Amaravati

సాక్షి, విజయవాడ: ఆగ్నేయ బంగాళాఖాతం, దానికి ఆనుకుని ఉన్న అండమాన్ సముద్ర ప్రాంతాల్లో అల్పపీడనం ఏర్పడిందని.. ఇది రాబోయే 6 గంటల్లో వాయుగుండంగా బలపడే అవకాశ ఉందని ఆంధ్రప్రదేశ్ విపత్తుల నిర్వహణ సంస్థ వెల్లడించింది. ఇది మరింత బలపడి రేపు సాయంత్రానికి(ఆదివారం) తుపానుగా మారే అవకాశం ఉందని పేర్కొంది. సోమవారం సాయంత్రానికి పశ్చిమ మధ్య బంగాళాఖాతం ఆంధ్రప్రదేశ్ తీరం సమీపంలోని చేరుకునే అవకాశం ఉందని ఆంధ్రప్రదేశ్ విపత్తుల నిర్వహణ సంస్థ తెలిపింది.సోమ, మంగళవారాల్లో సెంట్రల్ ఆంధ్రా, రాయలసీమ జిల్లాల్లో అక్కడక్కడ భారీ వర్షాలు, కొన్నిచోట్ల భారీ నుంచి అతిభారీ వర్షాలు కురిసే అవకాశం ఉందని.. తీరం వెంబడి 45-65 కిమీ వేగంతో గాలులు వీచే అవకాశం ఉంది. మత్స్యకారులు సముద్రంలో వేటకు వెళ్ళరాదు. లోతట్టు ప్రాంత ప్రజలు తగిన జాగ్రత్తలు తీసుకోవాలి. ప్రజలు అప్రమత్తంగా ఉండాలని ఏపీఎస్‌డీఏ ఎండీ ప్రఖర్ జైన్ తెలిపారు.ఇదీ చదవండి: టెన్త్‌ క్లాస్‌ బాలికను రంపంతో కోసిన ఉన్మాది

సాక్షి, అమరావతి: అండమాన్‌ సముద్రం, నికోబార్‌ దీవులపై ఏర్పడిన అల్పపీడనం శని­వారం వాయుగుండంగా బలపడే అవకాశం ఉన్నట్లు వాతావరణ శాఖ తెలిపింది. ఆ తర్వాత రెండు రోజుల్లో ఇది పశ్చిమ వాయవ్య దిశగా ఏపీ తీరం వైపు కదిలే అవకాశం ఉందని వెల్లడించింది. దీని ప్రభావంతో వచ్చే 3 రోజులు దక్షిణ కోస్తా, రాయలసీమ జిల్లాల్లో అక్కడక్కడ మోస్తరు వర్షాలు కురుస్తాయని తెలిపింది.ఇదిలా ఉండగా, శుక్రవారం కోనసీమ జిల్లా నగరంలో 9.1 సెంటీమీటర్ల వర్షం కురిసింది. పశ్చిమగోదావరి జిల్లా తణుకులో 8.1, అనకాపల్లి జిల్లా చోడవరం 8, కాకినాడ జిల్లా వేలంగి 7.6., కృష్ణా జిల్లా మచిలీపట్నం 7.6, కోనసీమ జిల్లా మామిడికుదురు 5.4, అనకాపల్లి జిల్లా దేవరపల్లిలో 5.2 సెంటీమీటర్ల వర్షం కురిసింది.ఇదీ చదవండి: ఏపీ ఎన్నికల సంఘం కీలక నిర్ణయం

సాక్షి, అమరావతి: ఆగ్రిగోల్డ్‌ బాధితులకు గత చంద్రబాబు ప్రభుత్వంలో ఎంత అన్యాయం జరిగిందో.. ఇప్పుడూ అదే జరుగుతోంది. అగ్రిగోల్డ్‌ భూములను విక్రయించి, బాధితులకు న్యాయం చేయాలని కోర్టు ఆదేశాలిస్తే.. ఆ పేరుతో విలువైన భూములను టీడీపీ నేతలు అతి చవగ్గా కొట్టేస్తున్నారు. భూముల అమ్మకం ద్వారా డిపాజిటర్లకు వారి డబ్బు చెల్లించి న్యాయం చేయాల్సిన ప్రభుత్వం.. సొంత పార్టీ నేతలకు సహకరించి, భూములను దోచిపెడుతోంది. ఇందుకు తాజా ఉదాహరణే కడప నగరానికి సమీపంలోని అగ్రిగోల్డ్‌ భూముల అమ్మకం. బహిరంగ మార్కెట్‌లో దాదాపు రూ. 75 కోట్లు విలువ చేసే 10.28 ఎకరాల వ్యవసాయేతర భూమి­ని తెలుగుదేశం పార్టీ ఎమ్మెల్యే కుమారుడు కేవలం రూ. 5.67 కోట్లకే చేజిక్కించుకోవడంపై అగ్రిగోల్డ్‌ బాధితులు ఆగ్రహం వ్యక్తం చేస్తున్నారు.ఇలాగైతే తమకు న్యాయం ఎప్పుడు జరుగుతుందని ఆవేదన వ్యక్తం చేస్తున్నారు. కడప నగరానికి సమీపంలో చింతకొమ్మదిన్నె మండలం పబ్బాపురం సర్వే నంబరు 36/1లో 9.92 ఎకరాలు, 36/2లో 0.36 ఎకరాలు కలిపి మొత్తం 10.28 ఎకరాల వ్యవసాయేతర భూమి విలువ ప్రభుత్వం నిర్ణయించిన ధర ప్రకారమే రూ.8,95,59,360. కడప రింగ్‌ రోడ్డుకు సమీపంలో ఉన్న ఆ భూమి ధర బహిరంగ మార్కెట్‌లో ఎకరం రూ.7 కోట్లకుపైగా ఉంది.అంటే.. ఆ భూమి ధర రూ.75 కోట్లపైమాటే. కానీ.. కరూర్‌ వైశ్యా బ్యాంక్‌ (జూబ్లిహిల్స్‌ బ్రాంచ్‌) ఫిబ్రవరిలో నిర్వహించిన వేలంలో ఆ భూమిని కేవలం రూ.5.67 కోట్లకే కడప టీడీపీ ఎమ్మెల్యే ఆర్‌.మాధవి రెడ్డి, టీడీపీ పొలిట్‌ బ్యూరో సభ్యుడు ఆర్‌.శ్రీనివాసులురెడ్డిల కుమారుడు ఆర్‌.శ్రవణ్‌రాజ్‌ రెడ్డి డైరెక్టర్‌గా ఉన్న ఆర్కే ఇన్‌ఫ్రా సంస్థ దక్కించుకుంది. ఈ భూమిని జూలై 16న రిజిస్ట్రేషన్‌ కూడా చేసుకున్నారు. బాధితుల నోట్లో మట్టి అగ్రిగోల్డ్‌ యాజమాన్యం డిపాజిటర్ల నుంచి సేకరించిన సొమ్ముతో పలు చోట్ల వివిధ సంస్థల పేరుతో భూములు కొన్నది. అదే విధంగా ఈ భూమిని అగ్రిగోల్డ్‌ ఛైర్మన్‌ అవ్వా సీతారామారావు డైరెక్టర్‌గా ఉన్న క్రిస్టల్‌ విజన్‌ ప్రాజెక్ట్స్‌ ప్రైవేట్‌ లిమిటెడ్‌ పేరుతో కొన్నారు. అనంతరం కరూర్‌ వైశ్యా బ్యాంక్‌ జూబ్లిహిల్స్‌ బ్రాంచ్‌లో తనఖా పెట్టి అవ్వా సీతారామారావు రుణం తీసుకున్నారు. ఆ రుణాన్ని చెల్లించలేదు. హైకోర్టు ఆదేశాల మేరకు అగ్రిగోల్డ్‌ ఆస్తులను ప్రభుత్వం 2015–16లో జప్తు చేసిన ఆస్తుల్లో ఈ భూమి కూడా ఉంది. ఆ భూములను వేలం వేయగా వచ్చే మొత్తం నుంచి బ్యాంకుకు రావాల్సిన సొమ్మును మినహాయించుకుని, మిగతా మొత్తాన్ని బాధితులకు చెల్లించడానికి ప్రభుత్వ ఖజానాలో జమ చేయాలి. కానీ, వచ్చింది బ్యాంకు రుణానికే సరిపోతుందని, తమకు ఒక్క రూపాయి కూడా రాదని బాధితులు తీవ్ర ఆవేదన వ్యక్తం చేస్తున్నారు. 2014–19 మధ్యలో చేసిన తరహాలోనే ఇప్పుడూ తమ నోట్లో మట్టి కొట్టి టీడీపీ నేతలు అగ్రిగోల్డ్‌ భూములను అత్తెసరు ధరలకే కాజేస్తున్నారని మండిపడుతున్నారు. కరూర్‌ వైశ్యా బ్యాంక్‌ అధికారులపై టీడీపీ ఎమ్మెల్యే మాధవిరెడ్డి, ఆమె భర్త శ్రీనివాసులురెడ్డి ఉన్నత స్థాయిలో ఒత్తిడి తెచ్చి కేవలం రూ.5.67 కోట్లకే భూమిని కాజేసి.. తమ నోట్లో మట్టి కొట్టారని ఆగ్రహం వ్యక్తం చేస్తున్నారు. అప్పుడూ ఇప్పుడూ అగ్రిగోల్డ్‌ ఆస్తులపై టీడీపీ నేతల కన్నుఅగ్రిగోల్డ్‌ సంస్థ 8 రాష్ట్రాల్లో 19,18,865 మంది నుంచి రూ.6,380 కోట్లను డిపాజిట్లుగా సేకరించింది. వాటిని చెల్లించలేక 2015లో చేతులెత్తేసింది. ఒక్క మన రాష్ట్రంలోనే 11 .57 లక్షల మంది బాధితులు ఉన్నారు. హైకోర్టు ఆదేశాల మేరకు అగ్రిగోల్డ్‌ ఆస్తులను ప్రభుత్వం 2015–16లో జప్తు చేసింది. కోర్టు ఆదేశాల మేరకు ఆ ఆస్తులు అమ్మి డిపాజిటర్లకు చెల్లించాలి. కానీ.. చంద్రబాబు సర్కార్‌ అప్పట్లో తద్భిన్నంగా వ్యవహరించింది. అగ్రిగోల్డ్‌ యాజమాన్యంతో కుమ్మక్కై పలువురు టీడీపీ ప్రజాప్రతినిధులు ఆ సంస్థ భూములను కాజేశారు. ఈ వ్యవహారంపై అప్పట్లో బాధితులు తీవ్ర స్థాయిలో ఉద్యమాలు చేశారు. 2019–24 మధ్య వైఎస్సార్‌సీపీ ప్రభుత్వం రూ. 20 వేలు లోపు డిపాజిట్‌ చేసిన వారిలో 10.37 లక్షల మందికి రూ.930 కోట్లు చెల్లించి న్యాయం చేసింది. 2024లో చంద్రబాబు సర్కార్‌ అధికారంలోకి వచ్చాక బాధితులకు ఒక్క పైసా కూడా చెల్లించిన దాఖలాలు లేకపోగా, అగ్రిగోల్డ్‌ ఆస్తులను మాత్రం అత్తెసరు ధరలకే టీడీపీ నేతలు కాజేస్తుండటం గమనార్హం. 2017 నుంచే ఆ భూమిపై పన్ను ఈ భూమిపై 2017 నుంచే కడప ఎమ్మెల్యే మాధవి రెడ్డి భర్త శ్రీనివాసులురెడ్డి కన్ను వేశారని అగ్రిగోల్డ్‌ బాధితులు చెబుతున్నారు. తమ అప్పు తీర్చడానికి ఆ భూమిని రూ.5.67 కోట్లకు అమ్మేయడానికి అవ్వా సీతారామారావు అనుమతి ఇస్తూ 2016 డిసెంబర్‌ 6న ఒప్పందపత్రం రాసిచ్చారని బ్యాంకు పేర్కొంది. ఆ బ్యాంకు విజ్ఞప్తి మేరకు ఆ భూమిని జప్తు చేసిన జాబితా నుంచి తొలగిస్తూ 2017 జనవరి 31న ప్రభుత్వం ఉత్తర్వులు జారీ చేసింది. ఈ వ్యవహారంలో టీడీపీ పొలిట్‌బ్యూరో సభ్యుడు శ్రీనివాసులురెడ్డి పాత్ర ఉన్నట్లు డిపాజిటర్లు ఆరోపిస్తున్నారు. ఇప్పుడు ఏకంగా భూమిని కొట్టేశారని, దీనివెనుక ఏం జరిగిందన్నది బహిరంగ రహస్యమేనని మండిపడుతున్నారు.

సాక్షి,అమరావతి: ‘రాష్ట్రంలోని ఉద్యోగులారా మేలు­కోండి.. ఎన్నికల ముందు ఉద్యోగులు, ఉపాధ్యాయులు, పెన్షనర్లు, కాంట్రాక్ట్, ఔట్‌సోర్సింగ్‌ ఉద్యోగులకు ఇచ్చిన హామీలను విస్మరించిన కూట­మి సర్కార్‌కు స్థానిక సంస్థల ఎన్నికల్లో గుణపాఠం చెప్పండి.. అని ఆంధ్రప్రదేశ్‌ సచివాలయ సంఘం మాజీ అధ్యక్షుడు ⁠కాకర్ల వెంకటరామిరెడ్డి ఒక ప్రకటనలో పిలుపునిచ్చారు. చంపా వైరస్‌ (చంద్రబాబు పాలన)కు మీ ఓటే వ్యాక్సిన్‌ అని స్పష్టం చేశారు. చంపా ఒక వైరస్‌లా మారి రాష్ట్రాన్ని అతలాకుతలం చేస్తోందన్నారు. ఉద్యోగులు, ఉపాధ్యాయులు, పెన్షనర్లు, కాంట్రాక్ట్, ఔట్‌సోర్సింగ్‌ ఉద్యోగులను భయంకరంగా పీడిస్తోందని చెప్పారు. ఉద్యోగులు బిక్కుబిక్కుమంటూ జీవించాల్సిన పరిస్థితి ఏర్పడిందన్నారు. చంపా వైరస్‌ వచ్చాక రాష్ట్ర ప్రభుత్వం ఆదాయం పూర్తిగా పడిపోయిందన్నారు. స్థానిక సంస్థల ఎన్నికలలో మీ ఓటు చంద్రబాబు పాలనకు వ్యతిరేకంగా వేయడం ద్వారా చంపా వైరస్‌ ప్రభావాన్ని తగ్గించవచ్చని సూచించారు. మునిసిపల్, జెడ్పీటీసీ, ఎంపీటీసీ, సర్పంచ్‌ ఎన్నికలలో మీ ఓటు ద్వారా చంపా వైరస్‌కు మొదటి డోసు వ్యాక్సిన్‌ ఇవ్వాలని ఉద్యోగులను కోరుతున్నట్లు చెప్పారు. చంపా వైరస్‌ వల్ల ఒక్కో ఉద్యోగికి ఎంత నష్టం జరిగిందో లెక్కగట్టి ఒక పట్టిక రూపొందించినట్లు తెలిపారు. బేసిక్‌ పే బట్టి ఎంత నష్టం జరిగిందో తెలుసుకోవచ్చన్నారు. ఈ విషయం గుర్తు పెట్టుకుని ఓటు వేయాలని చేతులు జోడించి కోరుతున్నట్లు వెంకటరామిరెడ్డి పేర్కొన్నారు. ఆయన ఇంకా ఏమన్నారంటే..కరోనాలోనూ 27 శాతం ఐఆర్‌ ఇచ్చిన వైఎస్సార్‌సీపీ ప్రభుత్వంకరోనా వైరస్‌ వల్ల ఇబ్బందులు ఉన్నప్పటికీ వైఎస్సార్‌సీపీ ప్రభుత్వ హయాంలో ఉద్యోగులకు 27 శాతం ఐఆర్‌ ఇచ్చింది. కానీ చంపా వైరస్‌ వచ్చాక గత 28 నెలలుగా ఉద్యోగులకు ఐఆర్‌ లేదు. గత ప్రభుత్వం ఉద్యోగులకు 23 శాతం ఫిట్‌మెంట్‌తో పీఆర్‌సీ అమలు చేసింది. చంపా వైరస్‌ వచ్చాక స్థానిక ఎన్నికలలో ఓట్ల కోసం 27 నెలల తర్వాత ఇపుడు పీఆర్‌సీ కమిషన్‌ వేశారు. అది రిపోర్ట్‌ ఇచ్చేది ఎప్పడు? ఉద్యోగులకు పీఆర్‌సీ వచ్చేది ఎప్పడు?గత ప్రభుత్వం ఉద్యోగులకు డీఏలు పెండింగ్‌ పెట్టకుండా అన్నీ ఇచ్చింది. ఐదేళ్లలో గత ప్రభుత్వం 11 డీఏలు ఇచ్చింది. కానీ చంపా వైరస్‌ వచ్చాక 5 డీఏలు పెండింగ్‌లో పడ్డాయి. ఇప్పుడు స్థానిక సంస్థల ఎన్నికలు రావడంతో ఓట్ల కోసం డీఏలు ఇచ్చారు. ఇంకా 3 డీఏలు పెండింగ్‌ లో ఉన్నాయి. చంపా వైరస్‌ వచ్చాక ఉద్యోగులకు చెల్లించాల్సిన బకాయిలు రూ. 45 వేల కోట్ల నుంచి రూ.50 వేల కోట్ల వరకు చేరుకున్నాయి.జీపీఎస్‌ పక్కన పెట్టారు..కోవిడ్‌ లాంటి ఇబ్బందులున్నా గత ప్రభుత్వం సీపీఎస్‌ ఉద్యోగులకు పెన్షన్‌ గ్యారంటీ ఇచ్చేలా జీపీఎస్‌ విధానం తెచ్చింది. అది బాగుందని కేంద్ర ప్రభుత్వం కూడా అదే తరహా­లో యూపీఎస్‌ విధానం తీసుకొచ్చింది. చంపా వై­రస్‌ వ­చ్చాక జీపీఎస్‌ అ­మలు చేయకుండా పక్క­న పెట్టారు. గత ప్రభుత్వం కొత్తగా 5 లక్షల ఉ­ద్యోగాలు ఇచ్చింది. చంపా వైరస్‌ వచ్చాక 2.7 లక్షల మంది వలంటీర్లు, 27 వేల మంది ఎండీయూ ఆపరేటర్లు, 12 వేల మంది ఎక్సైజ్‌ ఉద్యోగులు ఉద్యోగాలు కోల్పోయారు. గత ప్రభుత్వం కాంట్రాక్ట్‌ ఉద్యోగుల క్రమబద్ధీకరణకు చట్టం చేసి సుమారు 4,500 మంది ఉద్యోగులను రెగ్యులర్‌ చేసింది. చంపా వైరస్‌ వచ్చాక కాంట్రాక్ట్‌ ఉద్యోగుల రెగ్యులరైజేషన్‌ ఆగిపోయింది. వైఎస్‌ జగన్‌ ప్రభుత్వం మాట ప్రకారం ఆర్టీసీ ఉద్యోగులను ప్రభుత్వంలో విలీనం చేసి వారి జీవితాలలో వెలుగులు నింపింది. చంపా వైరస్‌ వచ్చాక ఎలక్ట్రిక్‌ బస్సుల పేరుతో ఆర్టీసీని ప్రైవేటు పరం చేస్తోంది. ఇప్పటికే 15 డిపోలు ప్రైవేట్‌కు అప్పగించింది బాబు రూపాయైనా జీతం పెంచలేదువైఎస్‌ జగన్‌ ప్రభుత్వం ఆశా వర్కర్లకు జీతం రూ.3 వేల నుంచి రూ.10 వేలు పెంచింది. శానిటేషన్‌ వర్కర్లకు రూ.18 వేలు పెంచింది. చంపా వైరస్‌ వచ్చాక ఆశా వర్కర్లకు గానీ శానిటేషన్‌ వర్కర్లకు గానీ ఒక్క రూపాయి జీతం పెరగలేదు. జగన్‌ ప్రభుత్వం వెలుగు ఎన్యుమరేటర్లకు జీతం రూ.3 వేల నుంచి రూ.8 వేలకు పెంచింది. హోంగార్డులకు, సమగ్రశిక్ష ఉద్యోగులకు, అంగన్‌వాడీలకు జీతాలు పెంచింది. చంపా వైరస్‌ వచ్చాక వెలుగు ఎన్యుమరేటర్లకు, హోంగార్డులకు, సమగ్రశిక్ష ఉద్యోగులకు, అంగన్‌ వాడీలకు, కాంట్రాక్టు ఉద్యోగులకు, ఔట్‌ సోర్సింగ్‌ ఉద్యోగులకు ఒక్క రూపాయి కూడా జీతం పెంచలేదు టార్చర్‌ భరించలేక ఉద్యోగుల ఆత్మహత్యలు..కరోనా సమయంలో వైరస్‌ సోకి అనారోగ్యంతో ఉద్యోగులు మరణించారు. కానీ చంపా వైరస్‌ వ­చ్చాక ప్రభుత్వ టార్చర్‌ భరించలేక మానసిక ఒత్తిడితో ఆత్మహత్యలు, హార్ట్‌ ఎటాక్‌లతో ఉద్యోగులు చ­నిపోయారు. ఉద్యోగులకు ప్రమోషన్లు లేవు, మనశ్శాంతి లేదు, గౌరవం లేదు. సీనియర్‌ ఐపీఎస్‌లపై­నే తప్పుడు కేసులు పెట్టి జైలుకు పంపారు. ఉద్యోగులను ఆర్థికంగా, మానసికంగా తీవ్ర ఇబ్బందుల­కు గురి చేస్తున్న చంపా వైరస్‌ను ఎంత త్వరగా త­రిమి కొడితే అంత త్వరగా రాష్ట్రం బాగుపడుతుంది. మొదటి డోసు వ్యాక్సిన్‌.. రేపటి స్థానిక ఎన్నికలేచంపా వైరస్‌ను నిర్మూలించే వ్యాక్సిన్‌ మన చేతుల్లోనే ఉంది. మన ఓటే.. చంపా వైరస్‌ను కట్టడి చేసే బలమైన వాక్సిన్‌. కరోనా నియంత్రణకు రెండు డోసుల వ్యాక్సిన్‌ ఇచ్చినట్లే.. చంపా వైరస్‌ను నిర్మూలించడానికి రెండు డోసుల వ్యాక్సిన్‌ అవసరం. రేపటి స్థానిక సంస్థల ఎన్నికలలో మీరు వేసే ఓటే చంపా వైరస్‌కు మొదటి డోసు వ్యాక్సిన్‌. చంపా వైరస్‌కు రెండో డోసు 2029 ఎన్నికలలో మీరు వేసే ఓటు. స్థానిక సంస్థల ఎన్నికలలో మీ ఓటు చంద్రబాబు పాలనకు వ్యతిరేకంగా వేయడం ద్వారా చంపా వైరస్‌ ప్రభావాన్ని తగ్గించవచ్చు.

సాక్షి, అమరావతి : రాష్ట్రంలో నిత్యావసర సరుకుల ధరలు భగ్గుమంటున్నా చంద్రబాబు సర్కారు మొద్దు నిద్ర వీడటం లేదు. ఎక్కడికక్కడ ప్రభుత్వం మాఫియాకు మద్దతు పలుకుతుండటంతో ప్రజలు ఆగ్రహంతో రగిలిపోతున్నారు. ఇది రాష్ట్ర వ్యాప్తంగా స్థానిక ఎన్నికల ప్రచారంలో స్పష్టంగా కనిపించింది. కేజీ వంద రూపాయలు పెట్టి బియ్యం ఎలా కొనాలి.. ఏం తినాలంటూ అధికార పార్టీ నేతలను ఓటర్లు ఎక్కడికక్కడ నిలదీశారు. సార్వత్రిక ఎన్నికల్లో నిత్యావసర సరుకుల ధరలు తగ్గిస్తామంటూ ఊరు వాడా హామీ ఇచ్చి అధికారం చేపట్టిన చంద్రబాబు సర్కారు.. ఇప్పుడు ధరల బాదుడుతో తమ నడ్డి విరిచిందంటూ సామాన్యులు ఆగ్రహం వ్యక్తం చేశారు. అడ్డూ అదుపు లేకుండా బియ్యం మొదలు ఉల్లిపాయల వరకు.. పెట్రోల్‌ దగ్గర నుంచి వంట గ్యాస్‌ వరకు అన్ని వస్తువుల ధరలు చుక్కల్ని అంటుతున్నా, చంద్రబాబు సర్కారులో చలనం లేకపోవడంపై సామాన్యుడు రగలిపోతున్నాడు. రోజూ వంటలో వినియోగించే నూనెల దగ్గర నుంచి పప్పు దినుసులు, కూరగాయలు.. ఇలా అన్ని రకాల వస్తువులు దేశంలో కంటే మన రాష్ట్రంలోనే అధికంగా ఉన్నాయంటూ కేంద్ర గణాంకాలు ప్రతి వారం వెల్లడిస్తున్నా చంద్రబాబు సర్కారుకు చీమ కుట్టినట్లు కూడా లేదు. ప్రజలకు కేజీ బియ్యం రూ.100.. కార్పొరేట్లకు 99 పైసలకే భూములు ప్రజల కడుపుకొట్టి కార్పొరేట్లకు దోచి పెడుతున్న చంద్రబాబు సర్కారుపై ప్రజలు నిప్పులు చెరుగుతున్నారు. పేదలకు కడుపు నిండటానికి అవసరమైన బియ్యం కేజీ రూ.100కు చేరితే పట్టించుకోని చంద్రబాబు సర్కారు.. రూ.కోట్ల కోట్ల లాభాలు గడించే కార్పొరేట్లకు మాత్రం కేవలం 99 పైసలకే గంపగుత్తగా భూములు ఇవ్వడాన్ని ప్రజలు ప్రశ్నిస్తున్నారు. నూనెలు, పçప్పుల ధరలు చుక్కలనంటుతూ నెల వారీ ఆదాయంలో ఆహార పదార్థాలకే అధిక మొత్తం వెచ్చించాల్సి వస్తోందని సామాన్య మధ్య తరగతి ప్రజలు ఆవేదన వ్యక్తం చేస్తున్నారు. గడిచిన రెండు నెలల్లో బియ్యం ధరలు రెట్టింపు అవుతున్నా చంద్రబాబు సర్కారులో ఉలుకూ పలుకూ లేదు. కనీసం ఒక్కసారి కూడా సమీక్ష చేయలేదు. గత ప్రభుత్వంలో రూ.1,400గా ఉన్న సన్నరకం పాత బియ్యం 25 కిలోల బస్తా ధర ఇప్పుడు రూ.2,375 దాటేసింది. కరువు పేరు చెప్పి సిండికేట్‌గా ఏర్పడిన మిల్లర్లు కృత్రిమ కొరత సృష్టిస్తూ రిటైల్‌ మార్కెట్‌లో ధరలను పెంచేస్తుంటే చంద్రబాబు సర్కారు చర్యలు తీసుకోకుండా నిమ్మకు నీరెత్తినట్లు ఉంటోంది. కృత్రిమ కొరత సృష్టిస్తున్న వ్యాపారులపై కానీ, ఇష్టారాజ్యంగా ధరలు పెంచేస్తున్న మిల్లర్లపైగానీ ఎలాంటి చర్యలు తీసుకోవడం లేదు. విజిలెన్స్‌ అండ్‌ ఎన్‌ఫోర్స్‌మెంట్‌ బృందాలు ఉన్నాయో లేదో కూడా తెలియని పరిస్థితి. రోజువారీ తనిఖీల జోలికి పోవడం లేదు. మార్కెట్‌లో బియ్యం, ఇతర నిత్యావసరాల నిల్వలను పరిశీలించడం, కృత్రిమ కొరతను అరికట్టడం, మిల్లర్ల ధరల నిర్ణయ విధానాలను పర్యవేక్షించడంలో ప్రభుత్వం ఘోరంగా విఫలమవుతోంది. రైతు బజార్లలో ప్రత్యేక కౌంటర్ల ఏర్పాటు మొక్కుబడి తంతుగా మారింది. స్థానిక ఎమ్మెల్యేల నుంచి ముఖ్య నేత వరకు భారీగా నెలవారీ ముడుపులు అందుతుండడం వల్లే ప్రభుత్వం ధరల పెరుగుదలను అరికట్టడం లేదన్న వాదన వినిపిస్తోంది. మంట పుట్టిస్తున్న ఉల్లి సామాన్యులకు ఉల్లిపాయ, టమాటా లేనిదే పూట గడవదు. అలాంటిది కోయకుండానే ఉల్లి కన్నీరు తెప్పిస్తోంది. గత ప్రభుత్వ హయాంలో రూ.15గా ఉన్న ఉల్లి రేటు ఇప్పుడు కేజీ రూ.80 దాటడంతో కొనడానికే ప్రజలు భయపడిపోతున్నారు. టమాటా అయితే కొన్ని నెలలుగా రూ.55 దిగి రావడం లేదు. ఇక పాలు, కోడిగుడ్లు, కందిపప్పు, చికెన్, పంచదార ఇలా అన్నింటి ధరలు విపరీతంగా పెరిగి పోవడంతో మధ్య తరగతి ప్రజలు పెరిగిన బడ్జెట్‌తో అప్పులపాలవుతున్న పరిస్థితి. చంద్రబాబు అధికారం చేపట్టిన తర్వాత పాలు ధర లీటరుకు రూ.36పైనే పెరిగింది. 4.5 రూపాయ­లకు దొరికే కోడిగుడ్డు ఇప్పుడు రూ.8 దాటింది.పంచదార కూడా కిలో రూ.30 నుంచి రూ.65కు పెరిగిపోయిందని జనం దుమ్మెత్తి పోస్తున్నారు. చివరకు కూరగాయల ధరలు కూడా సామాన్యు­లకు అందుబాటులో లేకుండా పోతున్నాయి. బీ­న్స్, చిక్కుడు, బీరకాయ, కాకరకాయ ఇలా ఏ కూ­ర­గాయ ధర చూసినా మార్కెట్లో మండిపోతోంది. రోజు వారీ నిత్యావసర వస్తువులు భారీగా పెరి­గినా పట్టించుకోకుండా నీకింత నాకింత అంటూ రా­ష్ట్రాన్ని అడ్డంగా దోచుకుంటున్న వెన్నుపోటు పార్టీకి బ్యాలెట్‌ ద్వారా గట్టిగా సమాధానం చెప్తామంటూ ప్రజలు ఊరూరా హెచ్చరిస్తున్నారు.దోచుకునేందుకు ఈ ప్రభుత్వం వచ్చిందా! కూటమి ప్రభుత్వం వచ్చినప్పటి నుంచి అన్ని రకాల నిత్యావసర సరుకుల ధరలు విపరీతంగా పెరిగిపోయి పేదల బతుకులు ఛిద్రమయ్యాయి. గతంలో 26 కిలోల బియ్యం బస్తా ధర రూ.1,400 ఉండగా ఇప్పుడు రూ.2,400 వెచ్చించాల్సి వస్తోంది. పప్పుల ధరలు కూడా భారీగా పెరిగాయి. కూరగాయల ధరలు ఎన్నడూ లేనివిధంగా కిలోకు రూ.60 నుంచి రూ.70 పెరిగాయి. ప్రజలను దోచుకునేందుకే కూటమి ప్రభుత్వం వచ్చిందా.. అనిపిస్తోంది. రోజురోజుకూ ప్రభుత్వంపై వ్యతిరేకత పెరుగుతోంది. – కాకర్లమూడి చంద్రకళ, గృహిణి, ఏలూరుచాలా ఇబ్బంది పడుతున్నాం బియ్యం, పప్పుల ధరలు దారుణంగా పెరిగిపోతున్నాయి. చాలా ఇబ్బంది పడుతున్నాం. కుటుంబ జీవనం కష్టంగా మారింది. అన్నింటి ధరలు పెరిగిపోతే పేదలు బతికేదెలా? రేషన్‌ షాపుల్లో తక్కువ ధరలకు నిత్యావసర సరుకులను ప్రభుత్వం పూర్తి స్థాయిలో అందించాలి. బియ్యం ధరలు చూస్తే భయమేస్తోంది. ఈ ప్రభుత్వం చెబుతున్నది ఒకటి.. చేస్తున్నది మరొకటి. – కె.కృష్ణవేణి, కొండేపూడి, పాలకోడేరు మండలం, పశ్చిమగోదావరి జిల్లా సరకులు కొనాలంటే అప్పులు చేయాల్సిందే.. బియ్యం 26 కిలోల బస్తా ధర రెట్టింపు అయ్యింది. నూనె ధరలు కిలోకు రూ.60 వరకు పెరిగింది. దీంతో కూరలు వండుకునే పరిస్థితులు కూడా లేకుండా పోయాయి. నిత్యం ఉపయోగించే టమాట, ఉల్లిపాయల ధరలు కూడా చుక్కలనంటుతున్నాయి. పనులు లేకపోవటంతో ఒకపూట కూర, మరోపూట పచ్చడితో గడపాల్సి వస్తోంది. అన్ని సరకులు కొందామంటే అప్పు చేయాల్సిన పరిస్థితి ఏర్పడింది. ధరలు అదుపు చేయలేకపోతున్నారు.. ఇదేమి ప్రభుత్వం? – పి.శ్రీలక్ష్మీకాంతం, గృహిణి, అన్నవరప్పాడు, పెరవలి మండలం, తూర్పుగోదావరి జిల్లాపేదల జీవనం దారుణం పరిస్థితులు దారుణంగా తయారయ్యాయి. రెక్కాడితే గాని డొక్కాడని పేదల జీవనం దయనీయంగా తయారైంది. గత రెండేళ్ల నుంచి విపరీతంగా కూరగాయలు, వంట నూనెలు, ఇంటి సరుకుల ధరలు పెరుగుతున్నా పట్టించుకున్న నాథుడు లేడు. బియ్యం కేజీ రూ.100 పైన పలుకుతోంది. ఇలాగైతే మాలాంటి కూలి చేసుకునే వారి పరిస్థితి ఏమిటి? ప్రభుత్వం ఇప్పటికైనా కళ్లు తెరిచి నిత్యావసర వస్తువుల ధరలను తగ్గించే ప్రయత్నం చేయాలి. – సుభద్రమ్మ, గృహిణి, తిరుపతివామ్మో! నారా చంద్రబాబు పాలనలో ధరలు చూస్తే షాక్‌ కరెంటు ఛార్జీలు, ఆర్టీసీ ఛార్జీలు, ఇలా అన్ని ఛార్జీలు, ధరల పెంపుతో బాదుడే బాదుడు ‘ఎక్స్‌’లో వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌ పోస్టు సాక్షి, అమరావతి: ఎన్నికలకు ముందు వంద రోజుల్లో ధరలు తగ్గిస్తామని చెప్పి, ఇప్పుడు నిత్యావసర వస్తువుల ధరలు, గ్యాస్, పెట్రోల్, డీజిల్‌ ధరలు పెంచి ప్రజల నడ్డి విరిచింది చంద్రబాబు కూటమి ప్రభుత్వం. విద్యుత్‌ ఛార్జీలు అమాంతం పెంచేశారు. ఇలా అన్నింటి ధరల పెరుగుదలపై మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి శుక్రవారం సామాజిక మాధ్యమం ‘ఎక్స్‌’లో చంద్రబాబు ప్రభుత్వాన్ని కడిగిపారేశారు. ‘‘వామ్మో నారా చంద్రబాబు పాలనలో ధరలు చూస్తే షాక్‌ కొడుతున్నాయి. గ్యాస్‌ బండ రేటు, కరెంటు ఛార్జీలు, ఆర్టీసీ ఛార్జీలు, ఇలా అన్ని ఛార్జీలు, ధరల పెంపుతో బాదుడే బాదుడు’’ అని పోస్టు చేశారు. 2024లో తన పాలనలో ధరలు, 2026లో కూటమి ప్రభుత్వంలో ధరల పెరుగుదలతో కూడిన ఓ పట్టికను వైఎస్‌ జగన్‌ ఆ పోస్టుతో జత చేశారు.

సాక్షి, అమరావతి: రాష్ట్రంలో వెన్నుపోటు పార్టీ ప్రభుత్వం అన్ని వర్గాల ప్రజలను నమ్మించి నిండా ముంచిందని ప్రజలు మండిపడ్డారు. మేనిఫెస్టోలో ఇచ్చిన సూపర్‌ సిక్స్‌.. సూపర్‌ సెవన్‌ సహా 143 హామీలు అమలు చేయకుండానే.. అన్నీ చేసేసినట్లు నిస్సిగ్గుగా ఎలా చెబుతున్నారని నిలదీశారు. రాష్ట్రంలోని కార్పొరేషన్లు, మున్సిపాలిటీలు, నగర పంచాయతీల్లో ప్రచార పర్వం శుక్రవారం సాయంత్రం 5 గంటలకు ముగిసింది. ఆరు రోజులపాటు సాగిన మున్సిపల్‌ ఎన్నికల ప్రచారంలో ప్రజలు ఎక్కడికక్కడ టీడీపీ కూటమి నేతలను, అభ్యర్థులను హామీలు, వివిధ సమస్యలపై నిలదీశారు. వెన్నుపోటు పార్టీ అభ్యర్థులకు ప్రజలు చెమటలు పట్టించారు. తల్లికి వందనం సరిగ్గా అమలు చేయకపోవడం, రెండున్నరేళ్లయినా కొత్తగా ఒక్కరికి కూడా వృద్ధాప్య పింఛన్‌ ఇవ్వకపోవడాన్ని ఎత్తి చూపారు. ఉద్యోగులు, విద్యార్థులు, రైతులు, మహిళలు.. ఇలా ఏ ఒక్క వర్గాన్నీ వదలకుండా ఈ ప్రభుత్వం మోసం చేసిందని మండిపడ్డారు. రూ.40 వేల కోట్ల బకాయిల సంగతేంటన్న ఉద్యోగుల ప్రశ్నకు కూటమి అభ్యర్థుల నుంచి సమాధానం కరువైంది. ఐఆర్‌ లేదు.. ఐదు డీఏలు పెండింగ్‌.. పైగా వేధింపులంటూ ఆగ్రహం వ్యక్తం చేశారు. 50 ఏళ్లు దాటిన బీసీ, ఎస్సీ, ఎస్టీ, మైనార్టీలకు పింఛన్‌ మాటే­మైందని మహిళలు మండిపడ్డారు.18 ఏళ్లు దాటిన అక్కచెల్లెమ్మలకు నెలకు రూ.1,500 చొప్పున ఏటా రూ.18 వేలు ఎందుకివ్వడం లేదని నిలదీశారు. ఉద్యో­గం లేదా ప్రతి నెలా రూ.3 వేలు నిరుద్యోగ భృతి ఇప్ప­టి వరకు ఎంత మందికి ఇచ్చారని యువత నిలదీసింది. డ్వాక్రా మహిళలకు, రైతులకు సున్నా వడ్డీ లేదని ఊరూరా ఎత్తి చూపారు. ఫీజు రీయింబర్స్‌మెంట్‌ అసలే లేదు.. వసతి దీవెనా లేదని.. కూటమి ప్రభుత్వ నిర్వాకం వల్ల చదువులు మానేయాల్సి వస్తుందని విద్యార్థులు తీవ్ర ఆవేదన వ్యక్తం చేశారు. కేంద్రంతో సంబంధం లేకుండా రైతు భరోసా కింద రూ.20 వేలు ఇస్తామన్న మాటా నిలుపుకోలేదని రైతులు మండిపడ్డారు. ఆర్బీకే వ్యవస్థను నీరు గార్చారని, రైతులను ఏ విధంగానూ ఆదుకోవడం లేదని ఆగ్రహం వ్యక్తం చేశారు. నీకు రూ.పది వేలు, నీకు రూ.పదిహేను వేలంటూ గతంలో టీడీపీ నాయకులు చేసిన ప్రచార వీడియోలను ఫోన్లలో చూపిస్తూ ప్రజలు నిలదీస్తుండేసరికి కూటమి అభ్యర్థులు ప్రచారం నుంచి జారుకున్నారు. ముఖ్యంగా నిత్యావసర వస్తువుల ధరలు ఆకాశానికి ఎగబాకుతుంటే.. వాటిని కట్టడి చేయడంలో చంద్రబాబు సర్కారు ఘోరంగా విఫలమవ్వడాన్ని ప్రజ­లు ప్రశ్నించారు. ఇదే సమయంలో మరోవైపు రూ.కోట్లాది విలువైన భూములను చంద్రబాబు ప్రభు­త్వం కారు చౌకగా కట్టబెడుతున్న వైనాన్ని గుర్తుచేస్తూ వైఎస్సార్‌సీపీ నాయకులు ప్రజల్లోకి వెళ్లారు. చంద్రబాబు పాలనలో ‘కిలో బియ్యం రూ.100.. ఎకరం భూమి 99 పైసలే’ అన్న నినాదం బాగా ప్రాచుర్యం పొందడం అధికారపార్టీ నేతలను కలవరపెడుతోంది. రెండున్నరేళ్ల పాలనలో టీడీపీ కూటమి పాల్పడిన అవినీతి, అక్రమాలు, అరాచకాలను వైఎస్సార్‌సీపీ నాయకులు ప్రజలకు కళ్లకు కట్టినట్లు వివరించారు.

సాక్షి, అమరావతి/పులివెందుల రూరల్‌/విజయనగరం టౌన్‌ : వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నారు.. వేసిన నామినేషన్లను స్క్రూటీనీలో ఇష్టానుసారం ఏకపక్షంగా తీసేశారు.. ఈ అడ్డంకులు దాటుకుని బరిలో నిలిచిన వారిని కూడా ప్రచారం చేయనీయకుండా టీడీపీ గూండాలు పచ్చ ప్రతాపం చూపించారు. రాష్ట్రంలో మున్సిపల్‌ ఎన్నికల పోరుకు శుక్రవారం ప్రచారం ముగిసింది. ఎంపీటీసీ, జెడ్పీటీసీ ఎన్నికల ప్రచారం మొదలైంది. ఈ రెండు స్థానిక సంస్థలకు సంబంధించి ఎన్నికల బరిలో నిలిచిన వైఎస్సార్‌సీపీ అభ్యర్థులకు కనీసం ఓటు అడిగే అవకాశం కూడా లేకుండా అధికార పార్టీ నేతలు దారుణంగా అడ్డుకున్నారు.వెన్నుపోటు పార్టీకి వెన్నుదన్నుగా నిలిచిన పోలీసులు అనేక సాకులు చూపి వైఎస్సార్‌సీపీ నేతలు, అభ్యర్థులను ఇబ్బందులపాలు చేస్తున్నారు. ఎన్నికల సమయంలో శాంతిభద్రతలను కాపాడాల్సిన పోలీసులు ఏకపక్షంగా వ్యవహరిస్తున్నారనేందుకు ఎన్నో ఘటనలు నిదర్శనంగా నిలిచాయి. పల్నాడు జిల్లా వినుకొండలో ప్రచార వాహనాల డ్రైవర్ల మధ్య జరిగిన గొడవకు రాజకీయ రంగు పులిమిన పోలీసులు వైఎస్సార్‌సీపీ నేతలపై కేసులు పెట్టి అరెస్టుల వరకు వెళ్లడం ఉద్రిక్తతకు దారితీసింది. వినుకొండలో టీడీపీ ఎమ్మెల్యే జీవీ ఆంజనేయులు ప్రచార రథం డ్రైవర్‌కు, వైఎస్సార్‌సీపీ అభ్యర్థి ప్రచార ఆటో డ్రైవర్‌కు మధ్య గొడవ జరిగింది. ఈ ఘటనను ఆసరాగా చేసుకుని వైఎస్సార్‌సీపీ నాయకులపై హత్యాయత్నం నేరం మోపేందుకు పోలీసులు రంగం సిద్ధం చేశారు. టీడీపీ ప్రచార వాహన డ్రైవర్‌ను హత్య చేయించేందుకు వైఎస్సార్‌సీపీ నాయకులు ప్రయత్నించారంటూ ప్రచారం చేశారు. ఈ వ్యవహారంలో వినుకొండ టౌన్‌ సీఐ ప్రభాకర్‌ వైఎస్సార్‌సీపీ నాయకులను అరెస్టు చేయడంతో పోలీస్‌స్టేషన్‌ వద్ద ఉద్రిక్త పరిస్థితులు నెలకొన్నాయి. పోలీసుల తీరును నిరసిస్తూ మహిళలు పోలీస్‌స్టేషన్‌ ఎదుట బైఠాయించి ఆందోళనకు దిగారు. డ్రైవర్ల మధ్య జరిగిన గొడవకు రాజకీయ రంగు పులిమి వైఎస్సార్‌సీపీ నాయకులపై కేసులు నమోదు చేస్తున్నారని మహిళలు మండిపడ్డారు. ఈ క్రమంలో సీఐ ప్రభాకర్‌ ఒక చేతిలో రివాల్వర్, మరో చేతిలో లాఠీ పట్టుకుని నిరసనకారులను భయభ్రాంతులకు గురిచేస్తూ బెదిరింపులకు దిగడం శోచనీయం. వినుకొండలో ముస్లిం యువకులను అరెస్టు చేసిన సీఐ ప్రభాకర్‌.. వారిని బొల్లాపల్లి పోలీస్‌ స్టేషన్‌కు తీసుకెళ్లి చిత్రహింసలు పెట్టారని వైఎస్సార్‌సీపీ నేతలు ఆరోపించారు. కాగా, తిరుపతి జిల్లా నాయుడుపేట అర్బన్‌ సీఐ వెంకటరమణ పచ్చ చొక్కాలకు దాసోహం అంటున్నారు. ఈ క్రమంలో గురువారం రాత్రి ఆయన వైఎస్సార్‌సీపీ జిల్లా ఆర్గనైజింగ్‌ సెక్రటరీ కామిరెడ్డి రాజారెడ్డి నివాసంలో 87 మద్యం బాటిళ్లను తన సిబ్బందితో పెట్టించి, అక్రమ కేసు బనాయించారు. తన ఇంట్లో ఏం జరిగిందో సీసీటీవీ ఫుటేజ్‌లో స్పష్టంగా ఉందని రాజారెడ్డి పేర్కొనడం.. వైఎస్సార్‌సీపీ శ్రేణులు అక్కడికి చేరుకోవడంతో సీఐ ఉడాయించారు. జమ్మలమడుగులో దాడులు వైఎస్సార్‌ జిల్లా జమ్మలమడుగులో తీవ్ర ఉద్రిక్త వాతావరణం నెలకొంది. వైఎస్సార్‌సీపీ నేతలను లక్ష్యంగా చేసుకుని టీడీపీ గూండాలు దాడులకు తెగబడ్డారు. ఈ ఘటనలో వైఎస్సార్‌సీపీ నేతల కార్లను ధ్వంసం చేశారు. ఈ దాడులకు నిరసనగా జమ్మలమడుగులోని పాతబస్టాండ్‌ సర్కిల్‌ వద్ద వైఎస్సార్‌సీపీ శ్రేణులు పెద్దఎత్తున ఆందోళన చేపట్టాయి. ఎమ్మెల్సీ రామసుబ్బారెడ్డి, చైర్‌పర్సన్‌ అభ్యర్థి హైమావతి తదితరులు పాల్గొని ప్రభుత్వ తీరుపై, దాడులపై తీవ్ర ఆగ్రహం వ్యక్తం చేశారు. జమ్మలమడుగులో 8వ వార్డుకు చెందిన వైఎస్సార్‌సీపీ అభ్యర్థికి ఓటెయ్యాలని ఎస్సీ కాలనీలో ప్రచారం నిర్వహిస్తుండగా కూటమి కౌన్సిలర్‌ అభ్యర్థితోపాటు పలువురు మూకుమ్మడి దాడి చేశారు. ఈ ఘటనలో 15 మంది గాయపడ్డారు. ఎన్నికల ప్రచారం నిర్వహిస్తున్న వైఎస్సార్‌సీపీ శ్రేణులను అడ్డుకుని, దాడులకు పాల్పడటంపై వైఎస్సార్‌సీపీ తీవ్రంగా తప్పుబట్టింది. అన్యాయంగా అరెస్టు చేశారు పులివెందుల పట్టణంలోని బ్రాహ్మణపల్లె రోడ్డు శేషారెడ్డి పాఠశాల సమీపంలో వైఎస్సార్‌సీపీ కార్యకర్తలు ఇబ్రహీం, మారుతిలను శుక్రవారం రాత్రి పోలీసులు అరెస్టు చేశారు. తన భర్తను పోలీసులు అన్యాయంగా అరెస్ట్‌ చేసి తీసుకెళ్లారని ఇబ్రహీం భార్య ఆయేషా, బంధువులు ఆవేదన వ్యక్తం చేశారు. వైఎస్సార్‌ కాంగ్రెస్‌ పార్టీ తరఫున ఏజెంట్లుగా కూర్చుంటున్నారని తెలుసుకుని టీడీపీ నాయకులు చిన్న గూగూడు, హోలీ బాబాలతోపాటు కెరికిరి బాషాలు పోలీసులను వారి ఇంటి వద్దకు పంపి అరెస్ట్‌ చేయించారని ఆగ్రహం వ్యక్తం చేశారు. తన భర్తను చూపించాలని ఆయేషాతోపాటు బంధువులు పోలీస్‌ స్టేషన్‌ ఎదుట ఆందోళనకు దిగారు. కార్పొరేటర్‌ అభ్యర్థిపై దాడి విజయనగరం కార్పొరేషన్‌ ఐదో డివిజన్‌లో వైఎస్సార్‌ కాంగ్రెస్‌ పార్టీ తరఫున పోటీ చేస్తున్న కోట మహంతి శ్రీనివాసరావుపై గుర్తు తెలియని దుండగులు శుక్రవారం రాత్రి దాడికి పాల్పడ్డారు. ఆయన కేకలు వేయడంతో దుండగులు పరారయ్యారు. ఎడమ చేతిపై బ్లేడులతో కోయడంతో రక్తస్రావం అయింది. ఈ ఘటనపై కార్యకర్తలు, కుటుంబ సభ్యులు టూటౌన్‌ పోలీస్‌స్టేషన్‌లో ఫిర్యాదు చేశారు. బైక్‌పై వస్తుండగా గుర్తు తెలియని వ్యక్తులు వ్యాసనారాయణ మెట్ట వద్ద దాడికి పాల్పడినట్లు ఫిర్యాదులో పేర్కొన్నారు. ‘నీ కెందుకురా పోటీ.. అవసరమా?’ అంటూ దుండగులు బ్లేడ్‌లతో దాడి చేశారని, గట్టిగా కేకలు వేయడంతో స్థానికులు రావడం చూసి బైక్‌పై పరారయ్యారని శ్రీనివాసరావు తెలిపారు. మహారాజా ప్రభుత్వాస్పత్రిలో ఆయన చికిత్స పొందుతున్నారు. హొళగుందలో టీడీపీ హైడ్రామాకర్నూలు జిల్లా హొళగుందలో ఎన్నికల రాజకీయాలు ఉద్రిక్తతకు దారితీశాయి. టీడీపీ రెబల్‌ అభ్యర్థిగా జెడ్పీటీసీ స్థానానికి పోటీ చేస్తున్న ఈడిగ గోవిందుగౌడ్‌ ఇంటి వద్ద పోలీసుల హంగామా వివాదాస్పదమైంది. గోవిందు గౌడ్‌ ఎన్నికల బరిలో ఉండటంతో ఆయన కుటుంబాన్ని లక్ష్యంగా చేసుకుని పోలీసులు బెదిరింపులకు దిగారు. తండ్రి ఎన్నికల్లో పోటీ చేస్తున్నారనే కారణంతో ఆయన కుమారుడిని అరెస్టు చేసేందుకు ఎస్‌ఐ దిలీప్‌కుమార్‌ వెళ్లడం కలకలం రేపింది. పోలీసుల తీరును నిరసిస్తూ గ్రామస్తులు వాహనాన్ని అడ్డుకున్నారు. దీంతో పోలీసులకు, గ్రామస్తులకు మధ్య వాగ్వాదం చోటుచేసుకుంది. అభ్యర్థి కుటుంబ సభ్యుల వద్దకు వెళ్లి అరెస్టు చేసేందుకు ప్రయత్నించిన పోలీసులను స్థానికులు అడ్డుకున్నారు. దీంతో పరిస్థితి ఉద్రిక్తంగా మారింది. ఆందోళనకారులపై ఎస్సై లాఠీచార్జి చేసేందుకు ప్రయత్నించారు. తమ విధులకు అడ్డుపడితే పరిణామాలు తీవ్రంగా ఉంటాయని హెచ్చరించారు.

సాక్షి, నెట్‌వర్క్‌: స్థానిక ఎన్నికల్లో తెలుగుదేశం గూండాలు, కిరాయి మూకలు, గంజాయి బ్యాచ్‌లు చేసిన దురాగతాలు అన్నీ ఇన్నీ కావు. వాళ్ల సంగతలా ఉంచితే పోలింగ్‌ కేంద్రాలలో ఉన్న కొందరు రిటర్నింగ్‌ అధికారులు (ఆర్వోలు) కూడా తెలుగుదేశం కార్యకర్తలను, కిరాయి మూకలను మించి ప్రభుభక్తిని ప్రదర్శించారు. తమ చేతిలోని నామినేషన్‌ పత్రాలను టీడీపీ గూండాలు లాక్కుని చించుతుంటే బొమ్మల్లా నిలబడిపోయారు.ప్రతిపక్ష పార్టీ అభ్యర్థులు నిబంధనల ప్రకారం ఇద్దరు, ముగ్గురు నాయకులతో కలసి పోలింగ్‌ కేంద్రాలకు వస్తే.. అప్పటికే పోలింగ్‌ కేంద్రాలలో మారణాయుధాలతో వందల మంది టీడీపీ గూండాలు ఉన్నారు. వారిని ఎలా అనుమతించారు? ఎందుకు అదుపు చేయలేదు? ఎన్నికలు జరుగుతున్నపుడు ఎన్నికల సంఘమే సుప్రీం కదా..? పై అధికారులకు వెంటనే తెలియజేసి అక్రమాలను ఎందుకు అడ్డుకోలేదు? ఇదంతా ఒక ఎత్తయితే తమను నమ్మి నామినేషన్‌ పత్రాలను ఇచ్చిన అభ్యర్థులకు కొందరు ఆర్వోలు మరింత ద్రోహం చేశారు. అధికార పార్టీకి అమ్ముడుపోయి తమ వృత్తికి కూడా ద్రోహం చేశారు. నీతి నిజాయితీలకు నీళ్లొదిలేశారు. ఏకగ్రీవం చేయడం కోసం ప్రతిపక్ష పార్టీ అభ్యర్థుల నామినేషన్‌ పత్రాలను చెల్లనీయకుండా చేశారు. చెక్‌లిస్ట్‌ ఇచ్చి అన్నీ బాగున్నాయని చెప్పి సంతకం చేసి మరీ అక్‌నాలెడ్జ్‌ స్లిప్పులు ఇచ్చి.. ఆ తర్వాత కొన్ని పత్రాలు చించేసి అవిలేవంటూ నామినేషన్లు తిరస్కరించారు. అభ్యర్థుల సంతకాలు ఫోర్జరీ చేసి విత్‌డ్రాలు చేసేశారు. అలాంటి అమ్ముడుపోయిన, దిగజారిపోయిన ఆర్వోలలో కొందరి గురించి చూద్దామా? గిద్దలూరులో ఐదుగురి నామినేషన్లు మాయం! నామినేషన్‌ పత్రాలు మాయం చేసి ప్రజాస్వామ్య హక్కులకే తూట్లు పొడిచిన ఆర్‌ఓ ఆర్‌వో: వంగా జ్యోతి ప్రాంతం: కొమరోలు మండలం, గిద్దలూరు నియోజకవర్గం, ప్రకాశం జిల్లా ఏం జరిగిందంటే: ఐదుగురు వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలు మాయం! పత్రాలు కనిపించడం లేదంటూ ఐదుగురి నామినేషన్లూ తిరస్కరణ. ఫలితం: ఎంపీటీసీ అభ్యర్థులు షేక్‌ తస్లీమా, కామూరి అమూల్య, సారె ఓబులమ్మ, కరిస్మా, కామూరి శ్రీనివాసరెడ్డి నామిషన్ల తిరస్కరణ. జెడ్పీటీసీ అభ్యర్థి సారె వెంకటనాయుడు ఎన్నికల ఖర్చుల డిక్లరేషన్‌ తొలగింపు.. నామినేషన్‌ తిరస్కరణ!పొందూరులో ఫేక్‌ విత్‌డ్రాలు! అభ్యర్థుల ప్రమేయం లేకుండానే ఐదు నామినేషన్ల ఉపసంహరణ.. ఐదు స్థానాలు టీడీపీకి ఏకగ్రీవం చేసిన ఆర్‌ఓ! ఆర్‌వో: సూర్యప్రకాశరావు ప్రాంతం: పొందూరు మండలం, శ్రీకాకుళం జిల్లా ఏం జరిగిందంటే: మొదట 21 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లఆమోదం. 21 మందికి బీ ఫారాలు స్వీకరించి రసీదులు జారీ. కానీ, విత్‌డ్రా రోజు రాత్రి 8 గంటలకు ఐదుగురు అభ్యర్థులు ఉపసంహరించుకున్నట్లు నమోదు. విత్‌డ్రా ప్రక్రియకు సంబంధించిన సీసీటీవీ ఫుటేజీ అడిగితే కెమెరాలే లేవంటూ సమాధానం! ఫలితం: వైఎస్సార్‌సీపీ అభ్యర్థుల ప్రమేయం లేకుండానే నామినేషన్ల ఉపసంహరణ. ఐదు స్థానాలు టీడీపీకి ఏకగ్రీవం! దర్శిలో వైఎస్సార్‌సీపీ నామినేషన్లు చించివేత! ఎన్నికల అధికారిగా కాకుండా టీడీపీ కార్యకర్తలా వ్యవహరించిన దర్శి ఆర్‌ఓ! ఆర్‌వో: ఎంఈఓ–2 రమాదేవి ప్రాంతం: దర్శి మున్సిపాలిటీ, ప్రకాశం జిల్లా ఏం జరిగిందంటే: టీడీపీ అభ్యర్థుల నామినేషన్ల స్వీకరణకు ప్రాధాన్యం. వైఎస్సార్‌సీపీ నేతల నామినేషన్ల స్వీకరణలో ఉద్దేశపూర్వక జాప్యం. సమయం వృథా చేస్తూ నామినేషన్లు దాఖలు చేయకుండా అడ్డంకులు. ఈలోపు టీడీపీ గూండాల దాడి.. వైఎస్సార్‌సీపీ నేతల నామినేషన్‌ పత్రాలు చించివేత. ఎన్నికల అధికారి ప్రేక్షకపాత్రకే పరిమితం! ఫలితం: వైఎస్సార్‌సీపీ అభ్యర్థులు నామినేషన్‌ వేసే అవకాశం కోల్పోయారు.కురిచేడులో అభ్యర్థులు రాకుండానే విత్‌డ్రాలు! అభ్యర్థుల ప్రమేయం లేకుండానే నామినేషన్ల ఉపసంహరణ.. టీడీపీకి ఏకగ్రీవాలను కట్టబెట్టిన ఆర్‌ఓ ఆర్‌వో: పురుషోత్తమరాజు ప్రాంతం: కురిచేడు మండలం, దర్శి నియోజకవర్గం, ప్రకాశం జిల్లా ఏం జరిగిందంటే: నామినేషన్ల ఉపసంహరణ సమయంలో అభ్యర్థులు హాజరుకాకుండానే విత్‌డ్రాలు నమోదు. అభ్యర్థుల ప్రమేయం లేకుండానే నామినేషన్ల ఉపసంహరణ. ఫలితం: టీడీపీ నాయకుల కనుసన్నల్లో ఏకగ్రీవాల ప్రక్రియ జరిగింది. ప్రతిపక్ష అభ్యర్థుల ఎన్నికల హక్కులకు తీవ్ర విఘాతం. తిరుపతి రూరల్‌లో పత్రాలు చించేసి.. పేజీలు మార్చేసి..! ఆస్తుల వివరాల పత్రాలు మాయం.. నామినేషన్‌ పేజీల మార్పు.. నాలుగు అభ్యర్థుల నామినేషన్ల తిరస్కరణ.. 10 ఎంపీటీసీ స్థానాలను కూటమికి ఏకగ్రీవం చేసేందుకు ఆర్‌ఓ యశ్వంత్‌ యత్నం! ఆర్‌వో: యశ్వంత్‌ ప్రాంతం: తిరుపతి రూరల్‌ మండలం ఏం జరిగిందంటే: సి.మల్లవరం ఎంపీటీసీ అభ్యర్థి మొక్కల తిమ్మారెడ్డి నామినేషన్‌లో ఆస్తుల వివరాల పత్రం చించివేసి, ఆస్తుల వివరాలు లేవంటూ తిరస్కరణ. అప్పీల్‌లోనూ అదే పత్రం లేదంటూ నామినేషన్‌ తిరస్కరణ. వైఎస్సార్‌సీపీ ఎంపీపీ అభ్యర్థి వై.నాగలక్ష్మి నామినేషన్‌ పత్రాల్లోని పేజీలు మార్చేసి, ఆస్తుల వివరాలు లేవంటూ మూడు సెట్ల నామినేషన్ల తిరస్కరణ. పూర్తి వివరాలతో నామినేషన్‌ సమర్పించినట్లు వీడియో ఆధారం ఉందని చెప్పినా పట్టించుకోని అధికారి. వైఎస్సార్‌సీపీ మద్దతుతో ఇండిపెండెంట్‌లుగా పోటీ చేసిన బి.శారద, ఎం.నారాయణమ్మ నామినేషన్లూ తిరస్కరణ. ఫలితం: ఇలా మొత్తం 10 ఎంపీటీసీ స్థానాలను కూటమికి ఏకగ్రీవం చేసేందుకు అధికార యంత్రాంగం పని చేసింది. దుగ్గిరాలలో వార్డు నంబరు తప్పుతో నామినేషన్‌ ఔట్‌! 6 కు బదులు 7 రాశారని వైఎస్సార్‌సీపీ అభ్యర్థి నామినేషన్‌ తిరస్కరణ.. కూటమి అభ్యర్థుల తప్పులకు మాత్రం సవరణలతో ఆమోదం! ఆర్‌వో: టి.నరసింహారెడ్డి ప్రాంతం: చిలువూరు–1, దుగ్గిరాల మండలం, గుంటూరు జిల్లా ఏం జరిగిందంటే: వైఎస్సార్‌సీపీ ఎంపీటీసీ అభ్యర్థి ఓటరు జాబితాలో వార్డు నంబరు 6కు బదులు 7గా నమోదు. చిన్న పొరపాటును కారణంగా చూపి నామినేషన్‌ తిరస్కరణ. అదే సమయంలో కూటమి అభ్యర్థుల నామినేషన్‌ పత్రాల్లో తప్పులను కొట్టివేసి సరిచేసుకునే అవకాశం. వారి నామినేషన్లకు మాత్రం ఆమోదముద్ర. ఫలితం: వైఎస్సార్‌సీపీ అభ్యర్థి నామినేషన్‌ తిరస్కరణ. పోటీకి దూరమైన వైఎస్సార్‌సీపీ అభ్యర్థి తనకు జరిగిన అన్యాయంపై న్యాయస్థానాన్ని ఆశ్రయించేందుకు సిద్ధం. చేబ్రోలులో ఏకపక్షంగా 19 నామినేషన్లు ఔట్‌! 19 వైఎస్సార్‌సీపీ నామినేషన్ల తిరస్కరణ.. అప్పీల్‌లో ఆర్‌ఓ నిర్ణయాలకు ఎదురుదెబ్బ.. ఆర్‌వో: కోమలి పద్మ ప్రాంతం: చేబ్రోలు మండలం, గుంటూరు జిల్లా ఏం జరిగిందంటే: 19 వైఎస్సార్‌సీపీ నామినేషన్లను చిన్నచిన్న కారణాలతో తిరస్కరించిన ఆర్‌ఓ కోమలి పద్మ. ఆమె నిర్ణయాలపై నిర్ణయాలపై తెనాలి ఆర్‌డీఓకు అప్పీల్‌. ఫలితం: ఆర్డీఓ విచారణలో నాలుగు నామినేషన్ల తిరస్కరణ.. ఆరు నామినేషన్ల ఆమోదం. తెనాలి, శేకూరులో ఓటు హక్కు ఉందనే కారణంతో ఒక అభ్యర్థి నామినేషన్‌ తిరస్కరణ. ఆర్‌ఓ నిర్ణయాల్లో కొన్ని అప్పీల్‌ స్థాయిలో మారడం అధికారుల పరిశీలనా తీరుపై ప్రశ్నలు లేవనెత్తింది. చిత్తూరులో ఫోర్జరీ విత్‌డ్రాలు.. 51 డివిజన్లు ఏకగ్రీవం! అభ్యర్థుల సంతకాల ఫోర్జరీతో ఉపసంహరణ లేఖల సృష్టి.. వాటిని ఆమోదించి ఏకగ్రీవాలు ప్రకటించిన ఆర్‌ఓ ఆర్‌వో: సోమశేఖర్‌ప్రాంతం: చిత్తూరు కార్పొరేషన్‌ ఏం జరిగిందంటే: మొత్తం 60 డివిజన్లలో ఏకంగా 51 డివిజన్లకు ఏకగ్రీవాల ప్రకటన. టీడీపీకి 47, జనసేనకు 2, బీజేపీకి 1, వైఎస్సార్‌సీపీకి 1 స్థానం కేటాయింపు. అభ్యర్థులు, ప్రతిపాదకులు ఉపసంహరించుకోకుండానే వారి సంతకాలతో ఫోర్జరీ విత్‌డ్రా లేఖల సృష్టి. అసలు సంతకాల ప్రామాణికతను నిర్ధారించకుండానే ఉపసంహరణలు ఆమోదించిన ఆర్‌ఓలు. ఫలితం: ఫోర్జరీ లేఖల ఆధారంగా 51 డివిజన్లకు ఏకగ్రీవ డిక్లరేషన్లు! నగరిలో ముందు ధ్రువీకరణ.. తర్వాత నామినేషన్‌ తిరస్కరణ! ఫారం–7 ఇచ్చి మరీ మాట మార్చిన ఆర్‌ఓ.. టీడీపీకి ఏకగ్రీవ పట్టం! ఆర్‌వో: సంజీవకుమార్‌ ప్రాంతం: నగరి మున్సిపాలిటీ, చిత్తూరు జిల్లా ఏం జరిగిందంటే: వైఎస్సార్‌సీపీ చైర్మన్‌ అభ్యర్థి బాలకృష్ణన్‌ నామినేషన్‌ పరిశీలన అనంతరం పోటీలో ఉన్నట్లు ఫారం–7 జారీ. కొద్దిసేపటికే అదే నామినేషన్‌ చెల్లదంటూ తిరస్కరణ. పోటీలో ఉన్నట్లు ధ్రువీకరించిన నామినేషన్‌ను కొద్దిసేపటికే ఎలా తిరస్కరించారు? ఫలితం: టీడీపీ అభ్యర్థి చైర్మన్‌గా ఏకగ్రీవంగా ఎన్నికైనట్లు ప్రకటన.ఆలూరులో కారణాలు చెప్పకుండానే నామినేషన్లు ఔట్‌! ముగ్గురు వైఎస్సార్‌సీపీ అభ్యర్థుల నామినేషన్లు తిరస్కరణ.. లోపాలు సరిదిద్దుకునే అవకాశం కూడా ఇవ్వని ఆర్‌ఓ ఆర్‌వో: ఆనంద్‌ రాజ్‌కుమార్‌ ప్రాంతం: ఆలూరు, కర్నూలు జిల్లా ఏం జరిగిందంటే: పెద్దహోతూరు–2 ఎంపీటీసీ అభ్యర్థి లక్ష్మి, మొలగవల్లి–2లో నరసమ్మ, ఆలూరు–3 వినోద్‌కుమార్‌ నామినేషన్లలో తప్పులున్నాయంటూ స్పష్టమైన వివరాలు ఇవ్వకుండా ఆర్‌డీఓ వద్దకు పంపించడం. చెక్‌లిస్ట్, ఫారం–5 ఇవ్వకుండానే నరసమ్మ నామినేషన్‌ తిరస్కరణ. ఆర్‌డీఓ వద్ద కూడా తిరస్కరణకు స్పష్టమైన కారణాలు వెల్లడించకపోవడం. లోపాలు సరిదిద్దుకునేందుకు కార్యాలయంలోకి వెళ్లే అవకాశం కూడా నిరాకరణ. ఫలితం: చివరకు ముగ్గురు వైఎస్సార్‌సీపీ అభ్యర్థులు ఎన్నికల బరిలో లేకుండా పోవడం!నారాయణవనంలో ఐదు ఎంపీటీసీలు టీడీపీకి ధారాదత్తం! అర్ధరాత్రి ఫోన్‌కాల్స్‌ తర్వాత విత్‌డ్రాల ప్రకటన ఆర్‌వో: విజయానంద్‌ ప్రాంతం: నారాయణవనం మండలం, తిరుపతి జిల్లా ఏం జరిగిందంటే: మండలంలోని 11 ఎంపీటీసీ స్థానాల్లో ఐదు స్థానాలకు చెందిన వైఎస్సార్‌సీపీ అభ్యర్థుల నామినేషన్ల తిరస్కరణ. డిక్లరేషన్‌ ఫారంలో సంతకం లేదంటూ నామినేషన్లు తిరస్కరించిన ఆర్‌ఓ విజయానంద్‌. సంతకాలు లేని నామినేషన్‌ పత్రాలనే స్వీకరించి రసీదులు ఎలా ఇచ్చారు? అంటే సమాధానం లేదు. టీడీపీ రెబల్, డమ్మీ అభ్యర్థుల విత్‌డ్రాల కోసం రాత్రి 7.30 వరకు వేచి ఉన్నారు. అభ్యర్థుల నుంచి నేరుగా ఉపసంహరణ పత్రాలు తీసుకోకుండానే టీడీపీ నాయకుల ఫోన్‌కాల్స్‌ కోసం నిరీక్షణ. ఫలితం: రాత్రి 7.40 గంటలకు వైఎస్సార్‌సీపీ అభ్యర్థులు నామినేషన్లు ఉపసంహరించుకున్నట్లు ప్రకటించి... ఐదు స్థానాల్లో ఏకగ్రీవాల ప్రకటన!కోటబొమ్మాళిలో టీడీపీ అభ్యర్థులకే వెసులుబాటు! వైఎస్సార్‌సీపీ అభ్యర్థి నామినేషన్‌ తిరస్కరణ.. టీడీపీ అభ్యర్థుల తప్పులకు అక్కడికక్కడే సవరణలు చేసిన ఆర్‌ఓ! ఆర్‌వో: కె.జగన్మోహన్‌రావు ప్రాంతం: కోటబొమ్మాళి మండలం, శ్రీకాకుళం జిల్లా ఏం జరిగిందంటే: దంత ఎంపీటీసీ స్థానం నుంచి వైఎస్సార్‌సీపీ అభ్యర్థి హేమసుందర్‌రాజు నామినేషన్‌ దాఖలు. పరిశీలనకు పిలిపించి చిన్నచిన్న కారణాలు చూపిస్తూ నామినేషన్‌ తిరస్కరణ. టీడీపీ అభ్యర్థుల పత్రాల్లో ఎన్ని తప్పులున్నా వెసులుబాటు. పత్రాల్లో లోపాలున్నా అక్కడికక్కడే సరిదిద్దుకునే అవకాశం. ప్రతిపక్ష అభ్యర్థికి ఒక నిబంధన.. టీడీపీ అభ్యర్థులకు మరో నిబంధన! ఫలితం: వైఎస్సార్‌సీపీ అభ్యర్థి హేమసుందర్‌రాజు పోటీకి విత్‌డ్రా పేరుతో వంచన.. ఒక నామినేషన్‌ ఉపసంహరించుకోమని చెప్పి.. మొత్తం నామినేషన్‌నే లేకుండా చేసిన ఆర్‌ఓ ఆర్‌వో: కె.జగన్మోహన్‌రావు ప్రాంతం: చిన్నసాన ఎంపీటీసీ, కోటబొమ్మాళి మండలం, టెక్కలి నియోజకవర్గం, శ్రీకాకుళం జిల్లా ఏం జరిగిందంటే: రొక్కం శ్రావణి పేరుతో వేర్వేరు ప్రతిపాదకులతో రెండు నామినేషన్లు దాఖలు. ఒక నామినేషన్‌ ఉపసంహరించుకోవాలని అధికారుల సూచన. అధికారుల సూచన మేరకు ఒక నామినేషన్‌ విత్‌డ్రా. ఫలితం: బీ.ఫారం సమర్పించేందుకు శ్రావణి వెళితే మొత్తం నామినేషన్‌ తిరస్కరణకు గురైందంటూ సమాధానం!. మార్కాపురంలో వైట్‌నర్‌ సాకు.. నామినేషన్‌ ఔట్‌! వైట్‌నర్‌ వాడొచ్చని చెప్పి.. అదే కారణంతో నామినేషన్‌ తిరస్కరించిన ఆర్‌ఓ ఆర్‌వో: డి.రవిప్రసాద్‌ ప్రాంతం: భూపతిపల్లి ఎంపీటీసీ స్థానం, మార్కాపురం మండలం ఏం జరిగిందంటే: వైఎస్సార్‌సీపీ అభ్యర్థి భవనం వెంకట రామిరెడ్డి నామినేషన్‌ దాఖలు. ఫారం నింపే సమయంలో వైట్‌నర్‌ వాడవచ్చని అధికారుల సూచన. ఫలితం: స్క్రూటినీ సమయంలో అదే వైట్‌నర్‌ను కారణంగా చూపి నామినేషన్‌ తిరస్కరణ. ముందుగా అనుమతి.. తర్వాత అదే అంశంపై అభ్యంతరం.. చివరకు అభ్యర్థి పోటీకి దూరం! వైఎస్సార్‌సీపీకి ఒక న్యాయం.. టీడీపీకి మరో న్యాయం! ఒకే తరహా జిరాక్స్‌ సర్టిఫికెట్‌.. వైఎస్సార్‌సీపీ అభ్యర్థి నామినేషన్‌ ఔట్‌.. టీడీపీ అభ్యర్థికి మాత్రం అప్పీల్‌లో ఆమోదం! ఆర్‌వో: నారాయణస్వామి ప్రాంతం: అనంతపురం రూరల్‌ మండలం ఏం జరిగిందంటే: కందుకూరు–1 వైఎస్సార్‌సీపీ అభ్యర్థి కామక్కగారి మురళి ఒరిజినల్‌ కుల ధ్రువీకరణపత్రం టీడీపీ వ్యక్తులు చించేయడంతో జిరాక్స్‌ కాపీతో నామినేషన్‌ దాఖలు. ఫలితం: స్క్రూటినీ సమయంలో ఒరిజినల్‌ పత్రం సమర్పించినా, జిరాక్స్‌ కాపీ జత చేశారనే కారణంతో నామినేషన్‌ తిరస్కరణ. ఆర్‌డీఓను ఆశ్రయించినా మురళికి న్యాయం జరగలేదు. అదే మండలం రాచాననపల్లి–1 టీడీపీ అభ్యర్థి డి.రమ్య కూడా జిరాక్స్‌ కాపీనే సమర్పించారు. ఆమె నామినేషన్‌ను తొలుత తిరస్కరించినా, అప్పీల్‌లో ఆర్‌డీఓ ఆమోదం. నామినేషన్‌ పత్రం చించేసి తిరస్కరణ! ముందు రాళ్ల దాడితో నామినేషన్‌కు అడ్డంకులు.. మరుసటి రోజు పత్రం చించేసి నామినేషన్‌ ఔట్‌.. చివరకు టీడీపీకి ఏకగ్రీవం! ఆర్‌వో: గోపాల్‌నాయక్‌ ప్రాంతం: బండారుపల్లి, ఏర్పేడు మండలం, తిరుపతి జిల్లా ఏం జరిగిందంటే: మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి టి.జనార్ధన్‌రెడ్డి నామినేషన్‌ దాఖలుకు వెళ్తుండగా ఏర్పేడు కేంద్రం వద్ద సుమారు 500 మంది టీడీపీ మూకల రాళ్ల దాడి. అభ్యర్థితోపాటు ఇద్దరు నామినీలపై దాడి.. ప్రాణభయంతో వెనుదిరగడం. ఎంపీ డాక్టర్‌ మద్దెల గురుమూర్తి చొరవతో మరుసటి రోజు నామినేషన్‌ దాఖలు. ఫలితం: పరిశీలన సమయంలో నామినేషన్‌ పత్రాల్లో ఒకటి చించేసి, దాని స్థానంలో ఖాళీ ఫారం పెట్టడం. సంతకం లేదనే కారణంతో నామినేషన్‌ తిరస్కరణ. చివరకు ఆ స్థానం టీడీపీకి ఏకగ్రీవం.ఏర్పేడులో బలవంతపు విత్‌డ్రాలు! ఎనిమిది వైఎస్సార్‌సీపీ నామినేషన్ల తిరస్కరణ.. మరో రెండింటిపై బలవంతపు విత్‌డ్రాలు.. ఆర్‌ఓ గోపాల్‌నాయక్‌ వ్యవహారం! ఆర్‌వో: గోపాల్‌నాయక్‌ ప్రాంతం: ఏర్పేడు మండలం, తిరుపతి జిల్లా ఏం జరిగిందంటే: మండలంలోని 16 ఎంపీటీసీ స్థానాలకు గాను 10 స్థానాల్లో వైఎస్సార్‌సీపీ అభ్యర్థుల నామినేషన్లు. వాటిలో ఎనిమిది నామినేషన్లను కుంటి సాకులతో తిరస్కరించిన ఆర్‌ఓ. మిగిలిన రెండు స్థానాల్లోనూ టీడీపీ నాయకుల ఒత్తిళ్లతో బలవంతపు ఉపసంహరణలు. ఫలితం: 16 స్థానాల్లో 15 స్థానాలు కూటమికి ఏకగ్రీవం. రామచంద్రాపురంలో ఏకపక్షంగా తిరస్కరణ! కనీస తనిఖీ లేదు.. వివరణకు అవకాశం లేదు.. వైఎస్సార్‌సీపీ అభ్యర్థుల నామినేషన్లకు వరుసగా తిరస్కరణలు..ఆర్‌వో: వసంత్‌ బాయ్‌ ప్రాంతం: రామచంద్రాపురం మండలం, తిరుపతి జిల్లా ఏం జరిగిందంటే: నామినేషన్ల పరిశీలనను ఏకపక్షంగా నిర్వహించిన ఆర్‌ఓ. ఫలితం: కనీస తనిఖీ, వివరణకు అవకాశం లేకుండానే వైఎస్సార్‌సీపీ అభ్యర్థుల నామినేషన్ల తిరస్కరణ.

సాక్షి, అమరావతి: పల్నాడు జిల్లా మాచర్ల మున్సిపల్‌ ఆఫీసులో తమ అభ్యర్థులు సమర్పించిన బీఫారాలను బలవంతంగా లాక్కుని చింపేసి, మహిళా అభ్యర్థులపై దాడిచేసిన తెలుగుదేశం పార్టీ నేతలపై కేసు నమోదు చేసి, సీనియర్‌ అధికారి చేత విచారణ జరిపించేలా ఆదేశాలు జారీచేయాలని కోరుతూ వైఎస్సార్‌సీపీ ఇచ్చిన వినతిపత్రాన్ని పరిగణనలోకి తీసుకోవాలని హైకోర్టు శుక్రవారం రాష్ట్ర ఎన్నికల కమిషనర్‌ను ఆదేశించింది. ఆ వినతిపై తగిన నిర్ణయం వెలువరించాలని స్పష్టం చేసింది.ఈ మేరకు న్యాయమూర్తి జస్టిస్‌ మండవ కిరణ్మయి శుక్రవారం ఉత్తర్వులు జారీచేశారు. ఈ నెల 21న మాచర్ల మున్సిపల్‌ ఆఫీసులో వైఎస్సార్‌సీపీ అభ్యర్థుల బీఫారాలను సిట్టింగ్‌ ఎమ్మెల్యే బ్రహ్మరెడ్డి కుమారుడు గౌతమ్‌రెడ్డి ఆధ్వర్యంలో తెలుగుదేశం పార్టీ వ్యక్తులు లాక్కుని చించేశారు. అంతేగాక మహిళా అభ్యర్థులపై కూడా దాడులు చేశారు. దీంతో వైఎస్సార్‌సీపీ అభ్యర్థులకు పార్టీ గుర్తు దక్కలేదు. వీరికి కప్‌బోర్డు గుర్తు లభించింది. మరోసారి రౌడీయిజం ఇదిలా ఉండగానే ఈ నెల 29న మధ్యాహ్నం 3 గంటల ప్రాంతంలో మాచర్ల మున్సిపల్‌ ఆఫీసులో వైఎస్సార్‌సీపీ చైర్‌పర్సన్‌ అభ్యర్థులు సమర్పించిన ఏజెంట్‌ ఫారాలను కూడా తెలుగుదేశం పార్టీ నేతలు చించేశారు. అంతేకాక కర్రలతో దాడిచేసేందుకు వచ్చి బెదిరించి వెళ్లారు. ఈ ఘటనపై సీనియర్‌ అధికారి ద్వారా తక్షణ విచారణ జరిపించి, బాధ్యులపై కేసులు నమోదు చేసేలా ఆదేశాలు ఇవ్వాలని కోరుతూ వైఎస్సార్‌సీపీ అభ్యర్థి షేక్‌ ఆషా రాష్ట్ర ఎన్నికల కమిషనర్‌కు వినతిపత్రం సమర్పించారు. 29వ తేదీ మధ్యాహ్నం 12 గంటల నుంచి సాయంత్రం 5 గంటల వరకు ఉన్న సీసీటీవీ ఫుటేజీని భద్రపరిచి, విచారణ నిమిత్తం దాన్ని పరిగణనలోకి తీసుకోవాలని రాష్ట్ర ఎన్నికల కమిషన్‌కు విజ్ఞప్తి చేశారు. అలాగే అక్టోబర్‌ 21 నాటి సీసీటీవీ రికార్డులను, కెమెరాలు ఎవరు ఆపారనే దానిపై విచారణ జరిపి చర్యలు తీసుకోవాలని అభ్యర్థించారు. మున్సిపల్‌ ఆఫీసు వద్ద తగినంత పోలీసు భద్రతను ఏర్పాటు చేసి, అనధికార వ్యక్తులు గుమికూడకుండా చూడాలని కోరారు. అంతేగాక అభ్యర్థులకు, ముఖ్యంగా మహిళా అభ్యర్థులు, వారి ఏజెంట్లు, మద్దతుదారులకు తగిన భద్రత కల్పించాలని ఎన్నికల కమిషన్‌ను కోరారు. అయితే యథాతథంగా కమిషన్‌ స్పందించలేదు. దీంతో షేక్‌ ఆషా హైకోర్టును ఆశ్రయించారు. ఈ వ్యాజ్యంపై శుక్రవారం జస్టిస్‌ కిరణ్మయి విచారణ జరిపారు. వాదనలు విన్న న్యాయమూర్తి.. పిటిషనర్‌ సమర్పించిన వినతిపత్రాన్ని పరిగణనలోకి తీసుకోవాలని ఎన్నికల కమిషనర్‌ను ఆదేశించారు.

సాక్షి, న్యూఢిల్లీ: ఆంధ్రప్రదేశ్‌ స్థానిక సంస్థల ఎన్నికల నామినేషన్ల ప్రక్రియలో చోటు చేసుకున్న దారుణ హింస.. యథేచ్ఛగా మానవ హక్కుల ఉల్లంఘనలు.. పోలీసుల పక్షపాత వైఖరి, నిర్లక్ష్యంపై అత్యవసరంగా విచారణ చేపట్టాలని కోరుతూ జాతీయ మానవ హక్కుల కమిషన్‌ (ఎన్‌హెచ్‌ఆర్‌సీ)కి శుక్రవారం ఫిర్యాదు అందింది. మునిసిపల్, ఎంపీటీసీ, జడ్పీటీసీ ఎన్నికల నామినేషన్ల సందర్భంగా అధికార పక్షం బరి తెగించి దాడులకు పాల్పడటం, విపక్ష అభ్యర్థులను అడ్డుకోవడం, నామినేషన్‌ పత్రాలను చించివేయడం తదితర ఘటనలపై తక్షణమే జోక్యం చేసుకోవాలని తెలంగాణకు చెందిన మాడభూషి శ్రీధర్‌ ఆచార్యులు, న్యాయవాది మహమ్మద్‌ సాదిక్‌ అలీ ఎన్‌హెచ్‌ఆర్‌సీ చైర్‌ పర్సన్, రిజిస్ట్రార్‌కు ఫిర్యాదు చేశారు. ఈ ఫిర్యాదును స్వీకరించిన కమిషన్‌ 25292/ఐఎన్‌/2026 డైరీ నంబర్‌ కేటాయించింది. నవంబర్‌ 1న పురపాలక సంఘాలకు, నవంబర్‌ 5న ఎంపీటీసీ, జడ్పీటీసీలకు పోలింగ్‌ జరగనున్న నేపథ్యంలో దీనిపై అత్యవసర విచారణ జరపాలని ఫిర్యాదులో అభ్యర్థించారు. స్థానిక ఎన్నికల్లో విచ్చలవిడిగా దౌర్జన్యాలు జరుగుతున్నా పోలీసులు ఏమాత్రం అడ్డుకోలేకపోయారని నివేదించారు.హింసను డీజీపీ లెక్కలే వెల్లడిస్తున్నాయి..రాష్ట్రవ్యాప్తంగా 13 జిల్లాల్లో నామినేషన్ల ప్రక్రియలో ఏకంగా 31 ఎన్నికల సంబంధిత హింసాత్మక ఘటనలు జరిగినట్లు స్వయంగా డీజీపీ నివేదించారని ఫిర్యాదులో పేర్కొన్నారు. 16 చోట్ల విపక్ష అభ్యర్థుల నామినేషన్‌ పత్రాలను లాక్కోవడం, చించివేయడం లేదా ధ్వంసం చేయడం లాంటి ఘటనలు నమోదయ్యాయి. రాయచోటిలో జరిగిన ఘర్షణల్లో 15 కార్లు ధ్వంసం కాగా నాలుగు కార్లను తగలబెట్టారు. ఇతర చోట్ల నాలుగు వాహనాలు దగ్ధం కాగా రెండు ఇళ్లపై దాడులు జరిగాయి. అల్లర్లను అదుపు చేసే క్రమంలో ఓ పోలీసు కానిస్టేబుల్‌ తలకు తీవ్ర గాయమైంది. ఇద్దరు వ్యక్తులు అత్యంత విషమ స్థితిలోకి వెళ్లారు. పోలీసులు మూడుసార్లు లాఠీచార్జి, ఒకసారి టియర్‌గ్యాస్‌ ప్రయోగించడంతో పాటు ఒకచోట గాల్లోకి కాల్పులు జరిపారు. హింసాత్మక ఘటనలకు సంబంధించి 16 కేసులు నమోదు చేసి 54 మందిని నిందితులుగా చేర్చారు. ఏకంగా రిటర్నింగ్‌ అధికారుల కార్యాలయాల్లోనే నామినేషన్‌ పత్రాలు చించివేసినా పోలీసులు అడ్డుకోకపోవడం వారి నిర్లక్ష్యానికి అద్దం పడుతోందని ఫిర్యాదుదారులు వివరించారు.మహిళా అభ్యర్థులపై దౌర్జన్యాలు...మహిళా అభ్యర్థులపై పలుచోట్ల అమానుష ఘటనలు చోటు చేసుకున్నాయి. మహిళలకు రిజర్వ్‌ అయిన పులివెందుల మున్సిపల్‌ చైర్‌పర్సన్‌ స్థానానికి పోటీ చేయాల్సిన ఓ మహిళా అభ్యర్థిని నామినేషన్‌ కేంద్రానికి వెళ్లకుండా అక్టోబర్‌ 18న పోలీసులు రోజంతా నిరోధించారు. కడప మేయర్‌ స్థానానికి పోటీ చేస్తున్న మహిళా అభ్యర్థి ఇంటిపై అక్టోబర్‌ 19 రాత్రి కొందరు గుర్తు తెలియని వ్యక్తులు కత్తులు, గాజు సీసాలతో దాడికి తెగబడ్డారు. చిలకలూరిపేటలో జడ్పీటీసీ నామినేషన్‌ ఫారం కోసం వచ్చిన వ్యక్తిని అడ్డుకునే క్రమంలో గృహ నిర్బంధంలో ఉన్న మాజీ మహిళా మంత్రిని స్థానిక సబ్‌ ఇన్‌స్పెక్టర్‌ నెట్టివేశారు. తిరుపతి జిల్లా కలువోయలో నామినేషన్లు వేయడానికి వచ్చేవారి కాళ్లు విరగ్గొట్టాలని ఓ శాసనసభ్యుడు తన అనుచరులను బహిరంగంగానే రెచ్చగొడుతున్న వీడియో బయటకు రావటాన్ని ఫిర్యాదులో ప్రస్తావించారు. బెదిరించి బలవంతపు ఏకగ్రీవాలు..పట్టణ స్థానిక సంస్థల్లో దౌర్జన్యాలు, కిడ్నాప్‌లు, బెదిరింపులు, ఫోర్జరీ సంతకాలతో ఉపసంహరణల ద్వారా భారీగా ఏకగ్రీవాలు జరిగాయని ఫిర్యాదుదారులు నివేదించారు. అధికార కూటమికి చెందిన 726 మంది అభ్యర్థులు ఏకగ్రీవంగా ఎన్నిక కాగా, ప్రధాన ప్రతిపక్షం నుంచి 19 మంది, సీపీఐ నుంచి ఒకరు, ఐదుగురు స్వతంత్రులు మాత్రమే ఏకగ్రీవంగా ఎన్నికైనట్లు తెలిపారు. రాష్ట్రవ్యాప్తంగా 21.08 శాతం వార్డులు, 12.58 శాతం డివిజన్లు, 17 చైర్‌పర్సన్‌ పోస్టులు పోటీ లేకుండానే ఖరారయ్యాయన్నారు. ఒక్క పులివెందులలోనే 40 మున్సిపల్‌ వార్డులకు గాను 20 వార్డులు, 64 ఎంపీటీసీ స్థానాలు ఏకగ్రీవం అయ్యాయని పేర్కొన్నారు. హింస, దాడులు చెలరేగిన చోటే అత్యధికంగా ఏకగ్రీవాలు నమోదు కావడంపై అనుమానాలు వ్యక్తమవుతున్నాయని, వీటిపై స్వతంత్ర దర్యాప్తు జరగాలని ఫిర్యాదుదారులు నివేదించారు.తక్షణమే విచారించండి..ఈ వ్యవహారంపై సెక్షన్‌ 12 (ఏ) కింద తక్షణమే విచారణ చేపట్టాలని ఎన్‌హెచ్‌ఆర్‌సీని ఫిర్యాదుదారులు కోరారు. ఆంధ్రప్రదేశ్‌ ప్రభుత్వ ప్రధాన కార్యదర్శి, హోంశాఖ ముఖ్య కార్యదర్శి, డీజీపీ నుంచి నివేదికలు తెప్పించుకోవాలని విజ్ఞప్తి చేశారు. పులివెందుల, మైదుకూరు, చిలకలూరిపేట, ములకలచెరువు ఘటనలపై కమిషన్‌ దర్యాప్తు బృందంతో క్షేత్రస్థాయి విచారణ జరిపించాలని కోరారు. నామినేషన్‌ కేంద్రాల్లోని సీసీటీవీ ఫుటేజీలను భద్రపరచాలని, మహిళా అభ్యర్థులకు పటిష్ట భద్రత కల్పించాలని, ఉల్లంఘనలకు పాల్పడిన అధికారులపై కఠిన చర్యలు తీసుకోవాలని, నమోదు కాని కేసుల్లో ఎఫ్‌ఐఆర్‌లు నమోదు చేయాలని ఫిర్యాదులో అభ్యర్థించారు.

సాక్షి, అమరావతి : పోలింగ్‌ కేంద్రాల్లో వైఎస్సార్‌సీపీ ఏజెంట్లు లేకుండా చేసి, అధికార పార్టీ గూండాలు బూత్‌లను పూర్తిగా అక్రమించుకొని ఎన్నికలను ఏకపక్షంగా జరిపేందుకు ప్రభుత్వ పెద్దలు కొత్త దుర్మార్గాలకు తెరతీశారు. పోలీసులు, ఎన్నికల అధికారులను అడ్డుపెట్టుకుని పోలింగ్‌ ఏజెంట్ల నియామక నిబంధనలను సైతం ఇష్టారాజ్యంగా మార్చేస్తున్నారు. పోలింగ్‌ బూత్‌లో పార్టీ తరుఫున ఉండే ఏజెంట్లకు పోలీసు క్లియరెన్స్‌ సర్టిఫికెట్‌ ఉండాలనే నిబంధన లేదని రాష్ట్ర ఎన్నికల కమిషన్‌ ఇప్పటికే పలుమార్లు స్పష్టం చేసినా, వైఎస్సార్‌సీపీ అభ్యర్థులను మాత్రం ఆ సర్టిఫికెట్లు కావాలని ఒత్తిడి తెస్తున్నారు. మున్సిపల్‌ ఎన్నికల పోలింగ్‌ ఏజెంట్ల నియామకంపై రాష్ట్ర ఎన్నికల కమిషన్‌ సెప్టెంబర్‌ 18న జారీ చేసిన మార్గదర్శకాలను పూర్తిగా పక్కన పెట్టి, వైఎస్సార్‌సీపీ అభ్యర్థులు నియమించుకునే పోలింగ్‌ ఏజెంట్ల పేర్లను తమకు ముందే ఇవ్వాలంటూ పలుచోట్ల వేధిస్తున్నారు. బూత్‌ ఏజెంట్ల పేర్లను ఆర్వోల ద్వారా తెలుసుకుని వారి మీద పోలీసుల ద్వారా తీవ్ర ఒత్తిడికి గురిచేస్తున్న దుస్థితి నెలకొంది. కొన్ని చోట్ల టీడీపీ గూండాలు పోలీసులను అడ్డంపెట్టుకొని ఆయా పోలింగ్‌ ఏజెంట్లను కిడ్నాప్‌ చేస్తున్నారని వైఎస్సార్‌సీపీ అభ్యర్థులు వాపోతున్నారు. మొత్తంగా పోలింగ్‌ కేంద్రాల్లో వైఎస్సార్‌సీపీ ఏజెంట్లను లేకుండా చేయడం ద్వారా రిగ్గింగ్‌ చేసుకోవాలన్నదే ప్రభుత్వ పెద్దల ఎత్తుగడ అని స్పష్టమవుతోంది. అక్రమాలనే నమ్ముకున్న ప్రభుత్వ పెద్దలు ఎన్నికల మేనిఫెస్టోలో ఇచ్చిన సూపర్‌ సిక్స్, తదితర హామీలేవీ నెరవేర్చక పోవడంతో చంద్రబాబు ప్రభుత్వం ప్రజల నుంచి తీవ్ర వ్యతిరేకత ఎదుర్కొంటోంది. ఈ పరిస్థితిలో స్థానిక ఎన్నికల్లో గట్టెక్కడానికి పూర్తిగా అక్రమాలనే నమ్ముకుంది. ప్రతిపక్ష వైఎస్సార్‌సీపీ అభ్యర్థులు నామినేషన్లు కూడా వేయకుండా అల్లరి మూకల ద్వారా అడ్డుకుని చింపివేసిన ఘటనలు కోకొల్లలుగా వెలుగు చూడటం తెలిసిందే. ఈ అవాంతరాలను దాటుకుని పోటీలో నిలిచిన చోట్ల పోలింగ్‌ రోజున బూత్‌ ఆక్రమణలు, రిగ్గింగ్‌ దురాగతాలకు పాల్పడేలా కూటమి ప్రభుత్వం రంగం సిద్ధం చేసింది. కాగా, మున్సిపల్‌ ఎన్నికల్లో పోటీలో ఉండే రాజకీయ పార్టీ అభ్యర్థులు రిటర్నింగ్‌ అధికారులకు ముందుగా ఇచ్చిన పోలింగ్‌ ఏజెంట్లను.. ఆ తర్వాత వివిధ కారణాలతో పోలింగ్‌ ముగిసే వరకు ఎప్పుడైనా మార్చుకోవచ్చు. ‘అపాయింట్‌మెంట్‌ ఆఫ్‌ పోలింగ్‌ ఏజెంట్స్‌ – డైరక్షన్స్‌’ పేరిట ఎస్‌ఈసీ జారీ చేసిన సర్క్యులర్‌లో ఏజెంట్ల నియామకానికి ముందస్తుగా పేర్లను రిటర్నింగ్‌ అధికారులకు ఇవ్వడానికి ప్రత్యేకంగా నిర్దిష్ట గడువును పేర్కొనలేదు. అభ్యర్థులు తమ ఎన్నికల ఏజెంట్‌ నియామకాన్ని రద్దు చేసి, వేరొకరిని ఎన్నికల ఏజెంట్‌గా నియమించుకోవడానికి పూర్తి స్వేచ్ఛ ఉంటుంది. రిటర్నింగ్‌ అధికారికి, బూత్‌ ఎన్నికల అధికారికి నోటీసు ఇచ్చి మార్చుకోవచ్చు. పల్నాడు జిల్లా మాచర్ల మున్సిపాలిటీలో ఏజెంట్ల ఫారాలను ఎన్నికల అధికారికి ఇచ్చేందుకు వెళ్లిన స్థానిక వైఎస్సార్‌సీపీ పట్టణ అధ్యక్షుడు పోలా శ్రీనివాసరావుపై టీడీపీ అల్లరి మూకలు దాడి చేసి, ఆ ఫారాలు లాక్కొని చింపేశాయి. ఒంగోలు కార్పొరేషన్‌లో ఏజెంట్లకు పోలీసు వెరిఫికేషన్‌ సర్టిఫికెట్‌ అడుగుతున్నట్లు వైఎస్సార్‌సీపీ అభ్యర్థులు చెబుతున్నారు. తాడిపత్రిలోనూ ఈ తరహా ఘటనలు చోటుచేసుకున్నాయి.

సాక్షి,తాడేపల్లి: ఏపీలో సామాన్యులకు దడ పుట్టిస్తున్న అన్ని రకాల చార్జీలు, ధరల పెరుగుదలపై వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆందోళన వ్యక్తం చేశారు. చంద్రబాబు పాలనలో ప్రస్తుత ధరలు చూస్తే షాక్‌ కొడుతున్నాయన్నారు. ఏపీలో అంతకంతకూ పెరుగుతున్న ధరలపై వైఎస్‌ జగన్‌ ఎక్స్‌ వేదికగా ట్వీట్‌ చేశారు. ఈ మేరకు తమ ప్రభుత్వ హయాంలోని ధరలకు, ప్రస్తుత చంద్రబాబు పాలనలోని ధరలకు మధ్య వ్యత్యాసాన్ని వివరించారు. 2024లో జగన్‌ ప్రభుత్వంలో ఉన్న నిత్యావసర వస్తువుల ధరలు.. ప్రస్తుత చంద్రబాబు ప్రభుత్వంలోని ధరలను పోలుస్తూ ట్వీట్‌ చేశారు. ‘‘మా హయాంలో సోనామసూరి బియ్యం రూ.1400 ఉంటే.. చంద్రబాబు పాలనలో రూ.2,375కు పెరిగింది. మా హయాంలో పామాయిల్‌ వంటనూనె రూ.85 ఉంటే.. చంద్రబాబు పాలనలో రూ.165కు పెరిగింది.మా హయాంలో సన్‌ఫ్లవర్‌ వంటనూనె రూ.110 ఉంటే.. చంద్రబాబు పాలనలో రూ.189కి పెరిగింది. మా హయాంలో కిలో ఉల్లిపాయలు రూ.15 ఉంటే.. చంద్రబాబు పాలనలో రూ.80కి పెరిగింది’’ అని ఇలా నిత్యావసర వస్తువుల ధరలతో పాటు కరెంట్ ఛార్జీలు, ఆర్టీసీ ఛార్జీలు తదితర అన్నీ పెంచేసిన చంద్రబాబు.. ప్రజల వెన్ను విరుస్తున్నారని వైఎస్ జగన్ పేర్కొన్నారు. వామ్మో! @ncbn గారి పాలనలో ధరలు చూస్తే షాక్ కొడుతున్నాయి. #BaadudeBaaduduByCBN https://t.co/CDp4rzLHtH— YS Jagan Mohan Reddy (@ysjagan) October 30, 2026 ఇదీ చదవండి : ‘పార్టీ అవినీతిని బట్టబయలు చేస్తా’.. జనసేన నేత రాజేష్ సంచలన శపథం!

సాక్షి,వైఎస్సార్‌ జిల్లా: జమ్మలమడుగులో తీవ్ర ఉద్రిక్త వాతావరణం చోటు చేసుకుంది. వైఎస్సార్‌సీపీ నేతలను లక్ష్యంగా చేసుకుని టీడీపీ శ్రేణులు దాడులకు తెగబడ్డాయి. ఈ ఘటనలో వైఎస్సార్‌సీపీ నేతల కార్లపై దాడి చేసి వాటిని ధ్వంసం చేశాయి.ఈ దాడులకు నిరసనగా జమ్మలమడుగులోని పాతబస్టాండ్‌ సర్కిల్ వద్ద వైఎస్సార్‌సీపీ శ్రేణులు పెద్దఎత్తున ఆందోళన చేపట్టాయి. ఈ నిరసన ధర్నాలో ఎమ్మెల్సీ రామసుబ్బారెడ్డి, చైర్‌పర్సన్ అభ్యర్ధి హైమావతి తదితరులు ప్రత్యక్షంగా పాల్గొని ప్రభుత్వ తీరుపై, దాడులపై తీవ్ర ఆగ్రహం వ్యక్తం చేశారు.

