ఆమదాలవలస: ప్రభుత్వం మున్సిపల్‌ కార్మికుల సమస్యలను వెంటనే పరిష్కరించి కనీస వేతనం రూ.26 వేలు అందించాలని సీఐటీయూ జిల్లా అధ్యక్షుడు సీహెచ్‌ అమ్మన్నాయుడు, ఏపీ మున్సిపల్‌ వర్కర్స్‌–ఎంప్లాయీస్‌ ఫెడరేషన్‌ అధ్యక్షుడు తాడి సంతోష్‌ డిమాండ్‌ చేశారు. శుక్రవారం రాష్ట్ర వ్యాప్తంగా జరుగుతున్న మున్సిపల్‌ కార్మికుల సమ్మెలో భా గంగా, పట్టణంలోని మున్సిపల్‌ కార్యాలయం వద్ద ధర్నా కార్యక్రమంలో నిరసన తెలిపి నినాదాలు చేశా రు. మున్సిపల్‌ కార్మికుల పట్ల కూటమి ప్రభుత్వం నిర్లక్ష్యంగా వ్యవహరిస్తోందని విమర్శించారు. ఆప్కాస్‌ సంస్థను రద్దు చేసి ప్రైవేట్‌ ఏజెన్సీలకు అప్పగించడాన్ని నిలిపివేయాలని కోరారు. తల్లికి వందనం వంటి సంక్షేమ పథకాలు కాంట్రాక్ట్‌ కార్మికులకూ వర్తింపజేయాలని డిమాండ్‌ చేశారు. ప్రభుత్వం తక్షణమే స్పందించకపోతే ఉద్యమాన్ని ఉద్ధృతం చేస్తామని నేతలు హెచ్చరించారు. ధర్నాలో ఏపీ మున్సిపల్‌ వర్కర్స్‌–ఎంప్లాయీస్‌ ఫెడరేషన్‌ శాఖ ప్రధాన కార్యదర్శి నీలాపు రాజేష్‌, నాయకులు జె.శ్రీనివాసరావు, కె.తారకేశ్వరరావు, కె. ధనలక్ష్మి, ఎన్‌.రమ, కె.ఈశ్వరరావు, కె.నీలమ్మ పాల్గొన్నారు.

పాతపట్నం: ఐటీడీఏ పరిధిలోని ఆశ్రమ పాఠశాలల్లో చదువుకుంటున్న గిరిజన విద్యార్థుల ఆరోగ్యంపై ప్రత్యేక దృష్టి సారించాలని సీతంపేట ఐటీడీఏ పీఓ సి.యశ్వంత్‌ కుమార్‌ రెడ్డి అన్నారు. శుక్రవారం మండలంలోని లాబర, బొమ్మిక ఆశ్రమ పాఠశాలలను పీఓ ఆకస్మికంగా తనిఖీ చేశారు. పాఠశాల పరిసరాలు పరిశుభ్రంగా ఉండాలని, మరుగుదొడ్లు ప్రతి రోజు శుభ్రం చేయాలన్నారు. విద్యార్థులకు తాగడా నికి వేడి నీరు అందించాలని, మెనూ ప్రకారం భోజనం పెట్టాలని ప్రధానోపాధ్యాయులు త్రినాథ రావు, సూర్యనారాయణలకు సూచించారు. ఉపాధ్యాయుల బోధన విద్యార్థులకు అర్థమయ్యే రీతిలో ఉండాలని ఉపాధ్యాయులకు సూచించారు. కార్యక్రమంలో ఐటీడీఏ డీఈఈ బి.సిమ్మన్న, జేఈ సీహెచ్‌ ప్రసాద రావు, ఉపాధ్యాయులు పాల్గొన్నారు. అర్జీలపై చర్యలు చేపట్టాలి: కలెక్టర్‌ శ్రీకాకుళం పాతబస్టాండ్‌: వచ్చిన అర్జీలపై చర్యలు తీసుకోవాలని కలెక్టర్‌ స్వప్నిల్‌ దినకర్‌ పుండ్కర్‌, జెడ్పీ సీఈఓ, విభిన్న ప్రతిభావంతుల ఇన్‌చార్జి సహాయ సంచాలకులు ఎల్‌ఎ న్‌వీ శ్రీధర్‌ రాజాను ఆదేశించారు. శుక్రవారం జిల్లా పరిషత్‌ సమావేశ మందిరంలో నిర్వహించిన స్వాభిమాన్‌ దివ్యాంగుల ప్రత్యేక గ్రీవెన్స్‌ లో ఆయనతో పాటు జిల్లా జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌ అర్జీలు స్వీకరించారు. ఈ సందర్భంగా ఆయన మాట్లాడుతూ గతంలో వచ్చిన అర్జీలపై తీసుకున్న చర్యలు తెలియజేయాలన్నారు. బ్యాటరీ సైకిల్‌ కోసం, సదరం సర్టిఫికెట్‌, పింఛన్లు, హౌసింగ్‌, ఉపాధి, వినికిడి మిషన్‌ లపై 17 అర్జీలు స్వీకరించారు. రాష్ట్ర ఉద్యోగుల గ్రీవెన్స్‌పై ఏపీ ఎన్జీఓ నాయకులు హెచ్‌.సాయిరాం కారుణ్య నియామకాలు, ఉద్యోగులకు కార్పొరేట్‌ ఆస్పత్రుల్లో కొన్నింటికి మాత్రమే వైద్యం జరుగుతున్నట్లు కలెక్టర్‌కు వివరించారు. కార్యక్రమంలో ట్రైనీ కలెక్టర్‌ పృథ్వీ రాజ్‌ కుమార్‌, జిల్లా రెవెన్యూ అధికారి ఎం.వెంకటేశ్వరరావు, డిప్యూటీ కలెక్టర్‌ పద్మా వతి, జెడ్పీ సీఈఓ, విభిన్న ప్రతిభావంతులు శాఖ ఇన్‌చార్జి ఏడీ ఎల్‌ఎన్‌వీ శ్రీధర్‌ రాజా స్వీకరించారు. 45.355 మెట్రిక్‌ టన్నుల ఎరువుల విక్రయాల నిలుపుదల కంచిలి: కంచిలిలో గల శ్రీ భగవాన్‌ గుప్తా అండ్‌ కో రిటైల్‌ ఎరువుల దుకాణంలో జీఎస్టీలో పొందుపర్చని 45.355 మెట్రిక్‌ టన్నులు అనగా రూ.7.15 లక్షల విలువైన ఎరువుల అమ్మకాలను నిలుపుదల చేస్తూ జిల్లా విజిలెన్స్‌ అధికారులు, వ్యవసాయ అధికారులు ఉత్తర్వు లు జారీ చేశారు. ఈ ఎరువుల దుకాణాన్ని విజిలెన్స్‌, వ్యవసాయ అధికారుల బృందం శుక్రవారం ఆకస్మికంగా తనిఖీ చేపట్టింది. ఈ తనిఖీల్లో ఎరువుల అదనపు గోడౌన్స్‌ను జీఎస్టీలో పొందుపరచలేదని గుర్తించారు. గోడౌన్లో ఎరువులు నిల్వ చేయడానికి వీలుగా నేలపై ఊకను వేయాలని తెలియజేసి, జీఎస్టీ పరిధిలోకి రాని ఆ గోడౌన్‌లో ఉన్న ఎరువుల అమ్మకాలను నిలుపుదల చేశారు. వచ్చిన వారిలో సహాయ వ్యవసాయ సంచాలకులు బి. విజయప్రసాద్‌, సర్కిల్‌ ఇన్‌స్పెక్టర్‌ ఆఫ్‌ పోలీస్‌ విజిలెన్స్‌ డిపార్టుమెంట్‌ ఆడారి సంతోష్‌కుమార్‌, స్థానిక మండల వ్యవసాయ అధికారి కొంకేణ సురేష్‌, డిఏఓ ఆఫీస్‌ నుంచి హాజరైనటువంటి వ్యవసా య సహాయ సంచాలకులు వెంకటరావు, వ్యవసాయ విస్తరణాధికారి సంతోష్‌ ఉన్నారు. వంశధార సాగునీరు సాధన కమిటీ పర్యటన మందస: మందస మండలం దేవపురం గ్రామంలో వంశధార సాగునీరు సాధన కమిటీ సమావేశం జరిగింది. సాగునీటి నిల్వ కోసం రైతులు చాలా ఇబ్బందుల పడుతున్నారని, చెరువును కలుపుకుని సంకు జోడి దామోదర్‌ గ్రావిటి ద్వారా నీరు అందించవచ్చునని అన్నారు. గ్రామ రైతులు వంశధార సాగునీరు సాధన కమిటీకి తమ వంతు సహకారం ఉంటుందని తెలిపారు.

శ్రీకాకుళం పాతబస్టాండ్‌: భూ వినతులు బుట్ట దాఖలవుతున్నాయా..? అర్జీలు ఉన్నతాధికారుల వరకు చేరడం లేదా..? విన్నపాలు విని ఊరుకుంటున్నారా..? జిల్లాలో పరిస్థితి చూస్తే ఔననే సమాధానం వినిపిస్తోంది. రైతులు ప్రతి నిత్యం భూ సమస్యలతో సతమతమవుతున్నారు. అధికారుల నిర్లక్ష్యం వల్ల చాలా మంది ప్రభుత్వం అందించే ప్రయోజనాలకు దూరమవుతున్నారు. ఉన్నతాధికారులు ప్రతి నెల డివిజన్‌ల వారీగా ఆర్‌ఓఆర్‌ సమావేశాలు నిర్వహించి, ఆదేశాలు, ఆగ్రహాలు వ్యక్తం చేస్తున్నా క్షేత్ర స్థాయిలో మాత్రం మార్పు కనిపించడం లేదు. ఆ రెండు సమస్యలే ప్రధానం.. రైతులను ప్రధానంగా రెండు సమస్యలు వేధిస్తున్నా యి. ఇందులో ఒకటి జాయింట్‌ ఎల్‌పీఎం(ల్యాండ్‌ పార్సిల్‌ మ్యాప్‌), మరొకటి 22ఎ జాబితాల్లో జిరాయితీ భూమి నమోదు. ఈ సమస్యలను పరిష్కరించుకునేందుకు రైతులు నానా అవస్థలు పడుతున్నారు. జిల్లా స్థాయిలో ప్రతి సోమవారం నిర్వహిస్తున్న పీజీఆర్‌ఎస్‌ ఫిర్యాదుల్లో సగం వరకు ఈ తరహా వినతులే వస్తున్నాయి. కూటమి ప్రభుత్వం వచ్చాక రైతు సదస్సులు, ప్రజా దర్బార్లు నిర్వహించినా వీరి సమస్యలకు మాత్రం పరిష్కారం దొరకడం లేదు. అన్నీ పెండింగే.. జిల్లాలో 735 రెవెన్యూ గ్రామాల్లో పెండింగ్‌లో 12,245 జాయింట్‌ ఎల్‌పీఎంలు ఉన్నాయి. వీటిని పరిష్కారానికి జూన్‌ 30 వరకు గడువు ఇచ్చారు. కేవలం రూ.50 తీసుకుని ఈ ఎల్‌పీఎంల సమస్య లు పరిష్కరించాలని అధికారులు గడువు పెట్టారు. ఈ కాలంలో కనీసం పదో వాటా కూడా సమస్యలను పరిష్కరించలేదు. ప్రస్తుతం రైతులు ఎల్‌పీఎంలను మార్చుకోవాలంటే రూ.550లు చెల్లించి చలా నా తీయాలి. దీంతో సర్వేయర్‌ మళ్లీ పొలం వద్దకు వస్తారు. ఆయనతో పాటు వీఆర్‌ఓ, అవసరాన్ని బట్టి మండల సర్వేయర్‌ కూడా పొలాన్ని సందర్శించాక ఈ ఎల్‌పీఎం విభజన ప్రక్రియ ప్రారంభమవుతుంది. అయితే ఈ పనులు జరగాలంటే కనీసం ఆ భూమి ఉన్న ప్రదేశం, విలువ, ఎల్‌పీఎం నంబర్లు బట్టి సర్వేయర్‌కు రూ.వెయ్యి నుంచి రూ.5వేలు వరకు ముట్టజెప్పాల్సి వస్తోంది. జిల్లా, డివిజన్‌ కేంద్రాల్లో ఈ ధర రెట్టింపు ఉంటుంది. శ్రీకాకుళం రెవెన్యూ డివిజన్‌ లో 308 గ్రామాల్లో 7358 జాయింట్‌ ఎల్‌పీఎంలు, టెక్కలి రెవెన్యూ డివిజన్‌లో 213 గ్రామాల్లో 2686, పలాస రెవెన్యూ డివిజన్‌లో 214 గ్రామాల్లో 2201 పెండింగ్‌లో ఉన్నాయి. జిల్లాలో 735 గ్రామాల్లో రీ సర్వే చేశారు. ఈ క్రమంలో గ్రామ స్థాయిలో సర్వే యర్లు ఫీల్డ్‌ వర్క్‌ను విస్మరించి, టేబుల్‌ వర్క్‌లు చేయడంలో రైతుల వివరాలు తప్పుగా నమోదయ్యాయి. దీంతో రైతుకు అవస్థ తప్పడం లేదు. గడువు ముగిసినా పరిష్కారం కాని రైతుల సమస్యలు సర్వేయర్లు, వీఆర్‌ఓలకు కాసుల పంట 22ఎలకు ఇదే పరిస్థితి ఆన్‌లైన్‌లో పేరుకుపోతున్న అర్జీలు రోజూ 22ఎ సమస్యలే.. జిల్లా వ్యాప్తంగా 22ఎ సమస్యలు రైతులను వేధిస్తు న్నాయి. వారసత్వంగా వస్తున్న జిరాయితీ భూము ల ‘పహణీ’ మార్పులు జూన్‌లో జరుగుతాయి. ఈ సమయంలో వీఆర్‌ఓలు వీటిలో చాలావరకు జిరా యితీ భూములను 22ఎలకి మార్పు చేస్తున్నారు. 22ఎ జాబితా నుంచి మళ్లీ జిరాయితీగా మార్చాలంటే జాయింట్‌ కలెక్టర్‌ ఆనుమతి ఉండాలి. ఈ ప్రక్రి య సర్వేయర్‌, వీఆర్‌ఓతో ప్రారంభమై మండల సర్వేయర్‌, తహసీల్దారు, ఆర్డీఓ కార్యాలయం, కలెక్టరేట్‌ ఈ సెక్షన్‌, తర్వాత జాయింట్‌ కలెక్టర్‌ వరకు చేరాలి. దీంతో రైతులు నానా అవస్థలు పడుతున్నారు. ప్రస్తుతం కలెక్టరేట్‌ ఈ సెక్షన్‌లో 22ఎ కి సంబంధించి దరఖాస్తులు 34 ఉన్నాయి. వీటిలో సోంపేట, మందస, నందిగాం, పలాస, కంచిలి, కవిటి, ఇచ్ఛాపురం మండలాల్లో ఎక్కువగా ఉన్నాయి. జిరాయితీని 22ఎలో పెట్టేశారు మాకు వారసత్వంగా తాతల నుంచి వచ్చిన జిరాయితీ భూమిని 22ఎ లో పెట్టి ఇబ్బంది పెడుతున్నారు. కావాలనే వీఆర్‌ఓ ఇతర రెవెన్యూ అధికారులు మాకు సమస్యలను సృష్టిస్తున్నారు. సరి చేయాలని దరఖాస్తు చేసుకున్నా పట్టించుకోవడం లేదు. వారి తప్పు వల్ల నేను పని మానుకుని శిక్ష అనుభవిస్తున్నాను. – అన్నెపు శ్రీనివాసరావు, చింతాడ

ఇచ్ఛాపురం రూరల్‌: వేల కిలోమీటర్ల నుంచి అతిథి పక్షులు తేలుకుంచి చేరిపోయాయి. తెల్లవారు జాము నుంచి రాత్రి వరకు చిత్ర విచిత్రమైన కూతలతో చెట్లపై సందడి చేస్తున్నాయి. ఏటా తొలకరి జల్లులు కురిసే జూన్‌ మాసాంతరానికి వచ్చే పక్షులు ఈ ఏడాది కూడా ఏతెంచాయి. కొమ్మకొమ్మకు పురిటి కేంద్రాలు చెట్లపై కొమ్మలు, రెమ్మలు ఉంటే తప్ప గూడు ఏర్పాటు చేసుకోలేని ఈ పక్షులు గుడ్లు పెట్టేందుకు గ్రామం చుట్టూ ఉన్న చెట్లనే ఆశ్రయిస్తుంటాయి. ఒక్కో పక్షి రెండు నుంచి ఆరు గుడ్లు వరకు పెడు తుంటాయి. సుమారు 27 నుంచి 30 రోజుల వర కు తల్లి పక్షి గుడ్లను పొదుగుతుంది. పొదిగిన రోజు నుంచి 36 రోజుల పాటు ఆహారాన్ని తీసుకువచ్చి అందించి పిల్ల పక్షులను సంరక్షిస్తాయి. పిల్ల పక్షులకు శక్తి వచ్చి ఎగిరేంత వరకు తల్లి పక్షి లేదా మగ పక్షి గూళ్లో వీటికి కాపలాగా ఉంటాయి. స్థానికులతో అనుబంధం ఎక్కడో సైబీరియా నుంచి ఇక్కడి వరకు వచ్చే పక్షులకు అసలైన బంధువులంటే ఈ గ్రామ వాసులే. ఈ గ్రామస్తులతో పక్షులకు విడదీయలేని అనుబంధం ఉంది. పక్షుల రాక ఏ మాత్రం ఆలస్యమైనా కంగారుపడిపోతారు. ఇవి వస్తేనే వానలు కురుస్తా యని ఇక్కడి వారి నమ్మకం. తాము కూర్చున్న చోట, పక్కనే వాలుతాయని, వీటిని వేటగాళ్ల బారినుంచి తామే రక్షిస్తుంటామని చెబుతున్నారు. ఒకవేళ ఎవరైనా పక్షులకు హాని తలపెట్టాలని చూస్తే గ్రామ కట్టుబాటు ప్రకారం ఆ వ్యక్తికి గుండు గీయించి ఊరేగిస్తామని హెచ్చరిస్తున్నారు. ఇవే ప్రత్యేకతలు ● వీటి అసలు పేరు ఓపెన్‌ బిల్‌ స్టార్క్స్‌. వీటి శాసీ్త్రయ నామం ‘అనస్థోమస్‌’. ● ఈ పక్షులు తూర్పు–దక్షిణాసియా ఖండంలో ముఖ్యంగా భారతదేశం, శ్రీలంక నుంచి మొదలుకొని తూర్పు ప్రాంతంలో విస్తారంగా సంచరిస్తుంటాయి. ● వీటి జీవిత కాలం సుమారు 30 ఏళ్లు. ● బాగా ఎదిగిన పక్షి 81 సెంటీమీటర్ల పొడవు, 11 కిలోల బరువు ఉంటుంది. రెక్కలు విప్పారినప్పుడు 149 సెంటీ మీటర్ల వరకు ఉంటుంది. ● దవడల మధ్యన (ముక్కు మధ్యలో) ఖాళీ ఉండటం వల్ల వీటిని ఓపెన్‌ బిల్‌ స్టార్క్స్‌ అని అంటారు. ● పగలంతా తంపర భూముల్లో, వరి చేలల్లో తిరుగుతూ చేపలు, నత్తలు, కప్పలు, పురుగులు, ఆల్చిప్పలను ఆహారంగా తీసుకుంటాయి. సంరక్షణ గాలి.. పక్షులను సంరక్షించాల్సిన అటవీ, పర్యావరణ శాఖాధికారులు తమకేమీ పట్టనట్లు వ్యవహరిస్తున్నారు. గ్రామంలో చెట్లు పెంచాల్సిన అటవీ శాఖ సిబ్బంది జాడే లేకుండా పోయింది. ఏడాదికో మారు గ్రామంలో చిన్నపాటి సమావేశాలు పెట్టి ఫొటోలు తీసి వెళ్లిపోవడం ఆనవాయితీగా కొనసాగుతోంది. ఈ గ్రామాన్ని దత్తత తీసుకున్న స్థానిక ఎమ్మెల్యే బెందాళం అశోక్‌ గతంలో పర్యాటక శాఖ అధికారులతో పర్యటించి రూ.25లక్షలతో సుమారు ఎకరా దేవదాయ భూమిలో ప ర్యాటక కేంద్రాన్ని నిర్మిస్తానంటూ హామీ ఇచ్చి పదేళ్లు గడుస్తున్నా ఇప్పటికీ నెరవేరలేదు. గతంలో వచ్చిన వరుస తుఫాన్ల తీవ్రత కు ఇక్కడ చాలా చెట్లు నేలకొరిగాయి. 2018లో వచ్చిన తిత్లీ తుఫాన్‌కు వందలాది పక్షులు మత్యువాత పడ్డాయి. ఈ ఏడాది వందల సంఖ్యలో పక్షులు వస్తున్నాయి. ప్రస్తుతం పక్షులు గూళ్లు పెట్టేందుకు నానాపాట్లు పడుతున్నాయి. చెట్లు లేక గడ్డికుప్పలు, ఇళ్లపై, పంట పొలాల చాటున గూళ్లు పెట్టుకునేందుకు సిద్ధపడుతున్నాయి. రాత్రి సమయాల్లో విష పురుగులు బారిన పడి పక్షులు మృతి చెందుతున్నాయని స్థానికులు ఆవేదన వ్యక్తం చేస్తున్నారు. చెట్లపై సందడి చేస్తున్న విదేశీ విహంగాలు అరకొర చెట్లు ఉండడంతో గుడ్లు పెట్టేందుకు పాట్లు పట్టించుకోని అటవీ శాఖాధికారులు

నరసన్నపేటలో వెలుగు చూసిన మోసంతో బంగారం ఆభరణాలపై హాల్‌మార్క్‌ ఉన్నా నమ్మడానికి లేదని స్పష్టమవుతోంది. ఆ హాల్‌ మార్క్‌ ఎంత వాస్తవమో తెలుసుకోవడానికి మరో కేంద్రం వద్ద టెస్టింగ్‌ చేసుకోవాల్సిన పరిస్థితి ఏర్పడింది. సాధారణంగా హాల్‌మార్క్‌ ఉంటే బంగారానికి తిరుగులేదు అనుకుంటారు. ప్యూరిటీ ఉన్న బంగారంగా భావిస్తారు. నకిలీ టెస్టింగ్‌ అండ్‌ హాల్‌ మార్క్‌ సెంటర్ల ఏర్పాటుతో ఏది సరైన హాల్‌ మార్క్‌, ఏది నకిలీ అని తెలుసుకోలేని పరిస్థితులు ఉండటంతో కొనుగోలు దారులు అప్రమత్తంగా ఉండాల్సిన అవసరం ఉంది.

కాశీబుగ్గ: కార్గో ఎయిర్‌పోర్టుకు సంబంధించి బలవంతపు భూసేకరణకు వ్యతిరేకంగా పోరాడాలని ఆంధ్రప్రదేశ్‌ రైతు సంఘం జిల్లా కార్యదర్శి కె.మోహనరావు, జీడి రైతు సంఘం జిల్లా కన్వీనర్‌ తెప్ప ల అజయ్‌కుమార్‌, రైతు సంఘం మండల అధ్యక్ష, కార్యదర్శులు కె.బాలాజీరావు, తమ్మినాన భాస్కర రావు, సీఐటీయూ జిల్లా కార్యదర్శి ఎం.గణపతి పిలుపునిచ్చారు. గురువారం పలాస సీఐటీయూ కార్యాలయంలో జరిగిన సమావేశంలో వారు మాట్లాడారు. ఉద్దానం తీర ప్రాంతంలో గ్రీన్‌ఫీల్డ్‌ కార్గో ఎయిర్‌పోర్టు కోసం రైతుల అభిప్రాయం తెలుసుకోకుండా భూముల సర్వే చేయడాన్ని తీవ్రంగా వ్యతిరేకిస్తున్నామన్నారు. పచ్చని ఉద్దానం విధ్వంసానికి రాష్ట్ర ప్రభుత్వం పూనుకుంటోందని, ప్రజల ప్రయోజనాలకు భిన్నంగా ప్రభుత్వం ఏకపక్ష నిర్ణయాలు విచారకరమన్నారు. ఎవరు ఎన్ని ఆందోళనలు, ధర్నాలు చేసినా ఎయిర్‌పోర్టు నిర్మాణం ఆగదని స్థానిక ఎమ్మెల్యే గౌతు శిరీష ప్రకటన రైతులను రెచ్చగొట్టే విధంగా ఉందన్నారు. ఇప్పటికై నా ప్రభుత్వం స్పందించి రైతుల అభిప్రాయాలను పరిగణలోకి తీసుకోవాలని కోరారు.

టెక్కలి రూరల్‌: సంతబొమ్మాళి మండలంలోని పాలేశ్వరమ్మ అలయం సమీపంలో గురువారం జరిగిన రోడ్డు ప్రమాదంలో దంపతులకు తీవ్రగాయాలయ్యాయి. స్థానికులు తెలిపిన వివరాలు మేరకు.. బోరుభద్ర పంచాయతీ పరిధి ఉదయ్‌పురం గ్రామానికి చెందిన భార్యాభర్తలు వంకల సంజీవ్‌, వంకల సరస్వతిలు తమ గ్రామం నుంచి ద్విచక్ర వాహనంపై టెక్కలి మండలంలోని రావివలస గ్రామం వైపు వస్తుండగా పాలేశ్వరమ్మ గుడి సమీపంలో బైక్‌ అదుపు తప్పి బోల్తా పడింది. దీంతో బైక్‌పై ఉన్నటువంటి ఇరువురికీ తీవ్ర గాయాలయ్యాయి. వెంటనే గాయపడినవారిని టెక్కలి జిల్లా ఆస్పత్రికి తరలించారు. అయితే సంజీవ్‌ పరిస్థితి విషమంగా ఉండడంతో మెరుగైన వైద్యం కోసం శ్రీకాకుళం రిమ్స్‌కు తరలించారు. ఈ ఘటనపై సంతబొమ్మాళి పోలీసులకు సమాచారం అందించారు. అయితే వీరు వస్తున్న ద్విచక్ర వాహనానికి వెనుక నుంచి గుర్తు తెలియని వాహనం ఢీకొనడం వలన ప్రమాదం జరిగి ఉంటుందని పలువురు అనుమానం వ్యక్తం చేస్తున్నారు.

జలుమూరు: శ్రీముఖలింగంలో నవంబరు 9న జరగనున్న బాలియాత్రను ప్రభుత్వం రాష్ట్ర పండగగా నిర్వహించాలని బాలియాత్ర నిర్వహణ కమిటీ ప్రతినిధులు కోరారు. ఈ మేరకు గురువారం శ్రీకాకుళంలో కలెక్టర్‌ స్వప్నిల్‌ దినకర్‌ పుండ్కర్‌ను కలిసి వినతిపత్రం అందించారు. ఈ సందర్భంగా కమిటీ సభ్యుడు డాక్టర్‌ జీవితేశ్వరరావు మాట్లాడుతూ పార్టీలు, కులాలకు అతీతంగా అన్ని వర్గాల ప్రజలు యాత్రలో పాల్గొని విజయవంతం చేయాలని కోరారు. త్వరలో అన్ని రాజకీయ పార్టీల నాయకులను కూడా కలిసి యాత్రకు సహకరించాలని కోరనున్నట్లు తెలిపారు. కార్యక్రమంలో సర్పంచ్‌ టి.సతీష్‌కుమార్‌, ఎంపీటీసీ కె.హరిప్రసాద్‌, ఏఎంసీ చైర్మన్‌ టి.బలరాం, బి.వి.రమణ, హెచ్‌ మురళీమోహన్‌, అర్చకులు శేషాద్రి వెంకటాచలం, నాయుడుగారి జనార్దన్‌, పంచాది నారాయణమూర్తి, సూర శివ, సీపాన రాము, చింతాడ వెంకటరావు పాల్గొన్నారు. పెచ్చులూడిన ఆస్పత్రి పైకప్పు పొందూరు : పొందూరు ప్రభుత్వ సామాజిక ఆస్పత్రి పైకప్పు గురువారం పెచ్చులూడటంతో రోగులు భయంతో పరుగులు తీశారు. రోగులకు కొద్ది దూరంలో పెచ్చులు పడటంతో ప్రమాదమే తప్పింది. ఆస్పత్రి పక్కనే నూతన భవనం నిర్మాణం దాదాపు పూర్తి కావచ్చింది. అయితే బిల్లులు పెండింగులో ఉండటంతో జాప్యం జరగుతోంది. ఇప్పటికై నా సంబంధిత అధికారులు స్పందించి నూతన భవనాన్ని ప్రారంభానికి సిద్ధం చేయాలని పలువురు కోరుతున్నారు. పాత పెన్షన్‌ వర్తింపజేయాలి శ్రీకాకుళం న్యూకాలనీ: కేంద్ర ప్రభుత్వం మెమో 57 ప్రకారం డీఎస్సీ 2003 ఉపాధ్యాయులకు పాత పెన్షన్‌ వర్తింపజేయాలని ఏపీ స్కూల్‌ టీచర్స్‌ అసోసియేషన్‌ రాష్ట్ర ప్రధాన కార్యదర్శి తమ్మినాన చందనరావు, జిల్లా అధ్యక్ష, ప్రధాన కార్యదర్శులు సప్పటి మల్లేసు, పంచాది గోవిందరాజులు, నెమలపురి విష్ణుమూర్తి, రామిరెడ్డి గురువారం డిమాండ్‌ చేశారు. ఈ సమస్యపై ప్రభుత్వాలు ఉదాసీనంగా వ్యవహరించడం సరికాదన్నారు. ఈ న్యాయమైన డిమాండ్‌ సాధనకు ఈ నెల 18న అన్ని జిల్లా కేంద్రాల్లో జేఏసీ నిర్వహిస్తున్న నిరసన కార్యక్రమాలకు ఏపీ ఎస్‌టీఏ సంపూర్ణ మద్దతిస్తున్నట్టు పేర్కొన్నారు. 19న ప్లాస్టిక్‌ కాలుష్యంపై ప్రత్యేక డ్రైవ్‌ శ్రీకాకుళం పాతబస్టాండ్‌: ‘స్వర్ణాంధ్ర–స్వచ్ఛాంధ్ర’లో భాగంగా ఈ నెల 19న జిల్లావ్యాప్తంగా ప్లాస్టిక్‌ కాలుష్య నిర్మూలనపై ప్రత్యేక డ్రైవ్‌ నిర్వహించాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులను ఆదేశించారు. గ్రామ, వార్డు, మండల స్థాయిలో ప్రజల భాగస్వామ్యంతో అవగాహన కార్యక్రమాలు నిర్వహించాలని సూచించారు. ఈ మేరకు గురువారం రాష్ట్ర ప్రధాన కార్యదర్శి కె.విజయానంద్‌ నిర్వహించిన వీడియో కాన్ఫరెన్స్‌ అనంతరం కలెక్టర్‌ జిల్లా అధికారులకు సూచనలు చేశారు. ప్లాస్టిక్‌ వినియోగం వల్ల కలిగే నష్టాలపై విద్యార్థులకు అవగాహన కల్పించడానికి మున్సిపల్‌ కమిషనర్లు, ఎంపీడీవోలు తమ పరిధిలోని ప్రభుత్వ పాఠశాలలను సందర్శించాలని ఆదేశించారు. ప్రభుత్వ కార్యాలయాల్లో ప్లాస్టిక్‌ బాటిళ్ల వాడకాన్ని తగ్గించే చర్యలు తీసుకోవాలని సూచించారు. సమావేశంలో జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌, అసిస్టెంట్‌ కలెక్టర్‌ దొనక పృథ్వీరాజ్‌ కుమార్‌, జిల్లా రెవెన్యూ అధికారి వెంకటేశ్వరరావు పాల్గొన్నారు.

శుక్రవారం శ్రీ 18 శ్రీ జూలై శ్రీ 2025ఇదేం పద్ధతి..? టెక్కలి మేజర్‌ పంచాయతీలో నిధులు దోచుకోవడానికే అధికార పార్టీ కార్యకర్తలు చెప్పినట్లు అధికారులు అంచనాలను పెంచేశారంటూ వార్డు సభ్యులు మండిపడుతున్నారు. –8లోఈ చిత్రం చూడండి. కాశీబుగ్గలో జరిగిన ఘటన ఇది. చిన్నబడాం గ్రామంలో మంగళవారం కొత్తమ్మ తల్లి చల్లదనం ఉత్సవంలో దాడికి పాల్పడిన వ్యక్తులను, దాడికి గురైన వ్యక్తులను వదిలేసి గొడవలతో సంబంధం లేని ముగ్గురు వ్యక్తులపై కేసు నమోదు చేశారు. రాత్రికి రాత్రే వారిని పోలీసు స్టేషన్‌కు తీసుకొచ్చేశారు. బాధిత కుటుంబాల మహిళలు పోలీసు స్టేషన్‌ వద్ద సీఐ సూర్యనారాయణ కాలు మొక్కి సక్రమంగా విచారణ చేపట్టి న్యాయం చేయాలని కన్నీళ్లు పెట్టుకున్నారు. ఇదే విషయమై పోలీసు స్టేషన్‌ ఎదుట మాజీ మంత్రి సీదిరి అప్పలరాజు ధర్నా చేశారు. కొట్లాటలో సంబంధం లేనివారిపై కేసులు పెట్టడమేంటని ప్రశ్నించారు. గ్రామాల్లో గొడవలు సృష్టించొద్దని సర్కిల్‌ ఇన్‌స్పెక్టర్‌కు చేతులెత్తి నమస్కరిస్తూ ఆవేదన వ్యక్తం చేశారు. న్యూస్‌రీల్‌

టెక్కలి మేజర్‌ పంచాయతీలో అభివృద్ధి పనుల పేరుతో అధికార పార్టీ కార్యకర్తలు చెప్పినట్లుగా అధికారులు అంచనాలు రూపొందించారు. భారీగా అంచనాలు పెంచేసి నిధులను దోచుకోవడానికి ప్లాన్‌ వేశారు. ముఖ్యంగా సెంట్రల్‌ లైటింగ్‌ విషయంలో రూ.35 లక్షల మేరకు అంచనాలు చూస్తుంటే, పంచాయతీలో నిధులు గోల్‌మాల్‌ చేయడానికి కుట్ర జరుగుతోందని తెలుస్తోంది. అధికారులు తయారు చేసిన అంచనాలతో పాటు గతంలో వార్డు సభ్యుల కు తెలియకుండా చేసిన పనులపై విచారణ చేపట్టాలి. – దాడి ధర్మారావు, వార్డు సభ్యుడు, టెక్కలి మేజర్‌ పంచాయతీ ●దోపిడీని అడ్డుకుంటాం టెక్కలి మేజర్‌ పంచాయతీలో అభివృద్ధి పనుల పేరుతో చేస్తున్న నిధుల దోపిడీని అడ్డుకుంటాం. ఇప్పటికే పలు సమావేశాల్లో వార్డు సభ్యులంతా వ్యతిరేకిస్తున్నాం. వార్డు సభ్యుల పరిధిలో కనీసం సంప్రదించకుండా అడ్డగోలుగా చేసిన పనులకు మేమెందుకు ఆమోదం ఇవ్వాలి. కొత్తగా తయారు చేసిన అంచనాలు చూస్తుంటే ఆశ్చర్యం కలుగుతోంది. ప్రజల అవసరాలకు ఖర్చు చేయాల్సిన నిధులను దోపిడీ చేస్తామంటే ఊరుకునేది లేదు. దీనికి అధికారులు బాధ్యత వహించాల్సి ఉంటుంది. – పీత రమణబాబు, వార్డు సభ్యుడు, టెక్కలి మేజర్‌ పంచాయతీ

శ్రీకాకుళం (పీఎన్‌కాలనీ): మున్సిపల్‌ కార్మికుల సమస్యలు వెంటనే పరిష్కరించాలని సీఐటీయూ జిల్లా అధ్యక్షుడు సీహెచ్‌ అమ్మన్నాయుడు, నగర కన్వీనర్‌ ఆర్‌.ప్రకాష్‌, ఏపీ మున్సిపల్‌ వర్కర్స్‌ ఎంప్లాయీస్‌ ఫెడరేషన్‌ నగర అధ్యక్షుడు అరుగుల గణేష్‌లు డిమాండ్‌ చేశారు. మున్సిపల్‌ కార్మికుల సమస్యల పరిష్కారం కోసం రాష్ట్రవ్యాప్తంగా నిర్వహిస్తున్న సమ్మెలో భాగంగా మున్సిపల్‌ వర్కర్స్‌ – ఎంప్లాయీస్‌ ఫెడరేషన్‌, సీఐటీయూ ఆధ్వర్యంలో శ్రీకాకుళం నగరపాలక కార్యాలయం వద్ద గురువారం ధర్నా నిర్వహించారు. ఈ సందర్భంగా వారు మాట్లాడుతూ మున్సిపల్‌ కార్మికులకు కనీస వేతనం రూ.26 వేలు ఇవ్వాలని డిమాండ్‌ చేశారు. కూటమి ప్రభుత్వం అధికారం చేపట్టి ఏడాది పూర్తయినప్పటికీ మున్సిపల్‌ కార్మికులకు ఇచ్చిన హామీలు అమలు చేయలేదని దుయ్యబట్టారు. గత రాష్ట్రవ్యాప్త సమ్మె సమయంలో ప్రభుత్వం అంగీకరించిన ఒప్పందాలకు జీవోలు జారీ చేయకపోవడం, ఆప్కాస్‌ సంస్థను సైతం రద్దు చేసి ప్రైవేట్‌ ఏజెన్సీలకు అప్పగించాలనుకోవడం సరికాదని మండిపడ్డారు. ప్రభుత్వ పథకాలు అందజేయాలి తల్లికి వందనం వంటి ప్రభుత్వ సంక్షేమ పథకాలు మున్సిపల్‌ కాంట్రాక్టు కార్మికులకు కూడా అందజేయాలని కోరారు. గత 17 రోజుల సమ్మె కాలపు ఒప్పందాలైన రిటైర్మెంట్‌ బెనిఫిట్స్‌, హామీలకు జీవో జారీ చేయ్యాలని డిమాండ్‌ చేశారు. ఉద్యోగ విరమణ వయస్సు 62 ఏళ్లకు పెంచాలని, గ్రాట్యూటీ చెల్లించాలని విన్నవించారు. ఇప్పటికై నా అట్టడుగు వర్గాలుగా ఉన్న మున్సిపల్‌ కార్మికుల సమస్యలను ప్రభుత్వం, మున్సిపల్‌ అధికారులు పరిష్కరించాలన్నారు. లేకుంటే రానున్న రోజుల్లో పెద్ద ఎత్తున ఆందోళన కార్యక్రమాలు చేపడతామని హెచ్చరించారు. వీరికి ఏపీ వ్యవసాయ కార్మిక సంఘం జిల్లా ప్రధాన కార్యదర్శి గంగరాపు సింహాచలం, పట్టణ పౌర సంక్షేమ సంఘం కన్వీనర్‌ ఎం.గోవర్ధనరావు, ఏపీ రైతు సంఘం జిల్లా అధ్యక్షుడు పి.చంద్రరావులు మద్దతు తెలిపారు. కార్యక్రమంలో ఎ.శంకర్‌, ఎ.మోహన్‌, డి.చిట్టిబాబు, ఆర్‌.యుగంధర్‌, ఎన్‌.పార్వతి, ఎ.లక్ష్మి, ఆర్‌.ఈశ్వరమ్మ, పి.మల్లమ్మ, కె.బాలరాజు తదితరులు పాల్గొన్నారు.

శ్రీకాకుళం (పీఎన్‌కాలనీ): విద్యుత్‌ స్మార్ట్‌ మీటర్లు వద్దని, ట్రూ అప్‌ చార్జీలు రద్దు చేయాలని కోరుతూ వామపక్ష నాయకులు సీపీఎం పార్టీ జిల్లా కార్యదర్శి డి.గోవిందరావు, సీపీఐ జిల్లా కార్యదర్శి చాపర వెంకటరమణ, సీపీఐ ఎంఎల్‌ న్యూ డెమోక్రసీ జిల్లా కార్యదర్శి తాండ్ర ప్రకాష్‌ డిమాండ్‌ చేశారు. స్థానిక సుందరయ్య భవన్‌ సీపీఎం కార్యాలయంలో విద్యు త్‌ భారాలకు వ్యతిరేకంగా స్మార్ట్‌ మీటర్లు రద్దు చేయాలని కోరుతూ రౌండ్‌ టేబుల్‌ సమావేశం గురువారం నిర్వహించారు. ఈ సందర్భంగా వక్త లు మాట్లాడుతూ.. విద్యుత్‌ చార్జీలపై ఆగస్టు 5వ తేదీన విద్యుత్‌ సబ్‌స్టేషన్‌ కార్యాలయాల వద్ద చేప ట్టనున్న ధర్నాలను జయప్రదం చేయాలని కోరా రు. ఎన్నికలకు ముందు స్మార్ట్‌ మీటర్లు బద్దలుగొ ట్టండి అని యువగళం పాదయాత్రలో లోకేష్‌ పిలు పునిచ్చారని, అధికారంలోకి వచ్చిన తర్వాత అదానీ స్మార్ట్‌ మీటర్లు బిగించడం మోసం కాదా అని ప్రశ్నించారు. స్మార్ట్‌ మీటర్లు ద్వారా ప్రజలను తీవ్రంగా దోపిడీ చేయడానికి పూనుకుంటున్నారని మండిపడ్డారు. అధికారంలోకి వచ్చాక మోసం ఇప్పటికే పెరిగిన విద్యుత్‌ బిల్లులతో సామాన్య ప్రజలు గగ్గోలు పెడుతున్నారని, ఎన్నికలకు ముందు కూటమి నాయకులు కరెంటు చార్జీలు పెంచబోమని చెప్పారని గుర్తు చేశారు. ఇప్పుడు అత్యధికంగా విద్యుత్‌ చార్జీలు వసూలు చేస్తూ కూటమి ప్రభుత్వం ప్రజలను మోసం చేస్తోందని దుయ్యబట్టారు. అదానీ స్మార్ట్‌ మీటర్ల ఖర్చులు నిమిత్తం 93 నెలల్లో అదనపు చార్జీలు వసూలు చేస్తారన్నారు. వాటిని ఇళ్లకు బిగించకుండా ప్రజలు వ్యతిరేకించాలని కోరారు. దక్షిణాదిలో కేరళ, బెంగాల్‌, తమిళనాడు, కర్ణాటక ప్రభుత్వాలు స్మార్ట్‌ మీటర్లను వ్యతిరేకించాయని తెలియజేశారు. రాష్ట్రంలో రెండు కోట్ల మీటర్లు పెట్టి రూ.25 వేల కోట్ల భారం ప్రజల మీద వేసేందుకు పూనుకున్నారని విమర్శించారు. స్మార్ట్‌ మీటర్లకు వ్యతిరేకంగా ఉద్యమం ఉద్ధృతం చేయాలని పిలుపునిచ్చారు. జూలై 18 నుంచి 22 వరకు పట్టణ, మండల కేంద్రాల్లో సదస్సులు నిర్వహించాలని నిర్ణయించారు. కార్యక్రమంలో ప్రజా సంఘాల నాయకులు, ఏపీ వ్యవసాయ కార్మిక సంఘం జిల్లా ప్రధాన కార్యదర్శి గంగరాపు సింహాచలం, సీఐటీయూ జిల్లా అధ్యక్షుడు సీహెచ్‌ అమ్మన్నాయుడు, ఏపీ రైతు సంఘం జిల్లా అధ్యక్షుడు పి.చంద్రరావు, పట్టణ పౌర సంక్షేమ సంఘం కన్వీనర్‌ ఎం.గోవర్ధనరావు తదితరులు పాల్గొన్నారు. ట్రూ అప్‌ చార్జీలు రద్దు చేయాలి వామపక్ష నాయకుల డిమాండ్‌

పాతపట్నం: మండల కేంద్రంలో ట్రాఫిక్‌ సమస్యలు రోజురోజుకూ పెరుగుతున్నాయి. పాతపట్నం సెయింట్‌ఆన్స్‌ పాఠశాల వద్ద గురువారం ఉదయం ట్రాఫిక్‌ నిలిచిపోవడంతో వాహనదారులు, ప్రజలు ఇబ్బందులు ఎదుర్కొన్నారు. మండల కేంద్రంలో 13 ప్రభుత్వ, ప్రైవేటు పాఠశాలు ఉన్నాయి. ఉదయం పాఠశాలలు తెరిచేటప్పుడు, సాయంత్రం విడిచిపేట్టే సమయంలో విపరీతంగా ట్రాఫిక్‌ ఉంటోంది. ఇటీవల ట్రావెల్స్‌ బస్సులు కూడా ప్రధాన రహదారిలో ప్రయాణికులను దించేటప్పుడు ట్రాఫిక్‌ ఉన్నచోట నిలిపివేస్తుండడంతో ఇబ్బందులు మరింత పెరుగుతున్నాయి. అందువలన ఇప్పటికై నా పోలీసులు స్పందించి ట్రాఫిక్‌ లేకుండా చూడాలని ప్రజలు, వాహనదారులు వాపోతున్నారు.

టెక్కలి: టెక్కలి మేజర్‌ పంచాయతీలో వివిధ రకాల పనుల కోసం అధికారులు తయారు చేసిన నిధుల అంచనాలను వార్డు సభ్యులు తీవ్రంగా వ్యతిరేకిస్తున్నారు. పంచాయతీ నిధులను దోచుకోవడానికే అధికార పార్టీకి చెందిన కార్యకర్తలు చెప్పినట్లుగా అధికారులు అమాంతంగా నిధుల అంచనాలను పెంచేశారంటూ మండిపడుతున్నారు. దీనిలో భాగంగా ఇటీవల పంచాయతీ కార్యాలయంలో నిర్వహించిన సాధారణ సమావేశంలో పంచాయతీ అధికారులు వార్డు సభ్యులకు అందజేసిన అజెండాలో పొందుపరచిన అంశాలను చూసి ఒక్కసారిగా ఆశ్చర్యపోయారు. అంతేకాకుండా తమ పరిధిలో తమకు తెలియకుండా అధికారులు ఒంటెద్దు పోకడతో ఇష్టానుసారంగా తయారు చేసిన అంచనాలను వ్యతిరేకిస్తూ సమావేశాన్ని బహిష్కరించారు. ప్రధానంగా టెక్కలి జగతిమెట్ట నుంచి జాతీయ రహదారి బైపాస్‌ వరకు ఉన్నటువంటి సెంట్రల్‌ లైటింగ్‌ మరమ్మతుల కోసం ఏకంగా రూ.35 లక్షలతో ప్రతిపాదనలు చేయడంపై కంగుతిన్నారు. వీటితో పాటు మరికొన్ని పనుల అంచనాలను తప్పుబడుతున్నారు. టెక్కలిలో పనుల అంచనాలు పెంచేసిన అధికారులు వ్యతిరేకిస్తున్న వార్డు సభ్యులు నిధులు దోచుకోవడానికేనని ఆరోపణ

అరసవల్లి: జిల్లాలో కుక్కలు స్వైర విహారం చేస్తున్నాయి. ఏ వీధి చూసినా శునకాలు మనుషులపై దాడి చేస్తున్నాయి. నడిచినా, ద్విచక్ర వాహనంపై వెళ్తున్నా ఒక్కసారిగా వెంబడిస్తూ గాయపరు స్తున్నాయి. దీంతో కుక్క కాటు బాధితుల సంఖ్యలో ఇటీవల కాలంలో ఎక్కువగా కనిపిస్తోంది. నగరమైనా, పట్టణమైనా.. గ్రామమైనా.. కుక్కల స్వైర విహారం ఎక్కువవ్వడంతో బాధితులు వేలకు చేరుకున్నారు. జిల్లాలో అన్ని ప్రాంతాల్లో అపారిశుద్ధ్య వాతావరణం అధికమవుతున్న క్రమంలో వీధి కుక్కల బెడద మరింత పెరుగుతోంది. తాజాగా కుక్క కాటుపై నిర్లక్ష్యం ఫలితంగా జిల్లాలో మురపాకకు చెందిన ఓ యువకుడు ప్రాణాలు కోల్పోవడం సంచలనంగా మారింది. దీంతో ఎక్కడైనా కుక్క కాటుకు గురైన వారు కచ్చితంగా నిర్లక్ష్యం వీడి వ్యాక్సిన్‌ను వేయించుకోవాలని వైద్యులు సూచిస్తున్నారు. ఏ మాత్రం అశ్రద్ధ చేసినా ప్రాణాంతకమవుతుందని హెచ్చరిస్తున్నారు. జిల్లాలో కుక్కకాటు (రేబిస్‌)తో డెత్‌ కేసు నమోదు కావడంతో జిల్లాలో వైద్య శాఖ అప్రమత్తమయ్యింది. నాలుగు నెలలు.. 2413 కుక్క కాటు కేసులు.. జిల్లాలో 2024–25 వార్షిక సంవత్సరంలో 8963 కుక్క కాటు కేసులు నమోదయ్యాయి. 2025–26 అంటే ఈ నాలుగు నెలల్లోనే ఏకంగా 2413 కేసులు నమోదవ్వడం గమనార్హం. గత ప్రభుత్వంలో అన్ని ప్రాథమిక ఆరోగ్య కేంద్రాల్లోనూ ఏఆర్‌వీ (యాంటీ రేబిస్‌ వ్యాక్సిన్‌) అందుబాటులో ఉండేవి. ఇప్పుడు కూటమి ప్రభుత్వంలో మందుల సరఫరా వ్యాక్సిన్‌ సరఫరాలు అంతా సగం సగం గానే పంపిణీ అవుతున్నాయి. దీంతో చాలా చోట్ల కుక్క కాటుకు గురైన వారు ప్రైవేటు ఆసుపత్రులను ఆశ్రయిస్తున్నారు. ముఖ్యంగా క్షేత్ర స్థాయిలో ప్రభుత్వ వైద్య సదుపాయాలు దారుణంగా ఉండడంతో సాధారణ జబ్బులతో అవస్థలు పడుతున్న వారి సంఖ్య అధికమవుతున్నారు. దీంతో పాటు కుక్క కాటు బాధితులకు కూడా అవస్థలు తప్పడం లేదు. ●వ్యాప్తి ఇలా... కుక్క కరిచినప్పుడు దాని లాలాజలంలో ఉండే వైరస్‌ మనిషి కండరాల్లోకి చేరుతుంది. కండరాల్లో వైరస్‌ అభివృద్ధి చెంది సున్నితమైన ఫైబర్‌ ద్వారా వెన్నెముకలోకి ప్రవేశిస్తుంది. అక్కడ్నుంచి మెదడుకు, ఆ తరువాత చిన్న మెదడుకు, అనంతరం అన్ని భాగాల్లోకి చేరుతుంది. ఆ తరువాత నాడీ వ్యవస్థనుంచి తిరోగమన ప్రక్రియ ద్వారా లాలాజల గ్రంథుల్లోను, కళ్లు, చర్మంలోకి చేరుకుని అక్కడ్నుంచి వైరస్‌ ఇతరులకు వ్యాపిస్తుంది. ●ఏడాదిలో ఎప్పుడైనా... కుక్క కరిచిన నాటి నుంచి వ్యాధి లక్షణాలు ఏడాదిలోపు ఎప్పుడైనా బయటపడొచ్చని చెబుతున్నారు వైద్యులు. ●30 రోజుల్లో 25 శాతం మందిలో కనిపిస్తాయి. ●30 నుంచి 90 రోజుల్లో 50 శాతం మందిలో బయటపడతాయి. ●90 నుంచి ఏడాది లోపు 20 శాతం, ఒక సంవత్సరం తరువాత 5 శాతం కనిపిస్తాయి. ●నీటిని చూసినా.. గాలి పీల్చినా.. ●మొదటి దశ: జ్వరం, తలనొప్పి, నీరసం, నిరాశ, ఆందోళన, న్యూరోపతిక్‌ నొప్పి, నిద్రలేమి ●రెండో దశ: హైపరేక్టివిటీ, ఆందోళన, మూర్ఛ, హైడ్రో ఫోబియా (నీటిని చూస్తే భయం), ఏరో ఫోబియా (గాలి అంటే భయం) ●మూడో దశ: రెండు వారాల్లో కోమాలోకి వెళ్లే అవకాశం ●నాలుగో దశ: ఒకటి నుంచి ఆరు రోజుల్లో శ్వాస తీసుకోవడంలో తీవ్రమైన ఇబ్బంది ●ఈ వ్యాధి సోకిన వారికి చివరి దశలో నీటిని చూసినా, గాలిని పీల్చినా మెడలోని గాలిని నియంత్రించే వ్యవస్థలు, నీటిని గుటక వేయడాన్ని నియంత్రించే వ్యవస్థలు, శ్వాస పీల్చే వ్యవస్థలు దెబ్బ తినడంవల్ల మరణం సంభవిస్తుంది. ఈ చిత్రంలో ఉన్న చిన్నారి పేరు షేక్‌ ఉస్మాన్‌. ఇచ్ఛాపురం మండలం ఎం.తోటూరుకు చెందిన ఈ చిన్నారి తోటి స్నేహితులతో కలిసి ఈ నెల 15న ఆడుకుంటుండగా ఓ కుక్క దాడి చేసింది. ఈ ఘటనలో బాలుడి కన్ను, తలపై తీవ్ర గాయాలయ్యాయి. కుటుంబ సభ్యులు హుటాహుటిన ఇచ్ఛాపురం సామాజిక ఆసుపత్రికి తరలించారు. అదే రోజు, ఇచ్ఛాపురం పట్టణంలోనే ఎ.ప్రణతీ అనే బాలికపైనా వీధి కుక్క దాడి చేసి గాయపరచడంతో ఆసుపత్రిలో చికిత్స అందజేశారు. లావేరు మండలం మురపాక గ్రామంలోనూ ఓ యువకుడు కుక్కకాటుతో మృత్యువాతపడ్డాడు. కుక్క కాటు వేసినా వ్యాక్సిన్‌ వేసుకోకుండా నిర్లక్ష్యం వహించడంతో రేబిస్‌ సోకి మృతి చెందాడు. శుభ్రంగా కడగాలి కుక్క కాటుకు గురికాగానే ప్రాథమికంగా వూండ్‌ వాష్‌ చేయాలి. ఇదే అత్యంత ముఖ్యమైన ప్రక్రియ. గాయమైన ప్రదేశాన్ని సబ్బు నీళ్లతో శుభ్రంగా కడిగి యాంటీ సెప్టిక్‌ లోషన్‌ రాయాలి. వైరస్‌ శరీరంలోకి ఎక్కకుండా వెంటనే వైద్యులను సంప్రదించాలి. లేదంటే నాడీ వ్యవస్థపై ప్రభావం చూపే అవకాశం ఉంది. – డాక్టర్‌ కె.అనిత, డీఎంహెచ్‌వో

శ్రీకాకుళం రూరల్‌ : అర్హులందరికీ హుద్‌హుద్‌ ఇళ్లు ఇవ్వాలని, లేదంటే తాము కట్టిన డబ్బులైనా తిరిగి ఇచ్చేయాలని డిమాండ్‌ చేస్తూ శ్రీకాకుళం రూరల్‌ మండల పరిధిలోని కుందువానిపేట గ్రామస్తులు గురువారం సర్పంచ్‌ సూరాడ సూర్యం ఆధ్వర్యంలో ధర్నా చేపట్టారు. 2014–19 టీడీపీ పాలనలో తెలుగుదేశం పార్టీ చెందిన మాజీ సర్పంచ్‌ సూరాడ అప్పన్న ఇళ్లు ఇప్పిస్తామంటూ సుమారు 400 మంది వద్ద నుంచి రూ.12 వేలు చొప్పున వసూలు చేసి, ఇప్పుడు రోడ్డున పడేశారంటూ నిరసన వ్యక్తం చేశారు. ఈ సందర్భంగా సర్పంచ్‌ సూర్యం మాట్లాడుతూ కుందువానిపేటలో 288 హుద్‌హుద్‌ ఇళ్లు మంజూరయ్యాయని తెలిపారు. వైఎస్సార్‌ సీపీ హయాంలో తొలివిడతలో 145 ఇళ్లు ఇవ్వగా, రెండో విడతలో 72 ఇళ్లను అర్హులను గుర్తించి అందించారన్నారు. కూటమి ప్రభుత్వం వచ్చాక టీడీపీ నాయకుడు సూరాడ అప్పన్న కేవలం తన కుటుంబ సభ్యులకు మాత్రమే 65 ఇళ్లు కేటాయించుకున్నారని, మిగిలిన వారికి అన్యాయం చేశారని చె ప్పారు. దీనికితోడు కొంతమందిని హౌసింగ్‌ అధికారులతో ఖాళీ చేయించాలని ప్రయత్నిస్తున్నారని, ఇది ఎంతవరకు సమంజసమని ప్రశ్నించారు. గ్రా మస్తులకు న్యాయం చేయాలని డిమాండ్‌ చేశారు. టీడీపీ నేతలకు వ్యతిరేకంగా కుందువానిపేట గ్రామస్తుల నిరసన హుద్‌హుద్‌ ఇళ్లు ఇప్పిస్తానంటూ 400 మంది వద్ద డబ్బు వసూలు చేసిన మాజీ సర్పంచ్‌ బలవంతంగా ఖాళీ చేయిస్తున్నారు మాది పేదకుటుంబం. వైఎస్సా ర్‌ సీపీ హయాంలో హుద్‌హుద్‌ ఇల్లు కేటాయించారు. ఇప్పడు హౌసింగ్‌ అధికారులతో బలవంతంగా ఖాళీ చేయించారు. ఉన్నపలంగా ఎక్కడికి పోవాలి? – బర్రి లక్ష్మీ, కుందువానిపేట న్యాయం చేయాలి.. మాది పేదకుటుంబం. ఇల్లు, స్థలం లేదు. దీంతో తీవ్ర ఇబ్బందులు పడుతున్నాం. మాలాంటి వారికి హుద్‌హుద్‌ ఇల్లు కేటాయించి న్యాయం చేయాలి. – సూరాడ రోహిణి, కుందువానిపేట డబ్బులు తీసుకున్నాడు.. టీడీపీ నాయకుడు సూరాడ అప్పన్న ఇల్లు ఇప్పిస్తామని డబ్బులు తీసుకున్నాడు. నాలా మా గ్రామంలో చాలా మంది వద్ద డబ్బులు వసూలు చేశాడు. ఇప్పుడు ఇల్లులేదు.. డబ్బులు ఇవ్వడం లేదు. – కరుకు రాము, కుందువానిపేట

●ప్రజాస్వామ్యంలో ఉన్నామా.. ●రెడ్‌ బుక్‌ రాజ్యాంగంలో ఉన్నామా.. ఈ చిత్రం చూడండి. ఎచ్చెర్ల మండలం ఫరీదుపేటలో పట్టపగలు ఈ నెల 11న వైఎస్సార్‌సీపీ నాయకుడు సత్తారు గోపిని హత్య చేయడంతో మృతదేహంపై పడి వారి కుటుంబీకులు పోలీసుల తీరుపై ఆవేదన వ్యక్తం చేసిన దృశ్యమిది. గతేడాది కూన ప్రసాద్‌ హత్య జరిగినప్పుడే నిందితులపై కఠిన చర్యలు తీసుకుంటే ఈ హత్య జరిగేది కాదని, ఎస్‌ఐ సందీప్‌ తీరుపై కూడా మండిపడ్డారు. మృతదేహం దగ్గరకు ఎస్పీని సైతం బాధిత కుటుంబీకులు దగ్గరకు రానీయలేదు. రోడ్డుపై నిరసన తెలియజేసి జాతీయ రహదారిని దిగ్బంధనం చేశారు. దీన్నిబట్టి వారికెంత అన్యాయం జరిగిందో అర్థం చేసుకోవచ్చు. ఘటన జరిగి వారం కావస్తున్నా నిందితులను అరెస్టు చేయలేదు. 12 మందిపై లిఖిత పూర్వక ఫిర్యాదు ఇచ్చినా చర్యలు కన్పించలేదు. పోలీసుల తాత్సారంతో చివరికీ హత్యకు సూత్రధారిగా ఆరోపణలు ఎదుర్కొంటున్న కొత్తకోట అమ్మినాయుడు కొన్ని రోజులు ఊరిలోనే తిరిగి, వైఎస్సార్‌సీపీ నాయకులు ఎప్పుడైతే ఘటనను సీరియస్‌గా తీసుకుని ఎస్పీకి ఫిర్యాదు చేశారో వెంటనే పరారైపోయారు. ● విస్మయం కలిగిస్తున్న పోలీసుల వ్యవహార శైలి ● ఒక్కో కేసులో ఒక్కో తీరు ● కాశీబుగ్గలో గొడవకు సంబంధం లేని ముగ్గురిపై కేసు నమోదు ● రాత్రికి రాత్రే పోలీసు స్టేషన్‌కు తీసుకొచ్చి ఉంచిన పరిస్థితి ● ఫరీదుపేటలో హత్య జరిగినా నిందితులపై కానరాని చర్యలు ● తాత్సారం చేయడంతో కీలక సూత్రధారి పరారీ సాక్షి ప్రతినిధి, శ్రీకాకుళం : ఈ రెండు ఘటనలను ఒక్కసారి పోల్చిచూస్తే.. కాశీబుగ్గలో గొడవకు సంబంధం లేని వైఎస్సార్‌సీపీకి చెందిన ముగ్గురిపై టీడీపీ వారు ఫిర్యాదు చేశారని రాత్రికి రాత్రి ఇంటి నుంచి తీసుకొచ్చి పోలీసు స్టేషన్‌లో పెట్టేశారు. అదే ఫరీదుపేటలో సత్తారు గోపి హత్య చేసిన ఘటనకు సంబంధించి వారిపై లిఖిత పూర్వకంగా ఫిర్యాదు చేస్తే ఇంతవరకు అరెస్టు చేయలేదు. కాశీబుగ్గలో జరిగిన గొడవలో నిజంగా వైఎస్సార్‌సీపీ వారికి సంబంధం ఉంటే రాత్రికిరాత్రి ఇంటి నుంచి తీసుకురావాల్సిన అవసరం లేదు. ఆధారాలుంటే మరుసటి రోజైన చర్యలు తీసుకోవచ్చు. కానీ ఆ పనిచేయకుండా యుద్ధ ప్రాతిపదికన అదుపులోకి తీసుకున్నారు. ఫరీదుపేటలో పట్ట పగలు వైఎస్సార్‌సీపీకి చెందిన నాయకుడ్ని హత్య చేసి, ఆ నిందితులు ఊరిలోనే తిరుగుతుంటే చోద్యం చూశారు. యుద్ధ ప్రాతిపదికన అదుపులోకి తీసుకుని విచారణ జరిపి చర్యలు తీసుకోవచ్చు. కానీ ఆ పనిచేయలేదు. వైఎస్సార్‌సీపీ జిల్లా నాయకులంతా సీరియస్‌గా తీసుకుని ఎస్పీకి ఫిర్యాదు చేసిన తర్వాత హత్యకు సూత్రధారిగా ఆరోపణలు ఎదుర్కొంటున్న కొత్తకోట అమ్మినాయుడు అజ్ఞాతంలోకి వెళ్లిపోయారు. జరిగిన పరిణామాలన్నీ కళ్లముందే కన్పిస్తుండటంతో ఎంత ఉదాసీనంగా వ్యవహరించారో స్పష్టమవుతోంది. ఎందుకీ వివక్ష.. ఇదంతా చూస్తుంటే ప్రజాస్వామ్యంలోనే ఉన్నామా? రౌడీ రాజ్యంలో ఉన్నామా? అనే సందేహాలు కలగకమానవు. ప్రభుత్వ పెద్దల ఒత్తిళ్లతో రెండు ఘటనలలో రెండు రకాలుగా పోలీసులు వ్యవహరించారు. ఒక దగ్గర ఒక న్యాయం, మరోచోట మరో న్యాయం చూపించారు. ప్రజలకు రక్షణ, న్యాయం విషయంలో వివక్ష కనబరిచారు. ప్రెస్‌మీట్‌లోనూ, ఇంకెక్కడైనా పోలీసు అధికారులను అడిగితే కొంతమందిని అదుపులోకి తీసుకున్నామని మాత్రం లీకులిచ్చి నాన్చుడు ధోరణి కనబరుస్తున్నారు. సరికదా హత్యకు గురైన వ్యక్తి ఏ హోదాలో వేరే భార్యభర్తల వివాదాన్ని సెటిల్‌ చేస్తారని కొందరు పోలీసు అధికారులు సరికొత్త వాదన తెరపైకి తెచ్చారు. హత్య కంటే భార్య భర్తల వివాదం సెటిల్‌ చేసే విషయాన్నే తప్పుపడుతున్నారు. ఇదేం విధానమో అర్థం కావడం లేదు. ఎవరిదీ వైఫల్యం? గతేడాది వైఎస్సార్సీపీ కార్యకర్త కూన ప్రసాద్‌ హత్య జరిగిన తర్వాత గ్రామంలో పోలీసు పికెట్‌ ఏర్పాటు చేశారు. సీసీ కెమెరాలు కూడా ఉండేవి. కానీ, హత్య కోసం సీసీ కెమెరాలను నిందితులు ధ్వంసం చేసేశారు. ఆ తర్వాత పోలీసు పికెట్‌ కళ్లు గప్పి సత్తారు గోపిని చంపేశారు. ఈ రెండు ఎవరి వైఫల్యమో ప్రత్యేకించి చెప్పనక్కర్లేదు. పోలీసు పికెట్‌ ఉన్నచోట ఎంత అప్రమత్తంగా ఉండాలో పోలీసు అధికారులకు తెలియంది కాదు. అతి సమస్యాత్మక, శాంతిభద్రతల సమస్య ఉన్న గ్రామంలో సీసీ కెమెరాలు పనిచేస్తున్నాయో లేదో ఎప్పటికప్పుడు తెలుసుకోవాల్సిన బాధ్యత గుర్తు చేయాల్సిన విషయం కాదు. ఘటనకు ముందు సరే.. ఘటన తర్వాత కూడా నిందితులపై చర్యలు తీసుకోవడంలో తాత్సారం చేశారు. ఈ లోపే కీలక సూత్రధారి పరారైపోయారు. గతంలో కూన ప్రసాద్‌ హత్య జరిగిన తర్వాత కూడా ఇదే రకంగా కొందరి నిందితుల విషయంలో సీరియస్‌గా వ్యవహరించలేదు. దాని పర్యావసనమే తాజా హత్య అని సాక్షాత్తు హత్యకు గురైన గోపి కుటుంబీకులే కాదు గ్రామస్తులు కూడా పోలీసు అధికారుల ఎదుటే వాపోవడమే కాకుండా నిలదీసే విధంగా మాట్లాడారంటే పరిస్థితిని అర్థం చేసుకోవచ్చు. సాక్షి పత్రికా కార్యాలయంపై దాడి చేసిన వాళ్లపై కూడా అటు ఎస్పీకి, ఇటు డీఎస్పీకి, పోలీస్‌ స్టేషన్లలో ఫిర్యాదు చేస్తే ఇంత వరకు దాడి చేసిన వారిపై చర్యలు తీసుకోలేదు. దాడికి పాల్పడినది టీడీపీ వారు కావడంతో వారి జోలికి పోలీసులు వెళ్లలేదు. ఆధారాలతో ఫిర్యాదు చేసినా స్పందన లేదు. కేసుల నమోదు, చర్యలు తీసుకోవడంలో ఎంత వివక్ష చూపిస్తున్నారో చెప్పడానికి ఇదొక సాక్ష్యం.

