేశ్‌కుమార్‌ను తొలగించకపోతే ప్రజలే తగిన బుద్ధి చెబుతారన్నారు. అనంతరం సీపీఐ జిల్లా కార్యదర్శి బాలకిషన్‌ మాట్లాడుతూ జిల్లాలో సాగు, తాగునీరు, నగరంలోని డంపింగ్‌ యార్డు, భూకబ్జాలు తదితర సమస్యలపై పోరాటం చేస్తామన్నారు. కార్యక్రమంలో నాయకులు శంకర్‌నాయక్‌, గోవర్ధన్‌, రాము, సురేష్‌, పద్మావతి, భాష, ఆంజనేయులు, సత్యనారాయణరెడ్డి, అమర్‌జ్యోతి, మహేష్‌బాబు, దేవానంద్‌, బస్వరాజ్‌ తదితరులు పాల్గొన్నారు.

జెడ్పీసెంటర్‌ (మహబూబ్‌నగర్‌): జిల్లాలో తాగునీటి ఎద్దడి తలెత్తకుండా జిల్లా యంత్రాంగం ముందస్తు చర్యలు చేపట్టాలని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి అన్నారు. శుక్రవారం కలెక్టరేట్‌లోని మీటింగ్‌ హాల్‌లో కలెక్టర్‌ ఖుష్బూగుప్తా అధ్యక్షతన సమీక్ష సమావేశం నిర్వహించారు. జిల్లా లో తాగునీటి సరఫరా, నీటి వనరుల లభ్యత, వేసవిలో ఎదురయ్యే సమస్యలు, వాటి పరిష్కారానికి చేపట్టాల్సిన ముందస్తు చర్యలపై విస్తృతంగా చర్చి ంచారు. భవిష్యత్‌లో కరువు పరిస్థితులు, నీటి కొర త వంటివి ఎదురైనా ప్రజలకు ఇబ్బందులు కలగకుండా అన్ని శాఖల అధికారులు సమన్వయంతో పనిచేయాలన్నారు. జిల్లాలో ఎక్కడెక్కడ తాగునీటి కొరత ఏర్పడే అవకాశం ఉందో ముందుగానే గుర్తించి.. అవసరమైన ప్రత్యామ్నాయ ఏర్పాట్లు చేయాలన్నారు. ప్రతి శాఖ తన బాధ్యతలను సమర్థవంతంగా నిర్వర్తించడంతోపాటు ఇతర శాఖలతో సమన్వ యం చేసుకోవడం ఎంతో ముఖ్యమన్నారు. గ్రామా ల్లో ప్రజలు ఎదుర్కొంటున్న సమస్యలను తొలుత గుర్తించేది గ్రామస్థాయి సిబ్బందేనని.. కాబట్టి గ్రా మస్థాయిలో సమస్యలను ఎప్పటికప్పుడు గుర్తించి మండల, జిల్లా అధికారుల దృష్టికి తీసుకురావాలని సూచించారు. పంచాయతీ కార్యదర్శులు, సర్పంచు లు, ఎంపీడీఓలు, మిషన్‌ భగీరథ, నీటిపారుదల, మున్సిపల్‌ కార్పొరేషన్‌ తదితర శాఖల అధికారులు క్షేత్రస్థాయిలో పర్యటించి నీటి వనరుల పరిస్థితిని పరిశీలించాలని, సమస్యలు గుర్తించిన వెంటనే పరి ష్కారానికి చర్యలు చేపట్టాలన్నారు. అవసరమైన చోట అదనపు నీటి వనరులు, ప్రత్యామ్నాయ సరఫరా ఏర్పాట్లు, ఇతర అత్యవసర చర్యలకు సంబంధించి ప్రతిపాదనలు సిద్ధం చేసి ప్రభుత్వానికి పంపించాలని చెప్పారు. జిల్లాకేంద్రంతోపాటు మహ బూబ్‌నగర్‌ నియోజకవర్గంలోని అన్ని ప్రాంతాల్లో తాగునీటి సరఫరాపై ప్రత్యేక దృష్టిసారించాలన్నా రు. కలెక్టర్‌ ఎప్పటికప్పుడు అధికారులతో సమీక్షలు నిర్వహిస్తూ, గ్రామాల వారీగా సమస్యలను తెలుసుకుని అవసరమైన చర్యలు తీసుకోవాలన్నారు. ప్రజా సమస్యలను ముందుగానే గుర్తించి పరిష్కరించేందుకు ఇలాంటి సమీక్ష సమావేశాలను క్రమం తప్పకుండా నిర్వహించడం అవసరం అన్నారు. సమావేశంలో నగర మేయర్‌ మమత, అదనపు కలెక్టర్‌ మధుసూదన్‌నాయక్‌, డీఆర్‌ఓ నిర్మల, జిల్లా గ్రంథాలయ సంస్థ చైర్మన్‌ నర్సింహారెడ్డి, మిషన్‌ భగీరథ ఎస్‌ఈ జగన్‌మోహన్‌ పాల్గొన్నారు.

మహబూబ్‌నగర్‌ క్రైం: విద్యార్థి దశ ఎంతో కీలకమైందని, ర్యాగింగ్‌కు పాల్పడి భవిష్యత్‌ అంధకారం చేసుకోవద్దని ఎస్పీ జానకి అన్నారు. నగరంలోని ఎస్‌వీఎస్‌ డెంటల్‌ కళాశాలలో శుక్రవారం యాంటీ ర్యాగింగ్‌పై నిర్వహించిన అవగాహన కార్యక్రమంలో ఆమె పాల్గొని మాట్లాడారు. విద్యార్థుల భవిష్యత్‌ తీర్చిదిద్దాల్సిన విద్యా సంస్థల్లో ర్యాగింగ్‌ ఏమాత్రం ఆమోదయోగ్యం కాదని, తోటి విద్యార్థులను వేధించడం, అవమానించడం, మానసికంగా లేదా శారీరకంగా ఇబ్బందులకు గురిచేయడం సరికాదన్నారు. ఎవరైనా ర్యాగింగ్‌కు పాల్పడినట్లు నిర్ధారణ అయితే యాంటీ ర్యాగింగ్‌ నిబంధనల ప్రకారం సస్పెన్షన్‌, పరీక్షల అనర్హత, హాస్టల్‌ నుంచి తొలగింపు, కళాశాల బహిష్కరణతోపాటు పోలీసులు చట్టప్రకారం కేసులు నమోదు చేస్తారని హెచ్చరించారు. కార్యక్రమంలో ఎస్‌వీఎస్‌ ఎడ్యుకేషన్‌ సొసైటీ చైర్మన్‌ వెంకట్‌రెడ్డి, ప్రిన్సిపాల్‌ మునిశేఖర్‌ తదితరులు పాల్గొన్నారు. అర్నాబ్‌ సహాయక చర్యల్లో విద్యుత్‌ ఉద్యోగులు జెడ్పీసెంటర్‌ (మహబూబ్‌నగర్‌): అర్నాబ్‌ తుఫాన్‌ వల్ల అతలాకుతలమైన విద్యుత్‌ వ్యవ స్థ పునరుద్ధరణలో అక్కడి విద్యుత్‌ సిబ్బందికి సహకరించేందుకు గాను జిల్లా నుంచి విద్యుత్‌ ఉద్యోగులు వెళ్తున్నట్లు ఆ శాఖ ఎస్‌ఈ భీమానాయక్‌ తెలిపారు. ఈ మేరకు శుక్రవారం నగరంలోని విద్యుత్‌ భవన్‌ నుంచి ప్రత్యేక వాహనాల్లో 30 మంది ఉద్యోగులు బయలుదేరగా.. జెండా ఊపి ఆయన ప్రారంభించారు. ఈ సందర్భంగా ఆయన మాట్లాడుతున్న ఏపీలో తుఫాన్‌ వల్ల విద్యుత్‌ అంతరాయం ఏర్పడిన గ్రామాల్లో విద్యుత్‌ పునరుద్ధరణ చర్యలు చేపట్టనున్నట్లు వెల్లడించారు. విద్యుత్‌లైన్లు తెగిపోవడం, వి ద్యుత్‌ స్తంభాలు విరిగి పోవడం, ట్రాన్స్‌ఫార్మ ర్లు పాడైపోవడం లాంటి సమస్యలతో అక్కడి ప్రజలు ఇబ్బందులు పడుతున్నారని ఆ సమ స్యలను పరిష్కరించేందుకు జరుగుతున్న సయహాక చర్యలో జిల్లాకు చెందిన ఉద్యోగులు భాగస్వాములు అవుతారని చెప్పారు. పూర్తిస్థాయిలో విద్యుత్‌ పునరుద్ధరించిన అనంతరం జిల్లా ఉద్యోగులు తిరిగి వస్తారని పేర్కొన్నారు. సహాయక చర్యల్లో పాల్గొనేందుకు ముందుకు వచ్చిన ఉద్యోగులను ఆయన అభినందించా రు. కార్యక్రమంలో ఎస్‌ఏఓ వెంకటేశ్వర్లు, డీఈలు చంద్రమౌలి, లక్ష్మణ్‌ పాల్గొన్నారు. రేపు ఉమ్మడి జిల్లా యోగా క్రీడాకారుల ఎంపికలు మహబూబ్‌నగర్‌ క్రీడలు: నగరంలోని మెయిన్‌ స్టేడియంలో ఆదివారం ఉదయం 9 గంటలకు ఉమ్మడి జిల్లా యోగా సీనియర్‌ పురుషులు, మహిళల ఎంపికలు నిర్వహిస్తున్నట్లు ఉమ్మడి జిల్లా యోగా సంఘ అధ్యక్ష, కార్యదర్శులు ఆనంద్‌కుమార్‌గౌడ్‌, చంద్రశేఖర్‌ శుక్రవారం ఒక ప్రకటనలో తెలిపారు. 18– 21, 22– 25, 26– 30, 31– 35, 36– 40, 41– 45 ఏళ్లలోపు విభాగాల్లో ఎంపికలు ఉంటాయన్నారు. క్రీడాకారులు కళాశాల నుంచి వయస్సు నిర్ధారణ పత్రం, మిగతావారు ఎస్‌ఎస్‌సీ సర్టిఫికెట్‌తో ఎంపికలకు హాజరుకావాలని కోరారు. పూర్తి వివరాల కోసం పీడీ అరుణజ్యోతి సెల్‌ నం.91772 52541ను సంప్రదించాలని సూచించారు. ఆర్టీసీ కార్మికుల సమస్యలు పరిష్కరించాలి మహబూబ్‌నగర్‌ మున్సిపాలిటీ: ఆర్టీసీ కార్మికులు ఎదుర్కొంటున్న సమస్యలను పరిష్కరించాలని ఎస్‌డబ్ల్యూఎఫ్‌ రీజినల్‌ కార్యదర్శి వెంకటయ్య కోరారు. ఈ మేరకు శుక్రవారం ఆర్‌ఎం సంతోష్‌కుమార్‌ను కలిసి వినతిపత్రం అందజేశారు. రీజియన్‌ పరిధిలో పెండింగ్‌లో ఉన్న సిబ్బంది బదిలీల దరఖాస్తులను పరిశీలించాలన్నారు. ప్రతి డిపోలో ఆర్‌ఓ ప్లాంట్‌ ఏర్పాటుతోపాటు శాసీ్త్రయంగా రోడ్డు సర్వే ని ర్వహించి పనిగంటలు మార్పు చేయాలన్నారు. కార్మికులకు వారంలో తప్పనిసరిగా ఒక స్పెష ల్‌ ఆఫ్‌ డ్యూటీ కల్పించాలని, హైదరాబాద్‌ రూ ట్‌లోని స్టేజీల మార్పు ఆలోచనను విరమించుకోవాలని కోరారు. కార్యక్రమంలో సంఘం నాయకులు ప్రభాకర్‌, కృష్ణయ్య, వెంకటయ్య, శ్రీనివాసులు, నారాయణ, అంబయ్య, అశోక్‌గౌడ్‌, వెంకటేశ్వర్లు, బాల్‌నారాయణ, తిరుపతి, ఎండీ ఖయ్యూం పాల్గొన్నారు.

మహబూబ్‌నగర్‌ క్రీడలు: నగరంలోని మెయిన్‌ స్టేడియంలో నిర్వహిస్తున్న పీఎంశ్రీ జిల్లాస్థాయి క్రీడాపోటీలు శుక్రవారం ముగిశాయి. పోటీల్లో జిల్లాలోని 24 పీఎంశ్రీ పాఠశాలల బాల, బాలికలు పాల్గొన్నా రు. ఖోఖో బాలుర విభాగంలో కోయిలకొండ ప్రథ మ, రాజాపూర్‌ ద్వితీయ, బాలికల్లో బాలానగర్‌ ప్రథమ, నవాబ్‌పేట జట్టు ద్వితీయ స్థానాల్లో నిలిచాయి. సాయంత్రం జరిగిన బహుమతుల ప్రదానోత్సవ కార్యక్రమంలో టీజీపీడీ, పీఈటీ అసోసి యేషన్‌ రాష్ట్ర అధ్యక్షుడు నిరంజన్‌, పెటాటీఎస్‌ జిల్లా అధ్యక్షుడు జగన్‌మోహన్‌గౌడ్‌, టోర్నమెంట్‌ కార్యదర్శి వేణుగోపాల్‌ తదితరులు విన్నర్‌, రన్నర్‌ జట్లకు ట్రోపీలు అందజేశారు. అనంతరం వారు మాట్లాడుతూ విద్యార్థులు చదువుతోపాటు క్రీడల్లో ప్రతిభచాటాలని కోరారు. ఇలాంటి టోర్నీలు విద్యార్థుల్లో దాగి ఉన్న క్రీడా నైపుణ్యాన్ని వెలికితీస్తాయన్నారు. విద్యార్థులు జాతీయ, అంతర్జాతీయ స్థాయి కి ఎదగాలని ఆకాంక్షించారు. కార్యక్రమంలో జిల్లా ఎస్‌జీఎఫ్‌ మాజీ కార్యనిర్వాహక కార్యదర్శి రమేష్‌ బాబు, పీడీలు మొగులాల్‌, అన్వర్‌పాష, వెంకటమ్మ, ఖాజాపాష తదితరులు పాల్గొన్నారు.

● హాజరుకానున్న పది ఉమ్మడి జిల్లాల జట్లు ● 160మంది క్రీడాకారులు, 20 మంది అఫీషియల్స్‌ ● మూడు మైదానాల్లో మ్యాచ్‌ల నిర్వహణ ● ఏర్పాట్లు చేసిన ఎస్‌జీఎఫ్‌ నిర్వాహకులు మహబూబ్‌నగర్‌ క్రీడలు: మహబూబ్‌నగర్‌ జిల్లా కేంద్రం మరో రాష్ట్రస్థాయి క్రీడాపోటీలకు వేదిక కానుంది. నగరంలో శనివారం నుంచి నవంబర్‌ 3వ తేదీ వరకు 70వ స్కూల్‌ గేమ్స్‌ ఫెడరేషన్‌ అండర్‌–19 రాష్ట్రస్థాయి అంతర్‌ జిల్లా బాలుర క్రికెట్‌ టోర్నీ నిర్వహించనున్నారు. టోర్నమెంట్‌కు సంబంధించి నిర్వాహక ప్రతినిధులు ఏర్పాట్లు చేశారు. టోర్నీలో పాల్గొననున్న ఉమ్మడి జిల్లాల జట్లు రాష్ట్రస్థాయి స్కూల్‌ గేమ్స్‌ ఫెడరేషన్‌ అండర్‌–19 బాలుర క్రికెట్‌ టోర్నీలో ఉమ్మడి జిల్లాలైన మహబూబ్‌నగర్‌, ఖమ్మం, నిజామాబాద్‌, వరంగల్‌, ఆదిలాబాద్‌, హైదరాబాద్‌, రంగారెడ్డి, కరీంనగర్‌, మెదక్‌, నల్గొండకు చెందిన బాల, బాలికల జట్లు పాల్గొంటున్నాయి. టోర్నీలో 160 మంది బాలురు, 20 మంది అఫీషియల్స్‌ హాజరవుతున్నారు. క్రీడాకారులకు నగర శివారులోని (అల్లీపూర్‌ సమీపంలోని) క్రికెట్‌ మైదానం, స్కౌట్స్‌ గైడ్స్‌ భవన్‌లో వసతి సౌకర్యం కల్పించనున్నారు. ఉమ్మడి జిల్లా బాలుర క్రికెట్‌ జట్టు జి.జశ్వంత్‌, డి.అభినవ్‌, సిద్ధార్థ, భీరేందర్‌, ఎండి.అఫ్పాన్‌, సయ్యద్‌ ఫైజాన్‌, శామ్యుల్‌ జోసెఫ్‌, అఖిల్‌ టెండుల్కర్‌, సీహెచ్‌.అభినవ్‌, మణిచరణ్‌, ఎన్‌.గగన్‌, పి.రామ్‌కుమార్‌చారి, ఎండి.ముస్తఫా, శివ, రాజేష్‌, కేతేశ్వర్‌. టోర్నీని విజయవంతంగా నిర్వహిస్తాం జిల్లా కేంద్రంలో జరిగే రాష్ట్రస్థాయి ఎస్‌జీఎఫ్‌ అండర్‌–19 బాలుర క్రికెట్‌ టోర్నీని అందరి సహకారంతో విజయవంతంగా నిర్వహిస్తాం. ఇప్పటికే ఏర్పాట్లు చేశాం. మూడు మైదానాల్లో మ్యాచ్‌లు జరగుతాయి. క్రీడాకారులకు ఎలాంటి ఇబ్బందులు లేకుండా తగిన చర్యలు తీసుకుంటాం. – వేణుగోపాల్‌, జిల్లా ఎస్‌జీఎఫ్‌ కార్యనిర్వాహక కార్యదర్శి, మహబూబ్‌నగర్‌

● మాజీ మంత్రి లక్ష్మారెడ్డిపై ఎమ్మెల్యే అనిరుధ్‌రెడ్డి ధ్వజం జడ్చర్ల: ప్రజలకు మెరుగైన వైద్యసేవలు అందించాల్సిన వంద పడకల ఆస్పత్రిని స్వలాభం కోసం నాలాలో ఎలాంటి అనుమతులు తీసుకోకుండా నిర్మించి ప్రజలకు అక్కరకు రాకుండా చేశావని ఎమ్మెల్యే అనిరుధ్‌రెడ్డి మాజీ మంత్రి లక్ష్మారెడ్డిపై తీవ్రస్థాయిలో ధ్వజమెత్తారు. ఇటీవల మాజీ మంత్రి లక్ష్మారెడ్డి తనపై చేసిన ఆరోపణలపై స్పందించిన ఎమ్మెల్యే అనిరుధ్‌రెడ్డి శుక్రవారం జడ్చర్లలోని అంబేడ్కర్‌ కళాభవన్‌లో ఏర్పాటు చేసిన మీడియా సమావేశంలో పలు అంశాలను వివరించారు. ప్రభుత్వ ఆస్పత్రికి కేటాయించిన అసైన్‌ భూమికి సంబంధించి కాస్తులో ఉన్న రైతులకు ఎలాంటి డబ్బులు ఇవ్వలేదని బాధిత రైతులతో చెప్పగా.. లక్ష్మారెడ్డి తాను సొంత డబ్బులు వెచ్చించి స్థలాన్ని ఆస్పత్రికి ఇచ్చినట్లు ఎలా చెబుతారని ప్రశ్నించారు. అంతేగాక ఆస్పత్రికి కేటాయించిన భూమికి సంబంధించి జాతీయ రహదారిని అనుసరించి తన సోదరి పేరున భూమిని ఆక్రమించారని, దీనిపై రెవెన్యూ అధికారులు ఇచ్చిన నోటీసులకు జవాబు చెప్పకుండా కోర్టుకు వెళ్లి స్టేటస్‌కో ఆర్డర్‌ తెచ్చుకున్నారని ఆరోపించారు. తాను ఈ అంశంపై మాట్లాడిన తర్వాత ఆస్పత్రికి నేరుగా రోడ్డు నిర్మిస్తామంటూ ముందుకొచ్చారని ఎద్దేవా చేశారు. మాజీ మంత్రి విసిరిన సవాల్‌కు కట్టుబడి ఉన్నామని, పట్టణ నడిబొడ్డున ఎంపీడీఓ కార్యాలయం ఉన్న స్థలాన్ని ఆస్పత్రికి కేటాయిస్తామని ఇందుకోసం రూ.25 కోట్లు డీడీ కట్టి 15 రోజుల్లో అధికారులకు అందజేయాలని డిమాండ్‌ చేశారు. లేకపోతే ఆయన ఇంటిని తమ కార్యకర్తలు ముట్టడిస్తారని హెచ్చరించారు. గంగాపూర్‌– బాలానగర్‌ రోడ్డు నిధులు రూ.56 కోట్ల నుంచి రూ.76 కోట్లకు పెంచిన మాట వాస్తవమేనని, రోడ్డును నాణ్యతగా మరో లేయర్‌ వేయడంతోపాటు మిషన్‌ భగీరథ, విద్యుత్‌ లైన్ల మార్పిడికి అనుగుణంగా అధికారుల ప్రతిపాదనల మేరకే వ్యయాన్ని పెంచామని చెప్పారు. మాజీ మంత్రి తన పదేళ్ల పదవీ కాలంలో రోడ్లకు కేవలం రూ.80 కోట్లు తెస్తే.. తాను మూడేళ్లలోనే రూ.325 కోట్లు తెచ్చానని పేర్కొన్నారు. సమావేశంలో మాజీ ఎంపీపీ నిత్యానందం, బ్లాక్‌ కాంగ్రెస్‌ అధ్యక్షుడు అశోక్‌యాదవ్‌ తదితరులు పాల్గొన్నారు.

జెడ్పీసెంటర్‌ (మహబూబ్‌నగర్‌): ఉమ్మడి పాలమూరు జిల్లాకు దక్కాల్సిన కృష్ణానది నీళ్లను పాలమూరు జిల్లాకు కాకుండా నల్గొండకు తరలించే డిండి ప్రాజెక్ట్‌ను వెంటనే రద్దు చేయాలని ఉమ్మడి పాలమూరు పెండింగ్‌ ప్రాజెక్టుల సాధన జేఏసీ జిల్లా చైర్మన్‌ రాజేందర్‌రెడ్డి డిమాండ్‌ చేశారు. జేఏసీ జిల్లా కన్వీనర్‌ బెక్కం జనార్దన్‌ ఆధ్వర్యంలో డిండి ప్రాజెక్టును రద్దు చేయాలనే డిమాండ్‌తో నిర్వహిస్తున్న లక్ష సంతకాల సేకరణలో భాగంగా శుక్రవారం జిల్లా కోర్టు ఆవరణలో లాయర్లతో సంతకాలు చేయించారు. ఈ సందర్భంగా ఆయన మాట్లాడుతూ.. పాలమూరు బిడ్డనని చెప్పుకునే సీఎం జిల్లాకే నష్టం చేసే నిర్ణయం తీసుకోవడం సిగ్గచేటని మండిపడ్డారు. పాలమూరు–రంగారెడ్డి నీళ్లు డిండి పేరుతో నల్లగొండకు తరలించే కుట్రలను తిప్పికొట్టాలని పిలుపునిచ్చారు. పాలమూర్‌–రంగారెడ్డి ప్రాజెక్టుకు నిధుల వరద పారించి యుద్ధప్రాతిపదికన పూర్తి చేయాలని కోరారు. జిల్లాలోని పెండింగ్‌ ప్రాజెక్టులను వెంటనే పూర్తి చేయాలని కోరారు. జేఏసీ ఆధ్వర్యంలో జరుగుతున్న జల సాధన పోరాటానికి న్యాయవాదులు మద్దతు తెలపాలని కోరారు. కార్యక్రమంలో బార్‌ అసోసియేషన్‌ అధ్యక్షుడు ఆనంద్‌రావు, కార్యదర్శి నర్సింహారెడ్డి, ఉపాధ్యక్షుడు వెంకటయ్య, వెంకటేశ్‌, చంద్రమౌలి, అనంత్‌రెడ్డి తదితరులు పాల్గొన్నారు. జూరాలకు స్వల్పంగా వరద అమరచింత: ప్రియదర్శిని జూరాల ప్రాజెక్టుకు ఎగువ నుంచి ఐదు రోజుల నుంచి స్వల్పంగా వరద వచ్చి చేరుకుంటుంది. సగటున 600 వందల క్యూసెక్కుల నుంచి క్రమంగా 1100 క్యూసెక్కుల వరకు వరద చేరుతోంది. శుక్రవారం 600 క్యూసెక్కుల వరద వచ్చినట్లు ఏఈ సుదర్శన్‌ తెలిపారు. ఎగువన ఉన్న నారాయణ పూర్‌ డ్యాం నుంచి నీటి ప్రవాహం పూర్తిగా నిలిచిపోవడంతో ప్రస్తుతం ప్రాజెక్టులో 3.298 టీఎంసీల నీటి మట్టం ఉంది. జూరాల ఆయకట్టుకు వారాబంది ద్వారా సాగునీటిని వదులుతున్న ప్రాజెక్టు అధికారులు ఈసారి ఎగువ నుంచి వరద వచ్చి చేరితేనే నవంబర్‌ చివరి నాటిని సాగునీటిని విడుదల చేస్తామన్నారు.

మహబూబ్‌నగర్‌ మున్సిపాలిటీ: తమ డిమాండ్ల సాధన కోసం ఎన్‌హెచ్‌ఎం ఉద్యోగులు చేపట్టిన దీక్షలు శుక్రవారం 18వ రోజుకు చేరుకున్నాయి. ఈ సందర్భంగా నగరంలోని టీటీడీ కల్యాణ మండపం ఎదుట దీక్ష శిబిరంలో కాచిన రాగి అంబలి తాగుతూ నిరసన వ్యక్తం చేశారు. ఇప్పటికై నా తమ సర్వీసును రెగ్యులరైజ్‌ చేయాలని, ఈహెచ్‌ఎస్‌ హెల్త్‌ కార్డులు ఇచ్చి ఆరోగ్య భద్రత కల్పించాలని నినదించారు. కార్యక్రమంలో ఎన్‌హెచ్‌ఎం జాక్‌ జిల్లా అధ్యక్షుడు సునీల్‌కుమార్‌, సభ్యులు ప్రవీణ్‌, రాజేష్‌, ప్రీతి, అభినయ్‌, ఏఎన్‌ఎంలు భారతి, మంజుల, మహేష్‌, బుచ్చిబాబు, యుగేందర్‌, నవీన్‌, జ్యోతి తదితరులు పాల్గొన్నారు.

ఇలాంటి పోటీలు మాలో ఆత్మవిశ్వాసాన్ని, ఏకాగ్రతను, జ్ఞాపకశక్తిని పెంపొందిస్తాయి. ఆరోగ్యరమైన పోటీతత్వంతో మరింత నేర్చుకోవాలనే ఆసక్తి పెరగడానికి దోహదపడుతుంది. ఈ పోటీలు భవిష్యత్‌కు ఎంతో ఉపయోగంగా మారనుంది. – హిమాన్షిక, 2ఏ, మౌంట్‌ బాసిల్‌ సంతోషంగా ఉంది సాక్షి స్పెల్‌ బీ పరీక్షలో పాల్గొనడం చాలా ఆనందంగా ఉంది. పరీక్ష ద్వారా కొత్త ఆంగ్ల పదా లను తెలుసుకునే అవకాశం లభించింది. పదా ల స్పెల్లింగ్‌పై అవగాహన పెరిగింది. ఇలాంటి పరీక్షలు తరచూ నిర్వహిస్తే మాలోని ప్రతిభను నిరూపించుకునే అవకాశం ఉంటుంది. – మహాలక్ష్మి, 9 లోటస్‌, కేపీఎస్‌ పాఠశాల

పాలమూరు: జిల్లా న్యాయ సేవాధికార సంస్థ ఆధ్వర్యంలో శుక్రవారం జిల్లాలోని పలు పాఠశాలల్లో పోక్సో చట్టం–2012పై విస్తృతంగా అవగాహన కార్యక్రమాలు నిర్వహించారు. నగరంలోని ఎదిర ప్రభుత్వ ఉన్నత పాఠశాల, ఏనుగొండ కేజీబీవీలో ఏర్పాటు చేసిన అవగాహన సదస్సుకు న్యాయమూర్తి డి.ఇందిర హాజరై మాట్లాడారు. అదేవిధంగా ఏనుగొండ ప్రభుత్వ ఉన్నత పాఠశాల, షాసాబ్‌గుట్ట ఉన్నత పాఠశాలలో ఏర్పాటు చేసిన సమావేశానికి న్యాయమూర్తి మహ్మద్‌ మునవార్‌, జడ్చర్లలోని ప్రభుత్వ ఉన్నత పాఠశాలలో ఏర్పాటు చేసిన పోక్సో చట్టం అవగాహన కార్యక్రమానికి న్యాయమూర్తి మహ్మద్‌ ముదసిర్‌ హాజరయ్యారు. అదేవిధంగా నగరంలోని ప్రజ్ఞా హైస్కూల్‌లో ఏర్పాటు చేసిన సమావేశానికి జిల్లా మూడో అదనపు న్యాయమూర్తి అనిత హాజరై మాట్లాడారు. ఇటీవల కాలంలో బాలలపై లైంగిక వేధింపులు పెరిగాయని, వాటిని కట్టడి చేయడానికి తల్లిదండ్రులతోపాటు ఉపాధ్యాయులు, సంబంధిత అధికారుల పాత్ర ఎంతో కీలకమన్నారు. బాలలకు సురక్షితమైన వాతావరణం కల్పించాల్సిన బాధ్యత ప్రతి ఒక్కరిపై ఉందన్నారు.

మహబూబ్‌నగర్‌ మున్సిపాలిటీ/ మహబూబ్‌నగర్‌ ఎడ్యుకేషన్‌: కర్నూలు, గద్వాల, మహబూబ్‌నగర్‌ తదితర ప్రాంతాల ప్రయాణికుల సౌకర్యార్థం హైదరాబాద్‌లోని మలక్‌పేట్‌ జంక్షన్‌లో అన్ని రైళ్లు ఆపాలని రికగ్నైజ్డ్‌ ఉపాధ్యాయ పండిత పరిషత్‌ తెలంగాణ రాష్ట్ర (ఆర్‌యూపీపీ టీఎస్‌) గౌరవాధ్యక్షుడు విజయకుమార్‌ కోరారు. ఈ మేరకు గురువారం మహబూబ్‌నగర్‌లోని బీజేపీ కార్యాలయంలో ఎంపీ డీకే అరుణను కలిసి వినతిపత్రం అందజేశారు. ఈ మార్గంలో నిత్యం వేలాది మంది విద్యార్థులు, ఉద్యోగులు, వ్యాపారులు రాకపోకలు సాగిస్తుంటారన్నారు. మలక్‌పేట్‌ స్టేషన్‌లో రైళ్లను ఆపితే అందరికీ ఎంతో ఉపయోగకరంగా ఉంటుందన్నారు. కార్యక్రమంలో సంఘం నాయకులు నాగేశ్వర్‌, అక్తర్‌పాషా, అలీం తదితరులు పాల్గొన్నారు. ● పీయూలో లా, ఇంజినీరింగ్‌ కళాశాలల విద్యార్థులకు వెంటనే హాస్టల్‌ సదుపాయం కల్పించాలని కోరుతూ విద్యార్థులు ఎంపీ డీకే అరుణకు వినతిపత్రం అందజేశారు. దీంతో సమస్య పరిష్కారం కోసం చర్యలు తీసుకోవాలని ఆమె వీసీకి సూచించారు. అలాగే పీయూ పార్ట్‌టైం అధ్యాపకులు తమ సమస్యలను పరిష్కరించాలని కోరుతూ ఎంపీకి వినతిపత్రం అందజేశారు. పీయూలో ఎక్కువ కాలంగా పనిచేస్తున్న పార్ట్‌టైం వారికి రెగ్యులర్‌ అధ్యాపకుల నియామకాల్లో వెయిటేజీ ఇవ్వాలని కోరారు. కార్యక్రమంలో అధ్యాపకులు రామరాజు, శివశంకర్‌, రవీందర్‌గౌడ్‌, అరుణ పాల్గొన్నారు.

జెడ్పీసెంటర్‌ (మహబూబ్‌నగర్‌): జిల్లాలో రోడ్డు ప్రమాదాల నివారణకు గుర్తించిన ప్రమాదకర ప్రాంతాల్లో భద్రతా చర్యలను వేగవంతం చేసి, పెండింగ్‌ పనులను నిర్ధేశిత గడువులోగా పూర్తి చేయాలని కలెక్టర్‌ ఖుష్బూగుప్తా అధికారులను ఆదేశించారు. గురువారం కలెక్టరేట్‌లోని వీడియో కాన్ఫరెన్స్‌ హాల్‌లో ఎస్పీ డి.జానకితో కలిసి జిల్లా స్థాయి రోడ్డు భద్రతా కమిటీ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. బాలానగర్‌ జాతీయ రహదారిపై నిర్మాణంలో ఉన్న ఫ్లైఓవర్‌ బ్రిడ్జ్‌ వద్ద నవంబర్‌ 15లోగా ఒకవైపు రహదారిపై వాహనాల రాకపోకలను ప్రారంభించాలని, మరోవైపు పనులు నవంబర్‌ 30 లోగా పూర్తి చేయాలని సూచించారు. వాహన తనిఖీలపై నివేదిక ఇవ్వాలి రవాణా శాఖ అధికారులు ప్రతి నెల నిర్వహిస్తున్న వాహన తనిఖీల వివరాలను తదుపరి సమావేశంలో సమగ్రంగా సమర్పించాలని కలెక్టర్‌ ఆదేశించారు. తనిఖీ చేసిన వాహనాల సంఖ్య, నమోదు చేసిన కేసులు, అవసరమైన ధ్రువపత్రాలు లేని వాహనాలపై తీసుకున్న చర్యలు, విధించిన జరిమానాల వివరాలను అందించాలని సూచించారు. రూ.1.5 లక్షల ఆర్థికసాయం రోడ్డు ప్రమాద బాధితులకు తక్షణ వైద్య సాయం అందించేందుకు అన్ని శాఖలు సమన్వయంతో పనిచేయాలని కలెక్టర్‌ ఆదేశించారు. ప్రమాదం జరిగిన 24 గంటల్లోగా సమాచారం అందించడం, బాధితులను సకాలంలో ఆస్పత్రికి తరలించడం ప్రధానమంత్రి రాహత్‌ పథకం కింద రూ.1.50 లక్షల ఆర్థికసాయం పొందేందుకు కీలకమని తెలిపారు. సమావేశంలో అదనపు కలెక్టర్‌ మధుసూదన్‌నాయక్‌, జిల్లా రెవెన్యూ అధికారి నిర్మల, జిల్లా రవాణా అధికారి శ్రీనివాస్‌రెడ్డి, ఆర్‌అండ్‌బీ, జాతీయ రహదారుల శాఖ, పోలీసు, మున్సిపల్‌ తదితర శాఖల అధికారులు పాల్గొన్నారు.

మహబూబ్‌నగర్‌ క్రీడలు: జిల్లా కేంద్రంలోని మెయిన్‌ స్టేడియంలో గురువారం మహబూబ్‌నగర్‌ గిరిజన సంక్షేమశాఖ ఆధ్వర్యంలో గిరిజన సంక్షేమ వసతి గృహం విద్యార్థులకు డివిజన్‌ స్థాయి క్రీడల ఎంపికలు నిర్వహించారు. ఈ ఎంపికల్లో మహబూబ్‌నగర్‌, వనపర్తి, జోగులాంబ గద్వాల జిల్లాలకు చెందిన అభ్యర్థులు, విద్యార్థులు పాల్గొన్నారు. వీరికి కబడ్డీ, వాలీబాల్‌, ఖోఖో, రన్నింగ్‌ అంశాల్లో పోటీ లు నిర్వహించారు. కార్యక్రమంలో జిల్లా గిరిజన సంక్షేమ అభివృద్ధి అధికారి ఛత్రునాయక్‌, హాస్టల్‌ వెల్ఫేర్‌ అధికారులు తదితరులు పాల్గొన్నారు.

గద్వాల న్యూటౌన్‌: జోగుళాంబ గద్వాల జిల్లాకేంద్రంలో ఎస్‌జీఎఫ్‌ ఆధ్వర్యంలో జరిగిన 70వ రాష్ట్రస్థాయి బాలుర అండర్‌–17 క్రికెట్‌ టోర్నీ విజేతగా ఖమ్మం నిలిచింది. గురువారం సాయంత్రం ఆసక్తికరంగా రంగారెడ్డితో జరిగిన ఫైనల్‌ మ్యాచ్‌లో ఖమ్మం జట్టు ఉమ్మడిగా రాణించి 62 పరుగుల తేడాతో ఘనవిజయాన్ని సొంతం చేసుకుంది. సెమీఫైనల్స్‌లో మహబూబ్‌నగర్‌, మెదక్‌ ఓటమి చెందాయి. మూడో స్థానంలో మెదక్‌ నిలిచింది. ఉత్కంఠభరితంగా.. ఇండోర్‌ స్టేడియంలో ఉదయం నుంచి మధ్యాహ్నం వరకు సాగిన రెండు సెమీఫైనల్‌ మ్యాచ్‌లు ఉత్కంఠభరితంగా సాగాయి. ఫైనల్‌ బెర్త్‌ కోసం నాలుగు జట్లు హోరాహోరీగా తలపడ్డాయి. మొదటి సెమీస్‌ మహబూబ్‌నగర్‌– రంగారెడ్టి జట్ల మధ్య జరగగా.. 3 వికెట్ల తేడాతో రంగారెడ్డి విజయాన్ని సాధించి ఫైనల్‌కు చేరుకుంది. తొలుత బ్యాటింగ్‌ చేసిన మహబూబ్‌నగర్‌ నిర్ణీత 12 ఓవర్లలో 7 వికెట్లకు 88 పరుగులు చేయగా 7 వికెట్లు కోల్పోయి రంగారెడ్డి లక్ష్యాన్ని ఛేదించింది. రెండో సెమీస్‌లో ఖమ్మం– మెదక్‌ జట్లు తలపడ్డాయి. ఈ మ్యాచ్‌లో ఖమ్మం 52 పరుగుల తేడాతో మెదక్‌ను చిత్తుచేసింది. ముందు బ్యాటింగ్‌ చేసిన ఖమ్మం 5 వికెట్లు నష్టపోయి 150 పరుగులు చేసింది. మెదక్‌ 98 పరుగులకే ఆలౌట్‌ అయ్యింది. మూడో స్థానం కోసం మహబూబ్‌నగర్‌– మెదక్‌ జట్ల మధ్య పోటీ జరగగా మెదక్‌ అలవోకగా 5 వికెట్ల తేడాతో మహబూబ్‌నగర్‌పై గెలిచింది. తొలుత బ్యాటింగ్‌ చేసిన మహబూబ్‌నగర్‌ 80 పరుగులు చేయగా, మెదక్‌ లక్ష్యాన్ని ఛేదించి మూడో స్థానంలో నిలిచింది. ఫైనల్‌లో ఖమ్మం అదుర్స్‌.. ఖమ్మం– రంగారెడ్డిల మధ్య ఫైనల్‌ మ్యాచ్‌ హోరాహోరీగా సాగింది. ఖమ్మం బ్యాట్స్‌మెన్‌ వీరోచితంగా బ్యాటింగ్‌ చేసి విజయంలో కీలకంగా వ్యవహరించారు. తొలుత బ్యాటింగ్‌ చేసిన ఖమ్మం జట్టు ని ర్ణీత 15 ఓవర్లలో కేవలం 3 వికెట్లు కోల్పోయి 177 పరుగులు చేసింది. ఓపెనర్లు ప్రసన్న 81 పరుగు లు, చైతన్య 21 పరుగులు చేసి జట్టు కు శుభారంభాన్ని అందించారు. చైతన్య ఔట్‌ అయిన తర్వాత ఫస్ట్‌డౌన్‌గా క్రీజ్‌లోకి వచ్చిన రిత్విక్‌ 54 పరుగులు కొట్టాడు. ప్రసన్న, రిత్విక్‌లు అద్భుతంగా బ్యాటింగ్‌ చేసి మంచి లక్ష్యాన్ని రంగారెడ్డి ముందు ఉంచారు. తర్వాత బ్యాటింగ్‌ చేసిన రంగారెడ్డి 6 వికెట్లు కోల్పోయి 115 పరుగులు చేసి ఓటమి చెందింది. ఫైనల్‌లో రంగారెడ్డిపై 62 పరుగుల తేడాతో ఘనవిజయం మూడో స్థానంలో నిలిచిన మెదక్‌ గద్వాలలో ముగిసిన ఎస్‌జీఎఫ్‌ 70వ టోర్నీ

● డీసీఎం, వాటర్‌ ట్యాంకర్‌ ఢీకొని డ్రైవర్‌ దుర్మరణం ● కొత్తకోట సమీపంలోని అమడబాకుల స్టేజీ వద్ద ఘటన కొత్తకోట రూరల్‌: జాతీయ రహదారి–44పై జరిగిన ఘోర రోడ్డు ప్రమాదంలో ఓ వాటర్‌ ట్యాంకర్‌ డ్రైవర్‌ అక్కడికక్కడే దుర్మరణం పాలయ్యాడు. హైవేపై చెట్లకు నీళ్లు పట్టే పనుల్లో భాగంగా వాటర్‌ ట్యాంకర్‌ వద్ద పనిచేస్తుండగా.. వేగంగా వచ్చిన డీసీఎం వాహనం ఢీకొనడంతో ఈ విషాదకర సంఘటన చోటుచేసుకుంది. కొత్తకోట ఎస్‌ఐ విక్రమ్‌ తెలిపిన వివరాల ప్రకారం.. ఏపీలోని కర్నూలు జిల్లా కల్లూరు మండలం కొంగనపాడు గ్రామానికి చెందిన ఉల్చాల సురేంద్రనాథ్‌రెడ్డి(45) తన సమీప బంధువైన కాట్‌రెడ్డి సుబ్బారెడ్డి వద్ద గత తొమ్మిదేళ్లుగా వాటర్‌ ట్యాంకర్‌ డ్రైవర్‌గా పనిచేస్తున్నాడు. ఈ క్రమంలో హైవే పనుల నిమిత్తం సుబ్బారెడ్డి వాటర్‌ ట్యాంకర్‌ను కాంట్రాక్టు పనులకు కేటాయించడంతో సురేంద్రనాథ్‌రెడ్డి నెల రోజులుగా జాతీయ రహదారిపై విధులు నిర్వహిస్తున్నాడు. రోజువారీ పనుల్లో భాగంగా గురువారం వనపర్తి జిల్లా కొత్తకోట సమీపంలోని అమడబాకుల స్టేజీ బస్టాండ్‌ వద్ద జాతీయ రహదారి–44పై హైవే పనులు జరుగుతుండగా సురేంద్రనాథ్‌రెడ్డి వాటర్‌ ట్యాంకర్‌ను అక్కడికి తీసుకువచ్చాడు. వాటర్‌ ట్యాంకర్‌ను నిలిపి, రోడ్డు పనుల కోసం వాటర్‌ బారికేడ్‌ను ఏర్పాటు చేస్తుండగా బెంగళూరు నుంచి హైదరాబాద్‌ వైపు వెళ్తున్న ఐచర్‌ డీసీఎం (కొరియర్‌ పార్సల్‌ వ్యాన్‌) వేగంగా వచ్చి అతడిని ఢీకొట్టింది. ఈ ప్రమాదంలో సురేంద్రనాథ్‌రెడ్డి తలకు తీవ్రగాయాలు కావడంతో అక్కడికక్కడే మృతిచెందాడు. ఈ ఘటనపై సురేంద్రనాథ్‌రెడ్డి తండ్రి ఉల్చాల వెంకటేశ్వర్‌రెడ్డి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

అమరచింత: ప్రియదర్శిని జూరాల ప్రాజెక్టుకు ఎగువ నుంచి నాలుగురోజులలుగా స్వల్పంగా వరదనీరు వచ్చి చేరుకుంటుంది. సగటున 600 క్యూసెక్కుల నీటి నుంచి క్రమంగా 1000 క్యూసెక్కుల వరకు వరద నీరు వస్తున్నట్లు ఏఈ సుదర్శన్‌ తెలిపారు. ఎగువన ఉన్న నారాయణపూర్‌ డ్యాం నుంచి నీటి ప్రవాహం పూర్తిగా నిలిచిపోవడంతో ప్రస్తుతం ప్రాజెక్టులో 3.280 టీఎంసీల నీటిమట్టం ఉంది. జూరాల ఆయకట్టుకు వారా బందీ ద్వారా సాగునీటిని వదులుతున్న ప్రాజెక్టు అధికారులు ఈసారి ఎగువ నుంచి వరద నీరు వచ్చి చేరుకుంటేనే నవంబర్‌ చివరి నాటిని సాగునీటిని అందిస్తామని చెప్పారు. ప్రస్తుతం ఎగువ నుంచి వరదనీరు రాకపోవడంతో ఈనెల 31నుంచి 4రోజులపాటు చివరి తడిగా సాగునీటిని ఆయకట్టుకు విడుదల చేయనున్నారు.

మా స్కూల్‌లో సారోళ్లు చెప్పిన పాఠాలను విని చక్కగా చదువుకుంటు న్నాం. లీజర్‌ టైంలో మా స్కూల్‌లోని తోట ను చూసుకుంటున్నాం. మా స్కూల్‌లో మాకు కంప్యూటర్లను కూడా ఏర్పాటు చేయడంతో రోజూ కంప్యూటర్లను కూడా వాడుతూ కంప్యూటర్‌ విద్యను కూడా నేర్చుకుంటున్నాం. తండా నుంచి నడవకుండ పాఠశాలకు వెళ్లివచ్చేందుకు ఫ్రీగా మాకు ఆటో సౌకర్యం కూడా ఏర్పాటు చేశారు. – కార్తీక్‌నాయక్‌, 5వ తరగతి, బచ్చిరెడ్డికుంట తండా మా పాఠశాలలో నా తోపాటు మా సహ ఉపాధ్యాయులు చేస్తు న్న కృషితో చక్కటి విద్యను అందించడంతోపాటు సేంద్రియ సాగుపై అవగాహనను కల్పిస్తున్నాం. గతంలో 80మంది ఉండేవారు. ఇప్పుడు 120మంది వస్తున్నారు. నాణ్యమైన విద్యను అందించే లక్ష్యంతో కంప్యూటర్‌ ఆధారిత విద్య చక్కటి గ్రంథాలయం, ప్రీ ప్రైమరీ తరగతుల ఏర్పాటు, క్షేత్ర పర్యటనలు, డిజిటల్‌ బోధనతోపాటు పిల్లలకు ఆహ్లాదమైన పాఠశాల ఆవరణ ఉండేందుకు కూరగాయల సాగు, పండ్లచెట్లను పెంచుతున్నాం. మా పాఠశాలకు ఇప్పటికే రాష్ట్రస్థాయి స్వచ్ఛపాఠశాల అవార్డు దక్కింది. జాతీయ స్థాయిలో గుర్తింపు వచ్చేవిధంగా కృషి చేస్తున్నాం. – విష్ణువర్ధన్‌గౌడ్‌, హెచ్‌ఎం

మహబూబ్‌నగర్‌ ఎడ్యుకేషన్‌: యూనివర్సిటీ అభివృద్ధికి అందరూ సమష్టిగా కృషి చేయాలని పీయూ వీసీ శ్రీనివాస్‌ పేర్కొన్నారు. ఈమేరకు పీయూలో వీసీగా బాధ్యతలు స్వీకరించి రెండేళ్లు పూర్తి చేసుకున్న సందర్భంగా ఏర్పాటు చేసిన కార్యక్రమంలో ఆయన మాట్లాడారు. లా, ఇంజనీరింగ్‌, ఐసీ డిపార్ట్‌మెంట్లలో 100 శాతం ప్రవేశాలు సాధించామన్నారు. పీయూ అభివృద్ధి, నాణ్యమైన విద్య, రీసెర్చ్‌పై ప్రత్యేక దృష్టి పెడుతున్నట్లు పేర్కొన్నారు. ఉన్నత విద్యను పూర్తి చేసిన వారికి వెంటనే ఉద్యోగాలు పొందే విధంగా నైపుణ్యాభివృద్ధికి ప్రాధాన్యతనిస్తూ వారికి శిక్షణ ఇస్తున్నట్లు తెలిపారు. పీయూ ప్రగతి కోసం టీచింగ్‌, నాన్‌టీచింగ్‌ సిబ్బంది పూర్తి స్థాయిలో కృషి చేయాలని, అందరి భాగస్వామ్యంతో మరింత అభివృద్ధి సాధించాలని సూచించారు. రిజిస్ట్రార్‌ రమేష్‌బాబు మాట్లాడుతూ వీసీ శ్రీనివాస్‌ నాయకత్వంతో పాటు అధ్యాపకులు, సిబ్బంది సహకారం ఎంతో అవసరం అన్నారు. విద్యాప్రమాణాల పెంపు, నాణ్యమైన విద్యకు కృషి చేయడంతో పాటు ఉద్యోగాల కల్పనకు కూడా కృషి చేస్తామని సూచించారు. ఈ సందర్భంగా పీయూలో రెండేళ్లలో చేపట్టిన అభివృద్ధి పనులు పలు అంశాలపై న్యూస్‌లెటర్‌ బుక్‌తో పాటు వీసీకి ఘనంగా సన్మానం చేశారు. ఈ కార్యక్రమంలో ఆడిట్‌సెల్‌ డైరెక్టర్‌ చంద్రకిరణ్‌, ప్రవీణ, ఓఎస్డీ మధుసూదన్‌రెడ్డి, రాజ్‌కుమార్‌, కుమారస్వామి, అర్జున్‌కుమార్‌, భూమయ్య తదితరులు పాల్గొన్నారు. ఆరోగ్యవంతమైన సమాజాన్ని నిర్మించాలి మాదకద్రవ్యాలను నిర్మూలించి ఆరోగ్యవంతమైన సమాజాన్ని నిర్మించాలని ఎంపీ డీకే అరుణ పేర్కొన్నారు. పీయూలో ఏర్పాటు చేసిన నషా ముక్త్‌ భారత్‌ కార్యక్రమంలో ఆమె పాల్గొని మాట్లాడారు. మాదకద్రవ్యాల వినియోగం వల్ల వ్యక్తిగత జీవితాలతో పాటు కుటుంబాలు, సమాజం కూడా పాడయ్యే అవకాశం ఉందని, దీనిపై అవగాహన పెంచుకోవాల్సిన అవసరం ఉందన్నారు. మాదకద్రవ్యాల నిర్మూలనకు యువత ముందుకు రావాలని, ఇటువంటి కార్యక్రమంలో పాల్గొనాలని సూచించారు.