సాక్షి, విజయవాడ: స్థానిక సంస్థల ఎన్నికల్లో పోటీ చేసే అభ్యర్థుల అఫిడవిట్లు ఆన్‌లైన్‌లో ఉంచుతున్నట్లు హైకోర్టుకు ఎస్‌ఈసీ నివేదించింది. ఈమేరకు ఆయా శాఖలకు ఆదేశాలు జారీ చేసినట్లు ఎస్‌ఈసీ అఫిడవిట్ దాఖలు చేసింది. స్థానిక సంస్థల ఎన్నికల్లో పోటీ చేసే అభ్యర్థుల నామినేషన్ పత్రాలు, అఫిడవిట్లను ఆన్‌లైన్‌లో ఉంచేలా ఆదేశాలు ఇవ్వాలని దాఖలైన పిటిషన్‌పై హైకోర్టు విచారణ జరిపింది.ఎస్‌ఈసీ.. హైకోర్టుకు నివేదించిన అఫిడవిట్‌లో అంశాలు..రాష్ట్ర ఎన్నికల సంఘం అధికారిక వెబ్‌సైట్‌లో ప్రత్యేక పోర్టల్ ఏర్పాటు చేయాలని ఆదేశాలు ఇచ్చామని.. పోర్టల్ ద్వారా మున్సిపల్, గ్రామీణ స్థానిక సంస్థల అభ్యర్థుల వివరాలు వీక్షించే అవకాశం ఉందని ఎస్‌ఈసీ పేర్కొంది. మేయర్లు, మున్సిపల్ చైర్‌పర్సన్లు,వార్డు సభ్యుల నామినేషన్ పత్రాలు ఆన్‌లైన్‌లో అప్‌లోడ్ చేయాలని చెప్పామన్న ఎస్‌ఈసీ.. ఎంపీటీసీ, జడ్పీటీసీ, సర్పంచ్ అభ్యర్థుల నామినేషన్ పత్రాలు, సెల్ఫ్ అఫిడవిట్లు కూడా వెబ్‌సైట్‌లో ఉంచాలని సూచించాం. పోలింగ్ తేదీకి ముందుగానే అభ్యర్థుల వివరాలు ప్రజలకు అందుబాటులో ఉంచాలని చెప్పామని తెలిపింది.భారీ స్థాయిలో ఉండే డేటా దృష్ట్యా పీఆర్‌ అండ్‌ ఆర్‌డీ, మున్సిపల్ శాఖల అధికారిక వెబ్‌సైట్ల ద్వారా సమాచారం అందించేలా ఏర్పాట్లు చేయాలని ఆదేశించాం. సంబంధిత శాఖల వెబ్‌సైట్లకు రాష్ట్ర ఎన్నికల సంఘం వెబ్‌సైట్ నుంచి లింకులు. నామినేషన్ పత్రాలు, అఫిడవిట్లను ఎప్పటికప్పుడు అప్‌డేట్ చేయాలని సూచించామని ఎస్‌ఈసీ తెలిపింది.. ఈ మేరకు పీఆర్‌ అండ్‌ ఆర్‌డీ, మున్సిపల్ శాఖల కమిషనర్లకు రాష్ట్ర ఎన్నికల సంఘం లేఖ రాసింది.ఇదీ చదవండి: కూటమి ఓటమికి రె‘బెల్స్‌’

సాక్షి, అమరావతి: పోలింగ్‌ తేదీలు సమీపిస్తున్న కొద్దీ మున్సిపల్, స్థానిక సంస్థల ఎన్నికల ముఖచిత్రం నారా వారి రాక్షస క్రీడగా మారుతోంది. సామాన్య ఓటర్లు పోలింగ్‌ బూత్‌లోకి వెళితే.. కచ్చితంగా ప్రభుత్వానికి వ్యతిరేకంగా ఓటు వేస్తారనే విషయం స్పష్టమవుతోంది. దాంతో బెంబేలెత్తుతున్న చంద్రబాబు, టీడీపీ కూటమి పెద్దలు అక్రమాల కుట్రలకు మరింత పదును పెడుతున్నారు. అసలు సామాన్య ఓటర్లను పోలింగ్‌ బూత్‌లలోకి అనుమతించకుండా అల్లర్లు, అరాచకం సృష్టించేందుకు పన్నాగం పన్నుతున్నారు. పోలింగ్‌ కేంద్రాల చుట్టూ టీడీపీ రౌడీమూకలతోపాటు ప్రత్యేకించి గంజాయి బ్యాచ్‌లను మోహరించి శాంతిభద్రతలకు విఘాతం కలిగించేందుకు స్కెచ్‌ వేశారు. సీఎంవో, డీజీపీ కార్యాలయం కేంద్ర బిందువుగా ఈ కుట్రకు పకడ్బందీగా పావులు కదుపుతున్నారు. ప్రశాంత పోలింగ్‌కు బాధ్యత వహించాల్సిన పోలీసు యంత్రాంగం టీడీపీ పెద్దల రాజకీయ కుట్రలో పాత్రధారిగా మారుతోంది. అందుకోసం ఎన్నికల కమిషన్‌ నిబంధనల్లోని లొసుగులను అవకాశంగా చేసుకుంటూ.. చట్టాన్ని బరితెగించి ఉల్లంఘించి మరీ టీడీపీ పెద్దలు నడుపుతున్న కుతంత్రం రాష్ట్రంలో రాజకీయ రాక్షసానికి నిదర్శనంగా నిలుస్తోంది. ఆవల అంతా పచ్చ రౌడీలు.. గంజాయి గ్యాంగ్‌లు పోలింగ్‌ కేంద్రానికి 100 మీటర్ల పరిధి వరకు ఎన్నికల కమిషన్‌ నియంత్రణలో ఉంటుంది. ఓటరు స్లిప్పు ఉన్నవారిని మాత్రమే ఆ వంద మీటర్లు దాటి పోలింగ్‌ కేంద్రంలోకి అనుమతిస్తారు. వృద్ధులు, దివ్యాంగ ఓటర్లు అయితే వారికి సహాయంగా ఒకరిని వెళ్లనిస్తారు. అంతేతప్ప ఇతరులెవరూ ఆ వంద మీటర్ల పరిధిని నిర్దేశిస్తూ మార్క్‌ చేసిన గీతను దాటకూడదు. ఇదీ నిబంధన. అందుకే ఆ వంద మీటర్ల బయట మొత్తం ప్రాంతాన్ని తమ ఆధీనంలోకి తీసుకోవాలని టీడీపీ పెద్దలు కుట్ర పన్నారు. అందుకోసం ఇతర ప్రాంతాల నుంచి రప్పించిన రౌడీలు, అసాంఘిక శక్తులను మోహరించాలని నిర్ణయించారు. అంతర్‌రాష్ట నేరస్తులు, రౌడీషీటర్లతోపాటు గంజాయి బ్యాచ్‌లను సమీకరిస్తోంది. టీడీపీ పెద్దల పన్నాగం ప్రకారం.. పోలింగ్‌ ప్రారంభానికి ముందే ఆ బ్యాచ్‌లు తమకు కేటాయించిన పోలింగ్‌ కేంద్రాల బయట తిష్టవేస్తాయి. మద్యం సేవిస్తూ.. గంజాయి దమ్ము పీలుస్తూ ఆ ప్రాంతంలో అసాంఘిక పరిస్థితులను ఉద్దేశపూర్వకంగా సృష్టిస్తాయి. ఆ ఆకతాయి, గంజాయి గుంపులు ఓట్లు వేసేందుకు వచ్చే వైఎస్సార్‌సీపీ ఓటర్లు, తటస్థ ఓటర్లను లక్ష్యంగా చేసుకుంటాయి. వారిని కవ్విస్తూ.. కించపరుస్తూ.. దుర్భాషలాడుతూ.. అవసరమైతే కొడుతూ మరీ ఆ ప్రాంతంలో ప్రశాంత పరిస్థితులకు విఘాతం కలిగిస్తాయి. ఇదేమిటని ఎవరైనా ప్రశ్నిస్తే వారిపై విచక్షణారహితంగా దాడులకు పాల్పడాలని కూడా ప్రభుత్వ పెద్దలు ఆదేశించినట్టు సమాచారం. అందుకోసం కర్రలు, కత్తులు, ఇతర ఆయుధాలతోసహా పోలింగ్‌ కేంద్రాల వద్ద తిష్ట వేయమన్నారు. తద్వారా పోలింగ్‌ కేంద్రాల చుట్టూ భీతావహ పరిస్థితులు సృష్టించాలన్నది ప్రభుత్వ పెద్దల లక్ష్యం. దాంతో వైఎస్సార్‌సీపీ అనుకూల ఓటర్లు, తటస్థ ఓటర్లు అసలు పోలింగ్‌ కేంద్రాల వద్దకు వెళ్లేందుకే వెనుకంజ వేసే అనివార్య పరిస్థితులను కల్పించాలన్నది ఉద్దేశం. ప్రధానంగా మహిళా, యువ ఓటర్లు ఎవరూ తమ ఓటు హక్కును వినియోగించుకోకుండా అడ్డుకోవాలన్నది ప్రభుత్వ పెద్దల విస్పష్ట ఆదేశం. ఎందుకంటే.. 2024 ఎన్నికల సందర్భంగా కూటమి మేనిఫెస్టోలో మహిళలు, యువతకు ఇచ్చిన ఒక్క హామీని కూడా చంద్రబాబు ప్రభుత్వం నెరవేర్చలేదు. ప్రభుత్వం అనుసరిస్తున్న ప్రజా వ్యతిరేక విధానాలపై ఆ వర్గాలు తీవ్ర ఆగ్రహంతో ఉన్నాయి. ఈ నేపథ్యంలో మున్సిపల్, స్థానిక సంస్థల ఎన్నికల్లో ఓటు హక్కు వినియోగించుకోకుండా అడ్డుకోవాలని ప్రభుత్వ పెద్దలు పన్నాగం పన్నారు. కూటమి అక్రమాలకు పోలీసుల వత్తాసు పోలింగ్‌ కేంద్రాలకు వంద మీటర్ల వరకు ఎన్నికల కమిషన్‌ పరిధి. అంతమాత్రానా ఆ పరిధి బయట ఎవరు ఎలా అయినా ప్రవర్తించవచ్చు.. ఎన్నికల అక్రమాలకు పాల్పడవచ్చని కాదు అర్థం. ఆ పరిధి దాటాకా శాంతిభద్రతల పరిరక్షణ, ప్రశాంత పరిస్థితులు కొనసాగేలా చూడటం పోలీసుల విధి. ఆ వంద మీటర్ల పరిధి బయట కూడా పోలీసు యాక్ట్, సెక్షన్‌ 144 అమలులో ఉంటాయి. ఇతర పోలీసు నిబంధనలు, నియంత్రణలు వర్తిస్తాయి. వాటిని కచ్చితంగా పాటిస్తూ ప్రశాంత పరిస్థితులు కొనసాగేలా పోలీసులు పర్యవేక్షించాలి. అసాంఘిక కార్యకలాపాలు, అల్లర్లు, దాడులకు పాల్పడేవారిపై కఠిన చర్యలు చేపట్టాలి. పోలింగ్‌ ముగిసేవరకు మొత్తం మున్సిపల్, స్థానిక సంస్థల పరిధిలో శాంతిభద్రతలు, ప్రశాంత పరిస్థితుల పరిరక్షణ పోలీసుల బాధ్యత. అందుకోసం చట్టంలో స్పష్టంగా నిర్దేశించిన నిబంధనలివీ సెక్షన్‌ 126, ఆర్‌పీ యాక్ట్‌–1951ఈ చట్టం ప్రకారం సంబంధిత మున్సిపల్, స్థానిక సంస్థల పరిధిలోని ప్రజలు, ఓటర్లు కానివారు రాకుండా పోలీసులు అడ్డుకోవాలి. పులివెందులలో ఎన్నికల అక్రమాల కోసం జమ్మలమడుగు, కమలాపురం తదితర నియోజకవర్గాల నుంచి రౌడీలను టీడీపీ పెద్దలు రప్పిస్తున్నారు. వారిని పోలీసులు అడ్డుకోవాలి. అదేవిధంగా ఇతర మున్సిపల్, స్థానిక సంస్థలలో కూడా బయట వ్యక్తులు రాకుండా పోలీసులు కఠిన చర్యలు చేపట్టాలి. కానీ టీడీపీ అక్రమాలకు కొమ్ముకాస్తున్న పోలీసు యంత్రాంగం తమ బాధ్యతను విస్మరిస్తోంది. రూల్‌ 49 జే, రూల్‌ 49 ఎన్, ఎన్నికల చట్టం–1961ఈ నిబంధన ప్రకారం బోగస్‌ ఓటర్లను అడ్డుకోవాలి. అలా అడ్డుకునే హక్కు పోలింగ్‌ ఏజెంట్లకు ఉంది. అందుకోసం అన్ని పార్టీల పోలింగ్‌ ఏజెంట్లను తప్పనిసరిగా పోలింగ్‌ బూత్‌లలో అనుమతించేలా పోలీసులు చర్యలు చేపట్టాలి. ఇక బోగస్‌ ఓటర్లపై పోలింగ్‌ ఏజెంట్లు లేవనెత్తిన అభ్యంతరాలను ఎన్నికల అధికారులు, పోలీసులు పరిగణనలోకి తీసుకోవాలి. కానీ.. అసలు వైఎస్సార్‌సీపీ పోలింగ్‌ ఏజెంట్లే లేకుండా అడ్డుకునేందుకు టీడీపీ బరితెగిస్తున్నా పోలీసు యంత్రాంగం నిమ్మకు నీరెత్తినట్టు వ్యవహరిస్తోంది. ఇక ఉన్న ఏజెంట్లు బోగస్‌ ఓటర్లపై అభ్యంతరం తెలిపితే పోలీసులు ఎలా స్పందిస్తారన్నది సందేహాస్పదంగా ఉంది. సెక్షన్‌ 130, ఆర్‌పీ యాక్ట్‌–1951పోలింగ్‌ కేంద్రాల వద్ద అన్ని పార్టీల అభ్యర్థులు, ఏజెంట్లు, ఓటర్లకు పూర్తి భద్రత కల్పించాలి. అందుకోసం అవసరమైన స్థాయిలో భద్రతా సిబ్బందిని నియోగించాలి. మొత్తం ఎన్నికల ప్రక్రియను పూర్తిగా వెబ్‌ కాస్టింగ్‌ రికార్డ్‌ చేయాలి. కానీ.. అసలు పోలింగ్‌ కేంద్రాల వద్ద భద్రతా ఏర్పాట్లపై పోలీసు యంత్రాంగం నిర్లక్ష్యంగా వ్యవహరిస్తోంది. రాష్ట్రంలో ప్రశాంతంగా పోలింగ్‌ నిర్వహించేందుకు ఎంతమంది భద్రతా సిబ్బందిని వినియోగిస్తున్నదీ ఇప్పటివరకు వెల్లడించకపోవడం గమనార్హం. పోలీస్‌ యాక్ట్‌ 30, సెక్షన్‌ 144ఎన్నికలు జరుగుతున్న మున్సిపల్, స్థానిక సంస్థల పరిధిలో పోలీస్‌ యాక్ట్‌ 30, సెక్షన్‌ 144 అమలులో ఉంటాయి. అంటే కేవలం పోలింగ్‌ కేంద్రానికి వంద మీటర్ల లోపేకాదు.. బయట కూడా పోలీసు నిబంధనలు, నియంత్రణలు వర్తిస్తాయి. పోలింగ్‌ రోజుల్లో ప్రజలు ఎవరూ గుమిగూడకూడదు. ర్యాలీలు ఊరేగింపులు నిర్వహించకూడదు. ఎటువంటి మారణాయుధాలు కలిగి ఉండకూడదు. కానీ.. టీడీపీ పెద్దలు రప్పిస్తున్న రౌడీలు, గంజాయి బ్యాచ్‌లు పోలింగ్‌ కేంద్రాల వంద మీటర్ల పరిధి బయట తిష్ట వేసేందుకు సిద్ధపడుతున్నాయి. సామాన్య ఓటర్లు ఓటు వేయకుండా అడ్డుకుని భీతావహ పరిస్థితులు సృష్టించేందుకు కుట్రలు పన్నుతున్నాయి. ఆ ఆకతాయి, అరాచక మూకలను అడ్డుకోవాల్సిన పోలీసు యంత్రాంగం మాత్రం ప్రభుత్వ పెద్దల పచ్చ కుట్రలకు వత్తాసు పలకుతుండటం విస్మయపరుస్తోంది.

సాక్షి, అమరావతి: ఏమైనా చేయండి.. స్థానిక సంస్థల ఎన్నికల్లో మనమే గెలవాలి... అంటూ సీఎం చంద్రబాబు మంత్రులకు స్పష్టం చేసినట్లు తెలిసింది. కూటమి అభ్యర్థుల గెలుపే లక్ష్యంగా పనిచేయాలని, అవసరమైన చోట్ల పోలీసుల సహకారంతో పాటు అధికార యంత్రాంగాన్ని పూర్తిగా వినియోగించుకోవాలని చెప్పినట్లు సమాచారం. మంత్రివర్గ సమావేశం ముగిసిన తర్వాత స్థానిక ఎన్నికలు, తాజా రాజకీయ పరిణామాలపై చంద్రబాబు మంత్రులతో చర్చించారు. ‘సీట్ల సర్దుబాటును అమలు చేయాలి. మూడు పార్టీల నేతలు సమన్వయంతో ముందుకు వెళ్లాలి. మంత్రులు తమ నియోజకవర్గాలతో పాటు ఇన్‌చార్జ్‌లుగా ఉన్న జిల్లాలపైనా ప్రత్యేక దృష్టి పెట్టాలి. అభ్యర్థుల గెలుపు బాధ్యత మంత్రులదే అన్న విషయం గుర్తుంచుకోవాలి. ఎన్నికల నిర్వహణలో అవసరమైన సమన్వయం కోసం సంబంధిత అధికారులతో మాట్లాడాలి. క్షేత్రస్థాయిలో తలెత్తే సమస్యలను వెంటనే పరిష్కరించాలి. ఎన్నికల ప్రక్రియ పూర్తయ్యే వరకు మంత్రులు పూర్తి అప్రమత్తంగా ఉండాలి. ఎన్నికలకు సంబంధించి ఎక్కడైనా వివాదాలు ఉంటే వెంటనే పరిష్కరించాలి. కూటమి పార్టీల నుంచి ఎవరైనా రెబల్‌ అభ్యర్థులుగా బరిలో ఉంటే వెంటనే వారిని సస్పెండ్‌ చేయాలి. పట్టణ స్థానిక సంస్థలు, జెడ్పీటీసీ, ఎంపీటీసీ ఎన్నికలు పూర్తయిన తర్వాత పంచాయతీ ఎన్నికలు, ఆ వెంటనే సొసైటీ ఎన్నికలు ఉంటాయి. ఈ ఎన్నికలకు సైతం గెలుపే లక్ష్యంగా ఇప్పటి నుంచే ఏర్పాట్లు చేసుకోవాలి’ అని చంద్రబాబు మంత్రులకు సూచించినట్లు సమాచారం. కాగా పవన్‌ కళ్యాణ్‌ మాట్లాడుతూ జనసేన, బీజేపీకి సంబంధించి స్థానికంగా ఉన్న చిన్న చిన్న సమస్యలను పరిష్కరిస్తున్నామని చెప్పినట్లు తెలుస్తోంది. పార్టీ నిర్ణయానికి వ్యతిరేకంగా పోటీలో కొనసాగేవారిని ఉపేక్షించేది లేదని అన్నట్లు సమాచారం.

సాక్షి, అమరావతి: మొంథా తుపాను బాధిత రైతులకు పరిహారం ఇవ్వకుండానే చెల్లించేసినట్లు సీఎం చంద్రబాబు చెప్పడంతో రైతులు అవాక్కయ్యారు. కేవలం పరిహారం మంజూరు చేస్తున్నట్లు జీవో ఇచ్చిన సర్కార్‌ ఇప్పటి వరకు ఒక్క పైసా విదల్చ­లేదు. దీనిపై ఇప్పటికే రైతులు చంద్రబాబుపై రుసరుసలాడుతున్నారు. అర్నబ్‌ తుపాను వల్ల జరిగిన పంట నష్టాలను పరిశీలించేందుకు గురువారం అంబేడ్కర్‌ కోనసీమ జిల్లాలో పర్యటించిన చంద్రబాబు.. మీడియాతో మాట్లాడుతూ మొంథా తుపాను పంట నష్టపరిహారం ఇచ్చేశామని అదే తరహాలో అర్నబ్‌ బాధితులను ఆదుకుంటామని చెప్పడంతో రైతులు విస్తుపోయారు. నష్టం అంచనాలో కోతల మీద కోతలు మొంథా తుపాను విరుచుకుపడి ఏడాది గడిచింది. గత ఏడాది ఇదే నెలలో అన్నదాతకు అపారనష్టం వాటిల్లింది. 24 జిల్లాల్లో 15 లక్షల ఎకరాలపై తీవ్ర ప్రభావం ఉంటుందని తొలుత ప్రభుత్వమే అధికారికంగా ప్రకటించింది. ప్రభుత్వ పెద్దల నుంచి ఒత్తిళ్లకు తలొగ్గి తొలుత 4.40 లక్షల ఎకరాల్లో ప్రాథమిక నష్టం జరిగినట్టుగా అధికారులు ప్రకటించగా, ఆ తర్వాత 3.45 లక్షల ఎకరాలకు కుదించారు. ఈ క్రమంలో బాధిత రైతులకు వైఎస్సార్‌సీపీ అధినేత, మాజీ సీఎం వైఎస్‌ జగన్‌ బాసటగా నిలవడంతో రైతుల నుంచి వచ్చిన ఒత్తిడి మేరకు 4.27 లక్షల ఎకరాల్లో పంట నష్టం జరిగినట్టు లెక్కతేల్చారు. ఇదే రీతిలో ఇన్‌పుట్‌ సబ్సిడీ(పెట్టుబడి రాయితీ)ని చివరకు 3.23 లక్షల మందికి రూ.411కోట్లకు కుదించారు. ఇందులో వ్యవసాయ పంటలకు రూ.390 కోట్లు, ఉద్యాన పంటలకు రూ.20.92 కోట్లు, మల్బరీ తోటలకు రూ.4.43 కోట్లుగా లెక్కతేల్చారు. తీరా నిధుల విడుదల విషయానికి వచ్చేసరికి మళ్లీ కోతలు పెడుతూ రూ.280.68 కోట్లకు పరిమితం చేశారు. ఇందులో వ్యవసాయ పంటలకు రూ.266.41 కోట్లు, ఉద్యాన పంటలకు రూ.14.26 కోట్లు, పట్టు పరిశ్రమకు కేవలం రూ.1.06 లక్షల చొప్పున లెక్కతేల్చారు. కాగా మత్స్యశాఖకు రూ.3.79 కోట్లు, పశుసంవర్ధక శాఖకు రూ.81 లక్షల మాత్రమే నష్టం వాటిల్లినట్టు ప్రకటించారు. ఆ మేరకు నిధులు మంజూరు చేస్తూ జూన్‌ 30వ తేదీన జీవో ఆర్టీ నెం.70ను ప్రభుత్వ స్పెషల్‌ సీఎస్‌ జి.సాయిప్రసాద్‌ ఉత్తర్వులు జారీ చేశారు.రూ.వెయ్యి కోట్లకుపైగా బకాయిలుమొంథా తుపాను బాధిత రైతులకు నిధులు మంజూరు చేస్తూ ఉత్తర్వులు విడుదలై దాదాపు నాలుగు నెలలు గడిచినా ఏ ఒక్క బాధిత రైతుకు పైసా కూడా జమ కాలేదు. వీటితో పాటు గడిచిన 18 నెలల్లో సంభవించిన వరుస వైపరీత్యాలు, కరువు సాయం బకాయిలు కలిపి రూ.వెయ్యి కోట్లకు పైగా జమ చేయాల్సి ఉండగా, వాటి ఊసెత్తకుండా చంద్రబాబు ప్రభుత్వం కాలక్షేపం చేస్తూ రైతుల ఉసురు పోసుకుంటోంది. తాజాగా అర్నబ్‌ తుపాన్‌ దెబ్బకు రైతులను తీవ్రంగా నష్టపోతే నివేదికలంటూ కాలక్షేపం చేస్తూ వారిని ఏమార్చే కార్యక్రమానికి తెగబడుతోంది.

సాక్షి, అమరావతి/సాక్షి, నెట్‌వర్క్‌: అర్నబ్‌ తుపాను అన్నదాతకు పుట్టెడు శోకాన్ని మిగిల్చింది. ఉత్తరాంధ్ర, ఉమ్మడి ఉభయగోదావరి, కోస్తాంధ్రలో అపార నష్టాన్ని మిగిల్చింది. ప్రాథమిక లెక్కల ప్రకారం దాదాపు 6.21 లక్షల మంది రైతులకు చెందిన 9.38 లక్షల ఎకరాల్లో పంటలు దెబ్బతిన్నట్టు ప్రభుత్వం అంచనా వేసింది. ఇందులో 8.80 లక్షల ఎకరాల్లో వ్యవసాయ, 58వేల ఎకరాల్లో ఉద్యాన పంటలు దెబ్బతిన్నట్టు గుర్తించారు. కానీ క్షేత్రస్థాయిలో పరిస్థితి చూస్తుంటే.. 12 లక్షల ఎకరాలకు పైగా పంటలు ఈ తుపాను ప్రభావానికి గురై..తీవ్రంగా నష్టం వాటిల్లినట్లు రైతులు చెబుతున్నారు. ప్రాథమికంగా 291 మండలాల పరిధిలోని 7613 గ్రామాల్లో 5.42 లక్షల మంది రైతులకు చెందిన 8.80 లక్షల ఎకరాల్లో వ్యవసాయ పంటలు, 215 మండలాల పరిధిలోని 1310 గ్రామాల్లో 78,967 మంది రైతులకు చెందిన 58,029 ఎకరాల్లో ఉద్యాన పంటలు దెబ్బతిన్నట్టు వ్యవసాయ, ఉద్యాన శాఖ అధికారులు ప్రకటించారు. అత్యధికంగా 8.64 లక్షల ఎకరాల్లో వరి, 38,874 ఎకరాల్లో అరటి, 10 వేల ఎకరాల్లో కూరగాయలు, మరో 10 వేల ఎకరాల్లో మినుము, 4,498 ఎకరాల్లో పత్తి, 3,189 ఎకరాల్లో కొబ్బరి, 1,790 ఎకరాల్లో బొప్పాయి. 1,094 ఎకరాల్లో పసుపు, 966 ఎకరాల్లో పూల తోటలు దెబ్బతిన్నట్టు గుర్తించారు. మొక్కజొన్న, టమాటా, మిరప, పామాయిల్, పండ్ల తోటలకు కూడా అపార నష్టం వాటిల్లినట్టు అధికారులు తేల్చారు. ఉద్యాన పంట వరకు ఎస్‌డీ ఆర్‌ఎఫ్‌ నిబంధనల ప్రకారం రూ.739.75 కోట్లు, వ్యవసాయ పంటలకు సుమారుగా రూ.వెయ్యి కోట్లు నష్టం వాటిల్లినట్టు చెబుతున్నారు. ఇక 12 జిల్లాల్లో 46 ఆవులు, గేదెలు, 63 గొర్రెలు, మేకలు, 32 దూడలు, 7656 కోళ్లు మృతి చెందాయని లెక్కతేల్చారు. కాగా 140 షెడ్లు దెబ్బతిన్నట్టు గుర్తించారు. మరొకవైపు 9 జిల్లాల్లో 1884 పడవలు, 3224 వలలు దెబ్బతినగా, 11,483.39 ఎకరాల్లో ఆక్వా సాగుౖపై ఈ తుపాను తీవ్ర ప్రభావాన్ని చూపిందని ప్రకటించారు. పశుసంవర్ధక శాఖకు రూ.50.38 లక్షలు, మత్స్యశాఖకు రూ.176.82 కోట్లు నష్టం వాటిల్లినట్టు అంచనా వేశారు. ఇదిలా ఉంటే ఒక్క తూర్పు గోదావరి జిల్లాలో 49,915 హెక్టార్లలోని వరి పంట నేలవాలి నీటిపాలైంది. 6,500 హెక్టార్లలోని అరటిపంట దెబ్బతింది. మినుములు 810 హెక్టార్లలో, ఇతర పంటలు 30 హెక్టార్లలో, ఉద్యానవన పంటలు 1,500 హెక్టార్లలో నీట మునిగాయి. మొత్తంగా జిల్లాలోని 80 వేల మందికిపైగా రైతులు తీవ్రంగా నష్టపోయారు. కోలుకోని కోనసీమ అర్నబ్‌ సృష్టించిన విలయం నుంచి కోనసీమ ఇంకా కోలుకోలేదు. వేలాదిగా విద్యుత్‌ స్తంభాలు కూలడం, వైర్లు తెగిపోవడంతో విద్యుత్‌ సరఫరా నిలిచిపోయింది. పల్లెలు, పట్టణాలు ఇంకా అంధకారంలోనే మగ్గుతున్నాయి. ఇళ్లల్లో దీపాలు వెలగక, ఫ్యాన్లు తిరగక ప్రజలు అవస్థలు పడుతున్నారు. గురువారం నాటికి డాక్టర్‌ బీఆర్‌ అంబేడ్కర్‌ కోనసీమ జిల్లా కేంద్రమైన అమలాపురంతో పాటు మూడు నాలుగు మండల కేంద్రాల్లో కొన్ని ప్రాంతాలకు మాత్రమే విద్యుత్‌ సరఫరాను సిబ్బంది పునరుద్ధరించగలిగారు. తీర ప్రాంత మండలాల్లోని శివారు గ్రామాల్లో విద్యుత్‌ పునరుద్ధరణకు మరో రెండు రోజులు పట్టే అవకాశం ఉంది. మరోవైపు పట్టణాలు, పల్లెల్లో కరెంటు లేక, మోటార్లు పని చేయక తాగునీటి సరఫరాకు అంతరాయం ఏర్పడింది. మరోవైపు ఇళ్లు దెబ్బతిన్న ప్రజలు ప్రభుత్వ సాయం కోసం ఆశగా ఎదురుచూస్తున్నారు. వరద ముంపులో ఇచ్ఛాపురం అర్నబ్‌ తుపాను శ్రీకాకుళంపై తీవ్ర ప్రభావం చూపింది. ముఖ్యంగా ఒడిశాకు ఆనుకుని ఉన్న ఇచ్ఛాపురం ప్రాంతాన్ని వరద ముంచెత్తింది. ఒడిశాలోని భగలట్టీ డ్యామ్‌ నుంచి నీరు కిందకు విడుదల చేయడంతో గురువారం ఉదయం 11 గంటల సమయానికి బాహుదా నదిలో వరద 86,458 క్యూసెక్కులకు చేరింది. బుధవారం అర్ధరాత్రి నుంచి బాహుదానది, పద్మనాభపురం(దండు) గెడ్డలు ఉప్పొంగడంతో ఇన్నేశుపేట, డొంకూరు, లక్ష్మీపురం, జగన్నాథపురం, శాసనాం, బిర్లంగి, బి.తోటూరు గ్రామాలు జలదిగ్బంధంలో చిక్కుకున్నాయి. లొద్దపుట్టి, తేలుకుంచి, రత్తకన్న, మశాఖపురం, బొడ్డబడ గ్రామాల్లోకి నీరు చొచ్చుకురావడంతో ఇళ్లు మునిగిపోయాయి.దాదాపు 30 ఏళ్లు తర్వాత మళ్లీ ఇంత ఉపద్రవం వచ్చిందని చెబుతున్నారు. స్థానిక 16వ నంబర్‌ జాతీయ రహదారి పూర్తిగా జలమయం కావడంతో కోల్‌కత్తా నుంచి చెన్నై రాకపోకలు సాగించే లారీలు, బస్సులు ఎక్కడకక్కడే నిలిచిపోయాయి. మిగతా ప్రాంతాల్లోనూ పంటలు నీటమునిగాయి. బుధవారం వరకు వరి పంటకు 12921.37 హెక్టార్లలో నష్టం జరిగినట్లు అధికారులు అంచనా వేశారు. ముఖ్యంగా రైల్వే ట్రాక్‌ల మీదకు నీరు చేరడంతో జిల్లా మీదుగా రాకపోకలు సాగించాల్సిన పలు రైళ్లను రద్దు చేశారు. మరికొన్నింటిని దారి మళ్లించారు. హిరమండలంలోని వంశధార గొట్టా బ్యారేజీ వద్ద మొదటి ప్రమాద హెచ్చరిక జారీ చేశారు.విశాఖలో విధ్వంసంవిశాఖలోనూ అర్నబ్‌ తుపాను విధ్వంసం సృష్టించింది. జిల్లాలో 1130కిపైగా వృక్షాలు నేలమట్టమయ్యాయి. 309 విద్యుత్‌ స్తంభాలు నేలకొరిగిపోయాయి. 34.4 హెక్టార్లలో వరి, ఇతర పంటలు ధ్వంసమవ్వగా.. 53.42 హెక్టార్లలో ఉద్యానపంటలు నాశనమయ్యాయి. అయితే.. ఇంతవరకూ పంట నష్టం అంచనా వేసేందుకు అధికారులు ఎవ్వరూ వ్యవసాయ క్షేత్రాల్ని సందర్శించలేదని రైతులు చెబుతున్నారు.

స్థానిక సంస్థల ఎన్నికల్లో ఇప్పటివరకు ప్రతిపక్ష వైఎస్సార్‌సీపీ అభ్యర్థులు, వారి అనుచరులపై టీడీపీ గూండాలతో కలిసి దాష్టీకాలకు పాల్పడ్డ పోలీసులు.. ఇప్పుడు అరాచకాలను మరో స్థాయికి పెంచి, అభ్యర్థుల ఇళ్లపై పడుతున్నారు. వైఎస్సార్‌సీపీ ఎంపీటీసీ, జెడ్పీటీసీ అభ్యర్థులు పోటీ నుంచి విరమించుకోవాలంటూ టీడీపీ గూండాలు, కొందరు పోలీసు అధికారులు ఒత్తిడి తెస్తున్నారు. అందుకోసం ఎంతకైనా తెగిస్తున్నారు. పోలింగ్‌ బూత్‌ల దగ్గర కనిపిస్తే చంపేస్తామని అభ్యర్థులను, వారి ఏజెంట్లను బెదిరిస్తున్నారు. అభ్యర్థుల ఇళ్లపైకీ తెగబడుతున్నారు. ఇళ్లలోకి చొరబడి, మహిళలను కూడా బయటకు లాగి, బూతులు తిడుతూ పోలీసు స్టేషన్లకు లాక్కెళ్లే ప్రయత్నం చేస్తున్నారు. మహిళలపైనా బైండోవర్‌ కేసులు పెట్టడానికి సిద్ధపడుతున్నారు. రాష్ట్రంలో చంద్రబాబు ప్రభుత్వ నిరంకుశ, అప్రజాస్వామిక రెడ్‌బుక్‌ రాజ్యాంగాన్ని నిస్సిగ్గుగా అమలు చేస్తున్నారు. స్థానిక సంస్థల ఎన్నికల్లో టీడీపీ గూండాలు, పోలీసుల తాజా అరాచకాలు నిరాటంకంగా కొనసాగుతున్నాయి. సాక్షి, అమరావతి/ఆలూరు రూరల్‌: ఎన్నికల్లో అక్రమాలను అడ్డుకోవాల్సిన పోలీసులే సామాన్యులపై ప్రతాపం చూపుతున్నారు. వెన్నుపోటుపార్టీకి వెన్నుదన్నుగా నిలిచి వైఎస్సార్‌సీపీ అభ్యర్థులను అడుగడుగునా అడ్డుకుంటు­న్నారు. చివరకు మహిళలపైనా బైండోవర్‌ అస్త్రాన్ని ప్రయోగిస్తున్నారు. కర్నూలు జిల్లా చిప్పగిరి మండలం నగరడోణ గ్రామానికి చెందిన మహిళలపై గురువారం బైండోవర్‌ చర్యలకు చిప్పగిరి ఎస్సై ప్రయత్నించడం పట్ల విమర్శలు వెల్లువెత్తుతున్నాయి. మరోవైపు మున్సిపల్, ఎంపీటీసీ, జెడ్పీటీసీ ఎన్నికల ప్రచారంలోనూ వైఎస్సార్‌సీపీ అభ్యర్థులు, శ్రేణులపై దాడులు, బెదిరింపులు, అక్రమ కేసులు కొనసాగుతున్నాయి. టీడీపీ దౌర్జన్యాలపై ఫిర్యాదు చేయడానికి వెళ్తున్న వారిని దారి కాచి మరీ టీడీపీ గూండాలు కత్తులతో పొడుస్తామంటూ బెదిరింపులకు దిగుతున్నారు. వైఎస్సార్‌సీపీ నేత ఇంట్లో సోదాలు అనంతపురం జిల్లాలో వైఎస్సార్‌సీపీ నేత నాగార్జునరెడ్డి ఇంట్లో సోదాల పేరుతో రాద్ధాంతం చేశారు. ఓటరు జాబితాను స్లిప్పుల రూపంలో ఇవ్వొద్దని ఆంక్షలు పెట్టారు. అధికారుల తీరుపై వైఎస్సార్‌సీపీ నేతలు మండిపడ్డారు. మంత్రి సత్యకుమార్‌ ఆదేశాలతోనే అధికారులు ఏకపక్షంగా వ్యవహరిస్తూ వైఎస్సార్‌సీపీ అభ్యర్థులు, నాయకులపై కక్ష సా«ధింపులకు పాల్పడుతున్నారని మండిపడ్డారు. ఘటనాస్థలికి చేరుకున్న వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి, మేయర్‌ అభ్యర్థి రమేష్‌గౌడ్‌ మునిసిపల్‌ అధికారుల తీరుపై అభ్యంతరం వ్యక్తం చేశారు. ఓటర్లకు సమాచారం ఇవ్వడంలో తప్పేముందని ప్రశ్నించారు. డబుల్‌ ఓట్లు కలిగిన టీడీపీ, బీజేపీ నేతలపై చర్యలు తీసుకోవాలని డిమాండ్‌ చేశారు. మంత్రి సత్యకుమార్‌ ఆదేశాలతో పని చేయవద్దని, నిష్పక్షపాతంగా వ్యవహరించాలని హెచ్చరించారు. విస్సన్నపేటలో అర్ధరాత్రి బెదిరింపులు ఎన్టీఆర్‌ జిల్లా విస్సన్నపేటలో పచ్చ మూకలు అర్థరాత్రి వేళ బెదిరింపులకు దిగాయి. విస్సన్నపేట సెగ్మెంట్‌–1 వైఎస్సార్‌సీపీ ఎంపీటీసీ అభ్యర్థి చెరుకు సుజాత ఇంటి తలుపులను బాదుతూ టీడీపీ గూండాలు భయాందోళనలు సృష్టించారు. వైఎస్సార్‌సీపీ ఫిర్యాదుతో అక్కడికి వచ్చిన పోలీసులు బాత్రూంలో దాక్కున్న ఓ వ్యక్తిని అదుపులోకి తీసుకున్నారు. మిగతా వారు ఎవరనే విషయం పోలీసులు చెప్పడంలేదని చెబుతున్నారు. వైఎస్సార్‌సీపీ అభ్యర్థిగా సుజాత నామినేషన్‌ వేసినప్పటి నుంచి బెదిరింపులు వస్తున్నాయి. ఇప్పుడు ఏకంగా దాడికే తెగబడ్డారు. పద్మశాలి ఆడబిడ్డకు అన్యాయం జరిగితే సహించేది లేదని వైఎస్సార్‌సీపీ నాయకులు హెచ్చరించారు. ఈ ఘటనపై సమగ్ర విచారణ జరపాలని పోలీసులకు వైఎస్సార్‌సీపీ నాయకులు ఫిర్యాదు చేశారు. విజయవాడలో వైఎస్సార్‌సీపీ అభ్యర్థిపై దాడికి యత్నం విజయవాడ 43వ డివిజన్‌లో పచ్చ మూకలు ఉద్రిక్తతలు సృష్టించేందుకు యత్నించాయి. వైఎస్సార్‌సీపీ అభ్యర్థిపై దాడికి యత్నించారు. పోటీ నుంచి తప్పుకోవాలని బెదిరింపులకు దిగారు. వైఎస్సార్‌సీపీ అభ్యర్థికి మద్దతుగా ప్రచారం చేస్తున్న మహిళలను బుధవారం రాత్రి బైక్‌లతో అడ్డగించి టీడీపీ అభ్యర్థి భర్త గుర్రంకొండకు చెందిన మనుషులు బెదిరించారు. వైఎస్సార్‌సీపీ అభ్యర్థి తరపున ప్రచారం చేస్తున్న ఆటోను అడ్డుకుని పెన్‌డ్రైవ్‌ ఎత్తుకెళ్లిపోయారు. ఈ విషయంపై ఎన్నికల అధికారి(ఆర్వో)కి గురువారం ఫిర్యాదు చేసేందుకు ర్యాలీగా వెళ్లిన వైఎస్సార్‌సీపీ అభ్యర్థి కర్నాటి రమాదేవి, భర్త కర్నాటి రాంబాబు, కార్యకర్తలను గర్రంకొండ మనుషులు అడ్డుకొని అసభ్య పదజాలంతో బూతులు తిట్టారు. కళ్యాణదుర్గంలో టీడీపీ ఎమ్మెల్యే అమిలినేని దౌర్జన్యాలు అనంతపురం జిల్లా కళ్యాణదుర్గం నియోజకవర్గంలో టీడీపీ ఎమ్మెల్యే అమిలినేని సురేంద్రబాబు ప్రలోభాలు, దౌర్జన్యాలు పెచ్చుమీరాయి. కళ్యాణదుర్గం మండలం కొండాపురం గ్రామంలో టీడీపీ నేతలు బరితెగించి వైఎస్సార్‌సీపీ నాయకుడు ఆంజనేయులు బైక్‌ను తగలబెట్టారు. టీడీపీ గూండాలు దాడులకు తెగబడుతున్నా.. పోలీసులు పట్టించుకోకపోవడం పట్ల వైఎస్సార్‌సీపీ శ్రేణులు ఆగ్రహం వ్యక్తం చేస్తున్నాయి. దొడగట్ట గ్రామంలో ప్రజలు రెండున్నరేళ్లుగా తాగునీటి సమస్య చెబుతున్నా పట్టించుకోని ఎమ్మెల్యే.. స్థానిక ఎన్నికల నేపథ్యంలో ఆయన అనుచరులతో బోరు వేయించి ప్రలోభాలకు గురిచేసే ప్రయత్నాలు చేస్తున్నారు. వినుకొండలో పచ్చనేతల అరాచకం పల్నాడు జిల్లా వినుకొండలో పచ్చ గూండాల అరాచకాలు అడ్డుఅదుపులేకుండా సాగుతున్నాయి. వైఎస్సార్‌సీపీ నేతలపై భౌతికదాడులకు దిగుతున్నారు. గతంలో వైఎస్సార్‌సీపీ నాయకుడు రషీద్‌ను కూటమి మూకలు నడిరోడ్డుపై నరికి చంపాయి. రషీద్‌ హత్య కేసులో నిందితుడిగా ఉన్న వ్యక్తికి టీడీపీ ఛైర్మన్‌ అభ్యర్థిత్వం ఇవ్వడం హత్యారాజకీయాలను ప్రోత్సహించినట్టే అయ్యింది. టీడీపీ అభ్యర్థి షమీమ్‌ ఖాన్‌కు పోటీగా వైఎస్సార్‌సీపీ పీఎస్‌ ఖాన్‌ను రంగంలోకి దింపింది. ఇదే సమయంలో టీడీపీ ఛైర్మన్‌ అభ్యర్థిపై ఆర్యవైశ్యులు తిరుగుబాటు బావుటా ఎగరేశారు. దీంతో టౌన్‌ సీఐ ప్రభాకరరావు టీడీపీ అభ్యర్థిని వ్యతిరేకిస్తున్న ఆర్యవైశ్యులతో పాటు వైఎస్సార్‌సీపీ నేతలను బెదిరిస్తున్నారు. చివరకు ప్రచారం చేస్తున్న వైఎస్సార్‌సీపీ శ్రేణులపైనా కేసులు పెడతానని బెదిరిస్తున్నారు. సీఐని ఎన్నికల విధుల నుంచి తప్పించాలని వైఎస్సార్‌సీపీ నేతలు కోరుతున్నారు. ఏజెంట్‌ ఫారాలు ఇవ్వకుండా పచ్చమూకల దౌర్జన్యం మాచర్ల మున్సిపల్‌ పోలింగ్‌లో వైఎస్సార్‌సీపీ ఏజెంట్లుగా ఉండేవాళ్లు ఎన్నికల అధికారికి ఏజెంట్‌ ఫారాలు ఇవ్వకుండా టీడీపీ గూండాలు అడ్డుకుంటున్నారు. ఏజెంట్‌ ఫారాలు ఇవ్వడానికి మున్సిపల్‌ కార్యాలయానికి వెళ్లిన వారిని 200 మందికిపైగా టీడీపీ గూండాలు కర్రలు, రాడ్లతో అడ్డుకున్నారు. వైఎస్సార్‌సీపీ ఏజెంట్లపై దాడి చేసి వారి వద్ద ఉన్న ఫారాలు లాక్కుని చించేశారు. పోలీసుల సమక్షంలోనే పచ్చ మూకలు దాడులు చేసినా ప్రేక్షకపాత్ర పోషించారు. పోలింగ్‌ బూత్‌లలో వైఎస్సార్‌సీపీ ఏజెంట్లు లేకుండా చేసి రిగ్గింగ్‌కు పాల్పడే కుట్రతో పచ్చ గూండాలు ఇలా వ్యవహరిస్తున్నారని వైఎస్సార్‌సీపీ నేతలు ఆగ్రహం వ్యక్తం చేశారు. వైఎస్సార్‌సీపీ నేతలకు సీఐ వేధింపులు వినుకొండ మున్సిపల్‌ ఎన్నికల్లో వైఎస్సార్‌సీపీ కీలక నేతలకు వినుకొండ సీఐ ప్రభాకర్‌ వేధింపులు తీవ్రమయ్యాయి. గురువారం ఉదయం నుంచి రాత్రి వరకు వినుకొండలో ఉన్న 22 మంది వైఎస్సార్‌సీపీ నాయకులకు ఫోన్లు చేసి చెప్పినట్టు వినకపోతే బైండోవర్‌ చేస్తామంటూ సీఐ బెదిరించడం తీవ్ర కలకలం రేపింది. బైండోవర్‌ చేస్తాం శుక్రవారం ఉదయం10 గంటలకల్లా 22 మంది వైఎస్సార్‌సీపీ నాయకులు పోలీస్‌ స్టేషన్‌లో ఉండాలని ఆయన హుకుం జారీ చేశారు. స్టేషన్‌కు రాకపోతే ఎక్కడ కనబడితే అక్కడ కొట్టుకుంటూ తీసుకు వస్తానని వార్నింగ్‌ ఇచ్చారు. టౌన్‌ సీఐ ప్రభాకరరావు వేధింపులపై జిల్లా కలెక్టర్, ఎస్పీతోపాటు ఎస్‌ఈసీకి కూడా వైఎస్సార్‌సీపీ ఫిర్యాదు చేసింది. వినుకొండ టౌన్‌ సీఐ ప్రభాకరరావును ఎన్నికల విధుల నుంచి తప్పించాలని వైఎస్సార్‌సీపీ డిమాండ్‌ చేసింది. మహిళల బైండోవర్‌కు అభ్యర్థి ఇంటి వద్ద పోలీసుల రభసతాము చెప్పినా పోటీ నుంచి విరమించుకోవడం లేదన్న అక్కసుతో కర్నూలు జిల్లా చిప్పగిరి మండలంలో నగరడోణ వైఎస్సార్‌సీపీ ఎంపీటీసీ అభ్యర్థి ఆంజినేయులు కుటుంబంలోని మహిళలు, గ్రామ మహిళలపైనా బైండోవర్‌ అస్త్రాన్ని ప్రయోగించేందుకు పోలీసులు బరితెగించారు. ఇందుకోసం గురువారం అభ్యర్థి ఇంటి వద్ద చిప్పగిరి ఎస్సై నర్సింహులు, పోలీసులు పెద్ద రభసే సృష్టించారు. ఆంజినేయులు నామినేçషన్‌ వేసినప్పటి నుంచి విరమించుకోవాలని టీడీపీ గూండాలు, పోలీసులు ఒత్తిడి తెస్తున్నారు. అయినా ఆయన ససేమిరా అనడంతో వారం రోజులుగా పగలు, రాత్రి తేడా లేకుండా నగరడోణలోని ఆయన ఇంటి వద్దకు వెళ్లి పోటీ నుంచి తప్పుకోవాలని ఒత్తిడి చేస్తున్నారు. గురువారం ఆంజినేయులు లేని సమయంలో చిప్పగిరి ఎస్సై నర్సింహులు, పోలీసులు ఆయన ఇంటిపై పడ్డారు. ఇంట్లోకి చొచ్చుకెళ్లి మహిళలను బూతులు తిడుతూ బయటకు లాగి, బైండోవర్‌ కోసం స్టేషన్‌కు, తహసీల్దార్‌ కార్యాలయానికి రావాలని దబాయించారు. వారు ఒప్పుకోకపోవడంతో ఆంజినేయులు భార్య ఎల్లమ్మ, కుమార్తె శైలమ్మ, కుమారుడు జయరాముడిని, మరికొందరు గ్రామ మహిళలను బలవంతంగా లాక్కెళ్లే ప్రయత్నం చేశారు. మహిళలని చూడకుండా చితకబాదారు. ఈ దాడిలో శైలమ్మకు గాయాలయ్యాయి. పోలీసుల దాడిని గమనించిన గ్రామస్థులు పెద్ద ఎత్తున తరలివచ్చి ఎస్‌ఐ నర్సింహులు, పోలీసులను గట్టిగా ఎదిరించారు. వారం రోజులుగా వైఎస్సార్‌సీపీ ఎంపీటీసీ అభ్యర్థి ఆంజినేయులు కుటుంబాన్ని పోలీసులు వేధిస్తుండటం, మహిళలపైనా దాడికి దిగడంతో ఆగ్రహించిన నగరడోణ గ్రామస్థులు మండల కేంద్రం చిప్పగిరికి తరలివెళ్లారు. తహసీల్దార్‌ కార్యాలయానికి చేరుకుని తహసీల్దార్‌ను ఎందుకు బైండోవర్‌ చేస్తారంటూ నిలదీశారు. ఎస్‌ఐ, పోలీసుల తీరును నిరసిస్తూ ఆంజినేయులు కుటుంబ సభ్యులతో పాటు గ్రామస్థులంతా చిప్పగిరిలోని ఆలూరు–గుంతకల్లు ప్రధాన రహదారిపై ధర్నా చేశారు. ఎస్‌ఐ వేధింపుల నుంచి విముక్తి కలిగించాలని డిమాండ్‌ చేశారు. చివరకు సీఐ రవిశంకర్‌రెడ్డి అక్కడికి చేరుకుని వారికి సర్దిచెప్పడంతో ధర్నా విరమించారు. పోలీసుల తీరుపై ఎమ్మెల్యే మండిపాటు ఎన్నికల్లో పోలీసులు అవలంబిస్తున్న తీరుపై ఆలూరు ఎమ్మెల్యే విరూపాక్షి మండిపడ్డారు. ముఖ్యమంత్రి చంద్రబాబు పోలీసులను అడ్డుపెట్టుకుని రాజకీయం చేస్తున్నాడని, పోలీసుల జులుం నశించాలని అన్నారు. నగరడోణ ఎంపీటీసీ అభ్యర్థి ఆంజినేయులు కుటుంబ సభ్యులపై దాడి చేయడం దారుణమన్నారు. రాష్ట్రంలో చంద్రబాబు ప్రభుత్వ అరాచకాలను ప్రజలు గమనించాలని కోరారు. నియోజకవర్గ ప్రజలు, అక్కాచెల్లెమ్మలు వైఎస్సార్‌సీపీ అభ్యర్థులకు ఓటు వేయాలని కోరారు. బైండోవర్‌ ‘ఎలా’ చేస్తారు? వాస్తవానికి బైండోవర్‌ అనేది సాధారణ చర్య కాదు. సంబంధిత వ్యక్తి నుంచి శాంతిభద్రతలకు ముప్పు ఉందనే కారణాలు చూపాలి. ఎన్నికల సమయంలో రాజకీయ ప్రత్యర్థులను ఇబ్బంది పెట్టేందుకు ఈ చర్యలను ఉపయోగిస్తే అది అధికార దుర్వినియోగమే. నగరడోణ మహిళల విషయంలో అసలు కారణాలను పోలీసులు వెల్లడించకుండా బైండోవర్‌ పేరుతో బెదిరింపులకు దిగడం విమర్శలకు తావిస్తోంది. మహిళలపై బైండోవర్‌ చర్యలకు ప్రతిపాదించిన కారణాలేమిటి? వారిని తహసీల్దార్‌ కార్యాలయానికి తీసుకెళ్లే ముందు ఎలాంటి నోటీసులు ఇచ్చారు? సంబంధిత ఎగ్జిక్యూటివ్‌ మేజిస్ట్రేట్‌ ముందు ఏ నివేదిక సమర్పించారు? ఈ వివరాలను పోలీసులు ఎందుకు వెల్లడించలేదనే ప్రశ్నలు వెల్లువెత్తుతున్నాయి. రాష్ట్రంలోని పలు ప్రాంతాల్లో పోలీసులు పెట్టిన బైండోవర్‌ కేసులు పరిశీలిస్తే వెన్నుపోటు పార్టీ ప్రయోజనాల కోసమే వారు పనిచేస్తున్నారనే విషయం తేటతెల్లమవుతోంది.

సాక్షి, అమరావతి: స్థానిక సంస్థల ఎన్నికల్లో విపక్ష అభ్యర్థులు కనీసం నామినేషన్లు దాఖలు చేయకుండా దశ కుట్రలతో ప్రజాస్వామ్యం పీక నులిమి దండయాత్ర సాగించిన చంద్రబాబు చివరి అంకంలో కోడ్‌కు తూట్లు పొడుస్తూ మరో కుతంత్రానికి తెర తీశారు. వైఎస్సార్‌సీపీ అభ్యర్థులు నామినేషన్‌ వేయకముందే బెదిరింపులు.. నాయకులకు గృహ నిర్బంధాలు.. నామినేషన్‌ కేంద్రాల వద్ద దౌర్జన్యాలు.. పత్రాలు లాక్కోవడం, చించేయడం.. స్క్రూటినీ పేరుతో తిరస్కరణలు.. బలవంతపు ఉపసంహరణలు.. బెదిరించి ఏకగ్రీవాలతో పచ్చ ముఠాలు అరాచకంగా వ్యవహరించగా తాజాగా ఓటర్లను ప్రలోభ పెట్టే ఎత్తుగడ వేశారు. ఒకవైపు ఎన్నికల నియమావళి (కోడ్‌ ఆఫ్‌ కండక్ట్‌) అమలులో ఉన్నప్పటికీ ఓటర్లను ప్రలోభపెట్టడమే లక్ష్యంగా హడావుడిగా అన్నదాతా సుఖీభవ పెట్టుబడి సాయంతో పాటు సామాజిక పింఛన్ల పంపిణీకి సిద్ధమయ్యారు. పోలింగ్‌కు ముందు అధికార టీడీపీ నేతలు పింఛన్ల ముసుగులో ఓటర్లను ప్రలోభాలకు గురి చేస్తూ తాయిలాలు ఎర వేసేందుకు పచ్చ జెండా ఊపారు. పోలింగ్‌కు కొద్ది గంటల ముందు 1.06 కోట్ల మందికి దాదాపు రూ.5,718 కోట్లు జమ చేసేందుకు సన్నాహాలు చేశారు. అయినా సరే చంద్రబాబు అడుగులకు మడుగులొత్తుతున్న రాష్ట్ర ఎన్నికల కమిషన్‌ (ఎస్‌ఈసీ) నోరు మెదపకపోవడం విభ్రాంతి కలిగిస్తోందని రాజకీయ పరిశీలకులు, ప్రజాస్వామ్యవాదులు పేర్కొంటున్నారు. నగదు రూపంలో నేరుగా లబ్ధిదారుల ఖాతాల్లో జమ చేస్తున్నందున ఇది కచ్చితంగా ఓటర్లను ప్రభావితం చేయడం కిందకే వస్తుందని స్పష్టం చేస్తున్నారు. పోలింగ్‌ ముగిసిన తరువాత జమ చేస్తే ఇబ్బంది ఏమిటని ప్రశ్నిస్తున్నారు. తక్షణమే ఈ ప్రత్యక్ష నగదు పంపిణీ కార్యక్రమాలను నిలుపుదల చేయాలని, ఈమేరకు ఎస్‌ఈసీ చర్యలు తీసుకోవాలని సూచిస్తున్నారు. స్థానిక ఎన్నికల్లో ఓటమి భయంతోనే చంద్రబాబు సర్కార్‌ యథేచ్చగా కోడ్‌ ఉల్లంఘనలకు పాల్పడుతోందని, అడ్డగోలుగా అధికార దుర్వినియోగానికి తెగిస్తోందని తేల్చి చెబుతున్నారు. 2024 సాధారణ ఎన్నికల నోటిఫికేషన్‌కు ముందు ఇన్‌పుట్‌ సబ్సిడీ బకాయిలు జమ చేసేందుకు వైఎస్సార్‌సీపీ ప్రభుత్వం ఏర్పాట్లు చేయగా నాడు టీడీపీ నేతలు ఈసీకి ఫిర్యాదు చేసి అడ్డుకున్న విషయాన్ని గుర్తు చేస్తున్నారు.ఓటర్లను ప్రలోభాలకు గురిచేయడానికే..సామాజిక పింఛన్ల పంపిణీలోనూ ఎన్నికల నియమావళికి బాబు సర్కార్‌ తూట్లు పొడుస్తోంది. ప్రతి నెలా ఒకటో తేదీన పింఛన్లు పంపిణీ చేయడం ఆనవాయితీ. అయితే నవంబర్‌ 1వ తేదీన మున్సిపల్‌ ఎన్నికల పోలింగ్‌ జరుగుతోందంటూ ఆగమేఘాలపై ముందే పంపిణీకి చంద్రబాబు ప్రభుత్వం సన్నద్ధమైంది. రాష్ట్రంలో దాదాపు 59.70 లక్షల మందికి రూ.2,593 కోట్లు పంపిణీకి ఏర్పాట్లు చేసింది. మరికొద్ది గంటల్లో పోలింగ్‌ జరగనున్న తరుణంలో పింఛన్ల పంపిణీ కచ్చితంగా ఓటర్లను ప్రలోభానికి గురి చేయడమేనని పరిశీలకులు పేర్కొంటున్నారు. పైగా పింఛన్ల పంపిణీ ముసుగులో ఓటర్లను ప్రలోభ పెట్టేందుకు టీడీపీ కూటమి అభ్యర్థులు నగదుతో పాటు ఇతర తాయిలాలు పంపిణీ చేసే అవకాశాలున్నాయని స్పష్టం చేస్తున్నారు. పోలింగ్‌ తర్వాత రోజు పింఛన్లు పంపిణీ చేస్తే ఇబ్బందేమిటని ప్రశ్నిస్తున్నారు. ఈ నేపథ్యంలో ఎస్‌ఈసీ తక్షణమే స్పందించి ఓటర్లను ప్రభావితం చేసే నగదు పంపిణీ కార్యక్రమాలను నిలిపివేయాలని డిమాండ్‌ చేస్తున్నారు.మూడేళ్లలో రూ.20,905 కోట్లు ఎగనామం..అన్నదాతా సుఖీభవ పథకం ద్వారా కేంద్రంతో సంబంధం లేకుండానే ఏటా రూ.20 వేలు చొప్పున పెట్టుబడి సాయం అందిస్తామని సార్వత్రిక ఎన్నికల ముందు ఇచ్చిన హామీని నెరవేర్చకుండా చంద్రబాబు దారుణంగా దగా చేశారు. తొలి ఏడాది నిస్సిగ్గుగా ఎగ్గొట్టగా.. రెండో ఏడాది అరకొరగా విదిలించారు. వాస్తవానికి ఏటా నవంబర్‌లో రెండో విడత సాయం జమ చేస్తుంటారు. కానీ ఇప్పుడు స్థానిక ఎన్నికల్లో లబ్ధి పొందడమే లక్ష్యంగా మున్సిపల్‌ పోలింగ్‌కు రెండు రోజుల ముందు అన్నదాతా సుఖీభవ పంపిణీకి సిద్ధమయ్యారు.2023–24లో రైతు భరోసా కింద 53.58 లక్షల మంది లబ్ధి పొందగా, ఆ మేరకు ఒక్కొక్కరికీ రూ.20వేల చొప్పున చంద్రబాబు సర్కార్‌ రైతన్నలకు రూ.10,717 కోట్లు జమ చేయాల్సి ఉంది. కానీ 2024–25 సీజన్‌లో ఏ ఒక్కరికీ పైసా కూడా విదల్చలేదు. 2025–26లో దాదాపు ఏడు లక్షల మందికి కోత పెట్టిన కూటమి ప్రభుత్వం కేవలం 46.86 లక్షల మందికి రూ.14 వేల చొప్పున రూ.6560.18 కోట్లతో సరిపెట్టింది. 2026–27 సీజన్‌ తొలివిడతలో 46.86 లక్షల మందికి కేంద్రం పీఎం కిసాన్‌ కింద రూ.2 వేల చొప్పున రూ.782.55 కోట్లు జమ చేయగా, అన్నదాతా సుఖీభవ కింద ఒక్కొక్కరికి రూ.5 వేల చొప్పున రూ.2,342.92 కోట్లు జమ చేశారు. కాగా రెండో విడతగా 46.86 లక్షల మందికి కేంద్రం తాజాగా రూ.2 వేల చొప్పున రూ.782.55 కోట్లు జమ చేస్తుండగా, చంద్రబాబు ప్రభుత్వం రూ.5 వేల చొప్పున రూ.2342.92 కోట్లు జమ చేయనుంది. మూడేళ్లలో అన్నదాతా సుఖీభవ పథకం కింద రూ.32,151 కోట్లు ఇవ్వాల్సి ఉండగా.. చంద్రబాబు సర్కార్‌ తాజాగా జమ చేయనున్న సాయం కూడా కలిపితే రూ.11,246 కోట్లు జమ చేసినట్లవుతుంది. ఈ లెక్కన మూడేళ్లలో చంద్రబాబు అక్షరాలా రూ.20,905 కోట్లు రైతన్నలకు ఎగ్గొట్టారు! ఇక వరుసగా మూడో ఏడాది కూడా కౌలు రైతులకు మొండిచెయ్యి చూపారు. భూ యజమానులతో సమానంగా కౌలు రైతులకు కూడా రూ.20 వేల చొప్పున పెట్టుబడి సాయం అందిస్తామని ఎన్నికల్లో ఇచ్చిన హామీకి తూట్లు పొడుస్తూ వారి నోట్లో మట్టికొట్టారు.

ఈ స్థానిక ఎన్నికల్లో అభ్యర్థులు నామినేషన్‌ వేయడానికి పోలింగ్‌ కేంద్రాల వరకు వెళ్లనీయకుండా కిరాయి గూండాలను, గంజాయి ముఠాలను, పోలీసులను చంద్రబాబు అండ్‌ కో యథేచ్ఛగా వాడడాన్ని రాష్ట్రమంతా చూసింది. ఇవన్నీ దాటుకుని పోలింగ్‌ కేంద్రాలకు చేరుకుని రిటర్నింగ్‌ అధికారుల చేతిలో నామినేషన్‌ పత్రాలు పెట్టినా పోలీసుల కళ్లెదుటే టీడీపీ గూండాలు వాటిని చించి ముక్కలు చేశారు. అసలు పోలింగ్‌ కేంద్రాలలోకి అంతమంది గూండాలు ఎలా చేరుకున్నారు? కలెక్టర్లకు ఫిర్యాదు చేసి వారిని అడ్డుకోవలసిన ఆర్వోలు ఎందుకు మిన్నకుండా ఉండిపోయారు? వాటిని కూడా దాటుకుని ఎలాగోలా పత్రాలను అందించాం కదా అని కొందరు అభ్యర్థులు ఊపిరి పీల్చుకున్నా అమ్ముడుపోయిన అధికారులు చాలాచోట్ల అసలు పోటీయే లేకుండా చేశారు.అధికార పార్టీకి ఏకగ్రీవాలు అందించడానికి నీతి నిజాయితీలను వదిలేశారు. చెక్‌లిస్ట్‌ ఇచ్చి అన్నీ బాగున్నాయని చెప్పి సంతకం చేసి మరీ అక్‌నాలెడ్జ్‌ స్లిప్పులు ఇచ్చి.. ఆతర్వాత కొన్ని పత్రాలు చించేసి అవిలేవంటూ నామినేషన్లు తిరస్కరించారు. అభ్యర్థుల సంతకాలు ఫోర్జరీ చేసి విత్‌డ్రాలు చేసేశారు. ఇంత నీచనికృష్ట పనులకు దిగజారిన అధికారులను ఏమనాలి? చంద్రబాబు ఒత్తిడికి రిటర్నింగ్‌ అధికారులు తలొగ్గితే ప్రజాస్వామ్యానికి రక్షణ ఎక్కడ? నిష్పాక్షికంగా వ్యవహరించాల్సిన అధికారులు అధికార పార్టీకి కీలుబొమ్మలుగా మారితే ఇక ఎన్నికలు స్వేచ్ఛగా, న్యాయంగా ఎలా జరుగుతాయి? పోలింగ్‌ కేంద్రాలలో జరిగిన మోసాలు, అమ్ముడుపోయిన ఆర్వోల చేసిన దిగజారుడు పనుల గురించి తిరస్కరణకు గురైన అభ్యర్థులేమంటున్నారో చూద్దామా..దొంగ సంతకాలతో నామినేషన్ల ఉపసంహరణ..!‘‘మాతో ఎన్నికల్లో పోటీ పడలేక టీడీపీ నాయకులు, ఆర్వోతో కుమ్మక్కయి దొంగ సంతకాలతో మా నామినేషన్లను ఉపసంహరించినట్టు నాటకాలు ఆడారు. నామినేషన్లు వేసిన తర్వాత మేం ఆర్‌ఓ కార్యాలయానికి వెళ్లలేదు. ప్రజల్లో ప్రచారంలో ఉంటే, మా ప్రమేయం లేకుండానే ఉపసంహరణ చేసుకున్నట్టు ఎలా ప్రకటిస్తారు? కూటమి నాయకులతో చేతులు కలిపి రిటర్నింగ్‌ అధికారులు మా అభ్యర్థిత్వాలను అడ్డుకోవడం ప్రజాస్వామ్యాన్ని ఖూనీ చేయడమే. మహిళా అభ్యర్థులతో కూడా పోటీలో గెలవలేక ఫోర్జరీ సంతకాలతో అడ్డదారులు తొక్కడం సిగ్గుచేటు.మా సంతకాలు లేకుండా నామినేషన్లను ఎలా ఉపసంహరించారు? ఎవరు ఫోర్జరీ చేశారు? సీసీటీవీ ఫుటేజీ పరిశీలించి, బాధ్యులపై చర్యలు తీసుకోవాలి. నిష్పక్షపాతంగా ఎన్నికలు జరపాల్సిన అధికారులే అక్రమాలకు పాల్పడితే సామాన్యులకు న్యాయం ఎక్కడ? ఈ అన్యాయాన్ని వదిలిపెట్టేది లేదు. కోర్టును ఆశ్రయించి, బాధ్యులపై చర్యలు తీసుకునే వరకు న్యాయపోరాటం చేస్తాం!’’ – కాలెపు శ్రీదేవి, పొందూరు–3, పప్పల రాజ్యలక్ష్మీ, బాణాం, కూన శోభారాణి, కోటిపల్లి, లింగాల అరుణకుమారి, నందివాడ, ఎచ్చెర్ల పద్మావతి, రాపాక–1, వైఎస్సార్‌సీపీ ఎంపీటీసీ అభ్యర్థులు, శ్రీకాకుళం జిల్లాన్యాయస్థానాన్ని ఆశ్రయించేఅవకాశం కూడా లేకుండా చేశారు..‘‘నేను వైఎస్సార్‌సీపీ తరఫున శేకూరు–1 ఎంపీటీసీ అభ్యర్థిగా నామినేషన్‌ వేశాను. స్క్రూటినీ సమయంలో టీడీపీ నాయకులు రిటర్నింగ్‌ అధికారిపై ఒత్తిడి తీసుకొచ్చి నా నామినేషన్‌ను తిరస్కరించేలా చేశారు. తెనాలి, శేకూరు రెండు చోట్ల ఓటు హక్కు ఉందనే కారణాన్ని చూపించి నా నామినేషన్‌ను తిరస్కరించారు. దీనిపై తెనాలిలో అప్పీలు చేసినా నాకు న్యాయం జరగలేదు. న్యాయస్థానాన్ని ఆశ్రయించే అవకాశం కూడా లేకుండా ఉదయం నుంచి ఎలాంటి సమాచారం ఇవ్వకుండా, అర్ధరాత్రి దాటిన తర్వాత నా నామినేషన్‌ తిరస్కరణ నిర్ణయాన్ని ప్రకటించారు. ఈ ప్రాంతంలో వైఎస్సార్‌సీపీకి మంచి పట్టు ఉంది. ఇక్కడ గెలవలేమన్న భయంతోనే టీడీపీ నాయకులు అధికారులను అడ్డుపెట్టుకుని నా నామినేషన్‌ను తిరస్కరించే కుట్రకు పాల్పడ్డారు.’’ – మన్నెం ఉషారాణివైఎస్సార్‌సీపీ ఎంపీటీసీ అభ్యర్థిని, శేకూరు–1, చేబ్రోలు మండలం, గుంటూరు జిల్లానా పత్రాల్లో కొట్టివేతల కుట్ర!‘‘నేను వైఎస్సార్‌సీపీ తరఫున కాకర్ల ఎంపీటీసీ అభ్యర్థిగా నామినేషన్‌ వేశాను. మొదటిరోజు నామినేషన్‌ పత్రాలను రిటర్నింగ్‌ అధికారి అర్జున్‌ నాయక్‌కు ఇచ్చాను. కొన్ని పత్రాలు ఖాళీగా ఉన్నాయని, వాటిని నింపుకుని రావాలని చెప్పారు. న్యాయవాది సలహా మేరకు అన్ని పత్రాలను పూర్తిగా నింపి నామినేషన్‌ కేంద్రంలో సమర్పించాను. కొట్టివేతలు ఉన్నాయనే సాకుతో నా నామినేషన్‌ను తిరస్కరించారు. కానీ నేను ముందుగా జిరాక్స్‌ తీసుకున్న నామినేషన్‌ పత్రాల్లో ఎలాంటి కొట్టివేతలు లేవు. మరి నేను తీసుకున్న పత్రాల్లో లేని కొట్టివేతలు, అధికారులు పరిశీలించిన పత్రాల్లోకి ఎలా వచ్చాయి? ఎవరు ఆ మార్పులు చేశారు? ఎప్పుడు చేశారు? ఇది సాధారణ తప్పిదం కాదు.. నా అభ్యర్థిత్వాన్ని అడ్డుకోవడానికి జరిగిన వ్యవహారం. కూటమి నాయకులు, అధికారులు కుమ్మక్కై నా నామినేషన్‌ను తిరస్కరించేందుకు కుట్ర చేశారు. ప్రజల్లోకి వెళ్లి ఎన్నికల్లో పోటీ చేయాల్సిన నన్ను, పత్రాల్లో కొట్టివేతల పేరుతో ఎన్నికల బరి నుంచి తప్పించారు. నా నామినేషన్‌ పత్రాల్లో జరిగిన మార్పులపై సమగ్ర విచారణ జరపాలి. అసలు పత్రాలను, నేను తీసుకున్న జిరాక్స్‌ ప్రతులను పోల్చి చూసి నిజానిజాలు బయటపెట్టాలి. నా నామినేషన్‌ తిరస్కరణ వెనుక ఉన్న వాస్తవాలను ప్రజల ముందు ఉంచాలి.’’– మునపాటి నరసింహారావు, వైఎస్సార్‌సీపీ ఎంపీటీసీ అభ్యర్థి, కాకర్ల, మర్రిపూడి మండలం, ప్రకాశం జిల్లాటీడీపీ అభ్యర్థికి ఒక న్యాయం.. నాకు మరో న్యాయమా?‘‘పోలీసుల ఎదుటే టీడీపీ వాళ్లు నా ఒరిజినల్‌ కులధ్రువీకరణ పత్రాన్ని చింపేశారు. ఈ విషయాన్ని అధికారులకు చెప్పి జిరాక్స్‌ ప్రతిని సమర్పించాను. స్క్రూటినీ సమయానికి ఒరిజినల్‌ తీసుకురావాలని అధికారులు నోటిమాటగా చెప్పడంతో అలాగే తీసుకెళ్లాను. అయినా నా నామినేషన్‌ను తిరస్కరించారు. ఆర్డీఓకు అప్పీలు చేసినా న్యాయం జరగలేదు. ఇదే సమస్య ఉన్న టీడీపీ అభ్యర్థి నామినేషన్‌ను మాత్రం ఆమోదించారు. టీడీపీ అభ్యర్థికి ఒక న్యాయం.. వైఎస్సార్‌సీపీ అభ్యర్థికి మరో న్యాయమా? అందరినీ సమానంగా చూడాల్సిన అధికారులు అధికార పార్టీ అభ్యర్థికి ఒకలా, నాకు మరోలా ఎందుకు వ్యవహరించారు? నా నామినేషన్‌ విషయంలో జరిగిన అన్యాయానికి ఎవరు సమాధానం చెబుతారు? నాకు న్యాయం జరిగే వరకు వదిలిపెట్టను!’’– కామక్కగారి మురళీ, వైఎస్సార్‌సీపీ ఎంపీటీసీ అభ్యర్థి, కందుకూరు–1, అనంతపురం రూరల్‌ మండలంసంతకం మ్యాచ్‌ కాలేదనే సాకుతో..!‘‘నేను ఎంఎస్సీ మ్యాథ్స్‌ చదువుకున్నాను. ప్రొద్దుటూరు మండలం గోపవరం–1 ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశాను. స్క్రూటినీ సమయంలో నా సంతకం మ్యాచ్‌ కావడం లేదనే కారణంతో నామినేషన్‌ తిరస్కరించారు. పీజీ చదువుకున్న నాకు నా సంతకం పెట్టడం రాదా? సంతకం సరిపోలేదనే సాకుతో నా నామినేషన్‌ను ఉద్దేశపూర్వకంగా తిరస్కరించారు. నా అభ్యర్థిత్వాన్ని అడ్డుకోవడమే లక్ష్యంగా వ్యవహరించినఅధికారుల నిర్ణయానికి ఎవరు సమాధానం చెబుతారు? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – సాకే ఉమామహేశ్వరి, వైఎస్సార్‌సీపీ ఎంపీటీసీ అభ్యర్థి, గోపవరం–1, ప్రొద్దుటూరు మండలంకారణం కూడా చెప్పలేదు !‘‘నేను, నా సోదరుడు పిట్టు కృష్ణారెడ్డి అగతవరపాడు ఎంపీటీసీ సెగ్మెంట్‌ నుంచి నామినేషన్లు వేశాం. మేం గెలుస్తామనే భయంతోనే కక్షగట్టి మా ఇద్దరి నామినేషన్లను తిరస్కరించారు. మరోవైపు, మా గ్రామంలో ఓటు ఉండి గుంటూరులో నివసిస్తున్న వ్యక్తితో టీడీపీ వాళ్లు నామినేషన్‌ వేయించారు. మా నామినేషన్లు ఎందుకు తిరస్కరించారో అధికారులు సరైన కారణం చెప్పలేదు. ఆర్డీఓ కార్యాలయానికి వెళ్తే రెండు రోజులు కాలయాపన చేసి అక్కడా తిరస్కరించారు. న్యాయస్థానాన్ని ఆశ్రయిస్తే ఎన్నికలు పూర్తయ్యాక రావాల్సిందని చెప్పి రెండో రోజే మా పిటిషన్‌ను కొట్టివేశారు.’’ – పిట్టు దుర్గారెడ్డి, అగతవరపాడు ఎంపీటీసీ అభ్యర్థి, పెదకాకాని మండలం, గుంటూరు జిల్లారాత్రికి రాత్రి పత్రాలు మాయం!‘‘నామినేషన్‌ వేయడానికి వెళ్తుంటే గూండాలు, రౌడీలు మా కారుపై పడి నామినేషన్‌ పత్రాలను లాక్కొని చించేశారు. ఎలాగోలా నామినేషన్‌ కేంద్రానికి చేరుకుని పత్రాలను అధికారులకు సమర్పించాను. అన్ని పత్రాలను పరిశీలించిన అధికారులు అన్నీ సరిగ్గానే ఉన్నాయని చెప్పి పంపించారు. మరుసటి రోజు ఫామ్‌–2 ఇవ్వలేదనే కారణంతో నా నామినేషన్‌ను తిరస్కరించారు. ముందురోజు అన్ని పత్రాలు సరిగ్గా ఉన్నాయని చెప్పిన అధికారులు, మరుసటి రోజే ఫామ్‌–2 పేరుతో నా నామినేషన్‌ ఎలా తిరస్కరించారు? రాత్రికి రాత్రే మా పత్రాలను మాయం చేసి, ఎన్నికల్లో పోటీ చేయకుండా అడ్డుకున్నారు. ఆర్డీఓ కోర్టును ఆశ్రయించినా న్యాయం జరగలేదు. జరిగిన వ్యవహారంపై విచారణ జరిపి నిజాలను బయటపెట్టాలి!’’ – అరవ లక్ష్మీ ప్రసన్న, ఎంపీటీసీ అభ్యర్థి,ముక్కావారిపల్లి, ఓబులవారిపల్లి మండలం, తిరుపతి జిల్లానామినేషన్‌ రోజు ఇచ్చిన ఎస్సీ సర్టిఫికెట్‌ మరుసటి రోజు మాయం!‘‘నా 64 ఏళ్ల జీవితంలో ఇలాంటి దౌర్జన్యాలు, హింసాకాండ ఎప్పుడూ చూడలేదు. దొంగచాటుగా నామినేషన్‌ వేయాల్సిన పరిస్థితి కల్పించారు. నేను అన్ని నామినేషన్‌ పత్రాలతో పాటుఎస్సీ కులధ్రువీకరణ పత్రాన్ని కూడా అధికారులకు సమర్పించాను. అయినా ఆ సర్టిఫికెట్‌ ఇవ్వలేదనే కారణంతో నా నామినేషన్‌ను తిరస్కరించారు. నామినేషన్‌ రోజు అధికారులకు ఇచ్చిన ఎస్సీ సర్టిఫికెట్‌ మరుసటి రోజు ఎక్కడికి పోయింది? పత్రాలు సమర్పించినా లేవని చెప్పి నా నామినేషన్‌ను ఎలా తిరస్కరిస్తారు? ఆర్డీఓకు అప్పీలు చేసినా న్యాయం జరగలేదు. రిటర్నింగ్‌ అధికారి అక్కడే ఉండి నా నామినేషన్‌ తిరస్కరణ చేయించారు. టీడీపీ నాయకులకు ఎన్నికల్లో గెలిచే ధైర్యం ఉంటే ప్రజల్లో పోటీ చేసి గెలవాలి. పత్రాలు మాయం చేయడం, నామినేషన్లు తిరస్కరించడం ఎందుకు? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – పాణ్యం జయరాం, వైఎస్సార్‌సీపీ ఎంపీటీసీ అభ్యర్థి, చిన్నంపల్లి, ఓబులవారిపల్లి మండలం, తిరుపతి జిల్లాప్రతిపాదకుడి సంతకం లేదంటూ తిరస్కరించారు!‘‘నామినేషన్‌ కేంద్రం బయట కూటమి నాయకులు ఇతర ప్రాంతాల నుంచి వందలాది మంది రౌడీలు, గూండాలను మోహరించి నా నామినేషన్‌ పత్రాలను బలవంతంగా లాక్కొని చించేశారు. ఎలాగోలా వారి నుంచి తప్పించుకుని, హడావుడిగా మరోసారి పత్రాలు సమర్పించాను. అయినా ప్రతిపాదకుడి సంతకం లేదనే కారణంతో అధికారులు నా నామినేషన్‌ను తిరస్కరించారు. కూటమి నాయకుల మనుషులు నా పత్రాలను చించేస్తే నేను ఏం చేయాలి?ఆ దాడిని పట్టించుకోకుండా, సంతకం లేదనే సాకుతో నా నామినేషన్‌ ఎలా తిరస్కరిస్తారు? వైఎస్సార్‌సీపీ అభ్యర్థిననే కారణంతోనే నాపై వివక్ష చూపించారు. దాడులకు పాల్పడిన వారిపై చర్యలు తీసుకోకుండా, బాధితురాలినైన నన్నే ఎన్నికలకు దూరం చేయడం ఏమిటి? ఎన్నికల్లో నాతో పోటీ పడాలి కానీ, నామినేషన్‌ పత్రాలు చించేసి నన్ను అడ్డుకోవడం ఏం ప్రజాస్వామ్యం? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – ఎల్‌. స్వాతి, వైఎస్సార్‌సీపీ ఎంపీటీసీ అభ్యర్థి, బొమ్మవరం, ఓబులవారిపల్లి మండలం, తిరుపతి జిల్లాపత్రాలు చించేసి నామినేషన్‌ తిరస్కరించారు!‘‘బండారుపల్లి ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేసేందుకు వెళ్తుంటే ఏర్పేడు నామినేషన్‌ కేంద్రం వద్ద టీడీపీ గుండాలు రాళ్లతో దాడి చేశారు. ప్రాణభయంతో నామినేషన్‌ వేయకుండానే వెనుదిరగాల్సి వచ్చింది. మరుసటి రోజు ఎట్టకేలకు నామినేషన్‌ వేశాను. కానీ స్క్రూటినీ సమయంలో నా నామినేషన్‌ పత్రాల్లో ఒక పేపర్‌ను చించేసి, దాని స్థానంలో ఖాళీ ఫారం పెట్టి, సంతకం లేదనే కారణంతో నా నామినేషన్‌ను తిరస్కరించారు. నామినేషన్‌ పత్రాలను మార్చేసి, సంతకం లేదనే సాకుతో నన్ను ఎన్నికల బరి నుంచి తప్పించారు. నామినేషన్‌ కేంద్రంలోనే దాడులు.. ఆ తర్వాత పత్రాలపై అనుమానాస్పద వ్యవహారం.. చివరకు టీడీపీకి ఏకగ్రీవం! ఎన్నికల్లో పోటీ చేసే హక్కును ఇలా అడ్డుకుంటే ప్రజాస్వామ్యానికి విలువ ఎక్కడ? నా నామినేషన్‌ పత్రాలపై జరిగిన వ్యవహారంపై విచారణ జరిపి బాధ్యులపై చర్యలు తీసుకోవాలి!’’ – టి. జనార్ధన్‌ రెడ్డి,మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి, బండారుపల్లి, ఏర్పేడు మండలం, తిరుపతి జిల్లానా వివరణ వినే అవకాశం కూడా ఇవ్వలేదు‘‘నారాయణవనం మండలం పాలమంగళం నార్త్‌ ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశాను. అన్ని వివరాలు పూర్తి చేసినా, నామినేషన్‌ ఫారం సరైన ప్రింటెడ్‌ ఫార్మాట్‌లో లేదనే సాకుతో నా నామినేషన్‌ను తిరస్కరించారు. కనీసం నా వివరణ వినే అవకాశం కూడా ఇవ్వలేదు. పేరున్న లాయర్‌ తయారు చేసిన పత్రంలో ప్రింటెడ్‌ కాలమ్‌ హెడ్డింగ్‌ అసంపూర్తిగా ఉందంటూ నన్ను వెనక్కి పంపించారు.పత్రాల్లో చిన్న లోపం ఉందనే కారణంతో నా నామినేషన్‌ను తిరస్కరించిన అధికారులు, టీడీపీ అభ్యర్థుల పత్రాలను మాత్రం పరిశీలించకుండానే ఎలా ఆమోదించారు? ఎన్నికల అధికారులు అధికార పార్టీకి తలొగ్గి పనిచేస్తే ప్రతిపక్ష అభ్యర్థులకు న్యాయం ఎక్కడ? నిబంధనలు అందరికీ ఒకేలా వర్తించాలి. నా నామినేషన్‌ తిరస్కరణపై విచారణ జరిపి నిజాలను బయటపెట్టాలి!’’ – ఉదయకుమార్, వైఎస్సార్‌సీపీ ఎంపీటీసీ అభ్యర్థి, పాలమంగళం నార్త్, నారాయణవనం మండలం, తిరుపతి జిల్లానా సంతకం వాళ్లే చేసి విత్‌డ్రా!‘‘నేను అరికెర గ్రామ ఎంపీటీసీగా వైఎస్సార్‌సీపీ తరఫున నామినేషన్‌ వేశాను. మంగళవారం బీ–ఫారం ఇవ్వడానికి ఎంపీడీఓ కార్యాలయానికి వెళ్తే, అక్కడే ఉన్న ఆలూరు ఎస్‌ఐ మన్మథ విజయ్‌ నన్ను బలవంతంగా పోలీస్‌ స్టేషన్‌కు తీసుకెళ్లాడు. నా ఇష్టంతో సంబంధం లేకుండా, నా ప్రమేయం లేకుండానే రిటర్నింగ్‌ అధికారి ఆనంద్‌ రాజ్‌కుమార్‌ పోలీసుల సమక్షంలో నా సంతకం వాళ్లే చేసి నా నామినేషన్‌ను విత్‌డ్రా చేశారు. నా సంతకంతో ఉపసంహరణ జరిగినట్లు చూపించడానికి వీళ్లకు ఎవరు అనుమతి ఇచ్చారు? నా నామినేషన్‌ ఉపసంహరణతో అరికెర ఎంపీటీసీ స్థానం టీడీపీకి ఏకగ్రీవమైంది. నా ఎన్నికల హక్కును కాలరాసిన ఈ వ్యవహారంపై విచారణ జరిపి, బాధ్యులపై చర్యలు తీసుకోవాలి!’’ – తిమ్మప్ప, వైఎస్సార్‌సీపీ ఎంపీటీసీ అభ్యర్థి, అరికెర, కర్నూలు జిల్లానామినేషన్‌ ఎందుకు తిరస్కరించారో చెప్పలేదు.. ‘‘నేను ఆలూరు ఎంపీటీసీ–3 స్థానానికి నామినేషన్‌ వేశాను. శనివారం (అక్టోబర్‌ 24) మధ్యాహ్నం నా నామినేషన్‌ను పరిశీలించిన అధికారులు, పత్రాల్లో తప్పులున్నాయని చెప్పి మరుసటి రోజు చెక్‌లిస్ట్, ఫారం–5 ఇస్తామని చెప్పారు. కానీ నా నామినేషన్‌ను ఏ కారణంతో తిరస్కరిస్తున్నారో స్పష్టంగా చెప్పలేదు. ఆదివారం (అక్టోబర్‌ 25) సాయంత్రం ఆర్డీఓ కార్యాలయంలో ఆర్వో ఆనంద్‌ రాజ్‌కుమార్‌ నాకు ఫారం–5 ఇచ్చారు. ఆదివారం సాయంత్రం ఇచ్చిన ఫారం–5పై శనివారం తేదీ ఎందుకు ఉంది? నామినేషన్‌ తిరస్కరణకు కారణాలను ముందే ఎందుకు తెలియజేయలేదు?ఈ వ్యవహారంపై విచారణ జరిపి, నామినేషన్‌ తిరస్కరణకు సంబంధించిన పూర్తి వివరాలు వెల్లడించాలి!’’ – వినోద్‌ కుమార్, వైఎస్సార్‌సీపీ ఎంపీటీసీ అభ్యర్థి, ఆలూరు–3, కర్నూలు జిల్లాటీడీపీకి ఒక న్యాయం.. మాకు మరో న్యాయమా?‘‘నేను కోటబొమ్మాళి మండలం దంత ఎంపీటీసీ ప్రాదేశికం నుంచి వైఎస్సార్‌సీపీ అభ్యర్థిగా నామినేషన్‌ వేశాను. పరిశీలన కోసం మండల పరిషత్‌ కార్యాలయానికి పిలిచి, పత్రాల్లో చిన్నచిన్న కారణాలు చూపిస్తూ నా నామినేషన్‌ను తిరస్కరించారు. కానీ టీడీపీ అభ్యర్థుల పత్రాల్లో తప్పులుంటే అక్కడికక్కడే సరిచేసుకునే అవకాశం కల్పించారు. వైఎస్సార్‌సీపీ అభ్యర్థులకు నామినేషన్‌ తిరస్కరణ.. టీడీపీ అభ్యర్థులకు తప్పులు సరిదిద్దుకునే వెసులుబాటు... ఇదేనా ఎన్నికల న్యాయం? కోటబొమ్మాళి ఆర్‌ఓ కె. జగన్మోహన్‌రావు అధికార పార్టీకి అనుకూలంగా ఏకపక్షంగా వ్యవహరించారు. చిన్నసాన, పెద్దబమ్మిడి ప్రాదేశికాల్లోనూ ఎన్నికల నిబంధనలను పక్కనపెట్టారు. అభ్యర్థుల జాబితాలను సైతం సక్రమంగా ఇవ్వలేకపోయారు. గతంలో నామినేషన్‌ పత్రాల్లో ఖాళీలు ఉంటే పరిశీలన సమయంలో సరిచేసుకునే అవకాశం ఇచ్చేవారు. ఇప్పుడు మాత్రం ప్రతిపక్ష అభ్యర్థుల విషయంలో నిబంధనలను కఠినంగా అమలు చేస్తూ, టీడీపీ అభ్యర్థులకు మినహాయింపులు ఇచ్చారు. ఎన్నికల అధికారులు అధికార పార్టీకి అనుకూలంగా కాకుండా నిష్పక్షపాతంగా పనిచేయాలి. నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – సంపతిరావు హేమసుందర్‌రాజు, వైఎస్సార్‌సీపీ ఎంపీటీసీ అభ్యర్థి, దంత ప్రాదేశికం, కోటబొమ్మాళి మండలం, శ్రీకాకుళం జిల్లాఅధికారుల మాట నమ్మితే పోటీ నుంచే దూరం చేశారు!‘‘నేను కోటబొమ్మాళి మండలం చిన్నసాన ప్రాదేశికం నుంచి వైఎస్సార్‌సీపీ అభ్యర్థిగా నామినేషన్‌ వేశాను. నా పేరుతో వేర్వేరు ప్రతిపాదనలతో రెండు నామినేషన్లు దాఖలయ్యాయి. వాటిలో ఏదో ఒకటి విత్‌డ్రా చేసుకోవాలని అధికారులు చెప్పడంతో ఒక నామినేషన్‌ను ఉపసంహరించుకున్నాను. కానీ బీ–ఫారం అందజేయడానికి వెళ్తే నా నామినేషన్‌ పూర్తిగా తిరస్కరించినట్లు చెప్పారు. ఒక నామినేషన్‌ విత్‌డ్రా చేసుకోమని చెప్పి, చివరకు మొత్తం నామినేషన్‌నే రద్దు చేయడం ఏమిటి?అధికారుల మాట నమ్మినందుకు నన్ను ఎన్నికల పోటీకి దూరం చేస్తారా?రిటర్నింగ్‌ అధికారి కె. జగన్మోహన్‌రావు వ్యవహారశైలితోనే నేను నామినేషన్‌ కోల్పోయాను. విత్‌డ్రా విషయంలో తప్పుదారి పట్టించి నా అభ్యర్థిత్వాన్ని దెబ్బతీశారు. ఎన్నికల అధికారులు స్పష్టమైన సమాచారం ఇవ్వకుండా అభ్యర్థులను అయోమయానికి గురిచేస్తే న్యాయం ఎక్కడ? నా నామినేషన్‌ తిరస్కరణపై విచారణ జరిపి బాధ్యులపై చర్యలు తీసుకోవాలి!’’ – రొక్కం శ్రావణి, వైఎస్సార్‌సీపీ అభ్యర్థి, చిన్నసాన ప్రాదేశికం, కోటబొమ్మాళి మండలం, శ్రీకాకుళం జిల్లా

సాక్షి, అమరావతి: మున్సిపల్‌ ఎన్నికల ప్రచారానికి శుక్రవారం సాయంత్రం ఐదు గంటలకు తెరపడనుంది. ఇప్పటికే ఏకగ్రీవమైన వాటిని మినహాయిస్తే.. మున్సిపల్‌ ఎన్నికల్లో మొత్తం 772 వివిధ స్థాయి పదవులకు ఎన్నికలు జరుగుతుండగా, వీటిలో 4,042 మంది అభ్యర్థులు పోటీలో ఉన్నారు. 13 నగరపాలక సంస్థల మేయర్‌ పదవులకు 153 మంది పోటీ పడుతున్నారు. ఈ కార్పొరేషన్లలోని మొత్తం 922 డివిజన్‌ కార్పొరేటర్‌ ఎన్నికలకు 118 డివిజన్లు ఇప్పటికే ఏకగ్రీవం కాగా.. మిగిలిన 804 చోట్ల 3,073 మంది పోటీలో ఉన్నారు. 87 మున్సిపాలిటీల్లో ఎన్నికలు జరుగుతున్నాయి. వీటిలో 17 మున్సిపల్‌ ఛైర్‌పర్సన్‌ స్థానాలు, 637 కౌన్సిలర్‌ పదవులు ఏకగ్రీవమయ్యాయి. మిగిలిన 70 ఛైర్‌పర్సన్‌ స్థానాలకు 367 మంది పోటీలో ఉన్నారు. 2,382 వార్డు కౌన్సిలర్‌ పదవులకు 6,669 మంది పోటీలో ఉన్నారు. ఎస్‌ఈసీ వెబ్‌సైట్‌లోనూ ఓటర్‌ స్లిప్‌లు నవంబరు ఒకటిన జరిగే మున్సిపల్‌ ఎన్నికల పోలింగ్‌కు అధికారుల ద్వారా ఓటర్ల స్లిప్‌ల పంపిణీ చేస్తున్నట్లు రాష్ట్ర ఎన్నికల కమిషన్‌ వెల్లడించింది. రాష్ట్ర ఎన్నికల కమిషన్‌ అధికారిక వెబ్‌సైట్‌ ద్వారా కూడా ఓటర్లు నేరుగా స్లిప్‌లు డౌన్‌లోడ్‌ చేసుకునే సౌకర్యాన్ని కూడా శుక్రవారం అందుబాటులోకి తేనున్నట్లు ఎన్నికల అధికారులు వెల్లడించారు. స్వేచ్ఛాయుత, నిష్పక్షపాత ఎన్నికలకు ఏర్పాట్లు : ఎస్‌ఈసీ మున్సిపల్‌ ఎన్నికల పోలింగ్‌కు పటిష్టమైన భద్రతా ఏర్పాట్లు చేసినట్లు రాష్ట్ర ఎన్నికల సంఘం ఒక ప్రకటనలో వెల్లడించింది. ఎన్నికలు స్వేచ్ఛాయుతంగా, నిష్పక్షపాతంగా, ప్రశాంత వాతావరణంలో జరిగేలా రాష్ట్రవ్యాప్తంగా భారీ స్థాయిలో పోలీసు బలగాలను మోహరించినట్లు తెలిపింది. పోలింగ్‌ కేంద్రాల వద్ద పోలీసు బందోబస్తుతో పాటు డ్రోన్లు, సీసీ కెమెరాలు, వీడియోగ్రాఫర్ల ద్వారా నిరంతర నిఘా ఏర్పాటు చేసినట్టు పేర్కొంది. ఎన్నికల భద్రత కోసం మొత్తం 36,351 మంది పోలీసు సిబ్బందిని నియమించినట్టు తెలిపింది. 34 మంది ఎస్పీలు, 52 మంది అదనపు ఎస్పీలు, 152 మంది డీఎస్పీలు పోలింగ్‌ బందోబస్తును పర్యవేక్షిస్తారని పేర్కొంది. పోలింగ్‌ అనంతరం బ్యాలెట్‌ బాక్సులను 111 స్ట్రాంగ్‌రూమ్‌లలో భద్ర పరుస్తామని తెలిపింది. 671 అత్యంత సమస్యాత్మక, 1,233 సమస్యాత్మక పోలింగ్‌ కేంద్రాలు ఈ ఎన్నికలకు రాష్ట్రవ్యాప్తంగా 4,372 పోలింగ్‌ కేంద్రాలు ఏర్పాటు చేశారు. వీటిలో 671 కేంద్రాలను అత్యంత సమస్యాత్మక కేంద్రాలుగా గుర్తించినట్టు అధికారులు తెలిపారు. ఈ కేంద్రాల వద్ద 3,355 మంది పోలీసు సిబ్బందితో బందోబస్తు ఏర్పాటు చేస్తున్నట్టు రాష్ట్ర ఎన్నికల కమిషన్‌ పేర్కొంది. మరో 1,233 పోలింగ్‌ కేంద్రాలను సమస్యాత్మకమైనవిగా పేర్కొంటూ, వీటి వద్ద 4,943 మంది పోలీసు సిబ్బందిని నియమించినట్లు చెప్పింది. ఉద్రిక్తతల కట్టడికి 1,394 మంది పోలీసులతో 347 స్పెషల్‌ స్ట్రైకింగ్‌ ఫోర్సెస్, మరో 1,479 మందితో 481 స్ట్రైకింగ్‌ ఫోర్సెస్, ఇంకో 3,103 మందితో 1,543 రూట్‌ మొబైల్స్‌ను ఏర్పాటు చేసినట్లు తెలిపింది. ఎన్నికల నిబంధనలు ఉల్లంఘిస్తే కఠిన చర్యలు పోలింగ్‌ సమయంలో ఎన్నికల ప్రవర్తన నియమావళిని ఉల్లంఘించినా, శాంతి భద్రతలకు విఘాతం కలిగించినా, చట్ట విరుద్ధ కార్యకలాపాలకు పాల్పడినా చట్టప్రకారం కఠిన చర్యలు తీసుకుంటామని రాష్ట్ర ఎన్నికల కమిషన్‌ తెలిపింది. ఎన్నికలకు ఆటంకం కలిగించే చర్యలను ఎట్టి పరిస్థితుల్లోనూ ఉపేక్షించబోమని హెచ్చరించింది. ప్రతి ఓటరూ నిర్భయంగా ఓటు హక్కును వినియోగించుకునేలా అన్ని భద్రతా చర్యలు చేపట్టినట్లు వెల్లడించింది.

సాక్షి, అమరావతి: అధికారాన్ని అడ్డుపెట్టుకుని మున్సిపల్, పరిషత్‌ ఎన్నికల నామినేషన్ల దశలో దౌర్జన్యాలు, అరాచకాలతో ప్రత్యర్థులను కట్టడి చేయాలని చూసిన చంద్రబాబు సర్కారు ఇప్పుడు ఓటర్లను గుప్పిట్లో పెట్టుకోవడానికి బరితెగించింది. ఏ ఇంట్లో ఎవరున్నారు, మహిళల వయసు, ఫోన్‌ నంబర్‌ వంటి ఓటర్ల డేటా కూటమి ప్రత్యేకంగా రూపొందించిన వెబ్‌సైట్‌లో దర్శనమిస్తోంది. విజయవాడలోని 8 లక్షలమంది ఓటర్ల జాతకాలు votershelp.in లో పొందుపరిచారు. రాష్ట్రంలోని అన్ని పట్టణ స్థాని­క సంస్థలు, జెడ్పీటీసీ, ఎంపీసీటీ స్థానాల పరిధిలోని ఓటర్ల డేటా మొత్తం ఇప్పుడు కూటమి కొత్త వెబ్‌సైట్‌లో బహిర్గతమైంది. ఈ వివరాలతో కూటమి నేతలు పార్టీ గుర్తులతో అనధికారికంగా ఓటరు స్లిప్‌లు పంచుతూ ఎన్నికల నిబంధనలను తుంగలో తొక్కుతున్నారు. ఎస్‌ఐఆర్‌ ఫారాలు ఇప్పటికే టీడీపీ యాప్‌లోకి చేరగా, ఇప్పుడు ఓటర్ల ఫోన్‌ నంబర్లు పార్టీ ఎన్నికల వెబ్‌సైట్‌ votershelp.in లో ప్రత్యక్షం కావడం కలకలం రేపుతోంది. 2019లో సేవామిత్ర, 2024లో వీయాప్, ఇప్పుడు వోటర్స్‌ హెల్ప్‌.. ప్రజల డేటాను పార్టీ ఆస్తిగా మార్చుకోవడం చంద్రబాబుకు అలవాటుగా మారింది. నవంబర్‌ ఒకటిన 13 కార్పొరేషన్లు, 87 మున్సిపాలిటీలు, నగర పంచాయతీల్లో పోలింగ్‌ జరగనున్న వేళ ఈ డేటా దందా బయటపడింది.ప్రభుత్వ పోర్టల్‌లా భ్రమ: ఈ వెబ్‌సైట్‌ పైభాగంలో ఎన్నికల సంఘం హెల్ప్‌లైన్‌ 1950, కింద రాష్ట్ర ఎన్నికల సంఘం ప్రచురించిన జాబితా అని ఉంది. చూసినవారెవరైనా ప్రభు­త్వ పోర్టల్‌ అనుకుంటారు. కానీ లోగోలో టీడీపీ, జనసే­న, బీజేపీ. హోమ్‌ పేజీలో చంద్రబాబు, మోదీ, పవన్‌కళ్యాణ్‌ ఫొటో­లు, కూటమి మేయర్‌ అభ్యర్థి వంగవీటి రాధా, 86 వార్డు­ల అభ్యర్థుల ఫొటోలు, గుర్తులు ఉన్నా­యి. ఓటరు ప్రభుత్వ సైట్‌ అనుకుని వివరాలు వెతుకుతుంటే ఆ సమా­చారం టీడీపీకి చేరిపోతోంది. అన్ని జిల్లాల్లోను ఇవే తరహా పోర్టల్స్‌ తయారు చేసి కార్యకర్తల ద్వారా నిర్వహిస్తున్నారు. ఫోన్‌ నంబర్లతో సహా ఇంటింటి జాతకం..: సైట్‌లో విజయ­వాడ నగరపాలక సంస్థ పరిధిలోని 8,05,797 మంది ఓటర్లు, 848 పోలింగ్‌ కేంద్రాల సమాచారం ఉంది. గురు­వారం సాయంత్రానికే 6.49 లక్షలకు పైగా సెర్చ్‌లు జరి­గాయి. పేరు, ఓటరు ఐడీ లేదా ఇంటి నంబరు కొడితే వార్డు, క్రమసంఖ్య, వయసు, పోలింగ్‌ కేంద్రం, క్యూఆర్‌ కోడ్‌ వస్తున్నాయి. ఆ ఇంట్లోని ఇతర ఓటర్ల పేర్లు, వయసు, తండ్రి లేదా భర్త పేర్లు ప్రత్యక్షమవుతున్నాయి. పీడీఎఫ్‌ రూపంలోని ఓటర్ల జాబితాను డేటాబేస్‌గా మార్చి, ఇళ్ల వారీగా విడదీసి, మున్సిపల్‌–అసెంబ్లీ జాబితాలను అను­సంధానించి ఫోన్‌ నంబర్లు జతచేశారు. అసలు విషయం ‘వాట్సాప్‌లో పంపండి’ బటన్‌లో ఉంది. నొక్కితే నేరుగా ఆ ఓటరు నంబర్‌కే వాట్సాప్‌ చాట్‌ తెరుచుకుంటోంది. ఎన్ని­కల సంఘం జాబితాలో ఫోన్‌ నంబర్లు ఉండవు. పార్టీలకు ఇవ్వదు. మరి ఈ నంబర్లు కూటమి సైట్‌కు ఎక్కడి నుంచి వచ్చాయి? ఎస్‌ఐఆర్‌తోనే పునాది: ఈ దందాకు పునాది జూలైలో జరిగిన ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) సమయంలోనే పడింది. బీఎల్‌వోలు సేకరించిన ఎన్యూమ­రేషన్‌ ఫారాలను ప్రైవేట్‌ వ్యక్తులు మైటీడీపీ యాప్‌లోకి ఎక్కించారని వైఎస్సార్‌సీపీ అప్పుడే ఎన్నికల సంఘానికి ఫిర్యాదు చేసింది. ఓటరు ఫొటో, కుటుంబ వివరాలు, ఫోన్‌ నంబరు ఉండే ఆ అధికారిక రికార్డు టీడీపీకి చేరిపోయింది. ఆ డేటాతోనే ఈ వెబ్‌సైట్‌ను తయారు చేశారు.నిర్వాహకులెవరో రహస్యం డొమైన్‌ వివరాల ప్రకారం ఈ సైట్‌ అక్టోబర్‌ 19న.. నామినేషన్ల గడువు ముగిసిన మరుసటి రోజు తెలంగాణలో రిజిస్టర్‌ అయింది. ఓనర్‌ పేరు, ఫోన్, ఈ–మెయిల్‌ దాచేశారు. సర్వర్‌ ఎక్కడుందో తెలియకుండా క్లౌడ్‌ఫ్లేర్‌ ముసుగు వేశారు. నిర్వాహకుడి పేరు, ప్రైవసీ పాలసీ లేవు. ఉన్నది ఒక్క అడ్మిన్‌ లింక్‌ మాత్రమే. అక్టోబర్‌ 25–27 మధ్య అభ్యర్థుల ఫొటోలు అప్‌లోడ్‌ చేశారు. అంటే కోడ్‌ అమల్లో ఉండగానే నిబంధనలకు విరుద్ధంగా దీన్ని తయారు చేశారు. తప్పు చేయకపోతే పేరు దాచాల్సిన అవసరమేంటి? బూత్‌ దందా.. భద్రతకే ముప్పు ఈ వెబ్‌సైట్‌ ఓటర్ల సహాయం కోసం కాదు.. టీడీపీ నేతలు, ఏజెంట్ల బూత్‌ నిర్వహణ కోసమని స్పష్టమ­వుతోంది. ఏ ఇంట్లో ఎన్ని ఓట్లు, ఎవరి నంబర్‌ ఏంటో తెలిస్తే ఓటరు­ను నేరుగా ప్రలోభ­పెట్టొచ్చు, ఒత్తిడి చేయవచ్చు. ప్రత్యర్థి సానుభూ­తిపరులను గుర్తిం­చడం, పోలింగ్‌ రోజు ఎవరు ఓటేశారో ట్రాక్‌ చేయడం, తమవారిని బూత్‌కు తరలించడం సులభమవు­తుంది. ఇది ఓటరును గుప్పిట్లో పెట్టుకునేందుకు చేస్తున్న ప్రయత్నమని తెలుస్తోంది. నిబంధనల ఉల్లంఘన ప్రతి ఓటరుకు ఇస్తున్న డిజిటల్‌ స్లిప్‌ కింద వార్డు అభ్యర్థి, మేయర్‌ అభ్యర్థి ఫొటోలు, పార్టీ గుర్తు ముద్రించారు. వాటితో ప్రచారాన్ని ఇంటింటికీ, వాట్సాప్‌ గ్రూపులకు పంపిస్తున్నారు. అనధికారిక స్లిప్‌­లపై అభ్యర్థి పేరు, పార్టీ గుర్తు ఉండకూడదని కేంద్ర ఎన్నికల సంఘం దశాబ్దాల కిందటే నిర్దేశించింది. స్లిప్‌పై ‘అనధికారిక స­మా­చార స్లిప్‌’ అని వాళ్లే రాసుకుని గుర్తులు, నినాదం ముద్రించారు. ఈ డేటా చోరీతో మహిళల భద్రత ప్రశ్నార్థకం ఎవరైనా ఏ ఇంటినైనా వెతికి అక్కడ మహిళల వయసు, ఒంటరి వృద్ధులు, ఆడపిల్లలు ఉన్నారా వంటి వివరాలు క్షణాల్లో తెలుసు­కోవచ్చని నిపుణులు హెచ్చరిస్తున్నారు. వేధింపులు, వెంబడింపులకు ఇది తలుపులు తెరిచినట్లేనని ఆందోళన వ్యక్తం చేస్తున్నారు. పేరు, చిరునామా, ఓటరు ఐడీ, ఫోన్‌ నంబర్‌ ఒకేచోట దొరకడం సైబర్‌ నేరగాళ్లకు బంగారు గని. ఓటు వేయనివారి వివరాలు, క్యూఆర్‌ కోడ్‌ ఒక్క స్లిప్‌లో దొరికితే దొంగ ఓట్లకూ ఆస్కారం ఉంటుంది. ఎన్నికల సంఘం పేరుతో పార్టీ సైట్‌ను ప్రభుత్వసేవగా భ్రమింపజేయడం ఓటర్లను మోసం చేయడమేనని నిపుణులు స్పష్టం చేస్తున్నారు. పేర్లు మారుతున్నాయి.. దందా అదే.. 2019 ఎన్నికల ముందు టీడీపీ యాప్‌ సేవామిత్ర వ్యవహారం రెండు రాష్ట్రాలను కుదిపేసింది. యాప్‌ తయారుచేసిన హైదరాబాద్‌ సంస్థ ఐటీ గ్రిడ్స్‌పై తెలంగాణ పోలీసులు డేటా చోరీ కేసు నమోదు చేసి, ఏపీ ఓటర్ల డేటా ఉన్న హార్డ్‌ డిస్కులు స్వాధీనం చేసుకున్నారు. అప్పట్లో ఓటర్ల జాబితాలో పేర్లు ఇష్టానుసారం చేర్చడం, తొలగించడం చేశారు. ప్రజాధనంతో చేసిన ప్రజా సాధికార సర్వే డేటా, ఫైబర్‌గ్రిడ్, ఆర్టీజీఎస్, 1100 కాల్‌ సెంటర్‌ డేటా పార్టీ యాప్‌కు చేరిందని, విదేశీ అమెజాన్‌ సర్వర్లలో నిల్వచేశారని ఆరోపణలు వచ్చాయి. 2024లో వీయాప్‌ ద్వారా ఓటర్ల కులం, రాజకీయ మొగ్గుతో సహా వివరాలు సేకరిస్తున్నారని వైఎస్సార్‌సీపీ కేంద్ర ఎన్నికల సంఘానికి ఫిర్యాదు చేసింది. 2026 ఎస్‌ఐఆర్‌లో మైటీడీపీ, ఇప్పుడు వోటర్స్‌ హెల్ప్‌. అప్పుడు హైదరాబాద్‌ సంస్థ, విదేశీ సర్వర్లు. ఇప్పుడు తెలంగాణ రిజిస్ట్రేషన్, క్లౌడ్‌ఫ్లేర్‌ ముసుగు. ఇప్పుడు చంద్రబాబు మళ్లీ అధికారంలో ఉన్నారు. సంక్షేమ పథకాలు, సచివాలయ సర్వేలు, ఆధార్‌ అనుసంధానంతో ప్రతి కుటుంబం వివరాలు ప్రభుత్వం దగ్గర ఉన్నాయి. అదే ప్రభుత్వాన్ని నడుపుతున్న పార్టీ ఎన్నికల వెబ్‌సైట్లలో ఓటర్ల ఫోన్‌ నంబర్లు కనిపిస్తున్నాయి. 2019లో చేసిన తప్పునే మళ్లీ చేస్తూ చంద్రబాబు అధికారాన్ని అడ్డుపెట్టుకుని ప్రజల సమాచారాన్ని పార్టీ ఆస్తిగా మార్చుకున్నారు. పోలింగ్‌కు ముందే ఈ వెబ్‌సైట్లను నిలిపేసి, నిర్వాహకులపై కేసులు నమోదు చేయాలని, డేటా ఎక్కడి నుంచి వచ్చిందో తేల్చాలని నిపుణులు డిమాండ్‌ చేస్తున్నారు.

సాక్షి, అమరావతి: అర్నబ్‌ తుపాను సృష్టించిన బీభత్సం నుంచి రాష్ట్రం ఇంకా తేరుకోకముందే మరో గండం ముంచుకొస్తోంది. దక్షిణ అండమాన్‌ సముద్రంలో గురువారం ఒక అల్పపీడనం ఏర్పడింది. అక్టోబర్‌ 31వ తేదీ నాటికి ఇది వాయుగుండంగా మారే అవకాశం ఉన్నట్లు వాతావరణ శాఖ తెలిపింది. ఆ తర్వాత ఇది మరింత బలపడి, పశ్చిమ వాయవ్య దిశగా కదులుతూ రెండు రోజుల్లో ఏపీ తీరం వైపు వచ్చే అవకాశం ఉందని తెలిపింది. దీని ప్రభావంతో నవంబర్‌ 1, 2 తేదీల్లో కోస్తాలోని పలు జిల్లాల్లో భారీ వర్షాలు కురుస్తాయని తెలిపింది. నవంబర్‌ ఒకటో తేదీన కాకినాడ, కోనసీమ, అల్లూరి, అనకాపల్లి, తూర్పు గోదావరి, పశ్చిమ గోదావరి, ఏలూరు, కృష్ణా జిల్లాల్లో భారీ వర్షాలు కురిసే అవకాశం ఉంది. ఆ రెండు రోజుల పాటు తీరం వెంబడి గంటకు 45 నుంచి 55 కిలోమీటర్ల వేగంతో ఈదురుగాలులు వీస్తాయని వాతావరణ శాఖ తెలిపింది. మత్స్యకారులు వేటకు వెళ్లవద్దని హెచ్చరించింది. మరోవైపు అతి తీవ్ర తుపానుగా తీరం దాటిన అర్నబ్‌ క్రమంగా బలహీనపడి ఛత్తీస్‌గఢ్, ఒడిశా సరిహద్దు ప్రాంతాల్లో కేంద్రీకృతమైంది. పలుచోట్ల భారీ వర్షం తుపాను ప్రభావంతో బుధవారం ఉదయం 8.30 నుంచి గురువారం ఉదయం 8.30 గంటల వరకు శ్రీకాకుళం జిల్లా ఉద్దానం ప్రాంతంలో కుండపోత వర్షం కురిసింది. గురువారం కూడా ఉద్దానంలో వర్షం ఆగలేదు. రాత్రి 8 గంటల వరకు పలాసలో 4 సెంటీమీటర్ల వర్షపాతం నమోదైంది. శ్రీకాకుళం జిల్లా కంచిలిలో అత్యధికంగా 24.8 సెం.మీ వర్షపాతం నమోదైంది.ఇచ్ఛాపురం 23.4, సోంపేట మండలం కొర్లాం 20.6, కవిటి మండలం రాజపురం 18.6, పలాస 18.2, మెలియాపుట్టి 17.8, మందస 16.5, అల్లూరి జిల్లా అరకులోయ మండలం నిన్నిమామిడివలస 15.5, పాడేరు 14.4, ఏలూరు జిల్లా ఉంగుటూరు మండలం నారాయణపురంలో 13.3, కృష్ణా జిల్లా గూడూరులో 12.6, చల్లపల్లిలో 12.2, తూర్పు గోదావరి జిల్లా కోరుకొండ 12.4, పశ్చిమ గోదావరి జిల్లా తాడేపల్లిగూడెం 12.3, బాపట్ల జిల్లా చెరుకుపల్లి మండలం గూడవల్లి 10.5 సెంటీమీటర్ల వర్షం కురిసింది.

సాక్షి, న్యూఢిల్లీ: చెక్‌బౌన్స్‌ కేసుకు సంబంధించి పరిహారం మొత్తంలో 20 శాతాన్ని డిపాజిట్‌ చేయాలన్న అప్పీలేట్‌ జిల్లా కోర్టు ఉత్తర్వులను హైకోర్టు పూర్తిగా కొట్టివేస్తే.. ‘నిందితుడు అప్పీల్‌కు వెళ్లేందుకు వెసులుబాటుగా ట్రయల్‌ కోర్టు ఇచ్చిన తాత్కాలిక శిక్షా నిలుపుదల ఉత్తర్వులు (సస్పెన్షన్‌ ఆఫ్‌ సెంటెన్స్‌) కూడా వాటంతట అవే రద్దవుతాయని’ సుప్రీంకోర్టు వ్యాఖ్యానించింది. వెసులుబాటు ఉత్తర్వులు అమల్లో లేనప్పుడు మేజిస్ట్రేట్‌ కోర్టు ఇచ్చిన తీర్పే తక్షణం అమల్లోకి వచ్చి, నిందితుడిని కస్టడీలోకి తీసుకునే పరిస్థితి ఏర్పడుతుందని పేర్కొంది.చెక్‌బౌన్స్‌కు సంబంధించి గొద్దుమర్రి ఆదినారాయణ వర్సెస్‌ స్టేట్‌ ఆఫ్‌ ఆంధ్రప్రదేశ్, కుచి శ్రీ లక్ష్మి కేసులో ట్రయల్‌ కోర్ట్‌ విధించిన పరిహారంలో 20 శాతం డిపాజిట్‌ చేయాలని షరతు విధిస్తూ అప్పీలేట్‌ కోర్టు ఇచ్చిన ఆదేశాలు, వాటిని రద్దు చేస్తూ హైకోర్టు ఇచ్చిన తీర్పు, దీనిపై దాఖలైన స్పెషల్‌ లీవ్‌ పిటిషన్‌ (ఎస్‌ఎల్‌పీ)పై విచారణ సందర్భంగా జస్టిస్‌ దీపాంకర్‌ దత్తా, జస్టిస్‌ షీల్‌ నాగులతో కూడిన సుప్రీంకోర్టు ధర్మాసనం గురువారం ఈ వ్యాఖ్యలు చేసింది. ‘కేవలం 20 శాతం డిపాజిట్‌ నిబంధనను మాత్రమే పక్కనపెట్టడం హైకోర్టు ఉత్తర్వుల ఉద్దేశం అయి ఉండొచ్చని ధర్మాసనం అభిప్రాయపడింది. హైకోర్టు ఉత్తర్వులపై స్పష్టత లేదా సవరణ కోసం తిరిగి హైకోర్టు సింగిల్‌ జడ్జినే ఆశ్రయించాలని కక్షిదారులకు సూచించింది. అప్పటి వరకు ప్రస్తుత ఎస్‌ఎల్‌పీని పెండింగ్‌లో ఉంచుతున్నట్లు స్పష్టం చేస్తూ తదుపరి విచారణను నవంబర్‌ 2వ తేదీకి వాయిదా వేసింది. హైకోర్టు ఆర్డర్‌లో ఉన్న ఈ సాంకేతిక లోపాన్ని వివరించిన సుప్రీంకోర్టు ధర్మాసనానికి న్యాయవాదులు కృతజ్ఞతలు తెలిపారు.