ప్రిన్సిపాల్స్‌కు అష్టకష్టాలు ఆ మధ్య యోగా డే, ఇటీవల మెగా పేరెంట్స్‌ మీటింగ్‌, తాజాగా యూనిట్‌ టెస్ట్‌ పరీక్షలు, మరోవైపు ఆన్‌లైన్‌ అడ్మిషన్లు ఇలా ప్రిన్సిపాల్స్‌ కు ఊపిరి తీసుకునే సమయం ఉండడం లేదు. ప్రశ్నాపత్రాలను జిరాక్స్‌ తీసేందుకు తగినంత సమయం లేకపోవడం, నిధులు కేటాయించకపోవడం, గ్రామీణ ప్రాంతాల్లో జిరాక్స్‌ సెంట ర్లు లేకపోవడం, కాలేజీల్లో వందలాది ప్రింట్లు తీసే ప్రింటర్లు అందుబాటులో లేకపోవడం వంటి కారణాలతో అష్టకష్టాలు పడుతున్నారు. రాష్ట్రవ్యాప్తంగా ఒకే ప్రశ్నాపత్రంతో విద్యార్థులు పరీక్షలు రాస్తున్నారన్న సంగతి అటుంచితే.. మెజారిటీ కాలేజీల్లో నిర్దేశించిన సిలబస్‌ పూర్తి కాలేదని తెలుస్తోంది. చాలాచోట్ల ఇప్పటికీ వివిధ సబ్జెక్టుల లెక్చరర్లు లేరు. ఈ మధ్యనే రేషనలైజేషన్‌ ప్రక్రియ, లెక్చరర్ల బదిలీలు, ప్రిన్సిపాల్స్‌ పదోన్నతలతో ఏర్పడిన ఖాళీల భర్తీ ఇంకా పూర్తి కాలేదు. లెక్చరర్ల లేనిచోట దుస్థితి ఒకలా ఉంటే.. లెక్చరర్ల ఉన్నచోట్ల పరిస్థితి మరోలా ఉంది. విద్యార్థులకు చెప్పిన పాఠాలొకటి.. ఇచ్చిన ప్రశ్నలొకటని గుసగుసలు వినిపిస్తున్నాయి. శ్రీకాకుళం న్యూకాలనీ: ఇంటర్మీడియట్‌ విద్యార్థులకు మొదటి యూనిట్‌ పరీక్షలు గురువారం నుంచి ప్రారంభమయ్యాయి. జిల్లావ్యాప్తంగా అన్ని ప్రభుత్వ, సాంఘి క, గిరిజన, గురుకులం, మోడల్‌ కాలేజీలు, కేజీబీ వీలు, హైస్కూల్‌ ప్లస్‌లలో చదువుతున్న ఇంటర్మీడి యట్‌ విద్యార్థులు ఈ పరీక్షలను రాస్తున్నారు. రోజుకు రెండు పరీక్షలు చొప్పున పరీక్షలు జరుగుతున్నాయి. మొదటి సెషన్‌ ఉదయం 11.30 గంట ల నుంచి మధ్యాహ్నం 12.30 గంటల వరకు, రెండో సెషన్‌ మధ్యాహ్నం 3 గంటల నుంచి సాయంత్రం 4 గంటల వరకు జరుగుతోంది. జిల్లాలో ఇదీ పరిస్థితి... పునర్విభజన శ్రీకాకుళం జిల్లాలో అన్ని ప్రభుత్వ యాజమాన్య జూనియర్‌ కాలేజీలు 94 ఉన్నాయి. వీటిల్లో 19 వేల మంది వరకు విద్యార్థులు వివిధ ఇంటర్‌ కోర్సుల్లో చదువుతున్నారు. ఈ యూనిట్‌ పరీక్షల కోసం గత పది రోజులుగా ఇంటర్‌ బోర్డు నానా హడావుడి చేసినప్పటికీ.. ప్రశ్నాపత్రాలను విద్యార్థులకు చేర్చడంలో సఫలీకృతం కాలేదని తెలుస్తోంది. ప్రశ్నాపత్రాలను విద్యార్థులకు అందజేసేందుకు కాలేజీల్లో నానా అగచాట్లు పడుతున్నారు. పరీక్షకు స్వల్ప వ్యవధి ముందు క్వశ్చన్‌ పేపర్‌ను వెబ్‌సైట్‌లో పెడుతుండడంతో ప్రిన్సిపాల్స్‌ కష్టాలు అన్నీఇన్నీ కావు. డౌన్‌లోడ్‌ చేసి.. డిక్టేట్‌ చేస్తున్నారు ఇదిలా ఉంటే రాష్ట్రవ్యాప్తంగా అన్ని యాజమాన్యాల విద్యార్థులు యూనిట్‌ టెస్ట్‌లు, త్రైమాసిక, అర్థ సంవత్సర పరీక్షలను ఒకే ప్రశ్నాపత్రంతో రాసే విధానాన్ని 2023లో వైఎస్సార్‌సీపీ ప్రభుత్వ హయాంలో తీసుకొచ్చారు. నాటి ప్రభుత్వ ఆదేశాలతో ఇంటర్‌ బోర్డు ఉన్నతాధికారులు చేసిన ప్రయత్నం మంచి ఫలితాలను ఇచ్చింది. అంతవరకు బాగానే ఉన్నప్పటికీ తాజాగా జరుగుతున్న యూనిట్‌ టెస్ట్‌ ప్రశ్నాపత్రాలను విద్యార్థులకు మెజారిటీ కాలేజీల్లో అందజేయలేదని తెలుస్తోంది. ప్రశ్నాపత్రాలను విద్యార్థులకు అందజేయాల్సిందేనని జిల్లా అధికారులు ఆదేశించినప్పటికీ.. వివిధ కాలేజీల్లో ప్రశ్నాపత్రాలను ఇంటర్‌ బోర్డు వెబ్‌పోర్టల్‌ నుంచి డౌన్‌లోడ్‌ చేసి విద్యార్థులకు డిక్టేట్‌ చేసినట్లు సమాచారం. ఐఎఫ్‌పీ ప్యానెల్స్‌పై లేదా బ్లాక్‌ బోర్డులపై క్వశ్చన్‌ పేపర్లలోని ప్రశ్నలను లెక్చరర్లు రాసి, తమను రాసుకోమంటున్నారని విద్యార్థులు చెబుతున్నారు. దీంతో ఇంగ్లిష్‌, మ్యాథ్స్‌, కామర్స్‌ ఇతర ఒకేషనల్‌ పేపర్ల సందర్భంలో చాంతడంత ప్రశ్నలు రాయాల్సిన దుస్థితి తల్చుకుని ఆందోళన చెందుతున్నారు. ప్రారంభమైన ఇంటర్మీయట్‌ యూనిట్‌ పరీక్షలు చాలాచోట్ల ప్రశ్నపత్రాలు అందక అవస్థలు కొన్నిచోట్ల డిక్టేట్‌ చేస్తుంటే రాస్తున్న వైనం ఆందోళన చెందుతున్న విద్యార్థులు సూచనలు చేశాం యూనిట్‌ టెస్ట్‌ పరీక్షలపై ప్రిన్సిపాల్స్‌కు అనేక సూచనలు చేయడం జరిగింది. పరీక్షల ప్రశ్నాపత్రాలను ప్రింటౌట్‌ తీసి విద్యార్థులకు అందజేయాలని ఆదేశించడమైంది. కచ్చితంగా ఇంటర్‌ బోర్డు ఉన్నతాధికారుల ఆదేశాలను కాలేజీల్లో అమలు చేయాల్సిందే. అమలు కాకుంటే చర్యలు తప్ప వు. దీనిపై ఉన్నతాధికారులకు నివేదిస్తాం. – పి.దుర్గారావు, జిల్లా ఆర్‌ఐవో, ఇన్‌చార్జి డీవీఈవో, శ్రీకాకుళం

శ్రీకాకుళం (పీఎన్‌కాలనీ): వ్యవసాయ మార్కెట్‌ కమిటీ చైర్మన్లను నియమిస్తూ రాష్ట్ర ప్రభుత్వం గురువారం ఉత్తర్వులు జారీ చేసింది. జిల్లాలో నాలుగు మార్కెట్‌ కమిటీల చైర్మన్ల నియమించినట్లు తెలిపారు. పాతపట్నం నియోజకవర్గంలో హిరమండలం వ్యవసాయ మార్కెట్‌ కమిటీ చైర్మన్‌గా మామిడి రామకృష్ణ (జనసేన), పాతపట్నం చైర్‌పర్సన్‌గా గౌరమ్మ చిన్నింటి, ఇచ్ఛాపురం నియోజకవర్గంలోని కంచిలి వ్యవసాయ మార్కెట్‌ కమిటీ చైర్‌పర్సన్‌గా మద్దిలి విజయలక్ష్మి (టీడీపీ), శ్రీకాకుళం నియోజకవర్గంలోని శ్రీకాకుళం వ్యవసాయ మార్కెట్‌ కమిటీ చైర్‌పర్సన్‌గా దారపు జ్యో త్స్న(జనసేన) ను నియమించినట్లు తెలిపారు. అప్పుల బాధతో వ్యక్తి ఆత్మహత్య పొందూరు: స్థానిక కచేరీ వీధికి చెందిన చిరు వ్యాపారి ఎరబోతు దుర్గారావు(28) బుధవారం రాత్రి తన ఇంట్లో ఫ్యానుకు ఉరివేసుకుని ఆత్మహత్యకు పాల్పడ్డాడు. ఇంట్లో ఎవరూ లేని సమయంలో తలుపులు వేసుకుని ఫ్యానుకు ఉరివేసుకున్నాడు. రాత్రి కుటుంబ సభ్యులకు అనుమానం వచ్చి తెరిచిచూడగా ఉరికి వేలాడుతూ కనిపించాడు. వెంటనే స్థానిక సామాజిక ఆస్పత్రికి తరలించారు. అయితే అప్పటికే మృతి చెందినట్లు వైద్యులు ధ్రువీకరించారు. పోస్టుమార్టం నిమిత్తం శ్రీకాకుళం రిమ్స్‌కు తరలించారు. గురువారం పోస్టుమార్టం అనంతరం కుటుంబ సభ్యులకు మృతదేహాన్ని పోలీసులు అప్పగించారు. దీనిపై కేసు నమోదు చేసి దర్యాప్తు చేస్తున్నట్లు ఎస్‌ఐ సత్యనారాయణ తెలిపారు. గంజాయితో ఇద్దరు అరెస్టు ఇచ్ఛాపురం టౌన్‌: ఒడిశా నుంచి ముంబాయికి 22.566 కిలోల గంజాయి తరలిస్తున్న ఒడిశా రాష్ట్రం మోహన బ్లాక్‌కు చెందిన తులుషా నాయిక్‌, సామ్సన్‌ బీరోలను అరెస్టు చేసినట్లు సోంపేట ఎకై ్సజ్‌ మొబైల్‌ సీఐ జీవీ రమణ తెలిపారు. జిల్లా ఎకై ్సజ్‌ శాఖ సూపరింటెండెంట్‌ ఆదేశాల మేరకు అసిస్టెంట్‌ సూపరింటెండెంట్‌ మురళీధర్‌ ఆధ్వర్యంలో సోంపేట మొబైల్‌ ఎకై ్సజ్‌ బృందం ఇచ్ఛాపురం రైల్వేస్టేషన్‌ చుట్టుపక్కల గురువారం తనిఖీలు చేపట్టింది. ఆ సమయంలో అనుమానాస్పదంగా తులుషా నాయిక్‌, సామ్సన్‌ బీరోలు తిరుగుతుండగా గమనించి వారి లగేజీ తనిఖీ చేశారు. దీంతో వారి వద్ద 22.566 కిలోల గంజాయి పట్టుబడడంతో అదుపులోకి తీసుకున్నారు. ఒడిశాలోని జితున్‌ అనే వ్యక్తి వీరి ద్వారా ట్రైన్‌లో ముంబాయికి గంజాయి తరలించేందుకు ఒప్పందం కుదుర్చుకున్నట్లు విచారణలో తేలింది. స్వాధీనం చేసుకున్న గంజాయి విలువ రూ.లక్ష వరకు ఉంటుందన్నారు. తనిఖీల్లో ఎకై ్సజ్‌ ఎస్‌ఐ ఐ.సుజాత, సిబ్బంది శ్రీనివాస్‌, విజయ్‌, ఆనంద్‌ తదితరులు పాల్గొన్నారు. రేషన్‌ తూకంలో తేడా వస్తే చర్యలు జి.సిగడాం: ప్రభుత్వం ప్రజలకు అందిస్తున్న రేషన్‌ బియ్యం తూకంలో తేడా వస్తే ఉపేక్షించేది లేదని శ్రీకాకుళం రెవెన్యూ డివిజనల్‌ అధికారి కె.సాయి ప్రత్యూష హెచ్చరించారు. మండల కేంద్రంలోని పౌర సరఫరాల గిడ్డంగిని గురువారం ఆమె ఆకస్మికంగా తనిఖీ చేశారు. ఈ సందర్భంగా మాట్లాడుతూ రేషన్‌ డిపో డీలర్లకు బియ్యం తరుగుదల లేకుండా పంపిణీ చేయాలని, ఎక్కడైనా బియ్యం తరుగుదల వస్తే వెంటనే సంబంధిత గోదాం అధికారులకు సమాచారం ఇవ్వాలని సూచించారు. రేషన్‌ సరుకులు లబ్ధిదారులకు సకాలంలో అందేవిధంగా చర్యలు తీసుకోవాలని సూచించారు. ఎఫ్‌సీ గోదాం నుంచి వస్తున్న బియ్యాన్ని తూకం వేసి తీసుకోవాలన్నారు. అనంతరం మెట్టవలస గ్రామంలో మందుగుండు సామాగ్రి విక్రయించేందుకు షాపు నిర్మాణం కోసం దరఖాస్తు చేసుకున్న లబ్ధిదారుడి స్థలాన్ని పరిశీలించారు. ప్రభుత్వ నిబంధనల మేరకే అనుమతులు ఇస్తామన్నారు. ఆమెతో పాటు తహసీల్దార్‌ మహాదేవు సరిత, ఆర్‌ఐ అబోతుల రాధ, వీఆర్వో లక్ష్మణరావు తదితరులు ఉన్నారు. పక్కాగా ప్రీస్కూల్‌ నిర్వహణ సారవకోట: అంగన్‌వాడీ కేంద్రాలలో ప్రీ స్కూల్‌ నిర్వాహణ పక్కాగా జరగాలని సారవకోట ఐసీడీఎస్‌ ప్రాజెక్టు అధికారి ఎస్‌.అనూరాధ సిబ్బందికి సూచించారు. గురువారం సారవకోట మండల పరిషత్‌ సమావేశ మందిరంలో సారవకోట, జలుమూరు మండలాల అంగన్‌వాడీ కార్యకర్తలతో సమావేశం నిర్వహించారు. పీపీ–1, పీపీ–2 పాఠ్య పుస్తకాలలో ఉన్న సబ్జెక్టు మేరకు ప్రతిరోజు అంగన్‌వాడీ కేంద్రాలలో ప్రీ స్కూల్‌ నిర్వహణ చేపట్టాలన్నారు. కేంద్రాల నిర్వహణ, లబ్ధిదారులకు అందాల్సిన పౌష్టికాహారం తదితర వివరాలను యాప్‌లలో నమోదు చేయాలన్నారు. సమావేశంలో సూపర్‌వైజర్లు సుజాత, సీతారత్నం, పద్మావతి, మనోహరి పాల్గొన్నారు.

పొందూరు రూరల్‌: కూటమి ప్రభుత్వం వచ్చాక ఎరువులు పక్కదారిపడుతున్నాయి. పొందూరు మండలం బాణాం రైతు సేవా కేంద్రానికి వచ్చిన సబ్సిడీ ఎరువులను గురువారం తెలుగుదేశం నాయకులు బ్లాక్‌మార్కెట్‌కు తరలిస్తుండగా మాజీ సర్పంచ్‌ పెద్దింటి రవిబాబు ఆధ్వర్యంలో రైతులు అడ్డుకున్నారు. లారీని అడ్డుకోవడంతో అధికార యంత్రాంగం దిగివచ్చింది. బ్లాక్‌ మార్కెట్‌కు వెళ్లిన ఎరువులను తిరిగి బాణాం రైతు సేవా కేంద్రానికి తరలించడంతో రైతులు నిరసన విరమించారు. ఎరువుల దుకాణంలో విజిలెన్స్‌ తనిఖీలు రణస్థలం: కోష్ఠా గ్రామంలో శ్రీ శ్రీనివాస ఎంటర్‌ప్రైజెస్‌ రిటైల్‌ ఎరువుల దుకాణంలో గురువారం విజిలెన్స్‌, వ్యవసాయ అధికారులు తనిఖీలు చేపట్టారు. రికార్డులు పరిశీలించారు. అదనపు గోదాములో సుమారు 126 మెట్రిక్‌ టన్నుల ఎరువులకు సంబంధించి లైసెన్స్‌ లేకపోవడంతో విక్రయాలు జరగకుండా నిలుపుదల చేశారు. వీటి విలువ రూ.20.46 లక్షలు ఉంటుందని అధికారులు పేర్కొన్నారు. తనిఖీల్లో సహాయ వ్యవసాయ సంచాలకులు బి.విజయప్రసాద్‌, విజిలెన్స్‌ సీఐ అడారి సంతోష్‌కుమార్‌, మండల వ్యవసాయాధి కారి డి.విజయభాస్కర్‌, డీఏవో కార్యాలయ ఏఓ సురేష్‌, విజిలెన్స్‌ సిబ్బంది పాల్గొన్నారు.

జిల్లాలో ఎండలు మండిపోతున్నాయి. ఐదు రోజులుగా వడగాలులు ఉక్కిరిబిక్కిరి చేస్తున్నాయి. అడపాదడపా వానలు పడుతున్నప్పటికీ ఎండలు మాత్రం విపరీతంగా కాస్తున్నాయి. మరో రెండు మూడు రోజుల పాటు ఇదే పరిస్థితి ఉంటుందని వాతావరణ శాఖ అధికారులు చెబుతున్నా రు. వేసవిని తలపించేలా ఎండలు ఉండటంతో ప్రజలు బెంబేలెత్తిపోతున్నారు. వేసవిలో అత్యధికంగా 43 డిగ్రీలు సెల్సియస్‌ ఉష్ణోగ్రత నమోదైతే ఇప్పుడు 40 నుంచి 42 డిగ్రీల ఉష్ణోగ్రత నమోదవుతోంది. దీనికి తోడు గాలులు లేకపోవడంతో జనం అల్లాడుతున్నారు. ముఖ్యంగా వృద్ధులు, చిన్నపిల్లల పరిస్థితి దయనీయంగా ఉంది. ఒకపక్క ఎండలు కాస్తుండగా సాయంత్రం 6 గంటల తర్వాత వాతావరణంలో ఒక్కో రోజు ఒక్కో విధమైన మార్పు కనిపిస్తోంది. ఈ వాతావరణ పరిస్థితుల నేపథ్యంలో ప్రజలు జాగ్రత్తలు పాటించాలని వైద్యులు సూచిస్తున్నారు. బయటకు వెళ్లవద్దని, ద్రవపదార్థాలు ఎక్కువగా తీసుకోవాలని వృద్ధులు చిన్నపిల్లలు మరింత జాగ్రత్తగా ఉండాలని సూచిస్తున్నారు. -శ్రీకాకుళం

‘పీఎం సూర్యఘర్‌ సద్వినియోగం చేసుకోండి’ ప్రధానమంత్రి సూర్యఘర్‌ కార్యక్రమానికి విశేష స్పందన వస్తోందని, ఇంకా జిల్లాలో లక్ష్యాలను పూర్తి చేయాలని తూర్పు ప్రాంత విద్యుత్‌ పంపిణీ సంస్థ ఫైనాన్స్‌ డైరెక్టర్‌ డి.చంద్రం ఆదేశించారు. ఆయన బుధవారం జిల్లా పర్యటనకు వచ్చిన సందర్భంగా సూర్యఘర్‌పై సోలార్‌ ప్యానల్‌ కాంట్రాక్టర్లు, వెండర్లు, బ్యాంకు అధికారులతో సమీక్షించారు. ఈ సందర్భంగా పలు సూచనలను చేశారు. సోలార్‌తో విద్యుత్‌ను ఆదా చేసుకోవచ్చు నని గృహ వినియోగదారులతో పాటు వాణిజ్య వినియోగదారులు కూడా సూర్యఘర్‌ పథకాన్ని నాణ్యమైన విద్యుత్‌తో పాటు బ్యాంకు సబ్సిడీలతో సద్వినియోగం చేసుకోవాలన్నారు. కార్యక్రమంలో సర్కిల్‌ ఎస్‌ఈ నాగిరెడ్డి కృష్ణమూర్తి, ఆపరేషన్స్‌ ఈఈ పైడి యోగేశ్వరరావు, టెక్నికల్‌ ఈఈ సురేష్‌కుమార్‌ పాల్గొన్నారు. – అరసవల్లి

టెక్కలి : టెక్కలిలో సత్యసాయి నిత్యాన్నపూర్ణ సేవా కార్యక్రమంలో పనిచేస్తున్న నిరుపేద వితంతు కొమ్ము జ్యోతి కుమార్తె రవళి వివాహానికి సత్యసాయి సేవా సమితి సభ్యులు తమవంతు సహకారం అందజేశారు. బుధవారం రూ.50 వేల నగదు, పట్టుచీర, పుస్తెలతాడు, వివాహ సామగ్రి అందించారు. సమితి సభ్యులు అన్నపూర్ణ జగదీశ్వరరావు, నాగరాణి, టంకాల నాగరాజు తదితరులు రూ.10 వేలు, మిగిలిన దాతలు రూ.50 వేలు, బెలుసొంటి మధు పట్టుచీర, బంగారు శతమానం సమకూర్చారు. కార్యక్రమంలో యు.భాస్కరరావు, చంటి, ఆర్‌.ఆదినారాయణ, పి.సూర్యనారాయణ, కె.వేణుగోపాల్‌, ఎం.ఆదినారాయణ, ఎస్‌.రాములమ్మ, డిల్లేశ్వర్రావు, కోదండరావు, లక్ష్మణరావు, హెచ్‌.రాజశేఖర్‌, అప్పారావు, ఎం.తాతయ్య, కె.జగన్మోహన్‌రావు తదితరులు పాల్గొన్నారు.

హిరమండలం: గులుమూరు గ్రామానికి చెందిన మజ్జి బుజ్జి (40)గడ్డిమందు తాగి బుధవారం మృతిచెందాడు. హిరమండలం ఎస్సై ఎండీ యాసీన్‌ తెలిపిన వివరాల ప్రకారం.. బుజ్జి హిరమండలంలోని టాటా ప్లాంట్‌లో సూపర్‌వైజర్‌గా పని చేస్తుండేవాడు. ఆన్‌లైన్‌ గేమ్స్‌లో నష్టపోయి అప్పుల పాలయ్యాడు. మానసిక ఒత్తిడికి గురై మనస్థాపం చెంది మంగళవారం గడ్డి మందు తాగి ఆత్మహత్యాయత్నానికి పాల్పడ్డాడు. వెంటనే కుటుంబ సభ్యులు శ్రీకాకుళంలో ఓ ప్రైవేటు ఆసుపత్రిలో చేర్పించగా చికిత్స పొందుతూ బుధవారం మృతి చెందాడు. భార్య భాగ్యలక్ష్మి ఇచ్చిన ఫిర్యాదు మేరకు ఎస్సై కేసు నమోదు చేశారు.

టెక్కలి రూరల్‌: గూడెం పంచాయతీ సన్యాసి నీలాపురంలో బుధవారం వైద్య శిబిరం ఏర్పాటు చేశారు. ‘నీలాపురంలో జ్వరాలు’ శీర్షికన సాక్షిలో కథనం ప్రచురితమైంది. దీనిపై స్పందించిన వైద్య సిబ్బంది గ్రామానికి వెళ్లి బావులు, రోడ్డుకు ఇరువైపులా క్లోరినేషన్‌ చేయించారు. లింగాలవలస పీహెచ్‌సీ వైద్యాధికారి డాక్టర్‌ పవన్‌తేజ ఆధ్వర్యంలో మెడికల్‌ క్యాంపు ఏర్పాటు చేశారు. రక్తపరీక్షలు నిర్వహించి మందులు అందజేశారు. కార్యక్రమంలో వైద్యసిబ్బంది పాల్గొన్నారు. కంప్యూటర్‌ అకౌంటెన్సీ కోర్సులో శిక్షణ రణస్థలం: ఎచ్చెర్ల మండల కేంద్రంలోని యూనియన్‌ బ్యాంక్‌ గ్రామీణ స్వయం ఉపాధి శిక్షణ సంస్థలో ఈ నెల 23 నుంచి ప్రారంభం కానున్న కంప్యూటర్‌ అకౌంటెన్సీ కోర్సులో ప్రవేశాలకు దరఖాస్తులు ఆహ్వానిస్తున్నట్లు డైరెక్టర్‌ ఎన్‌.రామ్‌జీ బుధవారం ఒక ప్రకటనలో తెలిపారు. ఉమ్మడి జిల్లాకు చెందిన పదో తరగతి చదివిన, 19 నుంచి 45 ఏళ్ల బీపీఎల్‌ కేటగిరి మహిళా అభ్యర్థులు అర్హులని పేర్కొన్నారు. 38 రోజులపాటు నిర్వహించే ఈ శిక్షణలో ఉచిత వసతి, భోజన సౌకర్యాలు కల్పిస్తామని, పూర్తి వివరాలకు 77021 80537 నంబరును సంప్రదించాలని కోరారు.

సాక్షి ప్రతినిధి, శ్రీకాకుళం: ‘సంపద సృష్టిస్తా.. రాష్ట్రాన్ని అభివృద్ధి చేస్తా’.. అని చంద్రబాబు రాష్ట్రమంతా తిరిగి చెప్పారు. ఇప్పుడా సంపద సృష్టికి ఏకంగా ప్రభుత్వ ఆస్తులను ప్రైవేటు సంస్థలకు అప్పగించేస్తున్నారు. పైగా వచ్చే ఆదాయమంతా వారికి ఇవ్వడమే వింతగా కనిపిస్తోంది. ప్రైవేటు సంస్థలు సిద్ధంగా ఉంటే చాలు ఎంతటి విలువైన ప్రభుత్వ ఆస్తులనైనా ధారాదాత్తం చేసేందుకు సిద్ధంగా ఉన్నారు. ఉన్న వాటిని కూలగొట్టి, పీపీపీ(పబ్లిక్‌ ప్రైవేటు పార్టనర్‌షిప్‌)విధానంలో ప్రైవేటు రంగ సంస్థలకు, వ్యక్తులకు అప్పగించాలన్నదే కూటమి ప్రభుత్వం విధానమని స్పష్టమవుతోంది. ప్రస్తుతం జిల్లా కేంద్రమైన శ్రీకాకుళంలోని ప్రధాన ప్రభుత్వ ఆస్తులపై సర్కారు కన్నుపడింది. తాజాగా ఆ జాబితాలోకి ఆర్టీసీ కాంప్లెక్స్‌ చేరింది. ప్రైవేటుకు చట్టపరమైన అనుమతులు కల్పించడమే పీపీపీ పద్ధతిలో జరగబోయే సిక్కోలు అభివృద్ధిగా చూపించాలని చూస్తోంది. ప్రైవేటు చేతుల్లోకి ఆర్టీసీ కాంప్లెక్స్‌.. శ్రీకాకుళం నడిబొడ్డున, విలువైన స్థలంలో ఆర్టీసీ కాంప్లెక్స్‌ ఉంది. దాదాపు 16.50 ఎకరాల విస్తీర్ణంలో డిపోతో సహా ఉంది. ఒక్క కాంప్లెక్సే 6.50 ఎకరాల విస్తీర్ణంలో ఉంది. ఒకటో డిపో గ్యారేజీ 5.50ఎకరాలు, రెండో డిపో గ్యారేజీ 4.50 ఎకరాల విస్తీర్ణంలో ఉన్నాయి. ఆర్టీసీ కాంప్లెక్స్‌ ఆవరణలో 69 షాపులు ప్రస్తుతం ఉన్నాయి. వాటిలో 9 తొమ్మిది షాపులు మాత్రమే ఖాళీగా ఉన్నాయి. మిగతావన్నీ ఆక్యుపెన్సీలో ఉన్నాయి. వీటి ద్వారా నెల వారీ అద్దెగా రూ.12,93,421 ఆదాయం వస్తోంది. ఇంతటి విలువైన, భారీగా నెల వారీ ఆదాయం వచ్చే ఆర్టీసీ కాంప్లెక్స్‌ను ప్రైవేటు సంస్థకు అప్పగించేందుకు ప్రభుత్వం సిద్ధమైంది. ఇప్పటికే ఓ ప్రైవేటు సంస్థ ప్రతినిధులు, ఆర్టీసీ అధికారులు వచ్చి పరిశీలన కూడా చేశారు. పబ్లిక్‌ ప్రైవేటు పార్టనర్‌షిప్‌(పీపీపీ) విధానంలో ఆ సంస్థకు ఆర్టీసీ కాంప్లెక్స్‌ అప్పగిస్తే, వారంతా పునర్నిర్మాణం చేపట్టి, తద్వారా నిర్వహణ బాధ్యతలు తీసుకుని, దాని ద్వారా వచ్చే ఆదాయం ఆ సంస్థే పొందేలా ఒప్పందం చేసుకోవడానికి రంగం సిద్ధమవుతోంది. ప్రస్తుతం కలెక్టరేట్‌లో దానికి సంబంధించిన ఫైలు ప్రాసెస్‌లో ఉంది. ఏ క్షణంలోనైనా ఒప్పందం జరగనుంది. ఆ తర్వాత ప్రైవేటు సంస్థ చేతికి ఆర్టీసీ కాంప్లెక్స్‌ వెళ్లిపోతుంది. బాబుకు అలవాటైన పనే.. ప్రభుత్వ ఆస్తులను ప్రైవేటు వ్యక్తులకు కట్టబెట్టడమనేది చంద్రబాబు నైజం. తాను అధికారంలోకి వచ్చిన ప్రతి సారీ ప్రభుత్వ ఆస్తులను, సంస్థలను ప్రైవేటు వ్యక్తులకు అప్పగించడం అలవాటు. ఇప్పుడదే జరుగుతోంది. తెరవెనక మంతనాలు, ఒప్పందాలు, నేతలకొచ్చే స్వప్రయోజనాలు పక్కన పెడితే ప్రభుత్వ ఆస్తులు కాస్త ప్రైవేటు సంస్థలు, వ్యక్తుల ఆధీనంలోకి వెళ్లనున్నాయి. ఒక్క ఆర్టీసీ కాంప్లెక్సే కాదు కావాల్సిన సంస్థలు ముందుకొస్తే నగరంలోని అనేక ప్రభుత్వ సంస్థలు, ఆస్తులు ఇచ్చేందుకు కూటమి ప్రభుత్వం సిద్ధంగా ఉంది. ఆర్టీసీ కాంప్లెక్స్‌ తరహాలోనే జిల్లా కేంద్ర గ్రంథాలయం కూడా అప్పగించేందుకు సిద్ధమవుతోంది. మున్ముందు శ్రీకాకుళం నగరంలోని మున్సిపల్‌ కార్పొరేషన్‌ కార్యాలయం, పొట్టి శ్రీరాముల మార్కెట్‌, బాపూజీ కళా మందిర్‌, పెద్దపాడు చెరువు స్థలం తదితర వాటిని కూడా పీపీపీ విధానంలో అప్పగించాలని యోచిస్తోంది. ఆ దిశగా అడుగులు కూడా వేస్తోంది. అదే జరిగితే నగరంలోని ప్రధాన ప్రభుత్వ ఆస్తులు, ప్రైవేటు వ్యక్తుల చేతుల్లోకి వెళ్లి, వాటి ద్వారా వచ్చే ఆదాయాన్ని ప్రభుత్వం కోల్పోనుంది. అంతేకాకుండా యూజర్‌ చార్జీల పేరుతో పీపీపీ విధానంలో తీసుకున్న సంస్థలు ప్రజలపై భారం మోపే అవకాశం కూడా లేకపోలేదు. అభివృద్ధి చేసి నిర్వహించుకునేలా ప్రైవేటు సంస్థకు అప్పగింత వచ్చే ఆదాయమంతా వారికే.. ఆ దిశగా అడుగులు వేస్తున్న కూటమి ప్రభుత్వం పీపీపీ విధానంలో ఒప్పందానికి సిద్ధం కావాల్సిన వారు ముందుకొస్తే మరికొన్ని ప్రభుత్వ ఆస్తులు ధారాదత్తం చేసే యోచన

● వైద్యారోగ్య శాఖలో బదిలీలపై ఎమ్మెల్యేల అత్యుత్సాహం ● సిఫారసు లేఖల ప్రకారం బదిలీలు చేశారా.. లేదా? ● ఒకవేళ చేయకపోతే ఎందుకు చేయలేదు? ● వివరంగా జాబితాలు పంపాలని ఆదేశం అరసవల్లి : కూటమి ప్రభుత్వంలో అధికార పార్టీ ఎమ్మెల్యేల తీరుతో జిల్లా స్థాయి అధికారులు అవస్థలు పడుతున్నారు. పోస్టింగ్‌లకు, బదిలీలకు, ఇతరత్రా పనులకు ఒక్కో ఎమ్మెల్యే తమ ప్రాంతీయులకు అనుకూలంగా సిఫారసు లేఖలు పంపిస్తూ.. ఎలాగైనా చేయాల్సిందే అంటూ పట్టుబడుతున్నారు. తాజాగా జిల్లా వైద్యారోగ్య శాఖలో గ్రామ/వార్డు సచివాలయాల్లో ఏఎన్‌ఎంల బదిలీల ప్రక్రియ జూమ్‌ విధానంలో వివాదాస్పదంగా జరిగిన సంగతి విదితమే. నేతల ఒత్తిళ్లతో కూడిన సిఫారసు లేఖలు కూడా ఇందుకు ప్రధాన కారణం కాగా.. కార్యాలయంలో ఓ ఇద్దరు కీలక ఉద్యోగుల చేతివాటం మరో కారణమనే ఆరోపణలు వినిపించాయి. మొత్తానికి బదిలీల ప్రక్రియ ఎలాగోలా ముగిసింది. పోస్టింగుల స్థానాలను కేటాయించగా.. చాలావరకు జాయినింగ్‌లు కూడా అయిపోయాయి. ఇప్పుడు మళ్లీ అధికారులకు చేతినిండా పనిపడింది. బదిలీలు చేసిన జాబితాలను తిరగేస్తూ బుధవారం కార్యాలయంలో బిజిబిజీగా కనిపించారు. జాబితా కోసం...! గ్రామ/వార్డు సచివాలయాల్లో మొత్తం 605 మందికి బదిలీలు చేశారు. పేరుకు నిబంధనల ప్రకారం చేసామని అధికారులు స్టేట్‌మెంట్లు ఇస్తున్నా.. వాస్తవానికి అందుకు విరుద్ధంగా జరిగాయనేది బహిరంగ సత్యం. బదిలీల ప్రక్రియలో ప్రత్యేకంగా పేర్లతో కూడిన జాబితాలను నేరుగా ఎమ్మెల్యేల సంతకాలతోనే జిల్లా వైద్యారోగ్యశాఖకు పంపించారు. వీరికి మాత్రమే కోరుకున్న స్థానాల్లో బదిలీలు చేయాలని హుకుం జారీ చేశారు. సిఫారసు లేఖల ద్వారా అందిన సుమారు మూడు వందల మందికి పైగా పేర్లలో చాలావరకు ఏఎన్‌ఎంలకు కోరుకున్న స్థానాల్లో బదిలీలు చేశారు. తీరా ఇప్పుడు చూస్తే.. ‘అసలు మేం ఇచ్చిన సిఫారసు లేఖల్లో ఎవెరెవరికి బదిలీలు చేశారో..’ అన్న జాబితాలను తిరిగి ఎమ్మెల్యే కార్యాలయానికి పంపించాలంటూ మౌఖిక ఆదేశాలు రావడంతో జిల్లా వైద్యారోగ్య శాఖాధికారులు అదే పనిలో పడ్డారు. శ్రీకాకుళం ఎమ్మెల్యే 8, ఎచ్చెర్ల ఎమ్మెల్యే 10, ఆమదాలవలస ఎమ్మెల్యే 22, పాతపట్నం, టెక్కలి, ఇచ్చాపురం, పలాస నరసన్నపేట తదితర నియోజకవర్గాల ఎమ్మెల్యేలు సైతం నాలుగైదు విడతలుగా సిఫారసుల లేఖలతో బదిలీలు చేయాలని లేఖలు అందాయి. ఈ లేఖల ప్రకారం ఎవరికి చేయలేదో.. చేయకపోవడానికి కారణాలేంటో లిఖితపూర్వకంగా ఎమ్మెల్యేలకు తెలియాలట! ఇదే పనిలో డీఎంహెచ్‌వో కార్యాలయ పరిపాలనావిభాగం, ఎస్టాబ్లిష్‌మెంట్‌ విభాగాలు తెగ కష్టపడుతున్నాయి. ఇదీ కూటమి ప్రభుత్వంలో అధికార పార్టీ ఎమ్మెల్యేల తీరు.

చక్కగా బడిలో చదువుకుంటున్న ఇద్దరు పిల్లలు చనిపోయార ని సచివాలయ సిబ్బంది ఆన్‌లైన్‌లో తప్పుగా నమోదు చేశారు. ఫలితంగా వారిద్దరూ తల్లికి వందనంకు దూరమయ్యారు. మెళియాపుట్టికి చెందిన మూగి భాస్కరరావు, కృష్ణవేణిల కుమారులు మూగి మోక్షిత్‌, మూగి షారుఖ్‌ ఓ ప్రైవేటు స్కూల్‌లో చదువుతున్నారు. వీరికి తల్లికి వందనం డబ్బులు పడలేదు. ఎందుకా అని ఆరా తీస్తే.. హౌస్‌ హోల్డ్‌ సర్వేలో అధికారులు వారిద్దరూ చనిపోయినట్లు ఆన్‌లైన్‌లో నమోదు చేసినట్లు తెలిసింది. ఈ విషయం తెలిసి తల్లిదండ్రులు నిశ్చేష్టులయ్యారు. గతంలో వైఎస్‌ జగన్‌ ఉన్నప్పుడు అమ్మ ఒడి వచ్చిందని, ఈ సారి కూడా అలాగే వస్తుందని ధీమాగా ఉన్నామని, కానీ అధికారుల తప్పిదం వల్ల ఇద్దరు పిల్లలు పథకానికి దూరమయ్యారని వారు తెలిపారు. విషయాన్ని కలెక్టర్‌ దృష్టికి తీసుకెళ్తామని పేర్కొన్నారు. –మెళియాపుట్టి చదువుకుంటున్న పిల్లలు చనిపోయినట్లు ఆన్‌లైన్‌లో నమోదు చేసిన వైనం సచివాలయ సిబ్బంది నిర్లక్ష్యం ఇద్దరికీ అందని ‘తల్లికి వందనం’

శ్రీకాకుళం పాతబస్టాండ్‌: పేదరిక నిర్మూలనే లక్ష్యంగా రాష్ట్ర ప్రభుత్వం ప్రతిష్టాత్మకంగా చేపట్టిన పీ–4 కార్యక్రమం విజయవంతం చేయా లని కలెక్టర్‌ స్వప్నిల్‌ దినకర్‌ పుండ్కర్‌ పిలుపునిచ్చారు. స్వర్ణాంధ్ర విజన్‌–2047లో భాగంగా జిల్లాలో చేపట్టిన ఈ కార్యక్రమంపై కలెక్టర్‌ కార్యాలయంలో బుధవారం జరిగిన శిక్షణ సదస్సులో ఆయన మాట్లాడారు. రాష్ట్ర ప్రణాళికా సంఘం కన్సల్టెంట్‌ బి.బలరాం బంగారు కు టుంబాల ఎంపిక, దత్తత విధానాలపై అధికారులకు వివరించారు. జిల్లాలో ఇప్పటివరకు గుర్తించిన 75,566 బంగారు కుటుంబాల్లో కేవలం 9,494 కుటుంబాలు మాత్రమే దత్తతకు ఎంపికయ్యాయని తెలిపారు. ఆగస్టు 15 నాటికి దత్తత ప్రక్రియ పూర్తి కావాలని సూచించారు. బంగారు కుటుంబాల తుది జాబితా తయారీకి జూలై 18 నుంచి 25లోగా గ్రామ, వార్డు సభలు నిర్వహించనున్నట్లు కలెక్టర్‌ తెలిపారు. ‘రూట్స్‌‘ యాప్‌ ద్వారా ప్రజల నుంచి వివరాలను సేకరించాలని సూచించారు. సమావేశంలో జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌, అసిస్టెంట్‌ కలెక్టర్‌ దొనక పథ్విరాజ్‌ కుమార్‌, టెక్కలి ఆర్డీఓ కృష్ణమూర్తి పాల్గొన్నారు. బీఈడీ నాలుగో సెమిస్టర్‌కు నోటిఫికేషన్‌ విడుదల ఎచ్చెర్ల: బీఈడీ 4వ సెమిస్టర్‌కు సంబంధించి పరీక్ష షెడ్యూల్‌ను డీన్‌ ఉదయ భాస్కర్‌ బుధవారం విడుదల చేశారు. ఆగస్టు 19 నుంచి సెమిస్టర్‌ పరీక్షలు మొదలవుతాయని, 12లోగా ఫీజులు చెల్లించాలని తెలిపారు. పూర్తి వివరాలకు యూనివర్సిటీ వెబ్‌సైట్‌ చూడాలన్నారు. ‘హైస్కూల్‌ ప్లస్‌ పాఠశాలల్లో ఖాళీలు భర్తీ చేయాలి’ టెక్కలి: హైస్కూల్‌ ప్లస్‌ పాఠశాలల్లో ఖాళీలను భర్తీ చేయాలని స్కూల్‌ టీచర్స్‌ అసోసియేషన్‌ (ఏపీ ఎస్టీఏ) రాష్ట్ర ప్రధానకార్యదర్శి తమ్మినేని చందనరావు డిమాండ్‌ చేశారు. బుధవారం టెక్కలి హైస్కూల్‌ ప్లస్‌ పాఠశాలను సందర్శించి అక్కడ సమస్యలను తెలుసుకున్నారు. హైస్కూల్‌ ప్లస్‌ పాఠశాలల్లో పీజీటీ పోస్టులు ఖాళీలు ఏర్పడుతున్నాయని, తక్షణమే వాటిని ప్రభుత్వం భర్తీ చేయాలన్నారు. ప్రస్తుతం ఇంటర్‌ విద్యార్థులకు పాఠాలు బోధించే ఉపాధ్యాయులు లేకపోవడం వల్ల అభద్రతా భావానికి గురవుతున్నారని అన్నారు. ఆయనతో పాటు జిల్లా జాయింట్‌ సెక్రటరీ కె.కోదండరామిరెడ్డి, కేవీ రమణ, శ్రీధర్‌, మోహనరావు, అసిరినాయుడు తదితరులు పాల్గొన్నారు. బోధనేతర పనుల నుంచి విముక్తి ఎప్పుడు? శ్రీకాకుళం న్యూకాలనీ: బోధనేతర పనుల నుంచి ఉపాధ్యాయులకు విముక్తి కలిగించాలని ఎస్టీయూ జిల్లా అధ్యక్షుడు ఎస్వీ రమణమూర్తి, ప్రధాన కార్యదర్శి గురుగుబెల్లి రమణ కోరా రు. ఈ మేరకు బుధవారం ఒక ప్రకటన విడుదల చేశారు. ప్రభుత్వ పాఠశాల మూతవేతే లక్ష్యంగా పాలకులు ముందుకు సాగుతుండటం బాధాకరమన్నారు. ఉపాధ్యాయులను తరగతులకు దూరం చేస్తూ అనునిత్యం బోధన అభ్యసనకు ఆటంకం కలిగించే కార్యక్రమాలు పాఠశాలలో నిర్వహిస్తుండటం ఇటీవల పరిపాటిగా మారిందన్నారు. బడుగు బలహీన వర్గా ల పిల్లలకు ప్రభుత్వం అన్యాయం చేస్తోందన్నారు. ఉపాధ్యాయుడిని బోధనకు దూరం చేసి.. ఇతర కార్యక్రమాల్లో నిమగ్నమయ్యేలా చేయడం గతంలో ఎన్నడూ లేదని, దీనికి ప్రత్యక్ష ఉదాహరణే తాజాగా జరిగిన మెగా పేరెంట్‌ సమావేశమని గుర్తుచేశారు. సమావేశం ముగిసి వారం రోజులు కావస్తున్నా.. ఆనాటి వీడియోలు, ఫొటోలు మరోసారి అప్‌లోడ్‌ చేయండంటూ వేధిస్తుండటం బాధాకరమన్నారు. హెచ్‌ఎంలు, ప్రిన్సిపాళ్లపై, ఉపాధ్యాయులపై ఒత్తిడి చేస్తూనే ఉండటంతో బోధన సరిగ్గా సాగడం లేదని ఆవేదన వ్యక్తంచేశారు. ఈ హంగామాలోపడి విద్యా మిత్ర కిట్లు అందజేయడంలో కూడా అధికారులు వైఫల్యం చెందారని ఆరోపించారు. తరగతి గదిలో ఉద యం 9 నుంచి సాయంత్రం 4 గంటల వరకు ఉపాధ్యాయుడు ఉత్తమ బోధకుడిగా ఉండేలా స్వేచ్ఛాపూరిత వాతావరణం కల్పించాలని ప్రభుత్వానికి విజ్ఞప్తి చేశారు.

కంచిలి: వైఎస్సార్‌ కాంగ్రెస్‌ పార్టీ అధినేత వై.ఎస్‌.జగన్‌మోహన్‌రెడ్డిని ఇచ్ఛాపురం నియోజకవర్గ సమన్వయకర్త, జెడ్పీ చైర్‌పర్సన్‌ పిరియా విజయ బుధవారం తాడేపల్లిలోని పార్టీ కార్యాలయంలో మర్యాదపూర్వకంగా కలిశారు. కృష్ణా జిల్లా జెడ్పీ చైర్‌పర్సన్‌పై ఇటీవల దాడి జరిగిన నేపథ్యంలో ఆమెను పరామర్శించి, అనంతరం జగన్‌ను కలిశారు. కిడ్నీ బాధితుడికి సాయం శ్రీకాకుళం (పీఎన్‌ కాలనీ): నరసన్నపేటలో శిష్టకరణ కులానికి చెందిన రఘుపాత్రుని శేఖర్‌ కిడ్నీ వ్యాధితో బాధపడుతున్నాడు. విషయం తెలుసుకున్న శిష్టకరణ సేవా సంఘం ప్రతినిధులు బుధవారం ఓ ప్రైవేటు ఫంక్షన్‌ హాలులో శేఖర్‌ భార్య సుజాతకు రూ.82 వేలు సాయం అందించారు. కార్యక్రమంలో సంఘం జిల్లా అధ్యక్షుడు డబ్బీరు శ్రీనివాసరావు, నాయకులు ఎస్‌వీడీ మురళి, ఆర్‌వీఎన్‌ శర్మ, సదాశివుని కృష్ణ, బలివాడ శివప్రసాద్‌, నందిగాం కై లేశ్వరరావు, మోహనరావు తదితరులు పాల్గొన్నారు.

గంటలు.. నరకంఇచ్ఛాపురం రూరల్‌: ఇచ్ఛాపురం రైల్వే ట్రాక్‌ మరమ్మతుల నేపథ్యంలో బుధవారం మధ్యాహ్నం 3.30 నుంచి రాత్రి 7.30 గంటల వరకు ఎం.తోటూరు వద్ద రైల్వే గేటును మూసివేశారు. దీంతో వాహనచోదకులు తీవర ఇబ్బందులకు గురయ్యారు. నిత్యం వందలాది వాహనాలు రాకపోకలు సాగించే ఈ రహదారిలో నాలుగు గంటల పాటు గేటు వేయడంతో అటువైపుగా వెళ్లే స్కూల్‌, కాలేజీ బస్సులు ఎక్కడికక్కడ నిలిచిపోవడంతో నరకయాతన పడ్డారు. అండర్‌ పాసేజ్‌ మొత్తం వర్షం నీటితో మునిగిపోవడంతో సుమారు ఐదు కిలో మీటర్లు దూరంలో ఉన్న బెన్నుగానిపేట, కేదారిపురం గ్రామాలు మీదుగా వాహనాలు రాకపోకలు సాగించాయి. సైకిల్‌పై వెళ్లే వారు, బాటసారులు తప్పని పరిస్థితుల్లో ప్రాణాలకు తెగించి అండర్‌ పాసేజ్‌ పక్కనున్న సందులు గుండా రైల్వే పట్టాలపై నుంచి రాకపోకలు సాగించారు. అయితే ముందస్తుగా నాలుగు గంటల పాటు గేట్‌ను మూసివేస్తున్నట్లు రైల్వే అధికారులు బుధవారం ఉదయం నుంచి ఎల్‌సీ గేటు వద్ద ప్లకార్డులు ప్రదర్శించడంతో వాహనచోదకులు మిన్నకుండిపోయారు. ఎం.తోటూరు ఎల్‌సీ గేట్‌ను మూసివేసిన రైల్వే అధికారులు ఇబ్బందులు పడిన విద్యార్థులు, వాహనచోదకులు

విజయనగరం క్రైమ్‌: విజయనగరం వన్‌టౌన్‌, టూటౌన్‌ పోలీస్‌ స్టేషన్‌ల పరిధిలో రాయల్‌ ఎన్‌ఫీల్డ్‌ మోటార్‌ సైకిళ్లను అపహరించిన ఇద్దరు నిందితులను వన్‌టౌన్‌ పోలీసులు బుధవారం అరెస్ట్‌ చేశారు. ఈ సందర్భంగా వన్‌టౌన్‌లో ఎస్పీ వకుల్‌ జిందల్‌ విలేకరుల ముందు ఇద్దరు నిందితులను ప్రవేశ పెట్టారు.ఈ కేసుకు సంబంధించి ఎస్పీ వకుల్‌ జిందల్‌ మాట్లాడుతూ విజయనగరంలోని వీటీ అగ్రహారం బీసీ కాలనీకి చెందిన ఉప్పడాల రాము అలియాస్‌ డీజే, శ్రీకాకుళం జిల్లా ఆమదాలవలస మండలం ముద్దాడపేటకు చెందిన ముద్దాడ నవీన్‌ అలియాస్‌ టైసన్‌ (19)తో కలిసి 11రాయల్‌ ఎన్‌ఫీల్డ్‌ మోటార్‌ సైకిల్స్‌, 2 యమహా మోటార్‌ సైకిళ్లను మారుతాళాలతో దొంగిలించారన్నారు. తరచూ విజయనగరం వన్‌ టౌన్‌, టూటౌన్‌ పోలీస్‌స్టేషన్ల పరిధిలో రాయల్‌ ఎన్‌ఫీల్డ్‌ మోటార్‌ సైకిల్స్‌ చోరీకి గురవుతున్నాయని ఫిర్యాదులు వస్తున్నాయని వాటికి కారకులైన నిందితులను అరెస్టు చేసేందుకు వన్‌టౌన్‌ పోలీస్‌స్టేషన్‌ పరిధిలో క్రైమ్‌ ఎస్సై సురేంద్ర నాయుడు బైక్‌ దొంగతనాలపై తన సిబ్బందితో నిఘా పెట్టారన్నారు. ఈ క్రమంలోనే వీటీ అగ్రహారం బీసీ కాలనీలో నివాసం ఉంటున్న (ఎ1) ఉప్పడాల రాము అలియాస్‌ డీజేను అరెస్టు చేశామని తెలిపారు. గతంలో కూడా ఉప్పడాల రాము అలియాస్‌ డీజేపై బైక్‌ చోరీలకు పాల్పడినట్లు పలు కేసులున్నాయన్నారు. నిందితుడు రాము ఇటీవల జైలు నుంచి విడుదలైన తరువాత మళ్లీ బైక్‌ చోరీలకు పాల్పడ్డాడని తెలిపారు. ఎ1 ఉప్పడాల రాము నుంచి 7 మోటార్‌ సైకిల్స్‌ను, ఎ2 ముద్దాడ నవీన్‌ నుంచి 6 మోటార్‌ సైకిళ్లు రికవరీ చేశామని చెప్పారు. రికవరీ చేసిన బైక్‌లను కోర్టు ఆదేశాలతో బాధితులకు తిరిగి అందించేందుకు చర్యలు చేపడతామని ఎస్పీ ఈ సందర్భగా స్పష్టం చేశారు. ఈ కేసులో క్రియాశీలకంగా వ్యవహరించిన విజయనగరం డీఎస్పీ ఎం.శ్రీనివాసరావు, సీఐ ఆర్వీఆర్కే చౌదరి ఆధ్వర్యంలో పని చేసిన వన్‌ టౌన్‌ క్రైమ్‌ ఎస్సై సురేంద్ర నాయుడు, హెచ్‌సీ ఎ.రమణారావు, కానిస్టేబుల్స్‌ ఎన్‌.గౌరీశంకర్‌, పి.శివశంకర్‌, టి.శ్రీనివాస్‌, పి.మంజులను ఎస్పీ వకుల్‌ జిందల్‌ అభినందించి, ప్రశంసా పత్రాలను అందజేశారు.

కాశీబుగ్గ: కాశీబుగ్గ పోలీస్‌ స్టేషన్‌ వద్ద బుధవారం ఉద్రిక్తత చోటుచేసుకుంది. పోలీసుల తీరును నిరసిస్తూ మాజీ మంత్రి డాక్టర్‌ సీదిరి అప్పలరాజు స్టేషన్‌ ఎదుటే వైఎస్సార్‌ సీపీ నాయకులతో కలిసి ధర్నా చేశారు. మంగళవారం రాత్రి చిన్నబడాం గ్రామంలో నలుగురు టీడీపీ నాయకులు వైఎస్సార్‌ సీపీ కార్యకర్త కొవ్వూరు సుబ్బారావుపై దాడి చేశారు. ఆయన తక్షణమే ఆస్పత్రిలో చేరి పోలీసులకు ఫిర్యాదు చేస్తే కొట్లాటకు సంబంధం లేని ముగ్గురు వ్యక్తులను విచారణ పేరిట స్టేషన్‌కు రాత్రికి రాత్రే తీసుకువచ్చి విడిచిపెట్టకపోవడంపై మాజీ మంత్రి అసహనం వ్యక్తం చేశారు. బాధిత కుటుంబ సభ్యులు, వైఎస్సార్‌సీపీ నాయకులతో కలసి కాశీబుగ్గ సీఐ సూర్య నారాయణ, పొలీసులను నిలదీశారు. 7వ వార్డు చినబడాం కౌన్సిలర్‌ దువ్వాడ సత్యవతి భర్త రమణయ్యతో పాటు మరో ఇద్దరు ఎక్కడ ఉన్నారని ప్ర శ్నించారు. విచారణ అనంతరం ఉదయాన్నే విడిచిపెడతామని చెప్పి ఎందుకు విడిచిపెట్టలేదని ప్రశ్నించారు. గాయపడిన టీడీపీ కార్యకర్తలు ఫిర్యాదు చేయడంతో ముగ్గురిపై ఎఫ్‌ఐఆర్‌ నమోదు చేశా మని పోలీసులు సర్దిచెప్పే ప్రయత్నం చేయడంతో అప్పలరాజుకు పోలీసులకు మధ్య మాటల యుద్ధం జరిగింది. తమ విధులకు ఆటంకం కలిగించవద్దని సీఐ పి.సూర్యనారాయణ, రూరల్‌ సీఐ తిరుపతిరావు కోరడంతో అప్పలరాజు బాధిత కుటుంబాలకు న్యాయం చేయాలని లేకపోతే మళ్లీ వచ్చి ధర్నా చేస్తానని హెచ్చరించి వెనుదిరిగారు. ఎస్పీ విచారణ చేపట్టాలి పలాస–కాశీబుగ్గ మున్సిపాలిటీ 07వవార్డు చిన్నబాడాం గ్రామంలో మంగళవారం జరిగిన కొత్తమ్మతల్లి చల్లదనం ఉత్సవంలో కొట్లాట జరిగిందని, అందుకు సంబంధం లేని వ్యక్తులపై కేసులు పెట్టడంపై ఎస్పీ మహేశ్వర రెడ్డి విచారణ చేపట్టి బాధితులకు న్యాయం చేయాలని మాజీ మంత్రి డాక్టర్‌ సీదిరి అప్పలరాజు కోరారు. తప్పు చేస్తే కేసులు నమోదు చేయాలని, గొడవకు సంబంధం లేని వారిపై కేసు లు కట్టడం సరికాదని అన్నారు. సక్రమంగా ఉన్న గ్రామాల్లో గొడవలు సృష్టించవద్దని, సీఐ గారూ మీకు చేతులు ఎత్తి నమస్కరిస్తున్నానని అన్నారు. దాడి చేసిన వారి ఫిర్యాదులతో బాధితులపై కేసులు పెట్టడం ఏమిటని, ధర్మం ఎక్కడ ఉందని ప్రశ్నించారు. సీఐ సూర్యనారాయణ రాకతో స్నేహంగా ఉండే గ్రామాలు రెండు వర్గాలుగా విడిపోయాయన్నారు. కాళ్లకు మొక్కుతామంటూ.. చినబడాంలో మంగళవారం రాత్రి జరిగిన కొట్లాటలో సంబంధం లేని వైఎస్సార్‌సీపీ నాయకులను తీసుకువచ్చి రాత్రంతా పోలీస్‌స్టేషన్‌లో ఉంచారు. దీంతో తమ కుటుంబ సభ్యులకు ఏమైందో తెలీక బాధిత కుటుంబాల మహిళలు కాశీబుగ్గ సీఐ సూర్యనారాయణ కాలు మొక్కారు. సక్రమంగా విచారణ చేపట్టి న్యాయం చేయాలని కన్నీళ్లు పెట్టుకున్నారు. వైఎస్సార్‌సీపీ కార్యకర్తలపై పోలీసుల తీరును నిరసిస్తూ మాజీ మంత్రి సీదిరి ధర్నా

శ్రీకాకుళం పాతబస్టాండ్‌: కక్షిదారుల సమస్యలను స్వచ్ఛందంగా, త్వరితగతిన, పరస్పర అంగీకారంతో పరిష్కరించుకునే అత్యుత్తమ మార్గం మధ్యవర్తిత్వమని జిల్లా ప్రధాన న్యాయమూర్తి జునైద్‌ అహ్మద్‌ మౌలానా అన్నారు. జిల్లా న్యాయ సేవాధికార సంస్థ ఆధ్వర్యంలో శ్రీకాకుళం బార్‌ అసోసియేషన్‌ హాల్‌ లో నిర్వహించిన ‘మధ్యవర్తిత్వంపై న్యాయ విజ్ఞాన సదస్సు‘లో ఆయన ప్రసంగించారు. న్యాయస్థానం జోక్యం లేకుండా కక్షిదారుల మధ్య ఒప్పందం కుదురుతుందని, మధ్యవర్తి సూచనలతో షరతులు రూ పొందించి, స్పష్టమైన ఒప్పంద పత్రాన్ని తయారు చేస్తారని, ఇది ఆంతరంగికమైన, స్నేహపూర్వక పరిష్కార విధానమని వివరించారు. ఈ సందర్భంగా జిల్లా కోర్టు భవనం నుంచి డే అండ్‌ నైట్‌ కూడలి వరకు భారీగా అవగాహన ర్యాలీ నిర్వహించారు. అనంతరం కరపత్రాలను పంపిణీ చేశారు.

పాలిసెట్‌ తుదివిడత కౌన్సెలింగ్‌ షెడ్యూల్‌ విడుదల రణస్థలం/ఎచ్చెర్ల: పదో తరగతి ఉత్తీర్ణులైన విద్యార్థులకు పాలిటెక్నిక్‌ డిప్లమో కోర్సుల్లో ప్రవేశాలు కల్పించేందుకు ఏపీ పాలిసెట్‌–2025 తుది విడత వెబ్‌ కౌన్సెలింగ్‌ షెడ్యూల్‌ను ప్రభుత్వం విడుదల చేసిందని శ్రీకాకుళం ప్రభుత్వ పురుషుల పాలిటెక్నిక్‌ కళాశాల ప్రధానాచార్యులు, సహాయ కేంద్రం జిల్లా సమన్వయకర్త కె.నారాయణమూర్తి తెలిపారు. ఈ మేరకు బుధవారం ఒక ప్రకటన విడుదల చేశారు. తొలి విడత కౌన్సెలింగ్‌కు హాజరై సీటు పొంది కళాశాలలు, బ్రాంచ్‌లు మారాలనుకునేవారు మళ్లీ వెబ్‌ ఆప్షన్లు ఇచ్చుకోవచ్చని పేర్కొన్నారు. ఇప్పటి వరకు కౌన్సెలింగ్‌కు హాజరుకాని విద్యార్థులు ప్రోసెసింగ్‌ ఫీజు ఈ నెల 17 నుంచి 19వ తేదీ వరకు చెల్లించవచ్చని తెలిపారు. ఈ నెల 18 నుంచి 20 వరకూ సహాయ కేంద్రంలో ధ్రువపత్రాల పరిశీలన చేయించుకోవాలన్నారు. ఈ నెల 21న సీట్ల కేటాయింపు జాబితా విడుదలవుతుందని పేర్కొన్నారు. విద్యార్థులు ఈ నెల 24 నుంచి 26లోగా ఆయా కళాశాలల్లో రిపోర్టు చేయాలని సూచించారు. ఈసెట్‌ తుదివిడత కౌన్సెలింగ్‌ షెడ్యూల్‌ విడుదల రణస్థలం: పాలిటెక్నిక్‌ డిప్లమో ఉత్తీర్ణులైన విద్యార్థులకు ఇంజినీరింగ్‌ ద్వితీయ సంవత్సరంలో ప్రవేశాలు కల్పించేందుకు ఏపీ ఈసెట్‌–2025 తుది విడత కౌన్సెలింగ్‌ షెడ్యూల్‌ను ప్రభుత్వం విడుదల చేసిందని శ్రీకాకుళం ప్రభుత్వ పురుషుల పాలిటెక్నిక్‌ కళాశాల ప్రధానాచార్యుడు, సహాయ కేంద్రం జిల్లా సమన్వయకర్త కె.నారాయణరావు బుధవారం ఒక ప్రకటనలో తెలిపారు. తొలి విడతలో సీటు పొంది మళ్లీ కళాశాల మారాలనుకునే విద్యార్థులు వెబ్‌ ఆప్షన్లు ఇచ్చుకోవచ్చని పేర్కొన్నారు. ఇప్పటి వరకు కౌన్సెలింగ్‌కు హాజరుకాని వారు ప్రోసెసింగ్‌ ఫీజు చెల్లించి ఆన్‌లైన్‌లో ధ్రువపత్రాల పరిశీలన చేయాలన్నారు. ఈ నెల 18, 19 తేదీల్లో ఆన్‌లైన్‌లో ప్రోసెసింగ్‌ ఫీజు చెల్లించి ధ్రువపత్రాలు పరిశీలనకు ఆప్‌లోడ్‌ చేసుకోవాలన్నారు. ఈ నెల 18 నుంచి 20వ తేది వరకు కళాశాలల ఎంపికకు వెబ్‌ ఆప్షన్లు ఇచ్చుకోవాలని సూచించారు. ఈ నెల 21న ఆప్షన్ల మార్పుకు అవకాశం ఉందన్నారు. ఈ నెల 22న సీట్ల కేటాయింపు జాబితా విడుదల అవుతుందన్నారు. 23 నుంచి తరగతులు ప్రారంభమవుతాయని పేర్కొన్నారు. పాలిటెక్నిక్‌ సెకెండియర్‌లో స్పాట్‌ అడ్మిషన్లు రణస్థలం: ఇంటర్మీడియట్‌ ఒకేషనల్‌ గ్రూప్‌లో ఉత్తీర్ణులైన విద్యార్థులు ప్రభుత్వ, ప్రయివేటు పాలిటెక్నిక్‌ కళాశాలల్లో డిప్లమో రెండో ఏడాదిలో ప్రవేశాలు కల్పించేందుకు ఈ నెల 19న శ్రీకాకుళం ప్రభుత్వ పురుషుల పాలిటెక్నిక్‌ కళాశాలలో తక్షణ ప్రవేశాలు నిర్వహిస్తున్నట్లు ప్రధానాచార్యులు, సహాయ కేంద్రం జిల్లా సమన్వయకర్త కె.నారాయణరావు ఒక ప్రకటనలో తెలిపారు. విద్యార్థులు ఈ అవకాశాన్ని సద్వినియోగం చేసుకోవాలని కోరారు.

శ్రీకాకుళం పాతబస్టాండ్‌: కారుణ్య నియామకం ద్వారా ఉద్యోగాలు పొందుతున్న వారు సమర్థంగా బాధ్యతలు నిర్వర్తించాలని జాయింట్‌ కలెక్టర్‌ ఫర్మాన్‌ అహ్మద్‌ఖాన్‌ అన్నారు. బుధవారం కలెక్టరేట్‌ సమవేశ మందిరంలో వివిధ ప్రభుత్వ శాఖల్లో విధి నిర్వహణలో ఉంటూ మృతి చెందిన వారి కుటుంబ వారసులకు కారుణ్య నియామకాల కౌన్సెలింగ్‌ చేపట్టారు. 42 మంది అభ్యర్థులు హాజరుకాగా రోస్టర్‌, రిజర్వేషన్‌, ఇతర అంశాలను పరిగణనలోకి తీసుకొని 32 మందికి నియామక పత్రాలు అందజేశారు. వీరిలో 24 మంది టైపిస్టులు, ఐదుగురు జూనియర్‌ అసిస్టెంట్లు, ముగ్గురు ఆఫీస్‌ సబార్టినేట్లు ఉన్నారు. కార్యక్రమంలో డీఆర్‌వో ఎం.వెంకటేశ్వరరావు, కలెక్టరేట్‌ ఏఓ ఎం.వి.సూర్యనారాయణ, డీటీ ఢిల్లేశ్వరరావు, రాజశేఖర్‌ తదితరులు పాల్గొన్నారు.

హిరమండలం: ప్రాణానికి ప్రాణంగా ప్రేమించిన తండ్రి అకస్మాత్తుగా కన్నుమూయడం తీరని విషాదాన్ని నింపింది. కొడుకు అయినా, కూతురైనా తానే అనుకుంటూ పుట్టెడు దుఃఖాన్ని కడుపులోనే దాచుకుని తండ్రికి అంత్యక్రియలు నిర్వహించిన ఘటన పలువురి చేత కంట తడి పెట్టించింది. అలా తన తండ్రికి తలకొరివి పెట్టి రుణం తీర్చుకుంది ఆ కుమార్తె. ఆంధ్రప్రదేశ్‌లోని శ్రీకాకుళం జిల్లా ఎల్‌ఎన్‌పేట మండలం శ్యామలాపురం గ్రామానికి చెందిన ఇప్పిలి జగదీష్‌ (49) కోళ్లఫారం నడుపుతున్నారు. కోళ్లఫారంలో ఉండగా ఆదివారం రాత్రి పాముకాటు వేయడంతో మృతి చెందారు. ఈయన కుమారుడు రెండేళ్ల కిందట రోడ్డు ప్రమాదంలో మృతిచెందాడు. ఒక్కగానొక్క కుమార్తె లావణ్య లండన్‌లో ఉంటోంది. తండ్రి మరణంతో హుటాహుటిన బయలుదేరి స్వగ్రామానికి మంగళవారం చేరుకుంది. అన్నీ తానై అంత్యక్రియలు పూర్తి చేసింది. ఇదీ చదవండి: Soumyashree అలసిపోయిన ప్రాణం: పాడె మోసిన గ్రామస్తులుబెల్ట్‌ షాపులపై గిరిజన మహిళల దాడి కొరాపుట్‌: బెల్ట్‌ షాపులపై గిరిజన మహిళలు మూకుమ్మడిగా దాడి చేశారు. మంగళవారం నబరంగ్‌పూర్‌ జిల్లా ఉమ్మర్‌కోట్‌ సమితి బెనరా గ్రామ పంచాయతీ కాలిబెడ గ్రామంలో ఈ ఘటన జరిగింది. గ్రామంలో బెల్ట్‌ షాపులలో మద్యం అమ్మకాల వల్ల కుటుంబాలు నాశనమవుతున్నాయని స్థానిక మహిళలు గ్రామ పెద్దలకు ఫిర్యాదు చేశారు. ఫలితం లేకపోవడంతో విసుగెత్తిపోయిన మహిళలు భారీ సంఖ్యలో వెళ్లి ఆ గ్రామంలోని బెల్టుషాపులు తనిఖీ చేసి మద్యం సీసాలు పగలగొట్టారు.

భేషరతుగా క్షమాపణ చెప్పాలి గూడూరు జెడ్పీ చైర్‌ పర్సన్‌పై దాడిని ఖండిస్తున్నాం. ఆమెకు కూటమి నాయకు లు భేషరతుగా క్షమాపణ చెప్పాలి. మహిళా ప్రజాప్రతినిధులకు రక్షణ కల్పించాలి. – చింతు అన్నపూర్ణ, జెడ్పీటీసీ, నరసన్నపేట ●● రెడ్‌బుక్‌ రాజ్యాంగాన్ని ప్రతి ఒక్కరూ ఖండించాలి ● గూడూరు జెడ్పీ చైర్‌పర్సన్‌కు క్షమాపణ చెప్పాలి నరసన్నపేట: కూటమి ప్రభుత్వంలో మహిళలకు రక్షణ లేకుండా పోయిందని, మహిళా ప్రజాప్రతినిధులపైనే దాడులు చేస్తున్నారని, ఇక సామాన్యుల పరిస్థితి ఏమిటని వైఎస్సార్‌ సీపీ నియోజకవర్గ మహిళా విభాగం అధ్యక్షురాలు జీవీ రమణి ప్రశ్నించారు. ఇలాంటి క్రూరమైన ప్రభుత్వాన్ని గతంలో ఎప్పుడూ చూడలేదన్నారు. గూడూరు జెడ్పీ చైర్‌పర్సన్‌ హారికపై కూటమి నాయకులు, కార్యకర్తలు పోలీ సుల సమక్షంలో దాడులు చేయడం, ఆమెను తీవ్రంగా అవమానించడాన్ని మహిళలు అంద రూ ఖండిస్తున్నారని అన్నారు. పార్టీ ఇచ్చిన పిలుపు మేరకు నియోజకవర్గ కేంద్రం నరసన్నపేటలో సోమవారం సాయంత్రం మహిళలు నిరసన ర్యాలీ చేశారు. వైఎస్సార్‌ విగ్రహం వద్ద ప్లకార్డులతో ధర్నా నిర్వహించారు. ఈ సందర్భంగా జీవీ రమణి మాట్లాడుతూ ఇంకెన్నాళ్లు రెడ్‌బుక్‌ రాజ్యాంగం.. ఇంకా కూటమి దాహం తీరలేదా అని ప్రశ్నించారు. రాష్ట్ర వ్యా ప్తంగా ఇలా దాడులు జరుగుతుంటే హోం మంత్రి ఏం చేస్తున్నారు అని మండిపడ్డారు.కార్యక్రమంలో నరసన్నపేట, సారవకోట జెడ్పీటీసీలు చింతు అన్నపూర్ణ, వరుదు నాగేశ్వరమ్మ, పోలా కి ఎంపీపీ ముద్దాడ దమయంతి, పొందర కార్పొరేషన్‌ మాజీ ౖచైర్‌పర్సన్‌ రాజాపు హైమావతి, ఎంఎంఎస్‌ మాజీ అధ్యక్షురాలు చింతు శ్రీదేవి, బొరిగివలస సర్పంచ్‌ బగ్గు జగదీశ్వరి, సవర శైలజ ఎం. సుధ, ఉమ పాల్గొన్నారు. ప్రతి ఒక్కరూ ఖండించాలి కూటమి ప్రభుత్వం అధికారం చేపట్టాక మహిళలకు రక్షణ లేకుండా పోయింది. ఒక జిల్లా జెడ్పీ చైర్‌పర్సన్‌పై పోలీసుల సమక్షంలో దాడి జరగడం కంటే ఘోరం ఇంకేం ఉంటుంది. – ముద్దాడ దమయంతి, ఎంపీపీ, పోలాకి నిందితులను అరెస్టు చేయాలి మహిళలు, మహిళా ప్రజాప్రతినిధులపై జరుగుతున్న దాడులు వెంటనే ఆపాలి. దాడికి దిగిన వారిపై కాకుండా హారిక బంధువులపై కేసులు పెట్టడం శోచనీయం. నిందితులను వెంటనే అరెస్టు చేయాలి. – వరుదు నాగేశ్వరమ్మ, జెడ్పీటీసీ, సారవకోట

దేవుడి భూములను చదును చేసేందుకు ఎక్కడికక్కడ మట్టి వేసిన దృశ్యంసాక్షి ప్రతినిధి, శ్రీకాకుళం: జగన్నాథ స్వామి దేవుడి భూములపై టీడీపీ నేతల కన్ను పడింది. ఆక్రమించి, ప్లాట్ల విక్రయానికి పచ్చ ముఠా బరితెగించింది. ఎమ్మెల్యేకు కావల్సిన వ్యక్తులే కబ్జాకు దిగారు. ఆయన అండతోనా, సహకారంతోనా తెలీదు గానీ దాదాపు రూ.100కోట్ల విలువైన 10ఎకరాల భూమిని కాజేసేందుకు జోరుగా అడుగులు పడుతున్నాయి. మొత్తానికి జగన్నాథ స్వామి భూములు అన్యాక్రాంతమవుతున్నాయి. కళ్ల ముందే కబ్జా కార్యక్రమాలు జరుగుతున్నా అధికారులు పట్టించుకోవడం లేదు. దీనిపై ఆమదాలవలస వైఎస్సార్‌సీపీ సమన్వయకర్త చింతాడ రవికుమార్‌ సోమవారం జరిగిన గ్రీవెన్స్‌లో జాయింట్‌ కలెక్టర్‌ ఫర్మాన్‌ అహ్మద్‌ఖాన్‌కు ఫిర్యాదు చేశారు. తక్షణమే జోక్యం చేసుకుని, క్షేత్రస్థాయిలో విచారణ జరిపి కోట్లాది రూపాయల విలువైన భూమిని కాపాడాలని కోరారు. మిగులు భూముల కబ్జా.. బొందిలీపురం జగన్నాథ స్వామి దేవస్థానానికి సంబంధించి ఆమదాలవలస మండలం తోటాడ రెవెన్యూ పరిధిలో గల సర్వే నంబర్‌ 121లో దాదాపు 199ఎకరాల భూములుండేవి. ఆ భూము ల్ని దశల వారీగా కొందరు ఆక్రమించి, వేరే ప్రాంతాలు, పక్క సర్వే నంబర్లతో తప్పుడు రిజిస్ట్రేషన్లు కూడా చేయించేసుకున్నారు. ఆ భూముల్లో భారీ భవనాల నిర్మాణాలు చేసేశారు. చాలావరకు భూములు అన్యాక్రాంతమైపోయాయి. మిగిలిన భూములను కాజేసేందుకు ప్రస్తుతం అడుగులు పడుతున్నాయి. టీడీపీ అధికారంలోకి వచ్చాక కబ్జాదారులు జోరు పెంచారు. మనల్ని ఎవడ్రా అడిగేది అన్నట్టుగా దౌర్జన్యంగా ముందుకు సాగిపోతున్నారు. దాదాపు 10 ఎకరాల దేవస్థానం భూములను చదును చేసి, రోడ్లు వేస్తుండటమే కాకుండా విక్రయాలకు ఉపక్రమించారు. రిజిస్ట్రేషన్‌ కార్యాలయాల్లో తమకున్న లాలూచీ సిబ్బందితో రిజిస్ట్రేషన్లకు కూడా సిద్ధమవుతున్నారు. ఎమ్మెల్యే అనుచరుల పన్నాగం.. ఎమ్మెల్యే అనుచరులుగా చెప్పుకునే ఆనందరావు, శ్యామలరావు, గణపతి, బాలరాజు, కృష్ణారావు, నారాయణరావు తదితర వ్యక్తులు కీలకంగా వ్యవహరిస్తూ, ఓ పూజారి సాయంతో కబ్జాకు దిగినట్టు తెలుస్తోంది. కీలక నేత అండ ఉండటంతో ఏ అధికారి అడ్డుకోరని పట్ట పగలు అక్కడ చదును చేయడమే కాకుండా రోడ్డు కూడా వేసేస్తున్నారు. ప్లాట్ల విభజన చేసి విక్రయాలకు ఉపక్రమించారు. దాదాపు 10 ఎకరాల ఆక్రమణకు ప్లాన్‌ చేశారు. దీని విలువ రూ.100కోట్ల వరకు ఉండవచ్చు. ఒక దెబ్బతో కోట్లు కొల్లగొట్ట వచ్చని భారీ భూకబ్జాకు దిగారు. తరుచూ ఆక్రమణలతో వివాదాస్పదమవుతున్న జగన్నాథ స్వామి దేవస్థానం భూములను ఇప్పుడైనా కాపాడుకోకపోతే మొత్తం కనుమరుగు అయ్యే పరిస్థితి నెలకొంది. తోటాడ రెవెన్యూ పరిధిలో బరితెగించిన పచ్చముఠా ఎమ్మెల్యే అండతో చెలరేగిపోతున్న అనుచరులు జగన్నాథ స్వామి దేవస్థానం భూములు కొట్టేసేందుకు అడుగులు ఇప్పటికే చాలావరకు అన్యాక్రాంతమైన భూములు ఆక్రమణలు అడ్డుకుని, దేవుడు భూములు కాపాడాలని గ్రీవెన్స్‌లో వైఎస్సార్‌సీపీ నేత చింతాడ రవికుమార్‌ ఫిర్యాదుగ్రీవెన్స్‌లో ఫిర్యాదు.. తోటాడ రెవెన్యూ పరిధిలోని జగన్నాథ స్వామి దేవస్థానం భూములు ఆక్రమణ, అక్రమంగా రోడ్లు, ప్లాట్లు వేసి విక్రయాలకు సిద్ధమవుతుండటంపై వైఎస్సార్‌సీపీ సమన్వయకర్త చింతాడ రవికుమార్‌ వెంటనే అప్రమత్తమయ్యారు. జరిగినదంతా లిఖితపూర్వకంగా గ్రీవెన్స్‌లో జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌కు ఫిర్యాదు చేశారు. తక్షణమే విచారణ జరిపి, కబ్జాను అడ్డుకోవాలని, దేవుడు భూములు అన్యాక్రాంతం కాకుండా చూడాలని కోరారు.

