breaking news
kerala
-
న్యాయపోరాటం ఓవైపు.. తండ్రి దుకాణం మరోవైపు!
కేరళ: కేరళలో మెర్సిడెస్ కారు ప్రమాదంలో ప్రాణాలు కోల్పోయిన జయబాలకృష్ణన్ కుటుంబానికి ఆయన 24 ఏళ్ల కుమార్తె భద్ర కీర్తి అండగా నిలిచింది. తండ్రి 26 ఏళ్లుగా నిర్వహిస్తున్న 'శ్రీకృష్ణ టీ స్టాల్'ను తిరిగి ప్రారంభించింది. తన తండ్రి జ్ఞాపకాలను పదిలంగా ఉంచుకుంటూనే కుటుంబ పోషణ కోసం దోశలు, ఆమ్లెట్లు తయారు చేస్తూ దుకాణాన్ని నడుపుతోంది.కొచ్చిలో తెల్లవారుజామున జరిగిన ప్రమాదంలో 55 ఏళ్ల జయబాలకృష్ణన్ ప్రాణాలు కోల్పోయారు. రాత్రి 1.49 గంటలకు పని ముగించుకుని కుమార్తెతో మాట్లాడిన ఆయన ఇంటికి బయలుదేరారు. అయితే, తెల్లవారుజామున 2.20 గంటల సమయంలో గంటకు 104 కిలోమీటర్ల వేగంతో వచ్చిన మెర్సిడెస్ కారు ఆయన స్కూటర్ను ఢీకొట్టింది. ఈ ప్రమాదంలో ఆయన అక్కడికక్కడే మృతి చెందారు. కారును 17 ఏళ్ల బాలుడు నడుపుతున్నట్లు ఆరోపణలు ఉన్నాయి.హైదరాబాద్లో ఫుడ్ క్వాలిటీ ఇన్స్పెక్టర్గా పనిచేస్తున్న భద్ర కీర్తి.. తన ఉద్యోగం ద్వారా వచ్చే జీతం కుటుంబ ఖర్చులకు సరిపోవడం లేదని తెలిపింది. అందుకే తల్లి, సోదరుడితో కలిసి తండ్రి దుకాణాన్ని తిరిగి తెరిచినట్లు వెల్లడించింది. 26 ఏళ్లుగా కొనసాగుతున్న ఈ దుకాణంతో తమకు ఎంతో అనుబంధం ఉందని, దాన్ని మూసివేయలేమని చెప్పింది.ఓవైపు తండ్రి మరణంపై న్యాయపోరాటం కొనసాగిస్తూనే, కుటుంబ అవసరాల కోసం తల్లి, సోదరుడితో కలిసి దోశల దుకాణాన్ని తిరిగి తెరిచింది. అంతేకాదు ఈ షాపుతో తమకు ఎంతో అనుబంధం ఉందని, దాన్ని మూసివేయలేమని భద్ర కీర్తి తెలిపింది. తన తండ్రి మరణంపై న్యాయం కోసం హైకోర్టుతో పాటు అవసరమైతే సుప్రీంకోర్టును కూడా ఆశ్రయిస్తామని వెల్లడించింది.ఇదీ చదవండి: దావూద్ ఇబ్రహీం భవనం కూల్చివేతపై వివాదం -
కేరళపై ఆంధ్ర విజయం.. సంజూ శుభారంభం అందించినా..!
సయ్యద్ ముస్తాక్ అలీ టోర్నీ 2026లో భాగంగా ఇవాళ జరిగిన ఎలైట్ గ్రూప్-సి మ్యాచ్లో కేరళ, ఆంధ్రప్రదేశ్ జట్లు తలపడ్డాయి. ఈ మ్యాచ్లో తొలుత బ్యాటింగ్ చేసిన ఆంధ్ర నిర్ణీత 20 ఓవర్లలో 7 వికెట్ల నష్టానికి 225 పరుగుల భారీ స్కోర్ చేసింది.ఓపెనర్ షేక్ రషీద్ (60), సీరమ్ వెంకట రాహుల్ (64) అర్ద సెంచరీలతో రాణించగా.. మారంరెడ్డి హేమంత్ రెడ్డి (32), అశ్విన్ హెబ్బర్ (37), కేఎస్ నరసింహ రాజు (20 నాటౌట్) మెరుపు ఇన్నింగ్స్లతో అలరించారు. కెప్టెన్ రికీ భుయ్ (1), ప్రసాద్ (2), శశికాంత్(5) సింగిల్ డిజిట్ స్కోర్లకే పరిమితమయ్యారు. కేరళ బౌలర్లలో నిధీశ్ 3, బిజు నారాయనణ్ 2, కార్తీక్ నాయర్, అబ్దుల్ బాసిత్ తలో వికెట్ తీశారు.సంజూ శుభారంభం అందించినా..!226 పరుగుల భారీ లక్ష్య ఛేదనలో కేరళ ఓపెనర్, కెప్టెన్ సంజూ శాంసన్ (26) మెరుపు ఆరంభాన్ని అందించాడు. మధ్యలో అబ్దుల్ బాసిత్ (70 నాటౌట్) కూడా అద్భుతంగా రాణించాడు. అయినా మిగతా బ్యాటర్లు బంతులు వృధా చేయడంతో కేరళ లక్ష్యానికి 30 పరుగుల దూరంలో నిలిచిపోయింది. ఆఖర్లో షరీఫుద్దీన్ సైతం (27 నాటౌట్) బ్యాట్ ఝులిపించినా ప్రయోజనం లేకుండా పోయింది. ఇదీ చదవండి: రేపటి నుంచే ఆసియా కప్ రైజింగ్ స్టార్స్ టోర్నీ -
తండ్రి లక్కీ నంబర్ : కొడుక్కి జాక్పాట్ తగిలింది!
యూఏఈ (UAE)లోని ఒక సూపర్ మార్కెట్లో పనిచేస్తున్న భారతీయుడికి జాక్పాట్ తగిలింది. కేరళకు చెందిన 37 ఏళ్ల షఫీ తన తండ్రికి అదృష్ట సంఖ్యగా భావించే నంబర్ను ఎంచుకుని టికెట్ కొనుగోలు చేశాడు. కట్ చేస్తే.. 200 గ్రాముల బంగారు కడ్డీ లాటరీ తగిలింది. దాంతో సంతోషంతో షపీ ఉబ్బితబ్బిబ్బవు తున్నాడు. ఆ డబ్బుతో అతను ఏం చేయాలనుకుంటున్నాడో తెలుసా?ఖలీజ్ టైమ్స్ (Khaleej Times) నివేదిక ప్రకారం, అబుదాబి 'బిగ్ టికెట్ సిరీస్ 292' (Big Ticket Series 292)లో 24 క్యారెట్ల బంగారు కడ్డీలను గెలుచుకున్న ఐదుగురు విజేతలలోకేరళకు చెందిన షఫీ పొక్కులంగర బప్పుహాజీ ఒకరు.తన స్నేహితులతో కలిసి గత మూడేళ్లుగా ఒక ప్రముఖ లక్కీ డ్రాలో పాల్గొంటూ చివరకు బంగారు బహుమతిని గెలుచుకున్నారు. నవంబర్ 16న యూఏఈలో 24 క్యారెట్ల బంగారం ధర గ్రాముకు 460 దిర్హామ్ల (సుమారు రూ. 11,704) కంటే ఎక్కువగా ఉంది. ఈ లెక్కన, 200 గ్రాముల బంగారు కడ్డీ విలువ 92,000 దిర్హామ్లకు పైగా, అంటే సుమారు రూ. 23.41 లక్షలకు సమానం. ఇపుడిదే డబ్బుతో తన స్నేహితులతో కలిసి యూఏఈలో ఒక వ్యాపారాన్ని ప్రారంభించాలని ఆయన ఆశిస్తున్నాడు.షఫీ గత మూడేళ్లుగా 15 నుండి 20 మంది స్నేహితుల బృందంతో కలిసి ఈ డ్రాలో పాల్గొంటున్నాడు. ఎలాగైనా లాటరీ గెలుచుకోవాలనే ఆశతో ఈ బృందం క్రమం తప్పకుండా డబ్బులు జమ చేసి మరీ టికెట్లు కొనుగోలు చేసేది. గెలుపొందిన ఈ టికెట్ కోసం షఫీ తన తండ్రి లక్కీ నంబర్ ప్రేరణతో నంబర్ను ఎంచుకున్నాడు.ఆసక్తికరమైన విషయం ఏమిటంటే, షపీకి లాటరీ గెల్చుకున్న శుభవార్త నేరుగా నిర్వాహకుల నుండిరాలేదు. స్నేహితుల్లో ఒకరు ఉత్సుకతతో ఫోన్ చేసి, చెప్పినపుడు మాత్రమే తెలిసింది. తొలుత తనకు లాటరీ వచ్చిందన్న విషయాన్ని షఫీ నమ్మలేకపోయాడు. వెబ్సైట్లో ఫలితాలను చూసుకున్న తర్వాతే ఆ వార్త నిజమని నిర్ధారించుకున్నాడు.ఇదీ చదవండి: అమెరికాలో జాబ్ వదిలేసి.. ఇండియాలో దూకుడు!షఫీ, అతని స్నేహితులు ఇప్పుడు బంగారు కడ్డీని అమ్మగా వచ్చిన డబ్బును తమ కొత్త వ్యాపారానికి పెట్టుబడిగా పెట్టాలని ఆలోచిస్తున్నారు. తాము ఎలాంటి వ్యాపారం ప్రారంభించాలనుకుంటున్నారో వారు వెల్లడించనప్పటికీ, ఈ బహుమతి తమ చిరకాల డ్రీమ్కోసం ఉపయోగిస్తామని షఫీ చెప్పాడు.ఇదే సిరీస్లో బంగారు కడ్డీని గెలుచుకున్న భారతీయుడు షఫీ ఒక్కడే కాదు. గత రెండేళ్లుగా అల్ ఐన్ (Al Ain) లో నివసిస్తున్న 25 ఏళ్ల భారతీయ సేల్స్ ప్రొఫెషనల్ అన్షద్ విఎం (Anshad VM) కూడా మరో విజేతగా నిలిచాడు. ఇతను రెండేళ్లుగా 25 మంది స్నేహితులతో కలిసి ప్రతి నెలా రెండు మూడు టికెట్లు కొనుగోలు చేసేవాడు. ఈ బృందం బంగారు కడ్డీని అమ్మి వచ్చిన డబ్బును సమానంగా పంచుకోవాలని యోచిస్తోంది. ఆ డబ్బుతో కేరళలోని తన కుటుంబానికి అండగా నిలవాలని, తన ఆర్థిక అవసరాలను తీర్చుకోవాలని అన్షద్ ఆశిస్తున్నాడు.ఇదీ చదవండి: నో ఐఐటీ ట్యాగ్ : ఆంత్రోపిక్ సీటీఓగా రాహుల్ సక్సెస్ స్టోరీ -
పృథ్వీ షా విఫలం.. జట్టును గెలిపించిన సంజూ శాంసన్
దేశవాళీ టీ20 టోర్నమెంట్ సయ్యద్ ముస్తాక్ అలీ ట్రోఫీ-2026 సీజన్లో కేరళ జట్టు తొలి విజయం నమోదు చేసింది. తొలి మ్యాచ్లో మధ్యప్రదేశ్ చేతిలో ఓడిన సంజూ శాంసన్ సేన.. రెండో మ్యాచ్లో సోమవారం మహారాష్ట్రతో తలపడింది. పృథ్వీ షా బృందాన్ని ఏకంగా 94 పరుగుల తేడాతో చిత్తుగా ఓడించి జయభేరి మోగించింది.సంజూ మెరుపులు.. రోహన్ అర్ధ శతకంన్యూ చండీగఢ్ వేదికగా ఎలైట్ గ్రూప్ ‘సి’లో భాగంగా మహారాష్ట్రతో మ్యాచ్లో టాస్ గెలిచిన కేరళ తొలుత బ్యాటింగ్ ఎంచుకుంది. టాపార్డర్లో ఓపెనర్ మహ్మద్ అజారుద్దీన్ (1), వన్డౌన్ బ్యాటర్ అహ్మద్ ఇమ్రాన్ (13) విఫలమయ్యారు. అయితే, మరో ఓపెనర్ రోహన్ కణ్ణుమ్మల్ మెరుపు అర్ధ శతకం (47 బంతుల్లో 75; 9 ఫోర్లు, 3 సిక్స్లు)తో ఆకట్టుకున్నాడు. ఈసారి నాలుగో స్థానంలో బరిలోకి దిగిన కెప్టెన్ సంజూ శాంసన్ కేవలం 16 బంతుల్లోనే మూడు ఫోర్లు, ఐదు సిక్సర్లు బాది ఏకంగా 47 పరుగులు రాబట్టాడు. సంజూ- రోహన్ కలిసి కలిసి మూడో వికెట్కు 26 బంతుల్లో 66 పరుగులు జోడించారు.211 పరుగులుమిగతా వాళ్లలో విష్ణు వినోద్ (19) ఫర్వాలేదనిపించగా.. సల్మాన్ నిజార్ మెరుపులు (13 బంతుల్లో 29 నాటౌట్) మెరిపించాడు. ఈ క్రమంలో నిర్ణీత 20 ఓవర్లలో కేరళ జట్టు ఎనిమిది వికెట్ల నష్టానికి 211 పరుగులు సాధించింది. మహారాష్ట్ర బౌలర్లలో ముకేశ్ చౌదరి మూడు, విక్కీ ఓస్త్వాల్ రెండు వికెట్లు తీయగా.. రామకృష్ణ ఘోష్, ప్రశాంత్ సోలంకి చెరో వికెట్ దక్కించుకున్నారు.పృథ్వీ షా విఫలం.. 117 పరుగులకే ఆలౌట్అనంతరం లక్ష్య ఛేదనకు దిగిన మహారాష్ట్ర 16 ఓవర్లలో కేవలం 117 పరుగులకే కుప్పకూలింది.ఓపెనర్లలో కెప్టెన్ పృథ్వీ షా (6), అర్షిణ్ కులకర్ణి (5) పూర్తిగా విఫలం కాగా.. వన్డౌన్లో వచ్చిన సాహిల్ పరేఖ్ 18 పరుగులు చేయగలిగాడు. మిగిలిన వారిలో రాహుల్ త్రిపాఠి (4), కిరణ్ చార్మోలే (0), విక్కీ ఓస్త్వాల్ (2), ముకేశ్ చౌదరి (5), తనయ్ సంఘ్వీ (7) ఇలా వచ్చి అలా వెళ్లగా.. రామకృష్ణ ఘోష్ 28, పదకొండో స్థానంలో వచ్చిన ప్రశాంత్ సోలంకి (14 బంతుల్లో 23 నాటౌట్) రాణించారు.చెలరేగిన నిధీశ్కేరళ బౌలర్లలో ఎండీ నిధీశ్ ఐదు వికెట్లతో చెలరేగి మహారాష్ట్ర బ్యాటింగ్ ఆర్డర్ పతనాన్ని శాసించగా.. బిజు నారాయణన్ మూడు వికెట్లు కూల్చాడు. కేఎమ్ ఆసిఫ్, కార్తిక్ బి నాయర్ తలా ఒక వికెట్ దక్కించుకున్నారు. కాగా ఈ సీజన్లో కేరళకు ఇదే తొలి విజయం కాగా.. మహారాష్ట్రకు ఇది రెండో ఓటమి. తొలి మ్యాచ్లో పృథ్వీ షా సేన 15 పరుగుల తేడాతో ఓడిపోయింది. తాజాగా కేరళ చేతిలోనూ ఓటమి మూటగట్టుకుంది. ఇవీ చదవండి: ఈగలా అతడిని టీమిండియా నుంచి తీసేశారు.. ఇదేం పద్ధతి?నువ్వు నిజం.. అందుకే ఐ లవ్ యూ: సానియా మీర్జాకు విషెస్ -
సంజూ శాంసన్ మెరుపులు.. 16 బంతుల్లోనే..
టీమిండియా స్టార్ ఓపెనర్, కేరళ కెప్టెన్ సంజూ శాంసన్ మెరుపులు మెరిపించాడు. మహారాష్ట్రతో మ్యాచ్లో విధ్వంసకర బ్యాటింగ్తో అభిమానులను అలరించాడు. దేశవాళీ టీ20 టోర్నీ సయ్యద్ ముస్తాక్ అలీ ట్రోఫీ-2026 సీజన్లో సంజూ కేరళ కెప్టెన్గా వ్యవహరిస్తున్నాడు.తొలి మ్యాచ్లో సంజూ విఫలంఈ క్రమంలో కేరళ తొలుత మధ్యప్రదేశ్తో తలపడింది. ఈ మ్యాచ్లో సంజూ (4)తో పాటు జట్టు కూడా విఫలమైంది. ఫలితంగా మధ్యప్రదేశ్ చేతిలో ఐదు వికెట్ల తేడాతో ఓడిపోయింది. తాజాగా ఎలైట్ గ్రూప్ ‘సి’లో భాగంగా సోమవారం మహారాష్ట్రతో మ్యాచ్లో టాస్ గెలిచిన కేరళ తొలుత బ్యాటింగ్ ఎంచుకుంది.రోహన్ కణ్ణుమ్మల్ ధనాధన్ఓపెనర్లలో మహ్మద్ అజారుద్దీన్ (1) విఫలం కాగా.. వన్డౌన్లో వచ్చిన అహ్మద్ ఇమ్రాన్ (13) కూడా నిరాశపరిచాడు. అయితే, మరో ఓపెనర్ రోహన్ కణ్ణుమ్మల్ ధనాధన్ దంచికొట్టాడు. నాలుగో స్థానంలో బరిలోకి దిగిన సంజూ శాంసన్తో కలిసి మూడో వికెట్కు 26 బంతుల్లో 66 పరుగుల భాగస్వామ్యం నెలకొల్పాడు.సంజూ కేవలం 16 బంతుల్లోనేరోహన్ మొత్తంగా 47 బంతులు ఎదుర్కొని తొమ్మిది ఫోర్లు, మూడు సిక్స్ల సాయంతో 75 పరుగులు సాధించాడు. మరోవైపు.. సంజూ కేవలం 16 బంతుల్లోనే మూడు ఫోర్లు, ఐదు సిక్సర్లు బాది ఏకంగా 47 పరుగులు రాబట్టాడు. అయితే, విక్కీ ఓస్త్వాల్ బౌలింగ్లో రాహుల్ త్రిపాఠికి క్యాచ్ ఇచ్చి సంజూ అవుటయ్యాడు.మిగిలిన వారిలో విష్ణు వినోద్ 19 పరుగులతో ఫర్వాలేదనిపించగా.. సల్మాన్ నిజార్ 13 బంతుల్లో 29 పరుగులతో అజేయంగా నిలిచాడు. ఫలితంగా నిర్ణీత 20 ఓవర్లలో కేరళ జట్టు ఎనిమిది వికెట్ల నష్టానికి 211 పరుగులు సాధించింది. గత మ్యాచ్లో ఓపెనర్గా వచ్చి విఫలమైన సంజూ.. ఈసారి నాలుగో స్థానంలో బరిలోకి దిగి రాణించడం విశేషం. ఇవీ చదవండి: ‘ఆర్సీబీ’ కెప్టెన్ పాటిదార్ ప్రపంచ రికార్డుIND vs NZ Tests: షెడ్యూల్, మ్యాచ్ ఆరంభ సమయం, లైవ్ స్ట్రీమింగ్ వివరాలు -
శబరిమల 18 పవిత్ర మెట్లపై నిమిషానికి 75 మందికే అనుమతి
పతనంతిట్ట: మండల-మకరవిళక్కు యాత్రా కాలంలో భక్తుల రాకపోకలు సజావుగా సాగేందుకు, శబరిమలలోని 18 పవిత్ర మెట్లను ప్రతి నిమిషానికి 75 మంది యాత్రికులను మాత్రమే ఎక్కడానికి అనుమతించాలని మంత్రి కె. మురళీధరన్ అన్నారు. లేకపోతే, క్యూ ఎట్టుమానూర్ వరకు విస్తరించవచ్చని ఆయన వ్యాఖ్యానించారు.ప్రస్తుత యాత్ర ముగిసిన వెంటనే, ఫిబ్రవరిలో వచ్చే యాత్రా కాలానికి సన్నాహాలు ప్రారంభిస్తామని మంత్రి తెలిపారు. ఈ ఏడాది యాత్రకు అవసరమైన అన్ని ఏర్పాట్లను ప్రభుత్వం పూర్తి చేసిందని ఆయన అన్నారు. సాధారణంగా ఆర్థిక మంత్రులు నిధుల కేటాయింపు విషయంలో కఠినంగా ఉంటారని భావించినప్పటికీ, శబరిమల అభివృద్ధికి ముఖ్యమంత్రి ఉదారంగా మద్దతు ఇచ్చారని ఆయన చెప్పారు.చాలకాయం-పంప రహదారి పునరుద్ధరణ కేవలం ఒకటిన్నర నెలల్లోనే పూర్తయిందని ప్రజా పనుల శాఖ మంత్రి పీకే బషీర్ అన్నారు. పని వేగాన్ని ప్రస్తావిస్తూ, కృషి చేస్తే పనస చెట్లు కూడా తమ వేళ్ల నుండే ఫలాలను ఇస్తాయని ఆయన వ్యాఖ్యానించారు. ముఖ్యమంత్రి ప్రత్యేక ఆసక్తి వల్లే రూ. 553 కోట్ల శబరిమల అభివృద్ధి ప్యాకేజీకి ఆమోదం లభించిందని కూడా ఆయన పేర్కొన్నారు.65 రోజుల పాటు జరిగే మండల-మకరవిళక్కు యాత్రా కాలం కోసం శబరిమల ఆలయం రేపు తెరుచుకుంటుంది. సాయంత్రం 5 గంటలకు, తంత్రి కందరారు బ్రహ్మదాతన్ సమక్షంలో మేల్శాంతి ఈడీ ప్రసాద్ నంబూతిరి ఆలయాన్ని తెరిచి, శ్రీకోవిల్ లోపల దీపాన్ని వెలిగిస్తారు.యాత్రికుల భద్రత, సౌకర్యాలను నిర్ధారించడానికి వివిధ ప్రభుత్వ శాఖలు తుది ఏర్పాట్లను పూర్తి చేస్తున్నాయి. పంపా, సన్నిధానం వద్ద ఆరోగ్య సంరక్షణ, తాగునీరు, పారిశుధ్యం, రవాణాకు సంబంధించిన సౌకర్యాలు ఏర్పాటు చేయబడ్డాయి.ఇదీ చదవండి: వర్చువల్ క్యూ టికెట్ ఉంటేనే పంబకు కేఎస్ఆర్టీసీ ప్రయాణం -
వర్చువల్ క్యూ టికెట్ ఉంటేనే పంబకు కేఎస్ఆర్టీసీ ప్రయాణం
పతనంతిట్ట: కేఎస్ఆర్టీసీ బస్సుల్లో శబరిమలకు ప్రయాణించే యాత్రికులు పంబ వరకు టిక్కెట్లు పొందడానికి తమ వర్చువల్ క్యూ బుకింగ్ నిర్ధారణ పత్రాన్ని చూపించాల్సి ఉంటుంది. బుకింగ్ లేని వారికి నీలక్కల్ వరకు మాత్రమే టిక్కెట్లు జారీ చేస్తారు, అక్కడ స్పాట్ బుకింగ్ సౌకర్యం అందుబాటులో ఉంది. ఈ యాత్రా కాలంలో పంపాలో స్పాట్ బుకింగ్ సౌకర్యం అందుబాటులో ఉండదు కాబట్టి, వర్చువల్ క్యూ బుకింగ్ చేసుకోకుండా వచ్చే యాత్రికులు స్పాట్ బుకింగ్ ప్రక్రియను పూర్తి చేయడానికి నీలక్కల్కు తిరిగి వెళ్లవలసి ఉంటుంది.యాత్రికుల మధ్య గందరగోళాన్ని , వివాదాలను నివారించడానికి ఈ ఆంక్షను ప్రవేశపెట్టారు. ఇటీవల జరిగిన ఉన్నత స్థాయి సమావేశంలో పతనంతిట్ట జిల్లా పోలీస్ చీఫ్ ఈ ప్రతిపాదనను ప్రవేశపెట్టగా , ఆ సమావేశంలో దానికి ఆమోదం లభించింది. పంబ , సన్నిధానం, అటవీ మార్గాలకు విధి నిర్వహణ నిమిత్తం ప్రయాణించే ప్రభుత్వ ఉద్యోగులు, తాత్కాలిక సిబ్బంది కూడా పంబకు కేఎస్ఆర్టీసీ టిక్కెట్లు పొందడానికి తమ గుర్తింపు కార్డులు లేదా ఇతర అధికారిక పత్రాలను చూపించవలసి ఉంటుంది.ఈ సూచనలను ఖచ్చితంగా పాటించాలని కార్పొరేషన్ ను ఆదేశిస్తూ జిల్లా యంత్రాంగం కేఎస్ఆర్టీసీ మేనేజింగ్ డైరెక్టర్కు లేఖ జారీ చేస్తుంది. మండల సీజన్ కోసం శబరిమల ఆలయం తెరుచుకునే సోమవారం మధ్యాహ్నం 12 గంటల లోపు, నిలక్కల్ నుండి పంపాకు యాత్రికులను తీసుకువెళ్లే బస్సులను నడపవద్దని పోలీసులు కేఎస్ఆర్టీసీని కూడా కోరారు. అప్పటి వరకు , నిలక్కల్ వరకు ప్రయాణానికి మాత్రమే టిక్కెట్లు జారీ చేయబడతాయి. కేఎస్ఆర్టీసీ అధికారులు, ఉద్యోగులు ఆంక్షలను కచ్చితంగా పాటించాలని ఆదేశించారు.ఇదీ చదవండి: ‘నువ్వు చనిపోతే బాగుంటుంది’ అంటూ దూషణలు! -
విద్యుత్ లేకున్నా, కొండచరియలు విరిగినా.. ఆగని పాఠాలు!
ఇంటర్నెట్, విద్యుత్ సౌకర్యం లేని చోట విద్యా దీపం వెలగించేందుకు తపనపడ్డాడు ఈ గురువు. అందుకోసం ఏకంగా మూడువేల కిలోమీటర్లు దాటి మరీ.. ఆ మారుమూల ప్రాంతానికి చేరుకుని అక్కడ పసివాళ్లకు విద్యా సంపదను అందిస్తున్నాడు. అతడి కథ..ఓ పండుగ కారణంగా ప్రపంచానికి తెలిసింది. ‘గురువే దైవం’, ‘గురువే మార్గదర్శి’ అన్నమాటకు అతడు నిలువెత్తు ఉదాహరణ. 29-year-old teacher Ali AshQar: అతడే కేరళకు చెందిన ఉపాధ్యాయుడు అలీ అష్కర్. అక్కడే తన బ్యాచిలర్ డిగ్రీని పూర్తి చేసి, పంజాబ్లో మాస్టర్ డిగ్రీని పూర్తి చేశారు. పుదుచ్చేరిలో బీఎడ్ పట్టా పొందారు. కొంతకాలం కాశ్వీర్లో పనిచేశారు కూడా. దేశంలో వివిధ ప్రాంతాలకు పర్యటించడం, బోధన పట్ల ఉన్న ఆసక్తి అతడిని అరుణాచల్ ప్రదేశ్లో చైనా సరిహద్దుల్లోని మారుమూల ప్రాంతమైన షి-యోమి జిల్లాలోని ఎన్ఎస్సిబిఎవి కరోలోకి తీసుకువచ్చింది. అలా ఆయన ఏకంగా 3 వేల కిలోమీటలర్లు దాటి మరి ఈ మారుమూల కరో అనే గ్రామాని వచ్చారు. ఈ 28 ఏళ్ల ఉపాధ్యాయుడు అధ్వాన్నమైన రోడ్లు, కొండచరియలు విరిగిపడిపోవడం, విద్యుత్-ఇంటర్నెట్ కొరత వంటి కష్టాలు ఉన్న ప్రాంతాని ఎందుకు వచ్చాడంటే..అక్కడ ఉన్న పాఠశాలలో పనిచయడానికి. నిజానికి ఎలాంటి సౌకర్యాలు లేని చోటుకి ఎవ్వరు రారు. కానీ ఈయన 2022-2024 మధ్య షి-యోమిలోని ఒక విశ్వవిద్యాలయంలో తన ఎం.ఎడ్. చదువుతున్నప్పుడే ఆ ప్రాంతంతో పరిచయం పెంచుకుని, కరోలో పనిచేయాలని నిర్ణయించుకున్నారు. అయితే అతడు ఓ ఎన్జీవో సాయంతో ఆ పాఠశాలలో ఉపాధ్యాయుడిగా పనిచేసేందుకు స్వచ్ఛందంగా ముందుకొచ్చాడు. అతను వచ్చినప్పుడు పాఠశాల తీవ్రమైన ఇబ్బందులను ఎదుర్కొంటోంది. అక్కడ హాస్టల్ సౌకర్యం లేదు, పైగా విద్యార్థులు చదువు మానేస్తున్నారు కూడా. చెప్పాలంటే స్కూల్ మూసివేత అంచున ఉంది. ఎప్పుడైతే అష్కర్ భాషా ఉపాధ్యాయుడిగా చేరాడు, తక్షణమే ప్రభుత్వ, ఎన్జీవోలు రంగంలోకి దిగాయి. అలా వాటి సహకారంతో పిల్లలు స్కూల్కి వచ్చేలా తనవంతు కృషిచేశాడు. దాని ఫలితంగా ప్రస్తుతం ఆ పాఠశాలలో దాదాపు 102 మంది విద్యార్థులు ఉండటం విశేషం. అక్కడ అధ్వాన్నమైన రోడ్లు, కొండచరియలు పడటం, విద్యుత్ సౌకర్యం వంటి కఠిన పరిస్థితుల కారణంగానే విద్యార్థుల పాఠశాలకు రావడం కష్టతరంగా ఉండేది. ఆ సవాళ్లన్నింటిని అధిమించి స్టూడెంట్స్ స్కూల్కి వచ్చేలా కృషి చేశాడు అష్కర్ భాష. అతడి బోధన కేవలం తరగతి గదులకే పరిమితం కాదు, ఉపాధ్యాయులకు శిక్షణ ఇవ్వడం, పాఠశాల కార్యక్రమాలను నిర్వహించడం, సమాజంతో మమేకమవడం, పేరెంట్స్తో కలిసి పనిచేయడం వంటివి కూడా ఉన్నాయి. ఇన్ని సవాళ్లను ఎదుర్కొంటునే తన విద్యార్థులు వాళ్లు పడుతున్న కష్టాల గురించి తన ఇన్స్టాగ్రామ్లో పంచుకుంటూ ఉండేవాడు. అయితే ఒక రోజు స్కూలో జరిగిన ఓనం వేడుక ఆయన్ను సెలబ్రిటీగా మార్చి యావత్తు ప్రపంచం ఆ ఉపాధ్యాయుడు, అతడి విద్యార్థుల వైపుకి తిరిగి చూసింది. ఒక మళయాళీ ఉపాధ్యాయుడు అరుణాచల్ విద్యార్థులకు ఓనం పండుగను పరిచయం చేయడమే సన్సేషన్గా మారింది. ఓనం అనేది మతం లేదా నేపథ్యంతో సంబంధం లేకుండా ప్రజలందరూ ఒకచోట చేరే వేడుక కావడంతో వారిలో ఐక్యత భావాన్ని పెంపొందించేలా ఈ పండుగను నిర్వహించినట్లు తెలిపారు అష్కర్. ఈ పండుగలో భాగంగా చిన్నారులకు మళయాళం పాటలు, సాంప్రదాయ ఆహారాన్ని పరిచయం చేశారు. అందుకోసం కావాల్సిన సామాగ్రిని సమకూర్చుకోవడం కష్టతరమైనా..స్థానిక గ్రామస్తుల సాయంతో ఈ ఉపాధ్యాయుడు నిర్వహించడం విశేషం. అందుకు సంబంధించిన వీడియో నెట్టింట వైరల్గా మారింది. అది కాస్తా..కేంద్ర మంత్రి కిరణ్ రిజిజు మనసుని కూడా హత్తుకుంది. ఒక ఉపాధ్యాయుడు మారుమూల ప్రాంతాలను కూడా తన బోధనలతో వెలుగులోకి తీసుకురాగలడు అనేందుకు అష్కర్ భాషానే నిదర్శనం కదూ..!. View this post on Instagram A post shared by the_holy_sinnerr🌻 (@ashqar.rdr) ఇదీ చదవండి: గృహిణి నుంచి అంతర్జాతీయ గుర్తింపు వరకు..! ఇద్దరు పిల్లల తల్లి సక్సెస్ స్టోరీ -
మండలదీక్షకు వేళాయే..!
కేరళలోని పవిత్ర పుణ్యక్షేత్రమైన శబరిమల శ్రీ ధర్మశాస్త అయ్యప్ప స్వామి ఆలయంలో 2026 సంవత్సరానికి సంబంధించిన మండల మకర విళక్కు తీర్థయాత్రకు నవంబర్ 16వ తేదీ సోమవారం ఆలయ ద్వారాలు తెరుచుకోనున్నాయి. నవంబర్ 17వ తేదీ మంగళవారం నుంచి మండల మాసం ప్రారంభమవుతుంది. శబరిమలలో శ్రీ అయ్యప్ప స్వామి ఆరాధనకు అత్యంత విశిష్టమైనది మండల కాలం. ఈ పవిత్ర కాలంలో భక్తులు 41 రోజుల పాటు మండల దీక్షను ఆచరిస్తారు. అయ్యప్ప మాలను ధరించి, బ్రహ్మచర్యం, సాత్విక ఆహారం, ఇంద్రియ నిగ్రహం, నిత్య పూజలు, భజనలు, హరిహరసుతుని నామస్మరణతో ఆధ్యాత్మిక జీవితాన్ని గడుపుతారు. అయ్యప్ప స్వామి మాలను గురుస్వామి చేతుల మీదుగా ధరించడం. ప్రతిరోజూ ఉదయం, సాయంత్రం పూజలు చేయడం. సాత్విక ఆహారాన్ని మాత్రమే స్వీకరించడం. కోపం, అసూయ, అహంకారాలకు దూరంగా ఉండటం. సత్యం, బ్రహ్మచర్యం, అహింస పాటించడం. స్వామియే శరణం అయ్యప్ప అనే నామస్మరణ చేయడం. మండల దీక్ష అనేది కేవలం నలభై ఒక్క రోజుల పాటు పాటించే నియమం మాత్రమే కాదు. అది మనిషి తన మనస్సును పవిత్రం చేసుకొని, కోరికలను అదుపులో ఉంచుకొని, ఇంద్రియ నిగ్రహాన్ని అలవర్చుకొని, క్రమశిక్షణతో కూడిన జీవితాన్ని గడపడానికి చేసే ఆధ్యాత్మిక సాధన. ఈ దీక్ష ద్వారా సహనం, భక్తి, వినయం, సమానత్వ భావనలను అలవర్చుకుంటూ అహంకారాన్ని విడిచిపెట్టి భగవంతుని సన్నిధికి చేరువ కావడమే అసలైన లక్ష్యం. స్వామి సన్నిధికేళ్లే ప్రయాణం కంటే మనలోని చెడు ఆలోచనలను జయించి మనస్సును దైవమయం చేసుకోవడమే నిజమైన అయ్యప్ప దీక్ష.ఇదీ చదవండి: శరవేగంగా కరిమల–పంబ సాంప్రదాయ అటవీ రహదారి పనులు -
శరవేగంగా కరిమల–పంబ సాంప్రదాయ అటవీ రహదారి పనులు
శబరిమల అయ్యప్ప భక్తుల సాంప్రదాయ పుణ్యక్షేత్రమైన ఎరుమేలి – కరిమలై – పంబ అటవీ మార్గంలో మండల-మకరవిళక్కు కాలం కోసం తుది సన్నాహాలు జరుగుతున్నాయి. అటవీ రహదారుల మరమ్మతులు, తాత్కాలిక మరుగుదొడ్ల సౌకర్యాలు, తాగునీరు సేవా కేంద్రాలు, వైద్య సహాయ కేంద్రాలు, భక్తుల భద్రత పర్యవేక్షణకు ఏర్పాట్లు వంటివి జరుగుతున్నాయి.పశ్చిమ కనుమల దట్టమైన అడవుల గుండా సాగే ఈ సాంప్రదాయ మార్గం అయ్యప్ప భక్తులకు అత్యంత కష్టతరమైన, ముఖ్యమైన ఆధ్యాత్మిక యాత్రలలో ఒకటి. కరిమల దాటి పంబ చేరుకునే ప్రతి అయ్యప్ప భక్తుని ప్రయాణం సురక్షితంగా సాగాలని ఆకాంక్షిస్తున్నామని అధికారులు తెలిపారు. -
దేశమంతటా శబరిమల అయ్యప్ప స్వామి ప్రసాదం పంపిణీ
కేరళ: 2026-27 మండల -మకరవిళక్కు యాత్రా కాలానికి ముందు, శబరిమల సన్నిధానంలో 24 గంటలూ పనిచేసే ప్రత్యేక 'స్వామి ప్రసాదం' బుకింగ్ కౌంటర్ను ఏర్పాటు చేయడానికి ఇండియా పోస్ట్, ట్రావెన్కోర్ దేవస్వం బోర్డు (TDB)తో ద్వైపాక్షిక ఒప్పందం కుదుర్చుకుంది.ఈ పథకం కింద, భక్తులు సన్నిధానంలో అరవణ పాయసంతో సహా పవిత్ర ప్రసాదాన్ని బుక్ చేసుకొని, ఇండియా పోస్ట్ స్పీడ్ పోస్ట్ పార్సెల్ సర్వీస్ ద్వారా దానిని తమ ఇంటి చిరునామాలకు తెప్పించుకోవచ్చు.సన్నిధానంలో ట్రావెన్కోర్ దేవస్వం బోర్డుకు చెందిన ప్రస్తుత అరవణ, అప్పం పంపిణీ కౌంటర్లతో పాటు ఈ ప్రత్యేక బుకింగ్ కౌంటర్ కూడా పనిచేస్తుంది. భక్తులు భారతదేశంలోని ఏ పోస్ట్ ఆఫీస్ ద్వారా అయినా దేశవ్యాప్తంగా గమ్యస్థానాలకు స్వామి ప్రసాదాన్ని బుక్ చేసుకొని పంపించగలరు.ఈ చొరవ వల్ల, తిరుగు ప్రయాణంలో ప్రసాదాన్ని వెంట తీసుకువెళ్లలేని అయ్యప్ప భక్తులకు అది మరింత సులభంగా అందుబాటులోకి వస్తుందని, అలాగే భారీ యాత్రా రద్దీ మధ్య ప్రసాదాన్ని కొనుగోలు చేయడం, రవాణా చేయడంలో ఎదురయ్యే ఇబ్బందులను నివారించడంలో సహాయపడుతుందని భావిస్తున్నారు.వార్షిక మండల-మకరవిళక్కు యాత్రా కాలం కోసం శబరిమల ఆలయం నవంబర్ 16న తెరవబడుతుంది, ఈ యాత్రకు భారీ సంఖ్యలో భక్తులు తరలివస్తారని అంచనా.ఇదీ చదవండి: నాటో సభ్యత్వం కావాలంటే 'డాన్బాస్'ను వదులుకోవాల్సిందేనా? -
తొలి మ్యాచ్లో సంజూ శాంసన్ ఫెయిల్
దేశవాళీ టీ20 టోర్నమెంట్ సయ్యద్ ముస్తాక్ అలీ ట్రోఫీ-2026 సీజన్ ఆరంభ మ్యాచ్లో కేరళ కెప్టెన్, టీమిండియా స్టార్ సంజూ శాంసన్ విఫలమయ్యాడు. మధ్యప్రదేశ్తో మ్యాచ్లో ఓపెనర్గా బరిలోకి దిగిన ఈ కుడిచేతి వాటం బ్యాటర్.. మూడు బంతులు ఎదుర్కొని కేవలం ఒకే ఒక్క ఫోర్ బాది నిష్క్రమించాడు.కాగా దేశీ టీ20 టోర్నీ తాజా ఎడిషన్ శనివారం మొదలైంది. న్యూ చండీగఢ్ వేదికగా తమ తొలి మ్యాచ్లో కేరళ- మధ్యప్రదేశ్ బరిలోకి దిగాయి. టాస్ గెలిచిన కేరళ తొలుత బ్యాటింగ్ ఎంచుకుంది. టాపార్డర్లో ఓపెనర్లు సంజూ శాంసన్ (4), మహ్మద్ అజారుద్దీన్ (10)... అహ్మద్ ఇమ్రాన్ (1) పూర్తిగా విఫలమయ్యారు.ఇలాంటి తరుణంలో నాలుగో నంబర్ బ్యాటర్ సల్మాన్ నిజార్, ఐదో స్థానంలో వచ్చిన అఖిల్ స్కేరియా బాధ్యతాయుత ఇన్నింగ్స్ ఆడారు. సల్మాన్ 53 బంతుల్లో ఐదు ఫోర్లు, రెండు సిక్సర్లు బాది 69 పరుగులు సాధించాడు. అఖిల్ 35 బంతుల్లో 32 పరుగులు చేశాడు. ఇద్దరూ కలిసి నాలుగో వికెట్కు 67 పరుగులు జోడించారు.మిగిలిన వారిలో విష్ణు వినోద్ (6) విఫలం కాగా.. నిఖిల్ ఎమ్, కార్తిక్ నాయర్ తలా రెండు పరుగులతో అజేయంగా నిలిచారు. ఈ క్రమంలో నిర్ణీత 20 ఓవర్లలో ఆరు వికెట్లు నష్టపోయిన కేరళ కేవలం 138 పరుగులు చేసింది. మధ్యప్రదేశ్ బౌలర్లలో త్రిపురేశ్ సింగ్ మూడు వికెట్లు తీయగా.. ఆవేశ్ ఖాన్ రెండు, శివాంగ్ కుమార్ ఒక వికెట్ పడగొట్టారు.ఇదీ చదవండి: పృథ్వీ షా ఫర్వాలేదనిపించినా.. తప్పని ఓటమిఅవకాశం ఇచ్చినా ఫెయిల్ అయ్యాడు.. ఇలా అయితే కష్టం: గంభీర్ -
ప్రియుడిని అంతం చేయాలని.. ప్లాన్ చేసి అడ్డంగా దొరికిన ప్రియురాలు
తిరువనంతపురం: కేరళంలో ప్రేమ పేరుతో జరిగిన దారుణ కుట్ర ఆలస్యంగా వెలుగులోకి వచ్చింది. తన ప్రియుడిని వదిలించుకోవడానికి ఓ 19 ఏళ్ల యువతి స్వయంగా తన స్నేహితుల సహాయంతో కిడ్నాప్, దోపిడీ హత్యకు ప్లాన్ వేసిన ఉదంతం రాష్ట్ర వ్యాప్తంగా కలకలం రేపింది. పట్టాంబికి చెందిన యువకుడు తన ప్రియురాలిని కలుసుకునేందుకు అర్ధరాత్రి సమయంలో కేరళంలోని తిరుర్ ప్రాంతానికి చేరుకున్నాడు. అయితే, ఆమె అప్పటికే తన ప్రియుడిని ఎలాగైనా అంతం చేయాలని ప్లాన్ చేసింది. యువకుడు అక్కడకు చేరుకోగానే, ఆ యువతి పరిచయస్తుడైన ఓ వ్యక్తి అతన్ని కలిసి తన స్నేహితుడి దగ్గరకు తీసుకెళ్తానని బైక్పై ఎక్కించుకుని నమ్మించి మోసం చేశాడు. ఆ తర్వాత ప్లాన్ ప్రకారం మరికొందరు దుండగులు అక్కడకు చేరుకున్నారు. వారంతా కలిసి ఆ యువకుడిని బలవంతంగా ఒక కారులో ఎక్కించారు. అనంతరం నిర్మానుష్య ప్రాంతానికి తీసుకెళ్లి తీవ్రంగా కొట్టి, భయభ్రాంతులకు గురిచేశారు. అతని వద్ద ఉన్న మొబైల్ ఫోన్, విలువైన వస్తువులను దోచుకున్నారు. తమ ప్రేమకు, సంబంధానికి అడ్డంగా ఉన్నాడనే కక్షతో ఆ యువకుడిని హత్య చేయాలనే ఉద్దేశంతో అర్ధరాత్రి సమయంలో తాజెపళం వద్ద ఉన్న నదీతీర ప్రాంతానికి తీసుకెళ్లారు. అక్కడ తీవ్రంగా హింసించి, చనిపోయి ఉంటాడని భావించి అతన్ని రోడ్డు పక్కన పడేసి పరారయ్యారు. దుండగులు తమ పని ముగిసిందని భావించినప్పటికీ, తీవ్ర గాయాలతో పడి ఉన్న ఆ యువకుడు ప్రాణాలతో బయటపడ్డాడు. తేరుకున్న ప్రియుడు తనపై ప్రియురాలు కుట్రకు చేసిందంటూ పోలీసులకు ఫిర్యాదు చేశాడు. యువకుడు ఇచ్చిన ఫిర్యాదు ఆధారంగా రంగంలోకి దిగిన తిరుర్ పోలీసులు ప్రత్యేక బృందంగా ఏర్పడి దర్యాప్తు చేపట్టారు. ఈ కిడ్నాప్, హత్యాయత్నం వెనుక ప్రియురాలితో పాటు ఆమె స్నేహితుల ప్రమేయం ఉన్నట్లు తేలడంతో మొత్తం ఐదుగురు నిందితులను పోలీసులు అరెస్టు చేశారు.నిందితుల్లో ఇర్షాద్, అసారుద్దీన్ వంటి వ్యక్తులు ఇదివరకే డ్రగ్స్ స్మగ్లింగ్, హత్యాయత్నాలు, పలు హింసాత్మక కేసుల్లో నిందితులుగా ఉన్నట్లు పోలీసులు గుర్తించారు. వీరందరిని స్థానిక మేజిస్ట్రేట్ ముందు హాజరుపరచగా, కోర్టు వారికి జ్యుడీషియల్ కస్టడీ విధించింది. ప్రేమ పేరుతో నమ్మించి ప్రియుడినే కడతేర్చాలని చూసిన ఈ కిరాతక ఘటన కేరళలో సంచలన సృష్టించింది. ఇదీ చదవండి : రీల్స్ పిచ్చి.. పులి దాడిలో 19 ఏళ్ల యువకుడు మృతి.. -
శబరిమల ఫెస్టివల్ కంట్రోల్ రూమ్ ప్రారంభం
తిరువనంతపురం: ప్రసిద్ధ పుణ్యక్షేత్రమైన శబరిమల యత్రా కాలం సమీపిస్తున్న తరుణంలో, అయ్యప్ప భక్తుల సౌకర్యార్థం కేరళ ప్రభుత్వం, ట్రావెన్ కోర్ దేవస్థానం బోర్డు సంయుక్తంగా కీలక నిర్ణయం తీసుకున్నాయి. మండల-మకరవిళక్కు యాత్రా సీజన్ను పురస్కరించుకుని తిరువనంతపురంలో ఏర్పాటు చేసిన 24 గంటల ప్రత్యేక శబరిమల ఉత్సవ నియంత్రణ గది (ఫెస్టివల్ కంట్రోల్ రూమ్) అధికారికంగా సేవలను ప్రారంభించింది.తిరువనంతపురంలోని దేవస్థానం బోర్డు ప్రధాన కార్యాలయానికి ఆనుకుని ఉన్న నందన్కోడ్ శ్రీ రాజరాజేశ్వరి ఆలయం సమీపంలో ఈ అత్యాధునిక కంట్రోల్ రూమ్ను ఏర్పాటు చేశారు. యాత్రికులకు ప్రయాణ మార్గదర్శకాలు, తక్షణ సహాయం అందించడంతో పాటు వారి సందేహాలను నివృత్తి చేయడానికి ఈ కేంద్రం రాత్రింబవళ్లు పని చేయనుంది. ఈ కంట్రోల్ రూమ్ ప్రత్యేకత ఏమిటంటే.. భక్తులు శబరిమలకు సంబంధించిన వివిధ రకాల సేవలను ఒకే వేదిక ద్వారా పొందవచ్చు.భక్తుల ప్రయాణ సౌలభ్యం కోసం కంట్రోల్ రూమ్లోనే ప్రత్యేక కేఎస్ఆర్టీసీ బస్ బుకింగ్ కౌంటర్ను కూడా అందుబాటులోకి తెచ్చారు. దీని ద్వారా పంపా యాత్రకు సంబంధించిన టిక్కెట్లు, బస్ రిజర్వేషన్లు సులభంగా చేసుకోవచ్చు.శబరిమల వర్చువల్ క్యూ బుకింగ్, దర్శన టిక్కెట్లతో పాటు స్వామివారి ప్రసాదాలైన అప్పం, అరవణ, మరియు నెయ్యాభిషేకం వంటి ముఖ్యమైన నైవేద్యాల బుకింగ్ సేవలు కూడా ఇక్కడ లభిస్తాయి. ఈ 24 గంటల ఫెస్టివల్ కంట్రోల్ రూమ్ను కేరళ దేవస్థానం, ఆరోగ్య శాఖ మంత్రి కె. మురళీధరన్ ప్రారంభించారు.అదేవిధంగా, రవాణా శాఖ మంత్రి సీపీ జాన్ జాన్ కేఎస్ఆర్టీసి సేవలను లాంఛనంగా ప్రారంభించారు.ఈ ప్రారంభోత్సవ వేడుకలో ప్రభుత్వ,దేవస్థానం బోర్డు ఏర్పాట్లను సమీక్షించారు. రాబోయే మండల-మకరవిళక్కు సీజన్కు విచ్చేసే లక్షలాది మంది అయ్యప్ప భక్తులకు ఎలాంటి అసౌకర్యం కలగకుండా, వారి యాత్ర సులభంగా, సురక్షితంగా సాగేలా వివిధ శాఖల మధ్య సమన్వయం కోసం ఈ కేంద్రాన్ని ఏర్పాటు చేసినట్లు మంత్రులు ఈ సందర్భంగా వెల్లడించారు. భక్తులు ఈ సదుపాయాన్ని సద్వినియోగం చేసుకోవాలని, యాత్రకు సంబంధించిన ఎలాంటి సమాచారం కోసమైనా ఈ నియంత్రణ గదిని సంప్రదించవచ్చని బోర్డు వర్గాలు సూచించాయి. -
రామాయణ మూవీ.. దురంధర్-2 రికార్డ్ బ్రేక్
రణ్బీర్ కపూర్, సాయిపల్లవి రామాయణ మూవీ బాక్సాఫీస్ వద్ద అదరగొడుతోంది. దీపావళి కానుకగా ఈనెల 5న థియేటర్లలోకి వచ్చిన ఈ చిత్రం.. వసూళ్లు పరంగా దూసుకెళ్తోంది. ఈ మూవీ రిలీజైన ఏడు రోజుల్లోనే ప్రపంచవ్యాప్త రూ. 934.55 కోట్లకు పైగా కలెక్షన్స్ రాబట్టింది. ఈ మూవీ బుధవారం ఒక్క రోజే దేశవ్యాప్తంగా ఏకంగా రూ. 70.65 కోట్ల నికర వసూళ్లను రాబట్టింది. ప్రముఖ ట్రేడ్ సైట్ శాక్నిల్క్ ప్రకారం వారం రోజుల్లోనే ఇండియావ్యాప్తంగా రూ. 511.10 కోట్ల నెట్.. రూ. 611.05 కోట్ల గ్రాస్ వసూళ్లు సాధించింది. ఓవర్సీస్లో రూ.323.5 కోట్లకు పైగా కలెక్ట్ చేసింది. కేరళలో రికార్డ్..అంతేకాకుండా కేరళ బాక్సాఫీస్ వద్ద రామాయణ సరికొత్త రికార్డ్ సృష్టించింది. ఆ రాష్ట్రంలో రూ. 20 కోట్ల గ్రాస్ మార్కును దాటిన తొలి బాలీవుడ్ చిత్రంగా నిలిచింది. గతంలో 'ధురందర్: ది రివెంజ్' పేరిట ఉన్న రికార్డును అధిగమించింది. మంగళవారం రోజే కేరళలో రూ. 20.90 కోట్ల గ్రాస్ వసూలు చేసింది. థియేటర్లలో విడుదలైన ఆరు రోజుల్లోనే ఈ మైలురాయిని చేరుకుంది. గతంలోరూ. 19.50 కోట్లు రాబట్టిన 'ధురందర్ 2 రికార్డ్ బ్రేక్ చేసింది. గతంలో ఆమిర్ ఖాన్ పీకే, దంగల్ చిత్రాలు మాత్రమే కేరళ బాక్సాఫీస్ వద్ద రాణించాయి.కాగా.. ఈ సినిమాకు నితీశ్ తివారీ దర్శకత్వం వహించారు. ఈ మూవీ పార్ట్-1గా ప్రేక్షకుల ముందుకు తీసుకొచ్చారు. ఈ మూవీలో రణబీర్ కపూర్ శ్రీరాముడిగా, సాయి పల్లవి సీతాదేవిగా, యశ్ రావణుడిగా నటించారు. ఈ చిత్రంలో రవీ దూబే లక్ష్మణుడిగా, సన్నీ డియోల్ హనుమంతుడిగా కనిపించారు. రకుల్ ప్రీత్ సింగ్ శూర్పణఖ పాత్రలో.. కాజల్ అగర్వాల్ మండోదరిగా మెప్పించారు. -
కేరళలో విస్తరిస్తున్న ‘షిగెల్లా : ఇప్పటికే 75 కేసులు
కేరళలో మలప్పురం జిల్లాలో మరోసారి షిగెల్లా (Shigella) ఇన్ఫెక్షన్ల వ్యాప్తి ఆందోళన రేపుతోంది. జిల్లాలో మూడు ప్రాంతాల్లో షిగెల్లా ఇన్ఫెక్షన్లు నిర్ధారణ కావడంతో, ఆరోగ్య శాఖ అప్రమత్తమైంది. ఉత్తర మలప్పురంలో కేరళ ఆరోగ్య శాఖ నిఘా , నివారణ చర్యలను ముమ్మరం చేసింది.పీటీఐ రిపోర్ట్ ప్రకారం కేరళ ఆరోగ్య శాఖ చర్యలను ముమ్మరం చేసింది. ప్రజలు అప్రమత్తంగా ఉండాలని అధికారులు కోరారు. తాజాగా అరీకోడ్, పుల్పట్ట, ఎడవన్న ప్రాంతాల్లో ఈ ఇన్ఫెక్షన్లను గుర్తించారు.పరిస్థితిని సమీక్షించి, వ్యాధి వ్యాప్తిని అరికట్టే చర్యలను బలోపేతం చేసేందుకు జిల్లా స్థాయి రాపిడ్ రెస్పాన్స్ టీమ్ (RRT) అత్యవసర సమావేశం నిర్వహించింది.ఈ ఏడాది జిల్లాలో ఇప్పటివరకు ఎనిమిది కాంటాక్ట్ కేసులతో సహా 75 కేసులు నమోదయ్యాయని జిల్లా వైద్య అధికారి డాక్టర్ వి వినోద్ తెలిపారు. వీటిలో వ్యాధి సోకిన వారితో సన్నిహితంగా ఉండటం వల్ల వచ్చిన 8 కేసులు కూడా ఉన్నాయని ఆయన ఒక ఒక ప్రకటనలో తెలిపారు. ఆహార తయారీ, నిల్వ ,పంపిణీ కేంద్రాల్లో ఆరోగ్య శాఖ, స్థానిక స్వపరిపాలన సంస్థల విభాగం, ఆహార భద్రతా విభాగం సంయుక్తంగా తనిఖీలు నిర్వహించ నున్నాయి. నిబంధనలను ఉల్లంఘించే సంస్థలపై కఠినమైన చట్టపరమైన చర్యలు తీసుకుంటామని అధికారులు హెచ్చరించారు. ముందు జాగ్రత్త చర్యగా ప్రభావిత ప్రాంతాల్లో సామూహిక విందులను కూడా నిషేధించారు.ఇదీ చదవండి: రూ. 7 కోట్లు కట్టండి : కేజ్రీవాల్కు, ఆయన కుమార్తెకు బిష్ణోయ్ గ్యాంగ్ బెదిరింపు!షిగెల్లా - లక్షణాలు విరేచనాలకు కారణమయ్యే షిగెల్లా బాక్టీరియా ఇన్ఫెక్షన్ ఎక్కువగా పిల్లలను ప్రభావితం చేస్తుంది. కలుషితమైన నీరు, నిల్వ ఉన్న లేదా సరిగ్గా ఉడకని ఆహారం ద్వారా ఇది వ్యాపిస్తుంది. వ్యాధి సోకిన వ్యక్తి మలంతో ప్రత్యక్షంగా లేదా పరోక్షంగా సంబంధం వల్ల కూడా ఈ ఇన్ఫెక్షన్ సోకుతుందిఇన్ఫెక్షన్ సోకిన ఒకటి లేదా రెండు రోజుల్లోనే లక్షణాలు కనిపిస్తాయి. వీటిలో విరేచనాలు, మలంలో రక్తం, చీము పడటం, తీవ్రమైన కడుపు నొప్పి, జ్వరం, వాంతులు, డీహైడ్రేషన్ లాంటి లక్షణాలుంటాయి. ఎలాంటి లక్షణాలు కనిపించని వ్యాధిగ్రస్త పిల్లల మలం ద్వారా కూడా ఈ బాక్టీరియా ఇతరులకు వ్యాపించే అవకాశం ఉంది. చికిత్స ఆలస్యమైతే మెదడు, మూత్రపిండాలపై తీవ్ర ప్రభావం చూపే సమస్యలు తలెత్తవచ్చని, తీవ్రమైన సందర్భాల్లో మరణానికి కూడా దారితీయవచ్చని వైద్య నిపుణులు హెచ్చరిస్తున్నారు.ఇదీ చదవండి: 15 ఏళ్ల కొడుక్కి, రూ. 1.6 కోట్ల కారు గిప్ట్ : ఎందుకో తెలుసా?ముందు జాగ్రత్తలుఆరోగ్య శాఖ ప్రకటన ప్రకారం తాగడానికి, వంట చేయడానికి కాచి చల్లార్చిన నీటిని మాత్రమే ఉపయోగించాలి. తాజాగా తయారు చేసిన , బాగా ఉడికించిన ఆహారాన్ని మాత్రమే తినాలి. నిల్వ ఉన్న, మూత పెట్టని, బయటి ఆహారాన్ని వీలైనంత వరకు నివారించాలి. తాగునీటి వనరులను క్రమం తప్పకుండా క్లోరినేషన్ చేయాలి. వాడకానికి ముందు పండ్లు, కూరగాయలను బాగా కడగాలి. ఈగలు , ఇతర కీటకాల ద్వారా కలుషితం కాకుండా ఆహారంపై ఎప్పుడూ మూతలు ఉంచాలి. ఆహారం తినడానికి ముందు, వంట చేయడానికి ముందు మరియు మరుగుదొడ్డి ఉపయోగించిన తర్వాత సబ్బుతో చేతులు శుభ్రంగా కడుక్కోవాలి. విరేచనాలతో బాధపడేవారికి డీహైడ్రేషన్ రాకుండా వెంటనే ఓఆర్ఎస్ (ORS) ద్రావణం, ఉప్పు కలిపిన గంజి లేదా కొబ్బరి నీళ్లు ఇవ్వాలి. ప్రజలు వ్యక్తిగత మరియు పరిసరాల పరిశుభ్రతను పాటించాలని, లక్షణాలు కనిపిస్తే సొంత వైద్యం చేసుకోకుండా వెంటనే వైద్యులను సంప్రదించాలని కోరారు.ఇన్ఫెక్షన్ మరింత వ్యాపించకుండా నిరోధించేందుకు ప్రభావిత ప్రాంతాల్లో ఆరోగ్య అధికారులు తనిఖీలు, ఆంక్షలను కఠినతరం చేయడంతో పాటు, సురక్షితమైన ఆహారం, నీరు, పరిశుభ్రత పద్ధతులను పాటించాలని ప్రజలకు అధికారులు సూచించారు.ఇదీ చదవండి: 10 ఏళ్లలో అద్భుతం : క్యాన్సర్, అల్జీమర్స్ ఇక చరిత్రే! -
50 ఏళ్లుగా ఆలయ సేవలు.. వల్లియమ్మ మృతితో విషాదం!
చంగనాశేరి: కేరళలోని చంగనాశేరి ప్రాంతంలో విషాదం నెలకొంది. పెరున్న సుబ్రహ్మణ్య స్వామి ఆలయానికి దాదాపు ఐదు దశాబ్దాలుగా సేవలందించిన ఏనుగు శ్రీ వల్లీ గురువారం ఉదయం మృతి చెందింది. భక్తులు ఆప్యాయంగా ‘వల్లియమ్మ’ అని పిలుచుకునే ఆ ఏనుగు మరణవార్తతో ఆలయ భక్తులు, స్థానికులు తీవ్ర ఆవేదనకు గురయ్యారు. ఆలయానికి ఒక ఏనుగు దూరమవడమే కాదు.. తమతో దశాబ్దాల అనుబంధం కలిగిన ఓ ఆత్మీయ జీవిని కోల్పోయామన్న బాధ వారికి కలిగింది.రూ.20 వేలతో ఆలయానికి చేరిన వల్లియమ్మ1976 అక్టోబర్ 28న స్కంద షష్ఠి పర్వదినం సందర్భంగా శ్రీ వల్లీ ఆలయానికి చేరుకుంది. పుజవత్తులోని చిరయిల్ హౌస్కు చెందిన కమలాసనన్ అనే మురుగన్ భక్తుడు దానిని ఆలయానికి సమర్పించారు. కొన్నిలోని ఏనుగుల శిబిరంలో నిర్వహించిన వేలంలో అప్పట్లో రూ.20 వేలకు దానిని కొనుగోలు చేశారు. అలా ఆలయానికి వచ్చిన అది కాలక్రమంలో భక్తుల కుటుంబంలో సభ్యురాలిగా మారిపోయింది.ఐదు దశాబ్దాలుగా చెక్కుచెదరని అనుబంధంఆలయ భక్తులు, స్థానికుల ప్రేమాభిమానాల మధ్య పెరిగిన శ్రీ వల్లీకి ప్రత్యేక గుర్తింపు లభించింది. చిన్నప్పటి నుంచి దానిని ఆప్యాయంగా చూసుకున్న ప్రజలు ‘వల్లియమ్మ’గా పిలుచుకునేవారు. కాలం గడుస్తున్న కొద్దీ ఆలయంతో దానికున్న అనుబంధం మరింతగా పెరిగింది. ఆలయానికి వచ్చే భక్తులకు అది సుపరిచితమైన రూపంగా నిలిచిపోయింది.ఆ గౌరవం మరే ఏనుగుకూ దక్కలేదుపెరున్న ఆలయ వార్షిక ఉత్సవాల్లో ఎనిమిదో రోజు స్వామివారి తిడంబు (ఉత్సవ విగ్రహం)ను మోసే అరుదైన గౌరవం శ్రీ వల్లీకి మాత్రమే ఉండేది. ఊరేగింపులో ఎంతమంది మగ ఏనుగులు పాల్గొన్నా ఈ ప్రత్యేక బాధ్యతను మాత్రం దానికే అప్పగించేవారు. దశాబ్దాలుగా ఈ సంప్రదాయాన్ని కొనసాగిస్తూ ఆలయ ఉత్సవాల్లో అది ప్రత్యేక ఆకర్షణగా నిలిచింది.‘షణ్ముఖప్రియ గజరాణి’గా గౌరవంకేరళలోని పలు ప్రముఖ ఆలయ ఉత్సవాల్లోనూ శ్రీ వల్లీ పాల్గొనేది. ఆలయానికి గర్వకారణంగా నిలిచిన దానిని దేవస్వం బోర్డు, స్థానికులు కలిసి ‘షణ్ముఖప్రియ గజరాణి’ అనే బిరుదుతో సత్కరించారు.గురువారం ఉదయం అది తుదిశ్వాస విడవడంతో ఆలయ పరిసరాల్లో విషాదం నెలకొంది. భక్తులు, స్థానికులు నివాళులర్పించిన అనంతరం అటవీ శాఖ, దేవస్వం బోర్డు ఆదేశాల ప్రకారం అధికారిక లాంఛనాలతో అంత్యక్రియలు నిర్వహించనున్నారు.వల్లియమ్మ లేని లోటు తీరనిది..1976లో ఆలయానికి వచ్చిన శ్రీ వల్లీ.. 2026 వరకు దాదాపు 50 ఏళ్ల పాటు భక్తుల జీవితాల్లో భాగమైంది. స్వామివారి ఉత్సవాల్లో తనకంటూ ప్రత్యేక స్థానాన్ని సంపాదించుకుంది. ఐదు దశాబ్దాల అనుబంధం ఒక్కసారిగా ముగియడంతో స్థానికులు విషాదంలో మునిగిపోయారు. ఇకపై ఆలయ ఉత్సవాల్లో వల్లియమ్మ కనిపించదు.. స్వామివారి తిడంబును మోసే ఆ పరిచయమైన రూపం భక్తులకు జ్ఞాపకంగానే మిగిలిపోనుంది. ఇదీ చదవండి: కుట్లు వేశారు.. కాటన్ మరిచారు.. ఆరు నెలలు బాలింత విలవిల! -
కుట్లు వేశారు.. కాటన్ మరిచారు.. ఆరు నెలలు బాలింత విలవిల!
త్రిసూర్: కేరళలో వైద్యుల నిర్లక్ష్యానికి సంబంధించిన ఘటన వెలుగులోకి వచ్చింది. ప్రసవం కోసం ప్రభుత్వ ఆసుపత్రికి వెళ్లిన 21 ఏళ్ల మహిళకు అక్కడి వైద్య సిబ్బంది నిర్లక్క్ష్యం కారణంగా నరకం చూసింది. త్రిసూర్ జిల్లా కడప్పురం ప్రాంతానికి చెందిన మహిళ ఆగస్టు 18న చావక్కాడ్ తాలూకా ప్రభుత్వ ఆసుపత్రిలో ఆడబిడ్డకు జన్మనిచ్చింది. సాధారణ ప్రసవం కావడంతో ఆమెను వార్డుకు తరలించారు. అయితే గంటలోపే రక్తస్రావం కావడంతో తిరిగి లేబర్ రూమ్కు తీసుకెళ్లారు. అక్కడ కుట్లు తొలగించి, రక్తస్రావాన్ని నియంత్రించేందుకు ఉపయోగించిన కాటన్ను తొలగించినట్లు బాధితురాలు తెలిపింది.అయితే ఆసుపత్రి నుంచి ఇంటికి వెళ్లిన తర్వాత కూడా ఆమెకు సమస్యలు తగ్గలేదు. నిరంతరం నొప్పి, రక్తస్రావ సంబంధిత ఇబ్బందులు, తీవ్రమైన దుర్వాసన వేధించాయి. దాదాపు పది రోజుల తర్వాత తిరిగి అదే ఆసుపత్రికి వెళ్లి ప్రసవం చేసిన వైద్యుడిని సంప్రదించింది. ఇన్ఫెక్షన్ వచ్చిందనే అనుమానంతో మందులు ఇచ్చినప్పటికీ పరిస్థితిలో మార్పు రాలేదు. సెప్టెంబర్ 29న కుటుంబ సభ్యులు ఆమెను ప్రైవేటు క్లినిక్కు తీసుకెళ్లారు. అక్కడ వైద్యుడు పరీక్షించగా కడపులో కాటన్ మిగిలిపోయినట్లు గుర్తించారు. అనంతరం దాన్ని బయటకు తీశారు. దీంతో అసలు విషయం బయటపడింది.ఈ ఘటనపై బాధితురాలు ఆరోగ్యశాఖ మంత్రి, జిల్లా కలెక్టర్, జిల్లా వైద్యాధికారికి ఫిర్యాదు చేసింది. బాధ్యులపై చర్యలు తీసుకోవాలని కోరింది. మరోవైపు ప్రసవం నిర్వహించిన డాక్టర్ డిటో టామ్ స్పందించారు. రక్తస్రావం కారణంగా కాటన్ ఉపయోగించామని, రక్తస్రావం ఆగిన తర్వాత దాన్ని తొలగించామని తెలిపారు. ఆ తర్వాత ఏం జరిగిందో తనకు తెలియదని, కాటన్ పెట్టడం, తొలగించడం సహాయకుల బాధ్యత అని పేర్కొన్నారు. ఆసుపత్రి సూపరింటెండెంట్ డాక్టర్ ఎ. షాజ్కుమార్ జిల్లా వైద్యాధికారికి నివేదిక సమర్పించారు. దీంతో విచారణ కోసం ప్రత్యేక బృందాన్ని నియమించారు.ఇదీ చదవండి: ఛత్ పూజకు ‘దీపావళి పొగ’.. ఊపిరి ఆడక.. -
‘రామాయణం’ చూసొచ్చి.. జటాయు సెంటర్కు పరుగులు!