సాక్షి, అమరావతి: గ్రామీణ, మారుమూల గిరిజన ప్రాంతాల్లో సేవలు అందించే ఎంబీబీఎస్‌ వైద్యులకు పీజీ ఇన్‌–సర్వీస్‌ కోటాలో చంద్రబాబు ప్రభుత్వం కత్తెర వేసింది. క్లినికల్‌ పీజీ కోర్సుల్లో కోటాను ఏకంగా 15 నుంచి 5 శాతం వరకు కోత పెట్టింది. ఈ మేరకు గురువారం వైద్య శాఖ కార్యదర్శి జి.వీరపాండియన్‌ ఉత్తర్వులు ఇచ్చారు. 2026–27 విద్యా సంవత్సరానికి మెడికల్‌ పీజీ ప్రవేశాల్లో అనస్థీషియా, పీడియాట్రిక్స్, ఓబీజీ, జనరల్‌ మెడిసిన్, సర్జరీ, రేడియాలజీ, ఎమర్జెన్సీ మెడిసిన్, రేడియోథెరపి, న్యూక్లియర్‌ మెడిసిన్‌ విభాగాల్లో 15 శాతం ఇన్‌–సర్వీస్‌ కోటా కల్పించారు. హాస్పిటల్‌ అడ్మినిస్ట్రేషన్, ఆర్థోపెడిక్స్, పాథాలజీ, ప్రివెంటివ్‌ మెడిసిన్‌లలో 10 శాతం డీవీఎల్, ఈఎన్‌టీ, ఆప్తమాలజీ, సైకియాట్రీ విభాగాల్లో 5 శాతం చొప్పున కోటా కల్పించనున్నట్టు వివరించారు. మైక్రోబయాలజీ, ఫార్మకాలజీ వంటి నాన్‌ క్లినికల్‌ కోర్సుల్లో 30 శాతం కోటా ఉంటుందని ఉత్తర్వుల్లో పేర్కొన్నారు. కాగా, చంద్రబాబు ప్రభుత్వం మొదటి నుంచీ ఇన్‌–సర్వీస్‌ కోటాకు కోత పెడుతూనే వస్తోంది. గతేడాది క్లినికల్‌ కోర్సుల్లో 20 శాతం, నాన్‌ క్లినికల్‌ కోర్సుల్లో 30 శాతం మేర ఇన్‌సర్వీస్‌ కోటా ఇచ్చారు. ఈ దఫా అందులోనూ కోత పెట్టారు. ప్రస్తుతం పీజీ డిప్లొమా కోర్సులు చేసి ప్రభుత్వ సేవల్లో ఉన్న వైద్యులు పీజీ మెడికల్‌ డిగ్రీ చదవడానికి ఏడాది పాటు డిప్యుటేషన్‌కు అనుమతిస్తున్నారు. దీన్ని ప్రభుత్వం సవరించింది. ప్రభుత్వం స్పాన్సర్‌ చేయని పీజీ డిప్లొమా అర్హతతో ప్రభుత్వ సేవలో చేరిన వైద్యులు అదే స్పెషాలిటీలో పీజీ డిగ్రీ చేయడానికి రెండేళ్లు, వేరే స్పెషాలిటీలో అయితే 36 నెలలు డిప్యుటేషన్‌కు అనుమతించేలా నిబంధనల్లో సవరణ చేశారు.

సాక్షి, అమరావతి: వైఎస్సార్‌సీపీ కంచుకోట పులివెందులలో టీడీపీకి అనుకూలంగా భారీ రిగ్గింగ్‌కు ముఖ్యమంత్రి చంద్రబాబు బరితెగిస్తున్నారు. సజావుగా పోలింగ్‌ జరిగితే పులివెందులలో వైఎస్సార్‌సీపీ ఘన విజయం ఖాయమన్నది బహిరంగ రహస్యమే. అందుకే అసలు పోలింగ్‌ ప్రక్రియను పూర్తిగా హైజాక్‌ చేసేందుకు టీడీపీ కూటమి పక్కా పన్నాగానికి తెరతీసింది. సామాన్య ఓటరు అన్నవారు ఎవరూ కనీసం పోలింగ్‌ బూత్‌ దరిదాపులకూ వెళ్లకుండా బీభత్సం సృష్టించాలని లక్ష్యంగా పెట్టుకుంది. మరోవైపు పోలింగ్‌ బూత్‌లను పూర్తిగా ఆధీనంలోకి తీసుకోవాలని, యథేచ్ఛగా రిగ్గింగ్‌కు పాల్పడేందుకు కుట్రపన్నింది. దీనికోసం ఇతర నియోజకవర్గాల నుంచి టీడీపీ రౌడీమూకలను ఇప్పటికే మోహరించింది. ఇతర ప్రాంతాల నుంచి వచ్చిన టీడీపీ రౌడీ మూకలే అల్లర్లు సృష్టించి.. ఇదంతా వైఎస్సార్‌సీపీ కార్యకర్తలే చేస్తున్నారని దుష్ప్రచారం చేయాలన్నది కుట్రలో ప్రధాన భాగం. వెంటనే ఎల్లో మీడియా, టీడీపీ సోషల్‌ మీడియా అదే దుష్ప్రచారంతో ప్రజలను తప్పుదోవ పట్టించేందుకు రంగంలోకి దిగేందుకు వ్యూహం పన్నుతున్నాయి. అందుకోసమే కాచుకుని ఉన్న పోలీసులు వెంటనే వైఎస్సార్‌సీపీ నేతలు, కార్యకర్తలను కట్టడి చేసేందుకు విరుచకుపడాలని ప్రణాళిక రచించినట్టు సమాచారం. మాజీ ముఖ్యమంత్రి వైఎస్‌ జగన్‌మోహన్‌రెడ్డికి నోటీసులు ఇవ్వడంతోపాటు హౌస్‌ అరెస్టు చేసేందుకు కూడా సన్నద్ధమవుతుండడం ప్రభుత్వ కుట్రకు పరాకాష్ట. ఇక ఎంపీ అవినాశ్‌ రెడ్డి, ఇతర కీలక నేతలు, ప్రధాన కార్యకర్తలను అక్రమ అరెస్టులతో కట్టడి చేసేందుకు రంగం సిద్ధం చేస్తోంది. ముఖ్యమంత్రి కార్యాలయం, డీజీపీ కార్యాలయం పర్యవేక్షణలో.. డీఐజీ కోయ ప్రవీణ్, ఎస్పీ విశ్వనాథ్‌ సూత్రధారులుగా... టీడీపీ రౌడీ మూకలు పాత్రధారులుగా పోలింగ్‌ రోజు బీభత్సం సృష్టించేందుకు సన్నద్ధమవుతోంది. రాష్ట్ర చరిత్రలోనే కనీవినీ ఎరుగని రీతిలో రిగ్గింగ్‌తో బెంబెలెత్తించేందుకు చంద్రబాబు ప్రభుత్వ పక్కా స్కెచ్‌ ఇలా ఉంది. పోలింగ్‌ ప్రక్రియ హైజాక్‌కు చంద్రబాబు కుట్ర పులివెందుల మున్సిపాలిటీలో టీడీపీ ఎన్నికల అక్రమాలు అంతూపొంతూ లేకుండా సాగుతున్నాయి. మున్సిపాలిటీ పరిధిలోని 40 వార్డుల్లో వైఎస్సార్‌సీపీ అభ్యర్థుల నామినేషన్లను అడ్డుకునేందుకు టీడీపీ బరితెగించి గూండాగిరీతో బెంబేలెత్తించిన విషయం తెలిసిందే. టీడీపీ ఆవిర్భావం నుంచి పులివెందుల నియోజకవర్గంలో ఆ పార్టీ ఒక్కసారి కూడా గెలవనే లేదు. గతంలో పులివెందుల మేజర్‌ పంచాయతీలో, అనంతరం మున్సిపాలిటీగా మారిన తరువాత కూడా టీడీపీ ఒక్కసారి కూడా విజయం సాధించలేకపోయింది. వైఎస్‌ రాజశేఖరరెడ్డి కుటుంబానికి పులివెందుల పెట్టని కోటగా నిలుస్తోంది. అటువంటి పులివెందుల మున్సిపాలిటీలో సక్రమంగా ఎన్నికలు నిర్వహిస్తే ఈసారి కూడా టీడీపీ అభ్యర్థి డిపాజిట్‌ గల్లంతే అవుతుందన్నది సుస్పష్టం. అందుకే అసలు ఎన్నికల ప్రక్రియనే హైజాక్‌ చేసి అడ్డదారిలో విజయం సాధించేందుకు చంద్రబాబు కుతంత్రానికి తెరతీశారు. మున్సిపాలిటీ నామినేషన్ల ప్రక్రియకు ముందు నుంచే టీడీపీ గూండాలు దాడులు, దౌర్జన్యాలతో భీతావహ పరిస్థితులు సృష్టించారు.మొత్తం 40 వార్డులలో కూడా వైఎస్సార్‌సీపీ అభ్యర్థులు కనీసం నామినేషన్‌ కూడా వేయకుండా అడ్డుకోవడమే లక్ష్యంగా విధ్వంసకాండకు పాల్పడ్డారు. యావత్‌ పోలీసు యంత్రాంగం టీడీపీ గూండాగిరీకి కొమ్ముకాసింది. వైఎస్సార్‌సీపీకి తిరుగులేని పట్టున్న పులివెందుల మున్సిపాలిటీలో 20 వార్డులలో ఆ పార్టీ అభ్యర్థులు నామినేషన్‌ వేయకుండా అడ్డుకోవడమే అందుకు తార్కాణం.అయినా సరే టీడీపీ, పోలీసుల బెదిరింపులు, దాడులను ఎదురొడ్డి మరీ 20 వార్డులలో వైఎస్సార్‌సీపీ అభ్యర్థులు నామినేషన్లు వేశారు.ఘర్షణలు సృష్టిద్దాం... అక్రమ అరెస్టులు చేసేద్దాం...ఇదీ చంద్రబాబు పన్నాగం వైఎస్‌ జగన్, ఎంపీ అవినాశ్‌లపై పోలీసుల గురి భారీ ఎత్తున అక్రమ అరెస్టులకు కుతంత్రం పులివెందులలో పోలింగ్‌ రోజు అంటే నవంబరు 1న తెల్లవారుజామునే ఘర్షణలు సృష్టించేందుకు టీడీపీ, పోలీసు యంత్రాంగం కుతంత్రం పన్నింది. అందుకోసం ప్రత్యేకంగా 500మంది గూండాలను ఇతర ప్రాంతాల నుంచి రప్పించినట్టు విశ్వసనీయ సమాచారం. మున్సిపాలిటీ పరిధిలో రెండు మూడు చోట్ల టీడీపీ గూండాలు ఉద్దేశపూర్వకంగానే వైఎస్సార్‌సీపీ నేతలు, కార్యకర్తలతోపాటు సామన్యులపై దాడులకు తెగబడేందుకు సన్నద్ధమవుతున్నారు. తద్వారా మున్సిపాలిటీలో ఘర్షణలు సృష్టించాలన్నది లక్ష్యం. అందుకోసమే కాచుకుని ఉన్న టీడీపీ వీర విధేయ పోలీసు అధికారులు రంగ ప్రవేశం చేస్తారు. వాస్తవంగా దాడులు, ఘర్షణలకు పాల్పడిన టీడీపీ గూండాలపై మాత్రం ఎటువంటి చర్యలూ తీసుకోరు. కానీ శాంతిభద్రతల సమస్య తలెత్తింది. ముందస్తు చర్యల పేరుతో వైఎస్సార్‌సీపీ నేతలు, కార్యకర్తలను అక్రమంగా అరెస్టు చేయాలన్నది అసలు పన్నాగం. ముందుగా వైఎస్సార్‌సీపీ అధినేత. మాజీ ముఖ్యమంత్రి వైఎస్‌ జగన్‌ మోహన్‌ రెడ్డినే అక్రమంగా అరెస్టు చేయాలన్నది పోలీసు శాఖ లక్ష్యమని విశ్వసనీయ సమాచారం. ఆయన తన ఓటు హక్కు వినియోగించుకున్న తరువాత హౌస్‌ అరెస్టు చేయాలన్నది ప్రభుత్వ పెద్దల పన్నాగంగా ఉంది. అదే ఊపులో ఎంపీ అవినాశ్‌ రెడ్డితోపాటు వైఎస్సార్‌సీపీ ప్రధాన నేతలు, ద్వితీయ శ్రేణినేతలు, కార్యకర్తలను భారీస్థాయిలో ముందస్తు అరెస్టులు చేయాలన్నది కుతంత్రం. భారీ సంఖ్యలో వైఎస్సార్‌సీపీ నేతలను అదుపులోకి తీసుకుని తరలించేందుకు పులివెందులలో ఓ కల్యాణ మండపాన్ని కూడా ఇప్పటికే గుర్తించి సిద్ధం చేశారు. ఆ విధంగా వైఎస్‌ జగన్‌మోహన్‌ రెడ్డి, ఎంపీ అవినాశ్‌రెడ్డిలతోపాటు వైఎస్సార్‌సీపీ నేతలు, శ్రేణులను సాయంత్రం పోలింగ్‌ ముగిసే వరకు బయటకు రాకుండా కట్టడి చేయడమే ప్రభుత్వ పెద్దల లక్ష్యమన్నది సుస్పష్టమవుతోంది.బాబులో గుబులు..మున్సిపల్‌ చైర్‌పర్సన్‌ అభ్యర్థిగా వైఎస్‌ ప్రమీలమ్మ నామినేషన్‌ వేసి బరిలో నిలిచారు. దాంతో నవంబరు 1న పోలింగ్‌ నిర్వహించక తప్పనిసరి పరిస్థితి ఎదురవడంతో చంద్రబాబులో గుబులు మొదలైంది. సజావుగా పోలింగ్‌ నిర్వహిస్తే వైఎస్సార్‌సీపీ విజయం ఖాయమని ఆయనకు తెలుసు. అందుకే రెండో దశ విధ్వంసకాండకు పక్కా పన్నాగం పన్నారు. దాడులు, దౌర్జన్యాలతో వైఎస్సార్‌సీపీ అభ్యర్థులు, నేతలు, కార్యకర్తలతోపాటు సామాన్య ఓటర్లను బెంబేలెత్తించడం... తద్వారా మొత్తం పోలింగ్‌ ప్రక్రియనే హైజాక్‌ చేసేయడం... అదే అదనుగా టీడీపీకి అనుకూలంగా భారీ రిగ్గింగ్‌కు పాల్పడేందుకు పక్కాగా పన్నాగం పన్నారు. ఈ మొత్తం ఎన్నికల అక్రమాల బాధ్యతను డీఐజీ కోయ ప్రవీణ్‌కు అప్పగించింది ముఖ్యమంత్రి కార్యాలయం. టీడీపీ వీర విధేయ ఐపీఎస్‌గా గుర్తింపు పొందిన ఆయన రెండున్నరేళ్లుగా రాయలసీమలో దందా సాగిస్తూ బెంబేలెత్తిస్తున్న విషయం తెలిసిందే. ప్రస్తుతం పులివెందుల మున్సిపల్‌ ఎన్నికల రిగ్గింగ్‌ బాధ్యతను కూడా ఆయన భుజానికెత్తుకున్నట్టు పోలీసువర్గాలే వ్యాఖ్యానిస్తున్నాయి. డీజీపీ కార్యాలయం పర్యవేక్షణలో కడప ఎస్పీ విశ్వనాథ్, ఇతర పోలీసు అధికారులను పాత్రధారులుగా చేసుకుని కోయ ప్రవీణ్‌ పోలింగ్‌ ప్రక్రియను టీడీపీకి అనుకూలంగా హైజాక్‌ చేసేందుకు పక్కా స్కెచ్‌ వేశారు. యథేచ్ఛగా రిగ్గింగ్‌ స్కెచ్‌మొత్తం వైఎస్సార్‌సీపీ నేతలు, శ్రేణుల అక్రమ అరెస్టుతో టీడీపీ ఎన్నికల అక్రమాలకు మార్గం సుగమం చేయాలన్నది పోలీసు పెద్దల కుతంత్రం. ఈ క్రమంలో ఇతర ప్రాంతాల నుంచి ముందుగా రప్పించిన టీడీపీ గూండాలను రంగంలోకి దించుతారు. ఎన్నికల నిబంధనల ప్రకారం మున్సిపాలిటీ పరిధిలో ప్రజలు కానివారు.. పోలింగ్‌ రోజున అక్కడ ఉండ కూడదు. కానీ బీజేపీలో టీడీపీ కోవర్ట్‌ ఎమ్మెల్యేగా ఉన్న ఆదినారాయణరెడ్డి, టీడీపీ మాజీ ఎమ్మెల్సీ బీటెక్‌ రవి మాత్రం ఈ నిబంధనలను పట్టించుకోవడమే లేదు. జమ్మలమడుగు, కమలాపురం తదితర నియోజకవర్గాల నుంచి టీడీపీ గూండాలు, కార్యకర్తలను భారీస్థాయిలో రప్పిస్తున్నారు. ఒక్కో పోలింగ్‌ బూత్‌కు 100 మంది చొప్పున మోహరించాలన్నది లక్ష్యం. మొత్తం 80 పోలింగ్‌ బూత్‌లను తమ ఆధీనంలోకి తీసుకునేందుకు అన్ని ఏర్పాట్లూ చేశారు. పోలింగ్‌కు ముందు రోజు అంటే అక్టోబరు 31 సాయంత్రానికే వారంతా పులివెందులలో తిష్ట వేస్తారు. పోలింగ్‌ రోజున అంటే నవంబరు 1న వైఎస్సార్‌సీపీ నేతలను అక్రమంగా అరెస్టు చేయగానే.. వారంతా రంగంలోకి దిగుతారు. బూత్‌లను క్యాప్చర్‌ చేయడం.. వైఎస్సార్‌సీపీ ఏజెంట్లను బెదిరించడం.. వైఎస్సార్‌సీపీ ఓటర్లు, తటస్థ ఓటర్లను పోలింగ్‌ బూత్‌ల వద్ద అడ్డుకోవడం.. వారు ఎవరూ ఓటు వేసేందుకు అనుమతించక పోవడం.. ఓటరు స్లిప్పులను చింపి వేయడం.. దాడులకు పాల్పడటం...తరిమి కొట్టడం.. ఇలా దేనికైనా సరే బరితెగిస్తారు. తటస్థ ఓటర్లను సైతం ఓటు హక్కు వినియోగించుకోనివ్వకూడదని ప్రభుత్వ పెద్దలు ఆదేశించినట్లు తెలిసింది. మరోవైపు టీడీపీ గూండాలే పోలింగ్‌ బూత్‌లలో దూరి టీడీపీకి అనుకూలంగా రిగ్గింగ్‌కు పాల్పడాలన్నది పన్నాగం. జమ్మలమడుగు, కమలాపురం ప్రాంతాల నుంచి భారీగా మహిళలను కూడా తీసుకొచ్చి వారిని స్థానిక ఓటర్లుగా చూపిస్తూ దొంగ ఓట్లు వేయించాలన్నది టీడీపీ పన్నాగంలో ఓ కీలక అంశం.పోలీసులతో కలిసి పక్కా కుతంత్రం అన్ని వార్డుల్లో బరితెగించి రిగ్గింగ్‌కు పాల్పడి టీడీపీని అడ్డదారిలో గెలిపించేందుకు ప్రభుత్వ పెద్దలు, పోలీసు బాస్‌లు పక్కా కుతంత్రానికి పదును పెడుతున్నారు. అందుకోసం ఎంతటి విధ్వంసానికైనా పాల్పడండి... ఎందరిపైనా అయినా దాడులు, దౌర్జన్యాలకు తెగబడండి...మేం అండగా ఉంటామని గూండాలు, సంఘ విద్రోహ శక్తులకు పచ్చజెండా ఊపారు. పులివెందులలో టీడీపీ రిగ్గింగ్‌కు సన్నద్ధమవుతున్న తీరుపై వైఎస్సార్‌సీపీ ఎన్నికల కమిషన్‌తోపాటు పోలీసు అధికారుల దృష్టికి తీసుకువెళ్లింది. కానీ చంద్రబాబు మాటే శిరోధార్యంగా అటు ఎన్నికల కమిషన్‌ ఇటు పోలసు యంత్రాంగం టీడీపీ రిగ్గింగ్‌కు వత్తాసు పలుకుతుండటం విభ్రాంతి కలిగిస్తోంది. పులివెందుల మున్సిపాలిటీలో అడ్డదారిలో విజయం సాధించేందుకు చంద్రబాబు బరితెగించి సాగిస్తున్న విధ్వంసకాండ దిగజారుడు రాజకీయాలకు నిదర్శనంగా నిలుస్తోంది.

సాక్షి, అమరావతి: మద్యం అక్రమ రవాణా కేసులో తనకు సంబంధం లేకపోయినా ఈడీ అధికారులు తనను బెదిరించి కారుమూరి నాగేశ్వరరావు, కారుమూరి సునీల్‌కుమార్‌లకు వ్యతిరేకంగా స్టేట్‌మెంట్‌ తీసుకున్నారని మంగళంపల్లి మణికంఠ తెలిపారు. ఆయన గురువారం మాట్లాడుతూ తనను కొట్టి బలవంతంగా స్టేట్‌మెంట్‌ తీసుకున్న ఈడీ అధికారులపై హైదరాబాద్‌లోని సైఫాబాద్‌ పోలీస్‌స్టేషన్‌లో ఫిర్యాదు చేసినట్టు చెప్పారు. సంబంధం లేని అంశంలోకి లాగి తనను ఇబ్బంది పెట్టాలని చూశారని హైకోర్టులో రిట్‌ పిటిషన్‌ కూడా దాఖలు చేసినట్లు తెలిపారు. తనకు సంబంధం లేని కేసులో ఇరికించాలని చూడడంతో పాటు బలవంతంగా స్టేట్‌మెంట్‌ తీసుకున్న అధికారులపై కఠిన చర్యలు తీసుకుని తనకు న్యాయం చేయాలని కోరారు. ‘విజయవాడలో ఉండే నా వాట్సాప్‌లో ఎప్పటిదో నోటీస్‌ పెట్టి ఈడీ ఆఫీస్‌కు పిలిస్తే ఈనెల 26న వెళ్లాను. ఉదయం 11 గంటలకు వెళితే రాత్రి 10.30 దాకా అక్కడే ఉంచి విచారించారు. ఈ అంశంతో సంబంధం ఉన్న ఒకరిని సాయంత్రం 5 గంటలకు పిలిచి అతడి ముందు నన్ను ప్రశ్నించడంతో పాటు స్టేట్‌మెంట్‌ ఇవ్వాలని తీవ్రంగా ఒత్తిడి చేశారు. ఈడీ అధికారులు పార్థసారథి, ప్రతీక్‌ విచారణ పేరుతో నన్ను కొట్టి, ఇబ్బందులకు గురిచేశారు. కనీసం తాగడానికి మంచినీళ్లు కూడా ఇవ్వకుండా ఇబ్బంది పెట్టారు. చివరికి కారుమూరి నాగేశ్వరరావు, కారుమూరి సునీల్‌కుమార్‌కు వ్యతిరేకంగా బలవంతంగా స్టేట్‌మెంట్‌ తీసుకున్నారు. చాలా ఇబ్బంది పెట్టారు. నా కుటుంబాన్ని కూడా ఈ కేసులో ఇరికిస్తామని బెదిరించారన్నారు. వాస్తవంగా నాకు వారి నుంచి ఒక్క రూపాయి కూడా రాలేదు. నాకు లావాదేవీలు ఉన్నది వల్లూరి సందీప్‌తోనే’ అని చెప్పారు. తనకు వల్లూరి సందీప్‌ నుంచి, ఈడీ అధికారులు, విజయవాడలోని సిట్‌ అధికారుల నుంచి ప్రాణహాని ఉందని ఆయన ఆందోళన వ్యక్తం చేశారు. మణికంఠ న్యాయవాది ఎం.శ్రీనివాస్‌ మాట్లాడుతూ కారుమూరి నాగేశ్వరరావు, కారుమూరి సునీల్‌కుమార్‌ కేసులో మణికంఠను కొట్టి స్టేట్‌మెంట్‌ తీసుకున్న అంశంపై హైకోర్టులోను, నాంపల్లి క్రిమినల్‌ కోర్టులోను రిప్రజెంట్‌ చేశామని చెప్పారు. వల్లూరి సందీప్‌తో భూలావాదేవీపై మణికంఠ సంతకాలు చేశారన్నారు. పవర్‌ ఆఫ్‌ అటార్నీ సంతకం చేసిన తర్వాత ఒప్పందం ప్రకారం డబ్బులు చెల్లించకపోవడంతో మణికంఠ ఆ భూమిని వేరేవారికి అమ్మారని చెప్పారు. అది మనసులో పెట్టుకుని మణికంఠను లిక్కర్‌ స్కామ్‌లో ఇరికించాలని నోటీసుతో ఈడీ ఆఫీస్‌కి రప్పించి, కొట్టి, బెదిరించిన వారిపై సైఫాబాద్‌ పోలీస్‌స్టేషన్‌లో ఫిర్యాదు చేసినట్టు తెలిపారు. హైకోర్టులో రిట్‌ పిటిషన్‌ ఫైల్‌ చేశామన్నారు. ఈ వ్యక్తులతో మణికంఠకు ప్రాణహాని ఉందని ఆయన చెప్పారు.

సాక్షి, అమరావతి: అర్నబ్‌ తుపాను వల్ల రైతులు తీవ్రంగా నష్టపోయినా వారిని ఆదుకోవడంలో చంద్రబాబు సర్కార్‌ తీవ్ర నిర్లక్ష్యం ప్రదర్శిస్తోందని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ధ్వజమెత్తారు. ఆర్టీజీఎస్‌లో సమీక్షల పేరుతో డ్రామా చేస్తున్న సీఎం చంద్రబాబు అబద్ధాలు ప్రచారం చేస్తూ కేవలం ఆర్భాటానికే పరిమితం అవుతున్నారని ఆగ్రహం వ్యక్తం చేశారు. ఆర్‌టీజీఎస్‌లోని సీసీ కెమెరాల ఫుటేజ్‌తో పంట నష్టం అంచనా ఎలా సాధ్యం? అని చంద్రబాబును వైఎస్‌ జగన్‌ నిలదీశారు. అర్నబ్‌ తుపాను ప్రభావిత జిల్లాల పార్టీ అధ్యక్షులతో గురువారం తాడేపల్లిలోని వైఎస్సార్‌సీపీ కేంద్ర కార్యాలయం నుంచి వీడియో కాన్ఫరెన్స్‌ నిర్వహించారు. ఆయా జిల్లాల్లో తుపాను ప్రభావం, రైతులకు కలిగిన నష్టం... ప్రజలు, రైతులను ఆదుకోవడంలో ప్రభుత్వ నిర్లక్ష్యం వివరాలు తెలుసుకున్న వైఎస్‌ జగన్‌.... పార్టీ పరంగా చేపట్టాల్సిన, చేయాల్సిన వాటిపై నాయకులకు, శ్రేణులకు దిశానిర్దేశం చేశారు. గ్రామాల్లో క్షేత్రస్థాయిలో పర్యటించి ప్రజలు, రైతులకు తోడుగా, అండగా నిలబడాలని, వారితో ఉన్నామన్న భరోసా కల్పించాలని సూచించారు. తడిసిన, రంగు మారిన ధాన్యం కొనుగోళ్లు జరిగేలా చూడాలని వైఎస్సార్‌సీపీ నాయకులు, కార్యకర్తలకు వైఎస్‌ జగన్‌ పిలుపునిచ్చారు. ఈ సందర్భంగా వైఎస్‌ జగన్‌ ఏమన్నారంటే.. వ్యవస్థలన్నీ దిగజారాయి.. అంతా డ్రామా అర్నబ్‌ తుపాను ఇంకా పూర్తిగా తగ్గలేదు. ఎక్కడా నష్టం అంచనా జరగలేదు. ఎక్కడా పూర్తిగా సహాయ కార్యక్రమాలు లేవు. విద్యుత్‌ సరఫరా కూడా పునరుద్ధరణ కాలేదు. వలంటీర్లు లేకపోవడం వల్ల గ్రామాల్లో పరిస్థితి దారుణంగా మారింది. ఆర్బీకేలు నిర్వీర్యం. ఉచిత పంటల బీమా లేదు. దీంతో వ్యవస్థలన్నీ దిగజారిపోయాయి. ఇంత జరుగుతున్నా చంద్రబాబు ఏమంటున్నారు..? సీసీ కెమెరాల ద్వారా పంట నష్టం అంచనా చేస్తున్నారంట! ఇక్కడ ఆర్టీజీఎస్‌లో కూర్చుని మానిటర్‌ చేస్తే సరిపోతుందా? మరోవైపు పంట నష్టాలపై ఇష్టానుసారం లెక్కలు చెబుతున్నారు. ఒకసారి వరి 1.70 లక్షల ఎకరాల్లోనూ, ఉద్యాన పంటలు 24 వేల ఎకరాల్లోనూ నష్టపోయాయని చెబుతారు. మళ్లీ సాయంత్రానికి ఆ లెక్కలన్నీ మారిపోతున్నాయి. ఎక్కడా సీరియస్‌నెస్‌ లేదు. నష్టాన్ని తక్కువగా చూపే యత్నం.. ప్రాథమిక సమాచారం ప్రకారం దాదాపు 12 లక్షల ఎకరాల్లో పంటలకు తీవ్ర నష్టం జరిగింది. కోనసీమ, ఉభయ గోదావరి, అనకాపల్లి జిల్లాల్లో వరి పంట నష్టం చాలా ఎక్కువగా ఉంది. వరి ఇప్పుడు పొట్టకొచ్చింది. తుపాను వల్ల పంటలు మునిగిపోగా రైతులకు చాలా నష్టం కలుగుతోంది. ఉచిత పంటల బీమా లేక నష్టం మరింత ఎక్కువైంది. ఇంకా కొబ్బరి, అరటి.. ఆక్వాకు చాలా నష్టం కలిగింది. ఏరియేటర్లు నడవక ఆక్వా పంట దెబ్బ తింది. ఇవన్నీ కళ్లెదుటే కనిపిస్తున్నా నష్టం పెద్దగా జరగలేదని ప్రచారం చేస్తున్నారు. అసలు పట్టించుకోవడం లేదు. వరి పంటలో ఎకరాకు రూ.40 వేలు, అరటిపై ఎకరాకు రూ.2 లక్షలు, ఆక్వాలో ఎకరాకు దాదాపు రూ.45 లక్షల వరకు రైతులు నష్టపోతున్నా ప్రభుత్వం చాలా తక్కువగా చూపే ప్రయత్నం చేస్తోంది. రైతులను ఆదుకోని కూటమి ప్రభుత్వం గతేడాది మొంథా తుపాను వల్ల కలిగిన నష్టానికి సంబంధించి దాదాపు రూ.600 కోట్ల ఇన్‌పుట్‌ సబ్సిడీ ఇప్పటికీ ఇవ్వలేదు. సున్నా వడ్డీ పంట రుణాలు లేవు. ఉచిత పంటల బీమా లేదు. మొన్నటిదాకా కరువు... ఇప్పుడు తుపాను. రెండింటి వల్ల రైతులకు చాలా నష్టం కలిగింది. తీవ్ర ప్రతికూల పరిస్థితుల్లో బలవన్మరణాలకు పాల్పడిన రైతుల కుటుంబాలకు ఈ కూటమి ప్రభుత్వం వచ్చిన నాటి నుంచి అంటే 2024 జూన్‌ నుంచి ఒక్క రూపాయి సాయం చేయలేదు. నాడు మన ప్రభుత్వ హయాంలో ఏదైనా సీజన్‌లో పంట నష్టం జరిగితే, ఆ తర్వాత పంటకు ఉచిత విత్తనాలు ఇచ్చాం. ఇప్పుడు అది లేదు. అన్నదాతా సుఖీభవతో మూడేళ్లలో రూ.60 వేలు ఇస్తామని చెప్పి కేవలం రూ.19 వేలు ఇచ్చి, రూ.41 వేలు బకాయి పడ్డారు. ఆర్బీకేలతో పాటు ఈ–క్రాప్‌ నిర్వీర్యం చేశారు. సిండికేట్‌గా మారి దోపిడీ..మరోవైపు కేజీ బియ్యం రూ.80 నుంచి రూ.90 వరకు ఉంది. మొత్తం సిండికేట్‌గా మారి బియ్యం ఎగుమతి చేస్తున్నారు. సీజ్‌ ది షిప్‌ అన్నారు...సీజ్‌ లేదు. షిప్‌ లేదు. నాదెండ్ల మనోహర్‌. చినబాబుకు కమీషన్లు! వ్యాపారం చేసేది పయ్యావుల కేశవ్‌ తదితరులు. కృష్ణా, గోదావరి డెల్టాలో పండించిన పంటలు చేతికి రాక ఇంకా నష్టం జరుగుతోంది. దీంతో బియ్యం ధరలు ఇంకా ఎంత పెరుగుతాయో అన్న భయం అందరిలో ఉంది. తుపాను బాధితుల చేయి పట్టుకుని నడిపించాలి మనం ప్రతి అడుగులో తుపాన్‌ బాధితులైన ప్రజలు, రైతులకు అండగా ఉండి చేయి పట్టుకుని నడిపించాల్సిన అవసరం ఉంది. మరీ ముఖ్యంగా జోన్‌–1 లో ప్రభావం చాలా ఎక్కువగా ఉంది. ప్రతి చోటా మనం ప్రజలు, రైతులకు అండగా నిలబడాలి. రంగు మారిన ధాన్యం, తడిసిన ధాన్యం కొనిపించే ప్రయత్నం చేయాలి. తుపాను వస్తే ఒక్కరూ చనిపోకూడదని అంటారు. కానీ ఇక్కడ 8 మంది చనిపోయినా చంద్రబాబు మాత్రం అంతా సవ్యంగా ఉందంటాడు. ఆర్‌టీజీఎస్‌లో కూర్చుని సీసీ కెమెరాల్లో చూసి, పంట నష్టం తెలుసుకున్నా అంటాడు. మొత్తం సహాయ కార్యక్రమాలు చూశానంటాడు. ఇంత దారుణమైన పాలన గతంలో ఎక్కడా చూడలేదు. అందుకే గ్రామాల్లో రైతులు, ప్రజలకు తోడుగా, అండగా నిలవాలి. ఈ విషయంలో పార్టీ నాయకులు, కార్యకర్తలు ప్రతి ఒక్కరూ చొరవ చూపాలి.హాజరైన పార్టీ నేతలు..వీడియో కాన్ఫరెన్స్‌లో పార్టీ స్టేట్‌ కో–ఆర్డినేటర్‌ సజ్జల రామకృష్ణారెడ్డి, రాష్ట్ర ప్రధాన కార్యదర్శి (వ్యవసాయం, రైతు సంక్షేమం) ఎంవీఎస్‌ నాగిరెడ్డి, ఎమ్మెల్సీ లేళ్ల అప్పిరెడ్డి, పార్టీ లీగల్‌సెల్‌ రాష్ట్ర అధ్యక్షుడు ఎం.మనోహర్‌రెడ్డి, పార్టీ ప్రధాన కార్యదర్శి చెవిరెడ్డి భాస్కర్‌రెడ్డి, మండలి డిప్యూటీ ఛైర్మన్‌ తూమాటి మాధవరావు తదితరులు వైఎస్సార్‌సీపీ కేంద్ర కార్యాలయం నుంచి హాజరు కాగా.. పార్టీ రీజినల్‌ కో–ఆర్డినేటర్లు వైవీ సుబ్బారెడ్డి, పెద్దిరెడ్డి రామచంద్రారెడ్డి, పీవీ మిథున్‌రెడ్డి, కురసాల కన్నబాబు, గుడివాడ అమర్‌నాథ్, బూడి ముత్యాలనాయుడు, ఆళ్ల అయోధ్యరామిరెడ్డితో పాటు పార్టీ జిల్లాల అధ్యక్షులు చిర్ల జగ్గిరెడ్డి (కోనసీమ), దాడిశెట్టి రాజా (కాకినాడ), చెల్లుబోయిన వేణుగోపాలకృష్ణ (తూర్పు గోదావరి), ముదునూరి ప్రసా­ద­రాజు (పశ్చిమ గోదావరి), బి.ప్రసాద్‌ (అనకాపల్లి), పేర్ని వెంకట్రామయ్య (నాని) (కృష్ణా), మత్స్య విశ్వేశ్వరరాజు (అల్లూరి సీతారామరాజు), పరీక్షిత్‌రాజు (పార్వతీపురం మన్యం), బెల్లాన చంద్రశేఖర్‌ (విజయనగరం), ధర్మాన కృష్ణదాస్‌ (శ్రీకాకుళం), అంబటి రాంబాబు (గుంటూరు), మేరుగు నాగార్జున (బాపట్ల), దేవినేని అవినాష్‌ (ఎన్టీఆర్‌), కెకె రాజు (విశాఖ) తదితరులు కాన్ఫరెన్స్‌లో పాల్గొన్నారు.

సాక్షి, అమరావతి: స్థానిక సంస్థల ఎన్నికల పోలింగ్‌ రోజున మరింత అప్రమత్తం అవసరమని... పోలింగ్‌ ఏజెంట్లు అత్యంత జాగ్రత్తగా వ్యవహరించాలని పార్టీ శ్రేణులకు వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి సూచించారు. ప్రతి అంశంపై పక్కా సాక్ష్యాధారాలు ఉండేలా చూడాలని.. అప్పుడే ఈ ఎన్నికలను సమర్థంగా ఎదుర్కోగలమని పార్టీ శ్రేణులకు స్పష్టం చేశారు. నామినేషన్ల పర్వంలోనే యథేచ్ఛగా రిగ్గింగ్‌ చేశారని గుర్తు చేశా­రు.ఈ ఎన్నికలను సజావుగా నిర్వహిస్తారన్న నమ్మకం లేదని, పోలింగ్‌ రోజు మరిన్ని అరాచకాలకు అవకాశం ఉందన్నారు. కాబట్టి ప్రతి అడుగులో మరింత జాగ్రత్త అవసరమని.. మనమంతా చంద్రబాబు లాంటి రాక్షసుడితో పోరాడుతున్నామన్న విష­యం మరవొద్దని పార్టీ శ్రేణులకు స్పష్టం చేశారు. స్థానిక ఎన్నికల నేపథ్యంలో గురువారం తాడేపల్లిలోని పార్టీ కేంద్ర కార్యాలయం నుంచి పార్టీ రీజినల్‌ కోఆర్డినేటర్లు, జిల్లాల అధ్యక్షులతో వైఎస్‌ జగన్‌ వీడియో కాన్ఫరెన్స్‌ నిర్వహించారు. పోలింగ్‌ రోజు తీసుకోవాల్సిన జాగ్రత్తలపై నేతలకు దిశానిర్దేశం చేశారు. ఈ సందర్భంగా వైఎస్‌ జగన్‌ ఏమన్నారంటే.. ఎప్పుడూ చూడని దారుణాలు ఇప్పుడు చూస్తున్నాం.. స్థానిక ఎన్నికలకు సంబంధించి చాలా జాగ్రత్తలు తీసుకోవాల్సిన అవసరం ఉంది. నవంబరు 1న మున్సిపల్‌ ఎన్నికలు, 5న ఎంపీటీసీ, జడ్పీటీసీ ఎన్నికలు ఉన్నాయి. స్థానిక ఎన్నికల నామినేషన్ల పర్వంలో జరిగిన ఘటనలు దృష్టిలో పెట్టుకుని కొన్ని జాగ్రత్తలు తీసుకోవాలి. గతంలో రాష్ట్రంలో ఎప్పుడూ చూడని దారుణాలు ఇప్పుడు చూశాం. నిజానికి దేశంలో కూడా ఎక్కడా ఈ స్థాయిలో అరాచకాలు జరిగి ఉండకపోవచ్చు. ఏకంగా నామినేషన్‌ కేంద్రాలను ఆక్రమించడం... ఆ దశలోనే రిగ్గింగ్‌ చేయడం... అభ్యర్థులపై దాడులు... నామినేషన్‌ పత్రాలు లాక్కుని చింపేయడం... పోలీసుల సమక్షంలోనే దాడులతో సహా అన్నీ! చివరకు ఆర్‌ఓలు కూడా అచ్చం పార్టీ నాయకుల్లా పని చేయడం... వారే సర్టిఫికెట్లు చింపేసి, నామినేషన్లు తిరస్కరించడం. కొన్నిచోట్ల ఫోర్జరీ సంతకాలు చేసి, నామినేషన్లు ఉపసంహరించుకున్నట్లు చెప్పడం. ఇంకా కొన్నిచోట్ల ఏకంగా బీ–ఫామ్స్‌ కూడా చింపేశారు. ఇక అధికార పార్టీ వాళ్లు కొన్నిచోట్ల ఓసీలకు బీసీ సర్టిఫికెట్లు ఇచ్చి పోటీలో నిలిపారు. ఇంత దౌర్భాగ్యంగా ఏ ఎన్నికల్లోనూ, దేశంలో ఎక్కడా జరిగి ఉండకపోవచ్చు. ఇన్నిన్ని అరాచకాలు, దౌర్జన్యాలు చేసి మళ్లీ నిస్సిగ్గుగా ఏకగ్రీవంగా ఎన్నికైనట్లు ప్రచారం చేసుకుంటున్నారు. అందుకే ఇంత దారుణమైన పరిస్థితి ఉన్నప్పుడు కొన్ని జాగ్రత్తలు తీసుకోవాలి. నామినేషన్‌ ఒక హక్కు.. ఓటు మరో హక్కు ఎన్నికల్లో నామినేషన్ల పర్వం.. ఆ తర్వాత పోలింగ్‌ రెండూ ముఖ్యం. నామినేషన్‌ ఒక హక్కు అయితే, ఓటు మరో హక్కు. కానీ ఇప్పుడు రాష్ట్రంలో అధికార పార్టీ, ఆ పార్టీకి నిత్యం జాకీలు పెట్టి ఎత్తే ఎల్లో మీడియా ఒక మాఫియాలా మారాయి. ఇష్టానుసారం దౌర్జన్యాలు. అరాచకాలు చేస్తున్నారు. ఇప్పటికే భూములు నిషేధిత జాబితా 22–ఏలో పెట్టి లాక్కుంటున్నారు. ఇదే పరిస్థితి కొనసాగితే రేపు ఆస్తుల పేపర్లు కూడా లాక్కుని, అవి తమవే అని చెప్పుకుంటారు. కాబట్టి అంతా జాగ్రత్త పడాల్సిన అవసరం ఉంది. పోలింగ్‌ ఏజెంట్లు మరింత అప్రమత్తం.. చంద్రబాబు పోలీసులను స్వప్రయోజనాల కోసం వాడుకుంటున్నారు. ఇంకా చెప్పాలంటే ఎన్నికల రిటర్నింగ్‌ అధికారులు, పోలీసులు, మొత్తం వ్యవస్థ చంద్రబాబు నియంత్రణలో ఉంటున్నాయి. కాబట్టి, నవంబరు 1న జరిగే మున్సిపల్‌ ఎన్నికలు, ఆ తర్వాత 5న జరిగే ఎంపీటీసీ, జడ్పీటీసీ ఎన్నికల ప్రక్రియలో జాగ్రత్తలు తీసుకోవాలి. పోలింగ్‌ బూత్‌ల్లో కూర్చునే ఏజెంట్లు కచ్చితంగా ప్రతి ఓటును ప్రశ్నించాలి. ఎక్కడ సందేహం ఉన్నా.. ఎలా స్పందించాలి? ఎలా ఫిర్యాదు చేయాలి? అనేది తెలుసుకోండి. వీలుంటే ప్రతిదీ వీడియో తీయాలి. ప్రతి అంశానికి పక్కా ఆధారాలు ఉండేలా చూడాలి.పోలింగ్‌ రోజు అరాచకాలకు అవకాశం కాబట్టి ప్రతి దానిపై పక్కా ఆధారాలుండాలినామినేషన్ల పర్వంలోనే ఇన్ని అరాచకాలు చేసిన చంద్రబాబు రేపు పోలింగ్‌ రోజు ఇంకా ఎక్కువ అరాచకాలు చేయొచ్చు. చివరకు బ్యాలెట్‌ బాక్సుల రూమ్‌లనూ ఏదైనా చేయొచ్చు. అందుకే పోలింగ్‌ బూత్‌ల్లోకి ఏజెంట్లను పంపకపోతే ఎలా ఎదుర్కోవాలి? అనేది తెలుసుకోండి. ప్రతిదీ వీడియో తీయండి. మీరు అక్కడికి పోయే ముందే ఆ ఎంట్రీ లెటర్‌ను వీడియో తీయాలి. ఎందుకంటే.. మీరు అక్కడికి పోయే దోవలో మొన్న నామినేషన్ల మాదిరిగా, వాటిని కూడా లాక్కుని చింపే అవకాశం ఉంది. ఎక్కడ, ఏ అన్యాయం, అరాచకం జరిగినా వీడియో ఆధారాలు చాలా ముఖ్యం. సుప్రీంకోర్టు చెప్పినా, మనం ఎన్నిసార్లు కోరినా.. సీసీ కెమెరాలు పెట్టడంలో రాష్ట్ర ఎన్నికల కమిషన్‌ (ఎస్‌ఈసీ) ఏ మాత్రం చొరవ చూపడం లేదు. కాబట్టి, మనం అప్రమత్తంగా ఉండాలి.పార్టీ నేతల మధ్య సమన్వయం ఇలా.. పార్టీ జిల్లా అధ్యక్షుడు ప్రతిరోజూ రెండుసార్లు అసెంబ్లీ కో–ఆర్డినేటర్లతో మాట్లాడాలి. అలాగే ఎప్పటికప్పుడు పార్టీ కేంద్ర కార్యాలయంతో టచ్‌లో ఉండాలి. అవసరం అయితే లీగల్‌ సెల్‌ సహాయం తీసుకోవాలి. పార్టీ జిల్లా అధ్యక్షులు, రీజినల్‌ కోఆర్డినేటర్లు, అసెంబ్లీ, పార్లమెంటరీ నియోజకవర్గాల ఇన్‌ఛార్జ్‌లు పూర్తి సమన్వయంతో పని చేయాలి. ఎందుకంటే నామినేషన్ల పర్వంలోనే ఎన్నో అరాచకాలు చేశారు. రేపు అవి ఇంకా కొనసాగుతాయి. కాబట్టి, ఏ పరిస్థితిని అయినా ఎదుర్కోవడానికి నియోజకవర్గం ఇన్‌ఛార్జ్‌లు సిద్ధంగా ఉండాలి.ఈ ఎన్నికల్లో వీరే పార్టీ దళపతులు..ఈ స్థానిక ఎన్నికల్లో పార్టీ జిల్లాల అధ్యక్షులు, రీజినల్‌ కోఆర్డినేటర్లు దళపతులు. వారు అసెంబ్లీ, పార్లమెంటరీ నియోజకవర్గాల ఇన్‌ఛార్జ్‌లతో మమేకమై పని చేసుకోవాలి. ఎందుకంటే.. చంద్రబాబు లాంటి ఒక రాక్షసుడితో మనం యుద్దం చేస్తున్నాం. ఇది ఏ మాత్రం ఫెయిర్‌గా ఉండదు కాబట్టి మనం చాలా జాగ్రత్తగా ఉండాలి. ప్రతిది రికార్డు చేయడానికి ప్రయత్నించాలి. అప్పుడే మనకు పక్కాగా సాక్ష్యాలు, ఆధారాలు ఉంటాయి. నామినేషన్ల పర్వంలో ఉన్న సాక్ష్యాధారాలు ఇప్పుడు కూడా అవసరమైతే వినియోగించాలి. చంద్రబాబు ప్రభుత్వం ప్రతిదీ బుల్డోజ్‌ చేస్తుంది. కాబట్టి చాలా అలర్ట్‌గా ఉండండి. మీరు మీ జిల్లాల్లో చేసే ఫిర్యాదులన్నీ ఇక్కడికి కూడా పంపండి. ఇక్కడి నాయకులు వాటిని ఎస్‌ఈసీకి కూడా ఇస్తారు. ఇలా ప్రతి చోటా అప్రమత్తంగా ఉండి పని చేయాల్సిన అవసరం ఉంది. హాజరైన పార్టీ నేతలు.. పార్టీ స్టేట్‌ కోఆర్డినేటర్‌ సజ్జల రామకృష్ణారెడ్డి, రాష్ట్ర ప్రధాన కార్యదర్శి (వ్యవసాయం, రైతు సంక్షేమం) ఎంవీఎస్‌ నాగిరెడ్డి, ఎమ్మెల్సీ లేళ్ల అప్పిరెడ్డి, పార్టీ లీగల్‌సెల్‌ రాష్ట్ర అధ్యక్షుడు ఎం.మనోహర్‌రెడ్డి, పార్టీ ప్రధాన కార్యదర్శి చెవిరెడ్డి భాస్కర్‌రెడ్డి, మండలి డిప్యూటీ ఛైర్మన్‌ తూమాటి మాధవరావు తదితరులు వైఎస్సార్‌సీపీ కేంద్ర కార్యాలయం నుంచి హాజరు కాగా.. పార్టీ రీజినల్‌ కోఆర్డినేటర్లు వైవీ సుబ్బారెడ్డి, పెద్దిరెడ్డి రామచంద్రారెడ్డి, పీవీ మిథున్‌రెడ్డి, కురసాల కన్నబాబు. గుడివాడ అమర్‌నాథ్, బూడి ముత్యాలనాయుడు. ఆళ్ల అయోధ్యరామిరెడ్డితో పాటు పార్టీ అన్ని జిల్లాల అధ్యక్షులు వీడియో కాన్ఫరెన్స్‌లో పాల్గొన్నారు.

విజయవాడ: తాను చేయనిది చేశానంటూ నిత్యం అబద్ధాలు వల్లెవేసే చంద్రబాబు.. మరో అబద్ధాన్ని కూడా అలవోకగా నమ్మించే యత్నం చేశారు. గతేడాది వచ్చిన మొంధా తుపాన్‌కు నష్ట పరిహారం ఇవ్వకుండానే ఇచ్చేశామంటూ అబద్ధం చెప్పేశారు. అది కూడా అర్నబ్‌ తుపాన్‌ సాక్షిగా ఆయన అబద్ధం ఆడేశారు. గతేడాది తుపాన్‌ నష్ట పరిహారం ఇవ్వలేదని బాధితులకు తెలిసినా వారినే బురిడీ కొట్టించే యత్నం చేశారు. మొంధా తుపాన్‌ కారణంగా ఒక్క రూపాయి పరిహారం ఇవ్వకుండా రైతులకు ఎగనామం పెట్టిన చంద్రబాబు.. తాజాగా అర్నబ్‌ తుపాన్‌ ప్రభావిత ప్రాంతాల్లో పర్యటించిన సందర్భంలో ‘మొంధా తుపాన్‌ పరిహారం ఇచ్చేశాం’ అనే వ్యాఖ్యలు చేశారు. ఇది విన్న బాధితులు.. ‘పరిహారం ఎప్పుడు వచ్చింది.. ఎక్కడ వచ్చింది?’ అని ముక్కున వేలేసుకుంటున్నారు. ఇదే విషయాన్ని మీడియా ప్రశ్నించగా, ‘ఇచ్చేశాం’ అంటూ మేకపోతు గాంభీర్యాన్ని ప్రదర్శించారు చంద్రబాబు. అదే సమయంలో ఏవో లెక్కలు కూడా చెప్పేశారు. కేవలం జీవోలకు మాత్రమే పరిమితమైన నష్ట పరిహారాన్ని, బాధితుల ఖాతాలో వేసే యత్నం చేశారు. గతేడేది ఇవే రోజుల్లో వచ్చిన మొంధా తుపాన్‌ కారణంగాగా రూ. 411 కోట్ల నష్టం వాటిల్లినట్లు అప్పట్లో ప్రభుత్వం ప్రకటించింది. అయితే బాధిత అన్నదాతలకు మాత్రం పరిహారం ఇప్పటికీ అందలేదు. ఏడాదైనా రైతులకు పరిహారం ఇవ్వకుండా ఎగ్గొట్టే యత్నం చేస్తున్నారు. ఇప్పుడు ఆ పరిహారం ఇచ్చేశామని చంద్రబాబు చెబుతుండటంపై బాధితులు మండిపడుతున్నారు. ఆ పరిహారం ఎలాగూ రాలేదు.. ఇప్పుడైనా వస్తుందో.. లేదో అనే ఆందోళనలో ఉన్నారు.ఇదీ చదవండి: సైకిల్‌ను తుక్కు తుక్కుగా ఓడించాలి: ఆర్కే రోజా

సాక్షి,తాడేపల్లి: అర్నబ్‌ తుపాన్‌ బాధిత ప్రాంతాల్లో ప్రజలకు తోడుగా నిలవాలని పార్టీ శ్రేణులకు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి పిలుపునిచ్చారు. గురువారం తాడేపల్లి వైఎస్సార్‌సీపీ కేంద్ర కార్యాలయంలో పార్టీ నేతలతో వైఎస్‌ జగన్‌ వీడియో కాన్ఫరెన్స్‌ నిర్వహించారు. వీడియో కాన్ఫరెన్స్‌లో పార్టీ జిల్లా అధ్యక్షులు, రీజనల్‌ కో-ఆర్టినేటర్లు పాల్గొన్నారు.ఈ సందర్భంగా వైఎస్‌ జగన్‌ మాట్లాడుతూ..‘గ్రామ, వార్డు సచివాలయాల నిర్వీర్యం, వాలంటీర్ల వ్యవస్థ రద్దు తుపాను సహాయక చర్యలపై ప్రస్పుటంగా కనిపించింది. విపత్తులను ఆదాయ వనరుగా మార్చుకోవాలనుకుంటున్నారు. ఇప్పటికే బియ్యం ధరలు ఆకాశాన్ని అంటుతున్నాయి. సోనా మసూరి బియ్యం కేజీ రూ.90 దాటిందిమంత్రి పయ్యావుల వియ్యంకుడు సహా టీడీపీ నేతలు బియ్యాన్ని మార్కెట్లోకి రానీయకుండా బ్లాక్‌చేసి, ఎక్స్‌పోర్టు చేస్తున్నారు. విపత్కర పరిస్థితుల్లోనూ బియ్యం మాఫియాను ప్రోత్సహిస్తున్నారు. తుపాను కారణంగా వరి, ఆక్వా, పండ్ల తోటలు బాగా దెబ్బతిన్నాయి. తుపాను బాధిత ప్రాంతాల్లో ప్రజలకు తోడుగా నిలవండి. ధాన్యం సేకరణ సమయంలోనూ రైతులకు మద్దతుగా నిలవండి. ప్రతి గింజనూ ప్రభుత్వం సేకరించేలా ఒత్తిడి తేవాలని’ వైఎస్‌ జగన్‌ స్పష్టం చేశారు. ఇదీ చదవండి : నేడు వైఎస్సార్‌సీపీ నేతలతో వైఎస్‌ జగన్‌ వీడియో కాన్ఫరెన్స్‌

సాక్షి, తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఇవాళ(గురువారం) సాయంత్రం నాలుగు గంటలకు పార్టీ జిల్లా అధ్యక్షులు, పార్టీ రీజినల్‌ కో-ఆర్డినేటర్లతో వీడియో కాన్ఫరెన్స్‌ నిర్వహించనున్నారు. తుపాను అనంతర పరిస్థితులు, స్థానిక సంస్థ ఎన్నికల అంశాలపై చర్చించనున్నారు. స్థానిక ఎన్నికలపై జిల్లా అధ్యక్షులకు దిశానిర్దేశం చేయనున్నారు.​కాగా, వైఎస్‌ జగన్‌ పులివెందుల పర్యటన ముగిసింది. రెండు రోజుల(మంగళ,బుధ) పర్యటనలో భాగంగా తొలిరోజు మంగళవారం ఉదయం పులివెందులలోని వైఎస్సార్‌ ఆడిటోరియంలో పులివెందుల నియోజకవర్గ పార్టీ నాయకులు, కార్యకర్తలతో సమావేశం నిర్వహించారు. ఈ సందర్భంగా ఆయన స్థానిక సంస్థల ఎన్నికల సందర్భంగా రాష్ట్రంలో కూటమి ప్రభుత్వం చేస్తున్న ఆరాచకాలను తూర్పారబట్టారు. ఈ నేపథ్యంలో వైఎస్‌ జగన్‌మోహన్‌రెడ్డి చేసిన ప్రసంగం ఆకట్టుకుంది. టీడీపీ నేతలకు ఆయన విసిరిన సవాల్‌ రాష్ట్ర వ్యాప్తంగా వైఎస్సార్‌సీపీ కేడర్‌లో ఉత్సాహాన్ని నింపింది. బుధవారం ఉదయం పులివెందుల నుంచి బెంగుళూరుకు బయలుదేరుతున్న వైఎస్‌ జగన్‌మోహన్‌రెడ్డిని పులివెందుల పట్టణం నగరిగుట్టకు చెందిన గండికోట పవన్‌కుమార్‌ కలిశారు. ఈనెల 17న పులివెందుల మున్సిపల్‌ ఎన్నికల నామినేషన్‌ సందర్భంగా పోలీసులు వైఎస్సార్‌సీపీ నాయకులు, కార్యకర్తలపై జరిపిన లాఠీఛార్జి, భాష్పవాయువు, రబ్బర్‌ బుల్లెట్లు, ఏకే 47 కాల్పులలో పవన్‌కుమార్‌ కాలికి తీవ్ర గాయమైంది. ఈ నేపథ్యంలో పవన్‌కుమార్‌ వైఎస్‌ జగన్‌మోహన్‌రెడ్డిని కలిసి తనకు తగిలిన గాయం గురించి వైఎస్‌ జగన్‌కు వివరించారు. స్పందించిన ఆయన ధైర్యంగా ఉండాలని ఎలాంటి ఆందోళన చెందవద్దని, అండగా ఉంటామని భరోసా ఇచ్చారు.ఇదీ చదవండి: అమ్ముడుపోయిన అధికారం!

అర్నబ్‌ అతి తీవ్ర తుపాను కోస్తా జిల్లాలను అతలాకుతలం చేసింది. పెను గాలులతో భారీ వృక్షాలు నేలకొరిగాయి. చాలా ప్రాంతాల్లో విద్యుత్ స్తంభాలు కూలిపోయాయి. వివిధ ప్రాంతాల్లో 8 మంది మృతి చెందారు. నిన్న రాత్రి వరకూ గాలివాన కొనసాగింది. అన్నదాతలకు అర్నబ్. అపార నష్టాన్ని మిగిల్చింది. కోనసీమ, గోదావరి జిల్లాల్లో భారీగా పంట నష్టం కలిగింది. ఇవాళ కూడా(గురువారం) అక్కడక్కడా భారీ వర్షాలు కురిసే అవకాశం ఉందని వాతావరణ శాఖ వెల్లడించింది.ఏపీ తీరానికి పొంచిఉన్న మరో ముప్పు..దక్షిణ అండమాన్ సముద్రంలో అల్పపీడనం..పశ్చిమ వాయువ్య దిశగా కదులుతూ బలపడే అవకాశంరేపటికి వాయుగుండంగా బలపడే ఛాన్స్..తీవ్ర వాయుగుండంగా బలపడుతుందని అంచనా వేస్తున్న అధికారులుఉగ్రరూపం దాల్చిన బహుదా నదిశ్రీకాకుళం జిల్లా ఇచ్చాపురంలో అర్నబ్ తుఫాను బీభత్సంఉగ్రరూపం దాల్చిన బహుదా నది.. భారీగా పోటెత్తిన వరద నీరుబహుదా నది వరద ప్రవాహంతో పరివాహక ప్రాంతాలు పూర్తిగా జలదిగ్బంధంరత్తకన్న, లోద్దపుట్టి, జగన్నాధపురం, మసాఖపురం, బెళ్ళుపడ ప్రాంతాలు జలమయంవరదలతో బాహ్య ప్రపంచంతో తెగిపోయిన సంబంధాలు.. ప్రజలు తీవ్ర ఇబ్బందులువేల ఎకరాల్లో నీట మునిగిన పంటపొలాలు.. అన్న‌దాత‌ క‌న్నీళ్లుబలహీనపడిన అర్నబ్ తుపానుభూభాగంపై తీవ్ర వాయుగుండంగా కొనసాగుతున్న అర్నబ్..నేడు పలు జిల్లాలకు భారీ వర్ష సూచనశ్రీకాకుళం, మన్యం, విజయనగరం, అల్లూరి జిల్లాలకు ఎల్లో అలర్ట్‌తీరం వెంబడి కొనసాగుతున్న ఈదురు గాలులుఅర్నబ్ తుపాను బీభత్సానికి భారీగా కూలిన చెట్లుఎక్కడికక్కడ కూలిపోయిన విద్యుత్ స్తంభాలువిద్యుత్ సరఫరాకు తీవ్ర అంతరాయంరైతులకు అపార నష్టాన్ని మిగిల్చిన అర్నబ్కోస్తా జిల్లాల్లో భారీగా పంట నష్టం..ప్లాష్‌ ఫ్లడ్‌ హెచ్చరికఏపీలో నవంబర్‌ 5 వరకు విస్తారంగా వర్షాలుఏపీలో మూడు జిల్లాలకు భారీ వర్ష సూచనశ్రీకాకుళం, మన్యం, విజయనగరం జిల్లాల్లో భారీ వర్షాలుగంటకు 50 కి.మీ వేగంతో ఈదురుగాలులు వీచే ఛాన్స్‌ప్లాష్‌ ఫ్లడ్‌ వచ్చే అవకాశం ఉందని హెచ్చరికబంగాళాఖాతంలో మరో అల్పపీడనం..?ఈ నెల 31న అల్పపీడనం ఏర్పడే అవకాశం ఉత్తరాంధ్రలో భారీ వర్షాలుతుపాను తీరం దాటినా తొలగని ముప్పు..గురువారం కూడా ఉత్తరాంధ్రలోని మూడు జిల్లాల్లో భారీ వర్షాలు: ఐఎండీకాకినాడ, మచిలీపట్నం పోర్టుల్లో 10వ నంబర్విశాఖ, గంగవరం, భీమునిపట్నం పోర్టుల్లో 9వ నంబర్‌ ప్రమాద హెచ్చరికలు రాజమండ్రిలో అర్నాబ్ విధ్వంసం​ఏకధాటిగా ఈదురు గాలులతో కురిసిన వర్షంలోతట్టు ప్రాంతాలు జలమయంమరి ప్రాంతాల్లో విద్యుత్ సరఫరా నిలిపివేతకోనసీమలో మూడో రోజు కూడా సరఫరా కాని విద్యుత్తూర్పుగోదావరి కోనసీమ జిల్లాల్లో భారీగా పంట నష్టంలక్ష 18 ఎకరాల్లో వరి డ్యామేజ్ జరిగినట్టు ప్రాథమిక అంచనాకాకినాడ జిల్లా:జిల్లా వ్యాప్తంగా 7 మండలాల్లో 29 గ్రామాల్లో తుపాన్‌ ప్రభావానికి గురైన 21,522 మందిభారీ వర్షాలు, ఈదురు గాలులకు 78 ఇళ్లు ధ్వంసంవేటకు వెళ్లి సముద్రంలో ముగ్గురు మత్స్యకారుల గల్లంతు68 బోట్లు, అందులో వలలను కోల్పోయిన మత్స్యకారులుఈదురు గాలులకు విద్యుత్ వ్యవస్ధ చిన్నాభిన్నం3 సబ్ స్టేషన్‌లో 14 ఫీడర్లు దెబ్బతినడం.. విద్యుత్ స్తంభాలు నేలకొరగడంతో 32 గంటల పాటు అంధకారంలో పలు గ్రామాలుమూడో రోజు కూడా విద్యా సంస్థలకు సెలవు ప్రకటించిన కలెక్టర్ హరేంధర్ ప్రసాద్నరసాపురం వద్ద 6 గంటల పాటు ల్యాండ్‌ఫాల్‌150 కిలోమీటర్ల వేగంతో ప్రచండగాలులు గోపాలపట్నంలో ఏకంగా 31.6 సెంటీమీటర్ల వర్షంవిజయనగరం జిల్లా కొత్తవలసలో 30.6 సెంటీమీటర్ల వర్షం108 చోట్ల 20 సెంటీమీటర్లకుపైగా వర్షపాతం నేలకొరిగిన వేలాది వృక్షాలు, విద్యుత్‌ స్తంభాలుఉప్పాడలో విధ్వంసం.. తీరంలో రోడ్డుపైకి కొట్టుకొచ్చిన బండరాళ్లు లక్షలాది ఎకరాల్లో నీట మునిగిన వరి, అరటి, ఇతర పంటలురైతుల ఆశలు అడియాశలు చేసిన తుపానుశ్రీకాకుళం జిల్లా వజ్రపుకొత్తూరు మండలంలోని 10 పునరావాస శిబిరాల్లో భోజనం నిల్‌

సాక్షి, అమరావతి : తన మంత్రి పదవిని కాపాడుకోవడం కోసం.. సీఎం చంద్రబాబు, మంత్రి లోకేశ్‌ల ఆశీస్సుల కోసం మంత్రి మండిపల్లి రాంప్రసాద్‌రెడ్డి బరితెగించి వ్యవహరిస్తుండటం సర్వత్రా తీవ్ర చర్చనీయాంశంగా మారింది. రౌడీయిజంతో ప్రతిపక్ష వైఎస్సార్‌సీపీ నేతలపై వరుస దాడులతో చెలరేగిపోతున్న ఆయన వ్యవహారం అటు టీడీపీలోనూ కలకలం రేపుతోంది. ఈ క్రమంలో నవంబర్‌ 1వ తేదీన జరగనున్న మున్సిపల్‌ ఎన్నికల్లో ఈ దఫా మదనపల్లెపై ఆయన కన్ను పడినట్లు సమాచారం. తెలుగుదేశం పార్టీ ఆవిర్భావం నుంచి కూడా ఈ మున్సిపాలిటీలో ప్రజల ఓట్లతో ఆ పార్టీ నేరుగా గెలిచిన చరిత్ర లేదు. ఈ నేపథ్యంలో దౌర్జన్యం, అరాచకం, అల్లర్లు సృష్టించి ఎలాగైనా సరే అడ్డదారిలో మదనపల్లెలో విజయం సాధించడానికి పక్కా కుతంత్రం రూపొందించినట్లు తెలుస్తోంది. 48 వార్డులున్న మదనపల్లె మున్సిపాలిటీలో 47 వార్డుల్లో వైఎస్సార్‌సీపీ పోటీలో నిలిచింది. బలమైన బీసీ అభ్యర్థి జింకా చలపతిని చైర్‌పర్సన్‌ అభ్యరి్థగా రంగంలో నిలిపింది. వైఎస్సార్‌సీపీకి బలమైన ఓటు బ్యాంకు ఉన్న మదనపల్లె పట్టణంలో మామూలుగా అయితే టీడీపీ విజయం సాధించడం అసాధ్యమని స్థానికులు, విశ్లేషకులు బల్లగుద్ది చెబుతున్నారు. అందువల్ల ప్రజలను భయభ్రాంతులకు గురిచేసేలా అల్లర్లు సృష్టించి.. ఓటింగ్‌ శాతం పెరగకుండా చేసి.. ఆపై పోలింగ్‌ బూత్‌లను క్యాప్చర్‌ చేసి.. రిగ్గింగ్‌ చేసేలా సదరు మంత్రి పక్కా స్కెచ్‌ వేసినట్లు విశ్వసనీయ సమాచారం. ఇందులో భాగంగా ఒక్కో వార్డులో కొంత మంది రౌడీలు తిష్ట వేసి, గొడవలు సృష్టించే ఎత్తుగడ రూపొందించినట్లు తెలిసింది. రాయచోటి, ఇతర ప్రాంతాలకు చెందిన రౌడీ మూకలు, కిరాయి మూకలకు ఈ బాధ్యత అప్పగించినట్లు సమాచారం. బలమైన మదనపల్లెలో గెలిపించి చంద్రబాబు, లోకేశ్‌లకు కానుకగా ఇస్తానని సదరు అమాత్యుడు తన సన్నిహితుల వద్ద చాలెంజ్‌ చేసినట్లు టీడీపీ నాయకుడొకరు తెలిపారు. ఈ క్రమంలో ఆరోజు మదనపల్లెలో ఎందాకైనా బరితెగించి వెళ్లడానికి టీడీపీ మూకలు సిద్ధమవుతున్నట్లు తెలుస్తోంది. ఆది నుంచీ ఇంతే..మంత్రి మండిపల్లి తీరు మొదటి నుంచీ వివాదాస్పదమేనని అందరికీ తెలిసిందే. ఇటీవల రాయచోటిలో సైతం మున్సిపాలిటీకి వైఎస్సార్‌సీపీ అభ్యర్థులు నామినేషన్లు వేయకుండా తన రౌడీ మూకల ద్వారా అడ్డగించారు. ఏకంగా వైఎస్సార్‌ కాంగ్రెస్‌ పార్టీ కార్యాలయంపై దాడికి వుసిగొల్పారు. ఫలితంగా పెద్ద సంఖ్యలో రౌడీ మూకలు పార్టీ కార్యాలయంలోకి చొచ్చుకొచ్చి తలుపులపై పెట్రోల్‌ పోసి అంటించడం తెలిసిందే. అంతటితో ఆగకుండా బయట నిలిపి ఉన్న ఏడు వాహనాలపై పెట్రోల్‌ పోసి అంటించడం రాష్ట్ర వ్యాప్తంగా టీడీపీ దాషీ్టకాన్ని కళ్లకు కట్టింది. గతంలో అన్నమయ్య జిల్లా ఒంటిమిట్ట జెడ్పీటీసీ ఉప ఎన్నికలో సైతం మంత్రి మండిపల్లి స్వయంగా దౌర్జన్యానికి పాల్పడటం విస్తుగొలిపింది. గత ఏడాది ఆగస్టు 12న ఒంటిమిట్ట జెడ్పీ హైసూ్కల్‌లోని బూత్‌లోకి ప్రవేశించిన మంత్రి గట్టిగా కేకలు వేస్తూ.. వైఎస్సార్‌సీపీ ఏజెంట్‌ను బయటికి పంపించేశారు. మంత్రి అనుచరులు, టీడీపీ ఏజెంట్లను మాత్రమే కూర్చోబెట్టారు. ఆ తర్వాత చిన్నకొత్తపల్లె గ్రామంలోకి 300 మందితో వచ్చి రిగ్గింగ్‌కు పాల్పడ్డారు. అడ్డుకోబోయిన వైఎస్సార్‌సీపీ కార్యకర్తలపై దాడి చేయించారు. మండలంలోని 30 కేంద్రాల్లో మంత్రి సమక్షంలో ఆయ అనుచరులు దగ్గరుండి దొంగ ఓట్లు వేసుకున్నారు. సీఎం చంద్రబాబు, మంత్రి లోకేశ్‌లు వెన్నుతట్టి ప్రోత్సహిస్తుండటం వల్లే మండిపల్లి ఇలా పేట్రేగిపోతున్నారని సర్వత్రా విమర్శలు వెల్లువెత్తుతున్నాయి. వాస్తవానికి ఇంతగా రెచి్చపోతున్న సదరు మంత్రిని పోలింగ్‌ రోజున గృహ నిర్బంధం చేయాలని ప్రజలు కోరుతున్నారు. ఎలాంటి గొడవలకు పాల్పడని వైఎస్సార్‌సీపీ నేతలను గృహ నిర్బంధాలు చేయడం మానేసి.. గతంలో చోటుచేసుకున్న ఘటనలను దృష్టిలో ఉంచుకుని మంత్రి మండిపల్లిని ముందస్తుగా పోలీసుల అదుపులో ఉంచి హౌస్‌ అరెస్ట్‌ చేసేలా ఎస్‌ఈసీ.. తగు ఆదేశాలు ఇవ్వాలని విజ్ఞప్తి చేస్తున్నారు.

సాక్షి, అమరావతి: సముద్రంలో వేగంగా ప్రయాణిస్తూ తీరం వైపు దూసుకొచ్చిన అర్నబ్‌ తుపాను.. తీరానికి చేరాక పూర్తిగా నెమ్మదించింది. మంగళవారం పగలంతా గంటకు 17 నుంచి 20 కిలోమీటర్ల వేగంతో కదిలిన తుపాను, బుధవారం తెల్లవారుజామున నరసాపురం వద్ద భూమిని తాకే సమయానికి గంటకు 3 కిలోమీటర్ల వేగానికి పడిపోయింది. దీంతో రెండు గంటల్లో ముగుస్తుందనుకున్న తీరం దాటే ప్రక్రియ ఆరు గంటలపాటు సాగింది.ఆ సమయంలో గోదావరి జిల్లాల్లో పెనుగాలులు, ఉ9త్తరాంధ్రలో కుండపోత వర్షం కురిసింది. అర్నబ్‌ ఈ నెల 23న తూర్పు మధ్య బంగాళాఖాతంలో అల్పపీడనంగా ఏర్పడింది. 24న వాయు గుండంగా, 25న తీవ్ర వాయుగుండంగా బలపడింది. 26 తెల్లవారుజామున తుపానుగా మారాక ఒక్కసారిగా ఉగ్రరూపం దాల్చింది.అదే రోజు సాయంత్రానికి తీవ్ర తుపానుగా, అర్ధరాత్రికి అతి తీవ్ర తుపానుగా మారింది. 24 గంటల్లోనే తుపాను కేంద్రం వద్ద గాలి వేగం దాదాపు రెట్టింపైంది. ఇలా అతి తక్కువ సమయంలో బలపడటాన్ని వాతావరణశాస్త్రంలో ‘రాపిడ్‌ ఇంటెన్సిఫికేషన్‌గా చెబుతారు. మంగళవారం పగలు తుపాను కేంద్రం వద్ద గంటకు 150 కిలోమీటర్లకు పైగా వేగంతో గాలులు వీచాయి.తీరం వద్ద నెమ్మదించి..మంగళవారం ఉదయం కాకినాడకు 180 కిలోమీటర్ల దూరంలో ఉన్న తుపాను, రాత్రికల్లా 70 కిలోమీటర్లకు చేరువైంది. తుపాను వేగం పెరగడంతో బుధవారం మధ్యాహ్నంలోపు తీరం దాటుతుందన్న అంచనాను వాతావరణ శాఖ మార్చుకుని.. తెల్లవారుజామునే తీరం దాటుతుందని ప్రకటించింది. తెల్లవారుజాము 2 గంటలకు తీరాన్ని తాకడం మొదలుపెట్టినా, అక్కడికి వచ్చాక దాని వేగం పూర్తిగా తగ్గిపోయింది.తీరానికి చేరువయ్యాక సముద్రం నుంచి తేమ, వేడి అందక పోవడం, భూమిపై ఘర్షణ పెరగడం, తుపానును ముందుకు నెట్టే పైస్థాయి గాలులు బలహీన పడటంతో వేగం తగ్గిందని వాతావరణ శాఖ నిపుణులు తెలిపారు. యానాం సమీపంలో తీరం దాటుతుందని అంచనా వేసినా, అంతకంటే కొంచెం దక్షిణంగా యానాంకు 40 కిలోమీటర్ల దూరంలో నరసాపురం వద్ద భూమిని తాకింది. ఉదయం 8 గంటలకు గానీ తుపాను కేంద్రం పూర్తిగా భూభాగంపైకి రాలేదు. దీంతో తీర ప్రాంతాలు ఎక్కువసేపు గాలులు, వర్షం బారిన పడ్డాయి.తీరం దాటింది ఒకచోట.. కుండపోత మరోచోటతుపాను తీరం దాటిన నరసాపురంలో 3.3 సెంటీమీటర్ల వర్షమే కురిసింది. కానీ 200 కిలోమీటర్ల దూరంలోని విశాఖ పరిసరాల్లో అనేక చోట్ల 20 నుంచి 31 సెంటీమీటర్ల వర్షం పడింది. ఉత్తరాంధ్రలో వందకు పైగా ప్రాంతాల్లో 20 సెంటీమీటర్లకు మించి వర్షపాతం నమోదైంది. బంగాళాఖాతంలో తుపాను గాలులు అపసవ్య దిశలో తిరుగుతాయి. దాంతో తుపాను ఉత్తర భాగంలోని గాలులు సముద్రం నుంచి తేమను తీసుకొచ్చి ఉత్తరాంధ్ర తీరాన్ని తాకాయి. ఇవి సింహాచలం కొండలు, తూర్పు కనుమలను ఢీకొని పైకి లేచి, చల్లబడి భారీ వర్షంగా కురిశాయి. అందుకే అత్యధిక వర్షపాతం సింహాచలం కొండల పరిసరాల్లోనే నమోదైంది. తుపాను దక్షిణ భాగంలో భూమి మీది నుంచి పొడి గాలులు వీయడంతో బాపట్ల, ప్రకాశం జిల్లాల వైపు వర్షం తక్కువగా పడింది.హుద్‌హుద్‌లోనూ ఇలాగే..తుపాను ఎక్కడ తీరం దాటినా ఉత్తరాంధ్ర కొండ ప్రాంతాల్లోనే అత్యధిక వర్షం కురవడం గతంలోనూ జరిగింది. 2014లో హుద్‌హుద్‌ విశాఖ వద్ద తీరం దాటిన సమయంలో విజయనగరం జిల్లా గంట్యాడలో ఒక్క రోజులో 38 సెంటీమీటర్ల వర్షం కురిసింది. 2021లో గులాబ్‌ తుపాను సమయంలో విశాఖలో 30 ఏళ్లలో ఎన్నడూ లేనంత వర్షం పడింది. ఈసారి అర్నబ్‌ 200 కిలోమీటర్ల దక్షిణాన తీరం దాటినా, భారీ వర్షం అవే కొండ ప్రాంతాల్లో కురిసింది. ఒక్కచోట నమోదైన గరిష్ట వర్షపాతం ఆ రెండు తుపాన్ల కంటే తక్కువే అయినా, అర్నబ్‌ వల్ల ఒకేరోజు వందకు పైగా ప్రాంతాల్లో అతి భారీ వర్షం కురిసింది.ఏడాది తేడాతో ఒకే చోటసరిగ్గా ఏడాది క్రితం అక్టోబర్‌ 28 అర్ధరాత్రి మొంథా తుపాను కూడా నరసాపురం వద్దే తీరం దాటింది. అప్పుడు మొంథా తీవ్ర తుపానుగా తీరం దాటగా, ఈసారి అర్నబ్‌ అంతకంటే బలమైన అతి తీవ్ర తుపానుగా వచ్చింది. రెండూ ఒకే చోట తీరం దాటినా ప్రభావం వేర్వేరు ప్రాంతాలపై పడింది. మొంథా సమయంలో దక్షిణ కోస్తాలోని ఒంగోలులో భారీ వర్షం కురవగా, ఈసారి ఉత్తరాంధ్రలో కుండపోత కురిసింది.ఇతర తుపాన్లతో పోలిస్తే..బలంలో అర్నబ్‌ హుద్‌హుద్‌ కంటే తక్కువే. 2018లో శ్రీకాకుళం జిల్లాను దెబ్బతీసిన తిత్లీ కూడా అతి తీవ్ర తుపానే. గులాబ్, మిచాంగ్, మొంథాల కంటే మాత్రం అర్నబ్‌ బలంగా తీరం దాటింది. 2023లో మిచాంగ్‌ తుపాను చెన్నై తీరం వెంబడి నెమ్మదిగా కదలడంతో ఆ నగరం వరదలో మునిగింది. తీరం దగ్గర తుపాను నెమ్మదిస్తే నష్టం ఎక్కువగా ఉంటుందని నిపుణులు చెబుతున్నారు.అక్టోబర్‌–డిసెంబర్‌లోనే ఎక్కువహుద్‌హుద్, తిత్లీ, పెథాయ్, మిచాంగ్, మొంథా, అర్నబ్‌.. రాష్ట్రాన్ని తాకిన తుపాన్లు అక్టోబర్‌–డిసెంబర్‌ మధ్యే వచ్చాయి. ఈ నెలల్లో బంగాళాఖాతం ఉపరితల ఉష్ణోగ్రతలు ఎక్కువగా ఉండటం వల్ల తుపాన్లు ఏర్పడుతున్నాయి. ముఖ్యంగా అర్నబ్‌ లాంటి ఒక్క రోజులోనే బలపడే తుపాన్లు పెరుగుతున్నాయని వాతావరణ అధ్యయనాలు చెబుతున్నాయి.నేడూ ఉత్తరాంధ్రలో వర్షాలుతుపాను తీరం దాటినా ముప్పు ఇంకా తొలగలేదు. బుధవారం నుంచి గురువారం ఉదయం వరకు శ్రీకాకుళం, విజయనగరం, పార్వతీపురం మన్యం జిల్లాల్లో భారీ వర్షాలు కురుస్తాయని వాతావరణ శాఖ హెచ్చరించింది. ఇప్పటికే తడిసి ముద్దయిన ఉత్తరాంధ్రపై మరోసారి కుండపోత కురిస్తే వాగులు, వంకలు ఉప్పొంగే ప్రమాదం ఉంది. విశాఖ, అల్లూరి, అనకాపల్లి, కాకినాడ, కోనసీమ, తూర్పు, పశ్చిమగోదావరి, ఏలూరు, కృష్ణా జిల్లాలతో పాటు యానాంలో భారీ నుంచి అతి భారీ వర్షాలు.. ఎన్టీఆర్, పల్నాడు, గుంటూరు, బాపట్ల జిల్లాల్లో భారీ వర్షాలు పడతాయి. గురువారం కూడా ఉత్తరాంధ్రలోని మూడు జిల్లాల్లో భారీ వర్షాలు కురుస్తాయని ఐఎండీ తెలిపింది. కాకినాడ, మచిలీపట్నం పోర్టుల్లో 10వ నంబర్, విశాఖ, గంగవరం, భీమునిపట్నం పోర్టుల్లో 9వ నంబర్‌ ప్రమాద హెచ్చరికలు కొనసాగుతున్నాయి.

సాక్షి, అమరావతి / సాక్షి నెట్‌వర్క్‌: అర్నబ్‌ అతి తీవ్ర తుపాను కోస్తా తీరాన్ని కకావికలం చేసింది. కుండపోత వర్షాలు, ప్రచండ గాలులతో భీభత్సం సృష్టించింది. ఆరు గంటలపాటు తీరం దాటుతూ ఉత్తరాంధ్ర, గోదావరి, కృష్ణా డెల్టాలను అతలాకుతలం చేసింది. గోదావరి జిల్లాల నుంచి శ్రీకాకుళం వరకు విలయం సృష్టించింది. వేలాది వృక్షాలు, కొబ్బరి చెట్లు నేలకొరిగాయి. 15 వేలకుపైగా విద్యుత్‌ స్తంభాలు కుప్పకూలాయి. కోతకొచ్చిన వరి చేలు చెరువులను తలపిస్తున్నాయి. వందలాది గ్రామాలు అంధకారంలో మగ్గుతున్నాయి.ఆకాశానికి చిల్లు పడినట్టు ఉత్తరాంధ్రలో కుండపోత కురిసింది. తుపాను ధాటికి వేర్వేరు ఘటనల్లో ఏడుగురు ప్రాణాలు కోల్పోయారు. మృతుల సంఖ్య ఇంకా పెరిగే అవకాశం ఉంది. మంగళవారం పగలంతా గంటకు 17 నుంచి 20 కిలోమీటర్ల వేగంతో దూసుకొచ్చిన అర్నబ్, తీరానికి చేరగానే స్తబ్దుగా మారింది.బుధవారం తెల్లవారుజాము 2 గంటలకు భూమిని తాకడం మొదలుపెట్టి ఉదయం 8 గంటల వరకు తీరంపైనే దాదాపు కదలకుండా నిలిచిపోయింది. రెండు గంటల్లో ముగుస్తుందనుకున్న తీరం దాటే ప్రక్రియ ఆరు గంటల పాటు సాగడంతో గోదావరి తీర గ్రామాలు పెనుగాలుల ధాటికి విలవిల్లాడాయి. యానాం సమీపంలో తీరం దాటుతుందని మొదట అంచనా వేయగా, చివరికి అంతకంటే దక్షిణంగా జరిగి యానాంకు నైరుతి దిశగా, నరసాపురానికి తూర్పు–ఈశాన్యంగా 20 కిలోమీటర్ల దూరంలో భూమిని తాకింది.పెను గాలుల ఉగ్రరూపంతీరం దాటే సమయంలో గంటకు 125 నుంచి 135 కిలోమీటర్లు, గరిష్టంగా 150 కిలోమీటర్ల వేగంతో పెనుగాలులు తీరాన్ని అతలాకుతలం చేశాయి. బుధవారం ఉదయం 8.30 గంటలకు తీవ్ర తుపానుగా బలహీనపడిన తర్వాత కూడా అనకాపల్లి, విశాఖ, కాకినాడ, తూ­ర్పు, పశ్చిమ గోదావరి, కోనసీమ, కృష్ణా, బాపట్ల జిల్లాల్లో మధ్యాహ్నం వరకు గంటకు 110 నుంచి 120 కిలో­మీటర్ల వేగంతో ఈదురు గాలులు వీచాయి.రాత్రి వరకూ గాలుల తీవ్రత కొనసాగుతూనే ఉంది. ఏలూ­రు, పోలవరం, భద్రాచలం మీదుగా ఉత్తర–వాయవ్యంగా పయనిస్తున్న అర్నబ్, బుధవారం సాయంత్రానికి తుపానుగా, అర్ధరాత్రికి తీవ్ర వాయుగుండంగా, గురువారం ఉదయానికి వాయు గుండంగా మారి, సాయంత్రానికి అల్పపీడనంగా బలహీన పడనుంది. ఉత్తరాంధ్రపై జల ఖడ్గంఉత్తరాంధ్రపై కుండపోత వర్షాలు కురిశాయి. మంగళవారం ఉదయం 8.30 నుంచి బుధవారం ఉదయం 8.30 వరకు 24 గంటల్లో విశాఖ జిల్లా గోపాలపట్నం దగ్గర రాష్ట్రంలోనే అత్యధికంగా 31.6 సెంటీమీటర్ల వర్షం కురిసింది. విజయనగరం జిల్లా కొత్తవలసలో 30.4, గోపాలపట్నం బ్లాక్‌ 22 పంప్‌ హౌస్‌ వద్ద 30, సింహాచలంలో 29.4, అప్పన్నపాలెంలో 29.2, భోగాపురంలో 28.3, పీఎం పాలెం వద్ద 28.1, అనకాపల్లి జిల్లా కశింకోట మండలం కన్నూరిపాలెంలో 27.5, శ్రీకాకుళం జిల్లా ఎచ్చెర్లలో 25.8, రణస్థలం మండలం గరికిపాలెంలో 24.3, కృష్ణా జిల్లా కోడూరు మండలం హంసలదీవిలో 22.8, కాకినాడ జిల్లా పిఠాపురంలో 21.1, పార్వతీపురం మన్యం జిల్లా పాచిపెంటలో 19.6 సెంటీమీటర్ల వర్షం పడింది. ఒకేరోజు రాష్ట్రంలో 108 ప్రాంతాల్లో 20 సెంటీమీటర్లకు పైగా వాన కుమ్మరించింది.అందులో 64 ప్రాంతాలు ఒక్క విశాఖ జిల్లాలోనే ఉన్నాయి. అనకాపల్లి జిల్లాలో 19, విజయనగరం జిల్లాలో 17, శ్రీకాకుళం జిల్లాలో 3 చోట్ల ఈ స్థాయిలో వర్షం పడింది. 16 చోట్ల 25 సెంటీమీటర్లు, రెండు చోట్ల 30 సెంటీమీటర్లు దాటింది. పెందుర్తి మండలంలోనే 12 చోట్ల 20 సెంటీ మీటర్లకు పైగా వర్షం కురిసింది. తుపాను తీరం దాటిన నరసాపురంలో కేవలం 3.3 సెంటీమీటర్ల వర్షం కురవగా, దానికి 150 నుంచి 200 కిలోమీటర్ల దూరంలోని విశాఖపై కుండపోత వర్షం కురిసింది. తీరం దాటిన గోదావరి జిల్లాల్లో మాత్రం ఒక్కచోట కూడా 20 సెంటీమీటర్ల వర్షం నమోదు కాలేదు.ఎనిమిది మంది ప్రాణాలు బలితుపాను ఎనిమిది మందిని పొట్టనబెట్టుకుంది. భీమవరంలో మంగళవారం అర్ధరాత్రి రోడ్డుపై వెళ్తున్న చొక్కా కిశోర్‌ (46)పై భారీ వృక్షం కూలడంతో మృతి చెందాడు. ఇదే ఊళ్లోని బొండాడవారి వీధిలో మోపెడ్‌పై వెళ్తున్న పేపర్‌ బాయ్‌ రాంబాబు (34)పై విద్యుత్‌ స్తంభం కూలడంతో మృత్యువాతపడ్డాడు. కోనసీమ జిల్లా సఖినేటిపల్లి మండలం ప్రకాశపురంలో పెనుగాలులకు పూరిల్లు కుప్పకూలి వృద్ధురాలు కొల్లు వెంకాయమ్మ (70) ప్రాణాలు కోల్పోయింది. విశాఖ నగరంలో తెగిపడిన తీగ తగిలి పిన్ని దేవుడు (65), పాత గోశాల సమీపంలో విద్యుత్‌ స్తంభం కూలిపోయి బిందు.. బాలాజీనగర్‌లో విద్యుత్‌ స్తంభం కూలి మాధవి (43) అనే మహిళ తన పుట్టిన రోజునే మృతి చెందింది. అనకాపల్లి జిల్లా యలమంచిలిలో ఇంటి ముందు తెగిపడిన విద్యుత్‌ తీగను తాకి భాగ్యలక్ష్మి (55) విద్యుదాఘాతా­నికి బలైంది. తూర్పు గోదావరి జిల్లా చాగల్లుకు చెందిన కొవ్వాడ నగేష్‌(45) చెట్టు కూలిపడి మృతి చెందాడు. చీకట్లో కోనసీమకోనసీమ జిల్లాను అర్నబ్‌ కుదిపేసింది. ఒక్క ఈ జిల్లాలోనే సుమారు 6 వేలకు పైగా విద్యుత్‌ స్తంభాలు కుప్పకూలాయి. అమలాపురం, ముమ్మిడివరం, కాట్రేని­కో­న, ఐ.పోలవరం, అంబాజీపేట, పి.గన్నవరం, రాజోలు, అయినవిల్లి, మామిడికుదురు మండలాల్లో వందలాది గ్రామాలు అంధకారంలో మగ్గుతున్నాయి. కరెంటు లేక తాగునీటి సరఫరా కూడా నిలిచి పోవడంతో చిన్నపిల్లలు, వృద్ధులతో జనం అవస్థలు పడుతున్నారు.రాజోలు–అమలాపురం రహదారిపై రెండు కిలోమీటర్ల మేర చెట్లు అడ్డంగా పడి రాకపోకలు స్తంభించాయి. కాకినాడ జిల్లాలో వందలాది చెట్లు, సుమారు వంద విద్యుత్‌ స్తంభాలు నేలకూలాయి. ఉప్పాడ బీచ్‌ రోడ్డు అలల ధాటికి ఆనవాళ్లు లేకుండా కొట్టుకుపోయింది. పశ్చిమ గోదావరి జిల్లా ఆచంట, పెనుగొండ, పాలకొల్లు ప్రాంతాల్లో ఇళ్లపై చెట్లు కూలాయి. రాష్ట్ర రహదారులపైనే వందలాది భారీ వృక్షాలు కూలాయి.ఉప్పొంగిన నదులు.. నీట మునిగిన పడవలు కుండపోతకు విశాఖ నగరంలోని పలు ప్రాంతాలు జలదిగ్బంధమయ్యాయి. విజయనగరం జిల్లాలో సువర్ణముఖి, గోస్తని, చంపావతి నదులు ఉధృతంగా ప్రవహిస్తున్నాయి. సాలూరు బస్టాండ్‌ చెరువులా మారింది. భూపతిపాలెం, వట్టిగెడ్డ జలాశయాలు నిండుకుండల్లా మారాయి. అల్లూరి జిల్లా తాడిగూడలో పాత వంతెన కూలి.. ఓ గ్రామం బయటి ప్రపంచంతో సంబంధాలు కోల్పోయింది. మచిలీపట్నం లోతట్టు ప్రాంతాల్లోకి వరద నీరు చొచ్చుకొచ్చింది. గుంటూరులో బీఆర్‌ స్టేడియం, ఎన్టీఆర్‌ బస్టాండ్‌ ప్రాంగణం, పీవీకే నాయుడు మార్కెట్‌ జలమయమయ్యాయి. పెను గాలులకు ఓ భారీ సరకు రవాణా నౌక కోనసీమ జిల్లా అంతర్వేది తీరానికి కొట్టుకుని వచ్చింది. ఓడలరేవు మినీ హార్బర్‌లో లంగరు వేసిన సుమారు 200 పడవలు అలల తాకిడికి ఒకదానికొకటి ఢీకొని ముక్కలయ్యాయి. ఉప్పాడ, నక్కపల్లిలోనూ పడవలు ధ్వంసమయ్యాయి. విశాఖ ఫిషింగ్‌ హార్బర్‌లోని సెంట్రల్‌ డాక్‌ ప్రాంతం, జెట్టీ వద్ద లంగరు వేసిన మరబోట్లు మునిగిపోయాయి. ఎంఎం 140 బడే సత్యారావు, ఎంఎం 667 కాసారపు మణికంఠ, ఎంఎం 642 ఆర్జుల చిన్ననాయుడు, ఎంఎం 224 ఉమ్మిడి సునీత, ఎంఎం 843 వి.లత, ఎంఎం 888 వాసుపల్లి దాసుకు చెందిన బోట్లు మునిగిపోయాయి. మరో 59 బోట్లు పాక్షికంగా దెబ్బతినగా, 205 వలలు దెబ్బతిన్నాయి. మత్స్యకారులను ఆదుకోవాలని వైఎస్సార్‌సీపీ నేత, ఈస్ట్‌ కోస్ట్‌ మెకనైజ్డ్‌ ఫిషింగ్‌ బోటు ఓనర్స్‌ అసోసియేషన్‌ ఆఫ్‌ ఇండి­యా జాతీయ అధ్యక్షుడు వాసుపల్లి జానకీరామ్‌ కోరారు.కోనసీమ అతలాకుతలంఒకవైపు పచ్చని కొబ్బరి తోటలు నేలమట్టం.. మరోవైపు చేతికొచ్చే దశలో వరి చేలు నేలవాలి నీటిమయం.. ఇంకో వైపు గెలలతో సహా విరిగిపడిన అరటి చెట్లు.. ఇలా అర్నబ్‌ తుపాను కోనసీమ రైతుల ఆశలను చిదిమేసింది. వ్యవసాయ, ఉద్యాన పంటలతో పాటు విద్యుత్‌ వ్యవస్థ, రహదారులు తీవ్రంగా దెబ్బతిన్నాయి.లక్ష ఎకరాలకు పైగా వరి పంట తుపాను బారిన పడినట్లు ప్రాథమిక అంచనా. అరటి, కోకో, పోక తదితర ఉద్యాన పంటలకూ నష్టం వాటిల్లింది. సుమారు 8 వేలకుపైగా స్తంభాలు దెబ్బతి­న్నట్లు ప్రాథమిక అంచనా. ఓడలరేవు, అంతర్వేది పరిసరాల్లో బోట్లు దెబ్బతినగా, ఉప్పాడ ప్రాంతానికి చెందిన సుమారు 40 బోట్లు ఓడలరేవు తీరానికి కొట్టుకొచ్చాయి. తీర, లోతట్టు ప్రాంతాల నుంచి సుమారు 13 వేల మందిని పునరావాస కేంద్రాలకు తరలించారు. కోతకు గురైన బొర్రా రైలు ట్రాక్‌ విశాఖ కిరండూల్‌ రైల్వే లైన్‌లో బొర్రాగుహలు వద్ద భారీ వర్షానికి రైలు ట్రాక్‌ కోతకు గురైంది. దీంతో ఈ రూట్‌లో గూడ్స్‌ రైళ్ల రాకపోకలు నిలిచిపోయాయి. అరకు–విశాఖ రోడ్డులోని ఘాట్‌ ప్రాంతంలో రోడ్డు­పై వరద నీరు పొంగి ప్రవహించడంతో వాహనాల రాకపోకలు నిలిచిపోయాయి. పాడేరు ఘాట్‌లోను ఆర్టీసీ బస్సు సర్వీసులను నిలి­పివేశారు. జి.మాడుగుల, పాడే­రు, పెదబయలు, ముంచంగిపుట్టు, డు­ంబ్రిగుడ మండలాల్లోని సుమారు 200 మారుమూల గ్రామాలకు రవా­ణా స్తంభించింది. లోతట్టు ప్రాంతాలలో పంటలు నీట మునిగాయి. ట్రావెల్స్‌ బస్సుపై కూలిన భారీ వృక్షం ప్రయాణిస్తున్న బస్సుపై ఓ భారీ వృక్షం విరిగి పడింది. పలాస నుంచి విజయవాడకు 30 మంది ప్రయాణికులతో ప్రతాప్‌ ట్రావెల్స్‌కు చెందిన ప్రైవేట్‌ బస్సు బయలుదేరింది. బుధవారం ఉదయం ఏలూరు జాతీయ రహదారిలోని మినీ బైపాస్‌ వద్దకు బస్సు చేరుకునే సరికి ఈదురుగా­లుల ధాటికి రహదారి పక్కన ఉన్న ఓ భారీ చెట్టు ఒక్కసారిగా నడుస్తున్న బస్సుపై కూలిపోయింది. ఊహించని ఈ ఘటనతో బస్సు ముందు భాగం పూర్తిగా నుజ్జునుజ్జయింది.ఒక్కసారిగా బస్సు కుదుపులకు లో­నుకావడంతో నిద్రమత్తులో ఉన్న ప్ర­యాణికులు భయాందోళనతో హా­హా­కారాలు చేశారు. ఈ ప్రమాదంలో బ­స్సు డ్రైవర్‌ శ్రీనివాసరావుకు మా­త్ర­మే గాయాలయ్యా­యి. ప్రయాణికులందరూ సురక్షితంగా ఉండటంతో పెను విషాదం తప్పింది. పోలీ­సు, అగ్నిమాపక సిబ్బంది ఘటనా స్థలా­నికి చేరుకుని, మరో బస్సు ఏ­ర్పాటు చేసి ప్రయాణికులను విజ­యవాడకు పంపారు. ట్రాఫిక్‌కు అంతరాయం లేకుండా చర్యలు తీసుకున్నారు.పడిపోయిన చెట్లు.. ఇళ్లలోకి నీళ్లు⇒ శ్రీకాకుళంలోని 30 మండలాల్లో 809 మి.వీు. వర్షం కురిసింది. కొత్తూరులో హడ్డుబంగి గెడ్డ ఉద్ధృతంగా ప్రవహించడంతో ఇళ్లలోకి వరదనీరు చేరింది. ఎచ్చెర్ల మండలం కుప్పిలి గెడ్డ ఉప్పొంగడంతో రహదారులు నీట మునిగా­యి. వజ్రపుకొత్తూరు మండలం మంచినీళ్లపేట, హుకుంపేట తదితర చోట్ల 10 పునరావాస కేంద్రాలను ఏర్పాటు చేసినా.. కట్టెలు, గ్యాస్‌ లేక వంట చేయడం సాధ్యం కాలేదు. శ్రీకాకుళం రిమ్స్‌లోని వార్డుల్లోకి నీరు చేర­డం­తో రోగులు ఇబ్బందులకు గురయ్యారు. ఉద్దా­నంలో కొబ్బరి చెట్లకు తీవ్ర నష్టం వాటిల్లింది. ⇒ అర్నబ్‌ తుపాను వల్ల రాష్ట్రవ్యాప్తంగా 126 కిలోమీటర్ల మేర ఆర్‌అండ్‌బీ రహదారులు దెబ­్బ తిన్నాయని, వాటి తాత్కాలిక, శాశ్వత పునరుద్దరణకు రూ.59 కోట్లపైగా అవసరమవుతాయని మంత్రి బీసీ జనార్దన్‌రెడ్డి బుధవారం ఒక ప్రకటనలో తెలి­పారు. రహదారులపై 1,058 చెట్లు కూలిపోయాయని, 57 చోట్ల రాకపోకలకు అంతరాయం ఏర్పడినట్లు చెప్పారు. ⇒ తుపాను ప్రభావిత ప్రాంతాలైన ఏలూరు నుండి శ్రీకాకుళం వరకు గల జాతీయ రహదారులపై రక్షణ చర్యలను చేపట్టినట్టు నేషనల్‌ హైవేస్‌ అథారిటీ ఆఫ్‌ ఇండియా(ఎన్‌హెచ్‌ఏఐ) తెలిపింది. 32 పెట్రోలింగ్‌ వాహనాలు, 31 అంబులెన్సులు, 35 క్రేన్లు, టో–అవే వెహికల్స్, 47 జేసీబీలు, 25 చెట్లు కోసే పవర్‌ రంపాలు, 45 డంపర్లు, 24 క్విక్‌ రెస్పాన్స్‌ టీమ్‌లు క్షేత్ర స్థాయిలో ఏర్పాటు చేసినట్టు పేర్కొంది. ⇒ పశ్చిమగోదావరి జిల్లాలో ఉప్పుటేరు, యనమదుర్రు, ఎర్రకాలువ, కాజా తదితర డ్రెయిన్లు పొంగి ప్రవహిస్తున్నాయి. 1.72 లక్షల ఎకరాల్లోని పంట నేలకొరిగింది. ఆక్వా చెరువుల్లో ఆక్సిజన్‌ స్థాయి తగ్గిపోయింది. కమ్యూనికేషన్, ప్రజా రవాణా వ్యవస్థలు స్తంభించాయి. ⇒ కృష్ణా జిల్లాలో 35 వేల హెక్టార్లలో వివిధ పంటలు దెబ్బతిన్నట్లు వ్యవసాయ శాఖ ప్రాథమిక అంచనాలు రూపొందించింది. 65 ఇళ్లు దెబ్బతిన్నాయి. పెడన పట్టణంలో చేనేత కార్మికుల మగ్గాలు చెమ్మగిల్లడంతోపాటు నీళ్లు చేరడంతో పనులు నిలిచిపోయాయి. కృత్తివెన్ను మండలం లక్ష్మీపురంలో రేకుల షట్టర్‌ ఎగిరి జాతీయ రహదారిపై పడిపోయింది. ఇదే ఊళ్లో ఓ ఇంటి పైకప్పు ఎగిరిపోగా, ఇంటిలోని వస్తువులు ధ్వంసమయ్యాయి. పలు రహదారుల్లో వృక్షాలు నేలకొరిగాయి. ⇒ గుంటూరు జిల్లా 11 మండలాల్లోని 69 గ్రామాల్లో 9,889 మంది రైతులకు చెందిన 22,997 ఎకరాల్లో వరి, మినుము, పత్తి పంటలకు.. 862.5 ఎకరాల్లో ఉద్యాన పంటలకు, మొత్తంగా 23,860 ఎకరాల్లో నష్టం వాటిల్లినట్లు అంచనా. పెదపరిమి వద్ద కోటేళ్ల వాగు, పెదపరివిు–నెక్కల్లు మధ్య లోలెవల్‌ చప్టా పొర్లడంతో రాకపోకలు నిలిచిపోయాయి.కాకినాడ జిల్లాగజగజఉప్పాడ వద్ద అల్లకల్లోలంగా సముద్రం బీచ్‌రోడ్డు ధ్వంసం.. రాకపోకలకు అంతరాయంసాక్షి ప్రతినిధి, కాకినాడ: కాకినాడ జిల్లాలో అర్నబ్‌ తుపాను విధ్వంసం సృష్టించింది. తుపాను ప్రభావంతో వీచిన పెనుగాలులు, భారీ వర్షం తాకిడికి భారీ వృక్షాలు, విద్యుత్‌ స్తంభాలు వేలాదిగా నేలకొరిగాయి. రెండు రోజుల పాటు జిల్లా అంధకారంలో మగ్గింది. లోతట్టు ప్రాంతాలు జలమయం అయ్యాయి. తుపాను ధాటికి భారీగా ఆస్తి, పంట నష్టం వాటిల్లింది. జిల్లా వ్యాప్తంగా 92 రెవెన్యూ గ్రామాలు తుపానుకు ప్రభావితం కాగా.. 11,103 మంది ప్రజలు నిరాశ్రయులయ్యారు. వేలాది ఎకరాల్లో పంటలు నీట మునిగాయి. తుని–నర్సీపట్నం రోడ్డులోని డి.పోలవరం వద్ద భారీ వృక్షం రోడ్డుపై విరిగి పడటంతో రాకపోకలు స్తంభించాయి. కొత్తపల్లి మండలంలో మత్స్యకార గృహాలు, తీర ప్రాంతం, రహదారులు కోతకు గురయ్యాయి. విద్యుత్‌ స్తంభాలు పడిపోయాయి. తుని మండలం డి.పోలవరంలో 150 ఏళ్ల చరిత్ర ఉన్న చింత చెట్టు కుప్పకూలిపోయింది. సూర్యారావుపేట, వాకలపూడి, తూరంగి మత్స్యకార గ్రామాలతో పాటు, కాకినాడలోని జగన్నాథపురం, ఏటిమొగ తదితర ప్రాంతాల్లోకి సముద్రపు నీరు చొచ్చుకు వచ్చింది. కాకినాడ కుంభాభిషేకం రేవు వద్దకు పడవలు కొట్టుకు వచ్చాయి. ఉప్పాడ సముద్ర తీరంలో అర్నబ్‌ తుపాను తీవ్ర బీభత్సం సృష్టించింది. కడలి ఉగ్రరూపం దాల్చింది. అలలు భారీగా ఎగసిపడుతూ ఉవ్వెత్తున తీర గ్రామాలపై విరుచుకుపడ్డాయి. అలల ఉధృతికి తీరం కోతకు గురైంది. కొత్తపట్నం వద్ద రాళ్లు కొట్టుకు రావడంతో బీచ్‌ రోడ్డు పూర్తిగా ధ్వంసమైంది. ఉప్పాడ నుంచి సుమారు 5 కిలోమీటర్ల మేర రోడ్డు పూర్తిగా ధ్వంసమైంది. దీంతో ఉప్పాడ–కాకినాడ మధ్య రాకపోకలు నిలిపివేశారు. తీరంలోని మత్స్యకారుల గృహాలు కళ్లెదుటే కడలిలో కలిసిపోయాయి. సుబ్బంపేట, ఉప్పాడ, సూరాడపేట, జగ్గరాజపేట, పల్లిపేట, రంగంపే, మాయాపట్నం తదితర ప్రాంతాల్లో ఇళ్లలోకి నీరు చేరింది. ఉప్పాడ, కోనపాపపేట తీరప్రాంతాల్లో 100 మత్స్యకార గృహాలు కోతకు గురయ్యాయి. రోడ్లు, విద్యుత్‌ స్తంభాలు, వృక్షాలు నేలకొరిగాయి. ఉప్పాడ బీచ్‌ రోడ్డులో రక్షణ గోడగా ఏర్పాటు చేసిన బండరాళ్ల గోడకు సముద్రపు కెరటాలు బలంగా తాకడంతో రోడ్డు మీదకు కొట్టుకొచ్చాయి. కోనపాపపేట, ఉప్పాడలో రహదారి పూర్తిగా కోతకు గురైంది.