సత్తారు గోపి హత్యపై ఎస్పీ వివరణశ్రీకాకుళం క్రైమ్‌ : ఎచ్చెర్ల మండలం ఫరీదుపేటలో వైఎస్సార్‌సీపీ కార్యకర్త సత్తారు గోపి హత్య రెండు గ్రూపుల మధ్య జరిగిన హత్య కాదని, కేవలం భార్యాభర్తల తగాదాలో జరిగిన ఘటనగానే ప్రాథమిక విచారణలో భాగంగా భావిస్తున్నామని ఎస్పీ కేవీ మహేశ్వర రెడ్డి వెల్లడించారు. జిల్లా వ్యాప్తంగా సంచలనం రేకెత్తించిన ఈ ఘటనపై ఆయన సోమవారం జిల్లా పోలీసు కార్యాలయంలో విలేకరులతో మాట్లాడారు. ఇప్పటివరకు తాము చేసిన విచారణ, దొరికిన ఆధారాల ప్రకారం భార్యాభర్తల తగాదా పంచా యతీ చేయడానికి రెండువైపులా రెండు గ్రూపుల వారు ప్రయత్నించారని, అందులో భర్త తరఫు ఉన్న వ్యక్తి లోకల్‌ ఎంపీపీ మొదలవలస చిరంజీవి వద్ద పనిచేస్తున్నారని తెలిపారు. ఈ రెండు గ్రూ పుల మధ్య జరిగిన గొడవ వల్లే హత్య జరిగిందని పేర్కొన్నారు. ఈ రెండు గ్రూపుల మధ్య తగాదా లు ఉండొచ్చని, కానీ ఈ ఘటనకు ఆ తగాదాలు కారణం కాదని స్పష్టం చేశారు. కొన్ని పత్రికల్లో కొన్ని విధాలుగా రాస్తున్నారని, తాము చట్ట ప్రకారం పనిచేస్తున్నామని విలేకరులు అడిగిన ప్రశ్నకు సమాధానంగా చెప్పారు. ఫరీదుపేట గ్రామంలో 1951 నుంచి డేటా తీస్తే 114 కేసులున్నాయని, హతుడిపై కూడా పది కేసు లు, ఓ రౌడీషీట్‌ ఉందని తెలిపారు. ప్రత్యక్ష సాక్షి చెప్పిన దానికి, పోలీసు ప్రకటనకు తేడా ఉందని ఓ విలేకరి ప్రశ్నించగా.. ఘటనకు పాల్పడిందని ఆ గ్రామానికి చెందిన వారేనని, ఘటన కూడా తగువులో ఉన్న మహిళ తల్లి ఇంటి వద్ద జరిగిందని, పంచాయితీ కోసం కాకపోతే అక్కడకు ఎందుకు వెళ్లారని తిరిగి ప్రశ్నించారు. ఘటనా స్థలంలో సీసీ కెమెరా కట్‌ చేశారని మరో పాత్రికేయుడు చెప్పగా.. సీపీ కెమెరా ఎందుకు పనిచేయలేదో పరిశీలిస్తామన్నారు. భార్యాభర్తల తగువులో 41ఏ నోటీసులు ఇవ్వడం సాధారణమని, పోలీసులు తమ డ్యూటీ తాము చేస్తారని మరో ప్రశ్నలకు బదులిస్తూ చెప్పారు. భార్యాభర్తల తగువులో భర్త టార్గెట్‌ కదా.. అన్న ప్రశ్నకు ఎస్పీ స్పందిస్తూ రౌడీషీట్లు ఉన్న వారిని పెద్ద మనుషులంటూ పంచాయితీలు ఎలా చేస్తారని అన్నారు. చనిపోయిన వ్యక్తిపై రౌడీషీట్‌ ఉందని అన్నారు. గ్రామంపై తాము నిఘా పెట్ట డం వల్లే ఏడాదిగా ఎలాంటి ఘటన జరగలేదని చెప్పారు. ఎప్పటి నుంచో గ్రామాన్ని అతిసమస్యాత్మక గ్రామంగా చూస్తున్నామని, పీడీ యాక్టులు నమోదు చేస్తామని, అవసరమైతే కోర్టు అనుమతులు తీసుకుని తదుపరి చర్యలు తీసుకుంటామని తెలిపారు. కొత్త ప్రభుత్వం వచ్చాక ఇలాంటి ఘటనలు జరగడం లేదని, ఎప్పటి నుంచో జరుగుతున్నాయని తెలిపారు. గ్రూపుల మధ్య జరిగిన హత్య కాదు భార్యాభర్తల తగాదాలో జరిగిన హత్యగానే భావిస్తున్నాం ఫరీదుపేటలో వైఎస్సార్‌సీపీ నాయకుడి హత్య ఘటనపై వివరాలు వెల్లడించిన ఎస్పీ మహేశ్వర రెడ్డి పత్రికల్లో వార్తలపై ఎస్పీ అసహనం

శ్రీకాకుళం పాతబస్టాండ్‌: రాష్ట్రంలో ఉన్న నిరుద్యోగులకు నిరుద్యోగ భృతి తక్షణమే ఇవ్వాల ని ఏఐవైఎఫ్‌ రాష్ట్ర అధ్యక్షుడు మొజ్జాడ యుగంధర్‌, ఏఐవైఎఫ్‌ జిల్లా అధ్యక్ష కార్యదర్శులు బొత్స సంతోష్‌, కొన్న శ్రీనివాస్‌ డిమాండ్‌ చేశారు. సోమవారం జిల్లా పరిషత్‌ కార్యాల యం వద్ద పీజీఆర్‌ఎస్‌ ఎదురుగా ధర్నా చేశా రు. అనంతరం వారు మాట్లాడుతూ రాష్ట్రంలో కూటమి ప్రభుత్వం ఎన్నికల ముందు ఇచ్చిన హామీ నిలబెట్టుకోవాలని, లేదంటే ప్రత్యక్ష ఆందోళన తప్పదని హెచ్చరించారు. కార్యక్రమంలో ఏఐవైఎఫ్‌ నాయకులు వేణు, వసంతరావు, అన్నాజీ, రామోజీ తదితరులు పాల్గొన్నారు. జీడిపప్పునకు జాతీయ గౌరవం శ్రీకాకుళం (పీఎన్‌కాలనీ): శ్రీకాకుళం జిల్లా ప్ర తిష్టను దేశవ్యాప్తంగా చాటుతూ పలాస జీడిపప్పు వన్‌ డిస్ట్రిక్ట్‌ వన్‌ ప్రొడక్ట్‌ (ఓడీఓపి) కింద ఉత్తమ ఉత్పత్తిగా ఎంపికై జాతీయ స్థాయిలో గొప్ప గౌరవాన్ని సొంతం చేసుకుంది. ఈ అవార్డును ఢిల్లీలో సోమవారం జరిగిన కార్యక్రమంలో కలెక్టర్‌ స్వప్నిల్‌ దినకర్‌ పుండ్కర్‌ అందుకున్నారు. ఈ అవార్డును కేంద్ర పరిశ్రమల శాఖ మంత్రి పీయూష్‌ గోయల్‌, ఢిల్లీ ముఖ్యమంత్రి రేఖ గుప్తా, కేంద్ర వస్త్రోత్పత్తుల శాఖ మంత్రి జితిన్‌ ప్రసాద్‌, ఆంధ్రప్రదేశ్‌ బీసీ సంక్షేమ శాఖ మంత్రి ఎస్‌.సవిత కలిసి కలెక్టర్‌కు ప్రదానం చేశారు. జిల్లా ఉద్యానవన శాఖ అధి కారి ప్రసాదరావు కూడా హాజరయ్యారు. ఈ అవార్డు రాష్ట్ర ఉద్యాన రంగానికే మైలురాయిగా నిలుస్తుందని మంత్రి అచ్చెన్నాయుడు ప్రశంసించారు. అనంతరం ఢిల్లీలోనే కేంద్ర మంత్రి రామ్మోహన్‌ నాయుడును కలెక్టర్‌ కలిశారు. పాతపట్నం గురుకుల పాఠశాలలో జ్వరాలు పాతపట్నం: పాతపట్నం ప్రహరాజపాలెంలో ఉన్న డాక్టర్‌ బీఆర్‌ అంబేడ్కర్‌ బాలికల గురుకుల పాఠశాలలో 22 మంది విద్యార్థినులు జ్వరాల బారిన పడ్డారు. దీంతో గంగువాడ పీహెచ్‌సీ ఆధ్వర్యంలో వైద్యులు పూర్ణిమ వైద్య శిబిరం ఏర్పాటు చేసి వైద్య పరీక్షలను నిర్వహించారు. సోమవారం ఉదయం తహసీల్దార్‌ ఎన్‌.ప్రసాదరావు, ఎంపీడీఓ పి.చంద్రకుమారిలు పాఠశాలకు చేరుకుని ఉన్నతాధికారులకు సమాచారం అందించారు. దీంతో సోమవారం జిల్లా వైద్యశాఖాధికారి డాక్టర్‌ కె.అనిత గురుకుల పాఠశాలకు డీఎంహెచ్‌ఓ ఉదయం 12 గంటలకు పాఠశాలకు చేరుకుని సాయంత్రం ఆరు గంటల వరకు ఉన్నారు. పాఠశాల పరిసరాలను పరిశీలించి, బైదలాపురం, చాపర, మెళియాపుట్టి, బొంతు పీహెచ్‌సీ వైద్యులతో పాఠశాలలోని 453 మంది విద్యార్థినులకు మలేరియా టెస్టులు చేయించారు. నలుగురిని పాతపట్నం సీహెచ్‌సీకి పంపించారు. మూడు రోజులు వైద్య శిబిరం నిర్వహించాలని సూచించారు.

శ్రీకాకుళం క్రైమ్‌ : రాష్ట్రవ్యాప్తంగా సంచలనం కలిగించిన ఫరీదుపేట వైఎస్సార్‌ సీపీ కార్యకర్త సత్తారు గోపి హత్యోదంతాన్ని పోలీసులు పూర్తిగా పక్కదోవ పట్టిస్తున్నారని వైఎస్సార్‌ సీపీ జిల్లా అధ్యక్షుడు ధర్మాన కృష్ణదాస్‌, మాజీ మంత్రి సీదిరి అప్పలరాజు ఆందోళన వ్యక్తం చేశారు. పూర్తిగా రాజకీయ కోణంలో జరిగిన ఈ హత్యను భార్యాభర్తల తగువులో భాగమని పోలీసులు చెప్పడం కూడా రాజకీయమేనని అన్నారు. పోలీస్‌ రూల్‌ బుక్‌ రా జ్యాంగం ప్రకారం పనిచేయడం లేదని, షాడో ముఖ్యమంత్రి లోకేష్‌ రెడ్‌బుక్‌ ప్రకారం నడుస్తోందని దుయ్యబట్టారు. అధికారంలో ఉన్నామని టీడీపీ నాయకులు ఇలా హత్యలు, దాడులు, దౌర్జ న్యాలకు పాల్పడితే భవిష్యత్‌లో వారికి ఇబ్బందులు తప్పవని హెచ్చరించారు. జిల్లా పోలీసు కార్యాలయంలో సోమవారం నిర్వహించిన గ్రీవెన్స్‌లో ఎస్పీ కి ఫిర్యాదు చేసేందుకు కృష్ణదాస్‌, సీదిరితో పాటు ఎచ్చెర్ల మాజీ ఎమ్మెల్యే గొర్లె కిరణ్‌కుమార్‌, ఆమదాలవలస, టెక్కలి వైఎస్సార్‌ సీపీ నియోజకవర్గ ఇన్‌చార్జులు చింతాడ రవి, పేడాడ తిలక్‌, నాయకులు బొడ్డేపల్లి రమేష్‌, ఫరీదుపేట గ్రామస్తులు వచ్చారు. అనంతరం విలేకరుల సమావేశంలో కృష్ణదాస్‌, సీదిరి అప్పలరాజు మాట్లాడారు. ఈ సందర్భంగా కృష్ణదాస్‌ మాట్లాడుతూ.. తమ కార్యకర్త గోపి హత్య చాలా దారుణమని, అతని డ్రైవర్‌ ప్రసాద్‌ను హత్య చేసినప్పుడు పోలీసులు సరైన చర్యలు తీసుకుని ఉంటే ఇప్పుడీ హత్య జరిగేది కాదన్నారు. పోలీసుల తీరుకు నిరసనగా నే బ్లాక్‌షర్ట్‌ వేసుకుని వచ్చానని, రాష్ట్రమంతా ఇదే దౌర్భాగ్యం నడుస్తోందని, నిన్నటికి నిన్న మహిళా జెడ్పీ చైర్‌పర్సన్‌పై సైతం ఇదే తరహాలో దాడిచేయడం దురదృష్టకరమన్నారు. వరుస హత్యల పై వైఎస్‌ జగన్‌మోహన్‌ రెడ్డికి చెప్పామని, సత్తారు గోపి కుటుంబానికి అండగా ఉంటామన్నారు. మాజీ మంత్రి సీదిరి అప్పలరాజు మాట్లాడు తూ.. ఇదో పైశాచిక హత్య అని, పార్టీలో క్రియాశీలకంగాను, కిరణ్‌కు ఆప్తుడిగాను గోపికి మంచి గుర్తింపు ఉందన్నారు. వారి కుటుంబాన్ని పరామ ర్శించేందుకు వెళ్లానని, హత్యకు కారణమైన కీలక టీడీపీ నాయకులు గ్రామంలో స్వేచ్ఛగా తిరుగుతున్నారని వారు చెప్పారని, భార్యాభర్తల తగువుని హత్యకు మూలకారణంగా ప్రెస్‌మీట్లు పెట్టి పోలీసులు చెప్పడం సరికాదన్నారు. టీడీపీ ప్రభుత్వం వచ్చిన రెండుమూడు నెలల్లోనే ఫరీదుపేటలో వైఎస్సార్‌ సీపీ కార్యకర్తను చంపారని, పోలీసులు సరైన చర్యలు తీసుకోకపోవడం వల్లనే మరో హత్య జరిగిందన్నారు. వైఎస్సార్‌సీపీ నేతల ఆక్షేపణ ఫరీదుపేట హత్య విచారణ తీరుపై విస్మయం వ్యక్తం చేసిన ధర్మాన కృష్ణదాస్‌ భార్యాభర్తల తగువు అని పోలీసులు అనడం రాజకీయమేనని వ్యాఖ్య పోలీసు వ్యవస్థ కూడా రెడ్‌బుక్‌ ప్రకారమే నడుస్తోంది: మాజీ మంత్రి సీదిరి

సోంపేట ఉద్యమం● ఉత్తరాంధ్రను అభివృద్ధి చేయాలి ● సినీ దర్శకుడు, నటుడు ఆర్‌.నారాయణమూర్తి ● చిత్తడి నేలలపై పుస్తకం ఆవిష్కరణ సోంపేట: చిత్తడి నేలల సంరక్షణ కోసం సోంపేట థర్మల్‌ పవర్‌ ప్లాంట్‌కు వ్యతిరేకంగా ప్రజలు చేసిన ఉద్యమం ఆదర్శనీయమని సినీ నటుడు, దర్శకుడు ఆర్‌.నారాయణమూర్తి అన్నారు. సోంపేట థర్మల్‌ ఉద్యమంలో జరిగిన కాల్పుల్లో ముగ్గురు మృతి చెంది 15 సంవత్సరాలు పూర్తయిన సందర్భంగా పర్యావరణ పరిరక్షణ సంఘం అధ్యక్షుడు డాక్టర్‌ కృష్ణమూర్తి ఆధ్వర్యంలో సంస్మరణ సభ బారువలో సోమవారం నిర్వహించారు. ఈ సందర్భంగా అమరవీరుల స్థూపం వద్ద ఆర్‌.నారాయణమూర్తి, ఎమ్మెల్యే బి.అశోక్‌, పర్యావరణ పరిరక్షణ సంఘ అధ్యక్షుడు డాక్టర్‌ కృష్ణమూర్తి తదితరులు నివాళులర్పించారు. అనంతరం థర్మల్‌ స్థూపం ఆవరణలో మొక్కలు నాటారు. చిత్తడి నేలల ప్రాశస్త్యం తెలియజేస్తూ పుస్తకాన్ని ఆర్‌.నారాయణమూర్తి ఆవిష్కరించారు. ఉత్తరాంధ్ర కోసం ఉద్యమం చేయాలి ఈ సందర్భంగా ఆర్‌.నారాయణమూర్తి మాట్లాడుతూ.. ఉత్తరాంధ్ర అన్ని రంగాల్లో వెనుకబడి ఉందన్నారు. ఉత్తరాంధ్రను అభివృద్ధి చేయకపోతే సోంపేట ఉద్యమాన్ని ఆదర్శంగా తీసుకుని, ఉత్తరాంధ్ర అభివృద్ధి కోసం ఇంకో ఉద్యమం చేయాల్సిన అవసరం ఉందని అభిప్రాయపడ్డారు. పోలవరం ప్రాజెక్టు ఎత్తు 45 అడుగులు తప్పనిసరిగా ఉండాలన్నారు. 45 అడుగుల కంటే తగ్గిస్తే ఎటువంటి ప్రయోజనం ఉండదని పేర్కొన్నారు. విశాఖ ఉక్కు ప్రైవేటీకరణ ఆలోచనను కేంద్ర ప్రభుత్వం విరమించుకొని, ఆంధ్రుల హక్కును కాపాడాలని కోరారు. విశాఖ రైల్వే జోన్‌ ప్రకటనలకే పరిమితం అవుతోందని, జోన్‌ ద్వారా వచ్చే ఆదాయాన్ని ఒడిశా రాష్ట్రానికి కేటాయించడం సరికాదన్నారు. టీడీపీ ప్రభుత్వం జారీ చేసిన 329 జీవో రద్దు చేసి, ఈ ప్రాంతాన్ని సురక్షిత ప్రాంతంగా గర్తించాలి విన్నవించారు. మానవ హక్కుల సంఘం నాయకుడు వీఎస్‌ కృష్ణ మాట్లాడుతూ జాతీయ గ్రీన్‌ ట్రిబ్యునల్‌ ఇచ్చిన తీర్పును ప్రభుత్వాలు బుట్ట దాఖలు చేస్తున్నాయని ఆవేదన వ్యక్తం చేశారు. ఆమదాలవలసలో ఏర్పాటు చేయనున్న థర్మల్‌ విద్యుత్‌ కేంద్రం నిర్మాణంపై ప్రజల్లో తీవ్ర వ్యతిరేఖత ఉందని తెలియజేశారు. అక్కడి ప్రజలు సోంపేట ఉద్యమాన్ని ఆదర్శంగా తీసుకుని ఉద్యమం చేపట్టడానికి సిద్ధమవ్వడం జరుగుతోందన్నారు. ఉద్దానం ప్రాంతంలో కార్గో ఎయిర్‌ పోర్టు ఏర్పాటు చేయడం వలన ఈ ప్రాంతంలోని కిడ్నీవ్యాధులు నయమవుతాయా అని ప్రభుత్వాన్ని ప్రశ్నించారు. ఉద్యోగ, ఉపాధి పేరిట ప్రజలను మోసం చేసి కార్పొరేట్‌ కంపెనీలకు పచ్చని భూములు ధారాదత్తం చేసే కుట్రలకు ప్రభుత్వాలు పాల్పడుతున్నాయని ధ్వజమెత్తారు. పాలకులు తీరు మార్చుకుని పర్యావరాణాన్ని కాపాడాలని కోరారు. చిత్తడి నేలలతో మేలు చిత్తడి నేలలతో పర్యావరణానికి మేలు జరుగుతుందని పర్యావరణ పరిరక్షణ సంఘం అధ్యక్షుడు డాక్టర్‌ కృష్ణమూర్తి అన్నారు. పర్యావరణం పరంగా చిత్తడి నేలలు గుప్తనిధి వంటివన్నారు. బీల ప్రాంతంలో నివసిస్తున్న జీవరాశులకు పర్యావరణ పరంగా ఓ ప్రత్యేకత ఉందని పేర్కొన్నారు. మానవ శరీరంలో మూత్రపిండాలు ఎటువంటి ముఖ్యపాత్ర పోషిస్తున్నాయో, అలాగే భూమి తల్లికి చిత్తడి నేలలు అటువంటివన్నారు. ఇటువంటి వాటిని కాపాడడానికి ప్రభుత్వాలు చర్యలు తీసుకోవాల్సిన అవసరం ఉందని పేర్కొన్నారు. మాజీ జెడ్పీటీసీ సూరాడ చంద్రమోహన్‌ మాట్లాడుతూ బీల ప్రాంతంలో ఎకో టూరిజం ప్రోత్సహించడం ద్వారా ఈ ప్రాంతం అభివృద్ధి చెందుతుందన్నారు. కార్యక్రమంలో బారువ సర్పంచ్‌ యర్ర రజని, ప్రముఖ కవి జయరాజ్‌, మానవ హక్కుల సంఘ నాయకులు కేవీ జగన్నాథరావు, మత్స్యకార నాయకులు బడే తమ్మయ్య, బట్టి మాధవరావు, కళాసీ సంఘం అధ్యక్షుడు లోకనాథం, పర్యావరణ నాయకుడు సనపల శ్రీరామమూర్తి, బార్ల సుందరరావు, కూన రాము, బత్తిన లోకనాథం, పాల్గుణరావు, హేమసుందరరావు, సోమేష్‌ తదితరులు పాల్గొన్నారు.

శ్రీకాకుళం క్రైమ్‌: జిల్లా కేంద్రంలోని హయాతీనగర్‌ బాలాజీనగర్‌లో ఒక వృద్ధురాలి చెంపపై కొట్టి.. కత్తితో బెదిరించి.. మెడలో చైన్‌ దొంగిలించి పారిపోయిన యువకుడు జీరు సురేష్‌ను పోలీసులు సోమవారం అరెస్టు చేశారు. ఈ మేరకు జిల్లా పోలీసు కార్యాలయంలో ఎస్పీ కేవీ మహేశ్వరరెడ్డి వివరాలు వెల్లడించారు. ఎచ్చెర్ల మండలంలోని కొయ్యం పంచాయతీ కొత్త కూరిమినాయుడుపేట గ్రామానికి చెందిన సురేష్‌ చెడు వ్యసనాలకు లోనై అప్పులు చేసిమరీ జల్సాలు చేసేవాడు. ఈ క్రమంలో ఈజీగా డబ్బులు సంపాదించాలంటే దొంగతనాలు చేయడమే మార్గమనుకున్నాడు. నీళ్లు కావాలంటూ వెళ్లి.. ఈనెల 9వ తేదీ రాత్రి 8.30 గంటలకు బాలాజీనగర్‌లో వృద్ధురాలు పొడుగు ఆరుద్రమ్మ ఒక్కరే ఇంట్లో ఉండడం గమనించిన సురేష్‌ మంచినీళ్లు కావాలంటూ వెళ్లాడు. ఆమె నీరు తీసుకురావడానికి వెళ్తుంటే వెనుకగా వెళ్లడంతో వృద్ధురాలు ప్రశ్నించగా మీ అబ్బాయికి డబ్బులు అప్పిచ్చాను.. అంటూనే వృద్ధురాలి చెంపమీద గట్టిగా కొట్టాడు. అనంతరం మెడను నొక్కిపెట్టి కత్తిని పీకపై పెట్టి చంపుతానని బెదిరించాడు. మెడలో ఉన్న రెండు వరసల బంగారుతాడు బలవంతంగా తెంపి పారిపోయాడు. దీంతో వృద్ధురాలిచ్చిన ఫిర్యాదు మేరకు కేసు నమోదు చేసిన ఒకటో పట్టణ పోలీసులు దర్యాప్తు ప్రారంభించారు. విచారణలో సురేష్‌ నిందితుడని పోలీసులు కనిపెట్టి అరెస్టు చేశారు. ఇదివరకూ కేసులున్నాయి నిందితుడైన సురేష్‌ ఈనెల 13వ తేదీ సాయంత్రం 4 గంటలకు వెంకటాపురం సింహద్వారం వద్ద పోలీసులకు చిక్కడంతో ఇదివరకూ కేసులున్నట్లు విచారణలో తెలిసిందన్నారు. ఈ ఏడాది మే నెలలో పీఎన్‌కాలనీలో తన స్నేహితుడితో కలిసి ఎలక్ట్రికల్‌ సామాన్లు, టీవీ, ల్యాప్‌టాప్‌, బంగారు నగలు, రూ.50 వేలు నగదు దొంగిలించగా రెండో పట్టణ పోలీసులు అరెస్టు చేశారు. అప్పుడు అంపోలు జైలుకు వెళ్లి బెయిల్‌పై వచ్చిన సురేష్‌ మళ్లీ చోరీకి పాల్పడటం విశేషం. నిందితుడి వద్ద కేసు ప్రాపర్టీని స్వాధీనం చేసుకుని రిమాండ్‌కు తరలించినట్లు ఎస్పీ పేర్కొన్నారు. కేసును ఛేదించిన పోలీసులను అభినందించారు. వృద్ధురాలి మెడలో చైన్‌ దొంగిలించిన యువకుడు అరెస్టు వివరాలు వెల్లడించిన ఎస్పీ కేవీ మహేశ్వరరెడ్డి

శ్రీకాకుళం క్రైమ్‌: భార్య మొదటిసారి కాన్పులోనే మగబిడ్డను పోగొట్టుకున్నాడు.. మరోమారు గర్భిణిగా ఉండేటప్పుడే భార్య కడుపులో పిండం పోయింది. ఈ క్రమంలో ఆ వ్యక్తి మద్యానికి బానిసయ్యాడు. విసిగివేసారిన భార్య సైతం తననొదిలేసి పుట్టింటికి వెళ్లిపోయింది. తీవ్ర మనస్తాపానికి గురైన ఆ వ్యక్తి తనకు దేవుడు అన్యాయం చేశాడని, శివుడు అనేవాడే లేడని, సొంత గ్రామంలోనే ఉన్న నవగ్రహ ఆలయంలోని విగ్రహాలను ధ్వంసం చేసేశాడు. జిల్లాలోని జి.సిగడాం మండలం దాలంరాజువలస గ్రామంలో ఈనెల 11న జరిగిన ఈ ఘటనకు సంబంఽధించి నిందితుడు వేముల రామకృష్ణ సోమవారం పోలీసులకు పట్టుబడ్డాడు. జిల్లా పోలీసు కార్యాలయంలో ఎస్పీ కేవీ మహేశ్వరరెడ్డి ఈ మేరకు విలేకరుల సమావేశం నిర్వహించారు. గ్రామస్తుల సమాచారంతోనే.. దాలంరాజువలస గ్రామంలో శివాలయం పక్కనే ఉన్న నవగ్రహ విగ్రహాలను ఈనెల 11వ తేదీన రాత్రి గుర్తు తెలియని వ్యక్తులు విరగ్గొట్టారని ఇచ్చిన ఫిర్యాదు మేరకు జి.సిగడాం పోలీసులు ప్రత్యేక బృందాల సాయంతో దర్యాప్తు చేపట్టారు. గ్రామస్తుల సమాచారంతో రామకృష్ణను అనుమానితుడిగా భావించిన పోలీసులు ఆధారాలు సేకరించారు. 1999లో రామకృష్ణకు వివాహమైందని, భార్య 2022లో విడిచిపెట్టి పుట్టింటికి వెళ్లిపోయిందని తెలుసుకుని కారణాలపై ఆరా తీశారు. మద్యం సీసానే పట్టించింది ఈనెల 11వ తేదీన ఉదయం కార్పెంటర్‌ నారాయణ పని ఉందని రమ్మని చెప్పి రామకృష్ణకు రూ.300లు ఇచ్చాడు. అదేరోజు రాత్రి 7.10 గంటలకు సర్వేశ్వరం గ్రామ కూడలిలో ఉన్న మద్యం షాపునకు రామకృష్ణ వెళ్లి రెండు క్వార్టర్ల మద్యం బాటిళ్లు కొన్నాడు. అందులో ఒకటిన్నర బాటిల్‌ తాగి రాత్రి 10 గంటలకు శివాలయం వద్దకు పడుకోవడానికి వెళ్లాడు. మిగిలిన హాఫ్‌ క్వార్టర్‌ బాటిల్‌ మద్యం తాగేందుకు నవ గ్రహాలయం పక్కన ఉన్న వాటర్‌ ట్యాప్‌ నుంచి వాటర్‌ పట్టుకున్నాడు. అనంతరం మద్యం మత్తులో పక్కనే ఉన్న ఇనుప రాడ్డు తీసుకుని ఆలయం లోపలికి ప్రవేశించాడు. శని దేవుడు శని పట్టుకోవడం వలనే జీవితం పోయిందని అక్కడ ఉన్న తొమ్మిది విగ్రహాలను ఇనుప రాడ్డుతో విరగ్గొట్టాడు. మిగిలిన హాఫ్‌ మందు తాగి శివాలయంలోనే పడుకుని ఉదయం 5 గంటలకు లేచి ఎదురుగా ఉన్న పొదల్లో బాటిల్‌ను పడేసి, ఇనుప రాడ్డును దూరంగా ఉన్నపొదల్లో దాచాడు. పోలీసులకు దొరికిన ఆ బాటిల్‌ సర్వేశ్వరం జంక్షన్‌లో ఉన్న మద్యం షాపులోనే దొరుకుతుందని అక్కడికి వెళ్లి సీసీ ఫుటేజీ వెరిఫై చేసి ఆరా తీయడం, బాటిల్‌పై ఫింగర్‌ ప్రింట్స్‌ బట్టి నిందితుడు రామకృష్ణ అనే నిర్ధారణకొచ్చారు. 2022లో అదే గుడిలో పూజారి అయ్యప్ప మాల వేసిన సమయంలో దేవుని పటాలను పగలగొట్టడంతో రామకృష్ణపై కేసు ఉందన్నారు. రామకృష్ణ, పూజారి ఇద్దరూ కలిసి మద్యం సేవించే సందర్భాలు అనేకమని, కాకపోతే ఈ కేసులో పూజారి పాత్ర లేదని ఎస్పీ స్పష్టం చేశారు. మద్యం మత్తులో విగ్రహాల ధ్వంసానికి పాల్పడిన వ్యక్తి అరెస్టు

శ్రీకాకుళం పాతబస్టాండ్‌: అర్జీలు పునరావృతం కాకుండా అధికారులు పరిష్కరించాలని జేసీ ఫర్మాన్‌ అహ్మద్‌ ఖాన్‌ ఆదేశించారు. స్థానిక జిల్లా పరిషత్‌ సమావేశ మందిరంలో సోమవారం ఏర్పాటు చేసిన ప్రజా ఫిర్యాదుల నమోదు మరియు పరిష్కార వేదికలో అర్జీదారుల నుంచి అర్జీలు స్వీకరించారు. రెవెన్యూ, పంచాయతీరాజ్‌, డ్వామా, మహిళా శిశు సంక్షేమం, మున్సిపల్‌ కార్పొరేషన్‌, జిల్లా పంచాయతీ, సాంఘిక సంక్షేమ శాఖ, జిల్లా వైద్య ఆరోగ్య శాఖ, జిల్లా విద్యాశాఖ, సర్వే అండ్‌ లాండ్‌ రికార్డులు, వ్యవసాయం, పంచాయతీ రాజ్‌ ఇంజినీరింగ్‌ తదితర శాఖల సమస్యలపై 140 అర్జీలు స్వీకరించారు. అర్జీల స్వీకరణలో జిల్లా రెవెన్యూ అధికారి ఎం.వెంకటేశ్వరరావు, స్పెషల్‌ డిప్యూటీ కలెక్టర్‌ పద్మావతి, డీఆర్‌డీఏ పీడీ కిరణ్‌ కుమార్‌, పౌర సరఫరాల సంస్థ జిల్లా మేనేజర్‌ వేణుగోపాల్‌ తదితరులు పాల్గొన్నారు. వినతులు పరిశీలిస్తే... ● డిగ్రీ అడ్మిషన్లు వెంటనే ప్రారంభించాలని, ఆన్‌లైన్‌లో కాకుండా ఆఫ్‌లైన్‌ ద్వారా అడ్మిషన్లు చేపట్టాలని ఎస్‌ఎఫ్‌ఐ ప్రతినిధులు డిమాండ్‌ చేశారు. డబుల్‌ మేజర్‌ విధానాన్ని తీసుకురావాలని, ఇంటర్న్‌షిప్‌ భారాన్ని తగ్గించాలని కోరారు. ప్రైవేటు కాలేజీలకు కొమ్ముకాస్తున్న ఆర్‌ఐవోపై చర్యలు తీసుకోవాలన్నారు. ● సమస్యలపై ఫిర్యాదు చేస్తే, అఽధికార పార్టీ అండతో తనపై దాడికి దిగారని సామాజిక కార్యకర్త నాయుడు గారి రాజశేఖర్‌ ఫిర్యాదు చేశారు. టీడీపీ కార్యకర్త, మరో ఆరుగురు కలిసి కరల్రతో హత్యాయత్నం చేశారన్నారు. అయితే అక్కడ కొంతమంది అడ్డుకోవడంతో ప్రమాదం తప్పిందని తెలిపారు. బీసీ హాస్టల్‌, ధర్మ సత్రంలపై తను గతంలో పీజీఆర్‌ఎస్‌లో ఫిర్యాదు చేయడం జరిగిందని, దానిపై ఎంకై ్వరీ అని పిలిచి దాడి చేశారన్నారు. బీసీ సంక్షేమ ఽఅఽధికారులు టీడీపీ కార్యకర్తలకు సమాచారం ఇచ్చి వారితో దాడి చేయించారని ఆరోపించారు. కరకట్టపై రూ.కోటి నిధులతో నిర్మించిన సీసీ రోడ్డులో ప్రమాణాలు పాటించలేదని ఫిర్యాదు చేసినందుకు బలరాం దాడి చేశాడని తెలిపారు. తనకు రక్షణ కల్పించాలని విన్నవించారు. ● గార మండలంలోని అంపోలు పరిధిలో బరాటం చెరువును సుమారుగా 10 ఎకరాల వరకు సానివాడ, ఆ చెరువు చుట్టు ఉన్న రైతులు ఆక్రమించుకున్నారని, వాటిని తొలగించాలని ఆ గ్రామానికి చెందిన రుప్ప లక్ష్మి కోరారు. ● దివ్యాంగులకు పింఛన్‌ ఇప్పించాలని పొందూరు మండలం గోకర్ణపల్లి గ్రామానికి చెందిన చౌదరి అసిరినాయుడు కోరారు. తనకు 59 శాతం వికలాంగత ధ్రువపత్రం ఉందని తెలిపారు. అలాగే నరసన్నపేటకు చెందిన సూర ప్రసాద్‌కి 60 శాతం వికలాంగత ఉందని, ఆయన కూడా పింఛను ఇప్పించాలని విన్నవించారు. ● గార మండలంలోని అంపోలు గ్రామానికి చెందిన కురమాన మల్లేశ్వరరావు తన భూమికి అడంగల్‌, పాస్‌బుక్‌ మంజూరు చేయాలని పలుమార్లు గ్రీవెన్సుకి వచ్చి ఫిర్యాదు చేసినా ఫలితం లేదని ఆవేదన వ్యక్తం చేశారు. ఆక్రమణలకు అడ్డుకట్ట వేయాలి ఆమదాలవలస మండలంలోని తోటాడ గ్రామ పంచాయతీ పరిధిలో 10 ఎకరాల బావాజీ మఠం భూముల ఆక్రమణలకు అడ్డుకట్ట వేయాలని ఆమదాలవలస నియోజకవర్గం వైఎస్సార్‌సీపీ సమన్వయకర్త చింతాడ రవికుమార్‌ కోరారు. ఈ మేరకు పీజీఆర్‌ఎస్‌లో జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌కు సోమవారం వినతిపత్రం అందజేశారు. అలాగే బొబ్బిలిపేట గ్రామంలో అధికార పార్టీ అండతో చెరువు గట్టు ఆక్రమణ జరిగిందని, వాటిని తక్షణమే తొలగించేందుకు చర్యలు తీసుకోవాలని విన్నవించారు. గాజులకొల్లివలస గ్రామంలో ప్రాథమిక పాఠశాలను ఎత్తివేయడంతో ఇబ్బందులు పడుతున్నారని, అక్కడ పాత పాఠశాలను పునరుద్ధరించేందుకు చర్యలు తీసుకోవాలన్నారు. అదేవిధంగా పొందూరు మండలంలోని గోకర్ణపల్లి గ్రామంలో గత సంవత్సర కాలంగా మంచానికే పరిమితమైన వ్యక్తికి వికలాంగ పింఛన్‌ మంజూరు చేయాలని విజ్ఞప్తి చేశారు. ఆయనతో పాటు పలువురు వైఎస్సార్‌సీపీ నాయకులు, కార్యకర్తలు ఉన్నారు. జేసీ ఫర్మాన్‌ అహ్మద్‌ ఖాన్‌ మీ కోసంలో 140 అర్జీలు స్వీకరణ

శ్రీకాకుళం రూరల్‌: ఎటువంటి పత్రాలు లేకుండా ఎరువులు అమ్ముతున్న ఒక షాపును విజిలెన్స్‌, వ్యవసాయ శాఖ అధికారులు మాకుమ్మడిగా దాడులు చేసి సీజ్‌ చేశారు. మండల పరిధిలోని సింగుపురం గ్రామంలో ఉన్న గౌతమ్‌ ట్రేడర్స్‌ హోల్‌సేల్‌ ఎరువుల షాపులో సోమవారం రాత్రి తనిఖీలు చేయగా కిబ్కో కంపెనీకు చెందిన ఎరువులు డీఏపీ, యూరియా సంబంధిత కంపెనీలకు చెందిన ఓఫారం లేకుండా గడిచిన రెండు రోజులుగా అమ్ముతున్నట్లు విజిలెన్స్‌ అధికారులు గుర్తించారు. వీటితో పాటు సింగిల్‌ సూపర్‌ ఫాస్పేట్‌ గ్రీన్‌స్టార్‌ కంపెనీకు చెందిన 10 టన్నుల ఎరువులను స్టాక్‌బుక్‌లో నమోదు చేయకుండా డీలర్లకు ఆ షాపు యజమాని అమ్ముతున్నట్లు గుర్తించారు. దీంతో సంబంధింత షాపును విజిలెన్స్‌ అధికారులు 15 రోజులు పాటు సీజ్‌ చేసినట్లు తెలిపారు. అలాగే షాపులో ఉన్న 71.02 మెట్రిక్‌ టన్నుల ఎరువుల అమ్మకాన్ని పూర్తిగా నిలుపుదల చేసినట్లు నోటీసులు అందజేశారు. ఈ తనిఖీల్లో స్వ్యాడ్‌ టీమ్‌తో పాటు వ్యవసాయ సహాయ సంచాలకులు బి.విజయ్‌ప్రసాద్‌, సర్కిల్‌ ఇన్‌స్పెక్టర్‌ ఆఫ్‌ పోలీస్‌ విజిలెన్స్‌ ఆడారి సంతోష్‌ మండల వ్యవసాయాధికారి నవీన్‌ తదితరులు పాల్గొన్నారు.

నరసన్నపేట: సారవకోట మండలంలోని బుడితి సచివాయంలో పంచాయతీ కార్యదర్శిగా పనిచేస్తున్న డొంకాన శ్రీనివాసరావుపై సోమవారం ఉదయం దాడి జరిగింది. స్వగ్రామం జడూరు నుంచి డ్యూటీకి బుడితి వెళ్తుంగా మార్గమధ్యలో రావాడపేట వద్ద జమ్ము గ్రామానికి చెందిన రుప్ప రాజు ఆయనపై దాడిచేసి గాయపరిచారు. అంతకు ముందు ఇద్దరి మధ్య వాగ్వివాదం జరిగింది. అనంతరం శ్రీనివాసరావుపై రాజు దాడి చేశారు. ఘటనపై నరసన్నపేట ఎస్‌ఐ సీహెచ్‌ దుర్గాప్రసాద్‌ కేసు నమోదు చేసి దర్యాప్తు చేస్తున్నారు. ఒక వివాహేతర సంబంధం విషయంలో రాజుకి, శ్రీనివాసరావుకు మధ్య గత కొంతకాలంగా గొడవలు జరుగుతున్నట్లు సమాచారం. దీంట్లో భాగంగానే సోమవారం ఇద్దరి మధ్య ఘర్షణ జరిగినట్లు స్థానికులు చెబుతున్నారు. గాయపడిన పంచాయతీ కార్యదర్శి శ్రీనివాసరావు

హిరమండలం: వంశధార ఎడమ ప్రధాన కాలువకు మరోసారి గండి పడింది. ఈ నెల 2న గొట్టా బ్యారేజీ నుంచి నీటిని విడుదల చేశారు. అందులో భాగంగా ఎడమ ప్రధాన కాలువ నుంచి నీటిని విడుదల చేయగా.. రెండు రోజులకే మజ్జిగూడాం సమీపంలో గండి పడింది. దీంతో అప్పటికప్పుడు గేట్లు మూసి వేసి గండిని పూడ్చారు. అప్పటి నుంచి ఎడమ ప్రధాన కాలువలో సుమారు 1350 క్యూసెక్కుల నీరు ఎడమ ప్రధాన కాలువాలో ప్రవహిస్తోంది. అయితే మళ్లీ సోమవారం 5.02 కిలోమీటర్‌ 5ఏఆర్‌ ఓటీ స్లూయీజ్‌ (మదుము) వద్ద మరోసారి గండి పడింది. దీంతో కాలువలో నీరు పొలాల్లోకి చేరడంతో రైతులు అధికారులకు సమాచారం అందించారు. దీంతో వారు ఎడమ ప్రధాన కాలువలోకి నీటిని వెళ్లకుండా నిలిపివేశారు. నరసన్నపేట ఈఈ మురళీమోహన్‌, డీఈ శ్రీనివాసరావు, గొట్టాబ్యారేజీ డీఈ సరస్వతి గండి పడిన ప్రాంతాన్ని పరిశీలించి గండిని పూడ్చివేశారు. అనంతరం కాలువలోకి 500 క్యూసెక్కుల నీటిని విడిచిపెట్టారు. ఈ సందర్బంగా ఈఈ మురళీమోహన్‌ మాట్లాడుతూ కాలువలు నిర్మించి యాభై ఏళ్లు దాటాయని, రాతికట్టు కావడంతో రాయి మధ్యలో ఇసుక ఊడి గండిపడినట్లు తెలిపారు. నీరు విడిచిపెట్టిన 12 రోజులకే రెండుసార్లు గండిపడడంపై రైతులు ఆందోళన వ్యక్తం చేస్తున్నారు. వానలు పడి కాస్త ఎక్కువ నీరు విడిచిపెడితే పరిస్థితి ఏంటని ప్రశ్నిస్తున్నారు. గతంలో నీటిని విడిచిపెట్టే సమయానికి కాలువలో జంగిల్‌ క్లియరెన్స్‌ పనులతో పాటు గట్టు పటిష్టం చేసేవారని, కానీ ఈ ఏడాది గట్టు పటిష్టం వంటి పనులు సరిగా జరిగినట్టు లేవని తెలిపారు. ఆందోళనలో రైతులు

ఆ బడి రాజుల పాలన చూసింది. స్వాతంత్య్ర సంగ్రామ నినాదాలు విన్నది. భారతావని స్వేచ్ఛా వాయువులు పీల్చిన సందర్భానికి సాక్షిగా నిలిచింది. ప్రజాస్వామ్య యుగంలో తొలిసారి ఓటరుగా మారిన మందస వాసులకు వేదికనిచ్చింది. ఇన్నేళ్ల ప్రస్థానంలో వేలాది మంది మేధావులకు పురుడు పోసింది. 125 ఏళ్లుగా విజ్ఞాన కాంతులు వెదజల్లుతూనే ఉంది. మందసలోని శ్రీరాజా శ్రీనివాస మెమోరియల్‌ జెడ్పీ ఉన్నత పాఠశాల వైభవమిది. మందస రాజుల సుందర స్వప్నంగా ప్రారంభమైన పాఠశాల పూర్వ విద్యార్థుల సంకల్ప బలంతో పూర్వ వైభవం సాధించింది. మందస: మందసలోని ఎస్‌ఆర్‌ఎస్‌ఎం జెడ్పీ ఉన్న త పాఠశాల 125 ఏళ్ల వేడుకకు ముస్తాబవుతోంది. జమీందారుల పాలనలో పురుడు పోసుకున్న ఈ బడి ఈనాటికీ పచ్చగా విరాజిల్లుతోంది. 1901 మే 16న ఆనాటి గంజాం కలెక్టర్‌ హెచ్‌డీ టేలర్, మందస జమీందారు వాసుదేవ రాజమణిదేవ్‌ ఈ పాఠశాలకు పునాది వేశారు. నాటి శిలాఫలకం నేటికీ ఈ బడిలో భద్రంగా ఉంది. వాసుదేవ రాజమణిదేవ్‌ తర్వాత శ్రీనివాస రాజమణి దేవ్‌ పాలన సాగించా రు. ఆయన 30 ఏళ్ల పాటు ఈ బడిని బ్రిటిష్‌ పరం కాకుండా కాపాడారు. 1930లో ఆయన చనిపోయాక.. 1932 సెపె్టంబర్‌ 21న స్కూల్‌ను ప్రభుత్వ పాఠశాలగా గుర్తించి శ్రీ రాజా స్కూలును శ్రీ రాజా శ్రీనివాస రాజమణిదేవ్‌ మెమోరియల్‌ బోర్డు హైసూ్కల్‌గా మార్చారు. నాటి గంజాం జిల్లాలో ఇది రెండో హైస్కూల్‌ కావడం విశేషం. ఎన్నెన్నో అనుభవాలు.. వందేళ్లకుపైబడిన ప్రస్థానంలో మందస హౌస్కూల్‌ ఎన్నో అనుభవాలు మిగిల్చింది. ప్రధానంగా ఈ పాఠశాల ముందరి భవనం ఓ జ్ఞాపికగా మారింది. వందలాది తుఫాన్లను తట్టుకుని ఈ భవనం నిలబడింది. రాజులు కట్టించిన భవంతుల్లో ఇది మాత్ర మే మిగిలింది. ఇక్కడ చదువుకున్న వారు దేశ విదేశాల్లో స్థిరపడ్డారు. మండల వ్యాప్తంగా దశాబ్దాల పాటు ఈ పాఠశాల పెద్ద దిక్కుగా ఉండేది. బడి వదిలితే సాయంత్రం పూట మందస పట్టణమంతా కళకళలాడేది. పూర్వ విద్యార్థుల ఔదార్యం కాలక్రమేణా పెంకులు ఊడిపోయిన దశలో ఐకానిక్‌ భవనం అందవిహీనంగా మారడం పూర్వ విద్యార్థులను కలిచివేసింది. ఎంతో వైభవం కలిగిన ఈ భవనాన్ని ఆ దశలో చూసి విద్యార్థుల గుండెలు చివుక్కుమన్నాయి. అంతే.. అంతా కలిశారు. ప్రభుత్వ సాయం కోరకుండా, అధికారుల కోసం ఎదురు చూడకుండా ఎవరికి తోచినంత డబ్బు వారు విరాళాల రూపంలో పోగు చేసుకున్నారు. బ్యాచ్‌ల వారీ గా పోటీ పడి మరీ స్కూలు కోసం పూర్వ విద్యార్థులు విరాళాలు ఇచ్చారు. ఎక్కడెక్కడి వారో వా ట్సాప్‌ వేదికగా ఒక్కటయ్యారు. దాదాపు రూ.27 లక్షలు సేకరించి ఐకానిక్‌ భవనానికి మళ్లీ కొత్త ఊపిరి పోశారు. అ‘పూర్వ’ సమ్మేళనానికి సై.. భవన పునరి్నర్మాణం పూర్తి కావడంతో ఈ నెల 19, 20 తేదీల్లో భవనాన్ని పునఃప్రారంభిస్తూ 125 ఏళ్ల వేడుక సందర్భంగా పూర్వ విద్యార్థుల సమ్మేళనం నిర్వహించడానికి ఏర్పాట్లు చేస్తున్నారు. ఇప్పటికే ఆహ్వాన పత్రాలు కూడా పంపిణీ చేయడం మొదలుపెట్టామని నిర్వాహకులు తెలిపారు. ఉన్నత పాఠశా ల భవనాన్ని 19వ తేదీ ఉదయం 10 గంటలకు పునఃప్రారంభిస్తామని, మరుసటి రోజు ఆదివారం 9 గంటల నుంచి సాయంత్రం 4 గంటల వరకు పూర్వ విద్యార్థుల ఆత్మీయ సమ్మేళనం నిర్వహిస్తామన్నారు.

●హామీలపై నిలదీయాలి.. ప్రజాస్వామ్యంలో రాజకీయ పార్టీలు ఇచ్చిన హామీలపై కచ్చితంగా నిలదీయాలి. ప్రశ్నిస్తుంటే కూటమి ప్రభుత్వం కేసు లు పెడుతోంది. రైతులను కూడా అరాచక శక్తులుగా చూపిస్తోంది. వైఎస్‌ జగన్‌పై లేనిపోని ఆంక్షలు పెడుతోంది. 40 శాతం ఓటు బ్యాంక్‌ ఉన్న వైఎస్సార్‌ సీపీని తోలు తీస్తాం.. తాట తీస్తాం అంటే ఊరుకునేది లేదు. – కుంభా రవిబాబు, పార్టీ పార్లమెంట్‌ పరిశీలకుడు ●ప్రశ్నిస్తే కేసులు, దాడులు హామీలపై ప్రశ్నిస్తుంటే అన్యాయంగా కేసులు పెట్టి దాడులు చేస్తున్నా రు. చివరకు కూటమి నాయకుల కక్ష సాధింపు చర్యలకు ఐఏఎస్‌, ఐపీఎస్‌ అధికారులు రాజీనామాలు చేస్తున్నారు. జిల్లాలో నాగావళి, వంశధార నదుల్లో ఇసుక దోపిడీ జరుగుతోంది. – తమ్మినేని సీతారాం, పార్టీ పార్లమెంటరీ నియోజకవర్గ సమన్వయకర్త ●కార్యకర్తలే రారాజులు రానున్న జగన్‌ 2.0లో పార్టీ కార్యకర్తలే రారాజులు. ఎన్నికలు ఎప్పుడొస్తాయా.. టీడీపీని ఎ ప్పుడు తరిమికొడదామా అని ప్రజలు ఎదురుచూస్తున్నారు. జిల్లాలో 40 ఏళ్ల టీడీపీ పాలనలో సాధ్యం కానిది కేవలం ఒకే ఒక్క పర్యాయంలో వైఎస్‌ జగన్‌ చేసి చూపించారు. – సీదిరి అప్పలరాజు, మాజీ మంత్రి టెక్కలి: అధికారం కోసం సాధ్యం కాని హామీలు ఇవ్వడం, అధికారం దక్కాక మోసం చేయడం చంద్రబాబుకు అలవాటేనని వైఎస్సార్‌సీపీ జిల్లా అధ్యక్షుడు ధర్మాన కృష్ణదాస్‌ అన్నారు. సూపర్‌ సిక్స్‌ పేరుతో 143 వాగ్దానాలు ఇచ్చిన చంద్రబాబు ఏమీ అమలు చేయలేదని, ఆ మోసాలను గ్రామస్థాయి లో వివరించాలని ఆయన, పార్టీ పార్లమెంట్‌ నియోజకవర్గ సమన్వయకర్త తమ్మినేని సీతారాం, పార్టీ పార్లమెంట్‌ పరిశీలకుడు కుంభా రవిబాబు, మాజీ మంత్రి డాక్టర్‌ సీదిరి అప్పలరాజు, ఎమ్మెల్సీ నర్తు రామారావు తదితరులు పిలుపునిచ్చారు. శని వారం టెక్కలిలో వైఎస్సార్‌సీపీ నియోజకవర్గ ఇన్‌చార్జి పేరాడ తిలక్‌ ఆధ్వర్యంలో నిర్వహించిన ‘బా బు ష్యూరిటీ...మోసం గ్యారెంటీ’ రీకాలింగ్‌ చంద్రబాబు మేనిఫెస్టో నియోజకవర్గ స్థాయి విస్తృత స్థాయిలో సమావేశంలో కృష్ణదాస్‌ మాట్లాడారు. సూపర్‌ సిక్స్‌ హామీలిచ్చినపుడు రాష్ట్ర ఆదాయం సరిచూసుకోలేదా అని ప్రశ్నించారు. గత వైఎస్సార్‌సీపీ ప్రభుత్వంలో జిల్లాలో మూలపేట పోర్టు, ఉద్దానం ప్రాంతానికి సురక్షితమైన నీరు, కిడ్నీ స మస్యలకు ఆస్పత్రి రూపంలో పరిష్కారం చూపిన గొప్ప వ్యక్తి వైఎస్‌ జగన్‌ అని గుర్తు చేశారు. కార్యక్రమంలో ఎమ్మెల్సీ నర్తురామారావు, పార్టీ కాళింగ కుల విభాగ రాష్ట్ర అధ్యక్షుడు దుంపల లక్ష్మణరావు, జెడ్పీటీసీలు దువ్వాడ వాణి, పాల వసంత్‌రెడ్డి, పేరాడ భార్గవి, దుబ్బ వెంకట్రావు, ఎంపీపీలు ఆట్ల సరోజనమ్మ, నడుపూరు శ్రీరామ్ముర్తి తదితరులు పాల్గొన్నారు. పిలుపునిచ్చిన వైఎస్సార్‌సీపీ జిల్లా అధ్యక్షుడు ధర్మాన కృష్ణదాస్‌ టెక్కలి వైఎస్సార్‌సీపీ నియోజకవర్గ విస్తృత స్థాయి సమావేశంలో కూటమి పాలనపై ధ్వజమెత్తిన నేతలు

ఏదీ భద్రత ఏదీ ప్రమాదాల నివారణ.. నిరంతర నిఘా.. హైవే రోడ్లపై ఇసుక, కంకర, ఊక, ఆయిల్‌ మరే ఇతర లోడులైనా ఒరిగిపడిపోయినప్పుడు వాటిని తక్షణమే క్లియర్‌ చేయాల్సిన బాధ్యత కన్సష్‌నర్లది (రోడ్డు కాంట్రాక్టర్లది). ఒకవేళ వాహనాలు బ్రేక్‌ డౌన్‌ అయ్యి ఆగినా, ప్రమాదాలకు గురై ఎక్కువ సేపు నిలిచినా చుట్టూరా రేడియం స్టిక్కర్లు అంటించాలి. ఆ ప్రదేశంలో సూచీ బారికేడ్లు పెట్టాలి. కన్సస్‌నర్లు బాధ్యత విస్మరిస్తే ఇలాంటి ఒకట్రెండు నిర్లక్ష్యాలను చూసి ఎన్‌హెచ్‌ఐ వారు రెండు నోటీసులు జారీ చేస్తారు. అప్పటికీ మించితే వారిని తొలగిస్తారు. పబ్లిక్‌ ఏం చేయాలి.. రోడ్లపై ఇటువంటి దృశ్యాలు కనిపించినప్పుడు 1033 టోల్‌ఫ్రీ నంబర్‌కు కాల్‌ చేసి ఫిర్యాదు చేయాలి. ఎచ్చెర్ల / శ్రీకాకుళం క్రైమ్‌: రహదారి భద్రత మనందరి బాధ్యత. చక్కటి నినాదం. కానీ భద్రత పాటిస్తున్నదెవరు? అంత బాధ్యతగా మెలుగుతున్నదెవరు. పై వాక్యాలకు నిదర్శనం ఈ చిత్రం. ఎచ్చెర్ల మండలంలోని కొయ్యరాళ్లు జంక్షన్‌లో సర్వీస్‌ రోడ్‌లోకి ఎంటరయ్యే ప్రదేశం ఇది. చూడండి ఎంత ఇసుక రోడ్డు మీద ఒలిగిపోయిందో.. ఈ ఇసుక కారణంగా గురువారం రాత్రి నుంచి శనివారం రాత్రి వరకు చాలా మంది వాహనాలు ఇక్కడ అదుపుతప్పి స్కిడ్‌ అయ్యాయి కూడా. ఇసుకను తరలించే వాహనదారులు పట్టించుకోకుండా వెళ్లిపోయారు. రహదారి బాధ్యతను పర్యవేక్షించాల్సిన అధికారులు కంట పడలేదో.. పడినా ఫిర్యాదు రాలేదు కదా అని నిర్లక్ష్యాన్ని ప్రదర్శించారో.. వాహనదారులకు మాత్రం చుక్కలు కనబడ్డాయి. ప్రమాదాలకు ఆస్కారమైన.. వాహనాల రాకపోకలు అధికంగా సాగే జాతీయ రహదారిపై నిరంతరం సేవలందించే హైవే పెట్రోల్‌ సిబ్బంది దృష్టి కూడా ఈ ప్రాంతంపై పడలేదు. ఉదయం 6 గంటల నుంచి మధ్యాహ్నం 2, మధ్యాహ్నం 2 గంటల నుంచి రాత్రి 10, రాత్రి 10 నుంచి ఉదయం 6 గంటల వరకు మూడు షిఫ్టుల్లో విధుల్లో ఉంటూ ప్రమాదాల కట్టడికి తమ వంతు ప్రయత్నం చేస్తున్నామని చెప్పే వీరెవరి కంటినీ శుక్రవారం ఉదయం నుంచి ఈ ఇసుక రేణువు తాకలేదు. ఇష్టానుసారం వ్యవహరిస్తున్న ఇసుక వాహనాల నిర్వాహకులు వాహనాల నుంచి ఇసుక జారిపోతున్నా పట్టించుకోని వైనం జాతీయ రహదారిపై ఎక్కడ పడితే అక్కడే ఇసుక మేటలు ప్రమాదాలకు ఆలవాలంగా మారిన హైవే కటింగ్‌ పాయింట్లు చిత్రం చెప్పిన కథ

వజ్రపుకొత్తూరు రూరల్‌/మందస : పచ్చని చెట్లతో కోనసీమను తలపిస్తూ జిల్లాకు వరంగా ఉన్న ఉద్దాన ప్రాంతాన్ని కార్గో ఎయిర్‌ పోర్టు పేరుతో విధ్వంసం చేయడం తగదని వామపక్ష నాయకులు అన్నారు. జీడి, కొబ్బరిపంటలను నమ్ముకొని జీవనం సాగిస్తున్న ఉద్దాన రైతులను నిరాశ్రయులను చేయడం ఎంత వరకు సమంజసమో చెప్పాలని కేంద్రమంత్రి కింజరాపు రామ్మోహన్‌నాయుడును ప్రశ్నించారు. ఉద్దాన ప్రాంత బాధిత గ్రామాల్లో శనివారం రైతులతో కలిసి కార్గో ఎయిర్‌ పోర్టుకు వ్యతిరేకంగా వామపక్షాల నాయకులు చైతన్య ర్యాలీ చేపట్టారు. ఈ సందర్భంగా కార్గో ఎయిర్‌ పోర్టు వ్యతిరేక కమిటీ అధ్యక్షులు కొమర వాసు, జోగి అప్పారావు, సీపీఎం జిల్లా కార్యదర్శి డి.గోవిందరావు, సీపీఐ జిల్లా కార్యదర్శి చాపర వెంకటరమణ, సీపీఐ ఎంఎల్‌ న్యూడెమొక్రసీ జిల్లా సహాయ కార్యదర్శులు మాట్లాడుతూ ఏళ్ల తరబడి భూములను నమ్ముకున్న జీవనోపాధి సాగిస్తున్న ప్రజలను అభివృద్ది పేరుతో పొట్ట కొట్టడం సరికాదన్నారు. కూటమి ప్రభుత్వ విధానాలకు వ్యతిరేకంగా కొంత కాలంగా గ్రామస్తులు ఉద్యమాలు చేస్తున్నా కనీసం పట్టించుకోకుండా సర్వేలు చేపట్టడం దారుణమని మండిపడ్డారు. ఢిల్లీ, బెంగళూరు, ముంబై, విశాఖపట్నం లాంటి నగరాలకు అనుసంధానంగా కార్గో ఎయిర్‌ పోర్టులు ఉన్నాయని, దేశంలో ఎక్కడా ప్రత్యేక కార్గో ఎయిర్‌ పోర్టు లేదని గుర్తు చేశారు. పచ్చని ఉద్దానాన్ని కార్పొరేట్‌ కంపెనీలకు కట్టబెట్టే ప్రయత్నం మానుకోకపోతే ఉద్యమాన్ని మరింత ఉద్ధృతం చేస్తామని హెచ్చరించారు. కార్యక్రమంలో ప్రజా సంఘాల నాయకులు, కార్గో ఎయిర్‌ పోర్టు పోరాట కమిటీ నాయకులు కోనారి మోహన్‌రావు, బత్తిని లక్ష్మణ్‌, పోతనపల్లి కుసుమ, ఎన్‌.గణపతి, తెప్పల అజయ్‌కుమార్‌, పత్రి దానేష్‌, డి.హరికృష్ణ, కె.రమేష్‌, జోగి కోదండరావు, సతీష్‌ తదితరులు పాల్గొన్నారు.

జి.సిగడాం: మండలంలో అర్హత ఉన్న ప్రతి రైతుకు రాయితీపై ఎరువులు పంపిణీ చేస్తున్నామని జి.సిగడాం మండల వ్యవసాయాధికారి బెండి బాబ్జీ తెలిపారు. ఈ నెల 11న ‘బారులు తీరితేనే’ ఎరువులు, ఈ నెల 12న ‘ఎరువూ కరువే’ అనే శీర్షికలతో సాక్షిలో ప్రచురితమైన కథనాలకు అధికారులు స్పందించారు. మండలానికి 280 మెట్రిక్‌ టన్నుల ఎరువులను కేటాయించారు. వీటిని పీఏసీఎస్‌, రైతు సేవా కేంద్రాల ద్వారా రైతులకు పంపిణీ చేసినట్లు ఏఓ తెలిపారు. ఎక్కడా ఎరువుల కొరత లేకుండా చర్యలు తీసుకున్నామని చెప్పారు. ద్విచక్ర వాహనం ఢీకొని వృద్ధుడికి గాయాలు పాతపట్నం : పాతపట్నం మండల కేంద్రంలోని ఆల్‌ఆంధ్ర రోడ్డు సమీపంలో మొబైల్‌ షాపు ఎదురుగా శనివారం జరిగిన రోడ్డు ప్రమాదంలో వృద్ధుడికి తీవ్ర గాయాలయ్యాయి. పోలీసులు, స్థానికులు తెలిపిన వివరాల ప్రకారం.. పాతపట్నం ఆల్‌ఆంధ్ర రోడ్డు సమీపంలోని మొబైల్‌ షాపు ఎదురుగా పాతపట్నం కొత్త దేవాంగుల వీధికి చెందిన వృద్ధుడు కొసమాన మోహనరావు నడుచుకుంటూ వెళ్తుండగా వెనుక నుంచి ద్విచక్ర వాహనం ఢీకొట్టింది. ఈ ఘటనలో వృద్ధుడికి తీవ్ర గాయాలు కావడంతో స్థానికులు స్పందించి పాతపట్నం సీహెచ్‌సీకి తరలించారు. వైద్యుడు శేషుబాబు ప్రథమ చికిత్స చేసి మెరుగైన వైద్యం నిమిత్తం టెక్కలి జిల్లా ఆసుపత్రికి పంపించారు. పరిస్థితి విషమించడంతో శ్రీకాకుళం రిమ్స్‌కు తరలించారారు. వృద్ధుడి కుమారుడు కొసమాన మల్లేశ్వరావు ఇచ్చిన ఫిర్యాదు మేరకు కేసు నమోదు చేశామని ఏఎస్‌ఐ జి.సింహాచలం తెలిపారు. వృద్ధురాలి ఆత్మహత్య ఎచ్చెర్ల : ఎస్‌.ఎస్‌.ఆర్‌.పురం గ్రామానికి చెందిన నారాయణమ్మ (75) అనే వృద్ధురాలు చీమల మందు తాగి ఆత్మహత్య చేసుకుంది. ఏడాది కాలంగా పక్షవాతంతో బాధపడుతున్న ఈమె గ్రామంలోనే చిన్న కుమార్తె దుర్గ ఇంటి వద్ద ఉంటోంది. ఈ నెల 10న ఉదయం ఆమె అపస్మారక స్థితిలో ఉండటాన్ని కుటుంబ సభ్యులు గుర్తించారు. పక్కనే చీమల మందు గిన్నె కనిపించింది. వెంటనే కుటుంబ సభ్యులు వృద్ధురాలిని శ్రీకాకుళం రిమ్స్‌కు తరలించగా చికిత్స పొందుతూ శనివారం మృతి చెందింది. కుమారుడు లక్ష్మణరావు ఇచ్చిన ఫిర్యాదు మేరకు ఎస్‌ఐ అప్పలరాజు కేసు నమోదు చేసి దర్యాప్తు చేస్తున్నారు. 18న కలెక్టరేట్‌ వద్ద నిరసన దీక్ష శ్రీకాకుళం అర్బన్‌: అర్హత ఉన్న ఉద్యోగ ఉపాధ్యాయులందరికీ పాత పెన్షన్‌ విధానం వర్తింపజేయాలని, లోకేష్‌, చంద్రబాబు, పవన్‌కల్యాణ్‌ తమ మాట నిలబెట్టుకొని మెమో 57ను అమలు చేయాలని లేకుంటే పెద్ద ఎత్తున పోరాటం చేస్తామని మెమో 57 సాధన సమితి సమావేశంలో జిల్లా కన్వీనర్‌ కొత్తకోట శ్రీహరి అన్నారు. శ్రీకాకుళంలోని ఎన్‌జీఓ కార్యాలయంలో జరిగిన మెమో 57 సాధన సమితి సమావేశంలో ఆయన మాట్లాడుతూ ఆదివారం ప్రతి బాధితుడు తమ తమ ఇంటిలోనే గృహ దీక్షను చేపట్టాలని, అలాగే ఈ నెల 18న రాష్ట్ర వ్యాప్తంగా అన్ని కలెక్టరేట్‌ల వద్ద నిరసన దీక్షను 2003 డీఎస్సీ ఫోరమ్‌ ఆధ్వర్యంలో నిర్వహిస్తామన్నారు. శ్రీకాకుళం జిల్లా బాధిత ఉద్యోగులు కలెక్టరేట్‌కు అధిక సంఖ్యలో హాజరై పాతపింఛన్‌ సాధనలో భాగస్వామ్యం కావాలని కోరారు. సమావేశంలో జిల్లా కో కన్వీనర్లు అంబటి లక్ష్మణరావు, అట్టడ తిరుమలేశ్వరరావు, కోర్‌ కమిటీ సభ్యులు గురుగుబెల్లి భాస్కరరావు, నంబూరి కృష్ణారావు, ఇప్పిలి సురేష్‌కుమార్‌, దుంపల అనిల్‌బాబు, కె.రామకృష్ణ, ఇ.రమణ, ఫల్గుణరావు తదితరులు పాల్గొన్నారు.