చడయమంగళం: ‘రామాయణం’ ఇతిహాసం ఆధారంగా తెరకెక్కిన రణబీర్ సినిమా ప్రపంచవ్యాప్తంగా ఆసక్తిని రేకెత్తిస్తున్నది. ఈ నేపథ్యంలోనే కేరళలోని జటాయువు భారీ శిల్పం మరోసారి వార్తల్లో నిలిచింది. కొల్లం జిల్లాలోని చడయమంగళంలో ఉన్న జటాయు ఎర్త్ సెంటర్ను సందర్శించేందుకు పర్యాటకులు, సినీ అభిమానులు తరలివస్తున్నారు. ప్రపంచంలోనే అతిపెద్ద పక్షి శిల్పంగా గుర్తింపు పొందిన ఈ విగ్రహం ఇప్పుడు ప్రత్యేక ఆకర్షణగా నిలిచింది.రామాయణంలో సీతాదేవిని రావణుడు అపహరించి తీసుకెళ్తున్న సమయంలో జటాయువు అడ్డుకునేందుకు ప్రయత్నిస్తుంది. రావణుడితో పోరాడి చివరకు ప్రాణాలు విడుస్తుంది. ఈ ఘట్టానికి ప్రతిరూపంగా జటాయు పారా అనే భారీ కొండపై ఈ శిల్పాన్ని తీర్చిదిద్దారు. జటాయువు సీతమ్మను రక్షించేందుకు చేసిన పోరాటాన్ని ఈ విగ్రహం ప్రతిబింబిస్తుంది.ఈ ప్రాజెక్టును అభివృద్ధి చేసిన కేరళ పర్యాటక శాఖకు ముఖ్యమంత్రి వీడీ సతీశన్ అభినందనలు తెలిపారు. రామాయణం సినిమా చూసిన అనంతరం ఈ ప్రాంతానికి పర్యాటకులు తరలివస్తున్నారని ఆయన అన్నారు. జటాయువు చివరి ఘట్టంతో ముడిపడిన ఈ ప్రదేశం భారతీయ పురాణాలు, సాంస్కృతిక వారసత్వంపై ఆసక్తి ఉన్నవారిని ఆకర్షిస్తోందని పర్యాటక శాఖ పేర్కొంది.రాష్ట్ర పర్యాటక శాఖ మంత్రి పి.సి. విష్ణునాథ్ మాట్లాడుతూ.. కేరళలో పర్యాటకానికి జటాయు ఎర్త్ సెంటర్ ప్రత్యేక ఆకర్షణగా నిలుస్తోందన్నారు. రామాయణం సినిమా విడుదల అనంతనం ఈ పురాణ ప్రదేశంపై ప్రజల్లో ఆసక్తి పెరిగిందని తెలిపారు. ఈ కొండపై శ్రీరాముడి ఆలయం కూడా ఉందని తెలిపారు.కేరళలో పబ్లిక్-ప్రైవేట్ భాగస్వామ్యంతో అభివృద్ధి చేసిన తొలి పర్యాటక ప్రాజెక్టు ఇదే. బిల్డ్-ఆపరేట్-ట్రాన్స్ఫర్ (బీఓటీ) విధానంలో దీనిని నిర్మించారు. ప్రముఖ దర్శకుడు, శిల్పి రాజీవ్ అంచల్ తన బృందంతో కలిసి ఈ భారీ జటాయువు శిల్పాన్ని రూపొందించారు.దర్శకుడు నితేశ్ తివారీ తెరకెక్కించిన రామాయణం సినిమాలో రణ్బీర్ కపూర్ శ్రీరాముడిగా, యశ్ రావణుడిగా, సాయిపల్లవి సీతాదేవిగా నటించారు. ఈ సినిమా కారణంగా రామాయణంలోని పలు ఘట్టాలతో సంబంధం ఉన్న ప్రదేశాలపై ప్రజుల్లో ఆసక్తి పెరుగుతోంది. ఈ నేపథ్యంలోనే పురాణాలు, కళలు, ప్రకృతి అందాలను కలగలిపిన జటాయు ఎర్త్ సెంటర్కు మరింత ఆదరణ లభిస్తున్నది. ఇదీ చదవండి: ఆస్ట్రేలియా మేయర్ పీఠంపై భారతీయుడు.. ఎవరీ అభిషేక్ అవస్థి? -
కెప్టెన్గా సంజూ శాంసన్
టీమిండియా డాషింగ్ బ్యాటర్ సంజూ శాంసన్కు మరో కీలక బాధ్యత దక్కింది. 2026 సయ్యద్ ముస్తాక్ అలీ ట్రోఫీ కోసం అతడిని కేరళ జట్టు కెప్టెన్గా నియమించారు. ఈ టోర్నీలో పాల్గొనే 18 మంది సభ్యులతో కూడిన జట్టును కేరళ క్రికెట్ అసోసియేషన్ తాజాగా ప్రకటించింది.గతేడాది కూడా సంజూ శాంసన్ కేరళ జట్టుకు నాయకత్వం వహించాడు. అయితే ఆ టోర్నీలో ఎలైట్ గ్రూప్-ఏలో కేరళ నాలుగో స్థానంతో సరిపెట్టుకుంది. సూపర్ లీగ్కు అర్హత సాధించలేకపోయింది. వ్యక్తిగతంగా సంజూ మాత్రం మంచి ప్రదర్శన చేశాడు. ఆరు ఇన్నింగ్స్ల్లో 137.86 స్ట్రైక్రేట్తో 233 పరుగులు సాధించాడు. జట్టులో రోహన్ కున్నుమ్మల్ తర్వాత అత్యధిక పరుగులు చేసిన ఆటగాడిగా నిలిచాడు.అనుభవజ్ఞులకు చోటుఈసారి కేరళ జట్టులో పలువురు అనుభవజ్ఞులకు అవకాశం కల్పించారు. రెడ్బాల్ జట్టు కెప్టెన్ విష్ణు వినోద్తో పాటు అతడి కంటే ముందు జట్టుకు నాయకత్వం వహించిన మహమ్మద్ అజరుద్దీన్ కూడా చోటు దక్కించుకున్నారు. ఇటీవల రంజీ ట్రోఫీకి ముందు జట్టులోకి తిరిగి వచ్చిన వెటరన్ స్పిన్నర్ జలజ్ సక్సేనా కూడా జట్టుకు ఎంపికయ్యాడు.ఐపీఎల్లో ముంబై ఇండియన్స్, రాజస్థాన్ రాయల్స్ జట్లకు ప్రాతినిధ్యం వహించిన విఘ్నేశ్ పుత్తూర్కు కూడా చోటు లభించింది. 2018, 2021లో చెన్నై సూపర్ కింగ్స్ టైటిల్ విజేతగా నిలిచిన జట్లలో సభ్యుడిగా ఉన్న కేఎం ఆసిఫ్ను కూడా ఎంపిక చేశారు.నవంబర్ 14 నుంచి ప్రారంభం కానున్న ఈ టోర్నీలో కేరళ తమ తొలి మ్యాచ్లో మధ్యప్రదేశ్తో తలపడనుంది.సయ్యద్ ముస్తాక్ అలీ ట్రోఫీ 2026లో కేరళ జట్టు:సంజూ వి. శాంసన్ (కెప్టెన్, వికెట్ కీపర్), రోహన్ ఎస్. కున్నుమ్మల్, మహమ్మద్ అజరుద్దీన్ (వికెట్ కీపర్), అహమ్మద్ ఇమ్రాన్, గోవింద్ దేవ్ డి. పై, కృష్ణ దేవన్ ఆర్.జె., విష్ణు వినోద్ (వికెట్ కీపర్), సల్మాన్ నిజార్, అఖిల్ స్కారియా, నిఖిల్ ఎం., విఘ్నేశ్ పుత్తూర్, బిజు నారాయణన్ ఎన్., కార్తీక్ బి. నాయర్, వైశాఖ్ చంద్రన్, ఆసిఫ్ కేఎం, నిధీష్ ఎం.డి., షరఫుద్దీన్ ఎన్.ఎం, జలజ్ సక్సేనా.ఇదీ చదవండి: భారత్తో టెస్ట్ సిరీస్కు న్యూజిలాండ్ జట్టు ప్రకటన -
కష్టాలు, కన్నీళ్లే ఇన్నాళ్లు : చివరికి శ్రుతి జీవితంలో కొత్త వెలుగులు
ఏ చిన్న కష్టం వచ్చినా.. ‘దేవుడా నాకే ఎందుకు ఇన్ని కష్టాలు’ అని మనలో చాలామంది కృంగిపోతూ ఉంటాం. కానీ కష్టాలు కలకాలం ఉండవు. చీకటి వెలుగుల జీవితంలో ఒడిదుకులు తప్పవు అని నిరూపించిన కథ కేరళకు చెందిన 26 ఏళ్ల ఎస్. శ్రుతిది. 2024 జూలై 30న వాయినాడ్లోని ముండక్కై ప్రాంతాల్లో కొండ చరియలు విరిగిపడిన ఘోర దుర్ఘటనలో శ్రుతి తన తల్లిదండ్రులు, సోదరితో సహా కుటుంబంలోని తొమ్మిది మంది సభ్యులను కోల్పోయింది. ఆమె ఎంతో ఆశగా నిర్మించుకున్న ఇల్లు, పెళ్లి కోసం దాచుకున్న నగలు, డబ్బు అన్నీ ఆ మట్టిలోనే కలిసిపోయాయి. అయినా ఆమె గుండె దిటవు చేసుకుంది. తాజాగా శ్రుతి (26) జీవితంలో మళ్లీ వెలుగులు నిండాయి.ఎలా అంటే..STORY | Wayanad landslide survivor Shruthi begins new chapter, ties knot at Guruvayur temple Shruthi, who lost nine members of her family in the 2024 Wayanad landslide and later her fiancé in a road accident, began a new chapter in her life as she married Sandeep at the Guruvayur Sree Krishna Temple on Saturday. Sandeep, a native of Mananthavady, tied the knot with Shruthi at the temple in the early morning hours in the presence of her surviving relatives, friends and public representatives. READ: https://t.co/7ZCMiYOM5L VIDEO | (Full video available on PTI Videos - https://t.co/bIyFWTfmBd)— Press Trust of India (@PTI_News) November 7, 2026సర్వస్వం కోల్పోయిన ఆమెకు బాల్య స్నేహితుడు, కాబోయే భర్త జెన్సన్ తోడు నీడగా నిలిచాడు. వీరిద్దరూ దాదాపు 10 ఏళ్లుగా ప్రేమలో ఉన్నారు. నిశ్చితార్థం కూడా చేసుకున్నారు. డిసెంబరు ఇద్దరూ కలిసి కొత్త జీవితాన్ని మొదలు పెట్టాలనుకుంటున్న తరుణంలో మరోసారి విధి ఆమెపై మరోసారి పంజా విసిరింది. ఈ విషాదం జరిగిన కొన్ని నెలలకే (సెప్టెంబర్ 2024) జరిగిన ఒక ఘోర రోడ్డు ప్రమాదంలో జెన్సన్ కూడా కోల్పోయింది. ఆ ప్రమాదంలో శ్రుతి కాళ్లకు కూడా తీవ్ర గాయాలయ్యాయి. ఇన్ని ఎదురుదెబ్బల మధ్య శ్రుతి జీవితంపై నమ్మకం కోల్పోలేదు. ఆశగా జీవన పోరాటం చేసింది. ఆమె పోరాటం వృధా కాలేదు.కొత్త జీవితం వైపు అడుగులుకుటుంబాన్ని, కాబోయే భర్తని అనూహ్యంగా కోల్పోయిన శృతికి కేరళ ప్రభుత్వం వయనాడ్ కలెక్టరేట్లోని రెవెన్యూ శాఖలో క్లర్క్గా ఉద్యోగం ఇచ్చింది. 2024 డిసెంబర్లో విధుల్లో చేరిన శ్రుతి, ధైర్యంతో తన జీవితాన్ని పునర్నిర్మించుకోవడం ప్రారంభించారు. తాజాగా ఆమె అదే కలెక్టరేట్లో పనిచేస్తున్న సందీప్ను గురువాయూర్ శ్రీకృష్ణ ఆలయంలోపెళ్లి చేసుకున్నారు. వీరి వివాహానికి సంబంధించిన దృశ్యాలు సోషల్ మీడియాలో సందడి చేస్తున్నాయి. దీంతో వరుస ఘోర విషాదాలను తట్టుకుని నిలబడిన శ్రుతి , నిండు నూరేళ్లు చల్లగా జీవించాలని నెటిజన్లు ఆశీర్వదించారు.ఇదీ చదవండి: బీజేపీ నేత నివాసానికెళ్లిన మమ్ముట్టిపై దారుణ ట్రోలింగ్రాష్ట్ర మాజీ రెవెన్యూ మంత్రి కె. రాజన్ తండ్రి స్థానంలో ఉండి వీరి వివాహ తంతును జరిపించారు. ఈ వివాహ వేడుకకు సన్నిహిత బంధువులు, స్నేహితులు హాజరయ్యారు. వివాహం తర్వాత విలేకరులతో మాట్లాడిన శ్రుతి, తన జీవితంలో కొత్త అధ్యాయాన్ని ప్రారంభిస్తున్నందుకు ఎంతో సంతోషంగా ఉందని తెలిపారు.ఇదీ చదవండి: 40 ఏళ్లకే పక్షవాతం: ఎయిర్టెల్ మాజీ సీఓఓ సంచలన వ్యాఖ్యలు -
బీజేపీ నేత నివాసానికెళ్లిన మమ్ముట్టిపై దారుణ ట్రోలింగ్
మలయాళ సూపర్ స్టార్ మమ్ముట్టి, కేరళ బీజేపీ రాష్ట్ర ఉపాధ్యక్షుడు బి. గోపాలకృష్ణన్ ఇంటికి వెళ్లి ఆయన కుమార్తె పెళ్లికి శుభాకాంక్షలు తెలుపడం సోషల్ మీడియాలో పెద్ద వివాదానికి దారితీసింది. నవంబర్ 1న జరిగిన గోపాలకృష్ణన్ కుమార్తె వివాహానికి హాజరుకాలేకపోయిన మమ్ముట్టి, ఆ తర్వాత ఆదివారం సాయంత్రం త్రిస్సూర్ లోని ఆయన ఇంటికి వెళ్లి నూతన దంపతులను ఆశీర్వదించారు.ఈ దృశ్యాలు సామాజిక మాధ్యమాల్లో వైరల్ కావడంతో, కొంతమంది విమర్శలను గుప్పించారు. మతతత్వ పార్టీ నేతతో సన్నిహిత సంబంధాలు కలిగి ఉండకూడదని దుయ్యబట్టారు. గతంలో వయనాడ్ కొండచరియల బాధితుల ప్రాంతాన్ని దర్శించిన సమయంలో ఓ సీపీఐ(ఎం) నాయకుడిని తమతో రావద్దని మమ్ముట్టి అన్నారనే సంఘటనను గుర్తుచేస్తూ, ఆయన ద్వంద్వ విధానాలు అవలంబిస్తున్నారంటూ ట్రోల్ చేశారు. ఇదీ చదవండి: 40 ఏళ్లకే పక్షవాతం: ఎయిర్టెల్ మాజీ సీఓఓ సంచలన వ్యాఖ్యలు #Mammootty visits BJP State Vice President B. Gopalakrishnan’s residence to extend his wedding wishes to his daughter. https://t.co/jtGbmvJI94— Kerala Trends (@KeralaTrends2) November 8, 2026 అయితే ఈ విమర్శలను, సోషల్ మీడియా ట్రోలింగ్ను బీజేపీ నేత గోపాలకృష్ణన్ ఖండించారు. వ్యక్తిగత సంబంధాలను రాజకీయ కోణంలో చూడకూడదని పేర్కొన్నారు. కేరళలో ఉండే మంచి పద్ధతిని, మనుషుల మధ్య అనుబంధాలను రాజకీయాల పేరిట నాశనం చేయవద్దని పిలుపునిచ్చారు. స్నేహం అనేది రాజకీయాలు, మతం, కులం, భాష, దుస్తులు, వర్ణానికి అతీతమైనదని ఆయన ఆరోపించారు. సీపీఐ(ఎం) సీనియర్ నాయకుడు, మాజీ ముఖ్యమంత్రి పినరయి విజయన్తో పాటు పలువురు వామపక్ష పార్టీల కార్యకర్తలు, వివిధ రాజకీయ పార్టీలకు చెందిన నాయకులు పెళ్లికి వచ్చారని గోపాలకృష్ణన్ గుర్తు చేశారు. సీపీఎం వివరణమరోవైపు వామపక్ష వాదులు మమ్ముట్టిపై విమర్శలు గుప్పించారన్న ఆరోపణలపై స్పందించిన సీపీఐ(ఎం) సీనియర్ నాయకులు ఈ వివాదానికి తమ పార్టీకి ఎటువంటి సంబంధం లేదని స్పష్టం చేశారు. ఈ దాడితో తమ పార్టీకి ఎలాంటి సంబంధం లేదని సీపీఎం సీనియర్ నేత, థామస్ ఐజాక్, రాష్ట్ర కార్యదర్శి ఎం.వి. గోవిందన్ స్పష్టం చేశారు. మమ్ముట్టి రాష్ట్రం గర్వించదగ్గ నటుడని, ఆయనతో తమ పార్టీకి మంచి సంబధాలున్నాయని పేర్కొన్నారు. నెటిజన్ల వ్యాఖ్యలు పార్టీ అధికారిక వైఖరి కాదని తేల్చి చెప్పారు. నటుడిని విమర్శించే వారికి పార్టీతో ఎటువంటి సంబంధం లేదని వారు పేర్కొన్నారు. దీనికి వెనుక సైబర్ ఫాలోయర్ల పన్నాగం ఉండి ఉండవచ్చన్నారు. మమ్ముట్టి సీపీఐ(ఎం)తో అనుబంధం ఉన్న 'కైరళి టీవీ'కి ఛైర్మన్గా వ్యవహరిస్తున్నారు. సాధారణంగా ఆయన లెఫ్ట్ భావజాలానికి దగ్గరగా ఉంటారనే భావన ఉన్నప్పటికీ, రాజకీయేతరంగా నాయకుడి ఇంటికి వెళ్లడంపై ఇలా విమర్శలు రావడం కేరళ రాజకీయ, సినీ వర్గాల్లో చర్చనీయాంశమైంది. -
కేరళంలోనూ ఇథనాల్ పరీక్షలు
తిరువనంతపురం: కేరళంలోని నాలుగు జిల్లాల్లోని పెట్రోల్ పంపుల్లో ఇథనాల్ మోతాదులపై పరీక్షలు నిర్వహించినట్టు ఆ రాష్ట్ర మంత్రి అనూప జాకబ్ సోమవారం ప్రకటించారు. కర్ణాటకలోని వేర్వేరు చోట్ల సేకరించిన పెట్రోల్ 30 శాతం వరకూ ఇథనాల్ ఉన్నట్లు అక్కడి మంత్రి ప్రకటించిన నేపథ్యంలో తామీ చర్య తీసుకున్నట్లు జాకబ్ విలేకరులతో మాట్లాడుతూ చెప్పారు. కేరళంలోనూ పెట్రోల్ కల్తీ కారణంగా వాహనాలు దెబ్బతింటున్నట్లు పలు ఫిర్యాదులు వస్తున్న నేపథ్యంలో పరీక్షలు నిర్వహణకు నిర్ణయించినట్లు మంత్రి తెలిపారు. ‘‘పెట్రోల్లో పరిమితికి మించి ఇథనాల్ ఉందన్న అనుమానాన్ని ప్రజలు వ్యక్తం చేస్తున్నారు. అందుకే వాహనాలు దెబ్బతింటున్నాయని ఫిర్యాదు చేస్తున్నారు. ఈ భయాలను పోగొట్టాల్సిన బాధ్యత ప్రభుత్వంపై ఉంది. అందుకే పరీక్షలు నిర్వహించాలని ఆదేశించాం’’అని వివరించారు. కొన్ని òపెట్రోల్ పంపుల నుంచి నమూనాలను సేకరించి పరీక్షల కోసం ప్రభుత్వం గుర్తించిన ల్యాబ్లకు పంపుతామని, పది రోజుల్లో ఫలితాలు రావచ్చునని కేరళం ఫుడ్ అండ్ సివిల్ సప్లయిస్ మంత్రి అయిన జాకబ్ చెప్పారు.. -
శబరిమలలో అరవణ నిల్వల కొరత ఏర్పడే అవకాశం
శబరిమల: మండల యాత్రా కాలం ప్రారంభం కావడానికి కేవలం వారం రోజులు మాత్రమే మిగిలి ఉండగా, సన్నిధానంలోని అరవాణ ప్లాంట్ను ఆధునీకరించడంలో జరుగుతున్న జాప్యం , నిల్వల లభ్యతపై ఆందోళనలను రేకెత్తించింది. ఈ యాత్రా కాలం ప్రారంభానికి ముందే 75 లక్షల అరవాణ టిన్ల బఫర్ స్టాక్ను ఏర్పాటు చేయాలని ట్రావెన్కోర్ దేవస్థానం బోర్డు ప్రణాళిక వేసింది. అయితే రోజుకు అవసరమైన 3.60 లక్షల టిన్లకు గాను, ప్రస్తుతం ఈ ప్లాంట్ రోజుకు కేవలం 2.40 లక్షల టిన్లను మాత్రమే ఉత్పత్తి చేస్తోంది. గత సంవత్సరం, 47 లక్షల టిన్ల బఫర్ స్టాక్ ఉన్నప్పటికీ, యాత్రా కాలంలో ఆలయం కొరతను ఎదుర్కొంది. ఆ సమయంలో, రోజువారీ ఉత్పత్తి 2.50 లక్షల టిన్లుగా ఉండేది.అరవాణ ప్లాంట్లో ఇప్పటికే ఉన్న 23 ప్రిపరేషన్ పాన్లకు అదనంగా మరో ఆరు ప్రిపరేషన్ పాన్లు, రెండు కూలింగ్ ఛాంబర్లు, ఒక బాయిలర్ను ఏర్పాటు చేసి ఉత్పత్తిని పెంచాలన్నది ప్రణాళిక. విస్తరణ పనులు చేపట్టేందుకు చింగం మాస పూజల అనంతరం ప్లాంట్ను మూసివేశారు. అయితే, ఆ పనులు ఇంకా అసంపూర్తిగానే ఉన్నాయి.ఆవిరితో నడిచే ఆరు కొత్త తయారీ పాత్రలను ఏర్పాటు చేసినప్పటికీ, ప్రస్తుతం వాటిలో మూడింటిని మాత్రమే అరవాణ ఉత్పత్తికి ఉపయోగిస్తున్నారు. ప్యాకేజింగ్ లో జాప్యం ఆందోళనలను మరింత పెంచుతోంది. ప్రస్తుతం ఉన్న యంత్రాల సామర్థ్యం పరిమితంగా ఉండటం వల్ల ప్యాకేజింగ్ ప్రక్రియ కూడా ఆలస్యం అయ్యే అవకాశం ఉంది.ఈ ప్లాంట్లో 1999 మరియు 2018లో ఏర్పాటు చేసిన రెండు సెమీ-ఆటోమేటిక్ ప్యాకేజింగ్ యంత్రాలు ఉన్నాయి. 1999లో ఏర్పాటు చేసిన యంత్రానికి మొదట్లో నిమిషానికి 180 టిన్లను ప్యాక్ చేసే సామర్థ్యం ఉండేది. అయితే, కాలం చెల్లడం వల్ల దాని ఉత్పత్తి నిమిషానికి 110 టిన్లకు పడిపోయింది.2018లో ఏర్పాటు చేసిన యంత్రం రోజుకు 3.50 లక్షల టిన్లను ప్యాక్ చేయగలదని కంపెనీ పేర్కొంది. అయితే, కాలం చెల్లడం మరియు సకాలంలో నిర్వహణ చేపట్టకపోవడం వల్ల దాని సామర్థ్యం కూడా తగ్గిపోయింది. రెండు యంత్రాలను రోజుకు 20 గంటలకు మించి నడపలేరు. ప్యాకేజింగ్లో జాప్యం యాత్రా కాలంలో అరవాణ పంపిణీపై కూడా ప్రభావం చూపే అవకాశం ఉంది. -
తప్పుడు ప్రచారం వద్దు : ఈ ముగ్గురు బిడ్డల్ని కాపాడుకుందాం!
అరుదైన ప్రాణాంతక వ్యాధితో బాధపడుతున్న చిన్నారులను కాపాడేందుకు చేపట్టిన విరాళాల సేకరణకు అసత్య ప్రచారం (Misinformation) కారణంగా తీవ్ర అంతరాయం ఏర్పడింది. నిధుల సేకరణ లక్ష్యం ఇప్పటికే పూర్తయిపోయిందని సోషల్ మీడియాలో తప్పుడు సమాచారం జోరుగా ప్రచారమవుతోంది. దీంతో ప్రజలు విరాళాలు ఇవ్వడం నిలిపివేస్తున్నారని స్థానిక యాక్షన్ కమిటీ ఆవేదన వ్యక్తం చేసింది.కోజికోడ్లోని ఓమాస్సేరి పంచాయతీలోని కల్లురుట్టికి చెందిన అరుణ్ పి.డి, షాల్మి దంపతుల ఏడాది వయస్సున్న ముగ్గురు(ట్రిప్లెట్స్) పిల్లలైన ఈథన్, డేవిడ్, ఆలివర్ "స్పైనల్ మస్కులర్ అట్రోఫీ" (SMA) అనే అరుదైన జన్యు సంబంధిత నరాల వ్యాధితో బాధపడుతున్నారు. రెండేళ్ల వయస్సు వచ్చేలోపు వారి ప్రాణాలను కాపాడే 'జీన్ థెరపీ' చికిత్సను అందించడానికి కుటుంబానికి మొత్తం రూ. 50 కోట్లు అత్యవసరంగా అవసరం. దీంతో వారి ప్రాణాలను కాపాడేందుకు విరాళాల సేకరణ ప్రచారాన్ని ప్రారంభించారు. ఇప్పటివరకు సుమారు రూ. 16.5 కోట్లు మాత్రమే సేకరించగలిగారు. ఔషధం కొనుగోలు చేయడానికి కమిటీకి ఇంకా రూ. 33.5 కోట్లు అత్యవసరంగా కావాల్సి ఉంది. 20 రోజుల క్యాంపెయిన్ ప్రారంభంలో రోజుకు రూ. 1.4 కోట్ల నుండి రూ. 1.5 కోట్ల వరకు విరాళాలు వచ్చేవి. అయితే ఈ నిరాధారమైన వార్తల వల్ల ప్రస్తుతం రోజువారీ సేకరణ రూ. 20 లక్షల నుండి రూ. 30 లక్షలకు పడిపోవడం ఆందోళన రేపింది.SMA అనేది కండరాల కదలికలను నియంత్రించే నరాల కణాలపై ప్రభావం చూపే తీవ్రమైన వ్యాధి. దీనివల్ల కండరాల బలహీనత ఏర్పడి కూర్చోవడం, నడవడం, మింగడం మరియు ఊపిరి పీల్చుకోవడం కూడా కష్టమవుతుంది. దీని నివారణకు ఒకసారి మాత్రమే ఇచ్చే 'జోల్జెన్స్మా' (Zolgensma) అనే జీన్ థెరపీని ఐవీ ద్వారా సుమారు ఒక గంట పాటు అందిస్తారు. దీని ధర కొన్ని కోట్ల రూపాయలలో ఉంటుంది.ఇదీ చదవండి: Krakow Shooting ఆరుగుర్ని పొట్టన పెట్టుకున్న ఉన్మాది మృతి -
పంబలో అయ్యప్ప భక్తుల కోసం స్వాగత ఏర్పాట్లు
పంబ: శబరిమల అయ్యప్ప స్వామి దర్శనానికి వచ్చే భక్తులకు మెరుగైన సౌకర్యాలు కల్పించేందుకు పంబలో ఏర్పాట్లు శరవేగంగా కొనసాగుతున్నాయి. రానున్న యాత్రా సీజన్ను దృష్టిలో ఉంచుకుని ట్రావెన్కోర్ దేవస్వం బోర్డు ఆధ్వర్యంలో పలు అభివృద్ధి పనులు చేపడుతున్నారు.ఇందులో భాగంగా గతంలో పంబలో తాత్కాలికంగా ఏర్పాటు చేసిన స్టాళ్ల స్థానంలో శాశ్వత స్టాళ్ల నిర్మాణం చేపట్టారు. భక్తులకు అవసరమైన వస్తువులు, ఇతర సేవలు సులభంగా అందుబాటులో ఉండేలా ఈ ఏర్పాట్లు చేస్తున్నారు.అదేవిధంగా పంబలోని శౌచాలయ సముదాయాల ముందు ఉన్న ప్రాంగణాలను ఇంటర్లాకింగ్ టైల్స్తో అభివృద్ధి చేస్తున్నారు. ఈ పనుల వల్ల పరిసరాలు మరింత పరిశుభ్రంగా మారడంతో పాటు భక్తులకు మెరుగైన వసతులు అందుబాటులోకి రానున్నాయి.ఈ అభివృద్ధి పనులు పూర్తయితే పవిత్ర పంబ పుణ్యక్షేత్రం మరింత సుందరంగా మారనుంది. అయ్యప్ప స్వామి దర్శనానికి వచ్చే భక్తులకు ఆహ్లాదకరమైన వాతావరణంతో పాటు మెరుగైన సౌకర్యాలు కల్పించేందుకు ఈ చర్యలు దోహదపడనున్నాయి.ఇదీ చదవండి: ఫోస్టర్ పిల్లల కోసం మెలానియా ట్రంప్ భారీ స్కాలర్షిప్లు -
‘వంతారా’కు కేరళ నుంచి ఏనుగు కూన ఎయిర్లిఫ్ట్
తీవ్ర అనారోగ్యంతో చావుబతుకుల మధ్య కొట్టుమిట్టాడుతున్న ‘మాయ’ అనే 18 నెలల ఆడ ఏనుగు కూనకు వైద్యం చేసేందుకు కేరళ అటవీ శాఖ నిర్ణయం తీసుకుంది. అత్యంత అధునాతన నిపుణుల వైద్య చికిత్స కోసం ఈ ఏనుగును గుజరాత్లోని జామ్నగర్గల ‘వంతారా’ ఆసుపత్రికి విమానం (ఎయిర్లిఫ్ట్) ద్వారా తరలించేందుకు చీఫ్ వైల్డ్లైఫ్ వార్డెన్ డాక్టర్ పి.పుగజేంది ఉత్తర్వులు జారీ చేశారు.అడవిలో దొరికిన ఏనుగు కూన2025 ఏప్రిల్ 19న మలయాట్టూర్ అటవీ ప్రాంతంలో ఏనుగు గుంపు నది దాటుతుండగా ఈ నవజాత ఏనుగు పిల్ల తల్లి నుంచి వేరుపడింది. తీవ్ర నీరసంతో ఉన్న ఈ కూనను కేరళ అటవీ సిబ్బంది రక్షించి అభయారణ్యం పునరావాస కేంద్రానికి తరలించారు. అసిస్టెంట్ ఫారెస్ట్ వెటర్నరీ ఆఫీసర్ డాక్టర్ బినోయ్ సి.బాబు, కేర్టేకర్లు ఏడాదికి పైగా పాలు తాపిస్తూ దీన్ని కాపాడారు. దానికి ‘మాయ’ అని పేరు పెట్టారు.దెబ్బతిన్న ఎముకలు..2026 జులైలో ఓ సందర్భంలో జారిపడటంతో మాయ కుడి భుజానికి తీవ్ర గాయమైంది. కాల్సియం సప్లిమెంట్లు, ఫిజియోథెరపీ ఇచ్చినా పరిస్థితి మెరుగుపడలేదు. అక్టోబరు నాటికి మాయ నిలబడలేక పోయింది. అక్టోబరు 24న పూకోడ్ వెటర్నరీ కళాశాల నిపుణులు పరీక్షించగా మాయ ఎముకలు విరిగిపోయాయని, తీవ్ర బలహీనత వల్ల పడుకునే ఉండటంతో తీవ్ర ఇబ్బంది పడుతున్నట్లు తేలింది. పుట్టుకలోపం వల్ల ఎముకలు అరుగుతున్నాయని, మాయ బాధను నివారించేందుకు దయామరణం (Euthanasia) ఒక్కటే మార్గమని మెడికల్ బోర్డు ప్రతిపాదించింది.చివరి ప్రయత్నంగా వంతారాఅయితే కేరళ అటవీ శాఖ వెంటనే ఆశ వదులుకోలేదు. పద్మశ్రీ డాక్టర్ కుశాల్ కొన్వర్ శర్మ, వంతారా ప్రధాన వైద్యుడు డాక్టర్ యదురాజ్ ఖడ్పెకర్లతో కేరళ మెడికల్ బోర్డు ప్రత్యేక సమావేశం నిర్వహించింది. ఇది పారాథైరాయిడ్ సమస్య కావచ్చునని, వంతారాలోని అత్యాధునిక ఐసీయూ వైద్యంతో కోలుకునే అవకాశం ఉందని డాక్టర్ శర్మ సూచించారు. దీంతో వంతారాకు తరలించేందుకు బోర్డు ఏకగ్రీవంగా అంగీకరించింది.🙏 PRAY FOR MAYA! 🐘 An 18-month-old elephant calf from Kerala's Abhayaranyam is fighting for her life after an accidental fall left her unable to stand. Despite months of treatment and dedicated efforts by forest officials and veterinarians, her condition has continued to deteriorate. Now, in a crucial effort to save her, Maya is being airlifted from Kochi to Vantara, Jamnagar, where she will receive specialised, round-the-clock intensive care. Vantara's veterinary team and forest officials have jointly planned her transfer, with medical experts accompanying her throughout the journey. A tiny life deserves every possible chance to survive. Praying for Maya's recovery. May she stand on her feet again! 🙏🐘 #PrayForMaya— Megh Updates 🚨™ (@MeghUpdates) November 6, 2026కేరళ బృందం ప్రయాణంవెంటిలేటర్లు, ఎమర్జెన్సీ లైఫ్ సపోర్ట్ ఉన్న ప్రత్యేక ఎయిర్లిఫ్ట్ ద్వారా మాయను తరలిస్తున్నారు. మాయకు కొత్త వాతావరణంలో భయం లేకుండా ఉండేందుకు కేరళ వెటర్నరీ ఆఫీసర్ డాక్టర్ బినోయ్, కేర్టేకర్ నిఖిల్ బాబు కూడా మాయతో పాటే జామ్నగర్ వెళ్తున్నారు. వంతారాలో 24 గంటల పర్యవేక్షణ, హైడ్రాలిక్ లిఫ్టులతో వైద్యం అందించనున్నారు. చికిత్స పూర్తయి మాయ కోలుకున్న తర్వాత తిరిగి అభయారణ్యం కేంద్రానికి తీసుకువస్తారు.ఇదీ చదవండి: ఇవి కొంటే మీ బ్యాడ్లక్! -
శబరిమల యాత్రలో కీలక మార్పులు.. ఈసారి కొత్త ఏర్పాట్లు!
పతనంతిట్ట: రాబోయే శబరిమల మండల - మకరవిళక్కు సీజన్లో అయ్యప్ప భక్తుల యాత్ర సురక్షితంగా, సజావుగా సాగేలా చూసేందుకు, పరిశుభ్రత, భద్రత, నాణ్యమైన సేవలకు ప్రత్యేక ప్రాధాన్యతనిస్తూ అన్ని శాఖలు సమన్వయంతో పనిచేయాలని రెవెన్యూ మంత్రి ఏపీ అనిల్కుమార్ ఆదేశించారు.రెవెన్యూ శాఖ ఏర్పాటు చేసిన సమీక్షా సమావేశంలో మంత్రి మాట్లాడుతూ.. యాత్ర సమయంలో లోపాలు జరగకుండా ఉండేందుకు, సంభావ్య లోపాలను ముందుగానే గుర్తించి సరిదిద్దాలని అన్నారు. సన్నాహాలను సమన్వయం చేయడంలో జిల్లా యంత్రాంగం చేస్తున్న కృషిని ఆయన అభినందించారు. అలాగే, స్థానిక స్వపరిపాలన సంస్థలను ప్రభావితం చేస్తున్న నిధుల కొరతను, రహదారి పునరుద్ధరణ పనులలోని సాంకేతిక అడ్డంకులను ఆయన ప్రత్యేకంగా ప్రస్తావించారు.పంప వద్ద పరిశుభ్రత పాటించాల్సిన ఆవశ్యకతను నొక్కిచెబుతూ, భక్తులు నదిలో బట్టలు పారవేయకుండా నిరుత్సాహపరిచేందుకు అవగాహన ప్రచారాలు నిర్వహించాలని మంత్రి పిలుపునిచ్చారు. పారవేసిన బట్టలను వెంటనే తొలగించడానికి ఒక ప్రత్యేక వ్యవస్థను కూడా ఏర్పాటు చేయాలని ఆయన అన్నారు.అలాగే, పెరుగుతున్న ఎలక్ట్రిక్ వాహనాల సంఖ్య దృష్ట్యా, పంపా వద్ద ఉన్న ఛార్జింగ్ సౌకర్యం సరిపోదని, నిలక్కల్లో కూడా ఛార్జింగ్ స్టేషన్లను ఏర్పాటు చేయాలని ఆయన అధికారులను ఆదేశించారు. రద్దీని నివారించడానికి యాత్రా కాలంలో కనీసం రెండు ఛార్జింగ్ స్టేషన్లను అందుబాటులో ఉంచాలి. వివిధ రాష్ట్రాల నుండి వచ్చే భక్తులు తమ సొంత భాషలలో అవసరమైన సమాచారాన్ని పొందేందుకు వీలుగా, సన్నిధానం, పంపా అలాగే ఇతర ప్రధాన పుణ్యక్షేత్రాల సమావేశ స్థలాల వద్ద బహుభాషా ప్రకటనలను విస్తరించాలని మంత్రి ట్రావెన్కోర్ దేవస్థానం బోర్డును ఆదేశించారు.పోలీసులతో సహా వివిధ విభాగాల మధ్య మెరుగైన సమన్వయంతో సమర్థవంతమైన అత్యవసర సహాయం అందించాల్సిన అవసరాన్ని ఆయన నొక్కిచెప్పారు. అలాగే, తగినంత తాగునీరు, ఇతర ప్రాథమిక సౌకర్యాలు అందేలా చూడాలని అధికారులను ఆదేశించడంతో పాటు ప్రతి భక్తుడు కేవలం దర్శనంతోనే కాకుండా వివిధ శాఖలు అందించే సేవలతో కూడా సంతృప్తి చెంది, క్షేమంగా, సంతోషంగా ఇంటికి తిరిగి వెళ్లాలని ఆయన అన్నారు. అన్ని శాఖలలో సేవా ప్రమాణాలను మెరుగుపరచాలని ఆయన పిలుపునిచ్చారు.దాంతోపాటు రోజువారీ శబరిమల తాజా సమాచారం, అలాగే వివిధ యాత్రికుల సేవలను అందించేందుకు జిల్లా యంత్రాంగం అభివృద్ధి చేసిన శబరి పోర్టల్ను మంత్రి ప్రారంభించారు. సమాచారాన్ని ఎప్పటికప్పుడు నవీకరించాలని ఆయన అధికారులను ఆదేశిస్తూ.. ముఖ్యమంత్రి ఆదేశాల మేరకు, ప్రస్తుత యాత్రా కాలం ముగిసిన వెంటనే వచ్చే యాత్రా కాలానికి సన్నాహాలు ప్రారంభించాలని ఆయన ఇంకా పిలుపునిచ్చారు.ఈ సమావేశంలో ఎమ్మెల్యే పజకులం మధు, జిల్లా కలెక్టర్లు ఎ. నిజాముద్దీన్ (పత్తనంతిట్ట), డాక్టర్ దినేషన్ చెరువాత్ (ఇడుక్కి), చేతన్ కుమార్ మీనా (కొట్టాయం), జిల్లా ఉన్నతాధికారులు, స్థానిక సంస్థల ప్రజాప్రతినిధులుతోపాటు వివిధ శాఖల అధికారులు హాజరయ్యారు. -
మరోసారి సీజేపీ ‘జంతర్ మంతర్’
కొచ్చి: ఓటర్ల జాబితా ప్రత్యేక సమగ్ర సవరణ (ఎస్ఐఆర్)కు వ్యతిరేకంగా కాక్రోచ్ జనతా పార్టీ (సీజేపీ) మరోసారి ఆందోళనకు సిద్ధమైంది. ఈ నెల 7న కేరళలోని కొచ్చిలో ‘జంతర్ మంతర్ ఎట్ కొచ్చి’ పేరుతో ఈ నిరసన కార్యక్రమం నిర్వహించనున్నట్లు సీజేపీ ప్రకటించింది. కొచ్చిలోని రాజేంద్ర మైదాన్లో సాయంత్రం 4 గంటలకు ఈ నిరసన కార్యక్రమం ప్రారంభం కానుంది. కేంద్ర ప్రధాన ఎన్నికల కమిషనర్ జ్ఞానేశ్ కుమార్ను తన పదవి నుంచి దించే వరకూ తమ పోరాటం ఆపమని గంతంలోనే తేల్చి చెప్పిన నేపధ్యంలో జరగనున్న ఈ నిరసన కార్యక్రమంపై ఆసక్తి నెలకొంది.ఈ నిరసన కార్యక్రమంలో సీజేపీ వ్యవస్థాపకుడు అభిజీత్ దీప్కే పాల్గొననున్నారు. ఆ పార్టీ దక్షిణ జోన్ నాయకుడు విజయ్ మల్లంగి, జాతీయ కార్యదర్శి అఫ్రీన్ నవాజ్ కూడా హాజరుకానున్నట్టు సమాచారం. ఎస్ఐఆర్ ప్రక్రియను రద్దు చేయాలని, ప్రజాస్వామ్యాన్ని కాపాడాలని సీజేపీ పిలుపునిచ్చింది.ఇటీవల ఢిల్లీలోని జంతర్ మంతర్ వద్ద ప్రధాన ఎన్నికల కమిషనర్ జ్ఞానేశ్ కుమార్, ఎస్ఐఆర్కు వ్యతిరేకంగా నిరసన చేపట్టేందుకు ప్రయత్నించిన సీజేపీ నాయకులను పోలీసులు అరెస్టు చేసిన విషయం తెలిసిందే. అనంతరం జంతర్ మంతర్ను నిరసన ప్రదేశాల జాబితా నుంచి కేంద్ర ప్రభుత్వం తొలగించింది. అంతేకాదు అక్కడ జాతీయ జెండాలతో నిరసన తెలిపిన సౌరవ్ దాస్, ఆశుతోష్ రంకాలను అరెస్టు చేసి వారం రోజుల తర్వాత విడుదల చేశారు.ఆ సమయంలో అభిజీత్ దీప్కేని కూడా ఢిల్లీలో అరెస్టు చేశారు. అనంతరం ఆయన షరతులతో కూడిన బెయిల్పై విడుదలయ్యారు. అయితే ఆయనకు ఏడాది పాటు శాంతిభద్రతలకు విఘాతం కలిగించకూడదనే షరతును విధించారు. కాగా నవంబర్ 1న ఢిల్లీలో జరిగిన ఇండియా కూటమి ర్యాలీకి సీజేపీ మద్దతు ప్రకటించినప్పటికీ, లోక్సభలో ప్రతిపక్ష నేత రాహుల్ గాంధీ నేతృత్వంలో రాంలీలా మైదాన్లో జరిగిన ర్యాలీలో ఆ పార్టీ పాల్గొనలేదు.ఇదీ చదవండి: హర్మూజ్ జలసంధిలో భారత్, చైనాకు ఇరాన్ కీలక మినహాయింపు -
12 కిలోమీటర్ల ఛేజింగ్.. మహిళ కిడ్నాప్ డ్రామా గుట్టురట్టు!
కేరళ: బంగారం స్మగ్లింగ్ కోసం ఓ మహిళ తన కిడ్నాప్ నాటకానికి తెరలేపింది. చివరకు పోలీసుల విచారణలో అసలు విషయం బయటపడటంతో ఆమెతో పాటు ఉన్న మరో నలుగురు అరెస్ట్ అయ్యారు. కేరళలోని కరిపూర్ అంతర్జాతీయ విమానాశ్రయం సమీపంలో ఈ ఘటన చోటుచేసుకుంది.తలశేరికి చెందిన ప్రియాంక అనే సదరు మహిళ దుబాయ్ నుంచి సుమారు 18 సవర్ల బంగారంతో విమానాశ్రయానికి చేరుకుంది. అయితే ఆమె ఆ బంగారాన్ని మట్టన్నూర్కు చెందిన జబీర్కు అప్పగించాల్సి ఉంది. కానీ ఆ బంగారాన్ని అతడికి ఇవ్వకుండా కాజేయాలని ప్రియాంక ప్లాన్ చేసినట్లు పోలీసులు గుర్తించారు. ఇందుకోసం కన్నూరుకు చెందిన శ్రీలాల్, ప్రిన్స్, సుభిత్లతో కలిసి తన కిడ్నాప్ జరిగినట్లు నాటకమాడింది.ఈ క్రమంలో నీలిరంగు బాలెనో కారులో ప్రియాంకను తీసుకెళ్తుండగా ఓ వ్యక్తి ఆ కారు వెనుక పరుగెత్తడాన్ని విమానాశ్రయంలోని ఓ పోలీస్ అధికారి గమనించారు. దాంతో ఆయన కిడ్నాప్ జరుగుతోందని భావించి వెంటనే కారును వెంబడించారు. దాదాపు 12 కిలోమీటర్ల పాటు పోలీసులకు, కారులోని వ్యక్తులకు మధ్య ఛేజింగ్ జరిగింది. పోలీసు జీపును తప్పించుకునేందుకు కారు వెనక్కి వెళ్లి పారిపోయే ప్రయత్నం చేసినప్పటికీ చివరకు పోలీసులు వారిని పట్టుకున్నారు.ఆ కారు వెనుక పరుగెత్తిన వ్యక్తి బంగారం కోసం ఎదురుచూస్తున్న జబీర్గా గుర్తించారు. ప్రియాంక, జబీర్తో పాటు శ్రీలాల్, ప్రిన్స్, సుభిత్లను పోలీసులు అరెస్టు చేశారు. ఈ కుట్ర గురించి ప్రియాంక భర్తకు కూడా తెలియదని, పిల్లలతో సహా అతడిని కూడా తెలియకుండానే ఈ వ్యవహారంలో భాగం చేసినట్లు పోలీసులు వెల్లడించారు.ఇదీ చదవండి: వేల కోట్ల లావాదేవీలు.. మహదేవ్ బెట్టింగ్ యాప్ కో-ఫౌండర్ అరెస్ట్ -
అయ్యప్ప భక్తుల కోసం కొత్త సేవలు.. శబరి పోర్టల్, వాట్సాప్ చాట్బాట్
శబరిమల యాత్రకు వెళ్లే అయ్యప్ప భక్తులకు కేరళ ప్రభుత్వం తీపికబురు అందించింది. యాత్రికులకు అవసరమైన సమాచారం, సేవలను ఒకే వేదికపై అందించేందుకు శబరి పోర్టల్తో పాటు ఇంటరాక్టివ్ వాట్సాప్ చాట్బాట్ను(+91 94009 67300) ప్రారంభించింది. కేరళ ప్రభుత్వం, పతనంతిట్ట జిల్లా విపత్తు నిర్వహణ అథారిటీ సంయుక్తంగా ఈ డిజిటల్ సేవలను అందుబాటులోకి తీసుకొచ్చాయి. దీంతో యాత్రికులు యాత్రకు సంబంధించిన కీలక సమాచారాన్ని సులభంగా తెలుసుకోవచ్చు.ఈ శబరి పోర్టల్లో రోజువారీ పూజా షెడ్యూల్స్తో పాటు యాత్రికులకు అవసరమైన సౌకర్యాల వివరాలు అందుబాటులో ఉంటాయి. పతనంతిట్ట కలెక్టరేట్లోని జూనియర్ సూపరింటెండెంట్ అజిత్ శ్రీనివాస్, భూ రెవెన్యూ కమిషనరేట్లోని రెవెన్యూ ఇన్స్పెక్టర్ బి. యగేష్ ఈ పోర్టల్ను అభివృద్ధి చేశారు. ఇందులోని ఇంటరాక్టివ్ 'శబరి మ్యాప్' ప్రత్యేక ఆకర్షణగా నిలుస్తోంది. దీని ద్వారా పంబ, నిలక్కల్, సన్నిధానం ప్రాంతాల్లోని తాగునీటి కేంద్రాలు, పబ్లిక్ టాయిలెట్లు, వైద్య సదుపాయాలు, పోలీస్ స్టేషన్లు, పార్కింగ్ ప్రాంతాలను యాత్రికులు సులభంగా గుర్తించవచ్చు.కేరళలోని ప్రభుత్వ ఆసుపత్రులు, వైద్య కళాశాలల వివరాలు కూడా ఈ పోర్టల్లో పొందుపరిచారు. అలాగే చెంగన్నూర్, తిరువల్ల, కొట్టాయం రైల్వే స్టేషన్ల రైళ్ల షెడ్యూల్ను తెలుసుకునే సదుపాయం కల్పించారు. పంబకు రాకపోకలు సాగించే సుదూర బస్సు సర్వీసులతో పాటు నిలక్కల్-పంబ మధ్య నడిచే షటిల్ బస్సుల సమయాలను కూడా తనిఖీ చేసుకోవచ్చు. దీంతో యాత్రికులు తమ ప్రయాణాన్ని ముందుగానే ప్రణాళిక చేసుకునేందుకు వీలుంటుంది.మరోవైపు యాత్రా కేంద్రాల్లో వస్తువుల ధరల విషయంలోనూ భక్తులకు ఇబ్బందులు కలగకుండా 'చెక్ మై బిల్' సదుపాయాన్ని అందుబాటులోకి తెచ్చారు. దీని ద్వారా విక్రయించే వస్తువుల అధికారిక ధరలను ధ్రువీకరించుకోవచ్చు. ఎవరైనా అధిక ధరలు వసూలు చేస్తే ఫిర్యాదు చేసే అవకాశం కూడా ఉంది. వాట్సాప్ చాట్బాట్ ద్వారా యాత్రికులు ఇంటరాక్టివ్ సహాయం పొందవచ్చు. అంతేకాకుండా ఇంటిగ్రేటెడ్ 'లాస్ట్ అండ్ ఫౌండ్' సదుపాయం ద్వారా పోగొట్టుకున్న వస్తువులు, మొబైల్ ఫోన్లు, తప్పిపోయిన కుటుంబ సభ్యుల వివరాలపై నేరుగా పోలీసులకు ఫిర్యాదు చేయవచ్చు.ఈ డిజిటల్ కార్యక్రమం ద్వారా శబరిమల యాత్రికులకు అవసరమైన సమాచారం, రవాణా, వైద్యం, ఇతర సౌకర్యాల వివరాలను ఒకే వేదికపై అందించాలన్నది కేరళ ప్రభుత్వ లక్ష్యం. దీంతో అయ్యప్ప భక్తులు యాత్ర సమయంలో సమాచారాన్ని పొందడం మరింత సులభతరం కానుంది.వెబ్సైట్: www.sabariportaldcpta.inchat boot 6238008000 -
రూ.2 కోట్ల లంచం.. జ్ఞానేశ్ కుమార్పై విచారణకు ఆదేశాలు!
తిరువనంతపురం: కేరళలో అప్పటి పీడబ్ల్యూడీ కార్యదర్శి, ప్రస్తుత ప్రధాన ఎన్నికల కమిషనర్ (సీఈసీ) జ్ఞానేశ్ కుమార్పై వచ్చిన లంచం ఆరోపణలపై విజిలెన్స్ విచారణకు ఆదేశాలు జారీ అయ్యాయి. దాదాపు రెండు దశాబ్దాల క్రితం రోడ్డు నిర్మాణ ప్రాజెక్టులో రూ.17 కోట్ల బిల్లుల చెల్లింపునకు సంబంధించి రూ.2 కోట్ల లంచం అడిగినట్లు ఓ మాజీ కాంట్రాక్టర్ ఆరోపించారు. ఈ వ్యవహారంపై కేరళ హోంమంత్రి రమేశ్ చెన్నితల విజిలెన్స్ అండ్ యాంటీ కరప్షన్ బ్యూరో (వీఏసీబీ)తో ప్రాథమిక విచారణ జరిపించాలని ఆదేశించారు.కొల్లాం జిల్లాలోని చడయమంగళంకు చెందిన సాజన్ అనే కాంట్రాక్టర్ విజిలెన్స్ విభాగానికి ఈ మేరకు ఫిర్యాదు చేశారు. కేరళ స్టేట్ ట్రాన్స్పోర్ట్ ప్రాజెక్టు (కేఎస్టీపీ) కింద తాము పూర్తి చేసిన పనులకు సంబంధించిన బిల్లులు విడుదల చేయడానికి అప్పట్లో పీడబ్ల్యూడీ కార్యదర్శిగా ఉన్న జ్ఞానేశ్ కుమార్ రూ.2 కోట్లు డిమాండ్ చేశారని ఆరోపించారు. ఇంజినీర్లు ఇప్పటికే ఆమోదించిన సుమారు రూ.17 కోట్ల విలువైన బిల్లుల చెక్కులను ఉద్దేశపూర్వకంగా నిలిపివేశారని సాజన్ పేర్కొన్నారు. దీంతో మలేసియాకు చెందిన పీఏటీఐ- బెల్ కంపెనీ, అందులో పనిచేసే కాంట్రాక్టర్లు, ఉద్యోగులు ఆర్థిక ఇబ్బందులు ఎదుర్కొన్నారని ఫిర్యాదులో తెలిపారు.కంపెనీ ప్రాజెక్టు ఇంజినీర్, మలేసియా పౌరుడు లీ సీ బీన్ ఈ విషయాన్ని తనకు చెప్పారని సాజన్ వెల్లడించారు. లంచం డిమాండ్ నెరవేరే వరకు చెక్కులు విడుదల చేయడానికి జ్ఞానేశ్ కుమార్ నిరాకరించారని లీ తెలిపినట్లు పేర్కొన్నారు. అయితే కంపెనీ అధికారులు లంచం ఇచ్చి చెక్కులు తీసుకోవడానికి అంగీకరించలేదని ఫిర్యాదులో వివరించారు. ఈ వ్యవహారంలో మరో కీలక ఆరోపణ కూడా ఉంది. బిల్లుల చెల్లింపులో జాప్యం, లంచం డిమాండ్ కారణంగా లీ సీ బీన్ 2006లో ఆత్మహత్య చేసుకున్నారని సాజన్ ఆరోపించారు. తన సూసైడ్ నోట్లో జ్ఞానేశ్ కుమార్ పాత్రను ప్రస్తావించినట్లు లీ కుటుంబ సభ్యులు కంపెనీ ఉద్యోగులకు తెలిపారని పేర్కొన్నారు. అయితే ఈ ఆరోపణలకు సంబంధించిన వివరాలు ఇంకా అధికారికంగా నిర్ధారణ కావాల్సి ఉంది.గతంలో లీ మరణం అనంతరం 2006లోనే ఈ వ్యవహారంపై విజిలెన్స్ విచారణ ప్రారంభమైంది. అయితే ఆరోపణలకు ఆధారాలు లభించకపోవడంతో తదుపరి చర్యలు తీసుకోకుండానే విచారణను నిలిపివేసినట్లు వార్తలు వచ్చాయి. అప్పటి విచారణలో తనను, ఇతర కీలక సాక్షులను ప్రశ్నించలేదని సాజన్ తాజా ఫిర్యాదులో పేర్కొన్నారు. అవసరమైతే లీ కుటుంబ సభ్యులు, కంపెనీ మాజీ ఉద్యోగులు, ఇతర సాక్షులను విచారణకు హాజరుపరుస్తానని తెలిపారు.తాజా ఫిర్యాదుపై ప్రాథమిక పరిశీలన చేసిన విజిలెన్స్ విభాగం కేసు నమోదు చేసేందుకు హోంశాఖ అనుమతి కోరింది. న్యాయపరమైన అభిప్రాయం తీసుకున్న అనంతరం హోంమంత్రి విచారణకు ఆదేశించారు. ఇదే సమయంలో కేరళ స్టేట్ ట్రాన్స్పోర్ట్ ప్రాజెక్టులో భాగంగా ఎంసీ రోడ్డు విస్తరణ పనుల్లో అవినీతి జరిగిందన్న మరో ఫిర్యాదుపైనా విజిలెన్స్ విచారణ కొనసాగుతోంది. అక్టోబర్ 4న కాంగ్రెస్ నేత మలయింకీజ్ వేణుగోపాల్ ఫిర్యాదుతో ఈ విచారణకు ఆదేశించారు. దేశవ్యాప్తంగా ఓటర్ల జాబితాల ప్రత్యేక సమగ్ర సవరణ (సర్)పై ప్రతిపక్షాలు సీఈసీ జ్ఞానేశ్ కుమార్ను విమర్శిస్తూ నిరసనలు తెలుపుతున్న సమయంలో ఈ పరిణామం చోటుచేసుకుంది. ఇదీ చదవండి: 2026 ఏడాది పదంగా ‘మొగ్గింగ్’.. అర్థం ఇదే.. -
పాస్పోర్ట్ను పర్సనల్ డైరీగా మార్చేశారు.. అధికారి షాక్!
పాస్పోర్ట్ అంటే విదేశీ ప్రయాణాలకు అవసరమైన అత్యంత ముఖ్యమైన అధికారిక పత్రం. అందులో ప్రయాణ వివరాలు, వీసాలు, ఇమ్మిగ్రేషన్ స్టాంపులు ఉంటాయి. కానీ కేరళలో పాస్పోర్ట్ పునరుద్ధరణకు వచ్చిన ఓ వ్యక్తి బుక్లెట్ మాత్రం అధికారులను ఆశ్చర్యానికి గురిచేసింది. అందులో ప్రయాణ వివరాల కంటే చేతిరాతతో కూడిన ఫోన్ నంబర్లు, సంప్రదింపు వివరాలు, వ్యక్తిగత గమనికలే ఎక్కువగా కనిపించాయి.ఈ ఆసక్తికర ఘటనకు సంబంధించిన వీడియోను @dksardana అనే యూజర్ ఎక్స్ (ట్విటర్)లో షేర్ చేశారు. పాస్పోర్ట్ రెన్యువల్ కోసం వచ్చిన వ్యక్తి పత్రాన్ని పరిశీలించిన అధికారి అందులోని వివరాలను చూసి ఆశ్చర్యపోయినట్లు వీడియోలో పేర్కొన్నారు. సాధారణ ప్రయాణ పత్రంలా కాకుండా, ఓ జేబు డైరీలా కనిపిస్తున్న ఆ పాస్పోర్ట్ నెటిజన్ల దృష్టిని ఆకర్షించింది.ఈ వీడియో సోషల్ మీడియాలో వైరల్గా మారడంతో పలువురు తమ పాత రోజులను గుర్తు చేసుకుంటున్నారు. స్మార్ట్ఫోన్లు అందుబాటులోకి రాకముందు ముఖ్యమైన ఫోన్ నంబర్లు, చిరునామాలు, ఇతర వివరాలను చిన్న డైరీల్లో లేదా పుస్తకాల చివరి పేజీల్లో రాసుకునేవారని గుర్తుచేసుకుంటున్నారు. మరికొందరు పాస్పోర్ట్ను ఇలా వ్యక్తిగత నోట్స్ కోసం ఉపయోగించడం ఆశ్చర్యంగా ఉందని వ్యాఖ్యానిస్తున్నారు.ప్రముఖ పారిశ్రామికవేత్త హర్ష్ గోయెంకా (@hvgoenka) కూడా ఈ వీడియోను తన ఎక్స్ ఖాతాలో షేర్ చేశారు. పాస్పోర్ట్ను వ్యక్తిగత డైరీగా మార్చేశారంటూ ఆశ్చర్యం వ్యక్తం చేశారు. అధికారిక ప్రయాణ పత్రంలో ఇన్ని వ్యక్తిగత వివరాలు ఉండటం ఇప్పుడు ఆన్లైన్లో ఆసక్తికర చర్చకు దారితీసింది.The passport officer was shocked to see that he had converted his passport into his personal diary 😳 https://t.co/BM3yIWgs5X— Harsh Goenka (@hvgoenka) November 3, 2026 -
పోక్సో కేసులో బెయిల్, బాలికపై కత్తితో దాడి, యువకుడి సాహసం
కేరళలోని ఎర్నాకుళం జిల్లాలో తీవ్ర దిగ్భ్రాంతికర సంఘటన వెలుగుచూసింది. పోక్సో (POCSO) కేసులో బెయిల్పై బయటకు వచ్చిన ఒక నిందితుడు, బాధితురాలైన బాలికపై హత్యాయత్నం చేయడం కలకలం రేపింది.సంఘటన వివరాలు ఇలా ఉన్నాయి.పోలీసుల సమాచారం ప్రకారం అరక్కప్పాడి సమీపంలోని పెరుమని నివాసి మహమ్మద్ అద్నాన్. జైలు నుండి విడుదలైన కొన్ని వారాల తర్వాత, సోమవారం మధ్యాహ్నం 2 గంటల సమయంలో నిందితుడు బాధిత బాలిక ఇంట్లోకి చొరబడి ఆమెపై దాడి చేశాడు. ఆమెను ఇంటి బయటకు ఈడ్చుకొచ్చి కత్తితో గొంతు కోసేందుకు యత్నించాడు. బాలిక కేకలు విని పరుగెత్తుకొచ్చిన ఒక యువకుడు వెంటనే స్పందించి, నిందితుడిని అడ్డుకున్నాడు. దీంతో ఆమెకు ప్రాణాపాయం తప్పింది. ఈ పోరాటంలో ఆ యువకుడికి కత్తి గాయాలైనప్పటికీ, బాలిక ప్రాణాలను కాపాడ గలిగాడు. దాడి నుండి తనను తాను కాపాడుకునే క్రమంలో బాలిక రెండు చేతులకు గాయాలయ్యాయి. అనంతరం నిందితుడు అక్కడి నుండి పారిపోయాడు. నిందితుడిని స్థానికుల సాయంలో అటవీ ప్రాంతంలో అరెస్టు చేసిన పోలీసులు, కోర్టులో హాజరుపరిచి మళ్లీ రిమాండ్కు తరలించారు.ఆమెమెడ దగ్గర కత్తి పెట్టి, ఇంట్లోంచి బయటకు ఈడ్చుకు రావడం చూశాను. వెంటనే వెళ్లి అడ్డుకున్నాను. ఈ క్రమంలో తనకూ గాయమైందనీ, కానీ బాలికను కాపాడగలిగాను అని ఆ యువకుడు ఆ సంఘటనను గుర్తు చేసుకున్నాడు.ఇదీ చదవండి: ఫస్ట్ ఏసీలోనే నగలు,నగదు చోరీ మహిళ ఆగ్రహం : స్పందించిన రైల్వేకాగా ఈ ఏడాది ఆగస్టు 8న నిందితుడు అద్నాన్ పోక్సో కేసు నమోదైంది. నిందితుడు సుమారు రెండున్నర నెలల పాటు జ్యుడీషియల్ కస్టడీలో ఉండి, అక్టోబర్ 18న బెయిల్పై విడుదలయ్యాడు.ఇదీ చదవండి : ఏసీపీ మనస్వి వసిష్ఠ్పై సస్పెన్షన్ వేటు -
విధ్వంసకర శతకం.. ఆపై అజేయ డబుల్ సెంచరీ
గుజరాత్ వికెట్ కీపర్ బ్యాటర్, చెన్నై సూపర్ కింగ్స్ స్టార్ ఉర్విల్ పటేల్ అదరగొట్టాడు. కేరళతో రంజీ ట్రోఫీ మ్యాచ్లో విధ్వంసకర శతకం బాదిన ఈ బరోడా ఆటగాడు.. అదే జోరు కొనసాగిస్తూ అజేయ ద్విశతకంతో అలరించాడు.కాగా రంజీ ట్రోఫీ 2026-27 సీజన్లో భాగంగా అహ్మదాబాద్ వేదికగా గుజరాత్- కేరళ జట్ల మధ్య సోమవారం మ్యాచ్ మొదలైంది. టాస్ గెలిచిన గుజరాత్ తొలుత బ్యాటింగ్ ఎంచుకుని.. తొమ్మిది వికెట్ల నష్టానికి 534 పరుగుల భారీ స్కోరు వద్ద తొలి ఇన్నింగ్స్ డిక్లేర్ చేసింది.91 బంతుల్లోనే శతకంఓపెనర్లలో అభిషేక్ దేశాయ్ (42) రాణించగా.. ఆర్య దేశాయ్ (95) తృటిలో సెంచరీ మిస్సయ్యాడు. మిగిలిన వారు ఓ మోస్తరుగా రాణించగా.. ఆరో స్థానంలో వచ్చిన ఉర్విల్ పటేల్ ఆకాశమే హద్దుగా చెలరేగాడు. కేవలం 91 బంతుల్లోనే శతక్కొట్టిన ఈ వికెట్ కీపర్ బ్యాటర్... దానిని డబుల్ సెంచరీగా మార్చాడు.తొలి డబుల్ సెంచరీమొత్తంగా తొలి ఇన్నింగ్స్లో 227 బంతులు ఎదుర్కొన్న ఉర్విల్ పటేల్.. 17 ఫోర్లు, 6 సిక్సర్ల సాయంతో 210 పరుగులతో అజేయంగా నిలిచాడు. కాగా అతడికి రంజీ క్రికెట్లో ఇదే తొలి డబుల్ సెంచరీ ఇక విశాల్ జైస్వాల్ అర్ధ శతకం (77) బాదగా.. మనన్ హింగ్రాజియా 33, అమిత్ దేశాయ్ 36 పరుగులతో రాణించారు. కేరళ బౌలర్లలో నెడుమంకులి బాసిల్ మూడు వికెట్లు తీయగా.. ఆదిత్య సర్వాటే రెండు, ఎండీ నిధీశ్, జలజ్ సక్సేనా, వైశాఖ్ చంద్రన్ తలా ఒక వికెట్ పడగొట్టారు. 💯 in just 91 balls for Urvil Patel 👏 3️⃣rd FC HUNDRED for Gujarat's WK-Batter 🔥 Updates ▶️ https://t.co/9SDceLaOZW #RanjiTrophy | @mflone_ https://t.co/UCy3NvSUfU— BCCI Domestic (@BCCIdomestic) November 3, 2026ఇవీ చదవండి: అతడి ఖేల్ ఖతం.. టీమిండియా తలుపులు మూసుకుపోయినట్లే! -
అమ్మాయితో స్నేహం.. టీనేజ్ బాలుడి ప్రాణాలు తీసింది
తిరువనంతపురం : మైనర్ బాలికతో స్నేహం విషయంలో తలెత్తిన వివాదం ఓ టీనేజీ బాలుడి ప్రాణం తీసింది. స్నేహితులే అత్యంత క్రూరంగా బాలుడిని హత్య చేసిన ఘటన కేరళంలో కలకలం రేపుతోంది.పోలీసుల ప్రాథమిక విచారణ వివరాల ప్రకారం.. తమిళనాడుకు చెందిన 17 ఏళ్ల అభిరామ్ ఆదివారం మధ్యాహ్నం తన స్నేహితుడి నుంచి ఫోన్ వచ్చిందని చెప్పి కుటుంబ సభ్యులకు తెలిపి ఇంటి నుంచి బయటకు వెళ్లాడు. అయితే, సోమవారం ఉదయం తిరువనంతపురం పాంగప్పారలోని ఓ నిర్మానుష్య ప్రాంతంలో గోనెసంచిలో విగతజీవుడిగా కనిపించాడు. స్థానికుల ఫిర్యాదుతో ఘటనా స్థలానికి చేరుకున్న పోలీసులు దర్యాప్తు చేపట్టారు. ఈ దర్యాప్తులో అభిరామ్.. అనుమానిత మైనర్ నిందితుల మధ్య ఓ అమ్మాయితో స్నేహం విషయంలో మనస్పర్ధలు తలెత్తినట్లు తేలింది. ఇదే విషయమై మాట్లాడేందుకు తిరువనంతపురం పాంగప్పార ప్రాంతానికి రమ్మనమని బాధితుడి ఇన్స్టాగ్రామ్ అకౌంట్కు మెసేజ్ చేశారు. ఇన్ స్టా మెసేజ్తో అభిరామ్ పాంప్పార వెళ్లాడు. అక్కడ అక్కడ సదరు బాలికతో అభిరామ్కు ఉన్న స్నేహంపై ఇరువర్గాల మధ్య తీవ్ర వాగ్వాదం జరిగింది. ఆపై హత్యకు దారితీసిందని పోలీసులు భావిస్తున్నారు.ముందుగా అభిరామ్ను గొంతు నులిమి హత్య చేసిన నిందితులు.. అనంతరం మృతదేహాన్ని ఓ సంచిలో కుక్కి, ఆ నిర్మానుష్య ప్రదేశంలో పడేసి పరారయ్యారు. ఈ ఘటనపై కేసు నమోదు చేసుకున్న పోలీసులు.. 17, 19 సంవత్సరాల వయసున్న ఇద్దరు నిందితులను అదుపులోకి తీసుకుని విచారణ చేపట్టారు.నవంబర్ 1వ తేదీన మధ్యాహ్నం 3 గంటల ప్రాంతంలో స్నేహితుడు పిలిచాడని చెప్పి తన కుమారుడు ఇంటి నుండి బయలుదేరాడని బాధితుడి తండ్రి తెలిపారు. ఆ రోజు సాయంత్రం కుటుంబ సభ్యులు అతడిని సంప్రదించగా, త్వరలోనే తిరిగి వస్తానని చెప్పాడు. అయితే, చెప్పిన సమయానికి ఇంటికి రాకపోవడంతో కుటుంబ సభ్యులు మళ్లీ ఫోన్ చేశారు. అతని ఫోన్ స్విచ్ ఆఫ్ చేసి ఉన్నట్లు గుర్తించారు.అభిరామ్ అర్ధరాత్రి దాటినా ఇంటికి తిరిగి రాకపోవడంతో కుటుంబ సభ్యులు శ్రీకార్యం పోలీసులను ఆశ్రయించారు. కేసు నమోదు చేసుకున్న పోలీసులు అతని ఇటీవలి కాల్స్, ఇన్స్టాగ్రామ్ చాటింగ్ను పరిశీలించారు. అందులో ఇన్స్టాగ్రామ్ అకౌంట్లో అతడిని పాంగప్పారకు రప్పించినట్లు ప్రాథమికంగా తేలింది.కజక్కూట్టం అసిస్టెంట్ కమిషనర్ నేతృత్వంలోని పోలీసు బృందం సంఘటనా స్థలానికి చేరుకుంది. అభిరామ్ ఇన్ స్టాకు ఎవరు మెసేజ్ చేశారు? అతడిని ఎవరు సంప్రదించారు? అనే విషయాలను దర్యాప్తు అధికారులు పరిశీలిస్తున్నారు. దీంతో పాటు హత్య తర్వాత మృతదేహాన్ని దాచిపెట్టడానికి ఎవరైనా సహాయం చేశారా అని నిర్ధా రించేందుకు అదుపులో ఉన్న మైననర్లను పోలీసులు ప్రశ్నిస్తున్నారు. ఇదీ చదవండి : చదువుల గుడిలో చావు కేకలు! -
ప్రైవేట్ వీడియోలు లీక్.. యూట్యూబర్పై ఛార్జ్షీట్!
కోచి: స్నేహితుల వ్యక్తిగత వీడియోలను సోషల్ మీడియాలో అప్లోడ్ చేసిన కేసులో ప్రముఖ యూట్యూబర్ నిహాద్ అలియాస్ తొప్పిపై కేరళ సైబర్ పోలీసులు ఛార్జ్షీట్ దాఖలు చేశారు. అలువా రూరల్ సైబర్ పోలీసులు ఎర్నాకుళం చీఫ్ జ్యుడీషియల్ మేజిస్ట్రేట్ (సీజేఎం) కోర్టులో ఈ ఛార్జ్షీట్ సమర్పించారు. ఈ కేసులో నిందితుడిపై ఐటీ చట్టంలోని పలు సెక్షన్ల కింద అభియోగాలు మోపారు.పోలీసులు తెలిపిన వివరాల ప్రకారం.. స్నేహితులతో ఏర్పడిన వ్యక్తిగత వివాదాల నేపథ్యంలో నిహాద్ వారి ప్రైవేట్ వీడియోలను సోషల్ మీడియాలో షేర్ చేసినట్లు ఆరోపణలు ఉన్నాయి. ఈ ఘటనపై పలువురు ఫిర్యాదులు చేయడంతో రాష్ట్ర డీజీపీ సమగ్ర విచారణకు ఆదేశించారు. విచారణలో భాగంగా వీడియోలు అప్లోడ్ చేసిన యూట్యూబ్ ఛానల్ను తొలగించాలని పోలీసులు యూట్యూబ్ సంస్థకు లేఖ రాశారు. దీంతో సంబంధిత ఛానల్ను యూట్యూబ్ తొలగించింది.గతంలో ఈ కేసు విచారణకు హాజరుకావాలని నిహాద్కు పోలీసులు నోటీసులు జారీ చేశారు. ఆయన విచారణకు రాకపోవడంతో లుకౌట్ సర్క్యులర్ కూడా జారీ చేశారు. అనారోగ్య కారణాలను చూపుతూ విచారణకు హాజరుకాలేనని ఆయన తెలిపినట్లు పోలీసులు పేర్కొన్నారు. ఆ తర్వాత పోలీసులు ఆయనను అదుపులోకి తీసుకునేందుకు ప్రయత్నించగా.. నిహాద్ ముందస్తు బెయిల్ కోసం కోర్టును ఆశ్రయించారు. తాజాగా పోలీసులు ఛార్జ్షీట్ దాఖలు చేయడంతో ఈ కేసు కీలక దశకు చేరుకుంది.ఇదీ చదవండి: ‘జనశతాబ్ది’కి సూపర్ఫాస్ట్ హోదా రద్దు.. కారణమిదే! -
దేశంలోనే తొలి ఈ-వేస్ట్ రహిత జిల్లాగా వయనాడ్!
కల్పెట్టా: పర్యావరణ పరిరక్షణలో కేరళలోని వయనాడ్ జిల్లా అరుదైన ఘనత సాధించనుంది. దేశంలోనే తొలి ఈ-వేస్ట్ (ఎలక్ట్రానిక్ వ్యర్థాలు) రహిత జిల్లాగా ఆదివారం (నవంబర్ 1) చరిత్ర సృష్టించనుంది. కేరళ పిరవి దినోత్సవం సందర్భంగా ఈ ప్రకటన చేయనున్నారు. 50 రోజుల పాటు నిర్వహించిన ప్రత్యేక కార్యక్రమంలో జిల్లావ్యాప్తంగా 80 టన్నుల ఎలక్ట్రానిక్, ఎలక్ట్రికల్ వ్యర్థాలను సేకరించారు. వీటిలో ప్రభుత్వ కార్యాలయాల నుంచే 31 టన్నులు సేకరించడం విశేషం.జిల్లా యంత్రాంగం సెప్టెంబర్ 10న ఈ కార్యక్రమాన్ని ప్రారంభించింది. అక్టోబర్ 30 నాటికి జిల్లాలోని అన్ని స్థానిక సంస్థలు ఈ-వేస్ట్ రహిత హోదాను సాధించాయి. దేశంలోనే తొలి ఈ-వేస్ట్ రహిత గ్రామ పంచాయతీగా నూల్పుజ అక్టోబర్ 27న గుర్తింపు పొందింది. రెండు విడతల్లో ఈ పంచాయతీ 5,423 కిలోల ఎలక్ట్రానిక్ వ్యర్థాలను సేకరించింది. జిల్లాలోని 23 గ్రామ పంచాయతీలు, మూడు మున్సిపాలిటీల్లో ప్రభుత్వ, ప్రైవేటు సంస్థలు, వాణిజ్య సంస్థలు, కుటుంబాలు ఈ కార్యక్రమంలో పాల్గొన్నాయి.వ్యవసాయ శాఖ మంత్రి టీ. సిద్ధిఖ్ ఆలోచన మేరకు రాష్ట్ర ప్రభుత్వ భూమి ప్రాజెక్టులో భాగంగా ఈ కార్యక్రమాన్ని చేపట్టారు. ఈ-వ్యర్థాల్లో ఉండే సీసం, కాడ్మియం వంటి ప్రమాదకర రసాయనాలు నేల, నీటి వనరులను కలుషితం చేస్తాయని, వ్యవసాయ ఉత్పత్తుల ద్వారా ఆహార గొలుసులోకి చేరి ప్రజారోగ్యానికి ముప్పు కలిగిస్తాయని మంత్రి హెచ్చరించారు. మొత్తం 184 ప్రభుత్వ సంస్థలు ఈ కార్యక్రమంలో పాల్గొన్నాయి. ప్రజల్లో అవగాహన కోసం 70కి పైగా పోస్టర్లు, 12 వీడియోలను రూపొందించారు.సేకరణలో ఎదురైన సమస్యలను పరిష్కరించేందుకు జిల్లా స్వచ్ఛత మిషన్ నవంబర్ 10 వరకు అదనపు గడువు ఇచ్చింది. సేకరణలో తమ ఇళ్లు లేదా సంస్థలు మిగిలిపోయినవారు వయనాడ్ కలెక్టరేట్లోని 8078409770 నంబరుకు ఫోన్ చేసి ఫిర్యాదు చేయవచ్చు. వారికి సమీపంలోని సేకరణ కేంద్రాల్లో వ్యర్థాలను అందజేసేలా సూచిస్తారు. జిల్లా ఈ-వేస్ట్ రహితంగా మారిందన్న ప్రకటనను వివిధ సంస్థల ద్వారా తనిఖీ చేసి ధ్రువీకరించనున్నారు.జిల్లా స్థాయిలో నవంబర్ 1న ప్రకటన చేయనున్నప్పటికీ, ముఖ్యమంత్రి వీడీ సతీశన్ నవంబర్ 20న కల్పెట్టాలో జరిగే భారీ కార్యక్రమంలో అధికారికంగా ఈ-వేస్ట్ రహిత జిల్లాగా ప్రకటించనున్నారు. ఈ కార్యక్రమంలో కృషి చేసిన సంస్థలను సత్కరించనున్నారు. క్లీన్ కేరళ కంపెనీ, ఈవై గ్లోబల్ డెలివరీ సర్వీసెస్, నటుడు మోహన్లాల్కు చెందిన విశ్వశాంతి ఫౌండేషన్, గ్రీన్ వర్మ్స్, కోనారిస్, రాయల్ ఎంఆర్సీ తదితర సంస్థలు ఈ కార్యక్రమంలో భాగస్వాములయ్యాయి. ఈ ఘనతను కొనసాగించేందుకు నిరంతర వ్యర్థాల సేకరణ, శాస్త్రీయ శుద్ధి, రీసైక్లింగ్, ప్రజల భాగస్వామ్యం కీలకమని జిల్లా యంత్రాంగం పేర్కొంది.ఇదీ చదవండి: జపాన్లో భారీ భూకంపం..6.0 తీవ్రత నమోదు! -
శబరిమల యాత్రికులకు రూ.2 లక్షల జీవిత బీమా
తిరువనంతపురం: కేరళంలోని ప్రఖ్యాత శబరిమల ఆలయ యాత్రికులకు మొట్టమొదటిసారిగా జీవిత బీమా సౌకర్యం అందుబాటులో రానుంది. ఆలయ సందర్శన సమయంలో ప్రాణాలు కోల్పోయిన భక్తుల కుటుంబీకులకు రూ.2 లక్షల బీమా సొమ్మును అందజేస్తామని ట్రావెన్కోర్ దేవస్వోమ్ బోర్డు(టీడీబీ)అధ్యక్షుడు జయకుమార్ శుక్రవారం ప్రకటించారు. నవంబర్ 17వ తేదీ నుంచి మండల–మకరవిలక్కు సీజన్ ప్రారంభం కానుండగా శుక్రవారం జరిగిన బోర్డు సమావేశంలో ఈ నిర్ణయం తీసుకున్నామని చెప్పారు. భారత జీవిత బీమా సంస్థ(ఎల్ఐసీ)సౌజన్యంతో ఈ పథకాన్ని అమలు చేస్తున్నామన్నారు. శబరిమల యాత్రికులకు గతంలో ప్రమాద బీమా మాత్రమే ఉండేదని, జీవిత బీమా కవరేజీని అందుబాటులోకి తేవడం ఇదే మొదటిసారని చెప్పారు. ఈ సీజన్కు గాను ప్రీమియం కింద సుమారు రూ.కోటి మొత్తాన్ని టీడీబీ తన వెల్ఫేర్ ఫండ్ నుంచి చెల్లిస్తుందని వివరించారు. వర్చువల్ క్యూ బుకింగ్ సమయంలోనే యాత్రికుల పేరుతోపాటు నామినీ, వారితో గల సంబంధం వివరాలను నమోదు చేస్తామని జయకుమార్ చెప్పారు. -
చట్టాన్నే మార్చిన సామాన్యురాలు..! ధర్మాసనం సైతం జేజేలు..