సాక్షి, అమరావతి: ఎన్ని ప్రయత్నాలు చేసినా అర్నబ్‌ తుపానుకు ఐదుగురు మృతిచెందారని సీఎం చంద్రబాబు వెల్లడించారు. విద్యుత్‌ షాక్,, గోడ కూలిన ఘటనల్లో వీరు చనిపోయారని చెప్పారు. వీరి కుటుంబాలకు రూ.5 లక్షల చొప్పు­న పరిహారం చెల్లిస్తామన్నారు. జన జీవనాన్ని తుపాను అతలాకుతలం చేయడంతో పాటు పంటలకు భారీ నష్టం మిగిలి్చందన్నారు. తుపాను ప్రభావిత ప్రాంతాల్లో బాధితులను ఆదుకోవడానికి, రహదారులు, విద్యుత్‌ సరఫరా పునరుద్ధరణకు వెంటనే చర్యలు చేపట్టినట్లు ఆయన చెప్పా­రు. సీఎం చంద్రబాబు బుధవారం మీడియాతో మాట్లాడుతూ ఏమన్నారంటే..కోనసీమ, పశ్చిమ గోదావరి జిల్లాల్లో 30వ తేదీ సాయంత్రానికిగానీ విద్యుత్‌ సరఫరా పునరుద్ధరించలేం. అక్కడ పరిస్థితులు అనుకూలించడంలేదు. మిగతా జిల్లాల్లో బుధవారం రాత్రికల్లా వి­ద్యుత్‌ సరఫరా పునరుద్ధరిస్తాం. తుపాను నష్టంపై కేంద్రానికి లేఖ రాయడంతో పాటు కేంద్ర హోంమంత్రి అమిత్‌ షాతో కూడా ఫోన్‌లో మా­ట్లాడాను. కొబ్బరి, ఇతర ఉద్యాన పంటలు దెబ్బ­తిన్నాయి. పూర్తిస్థాయి సమగ్ర నివేదికను కూడా త్వరలోనే పంపేలా చర్యలు చేపడతాం. ముంపు ప్రాంతాల్లో ఇళ్లలోకి నీరు చేరితే 25 కేజీల బి­య్యం ఇవ్వాలని ఆదేశించాం.చేనేత మగ్గాలు, మ­త్స్యకారులకు 50 కే­జీ­ల బియ్యం, కేజీ చొప్పు­న ఉల్లిపాయలు, వంట­నూ­నె, కందిపప్పు, బంగాళాదుంపలు రేషన్‌ ఇస్తాం. పునరావాస కేంద్రాల్లో తలదాచుకున్న వా­రికి రూ.వెయ్యి చొప్పున ఆర్థిక సాయం.. ఇల్లు పా­క్షికంగా ధ్వంసమైతే రూ.­10 వేలు, దుకా­ణాలకు రూ.25 వేలు సాయం అందిస్తాం. ఎంఎస్‌­ఎంఈల­కు కేటగి­రీల వారీగా ఆర్థిక సాయం, ద్విచక్ర వాహనానికి రూ.3 వేల సాయం చెల్లిస్తాం.త్రిచక్ర వాహనాలకు 10 వేలు, పుష్కార్ట్‌లకు 20 వేలు, వీవర్‌ కమ్యూని­టీకి రూ.­25 వేలు, ఫిషింగ్‌ బోట్, వలలు ధ్వంసమై­తే రూ.­25 వేలు సాయం ఇస్తాం. హెక్టారు­కు వరి, పత్తికి రూ.25 వేలు, చెరకుకు రూ.­25 వేల చొప్పున, ఇతర పంటలకు ఆ­యా కేటగిరీ­ల వారీ­గా ఆర్థిక సాయం అందిస్తాం. అరటి పంట­కు హె­క్టా­రుకు రూ.35 వేల చొప్పున ఇస్తాం. టమోటాకు రూ.25 వేలు చొప్పున.. కొబ్బరి చెట్టు, పా­మాయి­ల్‌ చెట్టు­కు రూ.15 వేలు చొప్పున అంది­స్తాం. అలా­గే, మృతిచెందిన పశువులకూ ఆర్థిక సా­యం అందిస్తాం. పంట నష్టాల ఎన్యూమరేషన్‌కు టైం పడుతుంది..వ్యవసాయ, ఉద్యాన పంటల నష్టాల ఎన్యూమరేషన్‌కు సమయం పడుతుంది. అది పూర్తయ్యాక రైతులకు సాయం అందిస్తాం. ఇక గురువారం వర్చువల్‌గా జరిగే కేబినెట్‌ సమావేశంలో ఆర్థిక సాయంపై నిర్ణయాలు తీసుకుని బాధితులకు ఆర్థిక సాయం అందిస్తాం. కోనసీమ, పశ్చిమ గోదావరి జిల్లాల పర్యటనకు గురువారం మధ్యాహ్నం నుంచి వెళ్తా. అలాగే, శుక్రవారం కూడా జిల్లాల పర్యటనలోనే ఉంటాను.

సాక్షి, అమరావతి/రైల్వేస్టేషన్‌(విజయవాడ పశ్చిమ): తుపాను ప్రభావంతో రైళ్ల రాకపోకలపై మార్పులు చోటుచేసుకున్నాయి. ప్రయాణికుల భద్రత, రైళ్ల నిర్వహణ దృష్ట్యా 4 రైళ్లను రీషెడ్యూల్‌ చేయడంతోపాటు మరో రైలును పాక్షికంగా రద్దు చేసినట్లు దక్షిణ కోస్తా రైల్వే డివిజన్‌(విజయవాడ) బుధవారం వెల్లడించింది. గుంతకల్లు–విశాఖ(18522) రైలు అక్టోబర్‌ 29న గుంతకల్లు నుంచి కాకుండా తిరుపతి నుంచి ప్రారంభం కానుంది. దీంతో గుంతకల్లు–తిరుపతి మధ్య ఈ రైలు రాకపోకలు రద్దయ్యాయి. అలాగే, విశాఖ–లోకమాన్య తిలక్‌ టెర్మినస్‌ (18519) రైలును దారి మళ్లించారు. ఈ రైలు ఉదయం 4 గంటలకు విశాఖ నుంచి బయలుదేరి దువ్వాడ–ఏలూరు–విజయవాడ మీదుగా ప్రయాణించేలా మార్పు చేశారు. దీంతో తణుకు, భీమవరం టౌన్, ఆకివీడు, కైకలూరు, గుడివాడ స్టేషన్లలో ఈ రైలు వెళ్లలేదు. తుపాను ప్రభావంతో బుధవారం మూడు రైళ్లను రద్దు చేశారు. అవి ఏంటంటేసికింద్రాబాద్‌–విశాఖ(20834) నరసాపూర్‌–తూత్తుకుడి (06020), నరసాపూర్‌–తిరువణ్ణామలై (17291)బయలుదేరే సమయం మారిన 5 రైళ్లుచెన్నై సెంట్రల్‌–హౌరా(12842)– 2 గంటలు ఆలస్యం గుంటూరు–డోన్‌(17228)– గంటన్నర ఆలస్యంఎర్నాకుళం–బిలాస్‌పూర్‌ (22816)– 3 గంటలు ఆలస్యం ఎస్‌ఎంవీటీ బెంగళూరు–హౌరా(12864)– గంట ఆలస్యంసీఎస్‌ఎంటీ ముంబై–చెన్నై సెంట్రల్‌(22159)– గంట 45 నిమిషాలు ఆలస్యం

సాక్షి, అమరావతి: అర్నబ్‌ తుపాను ప్రభావంతో లక్షలాది ఎకరాల్లో కోతకు సిద్ధంగా ఉన్న వరి చేలు పూర్తిగా ముంపునకు గురయ్యాయి. కోనసీమ రైతులకు కల్పవృక్షంగా నిలిచిన కొబ్బరి చెట్లు వేలాదిగా విరిగిపడగా, అరటి, బొప్పాయి తోటలు నేలకొరిగాయి. లంక గ్రామాల్లో కూరగాయల పంటలు కొట్టుకుపోయాయి. తుపాను ప్రభావంతో ఉత్తరాంధ్ర, ఉమ్మడి ఉభయ గోదావరి, కోస్తాంధ్రలో భారీ వర్షాలు, బలమైన ఈదురుగాలులు రైతులకు ఉన్న కొద్దిపాటి ఆశలను చిదిమేశాయి. తీరప్రాంతాల్లో ఆక్వా రంగంపై కూడా తుపాను తీవ్ర ప్రభావం చూపిస్తోంది.ప్రాధమిక అంచనాల ప్రకారం..249 మండలాల్లో 2,747 గ్రామాల పరిధిలో 5 లక్షల మంది రైతులకు చెందిన 8.30 లక్షల ఎకరాల్లో వ్యవసాయ, ఉద్యాన పంటలు దెబ్బతిన్నట్లు అధికారుల అంచనా. వీటిలో అత్యధికంగా 7.60 లక్షల ఎకరాల్లో వరి పంట ముంపునకు గురైనట్లుగా లెక్కతేల్చారు. 50 వేల ఎకరాల్లో ఉద్యాన పంటలతో పాటు మరో 20 వేల ఎకరాల్లో మొక్క జొన్న, పత్తి, మినుము, పెసలు చెరుకు తదితర పంటలు దెబ్బతిన్నట్లు గుర్తించారు. ప్రభుత్వం ఉదారంగా ఆదుకోకపోతే తమ పరిస్థితి అధోగతే అని రైతులు గగ్గోలు పెడుతున్నారు.వరి రైతు విలాపం..తుపానుతో శ్రీకాకుళం మొదలు బాపట్ల వరకు తీర ప్రాంత జిల్లాల్లోని పంటలు తీవ్ర ప్రభావానికి గురయ్యాయి. ఖరీఫ్‌లో 37.33 లక్షల ఎకరాల్లో వరి సాగవగా, దాంట్లో 26 లక్షల ఎకరాలు తుపాను ప్రభావిత జిల్లాల్లోనే సాగైంది. ఈ జిల్లాల్లో ఎకరాకు రూ.40 వేల వరకు రైతులు పెట్టుబడి పెట్టారు. పొట్ట దశకు చేరుకున్న వరి చేలు పూర్తిగా ముంపునకు గురయ్యాయి. కోనసీమ, కాకినాడ, ఉభయ గోదావరి జిల్లాల్లో పంట పూర్తిగా నేలమట్టమైంది. పంట చేలలో మొలలోతు నీరు నిలిచిపోయింది. తుపాను తీరం దాటినప్పటికీ ఆ ప్రభావంతో ఎడతెరిపి లేకుండా కురుస్తోన్న వర్షాల వల్ల ముంపునకు గురైన వరిచేలు కుళ్లిపోయే అవకాశాలే ఎక్కువగా ఉన్నాయని రైతులు ఆందోళన వ్యక్తం చేస్తున్నారు. కొబ్బరి రైతు ఆక్రందన..కోనసీమలో 1.10 కోట్లకు పైగా కొబ్బరి చెట్లున్నాయి. బలమైన గాలులకు తీర ప్రాంతంలో వేలాది చెట్లు విరిగిపడి పోగా, మరికొన్ని చోట్ల మొవ్వలు దెబ్బతిన్నాయి. ఎకరాకు 10కు పైగా చెట్లు నేలకొరిగినట్లు అధికారుల అంచనా. ఈ తుపాను ప్రభావంతో ఐదారు నెలల పాటు దిగుబడులొచ్చే పరిస్థితుల్లేవని రైతులు ఆవేదన వ్యక్తం చేస్తున్నారు. ఉత్తరాంధ్ర, ఉమ్మడి ఉభయ గోదావరి జిల్లాల్లో ఉద్యాన పంటలకు అపార నష్టం వాటిల్లింది. ప్రాథమికంగా 150 మండలాల్లో 809 గ్రామాల పరిధిలో 50 వేల ఎకరాల్లో పంటలు దెబ్బతిన్నాయి.అత్యధికంగా 34 వేల ఎకరాల్లో అరటి, 8,600 ఎకరాల్లో కూరగాయలు, 1400 ఎకరాల్లో బొప్పాయి, వెయ్యి ఎకరాల్లో కొబ్బరి, వెయ్యి ఎకరాల్లో పసుపు, 2,300 ఎకరాల్లో ఆయిల్‌ పామ్, టమాటా, మిరప, పూలు, తమలపాకు తదితర పంటలు దెబ్బతిన్నట్లు అధికారులు గుర్తించారు. ఉత్తరాంధ్ర జిల్లాల్లో వరితోపాటు మొక్కజొన్న, పత్తి, ఉద్యాన పంటలను తుపాను దెబ్బతీసింది. విద్యుత్‌ కోతలతో కోస్తా జిల్లాల్లోని ఆక్వా చెరువులకు ఆక్సిజన్‌ కొరతతో లక్షలాది ఎకరాల్లోని ఆక్వా చెరువుల్లో రొయ్యలు తేలిపోతున్నాయి.

సాక్షి, టాస్క్ ఫోర్స్‌/నెట్‌వర్క్‌: ఎన్నికలంటే ప్రజల తీర్పు.. ప్రతి అభ్యర్థికీ పోటీ చేసే హక్కు.. ఆ హక్కుకు రక్షణగా నిలవాల్సింది ఎన్నికల సంఘం, దాని అధికార యంత్రాంగం! మరి రాష్ట్రంలో స్థానిక ఎన్నికల వేళ ఏం జరిగింది? ప్రతిపక్ష అభ్యర్థుల నామినేషన్‌ పత్రాలను లాక్కుని చించేస్తుంటే రిటర్నింగ్‌ అధికారులు ఏం చేశారు? పోలీసు యంత్రాంగాన్ని అదిలించి అభ్యర్థులకు రక్షణ కల్పించాల్సిన అధికారులు ప్రేక్షకపాత్రకు ఎందుకు పరిమితమయ్యారు? ఎన్నికల ప్రక్రియను నిష్పక్షపాతంగా నిర్వహించాల్సిన బాధ్యతను పక్కనపెట్టి, అధికార పార్టీకి అనుకూలంగా వ్యవహరించడమేనా వారి విధి? చంద్రబాబు కోరుకున్న ఏకగ్రీవాల కోసం ప్రతిపక్ష అభ్యర్థుల నామినేషన్లకు అడ్డంకులు సృష్టించడం, పత్రాలు చించేయడం, స్రూ్కటినీ పేరుతో తిరస్కరణలు, బలవంతపు ఉపసంహరణలు.. ఇలా ఒక్కో దశలో ప్రజాస్వామ్య ప్రక్రియనే ప్రశ్నార్థకం చేసే పరిణామాలనేకం చోటుచేసుకున్నాయి.నామినేషన్‌ పత్రాలను కాపాడలేని అధికారులు ఎన్నికలను ఎలా కాపాడతారు? అధికార పార్టీ ఒత్తిళ్లకు తలవంచితే ప్రజాస్వామ్యానికి ఇక రక్షణ ఎక్కడ? అసలు ఎన్నికల సంఘం ఎవరి కోసం? రిటర్నింగ్‌ అధికారులు ఎవరి ఆదేశాల కోసం? ప్రజాస్వామ్యాన్ని కాపాడటానికా.. అధికార పార్టీకి మార్గం సుగమం చేయటానికా? ఈ ప్రశ్నలకు సమాధానం చెప్పాల్సిన బాధ్యత ఎన్నికల యంత్రాంగంపైనా, ప్రభుత్వంపైనా ఉంది. ఎన్నికల అధికారులు గుర్తుంచుకోవాల్సింది ఒక్కటే. వారు అధికార పార్టీకి సేవకులు కాదు.ప్రజాస్వామ్యానికి కాపలాదారులు! నామినేషన్‌ పత్రాన్ని కాపాడలేని వ్యవస్థ, ఓటు హక్కును ఎలా కాపాడుతుంది? నామినేషన్ల తొలి రోజు నుంచి ఉపసంహరణల వరకు జరిగిన అక్రమాలన్నిటికీ ఆర్వోలే ప్రత్యక్ష సాక్షులు. వారిలో కొందరి గురించి చూద్దామా... గిద్దలూరులో నామినేషన్లు మాయం..మార్కాపురం జిల్లా గిద్దలూరు నియోజకవర్గంలోని ఆరు మండలాల్లో 75 ఎంపీటీసీ స్థానాలకు వైఎస్సార్‌సీపీ అభ్యర్థులను నామినేషన్లు వేయకుండా అడ్డుకున్నారు. కొమరోలు మండలంలో ఐదుగురు అభ్యర్థులు నామినేషన్లు వేస్తే.. ఐదుగురి పత్రా­లూ మాయమయ్యాయి! పత్రాలు కనిపించడం లేదంటూ ఆర్‌ఓ వంగా జ్యోతి వారి నామినేషన్లను తిరస్కరించారు. కొమరోలు­–1 షేక్‌ తస్లీమా, కొమరోలు–2 మాజీ ఎంపీపీ కామూరి అమూల్య, చింతలపల్లి సారె ఓబులమ్మ, రెడ్డిచర్ల కరిస్మా, అల్లినగరం కామూరి శ్రీనివాసరెడ్డి నామినేషన్లకు ఇదే పరిస్థితి.మరోవైపు, జెడ్పీటీసీ అభ్యర్థి సారె వెంకటనాయుడు సమర్పించిన ఎన్నికల ఖర్చుల డిక్లరేషన్‌ను తొలగించి, ఆయన నామినేషన్‌నూ తిరస్కరించారు. నామినేషన్లు స్వీకరించిన అధికారులు వాటిని భద్రపరచలేకపోయారా? ఐదుగురి పత్రాలూ ఒకేసారి ఎలా మాయమయ్యాయి? పత్రాలను కాపాడాల్సిన ఆర్‌ఓలే అవి కనిపించడం లేదంటూ నామినేషన్లు తిరస్కరిస్తే బాధ్యత ఎవరిది?టీడీపీకి కోసం తాత్సారంప్రకాశం జిల్లా దర్శి మున్సిపాలిటీ ఆర్వోగా ఉన్న ఎంఈఓ–2 రమాదేవి పసుపు చొక్కా వేసుకున్న టీడీపీ నేతలా వ్యవహరించారు. లోపల టీడీపీకి చెందిన వారి నామినేషన్‌లు తీసుకుని వైఎస్సార్‌సీపీ వారివి తీసుకోకుండా సమయం వృథా చేశారు. ఈలోపు టీడీపీ గూండాలు అక్కడకు వచ్చి వైఎస్సార్‌ సీపీనేతలపై దాడి చేసి వారి నామినేషన్లు చించేశారు.విత్‌డ్రా పేరుతో వంచన.. చివరకు నామినేషన్‌ గల్లంతు!టెక్కలి నియోజకవర్గం కోట»ొమ్మాళి మండలం చిన్నసాన ప్రాదేశికంలో రొక్కం శ్రావణి పేరుతో వేర్వేరు ప్రతిపాదకులతో రెండు నామినేషన్లు దాఖలయ్యాయి. రెండింటిలో ఒకటి ఉపసంహరించుకోవాలని అధికారులు సూచించడంతో, ఆ మేరకు ఒక నామినేషన్‌ను విత్‌డ్రా చేసుకున్నారు. బీ ఫారం సమర్పించేందుకు వెళితే.. నామినేషన్‌ పూర్తిగా తిరస్కరించబడిందని అధికారులు చెప్పారు. ఒక నామినేషన్‌ ఉపసంహరించుకోవాలని చెప్పి.. చివరకు మొత్తం నామినేషనే లేకుండా చేశారా? అభ్యర్థికి సరైన సమాచారం ఇచ్చి, నిబంధనల ప్రకారం మార్గనిర్దేశం చేయాల్సిన అధికారులే ఇలా వ్యవహరిస్తే ఆమెకు న్యాయం చేసేది ఎవరు?పత్రం చించేసి నామినేషన్‌ తిరస్కరణ!తిరుపతి జిల్లా బండారుపల్లి మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి టి. జనార్ధన్‌ రెడ్డి నామినేషన్‌ వేయడానికి వెళ్తే.. ఏర్పేడు కేంద్రం వద్ద సుమారు 500 మంది టీడీపీ మూకలు ఆయనపై, ఇద్దరు నామినీలపై రాళ్లతో దాడి చేశారు. ప్రాణభయంతో వెనుదిరిగిన ఆయన, ఎంపీ డాక్టర్‌ మద్దెల గురుమూర్తి చొరవతో మరుసటి రోజు నామినేషన్‌ వేశారు. అయితే, నామినేషన్‌ పరిశీలనలో ఆయన పత్రాల్లో ఒకదాన్ని చించేసి, దాని స్థానంలో ఖాళీ ఫారం పెట్టి, సంతకం లేదనే కారణంతో నామినేషన్‌ను తిరస్కరించారు.చివరకు ఆ స్థానాన్ని టీడీపీ ఏకగ్రీవం చేసుకుంది. మొదట నామినేషన్‌ వేయకుండా దాడులు.. తర్వాత వేసిన నామినేషన్‌ పత్రాన్ని చించేసి తిరస్కరణ! అభ్యర్థి పత్రాలను భద్రపరచాల్సిన ఆర్‌ఓల పర్యవేక్షణలోనే ఇదంతా ఎలా జరిగింది? దాడులను అడ్డుకోలేని వ్యవస్థ, నామినేషన్‌ పత్రాలను కూడా కాపాడలేకపోతే ఎన్నికల నిష్పక్షపాతానికి భరోసా ఎక్కడ?సిల్లీ రీజన్‌తో నామినేషన్‌ ఔట్‌!గుంటూరు జిల్లా దుగ్గిరా­ల మండలం చిలువూరు–1 నుంచి వైఎస్సార్‌సీపీ ఎంపీటీసీ అభ్యర్థిగా నామినేషన్‌ వేసిన అభ్యర్థి ఓటరు జాబితాలో తన వార్డు నంబరు 6కు బదులు 7గా రాశారనే కారణంతో నామినేషన్‌ తిరస్కరణకు గురైంది. అదే సమయంలో కూటమి అభ్య­ర్థులు నామినేషన్‌ పత్రాల్లో తప్పులను కొట్టివేసి సరిచేసినా వారి నామినేషన్లు ఆమోదించారు. వార్డు నంబరులో పొరపాటు­కు ఒకరి నా­మినేషన్‌ తిరస్కరణ.. ఇతరు­ల తప్పులకు మిన­హాయింపులా? నిబంధనలు అందరికీ ఒకేలా వర్తించాలా, పార్టీని బట్టి మారాలా? ఈ వ్యవహారంపై న్యాయస్థానాన్ని ఆశ్రయించేందుకు అభ్యర్థి సిద్ధమయ్యారు.పొందూరులో ఫేక్‌ విత్‌డ్రాలు..శ్రీకాకుళం జిల్లా పొందూరు మండలంలో 21 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లను ఆర్‌ఓ సూర్యప్రకాశరావు ఆమోదించారు. 21 మందికి బీ ఫారాలు తీసుకుని, రసీదులు కూడా ఇచ్చారు. కానీ విత్‌డ్రా రోజు రాత్రి 8 గంటలకు సీన్‌ మారిపోయింది! వైఎస్సార్‌సీపీ అభ్యర్థులు ఉపసంహరించుకోకపోయినా, ఐదుగురు విత్‌డ్రా చేసుకున్నట్లు చూపించి ఐదు స్థానాలను టీడీపీకి ఏకగ్రీవం చేశారు! అభ్యర్థులు తమ నామినేషన్లు ఉపసంహరించుకోలేదని ప్రశ్నించి, విత్‌డ్రాలు చేసినవారిని సీసీటీవీ ఫుటేజీలో చూపించాలని అడిగితే.. కెమెరాలే లేవని ఆర్‌ఓ సమాధానమిచ్చారు. నామినేషన్లు ఆమోదించి రసీదులు ఇచ్చిన ఆర్‌ఓ.. అభ్యర్థుల ప్ర­మే­యం లేకుండానే విత్‌డ్రాలు ఎలా నమోదు చేశారు? ఉపసంహరణ పత్రాలను ఎవరు సమర్పించారు? సీసీ కెమెరాలు లేని కేంద్రంలో ఈ ప్రక్రియకు ఆధారాలేమిటి?అభ్యర్థులు రాకుండానే విత్‌డ్రాలుప్రకాశం జిల్లా దర్శి నియోజకవర్గం కురిచేడు మండలం ఎన్నికల అధికారి పురుషోత్తమరాజు టీడీపీ కార్యకర్తలా పనిచేశారు. టీడీపీకి ఏకగ్రీవం చేయాలనే దురుద్దేశంతో నామినేషన్ల ఉపసంహరణ సందర్భంగా అభ్యర్థులు రాకుండానే ఉపసంహరణ చేసి టీడీపీ నాయకుల కనుసన్నల్లో వారికి ఏకగ్రీవం చేశారు.వైట్‌నర్‌ వాడొచ్చని చెప్పి.. అదే కారణంతో నామినేషన్‌ తిరస్కరణ!మార్కాపురం మండలం భూపతిపల్లి ఎంపీటీసీ స్థానానికి వైఎస్సార్‌సీపీ అభ్యర్థి భవనం వెంకట రామిరెడ్డి నామినేషన్‌ దాఖలు చేశారు. ఫారం నింపే సమయంలో వైట్‌నర్‌ వాడవచ్చని చెప్పిన ఎన్నికల అధికారులే, స్రూ్కటినీ సమయంలో అదే వైట్‌నర్‌ను సాకుగా చూపి నామినేషన్‌ను తిరస్కరించారు. ముందు అనుమతించి.. తర్వాత అదే కారణంతో తిరస్కరించడం! ఆర్‌ఓల ద్వంద్వ వైఖరికి ఇదే నిదర్శనం.చిత్తూరులో ఫోర్జరీ విత్‌డ్రాలు.. 51 ఏకగ్రీవాల ప్రకటన!చిత్తూరు కార్పొరేషన్‌లో మొత్తం 60 డివిజన్లు ఉంటే.. ఏకంగా 51 డివిజన్లలో ఏకగ్రీవాలంటూ ఆర్వోలు డిక్లరేషన్లు ఇచ్చేశారు. వీటిలో టీడీపీకి 47, జనసేనకు 2, బీజేపీకి 1, వైఎస్సార్‌సీపీకి 1 స్థానం దక్కినట్లు ప్రకటించారు. అసలు కుట్ర ఇక్కడే! అభ్యర్థులు, ప్రతిపాదకులు ఎవరూ నామినేషన్లు ఉపసంహరించుకోకపోయినా, వారి సంతకాలను ఫోర్జరీ చేసి విత్‌డ్రా లేఖలు సృష్టించారు.ఆ లేఖలను పరిశీలించి నిజానిజాలు నిర్ధారించాల్సిన ఆర్‌వోలు, ఉపసంహరణలు జరిగినట్లు ప్రకటించి 51 స్థానాలను ఏకగ్రీవం చేశారు. అభ్యర్థులు ఉపసంహరించుకోకుండానే ఉపసంహరణలు ఎలా జరిగినట్లు? సంతకాలు చేయకుండానే విత్‌డ్రా లేఖలు ఎలా వచ్చాయి? ఈ ప్రశ్నలకు సమాధానాలు చెప్పాల్సిన ఆర్‌వోలు, ఏకగ్రీవాల ప్రకటనలకు ఎలా ఆమోదముద్ర వేశారు?చెక్‌లిస్ట్‌ లేదు.. ఫారం–5 లేదు.. కారణాలు చెప్పకుండానే నామినేషన్లు ఔట్‌!కర్నూలు జిల్లా ఆలూరులో ఆర్వో ఆనంద్‌ రాజ్‌కుమార్‌ వ్యవహారంతో ముగ్గురు వైఎస్సార్‌సీపీ ఎంపీటీసీ అభ్యర్థులు ఎన్నికలకు దూరమయ్యారు. పెద్దహోతూరు–2 నుంచి లక్ష్మి, మొలగవల్లి–2 నుంచి నరసమ్మ, ఆలూరు–3 నుంచి వినోద్‌కుమార్‌ నామినేషన్లు దాఖలు చేశారు. నామినేషన్లలో తప్పులున్నాయంటూ పత్తికొండ ఆర్‌డీవో చిన్న ఓబులేసు వద్దకు వెళ్లాలని చెప్పిన ఆర్‌వో.. ఏ తప్పులున్నాయో స్పష్టంగా వివరించలేదు. చెక్‌లిస్ట్, ఫారం–5 ఇవ్వకుండానే నరసమ్మ నామినేషన్‌ను తిరస్కరించారు. ఆర్‌డీవో కూడా స్పష్టమైన కారణాలు వెల్లడించకుండా నామినేషన్లను తిరస్కరించడంతో ముగ్గురూ పోటీకి దూరమయ్యారు.చేబ్రోలులో ఏకపక్షంగా 19 నామినేషన్లు ఔట్‌!గుంటూరు జిల్లా చేబ్రోలు మండలంలో రిటర్నింగ్‌ అధికారి కోమలి పద్మ 19 వైఎస్సార్‌సీపీ నామినేషన్లను చిన్నచిన్న కారణాలతో తిరస్కరించారు. ఈ నిర్ణయాలపై తెనాలి ఆర్డీఓకు అప్పీల్‌ చేయగా, కొన్ని నామినేషన్ల విషయంలో నిర్ణయాలు మారాయిౄనాలుగు తిరస్కరించగా, ఆరు నామినేషన్లను ఆమోదించారు. తెనాలి, శేకూరులో ఓటు హక్కు కలిగి ఉన్నారనే కారణంతో ఒక అభ్యర్థి నామినేషన్‌ను తిరస్కరించారు.నామినేషన్ల తిరస్కరణలో ఏకపక్షంగా వ్యవహరించారన్న విమర్శలు, అప్పీల్‌ స్థాయిలో కొన్ని నిర్ణయాలు మారడం ఆర్‌ఓ నిర్ణయాలపై ప్రశ్నలు లేవనెత్తుతున్నాయి. ఒకే మండలంలో 19 నామినేషన్ల తిరస్కరణ.. అప్పీల్‌లో కొన్ని నిర్ణయాల మార్పు! నామినేషన్లను పరిశీలించాల్సిన అధికారి నిబంధనలను నిష్పక్షపాతంగా అమలు చేశారా? లేక అభ్యర్థుల పోటీ హక్కును దెబ్బతీసేలా వ్యవహరించారా? టీడీపీ అభ్యర్థులకే వెసులుబాటుశ్రీకాకుళం జిల్లా కోట»ొమ్మాళి మండలం రిటర్నింగ్‌ అధికారి కె.జగన్మోహన్‌రావు ఏక పక్షంగా టీడీపీ అభ్యర్థుల కోసం పనిచేశారు. మంత్రి అచ్చెన్నాయుడు చెప్పినట్లు చేస్తూ ఎన్నికల నిబంధనలకు తూట్లు పొడిచారు. దంత ఎంపీటీసీ ప్రాదేశికం నుంచి వైఎస్సార్‌సీపీ అభ్యరి్ధగా నామినేషన్‌ వేసిన హేమసుందర్‌రాజును పరిశీలన కోసం మండల పరిషత్‌ కార్యాలయానికి పిలిపించారు. నామినేషన్‌ పత్రాల్లో చిన్న చిన్న కారణాలు చూపించి నామినేషన్‌ను తిరస్కరించేశారు. ఎన్ని తప్పులున్నా, పత్రాలు లేకపోయినా టీడీపీ అభ్యర్థులకు మాత్రం వెసులుబాటు కలి్పంచి అక్కడికక్కడే తప్పులు సరిదిద్దేశారు. అనంతపురం రూరల్‌లో వైఎస్సార్‌సీపీకి ఒక న్యాయం.. టీడీపీకి మరో న్యాయం! కందుకూరు–1 ఎంపీటీసీ వైఎస్సార్‌సీపీ అభ్యర్థి కామక్కగారి మురళి ఒరిజినల్‌ కుల ధ్రువీకరణ పత్రాన్ని టీడీపీ వ్యక్తులు చించేయడంతో జిరాక్స్‌ కాపీతో నామినేషన్‌ వేశారు. స్రూ్కటినీ సమయానికి ఒరిజినల్‌ పత్రం తీసుకురావాలని అధికారులు చెప్పడంతో ఆయన అలాగే సమర్పించారు. అయినా జిరాక్స్‌ కాపీ జత చేశారనే కారణంతో నామినేషన్‌ తిరస్కరించారు. ఆర్‌డీఓను ఆశ్రయించినా న్యాయం జరగలేదు.అదే రూరల్‌ మండలం రాచాననపల్లి–1లో టీడీపీ అభ్యర్థి డి. రమ్య నామినేషన్‌లోనూ కుల ధ్రువీకరణ పత్రం జిరాక్స్‌ కాపీనే సమర్పించారు. ఆమె నామినేషన్‌ను తొలుత తిరస్కరించినా, అప్పీల్‌లో ఆర్‌డీఓ ఆమోదించారు. ఒకే తరహా తప్పు.. వైఎస్సార్‌సీపీ అభ్యర్థికి తిరస్కరణ, టీడీపీ అభ్యర్థికి ఆమోదం! ఇదేనా ఎన్నికల అధికారుల నిష్పక్షపాత ధోరణి? నిబంధనలు పార్టీని బట్టి మారతాయా?ముందు పోటీలో ఉన్నట్లు ధ్రువీకరణ.. తర్వాత నామినేషన్‌ తిరస్కరణ!చిత్తూరు జిల్లా నగరి మునిసిపాలిటీలో వైఎస్సార్‌సీపీ చైర్మన్‌ అభ్యర్థి బాలకృష్ణన్‌ నామినేషన్‌ పరిశీలన అనంతరం పోటీలో ఉన్నట్లు ఆర్‌ఓ ఫారం–7 ఇచ్చారు. కొద్దిసేపటికే సీన్‌ మారిపోయింది! ఆయన నామినేషన్‌ చెల్లదంటూ తిరస్కరించి, టీడీపీ అభ్యర్థి చైర్మన్‌గా ఏకగ్రీవంగా గెలిచినట్లు ప్రకటించారు. పోటీలో ఉన్నట్లు ధ్రువీకరించిన నామినేషన్‌ కొద్దిసేపటికే ఎలా చెల్లకుండాపోయింది? నిర్ణయం మార్చడానికి కారణమేంటి? ఆర్‌ఓ సంజీవకుమార్, మునిసిపల్‌ కమిషనర్‌ బాలాజీ నాయక్‌ అధికార పార్టీకి అనుకూలంగా పనిచేశారనేందుకు ఈ ఉదాహరణ సరిపోదా?పేజీ తొలగించి నామినేషన్‌కు మంగళం!ఆలూరులో స్థానిక ఎన్నికల వేళ అధికార యంత్రాంగం తీరుపై తీవ్ర ప్రశ్నలు! ఆలూరు–3, పెద్దహోతూరు–2, మొలగవల్లి–2 స్థానాల్లో అభ్యర్థుల నామినేషన్లలో తప్పులు లేకున్నా, అప్పీళ్ల పేరుతో ఉపసంహరణలకు దారితీశారు. ఆలూరు–3 నుంచి నామినేషన్‌ వేసిన వినోద్‌ పత్రాల్లో నాలుగో పేజీ తొలగించి, నామినేషన్‌ను తిరస్కరించారు. అరికెర గ్రామం నుంచి నామినేషన్‌ వేసిన తిమ్మప్ప బీ ఫారం సమర్పించేందుకు ఆలూరు ఎంపీడీఓ కార్యాలయానికి వస్తే, ఎస్‌ఐ మన్మథ విజయ్‌ బలవంతంగా తీసుకెళ్లి నామినేషన్‌ ఉపసంహరింపజేశారు. పత్రాలు తొలగించి నామినేషన్ల తిరస్కరణ.. పోలీసుల బలంతో ఉపసంహరణలు! అభ్యర్థుల పోటీ హక్కును కాపాడాల్సిన అధికారులే అడ్డంకులుగా మారితే ఎన్నికల స్వేచ్ఛకు రక్షణ ఎక్కడ?

సాక్షి, అమరావతి: సీఎం చంద్రబాబు నేతృత్వంలోని కూటమి ప్రభుత్వానికి స్థానిక సంస్థల ఎన్నికల్లో ఉద్యోగులు బుద్ధి చెప్పాలని ఆంధ్రప్రదేశ్‌ గవర్నమెంట్‌ ఎంప్లాయీస్‌ ఫెడరేషన్‌ చైర్మన్‌ కాకర్ల వెంకటరామిరెడ్డి పిలుపునిచ్చారు. ఇప్పుడు మేల్కోకపోతే ఉద్యోగుల భవి­ష్యత్‌ అంధకారమేనని స్పష్టం చేశారు. తాడేపల్లిలో బుధ­వారం ఆయన మీడి­యాతో మాటా­్లడారు. రాష్ట్ర ప్రభుత్వ ఉద్యోగుల్లో భాగ­మైన పోలీసులు స్థానిక సంస్థల ఎన్ని­కల్లో ప్రభుత్వానికి వత్తాసు పలకటం ఆశ్చర్యకరం అన్నారు.పోలీసులకు వీక్‌ ఆఫ్‌ లేదని, వారికి ఇచ్చిన ఏ ఒక్క హామీ చంద్ర బాబు నెరవేర్చలేదని చెప్పారు. ఏ కోణంలో వారు చంద్రబాబు ప్రభుత్వానికి కొమ్ము కాశారో అర్థం కావడం లేదన్నారు. చంద్రబాబు ప్రభుత్వం ఉద్యోగులకు, పోలీసులకు ఎలాంటి మేలు చేయలేదని చెప్పారు. ఈ ప్రభుత్వం వివిధ రకాల ఉద్యోగులను ఎలా మోసం చేసింది.. ఒక్కో ఉద్యోగికి ఎంత నష్టం కలిగిందనేది గణాంకాలతో సహా విడుదల చేశారు.‘ఉద్యోగులకు డీఏలు లేవు, ఐఆర్‌ లేదు. పీఆర్‌సీ లేదు. పెండింగ్‌ బిల్లులు లేవు. కాంట్రాక్టు ఉద్యోగుల రెగ్యులరైజేషన్‌ ఆగిపోయింది. సీపీఎస్‌ ఉద్యోగులకు ఓపీఎస్‌ లేదు. కనీసం పెన్షన్‌ గ్యారంటీ ఇచ్చే జీపీఎస్‌ కూడా లేదు. పెన్షనర్లకు కార్పొరేషన్‌ లేదు. పోలీసులకు శని, ఆదివారాలు సెలవులు లేవు. ఔట్‌ సోర్సింగ్‌ ఉద్యోగులకు పథకాలు లేవు. వలంటీర్లకు 10 వేల జీతం దేవుడెరుగు.. అసలు ఉద్యోగమే లేదు.వీఆర్‌ఏలకు జీతం పెంచలేదు. సమగ్ర శిక్ష ఉద్యోగులకు, ఏఏఎస్‌హెచ్‌ఏ వర్కర్లకు రూపాయి జీతం పెంచలేదు. హోంగార్డులకు జీతం పెరగలేదు. అంగన్‌ వాడీలకు గ్రాట్యుటీ ఇవ్వలేదు. గ్రామ, వార్డు సచివాలయ ఉద్యోగులకు గౌరవం లేదు.. నోషనల్‌ ఇంక్రిమెంట్లు, ప్రమోషన్లు లేవు. జీవో నెంబర్‌ 11 తెచ్చి గ్రామ, వార్డు సచివాలయ ఉద్యోగులకు జాబ్‌ చార్ట్‌ లేకుండా చేశారు. అసెంబ్లీ ఉద్యోగులకు ప్రమోషన్లు లేవు. ఉద్యోగుల హెల్త్‌ కార్డులు పని చేయవు. టీచర్లకు యాప్‌ల గోల తగ్గలేదు.. ప్రమోషన్లు లేవు. టీచర్ల నెత్తిన టెట్‌ అనే గుదిబండ తెచ్చి పెట్టారు. పోలీసులకు 5 సరెండర్‌ లీవ్‌ బిల్లులు పెండింగ్‌లో ఉన్నాయి. అప్కోస్‌ రద్దు చేసి, ఔట్‌ సోర్సింగ్‌ ఉద్యోగులను మళ్లీ దళారుల పాలు చేశారు. రేషనలైజేషన్‌ పేరుతో సచివాలయ వ్యవస్థను నిర్వీర్యం చేసే కుట్రకు సీఎం చంద్రబాబు శ్రీకారం చుట్టారు. ఆర్టీసీ ప్రైవేటీకరణకు కుట్రలు చేస్తున్నారు. విద్యుత్‌ ఉద్యోగులకు పీఆర్‌సీ లేదు. ఈ రకంగా ఉద్యోగులను వేధిస్తున్న ఈ ప్రభుత్వానికి బుద్ధి చెప్పాల్సిన తరుణం ఇదే.స్థానిక ఎన్నికల్లో ఉద్యోగులు సహకారం అందిస్తే ఇంకా అహంకారం పెరుగుతుంది. ఈ ఎన్నికలు పూర్తయితే 2029 ఎన్నికల వరకు పట్టించుకోదు. అందుకే ఈ ఎన్నికల్లో ప్రభుత్వానికి బుద్ధి వచ్చేలా ఉద్యోగులు వ్యవహరించాలి. అప్పుడే ప్రభుత్వం ఉద్యోగుల వైపు చూస్తుంది’ అని స్పష్టం చేశారు.

దశ కుట్రలివీ..చంద్రబాబు, ఆయన గ్యాంగ్‌ కలిసి ఈ స్థానిక ఎన్నికల్లో చేసిన 10 కుట్రలు ఇలా ఉన్నాయి1 నామినేషన్‌ వేయకముందే.. పోటీ చేయాలనుకునే వారికి బెదిరింపులు.. వైఎస్సార్‌సీపీ అభ్యర్థులు, వారికి సహకరించే వారిని బెదిరించడం, బైండోవర్‌ చేయడం, ముందస్తు అరెస్టులు చేయడం.2 నాయకుల గృహ నిర్భంధం..ఎక్కడా అభ్యర్థులకు తోడుగా నాయకులను వెళ్లనీయలేదు.3 నామినేషన్‌ కేంద్రాల్లోకి ప్రతిపక్ష అభ్యర్థులు రాకుండా టీడీపీ కిరాయి గూండాలు, గంజాయి బ్యాచ్‌లతో పోలీసులే దగ్గరుండి దాడులు చేయించారు.4 పోలీసుల సమక్షంలోనే నామి నేషన్‌ పత్రాలు లాక్కున్నారు. కొన్ని చోట్ల ఆర్వోల చేతిలో నుంచి లాక్కుని చించేశారు. 5 ఇన్ని అక్రమాలు జరుగుతున్నా పోలీసులు అడ్డుకోలేదు. బాధిత అభ్యర్థులనే బయటకు నెట్టేశారు. నామినేషన్‌ వేయడానికి అభ్యర్థి కాకుండా, కేవలం ముగ్గురినే అనుమతించారు. టీడీపీ గూండాలు మాత్రం వందల్లో ఉన్నారు. వాళ్లు దౌర్జన్యంగా నామినేషన్‌ పత్రాలు లాక్కుని చించేశారు. 6 దాడి చేసిన వారిని వదిలేసి, దాడులకు గురైన ప్రతిపక్ష పార్టీ అభ్యర్థుల పైనే తిరిగి కేసులు పెట్టారు. అలా వారిని ఇంటికే పరిమితం చేశారు. లేదంటే జైలుకు పంపారు.7 స్క్రూటినీ పేరుతో నామినేషన్లు తిరస్కరించారు. ఆ సమయంలో అభ్యర్థులను ఆఫీసులకు రానివ్వలేదు. కొన్ని చోట్ల అభ్యర్థుల సంతకాలు ఫోర్జరీ చేసి, విత్‌డ్రా చేసుకున్నట్లు చెప్పారు. 8 అభ్యర్థులను బెదిరించి నామినేషన్‌ ఉపసంహరణకు ఒత్తిడి చేశారు. 9 టీడీపీ వాళ్లే వైఎస్సార్‌సీపీ అభ్య ర్థులుగా నంబర్‌ ఎక్కువగా కనిపించడానికి నకిలీ నామినేషన్లు వేశారు. తర్వాత ఉపసంహరించారు. 10 అమ్ముడుపోయిన ఆర్వోలు.. నామినేషన్‌ సందర్భంగా అన్ని పత్రాలు సరిగానే ఉన్నాయని రాసిచి్చన ఆర్వోలు.. ఆ తర్వాత కొన్ని ముఖ్యమైన డాక్యుమెంట్లు చించేశారు. ఆతర్వాత నామినేషన్లను తిరస్కరించారు. తాను గెలవలేనని చంద్రబాబుకు తెలుసు.. ప్రజలకు మంచి చేయలేదని తెలుసు.. ప్రజల్లోకి వెళ్తే నిలదీతలు తప్పవనీ తెలుసు! అందుకే ప్రజల తీర్పును ఎదుర్కొనే ధైర్యం లేక, ప్రత్యర్థులను బరిలోకే రాకుండా అడ్డుకునే కుట్రలకు తెరలేపారు. పోలీసులను, ఎన్నికల అధికారులను తన రాజకీయ ప్రయోజనాలకు వాడుకుంటూ, తాను కోరుకున్నవారే ఏకగ్రీవం కావాలన్న లక్ష్యంతో ప్రజాస్వామ్యాన్ని అపహాస్యం చేసే రాజకీయానికి దిగారు. నామినేషన్‌ వేయకముందేబెదిరింపులు.. నాయకులకు గృహ నిర్బంధాలు.. నామినేషన్‌ కేంద్రాల వద్ద దౌర్జన్యాలు.. పత్రాలు లాక్కోవడం, చించేయడం.. స్క్రూటినీ పేరుతో తిరస్కరణలు.. బలవంతపు ఉపసంహరణలు!ఇలా అడుగడుగునా అడ్డంకులు సృష్టిస్తూ ప్రత్యర్థులను ఎన్నికల బరి నుంచి తప్పించే ఎత్తుగడలకు దిగారు. ప్రజలకు చేసిన మేలు చెప్పుకుని ఓట్లు అడగాల్సిన చంద్రబాబు.. ప్రత్యర్థులను అడ్డు కుని ఏకగ్రీవాలు సాధించడమే రాజకీయ వ్యూహంగా మార్చుకున్నారు. ప్రజల మద్దతు ఉంటే పోటీకి భయమెందుకు? పాలనపై నమ్మకం ఉంటే ప్రత్యర్థుల నామినేషన్లను అడ్డుకోవాల్సిన అవసరమేంటి? ప్రజాతీర్పును ఎదుర్కోవాల్సిన పాలకులు, ప్రజల ఎంపికకు అడ్డుగోడలు కడితే అది ప్రజాస్వామ్యానికి పట్టిన దుర్గతి కాదా? ప్రజల మనసులు గెలవలేక ప్రత్యర్థులను అడ్డుకోవడం.. పాలనతో నమ్మకం పొందలేక అధికారంతో భయపెట్టడం.. ఇదే చంద్రబాబు రాజకీయ నీతి.ప్రజల ఓట్లతో గెలవాలి కానీ, ప్రజలకు ప్రత్యామ్నాయమే లేకుండా చేసి గెలిచినట్లు చెప్పుకోవడం ప్రజాస్వామ్యం ఎలా అవుతుంది? ఇటు పోలీసులను, అటు ఎన్నికల సంఘం అధికారులను అడ్డగోలుగా వాడుకున్న చంద్ర బాబు తాను అనుకున్నట్లు ఏకగ్రీవాలు సాధించారు. అందుకోసం రాష్ట్రంలో గతంలో ఎన్నడూ కనీవిని ఎరుగని రీతిలో సాగించిన దశకుట్రలు, దుర్మార్గాలు, దాషీ్టకాలు చూసి దేశమంతా నివ్వెరపోయింది. పోలింగ్‌కు ముందే ఇన్ని అరాచకాలు చేస్తే ఇక పోలింగ్‌ రోజు ఎలాంటి భీతావహ పరిస్థితులను చూడాల్సి వస్తుందోనని జనం చర్చించుకుంటున్నారు. కర్నూలు డీఐజీ కోయ ప్రవీణ్‌.. పల్నాడు ఎస్పీ జగదీష్‌ అడహళ్లి.. అన్నమయ్య ఎస్పీ ధీరజ్‌ కనుబిల్లి.. కడప ఎస్పీ నచికేత్‌ విశ్వనాథ్‌.. ప్రకాశం జిల్లా ఎస్పీ హర్షవర్ధన్‌ రాజు.. చిత్తూరు ఎస్పీ తుషార్‌ డూడీ.. స్థానిక సంస్థల ఎన్నికల ప్రక్రియ మొదలయినప్పటి నుంచి వీళ్ల పేర్లు తరచూ వింటున్నాం. ఈ జిల్లాల్లో జరిగే అరాచకాలను అరికట్టడానికి బదులు మరింత తీవ్రరూపం దాల్చడానికి వీళ్ల నిష్క్రియా పరత్వం, అధికార పక్షానికి తొత్తుల్లా వ్యవహరిస్తుండడమే కారణమన్న విమర్శలున్నాయి. ఇంతకూ వీళ్లు చేసిందేమిటి? వీళ్లకు ఎందులో మంచి నైపుణ్యముంది? వీళ్ల రేంజ్‌లోని ప్రాంతాల్లో ఏం జరిగిందో.. తెలుసుకుందాం..‘‘యోగః కర్మసు కౌశలమ్‌’’ భగవద్గీత 2వ అధ్యాయం, 50వ శ్లోకంలోని వాక్యమిది. కర్తవ్య నిర్వహణలో నైపుణ్యమే యోగం.. ఇదీ సివిల్‌ సర్వెంట్లకు శిక్షణ ఇచ్చే ముస్సోరి ట్రైనింగ్‌ అకాడమి మోటో. అధికారాన్ని ప్రదర్శించడం కాదు, చట్టాన్ని నిష్పక్షపాతంగా అమలు చేయడం; రాజకీయ ఒత్తిళ్లకు లొంగడం కాదు, రాజ్యాంగబద్ధమైన విధులను సమర్థంగా నిర్వర్తించడం అని బోధిస్తారు. కానీ ఈ అధికారులు పాక్‌ ఆక్రమిత కాశ్మీరులోని ఉగ్రవాద శిబిరాలలో శిక్షణ తీసుకున్నట్టు ఉంది. అందుకే అరాచకాలకు పెద్దపీట వేయడం, అధికారపక్షానికి కొమ్ముకాస్తూ ప్రతిపక్షానికి నరకం చూపించడమే నైపుణ్యమని నమ్ముతున్నట్లుగా కనిపిస్తుంది. వీళ్ల నైపుణ్యాలేమిటో తెలుసా? నామినేషన్‌ ప్రక్రియను రణరంగంగా మార్చడం అర్హత ఉన్న ప్రతిపక్ష సభ్యుల్లో ఏ ఒక్కరినీ నామినేషన్‌ వేయనీయకుండా చూడడం.. కసాయి మూకలను ముందే రిటర్నింగ్‌ అధికారి కార్యాలయంలోకి అనుమతించడం.. కళ్ల ముందే దాడులు జరుగుతున్నా.. ఎన్ని వినతిపత్రాలు ఇచ్చినా పట్టించుకోకపోవడం ప్రశ్నించిన వారిని కొట్టడం.. వారిపైనే తిరిగి కేసులు పెట్టడం దుశ్శాసనులుగా మారి మహిళలపై అరాచకాలు చేస్తున్నా పట్టనట్టు వ్యవహరించడం.. ప్రతిపక్ష సభ్యులపై దాడి చేయడంలో రౌడీమూకలు మిస్సయినా తామే ముందుకు దూకి దాడులు చేయడం ప్రతిపక్ష సభ్యులెవరూ నామినేషన్‌ వేయకూడదు.. ఎన్నికలు స్వేచ్ఛగా జరగకూడదు.. ఇవే లక్ష్యాలు1. కడప ఎస్పీ నచికేత్‌ విశ్వనాథ్‌.. వైఎస్సార్‌ కడప జిల్లాలో మున్సిపల్‌ ఎన్నికల నామినేషన్ల ప్రక్రియలో పోలీసు వ్యవస్థ వైఫల్యం బహిర్గతమైంది. మూడు రోజుల పాటు టీడీపీ మూకలు వైఎస్సార్‌సీపీ నేతలు, కార్యకర్తలపై దాడులకు దిగుతూ నామినేషన్లను అడ్డుకున్నా ఎస్పీ నచికేత్‌ విశ్వనాథ్‌ పరిస్థితిని అదుపులోకి తీసుకురాలేకపోయారు. బీఎన్‌ఎస్‌ సెక్షన్‌ 163 అమల్లో ఉన్నా గుంపులను చెదరగొట్టలేదు. మరోవైపు వైఎస్సార్‌సీపీ నేతలకు నోటీసులు, హౌస్‌ అరెస్టులు.. దాడులకు దిగిన మూకలకు మాత్రం అడ్డుకట్ట లేకుండా పోయింది.కడప నగరం నుంచి మున్సిపల్‌ కేంద్రాల వరకు వైఎస్సార్‌సీపీ అభ్యర్థులు నామినేషన్లు వేయడానికి వెళ్తే దాడులు ఎదుర్కొనే పరిస్థితి ఏర్పడింది. వరుస ఘటనలు జరిగినా ఎస్పీ నచికేత్‌ విశ్వనాథ్‌ పరిస్థితిని అదుపు చేయలేకపోయారు. ఎస్పీ బంగళాకు సమీపంలోని గాంధీనగర్‌ హైసూ్కల్‌ వద్ద శ్యాంసన్‌పై దాడి జరిగింది. మరియాపురంలో మాజీ కార్పొరేటర్‌ బాలస్వామిరెడ్డిపై పోలీసుల సమక్షంలోనే దాడి జరగగా, కాగితాలపెంట వద్ద మురాద్‌పై కత్తిపోట్లు పడ్డాయి. ఆంక్షలు అమల్లో ఉన్నా గుంపులుగా చేరిన టీడీపీ కార్యకర్తలను చెదరగొట్టలేదు. దాడుల తర్వాత కూడా మరుసటి రోజు పటిష్ట బందోబస్తు లేకపోవడంతో నామినేషన్లకు మళ్లీ అడ్డంకులు ఎదురయ్యాయి. వైఎస్సార్‌సీపీ నేతలకు నోటీసులు జారీ చేసి హౌస్‌ అరెస్టులు చేయడంలో చురుగ్గా వ్యవహరించిన పోలీసులు, నామినేషన్లను అడ్డుకున్న మూకలను నియంత్రించడంలో మాత్రం విఫలమయ్యారు. నామినేషన్లు వేయలేక హైకోర్టును ఆశ్రయించిన సుమారు 20 మంది అభ్యర్థులకు రక్షణ కల్పించి నామినేషన్లు వేయించాలని కోర్టు ఆదేశించింది. అయినా మేయర్‌ అభ్యర్థి బండి దీప్తిరెడ్డి ఎస్పీ నచికేత్‌ విశ్వనాథ్, డీఎస్పీ భవానిని ఆశ్రయించినా అభ్యర్థులకు రక్షణ కల్పించడంలో విఫలమయ్యారు. 2. పులివెందుల డీఎస్పీ మురళీనాయక్‌.. పులివెందులలో మురళీనాయక్‌ డీఎస్పీగా బాధ్యతలు చేపట్టినప్పటి నుంచి పోలీసు వ్యవస్థ అధికార పారీ్టకి కొమ్ముకాస్తూ, ప్రతిపక్షాన్ని అణచివేసే సాధనంగా మారింది. స్థానిక ఎన్నికల్లో వైఎస్సార్‌సీపీ అభ్యర్థులను నామినేషన్లు వేయకుండా అడ్డుకోవడం.. నిరసనకు దిగిన నాయకులపై టియర్‌ గ్యాస్, రబ్బర్‌ బుల్లెట్లు ప్రయోగించడం.. రాళ్ల దాడులకు దిగడం.. ఇదీ పులివెందులలో ఖాకీ రాజ్యం! ఎంపీ వైఎస్‌ అవినాష్‌రెడ్డి అభ్యర్థులతో కలిసి వచ్చినా వైఎస్సార్‌సీపీ నేతలను నామినేషన్‌ కేంద్రాల్లోకి అనుమతించలేదు.నిరసనకు దిగిన వైఎస్సార్‌సీపీ నాయకులపై టియర్‌ గ్యాస్, రబ్బర్‌ బుల్లెట్లు ప్రయోగించారు. ఎంపీ వ్యక్తిగత కార్యదర్శి రాఘవరెడ్డి, మాజీ మున్సిపల్‌ వైస్‌ చైర్మన్‌ హఫీజ్‌ సహా పలువురు గాయపడ్డారు. రెండు కేసుల్లో 924 మందిపై నాన్‌ బెయిలబుల్‌ కేసులు నమోదు చేసి, కీలక నేతల అరెస్టుకు ప్రత్యేక బృందాలు ఏర్పాటు చేశారు. డీఎస్పీ తీరుపై ఎంపీ వైఎస్‌ అవినాష్ రెడ్డి రాష్ట్ర ఎన్నికల సంఘం, హైకోర్టును ఆశ్రయించారు. 3. తిరుపతి డీఎస్పీ కొండయ్య నాయుడు.. తిరుపతి కార్పొరేషన్‌ ఎన్నికల నామినేషన్ల సందర్భంగా డీఎస్పీ పి. కొండయ్య నాయుడు వ్యవహరించిన తీరుపై తీవ్ర ప్రశ్నలు తలెత్తాయి. వైఎస్సార్‌సీపీ మేయర్‌ అభ్యర్థి వాసుదేవ యాదవ్, ఎంపీ డాక్టర్‌ గురుమూర్తి, ఎమ్మెల్సీ డాక్టర్‌ సిపాయి సుబ్రహ్మణ్యం ఆర్వో కేంద్రానికి వెళ్లేందుకు ప్రయత్నించినప్పుడు వందలాది మంది వారిని చుట్టుముట్టి అడ్డుకున్నారు. కారుపై కర్రలతో, చేతులతో దాడి చేస్తూ గందరగోళం సృష్టించినా, అక్కడే ఉన్న డీఎస్పీ బాధితులకు రక్షణ కల్పించలేదని వివరించారు. మేయర్‌ అభ్యర్థి, ఎంపీ, ఎమ్మెల్సీని వందలాది మంది చుట్టుముట్టి కారు దిగకుండా అడ్డుకున్న సమయంలో డీఎస్పీ పి. కొండయ్య నాయుడు అక్కడే ఉన్నారు. కర్రలతో, చేతులతో కారును బాదుతూ గందరగోళం సృష్టించినా డీఎస్పీ రక్షణ కలి్పంచలేదు. నామినేషన్‌ వేసేందుకు వచ్చిన ప్రజాప్రతినిధులను లోనికి వెళ్లకుండా అడ్డుకున్నారన్నది డీఎస్పీ పాత్రపై ప్రధాన ప్రశ్న. మరోసారి నామినేషన్‌ వేసేందుకు ప్రయత్నించినప్పుడు కూడా గుంపులు గుమిగూడి దౌర్జన్యానికి దిగినా డీఎస్పీ చూస్తూ ఉండిపోయారు. నామినేషన్‌ ప్రక్రియను స్వేచ్ఛగా, ప్రశాంతంగా నిర్వహించాల్సిన బాధ్యత ఉన్న అధికారిగా కొండయ్య నాయుడు ఎందుకు జోక్యం చేసుకోలేదన్న ప్రశ్నలు తలెత్తుతున్నాయి. 4. ఆత్మకూరు డీఎస్పీ రామాంజినాయక్‌.. నంద్యాల జిల్లా ఆత్మకూరు మున్సిపాలిటీ ఎన్నికల్లో డీఎస్పీ రామాంజినాయక్‌ తీరు వివాదాస్పదంగా మారింది. వైఎస్సార్‌సీపీ చైర్‌పర్సన్‌ అభ్యర్థి ప్రియాంకభాయ్‌ నామినేషన్‌లోని కుల ధ్రువీకరణ పత్రం జిరాక్స్‌ కాపీని పరిశీలన సమయంలో టీడీపీ కార్యకర్త యుగంధర్‌రెడ్డి చించేశాడు. ఈ ఘటనపై నిరసన తెలిపేందుకు వచ్చిన మాజీ ఎమ్మెల్యే శిల్పా చక్రపాణిరెడ్డిపై డీఎస్పీ విరుచుకుపడ్డాడు. ఏకవచనంతో సంబోధిస్తూ, నిరసన చేస్తే కేసులు పెడతానంటూ హెచ్చరించాడు. కార్యకర్తలను అక్కడి నుంచి వెళ్లిపోవాలంటూ బెదిరించి నిరసనను అడ్డుకున్నాడు. నిరసన చేస్తే చూస్తూ ఊరుకోనని, కేసులు పెడతానంటూ హెచ్చరించాడు. కార్యకర్తలను అక్కడి నుంచి వెళ్లిపోవాలంటూ హెచ్చరించి, మాజీ ఎమ్మెల్యేను, కార్యకర్తలను వెనక్కి పంపించాడు. మున్సిపల్‌ ఎన్నికల్లో 60:40 నిష్పత్తిలో రాజీ కేటాయింపుల వెనుక పాత్ర ఉందనే చర్చ సాగింది. వైఎస్సార్‌సీపీ అభ్యర్థులను బెదిరించి రాజీ ప్రక్రియ నడిపించడంలో కీలకంగా వ్యవహరించారనే ఆరోపణలు ఉన్నాయి. 5. మదనపల్లె డీఎస్పీ ప్రసాద్‌.. పుంగనూరు మున్సిపల్‌ ఎన్నికల నామినేషన్ల సందర్భంగా మదనపల్లె డీఎస్పీ ప్రసాద్‌ దారుణంగా వ్యవహరించారు. టీడీపీ మూకలు దాడులకు దిగుతుంటే అడ్డుకోకుండా చూస్తుండిపోయారు. ఎంపీ మిథున్‌రెడ్డిపై దాడులు జరుగుతున్నా జోక్యం చేసుకోలేదు. ఆ తర్వాత గాలిలోకి మూడు రౌండ్ల కాల్పులు జరిపారు. ఘటనపై డీఎస్పీ ఇచ్చిన ఫిర్యాదులోని వివరాలు కూడా పలు ప్రశ్నలకు తావిస్తున్నాయి.టీడీపీ మూకలు స్వైరవిహారం చేస్తుంటే అడ్డుకోవాల్సిన డీఎస్పీ ప్రసాద్‌ మౌనంగా ఉండిపోయారు. ఎంపీ స్థాయి వ్యక్తిపై దాడులు జరుగుతున్నా చర్యలు తీసుకోలేదు. గేటు వద్ద సీఐలు దస్తగిరి, సుబ్బారాయుడు నిబంధనలు వివరించారని ఫిర్యాదులో పేర్కొంటూనే, వాహనం గేటును ఢీకొని దూసుకెళ్లిందని చెప్పడం పరస్పర విరుద్ధంగా కనిపిస్తోంది. గుంపును చెదరగొట్టేందుకు ఎలాంటి చర్యలు తీసుకున్నారు? కాల్పులే చివరి మార్గంగా మిగిలేంత పరిస్థితి ఎందుకు వచ్చింది? మూడు రౌండ్ల కాల్పులకు దారితీసిన పరిస్థితులపై సమాధానం లేదు. దాడులకు దిగినవారికే ప్రాణహాని ఉందనే కారణంతో కాల్పులు జరిపినట్లు ఫిర్యాదులో పేర్కొనడం డీఎస్పీ నిర్ణయంపై తీవ్ర సందేహాలు రేకెత్తిస్తోంది. 6. చంద్రగిరి డీఎస్పీ జగదీష్‌ నాయక్‌.. తిరుపతి జిల్లా రామచంద్రాపురం మండలంలో వైఎస్సార్‌సీపీ అభ్యర్థులను నామినేషన్‌ కేంద్రాల్లోకి వెళ్లకుండా అడ్డుకోవడంలో డీఎస్పీ జగదీష్‌ నాయక్‌ పాత్రపై తీవ్ర ప్రశ్నలు తలెత్తాయి. అనుప్పల్లి ఎంపీటీసీ అభ్యర్థి నందిని, ఆమె భర్త సాంబయాదవ్‌ నామినేషన్లు వేయడానికి వెళ్లినప్పుడు టీడీపీ గూండాలు అడ్డుకుని పత్రాలు చించివేశారు. డీఎస్పీ సిబ్బందిని వెనక్కి పంపించడంతో అభ్యర్థులకు రక్షణ కరువైంది. వైఎస్సార్‌సీపీ అభ్యర్థులను కేంద్రంలోకి వెళ్లకుండా అడ్డుకున్నారు. డీఎస్పీ సమక్షంలోనే నందిని నామినేషన్‌ పత్రాలను చించివేశారు. అభ్యర్థుల వివరాలను టీడీపీ నాయకులకు చేరవేసి నామినేషన్లను అడ్డుకునేందుకు సహకరించారనే ఆరోపణలు ఉన్నాయి. మూడు రోజుల పాటు ఇబ్బందులు ఎదుర్కొన్న నందిని, సాంబయాదవ్‌లకు చివరి రోజు ఎస్పీ, కలెక్టర్‌ వచ్చి నామినేషన్లు వేయించారు. 7. ప్రొద్దుటూరు డీఎస్పీ బాలస్వామిరెడ్డి.. ప్రొద్దుటూరు డీఎస్పీగా బాధ్యతలు చేపట్టిన బాలస్వామిరెడ్డి ఎన్నికల సమయంలో టీడీపీకి అనుకూలంగా వ్యవహరించారు.. వైఎస్సార్‌సీపీ అభ్యర్థులను నామినేషన్లు వేయకుండా అడ్డుకోవడం, నామినేషన్ల తిరస్కరణ, నిరసనకారులపై లాఠీఛార్జి ఘటనలు ఆయన పనితీరుపై ప్రశ్నలు లేవనెత్తాయి. 15 మంది వైఎస్సార్‌సీపీ కౌన్సిలర్‌ అభ్యర్థులను నామినేషన్లు వేయకుండా అడ్డుకున్నారు.టీడీపీ అభ్యంతరాలపై వైఎస్సార్‌సీపీ అభ్యర్థుల నామినేషన్లు తిరస్కరించారు. మాజీ ఎమ్మెల్యే రాచమల్లు ప్రసాదరెడ్డితో పాటు వైఎస్సార్‌సీపీ నేతలపై లాఠీఛార్జి చేశారు. మహిళల పట్ల కూడా పోలీసులు అమర్యాదగా ప్రవర్తించారనే ఆరోపణలు వచ్చాయి. 8. దర్శి సీఐ నాగమల్లేశ్వరరావు.. దర్శి సీఐ నరహరి నాగమల్లేశ్వరరావు అత్యంత దారుణంగా వ్యవహరించారు. టీడీపీ నియోజకవర్గ ఇన్‌చార్జి గొట్టిపాటి లక్షి్మకి అనుకూలంగా పనిచేస్తూ, దర్శి మున్సిపాలిటీలోని 32 వార్డుల్లో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకునేందుకు పోలీసు అధికారాన్ని ప్రయోగించారు. నామినేషన్‌ కేంద్రాలకు వెళ్లే అభ్యర్థులను కొట్టడం, నామినేషన్‌ పత్రాలను చించివేయడం, భారీ సంఖ్యలో నాన్‌బెయిలబుల్‌ కేసులతో భయపెట్టడం ఈ వ్యవహారంలో ప్రధాన అంశాలు. నామినేషన్ల మొదటి రోజు గడియారం స్తంభం సెంటర్‌ దాటనివ్వలేదు. రెండో రోజు డీఎస్పీ కార్యాలయం దాటి అభ్యర్థులు ముందుకు వెళ్లకుండా అడ్డుకున్నారు. నామినేషన్‌ పత్రాలు చేతిలో ఉన్న అభ్యర్థులను లక్ష్యంగా చేసుకుని కొట్టి భయభ్రాంతులకు గురిచేశారు. ఇతర జిల్లాల నుంచి వచ్చిన టీడీపీ కార్యకర్తలు నామినేషన్‌ కేంద్రాల వద్ద కర్రలు, మారణాయుధాలతో గుంపులుగా తిరిగినా పట్టించుకోలేదు. నామినేషన్‌ కేంద్రాల వద్ద టీడీపీ కార్యకర్తలు వైఎస్సార్‌సీపీ అభ్యర్థులను కొట్టడం, సెల్‌ఫోన్లు పగలగొట్టడం, నామినేషన్‌ పత్రాలను చించివేయడం జరిగినా అడ్డుకోలేదు. ఎస్‌ఐకి తగిలిన చిన్న గాయాన్ని సాకుగా చూపి నాన్‌బెయిలబుల్‌ కేసులు పెడతామని బెదిరించి 131 మందిపై కేసులు పెట్టారు. మరికొందరి పేర్లను కూడా ఎఫ్‌ఐఆర్‌లో చేర్చారు. 9. మైదుకూరు సీఐ శివశంకర్‌.. మైదుకూరు రూరల్‌ సీఐ శివశంకర్‌ కనుసన్నల్లోనే నియోజకవర్గ పోలీసు వ్యవస్థ నడిచింది. మైదుకూరు మున్సిపాలిటీలో 32 వార్డులుంటే 17 వార్డులు ఏకగ్రీవమయ్యాయి. మరోవైపు, చాపాడు, దువ్వూరు, ఖాజీపేట జెడ్పీటీసీ స్థానాలను టీడీపీ ఏకగ్రీవం చేసుకునేలా, వైఎస్సార్‌సీపీ అభ్యర్థులు ఎంపీటీసీ స్థానాలకు నామినేషన్లు వేయలేని పరిస్థితులు కలి్పంచారు. 32 వార్డుల్లో 17 స్థానాలు ఏకగ్రీవమయ్యాయి. మిగిలిన 15 వార్డులకే ఎన్నికలు జరిగే పరిస్థితి ఏర్పడింది. ఖాజీపేటలో 14, చాపాడులో 12, దువ్వూరులో 12 ఎంపీటీసీ స్థానాలకు వైఎస్సార్‌సీపీ అభ్యర్థులు నామినేషన్లు వేయలేకపోయారు. అతికష్టం మీద కేవలం మూడు ఎంపీటీసీ స్థానాల్లోనే వైఎస్సార్‌సీపీ అభ్యర్థులు నామినేషన్లు వేశారు. ఎన్నికల కోడ్‌ అమల్లో ఉండగా, ప్రొద్దుటూరులో ఎమ్మెల్యే పుట్టా సుధాకర్‌ యాదవ్‌ ఇంట్లో నియోజకవర్గ పోలీసు అధికారులతో సమావేశం ఏర్పాటు చేసి ఎన్నికల విధులపై దిశానిర్దేశం చేశారన్నది మరో ఆరోపణ. ఎన్నికల వ్యవహారంలో రూ.3 కోట్ల లావాదేవీ జరిగిందని, అందులో సీఐ శివశంకర్‌ రూ.1.5 కోట్లు తీసుకుని మిగిలిన మొత్తాన్ని ఇతర పోలీస్‌ స్టేషన్లకు పంచారనే ఆరోపణలు ఉన్నాయి. ఏకగ్రీవమైన ఎంపీటీసీల నుంచి ఒక్కొక్కరి వద్ద రూ.లక్ష చొప్పున వసూలు చేయడం ప్రారంభించారన్న ఆరోపణలూ ఉన్నాయి. 10. గురజాల సీఐ మురళి.. గురజాల సీఐ మురళి నగర పంచాయతీ, ఎంపీటీసీ ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నారు. ఎమ్మెల్యే యరపతినేని శ్రీనివాసరావుకు అనుకూలంగా వ్యవహరిస్తూ, చైర్మన్‌ అభ్యర్థి పోలు వీరారెడ్డిని అదుపులోకి తీసుకుని నిర్బంధించారు. చివరి రోజు నామినేషన్లకు ప్రయత్నించిన అభ్యర్థులను అడ్డుకోవడంతో పాటు, నకిలీ నామినేషన్ల వ్యవహారంలోనూ జోక్యం చేసుకున్నారు.గురజాల నగర పంచాయతీలో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నారు. పోలు వీరారెడ్డిని అక్రమంగా అదుపులోకి తీసుకున్నారు. వైఎస్సార్‌సీపీ నామినేషన్లు పడకుండా అడ్డుకోవడంతో పాటు, పార్టీ పేరుతో నకిలీ నామినేషన్‌ వేయించే ప్రయత్నం చేశారు. వైఎస్సార్‌సీపీ నాయకులు, కార్యకర్తలపై కేసులు పెట్టి నిర్బంధించారు. 11. రాయచోటి సీఐ బీవీ చలపతి రాయచోటి మున్సిపల్‌ ఎన్నికల నామినేషన్ల సందర్భంగా సీఐ బీవీ చలపతి వ్యవహరించిన తీరుపై తీవ్ర ప్రశ్నలు తలెత్తాయి. టీడీపీ మూకలు కత్తులు, రాడ్లు, కర్రలు, రాళ్లతో స్వైరవిహారం చేస్తుంటే అడ్డుకోకుండా, వైఎస్సార్‌సీపీ కార్యాలయంలోని నేతలను బయటకు పంపేందుకు పోలీసులు ప్రయత్నించారు. ఆ తర్వాత టీడీపీ మూకలు కార్యాలయంపై దాడి చేసి పెట్రోల్‌ పోసి నిప్పంటించినా, దాడి చేసినవారిని చెదరగొట్టకుండా వైఎస్సార్‌సీపీ కార్యకర్తలనే తరిమారు. టీడీపీ కార్యాలయం ఎదుట వందలాది మంది గుమిగూడినా చర్యలు తీసుకోలేదు. వైఎస్సార్‌సీపీ కార్యాలయంలో సమావేశమైన నేతలను మాత్రం బయటకు పంపేందుకు ప్రయత్నించారు. టీడీపీ మూకలు వైఎస్సార్‌సీపీ కార్యాలయంపై దాడి చేసి పెట్రోల్‌ పోసి నిప్పంటించినా వారిని అదుపు చేయలేదు. దాడి చేసినవారిని అడ్డుకోవాల్సిన సీఐ చలపతి, వైఎస్సార్‌సీపీ కార్యకర్తలను పిస్టల్‌ చూపిస్తూ చెదరగొట్టారు. దాడి చేసినవారిపై ఒక కేసు నమోదు చేయగా, వైఎస్సార్‌సీపీ కార్యకర్తలపై రెండు కేసులు నమోదు చేశారు. వైఎస్సార్‌సీపీ చైర్మన్‌ అభ్యర్థి జిన్నా షరీఫ్, ఆయన కుటుంబ సభ్యులను కేసులో ఇరికించి రిమాండ్‌కు పంపించారు. 12. ఓబులవారిపల్లె ఎస్‌ఐ సుజన్‌కుమార్‌.. తిరుపతి జిల్లా ఓబులవారిపల్లెలో మున్సిపల్‌ ఎన్నికల నామినేషన్ల సందర్భంగా ఎస్‌ఐ సుజన్‌కుమార్‌ దుర్మార్గంగా వ్యవహరించారు. అరాచకశక్తులకు కొమ్ముకాశారు. నామినేషన్‌ కేంద్రాల ప్రవేశ ద్వారాల వద్ద వందలాది మంది కూటమి కార్యకర్తలు గుంపులుగా చేరి వైఎస్సార్‌సీపీ అభ్యర్థులను అడ్డుకున్నారు. మహిళా ఎంపీటీసీ అభ్యర్థుల నామినేషన్‌ పత్రాలను పోలీసుల ఎదుటే చించివేశారు.వాహనాల ధ్వంసం, మహిళా అభ్యర్థులపై దురుసు ప్రవర్తన, నామినేషన్‌ పత్రాలు లాక్కొని చించివేత.. ఇలా మూడు రోజుల పాటు దాడులు కొనసాగినా ఎస్‌ఐ సుజన్‌కుమార్‌ అల్లరి మూకలను అదుపు చేయలేకపోయారు. నామినేషన్‌ కేంద్రాలకు 100 మీటర్ల పరిధిలో ఏర్పాటు చేసిన మూడు ప్రవేశ ద్వారాల వద్ద ఇతర ప్రాంతాల నుంచి వచ్చిన కూటమి కార్యకర్తలు గుంపులుగా చేరినా పోలీసులు వారిని చెదరగొట్టలేదు. వైఎస్సార్‌సీపీ మహిళా ఎంపీటీసీ అభ్యర్థుల నామినేషన్‌ పత్రాలను పోలీసుల ఎదుటే చించివేశారు. ఎస్‌ఐ సుజన్‌కుమార్‌ అడ్డుకోలేదు. ఎంపీటీసీ అభ్యర్థి మౌనిక వాహనాన్ని ధ్వంసం చేసి, ఆమెపై అసభ్యకరంగా ప్రవర్తించినా పోలీసులు ప్రేక్షకుల్లా ఉండిపోయారు. మరుసటి రోజు ఎంపీటీసీ అభ్యర్థి లక్ష్మీదేవి నామినేషన్‌ పత్రాలను టీడీపీ కార్యకర్తలు లాక్కొని చించేశారు. పోలీసులు మాత్రం పట్టించుకోలేదు. నామినేషన్‌ కేంద్రాల వద్ద దాడులకు దిగిన గుంపులను ఎస్‌ఐ సుజన్‌కుమార్‌ తరిమికొట్టలేదు. పోలీసుల నిర్లక్ష్యంతో దాడులు మరింత పెరిగి, కొందరు వైఎస్సార్‌సీపీ నాయకులు భయంతో నామినేషన్లు వేయకుండా వెనక్కి తగ్గారు.

మనుషుల సంపూర్ణ ఆరోగ్యానికి, ఆలోచనా శక్తికి కేవలం తినే ఆహారంలో పోషకాలే కాకుండా, ఆ ఆహారాన్ని పండించే భూమి ఆరోగ్యం కూడా మూలకారణమని ఒక అధ్యయనం వెల్లడించింది. నేల సారాన్ని బట్టి ఆయా దేశాల్లోని ప్రజల సగటు మేధో సామర్థ్యం (ఐక్యూ) ఆధారపడి ఉంటోందని శాస్త్రవేత్తలు గుర్తించారు. టర్కీలోని ఇగ్దిర్‌ విశ్వవిద్యాలయానికి చెందిన పరిశోధకులు సాబిత్‌ ఎర్షాహిన్, ఫారూక్‌ తోహుమ్‌జు, రుష్తు చాల్లీలు ప్రపంచవ్యాప్తంగా 126 దేశాల మట్టి లక్షణాలు, అక్కడి ప్రజల సగటు ఐక్యూపై విశ్లేషణ చేశారు. ఈ వివరాలు సైంటిఫిక్‌ రిపోర్ట్స్‌ జర్నల్‌లో ప్రచురితమయ్యాయి. భూసార సూచికతో మేధోశక్తి అనుసంధానంపరిశోధకులు వివిధ రకాల నేలలు, వాటి పోషక విలువల ఆధారంగా సాయిల్‌ ఫెర్టిలిటీ ఇండెక్స్‌ (ఎస్‌ఎఫ్‌ఐ) అనే కొలమానాన్ని రూపొందించారు. ఈ సూచికకు, ప్రజల సగటు జాతీయ మేధోశక్తికి (మీన్‌ నేషనల్‌ ఐక్యూ) మధ్య బలమైన సానుకూల సంబంధం ఉన్నట్లు ఈ అధ్యయనంలో తేలింది. వివిధ దేశాల ప్రజల ఐక్యూలలో కనిపించే వ్యత్యాసాల్లో సుమారు 34 శాతం కేవలం భూసారంపైనే ఆధారపడి ఉన్నట్లు విశ్లేషణలో తేలింది. జియోస్టాటిస్టికల్‌ అధ్యయనాల ద్వారా నేల సారానికి, మానవ మేధస్సుకు మధ్య భౌగోళికంగా కూడా విడదీయరాని సంబంధం ఉందని వెల్లడైంది. సారవంతమైన నేలలు.. అధిక మేధస్సుఅత్యంత సారవంతమైన మోలిసోల్స్, ఆల్ఫిసోల్స్, అండిసోల్స్‌ వంటి బలమైన నేలలు అధికంగా ఉన్న ఉత్తర అమెరికా, ఐరోపా, తూర్పు ఆసియా ప్రాంతాల్లో ప్రజల సగటు ఐక్యూ ఎక్కువగా నమోదైంది. ఈ ప్రాంతాల్లోని నేలలు పంటలకు తగిన పోషకాలను సమృద్ధిగా అందిస్తాయి. భూమధ్య రేఖ సమీపంలోని దేశాలు, సబ్‌–సహారన్‌ ఆఫ్రికాలోని ఆక్సిసోల్స్‌ వంటి అత్యంత నిస్సారమైన నేలల్లో పోషకాలు చాలా తక్కువగా ఉంటాయి. నేలలో ఐరన్, జింక్, అయోడిన్, క్యాల్షియం వంటి సూక్ష్మపోషకాల కొరత ఉంటే, పంటల్లోనూ ఆ పోషకాలు లోపిస్తాయి.వీటిని ఆహారంగా తీసుకునే గర్భిణులు, చిన్నపిల్లల్లో నాడీ వ్యవస్థ, మెదడు ఎదుగుదల మందగించి జ్ఞాపకశక్తి, నేర్చుకునే సామర్థ్యం తగ్గుతాయని పరిశోధకులు గుర్తించారు. భూమి ఇచ్చే పోషకాలే మనిషి ఆలోచనకు శక్తినిస్తాయి. అయితే, ఈ ప్రభావం కేవలం నేలపైనే కాకుండా సామాజిక, విద్యావకాశాలు, ఆహార దిగుమతులపై కూడా ఆధారపడి ఉంటుందని శాస్త్రవేత్తలు స్పష్టం చేశారు.

సాక్షి, అమరావతి/సాక్షి టాస్క్ ఫోర్స్‌: స్థానిక ఎన్నికల్లో ఏకగ్రీవం కోసం అధికారపక్షం పేట్రేగిపోయింది. అంతులేని అరాచకాలకు పాల్పడింది. రాజ్యాంగం ప్రసాదించిన పోటీ చేసే పౌర హక్కుకు తూట్లు పొడిచింది. ఈ అకృత్యాలకు పచ్చ»ొట్టేసుకున్న ఖాకీలు అడుగడుగునా అండగా నిలిచారు. అక్రమ కేసులు, అరెస్టులతో చెలరేగిపోయారు. వీటిని అరికట్టాల్సిన ఎన్నికల కమిషన్‌ కూడా చేష్టలుడి చోద్యంచూసింది. ఆద్యంతం అధికారపార్టీకి ఊడిగం చేసింది. ఫలితంగా బుధవారం కూడా రాష్ట్రవ్యాప్తంగా వైఎస్సార్‌సీపీ అభ్యర్థులు, కార్యకర్తలు, నాయకులే లక్ష్యంగా దాడులు, బెదిరింపులు, దౌర్జన్యాలను వెన్నపోటు పార్టీ కొనసాగించింది. పులివెందులలో వైఎస్సార్‌సీపీ కార్యకర్త కారును తగులబెట్టడం, నెల్లూరులో ఆ పార్టీ అభ్యర్థిపై కత్తులతో దాడి చేయడం, తాడిపత్రిలో వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థి ఫయాజ్‌ బాషా ఎన్నికల ప్రచారాన్ని పోలీసులు అడ్డుకోడం, అనంతపురంలో కాంట్రాక్టు ఉద్యోగులపై మంత్రి స్థాయిలో ఒత్తిడి తేవడం వంటి దురాగతాలకు పాల్పడింది. ప్రజాస్వామ్యానికి గోరీ కట్టింది. పులివెందులలో కారుకు నిప్పు వైఎస్సార్‌ కడప జిల్లా పులివెందుల నగరిగుట్టలో 36వ వార్డుకు చెందిన వైఎస్సార్‌సీపీ కార్యకర్త నాగరాజు కారును పచ్చమూకలు నిప్పుపెట్టి తగలబెట్టాయి. మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి సమావేశానికి హాజరైనందుకు, పార్టీ తరఫున ఎన్నికల ప్రచారంలో పాల్గొంటున్నందున దుగ్ధతో ఈ ఘాతుకానికి టీడీపీ గూండాలు పాల్పడ్డారని నాగరాజు విమర్శించారు. దీనిపై పోలీసులు విచారణ జరిపి వాస్తవాలు నిగ్గుతేల్చాలని డిమాండ్‌ చేశారు. తాడిపత్రిలో పోలీసులు ఏక‘పచ్చ’ వైఖరి.. అనంతపురం జిల్లా తాడిపత్రిలో వైఎస్సార్‌సీపీ మున్సిపల్‌ చైర్మన్‌ అభ్యర్థి ఫయాజ్‌ బాషా ఎన్నికల ప్రచారానికి అడ్డంకులు సృష్టిస్తున్న పోలీసులు ఏకపక్షంగా వ్యవహరిస్తున్నారు. ఫయాజ్‌ బాషా ఎక్కడ ప్రచారం నిర్వహించినా టీడీపీ నేత, మాజీ ఎమ్మెల్యే జేసీ ప్రభాకర్‌రెడ్డి వర్గీయులు అక్కడికి చేరుకుని రెచ్చగొడుతున్నారు. ఈ క్రమంలో శాంతిభద్రతల సమస్య తలెత్తే అవకాశం ఉందంటూ పోలీసులు ఫయాజ్‌ బాషాను అడ్డుకుని ప్రచారం చేయనీయకుండా వెనక్కి పంపేస్తున్నారు. జేసీ వర్గీయుల గుండాగిరిని చూసీచూడనట్టు వ్యవహరిస్తున్న పోలీసులు వైఎస్సార్‌సీపీ అభ్యర్థిని అడ్డుకోవడంపై తీవ్ర విమర్శలు వెల్లువెత్తుతున్నాయి. ఒక అభ్యర్థి ప్రచారానికి వెళ్లిన ప్రతిచోటా ప్రత్యర్థి వర్గం చేరుకుంటున్నప్పుడు, ఆ పరిస్థితిని నియంత్రించాల్సిన పోలీసులు బాధిత అభ్యర్థినే వెనక్కి పంపడం ఎంతవరకు సమంజసమని వైఎస్సార్‌సీపీ శ్రేణులు ప్రశి్నస్తున్నాయి. రైల్వేకోడూరులో పోలీసుల సాక్షిగా అరాచకాలు సాక్షి టాస్‌్కఫోర్స్‌: రైల్వే కోడూరు నియోజకవర్గంలో పోలీసుల సాక్షిగా టీడీపీ కూటమి గూండాలు చెలరేగిపోయారు. వీరిని అడ్డుకోవాల్సిన డీఎస్పీ, సీఐ, ఎస్‌ఐ వైఎస్సార్‌సీపీ నాయకులే లక్ష్యంగా అక్రమ కేసులు పెడతామని భయపెట్టారు. వైఎస్సార్‌సీపీ అభ్యర్థులను కూటమి నాయకులు అడ్డగించినా చూసీచూడనట్లు వివక్ష చూపారు. పోలీసు ఆంక్షలు, గూండాల దాడులతో పెనగలూరు, పుల్లంపేట, ఓబులవారిపల్లె మండలాల్లో వైఎస్సార్‌సీపీ అభ్యర్థులు ఎవరూ నామినేషన్‌ వేయలేని పరిస్థితులు దాపురించాయి. వైఎస్సార్‌సీపీ అభ్యర్థులు నామినేషన్‌ వేయాలంటే యుద్ధం చేయాల్సిన దుస్థితి నెలకొంది. అయినా పోలీసులు స్పందించలేదు. గట్టిగా నిలదీస్తే నామినేషన్‌ కేంద్రాలకు 100 మీటర్ల పరిధిలో 144 సెక్షన్‌ విధించినట్టు పోలీసులు దండోరా వేయించారు. ఆ పరిధి దాటాక అభ్యర్థుల రక్షణ తమకు సంబంధం లేదంటూ ప్రకటించారు. ఇదే అదనుగా కూటమి నేతలు, రౌడీలు, అల్లరిమూకలు, గంజాయి బ్యాచ్‌లు రెచ్చిపోయాయయి. నామినేషన్‌ కేంద్రాల వద్ద మోహరించి దాడులకు పాల్పడ్డాయి. ప్రతిపక్ష నేతల నామినేషన్‌ పత్రాలు లాక్కొని, దాడిచేసి, బెదిరింపులకు దిగాయి.నెల్లూరులో అభ్యర్థిపై కత్తులతో దాడి..నెల్లూరు రూరల్‌ నియోజకవర్గంలోని ఒకటో డివిజన్‌ వైఎస్సార్‌సీపీ అభ్యర్థి షేక్‌ కరిముల్లాపై మంగళవారం అర్ధరాత్రి దాటాక(బుధవారం తెల్లవారుజామున) సుమారు 3.30 గంటల సమయంలో ముఖాలకు మాస్కులు ధరించిన వ్యక్తులు కత్తులతో దాడికి పాల్పడ్డారు. ఓటర్లను భయభ్రాంతులకు గురిచేసి ఎన్నికల వాతావరణాన్ని ప్రభావితం చేయాలనే ఉద్దేశంతోనే ఈ దాడి జరిగిందని వైఎస్సార్‌సీపీ నేతలు అనుమానిస్తున్నారు. ఈ ఘటనలో దాడికి పాల్పడిన వారిని గుర్తించి పోలీసులు చట్టపరమైన చర్యలు తీసుకోవాలని డిమాండ్‌ చేస్తున్నారు. టీడీపీ నకిలీ నామినేషన్ల విత్‌డ్రాతో ఏకగ్రీవం డ్రామా..పల్నాడు జిల్లా మాచర్ల నియోజకవర్గంలో టీడీపీ వాళ్లే వైఎస్సార్‌సీపీ పేరుతో నకిలీ నామినేషన్లు వేయించి వాటిని విత్‌డ్రా చేయించుకోవడం ద్వారా ఏకగ్రీవం డ్రామాను రక్తికట్టించారు. మాచర్ల నియోజకవర్గంలో మొత్తం 71 ఎంపీటీసీ స్థానాలకు 16 చోట్ల వైఎస్సార్‌సీపీ అభ్యర్థులు అంటూ కరుడుగట్టిన టీడీపీ బ్యాచ్‌తో నామినేషన్లు వేయించారు. వాస్తవానికి వాటిలో ఏ ఒక్క చోట కూడా నిజమైన వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్న పచ్చ గూండాలు దాడులు, దౌర్జన్యాలకు పాల్పడి నామినేషన్‌ పత్రాలు చించేశారు. ఆ తర్వాత టీడీపీ వాళ్లే వైఎస్సార్‌సీపీ పేరుతో నకిలీ నామినేషన్లు వేయించి ఇప్పుడు వాటిని విత్‌ డ్రా చేసుకుని ఏకగ్రీవమంటూ జబ్బలు చరిచారు.

నెల్లూరు,సాక్షి : అధికార బలంతో విర్రవీగుతున్న టీడీపీ నాయకులకు వసంతపురం గ్రామస్తులు గట్టి షాక్ ఇచ్చారు. నెల్లూరు జిల్లా కోవూరు మండలం వసంతపురంలో స్థానిక సంస్థల ఎన్నికల ప్రచారం కోసం వెళ్లిన టీడీపీ నేతలకు ప్రజల నుంచి తీవ్ర నిరసన ఎదురైంది.గ్రామంలో ఓట్లు అడగడానికి వచ్చిన నాయకులను గడిచిన రెండేళ్ల కాలంలో తమ ఊరికి ఏం అభివృద్ధి చేశారంటూ గ్రామస్తులు నిలదీశారు. ప్రజల నుంచి ఊహించని ప్రశ్నలు ఎదురుకావడంతో టీడీపీ నేతలు సమాధానం చెప్పలేక నీళ్లు నమిలారు. ఏమీ తోచక మేకపోతు గాంభీర్యం ప్రదర్శించారు. అయినా గ్రామస్తులు పట్టువీడకపోవడంతో విసుగు చెందిన టీడీపీ నేతలు అసహనానికి గురయ్యారు. ఏకంగా ప్రజలపైనే నోరు పారేసుకుంటూ దురుసుగా ప్రవర్తించారు. ఈ క్రమంలో టీడీపీ నేత సుబ్బారాయుడు గ్రామస్తులపై బూతులతో రెచ్చిపోవడంతో వాతావరణం ఒక్కసారిగా వేడెక్కింది.నాయకుల తీరుపై తీవ్ర కోపోద్రికులైన గ్రామస్తులు ఆగ్రహం వ్యక్తం చేశారు. ప్రశ్నిస్తే బూతులు తిడతారా అంటూ చెప్పులు చేతపట్టుకుని టీడీపీ నేతలపైకి తిరగబడ్డారు. ప్రజల ఆగ్రహం కట్టలు తెంచుకోవడంతో చేసేది లేక టీడీపీ నేతలు ప్రచారాన్ని మధ్యలోనే ఆపేసి అక్కడి నుంచి పరుగులు తీశారు.

సాక్షి, కోనసీమ: ఆంధ్ర‌ప్ర‌దేశ్‌లో బీభత్సం సృష్టిస్తున్న ‘అర్నబ్’ తుపాను దెబ్బకు సముద్రం అల్లకల్లోలంగా మారింది. తుపాను తీరం దాటే సమయంలో ఏర్పడిన తీవ్రమైన అలల తాకిడికి సముద్రంలో ప్రయాణిస్తున్న ఓ భారీ నౌక మార్గం తప్పి డాక్ట‌ర్ బీఆర్ అంబేద్క‌ర్ కోనసీమ జిల్లాలోని అంతర్వేది తీరానికి కొట్టుకొచ్చింది.వైజాగ్‌ పోర్టులో సరుకు అన్‌లోడ్ చేసుకుని కాకినాడ మీదుగా సింగపూర్ వెళుతున్న మార్షల్ ఐలాండ్స్‌కు చెందిన ‘సిగ్మా పేరల్’ కార్గో నౌక గాలివానలో చిక్కుకుంది. తుపాను తీరం దాటే సమయంలో ఇంజిన్ ఫెయిల్ కావడంతో పాటు తీవ్రమైన సముద్ర ప్రవాహాలు, ఈదురుగాలుల తాకిడికి నౌక అదుపుతప్పి కేజీ బేసిన్ సమీపంలో సుమారు 130 నాటికల్ మైళ్ల దూరం కొట్టుకుపోయి చివరికి అంతర్వేది తీర ప్రాంతానికి చేరింది.తుపాను తీరం దాటే సమయంలో సముద్రంలో జరిగిన ఈ ఘటనతో కోనసీమ తీర ప్రాంతంలో కలకలం రేగింది. సమాచారం అందుకున్న మెరైన్ అధికారులు, పోర్టు అథారిటీ సిబ్బంది వెంటనే అప్రమత్తమై నౌక పరిస్థితిని పర్యవేక్షిస్తున్నారు. తుపాను తీవ్రత తగ్గిన తర్వాత నౌకను సురక్షిత ప్రాంతానికి తరలించేందుకు తగిన చర్యలు తీసుకోనున్నట్లు అధికారులు వెల్లడించారు.ఇదీ చ‌ద‌వండి: యానాం-నరసాపురం మధ్య తీరం దాటిన ‘అర్నబ్‌’మ‌త్స్య‌కారుల‌కు తీవ్ర న‌ష్టంఅర్న‌బ్ తుపాను మ‌త్స్య‌కారుల‌కు తీవ్ర న‌ష్టం క‌లిగించింది. తుపాను తీవ్ర‌త‌కు ఓడలరేవు తీరంలో మినీ హార్బర్‌లో లంగర్ వేసిన సుమారు 200 బోట్లు ధ్వంసం అయ్యాయి. ఉప్పాడ, నక్కపల్లి గ్రామాలకు చెందిన మత్స్యకారుల ప‌డ‌వ‌ల‌తో పాటు స్థానిక బోట్లు దెబ్బ‌తిన్నాయి. మంగ‌ళ‌వారం రాత్రి వీచిన తుపాను గాలికి ఒక దానికి ఒకటి ఢీకొని ప‌డ‌వ‌లు ధ్వంసమైనట్టు స్థానికులు తెలిపారు. తుపానుకు దెబ్బతిన్న బోట్లను వైఎస్సార్‌సీపీ అమలాపురం నియోజక‌వర్గం ఇంచార్జ్ శ్రీకాంత్ పరిశీలించారు.

ఏపీలో అర్నబ్ తుపాను విధ్వంసం సృష్టించింది. యానాం- నరసాపురం మధ్య తుపాను తీరం దాటింది. కోనసీమలో 19 మండలాల పరిధిలో వందలాది చెట్లు, విద్యుత్ స్తంభాలు నేలకొరిగాయి. ఏకధాటిగా కురిసిన ఈదురు గాలులతో భారీ వర్షం కురిసింది. లోతట్టు ప్రాంతాలు జలమయమయ్యాయి. ఈదురు గాలుల తీవ్రతకు తీరప్రాంతవాసులు తీవ్ర భయాందోళనకు గురయ్యారు. నిన్న సాయంత్రం నుంచి ఉమ్మడి తూర్పుగోదావరి జిల్లాలో పూర్తిగా విద్యుత్ సరఫరా నిలిచిపోయింది. కోనసీమలో రాత్రి అంతా అంధకారం నెలకొంది.ప్రభుత్వ, ప్రైవేటు పాఠశాలలకు సెల‌వుకృష్ణా జిల్లాపై అర్నబ్ తుపాను తీవ్ర‌ ప్రభావం రేపు (గురువారం) జిల్లాలోని అన్ని ప్రభుత్వ ప్రైవేటు పాఠశాలలు, అంగన్వాడీ కేంద్రాలు, కళాశాలలకు సెలవుప్ర‌క‌టించిన కృష్ణా జిల్లా కలెక్టర్ డీకే బాలాజీరాజమండ్రిలో ఈదురు గాలులతో భారీ వ‌ర్షంతూర్పుగోదావరి జిల్లాపై అర్న‌బ్ తుపాను తీవ్ర ప్రభావంరాజమండ్రిలో భారీ ఈదురు గాలులతో కూడిన వర్షంహోరున శబ్దంతో వీస్తున్న ఈదురు గాలులకు తీవ్ర భయాందోళనకు గురవుతున్న రాజమండ్రి వాసులుజాతీయ రహదారిపై ఎడతెరిపి లేకుండా కురుస్తున్న వర్షంజిల్లా వాసులు అప్రమత్తంగా ఉండాలంటున్న అధికారులుఅంధకారంలో మచిలీపట్నంఅర్నబ్ తుఫాన్ కారణంగా గత రాత్రి విరుచుకుపడిన భీకర గాలులుగాలుల తీవ్రతకు నేలకొరిగిన భారీ వృక్షాలు, విద్యుత్ స్తంభాలు , తెగిపడిన విద్యుత్ వైర్లుపూర్తిస్థాయిలో వైర్లు , స్తంభాలను సరిచేస్తే కానీ విద్యుత్ పునఃరుద్ధరణకు అవకాశం లేని పరిస్థితికొనసాగుతున్న విద్యుత్ సిబ్బంది సహాయక చర్యలు రాగల మూడు గంటలు 9 జిల్లాలకు వర్ష సూచనశ్రీకాకుళం, ఏలూరు, కోనసీమ జిల్లాల్లో మోస్తరు నుంచి భారీ వర్షాలు కురిసే అవకాశంఏలూరు, కోనసీమ, తూర్పుగోదావ‌రి, పశ్చిగోదావ‌రి, ఎన్టీఆర్, గుంటూరు జిల్లాల్లో మోస్తరు నుంచి భారీ వర్షాలుగంటకు 50-60 కిలోమీట‌ర్ల‌ వేగంతో ఈదురుగాలులు వీచే అవకాశంప్రజలు ఇంట్లోనే సురక్షితంగా ఉండాలి : ప్రఖర్ జైన్, ఎండీ, APSDMAవిజయనగరం జిల్లాలో భారీగా న‌ష్టంఅర్న‌ద్ తుపానుతో విజయనగరం జిల్లాలో భారీగా న‌ష్టం వాటిల్లింది800 ఎకరాలలో వరి పంట నీట మునిగిందిభీక‌ర గాలుల‌తో అరటి బొప్పాయి తోటలకు తీవ్ర‌ నష్టంపూసపాటిరేగా చీపురుపల్లి మండలాలలో ఉద్యానవన పంటలకు నష్టం పార్వతీపురం మన్యం జిల్లాలో 1000 ఎకరాలకు పైగా జీడి తోటలు దెబ్బ‌తిన్నాయివిజయనగరం పట్టణంలో స్తంభించిన జనజీవనం.. రాకపోకలకు అంతరాయం ఓడలరేవు తీరంలో విధ్వంసండాక్టర్ బీఆర్ అంబేద్కర్ కోనసీమ జిల్లా ఓడలరేవు తీరంలో అర్నబ్ తుపాను విధ్వంసంమినీ హార్బర్‌లో లంగర్ వేసిన సుమారు 200 బోట్లు ధ్వంసంఉప్పాడ, నక్కపల్లి గ్రామాలకు చెందిన మత్స్యకారుల ఫిషింగ్ బోట్లతో పాటు స్థానిక బోట్లు ధ్వంసంరాత్రి వీచిన తుపాను గాలికి ఒక దానికి ఒకటి ఢీకొని ధ్వంసమైన ఫిషింగ్ బోట్లుతుపానుకు దెబ్బతిన్న బోట్లు పరిశీలించిన వైఎస్సార్‌సీపీ అమలాపురం నియోజక‌వర్గం ఇంచార్జ్ శ్రీకాంత్అంతర్వేది తీరానికి కొట్టుకొచ్చిన ఓడ‌డాక్టర్ బీఆర్ అంబేద్కర్ కోనసీమ జిల్లా అంతర్వేది తీరానికి కొట్టుకొచ్చిన కాకినాడ నుంచి సింగపూర్ వెళుతున్న షిప్తుఫాను తీరం దాటే సమయంలో సముద్రంలో ఉన్న షిప్ తుపాను తాకిడికి అంతర్వేది తీరానికి చేరికకోనసీమకు అపార‌న‌ష్టంఅర్నబ్ తుఫాన్ కోనసీమపై తీవ్ర ప్రభావాన్ని చూపించింది8000 వరకు విద్యుత్ స్తంభాలు ధ్వంసం అయ్యాయిప్రాథమిక అంచనా ప్రకారం 90% వరి పంట దెబ్బతిందిరహదారులపై కూలిన వృక్షాలను చాలా వరకు క్లియర్ చేసాంతీరప్రాంతాలు , లోతట్టు ప్రాంతాల్లో ఉన్న 13వేల మందికి పునరావాసం కల్పించాంవిద్యుత్ సౌకర్యాన్ని పునరుద్ధరించడానికి ప్రయత్నిస్తున్నాంతుపాను ప్రభావంతో సఖినేటిపల్లికి చెందిన ఒక వృద్ధురాలు మృతి చెందారుమహేష్ కుమార్ కలెక్టర్, డాక్టర్ బీఆర్ అంబేద్కర్, కోనసీమ జిల్లామంగినపూడి బీచ్ రోడ్డులో రాకపోకలు బంద్తీరం దాటినా కొనసాగుతున్న అర్నబ్ తుఫాన్ ఎఫెక్ట్కృష్ణా జిల్లా మచిలీపట్నంలో మళ్లీ పెరిగిన గాలుల తీవ్రతభారీ ఈదురు గాలుల దెబ్బకు బీచ్‌కి వెళ్లే మార్గం మూసివేత‌బీచ్ రోడ్డు పొడవునా అడుగడుగునా నేలకొరిగిన భారీ వృక్షాలుమచిలీపట్నం - మంగినపూడి బీచ్ రోడ్డు రాకపోకలు బంద్నేలకొరిగిన చెట్లను తొలగిస్తున్న పోలీసులుఅర్నబ్‌ ఎఫెక్ట్‌.. ఆ జిల్లాలకు రెడ్‌ అలర్ట్‌ఉభయ గోదావరి జిల్లాల్లో మోస్తరు నుంచి భారీ వర్షాలుతూర్పు, పశ్చిమ, కాకినాడ, కోనసీమ జిల్లాలకు రెడ్‌ అలర్ట్‌ఏలూరు, ఎన్టీఆర్‌, బాపట్ల, కృష్ణా జిల్లాలకు రెడ్‌ అలర్ట్‌అల్లూరి, అనకాపల్లి, విశాఖ జిల్లాలకు రెడ్‌ అలర్ట్‌విజయనగరం, గుంటూరు, పల్నాడుకు ఆరెంజ్‌ అలర్ట్‌శ్రీకాకుళం, మన్యం జిల్లాలకు ఆరెంజ్‌ అలర్ట్‌యానాం-నరసాపురం మధ్య తీరం దాటిన అర్నాబ్‌ తుపానుబలహీనపడి తీవ్ర తుపాన్‌గా మారిన అర్నబ్తీరం దాటిన సమయంలో 125-130 కి.మీ వేగంతో గాలులుకృష్ణా జిల్లాలో భారీ వర్షపాతం నమోదుగడిచిన ఆరు గంటల్లో కృష్ణా జిల్లాలో భారీ వర్షపాతం నమోదుఅత్యధికంగా కోడూరు మండలంలో 16 సెంటీమీటర్ల వర్షపాతం నమోదుమచిలీపట్నం నార్త్, సౌత్ మండలాల్లో 11, నాగాయలంక,పెడన ,గూడూరు 10, అవనిగడ్డ 9, చల్లపల్లి 8, పామర్రు, ఘంటసాల, కృత్తివెన్ను, తోట్లవల్లూరు 6, బంటుమిల్లి, మొవ్వ, మోపిదేవి,పెనమలూరు, పమిడిముక్కల 5, గుడ్లవల్లేరు, గుడివాడ, కంకిపాడు, నందివాడ, ఉయ్యూరు 4, పెదపారుపూడి, ఉంగుటూరు 3, గన్నవరం, బాపులపాడు 2 సెంటీమీటర్ల చొప్పున వర్షపాతం నమోదుతెలంగాణ‌లోనూ అర్న‌బ్ ప్ర‌భావంఅర్నబ్ తుపాన్ ప్రభావంతో సూర్యాపేట నియోజకవర్గ వ్యాప్తంగా మోస్తారు వర్షాలుసూర్యాపేట వ్యవసాయ మార్కెట్లో భారీగా ధాన్యంవర్ష ప్రభావంతో తీవ్ర ఇబ్బందులు పడుతోన్న రైతులుకోదాడ నియోజకవర్గ వ్యాప్తంగా ఈదురుగాలులతో కూడిన వర్షంవిజయనగరం జిల్లా.. దత్తిరాజేరు మండలంలో వ‌ర్షాల‌కు పొంగి ప్రవహిన్న పోతులుగెడ్డపలుగ్రామాలకు నిలిచిపోయిన రాకపోకలు..మరోప్రక్కన దత్తి, వెంకటాపురం గ్రామాలమధ్య రోడ్డుపైన భారీఎత్తున ప్రవహిస్తున్న వర‌దనీరుతీవ్ర ఇబ్బందులుపడుతున్న గ్రామస్థులుమెంటాడ మండలం, ఆండ్ర నుండి లోతుగెడ్డ నుంచి అనంతగిరి వైపు వెళ్లే దారిలో రోడ్డుపై విరిగిపడ్డ భారీ వృక్షంరాకపోకలకు అంతరాయం.. అధికారులు వెంటనే స్పందించి చర్యలు చేపట్టాలని కోరుతున్న‌ ప్రజలుప్రమాదపుటంచున విజయనగరం పెద్ద చెరువు.. చెరువు గట్టు పై నుండి ప్రవహిస్తున్న వరద నీరులోయర్ ట్యాంక్ బండ్ రోడ్డుపై నుండి ప్రవహిస్తున్న నీరుఅనకాపల్లి: యలమంచిలిలో విషాదంఅర్నబ్‌ తుపాన్ కారణంగా తెగిపడిన విద్యుత్ వైర్లుఈదురు గాలులకు రోడ్డుపై పడిన విద్యుత్ తీగలువిద్యుత్ తీగల తగలడం వలన మహిళ మృతిమృతురాలు నున్న భాగ్యలక్ష్మి 55 గా గుర్తింపుకేసు నమోదు చేసి దర్యాప్తు చేస్తున్న యలమంచిలి పట్టణ పోలీసులుకోనసీమ అతలాకుతలంఅమలాపురం పట్టణంలో తుపాను బీభత్సం...నేలకూలిన విద్యుత్ స్తంభాలు, ట్రాన్స్ ఫార్మర్‌లు, వేళ్ళతో కూలిన వృక్షాలుఅమలాపురం జిల్లా కలెక్టర్ కార్యాలయం ప్రాంగణంలో కూలిన చెట్లుఅమలాపురం పట్టణంలో కూలిన చెట్లను తొలగిస్తున్న ఎన్‌డీఆర్‌ఎఫ్‌ సిబ్బందిఏలూరు జిల్లాలోఅర్నబ్‌ తుపాన్‌ బీభత్సం..ఏలూరు మినీ బైపాస్ లో బస్సుపై కూలిన భారీ వృక్షంపలాస నుంచి విజయవాడ వెళ్తున్న ప్రతాప్ ట్రావెల్స్ బస్సుపై విరిగిపడిన మహావృక్షంబస్సు ముందు భాగం పూర్తిగా ధ్వంసం.. తప్పిన పెను ప్రమాదండ్రైవర్ చాకచక్యంతో అదుపు తప్పకుండా ఆగిన బస్సు.. తప్పిన భారీ ప్రమాదంప్రమాద సమయంలో బస్సులో 30 మంది ప్రయాణికులుప్రయాణికులను సురక్షితంగా మరో బస్సులోకి తరలించిన సిబ్బందిడ్రైవర్‌కు స్వల్ప గాయాలు.. ఏలూరు ప్రభుత్వ సర్వజన ఆసుపత్రికి తరలింపుభారీ వర్షంలోనూ రంగంలోకి దిగిన ఫైర్ సిబ్బంది.. వృక్షాన్ని తొలగించిన సిబ్బందిట్రాఫిక్‌కు అంతరాయం కలగకుండా చర్యలు చేపట్టిన పోలీస్ సిబ్బందికోనసీమకు పొంచి ఉన్న ముప్పు..నెమ్మదిగా అర్నబ్ ల్యాండ్ ఫాల్ ప్రక్రియనరసాపురం - యానాం మధ్య తీరం దాటనున్న అతి తీవ్ర తుపాన్మధ్యాహ్నానికి తీరం దాటే అవకాశంయానాం తీరానికి సమీపంగా వచ్చిన తర్వాత తీరం దాటే సమయంలో స్థిరంగా కొనసాగడంతో కోనసీమకు పొంచి ఉన్న ముప్పువిశాఖలో 24 సెంటీమీటర్ల అత్యధిక వర్షపాతం నమోదుపలు ప్రాంతాల్లో నిలిచిన వర్షపు నీరుఅల్లకల్లోలంగా సముద్ర వాతావరణంమరో 24 గంటలపాటు కొనసాగనున్న ప్రభావం..ఉమ్మడి విశాఖ జిల్లాలో కురుస్తున్న భారీ వర్షంహరిజన జగ్గయ్యపాలెంలో ఇళ్లలోకి చేరిన వర్షపు నీరు..నీట మునిగిన జగ్గయ్యపాలెం.. రాకపోకలకు అంతరాయం..రెండు గంటలుగా నిలకడగా ఉన్న తీరం దాటే ప్రక్రియనరసాపురానికి 30 కిమీ దూరంలోనే కేంద్రీకృతంమధ్యాహ్ననికి పూర్తిగా తీరం దాటే అవకాశంతీరం వెంబడి కొనసాగనున్న బలమైన ఈదురుగాలులు, వర్షాలుఇవాళ కూడా ప్రజలు అప్రమత్తంగా ఉండాలి: విపత్తుల సంస్థఅర్నబ్‌ ఎఫెక్ట్‌.. పలు విమానాలు, రైళ్లు రద్దుభోగాపురం ఎయిర్‌పోర్ట్‌కు నిలిచిన విమాన రాకపోకలుతుపాను కారణంగా 28 విమాన సర్వీసులు రద్దునేడు గన్నవరం ఎయిర్‌పోర్ట్‌లో అన్ని విమానాలు రద్దుగన్నవరం ఎయిర్‌పోర్టులో 20 విమాన సర్వీసులు రద్దుకోనసీమలో అల్లకల్లోలం:కోనసీమలో పలుచోట్ల కూలిన చెట్లురావులపాలెం నుండి అమలాపురం వెళ్లే దారిలో పెద్ద సంఖ్యలో రోడ్లపై చెట్లు కూలిపోవడంతో నిలిచిపోయిన రాకపోకలుఈతకోట నుంచి పి. గన్నవరం వెళ్లే దారిలో భారీగా కూలిన చెట్లుభారీ సంఖ్యలో చెట్లు నేలకొరగడంతో కోనసీమ జిల్లా కేంద్రం అమలాపురానికి వెళ్లే దారుల బంద్భారీగా నిలిచిపోయిన దూర ప్రాంతాల బస్సులుపలుచోట్ల దెబ్బతిన్న వరి పనలువేలాది ఎకరాల్లో నేలనంటిన వరిపనలుతుపాన్‌ ప్రాంతాల్లో ప్రజలు అప్రమత్తంగా ఉండాలి: వైఎస్‌ జగన్‌ప్రజల ప్రాణాలు కాపాడడమే ప్రభుత్వ తొలి ప్రాధాన్యత కావాలిపునరావాస కేంద్రాలు, ఆహారం, తాగునీరు, మందులు, మౌలిక వసతులపై దృష్టి పెట్టాలిగర్భిణులు, బాలింతలు, చిన్న పిల్లలు, వృద్ధులు, వ్యాధిగ్రస్తులకు ప్రత్యేక ఏర్పాట్లు చేయాలిరైతులకు ఇన్‌పుట్‌ సబ్సిడీ బకాయిలు వెంటనే అందజేయాలి సహాయక చర్యల్లో వైఎస్సార్‌సీపీ శ్రేణులు చురుగ్గా పాల్గొనాలి అనకాపల్లి జిల్లా:తుపాను ప్రభావంతో ఈదురు గాలులతో కూడిన వర్షంపలు గ్రామాల్లో విద్యుత్‌కు అంతరాయంయలమంచిలి జాతీయ రహదారి రేగిపాల వద్ద కూలిన భారీ వృక్షం.. ట్రాఫిక్‌కి అంతరాయంలంకెలపాలెం వద్ద జాతీయ రహదారి కూలిని చెట్లు రాకపోకలకు అంతరాయంఏజెన్సీలో కురుస్తున్న భారీ వర్షాలుప్రమాద స్థాయికి చేరుకున్న పెద్దేరు రిజర్వాయర్ నీటి మట్టంలోతట్టు ప్రాంత ప్రజలను ప్రభుత్వం చేసి 500 క్యూసెక్కుల నీటిని వీడియోలు చేసిన జలవనరుల శాఖ అధికారులుఅనకాపల్లి జిల్లాలో అత్యధికంగా కసింకోట మండలంలో 131.3 మిల్లీమీటర్ల వర్షపాతం నమోదుఅర్నబ్ తుపాను ఎఫెక్ట్:విశాఖ ఫిషింగ్ హార్బర్‌లో మునిగిపోయిన ఐదు మత్స్యకార బోట్లుమరికొన్ని బోట్లు ధ్వంసం అయినట్టు సమాచారంకొనసాగుతున్న అర్నబ్ ల్యాండ్ ఫాల్ ప్రక్రియమరో మూడు గంటల్లో పూర్తిగా తీరం దాటనున్న అర్నబ్అర్నబ్ ప్రభావంతో ఉమ్మడి కృష్ణా జిల్లాలో గాలులతో కూడిన భారీ వర్షంపలు గ్రామాలకు నిలిచిపోయిన విద్యుత్ సరఫరాఅంధకారంలో గ్రామాలుకాకినాడ జిల్లా:జిల్లాపై అర్నబ్ తుఫాన్ భీభత్సంరాత్రి నుండి పెను గాలులు, భారీ వర్షాలువిద్యుత్ సరఫరా నిలిచిపోవడంతో రాత్రి నుంచి అంధకారంలో ప్రజలుతీరంలో ఎగసిపడిన రాకాసి అలలుకాకినాడ మహలక్ష్మీ నగర్, ముత్తానగర్, ఉప్పాడలో సుబ్బంపేట, సూరాడ పేటలో ముందుకు చొచ్చుకొచ్చిన సముద్రంనీట మునిగిన పలు ఇళ్లునేలకొరిగిన చెట్లు, విద్యుత్ స్తంభాలువిశాఖపట్నం:పలు ప్రాంతాల్లో నిలిచిన విద్యుత్ సరఫరాభీకర గాలులకు నేలకొరిగిన భారీ వృక్షాలుఅనకాపల్లి జిల్లా కన్నూరు పాలెంలో 25 సెం.మి వర్షపాతం నమోదువిశాఖ నగరంలో 24,సింహాచలం లో 22 సెంమి వర్షపాతం నమోదుగడచిన 24 గంటలగా ఎడతెరిపి లేకుండా కురిసిన వర్షం..