జడ్చర్ల: జడ్చర్ల మండలంలోని మాచారం గ్రామ పంచాయతీ పరిధిలోని చాకలిగడ్డ తండాకు చెందిన సీఆర్‌పీఎఫ్‌ జవాన్‌ కిషన్‌నాయక్‌ తీవ్ర అనారోగ్యానికి గురై మృతి చెందారు. గురువారం తండా శివారులో ఆయనకు సైనిక లాంచనాలతో సీఆర్‌పీఎఫ్‌ జవాన్లు అంతిమ వీడ్కోలు పలికారు. మృతుడికి భార్య నీల, కుమారుడు పవన్‌ ఉన్నారు. మాజీ మంత్రి లక్ష్మారెడ్డి జావన్‌ పార్థీవదేహానికి పూలమాల వేసి నివాళులర్పించారు. మృతుడి కుటుంబ సభ్యులను ఓదార్చారు. సైనికులకు దేశం రుణపడి ఉంటుందని పేర్కొన్నారు. కార్యక్రమంలో ఐఆర్‌ఎస్‌ అధికారి శశికాంత్‌ తదితరులు పాల్గొన్నారు. జేసీబీ, కారు ఢీ.. యువకుడు మృతి అయిజ: మండలంలో జరిగిన రోడ్డు ప్రమాదంలో ఏపీకి చెందిన యువకుడు మృతి చెందాడు. వివరాలు ఇలా ఉన్నాయి. మార్కాపురం జిల్లా ఎర్రగొండ పాలెంకు చెందిన సుదర్శన్‌రెడ్డి (26 ) భారత్‌మాల రోడ్డు నిర్మాణం చేపట్టిన మెగా కంపెనీలో ఏఈగా పనిచేస్తున్నాడు. బుధవారం రాత్రి విధులు నిర్వర్తిస్తున్న క్రమంలో అదే కంపెనీలోని జేసీబీని సుదర్శన్‌ రెడ్డి ప్రయాణిస్తున్న బొలేరో వాహనం ఢీకొట్టింది. ప్రమాదంలో సుదర్శన్‌ రెడ్డి, డ్రైవర్‌ సత్యజిత్‌ కానారేకు తీవ్రగాయాలు కాగా ఇద్దరిని కర్నూలులోని ప్రైవేటు ఆస్పత్రికి తరలించారు. అయితే పరిస్థితి విషమించడంతో గురువారం తెల్లవారుజామున సుదర్శన్‌ రెడ్డి మృతి చెందాడు. మృతుడి తల్లి లక్ష్మి పావని ఫిర్యాదు మేరకు కేసు నమోదు చేసుకుని దర్యాప్తు జరుపుతున్నట్లు ఎస్‌ఐ గురుస్వామి తెలిపారు. సూపర్‌వైజర్‌ మృతి గట్టు: మండల కేంద్రం సమీపంలో రోడ్డు నిర్మాణ సంస్థలో పనిచేస్తున్న సూపర్‌వైజర్‌ రోడ్డు పక్కన మృతి చెందిన ఘటన గురువారం సాయంత్రం చోటుచేసుకుంది. భారత్‌మాల రోడ్డు నిర్మాణంలో భాగంగా రాయాపురం స్టేజీ వద్ద ఏర్పాటు చేసిన క్యాంపులో ప్రకాశం జిల్లాకు చెందిన బాలకృష్ణ (40) సూపర్‌వైజర్‌గా పని చేస్తున్నాడు. బాలకృష్ణ గట్టు నుంచి క్యాంపునకు నడుచుకుంటూ వెళ్తున్న క్రమంలో ఒక్కసారిగా స్పృహతప్పి మార్గమధ్యలోని గ్యాస్‌ గోదాం సమీపంలో రోడ్డు పక్కన కిందపడి మృతి చెందినట్లు స్థానికులు గుర్తించారు. మృతదేహాన్ని గద్వాల ఏరియా ఆస్పత్రికి తరలించారు. ఈ ఘటనపై ఫిర్యాదు అందలేదని పోలీసులు తెలిపారు. గుప్త నిధుల కోసం తవ్వకాలు జడ్చర్ల: మండలంలోని కోడుపర్తి శివారులో గుప్త నిధుల తవ్వకాలు జరిగినట్లు గ్రామస్తులు తెలిపారు. బోయ జంగయ్యకు చెందిన వ్యవసాయ భూమిలో గుర్తు తెలియని వ్యక్తులు బుధవారం రాత్రి గుప్త నిధుల కోసం తవ్వకాలు చేశారని తెలిపారు. గునపాలతో గుంతలు తవ్వి నిమ్మకాయలు తదితర పూజాసామగ్రిని చిందరవందరగా పారబోశారని పేర్కొన్నారు. తవ్వకాలపై గ్రామస్తులు ఆందోళన వ్యక్తం చేశారు. కాగా, ఘటనకు సంబంధించి తమకు ఎలాంటి ఫిర్యాదు రాలేదని సీఐ కమలాకర్‌ తెలిపారు. రోడ్డు ప్రమాదంలో యువకుడు దుర్మరణం వనపర్తి రూరల్‌: రోడ్డు ప్రమాదంలో ఓ యువకుడు మృతి చెందిన ఘటన బుధవారం అర్ధరాత్రి పట్టణంలో చోటుచేసుకుంది. పట్టణ ఎస్‌ఐ హరిప్రసాద్‌ తెలిపిన వివరాల ప్రకారం.. స్థానిక కేడీఆర్‌ కాలనీకి చెందిన విష్ణువర్ధన్‌రెడ్డి (32) వ్యాపారం చేసుకుంటూ జీవనం సాగించేవాడు. ఇతనికి భార్య, కుమార్తె ఉన్నారు. బు ధవారం రాత్రి భోజనం అనంతరం ద్విచక్రవాహనంపై ఇంటికి బయలుదేరాడు. ఈ క్రమంలో మహిళా కళాశాల రోడ్డుపై ద్విచక్రవాహనం అదుపుతప్పి కింద పడింది. ప్రమాదంలో తల కు తీవ్రగాయం కావడంతో కుటుంబ సభ్యులు ప్రభుత్వ ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. ఈ ఘ టనపై మృతుడి తండ్రి ఫిర్యాదు మేరకు పోలీ సులు కేసు నమోదు చేసినట్లు ఎస్‌ఐ తెలిపారు. చికిత్స పొందుతూ వృద్ధుడు మృతి వనపర్తి రూరల్‌: వృద్ధుడు పురుగుల మందు తాగి చికిత్స పొందుతూ బుధవారం రాత్రి మృతి చెందాడు. రూరల్‌ ఎస్‌ఐ హృశికేష్‌ తెలిపిన వివరాల ప్రకారం.. మండలంలోని చిట్యాలకు చెందిన మాండ్ల చెన్నయ్య(78) కొన్ని రోజులుగా అనారోగ్య సమస్యలతో బాధపడుతూ, జీవితంపై విరక్తి చెంది బుధవారం ఇంటోనే పురుగుల మందు తాగి పడిపోయాడు. గమనించిన కుటుంబ సభ్యులు వనపర్తి ఆస్పత్రికి తరలించారు. అక్కడినుంచి మహబూబ్‌నగర్‌ ప్రభుత్వ ఆస్పత్రికి తరలించగా పరిస్థితి విషమించడంతో అదేరోజు రాత్రి మృతి చెందాడు. మృతుడి కుమారుడు మాండ్ల నాగేంద్రం గురువారం రూరల్‌ పోలీస్‌ స్టేషన్‌లో ఫిర్యాదు చేశాడు. అతడి ఫిర్యాదు మేరకు కేసు నమోదు చేశామని ఎస్‌ఐ తెలిపారు.

జడ్చర్ల: నియోజకవర్గంలో జరుగుతున్న అభివృద్ధిపై మాజీ మంత్రి లక్ష్మారెడ్డి కనీస అవగాహన లేకుండా ఆరోపణలు చేస్తున్నారని ఎమ్మెల్యే అనిరుధ్‌రెడ్డి మండిపడ్డారు. గురువారం స్థానిక హౌసింగ్‌ బోర్డు కాలనీలో రూ.73 లక్షలతో నిర్మించిన సీసీ రోడ్లను ఆయన ప్రారంభించారు. అనంతరం వనమహోత్సవంలో కాలనీ వాసులకు మొక్కలు పంపిణీ చేసి మాట్లాడారు. తమపై మాజీ మంత్రి లక్ష్మారెడ్డి చేసిన ఆరోపణలను తీవ్రంగా ఖండించారు. వైద్య ఆరోగ్య మంత్రిగా ఉండి ఆయన ఆస్పత్రి అభివృద్ధికి ఏంచేశారని ప్రశ్నించారు. జడ్చర్ల ప్రభుత్వ ఆస్పత్రికి తాము స్థలం కేటాయిస్తే మళ్లీ ఆస్పత్రి నిర్మిస్తానని చెప్పడం విడ్డూరంగా ఉందన్నారు. మంత్రిగా ఉండి కూడా నియోజకవర్గానికి ఆశించిన విధంగా ప్రయోజనం చేయలేకపోయారని విమర్శించారు. భూముల వ్యవహారాలపై ఉన్న శ్రద్ధ అభివృద్ధిపై పెట్టలేదన్నారు. జడ్చర్లకు సీఎం పర్యటనల సందర్భంగా ఇచ్చిన నిధులు కనిపించడం లేదా అంటూ ప్రశ్నించారు. ఉదండాపూర్‌ రిజర్వాయర్‌ కోసం రూ.650 కోట్లు ఇచ్చారని, మిడ్జిల్‌ మండలంలో ప్రతి గ్రామపంచాయతీకి రూ.50 లక్షలు ఇచ్చారని ఇవన్నీ కనిపించడం లేదా అంటూ ధ్వజమెత్తారు. దసరా పండుగకు సీఎం ముఖ్య అతిథిగా వస్తే నిధులు అడిగే సంప్రదాయం తమకు లేదన్నారు. తాను వ్యక్తిగత రాజకీయాలకంటే నియోజకవర్గం అభివృద్ధికే ప్రాధాన్యత ఇస్తామన్నారు. జడ్చర్ల అభివృద్ధికి సంబంధించి వాస్తవాలను శుక్రవారం జరిగే మీడియా సమావేశంలో వెల్లడిస్తామన్నారు. కార్యక్రమంలో మాజీ చైర్‌పర్సన్‌ పుష్పలత,మాజీ కౌన్సిలర్‌ చైతన్య చౌహాన్‌,పట్టణ కాంగ్రెస్‌ అధ్యక్షులు వంశీచారీ,తదితరులు పాల్గొన్నారు.

కిచెన్‌ గార్డెన్‌లో కూరగాయలు తెంచుతున్న విద్యార్థులు, ఉపాధ్యాయులు కల్లేపల్లి పాఠశాల ఆవరణలో సాగుచేసిన బంతిపూలు ● కల్లేపల్లి ప్రాథమికోన్నత పాఠశాల ప్రైవేటుకు దీటుగా ప్రభు త్వ బడిలో ప్రభుత్వ పాఠ శాలలో నాణ్యమైన విద్య ను అందించేందుకు మా వంతు కృషి చేస్తున్నాం. చుటుపక్కల గిరిజన తండాలు ఎక్కువగా ఉన్నాయి. ప్రైవేటుకు వెళ్లేందుకు వారికి ఆర్థిక ఇబ్బందులు కూడా ఉంటాయి. దానికి కోసం మా పాఠశాల పిల్లలు ఇబ్బందులు పడకూడదని ఆటోలను కూడా సమకూర్చాం. – ప్రభాకర్‌, ఉపాధ్యాయుడు కల్లేపల్లిలో గతంలో విపరీతమైన వేల సంఖ్యలో కోతులు ఉండేవి. కోతులు రైతులు సాగు చేసుకున్న పంటలు పాడుచేయడంతోపాటు గ్రామంలో చిన్నపిల్లలు, పెద్దలను గాయపరిచేవి. ప్రస్తుత ఎమ్మెల్యే అనిరుధ్‌రెడ్డి పక్క గ్రామం కావడంతో ఎన్నికల ప్రచారానికి 2023లో కల్లేపల్లికి వచ్చారు. గ్రామంలో ప్రధానంగా కోతుల సమస్య ఉందని గ్రామస్తులు విన్నవించారు. ఎమ్మెల్యే స్పందించి తమిళనాడు నుంచి కోతులను పట్టేవారిని రప్పించి వాటిని అచ్చంపేట అటవీ ప్రాంతానికి తరలించారు. దీంతో ప్రాథమికోన్నత పాఠశాల హెచ్‌ఎం విష్ణువర్ధన్‌గౌడ్‌, ఉపాధ్యాయులు చక్కటి ఆలోచనతో విద్యార్థులతో కలిసి పాఠశాల ఆవరణలో సేంద్రియ ఎరువులతో కూరగాయల సాగును మొదలుపెట్టారు. టమాట, వంకాయ, పచ్చిమిర్చి పంటలు చేతికొచ్చాయి. విద్యార్థులకు విద్యతోపాటు విరామ సమయంలో సాగుపై అవగాహన కల్పించడం మొదలు పెట్టారు. అవసరాలకు వినియోగించిన నీరు కిచెన్‌ గార్డెన్‌కు మళ్లింపు సేంద్రియ ఎరువులతో కూరగాయలు, ఆకుకూరల సాగు నాణ్యమైన విద్యతోపాటు ఆహ్లాదకరమైన వాతావరణం ప్రశంసలందుకుని రాష్ట్రస్థాయి స్వచ్ఛ పాఠశాల అవార్డు జాతీయ స్థాయి గుర్తింపునకు కల్లేపల్లి ప్రాథమికోన్నత పాఠశాల ప్రయత్నం

క్రీడల్లో గెలుపోటములు సహజమని, క్రీడాకారులు రెండింటిని సమానంగా స్వీకరించాలని డీఈఓ విజయలక్ష్మి అన్నారు. నాలుగు రోజులపాటు నిర్వహించిన పది ఉమ్మడి జిల్లాల రాష్ట్రస్థాయి క్రికెట్‌ టోర్నీ ముగింపు సమావేశానికి ఆమె ముఖ్య అతిథిగా హాజరయ్యారు. విజేతలకు కప్‌లు అందజేశారు. ఈ సందర్భంగా ఆమె మాట్లాడు తూ క్రీడాకారులు క్రీడాస్ఫూర్తిని అలవర్చుకోవాలని చెప్పారు. రాష్ట్రంలోని అన్ని జిల్లాల క్రీ డాకారులు గద్వాల జిల్లాకు వచ్చి ఆడటం చా లా సంతోషించదగ్గ విషయమని చెప్పారు. కా ర్యక్రమంలో ఎస్‌జీఎఫ్‌ కార్యదర్శి శ్రీనివాసు లు, పరిశీలకుడు డేవిడ్‌సన్‌, పీఈటీలు బీసన్న, రజనీకాంత్‌, హైమావతి, మోహన్‌ మురళీ, నగేష్‌బాబు, క్రీడాకారులు పాల్గొన్నారు.

మహబూబ్‌నగర్‌ మున్సిపాలిటీ: జీఓ నం.6ను పునఃపరిశీలించి ఆస్పత్రి కాంట్రాక్ట్‌ కార్మికుల వేతనాలు రూ.26 వేలకు పెంచాలని తెలంగాణ మెడికల్‌ కాంట్రాక్ట్‌ వర్కర్స్‌ యూనియన్‌ (ఏఐటీయూసీ అనుబంధం) రాష్ట్ర కార్యదర్శి సురేష్‌ అన్నారు. గురువారం ఎదిర శివారులోని ప్రభుత్వ మెడికల్‌ కళాశాల ఆవరణలో పారిశుద్ధ్య, సెక్యూరిటీ, సూపర్‌వైజర్‌ కార్మికులతో సదస్సు నిర్వహించారు. ఈ సందర్భంగా ఆయన మాట్లాడుతూ ప్రస్తుత ఏజెన్సీలను రద్దు చేసి కార్పొరేషన్‌ ద్వారా నేరుగా కార్మికులకు వేతనాలు అందించాలన్నారు. పెరుగుతున్న నిత్యావసర ధరలతో కాంట్రాక్ట్‌ కార్మికులు అల్లాడిపోతున్నారని పేర్కొన్నారు. తమ డిమాండ్ల సాధన కోసం వచ్చే నెల 12 నుంచి ఆస్పత్రి కాంట్రాక్ట్‌ కార్మికులతో పోరుబాట నిర్వహించనున్నామన్నారు. కార్యక్రమంలో సంఘం నాయకులు సాయిప్రకాష్‌, శ్రీనివాస్‌, ఉమర్‌, శ్రీను, నరేష్‌, రామకృష్ణ, చిట్టెమ్మ, అనసూయమ్మ, అంజమ్మ, యాదమ్మ తదితరులు పాల్గొన్నారు.

హన్వాడ: తెలంగాణ రైతాంగం చావు బతుకుల మధ్య కొట్టుమిట్టాడుతుంటే ఆదుకోవాల్సిన కాంగ్రెస్‌ ప్రభుత్వం నిర్లక్ష్యంగా వ్యవహరిస్తోంది అని మాజీ మంత్రి శ్రీనివాస్‌గౌడ్‌ ధ్వజమెత్తారు. గురువారం ఆయన మండలంలోని వేపూర్‌లో కరెంటు కోతలు, నీటి కొరతతో ఎండిన పంటలను బీఆర్‌ఎస్‌ నాయకులతో కలిసి పరిశీలించారు. ఈ సందర్భంగా ఆయన మాట్లాడుతూ పచ్చగా ఉన్న రాష్ట్రాన్ని కాంగ్రెస్‌ ప్రభుత్వం కరువు ప్రాంతంగా మార్చి రైతుల బతుకులను చిన్నాభిన్నం చేసిందన్నారు. ఆంధ్రప్రదేశ్‌కు నీటిని తరలిస్తూ.. ఇక్కడి రైతులను పంటలు వేయవద్దని అనడం ఎంతవరకు సమంజసం అని ప్రశ్నించారు. కరెంటు లేక పంటలు ఎండిపోయి.. మళ్లీ ముంబాయికి వలస పోయే పరిస్థితి దాపురించిందన్నారు. ప్రభుత్వం వెంటనే స్పందించి క్షేత్రస్థాయిలో అధికారులతో సర్వే చేయించి.. పంట నష్టపోయిన రైతులకు ఎకరా రూ.25వేల నష్టపరిహారం అందించాలని, మహబూబ్‌నగర్‌ ఉమ్మడి జిల్లాలోని అన్ని మండలాలను కరువు ప్రాంతాలుగా ప్రకటించాలని డిమాండ్‌ చేశారు. పంటలు ఎండకుండా 24 గంటల ఉచిత విద్యుత్‌ ఇవ్వాలని, తాగునీరు, పశుగ్రాసం కొరత లేకుండా చూసి, వెంటనే రైతుబంధు, వ్యవసాయ కూలీలకు సహాయం అందించాలని కోరారు. కార్యక్రమంలో మాజీ ఎంపీపీ బాలరాజు, జెడ్పీటీసీ మాజీ సభ్యుడు నరేందర్‌, కాంగ్రెస్‌ పార్టీ మండలాధ్యక్షుడు కరుణాకర్‌గౌడ్‌, పీఏసీఎస్‌ చైర్మన్‌ కృష్ణయ్యగౌడ్‌ తదితరులు పాల్గొన్నారు.

కల్లేపల్లిలోని పాఠశాలలో సేంద్రియ ఎరువులతో కూరగాయల సాగు చేపడుతూ ఆదర్శంగా నిలిచారు. –8లో uమూడేళ్ల క్రితమే ప్రారంభం.. పాలమూరు– రంగారెడ్డి ప్రాజెక్టును 2023 సెప్టెంబర్‌ 16న అప్పటి ముఖ్యమంత్రి కేసీఆర్‌ ప్రారంభించారు. ఎల్లూరు సమీపంలోని పంప్‌హౌజ్‌లో ఒక మోటారు ఆన్‌చేసి.. నీటి ఎత్తిపోతలు చేపట్టారు. అప్పట్లో 2 టీఎంసీల నీటిని నార్లాపూర్‌ రిజర్వాయర్‌లో నింపారు. కాంగ్రెస్‌ ప్రభుత్వం అధికారంలోకి వచ్చాక రెండో మోటారును లాంఛనంగా ప్రారంభించారు. డ్రై రన్‌ నిర్వహించి, కొంతమేరకు నీటిని ఎత్తిపోశారు. అయితే నార్లాపూర్‌ రిజర్వాయర్‌లో ముంపునకు గురయ్యే గ్రామాల ప్రజలు తమ ఇళ్లను ఖాళీ చేయకపోవడం.. ప్రాజెక్టు అవసరాలకు సరిపడా విద్యుత్‌ సరఫరా వ్యవస్థ లేకపోవడంతో నీటి ఎత్తిపోతలకు అడ్డంకులు ఏర్పడ్డాయి. ఆ సమస్యలు పరిష్కారం కావడంతో ఈ నెల 14న రాష్ట్ర ఎకై ్సజ్‌శాఖ మంత్రి జూపల్లి కృష్ణారావు రెండు మోటార్ల ద్వారా నీటి ఎత్తిపోతలు ప్రారంభించారు. 5 రోజులపాటు పంపింగ్‌ కొనసాగింది. ప్రస్తుతం నార్లాపూర్‌ రిజర్వాయర్‌లో 6.2 టీఎంసీల నీరు నిల్వ ఉంది.

● రూ.40 కోట్లతో మైనార్టీ బాలికల గురుకుల పాఠశాల భవనాలకు శంకుస్థాపన ● ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి పాలమూరు: నగరంలోని వీరన్నపేటను విద్యాకేంద్రంగా తీర్చిదిద్దుతామని, రెండేళ్లలో అత్యాధునిక భవనాలు, వసతి గృహాలను అందుబాటులోకి తీసుకువస్తామని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి అన్నారు. వీరన్నపేటలో రూ.40 కోట్లతో మైనార్టీ బాలికల గురుకుల పాఠశాలల భవన నిర్మాణానికి గురువారం ఎంపీ డీకే అరుణతో కలిసి శంకుస్థాపన చేశారు. ఈ సందర్భంగా ఆయన మాట్లాడుతూ గత రెండేళ్లుగా పెండింగ్‌లో ఉన్న మైనార్టీ బాలికల పాఠశాలలను తిరిగి ప్రారంభించడానికి సీఎం రేవంత్‌రెడ్డి ఆధ్వర్యంలో ప్రభుత్వం ప్రత్యేక చొరవ తీసుకుందన్నారు. రాష్ట్ర ప్రభుత్వ వాటాను సమకూర్చి, కేంద్ర ప్రభుత్వ సహకారంతో ఈ ప్రాజెక్టును మళ్లీ కార్యరూపంలోకి తీసుకువచ్చినట్లు చెప్పారు. ఒక్కో పాఠశాలలో సుమారు 600 మంది విద్యార్థుల చొప్పున మొత్తం 1,200 మంది బాలికలకు నాణ్యమైన విద్య అందించేందుకు అవకాశం కలుగుతుందన్నారు. వీరన్నపేటతోపాటు పరిసర ప్రాంతాల్లోని పేద, మధ్యతరగతి కుటుంబాల పిల్లలకు నాణ్యమైన విద్య చేరువ చేయాలనే ఉద్దేశంతో విద్యాసంస్థలు ఏర్పాటు చేస్తున్నామన్నారు. అనంతరం ఎంపీ డీకే అరుణ మాట్లాడుతూ గత ప్రభుత్వం రెసిడెన్షియల్‌ పాఠశాలలు హడావుడిగా మంజూరు చేసినా ఎక్క డా భవనాలు నిర్మించలేదని ఆరోపించారు. కేంద్ర ప్రభుత్వం నిధులు మంజూరు చేసిన గత ప్రభు త్వం ఆ నిధులను సద్వినియోగం చేసుకోలేదని విమర్శించారు. ఎలాంటి వివక్ష చూపకుండా కేంద్ర ప్రభుత్వం రాష్ట్రానికి నిధులు ఇస్తుందన్నారు. ఈ క్రమంలోనే అండర్‌ గ్రౌండ్‌ డ్రెయినేజీ పనుల కోసం రూ.200 కోట్లు మహబూబ్‌నగర్‌ కార్పొరేషన్‌కు కేటాయించిందని గతంలోనూ మహబూబ్‌నగర్‌ మున్సిపాలిటీ అభివృద్ధి కోసం రూ.400 కోట్లు ఇచ్చిందని గుర్తుచేశారు. కార్యక్రమంలో మైనార్టీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌, మేయర్‌ మమత, ముడా చైర్మన్‌ లక్ష్మణ్‌ యాదవ్‌, కార్పొరేటర్లు పాల్గొన్నారు.

పాలమూరు: సురక్షిత్‌ బచ్చన్‌ అభియాన్‌– పోక్సో చట్టం–2012, పాన్‌ ఇండియా పాఠశాల అవగాహన కార్యక్రమంలో భాగంగా గురువారం జిల్లాలో ప్రత్యేక కార్యక్రమం నిర్వహించారు. అడ్డాకుల ప్రభుత్వ ఉన్నత పాఠశాల, కందూరు ప్రభుత్వ ఉన్నత పాఠశాల, కేజీబీవీ మూసాపేటలో నిర్వహించిన అవగాహన కార్యక్రమానికి న్యాయమూర్తి డి.ఇందిర, ఎంవీఓ ప్రకాష్‌ హాజరై మాట్లాడారు. బాలలపై జరుగుతున్న లైంగిక వేధింపులను కట్టడి చేయాల్సిన బాధ్యత అందరిపై ఉందన్నారు. పోక్సో చట్టంలో ఉన్న ముఖ్యమైన నిబంధనలు విద్యార్థులు తెలుసుకోవాలన్నారు. చిన్నదర్పల్లి ప్రభుత్వ పాఠశాల, నగరంలోని శ్రీనివాసకాలనీ పద్మాలయ హైస్కూల్‌లో నిర్వహించిన కార్యక్రమానికి న్యాయమూర్తి మహ్మద్‌ మునావర్‌ హాజరై మాట్లాడారు. జడ్చర్ల బ్రిలియంట్‌ హైస్కూల్‌లో ఏర్పాటు చేసి పోక్సో చట్టం అవగాహన కార్యక్రమానికి మహ్మద్‌ ముదసిర్‌ హాజరై మాట్లాడారు. నగరంలోని రాంనగర్‌ ప్రభుత్వ ఉన్నత పాఠశాలలో ప్రత్యేకంగా ఏర్పాటు చేసిన పోక్సో చట్టం 2012పై అదనపు సీనియర్‌ సివిల్‌ జడ్జి జి.రాధిక హాజరై మాట్లాడారు. దేవరకద్ర ప్రభుత్వ ఉన్నత పాఠశాలలో ఏర్పాటు చేసిన సమావేశానికి న్యాయమూర్తి రవి శంకర్‌ హాజరయ్యారు.

స్టేషన్‌ మహబూబ్‌నగర్‌: శ్రీఅన్నమయ్యవాణి లలితా సంగీత విద్యాలయం వ్యవస్థాపకుడు గద్వాల చంద్రశేఖరరావు ఆధ్వర్యంలో నగరంలోని ఓ ఫంక్షన్‌హాల్‌లో నిర్వహించిన శ్రీవనమాలి పాదపద కవితా తాత సంకీర్తనా షష్టమ వారోత్సవాలు గురువారం ఘనంగా ముగిశాయి. చివరిరోజు కార్యక్రమంలో ముఖ్య అతిథులుగా చిలకపాటి విజయరాఘవాచార్యులు, సామవేదం వెంకటమురళీకృష్ణ, మనోహర్‌రెడ్డి, మల్లారెడ్డి, టీపీసీసీ ప్రధాన కార్యదర్శి ఏపీ మిథున్‌రెడ్డి, తిరుమలనాథాచార్యులు తదితరులు పాల్గొన్నారు. ఈ సందర్భంగా సంకీర్తనా వారోత్సవాలు నిర్వహిస్తున్న గద్వాల చంద్రశేఖరరావును అభినందించారు. ఇలాంటి సంకీర్తనా కార్యక్రమాలు ప్రజల్లో ఆధ్యాత్మికత, భక్తిభావం పెంపొందిస్తాయన్నారు. గద్వాల చంద్రశేఖరరావు నిర్వహించిన సంకీర్తనా కచేరీ ఆద్యంతం అలరించింది. పలు అన్నమయ్య భక్తిగీతాలను ఆయన ఆలపించారు. సంకీర్తనా వారోత్సవాలతో ఆ ప్రాంతం ఆధ్యాత్మికతను సంతరించకుంది. అతిథులను శాలువాలతో ఘనంగా సత్కరించారు.

పాలమూరు: జిల్లాలోని ప్రతి ప్రైవేట్‌ ఆస్పత్రిలో పనిచేస్తున్న ఉద్యోగులకు ఈపీఎఫ్‌ లబ్ధి చేకూర్చాలని డీఎంహెచ్‌ఓ శ్రీనివాసులు అన్నారు. గురువారం కలెక్టరేట్‌లోని కాన్ఫరెన్స్‌ హాల్‌లో జిల్లాలో ఉన్న ప్రైవేట్‌ ఆస్పత్రుల డైరెక్టర్లు, వైద్యులతో ఎంప్లాయి ప్రావిడెంట్‌ ఫండ్‌ పోర్టల్‌ ఎంట్రీ స్టేటస్‌పై సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ ఆరోగ్యశ్రీ పథకం కింద వచ్చే వారికి పథక పరిధిలో చికిత్స చేయాలని, కారణాలు చెప్పి చికిత్సకు నిరాకరించరాదన్నారు. 20 మంది అంతకంటే ఎక్కువ మంది ఉద్యోగులు, కార్మికులు కలిగి ఉన్న ప్రతి ఆస్పత్రి తప్పకుండా ఈ నెల 31 వరకు నమోదు చేసుకోవాలన్నారు. ఈపీఎఫ్‌ ఫండ్‌కు ఎంప్లాయి జీతం నుంచి 12 శాతం, యాజమాన్యం తరపున 12 శాతం ఉద్యోగుల ఈపీఎఫ్‌ ఖాతాలో జమ చేయాలన్నారు. నిబంధనలు పాటించని ఆస్పత్రులపై చట్టపరంగా చర్యలు చేసుకోవాల్సి వస్తుందని హెచ్చరించారు. సమావేశంలో నోడల్‌ ఆఫీసర్‌ శివకాంత్‌, సిబ్బంది హన్మంతు, సిద్ధిక్‌, ఐఎంఏ అధ్యక్షుడు రాంమోహన్‌, సీనియర్‌ వైద్యుడు శ్యామూల్‌ తదితరులు పాల్గొన్నారు.

మహబూబ్‌నగర్‌ క్రైం: వరుసగా రెండు రోజుల్లో వేర్వేరు రెండు రైలులో బాంబు ఉందని డయల్‌ 100కు ఫోన్‌ చేసి భయాందోళనకు గురి చేసిన వ్యక్తి ని మహబూబ్‌నగర్‌ రైల్వే పోలీసులు రిమాండ్‌కు తరలించారు. స్థానిక రైల్వే పోలీస్‌స్టేషన్‌లో బుధవారం ఏర్పాటు చేసిన విలేకరుల సమావేశంలో రైల్వే ఎస్‌ఐ కె.రాజు కేసు వివరాలు వెల్లడించారు. నారాయణపేట జిల్లా ధన్వాడ మండలం కొండాపూర్‌ గ్రామానికి చెందిన బొల్లెం రాఘవేందర్‌ ప్రస్తు తం రంగారెడ్డి జిల్లా బుద్వేల్‌లో నివాసం ఉంటూ కూలీ పనిచేస్తున్నాడు. ఈ క్రమంలో మొదట ఈ నెల 24న మహబూబ్‌నగర్‌ రైల్వే స్టేషన్‌లో ఉండి గద్వాల రైల్వేస్టేషన్‌లో ఉన్న సంపర్‌ క్రాంతి ఎక్స్‌ప్రెస్‌లో బాంబు ఉందని డయల్‌ 100కు కాల్‌ చేసి చెప్పాడు. మళ్లీ ఈ నెల 26న బుద్వేల్‌ రైల్వేస్టేషన్‌లో నిలబడి రాత్రి 7.20 గంటల ప్రాంతంలో అశోకపురం ఎక్స్‌ప్రెస్‌లో బాంబు ఉందని 100 డయల్‌ చేసి మళ్లీ చెప్పాడు. దీంతో జీఆర్‌పీ, ఆర్‌పీఎఫ్‌ మహబూబ్‌నగర్‌ బాంబ్‌ స్క్వాడ్‌, డాగ్‌ స్క్వాడ్‌ బృందాలు తనిఖీలు చేసి ఎలాంటి బాంబు లేదని నిర్ధారించారు. ఈ రైలు దాదాపు 1.29 గంటలు ఆల స్యం కావడంతోపాటు ప్రయాణికులు తీవ్ర భ యాందోళనకు గురయ్యారు. దీంతో సదరు వ్యక్తిపై కేసు నమోదు చేసి దర్యాప్తులో భాగంగా ఈ నెల 27న రాత్రి బుద్వేల్‌ వెళ్లడానికి మహబూబ్‌నగర్‌ రైల్వేస్టేషన్‌లోని రెండో ప్లాట్‌ఫాంపై ఉండగా అరెస్టు చేసినట్లు ఎస్‌ఐ తెలిపారు. ఇదే వ్యక్తి 2016లోనూ సికింద్రాబాద్‌ రైల్వే స్టేషన్‌లోని 2, 7వ ప్లాట్‌పై ఉండి రైలులో బాంబు ఉందని డయల్‌ 100కు ఫోన్‌ చేయగా రైలులో ఉన్న ప్రయాణికులు తీవ్ర భయాందోళనకు గురయ్యారు. దీంతో 2017లో సికింద్రాబాద్‌ రైల్వే పోలీసులు అరెస్టు చేసి రిమాండ్‌కు పంపారు. రాఘవేందర్‌ ఆకతాయి చేష్టల కోసం బాంబు ఉందని చెబుతూ ప్రయాణికులను ఇబ్బందుల కు గురి చేస్తుంటాడని, దీంతో అతనిపై కేసు నమో దు చేసి రిమాండ్‌కు తరలించినట్లు వెల్లడించారు.

● లీగ్‌ దశలో నాలుగు మ్యాచ్‌లు గెలుపొందిన పాలమూరు ● సెమీస్‌కు చేరిన మహబూబ్‌నగర్‌– రంగారెడ్డి, మెదక్‌– ఖమ్మం జట్లు ● నేడు సెమీఫైనల్స్‌ గద్వాల న్యూటౌన్‌: జోగుళాంబ గద్వాల జిల్లాకేంద్రంలో ఎస్‌జీఎఫ్‌ ఆధ్వర్యంలో జరుగుతున్న 70వ రాష్ట్రస్థాయి అండర్‌–17 క్రికెట్‌ టోర్నీ లీగ్‌ దశ ఉత్కంఠభరితంగా సాగింది. రాష్ట్రంలోని ఉమ్మడి జిల్లాలకు చెందిన పది జట్లు పాల్గొన్న ఈ టోర్నీలో మూడు రోజులపాటు లీగ్‌ కమ్‌ నాకౌట్‌ పద్ధతిన ఒక్కో జట్టు నాలుగు మ్యాచ్‌లు ఆడాయి. ఈ క్రమంలో టోర్నీ నుంచి ఆరు జట్లు నిష్క్రమించగా.. మహబూబ్‌నగర్‌– రంగారెడ్డి, మెదక్‌– ఖమ్మం జట్లు సెమీఫైనల్స్‌లో తలపడనున్నాయి. మహబూబ్‌నగర్‌ జట్టు లీగ్‌ దశలో నాలుగు మ్యాచ్‌లలో గెలుపొంది టోర్నీ ఫేవరేట్‌గా నిలిచింది. బుధవారం ఇండోర్‌, సోమనాద్రి రెండు స్టేడియాలలో 8 లీగ్‌ మ్యాచ్‌లు నిర్వహించారు. అంతకు ముందు డీవైఎస్‌ఓ రామలింగేశ్వర్‌గౌడ్‌ క్రీడాకారులను పరిచయం చేసుకొని మాట్లాడారు. రాష్ట్రంలోని అన్ని జిల్లాల క్రీడాకారులు గద్వాలకు వచ్చి ఆడటం సంతోషంగా ఉందన్నారు. కార్యక్రమంలో ఎస్‌జీఎఫ్‌ కార్యదర్శి శ్రీనివాసులు, పరిశీలకుడు డేవిడ్‌ సన్‌, పీఈటీలు, క్రీడాకారులు పాల్గొన్నారు. గెలుపు కోసం.. టోర్నీలో గెలుపు కోసం పలు జట్లు హోరాహోరీగా తలపడ్డాయి. ఖమ్మం జట్టు ఆరు వికెట్ల తేడాతో వరంగల్‌పై గెలుపొందింది. తొలుత బ్యాటింగ్‌ చేసిన వరంగల్‌ 110 పరుగులు చేయగా, ఖమ్మం నాలుగు వికెట్లు కోల్పోయి లక్ష్యాన్ని ఛేదించింది. మరో మ్యాచ్‌లో మొదక్‌ 11 పరుగుల తేడాతో నల్లగొండపై విజయం సాధించింది. మెదక్‌ 124 పరుగులు చేయగా.. నల్లగొండ జట్టు 111 పరుగులకే పరిమితమైంది. – అదిలాబాద్‌ జట్టు నిజామాబాద్‌పై గెలిచింది. తొలుత బ్యాంటింగ్‌కు దిగిన నిజామాబాద్‌ 94 పరుగులు చేయగా అదిలాబాద్‌ అలవోకగా లక్ష్యాన్ని ఛేదించింది. మరో మ్యాచ్‌లో రంగారెడ్డి జట్టు హైదరాబాద్‌పై 23 పరుగుల తేడాతో గెలుపొందింది. మరో మ్యాచ్‌లో కరీంనగర్‌ హైదరాబాద్‌పై 19 పరుగుల తేడాతో విజయం సాధించింది. ఫేవరేట్‌గా పాలమూరు జట్టు.. మంగళవారం నిజామాబాద్‌పై మొదటి లీగ్‌ మ్యాచ్‌లో విజయం సాధించిన మహబూబ్‌నగర్‌ జట్టు బుధవారం మూడు మ్యాచ్‌లు అదిలాబాద్‌, నల్లగొండ, మెదక్‌ జట్లపై ఆడి గెలుపొందింది. నాలుగు లీగ్‌ మ్యాచ్‌లలో గెలిచి టోర్నీ ఫేవరేట్‌గా నిలిచింది. రెండో మ్యాచ్‌లో మహబూబ్‌నగర్‌ 38 పరుగుల తేడాతో అదిలాబాద్‌పై సునాయసంగా గెలిచింది. తొలుత బ్యాటింగ్‌ చేసిన మహబూబ్‌నగర్‌ నిర్ణీత ఓవర్లలో ఐదు వికెట్లకు 145 పరుగులు చేసింది. 78 పరుగులకు అదిలాబాద్‌ను ఆలౌట్‌ చేసింది. మూడో మ్యాచ్‌లో నల్లగొండపై మహబూబ్‌నగర్‌ అలవోకగా గెలుపొందింది. తొలుత ఆడిన నల్లగొండ 79 పరుగులు చేయగా.. నాలుగు వికెట్ల తేడాతో మహబూబ్‌నగర్‌ లక్ష్యాన్ని ఛేదించింది. చివరి మ్యాచ్‌లో మెదక్‌పై 18 పరుగుల తేడాతో గెలిచింది. ముందు బ్యాటింగ్‌కు దిగిన మహబూబ్‌నగర్‌ ఆరు వికెట్లకు 96 పరుగులు చేయగా.. నల్లగొండను 78 పరుగులకు ఆలౌట్‌ చేసింది. మహబూబ్‌నగర్‌ జట్టులో హమ్మద్‌, వెంకటసాగర్‌, ధనుష్‌, సాయిరాం బౌలింగ్‌లో రాణించి జట్టు విజయాల్లో కీలకపాత్ర పోషించారు.

దేవరకద్ర: దేవరకద్ర మండలం జీనుగరాల ప్రాథమికోన్నత పాఠశాలకు చెందిన విద్యార్థిని చాకలి రూప రాసిన ‘‘మానవత్వం’’ కథ బాలచెలిమి జాతీయ స్థాయి పిల్లల కథల పోటీల్లో ఎంపికై ందని బాలచెలిమి జిల్లా కన్వీనర్‌ డాక్టర భీంపల్లి శ్రీకాంత్‌ ప్రకటనలో తెలిపారు. జీనుగరాల ప్రాథమికోన్నత పాఠశాల నుంచి వెలువడిని మల్లెమొగ్గలు పుస్తకంలో కూడా రూప కథలు రాసిందని తెలిపారు. తమ పాఠశాలకు చెందిన విద్యార్థిని జాతీయ స్థాయికి ఎంపికకావడంతో పలువురు ఉపాధ్యాయులు రూపకు అభినందనలు తెలిపారు. మనస్తాపంతో మహిళ ఆత్మహత్య హన్వాడ: మనస్తాపానికి గురై ఓ మహిళ ఆత్మహత్య చేసుకున్న ఘటన మండలంలోని అత్యకుంటతండాలో బుధవారం వెలుగు చూసింది. పోలీసులు కథనం మేరకు.. గ్రామానికి చెందిన మున్నిబాయి(48) భర్త గతంలోనే చనిపోగా ఉపాధి పనులు చేసుకుంటూ జీవనం సాగించేది. ఇద్దరు కుమారులు ఉండగా వారు హైదరాబాద్‌లో ఉంటున్నారు. మున్నిబాయి పని నిమిత్తం సోమవారం జిల్లా కేంద్రానికి వెళ్లి తిరిగొచ్చే క్రమంలో బస్సులో వేరే మహిళ మెడలోని బంగారు గొలుసుకుని అపహరించింది. తోటి ప్రయాణికులు పట్టుకొని మందలించి వదిలేశారు. ఈ విషయం తన కొడుకులకు తెలియడంతో వారు కూడా మందలించడంతో మరుసటిరోజు ఉదయం ఇంట్లోనే ఉరేసుకుని ఆత్మహత్యకు పాల్పడింది. పైపునకు వేలాడుతున్న మున్నిబాయిని స్థానికులు గుర్తించి కుటుంబీకులకు సమాచారం ఇచ్చారు. ఈ మేరకు కుమారుడు సభావత్‌ పురందాస్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వెంకటేష్‌ తెలిపారు. చికిత్స పొందుతూ వివాహిత మృతి ఖిల్లాఘనపురం: చికిత్స పొందుతూ వివాహిత మృతి చెందిన ఘటన ఖిల్లాఘనపురం మండలం షాపురం గ్రామ శివారులో మంగళవారం రాత్రి చోటు చేసుకుంది. పోలీసులు కథనం మేరకు.. గ్రామానికి చెందిన కేశపాగ కల్పన (27)ను ఏడేళ్ల క్రితం మండలంలోని పర్వతాపురానికి చెందిన ఆటో డ్రైవర్‌ కృష్ణయ్యకు ఇచ్చి వివాహం చేశారు. వీరికి ముగ్గురు సంతానం. వీరు వనపర్తిలోని బండారునగర్‌లో ఓ అద్దె ఇంట్లో ఉంటూ జీవనం సాగిస్తున్నారు. ఇటీవల కల్పన అనారోగ్యానికి గురి కావడంతో ఈ నెల 23న పుట్టింటికి వచ్చింది. చికిత్స అనంతరం 25న భర్తతో కలిసి వారి ఆటోలోనే ఊరికి బయలుదేరింది. షాపురం స్టేజి దగ్గరకు రాగానే పుట్టింటికి వెళ్తాను ఆటో ఆపమని చెప్పింది. భర్త మాట వినకపోవడంఆటోలో నుంచి దూకేసింది. దీంతో తలకు తీవ్రగాయాలు కాగా మహబూబ్‌పగర్‌ జిల్లా ఆస్పత్రికి అక్కడి నుంచి హైదరాబాద్‌లోని గాంధీ ఆస్పత్రికి తీసుకెళ్లారు. ఈ క్రమంలో పరిస్థితి విషమించడంతో మృతి చెందింది. ఈ విషయమై మృతురాలి తల్లి బుధవారం పోలీసులకు ఫిర్యాదు చేయడంతో కేసు నమోదు చేసినట్లు ఎస్‌ఐ వెంకటేష్‌ తెలిపారు. కాంగ్రెస్‌ నాయకులపై ఎస్సీ, ఎస్టీ అట్రాసిటీ కేసు నారాయణపేట: బీఎస్పీ ఊట్కూర్‌ మండల అధ్యక్షుడు నర్సింహులు అలియాస్‌ గౌతమ్‌ ఫిర్యాదు మేరకు కాంగ్రెస్‌ నాయకులపై ఎస్సీ, ఎస్టీ అట్రాసిటీ కేసు నమోదైనట్లు ఎస్‌ఐ వెంకటేశ్వర్లు తెలిపారు. ఈ నెల 23న నారాయణపేట మున్సిపల్‌ పార్క్‌ సమీపంలో ఎన్‌హెచ్‌ఎం ఉద్యోగులు చేపట్టిన ధర్నాకు బీఎస్పీ నాయకులు మద్దతు తెలిపేందుకు వెళ్లిన సమయంలో కాంగ్రెస్‌, బీఎస్పీ నాయకుల మధ్య ఘర్షణ చోటుచేసుకుంది. ఈక్రమంలో నర్సింహులు ఫిర్యాదు చేయడంతో మార్కెట్‌ యార్డు మాజీ చైర్మన్‌ బండి వేణుగోపాల్‌ రెడ్డి, బండి ఆనంద్‌, కాంగ్రెస్‌ యువ నాయకుడు కుర్వ మనోజ్‌, గడ్డం వినోద్‌ తదితరులపై కేసు నమోదు చేసినట్లు పేర్కొన్నారు.