ఓ తల్లి పిల్లల కోసం ఎంత రిస్క్ అయినా తీసుకోగలదని. వాళ్లని పోషించుకోవడమే ఆమె ధ్యేయం అని చాటిచెప్పిన ఉదంతం. అంతేగాదు సమానత్వ హక్కు ప్రాముఖ్యత తోపాటు తన ఉపాధి హక్కుని ఎలా పొందాలో చెప్పే ఉదంతం. తలుచుకుంటే ఒక సామాన్యురాలు సైతం చట్టాన్నే మార్చగలదని, ఏకంగా అత్యున్నత న్యాయస్థానం సైతం ఆమెకు మద్దతిస్తుందని నిరూపించిన కేసు ఇది.అసలేం జరిగిందంటే..కేరళలోని ఇరింజలకుడకు చెందిన గృహకార్మికురాలు సోఫియా కుంజిపాలు. ఆమె భర్త ఒక కల్లు దుకాణంలో మేనేజర్గా పనిచేసేవారు. అయితే 2024లో ఆయన గుండెపోటుతో మరణించారు. దాంతో ఇంటి భారం తనపై పడటంతో ఆయన పనిచేసే చోటే తను కూడా ఉపాధి చూసుకోవాలనే ఉద్దేశ్యంతో ఆ దుకాణం లైసెన్సుదారుడిని ఆ విషయమై అడిగారు. తన భర్త ఉద్యోగాన్ని తనకు ఇవ్వాల్సిందిగా ఆమె అభ్యర్థించింది. కేరళ అబ్కారీ షాప్స్ డిస్పోజల్ రూల్స్ 2002'లోని రూల్ 7(37) ప్రకారం కల్లు దుకాణాల్లో మహిళలు పనిచేయడాన్ని నిషేధించింది. దాన్నే సాకుగా చూపిస్తూ అతడు సోఫియా అభ్యర్థనను తిరస్కరించాడు. దాంతో ఆమె ఈ విషయంపై హైకోర్టులో పోరాడాలని డిసైడ్ అయ్యింది. అందుకు యూనియన్ సభ్యులు మద్దతిచ్చారు. ఈ విషయమై హైకోర్టులో పిటిషన్ వేసింది. కేరళ అబ్కారీ షాప్స్ డిస్పోజల్ రూల్స్, 2002'లోని రూల్ 7(37) కొట్టివేసి, కల్లు దుకాణాల్లో మహిళలు పనిచేసే అవకాశం ఇవ్వాలని కోర్టుని అభ్యర్థించింది. అంతేగాదు ఆమె తరుఫు న్యాయవాది రంజిత్ తంపన్ మాట్లాడుతూ, పురుషాధిక్యత ఉన్న రంగంలో ఒక మహిళ అడ్డంకులను ఛేదించినందుకు ఇది ఒక చక్కని ఉదాహరణ అని పేర్కొన్నారు. అలాగే విదేశీ మద్యం నిబంధనలలో ఇలాంటి నిబంధనను హైకోర్టు గతంలో కొట్టివేసిన ఘటనను గుర్తు చేశారు. అయితే పని ప్రదేశంలో మహిళలు దోపిడీకి, ఎలాంటి వేధింపులకు గురికాకుండా కాపాడటానికే ఈ నిబంధన ఉద్దేశించబడిందని ప్రభుత్వ తరుఫు న్యాయవాది పేర్కొన్నారు. అలాగే కల్లు దుకాణాలు తరచుగా చాలా మారుమూల ప్రదేశాలలో ఉంటాయని, వారి భద్రత, శ్రేయస్సును నిర్ధారించడానికి అటువంటి కల్లు దుకాణాలలో మహిళలను నియమించకుండా నిబంధనలు రూపొందించినట్లు ప్రభుత్వ న్యాయవాది ఎత్తి చూపారు. కానీ హైకోర్టు డివిజన్ బెంచ్ నైట్ వాచ్మన్ పోస్టుకు మహిళలను పరిగణనలోకి తీసుకోకుండా మినహాయించవచ్చని అభిప్రాయపడింది. అంతేగాదు కేరళ అబ్కారీ షాప్స్ డిస్పోజల్ రూల్స్, 2002'లోని రూల్ 7(37)ని కొట్టివేసింది. పైగా 2002 నిబంధనలలోని రూల్ 7(37) రాజ్యాంగ విరుద్ధమని, రాజ్యాంగంలోని ఆర్టికల్స్ 14, 15, 19, 21లను ఉల్లంఘిస్తోందని హైకోర్టు న్యాయమూర్తి గోపీనాథ్ పేర్కొన్నారు. అలాగే మహిళ సాధికారతకు అర్థం చెప్పేలా తన ఉపాధి హక్కు కోసం పోరాడిన సోఫియాను కూడా మెచ్చుకుంటూ కల్లు దుకాణంలో ఉద్యోగం కోసం పోరాడేందుకు ముందుకొచ్చి ఒక విప్లవత్మాక అడుగు వేసిందని కొనియాడింది. ఇక సోఫియా ఈ నవంబర్ 1వ తేదీ నుంచే ఇరింజలకుడ పరిధిలోని పొంజనంలో ఉన్న ఒక కల్లు దుకాణంలో ఉద్యోగిగా చేరనుంది. ఒక రకంగా ఈ న్యాయపోరాటం సోషియాకు ఉపాధి హక్కుకు సబంధించిన విషయంగా మారడం విశేషం. ఇక ఆమె కుమార్తె చార్టర్డ్ అకౌంటెన్సీ (CA) చదువుతుండగా, కుమారుడు 11వ తరగతి చదువుతున్నాడు. తాను తన పిల్లలను పెంచాలని, అందుకోసం ఎలాంటి రిస్క్ అయినా తీసుకుంటానని చెప్పుకొచ్చిందామె. ప్రస్తుతం ఈ హైకోర్టు తీర్పుతో చాలామంది మహిళలు కల్లు దుకాణంలో పనిచేస్తామంటూ తనకు ఫోన్ చేస్తున్నారని ఆనందంగా చెబుతోంది. ఈ న్యాయపోరాటంలో గెలవడానికి అతిపెద్ద మద్దతు తన కుమారుడే ఇచ్చాడని అంటోంది సోఫియా. ఎందుకంటే మీ అమ్మ కల్లు దుకాణంలో పనికెళ్తుందని చెప్పుకోగలవా అని ప్రశ్నించగా..పర్వాలేదని, ప్రతి ఉద్యోగానికి ఒక గౌరవం ఉంటుదని బదులిచ్చాడని తెలిపింది. అదే తనకు ఈ న్యాయపోరాటం చేసేందుకు కొండంత శక్తిని ఇచ్చిందని సంతోషంగా చెప్పుకొచ్చింది. కాగా, ఈ తీర్పు ప్రశంసనీయమని, కల్లు దుకాణాలలో మహిళలకు ఉపాధి కల్పించడాన్ని తాము స్వాగతిస్తున్నామని కేరళ కల్లు లైసెన్సుదారుల సంఘం ప్రధాన కార్యదర్శి అజిత్ బాబు పేర్కొన్నాడు.ఇదీ చదవండి: షాకింగ్: మూడేళ్లుగా కడుపులోనే ‘రాతి శిశువు’ -
ట్రావెన్ కోర్ దేవస్వమ్ బోర్డు కీలక ప్రకటన
తిరువనంతపురం: ట్రావెన్ కోర్ దేవస్వమ్ బోర్డు కీలక ప్రకటన చేసింది. మండల కాలం సమీపిస్తున్న తరుణంలో,అరవణ ఉత్పత్తిలో సమస్య పరిష్కారం కోసం అక్టోబర్ 30న నూతన ఈ-టెండర్ను ఆహ్వానిస్తున్నట్లు ప్రకటన విడుదల చేసింది. పంబ నుండి సన్నిధానానికి అరవణ తయారీకి కావలసిన ముడిసరుకులను రవాణా చేసే ట్రాక్టర్ రవాణా కాంట్రాక్టులో ఏర్పడిన వివాదం కారణంగా అరవణ ఉత్పత్తిలో సమస్యలు తలెత్తాయి. దీంతో దేవస్వమ్ బోర్డ్ ఈ- టెండర్ను ఆహ్వానించింది.సరుకుల సరఫరా నిరంతరం కొనసాగుతోందని , రవాణా సమస్యను త్వరలోనే పరిష్కరించడానికి తగిన చర్యలు తీసుకుంటున్నామని దేవస్వమ్ బోర్డు తెలిపింది. మండల కాలం కోసం ఏర్పాట్లు ఎలాంటి అడ్డంకులు లేకుండా జరగాలని , అయ్యప్ప భక్తులందరికీ స్వామి అయ్యప్ప దివ్య ఆశీస్సులు లభించాలని ట్రావెన్ కోర్ దేవస్వమ్ బోర్డు ఆశాభావం వ్యక్తం చేసింది. -
హిట్ అండ్ రన్ కేసు.. జడ్జికి ముందస్తు బెయిల్
తిరువనంతపురం: కేరళంలో సంచలనం సృష్టించిన మెర్సిడెస్ బెంజ్ కారు హిట్ అండ్ రన్ కేసులో కీలక పరిణామం చోటుచేసుకుంది. ఈ కేసులో అభియోగాలు ఎదుర్కొంటున్న త్రిసూర్ జిల్లా ఇరింజలకుడ కోర్టు అదనపు జిల్లా, సెషన్స్ న్యాయమూర్తికి కేరళం హైకోర్టు ముందస్తు బెయిల్ మంజూరు చేసింది.అక్టోబర్ 25న కొచ్చిలో మెర్సిడెస్ బెంజ్ కారు స్కూటర్ను ఢీకొట్టింది. ఈ దుర్ఘటనలో చిరు వ్యాపారి జయబాలకృష్ణన్ మృతి చెందారు. ప్రమాదానికి కారణమైన కారు ఆ న్యాయమూర్తికి సంబంధించినది కావడం, హిట్ అండ్ రన్కు పాల్పడింది జడ్జి కుమారుడే కావడంతో ఈ కేసు రాష్ట్ర వ్యాప్తంగా తీవ్ర సంచలనం సృష్టిస్తోంది.ఈ దుర్ఘటనలో ప్రాణాలు కోల్పోయిన 55 ఏళ్ల జయబాలకృష్ణన్ కుమార్తె మీడియా ముందుకు వచ్చి న్యాయ వ్యవస్థ తీరుపై, పోలీసుల వ్యవహారశైలిపై సంచలన ఆరోపణలు చేశారు.ఇదే కేసులో అభియోగాలు ఎదుర్కొంటున్న సదరు జడ్జికి కేరళం హైకోర్టు ముందస్తు బెయిల్ మంజూరు చేయడంపై మృతుడి కుమార్తె భద్రకీర్తి తీవ్ర అసంతృప్తిని వ్యక్తం చేశారు. తన తండ్రి మరణానికి కారు నడిపిన మైనర్ నిందితుడు, ప్రమాద సమయంలో కీలక ఆధారాలను ధ్వంసం చేయడానికి సహకరించిన ఆ జడ్జి ఇద్దరూ సమాన బాధ్యులేనని ఆవేదన వ్యక్తం చేశారు.మొదట్నుంచీ అనుమానాలు..ప్రమాదానికి కారణమైన లగ్జరీ కారు అదనపు జిల్లా జడ్జికి చెందినది కావడంతో ఈ కేసుకు సంబంధించి మొదట్నుంచీ అనేక అనుమానాలు వ్యక్తమవుతున్నాయి. ప్రమాదం జరిగిన వెంటనే పోలీసులు నిందితుడైన మైనర్కు (జడ్జి కుమారుడికి) స్టేషన్ బెయిల్ మంజూరు చేయడంపై మృతుడి కుటుంబసభ్యులు తీవ్ర ఆగ్రహం వ్యక్తం చేస్తున్నారు. ‘నిందితుడు న్యాయమూర్తి కుమారుడు కాబట్టే నిబంధనలను పక్కనబెట్టి క్షణాల వ్యవధిలో బెయిల్ ఇచ్చేశారు’అని బాధితురాలి కుమార్తె ఆవేదన వ్యక్తం చేశారు.200 కిలోమీటర్ల వేగం.. ఇన్స్టాలో పోస్ట్హిట్ అండ్ రన్కు ముందు మైనర్ నిందితుడు ప్రమాదానికి కారణమైన మెర్సిడెస్ బెంజ్ కారుతో 200 కిలోమీటర్ల వేగంతో కారు నడుపుతున్న వీడియోల్ని పోస్టు చేశారు. తాను డ్రైవింగ్ చేస్తున్న వీడియోల్ని ఇన్స్టాగ్రామ్లో పోస్ట్ చేశారు. ఆ తర్వాత వాటిని డిలీట్ చేసి ఆ అకౌంట్ను ప్రైవేట్గా మార్చేశారని ఆమె ఆరోపించారు. ప్రమాదం జరిగిన సమయంలో కారులో నలుగురు వ్యక్తులు ఉన్నారని, ముగ్గురు పారిపోయారని, ఆ తర్వాత అక్కడకు ఒక ఫార్చ్యూనర్ కారు కూడా వచ్చింది. ఇదే విషయాన్ని ప్రత్యక్ష సాక్షి మాకు చెప్పారు. జడ్జి, పోలీసుల భయం కారణంగా సదరు వ్యక్తి బయటకు రావడానికి భయపడుతున్నాడని వాపోయారు.ఇదీ చదవండి : మెర్సిడెస్ కారుతో జడ్జి మైనర్ కొడుకు బీభత్సంతాను ఎన్సీసీ కేడెట్గా శిక్షణ పొంది పోలీసు శాఖలో చేరాలని కలలు కన్నానని, కానీ ఈ ఘటనలో పోలీసుల ఏకపక్ష, పక్షపాత వైఖరి చూశాక ఆ వ్యవస్థపై తన నమ్మకం పూర్తిగా సడలిపోయిందని కన్నీటిపర్యంతమయ్యారు. కారు తాళాలు మైనరైన తన కొడుకుకి ఎలా అందాయని నిలదీస్తే, జడ్జైన తండ్రి నిర్లక్ష్యంగా సమాధానం దాటవేశారని, కేవలం యజమానిగా మాత్రమే కాకుండా కొడుకు తప్పును కప్పిపుచ్చడానికి ప్రయత్నిస్తున్న ఆ జడ్జిని కూడా ఈ కేసులో ప్రధాన నిందితుడిగా చేర్చాలని ఆమె డిమాండ్ చేశారు.న్యాయమూర్తి వాదన హైకోర్టులో దాఖలు చేసిన పిటిషన్లో.. తన కుమారుడు తనకు తెలియకుండానే కారు తీసుకువెళ్లాడని, కాబట్టి తనకు తెలియని నేరానికి తనను బాధ్యుడిని చేయలేమని ఆ న్యాయమూర్తి వాదించారు. న్యాయమూర్తి చెబుతున్న ఈ వెర్షన్ను భద్రకీర్తి తీవ్రంగా ప్రశ్నించారు. అంతకుముందు ఆయన స్వయంగా మాట్లాడుతూ, తన కుమారుడు యూట్యూబ్ వీడియోలు చూసి డ్రైవింగ్ నేర్చుకున్నాడని చెప్పారని ఆమె గుర్తు చేశారు. -
మండల కాలం కోసం శబరిమల దర్శనం టిక్కెట్లు విడుదల
పతనంతిట్ట: ట్రావెన్కోర్ దేవస్వం బోర్డ్ (టీడీబీ) రాబోయే శబరిమల మండల కాలం యాత్రా కాలం కోసం, తమ నవీకరించిన ఆన్లైన్ బుకింగ్ పోర్టల్ www.sabarimalaonline.org ద్వారా వర్చువల్ క్యూ దర్శనం బుకింగ్ స్లాట్లను విడుదల చేసింది. చిత్తిర అత్తతిరునాల్ ఉత్సవం సందర్భంగా నవంబర్ 6, 7 తేదీలకు దర్శన స్లాట్లు విడుదలయ్యాయి. నవంబర్ 17 నుంచి డిసెంబర్ 25 వరకు జరిగే మండల యాత్రకు కూడా బుకింగులు అందుబాటులో ఉన్నాయి.యాత్రికుల రద్దీని నియంత్రించే లక్ష్యంతో, మండల పూజ కాలం సహా డిసెంబర్ 26, 27 తేదీల వర్చువల్ క్యూ టిక్కెట్లను ఆంక్షలతో విడిగా విడుదల చేయనున్నారు. మకరవిళక్కు మహోత్సవం దర్శనం బుకింగులు డిసెంబరులో విడుదలయ్యే అవకాశం ఉంది. ట్రావెన్కోర్ దేవస్థానం బోర్డు, శబరిమల వర్చువల్ క్యూ వెబ్సైట్ ఇంటర్ఫేసును కూడా అప్గ్రేడ్ చేసింది. ఇందులో భాగంగా, బుకింగ్ ప్రక్రియలో మార్పులు ప్రవేశపెట్టింది. వీటిలో ప్రతి యాత్రికుడికి తప్పనిసరిగా ట్రెకింగ్ మార్గాన్ని ఎంచుకోవడం, నామినీ వివరాలు నమోదు చేయడం వంటివి ఉన్నాయి.బుకింగ్ విధానం ఇలా.. సవరించిన బుకింగ్ విధానం ప్రకారం.. యాత్రికులు దర్శన స్లాట్లను రిజర్వ్ చేసుకునేటప్పుడు తాము వెళ్లాలనుకుంటున్న ట్రెక్కింగ్ మార్గాన్ని ఎంచుకోవాలి. పంపా గుండా ప్రయాణించేవారు పంపా-మరక్కూటం మార్గాన్ని ఎంచుకోవచ్చు, అయితే ఎరుమేలి నుంచి సాంప్రదాయ అటవీ మార్గంలో వెళ్లే యాత్రికులు ఎరుమేలి–కలకెట్టి సాంప్రదాయ మార్గాన్ని ఎంచుకోవచ్చు. వండిపెరియార్, సత్రం, పుల్మేడు గుండా ప్రయాణించే భక్తులు వండిపెరియార్–సత్రం-పుల్మేడు మార్గాన్ని ఎంచుకోవచ్చు.మరో ముఖ్యమైన మార్పు ఏమిటంటే, నామినీ వివరాలను తప్పనిసరిగా అందించాలనే నిబంధనను ప్రవేశపెట్టడం. యాత్రికులు ఇప్పుడు బుకింగ్లో చేర్చిన ప్రతి వ్యక్తికి ఒక నామినీ పేరును తప్పనిసరిగా అందించాలి. యాత్రికుల భద్రతాపరమైన ఆందోళనలను దృష్టిలో ఉంచుకుని ఈ నిబంధనను ప్రవేశపెట్టారు.ఈ పోర్టల్ ప్రస్తుతం ఉన్న ఆన్లైన్ ప్రసాద బుకింగ్ సదుపాయాన్ని అందిస్తూనే ఉంది. దీని ద్వారా యాత్రికులు తమ దర్శన బుకింగ్లతో పాటు అరవాణ, అప్పం, అభిషేకం నెయ్యి, పసుపు, కుంకుమ, విభూతిని కూడా రిజర్వ్ చేసుకోవచ్చు.బుకింగ్ ప్రక్రియను పూర్తి చేసిన తర్వాత, యాత్రికులకు కొత్త ఫార్మాట్లో రసీదు అందుతుంది. ఆన్లైన్లో ప్రసాదం బుక్ చేసుకున్న వారు, తమ ప్రసాదం బుకింగ్ రసీదును చూపించి, సన్నిధానంలోని నిర్దేశిత ప్రసాద పంపిణీ కౌంటర్ల నుంచి తమ ప్రసాదాన్ని స్వీకరించవచ్చు. పంబ గుండా ప్రయాణించే యాత్రికులు సన్నిధానం వైపు వెళ్లే ముందు , ధ్రువీకరణ కోసం తమ వర్చువల్ క్యూ టిక్కెట్లను పంబ తనిఖీ కౌంటర్ వద్ద సమర్పించాలి.వర్చువల్ క్యూ దర్శనం బుకింగ్ పూర్తిగా ఉచితం. రిజర్వేషన్ ప్రక్రియ సమయంలో, యాత్రికులు స్వచ్ఛందంగా యాత్రికుల సహాయ నిధికి రూ. 5 లేదా అంతకంటే ఎక్కువ విరాళంగా ఇవ్వవచ్చు. ఈ విరాళం తప్పనిసరి కాదు. పారిశుధ్యం, పరిశుభ్రత కోసం ఏర్పాటు చేసిన సాధారణ నిధికి విరాళాలు ఇవ్వడం కూడా ఐచ్ఛికమే.మండల - మకరవిళక్కు సీజన్ కోసం, రోజువారీ వర్చువల్ క్యూ బుకింగ్ పరిమితిని 66,000 మంది యాత్రికులుగా నిర్ణయించారు. ఇందులో నీలక్కల్ - పంబ మార్గం ద్వారా 60,000 స్లాట్లు , ఎరుమేలి సాంప్రదాయ అటవీ మార్గం ద్వారా 3,000, వండిపెరియార్ సత్రం మార్గం ద్వారా 3,000 స్లాట్లు ఉన్నాయి.అదనంగా , ప్రతిరోజూ స్పాట్ బుకింగ్ సౌకర్యాల ద్వారా 14,000 మంది యాత్రికులకు వసతి కల్పిస్తారు. వీరిలో , నిలక్కల్లో 10,000 స్లాట్లు అందుబాటులో ఉండగా, ఎరుమేలి, వండిపెరియార్ సత్రంలో చెరో 2,000 స్లాట్లు అందిస్తారు. ఈ ఆన్లైన్ స్పాట్ బుకింగ్ ఏర్పాట్లు కలిపి రోజుకు 80,000 మంది యాత్రికులకు వసతి కల్పిస్తాయి.అయితే , రద్దీని తగ్గించి , యాత్రికుల రాకపోకలను మెరుగుపరచాలన్న కేరళ హైకోర్టు ఆదేశాల మేరకు , యాత్రా కాలంలో పంబలో స్పాట్ బుకింగ్ సౌకర్యాలు అందుబాటులో ఉండవు. ముందుగా వర్చువల్ క్యూ రిజర్వేషన్లు చేసుకోని భక్తులు నీలక్కల్, ఎరుమేలి లేదా వండిపెరియార్ సత్రంలోని నిర్దేశిత స్పాట్ బుకింగ్ కేంద్రాలను ఉపయోగించుకోవాలి.శబరిమల సందర్శనకు వెళ్లే యాత్రికులకు ఒక సూచన: తమ దర్శన స్లాట్లను ముందుగానే బుక్ చేసుకోవాలి, సరైన ట్రెక్కింగ్ మార్గాన్ని ఎంచుకోవాలి, నామినీ వివరాలను సరిగ్గా అందించాలి. ధ్రువీకరణ, స్వీకరణ కోసం తమ దర్శన , ప్రసాదం బుకింగ్ రసీదులను సిద్ధంగా ఉంచుకోవాలి.ఇదీ చదవండి: అయ్యప్ప భక్తులకు బీమా.. స్లాట్ బుకింగ్లో నామినీ అప్డేట్! -
కోజికోడ్ను చూసి నేర్చుకుందాం..
నవంబర్, డిసెంబర్ వస్తోందంటే సాహిత్య సంబరాలు, పుస్తక ప్రదర్శనలు, లిట్ ఫెస్ట్లు, కొత్త పుస్తకాల రిలీజులు... భేష్. కాని 15 కోట్ల మంది తెలుగువారికి రెండు మూడు నెలల సీజనేనా కావాల్సింది? కేరళలోని కోజికోడ్ మన దేశంలో యునెస్కో గుర్తించిన ఏకైక ‘సిటీ ఆఫ్ లిటరేచర్’. ఆ ఊరు ఎందుకు గొప్ప? మన హైదరాబాద్, విజయవాడ ఎందులో తక్కువ?‘హైదరాబాద్ బుక్ఫెయిర్ వచ్చింది... ఫోటోలు దిగుదామా’... అనో, ‘విజయవాడ బుక్ఫెయిర్ వచ్చింది అప్పడాలు తిందామా’ అనో జోకులేసుకునేవారు ఉన్నారు. తెలుగు వాళ్లు ఇలాంటి ఘనులు. కాని అందరూ మనలా ఉండరు. కొందరు అసలు ఉండరు. పుస్తకం లేని ఇల్లు దీపం లేని తావు లాంటిది. సాహిత్యం చదవని డాక్టరేట్ని నిరక్షరాస్యుడిగా గణించే చదువరులు ఉన్నారు. మనం మారాలంటే పుస్తకాలను మందుగా స్వీకరించాలి. పుస్తకాల పైకప్పు కట్టుకోవాలి. పుస్తకాల ఆహారాన్ని భుజించాలి.చలికాలం రాగానే మనకు పుస్తకాల సీజన్ మొదలైపోతుంది. రెండు మూడు నెలల హడావిడి జరిగి ముగిసిపోతుంది. కానీ సాహిత్యం ఇలా కొన్ని నెలల ‘సీజన్’కు మాత్రమే పరిమితం కావాలా? 15 కోట్ల తెలుగు వారికి కావాల్సింది ఏడాది పొడవునా సాగే అక్షర వికాసం కాదా? మన తెలుగు నేలపై సాహిత్యాన్ని ప్రతి ఇంట్లోకి తీసుకెళ్లేందుకు, వికాసం సాధించేందుకు అన్ని అవకాశాలూ, అపారమైన చరిత్ర ఉన్నాయి. కాని అలాంటి ప్రయత్నం జరగడం లేదు. పక్క రాష్ట్రంలోని కోజికోడ్ నగరం నుంచి మాత్రం భారతదేశంలోనే యునెస్కో గుర్తించిన ఏకైక ‘సిటీ ఆఫ్ లిటరేచర్’గా నిలిచి ఘనత అందుకుంటూ ఉంటుంది. మన హైదరాబాద్, వరంగల్, వైజాగ్, విజయవాడ కంటే ఏం గొప్ప అది? ఆ ఊరి ఘనతలను అధ్యయనం చేస్తే వివరాలు తెలుస్తాయి.ఎందుకు ’సిటీ ఆఫ్ లిటరేచర్’ ?కేరళలోని కోజికోడ్ (కాలికట్) నగరానికి యునెస్కో అంతర్జాతీయ గౌరవం ఊరికే దక్కలేదు. అక్కడ దాదాపు ఇంటికో లైబ్రరీ ఉంది. అక్కడ ప్రతి వ్యక్తీ పుస్తకాలు కొంటాడు. చదువుతాడు. చాలక కోజికోడ్ పరిధిలో 62 పబ్లిక్ లైబ్రరీలు ఉన్నాయి. జిల్లాలో 545కి పైగా యాక్టివ్ గ్రంథాలయాలు ఉన్నాయి. అక్కడ ఒక పౌరుడికి సగటున కేవలం 1.2 కిలోమీటర్ల వ్యాసార్థంలో ఒక రీడింగ్ రూమ్ అందుబాటులో ఉంటుంది.అక్కడ పుస్తకాల సీజన్ ఉండదు. ఏడాది పొడవునా పుస్తకంతో పాటుగా జీవన విధానం ఉంటుంది. ఆ ఊళ్లోని 70కి పైగా పబ్లిషింగ్ హౌస్లు నిరంతరం కొత్త పుస్తకాలను ముద్రిస్తూనే ఉంటాయి. ఎస్.కె. పొట్టెక్కాట్, వైకోమ్ ముహమ్మద్ బషీర్ వంటి దిగ్గజాలు నడియాడిన ఆ నేలపై, ఇప్పటికీ ప్రతి వారాంతంలో వీధి కూడళ్లలో బహిరంగ కవితా పఠనాలు, పుస్తక చర్చలు నిరంతరం జరుగుతుంటాయి. ఇలా మన దగ్గర జరుగుతోందా?మన నగరాలు ఆ స్థాయికి చేరాలంటే?సాహిత్య చరిత్రలో మన తెలుగు నగరాలు ఎందులోనూ తక్కువ కాదు. హైదరాబాద్కు కుతుబ్ షాహీల కవితా దార్శనికత, చారిత్రక అఫ్జల్గంజ్ సెంట్రల్ లైబ్రరీ ఉన్నాయి. విజయవాడ ఒకప్పుడు పబ్లిషింగ్ హబ్:. వరంగల్కు పోతన, కాళోజీల వారసత్వం ఉంది. తిరుపతి ఆధ్యాత్మిక సాహిత్య కేంద్రం. కానీ ఇవన్నీ యునెస్కో స్థాయికి చేరాలంటే మనం కొన్ని పనులు చేయాలి:→ నగరాల్లో ప్రతి డివిజన్ లేదా వార్డులో వై–ఫై సదుపాయంతో కూడిన మోడరన్ పబ్లిక్ రీడింగ్ రూమ్లను ఏర్పాటు చేయాలి.→ కేవలం డిసెంబర్ పుస్తక ప్రదర్శనలకే పరిమితం కాకుండా, ప్రతి నెలా స్థానిక పార్కులు, చెరువుల గట్లపై ’వీధి సాహిత్య ఉత్సవాలు’, ఓపెన్ మైక్ సెషన్లు నిర్వహించాలి.→ నగరాల్లో చారిత్రక కవుల విగ్రహాలు, వారి నివాసాలను కలుపుతూ ’సాహిత్య పర్యాటక కారిడార్లు’ అభివృద్ధి చేయాలి.ఇళ్లల్లో, బడుల్లో అక్షర బీజాలుమంచి సమాజం కావాలంటే పిల్లల్లో డిజిటల్ స్క్రీన్ల అడిక్షన్ ను తగ్గించి, పుస్తకాలతో స్నేహం చేయించాలి. దీనికోసం ఇళ్లు, బడులు వేదికలు కావాలి. ప్రతి తల్లిదండ్రులూ తమ ఇంట్లో ఒక చిన్న పుస్తకాల అరను ఏర్పాటు చేయాలి. పిల్లల పుట్టినరోజులకు గ్యాడ్జెట్లు కాకుండా పుస్తకాలను బహుమతిగా ఇచ్చే సంస్కృతి రావాలి. రోజులో కనీసం అరగంట సేపు పిల్లలతో కలిసి పుస్తకాలు చదవడం లేదా పాతకాలపు కథలను చర్చించడం అలవాటు చేయాలి. విద్యాసంస్థలు కేవలం ర్యాంకుల కోసం కాకుండా, వారంలో కనీసం రెండు గంటల సమయాన్ని కేవలం జనరల్ బుక్స్, నవలలు, కథల పుస్తకాలు చదవడానికి కేటాయించాలి. స్కూళ్లలో రీడింగ్ క్లబ్లను ఏర్పాటు చేసి ఉత్తమ పాఠకులకు అవార్డులు ఇవ్వాలి.పుస్తకం మనిషిని ఒంటరితనం నుంచి కాపాడుతుంది, సమాజాన్ని ఉన్మాదం నుంచి రక్షిస్తుంది. కోజికోడ్ నగరం మనకు నేర్పుతున్న పాఠం ఒక్కటే – సాహిత్యం అనేది కొందరి మేధావుల సొత్తు కాదు, అది ప్రజా బాహుళ్యంలో భాగం కావాలి. తెలుగు సమాజంలో సాహిత్య వికాసానికి కావలసిన సంస్కృతి, వనరులు పుష్కలంగా ఉన్నాయి. కావాల్సిందల్లా ఒక అడుగు. సీజన్లతో సంబంధం లేకుండా మన తెలుగు నగరాలు నిత్య సాహిత్య వేదికలుగా మారినప్పుడే అక్షర నిధులుగా మన తెలుగు నేల విశ్వవ్యాప్తం అవుతుంది.– కె -
అమ్మమ్మ ఇసుక పలక
‘ఏటి ఒడ్డున ఇసుకలో అక్షరాలు దిద్ది చదువు నేర్చుకున్నాం’ అని గతంలో చెప్పేవారు.ఆ దిద్దుబాట నేటికీ పాటించి చదువు చెప్తున్న అవ్వ కేరళలో ఉంది. 85 ఏళ్ల ఇందిరమ్మ రూపాయి ఖర్చు లేకుండా పర్యావరణానికి నష్టం చేయకుండా కేవలం ఇసుకను బ్లాక్బోర్డ్గా మార్చేసి గత పదేళ్లుగా అక్షరాలు దిద్దిస్తోంది. అలప్పుజలోని ఒక పల్లెటూరిలో, తన ఇంటి వరండానే అక్షరాల గుడిగా మార్చిన ఈమె కథ ప్రతి ఒక్కరికీ స్ఫూర్తిదాయకం.ఈ అమ్మమ్మ క్లాస్రూమ్ స్టైల్ చాలా వినూత్నమైనది, అత్యంత సహజమైనది. ఒక బకెట్ నిండా ఇసుక తెచ్చుకోవడం, దాన్ని నేలపై తివాచీలా పరచడం, ఒక చిన్న కర్రముక్కతో ఇసుకను సమానంగా సర్దడం... అదే కర్రముక్కతో అక్షరాలను రాసి పిల్లలకు చూపించడం వారి చేత దిద్దించడం. అయితే ఈ వయసులో ఆమె కేవలం మాతృభాష మలయాళం మాత్రమే నేర్పడం లేదు. ఆ ఇసుక పలకపై పిల్లలకు మలయాళం, హిందీ, ఇంగ్లీష్... అది కూడా కర్సివ్ రైటింగ్తో సహా, బేసిక్ మ్యాథమేటిక్స్ నేర్పిస్తోంది. అమ్మమ్మ ఇసుకపై రాస్తుంటే, ఎదురుగా కూర్చున్న పిల్లలు తమ చిరు వేళ్లతో ఆ ఇసుకపైనే అక్షరాలను దిద్దుతూ ప్రాక్టీస్ చేస్తారు. అందరూ ఆమెను ‘ఆశాట్టి అమ్మమ్మ’ అని ప్రేమగా పిలుచుకుంటారు.‘ఆశాన్ కలరి’ సంప్రదాయానికి పునర్జీవం!కేరళలో విజయదశమి నాడు పిల్లల చేత బియ్యంలోనో, ఇసుకలోనో అక్షరాలు దిద్దించి విద్యార్థిగా మార్చే ప్రాచీన సంప్రదాయాన్ని ‘ఎళుత్తినిరుత్తు’ (విద్యారంభం) అంటారు. పూర్వం పల్లెటూరి ప్రాథమిక పాఠశాలలను ‘ఆశాన్ కలరి’ (ప్రైమరి స్కూల్) అని పిలిచేవారు. కాలక్రమేణా మాయమవుతున్న ఈ సాంప్రదాయ విద్యావిధానాన్ని ఇందిరమ్మ మళ్లీ బతికించింది. స్మార్ట్బోర్డులు, వేల రూపాయల కార్పొరేట్ ఫీజులు లేని ఈ ఓపెన్–ఎయిర్ క్లాస్రూమ్లో పిల్లలకు కేవలం చదువు మాత్రమే కాదు.. ప్రకృతితో మమేకమవ్వడం, నైతిక విలువలను కూడా నేర్పుతోంది. నిన్న మొన్న కాకుండా గత పదేళ్లుగా స్థానిక పల్లెటూరి పిల్లలకు రూపాయి ఆశించకుండా ఆమె ఈ సేవ చేస్తుండడం విశేషం.స్పర్శ ముఖ్యంఈ ‘ఇసుక చదువు’ వెనుక అద్భుతమైన సైన్స్ ఉందని నిపుణులు సైతం అంగీకరిస్తున్నారు. పిల్లలు కేవలం కంటితో చూడడమే కాదు, ఇసుక టెక్సచర్ను తాకుతూ వేళ్లతో రాయడం వల్ల వాళ్ల నరాల వ్యవస్థ ఉత్తేజితమై బ్రెయిన్ మ్యాపింగ్ చాలా వేగంగా జరుగుతుంది. ఇది డిజిటల్ స్క్రీన్ల కన్నా ఎంతో పవర్ఫుల్. అంతేకాదు, పెన్సిల్తో రాసి రబ్బర్తో తుడిచే పని లేదు, పేజీలు చిరిగే భయం లేదు. తప్పు దొర్లిందా.. అలా ఇసుకపై చేయి తిప్పేసి, మళ్లీ ఫ్రెష్గా రాసేసుకోవడమే! దీని వల్ల పిల్లల్లో తప్పుల పట్ల భయం పోయి అన్ లిమిటెడ్ ప్రాక్టీస్ అలవడుతుంది. కాగితాలు వాడకుండా, పర్యావరణాన్ని కాపాడుతూ సాగుతున్న ఈ ‘జీరో–వేస్ట్ ఎడ్యుకేషన్’ నేటి విద్యావ్యవస్థకు ఒక కనువిప్పు.`Mom of Safaachiii` అనే ఇన్ స్టాగ్రామ్ యూజర్ అక్టోబర్ 24న పోస్ట్ చేసిన ఒక చిన్న వీడియో ద్వారా ఇందిరమ్మ నిశ్శబ్ద విద్యాయజ్ఞం ప్రపంచానికి తెలిసింది. ‘విద్యకు డబ్బుతో పని లేదు.. మంచి ఆలోచన, నేర్పాలనే తపన ఉంటే చాలు’ అని నిరూపించిన ఇందిరమ్మ నిజంగానే ఒక ‘సూపర్ అమ్మమ్మ’. టెక్నాలజీ మాయలో పడి నైపుణ్యాలు కోల్పోతున్న నేటి తరానికి, మట్టిని తాకుతూ అక్షరాలు దిద్దే ఈ అమ్మమ్మ గురుకులం ఒక అద్భుతమైన మార్గదర్శి. -
ముఖ్యమంత్రి మెచ్చిన మమిత ప్రేమ కథా చిత్రం.!
-
మెర్సిడెస్ కారుతో జడ్జి మైనర్ కొడుకు బీభత్సం
తిరువనంతపురం : కేరళంలో ఘోర రోడ్డు ప్రమాదం జరిగింది. ఓ జడ్జి కుమారుడు మెర్సిడెస్ బెంజ్ కారుతో సృష్టించిన బీభత్సంలో నిండు ప్రాణాన్ని బలిగొంది. ఖరీదైన కారుతో ద్విచక్ర వాహనాన్ని వేగంగా ఢీకొట్టడంతో.. సదరు వ్యక్తి అక్కడికక్కడే ప్రాణాలు కోల్పోయాడు. అయితే, క్షణాల వ్యవధిలోనే అరెస్టయిన నిందితుడు, వెంటనే స్టేషన్ బెయిల్పై బయటికి రావడం పట్ల తీవ్ర విమర్శలు వ్యక్తమవుతున్నాయి. పోలీసుల వివరాల మేరకు.. ఆదివారం తెల్లవారు జామున సుమారు 2:20 గంటలకు చెరనల్లూరులోని కంటైనర్ రోడ్డులో ఈ ప్రమాదం జరిగింది. మంజిలి ప్రాంతానికి చెందిన జయబాలకృష్ణన్ (రోడ్డు పక్కన కిరాణా స్టోర్ నిర్వహిస్తుంటాడు ) తన పని ముగించుకుని స్కూటర్పై ఇంటికి వెళ్తుండగా.. లైసెన్స్ లేని మైనర్ జడ్జి కొడుకు.. ఖరీదైన మెర్సిడెస్ బెంజ్ కారుతో స్కూటర్ను బలంగా ఢీకొట్టాడు. ఈ ప్రమాద తీవ్రతకు స్కూటర్ పూర్తిగా ధ్వంసమవగా.. జయబాలకృష్ణన్ అక్కడికక్కడే మృతి చెందాడు. అతనికి భార్య, ముగ్గురు పిల్లలు ఉన్నారు.సరదాగా కారు తీసుకున్నాప్రమాదంతో అప్రమత్తమైన స్థానికులు మైనర్ నిందితుణ్ని పోలీసులకు అప్పగించారు. కేసు నమోదు చేసుకొని దర్యాప్తు చేపట్టారు. ఈ దర్యాప్తులో బెంజ్ కారు త్రిస్సూర్లోని స్థానిక కోర్టులో న్యాయమూర్తిగా పనిచేస్తున్న జడ్జి పేరు మీద రిజిస్టరై ఉంది. ప్రమాదం జరిగిన సమయంలో 17 ఏళ్ల జడ్జి కుమారుడు కారు నడిపాడు. పోలీసులకు ఇచ్చిన వాంగ్మూలంలో.. తాను తల్లిదండ్రులకు తెలియకుండా, కేవలం సరదాగా కారు తీసుకున్నానని, ఆ సమయంలో భారీ వర్షం కురుస్తుండటం వల్ల స్కూటర్ అకస్మాత్తుగా రూటు మార్చుకోవడం వల్లే ప్రమాదం జరిగిందని బాలుడు పేర్కొన్నాడు. నిందితుడు మైనర్ కావడంతో పోలీసులు అతన్ని అదుపులోకి తీసుకుని స్టేషన్ బెయిల్పై విడుదల చేశారు. మద్యం మత్తులో ఉన్నాడా లేదా అని నిర్ధారించడానికి రక్త నమూనాలు సేకరించగా.. ప్రాథమిక నివేదికలో నెగెటివ్ వచ్చింది.కుటుంబ సభ్యుల సంచలన ఆరోపణలు నిందితుడి తండ్రి న్యాయమూర్తి కావడంతో దర్యాప్తు ప్రభావితమవుతోందని బాధితుడి కుటుంబం తీవ్ర ఆందోళన వ్యక్తం చేసింది. లైసెన్స్ లేని మైనర్కు కారు ఎందుకు ఇచ్చారు? అని ప్రశ్నించినందుకు పోలీస్ స్టేషన్లో ఆ జడ్జి వీరంగం సృష్టించాడు. తమతో దురుసుగా ప్రవర్తించారని, పిడికిలి బిగించి బెదిరించేలా వచ్చారని బంధువులు ఆరోపించారు. ప్రమాద స్థలంలో కారు ఫోటోలు తీయకుండా తమను అడ్డుకున్నారని, మొబైల్ ఫోన్లోని ఫోటోలను బలవంతంగా తొలగించారని మృతుని సోదరుడు సెల్వరాజ్ వాపోయారు. ఎఫ్ఐఆర్లో కీలక వివరాలు సరిగ్గా నమోదు చేయలేదని ఆరోపించారు. మరోవైపు, దర్యాప్తు పారదర్శకంగానే సాగుతోందని, చట్టపరంగా బాధ్యులపై తగిన చర్యలు తీసుకుంటామని పోలీసులు స్పష్టం చేశారు.ఇదీ చదవండి : ఉద్రిక్తత.. బిర్యానీ తిని ఇద్దరు చిన్నారులు మృతి? -
వండిపెరియార్ సత్రంలో ఈ సౌకర్యాలకు నో
శబరిమల: రాబోయే మండల-మకరవిళక్కు సీజన్లో శబరిమలను సందర్శించే యాత్రికులకు ఈ ఏడాది వండిపెరియార్ సత్రంలో విశ్రాంతి, వసతి సౌకర్యాలు (విరి) ఉండవని అధికారులు ప్రకటించారు. దానికి బదులుగా, ట్రావెన్కోర్ దేవస్వం బోర్డ్ (TDB) ద్వారా ఆన్లైన్ బుకింగ్ వ్యవస్థతో పాటు, వల్లార్డి(Wallardi) వద్ద విస్తృతమైన పార్కింగ్ విరి సౌకర్యాలు ఏర్పాటు చేస్తారు.యాత్రా ఏర్పాట్లను సమీక్షించేందుకు కేరళ, తమిళనాడు అధికారుల సంయుక్త సమావేశంలో ఈ నిర్ణయం తీసుకున్నారు. కేఎస్ఆర్టీసీ పళని, దిండిగల్ వంటి గమ్యస్థానాలకు అదనపు బస్సు సర్వీసులను కూడా నడుపుతుంది. యాత్రికుల భద్రతను నిర్ధారించడానికి, అటవీ శాఖ, మోటారు వాహనాల శాఖ యాత్రా మార్గాలలో అదనపు భద్రతా చర్యలను ప్రవేశపెట్టనున్నాయి. పుల్లుమేడు, సన్నిధానం మధ్య డ్రోన్ నిఘా, ర్యాపిడ్ రెస్పాన్స్ బృందాలు, పర్యావరణ సంరక్షకులను మోహరించనున్నారు.మోటార్ వెహికల్స్ డిపార్ట్మెంట్కు చెందిన ఆరు బృందాలు ఇరవై నాలుగు గంటలూ గస్తీ నిర్వహిస్తాయి. ఉప్పుపార, కోళికానం మధ్య 15 ప్రదేశాలలో కేరళ వాటర్ అథారిటీ తాగునీటిని కూడా అందిస్తుంది. ప్రధాన పుణ్యక్షేత్రాల మరమ్మతు పనులను నవంబర్ 10లోగా పూర్తి చేయాలని అధికారులు ఆదేశించారు. అదే సమయంలో యాత్రా మార్గాలలో మాదకద్రవ్యాలు, మద్యం వాడకాన్ని నివారించడానికి ఎక్సైజ్ తనిఖీలను పటిష్టం చేయనున్నారు.తేని జిల్లా కలెక్టర్ తమిళనాడులోని యాత్రికుల కోసం అవగాహన ప్రచార కార్యక్రమాలను, అలాగే వారికి సమాచారం అందించడానికి, వారి సందేహాలను నివృత్తి చేయడానికి 24 గంటల కాల్ సెంటర్ను కూడా ప్రకటించారు. -
అమ్మపై 12 ఏళ్ల కొడుకు ఫిర్యాదు.. 13 ఏళ్లు అజ్ఞాతంలోకి తల్లి.. చివరకు..
కేరళలో 2013లో నమోదైన కేసులో నిందితురాలిగా ఉండి, 13 ఏళ్లుగా పోలీసులకు చిక్కకుండా ఉన్న 44 ఏళ్ల మహిళ తన ఇద్దరు పిల్లలను ఇప్పుడు తిరిగి కలుసుకున్నారు. నిందితురాలి ఆచూకీ గుర్తించేందుకు పోలీసులు చేపట్టిన ప్రత్యేక చర్యల్లో భాగంగా అక్టోబర్ 21న ఆమెను అరెస్ట్ చేయగా, కోర్టులో బెయిల్ లభించిన తర్వాత పిల్లలతో రెండు రోజులు గడిపారు.కాసర్గోడ్ జిల్లాలోని చీమేణి ప్రాంతానికి చెందిన ఆ మహిళను పతనంతిట్ట జిల్లాలోని తిరువల్లలో చిత్తరిక్కల్ పోలీసులు అదుపులోకి తీసుకున్నారు. 2013లో తనకు అప్పటికి 12 ఏళ్ల వయసున్న కుమారుడిపై దాడి చేశారనే ఆరోపణలతో ఆమెపై కేసు నమోదైంది. బాలల న్యాయ చట్టం కింద కేసు నమోదు చేసి అరెస్ట్ చేసిన పోలీసులు, ఆమెను న్యాయస్థానం ముందు హాజరుపరిచారు. బెయిల్పై విడుదలైన తర్వాత ఆమె అజ్ఞాతంలోకి వెళ్లిపోయారు.వైవాహిక వివాదంతో మొదలైన కేసుఆ మహిళ తన భర్తతో కలిసి చీమేణిలో నివసించేవారు. ఈ దంపతులకు ఒక కుమారుడు, ఒక కుమార్తె ఉన్నారు. ఆమె చిత్తరిక్కల్ సమీపంలోని కంబలూరులో కుట్టు దుకాణం నిర్వహించేవారు. 2013లో భార్యాభర్తల మధ్య విభేదాలు తలెత్తిన నేపథ్యంలో, అప్పటికి 12 ఏళ్ల వయసున్న కుమారుడు తండ్రితో కలిసి చిత్తరిక్కల్ పోలీస్ స్టేషన్కు వెళ్లి తల్లి తనపై దాడి చేశారని ఫిర్యాదు చేశాడు.ఈ ఫిర్యాదు ఆధారంగా పోలీసులు కేసు నమోదు చేసి ఆమెను అరెస్ట్ చేశారు. బెయిల్పై బయటకు వచ్చిన అనంతరం ఆమె రాష్ట్రంలోని వివిధ ప్రాంతాల్లో నివసించారు. ఇదిలా ఉండగా, ఆమె భర్త మరో మహిళను వివాహం చేసుకున్నారు. కుమారుడు తండ్రి వద్దే ఉండగా, కుమార్తెను నానమ్మ పెంచారు.వృద్ధురాలికి సంరక్షకురాలిగా పనిపోలీసులు చేపట్టిన తాజా దర్యాప్తులో భాగంగా కొచ్చిలోని ఒక నర్సింగ్ ఏజెన్సీ ద్వారా ఆమె ఆచూకీ గుర్తించారు. ఆ ఏజెన్సీ ద్వారా తిరువల్లలో ఒక వృద్ధురాలికి సంరక్షకురాలిగా ఆమె పనిచేస్తున్నట్లు తెలుసుకున్నారు. అనంతరం పోలీసులు ఆమెను అదుపులోకి తీసుకుని కోర్టులో హాజరుపరిచారు.అక్కడే 13 ఏళ్లుగా దూరంగా ఉన్న తల్లిని కలుసుకునేందుకు ఆమె ఇద్దరు పిల్లలు వచ్చారు. ప్రస్తుతం 25 ఏళ్ల వయసున్న కుమారుడు, తన తల్లిపై ఉన్న కేసును కొనసాగించేందుకు ఆసక్తి లేదని కోర్టుకు తెలిపాడు. ఈ మేరకు అఫిడవిట్ సమర్పించడంతో న్యాయస్థానం ఆమెకు బెయిల్ మంజూరు చేసింది.పిల్లలతో శాశ్వతంగా ఉండాలని ఆశబెయిల్పై విడుదలైన తర్వాత ఆమె కుమార్తె, కుమారుడితో రెండు రోజులు గడిపారు. ఇద్దరు పిల్లలకూ వివాహాలు అయ్యాయి. తన తల్లిని తిరిగి తమతో ఉండాలని వారు కోరుకుంటున్నట్లు పోలీసులు తెలిపారు. 2013లో తండ్రి చెప్పడంతోనే ఫిర్యాదు చేశామని ఇప్పుడు పిల్లలు చెబుతున్నట్లు పోలీసులు వెల్లడించారు. తాను చూసుకుంటున్న వృద్ధురాలికి ప్రత్యామ్నాయం ఎవరినైనా ఏర్పాట్లు చేసి, కోర్టుకు సంబంధించిన మిగిలిన ప్రక్రియలు పూర్తయ్యాక తిరిగి వస్తానని ఆమె పిల్లలకు హామీ ఇచ్చారు. ఈ కేసుపై తదుపరి విచారణను వచ్చే నెలకు వాయిదా వేసినట్లు పోలీసులు తెలిపారు. ఆ విచారణలో ఫిర్యాదుదారుడి అభిప్రాయాన్ని కోర్టు పరిగణనలోకి తీసుకోనుంది.ఇదీ సంగతి: 30 నుంచి ఢిల్లీలో ఉండాలంటూ కాంగ్రెస్ ఎంపీలకు ఆదేశం -
కేరళ గవర్నర్ శాకాహార కిచెన్ ఆదేశాలపై దుమారం
తిరువనంతపురం: కేరళ నూతన గవర్నర్గా బాధ్యతలు చేపట్టిన ఓం ప్రకాష్ మాథుర్ పదవి చేపట్టిన మొదటి రోజే వివాదంలో చిక్కుకున్నారు. రాజ్ భవన్ వంటగదిలో కేవలం శాకాహారం మాత్రమే తయారు చేయాలని ఆయన ఆదేశించినట్లు వార్తలు రావడంతో అధికార కాంగ్రెస్, ప్రతిపక్ష సీపీఎం పార్టీలు తీవ్రంగా మండిపడ్డాయి. ఇది సంఘ్ పరివార్ ‘కాషాయ అజెండా’ అమలులో భాగమని ఆరోపించాయి.రాజ్ భవన్ వర్గాల సమాచారం ప్రకారం.. ఓం ప్రకాష్ మాథుర్ శాకాహారి కావడంతో, తన వ్యక్తిగత ఆహారపు అలవాట్ల కారణంగానే ఈ మార్పులు చేయాలని ఆదేశించారు. అయితే రాజ్ భవన్ ఉద్యోగుల ఆహార ఎంపికలపై ఎలాంటి ఆంక్షలు విధించలేదని, ఈ కిచెన్లో తయారైన ఆహారం గవర్నర్కు, ఆయన వ్యక్తిగత సిబ్బందిలో కొద్ది మందికి మాత్రమే వడ్డించబడుతుందని స్పష్టం చేశాయి.ఏఐసీసీ జనరల్ సెక్రటరీ కేసీ వేణుగోపాల్ ఈ నిర్ణయాన్ని తీవ్రంగా విమర్శించారు. కేరళ తీరప్రాంత రాష్ట్రం కావడంతో ఇక్కడ చేపలు, విభిన్న ఆహార సంస్కృతికి ప్రాధాన్యత ఉందని గుర్తుచేశారు. ప్రజలు ఏం తినాలనే దానిని శాసించే ప్రయత్నం రాజ్యాంగం కల్పించిన ప్రాథమిక హక్కులను ఉల్లంఘించడమేనని అన్నారు.వ్యక్తిగత ఆహారపు అలవాట్లను ఇతరులపై రుద్దడం ఆమోదయోగ్యం కాదని, రాజ్యాంగ పదవిలో ఉన్నవారు ప్రజల స్వేచ్ఛను కాపాడాలని ఆయన పేర్కొన్నారు.ఈ నిర్ణయాన్ని సీపీఎం రాష్ట్ర కార్యదర్శి ఎంవీ గోవిందన్ కూడా తప్పుపట్టారు. భారతదేశంలో ఏ ఆహారం తినాలో ఎన్నుకునే ప్రజాస్వామ్య హక్కు ప్రజలకు ఉందని, దానిని లాక్కునే ప్రయత్నాలు జరుగుతున్నాయని అన్నారు. దీని వెనుక మతపరమైన ధ్రువీకరణ కోసం ఆహారాన్ని ఆయుధంగా మార్చే సంఘ్ పరివార్ అజెండా ఉందని ఆరోపించారు. హోంమంత్రి రమేష్ చెన్నితల కూడా స్పందిస్తూ.. దుస్తులు, భాష, ఆహారం అన్నీ వ్యక్తిగత స్వేచ్ఛ పరిధిలోకి వస్తాయని, ఎవరికి నచ్చిన ఆహారాన్ని వారు తినే స్వేచ్ఛ ఉండాలని అన్నారు.ఇదీ చదవండి: హర్యానా గ్యాంగ్స్టర్ హిమాన్షు అమెరికాలో అరెస్ట్ -
అయ్యప్ప భక్తులకు శుభవార్త.. ఇక నేరుగా పంబాకు బస్సు ప్రయాణం!
శబరిమల అయ్యప్ప భక్తులకు కేరళ ప్రభుత్వం శుభవార్త చెప్పింది. యాత్రికుల ప్రయాణ ఇబ్బందులను తగ్గించేందుకు కేరళ రాష్ట్ర రోడ్డు రవాణా సంస్థ (కేఎస్ఆర్టీసీ) ప్రత్యేక బస్సు చార్టరింగ్ సౌకర్యాన్ని అందుబాటులోకి తీసుకురానుంది. ఈ మేరకు కేరళ రవాణా శాఖ మంత్రి సి.పి. జాన్ ప్రకటించారు. ఈ సదుపాయం ద్వారా భక్తుల బృందాలు రాష్ట్రంలోని ఏ ప్రాంతం నుంచైనా నేరుగా పంపాకు వెళ్లవచ్చు.రాబోయే మండల-మకరవిళక్కు యాత్రా సీజన్లో అయ్యప్ప భక్తులకు ప్రయాణ కష్టాలు తగ్గించడమే ఈ నిర్ణయం ప్రధాన ఉద్దేశం. సాధారణంగా రద్దీ సమయాల్లో నీలక్కల్ నుంచి పంపాకు వెళ్లేందుకు భక్తులు ఇబ్బందులు ఎదుర్కొంటున్నారు. దీంతో బస్సులు మారాల్సిన అవసరం లేకుండా నేరుగా పంపాకు చేరుకునేలా కొత్త సౌకర్యాన్ని తీసుకొస్తున్నారు.ఈ విధానంలో భక్తులు 45 సీట్లకు టికెట్లు బుక్ చేసుకుని కేఎస్ఆర్టీసీ బస్సును అద్దెకు తీసుకోవచ్చు. భక్తులు సూచించిన ప్రాంతానికి బస్సు చేరుకుని, అక్కడి నుంచి వారిని నేరుగా పంపాకు తీసుకెళ్తుంది. అయితే, విమానాన్ని చార్టర్ చేసుకున్న తరహాలోనే ఈ సదుపాయం పనిచేస్తుందని మంత్రి వివరించారు. దీంతో మొత్తం 45 సీట్లనూ బుక్ చేసుకోవడం తప్పనిసరి అని, ఇందులో ఎలాంటి మినహాయింపులు ఉండవని స్పష్టం చేశారు.అలాగే, సాధారణ టికెట్ ధరలకు అదనంగా బస్సు చార్టరింగ్ కోసం ఎలాంటి రుసుము వసూలు చేయబోమని మంత్రి తెలిపారు. ఈ సౌకర్యంతో కేరళలోని వివిధ జిల్లాల నుంచి సమూహాలుగా వచ్చే అయ్యప్ప భక్తులకు ప్రయోజనం కలగనుంది. అయితే, బుకింగ్ విధానం, టికెట్ ధరలు, ఇతర సేవా వివరాలను కేఎస్ఆర్టీసీ ఇంకా ప్రకటించలేదు. త్వరలోనే దీనిపై మరిన్ని వివరాలు విడుదల చేయనుంది.ఇదీ చదవండి: స్వాతంత్య్రం వచ్చిన 79 ఏళ్లలో ఇదే తొలిసారి! -
కేరళ గ్రామం నుంచి లాస్ ఏంజిల్స్ వరకు..! ఎవరీ రవ్లీన్ వర్గీస్?
ఓ మారుమూల గ్రామం నుంచి వచ్చి..అంతర్జాతీయ ఫ్యాషన్ వేదికలపై మెరిసే రేంజ్కు చేరుకుని యువతకు స్ఫూర్తిగా నిలిచిందామె. ఒక చిన్న అవకాశం ఆమె తలరాతనే మార్చే గొప్ప కెరీర్ విజయంగా మారింది.ఆ అమ్మాయే కేరళలోని పథనంతిట్ట జిల్లా కోడుమోన్కు చెందిన రవ్లీన్ వర్గీస్. ఫ్యాషన్డిజైన్ కోర్సు చదవడానికి 18 ఏళ్ల వయసులో ఢిల్లీ వెళ్లింది. అక్కడ ఒక టాలెంట్ స్కౌట్ ఆమెను గమనించి మోడలింగ్లో చిన్న అవకాశం ఇచ్చింది. అది కాస్తా ఆమెను అంతర్జాతీయ ప్రాజెక్టులలో పనిచేస్తూ..కెరీర్ను నిర్మించుకునే రేంజ్కు తీసుకెళ్లింది. ఇందులో భాగంగా న్యూయార్క్ ఫ్యాషన్ వీక్'లో డిజైనర్ ప్రబల్ గురుంగ్ నిర్వహించిన 'స్ప్రింగ్/సమ్మర్ 2025' ప్రదర్శనలో పాల్గొనే అవకాశం దక్కించుకుంది. అక్కడ నుంచి 'విక్టోరియాస్ సీక్రెట్ ఫ్యాషన్ షో'లో అరంగేట్రం చేసేందుకు దారితీసింది. ఇది అంతర్జాతీయ మోడలింగ్ కెరీర్లో ఒక కీలమై మైలురాయి. అలాగే 'విక్టోరియాస్ సీక్రెట్ ఫ్యాషన్ షో' పాల్గొన్న తొలి కేరళ బ్యూటీగా ఘనత దక్కించుకుంది కూడా. అంతేగాదు ఫ్యాషన్ ప్రపంచంలోనే అత్యంత ప్రసిద్ధ వేదికలలో ఒకటైన 'విక్టోరియాస్ సీక్రెట్' ర్యాంప్పై ఈ మలయాళీ ప్రతిభను చాటి అందరి దృష్టిని ఆకర్షించింది. ఆమె ఈ షోలో, రెండు విభిన్నమైన లుక్లలో కనిపించి అలరించింది. ఒక లుక్లో మోడల్గా తన బహుముఖ ప్రజ్ఞను చాటగా, మరొక లుక్లో బెల్లా హదీద్, గిగీ హదీద్ వంటి అంతర్జాతీయంగా పేరుగాంచిన మోడళ్లతో కలిసి వేదికను పంచుకుంటూ మెరిసింది. అంతర్జాతీయ స్థాయిలో పనిచేస్తున్నప్పటికీ, తన మూలాలను మర్చిపోలేదామె. ఇప్పటికీ తాను మలయాళ సంగీతాన్నే వింటానని పేర్కొంది రవ్లీన్ వర్గీస్. ఇదీ చదవండి: నేవీ బ్లూ బనారసి చీరలో చందమామలా సాయిపల్లవి!) -
మాజీ సీఎంకి ఊరట.. ఈడీకి సుప్రీంకోర్టు హెచ్చరిక
సాక్షి, న్యూఢిల్లీ: కేరళ మాజీ సీఎం పినరయి విజయన్, ఆయన కుమార్తె వీణా టీ, అల్లుడితో పాటు ఇతరులపై ఉన్న సీఎంఆర్ఎల్–ఎక్సాలోజిక్ కేసులో సుప్రీంకోర్టు కీలక ఆదేశాలు జారీ చేసింది. ఈ కేసులో తదుపరి దర్యాప్తును వారం రోజుల పాటు నిలిపివేసింది. ఈ మేరకు నేడు (బుధవారం) మధ్యంతర ఉత్తర్వులు జారీ చేసింది. అదే సమయంలో ఎన్ఫోర్స్మెంట్ డైరెక్టరేట్ (ఈడీ) తన చట్టబద్ధ అధికారాల పరిధిలోనే పనిచేయాలని, ఇతర దర్యాప్తు సంస్థల అధికారాల్లో జోక్యం చేసుకోవద్దని కూడా స్పష్టం చేసింది.“మీరు చట్టం ప్రకారం మీ విధులను నిర్వర్తించండి. ఇతర దర్యాప్తు సంస్థల అధికారాల్లో జోక్యం చేసుకునేలా మీ పరిధిని విస్తరించవద్దు” అని జస్టిస్ జాయ్మాల్య బాగ్చి వ్యాఖ్యానించారు. కేరళ హైకోర్టు ఆదేశాలను సవాలు చేస్తూ పినరయి విజయన్, ఇతరులు దాఖలు చేసిన పిటిషన్లపై సుప్రీంకోర్టు విచారణ చేపట్టింది. ఎఫ్ఐఆర్ నమోదును నిలిపివేయలేదని, తదుపరి దర్యాప్తును మాత్రమే వారం రోజుల పాటు నిలిపివేసినట్లు ధర్మాసనం స్పష్టం చేసింది. హైకోర్టులో తమ వాదనలు వినిపించుకోవాలని పిటిషనర్లకు సూచించింది.ఈ కేసులో ప్రభుత్వ రంగ సంస్థ సీఎంఆర్ఎల్.. విజయన్ కుమార్తె వీణాకు చెందిన ఎక్సాలోజిక్ సొల్యూషన్స్ సంస్థకు 2017 నుంచి 2020 మధ్యకాలంలో రూ.2.78 కోట్లకు పైగా చెల్లించినట్లు ఆరోపణలున్నాయి. ఎలాంటి సేవలు అందించకుండానే ఈ చెల్లింపులు జరిగినట్లు ఆరోపిస్తూ ఈడీ కేరళ పోలీసులకు సమాచారం ఇచ్చింది. ఆ సమాచారంతో రాష్ట్రంలో ఎఫ్ఐఆర్ నమోదైంది.తాజా ఎఫ్ఐఆర్ ఆధారంగా ఈడీ మరో కేసు నమోదు చేసి, అక్టోబర్ 23న విచారణకు హాజరుకావాలని విజయన్కు సమన్లు జారీ చేసినట్లు ఆయన తరఫు న్యాయవాదులు కోర్టుకు తెలిపారు. అయితే ఈడీ నమోదు చేసిన తాజా కేసుపై తాము ఎలాంటి అభిప్రాయం వ్యక్తం చేయడం లేదని సుప్రీంకోర్టు పేర్కొంది. ప్రజాప్రతినిధులపై దర్యాప్తు ప్రారంభించే ముందు వర్తించే చట్టపరమైన నిబంధనలు, ఎఫ్ఐఆర్ నమోదుకు సంబంధించిన విధివిధానాలను హైకోర్టు పరిశీలించాలని ధర్మాసనం సూచించింది. అయితే ఈ కేసులోని అంశాలపై తుది అభిప్రాయం మాత్రం వ్యక్తం చేయలేదని స్పష్టం చేసింది.ఇదీ చదవండి: బిష్ణోయ్ కేసు.. కేంద్రం నిబంధనలు అతనికి ఎలా ప్లస్ అవుతున్నాయి? -
అయ్యప్ప భక్తులకు అలర్ట్.. శబరిమలలో కొత్త రూల్స్!
తిరువనంతపురం: శబరిమల అయ్యప్ప స్వామి దర్శనానికి వెళ్లే భక్తులకు ముఖ్య గమనిక. శబరిమలలో ఆన్లైన్ గదుల బుకింగ్ విధానంలో కొత్త నిబంధనలు తీసుకొచ్చేందుకు ట్రావెన్కోర్ దేవస్వం బోర్డు సిద్ధమవుతోంది. ఇకపై ముందస్తుగా దర్శనం బుక్ చేసుకున్న భక్తులకే వసతి గదులు కేటాయించేలా మార్పులు చేయాలని యోచిస్తోంది. గదుల బుకింగ్లో ఏజెన్సీలు, దళారుల జోక్యాన్ని అరికట్టి.. సామాన్య భక్తులకు వసతి అందుబాటులో ఉండేలా చర్యలు చేపడుతోంది.శబరిమల సన్నిధానంలో గదుల కేటాయింపుపై పలు అనుమానాలు వ్యక్తమవుతున్న నేపథ్యంలో దేవస్వం విజిలెన్స్ విభాగం విచారణ ప్రారంభించింది. తులా మాస పూజల కోసం ఆన్లైన్లో అందుబాటులో ఉంచిన 400 గదులను ఏజెన్సీలే బుక్ చేసుకున్నాయన్న ఆరోపణలు ఈ పరిణామాలకు కారణమయ్యాయి. బుకింగ్ ప్రారంభమైన కొద్ది క్షణాల్లోనే గదులన్నీ ఖాళీ కావడంపైనా అనుమానాలు వ్యక్తమయ్యాయి. ప్రస్తుతం అమల్లో ఉన్న విధానంలో ఒకరు తమ అవసరానికి మించి ఒకటి కంటే ఎక్కువ గదులను బుక్ చేసుకునే అవకాశం ఉంది. దీంతో ఎక్కువ మంది భక్తులకు గదులు దొరకడం కష్టమవుతోందన్న అభిప్రాయాలు వ్యక్తమవుతున్నాయి. ఈ సమస్యకు పరిష్కారం చూపడంతో పాటు బుకింగ్ ప్రక్రియలో పారదర్శకత పెంచేందుకు బోర్డు కొత్త విధానాన్ని రూపొందిస్తోంది.దర్శనం బుకింగ్ ఉంటేనే వసతిప్రతిపాదిత నిబంధనల ప్రకారం.. ఆన్లైన్లో అయ్యప్ప స్వామి దర్శనాన్ని ముందుగానే బుక్ చేసుకున్న భక్తులకు మాత్రమే గదులు కేటాయించనున్నారు. గదుల బుకింగ్ సమయంలో సంబంధిత భక్తుడి మొబైల్ నంబర్కు వన్ టైమ్ పాస్వర్డ్ (ఓటీపీ) పంపించి ధ్రువీకరించే విధానాన్ని కూడా అమలు చేయాలని భావిస్తున్నారు. దీనివల్ల ఇతరుల పేర్లతో గదులు బుక్ చేయడం, పెద్ద సంఖ్యలో గదులను ముందుగానే స్వాధీనం చేసుకోవడం వంటి అక్రమాలకు అడ్డుకట్ట వేయవచ్చని అధికారులు భావిస్తున్నారు.ఈ మార్పులకు సంబంధించిన సిఫార్సులతో కూడిన నివేదికను శబరిమల ప్రత్యేక కమిషనర్ త్వరలో కేరళ హైకోర్టుకు సమర్పించనున్నారు. తదుపరి నిర్ణయాలు, అధికారిక మార్గదర్శకాలు వెలువడిన తర్వాత కొత్త విధానం అమలుపై స్పష్టత రానుంది. కాగా, శబరిమలకు వచ్చే భక్తులకు వసతి సౌకర్యాలు సక్రమంగా అందేలా చూడటమే ఈ ప్రతిపాదనల ప్రధాన ఉద్దేశం. అయితే కొత్త నిబంధనలు ఇంకా ప్రతిపాదనల దశలోనే ఉన్నందున, అమలు తేదీతో పాటు బుకింగ్కు సంబంధించిన పూర్తి వివరాలు అధికారిక ప్రకటన తర్వాతే వెల్లడికానున్నాయి.ఇదీ చదవండి: దీపావళి యాడ్ వివాదం : జర్నలిస్టును కొట్టి చంపేశారు! -
శబరిమల: క్యూఆర్ కోడ్ ఆధారిత పాస్ కోసం డిమాండ్
శబరిమల: సాంప్రదాయ 46 కిలోమీటర్ల అటవీ మార్గం ద్వారా శబరిమలకు వెళ్లే అయ్యప్ప భక్తుల కోసం క్యూఆర్ కోడ్ ఆధారిత పాస్ విధానాన్ని ప్రవేశపెట్టాలని డిమాండ్ వ్యక్తమైంది. కాలినడకన కష్టతరమైన ఈ యాత్రను చేపట్టే యాత్రికులకు సుదీర్ఘ నిరీక్షణ సమయాలను తగ్గించి, దర్శనానికి సులభతరాన్ని కల్పించడమే ఈ ప్రతిపాదన లక్ష్యం.సాంప్రదాయ అటవీ మార్గం కలకట్టి , అలుద , ముక్కుజి , కరిలంతోడు , కొత్తమలై , వలియాన వట్టం మరియు చెరియాన వట్టం వంటి అనేక ప్రాంతాల గుండా వెళుతుంది. మండల - మకరవిళక్కు పుణ్యకాలంలో వేలాది మంది భక్తులు ఈ మార్గాన్ని ఉపయోగిస్తారు.అయితే , సుదీర్ఘమైన అటవీ యాత్రను పూర్తి చేసుకున్న యాత్రికులు పంబ చేరుకున్న తర్వాత తరచుగా అదనపు ఇబ్బందులను ఎదుర్కొంటారు. వాహనాల్లో వచ్చే భక్తులతో పాటు , వారిని కూడా వంతెన దగ్గర ఉన్న సాధారణ క్యూలో చేరమని ఆదేశిస్తున్నట్లు సమాచారం. అక్కడ నుండి , వారు సన్నిధానం చేరుకోవడానికి ముందు గణపతి కోవిల్ , మరక్కూట్టం మరియు శరంకుతితో సహా అనేక వెయిటింగ్ పాయింట్ల గుండా వెళ్ళాలి.ఎక్కువసేపు వేచి ఉండాల్సి రావడం తీవ్ర ఇబ్బందులను కలిగిస్తుంది, ముఖ్యంగా అప్పటికే అడవి గుండా చాలా కిలోమీటర్లు నడిచి వచ్చిన వృద్ధ భక్తులకు. పిల్లలకు ఇది మరింత భారంగా ఉంటుంది.రాత్రి 11 గంటలకు ఆలయం మూసివేసేలోపు సన్నిధానానికి చేరుకోవడానికి చాలా మంది యాత్రికులు ఇబ్బంది పడుతున్నారు. మూసివేసే సమయాన్ని కోల్పోయిన వారు, మరుసటి రోజు ఉదయం 5 గంటలకు ఆలయం తిరిగి తెరిచే వరకు వేచి ఉండవలసి వస్తుంది. నివేదిక ప్రకారం, ఈ ఇబ్బందుల కారణంగా కొంతమంది భక్తులు తమ యాత్రను కూడా విరమించుకుంటున్నారు.గతంలో, ఎల్డీఎఫ్ ప్రభుత్వ హయాంలో అటవీ మార్గం ద్వారా వచ్చే యాత్రికులకు సహాయపడటానికి ముక్కుళి దేవి ఆలయంలో ఒక ప్రత్యేక పాస్ విధానాన్ని ప్రవేశపెట్టారు. అయితే, కొంతమంది భక్తులు తమ పాస్లను ఇతరులకు బదిలీ చేస్తున్నారనే ఆరోపణల నేపథ్యంలో ఆ సౌకర్యాన్ని తర్వాత ఉపసంహరించుకున్నారు.ఇలాంటి దుర్వినియోగాన్ని నివారించడానికి, తిరుపతిలో అనుసరిస్తున్న ఏర్పాటును పోలిన క్యూఆర్ కోడ్ ఆధారిత పాస్ విధానాన్ని ప్రవేశపెట్టాలని భక్తులు ఇప్పుడు సూచించారు. ఈ ప్రతిపాదిత విధానం ప్రకారం, పాస్లను ఒక్కో యాత్రికుడికి అనుసంధానించి, క్యూఆర్ కోడ్ స్కానింగ్ ద్వారా ధృవీకరిస్తారు.మీడియాతో మాట్లాడుతూ, కొట్టాచిర భద్రకాళికావు దేవి ఆలయ ప్రతినిధులు, సాంప్రదాయ అటవీ మార్గాన్ని ఉపయోగించే యాత్రికుల కోసం 5,000 పాస్ ల ప్రతిపాదిత కోటాతో ప్రత్యేక పాస్ సౌకర్యాన్ని పునరుద్ధరించాలని పిలుపునిచ్చారు.ప్రతినిధుల ప్రకారం, మునుపటి ఏర్పాటు కింద మండల కాలంలో సుమారు 5,000 పాస్ లు జారీ చేయబడ్డాయి. అయితే, మకరవిళక్కు ఉధృతంగా సాగే కాలంలో అటవీ మార్గం గుండా యాత్రికుల రాకపోకలు 20,000కు పైగా ఉండవచ్చు.పుల్లుమేడు మార్గం ద్వారా వచ్చే భక్తులకు ఇచ్చిన ప్రాధాన్యతనే , సాంప్రదాయ అటవీ మార్గం ద్వారా ప్రయాణించే యాత్రికులకు కూడా ఇవ్వాలని ఆలయ ప్రతినిధులు సూచించారు. సుదీర్ఘ అటవీ యాత్ర చేసే భక్తులు ఎదుర్కొంటున్న ఇబ్బందులను పరిగణనలోకి తీసుకుని , రాబోయే మండల - మకరవిళక్కు సీజన్లో శబరిమలలో సులువుగా దర్శనం చేసుకునేందుకు సురక్షిత పాస్ వ్యవస్థను ప్రవేశపెట్టాలని వారు అధికారులను కోరారు. ఇదిలా ఉండగా , సాంప్రదాయ అటవీ మార్గం ద్వారా వెళ్లే శబరిమల యాత్రికులకు ప్రత్యేక పాస్లు ఇవ్వాలని పలు భక్తుల సంఘం టీడీబీని కోరింది.ఇదీ చదవండి: శబరిమల, మాళికాపురం ఆలయాలకు నూతన అర్చకులు -
టూర్కు వెళ్లి తిరిగొస్తుండగా..
కర్ణాటక: లారీ ఢీకొని కేరళ యువతి మరణించిన సంఘటన నెలమంగల తాలూకా వీరనంజిపుర వద్ద జరిగింది. అలినా (24) మృతురాలు. ఈమె స్నేహితుడు అల్బిన్తో కలిసి దేవరాయనదుర్గ కొండ టూర్కు వచ్చింది. తిరిగి బైక్పై వెళ్తుండగా వీరనంజిపుర వద్ద లారీ ఢీకొంది. ప్రమాదంలో అలినా అక్కడే మృతిచెందగా, అల్బిన్ గాయపడ్డాడు. కేరళకు చెందిన వీరు బెంగళూరులో ఓ కాలేజీలో చదువుకుంటూ ఇందిరానగరలో పీజీ హాస్టల్ ఉండేవారు. పోలీసులు కేసు నమోదు చేసుకున్నారు.ఇదీ చదవండి: నెంబర్ ప్లేట్ స్థానంలో ‘ఘోస్ట్’ కారుతో పోలీసులపైకే! -
శబరిమల యాత్ర ఏర్పాట్లపై కేరళ సీఎం సమీక్ష
కేరళ ముఖ్యమంత్రి వి.డి. సతీశన్ రాబోయే శబరిమల మండల–మకరవిళక్కు తీర్థయాత్ర సీజన్ ఏర్పాట్లను సమీక్షించేందుకు శనివారం నీలక్కల్ను సందర్శించారు .మలయాళ మాసమైన 'తులాం' సందర్భంగా ఐదు రోజుల పాటు నిర్వహించే నెలవారీ పూజల కోసం ఈ ఆలయం సాయంత్రం వేళ తెరుచుకుంది. శబరిమల అయ్యప్ప ఆలయంలో ప్రార్థనలు చేశారు. ప్రార్థనలు చేయడంతో పాటు, వచ్చే నెలలో ప్రారంభం కానున్న వార్షిక తీర్థయాత్ర సీజన్ కోసం సన్నిధానంలో, పాదయాత్ర మార్గంలో చేపట్టిన ఏర్పాట్లను సతీశన్ పరిశీలించారు.#WATCH | Pathanamthitta | Keralam Chief minister VD Satheeshan walks to Sabarimala after chairing the high level review meeting to analyze preparations before the pilgrimage season https://t.co/EvILwNXNXJ— ANI (@ANI) October 17, 2026 దేవస్వం శాఖ మంత్రి కె. మురళీధరన్, పర్యాటక శాఖ మంత్రి పి.సి. విష్ణునాథ్లతో కలిసి, సతీశన్ మధ్యాహ్నం 3 గంటల ప్రాంతంలో పంప నుండి సాంప్రదాయ పాదయాత్రను ప్రారంభించి, సాయంత్రం 5 గంటల తర్వాత సన్నిధానానికి చేరుకున్నారు. ఆయన విఐపి (VIP) ద్వారం గుండా ఆలయ ప్రాంగణంలోకి ప్రవేశించి స్వామివారిని దర్శించుకున్నారు. 2017లో అప్పటి ముఖ్యమంత్రి పినరయి విజయన్ సందర్శించిన తర్వాత, ఒక ముఖ్యమంత్రి శబరిమల ఆలయాన్ని సందర్శించడం ఇదే మొదటిసారి. అంతుకు తంత్రి కందరారు బ్రహ్మదత్తన్ సమక్షంలో మేల్శాంతి ఇ.డి. ప్రసాద్ నంబూతిరి గర్భాలయాన్ని తెరిచారు. ఆ తర్వాత ఉపదేవతల ఆలయాలను తెరవడం మరియు పద్దెనిమిది పవిత్ర మెట్ల సమీపంలో 'ఆళి' (పవిత్ర అగ్నిగుండం) లాంటి కార్యక్రమాలు జరిగాయి. -
శబరిమల భక్తులకు వసతులు.. డ్రోన్లతో భద్రత!