సాక్షి, అమరావతి : తెలుగుదేశం బలమైన పార్టీ అని, ఆ స్థాయికి జనసేన రావడానికి ఇంకా పాతికేళ్లు పడుతుందని జనసేన అధ్యక్షుడు పవన్‌ కళ్యాణ్‌ అన్నారు. ఒక పార్టీ ఎదుగుదల రాత్రికి రాత్రి జరగదని, ఆ ప్రాక్టికాలిటీ తనకు బలంగా ఉందని తెలిపారు. ఉండవల్లిలోని సీఎం క్యాంపు కార్యాలయం వద్ద సీఎం చంద్రబాబు, బీజేపీ అధ్యక్షుడు మాధవ్‌తో కలిసి మంగళవారం ఆయన స్థానిక ఎన్నికల్లో సీట్ల సర్దుబాటు భేటీ అనంతరం మీడియా సమావేశంలో మాట్లాడారు. గత ఎన్నికల్లో ప్రధాని అండగా ఉండడం, టీడీపీకి ఉన్న సంస్థాగత నిర్మాణం, అనుభవం వల్ల గెలిచామన్నారు. జనసేనకు ఉండే బలం ఉన్నా, అది అన్ని స్థాయిల్లో లోతుగా వెళ్లడానికి ఇంకా సమయం ఉందని చెప్పారు. పార్టీ పెట్టినప్పుడే ఇది పాతికేళ్ల ప్రయాణం అని చెప్పానని గుర్తు చేశారు. స్థానిక ఎన్నికల సీట్ల సర్దుబాటులో తలనొప్పులు, ఇబ్బందులు వచ్చాయన్నారు. అదే సమయంలో తుపాను ఒత్తిడి కూడా ఉందన్నారు. అయినా చంద్రబాబు నచ్చజెప్పి సర్దుబాటు చేశారని తెలిపారు. స్థానిక ఎన్నికలు కూటమి ప్రభుత్వానికి రిఫరెండం కావని, కాబోవని చెప్పారు. ఔత్సాహికులంతా నామినేషన్లు వేశారని, అయితే తాము ఖరారు చేసిన వారికే బీ ఫారాలు ఇస్తామన్నారు. బి ఫారం తీసుకున్న వాళ్లకే పని చేయాలన్నారు. ఎక్కడా స్నేహ పూర్వక పోటీ ఉండదు : చంద్రబాబు ఎన్నికల్లో ఇచ్చిన సూపర్‌ సిక్స్‌ సహా అన్ని హామీలు అమలు చేశామని, అయినా స్థానిక సంస్థల ఎన్నికలు తమ పాలనకు రిఫరెండం కాదని సీఎం చంద్రబాబు అన్నారు. ఈ ఎన్నికల వల్ల తాము ఏ ప్రాంతంలో ఎలా ఉన్నామో తెలుసుకునే అవకాశం కలుగుతుందన్నారు. అయితే ఎక్కడా స్నేహ పూర్వక పోటీ ఉండదన్నారు. తన రాజకీయ జీవితంలో సీట్ల సర్దుబాటుపై ఇంత కసరత్తు ఎప్పుడూ చేయలేదన్నారు. ఎన్నికలు పెట్టడం వైఎస్సార్‌సీపీకి ఇష్టం లేదని.. వాళ్లే హింస చేసి, మళ్లీ వాళ్లే కోర్టులకు వెళ్లారని తెలిపారు. ఎన్నికలు ప్రకటించాక 62 పిటిషన్లు వేశారన్నారు. నామినేషన్ల సమయంలో పోలీసులు మైకులు పెట్టి నామినేషన్లు వేసే వాళ్లను పోలీసు జీపుల్లో తీసుకెళతామని చెప్పినా ఎవరూ ముందుకు రాలేదన్నారు. కార్పొరేషన్లు, మున్సిపాలిటీలకు టీడీపీ 9,800, వైఎస్సార్‌సీపీ 8,800, జనసేన 2,400, ఎంపీటీసీ అభ్యర్థులుగా 46 వేల మంది, జెడ్పీటీసీ అభ్యర్థులుగా 4,770 మంది నామినేషన్లు వేశారని తెలిపారు. వైఎస్సార్‌సీపీ నామినేషన్లు కూడా తమ వాళ్లే వేశారంటున్నారని, బి ఫారం ఇచ్చినప్పుడే ఏ పార్టీ అన్నది తెలుస్తుందన్నారు. తన రాజకీయ జీవితంలో హింసకు తావులేదన్నారు. ఎన్నికల కమిషన్, ఈవీఎంలు, ఎస్‌ఐఆర్‌ (సర్‌)పై ప్రతిపక్షాల ఆరోపణలపై స్పందిస్తూ.. గెలిచినప్పుడు ఎవరూ మాట్లాడరని, ఓడిపోయినప్పుడు రాజకీయం కోసం మాట్లాడుతారని అన్నారు. కర్ణాటక, తెలంగాణ, కేరళ, తమిళనాడుల్లో వాళ్లు గెలిస్తే ఈవీఎంలు సక్రమంగా పనిచేసినట్టని, పశ్చిమ బెంగాల్‌లో బీజేపీ గెలిస్తే సరిగా పనిచేయనట్టా అని ప్రశి్నంచారు.

సాక్షి, విశాఖపట్నం/ సాక్షి, అమరావతి: అర్నబ్‌ తుపాను విశాఖ నగరాన్ని వణికించింది. సాగర తీరం అల్లకల్లోలంగా మారింది. ఉవ్వెత్తున ఎగసిపడుతున్న కెరటాలతో బీచ్‌ ప్రాంతం భీతావహంగా కనిపించింది. భీకర గాలులు, కుండపోత వర్షం నగరవాసులను బెంబేలెత్తించాయి. ఎప్పుడు ఏ చెట్టు కూలుతుందో.. ఏ విద్యుత్‌ స్తంభం నేలకొరుగుతుందోనన్న భయంతో ప్రజలు ఇళ్లకే పరిమితమయ్యారు. గంటకు 80 కిలోమీటర్ల వేగంతో గాలులు వీయడంతో పలుచోట్ల భారీ వృక్షాలు నేలకొరిగాయి. విద్యుత్‌ స్తంభాలు విరిగిపడటంతో పలు ప్రాంతాలు అంధకారంలో చిక్కుకున్నాయి. వాహనాలపై చెట్లు కూలిపోవడంతో నష్టం వాటిల్లింది. మరోవైపు భారీ వర్షాలతో రహదారులు జలమయమై, లోతట్టు ప్రాంతాల ప్రజలు తీవ్ర ఇబ్బందులు పడ్డారు. నేలకొరిగిన మహా వృక్షాలుభీకర గాలుల ధాటికి అంగడిదిబ్బ, సీతంపేట, గురుద్వార, సీతమ్మధార, అక్కిరెడ్డిపాలెం, అక్కయ్యపాలెం, ఆరిలోవ, పెదగంట్యాడ, గాజువాక, మల్కాపురం, పెదగదిలి, పెదవాల్తేరు, శివాజీపాలెం, మద్దిలపాలెం, సత్యం జంక్షన్‌ తదితర ప్రాంతాల్లో భారీ వృక్షాలు నేలకొరిగాయి. చెట్లు వాహనాలపై పడటంతో బైక్‌లు, ఆటోలు, కార్లు ధ్వంసమయ్యాయి. పలు ప్రాంతాల్లో విద్యుత్‌ స్తంభాలు కూలిపోవడంతో సరఫరా నిలిచిపోయింది. దీంతో ప్రజలు గంటల తరబడి చీకట్లోనే గడపాల్సి వచ్చింది. విద్యుత్‌ పునరుద్ధరణ పనుల్లో తీవ్ర జాప్యం జరగడంతో ప్రజలు ఆగ్రహం వ్యక్తం చేశారు. ఫిర్యాదులు చేసినా అధికారులు స్పందించడం లేదని ఆవేదన వ్యక్తం చేశారు. తుపాను నేపథ్యంలో మంగళవారం రాత్రి 9 గంటల నుంచి విశాఖ నగరంలో ట్రాఫిక్‌ ఆంక్షలు విధించారు. అత్యవసరమైతే తప్ప ప్రజలు బయటకు రావొద్దని అధికారులు హెచ్చరించారు. విశాఖ రూరల్‌ మండలం పీఎం పాలెం వద్ద అత్యధికంగా 18.5 సెంటమీటర్లు.. ఉత్తరాంధ్రలోని 100కు పైగా ప్రాంతాల్లో 10 సెం.మీ.కు పైగా వర్షం కురిసింది. విజయనగరం జిల్లాలో కొత్తవలస, భోగాపురం, డెంకాడ, వేపాడ.. శ్రీకాకుళం జిల్లాలో సంతబొమ్మాళి, జలుమూరు, కోటబొమ్మాళి, ఆమదాలవలస ప్రాంతాల్లోనూ భారీ వర్షాలు కురిశాయి.

సాక్షి, అమరావతి: బంగాళాఖాతంలో కొనసాగుతున్న అతి తీవ్ర తుపాను ‘అర్నబ్‌’ రాష్ట్ర తీరం వైపు వేగంగా దూసుకొచ్చింది. అనుకున్న సమయం కంటే ముందుగానే ఇది తీరం తాకింది. తొలుత బుధవారం ఉదయం తీరం దాటుతుందని అంచనా వేసినప్పటికీ ఇది వేగంగా కదిలి మంగళవారం రాత్రి 11.30 గంటలకు యానాం వద్ద తీరాన్ని తాకింది. ఈ ప్రక్రియ బుధవారం తెల్లవారుజాము 4 గంటల వరకు కొనసాగనున్నట్లు వాతావరణ శాఖ తెలిపింది. తీరం దాటే సమయంలో గంటకు 125 నుంచి 135 కిలోమీటర్లకు పైగా వేగంతో పెనుగాలులు వీస్తాయని పేర్కొంది. తీరం దాటడానికి ముందు తుపాను గంటకు 17 కిలోమీటర్ల వేగంతో పశ్చిమ–వాయవ్య దిశగా కదిలింది.ముంచుకొస్తున్న సముద్రపు అలలు..తీరం దాటే సమయంలో సాధారణ ఆటుపోట్ల కంటే 1.5 నుంచి 2.5 మీటర్ల ఎత్తున అలలు ఎగసిపడి లోతట్టు ప్రాంతాలను ముంచెత్తే ప్రమాదం ఉందని వాతావరణ శాఖ హెచ్చరించింది. కాకినాడ, యానాం వద్ద ఉప్పెన తీవ్రత ఎక్కువగా ఉంటుందని తెలిపింది. యానాం వద్ద రెండు మీటర్లు, కాకినాడ మండలం పోలేకుర్రు వద్ద 1.8 మీటర్లు, ముమ్మిడివరం మండలం జి.వేమవరం వద్ద 1.1 మీటర్లు, పిఠాపురం మండలం పొన్నాడ వద్ద ఒక మీటరు ఎత్తున అలలు ఎగసిపడ్డాయి. యానాంలో అర కిలోమీటరు వరకు, కాకినాడ, అమలాపురం, పిఠాపురం, నరసాపురం, రాజోలు ప్రాంతాల్లో 200–250 మీటర్ల వరకు సముద్రపు నీరు లోపలికి చొచ్చుకువచ్చింది. విశాఖ రూరల్‌ మండలం పీఎం పాలెం వద్ద అత్యధికంగా 18.5 సెంటమీటర్లు.. ఉత్తరాంధ్రలోని 100కు పైగా ప్రాంతాల్లో 10 సెం.మీ.కు పైగా వర్షం కురిసింది. ఇందులో సగం ప్రాంతాలు విశాఖ జిల్లాలోనే ఉన్నాయి. 11 జిల్లాలకు రెడ్‌ అలెర్ట్‌.. అత్యంత భారీ వర్షాలు..ఇక కాకినాడ, తూర్పు గోదావరి, కోనసీమ, ఏలూ­రు, పశ్చిమ గోదావరి, అల్లూరి సీతారామరాజు, అనకాపల్లి, విశాఖపట్నం, ఎన్టీఆర్, కృష్ణా, బాపట్ల జిల్లాల్లోని పలుచోట్ల బుధవారం అత్యంత భారీ వర్షాలు కురుస్తాయని అమరావతి వాతావరణ కేంద్రం రెడ్‌ అలర్ట్‌ జారీచేసింది. విజయనగరం, శ్రీకా­కు­ళం, పార్వతీపురం మన్యం, గుంటూరు, పల్నా­డు జిల్లాల్లో భారీ నుంచి అతిభారీ వర్షాలు.. ప్రకాశం, నెల్లూరు జిల్లాల్లో భారీ వర్షాలు పడతాయని తెలిపింది. ఈ జిల్లాల్లో గంటకు 115–­125 కిలోమీటర్లు, గరిష్టంగా 140 కిలోమీటర్ల వేగంతో పెనుగాలులు వీస్తాయని హెచ్చరించింది. కోస్తా జిల్లాల్లో ఆకస్మిక వరదలు ముంచెత్తే ప్రమా­దం ఉందని జాతీయ ఫ్లాష్‌ ఫ్లడ్‌ బులెటిన్‌ వెల్లడించింది.తీరం దాటాక బలహీనం..ఇదిలా ఉంటే.. తీరం దాటిన తర్వాత తుపాను ఉత్తర దిశగా కదులుతూ క్రమంగా బలహీనపడనుంది. ఇది బుధవారం మధ్యాహ్నానికి తుపానుగా.. సాయంత్రానికి తీవ్ర వాయుగుండంగా బలహీనపడి ఛత్తీస్‌గఢ్‌ వైపు పయనిస్తుంది. సముద్రంలో 14 మీటర్లకు పైగా ఎత్తున అలలు ఎగసిపడుతున్నాయని, ఈనెల 29 వరకు మత్స్యకారులు వేటకు వెళ్లొద్దని వాతావరణ శాఖ హెచ్చరించింది.

సాక్షి, అమరావతి: స్థానిక ఎన్నికల్లో ‘పరిషత్‌’ ఏకగ్రీవాలు ప్రజాస్వామ్యాన్ని, ఎన్నికల ప్రక్రియను నవ్వులపాలు చేస్తున్నాయి. అభ్యర్థులు అసలు నామినేషన్లు వేసే పరిస్థితే లేకుండా అధికార పార్టీ అల్లరి మూకల అడ్డగింతలతోపాటు ఫేక్‌ నామినేషన్ల డ్రామా ఒక ఎత్తయితే... వీటిని దాటుకుని నామినేషన్లు వేసిన వారిని ప్రలోభ పెట్టడం లేదా బెదిరించడం మరో ఎత్తు అన్నట్లుగా ఎంపీటీసీ, జెడ్పీటీసీ ఎన్నికల నామినేషన్ల ప్రక్రియ కొనసాగింది. అధికార పార్టీ నేతలకు అనుకూలంగా ఏకగ్రీవాల కోసం పలుచోట్ల స్వయంగా పోలీసులే ప్రతిపక్ష పార్టీల అభ్యర్థులను నామినేషన్లు ఉపసంహరించుకోవాలని తీవ్ర ఒత్తిళ్లు తేవడం ఈ ఎన్నికల ప్రక్రియను ఎంత అవహేళన చేస్తున్నారో చెప్పేందుకు నిదర్శనం. జెడ్పీటీసీ, ఎంపీటీసీ ఎన్నికల నామినేషన్ల ఉపసంహరణ పూర్తి కాగా.. మంగళవారం మధ్యాహ్నం రాష్ట్రవ్యాప్తంగా 28 జిల్లాల పరిధిలో 659 మండలాలకు జెడ్పీటీసీ ఎన్నికలు కొనసాగుతుండగా.. రాత్రి పొద్దుపోయే వరకు కూడా ఏకగ్రీవాల సమాచారం రాష్ట్ర ఎన్నికల కమిషన్‌కు చేరలేదు. జిల్లాల నుంచి అధికారులకు అందిన ప్రాథమిక సమాచారం మేరకు 79 చోట్ల అధికార కూటమి అభ్యర్థులు ఏకగ్రీవమైనట్లు పేర్కొంటున్నారు. అధికారుల ప్రాథమిక సమాచారం మేరకు.. పల్నాడు జిల్లాలో 18, వైఎస్సార్‌ కడప జిల్లాలో 23, నంద్యాల జిల్లాలో 8, నెల్లూరు జిల్లాలో 5, బాపట్లలో ఒకటి, ఏలూరులో ఒకటి, ప్రకాశం జిల్లాలో రెండు, మార్కాపురం జిల్లాలో ఏడు, తిరుపతి జిల్లాలో నాలుగు, చిత్తూరులో మూడు, అన్నమయ్య జిల్లాలో 4, అనంతపురం జిల్లాలో మూడు ఏకగ్రీవమైనట్టు రాష్ట్ర ఎన్నికల అధికారులకు ప్రాథమిక సమాచారం పంపారు. మరోవైపు ఎంపీటీసీ ఎన్నికల వివరాలు ఆయా మండలాల నుంచి జిల్లా కేంద్రాలకు వచ్చిన తర్వాత రాష్ట్ర ఎన్నికల కమిషన్‌కు చేరాల్సి ఉంది. వీటిని ఏకగ్రీవాలంటారా..? ⇒ పల్నాడు జిల్లా గురజాల నియోజకవర్గంలో అన్నిచోట్లా అభ్యర్థుల కోసం ఏర్పాటు చేసిన నామినేషన్‌ కేంద్రాల చుట్టూ వందలాదిగా అధికార పార్టీ అల్లరిమూకలు తిష్ట వేశాయి. ప్రతిపక్ష వైఎస్సార్‌సీపీ అభ్యర్థులను ఒక్కరిని కూడా నామినేషన్‌ వేయనీయకుండా చేయడంతో పిడుగురాళ్ల, దాచేపల్లి, గురజాల మన్సిపాలిటీలు ఏకగ్రీవం కాగా.. ఎంపీటీసీ ఎన్నికల్లోనూ అదే పరిస్థితి నెలకొంది. నామినేషన్లు వేయకుండా పచ్చముఠాలు అడ్డుకోవడంతో మొత్తం ఎంపీటీసీలు ఏకగ్రీవమయ్యాయి. ⇒ శ్రీకాకుళం జిల్లా పొందూరు మండలంలో మొత్తం 21 ఎంపీటీసీ స్థానాలకు ఐదుచోట్ల ఏకగ్రీవమైనట్టు ఎన్నికల అధికారులు ప్రకటించగా.. అదంతా బూటకమని వైఎస్సార్‌సీపీ స్పష్టం చేసింది. 21 చోట్లా వైఎస్సార్‌సీపీ అభ్యర్థులు నామినేషన్లు వేయగా స్క్రూటినీలో అందరి నామినేషన్లు ఆమోదించినట్లు అధికారులు ప్రకటించారు. ఉపసంహరణ సమయంలో అభ్యర్థులు ఎవరూ విత్‌ డ్రా చేసుకోలేదు. కానీ మంగళవారం సాయంత్రం స్థానిక ఎన్నికల అధికారి ప్రకటించిన తుది జాబితాలో మాత్రం పొందూరు 3, రాపాక 1, కోటిపల్లి, బాణాం, నందివాడ ఎంపీటీసీలు ఏకగ్రీవం అయినట్లు ప్రకటించడంతో ఆయా చోట్ల ఆందోళనకు దిగారు. దీంతో ఆ ఐదు స్థానాల అభ్యర్థులను రప్పించి మంగళవారం రాత్రి పొద్దుపోయాక అధికారులు తిరిగి ఆయా నామినేషన్ల ఉపసంహరణను పరిశీలించే కార్యక్రమం కొనసాగిస్తున్నారు. ⇒ పల్నాడు జిల్లా నరసరావుపేటలో అధికార పార్టీ అల్లరిమూకలు ప్రత్యర్థులను నామినేషన్లు వేయకుండా అడ్డుకోవడంతో మొత్తం 18 జెడ్పీటీసీ స్థానాలను అధికార పార్టీ ఏకగ్రీవం చేసుకుంది. ⇒ దౌర్జన్యాలతో తన రాజకీయ జీవితాన్ని ప్రారంభించిన దెందులూరు టీడీపీ ఎమ్మెల్యే చింతమనేని ప్రభాకర్‌ తన కుమార్తెను ఏలూరు జెడ్పీ చైర్‌పర్సన్‌గా చేసుకోవాలని పెదవేగి జెడ్పీటీసీ స్థానం నుంచి పోటీలో నిలబెట్టారు. ఆ జెడ్పీటీసీ స్థానానికి 8 నామినేషన్లు దాఖలైనప్పటికీ బెదిరించి ప్రలోభాలకు గురిచేసి నామినేషన్లు ఉపసంహరించుకునేలా చేయడంతో ఆ స్థానం ఏకగ్రీవమైనట్టు అధికారులు ప్రకటించారు. ⇒ మార్కాపురం జిల్లా కొమరోలు జెడ్పీటీసీ స్థానానికి పోటీ చేసిన వైఎస్సార్‌సీపీ అభ్యర్థి నామినేషన్‌ను పరిశీలన సమయంలో అధికారులు తిరస్కరించడంతో ఏకగ్రీవమైనట్టు ప్రకటించారు. ⇒ జెడ్పీటీసీ స్థానం ఏకగ్రీవమైన వాటిలో నెల్లూరు జిల్లా చిల్లకూరు జెడ్పీటీసీ ఉంది. ఆ స్థానాన్ని ఎస్టీ మహిళకు రిజర్వ్‌ చేయగా ప్రతిపక్షం కనీసం అభ్యరి్థని కూడా పెట్టడానికి వీలు లేకుండా అధికార పార్టీ గూండాలు స్థానిక ఎస్టీలను ఊరు బయటకు పంపేశారు. ఖాకీల అండతో కూటమి పార్టీల దుర్మార్గాలకు ఇది మచ్చు తునక. నెల్లూరు జిల్లాలో జెడ్పీటీసీ స్థానాలు ఏకగ్రీవమైన ఇందుకూరుపేట, కొడవలూరు, గుచి్చ, సీతారాంపురంలోనూ అభ్యర్థులను బెదిరించి, ప్రలోభాలకు గురి చేసి నామినేషన్లు ఉపసంహరించుకునేలా చేశారు. ⇒ వైఎస్సార్‌ కడప జిల్లాలో 39 జెడ్పీటీసీ స్థానాలు ఉండగా దౌర్జనాలు, బెదిరింపులతో 23 చోట్ల కూటమి పార్టీలు ఏకగ్రీవం చేసుకున్నాయి. అందులో 6 చోట్ల నామినేషన్లు వేయడానికి వచి్చన వైఎస్సార్‌సీపీ అభ్యర్థుల చేతుల్లో నుంచి పత్రాలను టీడీపీ నేతలు దౌర్జన్యంగా గుంజుకున్నారు. 12 చోట్ల నామినేషన్లు వేసినా పరిశీలన సమయంలో అధికారులపై ఒత్తిడి తెచ్చి చెల్లని వాటిగా ప్రకటించేలా చేశారు. మరో ఐదుచోట్ల నామినేషన్లు వేసిన అభ్యర్థులను బెదిరింపులతోపాటు ప్రలోభాలకు గురి చేసి ఉపసంహరింపజేశారు. ⇒ అద్దంకి నియోజకవర్గం కలవకూరు గ్రామానికి చెందిన వైఎస్సార్‌సీపీ ఎంపీటీసీ అభ్యర్థి పసుభి జేమ్స్‌ను టీడీపీ రౌడీలు కిడ్నాప్‌ చేశారు. దీనికి పోలీసులు సైతం సహకరించారు. దొంగ నాటకాలు మాతో ఎన్నికల్లో పోటీ పడలేక దొంగ సంతకాలతో నామినేషన్‌ పత్రాలను వెనక్కి తీసేశారు. ప్రజాస్వామ్యంలో ఇలాంటి నీచ రాజకీయాలు ఎన్నడూ చూడలేదు. దొంగచాటుగా ఏకగ్రీవం చేసుకోవడం సిగ్గు చేటు. దీన్ని వదలం. – కాలిపు శ్రీదేవి, పొందూరు 3 ఎంపీటీసీ స్థానం వైఎస్సార్‌సీపీ అభ్యర్ధి, శ్రీకాకుళం జిల్లా మాతో గెలవలేక దొంగ దెబ్బ తీశారు నామినేషన్‌ వేసిన తర్వాత ఆర్వో కార్యాలయానికే వెళ్లలేదు. నామినేషన్‌ ఉపసంహరణ చేసుకోలేదు. ప్రజల్లో ప్రచారంలో బిజీగా ఉన్నాం. అయినా మేము నామినేషన్‌ విత్‌డ్రా చేసుకున్నామని ఆర్వో ప్రకటించడం దారుణం. కూటమి నాయకులకు ఆర్వో అమ్ముడుపోయారు. మాతో గెలవలేక దొంగ దెబ్బ తీశారు. కోర్టుకెళ్లి తేల్చుకుంటాం. – పప్పల రాజ్యలక్ష్మి, బాణాం ఎంపీటీసీ స్థానం వైఎస్సార్‌సీపీ అభ్యర్ధి, శ్రీకాకుళం జిల్లామహిళలతో పోటీ పడలేక కూటమి నాయకులు మా మహిళలతో పోటీలో గెలవలేక ఫోర్జరీ సంతకాలు చేసి, నామినేషన్‌ ఉçపసంహరణ చేసుకున్నట్టుగా కుట్ర చేశారు. మేము నామినేషన్లు వేసిన తర్వాత మళ్లీ ఆర్వో కార్యాలయానికే వెళ్లలేదు. ఆర్వో ముఖం చూడలేదు. అయినా విత్‌ డ్రా చేసుకున్నట్లు చెబుతున్నారు. సీసీ ఫుటేజీ తీసి, ఫోర్జరీ సంతకాలు చేసిన వారిపై చర్యలు తీసుకోవాలి. – కూన శోభారాణి, కోటిపల్లి ఎంపీటీసీ స్థానం వైఎస్సార్‌సీపీ అభ్యర్థి, శ్రీకాకుళం జిల్లాఅన్యాయంపై కోర్టును ఆశ్రయించాం మా నామినేషన్లను ఉపసంహరించుకోకుండానే మేము విత్‌డ్రా చేసుకున్నట్లు ప్రకటించారు. ఈ అన్యాయంపై కోర్టును ఆశ్రయించాం. ప్రజాస్వామ్యాన్ని కాపాల్సిన అధికారులే అడ్డదారులు తొక్కితే సామాన్యులు పరిస్థితేంటి? దీనిపై ఎంతకైనా పోరాటం చేస్తాం. దొంగ రాజకీయాలు చేశారు. – లింగాల అరుణకుమారి, నందివాడ ఎంపీటీసీ స్థానం వైఎస్సార్‌సీపీ అభ్యర్థి , శ్రీకాకుళం జిల్లాదారుణానికి ఒడిగట్టారు ఓడిపోతారన్న భయంతో కూటమి నాయకులు తప్పుదారిలో వెళ్లారు. వారితో ఆర్వో చేతులు కలిపి ఎన్నికల అక్రమాలకు పాల్పడ్డారు. ఈ అన్యాయంపై పోరాటానికి సిద్ధం. – ఎచ్చెర్ల పద్మావతి, రాపాక 1 ఎంపీటీసీ స్థానం వైఎస్సార్‌సీపీ అభ్యర్థి, శ్రీకాకుళం జిల్లాప్రజాస్వామ్యానికి సంకెళ్లు ప్రజాక్షేత్రంలో కూటమి అభ్యర్థులు గెలవలేక పోర్జరీ సంతకాలు చేసి, మా నామినేషన్లను విత్‌డ్రా చేశారు. నామినేషన్‌ ఉపసంహరించారంటూ ఆర్వో ప్రకటించడం ప్రజాస్వామ్యానికి సంకెళ్లు వేసినట్లే. ఐదుగురు మహిళా ఎంపీటీసీ అభ్యర్థులు ఆర్వో దగ్గరికి గానీ, కార్యాలయానికి కానీ రాకుండా వారి నామినేషన్లు ఎలా ఉపసంహరిస్తారు? ఎమ్మెల్యే కూన రవికుమార్‌కి ఆర్వో అమ్ముడుపోయాడు. ఫోర్జరీ సంతకాలపై ఎన్నికల కార్యాలయంలో ఉన్న సీసీ ఫుటేజీని తీసి దోషులను కఠినంగా శిక్షించేలా న్యాయ పోరాటం చేస్తాం. సుప్రీం కోర్టు వరకు వెళ్తాం. – చింతాడ రవికుమార్, వైఎస్సార్‌సీపీ ఆమదాలవలస సమన్వయకర్త, శ్రీకాకుళం జిల్లా

సాక్షి, అమరావతి : రాష్ట్రంలో ప్రజల మద్దతు తమకు లేదని చంద్రబాబు సారథ్యంలోని కూటమి స్వయంగా అంగీకరించింది. స్థానిక ఎన్నికలను ప్రజాభిప్రాయంగా (రిఫరెండంగా) తీసుకోలేమని చెప్పడం ద్వారా రెండున్నరేళ్ల పాలనలో చేసిందేమీ లేదని పరోక్షంగా ఒప్పేసుకొంది. అనేక వివాదాలు, గొడవల నేపథ్యంలో స్థానిక ఎన్నికల్లో సీట్ల సర్దుబాటు పూర్తయిందని చెప్పుకోవడం కోసం టీడీపీ అధినేత, సీఎం చంద్రబాబు, జనసేన అధినేత, డిప్యూటీ సీఎం పవన్, బీజేపీ రాష్ట్ర అధ్యక్షుడు మాధవ్‌ మంగళవారం నిర్వహించిన మీడియా సమావేశంలో కూటమి ప్రభుత్వ బేలతనం బయటపడిపోయింది. తమ పాలన అద్భుతమని పైకి చెప్పుకున్నా, ఈ ఎన్నికలు రిఫరెండం కాదని పవన్, మిడ్‌టర్మ్‌ అప్రైజల్‌ (మధ్యంతర సమీక్ష) కాదని చంద్రబాబు తేల్చి చెప్పడాన్ని బట్టి గెలుపుపై వారికి నమ్మకం లేదని రూఢీ అవుతోంది. దేశంలోనే నంబర్‌ వన్‌ అయితే అంత జంకెందుకో..? రెండున్నరేళ్లలో రాష్ట్రాన్ని మార్చేశామని, సంక్షేమంలో దేశంలోనే నంబర్‌ వన్‌ అని సొంత డప్పు కొట్టుకుంటున్న చంద్రబాబు.. ఆ పాలనకు స్థానిక ఎన్నికలను తీర్పుగా స్వీకరించడానికి ఎందుకు జంకుతున్నారని విశ్లేషకులు ప్రశ్నిస్తున్నారు. నిజానికి చంద్రబాబు ప్రభుత్వంపై ప్రజల్లో వ్యతిరేకత పెల్లుబుకుతోంది. ఎన్నికల్లో ఇచి్చన సూపర్‌ సిక్స్‌ సహా ఏ హామీ అమలు చేయకుండా మోసం చేయడం, రాష్ట్రంలో ఏమాత్రం అభివృద్ధి లేకపోవడంతో చంద్రబాబు ప్రభుత్వంపై ఆగ్రహం ప్రజల్లో స్పష్టంగా కనిపిస్తోంది. దీనికితోడు ప్రభుత్వ స్థాయి నుంచి కింది స్థాయి వరకు అవినీతి విలయ తాండవం చేస్తుండటం ప్రజలకు కళ్లకు కట్టినట్లు కనిపిస్తోంది. ప్రజా సమస్యలు పరిష్కారం కాకపోగా.., వేధింపులు, బెదిరింపులు, అధికార పార్టీ నేతల అరాచకాలు, పెరిగిపోయిన నేరాలు, ఘోరాలు, ప్రశ్నిస్తే కేసులు, అరెస్టులతో రాష్ట్రాన్ని చంద్రబాబు నయా బిహార్‌గా మార్చేశారనే ఆందోళన సామాన్య ప్రజల నుంచి మేధావి వర్గాల్లోనూ వ్యక్తమవుతోంది. ఈ నేపథ్యంలో స్థానిక ఎన్నికల్లో గెలుపుపై వారిలో ధీమా కనిపించడం లేదు. ఓటమి భయంతోనే దౌర్జన్యాలు జనం ఓట్లేయరనే భయంతోనే స్థానిక సంస్థల ఎన్నికల్లో నామినేషన్ల దశ నుంచే ప్రతిపక్ష అభ్యర్థులపై కూటమి నేతలు దాడులు, అరాచకాలు, దౌర్జన్యాలకు తెగబడుతున్నారు. నామినేషన్లు వేయనీయకుండా బెదిరింపులు, కిడ్నాపులు.. పోలీసులను అడ్డుపెట్టుకుని టీడీపీ సాగించిన గూండాయిజాన్ని రాష్ట్రమంతా చూసింది. ప్రతిపక్ష అభ్యర్థులను బరిలో లేకుండా చేసి అనేకచోట్ల ఏకగ్రీవాలు చేసుకున్నారు. ప్రతిపక్ష పార్టీ ఎంపీలపైనే హత్యాయత్నాలు, ఆ పార్టీ నేతల కార్ల దగ్ధం, ధ్వంసం, మహిళా అభ్యర్థులపై కీచకపర్వం.. ఈ ఎన్నికల్లో టీడీపీ మూకలు చేసిన అరాచకం అంతా ఇంతా కాదు. ఒకవైపు స్థానిక ఎన్నికలను రక్తసిక్తం చేసి హింసాత్మకంగా మార్చిన చంద్రబాబు.. మీడియా సమావేశాల్లో మాత్రం తన రాజకీయ జీవితంలో హింసకు తావే లేదని చెబుతుండటం చూసి మహానటులే నివ్వెరపోతున్నారు. తమ అభ్యర్థులకు రక్షణ లేదని ప్రతిపక్షం న్యాయస్థానాలను ఆశ్రయిస్తే దాన్ని కూడా నేరంగా చిత్రీకరించడం చంద్రబాబు నైజాన్ని పట్టిచూపుతోంది. హింసకు తావు లేదని నీతులు చెప్పిన పవన్‌.. అదే నోటితో ప్రతిపక్షం 2.0 చూపిస్తే తాము పది రెట్లు చూపిస్తామని హెచ్చరించడం ఏమిటని విశ్లేషకులు ప్రశ్నిస్తున్నారు. సూపర్‌ సిక్స్‌ అమలు చేయకుండానే.. సూపర్‌ సిక్స్‌ అమలు చేశామంటూ చంద్రబాబు, పవన్‌ మళ్లీ అబద్ధాలు వల్లె వేశారు. 18 ఏళ్లు నిండిన ప్రతి మహిళకు ఆడబిడ్డ నిధి కింద నెలకు రూ.1,500 ఇస్తామన్న హామీ ఏమైంది? నిరుద్యోగులకు నెలకు రూ.3 వేల చొప్పున భృతి ఎక్కడ? 50 ఏళ్లు నిండిన ఎస్సీ, ఎస్టీ, బీసీలకు రూ.4 వేల పింఛన్‌ ఊసేది? ఇలాంటివి ఇంకా ఎన్నో అమలు చేయకుండానే సూపర్‌ సిక్స్‌ అమలు చేశామని చెప్పి జనాన్ని నిలువునా మోసం చేస్తున్నారు. వీటని ప్రజలు ప్రశ్నిస్తూనే ఉన్నారు. బీసీలకు వెన్నుపోటు జనాభా దామాషా ప్రకారం రాజ్యాధికారం, సోషల్‌ రీ­ఇంజినీరింగ్‌.. అంటూ బాబు ఉపన్యాసాలు దంచినా, సా­్థనిక ఎన్నికల్లో బీసీలకు 34 శాతం రిజర్వేషన్లు ఇ­వ్వకుండా మంగళం పాడేశారు. బీసీ రిజర్వేష­న్లు ఇ­చ్చా­కే ఎన్నికలకు వెళ్తామని చెప్పి.. ఆ హామీని గంగలో కలిపేశారు. సమన్వయం ఉందంటూనే.. సర్దుబాటులో తలనొప్పులట! దేశంలో ఎక్కడా లేని సమన్వయం తమ కూటమిలో ఉందని ఒకవైపు చెబుతున్న కూటమి నేతలు.. మరోవైపు సీట్ల సర్దుబాటులో తలనొప్పులు వచ్చాయని, చంద్రబాబు, లోకేశ్‌ నలిగిపోయారని చెప్పడాన్ని బట్టి వారి మాటలకు ఒకదానికొకటి పొంతన లేదని స్పష్టమవుతోంది. తన 45 ఏళ్ల రాజకీయ జీవితంలో ఇంత కసరత్తు ఎప్పుడూ చేయలేదని చంద్రబాబే ఒప్పుకున్నారు. ఐక్యత అంత బలంగా ఉంటే.. సహకరించని వారిని పార్టీ నుంచి బహిష్కరిస్తామని ఎందుకు హెచ్చరించాల్సి వచ్చిందన్న ప్రశ్నకు వారి వద్ద జవాబు లేదు. ఇదో విడ్డూరం..! తుపాను వల్ల సీట్ల సర్దుబాటు మరింత కష్టమైందని పవన్‌ చెప్పడం మరో విడ్డూరం. నెల రోజులుగా సీట్ల చర్చలు జరుపుతూ, రెండు రోజుల క్రితం వచ్చిన తుపానును సాకుగా చూపడం అబద్ధం కాక మరేమిటని విశ్లేషకులు ప్రశ్నిస్తున్నారు. పైగా మర్నాడే తుపాను తీరం దాటనున్న వేళ, ఉదయం నుంచే వర్షాలు మొదలైనా, సీఎం, డిప్యూటీ సీఎం ఇద్దరూ గంటల తరబడి ఎన్నికల ప్రెస్‌మీట్‌లోనే గడ³డాన్ని తప్పుపడుతున్నారు. మొత్తంగా చూస్తే.. పాలనపై నమ్మకం లేదు, హామీలపై సమాధానం లేదు, కూటమిలో సఖ్యత లేదు. అందుకే పోలింగ్‌కు ముందే రిఫరెండం కాదంటూ కూటమి నేతలు చేతులెత్తేశారు.

సాక్షి, అమరావతి: ప్రజాస్వామ్యానికి పాతరేసి.. ఎన్నికల బరినే అరాచకాల రణరంగంగా మార్చేశారు! పచ్చ గూండాలు దారుణమైన దాడులకు దిగారు. నామినేషన్‌ వేస్తే బెదిరింపులు.. బరిలో నిలిస్తే కిడ్నాప్‌లు.. బీఫారం సమర్పించబోతే అడ్డంకులు.. విత్‌డ్రా చేయకపోతే పోలీసుల ఒత్తిళ్లు! మార్కాపురంలో తొమ్మిది మంది అభ్యర్థుల బీఫారాలు లాక్కొని చించివేయడం, వజ్రకరూరులో అభ్యర్థులు అదృశ్యమయ్యారనే ఫిర్యాదులు, ఆలూరులో అభ్యర్థిని పోలీస్‌ స్టేషన్‌కు తరలించిన ఘటన, గంగడపాలెంలో సంతకాల ఫోర్జరీ ఆరోపణలు.. టెక్కలిలో నామినేషన్‌ ఉపసంహరించుకోవాలంటూ మంత్రి అచ్చెన్నాయుడు స్వయంగా ఫోన్‌ చేయడం.. మంగళవారం నామినేషన్ల విత్‌డ్రా కోసం వెన్నుపోటుపార్టీ చేయని అరాచకం లేదు. వారికి వెన్ను దన్నుగా కొందరు పోలీసు అధికారులు చెలరేగారు. అధికారపార్టీ అభ్యర్థుల ఏకగ్రీవాల కోసం గతంలో ఎన్నడూ లేనంతగా దిగజారారు. రాళ్లపాడులో ఎంపీటీసీ అభ్యర్థి కిడ్నాప్‌ ప్రకాశం జిల్లా కొనకనమిట్ల మండలం రాళ్లపాడులో నామినేషన్‌ విత్‌డ్రా చేసుకోవాలంటూ వైఎస్సార్‌సీపీ అభ్యర్థిపై టీడీపీ నేతలు దౌర్జన్యం చేశారు. రాళ్లపాడు ఎంపీటీసీ అభ్యర్థి కుర్రా లక్షి్మ, కుర్రా లింగమ్మలను సోమవారం అర్థరాత్రి టీడీపీ గూండాలు కిడ్నాప్‌ చేశారు. వైఎస్సార్‌సీపీ అభ్యర్థి, వారి కుటుంబ సభ్యులను, పిల్లలను కూడా వదలకుండా టీడీపీ వాళ్లు తీసుకుపోవడంతో తీవ్ర ఆందోళన వ్యక్తమవుతోంది. వైఎస్సార్‌సీపీ నేత కుమార్‌రెడ్డి ఇంటిపై రాళ్ళ దాడి ఆళ్లగడ్డ నియోజకవర్గం చాగలమర్రి మండల కేంద్రంలో వైఎస్సార్‌సీపీ కన్వీనర్‌ కుమార్‌రెడ్డి ఇంటిపై పచ్చ గూండాలు రాళ్లు దాడికి పాల్పడ్డారు. రెండు వాహనాలతో వచి్చన రౌడీలు రాళ్ల దాడి చేయడంపై కుమార్‌రెడ్డి చాగలమర్రి పోలీస్‌ స్టేషన్‌లో ఫిర్యాదు చేశారు. సీతారాంపురంలో లోకేష్ రెడ్డి అక్రమ అరెస్టు.. నెల్లూరు జిల్లా ఉదయగిరి నియోజకవర్గం సీతారాంపురం వైఎస్సార్‌సీపీ ఎంపీటీసీ అభ్యర్థి చింతం లోకేష్ రెడ్డిని పోలీసులు అక్రమంగా అరెస్టు చేయడంతో ఉద్రిక్తత నెలకొంది. మంగళవారం ఆయన నామినేషన్‌ కేంద్రంలో బీఫామ్‌ సమరి్పస్తుండగా పోలీసులు అదుపులోకి తీసుకున్నారు. ఆయనను అక్రమంగా అరెస్టు చేయడంపై నిరసన వ్యక్తం చేస్తూ సీతారాంపురం పోలీస్‌ స్టేషన్‌ వద్దకు వైఎస్సార్‌సీపీ శ్రేణులు పెద్ద ఎత్తున చేరుకున్నారు. లోకేష్ రెడ్డి అరెస్ట్‌ను తప్పుబడుతూ ఉదయగిరి వైఎస్సార్‌సీపీ సమన్వయకర్త మేకపాటి రాజగోపాల్‌రెడ్డి కార్యకర్తలతో కలిసి పోలీస్‌ స్టేషన్‌కు చేరుకున్నారు. కుట్ర రాజకీయాలపై రాజగోపాల్‌రెడ్డి మండిపడ్డారు. మార్కాపురంలో టీడీపీ నేత బరితెగింపు.. వైఎస్సార్‌సీపీ బీఫాంలు లాక్కొని చించివేత! మార్కాపురం మండల పరిషత్‌ కార్యాలయంలో టీడీపీ నేత కాకర్ల శ్రీనివాసులు అరాచకానికి తెగబడ్డారు. ఎంపీటీసీ నామినేషన్ల ఉపసంహరణ ప్రక్రియలో భాగంగా వైఎస్సార్‌సీపీకి చెందిన తొమ్మిది మంది అభ్యర్థులు మధ్యాహ్నం 3 గంటల్లోపు ఆర్వో రవిప్రసాద్‌కు అందజేసిన బీఫాంలను బలవంతంగా లాక్కొని బయటకు తీసుకెళ్లి చించేశారు. అధికారుల వద్ద భద్రంగా ఉండాల్సిన బీఫాంలనే లాక్కొని ధ్వంసం చేయడం ద్వారా ఎన్నికల ప్రక్రియను అపహాస్యం చేశారు. ఘటనపై స్పందించిన అధికారులు.. కాకర్ల శ్రీనివాసులుపై కేసు నమోదు చేస్తామని తెలిపారు. నంచర్లలో ఎంపీటీసీ అభ్యర్థి దంపతులకు బెదిరింపులు కర్నూలు జిల్లా ఆలూరు నియోజకవర్గం చిప్పగిరి మండలం నంచర్ల గ్రామంలో ఎంపీటీసీ అభ్యర్థి, ఆయన భార్యను టీడీపీ నేతలు కిడ్నాప్‌ చేశారు. నామినేషన్‌ ఉపసంహరించుకోవాలని బెదిరించారు. ఎన్నికల్లో పోటీ నుంచి తప్పుకునేలా అభ్యర్థిపై ఒత్తిడి చేశారు. నంచర్ల ఎంపీటీసీ అభ్యర్థి, ఆయన భార్య భద్రతపై తక్షణమే దృష్టి సారించాలని, వారి ఆచూకీపై స్పష్టత తీసుకురావాలని జిల్లా కలెక్టర్, జిల్లా ఎస్పీని వైఎస్సార్‌సీపీ నేతలు కోరారు. నూజెండ్ల మండలం మలకలూరు ఎంపీటీసీ అభ్యర్థిగా నామినేషన్‌ దాఖలు చేసిన వంగల వీరమ్మ బీఫారం సమర్పించేందుకు వెళుతుండగా బలవంతంగా విత్‌ డ్రా ఫారం మీద టీడీపీ నేతలు సంతకం పెట్టించి నామినేషన్‌ ఉపసంహరించుకునేలా చేశారు. దెందులూరులో ఎంపీటీసీ, జెడ్పీటీసీ అభ్యర్థులపై ఒత్తిళ్లు.. ఏలూరు జిల్లా దెందులూరు నియోజకవర్గంలో వైఎస్సార్‌సీపీ ఎంపీటీసీ, జెడ్పీటీసీ అభ్యర్థులను పోటీ నుంచి తప్పించేందుకు ఎమ్మెల్యే చింతమనేని ప్రభాకర్‌ అనుచరులు బెదిరింపులకు దిగారు. పోటీ నుంచి తప్పుకోవాలని వైఎస్సార్‌సీపీ అభ్యర్థులను కిడ్నాప్‌లు, అక్రమ కేసుల బెదిరింపులకు పాల్పడుతున్నారని మాజీ ఎమ్మెల్యే కొఠారు అబ్బయ్య చౌదరి మండిపడ్డారు. బెదిరించి విత్‌డ్రా చేయించారునాయుడుపేట మండల వైఎస్సార్‌సీపీ అభ్యర్థి నరసమ్మను పచ్చ నేతలు బెదిరించి నామినేషన్‌ విత్‌డ్రా చేయించారు. దీంతో టీడీపీ అభ్యర్థిగా ఉన్న తుపాకులు కన్నెమ్మ జెడ్పీటీసీగా ఏకగ్రీవం చేసుకున్నారు. అధికార పార్టీ నేతలు, పోలీసులు బెదిరింపులకు పాల్పడి వైఎస్సార్‌సీపీ జెడ్పీటీసీ అభ్యర్థిని పోటీ నుంచి తప్పించారని ప్రజలు చర్చించుకుంటున్నారు. పయ్యావుల ఇలాకాలో వైఎస్సార్‌సీపీ అభ్యర్థులు అదృశ్యం! మంత్రి పయ్యావుల కేశవ్‌ ఇలాకా అనంతపురం జిల్లా వజ్రకరూరులో ఎంపీటీసీ ఎన్నికల వేళ కలకలం రేగింది. వజ్రకరూరు–1 స్థానానికి నామినేషన్లు వేసిన వైఎస్సార్‌సీపీ అభ్యర్థులు కదిరప్ప, నల్లబోతుల రాజును మంగళవారం ఉదయం గుర్తుతెలియని వ్యక్తులు ఇళ్ల నుంచి తీసుకెళ్లారని కుటుంబ సభ్యులు తెలిపారు. నామినేషన్లు ఉపసంహరించుకునేలా ఒత్తిళ్లు తెచి్చ, తన భర్తను కిడ్నాప్‌ చేశారని రాజు భార్య, మాజీ సర్పంచ్‌ మోనాలీసా ఆరోపించారు. దీనిపై ఎన్నికల అధికారులకు, పోలీసులకు ఫిర్యాదు చేశారు. మరో అభ్యర్థి గురుస్వామిపైనా ఉపసంహరణకు ఒత్తిడి తెచ్చారని తెలిపారు. అయితే, ఇద్దరు అభ్యర్థులూ నామినేషన్లు ఉపసంహరించుకున్నారని, టీడీపీ అభ్యర్థి గుడిసె డేవిడ్‌ ఏకగ్రీవమైనట్లు ఆర్వో రామకృష్ణ ప్రకటించారు.ఎన్నికల అధికారి మోసంతో నామినేషన్‌ గల్లంతు! శ్రీకాకుళం జిల్లా కోట»ొమ్మాళి మండలం చిన్నసాన ఎంపీటీసీ వైఎస్సార్‌సీపీ అభ్యర్థి రొక్కం శ్రావణి నామినేషన్‌ తిరస్కరణకు గురైందని ఆమె భర్త కరుణాకర్‌ (శ్రీధర్‌) తెలిపారు. ఈ నెల 22, 23 తేదీల్లో రెండు నామినేషన్లు దాఖలు చేసి, ఒక్కోదానికి రూ.3 వేల చొప్పున చెల్లించామన్నారు. పరిశీలన సమయంలో నామినేషన్లు సక్రమంగానే ఉన్నాయని అధికారులు చెప్పారని, అనంతరం వారి సూచన మేరకు ఒక నామినేషన్‌ను ఉపసంహరించుకున్నామని వివరించారు. మిగిలిన నామినేషన్‌కు బీ ఫారం తీసుకురావాలని చెప్పిన అధికారులు, మంగళవారం వచ్చేసరికి మొత్తం నామినేషన్‌ తిరస్కరించినట్లు చెప్పారని ఆవేదన వ్యక్తం చేశారు. ఎన్నికల అధికారి జగన్మోహన్‌రావు మోసం వల్లే అన్యాయం జరిగిందని ఆరోపిస్తూ, న్యాయం కోసం కోర్టును ఆశ్రయిస్తామని వెల్లడించారు.ఫోర్జరీ సంతకాలతో నామినేషన్‌ విత్‌డ్రా!గంగడపాలెం ఎంపీటీసీ వైఎస్సార్‌సీపీ అభ్యర్థి కూచిపూడి కుమారి నామినేషన్‌ ఉపసంహరణ వివాదాస్పదంగా మారింది. కూటమి నాయకులు ఆమె సంతకాన్ని ఫోర్జరీ చేసి ఉపసంహరణ పత్రం సమర్పించారని, అభ్యర్థి హాజరు లేకుండానే ఎన్నికల అధికారి నాగయ్య దానిని ఆమోదించారని కుమారి తనయుడు మణికంఠ ఆరోపించారు. మూడు రోజులుగా బెదిరింపులు, ప్రలోభాలకు గురిచేసినా తన తల్లి నామినేషన్‌ ఉపసంహరించుకోలేదన్నారు. రాత్రి 7 గంటల వరకు ఉపసంహరణ వివరాలు వెల్లడించకపోవడం, మీడియా ఫోన్లకు అధికారి స్పందించకపోవడంపై ప్రశ్నలు లేవనెత్తారు. ఈ వ్యవహారంపై ఎన్నికల కమిషన్‌కు ఫిర్యాదు చేస్తామని మణికంఠ తెలిపారు.ఆలూరు ఎస్‌ఐ బరితెగింపు.. కర్నూలు జిల్లా ఆలూరులో పోలీసుల అండతో ఎన్నికల ప్రజాస్వామ్యాన్ని ఖూనీ చేశారు. అరికెర వైఎస్సార్‌ సీపీ ఎంపీటీసీ అభ్యర్థి తిమ్మప్ప బీ ఫారం సమర్పించేందుకు ఎంపీడీవో కార్యాలయానికి వస్తే.. ఎస్‌ఐ మన్మథ విజయ్‌ అతడిని బలవంతంగా పోలీస్‌ స్టేషన్‌కు తరలించారు. అక్కడ మాజీ సర్పంచ్‌ను దుర్భాషలాడి బెదిరించారు. అంతటితో ఆగకుండా అధికారులే తిమ్మప్ప సంతకం చేసి నామినేషన్‌ ఉపసంహరణను నమోదు చేశారు. వైఎస్సార్‌ సీపీ అభ్యర్థులను ఫోన్‌లో బెదిరించడం.. బీ ఫారాలు సమర్పించేందుకు వచి్చన వారిని అడ్డుకోవడం.. చివరకు బలవంతంగా నామినేషన్లు ఉపసంహరింపజేయడం.. ఆలూరులో ఎన్నికల ప్రక్రియ ఏ స్థాయికి దిగజారిందో ఈ ఘటన స్పష్టం చేస్తోంది. ఎంపీటీసీ అభ్యర్థిపై మంత్రి అచ్చెన్న ఒత్తిడి! శ్రీకాకుళం జిల్లా టెక్కలిలో వైఎస్సార్‌సీపీ ఎంపీటీసీ అభ్యర్థిని బరిలో నుంచి తప్పించేందుకు మంత్రి అచ్చెన్నాయుడే రంగంలోకి దిగారు. సంత»ొమ్మాళి మండలం చిన్నతుంగాం ఎంపీటీసీ వైఎస్సార్‌సీపీ అభ్యర్థి కాని జగ్గారావుకు ఫోన్‌ చేసి నామినేషన్‌ ఉపసంహరించుకోవాలని ఒత్తిడి తెచ్చినట్లు చెబుతున్న సంభాషణ సోషల్‌ మీడియాలో వైరల్‌గా మారింది. టీడీపీ మాజీ సర్పంచ్‌ శిమ్మ గోవిందరావు తొలుత జగ్గారావుకు ఫోన్‌ చేసి, మంత్రి మాట్లాడతారని చెప్పడం.. వెంటనే కాన్ఫరెన్స్‌ కాల్‌లో అచ్చెన్నాయుడు మాట్లాడటం ఈ వ్యవహారంలో కీలకంగా మారింది. ఎన్నికల్లో పోటీ చేయాలా వద్దా అనేది అభ్యర్థి నిర్ణయం కావాల్సింది పోయి.. నామినేషన్‌ ఉపసంహరించుకోవాలంటూ మంత్రి స్థాయి నుంచే ఒత్తిడి రావడం టెక్కలి రాజకీయాల్లో చర్చనీయాంశమైంది. శ్రీకాకుళం జిల్లా ఆమదాలవలస నియోజకవర్గం పొందూరు మండలంలో ఐదుగురు వైఎస్సార్‌సీపీ ఎంపీటీసీ అభ్యర్థుల నామినేషన్లను వారికే తెలియకుండా విత్‌ డ్రా అయినట్టు ఎన్నికల రిటర్నింగ్‌ అధికారి ప్రకటించడంతో అభ్యర్థులు అవక్కయ్యారు. దీనిపై ఎన్నికల రిటర్నింగ్‌ అధికారిని నిలదీశారు.

సాక్షి, అమరావతి: స్థానిక సంస్థల ఎన్నికల్లో కిరాయి గంజాయి ముఠాలతో అడ్డగోలుగా దాడులు చేయించి.. పోలీసుల ద్వారా భయోత్పాతం సృష్టించి.. అష్టకుట్రలకు పాల్పడి నామినేషన్లు వేయనివ్వకుండా అడ్డుకుని.. నామినేషన్లు వేసిన వారిని తీవ్ర స్థాయిలో బెదిరించి ఉపసంహరించుకునేలా చేసి.. ఏకగ్రీవం చేసుకోవడాన్ని ప్రజలు తీవ్ర స్థాయిలో అసహ్యించుకుంటుండటంతో.. టీడీపీ మరో డైవర్షన్‌ కుట్ర రాజకీయాలకు తెరతీసింది. షరి్మలకు వైఎస్‌ భారతి లేఖ రాశారంటూ ఓ నకిలీ లేఖను సృష్టించి ‘ఎక్స్‌’ వేదికగా మంగళవారం మధ్యాహ్నం అబద్ధపు ప్రచారానికి తెరతీసింది. సాయంత్రం 6.30 గంటలకు చంద్రబాబుకు భజన చేసే ఎల్లో ఛానళ్లలో వారే సృష్టించిన నకిలీ లేఖపై చర్చ పెట్టి... వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌పై విషం చిమ్మడంపై ప్రజలు చీదరించుకుంటున్నారు. ఫేక్‌ లేఖ .. ఫేక్‌ ప్రచారం.. ఇంతకన్నా దిగజారిపోరులే.. అని అనుకున్న ప్రతిసారి అధఃపాతాళానికి దిగజారి.. సిగ్గూ ఎగ్గూ లేకుండా నీతిబాహ్యమైన రీతిలో చంద్రబాబు గ్యాంగ్‌ విషం కక్కుతుండటంపై ప్రజల్లో తీవ్ర ఆగ్రహం వ్యక్తమవుతోంది. నకిలీ లేఖను సృష్టించి వైఎస్‌ భారతి లేఖ అంటూ ఎల్లో మీడియాలో బ్రేకింగులు వేసి నమ్మించే కుట్ర చేస్తుండటాన్ని వైఎస్సార్‌సీపీ తీవ్రంగా ఖండిస్తూ ‘ఎక్స్‌’లో పోస్టు చేసింది. ‘టీడీపీ ఫేక్‌ న్యూస్‌ ఫ్యాక్టరీ దిగజారుడు రాజకీయాల్లో రోజురోజుకీ హద్దులు దాటేస్తున్న పచ్చమంద... వైఎస్‌ భారతి పేరుతో ఫేక్‌ లేఖను ఒకటి క్రియేట్‌ చేసి.. ఎల్లో మీడియా, టీడీపీ అనుకూల సోషల్‌ మీడియా ప్లాట్‌ఫామ్స్‌లో సర్క్యులేట్‌ చేశారు. స్థానిక ఎన్నికల వేళ నిజాయితీగా గెలిచే దమ్ము లేక.. ఇలా ఫేక్‌ ప్రచారంతో లబ్ధి పొందే కుట్రలు చేస్తున్నావా? చంద్రబాబూ?’ అంటూ వైఎస్సార్‌సీపీ ‘ఎక్స్‌’లో పోస్టు చేసింది. ఇదేం ముష్టి ప్లాన్‌ బాబూ?! స్థానిక ఎన్నికల్లో ఏకగ్రీవాలను సెలబ్రేట్‌ చేసుకోలేని దుస్థితిలో చంద్రబాబు గ్యాంగ్‌ ఉంది. ఎందుకంటే ఇవి నీతి నిజాయితీలతో సాధించిన విజయాలు కావు. నామినేషన్ల నుంచి విత్‌డ్రాల వరకు అన్ని దశల్లోనూ అధికారపార్టీ చేసిన అరాచకాలు, అక్రమాలను ప్రజలు చీదరించుకుంటున్నారు. స్థానిక ఎన్నికల్లో తమదే పైచేయి అని చెప్పుకోవడం కోసం అష్టకుట్రలతో ప్రజాస్వామ్యాన్ని ఖూనీ చేశారు.. రాష్ట్రాన్ని అరాచక ఆంధ్రప్రదేశ్‌గా మార్చేశారు. నామినేషన్‌ వేయకముందే పోటీ చేయాలనుకునే వారికి బెదిరింపులు... బైండోవర్‌ చేయడం.. ముందస్తు అరెస్టులు.. నాయకుల గృహ నిర్భంధాలు.. కిరాయి గూండాలు, గంజాయి మూకలతో నామినేషన్‌ కేంద్రాలు నింపేశారు. పోలీసులు చూస్తుండగానే దాడులు చేయడం, ఆర్వో చేతిలో పత్రాలు లాక్కుని చింపేయడం, బాధిత అభ్యర్థులపైనే కేసులు పెట్టడం, బలవంతపు విత్‌డ్రాలు, నామినేషన్‌ పత్రాలలో కీలక డాక్యుమెంట్లు మాయం చేయడం, నామినేషన్లు తిరస్కరించడం.. అధికారాన్ని అడ్డంపెట్టుకుని, అధికారులను తోలు»ొమ్మల్లా చేసి ఆడిస్తూ, ఖాకీలకు పచ్చచొక్కాలేసి పనిచేయిస్తూ ప్రజాస్వామ్యాన్ని ఖూనీ చేసి, ఎన్నికల ప్రక్రియకు పాతరేసి చంద్రబాబు గ్యాంగ్‌ చేసుకున్న ఏకగ్రీవాలను విజయాలంటారా? అందుకే చంద్రబాబు ఓ ముష్టిప్లాన్‌ వేశారు. ఓ నకిలీ లేఖ సృష్టించి ఎల్లో మీడియాలోకి వదిలారు. ఈ లేఖ ఏదో సంచలనం సృష్టించేస్తుందని, స్థానిక ఎన్నికల్లో తాను చేసిన దిగజారుడు రాజకీయాల నుంచి జనం దృష్టి మరల్చవచ్చని పథకం వేశారు. కానీ ఇలాంటి ముష్టి ప్లాన్‌లు వర్కవుట్‌ కావు బాబూ.. నీతిబాహ్యమైన నీ దిగజారుడు రాజకీయాలకు జనం బుద్ధి చెప్పే రోజు త్వరలోనే వస్తుంది అని వైఎస్సార్‌సీపీ నాయకులు పేర్కొంటున్నారు.

సాక్షి, అమరావతి: ఏపీ పాఠశాల విద్యాశాఖ సర్వీస్‌ నిబంధనలను రాష్ట్రపతి ఉత్తర్వులు–2025కు అను­గుణంగా సవరిస్తూ ప్రభుత్వం ఉత్తర్వులు జారీ చేసింది. ఆంధ్రప్రదేశ్‌ ఎడ్యుకేషనల్‌ సర్వీస్‌ రూల్స్‌­–1998లో మార్పులు చేసింది. పోస్టుల భర్తీ, బదిలీ­ల్లో కీలక మార్పులతోసహా డీఈవో పోస్టుల భర్తీని మల్టీ జోన్‌ పరిధిలోకి తేవడం, ప్రత్యక్ష నియామ­కా­ల్లో స్థానికులకు 95 శాతం రిజర్వే­షన్‌ అమలు ఉత్త­ర్వుల్లో కీలక అంశాలు. సవరణలు 2026 సెప్టెంబర్‌ 15 నుంచి అమల్లోకి వచ్చినట్లుగా పేర్కొంటూ ఆంధ్రప్రదేశ్‌ ఎడ్యుకేష­నల్‌ సర్వీస్‌ రూల్స్‌ 1998’కి మా­ర్పులు చేస్తూ పాఠశాల విద్యా­శాఖ ముఖ్య కార్యద­ర్శి జె.శ్యామలరావు మంగళవారం జీవో జారీ చేశా­రు. దీనిప్రకారం ఫిజికల్‌ ఎడ్యుకేషన్‌ అండ్‌ స్పోర్ట్స్‌ కోఆర్డినేటర్, ఓపెన్‌ స్కూల్‌ జిల్లా కోఆర్డినేటర్, మండల ఎడ్యుకేషనల్‌ ఆఫీసర్‌–2 పోస్టులను ప్రభుత్వం కొత్త కేటగిరీల్లో చేర్చింది. రాష్ట్రంలోని 26 జిల్లాలను ఆరు జోన్లు, రెండు మల్టీ జోన్లుగా విభజించింది. పోస్టుల­వారీగా నియామక యూనిట్లు, అధికా­రు­లను నిర్దేశించింది. ఇకపై ప్రత్యక్ష నియామకాలు (డైరెక్ట్‌ రిక్రూట్‌మెంట్‌), పదోన్నతులు, సీనియా­రిటీ, బదిలీలు తదితర సర్వీసు అంశాలన్నీ నిర్దేశించిన యూనిట్ల ప్రాతిపదికనే అమలు కానున్నాయి.జోన్ల వారీగా జిల్లాలు..జోన్‌ 1: శ్రీకాకుళం, విజయనగరం, పార్వతీ­పురం మన్యం, విశాఖపట్నం, అనకాపల్లిజోన్‌ 2: అల్లూరి సీతారామరాజు, తూర్పు గోదా వరి, కాకినాడ, డాక్టర్‌ బీఆర్‌ అంబేద్కర్‌ కోనసీమజోన్‌ 3: పశ్చిమ గోదావరి, ఏలూరు, ఎన్టీఆర్, కృష్ణాజోన్‌ 4: గుంటూరు, పల్నాడు, బాపట్ల, ప్రకాశం, శ్రీ పొట్టి శ్రీరాములు నెల్లూరుజోన్‌ 5: తిరుపతి, చిత్తూరు, అన్నమయ్య, వైఎస్సార్‌ కడపజోన్‌ 6: నంద్యాల, అనంతపురం, కర్నూలు, శ్రీ సత్యసాయి– అన్ని జిల్లాలను రెండు మల్టీ జోన్లుగా విభజించారు. మల్టీ జోన్‌–1లో జోన్‌ 1, 2, 3 జిల్లాలు, మల్టీ జోన్‌–2లో 4, 5, 6 జోన్లలోని జిల్లాలు వస్తాయి.

సాక్షి ప్రతినిధి, కడప: వైఎస్సార్‌ కాంగ్రెస్‌ పార్టీ అధ్య­క్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పులివెందులలో మంగళవారం సాయంత్రం కడప నగర పాలక సంస్థకు చెందిన పార్టీ నేతలు, ప్రజా­ప్రతినిధులతో సమావేశమయ్యారు. కడప కార్పొరే­షన్‌ ఎన్నికల నేపథ్యంలో తాజా రాజకీయ పరిణా­మాలు, ఎన్నికల సన్నాహాలు, నామినేషన్ల సంద­ర్భంగా చోటుచేసుకున్న ఘటనలపై సమీక్షించారు. పార్టీ నేతలకు దిశా నిర్దేశం చేశారు. నామినేషన్ల దా­ఖలు సందర్భంగా టీడీపీ నేతలు, కార్యకర్తలు చేసిన దాడులు, బెదిరింపులపై ఆరా తీశారు. ఎదురైన ఆటంకాలు, పార్టీ అభ్యర్థులు ఎదుర్కొన్న ఇబ్బందు­లపై చర్చించారు.ఈ సందర్భంగా మాట్లాడుతూ.. అధికార బలంతో ప్రతిపక్షాలను అణచి వేయాలని చూడటం ప్రజాస్వామ్య స్ఫూర్తికి విరుద్ధమన్నారు. ఎన్నికల్లో ప్రజల తీర్పే అంతిమమని.. దాడులు, బెదిరింపులతో ప్రజాస్వామ్య ప్రక్రియను అడ్డుకోలే­రని స్పష్టం చేశారు. దాడులు, బెదిరింపులపై నిష్పక్ష­పాత విచారణ జరిపించాలని, బాధ్యులపై చట్టపర­మైన చర్యలు తీసుకోవాలని డిమాండ్‌ చేశారు. ఎన్ని దాడులు చేసినా వెనక్కు తగ్గకుండా ధైర్యంగా పోరా­డి ఎన్నికల బరిలో నిలిచిన పార్టీ నాయకులు, కార్య­కర్తలను ఆయన అభినందించారు. పార్టీ శ్రేణులు ఆత్మస్థైర్యంతో ముందుకు సాగాలని సూచించారు. నేతలు, కార్యకర్తలు ఐక్యంగా, సమన్వయంతో పని చేసి మేయర్‌ అభ్యర్థి బండి దీప్తిరెడ్డి గెలుపునకు కృషి చేయాలని పిలుపునిచ్చారు. ఎన్నికల ప్రక్రియ పారదర్శకంగా, నిష్పక్షపాతంగా జరిగేలా అధికారు­లు చర్యలు తీసుకోవాలని, అభ్యర్థులకు తగిన భద్రత కల్పించాలని కోరారు. సమస్యలు వింటూ.. ఆప్యాయంగా పలకరిస్తూవైఎస్‌ జగన్‌ పులివెందుల పర్యటనలో భాగంగా మంగళవారం భాకరాపురంలోని తన క్యాంపు కా­ర్యాలయంలో ప్రజా దర్బార్‌ నిర్వహించారు. వివిధ ప్రాంతాల నుంచి వచ్చిన ప్రజలు, పార్టీ నాయకు­లు, కార్యకర్తలు, అభిమానులు పెద్ద సంఖ్యలో ఆయన్ను కలిశారు. రాజకీయాల పరంగా, వ్యక్తిగత సమస్యలు, స్థానికంగా ఎదుర్కొంటున్న ఇబ్బందులను ఆయన దృష్టికి తీసుకువచ్చారు. ప్రతి ఒక్కరినీ వైఎస్‌ జగన్‌ ఆప్యాయంగా పలకరిస్తూ, వారి సమస్యలను ఓపికగా విని.. యోగ క్షేమాలను అడిగి తెలుసుకున్నారు. ఎవరూ అధైర్య పడొద్దని, ఎలాంటి కష్టాలు ఎదురైనా సోదరుడిలా ఎల్లప్పు­డూ అండగా ఉంటానని భరోసా ఇచ్చారు. ప్రజలకు ఎలాంటి ఇబ్బందులు ఎదురైనా వైఎస్సార్‌ కాంగ్రెస్‌ పార్టీ అండగా ఉంటుందని, పార్టీ తరఫున అవసర­మైన సహాయ, సహకారాలు అందిస్తామని స్పష్టం చేశారు. ప్రజల నుంచి వచ్చిన వినతులు, విజ్ఞప్తు­లపై సంబంధిత పార్టీ నాయకులతో చర్చించిన జగన్‌.. ఆయా సమస్యల పరిష్కారానికి అవసర­మైన చర్యలపై దృష్టి సారించాలని సూచించారు. ఆయా కార్యక్రమాల్లో కడప ఎంపీ వైఎస్‌ అవినాష్‌­రెడ్డి, వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనాథ్‌రెడ్డి, మాజీ ఉప ముఖ్యమంత్రి అంజాద్‌­బాషా, ఎమ్మెల్సీలు రామసుబ్బారెడ్డి, రామచంద్రారెడ్డి, రమేష్‌ యాదవ్, మేయర్‌ అభ్యర్థి బండి దీప్తిరెడ్డి, మాజీ మేయర్లు కొత్తమద్ది సురేష్‌బాబు, పాకా సురేష్, మాజీ ఎమ్మెల్యే రఘురామిరెడ్డి తదితరులు పాల్గొన్నారు.

న్యూఢిల్లీ: ఏపీలో మున్సిపల్‌ ఎన్నికల నామినేషన్ల దాఖలు సందర్భంగా వైఎస్సార్‌సీపీ దాఖలు చేసిన పిటిషన్‌పై ఈరోజు(మంగళవారం, అక్టోబర్‌ 27వ తేదీ) సుప్రీంకోర్టు విచారణ జరిపింది. ఈ సందర్భంగా సుప్రీంకోర్టు సంచలన నిర్ణయం తీసుకుంది. స్థానిక ఎన్నికల అంశానికి సంబంధించి ఎవరి నామినేషన్లు అడ్డుకున్నారో వారి విషయంలో ఈ కేసు విచారణ కొనసాగుతుందని స్పష్టం చేసింది. నామినేషన్లు వేయలేనివారి ఫిర్యాదులు, ఆధారాలను పూర్తిగా పరిశీలించాలన్న సుప్రీంకోర్టు.. ఈ విషయంలో హైకోర్టు విచారణ చేసే అవకాశం ఉందని పేర్కొంది. నామినేషన్లకు సంబంధించి సీసీటీవీ ఫుటేజ్‌ను భద్రపరచాలని పేర్కొన్న అత్యున్నత ధర్మాసనం.. ఎన్నికల నామినేషన్ల వివాదం కేసును సజీవంగా ఉంచింది.ఇదిలా ఉంచితే, సుప్రీంకోర్టు ఆదేశాల తర్వాత కూడా కొంతమందికే నామినేషన్లు వేసే అవకాశం కల్పించారని, చాలామందిని మున్సిపాలిటీల్లో నామినేషన్లు వేయకుండా అడ్డుకున్నారని వైఎస్సార్‌సీపీ లాయర్‌.. సుప్రీంకోర్టు దృష్టికి తీసుకొచ్చారు.వారందరికీ ఎన్నికల్లో పోటీ చేసే అవకాశం కల్పించాలని జడ్పీటీసీల విషయంలోనూ చాలామందికి నామినేషన్లు వేసే అవకాశం కల్పించలేదని వైఎస్సార్‌సీపీ లాయర్‌ పేర్కొన్నారు. స్థానిక ఎన్నికల అంశానికి సంబంధిం​చి ఎవరి నామినేషన్లు అడ్డుకున్నారో వారి విషయంలో ఈ కేసు విచారణ కొనసాగుతుందని సుప్రీం స్పష్టం చేసింది. నామినేషన్లకు సంబంధించి సీసీటీవీ ఫుటేజ్‌ను భద్రపరచాలని పేర్కొన్న అత్యున్నత ధర్మాసనం.. విచారణను వాయిదా వేసింది.ఇదీ చదవండి: కర్ణాటకలో ఎస్‌ఐఆర్‌ కలకలం : సుమారు కోటి మందికి భారీ షాక్‌!

సాక్షి, వైఎస్సార్‌ జిల్లా: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి.. పులివెందుల నేతలు, కార్యకర్తలతో భేటీ అయ్యారు. మున్సిపల్, జడ్పీటీసీ ఎన్నికల బరిలో ఉన్న అభ్యర్థులు హాజరయ్యారు. ఎన్నికల నేపథ్యంలో నేతలు, కార్యకర్తలకు వైఎస్‌ జగన్‌ దిశానిర్దేశం చేశారు. ఈ సందర్భంగా ఆయన మాట్లాడుతూ.. స్థానిక ఎన్నికల్లో దౌర్జనాలు చూశాం.. కష్టాలు ఎదురైనా, దెబ్బలు తగిలినా ధైర్యంగా నిలబడ్డారన్నారు.‘‘ఎన్నికలను చూస్తూంటే కౌరవుల కుట్రలన్నీ కనిపిస్తున్నాయి. శకునిలా చంద్రబాబు చేసిన మాయా పాచికలే ఇక్కడ కనబడుతున్నాయి. రాష్ట్రంలో వ్యవస్థలను నిర్వీర్యం చేశారు. ప్రజాస్వామ్యం కాపాడాల్సిన వ్యక్తులే ఖూనీ చేస్తున్నారు. భావితరాలకు మనం ఎలాంటి మెసేజ్‌ ఇస్తున్నాం. చంద్రబాబు పాపాల్లో భాగస్తులైన ప్రతి అధికారి ఆలోచించాలి. నామినేషన్‌ కేంద్రాలను ఆక్రమించడం దేశంలోనే ఎక్కడా లేదు’’ అని వైఎస్‌ జగన్‌ మండిపడ్డారు.‘‘పోటీ లేకుండా గెలిచి తామే గెలిచామనడం కరెక్టేనా?. సిగ్గు, బుద్ధి, జ్ఞానం ఉన్నవాళ్లు ఎవరూ ఇలా చేయరు. సూపర్‌ సిక్స్‌లు లేవు.. సూపర్‌ సెవెన్‌లూ లేవు. ఎన్నికల్లో పోటీకి ఎందుకు అంత భయపడుతున్నారు’’ అంటూ వైఎస్‌ జగన్‌ నిలదీశారు.సమావేశంలో వైఎస్సార్‌సీపీ ఎంపీ వైఎస్‌ అవినాష్‌రెడ్డి మాట్లాడుతూ.. స్థానిక ఎన్నికల్లో అధికార పార్టీ అరాచకాలు సృష్టించిందని ఆగ్రహం వ్యక్తం చేశారు. వైఎస్సార్‌సీపీ అభ్యర్థుల నామినేషన్లు అడ్డుకున్నారు. అధికార దుర్వినియోగంతో ఎన్నికలు నిర్వహిస్తున్నారు. నామినేషన్‌ వేయాలంటేనే యుద్ధం చేయాల్సిన పరిస్థితి. కార్యకర్తలపై దాడి చేసి బాధితులపైనే కేసులు పెట్టారుఇవాళ, రేపు (మంగళ, బుధవారాల్లో) వైఎస్‌ జగన్‌.. పులివెందులలో పర్యటిస్తున్నారు. ఇందుకోసం వైఎస్‌ జగన్‌.. ఇవాళ (మంగళవారం) ఉదయం పులివెందుల చేరుకున్నారు. భాకరాపురంలోని తన క్యాంపు కార్యాలయంలో ప్రజలకు అందుబాటులో ఉన్నారు. రాత్రికి పులివెందులలోని తన నివాసంలో బస చేస్తారు. బుధవారం ఉదయం పులివెందుల నుంచి బయలుదేరి తాడేపల్లి చేరుకుంటారు.ఇదీ చదవండి: ఖాకీ తీసేసి.. పచ్చచొక్కాలేసి!

పశ్చిమమధ్య బంగాళాఖాతంలో ‘అర్నబ్’ అతి తీవ్ర తుపానుగా బలపడింది. వేగంగా కదులుతూ.. దూసుకొస్తుంది. గడిచిన 6 గంటల్లో గంటకు 20 కి.మీ వేగంతో కదులుతున్న తుపాను.. ప్రస్తుతానికి విశాఖకు 170 కి.మీ, కాకినాడకు 140 కి.మీ, బాపట్లకు 300 కి.మీ దూరంలో తుపాన్‌ కేంద్రీకృతమై ఉందని విపత్తుల నిర్వహణ సంస్థ వెల్లడించింది.Cyclone Arnab Updates:విజయవాడ కొనసాగుతున్న అర్నబ్ ల్యాండ్ ఫాల్ ప్రక్రియమరో మూడు గంటల్లో పూర్తిగా తీరం దాటనున్న అర్నబ్అర్నబ్ ప్రభావంతో ఉమ్మడి కృష్ణా జిల్లాలో గాలులతో కూడిన భారీ వర్షంపలు గ్రామాలకు నిలిచిపోయిన విద్యుత్ సరఫరాఅంధకారంలో గ్రామాలుడాక్టర్ బి.ఆర్ అంబేద్కర్ కోనసీమ జిల్లాజిల్లాను అతలాకుతలం చేస్తున్న ఆర్నాబ్ తుఫాన్జిల్లా కేంద్రం అమలాపురం ముమ్మిడివరం కాట్రేనికోన ఉప్పలగుప్తం సఖినేటిపల్లి మండలాల్లో తుఫాన్ బీభత్సంపెద్ద సంఖ్యలో రోడ్లపై కూలిపోయిన చెట్లు, నేలకొరిగిన విద్యుత్ స్తంభాలుముందస్తు ఏర్పాట్లతో ఎప్పటికప్పుడు కూలిన చెట్లు తొలగిస్తున్న సిబ్బందిబిక్కుబిక్కుమంటున్న తీర ప్రాంత వాసులుకోనసీమ ,తూర్పుగోదావరి జిల్లాల్లో పూర్తిగా నిలిచిపోయిన విద్యుత్ సరఫరాయానాం - ఎదుర్లంక బ్రిడ్జిపై నిలిచిపోయిన రాకపోకలు అర్నబ్ తుఫాను తీరాన్ని తాకే ప్రక్రియ మొదలైందిబుధవారం ఉదయం 4గం.ల వరకూ ఈ ప్రక్రియ కొనసాగుతుందితుఫాను తీరాన్ని తాకే సమయంలో బలమైన ఈదురు గాలులు, భారీ వర్షం కురిసే అవకాశం ఎక్కువగా ఉంటుందిఅర్నాబ్ తుఫాన్ ప్రభావంతో కాకినాడలో లోతట్టు ప్రాంతాలు జలమయంముత్తానగర్,మహలక్ష్మీ నగర్ లో చేరిన వరద నీరుఈదురు గాలులకు విద్యుత్ సరఫరా నిలిపివేయ్యడంతో అవస్ధలు పడుతున్న ప్రజలుపశ్చిమమధ్య బంగాళాఖాతంలో అర్నబ్ తుపాన్గడిచిన 6 గంటల్లో గంటకు 17కిమీ వేగంతో కదులుతున్న తుపాన్కాకినాడకు 70కిమీ, నర్సాపూర్ కు 60కిమీ, తునికు 120కిమీమచిలీపట్నంకు 120కిమీ, విశాఖకు 190కిమీ దూరంలో కేంద్రీకృతంప్రభావంతో తూగో, పగో, కాకినాడ, కోనసీమ, అనకాపల్లి జిల్లాల్లో రాత్రికి భారీ నుండి అతిభారీ వర్షాలుగంటకు 145- 155 కిమీ గరిష్టంగా 170కిమీ వేగంతో తీవ్రమైన ఈదురుగాలులుతెల్లవారుజామున 2-4 గంటల మధ్య యానాం సమీపంలో తీరం దాటే అవకాశంసురక్షితంగా ఇంట్లోనే ఉండండి : ప్రఖర్ జైన్, ఎండీ, రాష్ట్ర విపత్తుల నిర్వహణ సంస్థఏపీలో అర్నబ్‌ తుపాన్‌ బీభత్సంయానాం సమీపంలో తీరాన్ని తాకిన అర్నబ్‌ తుపాన్‌తీరాన్ని దాటేందుకు మరో ఆరు గంటలు సమయం పట్టే అవకాశంతెల్లవారుజామున 4 గంటల సమయంలో తీరందాటే చాన్స్‌ విశాఖతుపాను కారణంగా విశాఖలో ట్రాఫిక్ ఆంక్షలురాత్రి 9 గంటల తర్వాత అనవసర ప్రయాణాలపై నిషేధంగాలుల తీవ్రత పెరిగే అవకాశం ఉన్న నేపథ్యంలో నిర్ణయం తీసుకున్న జిల్లా కలెక్టర్దువ్వాడ సమీపంలోని మంగళపాలెంలో విషాదంబీకర గాలలకు వర్షపు నీటిలో తెగి పడిన విద్యుత్ వైర్లునీటిలోకి వెళ్లడంతో విద్యుత్ షాక్ కి గురై అమరపిని దేముడు (65) మృతి డాక్టర్ బి.ఆర్ అంబేద్కర్ కోనసీమ జిల్లా జిల్లా కలెక్టర్ ఆర్.మహేశ్‌ కుమార్ సూచనలుఈరోజు రాత్రి 9 గంటల నుంచి రేపు ఉదయం 9 గంటల వరకు ప్రజలు ఇంటి నుంచి బయటకు రావద్దుతుపాను తీవ్రత ఎక్కువగా ఉండే అవకాశంచెట్లు, విద్యుత్ స్తంభాలు కూలిపోయే ప్రమాదంకోనసీమ జిల్లాలో ఐ.పోలవరం నుంచి రాజోలు మధ్యలో తుపాను తీరం దాటే అవకాశం తూ.గో జిల్లాలో అర్నబ్‌ తుపాన్‌ ఎఫెక్ట్‌కోనసీమ ప్రాంతంలో కుండపోతతీర ప్రాంతంలో ఎగసిపడుతున్న అలలుఅంతర్వేది తీర ప్రాంతంలో బారికేడ్లు ఏర్పాటుసందర్శకులను నిలిపివేసిన అధికారులుపునరావాస కేంద్రాలకు లంక గ్రామస్తులు తరలింపుఏపీలో అర్నబ్‌ తుపాన్‌ బీభత్సంఅర్నబ్‌.. పెను తుపాను మారే ప్రమాదంగంటకు 200 కి.మీ వేగంతో భీకర గాలులుభారీ ఈదురుగాలులకు విరిగిపడ్డ చెట్లు, హోర్డింగ్‌లుప్రస్తుతం కాకినాడకు 140 కి.మీ, విశాఖకు 170 కి.మీ, బాపట్లకు 300 కి.మీ దూరంలో తుపాన్‌ కేంద్రీకృతంవిశాఖలో భారీ వర్షం, ఈదురుగాలులుపలు ప్రాంతాల్లో నేలకొరిగిన భారీ వృక్షాలు తీర ప్రాంతాలకు హై అలర్ట్‌రేపు యానాం దగ్గర అర్నాబ్‌ తుపాన్‌ తీరం దాటే అవకాశంతీరం దాటే సంయంలో ఉవ్వెత్తున ఎగిసి పడనున్న అలలుయానాం నుంచి కాకినాడ వరకూ ఉప్పెన హెచ్చరికలుఉప్పాడ, సుబ్బంపేట, మాయాపట్నం, కోనపాప పేట, అమీనాబాద్‌లో భారీగా అలలుఉప్పాడ రోడ్డులో రాకపోకల నిలిపివేతఉప్పాడలో ఎస్‌డీఆర్‌ఎఫ్‌, ఎన్డీఆర్‌ఎఫ్‌ బృందాలు విశాఖవిశాఖలో భారీ ఈదురు గాలులు..పలు ప్రాంతాల్లో నేలకొరిగిన భారీ వృక్షాలు..ఉదయం నుంచి ఎడతెరిపి లేకుండా కురుస్తున్న వర్షం..ఫ్లాష్‌ ఫ్లడ్స్‌ అలర్ట్‌విజయనగరం, విశాఖ, అనకాపల్లి, కాకినాడ, తూర్పు గోదావరి, పశ్చిమగోదావరి, కోనసీమ, ఏలూరు, కృష్ణా, గుంటూరు, బాపట్ల, ఎన్టీఆర్‌, అల్లూరి సీతారామరాజు జిల్లాలకు ఫ్లాష్‌ ఫ్లడ్స్‌​ అలర్ట్‌ఆంధ్రప్రదేశ్ రాష్ట్ర విపత్తుల నిర్వహణ సంస్థ ప్రకటనపశ్చిమమధ్య బంగాళాఖాతంలో అర్నబ్ తుపాన్గడిచిన 6 గంటల్లో గంటకు 20 కిమీ వేగంతో కదిలిన అతి తీవ్ర తుపాన్ప్రస్తుతానికి విశాఖపట్నంకు 170కి.మీ., కాకినాడకు 180 కి.మీ., మచిలీపట్నంకు 270 కి.మీ., బాపట్లకు 350 కి.మీ దూరంలో కేంద్రీకృతంవిశాఖ, శ్రీకాకుళం, విజయనగరం, మన్యం, కోనసీమ, అనకాపల్లి జిల్లాల్లో ఇప్పటికే వర్షాలుసాయంత్రం నుంచి పోలవరం, కోనసీమ, కాకినాడ జిల్లాల్లో భారీ వర్షాలుతూర్పుగోదావరి, పశ్చిమగోదావరి, ఏలూరు జిల్లాల్లో భారీ వర్షాలురేపు ఉదయానికి బాపట్ల- విశాఖ మధ్య యానాంకు సమీపంలో తీరం దాటే అవకాశంతీరం దాటే సమయంలో 125-135 కి.మీ వేగంతో ఈదురుగాలులు వీచే అవకాశంప్రజలు అప్రమత్తంగా ఉండాలి: ప్రఖర్ జైన్, ఎండీ, రాష్ట్ర విపత్తుల నిర్వహణ సంస్థ విమాన రాకపోకలకు అంతరాయంవిశాఖప‌ట్నం: అర్నబ్ తుపాను కారణంగా విమాన రాకపోకలకు అంతరాయంభోగాపురం ఎయిర్ పోర్ట్‌కు నిలిచిన విమాన రాకపోకలు28 విమాన స‌ర్వీసుల‌ను ర‌ద్దు చేసిన విమానయాన శాఖఉదయం టేకాఫ్ అయిన 5 ఫ్లైట్స్ మినహా అన్ని విమాన సర్వీసులు రద్దురేపు కూడా ఇదే పరిస్థితి కొనసాగే అవకాశం ఉంద‌ని అంచ‌నాగన్నవరంలో 4 విమాన సర్వీసులు రద్దుకృష్ణా జిల్లా: గన్నవరం ఎయిర్ పోర్టుపై అర్నబ్ తుఫాన్ ఎఫెక్ట్తుపాను హెచ్చరికలతో గన్నవరం రావాల్సిన నాలుగు విమాన సర్వీసులు రద్దుబెంగుళూరు, చెన్నై, కడప, విశాఖపట్నం ఇండిగో విమాన సర్వీసులు రద్దుఇళ్ల నుంచి బయటకు రావొద్దుతుపాను స‌మ‌యంలో పెనుగాలులు వీచే సూచ‌న‌లున్నాయిఆ స‌మ‌యంలో ప్ర‌జ‌లెవ్వ‌రూ ఇళ్ల నుంచి బ‌య‌ట‌కు రాకుండా జాగ్ర‌త్త‌లు పాటించాలిఅధికారులు కోరితే వారు చెప్పిన‌ట్లు మీకు ద‌గ్గ‌రలోని తుపాను షెల్ట‌ర్ల‌లోకి వెళ్లాలితుపాన్ స‌మ‌యంలో స‌ముద్రం చెంత‌కు వెళ్ల రాదున‌దుల‌, కుంట‌ల వ‌ద్ద‌కు వెళ్ల‌కుండా జాగ్ర‌త్త‌లు పాటించాలివ‌దంతులు, పుకార్ల‌ను న‌మ్మొద్దుకేవ‌లం అధికారుల నుంచి వ‌చ్చే హెచ్చ‌రిక‌లు సూచ‌న‌లు మాత్ర‌మే పాటించండిఆంధ్ర‌ప్ర‌దేశ్ రాష్ట్ర విప‌త్తు నిర్వ‌హ‌ణ సంస్థ (ఏపీఎస్‌డీఎంఏ), ఆర్టీజీఎస్ ఇచ్చే హెచ్చ‌రిక‌ల‌నే అనుస‌రించండిసామాజిక మాధ్య‌మాల్లో వ‌చ్చే అన‌ధికారిక స‌మాచారాన్ని న‌మ్మ‌కండిప్ర‌జ‌ల‌కు ఆర్టీజీఎస్‌, ఏపీఎస్‌డీఎంఏ అధికారుల సూచ‌న‌అర్నాబ్ ఎఫెక్ట్.. సౌత్ కోస్ట్ రైల్వే జోన్ కీలక నిర్ణయంతుపాను ప్రభావంతో సౌత్ కోస్ట్ రైల్వే జోన్ కీలక నిర్ణయం..నేడు 11 రైళ్లు రద్దు.. నిన్న 53 రైళ్లను రద్దు చేసిన రైల్వే శాఖ..ఉప్పెన వచ్చే అవకాశం!విశాఖ : తీరం వైపుకు దూసుకొస్తున్న అర్నాబ్ తుపానుకాకినాడ పోర్టుకు గ్రేట్ డేంజర్ సిగ్నల్ 10 జారీవిశాఖ, గంగవరం 9, మచిలీపట్నం, నిజాంపట్నం 8వ నెంబరు గ్రేట్ డేంజర్ సిగ్నల్ ఇచ్చిన ఐఎండీతీరం దాటే ప్రాంతానికి ఇరువైపులా 100 కిలోమీట‌ర్ల‌ పరిధిలో ఉప్పెన వచ్చే అవకాశంఅల్లకల్లోలంగా మారిన ఉప్పాడ- కాకినాడ తీరంఉవ్వెత్తున ఎగసిపడుతున్న రాకాసి అలలు20 మీటర్ల వరకు సముద్రం చొచ్చుకు రావడంతో బీచ్ రోడ్డుపై ఎగసిపడుతున్న అలలుఅలల దాటికి బీచ్ కొట్టుకుపోయిన రోడ్డులో పార్క్ చేసిన వాహనాలుఉప్పాడ-కాకినాడ బీచ్ రోడ్డు పై రాకపోకలను నిషేధించిన పోలీసులుఅర్నబ్‌ ఎఫెక్ట్‌.. విశాఖలో ఈదురు గాలులు..ఉదయం నుంచి కురుస్తున్న వర్షంఈదురు గాలులకు కులుతున్న చెట్లుఅంగడి దిబ్బలో ఇంటిపై కూలిన చెట్లుఆంధ్రా యూనివర్సిటీలో రోడ్డుకు అడ్డంగా పడిన చెట్టుభారీ గాలులకు చిరిగిపోతున్న హోర్డింగ్స్విశాఖ నగరంలో ఉన్న పర్యాటక ప్రాంతాలన్నీ మూసివేత..ఆంధ్రా యూనివర్సిటీకి పది రోజులు సెలవులువిద్యా సంస్థలకు రెండు రోజులపాటు సెలవుఅవసరమైతే తప్ప ప్రజలు బయటికి రావొద్దు: అధికారులుకొండవాలు లోతట్టు ప్రాంతాల ప్రజలు అప్రమత్తంగా ఉండాలని ఆదేశంమూడు రోజులపాటు మత్స్యకారులు వేటకు వద్దని ఆదేశం.ఆర్కే బీచ్ లో ముందుకు చొచ్చుకొచ్చిన సముద్రంఎగసిపడుతున్న అలలుగంటకు 22 కి.మీ వేగంతో..పశ్చిమమధ్య బంగాళాఖాతంలో అర్నబ్ తుపానుగడిచిన 6 గంటల్లో గంటకు 22 కి.మీ వేగంతో కదిలిన అతి తీవ్ర తుపానుప్రస్తుతానికి విశాఖపట్నంకు 260 కి.మీ, కాకినాడకు 300 కి.మీ, మచిలీపట్నంకు 390 కి.మీ, బాపట్లకు 460 కి.మీ దూరంలో కేంద్రీకృతందీని ప్రభావంతో నేడు, రేపు కొన్నిప్రాంతాల్లో అత్యంత భారీ వర్షాలు, బలమైన ఈదురుగాలులుతుపాను దగ్గరకు వచ్చే కొద్ది పెరగనున్న తీవ్రతప్రజలు సురక్షితంగా ఇంట్లోనే ఉండాలి: విపత్తుల నిర్వహణ సంస్థఅర్నాబ్ తుపాను ఎఫెక్ట్.. 53 రైళ్లు రద్దువిశాఖపట్నం–కాకినాడ పోర్టు, పార్వతీపురం రైళ్లు కూడా రద్దుఅక్టోబర్ 27, 28 తేదీల్లో వివిధ మార్గాల్లో నడవాల్సిన మొత్తం 53 రైలు సర్వీసులు రద్దు👉అక్టోబర్ 27, 28 తేదీల్లో రద్దయిన రైళ్లు:67261 – రాజమండ్రి నుంచి విజయవాడ67263 – విజయవాడ నుంచి మచిలీపట్నం67264 – మచిలీపట్నం నుంచి విజయవాడ67265 – విజయవాడ నుంచి మచిలీపట్నం67271 – మచిలీపట్నం నుంచి గుడివాడ67272 – గుడివాడ నుంచి మచిలీపట్నం67252 – మచిలీపట్నం నుంచి గుడివాడ67253 – గుడివాడ నుంచి మచిలీపట్నం67254 – మచిలీపట్నం నుంచి గుడివాడ67255 – గుడివాడ నుంచి మచిలీపట్నం67256 – మచిలీపట్నం నుంచి విజయవాడ17267 – కాకినాడ పోర్టు నుంచి విశాఖపట్నం17268 – విశాఖపట్నం నుంచి కాకినాడ పోర్టు07267 – పార్వతీపురం నుంచి విశాఖపట్నం07268 – విశాఖపట్నం నుంచి పార్వతీపురం👉అక్టోబర్ 27న రద్దయిన రైళ్లు:67258 – విజయవాడ నుంచి నరసాపురం67246 – నరసాపురం నుంచి రాజమండ్రి17269 – విజయవాడ నుంచి నరసాపురం17264 – నరసాపురం నుంచి భీమవరం జంక్షన్67257 – విజయవాడ నుంచి నరసాపురం17257 – విజయవాడ నుంచి కాకినాడ పోర్టు67202 – విజయవాడ నుంచి రాజమండ్రి67267 – విజయవాడ నుంచి మచిలీపట్నం67247 – నరసాపురం నుంచి గుంటూరు జంక్షన్67276 – నరసాపురం నుంచి విజయవాడ67301 – రాజమండ్రి నుంచి కాకినాడ పోర్టు67285 – రాజమండ్రి నుంచి విశాఖపట్నం67286 – విశాఖపట్నం నుంచి రాజమండ్రి👉అక్టోబర్ 28న రద్దయిన రైళ్లు:67266 – మచిలీపట్నం నుంచి విజయవాడ67275 – విజయవాడ నుంచి భీమవరం జంక్షన్67277 – భీమవరం జంక్షన్ నుంచి నిడదవోలు జంక్షన్67278 – నిడదవోలు జంక్షన్ నుంచి భీమవరం జంక్షన్67244 – నరసాపురం నుంచి నిడదవోలు జంక్షన్67245 – నిడదవోలు జంక్షన్ నుంచి నరసాపురం17270 – నరసాపురం నుంచి విజయవాడ67268 – మచిలీపట్నం నుంచి విజయవాడ67249 – గుంటూరు జంక్షన్ నుంచి రేపల్లె67250 – రేపల్లె నుంచి గుంటూరు జంక్షన్67248 – గుంటూరు జంక్షన్ నుంచి విజయవాడ67269 – విజయవాడ నుంచి మచిలీపట్నం67270 – మచిలీపట్నం నుంచి విజయవాడ67281 – విజయవాడ నుంచి భీమవరం జంక్షన్67283 – భీమవరం జంక్షన్ నుంచి నిడదవోలు జంక్షన్67284 – నిడదవోలు జంక్షన్ నుంచి భీమవరం జంక్షన్67282 – భీమవరం జంక్షన్ నుంచి విజయవాడ67262 – విజయవాడ నుంచి రాజమండ్రి67302 – కాకినాడ పోర్టు నుంచి రాజమండ్రి17258 – కాకినాడ పోర్టు నుంచి విజయవాడ67229 – విజయవాడ నుంచి గుంటూరు జంక్షన్67223 – గుంటూరు జంక్షన్ నుంచి రేపల్లె67224 – రేపల్లె నుంచి తెనాలి జంక్షన్67222 – తెనాలి జంక్షన్ నుంచి విజయవాడ67251 – భీమవరం జంక్షన్ నుంచి మచిలీపట్నం👉ప్రయాణికులు తమ ప్రయాణానికి సంబంధించిన రైలు నంబర్, తేదీని పరిశీలించి, బయలుదేరే ముందు అధికారిక రైల్వే విచారణ కేంద్రాల ద్వారా తాజా సమాచారాన్ని నిర్ధారించుకోవాలని సూచించారు. రైళ్ల రద్దు కారణంగా కలిగే అసౌకర్యానికి రైల్వే శాఖ విచారం వ్యక్తం చేసింది.అల్లకల్లోలంగా సముద్రం.. రుషికొండ బీచ్ మూసివేతవిశాఖ తీరంలో ఉవ్వెత్తున ఎగసిపడుతున్న అలలు..10 మీటర్ల ముందుకు చొచ్చుకు వచ్చిన సముద్రం..భారీగా కోతకు గురవుతున్న తీరం..ప్రమాదకరంగా మారడంతో బీచ్‌ల్లో పర్యాటకుల ప్రవేశంపై ఆంక్షలురుషికొండ బీచ్ మూసివేతకోనసీమ జిల్లాపై ‘అర్నబ్‌’ ఎఫెక్ట్‌తుపాను తీవ్రత కోనసీమపై పడే అవకాశంముందస్తు హెచ్చరికలు జారీ చేస్తున్న అధికారులుతీర ప్రాంత గ్రామాలపై విస్తృతమైన ప్రభావంసముద్రంలో నీటిమట్టం ఒకటిన్నర మీటరు వరకు పెరిగే అవకాశం ఉందంటున్న అధికారులుతీర ప్రాంత గ్రామాల ప్రజలు పునరావాస కేంద్రాలకు తరలింపురెండు రోజులపాటు పాఠశాలలకు సెలవులుకాట్రేనికోన, ఐ.పోలవరం తీర ప్రాంత మత్యకార గ్రామంలో ప్రజలను అప్రమత్తం చేస్తున్న అధికారులు.తుపాను తీవ్రతపై ఎప్పటికి తీరప్రాంత గ్రామాల్లో అధికారుల ప్రచారంతుపాను ఎఫెక్ట్.. నేడు, రేపు విద్యా సంస్థలకు సెలవుకాకినాడ జిల్లా: ఉప్పాడ-కాకినాడ బీచ్ రోడ్డులో రాకపోకల బంద్తీర ప్రాంత ప్రజలను అప్రమత్తం చేసిన అధికారులుజిల్లా వ్యాప్తంగా 101 పునరావాస కేంద్రాలు ఏర్పాటుసముద్రంలో వేటకు వెళ్లొద్దని మత్స్యకారులను హెచ్చరించిన అధికారులుతీరానికి చేరుకున్న బోట్లుహోప్ ఐలాండ్ నుండి 130 మంది మత్స్యకారులను తూరంగి వద్ద ఐలాండ్ కాలనీకి తరలింపుతుపాను సహయక చర్యలు అందించేందుకు ఎన్డీఆర్ఎఫ్, ఎస్డీఆర్ఎఫ్ సిబ్బంది రాకతుఫాన్ సహయక చర్యలపై కంట్రోల్ రూమ్‌లు ఏర్పాటుల్యాండ్ లైన్: 0884-2356801మొబైల్ : 9849903879కాకినాడ ఆర్ డి ఓ కార్యాలయం కంట్రోల్ రూమ్ 8008803208పెద్దాపురం ఆర్డీవో కార్యాలయం కంట్రోల్ రూం నెంబర్ 7993668485ప్రారంభమైన తుపాను ప్రభావంఉత్తరాంధ్ర జిల్లాల్లో భారీ వర్షాలుశ్రీకాకుళం జిల్లాల్లో ఈదురుగాలులతో భారీ వర్షాలుకోస్తా జిల్లాల్లో ప్రారంభమైన ఈదురుగాలులుప్రజలు అప్రమత్తంగా ఉండాలి: విపత్తుల నిర్వహణ సంస్థమరికాసేపట్లో ఉత్తరాంధ్ర జిల్లాల్లో భారీ వర్షాలుశ్రీకాకుళం జిల్లాల్లో ఈదురుగాలులతో భారీ వర్షాలుకోస్తా జిల్లాల్లో ప్రారంభమైన ఈదురుగాలులుప్రజలు అప్రమత్తంగా ఉండాలి: విపత్తుల నిర్వహణ సంస్థనేడు, రేపు భారీ వర్షాలు సాయంత్రం వరకు పశ్చిమ-వాయువ్య దిశగా కొనసాగి.. ఆ తర్వాత వాయువ్య దిశగా పయనంరేపు ఉదయానికి బాపట్ల -విశాఖపట్నం మధ్య, యానాంకు సమీపంలో తీరాన్ని దాటే అవకాశందీని ప్రభావంతో నేడు, రేపు రాష్ట్రవ్యాప్తంగా విస్తారంగా వర్షాలుఅక్కడక్కడ అత్యంత భారీ వర్షాలుకోస్తా తీరం వెంబడి గంటకు 90–100 కి.మీ వేగంతోఈదురుగాలులుఈ జిల్లాలకూ రెడ్‌అలెర్ట్‌బుధవారం తీరాన్ని దాటే సమయంలో తీవ్రంగా తుపాను ప్రభావంఆ రోజు విశాఖ, అల్లూరి సీతారామరాజు, ఎన్టీఆర్, కృష్ణా, గుంటూరు జిల్లాలకు సైతం రెడ్‌ అలెర్ట్‌రేపు(బుధవారం విశాఖ, అల్లూరి, అనకాపల్లి, కాకినాడ, కోనసీమ, ఉభయ గోదావరి, ఏలూరు, ఎన్టీఆర్, కృష్ణా, గుంటూరు జిల్లాలు, యానాంలో అతి భారీ వర్షాలుశ్రీకాకుళం, పార్వతీపురం మన్యం, విజయనగరం, బాపట్ల జిల్లాల్లో భారీ నుంచి అతి భారీ వర్షాలు, పల్నాడు, ప్రకాశం, నెల్లూరు జిల్లాల్లో భారీ వర్షాలు పడే అవకాశంతీరం దాటిన మరుసటి రోజు గురువారం కూడా శ్రీకాకుళం, పార్వతీపురం మన్యం, విజయనగరం, విశాఖ, అల్లూరి, ఏలూరు జిల్లాల్లో భారీ వర్షాలుఈ నాలుగు రోజులు రాయలసీమ జిల్లాల్లో అక్కడక్కడ తేలికపాటి నుంచి మోస్తరు వర్షాలు కురుస్తాయని వెల్లడించింది.