కొల్లాపూర్‌ రూరల్‌: మండలంలోని కుడికిల్లలో ఉన్న పురాతన రామాలయంలో మంగళవారం అర్ధరాత్రి దొంగలు పడ్డారు. రామాలయంలో దొంగలు అంతా తిరుగుతూ ఆలయ ఆవరణలో ఉన్న శివుడి గర్భగుడి ఎదుట ఉన్న ప్రాచీన నంది విగ్రహాన్ని అపహరించుకపోయారు. ఈ విగ్రహం 500 ఏళ్ల క్రితం నుంచి ఉన్నదని గ్రామపెద్దలు తెలిపారు. రామాలయంలో తూర్పు భాగంలో చిన్న గేటు ఉంది. ఆ గేటుకు ఉన్న తాళం పగలగొట్టి దుండగులు లోపలికి వచ్చి శివుడి గర్భగుడికి ఉన్న తాళం కూడా పగలగొట్టి దాదాపు 45కిలోల పరిమాణంలో ఉన్న నంది విగ్రహాన్ని తీసుకెళ్లారు. బుధవారం ఉదయం ఆలయ కమిటీ నిర్వాహకులు వచ్చి చూడగా.. నంది విగ్రహం లేకపోవడంతో ముందుగా గ్రామస్తులకు సమాచారం ఇచ్చారు. ఆలయ కమిటీ అధ్యక్షుడు శివకుమార్‌ కమిటీ సభ్యులు, గ్రామపెద్దలతో కలిసి కొల్లాపూర్‌ పోలీస్‌ స్టేషన్‌లో చోరీ ఘటనపై ఎస్‌ఐ ఆనంద్‌కు ఫిర్యాదు చేశారు. ఘటనా స్థలానికి సీఐ శంకర్‌, ఎస్‌ఐ ఆనంద్‌ చేరుకొని పరిశీలించా రు. ఆలయంలో ఉన్న సీసీ ఫుటేజ్‌లను పరిశీలించారు. చోరీకి వచ్చిన వా రి ఆచూకీని సీసీ ఫుటేజ్‌లో పరిశీలించారు. కే సు నమోదు చేసుకొని సమగ్ర దర్యాప్తు జరిపి దోషులను శిక్షిస్తామని తెలిపారు.

వనపర్తి: లైంగిక నేరాలకు పాల్పడిన కేసులలో దర్యాప్తును 60 రోజుల్లో పూర్తి చేయాలని ఎస్పీ డి.సునిత రెడ్డి ఆదేశించారు. మహిళలు, బాలికల భద్రతకు అధిక ప్రాధాన్యతనిస్తూ, లైంగిక నేరాల కేసుల దర్యాప్తును వేగవంతం చేయాలని రాష్ట్ర మహిళా భద్రతా విభాగం ఐ/సీ డీఐజీ విశ్వ జిత్‌ కంపటి అధికారులకు సూచించారు. జిల్లా మహిళా భద్రతా విభా గం పనితీరు, ఆర్థిక నిర్వహణ, భరో సా కేంద్రాల నిర్వహణ, మహిళలు, బాలికలపై జరిగే లైంగిక నేరాల కేసుల దర్యాప్తు పురోగతిపై బుధవారం సంబంధిత అధికారులతో వీడియో కాన్ఫరెన్స్‌ నిర్వహించారు. ఈ సందర్భంగా అత్యాచారం, పోక్సో కేసుల్లో నిర్ణీత గడువులోగా, ముఖ్యంగా 60 రోజుల్లో దర్యాప్తు పూర్తి చేసేలా చర్యలు తీసుకోవాలని ఆదేశించారు. కేసుల దర్యాప్తు పురోగతిని నిరంతరం పర్యవేక్షించేందుకు ఐటీఎస్‌ఎస్‌ఓ వ్యవస్థను సమర్థవంతంగా వినియోగించుకోవాలని, దర్యాప్తులో ఎలాంటి జాప్యం జరగకుండా తగిన చర్యలు చేపట్టాలని సూచించారు. అనంతరం వనపర్తి జిల్లా ఎస్పీ సునీతా రెడ్డి మాట్లాడుతూ మహిళల భద్రతకు సంబంధించిన ప్రతి అంశంలో అధికారులు బాధ్యతాయుతంగా వ్యవహరించాలన్నారు. మహిళలు, బాలికలపై జరిగే నేరాల విషయంలో తక్షణమే స్పందించి, పరిస్థితులకు అనుగుణంగా అవసరమైన చర్యలు చేపట్టాలన్నారు. కేసుల పురోగతిని ఎప్పటికప్పుడు సమీక్షిస్తూ, నిర్ణీత గడువులోగా దర్యాప్తు పూర్తయ్యేలా అధికారులు సమన్వయంతో పనిచేయాలన్నారు. వీడియో కాన్ఫరెన్స్‌లో వనపర్తి డీసీఆర్‌బీ డీఎస్పీ బాలాజీ, భరోసా ఎస్‌ఐ అంజద్‌, షీ టీమ్స్‌ సిబ్బంది, భరోసా కేంద్రం సిబ్బంది పాల్గొన్నారు.

నవాబుపేట: మండలంలోని కూచూర్‌కు చెంది న రాంచంద్రయ్య తన ఫ్యామిలీ తప్పుడు ధ్రువ పత్రం సృష్టించి తన తల్లి పేరునున్న 8.34 ఎకరా ల భూమిని విరా్‌సత్‌ చేసుకున్నట్లు రెవెన్యూ అధికారులు వివరించారు. ఈ విషయంలో బుధ వా రం పోలీసులకు ఫిర్యాదు చేశారు. వివరాలిలా.. కూచూర్‌కు చెందిన రాంచంద్రయ్య తన తల్లి నాగ మ్మ పేరున ఉన్న భూమిని తప్పుడు ధ్రువపత్రా లు సృష్టించి విరాసత్‌ చేసుకున్నాడు. ఈ విషయంలో అతని కుటుంబ సభ్యులు తహసీల్దార్‌ సురేశ్‌కు ఫిర్యాదు చేశారు. దీంతో తహసీల్దార్‌ విచారణ జరిపి రాంచంద్రయ్య సమర్పించిన ధ్రువపత్రాలు తప్పుగా సృష్టించాడని తేల్చారు. అతనిపై చీటింగ్‌తోపాటు ఫోర్జరీ కేసునమోదు చేయాలని తహసీల్దార్‌ పోలీసులకు ఫిర్యాదు చేశాడు. బుధవారం అతనిపై కేసునమోదు చేసినట్లు ఎస్‌ఐ నరేందర్‌ తెలిపారు.కాగా,రాంచంద్రయ్య నాగర్‌కర్నూల్‌ జిల్లాలో పోలీసు కానిస్టేబుల్‌గా విధులు నిర్వహిస్తున్నట్లు సమాచారం. సెల్‌టవర్‌ ఎక్కి హల్‌చల్‌ గోపాల్‌పేట: మండల కేంద్రంలో బుధవారం గోపాల్‌పేటకు చెందిన రామ స్వామి సెల్‌టవర్‌ ఎక్కి హల్‌చల్‌ చేశాడు. వివరాలిలా.. రామస్వామి బుధ వారం సాయంత్రం ఐదుగంటల ప్రాంతంలో మద్యం మత్తులో తహసీల్దార్‌ కా ర్యాలయం ఎదురుగా ఉన్న సెల్‌టవర్‌ ఎక్కాడు. దూకి చనిపోతానని కేకలు వేయడంతో స్థానికులు గమనించి పోలీసులకు సమాచారం అందించారు. వారు ఫైర్‌ సిబ్బందికి సమాచారం అందించి సెల్‌టవర్‌ దగ్గరికి చేరుకుని మైకులో టవర్‌ దిగాలని ఏదైనా సమస్య ఉంటే కూర్చుని మాట్లాడుకోవాలని గంటసేపు బతిమాలారు. సుమారు గంటన్నర తర్వాత మరో వ్యక్తి టవర్‌ ఎక్కి రామస్వామిని కిందకు దించాడు. అనంతరం గోపాల్‌పేట ఎస్‌ఐ మాట్లాడుతూ ఏదైనా సమస్య ఉంటే ఇంట్లో కూర్చుని సమస్యను పరిష్కరించుకోవాలని చెప్పారు. బాలలపై నేరాల కట్టడికి బాధ్యత తీసుకోవాలి పాలమూరు: సురక్షిత్‌ బచ్చన్‌ అభియాన్‌ కా ర్యక్రమంలో భాగంగా జిల్లా న్యాయ సేవాధికార సంస్థ ఆధ్వర్యంలో బుధవారం రెండోరోజు బుధవారం జిల్లాలో పలు ప్రభు త్వ, ప్రైవేట్‌ పాఠశాలలో పోక్సో చట్టం–2012పై అవగాహ న కార్యక్రమాలు నిర్వహించారు. మహబూబ్‌నగర్‌ని మహాత్మా గాంధీ రోడ్‌ స్కూల్‌, జెడ్పీహెచ్‌ఎస్‌ రాజాపూర్‌, జెడ్పీహెచ్‌ఎస్‌ రంగారెడ్డిగూడ పాఠశాలలో ఏర్పాటు చేసిన కార్యక్రమానికి మూడో అదనపు న్యాయమూర్తి ఆంజనేయులు, న్యాయమూర్తి ఇందిర హాజరై అవగాహన కల్పించారు. అలాగే నగరంలోని ఆదర్శ హైస్కూల్‌, మోడల్‌ బేసిక్‌ ప్రాక్టిస్‌ పాఠశాలలో న్యాయమూర్తి మహ్మద్‌ మునవార్‌ హాజరై అవగాహన కల్పించారు. జడ్చర్లలోని కాకతీయ హైస్కూల్‌లో ఏర్పా టు చేసిన పోక్సో చట్టంపై న్యాయమూర్తి మహ్మద్‌ ముదసిర్‌ హాజరై మాట్లాడారు. ఈ సందర్భంగా న్యాయమూర్తులు మాట్లాడు తూ విద్యార్థినులు, చిన్నారులు తమకు ఎదురయ్యే అనుచిత ప్రవర్తనను గుర్తించి వెంటనే భయపడకుండా తల్లిదండ్రులు లే దా ఉపాధ్యాయుల దృష్టికి తీసుకువెళ్లాల న్నారు. బాలలపై జరిగే లైంగిక నేరాల కట్టడిలో ప్రతిఒక్కరూ బాధ్యతగా పని చేయాలన్నారు. బాలలకు సురక్షితమైన వాతావరణం కల్పించడం, వారి హక్కులను పరిరక్షించడం, వారిపై నేరాలు జరగకుండా నివారించడం ఎంతో కీలకం అని అభిప్రాయపడ్డారు.

మదనాపురం: మార్కెట్‌ కమిటీ అధికారుల నిఘాకు చిక్కకుండా.. ప్రభుత్వానికి చెల్లించాల్సిన మార్కెట్‌ ఫీజును ఎగవేస్తూ కొందరు వ్యాపారులు సాగిస్తున్న జీరో దందా మదనాపురం మండలంలో చర్చనీయాంశంగా మారింది. స్థానిక దళారుల సహకారంతో కర్ణాటకకు చెందిన వ్యాపారులు ధాన్యాన్ని కొనుగోలు చేసి, గత పది రోజులుగా లారీల్లో తరలిస్తున్నట్లు సమాచారం. ఈ వ్యవహారంతో ప్రభుత్వ ఆదాయానికి గండిపడుతున్నా.. అక్రమ రవాణాకు అడ్డుకట్ట పడటం లేదనే విమర్శలు వినిపిస్తున్నాయి. రైతుల వద్దకే దళారులు.. సరిహద్దు దాటుతున్న ధాన్యం వనపర్తి జిల్లా మదనాపురం మండలంలోని కొత్తపల్లి, గోపన్‌పేట, కరివెన తదితర గ్రామాల్లో కర్ణాటక వ్యాపారులు స్థానిక దళారుల ద్వారా వడ్ల కొనుగోళ్లు చేపడుతున్నట్లు తెలుస్తోంది. ప్రభుత్వ కొనుగోలు కేంద్రాల వద్ద ఎదురయ్యే నిరీక్షణ, ధాన్యం ఆరబెట్టడం, తేమ శాతం పేరుతో కోతల భయంతో రైతులు ప్రైవేటు వ్యాపారుల వైపు మొగ్గుచూపుతున్నారు. క్వింటాకు రూ.3,400–3,500 చెల్లిస్తామంటూ, ఇతర కొనుగోలు ధరల కంటే రూ.300–400 అధికంగా ఇస్తామని వ్యాపారులు ఆశ చూపుతున్నట్లు సమాచారం. దీంతో కొత్తపల్లిలో 10 వేలకుపైగా, గోపన్‌పేటలో 5 వేలకుపైగా బస్తాలను సేకరించినట్లు స్థానిక సమాచారం. ఈ రెండు గ్రామాల్లోనే 15 వేలకుపైగా బస్తాలు కొనుగోలు చేసిన వ్యాపారులు.. రోజూ 15 నుంచి 20 లారీల్లో ధాన్యాన్ని కర్ణాటకకు తరలిస్తున్నట్లు చెబుతున్నారు. మార్కెట్‌ అధికారులకు ముందస్తు సమాచారం ఇవ్వకుండా, ఫీజు చెల్లింపులు లేకుండానే రవాణా సాగుతోందన్న ఆరోపణలు వ్యక్తమవుతున్నాయి. ఈ వ్యవహారంపై మదనాపురం మార్కెట్‌ సెక్రటరీ సరోజ స్పందిస్తూ.. అనధికారికంగా ధాన్యం తరలిస్తున్నారన్న విషయం తమ దృష్టికి వచ్చిందని తెలిపారు. సంబంధిత వ్యాపారులు, దళారులపై ప్రత్యేక నిఘా ఏర్పాటు చేసినట్లు పేర్కొన్నారు. నిబంధనలు ఉల్లంఘించి మార్కెట్‌ ఫీజు చెల్లించకుండా ధాన్యం తరలిస్తే లారీలను సీజ్‌ చేయడంతోపాటు క్రిమినల్‌ కేసులు నమోదు చేస్తామని హెచ్చరించారు. త్వరలో తనిఖీలు ముమ్మరం చేస్తామని వెల్లడించారు. కర్ణాటకకు వడ్ల అక్రమ తరలింపు 10 రోజులుగా యథేచ్ఛగా జీరో దందా రోజూ 15–20 లారీల్లో ధాన్యం తరలింపు క్వింటాకు రూ.300–400 అదనపు ధర ఎర.. మార్కెట్‌ ఫీజుకు గండి

● ఎమ్మెల్యే అనిరుధ్‌రెడ్డిపై మాజీ మంత్రి లక్ష్మారెడ్డి ఆగ్రహం జడ్చర్ల: ఎమ్మెల్యేగా ఎన్నికై వెయ్యి రోజులు గడుస్తున్నా పాత ఆరోపణలతో కాలం వెళ్లదీయడం మానుకోవాలని మాజీ మంత్రి డాక్టర్‌ సి.లక్ష్మారెడ్డి.. ఎమ్మెల్యే అనిరుధ్‌రెడ్డిపై విమర్శలు గుప్పించారు. బుధవారం జడ్చర్ల ఏరియా ఆస్పత్రిని సందర్శించి, నూతనంగా నిర్మిస్తున్న క్రిటికల్‌ కేర్‌ యూనిట్‌ భవనాన్ని పరిశీలించిన అనంతరం మీడియాతో మాట్లాడారు. వంద పడకల ఆస్పత్రి నిర్మాణానికి గతంలో తన సొంత డబ్బు ఖర్చు చేసి స్థలం సిద్ధం చేశానని లక్ష్మారెడ్డి తెలిపారు. జాతీయ రహదారి నిర్మాణ సమయంలో రోడ్డు ఎత్తు పెరగడంతో ఆస్పత్రి దిగువన ఉన్నట్లు కనిపిస్తోందని పేర్కొన్నారు. ఆస్పత్రి నిర్మాణంలో వాస్తు పాటించలేదంటూ విమర్శలు చేయడం సరికాదన్నారు. పట్టణ నడిబొడ్డున మూడు ఎకరాల స్థలం కేటాయిస్తే సొంత ఖర్చుతో ఆస్పత్రి నిర్మిస్తానని గతంలో ఇచ్చిన మాటకు కట్టుబడి ఉన్నానని స్పష్టం చేశారు. ఎమ్మార్వో, క్యాంపు కార్యాలయాలను తొలగించి ఆస్పత్రికి స్థలం కేటాయిస్తామన్న ఎమ్మెల్యే సవాల్‌ను స్వీకరిస్తున్నట్లు తెలిపారు. నిబంధనల ప్రకారం స్థలాన్ని అధికారికంగా అప్పగించిన వెంటనే భూమిపూజ చేస్తానన్నారు. పాత ఆస్పత్రి భవనంలోనూ ఓపీ సేవలు కొనసాగించాలని డిమాండ్‌ చేశారు. వంద పడకల ఆస్పత్రిలో పూర్తిస్థాయి సిబ్బందిని నియమించలేకపోయారని లక్ష్మారెడ్డి విమర్శించారు. మార్చురీలో మృతదేహాల నిర్వహణపై గతంలోనూ, ఇటీవలా వివాదాలు తలెత్తాయని పేర్కొంటూ ఆస్పత్రి నిర్వహణపై ప్రశ్నలు లేవనెత్తారు. సిబ్బంది నియామకం చేపట్టకపోతే పెద్ద ఎత్తున ధర్నా చేస్తామని హెచ్చరించారు. నిధులు, హామీలపై విమర్శలు గంగాపూర్‌–బాలానగర్‌ రహదారి పనులకు తమ హయాంలో రూ.56 కోట్లు మంజూరు కాగా, అదే పనులకు మరో రూ.20 కోట్లు పెంచి ఆంధ్రప్రదేశ్‌ కు చెందిన గుత్తేదారుకు అప్పగించారని ఆరోపించారు. పెంచిన నిధులు పంచుకునేందుకే ఎమ్మెల్యే ఆమరణ దీక్ష పేరుతో డ్రామాకు తెరతీశారని విమర్శించారు. గురువు కోసం తల నరుక్కుంటానన్న ఎమ్మెల్యేకు మంత్రి కోమటిరెడ్డి నిధులు ఇవ్వలేరా? అని ప్రశ్నించారు. ఆరు నెలల్లో మూడుసార్లు జడ్చర్లకు వచ్చిన ముఖ్యమంత్రిని కనీసం ఒక్క రూపా యి నిధులైనా అడగకపోవడం ఎమ్మెల్యే అసమర్థత కు నిదర్శనమని వ్యాఖ్యానించారు. కొల్లూరును మండలంగా ఏర్పాటు చేయడం, రాజాపూర్‌ మండ ల కాంప్లెక్స్‌ నిర్మాణం, కాలుష్య పరిశ్రమలపై చర్య లు వంటి హామీలను అమలు చేయాలని డిమాండ్‌ చేశారు. నెల రోజుల్లో ఆస్పత్రి నిర్మాణానికి స్థలం అప్పగించాలని కోరారు. హామీలు నెరవేరే వరకు ప్రభుత్వాన్ని నిలదీస్తామని స్పష్టం చేశారు. సమావేశంలో మాజీ జెడ్పీ వైస్‌ చైర్మన్‌ యాదయ్య, నాయకులు ప్రశాంత్‌రెడ్డి, దేవ, నాగిరెడ్డి, ప్రణీల్‌, మురళి, శ్రీనివాస్‌, అంజిబాబు పాల్గొన్నారు.

మహబూబ్‌నగర్‌ క్రీడలు/వనపర్తి రూరల్‌: జాతీయస్థాయి జూనియర్‌ కబడ్డీ పోటీలకు ఉమ్మడి పాలమూరు నుంచి ముగ్గురు క్రీడాకారులు మహబూబ్‌నగర్‌ జిల్లాలోని అడ్డాకుల మండలం తిమ్మాయిపల్లి తండాకు చెందిన జె.పాండుతో పాటు వనపర్తి జిల్లా శేరుపల్లికి చెందిన భాస్కర్‌, మూలమళ్ల ఆత్మకూరు) చెందిన ఆంజనేయులు ఎంపికయ్యారు. బిహార్‌ రాష్ట్రం పాటలీపుత్రలో నవంబర్‌ 1 నుంచి 4వ తేదీ వరకు జరిగే జూనియర్‌ నేషనల్‌ కబడ్డీ పోటీల్లో పాల్గొనే తెలంగాణ బాలుర జట్టులో వీరికి చోటు దక్కింది. మహబూబ్‌నగర్‌ జిల్లా కబడ్డీ అసోసియేషన్‌ అధ్యక్షులు బి.శాంతికుమార్‌, ప్రధాన కార్యదర్శి కురుమూర్తిగౌడ్‌, వనపర్తి జిల్లా అధ్యోఉడు వెంకటేశ్వర్‌రెడ్డి, చైర్మన్‌ పద్మజారెడ్డి, ప్రధాన కార్యదర్శి ఎం.కురుమయ్య హర్షం వ్యక్తం చేశారు.జాతీయస్థాయి కబడ్డీ పోటీల్లో ప్రతిభచాటి జిల్లాకు పేరు ప్రతిష్టలు తీసుకురావాలని ఆకాంక్షించారు.

● అన్ని శాఖల అధికారులు సమన్వయంతో పనిచేయాలి ● మహబూబ్‌నగర్‌ కలెక్టర్‌ ఖుష్బూగుప్తా జెడ్పీ సెంటర్‌ (మహబూబ్‌నగర్‌): ఖేలో ఇండియా యూత్‌ గేమ్స్‌లో భాగంగా జిల్లాలో నిర్వహించనున్న జాతీయ స్థాయి కబడ్డీ పోటీలను ప్రతిష్ఠాత్మకంగా నిర్వహించాలని కలెక్టర్‌ ఖుష్బూ గుప్తా అధికారులను ఆదేశించారు. బుధవారం కలెక్టరేట్‌లోని వీడియో కాన్ఫరెన్స్‌ హాలులో వివిధ శాఖల అధికారులతో ఏర్పాట్లపై సమీక్ష నిర్వహించారు. డిసెంబర్‌ 11 నుంచి 21 వరకు జరిగే ఈ క్రీడా పోటీల్లో దేశంలోని 16 రాష్ట్రాలకు చెందిన జట్లు పాల్గొననున్నాయని, సుమారు 300 మంది క్రీడాకారులు జిల్లాకు రానున్నారని కలెక్టర్‌ తెలిపారు. క్రీడాకారులకు వసతి, భోజనం, రవాణా, తాగునీరు, పారిశుద్ధ్యం, విద్యుత్‌, మరుగుదొడ్లు, వైద్య సేవలు వంటి సౌకర్యాలను ముందుగానే సిద్ధం చేయాలని సూచించారు. క్రీడా ప్రాంగణం, ఇండోర్‌ స్టేడియం సహా పోటీలకు గుర్తించిన వేదికలను పరిశీలించి, అవసరమైన మౌలిక సదుపాయాల పనులను గడువులోగా పూర్తి చేయాలన్నారు. క్రీడాకారుల వసతి కోసం గుర్తించిన హాస్టళ్లు, భవనాలను క్షేత్రస్థాయిలో తనిఖీ చేసి, అవసరమైన మరమ్మతులు చేపట్టాలని ఆదేశించారు. బాలురు, బాలికలకు వేర్వేరుగా వసతి కల్పించడంతోపాటు కోచ్‌లు, సహాయక సిబ్బందికి తగిన ఏర్పాట్లు చేయాలన్నారు. వసతి కేంద్రాల నుంచి క్రీడా వేదికలకు రవాణా కోసం బస్సులను సిద్ధం చేయాలని, వైద్య బృందాలు, అంబులెన్సులను అందుబాటులో ఉంచాలని సూచించారు. ప్రతి వసతి కేంద్రానికి సమన్వయ అధికారిని నియమించి ఏర్పాట్లను పర్యవేక్షించాలని తెలిపారు. పోటీలను విజయవంతంగా నిర్వహించి జాతీయ స్థాయిలో మహబూబ్‌నగర్‌ జిల్లాకు మంచి గుర్తింపు తీసుకురావాలని కలెక్టర్‌ పిలుపునిచ్చారు. సమావేశంలో ఎస్పీ డి.జానకి, అదనపు కలెక్టర్‌ హరిప్రియ, డీఆర్వో నిర్మల, జిల్లా అటవీ అధికారి ఎం.నవీన్‌రెడ్డి, జిల్లా క్రీడలు, పర్యాటక శాఖ అధికారి జె.రాజశేఖర్‌రెడ్డి, ఇతర శాఖల అధికారులు పాల్గొన్నారు.

● పెటాటీఎస్‌ జిల్లా అధ్యక్షుడు జగన్‌మోహన్‌గౌడ్‌ మహబూబ్‌నగర్‌ క్రీడలు: రాష్ట్రస్థాయి స్కూల్‌ గేమ్స్‌ ఫెడరేషన్‌ క్రీడాపోటీల్లో ఉమ్మడి జిల్లా జట్లు మెరుగైన ప్రతిభ కనబరిచి విజేతలుగా పెటాటీఎస్‌ జిల్లా అధ్యక్షుడు జగన్‌మోహన్‌గౌడ్‌ అన్నారు. జిల్లా కేంద్రంలోని ప్రభుత్వ బాలుర జూనియర్‌ కళాశాల మైదానంలో బుధవారం ఉమ్మడి జిల్లా స్కూల్‌ గేమ్స్‌ ఫెడరేషన్‌ అండర్‌–19 బాలబాలికల సాఫ్ట్‌బాల్‌ జట్ల ఎంపికలు నిర్వహించారు. ఈ సందర్బంగా జగన్‌మోహన్‌గౌడ్‌ ముఖ్య అతిథిగా పాల్గొని క్రీడాకారులను పరిచయం చేసుకొని మాట్లాడుతూ ఎస్‌జీఎఫ్‌ క్రీడల్లో ఉమ్మడి జిల్లా జట్లు రాణిస్తున్నాయని, రానున్న క్రీడాపోటీల్లో ఇదే విధంగా ఆడి విజయం సాధించాలని కోరారు. రాష్ట్రస్థాయి పోటీల్లో సత్తాచాటి జాతీయస్థాయికి ఎదగాలని ఆకాంక్షించారు. కార్యక్రమంలో పీడీలు రాఘవేందర్‌, నాగరాజు, రాంమోహన్‌ తదితరులు పాల్గొన్నారు.

జడ్చర్ల: దళిత యువతకు ఉపాధి కల్పించాలన్న లక్ష్యం.. చర్మ ఉత్పత్తుల తయారీ రంగాన్ని అభివృద్ధి చేయాలన్న సంకల్పం.. వెరసి లెదర్‌ పార్కుల ఏర్పాటుకు ప్రభుత్వం శ్రీకారం చుట్టింది. స్థలాలు కేటాయించింది.. భవనాలు నిర్మించింది.. యంత్ర సామగ్రిని సమకూర్చింది.. నిరుద్యోగ యువతకు శిక్షణ కూడా ఇచ్చింది. కానీ, పరిశ్రమలు మాత్రం ఏర్పాటు కాలేదు. ఉపాధి అవకాశాలు అందలేదు. ఫలితంగా ఉమ్మడి పాలమూరులోని పోలేపల్లి, జినుకుంట లెదర్‌పార్కుల లక్ష్యం నెరవేరకుండానే పోయింది. కోట్ల విలువైన భూములు, లక్షలాది రూపాయలతో నిర్మించిన భవనాలు, యంత్రాలు నిరుపయోగంగా మారాయి. శిక్షణ ఇచ్చారు.. ఉపాధి మరిచారు చర్మ ఉత్పత్తుల తయారీలో నైపుణ్యం పెంచేందుకు నిరుద్యోగ దళిత యువతకు శిక్షణ ఇచ్చారు. కొందరిని చైన్నెకి పంపించి శిక్షణ ఇప్పించగా, జడ్చర్ల పారిశ్రామిక పార్కులో సుమారు 250 మందికి శిక్షణ అందించారు. శిక్షణ సమయంలో నెలకు రూ.1,500 చొప్పున స్టైపెండ్‌ చెల్లించి ధ్రువీకరణ పత్రాలు అందజేశారు. అనంతరం ఎస్సీ కార్పొరేషన్‌ ద్వారా ఒక్కొక్కరికి రూ.7,500 రుణసదుపాయం కల్పించారు. జినుకుంటలోనూ సుమారు 400 మందికి శిక్షణ ఇచ్చారు. లెదర్‌ పార్కుల్లో ఏర్పాటయ్యే పరిశ్రమల్లో ఉద్యోగ, ఉపాధి అవకాశాలు కల్పిస్తామని అప్పట్లో అధికారులు హామీ ఇచ్చారు. అయితే పరిశ్రమలే ప్రారంభం కాకపోవడంతో శిక్షణ పొందిన యువతకు ఆశించిన ప్రయోజనం దక్కలేదు. రూ.60 లక్షలు ఏమయ్యాయి? లిడ్‌క్యాప్‌ శిక్షణ కేంద్రాన్ని తిరిగి ప్రారంభించేందుకు తెలంగాణ ప్రభుత్వం 2022లో రూ.60 లక్షలు కేటాయించినట్లు అప్పట్లో అధికారులు ప్రకటించారు. సీఎల్‌ఆర్‌ఐ (సెంట్రల్‌ లెదర్‌ రీసెర్చ్‌ ఇన్‌స్టిట్యూట్‌)కు సంబంధించిన శిక్షణ కార్యక్రమాల కోసం ఈ నిధులు కేటాయించినట్లు వెల్లడించారు. అయితే ఆ నిధుల వినియోగం, శిక్షణ కేంద్రం పునఃప్రారంభం, ప్రస్తుత పురోగతిపై స్పష్టత లేకపోవడం ఆందోళన కలిగిస్తోంది. ఏపీఐఐసీకి అప్పగింత.. మళ్లీ లిడ్‌క్యాప్‌కు పోలేపల్లి భూమిని 2008లో లెదర్‌ పార్కు ఏర్పాటుకు లిడ్‌క్యాప్‌ అప్పటి ఏపీఐఐసీకి అప్పగించింది. అయితే అక్కడ పరిశ్రమల అభివృద్ధి ముందుకు సాగలేదు. దీంతో 2013లో ప్రభుత్వం ఆ భూమిని ఏపీఐఐసీ నుంచి వెనక్కి తీసుకుని తిరిగి లిడ్‌క్యాప్‌కు బదలాయించింది. భూమిని స్వాధీనం చేసుకున్న సంస్థ ఆ తర్వాత కూడా అభివృద్ధి కార్యక్రమాలు చేపట్టకపోవడంతో 25 ఎకరాలు నిరుపయోగంగానే మిగిలాయి. మరోవైపు పోలేపల్లి భూమి సెజ్‌, జాతీయ రహదారి సమీపంలో ఉండటంతో దాని మార్కెట్‌ విలువ భారీగా పెరిగింది. స్థానికంగా ఎకరం ధర రూ.3 కోట్లకు పైగా పలుకుతున్నట్లు అంచనా. ఇంత విలువైన భూమి అన్యాక్రాంతం కాకుండా కాపాడటంతో పాటు, అసలు లక్ష్యమైన పారిశ్రామిక అభివృద్ధికి వినియోగించాల్సిన బాధ్యత ప్రభుత్వంపై ఉంది. చర్మ ఉత్పత్తులకు మార్కెట్‌లో ఉన్న డిమాండ్‌ను వినియోగించుకుంటూ లెదర్‌ పార్కులను అభివృద్ధి చేస్తే స్థానిక యువతకు ఉపాధి అవకాశాలు లభించే వీలుంది. పరిశ్రమల ఏర్పాటుకు కార్యాచరణ రూపొందించడం, యంత్రాలను పునరుద్ధరించడం, శిక్షణ కేంద్రాలను ప్రారంభించడం, పెట్టుబడిదారులను ఆకర్షించడం వంటి చర్యలపై ప్రభుత్వం దృష్టి సారించాల్సిన అవసరం ఉంది. ఉపాధి అవకాశాలు కల్పించాలి చర్మ ఉత్పత్తుల తయారీలో పొందిన శిక్షణ నిరుపయోగంగా మారింది. శిక్షణతో ఉద్యోగ, ఉపాధి అవకాశాలు మెరుగుపడతాయని, లెదర్‌ పార్కుల్లో ఏర్పాటయ్యే పరిశ్రమలు తమ జీవితాలకు బాటలు వేస్తాయని ఆశించాం. కానీ పాలకులు వీటి అభివృద్ధిపై దృష్టి సారించలేదు. తెలంగాణ ఏర్పాటైన తర్వాత కూడా మాకు న్యాయం జరగలేదు. ఇప్పటికై నా ప్రభుత్వం స్పందించి దళితులకు ఉపాధి అవకాశాలు కల్పించాలి. – కృష్ణయ్య, చర్మకారుల సంఘం అధ్యక్షుడు, జడ్చర్ల ప్రభుత్వం దృష్టికి తీసుకెళ్తాం పోలేపల్లి గ్రీన్‌ ఇండస్ట్రియల్‌ పార్కులో లెదర్‌ పార్కు అభివృద్ధికి చర్యలు చేపడతాం. ఇప్పటికే ఈ సమస్యను ప్రభుత్వం దృష్టికి తీసుకెళ్లినా నిధులు విడుదల కాలేదు. మరోసారి ముఖ్యమంత్రి రేవంత్‌రెడ్డి దృష్టికి తీసుకెళ్లి, దళితులకు ఉద్యోగ, ఉపాధి అవకాశాలు కల్పించేలా కృషి చేస్తాం. – అనిరుధ్‌రెడ్డి, ఎమ్మెల్యే, జడ్చర్ల ఉపాధి హామీ ఉత్తిమాటే.. పోలేపల్లి, జినుకుంటలో 50 ఎకరాలు నిరుపయోగం రూ.2 కోట్లతో యంత్రాలు.. శిథిలావస్థలో భవనాలు శిక్షణ పొందినా దక్కని ఉపాధి.. ప్రశ్నార్థకంగా ప్రభుత్వ లక్ష్యం

● పనుల్లో వేగం పెంచి త్వరగా పూర్తి చేయాలి ● కలెక్టర్‌ ఖుష్బూగుప్తా చిన్నచింతకుంట: భూ రీసర్వేను పకడ్బందీగా చేప ట్టి, పనుల్లో వేగం పెంచి త్వరగా పూర్తి చేయాలని జిల్లా కలెక్టర్‌ ఖుష్బూ గుప్తా సంబంధిత అధికారులను ఆదేశించారు. బుధవారం చిన్నచింతకుంట మండలం సీతారాంపేట గ్రామంలో పైలట్‌ ప్రాజెక్టు కింద చేపట్టిన భూ రీసర్వే పనులను పరిశీలించారు. గ్రామంలో రైతులు సాగు చేసిన పంటలను పరిశీలించిన అనంతరం అంగన్‌వాడీ కేంద్రాలు, ప్రాథమిక పాఠశాల, డ్రైనేజీలు, సీసీ రోడ్లను తనిఖీ చేశారు. ఈ సందర్భంగా కలెక్టర్‌ మాట్లాడుతూ.. రైతుల భూ సమస్యల పరిష్కారానికి ప్రభుత్వం భూ రీసర్వే కార్యక్రమాన్ని చేపట్టిందన్నారు. అధికారులు సర్వే పనులను పకడ్బందీగా నిర్వహించి, వేగంగా పూర్తి చేయాలని సూచించారు. సర్వే ప్రక్రియలో రైతులకు ఏవైనా ఇబ్బందులు ఎదురైతే వారికి అవగాహన కల్పించి సమస్యలను పరిష్కరించాలన్నారు. పరిస్థితులకు అనుగుణంగా పంటల సాగు వాతావరణ పరిస్థితులను బట్టి రైతులు పంటలను ఎంపిక చేసుకోవాలని కలెక్టర్‌ సూచించారు. ఈ ఏడాది ఎల్‌నినో ప్రభావంతో వర్షపాతం తక్కువగా ఉండే అవకాశం ఉందని, పరిస్థితులకు అనుగుణంగా పంటలు సాగు చేయాలన్నారు. వ్యవసాయ అధికారులు రైతులకు అందుబాటులో ఉంటూ సాగుపై ఎప్పటికప్పుడు అవగాహన కల్పించాలని ఆదేశించారు. పారిశుద్ధ్య లోపాలపై ఆగ్రహం గ్రామంలో పర్యటించిన సమయంలో డ్రెయినేజీ లు, రోడ్ల వద్ద పారిశుద్ధ్య లోపాన్ని గుర్తించిన కలె క్టర్‌ అధికారులపై ఆగ్రహం వ్యక్తం చేశారు. గ్రా మాల్లో ఎప్పటికప్పుడు పారిశుద్ధ్య పనులు చేపట్టి పరిశుభ్రంగా ఉంచాలని ఆదేశించారు. విధుల్లో ని ర్లక్ష్యం వహిస్తే సహించేది లేదని హెచ్చరించారు.

● వాలీబాల్‌ విజేతలు నవాబ్‌పేట, బాలానగర్‌ జట్లు ● అథ్లెటిక్స్‌లో ప్రతిభ చాటిన విద్యార్థులు మహబూబ్‌నగర్‌ క్రీడలు: నగరంలోని మెయిన్‌ స్టేడియంలో నిర్వహిస్తున్న పీఎంశ్రీ జిల్లాస్థాయి క్రీడాపోటీలు ఉత్సాహంగా కొనసాగుతున్నాయి. ఈ పోటీల్లో జిల్లాలోని 24 పీఎంశ్రీ పాఠశాలల విద్యార్థులు పాల్గొంటున్నారు. రెండో రోజు బుధవారం బాలబాలికలకు వాలీబాల్‌, అథ్లెటిక్స్‌ పోటీలు నిర్వహించారు. బహుమతుల ప్రదానోత్సవ కార్యక్రమంలో ముఖ్య అతిథిగా ఏఎంఓ దుంకుడు శ్రీనివాస్‌ పాల్గొని మాట్లాడుతూ విద్యార్థులు చదువుతోపా టు క్రీడల్లో ప్రతిభ చాటాలని కోరారు. ఇలాంటి క్రీడాపోటీలు విద్యార్థుల్లో దాగివున్న క్రీడానైపుణ్యాన్ని వెలికితీస్తాయన్నారు. కార్యక్రమంలో టీజీపీడీ,పీఈటీ అసోసియేషన్‌ రాష్ట అధ్యక్షులు దూమర్ల నిరంజన్‌, పెటాటీఎస్‌ జిల్లా అధ్యక్షుడు జగన్‌మోహన్‌గౌడ్‌, టోర్నమెంట్‌ కార్యదర్శి వేణుగోపాల్‌ పాల్గొన్నారు. ఫలితాలు ఇలా.. వాలీబాల్‌ బాలుర విభాగంలో నవాబ్‌పేట ప్రథ మ, గండేడ్‌ ద్వితీయ, బాలికల్లో బాలానగర్‌ ప్రథ మ, గార్లపహాడ్‌ ద్వితీయస్థానాల్లో నిలిచాయి. అ థ్లెటిక్స్‌ బాలికల్లో షాట్‌ఫుట్‌లో ఎ.పవిత్ర, వి.నందిని, లాంగ్‌జంప్‌లో భానుశ్రీ, అక్షయ, డిస్కస్‌ త్రోలో జి.వర్షిణి, ఎం.అశ్విని ప్రథమ, ద్వితీయ స్థానాల్లో, హైజంప్‌లో సుశీల ప్రథమ స్థానంలో, 800 మీటర్ల పరుగులో హేమ, అనూష, 100 మీ.లో సంజన, కావేరి, 400మీ.లో అంబిక, చంద్రకళ, 200మీ.లో దీక్షిత, ఎం.వర్షిణి, బాలుర షా ట్‌పుట్‌లో యూ.కార్తీక్‌, బి.శివకుమార్‌, లాంగ్‌జంప్‌లో హరిక్రిష్ణ, అన్వేష్‌, డిస్కస్‌త్రో పి.రాంచరణ్‌గౌడ్‌, బి.సాయితేజ, హైజంప్‌లో టి.శ్రీశైలం, వడ్ల ప్రవీణ్‌కుమార్‌, 800మీటర్ల పరుగులో విష్ణు, కేశవులు, 100మీ.లో యువరాజ్‌, వి.సచిన్‌, 400 మీ.లో సంతోష్‌కుమార్‌, అఖిల్‌, 200మీ.లో నితిన్‌, సిద్దార్థ ప్రథమ, ద్వితీయ స్థానాల్లో నిలిచారు.

● ఎమ్మెల్యే అనిరుధ్‌రెడ్డిని ప్రశ్నించిన దివ్యాంగుడు ● ‘అది స్టేట్‌ పాలసీ.. నేనొక్కడినే హామీ ఇవ్వలేను’ అన్న ఎమ్మెల్యే నవాబుపేట: పెరిగిన అవసరాలు.. పరిమితమైన ఆదాయం.. ఇతరులపై ఆధారపడకుండా గౌరవంగా బతకాలన్న తపన.. ఈ నేపథ్యంలో దివ్యాంగులకు నెలకు రూ.6 వేల పింఛన్‌ ఎప్పటి నుంచి ఇస్తారంటూ ఓ దివ్యాంగుడు ఎమ్మెల్యేను ప్రశ్నించాడు. తమకు ఇచ్చిన హామీ ఎప్పుడు అమలవుతుందో చెప్పాలని వినతిపత్రం అందజేశాడు. బుధవారం నవాబుపేట మండల పర్యటనకు వచ్చిన జడ్చర్ల ఎమ్మెల్యే అనిరుధ్‌రెడ్డిని లింగంపల్లి గ్రామానికి చెందిన దివ్యాంగుడు నేర్లపల్లి రమేశ్‌ కలిసి పింఛన్‌ పెంపుపై వినతిపత్రం ఇచ్చాడు. దివ్యాంగులకు నెలకు రూ.6 వేల పింఛన్‌ ఎప్పటి నుంచి అందిస్తారని అడిగాడు. దీనిపై స్పందించిన ఎమ్మెల్యే.. అది స్టేట్‌ పాలసీ, తానొక్కడినే హామీ ఇవ్వలేనని తెలిపారు. అయితే దివ్యాంగుల తరఫున ప్రభుత్వాన్ని ప్రశ్నించి, పింఛన్‌ పెంపు కోసం కృషి చేస్తానని హామీ ఇచ్చారు.

జెడ్పీ సెంటర్‌ (మహబూబ్‌నగర్‌): నిరుద్యోగులకు ఇచ్చిన హామీలను అమలు చేయడంలో కాంగ్రెస్‌ ప్రభుత్వం విఫలమైందని మాజీ మంత్రి శ్రీనివాస్‌గౌడ్‌ విమర్శించారు. వచ్చే పట్టభద్రుల ఎమ్మెల్సీ ఎన్నికల్లో కాంగ్రెస్‌కు బుద్ధి చెప్పాలని పిలుపునిచ్చారు. బుధవారం జిల్లా కేంద్రంలో బీఆర్‌ఎస్‌ ఆధ్వర్యంలో ఏర్పాటు చేసిన ఉచిత పట్టభద్ర ఓటరు నమోదు కేంద్రాలను ఆయన ప్రారంభించి మాట్లాడారు. అధికారంలోకి వచ్చిన ఆరు నెలల్లో రెండు లక్షల ఉద్యోగాలు భర్తీ చేస్తామని చెప్పి నిరుద్యోగులను మోసం చేసిందని ఆరోపించారు. జిల్లాలో పట్టభద్ర ఓటర్ల నమోదు తక్కువగా ఉందని, డిగ్రీ పూర్తి చేసిన అర్హులందరూ వెంటనే ఓటరుగా నమోదు చేసుకోవాలని కోరారు. గత ఎన్నికల్లో ఓటు వేసినవారు సైతం ప్రస్తుత ఎన్నికల కోసం కొత్తగా నమోదు చేసుకోవాలని సూచించారు. అర్హులు ఆన్‌లైన్‌లో దరఖాస్తు చేసి, అవసరమైన ధ్రువపత్రాలతో స్థానిక తహసీల్దార్‌ కార్యాలయంలో సమర్పించాలని తెలిపారు. బీఆర్‌ఎస్‌ ఏర్పాటు చేసిన ఉచిత నమోదు కేంద్రాలను వినియోగించుకోవాలని, నవంబర్‌ 6లోగా ఓటరు జాబితాలో పేర్లు నమోదయ్యేలా పార్టీ నాయకులు క్షేత్రస్థాయిలో చొరవ చూపాలని పిలుపునిచ్చారు. కార్యక్రమంలో ముడా మాజీ చైర్మన్‌ వెంకన్న, పార్టీ పట్టణ అధ్యక్షుడు శివరాజ్‌, నాయకులు ఖలీం, సిద్ధిక్‌, బషీర్‌, శ్రీనివాస్‌రెడ్డి, మక్సూద్‌, సుధాకర్‌, సత్యం యాదవ్‌, శివ, మల్లేష్‌ తదితరులు పాల్గొన్నారు.