ఇడుక్కి: రాబోయే శబరిమల యాత్రా కాలానికి ముందు జిల్లాలో సన్నాహాలు ముమ్మరం అవుతున్నాయి. ఇందులో భాగంగా జాతీయ రహదారుల అథారిటీ ఆధ్వర్యంలో రోడ్ల మరమ్మతు పనులు ప్రారంభమయ్యాయి. యాత్ర సన్నాహాలపై జరిగిన సమీక్షా సమావేశంలో, మండల సీజన్ ప్రారంభానికి ముందే సైన్బోర్డుల ఏర్పాటుతో సహా రహదారి పనులను పూర్తి చేయాలని జిల్లా కలెక్టర్ డాక్టర్ దినేసన్ చెరువుత్ అధికారులను ఆదేశించారు.వలడి, సత్రం, పుల్లుమేడు, ముక్కుళి మరియు బాయ్స్ గ్రౌండ్లలో తగినన్ని మరుగుదొడ్ల సౌకర్యాలు కల్పించాలని అటవీ శాఖ మరియు స్థానిక సంస్థలను కోరడం జరిగింది. సత్రం మార్గం గుండా యాత్రికులను ముందుకు వెళ్ళడానికి అనుమతించే ముందు వారిని పరీక్షించడానికి వలదిలో ఒక ఆరోగ్య పరీక్షా కేంద్రాన్ని ఏర్పాటు చేస్తారు. గుండె జబ్బులు మరియు ఇతర ఆరోగ్య సమస్యలు ఉన్న యాత్రికులకు ఈ మార్గానికి దూరంగా ఉండమని సలహా ఇస్తారు. అవగాహన కల్పించడానికి బహుళ భాషలలో ప్రకటనలు కూడా చేస్తారు. వలదిలో మోహరించిన ఆరోగ్య శాఖ + సిబ్బందికి అవసరమైన సౌకర్యాలు కల్పిస్తారు.ఈ సీజన్లో సత్రం మరియు పుల్లుమేడు మధ్య అటవీ శాఖ మూడు అదనపు సేవా కేంద్రాలను (ఎకో-షాపులను) తెరవనుంది. జీరో పాయింట్, పుల్లుమేడు మరియు కళుతక్కుళి వద్ద ఉన్న ఈ కేంద్రాలు యాత్రికులకు త్రాగునీరు, గంజి మరియు తేలికపాటి అల్పాహారాలను అందిస్తాయి.మార్గం పొడవునా భద్రత, నిఘాను కూడా పటిష్టం చేస్తారు. పుల్లుమేడు, సన్నిధానం మధ్య అదనంగా ఒక వాచవర్ను నిర్మిస్తారు. ఆరుగురు సభ్యుల ర్యాపిడ్ రెస్పాన్స్ టీమ్ తో పాటు, ఈ మార్గం పొడవునా ప్రతి 500 మీటర్లకు ఇద్దరు ఎకో-గార్డులను మోహరిస్తారు. పగటిపూట డ్రోన్ నిఘా కూడా నిర్వహిస్తారు.మోటారు వాహనాల శాఖకు చెందిన ఆరు బృందాలు ఇరవై నాలుగు గంటలూ గస్తీ నిర్వహిస్తాయి, అదే సమయంలో పాడైపోయిన వాహనాలకు వర్క్షాప్ సహాయం ఏర్పాటు చేయబడుతుంది. ఉప్పుతార మరియు కోళికానం మధ్య 15 ప్రదేశాలలో కేరళ జల ప్రాధికార సంస్థ తాగునీటిని అందిస్తుంది.మత్తు పదార్థాల రవాణా, వినియోగాన్ని నివారించడానికిమత్తు పదార్థాల రవాణా, వినియోగాన్ని నివారించడానికి కుమిలిలో ఒక ఎక్సైజ్ చెక్-పోస్ట్ ఏర్పాటు చేయబడుతుంది. అంజుమల, కుమిలి, పెరియార్ మరియు పీర్మేడ్ తాలూకా కార్యాలయంలో తహసీల్దార్ల నేతృత్వంలో కంట్రోల్ రూమ్లు తెరవబడతాయి. ఉప్పుతరలో అదనపు అగ్నిమాపక మరియు రెస్క్యూ సర్వీసెస్ యూనిట్ను మోహరించాలని కూడా సమావేశం సిఫార్సు చేసింది. ఈ సమావేశానికి ఏడీఎం మినీ కె. జాన్, ఆర్డీఓ ఎస్. శ్రీజిత్, వివిధ శాఖల అధిపతులు హాజరయ్యారు.ఇదీ చదవండి: డేటా సెంటర్లు వరమా? శాపమా? -
జర్మనీలో అగ్నిప్రమాదం : ముగ్గురు భారతీయులు సజీవ దహనం
జర్మనీలో ఘోర అగ్నిప్రమాదం చోటు చేసుకుంది. ఈ ఘటనలో ముగ్గురు భారతీయులు ప్రాణాలు కోల్పోయారు. జర్మనీలోని బోచుమ్ (Bochum) నగరంలో జరిగిన అపార్ట్మెంట్ అగ్నిప్రమాదంలో కేరళకు చెందిన ముగ్గురు భారతీయులు మృతి చెందడం విషాదాన్ని నింపింది. ఈ విషాద ఘటనలో మరో ఐదుగురు గాయపడ్డారు. వీరిలో మరో కేరళ విద్యార్థి పరిస్థితి విషమంగా ఉన్నట్టు తెలుస్తోంది. ఈ సంఘటనపై హత్య అనుమానంతో పోలీసులు ఒక వ్యక్తిని అదుపులోకి తీసుకున్నారు.స్థానిక మీడియా ప్రకారం..జర్మనీలోని బోచుమ్ నగరంలో పోస్ట్స్ట్రాసే (Poststrasse) ప్రాంతంలోని ఒక బహుళ అంతస్తుల నివాస భవనంలో తెల్లవారుజామున ఈ అగ్నిప్రమాదం సంభవించింది. మృతులను నోవా సాబు (ఇడుక్కి), అంజలి శీలా జాయ్ (కొల్లం), సివిన్ జానీ (ఎర్నాకులం)గా గుర్తించారు. ఇది ప్రమాదవశాత్తు జరిగింది కాదని, కావాలనే నిప్పు పెట్టినట్లు దర్యాప్తు అధికారులు భావిస్తున్నారు. భవనంలో నివసించే 41 ఏళ్ల రొమేనియా జాతీయుడిని పోలీసులు అరెస్ట్ చేశారు. ఈ ప్రమాదంలో పొగ పీల్చడం వల్ల తీవ్ర అస్వస్థతకు గురైన మరో ఐదుగురిని చికిత్స కోసం స్థానిక ఆసుపత్రులకు తరలించారు. ప్రస్తుతం వారికి వైద్యులు చికిత్స అందిస్తున్నారు.జిమ్ ట్రైనర్, వేర్హౌస్ ఉద్యోగి, విద్యార్థినోవా సాబు: రిటైర్డ్ సబ్-ఇన్స్పెక్టర్ కేపీ సాబు ,చెంబాకప్పార ప్రాథమిక ఆరోగ్య కేంద్రంలో పబ్లిక్ హెల్త్ నర్సుగా పనిచేసే పీఎన్ జ్యోతిల కుమార్తె. ఆమె జూలై 3న జర్మనీకి వెళ్లారు. అక్కడ పార్ట్టైమ్ జిమ్ ట్రైనర్గా పనిచేస్తున్నారు.సివిన్ జానీ : ఉన్నత చదువుల కోసం జర్మనీకి వెళ్లిన రెండు వారాలకే ఈ ఘటన జరిగింది. అతని సోదరుడు సల్విన్ జర్మనీలో, సోదరి సిమి ఐర్లాండ్లో ఉంటున్నారు.అంజలి షీలా జాయ్: బీఈడీ పూర్తి చేసి, ఉద్యోగం కోసం జూలైలో జర్మనీకి వెళ్లారు. ఆమె అక్కడ ఒక వేర్హౌస్లో పనిచేస్తున్నారు. జాయ్ బంధువు ప్రసన్న ప్రయాస్ మాట్లాడుతూ, జాయ్కు కేరళలో ప్రభుత్వ ఉద్యోగం చేయాలనే కోరిక ఉండేదనీ, పీఎస్సీ పరీక్షలు చాలాసార్లు రాసినా నీ ఫలితం లేకపోవడంతో విదేశాలకు వెళ్లిపోయిందని ఆవేదన వ్యక్తం చేశారు. ప్రభుత్వ ఉద్యోగం ఆమె కల అని కంటతడిపెట్టారు.జాయ్ మామ జాన్సన్ మాట్లాడుతూ, మంగళవారం రాత్రి ఆమె మామూలుగా చేసే ఫోన్ కాల్ రాకపోవడంతో ఆందోళన కుటుంబ కుటుంబ సభ్యులు ఫోన్ చేయడంతో విషయం తెలిసిందన్నారు. దుబాయ్లో ఉన్న ఒక స్నేహితుడు వారికి అగ్నిప్రమాదం గురించి చెప్పారనీ, ఉదయానికల్లా, మృతులలో ఆమె పేరు కూడా ఉందంటూ కన్నీరు మున్నీరయ్యారు. జర్మనీలో నివసిస్తున్న ఒక బంధువు సంఘటనా స్థలానికి వెళ్లి స్థానిక పోలీసులతో విషయాన్ని ధృవీకరించారు. మరో మేనల్లుడు ఆస్ట్రియా నుంచి అక్కడికి చేరుకున్నారు. ఇదీ చదవండి : షాకింగ్ వీడియో : ఇతగాణ్ణి పట్టుకోండి! వీసీ సజ్జనార్ తీవ్ర ఆగ్రహంమృతుల భౌతికకాయాలను వీలైనంత త్వరగా కేరళకు రప్పించేందుకు కొల్లం ఎంపీ ఎన్.కె. ప్రేమ్చంద్రన్ జర్మనీలోని భారత రాయబారి అజిత్ గుప్తేను కోరారు. కేరళ ప్రభుత్వ టూరిజం మంత్రి పి.సి. విష్ణునాథ్ మాట్లాడుతూ, ఎన్.ఓ.ఆర్.కె.ఎ. (NORKA) భారత రాయబార కార్యాలయంతో కలిసి ప్రభుత్వం తగిన చర్యలు తీసుకుంటోందని తెలిపారు. జర్మనీలోని మలయాళీ సంఘాలు కూడా మృతదేహాలను స్వదేశానికి రప్పించే ఖర్చులను భరించేందుకు ముందుకు వచ్చాయి.ఇదీ చదవండి: రూ. 70 కోట్లు : ఇన్ఫ్లూయెన్సెర్కి చుక్కలు చూపించిన COD ఆర్డర్లు -
శబరిమల భక్తులకు గుడ్న్యూస్
శబరిమల అయ్యప్ప స్వామి దర్శనానికి వచ్చే భక్తుల సౌకర్యార్థం కేరళ ప్రభుత్వం, ట్రావెన్కోర్ దేవస్థానం బోర్డు ఏర్పాట్లను ముమ్మరం చేస్తున్నాయి. యాత్రికుల రద్దీని దృష్టిలో ఉంచుకుని పంబలో ఒకేసారి 6,000 మందికి పైగా విశ్రాంతి తీసుకునేలా భారీ జర్మన్ టెంట్ను ఏర్పాటు చేస్తున్నారు. నిలక్కల్లోనూ ఇదే తరహా సదుపాయాన్ని కల్పించేందుకు అధికారులు ప్రణాళికలు సిద్ధం చేస్తున్నారు.శబరిమల వార్షిక మండల-మకరవిళక్కు యాత్రా సీజన్కు ముందు భక్తులకు మెరుగైన సౌకర్యాలు కల్పించడంపై అధికారులు దృష్టి సారించారు. ఇందులో భాగంగా పంబలో తాత్కాలిక జర్మన్ టెంట్ నిర్మాణ పనులను ప్రారంభించారు. పంబ నదీ పరివాహక ప్రాంతంలో ఏర్పాటు చేస్తున్న ఈ టెంట్లో ఒకేసారి 6,000 మందికి పైగా యాత్రికులు విశ్రాంతి తీసుకునే అవకాశం ఉంటుంది. రాబోయే యాత్రా ఏర్పాట్లను సమీక్షించేందుకు ముఖ్యమంత్రి వీడీ సతీశన్ అక్టోబర్ 17న పంబలో పర్యటించనున్నారు. ఈ నేపథ్యంలో పంబ, నిలక్కల్, సన్నిధానం ప్రాంతాల్లో అభివృద్ధి, నిర్వహణ పనులను అధికారులు వేగవంతం చేశారు. యాత్ర సమయంలో పెద్ద సంఖ్యలో భక్తులు తరలివచ్చే అవకాశం ఉండటంతో వారికి అవసరమైన సౌకర్యాలను ముందుగానే సిద్ధం చేస్తున్నారు.నిలక్కల్లోనూ భారీ టెంట్!శబరిమల యాత్రికులకు ప్రధాన బేస్ క్యాంప్గా ఉన్న నిలక్కల్లోనూ 6,000 మంది విశ్రాంతి తీసుకునే సామర్థ్యంతో మరో జర్మన్ టెంట్ను ఏర్పాటు చేయాలని యోచిస్తున్నారు. పంబలో దర్శనానికి వెళ్లే ముందు, తిరుగు ప్రయాణంలో లేదా వేచి ఉండే సమయంలో భక్తులు సేదతీరేందుకు ఈ తాత్కాలిక ఆశ్రయాలు ఉపయోగపడనున్నాయి. గతంలో పంబ, నిలక్కల్ ప్రాంతాల్లో శాశ్వతంగా లేదా అవసరాన్ని బట్టి తొలగించి తిరిగి ఏర్పాటు చేసుకునే ఆశ్రయాలను నిర్మించాలని దేవస్థానం బోర్డు ప్రతిపాదించింది. అయితే అటవీ శాఖ అభ్యంతరాల కారణంగా ఆ ప్రణాళిక ముందుకు సాగడంలో ఇబ్బందులు ఎదురయ్యాయి. దీంతో ప్రస్తుతం తాత్కాలిక వసతి ఏర్పాట్లపై దృష్టి పెట్టినట్లు తెలుస్తోంది.పంబలో పారిశుధ్య పనులుయాత్రికుల భద్రతను దృష్టిలో ఉంచుకుని పంబ నది, స్నాన ఘాట్ల పరిసరాల్లో శుభ్రత పనులను కూడా ప్రారంభించారు. నదిలో, పరిసర ప్రాంతాల్లో ఉన్న ఇనుప కడ్డీలు, కాంక్రీట్ స్లాబులు, ఇతర ప్రమాదకర వస్తువులను తొలగిస్తున్నారు. ఇటీవల కన్నిమాస పూజల సందర్భంగా పంబ నదిలో స్నానం చేస్తుండగా ఓ యాత్రికుడు ఇనుప కడ్డీ తగిలి గాయపడ్డాడు. ఈ ఘటన నేపథ్యంలో నదిలో ప్రమాదకర వస్తువులను తొలగించి, భక్తులకు సురక్షితమైన స్నాన సౌకర్యాలు కల్పించేందుకు చర్యలు చేపట్టారు. మొత్తంగా, పంబ, నిలక్కల్ ప్రాంతాల్లో అదనపు విశ్రాంతి సదుపాయాలు అందుబాటులోకి వస్తే యాత్రా సీజన్లో భక్తుల రద్దీ నిర్వహణకు కొంత ఊరట లభించనుంది. అయితే ఈ ఏర్పాట్లు పూర్తిస్థాయిలో అందుబాటులోకి రావడానికి నిర్మాణ పనులు, సంబంధిత అనుమతులు కీలకం కానున్నాయి.ఇదీ చదవండి: సీజేపీ నిరసనలు.. అమీర్ ఖాన్ మేనల్లుడికి బిగ్ షాక్ -
ఆలప్పుజలో అయ్యప్ప స్వాములకు ప్రత్యేక వసతులు!
త్వరలో ప్రారంభం కానున్న శబరిమల యాత్రా కాలంలో ఆలప్పుజ జిల్లాకు వచ్చే అయ్యప్ప భక్తుల కోసం కేరళ ప్రభుత్వం పటిష్ట ఏర్పాట్లు చేస్తోంది. భక్తులకు ఎలాంటి అసౌకర్యం కలగకుండా అన్ని రకాల వసతులు కల్పించేందుకు అధికారులు ఉన్నత స్థాయి సమీక్షా సమావేశం నిర్వహించి కార్యాచరణను సిద్ధం చేశారు.నవంబర్ 14 నుంచి ప్రత్యేక సౌకర్యాలునవంబర్ 14 నుండి చెంగన్నూర్ రైల్వే స్టేషన్, కేఎస్ఆర్టీసీ బస్ స్టాండ్, చెంగన్నూర్ మహాదేవ ఆలయం, అంబలప్పుజ, హరిపాడ్ వంటి ప్రధాన యాత్రా స్థలాలలో భక్తుల కోసం ప్రత్యేక ఏర్పాట్లు అందుబాటులోకి రానున్నాయి. యాత్రికుల విశ్రాంతి కోసం విశ్రాంతి స్థలాలు, తాగునీరు, విశాలమైన పార్కింగ్ ప్రాంతాలు, బయో-టాయిలెట్లు, భద్రత కోసం సీసీటీవీ నిఘా వంటి సదుపాయాలను కల్పిస్తున్నారు.భక్తుల ప్రయాణ సౌలభ్యం నిమిత్తం చెంగన్నూర్ రైల్వే స్టేషన్ నుండి ప్రత్యేక బస్సు సర్వీసులను నడపనున్నారు. అలాగే భక్తుల భద్రతను పూర్తిగా నిర్ధారించడానికి కీలక ప్రదేశాలలో అదనపు పోలీసు సిబ్బందిని మోహరించి భద్రతా చర్యలను కట్టుదిట్టం చేయనున్నారు.పారిశుధ్యం, ఆహార భద్రతకు ప్రాధాన్యంక్షేత్రాల వద్ద పరిశుభ్రతను ఎల్లప్పుడూ కాపాడేందుకు ప్రధాన పుణ్యక్షేత్రాలలో ప్రత్యేకంగా పారిశుధ్య కార్మికులను నియమించనున్నారు. అనధికార ఆక్రమణలను తొలగించడంతో పాటు, యాత్రికులకు ఆహారాన్ని అందించే వివిధ వ్యాపార సంస్థలలో ఫుడ్ సేఫ్టీని నిర్ధారించడానికి పలు శాఖల ఆధ్వర్యంలో సంయుక్త తనిఖీలు చేపట్టనున్నారు.అత్యవసర వైద్య సేవలుయాత్రా సమయంలో భక్తులకు ఎటువంటి ఆరోగ్య సమస్యలు తలెత్తినా వెంటనే స్పందించేలా తగినన్ని అత్యవసర వైద్య సౌకర్యాలు అందుబాటులో ఉంచాలని ఆరోగ్య శాఖను అధికారులు ఆదేశించారు. స్థానిక ఆరోగ్య కేంద్రాలలో అవసరమైన మందులను తగినంతగా నిల్వ ఉంచడంతో పాటు, వైద్యులు, అంబులెన్స్ సేవలు 24 గంటలూ అందుబాటులో ఉండేలా చర్యలు తీసుకుంటున్నారు. -
దేశవాళీ వరి సంరక్షకుడు పద్మశ్రీ రామన్ కన్నుమూత
కేరళలోని వాయనాడ్ చెందిన సాంప్రదాయ వరి రకాల పరిరక్షణకు జీవితాన్ని అంకితం చేసిన గిరిజన రైతు, పద్మశ్రీ పురస్కార గ్రహీత, రామన్ (74) కన్ను మూశారు. కోజికోడ మెడికల్ కాలేజీ ఆసుపత్రిలో చికిత్స పొందుతూ బుధవారం తుదిశ్వాస విడిచినట్లు కుటుంబ సభ్యులు వెల్లడించారు. రామన్ అస్తమయంపై పలువురు సంతాపం ప్రకటించారు. మనంతవాడికి చెందిన కమ్మనం గ్రామానికి చెందిన రామన్, అంతరించిపోయే ప్రమాదంలో ఉన్న 45కి పైగా దేశవాళీ (సాంప్రదాయ) వరి రకాలను కాపాడి, సంరక్షించడంలో ఎంతో ప్రసిద్ధి చెందారు. ఆయన దశాబ్దాలుగా సాంప్రదాయ సేంద్రీయ వ్యవసాయ పద్ధతులను అనుసరిస్తూ, ఆ ప్రాంతపు వ్యవసాయ వారసత్వాన్ని భావి తరాలకు అందించేందుకు కృషి చేశారు.1952 జూన్ 6న తలక్కర చెరియ రామన్గా జన్మించిన రామన్, కమ్మనం నవోదయ లోయర్ ప్రైమరీ పాఠశాలలో ప్రాథమిక విద్యను పూర్తి చేసుకున్న అనంతరం 10 ఏళ్ల వయస్సులోనే పూర్తిస్థాయిలో వ్యవసాయంపైనే దృష్టి సారించారు. రామన్ చిన్నతనంలోనే తన మామయ్యతో కలిసి వ్యవసాయం చేయడం ప్రారంభించాడు. ఆయన మరణానంతరం, మామయ్య పండించిన ఆరు రకాల వరి పంటలను పరిరక్షించడం ద్వారా రామన్ ఆయన వారసత్వాన్ని కొనసాగించారు. ఇదీ చదవండి: మీరట్ బ్లూ డ్రమ్ కేసు : దోషులకు మరణ శిక్ష < View this post on Instagram A post shared by Priyanka Gandhi Wayanad (@priyanka.gandhi.wayanad)వ్యవసాయంపై ఆయనకున్న మక్కువతో 1969లో కన్నూర్ డీఎంఓ (DMO) ఆఫీసులో వచ్చిన ప్రభుత్వ ఉద్యోగాన్ని కూడా తిరస్కరించారు. తన కృషికి గాను జాతీయ ప్లాంట్ జీనోమ్ అవార్డు , కేరళ జీవవైవిధ్య బోర్డు గ్రీన్ అవార్డు గెలుచుకున్నారు. 2023లో దేశంలోని అత్యున్నత పౌర పురస్కారాలలో ఒకటైన 'పద్మశ్రీ'తో ప్రభుత్వం ఆయనను సత్కరించింది."ప్రజలకు ఆరోగ్యకరమైన, పోషకమైన ఆహారాన్ని అందించడమే నా ప్రయత్నం. మంచి ఆహారం, నీరు, నేల మీదే నా దృష్టి ఉంది. విలాసవంతమైన జీవితం గడపడానికి నా మనసు ఒప్పకోదు’’ అనేవారు రామన్. ఇదీ చదవండి: 365 రోజుల ఛాలెంజ్ : రూ. 9.5 లక్షలు గెల్చుకుంది! -
సీజేఐపై కాంగ్రెస్ పోస్ట్.. డిలీట్ చేసినా తగ్గని దుమారం!
సుప్రీంకోర్టు ప్రధాన న్యాయమూర్తి జస్టిస్ సూర్యకాంత్పై కాంగ్రెస్ పార్టీ చేసిన ఓ సోషల్ మీడియా పోస్ట్ దేశ రాజకీయాల్లో తీవ్ర దుమారం రేపింది. ఢిల్లీలో నిరసనలు, ఆంక్షలపై స్పందిస్తూ.. ‘ఇది శాంతిభద్రతలకు సంబంధించిన అంశం.. నా పరిధిలోకి రాదు’ అని సీజేఐ వ్యాఖ్యానించడాన్ని ఆ పార్టీ తప్పుబట్టింది. తక్షణమే రాజీనామా చేయాలంటూ సోషల్ మీడియాలో ఓ పోస్ట్ పెట్టడం తీవ్ర దుమారం రేపింది. న్యాయ వ్యవస్థపై, చీఫ్ జస్టిస్పై తమకు నమ్మకం ఉందని ఆ పార్టీ అగ్రనేత రాహుల్ గాంధీ వ్యాఖ్యనించిన సమయంలోనే దాదాపుగా ఇది జరిగింది.‘శాంతిభద్రతలు మీ పరిధిలోకి రాకపోతే రాజీనామా చేయండి. ఆ బాధ్యతలను నిర్వహించగల మరో వ్యక్తిని మేం కనుగొంటాం’ అంటూ కేరళ కాంగ్రెస్ అధికారిక ఎక్స్ ఖాతాలో సీజేఐని ఉద్దేశించి పోస్ట్ చేశారు. దీంతో దేశ అత్యున్నత న్యాయస్థానం ప్రధాన న్యాయమూర్తిని ఉద్దేశించి ఇలాంటి వ్యాఖ్యలు చేయడంపై తీవ్ర అభ్యంతరాలు వ్యక్తమయ్యాయి. న్యాయవ్యవస్థ గౌరవాన్ని దెబ్బతీసేలా కాంగ్రెస్ వ్యవహరించిందంటూ బీజేపీ నేతలు మండిపడ్డారు.వివాదం ముదరడంతో కేరళ ప్రదేశ్ కాంగ్రెస్ కమిటీ (కేపీసీసీ) అధ్యక్షుడు సన్నీ జోసెఫ్ స్పందించారు. సీజేఐపై అభ్యంతరకర పోస్ట్ పెట్టిన వ్యక్తిని విధుల నుంచి తొలగించినట్లు తెలిపారు. పార్టీ రాష్ట్ర నాయకత్వానికి తెలియకుండా, అనుమతి.. సంప్రదింపులు లేకుండానే ఆ పోస్ట్ ప్రచురితమైందని స్పష్టం చేశారు. ఈ ఘటన ఎలా జరిగిందో పరిశీలిస్తామని వెల్లడించారు. న్యాయవ్యవస్థ నిష్పాక్షికతపై కాంగ్రెస్కు ఎలాంటి అభ్యంతరాలు లేవని, అందుకు విరుద్ధంగా ఉన్న సోషల్ మీడియా పోస్టులు పార్టీ నాయకత్వ అభిప్రాయాన్ని ప్రతిబింబించవని పేర్కొన్నారు.‘కాంగ్రెస్ తదుపరి లక్ష్యం న్యాయవ్యవస్థే’విపక్ష నేతలకు సీజేఐ అపాయింట్మెంట్ నిరాకరణ.. దానికి ఆయన ఇచ్చిన వివరణపై రాహుల్ గాంధీకి విలేకరుల నుంచి ప్రశ్న ఎదురైంది. అయితే ఆయన నిర్ణయాన్ని తాము గౌరవిస్తామని రాహుల్ అన్నారు. ఈ ప్రెస్మీట్ జరుగుతున్న టైంలోనే అటు కేరళ కాంగ్రెస్ సోషల్ మీడియా అకౌంట్ నుంచి ఈ పోస్ట్ పబ్లిష్ అయ్యింది. ఈ వ్యవహారంపై కేంద్ర పార్లమెంటరీ వ్యవహారాల మంత్రి కిరణ్ రిజిజు తీవ్రంగా స్పందించారు. ఎన్నికల సంఘం తర్వాత కాంగ్రెస్ లక్ష్యం న్యాయవ్యవస్థేనని తాను గతంలోనే చెప్పానని పేర్కొన్నారు. రాజ్యాంగబద్ధమైన, ప్రజాస్వామ్య సంస్థలను కాంగ్రెస్ బలహీనపరచాలని చూస్తోందని ఆరోపించారు. దేశ వ్యతిరేక శక్తులన్నీ ఏకమవుతున్నాయని, దేశభక్తులంతా కూడా ఒక్కటవుతారని వ్యాఖ్యానించారు. బీజేపీకి చెందిన పలువురు నేతలు సైతం కాంగ్రెస్ తీరును తప్పుబట్టారు.I had said it earlier, next target of the Congress Party is Judiciary. Congress wants to destroy all the constitutional and democratic institutions of India. All Anti-India gangs are joining hands. All patriotic Indians will also come together 🇮🇳 https://t.co/oOLST1yuUL— Kiren Rijiju (@KirenRijiju) October 12, 2026లాయర్ల సంఘం ఏమందంటే?సీజేఐ సూర్యకాంత్ రాజీనామా చేయాలంటూ చేసిన సోషల్ మీడియా వ్యాఖ్యలను సుప్రీంకోర్టు అడ్వకేట్స్ ఆన్ రికార్డ్ అసోసియేషన్ (ఎస్సీఏఓఆర్ఏ) ఖండించింది. ఇలాంటి ప్రకటనలు న్యాయపదవి గౌరవాన్ని దెబ్బతీయడంతోపాటు న్యాయవ్యవస్థపై ప్రజల విశ్వాసాన్ని తగ్గించే ప్రమాదం ఉందని పేర్కొంది. న్యాయవ్యవస్థ పనితీరుపై అభ్యంతరాలుంటే తగిన చట్టపరమైన, రాజ్యాంగబద్ధమైన మార్గాల్లోనే తెలియజేయాలని సూచించింది. న్యాయ ప్రక్రియ స్వతంత్రంగా కొనసాగేందుకు అందరూ సహకరించాలని కోరింది.అసలు వివాదం అక్కడే మొదలైంది!ఢిల్లీలో నిరసనలకు విధించిన ఆంక్షలు, పోలీసుల చర్యలపై ప్రశ్నలు తలెత్తిన నేపథ్యంలో సీజేఐ చేసిన వ్యాఖ్యలు ఈ వివాదానికి కేంద్రంగా మారాయి. ప్రతిపక్ష నేతలు తనను కలిసేందుకు చేసిన విజ్ఞప్తిని కూడా ఆయన తిరస్కరించారు. వారు లేవనెత్తాలనుకున్న అంశాలు ఇప్పటికే సుప్రీంకోర్టు పరిశీలనలో ఉన్నందున, వారితో సమావేశమైతే అధికార విభజన సూత్రానికి విరుద్ధంగా ఉంటుందని స్పష్టం చేసినట్లు వార్తా కథనాలు వెల్లడించాయి.మరోవైపు, ఓటర్ల జాబితా ప్రత్యేక సమగ్ర సవరణ (ఎస్ఐఆర్)లో భారీగా ఓట్ల తొలగింపులు, అవకతవకలు జరిగాయంటూ 11 మంది ప్రతిపక్ష ఎంపీల పేర్లతో పిటిషన్ దాఖలైంది. ఎన్నికల సంఘం నిర్ణయం చట్టబద్ధతను పరిశీలించాలని అందులో కోరారు. ఈ నేపథ్యంలో ప్రతిపక్షాల నిరసనలు, సీజేఐ వ్యాఖ్యలు, కాంగ్రెస్ సోషల్ మీడియా పోస్ట్.. వరుస పరిణామాలు రాజకీయ వేడిని మరింత పెంచాయి.ఇదీ చదవండి: రాహుల్ గాంధీ పిటిషన్లో 14 లోపాలు?! -
సీఈసీపై.. కేరళ అసెంబ్లీ కీలక తీర్మానం
తిరువనంతపురం: కేరళ అసెంబ్లీ కీలక నిర్ణయం తీసుకుంది. సీఈసీ జ్ఞానేష్ కుమార్ను ఆ పదవి నుంచి తొలగించాలని డిమాండ్ చేస్తూ కేరళ శాసనసభ ఒక తీర్మానాన్ని ఆమోదించింది. ఆ రాష్ట్ర ముఖ్యమంత్రి వి.డి. సతీశన్ ఈ తీర్మానాన్ని అసెంబ్లీలో ప్రవేశపెట్టారు. ఈ తీర్మానాన్ని ముగ్గురు బీజేపీ ఎమ్మెల్యేలు వ్యతిరేకించారు.ఈ సందర్భంగా ముఖ్యమంత్రి మాట్లాడుతూ..ఓటర్ల జాబితా ప్రత్యేక సమగ్ర సవరణ (SIR) ప్రక్రియలో తీవ్రమైన లోపాలు ఉన్నాయని, మైనారిటీలు, వలస కార్మికులు, అణగారిన వర్గాలు యువ ఓటర్ల ఓటు హక్కును సాంకేతిక మార్పులతో తొలగించడం ద్వారా ప్రజాస్వామ్య విలువలకు భంగం కలుగుతోందని ఆరోపించారు. కనుక ఎన్నికల కమిషన్ విశ్వసనీయతను కాపాడటానికి సీఈసీని తొలగించాలని తీర్మానం చేశారు.అంతేకాకుండా ఎన్నికల కమిషనర్ల నియామక ప్యానెల్ను పునర్వ్యవస్థీకరించాలని ఆ ప్యానెల్లో ప్రధానమంత్రి, ప్రతిపక్షనేత, సీజేఐ సభ్యులుగా ఉండాలని సూచించారు. ఈ తీర్మానాన్ని ప్రతిపక్ష లెఫ్ట్ డెమోక్రటిక్ ఫ్రంట్ (LDF) బలపరిచింది. ఇదీ చదవండి: సీఈసీకి వ్యతిరేకంగా విపక్షాల ర్యాలీ -
‘అంతా మా డాడీ చూసుకుంటాడు లే!’
తల్లిదండ్రులు సంపాదించిన సొమ్ముతో విలాసాలు.. పుట్టినరోజు కానుకగా ఖరీదైన మినీ కూపర్.. రయ్రయ్మంటూ రోడ్లపై దూసుకెళ్లే వేగం! ఆ స్పీడే ముగ్గురు అమాయకుల ప్రాణాలు బలిగొంది. ప్రమాదం తర్వాత అక్కడ గుమిగూడిన స్థానికులు కారు నడిపిన టీనేజర్ను నిలదీయగా.. ‘అంతా మా డాడీ చూసుకుంటాడు లే!’ అంటూ నిర్లక్ష్యంగా సమాధానమివ్వడం వాళ్లను దిగ్భ్రాంతికి గురి చేసింది. కేరళలోని కొచ్చి విమానాశ్రయం సమీపంలో ఆదివారం వేకువ జామున జరిగిన ఘోర ప్రమాదం.. తీవ్ర చర్చనీయాంశంగా మారింది. వేగంగా దూసుకెళ్లిన ఓ కారు.. ద్విచక్ర వాహనంపై వెళ్తున్న ముగ్గురి ప్రాణాలను తీసింది. ప్రమాదంలో మరణించిన దేవిక (21), గోపిక (22), ఇయాస్ (21).. ఈ ముగ్గురూ త్రిక్కక్కరలో ఓ దుకాణంలో పని చేస్తూ చదువుకుంటున్నారు. నిర్లక్ష్యంగా కారు నడిపి ముగ్గురి ప్రాణాలు తీయడమే కాదు.. నిలదీసిన స్థానికులతోనూ 19 ఏళ్ల సుహైల్ సజీవ్ దురుసుగా ప్రవర్తించినట్లు తెలుస్తోంది. ఈ ఘటన స్థానికంగా తీవ్ర ఆగ్రహానికి దారితీసింది.CCTV captures the moment when a speeding Mini Cooper killed three youths near Nedumbassery airport in Ernakulam. Accused driver Suhail Sajeev, 19, is in custody. Police are verifying the claim that he was driving at 218 kmph and examining forensic and technical evidence. #Kerala #RoadSafety— Ashish (@KP_Aashish) October 12, 2026ఎర్నాకుళం జిల్లాలోని నెడుంబస్సేరిలో ఆదివారం తెల్లవారుజామున 2 గంటల సమయంలో ఈ ప్రమాదం జరిగింది. అర్ధరాత్రి డ్యూటీ ముగించుకుని టీ తాగి ఆ ముగ్గురు ఒకే స్కూటర్పై ఇళ్లకు బయల్దేరారు. ఈలోపు వేగంగా వచ్చిన మినీ కూపర్ ఢీకొట్టింది. వయనాడ్కు చెందిన దేవిక, పాలక్కాడ్కు చెందిన గోపిక, అలాగే కర్ణాటకకు చెందిన ఇజాజ్ తీవ్రంగా గాయపడ్డారు. స్థానికులు వారిని ఆస్పత్రికి తరలించినప్పటికీ ప్రాణాలు దక్కలేదు. సుహైల్ బ్యాక్గ్రౌండ్ సుహైల్ తండ్రి సజీవ్ జమాల్ ప్రముఖ టెక్స్టైల్ వ్యాపారి. తల్లి నూహా సజీవ్ కొచ్చి, అలప్పుజాలో డిజైన్ స్టూడియో, బ్రాండ్ నిర్వహిస్తోంది. ప్రమాదానికి కారణమైన కారు సజీవ్ పేరు మీద రిజిస్టర్ అయ్యి ఉంది. దానిని తల్లి నూహా అతనికి పుట్టినరోజు కానుకగా ఇచ్చినట్లు తెలుస్తోంది. ఈ కానుకే ఇప్పుడు ముగ్గురి ప్రాణాలు తీసింది. సుహైల్ గతంలోనూ అత్యంత వేగంగా కారు నడిపినట్లు పోలీసులు చెబుతున్నారు. గంటకు 218 కిలోమీటర్ల వేగంగా కారు నడిపిన వీడియోల్ని ఇన్స్టాగ్రామ్లో పోస్ట్ చేయగా.. పోలీసులు వాటిని పరిశీలిస్తున్నారు. #WATCH | Keralam | Three students killed in an accident involving a car and a scooter in Nedumbassery, Kochi. The police have detained the car driver, Suhail Sajeev, and registered a case. Visuals of the vehicles involved in the accident (11.10) https://t.co/eZRvm1ULuh— ANI (@ANI) October 12, 2026ఆస్పత్రి వద్ద దాడిమరోవైపు, నిందితుడు సుహైల్పై మృతుల స్నేహితులు దాడికి యత్నించారు. ఆదివారం అతన్ని వైద్య పరీక్షల కోసం పోలీసులు ఆస్పత్రికి తీసుకెళ్లగా.. బయటకు తీసుకెళ్తున్న సమయంలో వెనుక నుంచి తలపై కొట్టారు. పోలీసులు జోక్యం చేసుకుని దాడిని అడ్డుకోవడంతోపాటు, ఈ ఘటనకు సంబంధించి ఒకరిని అదుపులోకి తీసుకున్నారు.సీసీటీవీ దృశ్యాల్లో ప్రమాద తీవ్రతప్రమాద దృశ్యాల్లో మినీ కూపర్ అధిక వేగంతో దూసుకొచ్చి రహదారికి ఎడమవైపు వెళ్తున్న స్కూటర్ను ఢీకొట్టినట్లు కనిపించింది. ఢీకొన్న వేగానికి స్కూటర్పై వెనుక కూర్చున్న మహిళ గాల్లోకి ఎగిరిపడింది. స్కూటర్ పూర్తిగా ధ్వంసమవగా, కారు కూడా తీవ్రంగా దెబ్బతింది. విమానాశ్రయ పరిసరాల్లో అతివేగంతో జరిగే ప్రమాదాలను నివారించేందుకు పోలీసు పెట్రోలింగ్, ఇతర ముందస్తు చర్యలను పెంచుతామని అధికారులు తెలిపారు. రక్త పరీక్షల నివేదికలు, ఫోరెన్సిక్ పరిశీలన ఫలితాల ఆధారంగా తదుపరి చర్యలు తీసుకోనున్నారు.Aniyayama 3 uyiru poiduchu 😑 Appan karan 19th birthday gift Mini cooper vaangi kuduthanam night uh full ah kudichitu accident panitu irukkan 🤦🏼♂️ #Kerala https://t.co/xp1W4NV85V— Alpha ! (@DMK662000) October 12, 2026డ్రగ్స్ తీసుకున్నాడా?ప్రమాదంలో బైక్ నుజ్జునుజ్జు కాగా, కారు ముందు భాగంగా తీవ్రంగా దెబ్బతింది. కారు నడిపిన సుహైల్(19)ను స్థానికులు అడ్డుకుని పోలీసులకు సమాచారం ఇచ్చారు. పోలీసులు వచ్చే లోపు అతను అక్కడ వీరంగం సృష్టించారు. ప్రమాదానికి ముందు మద్యం సేవించినట్లు అతను పోలీసుల వద్ద ఒప్పుకున్నాడు. అయితే డ్రగ్స్ తీసుకున్నాడనే అనుమానాల నడుమ.. కారులో ఫోరెన్సిక్ బృందం పరిశీలనలు జరిపింది. అలాగే అతని బ్లడ్, యూరిన్ శాంపిల్స్ను ల్యాబ్లకు పంపారు. ఆ టెస్టుల ఫలితాలు రావాల్సి ఉంది. నిందితుడిపై భారతీయ న్యాయ సంహిత (బీఎన్ఎస్) కింద కేసు నమోదు చేశారు.ఇదీ చదవండి: బిర్యానీ కొంటున్నారా? అయితే ఇది మీకేనంట! -
పాములు పట్టేవాడు.. పాముకాటుకు బలైపోయాడు!
పాములను పట్టే (Snake catcher) యువకుడు ఆ పాముకాటుకు గురై మరణించడం విషాదాన్ని నింపింది. కేరళలోని చిరయిన్కీజు (Chirayinkeezhu) ప్రాంతానికి చెందిన సందీప్ అలియాస్ కణ్ణన్ (33) స్థానికుల విజ్ఞప్తి మేరకు ఎంతో చాకచక్యంగా పాములను పడుతూ ఉంటాడు. కానీ అనూహ్యంగా ఆ పాము కాటుకే బలైపోయాడు. చిరయిన్కీజులోని అయ్యంకాళి విగ్రహం సమీపంలో అద్దె ఇంట్లో నివసించే సందీప్ బుధవారం రాత్రి ఒక పామును పట్టుకున్నాడు. తనతో పాటు దాన్ని ఇంటికి తెచ్చాడు. రాత్రి 11:30 గంటల ప్రాంతంలో సందీప్ను ఆ పాము కాటేసింది. దీంతో వెంటనే అతణ్ని చిరయిన్కీజు తాలూకా ఆసుపత్రిలో చేర్చించారు. అయితే పరిస్థితి విషమించడంతో తిరువనంతపురం మెడికల్ కాలేజీ ఆసుపత్రికి తరలించారు. చికిత్స పొందుతూ ఆయన గురువారం తెల్లవారుజామున ప్రాణాలు కోల్పోయారు. దీంతో సందీప్ భార్య రజని కన్నీరు మున్నీరుగా విలపిస్తోంది.ఇదీ చదవండి: 5 కాసుల గోల్డ్ చైన్ కొట్టేసింది : యూట్యూబర్ మధుమితపై కేసుఇదీ చదవండి: నానా పటేకర్ లాస్ట్ మెసేజ్, చివరి ప్రసంగం: కన్నీళ్లు రాక మానవు! -
దేశంలోనే తొలిసారి.. కేరళ సర్కార్ విప్లవాత్మక నిర్ణయం
వీడీ సతీశన్ నేతృత్వంలోని కేరళ సర్కార్ విప్లవాత్మక నిర్ణయం దిశగా అడుగులేస్తోంది. దేశంలోనే తొలిసారిగా సినిమా రంగానికి కొత్త గుర్తింపు ఇచ్చే ప్రయత్నం చేస్తోంది. ఇది దాదాపు తుది దశకు చేరుకుంది. ఇప్పటివరకు కళా, సాంస్కృతిక రంగంగా ఉన్న మలయాళ సినిమా.. ‘ఇండస్ట్రీ’ గుర్తింపు దక్కించుకోనుంది. ఇందుకు సంబంధించిన విధాన ముసాయిదా సిద్ధం కాగా శాఖల మధ్య సంప్రదింపులు కొనసాగుతున్నాయి. ఈ నెలలోనే ప్రతిపాదనను కేబినెట్ ముందుకు తీసుకెళ్లే అవకాశం ఉంది.మలయాళ సినిమాకు ఇండస్ట్రీ హోదా ఇవ్వాలన్న ఆలోచన ఇప్పుడే పుట్టింది కాదు. గత పినరయి విజయన్ నేతృత్వంలోని ఎల్డీఎఫ్ ప్రభుత్వం హయాంలోనే దీనికి సంబంధించిన కసరత్తు మొదలైంది. 2024లో సమగ్ర ఫిల్మ్ పాలసీ రూపొందించేందుకు కేరళ ప్రభుత్వం రూ.కోటి కేటాయించింది. సినిమా నిర్మాణం, పంపిణీ, ప్రదర్శన రంగాల్లోని సమస్యలను అధ్యయనం చేసి విధానాన్ని రూపొందించేందుకు కన్సల్టెన్సీని కూడా నియమించింది.ఆ తర్వాత 2025 ఆగస్టులో కేరళ ఫిల్మ్ పాలసీ కాన్క్లేవ్ నిర్వహించారు. ముఖ్యమంత్రి పినరయి విజయన్ ప్రారంభించిన ఈ రెండు రోజుల సదస్సుకు సినీ రంగానికి చెందిన 500 మందికిపైగా ప్రతినిధులు హాజరయ్యారు. పరిశ్రమ భవిష్యత్తు, కార్మికుల హక్కులు, మహిళల భద్రత, సినిమా రంగానికి అవసరమైన విధానపరమైన మార్పులపై విస్తృతంగా చర్చించారు.92 సిఫారసులతో ఫిల్మ్ పాలసీఈ కసరత్తు కొనసాగి.. 2026 మార్చిలో కేరళ కేబినెట్ సమగ్ర స్టేట్ ఫిల్మ్ పాలసీకి ఆమోదం తెలిపింది. మొత్తం 92 సిఫారసులు, ప్రతిపాదనలతో ఈ పాలసీని రూపొందించారు. సినిమా రంగాన్ని మరింత ప్రొఫెషనల్గా తీర్చిదిద్దడం, నటీనటులు, సాంకేతిక నిపుణులు, కార్మికుల హక్కులకు రక్షణ కల్పించడం, మహిళలకు సురక్షితమైన పని వాతావరణం కల్పించడం వంటి అంశాలకు ఇందులో ప్రాధాన్యం ఇచ్చారు.అంతేకాదు.. సినిమాను ఒక పరిశ్రమగా గుర్తించాలన్న ప్రతిపాదన కూడా ఈ ఫిల్మ్ పాలసీలోనే ఉంది. అంటే ఇప్పుడు ప్రభుత్వం తీసుకుంటున్న చర్యకు ఇప్పటికే రూపొందిన విధానపరమైన పునాది ఉంది.బడ్జెట్లోనే కీలక ప్రకటనప్రస్తుత వీడీ సతీశన్ నేతృత్వంలోని యూడీఎఫ్ ప్రభుత్వం 2026–27 బడ్జెట్లో సినిమా రంగానికి ఇండస్ట్రీ స్టేటస్ కల్పించే ప్రతిపాదనను ప్రకటించింది. కొచ్చిలో జేసీ డేనియల్ ఇంటర్నేషనల్ ఫిల్మ్ సిటీ ఏర్పాటుకు రూ.100 కోట్లు కేటాయించింది. అంతర్జాతీయ స్థాయి సినిమా నిర్మాణాలను కేరళకు ఆకర్షించడం, ఫిల్మ్ సెక్టార్కు మౌలిక వసతులు కల్పించడం, యాంటీ పైరసీ వ్యవస్థను బలోపేతం చేయడం వంటి ప్రతిపాదనలతో ఈ ప్రాజెక్టును అనుసంధానించింది.ఇప్పుడు తాజాగా ఇండస్ట్రీ స్టేటస్కు సంబంధించిన పాలసీ ఫ్రేమ్వర్క్ సిద్ధం కావడంతో ఈ ప్రక్రియ మరో కీలక దశకు చేరుకుంది. వివిధ శాఖల మధ్య సంప్రదింపులు జరుగుతున్నాయి. ఈ నెలలోనే ప్రతిపాదనను కేబినెట్ ముందుకు తీసుకెళ్లాలని ప్రభుత్వం భావిస్తోంది.హోదా వస్తే ఏం మారుతుంది?ఇండస్ట్రీ స్టేటస్ వల్ల కేవలం పేరుకు గుర్తింపు రావడం కాకుండా.. సినిమా రంగానికి ఆర్థిక, పరిపాలనా వెసులుబాట్లు కల్పించడమే ప్రధాన ఉద్దేశంగా కనిపిస్తోంది. ప్రస్తుతం నిర్మాతలు ఎదుర్కొంటున్న కీలక సమస్యల్లో నిధుల సమీకరణ ఒకటి. ఇండస్ట్రీ హోదా వస్తే వాణిజ్య బ్యాంకులు, ఇతర ఆర్థిక సంస్థల నుంచి సినిమా నిర్మాణానికి రుణాలు పొందే అవకాశాలు మెరుగుపడతాయని నిర్మాత జి. సురేశ్ కుమార్ చెబుతున్నారు.అదే సమయంలో షూటింగ్లకు అనుమతులు, స్థానిక సంస్థల నిబంధనలు, విద్యుత్ చార్జీలు, పన్నులు వంటి అంశాలపైనా ప్రభుత్వం పరిశీలన చేస్తోంది. వివిధ శాఖలు, స్థానిక సంస్థల చుట్టూ తిరగాల్సిన అవసరం తగ్గించేలా సింగిల్ విండో విధానం తీసుకురావాలన్న డిమాండ్ కూడా ఉంది.కార్మికులకూ రక్షణఇండస్ట్రీ స్టేటస్ చర్చ కేవలం నిర్మాతలు, పెద్ద నిర్మాణ సంస్థలకు పరిమితం కాకుండా.. సినిమా రంగంలో పనిచేసే వేలాది మంది కార్మికులు, సాంకేతిక నిపుణులకు సంబంధించిన అంశాలనూ కలిగి ఉంది. 2026లో ఆమోదించిన ఫిల్మ్ పాలసీలో కార్మిక హక్కులు, లింగ సమానత్వం, సురక్షితమైన పని వాతావరణం వంటి అంశాలకు ప్రాధాన్యం ఇచ్చారు. సినిమా నిర్మాణ సంస్థల్లో అంతర్గత ఫిర్యాదుల కమిటీలు ఏర్పాటు చేయడం, మహిళలకు మెరుగైన ప్రాతినిధ్యం కల్పించడం వంటి సిఫారసులు కూడా ఉన్నాయి.ఆర్థిక ఇబ్బందుల వేళ..మరోవైపు మలయాళ సినిమా పరిశ్రమ ప్రస్తుతం పలు ఆర్థిక సవాళ్లను ఎదుర్కొంటోంది. నిర్మాణ వ్యయాలు పెరగడం, ఓటీటీ కొనుగోళ్లలో మందగమనం వంటి అంశాలు నిర్మాతలపై ఒత్తిడి పెంచుతున్నాయి. ఈ పరిస్థితుల్లో పరిశ్రమకు అధికారిక గుర్తింపు, సంస్థాగత రుణాలు, అనుమతుల ప్రక్రియలో సరళీకరణ వంటి చర్యలు కీలకంగా మారుతున్నాయి. అందుకే ఇండస్ట్రీ స్టేటస్ కేవలం హోదా కాదు.. సినిమా రంగానికి ఆర్థికంగా, పరిపాలనాపరంగా కొత్త అవకాశాలు తెరుస్తుందా? అన్నదే ఇప్పుడు ఆసక్తికరంగా మారింది.కేబినెట్ నిర్ణయంపైనే ఉత్కంఠప్రస్తుతం పాలసీ ఫ్రేమ్వర్క్ సిద్ధమైనా.. మలయాళ సినిమా అధికారికంగా ఇండస్ట్రీ హోదా పొందినట్లు కాదు. వివిధ శాఖల సంప్రదింపులు పూర్తయిన తర్వాత ప్రతిపాదన కేబినెట్ ముందుకు వెళ్లాలి. ఆమోదం లభించిన తర్వాతే తదుపరి ప్రక్రియ ప్రారంభమవుతుంది. అంటే.. ఏళ్లుగా సాగుతున్న కసరత్తు ఇప్పుడు తుది మలుపులోకి వచ్చింది.కేబినెట్ ఆమోదం లభిస్తే.. మలయాళ సినిమా ఇక కేవలం కళా, సాంస్కృతిక రంగంగా కాకుండా అధికారికంగా ‘ఇండస్ట్రీ’గా కొత్త గుర్తింపు పొందే దిశగా కేరళ మరో అడుగు ముందుకేసినట్టే.ఇదీ చదవండి: సీఈసీ జ్ఞానేశ్ కుమార్ కోసం కట్టుదిట్టమైన భద్రత -
కుక్కర్, బెల్ట్, మొబైల్ చార్జర్ : దుబాయ్లో కొత్త పెళ్లికూతురికి చిత్రహింసలు
కొత్తగా పెళ్లయ్యి, భర్తతో కొత్త జీవితాన్ని ఊహించుకొని మురిసిపోతూ సౌదీ అరేబియా విమానం ఎక్కిన నవ వధువుకు భారీ షాక్ తగిలింది. వెళ్లిన అయిదురోజుల్లోనే ఆమెకు నరకం చూపించారు. చివరికి ఒంటినిండా గాయాలు, దెబ్బలతో కేరళలోని పుట్టింటి చేరింది. మూడు నెలల్లోనే ఆమె కాపురం మూణ్నాళ్ల ముచ్చటగా మారిపోయిన తనకు న్యాయం కావాలంటూ పోరాటం చేస్తోంది. కేరళలోని కొల్లం జిల్లాకు చెందిన అంజు అనే 24 ఏళ్ల యువతి సౌదీ అరేబియాలో ఉద్యోగం చేస్తున్న భర్త నందు దినేష్ (28) వద్దకు సెప్టెంబర్ 4న సౌదీ అరేబియాకు వెళ్లింది. సరిగ్గా వారం రోజుల గడిచాయో లేదో భర్త అత్తమామాల వేధింపులు మొదలైనాయి. ఇలా వరుసగా ఐదు రోజులపాటు ఆమెకు చిత్ర హింసల పాలు జేశారు. ఎన్నో అనుమానాలు ,అవహేళనలు అవమానాల తరువాత ఎలాగోలా సెప్టెంబర్ 30న కేరళకు తిరిగి వచ్చింది. భర్త దాష్టీకానికి సంబంధించిన ఫోటోలతో సహా స్థానిక పోలీసులకు ఫిర్యాదు చేసింది. నందుతో పాటు మామ దినేష్, అత్త జగదమ్మల కూడా కేసు నమోదైంది. దీని ప్రకారం వీపు, భుజాలు, పై చేతులపై వాతలు తేలిఉన్నాయి. చర్మంపై గడ్డం కట్టిన ఆనవాల్లు, నడుము భాగంలో కూడా మరికొన్ని గాయాలు కూడా ఉన్నాయి. ఆమె ఫిర్యాదును స్వీకరించిన పోలీసులు బాధితురాల్ని కొల్లం జిల్లా ఆసుపత్రిలో చికిత్స పొందారు. వైద్య పరీక్షల అనంతరం పోలీసులు ఎఫ్ఐఆర్ నమోదు చేశారు. గాయాలు చాలా పాతవి కావడంతో డాక్టర్లు కుట్లు వేయలేమని చెప్పారని, రెండు గాయాలకు కుట్లు పడాల్సి వచ్చిందని అంతేకాదు తన భర్త తన చదువు సర్టిఫికెట్లన్నీ తీసుకున్నాడని అంజు ఆరోపించింది.కత్తి గురిపెట్టి చంపుతానని బెదిరించేవాడు. అనుమానంతో లేనిపోని అబద్ధపు కథలను రికార్డు చేయించి, నరకం చూపించాడని, ఒక సైకోలా ప్రవర్తించాడని వాపోయింది. చాలామందితో సంబంధాలు పెట్టుకుని, ఆ వీడియోలను పోర్న్ సైట్లలో అప్లోడ్ చేసి డబ్బు సంపాదిస్తానని బలవంతంగా చెప్పించారని కూడా చెప్పింది. తానొక సెక్స్ స్లేవ్ అని చెప్పించి, తన కుటుంబానికి, సర్కిల్లో ఉన్న అందరికీ పంపాడని కూడా కన్నీటి పర్యంతమైంది. తనపై దాడి చేయడానికి కుక్కర్, బెల్ట్, రాయి గ్రైండర్ ఉపయోగించాడని, అలాగే కత్తి, స్క్రూడ్రైవర్లతో లోతుగా గాయపడకుండా పొడవడానికి ఉపయోగించాడని ఆమె పేర్కొన్నారు. తాను తిరిగి వచ్చిన తర్వాత చికిత్స అందించిన డాక్టర్లు ఆమె గాయాల జాబితాతో మూడు పేజీల కాగితాన్ని నింపారని చెప్పడం విశేషం. ఇదీ చదవండి: హవ్వ..బీజేపీ ఎమ్మెల్యే బంగ్లా క్లీనింగ్కు ఫైర్ ఇంజీనా? వీడియో వైరల్అంతేనా తన మాజీ గర్ల్ఫ్రెండ్స్తో పోల్చి అంజూని అవమానించేవాడు. నందుకి పెళ్లికి ముందే తనపై అనుమానం ఉన్నప్పటికీ, పెళ్లైన తర్వాతే అసలు వేధింపులు మొదలయ్యాయని, దుబాయ్ వెళ్లినాక మరింత శృతిమించాయని, ఆఖరికి తిండి కూడా పెట్టకుండా తన ఫోన్, లాప్టాప్లను లాక్కున్నాడని ఆమె తెలిపింది. తనకు న్యాయం జరిగే వరకు న్యాయపోరాటం చేస్తానని బాధితురాలు స్పష్టం చేసింది. కాగా ఈ ఏడాది జూన్లో ఈ జంట వివాహం జరిగింది. మరోవైపు నిందితుడిని సౌదీ అరేబియా నుంచి వెనక్కి రప్పించేందుకు పోలీసులు చర్యలు ప్రారంభించినట్లు రాష్ట్ర మంత్రి బిందు కృష్ణ తెలిపారు.ఇదీ చదవండి: ఫ్లాట్ఫాం టికెట్, రూ. 500 ఫైన్ : ఈ విషయం తెలుసా మీకు? -
CEC జ్ఞానేశ్ కుమార్కు బిగ్ షాక్!
తిరువనంతపురం: ఎన్నికల నిర్వహణ వివాదాల నడుమ చీఫ్ ఎలక్షన్ కమిషనర్ జ్ఞానేశ్ కుమార్కు బిగ్ షాక్ తగిలింది. ఎస్ఐఆర్తో పాటు ఎన్నికల నిర్వహణకు సంబంధించిన పలు కీలక వ్యవహారాల్లో ఆయన రాజీనామా చేయాలంటూ ప్రతిపక్షాలు డిమాండ్ చేస్తున్నాయి. ఈ పరిణామాలు రాజకీయంగా కలకలం రేపుతుండగానే.. సుమారు రెండు దశాబ్దాల క్రితం (2006లో) ఆయనపై నమోదైన ఓ ఆత్మహత్య కేసుకు సంబంధించి కేరళ ప్రభుత్వం సంచలన నిర్ణయం తీసుకుంది. నాటి కేసుపై సమగ్ర దర్యాప్తు జరపాలని కేరళ హోం మంత్రి రమేష్ చెన్నితాలా విజిలెన్స్ విచారణకు ఆదేశాలు జారీ చేశారు.2006లో కేరళ రాష్ట్ర రవాణా ప్రాజెక్టులో భాగంగా ఎంసీ రోడ్డు ఆధునీకరణ పనుల కాంట్రాక్ట్ను మలేషియాకు చెందిన ప్రముఖ ఇన్ఫ్రా స్ట్రక్చర్ కంపెనీ ‘పాటి’, కేరళకు చెందిన భాగీరథి కన్ స్ట్రక్షన్స్ ఇంజనీరింగ్ లిమిటెడ్ సంయుక్తంగా ‘పాటి-బెల్’ పేరుతో చేపట్టాయి. కేరళ కేఎస్పీటీ-1 ప్రాజెక్ట్కు చీఫ్ మేనేజర్గా విధులు నిర్వహిస్తున్న మలేషియాకు చెందిన సివిల్ ఇంజనీర్ లీసీ బీన్ ఆత్మహత్య చేసుకున్నారు. ఆ సమయంలో పీడబ్ల్యూడీ కార్యదర్శిగా జ్ఞానేశ్ కుమార్ ఉన్నారు. జ్ఞానేశ్ కుమార్పై ఉన్న ప్రధాన ఆరోపణలు ఇక ఆత్మహత్యకు ముందు లీసీ బీన్ రాసిన సూసైడ్ నోట్లో జ్ఞానేశ్ కుమార్ పేరును ప్రస్తావించారు. ఆ ప్రాజెక్టు పనుల నిర్వహణలో తీవ్రమైన అవినీతి, తప్పుడు నిర్వహణ జరిగిందని, అలాగే పీడబ్ల్యూడీ అధికారుల నుండి తీవ్రమైన వేధింపులు ఎదురయ్యాయని ఆ సూసైడ్ నోట్లో పేర్కొన్నట్లు ఆరోపణలు ఉన్నాయి. ఈ వేధింపుల వెనుక అప్పటి పీడబ్ల్యూడీ సెక్రటరీగా ఉన్న జ్ఞానేశ్ కుమార్ పాత్ర ఉందనేది ప్రధాన ఆరోపణ. అప్పట్లో ఈ ఘటన పెద్ద దుమారమే రేపింది.విజిలెన్స్ విచారణకు ఈ ఘటనపై ప్రాథమిక విచారణ జరిగినప్పటికీ, తదుపరి చర్యలు తీసుకోలేదని.. రాజకీయ ఒత్తిళ్ల కారణంగా ఆ కేసు దర్యాప్తులో అనేక అంశాలు వెలుగులోకి రాలేదనే బలమైన అనుమానాలు వ్యక్త మవుతున్నాయి. ప్రస్తుతం రాజకీయ పరిణామాలు మారిన నేపథ్యంలో, ఆ నాటి సూసైడ్ నోట్లోని ఆరోపణలు, మరియు ప్రాథమిక దర్యాప్తులో జరిగిన లోపాలు, ఒత్తిళ్లపై సమగ్రమైన విజిలెన్స్ విచారణ జరిపితేనే అసలు నిజాలు బయటకొస్తాయని కేరళ ప్రభుత్వం ఈ నిర్ణయం తీసుకుంది.రెండు దశాబ్దాల నాటి ఈ కేసుకు సంబంధించి కేరళ ప్రభుత్వం తీసుకున్న ఈ తాజా నిర్ణయం ప్రస్తుతం జాతీయ రాజకీయాల్లో తీవ్ర చర్చనీయాంశంగా మారింది.ఇదీ చదవండి : సడన్ ట్విస్ట్.. సీఈసీ జ్ఞానేశ్ కుమార్ ఈవెంట్స్ క్యాన్సల్! -
బీజేపీకి బిగ్ షాక్.. ఇలా జరిగిందేంటి?
‘ఇంట గెలిచి రచ్చ గెలవాలి’ అంటారు.. కానీ కేరళ బీజేపీ పరిస్థితి ఇప్పుడు అందుకు భిన్నంగా కనిపిస్తోంది. 45 ఏళ్ల వామపక్ష పాలనకు తెరదించి తిరువనంతపురం కార్పొరేషన్లో తొలిసారి అధికారం చేపట్టిన బీజేపీకి.. గెలిచిన కొన్ని నెలల్లోనే సొంత పార్టీ నేత నుంచి ఎదురుదెబ్బ తగిలింది. మాజీ డీజీపీ, కేరళ తొలి మహిళా ఐపీఎస్ అధికారి ఆర్. శ్రీలేఖ కౌన్సిలర్ పదవికి రాజీనామా చేయడం రాజకీయంగా కలకలం రేపుతోంది.తిరువనంతపురం కార్పొరేషన్లోని శాస్తమంగళం వార్డు నుంచి బీజేపీ తరఫున శ్రీలేఖ భారీ మెజారిటీతో విజయం సాధించారు. ఎన్నికలకు ముందు నుంచే ఆమెను పార్టీ కార్పొరేషన్ మేయర్ అభ్యర్థిగా ప్రొజెక్ట్ చేస్తారనే ప్రచారం జరిగింది. పార్టీ నాయకత్వం కూడా తనను తిరువనంతపురంలో బీజేపీ ముఖంగా నిలబెడతామని, మేయర్ పదవికి పరిశీలిస్తామని హామీ ఇచ్చినట్లు శ్రీలేఖ గతంలో వెల్లడించారు. అయితే బీజేపీ చివరకు వీవీ రాజేశ్ను మేయర్గా ఎంపిక చేసింది. దీంతో శ్రీలేఖ తీవ్ర అసంతృప్తికి గురైనట్లు తెలుస్తోంది. మొదట్లోనే కార్పొరేషన్ ఎన్నికల్లో పోటీ చేసేందుకు ఆమె ఆసక్తి చూపలేదని, పార్టీ నేతలు పలుమార్లు కోరడంతోనే బరిలోకి దిగినట్లు ఆమె చెప్పుకొచ్చారు.అనుకున్నది ఒకటి.. అయ్యింది మరొకటి.. మేయర్ పదవి దక్కకపోయినా పార్టీ నిర్ణయాన్ని అంగీకరించినట్లు గతంలో శ్రీలేఖ ప్రకటించారు. ప్రజలు తనపై నమ్మకంతో ఓటు వేశారని, వారి కోసం కౌన్సిలర్గా కొనసాగుతానని కూడా చెప్పారు. కానీ ఇప్పుడు అనూహ్యంగా రాజీనామా నిర్ణయం తీసుకున్నారు. ఈ క్రమంలో తన రాజీనామా లేఖను మేయర్ వీవీ రాజేశ్కు అందజేశారు. సోమవారం జిల్లా కలెక్టర్కు కూడా కాపీ ఇవ్వనున్నట్లు తెలిపారు. అయితే కార్పొరేషన్ కార్యదర్శికి రాజీనామా లేఖ సమర్పించిన తర్వాతే అది అధికారికంగా అమల్లోకి వస్తుంది.బీజేపీకి మరో చిక్కు..తిరువనంతపురం కార్పొరేషన్లో బీజేపీ 50 స్థానాలు గెలుచుకుని అతిపెద్ద పార్టీగా అవతరించింది. సీపీఎం నేతృత్వంలోని ఎల్డీఎఫ్ 29, కాంగ్రెస్ 19 స్థానాల్లో గెలిచాయి. మొత్తం 101 మంది సభ్యులున్న కార్పొరేషన్లో మ్యాజిక్ ఫిగర్ 51. దీంతో బీజేపీకి ఒక్క సీటు తక్కువగా ఉంది. ఒక స్వతంత్ర కౌన్సిలర్ మద్దతుతో బీజేపీ పాలన ఏర్పాటు చేసింది. ఇలాంటి సమయంలో శ్రీలేఖ రాజీనామా చేయడం ‘గెలుపు ఇంట్లోనే గొడవ మొదలైనట్లే’ అన్న పరిస్థితిని తలపిస్తోంది. ఆమె రాజీనామా అధికారికమైతే బీజేపీ బలం మరింత తగ్గుతుంది. దీంతో కార్పొరేషన్లో అధికారాన్ని నిలబెట్టుకోవడం పార్టీకి మరింత సవాలుగా మారే అవకాశం ఉంది.బుజ్జగింపులకు దిగిన బీజేపీశ్రీలేఖ రాజీనామా వార్త బయటకు రావడంతో బీజేపీ రాష్ట్ర నాయకత్వం రంగంలోకి దిగింది. ఆమెను బుజ్జగించి రాజీనామా నిర్ణయాన్ని వెనక్కి తీసుకునేలా చేసేందుకు ప్రయత్నాలు జరుగుతున్నాయి. సోమవారం వరకు ఆమెను ఒప్పించేందుకు పార్టీ నాయకత్వం ప్రయత్నించనున్నట్లు తెలుస్తోంది. కాగా, మూడు దశాబ్దాలకు పైగా పోలీసు శాఖలో సేవలందించిన శ్రీలేఖ 2020లో డీజీపీగా రిటైరయ్యారు. కేరళ తొలి మహిళా ఐపీఎస్ అధికారిగా గుర్తింపు పొందిన ఆమె 2024 అక్టోబర్లో బీజేపీలో చేరారు. అనంతరం పార్టీ రాష్ట్ర ఉపాధ్యక్షురాలిగా బాధ్యతలు చేపట్టారు. ప్రధాని మోదీతో కలిసి వేదిక పంచుకున్న ఆమె.. తిరువనంతపురం కార్పొరేషన్ ఎన్నికల సమయంలో బీజేపీకి ప్రముఖ ప్రచార ముఖంగా నిలిచారు. అయితే అధికారం వచ్చిందంటే అన్నీ సవ్యంగా సాగుతాయని అనుకుంటే.. రాజకీయాల్లో అది అంత ఈజీ కాదు అన్నట్లుగా ఇప్పుడు బీజేపీకి సొంత పార్టీ అసంతృప్తే కొత్త తలనొప్పిగా మారింది. శ్రీలేఖ రాజీనామా వెనక్కి తీసుకుంటారా? లేక అధికారికంగా రాజీనామా చేసి బీజేపీకి మరో షాక్ ఇస్తారా? అన్నది ఇప్పుడు ఆసక్తికరంగా మారింది.ఇదీ చదవండి: ఇండియా కూటమిలోకి టీవీకే.. కాంగ్రెస్ కీలక ప్రకటన -
కేరళ కాంగ్రెస్లో కాక.. సీఎంపై కూటమి ఎంపీ సంచలన వ్యాఖ్యలు!
తిరువనంతపురం: కేరళలో కాంగ్రెస్ నేతృత్వంలోని యునైటెడ్ డెమోక్రటిక్ ఫ్రంట్ (యూడీఎఫ్) ప్రభుత్వం కొలువుదీరి నాలుగు నెలలు కూడా పూర్తికాకముందే అంతర్గత విభేదాలు బయటపడ్డాయి. ముఖ్యమంత్రి వీడీ సతీశన్ వ్యవహార శైలిపై సీనియర్ కాంగ్రెస్ నేత, యూడీఎఫ్ కన్వీనర్, లోక్సభ ఎంపీ అడూర్ ప్రకాశ్ బహిరంగంగా అసంతృప్తి వ్యక్తం చేశారు. కీలక నిర్ణయాలు తీసుకునే ముందు కూటమి భాగస్వాములతో సంప్రదింపులు జరపడం లేదని ఆయన ఆరోపించారు.ఇదే సమయంలో ఇటీవల జరిగిన స్థానిక సంస్థల ఉపఎన్నికల ఫలితాలను కూడా ప్రకాశ్ ప్రస్తావించారు. 38 వార్డులకు జరిగిన ఉపఎన్నికల్లో యూడీఎఫ్ 18 స్థానాలను గెలుచుకుందని, కొన్ని ప్రాంతాల్లో ఆశించిన స్థాయిలో ఫలితాలు రాలేదని చెప్పారు. దీనిపై కూటమిలో చర్చ అవసరమని పేర్కొన్నారు. అయితే, యూడీఎఫ్ సమావేశాలు కూడా కొంతకాలంగా జరగడం లేదని, ముఖ్యమైన విషయాలను తాను మీడియా ద్వారానే తెలుసుకోవాల్సి వస్తోందని అన్నారు. ఈ అంశాలను కాంగ్రెస్ అధిష్ఠానం దృష్టికి తీసుకెళ్తానని ప్రకాశ్ స్పష్టం చేశారు. తిరువనంతపురంలోని కేపీసీసీ కార్యాలయంలో విలేకరుల సమావేశంలో ఆయన ఈ వ్యాఖ్యలు చేశారు. ముఖ్యమంత్రి, కాంగ్రెస్ పార్టీ సంస్థాగత వ్యవస్థ, కూటమి భాగస్వాముల మధ్య సమన్వయం లోపించడం తీవ్రమైన సమస్యగా మారిందని పేర్కొన్నారు. యూడీఎఫ్ చైర్మన్గా ఉన్న సీఎం సతీశనే సమావేశాన్ని ఏర్పాటు చేసేందుకు చొరవ తీసుకోవాల్సి ఉందన్నారు.పదవుల ఎంపికపై.. ఇటీవల ఐయూఎంఎల్ నేత ఎంకే మునీర్ను అడ్మినిస్ట్రేటివ్ రిఫార్మ్స్ కమిషన్ చైర్మన్గా, ఫార్వర్డ్ బ్లాక్ నేత జీ దేవరాజన్ను ఢిల్లీలో కేరళ ప్రత్యేక ప్రతినిధిగా కేబినెట్ హోదాలో నియమించనున్నారన్న వార్తలపై కూడా ప్రకాశ్ స్పందించారు. ఈ నియామకాలపై యూడీఎఫ్లో చర్చ జరగలేదని, తనకు ఎలాంటి సమాచారం అందలేదని అన్నారు. అయితే ఆయా పదవులకు ఎంపికైన వ్యక్తులు అర్హులు కాదని తాను చెప్పడం లేదని స్పష్టం చేశారు. నిర్ణయం తీసుకునే విధానంపైనే తన అభ్యంతరమని తెలిపారు. ఇదిలా ఉండగా.. యూడీఎఫ్ సమన్వయ కమిటీ చివరిసారిగా జూలై 30న సమావేశమైనట్లు సమాచారం. కూటమి సమావేశాలను క్రమం తప్పకుండా నిర్వహించి, విధానపరమైన అంశాలపై విస్తృతంగా చర్చించాలనే అవగాహన ఉన్నప్పటికీ అది అమల్లోకి రాలేదని సంబంధిత వర్గాలు తెలిపాయి.యూడీఎఫ్లో కలకలం.. అలాగే సతీశన్ చార్టర్డ్ విమానంలో మలప్పురం వెళ్లిన వ్యవహారంపైనా ప్రకాశ్ స్పందించారు. ఈ అంశంపై ప్రజల్లో తలెత్తిన సందేహాలకు ముఖ్యమంత్రి వివరణ ఇవ్వాల్సిన బాధ్యత ఉందన్నారు. తన వ్యాఖ్యలు సీఎం సతీశన్పై వ్యక్తిగత విమర్శలు కాదని, యూడీఎఫ్ కన్వీనర్గా తన బాధ్యతల్లో భాగంగానే మాట్లాడుతున్నానని ప్రకాశ్ స్పష్టం చేశారు. మరోవైపు కాంగ్రెస్ సీనియర్ నేతలు ఈ వ్యవహారాన్ని పార్టీ, కూటమి వేదికల్లోనే చర్చించాలని సూచించారు. ప్రకాశ్ వ్యాఖ్యలతో కేరళలో కొత్తగా ఏర్పడిన యూడీఎఫ్ ప్రభుత్వంలో కీలక నిర్ణయాలపై భాగస్వామ్య పక్షాలతో సంప్రదింపులు, కూటమి సమన్వయం అంశాలు చర్చనీయాంశంగా మారాయి.ఇదీ చదవండి: ఢిల్లీలో హైటెన్షన్.. ఇంటర్నెట్ బంద్ -
పోలీస్ ‘మడ్ రేసర్’ జీమోన్ ఆంటోనీ కన్నుమూత
కొచ్చి: దేశవ్యాప్తంగా మడ్-రేసింగ్ (Mud-racing)లో ప్రత్యేక గుర్తింపు తెచ్చుకున్న ప్రముఖ బైక్ రేసర్, పోలీసు అధికారి జీమోన్ ఆంటోనీ (44) కన్నుమూశారు. కొచ్చిలోని కలమస్సేరి సమీపంలోని మంజుమ్మెల్ ప్రాంతానికి చెందిన ఆయన, కలమస్సేరి పోలీస్ స్టేషన్లో సీనియర్ సివిల్ పోలీస్ ఆఫీసర్గా బాధ్యతలు నిర్వర్తిస్తున్నారు. కేరళ పోలీస్ విభాగం నుంచి మడ్-రేసింగ్లో పాల్గొన్న ఏకైక రేసర్గా ఆయన పేరొందారు.రేసింగ్ రంగంలోకి ప్రవేశంజీమోన్ ఆంటోనీ తన 18వ ఏట నుంచే రేసింగ్ కెరీర్ను ప్రారంభించారు. ఆ వయసులో ఒక సొంత బైక్ తీసుకోవాలన్న ఆసక్తితో, ప్రముఖ రేసర్ బిను జాన్ సలహా మేరకు ఆయన ‘యామహా RX 135’ బైక్ను కొనుగోలు చేశారు. ఆ పరిణామం ఆయన జీవితంలో కీలక మలుపుగా మారింది. అనంతరం బిను జాన్ వద్దే ప్రత్యేక శిక్షణ తీసుకున్న జీమోన్, ప్రొఫెషనల్ బైక్ రేసర్గా మారారు. కెరీర్లో భాగంగా దేశవ్యాప్తంగా 100కు పైగా ప్రముఖ పోటీలలో పాల్గొని, అనేక రేసుల్లో విజేతగా నిలిచారు.సాధించిన విజయాలు, ఛాంపియన్షిప్లుఆయన జాతీయ స్థాయిలో ఎన్నో ప్రతిష్టాత్మక టైటిళ్లను గెలుచుకున్నారు. మధ్యప్రదేశ్లోని ఇండోర్, తమిళనాడులోని కోయంబత్తూర్ వేదికలుగా జరిగిన ‘ఎంఆర్ఎఫ్ 2-వీలర్ నేషనల్ ర్యాలీ ఛాంపియన్షిప్’లను ఆయన కైవసం చేసుకున్నారు. గోవాలో నిర్వహించిన ‘రాయల్ ఎన్ఫీల్డ్ రైడర్ మేనియా 2019’ టైటిల్తో పాటు తమిళనాడులోని ఈరోడ్లో జరిగిన ‘ఎంఆర్ఎఫ్ 2-వీలర్ నేషనల్ స్ప్రింట్ ర్యాలీ ఛాంపియన్షిప్’ను కూడా గెలిచారు. అంతేకాకుండా, 2022లో ‘ఎప్ఎంఎసస్సీఐ నేషనల్ ర్యాలీ స్ప్రింట్ ఛాంపియన్’గా నిలిచి రేసింగ్ చరిత్రలో తనదైన ముద్ర వేశారు.ఇదీ చదవండి: ‘వర్క్ ఫ్రమ్ ఫారెస్ట్’.. మూడు రోజులకు రూ.14 వేలు! -
‘వర్క్ ఫ్రమ్ ఫారెస్ట్’.. మూడు రోజులకు రూ.14 వేలు!