సాక్షి, అమరావతి: కొందరు ఖాకీ చొక్కా తీసేశారు.. పచ్చ చొక్కాలేసి పచ్చ కండువాలు కూడా కప్పుకున్నారు. దేనికైనా సిద్ధమనే ఆత్మాహుతి దళ సభ్యుల్లా అధికారపార్టీ కోసం రేయింబవళ్లు పనిచేస్తున్నారు. బరిలో నిలిచిన వైఎస్సార్‌సీపీ అభ్యర్థులను నామినేషన్లు ఉపసంహరించుకోవాలంటూ నేరుగా బెదిరిస్తున్నారు. మంగళవారం విత్‌డ్రాలకు అఖరి రోజు కావడంతో సోమవారం పలు చోట్ల పోలీసులు తమ అసలు రంగు బయటపెట్టేశారు. వైఎస్సార్‌సీపీ అభ్యర్థులను పోటీ నుంచి తప్పించేందుకు రకరకాల కుట్రలు, కుయుక్తులతో చెలరేగిపోయారు. ఇళ్లల్లో మద్యం బాటిళ్లు వాళ్లే పెట్టి కేసులు పెడతామంటూ బెదిరిస్తున్నారు. గంజాయి కేసులు పెడతామని బ్లాక్‌మెయిల్‌ చేస్తున్నారు. పోటీ నుంచి తప్పుకోకుంటే జైలుకుపోవాల్సి వస్తుందని, పోటీ నుంచి తప్పుకోవడం మీకే మంచిదంటూ సలహా ఇస్తున్నారు. మాటవినని కొందరు వైఎస్సార్‌సీపీ అభ్యర్థులను పోలీసులే కిడ్నాప్‌ చేసి గుర్తుతెలియని చోట్లకు తరలిస్తున్నారు. ప్రజాస్వామ్య పరిరక్షణలో తమ వంతు పాత్ర పోషించాల్సిన పోలీసులు.. ఎన్నికల్లో పోటీ చేసే పౌర హక్కును కాపాడాల్సిన పోలీసులు.. రాజకీయాలకు అతీతంగా పనిచేసి అభ్యర్థులను రక్షణ కల్పించాల్సిన పోలీసులు.. అధికారపక్షానికి జీ హుజూర్‌ అంటూ పచ్చ చొక్కాలు వేసుకుని పనిచేయడం తీవ్ర విమర్శలకు తావిస్తోంది. అధికారపక్షానికి జీ హుజూర్‌ అంటూ వ్యవహరిస్తున్న పలువురు పోలీసులు ఎన్నికల నోటిఫికేషన్‌ రాక ముందు నుంచే బైండోవర్లు పేరుతో వైఎస్సార్‌సీపీ నాయకులు, కార్యకర్తలను భయపెట్టి స్థానిక ఎన్నికలకు దూరం చేసే ప్రయత్నం చేశారు. అయినా తగ్గేదే లే అని వైఎస్సార్‌సీపీ అభ్యర్థులు నామినేషన్లు వేయడానికి రావడంతో వారిని గృహనిర్బంధాలు, అక్రమ అరెస్టులతో అడ్డుకున్నారు. తమ కళ్లముందే వైఎస్సార్‌సీపీ అభ్యర్థులపై పచ్చ మూకలు దాడులు చేసినా.. నామినేషన్లు చించేసినా పోలీసులు చోద్యం చూశారు. ఇవన్నీ దాటుకుని నామినేషన్లు ఎలాగోలా వేసినా ఇప్పుడు ఉపసంహరించుకోవాలంటూ రకరకాలుగా వేధిస్తున్నారు.వైఎస్సార్‌సీపీ అభ్యర్థి ఆచూకీ కోసం మరో నేతకు వేధింపులుఎంపీటీసీ ఎన్నికల్లో పోటీ చేస్తున్న వైఎస్సార్‌సీపీ అభ్యర్థి ఉన్నం సుధాకర్‌ను నామినేషన్‌ ఉపసంహరించుకునేలా ఒత్తిడి తెచ్చేందుకు పోలీసులు రంగంలోకి దిగారు. ప్రకాశం జిల్లా కందుకూరు నియోజకవర్గ టీడీపీ ఎమ్మెల్యే ఇంటూరి నాగేశ్వరరావు స్వగ్రామం బడేవారిపాలెంలో సుధాకర్‌ నామినేషన్‌ ఉపసంహరణకు నిరాకరించి చెన్నైలోని తన కుమారుడి వద్దకు వెళ్లడంతో పోలీసులు ఆయన ఆచూకీ కోసం గాలింపు చేపట్టారు. సుధాకర్‌ ఆచూకీ చెప్పాలంటూ వైఎస్సార్‌సీపీ నేత హరిబాబును రెండు రోజులుగా స్టేషన్‌కు పిలిపించి ఒత్తిడి చేశారు. సోమవారం తెల్లవారుజామున 4 గంటలకే గుడ్లూరు సీఐ రమేష్‌ పోలీసులతో హరిబాబు ఇంటికి చేరుకుని, అరెస్టుకు కారణం చెప్పకుండానే ఆయనను అదుపులోకి తీసుకున్నారు. పలు పోలీస్‌స్టేషన్లకు తిప్పి, రోజంతా నిర్బంధించి రాత్రి డీఎస్పీ కార్యాలయానికి తీసుకెళ్లారు. హరిబాబు భార్య భారతి తన భర్తను ఎందుకు అరెస్టు చేశారని డీఎస్పీ బాలసుబ్రహ్మణ్యాన్ని ప్రశ్నించారు. సుధాకర్‌ను తీసుకొస్తేనే హరిబాబును విడుదల చేస్తామని డీఎస్పీ చెప్పినట్లు ఆమె తెలిపారు. మరోవైపు, తన తండ్రి చెన్నైలో తమ వద్ద క్షేమంగా ఉన్నారని సుధాకర్‌ కుమారుడు వెంకట్రావ్‌ డీఎస్పీకి స్పష్టం చేశారు. వీడియో కాల్‌లో మాట్లాడించేందుకు సిద్ధమని చెప్పినా, సుధాకర్‌ను స్వయంగా తీసుకొచ్చి అప్పగించాలని పోలీసులు పట్టుబట్టారు. పల్నాడు జిల్లా నకరికల్లు వైఎస్సార్‌సీపీ అభ్యర్థి భర్త లక్ష్మారెడ్డిని అర్ధరాత్రి బలవంతంగా తీసుకెళ్తున్న పోలీసులు కేసులు.. బెదిరింపులతో.. బంటుపల్లి ఎంపీటీసీ విత్‌ డ్రాశ్రీకాకుళం జిల్లా రణస్థలం మండలం బంటుపల్లిలో ఎంపీటీసీ నామినేషన్‌ను వైఎస్సార్‌సీపీ అభ్యర్థి వెనక్కి తీసుకున్నారు. వైఎస్సార్‌ సీపీ కార్యకర్తలపై, తనపై పోలీస్‌ కేసులు పెట్టి బెదిరింపులకు పాల్పడటం వల్ల బంటుపల్లి ఎంపీటీసీగా నామినేషన్‌ వేసిన తన భార్య పాసపు కృష్ణవేణి, డమ్మీ అభ్యర్థి పాసపు సుధ ఇద్దరి నామినేషన్లు విత్‌ డ్రా చేసుకున్నారని వైఎస్సార్‌సీపీ నాయకులు పాసపు ముకుంద తెలిపారు. ఈ విత్‌ డ్రాతో బీజేపీకి ఏకగ్రీవమైనట్లు ఎంపీడీఓ ఎం.ఈశ్వరరావు తెలిపారు. సీతారామపురంలో లోకేష్‌రెడ్డిపై కేసు..నెల్లూరు జిల్లా ఉదయగిరి నియోజకవర్గం సీతారాంపురం ఎంపీటీసీ స్థానానికి వైఎస్సార్‌సీపీ నేత చింతంరెడ్డి లోకేశ్‌రెడ్డి మూడు సెట్ల నామినేషన్‌ వేశారు. ఆయన నామినేషన్లు సక్రమంగా ఉన్నాయని రిటర్నింగ్‌ అధికారి నోటీస్‌ బోర్డులో లిస్ట్‌ పెట్టారు. ఆదివారం రాత్రి ఎంపీడీఓ కార్యాలయంలోని నోటీసు బోర్డుపై తన పేరు ఉందో లేదో చూసుకునేందుకు వెళ్లిన లోకేష్‌రెడ్డిపై పలు ఆరోపణలతో కేసు నమోదు చేసినట్లు పోలీసులు బెదిరించారు. ఆయనను అదుపులోకి తీసుకునేందుకు ఎస్సై వెంకట రాజేష్‌ బసినేనిపల్లికి వెళ్లి స్థానిక నాయకులతో వాగ్వాదానికి దిగారు. పోలీసులే దగ్గరుండి విత్‌డ్రా..చిలకలూరిపేట రూరల్‌ మండలం జెడ్పీటీసీ అభ్యర్థులుగా మురికిపూడిగ్రామానికి చెందిన జమ్మలమడక ఆదిబాబు, పసుమర్రు గ్రామానికి చెందిన మైలా రాజేష్‌లు నామినేషన్లు వేశారు. వీరిని చిలకలూరిపేట రూరల్‌ సీఐ సుబ్బనాయుడు, ఎస్సై అనిల్‌లు తీవ్ర స్థాయిలో బెదిరింపులకు గురిచేసి, వారే దగ్గరుండి తీసుకెళ్లి విత్‌డ్రా చేయించారు. నకిరికల్లు జెడ్పీటీసీ చేత విత్‌డ్రా చేయించిన పోలీసులుసత్తెనపల్లి నియోజకవర్గం నకరికల్లు జెడ్పిటీసీ అభ్యర్థిగా వైఎస్సార్‌సీపీ నుంచి కందుల హనుమాయమ్మ నామినేషన్‌ దాఖలు చేశారు. ఆదివారం అర్ధరాత్రి ఎస్సై సతీష్‌ తన బృందంలో మఫ్టీలో వెళ్లి కుటుంబ సభ్యులు రోదిస్తున్నా వినకుండా హనుమాయమ్మ భర్త లక్ష్మారెడ్డిని అర్ధరాత్రి అదుపులోకి తీసుకుని స్టేషన్‌కు తరలించి, తీవ్రంగా బెదిరించడంతో సోమవారం లక్ష్మారెడ్డి భార్య హనుమాయమ్మతో విత్‌డ్రా చేయించినట్లు తెలిసింది. బాపట్ల జిల్లా రేపల్లె మండలం మొళ్లగుంటలో వైఎస్సార్‌సీపీ ఎంపీటీసీ అభ్యర్థిని నామినేషన్‌ ఉపసంహరించుకోవాలని పోలీసులు, పచ్చ నేతలు ఒత్తిడి చేస్తున్నారు.పెద్దాపురంలో కిడ్నాప్‌నకు యత్నంకాకినాడ జిల్లా పెద్దాపురం మండలం జిరాంగంపేటలో పోలీసుల సాయంతో వైఎస్సార్‌సీపీ ఎంపీటీసీ అభ్యర్థి జాగరపు వెంకట సురేష్‌ను కిడ్నాప్‌ చేసేందుకు కూటమి నేతలు ప్రయత్నించారని వైఎస్సార్‌సీపీ ఆరోపించింది. పార్టీ కో–ఆరి్డనేటర్‌ దవులూరి దొరబాబు అడ్డుకోవడంతో కూటమి నేతల ప్రయత్నం విఫలమైంది. జి.రాగంపేటలో కూటమి నేతను అడ్డుకుంటున్న వైఎస్సార్‌సీపీ నేత దొరబాబు తదితరులు వేటపాలెంలో నగదు ఆశపెట్టి తప్పించే యత్నం..చీరాల నియోజకవర్గం వేటపాలెం మండల పరిధిలో వైఎస్సార్‌సీపీ ఎంపీటీసీ అభ్యర్థులకు రూ.లక్షలు నగదు ఆశచూపీ పోటీ నుండి విత్‌ డ్రా చేయడానికి టీడీపీ నేతలు ఒత్తిడి చేశారు. మాట వినకపోతే కిడ్నాప్‌ చేస్తామని, కేసులు పెడతామని బెదిరింపులకు దిగారు. మాజీ ఎమ్మెల్యే హఫీజ్‌ఖాన్‌కు టీడీపీ గూండాల బెదిరింపులు..కర్నూలులో ఎన్నికల ప్రచారం నిర్వహిస్తున్న మాజీ ఎమ్మెల్యే హఫీజ్‌ ఖాన్‌ను టీడీపీ గూండాలు తీవ్ర దుర్భాషలాడుతూ బెదిరింపులకు దిగారు. హఫీజ్‌ఖాన్‌తో ప్రచారంలో ఉన్న వారందరినీ చంపేస్తామంటూ టీడీపీ గూండాల బెదిరించి అడ్డంకులు కల్పించారు. ప్రజాస్వామ్యయుతంగా ప్రచారం చేసుకుంటే బెదిరిస్తారా అంటూ హఫీజ్‌ఖాన్‌ ఆగ్రహం వ్యక్తం చేశారు.వైఎస్సార్‌సీపీ నేతకు డీఎస్పీ బెదిరింపులు..గూడూరు నియోజకవర్గ వైఎస్సార్‌సీపీ సీనియర్‌ నేత ఎద్దల నరేంద్రరెడ్డిపై డీఎస్పీ నరసింహమూర్తి బెదిరింపులకు దిగారు. మర్యాదగా గూడూరు రూరల్‌లో వైఎస్సార్‌సీపీ ఎంపీటీసీ అభ్యర్థులను విత్‌ డ్రా చేయించాలని హుకుం జారీ చేశారు. రాజకీయాలలో నువ్వు పిల్ల బచ్చావి, నేను చెప్పినట్లు నడుచుకోకపోతే పరిణామాలు దారుణంగా వుంటాయని హెచ్చరించారు. తమ నాయకుడు జగన్‌ ఆదేశాలతో పోటీ చేస్తున్నామని నరేంద్రరెడ్డి బదులిచ్చాడు. మీ నాయకుడు జగన్‌ చెప్పాడని బరిలో వుంటే బలి అవుతావు జాగ్రత్త అంటూ డీఎస్పీ నరసింహమూర్తి వార్నింగ్‌ ఇచ్చారు.ప్రకాశం జిల్లా కందుకూరు నియోజకవర్గం బడేవారిపాలెంలో వైఎస్సార్‌సీపీ నాయకుడు హరిబాబును తీసుకెళ్తున్న గుడ్లూరు సీఐ రమేష్‌ భార్య నామినేషన్‌ విత్‌డ్రా కోసం భర్త కిడ్నాప్‌ప్రజాస్వామ్యంలో ఎన్నికల్లో పోటీ చేసే హక్కును కాలరాస్తూ.. భార్య నామినేషన్‌ ఉపసంహరించుకోవాలంటూ ప్రకాశం జిల్లా సింగరాయకొండ వైఎస్సార్‌సీపీ మండల అధ్యక్షుడు మసనం వెంకట్రావును సింగరాయకొండ పోలీసులు వేధించారు. సోమవారం ఒంగోలులోని డీమార్ట్‌ వద్ద ఆయనను కారులో ఎక్కించుకుని జరుగుమల్లి పోలీస్‌స్టేషన్‌కు తరలించారు. అక్కడ సీఐ వై. శ్రీహరి, ఎస్సై ఎల్‌. సుధీర్‌కుమార్‌ ఆయనపై ఒత్తిడి తెచ్చి, భార్య వెంకటరత్నంతో జెడ్పీటీసీ నామినేషన్‌ ఉపసంహరింపజేయాలని బెదిరించారు. వెంకట్రావు ఎంపీటీసీ అభ్యర్థిగా, ఆయన భార్య వెంకటరత్నం జెడ్పీటీసీ అభ్యర్థిగా నామినేషన్లు దాఖలు చేశారు. వెంకట్రావు నామినేషన్‌ను అధికారులు తిరస్కరించడంతో ఆయన ఆర్డీఓకు అప్పీల్‌ చేసుకునేందుకు ఒంగోలు వచ్చారు. తిరిగి వెళ్తుండగా పోలీసులు ఆయనను అదుపులోకి తీసుకున్నారు. అదుపులోకి అనడం కన్నా దారికాచి కిడ్నాప్‌ చేశారు. భార్యతో నామినేషన్‌ ఉపసంహరింపజేస్తానని వెంకట్రావుతో అంగీకరింపజేసి, హైదరాబాద్‌లో ఉన్న ఆయన భార్య వెంకటరత్నంతో ఫోన్‌లో మాట్లాడించారు. విత్‌డ్రా పత్రాలపై సంతకాలు తీసుకుని వాటిని ఆన్‌లైన్‌లో తెప్పించుకుని అనంతరం 41 నోటీసు ఇచ్చి వెంకట్రావును విడుదల చేశారు. ఈ వ్యవహారం వెనుక మంత్రి హస్తం ఉందనే ఆరోపణలు వ్యక్తమయ్యాయి.పొలాలు ధ్వంసం చేస్తాం.. వ్యాపారాలు మూసివేయిస్తాం...ఇవీ.. పోలీసుల బెదిరింపులు.. తూర్పుగోదా­వరి జిల్లా కొవ్వూరు మున్సిపాలిటీలో వైఎస్సార్‌సీపీ అభ్యర్థులను బెదిరించి నామినేషన్లు ఉపసంహరింపజేసే వ్యవహారంలో పోలీసులు కీలక పాత్ర పోషించారు. టీడీపీ నేతలతో కలిసి రంగంలోకి దిగిన పోలీసులు.. వ్యాపారాలు మూసివేయిస్తామని, పొలాలు ధ్వంసం చేస్తామని, ఇళ్ల స్థలాలు ఆక్రమిస్తామని, పోటీలో ఉంటే అక్రమ కేసులు పెడతామని అభ్యర్థులను బెదిరించారు. వారి కుటుంబ పెద్దలకూ ఫోన్లు చేసి ఒత్తిడి తెచ్చా­రు. ఈ బెదిరింపులకు భయపడి ముగ్గురు వార్డు అభ్యర్థులు నామినేషన్లు ఉపసంహరించుకున్నారు. దీంతో 6, 15, 18 వార్డులు టీడీపీకి ఏకగ్రీవమయ్యాయి. నామినేషన్ల ఉపసంహరణ గడువు మధ్యాహ్నం 3 గంటలకే ముగిసినా.. కొవ్వూ­రు మున్సిపల్‌ కార్యాలయంలో పోలీసుల ఒత్తిళ్ల పర్వం రాత్రి 10 గంటల వరకు కొనసాగింది.మద్యం సీసాలు పోలీసులే పెట్టి కేసులు పెట్టే యత్నం..నెల్లూరు జిల్లా గూడూరు రూరల్‌ పరిధిలోని మిట్ట ఆత్మకూరులో వైఎస్సార్‌సీపీ ఎంపీపీ అభ్యర్థి శ్రీనివాసులురెడ్డి నివాసంలో పోలీసులు అర్ధరాత్రి హడావుడి చేశారు. నామినేషన్‌ ఉపసంహరించుకోకపోతే కేసు నమోదు చేస్తామని బెదిరించారు. పోలీసుల వాహనం నుంచి మద్యం బాటిళ్లు తీసుకొచ్చి ఇంటి ఆవరణలో పెట్టి అక్రమ కేసు నమోదు చేసేందుకు ప్రయత్నించారు. కుటుంబ సభ్యులు అప్రమత్తంగా ఉండటంతో ఈ వ్యవహారం బయటపడింది. గూడూరు రూరల్‌ మండలం రామలింగపురంలో కూడా వైఎస్సార్‌సీపీ ఎంపీటీసీ అభ్యర్థుల ఇళ్లల్లో మద్యం బాటిళ్లు పెట్టి అక్రమ అరెస్టులు చేసేందుకు పోలీసులు స్కెచ్‌ వేశారు. కరెంటు ఆఫ్‌చేసి ఇళ్ల వద్దకు చొరబడిన పోలీసులు తప్పుడు కేసులు పెట్టేందుకు సిద్ధమయ్యారు. నామినేషన్‌ దాఖలు చేసిన వైఎస్సార్‌సీపీ ఎంపీటీసీలను టార్గెట్‌ చేశారు.

సాక్షి, అమరావతి: స్థానిక ఎన్నికల వేళ చంద్రబాబు సర్కారు పల్లె ప్రజల నెత్తిన నీటిబాంబు పేల్చింది. ప్రతిఒక్కరూ ఇకపై తాగునీటికి పన్ను కట్టాలంటూ ఆదేశాలు జారీచేసింది. జలజీవన్‌ మిషన్‌ 2.0లో భాగంగా గ్రామాల్లోని తాగునీటి సరఫరా పథకాల నిర్వహణ, మరమ్మత్తు కోసం విలేజీ కమిటీలకు ప్రభుత్వం సోమవారం మార్గదర్శకాలు విడుదల చేసింది. ఈ మేరకు పంచాయతీరాజ్‌–గ్రామీణాభివృద్ధి శాఖ ప్రత్యేక ప్రధాన కార్యదర్శి కాంతిలాల్‌ దండే నోటిఫికేషన్‌ జారీచేశారు. మంచినీటి పథకాల విద్యుత్‌ బిల్లులు, అక్కడ పనిచేసే సిబ్బంది వేతనాలు, నిర్వహణ ఖర్చులను పూర్తిగా స్థానిక ప్రజల నుంచే పన్ను రూపంలో వసూలుచేసుకోవాలని అందులో స్పష్టంచేశారు. గ్రామాన్ని ప్రామాణికంగా తీసు­కుని ఆయా కార్యక్రమాల నిర్వహణకు గ్రామస్థాయిలో ప్రత్యే­క కమిటీలను ఏర్పాటుచేసుకుని వాటి ఆధ్వర్యంలో నీటి పథకాలను కొనసాగించాలని ప్రభుత్వం తెలిపింది. ఇందుకోసం ప్రత్యేక బ్యాంకు ఖాతాను తెరిచి స్థానికుల నుంచి వసూలుచేసిన యూజర్‌ ఛార్జీలను అందులో జమచేయాలని చెప్పింది. ప్రతీ వ్యక్తికి రోజుకు 55 లీటర్ల నీరు.. మరోవైపు.. ఏమైనా కారణాలతో తాగునీటి సరఫరా పథకాలు పనిచేయని పక్షంలో గరిష్టంగా రెండ్రోజుల్లో మరమ్మతులు చేయాలని స్పష్టంచేసింది. ఇందుకోసం ప్రతీ మంచినీటి పథకం వద్ద శిక్షణ పొందిన ప్లంబర్, పంపు మెకానిక్‌ గ్రామంలో ఉండేలా ఏర్పాట్లుచేసుకోవాలని ప్రభుత్వం సూచించింది. గ్రామాల్లో మొత్తం ఇళ్లకు కుళాయిల ద్వారా నీటి సరఫరా చేస్తూ ప్రతీ వ్యక్తికి రోజుకు 55 లీటర్ల చొప్పున అందించాలని.. ఫిర్యాదులను తక్షణమే పరిష్కరించడం వంటి ఎనిమిది అంశాలకు సంబంధించి సెంట్రల్, పబ్లిక్‌ హెల్త్‌ అండ్‌ ఎన్విరాన్‌మెంట్, ఇంజనీరింగ్‌ ఆర్గనైజేషన్‌ ప్రమాణాల ప్రకారం పథకం నిర్వహించాలని ప్రభుత్వం తెలిపింది. ఇదిలా ఉంటే.. రాష్ట్రంలోని గ్రామీణ ప్రాంతాల్లో ప్రస్తుతమున్న సమగ్ర రక్షిత మంచినీటి పథకాలు, బోర్ల నిర్వహణ, మరమ్మతులకు ఏటా రూ.1,680.29 కోట్లు ఖర్చవుతుందని అంచనా వేశారు.

సాక్షి, అమరావతి: డాక్టర్‌ ఎన్టీఆర్‌ ఆరోగ్య విశ్వవిద్యాలయం విద్యార్థులు వైద్యరంగంలో ప్రపంచస్థాయి సవాళ్లను ఎదుర్కొని భవిష్యత్‌లో నోబెల్‌ బహుమతి సాధించే స్థాయికి ఎదగాలని భారత ఉపరాష్ట్రపతి సీపీ రాధాకృష్ణన్‌ ఆకాంక్షించారు. మానవాళి ఎదుర్కొంటున్న క్యాన్సర్‌ వంటి ప్రమాదకర ఆరోగ్య సమస్యల పరిష్కారానికి పరిశోధనలను, ఆవిష్కరణలను మరింత బలోపేతం చేయా­లని ఆయన పిలుపునిచ్చారు. విజయవాడలో సోమవారం నిర్వహించిన డాక్టర్‌ ఎన్టీఆర్‌ ఆరోగ్య విశ్వవిద్యాలయం 40వ వార్షికోత్సవ(రూబీ జూబ్లీ)వేడుకలకు ముఖ్య అతిథిగా ఉపరాష్ట్రపతి, వర్సిటీ రాధాకృష్ణన్, కులపతి, రాష్ట్ర గవర్నర్‌ జస్టిస్‌ అబ్దుల్‌ నజీర్‌ విచ్చేసి ప్రసంగించారు. ఉపరాష్ట్రపతి మాట్లాడుతూ, ప్రధాని నరేంద్రమోదీ నేతృత్వంలో గత 12 ఏళ్లలో దేశంలో వైద్యకళాశాలల సంఖ్య 387 నుంచి 846కు పెరిగాయని, ఎంబీబీఎస్‌ సీట్లు 1.4 లక్షలకు పైగా చేరాయని గణాంకాలతో వివరించారు. కృతిమమేథ, డిజిటల్‌ హెల్త్, టెలిమెడిసిన్‌ వంటి అధునాతన సాంకేతికతలను అందిపుచ్చుకోవడానికి ప్రపంచ వ్యాప్తంగా ఉన్న ప్రఖ్యాత సంస్థలతో హెల్త్‌వర్సిటీ ఒప్పందాలు చేసుకోవాలని సూచించారు. మానవతా దృక్పథంతో సేవ చేయండి.. డాక్టర్‌ ఎన్టీఆర్‌ ఆరోగ్యవిశ్వవిద్యాలయం కులపతి, రాష్ట్ర గవర్నర్‌ జస్టిస్‌ అబ్దుల్‌నజీర్‌ మాట్లాడుతూ, వైద్య వృత్తి అనేది కేవలం సంపాదన కోసమే కాదని, నిరుపేదలకు సమాజానికి సేవ చేయడానికి ఒక పవిత్రమైన బాధ్యత అని విద్యార్థులకు గుర్తుచేశారు. పట్టభద్రులైన వైద్యులందరూ మానవతా దృక్పథంతో, అంకితభావంతో రోగులకు సేవలందించాలని ఆకాంక్షించారు. వైద్యరంగంలో వస్తున్న ఏఐ వంటి అధునాతన సాంకేతిక పరిజ్ఞానాన్ని అందిపుచ్చుకుంటూనే రోగుల పట్ల కరుణ, ప్రేమ, సానుభూతి వంటి మానవీయ విలువలను ఎప్పటికీ మరువకూడదన్నారు. డిగ్రీలు, మెడల్స్‌ అందుకున్న యువవైద్యులకు వారిని ఈస్థాయికి తీసుకువచ్చిన తల్లిదండ్రులకు, విద్య నేర్పిన గురువులకు గవర్నర్‌ శుభాకాంక్షలు తెలియజేశారు. ఈ కార్యక్రమంలో రాష్ట్ర మంత్రి కొలుసు పార్థసారథి, ఎన్‌ఎంసీ ఎంఏఆర్‌బీ అధ్యక్షుడు డాక్టర్‌ రమేశ్, వీసీ డాక్టర్‌ చంద్రశేఖర్‌ తదితరులు పాల్గొన్నారు. శ్రీవారిని దర్శించుకున్న ఉపరాష్ట్రపతి తిరుమల: తిరుమల శ్రీవారిని ఉపరాష్ట్రపతి సీపీ రాధాకృష్ణన్‌ సోమవారం దర్శించుకున్నారు. ఆల­య సంప్రదాయాన్ని అనుసరించి వరాహస్వామిని దర్శించుకున్న అనంతరం శ్రీవారి ఆలయానికి వచ్చారు. అక్కడ ఆయనకు టీటీడీ ఈ­వో రవిచంద్ర, ఏఈవో సీహెచ్‌ వెంకయ్య చౌదరి, సీవీఎస్‌వో మురళీకృష్ణ స్వా­గతం పలికారు. అర్చకులు ఆలయ మర్యాదలతో ఇస్తికఫాల్‌ స్వా­గ­తం పలికిన అనంతరం ఆయన ధ్వజస్తంభానికి నమస్కరించి శ్రీవా­రిని దర్శించుకున్నారు. అనంతరం శ్రీ వకుళమాత, విమాన వేంకటేశ్వరస్వా­మి, భాష్యకార్ల సన్నిధి, యోగ నరసింహస్వామి వారిని దర్శించుకున్నారు. రంగనాయకుల మండపంలో వేద పండితులు వేదాశీర్వచనా­న్ని, ఈవో, ఏఈవోలు స్వామి వారి చిత్రపటం, ప్రసాదాలను ఉపరాష్ట్రపతికి అందజేశారు. ఆలయం ఎదురుగా ఉన్న బేడి ఆంజనేయ స్వామి వారిని కూడా ఉపరాష్ట్రపతి దర్శించుకున్నారు.

సాక్షి, న్యూఢిల్లీ: బ్యాంకు రుణాలను పక్కదారి పట్టించి, నకిలీ పత్రాలతో రూ.237.84 కోట్ల మోసానికి పాల్పడ్డారనే ఆరోపణలు ఎదుర్కొంటున్న టీడీపీ నేత, డిప్యూటీ స్పీకర్‌ రఘురామకృష్ణరాజుతోపాటు ఇండ్‌ భారత్‌ పవర్‌ జెన్‌కామ్‌ లిమిటెడ్‌ డైరెక్టర్లకు సుప్రీంకోర్టు సోమవారం బిగ్‌షాకిచ్చింది. తమపై నమోదైన ఎఫ్‌ఐఆర్‌ను రద్దు చేయాలంటూ ఇండ్‌ భారత్‌ పవర్‌ జెన్‌కామ్‌ లిమిటెడ్‌ (ఏ1)తో­పాటు కంపెనీ డైరెక్టర్లు కనుమూరు రఘురామకృష్ణరాజు, కనుమూరు రమాదేవి, కనుమూరు ఇందిరా ప్రియదర్శిని, అంబేడ్కర్‌ రాజ్‌కుమా­ర్‌ గంటా, దుంపల మధుసూధన రెడ్డి, నారాయణ ప్రసాద్‌ భగవతుల, రామచంద్ర అయ్యర్‌ బాలకృష్ణన్‌ దాఖలు చేసిన క్వాష్‌ పిటిషన్లను సర్వోన్నత న్యాయస్థానం కొట్టివేసింది. న్యాయమూర్తులు జస్టిస్‌ దీపాంకర్‌ దత్తా, జస్టిస్‌ శీల్‌ నాగులతో కూ­డిన ధర్మాసనం ఈ మేరకు కీలక తీర్పును వెలువరించింది. ఆర్థిక నేరాల దర్యాప్తు ప్రాథమిక దశలో ఉన్నందున కేసును కొట్టివేయబోమని మద్రాస్‌ హైకోర్టు గతంలో ఇచ్చిన తీర్పును సమర్థించింది. కొత్త వాదనలపై ధర్మాసనం అసహనం విచారణ సందర్భంగా పిటిషనర్ల తరఫు సీనియర్‌ న్యాయవాది సిద్ధార్థ్‌ దవే కొత్త వాదనలు వినిపించడంపై ధర్మాసనం అసహనం వ్యక్తంచేసింది. ‘కేవలం ఫోరెన్సిక్‌ నివేదిక ఆధారంగానే ఎఫ్‌ఐఆర్‌ నమోదయ్యింది. టర్మ్‌ లోన్ల కోసం రికార్డులను సృష్టించారన్నది అవాస్తవం. ఈ వ్యవహారంలో స్వతంత్ర డైరెక్టర్లకు సంబంధించిన వాదనలను మద్రాస్‌ హైకోర్టు పరిగణనలోకి తీసుకోలేదు’ అని దవే చేసిన వాదనలకు ధర్మాసనం స్పందిస్తూ, ‘ఈ వాదనలు హైకోర్టులో క్వాష్‌ పిటిషన్‌ విచారణ సందర్భంగా ఎందుకు వినిపించలేదు’ అంటూ ప్రశ్నించింది.‘దర్యాప్తు ప్రక్రియలో మేము జోక్యం చేసుకోలేం. దర్యాప్తు అధికారి 16 వారాల్లోగా విచారణ పూర్తి చేసి చార్జిషీట్‌ దాఖలు చేయాలని ఇప్పటికే హైకోర్టు ఆదేశాలు ఉన్నందున, దర్యాప్తు యథాతథంగా కొనసాగుతుంది’ అని స్పష్టంచేసింది. క్వాష్‌ పిటిషన్లను కొట్టివేస్తూ గతంలో హైకోర్టు చేసిన వ్యాఖ్యలు కేవలం ఆ పిటిషన్ల పరిష్కారం కోసమేనని సుప్రీంకోర్టు పేర్కొంటూ, ఆ వ్యాఖ్యలు దర్యాప్తు అధికారి చేపట్టే స్వతంత్ర విచారణపై ఎలాంటి ప్రభావం చూపబోవని తీర్పులో వెల్లడించింది. రుణాల దారిమళ్లింపు క్రమమిది.. » ఇండ్‌ భారత్‌ పవర్‌ జెన్‌కామ్‌ లిమిటెడ్‌ (ఏ1) పేరుతో డైరెక్టర్లు పవర్‌ ప్లాంట్ల ఏర్పాటు, ఇతర వ్యాపార అవసరాల నిమిత్తం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) నేతృత్వంలోని బ్యాంకింగ్‌ కన్సార్షియం నుంచి సుమారు రూ.237.84 కోట్లు రుణాలుగా పొందారు. » అయితే డైరెక్టర్లు ఈ నిధులను అసలు ప్రాజెక్టులకు వినియోగించకుండా, నకిలీ కొనుగోలు పత్రాలు, తప్పుడు అకౌంట్ల ద్వారా గ్రూప్‌ కంపెనీలకు మళ్లించారని బ్యాంకులు ఫిర్యాదు చేశాయి. 2012–2017 మధ్య కాలంలో జరిగిన ఈ వ్యవహారంపై బీడీఓ ఇండియా ఎల్‌ఎల్‌పీ ఫోరెన్సిక్‌ ఆడిట్‌ నిర్వహించగా నిధుల మళ్లింపు వెలుగులోకి వచ్చింది. » ఎస్‌బీఐ డీజీఎం ఎస్‌. రవిచంద్రన్‌ ఇచ్చిన ఫిర్యాదు మేరకు 2021 మార్చి 24న నేరపూరిత కుట్ర, చీటింగ్, ఫోర్జరీ, అవినీతి నిరోధక చట్టం (ఐపీసీ 120–బీ, 420, 467, 468, 471, పీసీ యాక్ట్‌ 13(2)) కింద సీబీఐ ఢిల్లీలో ఈ కేసును నమోదుచేసింది. » ఇంటర్‌ కార్పొరేట్‌ డిపాజిట్ల (ఐసీడీ) రూపంలో ఇండ్‌ భారత్‌ పవర్‌ ఇన్‌ఫ్రా లిమిటెడ్, ఆర్కే ఎనర్జీ లిమిటెడ్, ఇండ్‌ భారత్‌ థర్మల్‌ పవర్‌ లిమిటెడ్‌ వంటి సంస్థలకు నిబంధనలకు విరుద్ధంగా వందల కోట్ల రూపాయలు బదిలీ చేసినట్లు గుర్తించారు. అలాగే వందల కోట్ల రూపాయల వ్యయాలకు సంబంధించి ఎలాంటి బిల్లులు, ఆధారాలను సమర్పించలేదు. » బ్యాంకులకు ప్రైమరీ సెక్యూరిటీగా ఉన్న సుమారు రూ. 94.56 కోట్ల విలువైన బొగ్గు నిల్వలను బ్యాంకుల అనుమతి లేకుండానే పనికిరాకుండా పోయినట్లు చూపిస్తూ రికార్డుల నుంచి మాయం చేశారు. » కన్సార్టియం బ్యాంకుల ద్వారానే లావాదేవీలు జరపాలన్న నిబంధనలను ఉల్లంఘించి, ఇతర బ్యాంకుల ద్వారా కోట్లాది రూపాయలు మళ్లించి అక్రమాలకు పాల్పడ్డారు.

సాక్షి, అమరావతి: స్థానిక సంస్థల ఎన్నికల్లో అధికార పార్టీ అక్రమాలు, దౌర్జన్యాలకు అడ్డుకట్ట వేసి, ప్రజాస్వామ్యాన్ని పరిరక్షించడంలో రాష్ట్ర ఎన్నికల కమిషన్‌ విఫలమైందని వైఎస్సార్‌సీపీ నేతలు మండిపడ్డారు. అయినా, ప్రజాస్వామ్య పరిరక్షణకు వైఎస్సార్‌సీపీ పోరాటం ఆగదని స్పష్టం చేశారు. ప్రజాస్వామ్య విలువలు, ఎన్నికల నిబంధనలు ఉల్లంఘనకు గురవుతున్నాయని పేర్కొంటూ వైఎస్సార్‌సీపీ నేతలు ఎమ్మెల్సీ లేళ్ల అప్పిరెడ్డి, మాజీ ఎమ్మెల్యే టీజేఆర్‌ సుధాకర్‌బాబు, పార్టీ లీగల్‌ సెల్‌ రాష్ట్ర అధ్యక్షుడు మలసాని మనోహర్‌రెడ్డి, ఎస్సీ సెల్‌ వర్కింగ్‌ ప్రెసిడెంట్‌ యోనా రాజు తదితరులు రాష్ట్ర ఎన్నికల కమిషనర్‌ అనిల్‌చంద్ర పునేఠకు సోమవారం ఫిర్యాదు చేశారు. ఎన్నికల ప్రక్రియలో అభ్యర్థుల హక్కులకు భంగం కలుగుతున్న తీరును ఎస్‌ఈసీ దృష్టికి తీసుకెళ్లారు. అధికార పార్టీ అండతో ఎన్నికల అక్రమాలు, నామినేషన్ల తిరస్కరణలు, అభ్యర్థులకు బెదిరింపులు, పోలీసుల దౌర్జన్యాలను వివరించారు. రాజకీయ పార్టీలతోనే కాకుండా, నిర్వీర్యమవుతున్న వ్యవస్థలు, బాధ్యతలను విస్మరిస్తున్న రాష్ట్ర ఎన్నికల కమిషన్‌తోనూ పోరాడాల్సిన పరిస్థితి ఏర్పడిందని చెప్పారు. ఎస్‌ఈసీ తన బాధ్యతలను సమర్థంగా నిర్వర్తించకపోయినా ప్రజాస్వామ్య పరిరక్షణ కోసం, అభ్యర్థుల హక్కులు, ప్రజల ఓటు హక్కు, రాజ్యాంగ విలువలను కాపాడేందుకు రాజకీయంగా, న్యాయపరంగా పోరాటాన్ని కొనసాగిస్తామని తేల్చిచెప్పారు. సుప్రీం కోర్టు ఆదేశాలనూ అధికారులు పట్టించుకోవడంలేదు అనంతరం ఎస్‌ఈసీ కార్యాలయం వద్ద నేతలు మీడియాతో మాట్లాడుతూ.. స్థానిక సంస్థల ఎన్నికల్లో అధికార పార్టీ నామినేషన్ల దశ నుంచే అక్రమాలకు పాల్పడుతోందని ఎమ్మెల్సీ లేళ్ల అప్పిరెడ్డి చెప్పారు. చంద్రగిరిలో తమ పార్టీకి చెందిన 142 నామినేషన్లు తిరస్కరణకు గురయ్యాయన్నారు. కందుకూరుతో పాటు అనేక ప్రాంతాల్లోనూ ఇదే పరిస్థితి ఉందన్నారు. అవసరం లేని ధ్రువపత్రాలను సాకుగా చూపి నామినేషన్లు తిరస్కరిస్తున్నారని మండిపడ్డారు. అప్పీళ్లలోనూ అభ్యర్థుల వాదనలు వినడం లేదని, సుప్రీంకోర్టు, హైకోర్టు ఆదేశాలను సైతం పట్టించుకోవడంలేదని చెప్పారు. పోలీసు, రెవెన్యూ అధికారుల్లో కొందరు అధికార పార్టీకి అనుకూలంగా వ్యవహరిస్తూ అభ్యర్థులను బెదిరించడం, అక్రమంగా అరెస్టులు చేయడం, నామినేషన్‌ పత్రాలను చించేయడం వంటి చర్యలకు పాల్పడుతున్నారన్నారు. నకిరికల్లు జెడ్పీటీసీ అభ్యర్థి కందుల హనుమాయమ్మ భర్త లక్ష్మారెడ్డిని పోలీసులు తీసుకెళ్లి ఎక్కడ ఉంచారో కూడా చెప్పడంలేదని తెలిపారు. ఇలా అనేకానేక అక్రమాలకు పాల్పడుతున్నారని తెలిపారు. ఎన్నికల కమిషన్‌ నిబంధనలను అధికారులు అమలు చేయడం లేదు అని చెప్పారు. వైఎస్సార్‌సీపీ పేరుతో సంబంధం లేని వ్యక్తులు నామినేషన్లు వేయడం, రాజకీయ పార్టీల గుర్తులు లేకుండా బ్యాలెట్‌ పత్రాలు రూపొందించాలనే సర్క్యులర్‌ వంటి అంశాలపై సమాధానం చెప్పాల్సి ఉందన్నారు. ఎస్‌ఈసీ న్యాయం చేయకపోతే సుప్రీంకోర్టును ఆశ్రయిస్తామని చెప్పారు. మాజీ ఎమ్మెల్యే టీజేఆర్‌ సుధాకర్‌బాబు మాట్లాడుతూ.. ఈ నెల 13 నుంచి పలుమార్లు రాష్ట్ర ఎన్నికల కమిషన్‌ను కలిసి వినతిపత్రాలు ఇచ్చి, ఎన్నికల్లో జరుగుతున్న అక్రమాలపై అభ్యంతరాలను తెలియజేస్తున్నామని, అయినా ఎటువంటి చర్యలు లేవని తెలిపారు. చివరకు వార్డు మెంబర్‌ ఎన్నికలను కూడా చంద్రబాబు ప్రభుత్వం రాజకీయ కక్ష సాధింపులకు వాడుకుంటూ జాతీయ స్థాయిలో ఆంధ్రప్రదేశ్‌ పరువును దెబ్బతీస్తోందన్నారు. ఒక వ్యక్తి, ఒక కుటుంబం ప్రయోజనాల కోసం ప్రజాస్వామ్య వ్యవస్థలను పక్కదారి పట్టించడం సమంజసం కాదని చెప్పారు.

సాక్షి, అమరావతి: స్థానిక సంస్థల ఎన్నికల్లో అక్రమాలకు అంతే లేకుండా పోయింది. రోజుకో అరాచకం, అక్రమం వెలుగు చూస్తోంది. ప్రభుత్వ పెద్దల ఒత్తిడితో ఎన్నికల అధికారులు అభ్యర్థుల నామినేషన్లు సైతం తారుమారు చేశారు. కూటమి పార్టీల ఏకగ్రీవాల కోసం ఎన్నికల అధికారులు ప్రభుత్వ పెద్దలు చెప్పినట్టే నడుచుకున్నారు. నగరి మున్సిపాలిటీలో వైఎస్సార్‌సీపీ తరుఫున చైర్మన్‌ అభ్యర్థిగా ఈవీ బాలకృష్ణన్‌ వేసిన నామినేషన్‌ను అధికారులు తారుమారు చేశారు. నామినేషన్ల పరిశీలనలో ఆయన నామినేషన్‌ ఆమోదించినట్టు ఈ నెల 19న లేఖ కూడా ఇచ్చిన అధికారులు.. అదే రోజు పరిశీలన కార్యక్రమం ముగిశాక.. జాబితా ఫారం–4లో మాత్రం ఆయన పేరును ప్రకటించలేదు. నామినేషన్లు ముగిసిన 18వ తేదీ నాటికి ఆ మున్సిపాలిటీలో మొత్తం 19 మంది అభ్యర్థులు చైర్మన్‌ పదవికి పోటీలో ఉండగా, పరిశీలన అనంతరం కేవలం తెలుగుదేశం పార్టీ అభ్యర్థి నామినేషన్‌ మాత్రమే చెల్లుబాటు అయినట్లుగా చూపారు. అదే రోజు ఈ విషయంపై వైఎస్సార్‌సీపీ నేతలు అభ్యంతరం తెలిపినా ప్రభుత్వ పెద్దల సూచనతో అధికారులు ఏమాత్రం పట్టించుకోలేదు. మున్సిపల్‌ ఎన్నికల నామినేషన్ల ఉపసంహరణ అనంతరం రాష్ట్ర ఎన్నికల కమిషన్‌ మొత్తం 87 మున్సిపాలిటీల్లో 17 చోట్ల అధికార కూటమి పార్టీల చైర్మన్‌ అభ్యర్థులు ఏకగ్రీవంగా గెలిచినట్టు ప్రకటించింది. నగరి మున్సిపాలిటీ వైఎస్సార్‌సీపీ చైర్మన్‌ అభ్యర్థి ఈవీ బాలకృష్ణన్‌ నామినేషన్‌ను ఆమోదించినట్లు అధికారులు ఇచ్చిన లేఖ టీడీపీ 15, జనసేన, బీజేపీలు చెరొకటి చొప్పున గెలిచినట్టు ప్రకటించారు. ఎన్నికలు జరుగుతున్న 13 నగర కార్పొరేషన్లలో మొత్తం 922 వార్డుల్లో 117 వార్డులు ఏకగ్రీవమైనట్టు ప్రకటించిన రాష్ట్ర ఎన్నికల కమిషన్‌.. అందులో టీడీపీ 110 చోట్ల, బీజేపీ, జనసేనలు మూడేసి చోట్ల ఏకగ్రీవంగా గెలిచినట్టు పేర్కొంది. ఎన్నికలు జరిగే 87 మున్సిపాలిటీల్లో మొత్తం 3,020 వార్డులకు గాను 602 చోట్ల ఏకగ్రీవాలైనట్లు పేర్కొన్న రాష్ట్ర ఎన్నికల కమిషన్‌.. అందులో 512 చోట్ల టీడీపీ, 36 చోట్ల జనసేన, 27 చోట్ల బీజేపీ, 18 చోట్ల వైఎఎస్సార్‌సీపీ, తొమ్మిది చోట్ల ఇతరులు ఏకగ్రీవమైనట్టు ప్రకటించింది. చివరకు టీడీపీ అభ్యర్థి నామినేషన్‌ మాత్రమే చెల్లుబాటు అయినట్లుగా అధికారులు ఇచ్చిన ప్రకటన దేశమంతా చూసినా కళ్లు మూసుకున్న ఎస్‌ఈసీ మున్సిపల్‌ ఎన్నికల నామినేషన్ల ప్రక్రియలో అధికార పార్టీ గూండాలు భారీ సంఖ్యలో నామినేషన్ల కేంద్రాల్లో.. ఆ చుట్టు పక్కల మోహరించి, ప్రతిపక్ష పార్టీల అభ్యర్థులు నామినేష్లన్లు వేసే పరిస్థితి లేకుండా తీవ్ర హింసాత్మక ఘటనలకు పాల్పడటం తెలిసిందే. ఈ దుర్మార్గాలన్నింటిలో పోలీసులు, అధికారులు ప్రేక్షక పాత్రకే పరిమితమవ్వడమూ విదితమే. పలు చోట్ల వైఎస్సార్‌సీపీ అభ్యర్థుల నామినేషన్‌ పత్రాలు లాక్కొని చింపేసిన దృశ్యాలు పలు టీవీ చానళ్లలో ప్రసారం అయ్యాయి. అయినా ఎస్‌ఈసీ ఏమాత్రం స్పందించక పోవడం ప్రజలను ఆశ్చర్యానికి గురిచేసింది. కడప కార్పోరేషన్‌ పరిధిలోనే నామినేషన్‌ దాఖలు చేయడానికి వెళ్లిన బీజేపీ ఎస్సీ మోర్చా రాష్ట్ర అధ్యక్షుడు పనతల సురేష్‌పై సైతం టీడీపీ గూండాలు దాడి చేసి నామినేషన్లు వేయకుండా అడ్డుకున్నారు. ఇలా అడ్డంకులు అధిగమించి నామినేషన్లు దాఖలు చేసిన వారిని సైతం అధికార పార్టీ గూండాలు బెదిరించి పలువురి నామినేషన్లను ఉపసంహరింపజేశారు. ఇంకొన్ని చోట్ల వైఎస్సార్‌సీపీ అభ్యర్థుల స్థానంలో టీడీపీ నేతలే నామినేషన్లు వేసి.. తర్వాత ఉపసంహరించుకుని ఏకగ్రీవం చేసుకోవడం రాష్ట్ర ఎన్నికల చరిత్రలో సరికొత్త నీచ అంకం. 87 మున్సిపాలిటీలలో 361 నామినేషన్లు ఉపసంహరించుకోగా, అందులో చైర్మన్‌ పదవులు ఏకగ్రీవం అయిన 17 మున్సిపాలిటీల్లోనే 81 ఉండటం గమనార్హం.దౌర్జన్యం చేసి.. బెదిరించి..» పల్నాడు జిల్లా పిడుగురాళ్ల, దాచేపల్లి, గురజాల మున్సిపాలిటీల్లో చైర్మన్‌ పదవులు ఏకగ్రీవం కాగా, ఆయా చోట్ల నామినేషన్‌ దాఖలు సమయంలో వందల మంది అధికార పార్టీ గూండాలు నామినేషన్ల కేంద్రాల్లో తిష్టవేసి పేట్రేగిపోయారు. వైఎస్సార్‌సీపీ అభ్యర్థులను నామినేషన్లు వేయనీయకుండా భయభ్రాంతులకు గురి చేశారు. ఈ గూండాగిరిని పోలీసులు చోద్యం చూశారు. » వైఎస్సార్‌ కడప జిల్లాలో మాజీ ముఖ్యమంత్రి వైఎస్‌ జగన్‌మోహన్‌రెడ్డి సొంత నియోజకవర్గంలోని పులివెందులలో నామినేషన్లు వేయడానికి వెళ్లే అభ్యర్థుల కార్లపై పోలీసులే దాడులు చేయడం, కాల్పులు జరపడంతో వైఎస్సార్‌సీపీ అభ్యర్థులు 20 వార్డులకు నామినేషన్లు దాఖలు చేయలేని పరిస్థితి.» మైదుకూరు మున్సిపాలిటీలో వైఎస్సార్‌సీపీ వాళ్లను నామినేషన్లు వేయనీయకుండా అడ్డుకున్న అధికార పార్టీ గూండాలు.. వైఎస్సార్‌సీపీ అభ్యర్థులు కూడా నామినేషన్లు దాఖలు చేసినట్టు ఫేక్‌ డ్రామా ఆడారు. మైదుకూరు చైర్మన్‌ పదవికి టీడీపీ నాయకులే వైఎస్సార్‌సీపీ తరుఫున ఫేక్‌ నామినేషన్లు వేసి, తర్వాత వాటిని ఉపసంహరించుకోవడంతో అక్కడ చైర్మన్‌ పదవి ఏకగ్రీవమైంది. ఎర్రగుంట్ల మున్సిపాలిటీలో సైతం పోలీసులను అడ్డంపెట్టుకొని అధికార కూటమి పార్టీ గూండాలు వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడంతో ఆ స్థానం ఏకగ్రీవ జాబితాలోకి వెళ్లింది. » బద్వేలు, ప్రొద్దుటూరు, రాజంపేట మున్సిపాలిటీల్లో వైఎస్సార్‌సీపీ అభ్యర్థులు చైర్మన్‌ పదవికి నామినేషన్లు దాఖలు చేసినప్పటికీ.. అధికార పార్టీ నేతల ఒత్తిళ్లతో అధికారులు అవి చెల్లుబాటు కావని ప్రకటించడంతో ఆ మూడు చోట్ల చైర్మన్‌ పదవులు ఏకగ్రీవమయ్యాయి. » నంద్యాల జిల్లా ఆత్మకూరు, ఆ«ళ్లగడ్డ మున్సిపాలిటీల్లో చైర్మన్‌ పదవులకు నామినేషన్లు దాఖలు చేసిన వారిని అధికార పార్టీ గూండాలు బెదిరించి బలవంతంగా ఉపసంహరింపజేశారు. » ప్రకాశం జిల్లా దర్శిలో జనసేనకు కేటాయించిన సీట్లలో అధికార తెలుగుదేశం ఇన్‌చార్జి తనకు అనుకూల వ్యక్తినే పోటీలో ఉంచి.. ఇతరులెవ్వరూ నామినేషన్‌ వేయకుండా రౌడీలను దించి అడ్డుకున్నాడు. కనిగిరి మున్సిపాలిటీలో వైఎస్సార్‌సీపీ అభ్యర్థి నామినేషన్‌ దాఖలు చేసినప్పటికీ, దానిని చెల్లుబాటు కాకుండా అడ్డుకున్నారు. అనంతపురం జిల్లా గుత్తిలోనూ ఇదే దౌర్జన్యంతో వైఎస్సార్‌సీపీ అభ్యర్థిని రంగంలో లేకుండా చేశారు.

సాక్షి, అమరావతి: ఉన్నత చదువు.. అత్యున్నత ఉద్యోగం.. శాంతిభద్రతలను కాపాడతానని చేసిన ప్రమాణం.. ఇవన్నీ అధికార పార్టీ ముందు తలవంచాయి. రాజకీయ నేతల చేతుల్లో కీలుబొమ్మగా మారాయి. స్వతంత్రంగా వ్యవహరించాల్సిన చోట కూడా పక్షపాతంతో వ్యవహరించాల్సిన దుస్థితి. చివరికి కళ్ల ముందు జరుగుతున్న అక్రమాలను చూసి కూడా మౌనంగా ఉండిపోవాల్సిన దైన్యం. ఇవీ సీనియర్‌ ఐపీఎస్‌ అధికారి బి.రాజకుమారి గురించి ప్రస్తుతం రాష్ట్రంలో వినిపిస్తున్న విమర్శలు. స్థానిక సంస్థల ఎన్నికల్లో శాంతిభద్రతలను పర్యవేక్షించడానికి, ఎన్నికల కమిషన్‌కు రాష్ట్ర పోలీసు విభాగానికి మధ్య వారధిగా ఉండేందుకు రాజకుమారిని నోడల్‌ ఆఫీసర్‌గా నియమించారు. అయితే ఆమె తనకు అప్పగించిన బాధ్యతలను నిష్పక్షపాతంగా నిర్వహించడంలో ఘోరంగా విఫలమవుతున్నారు. రాష్ట్రంలో కూటమి ప్రభుత్వం విచ్చలవిడిగా చేస్తున్న అక్రమాలే ఇందుకు నిదర్శనం. తలవంచిన అనుభవం బురుగు రాజకుమారి 2007 బ్యాచ్‌కు చెందిన ఆంధ్రప్రదేశ్‌ క్యాడర్‌ ఐపీఎస్‌ అధికారి. నూజివీడులో ఏఎస్పీగా, రాజమహేంద్రవరం అర్బన్‌ పోలీస్‌ జిల్లాలో ఎస్పీగా బాధ్యతలు నిర్వహించారు. అనంతరం విజయనగరం జిల్లా ఎస్పీగా పని చేశారు. 2021లో డీఐజీగా పదోన్నతి పొందిన ఆమెకు దిశ విభాగం బాధ్యతలు అప్పగించారు. ఆ తర్వాత ఏపీఎస్పీ బెటాలియన్లలో కీలక బాధ్యతలు నిర్వహించారు. 2025లో ఐజీపీగా పదోన్నతి పొందారు. కొన్నాళ్లు సీఐడీ మహిళా భద్రత విభాగం అదనపు బాధ్యతలు కూడా నిర్వర్తించారు. ఈ ఏడాది సెప్టెంబర్‌లో రైల్వేస్‌ ఐజీపీగా నియమితులయ్యారు. ఇంత అనుభవం ఉన్న అధికారి ఇప్పుడిలా అధికార పార్టీ చేతిలో కీలుబొమ్మగా మారడం పోలీసు వర్గాల్లో సైతం తీవ్ర చర్చనీయాంశంగా మారింది. రాష్ట్రంలో ఎక్కడ ఏం జరుగుతుందనే వాస్తవ సమాచారాన్ని ఎన్నికల కమిషన్‌కు ఎప్పటికప్పుడు తెలియజేస్తూ, పోలీసు శాఖను అప్రమత్తం చేస్తే.. జరుగుతున్న దారుణాలు కొంత వరకైనా తగ్గి ఉండేవి. కానీ రాజకుమారి ఆ పదవిలో ఉండి కూడా అలాంటి ప్రయత్నం చేస్తున్నట్లు ఎక్కడా కనిపించడం లేదని ప్రతిపక్షం ఆరోపిస్తోంది.ఎందుకంత మౌనం? స్థానిక సంస్థల ఎన్నికల్లో టీడీపీ అడుగడుగునా ప్రజాస్వామ్యాన్ని మంటగలుపుతూనే ఉంది. కనీసం నామినేషన్లూ వేయనివ్వకుండా ప్రతిపక్ష వైఎస్సార్‌సీపీ అభ్యర్థుల­ను అడ్డుకుంటోంది. ఈ క్రమంలో ఎంపీలు, మాజీ మంత్రులు అని కూడా చూడకుండా వారిపై దౌర్జన్యాలకు పాల్పడుతోంది. వైఎస్సార్‌సీపీ నేతలకు చెందిన ఇళ్లు, ఆస్తులను ధ్వంసం చేయిస్తోంది. నామి­నేషన్‌ పత్రాలను బలవంతంగా లాక్కు­ని టీడీపీ నేతలు చించి వేయడం కళ్లారా చూశాం. చివరికి మహిళలపైనా అమా­నుషంగా వ్యవహరించేంతగా ఆ పార్టీ దిగజారింది. ఈ అన్యాయాలకు సంబంధించిన సాక్ష్యాలు వీడియో­లు, ఫొటో­ల రూపంలో టీవీలు, సామాజిక మాధ్యమాల్లో ప్రసారం అవుతున్నాయి. పత్రి­కల్లో పతాక శీర్షికలుగా ప్రచురితమవుతున్నా­యి. ఆఖరుకు సుప్రీంకోర్టూ ఏపీలో జరుగుతున్న హింసను ఎత్తిచూపి, ఎన్నికల కమిషన్‌కు మార్గ నిర్దేశం చేసింది. అయినా రాజకుమారి మౌనంగానే ఉండిపోయారు. కనీసం తమకు అన్యాయం జరుగుతోందని మొర పెట్టుకోవడానికి బాధితులు, జరుగు­తున్న అరాచకాల గురించి సమాచారం ఇవ్వడానికి ప్రతిపక్ష నేతలు రాజకుమారిని ఫోన్‌ ద్వారా సంప్రదించడానికి యత్నిస్తుంటే ఆమె స్పందించడం లేదు. ఘటనలపై సమాచారం కోసం యత్నించిన మీడియా ప్రతినిధు­ల­కు సైతం ఆమె పలకడం లేదు. ఇలాంటి వారి­ని ఎన్నికల సంఘం నోడల్‌ ఆఫీసర్‌గా కొనసాగిస్తే, ఎన్నికల్లో శాంతిభద్రతలు మరింత క్షీణించే అవ కాశం ఉందనే ఆందోళన వ్యక్తం అవుతోంది.

సాక్షి, అమరావతి: సార్వత్రిక ఎన్నికల్లో నిత్యావసర సరుకుల ధరలు తగ్గిస్తామంటూ ఊరువాడా హామీ ఇచ్చి అధికారం చేపట్టిన చంద్రబాబు సర్కారు ఇప్పుడు ధరల బాదుడుతో సామాన్యుడి నడ్డి విరుస్తోంది. అడ్డూ అదుపులేకుండా బియ్యం దగ్గర నుంచి ఉల్లిపాయ వరకు.. పెట్రోల్‌ దగ్గర నుంచి వంట గ్యాస్‌ వరకు అన్ని వస్తువుల ధరలు చుక్కల్ని అంటుతున్నా చంద్రబాబు సర్కారులో చలనం లేకపోవడంపై సామాన్యుడు రగలిపోతున్నాడు. రెండు­నెలల క్రితం కేజీ రూ.56గా ఉన్న సన్నరకం పాతబియ్యం ఇప్పుడు ఏకంగా సెంచరీ దాటిపోవడంతో సామాన్యులు ఏం కొనాలి.. ఏం తినాలంటూ తలబాదుకుంటున్నారు. రోజు వంటలో వినియోగించే నూనెలు దగ్గర నుంచి పప్పు దినుసులు, కూరగాయలు ఇలా అన్ని రకాల వస్తువులు దేశంలో కంటే మన రాష్ట్రంలోనే అత్యధికంగా ఉన్నాయంటూ కేంద్ర గణాంకాలు ప్రతీవారం వెల్లడిస్తున్నా చంద్రబాబు సర్కారుకు చీమకుట్టినట్లు కూడా లేదు. దీంతో ఇప్పుడు స్థానిక ఎన్నికల్లో ఓట్ల కోసం వస్తున్న కూట­మి అభ్యర్థులను ఓటర్లు కాలర్‌ పట్టుకున్నంత పనిచేస్తున్నారు. సాధారణ ఎన్నికల్లో ధరలు తగ్గిస్తామని చెప్పి ఇప్పుడిలా పెరిగిపోతుంటే ఏం చేస్తున్నారంటూ ఎక్కడికక్కడ నిలదీస్తున్నారు. దీంతో వారు ఇంటింటి ప్రచారం చేయాలంటే బెంబేలెత్తిపోతున్నారు. సెంచరీ దాటేసిన బియ్యం ధరలు.. గడిచిన రెండు నెలల్లో బియ్యం ధరలు రెట్టింపు అవుతున్నా చంద్రబాబు సర్కారులో ఉలుకూ లేదు పలుకూ లేదు. కనీసం ఒక్కసారి కూడా సమీక్ష చేయలేదు. రెండు నెలల క్రితం రూ.1,450గా ఉన్న సన్నరకం పాత బియ్యం 26 కిలోల బస్తా ధర ఇప్పుడు రూ.2,538 దాటేసింది. కేజీ రూ.100 పెడితేగానీ బియ్యం దొరక్కపోతే ఏం తినాలి ఎలా బతకాలంటూ జనం గుండెలు బాదుకుంటున్నారు. కరువు పేరు చెప్పి సిండికేట్‌గా ఏర్పడిన మిల్లర్లు కృత్రిమ కొరత సృష్టిస్తూ రిటైల్‌ మార్కెట్‌లో ధరలను పెంచేస్తుంటే చంద్రబాబు సర్కారు చర్యలు తీసుకోకుండా నిమ్మకు నీరెత్తినట్లు ఉంటోంది. కృత్రిమ కొరత సృష్టిస్తున్న వ్యాపారులపై కానీ, ఇష్టారాజ్యంగా ధరలు పెంచేస్తున్న మిల్లర్లపైగానీ ఎలాంటి చర్యలు తీసుకోవడంలేదు. విజిలెన్స్‌ అండ్‌ ఎన్‌ఫోర్స్‌మెంట్‌ బృందాలు ఉన్నాయో లేదో కూడా తెలీని పరిస్థితి. రోజువారీ తనిఖీల జోలికి పోవడంలేదు. మార్కెట్‌లో బియ్యం, ఇతర నిత్యావసరాల నిల్వలను పరిశీలించడం, కృత్రిమ కొరతను అరికట్టడం, మిల్లర్ల ధరల నిర్ణయ విధానాలను పర్యవేక్షించడంలో ప్రభు­త్వం ఘోరంగా విఫలమవుతోంది. రైతుబజార్లలో ప్రత్యేక కౌంటర్ల ఏర్పాటు మొక్కుబడి తంతుగా మారింది. స్థానిక ఎమ్మెల్యేల నుంచి ముఖ్యనేత వరకు భారీగా నెలవారీ ముడుపులు అందుతుండడంవల్లే ప్రభుత్వం ధరల పెరుగుదలను అరికట్టడంలేదన్న వాదన వినిపిస్తోంది. పిల్లలకు కడుపు నిండేదెలా?.. ఇక పాలు, కోడిగుడ్లు, కందిపప్పు, చికెన్, పంచదార ఇలా అన్ని ధరలు విపరీతంగా పెరిగిపోవడంతో పిల్లలకు బలవర్థకమైన ఆహారం ఎలా పెట్టేదంటూ తల్లిదండ్రులు వాపోతున్నారు. చంద్రబాబు అధికారం చేపట్టిన తర్వాత పాలు లీటరుకు రూ.12పైనే పెరిగిందని.. అలాగే, ఐదు రూపాయలకు దొరికే కోడిగుడ్డు ఇప్పుడు రూ.8 పెట్టినా దొరకడంలేదని, చివరకు పంచదార కూడా రూ.30 నుంచి రూ.75కి పెరిగిపోయిందని వారు దుమ్మెత్తిపోస్తున్నారు. చివరకు కూరగాయల ధరలు కూడా సామాన్యులకు అందుబాటులో లేకుండాపోతున్నాయి. టమాటా, వంకాయ, బీరకాయ, కాకరకాయ ఇలా ఏ కూరగాయ ధర చూసినా బహిరంగ మార్కెట్లో మండిపోతున్నాయి. ఉల్లి సైతం కిలో రూ.70–80 వరకు పలుకుతోంది. ఇది రూ.100కు చేరే అవకాశాలు లేకపోలేదని వ్యాపారస్తులు చెబుతున్నారు.బడాబాబులకు మాత్రం కారుచౌకగా భూములు..మరోవైపు నూనెలు, పçప్పుల ధరలు కూడా చుక్కలంటుతున్నాయి. నెలవారీ ఆదాయంలో ఆహార పదార్థాలకే అధిక మొత్తం వెచ్చించాల్సి వస్తోందని సామాన్య మధ్యతరగతి ప్రజలు ఆవేదన వ్యక్తంచేస్తున్నారు. ఇలా అన్ని ధరలు దడపుట్టిస్తున్నా పట్టించుకోని చంద్రబాబు సర్కారు కార్పొరేట్‌ సంస్థలకు మాత్రం రూ.కోట్ల విలువైన భూములను గంపగుత్తగా 99 పైసలకే కట్టబెడుతోంది. కేజీ బియ్యం రూ.100 పలుకుతుంటే.. అదే కార్పొరేట్లకు చంద్రబాబు సర్కారు ఎన్ని ఎకరాలైనా 99 పైసలకే ధారాదత్తం చేయడంపై ప్రజలు శాపనార్థాలు పెడుతున్నారు.షాక్‌ కొడుతున్న సన్న బియ్యం ధరలు.. మాది వ్యవసాయ కుటు­ంబం. బియ్యం ధరలు రోజు­రోజుకూ చుక్కలనం­టు­తు­న్నాయి. సన్న బియ్యం ధరలు షాక్‌ కొడుతున్నాయి. 26 కేజీ­ల బస్తా రూ.1,900–2,500 మధ్య పలుకు­తో­ంది. ఇలా అయితే ఏం తిని బతాకాలి? ధరల నియంత్రణను ప్రభుత్వం పట్టించుకోవడంలేదు. పప్పులు, నూనె ధరలూ మండిపోతున్నాయి. కూరగాయలైతే కొనలేని పరిస్థితి. – పగిడిపల్లి వినోద్, విశదల గ్రామం, గుంటూరు జిల్లా బియ్యం ధరలు ఇలా పెరిగితే ఎలా?బియ్యం 26 కిలోల బస్తాను గత నెలలో రూ.1700కు కొన్నాం. ఈనెలలో అది 2,500 అయింది. నెలలోనే రూ.800 పెరిగితే ఎలా బతకాలో మీరే చెప్పండి. అన్ని ధరలూ పెరిగాయి. ధరలను అదుపు చేయడంలో ఈ ప్రభుత్వం పూర్తిగా విఫలమైంది. వెంటనే బియ్యం ధరలు తగ్గించాలి. లేకుంటే పేదలు బతకలేరు. – బోరుగడ్డ భాగ్యమ్మ, మేడికొండూరు, గుంటూరు జిల్లాసామాన్యుడు బతకలేని పరిస్థితి.. రెండేళ్లలో అన్ని రకాల నిత్యావసర వస్తువుల రేట్లు రెట్టింపయ్యాయి. పావు బస్తా బియ్యం రూ.2,500, పప్పులు రూ.150–200 పెట్టందే దొరకడంలేదు. గతంలో వంద రూపాయలిస్తే పండ్లు వచ్చేవి. ఇప్పుడు అన్నీ కేజీలు లెక్కనే అమ్ముతున్నారు. కూలినాలీ చేసుకునే వారే కాదు.. సామాన్యులు కూడా బతకలేని పరిస్థితులున్నాయి. పాలకులకు ఇవేమీ పట్టడంలేదు. – బగాది పద్మ, మధురవాడ, విశాఖ

సాక్షి, అమరావతి: కేంద్ర చలనచిత్ర ధ్రువీకరణ బోర్డు (సీబీఎఫ్‌సీ)కు చెందిన ఈ–సినీ ప్రమాణ్‌ పోర్టల్‌ నుంచి దాదాపు 500 సినిమాలకు సంబంధించిన పత్రాలు లీకైనట్లు సినీదర్శకుడు, మా–ఏపీ వ్యవస్థాపకుడు దిలీప్‌రాజా వెల్లడించారు. విడుదలకు సిద్ధమవుతున్న సినిమాలకు సంబంధించిన కథలు, సెన్సార్‌ కట్స్‌ వివరాలు, పంపిణీ ఒప్పందాల సమాచారం బహిర్గతమవ­డం ఆందోళన కలిగిస్తోందన్నారు. ఆయన సో­వ­ు­వారం విజయవాడలో మీడియాతో మాట్లాడుతూ.. సెన్సార్‌ సర్టిఫికెట్‌ కోసం నిర్మాతలు సమర్పించిన స్క్రిప్టులు, బోర్డు సూచించిన కట్స్, పంపిణీదారులతో కుదుర్చుకున్న ఒప్పందాల వివరాలు సైబర్‌ నేరగాళ్ల చేతికి చిక్కినట్లు చెప్పారు. ‘లీకైన పత్రాలను గుర్తుతెలియని వ్యక్తి డిజిటల్‌ లైబ్రరీ ఇంటర్నెట్‌ ఆర్కైవ్‌లో అప్‌లోడ్‌ చేసినట్లు సమాచారం. మాజీ సీబీఎఫ్‌సీ చైర్మన్‌ ప్రసూన్‌జోషి పేరును పోలిన రష్యన్‌ డిస్‌ప్లే నేమ్‌తో ఈ ఫైళ్లను అందుబాటులో ఉంచినట్లు తెలుస్తోంది. సినిమా విడుదలకు ముందే కథలు, స్క్రీన్‌ప్లేలు బయటకు వస్తే వాటి సృజనాత్మక విలువ దెబ్బతినే ప్రమాదం ఉంది. కొత్త కథలను ఇతరులు అనుకరించడం లేదా దుర్వినియోగం చేయడం ద్వారా నిర్మాతలకు నష్టం వాటిల్లే అవకాశం ఉంది. పంపిణీ ఒప్పందాలు, లైసెన్సింగ్‌ ఫీజుల వివరాలు బయటపడితే సినిమా వ్యాపార చర్చలపైనా ప్రభావం పడవచ్చు. సెక్యూరిటీ ఆడిట్‌కు సీబీఎఫ్‌సీ ఈ–సినీ ప్రమాణ్‌ పోర్టల్‌ ద్వారా నిర్మాతలు ఆన్‌లైన్‌లో సెన్సార్‌ సర్టిఫికేషన్‌కు దరఖాస్తు చేసుకోవచ్చు. ఫీజుల చెల్లింపు, దరఖాస్తుల స్థితి పరిశీలన, సర్టిఫికెట్ల డౌన్‌లోడ్‌ వంటి సేవలు ఈ పోర్టల్‌లో అందుబాటులో ఉన్నాయి. పోర్టల్‌ భద్రతను సమీక్షించేందుకు సెక్యూరిటీ ఆడిట్‌ చేపట్టడంతోపాటు సైబర్‌ క్రైౖమ్‌ విభాగం, కేంద్ర ప్రభుత్వ సైబర్‌ భద్రతా సంస్థ సర్ట్‌–ఇన్‌కు ఫిర్యాదు చేసినట్లు సమాచారం. ఈ వ్యవహారంలో అసలు ఎంతమంది నిర్మాతలకు చెందిన సమాచారం లీకైంది, దాన్ని ఎవరెవరు డౌన్‌లోడ్‌ చేశారు, దుర్వినియోగం జరిగిందా అనే అంశాలపై స్పష్టత రావాల్సి ఉంది’ అని చెప్పారు. పోర్టల్‌ భద్రతను మరింత పటిష్టం చేసి, నిర్మాతల సున్నితమైన సమాచారాన్ని కాపాడాలని ఆయన కోరారు.

ఎర్రగుంట్ల: రాయలసీమ ముఖద్వారమైన కడప జిల్లాలోని డాక్టర్‌ ఎంవీఆర్‌ రాయలసీమ థర్మల్‌ పవర్‌ ప్రాజెక్టు(ఆర్టీపీపీ)లో బొగ్గు, నీటి నిల్వలు నిండుకోవడంతో విద్యుత్‌ ఉత్పత్తి తీవ్ర సంక్షోభంలో పడింది. ఈ ప్లాంట్‌లో మొత్తం ఆరు యూనిట్ల ద్వారా 1650 మెగావాట్ల విద్యుత్‌ ఉత్పత్తి జరగాల్సి ఉంది. ఇందులో మొదటి ఐదు యూనిట్లలో ఒక్కో దానికి 210 మెగావాట్లు, ఆరో యూనిట్‌కు 600 మెగావాట్ల ఉత్పత్తి సామర్థ్యం ఉంది. అయితే ప్రస్తుతం ఎదురవుతున్న బొగ్గు, నీటి కొరత కారణంగా 1650 మెగావాట్లకు కేవలం 1050 మెగావాట్ల విద్యుత్‌ ఉత్పత్తి మాత్రమే జరుగుతోంది. ప్లాంట్‌లోని అన్ని యూనిట్లు నిరంతరాయంగా నడవాలంటే రోజుకు 21 వేల టన్నుల బొగ్గు అవసరం ఉంది. ప్రస్తుతం కేవలం మూడు రోజులకు సరిపడే బొగ్గు నిల్వలు మాత్రమే ఉన్నాయి. ఏ రోజైనా బొగ్గు వ్యాగన్లు రావడం నిలిచిపోతే విద్యుత్‌ ఉత్పత్తి పూర్తిగా ఆగిపోయే ప్రమాదం స్పష్టంగా కనిపిస్తోంది. ప్లాంట్‌ నడవడానికి రోజుకు 70 క్యూసెక్కుల నీరు అవసరం కాగా, వర్షాలు లేక గండికోట, బ్రహ్మసాగర్‌ ప్రాజెక్టులలో నీటి సామర్థ్యం తగ్గిపోవడంతో ప్రస్తుతం ప్లాంట్‌ పరిధిలోని ఉన్న నీటితోనే కాలం వెళ్లదీస్తున్నారు.నాడు గట్టెక్కించిన వైఎస్‌ జగన్‌ .. గతంలో 2014 నుంచి 2019 మధ్య కాలంలోనూ ఆర్టీపీపీకి ఇలాంటి బొగ్గు గండం ఏర్పడి మనుగడ ప్రశ్నార్థకంగా మారింది. ఆ తర్వాత వచ్చిన వైఎస్సార్‌సీపీ ప్రభుత్వ హయాంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి తీసుకున్న పటిష్ట చర్యల కారణంగా బొగ్గు నిల్వలు ఏకంగా 3 లక్షల టన్నుల వరకు చేరాయి. ప్రస్తుత కూటమి ప్రభుత్వ నిర్లక్ష్య వైఖరి కారణంగా ప్లాంట్‌ మళ్లీ పాత రోజుల్లోకి జారుకుంది. ఈ తీవ్ర కొరతపై ఆర్టీపీపీ ప్రధాన ఇంజనీర్‌ వాసుదేవరావును వివరణ కోరగా, ప్రస్తుతం ప్లాంట్‌లో కేవలం మూడు రోజులకు సరిపడే బొగ్గు నిల్వలు మాత్రమే ఉన్నాయన్నారు. ప్రస్తుతం 1000 నుంచి 1050 మెగావాట్ల విద్యుత్‌ ఉత్పత్తి జరుగుతోందన్నారు. నీటి లభ్యత తక్కువగా ఉందన్నారు. ఏపీజెన్‌కో యాజమాన్యం ఆదేశాల మేరకే ఉత్పత్తి జరుగుతోందని ఆయన వివరించారు.

సాక్షి, అమరావతి: నామినేషన్‌ వేయనీయకుండా అడ్డుకోవడం ఒక దౌర్జన్యం.. నానా అవరోధాలను దాటుకుని నామినేషన్‌ సమర్పిస్తే, ఆ పత్రాలనే మాయం చేసి తిరస్కరించడం మరో దారుణం! అన్ని డాక్యుమెంట్లను స్వీకరించి, పరిశీలించి, సంతకాలు చేసి ఇచ్చిన తర్వాత అవే పత్రాలు లేవంటూ నామినేషన్‌ను తిరస్కరిస్తే దాన్ని ఏమనాలి? ఇది ఎన్నికల ప్రక్రియనా? అధికార దుర్వినియోగమా? లేక ప్రజాస్వామ్యాన్ని అపహాస్యం చేయడమా? ఆంధ్రప్రదేశ్‌లో స్థానిక ఎన్నికలను చంద్రబాబు సర్కార్‌ ఏ స్థాయికి దిగజార్చిందో తెలుసుకోవడానికి ఇదో ప్రబల నిదర్శనం.చంద్రబాబు డైరెక్షన్‌లో ప్రతిపక్ష అభ్యర్థులు నామినేషన్లు వేయనీయకుండా అడ్డుకోవడం నుంచి, నామినేషన్లు సమర్పించిన తర్వాత పత్రాలు లేవంటూ తిరస్కరించడం వరకు సాగుతున్న పరిణామాలు ఇందుకు ఉదాహరణ. తమ వద్ద అన్ని పత్రాలు సమర్పించినట్లు ఆధారాలు ఉన్నాయని అభ్యర్థులు చెబుతున్నా, నామినేషన్లు తిరస్కరణకు గురైతే వారికి న్యాయం చేసేదెవరు? రిటర్నింగ్‌ అధికారుల నిర్ణయాలపై అప్పీళ్లు చేసినా పరిష్కారం లభించకపోతే ప్రజాస్వామ్య ప్రక్రియపై ప్రజలకు విశ్వాసం ఎలా నిలుస్తుంది? మీరే పత్రాలు తీసేసి.. తిరస్కరించడం న్యాయమా? స్థానిక ఎన్నికల్లో ప్రతిపక్ష అభ్యర్థులు నామినేషన్లు వేయనీయకుండా ఎల్లో మూకలు, గంజాయి ముఠాలు, పోలీసులు కలిసి కాలకేయుల్లా అడ్డుకున్నారు. వారందరినీ దాటుకుని ఈ అరాచకాన్ని ఎదిరించి ఎలాగోలా నామినేషన్‌ సెంటర్లకు వచ్చి రిటర్నింగ్‌ అధికారికి నామినేషన్లను అందించారు. నామినేషన్‌ పేపర్లకు సంబంధించి అన్ని డాక్యుమెంట్లు సరిగ్గా ఉన్నాయని చెక్‌చేసి ధృవీకరించి అధికారికంగా రిటర్నింగ్‌ అధికారి సంతకం చేసి మరీ ఇచ్చారు. అంటే దానర్థం ఏమిటి? నామినేషన్‌ సరిగా ఉందనే కదా? కానీ అభ్యర్థులు వెళ్లిపోయిన తర్వాత కాలకేయులు, పచ్చమూకలు మళ్లీ రంగంలోకి వచ్చాయి. వాళ్లు సూచించిన నామినేషన్లలో కొన్ని పేపర్లను తీసేశారు. కొన్ని డాక్యుమెంట్లు మాయం చేసేశారు. చివరకు అవి లేవంటూ ఆ నామినేషన్లను తిరస్కరించారు. ఇది ‘సర్‌’ కన్నా ఘోరం. ఇంతకన్నా దుర్మార్గం ఉంటుందా? ఇంతకన్నా ఘోరం ఉంటుందా? ఇది ‘సర్‌’ కన్నా దారుణం. మాటలలో వర్ణించలేని ద్రోహం. సర్‌ ప్రక్రియ వల్ల ఒక ఓటు పోతుందంటే ఎంతో ఘోరం అని మనం అంటున్నాం. అలాంటిది ఒక ఎంపీటీసీ లేదా జడ్‌పీటీసీ లేదంటే ఒక వార్డు కౌన్సిలర్‌ అయినా ఏవో దుర్మార్గమైన, దొంగ కారణాలు చెప్పి నామినేషన్‌ లేదంటే ఎంత ఘోరం? ఎన్ని వేలమందికి చేసిన అన్యాయమది? ఒక ఎంపీటీసీ నామినేషన్‌ తీసేయడమంటే మొత్తం మండలంలోని ఓటర్లందరినీ తీసేసినట్టే. ఎందుకంటే పోటీలేదంటే ఇక ప్రజాభిప్రాయానికిచోటు లేనట్లే కదా.. ఆర్డీవోల వద్దా అదే అన్యాయం తాము ఎంచుకున్న నామినేషన్లను తీసేయడానికి రిటర్నింగ్‌ అధికారులను పచ్చమూకలు పచ్చిగా వాడుకున్నాయి. నామినేషన్‌ వేసేటపుడే అన్నీ ఇచ్చామని, తాము అన్నీ ఇచ్చినట్లు ఆర్‌వోలు ఇచ్చిన లేఖలు ఇవిగో అంటూ ఆర్డీవోల వద్దకు అభ్యర్థులు అప్పీలుకు వెళితే అక్కడా ఇదే రకమైన అన్యాయం. అధికారాన్ని అడ్డుపెట్టుకుని ఆర్‌వోలను వాడుకుని ఇలా నామినేషన్లను తిరస్కరించడం అత్యంత దుర్మార్గమని ప్రజాస్వామికవాదులంతా ముక్తకంఠంతో ఖండిస్తున్నారు.ఇంత పతనం.. సమాజానికే ప్రమాదం..ఉన్నత చదువులు చదివిన అధికారులు.. ఉన్నతంగా బ్రతకాలి.. మనస్సాక్షిని, నైతిక విలువలను వదిలిపెట్టి దిగజారకూడదు. కిరాయి గూండాలు, రౌడీలు వైఎస్సార్‌సీపీ అభ్యర్థుల నామినేషన్‌ పత్రాలను బయట చించివేస్తే.. మీరు అభ్యర్థుల నామినేషన్‌ పత్రాలను అధికారికంగా మీ ఆఫీసులో చించేశారు.. మీకు వాళ్లకు తేడా ఏముంది. భవిష్యత్తులో మీ మీద మీరే నమ్మకం కోల్పోయే స్థితి వస్తుంది. ఒక ఉన్నతాధికారి ఇంత నైతికంగా పతనమై ఉద్యోగం చేయడం సమాజానికే ప్రమాదం. ఈ రోజు ఎందరో రాజకీయ భవిష్యత్తును దెబ్బకొట్టిన మీరు కూడా భవిష్యత్తులో పశ్చాత్తాపం పడే రోజు తప్పక వస్తుంది. ఈ రోజు తప్పు చేసిన మీ అందరిపై మా శక్తి మేరకు న్యాయ పోరాటం కొనసాగుతుంది. – చెవిరెడ్డి భాస్కరరెడ్డి, వైఎస్సార్‌సీపీ రాష్ట్ర ప్రధాన కార్యదర్శి

తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌ రెడ్డి మంగళ, బుధవారాల్లో (అక్టోబర్‌ 27, 28) పులివెందులలో పర్యటిస్తారు. మంగళవారం ఉదయం 10.30 గంటల నుంచి క్యాంపు ఆఫీసులో ప్రజలను కలవనున్నారు. బుధవారం పులివెందుల నుంచి తిరిగి తాడేపల్లికి చేరుకోనున్నారు. ఇదీ చదవండి: మాజీ ఎమ్మెల్యే హఫీజ్ ఖాన్‌పై టీడీపీ గూండాలు దాడికి యత్నం

ఢిల్లీ : ఏపీ రాష్ట్ర ఎన్నికల సంఘం వైఫల్యాలపై సమగ్ర విచారణ జరపాలని కోరుతూ రాష్ట్రపతి ద్రౌపది ముర్ము, గవర్నర్‌ అబ్దుల్‌ నజీర్‌లకు వైఎస్సార్‌సీపీ ఎంపీ గురుమూర్తి లేఖ రాశారు. స్థానిక సంస్థల ఎన్నికలలో అక్రమాలపై నిష్పక్షపాత విచారణ జరిపించాలని లేఖలో పేర్కొన్నారు. ఏపీ స్థానిక ఎన్నికల్లో అక్రమలు, హింస, నామినేషన్‌ అడ్డగింతలపై లేఖ ద్వారా వివరించారు. ‘అన్నమయ్య, కడప, చిత్తూరు, తిరుపతి తదితర జిల్లాల్లో ప్రతిపక్ష అభ్యర్థులపై దాడులు, బెదిరింపులకు దిగారు. పుంగనూరులో రాజంపేట ఎంపీ మిథున్ రెడ్డిపై దాడి.. వాహనాలు ధ్వంసం, నిప్పంటించడం వంటివి జరిగాయి. 222 వార్డుల్లో ఒక్క నామినేషన్ కూడా దాఖలు కాలేదు. కడపలో 66 వార్డులకు 11, మైదుకూరులో 32కు 4, రాజంపేటలో 32కు 7 నామినేషన్లు మాత్రమే పడ్డాయి. 1,345 మంది అభ్యర్థులు నామినేషన్ సమయంలో అడ్డంకులు ఎదుర్కొన్నారు. పోలీసుల పక్షపాతం, ఎన్నికల సంఘం వైఖరిపై నిష్పక్షపాత విచారణ చేపట్టాలి. కేంద్ర బలగాలు, విశ్రాంత న్యాయమూర్తి పర్యవేక్షణతో స్వేచ్ఛాయుత ఎన్నికలు జరిగాలి’ అని ఎంపీ గురుమూర్తి విజ్ఞప్తి చేశారు. ఇదీ చదవండి: కూటమి కుట్రలు.. నకిలీ నామినేషన్లు..!

సాక్షి,తాడేపల్లి: చెస్‌ క్రీడాకారుడు, గ్రాండ్‌మాస్టర్‌ ఎం.ఆర్‌. లలిత్‌ బాబుకు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి అభినందనలు తెలిపారు. జర్మనీ వేదికగా జరిగిన 43వ మున్‌స్టర్‌లాండ్‌ ఓపెన్‌–2026 చెస్‌ టోర్నమెంట్‌లో అద్భుత విజయం సాధించి, ఛాంపియన్‌గా నిలవడంపై హర్షం వ్యక్తం చేశారు.విజయవాడకు చెందిన లలిత్‌ బాబు తన అసాధారణ ప్రతిభ, పట్టుదలతో అంతర్జాతీయ వేదికపై మరోసారి సత్తా చాటారని వైఎస్‌ జగన్ పేర్కొన్నారు. ఆంధ్రప్రదేశ్‌తో పాటు దేశ చెస్‌ క్రీడకు ఆయన గర్వకారణంగా నిలిచారని, వర్ధమాన యువ క్రీడాకారులకు లలిత్ ప్రయాణం ఎంతో స్ఫూర్తిదాయకమని కొనియాడారు. భవిష్యత్తులోనూ లలిత్‌ బాబు మరిన్ని గొప్ప విజయాలు సాధించి, రాష్ట్రానికి, దేశానికి మరింత పేరు ప్రఖ్యాతలు తీసుకురావాలని మనసారా ఆకాంక్షిస్తున్నట్లు తెలిపారు. A proud moment for Andhra Pradesh and Indian chess! Grandmaster M. R. Lalith Babu, from Vijayawada, has won the 43rd Münsterland Open 2026 in Germany. With skill and determination, he delivered a strong performance to claim the title. Well done, Lalith Babu! Your success will encourage many young players to pursue their dreams. Wishing you many more victories ahead! @lalitrohit93— YS Jagan Mohan Reddy (@ysjagan) October 26, 2026

సాక్షి,తాడేపల్లి : మహర్షి వాల్మీకి జయంతి వేడుకల సందర్భంగా వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి ఆదికవికి ఘనంగా నివాళులర్పించారు. ఈ మేరకు ఆయన ఎక్స్ వేదికగా ట్వీట్ చేశారు.‘సత్యం, ధర్మం, న్యాయం, మానవీయ విలువల ఔన్నత్యాన్ని రామాయణ మహాకావ్యం ద్వారా ప్రపంచానికి చాటిచెప్పిన ఆదికవి వాల్మీకి మహర్షి గారు. ఆయన రచించిన రామాయణం భారతీయ సంస్కృతికి అమూల్యమైన సాహిత్య సంపద’ అని వైఎస్ జగన్ తన ట్వీట్‌లో కొనియాడారు. వాల్మీకి మహర్షి జయంతి సందర్భంగా ప్రజలందరికీ ఆయన శుభాకాంక్షలు తెలిపారు. సత్యం, ధర్మం, న్యాయం, మానవీయ విలువల ఔన్నత్యాన్ని రామాయణ మహాకావ్యం ద్వారా ప్రపంచానికి చాటిచెప్పిన ఆదికవి వాల్మీకి మహర్షి గారు. ఆయన రచించిన రామాయణం భారతీయ సంస్కృతికి అమూల్యమైన సాహిత్య సంపద. వాల్మీకి మహర్షి గారి జయంతి సందర్భంగా నివాళులు. #ValmikiJayanti https://t.co/tliKWawS9V— YS Jagan Mohan Reddy (@ysjagan) October 26, 2026

సాక్షి,అనంతపురం: తాడిపత్రిలో ఉద్రిక్తతలు చోటు చేసుకున్నాయి. మాజీ ఎమ్మెల్యే కేతిరెడ్డి పెద్దారెడ్డిపై చర్యలు తీసుకోవాలని డిమాండ్ చేస్తూ జేసీ ప్రభాకర్ రెడ్డి అనుచరులతో కలిసి పోలీస్ స్టేషన్ ఎదుట హల్చల్‌ చేశారు. పీఎస్ ముందే మంచం వేసుకుని బైఠాయించారు. మాజీ ఎమ్మెల్యే కేతిరెడ్డి పెద్దారెడ్డి తన స్వగ్రామం తిమ్మంపల్లికి వెళ్లడాన్ని జీర్ణించుకోలేకపోయిన జేసీ వర్గీయులు రెచ్చిపోయారు. జేసీ ప్రభాకర్ రెడ్డి సమక్షంలోనే ఆయన అనుచరులు విచక్షణా రహితంగా రాళ్ల దాడులకు పాల్పడ్డారు. తాడిపత్రిలోని గన్నేవారిపల్లి కాలనీలో వైఎస్సార్‌సీపీకి చెందిన నలుగురు కార్యకర్తల ఇళ్లపై జేసీ వర్గీయులు దాష్టికానికి పాల్పడ్డారు. మాజీ ఎమ్మెల్యే కేతిరెడ్డి పెద్దారెడ్డి ఇంటితో పాటు వైఎస్సార్‌సీపీ నేతల నివాసాలపై రాళ్ల వర్షం కురిపించారు. ఈ దాడిలో వైఎస్సార్‌సీపీ నేత ప్రదీప్ రెడ్డికి తీవ్ర గాయాలయ్యాయి. వెంటనే అప్రమత్తమైన స్థానికులు, కుటుంబ సభ్యులు ఆయనను మెరుగైన చికిత్స నిమిత్తం ఆసుపత్రికి తరలించారు.పోలీసుల తీరుపై తీవ్ర విమర్శలుఈ ఘటనలో టీడీపీ నేత జేసీ ప్రభాకర్ రెడ్డి, ఆయన అనుచరులు ప్రత్యక్షంగా పాల్గొని దాడులను ప్రోత్సహించినప్పటికీ, పోలీసులు ప్రేక్షక పాత్ర వహించారు. బాధితులు నేరుగా ఫిర్యాదు చేసినా జేసీ వర్గీయులపై కేసులు నమోదు చేయలేదు. మరోవైపు, స్వగ్రామం తిమ్మంపల్లికి వెళ్లిన మాజీ ఎమ్మెల్యే కేతిరెడ్డి పెద్దారెడ్డిని అక్కడి నుండి రాత్రికి రాత్రే బలవంతంగా అనంతపురం తరలించారు. అంతేకాకుండా, కానిస్టేబుళ్ల ఫిర్యాదు మేరకు కేతిరెడ్డి పెద్దారెడ్డిపై పోలీసులు అక్రమ కేసులు బనాయించడం స్థానికంగా తీవ్ర చర్చనీయాంశమైంది. ఒకే ఘటనలో బాధితులు ఫిర్యాదు చేసినా చర్యలు లేకపోగా, విపక్ష నేతలపై ఏకపక్షంగా కేసులు నమోదు చేయడంపై తాడిపత్రి పోలీసుల తీరుపై సర్వత్రా విమర్శలు వ్యక్తమవుతున్నాయి.ఇదీ చదవండి : టీడీపీ వల.. జనసేన విలవిల!

సాక్షి,గుంటూరు : పొన్నూరు మండలంలో విషాదం చోటు చేసుకుంది. బ్రాహ్మణ కోడూరు గ్రామంలో ఇద్దరు చిన్నారులు మృతి చెందారు. ఆదివారం రాత్రి బిర్యానీ తిన్న అనంతరం అస్వస్థతకు గురయ్యారు. అప్రమత్తమైన కుటుంబసభ్యులు,స్థానికులు చిన్నారుల్ని అత్యవసర చికిత్స నిమిత్తం ఆస్పత్రికి తరలించారు.పరిస్థితి విషమించడంతో చికిత్స పొందుతూ మృతి చెందారు. అయితే, సవతి తల్లి మేరీ పిల్లలకు విషమిచ్చి చంపిందని బంధువులు ఆరోపణలు చేస్తున్నారు. చిన్నారుల మృతదేహాలతో బంధువులు, గ్రామస్తులు ఆందోళన చేపట్టారు. సవతి తల్లి మేరీని తమకు అప్పగించాలని పీఎస్‌ ఎదుట ధర్నాకు దిగారు. పోలీసు జీపుపై బంధువులు దాడికి దిగారు. దీంతో అర్ధరాత్రి తీవ్ర ఉద్రిక్తత చోటు చేసుకుంది.

‘జనసేన పార్టీ అభ్యర్థులకు డిపాజిట్లు కూడా రాకూడదు. వాళ్లకు ఎవరూ ఓట్లేయొద్దు. వాళ్లను ఓడించండి’ అని చంద్రబాబుకు అత్యంత సన్నిహితుడైన మంత్రి నారాయణ టీడీపీ శ్రేణులకు టెలీకాన్ఫరెన్స్‌ ద్వారా పిలుపునిచ్చారు. ఆ వ్యాఖ్యల తాలూకు ఆడియో వైరల్‌ కావడంతో టీడీపీ నిజ స్వరూపాన్ని బట్టబయలు చేసింది.సాక్షి, అమరావతి: రాష్ట్రవ్యాప్తంగా టీడీపీ పొత్తు ధర్మాన్ని విస్మరించి నీతిబాహ్యమైన రాజకీయాలు చేస్తోందని పలు ఘటనలు తేటతెల్లం చేస్తున్నాయి. కూటమి.. కూటమి అంటూ మిత్రపక్షంగా ఉంటూనే, స్థానిక సంస్థల ఎన్నికల్లో చంద్రబాబు వెన్నుపోటు రాజకీయాలకు బలి కావాల్సి వస్తోందని జనసేన శ్రేణులు రగిలిపోతున్నాయి. పొత్తుల్లో జనసేన పార్టీకి కేటాయించిన చోట్ల కూడా తాము పోటీ చేసే పరిస్థితి లేకుండా టీడీపీ చేస్తున్న రాజకీయం తమకు అర్థం కావడం లేదని, ఇది దుర్మార్గమని నిప్పులు చెరుగుతున్నారు. ఈ విషయాన్ని తమ పార్టీ అధిష్టానం దృష్టికి తీసుకెళ్లినా, పట్టించుకోవడం లేదని వాపోతున్నారు. స్థానిక సంస్థల ఎన్నికల్లో అధికార పార్టీ గూండాలు ప్రతిపక్ష వైఎస్సార్‌సీపీ అభ్యర్థులతో పాటు కొన్ని చోట్ల జనసేన వాళ్లను కూడా నామినేషన్లు వేయకుండా అడ్డుకొని దాడులు చేశారు. తమకు నచ్చని జనసేన నేతల నామినేషన్లను అధికారులపై ఒత్తిడి తెచ్చి స్వల్ప కారణాలతో చెల్లని జాబితాలో చేర్చారు. మరికొన్ని చోట్ల జనసేన పార్టీ బీ ఫారంతో పోటీలో నిలిచిన పలువురు అభ్యర్థులకు వ్యతిరేకంగా రెబల్స్‌ పేరిట టీడీపీ నేతలు నామినేషన్లు దాఖలు చేశారు. పల్నాడు జిల్లా బెల్లంకొండ మండలం గంగిరెడ్డి పాలెంలో జనసేన ఎంపీటీసీ అభ్యర్థిగా నామినేషన్‌∙దాఖలుకు వెళ్లిన శ్రావణిపై టీడీపీ నేతలు దాడి చేసి నామినేషన్‌ పత్రాలు చించివేశారు. దీంతో ఆ పార్టీ నేతలు ‘పొత్తులో ఉన్నామా.. ప్రతిపక్షంలో ఉన్నామా’ అని ప్రశ్నిస్తున్నా పట్టించుకున్న వారే లేరు. తిరుపతి జిల్లా రైల్వే కోడూరు ఎంపీపీ పదవిని జనసేనకు కేటాయించగా.. ఆ మండలంలో అన్ని ఎంపీటీసీ స్థానాలకు టీడీపీ నేతలు నామినేషన్లు వేయడంతో టీడీపీ శ్రేణులే ఆశ్చర్యపోతున్నాయి. పొత్తు ధర్మాన్ని టీడీపీ తుంగలోకి తొక్కుతోందని జనసేన కార్యకర్తలు ఆవేదన వ్యక్తం చేస్తున్నారు. జనసేనకు డిపాజిట్‌ రావొద్దునగర కార్పోరేషన్, మున్సిపాలిటీలలోని డివిజన్లు, వార్డుల్లో కూటమి సర్దుబాటు ప్రక్రియ స్థానిక స్థాయిలో నిర్ణయించుకోవాలని మూడు పార్టీల పెద్దలు తేల్చ­­డంతో మొత్తం 72 డివిజన్లు ఉన్న నెల్లూరు కార్పొరేషన్‌లో జనసేన 30 శాతం వాటా కావాలని కోరింది. స్థానిక టీడీపీ ఎమ్మెల్యేలు ససేమిరా అన్నారు. జనసేన రాష్ట్ర నేత శివశంకర్‌ నెల్లూరులో వారం రోజులపాటు మకాం వేసి మంత్రులు నారాయణ, ఆనం రామనారాయణరెడ్డి, ఎమ్మెల్యేలు వేమిరెడ్డి ప్రశాంతిరెడ్డి, కోటంరెడ్డి శ్రీధర్‌రెడ్డితో చర్చించినా, 30 శాతం సీట్లిచ్చేందుకు ఒప్పుకోలేదు. దీంతో నెల్లూరులో జనసేన ఒంటరిగానే పోటీ చేస్తుందని దసరా పండుగ రోజున శివశంకర్‌ ప్రకటించారు. ఆ తర్వాత మంత్రి నారాయణ, ఇతర టీడీపీ నాయకులు.. జనసేన నాయకుల మధ్య విభేదాలు సృష్టించారు. జనసేన నేత కాకు మురళీరెడ్డి నెల్లూరు మేయర్‌ అభ్యర్థిగా పోటీలో ఉన్నారు. మరోవైపు, నెల్లూరు సిటీ పరిధిలో 6, 15, 21, 71 డివిజన్లను జనసేనకు కేటాయించారు. అయితే ఇందులో ఆరో డివిజన్లో బీజేపీ అభ్యర్థిని మంత్రి నారాయణ పోటీకి దింపారు. అక్కడ బీజేపీకే ఓటేయాలని.. జనసేనకు డిపాజిట్లు రాకుండా చేయాలని టీడీపీ శ్రేణులకు దిశానిర్దేశం చేశారు. ఈ వ్యాఖ్యల వీడియో సోషల్‌ మీడియాలో హల్‌చల్‌ చేస్తోంది. పొత్తులో జనసేనకు తగిన ప్రాధాన్యత ఇవ్వకపోగా, ఆ పార్టీ అభ్యర్థులు పోటీ చేసే చోట ఏకంగా డిపాజిట్లు కూడా రాకుండా ఓడించాలనడంపై జనసేన శ్రేణులు తీవ్ర స్థాయిలో మండిపడుతున్నాయి. పొత్తులన్నీ కాగితాల్లోనే అంటూ ఆవేదన వ్యక్తం చేస్తున్నాయి. టీడీపీ సహకారంపై అనుమానం పొత్తులో భాగంగా ప్రస్తుతం ఎన్నికలు జరుగుతున్న 13 నగర కార్పొరేషన్లలో ఏలూరు, విజయవాడ జనసేనకు కేటాయించగా.. ఆయా చోట్ల టీడీపీ నేతల సహకారంపై జనసేన నేతలు అనుమానం వ్యక్తం చేస్తున్నారు. విజయవాడ కార్పొరేషన్‌లో రిటైర్డు పోలీసు అధికారి ఏబీ వెంకటేశ్వరరావు పోటీలో ఉన్న నేపథ్యంలో.. ఆదివారం విజయవాడలో జరిగిన జనసేన నాయకుల సమావేశంలో పలువురు జనసేన నాయకులు టీడీపీ నేతల సహకారంపై అనుమానాలు వ్యక్తం చేశారు. మరోవైపు, జనసేన అభ్యర్థులు పోటీ చేస్తున్న ఆరు డివిజన్లలో టీడీపీ నేతలు రెబల్స్‌ పేరిట పోటీ చేస్తుండడం గమనార్హం. ఏలూరు కార్పొరేషన్‌ ఎన్నికల్లో జనసేన అభ్యర్థి ప్రచారంలో స్థానిక టీడీపీ ఎమ్మెల్యే బడేటి చంటి పాల్గొంటున్నప్పటికీ, ఆయన తెరవెనుక ఎన్నికల రాజకీయాల్లో అంటీముట్టనట్టే వ్యవహరిస్తున్నారని జనసేన నాయకులు ఆరోపిస్తున్నారు.మదనపల్లె మున్సిపాలిటీలో జనసేనకు కేటాయించిన సీట్లలోనూ టీడీపీ అభ్యర్థులు పోటీలో ఉన్నారు. దీనిపై అదే పట్టణానికి చెందిన జనసేన పార్టీ రాష్ట్ర సంయుక్త కార్యదర్శి, ఏపీఐఐసీ డైరెక్టర్‌ మైఫోర్స్‌ మహేష్‌ టీడీపీ ఎమ్మెల్యే షాజహాన్‌ బాషాకు రాసిన లేఖ రాజకీయ వర్గాల్లో కలకలం రేపింది. ‘మదనపల్లె మున్సిపాలిటీలో జనసేనకు కేటాయించిన వార్డుల్లో నాలుగింటిలో టీడీపీ అభ్యర్థులు కూడా పోటీలో ఉన్నారు. 1, 2, 34, 43 వార్డుల్లో టీడీపీ అభ్యర్థులు కూడా (వీరికి టీడీపీ బీఫాం కూడా ఇచ్చింది) పోటీలో ఉన్నారు. దయచేసి వాళ్లను ఒప్పించండి. ఎన్డీయే కూటమి పొత్తు ధర్మాన్ని పాటించి, జనసేనకు కేటాయించిన వార్డుల్లో జనసేన పార్టీ అభ్యర్థులు గెలిచేలా కృషి చేయాలని కోరుతున్నాను’ అని లేఖలో పేర్కొన్నారు. ఇదే విషయమై అక్కడ పోటీ చేస్తున్న టీడీపీ చైర్మన్‌ అభ్యర్థికీ లేఖ రాశారు. ఆ లేఖలను ఆయన సామాజిక మాధ్యమం ‘ఎక్స్‌’లో పోస్ట్‌ చేశారు. అయితే నామినేషన్ల ఉపసంహరణ 22వ తేదీనే ముగిసినా, టీడీపీ అభ్యర్థులు ఇంకా పోటీలో కొనసాగుతున్నారు.అన్ని జిల్లాల్లోనూ అదే వెన్నుపోటు రాజకీయం» శ్రీకాకుళం జిల్లాలో 30 జెడ్పీసీటీ స్థానాలు ఉండగా, టీడీపీ అభ్యర్థులు ప్రతి మండలంలో నామి­నే­షన్లు దాఖలు చేశారు. జనసేనకు కేటాయించిన 4 జెడ్పీటీసీ స్థానా­లు, బీజేపీకి కేటాయించిన ఒక జెడ్పీటీసీ స్థానంలో కూడా టీడీపీ అభ్యర్థులు నామినేషన్లు వేశా­రు. » పార్వతీపురం మన్యం జిల్లా సాలూరు మున్సిపాలిటీ జనసేనకు కేటాయించగా.. టీడీపీ చైర్మన్‌ టికెట్‌ ఆశించిన ఇద్దరు నేతలు స్వతంత్ర అభ్యర్థులుగా పోటీలో ఉన్నారు. మంత్రి సంధ్యారాణి సొంత ప్రాంతంలో టీడీపీ నుంచి ఇద్దరు పోటీ చేస్తున్నా వారిని విరమింపజేయడానికి ప్రయత్నం చేయలేదు. పైగా ఒక అభ్యర్థికి ఆమె పూర్తి మద్దతు ఇస్తున్నారని జనసేన వర్గాలు పేర్కొంటున్నాయి. మరోవైపు టీడీపీ పట్టణ అధ్యక్షుడే చైర్మన్‌ అభ్యర్థిగా పోటీలో ఉండడంతో జనసేన నాయకులు కన్నీళ్లు పెట్టుకుంటున్నారు.» విశాఖలో ఈ నెల 15న ఎంపీ భరత్‌ నేతృత్వంలో జనసేన, టీడీపీ ఎమ్మెల్యేలు, నేతలతో సమావేశం జరిగింది. జీవీఎంసీలో మొత్తం 120 వార్డులుండగా.. 50 వార్డుల వరకు తమకు కేటాయించాలని జనసేన ఎమ్మెల్యేలు పట్టుబట్టారు. ఎంపీ భరత్‌ మాత్రం 21 స్థానా­లే ఇస్తామని చెప్పడంతో ససేమిరా అన్నారు. తమ పార్టీ బలంగా ఉన్న వార్డుల వివరాలు చెప్పినా పట్టించుకోకుండా జనసేనకు ఎక్కువ సీట్లు ఇస్తే ఓడిపోవడం ఖాయమనీ.. చివరగా 24 సీట్లు మాత్రమే ఇస్తామని భరత్‌ చెప్పారు. దీంతో ఎమ్మెల్యే పంచకర్ల పేపర్లను విసిరికొట్టి సమావేశం నుంచి వెళ్లిపోయారు. తర్వాత రోజు మళ్లీ మీటింగ్‌ నిర్వహించి 32 సీట్లు ఇస్తామని ఒప్పించినా.. జనసేన పోటీ చేస్తున్న 32 స్థానాల్లో 25 స్థానాల వరకు టీడీపీ నేతలు స్వతంత్రులుగా బరిలో ఉన్నారు. » నర్సీపట్నంలో టీడీపీ నిర్వాకంతో జనసేన రెండు వర్గాలుగా చీలిపోయింది. జనసేన 10 వా­ర్డులు అడగ్గా, 4 ఇస్తామని టీడీపీ చెప్పింది. దీని­కి జనసేన అంగీకరించకుండా అద్దేపల్లి సౌజ­న్యతో చైర్‌పర్సన్‌ అభ్యర్థిగా నామినేషన్‌ వే­యించారు. పార్టీ అధిష్టానం ఆదేశాలతో ఆమె వైదొలిగినా విభేదాలు సమసిపోలేదు. » కాకినాడ జిల్లా తుని మున్సిపాలిటీలో మొత్తం 36 వార్డుల్లో జనసేనకు 7 వార్డులు కేటాయించారు. అందులో ఒక చోట టీడీపీ అభ్యర్థి పోటీలో కొనసాగుతున్నాడు. » ఎన్టీఆర్‌ జిల్లా తిరువూరు మున్సిపాలిటీ జనసేన కేటాయించగా, మొదట టీడీపీ నేతలు చైర్‌పర్సన్‌పాటు 28 వార్డులకు నామినేషన్లు దాఖలు చేశారు. తర్వాత పలువురు తమ నామినేషన్లు ఉపసంహరించుకున్నప్పటికీ, జనసేనకు కేటాయించిన 3వ వార్డులో టీడీపీ నేత పోటీలో ఉన్నారు. టీడీపీ ఎమ్మెల్యేతో పాటు టీడీపీలో ఒక గ్రూపు సహకారం జనసేనకు లేదని పార్టీ శ్రేణులు వాపోతున్నాయి. » ప్రకాశం జిల్లా ఒంగోలు కార్పొరేషన్‌ ఎన్నికల్లో 18 డివిజన్లు జనసేన కోరగా, టీడీపీ ఏడుకు మాత్రమే అంగీకరించింది. మరో 9వార్డుల్లో జనసేన,టీడీపీ మధ్య స్నేహపూర్వక పోటీ ఉ­న్న­ట్లు టీడీపీ నేతలే వెల్లడించడం గమనార్హం.» దర్శి మునిసిపాలిటీ జనసేనకు కేటాయించినా, అక్కడ టీడీపీ నేత దారం సుబ్బారావును జనసేనలోకి పంపి పోటీ చేయించడంపై జనసేన శ్రేణులు ఆగ్రహం వ్యక్తం చేస్తున్నాయి. » కర్నూలులో మొత్తం 68 డివిజన్లు ఉండగా, నామినేషన్ల ఉపసంహరణ ముగిసిన తర్వాత 33, 35, 36, 37, 39, 42, 54వ వార్డుల్లో టీడీపీ, జనసేన పార్టీలు రెండూ బరిలో ఉన్నాయి. ఆదోని మున్సిపల్‌ చైర్‌పర్సన్‌ పదవికి జనసేన అభ్యర్థి స్వప్నను ఖరారు చేసినా, చివరి నిమిషంలో పొత్తు ధర్మమంటూ టీడీపీకి కేటాయించడంతో ఆదోని జనసేన కూటమి నుంచి విడిపోయింది. చైర్‌పర్సన్‌ స్థానానికి స్వతంత్ర అభ్యర్థిగా స్వప్న బరిలో నిలిచారు. ఎమ్మిగనూరులో 44 వార్డులు ఉండగా, 5 స్థానాల్లో టీడీపీ, జనసేన అభ్యర్థులు పోటీలో ఉన్నారు. గూడూరు నగర పంచాయతీలో జనసేన 4 స్థానాల్లో పోటీ చేస్తుండగా, కేవలం 21వ వార్డులో పోటీలో ఉన్న జనసేన అభ్యర్థి గుజ్జుల సోమేశ్వరికి మాత్రమే టీడీపీ మద్దతు తెలుపుతోంది. మిగిలిన ముగ్గురికి మద్దతు ఇవ్వడం లేదు. ఆయా స్థానాల్లో బీజేపీ, టీడీపీ నాయకులు కూడా పోటీలో ఉన్నారు.» చిత్తూరు కార్పొరేషన్‌లో జనసేనకు కేటాయించిన 21, 27, 44, 46, 53 డివిజన్లతో పాటు బీజేపీకి కేటాయించిన 32వ డివిజన్‌లోనూ టీడీపీ తరఫున అభ్యర్థులు బరిలో ఉన్నారు. టీడీపీ నేతలు వెన్నుపోటు పొడిచి తమపై ఆ పార్టీ అభ్యర్థులను దింపారని జనసేన, బీజేపీ అభ్యర్థులు దుమ్మెత్తిపోస్తున్నారు. జీడీ నెల్లూరు మండలంలో ఎంపీటీసీ స్థానానికి ఆ పార్టీ రాష్ట్ర నాయకుడు యుగంధర్‌ కుమార్తె కిరణ్మయి నామినేషన్ వేయగా, ఆమెపై పోటీగా టీడీపీ నుంచి ఏసుమణి నామినేషన్‌ వేశారు. తవణంపల్లె మండలంలో జనసేన ఎంపీటీసీ అభ్యర్థి గుర్రం మమతపై పోటీగా టీడీపీ నుంచి వెంకటేశ్వర చౌదరి నామినేషన్‌ వేశారు.» అనంతపురం జిల్లా మడకశిర మున్సిపాలిటీని జనసేనకు కేటాయించినా, అక్కడ జనసేన పార్టీ అధిష్టానం ఎస్‌.శ్రీనివాసరావు పేరును ప్రకటించింది. చివరి నిమిషంలో ఆయన్ను తప్పించి జిల్లా టీడీపీ కార్యనిర్వహక కార్యదర్శిగా ఉన్న రాధాకృష్ణను పార్టీలో చేర్చుకొని ఆయన భార్య శారదకు జనసేన చైర్మన్‌ సీటు కేటాయించింది. దీంతో జనసేన తొలుత ప్రకటించిన అభ్యర్థి ఎస్‌.శ్రీనివాసరావు ప్రస్తుతం స్వతంత్ర అభ్యర్థిగా పోటీలో ఉన్నారు.