జెడ్పీ సెంటర్‌ (మహబూబ్‌నగర్‌): కొత్త చేయూత పింఛన్ల కోసం జిల్లాలో వేలాది మంది పేదలు ఎదురుచూస్తున్నారు. కొత్త పింఛన్లు మంజూరు చేయడంతో పాటు ప్రస్తుతం అందిస్తున్న మొత్తాన్ని పెంచుతామన్న ఎన్నికల హామీ అమలుపై స్పష్టత లేకపోవడంతో ఆందోళన చెందుతున్నారు. జూన్‌ 2, ఆగస్టు 15, దసరా.. ఇలా పలు సందర్భాల్లో పింఛన్లు వస్తాయని ఆశించినా నిరీక్షణ తప్పడం లేదని వాపోతున్నారు. హామీలు సరే.. మంజూరు ఏదీ? అసెంబ్లీ ఎన్నికల సమయంలో పింఛన్‌ను రూ.2 వేల నుంచి రూ.4 వేలకు పెంచుతామని కాంగ్రెస్‌ ప్రకటించింది. కొత్త పింఛన్ల కోసం ప్రజాపాలనలో దరఖాస్తులు స్వీకరించినా, వాటి మంజూరుపై స్పష్టత లేకపోవడంతో అర్హులు కార్యాలయాల చుట్టూ తిరుగుతున్నారు. ముఖ్యంగా దివ్యాంగులు, వితంతువులు, ఒంటరి మహిళలు, చేనేత, గీత కార్మికులు పింఛన్ల కోసం ఆశగా ఎదురుచూస్తున్నారు. కుటుంబ పోషణకు ఆర్థిక ఇబ్బందులు ఎదురవుతున్నాయని పలువురు ఆవేదన వ్యక్తం చేస్తున్నారు. 13,325 దరఖాస్తులు అర్హం జిల్లాలో కొత్త పింఛన్ల కోసం మొత్తం 15,572 దరఖాస్తులు వచ్చాయి. వీటిలో 15,571 ట్యాగింగ్‌ పూర్తికాగా, వెరిఫికేషన్‌ స్థాయిలో 13,325 దరఖాస్తులను అర్హమైనవిగా గుర్తించారు. మరో 969 దరఖాస్తులు అనర్హమైనవిగా తేల్చగా, 713 దరఖాస్తులను హోల్డ్‌లో ఉంచారు. మరో 79 దరఖాస్తులు పెండింగ్‌లో ఉన్నాయి. అర్హత పొందిన 13,325 దరఖాస్తులు ప్రస్తుతం డీఆర్‌డీఓ శాఖ వద్ద పెండింగ్‌లో ఉన్నాయి. ప్రభుత్వం నుంచి ఆదేశాలు వస్తేనే పింఛన్ల పంపిణీ ప్రారంభమయ్యే అవకాశం ఉంది. అయితే ఎప్పటి నుంచి మంజూరు చేస్తారనే దానిపై స్పష్టత లేకపోవడంతో దరఖాస్తుదారుల్లో నిరీక్షణ కొనసాగుతోంది. మహబూబ్‌నగర్‌ మున్సిపల్‌ కార్యాలయంలో పింఛన్ల దరఖాస్తుల డేటా ఎంట్రీని పరిశీలిస్తున్న డీపీఎం రామునాయక్‌ ప్రభుత్వ ఆదేశాలు రాగానే పంపిణీ రాష్ట్ర ప్రభుత్వం సామాజిక భద్రత కింద చేయూత పింఛన్ల పథకం అమలు చేస్తోంది. దరఖాస్తులు తీసుకొని అర్హతమైనవి గుర్తించాం. ప్రభుత్వం నుంచి ఆదేశాలు రాగానే పింఛన్లు పంపిణీ చేస్తాం. – నర్సింహులు, డీఆర్‌డీఓ మూడేళ్లుగా కొత్త పింఛన్ల మంజూరుపై స్పష్టత కరువు పండుగల వేళ ఆశలు.. ఆ తర్వాత నిరాశ జిల్లాలో 13,325 దరఖాస్తులు అర్హమైనవిగా గుర్తింపు

రాజాపూర్‌: చట్టాలపై ప్రతిఒక్కరూ అవగాహన కలిగి ఉండాలని సీనియర్‌ సివిల్‌ జడ్జి ఇందిర పేర్కొన్నారు. బుధవారం మండల కేంద్రంలోని జిల్లాపరిషత్‌ ఉన్నత పాఠశాలలో విద్యార్థులకు చట్టాలపై అవగాహన కల్పించారు. ఈ సందర్భంగా ఆమె మాట్లాడుతూ.. బాలికలను వేధించిన, ఇబ్బందులకు గురిచేసిన సంబంధిత పోలీస్‌స్టేషన్‌లో ఫిర్యాదు చేస్తే పోక్సో కేసునమోదు చేస్తారన్నారు. ముఖ్యంగా బాలికలు అమాయక మాటలు నమ్మిపోసపోవద్దన్నారు. తెలిసీ తెలియని వయస్సులో ప్రేమ పేరిట ఎవరైన ఇబ్బందులకు గురిచేస్తే తమ తల్లిదండ్రులకు చెప్పాలన్నారు. సమాజంలో ఎన్నో కేసులు చూస్తున్నామన్నారు. కార్యక్రమంలో హెచ్‌ఎం సయ్యద్‌ ఇబ్రహీం, ఉపాధ్యాయులు, విద్యార్థులు పాల్గొన్నారు. కాంట్రాక్టు అధ్యాపకులను క్రమబద్ధీకరించాలి మహబూబ్‌నగర్‌ ఎడ్యుకేషన్‌: రాష్ట్రంలోని యూనివర్సిటీల్లో పనిచేస్తున్న కాంట్రాక్టు అధ్యాపకులను ప్రభుత్వం వెంటనే క్రమబద్ధీకరించి, ఉద్యోగ భద్రత కల్పించాలని అధ్యాపకులు కోరారు. పీయూలో నిర్వహించిన కార్యక్రమంలో వారు మాట్లాడుతూ.. వివిధ యూనివర్సిటీల్లో సుమారు 1,200 మంది కాంట్రాక్టు అధ్యాపకులు ఏళ్లుగా సేవలందిస్తున్నారని తెలిపారు. నెట్‌, సెట్‌, పీహెచ్‌డీ వంటి అర్హతలున్నప్పటికీ ఉద్యోగ భద్రత లేక ఇబ్బందులు పడుతున్నామని ఆవేదన వ్యక్తం చేశారు. రెగ్యులర్‌ అధ్యాపకుల నియామక ప్రక్రియలో తమకు న్యాయం చేయాలని ప్రభుత్వాన్ని కోరారు. ఈనెల 30న నిర్వహించే అఖిలపక్ష సమావేశానికి కాంట్రాక్టు అధ్యాపకులు పెద్ద సంఖ్యలో హాజరుకావాలని పిలుపునిచ్చారు. కార్యక్రమంలో భూమయ్య, శ్రీధర్‌రెడ్డి, రవికుమార్‌, సోమేశ్వర్‌, సుదర్శన్‌రెడ్డి, జ్ఞానేశ్వర్‌, రామ్మోహన్‌, ప్రభాకర్‌రెడ్డి, శ్రీలత, మృదుల తదితరులు పాల్గొన్నారు. పత్తి క్వింటా రూ.9,060 జడ్చర్ల: బాదేపల్లి మార్కెట్‌ యార్డులో బుధ వారం పత్తి క్వింటా గరిష్టంగా రూ.9,060, కనిష్టంగా రూ.8,860 ధర పలికింది. అలాగే ధాన్యం ఆర్‌ఎన్‌ఆర్‌ రకం గరిష్టంగా రూ. 3,301, కనిష్టంగా రూ.2,071, మొక్కజొన్న గరిష్టంగా రూ.3,072, కనిష్టంగా రూ.2,651, ఆముదాలు గరిష్టంగా రూ.7,966, కనిష్టంగా రూ.7,825 ధరలు లభించాయి. పెరగని హంస ధాన్యం దేవరకద్ర: సన్నరకం ధాన్యం ఒక్క సారిగా ధరలు పెరిగిపోతుండగా దొడ్డు రకం హంస ధాన్యం ధరలు మాత్రమే పెరగకుండా నిలకడగా ఉన్నాయి. బుధవారం దేవరకద్ర మార్కెట్‌కు దాదాపు మూడు వేల బస్తాల ధాన్యం అమ్మకానికి వచ్చింది. ఆర్‌ఎన్‌ఆర్‌ ధాన్యం ధర క్వింటా గరిష్టంగా రూ.3,256, కనిష్టంగా రూ.2,819గా ధరలు పలికాయి. కేఎన్‌ఎమ్‌ రకం ధాన్యం గరిష్టంగా రూ.3,303, కనిష్టంగా రూ.2,869గా ధరలు లభించాయి. హంస ధాన్యం ధర క్వింటా గరిష్టంగా రూ.2109గా ఒకే ధర నమోదైంది.

● మొలచింతపల్లి సమీపంలో అటవీ అధికారుల తనిఖీలు కొల్లాపూర్‌: మండలంలోని మొ లచింతపల్లి గ్రామ సమీపంలో మోటార్‌సైకిల్‌పై సంచుల్లో తరలిస్తున్న అనుమానాస్పద జంతు మాంసాన్ని అటవీ అధికారులు స్వాధీనం చేసుకున్నారు. అటవీ సిబ్బందిని గమనించిన ఇద్దరు వ్యక్తులు సంచులను రోడ్డుపక్కన ఉన్న ముళ్లపొదల్లో పడేసి వెళ్లిపోయారు. ఫారెస్ట్‌ రేంజర్‌ వాణికుమారి తెలిపిన వివరాల ప్రకారం.. అటవీ అధికారులు సంచులను పరిశీలించగా అందులో జంతు మాంసం ఉన్నట్లు గుర్తించారు. దానిని స్వాధీనం చేసుకుని కొల్లాపూర్‌ కోర్టుకు తీసుకెళ్లారు. మెజిస్ట్రేట్‌ ఆదేశాల మేరకు మాంసం ఏ జంతువుదో నిర్ధారించేందుకు కొంత నమూనాను హైదరాబాద్‌లోని సీసీఎంబీకి పంపించారు. మిగిలిన మాంసాన్ని కాల్చివేసినట్లు ఆమె తెలిపారు. మాంసాన్ని తరలించిన వ్యక్తులను గుర్తించేందుకు ప్రయత్నిస్తున్నట్లు పేర్కొన్నారు. తనిఖీల్లో అటవీ ఉద్యోగులు కాశన్న, ముజీబ్‌ఘోరీ, మల్లేష్‌, శివకుమార్‌, నీలేష్‌, బయ్యన్న, నాగార్జునగౌడ్‌, కిరణ్‌కుమార్‌ తదితరులు పాల్గొన్నారు. జాతీయ రహదారిపై మొసలి కలకలం వనపర్తి రూరల్‌: పెబ్బేరు మండలం తోమాలపల్లి గ్రామ శివారులోని 44వ నంబర్‌ జాతీయ రహదారి డైవర్షన్‌ రోడ్డుపై సోమవారం అర్ధరాత్రి మొసలి సంచారం కలకలం రేపింది. మొసలిని చూసిన వాహనదారులు భయాందోళనకు గురయ్యారు. విషయం తెలుసుకున్న ఎస్‌ఐ వెంకటేశ్‌గౌడ్‌ అటవీశాఖ అధికారులకు సమాచారం అందించారు. వారు అక్కడి చేరుకొని మొసలిని బంధించి.. రంగాపురం గ్రామ శివారులోని కృష్ణానదిలో వదిలిపెట్టారు.

● విద్యుత్‌ ఆదాతో పాటు నీటి లభ్యతను దృష్టిలో ఉంచుకోవాలి ● రూరల్‌ జోన్‌ చీఫ్‌ ఇంజినీర్‌ బాలస్వామి రాజాపూర్‌: రైతులు విద్యుత్‌ను ఆదా చేయడంతో పాటు నీటి లభ్యతను దృష్టిలో ఉంచుకుని తక్కువ నీటితో పండే ఆరుతడి పంటలను సాగు చేయాలని రూరల్‌ జోన్‌ చీఫ్‌ ఇంజినీర్‌ బాలస్వామి సూచించారు. మంగళవారం రాజాపూర్‌ మండలం ముదిరెడ్డిపల్లిలో నిర్వహించిన ప్రజాబాట–పొలంబాట కార్యక్రమంలో భాగంగా రైతులు సాగు చేస్తున్న వరి పంటలను క్షేత్రస్థాయిలో పరిశీలించారు. రైతులు, విద్యుత్‌ వినియోగదారుల సమస్యలను అడిగి తెలుసుకున్నారు. ఈ సందర్భంగా బాలస్వామి మాట్లాడుతూ.. ఎల్‌నినో ప్రభావంతో భూగర్భ జలాలు అడుగంటుతున్నాయని పేర్కొన్నారు. విద్యుత్‌ సరఫరా ఉన్నప్పటికీ బోర్లలో నీరు లేకపోతే రైతులకు ఇబ్బందులు తప్పవని అన్నారు. అందువల్ల వరికి ప్రత్యామ్నాయంగా కూరగాయలు, ఇతర ఆరుతడి పంటల సాగుపై దృష్టి పెట్టాలని సూచించారు. ముదిరెడ్డిపల్లిలో జనాభా ఎక్కువగా ఉన్నందున గ్రామానికి 24 గంటల విద్యుత్‌ సరఫరా కల్పించాలని సర్పంచ్‌ మీణాశేఖర్‌గౌడ్‌ ఎస్‌ఈ బీమానాయక్‌ను కోరారు. దీనిపై స్పందించిన ఎస్‌ఈ.. ప్రతిపాదనలు పంపిస్తే పరిశీలిస్తామని తెలిపారు. కార్యక్రమంలో ఎస్‌ఈ బీమానాయక్‌, జడ్చర్ల డీఈ చంద్రమౌళి, రాజాపూర్‌ ఏడీఈ నవీన్‌కుమార్‌, ఏఈ వెంకటేశ్‌ తదితరులు పాల్గొన్నారు.

● రూ.10 కోట్లతో పర్యాటక వసతుల కల్పనకు కసరత్తు దేవరకద్ర: కోయిల్‌సాగర్‌ ప్రాజెక్టును పర్యాటక కేంద్రంగా అభివృద్ధి చేసేందుకు అధికారులు మరోసా రి భూములను పరిశీలించారు. మంగళవారం ప్రా జెక్టు సమీపంలోని గెస్ట్‌హౌస్‌ వద్ద ఉన్న గుట్ట ప్రాంతాన్ని డీఆర్వో నిర్మల, డీటీ దీపికతో పాటు జిల్లా నుంచి వచ్చిన అధికారుల బృందం పరిశీలించింది. కోయిల్‌సాగర్‌ను పర్యాటక కేంద్రంగా తీర్చిదిద్దేందుకు గతంలో ప్రభుత్వం రూ.10 కోట్ల నిధు లు మంజూరు చేసింది. అయితే పర్యాటక అభివృద్ధి పనులకు అవసరమైన స్థలాలను ఖరారు చేయకపోవడంతో పనులు ముందుకు సాగలేదు. ఈ నేపథ్యంలో తుది నివేదిక సమర్పించేందుకు అధికారు లు అందుబాటులో ఉన్న భూములను పరిశీలించా రు. హరిత హోటల్‌, పర్యాటకుల బస కోసం గెస్ట్‌హౌస్‌లు, పిల్లల పార్కు, ఇతర భవనాల నిర్మాణానికి అనువైన ప్రాంతాలను గుర్తించే పనిలో పడ్డారు. స్థలాల ఖరారుపై దృష్టి పర్యాటక శాఖ మంత్రి జూపల్లి కృష్ణారావు గతంలో కోయిల్‌సాగర్‌ ప్రాజెక్టును సందర్శించిన సందర్భంగా పర్యాటక అభివృద్ధికి రూ.10 కోట్ల నిధులు మంజూరు చేస్తున్నట్లు ప్రకటించారు. అనంతరం ఎమ్మెల్యే మధుసూదన్‌రెడ్డి, పర్యాటక శాఖ అధికారులతో కలిసి చేపట్టాల్సిన పనులపై చర్చించి, వివిధ నిర్మాణాలకు స్థలాలను సూచించారు. అయితే స్థలాల కేటాయింపు ఖరారు కాకపోవడంతో అధికారులు మరోసారి క్షేత్రస్థాయిలో పరిశీలన చేపట్టారు. ఈ కార్యక్రమంలో ఆర్‌ఐ శరత్‌, ఇతర సిబ్బంది పాల్గొన్నారు.

మహబూబ్‌నగర్‌ క్రీడలు: జిల్లాకేంద్రంలోని మెయిన్‌స్టేడియంలో మూడు రోజుల పాటు జరగనున్న పీఎంశ్రీ జిల్లాస్థాయి క్రీడాపోటీలు మంగళవారం ప్రారంభమైంది. ఈ పోటీల్లో జిల్లాలోని 24 పీఎంశ్రీ పాఠశాల విద్యార్థులు పాల్గొన్నారు. మొదటి రోజు బాలబాలికలకు కబడ్డీ పోటీలు నిర్వహించారు. బాలుర విభాగంలో గార్లపహాడ్‌ ప్రథమ, గొండ్యాల ద్వితీయ, బాలికల్లో గాజులపేట ప్రథమ, బాలానగర్‌ ద్వితీయ స్థానాల్లో నిలిచాయి. పోటీల్లో భాగంగా బుధవారం బాలబాలికలకు వాలీబాల్‌, అథ్లెటిక్స్‌ పోటీలు జరగనున్నాయి. పోటీల ప్రారంభ కార్యక్రమంలో ముఖ్య అతిథులుగా పాల్గొన్న ఎంఈఓ లక్ష్మణ్‌సింగ్‌, ఏఎంఓ దుంకుడు శ్రీనివాస్‌ మాట్లాడుతూ విద్యార్థులు చదువుతో పాటు క్రీడల్లో ప్రతిభచాటాలని కోరారు. జిల్లా విద్యార్థులు క్రీడల్లో రాష్ట్ర, జాతీయస్థాయికి ఎదగాలన్నారు. జిల్లాస్థాయిలో విజేతగా నిలిచిన వారు రాష్ట్రస్థాయి పీఎంశ్రీ పోటీల్లో ప్రతిభ చాటాలని కోరారు. కార్యక్రమంలో టోర్నమెంట్‌ ఇన్‌చార్జి వేణుగోపాల్‌, మాజీ ఎస్‌జీఎఫ్‌ జిల్లా కార్యనిర్వాహక కార్యదర్శులు డాక్టర్‌ శారదాబాయి, రమేష్‌బాబు, పెటాటీఎస్‌ జిల్లా అధ్యక్షుడు జగన్‌మోహన్‌గౌడ్‌, పీడీలు పాల్గొన్నారు.

మహబూబ్‌నగర్‌ క్రీడలు: రాష్ట్రస్థాయి కబడ్డీ పోటీల్లో జిల్లా జట్లు మెరుగైన ప్రతిభ కనబరిచి చాంపియన్లుగా నిలవాలని జిల్లా కబడ్డీ సంఘం ప్రధాన కార్యదర్శి కురుమూర్తిగౌడ్‌ అన్నారు. ఖమ్మం జిల్లాలోని సత్తుపల్లిలో నేటి (బుధవారం) నుంచి ఈనెల 30వ తేదీ వరకు జరిగే రాష్ట్రస్థాయి సీనియర్‌ మహిళల కబడ్డీ టోర్నమెంట్‌లో పాల్గొనే జిల్లా జట్టు మంగళవారం బయలుదేరింది. స్థానిక ఇండోర్‌ స్టేడియంలో జిల్లా జట్టును అభినందించారు. కురుమూర్తిగౌడ్‌ మాట్లాడుతూ టోర్నమెంట్‌లో ఎలాంటి ఒత్తిడి లేకుండా సమష్టిగా ఆడితే విజయం సాధించవచ్చని అన్నారు. రాష్ట్రస్థాయి కబడ్డీ టోర్నీలో విజేతగా నిలిచి జిల్లాకు పేరు ప్రతిష్టలు తీసుకురావాలని ఆకాంక్షించారు. కార్యక్రమంలో సంఘం సభ్యులు పాపారాయుడు, శ్రీనివాసులు, గణేష్‌, కోచ్‌ శివప్రసాద్‌ తదితరులు పాల్గొన్నారు.

● మహబూబ్‌నగర్‌కు శుభారంభం ● హోరాహోరీగా మ్యాచ్‌లు గద్వాల న్యూటౌన్‌: జిల్లా కేంద్రంలో స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో నిర్వహిస్తున్న 70వ రాష్ట్రస్థాయి అండర్‌–17 క్రికెట్‌ టోర్నీ ఉత్సాహంగా సాగుతోంది. ఉమ్మడి జిల్లాలకు చెందిన పది జట్లు పాల్గొంటున్న ఈ పోటీలను లీగ్‌ కమ్‌ నాకౌట్‌ పద్ధతిలో నిర్వహిస్తున్నారు. మంగళవారం ఇండోర్‌, సోమనాద్రి స్టేడియాల్లో తొమ్మిది మ్యాచ్‌లు జరిగాయి. పలు జట్లు విజయాల కోసం హోరాహోరీగా తలపడ్డాయి. నిజామాబాద్‌తో జరిగిన మ్యాచ్‌లో నల్లగొండ ఎనిమిది వికెట్లతో గెలుపొందింది. తొలుత బ్యాటింగ్‌ చేసిన నిజామాబాద్‌ నిర్ణీత 12 ఓవర్లలో ఆరు వికెట్లకు 81 పరుగులు చేయగా.. నల్గొండ రెండు వికెట్లు మాత్రమే కోల్పోయి లక్ష్యాన్ని ఛేదించింది. మరో మ్యాచ్‌లో మెదక్‌ ఏడు పరుగుల తేడాతో ఆదిలాబాద్‌పై గెలిచింది. మెదక్‌ 74 పరుగులు చేయగా.. ఆదిలాబాద్‌ 68 పరుగులకే పరిమితమైంది. ● ఖమ్మం జట్టు కరీంనగర్‌పై 40 పరుగుల తేడాతో విజయం సాధించింది. తొలుత ఖమ్మం 114 పరుగులు చేయగా.. కరీంనగర్‌ 74 పరుగులకే ఆలౌటైంది. మరో మ్యాచ్‌లో ఆదిలాబాద్‌ 91 పరుగులు చేయగా.. నల్లగొండ ఆరు వికెట్ల తేడాతో లక్ష్యాన్ని ఛేదించింది. మెదక్‌–నిజామాబాద్‌ మ్యాచ్‌లో నిజామాబాద్‌ 55 పరుగులు చేయగా.. మెదక్‌ లక్ష్యాన్ని ఈజీగా చేరుకొని గెలుపొందింది. ● ఇండోర్‌ స్టేడియంలో జరిగిన మ్యాచ్‌లో వరంగల్‌పై రంగారెడ్డి గెలుపొందింది. తొలుత వరంగల్‌ బ్యాటింగ్‌ చేసి 112 పరుగులు చేయగా.. రంగారెడ్డి జట్టు మూడు ఓవర్లు మిగిలి ఉండగానే లక్ష్యాన్ని ఛేదించింది. రంగారెడ్డి బ్యాటర్‌ రోహన్‌ (62 పరుగులు)అర్ధసెంచరీ చేశాడు.మరో మ్యాచ్‌లో హైదరాబాద్‌పై వరంగల్‌ ఆరు పరుగుల తేడాతో గెలుపొందింది. తొలుత వరంగల్‌ 12 ఓవర్లలో 80 పరుగులు చేయగా.. హైదరాబాద్‌ 74 పరుగులకే పరిమితమైంది. మరోమ్యాచ్‌లో కరీంనగర్‌పై ఖమ్మం విజయం సాధించింది.

మహబూబ్‌నగర్‌ మున్సిపాలిటీ: జీజీహెచ్‌లలో పారిశుద్ధ్య, సెక్యూరిటీ, పేషెంట్‌ కేర్‌ సూపర్‌వైజర్‌ విభాగాలలో పనిచేసే కార్మికుల వేతనాలు పెంచాలని కోరుతూ వచ్చే నెల 12 నుంచి పోరుబాట పడుతున్నామని తెలంగాణ మెడికల్‌ కాంట్రాక్ట్‌ వర్కర్స్‌ యూనియన్‌ (ఏఐటీయూసీ అనుబంధం) రాష్ట్ర కార్యదర్శి పి.సురేష్‌ చెప్పారు. మంగళవారం ఎంజీజీహెచ్‌ ప్రాంగణంలోని ఏఐటీయూసీ కార్యాలయంలో ఏర్పాటు చేసిన సమావేశంలో ఆయన మాట్లాడారు. కార్మికుల జీవన ప్రమాణాలు, సంక్షేమంపై రాష్ట్ర ప్రభుత్వం ఉదాసీనంగా వ్యవహరిస్తోందని విమర్శించారు. ప్రస్తుతం కాలం చెల్లిన టెండర్లను రద్దు చేయకుండా సుమారు ఐదేళ్లుగా పాత ఏజెన్సీలనే కొనసాగించడం తగదన్నారు. ఎంజీజీహెచ్‌లో ప్రభుత్వ ఉద్యోగులు, కాంట్రాక్టు సిబ్బంది మధ్య చిచ్చుపెట్టేందుకు కొందరు కుట్రలు పన్నుతున్నారని ఆరోపించారు. కాంట్రాక్టు కార్మికులకు ప్రతినెలా 1న వేతనాలు చెల్లించాలని, వారాంతపు సెలవులు కాకుండా పండుగ, జాతీయ, ఆర్జిత సెలవులు 23 ఇవ్వాలని డిమాండ్‌ చేశారు. ఏటా ఒక నెల బోనస్‌ చెల్లించాలని, కార్మికులపై వేధింపులు ఆపి ఉద్యోగ భద్రత కల్పించాలన్నారు. కార్యక్రమంలో సంఘం నాయకులు రంగన్న, ఎస్‌.దేవానంద్‌, బి.చెన్నయ్య, బాలకోటి, భీమయ్య, మన్యం, పద్మ, సత్యమ్మ, నాగమ్మ, సువర్ణ, ఎల్లమ్మ తదితరులు పాల్గొన్నారు.

అయిజ: విద్యుదాఘాతంతో ఇంటర్‌ విద్యార్థి మృతిచెందిన ఘటన అయిజ మున్సిపాలిటీలోని పర్దీపురంలో మంగళవారం చో టు చేసుకుంది. స్థానికుల వివరాల మేరకు.. పర్దీపురం గ్రామానికి చెందిన చిన్న ఈరన్నగౌడ్‌, జములమ్మ దంపతులకు కుమారుడు, ఇద్దరు కుమార్తెలు ఉన్నారు. ఇంటర్‌ ప్రథమ సంవత్సరం (ఓపెన్‌ యూనివర్సిటీ) చదువుతున్న వారి కుమారుడు ఉపేందర్‌గౌడ్‌ (17) వ్యవసాయంలో తల్లిదండ్రులకు చేదోడు వాదోడుగా ఉంటున్నాడు. రోజు మాదిరిగానే మంగళవారం వ్యవసాయ పొలంలో నీరుపారించేందుకు వెళ్లాడు. ఈ క్రమంలో నెట్టెంపాడు ప్రాజెక్ట్‌కు సంబంధించిన కాల్వలో ఏర్పాటుచేసుకున్న విద్యుత్‌ మోటార్‌ను ఆన్‌ చేస్తుండగా.. షాక్‌కు గురై అక్కడికక్కడే మృతిచెందాడు. ఒక్కగానొక కుమారుడి మృతితో తల్లిదండ్రుల రోదనలు మిన్నంటాయి. చికిత్స పొందుతూ యువకుడి మృతి తిమ్మాజిపేట: మండల పరిధిలోని మరికల్‌ గ్రామానికి చెందిన హన్మన్‌గళ్ల బాల్‌రాజ్‌ (24) చికిత్స పొందుతూ సోమవారం రాత్రి మృతి చెందాడు. ఎస్‌ఐ శ్రీనివాస్‌రావు తెలిపిన వివరాల ప్రకారం.. ఈనెల 23న బాల్‌రాజ్‌ జడ్చర్ల నుంచి స్వగ్రామమైన మరికల్‌కు బైక్‌పై వేగంగా వస్తుండగా అదుపుతప్పి కిందపడ్డాడు. ఈ ఘటనలో తలకు, ఎడమ భుజానికి గాయాలయ్యాయి. వెంటనే అతడిని మహబూబ్‌నగర్‌ ప్రభుత్వ ఆస్పత్రికి తరలించారు. పరిస్థితి విషమించడంతో హైదరాబాద్‌లోని నిమ్స్‌కు తీసుకెళ్లగా, చికిత్స పొందుతూ మృతి చెందాడు. మృతుడి భార్య నవనీత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. పురుగు మందు తాగి విద్యార్థిని ఆత్మహత్య పెద్దకొత్తపల్లి: పురుగు మందు తాగి విద్యార్థిని ఆత్మహత్య చేసుకున్న ఘ టన పెద్దకొత్తపల్లి మండలంలో చోటు చేసుకుంది. ఎస్‌ఐ సతీష్‌ వివరాల మే రకు.. మండలంలోని గంట్రావుపల్లికి చెందిన పెద్దముక్కల రాములు కు టుంబంతో కలిసి హైదరాబాద్‌లో కూలీ పను లు చేసుకొని జీవనం సాగిస్తున్నారు. దసరా పండుగకు అతడి కూతురు పెద్దముక్కల గీత (16) తన అమ్మమ్మగారి ఊరైన ముష్టిపల్లికి వచ్చింది. సోమవారం రాత్రి పురుగు మందు తాగిన బాలిక.. అస్వస్థతకు గురికావడంతో కుటుంబ సభ్యులు గమనించి జిల్లా ఆస్పత్రికి తరలించగా.. చికిత్స పొందుతూ మృతిచెందింది. మృతురాలు గీత కల్వకుర్తి కస్తూర్బాగాంధీ గాంధీ బాలికల విద్యాలయంలో ఇంటర్‌ ప్రథమ సంవత్సరం చదువుతున్నట్లు కుటుంబ సభ్యులు తెలిపారు. బాలిక ఆత్మహత్యకు గల కారణాలు తెలియరాలేదు. మృతురాలి తండ్రి ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్‌ఐ తెలిపారు. గుర్తు తెలియని మృతదేహం లభ్యం జడ్చర్ల: స్థానిక శ్రీనివాస సినిమా థియేటర్‌ వె నుక ఉన్న మురుగు కాల్వలో మంగళవారం గు ర్తు తెలియని వ్యక్తి (సుమారు 45) మృతదేహా న్ని స్వాధీనం చేసుకున్నట్లు ఎస్‌ఐ జయప్రసాద్‌ తెలిపారు. మృతుడు చెక్స్‌ షర్టు లోపల ఎరుపు టీషర్టు, నీలిరంగు ప్యాంటు, నల్లటి చెప్పులు ధరించి ఉన్నాడని, గడ్డం, మీసాలు ఉన్నాయని పేర్కొన్నారు. మృతుడి వివరాలు తెలిసినవారు జడ్చర్ల పోలీస్‌ స్టేషన్‌ను సంప్రదించాలని కోరారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

ఉమ్మడి జిల్లా ఫుట్‌బాల్‌ జట్లకు ఎంపికై న క్రీడాకారులు గోపాల్‌పేట: మండల కేంద్రంలోని జిల్లా పరిషత్‌ ఉన్నత పాఠశాల మైదానంలో మంగళవా రం ఎస్‌జీఎఫ్‌ అండర్‌–14 ఉమ్మడి జిల్లాస్థాయి ఫుట్‌బాల్‌ బాలబాలికల జట్ల ఎంపికలు నిర్వహించారు. ఈ సందర్భంగా నిర్వహించిన పోటీ ల్లో ఉమ్మడి జిల్లాలోని ఐదు జిల్లాల క్రీడాకారులు హోరాహోరీగా తలపడ్డారు. అత్యంత ప్రతిభ కనబర్చిన క్రీడాకారులను ఉమ్మడి జిల్లా జట్లకు ఎంపిక చేశారు. ప్రతిభకనబరిచిన క్రీడాకారులకు ఎంఈఓ చంద్రశేఖర్‌ బహుమతులను ప్రదానం చేశారు. కార్యక్రమంలో హెచ్‌ఎం సురేందర్‌రెడ్డి, వ్యాయామ ఉపాధ్యాయులు పాల్గొన్నారు.

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ పరిధిలో ఎంఫార్మసీ, ఎల్‌ఎల్‌ఎం, ఎల్‌ఎల్‌బీ కోర్సుల ఫలితాలను వీసీ శ్రీనివాస్‌ మంగళవారం విడుదల చేశారు. ఎంఫార్మ సీ సెమిస్టర్‌–2కు 76 మంది విద్యార్థులు హాజ రు కాగా.. 59 మంది ఉత్తీర్ణత సాధించారు. ఎల్‌ఎల్‌ఎం సెమిస్టర్‌–2లో17 మందికి 14 మంది, ఎల్‌ఎల్‌బీ సెమిస్టర్‌–2లో 226 మందికి 148 మంది, ఎల్‌ఎల్‌బీ సెమిస్టర్‌–4లో 177 మందికి 117 మంది, ఎల్‌ఎల్‌బీ సెమిస్టర్‌–5 19 మందికి ఎనిమిది మంది ఉత్తీర్ణత పొందారు. కార్యక్రమంలో పీయూ రిజిస్ట్రార్‌ రమేష్‌బాబు, పరీక్షల నియంత్రణాధికారి ప్రవీణ పాల్గొన్నారు. 31న ‘ఆర్చరీ’ ఎంపికలు మహబూబ్‌నగర్‌ ఎడ్యుకేషన్‌: ఇంటర్‌ యూనివర్సిటీ ఆర్చరీ పోటీలకు మహిళలు, పురుషుల విభాగాల్లో ఈనెల 31న ఎంపికలు నిర్వహించనున్నట్లు పీడీ శ్రీనివాస్‌ ఒక ప్రకటనలో తెలిపారు. జిల్లా కేంద్రంలోని సూర్య ఆర్చరీ అకాడమీలో ఉదయం 9.30 గంటలకు ఎంపికలు ప్రారంభమవుతాయని పేర్కొన్నారు. ఎంపికై న విద్యార్థులు డిసెంబర్‌ 15 నుంచి 22 వరకు అసోంలోని తేజ్‌పూర్‌ యూనివర్సిటీలో నిర్వహించే ఇంటర్‌ యూనివర్సిటీ పోటీల్లో పాల్గొనాల్సి ఉంటుందని తెలిపారు. నేడు అండర్‌–19 సాఫ్ట్‌బాల్‌ జట్ల ఎంపికలు మహబూబ్‌నగర్‌ క్రీడలు: జిల్లాకేంద్రంలోని మెయిన్‌ స్టేడియంలో నేడు (బుధవారం) స్కూల్‌ గేమ్స్‌ ఫెడరేషన్‌ అండర్‌–19 విభాగం బాల బాలికల ఉమ్మడి జిల్లాస్థాయి సాఫ్ట్‌బాల్‌ ఎంపికలు జరుగుతాయని అండర్‌–19 ఉమ్మడి జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ మంగళవారం ఓ ప్రకటనలో తెలిపారు. విద్యార్థులు ఆధార్‌కార్డు, బోనఫైడ్‌, ఎస్‌ఎస్‌సీ మెమోతో ఆ రోజు ఉదయం 9 గంటలకు మినీ స్టేడియంకు చేరుకోవాలని కోరారు. మిగతా వివరాల కోసం 9959220075 నంబర్‌ను సంప్రదించాలని సూచించారు.

● రూ.24 లక్షల నష్టం రాజోళి: విద్యుత్‌ షార్ట్‌ సర్క్యూట్‌తో 10 ఎకరాల్లో చెరుకు పంట దగ్ధమై రైతుకు తీవ్ర నష్టం వాటిల్లింది. జోగుళాంబ గద్వాల జిల్లా వడ్డేపల్లి మండలం బుడమరుసు గ్రామానికి చెందిన రైతు రాంప్రసాద్‌ తనకున్న 10 ఎకరాల్లో చెరుకు సాగు చేస్తున్నాడు. మంగళవారం మధ్యాహ్నం షార్ట్‌ సర్క్యూట్‌ కారణంగా పంటకు మంటలు అంటుకున్నాయి. అప్రమత్తమైన చుట్టుపక్కల రైతులు గ్రామస్తులకు సమాచారం అందించి, అగ్నిమాపక సిబ్బందికి తెలిపారు. అయితే అప్పటికే పంటతోపాటు నీటి సరఫరా కోసం ఏర్పాటు చేసిన డ్రిప్‌ పైపులు పూర్తిగా కాలిపోయాయి. ఈ ఘటనలో సుమారు రూ.24 లక్షల నష్టం వాటిల్లినట్లు బాధిత రైతు తెలిపాడు. ఆరుగాలం కష్టపడి పండించిన పంట కళ్లముందే కాలిపోవడంతో రైతు కుటుంబం ఆవేదనకు గురైంది. ప్రభుత్వం స్పందించి నష్టపోయిన రైతును ఆదుకోవాలని స్థానికులు కోరుతున్నారు.

అలంపూర్‌: పంట ఏదైనా రైతును ముందుగా కలవరపెట్టే కలుపు మొక్క వయ్యారి భామ. దీనిని పార్ధీనియం, ముక్కుముల్లు, క్యారెట్‌ గడ్డి లేదా తిక్క అ లుము అని కుడా పిలుస్తారని మండల వ్యవసాయ శాఖ అధికారి నాగార్జునరెడ్డి తెలిపారు. దీని పూర్తి పేరు పార్ధీనియం హిస్టిరోఫోరస్‌. నేల ఏదైనా రైతు కు మాత్రం కంటి మీద కునుకు లేకుండా చేస్తోంది. 1960లో అమెరికా నుంచి దిగుమతి చేసుకున్న గో ధుమల వెంబడి ఇది మన దేశానికి చేరింది. అన తి కాలంలోనేఈ కలుపు మొక్క దేశమంతా వ్యాపించి, లక్షలాది ఎకరాల్లో పంటకు నష్టం కలిగిస్తోంది. ఈ మొక్క గురించి రైతులు అవగాహన పెంచుకోవాల ని వ్యవసాయ శాఖ అధికారులు వివరిస్తున్నారు. పార్ధీనియం మొక్క వివరాలు పార్ధీనియం మొక్క 90 రోజులు జీవిస్తోంది. 1 నుంచి 1.5 మీటర్ల ఎత్తు పెరిగి, 40 నుంచి 60 రోజుల్లో పూతకు వస్తోంది. ఒక్కొక్క మొక్క 40 వేల గింజలతో పాటు 3 వేల మిలియన్ల పుప్పొడిని ఒక్కొక్క చదరపు మీటరుకు ఉత్పత్తి చేస్తోంది. ఇది కాలంతో పని లేకుండా ఎప్పుడైనా మొలకెత్తుతుంది. పంట పొలాల్లో గట్ల వెంట, రోడ్ల పక్కన, కాల్వల వద్ద ఎక్కడైనా ఇట్టే మొలకెత్తుతుంది. పంటలు లేని పొలాల్లో దీని ఉధృతి మరి ఎక్కువగా ఉంటుంది. ఏం చేస్తోంది.. వయ్యారి భామ మొక్క అనేక అనారోగ్య సమస్యలు కలుగజేస్తోంది.వీటిని చేతులతో తొలగించి న, తాకినా, తగలబెట్టే సమయంలో దగ్గరగా ఉంటే దురుద వస్తోంది. దీని యొక్క పూ లలో పార్ధీన్‌ అనే విషకారకం ఉండటం వలన శ్వాసకోస సంబంధమై న వ్యాధులు, అలర్జీ, ఎగ్జిమా, చర్మ సంబంధి త వ్యాధులు వ్యాపిస్తాయి.ఈ పార్ధీనిన్‌ మొక్క లలో ఫ లదీకరణ జరగకుండా అడ్డుకుంటుంది. పశువులు, మేకలు దీన్ని తింటే రక్త విరోచనాలు అవుతాయి. పంటలకు నష్టం ఈ మొక్క యొక్క పూలు వైరస్‌ క్రిములకు ఆశ్రయం ఇస్తాయి. పంటలు లేని సమయంలో ఈ వైరస్‌ క్రిములు పార్ధీనియం పూలలో స్థావరం ఏర్పర్చుకుంటాయి. పంట కాలంలో తెల్ల దోమ, తామర పురుగులు, పేను బంక, పచ్చ దోమ పురుగులు ఈ పూల నుంచి వైరస్‌ను పంటలకు వ్యాప్తి చేస్తాయి. పంటలకు వచ్చే వైరస్‌ తెగుళ్లు బడ్‌ నెక్రోసిస్‌, జెమిని వైరస్‌, కుకుంబర్‌ మొజాయిక్‌ వైరస్‌, మొవ్వ కుళ్లు వైరస్‌ దీని ద్వారా వ్యాప్తి చెందుతాయి. ఈ కలుపు మొక్క నీరు, పోషకాలు, స్థలం కోసం పంటలతో పోటిపడి పెరుగుతాయి. దీని వలన 40 శాతం దిగుబడి తగ్గుతుంది. పంటలను, మనుషుల ఆరోగ్యాన్ని నష్టపరిచే వయ్యారి భామను ఎవరూ నివారించలేరు. రైతులు అందరూ సాముహికంగా ఒకే రోజు మొక్కల నివారణకు కలిసి రావాలి. దీని నివారణకు 50 గ్రాములు ఉప్పును 1 లీటరు నీటిలో కలిపి పిచికారీ చేసుకుంటే పూత రాకుండా ఆగుతుంది. చిన్న మొక్కలుగా ఉన్నప్పుడు గ్‌లైఫోసేట్‌ 10 మిల్లీ లీటర్లు, 10 గ్రాముల యూరియా లీటరు నీటికి కలిపి పిచికారీ చేసుకోవాలి. మొక్కలపై పారాక్వాట్‌ అనే మందును 5 మి.లీ లీటరు నీటికి కలుపుకొని పిచికారీ చేసుకోవాలి. ఈ మొక్క పూత రాకముందే నివారిస్తే రైతులకు ప్రయోజనం. పూత వచ్చిన తర్వాత విత్తనాలు నేలపై పడి మళ్లీ మొలకెత్తుతాయి. పాడి–పంట

● 40 ప్రశ్నలతో వివరాల సేకరణ ● జనవరి 10 నుంచి రెండో దశ ప్రక్రియ ● జిల్లా, డివిజన్‌, చార్జ్‌ అధికారులకు రెండు రోజుల శిక్షణ జెడ్పీ సెంటర్‌ (మహబూబ్‌నగర్‌): జనగణనలో ఎలాంటి పొరపాట్లకు తావులేకుండా పకడ్బందీగా నిర్వహించాలని కలెక్టర్‌ ఖుష్బూ గుప్తా అధికారులను ఆదేశించారు. జనగణన రెండో దశ నిర్వహణపై కలెక్టరేట్‌ సమావేశ మందిరంలో మంగళవారం జిల్లా, డివిజన్‌ స్థాయి అధికారులు, తహసీల్దార్లు, అదనపు ఛార్జ్‌ అధికారులకు నిర్వహించిన రెండు రోజుల శిక్షణ కార్యక్రమంలో ఆమె మాట్లాడారు. జనగణన రెండో దశ షెడ్యూల్‌, విధివిధానాలు, అధికారుల బాధ్యతలపై వివరించారు. 2027 జనవరి 10 నుంచి 24 వరకు స్వీయ గణన, జనవరి 25 నుంచి ఫిబ్రవరి 28 వరకు ఎన్యుమరేటర్ల ద్వారా గణన నిర్వహించనున్నట్లు తెలిపారు. ఫిబ్రవరి 28న రాత్రి ఇళ్లు లేని వారి గణన చేపట్టి, మార్చి 1 నుంచి 5 వరకు రివిజనల్‌ రౌండ్‌ నిర్వహిస్తారని వెల్లడించారు. జనగణనలో భాగంగా ఎన్యుమరేటర్లు ప్రతి ఇంటిని సందర్శించి 40 ప్రశ్నలకు సంబంధించిన వివరాలను సేకరిస్తారని కలెక్టర్‌ తెలిపారు. ప్రజలు సరైన సమాచారం అందించి గణన విజయవంతానికి సహకరించాలని కోరారు. స్వీయ గణన ప్రక్రియను గ్రామపంచాయతీల వారీగా సమర్థవంతంగా నిర్వహించేందుకు పంచాయతీ కార్యదర్శులు చొరవ తీసుకోవాలని సూచించారు. నిర్దేశిత షెడ్యూల్‌ ప్రకారం అన్ని శాఖల అధికారులు సమన్వయంతో పనిచేయాలన్నారు. స్థానిక సంస్థల అదనపు కలెక్టర్‌ మధుసూదన్‌ నాయక్‌ మాట్లాడుతూ, మొదటి దశలో హౌస్‌ లిస్టింగ్‌ సర్వేను విజయవంతంగా నిర్వహించినట్లే రెండో దశ జనగణనను కూడా సమర్థవంతంగా పూర్తి చేయాలని కోరారు. రెవెన్యూ అదనపు కలెక్టర్‌ జె.ఎల్‌.బి. హరిప్రియ మాట్లాడుతూ, మొబైల్‌ యాప్‌ ద్వారా డిజిటల్‌ పద్ధతిలో వివరాలను నమోదు చేస్తారని తెలిపారు. ఛార్జ్‌ అధికారులు, సిబ్బందికి ప్రక్రియపై పూర్తి అవగాహన కల్పించాలని, స్వీయ గణనపై ప్రజలకు విస్తృతంగా అవగాహన కల్పించాలని సూచించారు. సమావేశంలో జెడ్పీ సీఈఓ వెంకటరెడ్డి, ఆర్డీఓ నవీన్‌, డీఈఓ విజయకుమారి, సీపీఓ నర్సింహులు, ట్రైనర్లు దయానంద్‌, శివరామకృష్ణ తదితరులు పాల్గొన్నారు.

డెంగీ కేసుల గుర్తింపు, పరీక్షలు, చికిత్సతో పాటు వ్యాధి వ్యాప్తిని అరికట్టడంపై వైద్య ఆరోగ్యశాఖ ప్రత్యేక దృష్టి సారించాలి. ప్రభుత్వ, ప్రైవేట్‌ ఆస్పత్రుల నుంచి కేసుల వివరాలను సేకరించి ఎప్పటికప్పుడు సమీక్షించాలి. జ్వరాలు అధికంగా నమోదవుతున్న ప్రాంతాల్లో వైద్య శిబిరాలు నిర్వహించడంతో పాటు దోమల నివారణ చర్యలు చేపట్టాలి. పరీక్షల కిట్లు అందుబాటులో ఉండేలా చూడటం, బాధితులకు సకాలంలో వైద్యం అందించడం, ప్రైవేట్‌ వైద్య సంస్థల నివేదికలను పర్యవేక్షించడం ద్వారా పరిస్థితిని నియంత్రించాల్సిన అవసరం ఉంది.

● ప్రభుత్వ విప్‌ యెన్నం శ్రీనివాస్‌రెడ్డి ● 750 మంది విద్యార్థులకు స్కాలర్‌షిప్‌లు అందజేత జెడ్పీ సెంటర్‌ (మహబూబ్‌నగర్‌): విద్యార్థులు అవకాశాలను అందిపుచ్చుకుని ప్రతిభావంతులుగా ఎ దిగి కుటుంబానికి, దేశానికి మంచి పేరు తీసుకురా వాలని ప్రభుత్వ విప్‌ యెన్నం శ్రీనివాస్‌రెడ్డి అన్నా రు. శ్రీరామ్‌ ఫైనాన్స్‌ ఆధ్వర్యంలో మంగళవారం మహబూబ్‌నగర్‌లో నిర్వహించిన కార్యక్రమంలో రవాణా రంగ కార్మికుల పిల్లలైన 750 మంది విద్యార్థులకు స్కాలర్‌షిప్‌లు అందజేశారు. ఈ సందర్భంగా ఆయన మాట్లాడుతూ.. ఆటో, కమర్షియల్‌ వా హనాల డ్రైవర్లు, రవాణా రంగ కార్మికుల పిల్లలకు ఉన్నత విద్యను అభ్యసించేందుకు ఆర్థిక సహకారం అందించడం అభినందనీయమన్నారు. హైస్కూల్‌ తోపాటు ఇంటర్మీడియట్‌, డిగ్రీ, ఇంజినీరింగ్‌ వి ద్యార్థులకు స్కాలర్‌షిప్‌లు అందించడం ద్వారా సంస్థ వారి విద్యాభివృద్ధికి తోడ్పడుతోందని పేర్కొన్నారు. ఆర్థిక ఇబ్బందులతో ప్రతిభావంతులైన వి ద్యార్థులు చదువుకు దూరం కాకుండా ఇలాంటి కార్యక్రమాలు దోహదపడతాయన్నారు. కార్పొరేట్‌ సామాజిక బాధ్యత నిధులను సమాజానికి దీర్ఘకాలిక ప్రయోజనం చేకూర్చే విద్య వంటి రంగాలపై ఖర్చు చేయాలని సూచించారు. విద్యతోనే కుటుంబాల జీవన ప్రమాణాలు మెరుగుపడతాయని పే ర్కొంటూ, విద్యార్థుల భవిష్యత్తుకు అండగా నిలుస్తున్న శ్రీరామ్‌ ఫైనాన్స్‌ యాజమాన్యాన్ని అభినందించారు. కార్యక్రమంలో డిప్యూటీ మేయర్‌ సురేందర్‌రెడ్డి, ముడాచైర్మన్‌ లక్ష్మణ్‌యాదవ్‌, కాంగ్రెస్‌ నా యకులు సిరాజ్‌ఖాద్రీ, గిరిగౌడ్‌, వెంకటేష్‌, తాహె ర్‌, శ్రీరామ్‌ ఫైనాన్స్‌ తెలంగాణ బిజినెస్‌ హెడ్‌ మ హిపాల్‌రెడ్డి, జోనల్‌సేల్స్‌ హెడ్‌ లక్ష్మణ్‌కుమార్‌, ఉ ద్యోగులు, విద్యార్థుల తల్లిదండ్రులు పాల్గొన్నారు.