తిరువనంతపురం: ఇంట్లో కూర్చొని పని చేయడం (వర్క్ ఫ్రమ్ హోమ్) గురించి మనకు తెలిసిందే.. మరి అడవిలో ఉండి పని చేయడం(వర్క్ ఫ్రమ్ ఫారెస్ట్) ఎలా ఉంటుంది? కేరళ ప్రభుత్వం ఇప్పుడు ఇదే ఆలోచనతో కొత్త వర్కేషన్ విధానాన్ని అందుబాటులోకి తీసుకొచ్చింది. కేరళ ఫారెస్ట్ డెవలప్మెంట్ కార్పొరేషన్ (కేఎఫ్డీసీ) ఆధ్వర్యంలో గవి, సూర్యనెల్లి ప్రాంతాల్లో రిమోట్ ఉద్యోగులు, వర్క్ ఫ్రమ్ హోమ్ చేసే వారికి ఈ అవకాశాన్ని కల్పిస్తున్నారు.అడవిలోనే పని.. మధ్యలో ట్రెక్కింగ్అటవీ శాఖ పర్యవేక్షణలో ఈ ‘వర్కేషన్’ కార్యక్రమాన్ని ప్రారంభించారు. ‘వర్క్’, ‘వెకేషన్’ అనే రెండు పదాల కలయికే వర్కేషన్. అంటే ఉద్యోగ బాధ్యతలను కొనసాగిస్తూనే ప్రకృతి మధ్యలో కొంత సమయం గడపడం. ఇందుకోసం గవి, సూర్యనెల్లిలో హైస్పీడ్ వై-ఫై, కేఫెటీరియా సదుపాయాలను ఏర్పాటు చేశారు. పని మధ్యలో విరామం తీసుకుని అడవిలో ట్రెక్కింగ్ చేసే అవకాశమూ ఉంటుంది.మూడు రోజుల ప్యాకేజీ.. రూ.14 వేలుఈ వర్కేషన్ కోసం మూడు రోజుల ప్యాకేజీని అందుబాటులోకి తీసుకొచ్చారు. ఇందులో వసతి, భోజనం, ట్రెక్కింగ్ ఉన్నాయి. ప్యాకేజీ ధర రూ.14,000. ఒక్క గదిలో ఇద్దరు ఉండొచ్చు. తొలి దశలో మొత్తం నాలుగు గదులను సిద్ధం చేశారు. అంటే ప్రకృతి మధ్యలో ఉండి పని చేయాలనుకునే వారికి పరిమిత సంఖ్యలోనే ఈ సదుపాయం అందుబాటులో ఉంది.అడవి అందాల మధ్యలో..పతనంతిట్ట జిల్లాలోని గవి ప్రాంతం పెరియార్ టైగర్ రిజర్వ్లో ఉంది. సముద్ర మట్టానికి సుమారు 1,036 మీటర్ల ఎత్తులో ఉండే ఈ ప్రాంతం పూర్తిగా అటవీ వాతావరణంతో ఉంటుంది. కుమిలి నుంచి సుమారు 28 కిలోమీటర్లు, వండిపెరియార్ నుంచి 14 కిలోమీటర్ల దూరంలో గవి ఉంది. ఇక్కడ ఉష్ణోగ్రతలు సుమారు 15–17 డిగ్రీల సెల్సియస్ నుంచి 24–27 డిగ్రీల సెల్సియస్ వరకు ఉంటాయి.సూర్యనెల్లి.. పొగమంచు, తేయాకు తోటల మధ్య..ఇడుక్కి జిల్లాలోని చిన్నకనాల్ పంచాయతీలో సూర్యనెల్లి ఉంది. మున్నార్కు సుమారు 25 కిలోమీటర్ల దూరంలో ఉన్న ఈ ఎత్తైన ప్రాంతం పొగమంచు, తేయాకు తోటలకు ప్రసిద్ధి. ప్రపంచంలోని అత్యంత ఎత్తైన తేయాకు తోటల్లో ఒకటిగా పేరున్న కొలుక్కుమలైకి ఇది ప్రవేశద్వారం. అక్కడి సూర్యోదయం, అనయిరంకల్ డ్యామ్ ప్రధాన ఆకర్షణలుగా ఉన్నాయి.పెరుగుతున్న వర్కేషన్ సంస్కృతిరిమోట్ వర్క్తో పాటు వర్కేషన్ విధానం ప్రపంచంలోని పలు ప్రాంతాల్లోనూ ప్రాచుర్యం పొందుతోంది. జపాన్ 2020లో జాతీయ పార్కులు, హాట్ స్ప్రింగ్ ప్రాంతాల్లో వై-ఫై, పని చేసుకునే ప్రదేశాలను అందించే కార్యక్రమాన్ని ప్రారంభించింది. బార్బడోస్ 2020లో విదేశీయులు ఏడాది వరకు అక్కడ ఉండి రిమోట్గా పనిచేసేలా ‘వెల్కమ్ స్టాంప్’ను తీసుకొచ్చింది. ఎస్టోనియా డిజిటల్ నోమాడ్ వీసాను ప్రవేశపెట్టిన తొలి దేశాల్లో ఒకటిగా నిలిచింది. ఇండోనేషియాలోని బాలీ కూడా రిమోట్ ఉద్యోగులకు ప్రముఖ గమ్యస్థానంగా మారింది.ఇదీ చదవండి: జెన్ జెడ్ ‘బండ రాయి’ ట్రెండ్.. ఆన్లైన్లో ఉన్నా నో రిప్లై! -
అందుకే అక్కడ ఓడిపోతున్నాం.. బీజేపీ నేత సంచలన వ్యాఖ్యలు
కేరళ రాజకీయాల్లో ఇన్నాళ్లూ వినిపించిన కథకు బీజేపీ నేత కేఎస్ రాధాకృష్ణన్ కొత్త కోణాన్ని తెరపైకి తెచ్చారు. ‘లెఫ్ట్.. సెక్యులర్.. లిబరల్’ రాజకీయాలకు కేరళ కేరాఫ్ అడ్రస్ అనే ప్రచారాన్నే ఆయన ప్రశ్నించారు. కమ్యూనిస్టులే కేరళలో చారిత్రకంగా ఆధిపత్య హిందూ రాజకీయ శక్తిగా పనిచేశారని సంచలన వ్యాఖ్యలు చేశారు. దీంతో ఆయన వ్యాఖ్యలు కేరళ రాజకీయ వర్గాల్లో ఆసక్తికర చర్చకు దారితీశాయి.ఇండియా టుడే కాన్క్లేవ్ సౌత్లో మాట్లాడిన కేఎస్ రాధాకృష్ణన్.. కేరళలో కమ్యూనిస్టుల ఎదుగుదల కేవలం వామపక్ష సిద్ధాంతాల ప్రజాదరణతోనే జరగలేదని వాదించారు. 1921 మలబార్ తిరుగుబాటు తర్వాత చోటుచేసుకున్న పరిణామాలు, హిందువుల్లో ఏర్పడిన రాజకీయ పరిస్థితులు కమ్యూనిస్టు ఉద్యమానికి అనుకూలంగా మారాయని ఆయన పేర్కొన్నారు. అప్పట్లో మలబార్లో జరిగిన పరిణామాల అనంతరం బాధిత హిందువులకు కాంగ్రెస్ తగినంతగా అండగా నిలవలేదని రాధాకృష్ణన్ ఆరోపించారు. దీంతో కాంగ్రెస్పై ఒక వర్గంలో అపనమ్మకం ఏర్పడిందని.. ఆ రాజకీయ ఖాళీలో కమ్యూనిస్టు ఉద్యమం బలపడిందని ఆయన వివరించారు.‘శబరిమల ఘటన కూడా కీలకమే’1950లో జరిగిన శబరిమల అగ్నిప్రమాదం ఘటనను కూడా కమ్యూనిస్టుల రాజకీయ ఎదుగుదలతో రాధాకృష్ణన్ ముడిపెట్టారు. ఆ ఘటన అనంతరం ఈఎంఎస్ నంబూద్రిపాద్ ఇచ్చిన హామీలు రాజకీయంగా కమ్యూనిస్టులకు మద్దతు పెరగడానికి దోహదపడ్డాయని ఆయన పేర్కొన్నారు. అంతేకాదు.. తొలి కమ్యూనిస్టు ఉద్యమంలో వివిధ హిందూ సామాజిక వర్గాలకు చెందిన నేతలు ఉన్నారని రాధాకృష్ణన్ గుర్తుచేశారు. నంబూద్రిపాద్తో పాటు ఎన్ఎస్ఎస్, ఎస్ఎన్డీపీకి సంబంధించిన నాయకులు కూడా కమ్యూనిస్టు ఉద్యమంలో కీలకంగా ఉన్నారని చెప్పారు. అందుకే కమ్యూనిస్టు పార్టీని కేవలం లౌకిక-వామపక్ష రాజకీయ శక్తిగా చిత్రీకరించడం వాస్తవాలకు దూరంగా ఉందని ఆయన వ్యాఖ్యానించారు.బీజేపీకి ఎందుకు ఇబ్బంది?కేరళలో బీజేపీకి ఇప్పటికీ పరిమిత రాజకీయ విజయం మాత్రమే ఎందుకు దక్కుతోందన్న ప్రశ్నపైనా రాధాకృష్ణన్ తన విశ్లేషణను వెల్లడించారు. హిందూ ఓటు కోసం బీజేపీ పోటీ పడుతున్న రాజకీయ స్థలంలో ఇప్పటికే కమ్యూనిస్టులకు బలమైన ప్రభావం ఉందని ఆయన అన్నారు. ఇతర, వర్గాలు కాంగ్రెస్ను తమ సహజ రాజకీయ వేదికగా ఎంచుకున్నారని రాధాకృష్ణన్ పేర్కొన్నారు. దీంతో బీజేపీకి ఆ వర్గాల నుంచి పెద్దగా ఓట్లు రావడం లేదని చెప్పారు. అయితే ఓటర్ల ఆలోచనా విధానంలో మార్పులు వస్తే కేరళలో బీజేపీ భవిష్యత్తులో కీలక రాజకీయ శక్తిగా ఎదగవచ్చని రాధాకృష్ణన్ విశ్వాసం వ్యక్తం చేశారు. మొత్తంగా.. కేరళ రాజకీయాల్లో కమ్యూనిస్టుల చరిత్రను ‘హిందూ రాజకీయాల’ కోణంలో చూడాలన్న రాధాకృష్ణన్ వ్యాఖ్యలు ఇప్పుడు కొత్త రాజకీయ చర్చకు తెరలేపాయి.ఇదీ చదవండి: కాంగ్రెస్లో బిగ్ ట్విస్ట్.. పీసీసీ చీఫ్ రాజీనామా -
శబరిమల నెయ్యి కుంభకోణం.. మూడు జిల్లాల్లో సోదాలు
తిరువనంతపురం: శబరిమల ఆలయానికి మిల్మా నెయ్యి సరఫరా కుంభకోణంపై దర్యాప్తు ముమ్మరమైంది. ఈ కేసులో ప్రత్యేక దర్యాప్తు బృందం (SIT) పత్తనంతిట్ట, కొల్లాం, తిరువనంతపురం జిల్లాల్లోని మూడు ప్రాంతాల్లో బుధవారం సోదాలు నిర్వహించింది. మిల్మా మాజీ అధికారి షైన్ జోసెఫ్ నివాసంతో పాటు నెయ్యి రవాణాకు సంబంధించిన కాంట్రాక్టర్ల ఇళ్లు, వాహనాలను కూడా సిట్ బృందం తనిఖీ చేసింది. సోదాల్లో కేసుకు సంబంధించిన పలు కీలక పత్రాలను స్వాధీనం చేసుకున్నట్లు అధికారులు తెలిపారు.రూ.2.27 కోట్ల నష్టం జరిగిందా?2025-26 మండల-మకరవిళక్కు యాత్రా సీజన్ కోసం శబరిమల దేవస్వం బోర్డు నెయ్యి కొనుగోలుకు టెండర్ ప్రక్రియ చేపట్టింది. టెండర్లో అత్యల్ప ధరగా లీటరుకు రూ.369 కోట్ కాగా, మిల్మా నుంచి నెయ్యి కొనుగోలుకు లీటరుకు రూ.510 చెల్లించేలా నిర్ణయించినట్లు దర్యాప్తులో వెల్లడైంది. అనంతరం సుమారు 1.65 లక్షల లీటర్ల నెయ్యిని మిల్మా నుంచి కొనుగోలు చేసిన వ్యవహారంలో దేవస్వం బోర్డుకు సుమారు రూ.2.27 కోట్ల ఆర్థిక నష్టం వాటిల్లినట్లు ప్రాథమిక దర్యాప్తు పేర్కొంది. ఈ అంశాల ఆధారంగానే కేరళ హైకోర్టు విజిలెన్స్ దర్యాప్తునకు ఆదేశించింది.మార్గమధ్యంలో నెయ్యి దారి మళ్లించారా?కేసులో మరో కీలక ఆరోపణ నెయ్యి రవాణాకు సంబంధించినది. పత్తనంతిట్ట మిల్మా డెయిరీ నుంచి శబరిమలకు తరలించిన నెయ్యిని మార్గమధ్యంలో దారి మళ్లించి, దాని స్థానంలో తక్కువ నాణ్యత గల నెయ్యిని ఆలయానికి సరఫరా చేశారనే ఆరోపణలు ఉన్నాయి. పత్తనంతిట్ట డెయిరీ నుంచి పంపిన నెయ్యిని బయట మార్కెట్లో విక్రయించి, తమిళనాడు నుంచి సేకరించిన నెయ్యిని మిల్మా ప్యాకేజింగ్లో శబరిమలకు తరలించినట్లు దర్యాప్తు పత్రాల్లో ఆరోపణలు నమోదయ్యాయి. -
ఆ బాధ్యత టీడీబీదే: కేరళ హైకోర్టు
కొచ్చి : శబరిమల యాత్రికులు ఉపయోగించే ఎరుమేలిలోని అయ్యప్ప ఆలయంతో సహా అన్ని ప్రధాన విరామ కేంద్రాలలో తగిన సదుపాయాలు కల్పించాల్సిన బాధ్యత ట్రావెన్కోర్ దేవస్వం బోర్డు (టీడీబీ)దేనని కేరళ హైకోర్టు పేర్కొంది. యాత్రికులకు ప్రాథమిక సౌకర్యాలు కల్పించేందుకు అవసరమైన చర్యలు తీసుకోవాలని సంబంధిత అధికారులను కోర్టు ఆదేశించింది.శబరిమలలో భస్మం, సింధూరం, చందనం పూత పూయడానికి యాత్రికుల నుంచి ₹10 రుసుము వసూలు చేసే హక్కుపై అయ్యప్ప సేవా సమాజం రాష్ట్ర కార్యదర్శి మనోజ్ ఎస్. నాయర్ దాఖలు చేసిన పిటిషన్ ను పరిశీలించిన సందర్భంగా ఈ వ్యాఖ్యలు చేశారు.జస్టిస్ రాజా విజయరాఘవన్ మరియు జస్టిస్ కె.వి. జయకుమార్లతో కూడిన డివిజన్ బెంచ్ ఈ పిటిషనను విచారించింది. పిటిషనర్ల తరఫున న్యాయవాది వి. సజిత్ కుమార్ హాజరయ్యారు.రుసుములు వసూలు చేసే పార్కింగ్ కేంద్రాలు పార్కింగ్ స్థలంతో పాటు ప్రాథమిక సౌకర్యాలను కూడా కల్పించాలని నిబంధనలు నిర్దేశిస్తున్నాయని హైకోర్టు పేర్కొంది. వీటిలో సురక్షితమైన తాగునీరు, మరుగుదొడ్లు వంటివి ఉన్నాయి. అధిక రుసుములు వసూలు చేసే పార్కింగ్ కేంద్రాలు తదనుగుణంగా అదనపు సౌకర్యాలను కల్పించాలని కూడా కోర్టు తెలిపింది.పార్కింగ్ కేంద్రాలలో వాహనాల ప్రవేశం కోసం సీసీటీవీ నిఘా, రేడియో-ఫ్రీక్వెన్సీ ట్యాగ్లు, ఆటోమేటెడ్ బూమ్ బారియర్లు, డిజిటల్ పాస్ కోడ్లు మరియు ఆటోమేటిక్ నంబర్ ప్లేట్ రికగ్నిషన్ (ANPR) కెమెరాలతో సహా అనేక సౌకర్యాలను అందించాలని ఆ ఉత్తర్వులో మరింతగా పేర్కొనబడింది.ఎలక్ట్రిక్ వాహనాల కోసం లెవెల్ 2 లేదా లెవెల్ 3 డీసీ ఫాస్ట్-ఛార్జింగ్ పాయింట్లను ఏర్పాటు చేయాలని కూడా అధికారులను ఆదేశించారు. ఖాళీగా ఉన్న పార్కింగ్ స్థలాలను నిజ సమయంలో చూపించే డిజిటల్ బోర్డులు, ప్రతి పార్కింగ్ ప్రాంతంలో ప్రత్యేక లైటింగ్ కూడా ఏర్పాటు చేయాలి.భారీ వర్షం మరియు తీవ్రమైన ఎండ నుండి వాహనాలను రక్షించడానికి కప్పు ఉన్న కార్పోర్ట్లు లేదా బేస్మెంట్ పార్కింగ్ సౌకర్యాలు ఏర్పాటు చేయాలని కూడా ఈ ఉత్తర్వులో పేర్కొనబడింది.1995 నిబంధనలలోని రూల్ 9 ప్రకారం సవరించిన పార్కింగ్ ఫీజు రేట్లను మరియు నిబంధనలలో పేర్కొన్న ఇతర సౌకర్యాలను కచ్చితంగా అమలు చేయాలని సంబంధిత అధికారులను ఆదేశిస్తూ హైకోర్టు పిటిషన్ను పరిష్కరించింది. -
కాన్వాయ్లో సెక్యూరిటీ వాహనం పెంచుతామంటే వద్దని చెప్పేసిన సీఎం
తిరువనంతపురం: కేరళ ముఖ్యమంత్రి వీడీ సతీశన్ తన కాన్వాయ్లో అదనపు భద్రతా వాహనాన్ని చేర్చాలన్న పోలీసుల ప్రతిపాదనను తిరస్కరించారు. ప్రస్తుతం తన కాన్వాయ్లో పైలట్ వాహనం, ఎస్కార్ట్ వాహనం మాత్రమే ఉన్నాయని, మరో భద్రతా వాహనం అవసరం లేదని బుధవారం పోలీసులకు తెలిపారు.ఇటీవల భారతీయ జనతా యువ మోర్చా కార్యకర్తలు సతీశన్, ఇతర మంత్రులకు వ్యతిరేకంగా నల్లజెండాలతో నిరసనలు చేపట్టిన నేపథ్యంలో ఆయన కాన్వాయ్లో మరో భద్రతా వాహనాన్ని చేర్చాలని రాష్ట్ర పోలీసులు ప్రతిపాదించారు. బుధవారం ఉదయం కూడా సతీశన్ విమానాశ్రయం నుంచి తిరిగి వస్తుండగా భారతీయ జనతా యువ మోర్చా కార్యకర్తలు ఆయన కాన్వాయ్కు అడ్డంగా వెళ్లేందుకు ప్రయత్నించి నల్లజెండాలు ప్రదర్శించారు.అయితే, అదనపు వాహనం అవసరం లేదని సతీశన్ స్పష్టం చేశారు. ఉదయం ఓ కార్యక్రమానికి వెళ్తున్న సమయంలో తన కాన్వాయ్లో అదనపు పోలీసు వాహనం కనిపించడంతో ముఖ్యమంత్రి అసంతృప్తి వ్యక్తం చేశారన్న వార్తలు వెలువడ్డాయి. దీనిపై అధికారులు వివరణ ఇచ్చారు. అదనపు వాహనం ముఖ్యమంత్రి కాన్వాయ్లో భాగం కాదని, అదే ప్రాంతానికి వెళ్తున్న కారణంగా అనుకోకుండా కాన్వాయ్కు ముందు వెళ్లిందని సీనియర్ పోలీసు అధికారులు ముఖ్యమంత్రికి తెలిపారు. -
శబరిమల యాత్రకు భారీ ఏర్పాట్లు.. ఈసారి అంతా హైటెక్!
సాక్షి, తిరువనంతపురం: అయ్యప్ప భక్తుల కోసం ఎంతో కీలకమైన మండల–మకరవిళక్కు యాత్రా కాలం సమీపిస్తుండటంతో కేరళ ప్రభుత్వం, ట్రావెన్కోర్ దేవస్వం బోర్డు ఏర్పాట్లను ముమ్మరం చేశాయి. భారీగా తరలివచ్చే భక్తుల రద్దీని నియంత్రించడంతో పాటు భద్రతను మరింత పటిష్టం చేయడం, నిలక్కల్–పంపా మార్గంలో రాకపోకలను సులభతరం చేయడంపై ప్రత్యేక దృష్టి సారించాయి. ఈసారి పోలీసు బందోబస్తుతో పాటు ఏఐ ఆధారిత మానిటరింగ్, ఎయిర్పోర్ట్ తరహా పార్కింగ్ వంటి హైటెక్ ఏర్పాట్లు చేస్తున్నారు. మరోవైపు సన్నిధానంలో భక్తులు నిర్వహించే ‘వెడి వళిపాడు’పైనా కీలక మార్పు చోటుచేసుకోనుంది.యాత్రా కాలంలో శాంతిభద్రతలు, భక్తుల రద్దీ నియంత్రణ కోసం 1,500 మంది ప్రత్యేక పోలీసు అధికారులను నియమించేందుకు కేరళ ప్రభుత్వం ఆమోదం తెలిపినట్లు సమాచారం. సాధారణ పోలీసు విధులకు అంతరాయం కలగకుండా ఈ ప్రత్యేక బలగాలను వినియోగించనున్నారు. పదవీ విరమణ చేసిన పోలీసు సిబ్బంది, మాజీ సైనికులు, ఎన్సీసీ క్యాడెట్లను ప్రత్యేక పోలీసు అధికారులుగా నియమించే ప్రతిపాదన ఉంది. మరోవైపు 2026–27 యాత్రా సీజన్ కోసం సీనియర్ పోలీసు అధికారులకు ఇప్పటికే ప్రత్యేక బాధ్యతలు అప్పగించారు. నిలక్కల్, పంపా, సన్నిధానం తదితర ప్రాంతాల్లో భద్రత, రద్దీ నియంత్రణకు సమగ్ర బందోబస్తు ప్రణాళిక సిద్ధం చేస్తున్నారు.నిలక్కల్లో పార్కింగ్.. ఇక ఎయిర్పోర్ట్ తరహాలో!శబరిమల వెళ్లే భక్తులకు మరో కీలక మార్పు నిలక్కల్ పార్కింగ్లో రానుంది. ఎయిర్పోర్టుల్లో మాదిరిగా వాహనం పార్కింగ్లో ఉన్న సమయాన్ని బట్టి ఫీజు వసూలు చేసే విధానాన్ని తీసుకురానున్నారు. వాహనం పార్కింగ్ గ్రౌండ్లోకి ప్రవేశించిన సమయం కంప్యూటర్ వ్యవస్థలో నమోదవుతుంది. బయటకు వచ్చే సమయంలో ఎంతసేపు అక్కడ ఉన్నదో లెక్కించి.. ఆ మేరకు పార్కింగ్ ఫీజును నిర్ణయిస్తారు. ఎగ్జిట్ వద్ద ఫాస్టాగ్(FASTag) ద్వారా ఫీజు ఆటోమేటిక్గా కట్ అవుతుంది. ఇప్పటివరకు ప్రవేశ సమయంలోనే నిర్ణీత మొత్తాన్ని వసూలు చేసే విధానం ఉండగా.. కొత్త విధానంలో పార్కింగ్ చేసిన వ్యవధిని బట్టి చార్జీ మారుతుంది.ఖాళీ స్థలాలూ.. కెమెరాల్లో కనిపిస్తాయి!నిలక్కల్లో పార్కింగ్ నిర్వహణకు ఏఐ(AI) ఆధారిత కెమెరాలను కూడా వినియోగించనున్నారు. ప్రతి పార్కింగ్ గ్రౌండ్లో ఎన్ని వాహనాలు ఉన్నాయి? ఎక్కడ ఖాళీ ఉంది? వాహనాల రాకపోకలు ఎలా ఉన్నాయి? వంటి వివరాలను కంట్రోల్ రూమ్ నుంచి పర్యవేక్షించేలా వ్యవస్థను సిద్ధం చేస్తున్నారు. ఈ AI ఆధారిత కంట్రోల్ రూమ్ ప్రాజెక్టుకు సుమారు రూ.5 కోట్ల అంచనా వ్యయంతో కెమెరాల టెండర్ ప్రక్రియ కొనసాగుతోంది. ‘వెడి వళిపాడు’పై కీలక నిర్ణయంసన్నిధానంలో భక్తులు నిర్వహించే వెడి వళిపాడు(Vedi vazhipadu)పై ఈసారి కీలక మార్పు చోటుచేసుకోనుంది. రాబోయే శబరిమల యాత్రా కాలానికి సంబంధించి ట్రావెన్కోర్ దేవస్వం బోర్డు జారీ చేసిన టెండర్లో ఈ సేవను చేర్చలేదు. భద్రతా కారణాలతో పాటు అటవీశాఖ అభ్యంతరాల నేపథ్యంలో ఈ నిర్ణయం తీసుకున్నట్లు పలు మలయాళ మీడియా కథనాలు పేర్కొన్నాయి.వెడి వళిపాడులో భక్తులు ఆలయ పరిసరాల్లో నిర్ణీత ప్రదేశంలో పటాకులు లేదంటే పేలుడు పదార్థాలను పేల్చి తమ మొక్కును చెల్లించుకుంటారు. అయితే ఇది ఆలయంలోని ప్రధాన ఆచారాల్లో భాగం కాదని తంత్రి పేర్కొన్నట్లు ఆ కథనాలు వెల్లడించాయి. మరోవైపు శబరిమల పరిసరాలు పెరియార్ టైగర్ రిజర్వ్ పరిధిలో ఉండటంతో.. తరచూ పేలుళ్ల శబ్దం వన్యప్రాణులకు ఇబ్బంది కలిగిస్తోందని అటవీశాఖ అభ్యంతరం వ్యక్తం చేసినట్లు సమాచారం. దీంతో ఈ ఏడాది టెండర్లో ‘వెడి వళిపాడు’ను చేర్చకపోవడంతో.. రాబోయే యాత్రా కాలంలో ఇది కొనసాగుతుందా? లేదా? అన్నదానిపై స్పష్టత లేకుండా పోయింది.హైవేల నుంచి ఆలయం వరకు.. భారీ ఏర్పాట్లుభక్తుల రద్దీని దృష్టిలో పెట్టుకుని రవాణా ఏర్పాట్లను కూడా భారీగా పెంచుతున్నారు. మండల–మకరవిళక్కు సీజన్లో 950 ప్రత్యేక బస్సులను నడిపేందుకు కేఎస్ఆర్టీసీ ప్రణాళిక సిద్ధం చేసింది. ముఖ్యంగా నిలక్కల్–పంపా మధ్య నిరంతర చైన్ సర్వీసులు నడిపి భక్తుల రాకపోకలను వేగవంతం చేయనున్నారు.ఇదీ చదవండి: అత్యాధునిక డ్రోన్ల కలకలం -
జ్ఞానేశ్ కుమార్పై ఆరోపణలు.. థామ్సన్కు బీజేపీ నేత కౌంటర్
కేంద్ర ఎన్నికల సంఘం ప్రధాన కమిషనర్ జ్ఞానేశ్ కుమార్పై మాజీ కేరళ ప్రభుత్వ ప్రధాన కార్యదర్శి జీజీ థామ్సన్ చేసిన ఆరోపణలు రాజకీయ దుమారం రేపుతున్నాయి. 2019 లోక్సభ ఎన్నికల్లో బీజేపీ తరఫున పోటీ చేయాలని, గెలిస్తే కేంద్ర మంత్రి పదవి కూడా దక్కే అవకాశం ఉందని జ్ఞానేశ్ కుమార్ తనకు సూచించారని థామ్సన్ చేసిన వ్యాఖ్యలపై తాజాగా బీజేపీ నేత జోసెఫ్ స్పందించారు. 2017లోనే థామ్సన్ బీజేపీ నిర్వహించిన కార్యక్రమానికి హాజరయ్యారని, ఆ కార్యక్రమానికి తానే ఆయనను ఆహ్వానించానని జోసెఫ్ వెల్లడించారు.థామ్సన్ ఇటీవల ఓ టీవీ ఛానల్కు ఇచ్చిన ఇంటర్వ్యూలో ఈ విషయాన్ని వెల్లడించారు. తాను ఐఏఎస్ అధికారిగా పనిచేస్తున్న సమయంలో విమాన ప్రయాణంలో జ్ఞానేశ్ కుమార్ తనను కలిశారని చెప్పారు. 2019 లోక్సభ ఎన్నికల్లో బీజేపీ టికెట్పై పోటీ చేయాలని ఆయన సూచించినట్లు తెలిపారు. కేరళలోని పతనంతిట్ట నుంచి పోటీ చేసి గెలిస్తే ఎంపీగా, ఆ తర్వాత కేంద్ర మంత్రిగా అవకాశం లభిస్తుందని చెప్పినట్లు థామ్సన్ పేర్కొన్నారు. అయితే తాను ఆ ప్రతిపాదనను అంగీకరించలేదని తెలిపారు.థామ్సన్ చేసిన ఈ వ్యాఖ్యలు రాజకీయంగా చర్చనీయాంశంగా మారాయి. ఈ నేపథ్యంలో బీజేపీ నేత జోసెఫ్ ఫేస్బుక్ ద్వారా థామ్సన్ వ్యాఖ్యలకు కౌంటర్ ఇచ్చారు. సాధారణంగా రాజకీయ కార్యకర్తలు తమ మధ్య జరిగిన వ్యక్తిగత చర్చలు, సమావేశాల వివరాలను బహిరంగంగా వెల్లడించరని.. అయితే థామ్సన్ తాజా వ్యాఖ్యల నేపథ్యంలో తాను ఈ విషయాన్ని చెప్పాల్సి వస్తోందని పేర్కొన్నారు. 2017లో తాను బీజేపీ మైనారిటీ మోర్చా రాష్ట్ర అధ్యక్షుడిగా ఉన్న సమయంలో సంఘ్ పరివార్కు చెందిన ఓ సీనియర్ నేత తనను సంప్రదించారని జోసెఫ్ తెలిపారు. థామ్సన్ను కొచ్చిలో నిర్వహించనున్న మైనారిటీ మోర్చా కార్యక్రమానికి ఆహ్వానించాలని ఆ నేత తనను కోరినట్లు చెప్పారు. థామ్సన్ తమతో కలిసి రావడానికి ఆసక్తి చూపుతున్నారని కూడా అప్పట్లో తనకు చెప్పినట్లు జోసెఫ్ పేర్కొన్నారు.2017 జూన్ 26న మార్ క్రిసోస్టమ్ను సన్మానించేందుకు నిర్వహించిన కార్యక్రమానికి థామ్సన్ హాజరయ్యారని జోసెఫ్ తెలిపారు. ఈ కార్యక్రమానికి సంబంధించిన ఫొటోలను కూడా ఆయన తన ఫేస్బుక్ పోస్టులో పెట్టారు. వాటిలో థామ్సన్ వేదికపై ఉండటంతో పాటు ప్రసంగిస్తున్న దృశ్యాలు ఉన్నాయని చెప్పారు. అప్పటి యూడీఎఫ్ నేత, మాజీ మంత్రి కేఎం మాణి కూడా కార్యక్రమంలో పాల్గొన్నట్లు జోసెఫ్ పేర్కొన్నారు. బీజేపీ కార్యక్రమానికి హాజరైన థామ్సన్ అప్పట్లో ప్రధాని నరేంద్ర మోదీ, కేంద్ర ప్రభుత్వ కార్యక్రమాలను ప్రశంసించారని జోసెఫ్ తెలిపారు. అనంతరం 2017 నుంచి 2020 వరకు కేంద్ర ప్రభుత్వ రంగ సంస్థ కొచ్చిన్ షిప్యార్డ్లో థామ్సన్ ఇండిపెండెంట్ డైరెక్టర్గా ఉన్నారని ఆయన పేర్కొన్నారు. అయితే జోసెఫ్ చేసిన ఈ ఆరోపణలకు థామ్సన్ నుంచి ఇప్పటివరకు స్పందన రాలేదు. అలాగే థామ్సన్ చేసిన బీజేపీ టికెట్ ఆఫర్ ఆరోపణలపై జ్ఞానేశ్ కుమార్ కూడా బహిరంగంగా స్పందించలేదు.ఇదీ చదవండి: బీజేపీ ఎమ్మెల్యేకు తృటిలో తప్పిన పెను ప్రమాదం -
రేవంత్ రెడ్డికి ‘ఆర్యదాన్ ముహమ్మద్-2026’ అవార్డు ప్రదానం
తెలంగాణ ముఖ్యమంత్రి రేవంత్ రెడ్డి ప్రతిష్ఠాత్మక ‘ఆర్యదాన్ ముహమ్మద్-2026’ అవార్డును స్వీకరించారు. కేరళం రాష్ట్రంలోని నిలంబూర్లో ఆర్యదాన్ ముహమ్మద్ ఫౌండేషన్ ఏర్పాటు చేసిన కార్యక్రమంలో ఎంపీ, పబ్లిక్ అకౌంట్స్ కమిటీ చైర్మన్ కేసీ వేణుగోపాల్ చేతుల మీదుగా ముఖ్యమంత్రి ఈ అవార్డును అందుకున్నారు.ఈ సందర్భంగా రేవంత్ రెడ్డి మాట్లాడుతూ.. ఆర్యదాన్ ముహమ్మద్ జ్ఞాపకార్థం ఏర్పాటు చేసిన ప్రతిష్ఠాత్మక అవార్డును అందుకోవడం ఎంతో గౌరవంగా భావిస్తున్నానని అన్నారు. ఎంపిక చేసిన జ్యూరీ సభ్యులకు కృతజ్ఞతలు తెలిపారు. ఈ ప్రతిష్ఠాత్మక అవార్డుకు కేరళం వెలుపల నుంచి ఎంపికైన తొలి వ్యక్తిని కావడం మరింత గౌరవంగా భావిస్తున్నానని పేర్కొన్నారు.“నేను కేరళం వచ్చిన ప్రతిసారీ ఎంతో ఆత్మీయ స్వాగతం లభించింది. రాహుల్ గాంధీ నాయకత్వంలో సాగిన భారత్ జోడో యాత్ర కోసం ఇక్కడికి వచ్చాను. అసెంబ్లీ ఎన్నికల సమయంలో కూడా ఇక్కడికి వచ్చాను. కేరళం నాకు ఎంతో ఆత్మీయమైనది. కేరళం ప్రజలు లౌకికవాదానికి కట్టుబడి ఉన్నందుకు కృతజ్ఞతలు. ఆర్యదాన్ ముహమ్మద్ ఒక గొప్ప రాజకీయ నాయకుడు. ఎనిమిదిసార్లు ఎమ్మెల్యేగా ప్రజలకు సేవలందించారు. పలువురు ముఖ్యమంత్రుల వద్ద నాలుగుసార్లు మంత్రిగా పనిచేశారు. కేరళం రాజకీయాల్లో ఆయన ఒక చాణక్యుడిలా ఉండేవారు” అని రేవంత్ రెడ్డి పేర్కొన్నారు.ఆర్యదాన్ ముహమ్మద్ నిలంబూర్, కేరళంలో కాంగ్రెస్ పార్టీకి ఒక మహావృక్షంలా ఉండేవారని గుర్తుచేశారు. ఆయన తన జీవితమంతా స్వేచ్ఛ, ప్రజాస్వామ్యం, లౌకికవాదం, రాజ్యాంగ పరిరక్షణ కోసం పోరాడారని చెప్పారు. రాజ్యాంగ పరిరక్షణ కోసం ఆర్యదాన్ స్ఫూర్తితో మనమంతా కలిసికట్టుగా పోరాటం చేయాల్సిన అవసరం ఉందని పేర్కొన్నారు. ఈ కార్యక్రమంలో ఆర్యదాన్ ముహమ్మద్ ఫౌండేషన్ చైర్మన్ ఆర్యదాన్ షౌకత్, కేరళం మంత్రులు, పలువురు ప్రజాప్రతినిధులు పాల్గొన్నారు. -
విండీస్తో తొలి వన్డే.. జట్టుతో కలవనున్న రో-కో ద్వయం
టీమిండియా సీనియర్లు రోహిత్ శర్మ, విరాట్ కోహ్లి ఇవాళ కేరళంలో అడుగుపెట్టనున్నారు. వెస్టిండీస్తో వన్డే సిరీస్లో భాగంగా తొలి వన్డే సెప్టెంబర్ 27న తిరువనంతపురం వేదికగా జరగనుంది. ఈ నేపథ్యంలో గిల్ సారథ్యంలోని టీమిండియా బృందం ఇప్పటికే కేరళకు చేరుకోగా.. ఇవాళ కోహ్లి, రోహిత్లు జట్టుతో జాయిన్ అవనున్నారు. టెస్టులు, టీ20లకు రిటైర్మెంట్ ప్రకటించిన రో-కో ద్వయం 2027 వన్డే ప్రపంచకప్ నేపథ్యంలో కేవలం వన్డే ఫార్మాట్లో మాత్రమే కొనసాగుతున్నారు. ఇటీవలే ఇంగ్లండ్కు వన్డే సిరీస్ కోల్పోయినప్పటికీ రో-కో మాత్రం తమ ప్రదర్శనతో ఆకట్టుకున్నారు. ముఖ్యంగా హిట్మ్యాన్ ఇంగ్లండ్తో మూడో వన్డేలో చారిత్రక సెంచరీతో మెరిశాడు. ఇక వన్డే ప్రపంచకప్కు సరిగ్గా ఏడాది సమయం మాత్రమే ఉండడంతో రో-కో ద్వయంపై అందరి దృష్టి నెలకొని ఉంది. ఆసియా క్రీడల కోసం శ్రేయస్ అయ్యర్ నేతృత్వంలో ఒక బృందం ఇప్పటికే జపాన్కు చేరుకోవడంతో జట్టులో మార్పులు అనివార్యమయ్యాయి. అకిబ్ నబీ, నమన్ ధిర్లను విండీస్తో వన్డే సిరీస్కు ఎంపిక చేశారు. ఇక మరో సీనియర్ ఆల్రౌండర్ రవీంద్ర జడేజా కూడా ఆరు నెలల తర్వాత మళ్లీ వన్డే మ్యాచ్ ఆడనుండడం విశేషం.మరోవైపు ఆసియా క్రీడల్లో ఆడేందుకు ఇప్పటికే శ్రేయస్ అయ్యర్ టీం జపాన్లో అడుగుపెట్టింది. జపాన్తో ఏకైక టీ20 మ్యాచ్ ఆడి అతికష్టం మీద గెలిచిన టీమిండియా ఇప్పుడు ఆసియా క్రీడల్లో వరుసగా రెండో స్వర్ణం గెలవాలని ఆశిస్తోంది. కానీ జపాన్తో ఆడిన మ్యాచ్లో 5 ఓవర్ల ఆట మాత్రమే సాధ్యమైనప్పటికీ, పిచ్ మాత్రం భారత్కు అనుకూలంగా లేదన్న విషయం స్పష్టమైంది. దీంతో ఈసారి భారత్కు స్వర్ణం సాధిస్తుందా లేదా అనేది చూడాలి.ఇదీ చదవండి: ‘అంతా తొండి.. అందుకే కరచాలనం చేయలేదు’ -
కేరళలో భారీ వర్షాలు.. ఐదుగురు మృతి
కేరళని భారీ వర్షాలు అతలాకుతలం చేస్తున్నాయి. భారీ వర్షాల కారణంగా కొండచరియలు విరిగిపడడంతో పాటు ఇతర కారణాలతో ఐదుగురు మృతిచెందారు. పెద్దఎత్తున వర్షాలు పడే అవకాశం ఉండడంతో వాతావరణ శాఖ కీలక సూచనలు జారీ చేసింది. పతనంతిట్ట, కొట్టాయం, అలప్పుజ, ఎర్నాకులం, ఇడుక్కి మరియు త్రిస్సూర్ జిల్లాలకు ఎల్లో అలర్ట్ జారీ చేసింది.నిన్న (ఆదివారం) ఉదయం ఇడుక్కి, మలప్పురం సహా పలు జిల్లాల్లో కురిసిన భారీ వర్షాలు బీభత్సం సృష్టించాయి. కొండచరియలు విరిగిపడటం, బురద ప్రవాహాలు, ఆకస్మిక వరదల వంటి వేర్వేరు ఘటనల్లో ఐదుగురు మృతి చెందారు. మరో ఇద్దరు గల్లంతయ్యారు.మరోవైపు నార్త్ ఇండియాలోనూ వర్షం బీభత్సం సృష్టింస్తోంది. ఉత్తర ప్రదేశ్లోని అనేక ప్రాంతాల్లో వర్ష ప్రభావం ఇంకా కొనసాగుతోంది. ఉన్నావ్లోని మురికివాడల్లో భారీగా నీరు చేరడంతో పడవలతో సహాయక చర్యలు చేపడుతున్నారు. గుజరాత్లోని భావ్నగర్ రాజ్కోట్లో ఆదివారం అరగంట పాటు కురిసిన భారీ వర్షానికే రహదారులు నీటితో నిండిపోయాయి. భావ్నగర్లోని మహువా రాజ్కోట్లోని గోండల్లో 4.5 అంగుళాల వర్షపాతం నమోదు కాగా, రాజ్కోట్లోని గోండల్లో 3.5 అంగుళాల వర్షపాతం నమోదైంది.జునాగఢ్లోని గిర్నార్ అడవిలో ఆకస్మిక వరద సంభవించింది. ఆత్మేశ్వర మహాదేవ్ ఆలయానికి వెళ్తున్న పిల్లలు, వృద్ధులతో సహా 40 మందికి పైగా భక్తులు చిక్కుకుపోయారు. అటవీ శాఖ, అగ్నిమాపక సిబ్బంది భక్తులను రక్షించారు. -
Kerala: వర్ష బీభత్సం.. ఐదుగురు మృతి, ఇద్దరు గల్లంతు
తిరువనంతపురం: కేరళలో కురుస్తున్న భారీ వర్షాలు తీవ్ర విలయాన్ని సృష్టిస్తున్నాయి. ఎడతెరిపి లేకుండా కురుస్తున్న వర్షాల వల్ల కొండచరియలు విరిగిపడటం, ఆకస్మిక వరదలు సంభవించడంతో ఐదుగురు ప్రాణాలు కోల్పోగా, మరో ఇద్దరు గల్లంతయ్యారు. రాష్ట్రవ్యాప్తంగా నెలకొన్న విపత్కర పరిస్థితుల దృష్ట్యా సహాయక చర్యలను వేగవంతం చేయాలని అధికారులకు ఆదేశాలు అందాయి. ప్రతి గంటకు ఒకసారి క్షేత్రస్థాయి పరిస్థితులను సమీక్షిస్తూ నిరంతరం అప్రమత్తంగా ఉండాలని ముఖ్యమంత్రి యంత్రాంగాన్ని ఆదేశించారు.నది ఉధృతిలో కొట్టుకుపోయిన బృందంమలప్పురం జిల్లా నిలంబూర్-అమరంబలం పరిధిలోని కొట్టపుళ నది వద్ద తీవ్ర విషాదం చోటుచేసుకుంది. వండూర్ ప్రాంతానికి చెందిన ఐదుగురు వ్యక్తులు నదిలో స్నానం చేయడానికి దిగగా, అకస్మాత్తుగా వరద ఉధృతి పెరగడంతో వారంతా నీటి ప్రవాహంలో కొట్టుకుపోయారు. ఈ ప్రమాదంలో ఒకరిని స్థానికులు రక్షించగా, సహాయక సిబ్బంది ఇద్దరి మృతదేహాలను వెలికితీశారు. గల్లంతైన మిగిలిన ఇద్దరి ఆచూకీ కోసం గాలింపు చర్యలు ముమ్మరంగా కొనసాగుతున్నాయి. సీఎం ఆదేశాల మేరకు విపత్తు నిర్వహణ దళం ప్రత్యేక బృందాలు అక్కడ రెస్క్యూ ఆపరేషన్ చేపడుతున్నాయి.కొండచరియలు విరిగిపడి మహిళ దుర్మరణంకొట్టాయం జిల్లా తీకోయి సమీపంలోని వేలత్తుస్సేరి వద్ద కొండచరియలు విరిగిపడిన ఘటనలో చెన్నైకి చెందిన సంగీత అరుల్ లాల్ (35) అనే మహిళ ప్రాణాలు కోల్పోయింది. ఆమె తన స్నేహితుడితో కలిసి స్కూటర్పై వాగమన్ నుంచి తిరిగి వస్తుండగా రోడ్డుపైకి భారీగా మట్టి పెళ్లలు దూసుకురావడంతో ఈ ప్రమాదం జరిగింది. తీవ్ర గాయాలపాలైన ఆమె స్నేహితుడు ఆసుపత్రిలో చికిత్స పొందుతున్నాడు. మరోవైపు, ఇడుక్కి జిల్లా కొట్టకంబుర్లో వర్షం నుంచి తప్పించుకోవడానికి ఒక షెడ్డులో ఆశ్రయం పొందిన ముగ్గురిపై కొండచరియలు విరిగిపడటంతో ఇద్దరు అక్కడికక్కడే మరణించగా, మరో మహిళ తీవ్రంగా గాయపడింది.ఆరెంజ్ అలర్ట్ జారీ.. ముమ్మరంగా సహాయక చర్యలురాష్ట్రంలో మరో నాలుగు రోజుల పాటు పలు ప్రాంతాల్లో భారీ నుంచి అతి భారీ వర్షాలు, ఉరుములతో కూడిన జల్లులు కురిసే అవకాశం ఉందని భారత వాతావరణ శాఖ (ఐఎండీ)హెచ్చరించింది. కొట్టాయం, ఇడుక్కి జిల్లాలకు ‘ఆరెంజ్ అలర్ట్’ ప్రకటించడంతో అధికార యంత్రాంగం అప్రమత్తమైంది. ప్రజలకు వాతావరణ సమాచారాన్ని ఎస్ఎంఎస్ రూపంలో చేరవేస్తున్నారు. కొండచరియలు విరిగిపడే ప్రమాదం ఉన్న ప్రాంతాలు, నదీ పరీవాహక లోతట్టు ప్రాంతాల ప్రజలను సురక్షిత ప్రాంతాలకు తరలించేందుకు జిల్లా కలెక్టర్లు తగిన చర్యలు చేపట్టారు.ఇదీ చదవండి: ఎల్ నినోకు చెక్.. గణపయ్యల నిమజ్జనానికి సరికొత్త విధానం! -
కాపాడాల్సిందిపోయి కాజేశాడు
వయనాడ్: అక్రమార్కుల నుంచి స్వాదీనం చేసుకున్న సరుకును జాగ్రత్తగా భద్రపర్చాల్సిన ఓ పోలీసు కక్కుర్తిపడ్డాడు. పోలీస్గా రక్షించాల్సిందిపోయి ఏకంగా దొంగతనం చేశాడు. గుట్టుచప్పుడు కాకుండా ఆ సరుకును కొట్టేశాడు. చివరికి సస్పెన్షన్కు గురయ్యాడు. కేరళంలోని వయనాడ్లో ఈ ఘటన చోటుచేసుకుంది. జూన్ 7న సుల్తాన్ బతేరీ సమీపంలోని దొట్టప్పన్కుళం వద్ద పోలీసులు అక్రమంగా నిల్వ ఉంచిన నిషేధించిన పొగాకు ఉత్పత్తులను స్వా«దీనం చేసుకున్నారు. ఇందుకు సంబంధించిన ఏడు పెద్ద సంచుల నిండా పొగాకు ఉత్పత్తులను కోర్టు ఆదేశాల మేరకు సుల్తాన్ బతేరి పోలీస్ స్టేషన్లోని ఓ గదిలో భద్రపరిచారు. అదే పోలీస్ స్టేషన్లో విధులు నిర్వహిస్తున్న హెడ్ కానిస్టేబుల్ టి.సబిత్ వీటిపై కన్నేశాడు. రాత్రి ఎవరూ లేని సమయంలో స్టేషన్ రైటర్ డెస్క్ లో ఉన్న తాళం చెవితో ఆ గదిని తెరిచాడు. అందులో పొగాకు ఉత్పత్తులున్న సంచులన్నింటనీ తన కారులో తీసుకెళ్లి వేరే వ్యక్తికి విక్రయించేశాడు. ఏమీ తెలియనట్టుగా విధులకు హాజరవుతున్నాడు. సెపె్టంబర్ 10వ తేదీన గదిని తనిఖీ చేయగా చోరీ విషయం బయటపడింది. గది తాళం యథా ప్రకారం ఉండటంతో ఇది ఇంటి దొంగల పనేనని అధికారులు అనుమానించారు. సీసీటీవీ ఫుటేజీని పరిశీలించడంతో హెడ్ కానిస్టేబుల్ సబిత్ నిర్వాకం బయటపడింది. సబిత్ను వెంటనే సస్పెండ్ చేశారు. అరెస్ట్చేసేలోపే పరారైన అతని కోసం ప్రత్యేక బృందం రంగంలోకి దిగి 10 రోజులపాటు వెంటాడి ఎట్టకేలకు ఆదివారం ఎర్నాకులం జిల్లాలో పట్టుకున్నారు. -
కేరళలో వృద్ధులే అధికం.. కుటుంబాలకు కొత్త సవాల్!
ఒకప్పుడు పిల్లలతో సందడిగా తిరిగిన ఇళ్లే అవి. ప్రతి పండుగ, ప్రతి వేడుకలో సంతోషం, కేరింతలతో నిండినవే. కానీ నేడు అవే ఇళ్లు నిశ్శబ్దానికి వేదికలుగా మారుతున్నాయి. పెద్ద కుటుంబాలకు పేరుగాంచిన కేరళలో ఇప్పుడు జనాభా నిర్మాణం వేగంగా మారుతోంది. పిల్లల సంఖ్య తగ్గుతోంది. వృద్ధుల సంఖ్య పెరుగుతోంది. యువత ఉద్యోగాలు, చదువుల కోసం ఇతర ప్రాంతాలకు, విదేశాలకు వెళ్తుండటంతో వృద్ధులు మాత్రమే ఇళ్లలో మిగిలిపోతున్నారు. అయితే వీరి సంరక్షణ ఇపుడు అక్కడి ప్రభుత్వానికి కొత్త సవాలుగా మారుతోంది.‘వృద్ధుల సంరక్షణ’ ఎలా ఉండాలి? కుటుంబమే చూసుకోవాలా? లేక ప్రభుత్వం, సమాజం కూడా బాధ్యత తీసుకోవాలా? అనే ప్రశ్నలు కేరళను సందిగ్ధావస్థలో పడేస్తున్నాయి. గత రెండున్నర దశాబ్దాల నుంచి భారీ స్థాయిలో ఉపాధి కోసం యువత పక్క రాష్ట్రాలకి, గల్ఫ్ దేశాలకు తరలిపోవడం వల్ల రాష్ట్రంలో వృద్ధుల జనాభా ఊహించని రీతిలో పెరిగిపోవడానికి కారణమైపోయింది.మారుతున్న జనాభా చిత్రంఆయుర్దాయం పెరగడం, జననాల రేటు తగ్గడం వంటి జనాభా మార్పులు కేరళ సామాజిక నిర్మాణాన్ని మార్చుతున్నాయి. యువత సంఖ్యతో పోలిస్తే వృద్ధుల వాటా పెరుగుతున్న కొద్దీ ఆరోగ్యం, ఆర్థిక భద్రత, నివాసం, రోజువారీ సంరక్షణ వంటి అంశాలు మరింత కీలకంగా మారుతున్నాయి. అంటే.. కేరళ ఇప్పుడు కేవలం జనాభా పెరుగుతున్న రాష్ట్రం కాదు.. వృద్ధాప్యం పెరుగుతున్న రాష్ట్రంగా కూడా మారుతోంది.ఉద్యోగాల కోసం విదేశాలకు..ఇంతకుముందు తల్లిదండ్రులు, పిల్లలు, తాతలు, అమ్మమ్మలు కలిసి ఉండే కుటుంబ వ్యవస్థ బలంగా ఉండేది. ఇంట్లోనే పెద్దలను చూసుకునేవారు ఉండేవారు. కానీ ఇప్పుడు పరిస్థితి మారింది. ఉద్యోగాల కోసం పిల్లలు ఇతర నగరాల్లో లేదా విదేశాల్లో స్థిరపడుతున్నారు. చిన్న కుటుంబాలు పెరుగుతున్నాయి. దీంతో పెద్దవారు ఒంటరిగా జీవించాల్సిన పరిస్థితులు ఎదురవుతున్నాయి. అప్పుడు ఎదురయ్యే ప్రశ్న ఒక్కటే.. ‘పిల్లలు దూరంగా ఉంటే.. వృద్ధులను ఎవరు చూసుకోవాలి?’’ అనేది.యూరప్ ఏం చెబుతోంది? యూరప్లోని అనేక దేశాలు వృద్ధుల సంఖ్య పెరుగుతున్న పరిస్థితిని చాలాకాలంగా ఎదుర్కొంటున్నాయి. అక్కడ వృద్ధుల సంరక్షణను కుటుంబ బాధ్యతగా మాత్రమే కాకుండా సామాజిక, ఆరోగ్య, సంక్షేమ వ్యవస్థలతో అనుసంధానించి చూడటానికి ప్రయత్నాలు జరుగుతున్నాయి. ఇంటి వద్దే సంరక్షణ, ఆరోగ్య సేవలు, దీర్ఘకాలిక సంరక్షణ, సామాజిక భద్రత వంటి అంశాలకు ్రపాధాన్యం ఇస్తున్నారు. అంతేకాకుండా వృద్ధుల హక్కులు, భద్రతకు కొన్ని సందర్భాల్లో చట్టపరమైన రక్షణ కూడా అవసరం. కానీ చట్టం ఉండటం మాత్రమే సరిపోదు. దాన్ని అమలు చేసే వ్యవస్థ కూడా బలంగా ఉండాలి. అందుకే కేరళ కూడా తన అవసరాలకు తగ్గట్టుగా అలాంటి విధానాల నుంచి ఏమి నేర్చుకోవచ్చనే దానిపై దృష్టి పెడుతోంది. ఇందుకోసం జపాన్, నార్వే దేశాల్లో అమలులో ఉన్న వృద్ధుల సంరక్షణ విధానాలను పరిశీలిస్తోంది.అయితే కేరళలో కనిపిస్తున్న జనాభా మార్పులు ఆ రాష్ట్రానికే పరిమితం కావు. దేశంలో ఆయుర్దాయం పెరుగుతూ, కుటుంబ నిర్మాణాలు మారుతున్న కొద్దీ మరిన్ని ప్రాంతాల్లోనూ వృద్ధుల సంరక్షణపై ఇదే తరహా ప్రశ్నలు ఎదురయ్యే అవకాశం ఉంది. అందుకే వృద్ధా΄్యాన్ని ‘కుటుంబం చూసుకోవాల్సిన వ్యక్తిగత విషయం’గా మాత్రమే కాకుండా.. సమాజం, ప్రభుత్వం, ఆరోగ్య వ్యవస్థ కలిసి పరిష్కరించాల్సిన సామాజిక అంశంగా చూడాల్సిన అవసరం పెరుగుతోంది. ఈరోజు మనం వృద్ధుల కోసం నిర్మించే సంరక్షణ వ్యవస్థ.. రేపు మన వృద్ధా΄్యాన్ని ఎలా గడపాలో నిర్ణయిస్తుంది. ఎందుకంటే వృద్ధాప్యం అనేది ఈరోజు వారిది.. రేపు మనది!మహిళలే ఎక్కువ...!ప్రస్తుతం కేరళ రాష్ట్ర జనాభాలో 60 ఏళ్లు పైబడిన వారు సుమారు 19 శాతం ఉన్నారు. 2021లో ఇది 16.5 శాతంగా ఉండగా, 2031 నాటికి 20.9 శాతానికి, 2036 నాటికి 23 శాతానికి చేరుతుందని అంచనా.కేరళ ఆరోగ్యశాఖ అంచనాల ప్రకారం 2021లో 58.53 లక్షలుగా ఉన్న 60 ఏళ్ల పైబడినవారు.. 2026లో 67.68 లక్షలకు చేరింది. 2036 నాటికి ఈ సంఖ్య 84.18 లక్షలకు పెరగొచ్చని అంచనా.మరోవైపు కుటుంబంపై ఆధారపడి జీవించే వృద్ధుల నిష్పత్తి కూడా పెరుగుతోంది. 2021లో 26.1 శాతంగా ఉన్న వృద్ధాప్య ఆధారిత నిష్పత్తి.. 2031 నాటికి 34.3 శాతానికి చేరుతుందని అంచనా.ఇంకో ఆసక్తికరమైన విషయం.. కేరళలో వృద్ధాప్య జనాభాలో ఎక్కువగా మహిళలే ఉన్నారు. ఎక్కువ ఆయుర్దాయం కారణంగా వృద్ధుల్లో మహిళల వాటా అధికంగా ఉంది. 80 ఏళ్లు పైబడిన వారిలో ప్రతి 1,000 మంది పురుషులకు 1,651 మందికి పైగా మహిళలు ఉన్నట్లు రాష్ట్ర అభివృద్ధి నివేదిక పేర్కొంది.ఇదీ చదవండి: ‘జెన్ జీ’లో స్లో లివింగ్ క్రేజ్ ఎందుకు పెరుగుతోంది? -
12 ఏళ్లకోసారి ప్రకృతిలో అద్భుత దృశ్యం!
నీలగిరులకు ఆ పేరును సార్థకం చేసిన అరుదైన, అందమైన పువ్వు నీలికురింజి. పన్నెండేళ్లకోసారి ప్రకృతిలో అద్భుత దృశ్యాన్ని ఆవిష్కరించే ఈ పూల వెనుక ఉన్న నిజానిజాలు, వాటి జీవిత చక్రం, విశేషాల గురించిన ఆసక్తికరమైన వివరాలివి. నీలికురింజి ప్రత్యేకతలు శాస్త్రీయ నామం: స్ట్రోబిలాంథెస్ కుంతియానా జీవిత కాలం: ఈ మొక్కలు సాధారణంగా 12 సంవత్సరాలు జీవిస్తాయి. ఒకేసారి భారీ స్థాయిలో పూస్తాయి, విత్తనాలను భూమ్మీద రాల్చిన తర్వాత ఆ మొక్క మరణిస్తుంది. వ్యాప్తి: పశ్చిమకనుమల్లోని తమిళనాడు, కేరళ, కర్ణాటక రాష్ట్రాల్లోని కొండ ప్రాంతాలలో ఇవి విస్తరించి ఉంటాయి. ముందస్తు పూతపై గందరగోళం! వాస్తవం: ఎరవికుళం నేషనల్ పార్క్లో 2018లో నీలికురింజి పూసింది. తర్వాతి బ్లూమింగ్ 2030లో ఉంటుందని అంచనా. అయితే మున్నార్లో ఈ ఆగస్టు నుంచి ఈ పూలు వికసించడంతో ఇవి కాలనియమం తప్పుతున్నాయా అనే సందేహం కలుగుతుంది. కానీ, ప్రకృతి తన టైమ్టేబుల్ని కచ్చితంగా పాటిస్తుంది. వేర్వేరు ప్రాంతాలు, వేర్వేరు కాలచక్రాలు: ఎరవికుళం నేషనల్ పార్క్, మున్నార్లోని మట్టుపెట్టి ప్రాంతాలు వేర్వేరు కాలనీలు. చోక్రముడి, మట్టుపెట్టి, కన్నెమల కొండల్లో నీలికురింజి 2014లో పూసింది, ఆ కాలనియమం ప్రకారం ఇప్పుడు సరిగ్గా పన్నెండేళ్లకు మళ్లీ వికసించాయి.ఈ ప్రకృతి చక్రం ఎలా పనిచేస్తుంది? మోనోకార్పిక్ మొక్కలు: ఇవి ప్లీటీసియల్ జీవిత చక్రాన్ని అనుసరిస్తాయి. ఒక దశాబ్దానికి పైగా పెరిగి, పరిపక్వత చెంది, తగినంత శక్తిని కూడగట్టుకుని ఒకేసారి వికసించి ఆ తర్వాత అంతరిస్తాయి. ఇదీ చదవండి: దెయ్యం మొక్క... తిస్మియా డెమోనా స్వతంత్ర సమూహాలు: వేర్వేరు పర్వత శ్రేణులు వేర్వేరు సంవత్సరాలలో పరిపక్వం చెందుతాయి. ఉదాహరణకు, ఎరవికుళంలో పూసే కాలానికి నాలుగేళ్ల ముందు మున్నార్లో ఈ పూలను చూడవచ్చు. 2022లో కర్నాటకలోని చంద్రద్రోణ కొండల్లో కూడా ఇవి వికసించాయి. టూర్ ఆపరేటర్లు ఎరవికుళం షెడ్యూల్ను ప్రామాణికంగా తీసుకోవడం వల్ల ఈ చిన్న అపోహ కలుగుతుంది. పువ్వును చూడాలి... కోయవద్దు! నీలికురింజి వన్యప్రాణి (సంరక్షణ) చట్టం కింద సంరక్షణలో ఉన్న మొక్క. వీటిని కోయడం, మొక్కను నాశనం చేయడం చట్టరీత్యా నేరం.నిబంధనలు: నిబంధనలను ఉల్లంఘించి ఈ పూలను కోస్తే, మూడు సంవత్సరాల వరకు జైలు శిక్ష లేదా రూ. 25,000 వరకు జరిమానా, లేదా రెండూ విధించడం జరుగుతుంది. కాబట్టి వీటి సౌందర్యాన్ని కళ్లతో ఆస్వాదిద్దాం, ప్రకృతిని కాపాడుకుందాం! ఈ అరుదైన నీలికురింజి పూల అద్భుతమైన దృశ్యాన్ని చూడటానికి గతంలో పశ్చిమ కనుమల ప్రాంతాలను సందర్శించారా? ఇప్పటి వరకు చూడకపోతే ఇప్పుడు చూసితీరాలి. – సాక్షి, స్పెషల్ డెస్క్ -
జస్ట్ రూ. 100తో మొదలై..రూ. 2 కోట్ల వ్యాపార సామ్రాజ్యం!
ఏ వ్యాపారంలోనైనా ఒక్కసారి ఘోరమైన నష్టం చవిచూస్తే..మళ్లీ దానివైపుకి కన్నెత్తి చూసే సాహసం చేయం. అసలు ఆ కష్టం నుంచి కోలుకోవడమే చాలా కష్టం. కానీ ఈ మహిళ వ్యాపారంలో ఎంత ఘోరమైన నష్టాలు చూసిందంటే..చేతిలో వంద రూపాయలతో రోడ్డుపైకి వచ్చేసింది. కానీ ఆ వంద కంటే తక్కువ మొత్తంతోనే మళ్లీ వ్యాపారం ప్రారంభించి.. ఇవాళ ఏ రేంజ్కి చేరుకుందో తెలిస్తే విస్తుపోతారు. నష్టాలనేవి నట్టేట ముంచేవి కాదు..నింగికేగేసేలా చేసే పాఠాలని చెబుతోంది ఆమె సక్సెస్ స్టోరీ. ఆ శక్తిమంతమైన మహిళే ఇలావరసి జయకాంత్. తమిళనాడులోని ఉసిలంపట్టికి చెందిన ఆమె కుటుంబం కేరళలోని త్రిస్సూర్ జిల్లాకు వలస వచ్చింది. ఆమె తల్లిదండ్రులు జీవనోపాధి కోసం స్వీట్స్, స్నాక్స్ తయారు చేసి విక్రయిస్తుండేవారు. అలా ఆమెకు చిన్ననాటి నుంచి ఉత్పత్తులను చుట్టపక్కల వాళ్లకు అమ్మడంలో పేరెంట్స్ సహాయం చేస్తుండేది. పెళ్లి తర్వాత కూడా జయకాంత్ తన కుటుంబ సంప్రదాయన్ని కొనసాగిస్తూ.. ఆమె కూడా ఇంట్లోనే స్వీట్లు, స్నాక్స్ తయారు చేసి, సమీపంలో ఇళ్లలో ఉత్పత్తులనను అమ్ముతుండేది. దీనికి చుట్టపక్కల వాళ్లు, బంధువుల నుంచి అనూహ్య స్పందన రావడంతో పెద్ద వ్యాపారంగా మార్చాలని నిర్ణయించుకుంది. అలా తన వద్ద ఉన్న పొదుపు, బ్యాంకు రుణాలు, కొంత బయట నుంచి తెచ్చిన అప్పుతో సహా మొత్తం రూ. 50 లక్షలతో సూపర్మార్కెట్ను ప్రారంభించింది. దాంట్లోనే పండ్లు, కూరగాయలతో చేసిన హల్వా, చిప్స్, కేకులు, స్వీట్లు, స్నాక్స్ వంటి వస్తువులను విక్రయించడం ప్రారంభించింది. అంతేగాదు 50 మందిదాక ఉపాధి కల్పించింది. సరిగ్గా 2011లో సూపర్ మార్కెట్ దొంగతనానికి గురవ్వడంతో తీవ్రమైన నష్టాలను ఎదుర్కొంది. ఎంతలా అంటే వ్యాపారంలో మొత్తం డబ్బునిపోగొట్టుకుని చేతిలో కేవలం వంద రూపాలయతో రోడ్డు మీదకు వచ్చేసింది. ఆ నష్టం ఆమె మానసిక ఆరోగ్యంపై తీవ్ర ప్రభావం చూపి ఆస్పత్రి పాలు చేసింది. కానీ ఆమెకు విరామం తీసుకునే వ్యవధి లేనంతగా బ్యాంకు నుంచి అప్పులవాళ్ల నుంచి ఒత్తిడి పెరిగిపోయింది. దీంతో ఆమె వెంటనే మళ్లీ.. మరో వ్యాపారం చేసి నిలదొక్కుకుంటే పరిస్థతి చక్కబడేలే లేదని గ్రహించి చివరకు చేతిలో ఉన్న కొద్ది మొత్తంతోనే త్రిస్సూర్ రైల్వే స్టేషన్ సమీపంలో 'అశ్వతి హాట్ చిప్స్' అనే ఒక చిన్న హాట్-చిప్స్ స్టాల్ను ప్రారంభించింది. వంద రూపాయల కన్నా తక్కువ పెట్టుబడితో ప్రారంభించిన ఈ వ్యాపారం కాస్తా అమ్మకాలు ఊపందుకుని తక్కువ సమయంలోనే మంచి పేరు తెచ్చుకుంది. అలా చిప్స్ తోపాటు వడలు వంటి వాటిని జోడించి వ్యాపారాన్ని విస్తరించింది. అలా తొలి వ్యాపారంలో ఎదురైన అప్పులన్నిటినీ తీర్చేసింది. అంతేగాదు ఆ చిన్న స్టాల్లోనే ఏకంగా కేకులు, స్వీట్లు, ఊరగాయలు కూడా చేర్చింది. అలా కొద్దికాలంలోనే ఆ వ్యాపారం ఇలావరసి ఫుడ్స్ ప్రైవేట్ లిమిటెడ్గా నమోదై అతిపెద్ద సంస్థగా అవతరించింది. ఇవాళ ఏకంగా రెండు కోట్లు టర్నోవర్ చేసే వ్యాపార సామ్రాజ్యంగా మారింది. అలాగే ఈమె కథ పెద్ధ పెట్టుబడులతోనే విజయం రాదని, కష్టించేతత్వం ఉంటే చిన్న మొత్తంతో ఊహకందని సక్సెస్ని ఒడిసిపట్టుకోవచ్చని నిరూపిస్తోంది కదూ..(చదవండి: సాధారణ ఫుడ్ డెలివరీ కాస్తా..ఫ్లైట్లో ఇంటికి వెళ్లేలా..!) -
సీఎం ‘రెండో పెళ్లి’పై బిగ్ ట్విస్ట్.. ఛానల్ ఎండీపై ఎఫ్ఐఆర్!
తిరువనంతపురం: కేరళ సీఎం వీడీ సతీశన్ రెండో పెళ్లి చేసుకున్నారంటూ బయటకొచ్చిన పత్రాలు.. ఇప్పుడు ఏకంగా పోలీస్ కేసుకు దారితీశాయి. కాగా, ఆ పత్రాలు నకిలీవని ఆరోపిస్తూ రిపోర్టర్ టీవీ మేనేజింగ్ డైరెక్టర్ ఆంటో అగస్టిన్పై పోలీసులు ఎఫ్ఐఆర్ నమోదు చేశారు. కేపీసీసీ అధికార ప్రతినిధి రాజు పి. నాయర్ ఇచ్చిన ఫిర్యాదుతో ఈ కేసు నమోదైంది. అగస్టిన్ను మొదటి నిందితుడిగా చేర్చగా.. మరో ఇద్దరిని గుర్తు తెలియని నిందితులుగా పేర్కొన్నారు.వివాదం ఎలా మొదలైందంటే.. 2012లో కర్ణాటకలో సతీశన్ మరో వివాహాన్ని రిజిస్టర్ చేసుకున్నట్లు పేర్కొంటున్న కొన్ని పత్రాలతో ఇద్దరు వ్యక్తులు తన కార్యాలయానికి వచ్చారని ఆంటో అగస్టిన్ తెలిపారు. అప్పటికే సతీశన్కు వివాహం జరిగి ఉందని చెబుతూ ఆ పత్రాలను తనకు చూపించారని వెల్లడించారు. అయితే పత్రాలను పరిశీలించిన తర్వాత అవి నకిలీవని తేలడంతో తమ సంస్థ ఆ కథనాన్ని ప్రసారం చేయలేదని అగస్టిన్ చెప్పారు. అయినప్పటికీ ఆ పత్రాలు తన వద్దే ఉన్నాయని ఆయన వెల్లడించారు.ఈ వ్యవహారంపై రాజు పి. నాయర్ పోలీసులను ఆశ్రయించారు. ముఖ్యమంత్రి ప్రతిష్ఠను దెబ్బతీయడం, ప్రభుత్వాన్ని అప్రతిష్ఠపాలు చేయడం కోసం కుట్ర జరిగిందని ఆయన ఆరోపించారు. పత్రాలను స్వాధీనం చేసుకుని దర్యాప్తు చేయాలని కోరారు. దీంతో కేరళ డీజీపీ ఆదేశాల మేరకు పోలీసులు కేసు నమోదు చేశారు. ఫోర్జరీ, నకిలీ పత్రాల వినియోగం, క్రిమినల్ కుట్ర, పరువునష్టం కలిగించే సమాచార ప్రచురణకు సంబంధించిన భారతీయ న్యాయ సంహిత (BNS) నిబంధనల కింద కేసు నమోదు చేసినట్లు పోలీసులు తెలిపారు.మరోవైపు రిపోర్టర్ టీవీపై సిట్ సోదాలుఇదే రోజున రిపోర్టర్ టీవీ, ఆ సంస్థ ప్రమోటర్లకు సంబంధించిన ప్రాంగణాల్లో ప్రత్యేక దర్యాప్తు బృందం (SIT) సోదాలు నిర్వహించడం మరింత చర్చకు దారితీసింది. లియోనెల్ మెస్సీ, అర్జెంటీనా ఫుట్బాల్ జట్టును కేరళకు తీసుకురావాలన్న విఫల ప్రయత్నానికి సంబంధించిన ఆర్థిక అవకతవకల ఆరోపణలపై దర్యాప్తులో భాగంగా కొచ్చి, వయనాడ్లోని ఐదు ప్రాంతాల్లో ఈ తనిఖీలు జరిగాయి. కోర్టు జారీ చేసిన సెర్చ్ వారెంట్లతో సోదాలు నిర్వహించినట్లు పోలీసులు తెలిపారు.సోదాల సమయంలో జర్నలిస్టులు, ఇతర సిబ్బంది ఉపయోగించే మొబైల్ ఫోన్లను పోలీసులు తీసుకెళ్లారని రిపోర్టర్ టీవీ ఆరోపించింది. అయితే పోలీసులు ఈ వాదనను ఖండించారు. ఎలాంటి ఫోన్లను స్వాధీనం చేసుకోలేదని, దర్యాప్తుకు అవసరమైన పత్రాల కోసమే సోదాలు చేపట్టినట్లు స్పష్టం చేశారు. ఈ పరిణామాలపై ప్రతిపక్షాలు ప్రభుత్వంపై విమర్శలు చేస్తూ మీడియా స్వేచ్ఛ అంశాన్ని లేవనెత్తాయి. సీఎం సతీశన్ మాత్రం సోదాలు చట్ట ప్రకారమే జరుగుతున్నాయని, ప్రభుత్వం దర్యాప్తులో జోక్యం చేసుకోదని తెలిపారు. ఇలా సీఎం ‘రెండో పెళ్లి’ అంటూ మొదలైన వివాదం.. నకిలీ పత్రాల ఆరోపణలు, పోలీస్ కేసు, టీవీ ఛానల్పై సోదాలతో మరింత ముదిరింది. అసలు ఆ పత్రాలు ఎలా వచ్చాయి? వాటి వెనుక ఎవరున్నారు? అనే అంశాలపై ఇప్పుడు పోలీసుల దర్యాప్తు సాగుతోంది.ఇదీ చదవండి: అంతరిక్ష యుద్ధానికి మనం సిద్దమా? -
ఎల్నినో ప్రభావం.. తగ్గుతున్న టీ ఉత్పత్తి
తిరువనంతపురం: కేరళలో వర్షపాతం తగ్గడంతో టీ పరిశ్రమపై ప్రభావం పడుతోంది. ఎల్నినో ప్రభావంతో తక్కువ వర్షపాతం, కరవును తలపించే పరిస్థితులు కొనసాగితే టీ దిగుబడులు మరింత తగ్గే అవకాశం ఉందని తోటల నిర్వాహకులు చెబుతున్నారు. రాష్ట్ర టీ రంగంలో ఉత్పత్తి ఇప్పటికే క్షీణించింది.దక్షిణ భారత యునైటెడ్ ప్లాంటర్స్ అసోసియేషన్ (యూపీఏఎస్ఐ) టీ పరిశోధన ఫౌండేషన్ సేకరించిన గణాంకాల ప్రకారం.. 2026 జనవరి నుంచి ఆగస్టు వరకు కేరళలో టీ ఉత్పత్తి 2 శాతం తగ్గింది. 2025 ఇదే కాలంలో 3.1274 కోట్ల కిలోల టీ ఉత్పత్తి కాగా.. ఈ ఏడాది 3.0624 కోట్ల కిలోలకు పడిపోయింది.వర్షాభావ పరిస్థితులతో అత్యధికంగా ప్రభావితమైన జిల్లాగా వయనాడ్ నిలిచింది. సెప్టెంబర్ మధ్య వరకు ఆ జిల్లాలో సాధారణం కంటే 53 శాతం తక్కువ వర్షపాతం నమోదైంది. జనవరి-ఆగస్టు మధ్య టీ ఉత్పత్తి 8.11 శాతం తగ్గింది. హెక్టారుకు సగటు దిగుబడి 2025లో 1,233 కిలోలు ఉండగా.. 2026లో 1,133 కిలోలకు తగ్గింది. అంటే హెక్టారుకు 100 కిలోల మేర తగ్గుదల నమోదైంది.ఇతర ప్రాంతాల్లోనూ ఇంతే.. మున్నార్లో మాత్రం హెక్టారుకు సగటు దిగుబడి స్వల్పంగా పెరిగింది. 2025లో 1,558 కిలోలు ఉండగా.. ఈ ఏడాది 1,578 కిలోలకు చేరింది. పీరుమేడ్ కొండల్లో దిగుబడి 1,091 కిలోల నుంచి 1,069 కిలోలకు తగ్గింది. సెంట్రల్ ట్రావన్కోర్లో సగటు ఉత్పత్తి 3.8 శాతం తగ్గి, హెక్టారుకు 1,008 కిలోల నుంచి 970 కిలోలకు పడిపోయింది.వాగమన్లోని పెన్హర్స్ట్ ఎస్టేట్ మాత్రం ఈ ధోరణికి భిన్నంగా 4.4 శాతం వృద్ధిని నమోదు చేసింది. ఎస్టేట్ మేనేజర్ జోషిబా జోసెఫ్ ప్రకారం.. హెక్టారుకు ఉత్పాదకత 2025లో 2,149 కిలోల నుంచి 2026లో 2,243 కిలోలకు పెరిగింది. అంటే 94 కిలోల పెరుగుదల నమోదైంది.టీ రంగంపై ఆధారపడే వేలాది మంది ప్రజల ఆదాయంపై వాతావరణ పరిస్థితుల ప్రభావం పడే అవకాశం ఉందని పరిశ్రమ వర్గాలు పేర్కొన్నాయి. “వేలాది మంది ప్రజలు ప్రత్యక్షంగా, పరోక్షంగా టీ రంగం ద్వారా వచ్చే ఆదాయంపై ఆధారపడి ఉన్నారు. వాతావరణ ప్రతికూల పరిస్థితుల కారణంగా ఉత్పత్తి మరింత తగ్గితే, ఎస్టేట్ల నిర్వహణపై తీవ్ర ప్రభావం పడుతుంది” అని స్థానిక పరిశ్రమ వర్గానికి చెందిన ఒక ప్రతినిధి తెలిపారు.ఇదే సమయంలో తమిళనాడులోని నీలగిరి ప్రాంతంలోనూ కరవు పరిస్థితుల కారణంగా దిగుబడి 11.8 శాతం తగ్గినట్లు యూపీఏఎస్ఐ నివేదిక పేర్కొంది. అక్కడ హెక్టారుకు సగటు ఉత్పత్తి 2023లో 2,315 కిలోలు ఉండగా.. 2025లో 2,042 కిలోలకు తగ్గింది. కేరళలో తక్కువ వర్షపాతం కొనసాగుతుందా, టీ దిగుబడులపై దాని ప్రభావం మరింత పెరుగుతుందా అనేది రానున్న కాలంలో కీలకంగా మారనుంది. -
వంట గదిలో కుప్పకూలి భారతీయ వైద్యురాలు మృతి
షార్జాలో ఇంట్లో వంటగదిలో అకస్మాత్తుగా కుప్పకూలి కేరళకు చెందిన దంత వైద్యురాలు డాక్టర్ అఫీనా రహీమ్ (32) మృతి చెందారు. ఇద్దరు చిన్నారుల తల్లైన ఆమె తన భర్త యాసర్ టీ, పిల్లలతో కలిసి అల్ ఖాసిమియా ప్రాంతంలో నివసిస్తున్నారు.అఫీనా గతంలో దంత వైద్యురాలిగా పనిచేసినా, పిల్లల సంరక్షణ కోసం కొంతకాలంగా వృత్తికి దూరంగా ఉన్నట్లు కుటుంబ సభ్యుడు తెలిపారు. ఆమె భర్త ఉపాధ్యాయుడిగా పనిచేస్తున్నారు. ఘటన జరిగిన సమయంలో ఆయన విధుల్లో ఉన్నారు.అఫీనా తన కుమారుడిని పాఠశాలకు పంపిన తర్వాత తిరిగి నిద్రకు వెళ్లినట్లు ఆమె బావ హకీమ్ తెలిపారు. సోమవారం ఉదయం సుమారు 9 గంటలకు అఫీనాతో తాను మాట్లాడినట్లు ఆయన చెప్పారు. ఆ తర్వాత అఫీనా పిల్లల్లో ఒకరు ఏడుస్తున్న శబ్దం విని ఆమె వదిన రమ్షీనా నిద్రలేచారు. వంటగదిలో అఫీనా కుప్పకూలి ఉండటాన్ని గుర్తించి వెంటనే ఆమెకు సీపీఆర్ చేశారు. అనంతరం అంబులెన్స్కు సమాచారం అందించారు.అఫీనాను సమీపంలోని ప్రైవేటు ఆసుపత్రికి తరలించినప్పటికీ వైద్యులు ఆమెను రక్షించలేకపోయారు. ఆమె మృతికి కచ్చితమైన కారణం ఇంకా నిర్ధారణ కాలేదని కుటుంబ సభ్యులు తెలిపారు.అఫీనా ఆరోగ్యంగా ఉండేవారని, ఆమెకు ఎలాంటి తెలిసిన అంతర్గత అనారోగ్య సమస్యలు లేవని భర్త తెలిపారు. ఆమె మృతిపై అధికారిక ధ్రువీకరణ పత్రం, ఇతర ప్రక్రియలు పూర్తయ్యే వరకు కుటుంబ సభ్యులు ఎదురుచూస్తున్నారు. అనంతరం ఆమె భౌతికకాయాన్ని కేరళలోని స్వస్థలానికి తరలించేందుకు ఏర్పాట్లు చేయనున్నారు. -
కాంగ్రెస్ రెబల్.. స్టన్నింగ్ విక్టరీ!