సాక్షి, అమరావతి: రాజధాని అమరావతి పనులపై పెత్తనాన్ని మళ్లీ సింగపూర్‌ సంస్థ సుర్బానా–జురాంగ్‌ ఇండియా ప్రైవేట్‌ లిమిటెడ్‌ సంస్థకే కట్టబెట్టేందుకు చంద్రబాబు సర్కార్‌ సిద్ధమైంది. అదే సంస్థ ప్రోగ్రామ్‌ మేనేజ్‌మెంట్‌ కన్సల్టెన్సీ(పీజీఎంసీ)గా మరోసారి ఎంపికయ్యేలా నిబంధనలతో సీఆర్‌డీఏ (రాజధాని ప్రాంత అభివృద్ధి సంస్థ) టెండర్‌ నోటిఫికేషన్‌ జారీ చేసింది. బిడ్‌ల దాఖలుకు తుది గడువు నవంబర్‌ 5వతేదీ కాగా, అదే రోజు టెక్నికల్‌ బిడ్‌ తెరవనున్నారు. నవంబర్‌ 10న ఆర్థిక బిడ్‌ తెరిచి ఎల్‌–1గా నిలిచే సంస్థను పీజీఎంసీగా ఎంపిక చేయనున్నారు. పీజీఎంసీగా ఎంపికయ్యే సంస్థ మూడేళ్లపాటు సేవలు అందించనుంది. ఆ సంస్థ పనితీరు సంతృప్తికరంగా ఉంటే 12 నెలలకు ఒకసారి చొప్పున రెండుసార్లు అంటే 24 నెలలపాటు పీజీఎంసీగా పొడిగిస్తామని టెండర్‌లో సీఆర్‌డీఏ పేర్కొంది. మూడేళ్ల కాలానికి కన్సల్టెన్సీ ఫీజు కింద రూ.67,17,19,600 చెల్లిస్తామని తెలిపింది. మళ్లీ అదే సంస్థ ఎంపికయ్యేలా... 2024లో చంద్రబాబు సర్కార్‌ అధికారంలోకి వచ్చినప్పటి నుంచి రాజధాని పనుల పేరుతో ప్రపంచ బ్యాంకు, ఆసియా అభివృద్ధి బ్యాంకు (ఏడీబీ) నుంచి రూ.15 వేల కోట్లు, హడ్కో నుంచి రూ.11 వేల కోట్లు, నాబార్డు నుంచి రూ.7,387.70 కోట్లు సహా అంతర్జాతీయ, జాతీయ బ్యాంకులు, ఆర్థిక సంస్థల నుంచి రూ.47,687 కోట్ల మేర రుణం తీసుకుంది. ప్రపంచ బ్యాంకు, ఏడీబీ, జాతీయ, అంతర్జాతీయ బ్యాంకులు, ఆర్థిక సంస్థల నుంచి తీసుకున్న రుణంతో చేపట్టే పనుల పర్యవేక్షణకు 2024 నవంబర్‌ 15న పీజీఎంసీ నియామకానికి సీఆర్‌డీఏ టెండర్లు పిలిచింది. మూడేళ్ల పాటు పని చేసేందుకు రూ.59,77,77,000 కన్సల్టెన్సీ ఫీజుగా చెల్లించాలని కోట్‌ చేసిన సుర్బానా–జురాంగ్‌ సంస్థను పీజీఎంసీగా చంద్రబాబు సర్కార్‌ నియమించింది. సీఆర్‌డీఏ ఆధ్వర్యంలో చేపట్టిన పనులు కాకుండా.. ఏడీసీఎల్‌ (అమరావతి డెవలప్‌మెంట్‌ కార్పొరేషన్‌), ఏజీఐసీఎల్‌ (అమరావతి గ్రోత్‌ అండ్‌ ఇన్‌ఫ్రాస్ట్రక్చర్‌ కార్పొరేషన్‌) నేతృత్వంలో రూ.52,362.44 కోట్ల విలువైన 102 పనులను కాంట్రాక్టర్లకు ప్రభుత్వం అప్పగించింది. ఇవి కాకుండా మరో రూ.48,549.56 కోట్ల వ్యయంతో 39 పనులు చేపట్టాలని నిర్ణయించింది. ఈ పనులు చేపట్టేందుకు ప్రపంచ బ్యాంకు, ఏడీబీ సంయుక్తంగా మరో రూ.15 వేల కోట్ల రుణం ఇచ్చేందుకు సిద్ధంగా ఉన్నాయని.. ఇందుకు సంబంధించిన అనుమతి ప్రక్రియ తుది దశలో ఉందని సీఆర్‌డీఏ పేర్కొంది. అంటే మొత్తం రూ.1,00,912 కోట్ల వ్యయంతో 141 పనులను రాజధానిలో చేపట్టనుంది. పీజీఎంసీ సుర్బానా–జురాంగ్‌ సంస్థ గడువు 2027 జనవరితో ముగియనుంది. ఈ నేపథ్యంలో మళ్లీ పీజీఎంసీగా అదే సంస్థను నియమించేందుకు ప్రభుత్వం సిద్ధమైంది. ఈ క్రమంలో అదే సంస్థ పీజీఎంసీగా ఎంపికయ్యేలా నిబంధనలతో టెండర్‌ నోటిఫికేషన్‌ జారీ చేసింది. లోగుట్టు ముఖ్యనేతకే ఎరుక.. » టెండర్‌లో పేర్కొన్న ఆర్థిక అర్హతలు పరిశీలిస్తే ఇవి కేవలం సుర్బానా–జురాంగ్‌ కోసమే రూపొందించారని ఇంజనీరింగ్‌ నిపుణులు స్పష్టం చేస్తున్నారు. గత మూడేళ్లలో కన్సల్టెన్సీ సేవల ద్వారా వార్షికంగా సగటున కనీసం రూ.100 కోట్ల టర్నోవర్‌ ఉండాలనే నిబంధన విధించారు. జాయింట్‌ వెంచర్‌(జేవీ)కి అనుమతించినా లీడ్‌ మెంబర్‌కు కనీసం రూ.60 కోట్ల టర్నోవర్‌ ఉండాలని షరతు విధించారు. దీన్ని బట్టి జాతీయ కన్సల్టెన్సీ సంస్థలు టెండర్‌లో పాల్గొనకుండా అడ్డుకట్ట వేయడానికే ఈ నిబంధనలు పెట్టారని వెల్లడవుతోంది. » పీజీఎంసీ ఎంపిక ప్రక్రియ కోసం ఎంచుకున్న క్వాలిటీ అండ్‌ కాస్ట్‌ బేస్డ్‌ సెలెక్షన్‌(క్యూసీబీఎస్‌) విధానం అత్యంత లోపభూయిష్టంగా ఉందని నిపుణులు స్పష్టం చేస్తున్నారు. సాంకేతికతకు 80 శాతం, తక్కువ రేటు కోట్‌ చేస్తే కేవలం 20 శాతం మాత్రమే వెయిటేజీ ఇస్తామని టెండర్‌లో పేర్కొన్నారు. దీనివల్ల తక్కువ ధరకే కన్సల్టెన్సీ సేవలు అందిస్తామని ముందుకొచ్చిన సంస్థలను పక్కనపెట్టి సాంకేతికత, ఇంటర్వ్యూల పేరుతో నచ్చిన సంస్థకు ఎక్కువ మార్కులు కేటాయించి.. ఆ సంస్థకే అధిక ఫీజులు చెల్లించి పీజీఎంసీగా ఎంపిక చేయనున్నారన్నది స్పష్టమవుతోంది. » సింగపూర్‌ సంస్థ సుర్బానా–జురాంగ్‌ను మళ్లీ పీజీఎంసీగా ఎంపిక చేయడం కోసమే ముఖ్యనేత కనుసైగల మేరకు ఈ నిబంధనలతో టెండర్‌ నోటిఫికేషన్‌ జారీ చేశారని నిపుణులు చెబుతున్నారు.సింగపూర్‌ సంస్థను అడ్డుపెట్టుకుని.. » రాజధాని నిర్మాణ పనుల పర్యవేక్షణ, పెత్తనం మొత్తం పీజీఎంసీదే. » రూ.పది కోట్లు అంతకంటే ఎక్కువ అంచనాతో చేపట్టే ప్రతి పని అంచనా వ్యయం పెంచే ప్రతిపాదన ఆమోదం తెలపాల్సింది పీజీఎంసీనే. » అసెంబ్లీ, సచివాలయం, హైకోర్టు భవనాలు, సిగ్నేచర్‌ బ్రిడ్జి తదితర పనుల డిజైన్‌లను పీజీఎంసీ సమీక్షించాకే క్షేత్ర స్థాయిలో పనులు చేపట్టాలి. » పనుల పరిమాణంలో మార్పు వల్ల రూ.5 కోట్లు కంటే ఎక్కువ మొత్తం చెల్లించాలని కాంట్రాక్టర్‌ చేసిన ప్రతిపాదనను స్క్రూటినీ చేసేది పీజీఎంసీనే. » ప్రపంచ బ్యాంకు, ఏడీబీసహా అంతర్జాతీయ, జాతీయ బ్యాంకులు, ఆర్థిక సంస్థల నుంచి రుణాలు సకాలంలో విడుదలయ్యేందుకు అవసరమైన పనుల పురోగతి లక్ష్యాలను ధ్రువీకరించాల్సింది కూడా పీజీఎంసీనే. » 2024లో సింగపూర్‌ సంస్థ సుర్బానా–జురాంగ్‌ను పీజీఎంసీగా ఎంపిక చేసేలా ముఖ్యనేత చక్రం తిప్పారు. ఆ సంస్థను అడ్డుపెట్టుకుని పనుల అంచనా వ్యయాలను పెంచేసి.. అధిక ధరలకు సిండికేట్‌ కాంట్రాక్టర్లకు కట్టబెట్టారు. సింగపూర్‌ సంస్థను అడ్డుపెట్టుకుని పనుల డిజైన్‌లను ఇష్టారాజ్యంగా మార్చేసి.. ఆ ముసుగులో పనుల పరిమాణం పెరిగిందని చూపించి.. కాంట్రాక్టర్లకు అధిక మొత్తంలో బిల్లులు చెల్లించి.. కమీషన్లు వసూలు చేసుకుంటున్నారని ఇంజనీరింగ్‌ నిపుణులు పేర్కొంటున్నారు. ఈ దోపిడీ వల్లే రాజధానిలో భవన నిర్మాణ వ్యయం చదరపు అడుగు రూ.22 వేలకు చేరుకుందని.. రోడ్డు నిర్మాణ వ్యయం కి.మీ.కు సగటున రూ.60 కోట్లకు ఎగబాకిందని స్పష్టం చేస్తున్నారు. ఆ దోపిడీని నిరాటంకంగా కొనసాగించేందుకే మళ్లీ సింగపూర్‌ సంస్థనే పీజీఎంసీగా నియమించేలా చక్రం తిప్పుతున్నారని చెబుతున్నారు.

సాక్షి, అమరావతి: రాష్ట్రానికి అర్నాబ్‌ తుపాను ముప్పు ముంచుకొస్తోంది. దీని తీవ్రత ఎక్కువ ఉంటుందనే అంచనాతో 28వ తేదీన 12 జిల్లాలకు రెడ్‌ అలెర్ట్‌ జారీ చేశారు. బంగాళాఖాతంలో ప్రస్తుతం వాయుగుండంగా ఉన్నా.. అంతకంతకూ బలపడి సోమవారానికి తుపానుగా మారనుంది. ఆ తర్వాత కూడా ఇది తీవ్ర, అత్యంత తీవ్ర తుపానుగా మారుతుందని వాతావరణశాఖ తెలిపింది. తుపానుగా మారాక దీన్ని అర్నాబ్‌గా పిలుస్తారు. ఈ నెల 28న బాపట్ల–విశాఖపట్నం మధ్య కాకినాడ, యానాం వద్ద అతి తీవ్ర తుపానుగా తీరం దాటే అవకాశం ఉందని వాతావరణశాఖ అంచనా వేసింది. దీని ప్రభావంతో ఈ నెల 27, 28 తేదీల్లో కోస్తాంధ్రలో అతి భారీ వర్షాలు, 140 కిలోమీటర్ల వేగంతో పెనుగాలులు వీచే అవకాశం ఉందని హెచ్చరించింది. ఈ వాయుగుండం ఆదివారం సాయంత్రానికి విశాఖపట్నానికి 870 కిలోమీటర్లు, కాకినాడకు 960, మచిలీపట్నానికి 1,060, బాపట్లకు 1,130 కిలోమీటర్ల దూరంలో కేంద్రీకృతమై ఉంది. 28న 12 జిల్లాలకు రెడ్‌ అలర్ట్‌ తుపాను ప్రభావంతో ఈ నెల 28న విశాఖపట్నం, అల్లూరి సీతారామరాజు, అనకాపల్లి, కాకినాడ, డాక్టర్‌ బీఆర్‌ అంబేడ్కర్‌ కోనసీమ, తూర్పు గోదావరి, పశ్చిమ గోదావరి, ఏలూరు, ఎన్టీఆర్, కృష్ణా, గుంటూరు, బాపట్ల జిల్లాలకు రెడ్‌ అలర్ట్‌ జారీచేశారు. ఈ జిల్లాల్లో అత్యంత భారీవర్షాలు కురిసే అవకాశం ఉంది. 27వ తేదీన కాకినాడ, అంబేడ్కర్‌ కోనసీమ, తూర్పు గోదావరి, పశ్చిమ గోదావరి, ఏలూరు జిల్లాలకు రెడ్‌ అలెర్ట్‌ జారీచేశారు. ఈ జిల్లాల్లో కొన్నిచోట్ల 27వ తేదీన 20 నుంచి 30 సెంటీమీటర్ల వరకు వర్షాలు కురిసే అవకాశం ఉంది. ఈ నెల 27 ఉదయం నుంచి రాష్ట్ర తీరంలో గంటకు 40 నుంచి 50 కిలోమీటర్ల వేగంతో గాలులు వీచే అవకాశం ఉంది. మధ్యాహ్నానికి 60 నుంచి 70, సాయంత్రానికి 90 నుంచి 100 కిలోమీటర్ల వేగానికి పెరగవచ్చని వాతావరణశాఖ తెలిపింది. 28న ఉదయానికి గాలులు గంటకు 115 నుంచి 125 కిలోమీటర్ల వేగంతో.. గరిష్టంగా 140 కిలోమీటర్ల వేగంతో వీచే అవకాశం ఉంది. కాకినాడ, యానాం వద్ద అలల ముంపు ప్రమాదం తుపాను తీరం దాటే సమయంలో కాకినాడ, యానాం సమీపంలోని లోతట్టు ప్రాంతాల్లో సాధారణ సముద్రమట్టానికి అదనంగా 1 నుంచి 1.5 మీటర్ల ఎత్తువరకు సముద్రపు నీరు పెరిగే అవకాశం ఉందని వాతావరణశాఖ తెలిపింది. తీరప్రాంతాల్లో సముద్రం ఈ నెల 28న అత్యంత ప్రమాదకరస్థితికి చేరవచ్చని పేర్కొంది. ఈ నెల 27, 28 తేదీల్లో ఏపీ–ఒడిశా తీరాల వెంబడి మత్స్యకారులు సముద్రంలోకి వెళ్లవద్దని సూచించింది. తుపాను ప్రభావిత తీరప్రాంతాల్లో అవసరమైన ముందస్తు చర్యలు తీసుకోవాలని, లోతట్టు ప్రాంతాల ప్రజలను సురక్షిత ప్రాంతాలకు తరలించేందుకు సిద్ధంగా ఉండాలని అధికారులను కోరింది. అనుక్షణం అప్రమత్తంగా ఉండాలి అర్నబ్‌ తుపాను నేపథ్యంలో అనుక్షణం అప్రమత్తత, ముందస్తు ప్రణాళికతో అన్ని స్థాయిల్లో అధికార యంత్రాంగం పనిచేయాలని సీఎం చంద్రబాబు అధికారులను ఆదేశించారు. తుపాను ప్రభావం తీవ్రంగా ఉంటుందన్న వాతావరణ శాఖ సమాచారం నేపథ్యంలో అన్ని శాఖలు సమన్వయంతో వ్యవహరించాలని, ప్రజలకు ఎలాంటి ఇబ్బందులు రాకుండా చూడాలన్నారు. జిల్లా స్థాయిలో కంట్రోల్‌ రూంలు ఏర్పాటుచేసుకుని ప్రజలకు అవసరమైన సూచనలు చేయాలని చెప్పారు. ఎక్కడా ప్రాణ నష్టం జరగకూడదని, ఆస్తి నష్టం సాధ్యమైనంత మేర తగ్గించాలని సీఎం సూచించారు. తుపాను నేపథ్యంలో ఆదివారం 10 శాఖలు, జిల్లాల కలెక్టర్లతో ముఖ్యమంత్రి సమీక్షించారు. ప్రజల ఫోన్లకు నిరంతరం సమాచారం ఇచ్చి అప్రమత్తం చేయాలని ఆదేశించారు. సెల్‌ఫోన్‌ నెట్‌వర్క్‌ దెబ్బతింటే వెంటనే పునరుద్ధరించేలా ఏజెన్సీలను సిద్ధం చేయాలని అన్నారు. కోనసీమ–యానాం–కాకినాడలో తీరం దాటొచ్చు.. బంగాళాఖాతంలో కొనసాగుతున్న తీవ్ర వాయుగుండం తుపానుగా బలపడే అవకాశం ఉందని అధికారులు చంద్రబాబుకు వివరించారు. అక్టోబర్‌ 28 మధ్యాహ్నానికి బాపట్ల–విశాఖపట్నం మధ్య తీరం దాటే అవకాశం ఉందని.. ప్రస్తుత అంచనాల ప్రకారం కోనసీమ–యానాం–కాకినాడ తీర ప్రాంతంలో తీరం దాటొచ్చని చెప్పారు. ఇప్పుడు విశాఖపట్నానికి తూర్పు ఆగ్నేయంగా సుమారు 850 కిలోమీటర్లు, కాకినాడకు సుమారు 930 కిలోమీటర్ల దూరంలో వాయుగుండంగా ఉందని.. ఇది అక్టోబర్‌ 26 ఉదయానికి తుపానుగా, అదేరోజు రాత్రికి తీవ్ర తుపానుగా, 27న అతి తీవ్ర తుపానుగా బలపడుతుందని అధికారులు సీఎంకు వివరించారు. ఇక తీరం దాటే సమయంలో గంటకు 115–125 కిలోమీటర్ల వేగంతో గాలులు.. కొన్ని సందర్భాల్లో 140 కిలోమీటర్ల వేగంతోను వీచే అవకాశం ఉందని అధికారులు చెప్పారు. ప్రభావిత జిల్లాల్లో సగటున 22–29 సెం.మీ వర్షపాతం కురిసే అవకాశం ఉందన్నారు.

సాక్షి, అమరావతి: మహిళా రక్షణ, సాధికారతపై తరచూ గొప్పలు చెప్పుకునే తెలుగుదేశం పార్టీ డొల్లతనం దేశవ్యాప్తంగా మరోసారి బట్టబయలైంది. మహిళలపై వివిధ రకాల వేధింపులు, దాడులు, ఇతర సెక్షన్ల కింద కేసులు ఎదుర్కొంటున్న సిట్టింగ్‌ ఎంపీలు, ఎమ్మెల్యేల్లో దేశంలోనే టీడీపీ మూడో స్థానంలో నిలిచింది. ఎన్నికల సమయంలో దాఖలు చేసిన అఫిడవిట్ల విశ్లేషణలో ఈ విషయం బహిర్గతమైంది. ఈ విషయంలో బీజేపీ, కాంగ్రెస్‌ వరుసగా తొలి రెండు స్థానాల్లో నిలిచాయి. వాటి తరువాత మూడో స్థానంలో ఉన్న వెన్నుపోటు తెలుగుదేశం పార్టీ ప్రాంతీయ పార్టీల వారీగా దేశంలోనే అగ్రస్థానంలో నిలిచింది. ఆ పార్టీకి చెందిన 17 మంది శాసనసభ్యులు, ఒక ఎంపీపై మహి­ళలపై నేరాలకు సంబంధించిన కేసులు ఉన్నట్లు ప్రతిష్టాత్మక అసోసియేషన్‌ ఫర్‌ డెమోక్రటిక్‌ రిఫార్మ్స్‌ (ఏడీఆర్‌) నివేదిక వెల్లడించింది. దెందులూరు ఎమ్మెల్యే చింతమ­నేని ప్రభాకర్‌పై ఏకంగా అత్యాచారం కేసు కూడా ఉంది. మహిళల భద్రతకు పెద్దపీట వేస్తు­న్నామని చెబు­తున్న ముఖ్య­మంత్రి చంద్రబాబు.. సొంత పార్టీ ప్రజాప్రతినిధులపై నమోదైన ఈ కేసులపై ఏం సమాధానం చెబు­తారన్న ప్రశ్నలు ఉత్పన్నమవుతున్నా­యి. మహిళలపై అఘాయిత్యాలు, నేరాలకు సంబంధించి కేసులు ఎదుర్కొంటున్న ప్రజాప్రతినిధుల జాబితాలో టీడీపీ నేతలు పెద్ద సంఖ్యలో ఉండటం ఆ పార్టీ నైతికతను ప్రశ్నిస్తోంది. మహిళలపై నేరారోపణలు ఎదు­ర్కొంటు­న్న వ్యక్తులకు రాజకీయాల్లో ప్రాధాన్యతనిస్తూ వారికి రక్షణ కల్పి­స్తున్న టీడీపీ తీరు­పై సర్వత్రా విమర్శలు వ్యక్తమవుతున్నా­యి.అరాచకాల్లో పచ్చనేతలు: అసోసియేషన్‌ ఫర్‌ డెమోక్రటిక్‌ రిఫార్మ్స్‌ నివేదిక పేర్కొన్న ముఖ్యనేతల్లో చింతకా­యల అయ్యన్నపాత్రుడు (స్పీకర్‌), మంత్రులు వంగలపూడి అనిత, సవిత, పొంగూరు నారాయణ, ఎమ్మెల్యేలు చింతమ­నేని ప్రభాకర్, సోమిరెడ్డి చంద్రమోహన్‌ రెడ్డి, ప్రత్తిపాటి పుల్లారావు వంటి సీనియర్‌ నేతలు ఉన్నారు.నివేదికలోని కొన్ని ముఖ్యాంశాలు.. » మహిళలపై నేరాలకు సంబంధించి దేశ వ్యాప్తంగా ఉన్న ఎంపీ, ఎమ్మెల్యే అఫిడవిట్లను పరిశీలించిన ఏడీఆర్‌ 294 పేజీల విశ్లేషణను ఈ నెల 23న విడుదల చేసింది. » 2022 నుండి 2026 మధ్య జరిగిన ఎన్నికల సమయంలో అభ్యర్థులు (ఎంపీలు, ఎమ్మె­ల్యేలు) భారత ఎన్నికల సంఘానికి సమర్పించిన ఫారం–26 అఫిడవిట్ల నుంచి ఈ సమాచారాన్ని విశ్లేషించింది. » దేశంలోని రాష్ట్రాలు, కేంద్ర పాలిత ప్రాంతాలకు చెందిన దాదాపు 4,899 మంది ఎంపీ, ఎమ్మెల్యేల్లో 4,881 మంది ఎన్నికల అఫిడవిట్లను ఏడీఆర్‌ విశ్లేషించింది. తద్వారా ఐదేళ్లలో నమోదైన కేసులను పరిశీలించింది. » విశ్లేషించిన అఫిడవిట్లలో 772 ఎంపీలవికాగా, 4,109 మంది ఎమ్మెల్యేల అఫిడవిట్లు ఉన్నాయి. » రాజీనామా, మరణం, ఇతర కారణాల వల్ల స్థానాలు ఖాళీ అవ్వడం ద్వారా జరిగిన ఉప ఎన్నికలకు సంబంధించి సమర్పించిన అఫిడవిట్లను విశ్లేషణ ప్రక్రియలో ఏడీఆర్‌ చేసింది.

సాక్షి, అమరావతి: చంద్రబాబు ముఖ్యమంత్రి.. ఆయన కుమారుడు లోకేశ్‌ మంత్రి.. బావమరిది నందమూరి బాలకృష్ణ ఎమ్మెల్యే.. ఆయన అల్లుడు, నారా లోకేశ్‌ తోడల్లుడు భరత్‌ ఎంపీ.. ఇవీ చంద్రబాబు కుటుంబం అనుభవిస్తున్న రాజకీయ పదవులు. మేమేం తక్కువ తిన్నామా అన్నట్లు మంత్రులు, ఎమ్మెల్యేలు, సీనియర్‌ నేతలు కూడా సకుటుంబంగా స్థానిక ఎన్నికల పోటీలోకి దిగిపోయారు. అధినేత ఇంట్లోనే పదవులన్నీ ఉన్నప్పుడు తాము కూడా కుటుంబ సభ్యులకు పంచుకుంటే తప్పేంటన్న ధోరణిలో మంత్రులు, ఎమ్మెల్యేలు, ఎంపీలు స్థానిక ఎన్నికల్లో తమ వారసులు, కుటుంబసభ్యులను రంగంలోకి దించారు. జిల్లా పరిషత్‌ చైర్మన్‌ పీఠాన్ని భవిష్యత్‌ రాజకీయాలకు మెట్టుగా భావిస్తున్న నేతలు కొడుకులు, కుమార్తెలు, కోడళ్లు, భార్యలను జెడ్పీటీసీలుగా బరిలో నిలిపారు. ఏళ్ల తరబడి జెండా మోసిన కార్యకర్తలకు మాత్రం మొండిచేయే మిగిలింది. దీంతో పోటీ చేసేందుకు మాకు అర్హత లేదా? కేవలం జెండాలు మోయడమేనా మా పని అంటూ టీడీపీ కేడర్‌ రగిలిపోతోంది. వెన్నుపోటు పార్టీ కుటుంబ పార్టీగా కూడా మారిందని మండిపడుతున్నారు. మంత్రి మండిపల్లి ఇంట్లో పదవుల పందేరం అన్నమయ్య జిల్లాకు చెందిన మంత్రి మండిపల్లి రాంప్రసాద్‌రెడ్డి కుటుంబం ఇందుకు పరాకాష్ట. మంత్రి సోదరుడు లక్ష్మీప్రసాద్‌రెడ్డి టీడీపీ తరపున చిన్నమండెం మండలం నుంచి జెడ్పీటీసీ బరిలో దిగారు. ఆయన జెడ్పీ పీఠాన్ని ఆశిస్తున్నారు. చిన్నమండెం మండలం పడమటికోన, మల్లూరు ఎంపీటీసీ స్థానాలకు మంత్రి తల్లి సుశీలమ్మ, సతీమణి హరితమ్మ నామినేషన్లు వేశారు. ఎంపీపీ పీఠం కోసమే ఈ తాపత్రయం. ఇలా జిల్లా మొత్తాన్ని చేతిలో పెట్టుకోవాలన్నది వ్యూహం. స్పీకర్‌ ఇంట్లో మూడు పదవులు అసెంబ్లీ స్పీకర్‌ అయ్యన్నపాత్రుడి కుమారుడు చింతకాయల విజయ్‌కు ఇటీవలే రాజ్యసభ సభ్యుడి పదవి దక్కింది. ఇప్పుడు నర్సీపట్నం మున్సిపల్‌ చైర్‌పర్సన్‌ అభ్యర్థిగా అయ్యన్న సతీమణి పద్మావతిని టీడీపీ బరిలోకి దించింది. ఒకే ఇంట్లో స్పీకర్, రాజ్యసభ సభ్యుడు, ఇప్పుడు మున్సిపల్‌ చైర్‌పర్సన్‌ అభ్యర్థి. జెడ్పీ కోసం పరిటాల కుటుంబం సత్యసాయి జిల్లా జెడ్పీ పీఠం జనరల్‌కు కేటాయించ­డంతో రాప్తాడు ఎమ్మెల్యే పరిటాల సునీత తన కుమారుడు శ్రీరామ్‌ను చైర్మన్‌ బరిలోకి దింపారు. రాప్తాడు జెడ్పీటీసీ ఎస్సీకి రిజర్వ్‌ కావడంతో కదిరి నియోజకవర్గంలోని నల్లచెరువు మండలం నుంచి శ్రీరామ్‌తో నామినేషన్‌ వేయించారు. అక్కడ ఏళ్లుగా పార్టీ కోసం పనిచేస్తున్న స్థానిక నేతలను కాదని బయటి నుంచి వచ్చిన వారసుడికి సీటివ్వడంపై కదిరి టీడీపీ శ్రేణులు గుర్రుగా ఉన్నాయి. తిరుపతి జెడ్పీ పీఠం బరిలో కేంద్ర మాజీ మంత్రి పనబాక లక్ష్మి చిన్న కుమార్తె డాక్టర్‌ చేతన బరిలోకి దిగారు. అదే జిల్లాకు చెందిన మాజీ ఎమ్మెల్యే హేమలత నాగలాపురం, సత్యవేడు రెండు మండలాల నుంచి నామినేషన్లు వేశారు. బీసీ పీఠం రేసులోనూ నేతల కుటుంబాలే... కర్నూలు జెడ్పీ పీఠం బీసీకి రిజర్వ్‌ అయింది. జిల్లాలో బీసీ వర్గాల్లో దశాబ్దాలుగా పని చేస్తున్న నేతలు ఎంతో మంది ఉన్నా, ఈ పీఠం కోసం టీడీపీ నుంచి మాజీ మంత్రి కేఈ ప్రభాకర్‌ కుమారుడు రుద్రఫణి గౌడ్, కప్పట్రాళ్ల వెంకటప్పనాయుడు కుమార్తె బొజ్జమ్మ పోటీ పడుతున్నారు. డోన్‌ మున్సిపల్‌ చైర్‌పర్సన్‌ అభ్యర్థిగా ఎమ్మెల్యే కోట్ల జయసూర్యప్రకాశ్‌రెడ్డి తన సతీమణి కోట్ల సుజాతమ్మను బరిలోకి దించారు. ఆదోని మున్సిపల్‌ చైర్‌పర్సన్‌ అభ్యర్థిగా టీడీపీ మాజీ ఎమ్మెల్యే మీనాక్షి నాయుడు తన మేనకోడలు నాగమణిని బరిలోకి దించారు. ఏలూరులో ఎమ్మెల్యే కుమార్తె వర్సెస్‌ మాజీ ఎంపీ భార్య ఏలూరు జెడ్పీ పీఠం జనరల్‌ మహిళకు రిజర్వ్‌ కావడంతో దెందులూరు ఎమ్మెల్యే చింతమనేని ప్రభాకర్‌ తన కుమార్తె సాయి నవ్యశ్రీని పెదవేగి జెడ్పీటీసీగా బరిలోకి దించారు. మాజీ ఎంపీ మాగంటి బాబు సతీమణి పద్మవల్లీదేవి చింతలపూడి నియోజకవర్గం కామవరపుకోట నుంచి జెడ్పీటీసీగా నామినేషన్‌ దాఖలు చేశారు. కళా కుటుంబానికే... విజయనగరం జిల్లా పరిషత్‌ ఛైర్‌పర్సన్‌ పీఠం బీసీ మహిళకు రిజర్వ్‌ అయింది. ఈ పదవిని టీడీపీలో ఎంతో మంది సీనియర్‌ బీసీ మహిళా నేతలు ఆశించారు. కానీ పార్టీ రాష్ట్ర మాజీ అధ్యక్షుడు, చీపురుపల్లి ఎమ్మెల్యే కిమిడి కళా వెంకటరావు తన కోడలు కిమిడి సంధ్యతో గరివిడి జెడ్పీటీసీకి నామినేషన్‌ వేయించారు. ఏళ్ల తరబడి పార్టీ జెండా మోసిన తమను కాదని ఇంటి మనిషికే జెడ్పీ పీఠం కట్టబెట్టే ప్రయత్నంపై జిల్లాలో సీనియర్‌ నేతలు, కార్యకర్తలు కళాపై గుర్రుగా ఉన్నారు. సందట్లో సడేమియాలా ఇటీవలే పార్టీలో చేరిన మాజీ జెడ్పీ చైర్మన్‌ మజ్జి శ్రీనివాసరావు (చిన్న శ్రీను) తన కుమార్తె సిరిసహస్రతో తెర్లాం, కొత్తవలస రెండు మండలాల నుంచి నామినేషన్లు వేయించారు. పార్టీలో చేరి నెలలు కాకముందే వలస నేత కుమార్తెకు రెండు స్థానాలా అని పాత కార్యకర్తలు ప్రశ్నిస్తున్నారు. వీరితో పాటు మార్క్‌ఫెడ్‌ చైర్మన్‌ కర్రోతు బంగార్రాజు కుమార్తె చంద్రకళ భోగాపురం నుంచి జెడ్పీటీసీగా బరిలో దిగారు. ఒక్క బీసీ మహిళా పీఠం కోసం ముగ్గురు నేతల కుటుంబాలు పోటీ పడుతుంటే, పార్టీ కోసం పనిచేసిన బీసీ మహిళా కార్యకర్తలకు ఎప్పటికి న్యాయం జరుగుతుందని శ్రేణులు నిలదీస్తున్నాయి. మేయర్‌ పీఠమూ ఇంటికే... గుంటూరు మేయర్‌ అభ్యర్థిగా మాజీ మేయర్‌ కోవెలమూడి రవీంద్ర (నాని) సతీమణి కోవెలమూడి లక్ష్మీ అపర్ణను టీడీపీ బరిలోకి దించింది. సోషల్‌ ఇంజినీరింగ్‌ మాటలకే పరిమితం స్థానిక ఎన్నికల్లో సోషల్‌ రీ ఇంజినీరింగ్‌కు పెద్దపీట వేస్తామని, పార్టీ కోసం కష్టపడిన వారికి పదవులు ఇస్తామని చంద్రబాబు చెప్పిన మాటలు నీటిమూటలేనని ఈ పదవుల పందేరంతో స్పష్టమైంది. చంద్రబాబు ఇంట్లోనే కుటుంబ పాలన నడుస్తున్నప్పుడు కింది నేతలకు నీతులు చెప్పే నైతిక హక్కు ఎక్కడిదని కార్యకర్తలు ప్రశ్నిస్తున్నారు. మంత్రి పదవి రాలేదని కొందరు, మంత్రి పదవి ఉన్నా జిల్లాపై పట్టు వదులుకోవద్దని మరికొందరు వారసులను బరిలోకి దించుతున్నారు. జెడ్పీ పీఠం ఇవ్వకపోతే భవిష్యత్‌ మంత్రివర్గ విస్తరణలోనైనా అవకాశం ఇవ్వాలంటూ ఒత్తిడి పెంచేందుకే కుటుంబ సభ్యులను పోటీకి దించారని పార్టీలో చర్చ సాగుతోంది. జిల్లాలు పెరిగి కొత్త పదవులు వస్తాయని ఆశపడితే, ఆ పదవులకూ నేతల వారసులే గండి కొడుతున్నారని కార్యకర్తలు వాపోతున్నారు.

సాక్షి, అమరావతి: ఇన్‌ సర్వీస్‌ ఉపాధ్యాయులకు నిర్వహించిన స్పెషల్‌ టెట్‌ ఫలితాల ప్రకటనపై ప్రతిష్టంభన నెలకొంది. అసలు ఫలితాలు ప్రకటిస్తారా.. లేదా అన్న సందిగ్ధం నెలకొంది. పాఠశాల విద్యాశాఖ షెడ్యూల్‌ ప్రకారం ఈ నెల 24న అభ్యర్థుల రెస్పాన్స్‌ షీట్లు విడుదల చేయాలి. కానీ, ఇంతవరకు ఎలాంటి స్పందన లేకపోవడంతో పరీక్ష రాసిన ఉపాధ్యాయులు ఆందోళన చెందుతున్నారు. సుప్రీంకోర్టు ఆదేశాల ప్రకారం ఈనెల 11 నుంచి 15వ తేదీ వరకు రెండు సెషన్స్‌లో మొత్తం 74 సెంటర్లలో పరీక్షలు నిర్వహించగా.. దరఖాస్తు చేసుకున్న 83,015 మంది ఉపాధ్యాయుల్లో 80,907 (97.46%) మంది పరీక్ష రాశారు. ఈనెల 24న రెస్పాన్స్‌ షీట్లు, ప్రాథమిక కీ విడుదల చేస్తామని అధికారులు ప్రకటించారు. కానీ ఆ దిశగా ఎలాంటి చర్యలు తీసుకోలేదు. యధాతథంగా వెబ్‌సైట్‌ ప్రశ్నావళి జాతీయ విద్యావిధానం (ఎన్‌ఈపీ)–2020 నిబంధనల ప్రకారం దేశంలోని అన్ని మేనేజ్‌మెంట్లలో పనిచేస్తున్న ఉపాధ్యాయులు తప్పనిసరిగా టెట్‌ అర్హత పొందాలని సుప్రీంకోర్టు ఆదేశించింది. 2028 ఆగస్టు చివరి నాటికి ఈ ప్రక్రియ పూర్తికావాలని సూచించింది. దీంతో రాష్ట్ర ప్రభుత్వం ఏపీ టెట్‌–ఆగస్టు 2026 (స్పెషల్‌ టెట్‌) నోటిఫికేషన్‌ ఇచ్చి ఈనెల 11 నుంచి 15 వరకు పరీక్షలు నిర్వహించింది. ఈ పరీక్ష కోసం విద్యాశాఖ అధికారులు ఒక్కో పేపర్‌కు 700 చొప్పున ప్రశ్నలు ముందుగానే వెబ్‌సైట్‌లో పెట్టారు. పరీక్షలో అన్ని ప్రశ్నలు, జవాబులు (ఏబీసీడీ) కూడా అదే వరుసలో వచ్చే విధంగా ఇచ్చారు. ఈ విషయం సోషల్‌ మీడియాలో గుప్పు­మంది. మరోపక్క టెట్‌ రద్దు కోరుతూ కొందరు టీచర్లు సుప్రీంకోర్టును ఆశ్రయించగా, మరోపక్క ప్రభుత్వం కూడా టెట్‌ రద్దు చేస్తామని హామీ ఇచ్చింది. రెండు భిన్న వైఖరుల నేపథ్యంలో ఉపాధ్యాయులు ఆందోళన చెందుతున్నారు. ఫలితాలు ఎలా ఇస్తారు?పరీక్ష నిర్వహణ నిబంధనల ప్రకారం.. పరీక్ష పూర్తయ్యాక అభ్యర్థుల రెస్పాన్స్‌ షీట్, ప్రాథమిక ‘కీ’ విడుదల చేయాలి. తద్వారా అభ్యర్థి తాను రాసిన సమాధానాలను సరిచూసుకుని, తప్పు­లుంటే అభ్యంతరాలు తెలిపే వెసులుబాటు కలుగుతుంది. వాస్తవానికి పాఠశాల విద్యాశాఖ ప్రకటించిన షెడ్యూల్‌ కంటే ఆరు రోజులు ముందే టెట్‌ పరీక్షలు పూర్తయ్యాయి. ఆ మేరకు షెడ్యూల్‌ మార్చి ఈనెల 19 నాటికి రెస్పాన్స్‌ షీట్లు, ప్రాథమిక కీ విడుదల చేయాలి. అనంతరం అభ్యంతరాలు స్వీకరించి ఈ నెలాఖరు నాటికి ఫలితాలు ప్రకటించాలి. అయితే, జవాబు పత్రాల మూల్యాంకనం పూర్తయినా అధికారులు పక్కనపెట్టినట్టు తెలిసింది. మరోపక్క ఫలితాలు ప్రకటిస్తే కేవలం ‘క్వాలిఫై/నాట్‌ క్వాలిఫై’ మాత్రమే ఇస్తారనే ప్రచారం కూడా జరుగుతోంది. ఇదే జరిగితే పరీక్ష రాసిన అభ్యర్థులు తీవ్రంగా నష్టపోవడం ఖాయం.

సాక్షి ప్రతినిధి, గుంటూరు: స్థానిక సంస్థల ఎన్నికల్లో అడ్డదారిలో గెలుపు కోసం ఇప్పటి దాకా అష్ట కుట్రలు పన్నిన కూటమి ప్రభుత్వం.. ఇప్పుడు మరో రెండు కుట్రలను జోడించింది. నామినేషన్ల ఉపసంహరణ కోసం వైఎస్సార్‌సీపీ అభ్యర్థులను తీవ్ర బెదిరింపులకు గురిచేయడం.. అది ఫలించకపోతే అభ్యర్థినో, అభ్యర్థి కుటుంబ సభ్యులనో ఏకంగా కిడ్నాప్‌ చేయడానికి బరితెగించింది. ఇందు కోసం ఏకంగా పోలీసులనే వాడుకోవడం కలకలం రేపుతోంది. టీడీపీ గూండాల దౌర్జన్యం, పోలీసుల అరాచక పర్వాన్ని ఎదిరించి పల్నాడు జిల్లా సత్తెనపల్లి నియోజకవర్గం నకరికల్లు మండల జెడ్పీటీసీ వైఎస్సార్‌సీపీ అభ్యర్థిగా కందుల హనుమాయమ్మ ధైర్యంగా నామినేషన్‌ దాఖలు చేసింది.రెండు రోజులుగా ఆమెతో నామినేషన్‌ విత్‌డ్రా చేయించేందుకు టీడీపీ నేతలు తీవ్ర స్థాయిలో ఒత్తిడి తెచ్చినా ఫలించలేదు. ఈ స్థానం నుంచి టీడీపీ జెడ్పీటీసీ అభ్యర్థిగా మంత్రి నారా లోకేశ్‌ అనుచరుడు బాజీ చౌదరి.. నాగోతు శౌరయ్య అనే టీడీపీ నేత భార్య నాగోతు వెంకట లక్ష్మీసరోజను పోటీలో నిలిపారు. పోటీ జరిగితే ఇక్కడ ఈమె ఓడిపోతారనే భయంతో దుర్మార్గపు ఆలోచనకు తెరతీశారు. ఆదివారం అర్ధరాత్రి 12 గంటల సమయంలో పోలీసులను అడ్డుపెట్టి కుతంత్రం నడిపించారు. ఈ క్రమంలో వైఎస్సార్‌సీపీ జెడ్పీటీసీ అభ్యర్థి హనుమాయమ్మ ఇంటికి నకరికల్లు ఎస్‌ఐ సతీష్‌ నేతృత్వంలోని పోలీసు బృందం మఫ్టీలో వెళ్లింది. దౌర్జన్యంగా హనుమాయమ్మ భర్త లక్ష్మారెడ్డిని నిర్బంధించి, కారులో ఎత్తుకెళ్లారు. లక్ష్మారెడ్డి తల్లి, భార్య ఏడుస్తూ వారిని వేడుకున్నా కనికరించలేదు. వారు రోదిస్తున్నా పట్టించుకోకుండా బలవంతంగా లాక్కెళ్లారు. రక్షణ కల్పించాల్సిన పోలీసులే టీడీపీ రౌడీ మూకలను మించి దౌర్జన్యం చేయడం విస్తుగొలుపుతోంది.

సాక్షి, అమరావతి: స్థానిక సంస్థల ఎన్నికల్లో సీట్ల కేటాయింపులో కూటమి భాగస్వామి అయిన తమ పార్టీతో చంద్రబాబు ఆటలాడుకుంటున్నారని జనసేన శ్రేణులు మండిపడుతున్నాయి. తమ పార్టీకి రావాల్సిన వాటా సీట్లు ఇవ్వకుండా మున్సిపల్‌ ఎన్నికల్లో తొండాట ఆడిన చంద్రబాబు.. జెడ్పీ ఛైర్‌పర్సన్, జెడ్పీటీసీ, ఎంపీటీసీ పదవుల విషయంలోనూ అదే ఆట ఆడుతున్నారని ఆగ్రహం వ్యక్తం చేస్తున్నాయి. జనసేన పార్టీ అధినేత పవన్‌ కళ్యాణ్‌ కూడా చంద్రబాబు చెప్పినట్లే తలూపుతున్నారని అసంతృప్తి వ్యక్తం చేస్తున్నాయి. జిల్లా పరిషత్‌ ఛైర్‌పర్సన్లు, జెడ్పీటీసీలు, ఎంపీటీసీల సీట్ల కోసం టీడీపీ ముందు దేబిరింపు ఎందుకని మండిపడుతున్నాయి. మున్సిపల్‌ ఎన్నికల్లో టీడీపీ ఇచ్చిన సీట్లు తీసుకుని సర్దుకున్నట్టే, పరిషత్‌ ఎన్నికల్లోనూ తలవంచక తప్పడం లేదని రగిలిపోతున్నాయి. తమ అధినేత పెట్టిన ప్రతిపాదనపై నిలబడక పోవడం వల్లే చంద్రబాబు ఆడుకుంటున్నారని వాపోతున్నాయి. ఎంపీపీ, జెడ్పీటీసీ, ఎంపీటీసీ స్థానాల పంపకాన్ని జిల్లా స్థాయిలో సర్దుబాటు చేసుకోవాలని చంద్రబాబు చెప్పడం, పవన్‌ అందుకు అంగీకరించడం ఏమిటని మండిపడుతున్నాయి. రాష్ట్ర స్థాయిలో తేల్చాల్సిన 28 జెడ్పీ ఛైర్‌పర్సన్‌ పీఠాల పంపకంలోనూ అధినేత వంగిపోవడం ఏమాత్రం సరికాదని జనసేన పార్టీ శ్రేణులు తప్పు పడుతున్నాయి.జెడ్పీటీసీ, ఎంపీపీ, ఎంపీటీసీల్లోనూ అంతే రాష్ట్ర వ్యాప్తంగా 659 జెడ్పీటీసీ, 9,829 ఎంపీటీసీ స్థానాలకు ఎన్నికలు జరుగుతున్నాయి. వీటిలో 30 శాతం అంటే దాదాపు 200 జెడ్పీటీసీ స్థానాలు తమకు కావాలని పవన్‌ కళ్యాణ్‌ ప్రతిపాదించారు. అన్నిస్తే తమ కేడర్‌ తిరగబడుతుందని చంద్రబాబు తేల్చి చెప్పినట్లు సమాచారం. స్థానిక బలాన్ని బట్టే పంపకం ఉంటుందని, ఎక్కడికక్కడ స్థానికంగానే తేల్చుకోవాలని చెప్పడం ద్వారా జనసేన పవన్‌ కళ్యాణ్‌ ప్రతిపాదనను తిరస్కరించారు.పీఠం ఎవరిదో తెలియకుండానే కుమ్ములాట పశ్చిమ గోదావరి జెడ్పీ పీఠాన్ని జనసేనకే ఇవ్వాలని ఆ పార్టీ పట్టుబడుతోంది. జనసేన తరపున జెడ్పీ ఛైర్మన్‌ పీఠాన్ని ఆశిస్తున్న పీవీఎల్‌ నరసింహరాజు ఉండి జెడ్పీటీసీ స్థానం నుంచి నామినేషన్‌ వేశారు. కానీ, అదే ఉండి స్థానం నుంచి జెడ్పీ ఛైర్మన్‌ పీఠం ఆశిస్తున్న పొత్తూరి రామరాజును టీడీపీ పోటీకి దింపింది. ఇలా జనసేనకు పశ్చిమ గోదావరిలో చెక్‌ పెట్టే ప్రయత్నం చేస్తోంది. గణపవరంలోనూ రెండు పార్టీలు ముఖాముఖి తలపడుతున్నాయి. కాకినాడ జెడ్పీ పీఠంపైనా టీడీపీ, జనసేన మధ్య హోరాహోరీ నడుస్తోంది. ఏలూరు కార్పొరేషన్‌ జనసేనకు ఇచ్చి­నందున జెడ్పీ పీఠం తమదేనని టీడీపీ వాదిస్తోంది.మున్సిపల్‌లోనూ ఇదే తంతుమున్సిపల్‌ ఎన్నికల్లో 40.1 శాతం పదవులు కావాలని జనసేన డిమాండ్‌ చేసింది. ఆరు మేయర్‌ పీఠాలు సహా 2,091 పదవులు కోరింది. చివరికి నాలుగు కార్పొరేషన్లు, 21 మున్సిపాలిటీలతో సరిపెట్టుకుంది. ఇప్పుడు పరిషత్‌లలోనూ అదే జరుగుతోందని జన సైనికులు ఆవేదన చెందుతున్నారు. 2024లో త్యాగం చేశాం.. ఈసారి అలా కుదరదని పవన్‌ కళ్యాణ్‌ స్వయంగా ప్రకటించినా, సర్దుబాటు లొంగుబాటుగా మారడంపై కార్యకర్తలు తీవ్ర ఆందోళన వ్యక్తం చేస్తున్నారు. చర్చల పేరుతో అధినాయకత్వం కాలయాపన చేస్తుంటే, క్షేత్ర స్థాయిలో తాము బలవుతున్నామని జన సైనికులు మండిపడుతున్నారు. జనసేన నేతలపై టీడీపీ దాడుల ప్రస్తావనే లేకుండా సీట్ల చర్చలేంటని నిలదీస్తున్నారు. నెల్లూరు కార్పొరేషన్‌ ఆరో డివిజన్‌లో జనసేన అభ్యర్థిని చిత్తుగా ఓడించాలని.. ఆ పార్టీకి డిపాజిట్లు కూడా రాకూడదని మంత్రి నారాయణ టీడీపీ నేతలతో టెలీకాన్ఫరెన్స్‌లో దిశా నిర్దేశం చేసిన ఆడియో వైరల్‌గా మారింది. ఓ పక్క పొత్తు ధర్మం అంటూనే మరోపక్క ఓడించాలంటూ మంత్రులే పిలుపు ఇవ్వడం ఏమిటని జనసేన శ్రేణులు భగ్గుమంటున్నాయి. చంద్రబాబు జనసేనను చిన్నచూపు చూస్తున్నారని ఆవేదన చెందుతున్నాయి. జనసేన నాయకులు టికెట్ల కోసం టీడీపీ ఎమ్మెల్యేల ఇళ్ల చుట్టూ తిరగాల్సిన దుస్థితి వచ్చిందని ఆగ్రహం వ్యక్తం చేస్తున్నారు. టీడీపీ విదిల్చిన సీట్లతో సర్దుకుపోవడం ఇంకెన్నాళ్లని ప్రశ్నిస్తున్నారు.మూడు జెడ్పీలేనా?28 జెడ్పీ ఛైర్‌పర్సన్‌ పీఠాల్లో తొమ్మిది కావా­లని జనసేన కోరినట్లు తెలిసింది. ఉభయ గోదావరి జిల్లాలు, ఉత్తరాంధ్ర, తిరుపతి, అ న్నమయ్య జిల్లా పరిషత్‌లు కావాలని ప్రతిపాదించింది. అయితే చంద్రబాబు శిబిరం మొదట మూడు ఇస్తామని చెప్పి, బేరసారాల తర్వాత ఐదుకు వచ్చినట్లు తెలిసింది. పవన్‌ మళ్లీ గట్టిగా అడిగితే మరొకటి పెంచవచ్చని సమాచారం. మొత్తంగా ఆరు జెడ్పీ పీఠాలు మాత్రమే ఇచ్చేందుకు టీడీపీ సిద్ధమవుతున్నట్లు తెలిసింది. దాన్ని కూడా ఇంకా ఖరారు చేయలేదు. జెడ్పీ ఛైర్‌పర్సన్‌ ఎన్నిక పరోక్షంగా (జెడ్పీటీసీ సభ్యులు ఎన్నుకుంటారు) జరుగుతుంది కాబట్టి ఫలితాల తర్వాత చూద్దామని చంద్రబాబు దాటవేస్తున్నట్లు సమాచారం. కాకినాడ, అనకాపల్లి, ఉమ్మడి పశ్చిమ గోదావరి, గుంటూరు, ప్రకా­శం, చిత్తూరు జిల్లాలు ఇచ్చే అవకాశం ఉందని టీడీపీ లీకులు ఇచ్చింది. బీజేపీకి ఒక్కటి కూడా ఇచ్చే అవకాశం లేదని సమాచారం.

సాక్షి, అమరావతి: స్థానిక ఎన్నికల్లో ప్రజా మద్దతుతో గెలవలేమన్న భయంతో పచ్చ ముఠాలు పోటీ లేకుండా చేసుకునేందుకు యథేచ్ఛగా అరాచ­కాలకు పాల్పడుతున్నాయి. అధికార పార్టీ నేతలు బరి తెగించి పోలీస్‌ వ్యవస్థను అడ్డగోలుగా దుర్విని­యోగం చేస్తున్నారు. విపక్షం అసలు నామినేషన్‌ వేయకుండా బెదిరించేందుకు తొలుత బైండోవర్‌ కుట్రలకు తెర తీశారు. వీటికి వెరవకుండా నామినేషన్లు వేసేందుకు ముందుకొచ్చిన వైఎస్సార్‌సీపీ అభ్యర్థులు, నాయకులపై పోలీసుల సహకారంతో టీడీపీ గూండాలు దాడులు, దౌర్జన్యాలకు తెగబడ్డారు. అనంతరం నామినేషన్ల పరిశీలన దశలో ఎన్నికల అధికారులను లొంగదీసుకుని సాకులతో వైఎస్సార్‌సీపీ అభ్యర్థుల నామినేషన్లు తిరస్కరించారు. ఈ అరాచక పర్వం ఇంతటితో ఆగలేదు.. బరిలో మిగిలిన వైఎస్సార్‌సీపీ అభ్యర్థులను సైతం పోటీలో లేకుండా చేసేందుకు బెదిరింపులు, దాడులు, దౌర్జన్యాలు, కిడ్నాప్‌లు లాంటి అకృత్యాలను అధికార పక్షం నిర్భీతిగా కొనసాగిస్తోంది. ప్రతిపక్ష అభ్యర్థులను బరిలో లేకుండా చేయడమే లక్ష్యంగా అడ్డగోలుగా వ్యవహరిస్తోంది. ప్రజాస్వామ్య ప్రక్రియను దారుణంగా అపహాస్యం పాలు చేస్తోంది. విపక్ష అభ్యర్థుల సంతకాలను పచ్చ నేతలు ఫోర్జరీ చేస్తూ ప్రజాస్వామ్యాన్ని నిట్టనిలువునా ఖూనీ చేస్తున్నారు. మరోవైపు ఖాకీలు ఈ అరాచకాలకు కొమ్ము కాస్తూ ప్రతిపక్ష అభ్యర్థులను తీవ్రంగా వేధిస్తున్నారు. వేమూరు, కనిగిరి, తొండూరు, తాడిపత్రి, వైఎస్సార్‌ జిల్లా పరిధిలో ఆదివారం చోటు చేసుకున్న ఘటనలు స్థానిక ఎన్నికల నిర్వహణలో ఎస్‌ఈసీ దారుణ వైఫల్యానికి నిదర్శనంగా నిలుస్తున్నాయి.వేమూరులో ఎంపీటీసీ అభ్యర్థి కిడ్నాప్‌..బాపట్ల జిల్లా వేమూరు మండలం బలిజేపల్లి ఎంపీటీసీ సెగ్మెంట్‌ వైఎస్సార్‌సీపీ అభ్యర్థి పొట్లూరు మరియదాసు కిడ్నాప్‌ ఘటన తీవ్ర కలకలం రేపింది. అబ్బనగూడవల్లికి చెందిన మరియదాసు ఎస్టీ రిజర్వుడ్‌ స్థానంలో వైఎస్సార్‌సీపీ తరఫున నామినేషన్‌ దాఖలు చేశారు. శనివారం నామినేషన్‌ పరిశీలనలో ఎలాంటి లోపాలు లేవని అధికారులు గుర్తించినట్లు సమాచారం. ఆదివారం తెల్లవారుజామున సుమారు నాలుగు గంటల సమయంలో కొందరు వ్యక్తులు మరియదాసును ఇంటి నుంచి కిడ్నాప్‌ చేశారు. ఆయన ఆచూకీ తెలియడం లేదని కుటుంబ సభ్యలు తెలిపారు. వైఎస్సార్‌ సీపీ వేమూరు సమన్వయకర్త వరికూటి అశోక్‌బాబు, మరియదాసు తల్లి ఘటనపై పోలీసులకు ఫిర్యాదు చేశారు. మరియదాసును కిడ్నాప్‌ చేసి ఎమ్మెల్యే నక్కా ఆనందబాబు పార్టీ కార్యాలయంలో నిర్బంధించనట్లు తమకు సమాచారం ఉందని అశోక్‌బాబు తెలిపారు. వైఎస్సార్‌సీపీ అభ్యర్థిని కిడ్నాప్‌ చేయడంపై విచారణ జరపాలని, తక్షణం మరియదాసును కుటుంబ సభ్యులకు అప్పగించాలని డిమాండ్‌ చేశారు.పెద్దారెడ్డి ఇంటి వద్ద ఉద్రిక్తత..అనంతపురం జిల్లాలో మాజీ ఎమ్మెల్యే కేతిరెడ్డి పెద్దారెడ్డి ఇంటి వద్ద జేసీ వర్గీయులు మోహరించి వీరంగం వేయడంతో తీవ్ర ఉద్రిక్తత నెలకొంది. పెద్దారెడ్డిని చంపుతామంటూ బెదిరింపులకు దిగారని, పోలీసులు ప్రేక్షకపాత్ర పోషిస్తున్నారని వైఎస్సార్‌సీపీ శ్రేణులు మండిపడ్డాయి. పెద్దారెడ్డి స్వగ్రామం సింగనమల నియోజకవర్గం తిమ్మంపల్లిలో వైఎస్సార్‌సీపీ అభ్యర్థిని నామినేషన్‌ వేయకుండా అడ్డుకుని పోలీస్‌ స్టేషన్‌లో నిర్బంధించారు. ఈ విషయం తెలుసుకుని పెద్దారెడ్డి ఆదివారం ఉదయం అక్కడికి వెళ్లారు. అయితే ఆయన లేని సమయంలో జేసీ వర్గీయులు అనంతపురంలోని పెద్దారెడ్డి ఇంటి వద్దకు చేరుకుని హల్‌చల్‌ చేశారు. తిమ్మంపల్లికి వెళ్లిన పెద్దారెడ్డిని పోలీసులు అరెస్టు చేసి అనంతపురానికి తీసుకొచ్చి గృహ నిర్భంధంలోకి తీసుకున్నారు.కనిగిరిలో నామినేషన్‌ వేస్తే కేసులా?మార్కాపురం జిల్లా కనిగిరిలో వైఎస్సార్‌సీపీ ఎంపీటీసీ అభ్యర్థులపై పోలీసులు బెదిరింపులకు దిగారు. నామినేషన్లు వేయవద్దని సీఐ ఎం.సుబ్రహ్మణ్యం, ఎస్సై జి.సందీప్‌కుమార్‌ హెచ్చరించారని మండల పార్టీ అధ్యక్షుడు, ఎంపీటీసీ అభ్యర్థి మడతల కస్తూరిరెడ్డి ఆరోపించారు. తాను, తన భార్య నామినేషన్లు వేయడానికి సిద్ధం కాగా ఎస్సై తమను పోలీస్‌స్టేషన్‌కు పిలిచి బెదిరించారని కస్తూరిరెడ్డి పేర్కొన్నారు. మాట వినకుండా పోటీ చేస్తే గంజాయి కేసులు, ఇతర అక్రమ కేసులు బనాయిస్తామని, ఎన్నికల తరువాత కూడా ఇబ్బందులు తప్పవని హెచ్చరించినట్లు చెప్పారు. అయినా తాము వెనక్కి తగ్గకుండా నామినేషన్లు వేసేందుకు వెళ్లడంతో ఆంక్షల పేరుతో దాడి చేసి తిరిగి తమపైనే కేసులు పెట్టారని కస్తూరిరెడ్డి తెలిపారు.తొండూరులో అర్హతలున్నా తిరస్కరణ?వైఎస్సార్‌ జిల్లా తొండూరు జడ్పీటీసీ స్థానానికి వైఎస్సార్‌సీపీ తరఫున నామినేషన్‌ దాఖలు చేసిన కొప్పల శివశంకర్‌రెడ్డి తన నామినేషన్‌ను అధికారులు తిరస్కరించడంపై అభ్యంతరం వ్యక్తం చేశారు. అవసరమైన పత్రాలు, ఆస్తుల వివరాలు, బ్యాంకు లావాదేవీల సమాచారాన్ని సమర్పించినప్పటికీ నామినేషన్‌ను తిరస్కరించారన్నారు. అధికార పార్టీ నేతల ఒత్తిడితో ఎన్నికల అధికారులు అడ్డగోలుగా వ్యవహరించారని మండిపడ్డారు. తొండూరు జడ్పీటీసీ స్థానాన్ని ఏకగ్రీవం చేసుకునేందుకు కుట్ర పన్నారని ఆరోపించారు. టీడీపీ అభ్యర్థికి సన్నిహితుడైన ఇనగలూరుకు చెందిన చిట్టిబోయిన గోపాల్‌ వైఎస్సార్‌సీపీ తరఫున నామినేషన్‌ వేసినట్లు చూపించారన్నారు. ఈ విషయాన్ని ఎంపీ వైఎస్‌ అవినాష్‌రెడ్డి ద్వారా కలెక్టర్‌ దృష్టికి తీసుకెళ్లామని, న్యాయం జరగకుంటే కోర్టును ఆశ్రయిస్తామని స్పష్టం చేశారు.కడప ప్రచారంలో కత్తితో దాడి.. ఇద్దరికి గాయాలువైఎస్సార్‌ జిల్లా కడప 41వ డివిజన్‌లో ఎన్నికల ప్రచారం సందర్భంగా ఓ వ్యక్తి కత్తితో దాడి చేయడంతో వైఎస్సార్‌సీపీకి చెందిన ఇద్దరికి తీవ్ర గాయాలయ్యాయి. పార్టీ రాష్ట్ర అధికార ప్రతినిధి ఆరే శ్యామల, మేయర్‌ అభ్యర్థి బండి దీప్తి ఆధ్వర్యంలో ఇంటింటి ప్రచారం నిర్వహిస్తుండగా సయ్యద్‌ బాషా అనే వ్యక్తి కత్తితో దూసుకొచ్చాడు. అతడిని అడ్డుకునేందుకు ప్రయత్నించిన మాజీ కార్పొరేటర్‌ షంషీర్, ఖాలీద్‌ హుస్సేన్‌కు తీవ్ర గాయాలయ్యాయి. క్షతగాత్రులను ప్రైవేటు ఆస్పత్రికి తరలించి చికిత్స అందిస్తున్నారు. దాడికి పాల్పడిన వ్యక్తిని వైఎస్సార్‌సీపీ కార్యకర్తలు పట్టుకుని పోలీసులకు అప్పగించారు. చికిత్స పొందుతున్న బాధితులను వైఎస్సార్‌సీపీ నేతలు రవీంద్రనాథ్‌రెడ్డి, అంజాద్‌ బాషా పరామర్శించారు. ప్రతిపక్షాలపై భౌతిక దాడులకు దిగడం ప్రజాస్వామ్యానికి గొడ్డలి పెట్టు అని పేర్కొన్నారు.జగ్గంపేటలో బలవంతంగా విత్‌డ్రా..జగ్గంపేట మండలంలో నామినేషన్‌ వేసిన తమ ఎంపీటీసీ అభ్యర్థులను కూటమి నేతలు బలవంతంగా విత్‌డ్రా చేయిస్తున్నారని వైఎస్సార్‌సీపీ జగ్గంపేట మండల అధ్యక్షుడు, జడ్పీటీసీ అభ్యర్థి రావుల గణేష్‌ రాజా ఆరోపించారు. మండలంలోని జై.కొత్తూరులో వైఎస్సార్‌ సీపీకి చెందిన నిడమర్తి వేణి, జ్యోతి మువ్వలా నామినేషన్‌లు ఉపసంహరించుకునేలా బెదిరించారన్నారు. జగ్గంపేట మండలంలో అనేక చోట్ల కూటమి నేతలు ఇబ్బందులకు గురి చేస్తున్నారని చెప్పారు.ఉరవకొండలో పయ్యావుల బెదిరింపులు..అనంతపురం జిల్లా ఉరవకొండలో వైఎస్సార్‌సీపీ ఎంపీటీసీ అభ్యర్థులను బరి నుంచి తప్పించేందుకు మంత్రి పయ్యావుల కేశవ్‌ జీఎస్టీ అధికారులను ప్రయోగించి బెదిరింపులకు దిగారు. ఉరవకొండలో రెండు ఎంపీటీసీ స్థానాలకు వైఎస్సార్‌సీపీ తరపున జకీర్, షమ్ము నామినేషన్లు వేశారు. టీడీపీ నేతలు బెదిరించినా వారు లెక్క చేయకుండా నామినేషన్‌ వేయడంతో మంత్రి పయ్యావుల కక్ష కట్టారు. ఈ నేపథ్యంలో బంగారం వ్యాపారం నిర్వహిస్తున్న అభ్యర్థుల షాపులపై జీఎస్టీ అధికారులతో దాడులు చేయించి బెదిరించి నామినేషన్లు ఉపసంహరించుకునేలా ఒత్తిడి తెచ్చారు.అభ్యర్థులతో విత్‌డ్రా సంతకాలు తీసుకున్న పోలీసులుగుంటూరు, పల్నాడు జిల్లాల్లో పోలీసుల ఆగడాలకు తెర పడలేదు. వైఎస్సార్‌సీపీ అభ్యర్థులు పోటీలో లేకుండా చేసేందుకు అడ్డగోలుగా వ్యవహరిస్తూ స్వామిభక్తిని ప్రదర్శిస్తున్నారు. సత్తెనపల్లి నియోజవకర్గంలో 41ఎంపీటీసీ, చిలకలూరిపేట నియోజకవర్గంలో 3 ఎంపీటీసీ, వినుకొండలో 5 ఎంపీటీసీ నామినేషన్లు ఉపసంహరించుకునేలా ఒత్తిడి చేస్తున్నారు. చిలకలూరిపేట వైఎస్సార్‌సీపీ జడ్పీటీసీ అభ్యర్థి జమ్మలమడక ఆదిబాబు, డమ్మీ అభ్యర్థి మైలా రాజేష్‌లను పోలీసులు బెదిరించి నామినేషన్‌ ఉపసంహరణ పత్రాలపై బలవంతంగా సంతకాలు పెట్టించారు.అధికారపక్షం ఆగడాలెన్నో..నెల్లూరు జిల్లా చిల్లకూరు మండలంలో టీడీపీ జడ్పీటీసీ అభ్యర్థి ఏకగ్రీవం కోసం వైఎస్సార్‌సీపీ అభ్యర్థులపై బెదిరింపులకు పాల్పడ్డారు. పలుచోట్ల ఎంపీటీసీ అభ్యర్థులను సైతం బెదిరించి దారికి తెచ్చుకునే యత్నాలు చేస్తున్నారు. కర్నూలు జిల్లా ఆలూరు మండలంలోని నాలుగు ఎంపీటీసీ స్థానాలకు వైఎస్సార్‌సీపీ అభ్యర్థుల నామినేషన్లను ఎన్నికల అధికారులు శనివారం తిరస్కరించడంతో అప్పీల్‌ చేశారు. అయితే అధికార పార్టీ ఒత్తిళ్లకు లొంగిపోయిన అధికారులు వాటిని తిరస్కరిస్తున్నట్టు ఆదివారం ప్రకటించడంతో ఉద్రిక్తత చోటు చేసుకుంది. నగరిలోనూ మున్సిపల్‌ మేయర్‌ అభ్యర్థి నామినేషన్‌ను తిరస్కరించడంతో మాజీ మంత్రి రోజా ఆగ్రహం వ్యక్తం చేశారు. అధికారులు అధికార పక్షానికి కొమ్ముకాస్తూ అడ్డగోలుగా వ్యవహరిస్తున్నారని, దీనిపై న్యాయపోరాటం చేస్తామని రోజా ప్రకటించారు.

సాక్షి,వైఎస్సార్‌ కడప : స్థానిక సంస్థల ఎన్నికల ప్రచారంలో తీవ్ర ఉద్రిక్తత చోటుచేసుకుంది. వైఎస్సార్‌సీపీ రాష్ట్ర అధికార ప్రతినిధి ఆరే శ్యామల, మేయర్ అభ్యర్థి బండి దీప్తి నిర్వహిస్తున్న ఎన్నికల ప్రచారంలో టీడీపీ గూండాలు అరాచకానికి పాల్పడ్డాయి. ప్రచారం చేస్తున్న వైఎస్సార్‌సీపీ అభ్యర్థులపై టీడీపీ కార్యకర్త కత్తితో దాడికి తెగబడటంతో ఒక్కసారిగా కలకలం రేగింది.వైఎస్సార్‌ జిల్లా పరిధిలోని 41వ డివిజన్‌లో ఆరే శ్యామల, మేయర్ అభ్యర్థి బండి దీప్తితో కలిసి వైఎస్సార్‌సీపీ శ్రేణులు ఇంటింటా ప్రచారం నిర్వహిస్తున్నారు. ఈ క్రమంలో ప్రచార ర్యాలీలోకి టీడీపీ కార్యకర్త సయ్యద్‌ భాషా ఒక్కసారిగా కత్తితో దూసుకొచ్చాడు. ఈ హఠాత్ పరిణామానికి ప్రచారంలో ఉన్న వైఎస్సార్‌సీపీ శ్రేణులు భయాందోళనకు గురయ్యారు. అడ్డొచ్చిన మాజీ కార్పొరేటర్ షంషీర్‌పై సయ్యద్‌ భాషా దాడి చేయడంతో ఆయన చేతికి తీవ్ర గాయాలయ్యాయి. అడ్డుకోబోయిన షంషీర్ అనుచరుడు ఖాలీద్‌ హుస్సేన్‌పై కత్తితో విచక్షణారహితంగా పొడవడంతో అతనికి తీవ్ర గాయాలయ్యాయి.ఈ దాడిలో తీవ్రంగా గాయపడిన షంషీర్, ఖాలీద్ హుస్సేన్‌లను తక్షణమే చికిత్స నిమిత్తం ఓ ప్రైవేటు ఆస్పత్రికి తరలించారు. ప్రస్తుతం అక్కడ వారికి వైద్యులు చికిత్స అందిస్తున్నారు. మరోవైపు, దాడికి పాల్పడిన నిందితుడు సయ్యద్‌ బాషాను అప్రమత్తమైన వైఎస్సార్‌సీపీ శ్రేణులు పట్టుకుని పోలీసులకు అప్పజెప్పాయి.ఆస్పత్రిలో చికిత్స పొందుతున్న క్షతగాత్రులు షంషీర్, ఖాలీద్ హుస్సేన్‌లను వైఎస్సార్‌సీపీ నేతలు రవీంద్రనాథ్‌ రెడ్డి, అంజాద్‌ బాషా పరామర్శించి, ఘటన వివరాలను అడిగి తెలుసుకున్నారు. అనంతరం వారు మీడియాతో మాట్లాడుతూ..కూటమి ప్రభుత్వ పాలనలో టీడీపీ ఆఘాయిత్యాలకు అడ్డూ అదుపూ లేకుండా పోతోందని మండిపడ్డారు. ప్రతిపక్షాలపై భౌతిక దాడికి దిగడం అరాచక రాజకీయాలకు నిదర్శనమని ధ్వజమెత్తారు.ఇదీ చదవండి : ‘వచ్చే ఎన్నికల్లో చింతమనేని రాజకీయ జీవితం ముగిసినట్లే’

సాక్షి,తాడేపల్లి: ఏపీలో ఎన్నికల మాఫియా పెచ్చరిల్లటంపై వైఎస్సార్‌సీపీ ఎంపీ గురుమూర్తి ఆగ్రహం వ్యక్తం చేశారు. భారీగా డబ్బుల దందా జరుగుతోందని.. మీడియా సంస్థలను ట్యాగ్ చేస్తూ గురుమూర్తి ట్వీట్‌ చేశారు. స్థానిక సంస్థల ఎన్నికల్లో ప్రజాస్వామ్యాన్ని డబ్బుతో కొనుగోలు చేస్తున్నారని ఏకగ్రీవంగా గెలిపించేందుకు ఒక్కో టీడీపీ అభ్యర్థి నుంచి రూ.40 లక్షల నుంచి రూ.50 లక్షల వరకు వసూలు చేస్తున్నారంటూ ట్వీట్‌ చేశారు.టీడీపీ నేతలు, పోలీసులు, ఎన్నికల అధికారుల కుమ్మక్కుతో ఈ భారీ ఎన్నికల దందా నడుస్తోంది. ప్రత్యర్థి అభ్యర్థులను పోటీ నుంచి తప్పించి టీడీపీ అభ్యర్థులకు ఏకగ్రీవ విజయాలు కట్టబెట్టడమే లక్ష్యంగా పనిచేస్తున్నారు. వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడం ఈ దందాలో మొదటి అంకం. నామినేషన్లు వేసేందుకు వచ్చిన అభ్యర్థులను బెదిరించడం, భౌతిక దాడులకు పాల్పడుతున్నారు’’ అంటూ గురుమూర్తి మండిపడ్డారు.‘‘రిటర్నింగ్ అధికారుల కార్యాలయాల్లోనే నామినేషన్ పత్రాలను చించివేసినా పోలీసులు ప్రేక్షకపాత్ర పోషించారు. నామినేషన్ల పరిశీలనలో చిన్నచిన్న సాంకేతిక కారణాలు చూపి ప్రతిపక్ష అభ్యర్థుల పత్రాలను తిరస్కరిస్తున్నారు. నామినేషన్లను అడ్డుకోవడం నుంచి స్క్రూటినీలో తిరస్కరించడం వరకు పక్కా ప్రణాళికతో చేస్తున్నారు. ఏకగ్రీవ విజయాల కోసం వసూలు చేసిన డబ్బును సహకరించిన పోలీసులు, ఎన్నికల అధికారులకు పంచుతున్నారు...ప్రజాస్వామ్యబద్ధంగా జరగాల్సిన ఎన్నికలను చంద్రబాబు ప్రభుత్వంలో డబ్బులు సంపాదించే వ్యాపారంగా మార్చేశారు. ఎన్నికలను నిష్పక్షపాతంగా నిర్వహించాల్సిన వ్యవస్థలే అక్రమాలకు సహకరిస్తున్నాయి. ఎన్నికల హింస, నామినేషన్ల అక్రమాలు, డబ్బుల వసూళ్ల ఆరోపణలపై చంద్రబాబు సమాధానం చెప్పాలి. ఒక్కో అభ్యర్థి నుంచి రూ.40 లక్షల నుంచి రూ.50 లక్షల వరకు వసూలు చేస్తుండటంపై సమగ్ర విచారణ జరపాలి. డబ్బు ఎక్కడి నుంచి వచ్చింది? ఎవరికి చేరింది? ఏ అధికారుల పాత్ర ఉంది? అన్న అంశాలపై స్వతంత్ర దర్యాప్తు జరగాలి. వివాదాస్పద నామినేషన్లు, స్క్రూటినీ ప్రక్రియ, పోలీసుల పాత్రపై రాష్ట్ర ఎన్నికల సంఘం తక్షణమే విచారణకు ఆదేశించాలి’’ అని ఎంపీ గురుమూర్తి డిమాండ్‌ చేశారు.An election mafia and massive money scam is unfolding in Andhra Pradesh! Police and election officials have colluded with TDP leaders to favour the ruling party in the local body elections. This nexus is collecting Rs 40 lakh to Rs 50 lakh from each TDP candidate in return for securing an uncontested victory, turning the electoral process into a money-making operation under Chandrababu Naidu's government. The modus operandi is disturbing. TDP leaders obstructed YSRCP candidates from filing nominations, threatened and physically attacked them, and tore up nomination papers even inside Returning Officers' chambers. Police stood as silent spectators, while election officials rejected opposition nominations on minor technical grounds and through manipulated scrutiny procedures. The objective was to eliminate electoral competition and ensure uncontested victories for TDP candidates. The reported Rs 40 lakh to Rs 50 lakh collected from each candidate was then distributed among those facilitating these outcomes, including police and election officials. This is not merely an election controversy. It raises serious concerns about an organised corruption racket in which electoral victories are allegedly being sold for money, with those entrusted to protect democracy becoming part of the operation. Chandrababu Naidu must answer for the violence, manipulation and corruption surrounding these elections. The State Election Commission must order an independent investigation into the money trail, disputed nominations and the conduct of the officials involved. @thewire_in @ndtv @IndiaToday @TimesAlgebraIND @timesofindia @TimesNow @ANI @BBCIndia @firstpost @CNNnews18 @BBCBreaking @ABPNews @News18India @ThePrintIndia @the_hindu @IndianExpress @DeccanChronicle @PTI_News @WIONews @sardesairajdeep @umasudhir @rohini_sgh @ravishndtv @BDUTT @sagarikaghose @rahulkanwal @ShekharGupta @thenewsminute @republic @TheSouthfirst @htTweets @JagranNews @scroll_in @ZeeNews @EconomicTimes @NewIndianXpress @TV9Telugu @NtvTeluguLive @10TvTeluguNews @bigtvtelugu @10TvTeluguNews #ElectionFraud #SaveDemocracyInAP #AndhraPradesh #ElectionCorruption— Maddila Gurumoorthy (@GuruMYSRCP) October 25, 2026ఇదీ చదవండి: నామినేషన్లలో ‘పచ్చ’ నకిలీలు

సాక్షి, విజయవాడ: తూర్పు మధ్య, ఆనుకొని ఉన్న ఆగ్నేయ బంగాళాఖాతంలో వాయుగుండం.. గడిచిన ఆరు గంటల్లో గంటకు ఐదు కి.మీ వేగంతో కదులుతుందని ఆంధ్రప్రదేశ్ రాష్ట్ర విపత్తుల నిర్వహణ సంస్థ వెల్లడించింది. ఇది ప్రస్తుతానికి విశాఖపట్నంకు 880 కి.మీ, కాకినాడకు 980 కి.మీ, మచిలీపట్నంకు 1080 కి.మీ.,బాపట్లకు 1150 కి.మీ.దూరంలో కేంద్రీకృతమైంది.ఇవాళ(ఆదివారం) తీవ్ర వాయుగుండం, రేపు(సోమవారం) తుపాన్‌గా బలపడే అవకాశముంది. ఎల్లుండి(మంగళవారం) ఉదయం నాటికి పశ్చిమమధ్య బంగాళాఖాతంలో తీవ్ర తుపానుగా బలపడే అవకాశం ఉంది. బుధవారం ఉదయానికి అతి తీవ్ర తుపానుగా బలపడే సూచనలు కనిపిస్తున్నాయి. మధ్యాహ్ననికి బాపట్ల-విశాఖపట్నం మధ్య తీరం దాటే అవకాశం ఉంది. తీరం దాటే సమయంలో గంటకు 115-125 కి.మీ గరిష్టంగా 140 కిమీ వేగంతో ఈదురుగాలులు వీచే అవకాశం ఉందని.. ప్రజలు అత్యంత అప్రమత్తంగా ఉండాలని రాష్ట్ర విపత్తుల నిర్వహణ సంస్థ ఎండీ ప్రఖర్ జైన్ పేర్కొన్నారు.నేటి నుంచి ఐదు రోజుల పాటు ఏపీలో భారీ వర్షాలు కురిసే అవకాశముందని ఐఎండీ పేర్కొంది. 27, 28 తేదీల్లో అత్యంత భారీ వర్షాలు ఉండే అవకాశం ఉందని.. మత్స్యకారులు ఉన్నఫలంగా తీరానికి తిరిగి రావాలని ఐఎండీ హెచ్చరించింది. తుపాను తీరానికి దగ్గరయ్యే కొద్దీ గాలుల తీవ్రత అధికంగా ఉంటుందని ఐఎండీ అంచనా వేసింది.ఇదీ చదవండి: నామినేషన్లలో ‘పచ్చ’ నకిలీలు

సాక్షి, అమరావతి: రోడ్డు ప్రమాదాల నివారణ దిశగా కేంద్రం మరో కీలక నిర్ణయం తీసుకుంది. కార్లలో ఈవెంట్‌ డేటా రికార్డర్ల (ఈడీఆర్‌) ఏర్పాటును తప్పనిసరి చేయనుంది. తద్వారా ప్రమాదాలు సంభవించినప్పుడు ఆ కారుకు సంబంధించిన సాంకేతిక, భద్రతా డేటాను సేకరించనుంది. ఆ డేటాను విశ్లేషించి భవిష్యత్‌లో రోడ్డు ప్రమాదాల నివారణకు భద్రతా ప్రమాణాలను నిర్దేశించేందుకు దోహదపడుతుందన్నది కేంద్రం ఉద్దేశం. దేశంలో పెరుగుతోన్న రోడ్డు ప్రమాదాలు తీవ్ర ఆందోళన కలిగిస్తున్న నేపథ్యంలో కేంద్రం ఈ మేరకు ఈడీఆర్‌ల ఏర్పాటు ప్రతిపాదనను ఆమోదించింది. ప్రమాదాలను నిశితంగా విశ్లేషించేందుకు వీలుగా ఈడీఆర్‌ల ఏర్పాటును కేంద్రం తప్పనిసరి చేసింది. ఈ విధానం 2029 అక్టోబర్‌ 1 నుంచి అమల్లోకి రానుంది. ఈడీఆర్‌ ఎలా పనిచేస్తుందంటే.. విమానాల్లో బ్లాక్‌ బాక్స్‌ మాదిరిగానే కార్లలో ఈడీఆర్‌ వ్యవస్థ అంతర్భాగం కానుంది. ఎంతటి ప్రమాదం సంభవించినా విచ్ఛిన్నం కాని రీతిలో ట్యాంపర్‌ ప్రూఫ్‌ ఎలక్ట్రానిక్‌ పరికరంగా ‘ఈడీఆర్‌’ నిలుస్తుంది. కారు ప్రయాణిస్తున్నంతసేపు ఈడీఆర్‌ డేటా రికార్డ్‌ చేయదు. ఏదైనా ప్రమాదంగానీ ఇతర వాహనాలతో ఢీకొనడం వంటివి సంభవించగానే డేటా రికార్డింగ్‌ మొదలవుతుంది. అదే సమయంలో కార్లలో ఆడియోగానీ వీడియోగానీ రికార్డ్‌ చేయదు. కేవలం కార్లలో సాంకేతిక అంశాలనే రికార్డు చేస్తుంది. కారు స్పీడ్, వెలాసిటీలో మార్పులు, బ్రేక్‌ ఫెడల్‌ పరిస్థితి, సీట్‌బెల్ట్‌ పరిస్థితి, ఎయిర్‌ బ్యాగ్‌ తెరచుకున్న తీరు, స్టీరింగ్‌ యాంగిల్, ప్రమాదం సంభవించిన కాల వ్యవధి (సాధారణంగా 5 సెకన్ల నుంచి 30 సెకన్ల కాలం), ప్రమాదం జరిగిన వెంటనే వచ్చిన మార్పులు తదితర డేటాను రికార్డ్‌ చేస్తుంది. దాంతో ప్రమాదానికి కారణాలు, భవిష్యత్‌లో వాటిని నివారించేందుకు పాటించాల్సిన భద్రతా ప్రమాణాలను నిర్ణయించేందుకు ఆ డేటా ఉపకరిస్తుంది. మరిన్ని భద్రతా ప్రమాణాలు దాంతోపాటు ప్రమాదాల నివారణకు కేంద్ర రవాణా శాఖ కార్లలో మరిన్ని సాంకేతిక మార్పులను తప్పనిసరి చేస్తూ కీలక నిర్ణయాలు తీసుకుంది. ఈ నేపథ్యంలో కేంద్ర రవాణా శాఖ తాజాగా ఎంఐ కేటగిరీ కార్లలో ఇమ్మొబిలైజర్ల ఏర్పాటును తప్పనిసరి చేస్తూ నోటిఫికేషన్‌ జారీ చేసింది. గరిష్టంగా 9 సీట్ల కార్‌లో దొంగతనాలను అరికట్టేందుకు ఈ నిర్ణయం తీసుకుంది. అన్ని కార్లలో ఫుట్‌ కంట్రోల్‌ ఆపరేషన్ల విధానంలో మార్పులు తప్పనిసరి చేసింది.ప్రధానంగా ఎలక్ట్రిక్‌ కార్లకు డిమాండ్‌ పెరుగుతున్న నేపథ్యంలో ఈ మార్పులు తీసుకువచ్చింది. 2028, ఏప్రిల్‌ నుంచి ఉత్పత్తి చేసే కార్లలో ఈ మార్పులు అమల్లోకి వస్తాయి. ఇక కార్లు అదుపుతప్పి పాదచారులపైకి దూసుకుపోయే ప్రమాదాలను నివారించడానికి కూడా కేంద్ర రవాణా శాఖ కార్ల ఫుట్‌ కంట్రోల్‌ వ్యవస్థలో మార్పులు రూపొందించింది. అంతర్జాతీయ భద్రతా ప్రమాణాల మేరకు ఈ మార్పులు చేస్తూ నోటిఫికేషన్‌ జారీ చేసింది. అందులో భాగంగా ఫ్లెక్సిబుల్‌ పెడెస్ట్రియన్‌ లెగ్‌ ఇంపాక్టర్‌(ఫ్లెక్స్‌ పీఎల్‌ఐ) టెస్ట్‌ టూల్‌ను కార్లలో పొందుపరచాలని ఆదేశించింది. 2032 అక్టోబర్‌ నుంచి ఈ మార్పులు అమల్లోకి రానున్నాయి. కేంద్ర హోంశాఖ నివేదిక ప్రకారందేశంలో 2024లో రోడ్డు ప్రమాదాల్లో మరణించిన వారి సంఖ్య 1.77 లక్షల మంది సగటున రోజుకు ప్రమాదాల్లో మృతి చెందిన వారి సంఖ్య 485

సాక్షి, అమరావతి: ఎన్నికల్లో ఇచ్చిన సూపర్‌ సిక్స్‌ హామీలు నెరవేర్చకపోవడం, ఇసుక నుంచి మైకా వరకు దోపిడీ, అయినవాళ్లకు కారు చౌకగా భూములు రాయితీలు ఇవ్వడం, రాష్ట్రంలో పరిపాలన పూర్తిగా గాడితప్పడం.. ప్రభుత్వంపై అసంతృప్తి పెల్లుబుకడంతో స్థానిక ఎన్నికల్లో ఓటమి తప్పదని భావించిన చంద్రబాబు నాయుడు.. ఎలాగైనా గెలిచేందుకు భారతంలో శకునివలే కుట్రలు కుతంత్రాలకు తెరతీశాడు. ఇందుకోసం రాష్ట్ర ఎన్నికల కమిషనర్‌ అనిల్‌ చంద్ర పునేఠను తోలుబొమ్మలాగా, డీజీపీ హరీష్‌కుమార్‌ గుప్తాను కీలుబొమ్మలాగా, కిందిస్థాయి అధికారులను పాచికలుగా మార్చుకొని పచ్చకుట్రకు తెరలేపారు. మున్సిపల్‌ ఎన్నికల్లో కనీసం నామినేషన్లు వేయడానికి అనుమతివ్వకపోగా.. అధికారుల కళ్లముందే వైఎస్సార్‌సీపీ అభ్యర్థులపై దాడులు చేస్తూ, వేసిన నామినేషన్లను లాక్కొని చింపేస్తుంటే ఎసీఈసీ నుంచి డీజీపీ వరకు కళ్లప్పగిస్తూ కూర్చున్నారు. దీనిపై వైఎస్సార్‌సీపీ ఎస్‌ఈసీకి అనేకమార్లు ఫిర్యాదు చేసినా దున్నపోతుపై వర్షం మాదిరి ఎటువంటి స్పందన లేకపోవడంతో ప్రజాస్వామ్య పరిరక్షణ కోసం చివరకు వైఎస్సార్‌సీపీ సుప్రీంకోర్టు వరకు వెళ్లాల్సి వచ్చింది. మున్సిపల్‌ నామినేషన్లపై చంద్రబాబు సర్కారు చేసిన దాష్టీకాలను వీడియోలతో సహా చూపించడంతో రాష్ట్రంలో శాంతిభద్రతలు అనేవి ఉన్నాయా అని సుప్రీంకోర్టు తీవ్రంగా వ్యాఖ్యానించడమే కాకుండా ఈ ఫిర్యాదులపై చర్యలు తీసుకొని ఈ నెల 27లోగా నివేదిక ఇవ్వాలంటూ ఆదేశాలు జారీ చేయడంతో బాబు డైరెక్షన్‌లో రాష్ట్ర ఎన్నికల కమిషన్‌ (ఎస్‌ఈసీ), డీజీపీ తమ నట విశ్వరూపాన్ని ప్రపంచానికి చూపించారు. సుప్రీం తీర్పు వచ్చిన తర్వాత కూడా ఎంపీటీసీ, జెడ్‌పీటీసీ నామినేషన్ల విషయంలో చివరి వరకు కళ్లు మూసుకున్న ఎస్‌ఈసీ, డీజీపీ సుప్రీం కోర్టుకు గంతలు కట్టడానికి నామినేషన్లు రెండుగంటల్లో ముగియనున్న తరుణంలో కమల్‌హాసన్‌ను మించి ఎస్‌ఈసీ, అమితాబ్‌బచ్చన్‌ మించి డీజీపీ తమ నటనా కౌశలాన్ని అద్భుతంగా ప్రదర్శించారు. ఇలా ఎస్‌ఈసీ, డీజీపీ నుంచి ఆదేశాలు రాగానే కింద ఆర్‌వోలు, ఇతర అధికారులు క్యారెక్టర్‌ ఆర్టిస్టుల్లాగా తమ తమ పాత్రల్లో ఒదిగిపోయారు. టేక్‌.. యాక్షన్‌.. షాట్‌ పరిషత్‌ ఎన్నికల్లో చివరకు వరకు వైఎస్సార్‌సీపీ వారిని నామినేషన్లు వేయకుండా అడ్డుకుంటూ కోర్టులను తప్పుదోవ పట్టించడానికి శకుని చంద్రబాబు డైరెక్షన్‌లో కొత్త కుట్రలకు తెరతీశారు. నామినేషన్లు భారీగా నమోదైనట్లు కోర్టులకు చూపించడం కోసం ఏకంగా తెలుగుదేశం కార్యకర్తలకు వైఎస్సార్‌సీపీ కండువాలు వేసి నామినేషన్లు వేసినట్లు దొంగ రికార్డులు నమోదు చేయించారు. అలాగే నామినేషన్ల ప్రక్రియ శుక్రవారం మూడుగంటలతో ముగిసిన తర్వాత 3.15 నిమిషాలకు ఎవరైతే నామినేషన్లు వేయలేకపోయామంటూ ఆందోళన చేస్తున్నారో వారికి అయిదుగంటల వరకు గడువు ఇస్తున్నట్లు ఎస్‌ఈసీ ప్రకటించారు. అంతేకాకుండా ఆయా అభ్యర్థులకు పోలీసులే ఫోన్‌ చేసి వారికి రక్షణ కల్పిస్తూ నామినేషన్లు వేయించాలంటూ ఉత్తర్వులు జారీ చేయడం ఆ వెంటనే పోలీసులు రంగంలోకి దిగి వారికి రక్షణ కల్పిస్తున్నట్లు , నామినేషన్లు వేయడానికి వారిని బతిమాలుతున్నట్లు వీడియోలు తీసుకుంటూ రసవత్తర సన్నివేశాలను పండించారు. నటనా కౌశలంలో పోటాపోటీ నామినేషన్ల ప్రక్రియ ముగిశాక ఎస్‌ఈసీ నటనా కౌశలంలో అత్యున్నత స్థాయికి చేరింది. మాజీ మంత్రి విడదల రజినీని మూడు రోజుల పాటు గృహనిర్బంధం చేయడమే కాకుండా ఆమె ఇంటివద్దనే చిలకలూరిపేట ఎస్‌ఐ దాష్టీకంగా ప్రవరిస్తూ తోసివేసిన వీడియో జాతీయస్థాయిలో పెద్దఎత్తున వైరల్‌ అయ్యింది. ఈ ఘటనను అన్ని రాజకీయపార్టీలు ముక్తకంఠంతో ఖండించడంతో ఎస్‌ఈసీ కంటితుడుపు చర్యలు తీసుకుంది. ఘటన జరిగిన 24 గంటల తర్వాత ఆ ఎస్‌ఐను సస్పెండ్‌ చేస్తూ ఎన్నికల విధుల నుంచి తప్పించినట్లు ప్రకటించింది. అలాగే అన్నమయ్య జిల్లా ములకల చెరువు ఎన్నికల విధుల్లో నిర్లక్ష్యం, పక్షపాతంగా వ్యవహరించిన సీఐ దస్తగిరి, ఎస్సై రామకృష్ణపై క్రమశిక్షణా చర్యలు తీసుకోవాలంటూ శనివారం సాయంత్రం ఆదేశాలు జారీ చేసింది. ఈ ఇద్దరు అధికారులను విధుల నుంచి రిలీవ్‌ చేసి నవంబర్‌ 5లోగా క్రమశిక్షణ చర్యలపై పూర్తి నివేదిక ఇవ్వాల్సిందిగా ఆదేశించింది. ఇలా పార్టీ గుర్తులపై జరిగే మున్సిపల్, పరిషత్‌ ఎన్నికల నామినేషన్ల ప్రక్రియ ముగిసే వరకు మొద్దు నిద్ర నటించిన ఎస్‌ఈసీ అంతా అయిపోయిన తర్వాత ఇప్పుడు చర్యలు తీసుకోవడం వల్ల ఏమి ఉపయోగం ఉంటుందని రాజకీయ విశ్లేషకులు వ్యాఖ్యానిస్తున్నారు. ఇది కేవలం 27న సుప్రీంకోర్టుకు కళ్లకు గంతలు కట్టేందుకే ఈ కంటితుడుపు చర్యలు అని వ్యాఖ్యానిస్తున్నారు.

సాక్షి, అమరావతి: దేశ ఎన్నికల చరిత్రలో అనేక అక్రమాలకు ఆద్యుడుగా పేరున్న చంద్రబాబు.. ప్రస్తుత స్థానిక సంస్థల ఎన్నికల్లో నకిలీ నామినేషన్లు అనే నీచ సంస్కృతికి తెరలేపారు. ఈ క్రమంలో టీడీపీ నేతలు ఎంపీటీసీ, జెడ్పీటీసీ ఎన్నికల్లో వైఎస్సార్‌సీపీ అభ్యర్థుల పేరుతో వందల కొద్దీ నకిలీ నామినేషన్లు దాఖలు చేయించారు. దేశ ఎన్నికల చరిత్రలోనే ఎప్పుడూ, ఎక్కడా లేని రీతిలోమున్సిపల్‌ ఎన్నికల నామినేషన్ల ప్రక్రియలో.. పోలింగ్‌ కేంద్రాల లోపల, వెలుపల పోలీసుల ఎదుటే నామినేషన్లు వేయడానికి వచ్చిన ఆశావహ అభ్యర్థులపై అధికార పార్టీ అల్లరి మూకలు యథేచ్ఛగా దాడులు చేస్తూ వారి చేతుల్లో నామినేషన్లు ఎత్తుకెళ్లడం తెలిసిందే. అభ్యర్థులు అందజేసిన నామినేషన్లను అధికారుల చేతుల్లో నుంచి సైతం లాక్కొని చించి వేయడం.. మహిళా అభ్యర్థులపై దాడులకు తెగబడి వారిని ఇష్టమొచ్చినట్టు తాకుతూ అసభ్యంగా ప్రవర్తించడం.. వంటి చర్యలతో స్థానిక’ ఎన్నికల్లో శాంతిభద్రతల పరిస్థితులపై సుప్రీంకోర్టు తీవ్రంగా ఆక్షేపించిన విషయం తెలిసిందే. రాష్ట్రంలో అధికార పార్టీ గూండాలు కొనసాగిస్తున్న అరాచకాలపై దేశ వ్యాప్తంగా ప్రముఖులు, విశ్లేషకులు సోషల్‌ మీడియా ద్వారా తూర్పారబట్టారు. దీంతో చంద్రబాబు సరికొత్త డ్రామాలకు తెరలేపారు. ప్రతిపక్ష పార్టీ అభ్యర్థులతో నామినేషన్లు వేయనివ్వని విషయం కలకలం రేపడంతో.. టీడీపీ నేతలే, వైఎస్సార్‌సీపీ అభ్యర్థులమంటూ పలుచోట్ల నామినేషన్లు దాఖలు చేశారు. ఆ తర్వాత వారు ఉపసంహరించుకోవడంతో ఆ స్థానం ఏకగ్రీవం అయ్యేలా చక్రం తిప్పారు. తద్వారా ప్రజాస్వామ్య వ్యవస్థను పూర్తి కలుషితం చేశారు. పల్నాడు, ప్రకాశం, సీమ జిల్లాల్లో ఇష్టారాజ్యం వెన్నుపోటు పార్టీకి రాష్ట్ర ఎన్నికల కమిషనర్, ఎన్నికల రిటర్నింగ్‌ అధికారులు, పోలీసులు పూర్తిగా సహకరించడంతో నకిలీ నామినేషన్ల పర్వం యథేచ్ఛగా సాగింది. ఈ విషయం గురించి తొలుత కడప ఎంపీ వైఎస్‌ అవినాష్‌ రెడ్డి ఎస్‌ఈసీ దృష్టికి తీసుకొచ్చినప్పటికీ, ఎలాంటి చర్యలూ తీసుకోలేదు. ఎంపీటీసీ ఎన్నికలకు సంబంధించి తొలి రోజు రాష్ట్ర వ్యాప్తంగా కేవలం 5,267 నామినేషన్లు దాఖలు కాగా, రెండో రోజు 26,886, మూడో రోజు 25,016 చొప్పున దాఖలు అయ్యాయి. జెడ్పీటీసీ నామినేషన్లు తొలి రోజు రాష్ట్ర వ్యాప్తంగా కేవలం 409 మాత్రమే దాఖలు కాగా, రెండో రోజు 2,409, మూడో రోజు 3,315 చొప్పున దాఖలు కావడం గమనార్హం. మొత్తంగా ఎంపీటీసీ, జెడ్పీటీసీ స్థానాలకు 57,626 నామినేషన్లు దాఖలయ్యాయి. అయితే స్థానిక ఎన్నికల్లో నామినేషన్లు వేయనివ్వక పోవడంపై తొలిరోజు సుప్రీంకోర్టు తీర్పు వెలువడిన తర్వాత టీడీపీ.. వైఎస్సార్‌సీపీ పేరుతో నకిలీ నామినేషన్ల పర్వానికి తెరలేపడంతో రెండో రోజు, మూడో రోజు నామినేషన్ల సంఖ్య అమాంతం పెరగడం గమనార్హం. పల్నాడు, ప్రకాశం, రాయలసీమ జిల్లాల్లో నకిలీ నామినేషన్ల దందా భారీగా కొనసాగింది. వాటి వివరాలు మచ్చుకు కొన్ని ఇలా.. వైఎస్సార్‌ కడప జిల్లాలో బరితెగింపు పులివెందుల నియోజకవర్గం చక్రాయపేట మండలంలో గురువారం నామినేషన్ల ప్రక్రియ ముగిసే సమయానికి వైఎస్సార్‌సీపీ తరఫున 11 నామినేషన్లు దాఖలు కాగా, అందులో ఒక్కటంటే ఒక్కటి కూడా అసలైన వైఎస్సార్‌సీపీ నేతలది కాదు. పక్కా వ్యూహంతో టీడీపీ వర్గీయులే వైఎస్సార్‌సీపీ పేరుతో 11 నామినేషన్లను దాఖలు చేశారు. పెండ్లిమర్రి మండలంలోనూ ఇదే మైండ్‌ గేమ్‌ను అమలు చేశారు. అక్కడ మొత్తం ఆరు నామినేషన్లు దాఖలు కాగా, ఇందులో మూడింటిని టీడీపీ నేతలే వైఎస్సార్‌సీపీ అభ్యర్థులుగా వేశారు. చింతకొమ్మదిన్నె మండలంలో ఏడు నకిలీ నామినేషన్లు వేశారు. ఎర్రగుంట్ల మండలంలో వైఎస్సార్‌సీపీ తరఫున కూటమి నాయకులే డమ్మీలుగా రంగంలోకి దిగారు. వలసపల్లె స్థానానికి పాతకోటకు చెందిన టీడీపీ వర్గీయుడు రఘునాథ్‌ రెడ్డి, ఆర్టీపీపీ కృష్ణానగర్‌ స్థానానికి గుంతకల్లుకు చెందిన నాగప్ప.. వైఎస్సార్‌సీపీ అభ్యర్థులుగా ముసుగు వేసుకుని నామినేషన్లు వేశారు. పోట్లదుర్తి గ్రామానికి చెందిన మాధవి (మాతమ్మ)తో పాటు నరసింహులు అనే వ్యక్తి కూడా కూటమి కుట్రలో భాగంగా ప్రతిపక్ష అభ్యర్థులుగా పత్రాలు సమర్పించారు. కొండాపురం మండలంలో వైఎస్సార్‌సీపీతో సంబంధం లేని నలుగురిని పట్టుకొచ్చి దొంగ నామినేషన్లు వేయించారు. మొనగోటి గంగమ్మ, కృష్ణారెడ్డి కుమారుడు ఏ.సిద్ధార్థ రెడ్డి, పెద్దన్న కుమారుడు వై.ప్రసాదు, పెద్దయ్య భార్య వై.సావిత్రిల చేత బలవంతంగా వైఎస్సార్‌సీపీ తరఫున నామినేషన్లు దాఖలు చేయించి రికార్డులను తారుమారు చేశారు. కలసపాడు, పులివెందులలోనూ అదే వ్యూహంతో అధికార పార్టీ దుర్మార్గానికి ఒడిగట్టింది. మొత్తం 9 ఎంపీటీసీ స్థానాలు ఉన్న కలసపాడు మండలంలో అసలైన వైఎస్సార్‌సీపీ నేతలు ఎవ్వరూ నామినేషన్‌ వేయకుండా కట్టడి చేశారు. ఆ తర్వాత కోర్టు భయంతో టీడీపీ నేతలే నాలుగు దొంగ నామినేషన్లు వేశారు. ఇక్కడ మొత్తం నామినేషన్ల సరళిని పరిశీలిస్తే 9 టీడీపీ, 4 వైఎస్సార్‌పీసీ పేరిట నకిలీ, 2 స్వతంత్ర అభ్యర్థులవిగా తేలింది. పులివెందుల నియోజకవర్గంలో వైఎస్‌ కుటుంబ స్వగ్రామమైన బలపనూరు ఎంపీటీసీ స్థానానికి టీడీపీ నాయకుడు ముసుగు వేసుకుని వైఎస్సార్‌సీపీ అభ్యర్థిగా దొంగ నామినేషన్‌ దాఖలు చేయడం స్థానికులను విస్మయానికి గురిచేసింది. మార్కాపురం జిల్లాలో అదే కుతంత్రం కంభం మండలం ఎల్‌కోట ఎంపీటీసీ టీడీపీ అభ్యర్ధిగా పోటీ చేస్తున్న మహిళ భర్త తాటికొండ వెంకటేశ్వర్లు వైఎస్సార్‌సీపీ పేరిట అదే ఎంపీటీసీ స్థానంలో నామినేషన్‌ దాఖలు చేశారు. వైఎస్సార్‌సీపీ తరఫున టీడీపీ సభ్యత్వం ఉన్న తమ్మిశెట్టి సత్యమూర్తి కందులాపురం తూర్పు ఎంపీటీసీగా, యేల్చూరి సుబ్రమణ్యం కందులాపురం దక్షిణం ఎంపీటీసీగా నామినేషన్లు దాఖలు చేశారు. తర్లుపాడు మండలం సీతానాగులవరం ఎంపీటీసీగా అక్కడి టీడీపీ కార్యకర్తలు నాగేల్ల ఆంజనేయులు, ఊసు ఈశ్వరమ్మలు వైఎస్సార్‌సీపీ అభ్యర్థులుగా నామినేషన్లు దాఖలు చేశారు. ఇదే మండలంలోని మీర్జాపేట ఎంపీటీసీ స్థానాన్ని ఏకగ్రీవం చేసుకునేందుకు వైఎస్సార్‌సీపీ తరఫున గొల్లమారి భాస్కర్‌ రెడ్డితో నామినేషన్‌ వేయించారు. పొదిలి మండలం ఏలూరు ఎంపీటీసీ వైఎస్సార్‌సీపీ అభ్యర్థిగా టీడీపీ కార్యకర్త ధర్మవరపు కోటిరెడ్డితో నామినేషన్‌ వేయించారు. యర్రగొండపాలెం మండలంలో టీడీపీ గూండాలు తమ పార్టీ కార్యకర్తలు, సానుభూతి పరులతో మొత్తం 12 మంది ద్వారా వైఎస్సార్‌సీపీ పేరుతో నకిలీ నామినేషన్లు దాఖలు చేయించారు. గురిజేపల్లి ఎంపీటీసీ స్థానానికి యర్రగొండపాలెం విద్యుత్‌ సబ్‌ స్టేషన్‌లో ఎలక్ట్రికల్‌ లైన్‌ కాంట్రాక్టర్‌గా పనిచేసే భవనం మల్లారెడ్డితో వైఎస్సార్‌సీపీ అభ్యర్థిగా టీడీపీ నేతలే నామినేషన్‌ దాఖలు చేయించారు. బోయలపల్లి ఎంపిటీసీ స్థానానికి కొమ్ము బుజ్జితో టీడీపీ నేతలే నామినేషన్‌ వేయించారు. టీడీపీ నేత, మాజీ సర్పంచ్‌ వెన్నా రంగారెడ్డి అమానిగుడిపాడు ఎంపీటీసీగా వైఎస్సార్‌సీపీ అభ్యరి్ధగా నామినేషన్‌ దాఖలు చేశారు. మార్కాపురం జిల్లా బేస్తవారిపేట మండలం పిటికాయగుళ్ల ఎంపీటీసీ స్థానానికి టీడీపీ నేతలు బోరెడ్డి బ్రహేశ్వరి, గలిజేరుగళ్ల ఎంపీటీసీ అభ్యర్థిగా తాండ్ర నాగలక్ష్మి, రాచర్ల మండలం పాలకవీడు ఎంపీటీసీ స్థానానికి దొనపాటి రమణారెడ్డి, గుడిమెట్ల ఎంపీటీసీలో మదిరె రమాదేవి, రాచర్ల ఎంపీటీసీలో గుమ్ముళ్ల కిరణ్, యడవల్లి ఎంపీటీసీగా మంచికుమార్‌ నామినేషన్లు వేశారు. పల్నాడు జిల్లాలోనూ కొనసాగిన కుట్రపల్నాడు జిల్లా దాచేపల్లి మండలంలో 8 చోట్ల టీడీపీ నేతలే వైఎస్సార్‌సీపీ అభ్యర్థులుగా నామినేషన్లు దాఖలు చేశారు. శ్రీనగర్‌ ఎంపీటీసీ అభ్యర్థిగా జి.గంగమ్మ, శ్రామాపురం ఎంపీటీసీ అభ్యర్థిగా గంజికుంట వెంకట నాగ సుబ్బారావు, శగామాలపాడు ఎంపీటీసీ అభ్యర్థిగా మేదరయేసు, పొందుగల ఎంపీటీసీ అభ్యర్థిగా తండా జానీ బేగం, పెదగార్లపాడు ఎంపీటీసీ అభ్యర్థిగా పులిబండ్ల వెంకటనారయ్యలు టీడీపీ కార్యకర్తలుగా ఉంటూ వైఎస్సార్‌సీపీ అభ్యర్థులుగా నకిలీ నామినేషన్లు వేశారు. అచ్చెంపేట మండలంలో 16 చోట్ల టీడీపీ నేతలు వైఎస్సార్‌సీపీ పేరుతో నామినేషన్లు దాఖలు చేశారు. దుర్గి మండలం కొలగట్లలో టీడీపీ నేత మారాసు వెంకట్రావు వైఎస్సార్‌సీపీ తరుఫున పార్టీ జెండా పట్టుకుని నామినేషన్‌ దాఖలు చేశారు. మాచర్ల నియోజకవర్గంలోని ఐదు మండలాల్లోనూ టీడీపీ నేతలే వైఎస్సార్‌సీపీ అభ్యర్థులుగా నకిలీ నామినేషన్లు వేశారు. మాచర్ల మండలంలో 3, వెల్దుర్తి మండలంలో 6, రెంటచింతల మండలంలో 2, దుర్గి మండలంలో 4, కారంపూడిలో ఒక నకిలీ నామినేషన్‌ వేశారు. కుప్పంలోనూ ఇదే దుర్మార్గం చంద్రబాబు సొంత నియోజకవర్గం కుప్పంలోనూ ఈ దుర్మార్గం కొనసాగింది. రామకుప్పం మండలం వీరన్నమాల ఎంపీటీసీ స్థానానికి టీడీపీ నేత శ్రీనివాసులు భార్య దేవిక వైఎస్సార్‌సీపీ అభ్యర్థిగా నామినేషన్‌ వేశారు. ఇదే మండలంలోని నాన్యాల తండా ఎంపీటీసీ స్థానానికి టీడీపీ నేత రాజేంద్రనాయక్‌.. వైఎస్సార్‌సీపీ అభ్యర్థిగా నామినేషన్‌ వేశారు. పండ్యాలమడుగు ఎంపీటీసీ స్థానానికి టీడీపీ నేత కె.కృష్ణమూర్తి వైఎస్సార్‌సీపీ అభ్యర్థిగా నామినేషన్‌ వేశారు.