నారాయణపేట: ప్రస్తుత వానాకాలం సీజన్‌లో నెలకొన్న వర్షాభావ పరిస్థితుల నేపథ్యంలో ఉమ్మడి పాలమూరులో 63 మండలాలను కరువు ప్రభావిత ప్రాంతాలుగా ప్రకటిస్తూ రాష్ట్ర ప్రభుత్వ ప్రధాన కార్యదర్శి సంజయ్‌జాజు ఉత్తర్వులు జారీ చేశారు. ఈ మేరకు రెవెన్యూ (విపత్తు నిర్వహణ) శాఖ జీఓ ఎంఎస్‌ నంబర్‌ 3ను విడుదల చేసింది. ఎల్‌నినో ప్రభావం, నైరుతి రుతుపవనాల సమయంలో నమోదైన వర్షపాత లోటు, పంటల కీలక ఎదుగుదల దశల్లో నెలకొన్న దీర్ఘకాలిక పొడి వాతావరణం, నేలలో తేమశాతం తగ్గిపోవడం వంటి అంశాలను పరిగణలోకి తీసుకుని ఈ నిర్ణయం తీసుకుంది. ఈ నేపథ్యంలో కొన్నింటిని తీవ్ర, మరికొన్ని మధ్యస్థ ప్రభావిత మండలాలుగా గుర్తించింది. ఇందులో భాగంగానే ఉమ్మడి పాలమూరులోని నారాయణపేట, మహబూబ్‌నగర్‌, నాగర్‌కర్నూల్‌, వనపర్తి, జోగుళాంబ గద్వాల జిల్లాల్లో కలిపి మొత్తం 63 కరువు మండలాలుగా ప్రకటించింది. ఇందులో 44 మండలాలు తీవ్ర కరువు ప్రభావిత, 19 మధ్యస్థ కరువు మండలాలుగా ప్రభుత్వం గుర్తించింది. జూన్‌ 1 నుంచి.. జాతీయ కరువు నిర్వహణ మాన్యువల్‌– 2016 (డిసెంబర్‌ 2020 వరకు నవీకరించిన మార్గదర్శకాలు) ప్రకారం ప్రభుత్వం మండలాల వారీగా కరువు పరిస్థితులను అంచనా వేసింది. ఇందులో జూన్‌ 1 నుంచి సెప్టెంబర్‌ 30 వరకు నమోదైన స్వయంచాలక వర్షపాత గణాంకాలు, వర్షాభావ కాలవ్యవధి వివరాలను పరిశీలించింది. వ్యవసాయ సాగు విస్తీర్ణంలో లోటు, ఉపగ్రహ ఆధారిత వృక్షసంపద పరిస్థితి, నేలలో తేమ వంటి ప్రభావ సూచికలను కూడా పరిగణలోకి తీసుకున్నట్లు ఉత్తర్వుల్లో పేర్కొంది. ఈ మేరకు కరువు ప్రభావిత మండలాల్లో తక్షణ చర్యలు చేపట్టేందుకు అవసరమైన భౌతిక, ఆర్థిక వనరుల వివరాలతో కార్యాచరణ ప్రణాళిక సమర్పించాలని కలెక్టర్లు, వ్యవసాయ, ఉద్యాన వన, పశు సంవర్ధక శాఖల అధికారులను ఆదేశించింది. కేంద్రం నుంచి జాతీయ విపత్తు ప్రతిస్పందన నిధి కింద సహాయం కోరేందుకు అవసరమైన నివేదికలను సిద్ధం చేసి పంపేలా రాష్ట్ర ప్రభుత్వం చర్యలు చేపట్టింది. ఉమ్మడి జిల్లాలో 63 మండలాలను ప్రకటించిన ప్రభుత్వం 44 మండలాల్లో తీవ్రం.. 19 చోట్ల మధ్యస్థ కరువు వర్షాభావం, నేలలో తగ్గిన తేమతో పంటలకు ముప్పు

లెక్కల్లో 98.. ప్రైవేట్‌లో ఇంకెందరో? పాలమూరు: విషజ్వరాల విజృంభణ.. డెంగీ భయం.. పరీక్షల కోసం ప్రైవేట్‌ ల్యాబ్‌లకు పరుగులు.. వెరసి పాలమూరు ప్రజలు సతమతమవుతున్నారు. జిల్లాలో డెంగీ పాజిటివ్‌ కేసులు పెరుగుతున్న నేపథ్యంలో వైద్య ఆరోగ్యశాఖ అప్రమత్తం కావాల్సిన అవసరం ఏర్పడింది. అధికారిక లెక్కల ప్రకారం జిల్లాలో అక్టోబర్‌ 27వ తేదీ వరకు 98 డెంగీ కేసులు నమోదయ్యాయి. వీటిలో 56 కేసులు మహబూబ్‌నగర్‌ నగర పరిధిలోనే ఉండటం ఆందోళన కలిగిస్తోంది. మరోవైపు ప్రైవేట్‌ ఆస్పత్రులు, ల్యాబ్‌లలో నిర్వహిస్తున్న పరీక్షలు, పాజిటివ్‌ కేసుల వివరాలపై సమగ్ర సమాచారం లేకపోవడంతో అసలు బాధితుల సంఖ్యపై స్పష్టత కొరవడుతోంది. దీంతో వ్యాధి నియంత్రణ చర్యలు, కేసుల పర్యవేక్షణపై ప్రశ్నలు తలెత్తుతున్నాయి. నగరంలోనే అధికం.. జిల్లాకేంద్రంలోని పలు కాలనీల్లో వైరల్‌ ఫీవర్స్‌తో పాటు డెంగీ కేసులు వెలుగుచూస్తున్నాయి. షాషాబ్‌గుట్ట, మర్లు, బీకే రెడ్డి కాలనీ, రామయ్యబౌళి, ఏనుగొండ, శివశక్తినగర్‌ ప్రాంతాల్లో జ్వరాల బారినపడుతున్న వారి సంఖ్య పెరుగుతున్నట్లు తెలుస్తోంది. ఎదిర పీహెచ్‌సీ పరిధిలోని ఏనుగొండ, పాలకొండ తదితర ప్రాంతాల్లో 16 కేసులు నమోదు కాగా, పీపీయూ యూనిట్‌ పరిధిలో 22 కేసులు నమోదయ్యాయి. జడ్చర్ల పట్టణంలోని పలు కాలనీల్లోనూ విషజ్వరాల ప్రభావం కనిపిస్తోంది. గంగాపూర్‌ పీహెచ్‌సీ పరిధిలో ఏడు, మహ్మదాబాద్‌లో ఎనిమిది, హన్వాడలో ఐదు, మిడ్జిల్‌లో మూడు డెంగీ కేసులు నమోదైనట్లు వైద్య ఆరోగ్యశాఖ గణాంకాలు సూచిస్తున్నాయి. కిట్లు ఉన్నాయంటారు.. పరీక్షలు ఎక్కడ? జిల్లా జనరల్‌ ఆస్పత్రితో పాటు ఏరియా ఆస్పత్రుల్లోనూ డెంగీ నిర్ధారణ కిట్లు అందుబాటులో ఉన్నాయని వైద్యాధికారులు చెబుతున్నారు. అయితే క్షేత్రస్థాయిలో కొన్ని చోట్ల పరీక్షలు అందుబాటులో లేవని, ప్రైవేట్‌ ల్యాబ్‌లకు వెళ్లాల్సి వస్తోందని బాధితులు వాపోతున్నారు. ప్రస్తుత పరిస్థితుల్లో మహబూబ్‌నగర్‌ జనరల్‌ ఆస్పత్రిలోనే ప్రధానంగా పరీక్షలు జరుగుతున్నట్లు తెలుస్తోంది. ప్రైవేట్‌ ల్యాబ్‌లలో ఒక్కో పరీక్షకు రూ.800 నుంచి రూ.3 వేల వరకు ఖర్చవుతోందని సమాచారం. జ్వరంతో ఆస్పత్రులకు వెళ్లే వారికి పలు రకాల పరీక్షలు సూచిస్తుండటంతో ఆర్థిక భారం పెరుగుతోంది. ప్రైవేట్‌ కేసుల లెక్కలేవీ? ప్రభుత్వాస్పత్రుల్లో నమోదైన కేసుల వివరాలే ప్రధానంగా అధికారిక గణాంకాల్లో కనిపిస్తున్నాయి. ప్రైవేట్‌ ఆస్పత్రులు, ల్యాబ్‌లలో పరీక్షలు చేయించుకుంటున్న వారి వివరాలు పూర్తిస్థాయిలో అందుబాటులో లేకపోవడంతో కేసుల వాస్తవ పరిస్థితిపై స్పష్టత ఉండటం లేదు. ప్రైవేట్‌ వైద్య సంస్థలు పరీక్షల ఫలితాలు, పాజిటివ్‌ కేసుల వివరాలను వైద్య ఆరోగ్యశాఖకు క్రమం తప్పకుండా అందిస్తున్నాయా? అనే ప్రశ్నలు తలెత్తుతున్నాయి. అయితే అధికారిక సమాచారం లేకుండా ప్రైవేట్‌ రంగంలోనూ పెద్ద సంఖ్యలో డెంగీ కేసులు ఉన్నాయని నిర్ధారించలేని పరిస్థితి నెలకొంది. ఈ నేపథ్యంలో ప్రైవేట్‌ ఆస్పత్రులు, ల్యాబ్‌ల నుంచి కేసుల వివరాలను సేకరించి సమగ్ర గణాంకాలు రూపొందించాల్సిన అవసరం ఉంది. మహబూబ్‌నగర్‌ నగరంలోనే 56 పాజిటివ్‌ కేసులు షాషాబ్‌గుట్ట సహా పలు కాలనీల్లో విషజ్వరాల విజృంభణ ప్రైవేట్‌ ఆస్పత్రుల కేసుల వివరాలపై కొరవడిన స్పష్టత ప్రభుత్వాస్పత్రుల్లో పరీక్షలపై బాధితుల ఇబ్బందులు

మహబూబ్‌నగర్‌ క్రైం: పోలీస్‌స్టేషన్ల పనితీరు, కేసుల పరిష్కారం, రికార్డుల నిర్వహణపై అధికారులు ప్రత్యేక దృష్టి సారించాలని ఎస్పీ డి.జానకి ఆదేశించారు. నగరంలోని డీఎస్పీ కార్యాలయాన్ని మంగళవారం ఎసీ వార్షిక తని ఖీలు నిర్వహించారు. కార్యాలయ పరిధిలోని పలు రకాల కేసు ఫైల్స్‌, రికార్డులు, రిజిస్టర్లు, పెండింగ్‌ కేసులను తనిఖీ చేశారు. జిల్లాలో ఉన్న అన్ని పోలీస్‌స్టేషన్స్‌తో పాటు సర్కిల్‌ కార్యాలయాల్లో రికార్డులు, రిజిస్టర్లు ఎప్పటికప్పుడు ఆప్‌డేట్‌ చేయడంతో పాటు ఆన్‌లైన్‌ చేయాలని ఆదేశించారు.వార్షిక తనిఖీల ద్వారా సదరు స్టేషన్లు, కార్యాలయాల పని తీరులో ఉండే లోపాలను గుర్తించడానికి అవకాశం ఉంటుందన్నారు. ఈ తనిఖీల్లో డీఎస్పీ వెంకటేశ్వర్లుతో పాటు సీఐలు, ఎస్‌ఐలు పాల్గొన్నారు. రీసర్వేతో భూహక్కులకు భద్రత హన్వాడ: భూ రీసర్వేతో రైతుల భూముల వివరాలు పక్కాగా నమోదవడంతో పాటు భూహక్కులకు భద్రత లభిస్తుందని జిల్లా రెవెన్యూ అదనపు కలెక్టర్‌ జేఎల్‌బీ హరిప్రియ అన్నారు. మండల పరిధిలోని దోరసముద్రంలో కొనసాగుతున్న భూ రీసర్వే పనులను మంగళవారం ఆమె క్షేత్రస్థాయిలో పరిశీలించారు. గ్రామ సరిహద్దులు, రైతుల పొలాల రీసర్వే పురోగతి, పనుల నిర్వహణ తీరుపై తహశీల్దార్‌ కిష్ట్యానాయక్‌ను వివరాలు అడిగి తెలుసుకున్నారు. అనంతరం సర్వే బృందాలు, రెవెన్యూ సిబ్బందితో మాట్లాడి రీసర్వేలో వినియోగిస్తున్న సాంకేతిక విధానాలను పరిశీలించారు. గ్రామస్తులు, రైతులతోనూ సమావేశమై మాట్లాడారు. ఈ సందర్భంగా అదనపు కలెక్టర్‌ మాట్లాడుతూ.. రీసర్వేను ఎలాంటి పొరపాట్లకు తావులేకుండా ఖచ్చితత్వంతో నిర్వహించేందుకు జీపీఎస్‌ రోవర్‌ సాంకేతిక పరిజ్ఞానాన్ని వినియోగిస్తున్నట్లు తెలిపారు. ఈ సర్వే ద్వారా ప్రతి రైతు భూమికి డిజిటల్‌ ల్యాండ్‌ పార్సెల్‌ మ్యాపులు రూపొందిస్తామని, భవిష్యత్తులో భూముల సరిహద్దుల వివాదాలను తగ్గించేందుకు ఇది దోహదపడుతుందని పేర్కొన్నారు. రైతులు తమకు కేటాయించిన సమయానికి పొలాల వద్దకు చేరుకుని, సాగు చేస్తున్న భూముల సరిహద్దులను ఖచ్చితంగా చూపించాలని సూచించారు. రీసర్వే పనులు వేగంగా, పారదర్శకంగా పూర్తయ్యేందుకు రైతులు, గ్రామస్తులు సర్వే బృందాలకు, రెవెన్యూ అధికారులకు సహకరించాలని కోరారు. కార్యక్రమంలో తహశీల్దార్‌ కిష్ట్యానాయక్‌, ఆర్‌ఐలు సంజీవ, సల్మా, సర్వే అండ్‌ ల్యాండ్‌ రికార్డ్స్‌ సర్వేయర్లు, స్థానిక ప్రజాప్రతినిధులు, రైతులు పాల్గొన్నారు. ఫ్యాకల్టీ పోస్టులకు దరఖాస్తుల ఆహ్వానం మహబూబ్‌నగర్‌ ఎడ్యుకేషన్‌: జిల్లాలోని కేజీబీవీలు, తెలంగాణ మోడల్‌ స్కూళ్లలో ఐఐటీ, నీట్‌, క్లాట్‌ కోచింగ్‌ బోధించేందుకు ఆసక్తి గల ఫ్యాకల్టీ దరఖాస్తు చేసుకోవాలని డీఈఓ విజయకుమారి ఒక ప్రకటనలో తెలిపారు. మహబూబ్‌నగర్‌ అర్బన్‌, రూరల్‌ కేజీబీవీలు, భూత్పూర్‌ కేజీబీవీ, వెన్నచేడ్‌ తెలంగాణ మోడల్‌ స్కూల్‌లో ఈ పోస్టులు ఉన్నట్లు పేర్కొన్నారు. పోస్టులకు సంబంధించిన వివరాలు డీఈఓ కార్యాలయ నోటీసు బోర్డులో అందుబాటులో ఉన్నాయని, ఆసక్తి గలవారు ఈనెల 29వ తేదీలోగా దరఖాస్తు చేసుకోవాలని సూచించారు. 15వ రోజుకు చేరిన ఎన్‌హెచ్‌ఎం ఉద్యోగుల దీక్ష మహబూబ్‌నగర్‌ మున్సిపాలిటీ: తమ డిమాండ్ల సాధన కోసం ఎన్‌హెచ్‌ఎం ఉద్యోగులు చేపట్టిన నిరసన దీక్షలు 15వ రోజుకు చేరుకున్నాయి. స్థానిక టీటీడీ కల్యాణ మండపం ఎదుట శిబిరంలో మంగళవారం ‘ఖాళీ గిన్నెలతో చప్పట్లు’ కొట్టే కార్యక్రమం చేపట్టారు. కార్యక్రమంలో ఎన్‌హెచ్‌ఎం జాక్‌ జిల్లా అధ్యక్షుడు డా.సునీల్‌కుమార్‌, సభ్యులు డా.ప్రవీణ్‌, డా.రాజేష్‌, డా.ప్రీతి, డా.అభినయ్‌, ఏఎన్‌ఎంలు మంజుల, భారతి, మహేష్‌, బుచ్చిబాబు, యుగేందర్‌, వెంకటేష్‌, నవీన్‌, జ్యోతి, శివ, హరిప్రసాద్‌ పాల్గొన్నారు.

పాలమూరు: జిల్లా న్యాయ సేవాధికార సంస్థ ఆధ్వర్యంలో మంగళవారం జిల్లావ్యాప్తంగా పలు పాఠశాలల్లో ‘సురక్షిత్‌ బచ్చన్‌ అభియాన్‌’ కార్యక్రమాలు నిర్వహించారు. పోక్సో చట్టం–2012పై పాన్‌ ఇండియా పాఠశాల అవగాహన కార్యక్రమం మొదటి దశలో విద్యార్థులకు చట్టంపై అవగాహన కల్పించారు. నగరంలోని శ్రీచైతన్య హైస్కూల్‌లో నిర్వహించిన కార్యక్రమానికి సీనియర్‌ సివిల్‌ జడ్జి ఈశ్వరయ్య ముఖ్య అతిథిగా హాజరయ్యారు. టీడీగుట్ట ప్రభుత్వ ఉన్నత పాఠశాల, అపెక్స్‌ సెంట్రల్‌ స్కూ ల్‌, గ్యాలెక్సీ హైస్కూల్‌లో రెండో అదనపు న్యాయ మూర్తి రవిశంకర్‌, నవాబ్‌పేట కేజీబీవీ, బాలానగర్‌ ఉన్నత పాఠశాలల్లో మొబైల్‌ కోర్టు న్యాయమూర్తి మునవర్‌ పాల్గొన్నారు. జడ్చర్లలోని అక్షర హైస్కూల్‌లో జిల్లా న్యాయ సేవాధికార సంస్థ కార్యదర్శి డి.ఇందిర, అదనపు న్యాయమూర్తి ముదసిర్‌ పాల్గొన్నారు. ఈ సందర్భంగా పోక్సో చట్టంలోని నిబంధనలు, బాలల హక్కులు, వ్యక్తిగత భద్రత, లైంగిక వేధింపుల నివారణ తదితర అంశాలపై విద్యార్థులకు అవగాహన కల్పించారు.

నవాబుపేట: తన తల్లి అ నుమానాస్పదంగా మృతి చెందిందని ఆమె మృతిపై అనుమానాలు ఉన్నాయని కుమారుడి ఫిర్యాదు మేర కు పోలీసులు కేసు నమో దు చేశారు. వివరాల్లోకి వెళ్తే.. మండల పరిధిలోని తీగలపల్లికి చెందిన రంగు స్వరూప (46) ఆదివారం ఇంట్లో నీటి బకెట్‌లో పడి మృతి చెందారు. ఈ క్రమంలో ఆమె మృతిపై అనుమానం ఉందని తన తల్లి నీటి బకెట్‌లో తలమునిగి మరణించే అవకా శం లేదని కుమారుడు రంగు కుమార్‌ సోమవా రం పోలీసులకు ఫిర్యాదు చేశాడు. తండ్రి మరణానంతరం తల్లి తనతోనే ఉంటున్నారని కూలీ పని చేసుకుంటూ జీవనం సాగించే వారమన్నారు. కాగా ఆదివారం తాను పనికి వెళ్లి సాయంత్రం ఇంటికి వచ్చే సరికి నీటి బకెట్‌లో తలమునిగి మృతి చెంది కనిపించారని వివరించారు. ఈ విషయంలో న్యాయం చేయాలని పోలీసులను ఆశ్రయించాడు. ఘటనపై కేసు నమోదు చేసినట్లు ఎస్‌ఐ నరేందర్‌ తెలిపారు. గుర్తు తెలియని వృద్ధుడి మృతి మాగనూర్‌ (కృష్ణా): కృష్ణా మండల పరిధిలోని చేగుంట గ్రామ శివారులో గుర్తు తెలియని వృద్ధుడు మృతి చెందిన ఘటన చోటుచేసుకుంది. కృష్ణ ఎస్‌ఐ నవీద్‌ తెలిపిన వివరాల మేరకు.. చేగుంట గ్రామ శివారులోని రోడ్డు పక్కన గు ర్తు తెలియని వృద్ధుడు సోమవారం ఉదయం ప్రమాదవశాత్తు మృతి చెందినట్లు పేర్కొన్నారు. ఏదైనా వాహనం ఢీకొట్టడం వల్ల చనిపోయాడా లేదా సాధారణంగానే చనిపోయా డా అనేది స్పష్టత లేదన్నారు. మృతుడు తెల్ల పంచ, ఎర్ర తువాల ధరించి ఉన్నాడని వయ సు 50–55 ఏళ్ల మధ్య ఉంటుందని ఎవరైన గుర్తు పడితే కృష్ణ పోలీస్‌స్టేషన్‌ నంబర్‌ 87126 71023ను సంప్రదించాలని సూచించారు. డీసీఎం ఢీకొని వృద్ధుడి మృతి ఉండవెల్లి: డీసీఎం ఢీకొని గుర్తుతెలియని వృద్ధుడి మృతిచెందిన ఘటన సోమవారం చోటుచేసుకుంది. ఎస్‌ఐ సురేష్‌ వివరాల ప్రకారం మండలంలోని ఇటిక్యాలపాడు శివారులోని జాతీయ రహదారిపై గుర్తుతెలియని వృద్ధుడు(70) నడుచుకుంటు వెళ్తున్నాడు. సోమవారం తెల్లవారుజామున వెనుక నుంచి గుర్తుతెలియని డీసీఎం వృద్ధుడిని ఢీకొన్నది. ఈ ప్రమాదంలో వృద్ధుడు తీవ్రంగా గాయపడ్డాడు. చికిత్స కోసం 108 అంబులెన్స్‌లో ఆస్పత్రికి తరలిస్తుండగా మార్గమధ్యలోనే మృతి చెందాడు. కేసు నమోదు చేసి అలంపూర్‌ మార్చురీలో మృతదేహాన్ని ఉంచారు. చామన చాయ, తెలుపు రంగులో గోధుమ రంగు డిజైన్‌ ఉన్న షర్ట్‌, తెలుపు రంగులో ఉన్న ఆకుపచ్చ, ఎరుపు రంగు కలిగిన అంచు ఉన్న పంచె, ఎరుపు గీతలున్న టవల్‌ భుజంపై ఉన్నాయని ఎస్‌ఐ తెలిపారు. దైవదర్శనానికి వెళ్తూ తిరిగిరాని లోకాలకు కల్వకుర్తి రూరల్‌: వారంతా స్నేహితులు.. మూడు బైక్‌లపై ఆరుగురు హైదరాబాద్‌ నుంచి పవిత్ర పుణ్యక్షేత్రమైన శ్రీశైలం బయలుదేరారు. దురదృష్టవశాత్తు కల్వకుర్తి మండలం తాండ్ర సమీపంలో గుర్తుతెలియని వాహనం ఢీకొట్టడంతో ఓ యువకుడు తీవ్రంగా గాయపడి మృతిచెందిన ఘటన చోటుచేసుకుంది. ఏపీలోని ఒంగోలు జిల్లా కేంద్రంలోని విజయనగర్‌ కాలనీకి చెందిన బండారు పవన్‌ (29) రంగారెడ్డి జిల్లా అమీన్‌పూర్‌ ప్రాంతంలో నివాసముంటున్నారు. ఈనెల 25న సాయంత్రం ఐదుగంటల ప్రాంతంలో స్నేహితులు రాజు, నాగరాజు, సాయి, అనిల్‌, శ్రీకాంత్‌తో కలిసి శ్రీశైలం పుణ్యక్షేత్రానికి బయలుదేరారు. రాత్రి 7:30 ప్రాంతంలో తాండ్ర సమీపంలో గుర్తుతెలియని వాహనం ఢీకొట్టడంతో పవన్‌కు తీవ్రగాయాలై మృతిచెందగా వెనకాల కూర్చున్న రాజు గాయాలపాలయ్యారు. నాగరాజు సమాచారం ఇవ్వడంతో కల్వకుర్తికి వచ్చిన మృతిని సోదరుడు బాలమురళి పోలీసులకు ఫిర్యాదు చేశాడు. తన తమ్ముడి మృతికి కారణమైన వారిని చట్ట ప్రకారం శిక్షించాలని ఫిర్యాదు చేశాడు. బాలమురళి ఫిర్యాదు మేరకు కేసు నమోదు చేసుకొని దర్యాప్తు జరుపుతున్నట్లు ఎస్‌ఐ కురుమూర్తి తెలిపారు. చికిత్స పొందుతూ యువకుడి మృతి కల్వకుర్తి రూరల్‌: మండలంలోని రఘుపతిపేట మాజీ సర్పంచ్‌ రేణుక బాలస్వామి కుమారుడు ఉదయ్‌(22) చికిత్స పొందుతూ సోమవారం మృతి చెందాడు. బాధిత కుటుంబసభ్యుల వివరాల ప్రకారం దసరా రోజు తమ సొంత గ్రామమైన రఘుపతిపేట నుంచి కల్వకుర్తి వైపు భరత్‌కుమార్‌తో కలిసి బైక్‌పై వెళ్తుండగా గుర్తుతెలియని వాహనం లింగసానిపల్లి గ్రామ సమీపంలో ఢీకొట్టింది. ఈ ప్రమాదంలో అదేరోజు భరత్‌కుమార్‌ మృతిచెందగా తీవ్రంగా గాయపడిన ఉదయ్‌ కల్వకుర్తి సమీపంలోని ఓ ప్రైవేట్‌ ఆస్పత్రిలో చికిత్స తీసుకుంటూ సోమవారం మృతిచెందాడు. మృతదేహానికి కల్వకుర్తి ప్రభుత్వ ఆస్పత్రిలో పోస్టుమార్టం నిర్వహించారు. మృతుడికి సోదరి ఉన్నారు. ఒక్కగానొక్క కుమారుడు మృతిచెందడంతో కుటుంబ సభ్యులు, తల్లిదండ్రుల రోదనలు మిన్నంటాయి.

జడ్చర్ల: నిత్యం ట్రాఫిక్‌ సమస్యలతో సతమతమవుతున్న జడ్చర్లలో సోమవారం సాక్షాత్తు మాజీ డిప్యూటీ సీఎం ట్రాఫిక్‌ను క్లియర్‌ చేయాల్సిన పరిస్థితి దాపురించింది. జడ్చర్ల ఫ్లై ఓవర్‌ బ్రిడ్జి వద్ద ఓ వైపు 44 మరో వైపు 167 జాతీయ రహదారుల కలయిక వద్ద వాహనాల రద్దీ తీవ్రంగా ఉంటుంది. ఇక్కడ ట్రాపిక్‌ నియంత్రణకు ప్రతిరోజు కనీసంగా ఇద్దరు పోలీసులు ఉండాల్సిన పరిస్థితి. మహబూబ్‌నగర్‌ నుంచి హైదరాబాద్‌ వెళ్తున్న మాజీ హోం మంత్రి ట్రాఫిక్‌లో ఇరుక్కున్నారు. ఓ దివ్యాంగురాలును మోటర్‌ బైక్‌పై దాటిస్తున్న క్రమంలో చిన్న ప్రమా దం చోటుచేసుకుంది. అప్పటికప్పుడే వాహనాల రాకపోకలు ఎక్కడికక్కడ నిలిచిపోయాయి. ఎంతసేపటికీ ట్రాఫిక్‌ను క్లియర్‌ చేసే పరిస్థితి లేకపోవడంతో మాజీ హోం మంత్రి కారుదిగి ముందుకొచ్చి ట్రాఫిక్‌ను క్లియర్‌ చేశారు. ఈ సందర్భంగా ఆయన మీడియాతో మాట్లాడుతూ.. ఇంత రద్దీ ఉండే జడ్చర్లలో ఒక్క పోలీస్‌ లేకపోవడం ఆందోళనకరమన్నారు. ట్రాఫిక్‌ సమస్యలపై నిర్లక్ష్యం వీడాలని, ప్రజల కొరకు పనిచేయాలని సూచించారు.

● ఇసుక అక్రమ తరలింపునకేనని ఆరోపణలు ● అధికారుల నిర్లక్ష్యంపై స్థానికుల ఆగ్రహం ● భూగర్భజలాలు తగ్గుతుండటంతో రైతుల్లో ఆందోళన మాగనూర్‌: నారాయణపేట జిల్లా కృష్ణా మండలం గుర్జాల గ్రామ సమీపంలోని కృష్ణానదిలో నీటి ప్ర వాహం తగ్గడంతో నది మధ్యలోకి వెళ్లేందుకు సు మారు కిలోమీటరున్నర మేర మట్టి రోడ్డు నిర్మిస్తున్నట్లు స్థానికులు ఆరోపిస్తున్నారు. అక్రమంగా ఇసుక తరలించేందుకే ఈ రహదారిని ఏర్పాటు చే స్తున్నారని, అయినా సంబంధిత అధికారులు పట్టించుకోవడం లేదని విమర్శిస్తున్నారు. నది పరివాహ క ప్రాంతంలో భారీ యంత్రాలు, జేసీబీలు, టిప్పర్ల వినియోగంపై నిబంధనలు ఉన్నప్పటికీ, వాటిని పట్టించుకోకుండా పగలు, రాత్రి తేడా లేకుండా పనులు చేపడుతున్నారని స్థానికులు పేర్కొంటున్నారు. అధికారుల అండదండలతోనే ఇసుక అక్రమ రవాణా సాగుతోందని ఆరోపిస్తున్నారు. వర్షాభావ పరిస్థితులతో భూగర్భ జలమట్టాలు తగ్గుతుండటంతో నది పరివాహక ప్రాంత రైతులు ఆందోళన చెందుతున్నారు. రానున్న వేసవిలో సాగు, తాగునీటి కొరత ఏర్పడే ప్రమాదం ఉందని పేర్కొంటున్నారు. ఇలాంటి పరిస్థితుల్లో నదిలోకి భారీ వాహనాలు వెళ్లేందుకు మట్టి రోడ్డు నిర్మిస్తుండటంపై పర్యావరణం, భూగర్భజలాలపై ప్రభావం పడుతుందేమోనని ఆందోళన వ్యక్తం చేస్తున్నారు. గుర్జాల సమీపంలో జరుగుతున్న మట్టి రోడ్డు నిర్మాణంపై విచారణ జరిపి, అక్రమ ఇసుక తవ్వకాలు, రవాణా జరుగుతున్నాయా అనేది పరిశీలించాలని స్థానికులు కోరుతున్నారు. నిబంధనలు ఉల్లంఘించిన వారిపై చర్యలు తీసుకోవడంతో పాటు, ఫిర్యాదు చేసిన ప్రజలకు రక్షణ కల్పించాలని డిమాండ్‌ చేస్తున్నారు.

చారకొండ: బీసీలంతా రాజ్యాధికారమే లక్ష్యంగా ఐకమత్యంతో పనిచేయాలని రాజ్యాధికార పార్టీ అధ్యక్షుడు తీన్మార్‌ మల్లన్న అన్నారు. తీన్మార్‌ మల్లన్న పాదయాత్ర కల్వకుర్తి మండలంలో ముగించుకొని సోమవారం చారకొండ మండలంలోని జూపల్లికి చేరుకుంది. ఈ సందర్భంగా తీన్మార్‌ మల్లన్నకు స్థానిక బీసీ సంఘాల ప్రతినిధులు, నాయకులు ఘనంగా స్వాగతం పలికారు. అనంతరం తిమ్మాయిపల్లి, తుర్కలపల్లి గుండా పాదయాత్ర మండల కేంద్రానికి చేరుకుంది. రాత్రికి ఇక్కడే బస చేశారు. మంగళవారం ఉదయం చారకొండ మండల కేంద్రంలో కార్నర్‌ మీటింగ్‌లో పాల్గొని, దేవరకొండ వైపు పాదయాత్ర కొనసాగనున్నట్లు పార్టీ నాయకులు తెలిపారు. కార్యక్రమంలో బీసీ సంక్షేమ సంఘం రాష్ట్ర ఉపాధ్యక్షుడు పెద్దయ్య యాదవ్‌, నాయకులు భిక్షపతి, సిరాజ్‌, సత్యం యాదవ్‌, బాలకృష్ణ తదితరులు ఉన్నారు. అత్తారింటికి వచ్చి తిరిగి వెళ్తూ దుర్మరణం ● బొలెరో ఢీకొని వ్యక్తి మృతి.. బాలుడికి తీవ్ర గాయాలు జడ్చర్ల: అత్తగారి ఊరిలో గృహప్రవేశ విందుకు హాజరై తిరిగి వెళ్తుండగా జరిగిన రోడ్డు ప్రమాదంలో ఓ వ్యక్తి మృతిచెందగా, మరో బాలుడు తీవ్రంగా గాయపడ్డాడు. ఈ ఘటన జడ్చర్ల మండలంలోని చిన్న ఆదిరాల గ్రామ సమీపంలో సోమవారం చోటుచేసుకుంది. రంగారెడ్డి జిల్లా ఆమనగల్‌ మండలానికి చెందిన దేవ (38) తన అత్తగారి ఊరైన తుపుడుగడ్డతండాలో బంధువుల ఇందిరమ్మ ఇంటి గృహప్రవేశ విందుకు హాజరయ్యాడు. అనంతరం మోటార్‌బైక్‌పై తిరిగి వెళ్తుండగా చిన్న ఆదిరాల సమీపంలో బొలెరో వాహనం ఢీకొట్టింది. దీంతో దేవ అక్కడికక్కడే మృతిచెందాడు. బైక్‌పై వెనుక కూర్చున్న తుపుడుగడ్డతండాకు చెందిన శివ (15) తీవ్రంగా గాయపడటంతో చికిత్స నిమిత్తం జిల్లా ప్రభుత్వ ఆస్పత్రికి తరలించారు. మృతుడు హైదరాబాద్‌లో ఆటో డ్రైవర్‌గా పనిచేస్తున్నాడు. ఆయనకు భార్య మౌనిక, కుమార్తె ఉన్నారు. ప్రస్తుతం భార్య గర్భిణి అని బంధువులు తెలిపారు. దేవ మృతదేహాన్ని పోస్టుమార్టం నిమిత్తం జడ్చర్ల ఏరియా ఆస్పత్రికి తరలించారు. ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

● ప్రతిభావంతులైన క్రీడాకారులను ప్రభుత్వం ప్రోత్సహిస్తుంది: గద్వాల కలెక్టర్‌ ● రాష్ట్రస్థాయి అండర్‌–17 బాలుర క్రికెట్‌ టోర్నీ ప్రారంభం గద్వాల న్యూటౌన్‌: క్రీడాకారులు గెలుపోటములను సమానంగా స్వీకరిస్తూ క్రీడాస్ఫూర్తిని అలవర్చుకో వాలని గద్వాల జిల్లా కలెక్టర్‌ రిజ్వాన్‌ బాషా షేక్‌ అ న్నారు. ఎస్‌జీఎఫ్‌ ఆధ్వర్యంలో సోమవారం జిల్లా కేంద్రంలోని ఇండోర్‌ స్టేడియంలో నిర్వహిస్తున్న 70వ రాష్ట్రస్థాయి అండర్‌–17 బాలుర క్రికెట్‌ టోర్నీ ని ఆయన ముఖ్య అతిథిగా హాజరై ప్రారంభించారు. ఈ సందర్భంగా క్రీడాకారులను పరిచయం చేసుకొని బ్యాటింగ్‌ చేసి వారిలో ఉత్సాహం నింపారు. అనంతరం కలెక్టర్‌ మాట్లాడుతూ ఉమ్మడి జిల్లాలకు చెందిన పది జట్లు టోర్నీలో పాల్గొనడం గద్వాలకు గర్వకారణమన్నారు. క్రీడలు స్నేహ సంబంధాలను పెంపొందించడంతో పాటు మానసికోల్లాసం, శారీరక దారుఢ్యాన్ని అందిస్తాయని తెలిపారు. ప్రతిభావంతులైన క్రీడాకారులను ప్రభుత్వం ప్రోత్సహిస్తుందని, నాలుగు రోజుల పాటు జరిగే పోటీల్లో వారికి ఎలాంటి ఇబ్బందులు కలగకుండా జిల్లా యంత్రాంగం అవసరమైన సౌకర్యాలు కల్పిస్తుందని చెప్పారు. ఇక్కడ ప్రతిభ కనబరిచిన క్రీడాకారులను రాష్ట్ర జట్టుకు ఎంపిక చేసి, డిసెంబర్‌ రెండో వారంలో గ్వాలియర్‌లో జరిగే జాతీయ స్థాయి పోటీలకు పంపించనున్నట్లు వెల్లడించారు. మున్సిపల్‌ చైర్‌పర్సన్‌ జయలక్ష్మి మాట్లాడుతూ క్రీడలు యువత శారీరక, మానసిక వికాసానికి దోహదపడతాయని అన్నారు. యువత చెడు వ్యసనాలకు దూరంగా ఉంటూ క్రమశిక్షణతో ముందుకు సాగాలని సూచించారు. కార్యక్రమంలో రాష్ట్ర క్రీడల పరిశీలకుడు డేవిడ్‌సన్‌, ఇన్‌చార్జి డీవైఎస్‌ఓ రామలింగేశ్వర్‌గౌడ్‌, డీఈఓ విజయలక్ష్మి, ఎస్‌జీఎఫ్‌ జిల్లా కార్యదర్శి శ్రీనివాసులు, స్టేడియం ఇన్‌చార్జి బషీర్‌, శిక్షకులు, క్రీడాకారులు పాల్గొన్నారు. టోర్నీ తొలిరోజు మూడు మ్యాచ్‌లు హోరాహోరీగా జరిగాయి. ఒక్కో మ్యాచ్‌ను 12 ఓవర్లకు నిర్వహించారు. వరంగల్‌తో జరిగిన తొలి మ్యాచ్‌లో కరీంనగర్‌ 23 పరుగుల తేడాతో విజయం సాధించింది. తొలుత బ్యాటింగ్‌ చేసిన కరీంనగర్‌ ఏడు వికెట్లు కోల్పోయి 108 పరుగులు చేసింది. అనంతరం బ్యాటింగ్‌కు దిగిన ఐదు వికెట్లు కోల్పోయి 85 పరుగులకే పరిమితమైంది. మరోమ్యాచ్‌లో నిజామాబాద్‌పై నల్లగొండ ఏడు వికెట్ల తేడాతో గెలుపొందింది. తొలత బ్యాటింగ్‌ చేసిన నిజామాబాద్‌ ఆరు వికెట్లు కోల్పోయి 83 పరుగులు చేయగా.. నల్లగొండ మూడు వికెట్లు కోల్పోయి లక్ష్యాన్ని ఛేదించింది. మూడో మ్యాచ్‌లో ఖమ్మం పది పరుగుల తేడాతో రంగారెడ్డిపై నెగ్గింది. తొలుత బ్యాటింగ్‌ చేసిన ఖమ్మం ఆరు వికెట్ల కోల్పోయి 86 పరుగులు చేయగా, రంగారెడ్డి 76/5కే పరిమితమై ఓటమి పాలైంది.

● దొంగను పట్టుకున్న శాంతినగర్‌ పోలీసులు ● 10తులాల బంగారం, కిలో వెండి స్వాధీనం ● వివరాలు వెల్లడించిన డీఎస్పీ మొగిలయ్య రాజోళి: కర్ణాటక, రాయలసీమ, తెలంగాణ ప్రాంతాల్లో వరుస చోరీలకు పాల్పడుతూ, పోలీసులకు అంతుచిక్కకుండా ఉన్న దొంగను శాంతిగనర్‌ పోలీసులు మెరుపు ఆపరేషన్‌ చేసి 12రోజుల వ్యవధిలోనే పట్టుకున్నారు. జిల్లాలో ఒక్కసారిగా ఉలిక్కిపడే విధంగా భారీగా బంగారం చోరీ చేసిన దొంగను సోమవారం పోలీసులు పట్టుకోవడంతో ప్రజలు ఊపిరిపీల్చుకున్నారు. ఈనెల 14న వడ్డేపల్లి మున్సిపాలిటీలోని శాంతినగర్‌లో జరిగిన భారీ దోపిడి గురించి డీఎస్పీ మొగిలయ్య శాంతినగర్‌ పోలీస్‌ స్టేషన్‌లో సోమవారం వివరాలు వెల్లడించారు. ఈనెల 14న శాంతినగర్‌లో నివాసముంటున్న తోట మాధవరావు ఇంట్లో అందరూ ఫంక్షన్‌కు వెళ్లడం గమనించిన రాయలసీమ ప్రాంతంలోని కల్యాణదుర్గం ప్రాంతానికి చెందిన వడ్డేఫీట్ల గంగాధర్‌ అలియాస్‌ సాంబ ఆ ఇంట్లోకి చొరబడి 20 తులాల బంగారం, కేజీ వెండి అపహరించాడు. ఈ ఘటన పట్టణంతోపాటు జిల్లాలో సంచలనం రేకేత్తించింది. ఈ ఘటనను చాలెంజ్‌గా తీసుకున్న శాంతిగనర్‌ పోలీసులు.. ఎస్పీ శ్రీనివాస్‌రావు ఆదేశాల మేరకు సీఐ శంకర్‌, ఎస్‌ఐ నాగశేఖర్‌రెడ్డి ఆధ్వర్యంలో బృందంగా ఏర్పడి, దర్యాప్తు ముమ్మరం చేశారు. తరుచూ చోరీలకు పాల్పడుతున్నవారు, జైలు నుంచి విడదలైనవారి వివరాలు సేకరించారు. ఆ క్రమంలో నిందితుడు గంగాధర్‌ ఈ ఏడాది జూన్‌లో జైలనుంచి విడుదలయ్యాడు. ఆయన కదలికలపై దృష్టిపెట్టిన పోలీసులకు పలు అనుమానాలు రావడంతో, ఆ దిశగా.. విచారణ చేపట్టారు. చోరీకి గురైన ఇంటి పరిసరాల్లో ఎక్కువగా సీసీ కెమెరాలు లేకపోయినప్పటికీ, కొద్ది సమీపంలో ఉన్న ఒక్క కెమెరాతోపాటు, పోలీసులు సేకరించిన దొంగతనాలకు పాల్పడుతున్న పాతనేరస్తుల వివరాలతో చోరీకి పాల్పడుతున్న నిందితుడిపై నిఘా పెట్టారు. ప్రత్యేక బృందంతో తనఖీలు చేపడుతుండగా.. అలంపూర్‌ చౌరస్తా దగ్గర సోమవారం దొంగను పట్టుకున్నారు. 20తులాల బంగారం అపహరించగా, 10 తులాల బంగారు, కేజీ వెండిని స్వాధీనం చేసుకున్నామని, మరికొంత బంగారంను ఆయా బ్యాంకుల్లో వివిధ వ్యక్తుల పేర్లతో మార్టిగేజ్‌ చేసి డబ్బులు తీసుకున్నట్లు పేర్కొన్నారు. కల్యాణదుర్గానికి చెందిన శైలజ తాను చోరీ చేసిన బంగారాన్ని ఇస్తాడని, ఆమె ద్వారా మరొక నలుగురు వ్యక్తులు బ్యాంకుల్లో మార్టిగేజ్‌ చేస్తున్నారని, వారిపై కూడా నిఘా పెట్టినట్లు తెలిపారు. నిందితుడి మీద కర్ణాటక, తెలంగాణ, ఏపీలో సుమారు 50 దాకా చోరీకేసులు ఉన్నాయని, ఎలాంటి సెల్‌ఫోన్‌, బైక్‌ వాడకుండా, ఆర్‌టీసీ బస్సులోనే సంచరిస్తూ చోరీలకు పాల్పడుతుంటాడని తెలిపారు. నిందితుడిని పట్టుకోవడంలో చురుగ్గా పాత్ర పోషించిన సీఐ, ఎస్‌ఐతోపాటు సిబ్బంది గోవిందు, అయ్యన్న, ప్రసాద్‌, నభి, రసూల్‌ను అభినందించారు. వారికి రివార్డు కూడా ఉంటుందని తెలిపారు.

మహబూబ్‌నగర్‌ మున్సిపాలిటీ: ఆర్టీసీ విశ్రాంత ఉద్యోగుల బకాయిలు వెంటనే చెల్లించకుంటే పెద్ద ఎత్తున ఉద్యమిస్తామని ఆర్టీసీ రిటైర్డ్‌ ఎంప్లాయీస్‌ ఫోరం రాష్ట్ర ప్రధాన కార్యదర్శి కె.నాగేశ్వర్‌రావు హెచ్చరించారు. సోమవారం స్థానిక మెట్టుగడ్డలోని సీనియర్‌ సిటిజన్స్‌ ఫోరం కార్యాలయంలో ఏర్పాటు చేసిన సమావేశంలో ఆయన మాట్లాడారు. 2024 అక్టోబర్‌ నుంచి లీవ్‌ ఎన్‌కాష్‌మెంట్‌, 2017, 2021 పీఆర్‌సీ బకాయిల చెల్లింపుపై ఎన్నో సర్క్యులర్లు జారీ చేసినా ఎలాంటి ఉపయోగం లేకుండా పోయిందన్నారు. అంతకుముందు విశ్రాంత ఉద్యోగులకు సంబంధించిన బయోడేటా ఫారంను విడుదల చేశారు. కార్యక్రమంలో ‘ఫోరం’ నాయకులు సయ్యద్‌ ఫరీద్‌, నర్సింహారెడ్డి, జి.బి.పాల్‌, ఎ.రాజసింహుడు, వి.రామచంద్రయ్య, భగవంతు, నాగాంజనేయులు, ఉమేష్‌కుమార్‌ తదితరులు పాల్గొన్నారు. తాళం వేసిన ఇంట్లో చోరీ ● బంగారు, వెండి నగలు అపహరణ జడ్చర్ల: తాళం వేసి ఊరికి వెళ్లిన ఇంట్లో దొంగలు చోరీకి పాల్పడి బంగారు, వెండి నగలను అపహరించారు. ఈ ఘటన జడ్చర్ల పట్టణంలోని గౌరీశంకర్‌ కాలనీలో చోటుచేసుకుంది. సీఐ కమలాకర్‌ కథనం ప్రకారం.. కాలనీకి చెందిన కొత్తకాపు శ్రీమతమ్మ ఆదివారం ఇంటికి తాళం వేసి హైదరాబాద్‌కు వెళ్లారు. సోమవారం ఇంటి తలుపులు తెరిచి ఉండటాన్ని గమనించిన చుట్టుపక్కల వారు ఆమెకు ఫోన్‌ చేసి సమాచారం ఇచ్చారు. దీంతో ఇంటికి చేరుకుని పరిశీలించగా, బీరువాలో దాచిన 48 గ్రాముల బంగారు నగలు, 17 తులాల వెండి నగలు కనిపించలేదు. దీంతో బాధితురాలు పోలీసులకు ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.

చిన్నచింతకుంట: తెలంగాణ ప్రజల ఆరాధ్యదైవమైన అమ్మాపురం కురుమూర్తి స్వామివారి బ్ర హ్మోత్సవాలకు వేలైంది. వచ్చే నెల 10 నుంచి స్వామివారి ఉత్సవాలు అంగరంగ వైభవంగా జరగనున్నాయి. ఇందు లో భాగంగా ఆలయం వద్ద పారిశుద్ధ్య, తాగునీటి వసతి, రంగులు అద్దడం, ముళ్ల పొదలు, పిచ్చి మొక్కలు తొలగించడం వంటి పనులు చేపట్టారు. ఇప్పటికే స్వా మివారి ప్రధాన ఆలయం, మెట్లు, క్యూలైన్‌ రాడ్లు, రోడ్డుపైన ఉన్న కమాన్లు, అన్నదాన సత్రం తదితర వాటికి రంగులు అద్దుతున్నారు. అలాగే మెట్ల పక్కనున్న రాజగోపురం వద్ద ఉన్న ముళ్ల పొదలు, పిచ్చి మొక్కలు తొలగిస్తున్నారు.