రాజకీయాల్లో రెబల్స్ వ్యవహారం కొత్తేమీ కాదు.. పార్టీ నిర్ణయాలను ధిక్కరించి బయటకు వచ్చేవాళ్లు, ఆ తర్వాత ప్రత్యర్థి కూటములతో చేతులు కలిపేవాళ్లు చాలాచోట్ల కనిపిస్తూనే ఉంటారు. కానీ కొన్నిసార్లు ఈ తిరుగుబాట్లే స్థానిక రాజకీయాల దిశను మార్చేస్తాయి. కేరళలోనూ ఇప్పుడు అదే జరిగింది. కాంగ్రెస్ నుంచి బహిష్కరణకు గురైన బిజు మాథ్యూస్.. ఎల్డీఎఫ్ మద్దతుతో స్టన్నింగ్ విక్టరీ సాధించాడు.కేరళలోని పాలా మున్సిపాలిటీలో రాజకీయ సమీకరణాలు మరోసారి ఆసక్తికరంగా మారాయి. కాంగ్రెస్ నుంచి బహిష్కరణకు గురైన బిజు మాథ్యూస్.. ఎల్డీఎఫ్ మద్దతుతో మున్సిపాలిటీ వైస్ చైర్పర్సన్గా ఎన్నికయ్యారు. బుధవారం జరిగిన ఎన్నికల్లో యూడీఎఫ్ అభ్యర్థి, కాంగ్రెస్ పార్లమెంటరీ పార్టీ నేత సెబాస్టియన్ పాలక్కల్పై 14–11 ఓట్ల తేడాతో విజయం సాధించారు.మొత్తం 26 మంది సభ్యులున్న పాలా మున్సిపల్ కౌన్సిల్లో వైస్ చైర్పర్సన్ ఎన్నికకు 14 ఓట్లు అవసరం. బిజు మాథ్యూస్కు కేరళ కాంగ్రెస్ (ఎం) నుంచి 10, సీపీఎం నుంచి 2, చైర్పర్సన్ మాయా రాహుల్ నుంచి ఒక ఓటు.. ఆయన సొంత ఓటు కలిపి మొత్తం 14 ఓట్లు వచ్చాయి. కాంగ్రెస్ రెబల్ రాజితా ప్రకాశ్ ఓటింగ్కు దూరంగా ఉన్నారు. మరో ఇద్దరు కాంగ్రెస్ రెబల్స్ టోనీ తైప్పరంబిల్, లిస్సీకుట్టి మాథ్యూ మాత్రం యూడీఎఫ్ అభ్యర్థి సెబాస్టియన్కు ఓటేయడం గమనార్హం.అక్కడే ఈ రాజకీయ మలుపు..పాలా మున్సిపాలిటీలో అధికార మార్పిడికి కాంగ్రెస్ రెబల్స్ కీలకంగా మారారు. గతంలో కాంగ్రెస్ విప్ను ధిక్కరించి ఎల్డీఎఫ్ మద్దతుతో అవిశ్వాస తీర్మానానికి అనుకూలంగా ఓటేసిన బిజు మాథ్యూస్, టోనీ తైప్పరంబిల్, లిస్సీకుట్టి మాథ్యూ, రాజితా ప్రకాశ్లను కాంగ్రెస్ పార్టీ నుంచి బహిష్కరించింది. అయితే వీళ్లు ఎల్డీఎఫ్తో చేతులు కలపడంతో పాలా రాజకీయ సమీకరణాలు పూర్తిగా మారిపోయాయి.దియా బిను పులిక్కకండంను అవిశ్వాస తీర్మానం ద్వారా చైర్పర్సన్ పదవి నుంచి తొలగించిన తర్వాత.. కాంగ్రెస్ రెబల్ మాయా రాహుల్ ఎల్డీఎఫ్ మద్దతుతో చైర్పర్సన్గా ఎన్నికయ్యారు. దీంతో కేరళ కాంగ్రెస్ (ఎం) నేతృత్వంలోని మున్సిపాలిటీ డెవలప్మెంట్ ఫ్రంట్ పాలా మున్సిపాలిటీపై పట్టు సాధించింది. అదే కూటమికి ఇప్పుడు బిజు మాథ్యూస్ వైస్ చైర్పర్సన్గా ఎన్నిక కావడం ప్రాధాన్యం సంతరించుకుంది.చర్చలు.. ఆపై ట్విస్ట్మాయా రాహుల్ చైర్పర్సన్గా ఎన్నికైన తర్వాత వైస్ చైర్పర్సన్ పదవి ఖాళీ అయింది. ఈ పదవిపై బిజు మాథ్యూస్, టోనీ తైప్పరంబిల్ ఇద్దరూ ఆసక్తి చూపడంతో కూటమిలో చర్చలు జరిగాయి. చివరకు ఎల్డీఎఫ్ మద్దతు బిజుకు దక్కింది. ఎన్నికకు ముందు ఆయనకు కూటమిలో మెజారిటీ మద్దతు ఉందని కూడా వార్తలు వచ్చాయి. అయితే.. మిగతా రెబల్స్ మాత్రం అధికార పక్షం వైపే మొగ్గు చూపించారు.ఇదిలా ఉండగా.. పాలా మున్సిపాలిటీలో పార్టీ మార్పిడి వ్యవహారంపై రాష్ట్ర ఎన్నికల సంఘం కూడా దృష్టి పెట్టింది. మాయా రాహుల్తో పాటు మాజీ కాంగ్రెస్ కౌన్సిలర్లు బిజు మాథ్యూస్, టోనీ తైప్పరంబిల్, లిస్సీకుట్టి మాథ్యూ, రాజితా ప్రకాశ్లకు యాంటీ డిఫెక్షన్ నోటీసులు జారీ చేసింది. సెప్టెంబర్ 22న విచారణకు హాజరుకావాలని ఆదేశించింది. యూడీఎఫ్, స్వతంత్ర కౌన్సిలర్ బిను పులిక్కకండం చేసిన ఫిర్యాదుల నేపథ్యంలో ఈ ప్రక్రియ కొనసాగుతోంది.ఇదీ చదవండి: స్థానిక ఎన్నికల్లో ‘చేదు’ అనుభవం.. బీజేపీకి ఇక గడ్డు కాలమేనా? -
‘క్వీన్ ఫిషర్’ యూట్యూబర్ జీవితం విషాదాంతం
'తంబూరు క్వీన్ ఫిషర్' అనే తన యూట్యూబ్ ఛానల్ ద్వారా ఎంతో మంది అభిమానులను సంపాదించుకున్న కేకే తంబూరు (36), అద్దె ఇంట్లోని ఒక గదిలో శవమై కనిపించారు. వైకోం చెంబు కట్టిక్కున్ను తురుతుకు చెందిన తంబూరు, సోమవారం మధ్యాహ్నం పులించువాడ్లోని ఒక అద్దె ఇంట్లో శవమై కనిపించారు. సాయంత్రం పాఠశాల నుండి తిరిగి వచ్చిన ఆమె 13 ఏళ్ల కుమార్తె వచ్చిన తరువాత ఈ విషాదం వెలుగు చూసింది. ఆమె అకాల మరణం ఎంతోమంది అభిమానులను తీవ్ర విషాదంలో ముంచేసింది.భర్తతో విడిగా ఉంటున్న ఆమె, గత కొన్ని నెలలుగా తన 13 ఏళ్ల కూతురితో కలిసి అదే ప్రాంతంలో అద్దె ఇంట్లో నివసిస్తున్నారు. ఆమె కుమారుడు భర్త వద్ద ఉంటున్నారు. సోమవారం సాయంత్రం 5 గంటల ప్రాంతంలో పాఠశాల నుండి ఇంటికి తిరిగి వచ్చిన కూతురు, లోపల నుండి గొళ్ళెం వేసి ఉండటాన్ని గమనించింది. కిటికీలో నుంచి చూడగా తల్లి ఉరివేసుకుని కనిపించింది. ఆమె వెంటనే పోలీసులకు సమాచారం అందించారు. వైకోం పోలీసులు అసహజ మరణంగా కేసు నమోదు చేసి దర్యాప్తు ప్రారంభించారు. పోస్ట్మార్టం అనంతరం, మృతదేహాన్ని కట్టిక్కున్నులోని ఆమె పూర్వీకుల ఇంటికి తీసుకెళ్లి దహన సంస్కారాలు నిర్వహించారు.బంధువుల ఆరోపణలుపాలక్కాడ్కు చెందిన ఒక యువకుడితో ఆమెకు సాన్నిహిత్యం ఉందని, వారిద్దరూ కలిసి ఉన్న వీడియోలను చూపిస్తూ ఆ యువకుడు ఆమెను బెదిరించాడని మృతురాలి బంధువులు ఆరోపించారు.ఎవరీ క్వీన్ ఫిషర్'Queen Fisher' పేరిట యూట్యూబ్ ఛానెల్ను నిర్వహిస్తూ, సాంప్రదాయ చేపల వేట వీడియోలతో కేరళకు ఒక అరుదైన చేపలు పట్టే పద్ధతి పరిచయం చేసిన ఘనత తంబూరు సొంతం. తరతరాలుగా ఆమె కుటుంబంలో వస్తున్న చేపలు పట్టే పనే తంబూరు జీవిత గమనాన్ని మార్చివేసింది. పదవ తరగతి చదువు పూర్తి చేశాక, ఆమె తన తల్లితో కలిసి చేపలు పట్టడం మొదలుపెట్టి, దాని ద్వారా వచ్చిన ఆదాయంతో తన తమ్ముళ్లు, చెల్లెళ్ల చదువును పూర్తి చేసింది.ఇదీ చదవండి: ముగ్గురు బిడ్డల హత్య : ఆ తల్లిని బహిరంగ ఉరితీయాలంటూ సంచలన వ్యాఖ్యలుకుటుంబాన్ని పోషించుకునేందుకు పార్ట్టైమ్ ఉద్యోగాలు, డ్రైవింగ్ స్కూల్లో పని, వస్త్ర తయారీ యూనిట్లో పనిచేస్తున్నప్పటికీ, తంబూరు తన కుటుంబం యొక్క సాంప్రదాయ చేపల వేటను ఎన్నడూ వదులుకోలేదు. వారు పోటు ఎక్కువగా ఉన్నప్పుడు పడవలో వెనుక జలాల్లోకి వెళ్లి, వల గానీ ఎర గానీ లేకుండా బురద, రాళ్ల మధ్య వెతుకుతూ చేతులతో చేపలు పట్టేవారు. అలా ఆమె తొలి వీడియోకే 9 మిలియన్లకు పైగా వ్యూస్ వచ్చాయి. భర్త నుండి విడిపోయి, తమ కుటుంబ జీవనాధారమైన సాంప్రదాయ చేపల వేటను వేలాదిమందికి సుపరిచితం చేసిన తంబూరు, 36 ఏళ్ల వయసులోనే అనూహ్యంగా కన్ను మూయడం విషాదం. ఇదీ చదవండి: ఒరాకిల్ వెతలు : పండగా పబ్బం లేకుండా 12 ఏళ్లు చాకిరి.. చివరికి! -
జనరిక్ మందుల నాణ్యత భేష్!
సాక్షి, హైదరాబాద్: బ్రాండెడ్ మందుల నాణ్యతకు జనరిక్ మందులకు ఎలాంటి తేడా లేదని తేలింది. జనరిక్ మందుల నాణ్యతపై ఉన్న అనుమానాలకు కేరళలో జరిగిన తాజా అధ్యయనం ఆసక్తికరమైన సమాధానం ఇచ్చింది. జనరిక్ మందులు, బ్రాండెడ్ మందుల మధ్య ఔషధ నాణ్యతలో ఏమాత్రం తేడా లేదని పరిశోధకులు తేల్చారు. కేరళలోని వివిధ లైసెన్స్డ్ ఔషధ విక్రయ కేంద్రాల నుంచి సేకరించిన 131 మందుల నమూనాల్లో ఒక్కటి కూడా నాణ్యత ప్రమాణాల్లో విఫలం కాలేదు. మరోవైపు జనరిక్ మందులు బ్రాండెడ్ మందుల కంటే సగటున 48.6 శాతం తక్కువ ధరకు లభించినట్టు గుర్తించారు. ఈ అధ్యయనం అంతర్జాతీయ వైద్య పరిశోధన పత్రిక ‘ఫ్రంటియర్స్ ఇన్ ఫార్మకాలజీ’లో ప్రచురితమైంది. గతంలో కూడా జనరిక్ మందులపై అధ్యయనాలు జరిగినా, మన దేశంలో తాజాగా నిర్వహించిన సర్వే ఇదే కావడం గమనార్హం.8 విభాగాలకు చెందిన 22 రకాల మందుల ఎంపికకేరళలో లివర్ డాక్టర్గా ప్రసిద్ధి చెందిన సైరియాక్ అబ్బీ ఫిలిప్స్ నేతృత్వంలోని పరిశోధకులు 8 చికిత్సా విభాగాలకు చెందిన 22 రకాల అత్యవసర మందులను ఈ అధ్యయనం కోసం ఎంపిక చేశారు. ప్రభుత్వ ఆధ్వర్యంలోని ఔషధ విక్రయ కేంద్రాలు, ప్రైవేటు జనరిక్ దుకాణాలు, బ్రాండెడ్ మందుల దుకాణాలు తదితర 7 రకాల లైసెన్స్డ్ విక్రయ కేంద్రాల నుంచి నమూనాలను సేకరించారు. సేకరించిన మందుల్లో జనరిక్, బ్రాండెడ్ జనరిక్, బ్రాండెడ్ మందులు ఉన్నాయి. ప్రతి నమూనాను గుర్తింపు, మోతాదు ఏకరూపత, మందు కరిగే విధానం, మలినాలు, క్రియాశీల ఔషధ పదార్థం పరిమాణం తదితర ప్రమాణాలపై పరీక్షించారు.ఇందుకోసం ‘ఇండియన్ ఫార్మకోపియా–2022’ప్రమాణాలను ప్రాతిపదికగా తీసుకున్నారు. అధ్యయనంలో పరీక్షించిన 131 నమూనాల్లో 131 మందులు అన్ని నాణ్యత పరీక్షల్లో ఉత్తీర్ణత సాధించడం గమనార్హం. అంటే జనరిక్ అయినా, బ్రాండెడ్ అయినా ఔషధంలోని క్రియాశీల పదార్థం పరిమాణం, మోతాదు ఏకరూపత, కరిగే విధానం, మలినాల స్థాయి తదితర అంశాల్లో నిర్దేశిత ప్రమాణాలను అందుకున్నట్టు తేలాయి. అందువల్ల ధర ఎక్కువగా ఉండటం వల్ల నాణ్యత కూడా ఎక్కువగా ఉంటుందనే అభిప్రాయానికి ఆధారం కనిపించలేదని పరిశోధకులు పేర్కొన్నారు.సగం ధరకే జనరిక్ మందులు నాణ్యతలో తేడా లేకపోయినా జనరిక్కు బ్రాండెడ్ మందులకు ధరల్లో మాత్రం భారీ వ్యత్యాసం కనిపించింది. అధ్యయనంలో జనరిక్ మందుల సగటు ధర బ్రాండెడ్ మందులతో పోలిస్తే 48.6 శాతం తక్కువగా ఉంది. బ్రాండెడ్ జనరిక్ మందులతో పోల్చినా జనరిక్ మందులు సగటున 37.1 శాతం తక్కువ ధరకు లభించడం గమనార్హం. కొన్ని సందర్భాల్లో ధర వ్యత్యాసం మరింత ఎక్కువగా ఉందని, అత్యధిక ధర ఉన్న బ్రాండెడ్ మందు, అత్యల్ప ధర ఉన్న జనరిక్ మందు మధ్య 13.9 రెట్ల వరకు వ్యత్యాసం నమోదైందని పరిశోధకులు స్పష్టం చేశారు. ప్రభుత్వ ఆధ్వర్యంలోని ‘జన్ ఔషధి కేంద్రాలు’’కూడా అధ్యయనంలో కీలకంగా నిలిచాయి.ఇదీ చదవండి: పిల్లల్ని కనడానికి అయిష్టంగా యువతులు!పరీక్షించిన ఔషధ విభాగాల్లో 81.8 శాతం అత్యల్ప ధరను జన్ ఔషధి కేంద్రాలే అందించినట్టు పరిశోధకులు గుర్తించారు. దీర్ఘకాలిక వ్యాధులతో బాధపడే రోగులు నిరంతరం మందులు వాడాల్సి ఉండటంతో ధర తగ్గడం వారికి గణనీయమైన ఆర్థిక ప్రయోజనాన్ని కలిగిస్తుందని పరిశోధకులు పేర్కొన్నారు. కాగా జనరిక్ మందుల నాణ్యతపై ప్రజల్లోనే కాకుండా వైద్య వర్గాల్లోనూ అనుమానాలు ఉన్న నేపథ్యంలో ఈ పరిశోధన చేపట్టినట్టు వారు తెలిపారు. -
76 ఏళ్ల వయసులోనూ అద్భతంగా తకిల్..!శబరిమలలో..
పురుషులే ఎక్కువగా వాయించే భారీ తాళ వాయిద్యం తకిల్. అలాంటి వాయిద్యాన్ని ఒక మహిళ కళాకారిని అద్భుతంగా పలికించడమే కాదు ఓ కొత్త లయను సృష్టివచి ఆశ్చర్యపరిచింది. ఇంతవరకు అలాంటి వాయిద్యాన్ని పరికించిన మహిళామణి లేదు. అలాగే ఏకంగా శబరిమలలో అయ్యప్ప గుడిలో తకిల్ వాయించే మహిళా కళాకారిణిగా చరిత్ర సృష్టించింది ఈ వనిత. ఏడు పదుల వయసులోనూ అంతే అద్భుతంగా వాయిస్తూ అందర్నీ ఆశ్చర్యపరుస్తోందామె. ఆ మహిళే కేరళకు చెందిన పతియూర్ కమలం. ఆమె మొదటి గురువు తండ్రి గోపాల కృష్ణ పణికర్. ఆయన స్వయంగా దేవస్వం బోర్డులో తకిల్ విద్వాంసుడు. తన కుమార్తె ఆసక్తిని గమనించి సాధన కోసం తేలికపాటి తకిల్ వాయిద్యాన్ని తయారు చేయించారు. అలా ఎనిమిదేళ్ల ప్రాయంలోనే ఈ రంగంలోకి ప్రవేశించింది. శబరిమలలో తన తండ్రితో కలిసి ప్రదర్శన ఇచ్చిన తర్వాత ఆమె వృత్తిపరమైన ప్రస్థానం ఊపందుకుంది. పెరున్న సుబ్రహ్మణ్య ఆలయం 'తైపూయం' ఉత్సవంలో ఆమె ఇచ్చిన అద్భుత ప్రదర్శన, కేరళ, తమిళనాడులోని వివిధ ఆలయాల నుంచి పెద్ద ఎత్తున ఆహ్వానాలలు వచ్చేందుకు దారితీసింది. ఆమె భర్త 'ఇడక్క' (మరొక సాంప్రదాయ తాళ వాయిద్యం) కళాకారుడు. ఎనమిది మంది సంతానంలో మూడొవది అయిన కమలం తన సుదీర్ఘ వృత్తి జీవితంలో అనేక పురస్కారాలు అందుకున్నారు. 2019లో కేరళ సంగీత నాటక అకాడమీ ప్రతిష్టాత్మక 'గురుపూజ' అవార్డుతో ఆమెను సత్కరించింది. కుటుంబ వారసత్వాన్ని కొనసాగిస్తూ, ఆమె కుమారుడు ప్రదీప్ జి. పణికర్ కూడా తకిల్ కళాకారుడిగా రాణిస్తున్నారు. కేరళ ప్రముఖ రచయిత ఆర్యద్ సనల్ కుమార్ కళాకారిణి కమలం జీవితం, ఆమె కళా ప్రస్థానంపై డాక్యుమెంటరీని రూపొందించారు. దీన్ని ఆమె పుట్టినరోజు సందర్భంగా ఈ డిసెంబర్లో ప్రదర్శించనున్నారు.(చదవండి: జెన్ ఆల్ఫా పెంపకంపై ఆది సాయికుమార్ ఆసక్తికర వ్యాఖ్యలు..!) -
90 నిమిషాల్లో ఇద్దరు స్నేహితులను చంపిన ఆమె దొరికిపోయింది..
అమెరికాలోని కాలిఫోర్నియాలో ఇద్దరు కేరళకు చెందిన స్నేహితుల హత్య కేసులో భారత సంతతికి చెందిన అనిలా బేబీ (32)ని పోలీసులు అరెస్టు చేశారు. ఆగస్టు 28న శాన్జోస్, మిల్పిటాస్ ప్రాంతాల్లో 90 నిమిషాల వ్యవధిలో 2 హత్యలు జరిగాయి. మృతులను యాన్ మేరీ మ్యాథ్యూ(35), అంజనా హరి(35)గా గుర్తించారు. అనిలా బేబీతో పాటు మిగతా ఇద్దరు కేరళ మూలాలు ఉన్నవారే.మొదటి ఘటన శాన్జోస్లోని మ్యాథ్యూ ఇంట్లో జరిగింది. ఆమెను గొంతు నులిమి, కత్తితో పొడిచినట్లు దర్యాప్తు అధికారులు తెలిపారు. శాన్జోస్ పోలీసులు కూడా ఆమెకు కత్తిపోట్లు ఉన్నాయని, ఘటనాస్థలంలోనే మృతి చెందినట్లు నిర్ధారించారు.దాదాపు 90 నిమిషాల తర్వాత మిల్పిటాస్లోని తమ అపార్ట్మెంట్ సముదాయం పార్కింగ్ ప్రదేశానికి అంజనా హరిని అనిలా బేబీ పిలిచినట్లు ఆరోపణలు ఉన్నాయి. ఇద్దరూ ఒకే అపార్ట్మెంట్ సముదాయంలో నివసించేవారు. అంజనా అనిలా బేబీ వాహనం వద్దకు వెళ్లిన సమయంలో వాహనం ఒక్కసారిగా వేగంగా దూసుకెళ్లి ఆమెను ఢీకొట్టి, హత్య చేసింది. అనంతరం అనిలా అక్కడి నుంచి పారిపోయి మరో మూడు వాహనాలను ఢీకొట్టినట్లు ఆరోపణలు ఉన్నాయి.తర్వాత పోలీసులు ఓ దుకాణం సమీపంలో నీలిరంగు టయోటా వాహనాన్ని గుర్తించారు. వాహనం నడిపింది అనిలా బేబీనేనని గుర్తించారు. ఆమె అధికారుల ప్రశ్నలకు సమాధానం చెప్పలేని స్థితిలో కనిపించిందని, చేతులు, కాళ్లపై రక్తం ఉన్నట్లు అధికారులు తెలిపారు. అనంతరం ఆమెను అరెస్టు చేసి శాంటా క్లారా కౌంటీ ప్రధాన జైలుకు తరలించారు.ఈ ఘటనకు దారితీసిన కారణాలు, పరిస్థితులపై దర్యాప్తు కొనసాగుతున్నట్లు శాన్జోస్ పోలీసులు తెలిపారు. అనిలా బేబీపై 2 హత్య కేసులు నమోదయ్యాయి. నేరం రుజువైతే 50 ఏళ్ల నుంచి జీవిత ఖైదు వరకు శిక్ష పడే అవకాశం ఉంది.మృతుల భౌతిక కాయాలను భారత్కు, ముఖ్యంగా కేరళకు తీసుకురావడానికి కేరళ ప్రభుత్వం చర్యలు చేపట్టింది. భారత రాయబార కార్యాలయం, కాలిఫోర్నియాలోని మలయాళీ సంఘం కూడా కుటుంబాలకు సహాయం చేస్తున్నాయి. శవపరీక్ష, ఇతర న్యాయపరమైన ప్రక్రియలు త్వరగా పూర్తి కావాలని వారి కుటుంబాలు ఎదురుచూస్తున్నాయి. -
బంగారు పతకం తెస్తా.. నాన్నకు బహుమతిగా ఇస్తా...
పట్టుదల ఉండాలే కాని సాధించలేనిదంటూ ఏదీ లేదని మరోసారి రుజువైంది. భారతీయ అథ్లెటిక్స్లో ఒక ఆటోరిక్షా డ్రైవర్ కూతురు సత్తా చాటింది. ఢిల్లీలో గురువారం జరిగిన ఇండియన్ అథ్లెటిక్స్ ఫైనల్స్ సీరిస్లో నిర్వహించిన లాంగ్ జంప్ పోటీలో కేరళకి చెందిన యాన్సీ సోజన్ (Ancy Sojan) తొలిస్థానాన్ని సాధించింది. ఈ సందర్భంగా ఆమె మాట్లాడుతూ ‘‘ఆసియా క్రీడలకు ముందు ఇదే నాకు చివరి కాంపిటీషన్. జపాన్లో జరిగే ఏషియన్ గేమ్స్లో గోల్డ్ మెడల్ సాధించడమే నా లక్ష్యం. నన్ను ఎవరూ ప్రోత్సహించలేదు. చాలామంది నువ్వు ఏమీ సాధించలేవన్నట్టు మాట్లాడేవారు. మా నాన్న ఒక ఆటోడ్రైవర్. ఆయన కూడా మన పేరు మీద ఏ రికార్డ్ లేదమ్మా అన్నాడు. అందుకే నేను గెలిచి తీరతాను... మా నాన్నకి గోల్డ్ మెడల్ని బహుమతిగా ఇస్తా’ అంటున్న యాన్సీ మనసు బంగారం కదా.ఏడవ తరగతి నుంచే...కేరళలలోని త్రిశూర్ జిల్లాలో ఉన్న తీర ప్రాంతం నట్టిక గ్రామమే యాన్సీ స్వస్థలం. ఆమె 2001, మార్చి1 జన్మించింది. యాన్సీ తండ్రి సోజన్ ఒక ఆటో రిక్షా డ్రైవర్, ఆమె తల్లి జాన్సీ కూడా అథ్లెట్. ఆమెకి క్రీడా నేపథ్యం ఉంది. ఏడో తరగతి నుంచే యాన్సీకి క్రీడల్లో శిక్షణ ఇప్పించారు. మొదట 100 మీ. 200మీ. స్ప్రింట్ చేసేది. కానీ తరచూ గాయాలవుతుండడం, అవసరమైన చికిత్స, పోషకాహారానికి ఆర్థికంగా స్థోమత లేకపోవడం వల్ల లాంగ్ జంప్పై దృష్టి పెట్టింది. 2019లో తొలిసారి జాతీయ స్థాయిలో యాన్సీ లాంగ్ జంప్ రికార్డ్ సాధించింది. 2022 ఆసియా క్రీడల్లో రజతం గెలిచి అంతర్జాతీయంగా గుర్తింపు తెచ్చుకుంది. తర్వాత 2025లో ఆసియా అథ్లెటిక్స్ చాంపియన్షిప్లో రజతం సాధించింది. 2026 మేలో ఫెడరేషన్ కప్లో 6.75 మీటర్ల దూరం దూకి వ్యక్తిగత అత్యుత్తమ దూరాన్ని నమోదు చేసింది. త్వరలోనే జపాన్లో ప్రారంభం కానున్న ఆసియా క్రీడల్లో పాల్గొనేందుకు సిద్ధపడుతోంది. -
బస్సు ప్రయాణాల యాత్రా కుటుంబం
వాట్సాప్లో ఒకరు మెసేజ్ పెడతారు. ‘ఈ శనివారం చెక్కేద్దామా?’ ఎక్కడికి వెళ్లాలో చెప్తారు. ఖర్చు అంతా కలిపితే ఆరేడు వందలు. 300 మంది సభ్యులున్న వాట్సాప్ గ్రూపు ‘యాత్రా కుటుంబం’లో కనీసం 120 మంది ‘రెడీ’ అంటారు. రెండు బస్సులు మాట్లాడతారు. ఇంకేముంది... అక్క.. అమ్మ... పిన్నీ అంటూ అదొక కుటుంబంగా మారిపోయి ప్రయాణం కడతారు. కేరళ ఆర్టీసీ బడ్జెట్ యాత్రలు కేరళలో అపరిచితులను కుటుంబాలుగా మారుస్తున్నాయి. ఈ సరికొత్త ‘ట్రావెల్ ఫ్యామిలీ’ ట్రెండ్ గురించి...‘మనిషన్నాక కూసింత కళాపోషణ ఉండాల’ అనంటాడు రావు గోపాలరావు ఏదో సినిమాలో. చూడబోతే ఈ డైలాగుకు న్యాయం చేసే వాళ్లు కేరళలో మెండుగా ఉన్నట్టున్నారు. ఇంట్లో ముక్కిపోవడం కంటే తక్కువ ఖర్చులో పర్యటనలు చేస్తూ ప్రకృతిని చూసి పులకిస్తూ.... ఎవరికీ ఎవరూ పట్టని ఈ రోజుల్లో ఈ వంకన కొత్త బంధువులను కూడా సిద్ధం చేసుకుంటున్నారు. తిరువనంతపురంలో రెండేళ్ల క్రితం మొదలైన ఒక యాత్ర 300 మందిని ‘యాత్రా కుటుంబం’గా మార్చేసింది.సన్నివేశం: ఒక ఆదివారం ఉదయం. కేరళలోని వాయనాడ్ వెళ్లే ప్రభుత్వ బస్సు సీట్ నెంబర్ 12లో కూర్చుని ఉన్న మేరీకుట్టికి బెరుగ్గా ఉంది. పిల్లలంతా విదేశాల్లో స్థిరపడటంతో, ఇంట్లోని నాలుగు గోడల మధ్యే ఆమె ప్రపంచం ఆగిపోయింది. కాని ఆ రోజు మొదటిసారి ఒంటరిగా బస్సెక్కింది. చుట్టూ ఉన్నవాళ్లంతా ముక్కుమొహం తెలియనివారు. ఏం మాట్లాడాలో తెలియదు. కానీ, ప్రయాణం మొదలయ్యాక పక్క సీటామె ‘కొంచెం ఉ΄్మా తింటావా అక్కా’ అని తన బాక్సు తెరిచింది. ఆ ఒక్క మాటతో ముఖం తెలియని అపరిచితుల మధ్య మాటల వంతెన పడింది.... అన్నీ ఇలాంటి బంధాలే ఈ ‘యాత్రా కుటుంబం’లో.ఇలా మొదలైంది: టూరిజానికి ప్రాధాన్యం ఇచ్చే కేరళ ప్రభుత్వం స్థానికులు కూడా పర్యటనలు చేసేలా ఆర్టీసీ కింద ‘బడ్జెట్ టూరిజం సెల్’ను ఏర్పాటు చేసింది. తక్కువ ఖర్చులో బస్సు మాట్లాడుకుని తిరిగే ఏర్పాటు అది. బడ్జెట్ టూరిజం సెల్ నుంచి ఒక కోఆర్డినేటర్ తోడు వచ్చి యాత్రను సులువు చేస్తాడు. రెండేళ్ల క్రితం తిరువనంతపురం బస్టాండ్ నుంచి రెండు బస్సులు అలా అక్కడికి 60 కిలోమీటర్ల దూరంలోని బోనాకాడ్ కొండ ప్రాంతానికి బయలుదేరాయి. దానిలో ఉన్నదంతా 60లు దాటిన స్త్రీలు. రిటైర్డ్ ఉద్యోగులు. తక్కువ ఖర్చుతో చేసిన ఆ యాత్ర సాయంత్రం వరకూ వారికి ఎంతో ఆనందం పంచింది. కోఆర్డినేటర్గా వచ్చిన బస్సు కండక్టర్ సజిత్ తిరుగు ప్రయాణంలో ‘మీరంతా వాట్సాప్ గ్రూప్ క్రియేట్ చేసుకోండి. ఇలా ప్రయాణాలు చేయొచ్చు’ అని సలహా ఇచ్చాడు. అలా పుట్టిందే ‘యాత్ర కుటుంబం’. అప్పటి నుంచి ఇప్పటి వరకూ ఈ కుటుంబంలో 300 మంది సభ్యులయ్యారు. ప్రతి వీకెండ్ ప్రయాణాలు చేస్తున్నారు. మొన్న తిరువనంతపురంలోని మేయంకడవు నది ఒడ్డున వీరంతా ఓనం పండుగ జరుపుకున్నారు. 60 మంది మహిళలు, వృద్ధులు కలిసి పడవ ప్రయాణం చేస్తూ, పాటలు పాడుకుంటూ, క్యాంప్ఫైర్ వేసుకుని నవ్వులతో రాత్రి గడిపారు. మొన్నటివరకు ఒంటరితనంతో బాధపడిన మేరీకుట్టి ఇప్పుడు ఆ గ్రూప్లో అందరికంటే హుషారుగా డాన్స్ చేస్తోంది.పురలిమల కొండల్లో వెన్నెల రాత్రులు! ఈ గ్రూప్ చేసే ప్రయాణాలు రొటీన్ టూరిస్ట్ ప్లేస్లలాగా అస్సలు ఉండవు. ‘యాత్ర కుటుంబం’ సభ్యుల్లో లోకల్ గైడ్స్ ఉండటంతో ఎవరికీ తెలియని అత్యంత సుందరమైన ఆఫ్–బీట్ లొకేషన్లను ఎంచుకుంటారు. దట్టమైన అడవుల మధ్య ఉండే ‘బొనాకాడు’ బేస్ క్యాంప్ కొండలు, తెల్లటి పాలధారల్లా జారే ‘కుంభవురుట్టి’ జలపాతాలు, అచ్చన్ కోవిల్ నదీ తీరాలు వీరి సొంతం. మొన్నటి ఓనం వేడుకల్లో నదీ తీరాన క్యాంప్ఫైర్ వేసుకుని వీరంతా కూర్చున్నప్పుడు.. పురలిమల కొండల వెనుక నుండి నిండు చందమామ పైకి వస్తుంటే అందరూ ఒక్కసారిగా చప్పట్లు కొట్టారు. ఆ క్షణంలో వారి కళ్లలో కనిపించిన ఆనందం వందల కోట్ల ఆస్తి ఉన్నా దొరకనిది! అమాయక గిరిజన పల్లెల్లో, చారిత్రాత్మక పునలూరు తూగు వంతెనల మీద వీరు వేసే అడుగులు చూస్తుంటే... ‘మనం కూడా ఇలాంటి గ్రూప్ కడితే బాగుంటుంది కదా’ అనే ఆశ పుడుతుంది.వయసుతో పనేముంది? ఈ గ్రూప్లో ఉన్నవారంతా రిటైర్డ్ ఉద్యోగులు, ఒంటరిగా ఉండే గృహిణులే. మామూలుగా అయితే అయినవాళ్లు వీళ్లని ‘ఇంట్లో విశ్రాంతి తీసుకోండి’ అని కదలకుండా చూస్తారు. కానీ, వీరు మాత్రం ‘మా సెకండ్ ఇన్నింగ్స్ ఇప్పుడే స్టార్ట్ అయింది’ అంటూ రోడ్డు ఎక్కారు. అన్నట్టు ఈ సెప్టెంబర్ 12న పెప్పరా వన్యప్రాణి సంరక్షణ కేంద్రంలోని ఒక గిరిజన గ్రామానికి, అలాగే సెప్టెంబర్ 25న చొక్రముడి కొండలపై వికసించే ‘నీలకురింజి’ పూల అందాలను చూడటానికీ వీరంతా బస్సెక్కి ప్రయాణం చేయబోతున్నారు.వీరు ఆగేలా లేరు. ఏమంటే ప్రయాణమే ఒక జీవితం, అందులో దొరికే స్నేహాలే అమృతం! -
రోడ్డు ప్రయాణంలో ‘విమానం’ అనుభూతి
బస్సు ప్రయాణం అనగానే మనకు గుర్తొచ్చేది నెమ్మదిగా సాగే ప్రయాణం, కిక్కిరిసిన సీట్లు, అల్పాహారం కోసం రోడ్డు పక్కన ఆగడం. కానీ, మీరు కేరళలోని బస్సు ఎక్కితే అది విమానంలో బిజినెస్ క్లాస్ అని భ్రమపడాల్సిందే. ప్రజా రవాణా వ్యవస్థను ఆధునీకరించడంలో కేరళ రోడ్డు రవాణా సంస్థ (కేఎస్ఆర్టీసీ) సరికొత్త ప్రమాణాలను నెలకొల్పుతోంది. తిరువనంతపురం - కొచ్చిన్ నగరాల మధ్య ఇటీవల ప్రారంభించిన లగ్జరీ బస్సు సర్వీసు ఇప్పుడు రోడ్డు ప్రయాణ రూపురేఖలనే మార్చేస్తోంది. విమాన ప్రయాణానికి దీటుగా అత్యున్నత స్థాయి సౌకర్యాలను ఇందులో అందుబాటులోకి తీసుకొచ్చారు. దాంతో ఈ బస్సు నెటిజన్లతో పాటు ప్రయాణికులను విపరీతంగా ఆకట్టుకుంటోంది.ఉచిత వై-ఫై, స్క్రీన్లు.. మరెన్నోసుమారు 200-220 కిలోమీటర్ల ఈ మార్గంలో ప్రయాణించే ప్రయాణికులకు బిజినెస్ క్లాస్ అనుభూతిని అందించడమే లక్ష్యంగా ఈ బస్సును రూపొందించారు. ఇందులో లగ్జరీ కుషన్ సీట్లతో పాటు ప్రతి సీటుకూ వ్యక్తిగత ఎంటర్టైన్మెంట్ స్క్రీన్లు, మొబైల్ ఛార్జింగ్ పాయింట్లు అమర్చారు. ప్రయాణికుల కోసం ఉచిత వై-ఫై సదుపాయం కూడా ఉంది.ఎన్నో సదుపాయాలో..ఈ సర్వీసులో ప్రధాన ఆకర్షణ క్యాబిన్ హోస్టెస్. విమానాల్లో మాదిరిగానే ప్రయాణికులకు సేవలందించేందుకు క్యాబిన్ హోస్టెస్ను నియమించారు. ప్రయాణంలో వేడి టీ, కాఫీలతో పాటు షావర్మా రోల్స్ వంటి అల్పాహారాన్ని అందిస్తున్నారు. అంతేకాకుండా, సుదీర్ఘ ప్రయాణాల్లో ఎంతో ఉపకరించే శుభ్రమైన ఇన్బిల్ట్ వాష్రూమ్ సదుపాయం కూడా బస్సులోనే ఉండటం విశేషం.‘Business Class’ buses now in Kerala! pic.twitter.com/ULLYBknvO4— Harsh Goenka (@hvgoenka) September 11, 2026సామాజిక మాధ్యమాల్లో ఇన్ఫ్లుయెన్సర్లు షేర్ చేసిన వీడియోల ద్వారా ఈ బస్సు విశేషాలు ఆన్లైన్లో ట్రెండ్ అవుతున్నాయి. భారతీయ రైల్వే అధికారులు, రవాణా రంగ నిపుణులు కూడా కేఎస్ఆర్టీసీ తీసుకున్న ఈ వినూత్న నిర్ణయాన్ని ప్రశంసిస్తున్నారు. నష్టాల్లో ఉండే ప్రభుత్వ రవాణా సంస్థలు సరైన ప్రాధాన్యతలు, అధునాతన సేవల ద్వారా ప్రయాణికులను ఎలా ఆకట్టుకోవచ్చో కేరళ మోడల్ నిరూపిస్తోంది. సాంప్రదాయ బస్సు ప్రయాణాన్ని అత్యంత విలాసవంతమైన కేఎస్ఆర్టీసీ లగ్జరీ ప్రయాణంగా మార్చిన ఈ ప్రయోగం, మిగిలిన రాష్ట్రాల ఆర్టీసీలకు కూడా దిశా నిర్దేశం అని కొందరు అభిప్రాయపడుతున్నారు. ఇదిలాఉండగా, ఈ బస్సులో ఎంత దూరం ప్రయాణిస్తూ ఎంత టిక్కెట్ ఉంటుందనే వివరాలు తెలియాల్సి ఉంది.ఇదీ చదవండి: అసలు బ్రిక్స్లో ఏం చర్చిస్తారు? -
శబరిమలలో ఇకపై రోజుకు 5 సార్లు పడిపూజ..!
కేరళ: శబరిమల శ్రీ అయ్యప్ప స్వామి ఆలయంలో అరవణ, అప్పం ప్రసాదాల పంపిణీలో విజిలెన్స్ అధికారులు భారీ ఆర్థిక వ్యత్యాసాలను గుర్తించారు. ప్రసాదం కొరతగా ఉండటం, అలాగే పాడైన ప్రసాదం పేరుతో నమోదు చేసిన లెక్కలకు వాస్తవ పరిస్థితులకు మధ్య తేడాలు ఉన్నట్లు విజిలెన్స్ విచారణలో తేలిన విషయాలను అధికారులు దేవస్థానం ప్రత్యేక కమిషనర్కు చేరవేయగా వాటిని కేరళ హైకోర్టుకు నివేదిక రూపంలో సమర్పించారు.విజిలెన్స్ అధికారుల వివరాల ప్రకారం.. ప్రసాదం కొరతను చూపించేందుకు పెద్ద మొత్తంలో అరవణ, అప్పం పాడైపోయినట్లు రికార్డుల్లో నమోదు చేశారు. అయితే, అధికారులు ఉత్పత్తి కేంద్రాన్ని తనిఖీ చేసిన సమయంలో రికార్డుల్లో పేర్కొన్న స్థాయిలో ప్రసాదం ధ్వంసమైనట్లు నిర్ధారించే భౌతిక ఆధారాలు కనిపించలేదని తెలిపారు. దీంతో రికార్డుల్లోని వివరాలపై అధికారులు అనుమానాలు వ్యక్తం చేస్తున్నారు.అరవణకు సంబంధించి మొత్తం 7,594 టిన్లు పాడైపోయినట్లు రికార్డుల్లో నమోదు చేసినట్లు విజిలెన్స్ అధికారులు గుర్తించారు. వాటి విలువ సుమారు ₹7,59,400గా లెక్కించారు. అయితే, ఇంత పెద్ద మొత్తంలో అరవణ ధ్వంసమై ఉంటే అందుకు సంబంధించిన ఇతర భౌతిక ఆధారాలు ఉత్పత్తి కేంద్రంలో కనిపించాల్సి ఉంటుందని అధికారులు భావించినట్లు తెలుస్తోంది.అదే విధంగా అప్పం పంపిణీలోనూ లెక్కలకు, వాస్తవ పరిస్థితులకు మధ్య తేడా ఉన్నట్లు విచారణలో తేలింది. సుమారు ₹1,21,365 విలువైన 2,697 అప్పం కవర్లు పాడైపోయినట్లు లేదా ధ్వంసమైనట్లు రికార్డుల్లో నమోదు చేశారు. కానీ, ఉత్పత్తి కేంద్రంలో పరిశీలించిన పరిస్థితులు మాత్రం ఈ గణాంకాలకు భిన్నంగా ఉన్నాయని అధికారులు గుర్తించారు.ఈ వ్యవహారం 2025 మండల-మకరవిళక్కు యాత్రా సీజన్కు సంబంధించినవిగా తెలుస్తోందని అధికారులు అనుమానాలు వ్యక్తం చేశారు. అయితే, ఆ సమయంలో శబరిమలలో అరవణకు తీవ్ర కొరత ఏర్పడింది. దీంతో భక్తులకు ఒక్కొక్కరికి గరిష్టంగా ఐదు అరవణ టిన్లు మాత్రమే విక్రయించేలా పరిమితి విధించగా, అదే సమయంలో పెద్ద సంఖ్యలో అరవణ పాడైపోయినట్లు రికార్డుల్లో నమోదు కావడం పలు ప్రశ్నలకు దారితీసిందని విజిలెన్స్ అధికారులు పేర్కొన్నారు.ఆటోమేటెడ్ విధానంలో అరవణ, అప్పం తయారవుతున్నందున సాధారణంగా ఉత్పత్తి సమయంలో పాడయ్యే ప్రసాదం పరిమాణం చాలా తక్కువగా ఉంటుందని అధికారుల పరిశీలనలో తేలింది, అయితే, ఇంత పెద్ద మొత్తంలో అరవణ టిన్లు, అప్పం కవర్లు పాడైనట్లు రికార్డుల్లో నమోదు కావడం సాధారణ పరిస్థితులకు భిన్నంగా ఉందని విజిలెన్స్ అధికారులు అభిప్రాయపడ్డారు. దీంతో ప్రసాదం లెక్కలు, నిల్వ, పంపిణీ విధానాలను అధికారులు మరింతగా పరిశీలించినట్లు సమాచారం.అయితే, విజిలెన్స్ విచారణలో గుర్తించిన లెక్కల ప్రకారం అరవణ, అప్పం విషయంలో మొత్తం ఆర్థిక వ్యత్యాసం సుమారు ₹8.8 లక్షలుగా అంచనా వేయగా, రికార్డుల్లో చూపించిన ప్రసాదం నిజంగా ధ్వంసమైందా, లేదా ఇష్టానుసారంగా పంపిణీ జరిగిందా అనే అంశంపై మరింత స్పష్టత రావాల్సి ఉందని అధికారులు తెలిపారు.ఈ నేపథ్యంలో శబరిమల ప్రసాదం తయారీ నుంచి భక్తులకు పంపిణీ చేసే వరకు ప్రతి దశలో లెక్కలను మరింత కట్టుదిట్టంగా నిర్వహించాల్సిన అవసరం ఉందని విజిలెన్స్ అధికారులు సూచించారు. ప్రసాదం నిల్వ, లెక్కలు, పంపిణీపై అంతర్గత నియంత్రణలను పటిష్టం చేయడంతో పాటు, విచారణలో గుర్తించిన అంశాలపై తదుపరి చర్యలు తీసుకోవాల్సిన పరిస్థితి ఏర్పడిందని అధికారులు నివేదికలో పేర్కొన్నట్లు సమాచారం. -
అర్థాంతరంగా నిలిచిపోయిన క్లీన్ కేరళ కార్యకలాపాలు
పంబ , సన్నిధానంలో పనులు ప్రారంభించిన ఒక్క రోజే క్లీన్ కేరళ కంపెనీ తన వ్యర్థాల తొలగింపు కార్యకలాపాలను అర్థాంతరంగా నిలిపేసింది. దాంతో శబరిమల వ్యర్థాల నిర్వహణ కార్యక్రమానికి ఆదిలోనే హంసపాదం ఎదురైంది. దాదాపు ఒక ఏడాది పాటు జరిగిన చర్చల అనంతరం, శబరిమల నుంచి వెలువడే వ్యర్థాలన్నింటినీ వేరు చేసి తొలగించాలని ఒక అవగాహనకు వచ్చారు. ఈ ప్రణాళికలో భాగంగా, వేరు చేసిన వ్యర్థాల మొదటి విడతను సిద్ధం చేశారు. జీవవిచ్ఛిన్నం కానీ వ్యర్థాల సేకరణ అధికారిక ప్రారంభోత్సవాన్ని సోమవారం మధ్యాహ్నం 3 గంటలకు నిర్వహించారు. ట్రావెన్కోర్ దేవస్వం బోర్డు (టీడీబీ) అధ్యక్షుడు కె. జయకుమార్ ఈ కార్యక్రమాన్ని ప్రారంభించారు. అయితే , ఆ కార్యక్రమం సజావుగా జరగలేదు. కొంతమంది అధికారులు లేవనెత్తిన అభ్యంతరాల కారణంగా , జీవవిచ్ఛిన్నం కాని వ్యర్థాల సేకరణ మరియు విభజన నుండి క్లీన్ కేరళ కంపెనీని మినహాయించారు.టీడీబీ అధ్యక్షుడు కె. జయకుమార్ అధ్యక్షతన జరిగిన సమావేశంలో , ప్రస్తుతానికి సన్నిధానం నుండి వచ్చే ప్లాస్టిక్ వ్యర్థాలను మాత్రమే సంచులలో ప్యాక్ చేసి పంబకు తరలించాలని నిర్ణయించారు. సన్నిధానం, పంబలోని వివిధ ప్రాంతాల నుండి చెత్త , ప్లాస్టిక్ బాటిల్స్ , గాజు సీసాలు , స్క్రాప్ సామాగ్రి మరియు నిర్మాణ శిధిలాలతో సహా పేరుకుపోయిన వ్యర్థాలను వేరు చేసి తొలగించాలన్నది అసలు ప్రణాళిక. ప్రతిపాదిత ఏర్పాటు ప్రకారం , పునర్వినియోగించదగిన పదార్థాల కోసం దేవస్థానం బోర్డు ఒక స్థిరమైన మొత్తాన్ని అందుకుంటుంది, అయితే మిగిలిన వ్యర్థాలను శుద్ధి చేసి, పారవేసినందుకు రుసుములు వసూలు చేస్తారు కూడా. ఈ విషయమై ఇరు పక్షాల మధ్య అధికారిక ఒప్పందం కుదరలేదు. అయితే శబరిమల యాత్రా కాలం సమీపిస్తుండటంతో , ఒప్పందం ఇంకా కుదరకపోయినప్పటికీ పనులు ప్రారంభించాలని క్లీన్ కేరళ కంపెనీకి ఆదేశాలు జారీ అయ్యాయి. ఆ నేపథ్యంలోనే కంపెనీకి చెందిన సుమారు 15 మంది ఉద్యోగులు ఒక వాహనంతో శబరిమలకు చేరుకుని వ్యర్థాల తొలగింపు పనులను ప్రారంభించారు. తీరా ప్రారంభించాక ప్రతిపాదిత వ్యర్థాల నిర్వహణ ఏర్పాటుపై అభిప్రాయ భేదాలు తలెత్తడంతో ఆ పనులను తక్షణమే నిలిపివేశారు. కాగా, క్లీన్ కేరళ కంపెనీ లిమిటెడ్ (CKCL) కార్యకలాపాలు పూర్తిగా నిలిచిపోలేదని చెబుతున్నారు అధికారులు. కొన్ని నిర్దిష్ట ప్రాంతాలలో కార్మిక వివాదాలు, అలాగే స్థానిక మున్సిపల్ కార్పొరేషన్లతో ఏర్పడిన సమన్వయ లోపాల వల్ల తాత్కాలికంగా కొన్ని చోట్ల పనులు నిలిచిపోయినట్లు సమాచారం. అలాగే కొన్ని కార్మిక సంఘాలు నోక్కుకూలి' (పని చేయకుండానే డిమాండ్ చేసే అక్రమ కూలి) కోసం పట్టుబట్టడం కూడా ఒక కారణమనేది అధికారిక వర్గాల సమాచారం. (చదవండి: -
పంబ-సన్నిధానం రోప్ వే ప్రాజెక్టులు వేగవంతం..
పంపాను శబరిమల సన్నిధానంతో అనుసంధానించే పూర్తి రోప్వేని సకాలంలో పూర్తి చేసేలా చర్యలుతీసుకోవాలని కేరళ రాష్ట్ర దేవస్వం పెన్షనర్ల సమాఖ్య పునలూర్ గ్రూప్ కాన్ఫరెన్స్ రాష్ట్ర ప్రభుత్వాన్ని కోరింది.శబరిమలను సందర్శించే లక్షలాది మంది యాత్రికులకు ఈ రోప్వే గణనీయమైన ప్రయోజనాలను అందిస్తుందని, ఈ ప్రాజెక్టును మరింత ఆలస్యం చేయకుండా ముందుకు తీసుకెళ్లాలని పిలుపునిచ్చారు.గత ఎల్డీఎఫ్ ప్రభుత్వం ఈ ప్రాజెక్ట్ కోసం కులతుపుళ గ్రామంలో 4.5336 హెక్టార్ల భూమిని కేటాయించింది. అయితే, యుడీఎఫ్ ప్రభుత్వం అధికారంలోకి వచ్చిన తర్వాత తదుపరి చర్యలు తీసుకోలేదని ఆరోపణలు చేశారు. అలాగే ఈ ప్రాజెక్టును సాధ్యమైనంత వరకు త్వరితగతిన పూర్తిచేసేలా చర్యలు తీసుకోవాలని కోరారు. ఇదిలా ఉండగా, శబరిమల అభివృద్ధి కార్యకలాపాలపై తన నియంత్రణను బలోపేతం చేసుకునేందుకు కేరళ ప్రభుత్వం కొత్త శబరిమల అభివృద్ధి అథారిటీని ఏర్పాటు చేయనుంది. దీనివల్ల అభివృద్ధి సంబంధిత విషయాలలో ట్రావెన్కోర్ దేవస్వం బోర్డు (టీడీబీ) పరిపాలనా పాత్ర తగ్గుతుందని భావిస్తున్నారు.ఈ అధికార సంస్థ తొలి సమావేశం సెప్టెంబర్ 11న జరగనుంది.శబరిమల మాస్టర్ ప్లాన్ కింద ప్రాజెక్టులను కాలపరిమితిలోగా అమలు జరిగేలా చూడటమే ఈ కొత్త ప్రాధికార సంస్థ ప్రధాన లక్ష్యం. ఇది సన్నిధానంచుట్టుపక్కల ప్రాంతాలలో యాత్రికులకు అవసరమైన మౌలిక సదుపాయాలను కల్పించడం, అభివృద్ధి ప్రాజెక్టులను సమన్వయం చేయడం, నిర్మాణ కార్యకలాపాలను పర్యవేక్షించడం వంటి వాటిపై దృష్టి సారిస్తుంది. అంతేగాదు ఈ సంస్థ ట్రావెన్కోర్ దేవస్వం బోర్డు, అటవీ శాఖ, పోలీస్ శాఖతో సహా శబరిమల అభివృద్ధిలో పాలుపంచుకుంటున్న వివిధ విభాగాల పనితీరును ఈ అథారిటీ సమన్వయం చేస్తుందని చెబుతున్నారు అధికారులు.(చదవండి: లాటరీ విధానం మొదలైంది ఆ ఆలయ నుంచే..! పాప పరిహార క్షేత్రం) -
సంజుని దారుణంగా అవమానించిన శ్రీశాంత్ ఏకంగా స్టేజ్ పైనే..
-
విషాదం : మరికొన్ని గంటల్లో లైవ్, దుబాయ్లో సింగర్ హఠాన్మరణం
దుబాయ్: ప్రముఖ మలయాళీ గాయకుడు నిసార్ వయనాడ్ (Nisar Wayanad) దుబాయ్లోని ఒక ఆసుపత్రిలో అకస్మాత్తుగా కన్నుమూశారు. అజ్మాన్లో జరగాల్సిన ఒక సంగీత విభావరి (షో)కి కొన్ని గంటల ముందే ఆయన తుదిశ్వాస విడవడం యూఏఈలోని మలయాళీ కమ్యూనిటీని, ఆయన అభిమానులను తీవ్ర దిగ్భ్రాంతికి గురిచేసింది. లైవ్ కన్సర్ట్ కాస్తా సంతాప సభగా మారిపోయింది.ఆయన గత నెలలో ఒక సంగీత కార్యక్రమం కోసం దుబాయ్కి వచ్చారు. జ్వరం రావడంతో వైద్య చికిత్స తీసుకున్నారు. రాబోయే రోజుల్లో దుబాయ్, సౌదీ అరేబియాలో పలు కార్యక్రమాల్లో ఆయన ప్రదర్శన ఇవ్వాల్సి ఉంది. మలయాళ సినిమాల్లో పాటలు పాడేందుకు ఒప్పందాలు చేసుకున్నారు. ఇంతలోనే ఆయన ఆకస్మిక మరణం కుటుంబ సభ్యులను, స్నేహితులను, అభిమానులను దిగ్భ్రాంతికి గురి చేసింది. నిసార్ గొంతు ప్రముఖ బాలీవుడ్ గాయకుడు ఉదిత్ నారాయణ్ గాత్రాన్ని పోలి ఉండటంతో సంగీత కార్యక్రమాల వేదికలపై ఆయనకు విశేష ప్రజాదరణ ఉండేది.గత కొన్ని రోజులుగా తీవ్ర జ్వరంతో బాధపడుతున్న నిసార్, సాధారణ పారాసిటమాల్ మాత్రలు వాడుతున్నారు. శనివారం మధ్యాహ్నంపరిస్థితి విషమించడంతో దుబాయ్ ఆసుపత్రిలో చేర్పించగా, చికిత్స పొందుతూ సాయంత్రం మరణించారు. సెప్టిసీమియా (రక్తంలో తీవ్రమైన ఇన్ఫెక్షన్) వల్ల అవయవాలు విఫలమై, బాడీలో అసిడోసిస్ పెరగడం వల్ల మృతి చెందినట్లు వైద్యులు ధృవీకరించారు.శనివారం అర్ధరాత్రి వేళ ఆయన మరణవార్త తెలిసిన వెంటనే సుమారు 300 మందికి పైగా అభిమానులు, మిత్రులు తుది వీడ్కోలు పలికేందుకు తరలివచ్చారు. రికార్డు స్థాయిలో కేవలం 4 గంటల్లోనే రాత్రి 3 గంటల ప్రాంతంలో జనాజా ప్రార్థనలు పూర్తి చేసి, పార్థివ దేహాన్ని కేరళలోని ఆయన స్వగ్రామానికి తరలించేందుకు ఏర్పాట్లు చేశారు.దుబాయ్లోని కల్చరల్ ఈవెంట్లలో తన గాత్రంతో అభిమానులను సంపాదించుకున్న నిసార్ కేరళలోని వయనాడ్ జిల్లాకు చెందిన వారు. నిసార్ అసలు పేరు నిస్సార్ అరోత్ ఇబ్రహీం. హిందీ, మలయాళ పాటలతో పాటు ఉదిత్ నారాయణ్, అర్జిత్ సింగ్, అతీఫ్ అస్లామ్ పాటలను అద్భుతంగా పాడేవారు. ఆయనకు భార్య షహానా నిసార్, ఇద్దరు కుమార్తెలు (సింబ్రీనా, అంబ్రీనా) ఉన్నారు.ఇదీ చదవండి: రూ. 1,470 కోట్ల లాటరీ, సగం దానమిచ్చేసిన టీచరమ్మ!ప్రముఖుల సంతాపంఆయన అకాల మరణం పట్ల ఆర్జే మిథున్ రమేష్, ప్లేబ్యాక్ సింగర్ అఫ్సల్, ఇతర యూఏఈ ఈవెంట్ నిర్వాహకులు తీవ్ర విచారాన్ని వ్యక్తం చేశారు.ఇదీ చదవండి : పవిత్ర గంగలో మూడు మునకలు: అనుభూతిని పంచుకున్న జపాన్ రాయబారి -
బస్సును ముద్దాడిండు డ్రైవరన్న
-
కారు-లారీ ఢీ.. 8 మంది బీటెక్ విద్యార్థుల దుర్మరణం
కేరళ త్రిసూర్లో ఘోర రోడ్డు ప్రమాదం సంభవించింది. ఆగి ఉన్న లారీని ఓ కారు వేగంగా వచ్చి ఢీ కొట్టడంతో ఎనిమిది మరణించారు. మృతుల్లో ఏడుగురు తమిళనాడుకు చెందిన ఇంజినీరింగ్ విద్యార్థులుగా పోలీసులు నిర్ధారించారు. మరొకరు డ్రైవర్గా భావిస్తున్నారు. అయితే ప్రమాదానికి గల కారణాలు తెలియ రావాల్సి ఉంది.తమిళనాడు దిండిగల్లో ఓ ప్రైవేట్ కాలేజీలో చదువుతున్న విద్యార్థులు కారులో వెళ్తున్నారు. కైపమంగళం సమీపంలోని పనంబిక్కున్ను సెంటర్ వద్ద NH-66పై శుక్రవారం రాత్రి 11.40 గంటల సమయంలో ఆ కారు ప్రమాదానికి గురైంది. గురువాయూర్ వైపు నుంచి కొడుంగల్లూర్ వెళ్తున్న టైంలో.. హైవేపై నిలిపి ఉంచిన లారీని బలంగా ఢీకొట్టింది. ఈ ఘటనలో కారు తీవ్రంగా దెబ్బతింది. ప్రమాదం గురించి సమాచారం అందుకున్న వెంటనే స్థానికులు, ఫైర్ సిబ్బంది, పోలీసులు ఘటనా స్థలానికి చేరుకున్నారు. కారులో చిక్కుకున్న మృతదేహాలను సహాయక చర్యలు చేపట్టి బయటకు తీశారు. కారు నుజ్జు నుజ్జు కావడంతో అందులో చిక్కుకున్నవాళ్లను బయటకు తీయడానికి చాలా శ్రమించాల్సి వచ్చింది. ఘటనా స్థలంలోనే ఆరుగురు మృతి చెందగా.. మరో ఇద్దరు ఆస్పత్రిలో చికిత్స పొందుతూ ఊపిరి వదిలారు. ప్రమాదానికి గురైన కారు తమిళనాడు రిజిస్ట్రేషన్తోనే ఉంది. మృతదేహాలను త్రిసూర్ మెడికల్ కాలేజీ మార్చురీకి తరలించారు. ప్రమాదానికి అమిత వేగం ఒక కారణమై ఉండొచ్చని ప్రాథమికంగా తెలుస్తోంది. అదే సమయంలో నిర్మాణంలో ఉన్న రహదారిపై డైవర్షన్, తగిన హెచ్చరికలు, లైటింగ్ వంటి అంశాలపైనా పోలీసులు పరిశీలన చేస్తున్నారు. ఆ సమయంలో అక్కడ మూడు లారీలు నిలిపి ఉన్నట్లు స్థానికులు చెబుతున్నారు. ప్రమాదానికి సంబంధించిన సీసీటీవీ దృశ్యాలను కూడా పరిశీలిస్తున్నట్లు సమాచారం.ఇదీ చదవండి: మంచి స్కూల్స్ అడిగితే తప్పా? -
డ్యామ్ల నిర్వహణకు ఏఐ వ్యవస్థ
త్రిశూర్: వరద ప్రమాదాలను తగ్గించేందుకు, డ్యామ్ల నిర్వహణ మరింత మెరుగ్గా ఉండేందుకు కేరళం రాష్ట్రానికి చెందిన పదిహేడేళ్ల యువకుడు నొవెయిన్ సరికొత్త కృత్రిమ మేధ వ్యవస్థను రూపొందించాడు. డ్యామ్ ఎగువ ప్రాంతాల్లో నీటి ప్రవాహాన్ని, అలల తిరోగమన ప్రవాహాలను విశ్లేషించడం ద్వారా వరద ముప్పును తప్పించుకునేందుకు ఎంత తొందరగా డ్యామ్ నుంచి నీరు విడుదల చేయాలో అంచనా వేస్తుందీ వ్యవస్థ. దీనివల్ల వరద ముప్పు తగ్గడమే కాకుండా.. నీటిని సంరక్షించేందుకు కూడా వీలేర్పడుతుందని నొవెయిన్ చెబుతున్నాడు. 2018లో కేరళంలోని చాలక్కుడి ప్రాంతంలో వరదలు, ఆ సమయంలో ఆ ప్రాంతంలోని డ్యామ్ల పరిస్థితులపై వచ్చిన కథనాలతో స్ఫూర్తి పొంది తానీ వ్యవస్థను రూపొందించినట్లు చెప్పారు. పెద్ద పెద్ద డ్యామ్ల నిర్వహణలో ఎదురయ్యే సమస్యలను పరిష్కరించగలనని తాను నమ్మానని, పలు ప్రయత్నాలు విఫలమైనప్పటికీ కష్టాల్లో ఉన్నవారిని ఆదుకోవాలన్న సంకల్పంతో ముందుకెళ్లానని, విజయం సాధించానని వివరించారు. ప్రస్తుతం తాను నమూనా వ్యవస్థను మాత్రమే తయారు చేశానని, మరింత సమర్థంగా పనిచేసే అసలు మోడళ్ల అభివృద్ధికి ఆసక్తిగా ఎదురు చూస్తున్నానని అన్నారు. నొవెయిన్ ఆవిష్కరణకు ప్రఖ్యాత ఎల్రక్టానిక్స్ కంపెనీ శాంసంగ్ తన సీఎస్ఆర్ కార్యక్రమాల్లో భాగంగా నిర్వహించిన ‘సాల్వ్ టుమారో’పోటీలో ప్రథమ స్థానం లభించింది. యువ ఇన్నొవేటర్లను ప్రోత్సహించే లక్ష్యంతో ఏర్పాటు చేసిన ఈ పోటీలో 40 మంది పాల్గొన్నారని, నొవెయిన్కు చెందిన అకూస్టీనోడ్ సిస్టమ్స్ మొదటి స్థానంలో నిలిచిందని శాంసంగ్ ఒక ప్రకటనలో తెలిపింది. -
సంకల్పమే నడిపించింది!
వయసు అనేది కేవలం ఒక నెంబర్ మాత్రమే నిరూపించాడు కేరళలోని వయనాడ్కు చెందిన 74 ఏళ్ల టి.జె. మార్స్. మైనస్ 20 డిగ్రీల చలిలో, గంటకు 65 కిలోమీటర్ల వేగంతో వీచే మంచుగాలులను సైతం తట్టుకుని యూరప్లోనే అత్యంత ఎత్తైన పర్వత శిఖరం మౌంట్ ఎల్బ్రస్ని అధిరోహించాడు. మౌంట్ ఎల్బ్రస్ ఎక్కిన అత్యంత వృద్ధ భారతీయుడిగా నిలిచి రికార్డు సృష్టించాడు. ట్రెక్కింగ్పై ఆసక్తి ఉన్న టి.జె. మార్స్ మొదట తన 70 ఏళ్ల వయసులో (2021)లో చేంగేరి హిల్స్ ట్రెక్కింగ్తో తన ఈ నూతన ప్రయాణం ప్రారంభించాడు. ఆ తర్వాత కేరళలోని బ్రహ్మగిరి, బాణాసుర పర్వతాలను అధిరోహించాడు. అప్పటి నుంచి తనపై తనకు మరింత నమ్మకం కుదిరి 2024లో ఎవరెస్ట్ బేస్ క్యాంప్, 2025లో ఆఫ్రికాలోని అత్యంత ఎత్తైన శిఖరం ‘మౌంట్ కిలిమంజారో’లను ఎక్కి అంతర్జాతీయ స్థాయిలో ప్రశంసలు పొందారు. ప్రస్తుతం తాను చేసిన మౌంట్ ఎల్బ్రస్ సాహస యాత్ర ఎంతో కష్టంతో కూడుకున్నదనీ... శారీరక దృఢత్వం కంటే మానసిక సంకల్పమే తనను ముందుకు నడిపిందని మార్స్ ఈ సందర్భంగా సంతోషం వ్యక్తం చేస్తున్నారు. తన ట్రెక్కింగ్ కేవలం ఈ పర్వతంతోనే ఆగిపోదని, వచ్చే ఏడాది మరొక ఎత్తైన పర్వతాన్ని అధిరోహిస్తానని ఉత్సాహంగా చెబుతున్నాడు 74 ఏళ్ల యువకుడు. -
Viral: భావోద్వేగంతో బస్సుకు వీడ్కోలు
పనే దైవం అంటారు మన పెద్దలు. పాల్ కురియన్ కూడా తాను చేసే పనిని దైవ సమానంగా భావించాడు. తాను పనిలో చేరినప్పటి నుంచి అంకితభావంతో చాలా శ్రద్ధగా పనిచేశాడు. 18 ఏళ్ల ఉద్యోగ జీవితంలో ఆయన చివరి వరకు అంతే అంకితభావంతో సేవలు అందించాడు. పాల్ కురియన్ ఇటీవల పదవీ విరమణ చేశాడు. రిటైర్మెంట్ చివరి రోజున ఆయన భావోద్వేగానికి గురయ్యారు. ఈ వీడియో వైరల్ కావడంతో ఆయన పేరు వార్తల్లోకి ఎక్కింది.ఎవరీ పాల్ కురియన్?కేరళంలో ఆర్టీసీ బస్సు డ్రైవర్గా పనిచేశారు పాల్ కురియన్. ఇడుక్కిలోని కుమిలీ, కట్టప్పనా డిపోల్లో ఆయన సేవలు అందించారు. ఆయన ఉద్యోగ జీవితం సాఫీగా సాగిందని, బస్సు స్టీరింగ్ పట్టుకున్నప్పటి నుంచి ఒక్క ప్రమాదం కూడా జరగలేదని కేఎస్ఆర్టీసీ అధికారులు వెల్లడించారు. సెప్టెంబర్ 2న చివరిసారిగా బస్సు నడిపారు. బస్సును వదిలివెళుతూ భావోద్వేగానికి లోనయ్యారు. బస్సును పార్క్ చేసి స్టీరింగ్ను అప్యాయంగా ముద్దాడారు. తనకు ఎంతోకాలం ఉపాధి కల్పించిన బస్సుకు శిరసు వంచి నమస్కరించారు. నాలుగు టైర్లను ప్రేమగా తాకి దండాలు పెట్టారు.చాన్స్ ఇస్తే మళ్లీ వస్తాఈ సందర్భంగా పాల్ కురియన్ మాట్లాడుతూ.. ఆగస్టు 31నే అధికారికంగా రిటైర్ అయ్యాను. సెస్టెంబర్ 2న ఫిజికల్ చివరిసారిగా డ్యూటీ చేశాను. గత ఎనిమిదేళ్లుగా తమిళనాడులోని కంబం, కొట్టాయం మధ్య బస్సు ఇంటర్ స్టేట్ సర్వీసు నడిపాను. నేను నడిపిన బస్సుతో చాలా ఏళ్లుగా అనుబంధం ఏర్పడింది. ఇంతకాలం నన్ను, ప్రయాణికులను సురక్షితంగా గమ్యస్థానాలకు చేర్చిన బస్సుకు నా రిటైర్మెంట్ రోజున నమస్కారాలు తెలిపానని చెప్పాడు. పనిని ప్రేమిస్తే భారంగా అనిపించదని అన్నారు. కాగా, తనకు మళ్లీ డ్రైవర్గా అవకాశం కల్పిస్తే స్టీరింగ్ పట్టుకునేందుకు సిద్ధంగా ఉన్నానని పాల్ కురియన్ చెప్పారు.ఇదీ చదవండి: హైవేపై 'ఫ్యామిలీ' భోజనం!నెటిజన్ల ప్రశంసలుపాల్ కురియన్.. బస్సుకు సమస్కరిస్తున్న వీడియోను కేఎస్ఆర్టీసీ సోషల్ మీడియాలో పోస్ట్ చేయడంతో వైరల్ అయింది. ఈ వీడియో చూసినవారంతా ఆయనపై ప్రశంసలు కురిపిస్తున్నారు. నిబద్ధతతో పనిచేసే వారికి మన్ననలు దక్కుతాయనడానికి పాల్ కురియన్ మంచి ఉదాహరణ అంటూ నెటిజనులు వ్యాఖ్యానిస్తున్నారు. A KSRTC driver in Kerala bid an emotional farewell to his bus after completing his final trip before retirement. Paul Kurian of the Kumily depot kissed the steering wheel and saluted the bus after his last duty on 2 September, a moment that has touched many online.#kerala… pic.twitter.com/xsxNghIBBi— Salar News (@EnglishSalar) September 3, 2026 -
వారెవ్వా.. డ్రాగన్ ఫ్రూట్సాగుతో నెలకు రూ. 4 లక్షలు
రిటైర్ అయిన తరువాత ఏం చేయాలి? కాలక్షేపం ఎలా? మరీ ముఖ్యంగా డబ్బులు ఎలా మధనపడే వారికి కేరళకు చెందిన రిటైర్డ్ టీచర్ రేమాబాయి జీవితం స్ఫూర్తినిస్తుంది. ఇంతకీ ఆమె చేశారు? తెలుసుకుందాం ఈ కథనంలో.కేరళలోని కొల్లమ్కు చెందిన రేమాబాయి జువాలజీ టీచర్గా,హెడ్మిస్ట్రెస్గా 30 ఏళ్ల పాటు విద్యారంగంలో సేవలందించారు. 2022 మే 31న ఆమె పదవీ విరమణ చేశారు. ఆమె భర్త, ఒక రిటైర్డ్ సీనియర్ బ్యాంక్ మేనేజర్. అలాగే సర్జన్లైన ఆమె కుమారుడు, కోడలు ఢిల్లీలో పనిచేస్తున్నారు. అయితే అదే ఏడాది తల్లి మరణం, ఒంటరితనం వల్ల ఏర్పడిన మానసిక వేదనను జయించడానికి ఆమె తన ఇంటి పెరటి స్థలంలో మొక్కల పెంపకం ప్రారంభించారు. అలా డ్రాగన్ ఫ్రూట్ సాగును చేపట్టారు. దీని మీద బాగా పరిశోధించి 'మలేషియన్ కింగ్' (Malaysian King) రకానికి చెందిన రెడ్ డ్రాగన్ ఫ్రూట్ను ఎంచుకున్నారు. కేవలం 1,750 చదరపు అడుగుల పెరటి స్థలంలో 90 కాంక్రీట్ స్తంభాలు, పాత టైర్ల సాయంతో 360 మొక్కలతో సాగు ప్రారంభించారు. ప్రారంభంలో 360 మొక్కలు నెలకు రూ. 50వేలకు మించి ఆదాయాన్ని అందించగా,ఆ తరువాత ఆదాయం సుమారు రూ. 1.5 లక్షలకు పెరిగింది. ఈ ఫలితాలు, మరింత భూమి కొనకుండానే తన సాగును విస్తరించడానికి ఆమెను ప్రోత్సహించాయి. ఫలితంగా నెలకు రూ. 4 లక్షలు ఆర్జించేస్థాయికి చేరుకున్నారు. అంతేకాదు ‘జెసీ వరల్డ్’ అనే యూట్యూబ్ ఛానల్ ద్వారా డ్రాగన్ ఫ్రూట్ సాగులో తన అనుభవాలను పంచుకుంటూ ఉంటారు. డ్రాగన్ ఫ్రూట్ -మిద్దెతోట మిద్దెపై మట్టిలేని సాగు (Soil-less Cultivation): పెరట్లోనే కాకుండా తన ఇంటి మిద్దెపై (Terrace) బరువు కాకుండా ఉండటానికి మట్టికి బదులుగా ఇంట్లోనే తయారు చేసిన కంపోస్ట్, ఆవు పేడను డ్రమ్ములు/బారెళ్లలో నింపి మొక్కలను పెంచడం ప్రారంభించారు. సేంద్రీయ పద్ధదితో ఆమె సక్సెస్ను అందుకోవడం విశేషం. పాత వంటగది వ్యర్థాలు, ఆకులు, కొబ్బరి/పనస వ్యర్థాలు మరియు చేపల వ్యర్థాలతో ఫ్రిష్ అమినో యాసిడ్స్ వంటి 15 రకాల ద్రవ ఎరువులను తయారు చేసి పంటకు అందించారు. దీనివల్ల సాధారణంగా 5-6 నెలలు మాత్రమే వచ్చే దిగుబడి, ఆమె వద్ద ఏడాదికి 10 నెలల పాటు నిరంతరాయంగా వస్తోంది.ఇదీ చదవండి: ఎర్రకోట పేలుడుకు నిధులిచ్చారంటూ రూ. 30 లక్షలు దోచేశారుపెరడు, మిద్దె సాగు ద్వారా నెలకు సగటున 750 కేజీల పండ్ల ఉత్పత్తి లభిస్తుంది. హోల్సేలర్లు, ఆర్గానిక్ స్టోర్లు కేజీ రూ. 175 చొప్పున ఆమె ఇంటి నుంచే కొనుగోలు చేస్తారు. పండ్ల అమ్మకాలతో పాటు డ్రాగన్ ఫ్రూట్ మొక్కల కొమ్మలను (Stem Cuttings) ఒక్కోటి రూ. 70 చొప్పున విక్రయిస్తున్నారు. భారత్తో పాటు మాల్దీవులు, శ్రీలంకలోని 2,500 మందికి పైగా కస్టమర్లకు వీటిని విక్రయించారు. (తెలంగాణకు ఒకే రోజులో 5,500 కొమ్మలు సరఫరా చేశారు). అటు పండ్ల విక్రయం, ఇటు కొమ్మల అమ్మకాల ద్వారా ప్రస్తుతం ఆమె నెలకు దాదాపు రూ. 4 లక్షల వరకు ఆదాయం పొందుతున్నారు. ఇదీ చదవండి: న్యూయార్క్ టైమ్స్ స్క్వేర్ కత్తిపోట్లు, సంచలన విషయాలు -
అక్కడ సుబ్రహ్మణ్య స్వామికి నైవేద్యంగా చాక్లెట్లు..!