శ్రీకాకుళం న్యూకాలనీ: జిల్లాస్థాయి బ్యాడ్మింటన్‌ పోటీలు శనివారం అట్టహాసంగా ప్రారంభమయ్యాయి. శ్రీకాకుళం నగరంలోని శాంతినగర్‌కాలనీలో ఉన్న డీఎస్‌ఏ ఇండోర్‌ స్టేడియం వేదికగా జిల్లా షటిల్‌ బ్యాడ్మింటన్‌ అసోసియేషన్‌ ఆధ్వర్యంలో జేఎన్‌వీ జ్యూయలర్స్‌ జిల్లాస్థాయి బ్యాడ్మింటన్‌ చాంపియన్‌షిప్‌–2024 పేరిట రెండు రోజుల పాటు జరగనున్న ఈ పోటీలను శ్రీకాకుళం ఎమ్మెల్యే గొండు శంకర్‌ ప్రారంభించారు. ఈ సందర్భంగా ఆయన మాట్లాడుతూ క్రీడల అభివృద్ధికి తన వంతు కృషి చేస్తానని చెప్పారు. బ్యాడ్మింటన్‌ అసోసియేషన్‌ రాష్ట్ర ఉపాధ్యక్షుడు, జిల్లా అధ్యక్షుడు కిల్లంశెట్టి సాగర్‌ మాట్లాడుతూ ఆరు విభాగాల్లో పోటీలు జరుగుతాయని, విజేతలను రాష్ట్రస్థాయి పోటీలకు పంపిస్తామని పేర్కొన్నారు. అసోసియేషన్‌ ప్రధాన కార్యదర్శి మెట్ట అశోక్‌కుమార్‌, జిల్లా బాడ్మింటన్‌ సీఈఓ సంపతిరావు సూరిబాబు తదితరులు మాట్లాడుతు టోర్నీ నిర్వహణకు సహకరించిన దాతలకు కృతజ్ఞతలు తెలిపారు. కార్యక్రమంలో పీఈటీ సంఘ జిల్లా అధ్యక్షుడు ఎం.వి.రమణ, దాతలు కిరణ్‌కుమార్‌, ఊన్న కిరణ్‌కుమార్‌, గెంజి భీమారావు, కిమ్స్‌ సీఓఓ డాక్టర్‌ రవిసంతోష్‌, సోలార్‌ ఎనర్జీ నరసన్నపేట కె.రమణ, శీర రమణ, బ్యాడ్మింటన్‌ సంఘ ప్రతినిధులు గురుగుబెల్లి ప్రసాద్‌, ఎంఈ రత్నాజీ, మెండ శాంతికుమార్‌, సంతోష్‌కుమార్‌, ఎల్‌.రవి, గురుగుబెల్లి రవి, శరత్‌, మోహన్‌సాయి, రిఫరీలు, పీడీలు, సీనియర్‌ క్రీడాకారులు, తల్లిదండ్రులు తదితరులు పాల్గొన్నారు. పోటెత్తిన క్రీడాకారులు.. ప్రతిష్టాత్మకంగా నిర్వహిస్తున్న ఈ టోర్నీకి జిల్లా నలుమూలల నుంచి క్రీడాకారులు తరలివచ్చారు. సుమారు 400 మంది బాలబాలికలు, సీనియర్‌ క్రీడాకారులు హాజరై ప్రతిభ చాటారు. అండర్‌–11, 13, 15, 17, 19 బాలబాలికలకు, అలాగే సీ్త్ర, పురుషులు(సీనియర్స్‌) విభాగాల్లో సింగిల్స్‌, డబుల్స్‌లలో పోటీలు జరుగుతున్నాయి. తొలిరోజు రాత్రి 10 గంటల వరకు పోటీలు జరిగాయి. ఆదివారం సాయంత్రంతో పోటీలు ముగుస్తాయని అంతర్జాతీయ క్వాలిఫైడ్‌ రిఫరీ, టోర్నీ చీఫ్‌ రిఫరీ సంపతిరావు సూరిబాబు తెలిపారు.

బ్యాడ్మింటన్‌ టోర్నీ ప్రారంభంజిల్లా కేంద్రంలో బ్యాడ్మింటన్‌ టోర్నీ ప్రారంభమైంది. 400 మంది క్రీడాకారులు హాజరయ్యారు. –8లోనిద్దరోతోందా..? ఉద్దానంలో విధ్వంసం వద్దు కార్గో ఎయిర్‌పోర్టుపై ఉద్దానంలో నిరసన గళం వినిపిస్తోంది. ఉద్దానంలో విధ్వంసం వద్దంటున్నారు. –8లోఆదివారం శ్రీ 13 శ్రీ జూలై శ్రీ 2025● టీడీపీ హయాంలోనే ఫరీదుపేటలో హత్యలు ● ఇప్పటివరకు జరిగిన నాలుగు హత్యలు చంద్రబాబు పాలనలోనే ● టీడీపీ అధికారంలోకి వచ్చిన ప్రతిసారి రెచ్చిపోతున్న రౌడీ మూకలు ● సునాయాసంగా ప్రత్యర్థులను హతమారుస్తున్న పరిస్థితి ● పోలీసు పికెట్‌ ఉన్నా హత్య జరగడంతో మరింత అనుమానాలు ● పోలీసులు ఉదాసీనతే హత్యకు కారణమని బాధిత కుటుంబీకుల ఆరోపణ జిల్లాలో ఎరువుల కొరత లేదు: కలెక్టర్‌ శ్రీకాకుళం పాతబస్టాండ్‌: జిల్లాలో ఎరువుల కొరత లేదని కలెక్టర్‌ స్వప్నిల్‌ దినకర్‌ పుండ్కర్‌ ఆదివారం వెల్లడించారు. ప్రతి రైతు తమకు కావాల్సిన ఎరువులు తీసుకోవచ్చన్నారు. రైతులకు కావాల్సిన ఎరువులు ప్రభుత్వం 50% ప్రైవేటు వర్తకులు 50% సొసైటీలు లేదా రైతు సేవా కేంద్రాలకు అందజేయడం జరుగుతుందని తెలిపారు. ఇప్పటి వరకు జిల్లాలో యూరియా 10583 ఎంటీఎస్‌, డీఏపీ 6402 ఎంటీఎస్‌, పోటాష్‌ 922 ఎంటీఎస్‌, కాంప్లెక్స్‌ 3084 ఎంటీఎస్‌, సూపర్‌ పాస్పేట్‌ 842 ఎంటీఎస్‌ సరఫరా చేశామన్నారు. ఇందులో రైతు సేవా కేంద్రాలకు 50 శాతం పంపిణీ చేసినట్లు పేర్కొన్నారు. జూలై 5 నాటికి జి.సిగడాం మండలంలోని రైతు సేవా కేంద్రాల ద్వారా ఇప్పటి వర కు యూరియా 239 ఎంటీఎస్‌, డీఏపీ 80.0 ఎంటీఎస్‌, మండల వ్యవసాయ అధికారి ప్రతిపాదనలు మేరకు మొత్తం 319.76 ఎంటీఎస్‌ సరఫరా చేశామని, ఈ వారంలో యూరియా 140.0 ఎంటీఎస్‌ సరఫరా చేయడానికి మార్క్‌ఫెడ్‌ ద్వారా ప్రతిపాదనలు చేశామని పేర్కొన్నారు. కావాల్సిన ఎరువుల విషయమై రాష్ట్ర కార్యాలయానికి ప్రతిపాదనలు పంపించామని, జిల్లాలో ఎలాంటి ఎరువుల కొరత లేదని తెలియజేశారు. గుడి చెంతనే మద్యం షాపు నరసన్నపేట: మండలంలోని ఉర్లాంలో వేంకటేశ్వరాలయం, అంగన్‌వాడీ కేంద్రాల చెంతనే మద్యం షాపు పెట్టడాన్ని స్థానికులు వ్యతిరేకిస్తున్నారు. దీన్ని మరో చోటకు మార్చాలని కోరుతున్నారు. ఆలయానికి వంద మీటర్ల లోపునే మద్యం షాపు ఉందని స్థానికులు అంటున్నారు. అలాగే అక్కడే అంగన్‌వాడీ కేంద్రం ఉందని చెబుతున్నారు. ఎకై ్సజ్‌ అధికారులు తగిన చర్యలు తీసుకోవాలని మరో చోటకు మద్యం షాపును మార్చాలని డిమాండ్‌ చేస్తున్నారు. ఈ మేరకు ఎకై ్సజ్‌ అధికారులకు స్థానికులు ఫిర్యాదు చేశారు. కానిస్టేబుల్‌ నియామక పరీక్షలో భవానీకి రెండో ర్యాంకు మందస: రాష్ట్ర ప్రభుత్వం విడుదల చేసిన కానిస్టేబుల్‌ నియామక పరీక్షలో మందస మండలం పిడిమందస గ్రామానికి చెందిన సేనాప తి భవాని రాష్ట్రస్థాయి మహిళల కేటగిరీలో రెండో ర్యాంకు సాధించింది. భవానీ ప్రభుత్వ పాఠశాలలో ప్రాథమిక స్థాయి నుంచి ఉన్నత విద్య వరకు అభ్యసించారు. మహిళల విభాగంలో 154 మార్కులతో ఈ ర్యాంకు సాధించింది. సాక్షి ప్రతినిధి, శ్రీకాకుళం: ఎచ్చెర్ల మండలంలోని ఫరీదుపేటపై చెరిగిపోని రక్తపు మరకలు పడుతున్నాయి. టీడీపీ అధికారంలోకి వచ్చిన ప్రతిసారీ ఇక్కడ హత్యలు జరుగుతున్నాయి. పోలీసులు కూడా ఏం చేయలేకపోతున్నారు. హత్యలు జరిగాక సీన్‌ ఆఫ్‌ అఫెన్స్‌కు వచ్చి హడావుడి చేస్తున్న పరిస్థితులు నెలకొంటున్నాయి. గ్రామంలో జరిగిన నాలుగు హత్యలు టీడీపీ అధికారంలో ఉన్నప్పుడు జరిగినవే కావడం గమనార్హం. టార్గెట్‌ ప్రకారం ప్రత్యర్థులను కిరాతకంగా చంపేస్తున్నారు. చంద్రన్న పాలనలో హత్యలు.. 2001 జూన్‌ 21న చంద్రబా బు అధికారంలో ఉండగా వైస్‌ ఎంపీపీగా పనిచేసిన కోటిపాత్రుని పోలినాయు డు హత్యకు గురయ్యారు. దీనికి ప్రతీకార హత్య కూడా 2002 ఆగస్టులో జరిగింది. మొదలవలస రాంబాబును చంపేశారు. పార్టీల విషయం పక్కన పెడితే హత్యా రాజకీయాలకు ఫరీదుపేట వేదికై ంది. ఆ తర్వాత కొన్ని ఘటనలు జరిగినా హత్యల వరకు వెళ్లలేదు. మళ్లీ తాజాగా చంద్రబాబు అధికారంలోకి వచ్చాక హత్యల పరంపర మొదలైంది. అధికారంలోకి వచ్చిన రెండు నెలల్లో అంటే గత ఏడాది ఆగస్టులో వైఎస్సార్‌సీపీ కి చెందిన కూన ప్రసాద్‌ను టీడీపీ మూకలు హత్య చేశాయి. తాజాగా వైఎస్సార్‌సీపీకి చెందిన సత్తారు గోపిని మళ్లీ టీడీపీ వాళ్లే పట్ట పగలు దాడి చేసి చంపేశారు. ఈ హత్యలన్నీ దాదాపు టీడీపీ హయాంలోనే జరిగాయి. నిఘా వైఫల్యమేనా..? టీడీపీ పాలనలో నిఘా వైఫల్యమో? వ్యవస్థను పోలీసుల గుప్పెట్లో పెట్టుకోవడమో తెలీదు గాని టీడీపీ అధికారంలో ఉన్నప్పుడే ఫరీదుపేటలో హత్యలు జరుగుతున్నాయి. తాజాగా సత్తారు గోపి హత్యకు దారితీసే పరిస్థితులపైన ఆరోపణలు ఉన్నాయి. కూన ప్రసాద్‌ హత్య కేసులో తొమ్మిది మంది వరకు ఉన్నా నలుగుర్ని మాత్రమే నిందితు లుగా చూపించి, మిగతా వారికి యాంటిసిపేటరీ బెయిల్‌ వచ్చేలా పోలీసులు సహకరించారన్న ఆరోపణలు ఉన్నాయి. ఈ విషయాన్ని సత్తారు గోపి కుటుంబీకులే నేరుగా ఆరోపిస్తున్నారు. ఆ ఘటనకు సంబంధించిన ప్రధాన నిందితులను విడిచిపెట్టడం వల్లే ఈ హత్య జరిగిందని, వారే గోపిని హత్య చేశారని ఆరోపిస్తున్నారు. పోలీసు అధికారు లను సైతం మృతదేహం వద్దకు రాకుండా అడ్డుకు న్నారంటే పరిస్థితేంటో అర్థం చేసుకోవచ్చు. చివరి కీ ఎచ్చెర్ల ఎస్‌ఐ తీరుపై నేరుగా మండిపడ్డారు. తక్షణమే ఆయన్ని సస్పెండ్‌ చేయాలని కూడా డిమాండ్‌ చేశారు. పోలీసు పికెట్‌ ఉన్నా... గత ఏడాది ఆగస్టులో కూన ప్రసాద్‌ హత్య తర్వాత ఫరీదుపేటలో పోలీసు పికెట్‌ ఏర్పాటు చేశారు. అక్కడ ఎలాంటి హింసాత్మక ఘటనలు జరగకూడదన్న ఉద్దేశంతోనే పికెట్‌ పెట్టారు. అయినప్పటికీ మరో హత్య జరిగిందంటే ఏమనుకోవాలో తెలియని పరిస్థితి నెలకుంది. అసలు నిఘా వ్యవస్థ ఏమైంది? సమస్యాత్మక గ్రామంపై పర్యవేక్షణ కొరవడిందా? లేదంటే ఎవరైనా ప్రభావితం చేశారా? అన్న సందేహాలు తలెత్తుతున్నాయి. మంత్రి లోకేష్‌ శ్రీకాకుళం క్రైమ్‌/ఎచ్చెర్ల : జిల్లాలోని ఎచ్చెర్ల మండలం ఫరీదుపేటను పోలీసులు తమ ఆధీనంలోకి తీసుకున్నారు. శుక్రవారం మధ్యాహ్నం వైఎస్సార్‌ సీపీ కార్యకర్త సత్తారు గోపి ప్రత్యర్థుల చేతిలో దారుణ హత్యకు గురికావడంతో ఎస్పీ కేవీ మహే శ్వరరెడ్డి జిల్లా పోలీస్‌ యంత్రాంగాన్ని అప్రమత్తం చేసి దాదాపు 300 మందితో పోలీస్‌ పికెటింగ్‌ ఏర్పాటుచేశారు. శ్రీకాకుళం, కాశీబుగ్గ డీఎస్పీలు సీహెచ్‌ వివేకానంద, వీవీ అప్పారావులే కాక సీఐ లు, ఎస్‌ఐలు, ఇంటెలిజెన్స్‌, స్పెషల్‌ బ్రాంచి, పోలీస్‌ కమాండోలు, ఏఆర్‌ సిబ్బందితో ఫరీదుపే ట ఇళ్ల గడపలు నిండిపోయాయి. దాదాపు ఊరి నుంచి జాతీయ రహదారి వరకు అడుగడుగునా పోలీసులు కనిపించారు. 12 మందిపై ఎఫ్‌ఐఆర్‌.. అదుపులో నలుగురు..? మృతుడు గోపి కుటుంబ సభ్యులు శుక్రవారం రాత్రి ఇచ్చిన ఫిర్యాదు మేరకు ఎనిమిది మంది కీలక నిందితులను, మరో నలుగురు అనుమానితులను పోలీసులు ఎఫ్‌ఐఆర్‌లో చేర్చారని, ఇప్పటికే నలుగురు నిందితులను అదుపులోకి తీసుకున్నట్లు సమాచారం. ఓ నిర్మానుష్య ప్రాంతంలో హత్య జర గడం, అక్కడ ఓ చెట్టుపై సీసీ కెమెరాలున్నా వారం రోజుల కిందటే పాడు చేయడం, హత్య జరిగిన రోజు అవి పనిచేయకపోవడం వంటివి అనుమానా లను బలపరుస్తున్నాయి. శనివారం ఉదయం రిమ్స్‌లో సత్తారు గోపి మృతదేహానికి పోస్టుమార్టం నిర్వహించి 11.30 గంటలకు గ్రామానికి తీసుకొచ్చారు. అనంతరం పోలీసుల సమక్షంలోనే అంత్యక్రియలు జరిగాయి. న్యూస్‌రీల్‌రెడ్‌బుక్‌ రాజ్యాంగమే దీనికి కారణమా అన్న అనుమానాలు తలెత్తక మానలేదు. నిఘా వైఫల్యానికి ఇదొక నిలువెత్తు సాక్ష్యంగా చెప్పవచ్చు. ప్రస్తుత ఎంపీపీ మొదలవలస చిరంజీవిని హతమార్చడానికి గత ప్రభుత్వం సమయంలో కొందరు ప్రయత్నిస్తే, నిఘా వ్యవస్థ పట్టిష్టంగా ఉండటంతో ఆ సమయంలో కుట్రదారులను పోలీసులు అరెస్టు చేశారు. దీంతో ఆయనకు ప్రాణాపాయం తప్పింది. ఇప్పుడు నిఘా ఏమైందో పక్కన పెడితే పోలీసు పికెట్‌ ఉండి కూడా హత్య జరగడం విస్మయం కలిగిస్తోంది. శాంతిభద్రతలపై కాకుండా కక్షపూరిత రాజకీయాలపై దృష్టి పెట్టడం, పోలీసులను సైతం సక్రమంగా పనిచేయక పోనివ్వకపోవడం వల్లనే హత్యలకు అవకాశం ఏర్పడిందన్న వాదనలు ఉన్నాయి. కూన ప్రసాద్‌ హత్య జరిగినప్పుడే పోలీసు ఉన్నతాఽధికారులు కఠినంగా వ్యవహరిద్దామని భావించినా అధికారంలో ఉన్న పెద్దలు అడ్డు తగిలారు. దాని పర్యవసానమే తాజా హత్య అని ఆరోపణలు ఉన్నాయి. శాంతియుతంగా ఉండాలి.. 1951లో డబుల్‌ మర్డర్‌తో ఈ గ్రామంలో తగాదాలు ప్రారంభమయ్యాయి. గౌరీదేవి ఉత్సవాల్లో గొడవ వచ్చింది. మొదట్లో రెండు గ్రూపులు గ్రామానికి నాయకత్వం వహించేవారు. గ్రూపులుగా ఎప్పుడూ కొట్టుకోరు. అదను చూసి సింగిల్‌గా ప్రత్యర్థి వస్తే దాడికి ఎగబడతారు. గ్రామస్తులు శాంతియుతంగా ఉండాలి. – ఎం.అవతారం, సీఐ, జె.ఆర్‌.పురం

సారవకోట: మండలంలోని బుడితి సీహెచ్‌సీని శనివారం జిల్లా వైద్యుల బృందం పరిశీలించింది. ఈ ఆస్పత్రిలో చేసిన ప్రసూ తి ఆపరేషన్ల కారణంగా ఇటీవల జలుమూరు మండలం పాగోడు, యలమంచిలి గ్రామాలకు చెందిన ఇద్దరు బాలింతలు మృతి చెందారు. దీనిపై వైద్య ఆరోగ్య శాఖ కమిషనర్‌, డీసీహెచ్‌ఎస్‌, కలెక్టర్‌ ఆదేశాల మేరకు టెక్కలి జిల్లా ఆస్పత్రి నుంచి డాక్టర్‌ ప్రసూనాంబ, డాక్టర్‌ ప్రతిభా చైతన్య, డాక్టర్‌ ప్రకాశ్‌ వర్మ, డాక్టర్‌ శ్రీనుబాబు, డాక్టర్‌ కాళీ చరణ్‌లతో కూడిన కమిటీ సభ్యులు విచారణ చేపట్టారు. ఈ సందర్భంగా వారు మృతులు ఎప్పటి నుంచి ఆస్పత్రిలో వైద్య సేవలు పొందుతున్నారు, ఆపరేషన్‌ చేసిన సమయంలో వారి ఆరోగ్య పరిస్థితి, తదితర వివరాలను ఆపరేషన్‌ చేసిన వైద్యురాలు శోభారాణి, ఇతర వైద్య సిబ్బందిని అడిగి తెలుసుకున్నారు. దీనిపై పూర్తిస్థాయిలో విచారణ చేపట్టి ఉన్నతాధికారులకు నివేధిక అందించనున్నట్లు వారు తెలిపారు.

జలుమూరు: ప్రసిద్ధి శైవక్షేత్రం శ్రీముఖలింగంలో మధుకేశ్వరుడిని తమిళనాడు రాష్ట్ర ప్రిన్సిపల్‌ సెక్రటరీ, మారిటైమ్‌ బోర్డు చైర్మన్‌ టి.ఎన్‌ వెంకటేష్‌ శనివారం దర్శించుకున్నారు. స్వామివారికి ఏకవార అభిషేకాలు, అర్చనలు, వారాహి అమ్మవారికి కుంకుమ పూజలు నిర్వహించారు. అర్చకులు ఆలయ చరిత్రను వివరించారు. ఈదుపురంలో పోలీసు పహారా ఇచ్ఛాపురం రూరల్‌: ఎచ్చెర్ల మండలం ఫరీదుపేటలో వైఎస్సార్‌సీపీ కార్యకర్త సత్తారు గోపి దారుణ హత్యకు గురైన నేపథ్యంలో ఇచ్ఛాపురం మండలం ఈదుపురంలో రూరల్‌ ఎస్‌ఐ ఈ.శ్రీనివాస్‌ ఆధ్వర్యంలో శనివారం పోలీస్‌ పికెటింగ్‌ ఏర్పాటు చేశారు. జూన్‌ 17న గ్రామంలో ఇరువర్గాల మధ్య జరిగిన కొట్లాట, రెండు రోజుల క్రితం కూటమి నాయకుడు విడుదల చేసిన వివాదాస్పద వాయిస్‌ రికార్డు దృష్ట్యా గ్రామంలో ఎటువంటి అవాంఛనీయ సంఘటనలు జరుగకుండా ముందస్తు జాగ్రత్తగా ఏఎస్‌ఐ శంకరరావు, ముగ్గురు కానిస్టేబుళ్లతో బందోబస్తు ఏర్పాటు చేశారు. కరువు భత్యం చెల్లించాలి శ్రీకాకుళం న్యూకాలనీ: రాష్ట్ర ప్రభుత్వ ఉద్యోగులు, ఉపాధ్యాయులు, పెన్షనర్లకు చెల్లించాల్సిన కరువు భత్యాన్ని వెంటనే విడుదల చేయాలని ఏపీ స్కూల్‌ టీచర్స్‌ అసోసియేషన్‌ (ఏపీ ఎస్టీఏ) రాష్ట్ర ప్రధాన కార్యదర్శి తమ్మినాన చందనరావు, జిల్లా అధ్యక్ష, ప్రధాన కార్యదర్శులు సప్పటి మల్లేసు, పంచాది గోవిందరాజులు, సహాధ్యక్షుడు నెమలిపురి విష్ణుమూర్తి డిమాండ్‌ చేశారు. ఈ మేరకు శనివారం ఒక ప్రకటన విడుదల చేశారు. 2023 జులై నుంచి ఇప్పటివరకు నాలుగు విడతలుగా బకాయిలు పడ్డ డీఏలన్నీ కలిపి 16.38 శాతం చెల్లించాల్సి ఉందని పేర్కొన్నారు. ఇసుక వాహనాల అడ్డగింత బూర్జ : ఇసుక వాహనాల రాకపోకలతో దుమ్ము ధూళి చెలరేగి తీవ్ర ఇబ్బందులు పడుతున్నామంటూ బూర్జ మండలం చీడివలస గ్రామస్తులు శనివారం పలు లారీలను అడ్డుకున్నారు. కాఖండ్యాం, తమరాం ఇసుక ర్యాంపుల నుంచి రాత్రీపగలు తేడా లేకుండా ఇష్టారాజ్యంగా ఇసుకను తరలిస్తున్నారని, దీంతో తాము ఇబ్బందులు పడాల్సి వస్తోందని గ్రామస్తులు ఆవేదన వ్యక్తం చేశారు. ఇసుక లారీలను అడ్డుకోవడంతో ఇరువైపులా ట్రాఫిక్‌ స్తంభించిపోయింది. సమాచారం అందుకున్న పోలీసులు ఘటనా స్థలానికి చేరుకుని గ్రామస్తులకు నచ్చజెప్పి పంపించారు. జాబ్‌మేళాకు విశేష స్పందన శ్రీకాకుళం న్యూకాలనీ: శ్రీకాకుళం ప్రభుత్వ పురుషుల డిగ్రీ కళాశాల మైదానంలో శనివారం నిర్వహించిన జాబ్‌మేళాకు విశేష స్పందన లభించింది. జీఎంఆర్‌ ఏఈఆర్‌ఓ ఆధ్వర్యంలో వివిధ ఎయిర్‌పోర్టుల్లో ఫైర్‌ ఫైటర్స్‌ పోస్టుల భర్తీకి ఈ డ్రైవ్‌ నిర్వహించారు. ఇంటర్‌ ఉత్తీర్ణులైన 18 నుంచి 24 ఏళ్ల యువత జిల్లా నలుమూలల నుంచి భారీగా తరలివచ్చారు. 1600 మీటర్ల పరుగు, బరువు, తదితర అంశాలను పరిగణనలోకి తీసుకున్నారు. వివరాలు తర్వాత వెల్లడిస్తామని నిర్వాహకులు తెలిపారు. రైస్‌ మిల్లులో విజిలెన్స్‌ తనిఖీలు కొత్తూరు: కడుము గ్రామంలో అరసా ట్రేడర్స్‌ రైస్‌ మిల్లులో శనివారం విజిలెన్స్‌ ఎన్‌ఫోర్స్‌మెంట్‌ సీఐ బి.సింహాచలం, ఎస్‌ఐ టి.రామారావు, సీఎస్‌డీటీ భీమారావులు తనిఖీలు నిర్వహించారు. ఇటీవల 50 కిలోల బరువు గల 700 పీడీఎస్‌ బియ్యం బస్తాలను పార్వతీపురం మన్యం జిల్లా పాచిపెంట మండలం పి.కోనవలస చెక్‌పోస్టు విజిలెన్స్‌ అధికారులు పట్టుకున్నారు. లారీ డ్రైవర్‌ను విచారణ చేయగా.. కొత్తూరు మండలంలో టీడీపీ నేత, కడుము ఎంపీటీసీకి చెందిన అరసా రైస్‌ మిల్లు నుంచి బియ్యం తీసుకొస్తున్నట్లు చెప్పాడు. ఈ నేపథ్యంలో జిల్లా విజిలెన్స్‌ అధికారులు మిల్లులో తనిఖీలు చేపట్టారు. తనిఖీల్లో వీఆర్వో చిన్న లోకేష్‌ పాల్గొన్నారు. కాగా, కొత్తూరు, తదితర మండలాల్లో ప్రభుత్వం పంపిణీ చేస్తున్న బియ్యాన్ని చిల్లర వర్తకుల ద్వారా కొనుగోలు చేసి పాచిపెంట మీదుగా ఒడిశా రాష్ట్రానికి తరలిస్తున్నట్లు సమాచారం.

● మాజీ ఎంపీ బెల్లాన చంద్రశేఖర్‌ ఎచ్చెర్ల: ఉత్తరాంధ్ర జిల్లాల్లో కూటమి ప్రభుత్వం అరాచకాలు సృష్టిస్తోందని మాజీ ఎంపీ బెల్లాన చంద్రశేఖర్‌ అన్నారు. ఫరీదుపేట గ్రామంలో హత్యకు గురైన సత్తారు గోపి కుటుంబాన్ని పరామర్శించడానికి మాజీ ఎమ్మెల్యే గొర్లె కిరణ్‌కుమార్‌తో కలిసి ఆయన శనివారం వచ్చారు. ఈ సందర్భంగా ఆయ న మాట్లాడుతూ టీడీపీ నాయకులు గోపిని దారుణంగా హత్య చేశారని, ఇంతకు ముందు ఆయన కారు డ్రైవర్‌ను హత్య చేశారని, అప్పుడు ప్రధాన కారకులను కేసు నుంచి తప్పించారని అన్నారు. పో లీసు పికెటింగ్‌ ఉన్నా హత్యలు జరుగుతున్నాయని తెలిపారు. గోపి కుటుంబానికి అండగా ఉంటామ న్నారు. భార్యాభర్తల తగువు మధ్యలో వ్యక్తిని హత్య చేయడం రాజకీయమని అన్నారు. ఎచ్చెర్ల ఎస్‌ఐ దీనికి పూర్తిగా సహకరించారని ఆరోపించా రు. ఆయన సమక్షంలో భార్యాభర్తల గొడవకు సంబంధించి 41 నోటీసులు ఇవ్వడానికి 20 మంది పోలీసులు రావడం ఏమిటని ప్రశ్నించారు. ఇక్కడి విషయాలను వైఎస్‌ జగన్‌మోహన్‌ రెడ్డి దృష్టికి తీ సుకెళ్లామని తెలిపారు. హత్యకు ప్రధాన కారకులు బయట కాలర్‌ ఎగరేసుకుని తిరుగుతున్నారని తెలిపారు. మాజీ ఎమ్మెల్యే గొర్లె కిరణ్‌కుమార్‌ మాట్లాడుతూ కూటమి ప్రభుత్వం వచ్చిన నుంచి వైఎస్సార్‌ సీపీ కార్యకర్తలను ఇబ్బందులు పెడుతున్నారని అన్నారు. దీనిపై ఎస్పీ సమగ్ర దర్యాప్తును నిర్వహించి దోషులను వెంటనే శిక్షించాలని అన్నా రు. చనిపోయిన గోపి అనే వ్యక్తికి ఇద్దరు పిల్లలు ఉన్నారని, బాబుకు కాలు విరిగిందని, పాప ఇంట ర్‌ చదువుతోందని, ఆ కుటుంబం వీధిన పడిందని అన్నారు. కార్యక్రమంలో మండల పార్టీ అధ్యక్షులు బోరసాయిరాం, జిల్లా ప్రధాన కార్యదర్శి సనపల నారాయణరావు, జెడ్పీటీసీలు మీసాల సీతంనాయుడు, పిన్నింటి సాయికుమార్‌, నీలమప్పడు, శీరపు, శ్రీరామూర్తి, గోవిందరెడ్డి, అప్పలరాజు తదితరులు పాల్గొన్నారు.

● ఈ ప్రాంత బాగుకోసం ఎందాకై నా పోరాటం చేస్తా ● శ్రీకాకుళం వైఎస్సార్‌సీపీ నియోజకవర్గ విస్తృత స్థాయి సమావేశంలో మాజీ మంత్రి ధర్మాన ప్రసాదరావు శ్రీకాకుళం రూరల్‌: వెనుకబడిన శ్రీకాకుళం జిల్లాను టీడీపీ దశాబ్దాలుగా మోసం చేస్తోందని, ఈ ప్రాంత అభివృద్ధిపై దృష్టి సారించిన సందర్భం ఒక్కటంటే ఒక్కటి కూడా లేదని మాజీ మంత్రి ధర్మాన ప్రసాదరావు అన్నారు. శ్రీకాకుళంలోని ఆయన నివాసంలో శనివారం వైఎస్సార్‌సీపీ నియోజకవర్గ విస్తృత స్థాయి సమావేశం నిర్వహించారు. చంద్రబాబునాయుడు ఏడాది పాలనలో కనీసం జిల్లాకు రూ.వెయ్యి కోట్లు కూడా కేటాయించలేదని ధ్వజమెత్తారు. అంతా కూటమి ప్రభుత్వం అంటున్నారు గానీ ఇది టీడీపీ ప్రభుత్వమేనన్నారు. పవన్‌ కల్యాణ్‌ మాట్లాడలేకపోతున్నారని, బీజేపీ మేనిఫెస్టోతో తమకు సంబంధం లేనట్టు వ్యవహరిస్తోందని అన్నారు. సోషల్‌ మీడియాను వాడుకుందాం.. ప్రభుత్వ వైఫల్యాలను ప్రజల్లోకి కార్యకర్తలే తీసుకెళ్లాలని, సోషల్‌ మీడియాను ఓ ఆయుధంలా వాడుకోవాలని సూచించారు. మన దాహార్తిని తీర్చి పంటలకు నీరిచ్చే వంశధార ప్రాజెక్టు పూర్తవ్వడానికి యా భై ఏళ్లు పట్టిందన్నారు. ఆఫ్‌షోర్‌, తోటపల్లి, నారాయణపురం వంటి ప్రధాన ప్రాజెక్టులకు నిధులు ఇచ్చింది దివంగత నేత వైఎస్సార్‌, వైఎస్‌ జగన్‌మోహన్‌రెడ్డి మాత్రమేనని స్పష్టం చేశారు. మన పాలకులకు ఈ ప్రాంతంపై పట్టింపు లేదు అనేందుకు అనే క ఉదాహరణలు ఉన్నాయన్నారు. తాను ఎవరిపైనా వ్యక్తిగత విమర్శలు చేయబోనని, ప్రభుత్వ విధానాలపై మాత్రమే మాట్లాడతానని ధర్మాన అన్నారు. పార్టీ ఆదేశిస్తే పార్లమెంట్‌కై నా, అసెంబ్లీకై నా పోటిచేస్తానని తెలిపారు. తన బదులుగా మరొ కరికి నాయకత్వం ఇస్తే వారికి మద్దతుగా ప్రోత్సహిస్తానన్నారు. ప్రభుత్వ వైఫల్యాలను ప్రజల్లోకి తీసుకెళదాం.. తాను పార్టీ మారతానని ఒకే ఏడాదిలో ఎన్నో పుకా ర్లు వచ్చాయన్నారు. కానీ అవన్నీ నిజం కావన్నారు. తన సైన్యాన్ని వదిలి వాళ్లతో మాట్లాడకుండా రా జకీయ రంగంలో యుద్ధం ఎలా చేయగలనంటూ ఆయన ప్రశ్నించారు. ఈ ప్రభుత్వానికి బాకాలు ఊదే పత్రికలను చదవద్దని, నిరాధార కథనాలను ప్రసారం చేసే చానెల్స్‌ చూడవద్దన్నారు. ప్రజల్లో చైతన్యం తీసుకొచ్చే విధంగా సోషల్‌ మీడియా వేదికగా ప్రతి నాయకుడు, కార్యకర్త పనిచేయాలన్నా రు. ప్రతి నియోజకవర్గంలో వేయిమందిని సోషల్‌ మీడియాలో భాగం చేస్తే ఎన్నికల నాటికి లక్షమందికి చేరువ అవుతారన్నారు. ఆ రోజు సచివాలయ వ్యవస్థను నిష్పక్షపాతంగా ఏర్పాటు చేశామని, ఈ రోజు బదిలీల పేరిట అధికార పార్టీ నేతలకు ముడుపులు ఇస్తేనే పని జరుగుతోందన్నారు. టీడీపీ గురించి వలంటీర్లను ఎన్నికల ముందే హెచ్చరించామని, ఇప్పుడు తాము చెప్పినట్టే జరుగుతోందన్నారు. వైఎస్‌ జగన్‌ మరింత బలపడితే ఈ కూటమిలో ఉన్న నాయకులే రేపు మనతో కలిసి వస్తారన్నారు. మీరంతా కలిసి పనిచేసి గ్రామాల్లో పార్టీ బలోపేతానికి కృషి చేయాలన్నారు. టీడీపీ మేనిఫెస్టో ఏమిటన్నది క్యూఆర్‌ కోడ్‌ స్కాన్‌ చేస్తే తెలిసిపోతుందన్నారు. ప్రభుత్వ వైఫల్యాలను ప్రజల్లోకి తీసుకెళ్లడమే మన లక్ష్యమని తెలిపారు. సభాధ్యక్షుడు చిట్టి జనార్దనరావు అధ్యక్షతన జరిగిన ఈ కార్యక్రమంలో పార్టీ జిల్లా అధ్యక్షుడు ధర్మాన కృష్ణదాస్‌, పార్టీ పార్లమెంట్‌ పరిశీలకుడు ఎమ్మెల్సీ కుంభా రవిబా బు, ఎమ్మెల్సీ నర్తు రామారావు, పార్టీ కళింగ వైశ్య, తూర్పు కాపు కుల విభాగాల రాష్ట్ర అధ్యక్షులు అంధవరపు సూరిబాబు, మామిడి శ్రీకాంత్‌, యువనేత ధర్మాన రామ్‌మనోహర్‌నాయుడు, మున్సిపల్‌ మాజీ చైర్‌పర్సన్‌ ఎం.వి.పద్మావతి, యువజన విభాగం రాష్ట్ర ఉపాధ్యక్షుడు ఎం.వి.స్వరూప్‌ తదితరులు పాల్గొన్నారు.

కాశీబుగ్గ:కాశీబుగ్గ పోలీస్‌స్టేషన్‌ ఆవరణలో శుక్రవారం ఎస్పీ కె.వి.మహేశ్వర రెడ్డి ప్రజా ఫిర్యాదుల వేదిక నిర్వహించారు. బాధితుల నుంచి వినతులు స్వీకరించారు. సమస్యలపై పూర్తిస్థాయి విచారణ జరిపి పరిష్కారం అందిస్తామని భరోసా ఇచ్చారు. సివిల్‌, కుటుంబ కలహాలు, ఆస్తి, కొట్లాట, మిస్సింగ్‌, చీటింగ్‌ తదితర అంశాలపై ఫిర్యాదులు స్వీకరించారు. శాకంబరిగా సంతోషిమాత శ్రీకాకుళం కల్చరల్‌ : పాత శ్రీకాకుళంలో సంతోషిమాత అమ్మవారికి ఆషాఢ మాసం సందర్భంగా శుక్రవారం ప్రత్యేక పూజలు నిర్వహించారు. అర్చకులు మోదుకూరి కిరణ్‌శర్మ ఆధ్వర్యంలోఅమ్మవారికి వివిధ కూరగాయలతో శాకంబరిగా అలంకరించారు. అధిక సంఖ్యలో భక్తులు వచ్చి దర్శించుకున్నారు. రోడ్డు తడుస్తోంది.. ఊరి గొంతు ఎండుతోంది! ఇచ్ఛాపురం రూరల్‌: డొంకూరు గొంతు ఎండుతోంది. ఈ గ్రామస్తులకు అందిస్తున్న తాగునీరు రోడ్డు పాలు కావడంతో ఊరి వారు దాహం కేకలు పెడుతున్నారు. సుమారు నాలుగు వేల జనాభా ఉన్న ఈ గ్రామానికి ఉద్దానం తాగునీరు అందేది అంతంత మాత్రమే. అయితే స్థానిక వంతెన వద్ద పైప్‌ లీకేజీ కావడంతో మంచి నీరు వృధాగా పోతుండటంతో మహిళలు లీకేజీ నీటిని నింపుకునేందుకు ఆరాటపడుతున్నారు. నీరు లేక తమ గొంతెండుతుంటే, గత కొన్ని రోజులుగా పైప్‌ లీకేజీ అవుతున్నా సంబంధిత అధికారులు స్పందించడం లేదని గ్రామస్తులు ఆవేదన వ్యక్తం చేస్తున్నారు. ఆక్రమణల తొలగింపు జి.సిగడాం: జి.సిగడాం ప్రభుత్వ జూనియర్‌ కళాశాల ఆట మైదానంలో ఎట్టకేలకు ఆక్రమణలు తొలగించారు. తహసీల్దార్‌ మహాదేవు సరిత కృషితో ఎస్‌ఐ వై.మధుసూదనరావు నేతృత్వంలో గడ్డికుప్పలు, కర్రలు, వివిధ రకాల సామగ్రిని తొలగించారు. గ్రామానికి చెందిన ఓ వ్యక్తి భూమి తమదంటూ ఆక్రమించారు. ఈ విషయమై ఎస్‌ఎఫ్‌ఐ నాయకులు, సభ్యులు, పూర్వ విద్యార్థులు, గ్రామస్తులు అధికారులకు వినతిపత్రాలు అందించారు. రెవెన్యూ రికార్డుల ఆధారంగా సర్వే చేసి ఆటస్థలాన్ని కళాశాలకు అప్పగించారు. ఎట్టకేలకు సమస్య పరిష్కారం కావడంతో తహసీల్దార్‌ను పలువురు అభినందించారు.

ఆమదాలవలస: పురపాలక సంఘ పరిధిలోని మెట్టక్కివలస పదో వార్డు వాంబే కాలనీలో గ్యాస్‌ లీకై ఇద్దరు గాయాల పాలయ్యారు. వివరాల్లోకి వెళ్తే.. వాంబే కాలనీకి చెందిన గుంటుకు సరస్వతి టిఫిన్‌ వ్యాపారం నిర్వహిస్తున్నారు. శుక్రవారం ఉదయం ఇంట్లో టిఫిన్‌ తయారు చేస్తుండగా గ్యాస్‌ లీకై ఒక్కసారిగా మంటలు చెలరేగాయి. ఎదురు ఇంట్లో నివసిస్తున్న కోలా మాధవరావు ఘటనా స్థలానికి వెళ్లి మంటలు ఆర్పడానికి ప్రయత్నించగా ఆయన కూడా గాయాల పాలయ్యాడు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తీసుకువచ్చారు. సుమారు రూ.70 వేల నష్టం జరిగినట్లు సమాచారం. ఎస్సై ఎస్‌.బాలరాజు సైతం ఘటన స్థలానికి వచ్చి పరిశీలించారు. గ్యాస్‌ సిబ్బంది పరిశీలించి బాధితురాలితో మాట్లాడారు. ఈమెకు ఇద్దరు కుమార్తెలు, కుమారుడు ఉన్నారు. బూరగాంలో కలకలం టెక్కలి : బూరగాం గ్రామంలో శుక్రవారం కలకలం రేగింది. ఓ ఇంటికి నిత్యం కొంతమంది యువతీ యువకులు వస్తూ పోతుంటారని, ఓ మహిళ చీకటి వ్యవహారం నిర్వహిస్తోందంటూ స్థానికులు ఇంటికి ఇరువైపులా తాళాలు వేసి నిర్బంధించారు. సమాచారం తెలుసుకున్న ఏఎస్‌ఐ కేశవరావు, సిబ్బంది గ్రామానికి చేరుకుని మహిళతో పాటు ఇంట్లో నిర్బంధించిన ముగ్గురు యువకులు, ఇద్దరు యువతులను అదుపులోకి తీసుకుని విచారిస్తున్నారు. కాగా, గ్రామస్తులు నిర్బంధించిన వారంతా తనకు తెలిసినవారేనని ఆ మహిళ చెబుతున్నట్లు పోలీసులు తెలిపారు.

అరసవల్లి: అరసవల్లి సూర్యనారాయణ స్వామి ఆలయంలో రూ.లక్షల్లో అక్రమాలు చేసినట్లుగా అందిన ఫిర్యాదుల మేరకు శుక్రవారం విజిలెన్స్‌ సిబ్బంది విచారణ చేపట్టారు. విజిలెన్స్‌ ఎస్పీ బర్ల ప్రసాదరావు ఆదేశాల మేరకు ఉదయం నుంచి సాయంత్రం వరకు పలువురి నుంచి వాంగ్మూలాలను స్వీకరించారు. దాదాపుగా రూ.2 కోట్ల వరకు అక్రమాలు జరిగినట్లు సమాచారం. భక్తుల దర్శనాల ఏర్పాట్లు, సౌకర్యాలు, ఆలయంలో వివిధ రకాల అభివృద్ధి పనుల పేరిట రూ.లక్షల్లో అక్రమంగా చెక్కులను జారీ చేస్తూ.. ఆలయ నిధులను దారుణంగా తినేశారని విజిలెన్స్‌ అధికారులు గుర్తించారు. రెగ్యులర్‌ ఉద్యోగులే టార్గెట్‌గా.. విశాఖపట్నంలో గ్రేడ్‌–2 ఈవోగా రిటైర్డ్‌ అయిన జగన్మోహనరావుతో పాటు ఆలయ రెగ్యులర్‌ జూనియర్‌ అసిస్టెంట్‌ కావ్యశ్రీల ప్రమేయంతో రెగ్యులర్‌ ఉద్యోగుల పేరిట అక్రమంగా చెక్కులు జారీ అయ్యాయని గుర్తించారు. ఎర్రయ్య అనే అటెండర్‌కు తెలియకుండా ఆయన పేరుతో రూ.5 లక్షల విలువైన చెక్కులు, మరో రెగ్యులర్‌ రికార్డు అసిస్టెంట్‌ శిమ్మ మల్లేశ్వరరావు పేరిట 19 చెక్కులు, అటెండర్‌ శ్రీనివాసరావు పేరుతో సుమారు 4 చెక్కులు, స్వీపర్‌ నీలయ్య పేరుతో 2 చెక్కులతో పాటు ఆలయంలో సిమ్మెంట్‌ పనులు చేసే మేస్త్రి కునుకు రాము అనే వ్యక్తి పేరిట ఏకంగా 9 చెక్కులు, దినసరి పారిశుద్ధ్య కార్మికునిగా పనిచేస్తున్న బుజ్జి పేరిట మరో 4 చెక్కుల వరకు జారీ చేసేశారు. ఆయా రెగ్యులర్‌ ఉద్యోగుల సంతకాలు కూడా ఫోర్జరీవిగా పేర్కొంటున్నారు. దీంతో పాటు ఆలయంలో విద్యుత్‌తో పాటు పలు రకాల పనులను కాంట్రాక్ట్‌ విధానంలో చేస్తున్న క్లాస్‌–1 కాంట్రాక్టర్‌ ఉంగటి పాపారావు వాంగ్మూలాన్ని కూడా రికార్డు చేశారు. మిగిలిన చెక్కులన్నీ ప్రైవేటు వ్యక్తులు, వ్యాపారుల పేరుతో జారీ చేశారు. వివాదాస్పదంగా వాంగ్మూలాల స్వీకరణ.. విజిలెన్స్‌ అధికార సిబ్బంది.. తమ జిల్లా కార్యాలయంలో వాంగ్మూలాలను స్వీకరించకుండా ఆలయ కార్యాలయంలో కూర్చుని వాంగ్మూలాలను దగ్గరుండి రాయించడం వివాదాస్పదమయ్యింది. అక్రమాలు చేసినట్లుగా ఆరోపణలు ఎదుర్కొంటున్న వ్యక్తులను ముందున కూర్చోబెట్టుకుంటే వాస్తవాలను ఎలా చెప్పగలమని కొందరు దినసరి వేతనదారులు ఆక్షేపించారు. ఇప్పటికై నా విజిలెన్స్‌ ఉన్నతాధికారులు తమదైన శైలిలో విచారించి ఆలయంలో అక్రమాల నిగ్గు తేల్చాలని పలువురు కోరుతున్నారు.

కూటమి ప్రభుత్వ వైఫల్యాలను ప్రజల్లోకి తీసుకెళ్లాలని వైఎస్సార్‌సీపీ నాయకులు పిలుపునిచ్చారు. బాబు ష్యూరిటీ.. మోసం గ్యారెంటీ.. రీకాలింగ్‌ చంద్రబాబు మేనిఫెస్టో కార్యక్రమానికి సంబంధించి పోలాకి రోడ్డులోని ఓ కల్యాణ మండపంలో శుక్రవారం నరసన్నపేట నియోజకవర్గ కార్యకర్తల విస్తృత స్థాయి సమావేశం నిర్వహించారు. పోలాకి జెడ్‌పీటీసీ ధర్మాన కృష్ణ చైతన్య ఆధ్వర్యంలో జరిగిన ఈ కార్యక్రమంలో ఎమ్మెల్సీ, వైఎస్సార్‌సీపీ శ్రీకాకుళం పార్లమెంట్‌ పరిశీలకుడు కుంభా రవిబాబు, మాజీ డిప్యూటీ సీఎం, పార్టీ జిల్లా అధ్యక్షుడు ధర్మాన కృష్ణదాస్‌, మాజీ స్పీకర్‌, శ్రీకాకుళం పార్లమెంటరీ నియోజకవర్గ సమన్వయకర్త తమ్మినేని సీతారాం తదితరులు పాల్గొన్నారు. – నరసన్నపేట

ఈ చిత్రంలో చదును చేసిన స్థలంలో మొన్నటి వరకు పాక ఉండేది. కొత్తూరు మండలం వసప గ్రామంలో ఈ నెల 5వ తేదీ రాత్రి ఇదేచోట ఫాస్ట్‌ఫుడ్‌ సెంటర్‌ నడిపిన శంకరరావు అనే వ్యక్తి మిన్నారావు అనే యువకుడిని హత్య చేసిన సంగతి తెలిసిందే. అయితే ఇంతలో ఏం జరిగిందో గానీ గురువారం రాత్రి పూరిపాక కాలిపోయింది. ఆ ఆనవాళ్లు కూడా లేకుండా యంత్రాలతో చదును చేసేశారు. పోలీసు దర్యాప్తు దశలో ఉండగా పాకను ఎవరు కాల్చారు?ఎందుకు చదును చేశారనే విషయం తెలియడం లేదు. ఈ విషయమై దర్యాప్తు చేపట్టాలని పలువురు గ్రామస్తులు కోరుతున్నారు. – కొత్తూరు

ఎచ్చెర్ల: నడిసంద్రంలో చిక్కుకున్న మత్స్యకారులు ప్రాణభయంతో విలవిల్లాడిపోయారు. సాయం కోసం మైరెన్‌, పోలీసులను ఆశ్రయించినా స్పందన లేకపోవడంతో ప్రాణాలపై ఆశలు వదులుకున్నారు. ఈ సమయంలో మరో బోటు రావడంతో సురక్షితంగా ఒడ్డుకు చేరుకున్నారు. ఈ ఘటన ఎచ్చెర్ల మండలం కొయ్యాం సముద్ర తీరానికి సుమారు 45 మైళ్ల దూరంలో చోటుచేసుకుంది. బాధిత మత్స్యకారులు, బోటు యజమాని తెలిపిన వివరాల ప్రకారం.. విశాఖపట్నం జిల్లాకు చెందిన పది మంది మత్స్యకారులు ఈ నెల 9న ఉదయం 5 గంటలకు సముద్రంలో వేటకోసం బయల్దేరారు. ఎచ్చెర్ల మండలంకొయ్యాంకు 45 మైళ్ల దూరంలో ఉండగా బోటు చెక్క పక్కకు ఒరిగిపోవడంతో లోపలికి నీరు ప్రవేశించింది. కొద్దికొద్దిగా బోటు మునిగిపోయే సూచనలు కనిపించాయి. దీంతో బోటులో ఉన్న వారు వారి యాజమాని వాసపల్లి ధనారాజ్‌కు ఫోన్‌ ద్వారా సమాచారం అందించారు. ఆయన మైరెన్‌ సిబ్బంది, పోలీసులకు, వేరే బోటు నిర్వాహకులకు ఫోన్‌లు చేసినా ఫలితం లేకపోయింది. ఆ సమయంలో మరో బోటు రావడంతో వారిని సాయం అడిగారు. వారు తొలుత సహకరించకపోవడంతో వలకు అడ్డుగా బోటును నిలబెట్టడంతో సాయం చేసేందుకు అంగీకరించారు. పది మంది మత్స్యకారులు ఆ బోటులోకి వెళ్లిపోయారు. 10వ తేదీ మొత్తం ఆ బోటు లోనే గడిపారు. 11వ తేదీ ఉదయం కొయ్యాం తీరానికి చేరుకున్నారు. అప్పటికే యజమాని వచ్చి ఆటోలో మత్స్యకారులను విశాఖకు తీసుకెళ్లిపోయారు. ఈ ఘటనలో సుమారు 90 లక్షల విలువైన బోటు మునిగిపోయిందని యజమాని తెలిపారు. చనిపోతే వస్తామన్నారు.. అంతకుముందు బోటు యాజమాని వాసపల్లి ధనరాజ్‌ మాట్లాడుతూ సముద్రంలో వేటకు వెళ్లిన మత్స్యకారులకు సాయం అందించాలని మైరెన్‌ సిబ్బందికి తెలియజేశాం. ఎవరూ స్పందించలేదు. అనంతరం ఎచ్చెర్ల పోలీసులకు ఫోన్‌ చేస్తే ఎవరైనా చనిపోతే అప్పుడు వస్తామని బదులిచ్చారని, సముద్రంలో ఆపదలో ఉన్నవారిని ఆదుకోకపోవడం అన్యాయమని అన్నారు. నడిసంద్రంలో చిక్కుకున్న మత్స్యకారులు బోటులో నీరు చేరడంతో దిక్కుతోచని పరిస్థితి మైరెన్‌, పోలీసులకు తెలియజేసినా కానరాని స్పందన మరో బోటు రావడంతో సురక్షితంగా ఒడ్డుకు..

ఇచ్ఛాపురం రూరల్‌: ప్రజా సంకల్పయాత్ర సందర్భంగా వై.ఎస్‌.జగన్‌మోహన్‌రెడ్డి ప్రారంభించిన పైలాన్‌ను పర్యాటక స్థూపంగా తీర్చిదిద్దుతామని ఎమ్మెల్సీ నర్తు రామారావు అన్నారు. వైఎస్‌ జగన్‌ పాదయాత్ర సందర్భంగా 2017లో లొద్దపుట్టిలో విజయ స్థూపాన్ని ఆవిష్కరించారు. ప్రస్తుతం పైలాన్‌ శిథిలావస్థకు చేరుకోవడంతో శుక్రవారం ఎమ్మెల్సీ నర్తు రామారావు తన సొంత నిధులతో మరమ్మతులు చేపట్టారు. ఈ సందర్భంగా ఆయన మాట్లాడుతూ జగనన్న పాదయాత్రకు చిహ్నంగా ఉండే పైలాన్‌ను ప్రతీ వైఎస్సార్‌సీపీ కార్యకర్త మదిలో చిరస్థాయిగా ఉండేలా చర్యలు తీసుకుంటున్నామని తెలిపారు. కార్యక్రమంలో సర్పంచ్‌లు కారంగి త్రినాథ్‌, ఆశి దాలయ్యరెడ్డి, పిలక సంతు, ఉప్పాడ రాజారెడ్డి, నైనా తేజా, తులసీ, తిప్పన ధనుంజయరెడ్డి పాల్గొన్నారు.

పచ్చటి పొలాలు కళ్ల ముందే తడారి ఎడారిలా మారిపోతున్నాయి. వంశధార అధికారుల నిర్వాకంతో దాదాపు 600 ఎకరాల పొలాలకు నీరు అందడం లేదు. దీంతో అన్నదాతలు ఆందోళన వ్య క్తం చేస్తున్నారు. మండలంలోని కొండవలస గ్రామంలో సైలా డ చెరువు ఆయకట్టు కింద సుమారు 600 ఎకరాలు రైతులు సాగు చేస్తున్నారు. ఇటీవల శ్రీకాకుళం, గార మండలాల రాజకీయ నేతల నుంచి అధికారులకు ఒత్తి ళ్లు రావడంతో వంశధార కుడి కాలువ ద్వారా సాగునీటిని విడుదల చేశారు. కానీ విడుదల చేసిన కొద్ది గంటల్లోనే నీరు నిలిపివేశారు. పూడిక తీత పనులు పూర్తి కాకపోవడంతో ఆపేశామని చెబుతు న్నారు. దీంతో రైతుల్లో ఆగ్రహావేశాలు వ్యక్తమవుతున్నాయి. వారంతా ఎండి పోతున్న తమ పొలాల వద్ద నిరసనలు తెలిపారు. ఈ సమయంలో సాగునీటిని అందించకపోతే తమ పొలాలు ఎందుకూ పనికిరావ ని ఆందోళన వ్యక్తం చేశారు. వంశధార కార్యాలయాల ఎదుట ధర్నాలు చేస్తామని హెచ్చరించారు. – సరుబుజ్జిలి

పురపాలక సంఘం పరిధిలోని రెండో వార్డు కృష్ణాపురం ప్రధాన రహదారి పక్కన ఉన్న మున్సిప ల్‌ ప్రైమరీ పాఠశాలను తరలించవద్దంటూ విద్యార్థులు వారి తల్లిదండ్రులు శుక్రవారం రోడ్డెక్కా రు. శుక్రవారం పాఠశాల ఆవరణలో విద్యార్థులతో కలిసి తల్లిదండ్రులు నిరసన తెలుపుతూ ప్రైమరీ పాఠశాలను ఫౌండేషన్‌ స్కూల్‌గా మార్పు చేయవద్దంటూ అధికారులను వేడుకున్నారు. విద్యార్థులు వారి తల్లిదండ్రులు పూర్వ విద్యార్థులు పెద్ద ఎత్తున నినాదాలు చేస్తూ పాఠశాలను తరలిస్తే సహించేది లేదని హెచ్చరించారు. ఇప్పటిౖకైనా ఉన్నతాధికారులు స్పందించి ఈ విద్యా సంవత్సరానికి మున్సిపల్‌ ప్రైమరీ పాఠశాల గానే కొనసాగించేలా చర్యలు తీసుకోవాలని గ్రామస్తులు డిమాండ్‌ చేశారు. – ఆమదాలవలస

శ్రీకాకుళం క్రైమ్, ఎచ్చెర్ల: రోడ్డు పనులు పరిశీలించి వస్తున్న వైఎస్సార్‌సీపీ కార్యకర్త దారుణ హత్యకు గురయ్యారు. మూకుమ్మడిగా దాడిచేసిన అధికార టీడీపీ కార్యకర్తలు.. ఆయనను అంతమొందించారు. ఈ ఘటన శ్రీకాకుళం జిల్లా ఎచ్చెర్ల మండలం ఫరీదుపేట గ్రామ సమీపంలో చోటుచేసుకుంది. మృతుడి కుటుంబ సభ్యులు, ప్రత్యక్ష సాక్షులు తెలిపిన వివరాల మేరకు.. ఫరీదుపేటకు చెందిన సత్తారు గోపి వైఎస్సార్‌సీపీ కార్యకర్త. ఊరి కూడలి ఎన్‌హెచ్‌–16 సమీపంలోని కొయిరాలమెట్ట వద్ద అప్రోచ్‌ రోడ్డు నిర్మాణంలో ఉంది. శుక్రవారం మధ్యాహ్నం చిన్నాన్న సత్తారు కోటేశ్వరరావుతో కలిసి గోపి ఆ రహదారి పనులను పరిశీలించి ఇంటికి భోజనానికి బైక్‌ (ఏపీ30పి6845)పై బయల్దేరారు. ఇంతలో కొయిరాలమెట్ట వద్ద దారికాచిన ఎనిమిది మంది కర్రలతో దాడికి దిగారు. గోపి వారికి చిక్కగా... బైక్‌పై వెనుక కూర్చున్న కోటేశ్వరరావు పరిస్థితి గ్రహించి పారిపోయాడు. అప్పటికే కర్రలతో గోపి తలపై బాదిన దుండగులు ఆయనను నిర్మానుష్య ప్రదేశానికి తీసుకెళ్లి హత్య చేశారు. ఈ దాడిలో మారణాయుధాలు కూడా వాడి ఉంటారన్న అనుమానాలు వ్యక్తం అవుతున్నాయి. గోపి ఎంపీపీ మొదలవలస చిరంజీవికి ప్రధాన అనుచరుడు. భర్త హత్య విషయం తెలిసి గోపి భార్య పుణ్యవతి కుప్పకూలారు. ఆమెను ఆస్పత్రికి తరలించారు. గోపికి కుమారుడు, కుమార్తె ఉన్నారు. టీడీపీ వారే చంపారు...ఫరీదుపేట గ్రామ టీడీపీ నాయకులే గోపి హత్యకు ఒడిగట్టారని ప్రత్యక్ష సాక్షులు, కుటుంబ సభ్యులు చెబుతున్నారు. పోలీసులకు సైతం ఇదే విషయం తెలిపారు. రాజకీయంగా కక్ష కట్టిన టీడీపీ నేతలు... కూటమి ప్రభుత్వం వచ్చాక గ్రామంలో రెండో హత్యకు పాల్పడ్డారు. ఏడాది కిందట వైఎస్సార్‌సీపీ కార్యకర్త కూన ప్రసాద్‌ను టీడీపీ మద్దతుదారులు హత్య చేశారు.హత్యను తప్పుదారి పట్టించే కుట్ర..హత్య విషయం తెలిసి పోలీసులు, గోపి కుటుంబసభ్యులు, గ్రామస్తులు పెద్ద సంఖ్యలో ఘటనా స్థలికి చేరుకున్నారు. అప్రోచ్‌ రోడ్డు వద్ద ఒక కర్ర, వెనుక నిర్మానుష్య ప్రదేశంలో రక్తపు మడుగులో గోపి మృతదేహం పక్కన లావుపాటి కర్ర ఉండటం గమనార్హం. నిరుడు కూన ప్రసాద్‌నూ ఇదే తరహాలో టీడీపీ వర్గీయులు హతమార్చారు. ఆ ఘటనలో ముగ్గురు వ్యక్తులను అరెస్టు చేయకుండా వదిలేశారని.. వారివల్లే గోపి హత్య జరిగిందని వైఎస్సార్‌సీపీ మద్దతుదారులు, కుటుంబసభ్యులు పోలీసుల వైఖరిని తీవ్రంగా తప్పుపట్టారు. దాదాపు అరగంట పాటు హైవేను దిగ్బంధించారు. పూర్తిగా రాజకీయ కారణాలు ఉండగా.. భార్యాభర్తల తగాదా కేసులో భాగంగా అంటూ కేసు తీవ్రత తగ్గిస్తూ, టీడీపీవారిని తప్పించేలా పోలీసులు వ్యవహరించారని గోపి కుటుంబ సభ్యులు మండిపడుతున్నారు. డీఎస్పీ వివేకానంద సైతం ఇలానే మాట్లాడుతున్నారని తెలిపారు. పరిస్థితి తీవ్రతను గమనించిన ఎచ్చెర్ల ఎస్‌ఐ వి.సందీప్‌ ఘటనా స్థలి నుంచి వెళ్లిపోయారు. డీఎస్పీ సీహెచ్‌ వివేకానంద, సీఐ అవతారం, సబ్‌ డివిజన్‌ పోలీసులంతా వచ్చినా ఆందోళనకారుల ఆగ్రహాన్ని చల్లార్చలేకపోయారు. దీంతో ఎస్పీ కేవీ మహేశ్వరరెడ్డి రావాల్సి వచ్చింది. గోపి హత్య నిందితులైన టీడీపీ నాయకులను తక్షణమే అరెస్టు చేయాలని బాధితులు డిమాండ్‌ చేశారు. కిందకు లాగేసి.. దుర్భాషలాడుతూ..తొమ్మిదిమంది టీడీపీ వాళ్లు వచ్చి బైక్‌పై వెళ్తున్న గోపిని, నన్ను లాగేశారు. తీవ్రంగా తిడుతూ నా ఫోన్‌ను తీసేసుకున్నారు. చంపేస్తారనే భయంతో పారిపోయా. గ్రామస్థులకు సమాచారం ఇవ్వడానికి వెళ్లా. మారణాయుధాలతో గోపిని చంపేశారు. – గోపి చిన్నాన్న కోటేశ్వరరావు

సాక్షి, శ్రీకాకుళం: జిల్లాలో వైఎస్సార్‌సీపీ కార్యకర్త దారుణ హత్యకు గురయ్యారు. ఎచ్చెర్ల మండలం ఫరీదుపేట గ్రామంలో ఘటన చోటు చేసుకుంది. ఫరీద్ పేట సమీపంలోని నేషనల్ హైవే సర్వీస్ రోడ్డుపై వైఎస్సార్‌సీపీ కార్యకర్త సత్తారు గోపీని కర్రలు, రాళ్లతో కొట్టి దుండగులు హత్య చేశారు.పట్టపగలు నడిరోడ్డుపై హత్య జరగడంతో స్థానికులు భయభ్రాంతులకు గురయ్యారు. టీడీపీ గుండాలే హత్య చేశారని వైఎస్సార్‌సీపీ నేతలు ఆరోపిస్తున్నారు. సత్తారు గోపీ వైఎస్సార్‌సీపీ కార్యక్రమాల్లో చురుగ్గా పాల్గొంటున్నారు. కాగా, ఎన్నికల ఫలితాలు వచ్చిన కొన్ని రోజులకే అదే గ్రామంలో కూన ప్రసాద్ అనే వైఎస్సార్‌సీపీ కార్యకర్తను దండగులు హత్య చేశారు. ఘటనా స్థలాన్ని జిల్లా ఎస్పీ కేవీ మహేశ్వర్‌రెడ్డి పరిశీలించారు.

నరసన్నపేట/జలుమూరు: వంశధార నదిలో నరసన్నపేట మండలం చోడవరం గ్రామానికి చెందిన ఇద్దరు జాలర్లకు ఇటీవల దొరికిన ఐరన్‌ లాకర్‌ కథ ఎట్టకేలకు జలుమూరు పోలీసు స్టేషన్‌కు చేరింది. ఈ లాకర్‌ వ్యవహారంపై శ్రీకాకుళం టాస్క్‌ఫోర్స్‌ పోలీసులకు సమాచారం చేరడంతో వారు దర్యాప్తు చేపట్టారు. వివరాల్లోకి వెళ్తే.. నరసన్నపేట మండలం చోడవరం గ్రామానికి చెందిన ఇద్దరు జాలర్లు శైలాడ బుచ్చయ్య, మడ్డి రామకృష్ణలు 15 రోజుల క్రితం వంశధారలో చేపల వేటకు వెళ్లగా వారికి ఒక ఐరన్‌ లాకర్‌ దొరికింది. లాకర్‌ బురద పట్టి ఉండడంతో వీరు తెరవలేక గారకు చెందిన ఒక పాత ఇనుప సామాన్ల వ్యాపారికి రూ.2 వేలకు విక్రయించారు. ఆయన లాకర్‌ను తెరిపించి చూడగా వెండి వస్తువులు, బురద పట్టిన కొంత డబ్బు బయట పడ్డాయి. ఈ సమాచారం రెవెన్యూ యంత్రాంగం దృష్టికి వెళ్లినా వారు పట్టించుకోలేదు. కొద్ది రోజులకు పోలీసులకు విషయం తెలిసింది. దీంతో శ్రీకా కుళం టాస్క్‌ఫోర్సు పోలీసులు దీనిపై దృష్టి సారించి కూపీ లాగారు.చోరీకి గురైన లాకర్‌తో సంబంధంజలుమూరు మండలం సురవరం గ్రామానికి చెందిన సురవరపు శివప్రసాద్‌ ఇంట్లో చోరీకి గురైన ఐరన్‌ లాకర్‌కు దీనికి సంబంధం ఉన్నట్లు గుర్తించారు. 2024 జులై 21వ తేదీన తమ ఇంట్లో చోరీ జ రిగినట్లు శివప్రసాద్‌ అప్పట్లో జలుమూరు పోలీసులకు ఫిర్యాదు చేశారు. వెంటనే ఇద్దరు జాలర్లను పోలీసులు స్టేషన్‌కు తరలించి వివరాలు సేకరించి, వారి ద్వారా ఐరన్‌ లాకర్‌, దాంట్లో ఉన్న వెండి వస్తువులు స్వాధీనం చేసుకున్నట్లు తెలుస్తోంది. సుమా రు రెండు కేజీల వెండి వస్తువులు, రెండు లక్షల డబ్బు ఉన్నట్లు సమాచారం. దీనిపై నరసన్నపేట సీఐ ఎం.శ్రీనివాసరావు వద్ద ప్రస్తావించగా చోడవరంలో దొరికిన ఐరన్‌ లాకరుకు, సురవరపు జగదీశ్వరరావు ఇంట్లో చోరీకి గురైన లాకరుకు సంబంధం ఉందన్నారు. అయితే జాలర్లు నిందితులు కాదని, అందువల్ల వారిని విడిచి పెట్టామన్నారు. ఈ కేసు తదుపరి దర్యాప్తు చేస్తున్నామన్నారు.

శ్రీకాకుళం (పీఎన్‌కాలనీ): జూలై 17న విజయవాడలో జరిగే జాతీయ బీసీ సంక్షేమ సంఘం సమావేశాన్ని విజయవంతం చేయాలని సంఘ నాయకులు పిలుపునిచ్చారు. ఈ మేరకు జిల్లా కేంద్రంలోని యాదవ సంక్షేమ సంఘం కార్యాలయంలో బుధవారం పోస్టర్‌ ఆవిష్కరించారు. ఈ సందర్భంగా సంఘ నాయకులు మాట్లాడుతూ బీసీలంతా ఐక్యంగా ఉంటేనే హక్కులు సాధించగలమన్నారు. కార్యక్రమంలో సంఘ నాయకులు అమీరుల్లా బేగ్‌, గద్దిబోయిన కృష్ణయాదవ్‌, త్రినాథ రెడ్డి, కిల్లాన శ్రీనివాస్‌, తుళ్లూరు, లక్షణరావు, పంచిరెడ్డి కృష్ణారావు, మెహర్‌, మురపాల రామారావు, గాంధీ, రౌతు మోహన్‌రావు, రంగాజీ దేవ్‌, కలగ గోపాల్‌ యాదవ్‌, గుత్తి చిన్నరావు, కళా వెంకటరావు, కాయితీ వెంకటరమణ, కలగ లక్ష్మణరావు, వంజరాపు రాజులు, అ.రాజేష్‌, తంగి యర్రమ్మ, దుర్గప్రసాద్‌, శిమ్మ సూర్యం పాల్గొన్నారు.