జెడ్పీసెంటర్‌ (మహబూబ్‌నగర్‌): ఎల్‌నినో ప్రభావంతో పంట నష్టపోయిన రైతాంగాన్ని అన్ని విధాలుగా ఆదుకోవాలని, లేదంటే ఉమ్మడి పాలమూరు ప్రజలకు మళ్లీ వలసలు శరణ్యం అవుతాయని మాజీ మంత్రి శ్రీనివాస్‌గౌడ్‌ ఆందోళన వ్యక్తం చేశారు. సోమవారం స్థానిక బీఆర్‌ఎస్‌ కార్యాలయంలో నిర్వహించిన విలేకరుల సమావేశంలో ఆయన మాట్లాడుతూ.. ఎకరాకు రూ.25 వేల నష్ట పరిహారం ఇవ్వాలని, రైతు కూలీలను ఆదుకోవాలని డిమాండ్‌ చేశారు. జురాల పరిధిలో 2014లో 68,084 ఎకరాలు ఆయకట్టు ఉంటే బీఆర్‌ఎస్‌ ప్రభుత్వం 1,04,741 ఎకరాలకు పెంచిందన్నారు. కోయిసాగర్‌ పరిధిలో 2014లో 12 వేల ఎకరాల ఆయకట్టు ఉంటే 38,250ఎకరాలకు, భీమా పరిధిలో 12 వేల ఎకరాల నుంచి 1.58 లక్షల ఎకరాలు, ఆర్డీఎస్‌ పరిధిలో 23,344 ఎకరాల నుంచి 87,500 ఎకరాలకు, నెట్టెంపాడు పరిధిలో 2,500 ఎకరాల నుంచి 1.42 లక్షల ఎకరాలకు, కల్వకుర్తి పరిధిలో 13 వేల ఎకరాల నుంచి 3.5 లక్షల ఎకరాలకు, చెరువులు, కుంటల కింద 84,410 ఎకరాల నుంచి 1.88 లక్షల ఎకరాలకు ఆయకట్టు పెంచిన ఘనత బీఆర్‌ఎస్‌కే దక్కుతుందన్నారు. పాలమూరు ప్రాజెక్ట్‌ పూర్తయితే అదనంగా 12 లక్షల ఎకరాలకు సాగు నీరు వస్తుందన్నారు. రేవంత్‌ సర్కార్‌ ప్రాజెక్టు పనులు పూర్తి చేయకుండా జిల్లాలో ఆయకట్టు రైతుల నడ్డి విరుస్తున్నారని మండిపడ్డారు. సమావేశంలో వాల్యనాయక్‌, రాజేశ్వర్‌ గౌడ్‌, నర్సింహులు, శివరాజ్‌ తదితరులు పాల్గొన్నారు.

దేవరకద్ర: కౌకుంట్ల రైల్వే స్టేషన్‌ సమీపంలోఉన్న శ్రీలక్ష్మీ వెంకటేశ్వర వేర్‌హౌస్‌ గోదాముల గేట్లకు సోమవారం తాళం వేసి ఽహామాలీలు పెద్ద ఎత్తున ధర్నా నిర్వహించారు. లోపలికి లారీలు వెళ్లకుండ అడ్డుకున్నారు. గత నెలలో పలుమార్లు ఆందోళనలు చేసినప్పడు యాజమాన్యం తరపున ఈవీ భాస్కర్‌ హమాలీలతో చర్చించి అక్టోబర్‌ 27న డిపాజిట్‌ డబ్బులు ఇస్తామని హామీ ఇచ్చారు. గడువు తేదీ దగ్గరపడుతున్నా యాజమాన్యం స్పందించకపోవడంతో సోమవారం హమాలీలు మరోసారి ఆందోళనకు దిగారు. ఈవీ భాస్కర్‌ ఇంటివద్దకు వెళ్లగా గోదాముల వద్దకు వెళ్లాలని తెలపడంతో సామూహికంగా వేర్‌ హౌస్‌ గోదాముల వద్దకు చేరుకుని గేట్లకు తాళం వేసి నిరసన తెలిపారు. ఉదయం నుంచి మధ్యహ్నం వరకు ధర్నా ఆందోళన చేపట్టారు. దీంతో దిగివచ్చిన యాజ మాన్యం హమాలీలతో మరో సారి చర్చించారు. హ మాలీ పనిలో చేరడానికి ఒక్కొక్కరి నుంచి రూ. 30 వేలు వసూలు చేశారని, మరి కొందరితో రూ. 50 వేలు డిపాజిట్‌లు తీసుకుని హమాలీ పని ఇచ్చారని కాని రెండేళ్ల క్రితం తమను పనుల నుంచి తొలగించారని వాపోయారు. ఇప్పటికి చెల్లించిన డిపాజిట్‌లు తిరిగి ఇవ్వలేదన్నారు. దాదాపు రూ. 70 లక్షల వరకు డిపాజిట్లు ఉన్నాయని వాటిని వెంటనే చెల్లించాలని డిమాండ్‌ చేశారు. నవంబర్‌ 3న చెల్లించడానికి ఏర్పాట్లు చేస్తామని ఆ రోజు రావాలని యాజమాన్యం తరపున ప్రతినిధులు సూచించారు. దీంతో హమాలీలు ఆందోళన విరమించారు. కార్యక్రమంలో హమాలీ ప్రతినిధులు సాంబశివుడు, శ్రీకాంత్‌, తదితరులు పాల్గొన్నారు.

● ‘సర్‌’కు వ్యతిరేకం కాదు.. విధానం సరిగా లేదు ● ఏఐసీసీ పరిశీలకుడు రవీంద్రదాస్‌ మహబూబ్‌నగర్‌ మున్సిపాలిటీ: ఓట్ల చోరీపై క్షేత్రస్థాయిలో ప్రజలను చైతన్యవంతులు చేయాలని ఏఐసీసీ పరిశీలకుడు రవీంద్రదాస్‌ పిలుపునిచ్చారు. పార్టీ అధిష్టానం ఆదేశాల మేరకు మూడో విడతగా ‘సర్‌శ్రీకు వ్యతిరేకంగా ఓట్‌ బచావో.. దేశ్‌కు బచావో పేరిట కార్యక్రమాన్ని విస్తృతం చేయాలన్నారు. సోమవారం డీసీసీ కార్యాలయంలో విలేకరులతో ఆయన మాట్లాడుతూ ‘సర్‌’కు పార్టీ వ్యతిరేకం కాదని.. చేపట్టిన విధానంలో ఎన్నో లోపాలు ఉన్నాయని, వాటిని సరిదిద్దాల్సిన అవసరం ఎంతైనా ఉందన్నారు. వివిధ రాష్ట్రాల్లో ఇటీవల జరిగిన ఎన్నికల్లో ఓట్ల చోరీకి సంబంధించి ఎన్నో ఆధారాలు లభించాయన్నారు. బీజేపీకి అనుకూలంగా లేరనే నెపంతో చాలా మంది ఓట్లను తొలగించారని ఆరోపించారు. దీనికి బాధ్యత వహిస్తూ సీఈసీ జ్ఞానేశ్వర్‌ వెంటనే రాజీనామా చేయాలన్నారు. ప్రజాస్వామ్యంలో ఓటు బలమైన ఆయుధమని.. ఈ హక్కు ను సాధించుకునేందుకు అందరూ ముందుకు రావాలన్నారు. ఇవే అంశాలపై దేశవ్యాప్తంగా లోక్‌సభలో ప్రతిపక్ష నేత రాహూల్‌గాంధీ కొన్ని నెలలుగా పోరాడుతున్నారన్నారు. ‘సర్‌’పై వచ్చే నెల 1న ఢిల్లీలో ఇండియా కూటమి ఆధ్వర్యంలో నిర్వహించే ర్యాలీకి పార్టీ నాయకులు అధిక సంఖ్యలో హాజరుకావాలన్నారు. సమావేశంలో ఎమ్మెల్యేలు యెన్నం శ్రీనివాస్‌రెడ్డి, జి.మధుసూదన్‌రెడ్డి, టీపీసీ సీ కోఆర్డినేటర్‌ రాచమల్ల సిద్దేశ్వర్‌, సిటీ కోఆర్డినేటర్‌ రామారావు, డీసీసీ అధ్యక్షుడు ఎ.సంజీవ్‌ ముదిరాజ్‌, ప్రధాన కార్యదర్శి మిథున్‌రెడ్డి, డిప్యూ టీ మేయర్‌ ఎం.సురేందర్‌ రెడ్డి, ముడా చైర్మన్‌ కె.లక్ష్మణ్‌యాదవ్‌, తదితరులు పాల్గొన్నారు.

● పరేడ్‌ మైదానంలో ఓపెన్‌ హౌస్‌..విద్యార్థులకు ఎస్పీ జానకి అవగాహన మహబూబ్‌నగర్‌ క్రైం: పోలీసు అమరవీరుల సంస్మరణ వారోత్సవాల్లో భాగంగా సోమవారం మహబూబ్‌నగర్‌ పరేడ్‌ మైదానంలో ఓపెన్‌ హౌస్‌ నిర్వహించారు. ఈ సందర్భంగా విద్యార్థులకు పోలీసు విధులు, ఆయుధాలు, నేర పరిశోధన, సైబర్‌ నేరాలు, రోడ్డు భద్రతపై అవగాహన కల్పించారు. ఎస్పీ డి.జానకి కార్యక్రమానికి హాజరై వివిధ పోలీసు విభాగాల పనితీరును వివరించారు. ఈ సందర్భంగా ఎస్పీ మాట్లాడుతూ.. టీనేజర్లు సోషల్‌ మీడియాను అప్రమత్తంగా, బాధ్యతాయుతంగా ఉపయోగించుకోవాలని సూచించారు. చెడు మార్గాల వైపు వెళ్లకుండా లక్ష్యాన్ని నిర్దేశించుకుని చదువుపై దృష్టి సారించాలన్నారు. శాంతిభద్రతల పరిరక్షణ, నేరాల నియంత్రణలో ప్రజల సహకారం కీలకమని పేర్కొన్నారు. పోలీసు అమరవీరుల త్యాగాలను ప్రతి ఒక్కరూ స్మరించుకోవాలని అన్నారు. ఓపెన్‌ హౌస్‌లో ట్రాఫిక్‌ పోలీసు విభాగం, బాంబు డిస్పోజల్‌ బృందం, డాగ్‌ స్క్వాడ్‌, భరోసా కేంద్రం, షీ టీం, కమ్యూనికేషన్‌ విభాగం, ఫింగర్‌ప్రింట్‌ యూనిట్‌, క్లూస్‌ టీం, స్పీడ్‌గన్‌, మోటార్‌ ట్రాన్స్‌పోర్ట్‌ వాహనాలు, ఆయుధాలు, బుల్లెట్లు, డయల్‌ 112 విభాగాలను ప్రదర్శనకు ఉంచారు. నేరస్థలాల్లో ఆధారాల సేకరణ, వేలిముద్రల ఆధారంగా నేర పరిశోధన, బాంబు బెదిరింపుల సమయంలో ప్రత్యేక బృందాల స్పందన తదితర అంశాలను వివరించారు. కార్యక్రమంలో ఏఆర్‌ అదనపు ఎస్పీ సురేష్‌కుమార్‌, డీఎస్పీ వెంకటేశ్వర్లు, సీఐలు అప్పయ్య, ఇజాజుద్దీన్‌, ఆర్‌ఐలు, ఇతర పోలీసు సిబ్బంది పాల్గొన్నారు.

అమరచింత: ప్రియదర్శిని జూరాల ప్రాజెక్టుకు ఎగువ నుంచి వరద పూర్తిగా నిలిచిపోవడంతో ఆయకట్టు రైతుల పరిస్థితి దయనీయంగా మారింది. ప్రస్తుతం జూరాలలో 2.862 టీఎంసీల నీరు మాత్రమే నిల్వ ఉండటంతో ఆయకట్టు సాగు ప్రశ్నార్థకంగా మారుతోంది. రానున్న గడ్డుకాలాన్ని దృష్టిలో ఉంచుకుని ఇక తాగునీటి అవసరాలకే జలాశయంలోని నీటిని నిల్వ ఉంచుకోవాలని ప్రభుత్వం ప్రకటించడంతో అధికారులు జూరాల కుడి, ఎడమ కాల్వలకు శనివారం సాగునీటిని నిలిపివేశారు. ఎగువ నుంచి వరదలు వస్తేనే నవంబర్‌ వరకు సాగునీటిని విడుదలచేసే అవకాశాలు ఉన్నాయని.. వరద రాకపోతే ఈ నెలాఖరులో 4 రోజులపాటు కాల్వలకు సాగునీటిని అందించి, ఆ తర్వాత పూర్తిస్థాయిలో నిలిపివేయనున్నట్లు పీజేపీ సీఈ రహీముద్దీన్‌ వెల్లడించారు. అయితే ప్రస్తుతం వరిపైరు పొట్టదశలో ఉందని.. నవంబర్‌ వరకు సాగునీరు అందిస్తేనే పంట చేతికొస్తుందని ఆయకట్టు రైతులు ఆందోళన చెందుతున్నారు. ఎగువ నుంచి వరద రాకపోవడంతోనే.. జూరాలకు ఎగువ నుంచి చుక్క నీరు కూడా రాకపోవడమే ఆయకట్టుకు సాగునీటి నిలిపివేతకు ప్రధాన కారణం. సాగునీటి కోసం రైతులు చేపట్టిన ఆందోళనలతో రాష్ట్ర మంత్రులు కర్ణాటక ప్రభుత్వంతో చర్చించి.. 5 టీఎంసీల నీరు వదలాలని కోరిన విషయం తెలిసిందే. ఇందుకు కర్ణాటక ప్రభుత్వం 3 టీఎంసీలను వారాబందీ విధానంతో అందిస్తామని ఇచ్చిన హామీ మేరకు మొదట పది రోజులు 5వేల క్యూసెక్కులను జూరాలకు వదిలింది. ఈ క్రమంలో అక్కడి రైతుల ఆందోళనతో కర్ణాటక ప్రభుత్వం జూరాలకు సాగునీటిని నిలిపివేసిందనే ప్రచారం సాగుతోంది. అయితే జూరాల ఆయకట్టుకు సాగునీటి సమస్యను అధిగమించేందుకు అధికారులు వారాబందీని రోజుల వారీగా కుదించాలని నిర్ణయించి అమలు చేస్తున్నారు. మొదట 5 రోజులు, రెండవ సారి 4 రోజులు, మూడో సారి 3 రోజులు, ఇలా రెండు రోజుల పాటు కాల్వలకు నీటిని వదలాలనే ప్రతిపాదనలో ఉన్నారు. ఇప్పటికే కుడి, ఎడమ కాల్వలకు 3 తడులు వారాబందీతో సాగునీటిని అందించారు. అత్యంత క్లిష్ట పరిస్థితుల్లో వారాబందీ విధానంతో ముందుకెళ్తున్నా ప్రాజెక్టులో కేవలం రెండున్నర టీఎంసీల నీరు మాత్రమే నిల్వ ఉండటంతో సమస్యను ఎలా అధిగమించాలనే ఆలోచనలో అధికారులు ఊగిసలాడుతున్నారు. పొట్టదశలో వరిపైరు.. జూరాల ఎడమ కాల్వ పరిధిలో 85 వేలు, కుడి కాల్వ పరిధిలో 30 వేల ఎకరాల్లో వరిసాగు చేశారు. ప్రస్తుతం వరిపైరు పొట్ట దశలో ఉంది. అయితే ఈ నెల 31 నుంచి 4 రోజులపాటు మాత్రమే కాల్వలకు సాగునీటిని వదులుతామని అధికారులు ప్రకటించడంతో ఆయకట్టు రైతులు ఆందోళన చెందుతున్నారు. నవంబర్‌ చివరి నాటికి రెండు తడులైనా అందించాలని వేడుకుంటున్నారు. సకాలంలో వరిపంటకు నీరు అందకపోతే తీవ్ర నష్టం వాటిల్లుతుందని వాపోతున్నారు. ప్రభుత్వం ఆయకట్టు రైతుల బాధను అర్థం చేసుకుని ఈ ఒక్క పంటకై నా పూర్తిస్థాయిలో సాగునీటిని వదలాలని కోరుతున్నారు. జూరాలకు పూర్తిగా నిలిచిన వరద ప్రాజెక్టులో కేవలం 2.862 టీఎంసీలు మాత్రమే నిల్వ ఈనెల 31 నుంచి 4 రోజులు మాత్రమే చివరి తడి అందిస్తామని అధికారుల ప్రకటన ఆందోళనలో ఆయకట్టు రైతులు నవంబర్‌ వరకు సాగునీరు అందించాలని వేడుకోలు

సాక్షి ప్రతినిధి, మహబూబ్‌నగర్‌: అధికార కాంగ్రెస్‌లో పదవుల లొల్లి అంతర్యుద్ధాన్ని తలపిస్తోంది. జిల్లాలోని మూడు నియోజకవర్గాలకు చెందిన ముగ్గురు ముఖ్య ప్రజాప్రతినిధులు ఎవరికి వారు తమ పంతం నెగ్గించుకునేలా పావులు కదుపుతుండడంతో రాజకీయ వాతావరణం వేడెక్కింది. ప్రధానంగా మహబూబ్‌నగర్‌ నగరం, శివారు పరిసర ప్రాంతాల అభివృద్ధే లక్ష్యంగా ఆవిర్భవించిన మహబూబ్‌నగర్‌ అర్బన్‌ డెవలప్‌మెంట్‌ అథారిటీ (ముడా) ప్రస్తుతం రాజకీయాలకు కేంద్ర బిందువుగా మారింది. ఈ పీఠమే లక్ష్యంగా మహబూబ్‌నగర్‌, జడ్చర్ల, దేవరకద్ర నేతల మధ్య వార్‌ తారాస్థాయికి చేరుకుంది. అంతేకాదు ముడా పరిధిలో ఆదాయ ప్రాతిపదికన నిధుల్లో వాటా డిమాండ్‌.. పలు నామినేటెడ్‌ పదవుల పందేరం పార్టీలో ముసలం రాజేసినట్లు తెలుస్తోంది. చైర్మన్‌ గిరిపై గురి.. ముడా పరిధిలోకి మహబూబ్‌నగర్‌ కార్పొరేషన్‌, జడ్చర్ల మున్సిపాలిటీతో పాటు దేవరకద్ర నియోజకవర్గంలోని భూత్పూర్‌ మున్సిపాలిటీ వస్తాయి. మొత్తంగా 12 మండలాలల్లో 142 గ్రామాలు దీని కింద ఉన్నాయి. రాష్ట్రంలో కాంగ్రెస్‌ అధికారంలోకి వచ్చిన తర్వాత ముడా చైర్మన్‌ గిరిపై జిల్లాలోని మూడు నియోజకవర్గాల ముఖ్యనేతల మధ్య ఒక ఒప్పందం కుదిరింది. ఇటీవల జడ్చర్ల ఎమ్మెల్యే అనిరుధ్‌రెడ్డి వెల్లడించడంతో ఈ విషయం వెలుగులోకి వచ్చింది. ఆ ఒప్పందం ప్రకారం తొలుత మహబూబ్‌నగర్‌ నియోజకవర్గానికి చెందిన లక్ష్మణ్‌ యాదవ్‌ను ముడా చైర్మన్‌ గిరి వరించింది. ప్రస్తుతం ఆయన పదవీ కాలం ఇటీవల ముగిసింది. ఈ క్రమంలో ఈ పీఠంపై మూడు నియోజకవర్గాలకు చెందిన పలువురు ఆసక్తి చూపుతుండడం.. వారికి మద్దతుగా చైర్మన్‌ గిరిపై గురి పెట్టిన ముఖ్యనేతలు ప్రయత్నాలు ముమ్మరం చేయడంతో రాజకీయాలు రసవత్తరంగా మారాయి. తల పట్టుకున్న అధిష్టానం.. జిల్లాస్థాయి నామినేటెడ్‌ పోస్టులైన ముడాతో పాటు గ్రంథాలయ సంస్థ చైర్మన్‌ పదవి త్వరలో ఖాళీ కానుంది. అదేవిధంగా మార్కెట్‌ కమిటీల పదవీ కాలం దగ్గరపడుతోంది. వచ్చే సాధారణ ఎన్నికల్లో గెలుపే లక్ష్యంగా అధికార కాంగ్రెస్‌ ఈ నామినేటెడ్‌ పదవుల భర్తీ చేపట్టే అవకాశం ఉంది. ఓటు బ్యాంక్‌, సామాజిక సమీకరణాల వంటి తదితర అంశాలను పరిగణనలోకి తీసుకుని భర్తీ చేసే అవకాశం ఉంది. అయితే ప్రధానంగా ముడా, గ్రంథాలయ సంస్థ చైర్మన్‌ పదవులపై మూడు నియోజకవర్గాల నేతలు ఎవరికీ వారు పంతం వీడకపోవడం ఆ పార్టీ అధిష్టానానికి తలనొప్పిగా మారినట్లు తెలుస్తోంది. ఈ నేపథ్యంలో ఆ రెండు పదవుల్లో ఒక్కొక్కటి చొప్పున దేవరకద్ర, జడ్చర్లకు కేటాయించే అవకాశం ఉన్నట్లు ఆ పార్టీ వర్గాల్లో చర్చ జరుగుతోంది. అయితే జిల్లాకేంద్ర నియోజకవర్గాన్ని విస్మరిస్తే పార్టీకి నష్టం జరుగుతుందని మహబూబ్‌నగర్‌ నేతలు స్పష్టం చేయడంతో పాటు చైర్మన్‌ గిరి కోసం ప్రయత్నాలు ముమ్మరం చేసినట్లు సమాచారం. తెరపైకి కొత్త పంచాయితీ.. కేంద్ర పట్టణాభివృద్ధి శాఖతో పాటు వివిధ పథకాల ద్వారా ముడా పరిధిలో రహదారులు, తాగునీరు, జంక్షన్లు, డ్రెయినేజీలు, పార్కులు, వీధిదీపాల ఏర్పాటు వంటి పలు అభివృద్ధి పనులు జరుగుతున్న విషయం తెలిసిందే. ఈ క్రమంలో నిధుల వాటా డిమాండ్‌ తెరపైకి వచ్చింది. జడ్చర్ల ఎమ్మెల్యే ఇటీవల మాట్లాడుతూ ముడాకు ఆదాయం 90 శాతం మేర జడ్చర్ల నుంచే సమకూరుతోందని.. ఈ మేరకు నియోజకవర్గానికి 50 శాతం వాటాతో నిధులు కేటాయించాలని డిమాండ్‌ చేశారు. దీంతో కొత్త పంచాయితీ తెరపైకి వచ్చింది. మరోవైపు ఒప్పందం ప్రకారం ముడా చైర్మన్‌ పదవిని రెండో పర్యాయం జడ్చర్ల నియోజకవర్గానికి కేటాయించారని.. ఈసారి వదులుకునే ప్రసక్తే లేదని అనిరుధ్‌రెడ్డి తేల్చి చెప్పారు. ఈ నేపథ్యంలో మహబూబ్‌నగర్‌తో పాటు జడ్చర్ల, దేవరకద్ర నియోజకవర్గాలకు చెందిన పలువురు ఆశావహులు తమతమ గాడ్ఫాదర్ల ద్వారా ముడా పీఠం దక్కించుకునేందుకు ముమ్మర ప్రయత్నాలు చేస్తున్నారు. ప్రస్తుత చైర్మన్‌ లక్ష్మణ్యాదవ్‌ సైతం రెండోసారి కూడా తనకే దక్కుతుందనే ఆశతో ఉన్నారు. జీఎమ్మార్‌ ప్రకటనతో ముసలం.. తొలుత ఒప్పందం ప్రకారం తొలి పర్యాయం మహబూబ్‌నగర్‌ నియోజకవర్గానికి ముడా చైర్మన్‌ పదవి దక్కింది. పదవీకాలం పూర్తికాక మునుపే దేవరకద్ర ఎమ్మెల్యే జి.మధుసూదన్‌ రెడ్డి ముడా చైర్మన్‌ పదవిని ఆ నియోజకవర్గానికి చెందిన నవీన్‌గౌడ్‌కు ఇస్తామని ప్రకటించారు. దీంతో ముసలం చెలరేగింది. జడ్చర్ల ఎమ్మెల్యే అనిరుధ్‌రెడ్డి స్వయంగా స్పందించడంతో విభేదాలు వెలుగు చూశాయి. కాంగ్రెస్‌లో పదవుల లొల్లి మూడు నియోజకవర్గాల నేతల పంతం ముడా చైర్మన్‌ పీఠం కేంద్రంగా పావులు తెరపైకి ఆదాయ ప్రాతిపదికన నిధుల్లో వాటాకు డిమాండ్‌ జిల్లా గ్రంథాలయ, మార్కెట్‌ చైర్మన్‌గిరి పైనా ఆసక్తి పాలమూరులో రాజుకున్న రాజకీయ వేడి

అడ్డాకుల: వచ్చే ఏడాది జూన్‌ నాటికి పాలమూరు–రంగారెడ్డి ఎత్తిపోతల పథకంలో భాగమైన కర్వెన రిజర్వాయర్‌కు నీళ్లు తీసుకొచ్చి నింపుతామని దేవరకద్ర ఎమ్మెల్యే జి. మధుసూదన్‌రెడ్డి తెలిపారు. సోమవారం బలీదుపల్లి శివారులో సీసీఐ ఆధ్వర్యంలో ఏర్పాటు చేసిన పత్తి కొనుగోలు కేంద్రాన్ని ప్రారంభించిన అనంతరం ఆయన మాట్లాడారు. ప్యాకేజీ–3 పనులు ప్రారంభమయ్యాయని, అవి పూర్తయితే కర్వెనకు నీరు వస్తుందని పేర్కొన్నారు. కందూర్‌ పెద్దవాగుకు నీరు రాకపోవడానికి మాజీ ఎమ్మెల్యేనే కారణమని ఆరోపించారు. డీ–8, డీ–12, డీ–13 డిస్ట్రిబ్యూటరీ కాలువల వద్ద అసంపూర్తి పనులను వనపర్తి ఎమ్మెల్యే మేఘారెడ్డితో మాట్లాడి పూర్తి చేయిస్తామని, తద్వారా అదనంగా 7 వేల ఎకరాలకు సాగునీరు అందిస్తామని తెలిపారు. అడ్డాకుల మార్కెట్‌ యార్డు పనులు వేగవంతమయ్యాయని, కొత్త భవనం పూర్తయ్యే వరకు పాత గ్రామ పంచాయతీలో కార్యాలయం ఏర్పాటు చేస్తామని వెల్లడించారు. మదనాపురం మార్కెట్‌ యార్డు చైర్మన్‌ ప్రశాంత్‌, పార్టీ అధ్యక్షుడు శ్రీహరి, జిల్లా కిసాన్‌ సెల్‌ అధ్యక్షుడు నాగిరెడ్డి పాల్గొన్నారు.

● ఎమ్మెల్సీ ఎన్నికల్లో పార్టీ అభ్యర్థి విజయానికి కృషి చేయాలి ● మాజీ మంత్రులు మహమూద్‌ అలీ, శ్రీనివాస్‌ గౌడ్‌ జెడ్పీ సెంటర్‌ (మహబూబ్‌నగర్‌): కాంగ్రెస్‌ ప్రభుత్వంపై ప్రజల్లో తీవ్ర వ్యతిరేకత ఉందని, వచ్చే ఎమ్మెల్సీ ఎన్నికల్లో బీఆర్‌ఎస్‌ అభ్యర్థి విజయం కోసం పార్టీ శ్రేణులు సమన్వయంతో పనిచేయాలని మాజీ డిప్యూటీ సీఎం మహమూద్‌ అలీ అన్నారు. సోమవారం స్థానిక బీఆర్‌ఎస్‌ పార్టీ కార్యాలయంలో నిర్వహించిన సమావేశంలో ఆయన మాట్లాడారు. పట్టభద్రుల ఎమ్మెల్సీ ఎన్నికల్లో పార్టీ అభ్యర్థి గెలుపునకు ప్రతి ఒక్కరూ కృషి చేయాలని పిలుపునిచ్చారు. ఓటరు నమోదుకు సమయం తక్కువగా ఉన్నందున డిగ్రీ పూర్తి చేసిన పట్టభద్రులందరూ ఓటర్లుగా నమోదు చేసుకోవాలని సూచించారు. మాజీ మంత్రి శ్రీనివాస్‌గౌడ్‌ మాట్లాడుతూ.. పార్టీ కోసం పనిచేసిన వారికి రానున్న రోజుల్లో తగిన గుర్తింపు లభిస్తుందన్నారు.మైనార్టీ ప్రాంతాల్లో స్థానిక నాయకులు ఓటరు నమోదుపై ప్రత్యేక శ్రద్ధ చూపాలన్నారు. డివిజన్లు, వార్డులు, గ్రామాల వారీగా డిగ్రీ పూర్తి చేసిన వారి వివరాలు సేకరించి, ఓటు హక్కు కోసం దరఖాస్తు చేసుకున్నారా లేదా పరిశీలించాలని సూచించారు. క్షేత్రస్థాయిలో కాంగ్రెస్‌ ప్రభుత్వంపై ఉన్న వ్యతిరేకతను బీఆర్‌ఎస్‌కు అనుకూలంగా మలుచుకోవాలన్నారు. ఏడాదిన్నర తర్వాత బీఆర్‌ఎస్‌ ప్రభుత్వం అధికారంలోకి వచ్చాక అన్ని వర్గాల సంక్షేమానికి ప్రాధాన్యం ఇస్తుందని పేర్కొన్నారు. సమావేశంలో రాష్ట్ర కార్పొరేషన్‌ మాజీ చైర్మన్‌ వాల్య నాయక్‌, గ్రంథాలయ సంస్థ మాజీ చైర్మన్‌ రాజేశ్వర్‌ గౌడ్‌, మున్సిపల్‌ మాజీ చైర్మన్‌ నర్సింహులు, మాజీ ఎంపీపీ బాలరాజు, మాజీ జడ్పీటీసీ నరేందర్‌, నాయకులు శివరాజ్‌, ఆంజనేయులు, కార్పొరేటర్లు ఈశ్వరయ్య, మధుమోహన్‌ తదితరులు పాల్గొన్నారు.

మహబూబ్‌నగర్‌ క్రీడలు: జిల్లా కేంద్రంలోని మెయిన్‌ స్టేడియంలో మంగళవారం నుంచి ఈనెల 29వ తేదీ వరకు జిల్లాస్థాయి పీఎంశ్రీ క్రీడాపోటీలు నిర్వహిస్తున్నట్లు టోర్నమెంట్‌ సెక్రటరీ వేణుగోపాల్‌ సోమవారం ఓ ప్రకటనలో తెలిపారు. జిల్లాలోని 24 పీఎంశ్రీ పాఠశాలలకు సంబంధించి ఈ పోటీలు జరుగుతాయని పేర్కొన్నారు. నేడు కబడ్డీ, 28న వాలీబాల్‌, అథ్లెటిక్స్‌, 29న ఖోఖో పోటీలు ఉంటాయని వివరించారు. కేవలం విజేత జట్లు రాష్ట్రస్థాయి పోటీల్లో పాల్గొంటాయని తెలిపారు. ఈ క్రీడలకు సంబంధించి అధ్యక్షురాలిగా డీఈఓ, కన్వీనర్‌గా ఏఎంఓ, కోకన్వీనర్‌గా అర్బన్‌ ఎంఈఓ వ్యవహరిస్తారని ఆయన తెలిపారు. వైభవంగా సంకీర్తన వారోత్సవాలు స్టేషన్‌ మహబూబ్‌నగర్‌: శ్రీఅన్నమయ్యవాణి లలితా సంగీత విద్యాలయం వ్యవస్థాపకుడు గద్వాల చంద్రశేఖరరావు ఆధ్వర్యంలో నగరంలోని గాయత్రీ ఫంక్షన్‌హాల్‌లో నిర్వహిస్తున్న శ్రీవనమాలి పాదపద కవితా తాతసంకీర్తన షష్టమ వారోత్సవాలు నాలుగో రోజు సోమవా రం వైభవంగా కొనసాగుతన్నాయి. ఈ సందర్భంగా గద్వాల చంద్రశేఖరరావు నిర్వహించిన సంకీర్తన కచేరీ అద్యంతం అలరించింది. పలు అన్నమయ్య భక్తి గీతాలను ఆలపించారు. సంకీర్తనవారోత్సవాలతో ఆ ప్రాంతం ఆధ్యాత్మికతను సంతరించకుంది. ఈనెల 29వ తేదీ వరకు సంకీర్తన షష్టమ వారోత్సవాలు జరగనున్నాయి. కార్యక్రమంలో సామవేదం వెంకటమురళీకృష్ణ, రిటైర్డ్‌ డిప్యూటీ కలెక్టర్‌ బాలయ్య తదితరులు పాల్గొన్నారు. ధాన్యం సీజన్‌ ప్రారంభం దేవరకద్ర/జడ్చర్ల: దేవరకద్ర మార్కెట్‌లో వడ్ల సీజన్‌ ప్రారంభమైంది. వానాకాలం కింద వేసిన వరి పంటలు కోతలు కోస్తుండడంతో రైతులు పంట మార్పిడి తరువాత నేరుగా మార్కెట్‌కు అమ్మకానికి తెస్తున్నారు. సోమవారం మార్కెట్‌కు దాదాపు 2 వేల బస్తాల ధాన్యం అమ్మకానికి వచ్చింది. తేమ శాతం అధికంగా ఉన్నా ప్రభుత్వ మద్దతు ధర కన్నా ఎక్కువ వస్తుండడంతో రైతులు కోతలు కోసిన వెంటనే మార్కెట్‌కు వడ్లను అమ్మకానికి తెస్తున్నారు. టెండర్ల తరువాత కెఎన్‌ఎమ్‌ రకం వడ్లకు గరిష్ట ధర రూ.3,401, కనిష్ట ధర రూ.3,101గా ధరలు లభించాయి. ఆర్‌ఎన్‌ఆర్‌ ధాన్యం ధర గరిష్టంగా రూ.3,114గా ఒకే ధర నమోదైంది. ● బాదేపల్లి మార్కెట్‌లో ధాన్యనికి రికార్డుస్థాయిలో ధర పలికింది. ఆర్‌ఎన్‌ఆర్‌ క్వింటా గరిష్టంగా రూ.3,686, కనిష్టంగా రూ.2,222 ధరలు లభించాయి. మొక్కజొన్నకు గరిష్టంగా రూ.2,971, కనిష్టంగా రూ.2,309, వేరుశనగ రూ.7,200, ఆమదాలు రూ.7,878 ధరలు లభించాయి.

జెడ్పీ సెంటర్‌ (మహబూబ్‌నగర్‌): మండల ప్రత్యేక అధికారులు క్షేత్రస్థాయిలో గ్రామాల్లో పర్యటించి, ఎల్‌నినో పరిస్థితుల నేపథ్యంలో తీసుకోవాల్సిన చర్యలపై సమీక్షించాలని కలెక్టర్‌ ఖుష్బూగుప్తా సూచించారు. సోమవారం కలెక్టరేట్‌ సమావేశ మందిరంలో నిర్వహించిన జిల్లా అధికారుల సమన్వయ సమావేశంలో మండల ప్రత్యేక అధికారుల క్షేత్రస్థాయి పర్యటనలపై సమీక్షించారు. బుధవారం మండలంలోని గ్రామాలను సందర్శించి ప్రభుత్వ పాఠశాలలు, ప్రాథమిక ఆరోగ్య కేంద్రాలు, ప్రభుత్వ కార్యాలయాలు, సంక్షేమ వసతి గృహాలను తనిఖీ చేయడంతో పాటు, తమ శాఖలకు సంబంధించిన కార్యక్రమాల అమలు తీరును పరిశీలించాలని ఆదేశించారు. ప్రతి అధికారి వారంలో కనీసం రెండు నుంచి మూడు గ్రామ పంచాయతీలను సందర్శించాలని, కేటాయించిన మండలాల్లోని గ్రామాలను ప్రతి నెలా క్రమం తప్పకుండా పర్యటించాలని సూచించారు. మండల కేంద్రంలోని గ్రామాలకే పరిమితం కాకుండా మారుమూల గ్రామాలకు వెళ్లి ప్రజల సమస్యలను తెలుసుకోవాలన్నారు. వేసవిలో తాగునీటి సమస్య రాకుండా చర్యలు ఎల్‌నినో ప్రభావంతో జిల్లాలో వర్షాభావ పరిస్థితులు నెలకొన్న నేపథ్యంలో రానున్న వేసవిలో తాగునీటి కొరత తలెత్తకుండా ముందస్తు ప్రణాళిక రూపొందించుకోవాలని కలెక్టర్‌ ఆదేశించారు. గ్రామాల్లో బోరుబావులు, చేతిపంపులు, నీటి సరఫరా వ్యవస్థలు, ఓవర్‌హెడ్‌ ట్యాంకులు, పైపులైన్లు, కుళాయిల పనితీరును పరిశీలించాలన్నారు. నీటి లీకేజీలు, వృథా ఉంటే వెంటనే అరికట్టాలని సూచించారు. రానున్న ఐదు నుంచి ఆరు నెలల తాగునీటి అవసరాలను తీర్చేందుకు ప్రతి గ్రామ పంచాయతీలో ప్రణాళిక సిద్ధంగా ఉండాలన్నారు. అవసరమైనప్పుడు నీటి ట్యాంకర్లను ఏర్పాటు చేయడం, వాటిని ఎక్కడ నింపాలి, ఏయే గ్రామాలకు సరఫరా చేయాలి, నీటిని ఎక్కడ నిల్వ చేయాలనే అంశాలపై ముందస్తు కార్యాచరణ రూపొందించుకోవాలని సూచించారు. నీరు, విద్యుత్‌ వృథాను అరికట్టాలి ప్రభుత్వ కార్యాలయాల్లో అవసరం లేనప్పుడు విద్యుత్‌ దీపాలు, ఫ్యాన్లు, ఏసీలను నిలిపివేయాలని కలెక్టర్‌ సూచించారు. నీరు, విద్యుత్‌ వృథాను అరికట్టడం ప్రతి అధికారి బాధ్యతగా భావించాలన్నారు. ఇదే విధానాన్ని ప్రభుత్వ కార్యాలయాలు, పాఠశాలలు, గురుకులాలు, సంక్షేమ వసతి గృహాల్లో అమలు చేయాలని స్పష్టం చేశారు. క్షేత్రస్థాయి పర్యటనల్లో ప్రభుత్వ పాఠశాలలు, ప్రాథమిక ఆరోగ్య కేంద్రాలు, సామాజిక ఆరోగ్య కేంద్రాలను తప్పనిసరిగా సందర్శించాలని ఆదేశించారు. మధ్యాహ్న భోజన పథకంలో ఆహార నాణ్యత, పరిశుభ్రతను తనిఖీ చేయాలని సూచించారు. అంగన్‌వాడీ కేంద్రాల్లో పిల్లలకు పౌష్టికాహారం సక్రమంగా అందిస్తున్నారా? పరిశుభ్రత పాటిస్తున్నారా? అనే విషయాలను పరిశీలించి, లోపాలుంటే వెంటనే సరిదిద్దాలని ఆదేశించారు. సమావేశంలో అడిషనల్‌ కలెక్టర్లు మధుసూదన్‌ నాయక్‌, హరిప్రియ, డీఆర్‌ఓ నిర్మల, జెడ్పీ సీఈఓ వెంకట్‌రెడ్డి, డీఆర్‌డీఓ నర్సింహులు, జిల్లా అధికారులు పాల్గొన్నారు. ఎమ్మెల్సీ ఓటరు నమోదు వేగవంతం చేయాలి పట్టభద్రుల ఎమ్మెల్సీ ఓటర్ల నమోదు ప్రక్రియను వేగవంతం చేయడంతో పాటు, సర్‌ ప్రక్రియను నిర్దేశిత గడువులోగా పూర్తి చేయాలని రాష్ట్ర ముఖ్య ఎన్నికల అధికారి సి.సుదర్శన్‌రెడ్డి ఆదేశించారు. సోమవారం హైదరాబాద్‌ నుంచి నిర్వహించిన వీడియో కాన్ఫరెన్స్‌లో కలెక్టర్లు, ఎన్నికల అధికారులతో సమీక్షించారు. ఎమ్మెల్సీ ఓటరు నమోదుకు చివరి తేదీ నవంబర్‌ 6, 2026 కావడంతో రాజకీయ పార్టీల ప్రతినిధుల సహకారంతో ప్రజల్లో అవగాహన కల్పించాలని సూచించారు. అందిన దరఖాస్తులను త్వరగా పరిశీలించి, పెండింగ్‌లో ఉన్న వాటిని పరిష్కరించాలన్నారు. విద్యార్హత ధ్రువపత్రాలను క్షుణ్ణంగా తనిఖీ చేయాలని ఆదేశించారు. సమావేశంలో కలెక్టర్‌ ఖుష్బూగుప్తా, అదనపు కలెక్టర్లు మధుసూదన్‌ నాయక్‌, హరిప్రియ పాల్గొన్నారు. ఎల్‌నినో పరిస్థితులపై సమీక్షించాలి: కలెక్టర్‌ ఖుష్బూగుప్తా

● డెంగీగా అనుమానాలు.. గ్రామంలో విషాదఛాయలు లింగాల: పండుగ సంబ రం,పుట్టినరోజు సంతో షం 24గంటలు దాటక ముందే అకస్మాత్తుగా యు వతి మృతి ఘటన ఆదివారం మండలంలోని వడ్డెరాయవరంలో చోటుచేసుకుంది. వడ్డె రాయవరానికి చెందిన దండు ఈశ్వరయ్య, బాలమ్మ మూడో సంతానం దండు చంద్రకళ(18) శనివారం కుటుంబ సభ్యుల నడుమ పుట్టిరోజు జరుపుకొంది. అదేరాత్రి అకస్మాత్తుగా అస్వస్థతకు గురికావడంతో భయాందోళన చెందిన కుటుంబ సభ్యులు నాగర్‌కర్నూల్‌లోని ఓ ప్రైవేట్‌ ఆస్పత్రికి తీసుకెళ్లారు. సమస్య తీవ్రంగా ఉండడంతో ఏరియా ఆస్పత్రిలో చేర్పించారు. చికిత్స పొందుతూ.. ఆదివారం తెల్లవారుజామున మృతిచెందింది. యువతి డెంగీతో మృతి చెందినట్లు అనుమానిస్తున్నారు. కాగా, మృతురాలు ప్రాథమిక స్థాయి వరకు చదువుకొని తల్లిదండ్రుల వెంట హైదరాబాద్‌లో ఉంటూ కూలీ పనులు చేసుకునేదని గ్రామస్తులు తెలిపారు. దసరా పండుగ కోసం స్వగ్రామానికి కుటుంబ సభ్యులతో కలిసి రాగా.. అనుకోకుండా ఈ ఘటన చోటుచేసుకుంది. దీంతో గ్రామంలో విషాదఛాయలు అలుముకున్నాయి. కడుపునొప్పి భ రించలేక ఆత్మహత్య మల్దకల్‌: కడుపునొప్పి భ రించలేక ఓ వ్యక్తి ఇంట్లో ఎ వరూ లేని సమయంలో ఉ రేసుకుని ఆత్మహత్య చేసుకున్న ఘటన ఆదివారం మండలంలోని సద్దలోనిపల్లిలో చోటుచేసుకుంది. గ్రామానికి చెందిన కుర్వ గోవిందు (52) కొంతకాలంగా కడుపునొప్పితో బాధపడుతుండేవా డు. ఈ క్రమంలో వివిధ ఆస్పత్రుల్లో చికిత్స చే యించినా నయం కాకపోవడంతో మనస్తాపం చెందాడు. ఆదివారం ఇంట్లో ఎవరూ లేని సమ యంలో ఉరేసుకుని ఆత్మహత్య చేసుకున్నాడు. గమనించిన స్థానికులు వెంటనే కుటుంబ స భ్యులకు సమాచారం ఇచ్చారు. మృతుడికి భా ర్య, కుమారుడు, కుమార్తె ఉన్నారు. విషయం తెలుసుకున్న నాయకులు మృతుడి కుటుంబ సభ్యులను పరామర్శించారు. బైక్‌ అదుపు తప్పడంతో.. ఉండవెల్లి: మండలంలోని కంచుపాడుకు చెందిన అ శోక్‌కుమార్‌ యాదవ్‌ (22) ఈ నెల 21న ఉండవెల్లి నుంచి కంచుపాడుకు బైక్‌ పై వెళ్తుండగా బైక్‌ అదుపుతప్పి కిందపడడంతో తలకు బలమైన గాయమైంది. చికిత్స కోసం కర్నూలు ఆస్పత్రికి తరలించగా.. అక్కడే చికిత్స పొందుతూ శనివారం రాత్రి సమయంలో మృతి చెందినట్లు తెలిపారు. అక్క సుజాత ఫి ర్యాదు మేరకు కేసు నమోదు చేసినట్లు ఎస్‌ఐ సురేష్‌ తెలిపారు. మతిస్థిమితం సరిగాలేని యువకుడు బలవన్మరణం కొత్తపల్లి: మతిస్థిమితం సరిగ్గా లేని ఓ యువకుడు విద్యుత్‌ స్తంభానికి ఉరేసుకుని ఆత్మహత్యకు పాల్పడిన ఘటన మద్దూరు మున్సిపాలిటీలో ఆదివారం వెలుగుచూసింది. ఎస్‌ఐ విజయ్‌కుమార్‌ వివరాల మేరకు.. కర్ణాటక రాష్ట్రం గుర్మిటకల్‌ తాలూకా పుట్‌పాక్‌ గ్రామానికి చెందిన తన్నె భీమప్ప (34) కొంతకాలంగా మతిస్థిమితం కోల్పోయాడు. ఈ క్రమంలో శనివారం ఉదయం మద్దూరు మండలం దంగాన్‌పూర్‌లోని తన అత్త దేవంద్రమ్మ ఇంటికి వెళ్లి వస్తానని చెప్పి బయలుదేరాడు. అతడు దంగాన్‌పూర్‌ వెళ్లకుండా మద్దూరుకు చేరుకున్నాడు. రాత్రివేళ పట్టణంలోని దినేష్‌ రైస్‌మిల్‌ సమీపంలో విద్యుత్‌ స్తంభానికి ఉరేసుకుని ఆత్మహత్య చేసుకున్నాడు. ఆదివారం ఉదయం వాహనదారులు గుర్తించి, పోలీసులకు సమాచారం అందించడంతో ఘటనా స్థలానికి చేరుకొని మృతదేహాన్ని జిల్లా ఆస్పత్రి మార్చురీకి తరలించారు. అయితే యువకుడి ఆత్మహత్య విషయాన్ని సామాజిక మాధ్యమాల ద్వారా తెలుసుకున్న కుటుంబ సభ్యులు జిల్లా ఆస్పత్రి మార్చురీకి చేరుకుని బోరున విలపించారు. మృతుడికి భార్య, ముగ్గురు పిల్ల లు ఉన్నట్లు తెలిపారు. మృతుడి సోదరుడు భీమప్ప ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ పేర్కొన్నారు. చికిత్స పొందుతూ వ్యక్తి మృతి మిడ్జిల్‌: మండలంలోని రాణిపేట్‌లో ఈనెల 21న మోటార్‌ సైకిల్‌ను కారు ఢీకొట్టడంతో బైక్‌పై ఉన్న సాతర్ల శ్రీనివాసులు (35) తీవ్రంగా గాయ పడ్డాడు. దీంతో క్షతగాత్రుడిని చికిత్స నిమిత్తం హైదరాబాద్‌లోని ఆస్పత్రికి తరలించగా, అక్కడే చికిత్స పొందుతూ ఆదివారం సా యంత్రం మృతి చెందినట్లు ఎస్‌ఐ శ్రీనివాసు లు తెలిపారు. మృతుడి భార్య అలివేల ఫిర్యా దు మేరకు కేసు నమోదు చేసినట్లు ఆయన తెలిపారు. మృతుడికి భార్యతో పాటుగా ఇద్దరు పిల్లలు ఉన్నట్లు గ్రామస్తులు తెలిపారు.