ఏ స్వామికైనా ప్రసాదం నారికేళం, అరటిపండ్లు వంటివి భక్తులు నివేదించడం చూశాం. అలాగే ఆలయంలో స్వామివారికి ప్రసాదంగా లడ్డూలు, చక్కెర పొంగలి, పరమాన్నం, పులిహోర, అటుకులు వంటివి నైవేద్యంగా పెడతారు. పురాతన ఆచారం, ఆలయం విశిష్టత అక్కడ కొలువైన స్వామి ఆధారంగా నైవేద్య సమర్పణ అనేది ఉంటుంది. ఆ తర్వాత దేవతకు సమర్పించిన ఆ నైవేద్యాన్నే భక్తులకు ప్రసాదంగా వితరణ చేస్తుంటారు. ఇది అత్యంత సర్వసాధారణం. దక్షిణాది వాళ్లు కార్తికేయ, సుబ్రమణ్యస్వామి, మరుగన్ వంటి పేర్లతో ఆరాధించే ఆ శరవణభవుడుకి అక్కడ ఏం సమర్పిస్తారో తెలిస్తే విస్తుపోతారు. అది కూడా ఓ చిన్నపిల్లవాడి కారణంగా ఆ పదార్థాన్ని స్వామివారికి నైవేద్యంగా సమర్పించడం, ఆచారంగా మారడం విశేషం. ఇంతకీ ఆ ఆలయం ఎక్కడుందంటే..కేరళలోని అలెప్పీలోని తెక్కన్ పళని సుబ్రహ్మణ్య స్వామి మహా క్షేత్రం అనే తలవాడి ఆలయం అత్యంత పురాతన ఆలయం ప్రసిద్ధి చెందింది. ఇది 300 ఏళ్ల నాటి పురాతన ఆలయం. ఇక్కడ కార్వికేయుడు బాలమురుగన్ రూపంలో భక్తుల పూజలందుకుంటున్నాడు. అయితే ఇక్కడ స్వామి వారికి మంచ్బార్లను నైవేద్యంగా సమర్పిస్తారు. ఆఖరికి ఈ ఆలయానికి వచ్చే భక్తులు సైతం మంచ్ బార్లనే తీసుకొస్తుంటారు. అసలు ఈ ఆచారం ఎప్పటి నుంచి మొదలైందంటే..ఆ బాలుడి కారణంగా..స్థానికంగా ప్రచారంలో ఉన్న కథనం ప్రకారం.. ఒక ముస్లిం బాలుడు ఆడుకుంటూ..ఆ ఆలయ గంటను మోగించడంతో అతని తల్లిదండ్రులు మందలించారు. ఆ రాత్రి అతనికి తీవ్ర జ్వరం రావడంతో, కలవరింతల్లో మురుగని నామస్మరణ చేశాడు. మరుసటి రోజు తల్లిదండ్రులు అతన్ని ఆలయానికి తీసుకురాగా, పూజారి ఏదైనా స్వామివారికి నివేదించండి అని చెప్పగా ఆ బాలుడు పట్టుబట్టి మరి తన వద్ద ఉన్న 'మంచ్' చాక్లెట్ను సమర్పించాడు. ఆనాటి నుంచి స్వామివారికి మంచ్ చాక్లెట్లు సమర్పించడం ఆచారంగా మారింది. అంతేగాదు స్వామివారికి పూలదండలకు బదులుగా మంచ్ చాక్లెట్ల దండనే సమర్పిస్తారు. ఆ కారణంగానే ఈ ఆలయానికి ‘మంచ్ మురుగన్’ ఆలయం అని పేరొచ్చింది. అయితే ఇటీవల ఈ ఆలయాన్ని రేహా అదానీ అనే కంటెంట్ క్రియేటర్ దర్శించుకుంది. అక్కడ స్వామివారికి మంచ్ చాక్లెట్లు సమర్పించడం చూసి ఆశ్చర్యంతో..ఆ స్వామివారి సందర్శనకు సంబంధించిన వీడియోని పంచుకుంది. అంతేగాదు తనకు ప్రసాదంగా పూజార్లు ఇచ్చిన మంచ్ చాక్లెట్ని చూపిస్తూ ఆనందంగా ఆస్వాదించింది. నెటిజన్లు కూడా తాము కూడా ఈ ఆలయాన్ని సందర్శించుకున్నామని, అక్కడ మంచ్ చాక్లెట్లు చాలా రుచిగా ఉంటాయంటూ పోస్టులు పెట్టారు. View this post on Instagram A post shared by Reha Adani (@stitchyourmap) (చదవండి: ఆ అక్కా తమ్ముళ్లది విమాన బంధం..! ఇద్దరూ..) -
అమెరికా: ఇద్దరు కేరళ మహిళల దారుణ హత్య
కాలిఫోర్నియా: అమెరికాలోని కాలిఫోర్నియాలో కేరళకు చెందిన ఇద్దరు మహిళలు దారుణ హత్యకు గురయ్యారు. అదే అపార్ట్మెంట్ కాంప్లెక్స్లో నివసించే వారి స్నేహితురాలే ఈ ఘాతుకానికి పాల్పడినట్లు బాధిత కుటుంబసభ్యులు ఆరోపిస్తున్నారు. మృతులను త్రిస్సూర్ సమీపంలోని ముడిక్కోడ్కు చెందిన అంజన (35), తిరువనంతపురం కేశవదాసపురానికి చెందిన యాన్ మేరీ మాథ్యూ (40)గా గుర్తించారు. నిందితురాలు అనిల అనే మహిళను శాన్ జోస్ పోలీసులు అదుపులోకి తీసుకుని విచారణ చేస్తున్నారు.శుక్రవారం మధ్యాహ్నం ఈ ఘటన జరిగినట్లు తెలుస్తోంది. నిందితురాలు యాన్ మేరీ ఇంటిలోకి చొరబడి కత్తితో పొడిచి చంపగా, అంజనను కారుతో ఢీకొట్టి హతమార్చినట్లు బంధువులు ఆరోపించారు. ఉద్యోగ సంబంధిత వివాదమే యాన్ మేరీపై దాడికి కారణమని భావిస్తుండగా, అంజన హత్యకు గల ఖచ్చితమైన కారణాలు ఇంకా వెల్లడి కాలేదు. యాన్ మేరీ గత పదేళ్లుగా అమెరికాలో ఇంజనీర్గా పనిచేస్తుండగా, ఆమె భర్త పల్లాత్ర జాకబ్ కూడా అక్కడే నివసిస్తున్నారు.అంజన గత ఆరేళ్లుగా ఉపాధ్యాయురాలిగా పనిచేస్తున్నారు. ఆమె భర్త విజేష్ కూడా కాలిఫోర్నియాలోనే ఉద్యోగం చేస్తున్నారు. ఈ ఘటనపై త్రిస్సూర్ కలెక్టర్ శిఖా సురేంద్రన్ స్పందిస్తూ, పూర్తి వివరాలను సేకరించి విదేశాంగ మంత్రిత్వ శాఖకు పంపిస్తున్నామని, మృతదేహాలను స్వదేశానికి తీసుకువచ్చేందుకు చర్యలు తీసుకుంటున్నామని తెలిపారు.ఇది కూడా చదవండి: నదులన్నీ విషతుల్యం.. చేపల వేటపై నిషేధం! -
ముఖ్యమంత్రి కాన్వాయ్ను అడ్డుకుని కాంగ్రెస్ నేత వాగ్వాదం
తిరువనంతపురంలో ఓ కార్యక్రమానికి హాజరయ్యేందుకు వెళ్తున్న కేరళ ముఖ్యమంత్రి వీడీ సతీశన్ కాన్వాయ్ను కాంగ్రెస్ నేత అనిల్ కుమార్ అడ్డుకున్నారు. సతీశన్ కూడా కాంగ్రెస్ పార్టీకి చెందినవారేనన్న విషయం తెలిసిందే. సామాజిక సంస్కర్త శ్రీ నారాయణ గురు జయంతి కార్యక్రమానికి హాజరయ్యేందుకు చెంపజంతికి వెళ్తున్న సతీశన్ కాన్వాయ్ను కొందరు వ్యక్తులు అడ్డుకుంటున్న దృశ్యాలు ఓ వీడియోలో కనిపించాయి. ఆ బృందం చెంతిలో శ్రీ నారాయణ గురు కార్యక్రమాన్ని నిర్వహించింది. సతీశన్ ఆ కార్యక్రమానికి హాజరు కావాలని వారు కోరుకున్నారు.సుమారు 30 సెకన్ల తర్వాత సతీశన్ వాహనం నుంచి బయటకు వచ్చారు. తిరువనంతపురం జిల్లా కాంగ్రెస్ కమిటీ నేత అనిల్ కుమార్తో ఆయన మాట్లాడుతున్నట్లు కనిపించింది. అనంతరం ఇద్దరి మధ్య తీవ్ర వాగ్వాదం జరిగింది. కొన్ని నిమిషాల తర్వాత సతీశన్ తిరిగి వాహనంలోకి ఎక్కి అక్కడి నుంచి వెళ్లిపోయారు.చెంతి కార్యక్రమం ఆయన అధికారిక కార్యక్రమాల జాబితాలో లేదని సతీశన్ కార్యాలయం తెలిపింది. కుమార్పై పోలీసులు భారతీయ న్యాయ సంహిత నిబంధనల కింద కేసు నమోదు చేశారు. అక్రమంగా నిర్బంధించడం, నేరపూరిత బెదిరింపులు, ప్రభుత్వ ఉద్యోగి అధికారిక విధులు నిర్వర్తించకుండా బలప్రయోగంతో అడ్డుకోవడం వంటి ఆరోపణలు ఇందులో ఉన్నాయి.నిందితుడు ముఖ్యమంత్రిని ‘నాకు కోపం వస్తే ఏం చేస్తావు?’ అని బెదిరించినట్లు ఆరోపణలు ఉన్నాయి. దీంతో ముఖ్యమంత్రిని బహిరంగంగా అవమానించడంతో పాటు కాన్వాయ్ వెంట ఉన్న పోలీసు సిబ్బంది అధికారిక విధులను అడ్డుకున్నట్లు ఎఫ్ఐఆర్లో పేర్కొన్నారు.వాహనాన్ని నేను అడ్డుకోలేదు: కుమార్ అయితే ముఖ్యమంత్రి వాహనాన్ని తాను అడ్డుకోలేదని కుమార్ అన్నారు. వాగ్వాదం సందర్భంగా సతీశన్ వ్యవహరించిన తీరును విమర్శిస్తూ, ‘‘కాలేజీ విద్యార్థులు గొడవపడుతున్నట్లు ప్రవర్తించారు’’ అని అన్నారు. వైద్య పరీక్షల కోసం ఆసుపత్రికి తీసుకెళ్లిన సమయంలో విలేకరులతో మాట్లాడుతూ.. ‘‘ఇది పార్టీలోని వర్గ రాజకీయాల్లో భాగం. వర్గపోరాటమే సమస్య’’ అని చెప్పారు.చెంతి కార్యక్రమ నిర్వాహకులు, కాంగ్రెస్ కార్యకర్తలు కూడా కొందరు, కొన్ని నెలల క్రితం సచివాలయంలో సతీశన్ను కలిసి కార్యక్రమాలకు ఆహ్వానించిన ఫొటోను తరువాత విడుదల చేశారు. కుమార్ అరెస్టుపై జిల్లా కాంగ్రెస్ కమిటీ సభ్యుడు సుహైల్ షాజహాన్ కూడా నిరసన వ్యక్తం చేశారు.‘‘వారు ఏ వర్గానికి, ఏ పక్షానికి చెందినవారైనా సరే, వ్యక్తిగతంగా చూస్తే పార్టీ కోసం ప్రాణాలను పణంగా పెట్టి, నిరంతరం కష్టపడి పనిచేసిన కాంగ్రెస్ కార్యకర్త అనిల్ను ఈ విధంగా అరెస్టు చేయడం చూసి నేను బాధపడ్డాను’’ అని శ్రీకార్యం పోలీస్ స్టేషన్లో ఆయనను కలిసిన అనంతరం విలేకరులతో చెప్పారు. ముఖ్యమంత్రి పట్ల కుమార్ అగౌరవంగా ప్రవర్తించినట్లు తాను చూడలేదని అన్నారు. కుమార్, ఆయన మద్దతుదారులు సతీశన్ వాహనాన్ని అడ్డుకున్నారన్న ఆరోపణను కూడా షాజహాన్ ఖండించారు. -
CCTV Footage: కేరళంలో ఘోర రోడ్డు ప్రమాదం
-
16 ఏళ్ల స్టూడెంట్ ఘనత..! తండ్రికే జీతం ఇస్తున్న తనయుడు..
తండ్రిని పాకెట్మనీ అడిగే వయసులో తండ్రికే ఉపాధి ఇచ్చి..జీతం ఇస్తున్నాడో యువకుడు. పైగా తన తండ్రినే ఎందుకు నియమించుకున్నాడో ఇచ్చిన వివరణ సైతం అదుర్స్. పువ్వు పుట్టగానే పరిమిళిస్తుంది అనే మాటకు నిలువెత్తు నిదర్శనం ఈ యువకుడు. మరి పేరెంట్స్కే గర్వకారణమైన ఆ తనయుడు ఎవరంటే..అతడే కేరళలోని కొచ్చి, కున్నుంపురంకి చెందిన 16 ఏళ్ల రౌల్జాన్ అజు. ఆర్టిఫిషియల్ ఇంటెలిజనెన్స్ ప్రపంచంలో ఒక ప్రముఖ వ్యక్తిగా పేరుతెచ్చుకుంటున్నాడు ఈ యువకుడు. అతడు కామర్స్ ప్రధాన సబ్జెక్టుగా ఇంటర్ చదువుతున్నప్పుడే ఏఐ కంపెనీని నడుపుతుండటం విశేషం. ఆ కంపెనీ సాయంతో ఏఐ సాధనాలను అభివృద్ధి చేయడం, ఈ టెక్నాలజీలో ప్రజలకు శిక్షణ ఇవ్వడం వంటివి చేస్తుంటాడు. నిజానికి అజుకి ఏఐ పట్ల ఉన్న అభిరుచే ఒక స్టార్టప్ కంపెనీకి దారితీసింది. పైగా తండ్రిపై ఆధారపడే టీనేజ్ యువకుల మాదిరిగా కాకుండా తన నాన్ననే తన కంపెనీలో ఉద్యోగిగా నియమించుకుని, నెలకు రూ. 2 లక్షల జీతం ఇస్తుండటం విశేషం. ఏఐలో పట్టు ఎప్పుడు సాధించాడంటే..తొమ్మిదేళ్ల ప్రాయంలోనే ఏఐ సాంకేతికతను నేర్చుకోవడంపై దృష్టి సారించాడు. ఆ తర్వాత ఒక స్టార్టప్ను స్థాపించాడు. అందులో ప్రస్తుతం తన తండ్రితో సహా సుమారు 15 మంది ఉద్యోగులు పనిచేస్తున్నారు. అంతేగాదు ఈ కంపెనీ ప్రపంచవ్యాప్తంగా దాదాపు ఐదు లక్షల మంది విద్యార్థులకు శిక్షణ ఇస్తోంది.అజు ఈ టెక్నాలజీని వీడియో ఎడిటింగ్ ద్వారా తెలుసుకున్నాడు. ఇక తండ్రి వల్ల తనకు ఈ ఏఐ సాంకేతికపై పట్టు సాధించగలిగినట్లు చెబుతున్నాడు. ఎలాగంటే..తన తండ్రికి అడోబ్లో ఉద్యోగం వచ్చినప్పుడు, తనకు అన్ని ప్రీమియం టూల్స్కు ఉచిత యాక్సెస్ లభించిందని, దానివల్ల ఏఐ గురించి పూర్తిస్థాయిలో నేర్చుకోగలిగానని అంటున్నాడు. ఆ తర్వాత స్కూల్ సైన్స్ ప్రాజెక్ట్ కోసం మీబాట్ అనే సొంత రోబోట్ను తయారు చేసినట్లు తెలిపాడు. ఇక తన తండ్రినే కంపెనీలో ఎందుకు నియమించుకున్నాడంటే..తాను ఫోన్ నుంచి కావల్సినంత జ్ఞానాన్ని ఆర్జించగలను కానీ, ఆయనకున్న అపార అనుభవం తనకు లేదని చెప్పుకొచ్చాడు. పైగా ఆయనకు అమెజాన్, అడోబ్, విప్రో, ఐబీఎం వంటి కంపెనీలలో పనిచేసిన అనుభవం ఉంది, అందువల్ల ఆయన నుంచి తాను మరిన్ని విషయాలు సులభంగా నేర్చుకోగలగడం తోపాటు ఆయన అనుభవం కంపెనీ మార్కెటింగ్కి చక్కగా ఉపయోగాపడుతుందని చెబుతున్నాడు. కాగా, అజు స్టార్టప్ ఏఐ టెక్నాలజీస్, థింక్క్రాఫ్ట్ అకాడమీని నడుపుతోంది. ఇవి ప్రతిష్టాత్మక సంస్థలో ఉన్నత విద్యను అభ్యసిస్తున్న విద్యార్థులు, విదేశీ విద్యార్థులు చాలా సునాయాసంగా ఏఐ నైపుణ్యాలను పుణికి పుచ్చుకునేలా ట్రైన్ చేస్తాయి. అక్కడితో ఆగిపోలేదు అజు వాస్తవ ప్రపంచ సమస్యలను పరిష్కరించే లక్ష్యంతో RESQ AI, MeBot, ZapGap, Investo AI, FeedFye, 15 AI సాధనాలను రూపొందించారు. అంతేగాదు అజు కంపెనీ ఏకంగా వరల్డ్వైడ్గా వివిధ రిమోట్ ఉద్యోగులను కలిగి ఉంటూ ఇంటర్నేషనల్ రేంజ్లో గుర్తింపు పొందుతుండటం విశేషం.(చదవండి: రోజువారీ కూలీ నుంచి ..రూ. 15 లక్షల వార్షిక వేతనం, పీహెచ్డీ..!) -
ఓనం వేడుకలో కృతి శెట్టి.. (ఫోటోలు)
-
ఓనం స్పెషల్.. నిఖిలా ఉంది ఇలా (ఫొటోలు)
-
‘కేరళ రీల్’.. పదేళ్ల తర్వాత కన్నవారి చెంతకు దివ్యాంగుడు!
కాలికావు: కేరళలో తీసిన పది సెకన్ల ఇన్స్టాగ్రామ్ రీల్.. దాదాపు పదేళ్ల క్రితం తప్పిపోయిన ఓ దివ్యాంగుడిని తిరిగి తన కుటుంబంతో కలిపింది. తామరస్సేరిలోని ఓ డ్రై ఫ్రూట్స్ సంస్థలో పనిచేస్తున్న ఎంకే మహమ్మద్ యాసిర్ మొన్నటి స్వాతంత్య్ర దినోత్సవ వేడుకల సందర్భంగా తామరస్సేరి సమీపంలోని ‘కారుణ్యదీపం ప్రతీక్షా భవన్’ అనే దివ్యాంగుల సంరక్షణ కేంద్రాన్ని సందర్శించారు. అక్కడ జరుగుతున్న వేడుకలను వీడియో తీస్తుండగా, సమూహంలో ఉన్న ఒక యువకుడు కెమెరా వైపు చూసి చిరునవ్వు చిందించడం యాసిర్ దృష్టిని ఆకర్షించింది. ఇద్దరూ పరస్పరం చేతులు ఊపుకోగా, ఆ క్లుప్త సంభాషణ దృశ్యాన్ని యాసిర్ ఇన్స్టాగ్రామ్లో రీల్గా పోస్ట్ చేశారు.ఆ వీడియో సామాజిక మాధ్యమాల్లో వైరల్ కావడంతో యువకుడిని గుర్తించిన పలువురు ముందుగా యాసిర్ను సంప్రదించారు. అనంతరం ఆ యువకుడి బంధువులు కూడా యాసిర్తో మాట్లాడారు. సుమారు పదేళ్ల క్రితం ముంబై రైల్వే స్టేషన్లో తప్పిపోయిన తమ కుటుంబ సభ్యుడిగా (జార్ఖండ్ నివాసి) బంధువులు అతడిని గుర్తించారు. ముంబై నుంచి ప్రయాణించే క్రమంలో దారితప్పిన అతడు కోజికోడ్ రైల్వే స్టేషన్కు చేరుకున్నాడు.అప్పట్లో చైల్డ్లైన్ సంస్థ ద్వారా అతడిని వెల్లిమాడుకున్నులోని బాలల సంరక్షణ కేంద్రానికి తరలించారు. 18 ఏళ్లు నిండిన తర్వాత తామరస్సేరిలోని కారుణ్యదీపం ప్రతీక్షా భవన్కు మార్చగా, అక్కడ అతడు ‘రషీద్’ అనే పేరుతో జీవిస్తున్నాడు. ఇటీవల బంధువులు వీడియో కాల్ ద్వారా అతడిని చూసి కన్నీటిపర్యంతమై, దశాబ్ద కాలం నాటి తమ నిరీక్షణకు ముగింపు పలికారు. ప్రస్తుతం అతడు సాంఘిక సంక్షేమ శాఖ సంరక్షణలో ఉన్నందున, అధికారిక లాంఛనాలు పూర్తిచేసి కుటుంబ సభ్యులకు అప్పగించే ప్రక్రియ కొనసాగుతున్నదని కారుణ్యదీపం ప్రతీక్షా భవన్ సీఈవో నవాస్ తెలిపారు.ఇది కూడా చదవండి: యూట్యూబ్లో ‘సీక్రెట్ హౌస్’ చూసి ఇద్దరు చిన్నారులు మాయం! -
బీజేపీకి గుడ్బై.. ఆ వెంటనే విజయ్ TVK బంపర్ ఆఫర్!
తమిళనాడు ముఖ్యమంత్రి విజయ్ తన తమిళగ వెట్రి కజగం (TVK) రాజకీయంగా విస్తరించేందుకు భారీ స్కెచ్ వేస్తున్నట్లు తెలుస్తోంది. తమిళనాడుకే పరిమితం కాకుండా.. పొరుగు రాష్ట్రాల్లోనూ అవకాశాలను ఇప్పటికే పరిశీలించింది. ఈ క్రమంలో తాజాగా బీజేపీకి రాజీనామా చేసిన నటుడు దేవన్కు మాంచి ఆఫర్ ఇచ్చింది. ఆ విషయాన్ని స్వయంగా బీజేపీపై రగిలిపోతున్న ఆ సీనియర్ నటుడే ఓ జాతీయ మీడియా చానెల్కు వెల్లడించారు. తమిళనాడులో డీఎంకే, అన్నాడీఎంకేలకు ప్రత్యామ్నాయంగా అంది వచ్చిన అవకాశాన్ని విజయ్ టీవీకే సకాలంలో అందిపుచ్చుకుంది. అద్భుత విజయంతో అధికారం చేపట్టింది. అయితే ఇప్పుడు ఆ పార్టీ కన్ను పక్క రాష్ట్రాలపై పడింది. విజయ్ క్రేజ్, అలాగే.. రాజకీయ పరిస్థితులను బేరీజూ వేసుకుని విస్తరణకు సిద్ధపడింది. ఈ క్రమంలోనే కేరళలో టీవీకే విస్తరణకు ప్రయత్నిస్తున్నట్లు స్పష్టమవుతోంది. మలయాళ ఇండస్ట్రీలో సీనియర్ నటుడైన దేవన్కు.. టీవీకే పార్టీ తాజాగా కేరళ రాష్ట్ర అధ్యక్ష పదవిని ఆఫర్ చేసింది. దేవన్ ఆగస్టు 16న బీజేపీకి రాజీనామా చేశారు. ఆ సమయంలో ఆయన బీజేపీపై భగ్గుమన్నారు. దాదాపు ఐదేళ్లు పార్టీలో ఉన్నప్పటికీ తనకు ఎలాంటి బాధ్యత ఇవ్వలేదని, పనిచేయాలన్నా అవకాశం కల్పించలేదని ఆయన తీవ్ర అసంతృప్తి వ్యక్తం చేశారు. అయితే రాజీనామా చేసిన మరుసటి రోజే సీఎం విజయ్ కార్యాలయం నుంచి తనకు ఫోన్ వచ్చిందని దేవన్ తెలిపారు.#WATCH | Kollam, Keralam: On joining TVK after resigning from BJP, Malayalam actor Devan said, "...I've been working for the BJP very affirmatively, aggressively, taking a lot of risks. But they couldn't understand my mission and my planning. They are against all these things. I… pic.twitter.com/q9PW7Ur3Tp— ANI (@ANI) August 23, 2026ఆ తర్వాత టీవీకేకి చెందిన ఇద్దరు నేతలు తన ఇంటికి వెళ్లి దాదాపు మూడు గంటల పాటు చర్చలు జరిపినట్లు చెప్పారు. అనంతరం సీనియర్ నేతలతో గూగుల్ మీట్ ద్వారా కూడా చర్చలు జరిగినట్లు వెల్లడించారు. ఈ చర్చల్లో కేరళ TVK రాష్ట్ర అధ్యక్ష బాధ్యతలు చేపట్టాలని తనకు ఆఫర్ చేసినట్లు దేవన్ తెలిపారు.విజయ్తో భేటీ తర్వాతే ప్రకటనదేవన్ త్వరలో చెన్నై వెళ్లి విజయ్ను కలవనున్నారు. సెప్టెంబర్ 10 తర్వాత ఈ భేటీ జరిగే అవకాశం ఉందని ఆయన తెలిపారు. విజయ్తో చర్చించిన అనంతరం TVKలో చేరిక, కేరళ పార్టీ బాధ్యతలు చేపట్టడంపై తుది నిర్ణయం తీసుకోనున్నట్లు వెల్లడించారు.విజయ్, దేవన్కు సినిమా రోజుల నుంచే మంచి పరిచయం ఉంది. ఇద్దరూ కలిసి పలు సినిమాల్లో నటించారు. ఆ అనుబంధమే ఇప్పుడు రాజకీయాల్లోనూ కొత్త సమీకరణానికి దారితీస్తుందన్న ఆసక్తి నెలకొంది.తెలుగు ప్రేక్షకులకు సుపరిచితుడే!మలయాళంలో ప్రముఖ నటుడిగా గుర్తింపు పొందిన దేవన్ తెలుగు ప్రేక్షకులకూ సుపరిచితమే. బాషా, ధర్మక్షేత్రం, రౌడీ మొగుడు, శుభాకాంక్షలు, పెళ్లి చేసుకుందాం, చన్నకేశవరెడ్డి, దేశముదురు, ఏ మాయ చేశావె, ఢమరుకం, హార్ట్ ఎటాక్, రాజుగారి గది-2, సాహో వంటి చిత్రాల్లో కీలక పాత్రల్లో కనిపించారు. దేవన్కు రాజకీయాలు కొత్తేమీ కాదు. విద్యార్థి దశలో కాంగ్రెస్, KSUతో అనుబంధం ఉన్న ఆయన.. 2004లో కేరళ పీపుల్స్ పార్టీని స్థాపించి ప్రత్యక్ష రాజకీయాల్లోకి వచ్చారు. 2020లో దాన్ని నవ కేరళ పీపుల్స్ పార్టీగా పునరుద్ధరించి, 2021లో బీజేపీలో విలీనం చేశారు. అనంతరం కేరళ బీజేపీ రాష్ట్ర ఉపాధ్యక్షుడిగా పనిచేశారు. తాజాగా బీజేపీకి రాజీనామా చేసి TVK వైపు అడుగులు వేశారు. ప్రస్తుతం కేరళలో అధికార, ప్రతిపక్ష కూటముల మీద జనాలకు అసంతృప్తి నెలకొందని, మాంచి స్ట్రాటజీతో ముందుకెళ్తే టీవీకే రాణించే అవకాశం ఉందని అభిప్రాయపడుతున్నారాయన.కేరళలో ‘కొత్త ప్రత్యామ్నాయం’..కేరళలో ఎల్డీఎఫ్, యూడీఎఫ్.. ఈ రెండు కూటముల మధ్యే అధికార పంపిణీ రొటీన్గా మారింది. ఈ మధ్యలో బీజేపీ ఏదైనా మ్యాజిక్ చేస్తుందేమోనని భావించినా ఫలితం దక్కలేదు. ప్రజలు కొత్త ప్రత్యామ్నాయం కోసం చూస్తున్నారని, విజయ్ నేతృత్వంలోని TVK వైపు యువత, విద్యార్థులు ఆసక్తి చూపించొచ్చని అక్కడి విశ్లేషకులు అభిప్రాయపడుతున్నారు. విజయ్కు కేరళలో మామూలు ఫ్యాన్ ఫాలోయింగ్ లేదు. ఆయన డబ్బింగ్ సినిమాలు విపరీతంగా ఆడేవి. గతంలో అక్కడికి వెళ్లిన ఆయన.. అభిమానులతో దిగిన సెల్ఫీలు సైతం నెట్టింట పంచుకునేవారు. విజయ్ రాజకీయ ఎంట్రీ, విజయాన్ని సైతం అక్కడి ప్రజలు నిశితంగా గమనించారు. దీంతో ఆయన ఎంట్రీ ఇస్తే ఆదరణ దక్కవచ్చని దేవన్ అంటున్నారు. టీవీకేలోకి దేవన్ ఎంట్రీ జరిగితే.. కేరళలో TVKకి తొలి కీలక అడుగు పడినట్లే. అయితే ఒకవైపు తమిళనాడులో పార్టీని బలోపేతం చేస్తూనే.. కేరళలో సినీ రంగంలో పరిచయం ఉన్న నేతను ముందుకు తీసుకురావడం ద్వారా విజయ్ తన పార్టీని దక్షిణాది రాష్ట్రాల్లో విస్తరించాలనే వ్యూహంతో ముందుకెళ్తున్నారా అన్న చర్చ మొదలైంది.ఇదీ చదవండి: ఎస్ఐ చెంప పగలగొట్టిన ఎమ్మెల్యే కూతురు -
డార్క్ లైట్ టు లైమ్లైట్
కాజియాకు నలుగురిలో కలవడం అంటే ఇష్టం. టీనేజీలోకి వచ్చిన తరువాత ఆ ఇష్టం వెనకడుగు వేసింది. ‘నల్లపిల్ల’ అని ఎవరైనా వెక్కిరిస్తారేమో అనే భయం ఆమెలో ఉండేది. ఆ భయం కాస్తా ఆత్మన్యూనతగా మారింది. ఆత్మన్యూనత నుంచి ఆత్మవిశ్వాసంలోకి వచ్చిన తరువాత తనను తాను అద్భుతంగా తీర్చిదిద్దుకుంది కేరళలోని మావెళిక్కరకు చెందిన కాజియా లిజ్ మెజో.తాజాగా...ఈ నెల 23న జైపూర్లో జరిగిన ఫైనల్లో కాజియా లిజ్ మెజో ‘మిస్ యూనివర్స్ ఇండియా’ కిరీటాన్ని గెలుచుకుంది. ‘మిస్ యూనివర్స్ ఇండియా’ టైటిల్ను గెలిచిన తొలి కేరళ మహిళగా చరిత్ర సృష్టించింది. నవంబర్లో ప్యూర్టోరికోలో జరగనున్న 75వ మిస్ యూనివర్స్ పోటీలో మన దేశానికి ప్రాతినిధ్యం వహించనుంది. 19 సంవత్సరాల కాజియా న్యాయశాస్త్ర విద్యార్థిని. దేశవ్యాప్తంగా 52 మంది మిస్ యూనివర్స్ పోటీలో పాల్గొన్నారు. వీరందరిలో కాజియా పిన్న వయస్కురాలు. వైష్ణవి గణేష్ ఫస్ట్ రన్నరప్గా, అనుశీ సాత్వలేకర్ సెకండ్ రన్నరప్గా నిలిచారు.అబుదాబి (యూఏఈ)లో పెరిగిన కాజియా ‘బేబీ షో’లో పాల్గొనడం ద్వారా చిన్న వయసులోనే రంగస్థలంపై మెరిసింది. ఆ తరువాత కాలంలో శాస్త్రీయ నృత్యం వైపు అడుగులు వేసింది. అందరిలాగే బాల్యం అంటే కాజియాకు చాలా ఇష్టం. ‘చిన్నపిల్లగా ఉన్నప్పుడు భయమనేదే ఉండదు. సరదాగా గడపడం, అందమైన దుస్తులు ధరించడం, కార్టూన్ ప్రపంచంలోకి దూరడం..ఇలాంటి అద్భుతాలెన్నో బాల్యంలో ఉంటాయి’ అంటుంది కాజియా.అభద్రత... ఆత్మన్యూనత...టీనేజ్లోకి అడుగుపెట్టిన కాజియా బాల్యంలోని సంతోషానికి దూరం అయింది. డిజిటల్ ప్రపంచంలోని సోకాల్డ్ సౌందర్య ప్రమాణాల వైపు మొగ్గు చూపడం వల్ల ఆత్మవిశ్వాసం కోల్పోయింది.‘నేను నలుపుగా ఉండడం వల్ల విపరీతమైన అభద్రతాభావానికి గురయ్యేదాన్ని. రకరకాల ఫెయిర్ నెస్ క్రీమ్ల యాడ్స్ చూస్తుండేదాన్ని. వాటిని చూసిన తరువాత నా శరీరాకృతి సరిగ్గా లేదు అనిపించేది.నా ప్రతి ఫొటోకు ఫిల్టర్స్ ఉపయోగించేదాన్ని. కళ్లను పెద్దవిగా చేయడానికి, చర్మపు రంగులను మార్చేదాన్ని’ గతాన్ని గుర్తు తెచ్చుకుంది కాజియా.మార్పు మొదలైంది...మొదట్లో నలుగురిలో కలవడానికి ఇష్టపడే కాజియా, ‘నేను నలుపుగా ఉంటాను’ అని అతిగా ఆలోచించడం వల్ల ఆత్మన్యూనతకు గురయ్యేది. నలుగురిలో కలవడానికి ఇబ్బంది పడేది. అద్దంలో తన ముఖం తనకే నచ్చకపోయేది. అయితే, కొంతకాలం తరువాత తనను తాను సమీక్షించుకోవడం వల్ల ఆ తరువాత కాలంలో కాజియాలో చాలా మార్పు వచ్చింది. ‘బాహ్య సౌందర్యం కంటే ఆత్మ సౌందర్యం గొప్పది’ అనే విషయాన్ని తెలుసుకుంది. ఆత్మన్యూనత పోయింది. ఆత్మవిశ్వాసం పెరిగింది. ఆ ఆత్మవిశ్వాసంతోనే మోడలింగ్ రంగంలోకి అడుగు పెట్టింది.విజయ పరంపర...ఆత్మవిశ్వాసం దిశగా తనను తాను తీర్చిదిద్దుకున్న కాజియా 2024లో ‘మిస్ టీన్ దివా’ టైటిల్ గెలుచుకోవడం ద్వారా అంతర్జాతీయ స్థాయి పోటీలకు మార్గం సుగమం చేసుకుంది. 2025లో ‘మిస్ టీన్ ఇంటర్నేషనల్’లో భారతదేశానికి ప్రాతినిధ్యం వహించి మొదటి రన్నరప్గా నిలిచింది. ఆ తరువాత ‘మిస్ యూనివర్స్ కేరళ’ విజేతగా నిలిచింది.అలా జరగకూడదు...‘సోషల్ మీడియా చాలా కృత్రిమమైనది. ఆ కృత్రిమత్వపు మాయలో పడిపోవద్దు. ఆత్మవిశ్వాసం లేని పిల్లలను విషపూరిత భావాలతో భయపెడితే సమాజానికి మనం ఏం సందేశం ఇస్తున్నట్లు?’ అని ప్రశిస్తోంది కాజియా. తాను ఒకప్పుడు ఎదుర్కొన్న డిజిటల్ ఒత్తిడి ఎవరూ ఎదుర్కోవద్దు అంటుంది. పరిపూర్ణత (పర్ఫెక్షన్) కోసం పాకులాడే ధోరణిని ఆమె వ్యతిరేకిస్తోంది. పేజెంట్ పోటీదారులు అనుసరించే జీవనశైలిని అనుసరించడానికి కాజియా నిరాకరిస్తోంది.మల్టీ టాలెంట్...మోడల్, శాస్త్రీయ నృత్యకారిణి మాత్రమే కాదు కాజియా గాయని కూడా. డ్రమ్స్, వయోలిన్ వాయిస్తుంది. టెడెక్స్ వేదికలపై పర్యావరణ పరిరక్షణ నుంచి ఆత్మవిశ్వాసం వరకు రకరకాల అంశాలపై స్ఫూర్తిదాయకమైన ఉపన్యాసాలు ఇస్తోంది. మాలీవుడ్ సినిమా ‘షైలాక్’తో నటిగా తొలి అడుగులు వేసింది.‘నీ లక్ష్యాలు ఏమిటో ఒక నోట్బుక్లో రాసుకో’ అని కజియాను తల్లి ప్రోత్సహించేది. ‘హాలివుడ్ వాక్ఆఫ్ ఫేమ్లో చోటు సంపాదించాలి’....ఇలాంటి ఎన్నో లక్ష్యాలతో ఆ నోట్బుక్ నిండిపోయింది. పెద్ద కలలు కనే సాహసం ఆ రోజు నుంచే మొదలైంది.‘ఆ సాహమే నన్ను ఇక్కడికి వరకు తీసుకువచ్చింది’ అంటుంది కాజియా.నిశ్శబ్దమంటే...ఫైనల్ రౌండ్లో అడిగిన ‘మీ జీవితంలో నిశ్శబ్దానికున్న శబ్దాన్ని ఎలా వర్ణిస్తారు?’ అనే ప్రశ్నకు–‘‘నేను ఈ వేదిక పైకి వచ్చే ముందు వరకు ఇక్కడ అంతా నిశబ్దమే. నటిగా, డ్యాన్సర్గా, అందాల పోటీలపై ఆసక్తి ఉన్న అమ్మాయిగా ఇలాంటి వేదికపైనే ఎదిగాను. ఈ వేదిక పైకి వచ్చే ముందు నిశబ్దంగా, ప్రశాంతంగా అనిపిస్తుంది. ఇంట్లో ఉన్న అనుభూతి కలుగుతుంది. అలాంటి ప్రదేశంలోనే నేను ఉన్నాను, నా దేశంలో ఉన్నాను’’ అంటూ జవాబు ఇచ్చింది కాజియా.దేవుడు ఇచ్చే తోట!విజేత అంటే ఎవరో కాదు, ఒకసారి ఓడిపోయి గెలుపు కోసం మరోసారి ప్రయత్నించిన వ్యక్తి మాత్రమే. మీరు దేవుడిని ఒక పువ్వు అడిగారు. అది వెంటనే మీకు దొరక్క పోవచ్చు. గమనించాల్సిన ముఖ్య విషయం ఏమిటంటే... ఒక పువ్వు కాదు, ఒక తోటే మీకు ఇవ్వడానికి దేవుడు ప్రయత్నాలు చేస్తున్నాడని! అయితే దేవుడు ఆ తోట ఇచ్చే వరకు మనం ఓపికగా ఉండాలి. ఆశాభావంతో ఉండాలి. సోషల్ మీడియాలో కనిపించేవాటిని చూసి గుడ్డిగా నమ్మకూడదు. అనుసరించకూడదు.– కాజియా -
ఆర్థిక కష్టాలు.. కూతురి కోసం ఇంట్లోనే ‘కోర్టు’ నిర్మించి.. ఇలా
ప్రపంచ బ్యాడ్మింటన్ చాంపియన్షిప్లో అద్భుత ప్రదర్శన కనబరిచిన పుల్లెల గాయత్రి గోపీచంద్- ట్రెసా జాలీ గురించి ప్రత్యేక పరిచయం అక్కర్లేదు. ఈ మెగా టోర్నీలో మహిళల డబుల్స్ విభాగంలో ఈ జోడి కాంస్యంతో మెరిసింది. ఆ సమయంలో పుల్లెల గాయత్రి తండ్రి, ఆల్ ఇంగ్లండ్ మాజీ చాంపియన్, చీఫ్ నేషనల్ కోచ్ గోపీచంద్ కూడా ఢిల్లీలోనే ఉండి మ్యాచ్ను వీక్షించాడు.తన కుమార్తె గాయత్రి, ట్రెసా విజయాన్ని సెలబ్రేట్ చేసుకుంటూ గర్వంతో ఉప్పొంగిపోయాడు. నిజానికి బ్యాడ్మింటన్ గురించి తెలిసిన వారికి గోపీచంద్ గురించి ప్రత్యేకంగా చెప్పాల్సిన పనిలేదు. ఆయన కూతురు గాయత్రి తండ్రి అడుగుజాడల్లో బ్యాడ్మింటన్ను కెరీర్గా ఎంచుకుని ముందుకు సాగుతోంది.అయితే, గాయత్రి- ట్రెసా సాధించిన విజయం మరో వ్యక్తి కళ్లు కూడా ఆనందంతో చెమర్చేలా చేసింది. ఆయన మరెవరో కాదు ట్రెసా తండ్రి జాలీ మాథ్యూ. కేరళకు చెందిన ఆయన కూతురి కోసం స్వయంగా బ్యాడ్మింటన్ కోర్టును నిర్మించాడు. అన్నీ తానై కూతురిని ముందుకు నడిపి ఆమెను ఈస్థాయికి చేర్చాడు.పీఈటీ టీచర్.. వాలీబాల్ కోచ్కేరళలోని చెరుప్పుళ అనే చిన్న పట్టణం. అక్కడ బ్యాడ్మింటన్ కోర్టులు లేవు. అయితే, జామీ మాథ్యూ మాత్రం తన కూతురి కల నెరవేరాలంటే తాను శ్రమించక తప్పదనే నిర్ణయానికి వచ్చారు. జాలీ మాథ్యూ పీఈటీ టీచర్. అంతేకాదు ఆయన వాలీబాల్ కోచ్ కూడా!ఇంటి ఆవరణలోనే..తన ఇంటి ఆవరణలోనే వాలీబాల్ కోర్టును నిర్మించి.. అక్కడే యువ ఆటగాళ్లకు శిక్షణ ఇచ్చేవాడు. ట్రెసా, ఆమె అక్కడ పక్కన నిలబడి వారి ఆటను చూస్తూ ఉండేవారు. తన కూతుళ్లు ఇద్దరు ఆసక్తిగా వాలీబాల్ను వీక్షించడం చూసిన మాథ్యూ.. ఇద్దరూ వాలీబాల్ ప్లేయర్లు అవుతారని ఊహించారు. అయితే, ట్రెసాకు బ్యాడ్మింటన్లో మరింత ఆసక్తి ఉందని గమనించి ఆ దిశగా ప్రోత్సహించాడు.ఈ విషయం గురించి మాథ్యూ ఇండియా టుడేతో మాట్లాడుతూ.. ‘‘ట్రెసాకు ఆటల పట్ల అమితాసక్తి ఉండేది. నేను ఇంట్లోనే చాలా మంది అమ్మాయిలకు వాలీబాల్ శిక్షణ ఇచ్చాను. నా కూతుళ్లకు కూడా ఎందుకు ట్రెయినింగ్ ఇవ్వకూడదనే ప్రశ్న తలెత్తింది.ఇండోర్ కోర్టు నిర్మించి..ట్రెసా బాగా ఆసక్తిగా ఉండేది. అయితే, బ్యాడ్మింటన్ ఆడటం మొదలుపెట్టాక తన ఆసక్తి మారిపోయింది. అయితే, మా ప్రాంతంలో అసలు బ్యాడ్మింటన్ కోర్టులు లేవు. అందుకే నేనే మా ఇంట్లో ఓ ఇండోర్ కోర్టు కట్టించి.. అక్కడే ట్రెసాకు శిక్షణ ఇవ్వడం మొదలుపెట్టాను.ఆర్థికంగా కష్టాలు అయితే, గాలితో కూడిన వర్షం పడినప్పుడు టార్పాలిన్ కవర్లు ఎగిరిపోయేవి. దీంతో ప్రాక్టీస్ కష్టమయ్యేది. ఆర్థికంగా కూడా కష్టాలు మొదలయ్యాయి. ఓసారి రాష్ట్ర స్థాయి టోర్నమెంట్కు వెళ్లాము. అప్పుడే మన వ్యవస్థ ఎలా పనిచేస్తుందో పూర్తిగా అర్థమైంది.స్థానిక ర్యాంకింగ్స్ ఆధారంగానే కేరళ జట్టుకు ఎంపిక చేస్తారనే విషయం తెలిసింది. వివిధ లోకల్ టోర్నీల్లో ఆడేందుకు మేము రాష్ట్రమంతా తిరిగేవాళ్లము. కానీ మాకు స్పాన్సర్లు దొరకలేదు. డబ్బుకు బాగా ఇబ్బంది అయ్యేది. ఏ అసోసియేషన్ కూడా మాకు సాయం చేయలేదు. దీంతో ఖర్చుల భారం తడిసిమోపెడు అయ్యేది.అయితే, ఆశయం నుంచి మేము ఎప్పుడూ దూరం కాలేదు. నిజానికి ట్రెసా చదువులో ముందు ఉండేది. మా ఊర్లో పిల్లలంతా డాక్టర్, ఇంజనీర్.. లేదంటే మరేదైనా ఉద్యోగం కోసం చదివేవాళ్లు. ఊర్లో ఎంతో మంది ఇంజనీర్లు ఉండవచ్చు. కొంతమంది డాక్టర్లూ ఉండొచ్చు. కానీ భారత్కు ఆడిన ప్లేయర్లు ఎంతో మంది ఉండరు కదా!అనిల్.. ఆ తర్వాత గోపీచంద్ట్రెసా ముందు దేశానికి ఆడాలి. ఆ తర్వాత ఒలింపిక్స్కు వెళ్లాలి. అక్కడా పతకం గెలవాలి. ఇదే మా ధ్యేయం. అందుకు అనుగుణంగా ముందుకు వెళ్లాము. నా స్నేహితుడు అనిల్ రామంద్రన్.. కన్నూరు యూనివర్సిటీ స్పోర్ట్స్ హెడ్, బ్యాడ్మింటన్ స్పెషలిస్టు. ఆయనే నా కూతురికి కోచింగ్ ఇచ్చాడు.ఆ తర్వాత గోపీచంద్ను కలిశాము. టార్గెట్ ఒలింపిక్స్ పోడియం స్కీమ్ (TOPS)కి ట్రెసా ఎంపికైనపుడు ఆమె ప్లస్ వన్ చదువుతోంది. ఆ సమయంలో హైదరాబాద్లో సీనియర్క్యాంపులో ఉన్న గోపీచంద్కు రిపోర్టు చేసేది. ఆ తర్వాత అంచెలంచెలుగా ఎదిగింది’’ అని జాలీ మాథ్యూ పుత్రికోత్సాహంతో పొంగిపోయాడు.కాగా జూనియర్ లెవల్లో ప్రతిభ కనబరిచిన గాయత్రి, ట్రెసాను కలిపి డబుల్స్ జోడీగా ఎంపిక చేశారు. అప్పటి నుంచి జట్టుగా కొనసాగిన వీళ్లిద్దరు.. దాదాపు పదిహేనేళ్ల విరామం తర్వాత తొలిసారి భారత్కు ప్రపంచ బ్యాడ్మింటన్ చాంపియన్షిప్లో పతకం అందించారు. ఇక గాయత్రి, ట్రెసాలకు ఇటీవలే కేంద్ర ప్రభుత్వం అర్జున అవార్డులు ప్రకటించిన సంగతి తెలిసిందే.చైనా జంట చేతిలో పరాజయంన్యూఢిల్లీ వేదికగా శనివారం జరిగిన సెమీఫైనల్లో గాయత్రి–ట్రెసా జంట 21–18, 13–21, 8–21 స్కోరుతో చైనాకు చెందిన వరల్డ్ నంబర్వన్, డిఫెండింగ్ చాంపియన్ జంట ల్యూ షెంగ్ షూ – టాన్ నింగ్ చేతిలో పరాజయం పాలయ్యారు. 71 నిమిషాల పాటు సాగిన ఈ పోరులో భారత జంట తొలి గేమ్ను గెలుచుకున్నా...ఆపై పట్టు కోల్పోయింది.ఈ మ్యాచ్కు ముందు చైనా జోడితో ఏడు సార్లు తలపడి ఒకే ఒక సారి గెలిచిన భారత ద్వయం ఈ సారి కూడా ప్రభావం చూపలేకపోయింది. మ్యాచ్లో తొలి గేమ్ ఆసక్తికరంగా సాగింది. ఆరంభంలో గాయత్రి–ట్రెసా 7–2తో ముందంజ వేయగా, వరుసగా తొమ్మిది పాయింట్లు సాధించిన చైనా జంట 11–7తో నిలిచింది. ఆ తర్వాత హోరాహోరీగా తలపడటంతో స్కోర్లు 12–12 నుంచి 18–18 వరకు చేరాయి. ఈ దశలో ట్రెసా క్రాస్ కోర్ట్ విన్నర్తో భారత్కు పాయింట్ దక్కగా, టాన్ వరుసగా రెండు సార్లు షటిల్ను నెట్కు కొట్టడంతో గేమ్ ముగిసింది.అభిమానుల ప్రోత్సాహం మధ్య ఆట కొనసాగించిన భారత జోడి రెండో గేమ్లోనూ మెరుగైన ప్రదర్శనతో స్కోరును 12–12 వరకు చేర్చింది. అయితే ఈ స్థితిలో ఒక్కసారిగా చైనా జోడి చెలరేగిపోయింది. పూర్తి ఆధిక్యం ప్రదర్శిస్తూ వరుసగా 8 పాయింట్లు సొంతం చేసుకొని 20–12కు దూసుకుపోయింది. ఆ తర్వాత మరో పాయింట్ సాధించడంతో గేమ్ చైనా వశమైంది. మూడో గేమ్లో పూర్తిగా చైనా హవానే సాగింది. 3–2తో ముందంజ వేసిన తర్వాత చైనా ఎక్కడా తగ్గలేదు. 8–5 నుంచి 15–5 వరకు ఆధిక్యంలో ఉన్న చైనా ఆ తర్వాత అలవోక పాయింట్లతో మ్యాచ్ను సొంతం చేసుకుంది. -
ఆమెకు మిస్ యూనివర్స్ కిరీటాన్ని వరించేలా చేసిన ప్రశ్న ఇదే..!
కేరళకు చెందిన 19 ఏళ్ల కజియా లిజ్ మెజో మిస్ యూనివర్స్ ఇండియా 2026 కిరీటాన్ని గెలుచుకున్నారు. ఆదివారం జైపూర్లో జరిగిన అందాల పోటీల ఫైనల్లో 52 మంది అందగత్తెలను ఓడించి జాతీయ టైటిల్ను గెలుచుకున్నారు. కజియా లిజ్ మెజో కొత్త మిస్ యూనివర్స్ ఇండియా 2026గా నిలిచారు. అయితే ఆమె గెలుపుకి కారణమైన సన్నివేశంకి సంబంధించిన వీడియో నెట్టింట తెగ వైరల్గా మారింది. అదేంటంటే అందులో కజియాకే కిరీటాన్ని కట్టబెట్టేలా చేసిన ఆసక్తికర ప్రశ్న అందర్నీ ఈమితంగా ఆకర్షించింది. నిజానికి మిస్ యూనివర్స్ ఇండియా ప్రకారం, ఈ ఏడాది ఫైనలిస్టులకు 20 ప్రశ్నలు ఇచ్చి..వారికి సమాధానాలు రాయడానికి 90 నిమిషాల సమయం ఇచ్చారు. అయితే కజియా రెండుప్రశ్నలకు ఇచ్చిన సమాధానం న్యాయనిర్థేతల మనసునే గెలుచుకుంది. అవేంటో చూసేద్దామా.యాక్ట్ నౌ వ్యవస్థాపకుడు, గ్లామనంద్ గ్రూప్లో సోషల్ ప్రాజెక్ట్స్ డైరెక్టర్ అయిన రాజీవ్ కె. శ్రీవాస్తవ మీ జీవితంలో నిశ్శబ్దం ధ్వనిని వర్ణించగలరా అని అడగగా..అందుకు కజియా ఇలా సమాధానం ఇచ్చింది. "నాకు, నిశ్శబ్దం అంటే, నేను కొద్ది నిమిషాల క్రితం ఈ వేదికపైకి ప్రవేశించే ముందు అనుభవించిన ప్రశాంతతనే నిశబ్దంగా విశ్వసిస్తా. ఎందుకంటే నేను ఒక శాస్త్రీయ నృత్యకారిణిగా, ఒక నటిగా, అందాల పోటీల ప్రేమికురాలిగా వేదికపైనే పుట్టి పెరిగాను. అందువల్ల ఈ వేదికపైకి అడుగు పెట్టే ముందు నిశ్శబ్దాన్ని, ప్రశాంతతను, అత్యంత ప్రశాంతమైన స్థితిని అనుభవిస్తాను. ఎందుకంటే అది నాకు నా సొంత ఇంట్లో ఉన్నట్లు అనిపిస్తుంది. నా దృష్టిలో, అదే నిశ్శబ్దం. అని ఆమె చాలా అద్భుతంగా చెప్పారామె. అలాగే కజియా తన తన దృష్టిలో అందం అంటే ఏంటో కూడా పంచుకున్నారు. ఆమె ఇలా అన్నారు, "నా దృష్టిలో, నిజమైన అందం అంటే దృఢ సంకల్పం; ధైర్యం, పదే పదే పైకి లేవాలనే నిశ్శబ్ద నిర్ణయం, ఏదైనా సాధించడానికి ముందే నమ్మకం ఉంచడం. అలాగే నా దృష్టిలో, అందమైన ఆత్మవిశ్వాసంతో ఉండటం అంటే సాహసంతో ఉండటమని అర్థం." అని సగర్వంగా చెప్పారామె. 👉: (ఫోటో గ్యాలరీ కోసం ఇక్కడ క్లిక్ చేయండి) View this post on Instagram A post shared by Pageantomania | Beauty Pageant (@pageantomania)(చదవండి: ట్రావెల్ వీడియోల్లో ఇంత కిక్ ఉందా? ఏడాదికి రూ.85 లక్షలు ఆర్జించే ఉద్యోగాన్నే..) -
19 ఏళ్ల కేరళ అమ్మాయికి మిస్ యూనివర్స్ ఇండియా కిరీటం.. ఏకంగా 52 మంది బ్యూటీలను..(ఫొటోలు)
-
మిస్ యూనివర్స్ ఇండియా 2026 విజేత : ఎవరీ కేరళ బ్యూటీ
Miss Universe India 2026 ఒకప్పుడు తన ముఖాన్ని, తన ఫోటోలను చూసుకోవడానికి కూడా ఇబ్బంది పడిన ఒక యువతి ఆత్మవిశ్వాసంతో ఎదిగి అందాల రాణిగా తనను తాను చాటుకుంది. ఆగస్టు 23న జైపూర్లో జరిగిన ‘మిస్ యూనివర్స్ ఇండియా 2026’ గ్రాండ్ ఫినాలేలో 52 మంది పోటీదారులను వెనక్కి నెట్టి కాజియా లిజ్ మెజో (Kaziah Liz Mejo) విజేతగా నిలిచారు. సుమారు 9వేల మంది దరఖాస్తుదారుల నుండి ప్రాంతీయ పోటీలు, ఆడిషన్లు , వైల్డ్కార్డ్ ఎంట్రీల ద్వారా ఆమెను ఎంపిక చేశారు. ఈ విజయంతో, నవంబర్లో పోర్టో రికోలో జరగనున్న 75వ మిస్ యూనివర్స్ పోటీల్లో కాజియా భారతదేశం తరఫున పోటీ పడనున్నారు. మిస్ యూనివర్స్ ఇండియా ఫినాలే ఈవెంట్కు సుస్మితా సేన్ (1994 మిస్ యూనివర్స్), సెలీనా జైట్లీ, ఊర్వశి రౌతేలా, రియా సింహా (మిస్ యూనివర్స్ ఇండియా 2024), ఫిల్మ్ ప్రొడ్యూసర్ ప్రగ్యా కపూర్, డెర్మటాలజిస్ట్ డాక్టర్ స్తుతి ఖారే శుక్లా న్యాయనిర్ణేతలుగా వ్యవహరించడం విశేషం. కేవలం ఏడాది క్రితం టీన్-టైటిల్లో రన్నర్-అప్గా తన అందాల పోటీ ప్రయాణాన్ని ప్రారంభించిన ఒక యువతి ఇండియా మిస్ యూనివర్స్ కిరీటాన్ని గెలుచుకోవడం, ప్యూర్టో రికోలో ప్రపంచ వేదికపై పోటీపడే అవకాశం లభించడం స్ఫూర్తిదాయకంగా నిలుస్తోంది.ఇదీ చదవండి: బిడ్డకు మేనమామ ఉంగరం : బిడ్డింగ్ దక్కించుకున్న జ్యుయల్లర్స్ ఇవే!ఎవరీ కాజియా లిజ్ మెజో?అబుదాబిలో పెరిగిన కేరళ అమ్మాయి మెజో (Mejo) 2007లో జన్మించింది. మావెలిక్కరకు చెందిన మెజో అబ్రహం సుజా మెజోల కుమార్తె అయిన ఆమె, ప్రస్తుతం కొచ్చిలో ఉంటూ బెంగళూరులో న్యాయశాస్త్రం (లా) చదువుతోంది. అంతుకుముందు ఆమె అబుదాబిలోని ఎమిరేట్స్ నేషనల్ స్కూల్, సెయింట్ జోసెఫ్స్ స్కూల్, అబుదాబి ఇండియన్ స్కూల్లో తన పాఠశాల విద్యను పూర్తి చేసింది. చిన్న వయసులోనే ఆమెకు వేదికపై ప్రదర్శనలు ఇచ్చే అవకాశం లభించింది. 2012లో అబుదాబిలో శాస్త్రీయ నృత్య శిక్షణ ప్రారంభించిన ఆమె, ఆ తర్వాత అనేక సృజనాత్మక రంగాలలో నైపుణ్యాలను పెంపొందించుకుంది. 2024లో అందాల పోటీలలో పాల్గొనడం ప్రారంభించింది . 'మిస్ టీన్ ఇంటర్నేషనల్ 2025' పోటీలో భారతదేశానికి ప్రాతినిధ్యం వహించి, 'ఫస్ట్ రన్నరప్'గా నిలిచింది. కొన్ని నెలల తర్వాత, ఆమె ఉన్నత స్థాయి పోటీకి (కేటగిరీకి) మారి, రాష్ట్ర స్థాయి టైటిల్ను గెలుచుకోవడం ద్వారా జాతీయ స్థాయిలో గుర్తింపు పొందింది. కొచ్చిలో జరిగిన పోటీలో మాళవిక రాజేంద్రన్ దేవ్ , లిజ్ జైమోన్ జాకబ్లను ఓడించి, ఆమె 'బీనా కన్నన్ కౌచర్ మిస్ యూనివర్స్ కేరళ 2026' కిరీటాన్ని గెలుచుకుంది. View this post on Instagram A post shared by PAGEANTS UNIVERSE (@pageants_universe)ఈ సందర్భం గత కొన్నేళ్లు తాను అనుభవించిన ఆత్మన్యూనత గురించి గా మెజో వివరించింది. చాలా కాలందాకా తన రూపం వ్యక్తిత్వం పట్ల తనకు ఆత్మవిశ్వాసం ఉండేది కాదని ఆమె చెప్పింది. fake it till you make it అనే దృక్పథం తనలో మార్పు తెచ్చిందని ఆమె పేర్కొంది. వేదికపైకి వెళ్లే ముందు కూడా, అత్యంత ఆత్మవిశ్వాసం కలిగిన వ్యక్తిని తానేనని తనకు తాను చెప్పకునే దాన్నని ఆమె చెప్పింది.ఇదీ చదవండి: రోజు రూ. 50లే, ఇపుడు ఫార్చ్యూనర్ కారు : స్వీపర్ సక్సెస్ స్టోరీ వైరల్అలాగే అందాల పోటీల పట్ల ఆమెకు ఆసక్తి కలగడానికి టీవీలో చూసిన ఒక సంఘటనే కారణమని చెప్పుకొచ్చింది. 2021లో హర్నాజ్ సంధు 'మిస్ యూనివర్స్' కిరీటాన్ని గెలుచుకోవడం చూసిన తర్వాత తనకు అందాల పోటీలపై ఆసక్తి కలిగిందని మెజో చెప్పింది. ఎన్నాళ్లో ఎదురు చూసి, చివరికి ఆమె టైటిల్ దక్కించుకోవడం తనకు స్ఫూర్తినిచ్చిందని ఆమె పేర్కొంది. -
Viral Video: పెళ్లి కూతురి మానవత్వం.. పీటలపై నుంచి లేచి వచ్చి చికిత్స
-
పెళ్లిలో అనూహ్య పరిణామం : పెళ్లి దుస్తుల్లోనే వధువు చికిత్స
కేరళలోని పనూర్లో డా. షిరీన్, డా. రిజాజ్ల వివాహ వేడుకలో ఊహించని సంఘటన చోటుచేసుకుంది. తన వివాహ వేడుకలో అనారోగ్యానికి గురైన ఇద్దరు కేటరింగ్ సిబ్బందికి ప్రథమ చికిత్స అందించేందుకు పెళ్లి వేడుకలను కాసేపు నిలిపివేయడం విశేషంగా నిలిచింది. పెళ్లి దుస్తుల్లోనే ఉన్న వధువు డా. షిరీన్ సకాలంలో వైద్యం అందించి అందరి మన్ననలు అందుకున్నారు. అంతేకాదు కొత్త పెళ్లికొడుకు, భర్త రిజాజ్ కూడా ఆమెనుకొనియాడారు కేరళమ్లోని కన్నూర్లో చోటుచేసుకున్న ఈ ఘటనకు సంబంధించిన వీడియో సోషల్ మీడియాలో వైరలవుతోంది.కన్నూర్ జిల్లా పనూర్కు చెందిన డాక్టర్ షిరిన్ సుబాయిర్కు డాక్టర్ రియాజ్తో పెళ్లి జరుగుతోంది. ఆ సమయంలో విందు వడ్డించే బృందంలో ఉన్న ఇద్దరు మహిళలు తీవ్ర అస్వస్థతకు గురయ్యారు. ఇది తెలిసిన వెంటనే పెళ్లి దుస్తుల్లో ఉన్న డాక్టర్ షిరిన్ అక్కడికి చేరుకున్నారు. ఇద్దరిలో ఒకరికి ముక్కు నుంచి రక్తం వస్తుండగా మరొకరు స్పృహతప్పి పడిపోయారు. ముక్కు నుంచి రక్రస్రావం ఆగేందుకు ముందుకు వంగి ముక్కులోని మెత్తడి భాగాన్ని 15 నిమిషాలు గట్టిగా పట్టుకోవాలని, ఆ సమయంలో నోటి ద్వారా శ్వాస పీల్చుకోవాలని సూచించారు. మరో మహిళను వెల్లకిలా కాళ్లు కాస్తంత ఎత్తులో ఉంచి పడుకోవాలని సూచించారు. వారిద్దరికీ కాస్త స్వస్తత చేకూరాక, ఆస్పత్రికి తీసుకెళ్లాలని అక్కడి వారికి పురమాయించారు.ఇదీ చదవండి: 16 ఏళ్లకే 275 కిలోలు బరువు : రెండు నెలల్లో 50 కిలోలు తగ్గాడు ఇదంతా కొందరు వీడియో తీసి సోషల్మీడియాలో పోస్ట్ చేశారు. ఈ వీడియో వైరల్గా మారింది. ‘ఆ సమయంలో వారికి అక్కడ ఏది అత్యవసరమో అదే చేశా. ఇందులో నా గొప్పతనమేదీ లేదు. ఎవరికైనా ఇలా చేస్తా. అస్వస్థతకు గురైన వారిని ఆస్పత్రికి తీసుకెళ్లడం కంటే ముందుగా ఇలాంటి చిన్నచిన్న పనులు చేస్తే, వారికి ప్రమాదం చాలా వరకు తప్పుతుంది’అని డాక్టర్ షిరీన్ అంటున్నారు. ప్రస్తుతం ఈమె ఒట్టపాలెంలోని వల్లువనాడ్ ఆస్పత్రిలో ఎమర్జెన్సీ మెడిసిన్ విభాగంలో ఎండీ ఫస్టియర్ చేస్తున్నారు. భర్త డాక్టర్ రియాజ్ ఆంధ్రప్రదేశ్లోని ఓ ఆస్పత్రిలో మెడిసిన్ పీజీ చేస్తున్నారు. ఇదీ చదవండి: మూడేళ్ల నుంచే వేధింపులు, చివరికి 70 కిలోలు తగ్గింది కానీ నరకం -
ఓనం కేరళం! పండుగలో పిల్లలకు మోస్ట్ ఫేవరెట్ ఏంటో తెలుసా?
పిల్లలూ... ఇప్పుడు కేరళంలో ఓనమ్ పండగ సీజన్. మనకు దసరా, సంక్రాంతి ఎలాగో... కేరళ వాళ్లకు ‘ఓనమ్’ అలా అన్నమాట. ఇది వాళ్ల పెద్ద పండుగ. పూర్వం కేరళను ‘మహాబలి’ అనే ఒక మంచి రాజు పాలించేవాడట. ఆయనంటే ప్రజలందరికీ చాలా ఇష్టం.ఆ రాజు ఏటా ఒకసారి ఆకాశం నుంచి భూమికి వచ్చి, తన ప్రజలందరూ ఎలా ఉన్నారో చూసి వెళ్తాడని అక్కడి వాళ్ల నమ్మకం. ఆ రాజుగారికి గ్రాండ్గా వెల్కమ్ చెప్పడానికే ఈ ఓనమ్ పండుగ చేసుకుంటారు. ఈ పండుగకు పిల్లలు చేసే హడావుడి అంతా ఇంతా కాదు! పది రోజుల పాటు రోజూ పొద్దున్నే లేచి, తోటల్లో కలర్ఫుల్ పూలను కోసుకొస్తారు. ఇంటి ముందు ‘పూకళం’ అంటే పూలతో పెద్ద పెద్ద ముగ్గులు భలే అందంగా పెడతారు. పట్టు లంగాలు, తెల్లటి సాంప్రదాయ బట్టలు వేసుకుని దేవదూతల్లా రెడీ అవుతారు.ఈ పండుగలో పిల్లలకు మోస్ట్ ఫేవరెట్ ఐటమ్ ఏంటో తెలుసా? ‘పులికలి’ అనే టైగర్ డ్యాన్స్! కొందరు మనుషులు ఒంటికి పులి లాగా రంగులు వేసుకుని, డప్పుల చప్పుళ్లకు వీధుల్లో డాన్స్ చేస్తుంటే పిల్లలు తెగ నవ్వుకుంటారు. అలాగే నదుల్లో పెద్ద పెద్ద పడవ పందాలు జరుగుతుంటే చూసి చప్పట్లు కొడతారు. ఇక పండగ రోజు అరిటాకులో పాయసం, బోలెడు వంటకాలతో కడుపునిండా విందు భోజనం తింటారు. మరి ఈసారి ఓనమ్ పండుగకు మీరు కూడా ఇంట్లో పూల ముగ్గులు వేసి ఎంజాయ్ చేస్తారా!ఇవి కూడా చదవండి: 'జుడో' పోటీ..! బలం కంటే తెలివితో ప్రత్యర్థిని ఓడించగలమా? -
చీర బోర్డర్ వెనుక ఇంత చరిత్ర ఉందా?
భారతీయ వస్త్రధారణలో చీరలకు ఉన్న స్థానం ప్రత్యేకమైనది. ముఖ్యంగా చీరలకు ఉండే బంగారు రంగు బోర్డర్ కేవలం ఒక అలంకరణ మాత్రమే కాదు. దాని వెనుక ఎంతో సాంస్కృతిక, సామాజిక, చారిత్రక ప్రాధాన్యత ఉంది.భారతీయ సంస్కృతిలో స్వర్ణాన్ని పవిత్రతకు, అదృష్టానికి, ఐశ్వర్యానికి సూచికగా భావిస్తారు. చీరలకు బంగారు బోర్డర్ జోడించడం వల్ల ఆ వస్త్రానికి ఒక శుభసూచకమైన రూపం వస్తుంది. అందుకే వివాహాలు, పూజలు, పండుగలు, ఇతర వేడుకలలో బంగారు అంచు ఉన్న చీరలను ధరించడానికి ఎక్కువ ప్రాధాన్యత ఇస్తారు.చారిత్రాత్మకంగా పట్టు నూలుతో పాటు అసలైన వెండి, బంగారు తీగలను ఉపయోగించి సరిహద్దులను నేయడం ఎంతో శ్రమతో కూడుకున్న పని. రాజులు, జమీందారులు, ధనిక వర్గాల మహిళలు తమ సామాజిక హోదాను ప్రతిబింబించేలా వెడల్పాటి బంగారు బోర్డర్లు ఉన్న చీరలను ధరించేవారు. బోర్డర్ ఎంత వెడల్పుగా ఉంటే, వారి హోదా అంత ఉన్నతంగా పరిగణించబడేది.తమిళనాడుకు చెందిన కాంజీవరం పట్టు చీరల ప్రధాన ఆకర్షణే వాటి కాంతివంతమైన రంగులు, దట్టమైన బంగారు జరీ బోర్డర్లు. చీర రంగుకు కాంట్రాస్ట్ రంగులో ఉండే ఈ బంగారు బోర్డర్లు దక్షిణ భారత వివాహ వేడుకలలో ప్రత్యేక కళను తీసుకువస్తాయి.కేరళ సాంప్రదాయ చీరలలో తెల్లటి లేదా లేత క్రీమ్ రంగు నూలుపై సరళమైన బంగారు అంచు మాత్రమే ఉంటుంది. మిగిలిన చీరంతా సాధారణంగా ఉన్నప్పటికీ, ఆ బంగారు బోర్డర్ మాత్రమే చీరకు పరిపూర్ణమైన సౌందర్యాన్ని ఇస్తుంది. ఓణం, విషు వంటి పండుగలలో ఇది వారి సాంస్కృతిక గుర్తింపుగా నిలుస్తుంది.ఇవి చదవండి: బట్టలను తిరగేసి ఇస్త్రీ చేస్తే ఏమవుతుంది? -
కేరళ గుడిలో విదేశీ ఎంపీతో మళ్లీ వివాహం!
ప్రేమకు సరిహద్దులు లేవని ఈ జంట కారణంగా మరోసారి నిరూపితమైంది. ప్రేమ ఎలా పుడుతుందో తెలియదు గానీ దాన్ని గెలిపించుకోవడం కోసం ఎన్ని కష్టాలైనా ఓర్చుకుంటారు, ఎంత కాలమైన నిరీక్షిస్తారు. అచ్చం అలానే ఈ స్కాటిష్ ఎంపీ పదేళ్లు నిరీక్షించి మరీ కేరళ మహిళను పెళ్లాడాడు స్కాటిష్ రాజకీయ నాయకుడు. దేశం దాటిన ఈ దంపతుల ప్రేమ కథ ఏంటో చూద్దామా..!స్కాటిష్ నేషనల్ పార్టీ (SNP) రాజకీయ నాయకుడు , పార్లమెంట్ సభ్యుడు మార్టిన్ డే కేరళకు చెందిన నిధిన్ చంద్ను అక్కడ ప్రఖ్యాత గాంచిన గురువాయూర్ శ్రీకృష్ణ దేవాలయంలో సాంప్రదాయ పద్ధతిలో వివాహం చేసుకున్నారు. ఎర్నాకులం జిల్లాలోని పిరవంకు చెందిన నిధిన్ చిరకాల కోరిక ఇన్నేళ్లకు నెరవేరిందట. ఈ వివాహ వేడుక మంగళవారం నాడు గురువాయూర్ దేవాలయ ప్రాంగణంలోని ఆడిటోరియంలో జరిగింది. ఈ కార్యక్రమానికి సన్నిహిత కుటుంబ సభ్యులు, స్నేహితులు హాజరయ్యారు. అందుకు సంబంధించిన ఫోటోలను మార్టిన్ డే ఫేస్బుక్, ఇన్స్టాగ్రామ్లో షేర్చేసుకోవడంతో నెట్టింట వైరల్గా మారింది. పదేళ్లకు పైగా నిరీక్షించక తప్పలేదు..నిజానికి ఈ జంట 2016లోనే యూకేలో వివాహం చేసుకున్నారు. కానీ నిధిన్ చాలా కాలంగా గురువాయుర్లో తన వివాహతంతుని పూర్తి చేయాలని కోరుకున్నారు. 2018 కేరళ వరదలు, కోవిడ్ 19 మహమ్మారి వంటి కారణాల వల్ల ఈ జంట వివాహ వేడుక చాలా ఏళ్లుగా వాయిదా పడుతూ వచ్చింది. చివరకు తమ వివాహం రిజిస్టర్ అయిన తొమ్మిదేళ్ల తర్వాత, తన నాలుగవ పర్యటనలో ఆ దంపతులు గురువాయురు ఆలయంలో వివాహం చేసుకున్నారు. ఇది తన భాగస్వామి చిరకాల కోరిక అని చెబుతున్నారు స్కాటిష్ ఎంపీ మార్టిన్ డే.ఎవరీ మార్టిన్ డే..55 ఏళ్ల మార్టిన్ డే, స్కాటిష్ నేషనల్ పార్టీకి చెందిన ఒక సీనియర్ రాజకీయ నాయకుడు. ఆయన లిన్లిత్గో ప్రాంతానికి స్థానిక, జాతీయ స్థాయిలలో ప్రాతినిధ్యం వహించారు. ఆయన 1999లో వెస్ట్ లోథియన్ కౌన్సిల్కు తొలిసారిగా ఎన్నికయ్యారు. ఆ తర్వాత 2015లో లిన్లిత్గో ఈస్ట్ ఫాల్కిర్క్ నియోజకవర్గం నుంచి ఎంపీగా యూకే హౌస్ ఆఫ్ కామన్స్లోకి ప్రవేశించారు. ఆయన 2024 వరకు ఎంపీగా పనిచేశారు. ఆరోగ్యం, సామాజిక సంరక్షణ వంటి రంగాలతో సహా SNP ఫ్రంట్బెంచ్ బాధ్యతలను నిర్వహించారు.2026 స్కాటిష్ పార్లమెంట్ ఎన్నికలలో, డే తిరిగి ఎన్నికై పదవిలోకి వచ్చి, ఫాల్కిర్క్ ఈస్ట్ అండ్ లిన్లిత్గో నియోజకవర్గం నుంచి MSPగా ఎన్నికయ్యారు. ఆయన ప్రస్తుతం స్కాటిష్ పార్లమెంట్ క్లైమేట్ యాక్షన్ కమిటీ అండ్ ఎకానమీ, టూరిజం అండ్ ఎనర్జీ కమిటీలలో సభ్యుడిగా ఉన్నారు. కాగా, ఆయన రాజకీయాల్లోకి ప్రవేశించడానికి ముందు,బ్యాంకింగ్ రంగంలో పనిచేశారు. అలాగే వెస్ట్ లోథియన్లోని స్థానిక ప్రభుత్వంలో పాలుపంచుకున్నారు.ఎవరీ నిధిన్ చందన్..ఎర్నాకుళంలోని పిరవం ప్రాంతానికి చెందిన నిధిన్ చంద్, ఉన్నత విద్య కోసం నవంబర్ 2008లో యూకేకి వెళ్లారు. ఆమె యూకేలో ఐటీ మేనేజ్మెంట్లో మాస్టర్స్ డిగ్రీ పూర్తి చేశారు. ఆమె తండ్రి కే.ఎన్. చంద్రన్ ఒక రిటైర్డ్ వెటర్నరీ అధికారి, తల్లి రాజమ్మ పంపాకుడ మాజీ గ్రామ పంచాయతీ సభ్యురాలు.అలా పరిచయమైంది..యూకేలో ఆమె పీహెచ్డీ చేస్తున్న సమయంలో, కొత్త వలస నిబంధనల వల్ల ఆమె వీసాతో సహా వేలాది విద్యార్థి వీసాలు రద్దు చేయబడ్డాయి. నిధిన్ అక్కడినుంచి వెళ్ళిపోకుండా, పార్లమెంటులో లాబీయింగ్ చేసి, కమిటీల ముందు భారతీయ విద్యార్థులకు ప్రాతినిధ్యం వహించారు. అక్కడే ఆమె లిన్లిత్గో అండ్ ఈస్ట్ ఫాల్కిర్క్ ఎంపీ అయిన మార్టిన్ డేను కలిశారు.మే నెలలో అతను ప్రపోజ్ చేసిన తర్వాత, 2016లో వారిద్దరూ వివాహం చేసుకున్నారు. తనకు 12 ఏళ్ల కొడుకు ఉన్నాడని, తాను విడాకులు తీసుకున్న మహిళనని నిధిన్ చెప్పినప్పుడు, మార్టిన్ చాలా విశాల హృదయంతో తన జీవితంలోకి ఆహ్వానించి, తన పేరెంట్స్ మార్గరెట్, రాన్ డేలకు ఆమెను పరిచయం చేశారు. ఆమె వీసా, ఉద్యోగ పరిస్థితి అనిశ్చితంగా ఉన్నప్పటికీ, వాళ్లు ఆమెను ఆప్యాయంగా తమ కుటుంబంలోకి ఆహ్వానించారు. తర్వాత మార్టిన్, నిధిన్, ఆమె కుమారుడు వేద్దిక్తో కలిసి యూకే వెళ్ళాడు.అలాగే ఆమె కుమారుడు వేద్దిక్, ఎడిన్బర్గ్లోని కంప్యూటర్షేర్లో సీనియర్ డేటాబేస్ అడ్మినిస్ట్రేటర్గా పనిచేస్తున్నాడు. నిధిన్ మేనేజ్మెంట్ కన్సల్టెంట్గా పనిచేస్తూ, స్కాటిష్ నేషనల్ పార్టీ ప్రచారాలలో కూడా చురుకుగా పాల్గొంటుంది. కాగా, మార్టిన్ డే 1999 నుంచి ప్రజా సేవలో నిమగ్నమై ఉన్నారు. అంతేగాదు తొమ్మిదేళ్లలో మూడు పర్యాయాలు యూకే పార్లమెంట్ సభ్యుడిగా సేవలందించారు. ఆయన స్కాటిష్ పార్లమెంట్లో భారతదేశం తరపున అఖిల పక్ష పార్లమెంటరీ గ్రూపుకు అధ్యక్షుడిగా కూడా ఉన్నారు. View this post on Instagram A post shared by jith (@jith__uday) (చదవండి: లస్సీ అమ్ముతూ నెలకు రూ. 80 వేలు..!) -
మహేష్బాబు సినిమా చూసి.. హత్యకు స్కెచ్!