ఎన్నికల సమయంలో ఇచ్చిన హామీలను అమలు చేయకుండా మాట తప్పిన కూటమి నాయకులను నిలదీద్దామని వైఎస్సార్‌సీపీ నాయకులు పిలుపునిచ్చారు. జిల్లాలోని పలాస, ఆమదాలవలస నియోజకవర్గాల్లో ఆ పార్టీ విస్తృతస్థాయి సమావేశాలను బుధవారం నిర్వహించారు. దీనిలో భాగంగా బాబు ష్యూరిటీ – మోసం గ్యారెంటీ క్యూ ఆర్‌ కోడ్‌ పోస్టర్లను ఆవిష్కరించారు. ఏడాది కాలంగా కూటమి ప్రభుత్వం చేస్తున్న మోసాలను ప్రజల్లోకి తీసుకెళ్దామన్నారు. కార్యక్రమాల్లో ఎమ్మెల్సీ, పార్టీ శ్రీకాకుళం పార్లమెంటరీ నియోజకవర్గ పరిశీలకుడు కుంభా రవిబాబు, మాజీ డిప్యూటీ సీఎం, పార్టీ శ్రీకాకుళం జిల్లా అధ్యక్షుడు ధర్మాన కృష్ణదాస్‌, మాజీ స్పీకర్‌, పార్టీ శ్రీకాకుళం పార్లమెంటరీ నియోజకవర్గ సమన్వయకర్త తమ్మినేని సీతారాం, మాజీ మంత్రి, పార్టీ పలాస నియోజకవర్గ సమన్వయకర్త సీదిరి అప్పలరాజు, పార్టీ ఆమదాలవలస నియోజకవర్గ సమన్వయకర్త చింతాడ రవికుమార్‌, పార్టీ తూర్పు కాపు కుల రాష్ట్ర అధ్యక్షుడు మామిడి శ్రీకాంత్‌ తదితరులు పాల్గొన్నారు. – ఆమదాలవలస/కాశీబుగ్గ

సంతబొమ్మాళి: మండలంలోని పోతునాయుడుపేట గ్రామంలో ఆక్రమణదారులు బరితెగించారు. సాగునీటి కాలువ, రోడ్డుకు మధ్య ఉన్న సుమారు 30 సెంట్లు స్థలం కబ్జా చేశారు. ఆక్రమించిన స్థలంలో ఎన్నో ఏళ్లుగా ప్రభుత్వం వేసిన తాగునీటి బోరును పీకేసి ఆనవాలు లేకుండా చేశారు. దీంతో తాగునీటికి గ్రామస్తులు ఇబ్బందులు పడుతున్నారు. దీనిపై ఆక్రమణదారులను గ్రామస్తులు ప్రశ్నిస్తే బెదిరింపులకు పాల్పడడంతో భయపడి ఫిర్యాదు కూడా చేయలేదు. దీంతో పాటు రోడ్డుకు అనుకొని ఉన్న బెర్ముతో పాటు సాగునీటి కాలువ గట్టును కూడా ఆక్రమించి మట్టిని వేసి కబ్జా చేశారు. ఆక్రమించిన స్థలంలో విద్యుత్‌ స్తంభాలు ఉండడంతో అవి కూడా తొలగించమని సంబంధిత కాంట్రాక్టర్‌తో ఆక్రమణదారులు గొడవపడిన సంఘటనలు ఉన్నాయి. ఆక్రమించిన స్థలంలోని 11 సెంట్లును వేరొక వ్యక్తికి ఆక్రమణదారులు అమ్మి తప్పుడు సర్వే నంబర్‌తో రిజిస్టేషన్‌ చేయించారని పలువురు గ్రామస్తులు ఆరోపిస్తున్నారు. దీనిపై రెవెన్యూ ఉన్నతాధికారులు లోతుగా దర్యాప్తు చేసి చర్యలు తీసుకోవాలని కోరుతున్నారు. తహసీల్దార్‌ హేమసుందర్‌ను దీనిపై వివరాలు అడుగగా పరిశీలించి చర్యలు తీసుకుంటామని పేర్కొన్నారు.

అన్నం తినలేక.. ● మధ్యాహ్న భోజనంలో పురుగులు ● ఇబ్బందులు పడుతున్న విద్యార్థులు ● పట్టించుకోని అధికారులు కంచిలి: మండలంలోని కంచిలి జెడ్పీ ఉన్నత పాఠశాలలో మధ్యాహ్న భోజన పథకంలో భాగంగా వండుతున్న అన్నంలో పురుగులు దర్శనమిస్తున్నాయి. ఇక్కడ సన్నబియ్యంతో వండిన అన్నంలో కొద్ది రోజులుగా పురుగులు వస్తుండడంతో విద్యార్థులు ఆందోళన వ్యక్తం చేస్తున్నారు. బుధవారం కూరగాయల అన్నం, ఉడకబెట్టిన కోడిగుడ్డు, బంగాళ దుంపలు కూర, వేరుశనగ చిక్కిను వడ్డించారు. అయితే కూరగాయల అన్నంలో కొందరు విద్యార్థులకు పురుగులు దర్శనమిచ్చాయి. ఇక్కడ కొద్దిరోజులుగా ఇదేవిధంగా అన్నంలో తెల్లటి పురుగులు వస్తున్నాయని విద్యార్థులు, ఉపాధ్యాయులు చెబుతున్నారు. రెండో‘సారీ’ ఇటీవల ఎంఎల్‌ఎస్‌ పాయింట్‌ ఇన్‌చార్జి వెంకటేశ్వర పాణిగ్రాహి బియ్యాన్ని తనిఖీ చేసి, మొదటి బ్యాచ్‌లో సరఫరా చేసిన రెండు ప్యాకెట్ల పాత నిల్వ ఉన్న బియ్యాన్ని వెనక్కి తీసుకెళ్లారు. అయితే రెండో బ్యాచ్‌లో మళ్లీ సరఫరా చేసిన బియ్యంలో కూడా తెలుపు, నలుపు రంగుల్లో పురుగులు వస్తున్నాయని వంట చేస్తున్న ఏజెన్సీ మహిళలు తెలిపారు. దీనిపై పాఠశాల హెచ్‌ఎంకు సమాచారం ఇవ్వడంతో ఆయన స్థానిక తహసీల్దార్‌కు ఫిర్యాదు చేశారు. ఇలా ప్రతిరోజు విద్యార్థులకు పెడుతున్న అన్నంలో పురుగులు వస్తుండడంపై విద్యార్థులు, తల్లిదండ్రులు సైతం అసహనం వ్యక్తం చేస్తున్నారు. తమ పిల్లల ఆరోగ్యంపై ప్రభావం చూపుతుందని వాపోతున్నారు. ఇప్పటికై నా అధికారులు స్పందించి చర్యలు తీసుకోవాలని కోరుతున్నారు. తహసీల్దార్‌కు ఫిర్యాదు చేస్తున్నాం గత కొద్దిరోజులుగా సన్నబియ్యం సరఫరా చేసిన వాటిలో పురుగులు వస్తున్నాయి. ఈ విషయంపై విద్యార్థులు, పాఠశాల వంట ఏజెన్సీవారి నుంచి ఫిర్యాదులు అందడంతో స్వయంగా పరిశీలించాను. దీంతో బియ్యాన్ని చేటలతో శుభ్రంచేసి వండమని సూచించాను. అయినప్పటికీ తెలుపు రంగు పురుగులు వండిన తర్వాత బయటపడుతున్నాయి. బియ్యాన్ని మార్చాల్సిందిగా తహసీల్దార్‌కు ఫిర్యాదు చేస్తున్నాం. – ఎన్‌.చాణక్య, హెచ్‌ఎం, కంచిలి జెడ్పీహెచ్‌ స్కూల్‌ అన్నం తినలేకపోతున్నాను ప్రతిరోజు మధ్యాహ్న భోజనంలో పురుగులు వస్తున్నాయి. ఈ అన్నం తినలేకపోతున్నాను. తింటుంటే ముద్ద దిగడం లేదు. ఆకలికి తట్టుకోలేక తినక తప్పడం లేదు. – పి.గంగాధర్‌, ఆరో తరగతి విద్యార్థి కూరగాయల అన్నంలో పురుగు బుధవారం పాఠశాల మధ్యాహ్న భోజనం మెనూలో వడ్డించిన కూరగాయల అన్నంలో నల్లటి పురుగులు వచ్చాయి. ఈ మధ్యకాలంలో ప్రతిరోజూ ఇదేవిధంగా పురుగులు వస్తున్నాయి. దీంతో సరిగా అన్నం తినలేకపోతున్నాం. – ఎల్‌.చందు, ఆరో తరగతి విద్యార్థి

అయ్యో.. అన్నదాత..!ఇచ్ఛాపురం రూరల్‌: ‘ఖరీఫ్‌ నాటికి ప్రతి ఎకరాకు సాగునీరు అందించడమే మా ప్రభుత్వ లక్ష్యం. రైతుల వినతి మేరకు మూలకు చేరిన ఈదుపురం ఎత్తిపోతల పథకాన్ని రూ.9 కోట్లతో పునరుద్ధరిస్తాం’ అని గతేడాది నవంబర్‌ 1వ తేదీన ఈదుపురం గ్రామంలో నిర్వహించిన బహిరంగ సభలో రాష్ట్ర ముఖ్యమంత్రి చంద్రబాబునాయుడు చెప్పిన మాటలు ఇవి. ఈ మాటలు చెప్పి నేటికి 8 నెలలు కావస్తున్నా ఎత్తిపోతల పథకం కోసం ఇప్పటివరకు నయా పైసా కూడా విడుదల చేయలేదు. దీంతో సీఎం హామీపై ఆశలు పెట్టుకున్న అన్నదాతకు అవస్థలు తప్పడం లేదు. 1,200 ఎకరాలకు సాగునీరు ఇచ్ఛాపురం మండలం కొఠారీ, పూర్ణాటకం, పత్రిపుట్టుగ, ధర్మపురం గ్రామాలతో పాటు కవిటి మండలంలోని భైరిపురం, వింధ్యగిరి, రాజపురం, లండారిపుట్టుగ గ్రామ పరిసర ప్రాంతాల్లో ఉండే 1200 ఎకరాల ఆయకట్టుకు సాగునీటిని అందించే ఏకై క ఎత్తిపోతల పథకం జైకిసాన్‌ ఎత్తిపోతల పథకం. ఈదుపురం బాహుదా నది పక్కన 2004లో నిర్మించారు. కేవలం వర్షాధారంపై పండించే ఈ ప్రాంత రైతులకు జైకిసాన్‌ ఎత్తిపోతల పథకం వరంగా మారింది. రబీ, ఖరీఫ్‌ సీజన్లలో రైతులు సక్రమంగా పంటలను పండించుకునేవారు. అయితే 2009లో కురిసిన భారీ వర్షాలకు బాహుదా నది ఉప్పొంగడంతో ఎత్తిపోతల పథకం నీట మునిగింది. దీంతో యంత్రాలు పాడైపోయాయి. అయితే అప్పటి కాంగ్రెస్‌ ప్రభుత్వం చొరవ తీసుకొని నిధులు మంజూరు చేయడంతో మరో ఐదేళ్ల పాటు రైతులకు సాగునీటి ఇబ్బందులు తీరాయి. 2018 అక్టోబర్‌లో వచ్చిన తిత్లీ తుఫాన్‌కు బాహుదా వరద నీటిలో ఎత్తిపోతల పథకం 15 రోజుల పాటు ఉండిపోవడంతో విద్యుత్‌ ట్రాన్స్‌ఫార్మర్‌తో పాటు ఎత్తిపోతల పథకానికి సంబంధించి యంత్రాలు పూర్తిగా దెబ్బతిన్నాయి. దీంతో అప్పటినుంచి ఏడేళ్లుగా 1200 ఎకరాలకు సాగునీరు అందకపోవడంతో అక్కడి రైతులు అవస్థలు పడుతున్నారు. అయితే ముఖ్యమంత్రి చంద్రబాబునాయుడు హామీతో ఈ ఏడాది ఖరీఫ్‌ కష్టాల నుంచి గట్టెక్కుతాం అనుకున్న రైతులకు అడియాసలే మిగిలాయి. రూ.9 కోట్లతో ఎత్తిపోతల పథకానికి పూర్వ వైభవం తెస్తామన్న ఆయన హామీ నీటిమూటగా మిగిలిపోయింది. చుక్క నీరు లేదు ఈదుపురం ఎత్తిపోతల పథకానికి ఆనుకొని ఉన్న భూములకు చుక్క సాగునీరు లేకుండా పోయింది. దీంతో రైతులు ఎంతో ఇబ్బంది పడుతున్నారు. ఈ ప్రాంతంలో నాకు రెండు ఎకరాల పంట పొలం ఉంది. గతంలో ఎత్తిపోతల పథకం ద్వారా రబీ, ఖరీఫ్‌ సీజన్లలో సాగునీరు అందడం మూలంగా ఆనందంగా పంటలు పండించుకునేవాళ్లం. ప్రస్తుతం ఆ పరిస్థితి లేకుండా పోయింది. ప్రభుత్వం సత్వరమే పథకాన్ని పునరుద్ధరిస్తే రైతులకు మేలు జరుగుతుంది. – సంధాన పూర్ణచంద్రుడు, డి.గొనపపుట్టుగ, కవిటి సీఎం హామీ ఏమైంది సాక్షాత్తు రాష్ట్ర ముఖ్యమంత్రి చంద్రబాబునాయుడు ఇచ్చిన హామీకే పత్తా లేకుండా పోయింది. రూ.9 కోట్లతో జైకిసాన్‌ ఎత్తిపోతల పథకాన్ని పునరుద్ధించడం జరుగుతుందని ఆయన చెప్పడంతో వందలాది మంది రైతులు సంతోషించారు. ఈయన హామీకి నేటికి ఎనిమిది నెలలు కావస్తోంది. 2016లో కొఠారీ ఉమ్మడి చెరువు వద్ద పైపులైన్‌ ధ్వసం కావడంతో శివారు ప్రాంతాలకు సాగునీరు అందకుండా పోయింది. రైతుల పరిస్థితిని అర్థం చేసుకొని పథకానికి జీవం పోస్తే మంచి జరుగుతుంది. – దుక్క ధనలక్ష్మి, సర్పంచ్‌, కొఠారీ, ఇచ్ఛాపురం పత్తా లేకుండా పోయిన సీఎం చంద్రబాబు హామీ మూలకు చేరిన ఈదుపురం ఎత్తిపోతల పథకం మొదలైన ఖరీఫ్‌ కష్టాలు

● వారం రోజులుగా సింగిల్‌ ఫేజ్‌ విద్యుత్‌తో ఉద్యోగుల అవస్థలు అరసవల్లి: జిల్లా వైద్యారోగ్య శాఖాధికారి కార్యాలయం అంధకారంలో ఉంది. నాలుగు అంతస్తుల్లో వివిధ హోదాల్లో వైద్యాధికారుల ఛాంబర్లు పనిచేస్తుండగా.. ఏకంగా వారం రోజులు నుంచి ఎక్కడా పూర్తిస్థాయిలో విద్యుత్‌ సప్లయ్‌ లేకుండాపోయింది. దీంతో వైద్య శాఖలో కీలక ఫైళ్లు పెండింగ్‌లో ఉండాల్సి వస్తోంది. విద్యుత్‌ పూర్తిస్థాయి సప్లయ్‌ లేకపోవడంతో సింగిల్‌ ఫేజ్‌ అవస్థలు ఉద్యోగులను తీవ్ర అసౌకర్యానికి గురిచేస్తున్నాయి. నిత్యం వందలాది మంది రాకపోకలతో హడావుడిగా ఉండాల్సిన కార్యాలయంలో కంప్యూటర్లు పని చేయ్యక నిత్యం ఉన్నతాధికారులకు పంపాల్సిన నివేదికలు కూడా పెండింగ్‌లో పడ్డాయి. కొందరు కంప్యూటర్‌ ఆపరేటర్ల సొంత ల్యాప్‌ట్యాప్‌ల ద్వారా కొంత మేరకు ఎమర్జెన్సీ పనులు చేపడుతున్నారు. ప్రస్తుతానికి సింగిల్‌ ఫేజ్‌ వలన కొన్ని స్విచ్‌ బోర్డులు మాత్రమే పని చేస్తుండడంతో అక్కడికి డెస్క్‌టాప్‌ కంప్యూటర్లను తీసుకుని వెళ్లి ఉద్యోగులు విధులు నిర్వర్తించాల్సి వస్తుంది. అయినప్పటికీ విద్యుత్‌ అవస్థలపై సంబంధిత విద్యుత్‌ శాఖకు ఇంతవరకు ఎవరూ ఫిర్యాదులు చేయకపోవడం గమనార్హం. ఇదిలా ఉండగా విద్యుత్‌ సరఫరా లేకపోవడంతో కొందరు ఉద్యోగులు మార్నింగ్‌ హాజరు వేసుకుని ఎంచక్కా సొంత పనుల్లో బిజీ అవుతున్నట్లు తెలుస్తోంది. మరికొందరు కార్యాలయంలో విధులు చేపట్టకుండా బయటే తిరుగుతున్నట్లు సమాచారం. జిల్లా వైద్యారోగ్య శాఖాధికారి, జిల్లా వైద్య విధాన పరిషత్‌ ఆధ్వర్యంలో పనిచేస్తున్న డీసీహెచ్‌ఎస్‌ అఽధికారి కూడా ఇదే భవనంలో ఉంటున్నప్పటికీ.. విద్యుత్‌ పునరుద్ధరణకు చర్యలు చేపట్టడం లేదు. ఇప్పటికై నా పూర్తిస్థాయి విద్యుత్‌ సరఫరాకు చర్యలు చేపట్టాలని సిబ్బంది కోరుతున్నారు.

శ్రీకాకుళం న్యూకాలనీ: సర్కారు రికార్డుల పిచ్చి టీచర్లకు తలనొప్పిగా మారింది. కనీస నిధులు ఇవ్వకుండా పాఠశాలలు, జూనియర్‌ కళాశాలల్లో ప్రస్తుతం మెగా పేరెంట్‌–టీచర్స్‌ మీటింగ్‌(పీటీఎం) పేరిట కూటమి ప్రభుత్వం చేస్తున్న హడావుడి సర్వత్రా చర్చనీయాంశమవుతోంది. గిన్నిస్‌బుక్‌లో రికార్డుల కోసం అటు విద్యార్థులు, ఇటు ఉపాధ్యాయులను నానా అవస్థలకు గురి చేస్తున్నారు. పీటీఎం కార్యక్రమంలో భాగంగా తల్లిదండ్రులను పిలిచి విద్యార్థుల ప్రగతిని వివరించడం.. వారికి అక్కడే మధ్యాహ్న భోజనం, క్రీడల నిర్వహణ, సమావేశం, అతిథులు ప్రసంగాలు.. ఇలా ఉదయం 9 గంటల నుంచే వివిధ కార్యక్రమాలకు రూపకల్పన చేస్తున్నారు. ఇందుకోసం పాఠశాలల్లో 17 రకాల కమిటీలను ఏర్పాటు చేస్తున్నారు. ఉపాధ్యాయ సంఘాల విజ్ఞప్తిల మేరకు కొన్ని కుదించారు. ఆహ్వాన పత్రికలు, వేదికల ఏర్పాట్లు, బహుమతుల ప్రదానం, పాఠశాల ఆవరణలో మొక్కలు నాటించడం.. ఇలా వివిధ ఏర్పాట్లు చేయాలని ఆదేశాలు రావడంతో ఆ బాధ్యతంతా ఉపాధ్యాయులపైనే పడుతోంది. బోధనకు దూరంగా టీచర్లు.. నిన్న యోగాంధ్ర.. నేడు పేరెంట్స్‌ మీట్‌ అంటూ టీచర్లను సమావేశాలకు, సన్నాహాలకు పరిమితం చేస్తుండడంతో వారు బోధనకు దూరమవుతున్నారు. తాజాగా రెండు వారాల నుంచి తల్లిదండ్రుల సమావేశామంటూ నానా హంగామా చేస్తున్నారు. హోలిస్టిక్‌ ప్రొగ్రెస్‌ కార్డుల పేరిట చాంతడంత డేటాను పూరిస్తున్నారు. దీంతో విద్యాబోధన రెండు అడుగులు ముందుకు.. నాలుగు అడుగులు వెనక్కి అన్న చందంలా తయారైంది. దీనికి తోడు తమ ప్రచార యావ, రికార్డుల కోసం ఉపాధి హామీ పథకం వేతనదారులను వాడుకోవాలని ప్రభుత్వం భావిస్తోంది. విద్యార్థులకు సంరక్షకులుగా వారిని వినియోగించుకుని ఫొటోలు, వీడియోలు అప్‌లోడ్‌ చేయించుకోవాలని చూస్తున్నట్లు సమాచారం. అంతా ‘లీప్‌’ యాప్‌లోనే.. తల్లిదండ్రుల సమావేశం సందర్భంగా సమావేశం జరిగిన వెంటనే 30 సెకన్ల వీడియో, మూడు ఫొటోలను లీప్‌ యాప్‌లో తప్పనిసరిగా నమోదు చేయాలి. విద్యార్థులతో మొక్కలు నాటించడం.. దాన్ని లీప్‌ యాప్‌లో నమోదు చేయించడం, ప్రతి మూడు నెలలకు ఆ మొక్క ఫొటోలను అప్‌లోడ్‌ చేయించడం ఇదంతా ఉపాధ్యాయుల పనే. దీనిపై టీచర్లు తీవ్ర ఆగ్రహం వ్యక్తం చేస్తున్నారు. చేతిచమురు వదులుతోంది.. అధికార పార్టీ ప్రజాప్రతినిధులు, వీఐపీలు, అతిథులు, పూర్వపు విద్యార్థులు, దాతలు ఇలా అనేక మందిని పేరెంట్‌ టీచర్స్‌ మీటింగ్‌కు ఆహ్వానిస్తున్నారు. వీరిందరికీ భోజనాలు, స్నాక్స్‌ తో పాటు ఇతరత్రా ఏర్పాట్లకు కనీసం రూ.70వేల నుంచి లక్ష వరకు ఖర్చు అవుతున్నట్టు ప్రచారం సాగుతోంది. పాఠశాల గ్రాంట్‌ కింద కనీస నిధు లు విదల్చకుండా అందులో 20 శాతం వాడుకోండని ఆదేశాలివ్వడంపై హెచ్‌ఎంలు, ప్రిన్సిపాళ్లు మండిపడుతున్నారు. స్థానికంగా ఉండే టీచర్లు, లెక్చరర్లు గత్యంతరం వారే తలా కొంత డబ్బులు వేసుకుని కార్యక్రమాన్ని నిర్వహిస్తున్నారు. తమ పనితీరుకు ‘సాక్ష్యం’పై గుర్రు.. పేరెంట్‌ టీచర్స్‌ సమావేశాల పర్యవేక్షణకు ఒక్కో పాఠశాల, కళాశాలలకు ఇతర శాఖల నుంచి ఒక ఉద్యోగిని కేటాయించారు. వీరు కార్యక్రమ నిర్వహణకు సాక్షిగా ఉంటారని విద్యాశాఖ ఉత్తర్వులు జారీ చేయడంపై ఉపాధ్యాయ సంఘాలు భగ్గుమన్నాయి. దీంతో ఆయా గ్రామాల్లో, స్థానికంగా ఉండే ఉద్యోగులు(ఐడీ నంబర్‌తో), పెద్దలను(ఆధార్‌ నంబర్‌తో) నియమించుకోవచ్చని సర్దుబాటు ఉత్తర్వులు ఇచ్చింది. పరీక్షలు లేని ప్రోగ్రెస్‌ కార్డులు ఎందుకు..? ఈ ఏడాది ఇప్పటి వరకు ఎలాంటి పరీక్షలు జరగలేదు. ఇప్పుడు ప్రోగ్రెస్‌ కార్డులు ఎందుకో అర్థం కావడం లేదు. ఊరికే సమావేశం తప్ప ప్రయోజనం లేదు. – తమ్మినేని చందనరావు, ఆంధ్రప్రదేశ్‌ స్కూల్‌ టీచర్స్‌ అసోసియేషన్‌ రాష్ట్ర ప్రధాన కార్యదర్శి రికార్డుల కోసం మీటింగులు తగదు.. గిన్నిస్‌బుక్‌లో రికార్డుల కోసం రాష్ట్రప్రభుత్వం పేరెంట్‌ టీచర్స్‌ మీటింగ్‌ 2.0 ను నిర్వహిస్తుండటం బాధాకరం. పూర్తిస్థాయిలో నిధులు కేటాయింపు చేయలేదు. టీచర్లే తలా చేయి వేసి నిర్వహిస్తున్నారు. –బి.వెంకటేశ్వర్లు, ఏపీటీఎఫ్‌(1938) జిల్లా ప్రధాన కార్యదర్శి

సంతబొమ్మాళి: తమ సమస్యలు తీర్చే వరకు గ్రా మాన్ని విడిచివెళ్లే ప్రసక్తి లేదని మూలపేట గ్రామస్తులు టెక్కలి ఆర్డీఓ కృష్ణమూర్తికి తేల్చి చెప్పారు. పోర్టు పునరావాస గ్రామమైన మూలపేట గ్రామస్తులతో మంగళవారం ఆర్డీఓ సమావేశం ఏర్పాటు చేశారు. ఈ సమావేశంలో నిర్వాసితులు తమ సమస్యలను ఏకరువు పెట్టారు. ముందుగా భూములు ఇచ్చిన వారికి ఎకరాకు రూ.25లక్షలు చెల్లించారని, భూములు ఇవ్వనివారికి రూ. 25 లక్షలతో పాటు ఎకరాకు అదనంగా రూ. 12,50,000 లు చెల్లించారని, అందరికీ సమన్యాయం చేయాలని కోరారు. తమ గ్రామంలో కనీసం ఉపాధి పనులు కూడా కల్పించ డం లేదని వాపోయారు. పోర్టు యాజమాన్యం నిర్మించిన బ్రిడ్జిని వారే తొలగించారని, నౌపడ వెళ్లే రహదారిలో ఉన్న పాత బ్రిడ్జి కూలిపోయే ప్రమాదం ఉందని గ్రామస్తులు ఆర్డీఓకు ఫిర్యాదు చేశారు. గ్రామంలో పదిమందికి పైగా గర్భిణులు ఉన్నారని, వైద్యం కోసం బయటకు వెళ్లాలంటే రహదారి అ ధ్వానంగా ఉందని తెలిపారు. సమావేశం అనంతరం ఆర్డీవో గ్రామంలో ఇంటింటా తిరిగి సమస్యలను అడిగి తెలుసుకున్నారు. సమావేశంలో తహసీల్దార్‌ హేమచంద్రరావు, ఎంపీడీఓ జయంత్‌ ప్రసాద్‌, టెక్కలి సీఐ శ్రీనివాసరావు, నౌపడ, సంతబొమ్మాళి ఎస్‌ఐలు నారాయణస్వామి, సింహాచలం వివిధ శాఖల అధికారులు ఉన్నారు. ఆర్డీవోకు తేల్చి చెప్పిన మూలపేట గ్రామస్తులు

శ్రీకాకుళం: ఆమదాలవలస మండలంలోని పాఠశాలలకు మంగళవారం కిట్లు, యూనిఫారాలు సరఫరా అయ్యాయి. ‘రాష్ట్ర అధికారులకు సమాచారం ఇవ్వరా..?’ పేరిట ‘సాక్షి’లో సోమవారం ప్రచురితమైన కథనానికి జిల్లా అధికారులు స్పందించారు. మంగళవారం జిల్లాకు వచ్చిన యూనిఫారాల కిట్లను ఆమదాలవలస మండలానికి పంపించారు. అయితే మెగా టీచర్‌ పేరెంట్స్‌ మీటింగ్‌ డే నాటికి వీటిని కుట్టడం కుదరదని టీచర్లు తేల్చి చెప్పేశారు. ఇంకా ఐదు మండలాలకు కిట్లు, యూనిఫారాలు రావాల్సి ఉండడంతో ఏపీసీకి ఆ బాధ్యతలను అప్పగించారు. జిల్లాలోని చాలా పాఠశాలల్లో అదనంగా ఉన్న కిట్లు, యూనిఫారాలు సేకరించి సరఫరా కాని మండలాలకు పంపించాలని ఆదేశించారు. విద్యాసంస్థల వద్ద నిషేధిత ఉత్పత్తులు అమ్మితే చర్యలు శ్రీకాకుళం క్రైమ్‌ : విద్యాసంస్థల పరిసరాల్లో నిషేధిత గంజాయి, పొగాకు ఉత్పత్తులు క్రయవిక్రయాల జరిపితే కఠిన చర్యలు తీసుకుంటా మని ఎస్పీ కేవీ మహేశ్వరరెడ్డి స్పష్టం చేశారు. మాదకద్రవ్యాల నిర్మూలన లక్ష్యంగా డీజీపీ హరీష్‌గుప్తా ఆదేశాల మేరకు ఎస్పీ మంగళవారం ప్రకటన జారీ చేశారు. దీనిలో భాగంగా ఆపరేషన్‌ సేఫ్‌ క్యాంపస్‌ జోన్‌ కార్యక్రమంలో జిల్లావ్యాప్తంగా ఉన్న అన్ని పోలీస్‌స్టేషన్లు పరిధిలో పోలీసు అధికారులు, సిబ్బంది, ఈగల్‌ టీం, రెవెన్యూ, ఇతర శాఖల సమన్వయంతో పాఠశాలలు, కళాశాలలకు వందమీటర్ల దూ రంలో ఉన్న పాన్‌ కిరాణా దుకాణాల్లో సిగరె ట్లు, ఖైనీ, గుట్కా, గంజాయి తదితర ఉత్పత్తులు అమ్మరాదని, ఐదురోజుల పాటు డ్రైవ్‌ లో భాగంగా పోలీసుల తనిఖీలు ఉంటాయన్నారు. మొదటి దశలో తనిఖీల్లో దొరికితే జరిమానాలుంటాయని, తర్వాత దశలో కేసులు కడతామన్నారు. కనీసం ఐదు ఇళ్లకు వెళ్లండి: కలెక్టర్‌శ్రీకాకుళం పాతబస్టాండ్‌: జిల్లాలో ఈ నెల 10న అన్ని ప్రభుత్వ, ప్రైవేటు పాఠశాలలు, జూనియర్‌ కళాశాలల్లో మెగా తల్లిదండ్రులు–ఉపాధ్యాయుల సమావేశాన్ని ఘనంగా నిర్వహించేందుకు ఏర్పాట్లు పూర్తయ్యాయని కలెక్టర్‌ స్వప్నిల్‌ దినకర్‌ పుండ్కర్‌ తెలిపారు. బుధ వారం ఉదయం ప్రతి ప్రభుత్వ ఉద్యోగి కనీసం ఐదు ఇళ్లకు వెళ్లి తల్లిదండ్రులను ఈ సభకు ఆహ్వానం పలకాలని అధికారులకు ఆయన పిలుపునిచ్చారు. కలెక్టర్‌ కార్యాలయ సమావేశ మందిరంలో మంగళవారం సాయంత్రం జా యింట్‌ కలెక్టర్‌ ఫర్మాన్‌ అహ్మద్‌ ఖాన్‌ జిల్లా అధికారులు, మండల స్థాయి అధికారులతో నిర్వహించిన వీడియో కాన్ఫరెన్స్‌ ద్వారా ఆయన మాట్లాడారు. ఇదే సమయంలో జిల్లా పర్యటనలో ఉన్న కలెక్టర్‌ కారులో నుంచి వీసీలో మాట్లాడారు. తల్లిదండ్రులు తమ పిల్లల భవిష్యత్‌పై ఆశయాలను ఒక పేరాలో రాసి తీసుకురావాలని కలెక్టర్‌ సూచించారు. ప్రతి బుధవారం నీటి నాణ్యత పరీక్షలు నిర్వహించాలని, ప్రతి శుక్రవారం డ్రై డే పేరుతో పరిసరాలను శుభ్రంగా ఉంచాలని సూచించారు. ఉపాధి హామీ పనుల పురోగతిని సమీక్షించిన కలెక్టర్‌, కంపోస్ట్‌ గుంతలు, నీటిని చేర్చే గుంతల పనులను వేగంగా పూర్తిచేయాలని సూచించారు. విద్యుత్‌ అంతరాయాలు లేకుండా చర్యలు అరసవల్లి: జిల్లాలో అన్ని ప్రాంతాల్లోనూ అంతరాయాలు లేని నాణ్యమైన విద్యుత్‌ అందించే లా చర్యలు చేపట్టాలని ఈపీడీసీఎల్‌ ప్రాజెక్ట్స్‌ డైరెక్టర్‌ టి.వనజ అధికారులను ఆదేశించారు. ఈమేరకు జిల్లా పర్యటనలో భాగంగా మంగళవారం ఆమె జిల్లాలో కేంద్ర ప్రభుత్వ నిధులతో జరుగుతున్న ఆర్‌డీఎస్‌ఎస్‌ పనులను పరిశీలించారు. అంతకుముందు పలు విద్యుత్‌ అభివృద్ధి పనులను పరిశీలించి నాణ్యతాపరంగా పలు సూచనలు చేశారు. జిల్లాలో పనుల ప్రగతిని జిల్లా సర్కిల్‌ ఎస్‌ఈ నాగిరెడ్డి కృష్ణమూర్తి ఆమెకు వివరించారు. అంతకుముందు ఆమె జిల్లా విద్యుత్‌ స్టోర్స్‌ను పరిశీలించారు. అలాగే కిల్లిపాలెంలో జరుగుతున్న ఆర్డీఎస్‌ఎస్‌ పనులను ఆమె స్వ యంగా పర్యవేక్షించారు. చిలకపాలెంలోని రెండు 33 కేవీ ఫీడర్లను పరిశీలించి మెరుగైన చర్యలకు సూచనలిచ్చారు. కార్యక్రమంలో సీజీ ఎం ప్రసాద్‌, ఎస్‌ఈ నాగిరెడ్డి కృష్ణమూర్తి, ఆపరేషన్స్‌ ఈఈ పైడి యోగేశ్వరరావు, టెక్నికల్‌ ఈఈ సురేష్‌కుమార్‌, డిప్యూటీ ఈఈ వెంకటేశ్వరరావు, స్టోర్స్‌ ఏడీఈ శ్రీనివాస్‌ పాల్గొన్నారు.

కొత్తూరు: మండలంలోని వసప గ్రామానికి చెందిన లుకలాపు మిన్నారావు హత్య కేసులో నిందితుడిని పోలీసులు అరెస్టు చేసి కోర్టులో మంగళవారం హాజరు పరిచినట్లు సీఐ ప్రసాదరావు తెలిపారు. నిందితుడు శంకరరావు నిర్వహిస్తున్న పాస్ట్‌ఫుడ్‌ సెంటర్‌కు మృతుడు మిన్నారావు పకోడి, బజ్జీలు కొనుగోలు చేసేందుకు ప్రతిరోజూ వెళ్తుంటాడు. దీనిలో భాగంగా మృతుడు మిన్నారావు ఈనెల 5వ తేదీ రాత్రి శంకరావు పాస్ట్‌ఫుడ్‌ సెంటర్‌కు వెళ్లి పకోడి కొనుగోలు చేసిన నేపథ్యంలో ఇద్దరు మధ్యం వివాదం జరిగింది. మిన్నారావు గతంలో బాకీ డబ్బులు ఇవ్వకపోవడంతో బాకీ విషయంలో ఇద్దరి మధ్య కొట్లాట జరిగింది. కొట్లాటలో మిన్నారావు తలపై సుత్తితో తల వెనుకభాగంలో కొట్టడంతో పాటు చాకుతో పీకను కోసి చంపినట్లు సీఐ ఎండీ అమీర్‌ అలీ పాల్గొన్నారు

బూర్జ: మండలంలోని పాలవలస జెడ్పీహెచ్‌ స్కూల్‌, అల్లెన ప్రాథమికోన్నత పాఠశాలల్లో డీఈవో డాక్టర్‌ తిరుమల చైతన్య మంగళవారం ఆకస్మికంగా తనిఖీలు నిర్వహించారు. ముందుగా పాలవలస జెడ్పీ హైస్కూల్‌ పరిశీలించారు. విద్యార్థుల హాజరు, ఉపాధ్యాయుల పనితీరుపై ఎంఈవోలు ఎన్‌.శ్యామసుందరరావు, బి.ధనుంజయరావులను అడిగి తెలుసుకున్నారు. పాఠశాలలో విద్యాబోధన ఏవిధంగా ఉందో విద్యార్థులకు ప్రశ్నలు అడిగి తెలసుకున్నారు. అల్లెన పాఠశాలలో విద్యార్థులు పాలవలస పాఠశాలలో మెర్జి చేయడంతో తల్లిదండ్రులు పంపించే ప్రసక్తి లేదని తేల్చిచెప్పారు. అయితే 100 మంది విద్యార్థులు ఉంటే గానీ యూపీ స్కూల్‌ కొనసాగించలేమని డీఈవో పేర్కొన్నారు. ఆయనతో పాటు పాఠశాల ఉపాధ్యాయులు, స్థానిక నాయకులు, విద్యార్థుల తల్లిదండ్రులు, గ్రామస్తులు పాల్గొన్నారు. హోంగార్డు కుటుంబానికి చేయూత శ్రీకాకుళం క్రైమ్‌: జిల్లా పోలీసుశాఖలో హోంగార్డుగా పనిచేసి ఇటీవల ఉద్యోగ విరమణ పొందిన హోంగార్డు పి.జగన్నాథంకు జిల్లా హోంగార్డుల యూనిట్‌ ఒక్కరోజు వేతనం రూ.4.09 లక్షలను ఎస్పీ కె.వి.మహేశ్వరరెడ్డి చేతులమీదుగా అందజేశారు. మంగళవారం జిల్లా పోలీసు కార్యాలయంలో జగన్నాథంకు చెక్‌ అందించారు. మా భూములు తీసుకోవద్దు నరసన్నపేట: ఎంఎస్‌ఎంఈవో పార్క్‌ నిమిత్తం తమ భూములు తీసుకోవడానికి ప్రభుత్వం చూస్తోందని, తమ భూములు తీసుకోవద్దని మండలంలోని జమ్ము గ్రామానికి చెందిన ఎస్సీ రైతులు బమ్మిడి రామారావు, తలసముద్రం రాజారావు, తాడి మొఖలింగంలతో పాటు పలువురు రైతులు రెవెన్యూ అధికారులకు మంగళవారం ఒక ప్రకటనలో కోరారు. 40 ఏళ్ల క్రితం అప్పటి ప్రభుత్వం తమ జీవానాధారానికి భూములను ఇచ్చిందని, ఇప్పుడు ఇండస్ట్రీయల్‌ పార్క్‌ పేరిట తాము సాగు చేసి పంటలు పండించుకుంటున్న భూములు తీసుకోవడానికి అధికారులు చూస్తున్నారన్నారు. ప్రభుత్వానికి ఇది ఏమాత్రం తగదని పేర్కొన్నారు. ఆర్‌ఐ సాయిరాంతో పాటు వీఆర్వో, సర్వేయర్లు వచ్చి సోమవారం కొలతలు వేశారన్నారు. తమ భూముల వైపు అధికారులు రావద్దని కోరారు. ‘ముప్పై ఏళ్లు టీడీపీలో కష్టపడ్డా.. గుర్తింపేదీ..?’ రణస్థలం: తాను ముప్పై ఏళ్లు టీడీపీలో కష్టపడ్డానని అయినా గుర్తింపు ఇవ్వలేదని టీడీపీ రాష్ట్ర ఎస్సీ సెల్‌ కార్యదర్శి ముక్కు ఆదినారాయణ అన్నారు. మండలంలోని రావాడ పంచాయతీలో తన ఇంటి వద్ద విలేకరుల సమావేశంలో ఆయన మాట్లాడారు. గత ఎన్నికల్లో జెడ్పీటీసీ అభ్యర్థిగా పోటీ చేశానని, ఎన్నో కార్యక్రమాల్లో పాల్గొని పార్టీ బలోపేతానికి కృషి చేశానని చెప్పారు. ఎచ్చెర్ల నియోజకవర్గ మార్కెట్‌ చైర్మెన్‌ ఎస్సీ రిజర్వేషన్‌ అయిందని, అన్ని అర్హతలుండి పార్టీ కోసం అహర్నిశలు కష్టపడే తనను నామినేట్‌ చేయకుండా వేరేవాళ్లకు ఇచ్చేందుకు సన్నాహాలు చేస్తున్నారని తెలిపారు. దీనికి నిరసనగా తాను పార్టీ రాష్ట్ర ఎస్సీ సెల్‌ కార్యదర్శి పదవికి రాజీనామా చేస్తానని, అలాగే టీడీపీ కార్యక్రమాలకు దూరంగా ఉంటానని తెలిపారు. విజిలెన్స్‌ దాడులు రణస్థలం: మండల కేంద్రంలోని రామతీర్థాలు రహదారిలో జే.ఆర్‌.పురంలో ఉన్న ఎరువుల దుకాణంపై విజిలెన్స్‌, వ్యవసాయ అధికారులు మంగళవారం దాడులు చేపట్టారు. దీనిలో భాగంగా స్టాక్‌ రిజిస్టర్‌తో ఎరువుల భౌతిక నిల్వలను పోల్చితే వ్యత్యాసాలు కనిపించాయి. అలాగే అధిక ధరలకు ఎరువులు అమ్ముతున్నట్లు గుర్తించారు. దీంతో ఎరువులను స్వాధీనం చేసుకొని, దుకాణం డీలర్‌పై 6ఏ కేసు నమోదు చేశారు. తనిఖీల్లో విజిలెన్స్‌ ఇన్‌స్పెక్టర్‌ సతీష్‌ కుమార్‌, సబ్‌ ఇన్‌స్పెక్టర్‌ రామారావు, కానిస్టేబుల్‌ ఈశ్వర్‌, మండల వ్యవసాయ ఏవో డి.విజయభాస్కర్‌ తదితరులు పాల్గొన్నారు.

● ఏడాదిగా వసతి గృహాలపై ప్రభుత్వ నిర్లక్ష్యం ● అరకొర వసతులతో కాలం వెళ్లదీత ● తగ్గుతున్న విద్యార్థుల సంఖ్య ● పట్టించుకోని అధికారులు సంక్షేమ వసతి గృహాధికారులు ఎక్కడా అందుబాటులో నివాసం ఉండే పరిస్థితి లేదు. ఒకొక్క వార్డెన్‌కి రెండు, మూడు వసతి గృహాల ఇన్‌చార్జిల బాధ్యతలు ఉంటున్నాయి. ఇవి కూడా కనీసం 30 కిలోమీటర్ల దూరంలో ఇస్తున్నారు. సాధారణంగా ఇన్‌చార్జిగా దగ్గరలో ఉన్న వసతి వార్డెన్‌కు బాధ్యతలు ఇవ్వాల్సి ఉన్నా, ప్రస్తుతం బీసీ సంక్షేమంలో ఇందుకు భిన్నంగా ఉంది. దూరప్రాంతాల్లో ఉన్నవారికి బాధ్యతలు ఇస్తున్నారు. దీంతో వసతి గృహ నిర్వహణ కిందిస్థాయి సిబ్బంది, అవుట్‌ సోర్సింగ్‌ సిబ్బందిపై విడిచి పెడుతున్నారు. మరోవైపు ఏడాదిగా వసతి గృహాలపై ఉన్నతాధికారుల పర్యవేక్షణ కొరవడింది. అధికారులు కార్యాలయానికే పరిమితం కావడం, వ్యక్తిగత లాభాపేక్ష చూసుకుంటుండడంతో పరిస్థితి మరింత అధ్వానంగా మారింది. అలాగే వైఎస్సార్‌సీపీ హయాంలో వసతి గృహాల ఆధునికీకరణ పనులు చేపట్టి ఆహ్లాదకర వాతావరణం కల్పించేందుకు కృషి చేయగా, నేడు భవనాలకు పడుతున్న బూజును కూడా శుభ్రం చేయడం లేదని విద్యార్థులు వాపోతున్నారు. శ్రీకాకుళం పాతబస్టాండ్‌: జిల్లాలోని వసతి గృహాలను కూటమి ప్రభుత్వం నిర్లక్ష్యం చేస్తోంది. ఏడాదిగా సంక్షేమ శాఖ వసతి గృహాలు, అక్కడ చదువుతున్న విద్యార్థులను పట్టించుకోవడం లేదు. దీంతో సంక్షేమ వసతి గృహాల్లో ఉన్న విద్యార్థుల సంఖ్య క్రమేపీ తగ్గిపోతోంది. జిల్లాలో బీసీ వసతి గృహాలు ప్రీ మెట్రిక్‌ స్థాయిలో 63 ఉన్నాయి. వీటిలో వసతులు లేవు. కొన్ని అద్దె భవనాల్లో ఉండగా, వాటి పరిస్థితి మరీ అధ్వానంగా ఉంది. ఇక ఎస్సీ వసతి గృహాలు ప్రీ మెట్రిక్‌లో సుమారుగా అన్ని ప్రభుత్వ భవనాలే అయినప్పటికీ, అక్కడ కూడా అరకొర వసతులతోనే కాలం గడుపుతున్నారు. మెనూ అమలు ఎక్కడ..? సంక్షేమ వసతి గృహ అధికారులు విద్యార్థులకు ప్రభుత్వం సూచించిన మెనూ అమలు చేయడం లేదు. దీనిపై కొంతమంది విద్యార్థి సంఘాల నాయకులు ప్రశ్నిస్తే వారికి అడ్డగోలు సమాధానాలు చెబుతున్నారు. ప్రభుత్వం నిధులు సకాలంలో మంజూరు చేయడం లేదని చెప్పడం, లేకుంటే ఎదుదాడికి దిగడం వంటి చర్యలకు పాల్పడుతున్నారు. ఇప్పటికీ రెండేళ్ల క్రితం ఏర్పాటు చేసిన మెనూ అమలులో ఉంది. ప్రతి ఏటా మారుతున్న మెనూ అమలు చేయాల్సి ఉన్నా, ఆ దిశగా చర్యలు చేపట్టడం లేదు. మరోవైపు ఇటీవల పురుగులు పట్టిన బియ్యం అందజేస్తుండడంతో వసతి గృహం పేరు చెబితేనే విద్యార్థులు భయపడుతున్నారు. క్షోభంలో క్షేమం..! కొరవడిన పర్యవేక్షణ శ్రీకాకుళం బాలుర ఎస్సీ హాస్టల్‌లో విద్యార్థులకు భోజనం పెడుతున్న దృశ్యం (ఫైల్‌)తగ్గుతున్న విద్యార్థులు బీసీ, ఎస్సీ వసతి గృహల్లో విద్యార్థుల సంఖ్య ఈ ఏడాది ఘననీయంగా తగ్గింది. వెనుకబడిన సంక్షేమ శాఖ ఆధ్వర్యంలో ప్రీ మెట్రిక్‌ పరిధిలో జిల్లాలో 53 బాలురు, 10 బాలికల బీసీ వసతి గృహాలు ఉన్నాయి. వీటిలో 2024–25 విద్యా సంవత్సరంలో బాలురు 4,019 మంది, బాలికలు 1,070 మంది కలిపి మొత్తం 5,086 మంది ఉండేవారు. అయితే ప్రస్తుత విద్యా సంవత్సరంలో బాలురు 3,269 మంది, బాలికలు 894 మంది కలిపి మొత్తం 4,163 మంది ఉన్నారు. అంటే ఒక ఏడాది కాలంలో 923 మంది విద్యార్థులు తగ్గిపోయారు. అదేవిధంగా జిల్లా సాంఘిక సంక్షేమ శాఖ ఆధ్వర్యంలో 17 బాలురు, 14 బాలికల ఎస్సీ వసతి గృహాలు ఉన్నాయి. వీటిలో 2024–25 విద్యా సంవత్సరంలో బాలురు 1,352 మంది, బాలికలు1,438 మంది కలిపి మొత్తం 2,790 మంది విద్యార్థులు ఉండేవారు. కాగా ప్రస్తుత విద్యా సంవత్సరంలో బాలురు 1,122 మంది, బాలికలు 1,110 మంది కలిపి మొత్తం 2,232 మంది ఉన్నారు. అంటే ఒక ఏడాది కాలంలో 558 మంది తగ్గారు.

● ఇద్దరు వ్యక్తులు అరెస్టు నరసన్నపేట: ఒడిశా నుంచి బెంగళూరుకు అక్రమంగా తరలిస్తున్న 10 కేజీల గంజాయిని నరసన్నపేట పోలీసులు పట్టుకున్నారు. గంజాయిని తరలిస్తున్న ఇద్దరు వ్యక్తులు బసంత మహాపాత్రో, సిద్దాంత స్వైన్‌లను అరెస్టు చేసినట్లు నరసన్నపేట సీఐ ఎం.శ్రీనివాసరావు తెలిపారు. ఎస్‌ఐ సీహెచ్‌ దుర్గాప్రసాద్‌తో కలిసి ఆయన తన కార్యాలయంలో వివరాలు వెల్లడించారు. ఎప్పటిలాగే మడపాం టోల్‌ గేట్‌ వద్ద నరసన్నపేట ఎస్‌ఐ దుర్గాప్రసాద్‌ తదితరులు మంగళవారం ఉదయం వాహన తనిఖీలు చేపట్టారు. ఆ సమయంలో అనుమానాస్పదంగా ఇద్దరు వ్యక్తులు కనిపించడంతో సోదాలు చేయగా వీరి వద్ద గంజాయి గుర్తించామన్నారు. వీరిద్దరూ ఒడిశా రాష్ట్రం గంజాం జిల్లా రంభ పోలీసుస్టేషన్‌ పరిధిలోని కొండాలి గ్రామం నుంచి అక్రమంగా గంజాయిని బెంగళూరు తరలిస్తున్నట్లు గుర్తించామని పేర్కొన్నారు. దీంతో గంజాయిని సీజ్‌చేసి, కేసు నమోదు చేసినట్లు తెలియజేశారు. గంజాయి రవాణాపై కఠిన చర్యలు తప్పవని హెచ్చరించారు. గంజాయి అమ్మకాలు, రావాణాకు సంబంధించి సమాచారం తెలిస్తే తెలియజేయాలని కోరారు.

కంచిలి: మండల కేంద్రం కంచిలిలో భారీ చోరీ జరిగింది. మెయిన్‌రోడ్డులో నివాసముంటున్న విశ్రాంత లెక్చరర్‌ సింహాద్రి ప్రధాన్‌ ఇంట్లో ఎవరూ లేని సమయంలో చోరీ జరిగింది. బీరువాలో భద్రపరిచిన 24.5 తులాల బంగారు ఆభరణాలు, ఒక కిలో వెండి ఆభరణాలు చోరీకి గురయ్యాయి. బాధితుడు చెప్పిన వివరాల మేరకు.. తమ పెద్ద కుమారుడు జర్మనీ నుంచి ఇండియాకు వచ్చి, విశాఖపట్నంలో తమ వియ్యంకుడు ఇంట్లో ఉండడంతో వారిని కలవడానికి శనివారం ఉదయం భార్యతో కలిసి వెళ్లారు. తిరిగి ఆదివారం సాయంత్రం కంచిలిలో తన నివాసానికి చేరుకున్నారు. వారు ఇంటికి వచ్చేసరికి మెయిన్‌ డోర్‌తో పాటు ముందున్న గ్రిల్‌ తెరిచి ఉన్నాయి. ఇనుప గ్రిల్‌ డోర్‌కు తాళం వేసి ఉన్న భాగాన్ని కట్‌చేసి, మెయిన్‌డోర్‌ లాక్‌ను తెరిచి దుండగులు లోపలికి ప్రవేశించినట్లు గుర్తించారు. ఇంట్లోని బీరువాలో భద్రపరిచిన 24.5 తులాల బంగారు ఆభరణాలను, ఒక కిలో వెండి ఆభరణాలను దొంగిలించినట్లు తెలుసుకొని షాక్‌కు గురయ్యారు. అమెరికాలో చదువుకుంటున్న చిన్న కుమారుడు విదేశీ చదువు కోసం చేసిన బ్యాంకు రుణాన్ని తీర్చడానికి ఇంట్లో ఉన్న బంగారు ఆభరణాలను సిద్ధం చేసి ఒక చోట భద్రపర్చగా, అవి చోరీకి గురైనట్లు వాపోయాడు. ఆలస్యంగా ఫిర్యాదు అయితే ఆదివారం సాయంత్రం విశాఖపట్నం నుంచి కంచిలి వచ్చిన వీరు తమ ఇంట్లో జరిగిన చోరీపై నిర్ఘాంతపోయారు. ఏం చేయాలో తెలియక పోలీసులకు కూడా ఫిర్యాదు చేయలేదు. చివరికి కంచిలి పోలీస్‌స్టేషన్‌లో ఫిర్యాదు చేయడంతో స్థానిక ఎస్‌ఐ పి.పారినాయుడు మంగళవారం కేసు నమోదు చేశారు. ఈ కేసును సోంపేట సీఐ బి.మంగరాజు పర్యవేక్షణలో దర్యాప్తు చేస్తున్నారు. సంఘటనా స్థలాన్ని కాశీబుగ్గ డీఎస్పీ వెంకట అప్పారావు పరిశీలించారు. సంఘటన స్థలంలో గుర్తులు, ఆధారాలను సేకరించడానికి శ్రీకాకుళం నుంచి క్లూస్‌ టీమ్‌ వచ్చింది. 24.5 తులాల బంగారు ఆభరణాలు, ఒక కిలో వెండి మాయం ఇంట్లో ఎవరూ లేని సమయంలో దొంగతనం ఆలస్యంగా వెలుగులోకి ఘటన

గార: ఖైదీలు సత్ప్రవర్తనతో మెలగాలని జిల్లా న్యాయసేవాధికార సంస్థ కార్యదర్శి, జిల్లా న్యాయమూర్తి కె.హరిబాబు అన్నారు. మంగళవారం అంపోలు వద్దనున్న జిల్లా జైలును ఆయన సందర్శించి న్యాయ అవగాహన సదస్సును నిర్వహించారు. సమాజంలో మంచి గుర్తింపు వచ్చేలా ప్రవర్తన ఉండాలని సూచించారు. ఆహార పదార్థాల నాణ్యతను పరిశీలించారు. న్యాయవాదిని నియమించుకోలేని ఆర్థిక స్థోమత లేని ముద్దాయిలకు ఉచిత న్యాయవాదిని నియమించడం జరుగుతుందన్నారు. ముద్దాయిల అభ్యర్థనతో కేసుల వివరాలను అడిగి తెలుసుకున్నారు. వైద్యం సదుపాయాలను, బ్యారెక్‌లు, లైబ్రరీ, వంట గదులను పరిశీలించారు. ఆయన వెంట ఇన్‌చార్జి సూపరిటెండెంట్‌ జి.మధుబాబు, జైలర్‌ దివాకరనాయుడు, పి.అంజనీకుమార్‌ సిబ్బంది పాల్గొన్నారు.

విధులు చెబుతారు.. మెగా టీచర్స్‌ పేరెంట్స్‌ మీటింగ్‌ ● మెగా టీచర్స్‌ పేరెంట్స్‌ మీటింగ్‌ కోసం ప్రభుత్వం హడావుడి ● వారం రోజులుగా బోధనకు దూరంగా టీచర్లు ● ప్రభుత్వ నిర్వాకంతో చేతి చమురు వదిలించుకుంటున్న ఉపాధ్యాయులు, లెక్చరర్లు ● ఉన్నత పాఠశాలలు, జూనియర్‌ కళాశాలల్లో కార్యక్రమానికి రూ. లక్ష వరకు ఖర్చు ● రికార్డుల కోసం పాకులాట అధికార పార్టీ ప్రజాప్రతినిధులు, వీఐపీలు, అతిథులు, పూర్వపు విద్యార్థులు, దాతలు ఇలా అనేక మందిని పేరెంట్‌ టీచర్స్‌ మీటింగ్‌కు ఆహ్వానిస్తున్నారు. వీరిందరికీ భోజనాలు, స్నాక్స్‌ తో పాటు ఇతరత్రా ఏర్పాట్లకు కనీసం రూ.70వేల నుంచి లక్ష వరకు ఖర్చు అవుతున్నట్టు ప్రచారం సాగుతోంది. పాఠశాల గ్రాంట్‌ కింద కనీస నిధు లు విదల్చకుండా అందులో 20 శాతం వాడుకోండని ఆదేశాలివ్వడంపై హెచ్‌ఎంలు, ప్రిన్సిపాళ్లు మండిపడుతున్నారు. స్థానికంగా ఉండే టీచర్లు, లెక్చరర్లు గత్యంతరం వారే తలా కొంత డబ్బులు వేసుకుని కార్యక్రమాన్ని నిర్వహిస్తున్నారు. శ్రీకాకుళం న్యూకాలనీ: సర్కారు రికార్డుల పిచ్చి టీచర్లకు తలనొప్పిగా మారింది. కనీస నిధులు ఇవ్వకుండా పాఠశాలలు, జూనియర్‌ కళాశాలల్లో ప్రస్తుతం మెగా పేరెంట్‌–టీచర్స్‌ మీటింగ్‌(పీటీఎం) పేరిట కూటమి ప్రభుత్వం చేస్తున్న హడావుడి సర్వత్రా చర్చనీయాంశమవుతోంది. గిన్నిస్‌బుక్‌లో రికార్డుల కోసం అటు విద్యార్థులు, ఇటు ఉపాధ్యాయులను నానా అవస్థలకు గురి చేస్తున్నారు. 3182 విద్యాసంస్థల్లో పేరెంట్స్‌ మీట్‌.. జిల్లాలో మొత్తం 3017 పాఠశాలు ఉండగా, వీటిలో ప్రైవేటు పాఠశాలలు 389 ఉన్నాయి. అలాగే మొత్తం 165 జూనియర్‌ కళాశాలు ఉండగా, వీటిలో ప్రైవేటు కళాశాలలు 71 ఉన్నాయి. ఒకటి నుంచి ఇంటర్‌ వరకు 3.04లక్షల మంది విద్యార్థులు చదువుతున్నారు. పీటీఎం కార్యక్రమంలో భాగంగా తల్లిదండ్రులను పిలిచి విద్యార్థుల ప్రగతిని వివరించడం.. వారికి అక్కడే మధ్యాహ్న భోజనం, క్రీడల నిర్వహణ, సమావేశం, అతిథులు ప్రసంగాలు.. ఇలా ఉదయం 9 గంటల నుంచే వివిధ కార్యక్రమాలకు రూపకల్పన చేస్తున్నారు. ఇందుకోసం పాఠశాలల్లో 17 రకాల కమిటీలను ఏర్పాటు చేస్తున్నారు. ఉపాధ్యాయ సంఘాల విజ్ఞప్తిల మేరకు కొన్ని కుదించారు. ఆహ్వాన పత్రికలు, వేదికల ఏర్పాట్లు, బహుమతుల ప్రదానం, పాఠశాల ఆవరణలో మొక్కలు నాటించడం.. ఇలా వివిధ ఏర్పాట్లు చేయాలని ఆదేశాలు రావడంతో ఆ బాధ్యతంతా ఉపాధ్యాయులపైనే పడుతోంది. బోధనకు దూరంగా టీచర్లు.. నిన్న యోగాంధ్ర.. నేడు పేరెంట్స్‌ మీట్‌ అంటూ టీచర్లను సమావేశాలకు, సన్నాహాలకు పరిమితం చేస్తుండడంతో వారు బోధనకు దూరమవుతున్నారు. తాజాగా రెండు వారాల నుంచి తల్లిదండ్రుల సమావేశామంటూ నానా హంగామా చేస్తున్నారు. హోలిస్టిక్‌ ప్రొగ్రెస్‌ కార్డుల పేరిట చాంతడంత డేటాను పూరిస్తున్నారు. దీంతో విద్యాబోధన రెండు అడుగులు ముందుకు.. నాలుగు అడుగులు వెనక్కి అన్న చందంలా తయారైంది. దీనికి తోడు తమ ప్రచార యావ, రికార్డుల కోసం ఉపాధి హామీ పథకం వేతనదారులను వాడుకోవాలని ప్రభుత్వం భావిస్తోంది. విద్యార్థులకు సంరక్షకులుగా వారిని వినియోగించుకుని ఫొటోలు, వీడియోలు అప్‌లోడ్‌ చేయించుకోవాలని చూస్తున్నట్లు సమాచారం. అంతా ‘లీప్‌’ యాప్‌లోనే.. తల్లిదండ్రుల సమావేశం సందర్భంగా సమావేశం జరిగిన వెంటనే 30 సెకన్ల వీడియో, మూడు ఫొటోలను లీప్‌ యాప్‌లో తప్పనిసరిగా నమోదు చేయాలి. విద్యార్థులతో మొక్కలు నాటించడం.. దాన్ని లీప్‌ యాప్‌లో నమోదు చేయించడం, ప్రతి మూడు నెలలకు ఆ మొక్క ఫొటోలను అప్‌లోడ్‌ చేయించడం ఇదంతా ఉపాధ్యాయుల పనే. దీనిపై టీచర్లు తీవ్ర ఆగ్రహం వ్యక్తం చేస్తున్నారు. తమ పనితీరుకు ‘సాక్ష్యం’పై గుర్రు.. పేరెంట్‌ టీచర్స్‌ సమావేశాల పర్యవేక్షణకు ఒక్కో పాఠశాల, కళాశాలలకు ఇతర శాఖల నుంచి ఒక ఉద్యోగిని కేటాయించారు. వీరు కార్యక్రమ నిర్వహణకు సాక్షిగా ఉంటారని విద్యాశాఖ ఉత్తర్వులు జారీ చేయడంపై ఉపాధ్యాయ సంఘాలు భగ్గుమన్నాయి. దీంతో ఆయా గ్రామాల్లో, స్థానికంగా ఉండే ఉద్యోగులు(ఐడీ నంబర్‌తో), పెద్దలను(ఆధార్‌ నంబర్‌తో) నియమించుకోవచ్చని సర్దుబాటు ఉత్తర్వులు ఇచ్చింది. చేతిచమురు వదులుతోంది..

నరసన్నపేట: మండలంలో వంశధార నది పొడవునా ఇసుకాసురులు రాజ్యమేలుతున్నారు. ఇసుక నిల్వలు పెద్ద ఎత్తున నదీ పరిసర గ్రామాల్లో వేశారు. వర్షాకాలంలో నదిలో నీరు వస్తే అమ్మకాలు చేసుకునేందుకు వీలుగా ఎక్కడికక్కడ ఇసుక పోగులు కొన్ని వేల క్యూబిక్‌ మీటర్లు వేశారు. బుచ్చిపేట వద్ద అధికారికంగా డంపింగ్‌ యార్డు నిర్వహిస్తుండగా దాన్ని తలదన్నే విధంగా లారీ, ట్రాక్టర్‌ ఓన్లు కూడా ఇసుక పోగులు దాడి పొడవునా వేశారు. మడపాం నుంచి బుచ్చిపేటకు వెళ్లే మార్గంలో అడుగడుగునా ఇసుక నిల్వలు ఉన్నాయి. అలాగే లుకలాం, అంబోజీపేట, చేనులవలస, గోపాలపెంట తదితర గ్రామాల్లో కూడా ఇసుక నిల్వలు ఉన్నాయి. ఉచితంగా నది నుంచి తవ్వి అధిక ధరలకు అమ్ముకునేందుకు ఈ విధంగా పోగులు వేసినట్లు తెలుస్తోంది. బుచ్చిపేట రోడ్డుకు ఆనుకుని జీడి తోటల్లో కూడా అధికంగా నిల్వలు ఉన్నాయి. వీటిపై చర్యలు తీసుకోవాలని స్థానికులు కోరుతున్నారు.

శ్రీకాకుళం పాతబస్టాండ్‌: అర్జీలు పెండింగ్‌లో లేకుండా సత్వరమే పరిష్కరించాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులను ఆదేశించారు. స్థానిక జిల్లా పరిషత్‌ సమావేశ మందిరంలో సోమవారం ఏర్పాటు చేసిన ప్రజా ఫిర్యాదుల నమోదు మరియు పరిష్కార వేదిక(మీకోసం)లో అర్జీదారుల నుంచి జాయింట్‌ కలెక్టర్‌ ఫర్మాన్‌ అహ్మద్‌తో కలిసి అర్జీలు స్వీకరించారు. ఒక సమయంలో అర్జీలు ఇచ్చేందుకు ఫిర్యాదుదారులు గుమిగూడడంతో కలెక్టర్‌ చొరవ తీసుకొని, ఆయనే స్వయంగా వెళ్లి వారిని క్యూలో పెట్టారు. అర్జీదారులు గుంపులుగా రావడం వలన వారు చెప్పే విషయం తెలియడం లేదని, అందరూ సంయమనం పాటించాలని కోరారు. దీనిలో భాగంగా రెవెన్యూ, పంచాయతీ రాజ్‌, డ్వామా, మహిళా శిశు సంక్షేమం, మున్సిపల్‌ కార్పొరేషన్‌, జిల్లా పంచాయతీ, సాంఘిక సంక్షేమ శాఖ, జిల్లా వైద్యారోగ్య శాఖ, జిల్లా విద్యాశాఖ, డీసీహెచ్‌ఎస్‌, ఏపీఈపీడీసీఎల్‌, గృహ నిర్మాణ శాఖ, సర్వే అండ్‌ లాండ్‌ రికార్డులు, వ్యవసాయం, దేవదాయ, పంచాయతీ రాజ్‌ ఇంజినీరింగ్‌, ఆర్‌డబ్ల్యూఎస్‌ తదితర శాఖల సమస్యలపై 60 అర్జీలు స్వీకరించారు. కార్యక్రమంలో ట్రైనీ కలెక్టర్‌ పథ్వీరాజ్‌ కుమార్‌, జిల్లా రెవెన్యూ అధికారి ఎం.వెంకటేశ్వరరావు, స్పెషల్‌ డిప్యూటీ కలెక్టర్‌ పద్మావతి, డీఆర్‌డీఏ పీడీ కిరణ్‌ కుమార్‌, జెడ్పీ సీఈవో ఎల్‌ఎన్‌ వి.శ్రీధర్‌ రాజ తదితరులు ఉన్నారు. సమావేశంలో జిల్లా అధికారులు పాల్గొన్నారు. కొన్ని వినతులు పరిశీలిస్తే... ● పాతపట్నం మండలం యాగంటి అప్పన్నమ్మ వారసులు తనను పట్టించుకోవడం లేదని ఆవేదన వ్యక్తం చేశారు. తనకు ప్రభుత్వం ఇచ్చిన ఇళ్ల కూడా రాసి ఇవ్వాలని ఒత్తిడి తెస్తున్నారని వాపోయారు. తనకు తన ఆస్తిని అమ్ముకోనే విధంగా, తన ఆరోగ్యం బాగులేనందున వైద్యం చేయించుకునే విధంగా చర్యలు తీసుకోవాలని కోరారు. ● ఎయిడ్స్‌ కంట్రోల్‌ విభాగంలో పనిచేస్తున్న మహిళా ఉద్యోగులు గతంలో తొలగించబడిన నాగభూషణరావుని తిరిగి విధుల్లోకి తీసుకోవద్దని కోరారు. ● ఎచ్చెర్ల మండలం బడివానిపేట గ్రామ పంచాయతీ జాలారి కొయ్యాం, బడివానిపేట గ్రామ పంచాయతీల్లో గల సర్వే నంబర్లు 341, 342, 430, 431, 437లోని భూముల్లో సాగులో ఉన్నవారికి పట్టాలు మంజూరు చేయాలని మత్స్యకారులు కోరారు. కలెక్టర్‌ స్వప్నిల్‌ దినకర్‌ పుండ్కర్‌ మీకోసంలో 60 అర్జీల స్వీకరణ

● సమగ్ర శిక్ష అభియాన్‌ ఏపీసీపై రాష్ట్ర అధికారుల ఆగ్రహం శ్రీకాకుళం: జిల్లా సమగ్ర శిక్ష అభియాన్‌ అధికారులు రాష్ట్రస్థాయికి చెందిన ఉన్నతాధికారులకు ఎటువంటి సమాచారాన్ని అందించడం లేదని ఎస్‌పీడీ ఆగ్రహం వ్యక్తం చేశారు. సోమవారం రాష్ట్రవ్యాప్తంగా ఉన్న సమగ్ర శిక్ష ఏపీసీలతో వర్చువల్‌ సమావేశం నిర్వహించారు. అత్యంత విశ్వసనీయ సమాచారం మేరకు దీనిలో భాగంగా ఈనెల 10వ తేదీన జరగనున్న తల్లిదండ్రుల సమావేశానికి సంబంధించిన విషయాలపై చర్చించారు. అయితే శ్రీకాకుళం జిల్లాలోని ఆరు మండలాలకు యూనిఫాంలు, బూట్లు రాలేదని ఏపీసీ చెప్పగా, ఇప్పటివరకు రాష్ట్రస్థాయికి ఎందుకు చెప్పలేదని ఆగ్రహం వ్యక్తం చేశారు. మెగా పేరెంట్స్‌ డే జరగాల్సి ఉన్నా ఇంత నిర్లక్ష్యంగా ఉండడంపై అసహనం వ్యక్తం చేశారు. సమావేశం రోజు తల్లిదండ్రులు ఆరోపిస్తే రాష్ట్ర అధికారులు, ప్రభుత్వానికి చెడ్డపేరు వస్తుందని, అయినా తనకేమీ పట్టనట్లు వ్యవహరించడమేంటని ఏపీసీని నిలదీసినట్లు బోగట్ట. చివరి స్థానంలో శ్రీకాకుళం రాష్ట్రంలో ప్రాజెక్టుల వారీగా పరిశీలిస్తే శ్రీకాకుళం జిల్లా చట్టచివర స్థానమైన 26లో ఉంటుందని ఎస్‌పీడీ ఆగ్రహం వ్యక్తం చేశారు. ప్రాజెక్టులో అత్యంత కీలకమైన ఐదు సెక్టోరియల్‌ పోస్టులు రెండు నెలలకు పైబడి ఖాళీగా ఉంటే నోటిఫికేషన్‌ ఎందుకు ఇవ్వలేదని ప్రశ్నించారు. సెక్టోరియల్‌ అధికారులు లేకుండా పర్యవేక్షణ ఎలా చేస్తున్నారని ఆగ్రహం వ్యక్తం చేశారు. నోటిఫికేషన్‌ ఇవ్వకుండా ఒక్కొక్కరినీ రాజకీయ నాయకుల వద్దకు తీసుకు వెళ్తున్నట్లు తన దృష్టికి వచ్చిందని, ఇటువంటి విధానాలు మానుకొని తక్షణం నోటిఫికేషన్‌ విడుదల చేయాలని ఆదేశించారు. ఇదిలా ఉంటే సీఎంవో పోస్టుకు ఒక హెచ్‌ఎంను సిఫార్సు లేఖతో రాష్ట్రస్థాయికి పంపించడంతోనే ఎస్‌పీడీ ఆగ్రహంగా ఉన్నట్లు తెలుస్తోంది. సదరు హెచ్‌ఎం ఏపీసీ బంధువుల గ్రామంలో ఉండడం వలన ఆయనను సీఎంవోగా నియమించేందుకు ఏపీసీ అత్యుత్సాహాన్ని ప్రదర్శించారని ఇప్పటికే ఆగ్రహంతో ఉండగా, జిల్లాలోని ఆరు మండలాలకు కిట్లు రాలేదని సమావేశంలో చెప్పడంతో మరింత ఆగ్రహానికి కారణమైనట్లు తెలియవచ్చింది. ఈ విషయాలను ఏపీసీ శశిభూషణ్‌ వద్ద సాక్షి ప్రస్తావించగా తానే ఆరు మండలాలకు యూనిఫాంలు, బూట్లు రాలేదని ఎప్పుడు పంపిస్తారని అడిగానని చెప్పారు. తనపై ఎవరూ ఆగ్రహం వ్యక్తం చేయలేదని పేర్కొన్నారు. సీఎంవోగా నియమితుడైన హెచ్‌ఎం తన బంధువు కాదని స్పష్టం చేశారు. 10న మెగా పేరెంట్‌ టీచర్‌ మీటింగ్‌ శ్రీకాకుళం పాతబస్టాండ్‌: ప్రభుత్వ ఆదేశాల మేరకు ఈ నెల 10వ తేదీన మెగా పేరెంట్‌ టీచర్‌ మీటింగ్‌ ఏర్పాటు చేయనున్నట్లు కలెక్టర్‌ స్వప్నిల్‌ దినకర్‌ పుండ్కర్‌ వెల్లడించారు. జిల్లా పరిషత్‌ సమావేశ మందిరంలో సోమవారం ఆయన మాట్లాడుతూ ప్రతి ప్రభుత్వ, ప్రైవేటు పాఠశాలలు, ప్రభుత్వ జూనియర్‌ కళాశాలు మొదటి, రెండవ సంవత్సరాలకు సంబంధించి విద్యార్థులు, తల్లిదండ్రులు సమావేశానికి హాజరు కావాలని పిలుపునిచ్చారు. విద్యార్థులకు విద్యకు సంబంధించి ఎలాంటి సమస్యలు ఉన్నా సమావేశంలో తెలియజేసుకోవచ్చన్నారు. ఏక్‌ పేడ్‌ మాకీ నామ్‌ కార్యక్రమంలో భాగంగా అటవీ శాఖ నుంచి మొక్కలు సరఫరా చేస్తామని, విద్యాలయాల ఆవరణలో నాటాలని పిలుపునిచ్చారు. మధ్యాహ్న భోజనం కూడా కలిసి చేయాలన్నారు. శ్రీకాకుళం రెడ్‌ క్రాస్‌ సొసైటీకి అవార్డు శ్రీకాకుళం ఇండియన్‌ రెడ్‌ క్రాస్‌ సొసైటీ అవార్డు వచ్చినట్లు కలెక్టర్‌ స్వప్నిల్‌ దినకర్‌ పుండ్కర్‌ వెల్లడించారు. మన జిల్లాకు అవార్డు రావడం చాలా సంతోషంగా ఉందన్నారు. రైలు ఢీకొని వృద్ధుడు మృతి నరసన్నపేట: మండలంలోని ఉర్లాం రైల్వేస్టేషన్‌ వద్ద కుమ్మరిపేటకు చెందిన దువ్వారపు మల్లేసు (70) రైలు ఢీకొని మృతి చెందాడు. సోమవారం ఉదయం ఈ ప్రమాదం జరిగింది. ఆమదాలవలస రైల్వే పోలీసులు సంఘటన స్థలాన్ని పరిశీలించి కేసు నమోదు చేశారు. మృతదేహాన్ని పోస్టుమార్టం నిమిత్తం శ్రీకాకుళం రిమ్స్‌కు తరలించారు.