జడ్చర్ల టౌన్‌: బాదేపల్లి ఈద్గా కమిటీ ఆధ్వర్యంలో ఆదివారం పాతబజార్‌ ఈద్గా వద్ద ముస్లింలు వర్షాలు కురవాలని ప్రత్యేక ప్రార్థనలు నిర్వహించారు. నమాజ్‌ ఇ ఇస్తిస్కా పేరుతో నీటి ఎద్దడి తొలగించేలా అల్లాహ్‌ నుంచి వర్షం కురిపించాలని కోరుతూ ప్రత్యేక ప్రార్థన చేశారు. ఉదయం 11.5గంటలకు ఈద్గా వద్ద ప్రార్థన ప్రారంభించారు. మౌలాన మహమ్మద్‌ ఆగిపోద్దిన్‌, ఆఫీస్‌ అబ్దుల్‌ హమీద్‌ ప్రత్యేక ప్రార్థనలు చేయించారు. ఏమైనా తప్పులు జరిగి ఉంటే మన్నించాలని, వర్షం కురిపించాలని అల్లాను వేడుకున్నారు. ప్రార్థనలో ఈద్గా కమిటీ సభ్యులు అజహర్‌, ఇంతియాజ్‌, మోయిజ్‌, అహ్మద్‌, సియాదత్‌ అలీ, నవాజ్‌, కరీం, మక్బూల్‌తోపాటు పట్టణంలోని ముస్లింలు పెద్ద సంఖ్యలో పాల్గొన్నారు.

మన్ననూర్‌: అమ్రాబాద్‌ పులుల రక్షిత అభయారణ్యం పరిసర ప్రాంతంలోని వటువర్లపల్లి పునరావాసంపై గ్రామస్తులు వర్గాలుగా విడిపోయి తలో మాట మాట్లాడటం చర్చనీయాంశంగా మారింది. ఆదివారం గ్రామంలో నెలకొన్న పరిస్థితుల మేరకు వివరాల్లోకి వెళ్తే.. అమ్రాబాద్‌ మండలం వటువర్లపల్లి గ్రామస్తులకు అటవీశాఖ కల్పిస్తున్న పునరావాసానికి కొన్ని కుటుంబాలు సిద్ధంగా ఉన్నప్పటికీ.. మరికొందరు గ్రామాన్ని విడిచి వెళ్లే ప్రసక్తే లేదని అంటున్నారు. ఈ క్రమంలో పునరావాసం కోరుకుంటూ స్వచ్ఛందంగా ముందుకొచ్చే వారితో గతనెల 18న అటవీశాఖ అధికారులు ఎంఓయూ చేసుకున్నారు. అప్పట్లో 237 కుటుంబాలు పునరావాసం కోరుకుంటున్నట్లు సంతకాలు చేయడం జరిగింది. ఆ మరుసటి రోజు నుంచి అటవీశాఖ అధికారులు, సిబ్బంది గ్రామస్తులను ఒక్కొక్కరిని కలుస్తూ, ఇకపై గ్రామంలో విద్యుత్‌, తాగునీటి సరఫరా సక్రమంగా ఉండదని.. ఈ ప్రాంతమంతా వన్యప్రాణులు సంచరించే విధంగా ఆవాసాలు పునరుద్ధరిస్తామని ఆందోళనకరమైన విషయాలు తెలియజేస్తున్నారని పలువురు చెబుతున్నారు. ఈ క్రమంలో ఇష్టం లేకున్నా బలవంతంగా సంతకాలు తీసుకున్నారని ఓ వర్గం వారు ఆరోపిస్తున్నారు. గ్రామానికి ప్రభుత్వం మంజూరు చేసిన ఇందిరమ్మ ఇళ్లు, సీసీరోడ్లు, పాఠశాల నూతన భవనం, ఆశ్రమ పాఠశాలకు ప్రహారీ, ఓవర్‌హెడ్‌ వాటర్‌ట్యాంకు మరమ్మతు పనులను ఉద్దేశపూర్వకంగా నిలిపివేయడం ఎంతవరకు సమంజసమని ప్రశ్నిస్తున్నారు. ఇక్కడే పుట్టి పెరిగిన ఆదివాసీ చెంచులు గ్రామాన్ని విడిచి వెళ్లేందుకు ఏమాత్రం ఇష్టపడటం లేదంటున్నారు. ఇదిలా ఉంటే, మరో వర్గం (పునరావాసం కోరుకునే వారు) గ్రామంలో కనీస సౌకర్యాలు లేకపోగా.. తమ పిల్లలకు ఉన్నత చదువులు అందుబాటులో లేవని చెబుతున్నారు. ఉద్యోగ అవకాశాలు దక్కక తీవ్ర ఇబ్బందులు పడుతున్నామని.. సాగుచేసిన పంటలపై వన్యప్రాణులు దాడిచేసి తీవ్ర నష్టం కలిగిస్తుండటంతో ఇబ్బందులు పడుతున్నామని పేర్కొంటున్నారు. అటవీ సరిహద్దు ప్రాంతంలో ఇబ్బందులు పడుతూ ఉండలేకపోతున్నామని, అందుకే ప్రభుత్వం పెద్దకొత్తపల్లి మండలం బాకారం గ్రామ సమీపంలో కల్పిస్తున్న పునరావాసాన్ని కోరుకుంటున్నామని అంటున్నారు. ఈ క్రమంలో ఇరువర్గాల మధ్య ఘర్షణ వాతావరణం నెలకొంటుందని పలువురు ఆందోళన చెందుతున్నారు. ప్రభుత్వం స్పందించి పునరావాసంపై ఉన్న అపోహలను తొలగించాలని కోరుతున్నారు.

వనపర్తి రూరల్‌: పురుగుల మందు తాగి యువకుడు మృతి చెందిన ఘటన శనివారం రాత్రి 11 గంటల సమయంలో పట్టణంలో చోటు చేసుకుంది. రూరల్‌ ఎస్‌ఐ హృషికేశ్‌ తెలిపిన వివరాల ప్రకారం... పట్టణంలోని రాజనగరం గ్రామానికి చెందిన నక్క సిద్ధేశ్వర్‌ (20) బీటెక్‌ చదువుతున్నాడు. తండ్రి మద్యం తాగి రోజూ తల్లితో గొడవ పడుతుండడంతో తీవ్ర మనస్తాపానికి గురై ఇంట్లో పురుగుల మందు తాగాడు. దీంతో అపస్మార స్థితిలో ఉన్న బాధితుడిని కుటుంబ సభ్యులు వనపర్తి ప్రభుత్వ ఆస్పత్రికి తరలించగా.. పరీక్షించిన వైద్యులు అప్పటికే మృతి చెందినట్లు ధృవీకరించారు. ఈ ఘటనపై మృతుడి తల్లి నక్క పద్మ ఫిర్యాదు మేరకు ఆదివారం రూరల్‌ పోలీస్‌ స్టేషన్‌లో కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు. అవమానంతో యువకుడు ఆత్మహత్య బల్మూర్‌: అత్తమామలతో జరిగిన గొడవలో అవమానంగా భావించిన యువకుడు ఆత్మహత్యకు పాల్పడిన ఘట న మండల కేంద్రం బల్మూర్‌లో చోటుచేసుకుంది. పోలీ సులు, కుటుంబ సభ్యుల కథనం ప్రకారం.. బల్మూర్‌కు చెందిన ఎడుపుల సైదులు(22)కు, దేవుని తిరుమలాపురం(పీకే పల్లి మండలం)కు చెందిన మహేశ్వరితో ఆరునెలల క్రితం వివాహం జరిగింది. ఈనెల 24న మహేశ్వరిని పుట్టింటికి తీసుకెళ్లడానికి ఆమె తల్లిదండ్రులు వల్లయ్య, పద్మ, సోదరుడు శివ బల్మూర్‌కు వచ్చారు. పొలంలో పత్తి ఏరే పని ఉందని సైదులు భార్యను పంపేందుకు నిరాకరించాడు. దీంతో ఇరువర్గాల మధ్య తీవ్ర వాగ్వాదం, గొడవ జరిగింది. గొడవలో అవమానానికి గురై భయాందోళనకు గురైన సైదులు పొలం వైపు వెళ్లి చెట్టుకు ఉరి వేసుకొని ఆత్మహత్యకు పాల్పడ్డాడు. ఆదివారం ఉదయం కుటుంబ సభ్యులు పొలంలో అతడు మృతిచెంది ఉండటం గమనించి పోలీసులకు సమాచారం ఇచ్చారు. ఈ ఘటనపై మృతుడి తండ్రి బు చ్చయ్య ఫిర్యాదు మేరకు కేసు నమోదు చేసి మృతదేహానికి పోస్టుమార్టం ని ర్వహించి కుటుంబ సభ్యులకు అప్పగించినట్లు ఎస్‌ఐ రాజేందర్‌ తెలిపారు.

జడ్చర్ల టౌన్‌: భయం నుంచి శాసించే స్థాయికి బ్రా హ్మణులు ఎదగాలని.. అది ఐక్యతతోనే సాధ్యమవుతుందని బ్రాహ్మణ పరిషత్‌ చైర్మన్‌ బసవరాజు శ్రీనివాస్‌ అన్నారు. ఆదివారం బ్రాహ్మణ ఆర్గనైజేషన్‌ ఫర్‌ సోషల్‌ సర్వీసెస్‌ నేతృత్వంలో జడ్చర్లలోని వాసవీ గార్డెన్‌లో నిర్వహించిన ఉమ్మడి జిల్లా బ్రాహ్మణ శంఖారావంలో ఆయన పాల్గొని ప్రసంగించారు. ఈ సభ స్ఫూర్తితో రాష్ట్రంలోని అన్ని ఉ మ్మడి జిల్లాల్లో శంఖారావాలు నిర్వహిస్తామన్నారు. చివరగా హైదరాబాద్‌లో పెద్ద ఎత్తున నిర్వహించే సభకు సీఎం రేవంత్‌రెడ్డిని ఆహ్వానిస్తామన్నారు. ఇప్పటికే బ్రాహ్మణ అట్రాసిటీ చట్టం కోసం ప్రయ త్నిస్తున్నామని.. ఇదివరకే ముఖ్యమంత్రికి విన్నవించడం జరిగిందన్నారు. మరో సారి కలసి కోరుతామన్నారు. ముఖ్యంగా అర్చకత్వం చేయాలంటే భ యం కలుగుతుందని.. అలాంటి స్థితి నుంచి రక్షణ దళాలు ఏర్పర్చుకుని ఎలాంటి భయం లేకుండా అర్చకత్వం చేసుకునేలా చేద్దామన్నారు. దేవాలయ పాలక మండళ్లలో అర్చకులకు స్థానం ఉండాలని.. అందుకోసం ప్రయత్నిస్తున్నామన్నారు. ప్రభుత్వ ఫలాలు బ్రాహ్మణులకు అందేలా చూస్తున్నామన్నా రు. ప్రతి అసెంబ్లీ నియోజకవర్గానికి ఇద్దరు కో–ఆర్డినేటర్లు, జిల్లాకు సూపర్‌వైజర్లను నియమించేలా చూస్తున్నామని.. తద్వారా ఆయా నియోజకవర్గాల్లో నిరుపేదలకు ప్రభుత్వ పథకాలు అందేందు కు సహాయకారిగా ఉంటారన్నారు. శంఖారావానికి వచ్చి చూపిన ఐక్యత మున్ముందు కొనసాగిస్తే శాసించే స్థాయికి ఎదగడం తథ్యమన్నారు. అనంతరం ముఖ్యవక్త జీ న్యూస్‌ సీఈఓ భరత్‌కుమార్‌ మాట్లాడుతూ.. ఉత్తర భారతదేశంలో నలుగురు సీ ఎంలు బ్రాహ్మణులు ఉండగా.. తెలంగాణ అసెంబ్లీలో కేవలం ఒకే ఒక్క ఎమ్మెల్యే ప్రాతినిధ్యం వహిస్తున్నారన్నారు. ఏపీ అసెంబ్లీలో బ్రాహ్మణులే లేరన్నారు. దేశంలో హిందూ సమాజం ఇంకా బతికి ఉండేందుకు బ్రాహ్మ ణులే కారణమన్నారు. అయితే తెలంగాణలో మాత్రం బ్రాహ్మణులమని చెప్పుకోవడానికి భయపడే పరిస్థితులు ఏర్పడ్డాయన్నారు. వినాయక చవితి ఉత్సవాల్లో పూజ ఎక్కడ చేయాలనే వివాదంలో బ్రాహ్మణుడు చనిపోయాడని గుర్తుచేశారు. అందుకే ఐక్యంగా ఉంటేనే మళ్లీ పూర్వవైభవం వస్తుందని.. బ్రాహ్మణ అట్రా సిటీ చట్టం సాధనే లక్ష్యంగా పోరాడుదామని ఆయన పిలుపునిచ్చారు. అనంతరం శంఖారావంలో పలు తీర్మానాలను ఆమోదించారు. కార్యక్రమంలో శంఖారా వం కోర్‌ కమిటీ సభ్యులు శంకర్‌బాబు, రాఘవేంద్రశర్మ, కన్వీనర్‌ నాగరాజు, బ్రాహ్మణ పరిషత్‌ మాజీ డైరెక్టర్‌ గోపాలశర్మ, నిర్వాహకులు బాదేపల్లి రంజిత్‌బాబు, నర్సింగ్‌రావు, భైరంపల్లి రమేశ్‌, ఎర్ర శ్రీను, రమాకాంత్‌ పాల్గొన్నారు.

కల్వకుర్తి రూరల్‌: రాజ్యాధికారంతోనే బీసీల సమస్యలకు పరిష్కారం లభిస్తుందని తెలంగాణ రాజ్యాధికార పార్టీ అధ్యక్షుడు ఎమ్మెల్సీ తీన్మార్‌ మల్లన్న తేల్చి చెప్పారు. రాజ్యాధికార పాదయాత్రలో భాగంగా ఆదివారం రాత్రి యాత్ర కల్వకుర్తికి చేరుకుంది. పట్టణంలోని శివాజీ చౌక్‌లో ఏర్పాటు చేసిన కార్నర్‌ మీటింగ్‌లో ఆయన మాట్లాడారు. 70ఏళ్లు పాలించిన పాలకులు బీసీలను అనగదొక్కారని ఆరోపించారు. ఇక వారి ఆటలు చెల్లవని చెప్పారు. కామారెడ్డి డిక్లరేషన్‌లో ఎన్నికలకు ముందు బీసీల అభివృద్ధికి రూ.20వేల కోట్లు కేటాయించడంతోపాటు రిజర్వేషన్ల శాతం పెంచుతామని చెప్పి నమ్మించి ఓట్లు వేయించుకొని మోసం చేశారని విమర్శించారు. ఇక వీరి కల్లబొల్లి మాటలు బీసీలు నమ్మరు అన్నారు. రెడ్లు, వెలమల ఓట్లు మాకు వద్దు మేము మీకు వేసేది లేదని ప్రజలతోని చెప్పించారు. బీసీలకు రాష్ట్రంలో ముఖ్యమంత్రి పదవి వచ్చిన వెంటనే దోపిడీదారుల నుంచి లాక్కొని కోటి ఎకరాల భూమిని ఎస్సీ ఎస్టీ బీసీ మైనార్టీలకు పంపిణీ చేస్తానన్నారు. రాజ్యాధికారం వస్తే హక్కులు వస్తాయని ప్రతిఒక్కరూ రాబోయే ఎన్నికల్లో బీసీలకు ఓట్లు వేసి అధికారంలోకి వచ్చేలా చూడాలని తీన్మార్‌ మల్లన్న పిలుపునిచ్చారు. ఈ సందర్భంగా మల్లన్నకు పలువురు వినతిపత్రాలు అందజేశారు. ఉమ్మడి పాలమూరు జిల్లాకు నష్టం కలిగిస్తున్న డిండి ఎత్తిపోతల పథకాన్ని వెంటనే నిలిపివేసేలా చూసి ఈ ప్రాంత రైతులకు న్యాయం చేయాలని జేఏసీ నాయకుడు సదానందంగౌడ్‌ కోరారు. సమావేశంలో పార్టీ ప్రధాన కార్యదర్శి మదన్‌మోహన్‌, నాగర్‌ కర్నూల్‌ జిల్లా అధ్యక్షుడు ఆంజనేయులు, కల్వకుర్తి తాలుకాల అధ్యక్షులు ఈశ్వర్‌, సదానందం గౌడ్‌, రాజేందర్‌, జంగయ్య, ఆంజనేయులుతోపాటు నాయకులు కార్యకర్తలు ప్రజలు పాల్గొన్నారు.

● పాలమూరుకు కేసీఆర్‌ ఉరి వేస్తే.. రేవంత్‌ ఉచ్చు బిగిస్తున్నారు ● నల్లగొండ నీటి సమస్యకు అనేక ప్రత్యామ్నాయ మార్గాలు ● మహబూబ్‌నగర్‌ ఎంపీ డీకే అరుణ పాలమూరు: గతంలో సీఎం కేసీఆర్‌ పాలమూరుకు ఉరితాడు వేస్తే.. ప్రస్తుత సీఎం రేవంత్‌రెడ్డి ఉచ్చు బిగిస్తున్నారని ఎంపీ డీకే అరుణ విమర్శించారు. డిండి ప్రాజెక్టును తక్షణమే రద్దు చేయాలని పాల మూరు రైతులు, ప్రజలు డిమాండ్‌ చేస్తున్నారని తెలిపారు. ఈ ప్రాజెక్టు విషయంలో పదేపదే మాట్లాడుతూ పాలమూరు రైతులను రెచ్చగొట్టేధోరణి మానుకోవాలని, రెండు జిల్లాల ప్రజల మధ్య ఘర్షణలు తలెత్తేలా వ్యవహరించవద్దని గుత్తా సుఖేందర్‌రెడ్డికి సూచించారు.ఆదివారం నగరంలోని ఎంపీ క్యాంపు కార్యాలయంలో నిర్వహించిన విలేకరుల సమావేశంలో ఆమె మాట్లాడారు. డిండి ప్రాజెక్టు ద్వారా 0.6 టీఎంసీల నీటిని తరలించడాన్ని తీవ్రంగా వ్యతిరేకిస్తున్నామని, దీనివల్ల పాలమూరు రైతులకు అన్యాయం జరుగుతుందని పేర్కొన్నారు. నల్గొండ జిల్లా నీటి సమస్య పరిష్కారానికి నక్కలగండి, నాగార్జునసాగర్‌, ఎస్‌ఎల్‌బీసీ, మల్లన్నసాగర్‌ వంటి ప్రత్యామ్నాయ మార్గాలు ఉన్నాయని చెప్పారు. ఫ్లోరైడ్‌ సమస్యను సాకుగా చూపి పాలమూరు నీటి హక్కులకు భంగం కలిగించవద్దన్నారు. రెండు జిల్లాల రైతులు, ప్రజల మధ్య వైరం పెరిగేలా వ్యవహరించడం సరికాదని హితవు పలికారు. పాలమూరు–రంగారెడ్డి ప్రాజెక్టు లక్ష్యం గతంలోనే దెబ్బతిన్నదని డీకే అరుణ ఆరోపించారు. జూరాల నుంచి కాకుండా శ్రీశైలం బ్యాక్‌వాటర్‌ ద్వారా నీటిని తీసుకునేలా అప్రోచ్‌ మార్చినప్పుడే ప్రాజెక్టు అసలు ఉద్దేశం దెబ్బతిందన్నారు. జీవో 72లో డిండి ద్వారా నీటిని తరలించే అంశం లేదని పేర్కొన్నారు. రాష్ట్ర ప్రభుత్వానికి కాంట్రాక్టులు, కమిషన్లపై ఉన్న శ్రద్ధ ప్రాజెక్టుల పూర్తిపై లేదని విమర్శించారు. గత మూడేళ్లలో ఉమ్మడి పాలమూరు జిల్లాలో ఒక్క ప్రాజెక్టు కూడా పూర్తికాలేదని, జూరాల మరమ్మతులకు సైతం నిధులు కేటాయించలేదని ఆరోపించారు. డిండి ప్రాజెక్టు రద్దు కోసం బీజేపీ ఆధ్వర్యంలో పెద్ద ఎత్తున పోరాటం చేపడతామని, త్వరలో పాలమూరులోని పెండింగ్‌ ప్రాజెక్టులను సందర్శిస్తామని వెల్లడించారు. సమావేశంలో బీజేపీ నాయకులు వీర బ్రహ్మచారి, ప్రభాకర్‌రెడ్డి, జనార్దన్‌రెడ్డి, కార్పొరేటర్లు పాల్గొన్నారు.

నారాయణపేట/ధన్వాడ/కొత్తపల్లి:ఎనిమిదేళ్ల దాంపత్య జీవితం.. త్వరలో తమ జీవితాల్లోకి బిడ్డ రా బోతున్నాడన్న ఆనందం.. ఎన్నో ఆశలతో సాగుతు న్న ఆ కుటుంబంలో అంతలోనే తీరని విషాదం అ లుముకుంది. బంధువుల ఇంటి శుభకార్యానికి వెళ్లి తిరిగి వస్తున్న రాజు (26) రోడ్డు ప్రమాదంలో మృతి చెందాడు. ఐదు నెలల గర్భిణిగా ఉన్న భార్య అంజమ్మకు భర్తను దూరం చేశాడు. పుట్టబోయే బిడ్డకు తండ్రి ప్రేమను అందించకముందే తిరిగిరాని లోకాలకు వెళ్లిపోయాడు. ఒక్కగానొక్క కుమారుడిని కోల్పోయిన తల్లిదండ్రులు బాలప్ప, కిష్టమ్మ కన్నీరుమున్నీరుగా విలపిస్తున్నారు. ఈ ఘటనతో నారాయణపేట జిల్లా ధన్వాడ మండలం మందిపల్లిలో విషాదం నెలకొంది. శుభకార్యానికి వెళ్లి.. శవమై తిరిగి మందిపల్లికి చెందిన రాజు వ్యవసాయం చేసుకుంటూ కుటుంబాన్ని పోషిస్తున్నాడు. ఎనిమిదేళ్ల క్రితం అంజమ్మను వివాహం చేసుకున్నాడు. ప్రస్తుతం ఆమె ఐదు నెలల గర్భిణి. ఈ క్రమంలో ఆదివారం నారాయణపేటలోని బంధువుల నూతన గృహ కార్యక్రమానికి వెళ్లిన రాజు.. తిరిగి స్వగ్రామానికి ద్విచక్ర వాహనంపై బయలుదేరాడు. జాజాపూర్‌ బస్టాండ్‌ సమీపంలో రాజు ట్రాక్టర్‌ను ఓవర్‌టేక్‌ చేసేందుకు ప్రయత్నించాడు. అదే సమయంలో ఎదురుగా నారాయణపేట వైపు నుంచి స్కూటీపై వస్తున్న మద్దూరు మండలం కొత్తపల్లికి చెందిన ఆర్మీ వీరయ్య వాహనాన్ని రాజు బైక్‌ ఢీకొంది. దీంతో రాజు అదుపుతప్పి అటువైపు వెళుతున్న ట్రాక్టర్‌ వెనుక చక్రాల కింద పడటంతో అక్కడికక్కడే మృతి చెందాడు. వీరయ్య తీవ్రంగా గాయపడటంతో నారాయణపేట జిల్లా ఆస్పత్రికి తరలించారు. పోలీసులు కేసు నమోదు చేసి దర్యాప్తు చేపట్టినట్లు ఎస్‌ఐ సతీష్‌రెడ్డి తెలిపారు. రోడ్డు ప్రమాదంలో భర్త మృతి ఎనిమిదేళ్ల దాంపత్య బంధంలో అంతులేని విషాదం పుట్టబోయే బిడ్డకు తండ్రి ప్రేమ కరువు ఒక్కగానొక్క కుమారుడిని కోల్పోయిన తల్లిదండ్రులు కన్నీరుమున్నీరు మరికొద్ది నెలల్లో బిడ్డకు జన్మనివ్వాల్సిన అంజమ్మకు భర్త మరణం తీరని వేదనను మిగిల్చింది. తమ జీవితాల్లోకి కొత్త వెలుగు వస్తుందని ఎదురుచూస్తున్న తరుణంలో ఈ విషాదం ఆ కుటుంబాన్ని కుంగదీసింది. పుట్టబోయే బిడ్డకు తండ్రి ప్రేమను అందించే అవకాశం లేకుండా రాజు దూరమయ్యాడు. తమకు అండగా ఉంటాడని భావించిన ఒక్కగానొక్క కుమారుడిని కోల్పోయిన తల్లిదండ్రుల రోదనలు గ్రామస్థులను కలచివేశాయి.

● జనాభా దామాషా ప్రకారం నిధులు కేటాయించాలి ● బీసీ సమాజ్‌ రౌండ్‌టేబుల్‌ సమావేశంలో డిమాండ్‌ జెడ్పీ సెంటర్‌ (మహబూబ్‌నగర్‌): బీసీల సమగ్ర అభివృద్ధి, ఆర్థిక సాధికారత, విద్య, ఉపాధి అవకాశాల కల్పనకు బీసీ సబ్‌ప్లాన్‌పై ప్రత్యేక చట్టం తీసుకురావాలని బీసీ సమాజ్‌ రాష్ట్ర అధ్యక్షుడు సంగెం సూర్యారావు డిమాండ్‌ చేశారు. ఆదివారం మెట్టుగడ్డ ప్రెస్‌క్లబ్‌లో బీసీ సమాజ్‌ ఆధ్వర్యంలో నిర్వహించిన రౌండ్‌టేబుల్‌ సమావేశంలో ఆయన మాట్లాడారు. బీసీ జనాభా దామాషా ప్రకారం బడ్జెట్‌లో నిధులు కేటాయించాలన్నారు. రాష్ట్ర జనాభాలో బీసీలు గణనీయమైన సంఖ్యలో ఉన్నప్పటికీ, వారి అభివృద్ధికి జనాభా నిష్పత్తి ప్రకారం నిధులు కేటాయించేలా చట్టబద్ధమైన హామీ కల్పించాలని కోరారు. బీసీ జేఏసీ నాయకుడు బెక్కం జనార్దన్‌ మాట్లాడుతూ విద్య, వైద్యం, ఉపాధి, స్వయం ఉపాధి, నైపుణ్యాభివృద్ధి, మహిళా సాధికారత, వృత్తిదారుల సంక్షేమానికి ప్రాధాన్యమివ్వాలని సూచించారు. వివిధ శాఖల్లో బీసీల కోసం కేటాయించిన నిధులు, వాటి వినియోగ వివరాలను ప్రజలకు అందుబాటులో ఉంచాలని కోరారు. బీసీ సబ్‌ప్లాన్‌కు ప్రత్యేక చట్టం రూపొందించేందుకు ప్రభుత్వం తక్షణ చర్యలు చేపట్టాలని సమావేశం డిమాండ్‌ చేసింది. బీసీలకు జనాభా దామాషా ప్రకారం నిధులు దక్కేలా అన్ని బీసీ సంఘాలు ఐక్యంగా ఉద్యమించాలని పిలుపునిచ్చింది. కార్యక్రమంలో బీసీ సమాజ్‌ రాష్ట్ర ప్రధాన కార్యదర్శి మోడల శ్రీనివాస్‌ సాగర్‌, గౌరవ అధ్యక్షుడు విజయకుమార్‌, రాష్ట్ర ఉపాధ్యక్షుడు విజయరాజు, తెలంగాణ టీచర్స్‌ యూనియన్‌ జిల్లా అధ్యక్షుడు జుర్రు నారాయణ, సారంగి లక్ష్మీకాంత్‌, బుగ్గన్న, మహేందర్‌, వెంకటేశ్‌ గౌడ్‌, నరసింహ, బానుప్రకాశ్‌, ప్రభాకర్‌, రాజ్‌కుమార్‌, ఆంజనేయులు, శ్రీకాంత్‌, శ్రీనివాసులు, పాండురంగం యాదవ్‌, పిల్లి సూర్యనారాయణ తదితరులు పాల్గొన్నారు.

మక్తల్‌: మండలంలోని దత్త క్షేత్రాన్ని ఆ దివారం సింగర్‌ మంగ్లీ సందర్శించారు. మొదట కుర్మగడ్డలోని దత్తాత్రేయ స్వామిని ఆమె దర్శించుకుని ప్రత్యేక పూజలు చేశా రు. అనంతరం బోటులో దత్త క్షేత్రానికి చేరుకొని స్వామివారిని దర్శించుకున్నారు. ఆమెను ఆలయ కమిటీ చైర్మన్‌ దత్తప్ప శాలువాతో సత్కరించి జ్ఞప్తికను అందజేశారు. ఈ సందర్భంగా మంగ్లీతో సెల్ఫీలు దిగేందుకు అభిమానులు పోటీ పడ్డారు. ఆమె వెంట మార్కెట్‌ కమిటీ మాజీ చైర్మన్‌ నర్సింహాగౌడ్‌, మాజీ సర్పంచ్‌ గోవర్ధన్‌రెడ్డి, పట్వారీ అంజి, ఉపసర్పంచ్‌ రవి పాల్గొన్నారు. కారు బోల్తా ఐదుగురికి గాయాలు వనపర్తి రూరల్‌: కారు బోల్తా పడి గర్భిణుతో సహా మరో నలుగురికి గాయాలైన ఘటన కంచిరావుపల్లి శివారులో ఆదివారం సాయంత్రం చో టు చేసుకుంది. స్థానికుల కథనం ప్రకారం.. పె బ్బేరు మండలం అయ్యవారిపల్లికి చెందిన గొల్ల శేఖర్‌ కుటుంబ సభ్యులతో కలసి కారులో వనపర్తి నుంచి వస్తూ మార్గమధ్యంలో కంచిరావుపల్లి దాటిన తర్వాత పెట్రోల్‌ బంక్‌ సమీపంలో బోల్తా పడింది. ఇందులో ప్రయాణిస్తున్న శేఖర్‌ భార్య గర్భిణితోపాటు మరో నలుగురికి గాయా లు కాగా, వారిని కడుకుంట్ల 108 వాహనంలో వనపర్తి ప్రభుత్వ ఆస్పత్రికి తరలించారు. పత్తి దగ్ధం: రూ.50 వేల నష్టం కల్వకుర్తి రూరల్‌: గుర్తుతెలియని వ్యక్తులు నిప్పంటించడంతో మున్సిపాలిటీ పరిధిలోని సంజాపూర్‌లో నాలుగు క్వింటాళ్ల పత్తి దగ్ధం కావడంతో రూ.50 వేల నష్టం వాటిలినట్లు బాధిత రైతు తాటికొండ శ్రీను వాపోయారు. తనకున్న వ్యవసాయ పొలంలో పత్తి పంట సాగు చేశాడు. దాదాపు 40 క్వింటాళ్ల పత్తి దిగుబడి రావడంతో ఇంటి వద్ద నిల్వ ఉంచాడు. శనివారం రాత్రి వేళలో గుర్తుతెలియని వ్యక్తులు దానికి నిప్పంటించారు. చుట్టుపక్కల వారు పత్తి దగ్ధం అవుతున్న విషయాన్ని చూసి వెంటనే రైతుకు సమాచారం ఇవ్వడంతో అప్రమత్తమైన రైతు మంటలు ఆర్పడంతో పాటు మిగతా పత్తిని పక్కకు తీయడంతో పెద్ద ప్రమాదం తప్పింది.

● పాలమూరులో అలరించిన అలయ్‌.. బలయ్‌ స్టేషన్‌ మహబూబ్‌నగర్‌: తెలంగాణ సంస్కృతిని ప్రతిబింబించేదే అలయ్‌ బలయ్‌ అని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి పేర్కొన్నారు. పాలమూరు నగరం ఆదివారం అలయ్‌.. బలయ్‌ కార్యక్రమానికి వేదికైంది. అఖిల భారత అయ్యప్ప దీక్ష ప్రచార సమితి ఆధ్వర్యంలో జిల్లాకేంద్రంలోని క్లాక్‌టవర్‌లో నిర్వహించిన అలయ్‌ బలయ్‌ కార్యక్రమం అలరించింది. కార్యక్రమంలో ముఖ్య అతిథిగా పాల్గొన్న ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి మాట్లాడారు ప్రజలందరూ కలిసికట్టుగా పరస్పర గౌరవంతో మెలుగుతూ నగర ప్రతిష్టను మరింత పెంచేందుకు కృషిచేయాలని పిలుపునిచ్చారు. అలయ్‌ బలయ్‌ కార్యక్రమం నిర్వహించిన అఖిల భారత అయ్యప్ప దీక్ష ప్రచార సమితి ప్రతినిధులను అభినందించారు. మరో ముఖ్య అతిథి మాజీ మంత్రి శ్రీనివాస్‌గౌడ్‌ మాట్లాడుతూ.. ఇలాంటి ఆత్మీయ సమ్మేళనాలు కులమతాలకతీతంగా ఐక్యమత్యం, సోదరభావం, పరస్పర గౌరవాన్ని పెంపొందించడంలో కీలకపాత్ర పోషిస్తాయన్నారు. అయ్యప్ప స్వామి భక్తి, ఆధ్యాత్మికత, క్రమశిక్షణ, సేవాభావం ప్రతి ఒక్కరిలో స్ఫూర్తిని నింపుతాయన్నారు. అయ్యప్ప స్వామి ఆశీస్సులతో ప్రజలందరూ సుఖసంతోషాలు, ఆయురారోగ్యాలతో ఉండాలని ఆకాంక్షించారు. కార్యక్రమంలో డిప్యూటీ మేయర్‌ సురేందర్‌రెడ్డి, గ్రంథాలయ మాజీ చైర్మన్‌ రాజేశ్వర్‌గౌడ్‌, జిల్లా రెడ్‌క్రాస్‌ సొసైటీ చైర్మన్‌ కేఎస్‌.రవికుమార్‌, మాజీ మున్సిపల్‌ చైర్మన్‌ నర్సింహులు, అఖిల భారత అయ్యప్ప దీక్ష ప్రచార సమితి జాతీయ వ్యవస్థాపక అధ్యక్షుడు రాజ్‌దేశ్‌పాండే, రాష్ట్ర అధ్యక్షుడు సీమ నరేందర్‌, నరేందర్‌గుప్తా, కీర్తి రాజ్‌గోపాల్‌, బీజేపీ జిల్లా అధ్యక్షుడు శ్రీనివాస్‌రెడ్డి, ఆయా పార్టీల నాయకులు, కార్పొరేటర్లు పాల్గొన్నారు.

● జిల్లాలో 40 శాతం కూడా దాటని గ్రాడ్యుయేట్‌ ఓటరు నమోదు ● నవంబర్‌ 6తో ముగియనున్న గడువు ● ఇప్పటివరకు 19,528 దరఖాస్తులు జెడ్పీ సెంటర్‌ (మహబూబ్‌నగర్‌): గ్రాడ్యుయేట్‌ ఎమ్మెల్సీ ఎన్నికల నేపథ్యంలో పట్టభద్రుల ఓటరు నమోదు ప్రక్రియ జిల్లాలో నత్తనడకన సాగుతోంది. అర్హులైన పట్టభద్రులు ఆశించిన స్థాయిలో దరఖాస్తు చేసుకోవడం లేదు. నమోదు గడువు నవంబర్‌ 6తో ముగియనుండగా, ఇప్పటి వరకు 19,528 దరఖాస్తులు మాత్రమే వచ్చినట్లు గణాంకాలు చెబుతున్నాయి. దీంతో అర్హులందరూ ఓటరుగా నమోదవుతారా? అనే ప్రశ్న తలెత్తుతోంది. 2021 మార్చిలో హైదరాబాద్‌–రంగారెడ్డి–మహబూబ్‌నగర్‌ పట్టభద్రుల ఎమ్మెల్సీ ఎన్నికలు జరిగాయి. త్వరలో ప్రస్తుత ఎమ్మెల్సీ పదవీకాలం ముగియనుండటంతో తదుపరి ఎన్నికల నిర్వహణకు ఎన్నికల సంఘం కసరత్తు చేస్తోంది. ఈ నేపథ్యంలో మూడు ఉమ్మడి జిల్లాల పరిధిలోని తొమ్మిది జిల్లాల పట్టభద్రులు ఓటు హక్కు వినియోగించుకోనున్నారు. గతంలో ఓటరుగా నమోదైన పట్టభద్రులు సైతం ఈసారి మళ్లీ దరఖాస్తు చేసుకోవాలని ఎన్నికల సంఘం సూచించింది. ఆన్‌లైన్‌, ఆఫ్‌లైన్‌ విధానాల్లో దరఖాస్తు చేసుకునే అవకాశం కల్పించింది. అయినప్పటికీ నమోదు ప్రక్రియ ఆశించిన వేగంతో సాగడం లేదు. మొత్తం దరఖాస్తుల్లో 19,525 ఆన్‌లైన్‌లో, 3 మాత్రమే జడ్చర్ల తహసీల్దార్‌ కార్యాలయంలో ఆఫ్‌లైన్‌లో నమోదయ్యాయి. అర్హులైన పట్టభద్రులంతా బాధ్యతగా ఓటు హక్కు కోసం దరఖాస్తు చేసుకోవాలి. గతంలో ఓటరుగా నమోదైన పట్టభద్రులతో పాటుమూడేళ్ల క్రితం డిగ్రీ, డిప్లొమా పూర్తి చేసిన వారు నమోదు చేయించుకోవాలి. ఇలాంటి సందేహాలు ఉన్నా తహసీల్దార్‌ కార్యాలయం లేదా స్థానిక బీఎల్‌ఓను సంప్రదించవచ్చు. – నవీన్‌, ఆర్డీఓ

ఈసారి ఎల్‌నినో ప్రభావంతో జిల్లాలో చాలావరకు నీటి వనరులు ఆశించిన స్థాయిలో నిండలేదు. కేవలం 40 చెరువుల్లో మాత్రమే 50 శాతం నీరు ఉన్నట్లు నీటిపారుదల శాఖ అధికారులు సమాచారం ఇచ్చారు. వాటిలోనూ రానున్న కొన్ని నెలల్లో నీరు ఇంకిపోయే అవకాశం ఉంది. దీనివల్ల ఇప్పటివరకు ఎక్కడా చేపపిల్లలను వదలలేదు. అయినప్పటికీ దీనికి సంబంధించి ఆన్‌లైన్‌ టెండర్‌ ప్రక్రియ పూర్తయింది. ప్రస్తుత పరిస్థితిని రాష్ట్ర ఉన్నతాధికారులకు నివేదించాం. అక్కడి నుంచి వచ్చే ఆదేశాల ప్రకారం తగు నిర్ణయం తీసుకుంటాం. – రాధారోహిణి, ఏడీ, జిల్లా మత్స్యశాఖ, మహబూబ్‌నగర్‌ జిల్లాలో ఈసారి ఎల్‌నినో ప్రభావంతో ఎక్కడా చెరువులు, కుంటలు పూర్తిస్థాయిలో నిండలేదు. ఈ కారణంగా నీటివనరుల్లో చేపపిల్లలను వదిలే పరిస్థితి దాదాపు లేకపోవడంతో మత్స్యకార్మికులు ఇబ్బందులు ఎదుర్కొంటున్నారు. ప్రత్యామ్నాయంగా వీరికి జీవీ రామ్‌జీ పథకం ద్వారా ఉపాధి అవకాశాలు కల్పించాలి. లేనిపక్షంలో చేపపిల్లల పెంపకం కోసం రాష్ట్ర ప్రభుత్వం భరించే వంద శాతం సబ్బిడీ డబ్బులను గ్రామీణ మత్స్య పారిశ్రామిక సహకార సంఘాల సభ్యుల బ్యాంకు ఖాతాలకు నేరుగా జమ చేయించాలి. – గోనెల శ్రీనివాసులు, పర్సన్‌ ఇన్‌చార్జీ, జిల్లా మత్స్య పారిశ్రామిక సహకార సంఘం ●

మహబూబ్‌నగర్‌ క్రీడలు: మధ్యప్రదేశ్‌ రాష్ట్రంలోని ఉమరియాలో ఈనెల 27 నుంచి 31వ తేదీ వరకు జరిగే అండర్‌–14 హ్యాండ్‌బాల్‌ పోటీల్లో పాల్గొనే తెలంగాణ బాలుర జట్టుకు జిల్లాకు చెందిన ముగ్గురు క్రీడాకారులు ఎంపికయ్యారు. టి.తివిక్రమ్‌, గౌతమ్‌ దీక్షిత్‌, భవ్యరాజ్‌ జాతీయస్థాయి హ్యాండ్‌బాల్‌ పోటీల్లో తెలంగాణ రాష్ట్రానికి ప్రాతినిధ్యం వహించనున్నారు. శనివారం జిల్లాకేంద్రంలో క్రీడాకారులను ఎస్‌జీఎఫ్‌ జిల్లా కార్యనిర్వాహక కార్యదర్శి వేణుగోపాల్‌, మహబూబ్‌నగర్‌ హైస్కూల్‌ హెచ్‌ఎం శాంత, ఎండీ జియావుద్దీన్‌ తదితరులు అభినందించారు. జాతీయస్థాయి పోటీల్లో ప్రతిభచాటి రాష్ట్రానికి, జిల్లాకు పేరు ప్రతిష్టలు తీసుకురావాలని ఆకాంక్షించారు. కార్యక్రమంలో అనిల్‌కుమార్‌, బాల్‌రాజు, అహ్మద్‌ హుస్సేన్‌, ప్రదీప్‌ తదితరులు పాల్గొన్నారు.

స్టేషన్‌ మహబూబ్‌నగర్‌: శ్రీఅన్నమయ్య వాణి లలిత సంగీత విద్యాలయం వ్యవస్థాపకుడు గద్వాల చంద్రశేఖరరావు ఆధ్వర్యంలో జిల్లా కేంద్రం పద్మావతీకాలనీలోని గాయత్రి ఫంక్షన్‌హాల్‌లో నిర్వహిస్తున్న శ్రీవనమాలి పాదపద కవితా తాతా సంకీర్తనా షష్టమ వారోత్సవాలు ఆదివారం రెండో రోజుకు చేరాయి. కార్యక్రమంలో శ్రీనివాస్‌ కుమార్‌, సామవేదం వెంకటమురళీకృష్ణ, చంద్రశేఖర్‌ తదితరులు పాల్గొన్నారు. శ్రీవనమాలి పాదపద కవితా తాతా సంకీర్తనా వారోత్సవాలు నిర్వహిస్తుండడం అభినందనీయం అన్నారు. అనంతరం గద్వాల చంద్రశేఖరరావు ఆలపించిన సంకీర్తనా కచేరీ అలరించింది.

అచ్చంపేట రూరల్‌: వ్యవసాయ పొలంలోని బోరు మోటార్‌ విషయంలో తమ్ముడిని హత్య చేసిన అన్నను శనివారం సిద్దాపూర్‌ పోలీసులు అరెస్టు చేశారు. శుక్రవారం వ్యవసాయ పొలం వద్ద బోరుమోటార్‌ ఆన్‌ చేసిన విషయంలో అన్నదమ్ముల మధ్య తలెత్తిన వివాదం విషాదాంతమైన ఘటన తెలిసిందే. శనివారం అచ్చంపేట సీఐ కార్యాలయంలో సీఐ ఏశమళ్ల నాగరాజు వివరాలను వెల్లడించారు. మండలంలోని బక్కలింగాయపల్లిలో వ్యవసాయ పొలం వద్ద కేతావత్‌ బావుసింగ్‌ ఆయన సోదరుడు కేతావత్‌ మోహన్‌ మధ్య బోరు మోటార్‌ ఆన్‌చేసే విషయంలో గొడవ జరిగింది. అన్న బావుసింగ్‌ కర్రతో తమ్ముడు మోహన్‌ తలపై బాదాడు. తీవ్రంగా గాయపడ్డ మోహన్‌ మృతి చెందాడు. మోహన్‌ కుటుంబ సభ్యుల ఫిర్యాదు మేరకు మర్డర్‌ కేసు నమోదు చేశామన్నారు. శనివారం బావుసింగ్‌ను అరెస్టు చేసి రిమాండ్‌కు తరలించినట్లు సీఐ తెలిపారు. కార్యక్రమంలో సిద్దాపూర్‌ ఎస్‌ఐ రాజశేఖర్‌, సిబ్బంది పాల్గొన్నారు.

ఉమ్మడి ఆంధ్రప్రదేశ్‌ రాష్ట్రంలో 2010 నంద్యాలలో, 2012 విజయనగరంలో రాష్ట్ర చలనచిత్ర, టెలివిజన్‌, రంగస్థల కళల అభివృద్ధి విభాగం ఆధ్వర్యంలో నిర్వహించిన నంది నాటకోత్సవాలకు తుది న్యాయనిర్ణేతగా వ్యవహరించాను. అప్పటి సీఎంలతో ప్రశంసాపత్రాలు, సన్మానం అందుకున్నాను. తొలి రంగస్థల కళాకారులను ప్రోత్సహించాలనే ఉద్దేశంతో మహబూబ్‌నగర్‌లో 1985లో ‘శ్రీమిత్ర కళానాట్య మండలి ఏర్పాటు చేశాను. మండలికి ప్రధాన కార్యదర్శిగా వ్యవహరిస్తూ నాటక ప్రదర్శనలు నిర్వహిస్తున్నాను. సంస్థ ఆధ్వర్యంలో కవి సమ్మేళనాలు, పుస్తకావిష్కరణలు, నిరుపేద వృద్ధ కళాకారులకు ఆర్థిక సహాయం అందజేశాను. ఉమ్మడి జిల్లాలో వేలాదిమంది ఔత్సాహిక కళాకారులకు ప్రత్యేక శిక్షణ అందజేసి వారు నాటక రంగంలో రాణించేలా తనవంతు కృషి చేశాను. గతంలో భూకంప, వరద బాధితుల సహాయార్థం పలు సార్లు నాటక ప్రదర్శనలు నిర్వహించి ఆర్థికసాయం అందించడం జరిగింది.

ఊట్కూర్‌: ఊట్కూర్‌ గ్రామంలోని ఊర లక్ష్మమ్మ దేవాలయం సమీపంలో బస్సు–దిచక్రవాహనం ఢీకొని కుర్వ బాల్‌రాజ్‌ (18) అనే యువకుడు మృతి చెందగా ముగ్గురికి తీవ్రగాయాలైన ఘటన శనివారం సాయంత్రం చోటుచేసుకుంది. స్థానికుల కథనం మేరకు ఊట్కూర్‌ నుంచి నారాయణపేట వెళ్తున్న ఆర్టీసీ బస్సు ఊరలక్ష్మమ్మ ఆలయం సమీపంలోకి రాగానే బైక్‌ ఢీకొట్టింది. ప్రమాదంలో ద్విచక్రవాహనం వెనుక కూర్చొన్న కుర్వ బాల్‌రాజ్‌ ఎగిరి బస్సు టైర్‌ కింద పడడంతో అక్కడికక్కడె మృతి చెందగా బైక్‌ నడుపుతున్న రమేశ్‌కు తీవ్రగాయాలయ్యాయి. అలాగే వెనుక వస్తున్న మరో ద్విచక్రవాహనం అదుపుతప్పి కింద పడడంతో గరిడి ప్రతాప్‌ రెడ్డి, శంకర్‌కు కూడా తీవ్రగాయాలయ్యాయి. దీంతో క్షతగాత్రులను నారాయణపేట ఏరియా ఆస్పత్రికి తరలించారు. ఈ విషయమై ఎస్‌ఐ రమేశ్‌ను వివరణ కోరగా ఇప్పటివరకు ఫిర్యాదు అందలేదని, ప్రమాదం గురించి తెలియగానే మతదేహాన్ని పోస్టుమార్టం కోసం నారాయణపేట ఏరియా ఆస్పత్రికి తరలించామని తెలిపారు. బాధితుల ఫిర్యాదు మేరకు కేసు నమోదు చేసి దర్యాప్తు చేపడతామన్నారు. ఏడాది క్రితం ఒకరు మృతి.. ఊర లక్ష్మమ్మ దేవాలయం సమీపంలో ఏడాది క్రితం బస్సు–ద్విచక్రవాహనం ఢీకొని ఓ యువకుడు మృతి చెందగా, ఒకరు తీవ్రంగా గాయపడ్డారు. ఇదే స్థలంలో ఇప్పుడు మళ్లీ ప్రమాదం జరిగి యువకుడు మృతి చెందడం శోచనీయం. ముగ్గురికి తీవ్రగాయాలు

● ఇండెంట్‌ నీరు అందక 20 ఎకరాల వరికి నిప్పు ● అధికారులకు మొరపెట్టుకున్నా స్పందన లేదంటూ రైతు ఆవేదన మాన్‌దొడ్డిలో పంటను తగలబెడుతున్న రైతుమోహన్‌ సాగర్‌ రాజోళి: సాగునీటి కోసం ఎదురుచూసి.. పంట ఎండిపోతుండటాన్ని చూసి తట్టుకోలేక ఓ రైతు తన వరి పంటకు నిప్పంటించాడు. గద్వాల జిల్లా రాజోళి మండలం మాన్‌దొడ్డికి చెందిన కృష్ణ మోహన్‌ సాగర్‌ సొంత భూమితోపాటు కౌలుకు తీసుకున్న భూమిలోనూ వ్యవసాయం చేస్తున్నాడు. ఈ ఏడాది 20 ఎకరాల్లో వరి సాగు చేశాడు. నెల రోజులుగా ఇండెంట్‌ నీటి కోసం ఎదురుచూస్తున్నా సరఫరా కాలేదు. నదిలో నీరు లేకపోవడం, అధికారులు హామీ ఇచ్చిన నీరు అందకపోవడంతో పంట ఎండిపోతోందని పలుమార్లు అధికారులకు, స్థానిక నాయకులకు, ప్రజాప్రతినిధులకు విన్నవించాడు.. అయినా స్పందన లేకపోవడంతో తీవ్ర నిరాశకు గురయ్యాడు.చేతికొచ్చే దశలో ఉన్న పంట ఎండిపోతుండటాన్ని చూసి తట్టుకోలేక శనివారం తన పంటకు నిప్పంటించాడు. ఎకరాకు రూ.30 వేల చొప్పున 20 ఎకరాలకు పెట్టుబడి పెట్టానని, సాగునీరు అందకపోవడంతో తీవ్రంగా నష్టపోయానని ఆరైతు ఆవేదన వ్యక్తం చేశాడు. కళ్లముందే పంట అగ్నికి ఆహుతవుతుండటాన్ని చూసిన స్థానిక రైతులు కన్నీటిపర్యంతమయ్యారు.