మంచి కంటే చెడు త్వరగా ఆకర్షిస్తుంది. అందుకే సినిమాల్లోనూ హీరోలను గ్యాంగ్స్టర్లుగా, మాఫియా డాన్లుగా చూపించే ట్రెండ్ పెరుగుతోంది. తెరపై చూపించే క్రైమ్ సన్నివేశాలు, వాటి ప్రభావం సమాజంపై ఎలా ఉంటుందనే చర్చ ఎప్పటికప్పుడు జరుగుతూనే ఉంటుంది. అయితే సందేశాత్మక చిత్రాల నుంచి కూడా చెడునే స్వీకరిస్తుండడం.. ఆందోళనకు గురి చేస్తోంది. తాజాగా కేరళలో వెలుగుచూసిన ఓ హత్య కేసు ఈ అంశంపై మరోసారి చర్చకు తెరలేపింది. తెలుగు సూపర్స్టార్ మహేష్ బాబు నటించిన ఓ సినిమా.. అక్కడ ఓ దారుణ హత్యకు స్ఫూర్తినివ్వడమే అందుకు కారణం. కేరళలోని అలప్పుజ జిల్లాలో జరిగిన 65 ఏళ్ల వృద్ధుడి హత్య కేసులో విస్తుపోయే విషయాలు వెలుగులోకి వస్తున్నాయి. సాధారణ దొంగతనం కేసుగా మొదలైన ఈ ఘటన వెనుక.. మొదట ప్రొఫెషనల్ హంతకుల ప్రమేయం ఉందేమోనని పోలీసులు అనుమానించారు. ఆ తర్వాత లోతుగా దర్యాప్తు చేస్తే మైనర్లు, అందునా పక్కా ప్రణాళికతో చేసిన హత్యగా నిర్ధారించుకున్నారు. అయితే తన తాత హత్యకు 13 ఏళ్ల మనవరాలే సహకరించడం.. ఈ కేసులో మరో కీలక అంశంగా వెల్లడైంది. కరువత్తలో శివన్కుట్టి(65) హత్య కేసులో మరో షాకింగ్ విషయం బయటకు వచ్చింది. హత్యకు 2017లో విడుదలైన ‘స్పైడర్’ చిత్ర స్ఫూర్తిగా నిలిచిందని మైనర్ నిందితుడు పోలీసులకు చెప్పడం గమనార్హం. మహేష్ బాబు నటించిన ఈ బైలింగువల్ చిత్రంలో దర్శకనటుడు ఎస్జే సూర్య.. సైకో విలన్ పాత్ర భైరవలో అలరించాడు. మురగదాస్ డైరెక్షన్ చేసిన ఈ చిత్రం కమర్షియల్గా ఫెయిల్యూర్గా నిలిచింది. అయితే సూర్య విలనిజానికి మాత్రం మంచి ప్రశంసలు దక్కాయి. అదుగో ఆ క్యారెక్టర్ నుంచి.. అందునా ఓ సీన్ నుంచి ఇన్స్పిరేషన్ తీసుకుని.. ఈ దారుణానికి ప్రణాళిక రచించినట్లు నిందితుడు పోలీసుల ముందు ఒప్పుకున్నాడు. సినిమా చూసి హత్యకు ప్లాన్?పోలీసుల కథనం ప్రకారం.. నిందితులు తొలుత శివన్కుట్టి ఇంటి పైకప్పు పెంకులు తొలగించి లోపలికి ప్రవేశించాలని భావించారు. నిద్రలో ఉన్న సమయంలో పెద్ద రాయితో దాడి చేయాలని ప్రణాళిక వేసినట్లు తెలుస్తోంది. ఈ ఆలోచనకు 2017లో వచ్చిన తమిళ సినిమా ‘స్పైడర్’లోని ఓ హత్య సన్నివేశమే ప్రేరణగా నిలిచిందని నిందితుడు పోలీసులకు చెప్పాడు. అయితే ఇంటి పైకప్పు కింద చెక్కతో నిర్మించిన సీలింగ్ ఉండటంతో వారి మొదటి ప్రయత్నం విఫలమైంది. దీంతో మరో మార్గంలో ఇంట్లోకి ప్రవేశించి దాడి చేసినట్లు పోలీసులు చెబుతున్నారు.వాట్సాప్ చాట్లే కీలక ఆధారంఈ కేసులో కీలక ఆధారాలు నిందితుల వాట్సాప్ సంభాషణల ద్వారా లభించినట్లు పోలీసులు తెలిపారు. మృతుడి మనవరాలు, ఆమె స్నేహితుడి మధ్య జరిగిన చాట్లలో హత్యకు సంబంధించిన పలు ప్రణాళికలు చర్చించినట్లు గుర్తించారు. విషం పెట్టడం, వాహనంతో ఢీకొట్టడం వంటి పద్ధతుల గురించి కూడా వారు మాట్లాడుకున్నట్లు పోలీసులు అనుమానిస్తున్నారు. అంతేకాకుండా కరునాగప్పల్లి ప్రాంతానికి చెందిన ఓ కిరాయి ముఠాను సంప్రదించి హత్య చేయించేందుకు ప్రయత్నించారని.. అయితే డబ్బు ఆఫర్ చేసినా ఆ ముఠా అంగీకరించలేదని దర్యాప్తులో తేలినట్లు వెల్లడించారు.రాత్రి రైల్లో వచ్చి.. దాడిపోలీసుల ప్రకారం.. నిందితులు శనివారం రాత్రి కొల్లం నుంచి రైలులో కరువట్టకు చేరుకున్నారు. శివన్కుట్టి నిద్రపోయినట్లు నిర్ధారించుకున్న తర్వాత ఇంట్లోకి ప్రవేశించే ప్రయత్నం చేశారు. పైకప్పు నుంచి లోపలికి వెళ్లే ప్రయత్నం విఫలమైన తర్వాత.. వెంటిలేటర్ దగ్గర ఉన్న ఖాళీ ప్రదేశం ద్వారా లోపలికి ప్రవేశించినట్లు పోలీసులు చెబుతున్నారు. ఒకరు ఇంట్లోకి వెళ్లి తలుపు తెరవడంతో మిగతావారు లోపలికి వచ్చినట్లు అనుమానిస్తున్నారు. శబ్దం విని శివన్కుట్టి లేచి రావడంతో ఆయనపై దాడి చేసి హతమార్చారు. ఆ తర్వాత లైవ్ మర్డర్ ఫొటోలను బాలికకు నిందితుడు పంపించాడు.ఐఫోన్, బైక్ల కోసం దొంగతనం?హత్య తర్వాత ఇంట్లో ఉన్న ఆరు సవర్ల బంగారాన్ని నిందితులు తీసుకెళ్లినట్లు పోలీసులు గుర్తించారు. ఈ బంగారాన్ని అమ్మి బాలికకు ఐఫోన్, ఇతర నిందితులకు బైక్లు కొనుగోలు చేయాలనుకున్నాడు. ఇంతలో పోలీసులకు దొరికిపోయాడు.తప్పుడు కథనం సృష్టించారా?కేసు దర్యాప్తులో మరో కోణం కూడా పరిశీలిస్తున్నామని పోలీసులు తెలిపారు. శివన్కుట్టి తనపై అసభ్యంగా ప్రవర్తించాడని బాలిక ఆరోపించినట్లు సమాచారం. అయితే అది నిజమైన కారణమా? లేదంటే శిక్ష నుంచి తప్పించుకునేందుకు సృష్టించిన కథనా? అనే కోణంలోనూ దర్యాప్తు కొనసాగుతోంది.కుటుంబంతో కలిసి జీవనం..శివన్కుట్టి కుటుంబం రెండేళ్ల క్రితం కొల్లం నుంచి కరువట్టకు మారింది. ఆయన భార్య, కుమార్తె, అల్లుడు, మనవరాలు తొలుత అద్దె ఇంట్లో ఉండేవారు. అనంతరం శివన్కుట్టి అదే ప్రాంతంలో భూమి కొనుగోలు చేసి కొత్త ఇల్లు నిర్మించుకుంటున్నారు. ఈ ఘటనలో చిన్న వయసులో ఉన్న నిందితులు ఇంత పక్కా ప్రణాళికతో.. అదీ సినిమా చూసి హత్యకు పాల్పడ్డారన్న విషయం కేరళలో తీవ్ర చర్చకు దారితీస్తోంది. -
బాయ్ఫ్రెండ్ సాయంతో తాతను చంపించి.. బాలిక పైశాచికం!
అలప్పుజ: కేరళలోని అలప్పుజ జిల్లా హరిపాడ్ బ్లాక్ పంచాయతీ పరిధిలో అత్యంత దిగ్భ్రాంతికర ఘటన వెలుగుచూసింది. ఐఫోన్, బైక్ కొనుగోలు కోసం 13 ఏళ్ల బాలిక తన 15 ఏళ్ల బాయ్ఫ్రెండ్, మరో ఇద్దరు మైనర్ స్నేహితుల సహకారంతో తన తాతను హత్య చేయించింది. యూట్యూబ్లో హత్య చేసే విధానాలను చూసి, పక్కా ప్రణాళికతో ఈ ఘాతుకానికి నిందితులు ఒడిగట్టారు.బాధితుడు తన భార్య, గర్భిణి అయిన కుమార్తె, మనవరాలితో కలిసి నివసిస్తున్నారు. కూతురు పురిటి నొప్పులతో ఆసుపత్రిలో చేరగా, బామ్మ కూడా అక్కడే ఉన్నారు. ఇదే అదనుగా భావించిన మనవరాలు.. పరీక్షల ప్రిపరేషన్ సాకుతో స్నేహితురాలి ఇంటికి వెళ్లింది. తాత తనపై అసభ్యంగా ప్రవర్తించాడని బాయ్ఫ్రెండ్ను నమ్మించి, హత్యకు పురిగొల్పింది. నిందితులు ఇంటి వెనుక వెంటిలేటర్ ద్వారా లోపలికి ప్రవేశించి, తాతను తీవ్రంగా కొట్టి, కాళ్లు చేతులు కట్టేసి గొంతు నులిమి హత్య చేశారు. ఆ బాలిక ఈ దారుణాన్ని వీడియో కాల్ ద్వారా లైవ్లో వీక్షించింది. అనంతరం ఆధారాలు దొరక్కుండా కారం పొడి చల్లి, 4.5 సవర్ల (సుమారు 36 గ్రాములు) బంగారం, నగదుతో ఉడాయించారు.మొబైల్ వాడవద్దని మందలించిన తాతపై కక్ష పెంచుకున్న ఆ బాలిక.. బంగారం అమ్మి తాను ఐఫోన్ కొనుక్కోవాలని, బాయ్ఫ్రెండ్కు బైక్ కొనివ్వాలని ఈ పథకం వేసింది. పోలీసులు విచారణలో బాలిక పొంతనలేని సమాధానాలు చెప్పడంతో, సాంకేతిక ఆధారాల ద్వారా 24 గంటల్లోనే కేసును ఛేదించారు. కొల్లాంలో విక్రయించిన ఉంగరంతో సహా మిగిలిన బంగారాన్ని స్వాధీనం చేసుకుని, నిందితులను జువైనల్ జస్టిస్ బోర్డు ముందు హాజరుపరిచారు.ఇది కూడా చదవండి: శవం సాయంతో నది దాటి.. తులసీదాస్ జీవితాన్ని మార్చిన ఘటన! -
వాట్సాప్లో ఒక్క మెసేజ్ .. నిమిషాల్లో వెబ్సైట్ సిద్ధం!
ఇడుక్కి: కేవలం వాట్సాప్లో ఓ చిన్న సందేశం పంపడం ద్వారా ప్రొఫెషనల్ వెబ్సైట్ను రూపొందించే సరికొత్త సాంకేతికత అందుబాటులోకి వచ్చింది. కేరళకు చెందిన ఓ టెక్ స్టార్టప్ ఈ వినూత్న ఆవిష్కరణను సాకారం చేసింది. ‘Eezix.ai’ పేరుతో రూపొందించిన ఈ ఆర్టిఫిషియల్ ఇంటెలిజెన్స్ (ఏఐ) ప్లాట్ఫామ్ ద్వారా ఒక్క కోడింగ్ లైన్ కూడా రాయకుండా, డెవలపర్లతో పనిలేకుండా నిమిషాల వ్యవధిలోనే ఎవరైనా తమ వెబ్సైట్ను సులభంగా నిర్మించుకోవచ్చు.ఇడుక్కి జిల్లా వెన్మణికి చెందిన షిజో వి. జోస్, తన స్నేహితులు రంజు సెబాస్టియన్, గిసిన్ జోసెఫ్లతో కలిసి ఈ ప్లాట్ఫామ్ను ప్రారంభించారు. చిన్న, మధ్య తరహా వ్యాపారాలకు డిజిటల్ గుర్తింపును సులభతరం చేయడమే దీని ముఖ్య ఉద్దేశం. దీని పనితీరు అత్యంత సరళంగా ఉంటుంది. వినియోగదారులు స్టార్టప్ వాట్సాప్ నంబర్కు సందేశం పంపగానే, అందులోని ఏఐ చాట్బాట్ వ్యాపారానికి సంబంధించిన కొన్ని ప్రాథమిక వివరాలను అడుగుతుంది. వివరాలు అందించిన కొద్ది నిమిషాల్లోనే ఏఐ ఒక ప్రొఫెషనల్ వెబ్సైట్ను రూపొందించి, ఆ లింక్ను నేరుగా యూజర్ వాట్సాప్ చాట్కే పంపుతుంది.రూపకల్పనలో మార్పులు చేసుకోవాలనుకునే వారి కోసం అంతర్నిర్మిత ఎడిటింగ్ టూల్స్ను కూడా ఇందులో అందించారు. వినియోగదారులు స్వయంగా మార్పులు చేసుకోవచ్చు లేదా డిజైన్ బృందం సహాయం కోసం సపోర్ట్ ప్యాకేజీని తీసుకోవచ్చు. వినియోగదారులకు నిరంతరం అండగా ఉండేందుకు 24 గంటల కస్టమర్ సపోర్ట్ను కూడా ఈ స్టార్టప్ కల్పిస్తోంది.ఈ ముగ్గురు వ్యవస్థాపకుల ప్రయాణం 2010లో బీసీఏ పూర్తి చేసిన తర్వాత మొదలైంది. 2014లో ‘ఐడర్ ప్రో టెక్నాలజీస్’ స్థాపించి సర్వర్ మేనేజ్మెంట్, వెబ్ డెవలప్మెంట్ సేవలు అందించారు. కొవిడ్ లాక్డౌన్ల సమయంలో వచ్చిన ఆటంకాలను అధిగమిస్తూ, క్రమంగా ఈ-విజిటింగ్ కార్డు ప్లాట్ఫామ్ను రూపొందించి, ఆ అనుభవంతో చివరకు ‘Eezix.ai’ను ఆవిష్కరించారు. ఈ-కామర్స్ బ్రాండ్లు, చిన్న వ్యాపారులు, స్థానిక వర్తకులకు ఇది ఎంతో ఉపయోగకరంగా ఉంటుందని వ్యవస్థాపకులు తెలిపారు. ప్రస్తుతం ఈ ప్లాట్ఫామ్కు సుమారు 3,000 మంది యాక్టివ్ వినియోగదారులు ఉన్నారని, విశేష స్పందన లభిస్తోందని వారు వెల్లడించారు.ఇది కూడా చదవండి: జైల్లో ఒకరిపై ఒకరు పడుకోవాల్సిందే: శిల్పా శెట్టి భర్త -
శబరిమలలో సినిమా షూటింగ్లు బంద్: కేరళ ప్రభుత్వం
ప్రముఖ పుణ్యక్షేత్రం శబరిమలలో సాధారణ కమర్షియల్ సినిమాల షూటింగ్కు ఇకపై అనుమతులు ఇవ్వబోమని కేరళ ప్రభుత్వం స్పష్టం చేసింది. మోహన్లాల్ నటిస్తున్న ‘అతిమనోహరం’ షూటింగ్కు అనుమతి ఇవ్వడంపై వివాదం తలెత్తిన నేపథ్యంలో కేరళ దేవస్వం మంత్రి కే. మురళీధరన్ ఈ కీలక ప్రకటన చేశారు. శబరిమలను సాధారణ సినిమా షూటింగ్ లొకేషన్గా ఉపయోగించేందుకు అనుమతించబోమని ఆయన తెలిపారు.శబరిమలలో సినిమా షూటింగ్కు అనుమతులు ఇవ్వడం ప్రభుత్వ విధానం కాదని మంత్రి స్పష్టం చేశారు. అయ్యప్ప స్వామికి సంబంధించిన సినిమాలు, మతపరమైన చిత్రాలకు మాత్రమే ప్రత్యేక పరిస్థితుల్లో అనుమతి ఇవ్వవచ్చని పేర్కొన్నారు. సాధారణ కమర్షియల్ సినిమాల షూటింగ్కు మాత్రం అనుమతులు ఇవ్వకూడదని స్పష్టం చేశారు. ఆలయాలను సినిమా షూటింగ్ కోసం వినియోగించేందుకు అనుమతించడం సరికాదని అన్నారు.శబరిమలలో షూటింగ్కు సంబంధించిన నిబంధనలను తాను పూర్తిగా పరిశీలిస్తానని మంత్రి తెలిపారు. ఆలయ పవిత్రత, భక్తుల విశ్వాసాలను దృష్టిలో పెట్టుకుని నిర్ణయాలు ఉండాలని పేర్కొన్నారు.మోహన్లాల్ మూవీతో వివాదంఈ వివాదానికి కారణం మోహన్లాల్ ప్రధాన పాత్రలో నటిస్తున్న అతిమనోహరం సినిమా. తరుణ్ మూర్తి దర్శకత్వంలో తెరకెక్కుతున్న ఈ చిత్రానికి శబరిమలలోని కొన్ని ప్రాంతాల్లో షూటింగ్ చేసేందుకు ట్రావెన్కోర్ దేవస్వం బోర్డు అనుమతి ఇచ్చినట్లు సమాచారం. పంపా నుంచి సన్నిధానం వరకు కొన్ని ప్రాంతాల్లో షూటింగ్ చేసుకునేందుకు అనుమతి ఇచ్చినట్లు తెలుస్తోంది. అయితే సినిమాకు సంబంధించి పలు షరతులు విధించినట్లు సమాచారం. శబరిమల లేదా హిందూ మత విశ్వాసాలను ప్రతికూలంగా చూపించకూడదని, షూటింగ్కు అవసరమైన ఇతర శాఖల అనుమతులు కూడా తీసుకోవాలని నిబంధనలు పెట్టినట్లు తెలుస్తోంది. ఈ అనుమతుల్లో కీలకమైన అటవీ శాఖ అనుమతి విషయంలో సమస్య ఏర్పడింది. షూటింగ్కు అటవీ శాఖ అనుమతి నిరాకరించడంతో అక్కడ చిత్రీకరణకు బ్రేక్ పడింది. దీంతో అసలు దేవస్వం బోర్డు సాధారణ సినిమాకు అనుమతి ఎలా ఇచ్చిందన్న ప్రశ్నలు తలెత్తాయి.ప్రభుత్వ విధానంపై ప్రశ్నలుదేవస్వం బోర్డు అనుమతి ఇచ్చిన తర్వాత.. అటవీ శాఖ దాన్ని తిరస్కరించడంతో వివాదం మరింత ముదిరింది. శబరిమల వంటి అత్యంత సున్నితమైన ఆధ్యాత్మిక ప్రదేశంలో సినిమా షూటింగ్కు వివిధ ప్రభుత్వ విభాగాల మధ్య సమన్వయం లేకుండా అనుమతులు ఇవ్వడంపై చర్చ మొదలైంది. ఈ నేపథ్యంలో ఇకపై ఇలాంటి పరిస్థితులు పునరావృతం కాకుండా సాధారణ కమర్షియల్ సినిమాలకు షూటింగ్ అనుమతులు ఇవ్వకూడదన్న నిర్ణయాన్ని ప్రభుత్వం స్పష్టం చేసింది.మరో చోటులో షూటింగ్ తరుణ్ మూర్తి దర్శకత్వం వహిస్తున్న అతిమనోహరంలో మోహన్లాల్, మీరా జాస్మిన్ ప్రధాన పాత్రల్లో నటిస్తున్నారు. లాలు అలెక్స్, మనోజ్ కే. జయన్, జగదీష్, ఇర్షాద్, సుధీష్ తదితరులు కీలక పాత్రల్లో కనిపించనున్నారు. ఇప్పటికే ఈ సినిమా షూటింగ్లో ఎక్కువ భాగం పూర్తయింది. కొచ్చితో పాటు పలు చోట్ల కీలక సన్నివేశాలను చిత్రీకరించారు. మిగిలిన షూటింగ్ను కొచ్చి, శబరిమలతో పాటు హైదరాబాద్, ముంబైలో నిర్వహించాలని చిత్ర బృందం భావించింది. ఈ చిత్రం డిసెంబర్ 24న ప్రపంచవ్యాప్తంగా విడుదల చేసేందుకు సన్నాహాలు జరుగుతున్నాయి. అయితే శబరిమలలో షూటింగ్కు అనుమతి నిరాకరణతో చిత్ర బృందం ప్రత్యామ్నాయ లొకేషన్లను ఎంచుకోవాల్సిన పరిస్థితి ఏర్పడింది.ఇంతకు ముందు..గతంలోనూ శబరిమల, పంబా పరిసరాల్లో పలు సినిమాల షూటింగ్ జరిగింది. తమిళ చిత్రం ‘నంబినార్ కేడువతిల్లై’ (1986)లోని ఓ పాటను శబరిమలలోని 18 మెట్ల వద్ద చిత్రీకరించారు. మలయాళంలో ‘స్వామి అయ్యప్పన్’ (1975), ‘మాలికప్పురం’ (2022) వంటి చిత్రాల్లో శబరిమల ప్రాంతాల్లో షూట్ చేశారు. కన్నడ చిత్రం ‘సీజర్’ (2018)లోనూ ఆ పరిసర ప్రాంతాల్లోనే క్లైమాక్స్ సన్నివేశాలను చిత్రీకరించారు.ఆలయ పవిత్రతే కీలకంశబరిమల కేవలం ఒక పర్యాటక ప్రదేశం లేదా సాధారణ షూటింగ్ లొకేషన్ కాదని ప్రభుత్వం భావిస్తోంది. ప్రతి ఏడాది భారీ సంఖ్యలో భక్తులు అయ్యప్ప దర్శనం కోసం తరలివచ్చే నేపథ్యంలో ఆలయ పరిసరాల్లో సినిమా చిత్రీకరణ వల్ల భక్తుల రాకపోకలు, భద్రత, ఆధ్యాత్మిక వాతావరణానికి ఇబ్బందులు తలెత్తే అవకాశం ఉందని అధికారులు భావిస్తున్నారు.మోహన్లాల్ సినిమా షూటింగ్ అనుమతి వివాదం నేపథ్యంలో ప్రభుత్వం తీసుకున్న తాజా నిర్ణయంతో శబరిమలలో కమర్షియల్ సినిమాల షూటింగ్కు దాదాపు తలుపులు మూసేసినట్లయింది. ఇకపై అయ్యప్ప, ఆధ్యాత్మిక అంశాలకు సంబంధించిన చిత్రాలకు మాత్రమే ప్రత్యేక అనుమతుల అవకాశముంటుందని కేరళ దేవస్వం మంత్రి స్పష్టం చేశారు. -
కేరళలో మొదలైన ఓనం సంబారాలు.. 10 రోజుల సందడికి శ్రీకారం!
తిరువనంతపురం: కేరళలో ఆదివారం ఓనం వేడుకలు అత్యంత వైభవంగా ప్రారంభమయ్యాయి. పది రోజుల పాటు సాగే ఈ సంబరాలకు ‘అథం’వేడుకతో అంకురార్పణ జరిగింది. ఎర్నాకులం జిల్లాలోని త్రిప్పుణితురలో నిర్వహించిన ‘అథచమయం’ ఊరేగింపుతో రాష్ట్రవ్యాప్తంగా పండుగ వాతావరణం నెలకొంది. సంప్రదాయ కళారూపాలు, సంగీత వాయిద్యాల నడుమ సాగిన ఈ వేడుక ప్రజలను విశేషంగా ఆకట్టుకుంది. త్రిప్పుణితురలోని అథం నగర్లో జరిగిన అధికారిక వేడుకలను ముఖ్యమంత్రి వీడీ సతీశన్ జ్యోతి వెలిలించి ప్రారంభించారు.ప్రముఖ నటుడు జలదిష్ ఈ భారీ ఊరేగింపును జెండా ఊపి ప్రారంభించారు. ఈ సంబరాల్లో రాష్ట్రం నలుమూలల నుంచి తరలివచ్చిన సుమారు 2,000 మంది కళాకారులు పాల్గొని తమ ప్రతిభను ప్రదర్శించారు. పులికళి, వేళకళి, చెండమేళం వంటి అద్భుతమైన కేరళ సంప్రదాయ కళారూపాలు ప్రదర్శనశాలను కనువిందు చేశాయి. అథం నగర్ నుంచి ప్రారంభమై శ్రీ పూర్ణత్రయీశ ఆలయం మీదుగా వడక్కెకోట్ట వరకు సుమారు నాలుగు కిలోమీటర్ల మేర ఈ ఘనమైన ఊరేగింపు సాగింది. ఆదివారం కావడంతో భారీ జనసందోహం వస్తుందని అంచనా వేసి, అధికారులు త్రిప్పుణితురలో ఉదయం 8 నుండి మధ్యాహ్నం 3 గంటల వరకు ప్రత్యేక ట్రాఫిక్ ఆంక్షలు అమలు చేశారు.మలయాళ మాసమైన చింగంలో వచ్చే అథం... తిరువోణం రాకను సూచిస్తుంది. ఈ రోజు నుంచే ఇళ్ల ముంగిట పూలజల్లులు కురిపిస్తూ పూలపల్లెలు (పూకోలం) తీర్చిదిద్దడం ప్రారంభిస్తారు. రానున్న పది రోజుల పాటు కేరళలోని ప్రతి ఇల్లు, కూడలి పండుగ శోభతో కళకళలాడనుంది. రాబోయే ఆగస్టు 26న కేరళ ప్రజలు అత్యంత వైభవంగా 'తిరువోణం' జరుపుకోనున్నారు. మహారాజు మహాబలి జ్ఞాపకార్థం జరుపుకునే ఈ సుందర పండుగ కేరళ సంస్కృతికి ప్రతీకగా నిలుస్తోంది.ఇది కూడా చదవండి: పానీపూరీ ప్రియులకు హెచ్చరిక -
‘‘దేవుడి నుంచి ఫోన్ వచ్చింది.. అమ్మ, నాన్నను స్వర్గానికి పంపించా’’
తిరువనంతపురం: కన్న తల్లిదండ్రులను చంపాడు ఓ యువకుడు. అంతేగాక, వారిని స్వర్గానికి పంపించానని వ్యాఖ్యలు చేశాడు. కేరళలోని ఇడుక్కిలో ఈ ఘటన చోటుచేసుకుంది. 29 ఏళ్ల వ్యక్తి తన తల్లిదండ్రులను కత్తితో పొడిచి హత్య చేసినట్లు పోలీసులు శనివారం తెలిపారు.శుక్రవారం రాత్రి 9.30 గంటల సమయంలో ఎళుకుంవయల్లోని తమ ఇంట్లో తన తండ్రి ఆంటోనీ (59) తల్లి వల్సమ్మ (55)ను హత్య చేసినట్లు ఆరోపణలు రావడంతో అజీష్ను పోలీసులు అరెస్టు చేశారు. అజీష్కు గతంలో మద్యం, మాదకద్రవ్యాల వినియోగం ఉన్నట్లు పోలీసులు తెలిపారు. గతంలో అతడు వ్యసన విముక్తి కార్యక్రమంలో పాల్గొన్నాడు. ఆ కేంద్రం నుంచి తిరిగి వచ్చిన తర్వాత తరచూ తల్లిదండ్రులతో గొడవపడేవాడని పోలీసులు తెలిపారు.శుక్రవారం రాత్రి అతడు తన తల్లిదండ్రులను పలుసార్లు కత్తితో పొడిచిన తర్వాత, గాయాలతో ఉన్న ఆ దంపతుల వీడియోను చిత్రీకరించి ఓ బంధువుకు పంపినట్లు పోలీసులు తెలిపారు. ఆ బంధువు పారిష్ పూజారికి, పొరుగువారికి సమాచారం అందించారు. వారు వెంటనే ఇంటికి చేరుకునే సరికి ఆ దంపతులు మృతి చెంది ఉన్నట్లు పోలీసులు తెలిపారు.పోలీసులు తెలిపిన వివరాల ప్రకారం.. నిందితుడు తొలుత తన తల్లిని తన పక్కన కూర్చోబెట్టి ప్రార్థన చేయాలని కోరాడు. ఆమె చేసిన ప్రార్థనతో సంతృప్తి చెందక ఆమెపై దాడి చేశాడు. ఆంటోనీ అక్కడికి వచ్చి అడ్డుకునే ప్రయత్నం చేయడంతో అజీష్ ఆయనపై కూడా దాడి చేశాడు.అజీష్ను అదుపులోకి తీసుకున్న తర్వాత, “దేవుడి నుంచి ఫోన్ రావడంతో” తన తల్లిదండ్రులను “స్వర్గానికి పంపించానని” పోలీసులతో చెప్పినట్లు ఆరోపణలు ఉన్నాయి. ఇంట్లోనే ఉన్న తన అమ్మమ్మకు మాత్రం ఎలాంటి హాని చేయలేదని పోలీసులు తెలిపారు.అజీష్ అమ్మమ్మ మంచానికే పరిమితమై ఉన్నారు. ఆమెకు వినికిడి, చూపు సమస్యలు ఉన్నాయి. బంధువులు ఇంటికి చేరుకున్న తర్వాతే ఆమెకు ఘటన గురించి తెలిసిందని పోలీసులు తెలిపారు. హత్య కేసు నమోదు చేసిన నెడుంకండం పోలీసులు అజీష్ను కోర్టులో హాజరుపరిచారు. కోర్టు అతడిని న్యాయ రిమాండ్కు పంపినట్లు అధికారులు తెలిపారు. అతడి సోదరుడు విదేశాల నుంచి తిరిగి వచ్చిన తర్వాత అంత్యక్రియలు నిర్వహించనున్నారు. -
బీజేపీ ఆఫీస్లో అలా.. రైల్వే ఉద్యోగి ఇలా!
పంద్రాగస్టు వేడుకలకు సమయం దగ్గరపడుతున్న వేళ.. జాతీయ పతాకం గౌరవంపై రెండు ఘటనలు చర్చనీయాంశంగా మారాయి. కేరళలోని బీజేపీ జిల్లా కార్యాలయంలో త్రివర్ణ పతాకాలు మూలన పడేసినట్లు కనిపిస్తున్న వీడియో వైరల్ కావడంతో వివాదం రేగింది. ఈ ఘటనపై విమర్శలు వెల్లువెత్తుతుండగా.. మరో వీడియో ద్వారా జాతీయ జెండా పట్ల గౌరవం, బాధ్యతపై చర్చ మొదలైంది.కేరళలోని కాసర్గోడ్ బీజేపీ జిల్లా కార్యాలయంలో కొన్ని త్రివర్ణ పతాకాలు ఒక మూలన పడేసినట్లు చూపిస్తున్న వీడియో సోషల్ మీడియాలో వైరల్గా మారింది. దీనిపై తీవ్ర విమర్శలు వ్యక్తమయ్యాయి. జాతీయ పతాకాన్ని అవమానించారంటూ డీవైఎఫ్ఐ పోలీసులకు ఫిర్యాదు చేసింది. బాధ్యులపై చర్యలు తీసుకోవాలని కోరింది.జాతీయ పతాకాన్ని అవమానించడం చట్టం ప్రకారం ‘Prevention of Insults to National Honour Act, 1971’ కింద నేరమని అధికారులు గుర్తుచేస్తున్నారు. అయితే వైరల్ వీడియోపై బీజేపీ నుంచి అధికారిక స్పందన రావాల్సి ఉంది.BJP faces allegations of disrespecting Indian flag in Kerala's KasaragodSeveral Indian national flags were allegedly found piled up at the BJP district office in Kasaragod after a Tiranga Yatra under the Har Ghar Tiranga campaign. DYFI sought strict action and filed a complaint… pic.twitter.com/munNIIQwcJ— South First (@TheSouthfirst) August 12, 2026మరోవైపు.. రైల్వే ఉద్యోగి చేసిన ఓ చిన్న పని మాత్రం ప్రశంసలు అందుకుంది. దుమ్ముతో నిండిపోయిన రైలింజిన్ ముందు భాగంలో ఉన్న త్రివర్ణ పతాకాన్ని ఓ ఉద్యోగి నీటితో శుభ్రం చేసి, వస్త్రంతో తుడిచిన వీడియో సోషల్ మీడియాలో వైరల్గా మారింది. జాతీయ పతాకం పట్ల చూపిన గౌరవానికి నెటిజన్లు అభినందనలు తెలిపారు. సాధారణ విధుల్లో భాగంగా చేసిన పని అయినప్పటికీ.. జాతీయ చిహ్నాల పట్ల బాధ్యతను గుర్తుచేసేలా ఉందని పలువురు స్పందించారు.Yes, there may be dirt on the locomotive but the flag should be clean. Small gesture, big message! 🙏🤎 #HarGharTiranga #IndianRailways pic.twitter.com/iGlLXEtMM3— Ananth Rupanagudi (@AnanthOnTrack) August 12, 2026ఒకవైపు పతాకాల నిర్లక్ష్యంపై వివాదం.. మరోవైపు పతాకానికి గౌరవం తెలిపిన చర్య.. జాతీయ జెండా పట్ల మన బాధ్యతపై మరోసారి చర్చకు దారితీశాయి. -
భర్తని వదిలేసి కండక్టర్ తో జంప్..!
-
కేరళం బిల్లుకు రాజ్యసభ ఆమోదం
సాక్షి, ఢిల్లీ: కేరళ రాష్ట్రం పేరును ‘కేరళం’గా మార్చే బిల్లుకు పార్లమెంట్ ఉభయ సభల ఆమోదం లభించింది. బుధవారం రాజ్యసభలో ఈ బిల్లును వాయిస్ ఓటుతో ఆమోదించారు. అంతకుముందు మంగళవారం లోక్సభ బిల్లుకు ఆమోదం తెలిపింది. దీంతో కేరళ పేరును అధికారికంగా ‘కేరళం’గా మార్చే ప్రక్రియ తుదిదశకు చేరుకుంది.రాష్ట్రం పేరును మార్చాలని కోరుతూ కేరళ అసెంబ్లీ 2024లో తీర్మానం చేసింది. ఈ మేరకు రాష్ట్ర అసెంబ్లీ ఆమోదించిన తీర్మానాన్ని కేరళ ప్రభుత్వం 2024 జూన్లో కేంద్రానికి పంపించింది. రాష్ట్ర ప్రజల భాషా, సాంస్కృతిక గుర్తింపుకు అనుగుణంగా ‘కేరళం’ పేరును అధికారికంగా గుర్తించాలని రాష్ట్ర ప్రభుత్వం కేంద్రాన్ని కోరింది.అనంతరం రాష్ట్రపతి ఈ పేరు మార్పు బిల్లును కేరళ శాసనసభకు పంపించి, దానిపై రాష్ట్ర శాసనసభ అభిప్రాయం తెలియజేయాలని కోరారు. దీనిపై కేరళ అసెంబ్లీ మరోసారి చర్చించి, బిల్లుకు మద్దతు తెలుపుతూ ఏకగ్రీవ తీర్మానం ఆమోదించింది. రాష్ట్ర శాసనసభ నుంచి వచ్చిన ఈ అంగీకారంతో కేంద్రం పేరుమార్పు ప్రక్రియను ముందుకు తీసుకెళ్లింది.కేరళ (పేరు మార్పు) బిల్లు ప్రకారం రాష్ట్రం పేరును ‘కేరళ’ నుంచి ‘కేరళం’గా మార్చేందుకు రాజ్యాంగంలో అవసరమైన సవరణలు చేయనున్నారు. రాజ్యాంగంలోని మొదటి షెడ్యూల్లో, ఆర్టికల్ 3 ప్రకారం ‘కేరళ’ పేరును ‘కేరళం’గా మార్చేలా సవరణలు ఉంటాయి. రాష్ట్రం పేరు మార్పుతో సంబంధం ఉన్న ఇతర రాజ్యాంగ నిబంధనల్లోనూ అవసరమైన మార్పులు, తదనుగుణమైన నిబంధనలను బిల్లు కలిగి ఉంది. పార్లమెంట్ ఉభయ సభల ఆమోదం లభించింది ఇక రాష్ట్రపతి ఆమోదం లభిస్తే ఇక రాష్ట్రం పేరు అధికారికంగా ‘కేరళం’గా మారనుంది. -
లుంగీ వాలా వ్యాఖ్యలపై రాజ్యసభలో రచ్చ బీజేపీ ఎంపీ పై కేరళ ఎంపీ సీరియస్
-
ఆమె కండక్టర్తో వెళ్లిపోయింది.. అంతే!
వివాహేతర సంబంధాల మోజులో.. నేరాలు-ఘోరాలు జరుగుతున్న కాలం ఇది. కట్టుకున్న బంధాలను పక్కన పెట్టి క్షణిక సుఖాల కోసం తీసుకుంటున్న నిర్ణయాలు ఎన్నో కుటుంబాలను రోడ్డున పడేస్తున్నాయి. అనుమానాలు, ఆవేదనలు, ఆగ్రహాలతో పలు ఘటనలు తీవ్ర పరిణామాలకు దారి తీస్తున్నాయి. ఇలాంటి పరిస్థితుల్లో ఓ వ్యక్తి.. అందునా సోషల్ మీడియాలో బాగా పాపులర్ అయిన వ్యక్తి, అందమైన తన భార్య ఓ కండక్టర్కి మనసిచ్చి వెళ్లిపోయిందంటూ నేరుగా వీడియో రిలీజ్ చేయడం సంచలన చర్చకు దారి తీసింది.మలయాళ సోషల్ మీడియా ఇన్ఫ్లుయెన్సర్, నటుడు అఖిల్ NRD వ్యక్తిగత జీవితం ప్రస్తుతం సోషల్ మీడియాలో తీవ్ర చర్చకు దారితీసింది. తన భార్య మేఘా ఓ కండక్గర్తో వెళ్లిపోయిందని నేరుగా ఆయనే వీడియో విడుదల చేయడం నెటిజన్లను షాక్కు గురి చేసింది. నైటీలో లగేజీతో ఆమె స్పీడ్గా వెళ్లి.. ఓ వ్యక్తితో కలిసి అక్కడి నుంచి వెళ్లిపోయింది. వివాహేతర సంబంధాల నేరాల నేపథ్యంలో ఈ ఘటన తీవ్ర చర్చనీయాంశమైంది. CCTV visuals are currently going viral on social media, claiming that Kerala YouTuber Akhil NRD's wife, Megha Nair, has run away with a bus conductor. Watch the video to see the reality behind it! 👇 pic.twitter.com/N9WUns571W— Vijitha (@Vijitha96) August 11, 2026అయితే భర్తను చంపకుండా వదిలేసి వెళ్లిపోయింది ఆమె గ్రేట్ అంటూ కొందరు.. ప్రేమించి పెళ్లి చేసుకుని ఇదేం పని? అని మరికొందరు.. ఆ కండక్టర్లో ఆమెకేం నచ్చిందో అని మరికొందరు ఇలా కామెంట్ల రచ్చతో చర్చకు దారి తీశారు. ఈ నేపథ్యంలో.. ఈ పరిణామంపై అఖిల్ స్నేహితుడు, మాజీ బిగ్బాస్ కంటెస్టెంట్ సాయి కృష్ణ స్పందించడంతో మరింత ఆసక్తి నెలకొంది. అఖిల్-మేఘా వివాహానికి తాను హాజరయ్యానని చెప్పిన సాయి కృష్ణ.. ఈ వార్త విని తాను షాక్కు గురయ్యానని తెలిపారు. ఈ విషయంపై అఖిల్తో మాట్లాడానని, అయితే ఈ విషయంలో ఎవరినీ నిందించేందుకు అఖిల్ ఇష్టపడటం లేదని పేర్కొన్నారు.“ఆమె వెళ్లిపోయింది.. అంతే!”భార్య చేసిన నమ్మక ద్రోహంపై అఖిల్ రియాక్షన్ను సాయి కృష్ణ మీడియాకు వెల్లడించాడు. ఆమె వెళ్లిపోయింది అంతే అని ఒక్క ముక్కలో తేల్చేశాడు. ‘‘ఈ విషయంలో ఎవరినీ తప్పుబట్టను..నిందించను. దేవుడు నాకు ఇలా రాసిపెట్టాడు. ఇలాంటి పరిస్థితులు ఎవరి జీవితంలోనైనా ఎదురవుతాయి. నా తల్లిదండ్రులు నాకు మద్దతుగా నిలిచారు. ఈ విషయంలో నేను అదృష్టవంతుడిననే అనుకుంటున్నా. ఈ విషయాన్ని మరింతగా చర్చించడం ఇష్టం లేదు’’ అంటూ అఖిల్ అన్నాడట.సోషల్ మీడియాలో ఈ వ్యవహారంపై వస్తున్న చర్చలపై కూడా సాయి కృష్ణ స్పందించారు. పరిచయమైన వ్యక్తుల వ్యక్తిగత జీవితాల్లో సమస్యలు వచ్చినప్పుడు వాటిని సంచలనంగా మార్చకుండా, కొంత బాధ్యతతో వ్యవహరించాలని సూచించారు.మెర్చంట్ నేవీ నుంచి సోషల్ మీడియా స్టార్..అఖిల్ ఎన్ఆర్డీ ప్రయాణం కూడా ప్రత్యేకమైనదే. తొలుత ఆయన మెర్చంట్ నేవీలో పనిచేశాడు. ఆ తర్వాత డిజిటల్ కంటెంట్పై ఆసక్తితో ఆ రంగంలోకి అడుగుపెట్టాడు. టిక్టాక్ ద్వారా వీడియోలు చేయడం ప్రారంభించి.. కామెడీ వీడియోలు, లైఫ్స్టైల్ కంటెంట్, వ్లాగ్స్తో భారీగా ఫాలోవర్స్ను సంపాదించుకున్నాడు. తర్వాత యూట్యూబ్, ఇన్స్టాగ్రామ్లోనూ తనకంటూ ప్రత్యేక గుర్తింపు తెచ్చుకున్నాడు. ఆయన యూట్యూబ్ ఛానల్కు లక్షలాది మంది ఫాలోవర్లు ఉన్నారు. సోషల్ మీడియా పాపులారిటీతో నటుడిగానూ అవకాశాలు అందుకున్నాడు.సినిమాల్లోకి ఎంట్రీసోషల్ మీడియా స్టార్ నుంచి మాలీవుడ్లో చిన్నాచితకా అవకాశాలు అందుకున్నాడు అఖిల్. 2026లో మలయాళ చిత్రం ‘ఆశకల్ ఆయిరం’ ద్వారా నటుడిగా తెరంగేట్రం చేశాడు. ఆ తర్వాత ‘మహారాజా హాస్టల్’ చిత్రంలోనూ నటించాడు. సోషల్ మీడియా స్టార్ నుంచి సినిమా నటుడిగా ఆయన ప్రయాణం కొనసాగుతోంది.2024లో వివాహం..అఖిల్, మేఘా కొంతకాలం ప్రేమలో ఉన్న అనంతరం 2024లో వివాహం చేసుకున్నారు. మేఘా కూడా అఖిల్ సోషల్ మీడియా పోస్టుల్లో కనిపించేవారు. వీరి జంటకు అభిమానుల్లో మంచి గుర్తింపు ఉంది. ప్రస్తుతం వీరి వ్యక్తిగత జీవితానికి సంబంధించిన అంశం సోషల్ మీడియాలో వైరల్గా మారింది. జరిగిన దానిపై మేఘగానీ, ఆమె కుటుంబంగానీ ఇంకా స్పందించలేదు. అయితే.. అఖిల్ వీడియో రిలీజ్ చేశాక ‘‘ఇది కూడా సోషల్ మీడియా స్టంటేనా?’’ అని కొందరు అనుమానం సైతం వ్యక్తం చేశారు. -
టీజీ మోహన్దాస్ అరెస్ట్
తిరువనంతపురం: మితవాద రాజకీయ వ్యాఖ్యాత టీజీ మోహన్దాస్ను కేరళ పోలీసులు అరెస్ట్ చేశారు. కొచ్చిలోని కూవపదంలో తన నివాసంలో ఉన్న ఆయనను ఆదివారం రాత్రి అదుపులోకి తీసుకున్నారు. అక్కడ నుంచి తిరువనంతపురం సైబర్ పోలీస్ స్టేషన్కు ఆయనను తరలించారు. ఆయనను ఈ రోజు సాయంత్రం సంబంధిత మేజిస్ట్రేట్ కోర్టులో హాజరుపరుస్తారని పోలీసులు తెలిపారు. ఆయన నివాసం నుంచి డిజిటల్ పరికరాలను స్వాధీనం చేసుకున్నట్టు వెల్లడించారు. వీటిని కోర్టుకు సమర్పించిన ఫోరెన్సిక్ విశ్లేషణ కోసం పంపుతామని తెలిపారు. తదుపరి దర్యాప్తు జరిపిన తర్వాత మోహన్దాస్పై మరిన్ని అభియోగాలు నమోదు చేసే అవకాశముందని తెలుస్తోంది.నీట్ ప్రశ్నపత్రం లీకేజీ వ్యవహారంపై ఢిల్లీలోని జంతర్ మంతర్ వద్ద జరిగిన విద్యార్థుల పోరాటంపై మోహన్దాస్ (TG Mohandas) వివాదాస్పద వ్యాఖ్యలు చేశారు. తన యూట్యూబ్ చానల్ ‘పత్రిక’లో పోస్ట్ చేసిన వీడియోలో ఈ మాటలు మాట్లాడారు. తానే గనక తాను నియంత్రించే బాధ్యతలో ఉండి ఉంటే విద్యార్థి ఆందోళనకారులపై భద్రతా బలగాలతో కాల్పులు జరిపించి చెదరగొట్టే వాడినని వ్యాఖ్యానించారు. అక్కడితో ఆగకుండా యువతలు, మహిళలపై అసభ్యకరంగా మాట్లాడారు. మహిళా ఆందోళనకారులను "అత్యాచారాలను ఇష్టపడే మహిళలు" అంటూ వ్యాఖ్యానించారు. వారిపై సామూహిక అత్యాచారాలు జరుగుతాయంటూ నోరు పారేసుకున్నారు. ఈ నేపథ్యంలో ఆయనపై గత నెల చివరి వారంలో పోలీసులకు ఫిర్యాదులు అందాయి. అరెస్టు జాప్యంపై విమర్శలుమోహన్దాస్ను అరెస్ట్ చేయడంలో యూపీఎఫ్ ప్రభుత్వం తాత్సారం చేసిందని ప్రతిపక్ష ఎల్డీఎఫ్ ఆరోపించింది. గత నెలలో కేసు నమోదైతే ఇప్పటి వరకు ఎందుకు అరెస్ట్ చేయలేదని ప్రశ్నించింది. మోహన్దాస్ అరెస్ట్ విషయంలో పోలీసులు చట్టప్రకారమే ముందుకు వెళ్లారని హోం మంత్రి రమేష్ చెన్నితాల చెప్పారు. ఇదే అంశంపై ఏఐసీసీ ప్రధాన కార్యదర్శి కేసీ వేణుగోపాల్ కూడా స్పందించారు. బాధ్యులపై చర్యలు తీసుకునే సామర్థ్యం కేరళ పోలీసులకు ఉందని వ్యాఖ్యానించారు. చదవండి: 'ఆమెకు ఏమైనా జరిగితే సుప్రీంకోర్టు జడ్జిదే బాధ్యత'ఆర్ఎస్ఎస్తో సంబంధం లేదుతమ సంస్థతో మోహన్దాస్కు ఎటువంటి సంబంధం లేదని రాష్ట్రీయ స్వయం సేవక్సంఘ్ (ఆర్ఎస్ఎస్) ప్రకటించింది. తమ సంస్థలో ఎలాంటి పదవిలో గానీ, బాధ్యతలో గానీ ఆయన లేరని దక్షిణ కేరళం ప్రాంత సహ కార్యవాహ కె.బి. శ్రీకుమార్ తెలిపారు. ఆయన వ్యక్తిగత అభిప్రాయాలతో తమకు సంబంధం లేదన్నారు. ఇటువంటి అభిప్రాయాలను ఆర్ఎస్ఎస్ అత్యంత తీవ్రంగా ఖండింస్తుందని చెప్పారు. -
‘నీట్’లో 640.. అయినా ప్రభుత్వ సీటు గల్లంతు
వడకంచెరి: కేరళలోని వడకంచెరికి చెందిన నీట్-యూజీ(NEET-UG) 2024 అభ్యర్థి అంజలి ఎస్ ప్రవేశ పరీక్షలో 640 మార్కులు సాధించినప్పటికీ, ప్రభుత్వ మెడికల్ సీటు పొందలేకపోయానని, ప్రస్తుతం ప్రైవేట్ కాలేజీలో ఏటా రూ. 10 లక్షలు చెల్లించి చదువుకోవాల్సి వస్తోందని ఆరోపించారు. పరీక్షలో జరిగిన అక్రమాల వల్లే తనకు ఈ దుస్థితి దాపురించిందని ఆమె వాపోయారు. కాగా ఈ ఏడాది పరీక్షల నిర్వహణలో పెద్దఎత్తున అవకతవకలు జరిగాయని అంజలి ఆరోపించారు.తాము ముందుగా అంచనా వేసిన ర్యాంకులు, లభ్యత ఉన్న సీట్ల ఆధారంగా ప్రభుత్వ వైద్య కళాశాలలో సీటు ఖాయమని ఎంతో ధీమాగా ఉన్నామని, కానీ అనూహ్యంగా ప్రభుత్వ సీటు రాకపోవడంతో ప్రైవేట్ యాజమాన్య కోటాలో చేరాల్సి వచ్చిందని, దీనివల్ల తమ కుటుంబంపై తీవ్రమైన ఆర్థిక భారం పడిందని ఆమె ఆవేదన వ్యక్తం చేశారు.ఈ వైఫల్యానికి కారణమైన బాధ్యులు స్పందించి, నష్టపోయిన విద్యార్థులకు న్యాయం చేయాలని ఆమె డిమాండ్ చేశారు. ఈ మేరకు ప్రధాని నరేంద్ర మోదీకి, లోక్సభలో ప్రతిపక్ష నేత రాహుల్ గాంధీకి శనివారం ఈ-మెయిల్ ద్వారా వినతిపత్రం పంపినట్లు అంజలి వెల్లడించారు. నీట్-2024 పరీక్షల వివాదాలు, గ్రేస్ మార్కుల కేటాయింపు వంటి అంశాలు దేశవ్యాప్తంగా పెద్దఎత్తున నిరసనలకు దారితీసిన సంగతి తెలిసిందే.ఇది కూడా చదవండి: రష్యా నుంచి భారత్కు రైలు.. కొత్త కారిడార్ ప్లాన్? -
కేరళలో బస్సు బీభత్సం.. ఇద్దరు మృతి.. పలువురికి గాయాలు
-
రాజేష్ మృతిపై సీఎం వీడీ సతీషన్ తీవ్ర దిగ్భ్రాంతి
తిరువనంతపురం : కేరళలోని కన్నూర్ జిల్లాలో సంభవించిన ఆకస్మిక వరదల్లో రైతును కాపాడుతూ తిరువనంతపురానికి చెందిన 36 ఏళ్ల రెస్క్యూ వాలంటీర్ ఆర్.రాజేష్ వీరమరణం పొందారు. తాను కాపాడిన రైతు మునిగిపోతుండటం గమనించి, తన ఒంటిపై ఉన్న లైఫ్ జాకెట్ను తీసి అతనికి తొడిగి, తాను మాత్రం వరద ఉధృతికి ప్రాణాలు కోల్పోవడంపై కేరళ సీఎం వీడీ సతీషన్ విచారం వ్యక్తం చేశారు. ఈమేరకు రాజేష్ సహాసాన్ని గుర్తు చేసుకుంటూ ఎక్స్ వేదికగా ట్వీట్ చేశారు. ఆ ట్వీట్లో రాజేష్ నిస్వార్థ గుణం, ఆయన చూపిన అసాధారణ హీరోయిజం కేరళ చరిత్రలో ఎప్పటికీ నిలిచిపోతాయి. సమాజం ఆయనను ఎప్పటికీ మరువదు’అని భావోద్వేగంతో పోస్టు చేశారు. ఆగస్టు 1 కురిసిన భారీ వర్షాలకు కన్నూర్ జిల్లా చెరుపుళా పరిధిలోని కరియాంగోడ్ నది ఉప్పొంగింది. కొండచరియలు విరిగిపడ్డాయనే సమాచారంతో తన కాఫీ తోటను పరిశీలించేందుకు వెళ్లిన రైతు బెన్నీ (61) ఆకస్మిక వరదల్లో చిక్కుకుపోయారు. మీన్తుల్లి జలపాతం వద్ద రాపెల్లింగ్ ఇన్స్ట్రక్టర్గా పనిచేస్తున్న రాజేష్, తన తోటి వాలంటీర్లు షిబిన్, జితిన్లతో కలిసి సమాచారం అందిన వెంటనే రంగంలోకి దిగారు. ఉధృతంగా ప్రవహిస్తున్న కరియాంగోడ్ నదిని ఈదుకుంటూ వెళ్లి రైతు బెన్నీని సురక్షితంగా ఒడ్డుకు తీసుకువచ్చేందుకు ప్రయత్నించారు.తిరుగు ప్రయాణంలో నది ఒడ్డుకు చేరుకునే క్రమంలో వృద్ధుడైన బెన్నీ నీటిలో మునిగిపోతూ కొట్టుమిట్టాడుతుండటాన్ని రాజేష్ గమనించారు. ఏమాత్రం ఆలోచించకుండా తన ప్రాణాలకు రక్షణగా ఉన్న లైఫ్ జాకెట్ను విప్పి బెన్నీకి తగిలించారు. ఆ తర్వాత సేఫ్టీ రోప్ పట్టుకుని ఒడ్డుకు రావడానికి ప్రయత్నిస్తుండగా, నది ఒడ్డున పట్టు తప్పి రాజేష్ వరద ప్రవాహంలో కొట్టుకుపోయారు. రెండు రోజుల తర్వాత రాజేష్ మృతదేహం లభ్యమైంది.విపత్తుల్లో ముందుండే హీరోరాజేష్ కేవలం ఈ ఒక్కసారే కాదు, కేరళను ముంచెత్తిన గత విపత్తుల్లోనూ వందలాది ప్రాణాలను కాపాడారు.2018 కేరళ మహా వరదలు, అలాగే 2024 వయనాడ్ కొండచరియలు విరిగిపడిన దారుణ ఉదంతాల్లో ఆయన రెస్క్యూ వాలంటీర్గా ముందుండి సేవలందించారు.ఆయన 'అడ్వెంచర్ డిజాస్టర్ సొసైటీ'లో సభ్యుడిగా ఉంటూ, ఇతరులకు వాటర్ సేఫ్టీ, రోప్ రెస్క్యూలపై శిక్షణ ఇచ్చే నిపుణుడు. రాజేష్ మృతిపై కేరళ ప్రజలు సంతాపం వ్యక్తం చేస్తున్నారు. సీఎం వీడీ సతీషన్ మాట్లాడుతూ.. రాజేష్ అత్యున్నత త్యాగం చేశాడు. ఆయన కుటుంబానికి నా గాఢ సానుభూతి. రాజేష్ నిర్మించుకుంటున్న ఇంటిని ప్రభుత్వమే పూర్తి చేస్తుంది. ఆయన కుటుంబాన్ని అన్ని విధాలా ఆదుకుంటాం" అని ముఖ్యమంత్రి ప్రకటించారు.Paying tributes to disaster response trainer R. Rajesh, who made the ultimate sacrifice by giving his life jacket to save another during flash floods in Cherupuzha. Met his grieving family to offer deepest condolences.The Govt will complete the construction of his unfinished… pic.twitter.com/6GsC9K9V1g— V D Satheesan (@vdsatheesan) August 5, 2026 ఆగస్టు 1 నుండి కేరళను కుండపోత వర్షాలు ముంచెత్తుతున్నాయి. ఇప్పటివరకు వర్షాల కారణంగా కనీసం 20 మంది మరణించగా, నలుగురు గల్లంతయ్యారు. 12,000 మందికి పైగా ప్రజలను 300 సహాయక శిబిరాలకు తరలించారు. పతనంతిట్ట, కొట్టాయం, ఇడుక్కి, కన్నూర్, వయనాడ్ జిల్లాలకు వాతావరణ శాఖ రెడ్ అలర్ట్ జారీ చేసింది. సుమారు 165 హెక్టార్లలో పంట నష్టం వాటిల్లింది. -
‘రక్త సంబంధం’.. ఇది సీరియల్ కాదు.. సినిమా కానే కాదు!
చెన్నై: తమిళనాడుకు చెందిన నలుగురు తోబుట్టువులు అనుకోని విషాదాల కారణంగా చిన్నతనంలోనే విడిపోయారు. 26 ఏళ్ల సుదీర్ఘ విరామం తర్వాత, ఒక పెళ్లి ఫొటో సాయంతో మళ్లీ ఒక్కటయ్యారు. కేరళలోని ఆశ్రయ్ చిల్డ్రన్స్ హోమ్లో కనిపించిన ఈ భావోద్వేగ ఉదంతం అందరినీ కంటతడి పెట్టించింది. తమిళనాడులోని కళ్లకురిచ్చికి చెందిన ఈ కుటుంబంలో తల్లి ఆత్మహత్య చేసుకోవడంతో పిల్లలు అనాథలయ్యారు. తండ్రి మద్యానికి బానిస కావడంతో పెద్ద కుమార్తె సరస్వతి (5), శరణ్య (4), కుమారులు సురేష్, ఉమేష్ రోడ్డుపాలయ్యారు.తండ్రి తన కుమార్తె శరణ్యను వేరే కుటుంబానికి విక్రయించి, మిగతా ముగ్గురు పిల్లలతో కేరళకు వలస వెళ్లాడు. 2002లో కన్నూరులో చిన్నారుల దుస్థితిని చూసిన కొల్లంనకు చెందిన అధికారి కలయపురమ్ జోస్, ఆయన భార్య మినీ వారిని చేరదీసి 'ఆశ్రయ్ చిల్డ్రన్స్ హోమ్'ను ఏర్పాటు చేసి పెంచారు. సరస్వతి సోషల్ వర్క్లో మాస్టర్స్ పూర్తి చేసి, రెండేళ్ల క్రితం కన్నూరుకు చెందిన నితిన్ను వివాహం చేసుకుంది. తమ్ముళ్లు సురేష్, ఉమేష్ ఐటీఐ పూర్తి చేసి ప్రైవేట్ ఉద్యోగాలు చేస్తున్నారు.మరోవైపు శరణ్య సేలంలో పెరిగి, ఎం.ఈడీ పూర్తి చేసి ఉపాధ్యాయురాలిగా స్థిరపడి హైదరాబాద్కు చెందిన రఘురామ్ను వివాహం చేసుకుంది. తోబుట్టువుల కోసం వెదుకుతున్న తరుణంలో శరణ్యకు రెండేళ్ల క్రితం జరిగిన సరస్వతి వివాహ వార్త, ఫొటోలు దొరికాయి. ఆ ఫొటోలోని మహిళతో తనకు ఉన్న పోలికల ఆధారంగా ఆమె కేరళలోని ఆశ్రయ్ను సంప్రదించింది. చివరకు శరణ్య తన భర్త, పిల్లలతో హైదరాబాద్ నుంచి రాగా, సరస్వతి తన భర్తతో కన్నూరు నుంచి వచ్చి ఆశ్రయ్లో కలుసుకున్నారు. 26 ఏళ్ల తర్వాత నలుగురు తోబుట్టువులు ఒకరినొకరు హత్తుకుని కన్నీటిపర్యంతమయ్యారు. ఈ అపూర్వ దృశ్యాన్ని చూసిన నిర్వాహకులు, స్థానికులు భావోద్వేగానికి గురయ్యారు.ఇది కూడా చదవండి: ‘బిగ్ బీ’ రికార్డు: 83 ఏళ్ల వయసులో 24 గంటల షిఫ్ట్! -
కేరళ వరదల్లో అమ్మ సాహసం!
బయట కుండపోత వర్షం. అందరూ గాఢనిద్రలో ఉన్నారు. సరిగ్గా అదే సమయంలో మృత్యువు ఆ ఇల్లాలి తలుపు తట్టింది. క్షణాల్లో ఇల్లు కూలిపోతోంది. ఆమె తల పగిలి రక్తం కారుతోంది. కానీ, ఆమెలో ఎక్కడ లేని బలం వచ్చింది. నొప్పినీ, భయాన్నీ పక్కన పెట్టి కాలంతో పరుగు తీసింది. కుప్పకూలుతున్న ఇంటి శిథిలాల నుంచి తన కుటుంబాన్ని ప్రాణాలతో బయటకు లాక్కొచ్చింది. కేరళలోని పయ్యన్నూరులో భయానక వరద విపత్తులో 54 ఏళ్ల ఇందూ దామోదరన్ చూపిన మాతృహృదయం ఇది.కేరళను గత నాలుగు రోజులుగా ఎడతెరిపి లేని భారీ వర్షాలు ముంచెత్తుతున్నాయి. ఉప్పొంగుతున్న నదులు. విరిగిపడుతున్న కొండచరియలు. అతలాకుతలమవుతున్న సామాన్య జీవితాలు. కానీ, ప్రకృతి సృష్టించిన ఈ మహా బీభత్సంలో ఒక సామాన్య మహిళ సృష్టించిన అద్భుతం ఇవాళ కేరళ వ్యాప్తంగా వైరల్గా నిలిచింది. కన్నూర్కి 40 కిలోమీటర్ల దూరంలో ఉన్న పయ్యన్నూర్ మున్సిపాలిటీలోని కేలోత్ గ్రామంలో నివసిస్తున్న ఇందూ దామోదరన్ అనే మహిళ ఒక తల్లిగా, ఇల్లాలుగా విపత్కర పరిస్థితుల్లో తీసుకున్న నిర్ణయం ఐదుగురు ప్రాణాలను కాపాడింది. అది కేవలం సమయస్ఫూర్తి కాదు, మరణాన్ని సైతం ఎదిరించిన మాతృమూర్తి ధైర్యం.అర్ధరాత్రి ప్రళయం.. గత నాలుగు రోజులుగా కురుస్తున్న భారీ వర్షాలకు కేలోత్ గ్రామంలోని లోతట్టు ప్రాంతాలన్నీ ఇప్పటికే జలమయమయ్యాయి. ఆగస్టు 3 అర్ధరాత్రి దాటిన సమయం. ఇందూ దామోదరన్ తన పూర్వీకుల ఇంట్లో కుటుంబ సభ్యులతో కలిసి నిద్రిస్తోంది. ఆ సమయంలో భర్త దామోదరన్ ఏదో పని మీద వేరే ఊరిలో ఉన్నారు. బయట వర్షం బీభత్సంగా కురుస్తుండగా ఒక్కసారిగా ఒక పెద్ద శబ్దంతో ఇంటి పైకప్పు భాగం కూలి ఇందూ తలపై పడింది.ఆ దెబ్బకు ఆమె తల పగిలి, రక్తం ధారగా కారడం ప్రారంభమైంది. తీవ్రమైన నొప్పితో కళ్లు బైర్లు కమ్మే పరిస్థితి. సాధారణంగా ఏ మనిషైనా ఆ సమయంలో భయంతో కేకలు వేస్తూ పడిపోతారు. కానీ, ఇందూ చుట్టూ చూసింది. పక్కనే గాఢ నిద్రలో ఉన్న వృద్ధురాలైన తల్లి, సోదరి, 14 ఏళ్ల కుమారుడు, 13 ఏళ్ల మేనల్లుడు ఉన్నారు. ఇంకా ముఖ్యం ఐదేళ్ల వయసున్న చిన్న మేనల్లుడు నిద్రపోతున్నాడు. తాను పడిపోతే వీరంతా ఈ శిథిలాల కింద సమాధి అయిపోతారని ఆమెకు అర్థమైంది. అంతే, తల నుంచి కారుతున్న నెత్తుటిని తుడుచుకునే తీరిక కూడా లేకుండా ఆమె కదిలింది.మృత్యుగృహం నుంచి సురక్షిత తీరానికి...నెత్తురు ఓడుతున్న శరీరంతోనే ఇందు ఒక్కొక్కరినీ నిద్ర లేపింది. ఇల్లు కూలిపోతోంది, వెంటనే బయటకు రండంటూ కేకలు వేసింది. ఆ సమయంలో బయట ఊరంతా వరద నీరు చేరడం, అర్ధరాత్రి గాఢాంధకారం కావడం వల్ల చుట్టుపక్కల వాళ్ళు కూడా తమ ఇళ్లను కాపాడుకునే కంగారులో ఉన్నారు.ఎవరి సహాయం కోసం ఎదురుచూడకుండా భయంతో వణికిపోతున్న చిన్నపిల్లాడు పార్థివ్ను, నడవలేని స్థితిలో ఉన్న తన తల్లిని చేతుల్లోకి తీసుకుని, కాంక్రీట్ ముక్కలు పడుతున్నా లెక్కచేయకుండా వాకిట్లోకి పరుగెత్తింది ఇందూ. ఆమె వెనుకే మిగిలిన కుటుంబ సభ్యులు కూడా ప్రాణభయంతో బయటకు వచ్చారు. వారు వాకిట్లోకి వచ్చి, అడుగు దూరంలో ఉన్న సురక్షితమైన తోటలోకి చేరుకున్నారో లేదో... పెద్ద శబ్దంతో ఆ ఇల్లు పూర్తిగా నేలమట్టమైంది. కేవలం కొన్ని సెకన్ల వ్యవధి. ఇందూ గనుక ఆ నెత్తురు చూసి భయపడి ఉంటే, ఆ కొన్ని సెకన్లు ఆలస్యమై ఉంటే... ఇవాళ ఆ కుటుంబం ప్రాణాలతో ఉండేది కాదు.మాతృత్వపు అసాధారణ శక్తిప్రకృతి విపత్తుల ముందు మనుషులు ఎంత బలహీనులో మనం చూస్తూనే ఉంటాం. కానీ, అదే ప్రకృతి విపత్తును ఒక స్త్రీ తన సంకల్పబలంతో ఎలా ఎదిరించిందో ఈ ఘటన నిరూపించింది. పక్కన భర్త లేకపోయినా, ఊరంతా వరద ముంచెత్తినా, తీవ్రమైన గాయాలతో ఒంటరిగా పోరాడి గెలిచింది.ప్రస్తుతం హాస్పిటల్లో చికిత్స పొందుతున్న ఇందూను చూసి వైద్యులు సైతం ఆశ్చర్యపోతున్నారు. ఆ సమయంలో ఆమెకు కలిగిన శారీరక నొప్పి కంటే, తన కుటుంబం ఏమైపోతుందనే మానసిక ఆందోళనే ఆమెను నడిపించిందన్నారు. కేరళ వరదల్లో ఇందూ దామోదరన్ ఒక సాధారణ బాధితురాలిగా మిగిలిపోలేదు; విపత్తుల కంటే మనుషుల ఆత్మవిశ్వాసం, బంధాల మీద ఉండే ప్రేమ చాలా శక్తిమంతమైనవని నిరూపించింది. సెల్యూట్ ఇందూ దామోదరన్! -
కేరళలో కుండపోత.. ఎడ తెగని వానలు
-
Kerala: ఎడతెగని వర్ష బీభత్సం.. విద్యా సంస్థలకు సెలవు
తిరువనంతపురం: కేరళలో ఎడతెగని విధంగా కురుస్తున్న భారీ వర్షాలు బీభత్సం సృష్టిస్తున్నాయి. రాష్ట్రవ్యాప్తంగా కురుస్తున్న వానల కారణంగా భారత వాతావరణ శాఖ (ఐఎండీ) సోమవారం కేరళలోని మొత్తం 14 జిల్లాలకు ‘ఎల్లో అలర్ట్’ జారీ చేసింది. భారీ వర్షాల ధాటికి పలు జిల్లాల్లో జనజీవనం అస్తవ్యస్తమైంది. విద్యార్థుల భద్రత దృష్ట్యా కాసరగోడ్, కన్నూర్, వాయనాడ్, పతనంతిట్ట, కొట్టాయం, ఇడుక్కి, త్రిసూర్, మలప్పురం తదితర జిల్లాల్లోని విద్యాసంస్థలకు జిల్లా యంత్రాంగాలు సెలవు ప్రకటించాయి.అలాగే ఆలప్పుళ జిల్లాలోని చెంగన్నూర్, కుట్టనాడ్ తాలూకాలు, ఎర్నాకులం పరిధిలోని విద్యాసంస్థలను మూసివేశారు. ఈ సెలవు పాఠశాలలు, వృత్తి విద్యా సంస్థలు, అంగన్వాడీలు, మతపరమైన విద్యా సంస్థలన్నింటికీ వర్తిస్తుందని కలెక్టర్లు స్పష్టం చేశారు. రాష్ట్రంలో ఇప్పటివరకు భారీ వర్షాల కారణంగా ఎనిమిది మంది ప్రాణాలు కోల్పోయారు. మరో ఎనిమిది మంది గల్లంతు కాగా, 13 మంది గాయపడ్డారు. వరదలు, కొండచරلలు విరిగిపడటం వల్ల భారీగా ఆస్తి నష్టం వాటిల్లింది. 27 ఇళ్లు పూర్తిగా, 196 ఇళ్లు పాక్షికంగా ధ్వంసమయ్యాయి.బాధితుల కోసం రాష్ట్రవ్యాప్తంగా 209 సహాయ శిబిరాలను ఏర్పాటు చేసి, 5,792 మందిని సురక్షిత ప్రాంతాలకు తరలించారు. నిరాశ్రయులైన వారికి, మృతుల కుటుంబాలకు ప్రభుత్వం తగిన ఆర్థిక సాయం అందిస్తుందని అధికారులు తెలిపారు. వచ్చే రెండు రోజుల్లో వర్షాల తీవ్రత కొంత తగ్గుముఖం పట్టే అవకాశం ఉందని వాతావరణ శాఖ అంచనా వేసింది. అయితే కొన్ని ప్రాంతాల్లో గంటకు 40 నుంచి 50 కిలోమీటర్ల వేగంతో ఈదురుగాలులు వీచే అవకాశం ఉందని, ప్రజలు అప్రమత్తంగా ఉండాలని అధికారులు హెచ్చరించారు.ఇది కూడా చదవండి: మనిషి డీఎన్ఏలో అజ్ఞాత పూర్వీకుల ఆనవాళ్లు! -
కేరళలో వర్ష బీభత్సం
తిరువనంతపురం: కేరళలో రెండు రోజులుగా కురుస్తున్న భారీ వర్షాలు తీవ్రనష్టం మిగిల్చాయి. వర్షాలకు సంబంధించిన ఘటనల్లో 8 మంది చనిపోగా మరో 8 మంది గల్లంతయ్యారు. కనీసం 13 మంది గాయపడ్డారు. పలు ప్రాంతాల్లో కొండచరియలు విరిగిపడగా, లోతట్టు ప్రాంతాలు నీటమునిగాయి. మొత్తం 27 నివాసాలు పూర్తిగా ధ్వంసమయ్యాయి. రాష్ట్ర వ్యాప్తంగా ఏర్పాటు చేసిన 209 సహాయక శిబిరాల్లో వేల మంది ఆశ్రయం పొందుతున్నారని సీఎం సతీశన్ తెలిపారు. కర్ణాటకలో కుండపోత వానలు కర్ణాటకలో భారీ వర్షాలు కురుస్తున్నాయి. కొప్పాల్ జిల్లాలో కొండపక్కనున్న నివాసంపై మట్టి పెళ్లలు విరిగిపడి మూడేళ్ల చిన్నారి సహా ముగ్గురు చనిపోగా, ఒకరు తీవ్రంగా గాయపడ్డారు. శివమొగ్గ జిల్లా అగుంబెలో 24 గంటల వ్యవధిలో 197 మిల్లీమీటర్ల వర్షపాతం నమోదైనట్లు ఐఎండీ తెలిపింది. కొడగు, ఉడుపి, చిక్కమగళూరు, సిర్సి, మంగళూరుల్లోనూ కుండపోతగా వాన కురిసింది. గుజరాత్, అస్సాం రాష్ట్రాల్లోనూ ఆదివారం విస్తారంగా వర్షాలు ముంచెత్తాయి. -
బ్లాక్ డ్రెస్లో దివ్య పిళ్లై స్టన్నింగ్ లుక్స్ (ఫోటోలు)
-
కొండచరియలు విరిగిపడి ముగ్గురు మృతి!
ఇడుక్కి: కేరళలోని ఇడుక్కి, కొట్టాయం జిల్లాల్లో భారీ వర్షాలు బీభత్సం సృష్టించాయి. ఎడతెరిపి లేకుండా కురుస్తున్న కుంభవృష్టి కారణంగా పలుచోట్ల సంభవించిన భారీ కొండచరియలు విరిగిపడ్డ ఘటనల్లో ముగ్గురు ప్రాణాలు కోల్పోయారు. శిథిలాల కింద మరికొందరు చిక్కుకుని ఉంటారని అధికారులు అంచనా వేస్తున్నారు. ఇడుక్కి జిల్లా వాగమండ్లో కొండచరియలు విరిగిపడి ఒక ఇంటిపై పడటంతో వైకోమ్కు చెందిన ప్రభాకరన్ నాయర్ మృతి చెందారు. అయితే ఆయన మృతదేహం ఇంకా లభ్యం కాలేదు. అదూర్మలలో మరో కొండచరియ విరిగిపడటంతో ఒక వ్యక్తి గల్లంతయ్యారు. కొచ్చి-ధనుష్కోడి జాతీయ రహదారిపై అడిమాలి సమీపంలోని మాచిప్లావు వద్ద కొండచరియలు విరిగిపడటంతో రాకపోకలకు తీవ్ర అంతరాయం ఏర్పడింది. #WATCH | Keralam: Heavy rainfall triggers widespread damage in Idukki district. One person was killed after a landslide struck a house at Vagamon in the district. The deceased has been identified as Prabhakaran Nair, a native of Vaikom. His body has not yet been recovered.A… pic.twitter.com/0TVGJSQjE8— ANI (@ANI) August 1, 2026మరోవైపు కొట్టాయం జిల్లా పయ్యనితోటంలో జరిగిన ప్రమాదంలో ఒక యువకుడు మరణించగా, అతని తల్లి శిథిలాల కింద కూరుకుపోయారు. జోసెఫ్ అనే యువకుడు ప్రాణాలు కోల్పోగా, అతని తల్లి కోసం రెస్క్యూ సిబ్బంది గాలింపు చర్యలు ముమ్మరం చేశారు. ఉప్పుతుర ప్రాంతంలో పుల్లకాయరు నది ఉప్పొంగి ప్రవహిస్తుండటంతో కొక్కయార్ వంతెన మునిగిపోయింది. చుట్టుపక్కల ఆరు ఇళ్లు జలమయం కావడంతో బాధితులను సురక్షిత ప్రాంతాలకు తరలించారు.ఎరట్టుపేట, కాంజిరపల్లి, కూట్టిక్కల్, ఎరుమేలి ప్రాంతాల్లో వరద పోటెత్తడంతో జనజీవనం పూర్తిగా స్థంభించిపోయింది. వందలాది నివాసాలు నీట మునిగాయి. ఎరట్టుపేటలో అర్ధరాత్రి ఒక్కసారిగా వరద నీరు పెరగడంతో అధికారులు రాకపోకలను నిలిపివేశారు. పరిస్థితి తీవ్రంగా ఉండటంతో సహాయక చర్యలు ముమ్మరం చేశారు. జిల్లాలోని చిన్న ప్రాజెక్టుల గేట్లను అధికారులు ఎత్తివేశారు.ఇది కూడా చదవండి: కుల్గామ్ ఉగ్రదాడి: ఆస్పత్రిలో మరో కార్మికుడు మృతి