మెళియాపుట్టి: పలు కేసుల్లో నిందితులైన ఇద్దరు వ్యక్తులను మెళియాపుట్టి పోలీసులు జోడూరు గ్రామం వద్ద అరెస్టు చేశారు. స్థానిక పోలీసుస్టేషన్‌లో పాతపట్నం సీఐ రామారావు, ఎస్‌ఐ రమేష్‌ బాబు సోమవారం మీడియా సమావేశం నిర్వహించి వివరాలు వెల్లడించారు. ఇటీవల మండలంలో శేఖరాపురం గ్రామంలోని పంట పొలాల్లో నక్క శకుంతలమ్మ అనే మహిళ మెడలోని పుస్తెల తాడులో సగాన్ని గుర్తు తెలియని వ్యక్తులు తెంపుకొని పారిపోయారు. దీనిపై బాధితురాలి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. అయితే సోమవారం ఒడిశా రాష్ట్రం గంజాం జిల్లా బరంపూర్‌కు చెందిన బాలకృష్ణ సాహు, సుజీత్‌కుమార్‌ పాడిలు మెళియాపుట్టి వస్తుండగా గమనించిన పోలీసులు జోడూరు వద్ద అనుమానంతో తనిఖీలు చేపట్టారు. ఈ క్రమంలో వీరు ఇదివరకే పలు దొంగతనాల్లో అరైస్టెనట్లు గుర్తించడంతో అరెస్టు చేసి విచారణ చేపట్టారు. ఈ క్రమంలో వీరు జూన్‌ 29వ తేదీన బరంపురంలో ద్విచక్ర వాహనాన్ని దొంగలించడంతో పాటు శేఖరాపురం గ్రామంలోని నక్క శకుంతలమ్మ పుస్తెల తాడు తెంపినట్లు వివరాలు రాబట్టారు. అలాగే 2024 జనవరిలో మండలంలోని జగన్నాథపురంలో వట్టికుల్ల రాజేశ్వరి మెడలోని తులమున్నర బంగారాన్ని సైతం అపహరించుకుపోయినట్లు తెలుసుకున్నారు. దీంతో వారు దొంగిలించిన బంగారం, ద్విచక్ర వాహనాన్ని స్వాధీనం చేసుకున్నారు. వీరిని శ్రీకాకుళం జిల్లా జైలుకు తరలించినట్లు తెలిపారు.

నరసన్నపేట: మండలంలోని బొరిగివలసలో విషాదం అలుముకుంది. అనకాపల్లి జిల్లాలో తలుపులమ్మ తల్లికి మొక్కులు తీర్చుకునేందుకు గ్రామస్తులతో కలిసి వెళ్లిన రాజాపు గురన్న (64) రోడ్డు ప్రమాదంలో మృతి చెందాడు. కశింకోట మండలం భయ్యవరం వద్ద వాహనం నిలిపి జాతీయ రహదారిపై రోడ్డు దాటుతుండగా మరో వాహనం అతివేగంగా వచ్చి ఢీకొంది. దీంతో గురన్న అక్కడికక్కడే మృతి చెందారు. ప్రమాదానికి కారణమైన వాహనాన్ని ఇచ్ఛాపురం వద్ద పోలీసులు గుర్తించారు. సోమవారం మృతదేహాన్ని గ్రామానికి తీసుకొచ్చి అంత్యక్రియలు నిర్వహించారు. కాగా గురన్నకు భార్య వడ్డేమ్మ, ఇద్దరు కుమారులు, ఒక కుమార్తె ఉన్నారు. పిల్లలకు వివాహాలు కాగా, మృతుడు తాపీ పనిచేస్తూ జీవనం సాగిస్తున్నాడు. గురన్న మృతికి పొందర కుల సంక్షేమ సంఘం రాష్ట్ర అధ్యక్షుడు రాజాపు అప్పన్న, బొరిగివలస ఎంపీటీసీ బుగ్గ జగదీశ్వరి, వైఎస్సార్‌సీపీ నాయకుడు బగ్గు రమణయ్యలు సంతాపం తెలిపారు. రోడ్డు ప్రమాదంలో యాచకుడి దుర్మరణం ఇచ్ఛాపురం: రోడ్డు ప్రమాదంలో యాచకుడు మృతి చెందాడని పట్టణ పోలీసులు తెలిపారు. ఆదివారం అర్ధరాత్రి సమయంలో జాతీయ రహదారి–16పై చిత్తూరు నుంచి బరంపురం నగరానికి టమాటా లోడ్‌తో లారీ వెళ్తోంది. అదే సమయంలో బెల్లుపడ టోల్‌ప్లాజా సమీపంలో సాహు అనే యాచకుడు రోడ్‌పై నడుచుకుని వెళ్తుండగా అతడిని తప్పించబోయి లారీ ఢీకొట్టి బోల్తాపడింది. ఈ ఘటనలో యాచకుడు మృతి చెందగా, లారీ డ్రైవర్‌ కూడా గాయాలపాలయ్యాడు. వీఆర్వో నర్తు కృష్ణారావు ఇచ్చిన ఫిర్యాదు మేరకు పట్టణ పోలీస్‌స్టేషన్‌ హెడ్‌ కానిస్టేబుల్‌ ప్రకాష్‌ కేసు నమోదు చేసి దర్యాప్తు చేస్తున్నారు.

మందస: కార్గో ఎయిర్‌పోర్టు నిర్మాణానికి వ్యతిరేకంగా పోరాట కమిటీ కన్వీనర్‌ కొమర వాసు ఆధ్వర్యంలో సోమవారం రాంపురం సచివాలయం ఎదుట నిరసన తెలియజేశారు. రాంపురం, మీల గంగువాడ, తెలగ గంగువాడ బాధిత రైతులు మాట్లాడుతు తరాతరాలుగా తాము ఈ భూములపై పంటలు పండించి వాటిపై జీవిస్తున్నామని, ఇక్కడ అవసరం లేని ఎయిర్‌ పోర్టు వంటి నిర్మాణాలు చేపడితే దానికి వ్యతిరేకంగా ఎంత దూరమైనా వెళ్తామన్నారు. తమ ఉద్యమానికి స్థానిక ఎమ్మెల్యే గౌతు శిరీష, కేంద్ర పౌర విమాన శాఖమంత్రి రామ్మోహన్‌నాయుడు సానుకూలంగా స్పందించాలని విజ్ఞప్తి చేశారు. కార్యక్రమంలో చిత్త గున్నయ్య, పొట్టి ఎర్రయ్య, మర్ల జనార్ధన్‌, దున్న రామారావు, సురేష్‌, నూకలమ్మ గున్నమ్మ బాధిత రైతులు, మహిళలు యువకులు పాల్గొన్నారు.

పురుగుల బియ్యంపైసాక్షి ప్రతినిధి, శ్రీకాకుళం: ప్రభుత్వ పాఠశాలలు, హాస్టల్‌లో చదువుతున్న పిల్లల కోసం అందించిన పురుగుల బియ్యంపై అధికారుల్లో కదలిక వచ్చింది. ‘సాక్షి’ దినపత్రికలో వరుస కథనాలు రావడంతో రాష్ట్ర వ్యాప్తంగా ఈ విషయం చర్చనీయాంశమైంది. పిల్లలకు పెట్టే భోజనంలో పురుగులా అని ఆశ్చర్యపోతున్న పరిస్థితి నెలకొంది. ఈ నెల 10వ తేదీన అట్టహాసంగా నిర్వహించబోతున్న మెగా పేరెంట్స్‌ టీచర్స్‌ డేలో ఇదొక పెద్ద ఇష్యూ అవుతుందని యంత్రాంగం అప్రమత్తమైంది. యుద్ధ ప్రాతిపదికన పురుగుల బియ్యం సమస్యను పరిష్కరించడానికి శ్రీకారం చుట్టారు. దానిలో భాగంగా ఎంఎల్‌ఎస్‌ పాయింట్‌కు ఒకరు చొప్పున టెక్నికల్‌ అసిస్టెంట్లను కేటాయించి, వారు పాఠశాలలకు వెళ్లి తనిఖీలు చేయాలని ఆదేశించారు. ఎక్కడైతే పురుగులు కనిపిస్తాయో అక్కడ బియ్యం బ్యాగులను రీప్లేస్‌ చేయాలని సూచించారు. జిల్లా వ్యాప్తంగా ఇదే పరిస్థితి... మెగా పేరెంట్స్‌ టీచర్స్‌ డేను నిర్వహించాలని రాష్ట్ర ప్రభుత్వం పిలుపునిచ్చింది. దానికోసం పెద్ద ఎత్తు న ఏర్పాట్లు చేయాలని, రికార్డు సృష్టించాలని అధి కారులను ఆదేశించింది. మొన్నటివరకు యోగా డే కోసం ఎలాగైతే యంత్రాంగమంతా రాత్రి పగలనకుండా కష్టపడిందో ఇప్పుడదే విధంగా మెగా పేరెంట్స్‌ టీచర్స్‌ డే కోసం కష్టపడుతోంది. ఎలాగైనా రికార్డు సృష్టించాలని ఆరాటపడుతోంది. ఈ సమయంలో పాఠశాలలకు ప్రభుత్వం అందజేసిన సన్నని బియ్యంలో ఎక్కడికక్కడ పురుగులు కనిపిస్తుండటం ఇబ్బందికరంగా మారింది. భోజనాలను పిల్లలు కూడా పడేస్తుండడంతో ఉపాధ్యాయులు సైతం గగ్గోలు పెట్టడమే కాకుండా ఫిర్యాదులు చేస్తున్నారు. జిల్లా వ్యాప్తంగా ఇదే పరిస్థితి. ‘సాక్షి’ కథనాలతో చర్చ.. పురుగుల బియ్యంపై ‘సాక్షి’ పత్రికలో వరుస కథనాలు రావడంతో ప్రజల్లో కూడా చర్చకు దారితీసింది. రాష్ట్ర స్థాయిలో సంచలనమైంది. ఉపాధ్యాయు లే కాదు విద్యార్థుల తల్లిదండ్రులు కూడా ఈ వైఖ రిని దునుమాడుతున్నారు. ఏకంగా అధికారుల గ్రూపుల్లోనే వీడియోలు, ఫొటోలతో సహా పెడుతున్నారు. ఇవన్నీ కథనాల రూపంలో వచ్చినప్పటికీ తొలుత పౌరసరఫరాల అధికారులు తేలిక గా తీసుకున్నారు. వాస్తవం కాదని కొట్టి పారేశారు. ఫిర్యాదుల వెల్లువ అయితే పురుగుల బియ్యంపై జిల్లా వ్యాప్తంగా ఫిర్యాదులు రావడంతో పాటు ‘సాక్షి’ లో వచ్చిన తప్పంతా బడిదేనంట.. మరోవైపు పురుగుల బియ్యం తప్పిదాన్ని ఉపాధ్యాయులపై పౌరసరఫరాల సంస్థ అధికారులు నెట్టేశారు. తప్పు అంతా పాఠశాలలదే తప్ప తమది కాదని తేల్చేశారు. ప్రభుత్వ పాఠశాలలుకు సరఫరా చేసిన బియ్యం బ్యాగులను జాగ్రత్తగా ఉంచకపోవడం వల్లనే పురుగులు వచ్చాయంటూ తప్పించుకుంటున్నారు. సరైన ప్రదేశంలో దాచకపోవడం వల్ల, గాలి చొరబడని సంచుల్లో నిల్వ చేయడం వలన పురుగులు వచ్చాయని పరోక్షంగా ఉపాధ్యాయులను తప్పు పట్టారు. ఇప్పుడిది వివాదస్పదంగా మారింది. బ్యాగు ఇచ్చిందే పౌరసరఫరాల సంస్థ అయితే దాంట్లో ఉపాధ్యాయులకు, పాఠశాలలకు ఏం సంబంధమో వారికే తెలియాలి. కేవలం ఉపాధ్యాయులు, పాఠశాలలను బలి చేసేందుకు ఇలా మాట మార్చేస్తున్నారు. కథనాలు యంత్రాంగాన్ని ఆలోచనలో పడేశాయి. మెగా పేరెంట్స్‌ టీచర్స్‌ డే ముందు సమస్యగా మారుతుందని యంత్రాంగం యుద్ధ ప్రాతిపదికన స్పందించక తప్పలేదు. జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌ కాస్త సీరియస్‌గా తీసుకున్నారు. తక్షణమే ఎంఎల్‌ ఎస్‌ పాయింట్ల వారీగా తనిఖీలు చేయాలని, పాఠశాలలకు వెళ్లి బియ్యం బ్యాగులను పరిశీలించాలని టెక్నికల్‌ అసిస్టెంట్‌లను ఆదేశించారు. జిల్లాలో 14ఎంఎల్‌ఎస్‌ పాయింట్లు ఉండగా, 14మంది టెక్నికల్‌ అసిస్టెంట్‌లను నియమించారు. వారికి పాఠశాలలకు సంబంధించిన సమాచారం, ప్రధానోపాధ్యాయుల వివరాలు అందించాలని ఎంఎల్‌ఎస్‌ పాయింట్‌ ఇన్‌చార్జిలకు ఆదేశించారు. దీంతో టెక్నికల్‌ అసిస్టెంట్లు రంగంలోకి దిగారు. తనిఖీలు చేసే కార్యక్రమంలో నిమగ్నమయ్యారు. సోమవారం పలుచోట్ల జరిగిన తనిఖీల్లో కూడా పురుగులు కనిపించాయి. కొన్నిచోట్ల మాత్రం జాగ్రత్త పడి మసిపూసే కార్యక్రమం చేయడంతో అంతా ఓకే అనిపించేశారు. పురుగులు రావడానికి పాఠశాలలదే తప్పు అని చెబుతూ పౌరసరఫరాల సంస్థ జారీ చేసిన రిజాయిండర్‌ అధికారుల ముందే.. ఇచ్ఛాపురం టౌన్‌: పట్టణంలోని ప్రభుత్వ ఉన్నత పాఠశాలలో నిర్వహిస్తున్న మధ్యాహ్న భోజన పథకం బియ్యంలో పురుగులను టెక్నికల్‌ బృందం సోమవారం గుర్తించింది. జిల్లాలో మధ్యాహ్న భోజనపథకం బియ్యంలో పురుగులు ఉండటంతో జిల్లా అధికారుల ఆదేశాలపై ఎంఎల్‌ఎస్‌ ఇన్‌చార్జి బి.కిశోర్‌, పరిశీలకులు రేణుక, సీఎస్‌డీటీ సంతోష్‌లు పాఠశాలలో విద్యార్థులకు అందిస్తున్న భోజన పథకం బియ్యాన్ని పరిశీలించారు. బియ్యంలో పురుగులు ఉండటంతో బియ్యం నిల్వ చేసే గదిలోకి వెళ్లి పరిశీలించారు. పాత బియ్యంలో పురుగులు ఉండడంతో కొత్త బియ్యం కూడా పాడయ్యాయని తెలిపారు. ‘సాక్షి’లో వరుస కథనాలతో అధికారుల్లో చలనం మెగా పేరెంట్స్‌ టీచర్స్‌ డేలో ఇష్యూ అవుతుందని అప్రమత్తం తనిఖీలపై కీలక ఆదేశాలు జారీ చేసిన జాయింట్‌ కలెక్టర్‌ తనిఖీల్లో కొన్నిచోట్ల బయటపడ్డ పురుగులు పాఠశాలలదే తప్పు అంటూ పౌరసరఫరాల సంస్థ అధికారుల వింత స్పందన

కుంగ్‌ ఫు శేఖర్‌: చేశావా.. చల్ల వాసు: హా చేశాను.. వచ్చేమను అదేటి అవ్వదు లే.. సాయంత్రం వచ్చిమను అంటున్నాడు.. కుంగ్‌ ఫు శేఖర్‌ : ఆ... చల్ల వాసు : ఆయన సాయంత్రం వచ్చీమన్నారు. నీకు ఏమీ చేయడట. కానీ తరవాత మాత్రం జాగ్రత్తగా ఉండమన్నాడు. కుంగ్‌ ఫు శేఖర్‌ : హ.. హ.. హ.. చల్ల వాసు : స్టేషన్‌ బెయిల్‌ ఇస్తామన్నారు.. కుంగ్‌ ఫు శేఖర్‌ : ఇప్పుడు పంపనా.. చల్ల వాసు : ఇప్పుడు వద్దు. సాయంత్రం రమ్మన్నాడు. నేను కూడా ఊరులో లేను. వైజాగ్‌లో ఉన్నాను. సాయంత్రం వస్తా కుంగ్‌ ఫు శేఖర్‌ : అలాగ కాదె.. చల్ల వాసు : ఆ సెక్షన్‌లో ఆ క్లాజ్‌ లన్నీ చెప్పాను నేను పోలీసులకు. మీకు ఎందుకు నేను చేసి పెడతాను కదా అన్నాడు. తర్వాత జా గ్రత్తగా ఉండమను. ఎక్కడా బయటపడవద్దు అని అన్నాడు.. ఏమైనా అ టెండ్‌ అవుతాడు అని అంటే .. ఇప్పుడు వద్దు సాయంత్రం వచ్చిన తర్వాత నేను చెప్తాను అప్పుడు ఉంచు అని చెప్పాడు. కుంగ్‌ ఫు శేఖర్‌ : అయితే నువ్వు ఈవెనింగ్‌ ఊరు లోకి వచ్చేస్తావా అన్నా.. చల్ల వాసు : ఇప్పుడు వచ్చేస్తా బయలుదేరి. కుంగ్‌ ఫు శేఖర్‌ : అయితే నువ్వు వచ్చిన తర్వాత వెళ్దామా.. చల్ల వాసు : హా వెళ్దాం.. కుంగ్‌ ఫు శేఖర్‌ : ఇద్దరం కలిసి వెళ్దామా.. చల్ల వాసు : హా వెళ్దాం.. సరే

సాక్షి ప్రతినిధి, శ్రీకాకుళం: గలగలా పారుతూ వంశధార ఆయనను గుర్తు చేస్తూ ఉంటుంది. వేలాదిమందిని రక్షిస్తూ రిమ్స్‌ ఆ పేరును తలచుకుంటూనే ఉంటుంది. కరకట్టల కింద ఉన్న ఊళ్లు ఆయన రూపాన్ని తలచుకుంటూనే ఉంటాయి. బీఆర్‌ఏయూ పరిసరాలు ఆయన వదిలిన గురుతులను గుర్తు చేస్తూనే ఉంటాయి. సిక్కోలులో అడుగడుగునా వైఎస్‌ రాజశేఖర రెడ్డి జ్ఞాపకాలు ఉన్నాయి. జిల్లాలో మొదలైన ప్రతి కీలక ప్రాజెక్టు ఆయన చలవే. సిక్కోలు నుదుటిపై ఉన్న వెనుకబడిన జిల్లా అన్న ముద్ర చెరపడానికి వైఎస్సార్‌ చేసిన యజ్ఞం ఓ మధుర జ్ఞాపకంగా సిక్కోలు గుండె గదిలో చిరస్మరణీయంగా ఉంటుంది. నేడు మహానేత వైఎస్సార్‌ జయంతి. వైఎస్సార్‌ జ్ఞాపకాల్లో కొన్ని.. ● చిన్న చిన్న ఆరోగ్య సమస్యలకే విశాఖపట్నానికి పరుగులు తీసే శ్రీకాకుళం జిల్లా ప్రజలకు రిమ్స్‌ను కానుకగా ఇచ్చారు. 300 పడకల జిల్లా కేంద్ర ఆసుపత్రిని 500 పడకలుగా మార్చారు. ● ఎచ్చెర్లలో 2008 జూలై 25న డాక్టర్‌ బీఆర్‌ అంబేడ్కర్‌ వర్సిటీ ఏర్పాటు చేశారు. ● జిల్లాలో 2.50లక్షల మందికి పైగా రైతులకు రుణమాఫీ చేశారు. ● 2005మే నెలలో వంశధార స్టేజ్‌ 2, ఫేజ్‌2 ప్రాజెక్టు పనులను ప్రారంభించారు. 20 మండలాల్లో 2.55లక్షల ఎకరాలకు సాగునీరందించేందుకు తలపెట్టారు. ● జిల్లాలోని హిరమండలం వద్ద సుమారు 10వేల ఎకరాల్లో 19టీఎంసీల నీటి నిల్వకోసం రిజర్వాయర్‌ నిర్మాణం చేపట్టారు. ● తోటపల్లి ఫేజ్‌–2 పనుల ఘనత ఆయనకే దక్కుతుంది. ● సాగునీరు, పలాస పట్టణానికి తాగునీటి సమ స్య పరిష్కారం కోసం రూ.123.25 కోట్లతో ఆఫ్‌షోర్‌ ప్రాజెక్టుకు రూపకల్పన చేశారు. ● వంశధార, నాగావళి నదుల అనుసంధానం పనులకు శ్రీకారం చుట్టారు. ● 12,500 ఎకరాలకు సాగునీటి కోసం మడ్డువలస ప్రాజెక్టు స్టేజ్‌–1 పనులను రూ.57.87 కోట్లతో చేపట్టారు. ● రూ. 300కోట్లతో కరకట్టల నిర్మాణాలకు సంకల్పించారు. ● సీతంపేట ఏజెన్సీలో 14వేల ఎకరాల్లో 5వేల మంది గిరిజన రైతులకు పట్టాలు ఇచ్చారు. ● పేదలకు స్థలమిచ్చి గూడు నిర్మించిన మొట్టమొదటి సీఎం వైఎస్సారే. చరిత్రలో ఎప్పుడూ లేని విధంగా 1,80,817 ఇళ్లు మంజూరు చేసి అందులో 1,63,140 ఇళ్లను పూర్తిచేశారు. ● నిరుపేదలకు కార్పొరేట్‌ వైద్యం అందించాలన్న సంకల్పంతో 2007లో ప్రారంభించిన ఆరోగ్యశ్రీతో వేలాది మందికి జీవం పోశారు. 108 అంబులెన్స్‌లు, 104 వాహనాలను అందుబాటులోకి తీసుకొచ్చారు. ● పేద విద్యార్థులకు కూడా కార్పొరేట్‌ చదు వులు అందించాలనే ఉద్దేశ్యంతో ఫీజు రీయింబర్స్‌మెంట్‌ పథకాన్ని ప్రవేశపెట్టారు.ఈ పథకం ద్వారా లబ్థిపొందిన వారిలో బీసీ విద్యార్థులే మన జిల్లాలో 72వేలమందికి పైగా ఉన్నారు. నరసన్నపేట: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి జయంతిని మంగవారం పార్టీ శ్రేణులు జిల్లా వ్యాప్తంగా ఘనంగా నిర్వహించాలని వైఎస్సార్‌ కాంగ్రెస్‌ పార్టీ జిల్లా అధ్యక్షుడు, మాజీ డిప్యూటీ సీఎం ధర్మాన కృష్ణదాస్‌ పిలుపునిచ్చారు. ఈ మేరకు సోమవారం ఓ ప్రకటన చేశారు. అన్ని నియోజకవర్గాలు, మండలాల్లో జయంతి వేడుకలు చేయాలని, సేవా కార్యక్రమాలు చేపట్టాలని సూచించారు. పార్టీ ప్రతినిధులు, అనుబంధ సంఘాల ప్రతినిధులు, కార్యకర్తలు, అభిమానులు పెద్ద సంఖ్యలో పాల్గొనాలని కోరారు. జిల్లాలో అడుగడుగునా రాజన్న జ్ఞాపకాలు నాటి సంక్షేమ, అభివృద్ధి కార్యక్రమాలే జిల్లా ప్రగతికి సోపానాలు నేడు వైఎస్సార్‌ జయంతి

పోలీసు: ఎఫ్‌ఐఆర్‌ ఇండెక్స్‌ అని ఒకటి ఉంటాది. అది ఎవరికీ ఇవ్వకుండా ఎస్‌ఐ గారు దాచేస్తారట. కుంగ్‌ ఫు శేఖర్‌ : హ హ.. పోలీసు: ఇంకో దాంట్లో ఫెయిర్‌ చేయాలి. అది చెయ్యొ ద్దని చెప్పారట కుంగ్‌ ఫు శేఖర్‌ : అంటే.. పోలీసు : యాక్చువల్‌గా రెండు రికార్డులు మెయింటైన్‌ చేయాలి. కానీ ఎస్‌ఐ గారు అందులో ఫెయిర్‌ చేయొద్దు అని చెప్పారు. నేను చెప్పినప్పుడు చేయండి అని చెప్పారట. కుంగ్‌ ఫు శేఖర్‌ : ఎవరు..? ఎస్‌ఐ గారా..? పోలీసు : మొత్తానికి సార్‌ వద్దని అన్నారట. కుంగ్‌ ఫు శేఖర్‌ : అంటే కేసు పెట్టట్లేదా అన్న.. వద్దని అన్నారా.. పోలీసు : పెట్టకపోవడం కాదు. అది పెట్టిందే కాన్ఫిడెన్షియల్‌గా ఉంచండి. నేను చెప్పినప్పుడు చేద్దురు అని చెప్పారట. కుంగ్‌ ఫు శేఖర్‌ : వినండి .. వినండి.. నేను ఎంక్వయిరీ చేశాను. క్లాస్‌ 5 నాన్‌బెయిల్‌బుల్‌, నేనేటి చేశానంటే ఎమ్మెల్యేగారికి ఫోన్‌ చేశాను. ఎమ్మెల్యేగారు వెంటనే ఫోన్‌ చేశారు డైరెక్టుగా ఎస్‌ఐ గారికి. నేను లైవ్‌లో ఉండగానే చేశారు. అదేటీ లేదండి. నేను స్టేషన్‌ బెయిల్‌ ఇచ్చేస్తాను, కానీ జా గ్రత్తగా ఉండమనండి అని అన్నాడట. చల్ల వాసుకి అలాగే చెప్పారు. ఎమ్మెల్యే గారు, నేను పక్కనున్నప్పుడే మాట్లాడారు. ఏటంటావ్‌.. నమ్మొచ్చు అంటావా? పోలీసు : నేను ఒక్కసారి అడుగుతాను. దానికి 41 పోజిబులిటీ ఉందా లేదా అన్నది .. కుంగ్‌ ఫు శేఖర్‌ : దానికై తే 41పాజిబిలిటీ లేదు. కానీ ఎస్‌ఐ అయితే ఇస్తానంటున్నాడు. పోలీసు : ఎస్‌హెచ్‌ఓకై తే పవర్స్‌ ఉంటాయబ్బా. నేను నీకు ఎప్పుడో చెప్పాను. కుంగ్‌ ఫు శేఖర్‌ : అదే నాకు డౌట్‌ వచ్చి మీకు అడిగాను. ఎందుకంటే అతను మన దగ్గర అబద్ధం ఆడవచ్చు. కానీ ఎమ్మెల్యే దగ్గర, చల్ల వాసు దగ్గర అబద్ధం ఆడరు కదా.. నేను 41 ఇచ్చేస్తానులే. ఎస్పీ గారు అయితే ఇది పెట్టారు కానీ అబ్బాయి ఏం చేయలేదు కదా నేను చూసుకుంటానులే అన్నాడట ఎస్‌ఐ. పోలీసు : అయితే ఒకటి చేయొచ్చు,. ఇందులో ఇద్దరు, ముగ్గురు ముద్దాయిలు అనుకో.. నువ్వు మూడోవాడు అనుకో.. నీకు 41 ఇచ్చే యొచ్చు. నాకు తెలిసి ఇన్వెస్టిగేషన్‌లో తీసేస్తాడేమో నీ పేరు. నేను అదే అనుకుంటున్నాను. కుంగ్‌ ఫు శేఖర్‌ : అదే మాట సేమ్‌ నువ్వు అన్నట్లే చెప్పాడు అన్న లోక్‌ అదాలత్‌లోనూ, ఎందులోనో తీసేస్తారు అని.. పోలీసు : ఇన్వెస్టిగేషన్‌ లో ఎలాగంటే.. శేఖర్‌ అనే వ్యక్తి ఉండటం వాస్త వమే. కానీ ఆయన ఉన్నప్పుడు జరిగిన సిచ్చువేషన్‌ ఇది. వెళ్లిపోయిన తర్వాత జరి గింది ఇది.. అని పెడతారు. దానివల్ల ఏటవుతుందంటే మిగతావారికి ఆ సెక్షన్లు వర్తిస్తాయి. నీకు వర్తించవు. అలాగా నీకు ఇన్వెస్టిగేషన్‌లో తీయడానికి అవుతది. కుంగ్‌ ఫు శేఖర్‌ : అయితే ఇప్పుడు నాకు స్టేషన్‌ బెయిల్‌ ఇచ్చీవచ్చా అన్నా.. 41 పాజిబుల్‌ అవుతాదా.. పోలీసు : నీకు ఒకటి చెప్తాను విను. నీకు ఎప్పుడు రమ్మంటే స్టేషన్‌కి అప్పుడు ఫోన్‌ చేయిపించుకుని వెళ్లిపో. కుంగ్‌ ఫు శేఖర్‌ : ఈరోజు సాయంత్రం రమ్మని చెప్పారట వాసుతోని. వాసు వైజాగ్‌లో ఉన్నాడు. నేనేటి చెప్పానంటే వాసుకి.. నువ్వు వస్తే ఇద్దరం కలిసి వెళ్దాం స్టేషన్‌కి అని చె ప్పాను. ఎమ్మెల్యేది, వాసుది ఒక్కసారి విను. విన్న తర్వాత మీకు క్లారిటీ వస్తది. పోలీసు : ఏది ఏమైనా నువ్వు స్టేషన్‌కి వెళ్లేటప్పుడు ఒకసారి ఎస్‌ఐకి ఫోన్‌ చేయించు ఎమ్మెల్యేతోనే. కుంగ్‌ ఫు శేఖర్‌: ఎందుకన్నా చల్లా వాసునే పట్టుకు ని వెళ్తాను స్టేషన్‌కి.. పోలీసు : వాసా.. ఎవరు?? కుంగ్‌ ఫు శేఖర్‌: వాసు.. అన్నయ్య, మినిస్టర్‌ గారి బావమరిది. వాళ్ల సిస్టర్‌నే అచ్చెన్నాయుడు గారు పెళ్లి చేసుకున్నారు. ఎమ్మెల్యే రైట్‌హ్యాండ్‌ చల్లా వాసే కదా అన్న. అతనే ఉంటాడు అన్నిటిలోని. ఈ ట్రాన్స్‌ఫర్లు, పోస్టింగ్‌లు అన్నీ ఆయనే చూసుకుంటున్నాడు. అందుకే ఆయన్నే పట్టుకెళ్లి పోతు న్న. వస్తాడు మనకు బాగా పరిచయమే కదా. చల్ల వాసు చాలా పెద్ద స్థాయి వ్యక్తన్నా.. మొన్న నేను స్టేషన్‌కి వెళ్లినప్పుడు కూడా ఎస్‌ఐ గారు నాకు ఏం చెప్పారంటే.. నేను హెల్ప్‌ చేసిన విషయం వాసు అన్నయ్యకు చెప్పు, వాసు అన్నయ్య నాకు బాగా క్లోజ్‌, కొంచెం నువ్వు చెప్పు నీకు నేను ఎలా చూశానో అనేది అని ఆయన అన్నాడు. అన్నయ్య ఈ రోజు సాయంత్రం వాసుని స్టేషన్‌కి తీసుకుని బెయిల్‌ తీసుకుంటాను అన్నయ్య.. ఉంటాను.

నందిగాం: జిల్లా సివిల్‌ సప్లై క్వాలిటీ అధికారి సంతోష్‌కుమార్‌ మండలంలోని పలు పాఠ శాలలను సందర్శించారు. నందిగాం, నర్సిపురం, లఖిదాసుపురం పాఠశాలలను ఆయన సోమవారం సందర్శించి బియ్యంలో సుంకు పురుగులు, తెలుపు రంగులో సన్నని పురుగులు ఉన్నట్లు గుర్తించారు. బియ్యం గోదాము తనిఖీ బూర్జ: మండలంలో గల సింగన్నపాలేం గ్రామ పంచాయతీ నామాల లక్ష్మీపురం గ్రామం పరిధిలో గల ఆంధ్రప్రదేశ్‌ రాష్ట్ర గిడ్డంగుల సంస్థ అనుబంధ సంస్థ ద్వారా నడుపుతున్న శ్రీసాయి హరి పద్మ లాజిస్టిక్స్‌ ప్రైవేటు లిమిటెడ్‌ ఇన్వెస్టర్‌ గోదామును జేసీ ఫర్మాన్‌ అహ్మద్‌ ఖాన్‌ సోమవారం పరిశీలించారు. గోదాములో నిల్వ ఉన్న రైస్‌, రికార్డులు పరిశీలించారు. పది రోజుల కిందట సరఫరా చేసిన బియ్యంలో ఎలాంటి లోపాలు లేవని తెలిపా రు. నామాల లక్ష్మీపురం గ్రామానికి చెందిన చిక్కాల రంగబాబు అనే దివ్యాంగుడు తన ఇంటికి రేషన్‌ అందించాలని జేసీకి విన్నవించారు. నేడు మెగా రక్తదాన శిబిరం శ్రీకాకుళం (పీఎన్‌ కాలనీ): వైఎస్సార్‌ జయంతి సందర్భంగా మంగళవారం జిల్లా వ్యాప్తంగా మెగా రక్తదాన శిబిరం నిర్వహించనున్నట్లు వైఎస్సార్‌ సీపీ యువజన విభాగం జిల్లా అధ్యక్షుడు మార్పు దుర్గాపృథ్వీరాజ్‌ తెలిపారు. అన్ని నియోజకవర్గాల సమన్వయకర్తలతో యువజన విభాగం ఆధ్వర్యంలో మెగా రక్తదాన శిబిరంతోపాటు పలుసేవా కార్యక్రమాలు నిర్వహిస్తామని పేర్కొన్నారు. వైఎస్సార్‌ అభిమానులు, పార్టీ శ్రేణులు కార్యక్రమాన్ని విజయవంతం చేయాలని కోరారు. శ్రీకాకుళంలో రెడ్‌క్రాస్‌ సొసైటీ బ్లడ్‌బ్యాంకు కమ్యూనిటీ హాల్‌లో శిబిరం నిర్వహిస్తామన్నారు.

సాక్షి ప్రతినిధి, శ్రీకాకుళం: జిల్లా కేంద్రంలో ఒక రౌడీ షీటర్‌కు ఎమ్మెల్యే, మరో టీడీపీ నాయకుడు అండగా ఉన్న విషయం వెలుగులోకి వచ్చింది. రూరల్‌ స్టేషన్‌లో నమోదైన కేసులో అరెస్టు కాకుండా 41 నోటీసు ఇచ్చి వదిలేసేలా ఎమ్మెల్యే సహకరించారు. ఫోన్‌లోనే తతంగమంతా నడిపారు. అటు రౌడీషీటర్‌ను హోల్డ్‌లో పెట్టి ఎమ్మెల్యే పోలీసులతో మాట్లాడారు. తన మని షి అని, ఎలాగైనా ఆయన్ని అరెస్టు చేయకుండా చూడాలని పోలీసులపై ఒత్తిడి తెచ్చారు. అవసరమైతే డీఎస్పీతో కూడా మాట్లాడేందుకు సిద్ధమయ్యారు. ఇదంతా ఫోన్‌లో రికార్డు అయింది. రౌడీ షీటర్‌తో ఎమ్మెల్యే, టీడీపీ నాయకుడు, మరో కానిస్టేబుల్‌ మాట్లాడిన మాటలు ఆడియో క్లిప్పింగ్‌ ద్వా రా బయటకు వచ్చాయి. ఇప్పుడా ఆడియో క్లిప్పింగ్‌లు సోషల్‌ మీడియాలో వైరల్‌ అవుతున్నాయి. కేసు ఇది.. రాగోలు జెమ్స్‌లో పనిచేస్తున్న వెంకటేష్‌ పై అక్కడే పని చేస్తున్న ఓ మహిళ తనను ప్రేమించి, శారీరకంగా వాడుకుని పెళ్లి చేసుకోకుండా మోసం చేశాడని పోలీసు స్టేషన్‌లో ఫిర్యాదు చేసింది. ఇదే సమయంలో నగరంలో పీఎన్‌ కాలనీ సమీపంలో ఉంటున్న రౌడీషీట్‌ ఉన్న పైల చంద్రశేఖర్‌ అలియాస్‌ కుంగ్‌ఫు శేఖర్‌ జోక్యం చేసుకుని ఆ యువకుడిని, అతడి తండ్రి గోవిందరావును పిలిచి వార్నింగ్‌ ఇచ్చారు. రూ.లక్షా 50వేలు ఇవ్వాలని లేకుంటే పరిణామాలు తీవ్రంగా ఉంటాయని హెచ్చరించాడు. వివిధ సెక్షన్ల కింద కేసు పెట్టి బుక్‌ చేయిస్తానని బెదిరించాడు. అందుకు ఆ యువకుడు, తండ్రి అంగీకరించలేదు. ఇది జరిగిన కొన్ని రోజుల తర్వాత మరోసారి కుంగ్‌ ఫు శేఖర్‌ ఫోన్‌ చేసి బెదిరించాడు. వ్యవహారం సీరియస్‌గా ఉందని, తనకు డబ్బులు ఇవ్వాల్సిందేనని భయపెట్టాడు. చేసేది లేక వెంకటేష్‌, అతని తల్లి, మరో దగ్గరి బంధువు వచ్చి కుంగ్‌ ఫు శేఖర్‌కు రూ.లక్షా 50వేలు ఇచ్చారు. కుంగ్‌ ఫు శేఖర్‌తో పాటు వచ్చిన బొట్ట శంకర్‌ అనే మరో రౌడీషీటర్‌ కూడా రూ. 20వేలు అడిగితే ఇచ్చారు. అంతా తీసుకున్నాక కూడా మళ్లీ మరికొంత సొమ్ము కావాలని ఫోన్‌లో డిమాండ్‌ చేశారు. బెదిరింపులకు సైతం దిగారు. దీన్ని తట్టుకోలేక యువకుడు వెంకటేష్‌ తండ్రి గోవిందరావు శ్రీకాకుళం రూరల్‌ పోలీసు స్టేషన్‌లో ఫిర్యాదు చేశారు. 308(2), 3(5) బీఎన్‌ఎస్‌ సెక్షన్ల కింద కుంగ్‌ ఫు శేఖర్‌, బొట్ట శంకర్‌పైన గత నెల 16న కేసు కూడా నమోదైంది. ఈ కేసులో ఎక్కడ తనను అరెస్టు చేస్తారనే భయంతో ఎలాగైనా అరెస్టు కాకుండా 41నోటీసుతో బయటపడాలని ఒక ఎమ్మెల్యేతోను, ఒక టీడీపీ నాయకుడు వాసుతోను, ఒక కానిస్టేబుల్‌తోను కుంగ్‌ ఫు శేఖర్‌ తీవ్ర స్థాయిలో ప్రయత్నించారు. ఆ ఎమ్మెల్యే, టీడీపీ నాయకుడు వాసు కూడా సహకరించారు. స్టేషన్‌ అధికారులతో మాట్లాడి, అరెస్టు లేకుండా 41నోటీసుతో వదిలేసేలా చూస్తానని హామీ ఇచ్చారు. ఈ సందర్భంగా వారి మధ్య జరిగిన ఫోన్‌ సంభాషణ ఇప్పుడు హాట్‌ టాపిక్‌గా మారింది. ఒక రౌడీషీటర్‌కు ఎమ్మెల్యే అండగా ఉండటమేంటి? ఆయన సన్నిహితుడిగా చెప్పుకునే వాసు కూడా సహకరించడమేంటని? పోలీసులు కూడా అందుకు తగ్గట్టుగా వ్యవహరించడమేంటని చర్చనీయాంశమైంది. తండ్రీ కొడుకులను డబ్బులు కోసం బెదిరించిన కేసులో రౌడీషీటర్‌పై కేసు నమోదు అరెస్టు కాకుండా 41 నోటీసుతో వదిలేసేలా చూడాలని ఎమ్మెల్యే, టీడీపీ నాయకుడిని ఆశ్రయించిన రౌడీ షీటర్‌ 41 నోటీసు ఇచ్చి వదిలేయాలని పోలీసులకు ఎమ్మెల్యే ఆదేశం ఇవన్నీ రికార్డు చేసిన రౌడీషీటర్‌ కుంగు ఫు శేఖర్‌ బయటకు వచ్చిన ఆడియో క్లిప్పింగ్‌

రణస్థలం: పిషిని పంచాయతీ సమీపంలో జాతీయ రహదారిపై గుర్తు తెలియని వాహనం ఢీకొని వృద్ధుడు మృతి చెందాడు. జె.ఆర్‌.పురం పోలీసులు తెలిపిన వివరాల ప్రకారం.. పైడిభీమవరం పంచాయతీ లొడగలపేట గ్రామానికి చెందిన నొడగల తవుడు(70) అనారోగ్యం, మతిస్థిమితం కారణంగా తరచూ బయటే తిరుగుతుండేవాడు. ఈ క్రమంలో ఆదివారం వేకువజామున రోడ్డు దాటుతుండగా శ్రీకాకుళం వైపు నుంచి విశాఖపట్నం వైపు వెళుతున్న గుర్తు తెలియని వాహనం ఢీకొట్టింది. ఈ ఘటనలో వృద్ధుడి శరీరం గుర్తు పట్టలేనంతగా నుజ్జునుజ్జుగా మారింది. కొన్ని గంటల తర్వాత తువ్వాలు, లుంగీ, చెప్పులను బట్టి మృతదేహాన్ని స్థానికులు గుర్తించారు.కుమారుడు తాతారావు ఇచ్చిన ఫిర్యాదు మేరకు జె.ఆర్‌.పురం ఎస్సై ఎస్‌.చిరంజీవి కేసు నమోదు చేసి దర్యాప్తు చేస్తున్నారు. హైవే సీసీ కెమెరాలు పని చేయకపోవడంతో వాహనం గుర్తించడం పోలీసులకు సవాల్‌గా మారింది.

వజ్రపుకొత్తూరు: ఒంకులూరు గ్రామానికి చెందిన వివాహిత దుమ్ము లక్ష్మీదేవి(39) ఆదివారం కిడ్నీ వ్యాధితో చికిత్స పొందుతూ మృతి చెందింది. ఈమె కొంతకాలంగా కిడ్నీ వ్యాధితో బాధపడుతోంది. నెల రోజులుగా పలాస కిడ్నీ రీసెర్చ్‌ ఆస్పత్రిలో డయాలసిస్‌ సేవలు పొందుతోంది. వ్యాధి తీవ్రత ఎక్కువ కావడం, మందులు వాడేందుకు పేదరికం అడ్డురావడంతో మధ్యలోనే తనువు చాలించింది. లక్ష్మీదేవి భర్త రాజు వ్యవసాయ కూలీ. వీరికి ఇంటర్మీడియట్‌ చదువుతున్న కుమార్తె ఉంది. గ్రామస్తులు, బంధువుల సహకారంతో గ్రామంలో అంత్యక్రియలు నిర్వహించారు. ప్రభుత్వం స్పందించి మృతురాలి కుటుంబాన్ని ఆదుకోవాలని పలువురు కోరారు.

డిగ్రీ ప్రవేశాలకు త్వరలో స్పష్టత.. డిగ్రీ ప్రైవేశాలపై రెండు మూడు రోజుల్లో స్పష్టత వచ్చే అవకాశం ఉందని భావిస్తున్నాం. నోటిఫికేషన్‌ వస్తుంది. నిర్దేశిత షెడ్యూల్‌ ప్రకారం ప్రవేశాలు జరుగుతాయి. ప్రభుత్వ మార్గదర్శకాలకు అనుగుణంగా ప్రవేశాలు ఉంటాయి. – డాక్టర్‌ కణితి శ్రీరాములు, ప్రిన్సిపాల్‌, ప్రభుత్వ డిగ్రీ కళాశాల పాతపట్నం, శ్రీకాకుళం పురుషులు (ఎఫ్‌ఏసీ) అడ్మిషన్లపై ప్రభావం.. డిగ్రీ ప్రైవేశాలపై ప్రభుత్వం అనేక కసరత్తులు చేసింది. కాస్త ఆలస్యమైనమాట వాస్తవమే. ఈ ప్రభావం అడ్మిషన్లపై పడవచ్చు. నోటిఫికేషన్‌ జాప్యం కావడంతో ప్రైవేటు కళాశాలలవైపు విద్యార్థులు ఆకర్షితులయ్యే అవకాశం లేకపోలేదు. నోటిఫికేషన్‌ రెండు రోజుల్లో రావొచ్చు. – డాక్టర్‌ కింతలి సూర్యచంద్రరావు, ప్రిన్సిపాల్‌, శ్రీకాకుళం ప్రభుత్వ మహిళా డిగ్రీ కళాశాల మూడు నెలలుగా నిరీక్షణ ఇంటర్‌ ఎంపీసీలో 923 మార్కులు వచ్చాయి. ఇంజినీరింగ్‌పై ఆసక్తిలేదు. ప్రభుత్వ కళాశాలలో డిగ్రీ ఎంపీసీఎస్‌ చదవాలని అనుకుంటున్నాను. ఇంటర్‌ ఫలితాలు వచ్చి మూడు నెలల కావొస్తుంది. ఇప్పటి వరకు నోటిఫికేషన్‌ రాకపోవడం దారుణం. – ఎస్‌.పుష్పలత, విద్యార్థిని, శ్రీకాకుళం ఇదీ పరిస్థితి.. ఉమ్మడి శ్రీకాకుళం జిల్లాలోని డాక్టర్‌ బి.ఆర్‌ అంబేద్కర్‌ విశ్వవిద్యాలయం పరిధిలో 103 డిగ్రీ కళాశాలలు ఉన్నాయి. వీటిలో 15 ప్రభుత్వ, 88 ప్రైవేట్‌ కళాశాలలు ఉన్నాయి. వీటిల్లో 28 వేల సీట్లు ఉన్నాయి. కొన్నేళ్ల కిందట జిల్లా నుంచి 20 వేల వరకు సీట్లు నిండేవి. గత ఏడాది ఈ సంఖ్య పది వేలకు పడిపోయింది. కొన్ని ప్రైవేట్‌ కళాశాలల్లో ప్రవేశాలు పూర్తిగా తగ్గుముఖం పట్టాయి. ప్రభుత్వ కళాశాలల్లో సైతం గతంలో పోలిస్తే ఆర్ట్స్‌, కామర్స్‌ గ్రూపుల్లో ప్రవేశాలు తగ్గిపోయాయి. దీంతో కొన్ని సబ్జెక్టుల కాంబినేషన్‌ కోర్సులను మూసివేశారు. ప్రధానంగా బీఎస్సీ ఎంపీసీ, కంప్యూటర్స్‌ కోర్సులకు డిమాండ్‌ ఉంది. ప్రభుత్వ కళాశాలల్లో శ్రీకాకుళం ప్రభుత్వ డిగ్రీ కళాశాల, మహిళా డిగ్రీ కళాశాల, టెక్కలి, నరసన్నపేట, పాతపట్నం వంటి కళాశాలకు డిమాండ్‌ ఉంది. ప్రైవేట్‌ కళాశాలలు తీసుకుంటే శ్రీకాకుళం నగరం, రూరల్‌, రాజాం, నరసన్నపేట, టెక్కలి వంటి ప్రాంతాల్లో 20 కళాశాలల్లో సీట్లకు డిమాండ్‌ ఉంది. ఇంజినీరింగ్‌ కళాశాలలు అందుబాటులో ఉండటంతో ఇంటర్‌ ఎంపీసీ పూర్తి చేసిన విద్యార్థులు ఇంజినీరింగ్‌కు ప్రాధాన్యత ఇస్తున్నారు. దీనికి ప్రభుత్వం ఫీజు రీయింబర్స్‌మెంట్‌ కూడా అమలు చేయడంతో విద్యార్థులు అటువైపు మొగ్గు చూపుతున్నారు. ఫలితంగా డిగ్రీలో ప్రవేశాల సంఖ్య తగ్గుతోంది. శ్రీకాకుళం న్యూకాలనీ: ఇంటర్మీడియట్‌ ఫలితాలు విడుదలై మూడు నెలలు గడిచాయి. అడ్వాన్స్‌డ్‌ సప్లిమెంటరీ ఫలితాలు సైతం విడుదలై నెల రోజులైంది. అయినా డిగ్రీ ప్రవేశాలకు మాత్రం మోక్షం కలగడం లేదు. కూటమి ప్రభుత్వం కనీస చర్యలు తీసుకోకపోవడంతో ప్రవేశాల్లో తీవ్ర జాప్యం జరుగుతోంది. డిగ్రీ అడ్మిషన్లకు నోటిఫికేషన్‌ విడుదలలో ఉన్నత విద్యాశాఖ తీవ్ర జాప్యం చేస్తోంది. గత ఏడాది ఇలాగే ఆలస్యంగా అడ్మిషన్ల ప్రక్రియను చేపట్టడంతో ప్రభుత్వ కళాశాలల్లో వందలాది సీట్లు మిగిలిపోయాయి. ఈ ఏడాది అంతకుమించిన దుస్థితి తలెత్తుతుండటంతో కళాశాలల యాజమాన్యాలు గగ్గోలు పెడుతున్నాయి. మరోవైపు డిగ్రీలో చేరాలనుకుంటున్న విద్యార్థులు అయోమయంలో ఉన్నారు. కొంతమంది ప్రైవేటు కోర్సుల బాట పడుతున్నారు. ఆన్‌లైనా.. ఆఫ్‌లైనా ? ప్రభుత్వ, ప్రైవేట్‌ కళాశాలల్లో డిగ్రీ ప్రవేశాలను గతంలో కళాశాల యూనిట్‌గా నిర్వహించేవారు. ఎంపిక చేసిన కళాశాలల్లో విద్యార్థులు దరఖాస్తులు చేసుకుని, సీటు లభించిన కళాశాలలో చేరే వారు. ఇంటర్మీడియెట్‌ మార్కులు, రిజర్వేషన్‌ రోస్టర్‌ ఆధారంగా ప్రవేశాలు కల్పించేవారు. 2020 నుంచి ఆన్‌లైన్‌ విధానంలో ప్రవేశాలు నిర్వహిస్తున్నారు. రాష్ట్రం యూనిట్‌గా విద్యార్థులు వెబ్‌బేస్డ్‌ కౌన్సెలింగ్‌లో ఆప్షన్లు ఇచ్చుకునేవారు. మార్కులు, రిజర్వేషన్‌ రోస్టర్‌ ఆధారంగా ప్రవేశాలు లభించేవి. ప్రైవేట్‌ కళాశాలలో 70 శాతం కన్వీనర్‌, 30 శాతం మేనేజ్‌మెంట్‌ కోటాలో ప్రవేశాలు నిర్వహిస్తారు. మేనేజ్‌మెంట్‌ సీట్లకు ప్రభుత్వ రాయితీలైన ఫీజు రీయింబర్స్‌మెంట్లు, స్కాలర్‌షిప్‌లు వంటివి వర్తించవు. ఈ నేపథ్యంలో ప్రైవేట్‌ యాజమాన్యాలు పాతవిధానమైన ఆఫ్‌లైన్‌లో కౌన్సెలింగ్‌ నిర్వహించాలని డిమాండ్‌ చేస్తున్నాయి. ప్రభుత్వం ఆన్‌లైన్‌లో కౌన్సెలింగ్‌ నిర్వహించాలా? ఆఫ్‌లైన్‌లో నిర్వహించాలా? అన్న అంశంపై స్పష్టమైన నిర్ణయం తీసుకోలేకపోతోంది. ఈ జాప్యం డిగ్రీ ప్రవేశాలపై ప్రభావం చూపుతోంది. ప్రభుత్వ నిర్వాకంతో రెండేళ్లగా డిగ్రీ ప్రవేశాలు తగ్గుముఖం పడుతున్నాయనేది గణాంకాలు తేటతెల్లం చేస్తున్నాయి. విద్యాశాఖ మంత్రి లోకేష్‌ వద్ద ఫైల్‌ కొన్ని రోజుల తరబడి పెండింగ్‌లో ఉందన్న ప్రచారం జరుగుతోంది. లోకేష్‌ మిగిలిన శాఖలపై పెత్తనం చలాయిస్తుండటంతో.. తన విద్యాశాఖపై కనీసం దృష్టి పెట్టలేకపోతున్నారన్న విమర్శలకు డిగ్రీ ప్రెవేశాల ఉదంతమని విద్యార్థి సంఘాల ప్రతినిదులు ఆరోపిస్తున్నారు. ఇంటర్‌ ఫలితాలు విడుదలై మూడు నెలలు కనీసం దరఖాస్తులు చేసుకోవడానికి సైతం షెడ్యూల్‌ విడుదల చేయని వైనం విద్యార్థుల భవితవ్యంతో ఆటలాడుకుంటున్న కూటమి సర్కారు

కొత్తూరు: బాకీ విషయమై తలెత్తిన వివాదం ఓ యువకుడి హత్యకు దారి తీసింది. ఈ విషాద ఘటన కొత్తూరు మండలం వసప గ్రామంలో శనివారం రాత్రి చోటుచేసుకుంది. పోలీసులు తెలిపిన వివరాల ప్రకారం.. వసప గ్రామంలో మలగాన శంకర్‌ అనే వ్యక్తి ఫాస్ట్‌ఫుడ్‌ సెంటర్‌ నడుపుతున్నాడు. ఇతనికి అదే గ్రామానికి చెందిన లుకలాపు మిన్నారావు(19) అనే యువకుడు బాకీ ఉన్నాడు. ఎప్పుడు వీరిద్దరూ కలిసిన బాకీ విషయమై గొడవ జరిగేది. తన డబ్బులు ఇవ్వకపోతే చంపేస్తానని శంకర్‌ తరచూ బెదిరించేవాడు. ఈ క్రమంలో మిన్నారావు శనివారం రాత్రి పకోడీ కొనేందుకు శంకర్‌ షాపు వద్దకు వెళ్లాడు. ఇంతవరకు ఉన్న బాకీ తీర్చాలని శంకర్‌ అడగడంతో ఇద్దరి మధ్య వివాదం జరిగింది. ఆ సమయంలో ఎవరూ లేకపోవడంతో కొట్లాటకు దారితీసింది. ఈ క్రమంలో శంకర్‌ షాపులో ఉన్న సుత్తితో మిన్నారావు తలపై బలంగా కొట్టాడు. దీంతో మిన్నారావు కిందపడిపోయాడు. కొనఊపిరితో రక్తపు మడుగులో కొట్టుమిట్టాడుతుండగా చాకుతో గొంతు కోసి హత్య చేశాడు. మృతదేహాన్ని షాపు ఎదురుగా ఉన్న పీహెచ్‌ రోడ్డు పక్కన పడేసి ఇంటికి వెళ్లిపోయాడు. ఆదివారం వేకువజామున రోడ్డు పక్కన మిన్నారావు మృతదేహం కనిపించడంతో అటువైపు వైపు వెళ్లిన స్థానికులు గుర్తించి మృతుడి లుకలాపు బుడ్డు, లక్ష్మిలకు తెలియజేశారు. వారు ఘటనా స్థలానికి చేరుకుని బోరున విలపించారు. ఒక్కగానొక్క కుమారుడు విగతజీవిగా కనిపించడంతో విషాదంలో మునిగిపోయారు. సమాచారం అందుకున్న సీఐ చింతాడ ప్రసాదరావు, ఎస్‌ఐ ఎండీ ఆమీర్‌ ఆలీ సిబ్బందితో వెళ్లి ఘటనా స్థలాన్ని పరిశీలించారు. క్లూస్‌ టీమ్‌ వివరాలు సేకరించారు. మృతుడి తండ్రి బుడ్డు ఇచ్చిన ఫిర్యాదు మేరకు కేసు నమోదు చేసినట్లు ఎస్‌ఐ ఆమీర్‌ ఆలీ తెలిపారు. పంచనామా అనంతరం మృతదేహాన్ని పోస్టుమార్టం నిమిత్తం పాతపట్నం ఏరియా ఆస్పత్రికి తరలించారు. మద్యం మత్తులో ఈ హత్య జరిగి ఉండవచ్చని పలువురు చర్చించుకుంటున్నారు. కాగా, మిన్నారావు రోజువారీ కూలీ పనులు చేస్తుండేవాడు. తల్లిదండ్రులు వ్యవసాయ కూలీలు. అందివచ్చిన కొడుకు మృతిచెందడంతో కుటుంబ సభ్యులు కన్నీరుమున్నీరుగా విలపిస్తున్నారు.

శ్రీకాకుళం న్యూకాలనీ : ఉద్యోగ, ఉపాధ్యాయులకు రావాల్సిన బకాయిలను, పెండింగ్‌ డీఏలను వెంటనే చెల్లించాలని ఏపీటీఎఫ్‌ (1938) జిల్లా నాయకులు ప్రభుత్వాన్ని డిమాండ్‌ చేశారు. ఆదివారం శ్రీకాకుళంలోని ఏపీటీఎఫ్‌ జిల్లా కార్యాలయంలో సంఘ జిల్లా అధ్యక్షుడు బి.రవి అధ్యక్షతన జరిగిన కార్యవర్గ సమావేశంలో పలువురు వక్తులు మాట్లాడారు. నాడు–నేడుతో అసంపూర్తిగా మిగిలిపోయిన పనులను పూర్తిచేయాలని కోరారు. పేరెంట్‌ టీచర్‌ మీటింగ్‌ల పేరిట బడుల్లో విలువైన కాలాన్ని వృథా చేస్తున్నారని మండిపడ్డారు. గిన్నిస్‌రికార్డుల కోసం ఆరాటమే తప్ప విద్యాభివృద్ధి పట్ల ప్రభుత్వానికి చిత్తశుద్ధి లేదని మండిపడ్డారు. కార్యక్రమంలో జిల్లా పూర్వ అధ్యక్షులు టి.చలపతిరావు, ప్రధాన కార్యదర్శి బి.వెంకటేశ్వర్లు, బాలాజీరావు, ఆర్‌.వి.అనంతాచార్యులు, బి.నవీన్‌, కృష్ణారావు, జితేంద్ర తదితరులు పాల్గొన్నారు. హైకోర్టు జడ్జిపై ట్రోలింగ్‌ తగదు శ్రీకాకుళం పాతబస్టాండ్‌: ఆంధ్రప్రదేశ్‌ హైకోర్టు న్యాయమూర్తి జస్టిస్‌ శ్రీనివాసరెడ్డిపై సోషల్‌ మీడియాలో తప్పుడు ట్రోలింగ్‌ చేయడాన్ని తీవ్రంగా ఖండిస్తున్నామని శ్రీకాకుళం బార్‌ అసోసియేషన్‌ ప్రధాన కార్యదర్శి పిట్టా దామోదరరావు ఆదివారం ఒక ప్రకటనలో పేర్కొన్నారు. స్వతంత్ర ప్రతిపత్తి గల న్యాయవ్యవస్థలో భాగమైన ఉన్నత న్యాయమూర్తి జస్టిస్‌ శ్రీనివాసరెడ్డి నిష్పక్షపాతంగా విధులు నిర్వహిస్తున్నా ట్రోలింగ్‌ చేయడం రాజ్యాంగ విరుద్ధమని తెలిపారు.వ్యక్తి కంటే వ్యవస్థలే ముఖ్యమని, అటువంటి వారిని అవమానిస్తే, న్యాయవ్యవస్థను అవమాన పరిచినట్లేనని పేర్కొన్నారు. ట్రోల్‌ చేస్తున్న వారిపై తగు చర్యలు తీసుకోవాలని ప్రభుత్వాన్ని డిమాండ్‌ చేశారు. హైకోర్టు సుమోటోగా కేసు నమోదు చేసి సంబంధిత వ్యక్తులపై కఠిన చర్యలు తీసుకునేలా ప్రభుత్వాన్ని ఆదేశించించాలని కోరారు. ఉత్సాహంగా చెస్‌ ఎంపిక పోటీలు శ్రీకాకుళం న్యూకాలనీ: రాష్ట్రస్థాయి చెస్‌ పోటీల్లో రాణించి జిల్లాకు పేరుతీసుకురావాలని జిల్లా చెస్‌ అసోసియేషన్‌ అధ్యక్షుడు బగాది కిషోర్‌ ఆకాంక్షించారు. జిల్లాస్థాయి అండర్‌–15 చెస్‌ ఎంపిక పోటీలు ఆదివారం ఉత్సాహభరితంగా సాగాయి. జిల్లా నలుమూలల నుండి క్రీడాకారులు పాల్గొని ఎత్తుకు పైఎత్తులేశారు. బాలుర విభాగంలో డొంకాడ కార్తికేయ ప్రథమ, బొల్ల యశ్వంత్‌ ద్వితీయ, ఎన్‌కేపీ నిహల్‌ తృతీయ, పొన్నాడ వేదిష్‌ నాలుగో స్థానంలో నిలిచారు. బాలికల విభాగంలో మెట్ట తీక్షణ, బొల్ల శృతి, జామి వినమ్ర, రిత్విక తొలి నాలుగు స్థానాల్లో నిలిచి రాష్ట్రస్థాయి పోటీలకు ఎంపికయ్యారు. ఈ నెల 12, 13 తేదీలలో విశాఖపట్నంలో జరిగేరాష్ట్ర స్థాయి అండర్‌– 15 చెస్‌ పోటీల్లో శ్రీకాకుళం జిల్లా తరఫున ప్రాతినిధ్యం వహిస్తారని ఆల్‌ ఇండియా చెస్సేన్‌ స్కూల్స్‌ కమిటీ సభ్యులు సనపల భీమారావు పేర్కొన్నారు. విజేతలకు బహుమతులు అందజేశారు. కార్యక్రమంలో జిల్లా చెస్‌ సంఘ కార్యదర్శి జామి రమేష్‌, సంయుక్త కార్యదర్శి వై.ఎస్‌.వి.కుమార్‌, కోచ్‌ అభినవ్‌, అసోసియేషన్‌ సభ్యులు వసంతరావు తదితరులు పాల్గొన్నారు. వివాహిత ఆత్మహత్య నందిగాం: రాంపురం పంచాయతీ జయపురం గ్రామానికి చెందిన రాంపురం రత్నాలు(54) అనే వివాహిత పురుగుల మందు తాగి ఆదివారం ఆత్మహత్య చేసుకుంది. నందిగాం పోలీసులు తెలిపిన వివరాల ప్రకారం.. రత్నాలుకు కంటి సమస్యతో బాధపడుతోంది. భర్త మహేష్‌ విశాఖపట్నం ఎల్‌వీ ప్రసాద్‌ ఆసుసత్రికి తీసుకువెళ్లి అన్ని పరీక్షలు చేయించినా ఫలితం లేకపోయింది. దీంతో మనస్థాపం చెందిన శనివారం అర్ధరాత్రి పురుగుల మందు తాగింది. విషయం తెలుసుకున్న కుటుంబ సభ్యులు టెక్కలి జిల్లా కేంద్ర ఆస్పత్రికి తరలించారు. అక్కడ చికిత్స పొందుతూ ఆదివారం మృతి చెందింది. భర్త మహేష్‌ ఇచ్చిన ఫిర్యాదు మేరకు హెచ్‌సీ కన్నారావు కేసు నమోదు చేసి దర్యాప్తు చేస్తున్నారు.

అరసవల్లి: ప్రసిద్ధ సూర్యక్షేత్రం అరసవల్లి సూర్యనారాయణ స్వామి ఆలయంలో ఆదివారం తొలి ఏకాదశి సందడి కనిపించింది. ఆషాఢ శుద్ధ ఏకాదశి (శయన ఏకాదశి)గా జరుపుకుంటున్న క్రమంలో ఆదివారం అరసవల్లిలో ప్రత్యేక పూజలు నిర్వహించారు. మూలవిరాట్టుకు ప్రత్యేకంగా తులసీదళాలు, ప్రత్యేక పుష్పాలతో అలంకరించి భక్తులకు సర్వదర్శనాలకు అనుమతించారు. పెద్ద ఎత్తున భక్తులు తరలివచ్చారు. పలువురు సూర్యనమస్కారాల పూజలు చేయించుకున్నారు. భక్తులకు ఇబ్బందులు లేకుండా ఈవో కె.ఎన్‌.వి.డి.వి.ప్రసాద్‌ ఆధ్వర్యంలో ప్రత్యేక చర్యలు చేపట్టారు. అంతరాలయంలో ప్రధానార్చకులు ఇప్పిలి శంకరశర్మ ఆధ్వర్యంలో ప్రత్యేక అర్చనలు చేయించారు. కాగా, అన్నప్రసాద వితరణలో అధికారుల చర్యలపై భక్తులు బాహాటంగానే విమర్శించారు. తలనీలాల టిక్కెట్లు ధరల కంటే అధికంగా వసూళ్లు చేస్తున్నారంటూ భక్తులు ఫిర్యాదులు చేశారు. వైభవంగా ఆదిత్యుని కళ్యాణం.. సూర్యనారాయణ స్వామి వారి కల్యాణ సేవ మహోత్సవం ఆదివారం ఘనంగా జరిగింది. ఉషా పద్మిని ఛాయా దేవేరులతో సూర్యనారాయణ స్వామి వారి ఉత్సవమూర్తులను కల్యాణమూర్తులుగా అలంకరించి అనివెట్టి మండపంలో కొలువుదీర్చారు. ప్రధానార్చకులు ఇప్పిలి శంకరశర్మ ఆధ్వర్యంలో అర్చకులు ఇప్పిలి సాందీప్‌శర్మ, వేదపండితుల బృందం కల్యాణం జరిపించారు.

శ్రీకాకుళం అర్బన్‌: జిల్లా కేంద్రంలోని ఓ ప్రైవేటు ఫంక్షన్‌ హాల్‌లో ఆదివారం ఆల్‌ ఇండియా గ్రామీణ డాక్‌ సేవక్స్‌(జీడీఎస్‌) యూనియన్‌, శ్రీకాకుళం డివిజన్‌ ద్వై వార్షిక మహాసభలు నిర్వహించారు. రాష్ట్ర నాయకులు, డివిజనల్‌ అధికారుల పర్యవేక్షణలో జరిగిన ఈ మహాసభలలో గ్రామీణ ప్రాంతాల్లో పనిచేస్తున్న తపాలా ఉద్యోగుల సమస్యలపై చర్చించారు. అనంతరం రెండేళ్ల కాలానికి నూతన కార్యవర్గాన్ని ఎన్నుకున్నారు. కార్యక్రమంలో శ్రీకాకుళం డివిజన్‌ పోస్టల్‌ సూపరింటెండెంట్‌ వండాన హరిబాబు, రాష్ట్ర నాయకులు ఎం.శ్రీనివాసరావు, ఎస్‌.కె.జమాల్‌ బాషా, వై.స్పర్జన్‌ రాజు, మాజీ రాష్ట్ర కార్యదర్శి వై.మర్రెడ్డి తదితరులు పాల్గొన్నారు. కార్యవర్గమిదే.. జీడీఎస్‌ అధ్యక్ష కార్యదర్శులుగా బి.అప్పారావు, ఎన్‌.నందికేశ్వరరావు, కోశాధికారిగా పి.రామకోటేశ్వరరావు, ఇతర కార్యవర్గ సభ్యులు ఏకగ్రీవంగా ఎన్నికయ్యారు.

శ్రీకాకుళం కల్చరల్‌: హరికథకు పునరుజ్జీవనం చేస్తున్న సుమిత్రా కళాసమితి సేవలు అభినందనీయమని పలువురు వక్తలు పేర్కొన్నారు. జిల్లా కేంద్రంలోని బాపూజీ కళామందిర్‌లో సుమిత్రా కళాసమితి ఆధ్వర్యంలో పులఖండం శ్రీనివాసరావు స్మారకంగా హరికథా నవరత్నల ప్రదర్శనలు మొదటి రోజు ఆదివారం ప్రారంభమయ్యాయి. గుంటూరుకు చెందిన తిరువళ్లూరి దివ్య శివ భాగవతారిణిని ‘సుందరకాండ’ కథను చక్కగా వినిపించగా, వయొలిన్‌పై మావుడూరి సత్యనారాయణ, వాయునందరావు, మృదంగంపై మావుడూరు సూర్యప్రసాదశర్మ వాద్య సహకారం అందించారు. ముందుగా కళామందిరం ఆవరణలో ఉన్న హరికథ పితామహుడు ఆదిభట్ల నారాయణదాసు విగ్రహానికి పూలమాల వేసి నివాళులు అర్పించారు. అనంతరం ఉపనిషన్మందిరం అధ్యక్షుడు గుమ్మా నగేష్‌, గౌరవాధ్యక్షుడు కొంచాడ సోమేశ్వరరావు మాట్లాడుతూ చిన్నవయసులోనే హరికథను నేర్చుకొని చెప్పడం గొప్పవిషయమన్నారు. కార్యక్రమంలో సుమిత్రా కళాసమితి అధ్యక్ష, కార్యదర్శులు ఇప్పిలి శంకరశర్మ, గుత్తు చిన్నారావు, మండవిల్లి రవి, కిల్లాన ఫల్గుణరావు, నక్క శంకరరావు, నీరజా సుబ్రహ్మణ్యం, బంకుపల్లి రమేష్‌శర్మ, పూసర్ల నగేష్‌, కొంక్యాన మురళీధర్‌, వి.వి.ఆర్‌ మూర్తి, ఎం.రాజు, ఎం.వరలక్ష్మీ, పూజ, ఉషారాణి, రాజు తదితరులు పాల్గొన్నారు.