కందనూలు: గ్రామీణ, మారుమూల ప్రాంతాల ప్రజలకు నాణ్యమైన నేత్ర వైద్య సేవలు అందించడం అభినందనీయమని జిల్లా కలెక్టర్‌ హేమంత కేశవ్‌ పాటిల్‌ అన్నారు. నాగర్‌కర్నూల్‌ మండలం తూడుకుర్తిలో ఎల్‌వీ ప్రసాద్‌ ఐ ఇన్‌స్టిట్యూట్‌కు అనుబంధంగా నిర్వహిస్తున్న కూచుకుళ్ల రామచంద్రారెడ్డి ఐ సెంటర్‌ 28వ వార్షికోత్సవానికి శనివారం ఆయన ఎమ్మెల్సీ కూచుకుళ్ల దామోదర్‌రెడ్డితో కలిసి ముఖ్య అతిథిగా హాజరయ్యారు. ఈ సందర్భంగా కలెక్టర్‌ మాట్లాడుతూ.. గత 28 ఏళ్లుగా గ్రామీణ ప్రజలకు నేత్ర వైద్య సేవలు అందిస్తున్న ఈ కేంద్రం మరింత అభివృద్ధి చెందాలని ఆకాంక్షించారు. ఎమ్మెల్సీ దామోదర్‌రెడ్డి చొరవతో మారుమూల ప్రాంతాల ప్రజలకు మెరుగైన వైద్య సేవలు అందుబాటులోకి వచ్చాయని పేర్కొన్నారు. కంటి చూపు ప్రతి ఒక్కరి జీవితంలో ఎంతో విలువైనదని, దృష్టి సమస్యలు వ్యక్తిగత జీవితంతో పాటు కుటుంబ, సామాజిక జీవితాలపైనా ప్రభావం చూపుతాయని తెలిపారు. కంటి సమస్యలను నిర్లక్ష్యం చేయకుండా క్రమం తప్పకుండా పరీక్షలు చేయించుకోవాలని సూచించారు. ముందస్తు పరీక్షలతో వ్యాధులను తొలిదశలో గుర్తించి సకాలంలో చికిత్స పొందవచ్చన్నారు. వైద్య సేవలతోపాటు కంటి ఆరోగ్యంపై అవగాహన కల్పిస్తున్న వైద్యులు, సిబ్బంది సేవలు ప్రశంసనీయమని కొనియాడారు. మరింత మందికి సేవలు అందించాలి ఎమ్మెల్సీ కూచుకుళ్ల దామోదర్‌రెడ్డి మాట్లాడుతూ.. గ్రామీణ, మారుమూల ప్రాంతాల ప్రజలకు నాణ్యమైన నేత్ర వైద్య సేవలు అందించడంలో ఐ సెంటర్‌ కీలక పాత్ర పోషిస్తోందన్నారు. తన తండ్రి పేరుతో నిర్వహిస్తున్న కేంద్రం ద్వారా ప్రజలకు ప్రయోజనం కలగడం సంతృప్తినిస్తోందని పేర్కొన్నారు. సంస్థ సేవలను మరింత విస్తరించి, ఎక్కువ మందికి వైద్య సేవలు అందించాలని ఆకాంక్షించారు. అనంతరం ఉత్తమ సేవలందించిన ఉద్యోగులకు నగదు బహు మతులు, ప్రశంసాపత్రాలు అందజేశారు. కార్యక్రమంలో మున్సిపల్‌ చైర్మన్‌ తీగల సునేంద్ర, తహసీల్దార్‌ తబితా రాణి, గ్రామ సర్పంచ్‌ లక్ష్మి, కరుణాకర్‌రెడ్డి, ఆసుపత్రి వైద్యులు, సిబ్బంది పాల్గొన్నారు.

జడ్చర్ల టౌన్‌: జడ్చర్ల ఏరియా ఆస్పత్రి మార్చురీలో విద్యుత్‌ సరఫరా నిలిచిపోవడంతో ఫ్రీజర్‌ పనిచేయక మృతదేహాలు పాడయ్యాయంటూ బంధువులు ఆందోళన వ్యక్తం చేశారు. ఆరు నెలల క్రితం మార్చురీలో మృతదేహాన్ని కుక్క పీక్కుతిన్న ఘటన మరువకముందే మరోసారి ఈ ఘటన వెలుగులోకి రావడం చర్చనీయాంశంగా మారింది. వివరాల్లోకి వెళ్తే.. ఆరు రోజుల క్రితం కావేరమ్మపేట వద్ద గుర్తుతెలియని మహిళ మృతదేహం లభించడంతో పోలీసులు కేసు నమోదు చేసి ఏరియా ఆస్పత్రి మార్చురీకి తరలించారు. శుక్రవారం బాదేపల్లి పాతబజార్‌కు చెందిన చేగొళ్ల రాములు (55) ప్రమాదవశాత్తు చెరువులో పడి మృతిచెందాడు. ఆయన మృతదేహాన్ని కూడా అదే మార్చురీలోని ఫ్రీజర్‌లో భద్రపరిచారు. అయితే శుక్రవారం రాత్రి ఎంసీబీ ట్రిప్‌ కావడంతో ఫ్రీజర్‌కు విద్యుత్‌ సరఫరా నిలిచిపోయింది. దీంతో మృతదేహాలు పాడయ్యాయని బంధువులు ఆందోళన వ్యక్తం చేశారు. శనివారం పోస్టుమార్టం కోసం వచ్చిన రాములు కుటుంబ సభ్యులు, బంధువులు మృతదేహం గట్టిపడటాన్ని గమనించి సిబ్బందిని నిలదీశారు. మార్చురీలో భద్రపరిచినా ఇలాంటి పరిస్థితి ఎందుకు తలెత్తిందని ప్రశ్నించారు. విధుల్లో ఉన్న వైద్యుడు డాక్టర్‌ సత్యనారాయణ వారికి నచ్చజెప్పి పోస్టుమార్టం నిర్వహించి మృతదేహాన్ని అప్పగించారు. విద్యుత్‌ సరఫరా నిలిచిపోవడం వల్లే ఈ పరిస్థితి ఏర్పడిందని, ఫ్రీజర్‌లో కొంతసేపు శీతలీకరణ ఉంటుందని వివరించినట్లు తెలిసింది. సాంకేతిక అంశాలపై ఫిర్యాదు చేయాలనుకుంటే ఆస్పత్రి సూపరింటెండెంట్‌ను సంప్రదించాలని సూచించారు. సాంకేతిక లోపంతోనే సరఫరా నిలిచింది మార్చురీలో విద్యుత్‌ సరఫరా నిలిచిపోవడంపై స్థానికులు నిర్లక్ష్యాన్ని ప్రశ్నిస్తున్నారు. దీనిపై ఆస్పత్రి సూపరింటెండెంట్‌ డాక్టర్‌ హర్షదుల్లాను వివరణ కోరగా.. తాను సెలవులో ఉన్నానని, సిబ్బందిని విచారించి వివరాలు తెలుసుకున్నట్లు తెలిపారు. గురువారమే విద్యుత్‌ బోర్డులు మార్చి ఎంసీబీ అమర్చారని, సాంకేతిక కారణాలతో అది ట్రిప్‌ కావడంతో శుక్రవారం రాత్రి విద్యుత్‌ సరఫరా నిలిచిపోయిందని సిబ్బంది తెలిపినట్లు వివరించారు. గుర్తుతెలియని మహిళ మృతదేహం మార్చురీకి తీసుకొచ్చేసరికే కొంత పాడైందని, దాదాపు ఏడు రోజులు కావడంతో దుర్వాసన వస్తోందని పేర్కొన్నారు. విద్యుత్‌ సరఫరా నిలిచిపోవడంతో పనిచేయని ఫ్రీజర్‌.. కుళ్లిన మృతదేహాలు

మదనాపురం: ఇంట్లో నుంచి బయటికి వెళ్తున్నానని చెప్పి వెళ్లిన వ్యక్తి శవమై కనిపించిన ఘటన మండలంలో చోటుచేసుకుంది. పోలీసుల కథనం ప్రకారం.. దంతనూరుకు చెందిన కావలి పురుషోత్తం(30) ఈనెల 22న ఉదయం 11గంటల సమయంలో ఇంటినుంచి బయటకు వెళ్తానని చెప్పి వెళ్లాడు. ఆ తర్వాత నుంచి అతని ఫోన్‌ పనిచేయక పోవడం, కుటుంబ సభ్యులు ఎన్నిసార్లు ఫోన్‌ చేసినా.. లిఫ్ట్‌ చేయకపో వడంతో వారు ఆందోళనకు గురయ్యారు. శనివారం ఉదయం 7గంటల సమయంలో ఆయన తమ్ముడు కావలి నవీన్‌ పొలాల వైపు వెళ్తుండగా.. కాల్వగట్టు పక్కన తవిసి చెట్టుకు పురుషోత్తం ఉరివేసుకుని మృతిచెంది ఉన్నట్లు సమాచారం అందించారు. ఆనవాళ్లను బట్టి, ఇది ఆత్మహత్యనా లేక ఎవరైనా హత్య చేసి ఉరివేశారా అనే కోణంలో కుటుంబ సభ్యులు అనుమానం వ్యక్తం చేస్తున్నారు. మృతుడి భార్య లక్ష్మి ఫిర్యాదు మేరకు అనుమానస్పద మృతిగా కేసు నమోదు చేసినట్లు ఎస్సై జగదీశ్వర్‌ తెలిపారు. మృతుడికి ఇద్దరు పిల్లలు ఉన్నారు. కుటుంబ కలహాలతోభర్త బలవన్మరణం లింగాల: కుటుంబకలహాలతో లింగాల మండలకేంద్రానికి చెందిన చెంచురాయ చిన్న ఉస్సేన్‌ (39) పురుగుమందు తాగి.. చికిత్స పొందుతూ శనివారం మృతి చెందాడు. పోలీసుల కథనం ప్రకారం.. భార్యాభర్తల మధ్య తరచూ గొడవలు జరిగేవి. ఈ క్రమంలో గత రెండు నెలలుగా భార్య లింగమ్మ భర్తకు దూరంగా ఉంటోంది. దీంతో మనస్తాపానికి గురైన చిన్న ఉస్సేన్‌ శుక్రవారం పురుగుల మందు తాగాడు. కుటుంబసభ్యులు అతడిని నాగర్‌కర్నూల్‌ ఏరియా ఆస్పత్రికి తరలించగా, చికిత్స పొందుతూ మృతి చెందాడు. మృతుడి అన్న పెద్ద ఉస్సేన్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు హెడ్‌ కానిస్టేబుల్‌ వెంకటేష్‌ తెలిపారు. మృతుడికి భార్య, ఇద్దరు పిల్లలు ఉన్నారు. యువకుడి ఆత్మహత్య.. కేసు నమోదు కందనూలు: నాగర్‌కర్నూల్‌ మండలం గన్యాగుల గ్రామంలో శనివారం ఓ యువకుడు మృతి చెందాడు. బిజినపల్లి మండలం వెలుగొండ గ్రామానికి చెందిన పొలమూరి వెంకటేశ్‌ (22) కొన్నేళ్లుగా తన అమ్మమ్మ గ్రామమైన గన్యాగులలో మేనమామ వద్ద ఉంటున్నాడు. శనివారం ఇంట్లో ఎవరూ లేని సమయంలో ఈ ఘటన చోటుచేసుకుంది. ఎస్‌ఐ వెంకట్‌రెడ్డి తెలిపిన వివరాల ప్రకారం.. మృతుడి మేనమామ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. ఉరివేసుకొని ఆత్మహత్య.. వెల్దండ: మండలకేంద్రానికి చెందిన ఉమ్మమోని దాస్‌ (45) శుక్రవారం రాత్రి ఉరివేసుకొని మృతి చెందాడు. కుటుంబసభ్యులు, బంధువులు తెలిపిన వివరాల ప్రకారం.. కొంతకాలంగా భార్య, పిల్లలకు దూరంగా ఉంటున్న దాస్‌.. వెల్దండలో వెంకటమ్మతో కలిసి నివసిస్తున్నాడు. శుక్రవారం రాత్రి వెంకటమ్మ ఇంట్లో ఈ ఘటన చోటుచేసుకుంది. భార్య కృష్ణవేణి ఫిర్యాదు మేరకు కేసు నమోదు చేసినట్లు ఎస్‌ఐ యుగంధర్‌రెడ్డి తెలిపారు. మృతికి గల కారణాలు తెలియాల్సి ఉంది. చెరువులో పడి కూలీ మృతి జడ్చర్ల: ప్రమాదవశాత్తు చెరువులో పడి కూలీ మృతి చెందినట్లు సీఐ కమలాకర్‌ తెలిపారు. ఆయన కథనం ప్రకారం.. బాదేపల్లి పాతబజార్‌కు చెందిన చేగోల రాములు (50) కూలీ పనులు చేసుకుంటూ జీవనం సాగిస్తున్నాడు. ఈ నెల 21న ఇంటి నుంచి బయటకు వెళ్లిన ఆయన తిరిగి రాలేదు. శుక్రవారం కావేరమ్మపేట శివారులోని మినీ ట్యాంక్‌బండ్‌ చెరువులో రాములు మృతదేహాన్ని గుర్తించిన స్థానికులు పోలీసులకు సమాచారం ఇచ్చారు. పోలీసులు కుటుంబసభ్యులకు సమాచారం అందించి, మృతదేహాన్ని పోస్టుమార్టం నిమిత్తం జడ్చర్ల ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు సీఐ వెల్లడించారు. మంటల్లో వాహనం దగ్ధం మహబూబ్‌నగర్‌ క్రైం: ఇంటి ఎదుట ఖాళీ స్థలంలో పార్క్‌ చేసిన ఓ వాహనం మంటల్లో పూర్తిగా దగ్ధమైంది. ఈ ఘటనలో సుమారు రూ.3 లక్షల ఆస్తి నష్టం జరిగినట్లు ఫైర్‌ ఆఫీసర్‌ మల్లికార్జున్‌ తెలిపారు. ఆయన కథనం ప్రకారం.. నగరంలోని మధురానగర్‌కు చెందిన సంతోష్‌ సెకండ్‌హ్యాండ్‌ కార్లు, ఇతర నాలుగు చక్రాల వాహనాలను కొనుగోలు చేసి మరమ్మతులు చేయించి తిరిగి విక్రయిస్తుంటాడు. ఇటీవల టీఎస్‌ 06 యూసీ 5713 నంబరు గల టాటా ఏస్‌ వాహనాన్ని కొనుగోలు చేసి, మరమ్మతుల అనంతరం ఇంటి ఎదుట ఖాళీ స్థలంలో పార్క్‌ చేశాడు. ఈ క్రమంలో శనివారం మధ్యాహ్నం గుర్తుతెలియని వ్యక్తులు సమీపంలోని చెత్తకు నిప్పంటించడంతో మంటలు ఎండుగడ్డికి వ్యాపించి, అక్కడి నుంచి వాహనానికి అంటుకున్నాయి. దీంతో వాహనం పూర్తిగా దగ్ధమైంది. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు.

బల్మూర్‌: పిచ్చికుక్కల బీభత్సంతో పలువురు గాయపడిన ఘటన నాగర్‌కర్నూల్‌ జిల్లాలో చోటుచేసుకుంది. బల్మూర్‌ మండలంలోని లక్ష్మీపల్లిలో శుక్రవారం అర్ధరాత్రి పిచ్చికుక్క బీభత్సం సృష్టించి గ్రామంలో ఆరుబయట తిరుగుతున్న పదిమందిపై దాడి చేసి విచక్షణారహితంగా కాటు వేయడంతో వారు తీవ్రంగా గాయపడ్డారు. అంతేకాకుండా పశువులను సైతం కరిచింది. కుక్క దాడిలో తీవ్రంగా గాయపడిన చుక్క తిరుపతయ్య, సంపంగి నారమ్మ, రొయ్యల వెంకటయ్యలను నాగర్‌కర్నూల్‌ ఆస్పత్రికి తరలించగా, కుర్మయ్య, బాలమ్మ, రామచంద్రి, పెంటయ్యతోపాటు మరో నలుగురిని 108 అంబులెన్స్‌లో అచ్చంపేట అస్పత్రికి తరలించారు. గ్రామంలో ఒక్కసారిగా పిచ్చికుక్క దాడి చేయడంతో గ్రామస్తులు భయాందోళనకు గురయ్యారు. దీంతో పాటు కుక్కకాటుకు గురైన పశువులకు కూడా అధికారులు చికిత్స నిర్వహించాలని బాధిత రైతులు కోరుతున్నారు. అధికారులు గ్రామంలో కుక్కల బెడదను అరికట్టి, ప్రజలకు రక్షణ కల్పించేలా తక్షణ చర్యలు తీసుకోవాలని గ్రామస్తులు కోరుతున్నారు. గ్రామంలో ఈ ఘటన జరిగినా సర్పంచ్‌, కార్యదర్శి కనీసం పట్టించుకోకపోవండపై గ్రామస్తులు ఆగ్రహం వ్యక్తం చేశారు. హనుమాన్‌ తండాలో.. తిమ్మాజీపేట: మండలంలోని హనుమాన్‌ తండాలో శనివారం సాయంత్రం కుక్క స్వైరవిహారం చేసి పదిమందిని తీవ్రంగా గాయపరిచింది. తండాలో ఇంటిముందు ఆడుకుంటున్న చిన్నారులను కూలీ పనులకు వెళ్లి అటుగా వస్తున్న పలువురిని కుక్క కరిచి గాయపరిచింది. గంట వ్యవధిలోని ఒకరి తర్వాత ఒకరిని కరుస్తుండడంతో భయంతో ఎవరు కూడా కుక్కను కొట్టేందుకు ముందుకు రాలేదు. తీవ్రంగా గాయపడిన వారిని హుటాహుటిన తిమ్మాజిపేట ప్రభుత్వ ఆస్పత్రికి తరలించారు. అక్కడ ఇంజక్షన్‌ ఇచ్చాక మహబూబ్‌నగర్‌ ఆస్పత్రికి రెఫర్‌ చేశారు. గాయపడిన వారి వివరాలు.. అఖిల, మంజుల, అజయ, రమేష్‌, నిఖిత, రాజ, గీతను పిచ్చికుక్క కరిచి గాయపరిచింది. పలువురికి తీవ్ర గాయాలు.. ఆస్పత్రికి తరలింపు

● వ్యవసాయ బోర్ల వద్ద విద్యుత్‌ వినియోగంపై అధికారుల పరిశీలన అడ్డాకుల: రైతుల విజ్ఞప్తి మేరకు వ్యవసాయానికి అదనంగా రెండు గంటల విద్యుత్‌ సరఫరా చేసేందుకు అధికారులు అంగీకరించారు. శనివారం రాత్రి నుంచే అదనపు సరఫరా ప్రారంభించినట్లు ఏఈ రాములు తెలిపారు. అడ్డాకుల మండలంలోని కందూర్‌ శివారులో వ్యవసాయ బోరు మోటార్ల విద్యుత్‌ వినియోగాన్ని విద్యుత్‌శాఖ జిల్లా అధికారులు శనివారం క్షేత్రస్థాయిలో పరిశీలించారు. ఎస్‌ఈ భీమానాయక్‌, డీఈలు వేణుగోపాల్‌రెడ్డి, చంద్రమౌళి, ఏడీఈ చంద్రశేఖర్‌, ఏఈ రాములు బోర్ల నుంచి నీటిని తోడేందుకు పడుతున్న సమయం, విద్యుత్‌ వినియోగాన్ని అంచనా వేశారు. డ్రమ్ముల్లో నీటిని నింపి పరిశీలించారు. ఈ సందర్భంగా ఎస్‌ఈ భీమానాయక్‌ రైతులతో మాట్లాడి ప్రస్తుత విద్యుత్‌ సరఫరా సరిపోతుందా లేదా అని తెలుసుకున్నారు. మరో రెండు, మూడు వారాల్లో పంటలు చేతికందే అవకాశం ఉన్నందున వ్యవసాయానికి అదనంగా రెండు గంటల విద్యుత్‌ సరఫరా చేయాలని రైతులు కోరారు. దీనికి అధికారులు అంగీకరించడంతో రైతులు హర్షం వ్యక్తం చేశారు. విద్యుత్‌ను పొదుపుగా వినియోగించుకోవాలని ఎస్‌ఈ భీమానాయక్‌ సూచించారు. కార్యక్రమంలో ఎల్‌ఐ విజయ్‌, ఎల్‌ఎం రవికుమార్‌ తదితరులు పాల్గొన్నారు.

మహబూబ్‌నగర్‌ మున్సిపాలిటీ: భూభారతితో పాటు మీ–సేవ ద్వారా అందిన, నాలా కన్వర్షన్‌, కోర్టు కేసులు, మ్యుటేషన్లకు సంబంధించిన పెండింగ్‌ దరఖాస్తులను వెంటనే పరిష్కరించాలని కలెక్టర్‌ ఖుష్బూగుప్తా ఆదేశించారు. శనివారం కలెక్టరేట్‌ క్యాంపు కార్యాలయం నుంచి మండల తహసీల్దార్లతో వీడియో కాన్ఫరెన్స్‌ నిర్వహించారు. ఈ సందర్భంగా భూభారతి పెండింగ్‌ దరఖాస్తులు, గ్రామాల్లో రీ–సర్వే పనుల పురోగతి, భూదాన్‌ భూముల వివరాలను ఆన్‌లైన్‌లో నమోదు చేసే ప్రక్రియపై సమీక్షించారు. దరఖాస్తుదారులు ఆయా కార్యాలయాల చుట్టూ తిరగాల్సిన అవసరం లేకుండా నిర్ణీత సమయంలో సేవలు అందేలా చర్యలు తీసుకోవాలన్నారు. మహబూబ్‌నగర్‌ అర్బన్‌, జడ్చర్ల, గండేడ్‌, నవాబుపేట, కౌకుంట్ల మండలాల్లో భూభారతి కింద ఎక్కువ సంఖ్యలో ఫైళ్లు పెండింగ్‌లో ఉన్నట్లు ఆమె గుర్తించారు. అడ్డాకల్‌, మూసాపేట్‌, చిన్నచింతకుంట, గండీడ్‌, మహమ్మదాబాద్‌లో రీ–సర్వే పనులను వేగవంతం చేయాలన్నారు. ఈనెలాఖరు నాటికి ప్రతి గ్రామంలో కనీసం 300 ఎకరాలైనా రీ–సర్వే పూర్తి చేయాలన్నారు. మహబూబ్‌నగర్‌ అర్బన్‌ మండలంలో ఏర్పాటు చేసే ఇసుక బజార్‌ స్థలంపై ఏడీ మైనింగ్‌, ఆర్డీఓను సంప్రదించాలని తహసీల్దార్‌ ఘాన్సీరామ్‌కు సూచించారు. చేనేత, జౌళి శాఖ ఏడీగా రంజిత్‌ బాధ్యతల స్వీకరణ జెడ్పీసెంటర్‌ (మహబూబ్‌నగర్‌): జిల్లా చేనేత, జౌళి శాఖ ఏడీగా జె.రంజిత్‌ శనివారం బాధ్యతలు స్వీకరించారు. ఇప్పటివరకు శాఖ కమిషనర్‌ కార్యాలయంలో డెవలప్‌మెంట్‌ ఆఫీసర్‌గా పనిచేస్తున్న ఆయనకు పదోన్నతి కల్పిస్తూ కమిషనర్‌ ఉత్తర్వులు జారీ చేశారు. ఈ సందర్భంగా రంజిత్‌ మాట్లాడుతూ.. జిల్లాలో చేనేత కార్మికులకు ప్రభుత్వ పథకాలు, సంక్షేమ ఫలాలు అందేలా చర్యలు తీసుకుంటానని తెలిపారు. అర్హులైన లబ్ధిదారులకు ప్రభుత్వ ప్రయోజనాలు చేరవేయడంతోపాటు చేనేత రంగ అభివృద్ధికి కృషి చేస్తానన్నారు. బాధ్యతలు స్వీకరించిన అనంతరం జిల్లా కలెక్టర్‌ ఖుష్బూగుప్తాను మర్యాదపూర్వకంగా కలిశారు. ఈ సందర్భంగా శాఖకు సంబంధించిన పరిపాలనా అంశాలు, పథకాల అమలు విషయాలను కలెక్టర్‌కు వివరించారు. ఏఐసీసీ పరిశీలకుడిగా ఒబేదుల్లా కొత్వాల్‌ స్టేషన్‌ మహబూబ్‌నగర్‌: ఓట్‌ బచావ్‌–దేశ్‌ బచావ్‌ కార్యక్రమాన్ని పర్యవేక్షించేందుకు ఏఐసీసీ పరిశీలకుడిగా రాష్ట్ర మైనార్టీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌ నియమితులయ్యారు. తమిళనాడు రాష్ట్రంలోని తూత్తుకుడి కార్పొరేషన్‌, తూత్తుకుడి సౌత్‌, నార్త్‌, కన్యాకుమారి ఈస్ట్‌, వెస్ట్‌, నాగర్‌కోయిల్‌ కార్పొరేషన్‌ జిల్లాల బాధ్యతలను ఏఐసీసీ ఆయనకు అప్పగించింది. ఈ ప్రాంతాల్లో ఓట్‌ బచావ్‌–దేశ్‌ బచావ్‌ ప్రచార కార్యక్రమాల పురోగతిని పర్యవేక్షిస్తూ, స్థానిక కాంగ్రెస్‌ నాయకులు, కార్యకర్తలతో సమన్వయం చేసుకుంటూ కార్యక్రమాల్లో పాల్గొనున్నారు.

అచ్చంపేట: ఆదర్శ పాఠశాలల బలోపేతమే లక్ష్యంగా రాష్ట్ర ప్రభుత్వం నూతన చర్యలకు శ్రీకారం చుడుతోంది. ఇక మీదట సీబీఎస్‌ఈ స్కూళ్లుగా మార్చేందుకు పాఠశాల విద్యాశాఖ ప్రభుత్వానికి ప్రతిపాదనలు పంపించింది. అలాగే 2027– 28 నుంచి ప్రీ ప్రైమరీతోపాటు ప్రాథమిక పాఠశాలలు కూడా ప్రారంభించడానికి సన్నాహాలు చేస్తోంది. తద్వారా విద్యార్థుల సంఖ్య పెరుగుతుందని భావిస్తోంది. గ్రామీణ విద్యార్థులకు ఆంగ్ల మాధ్యమంలో విద్యనందించాలన్న లక్ష్యంతో కేంద్ర ప్రభుత్వం 2013లో మోడల్‌ స్కూళ్లను ఏర్పాటు చేసింది. ఆరో తరగతి నుంచి ఇంటర్మీడియట్‌ వరకు విద్యనందిస్తున్నారు. ప్రస్తుతం ఆరో తరగతి నుంచి ఇంటర్మీడియట్‌ వరకు ఆంగ్ల బోధన ఉన్నప్పటికీ రాష్ట్రస్థాయి సిలబస్‌లోనే ఉంది. ఉమ్మడి జిల్లాలోని వెల్దండ, కోడేరు, కొత్తకోట, పెబ్బేరు, ఖిల్లాఘనపురం, ధన్వాడ, కోస్గి, గండేడ్‌ మండలాల్లో ఆదర్శ పాఠశాలలున్నాయి. ఇందులో సీబీఎస్‌ఈ సిలబస్‌ ప్రారంభిస్తే విద్యార్థుల సంఖ్య పెరగవచ్చని విద్యాశాఖ భావిస్తోంది. విద్యార్థుల సంఖ్య పెంపు.. ఉమ్మడి పాలమూరు జిల్లాలో ప్రస్తుతం 8 మోడల్‌ స్కూళ్లు ఉండగా.. 6 వేల మంది విద్యను అభ్యసిస్తున్నారు. ఒక్కో పాఠశాలలో 820 విద్యార్థుల ప్రవేశానికి అవకాశం ఉంది. 5 నుంచి 10 తరగతి వరకు 500, ఇంటర్మీడియట్‌లో 320 విద్యార్థులు ప్రవేశం పొందవచ్చు. ప్రతి స్కూల్‌లో 100 విద్యార్థినులకు హాస్టల్‌ వసతి ఉంటుంది. అయితే కొన్నిచోట్ల పాఠశాలలు దూరంగా ఉండటం, రోజురోజుకూ గురుకులాలు, కేజీబీవీలు పెరుగుతుండటంతో మోడల్‌ స్కూళ్లలో విద్యార్థుల సంఖ్య తగ్గుతుందన్న అభిప్రాయాలు వ్యక్తమవుతున్నాయి. పోటీ పరీక్షలకు కోచింగ్‌ ప్రభుత్వ పాఠశాలల్లో చదువుతున్న విద్యార్థులకు జాతీయస్థాయి పోటీ పరీక్షల కోచింగ్‌ అందించాలని ప్రభుత్వం నిర్ణయించింది. మోడల్‌ స్కూళ్లలో 29 యంగ్‌ ఇండియా ఇనిస్టిట్యూట్‌ ఆఫ్‌ ఎక్స్‌లెన్స్‌ కేంద్రాలను ఏర్పాటు చేయనుంది. 2026– 27 విద్యా సంవత్సరంలోనే దీనిని అమలు చేస్తామని పాఠశాల విద్యా శాఖ డైరెక్టర్‌ డాక్టర్‌ నవీన్‌ నికోలస్‌ ప్రకటించారు. జిల్లాకు ఒకటి చొప్పున ఏర్పాటు చేసి ఈ కేంద్రాల ద్వారా విద్యార్థులకు ఐఐటీ– జేఈఈ, నీట్‌, క్లాట్‌ వంటి పోటీ పరీక్షలకు ప్రత్యేక శిక్షణ ఇవ్వనున్నారు. ఇందుకోసం 6మంది చొప్పున బోధనా సిబ్బందిని నియమిస్తారు. ఎంపికై న అధ్యాపకులు గంట ప్రాతిపదికన 152 పనిదినాలపాటు విద్యార్థులకు బోధించనున్నారు. కాన్సెప్ట్‌ ఆధారిత బోధన, పోటీ పరీక్షలకు ప్రత్యేక శిక్షణ, సందేహాల నివృత్తి, అసైన్‌మెంట్లు, మాక్‌ టెస్టులు, వెనుకబడిన విద్యార్థులకు అదనపు సహాయం అందించనున్నారు. ఇందుకు సంబంధించి ఇప్పటికే ప్రభుత్వం ఈ నెల 14న నిధులు సైతం విడుదల చేసింది. సీబీఎస్‌ఈ స్కూళ్లుగా మార్చేందుకురాష్ట్ర ప్రభుత్వం కసరత్తు ఉమ్మడి జిల్లావ్యాప్తంగా 8 మోడల్‌ స్కూళ్లు ఒక్కో పాఠశాలలో 820 మందికి ప్రవేశం ఈ ఏడాది నుంచి ఐఐటీ– జేఈఈ, నీట్‌ కోచింగ్‌ వచ్చే విద్యా సంవత్సరం నుంచి అమలుకు చర్యలు

– వివరాలు IIలో.. 1400కు పైగా ప్రదర్శనలు.. ఎన్నో పురస్కారాలు 50 ఏళ్లుగా కళామతల్లికి విశేష సేవలు అందిస్తున్నా.. నంది నాటకోత్సవాలకు తుది న్యాయనిర్ణేతగా బాధ్యతలు తెలుగు యూనివర్సిటీ నుంచి కీర్తి పురస్కారం వేలాది మంది ఔత్సాహిక కళాకారులకు శిక్షణ ఇచ్చా ‘సాక్షి’తో రంగస్థల సీనియర్‌ కళాకారుడు వి.నారాయణ

● పాలమూరును ఎండబెట్టి డిండికి నీళ్లా? ● పెండింగ్‌ ప్రాజెక్టుల సాధన జేఏసీ జిల్లా చైర్మన్‌ రాజేందర్‌రెడ్డి జెడ్పీ సెంటర్‌ (మహబూబ్‌నగర్‌): పాలమూరు–రంగారెడ్డి ఎత్తిపోతల పథకం నీళ్లను డిండి ప్రాజెక్టు పేరుతో నల్లగొండ జిల్లాకు తరలించే ప్రయత్నాలను అడ్డుకుంటామని ఉమ్మడి పాలమూరు పెండింగ్‌ ప్రాజెక్టుల సాధన జేఏసీ జిల్లా చైర్మన్‌ రాజేందర్‌రెడ్డి అన్నారు. పాలమూరు ప్రయోజనాలను పక్కనపెట్టి నల్లగొండ నాయకులకు సీఎం రేవంత్‌రెడ్డి తలొగ్గారని ఆరోపించారు. శనివారం టీఎన్‌జీఓ భవన్‌లో నిర్వహించిన జేఏసీ సమావేశంలో ఆయన మాట్లాడుతూ.. పాలమూరు బిడ్డనని చెప్పుకునే సీఎం, అదే జిల్లాకు నష్టం కలిగించే నిర్ణయాలు తీసుకోవడం దురదృష్టకరమన్నారు. డిండి ప్రాజెక్టు నిర్ణయాన్ని పునఃపరిశీలించి రద్దు చేయాలని డిమాండ్‌ చేశారు. పాలమూరు–రంగారెడ్డి ప్రాజెక్టుకు నిధులు కేటాయించి యుద్ధప్రాతిపదికన పూర్తి చేయాలని కోరారు. నల్లగొండకు సుమారు 125 కిలోమీటర్ల దూరంలో ఉన్న ఎదుల నుంచే నీటిని తరలించాల్సిన అవసరం ఏమిటని ప్రశ్నించారు. ఎస్‌ఎల్‌బీసీ లేదా నాగార్జునసాగర్‌ బ్యాక్‌వాటర్‌ నుంచి నీటిని తీసుకెళ్లే ప్రత్యామ్నాయాలపై ఎందుకు దృష్టి సారించడం లేదన్నారు. పాలమూరు–రంగారెడ్డి ఎత్తిపోతల పథకం నుంచే నీటిని తరలించాలని పట్టుబట్టడం వెనుక ఉద్దేశమేమిటని నిలదీశారు. పాలమూరుకు అన్యాయం జరుగుతున్నా ఉమ్మడి జిల్లా కాంగ్రెస్‌ మంత్రులు, ఎమ్మెల్యేలతో పాటు బీఆర్‌ఎస్‌ నాయకులు మౌనంగా ఉండటంపై ఆయన ఆగ్రహం వ్యక్తం చేశారు. ఈ అంశంపై ప్రజాప్రతినిధులు స్పందించకపోతే ప్రజల ఆగ్రహాన్ని ఎదుర్కోవాల్సి వస్తుందని హెచ్చరించారు. జిల్లా ప్రయోజనాలను కాపాడేందుకు కాంగ్రెస్‌ ప్రజాప్రతినిధులు ముందుకు రావాలని కోరారు. సమావేశంలో జేఏసీ జిల్లా కన్వీనర్లు బెక్కం జనార్దన్‌, రాఘవాచారి, హనీఫ్‌ అహ్మద్‌, లక్ష్మీకాంత్‌, చెన్నకిష్టన్న, ఖలీల్‌, లింగస్వామి, రఫిక్‌ పాల్గొన్నారు.

● వ్యక్తిగత సమాచారం భద్రత ప్రతి ఒక్కరి బాధ్యత: కలెక్టర్‌ ఖుష్బూగుప్తా ● పాస్‌వర్డ్‌లు, ఓటీపీలు ఇతరులతో పంచుకొవద్దు జెడ్పీసెంటర్‌ (మహబూబ్‌నగర్‌): సైబర్‌ మోసాలపై ప్రజలు, ప్రభుత్వ ఉద్యోగులు అప్రమత్తంగా ఉండాలని కలెక్టర్‌ ఖుష్బూ గుప్తా సూచించారు. వ్యక్తిగత, ఆర్థిక సమాచారాన్ని భద్రంగా ఉంచుకోవడం ప్రతి ఒక్కరి బాధ్యతని పేర్కొన్నారు. శనివారం కలెక్టరేట్‌ సమావేశ మందిరంలో తెలంగాణ సైబర్‌ సెక్యూరిటీ బ్యూరో, జిల్లా పోలీసు శాఖ సంయుక్తంగా వివిధ శాఖల అధికారులు, ఉద్యోగులకు సైబర్‌ భద్రతపై అవగాహన కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ.. ఆధార్‌, పాన్‌కార్డు వివరాలు, బ్యాంకు ఖాతా సమాచారం, పాస్‌వర్డ్‌లు, ఓటీపీలను ఇతరులతో పంచుకోవద్దని సూచించారు. గుర్తు తెలియని లింకులను క్లిక్‌ చేయడం, నమ్మకం లేని యాప్‌లను డౌన్‌లోడ్‌ చేయడం వంటివి చేయరాదన్నారు. ప్రభుత్వ అధికారులు, పోలీసుల పేరుతో ఫోన్‌ చేసి బెదిరించడం, డిజిటల్‌ అరెస్ట్‌ పేరుతో భయపెట్టి డబ్బులు వసూలు చేయడం వంటి మోసాల పట్ల అప్రమత్తంగా ఉండాలని సూచించారు. అనుమానాస్పద కాల్స్‌ వస్తే సంబంధిత అధికారులను సంప్రదించి వాస్తవాలను నిర్ధారించుకోవాలన్నారు. ఉద్యోగులతో పాటు వారి కుటుంబసభ్యులకూ సైబర్‌ భద్రతపై అవగాహన కల్పించాలని కోరారు. పవర్‌ పాయింట్‌ ప్రజెంటేషన్‌తో అవగాహన పవర్‌పాయింట్‌ ప్రజెంటేషన్‌, వీడియోల ద్వారా ఫేక్‌ లింకులు, ఓటీపీ మోసాలు, ఆన్‌లైన్‌ బ్యాంకింగ్‌ మోసాలు, డిజిటల్‌ అరెస్ట్‌లు, సోషల్‌ మీడియా నేరాలపై అవగాహన కల్పించారు. పిల్లలు ఇన్‌స్ట్రాగామ్‌, స్నాప్‌చాట్‌ వంటి యాప్‌లు ఉపయోగిస్తున్నప్పుడు తల్లిదండ్రులు పర్యవేక్షించాలని ఎస్పీ సూచించారు. చిన్నారులకు సంబంధించిన లైంగిక దోపిడీ చిత్రాలు, వీడియోలను వీక్షించడం, భద్రపరచడం, ఇతరులకు పంపడం చట్టరీత్యా నేరమని హెచ్చరించారు. ఇటీవల తువ్వగడ్డ తండా ప్రాంతంలో సైబర్‌ నేరాలకు పాల్పడుతున్న ఏడుగురు సభ్యుల ముఠాను అరెస్టు చేసి రిమాండ్‌కు తరలించినట్లు ఎస్పీ తెలిపారు. అనంతరం సైబర్‌ నేరాల నివారణ పోస్టర్లను ఆవిష్కరించారు. కార్యక్రమంలో ట్రెయినీ కలెక్టర్‌ శివాని, రెవెన్యూ అదనపు కలెక్టర్‌ జేఎల్‌బీ హరిప్రియ, డీఆర్వో నిర్మల, సైబర్‌ క్రైమ్‌ డీఎస్పీ గిరికుమార్‌, తదితరులు పాల్గొన్నారు. మోసం జరిగితే వెంటనే ఫిర్యాదు చేయాలి: ఎస్పీ సైబర్‌ మోసానికి గురైతే ఆలస్యం చేయకుండా 1930 హెల్ప్‌లైన్‌కు ఫిర్యాదు చేయాలని ఎస్పీ డి.జానకి సూచించారు. సత్వర ఫిర్యాదుతో మోసగాళ్ల ఖాతాల్లోకి బదిలీ అయిన డబ్బును నిలిపివేసే అవకాశం ఉంటుందని తెలిపారు. అత్యవసర పరిస్థితుల్లో 112కు సమాచారం అందించాలన్నారు. మొబైల్‌, బ్యాంకింగ్‌ యాప్‌లు, సోషల్‌ మీడియా ఖాతాలకు బలమైన పాస్‌వర్డ్‌లు ఏర్పాటు చేసుకోవాలని, అపరిచితులు పంపే ఏపీకే ఫైల్స్‌ను డౌన్‌లోడ్‌ చేయవద్దని హెచ్చరించారు. ఉన్నతాధికారుల ఫొటోలతో నకిలీ వాట్సాప్‌ ప్రొఫైల్స్‌ సృష్టించి డబ్బులు అడిగితే, పంపే ముందు సంబంధిత వ్యక్తులను నేరుగా సంప్రదించి నిర్ధారించుకోవాలన్నారు.

జడ్చర్ల: స్థానిక రైల్వేస్టేషన్‌లో శుక్రవారం శరవేగంగా ఫుట్‌ ఓవర్‌ బ్రిడ్జి (ఎఫ్‌ఓబీ) నిర్మాణం పనులు చేపట్టారు. రైళ్ల రాకపోకలకు అంతరాయం లేకుండా భారీ క్రేన్ల సహాయంతో మొదటి, రెండు, మూడు ఫ్లాట్‌ఫాంల మధ్య ఎఫ్‌ఓబీని నిర్మించారు. ఎఫ్‌ఓబీకి అనుసంధానంగా లిఫ్ట్‌, ర్యాంపు సౌకర్యం కూడా కల్పించే విధంగా రైల్వే శాఖ అధికారులు కృషి చేస్తున్నారు. గతంలో ప్లాట్‌ఫాంల పైకి వెళ్తున్న క్రమంలో ప్రయాణికులు రైలు ప్రమాదాలకు గురై మృత్యువాత పడిన ఘటనలు ఉన్నాయి. ఎఫ్‌ఓబీ ఏర్పాటుతో ప్రయాణికుల భద్రతకు భరోసా కలుగుతుంది. అంతేగాక వృద్ధులు, మహిళలు, పిల్లలు, దివ్యాంగులకు సౌకర్యంగా ఉంటుంది.

● పొలం వద్ద మోటారు విషయంలో అన్నదమ్ముల ఘర్షణ ● అన్న కర్రతో దాడి చేయడంతో తమ్ముడి మృతి ● అచ్చంపేట మండలం బక్కలింగాయపల్లిలో ఘటన అచ్చంపేట రూరల్‌: పొలం వద్ద మోటారు ఆన్‌ చేసిన విషయంలో అన్నదమ్ముల మధ్య తలెత్తిన వివాదం విషాదాంతమైంది. క్షణికావేశంలో అన్న దాడి చేయడంతో తమ్ముడు ప్రాణాలు కోల్పోయిన ఘటన నాగర్‌కర్నూల్‌ జిల్లా అచ్చంపేట మండలం బక్కలింగాయపల్లిలో శుక్రవారం చోటుచేసుకుంది. స్థానికులు, సిద్దాపూర్‌ పోలీసుల వివరాల ప్రకారం.. గ్రామానికి చెందిన కేతావత్‌ బావుసింగ్‌, ఆయన తమ్ముడు కేతావత్‌ మోహన్‌ (35) మధ్య పొలానికి నీరు పెట్టే విషయంలో గొడవ జరిగింది. మోహ న్‌ పొలం వద్ద మోటారు ఆన్‌ చేయడంపై బావుసింగ్‌ అభ్యంతరం వ్యక్తం చేయడంతో ఇద్దరి మధ్య మాటామాటా పెరిగి ఘర్షణకు దారితీసింది. ఈ క్రమంలో ఆగ్రహానికి గురైన బావుసింగ్‌ కర్రతో మోహన్‌ తలపై కొట్టినట్లు సమాచారం. తీవ్రంగా గాయపడిన మోహన్‌ను కుటుంబసభ్యులు అచ్చంపేట ప్రభుత్వ ఆస్పత్రికి తరలించారు. అయితే, అప్పటికే మృతి చెందినట్లు వైద్యులు నిర్ధారించారు. చిన్నపాటి వ్యవసాయ వివాదం అన్నదమ్ముల కుటుంబంలో తీరని విషాదాన్ని నింపింది. మృతుడి తల్లి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సిద్దాపూర్‌ పోలీసులు తెలిపారు.

ఉప్పునుంతల మండలం కంసానిపల్లికి చెందిన ఓ మహిళ యాప్‌ ద్వారా 40 మందితో రూ.లక్ష నుంచి రూ.4 లక్షల వరకు పెట్టుబడులు పెట్టించారు. రోజుకు రూ.లక్షకు రూ.వెయ్యి ఆదాయం వస్తుందని నమ్మించారు. విత్‌డ్రా నిలిచిపోవడం, యాప్‌ మూతపడటంతో సుమారు రూ.కోటి మోసపోయినట్లు బాధితులు సెప్టెంబర్‌ 25న ఏజెంట్‌ను నిలదీశారు. అప్పటికి పోలీసులకు ఫిర్యాదు చేయలేదు. లక్ష్మాపూర్‌కు చెందిన గంటల తిరుపతి హైదరాబాద్‌లో డైలీ ఫైనాన్స్‌, రియల్‌ ఎస్టేట్‌ వ్యాపారాలు చేస్తున్నానని నమ్మించి అధిక వడ్డీ ఆశ చూపినట్లు ఆరోపణలు ఉన్నాయి. ముందుగా కొందరికి వడ్డీ చెల్లించి నమ్మకం కలిగించి, తర్వాత అసలు, వడ్డీ చెల్లించకపోవడంతో బాధితులు సెప్టెంబర్‌ 30న పోలీసులను ఆశ్రయించారు. సుమారు రూ.5 కోట్ల మేర మోసం జరిగినట్లు ఫిర్యాదులో పేర్కొన్నారు. చిట్టీలు, అధిక వడ్డీ, యా ప్‌ల ద్వారా నష్టపోయిన బాఽధితులు ఫిర్యాదు మేరకు కేసులు నమోదు చేసి సమగ్ర వి చారణ చేపడుతున్నాం. అచ్చంపేట, ఉప్పునుంతల, అమ్రాబాద్‌లో ఇటీవల వెలుగు చూసి ఘటనలలో మోసపోయిన బాధితుల నుంచి ఫిర్యాదులు పెరుగుతున్నా యి. అధిక వడ్డీలకు ఆశ పడి ఇతరుకు డబ్బులు ఇవ్వొద్దు. బ్యాంకుల్లో డిపాజిట్‌ చేసుకోవాలి.అధిక వడ్డీ ఆశ చూపే వారి వివరాలను ముందుస్తుగా పోలీసులకు సమాచారం ఇవ్వాలి. – పల్లె శ్రీనివాసులు, డీఎస్పీ, అచ్చంపేట