శ్రీకాకుళం న్యూకాలనీ : ప్రభుత్వ పాఠశాలల ఉపాధ్యాయులను బోధనకే పరిమితం చేయాలని డీటీఎఫ్‌ జిల్లా అధ్యక్షుడు పూజారి హరిప్రసన్న విజ్ఞప్తి చేశారు. జిల్లా కేంద్రంలోని రైతుబజారు కూడలిలోని విశ్రాంతి ఉద్యోగుల భవనంలో ఏర్పాటుచేసిన సమావేశంలో ఉమ్మడి జిల్లా పూర్వ అధ్యక్షులు కొమ్ము అప్పలరాజుతో కలిసి ఆయన మాట్లాడారు. కూటమి ప్రభుత్వంలో ఉపాధ్యాయులను తీవ్ర ఒత్తిడికి గురిచేస్తున్నారని ధ్వజమెత్తారు. యోగా దినోత్సవం, మెగా పేరెంట్స్‌ వంటివి గిన్నిస్‌బుక్‌ ఆఫ్‌ వరల్డ్‌ రికార్డుల కోసం విద్యార్థుల తల్లిదండ్రుల జీవితాలతో చెలగాటమాడుతున్నారని విమర్శించారు. ఉపాధ్యాయులకు న్యాయబద్ధంగా రావాల్సిన బకాయిలు చెల్లించకుండా అనవసరమైన కార్యక్రమాలతో బోధనకు ఆటంకం కలిగిస్తున్నారని దుయ్యబట్టారు. పెండింగ్‌ డీఏలు, బకాయిలను వెంటనే చెల్లించాలన్నారు. కార్యక్రమంలో డీటీఎఫ్‌ జిల్లా ఇన్‌చార్జిలు గురుగుబెల్లి రాజశేఖర్‌, ఎన్నిప్రసాద్‌, గణేష్‌ తదితరులు పాల్గొన్నారు.

శ్రీకాకుళం (పీఎన్‌ కాలనీ): అంగన్‌వాడీలకు వేతనాలు పెంచాలని ఏపీ అంగన్‌వాడీ వర్కర్స్‌ – హెల్పర్స్‌ యూనియన్‌ రాష్ట్ర అధ్యక్షులు జి.బేబిరాణి డిమాండ్‌ చేశారు. శ్రీకాకుళం నగరంలోని సీఐటీయూ కార్యాలయంలో సంఘ జిల్లాస్థాయి సమావేశం నిర్వహించారు. ఈ సందర్భంగా ఆమె మాట్లాడుతూ అంగన్‌వాడీలకు తల్లికి వందనం, సంక్షేమ పథకాలు వర్తింపజేయాలని డిమాండ్‌ చేశారు. ప్రభుత్వ ఉద్యోగులుగా గుర్తించి ఎఫ్‌.ఆర్‌.ఎస్‌ రద్దు చేయాలన్నారు. 42 రోజుల సమ్మె సందర్భంగా వేతనాలు పెంచుతామని ఇచ్చిన హామీని కూటమి ప్రభుత్వం నేటికి అమలు చేయలేదన్నారు. రాజకీయ వేధింపులు ఆపాలని డిమాండ్‌ చేశారు. అంగన్‌వాడీ, సీఐటీయూ మహాసభలు విజయవంతం చేయాలని పిలుపునిచ్చారు. కార్మిక హక్కులు కాలరాసే లేబర్‌ కోడ్‌లు రద్దు చేయాలని, కనీస వేతనం రూ.26 వేలకు పెంచాలని డిమాండ్‌ చేస్తూ ఈ నెల 9న చేపట్టనున్న అఖిలభారత సమ్మెను విజయవంతం చేయాలని పిలుపునిచ్చారు. సమావేశంలో సీఐటీయూ జిల్లా అధ్యక్ష ప్రధాన కార్యదర్శులు సీహెచ్‌.అమ్మన్నాయుడు, పి.తేజేశ్వరరావు, ఏపీ అంగన్వాడీ వర్కర్స్‌ – హెల్పర్స్‌ యూనియన్‌ జిల్లా అధ్యక్ష ప్రధాన కార్యదర్శులు కె.కళ్యాణి, డి.సుధ, నాయకులు పి.లతాదేవి, కె.సుజాత, జె.కామేశ్వరి, కె.లక్ష్మి, ఎస్‌.ఆదిలక్ష్మి, జ్యోతి, మాధవి, అప్పలనర్సమ్మ, సునీత తదితరులు పాల్గొన్నారు.

శ్రీకాకుళంయువకుడు దారుణ హత్యకొత్తూరు మండలం వసపలో ఓ యువకుడు దారుణ హత్యకు గురయ్యాడు. పోలీసులు కేసు నమోదు చేశారు. –8లోసోమవారం శ్రీ 7 శ్రీ జూలై శ్రీ 2025టెక్కలి: అన్నదాతను ఎన్ని విధాలుగా వేధించాలో కూటమి సర్కారు అన్ని విధాలుగా వేధిస్తోంది. తాము అధికారంలోకి వస్తే రైతులకు అన్నదాత సుఖీభవ పథకం పేరుతో ఏడాదికి రూ.20వేలు ఇస్తామని ఎన్నికల మునుపు చంద్రబాబు హామీ ఇచ్చారు. పాలన రెండో ఏడాదికి చేరుకున్నా ఒక్క సారి కూడా ఈ సాయం అందజేయలేదు. రైతులకు పెట్టుబడి సాయం అందజేయకపోగా మరోవైపు నీటి తీరువా పన్ను చెల్లించాలని రైతుల నెత్తిన కొత్త భారం వేశారు. ప్రస్తుతం ఖరీఫ్‌ సీజన్‌ ఆరంభమై రైతులంతా పెట్టుబడుల కోసం తిరుగుతూ వ్యవ సాయ పనులకు సిద్ధమవుతున్నారు. ఈ నేపథ్యంలో నీటి తీరువా వసూళ్ల కోసం అధికారులు ఆదేశాలు జారీ చేయడంపై రైతులు మండిపడుతున్నారు. గత ఐదేళ్ల వైఎస్సార్‌సీపీ పాలనలో రైతులకు రైతు భరోసా పేరుతో పెట్టుబడి సాయం, రైతు భరోసా కేంద్రాల ద్వారా రైతు వద్దకే సంక్షేమ పథకాలు అందజేశారని, ఇలా రైతులను పన్నుల పేరు తో ఇబ్బందులకు గురి చేయలేదని రైతులు గుర్తు చేసుకుంటున్నారు. వాస్తవంగా రైతులకు 140 రోజు ల పాటు పూర్తి స్థాయిలో సాగునీటితో పాటు కాలువల మరమ్మతులు చేసినపుడే నీటి తీరువా వసూలు చేయాలని, అలా కాని పరిస్థితుల్లో ఎలాంటి వసూలు చేయకూడదని రైతు సంఘాల నాయకులు చెబుతున్నారు. నీటి తీరువా కట్టాల్సిందే.. జిల్లా వ్యాప్తంగా రైతులు నీటి తీరువా పన్ను కట్టాల్సిందేనంటూ రూ. 24,21,69,367 టార్గెట్‌ను అధికారులు ఫిక్స్‌ చేశారు. ఈ లక్ష్యం చేరుకునేందుకు అధికారులు రైతులను ఇబ్బంది పెట్టక తప్పని పరిస్థితి దాపురించింది. రైతులను ప్రభు త్వం ఆదుకోకపోగా వ్యవసాయ పనులకు సిద్ధమవుతున్న తరుణంలో ఇలా పన్నుల వసూలుకు ఆదేశాలు ఇవ్వడం మంచిది కాదని రైతులు ఆవేదన వ్యక్తం చేస్తున్నారు. శిస్తు వసూలు చేయాలనుకుంటే డిసెంబర్‌ చివరి నుంచి జనవరి మధ్యన టార్గెట్‌లు పెట్టుకోవాలి తప్ప ఆరంభంలో వసూలు చేయడమేమిటని నిలదీస్తున్నారు. డివిజన్‌ శ్రీకాకుళం టెక్కలి పలాస మొత్తం ఖాతాలు 3,14,101 2,17,191 1,78,469డిమాండ్‌(రూ.ల్లో) 15,57,70,103 5,44,48,504 3,19,50,760 న్యూస్‌రీల్‌జిల్లాలో డివిజన్ల వారీగా నీటి తీరువా వసూళ్ల టార్గెట్‌ ఇలా... తీరువా వసూళ్లు అన్యాయం రైతులకు ప్రభుత్వం పెట్టుబడి సాయం అందజేయలే దు. ప్రస్తుతం ఖరీఫ్‌ సీజన్‌కు పెట్టుబడుల కోసం రైతులు నానా ఇబ్బందులు పడుతున్నారు. ఇలాంటి సమయాల్లో నీటి తీరువా వసూ లు చేయడం అన్యాయం. వాస్తవంగా సాగునీటి కాలువల నుంచి సుమారు 140 రోజుల పాటు పుష్కలంగా సాగునీరు అందజేస్తే తప్ప నీటి తీరు వా వసూలు చేయకూడదు. ఇక్కడ ఆ పరిస్థితి లేకపోయినప్పటికీ వసూళ్లకు టార్గెట్‌లు పెడుతున్నా రు. వసూలు చేయాలనుకుంటే రైతులకు పూర్తి స్థాయిలో సాగు నీటి సదుపాయం కల్పించాలి. – పోలాకి ప్రసాదరావు, కౌలు రైతు సంఘం జిల్లా కార్యదర్శి వసూళ్లు మానుకోవాలి గత ప్రభుత్వంలో రైతులకు ఇంటి ముంగిటకే అన్ని రకాల రైతు సంక్షేమ పథకాలు అందాయి. ఈ కూటమి ప్రభుత్వంలో రైతుల పరిస్థితి దయనీయంగా మారింది. పెట్టుబడి సాయం ఇవ్వకపోగా నీటి తీరువా వసూలు చేస్తున్నారు. గత ప్రభుత్వంలో ఎలాంటి పన్నులు వసూళ్లు చేయలేదు. ప్రస్తుతం ఖరీఫ్‌ పనులకు అవసరమైన పెట్టుబడుల కోసం ఇబ్బందులు పడుతున్నారు. – జె.యర్రన్నరెడ్డి, రైతు, బూరగాం, టెక్కలి మండలం. సాగులో పెట్టుబడుల సమయాల్లో నీటి తీరువా వసూళ్లు పెట్టుబడి సాయం అందజేయకపోగా నీటి తీరువా వసూళ్లకు ఆదేశాలు జిల్లా వ్యాప్తంగా రూ.24,21,69,367 వసూళ్లకు టార్గెట్‌ తీవ్రంగా వ్యతిరేకిస్తున్న రైతులు, రైతు సంఘాల నాయకులు

పాతపట్నం: మండలంలోని హరిద్వారం గ్రామానికి చెందిన ఏడుగురు పాడి రైతులకు చెందిన 13 పశు వులు ఆదివారం రైలు ఢీకొని మృతి చెందగా, మరో నాలుగు పశువులకు తీవ్రగాయాలయ్యాయి. ఆదివారం ఉదయం 12 గంటల ప్రాంతంలో హరిద్వారం గ్రామానికి చెందిన పశువులను అదే గ్రామానికి చెందిన గోగ్గి లక్ష్మినారాయణ మేతకు తీసుకుపోయారు. హరిద్వారం, బొమ్మిక గ్రామాల మధ్య రైల్వేట్రాక్‌ను పశువులు దాటుతుండగా పూరి నుంచి గుణుపూర్‌ (ప్రత్యేక రైలు) రైలు ఢీకొని 13 పశువులు మృతి చెందాయని, మరో ఐదు పశువులకు తీవ్రగాయాల య్యాయని పాడి రైతులు తెలిపారు. హరిద్వారానికి చెందిన లోకలాపు ఆదినారాయణకు చెందిన ఆరు, బోదుడు సోములకు చెందిన రెండు, గొగ్గి శిమ్మయ్య, కలగ రమేష్‌, బొమ్మాళి అప్పలరాజు, ఎన్ని పాపా రావు, బొడ సింగిరిడికు చెందిన ఒక పశువు మృతి చెందాయి. విషయం తెలుసుకున్న వెంటనే సంఘటన స్థలానికి పశుసంవర్ధశాఖ, రెవెన్యూ శాఖ అధికారులు చేరుకుని వివరాలు నమోదు చేసుకున్నారు. ప్రభుత్వమే తమను ఆదుకోవాలని పాడి రైతులు కోరారు.

సారవకోట: మండల కేంద్రంలోని తహసీల్దార్‌ కార్యాలయం శిథిలావస్థకు చేరుకోవడంతో ఏ మాత్రం వాన కురిసినా నీరు కార్యాలయం లోపలకు వచ్చేస్తోంది. శని, ఆదివారాల్లో చిన్నపాటి వర్షం కురవడంతో కార్యాలయపు కంప్యూటర్‌ గదిలోకి నీరు చేరడంతో సిబ్బంది ఇబ్బందులు ఎదుర్కొన్నారు. వర్షపు నీరు లోపలకు రావడంతో ముఖ్యమైన కంప్యూటర్‌ పరికరాలు, పత్రాలు తడిసి పోతున్నాయని సిబ్బంది చెబుతున్నారు. ‘వీఆర్‌ఏలతో వెట్టిచాకిరీ తగదు’ ఆమదాలవలస: పార్ట్‌టైమ్‌ పేరుతో వీఆర్‌ఏలతో వెట్టిచాకిరీ చేయించడం ప్రభుత్వానికి తగదని రాష్ట్ర వీఆర్‌ఏల సంఘం అధ్యక్షుడు షేక్‌ బందిగీకిసాహెబ్‌ అన్నారు. వీఆర్‌ఏల సంఘం శ్రీకాకుళం ఏడో జిల్లా మహాసభ ఆమ దాలవలసలో టి.త్రినాథరావు అధ్యక్షతన ఆది వారం నిర్వహించారు. కార్యక్రమానికి ముఖ్య అతిథిగా హాజరైన ఆయన మాట్లాడుతూ.. ఫుల్‌ టైం విధులు నిర్వహిస్తున్నా ప్రభుత్వ ఉద్యోగులుగా గుర్తించడం లేదన్నారు. తెలంగాణ రాష్ట్రంలో వీఆర్‌ఏలకు పే స్కేల్‌ అమలు చేస్తోందని తెలిపారు. ఇక్కడ కూడా పే స్కేల్‌ అమలు చేయాలని కోరారు. కేంద్ర ప్రభుత్వ కార్మిక వ్యతిరేక విధానాలకు నిరసనగా జూలై 9 దేశవ్యాప్త సమ్మెలో పాల్గొని జయప్రదం చేయాలని సీఐటీయూ జిల్లా ప్రధాన కార్యదర్శి పి.తేజేశ్వరరావు పిలుపునిచ్చారు. సంఘం జిల్లా గౌరవ అధ్యక్షుడు అల్లు సత్యనారాయణ మాట్లాడుతూ కార్మికులు పోరాడి సాధించుకున్న 46 కార్మిక చట్టాలను కేంద్రం కాలరాస్తోందని అన్నారు. కేంద్ర రాష్ట్ర ప్రభుత్వ విధానాలను పారాటాలతోనే తిప్పి కొట్టాలని పిలు పునిచ్చారు. అనంతరం జిల్లా నూతన కమిటీని ఎన్నుకున్నారు. జిల్లా గౌరవాధ్యక్షుడిగా అల్లు సత్యనారాయణ, అధ్యక్షుడిగా టి.త్రినాథరావు, ఉపాధ్యక్షుడిగా ఎన్‌.సీతప్పుడు తదితరులను ఎన్నుకున్నారు. జగ్జీవన్‌రామ్‌ సేవలు చిరస్మరణీయం శ్రీకాకుళం (పీఎన్‌కాలనీ): బలహీన వర్గాల ఆశాజ్యోతి డాక్టర్‌ బాబూ జగ్జీవన్‌రామ్‌ సేవల్ని దేశప్రజలు ఎన్నడూ మరిచిపోలేరని వైఎస్సార్‌సీపీ నాయకులు పేర్కొన్నారు. ఆదివారం జగ్జీవన్‌రామ్‌ వర్ధంతి సందర్భంగా అరసవల్లి కూడలిలో ఆయన విగ్రహానికి పూలమాలలు వేసి నివాళులు అర్పించారు. ఈ సందర్భంగా వారు మాట్లాడుతూ ఉప ప్రధానిగా అనేక సంస్కరణలు చేసి బడుగు బలహీన వర్గాల అభివృద్ధికి తోడ్పడ్డారన్నారు. కార్యక్రమంలో వైఎస్సార్‌సీపీ ఎస్సీసెల్‌ మాజీ అధ్యక్షుడు పొన్నాడ రుషి, రాష్ట్ర కళింగ కోమటి మాజీ అధ్యక్షుడు అంధవరపు సూరిబాబు, పార్టీ జిల్లా ప్రధాన కార్యదర్శి గేదెల పురుషోత్తం, పట్టణ అధ్యక్షు డు సాధు వైకుంఠరావు, సంఘ సంస్కర్త మంత్రి వెంకటస్వామి, రాష్ట్ర పెన్షనర్స్‌ అండ్‌ ఎంప్లాయిస్‌ జనరల్‌ సెక్రటరీ బుక్కూరు ఉమామహేశ్వరరావు, డాక్టర్‌ సెల్‌ మాజీ ఆధ్యక్షుడు శ్రీనివాస్‌ పట్నాయక్‌, అరసవల్లి దేవస్థానం ట్రస్ట్‌ బోర్డు మెంబర్‌ జలగడుగల శ్రీనివాసరావు, పట్టణ విభాగం కార్యవర్గ సభ్యుడు అర్జి ఈశ్వరరావు, శోభన్‌, త్రినాథ, కడియం వెంకటేష్‌ తదితరులు పాల్గొన్నారు. ఎయిర్‌పోర్టుకు వ్యతిరేకంగా సంతకాల సేకరణమందస: కార్గో ఎయిర్‌ పోర్టుకు వ్యతిరేకంగా మందస మండలం రాంపురంలో గ్రామ కమి టీ అధ్యక్షుడు దున్న రామారావు నేతృత్వంలో ఆదివారం లక్ష సంతకాల సేకరణ చేపట్టారు. ఈ సందర్భంగా స్థానిక మహిళా రైతు మాట్లాడుతు ప్రజల అభిప్రాయంతో సంబంధం లేకుండా ఎయిర్‌ పోర్టు నిర్మాణం తగదన్నారు. రాజకీయాలకు అతీతంగా భూములను మాత్రం ఇచ్చేది లేదని స్పష్టం చేశారు.

టెక్కలి: సిగరెట్లు తాగడమే ఆరోగ్యానికి హానికరమైతే.. అందులో కల్తీ సిగరెట్లును విచ్చలవిడిగా విక్రయిస్తూ ధూమపానప్రియుల ఆరోగ్యాన్ని మరింత హరింపజేస్తున్నారు. డివిజన్‌ కేంద్రమైన టెక్కలితో పాటు చుట్టుపక్కల ప్రాంతాల్లో కల్తీ సిగరెట్ల అమ్మకాలు జోరందుకున్నాయి. ఒడిషా ప్రాంతం నుంచి టెక్కలి మీదుగా శ్రీకాకుళం, విశాఖ తదితర ప్రాంతానికి వీటిని తరలిస్తున్నారు. ముఖ్యంగా అధిక ధర కలిగిన కొన్ని రకాల సిగరెట్లును పోలిన విధంగా కల్తీ సిగరెట్‌ ప్యాకెట్‌లను దిగుమతి చేస్తున్నారు. కొన్ని రకాల ప్రైవేట్‌ ట్రావెల్స్‌కు చెందిన వాహనాలు, బస్సుల్లో నేరుగా తరలిస్తూ పట్టణ, గ్రామాల్లోని పాన్‌షాపులకు విక్రయిస్తున్నారు. ఒరిజినల్‌ను పోలిన విధంగా కల్తీ సిగరెట్లు ఉండడంతో, వాస్తవ ధరలకే వాటిని కొనుగోలు చేసుకుని ఆరోగ్యాన్ని నాశనం చేసుకుంటున్నారు. ఇటీవల టెక్కలిలో కొన్ని రకాల కంపెనీలకు చెందిన ప్రతినిధులు విస్తృతంగా దాడులు చేసి కల్తీ సిగరెట్లు స్వాధీనం చేసుకున్నట్లు తెలిసింది. అయినప్పటికీ పట్టణంలో గతంలో అక్రమంగా గుట్కాలను సరఫరా చేసే కొంతమంది వ్యక్తులు ఇష్టారాజ్యంగా కల్తీ సిగరెట్లు సరఫరా చేస్తున్నట్లు సమాచారం.

ప్రభుత్వ పాఠశాలల్లో మధ్యాహ్న భోజన పథకానికి అందిస్తున్న బియ్యంలో పురుగులు కనిపిస్తుండటంతో ఇటు ఉపాధ్యాయులు, అటు నిర్వాహకులు ఇబ్బందులు పడుతున్నారు. పురుగుల బియ్యంతో వండలేక, చిన్నారులకు పస్తులు ఉంచలేక సతమతమవుతున్నారు. కూటమి ప్రభుత్వం సన్నబియ్యం పేరిట పురుగుల బియ్యం పంపిణీ చేయడంపై సర్వత్రా విమర్శలు వెల్లువెత్తుతున్నాయి. శనివారం సారవకోట మండలంలోని సారవకోట, ధర్మలక్ష్మిపురం, మొదలికొత్తూరు, చిన్నకిట్టాలపాడు తదితర పాఠశాలల్లో బియ్యంలో పురుగులు బయటపడ్డారు. కొత్తూరు మండలంతో పాటు జిల్లావ్యాప్తంగా దాదాపు ఇదే పరిస్థితి నెలకొంది. ప్రభుత్వ పాఠశాలల్లో మధ్యాహ్న భోజనం వండేందుకు సరఫరా చేసే బియ్యం బస్తాల్లో పురుగులు ఉన్నట్లు ‘సాక్షి’ శనివారం వెలుగులోకి తీసుకొచ్చిన సంగతి తెలిసిందే. – సారవకోట/కొత్తూరు కొత్తూరు: ఎస్సీ బాలుర వసతి గృహానికి అందించిన బియ్యంలో పురుగులు

అరసవల్లి: రాష్ట్రంలో విద్యుత్‌ వినియోగదారులపై చార్జీల పేరుతో మోపుతున్న భారాన్ని వెంటనే తగ్గించాలని సీపీఎం నేతలు డిమాండ్‌ చేశారు. రాష్ట్ర పార్టీ పిలుపు మేరకు జిల్లా కేంద్రంలోని ఎస్‌ఈ కార్యాలయం వద్ద అఖిలభారత యువజన సమాఖ్య జిల్లా అధ్యక్షుడు బొత్స సంతోష్‌ ఆధ్వర్యంలో శనివారం ధర్నా, నిరసన చేపట్టారు. ఈ సందర్భంగా సంతోష్‌ మాట్లాడుతూ రాష్ట్ర ప్రభుత్వం విద్యుత్‌ ధరలను పెంచబోమని మాటిచ్చి ఇప్పుడు దఫదఫాలుగా పెంచుతూ పోతోందని విమర్శించారు. స్మార్ట్‌ మీటర్ల ఏర్పాటును తీవ్రంగా వ్యతిరేకిస్తున్నామని, ఈ నిర్ణయాలను ఉససంహరించుకోవాలని నినాదాలు చేశారు. కార్యక్రమంలో సీపీఎం కార్యకర్తలు పాల్గొన్నారు. ఆదిత్యుని సన్నిధిలో ఈపీడీసీఎల్‌ డైరెక్టర్‌ అరసవల్లి: అరసవల్లి సూర్యనారాయణ స్వామివారిని తూర్పు ప్రాంత విద్యుత్‌ పంపిణీ సంస్థ ఆపరేషన్స్‌ డైరెక్టర్‌ టి.వి.సూర్యప్రకాష్‌ శనివారం దర్శించుకున్నారు. జిల్లా సర్కిల్‌ విద్యుత్‌ శాఖ ఎస్‌ఈ నాగిరెడ్డి కృష్ణమూర్తితో పాటు ఆలయ అధికారులు గౌరవ స్వాగతం పలికి అంతరాలయ దర్శనం చేయించారు. అర్చకులు మాధవ్‌శర్మ, ఆలయ అధికార సిబ్బంది బిఎస్‌.చక్రవర్తి తదితరులు ఆలయ విశిష్టతను వివరించారు. కార్యక్రమంలో ఆపరేషన్స్‌ ఈఈ పైడి యోగేశ్వరరావు, డిప్యూటీ ఈఈ చల్లా వెంకటేశ్వరరావు, డీ–1 ఏఈ సురేష్‌కుమార్‌, జిల్లా విద్యుత్‌ కాంట్రాక్టర్ల సంఘ అధ్యక్షుడు ఉంగటి పాపారావు పాల్గొన్నారు. విశ్రాంత ట్రెజరీ ఉద్యోగుల సంఘ అధ్యక్షుడిగా తవిటన్న శ్రీకాకుళం పాతబస్టాండ్‌: పదవీ విరమణ పొందిన ట్రెజరీ ఉద్యోగులు శనివారం సంఘం ఏర్పాటు చేసుకున్నారు. ఉద్యోగ విరమణ చేసిన తరువాత వచ్చే ఇబ్బందులు, సంక్షేమాలపై ప్రత్యేకంగా దృష్టి పెట్టేందుకు టీఆర్‌ఈడబ్ల్యూఏ ఏర్పాటు చేస్తున్నట్లు ప్రకటించారు. ట్రెజరీ రిటైర్డ్‌ ఎంప్లాయీస్‌ వెల్ఫేర్‌ అసోసియేషన్‌ జిల్లా అధ్యక్షుడిగా అంకడాల తవిటన్న, ఉపాధ్యక్షుడిగా భీష్మాచార్యులు, కార్యదర్శిగా రామకృష్ణ, సంయుక్త కార్యదర్శిగా ఎ.కోటేశ్వరరావు, కోశాధికారిగా ఆర్‌ఎస్‌ పట్నాయక్‌లను ఎన్నుకున్నారు. కార్యక్రమంలో జిల్లా చీఫ్‌ ట్రెజరీ ఆఫీసర్‌ రామచంద్రయ్య, డిప్యూటీ ట్రెజరీ ఆఫీసర్‌ వెంకటరావు పాల్గొన్నారు. నేడు జిల్లా అండర్‌–15 చెస్‌ ఎంపిక పోటీలు శ్రీకాకుళం న్యూకాలనీ: జిల్లాస్థాయి అండర్‌–15 బాలబాలికల చెస్‌ ఎంపిక పోటీలు ఆదివారం జరగనున్నాయని జిల్లా చెస్‌ అసోసియేషన్‌ అధ్యక్షుడు బగాది కిషోర్‌, కార్యదర్శి జామి రమేష్‌ తెలిపారు. శ్రీకాకుళం నగరంలోని నానుబాలవీధిలోని చెస్‌ శిక్షణా కేంద్రంలో పోటీలు జరుగుతాయని పేర్కొన్నారు. ఇక్కడ ఎంపికై న వారిని త్వరలో విశాఖపట్నంలో జరిగే రాష్ట్రస్థాయి పోటీలకు పంపిస్తామని తెలిపారు. జనన ధ్రువీకరణ పత్రం, ఆధార్‌కార్డుతో ఎంపికల్లో పాల్గొనాలని, పూర్తి వివరాలకు 99125 59735 నంబర్‌ను సంప్రదించాలని కోరారు. ఏపీచెస్‌.ఓఆర్జీ వెబ్‌పోర్టల్‌లో వివరాలను నమోదుచేసుకోవచ్చని పేర్కొన్నారు. వైఎస్సార్‌ సీపీ రాష్ట్ర సంయుక్త కార్యదర్శిగా బొడ్డేపల్లి రమేష్‌కుమార్‌ ఆమదాలవలస: వైఎస్సార్‌ కాంగ్రెస్‌ పార్టీ రాష్ట్ర సంయుక్త కార్యదర్శిగా ఆమదాలవలస పట్టణానికి చెందిన బొడ్డేపల్లి రమేష్‌కుమార్‌ నియమితులయ్యారు. ఈ మేరకు మాజీ సీఎం వైఎస్‌ జగన్‌మోహన్‌రెడ్డి ఆదేశాల మేరకు పార్టీ అధిష్టానం శనివారం ప్రకటన విడుదల చేసింది. ఈయన 2013 నుంచి వైఎస్సార్‌ కాంగ్రెస్‌ పార్టీలో కొనసాగుతూ పార్టీ బలోపేతానికి కృషి చేస్తున్నారు. ఈ సందర్భంగా పార్టీ మున్సిపల్‌ మాజీ కౌన్సిలర్లు, కార్యకర్తలు రమేష్‌కుమార్‌కు అభినందనలు తెలిపారు. ఆప్కో వస్త్రాలపై రాయితీ శ్రీకాకుళం (పీఎన్‌కాలనీ): రాష్ట్ర ప్రభుత్వ రంగ సంస్థ ఆప్కో షోరూంలలో ఆషాఢ మాసం సందర్భంగా అన్ని రకాల చేనేత వస్త్రాలపై 30 శాతం, ఎంపిక చేసిన వస్త్రాలపై 50 నుంచి 70 శాతం ప్రత్యేక తగ్గింపు ఇస్తున్నట్లు డివిజనల్‌ మార్కెటింగ్‌ అధికారి అనుపమదాస్‌ శనివారం తెలిపారు. ధర్మవరం, మాధవరం, వెంకటగి, ఉప్పాడ, బందరు, రాజమండ్రి, మంగళగిరి చీరలు, బెడ్‌షీట్స్‌, లుంగీలు, టవల్స్‌ అందు బాటులో ఉన్నాయని వివరించారు. ఆప్కోహేండ్‌లూమ్స్‌.కామ్‌, అమెజాన్‌, ఫ్లిప్‌కార్ట్‌, ఆన్‌లైన్‌ స్టోర్స్‌లోనూ ఆప్కో వస్త్రాలు లభి స్తాయని తెలిపారు. వస్త్రాలు కొనుగోలు చేసి చేనేత పరిశ్రమను ప్రోత్సహించాలని కోరారు.

నరసన్నపేట : మహిళలను పారిశ్రామికవేత్తలుగా తీర్చి దిద్ది వారి కుటుంబాలను ఆర్థికాభివృద్ధి వైపు పయనింపజేసేందుకు వైఎస్సార్‌ సీపీ పాలనలో ఏర్పాటైన మహిళా మార్టులు కూటమి ప్రభుత్వం వచ్చాక కుదేలయ్యాయి. జిల్లాలోనే అత్యధిక వ్యాపారం చేసిన నరసన్నపేటలోని మహిళా మార్టు ప్రస్తుతం మూతపడింది. గత 15 రోజులుగా షాపు తెరవడం లేదు. 2022 డిసెంబర్‌ 14న సెర్ప్‌, డీఆర్‌డీఏ అధికారులు ప్రతిష్టాత్మకంగా ఇక్కడ మార్టును ప్రారంభించారు. మంచి వ్యాపారం చేపట్టి రాష్ట్రంలోనే నరసన్నపేట మార్టు ప్రత్యేక గుర్తింపు పొందింది. ఇప్పటి వరకూ రూ.5 కోట్లు పైగా టర్నోవర్‌ సాధించింది. పది మంది వరకూ మహిళలు ఇందులో పనిచేసేవారు. కూటమి వచ్చాక తిరోగమనం.. నిత్యం లక్షలాది రూపాయం వ్యాపారం చేస్తూ ఆదర్శంగా ఉన్న నరసన్నపేట మహిళా మార్ట్‌ను కూటమి ప్రభుత్వం వచ్చాక నీరుగార్చారు. డీఆర్‌డీఏ అధికారులు కూడా దీనిపై దృష్టి తగ్గించారు. దీంతో ఏడాది కాలంలో మార్టు తిరోగమనంలో నడిచింది. గతంలో రోజూ రూ.40 వేల నుంచి లక్ష రూపాయలు పైబడి వ్యాపారం జరిగేది. దీంతో పాటు మహిళా సంఘాల ఆద్వర్యంలో తయారయ్యే ఉత్పత్తుల విక్రయాలు కూడా ఇక్కడ జరిగేవి. తద్వారా ప్రజలకు నాణ్యమైన సరుకులు తక్కువ ధరలకే అందేవి. మహిళా సంఘాల ఆధ్వర్యంలో నిర్వహిస్తున్న మార్టు కావడంతో ప్రజల నుంచి కూడా మంచి ఆదరణ లభించింది. ఇలాంటి మార్టును మూసేయడం పట్ల స్థానికంగా ఆందోళన వ్యక్తమవుతోంది. షేర్‌ ధనం ఎక్కడ? నరసన్నపేట మండలంలో 1998 మహిళా సంఘాలు ఉండగా దీంట్లో 24,512 మంది సభ్యులు ఉన్నారు. వీరిలో 22,500 మంది నుంచి మహిళా మార్టు కోసం రూ.110 చొప్పున వసూలు చేశారు. వీరందరికీ షేర్‌ ధనం రూపంలో భాగసామ్యం కల్పించారు. ప్రస్తుతం ఈ షేర్‌ ధనం కూడా మాయం చేసినట్లు ఆరోపణలు వినిపిస్తున్నాయి. ఈ డబ్బు ఏమైందని సభ్యులు ప్రశ్నిస్తున్నారు. తమ వద్ద వసూలు చేసిన షేర్‌ ధనం మొత్తం తిరిగి చెల్లించాలని సభ్యులు డిమాండ్‌ చేస్తున్నారు. కొనుగోలుదారులతో మార్ట్‌ కౌంటర్‌(ఫైల్‌ ) లాభాల్లోనే అప్పగించాం.. బాగా వ్యాపారం చేశాం. ప్రభుత్వం మారేటప్పటికి లాభాల్లోనే ఉండేది. స్వయం శక్తి సంఘాలకు ఇచ్చేందుకు రూ.3 లక్షలు పక్కన పెట్టాం. సరుకులు కూడా అధికంగా ఉండేవి. దీనిని కొనసాగించాలి. – చింతు శ్రీదేవి, మాజీ ఎంఎంఎస్‌ అధ్యక్షురాలు, నరసన్నపేట పునఃప్రారంభిస్తాం.. మహిళా మార్ట్‌ భవనం కొంత మరమ్మతులు చేపట్టాలి. తర్వాత పునఃప్రారంభించాలని పీడీ అంటున్నారు. ఈ మేరకు చర్యలు తీసుకుంటున్నాం. ప్రస్తుతానికి సరుకులు ప్యాక్‌ చేసి ఉంచాం. – అప్పలరామయ్య, ఏపీఎం, నరసన్నపేట

సారూ..● ఇప్పటికే అధికార పార్టీ ఒత్తిళ్లతో పోలీసులు సతమతం ● తమ బాధలు పట్టించుకోవాలని ‘అధికారి’కి విన్నపం శ్రీకాకుళం క్రైమ్‌ : అంతుబట్టని ‘అధికారి’ వ్యూహం పేరిట శుక్రవారం ‘సాక్షి’ పత్రికలో వచ్చిన కథనం జిల్లాలో హాట్‌టాపిక్‌గా మారింది. జిల్లావ్యాప్తంగా ఇటీవల బదిలీలైన పోలీసుల్లో అన్యాయంగా దూరంగా వెళ్లిపోయి బాధపడినవారంతా తమ గోడు కనీసం పత్రికలోనైనా వచ్చినందుకు సంతోషపడ్డారు. రాష్ట్రంలో ఎక్కడా లేని విధంగా శ్రీకాకుళం జిల్లాలో అంతా తానై వ్యవహరించిన ఆ అధికారి దగ్గరుండి మరీ బదిలీల కౌన్సిలింగ్‌ ప్రక్రియ నిర్వహించిన సంగతి తెలిసిందే. ఇప్పటికే కూటమి పాలకుల కక్ష, ఒత్తిళ్లతో ఇబ్బందులు పడుతున్నామని, కనీసం తమ విభాగానికి చెందిన ఆ ‘అధికారి’ అయినా తమ కష్టసుఖాలు అర్ధం చేసుకుంటే చాలని వేడుకుంటున్నారు. కాస్త ఉపశమనం.. రాజకీయ సిఫార్సులు పట్టించుకోలేదని, నిజాయితీగా, పారదర్శకంగా చేశారని, తప్పు చేసిన వారిని శంకరగిరి మాన్యాలు పట్టించారని ‘అధికారి’ని ఆకాశానికెత్తినవారు కొందరైతే.. తమకు అన్యాయం జరిగిందని, ఆరోగ్యం, వయసు దృష్టిలో పెట్టుకోకుండా ఉద్యోగ విరమణకు దగ్గరలో ఉన్నవారిని సైతం దూరంగా బదిలీ చేశారని, పోనీ పనిష్మెంట్ల పేరిట పంపించేశారంటే అదీ కాదని బాధపడినవారూ ఉన్నారు. ముందుగా బదిలీ అయిన 221 మంది ఏఎస్‌ఐలు, హెడ్‌కానిస్టేబుళ్లు, కానిస్టేబుళ్లలో ఇలా బాధపడినవారు అధికం. అధికారి అర్థం చేసుకున్నారో ఏమో గానీ శుక్రవారం జరిగిన 97 మంది పీసీలు, హెచ్‌సీల తుది విడత బదిలీల్లో సమీపం పోలీస్‌స్టేషన్‌లలోనే వేసి వారికి కాస్త ఉపశమనం కల్పించారు. మహిళా పోలీసులది మరోబాధ.. తాజాగా బదిలీ అయిన సచివాలయ మహిళా పోలీసులు కూడా తమ గోడును వారి వాట్సాప్‌ గ్రూపుల్లో పంచుకుంటున్నారు. తమ కుటుంబం, పిల్లలు, ఆరోగ్య సమస్యలనైనా దృష్టిలో పెట్టుకుని పక్కనున్న సచివాలయాల్లో గానీ, ఒకటి రెండు మండలాలు దాటైనా బదిలీ చేసుంటే బాగుండేదని అనుకుంటున్నారు. 50 కిలోమీటర్ల దాటైతే రోడ్లపై ఉరుకుల పరుగులతో స్కూటీలపై వెళ్లి ఎక్కడ ప్రాణాల మీదకు తెచ్చుకునే పరిస్థితి వస్తుందోనని భయపడుతున్నారు. మరికొందరైతే మహిళా పోలీసులు అవసరం లేని చోట బదిలీ కావడంతో వీరిని భవిష్యత్తులో పోలీసు శాఖలోనే ఏదైనా విభాగంలో విధుల్లోకి తీసుకుంటారా.. లేదో తెలియని పరిస్థితి. శుక్రవారం ఇలాంటి వారంతా పోలీసుల గ్రీవెన్సులో మొరపెట్టుకునేందుకు వెళ్లారు. ఆర్డర్లు వచ్చాక చూడొచ్చులే.. రాలేదు కదా.. కొన్నిరోజులు చేశాక తెలుస్తుందిలే.. అంటూ అక్కడి కార్యాలయ సిబ్బంది చెప్పడంతో వెనుదిరిగారు. శనివారం వీరి బదిలీల లిస్టు జిల్లా కలెక్టర్‌ ఆమోదానికి వెళ్లిందని జిల్లా పోలీసు కార్యాలయ సమాచారం. ‘వీఆర్‌’లకు మోక్షం కలిగేనా? దాదాపు కూటమి పాలన వచ్చినప్పటి నుంచి వైఎస్సార్‌ సీపీ ముద్రతో పాటు వివిధ కారణాలతో వీఆర్‌లో ఉన్న సీఐలు, ఎస్‌ఐలు, ఇతర పోలీసులు ఎక్కడా పోస్టింగ్‌ లేక ఇబ్బందులు పడుతున్నారు. రాజకీయ కక్షతో కొందరు కూటమి నాయకులు రెడ్‌బుక్‌ రాజ్యాంగంలో భాగంగా ముందుగానే వారి పేర్లున్న లిస్టు పైనున్న ఉన్నతాధికారులకు ఇచ్చేశారని అనుకున్నా.. ఏ రాజకీయ నాయకునికి తలొగ్గరని పేరున్న ఇక్కడ అధికారి కనికరం చూపిస్తే రెగ్యులర్‌ విధుల్లో తాము చేరడం పెద్ద కష్టమేమీ కాదని వీరు భావిస్తున్నారు. ఆ విధంగానైనా మోక్షం లభిస్తుందో లేదో చూడాలిమరి.

శ్రీకాకుళం అర్బన్‌: ఏపీఎస్‌ ఆర్టీసీలో మూడు వేల మందికి పదోన్నతులు కల్పించాలని, కొత్తగా 10 వేల మందికి నియామకాలు(రిక్రూట్‌మెంట్‌) చేపట్టాలని ఆర్టీసీ ఎంప్లాయీస్‌ యూనియన్‌ రాష్ట్ర సహాయ కార్యదర్శి పి.నానాజీ, జిల్లా అధ్యక్షుడు జి.త్రినాథరావు డిమాండ్‌ చేశారు. సమస్యలు పరిష్కరించాలని కోరుతూ రాష్ట్ర కమిటీ పిలుపు మేరకు శనివారం శ్రీకాకుళం ఆర్టీసీ కాంప్లెక్స్‌ కార్యాలయ ఆవరణలో ఈయూ ఆధ్వర్యంలో ధర్నా నిర్వహించారు. ఈ సందర్భంగా వారు మాట్లాడుతూ విద్యుత్‌ బస్సులను ఆర్టీసీ ద్వారా నిర్వహించాలని, కొత్త బస్సులు కొనుగోలు చేయాలని, ఉద్యోగుల బకాయిలను ప్రభుత్వం చెల్లించాలని, ఆర్టీసీ విశ్రాంత ఉద్యోగులకు లీవ్‌ ఎన్‌క్యాష్‌మెంట్‌ చెల్లించాలని, పాతపద్ధతిలోనే వైద్య సదుపాయాలు కల్పించాలని, ఐఆర్‌ వెంటనే ప్రకటించాలని, 1/19 సర్క్యులర్‌ అమలు చేయాలని డిమాండ్‌ చేశారు. ఔట్‌సోర్సింగ్‌ విధానంలో పనిచేస్తున్న వారిని ఆప్కాస్‌లో చేర్పించి ఉద్యోగ భద్రత కల్పించాలని కోరారు. కార్యక్రమంలో సంఘ నాయకులు జి.బి.రావు, ఎస్‌.వి.రమణ, కె.బాబూరావు, పి.వి.ఆర్‌.ఎల్‌.లలితకుమారి, జి.బి.మూర్తి, బి.రామకృష్ణ, కె.జి.రావు, వై.కె.కుమార్‌, ఆర్‌.వి.రావు, ఎ.ఎస్‌.చలం, బి.సుజాత, పి.ఎస్‌.కుమార్‌, ఔట్‌సోర్సింగ్‌ ఉద్యోగులు టి.ముత్యాలరావు, కిరణ్‌, నవీన్‌, అనిల్‌ పాల్గొన్నారు.

శ్రీకాకుళం కల్చరల్‌: నగరంలోని డీసీసీబీ కాలనీలో నివాసం ఉంటున్న పడాల నారాయణరావు(84) అనారోగ్యంతో మృతి చెందారు. మరణానంతరం ఆయన నేత్రాలు ఇతరులకు ఉపయోగపడాలనే ఉద్దేశంతో కుమారులు పి.శ్రీనివాస్‌, పి.శ్రీకాంత్‌, కుమార్తె పి.శ్రీదేవిలు విషయం రెడ్‌క్రాస్‌ చైర్మన్‌ పి.జగన్మోహనరావుకు తెలియజేశారు. డాక్టర్‌ కె.సుధీర్‌ పర్యవేక్షణలో మగటపల్లి కల్యాణ్‌ నేత్రసేకరణ కేంద్రం టెక్నికల్‌ ఇన్‌చార్జి పి.సుజాత, పి.చిన్నికృష్ణల ద్వారా కార్నియాలను సేకరించి విశాఖలోని ఎల్‌.వి.ప్రసాద్‌ నేత్ర సేకరణ కేంద్రానికి పంపించారు. దాత కుటుంబ సభ్యులను రెడ్‌క్రాస్‌ చైర్మన్‌తో పాటు కార్యదర్శి మల్లేశ్వరరావు, ట్రెజరర్‌ దుర్గాశ్రీనివాస్‌లు అభినందించారు. నేత్రదానం చేయాలనుకునేవారు 7842699321 నంబరుకు సంప్రదించాలని కోరారు. అలరించిన గజల్స్‌ గానలహరి శ్రీకాకుళం కల్చరల్‌: శ్రీకాకుళం రంగస్థల కళాకారుల నెలవారీ సాంస్కృతిక విభాగం ఆధ్వర్యంలో 309వ నెలవారి కార్యక్రమం బాపూజీ కళామందిర్‌లో శనివారం నిర్వహించారు. ఈ సందర్భంగా నగరానికి చెందిన గజల్‌ కళాకారుడు వాసుదేవాచారి సినారె గజల్స్‌ను చక్కగా గానం చేశారు. ముందుగా కార్యనిర్వాహక అధ్యక్షులు పన్నాల నర్సింహమూర్తి ఆధ్వర్యంలో జరిగిన సభలో రిటైర్డ్‌ సెట్‌శ్రీ సీఈవో బి.వి.ప్రసాదరావు, సీనియర్‌ జర్నలిస్టు నల్లి ధర్మారావులు మాట్లాడుతూ ప్రతినెలా పేద కళాకారులను ప్రోత్సహించడం గొప్ప విషయమని కొనియాడారు. కార్యక్రమంలో కళాకారుల సమాఖ్య సభ్యులు బి.రామచంద్రదేవ్‌, కంచరాన అప్పారావు, అగతమూడి సింహాచలం, ఇంజరాపు రమణారావు, పైడి సత్యవతి, బండారు రమణమూర్తి తదితరులు పాల్గొన్నారు.

శ్రీకాకుళం పాతబస్టాండ్‌: కంప్రెస్టు నేచర్‌ గ్యాస్‌ (సీఎన్‌జి)ని సద్వినియోగం చేసుకోవాలని రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు అన్నారు. శ్రీకాకుళం నగరంలోని 80 అడుగుల రోడ్డులో నిర్వహిస్తున్న పౌర సరఫరాల సంస్థ పెట్రోల్‌ బంకులో సీఎన్‌జీ స్టేషన్‌ను కలెక్టర్‌ స్వప్నిల్‌ దినకర్‌ పుండ్కర్‌తో కలసి శనివారం ప్రారంభించారు. ఈ సందర్భంగా ఆయన మాట్లాడుతూ సీఎన్‌జీ వల్ల కాలుష్యం తగ్గుతుందన్నారు. కిలో రూ.91కే లభిస్తుందన్నారు. బంకు వద్ద 450 కేజీల నిల్వ ఉంటుందని వివరించారు. టెక్కలి వద్ద సైతం సీఎన్‌జీ ఏర్పాటు చేయాలని ఇండియన్‌ ఆయిల్‌ కంపెనీ యాజమాన్యానికి మంత్రి కోరారు. ఇప్పటికే అనుమతులు తీసుకున్నట్లు ఆర్డీఓ కష్ణమూర్తి చెప్పారు. కార్యక్రమంలో జాయింట్‌ కలెక్టర్‌ ఫర్మాన్‌ అహ్మద్‌ఖాన్‌, ట్రైనీ కలెక్టర్‌ పథ్వీరాజ్‌ కుమార్‌, రీజనల్‌ హెడ్‌ డి.సుధాకరరావు, పౌర సరఫరాల సంస్థ జిల్లా మేనేజర్‌ వేణుగోపాల్‌ తదితరులు పాల్గొన్నారు.

శ్రీకాకుళం జిల్లాలోని ప్రభుత్వ పాఠశాలల్లో విద్యార్థులకు పెట్టే మధ్యాహ్న భోజనం కోసం పురుగుల బియ్యం పంపిణీ చేస్తున్నారు. వీటిని తినలేక విద్యార్థులు, ఆ బియ్యంతో భోజనం తయారుచేసి పెట్టలేక ఉపాధ్యాయులు గగ్గోలు పెడుతున్నారు. ప్రభుత్వ విద్యార్థుల్లో పోషకాహార లోపాలను తగ్గించేందుకు గతంలో వైఎస్‌ జగన్‌ ప్రభుత్వం ఫోర్టిఫైడ్‌ బియ్యాన్ని అందజేస్తే.. అంతకంటే మంచివైన సన్నబియ్యంతో భోజనం పెడుతున్నామని కూటమి ప్రభుత్వం చెబుతోంది.మంచి బియ్యం కాదు కదా.. కనీసం పిల్లలు తినగలిగే బియ్యంతో కూడా భోజనం పెట్టడం లేదు. పురుగులతో ఉన్న ముక్కిపోయిన బియ్యాన్ని ప్రభుత్వం వండి పెడుతోంది. విద్యార్థులు ఆ భోజనం తినలేక ఇబ్బంది పడుతున్నారు. మధ్యాహ్నం భోజనం పథకం పేరుతో శ్రీకాకుళం జిల్లాలోని పాఠశాలలకు సరఫరా చేసిన బియ్యం బస్తాలను తెరిచిచూస్తే పురుగులు కన్పిస్తుండటమే కాకుండా బియ్యం మొత్తం ముక్కు వాసన వస్తున్నాయి. – సాక్షి ప్రతినిధి, శ్రీకాకుళంఅసలు సన్నబియ్యమేనా? జిల్లాలోని 2,676 ప్రభుత్వ పాఠశాలలు.. 131 సంక్షేమ వసతి గృహాలు ఉన్నాయి. వసతి గృహాల కోసం జూలై నెలకు 12,087 బ్యాగులతో 301.95 మెట్రిక్‌ టన్నుల బియ్యాన్ని సరఫరా చేశారు. పాఠశాలలకు 379 మెట్రిక్‌ టన్నుల బియ్యం సరఫరా చేశారు. సన్నబియ్యమని చెప్పి అందజేశారు. వాటిని తెరిచి చూస్తే చీమలతో పాటు పురుగులు బయటకు వస్తున్నాయి. అన్ని బస్తాల్లోని బియ్యం ముక్కు వాసన వస్తున్నాయి. ప్రభుత్వం చెప్పిన సన్నబియ్యం గుట్టురట్టు అవుతోంది. బియ్యం చూసిన ప్రతి ఒక్కరూ ఇవి సన్నబియ్యం కాదని, పాలిషింగ్‌ చేసి పంపించిన నాసిరకం బియ్యమని చెబుతున్నారు. విద్యార్థుల భో­జనం కోసమని గుంటూరు జిల్లా తెనాలి నుంచి సన్నబియ్యం తీసుకొచి్చనట్టు అధికార వర్గాలు చెబుతున్నాయి.ఆ బియ్యాన్ని సింగన్నపాలెంలో మధ్యాహ్న భోజ­నం పథకం పేరుతో సంచుల్లో నింపి క్యూఆర్‌ కోడ్‌ కూడా వేస్తున్నట్టు అధికారులు చెబుతున్నారు. ఈ క్రమంలోనే ఏదో మోసం జరిగినట్టు తెలుస్తోంది. అక్కడి నుంచి సన్నబియ్యం వస్తే వాటిని పక్కదారి పట్టించి జిల్లాలోని అధికార పార్టీకి చెందిన పెద్దల మిల్లుల్లో నిల్వ ఉన్న నాసిరకం బియ్యాన్ని మధ్యాహ్నం భోజనం పథకం సంచుల్లో ప్యాక్‌చేసి పాఠశాలలకు, హాస్టల్స్‌కు పంపించారా అనే అను­మానాలు వ్యక్తమవుతున్నాయి. అధికార పార్టీకి చెందిన పెద్దల గోడౌన్‌లలో నిల్వ ఉన్న బియ్యానికి మూడు పాలిష్‌లు పెట్టి సన్నబియ్యంగా తోసేస్తున్నారన్న వాదనలు కూడా ఉన్నాయి. చర్యలేవీ.. సరఫరా అవుతున్న నాసిరకం బియ్యంపై పాఠశాలలు, వసతి గృహాల నుంచి ఫిర్యాదులు వస్తున్నాయి. పురుగులున్న బియ్యం ఫొటోలు, వీడియోలు తీసి అధికారులకు పంపిస్తున్నారు. జిల్లా విద్యాశాఖాధికారి కూడా పాఠశాలల నుంచి నివేదికలు రప్పించుకుని పురుగులు ఉన్నట్టు నిర్ధారించుకున్నారు. ఇంత జరిగినా కిమ్మనకుండా ఉండిపోతున్నారే తప్ప ఏం జరిగిందనే దానిపై విచారణ చేయడం లేదు.

శ్రీకాకుళం న్యూకాలనీ: జిల్లాస్థాయి బ్యాడ్మింటన్‌ చాంపియన్‌షిప్‌–2025 పోటీలు ఈ నెల 12, 13 తేదీల్లో నిర్వహిస్తున్నట్లు జిల్లా బ్యాడ్మింటన్‌ అసోసియేషన్‌ ప్రధాన కార్యదర్శి, రాష్ట్ర కార్యవర్గ సభ్యులు మెట్ట అశోక్‌కుమార్‌ తెలిపారు. సంఘ జిల్లా ఉపాధ్యక్షుడు కేఎస్‌ మదీనా శైలానీ అధ్యక్షతన స్థానిక శాంతినగర్‌కాలనీలోని డీఎస్‌ఏ ఇండోర్‌ స్టేడియంలో శుక్రవారం నిర్వహించిన విలేకరుల సమావేశంలో అశోక్‌కుమార్‌ మాట్లాడుతూ సుమారు రూ.2లక్షల నిధులతో టోర్నమెంట్‌ నిర్వహిస్తున్నామని చెప్పారు. టైటిల్‌ స్పాన్షర్‌గా శ్రీకాకుళం జీఎన్‌వీ జ్యూయలర్స్‌ సంస్థ ఎండీ ఊన్న నాగరాజు, కో–స్పాన్షర్‌గా సోలార్‌ ఎనర్జీ నరసన్నపేట ప్రొప్రైటర్‌ రైతు షాలిని, సింహాద్రి కనస్ట్రక్షన్స్‌ ఎండీ జి.భీమారావు క్రీడాకారులకు స్పోర్ట్స్‌ కిట్‌లను, హైదరాబాద్‌ మ్యాచ్‌ పాయింట్‌ అకాడమీ ఎండీ ముప్పాల వేణు మెమెంటోలు అందిస్తున్నట్లు వెల్లడించారు. అండర్‌–11, అండర్‌–13, అండర్‌–15, అండర్‌–17, అండర్‌–19 బాలబాలికలు, సీ్త్ర, పురుషులు(సీనియర్స్‌) విభాగాల్లో పోటీలు జరగనున్నాయని వివరించారు. విజేతలను రాష్ట్రపోటీలకు పంపించనున్నట్టు బ్యాడ్మింటన్‌ జిల్లా సీఈఓ సంపతిరావు సూరిబాబు తెలిపారు. 94402 55255, 83285 14385 నంబర్లను సంప్రదించి వివరాలు నమోదుచేసుకోవాలని కోరారు. కార్యక్రమంలో జీఎన్‌వీజే శ్రీకాకుళం బీఎం పాండవ ధర్మా, బ్యాడ్మింటన్‌ సంఘ ప్రతినిధులు గోర అనిల్‌కుమార్‌, గురుబెల్లి ప్రసాద్‌, మెండ శాంతికుమార్‌, ఎంఈ రత్నాజీ, కంచరాన వైకుంటరావు, మనోహర్‌, రామ్మోహన్‌ తదితరులు పాల్గొన్నారు.

టెక్కలి రూరల్‌: కోట బొమ్మాళి మండలం దుప్పిలపాడు గ్రామంలో గురువారం రాత్రి వీధి కుక్కలు దాడిచేసి సుమారు 10 మేక పిల్లలను చంపేశాయి. స్థానికులు తెలిపిన వివరాలు ప్రకారం.. దుప్పిలపాడు గ్రామానికి చెందిన సబ్బి లక్ష్మణరావు, బి.సింగి కి చెందిన 13 మేకపిల్లలను ఒక పాకలో ఉంచారు. గురువారం రాత్రి గ్రామంలో తిరిగే వీధి కుక్కలు ఆ మేక పిల్లలపై దాడికి పాల్పడ్డాయి. దీంతో ఆ మందలోని 10 మేకపిల్లలు అక్కడికక్కడే మృతిచెందాయి. మిగిలిన మూడు మేకపిల్లలు తీవ్ర గాయాలకు గురైనట్లు బాధితులు తెలిపారు. మృతిచెందిన మేక పిల్లల విలువ సుమారు రూ.80వేలు వరకు ఉంటుందని బాధితులు వాపోతున్నారు. రెండు కేజీల గంజాయితో వ్యక్తి అరెస్టు ఇచ్ఛాపురం: ఒడిశా నుంచి చైన్నెకు 2.150 కేజీల గంజాయిని రవాణా చేస్తున్న వ్యక్తిని ఇచ్ఛాపురం పట్టణ పోలీసులు పట్టుకున్నట్లు సీఐ మీసాల చిన్నంనాయుడు తెలిపారు. ఈ మేరకు శుక్రవారం సర్కిల్‌ కార్యాలయంలో విలేకరులకు వివరాలు వెల్లడించారు. గంజాం జిల్లా దిగపొహండి బ్లాక్‌ బోనమాలి గ్రామానికి చెందిన ఖిరాసింధునాయక్‌ తప్తపాణీ ప్రాంతంలో శరత్‌ అనే వ్యక్తి వద్ద రూ.5వేలకు గంజాయి కొనుగోలు చేశాడు. చైన్నెలో విక్రయించేందుకు తీసుకెళ్తుండగా ఇచ్ఛాపురం రైల్వేస్టేషన్‌ సమీపంలో పట్టుబడ్డాడు. ఇతని వద్ద నుంచి 2.150 కేజీల గంజాయి, సెల్‌ఫోన్‌ స్వాధీనం చేసుకున్నారు. సమావేశంలో పట్టణ ఎస్సై ముకుందరావు, పోలీస్‌ సిబ్బంది పాల్గొన్నారు.

శ్రీకాకుళం క్రైమ్‌: నేరాల నియంత్రణ, అసాంఘిక, చట్ట వ్యతిరేక కార్యకలాపాలు అరికట్టే చర్యల్లో భాగంగా శ్రీకాకుళం రెండో పట్టణ పోలీసులు శుక్రవారం నగరంలో కార్డెన్‌ సెర్చ్‌ నిర్వహించారు. సీఐ ఈశ్వరరావు సిబ్బందితో కలిసి చౌదరి సత్యనారాయణ కాలనీలో తనిఖీలు చేశారు. గంజాయి, మద్యం, నాటుసారా, నిషేధిత పదార్థాలు, అక్రమ నిల్వలపై ఆరా తీశారు. సరైన పత్రాలు లేని 19 ద్విచక్ర వాహనాలను స్వాధీనం చేసుకున్నారు. రణస్థలం: నేర నియంత్రణ, అసాంఘిక, చట్టవ్యతిరేక కార్యకలాపాలు అరికట్టే చర్యలలో భాగంగా జె.ఆర్‌.పురం పంచాయతీ వెంకటేశ్వర కాలనీలో కార్చెన్‌ సెర్చ్‌ నిర్వహించినట్లు జె.ఆర్‌.పురం సీఐ ఎం.అవతారం తెలిపారు. పత్రాలు లేని 19 ద్విచక్ర వాహనాలను స్వాధీనం చేసుకున్నట్లు తెలిపారు. తనిఖీల్లో జే.ఆర్‌.పురం, లావేరు, జి.సిగడాం ఎస్సైలు ఎస్‌.చిరంజీవి, లక్ష్మణరావు, మధుసూదనరావు, పోలీసు సిబ్బంది పాల్గొన్నారు.

శ్రీకాకుళం పాతబస్టాండ్‌: మొక్కలు నాటి సంరక్షణ చేయాలని కలెక్టర్‌ స్వప్నిల్‌ దినకర్‌ పుండ్కర్‌ డ్వామా అధికారులను ఆదేశించారు. శుక్రవారం కలెక్టరేట్‌ సమావేశ మందిరంలో ఉపాధి హామీ పనులపై ఆయన సమీక్షించారు. ఈ సందర్భంగా ఆయన మాట్లాడుతూ ఆర్‌ అండ్‌ బీ, పంచాయతీ రహదారుల వెంట మొక్కలు నాటి వాటికి సంరక్షణ చేయాలన్నారు. టెక్కలిలో జంగిల్‌ క్లియరెన్స్‌ చేసి మొక్కలు నాటినట్లు మండలాల్లో కూడా జంగిల్‌ క్లియరెన్స్‌ చేసి మొక్కలు నాటాలని ఆదేశించారు. క్షేత్ర స్థాయిలో సమస్యలు, ఉద్యానవన శాఖకు సంబంధించిన సమస్యలు ఉంటే తెలియజేయాలన్నారు. చేపల వేట విరామ సమయంలో మత్స్యకారులకు జాబ్‌ జారీ చేసిందీ లేనిదీ అడిగి తెలుసుకున్నారు. అనంతరం పీడీ బి.సుధాకర్‌ సిబ్బందితో ఏర్పాటు చేసిన సమావేశంలో మాట్లాడుతూ ఎవరికి నిర్ణయించిన పనులు వారు సత్వరమే నిర్వహించి పూర్తి చేయాలని ఆదేశించారు. ప్రతి ఒక్కరూ అంకిత భావంతో పనిచేయాలన్నారు. ఈ సమావేశంలో డ్వామా పీడీ బి.సుధాకర్‌, ఏపీడీలు పి.రాధ, శైలజ, శ్రీనివాసరెడ్డి, జిల్లా విజిలెన్స్‌ అధికారి బి. లవరాజు, ఫీల్డ్‌ ఆఫీసర్లు, డ్వామా సిబ్బంది, తదితరులు పాల్గొన్నారు.

టెక్కలి: ఇష్టారాజ్యంగా సాగుతున్న కంకర తవ్వకాలతో పోడు పంటలకు ముప్పు వాటిల్లుతోంది. టెక్కలి మండలం గూడెం గ్రామాన్ని ఆనుకుని ఉన్న కొండపై కొన్నాళ్లుగా విచ్చలవిడిగా కంకర తవ్వకాలు జరుగుతున్నాయి. దీంతో తమ జీవనాధారమైన పోడు పంటలు నాశనమవుతున్నాయని సవర సీతాపురం గ్రామానికి చెందిన గిరిజన రైతులు ఆవేదన వ్యక్తం చేస్తున్నారు. గత వైఎస్సార్‌సీపీ ప్రభుత్వ హయాంలో గ్రామానికి చెందిన గిరిజనులకు ఇదే కొండపై పోడు వ్యవసాయానికి సంబంధించి పట్టాలు అందజేశారు. దీంతో వారంతా జీడి, మామిడి పంటలు వేసుకున్నారు. ప్రస్తుతం మొక్కలు ఏపుగా పెరుగుతున్న సమయంలో కొందరు అక్రమార్కులు కొండపై విచ్చలవిడిగా కంకర తవ్వకాలు చేపడుతున్నారు. భారీ యంత్రాలతో తవ్వకాలు జరుగుతుండటంతో పంట మొక్కలు నాశనమవుతున్నాయని, తమకు జీవనాధారం లేకుండా చేస్తున్నారని గిరిజన రైతులు వాపోతున్నారు. పోర్టు పేరిట.. మూలపేట పోర్టుకు కంకర తరలింపు పేరుతో గూడేం కొండను పూర్తిగా మైదానంగా మార్చేశారు. నందిగాం మండలం సొంటినూరు రెవెన్యూ పరిధిలో ఉన్న ఇదే కొండపై గతంలో వన్యప్రాణులు సంచరిస్తూ ఉండేవి. ఇదే ప్రాంతం నుంచి గతంలో దుప్పిలు, జింకలు, కొండ గొర్రెలు, నెమళ్లు దారి తప్పి సమీప గ్రామాలకు వచ్చిన సంఘటనలు ఉన్నాయి. ఇటువంటి కొండపై చేస్తున్న కంకర తవ్వకాలతో ఒక వైపు గిరిజన రైతులకు, మరో వైపు వన్యప్రాణులకు ముప్పు వాటిల్లుతోంది. దీనిపై ఉన్నతాధికారులు స్పందించి తమకు న్యాయం చేయాలని గిరిజన రైతులు కోరుతున్నారు. నాశనం చేస్తున్నారు... గూడెం కొండపై గతంలో మాకు పోడు వ్యవసాయానికి పట్టాలు ఇచ్చారు. దీనిపై జీడి, మామిడి పంటలు సాగు చేస్తున్నాం. ఇప్పుడు కంకర తవ్వకాలు చేస్తుండటంతో మొక్కలు నాశనమైపోతున్నాయి. మా పంటలకు ఇబ్బంది లేకుండా చూడాలి. – చందనగిరి కృష్ణారావు, గిరిజన రైతు, సవర సీతాపురం, టెక్కలి మండలం పోడు పంటలే దిక్కు.. మా గ్రామస్తులకు కొండపై ఉన్న పోడు పంటలే దిక్కు. అటువంటి పంటలను నాశనం చేసే విధంగా కంకర తవ్వుతున్నారు. దీనిపై ఐటీడీఏ అధికారులకు ఫిర్యాదు చేయడానికి సిద్ధమవుతున్నాం. – ఐ.రజని, సవర సీతాపురం, టెక్కలి మండలం గూడెం కొండపై విచ్చలవిడిగా కంకర తవ్వకాలు పోడుపంటలు నాశనం కావడంతో గిరిజన రైతుల ఆందోళన ఇదే కొండపై వన్యప్రాణుల ఆనవాళ్లు

ఇచ్ఛాపురం రూరల్‌: పంచాయతీలను అభివృద్ధి చేద్దామంటే ఇప్పటి వరకు మంజూరు చేయాల్సిన 15వ ఆర్థిక సంఘ నిధులు మంజూరు చేయలేదు, ఇక అభివృద్ధి చేయమంటే ఎలా అంటూ మండల సర్పంచ్‌లు ఎంపీడీఓను నిలదీశారు. శుక్రవారం ఎంపీపీ బోర పుష్ప ఆధ్వర్యంలో మండలంలోని 21 పంచాయతీలకు చెందిన సర్పంచ్‌లు ఎంపీడీఓ కె.రామారావుకు వినతి పత్రం అందజేశారు. పంచాయతీలోని గ్రామాల్లో పారిశుద్ధ్య పనులు చేయడానికి, వీధి దీపాలు వేసేందుకు, కాలువల్లో బ్లీచింగ్‌ పౌడర్‌ వేసేందుకు పంచాయతీలో ‘జీరో’ నిధులు కావడంతో అభివృద్ధి కుంటుపడిందని అన్నారు. తల్లికి తలకొరివి పెట్టిన తనయ వజ్రపుకొత్తూరు: పాత టెక్కలిలో శుక్రవారం తల్లికి తలకొరివి పెట్టిన హృదయ విదారక ఘటన శుక్రవారం చోటుచేసుకుంది. గ్రామానికి చెందిన గుగ్గిలాపు భాగ్యలక్ష్మీ (60) కొంత కాలంగా పక్షవాతంతో బాధపడుతోంది. భర్త 30 ఏళ్ల కిందటే మృతిచెందగా.. కుమార్తెలు సంతోషికుమారి, నాగమణిలకు వివాహాలు జరిగాయి. తల్లి అనారోగ్యానికి గురైనప్పటి నుంచి పెద్ద కుమార్తె సంతోషికుమారి పాత టెక్కలి వచ్చి తల్లి బాగోగులు చూసుకుంటోంది. భాగ్యలక్ష్మి ఆరోగ్యం విషమించడంతో శుక్రవారం మృతిచెందింది. దీంతో కుమార్తె సంతోషికుమారి అన్నీ తానై తల్లికి తలకొరివి పెట్టి రుణం తీర్చుకుంది. చోరీ కేసుల్లో నిందితుడు అరెస్టు నరసన్నపేట: జలుమూరు మండలం రాణ, రామకృష్ణాపురం గ్రామాల్లో జరిగిన రెండు చోరీ కేసులను పోలీసులు ఛేదించారు. ఈ రెండు కేసుల్లోనూ నిందితుడు ఒకరేనని సీఐ ఎం.శ్రీనివాసరావు శుక్రవారం నరసన్నపేట సర్కిల్‌ స్టేషన్‌ వద్ద విలేకరులకు వెల్లడించారు. జలుమూరు మండలం యాళ్లపేటకు చెందిన మడ్డు మాధవరావు 2023 మార్చి 6న రాణ గ్రామం మెయిన్‌ వీధిలో తాళం వేసి ఉన్న కొంగరాపు పుణ్యవతి ఇంట్లో చొరబడ్డాడు. స్క్రూ డ్రైవర్‌ సహాయంతో బీరువా తెరిచి రెండు తులాల బంగారు గొలుసు, తులమున్నర పుస్తెలతాడు చోరీకి పాల్పడ్డాడు. 2024 ఆగస్టు 27న రామకృష్ణాపురంలో తాళం వేసి ఉన్న మరో ఇంటిలో బీరువా తెరిచి చిన్న పిల్లల బంగారు చైన్లు , చెవి బుట్టలుతో పాటు మొత్తం మూడు తులాల ఆభరణాలు చోరీ చేశాడు. ఈ కేసులను నమోదు చేసి దర్యాప్తు చేస్తుండగా శుక్రవారం ఉదయం తిలారు రైల్వే స్టేషన్‌ వద్ద అనునానాస్పదంగా మాధవరావు కనిపించడంతో పట్టుకున్నారు. విచారణ చేయగా నేరాన్ని అంగీకరించాడు. ఇతని వద్ద నుంచి బంగారు ఆభరణాలు రికవరీ చేశారు. ఇంటర్‌ వరకూ చదువుకున్న మాధవరావు వ్యసనాలకు బానిసై దొంగతనాలకు పాల్పడుతున్నట్లు పోలీసులు గుర్తించారు. సమావేశంలో జలుమూరు ఎస్‌ఐ అశోక్‌బాబు పాల్గొన్నారు.

నరసన్నపేట: దేశవానిపేట సమీపంలో పోలాకికి వెళ్లే దారిలో ఆర్‌అండ్‌బీ రహదారిపై స్కూల్‌ పిల్లలతో వెళ్తున్న ఆటో టైర్‌పంక్చర్‌ కావడంతో అదుపు తప్పి పొలాల్లో బోల్తా పడింది. ఈ ఘటనలో ఆరుగురు విద్యార్థులకు గాయాలయ్యాయి. ఈదులవలస మోడల్‌ స్కూల్‌కు వెళ్తుండగా ఈ ప్రమాదం చోటుచేసుకుంది. ఈ ఘటనలో శ్యామ్‌చరణ్‌(ఇందిరానగర్‌), కె.కామేశ్వరి(పిరువాడ), జి.గుణశ్రీ (రాళ్ల గోదాయవలస), సీహెచ్‌ కుసుమ కావ్య(పిరువాడ), వి.జాగృతి(జమ్ము), వై.గీతా శ్రీ (పిరువాడ) గాయపడగా.. నలుగురు విద్యార్థులు సురక్షితంగా బయట పడ్డారు. శ్యామ్‌చరణ్‌కు తీవ్ర గాయాలు కావడంతో నరసన్నపేట ఆసుపత్రిలో చికిత్స అందించి మెరుగైన చికిత్స కోసం శ్రీకాకుళం కిమ్స్‌ ఆసుపత్రికి తరలించారు.జిల్లా విద్యాశాఖాధికారి తిరుమల చైతన్య, మోడల్‌ స్కూల్‌ ప్రిన్సిపల్‌ పైడి ప్రవీణ విద్యార్థి ఆరోగ్య పరిస్థితిపై ఆరా తీశారు. ప్రమాదం జరిగిన విషయం తెలియగానే తల్లిదండ్రులు తీవ్ర ఆందోళనకు గురయ్యారు. నరసన్నపేట సీఐ ఎం.శ్రీనివాసరావు, ఎస్‌ఐ సీహెచ్‌ దుర్గాప్రసాద్‌లు ఘటనా స్థలాన్ని పరిశీలించారు. కేసు నమోదు చేసి దర్యాప్తు చేస్తున్న ఎస్‌ఐ తెలిపారు. ఆరుగురు విద్యార్థులకు గాయాలు ఈదులవలస మోడల్‌ స్కూల్‌కు వెళ్తుండగా ఘటన

వజ్రపుకొత్తూరు: పూండి ఉద్దానం ప్రాంతంలో కొబ్బరితోటలను శుక్రవారం జాతీయ కొబ్బరి అభివృద్ధి సంస్థ(కోయంబత్తూరు) డైరెక్టర్‌ ఇ.అరవేజ్‌, ఉద్యానవన శాఖ డిప్యూటీ డైరెక్టర్‌ ఆర్‌.జయకుమార్‌, ఎస్‌.కుమార్‌వేలు(కొచ్చిన్‌) పరిశీలించారు. పల్లివూరు, రెయ్యిపాడు, అమలపాడు గ్రామాల్లో కొబ్బరి పునరుద్దధరణ పథకం, ఎల్‌ఓడీపీల అమలును పరిశీలించి రైతులకు సూచనలిచ్చారు. కార్యక్రమంలో డిప్యూటీ డైరెక్టర్‌ ఆర్‌.రామ్మోహన్‌రావు, అసిస్టెంట్‌ డైరెక్టర్‌ కె.చిట్టిబాబు, మండల ఉద్యానవన శాఖ అధికారులు కె.సునీత, సీహెచ్‌.శంకర్‌దాసు, రైతులు పాల్గొన్నారు. ‘ఆదిత్య’కు రూ.15 లక్షలు మంజూరు టెక్కలి: టెక్కలి ఆదిత్య ఇంజినీరింగ్‌ కళాశాలలో వినూత్న ఆలోచనలకు వేదికగా ఉన్న ఇంక్యూబేషన్‌ కేంద్రానికి కేంద్ర ప్రభుత్వం ఎంఎస్‌ఎంఈ మంత్రిత్వ శాఖ ఆధ్వర్యంలో రూ.15 లక్షలు మంజూరు చేసినట్లు కళాశాల డైరెక్టర్‌ వి.వి.నాగేశ్వరరావు తెలిపారు. ఆటోమేటెడ్‌ బ్యాటరీ చార్జింగ్‌ సిస్టమ్‌ ఫర్‌ ఈ–వెహికల్స్‌ అనే ఆలోచనను తక్కువ ఖర్చుతో రూపకల్పన చేయడానికి ఈ నిధులు మంజూరు చేసినట్లు వెల్లడించారు. విద్యార్థులు రత్నాల అలేఖ్య, సాధు ఉమా చంద్రసాయి, ఊన ప్రవళ్లిక, కొండాల దిలీప్‌కుమార్‌, ఎ.జ్యోత్స్న, ఎం.నిరంజన్‌ తదితర విద్యార్థులంతా అధ్యాపకులు జి.సతీష్‌కుమార్‌, పల్లి శ్రీహరి, డి.విష్ణుమూర్తి తదితరుల ఆధ్వర్యంలో ప్రాజెక్టుకు రూపకల్పన చేయనున్నట్లు పేర్కొన్నారు. ఈ సందర్భంగా ప్రిన్సిపాల్‌ ఎ.ఎస్‌.శ్రీనివాసరావు, ట్రిపుల్‌ఈ హెచ్‌ఓడీ విజయకుమార్‌, ఈసీఈ హెచ్‌ఓడీ అశోక్‌, మెకానికల్‌ హెచ్‌ఓడీ పి.శ్రీహరి విద్యార్థులను అభినందించారు. అధిక దిగుబడి వల్లే ధరల తగ్గుదల టెక్కలి: చిత్తూరు జిల్లాలో 6.5 మెట్రిక్‌ టన్నుల మేర తోతా మామిడి పంట పంట దిగుబడి రావడంతో ధరలు తగ్గాయని, అయినా ప్రభుత్వమే వాటిని కొనుగోలు చేసిందని వ్యవసాయ శాఖ మంత్రి కె.అచ్చెన్నాయుడు అన్నారు. శుక్రవారం టెక్కలిలో ఆయన విలేకరులతో మాట్లాడుతూ ఎన్నడూ లేని విధంగా మార్కెట్‌ ఇంటర్వెన్షన్‌ పథకం కింద రైతుల కోసం రూ.89 కోట్లు ఖర్చు చేశామని పేర్కొన్నారు. ఈ ఏడాది వరి అధికంగా దిగుబడి వచ్చిందని రైతుల నుంచి ధాన్యం కొనుగోలు చేసి 24 గంటల్లో వారి ఖాతాలకు డబ్బులు జమ చేశామని మంత్రి తెలిపారు. అనంతరం టెక్కలి చిన్నబజారులో ఆధునీకరించిన ఫిష్‌ మార్కెట్‌ను మంత్రి ప్రారంభించారు. టెక్కలి ఎంఎల్‌ఎస్‌ పాయింట్‌ ఇన్‌చార్జి సస్పెన్షన్‌ శ్రీకాకుళం పాతబస్టాండ్‌: రేషన్‌ డీలర్లకు సకాలంలో సరుకులు చేరవేయలేదన్న కారణంతో టెక్కలి ఎంఎల్‌ఎస్‌ పాయింట్‌ ఇన్‌చార్జి పి. నానిబాబును జాయింట్‌ కలెక్టర్‌ ఫర్మాన్‌ అహ్మద్‌ఖాన్‌ శుక్రవారం సస్పెండ్‌ చేశారు. ఆయన స్థానంలో టెక్కలి సీఎల్‌డీటీ కె.అనిల్‌ పాత్రోకు తాత్కాలిక బాధ్యతలు అప్పగిస్తూ ఉత్తర్వులు జారీ చేశారు. అయితే ఈ వ్యవహారంలో సివిల్‌ సప్లయ్‌ కార్పొరేషన్‌ అధికారుల నిర్లక్ష్యం ఉందని, వారిని కాకుండా అన్యాయంగా ఎంఎల్‌ఎస్‌ పాయింట్‌ ఇన్‌చార్జిని బలి చేశారని రెవెన్యూ, సివిల్‌ సప్లయ్‌ వర్గాల్లో చర్చ జరుగుతోంది. మూడు నెలలుగా సరుకులు ఆలస్యంగా రేషన్‌ డిపోలకు చేరుతున్నాయని, స్టేజ్‌–1, స్టేజ్‌–2 వాహనాలు సరిగా సేవలు అందించడం లేదని నానిబాబు పలుమార్లు కార్పొరేషన్‌ డీఎంకు తెలియజేసినా పట్టించుకోకుండా నిర్లక్ష్యం చేశారని, ఆయన నిర్లక్ష్యం నానిబాబుకు శాపంగా మారిందని పలువురు సిబ్బంది అంటున్నారు. వైన్‌షాపు వద్ద గుర్తు తెలియని మృతదేహం శ్రీకాకుళం రూరల్‌: సింగుపురం పరిసర ప్రాంతంలోని ఓ వైన్‌షాపు వద్ద శుక్రవారం రాత్రి గుర్తు తెలియని మృతదేహం లభ్యమయ్యింది. ఈ వ్యక్తి రెండు రోజులుగా ఇదే ప్రాంతంలో తాగుతూ తిరిగే వాడని స్థానికులు చెబుతున్నారు. సుమారు 35 ఏళ్లు వయసు కలిగి నలుపు టీషర్ట్‌, జీన్‌ఫ్యాంట్‌ ధరించి ఉన్నాడని, వివరాలు తెలిసిన వారు శ్రీకాకుళం రూరల్‌ పోలీస్‌స్టేషన్‌లో సంప్రదించాలని పోలీసులు పేర్కొన్నారు.

కవిటి: ప్రఖ్యాత లండన్‌ బిజినెస్‌ స్కూల్‌లో మాస్టర్స్‌ ఇన్‌ మేనేజ్‌మెంట్‌(ఎంఐఎం) పోస్ట్‌ గ్రాడ్యుయేషన్‌ పట్టా సాధించిన జిల్లా తొలి యువతిగా కవిటి మండలం బల్లిపుట్టుగకు చెందిన పిరియా జాగృతి రికార్డు సాధించింది. శ్రీకాకుళం జెడ్పీ చైర్‌పర్సన్‌ పిరియా విజయ, మాజీ ఎమ్మెల్యే పిరియా సాయిరాజ్‌ల కుమార్తె జాగృతి. ఈ ఏడాది దక్షిణాసియాలో భారతదేశం నుంచి లండన్‌ బిజినెస్‌ స్కూల్‌లో పీజీ కోర్సుకు 18 మంది అర్హత సాధించగా అందులో జాగృతి ఒకరు. బెంగళూరులో బీబీఏ పూర్తిచేశారు. యూఎస్‌ బేస్డ్‌ గోల్డ్‌మెన్‌ శాక్స్‌లో ఉద్యోగంలో చేరి రెండేళ్ల్లు పనిచేశారు. అనంతరం పారిస్‌కు చెందిన హెచ్‌ఈసీ సంస్థలో మూడునెలల సమ్మర్‌క్రాష్‌ కోర్సు పూర్తి చేశారు. అనంతరం లండన్‌ బిజినెస్‌ స్కూల్‌లో ప్రవేశానికి జరిగిన ప్రవేశపరీక్షలో జీఆర్‌ఈలో అత్యుత్తమ శ్రేణి ఫలితాన్ని సాధించారు. ఈ మేరకు నిర్వహించిన కాంగ్రగేషన్‌ సెర్మోనీలో జాగృతికి సర్టిఫికెట్‌ ప్రదానంచేశారు. ఈ కార్యక్రమంలో జాగృతి తల్లి విజయ కూడా పాల్గొన్నారు. లండన్‌ బిజినెస్‌ స్కూల్లో పీజీ పట్టా పొందిన పిరియా జాగృతి

గురుకులాలకు సరుకులు.. ● సరుకుకు రూ.330కు కోట్‌ చేసిన టెండరుదారులు ● రూ.805కు కోట్‌ చేసిన డీసీఎంఎస్‌ ● నిబంధనలకు విరుద్ధంగా డీసీఎంఎస్‌కే అప్పగించేందుకు కుట్ర ● మంత్రి ఫోన్‌కు తలొగ్గి కాలయాపన చేస్తున్న అధికారులు! నల ప్రకారం ఎక్కువ కోట్‌ చేసిన డీసీఎంఎస్‌కు ఎట్టి పరిస్థితుల్లోనూ టెండరు ఖరారు చేయకూడదు. ఓవైపు నిబంధనలు, మరోవైపు మంత్రి స్థాయి నుంచి ఒత్తిళ్లు వెరసి ఏం చేయాలో తోచక అధికారులు టెండర్‌ను వాయిదా వేస్తున్నట్లు సమాచారం. మరోవైపు, మంత్రి ఒత్తిళ్లకు తలొగ్గి ఎక్కువ కోట్‌ చేసిన డీసీఎంఎస్‌కు టెండర్లు అప్పగిస్తే ఉద్యమం తప్పదని టెండరుదారులు హెచ్చరిస్తున్నారు. రులు ఆందోళన చెందుతున్నారు. నిబంధనలకు విరుద్ధం.. సరుకులకు సంబంధించి డీసీఎంఎస్‌ చాలా ఎక్కువ మొత్తానికి కోట్‌ చేసింది. ప్రైవేటు టెండరుదారులు ఓ సరుకుకు రూ.330 కోట్‌ చేయగా, అదే సరుకుకు డీసీఎంఎస్‌ ద్వారా రూ.805 కోట్‌ చేశారు. ఒక సరుకు విషయంలోనే సుమారు రూ.525 వ్యత్యాసం ఉండటం గమనార్హం. నిబంధ

● అయోమయంగా సచివాలయ మహిళా పోలీసుల బదిలీలు ● ఎక్కడికి పంపిస్తే అక్కడికి వెళ్లాలంటూ హుకుం! ● బదిలీల్లో రాష్ట్రం మొత్తం ఒక తీరు.. సిక్కోలులో మరో తీరు శ్రీకాకుళం క్రైమ్‌ : జిల్లాలో వార్డు, గ్రామ సచివాలయాల మహిళా పోలీసుల బదిలీల కౌన్సిలింగ్‌ ప్రక్రియ తీవ్ర వివాదాస్పదమవుతోంది. అంతుబట్టని ‘అధికారి’ వ్యూహంతో కౌన్సెలింగ్‌ అవ్వని మహిళా పోలీసులు ఉక్కిరిబిక్కిరవుతుండగా.. అయినవారు ఉసూరుమంటూ అక్కడి నుంచి వెళ్లిపోతున్నారు. మొన్నటికి మొన్న కానిస్టేబుల్‌, హెడ్‌ కానిస్టేబుళ్లు, ఏఎస్‌ఐల బదిలీల్లో కూడా ఇలాంటి విమర్శలే సదరు అధికారి ఎదుర్కొన్నారు. జంబ్లింగ్‌ పద్ధతి పేరిట చేస్తున్న ఈ కౌన్సిలింగ్‌ ప్రక్రియ అన్ని జిల్లాల్లో ఒక తీరులా.. శ్రీకాకుళం జిల్లాలో మరోలా జరుగుతోంది. ఎస్‌, నో క్యాటగిరీలుగా విభజించిన ఈ ప్రక్రియ కొందరికి నాలుగైదు మండలాల అవతలకు బదిలీ చేయగా.. మరికొందరికి పక్కపక్కన ఉన్న మండలాల్లోనే బదిలీ చేయడంతో అధికారి తీరు ఒకరికి మోదం.. మరొకరికి ఖేదంలా అనిపిస్తోంది. జిల్లాలో 930 గ్రామ సచివాలయాలు, 95 వార్డు సచివాలయాలకు గాను గురువారం రాత్రి దాదాపు 880 మంది మహిళా పోలీసులకు మొదటి విడత కౌన్సిలింగ్‌ ప్రక్రియ ముగిసినట్లు తెలిసింది. నిబంధనలకు విరుద్ధంగా.. గతంలో ఆరోగ్య పరిస్థితి, ఇతర కారణాలతో నచ్చిన చోట పోస్టింగ్‌లకు రిక్వెస్టులుగా పెట్టుకోవడం, ఎంతకాలం చేశారన్న దాని ఆధారంగా కౌన్సిలింగ్‌ ప్రక్రియ ముగిసేది. ఇప్పుడు మాత్రం ‘ఎస్‌, నో’ అనే ఆప్షన్‌లు పెట్టారు. ఎస్‌ ఆప్షన్‌లో మూడు క్యాటగిరీలు ఉంటాయి.. 2500 మంది ఆ సచివాలయంలో జనాభా ఉంటే ఏ క్యాటగిరీ, ఆపై ఎక్కువ ఉంటే బీ, సీ క్యాటగిరీలుగా విభజించారు. నో ఆప్షన్‌ ప్రకారం ఆచోట భవిష్యత్తులో మహిళా పోలీసు ఉండరని అర్ధం. దీని ప్రకారం రాత పరీక్షలో వచ్చే మార్కులు ఆధారంగా, ర్యాంకుల వారీగా ఆ మండలంలో వేరే చోట గానీ, పక్క మండలంలో కానీ బదిలీ అవ్వాలి. దానికి విరుద్ధంగా బుధవారం జరిగే కౌన్సిలింగ్‌లో 1 సంఖ్య నుంచి 120 సంఖ్య వరకు టాపర్స్‌లో ఉన్నవారిని సైతం

శ్రీకాకుళం పాతబస్టాండ్‌: రైతులకు సత్వరమే విత్తనాలు పంపిణీ చేయాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులను ఆదేశించారు. రైతులకు విత్తనాల సమస్య రాకుండా చూసుకోవాలన్నారు. కలెక్టరేట్‌ కార్యాలయ సమావేశ మందిరంలో వ్యవసాయ, అనుబంధ శాఖల అధికారులతో గురువారం సమీక్షించారు. ఈ సందర్భంగా ఆయన మాట్లాడుతూ ఎరువులు సిద్ధంగా ఉంచుకోవాలని ఆదేశించారు. వరి విత్తనాలు పంపిణీపై ఆరా తీయగా.. ఖరీఫ్‌లో 33,622 క్వింటాళ్ల వరి విత్తనాలు పంపిణీ చేస్తున్నట్లు వ్యవసాయ శాఖ జేడీ త్రినాథస్వామి వెల్లడించారు. 1520 క్వింటాళ్ల పచ్చి రొట్ట విత్తనాలు పంపిణీ చేసినట్లు చెప్పారు. యూరియా, డీఏపీ, తదితర ఎరువులు 69.05 మెట్రిక్‌ టన్నులు అవసరం ఉందని ఉన్నతాధికారులకు ప్రతిపాదనలు పంపించినట్లు తెలిపారు. ప్రస్తుతం జిల్లాలో యూరియా, డీఏపీ వంటి ఎరువులు 13,495 మెట్రిక్‌ టన్నులు రైతు సేవా కేంద్రాలు, ప్రైవేటు డీలర్ల వద్ద అందుబాటులో ఉన్నట్లు చెప్పారు. జిల్లాలో మూడు సీహెచ్‌సీ గ్రూపులకు 80 శాతం సబ్సిడీపై డ్రోన్లు సరఫరా చేసినట్లు తెలిపారు. ఏపీఎంఐపీ ఉప సంచాలకులు శ్రీనివాసరావు మాట్లాడుతూ మండలాల వారీగా పంటల వివరాలను వివరించారు. పశుసంవర్ధక శాఖ జేడీ కె.రాజగోపాల్‌ మాట్లాడుతూ వ్యాక్సినేషన్‌ చురుగ్గా జరుగుతోందని చెప్పారు. మత్స్య శాఖ ఉప సంచాలకుడు సత్యనారాయణ మాట్లాడుతూ జిల్లాలో 15,584 మందికి మత్స్యకార సేవ పథకం వర్తింపజేసినట్లు తెలిపారు. ప్రధానమంత్రి మత్స్య కిసాన్‌ సమృద్ధి సాహ యోజన కింద ఇప్పటికే 13 కో ఆపరేటివ్‌ సొసైటీలు అప్రూవల్‌ అయినట్లు వివరించారు సముద్రంలో నాచు పెంచడం అనేది జిల్లాలో ప్రయోగాత్మక ప్రాజెక్టు కింద చేపడుతున్నట్లు తెలిపారు. పైలట్‌ ప్రాజెక్ట్‌గా నిర్వహించడానికి భావనపాడు, బారువ ప్రాంతాలను గుర్తించామని, ఒక్కోచోట 30 మందికి జూలై 4 నుంచి 9 వరకు శిక్షణ ఇస్తామని డీడీ వివరించారు. సమావేశంలో ట్రైనీ కలెక్టర్‌ పృథ్వీరాజ్‌ కుమార్‌, వివిధ శాఖల తదితరులు పాల్గొన్నారు. ఎరువులు సిద్ధం చేసుకోవాలి వ్యవసాయ, అనుబంధ శాఖల సమీక్షలో కలెక్టర్‌

● రోడ్డుపై చెల్లాచెదురుగా పడిన అరటి గెలలు టెక్కలి రూరల్‌: బొప్పాయిపురం సమీపంలో జాతీ య రహదారిపై గురువారం వేకువజామున జరిగి న రోడ్డు ప్రమాదంలో ఓ వ్యాన్‌ వంతెన గోడను ఢీకొట్టింది. ఈ ఘటనలో డ్రైవర్‌ స్వల్ప గాయాల తో బయటపడ్డాడు. స్థానికులు తెలిపిన వివరాలు ప్రకారం.. రావులపాలెం నుంచి ఒడిశా వైపు అరటి గెలల లోడుతో వెళ్తున్న వ్యాన్‌ టెక్కలి సమీపంలో బొప్పాయిపురం వద్దకు వచ్చేసరికి ఇరుకు వంతెన ఉండటంతో గమనించక వంతెను గోడను బలంగా ఢీకొట్టాడు. ఈ ఘటనలో డ్రైవర్‌ శాంతన్‌ శెట్టికి స్వల్ప గాయాలు కాగా.. వ్యాన్‌ రెండు భాగాలుగా విడిపోవడంతో అరటిగెలలు రోడ్డుపై పడిపోయా యి. సమాచారం అందుకున్న హైవే సిబ్బంది ఘట నా స్థలానికి చేరుకుని గాయపడిన వ్యక్తిని టెక్కలి జిల్లా ఆస్పకి తరలించారు. అనంతరం ట్రాఫిక్‌కు అంతరాయం లేకుండా చేశారు. ఘటనపై టెక్కలి పోలీసులకు సమాచారం అందించారు.

రణస్థలం: కొచ్చెర్ల పంచాయతీకి చెందిన ఇద్దరు మహిళల నుంచి లక్ష రూపాయల నగదును గుర్తు తెలియని ముగ్గురు మహిళలు దోచుకున్నారు. జె.ఆర్‌.పురం పోలీసులు, బాధితులు తెలిపిన వివరాల ప్రకారం.. కొచ్చెర్ల గ్రామంలో శ్రీశ్రీనివాస పొదుపు సంఘానికి చెందిన 10 మంది సభ్యులు గురువారం జె.ఆర్‌.పురం మండల కేంద్రంలోని ఇండియన్‌ బ్యాంక్‌కు వచ్చారు. రూ.20లక్షలు పొదుపు సొమ్ము విత్‌డ్రా చేశారు. ఒక్కొక్కరు రూ.2లక్షల చొప్పున బ్యాంకులోనే పంచుకున్నారు. బయటకు వచ్చాక వారిలో ముగ్గురు సభ్యులు బ్యాంకు సమీపంలోనే ఉన్న వస్త్ర దుకాణంలోకి వెళ్లారు. అప్పటికే వారితో సఖ్యతగా మెలిగిన గుర్తు తెలియని ముగ్గురు మహిళలు అదే దుస్తుల దుకాణంలో వెళ్లి డ్వాక్రా మహిళల బ్యాగులు చాకచక్యంగా కోసేశారు. వీరిలో బస్వ గురమ్మ, లంకపల్లి మాధురి బ్యాగుల్లో రూ.50వేలు చొప్పున లక్ష రూపాయలు దోచుకున్నారు. మరొకరి బ్యాగ్‌ కట్‌ చేసినా నగదు తీయడం సాధ్యంకాలేదు. అనంతరం చోరీ చేసిన మహిళలు బయటకు జారుకున్నారు. కొంతసేపటి తర్వాత చోరీ జరిగిన విషయం తెలుసుకుని బాధిత మహిళలు ఆందోళనకు గురై పోలీసులకు తెలియజేశారు. ఘటనా స్థలానికి జె.ఆర్‌.పురం పోలీసులు చేరుకుని సీసీ కెమెరా ఫుటేజీలు పరిశీలించారు.కేసు నమోదు చేసి దర్యాప్తు చేస్తున్నామని ఎస్సై ఎస్‌.చిరంజీవి తెలిపారు. కాగా, గతంలో ఇదే వీధిలో కనకదుర్గా జ్యూయలర్స్‌లో వెండిని ఇలానే ముగ్గురు మహిళలు దోచుకున్నారు. మరోసారి ఇప్పుడు చోరీ జరగడంతో స్థానికులు ఆందోళన చెందుతున్నారు.

మందస: తమకు ఎయిర్‌పోర్టు వద్దని, పచ్చని భూములే ముద్దు అని మందస మండలం టి.గంగువాడ గ్రామస్తులు తేల్చిచెప్పారు. గ్రామానికి చెందిన చిత్త గున్నయ్య ఆధ్వర్యంలో బాధిత రైతులు కమిటీ హాలులో సమావేశం నిర్వహించారు. ఈ సందర్భంగా వారు మాట్లాడుతూ రెండు రోజులుగా గ్రామానికి కొందరు అధికారులు వచ్చి సర్వే పేరిట వచ్చి కొలతలు వేయడానికి మిషన్లు తీసుకురావడం బాధాకరమన్నారు. తమ భూములపై ఏ హక్కుతో కొలతలు వేస్తున్నారని ప్రశ్నించారు. ఎమ్మెల్యే శిరీష స్పందించి తమ భూములను పరిరక్షించాలని కోరారు. కార్యక్రమంలో దాసరి మోహన్‌రావు, జోగి మోహన్‌రావు, రామారావు, పుక్కల్ల నారాయణ, బాలకృష్ణ, రవి తదితరులు పాల్గొన్నారు.

నేను ప్రతి సంవత్సరం టెండర్‌ లో పాల్గొంటున్నాను. ఇలాంటి పరిస్థితి ఎప్పుడూ లేదు. ఒక సరుకుకు మేం రూ.330 కోట్‌ చేస్తే అదే సరుకుకు డీసీఎంఎస్‌ సంస్థ రూ.805కు కోట్‌ చేసింది. నిబంధనల ప్రకా రం వారికి ఇవ్వడానికి అవకాశం లేదు, అయినా అధికారులు ఒత్తిళ్లకు తలొగ్గి కాలయాపన చేస్తున్నా రు. ఎక్కువ కోడ్‌ చేసిన సంస్థకు టెండర్‌ ఇస్తే రూ. లక్షల్లో అవినీతి జరుగుతుంది. నిబంధనల ప్రకా రం టెండర్లను ప్రకటించకపోతే 40 మంది టెండర్‌దారులు కలిసి ఉద్యమాలు చేస్తాం. – సువ్వారి వేణుగోపాలరావు, టెండర్‌దారుడు

శ్రీకాకుళం క్రైమ్‌ : జిల్లాకేంద్రంలోని బోడెమ్మకోవెల సమీపంలో బలగవీధిలో గురువారం ఉదయం అగ్ని ప్రమాదం సంభవించి రూ.1.70 లక్షలు ఆస్తినష్టం సంభవించినట్లు జిల్లా అగ్నిమాపక సహాయాధికారి కె.శ్రీనుబాబు వెల్లడించారు. ఇంట్లో ఎవరూ లేకపోవడంతో ప్రాణాపాయం తప్పిందన్నారు. గార మండలం కొర్లాం గ్రామంలో అంగన్‌వాడీ కార్యకర్తగా పనిచేస్తున్న కుప్పిలి రామామణి బలగవీధిలో పెంకుటిల్లులో కుమారుడు లోకేష్‌తో కలిసి కొంతకాలంగా నివసిస్తున్నారు. లోకేష్‌ విశాఖలోని ఓ ప్రయివేటు కంపెనీలో పనిచేస్తున్నాడు. ఎప్పటిలాగే గురువారం ఉదయం విధుల నిమిత్తం రామామణి కొర్లాం వెళ్లింది. దేవుని గుడిలో ఉన్న దీపం ప్రమిద మంచంపై పడి మంటలు, పొగ వ్యాపించడంతో స్థానికులు ఆందోళనకు గురై ఆర్పేందుకు యత్నించారు. ఈలోగా ఫైర్‌ సిబ్బంది జీవీకే నాయుడు, ఎస్‌ ప్రసాద్‌, ఎం.శ్రీనివాస్‌, డి.శ్రీనివాస్‌, పి.జగన్నాథరావు, వై.పాపారావులు వచ్చి మంటలను అదుపు చేశారు. అప్పటికే ఇంట్లో సామాన్లు కాలిపోయాయి.

వైఎస్సార్‌ సీపీ పాలనలో రెండేళ్లు కరోనాతో నష్టపోయినా మూడేళ్లలో ఇచ్చిన హామీలన్నీ నెరవేర్చాం. జిల్లాలో కీలక ప్రాజెక్టులకు వైఎస్‌ రాజశేఖర రెడ్డి శ్రీకారం చుడితే ఆయన తనయుడు వైఎస్‌ జగన్‌ పూర్తి చేశారు. వెనుకబడ్డ జిల్లాను అభివృద్ధి చేయడానికి మూలపేట పోర్టు, ఉద్దానం మంచినీటి ప్రాజెక్టు, ఫిషింగ్‌ హార్బర్ల నిర్మాణం మొదలుపెట్టారు. కూటమి అబద్ధాలు, అక్రమాలు, మోసాలు అందరికి తెలిజేయాల్సిన అవసరం ఉందన్నారు. – ధర్మాన కృష్ణదాస్‌, పార్టీ జిల్లా అధ్యక్షుడు ●

వంద అబద్ధాలాడైనా ఓ పెళ్లి చేయమని సామెత. అలా లక్ష అబద్ధాలాడైనా ముఖ్యమంత్రి కావాలన్నది చంద్రబాబు సొంత సామెత. వైఎస్‌ జగన్‌ రూపొందించిన పథకాలు అమలు చేయడం తప్ప చంద్రబాబు ఒక్క కొత్త పథకాన్ని అమలు చేయలేదు. రెడ్‌బుక్‌కు ఎవరూ భయపడరు. రీకాలింగ్‌ చంద్రబాబు మేనిఫెస్టో మొదలుపెట్టక ముందే డైవర్షన్‌ పాలిటిక్స్‌ మొదలయ్యాయి. జగన్‌ రోడ్డు మీదకు వస్తానంటేనే భయపడిపోతున్నారు. నెల్లూరులో హెలిప్యాడ్‌కు పర్మి షన్‌ ఇవ్వకుండా అడ్డుకోవడం అన్యాయం. రాష్ట్రంలో రెండే పథకాలు అమలవుతున్నాయి ఒకటి చంద్రన్న దగా, రెండోది చంద్రన్న పగ. – కురసాల కన్నబాబు, వైఎస్సార్‌ సీపీ ఉత్తరాంధ్ర సమన్వయకర్త ●

కారుచౌకగా జీడి పిక్కల కొనుగోలు పలాస: ఉద్దానం ప్రాంత ప్రజల జీవనాధారమైన జీడి పిక్కలను పలాస జీడి వ్యాపారులు కారుచౌకగా కొనుగోలు చేస్తున్నారు. 80 కిలోల జీడి పిక్కల బస్తా ధర ప్రస్తుతం తప్పని పరిస్థితుల్లో రైతులు రూ.12,500లకు అమ్ముకుంటున్నారు. ఇటీవలే ఉద్దానం ప్రాంతంలోని మామిడిపల్లి, బొడ్డపాడు, మాకన్నపల్లి తదితర గ్రామాల్లో పలాస జీడి వ్యాపారులు జీడి పిక్కలను కొనుగోలు చేశారు. అయితే నేరుగా జీడి వ్యాపారులు మాత్రం ఈ పిక్కలను కొనుగోలు చేయడం లేదు. గ్రామాల్లో ఉన్న చోటా నాయకులు దళారులుగా ఏర్పడి ఆయా గ్రామాల్లో జీడి వ్యాపారులు తరఫున పిక్కలను కొనుగోలు చేస్తున్నారు. గత ఏడాది ఇదే నెలలో రైతులు బస్తా జీడి పిక్కలను ఆయా గ్రామాల్లో రూ.13,500లకు విక్రయించారు. ఈ ఏడాది ఇంకా జీడి పిక్కలధరలు పెరుగుతాయని ఆశించారు. అయితే దీన్ని పసి గట్టిన జీడి వ్యాపారులు తమ జీడి పప్పునకు డిమాండ్‌ లేదని, జీడి పప్పు నిల్వలు ఉండి పోయాయని తదితర కారణాలతో పలాసలో జీడి పరిశ్రమలను జూన్‌ 1 నుంచి నిరవధికంగా బంద్‌ చేశారు. దీంతో జీడి కార్మికులు రోడ్డున పడ్డారు. రైతులు తమ జీడి తోటల్లో సేకరించిన జీడి పిక్కలను ఇళ్లలో భద్రపరిచారు. పిక్కలను అమ్ముకోవడానికి నానా ప్రయత్నాలు చేశారు. జీడి రైతాంగ కమిటీ నాయకులు ప్రజాప్రతినిధులకు వినతిపత్రాలు అందజేశారు. జీడి కార్మికులు కూడా తమకు పనికల్పించాలని నిరాహార దీక్షలు చేశారు. అయినా పరిశ్రమదారులు మాత్రం దేన్ని పట్టించుకోలేదు. ఇటీవల కొద్ది రోజుల కిందట జీడి పరిశ్రమలు తెరిచారు. దీంతో గ్రామాల్లోకి ఎప్పటి లాగే జీడి వ్యాపారులు జీడి పిక్కలను కొనుగోలు చేయడానికి వస్తున్నారు. అయితే వారు నేరుగా జీడి రైతుల నుంచి కొనుగోలు చేయడం లేదు. గ్రామాల్లో ఉన్న దళారులను పట్టుకొని వారి చేత పిక్కలను కొనుగోలు చేయిస్తున్నారు. ఈ దళారుల్లో అధికారపార్టీ నాయకులు ఎక్కువ మంది ఉన్నారు. అన్ని వర్గాల వారు దీనిపై ప్రేక్షక పాత్ర వహించడం విశేషం. మొత్తానికి జీడి పరిశ్రమల బంద్‌ పేరుతో వ్యాపారులు చేసి కార్యక్రమాలు వారికి అనుకూల ఫలితాలు చేకూర్చుతున్నాయి. మేనెలలో జీడి పిక్కలను అమ్ముకోవలసిన రైతులకు ఇప్పుడు ఈ పరిస్థితులు మింగుడు పడటం లేదు. జీడి పిక్కలు బాగా ఎండిపోవడం వల్ల తరుగు ఏర్పడింది. కనీసం బస్తా పిక్కల దగ్గర కనీసం 5కిలోల తరుగు వచ్చింది. అంతే కాకుండా ధర కూడా బాగా తగ్గిపోయింది. మే నెలలో బస్తా పిక్కల ధర రూ.13500లు ఉండగా ప్రస్తుతం తప్పని పరిస్థితిలో తక్కువ ధరకు అమ్ముకోవాల్సిన దుస్థితి వచ్చిందని రైతులు ఆవేదన వ్యక్తం చేస్తున్నారు. ఈ విషయంలో పాలక పార్టీ నాయకులు పట్టించుకోక పోవడం పట్ల రైతులు ఆగ్రహం వ్యక్తం చేస్తున్నారు. బస్తా పిక్కల ధర రూ.12,500 గత ఏడాది ఇదే నెలలో రూ.13,500

నరసన్నపేట: పాఠశాల విద్యార్థులకు మధ్యాహ్న భోజన పథకం కోసం పంపిణీ చేస్తున్న బియ్యం నిండా పురుగులు, నూకలు ఉంటున్నాయి. గురువారం స్థానిక జిల్లా పరిషత్‌( బోర్డు) ఉన్నత పాఠశాల, మోడల్‌ ప్రైమరీ స్కూల్స్‌లో బియ్యంను పరిశీలించగా పురుగులు కనిపించాయి. ఈ సందర్భంగా వంట ఏజెన్సీ ప్రతినిధులు కాంతమ్మ ,రుప్ప శాంతలు మాట్లాడుతూ బియ్యంలో పురుగులు ఉంటున్నాయని, అలాగే నూకల శాతం కూడా అధికంగా ఉందని తెలిపారు. ముక్కు వాసన వస్తున్నాయని అన్నారు. ఒకటికి రెండు మార్లు పరిశుభ్రం చేశాక వండుతున్నట్లు తెలిపారు. పాఠశాల బియ్యం వెనక్కి.. టెక్కలి రూరల్‌: మండలంలోని చాకిపల్లి జిల్లాపరిషత్‌ ఉన్నత పాఠశాలలో మధ్యాహ్న భోజన పథకానికి సంబంధించిన బియ్యాన్ని ఇటీవల పౌరసరఫరాల శాఖ నుంచి పంపిణీ చేశారు. అందులో ఒక బ్యాగ్‌ పూర్తిగా పాడైపోయి పురుగులు పట్టి, బియ్యం మొత్తం ఉండలు కట్టి ఉండటంతో దాన్ని గుర్తించిన పాఠశాల ఉపాధ్యాయులు ఆ బియ్యా న్ని రెండు రోజులు కిందట వెనక్కి పంపించి దానిస్థానంలో మరో బియ్యం బ్యాగ్‌ తీసుకున్నారు. నెలవంకలో..కవిటి: ప్రభుత్వ పాఠశాలల్లో చదువుతున్న పేదపిల్లల కోసం ప్రభుత్వం పంపిణీ చేసిన సన్న బియ్యం నాసిరకంగా మారింది. మండలంలోని నెలవంక ప్రాథమిక పాఠశాలలో ‘సాక్షి’ చేసిన పరిశీలనలో బియ్యం నాసిరకంగా ఉన్నట్లు తేలింది. అట్టకట్టిన బియ్యాన్ని వండలేక వాటిని ఏం చేయాలో అర్థం కాక వంట ఏజెన్సీ మహిళలు సతమతమయ్యారు. రెండు బస్తాల్లో ఈ తరహా బియ్యం వారికి కనిపించింది.

ఐదు కోట్ల మంది ఆంధ్రులను బాబు ష్యూరిటీ.. భవిష్యత్‌ గ్యారెంటీ అనే కార్యక్రమంతో మోసగించారు. దేశ చరిత్రలో ఏ పార్టీ చేయని విధంగా రీ కాలింగ్‌ చంద్రబాబు మేనిఫెస్టో అనే కార్యక్రమం చేపట్టడం అభినందనీయం. ఏడాది పాలనలో యువతకు రూ.38,400 కోట్లు, అన్నదాత సుఖీభవ కింద 5,85,082మందికి రూ.10,717కోట్లు, నిరుద్యోగ భృతి కింద రూ.7800కోట్లు, తల్లికి వందనం పేరిట రూ.13,111కోట్లు, దీపం పథకం కింద రూ.4900 కోట్లు బకాయి పడ్డారు. రాష్ట్రానికి జగన్‌ పాలన అవసరం. – కుంభా రవిబాబు, ఎమ్మెల్సీ, పార్టీ శ్రీకాకుళం పార్లమెంట్‌ పరిశీలకుడు కేంద్ర మంత్రి ఏం చేశారు..? జిల్లాలో మూడుసార్లు ఎంపీగా ఎన్నికై న రామ్మోహన్‌ నాయుడు ఈ జిల్లాకు తీసుకువచ్చిన ప్రాజెక్టులు ఏంటి? యుద్ధం వస్తే మొదటగా ఎఫెక్ట్‌ అయ్యేది విమా నయాన రంగం. ఆపరేషన్‌ సిందూర్‌ అవుతుంటే.. మే 15న పాతపట్నంలో రూ. 15లక్షలతో సీసీ రోడ్డుకి శంకుస్థాపన చేసుకోవడం ఎంత హాస్యాస్పదం. – సీదిరి అప్పలరాజు, మాజీ మంత్రి ●

7●ప్రజలకు కూటమి ఇచ్చిన బాండును చూపిస్తున్న బొత్స సత్యనారాయణకూటమి ప్రభుత్వంపై బురద జల్లాలనే ఉద్దేశంతో ‘రీకాల్‌ చంద్రబాబు మేని ఫెస్టో’ కార్యక్రమం రూపొందించలేదు. ప్రజలకు జరుగుతున్న అన్యాయాన్ని తెలియజేసి.. ప్రజల పక్షాన నిలబడేందుకే ఈ కార్యక్రమానికి రూపకల్పన చేశాం. – శాసన మండలి ప్రతిపక్ష నేత బొత్స సత్యనారాయణఇచ్చిన హామీలు అమలు చేయకుంటే మెడలు వంచి ప్రశ్నిస్తాం. మీ బెదిరింపులకు భయపడేదే లేదు. శుక్రవారం శ్రీ 4 శ్రీ జూలై శ్రీ 2025శ్రీకాకుళం నగరంలో జరిగిన వైఎస్సార్‌సీపీ విస్తృత స్థాయి సమావేశంలో క్యూఆర్‌కోడ్‌ పోస్టర్‌ ఆవిష్కరిస్తున్న వైఎస్సార్‌సీపీ నాయకులు ● హామీలు అమలుచేయని మోసగాళ్లు చంద్రబాబు, పవన్‌: శాసన మండలి ప్రతిపక్ష నేత బొత్స సత్యనారాయణ ● ఏపీలో చంద్రన్న దగ...పగ అనే పథకాలు అమలవుతున్నాయ్‌: కురసాల కన్నబాబు ● బాబు ఏడాది పాలనలో కోట్లాది రూపాయిల బకాయి: కుంభా రవిబాబు ● వైఎస్సార్‌ సీపీ విస్తృత స్థాయి సమావేశంలో ధ్వజమెత్తిన నేతలు శ్రీకాకుళం (పీఎన్‌ కాలనీ): అధికార దాహంతో దారిన కనబడిన వారందరితో చేతులు కలిపి, అధికారం చేతికి వచ్చాక ఇచ్చిన మాట మర్చిపోయిన మోసగాళ్లు చంద్రబాబు, పవన్‌ కల్యాణ్‌ అని శాసన మండలి ప్రతిపక్ష నేత బొత్స సత్యనారాయణ ధ్వజమెత్తారు. ప్రజలకు జరుగుతున్న అన్యాయాన్ని వివరించి ప్రజల పక్షాన నిలబడేందుకు ‘రీకాలింగ్‌ చంద్రబాబు మేనిఫెస్టో’ కార్యక్రమం రూపొందించామని ఆయన తెలిపారు. అధికార పక్ష బెదిరింపులకు వైఎస్సార్‌సీపీ కార్యకర్తలు, నాయకులు బెదిరిపోరన్న విషయాన్ని గుర్తుపెట్టుకోవాలని హెచ్చరించారు. తాము ఈవీఎంల ద్వారా ఓడిపోయామో, ఏ విధంగా ఓడిపోయామో ఆ దేవుడికే తెలుసని నర్మగర్భంగా వ్యాఖ్యానించారు. శ్రీకాకుళంలోని ఓ ప్రైవేటు హొటల్‌లో గురువారం నిర్వహించిన వైఎస్సార్‌సీపీ విస్తృత స్థాయి సమావేశంలో ఆయన మాట్లాడారు. బాబు ష్యూరిటీ–మోసం గ్యారెంటీ పేరిట కార్యక్రమాన్ని ప్రజల్లో తీసుకెళ్లేందుకు.. రీకాలింగ్‌ చంద్రబాబు మేనిఫెస్టో పేరిట ఇంటింటి ప్రచార కార్యాచరణపై సమావేశంలో చర్చించారు. జిల్లా వ్యాప్తంగా 5 వారాల పాటు జిల్లా, నియోజకవర్గ, మండల, గ్రామస్థాయిలో సమావేశాలు నిర్వహించి, అనంతరం ఇంటింటికీ వెళ్లి కూటమి ప్రభుత్వాల మోసాల్ని వివరించేందుకు కార్యాచరణ రూపొందించి నాయకులకు దిశా నిర్దేశం చేశారు. ఈ సందర్భంగా నూతనంగా నియమితులైన అనుబంధ విభాగాల అధ్యక్షులు, నాయకులతో ప్రమాణ స్వీకారం చేయించారు. అనంతరం బొత్స మాట్లాడుతూ వైఎస్‌ జగన్‌ పరామర్శలకు వెళ్తున్నా బురద జల్లుతున్నారని విమర్శించారు. జిల్లాలోని మూలపేట పోర్టును చంద్రబాబే ప్రారంభించారని కేంద్రమంత్రి రామ్మోహన్‌నాయుడు చెప్పడం సిగ్గు చేటన్నారు. సమావేశంలో ఎచ్చెర్ల మాజీ ఎమ్మెల్యే గొర్లె కిరణ్‌కుమార్‌, తూర్పుకాపు, కాళింగ, కళింగవైశ్య కులాల రాష్ట్ర అధ్యక్షులు మామిడి శ్రీకాంత్‌, దుంపల లక్ష్మణరావు, అంధవరపు సూరిబాబు, పార్టీ రాష్ట్ర కార్యదర్శి కిల్లి వెంకటగోపాల సత్యనారాయణ, జిల్లా పరిషత్‌ వైస్‌ చైర్మన్‌ పాలిన శ్రావణి మాజీ ఎమ్మెల్యే పిరియా సాయిరాజ్‌, యువజన విభాగం రాష్ట్ర ఉపాధ్యక్షులు ఎంవీ స్వరూప్‌, జిల్లా అధ్యక్షుడు మార్పు పృథ్వీ, మున్సిపల్‌ మాజీ చైర్‌ పర్సన్‌ ఎంవీ పద్మావతి, గ్రీవెన్స్‌సెల్‌ అధ్యక్షుడు రౌతు శంకరరావు, ఎస్సీసెల్‌ విభాగం జిల్లా అధ్యక్షుడు ముంజేటి కృష్ణ, మహిళా విభాగం అధ్యక్షురాలు ఉలాల దివ్యభారతి, పార్టీ జిల్లా ప్రధాన కార్యదర్శి గేదెల పురుషోత్తం, ముత్తా విజయ్‌కుమార్‌, పిలక రాజ్యలక్ష్మి, కరిమి రాజేశ్వరరావు, గొండు కృష్ణమూర్తి, మూకళ్ల సుగుణ, పిన్నింటి సాయి, ఎన్ని ధనుంజయరావు, చిట్టి జనార్ధనరావు, సనపల నారాయణరావు, తంగుడు నాగేశ్వరరావు, బల్లాడ హేమమాలిని, జనార్ధనరావు, సాడి శ్యామ్‌ప్రసాద్‌రెడ్డి, బొడ్డేపల్లి పద్మజ, సాధు వైకుంఠరావు, గుంట జ్యోతి, గద్దిబోయిన కృష్ణయాదవ్‌, కోట గోవిందరావు, ప్రేమ్‌కుమార్‌ పాల్గొన్నారు. న్యూస్‌రీల్‌మద్యం ఏరులై పారుతోంది.. రాష్ట్రంలో మంచినీళ్లు దొర క్కపోయినా గ్రామగ్రామాన మద్యం ఏరులై పారుతోంది. రాష్ట్రంలో 119 మంది ఐపీఎస్‌లకి పోస్టింగులు లేవు. కొందరిని సస్పెండ్‌ చేయడం మరీ దారుణం. నిన్న కాక మొన్న ఒక ఐపీఎస్‌ అధికారి రాజీనామా చేసి ఢిల్లీ వెళ్లిపోయారు. వైఎస్సార్‌సీపీ నాయకులు చాలా మందిని అరెస్టు చేసి వారికి బెయిల్‌ ఇవ్వకుండా కోర్టుల చుట్టూ తిప్పుతున్నారు. చంద్రబాబు సంపద సృష్టించడానికే అప్పులు చేస్తున్నామని చెప్పడం విడ్డూరం. – తమ్మినేని సీతారాం, పార్టీ శ్రీకాకుళం పార్లమెంట్‌ నియోజకవర్గ సమన్వయకర్త

ఎచ్చెర్ల: ఆర్టీయూకేటీ పరిధిలోని నూజివీడు, ఇడుపులపాయ, శ్రీకాకుళం, ఒంగోలు క్యాంపస్‌లకు 2025–26 సంవత్సరానికి జరుగుతున్న అడ్మిషన్లలో భాగంగా నూజివీడు ఎస్‌ఏజీ ఆడిటోరియంలో రెండోరోజు గురువారం అడ్మిషన్ల ప్రక్రియ ప్రశాంతంగా ముగిసింది. మొత్తం 547 మంది విద్యార్థులకు కాల్‌ లెటర్లు పంపించారు. విద్యార్థులకు ఏ విధమైన ఇబ్బందులు కలగకుండా అధికారులు తగిన ఏర్పాట్లు చేశా రు. మొత్తం అడ్మిషన్ల ప్రక్రియను ఆర్జీయూకేటీ రిజిస్ట్రార్‌, ప్రవేశాల కన్వీనర్‌ అచార్య సండ్ర అమరేంద్రకుమార్‌ పర్యవేక్షించారు. కార్యక్రమంలో పరిపాలన అధికారి ముని రామకృష్ణ, డీన్‌ శివరామకృష్ణ, ఫైనాన్స్‌ అధికారి వాసు, వెల్ఫేర్‌ డీన్‌ గేదెల రవి, మోహన్‌ కృష్ణ తదితరులు పాల్గొన్నారు. ‘అన్యాయంగా విధుల నుంచి తొలగించారు’ సరుబుజ్జిలి: అధికార పక్ష నేతలకు అనుకూలంగా వ్యవహరించలేదనే నెపంతో అన్యాయంగా విధుల నుంచి తొలగించారని సింధువాడ ప్రాథమిక పాఠశాల మధ్యాహ్న భోజన పథకం కార్మికురాలు ఊటపల్లి చిన్నమ్మడు వాపోయారు. ఈ మేరకు గురువారం పాఠశాల ఆవరణలో నిరసన తెలిపారు. సుమారు 25 ఏళ్లు గా మధ్యాహ్న భోజన పథకం కార్మికురాలిగా పనిచేస్తున్నట్లు వెల్లడించారు. విద్యాశాఖ అధికారులు తన సంతకాన్ని తెల్లకాగితంపై తీసుకొని తనను మోసగించి అడ్డదారుల్లో విధుల నుంచి తొలగించారని తెలిపారు. ఇదే వృత్తిని నమ్ముకొని జీవిస్తున్నానని, అధికారులు న్యాయం చేయాలని కోరారు. సేవలు సంతృప్తి కలిగించాలి: కలెక్టర్‌ శ్రీకాకుళం పాతబస్టాండ్‌: ప్రజల సంతృప్తే ప్రభుత్వ పాలనకు ప్రామాణికమని, అందుకే ప్రతి శాఖ కూడా ప్రజల అభిప్రాయాలను నిక్షిప్తంగా గుర్తించి, సేవలను మరింత మెరుగుపరిచే దిశగా పనిచేయాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులకు సూచించారు. రాష్ట్ర ప్రభుత్వ ప్రధాన కార్యదర్శి విజయానంద్‌ అధ్యక్షతన వెలగపూడి సచివాలయం నుంచి గురువారం జరిగిన వీడియో కాన్ఫరెన్స్‌లో కలెక్టర్‌, జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌, అసిస్టెంట్‌ కలెక్టర్‌ దొనక పృథ్వీరాజ్‌ కుమార్‌ జిల్లా నుంచి ఆయా శాఖల అధికారులతో కలిసి పాల్గొన్నారు. ఈ సందర్భంగా పీఎం సూర్య ఘర్‌, స్వర్ణాంధ్ర–స్వచ్ఛ ఆంధ్ర, బంగారు కుటుంబం వంటి కార్యక్రమాల అమలు, ప్రజల్లో సానుకూల ధోరణి పెంపొందించడంపై ప్రత్యేకంగా చర్చించారు. సమావేశం అనంతరం కలెక్టర్‌ మాట్లాడుతూ ప్రతి శాఖ ప్రజలకు సేవలందించే విధానం ఆత్మవిశ్వాసంతో ప్రజల అభిప్రాయాలను తెలుసుకునేందుకు ఇంటరాక్టివ్‌ వాయిస్‌ రెస్పాన్స్‌ సిస్టమ్‌ ద్వారా ప్రతి అంశాన్ని నిశితంగా పరిశీలిస్తున్నట్లు వివరించారు. కుదిరిన జీడి కార్మికుల వేతనాల ఒప్పందం మందస: జీడి కార్మికుల వేతనాల ఒప్పందం గురువారం జరిగింది. గత ఏడాది మే నేలలో జరగాల్సిన వేతనాల ఒప్పందం చేయకుండా యాజమాన్యం నిర్లక్ష్యంగా వ్యవహరించి 41 రోజుల పాటు పని ఇవ్వకుండా కార్మికులకు ఇబ్బందులకు గురి చేసింది. సీఐటీయూ ఆధ్వర్యంలో అనేక ఆందోళనలు జరిగాయి. చివరికి యాజమాన్యం, కార్మికులకు మధ్య వేతనాల ఒప్పందం ఓ కొలిక్కి వచ్చింది. గతంలో ఇస్తున్న వేతనాలపై కిలోకు 2.50 పెంచుతూ రెండేళ్లకు ఒప్పందం జరిగింది. చరణ్‌ అదరగొట్టాడు శ్రీకాకుళం న్యూకాలనీ: జిల్లాకు చెందిన అట్టాడ చరణ్‌ భారత వాలీబాల్‌ ప్రాబబుల్స్‌ జట్టుకు ఎంపికయ్యాడు. బెంగళూరు వేదిక గా ఎన్‌ఎస్‌ఎస్‌సీ అకాడమీలో జరగనున్న శిక్షణ శిబిరాల్లో పాల్గొనే ఇండియన్‌ ప్రాబబు ల్స్‌ జాబితాను ఫెడరేషన్‌ ఆఫ్‌ ఇండియా జనరల్‌ సెక్రటరీ రామనాథ్‌ చౌదరి విడుదల చేశారు. ఈ యువ క్రీడాకారుడు పలా స మండలం అంతరకుడ్డ గ్రామం ప్రస్తుతం విఽశాఖపట్నంలోని సాయ్‌ స్పోర్ట్స్‌ స్కూల్‌/హాస్టల్‌లో ఇంటర్‌ చదువుతున్నాడు.

శ్రీకాకుళం జిల్లా జి.శిగడం మండలం పాలకడియం గ్రామానికి చెందిన వెంకటేశ్‌ సిగాచీ పరిశ్రమలో సీనియర్‌ కెమిస్ట్‌. మూడురోజుల కిందట జరిగిన పేలుడు ఘటనలో అతడు మృతిచెందినట్లు అధికారులు ప్రకటించారు. అయితే రోజులు గడుస్తున్నా తన కొడుకు మృతదేహాన్ని అప్పగించని పరిస్థితి. దీంతో మృతుని తండ్రి చిన్నారావు ఆవేదనకు అంతులేదు. హెల్ప్‌డెస్క్‌ వద్ద, మార్చురీ వద్ద తమ బిడ్డ మృతదేహం కోసం పడరాని కష్టాలు పడుతున్నాడు.సాక్షి ప్రతినిధి, సంగారెడ్డి: సిగాచీ పరిశ్రమ దుర్ఘటనలో మరణించిన, క్షతగాత్రులైన బిహార్, ఒడిశా కుటుంబాలకు సహాయం చేయడానికి ఆ రాష్ట్ర ప్రభుత్వాలు ఉన్నతాధికారుల బృందాలను పంపింది. కానీ ∙ఆంధ్రప్రదేశ్‌ ప్రభుత్వం ఆ తరహా చొరవ చూపడం లేదు. ఈ దుర్ఘటనలో 8 మంది ఏపీ వాసులు మృత్యువాత పడ్డారు. మరో 18 మంది తీవ్రంగా గాయపడి మృత్యువుతో పోరాడుతున్నారు. ఇతర రాష్ట్రాల అధికారులు దగ్గరుండి తమ రాష్ట్రాల బాధిత కుటుంబాలకు సహాయమందిస్తుంటే ఏపీ ప్రభుత్వం నుంచి ఇంతవరకు ఒక్క అధికారి కూడా అటువైపు తొంగిచూడలేదు. దీనిపై బాధిత కుటుంబాలు తీవ్ర ఆవేదన వ్యక్తం చేస్తున్నాయి. రోజుల తరబడి నిరీక్షణఏపీకి చెందిన మృతుల్లో విజయనగరం, కృష్ణా, ప్రకాశం, వైఎస్సార్, తూర్పుగోదావరి తదితర జిల్లాలకు చెందిన వారున్నారు. అయితే గుర్తుపట్టలేనంతగా కాలిపోవడంతో మృతదేహాల అప్పగింత ప్రహసనంగా మారింది. డీఎన్‌ఏ పరీక్షలు నిర్వహించి మృతదేహాలను అప్పగిస్తున్నారు. ఈ క్రమంలో మృతదేహాలు ఇంకా అందక ఆయా కుటుంబాలు పాశమైలారం పారిశ్రామిక వాడలో నరకయాతన అనుభవిస్తున్నారు. తమ వారిని కోల్పోయిన దుఖం కంటే.. కడసారి చూపు కోసం వారు పడుతున్న బాధ వర్ణణాతీతం. సంగారెడ్డి జిల్లా పటాన్‌చెరు ప్రభుత్వాస్పత్రి మార్చురీ వద్ద బాధిత కుటుంబాలు కన్నీరు ఇంకిన కళ్లతో వేచి చూస్తున్నాయి. బిహార్, ఒడిశా రాష్ట్రాల మాదిరిగా తమకు సహాయం అందించేందుకు తమ అధికారులెవరూ రాలేదని వాపోతున్నాయి.

టెక్కలి: జిల్లాలో నిరుద్యోగ యువతకు ఉపాధి కల్పించాలని, ఈ ప్రాంతాన్ని పారిశ్రామికంగా అభివృద్ధి చేయాలని, వలసలు నివారించాలనే ఉద్దేశంతో మూలపేట పోర్టు నిర్మాణానికి శ్రీకారం చుట్టిన మాజీ ముఖ్యమంత్రి వైఎస్‌ జగన్‌మోహన్‌రెడ్డిపై దారుణమైన వ్యాఖ్యలు చేసిన సంస్కారహీనుడు మంత్రి అచ్చెన్నాయుడని వైఎస్సార్‌సీపీ టెక్కలి నియోజకవర్గ సమన్వయకర్త పేరాడ తిలక్‌ మండిపడ్డారు. టెక్కలిలోని అయోధ్యపురం సమీపంలో ఉన్న పోర్టురోడ్డులో మీడియా సమావేశాన్ని బుధవారం ఏర్పాటు చేశారు. ఈ సందర్భంగా ఆయన మాట్లాడుతూ.. ఐదేళ్ల పాలనలో జిల్లాలో కిడ్నీ రీసెర్చ్‌ సెంటర్‌, కిడ్నీ ఆస్పత్రి, ఉద్దానానికి తాగునీరు అందించిన వ్యక్తిని, వెయ్యి అడుగుల గోతులో పాతేస్తానని బుర్ర తక్కువ వ్యాఖ్యలు చేస్తావా అని దుయ్యబట్టారు. అచ్చెన్నాయుడిని, అతని కుటుంబ సభ్యులను ఉన్నత స్థాయికి తీసుకెళ్లిన ఈ జిల్లా ప్రజలు, నియోజకవర్గానికి చెందిన ప్రజల కోసం ఆ కుటుంబం ఒక్క అభివృద్ధి పనైనా చేసిందా అని ప్రశ్నించారు. దశాబ్ధాలుగా ఈ ప్రాంతంలో రాజకీయ పబ్బం గడుపుతున్న కింజరాపు కుటుంబం చేయలేని అభివృద్ధిని తమ నాయకుడు చేశారని గుర్తు చేశారు. వైఎస్సార్‌సీపీ హయాంలో 80 శాతం పనులు గత వైఎస్సార్‌సీపీ హయాంలో సుమారు 80 శాతం పోర్టు పనులు పూర్తయ్యాయని, కూటమి ప్రభుత్వం అధికారంలోకి వచ్చిన తర్వాత వాటాలు కుదరకపోవడంతో కొన్ని నెలల పాటు పోర్టు పనులు నిలిపివేశారని తిలక్‌ దుయ్యబట్టారు. మరలా కింజరాపు కుటుంబం సొంత ప్రయోజనాలకు కమీషన్లు కుదరడంతో పోర్టు పరిశీలన పేరుతో పర్యటనలు చేయడం సిగ్గు చేటుగా లేదా అని నిలదీశారు. పోర్టు అప్రోచ్‌ రోడ్డులో రైతుల అభిప్రాయాలు తెలుసుకోకుండా రాజకీయం చేస్తున్నారని దుయ్యబట్టారు. దొంగనోట్లు మాఫియాతో జత కడుతూ టెక్కలి నియోజకవర్గంలో రౌడీ షీటర్లను పక్కన పెట్టుకుని అక్రమాలకు పాల్పడుతున్న వ్యక్తి అచ్చెన్నాయుడని ఆరోపించారు. అచ్చెన్నాయుడు చేస్తున్న అరాచకాలకు వత్తాసు పలుకుతున్న కొంతమంది అధికారులు జాగ్రత్తగా ఉండాలని, లేకపోతే భవిష్యత్‌లో బాధపడాల్సి ఉంటుందని హెచ్చరించారు. కార్యక్రమంలో వైఎస్సార్‌సీపీ మండల కన్వీనర్‌ హెచ్‌.వెంకటేశ్వర్రావు, వైస్‌ ఎంపీపీ పి.రమేష్‌, బన్నువాడ సర్పంచ్‌ పి.మోహన్‌రావు, నాయకులు సత్తారు సత్యం, ఎం.గణపతిరావు, టి.పాల్గుణరావు, జె.జయరాం, పి.రమణబాబు, కె.జీవన్‌, బి.రాజేష్‌, ఎం.రమేష్‌, పి.శ్యామలరావు, ఆర్‌.మురళీరెడ్డి తదితరులు పాల్గొన్నారు. నకిలీ నోట్లు మాఫియాతో ఆయనకు సంబంధాలు మండిపడిన పేరాడ తిలక్‌

రణస్థలం: మండలంలోని అర్జునవలస పంచాయతీ గడిజాలపేట గ్రామ సమీపంలోని రామతీర్ధాలు రహదారిపై బుధవారం సాయంత్రం 4.30 గంటల సమయంలో ఎదురుగా వచ్చిన కారు ఢీకొనడంతో యువకుడు మృతి చెందాడు. జేఆర్‌పురం పోలీసులు తెలిపిన వివరాలు ప్రకారం.. మండలంలోని సంచాం గ్రామానికి చెందిన దాకమర్రి వంశీ(21), తన స్నేహితుడు పవన్‌తో కలిసి విజయనగరం జిల్లాలోని నెల్లిమర్ల ద్విచక్ర వాహనంపై వెళ్లారు. తిరుగు ప్రయాణంలో గిడిజాలపేట దగ్గర మలుపు వద్ద ఎదురుగా వచ్చిన కారు ఢీకొంది. దీంతో తీవ్రగాయాలు పాలైన వంశీని తొలుత రణస్థలం సీహెచ్‌సీకి తరలించారు. అనంతరం అక్కడ నుంచి మెరుగైన వైద్యం కోసం శ్రీకాకుళం రిమ్స్‌కు తరలిస్తుండగా మార్గమధ్యలో మృతి చెందాడు. వెనుక కూర్చొని ఉన్న పవన్‌ చిన్న, చిన్న గాయాలతో బయటపడ్డారు. మృతుడి తండ్రి దాకమర్రి అప్పన్న ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని జేఆర్‌పురం ఎస్‌ఐ చిరంజీవి తెలిపారు.

● రెండో విడతలోనే నీరుగారిన లక్ష్యం ● పాఠశాలలకు నాసిరకం బియ్యం పంపిణీ ● తనిఖీల్లో వెలుగు చూసిన వైనం ● సన్నబియ్యం పక్కదారి పట్టినట్లు ఆరోపణలు శ్రీకాకుళం పాతబస్టాండ్‌: పాఠశాలల్లో మధ్యాహ్న భోజనం, వసతి గృహాలు, గురుకులాలు, కేజీబీవీలు తదితర ప్రభుత్వ విద్యారంగ సంస్థల్లో చదువుతున్న పిల్లలకు నాణ్యమైన భోజనం అందించాలనే లక్ష్యంతో ప్రభుత్వం సన్నబియ్యం అందించాలని నిర్ణయించింది. అయితే ఈ పథకం ప్రారంభమైన ఒక్క నెలలోనే నీరుగారుతోంది. నాణ్యమైన సన్న బియ్యం స్థానంలో నాసిరకం పురుగులతో కూడిన బియ్యాన్ని సివిల్‌ సప్లయ్‌ అధికారులు సరఫరా చేస్తున్నట్లు ఆరోపణలు వస్తున్నాయి. తాజాగా కవిటి మండలంలో ఈ బియ్యంపై జరిగిన తనిఖీల్లో ఈ పురుగుల బియ్యం బాగోతం బయిటపడింది. ఈ బియ్యాన్ని జిల్లా సివిల్‌ సప్లయ్‌ శాఖ ద్వారా ఎంఎల్‌ఎస్‌ పాయింట్స్‌, అక్కడ నుంచి పాఠశాలలు, వసతి గృహాలు, గురుకులాలు ఇలా ఆయా పాఠశాలలకు అందజేస్తారు. కేవలం పాఠశాలలకు సంబంధించి నెలకు 15,468 ప్యాకెట్లు (ఒక ప్యాకెట్‌ 25 కిలోలు వంతున) అందజేస్తున్నారు. ఇవి కాకుండా ఇతర సంస్థలు కేజీబీవీ, గురుకులాలు వంటి వాటికి కూడా ఇదేస్థాయిలో బియ్యం బ్యాగ్‌లు అందిస్తున్నారు. అయితే వీటిలో జిల్లా సివిల్‌ సప్లయ్‌ కార్పొరేషన్‌ అధికారుల అవినీతి వలన పురుగుల బియ్యంను అందజేస్తున్నట్లు తెలుస్తోంది. అధికారులకు ఫిర్యాదులు ఈ బియ్యం సరఫరా చేయడం జూన్‌ నెలలో ప్రారంభించారు. అయితే రెండో విడతలో పాఠశాలలకు సరఫరా అయిన బియ్యం చాలా వరకు నాసిరకంగా, పురుగులు ఉన్నాయని పాఠశాలల హెచ్‌ఎంలు విద్యాశాఖ, సివిల్‌ సప్లయ్‌ అధికారులకు ఫిర్యాదు చేస్తున్నారు. ఆ ఫిర్యాదులు జిల్లాస్థాయిలో సివిల్‌ సప్లయ్‌ కార్పొరేషన్‌ అధికారికి చేరినా చర్యలు తీసుకోలేదు. దీంతో విద్యార్థులు, ఉపాధ్యాయులు అందోళన వ్యక్తం చేస్తున్నారు. గత నెల ప్రారంభంలో సన్నబియ్యం నెల్లూరు, గుంటూరు, ఉభయ గోదావరి జిల్లాల నుంచి సరఫరా జరిగాయి. తొలి విడతలో నాణ్యమైన బియ్యం వచ్చాయి. అందువలన దీనిలో మార్పులు జరగకుండా క్యూఆర్‌ కోడ్‌ టాగింగ్‌ విధానం ఏర్పాటు చేశారు. అయితే రెండో విడతలోనూ ఇతర జిల్లాల నుంచి నాణ్యమైన బియ్యమే వచ్చినా, జిల్లా సివిల్‌ సప్లయ్‌ అధికారులు లోకల్‌ బియ్యానికి క్యూ ఆర్‌ కోడ్‌ ట్యాగులు వేసి పాఠశాలలకు సరఫరా చేసినట్లు తెలుస్తోంది. దీనివలన రెండో విడతలో వచ్చిన నాణ్యమైన సన్నబియ్యం పక్కదారి పట్టినట్లు ఆరోపణలు వినిపిస్తున్నాయి. క్వాలిటీ సిబ్బంది వైఫల్యం పాఠశాలలు, వసతి గృహాలు, గురుకులాలకు అందించే బియ్యాన్ని సివిల్‌ సప్లయ్‌ కార్పొరేషన్‌ అధికారులు తనిఖీలు చేయాలి. వాటి నాణ్యతను పరిశీలించి, అనుమతులు ఇవ్వాలి. అయితే ఈ విభాగం జిల్లా సివిల్‌ సప్లయ్‌ కార్పొరేషన్‌ అధికారి నియంత్రణలో ఉంటుంది. కానీ క్వాలిటీ కంట్రోల్‌ అధికారి వ్యవస్థ ఈ కార్యాలయంలో నిర్వీర్యం చేయడంతో ఎటువంటి తనిఖీలు జరగడం లేదని ఈ బియ్యం సరఫరా ద్వారా తేటతెల్లమవుతోంది. వీరు కూడా ఈ బియ్యాన్ని సరఫరా చేసే మిల్లర్లతో కుమ్మకై , అవినీతికి పాల్పడి నాసిరకం బియ్యానికి అనుమతులు ఇస్తున్నారని తెలుస్తోంది. మధ్యాహ్న భోజన బియ్యంలో పురుగులు పురుగులు ఉన్నట్లు గుర్తింపు విద్యార్థుల ఎండీఎం బియ్యంపై ఎంఎల్‌ఎస్‌ పాయింట్లు, పాఠశాలల్లో విరివిగా తనిఖీలు చేయాలని ఇటీవల జేసీ ఫర్మాన్‌ అహ్మద్‌ ఖాన్‌ ఆదేశాలు జారీ చేశారు. దీంతో తహసీల్దార్లు, ఇతర అధికారులు తనిఖీలు చేపట్టారు. తాజాగా కవిటి మండలంలోని ఎంఎల్‌ఎస్‌ పాయింట్‌లో 25 కిలోల నాణ్యమైన సన్నబియ్యం ప్యాకెట్లను తనిఖీ చేస్తుండగా, అందులో తెల్లచీమ, పురుగులు ఉన్నట్లు గుర్తించి ఉన్నతాధికారులకు ఫిర్యాదు చేశారు. దీంతో ఈ పురుగుల బియ్యం బాగోతం, సివిల్‌ సప్లయ్‌ కార్పొరేషన్‌ అధికారుల నిర్వాహకం వెలుగు చూసింది. కవిటి: స్థానిక ప్రభుత్వ ఉన్నత పాఠశాలలో మధ్యాహ్న భోజనానికి వినియోగిస్తున్న బియ్యంలో పురుగులు ఉన్నట్లు తహసీల్దార్‌ బి.మురళీమోహనరావు గుర్తించారు. తొలుత ఈ విషయాన్ని విద్యార్థులు విలేకరులకు తెలియజేయగా.. వారు తహసీల్దార్‌ దృష్టికి తీసుకెళ్లారు. ఈ మేరకు బుధవారం పాఠశాలలో వంట చేస్తున్న సమయంలో వెళ్లి తనిఖీలు చేశారు. పురుగులు ఉండడం వాస్తవమేనని నిర్ధారణకు వచ్చిన తర్వాత జాయింట్‌ కలెక్టర్‌కు వాట్సాప్‌ ద్వారా సమాచారం చేరవేశారు. దీనిపై జేసీ స్పందిస్తూ సంబంధిత అధికారులు, బాధ్యులతో వీడియో కాన్ఫరెన్స్‌ నిర్వహించారు. పురుగుల బియ్యం మార్చి నాణ్యమైన స్టాక్‌ విడుదల చేయాలని ఆదేశించారు.