సాక్షి, అమరావతి: రాష్ట్రంలో స్థానిక సంస్థల ఎన్నికల సందర్భంగా చోటుచేసుకుంటున్న పరిణామాలు జాతీయ స్థాయిలో తీవ్ర చర్చకు దారితీస్తున్నాయి. ప్రతిపక్ష అభ్యర్థులను నామినేషన్లు వేయకుండా అడ్డుకుంటున్నారనే ఆరోపణలు, మహిళా నాయకులపట్ల చంద్రబాబు ప్రభుత్వ తీరు, పోలీసుల వ్యవహారశైలిపై సామాజిక మాధ్యమాల్లో విమర్శలు వెల్లువెత్తుతున్నాయి. మాజీ మంత్రి విడదల రజినిని పోలీసులు నెట్టివేసి కిందపడేసిన వీడియో వైరల్‌ కావడంతో పలువురు జాతీయ ప్రముఖులు, జర్నలిస్టులు, రాజకీయ నేతలు స్పందించారు. పోలీసుల ప్రవర్తన, ఎన్నికల వేళ ప్రతిపక్ష అభ్యర్థులకు ఎదురవుతున్న ఇబ్బందులపై ఆందోళన వ్యక్తం చేస్తున్నారు. రాష్ట్రంలో ఎన్నికలు స్వేచ్ఛగా, నిష్పక్షపాతంగా జరుగుతున్నాయా?, అభ్యర్థులకు రక్షణ కల్పించాల్సిన వ్యవస్థ ఏం చేస్తోంది? అంటూ ప్రశ్నలు సంధిస్తున్నారు.‘ఎన్నికల సంఘం ఏం చేస్తోంది’స్థానిక సంస్థల ఎన్నికల సందర్భంగా ప్రతిపక్ష అభ్యర్థులను అడ్డుకుంటున్నారనే ఆరోపణలు, పోలీసుల వ్యవహారశైలిపై వస్తున్న విమర్శలు రాజకీయంగా ప్రాధాన్యం సంతరించుకున్నాయి. ఈ పరిణామాలపై జాతీయ స్థాయిలోనూ చర్చ జరుగుతోంది. అభ్యర్థులందరికీ నామినేషన్లు దాఖలు చేసుకునే అవకాశం, ఓటర్లకు స్వేచ్ఛగా ఓటువేసే పరిస్థితులు కల్పించడం ఎన్నికల ప్రక్రియలో కీలకం. కానీ.. ఏపీలో ఇంత జరుగుతుంటే ఎన్నికల సంఘం ఏం చేస్తోంది. అని రాజకీయ విశ్లేషకులు, సామాన్య ప్రజలు ప్రశ్నిస్తున్నారు.‘పోటీచేసే అవకాశం లేకపోతే ఓటెలా వేస్తారు’రాజకీయ వ్యాఖ్యాత అల్కా మౌర్య కూడా ఈ ఘటనపై స్పందించారు. ‘ఎన్నికల్లో ప్రజల కోసం పనిచేసే వారిని ఎన్నుకోవాలని చెబుతాం. కానీ పోటీ చేయాలనుకునే వ్యక్తి కనీసం నామినేషన్‌ కూడా దాఖలు చేయలేని పరిస్థితి ఉంటే ప్రజలు ఎవరికి ఓటు వేయాలి’ అని ప్రశ్నించారు. ఆంధ్రప్రదేశ్‌లో బహిరంగంగా దౌర్జన్యాలు జరుగుతున్నాయని, పోలీసులు వాటిని అడ్డుకోకుండా వేడుక చూస్తున్నారని విమర్శించారు.‘మీ కళ్లముందే జరుగుతోంది’సీనియర్‌ జర్నలిస్టు రవీశ్‌కుమార్‌ కూడా ఎన్ని­కల ప్రక్రియపై విమర్శలు చేశారు. ‘అంతా మీ కళ్ల ముందే ఉంది. యూపీలో ఓటర్ల జాబితా సమస్య, ఆంధ్రలో నామినేషన్లు అడ్డుకుంటున్నారనే ప్రచారం. ఈ విధంగా ఎన్నికలు జరుగుతున్నాయి. దీనిని కూడా సమర్ధించుకోవడానికి ప్రజలు డెబ్బైల నాటి కథలను వెతికి మరీ తీసుకువస్తారు’ అని ఏపీలో ఎన్ని­కల నిర్వహణలో చోటుచేసుకుంటున్న పరిణామాలపై ఆయన తన అభిప్రాయాన్ని వ్యక్తం చేశారు.‘దేశం తీవ్ర ప్రమాదంలో ఉంది’సౌరవ్‌దాస్‌ అనే సామాజిక కార్యకర్త స్పందిస్తూ.. ‘ప్రస్తుత వ్యవస్థను మనం ఇందుకే ప్రక్షాళన చేయా­లి. మన దేశం తీవ్ర ప్రమాదంలో ఉంది’ అని వ్యా­ఖ్యానించారు. ఏపీలో ఎన్ని­కల్లో పోటీచేసే అభ్యర్థులకు ఎదురవుతున్న ఇబ్బందులు, ప్రజాస్వామ్య వ్య­వస్థ పనితీరుపై ఆయన ఆందోళన వ్యక్తం చేశారు.‘మాజీ మంత్రినే పడదోస్తారా’మహారాష్ట్ర కాంగ్రెస్‌ ముఖ్య అధికార ప్రతినిధి అతు­ల్‌ లోంధే పాటిల్‌ సామాజిక మాధ్యమం ‘ఎక్స్‌’ వేదికగా స్పందిస్తూ.. విడదల రజినికి సంబంధించిన వీడియోను పోస్టుచేసి పోలీసుల తీరును ప్రశ్నించారు. ‘ఆంధ్రప్రదేశ్‌ మాజీ ఆరోగ్య శాఖ మంత్రిని నేలపై పడదోశారు’ అని విమర్శించారు. ఈ ఘటనలో పోలీసుల ప్రవర్తనను ఆయన తప్పుబట్టారు.ఆంధ్రప్రదేశ్‌లో ఏం జరుగుతోంది?ప్రముఖ యూట్యూబర్‌ ధ్రువ్‌ రాఠీ ఆంధ్రప్రదేశ్‌లో చోటుచేసుకుంటున్న రాజ­కీయ ఉద్రి­క్తతలు, హింసకు సంబంధించిన పరిణామాలపై స్పందిస్తూ ‘ఆంధ్రప్రదేశ్‌లో ఏం జరుగుతోంది’ అని ‘ఎక్స్‌’ వేదికగా ప్రశ్నించారు. రజినికి సంబంధించిన వీడియోను ఆయన షేర్‌ చేశారు. ‘ఏపీలో శాంతిభద్రతలు క్షీణించాయి’నమ్రా పటేల్‌ అనే నెటిజన్‌ ఆంధ్రప్రదేశ్‌లో స్థానిక సంస్థల ఎన్నికల సందర్భంగా శాంతిభద్రతలు క్షీణించాయని ఆరోపించారు. ప్రతిపక్ష అభ్యర్థుల కుటుంబాలను, అసమ్మతిని స్వేచ్ఛగా వ్యక్తం చేయాలనుకునే పౌరులను రక్షించడంలో రాష్ట్ర యంత్రాంగం విఫలమైందని పేర్కొన్నారు. సీఎం చంద్రబాబు పాలనా తీరును విమర్శిస్తూ.. ‘అధికార దాహంలో విధులను విస్మరించారు’ అని ఆరోపించారు.‘నామినేషన్లు కూడా వేయనివ్వరా’డిజిటల్‌ మీడియా సంస్థ ‘నేషనల్‌ దస్తక్‌’ కూడా ఎక్స్‌ వేదికగా స్పందించింది. ఎన్ని­కల ప్రక్రియపై తీ­వ్ర విమర్శలు చేస్తూ.. ‘ఆంధ్రప్రదేశ్‌లో బీజేపీ మిత్రపక్షమైన చంద్రబాబు పార్టీకి చెందిన వారు స్థానిక ఎన్నికల్లో ప్రతిపక్ష అభ్యర్థులను నామినేషన్లు కూడా వేయనివ్వడం లేదు. ఎన్నిక­ల సంఘం మౌనంగా ఉంది. భారీ మెజా­ర్టీ­తో గెలిచిన పార్టీ ఇప్పుడు ఓటమికి భ­యపడుతోంది’ అని వ్యాఖ్యానించింది.

కాపు యువకుడు గాదె సాయికృష్ణను మేజిస్ట్రేట్‌ ముందు హాజరు పరచకుండా పోలీసులు కస్టడీలో ఉంచి చిత్రవధ చేశారు. కొట్టి చంపేసిన తర్వాత కూడా సాయికృష్ణ సజీవంగానే ఉన్నాడని నమ్మించే కిరాతకానికి పాల్పడ్డారు. ఆ నేరాన్ని కప్పిపుచ్చుకునేందుకు సాక్ష్యాలను ధ్వంసం చేశారు. సీసీటీవీ హార్డ్‌డిస్క్‌లను మార్చేశారు. 18 నెలలకు సంబంధించిన సీసీ టీవీ ఫుటేజీ మాయం చేశారు. సాయికృష్ణ మృతదేహాన్ని దహనం చేసి తమకు ఏమి తెలియనట్లు వ్యవహరించారు.విజయవాడ కృష్ణలంక పోలీస్‌స్టేషన్‌లో గాదె సాయికృష్ణ లాకప్‌ డెత్‌ కేసులో విజయవాడ కోర్టుకు సీబీఐ సమర్పించిన ప్రాథమిక దర్యాప్తు నివేదిక(ఎఫ్‌ఐఆర్‌) సారాంశం ఇదీ!సాక్షి, అమరావతి: ‘కాపు యువకుడు గాదె సాయికృష్ణను మేజిస్ట్రేట్‌ ముందు హాజరుపరచకుండా పోలీసులు కస్టడీలో ఉంచి చిత్రవధ చేశారు. కొట్టి చంపేసిన తర్వాత కూడా సాయికృష్ణ సజీవంగానే ఉన్నాడని నమ్మించే కిరాతకానికి పాల్పడ్డారు. ఆ నేరాన్ని కప్పిపుచ్చుకునేందుకు సాక్ష్యాలను ధ్వంసం చేశారు.’అని విజయవాడ కోర్టుకు సీబీఐ సమర్పించిన ప్రాథమిక దర్యాప్తు నివేదిక(ఎఫ్‌ఐఆర్‌)లో స్పష్టం చేసింది. గాదె సాయికృష్ణ లాకప్‌ డెత్‌పై హైకోర్టు ఆదేశాలతో రంగంలోకి దిగిన సీబీఐ ఈ నెల 22న ఆర్‌సీ 035/2026/ఎస్‌/0011 కింద ఎఫ్‌ఐఆర్‌ నమోదు చేసింది. సాయికృష్ణ తల్లి విజయలక్ష్మీ ఫిర్యాదుతో కృష్ణలంక పోలీస్‌స్టేషన్‌లో నమోదైన క్రై మ్‌ నంబర్‌ 107/2026 కేసు హైకోర్టు ఆదేశాల మేరకు సీబీఐకి బదిలీ అయిన నేపథ్యంలో అప్పటి సీఐ నాగరాజుతోపాటు మరో ఆరుగురిపై సీబీఐ కొత్తగా కేసు నమోదు చేసి దర్యాప్తు చేపట్టింది. దీనిపై ఇప్పటికే సిట్‌ నుంచి సేకరించిన దర్యాప్తు వివరాలు, పలు ప్రాథమిక ఆధారాలను ప్రస్తావిస్తూ సీబీఐ విజయవాడ కోర్టుకు 102 పేజీలతో కూడిన ఎఫ్‌ఐఆర్‌లో అనేక అంశాలు ప్రస్తావించింది. సాయికృష్ణను విజ­యవాడ పోలీసులు తీసుకురావడం దగ్గర్నుంచి జరి గిన పరిణామాలు, విజయవాడ సీపీకి విజయలక్ష్మి రాసిన విన్నపం, కేసును సీబీఐకి అప్పగిస్తూ హైకోర్టు ఇచ్చిన ఆదేశాలను సీబీఐ ఎఫ్‌ఐఆర్‌లో సు­దీర్ఘంగా వివరించడంతోపాటు వాటికి సంబంధించిన రాతపూర్వక ఆధారాలను కూడా జత చేసింది. కొట్టి చంపి సాక్ష్యాలు లేకుండా చేశారు..సాయికృష్ణను అక్రమంగా నిర్బంధించి పోలీసులు తీవ్రంగా కొట్టడం, అతడి మరణానికి కారణమైన పరిస్థితులు, మృతదేహం ఆచూకీ లేకుండా చేయడం, సాక్ష్యాలను ధ్వంసం చేయడం లాంటి తీవ్రమైన ఆరోపణలు ఈ కేసులో ఉన్నట్టు సీబీఐ పేర్కొంది. సీసీటీవీ హార్డ్‌డిస్క్‌లను మార్చడం, ఫుటేజీ అందుబాటులో లేకుండా చేయడం, సాయికృష్ణ మొబైల్‌ ఫోన్‌ను ఇతరుల ద్వారా వినియోగించడం లాంటి అంశాలను ఎఫ్‌ఐఆర్‌లో పేర్కొంది. మేజిస్ట్రేట్‌ ఎదుట హాజరుపరచని పోలీసులుమార్కాపురంలో ఉంటున్న సాయికృష్ణను 2026 మే 6న తెల్లవారుజామున సుమారు 3 గంటలకు పోలీ­సులు అదుపులోకి తీసుకున్నట్లు దర్యాప్తు వివరాలు వెల్లడిస్తున్నాయని సీబీఐ తెలిపింది. అదే రోజు ఉదయం 7 గంటలకు విజయవాడలోని కృష్ణలంక పోలీస్‌స్టేషన్‌కు తీసుకొచ్చి అక్కడి సిబ్బందికి అప్పగించారు. అనంతరం అతడి కస్టడీని అప్పటి స్టేషన్‌ హౌస్‌ ఆఫీసర్‌ ఎస్‌ఎస్‌వివి నాగరాజుకు అప్పగించినట్లు ఎఫ్‌ఐఆర్‌లో పేర్కొంది.చట్టప్రకారం నిర్ణీత గడువులోగా సాయికృష్ణను సంబంధిత మేజిస్ట్రేట్‌ ఎదుట హాజరుపరచలేదని, పోలీసుల కస్టడీ నుంచి కూడా విడుదల చేయలేదని దర్యాప్తులో ప్రాథమికంగా వెల్లడైనట్లు ఎఫ్‌ఐఆర్‌లో ప్రస్తావించింది. పోలీస్‌­స్టేషన్‌లో ఉండగానే సాయికృష్ణపై దాడి చేసి కొట్టినట్టు విచారణ సందర్భంగా సాక్షుల వాంగ్మూలా­లు, ఇతర ఆధారాలు సూచిస్తున్నాయని పేర్కొంది. మే 8న పోలీస్‌స్టేషన్‌లోనే సాయికృష్ణను పరీక్షించిన ఆర్‌ఎంపీ వైద్యుడు అతడి శరీరంపై గాయాలు, వా­పులు ఉన్నాయని తెలిపినట్టు సీబీఐ ప్రస్తావించింది. సీసీటీవీ హార్డ్‌డిస్క్‌లు ఎందుకు మార్చారు?ఈ కేసులో కృష్ణలంక పోలీస్‌స్టేషన్‌లోని సీసీటీవీ వ్యవస్థ అత్యంత కీలకమని సీబీఐ పేర్కొంది. స్టేషన్‌లోని నెట్‌వర్క్‌ వీడియో రికార్డర్‌ (ఎన్‌వీఆర్‌)లోని నాలుగు హార్డ్‌డిస్క్‌లను తొలగించి వాటి స్థానంలో వేరే డిస్క్‌లను అమర్చినట్లు దర్యాప్తులో వెల్లడైందని ఎఫ్‌ఐఆర్‌లో తెలిపింది. సీసీటీవీ వ్యవస్థను ఏర్పాటుచేసిన అధీకృత సంస్థ ఆ డిస్క్‌లను తాము సరఫరా చేయలేదని, వాటిని మార్చటానికి సంబంధించి తమ అనుమతితో ఎలాంటి పనులు జరగలేదని తెలిపినట్లు దర్యాప్తు వివరాలు వెల్లడిస్తున్నాయి. స్వాధీనం చేసుకున్న ఎన్‌వీఆర్‌లో సంబంధిత కాలానికి చెందిన ఫుటేజీతో పాటు అంతకుముందు 18 నెలల ఫుటేజీ కూడా అందుబాటులో లేదని ఫోరెన్సిక్‌ పరిశీలనలో గుర్తించారు. మే 6 నుంచి 9 వరకు సాయికృష్ణ పోలీస్‌స్టేషన్‌లో ఉన్న సమయానికి సంబంధించిన దృశ్యాలు లేకుండా చేయడానికే సాక్ష్యాలను మాయం చేశారని ప్రాథమికంగా నిర్ధారించినట్టు పేర్కొంది. బతికే ఉన్నట్లు నమ్మించే యత్నం..సాయికృష్ణ చనిపోయిన తర్వాత కూడా అతడి మొ­బై­ల్‌ ఫోన్, సిమ్‌కార్డు వినియోగంపై దర్యాప్తులో కీల­క అంశాలు వెలుగులోకి వచ్చాయి. మరో వ్యక్తి సా­యికృష్ణ ఫోన్, సిమ్‌ను ఉపయోగించి గోవాలో వా­టిని యాక్టివేట్‌ చేసినట్లు సాక్షుల వాంగ్మూలాలు, కాల్‌ డేటా రికార్డులు (సీడీఆర్‌), టవర్‌ లొకేషన్‌ వివరాలు సూచిస్తున్నాయని ఎఫ్‌ఐఆర్‌లో సీబీఐ నివేదించింది. మే 30 నుంచి జూన్‌ 9 వరకు సాయికృష్ణ ఫోన్‌ను గోవాలో వినియోగించినట్లు దర్యాప్తులో గుర్తించా­రని, తద్వారా సాయికృష్ణ బతికే ఉన్నాడని, పరారీలో ఉన్నాడని నమ్మించే ప్రయత్నం జరిగింద­ని వెల్లడించింది. అతడి కుటుంబ సభ్యులను రాజీకి ఒప్పించేందుకు ఒత్తిడి చేయడం, బెదిరించడం లాంటి అంశాలనూ దర్యాప్తు అధికారులు ప్రస్తావించారు.మృతదేహం దహనం చేసినట్లు ఆరోపణలుసాయికృష్ణ మరణించిన తర్వాత మృతదేహాన్ని మా­యం చేశారనే ఆరోపణ ఈ కేసులో అత్యంత తీవ్రమైనది. ఈ కేసులో నాలుగో నిందితుడైన గులివిందల సురేష్‌ ఇచ్చినట్లు పేర్కొన్న వాంగ్మూలం ఆధారంగా మే 12న మధ్యాహ్నం 2 గంటల తర్వాత సాయికృష్ణ మరణించినట్లు, అనంతరం మృతదేహా­న్ని తరలించి పారవేయాలని అప్పటి సీఐ నాగరాజు ఆదేశించినట్లు దర్యాప్తు నివేదికలో ప్రస్తావించారు.మే 12–13 మధ్య రాత్రి మృతదేహాన్ని విజయవాడలోని స్వర్గపురి శ్మశానవాటికకు తీసుకెళ్లి మే 13 అర్ధరాత్రి సుమారు 12.30 గంటల సమయంలో దహనం చేసినట్లు ఆరోపణలున్నాయి. సెప్టెంబర్‌ 18న ప్రత్యేక దర్యాప్తు బృందం (సిట్‌) సాయికృష్ణను దహనం చేసినట్టు చెబుతున్న ప్రాంతాన్ని పరిశీలించింది. అయితే ఇప్పటివరకు సాయికృష్ణ మృతదేహం, దానికి సంబంధించిన అవశేషాలు లభించలేదని దర్యాప్తు వివరాలను ప్రస్తావించింది. ఏడుగురు నిందితులు.. కీలకంగా మారిన ఆధారాలుసీబీఐ దాఖలు చేసిన ఎఫ్‌ఐఆర్‌లో అప్పటి కృష్ణలంక సీఐ ఎస్‌ఎస్‌వివి నాగరాజుతోపాటు ముగ్గురు హె­డ్‌ కానిస్టేబుళ్లు, కానిస్టేబుల్, హోంగార్డు, ఓ ప్రైవే­టు వ్యక్తిని నిందితులుగా చేర్చారు. అక్రమ నిర్బంధం, హత్య, నేరపూరిత కుట్ర, సాక్ష్యాల విధ్వంసం, ఎలక్ట్రానిక్‌ ఆధారాల తొలగింపు, ప్రభుత్వ ఆస్తికి నష్టం లాంటి ఆరోపణలకు సంబంధించి వివిధ సె­క్షన్ల కింద కేసు నమోదు చేశారు. భారతీయ న్యాయ సంహిత (బీఎన్‌ఎస్‌) 61(2), 305, 3(5), 103(1), 127(4), 127(6), 238, 316(5) సెక్షన్లతోపాటు ఐటీ యాక్ట్‌ 65, 66, పబ్లిక్, ప్రైవేట్‌ ఆస్తుల ధ్వంసం పరిరక్షణ యాక్ట్‌ కింద సీబీఐ కేసు నమోదు చేసింది. ఈ కేసులో అసలు సీసీటీవీ ఫుటేజీ ఏమైంది? సా­యికృష్ణ మృతదేహా­న్ని ఎక్కడికి తరలించారు? అత­డి ఫోన్‌ను ఎవరు, ఎందుకు వినియోగించారు? పోలీ­స్‌­స్టేషన్‌లో అతడిని ఎవరు చూశారు? సాయికృష్ణ లాకప్‌ డెత్‌ విషయం ఉన్నతాధికారులకు వాస్తవాలు ఎప్పుడు తెలిశాయి? తదితర పలు కీలక ప్రశ్నలకు సీబీఐ దర్యాప్తులో సమాధానాలు లభించాల్సి ఉంది.సాయికృష్ణ కేసులో సీబీఐ దూకుడురెండో రోజు కృష్ణలంక పోలీస్‌స్టేషన్‌లో విచారణసాక్షి ప్రతినిధి, విజయవాడ: కాపు యువకుడు గాదె సాయికృష్ణ కస్టోడియల్‌ టార్చర్‌.. లాకప్‌డెత్‌.. మృతదేహాన్ని మాయం చేసిన కేసులో సీబీఐ దూకుడు పెంచింది. ఈ నెల 22న పలు సెక్షన్‌లతో ఎఫ్‌ఐఆర్‌ నమోదు చేసిన సీబీఐ అధికారులు 23న విజయవాడ చేరుకున్నారు. సీబీఐ నమోదు చేసిన ఎఫ్‌ఐఆర్‌లో సైతం నాటి కృష్ణలంక సీఐ నాగరాజును ఏ 1గా పేర్కొంది. మిగిలిన వారిపై కూడా ఎఫ్‌ఐఆర్‌ నమోదు చేసింది. సాయికృష్ణ తల్లి గతంలో పోలీస్‌ కమిషనర్, కృష్ణలంక పోలీసులకు ఇచ్చిన ఫిర్యాదులు.. హైకోర్టు ఆదేశాలను పరిగణనలోకి తీసుకుని దర్యాప్తు ముమ్మరం చేసింది. సీబీఐ హైదరాబాద్‌ అడిషనల్‌ ఎస్పీ నరేందర్‌దేవ్‌ ఆధ్వర్యంలోని బృందం రెండో రోజు కృష్ణలంక పోలీసుస్టేషన్‌లో విచారణ నిర్వహించింది. మార్కాపురం నుంచి సాయికృష్ణను ఎప్పుడు స్టేషన్‌కు తెచ్చారు? ఎందుకు? ఎక్కడ ఉంచారు? ఎన్ని రోజులు? ఎవరికి అప్పగించారు? ఏ అంతస్తులో ఉంచి థర్డ్‌ డిగ్రీ ప్రయోగించారు? లాంటి అంశాలపై క్షుణ్ణంగా విచారిస్తోంది. సాయికృష్ణను లాకప్‌లో తీవ్రంగా కొట్టిన తర్వాత అపస్మారక స్థితికి చేరుకున్న సమయంలో వారధి సమీపంలోని పాడుబడిన భవనంలోకి తీసుకెళ్లినట్లు సిట్‌ తన చార్జ్‌షీట్‌లో పేర్కొంది. ఈ నేపథ్యంలో సీబీఐ బృందంతో పాటు ఫోరెన్సిక్‌ నిపుణులు అక్కడకు చేరుకుని శాంపిల్స్‌ సేకరించినట్లు తెలిసింది.దాదాపు రెండు గంటలపాటు భవనం పరిసరాలను శోధించి ఆధారాల కోసం గాలించారు. పాడుబడిన భవనాన్ని పరిశీలించిన అనంతరం సీబీఐ బృందం తిరిగి కృష్ణలంక స్టేషన్‌కు చేరుకుని రాత్రి 8.30 గంటల వరకు అన్ని ఫ్లోర్లను నిశితంగా అన్వేషించినట్లు తెలిసింది. స్టేషన్‌లో కొన్ని రికార్డులను సీబీఐ అధికారులు స్వాధీనం చేసుకున్నట్లు సమాచారం. అయితే సిబ్బందిని ఎవరినీ విచారించలేదని తెలిసింది. కాగా సాయికృష్ణ కేసును విచారించిన సిట్‌ అధికారులు శనివారం స్వర్గపురి వద్దకు చేరుకుని ఆదివారం సీబీఐ అధికారులు అక్కడకు వస్తారని సమాచారం ఇచ్చినట్లు తెలిసింది.ఆ అధికారుల్లో ఆందోళన!దేశవ్యాప్తంగా పెను సంచనలం సృష్టించిన గాదె సాయికృష్ణ కస్టోడియల్‌ డెత్‌ కేసు విచారణను సీబీఐ ముమ్మరం చేయడంతో ఈ ఘట­నతో ప్రమేయం ఉన్న కొందరు పోలీసు అధి­కా­రుల్లో ఆందోళన మొదలైంది. సాయికృష్ణను ఎందుకు తీసుకొచ్చారు? ప్రాణాలు పోయేలా ఎందుకు హింసించారు? అనే విషయాలను ఇన్నాళ్లుగా సిట్‌ తేల్చలేదు. సాయికృష్ణ పోలీ­సు­ల దెబ్బలతో మరణించాడని మాత్రమే తేల్చింది. ఎందు­కు అంతలా కొట్టారో సిట్‌ వెల్లడించలేదు. ఈ నేపథ్యంలో ఏడుగురు నిందితులతో పాటు మరికొందరిని సీబీఐ చేర్చుతుందా? సాయికృష్ణ డెడ్‌బాడీని గుట్టుగా దహనం చేయాలనే ఆలోచన ఎవరిది? ఉన్నతాధికారులకు తెలిసే చేశారా? సాయికృష్ణను తేవడంలో ఇతరుల పాత్ర ఉందా? లాంటి అంశాలపై సీబీఐ దృష్టిసారిస్తే కీలక విషయాలు వెలుగులోకి వచ్చే అవకాశం ఉందని భావిస్తున్నారు.

సాక్షి, అమరావతి: స్థానిక సంస్థల ఎన్నికలు జరిగితే ఓటమి ఖాయమని వెన్నుపోటు పార్టీ వెన్నులో వణుకు తీవ్రమైంది. అందుకే పచ్చమూకలు అరాచకాలకు తెగబడుతున్నాయి. వైఎస్సార్‌సీపీ అభ్యర్థులే లక్ష్యంగా దాడులు, బెదిరింపులకు పాల్పడుతున్నాయి. ఎన్నికలకు ముందు నుంచే పోలీసులను ప్రయోగించి వైఎస్సార్‌సీపీ నేతలు, కార్యకర్తలపై బైండోవర్‌ కేసులు పెట్టి భయపెట్టేందుకు యత్నించిన పచ్చగూండాలు.. ఇప్పుడు ఏకంగా కిడ్నాప్‌లకూ వెనుకాడడం లేదు. రాష్ట్ర వ్యాప్తంగా శనివారం ఎంపీటీసీ, జెడ్పీటీసీ నామినేషన్ల పరిశీలన సందర్భంగా వేసిన నామినేషన్లు ఉపసంహరించుకోవాలని వైఎస్సార్‌సీపీ అభ్యర్థులను టీడీపీ నేతలు భయభ్రాంతులకు గురిచేశారు. వారు తలొగ్గకపోతే వైఎస్సార్‌సీపీ అభ్యర్థులను అనర్హులుగా తేల్చాలని ఎన్నికల అధికారులపై ఒత్తిడి పెంచారు. పలుచోట్ల వైఎస్సార్‌సీపీ అభ్యర్థులను కిడ్నాప్‌ చేయడం, చంపుతామని బెదిరించడం వంటి దాష్టీకాలకు ఒడిగట్టారు. రేపల్లె నియోజకవర్గంలో నామినేషన్లు ఉపసంహరించుకోవాలంటూ ఎల్లోగ్యాంగ్‌ బెదిరింపులకు పాల్పడింది. దాష్టీకాలకు ఇవిగో నిదర్శనాలు » అన్నమయ్య జిల్లా పుంగనూరు నియోజకవర్గం సోమల మండలం చింతలవారిపల్లిలో నామినేషన్‌ కార్యక్రమంలో పాల్గొన్నారనే సాకుతో వైఎస్సార్‌సీపీ కార్యకర్త పుష్పవతి ఇంటిపై పచ్చ గూండాలు దాడికి పాల్పడ్డారు. ఇంటితోపాటు ఫర్నిచర్‌ను ధ్వంసం చేశారు. ఘటనపై పుష్పవతి ఫిర్యా­దు చేసినా సోమల పోలీసులు పట్టించుకోలేదు. » తిరుపతి జిల్లా పుల్లంపేట మండలం దలవాయిపల్లిలో వైఎస్సార్‌సీపీ ఎంపీటీసీ అభ్యర్థి మహమ్మద్‌ వలిని పచ్చమూక కిడ్నాప్‌ చేసింది. శనివారం నామినేషన్ల పరిశీలనకు రాకపోవడంతో ఆందోళన చెందిన వలి సతీమణి, బంధువులు పోలీసులకు ఫిర్యాదు చేశారు. » శ్రీపొట్టిశ్రీరాములు నెల్లూరు జిల్లా ఏఎస్‌పేట మండలం చిరమన గ్రామానికి చెందిన వైఎస్సార్‌సీపీ ఎంపీటీసీ అభ్యర్థిని కండే సుశీల పోటీ నుంచి తప్పుకోవాలని ఆమె భర్తను కిడ్నాప్‌ చేసేందుకు టీడీపీ మూకలు ఓ ప్రైవేట్‌ వ్యక్తి ద్వారా యత్నించాయి. అది సాధ్యం కాకపోవడంతో ఏఎస్‌పేట పోలీసుల ద్వారా ఆయనను అరెస్ట్‌ చేయించాయి. చోరీ కేసు సాకుతో పోలీసులు మాధవరావును శనివారం అరెస్టు చేసి స్టేషన్‌కు తీసుకెళ్లారు. నామినేషన్‌ ఉపసంహరించుకోవాలని టీడీపీ నేతలు మాధవరావును, సుశీలను ఒత్తిడి చేస్తున్నట్టు సమాచారం.» పలమనేరు ఎమ్మెల్యే అమర్‌నాథ్‌రెడ్డి స్వగ్రామం కెలవాతి గ్రామంలో వైఎస్సార్‌సీపీ ఎంపీటీసీ అభ్యర్థి శ్రీనివాసులుపై టీడీపీ నేత సుబ్రమణ్యం దాడి చేసి గాయపరిచాడు. ఎంపీటీసీ అభ్యర్థిగా నామినేషన్‌ వేసిన శ్రీనివాసులుపై జరిగిన ఈ దాడితో గ్రామంలో ఉద్రిక్త పరిస్థితి నెలకొంది. » శ్రీకాకుళం జిల్లా కోటబొమ్మాళి మండలం నిమ్మాడలో వైఎస్సార్‌సీపీ ఎంపీటీసీ అభ్యర్థిని తోట ఆదిలక్ష్మిని టీడీపీ గూండాలు భయపెట్టి బలవంతంగా నామినేషన్‌ విత్‌డ్రా చేయించారు. తనతోపాటు తన కుమారుడిని భయపెట్టడంతో తప్పనిసరి పరిస్థితుల్లో నామినేషన్‌ విత్‌డ్రా చేసుకోవాల్సి వచ్చిందని ఆమె ఆవేదన వ్యక్తం చేశారు. ఇదిలా ఉంటే కూటమి అధికారంలోకి వచ్చిన తర్వాత ఆదిలక్ష్మి భర్తపై దాడిచేసి, ఆపై ఆయన మృతికి టీడీపీ నేతలు కారణమయ్యారు. ఇప్పుడు ఎంపీటీసీ అభ్యర్థిగా ఉన్న ఆదిలక్ష్మిని బెదిరించారు. ఈ విషయం తెలుసుకున్న వైఎస్సార్‌సీపీ టెక్కలి నియోజకవర్గ సమన్వయకర్త పేరాడ తిలక్‌ బాధితులతో ఫోన్‌లో మాట్లాడారు. మంత్రి అచ్చెన్నాయుడు సొంత గ్రామం నిమ్మాడలో మరో వ్యక్తి నామినేషన్‌ వేస్తే తట్టుకోలేకపోయారని దుయ్యబట్టారు. » ప్రకాశం జిల్లా అద్దంకి నియోజకవర్గం కలవకూరు గ్రామ వైఎస్సార్‌సీపీ ఎంపీటీసీ అభ్యర్థి సురభి జేమ్స్‌ను పచ్చ రౌడీలు శనివారం కిడ్నాప్‌ చేశారు. అతడిని కాపాడేందుకు వైఎస్సార్‌సీపీ నేతలు ఎంత యత్నించినా.. పోలీసుల ప్రోద్బలంతో టీడీపీ మూకలు జేమ్స్‌ను కిడ్నాప్‌చేసి తీసుకెళ్లాయి. తొలుత జేమ్స్‌ను కిడ్నాప్‌చేసేందుకు యత్నించడంతో వైఎస్సార్‌సీపీ అద్దంకి ఇన్‌చార్జ్‌ డాక్టర్‌ చింతలపూడి అశోక్‌ కుమార్‌ అడ్డుకున్నారు. కలవకూరులో టీడీపీ మూకల దాడిలో గాయపడిన ‘సాక్షి’ టీవీ విలేకరి ప్రసన్న ఈ క్రమంలో జేమ్స్‌ కిడ్నాప్‌ నుంచి తప్పించుకుని ఓ లాయర్‌ ఇంట్లో తలదాచుకున్నారు. శనివారం రాత్రి అక్కడకు చేరుకున్న పచ్చమూకలు జేమ్స్‌ను ఓ ఏఎస్సై ద్వారా బయటకు రప్పించి కిడ్నాప్‌ చేశాయి. ఘటన కవరేజ్‌కు వెళ్లిన సాక్షి టీవీ విలేకరి ప్రసన్నపై దాడికి పాల్పడి చావబాదాయి. ఈ ఘటనపై చింతలపూడి అశోక్‌ మాట్లాడుతూ మంత్రి కనుసన్నల్లో పోలీసుల ప్రోద్బలంతో జేమ్స్‌ కిడ్నాప్‌ జరిగిందని విమర్శించారు. ప్రకాశం జిల్లా కలవకూరులో వైఎస్సార్‌సీపీ ఎంపీటీసీ అభ్యర్థి జేమ్స్‌ను కిడ్నాప్‌ చేసేందుకు యత్నిస్తున్న టీడీపీ మూకలను అడ్డుకుంటున్న వైఎస్సార్‌సీపీ శ్రేణులు » ఎన్టీఆర్‌ జిల్లా తిరువూరు నియోజకవర్గంలోని గంపలగూడెం మండలం సోబ్బాల గ్రామంలో వైఎస్సార్‌సీపీ దళిత కార్యకర్తలపై పచ్చమూక మూకుమ్మడి దాడికి పాల్పడింది. శుక్రవారం ఎంపీటీసీ నామినేషన్‌ వేసేందుకు వెళ్తున్న దారెల్లి సందీప్, గద్దల రవీంద్రలను ఎల్లో గూండాలు మాట్లాడాలని ఇంట్లోకి పిలిచి కట్టేసి చిత్రహింసలు పెట్టి కొట్టారు. పచ్చ రౌడీల దాడిలో గాయపడి తిరువూరు ప్రభుత్వ ఆస్పత్రిలో చికిత్స పొందుతున్న సందీప్, నవీంద్రలను నియోజకవర్గ వైఎస్సార్‌సీపీ ఇన్‌చార్జి నల్లగట్ల స్వామి దాస్‌ శనివారం పరామర్శించారు. పోలీసుల తీరును తప్పుబట్టారు. దళితులు దాడి జరిగిందని పోలీసులకు ఫిర్యాదు చేస్తే వారు బాధితులనే స్టేషన్‌కు తీసుకెళ్లి థర్డ్‌ డిగ్రీ ప్రయోగించారని స్వామిదాస్‌ ఆరోపించారు. పోలీసులు ఇలా ప్రవర్తించడం దారుణమన్నారు.

సాక్షి, అమరావతి: పరీక్ష హాలు..! క్వశ్చన్‌ పేపర్‌ చేతికి వచ్చింది..! ఒక్క ప్రశ్నకూ జవాబు తెలియదు..! అయినా ఆ విద్యార్థి ఏ ప్రశ్న అడిగారో పట్టించుకోకుండా తన తోచిన, తెలిసిన విషయాలను జవాబులుగా రాసేస్తాడు. పేజీలకు పేజీలు నింపేస్తాడు. శనివారం సీఎం చంద్రబాబు పెట్టిన మీడియా సమావేశం అచ్చం ఇలాంటిదే. స్థానిక ఎన్నికల్లో ఈ స్థాయిలో హింస ఏమిటి? నామినేషన్లు ఎందుకు అడ్డుకున్నారు? మహిళా అభ్యర్థుల జుట్టు ఎందుకు పట్టి లాగారు? పులివెందులలో తుపాకులు ఎందుకు పేలాయి? సుప్రీంకోర్టు ఎందుకు జోక్యం చేసుకోవాల్సి వచ్చింది? ఇవీ ప్రశ్నలు. చంద్రబాబు మాత్రం.. 1994 ఎన్నికల చరిత్ర.. సీఐఐ సమ్మిట్లు.. రూ.22 లక్షల కోట్ల పెట్టుబడుల లెక్కలు.. రాయలసీమ ఫ్యాక్షన్‌ కథలు.. క్లెమోర్‌ మైన్లు.. చివరకు జగన్‌ తల్లి, చెల్లి, మేనకోడలి పెళ్లి.. గంటన్నర పాటు ఈ కాకమ్మ కథలన్నీ నర్మగర్భంగా వివరించారు. జగన్‌ అడిగిన ఒక్క ప్రశ్నకూ సమాధానం లేదు. సమాధానం లేనప్పుడు బురదే ఆయుధం. జగన్‌ కుటుంబం గురించి ఎల్లో మీడియాలో ఏం రాయించారో, అదే స్క్రిప్ట్‌ను అక్షరం పొల్లుపోకుండా చంద్రబాబు వల్లెవేశారు. ఒక్క ఆధారం లేదు, ఒక్క పత్రం లేదు. ఉన్నదల్లా ఇష్టం వచ్చినట్లు బురదజల్లడమే. రాష్ట్రంలో ప్రజాస్వామ్యాన్ని ఖూనీ చేస్తూ, తానే ప్రజాస్వామ్య పరిరక్షకుడినని చెప్పుకోవడం ఒక్క చంద్రబాబుకే చెల్లింది. పోలింగ్‌ కేంద్రాల వద్ద వేల మంది గూండాలను మోహరించడం.. ఫస్ట్‌టైమ్‌ స్థానిక ఎన్నికల కోసం గంజాయి బ్యాచ్‌లను దించడం చూస్తే చంద్రబాబు క్రిమినల్‌ మెంటాలిటీ ఏమిటో అర్ధమౌతుంది. ఓ వైపు నామినేషన్లను అడ్డుకుంటూ, పోలీసులను, ఎస్‌ఈసీని వాడుకుంటూ అరాచకాలతో అల్లకల్లోలం చేస్తూనే ప్రతిపక్షమే అన్నిటికీ కారణమన్నట్లు ఎదురుదాడి చేస్తున్న చంద్రబాబును చూసి దేశంలోకెల్లా సీనియర్‌ రాజకీయ నాయకుడైన శరద్‌పవార్‌ కూడా ఆశ్చర్యపోయే పరిస్థితి. కమల్‌హాసన్, అమితాబ్‌ బచ్చన్‌ వంటి సీనియర్‌ నటులు కూడా నివ్వెరపోయే పరిస్థితి. వీళ్లేకాదు రోజూ తన కింద పనిచేసే ఐఎఎస్‌లు, ఐపీఎస్‌లు కూడా చంద్రబాబు పెర్‌ఫార్మెన్స్‌ చూసి వామ్మో అని మూర్ఛపోయే పరిస్థితి. అంతెందుకు.. అడ్డంగా దొరికిపోయినా.. ఇంతటి ప్రతికూల పరిస్థితుల్లో కూడా ఇంతబాగా నటిస్తున్న నారావారిని చూసి ఈసీ పునేఠా కూడా కంగుతినే పరిస్థితి. చంద్రబాబు చెప్పిన అబద్ధాలు.. అసలు నిజాలు.. అబద్ధం: స్థానిక ఎన్నికల్లో హింస అంతా వైఎస్సార్‌సీపీదే నిజం: నామినేషన్ల సమయంలో 11 జిల్లాల్లో హింసాత్మక ఘటనలు జరిగాయి. రిటర్నింగ్‌ అధికారి కార్యాలయాలలో తెలుగుదేశం గూండాలు, కిరాయికి తెచ్చిన గూండాలు ముందే చేరిపోయి నామినేషన్లు వేయనీయకుండా దాడులు జరిపారు. పుంగనూరులో వైఎస్సార్‌సీపీ ఎంపీ మిథున్‌రెడ్డిపై హత్యాయత్నం జరిగింది. పులివెందులలో పోలీసులు ఏకే–47 తుపాకులతో గాల్లోకి కాల్పులు జరిపి, బాష్పవాయువు ప్రయోగించారు.మాచర్లలో వైఎస్సార్‌సీపీ అభ్యర్థులపై దాడి చేసి నామినేషన్‌ పత్రాలు లాక్కెళ్లారు. కడపలో రిటర్నింగ్‌ అధికారి కార్యాలయంలోనే పత్రాలు చించేశారు. తిరుపతిలో అభ్యర్థులను గేటు దాటనివ్వలేదు. నామినేషన్‌ వేయడానికి వచ్చిన మహిళా అభ్యర్థులను జుట్టు పట్టి ఈడ్చారు. అసభ్యంగా తాకి మరీ నామినేషన్‌ పత్రాలు లాక్కుని చించేశారు. వైఎస్సార్‌సీపీ అభ్యర్థులపైనా, వారికి మద్దతుగా వెళ్లిన నాయకులపైన జరిగిన దాడులకు సంబంధించి వీడియో ఫుటేజీలెన్నో ఉన్నాయి. అబద్ధం: వైఎస్సార్‌సీపీ వాళ్లు అరాచకాలు చేశారు నిజం: వైఎస్సార్‌సీపీ వాళ్లే దాడులు చేస్తుంటే, వాళ్ల నామినేషన్లు దర్జాగా పడాలి కదా. మరి వాళ్ల నామినేషన్లే ఎందుకు పడలేదు? దాడులు చేసేవాళ్లు నామినేషన్‌ వేయలేకపోవడం, దెబ్బలు తినేవాళ్లు దర్జాగా నామినేషన్లు వేయడం.. ఈ లాజిక్‌ బాబుకే అర్థం కావాలి. కళ్లెదుటే కనిపిస్తున్న నిజం సీఎంకు కనిపించడం లేదా? దాడి చేసింది తమ వాళ్లు, కానీ కథ మాత్రం రివర్స్‌. వైఎస్సార్‌సీపీ వాళ్లే గొడవలు చేశారని అబద్ధాలు. పుంగనూరులో నామినేషన్లు వేయడానికి వెళ్లిన వైఎస్సార్‌సీపీ వారిపైనే పోలీసులు కేసులు పెట్టారు. దెబ్బలు తిన్నవాళ్ల మీద కేసులు, కొట్టినవాళ్లకు రక్షణ. అబద్ధం: భారీగా నామినేషన్లు పడ్డాయి.. అడ్డుకుంటే ఇవెలా వస్తాయి?’ నిజం: 9,829 ఎంపీటీసీ స్థానాలకు 51,902 నామినేషన్లు, 659 జెడ్పీటీసీ స్థానాలకు 5,724 నామినేషన్లు పడ్డాయని సీఎం లెక్కలు చదివారు. కానీ ఎన్ని చోట్ల ప్రతిపక్ష అభ్యర్థులు నామినేషన్‌ కేంద్రం గడప కూడా తొక్కలేకపోయారో ఆ లెక్క మాత్రం దాచేశారు. వందకుపైగా మండలాల్లో ఐదు కంటే తక్కువ నామినేషన్లు పడ్డాయి. 8 మున్సిపాలిటీల్లో ప్రతిపక్ష నామినేషన్లే పడని పరిస్థితి కల్పించారు. మరో 19 మున్సిపాలిటీల్లో నామినేషన్లు వేయనివ్వలేదు. వైఎస్సార్‌సీపీ పేరుతో నకిలీ నామినేషన్లు వేయించడం ద్వారా చంద్రబాబు సరి కొత్త సంస్కృతికి తెరతీశారు. అబద్ధం: సుప్రీంకోర్టు ఏం చెప్పినా పాటిస్తాం నిజం: సుప్రీంకోర్టు చాలా స్పష్టంగా ఆదేశాలిచ్చింది. అక్టోబరు 25వరకు తుది జాబితాలు ప్రకటించ వద్దని, నామినేషన్లు వేయలేకపోయిన వారికి మళ్లీ అవకాశం ఇవ్వాలని, అవసరమైతే జిల్లా కలెక్టరేట్ల వద్ద అందుకు ఏర్పాట్లు చేయాలని నిర్దేశించింది. అభ్యర్థులు స్వేచ్ఛగా నామినేషన్లు వేసే అవకాశం కల్పించాలని, వారికి పోలీస్‌ భద్రత కల్పించాలని, ఆ దిశలో ఏం చర్యలు తీసుకున్నారో నివేదిక ఇవ్వాలని ఆదేశించింది. నామినేషన్‌ కేంద్రాల వద్ద సీసీటీవీ కవరేజీ ఏర్పాటు చేయాలని కూడా డీజీపీని ఆదేశించింది. ఎన్నికలు స్వేచ్ఛాయుత వాతావరణంలో జరిగేలా చూడాలని నిర్దేశించింది. ఇంత స్పష్టంగా సుప్రీంకోర్టు ఆదేశించినా, చంద్రబాబులో కానీ, ఎస్‌ఈసీలో కానీ, చంద్రబాబు చేతిలో తోలుబొమ్మ మాదిరి­గా మారిన డీజీపీలో కానీ, డీఐజీలు, ఎస్పీలు, కలెక్టర్లలో కానీ ఎలాంటి మార్పు రాలేదు. సుప్రీంకోర్టు ఆదేశాలు బేఖాతరు చేశారు. సుప్రీంకోర్టు ఆదేశాలంటే ఏ మాత్రం గౌరవం లేకుండా ప్రవర్తిస్తున్నారు. 19 మున్సిపాలిటీల్లో నామినేషన్లు వేయనివ్వలేదని వైఎస్సార్‌సీపీ ఆధారాలతో సహా సుప్రీంకోర్టుకు వెళ్తే, కోర్టు మొట్టికాయలు వేసినా, వీరిలో మార్పు లేదు. కేవలం 4 మున్సిపాలిటీల్లో మాత్రమే రీనామినేషన్లకు అనుమతి ఇచ్చారు. కోర్టు మొట్టికాయ వేశాక దాన్ని వక్రీకరించి మాట్లాడడం బాబు మార్కు రాజకీయం. అబద్ధం: నా చేతుల్లో ఏమీ లేదు. అంతా ఎస్‌ఈసీ చూసుకుంటుంది నిజం: అంతా ఎస్‌ఈసీ చేతుల్లో ఉంటే ఇంత అప్రజాస్వామికంగా వైఎస్సార్‌సీపీ అభ్యర్థులు, నేతలపై దాడులు, దౌర్జన్యాలు జరుగుతాయా? పోలీసు వ్యవస్థను పూర్తిగా తమ పార్టీ కోసం వాడుకుంటూ, కోర్టు ఆదేశాలను సైతం చంద్రబాబు తుంగలో తొక్కారు. ఎస్‌ఈసీ సుప్రీంకోర్టు ఆదే­శాలు కూడా పాటించడంలేదు. చంద్రబాబు ఆదేశాలు మాత్రమే పాటిస్తోంది. టీడీపీ దాడులు, పోలీ­సులు అడ్డుకోవడం వల్ల 19 మున్సిపాలిటీల్లో నామి­నేషన్లు వేయలేకపోయామని వైఎస్సార్‌సీపీ సుప్రీంకోర్టుకు వెళ్లింది. వాటితో పాటు, మరో 4 మున్సిపాలిటీల్లో స్క్రూటినీ పేరుతో వైఎస్సార్‌సీపీ నామి­నేషన్లు తిరస్కరించారు. అంటే మొత్తం 23 అర్బన్‌ లోకల్‌ బాడీస్‌లో పోటీ లేకుండా చేశారు. ఇదంతా చంద్రబాబు కనుసన్నల్లో ఎస్‌ఈసీ నడిపిస్తోంది. అబద్ధం: కోర్టుల్లో పిటిషన్లు వేసి ఎన్నికలు అడ్డుకుంటున్నారు నిజం: అన్యాయం జరిగినప్పుడు న్యాయస్థానాన్ని ఆశ్రయించడం ప్రతి పౌరుడి, ప్రతి పార్టీ రాజ్యాంగ హక్కు. జగన్‌ హయాంలో పాలనను అడ్డుకునేందుకు అడుగడుగునా కోర్టులకు వెళ్లి అబద్ధాలు, అతిశయోక్తులతో నాటకాలాడింది చంద్రబాబే. చంద్రబాబు కోర్టుకు వెళితే ప్రజాస్వామ్య పరిరక్షణ... ప్రతిపక్షం కోర్టుకు వెళితే కుట్రా? న్యాయస్థానాన్ని ఆశ్రయించడాన్ని కూడా నేరంగా చిత్రీకరించడం చంద్రబాబు నియంతృత్వ మనస్తత్వానికి నిదర్శనం. స్థానిక ఎన్నికల్లో చంద్రబాబు చేస్తున్న అక్రమాలపై వైఎస్సార్‌సీపీ నాయకులు అన్ని ఆధారాలు చూపడంతో పాటు, ఎస్‌ఈసీని కలిసి పూర్తి వివరాలతో ఫిర్యాదు చేశారు. ఆ తర్వాత సుప్రీంకోర్టును కూడా ఆశ్రయించి, అన్ని ఆధారాలు చూపడంతో, సుప్రీంకోర్టు రాష్ట్ర ప్రభుత్వానికి, ఎస్‌ఈసీకి తీవ్ర స్థాయిలో మొట్టికాయలు వేసింది. నామినేషన్‌ వేయలేకపోయిన వారికి అవకాశం ఇవ్వాలని ఆదేశించింది. అబద్ధం: 2021లో 24% ఏకగ్రీవాలు దౌర్జన్యమే నిజం: ఎంపీటీసీ, జెడ్పీటీసీ నామినేషన్లు, ఏకగ్రీవాలు జరిగింది 2020లో టీడీపీ హయాంలో నియమితులైన, చంద్రబాబుకు బంట్రోతు లాంటి ఎస్‌ఈసీ నిమ్మగడ్డ రమేష్‌కుమార్‌ ఆధ్వర్యంలోనే. బాబు మనిషి పర్యవేక్షణలో జరిగిన ప్రక్రియను ఇవాళ దౌర్జన్యం అనడం ఆయన పెట్టిన అధికారినే తప్పుబట్టడం కాదా? పైగా 2021లో ఎంపీటీసీ, జెడ్పీటీసీ ఎన్నికలను బహిష్కరిస్తున్నట్టు ప్రకటించింది టీడీపీయే. పోటీ నుంచి పారిపోయి, ఇప్పుడు ఏకగ్రీవాల లెక్కలు చెప్పడం బాబుకే చెల్లింది. అబద్ధం: జగన్‌ పెళ్లి బెంగుళూరు ప్యాలెస్‌లో జరిగింది నిజం: జగన్‌ పెళ్లి పులివెందులలో జరిగింది. అప్పటికి బెంగుళూరులో ఉన్న ఇల్లు కట్టనేలేదు. కట్టని ఇంట్లో జగన్‌ పెళ్లి జరిగిందని చంద్రబాబు ఆయన గురించి పచ్చి అబద్ధం చెప్పారు. జైలు పక్షికి కేసుల గురించి మాటలా? జగన్‌పై సీబీఐ, ఈడీ కేసులున్నాయని చంద్రబాబు గుండెలు బాదుకున్నారు. మరి స్కిల్‌ డెవలప్‌మెంట్‌ కుంభకోణంలో అరెస్టయి 52 రోజులు రాజమండ్రి సెంట్రల్‌ జైలులో ఊచలు లెక్కపెట్టింది ఎవరు? తనపై ఉన్న కేసుల విచారణ ముందుకు సాగకుండా అధికారంలోకి రాగానే అడ్డుకున్నది ఎవరు? కోర్టు విచారణలో ఉన్న వివేకా కేసుపై సీఎం కుర్చీలో కూర్చుని తీర్పులు ప్రకటించడం న్యాయవ్యవస్థను ప్రభావితం చేసే కుట్ర కాదా? కేసు కోర్టులో ఉండగా ముఖ్యమంత్రే ఒకరిని దోషిగా ప్రకటించడం ఏ రాజ్యాంగ విలువ? మామకు వెన్నుపోటు, తోడల్లుడికి మోసం, బావమరిదికి ద్రోహం.. కొడుకు కోసం ఎన్టీఆర్‌ కుటుంబానికి, ఇప్పుడు టీడీపీని వంచిస్తున్నారు. చంద్రబాబు నాలుగున్నర దశాబ్దాల విలువల చరిత్ర ఇదే. ఇంత నీచ చరిత్ర ఉన్న వ్యక్తి ఇవాళ జగన్‌కు కుటుంబ విలువలు, నైతికత గురించి పాఠాలు చెబుతుంటే తెలుగు ప్రజలు ముక్కున వేలేసుకుంటున్నారు. ఎన్నికల హింసకు జవాబు చెప్పలేక వ్యక్తిగత బురద జల్లడం ఓటమి భయానికి నిదర్శనమని రాజకీయ పరిశీలకులు స్పష్టం చేస్తున్నారు.నమ్మకద్రోహి బాబు మాటలు వింటే కంసుడే సిగ్గుపడతాడు జగన్‌ను కంస మామ అన్న చంద్రబాబు ముందు అద్దంలో తన ముఖం చూసుకోవాలి. పిల్లనిచ్చిన మామ, తెలుగుదేశం పార్టీ వ్యవస్థాపకుడు ఎన్టీ రామారావును 1995లో వెన్నుపోటు పొడిచి ఆయన కుర్చీని, ఆయన స్థాపించిన పార్టీని లాక్కున్న చరిత్ర చంద్రబాబుది. చంద్రబాబు తనను నమ్మించి గొంతు కోసిన ఆధునిక ఔరంగజేబు అని, జామాత దశమగ్రహం(అల్లుడు) అని ఎన్టీఆర్‌ కన్నీళ్లతో చెప్పిన మాటలు ఇప్పటికీ ప్రజల చెవుల్లో మారుమోగుతూనే ఉన్నాయి. పార్టీనే కాదు, కుటుంబాన్నీ ఎన్టీఆర్‌కు దూరం చేసి ఒంటరిని చేశారు. ఆ వేదనతో ఎన్టీఆర్‌ కొద్ది నెలలకే కన్నుమూశారు. మామను అంత క్షోభ పెట్టి చనిపోయేలా చేసింది చంద్రబాబే. అలాంటి వ్యక్తి ఇప్పుడు జగన్‌ కుటుంబ వ్యవహారాల్లో దూరి నీతులు మాట్లాడుతుంటే కంసుడే సిగ్గుపడతాడు.తోడల్లుడికి మోసం.. బావమరిదికి ద్రోహం ఎన్టీఆర్‌కు వెన్నుపోటు సమయంలో భుజం కాసిన తోడల్లుడు దగ్గుబాటి వెంకటేశ్వరరావును చంద్రబాబు పని అయిపోగానే కరివేపాకులా తీసి పక్కన పడేశారు. అదే సమయంలో అండగా నిలిచిన బావమరిది హరికృష్ణకు ఇచ్చిన హామీలన్నీ గాలికొదిలేశారు. చివరకు సొంత తండ్రి స్థాపించిన పార్టీ నుంచే హరికృష్ణ బయటకు వెళ్లి సొంత పార్టీ పెట్టుకోవాల్సిన దుస్థితి తెచ్చారు. చంద్రబాబు తన సొంత తమ్ముడు రామ్మూర్తినాయుడిని గొలుసులతో బంధించి హింసించారు. అవసరానికి వాడుకోవడం, అవసరం తీరగానే వెన్నుపోటు పొడవడం.. ఇదే చంద్రబాబు కుటుంబ నీతి. 2009 ఎన్నికల్లో ఎన్టీఆర్‌ మనవడు జూనియర్‌ ఎన్టీఆర్‌ను ప్రచారానికి వాడుకుని ఊరూరా తిప్పారు. కొడుకు లోకేశ్‌కు ఎక్కడ అడ్డు వస్తాడోనన్న భయంతోనే జూనియర్‌ను దూరం పెట్టారన్నది జగమెరిగిన సత్యం. మామ పార్టీని కొడుకుకు రాసిచ్చేందుకు సిద్ధమైన వ్యక్తి ఇప్పుడు ఆస్తుల పంపకాల గురించి నీతులు చెబుతున్నారు.

సాక్షి, అమరావతి: పరిపాలనాపరమైన జాప్యాలు, విధానపరమైన నిర్ణయాల కారణంగా దరఖాస్తు పెండింగ్‌లో ఉన్న కాలానికి అర్హులకు పెన్షన్‌ బకాయిలను నిరాకరించడానికి వీల్లేదని హైకోర్టు స్పష్టం చేసింది. పెన్షన్‌ కోసం దరఖాస్తు చేసుకున్న తేదీ నుంచి రావాల్సిన పెన్షన్‌ బకాయిలను లెక్కించి, ఆ మొత్తాన్ని చెల్లించాలని ప్రభుత్వాన్ని హైకోర్టు ఆదేశించింది. తీర్పు కాపీ అందిన నాటి నుంచి 8 వారాల్లో చెల్లింపు ప్రక్రియను పూర్తి చేయాలని తేల్చి చెప్పింది. ఈ మేరకు న్యాయమూర్తి జస్టిస్‌ కొనకంటి శ్రీనివాస రెడ్డి ఇటీవల తీర్పు వెలువరించారు. సామాజిక భద్రత పింఛను పథకాలు కష్టాల నుంచి బలహీన వర్గాలకు ఉపశమనం కలిగించడానికి, గౌరవప్రదమైన జీవితం గడపడానికి ఉద్దేశించినవంటూ గతంలో పలు సందర్భాల్లో న్యాయస్థానాలు వెలువరించిన తీర్పులను న్యాయమూర్తి ఈ సందర్భంగా పునరుద్ఘాటించారు.కేసు వివరాలు ఇవీ..» గుంటూరు జిల్లా, పొన్నూరు మండలం, ఉప్పరపాలెం గ్రామానికి చెందిన తాడిశెట్టి తిరుపతమ్మ దివ్యాంగుడైన భర్త హరికృష్ణ మరణించడంతో, వితంతు పెన్షన్‌ కోసం 16.3.2024న దరఖాస్తు చేసుకున్నారు. » పిటిషనర్‌ కుటుంబ ఆదాయం నెలకు రూ.10 వేల కంటే తక్కువగా ఉంది, ఆమెకు తెల్ల రేషన్‌ కార్డు ఉంది. అన్ని అర్హతలు ఉన్నప్పటికీ, చంద్రబాబు ప్రభుత్వం మాత్రం ఆమె దరఖాస్తును 10 నెలలకు పైగా ఎలాంటి కారణం లేకుండా పెండింగ్‌లో ఉంచింది. దీనిపై తిరుపతమ్మ న్యాయ పోరాటానికి దిగారు. » రాజకీయ కారణాలతో తన పట్ల వివక్ష చూపారని, పొరుగు గ్రామానికి చెందిన సుశీల అనే మహిళకు పెన్షన్‌ మంజూరు చేశారని ఆమె హైకోర్టుకు నివేదించారు.» తిరుపతమ్మ వాదనలు విన్న న్యాయమూర్తి జస్టిస్‌ శ్రీనివాసరెడ్డి పెన్షన్‌ కోసం ఆమె పెట్టుకున్న దరఖాస్తును పరిశీలించి నాలుగు వారాల్లో తగిన నిర్ణయం తీసుకోవాలని ఆదేశించారు. » ఆ తరువాత తాజాగా మరోసారి ఈ వ్యాజ్యం విచారణకు రాగా, కోర్టు ఆదేశాల మేరకు తనకు 01.03.2026 నుంచి పెన్షన్‌ చెల్లిస్తున్నారని, అయితే దరఖాస్తు చేసుకున్న తరువాత ఏప్రిల్‌ 2024 నుంచి బకాయిలు రావాల్సి ఉందని హైకోర్టుకు నివేదించారు.» దీనిపై అధికారులు స్పందిస్తూ, బకాయిల చెల్లింపునకు పాలసీలో ఎలాంటి నిబంధనలు లేవని తెలిపారు. » అయితే ఈ వాదనను న్యాయమూర్తి తోసిపుచ్చారు. ఇది పూర్తిగా పాలనాపరమైన జాప్యమని, పెన్షన్‌ బకాయిల చెల్లింపునకు నిబంధనలు లేవన్న ప్రభుత్వ వాదన సరికాదని తేల్చిచెప్పారు. ఆమె పూర్తి బకాయిలు ఇవ్వాల్సిందేనని ఆదేశించారు.

సాక్షి, అమరావతి: బంగాళాఖాతంలో ఏర్పడిన అల్పపీడనం తుపానుగా బలపడే దిశగా కదులుతోంది. ఈ నెల 28వ తేదీ ఉదయానికి ఏపీ తీరానికి సమీపంలోని పశ్చిమ మధ్య బంగాళాఖాతంలోకి చేరుకునే అవకాశం ఉందని భారత వాతావరణ శాఖ వెల్లడించింది. తుపాను ప్రభావంతో వచ్చే నాలుగైదు రోజులు రాష్ట్రంలో భారీ వర్షాలు కురుస్తాయని హెచ్చరించింది. మంగళ, బుధవారాల్లో భారీ నుంచి అతిభారీ వర్షాలు కురిసే అవకాశం ఉందని వెల్లడించింది. తూర్పు మధ్య, దానికి ఆనుకుని ఉన్న ఆగ్నేయ బంగాళాఖాతంలో కొనసాగుతున్న అల్పపీడనం శనివారం అదే ప్రాంతంలో కొనసాగుతోందని తెలిపింది. దీనికి అనుబంధంగా ఉన్న ఉపరితల ఆవర్తనం సముద్ర మట్టానికి 5.8 కిలోమీటర్ల ఎత్తు వరకు విస్తరించి ఉందని పేర్కొంది. ఈ అల్పపీడనం శనివారం రాత్రికి వాయుగుండంగా, ఆదివారం తీవ్ర వాయుగుండంగా బలపడే అవకాశం ఉందని వివరించింది. సోమవారం ఉదయానికి పశ్చిమ మధ్య బంగాళాఖాతంలో తుపానుగా మారవచ్చని అంచనా వేసింది. అనంతరం పశ్చిమ వాయువ్య దిశగా కదులుతూ ఈ నెల 28న ఉదయం విశాఖ తీరానికి సమీపంలోకి చేరుకునే అవకాశం ఉందని వెల్లడించింది. రేపటి నుంచి వర్షాలు తుపాను ప్రభావంతో సోమవారం నుంచి కోస్తాంధ్రలో విస్తారంగా వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ తెలిపింది. మంగళ, బుధవారాల్లో భారీనుంచి అతి భారీ వర్షాలు కురిసే అవకాశం ఉందని హెచ్చరించింది. తీరం వెంబడి బలమైన ఈదురుగాలు­లు వీచే అవకాశం ఉండటంతో తీరప్రాంత ప్రజలు అప్రమత్తంగా ఉండాలని సూచించింది. శనివారం కో­స్తాంధ్ర, యానాంలో అక్కడక్కడా తేలికపాటి నుంచి మోస్త­రు వర్షాలు, ఉరుములతో కూడిన జల్లులు కురిసే అవకాశం ఉంది.గంటకు 30 నుంచి 40 కిలోమీటర్ల వేగంతో, గరిష్టంగా 50 కిలోమీటర్ల వేగంతో గాలులు వీయవచ్చని వాతావరణ శాఖ తెలిపింది. రాయలసీమలోనూ కొన్నిచోట్ల వర్షాలు, ఉరుములు, మెరుపులు సంభవించే అవకా­శం ఉంది. ఆదివారం కూడా అక్కడక్కడా వర్షాలు కురిసే సూచనలు ఉన్నాయి. సోమవారం కోస్తాంధ్ర, రాయలసీమ ప్రాంతాల్లో గాలుల వేగం గంటకు 40 నుంచి 50 కిలోమీటర్లు, గరిష్టంగా 60 కిలోమీటర్ల వరకు పెరిగే అవకాశం ఉందని వాతావరణ కేంద్రం వెల్లడించింది. మత్స్యకారులు సముద్రంలోకి వెళ్లొద్దు తుపాను ముప్పు నేపథ్యంలో మత్స్యకారులు సముద్రంలో వేటకు వెళ్లరాదని ఏపీ విపత్తుల నిర్వహణ సంస్థ సూచించింది. ప్రజలు ముందుజాగ్రత్తలు తీసుకోవాలని, సోషల్‌ మీడియాలో వచ్చే వదంతులను నమ్మొద్దని కోరింది. విపత్తుల నిర్వహణ సంస్థ, ఆర్టీజీఎస్‌ జారీ చేసే అధికారిక హెచ్చరికలను పాటించాలని కోరింది. అత్యవసర సహాయం కోసం 112, 1070, 180042–50101 నంబర్లను సంప్రదించాలని సూచించింది.

సాక్షి, అమరావతి: అధికార పార్టీ గూండాలు పోలీసులతో కలిసి అడుగడుగునా కల్పించిన అష్టకుట్రలు, ఆటంకాలన్నీ దాటుకొని నామినేషన్లు వేసిన వైఎస్సార్‌సీపీ అభ్యర్థులను పోటీలో లేకుండా చేసేందుకు వెన్నుపోటు పార్టీ మరో కుట్రకు పాల్పడింది. శనివారం కొనసాగిన ఎంపీటీసీ, జెడ్పీటీసీ నామినేషన్ల పరిశీలన కార్యక్రమం ఏక్షపక్షంగా కొనసాగింది. వీలైనంత మేర అధికార పార్టీకి పోటీగా ఉండే చోట ప్రతిపక్ష పార్టీ అభ్యర్థుల నామినేషన్లను ఏదో ఒక సాకుతో తిరస్కరించారు. టీడీపీకి వ్యతిరేకంగా పోటీలో ఉన్న వందల మంది అభ్యర్థుల నామినేషన్లను సహేతుక కారణం లేకుండానే చెల్లని ఖాతాలోకి నెట్టేశారు. ఎన్నికల ముందు మేనిఫెస్టోలో ఇచ్చిన హామీలను రెండున్నరేళ్ల పాలనలో అమలు చేయక పోవడంతో తీవ్ర ప్రజా వ్యతిరేకతను ఎదుర్కొంటున్న కూటమి ప్రభుత్వం.. తిమ్మినిబమ్మి చేసైనా స్థానిక ఎన్నికల్లో గెలవాలని ప్రజాస్వామ్యాన్ని ఖూనీ చేస్తూ దుర్మార్గాలకు ఒడిగట్టింది. ఈ దుర్మార్గం ప్రభుత్వ పెద్దల డైరెక్షన్‌ మేరకే సాగింది. పల్నాడు జిల్లా చేజర్ల మండలంలో కూటమి అభ్యర్థుల నామినేషన్ల పరిశీలన నిమిషాల వ్యవధిలో పూర్తి కాగా, వైఎస్సార్‌సీపీ అభ్యర్థుల నామినేషన్ల పరిశీ­లనకు ఒక్కో అభ్యర్థికి రెండు గంటలు సమయం తీసుకున్నారు.ఎన్నికల నిబంధనలు పాటించకుండా ఆర్వో బొడ్డు ప్రసాద్‌బాబు ప్రభుత్వ పెద్దల సూచన మేరకు అభ్యర్థుల నామి­నేషన్‌ పత్రాలను తిరస్కరించారని వైఎస్సార్‌సీపీ నాయ­కులు ఆగ్రహం వ్యక్తం చేశారు. నామినేషన్‌ తిరస్కరణకు గురైనట్లు అభ్యర్థులు సంతకాలు చేసి వెళ్లిపోవాలని ఆర్వో ప్రసాద్‌ బాబు, సహాయ ఆర్వో అమర్నాథ్‌ ఒత్తిడి తెచ్చారు. శనివారం సాయంత్రం ఐదు గంటలకల్లా పరిశీలన కార్యక్రమం పూర్తి కావాల్సి ఉండగా, రాత్రి 7 గంటల సమయానికి వైఎస్సార్‌సీపీకి చెందిన నాలుగు సెగ్మెంట్ల అభ్యర్థుల నామినేషన్లను ఏకపక్షంగా తిరస్కరించారు. బాధిత అభ్యర్థులు ఆర్డీవోను, జిల్లా కలెక్టర్‌ను ఫోన్లో సంప్రదించేందుకు ప్రయత్నించగా వారు స్పందించలేదు. అనంతపురం జిల్లా సింగనమల నియోజకవర్గం గార్లదిన్నె మండలంలోని పెనకచెర్ల ఎంపీటీసీ స్థానానికి వైఎస్సార్‌సీపీ తరఫున భీమన్న నామినేషన్‌ దాఖలు చేసిన సమయంలో అధికారులు ఇచ్చిన రసీదు.. పరిశీలన సమయంలో ఇచ్చిన రసీదు నెల్లూరు, తిరుపతి, మార్కాపురం జిల్లాల్లోనూ అదే తీరుమార్కాపురం జిల్లా పొదిలి మండలం ఆముదాలపల్లి ఎంపీటీసీ వైఎస్సార్‌సీపీ అభ్యర్థి పెమ్మని శ్రీను ‘వృత్తి’ పేర్కొనలేదనే కారణంతో నామినేషన్‌ను తిరస్కరించారు. నెల్లూరు జిల్లా మర్రిపాడు మండలం బూధవాడ ఎంపీటీసీ వైఎస్సార్‌సీపీ అభ్యర్థి తోక వెంకయ్య తన నామినేషన్‌లో కొన్ని చోట్ల డాష్‌ (–) పెట్టారనే కారణం చూపి తిరస్కరించారు. నెల్లూరు జిల్లా చిల్లకూరు మండలం కడివేడు ఎంపీటీసీగా షేక్‌ హుస్సేన్‌ భాష దాఖలు చేసిన దరఖాస్తులో ఒక చోట సంతకం లేదని తిరస్కరించారు. తిరుపతి జిల్లాలో దాఖలైన వైఎస్సార్‌సీపీ మొత్తం నామినేషన్లలో మూడో వంతు చంద్రగిరి నియోజకవర్గంలోనే ఉద్దేశ పూర్వకంగా తొలగించారు. ఏలూరు జిల్లా ఉంగుటూరు–1 వైఎస్సార్‌సీపీ అభ్యర్థిగా ఆలయ ట్రస్టు బోర్డు సభ్యుని పదవికి రాజీనామా చేసి పోటీ చేసిన రామేన వెంకట సాయి లక్ష్మి నామినేషన్‌ను అధికార పార్టీ నేతల ఒత్తిడితో అకారణంగా తిరస్కరించారు. అదే మండలం గోపీనాథ్‌ పట్నం వైఎస్సార్‌సీపీ ఎంపీటీసీ అభ్యర్థి పుచ్చకాయల శాంభవి నామినేషన్‌నూ తిరస్కరించారు. రేషన్‌ డీలర్‌గా రాజీనామా చేశాకే నామినేషన్‌ దాఖలు చేసినా, అదే కారణంతో తిరస్కరించడం గమనార్హం. వైఎస్సార్‌ కడప జిల్లాలో పలు చోట్ల అభ్యర్థులకు కారణం కూడా తెలపకుండా నామినేషన్లు తిరస్కరించారు. ప్రొద్దుటూరు మండలానికి సంబంధించి మొత్తం ఏడుగురు నామినేషన్లు వేస్తే, పరిశీలన సమయంలో అందరి నామినేషన్లను తిరస్కరించారు. బద్వేలు నియోజకవర్గంలో మొత్తం 12 నామినేషన్లను ఉద్దేశపూర్వకంగా తిరస్కరించారు. పొదుపు సంఘాల్లో రుణం ఉందని నామినేషన్‌ తిరస్కరణ సాధారణంగా ఎన్నికల నిబంధనల్లో రుణం ఉందనే కారణంతో నామినేషన్‌ తిరస్కరణకు అవకాశం లేకపోయినా.. అన్నమయ్య జిల్లా పెద్దమండెం మండల కేంద్రంలో వైఎస్సార్‌సీపీ ఎంపీటీసీ అభ్యర్థిగా పోటీ చేసిన పద్మజ నామినేషన్‌ను ఇదే కారణంతో తిరస్కరించారు. అదే మండలం ముసలికుంట ఎంపీటీసీ వైఎస్సార్‌సీపీ అభ్యర్థి హరినాయక్‌ తన నామినేషన్‌లో భార్య, పిల్లల పేరు నమోదు చేయలేదని తిరస్కరించారు. పంచాయతీ ఓటర్ల జాబితాలో ఉన్న సీరియల్‌ నెంబర్‌.. ఎంపీటీసీ ఓటర్ల జాబితాలో స్వల్పంగా వేరేగా ఉందనే కారణాలతో పదుల సంఖ్యలో నామినేషన్లను తిరస్కరించారు. ఇలాంటి చిన్న చిన్న కారణాలతో ఒక్క అన్నమయ్య జిల్లాలోనే వందలాది నామినేషన్లు తిరస్కరించారు. ఈ నామినేషన్లు అన్నీ వైఎస్సార్‌సీపీ వాళ్లవే కావడం గమనార్హం. ఉత్తరాంధ్ర జిల్లాల్లోనూ అదే తీరు విజయనగరం జిల్లా పూసపాటిరేగ జెడ్పీటీసీ వెఎస్సార్‌సీపీ అభ్యర్థి బొత్స చైతన్య నామినేషన్‌ను తిరస్కరించారు. విజయనగరం టౌన్‌లో తనకున్న ఓటు హక్కును స్వగ్రామానికి బదిలీ చేసుకుంటూ గతంలో దరఖాస్తు చేసుకున్నారు. ఆన్‌లైన్‌లో ట్రాన్స్‌ఫర్‌ అయినట్టు చూపిస్తున్నప్పటికీ, తమ వద్ద ఉన్న ఓటరు లిస్ట్‌లో ఆయన పేరు లేదని తిరస్కరించారు. అనకాపల్లి జిల్లా చీడికాడ మండలం కండివరం ఎంపీటీసీ వైఎస్సార్‌సీపీ అధికారిక అభ్యర్థి గంజికృష్ణతో పాటు డమ్మీ అభ్యర్థిగా బొగ్గు దేవుళ్లు నామినేషన్‌ వేశారు. వీరు తమ నామినేషన్లకు ప్రతిపాదకులుగా ఒకరినొకరు సంతకాలు చేసుకున్నారు. దీంతో వీరి నామినేషన్‌లు రిజెక్ట్‌ చేశారు. ఇదే మండలం తురువోలు ఎంపీటీసీ వైఎస్సార్‌సీపీ అభ్యర్థి ముర్రు రమాదేవి పేరు ఐడీ ఫ్రూప్‌లో మరోరకంగా ఉందని ఆమె నామినేషన్‌ను తిరస్కరించారు. పార్వతీపురం మన్యం జిల్లా చింతలబెలగాం ఎంపీటీసీ వైఎస్సార్‌సీపీ అభ్యర్థి నఖిరెడ్డి సుశీల నామినేషన్‌లో ప్రతిపాదించిన అభ్యర్థి సంతకం పెట్టాల్సిన చోట పోటీ చేసిన అభ్యర్థి సంతకం చేశారన్న సాకుతో ఆర్వో తిరస్కరించారు. శింగనమల నియోజకవర్గం గార్లదిన్నె మండలం పెనకచర్ల ఎంపీటీసీ వైఎస్సార్‌సీపీ అభ్యర్థి భీమన్న నామినేషన్‌ను అకారణంగా తిరస్కరించడంపై మాజీ మంత్రి శైలజానాథ్‌ అభ్యంతరం వ్యక్తం చేశారు. ఇలా రాష్ట్ర­­వ్యాప్తంగా అన్ని జిల్లాల్లోనూ ఈ అరాచక పర్వం కొనసాగింది.అన్యాయంగా తొలగించారుఎంతో అనుభవం ఉన్న ఓ విశ్రాంత ఉద్యోగి సహాయంతో నా నామినేషన్‌ పత్రాన్ని పూరించాను. ఎక్కడా ఎలాంటి తప్పిదం లేకుండా పలుమార్లు సరిచూసుకున్నాను. ఆపై టీడీపీ మూకను దాటుకుని వెళ్లి నామినేషన్‌ దాఖలు చేశాను. అయితే డిక్లరేషన్‌ ఫారంలో కాలమ్‌ నెంబర్‌ 2(4)లో సక్రమంగా పూరించలేదని నా నామినేషన్‌ తిరస్కరించినట్లు కారణం చెబుతున్నారు. ఇది చాలా దారుణం. ఓటమి భయంతో టీడీపీ నేతలు చేసిన కుట్ర అని తెలుస్తోంది. – మీసాల నాగలక్ష్మి, వైఎస్సార్‌సీపీ ఎంపీటీసీ అభ్యర్థి, బద్వేలు మండలం, అన్నమయ్య జిల్లాఈమె పేరు శ్రేయ. తిరుపతి జిల్లా చంద్రగిరి మండలం చిన్నరామాపురం ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశారు. నామినేషన్‌ పత్రంలోఖర్చు వివరాలు సరిగా రాయలేదని తిరస్కరించారు. ఏ వివరాలు సరిగా రాయలేదో చెప్పాలని కోరగా, కొన్ని వివరాలు అంటూ దాట వేశారు. సీఎం చంద్రబాబు నాయుడు స్వగ్రామంనారావారిపల్లి ఈ సెగ్మెంట్‌ పరిధిలోకి వస్తుంది కాబట్టి.. వైఎస్సార్‌సీపీ అభ్యర్థి అయిన నా నామినేషన్‌నుఇలా తిరుస్కరించడం దారుణం. ఓడిపోతామన్న భయంతోనే ఇలా చేస్తున్నారని అర్థమవుతోంది. ఇలాంటి దుస్థితి ఎప్పుడు చూడలేదునేను మద్దూరు ఎంపీటిసీ అభ్యర్థిగా నామినేషన్‌ దాఖలు చేశాను. పరిశీలనలో అకారణంగా నా నామినేషన్‌ను తిరస్కరించారు. ఎందుకు తిరస్కరించారని ఆర్‌ఓ సునీల్‌ కన్నాను అడిగితే.. ‘మీ నామినేషన్‌ పత్రంలో ఒక కాలం వద్ద ‘నిల్‌’ అని రాసిన పదం సరిగా కనిపించడం లేదు. అందుకే తిరస్కరించాం’ అని చెప్పారు. ఏం మాట్లాడాలో నాకు అర్థం కాలేదు. పాలక పార్టీ నేతల ఒత్తిడితో ఇలా చేయడం దుర్మార్గం. – ఓ.రఘునాథరెడ్డి, నేలంపాడు గ్రామం, మద్దూరు, చాగలమర్రి మండలం, నంద్యాల జిల్లాఉన్నది ఒకే బైక్‌.. రెండు ఉన్నట్టు చూపలేదని.. మా ఊళ్లో వైఎస్సార్‌ కాంగ్రెస్‌ పార్టీకి మంచి పట్టు ఉంది. అందుకే టీడీపీ నాయకులు అధికారులపై ఒత్తిడి తీసుకువచ్చి కుట్రతో నా నామినేషన్‌ తిరస్కరించారు. నా భర్తకు ఒక బైక్‌ ఉంటే రెండు బైకులు ఉన్నట్లు చెప్పి.. దానిని నామినేషన్‌లో నమోదు చేయలేదనే కారణంతో రద్దు చేశారు. వాస్తవంగా నా భర్తకు ఒక బైక్‌ మాత్రమే ఉంది. అధికార పార్టీ నాయకుల కుట్ర వల్లే నా నామినేషన్‌ రద్దు చేశారు. – షేక్‌ ఖాసీంబీ, వేజండ్ల–1 వైఎస్సార్‌సీపీ ఎంపీటీసీ అభ్యర్థి, చేబ్రోలు మండలం, గుంటూరు జిల్లాఅంతా ఓకే అని చెప్పి తిరస్కరించారు నామినేషన్ల పరిశీలనకు మధ్యాహ్నం 12 గంటలకు వెళ్లాం. తహసీల్దార్‌ రవిశంకర్‌ మీ నామినేషన్‌ ఓకే అయింది అని చెప్పారు. సాయంత్రం జాబితా చూస్తే అందులో తిరస్కరణకు గురై ఉంది. కారణమేంటని వెళ్లి కనుక్కుంటే ఆస్తుల వివరాలు మ్యాచ్‌ కాలేదని చెప్పారు. ఏం మ్యాచ్‌ కాలేదని అడిగితే సరైన సమాధానం చెప్పడం లేదు. టీడీపీ అభ్యర్థిని ఏకగ్రీవం చేయడానికే కావాలని నా నామినేషన్‌ను తిరస్కరించారు. – జమ్ము లక్ష్మీరాజ్యం, వైఎస్సార్‌సీపీ ఎంపీటీసీ అభ్యర్థిని, రామాయపట్నం, ఉలవపాడు మండలం, ప్రకాశం జిల్లా

సాక్షి, న్యూఢిల్లీ: ముఖ్యమంత్రి చంద్రబాబు ఆకస్మికంగా ఢిల్లీ వచ్చారు. సాధారణంగా ఆయన ఢిల్లీ వస్తున్నారంటే ఎల్లో మీడియా హడావుడి ఉండేది. అయితే, ఎటువంటి సమాచారం లేకుండా చాలా గోప్యంగా శనివారం సాయంత్రం ఢిల్లీ రావడం చర్చనీయాంశమైంది. స్థానిక సంస్థల ఎన్నికల్లో చోటుచేసుకున్న హింసాత్మక ఘటనలపై రాజకీయ దుమారం కొనసాగుతున్న వేళ సీఎం హస్తిన పర్యటన పలు ప్రశ్నలను లేవనేత్తుతోంది. ఆయన శనివారం సాయంత్రం కేంద్ర హోం మంత్రి అమిత్‌ షాతో సమావేశమయ్యారు. అనంతరం కేంద్ర రైల్వే, ఐటీ శాఖల మంత్రి అశ్వినీ వైష్ణవ్‌తోనూ భేటీ అయ్యారు. ఈ భేటీ వివరాలు చెప్పొద్దని ముఖ్యమంత్రి సిబ్బందికి ముందుగా ఆదేశాలు ఇచ్చినప్పటికీ, ఆ తరువాత మీడియాకు వెల్లడించడం పలు అనుమానాలకు తావిస్తోంది.రాష్ట్రంలో ‘అధికార’ గూండాయిజంపై వివరణకే..!రాష్ట్రంలో రైల్వే ప్రాజెక్టులు, ప్రతిపాదిత సెమీకండక్టర్‌ ప్రాజెక్టు, ఆర్టిఫిషియల్‌ ఇంటెలిజెన్స్‌ (ఏఐ), మౌలిక సదుపాయాల అభివృద్ధికి కేంద్ర సహకారం వంటి అంశాలు చర్చకు వచ్చినట్లు ఆయన సిబ్బంది ఎల్లో మీడియాకు తెలిపారు. కానీ, స్థానిక సంస్థల ఎన్నికల్లో అధికార పార్టీ గూండాయిజం, అధికార యంత్రాంగాన్ని ఉపయోగించుకొని ప్రభుత్వం దమన కాండకు పాల్పడటంపై వివరణ ఇచ్చేందుకే చంద్రబాబు ఆకస్మిక ఢిల్లీ పర్యటనకు కారణమని చెబుతున్నారు. మున్సిపల్‌ ఎన్నికల నామినేషన్ల తొలిరోజునే పుంగనూరులో వైఎస్సార్‌సీపీ ఎంపీ పీవీ మిథున్‌ రెడ్డిపై టీడీపీ గూండాలు హత్యాయత్నానికి ఒడిగట్టారు. ఆ తర్వాత అనేక ప్రాంతాల్లో వైఎస్సార్‌సీపీ అభ్యర్థులు నామినేషన్లు వేయకుండా దాడులు, దౌర్జన్యాలతో అడ్డుకున్నారు. నామినేషన్‌ పత్రాలను చించేశారు. మహిళలపైనా టీడీపి మూకలు దాడులు చేశాయి. అధికార పార్టీ దుర్మార్గాలకు పోలీసులే బహిరంగంగా మద్దతిచ్చారు. మాజీ మంత్రి విడదల రజినిని పోలీసులు తోసివేశారు. ఈ వీడియోలు దేశవ్యాప్తంగా చర్చనీయాంశమయ్యాయి. వీటిపై వివరణ ఇచ్చుకోవడానికి చంద్రబాబు కేంద్ర హోం మంత్రి అమిత్‌ షాను కలిసినట్లు చర్చ జరుగుతోంది.

తాడేపల్లి: ఆంధ్రప్రదేశ్‌ స్థానిక ఎన్నికల వేళ కూటమి సర్కారు తీరుపై వైఎస్సార్‌సీపీ స్టేట్‌ కో-ఆర్డినేటర్‌ సజ్జల రామకృష్ణా రెడ్డి మండిపడ్డారు. నిన్న (అక్టోబరు 23) వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి సాక్ష్యాలతో సహా మాట్లాడారని తెలిపారు.శనివారం సజ్జల తాడేపల్లిలో మీడియా సమావేశంలో మాట్లాడుతూ.. ‘‘బీసీ మహిళా నేత, మాజీ మంత్రి విడదల రజినీని నిర్బంధించారు. వైఎస్సార్‌సీపీ నేతలను గృహ నిర్బంధం చేయడం దేనికి? చంద్రబాబు ఒక్క ఆధారం కూడా లేకుండా అన్నీ అబద్ధాలే మాట్లాడారు. చంద్రబాబు తన పాలనను హైదరాబాద్‌ నుంచి నడుపుతున్నారు. స్క్రూటినీ పేరుతో అభ్యర్థుల నామినేషన్లను తిరస్కరిస్తున్నారు.చంద్రబాబు అబద్ధాలు వల్లె వేస్తున్నారు. వైఎస్సార్‌సీపీ వాళ్లే దాడులు చేస్తున్నారని చంద్రబాబు తప్పుడు ప్రచారం చేస్తున్నారు. నామినేషన్లు వేసే వాళ్లు ఎందుకు దాడులు చేస్తారు? నామినేషన్లు దాఖలైన వాటిలో మావే ఎందుకు తక్కువగా ఉన్నాయి. టీడీపీ అరాచకాలపై ఎన్నికల సంఘానికి ఫిర్యాదు చేసినా పట్టించుకోలేదు. తడి గుడ్డలతో గొంతు కోయడం చంద్రబాబుకు బాగా తెలుసు.వైఎస్సార్‌సీపీ తరఫున టీడీపీ వాళ్లే నామినేషన్లు వేస్తున్నారు. నామినేషన‍్లు ఎవరి తరఫున ఎవరు వేస్తున్నారో కూడా తెలియడం లేదు. నామినేషన్లు వేసేందుకు మా నేతలు వీధి పోరాటం చేస్తున్నారు. నామినేషన్‌ సెంటర్‌ దగ్గర టీడీపీ నేతలు గుంపులు గుంపులుగా ఉంటారు. రాయలసీమ సంస్కృతి గురించి మాట్లాడే హక్కు చంద్రబాబుకు లేదు. నామినేషన్లు చించుతున్నా ఆర్వో ప్రేక్షక పాత్ర వహిస్తున్నారు’’ అని తెలిపారు. వ్యక్తిత్వ హననం చేస్తున్నారు..చంద్రబాబుకు తమను ఎదుర్కొనే ధైర్యం లేదని సజ్జల రామకృష్ణారెడ్డి స్పష్టం చేశారు. అందుకే ఎల్లో మీడియాలో అబద్ధాలు ప్రచారం చేస్తున్నారని, అబద్ధాలకు మాత్రం చంద్రబాబు కట్టుబడి ఉంటారని చురకలంటించారు. అడ‍్డగోలుగా వ్యక్తిత్వ హననం చేస్తున్నారని, తాము అడిగే ప్రశ్నలకు సమాధానం ఇవ్వడం లేదన్నారు సజ్జల.ఇదీ చదవండి: వారం రోజులుగా దాడులు కొనసాగుతున్నాయి: రాచమల్లు

సాక్షి, విజయవాడ: తూర్పుమధ్య బంగాళాఖాతంలో సుస్పష్టమైన అల్పపీడనం కేంద్రీకృతమైంది.. అదే ప్రాంతంలో ఇవాళ రాత్రిలోపు వాయుగుండంగా, రేపు తీవ్రవాయుగుండంగా బలపడే అవకాశం ఉందని ఆంధ్రప్రదేశ్‌ రాష్ట్ర విపత్తుల నిర్వహణ సంస్థ వెల్లడించింది. సోమవారం ఉదయానికి పశ్చిమమధ్య బంగాళాఖాతంలో తుపానుగా మారే అవకాశం ఉంది.బుధవారం ఉదయానికి కోస్తాంధ్ర తీరానికి చేరే అవకాశముందని విపత్తుల నిర్వహణ సంస్థ వెల్లడించింది.దీని ప్రభావంతో సోమవారం నుంచి విస్తారంగా వర్షాలు కురిసే అవకాశం ఉందని.. మంగళ, బుధవారాల్లో భారీ నుంచి అతిభారీ వర్షాలు కురిసే అవకాశం ఉందని విపత్తుల సంస్థ ఎండీ ప్రఖర్ జైన్‌ తెలిపారు. తీరం వెంబడి బలమైన ఈదురుగాలులు వీస్తాయని.. మత్స్యకారులు సముద్రంలో వేటకు వెళ్ళరాదని హెచ్చరించారు.ప్రజలు ముందస్తు జాగ్రత్తలు తీసుకోవాలన్న ప్రఖర్‌ జైన్‌.. సోషల్ మీడియా వదంతులు నమ్మొద్దని.. వాటిని వ్యాప్తి చేయొద్దన్నారు. అత్యవసర సహాయం, తుపాను వివరాల కోసం ఎస్డీఎంఏ టోల్ ఫ్రీ నంబర్లలో (112, 1070, 18004250101 సంప్రదించాలన్నారు.ఇదీ చదవండి: అయ్యో పాపం.. ఏనుగు

ప్రాదేశిక ఎన్నికల నామినేషన్ల పర్వం ఆఖరి రోజూ రక్తసిక్తంగా మారింది. టీడీపీ గూండాలు చెలరేగిపోయారు. వైఎస్సార్‌సీపీ అభ్యర్థులను నామినేషన్లు వేయనివ్వకుండా అడుగడుగునా అడ్డుతగిలారు. నామినేషన్‌ పత్రాలను లాక్కెళ్లి చించేశారు. వీరికి ‘పచ్చ’బొట్టేసుకున్న ఖాకీలు అండగా నిలిచారు. ప్రతిపక్ష అభ్యర్థులను ఎక్కడికక్కడ నిలువరించారు. ఇనుప కంచెలు వేసి మరీ అడ్డుకున్నారు. అభ్యర్థులు కాళ్లుమొక్కినా కరుణించలేదు. మాజీ ప్రజాప్రతినిధులపైనా పోలీసులు దురుసుగా ప్రవర్తించారు. గృహనిర్బంధాలు, నోటీసులతో బీభత్సం సృష్టించారు. ప్రజాస్వామ్యాన్ని అపహాస్యం చేశారు. వైఎస్సార్‌ జిల్లా పోరుమామిళ్లలో నామినేషన్‌ వేయకుండా వైఎస్సార్‌సీపీ అభ్యర్థులను అడ్డుకునేందుకు రోడ్డుకు అడ్డంగా నిలబడ్డ టీడీపీ వర్గీయులుపల్నాడు జిల్లా చిలకలూరిపేటలో మాజీ మంత్రి విడదల రజినిని కిందకు తోసేస్తున్న ఎస్‌ఐ, ఎస్‌ఐ దురుసు ప్రవర్తనతో కిందపడిపోయిన విడదల రజిని మార్కాపురం జిల్లా పొదిలిలో నామినేషన్‌ వేయడానికి వచ్చిన వారిని బలవంతంగా వెనక్కి పంపిస్తున్న పోలీసులువైఎస్సార్‌ కడప జిల్లా లింగాలలో వైఎస్సార్‌సీపీ ఎంపీటీసీ అభ్యర్థులను ఇనుప ముళ్లకంచె పెట్టి అడ్డుకుంటున్న పోలీసులు వైఎస్సార్‌ కడప జిల్లా పులివెందులలో వైఎస్సార్‌సీపీ ఎంపీటీసీ అభ్యర్థిని నామినేషన్‌ వేయకుండా అడ్డుకుంటున్న టీడీపీ గూండాలు మార్కాపురం జిల్లా పీసీపల్లిలో వైఎస్సార్‌సీపీ అభ్యర్థులను నామినేషన్‌ కేంద్రంలోకి వెళ్లనీయకుండా గేట్లు వేసి బారికేడ్లు పెట్టి అడ్డుకుంటున్న పోలీసులు అనంతపురం జిల్లా యల్లనూరులో వైఎస్సార్‌సీపీ శ్రేణులపై రాళ్లు రువ్వుతున్న టీడీపీ మూకలు చిత్తూరు జిల్లా పెద్దపంజాణిలో వైఎస్సార్‌సీపీ నేతపై టీడీపీ మూకల దాడి మాచర్లలో పిన్నెల్లి రామకృష్ణారెడ్డి హౌస్‌ అరెస్టు కందుకూరులో నియోజకవర్గ ఇన్‌చార్జ్‌ మధుసూదన్‌ యాదవ్‌ను గృహనిర్బంధం చేసిన పోలీసులు మార్కాపురం జిల్లా కనిగిరిలో గృహనిర్బంధంలో వైఎస్సార్‌సీపీ ఇన్‌చార్జ్‌ దద్దాల నారాయణ యాదవ్‌మార్కాపురం జిల్లా యర్రగొండపాలెంలో ఎమ్మెల్యే తాటిపర్తి చంద్రశేఖర్‌ హౌస్‌ అరెస్ట్‌తిరుపతి జిల్లా నాయుడుపేటలో మాజీ ఎమ్మెల్యే సంజీవయ్య, మార్కాపురంలో మాజీ ఎమ్మెల్యే అన్నా రాంబాబు, మాజీ ఎమ్మెల్యే కేపీ నాగార్జునరెడ్డిలకు హౌస్‌ అరెస్ట్‌ చేస్తున్నట్లు నోటీసు ఇస్తున్న పోలీసులుప్రకాశం జిల్లా లింగసముద్రంలో నామినేషన్‌లకు వెళ్లిన వైఎస్సార్‌సీపీ అభ్యర్థులపై రాళ్లతో దాడి చేస్తున్న టీడీపీ గూండాలు , మార్కాపురం జిల్లా కొనకనమిట్లలో నామినేషaన్‌ వేయించాలని ఓఎస్డీ నవజ్యోతి మిశ్రా కాళ్లు పట్టుకున్న వైఎస్సార్‌సీపీ అభ్యర్థిని బాలగురవమ్మ వైఎస్సార్‌ జిల్లా వేంపల్లెలో వైఎస్సార్‌సీపీ ఎంపీటీసీ అభ్యర్థులను అడ్డుకుంటున్న పులివెందుల డీఎస్పీ మురళీ నాయక్‌ అనంతపురం జిల్లా యల్లనూరులో టీడీపీ శ్రేణుల రాళ్ల దాడిలో గాయపడిన ఓబులేసు , శ్రీ పొట్టి శ్రీరాములు నెల్లూరు జిల్లా కావలిలో గాయపడిన వైఎస్సార్‌సీపీ కార్యకర్త

సాక్షి, అమరావతి: ఆంధ్రప్రదేశ్‌లో స్థానిక సంస్థల ఎన్నికల వేళ ప్రజాస్వామ్యం అపహాస్యమవుతోందంటూ జాతీయ స్థాయిలో పెద్దఎత్తున విమర్శలు వెల్లువెత్తుతున్నాయి. ప్రతిపక్ష వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారని, మహిళా అభ్యర్థుల నుంచి నామినేషన్‌ పత్రాలను బలవంతంగా లాక్కుంటున్నారని, పోలీసుల సమక్షంలోనే ఈ ఘటనలు జరుగుతున్నాయంటూ సామాజిక మాధ్యమాల్లో వీడియోలు వైరల్‌ అవుతున్నాయి. ఈ పరిణామాలపై జాతీయ స్థాయిలో ప్రముఖ జర్నలిస్టులు, న్యాయవాదులు, సామాజిక కార్యకర్తలు, మహిళా సంఘాలు తీవ్రంగా స్పందిస్తున్నాయి. చంద్రబాబు నేతృత్వంలోని కూటమి ప్రభుత్వ హయాంలో ఎన్నికల స్వేచ్ఛ, అభ్యర్థుల భద్రత, పోలీసుల నిష్పాక్షికతపై వారు ఆందోళన వ్యక్తంచేస్తూ పోస్టులు షేర్‌ చేస్తున్నారు. ప్రజాస్వామ్యం ఉందా?..ఏపీలో స్థానిక సంస్థల ఎన్నికల సందర్భంగా వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారంటూ స్వతంత్ర జర్నలిస్టు ప్రశాంత్‌ కనోజియా తన ‘ఎక్స్‌’ ఖాతాలో ఓ వీడియోను షేర్‌ చేశారు. రాష్ట్రంలో టీడీపీ, బీజేపీల ‘ఆటవిక రాజ్యం’ నడుస్తోందని విమర్శిస్తూ.. ఆంధ్రప్రదేశ్‌లో ప్రజాస్వామ్యం, భారత రాజ్యాంగం లేదనేలా పరిస్థితులు ఉన్నాయని ఆయన వ్యాఖ్యానించారు.టీడీపీ ప్రజాస్వామ్యాన్ని అపహాస్యం చేస్తోంది..సుప్రీంకోర్టు సీనియర్‌ న్యాయవాది, సామాజిక కార్యకర్త ప్రశాంత్‌ భూషణ్‌.. ఏపీలో జరుగుతున్న పరిణామాలపై తీవ్రంగా స్పందించారు. ‘‘ఆంధ్రప్రదేశ్‌లో జరుగుతున్నది అసాధారణమైనది. అధికార టీడీపీ గూండాలు ప్రతిపక్ష అభ్యర్థులను నామినేషన్‌ పత్రాలు దాఖలు చేయకుండా నిర్మొహమాటంగా అడ్డుకుంటున్నారు. ఇదంతా పోలీసులు, ఎన్నికల అధికారుల పూర్తి సమక్షంలో, వారి కుమ్మక్కుతో జరుగుతోంది. టీడీపీ ప్రజాస్వామ్యాన్ని అపహాస్యం చేస్తోంది’’.. అని తన అధికారిక ‘ఎక్స్‌’ ఖాతాలో ఆయన పేర్కొన్నారు.మహిళా అభ్యర్థులపై దౌర్జన్యాలా?..మహిళా అభ్యర్థుల నుంచి నామినేషన్‌ పత్రాలను బలవంతంగా లాక్కుంటున్నారన్న ఆరోపణలపై అఖిల భారత మహిళా కాంగ్రెస్‌ తీవ్రంగా స్పందించింది. ‘‘ఆంధ్రప్రదేశ్‌ పట్టణ స్థానిక సంస్థల ఎన్నికల్లో ప్రజాస్వామ్యంపై బహిరంగంగా దాడి జరుగుతోంది. అధికార పార్టీ గూండాలు మహిళా అభ్యర్థుల నుంచి నామినేషన్‌ పత్రాలను హింసాత్మకంగా లాక్కుంటున్నారు. ఇది సిగ్గుచేటు.. ఏమాత్రం ఆమోదయోగ్యం కాదు’’.. అంటూ ఖండించింది.ప్రతిపక్ష రాష్ట్రంలో జరిగితే ప్రత్యక్ష ప్రసారం చేసేవారు..సామాజిక మాధ్యమ వినియోగదారు నమ్ర పటేల్‌ రాష్ట్రంలో ఎన్నికల పరిస్థితులపై విమర్శలు గుప్పించారు. ‘‘ఆంధ్రప్రదేశ్‌ స్థానిక సంస్థల ఎన్నికలు భారత ప్రజాస్వామ్యానికి సిగ్గుచేటుగా మారాయి. నారా చంద్రబాబునాయుడు పాలనలో ఏపీలో పూర్తిగా చట్టం అదుపు తప్పింది. ఇదే ప్రతిపక్షాలు పాలించే రాష్ట్రంలో జరిగి ఉంటే ప్రధాన వార్తా మాధ్యమాలన్నీ ప్రత్యక్ష ప్రసారం చేసి ఉండేవి’’.. అని ఆయన వ్యాఖ్యానించారు.ఎన్నికల హింసపై జర్నలిస్టుల ఆందోళన..జర్నలిస్టులు అనుషా రవి సూద్, సందీప్‌ మనుధనే సహా పలువురు సామాజిక మాధ్యమ వినియోగదారులు ఆంధ్రప్రదేశ్‌లో స్థానిక సంస్థల ఎన్నికల సందర్భంగా హింస చోటుచేసుకుంటోందని ఆరోపించారు. ప్రతిపక్ష వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారంటూ ఆందోళన వ్యక్తంచేశారు.ప్రజాస్వామ్యం క్షీణిస్తోంది..ఫ్రాన్సెస్కో ఫాచిని భారతదేశంలో ప్రజాస్వామ్యం ఎదుర్కొంటున్న సవాళ్లపై స్పందించారు. ‘‘దక్షిణ భారత రాష్ట్రాల్లో ఒకదానిలో ఎన్నికల ప్రక్రియల సమయంలో జరిగిన భారీ ఎన్నికల అవకతవకలను నా సహోద్యోగి, స్నేహితుడు ఇక్కడ చాలా చక్కగా వివరించారు. ఇది ఎంతమాత్రం ఆమోదయోగ్యం కాదు. ఇటువంటి బెదిరింపులను ఎదుర్కొంటున్న ఆయనకు, ప్రజలందరికీ నేను మద్దతుగా నిలుస్తున్నాను’’.. అని ఆయన పేర్కొన్నారు. ఎన్నికల సంఘం, సుప్రీంకోర్టు చూస్తున్నాయా?..సామాజిక కార్యకర్త తీస్తా సెతల్వాడ్‌ అయితే ఎన్నికల సంఘం, సుప్రీంకోర్టును ఉద్దేశించి ప్రశ్నలు సంధించారు. ‘‘ఎన్నికల సంఘం చూస్తోందా? సుప్రీంకోర్టు చూస్తోందా? అని నిలదీశారు. చిత్తూరు జిల్లా జీడీ నెల్లూరు ఘటనపై శ్వేతా సోని స్పందించారు. ‘‘గ్రేట్‌ ఏపీ పోలీస్‌!’’ అంటూ వ్యంగ్యంగా వ్యాఖ్యానించారు. ఒక గుంపు మహిళ నామినేషన్‌ పత్రాలను లాక్కుంటున్న సమయంలో పోలీసులు చూస్తూ నిలబడ్డారని విమర్శించారు.13 జిల్లాల్లో 31 ఎన్నికల ఘటనలు..చిత్తూరు జిల్లా జీడీ నెల్లూరులో అక్టోబర్‌ 22న నామినేషన్‌ దాఖలు చేయడానికి ప్రయత్నిస్తున్న మహిళ నుంచి ఒక వ్యక్తి పత్రాలను లాక్కోవడానికి ప్రయత్నించినట్లు వీడియోలో కనిపిస్తోందని ‘నేషనల్‌ హెరాల్డ్‌’ కథనం పేర్కొంది. నామినేషన్‌ పత్రాలను లాక్కోవడం, చింపివేయడం, ధ్వంసం చేయడం వంటి ఘటనలకు సంబంధించి 13 జిల్లాల్లో 31 ఎన్నికల సంబంధిత సంఘటనలు నమోదైనట్లు రాష్ట్ర పోలీసు ఉన్నతాధికారులు వెల్లడించారని తెలిపింది. ఈ ఘటనలు అభ్యర్థుల భద్రత, ఎన్నికల్లో పోటీచేసే హక్కు, పోలీసుల బాధ్యతపై ఆందోళనలను పెంచాయని పేర్కొంది.ఎన్నికల సంఘం ఏం చేస్తోంది?..నామినేషన్ల దాఖలుకు అడ్డంకులు లేకుండా చూడటం, అభ్యర్థుల భద్రతను కాపాడటం ఎన్నికల సంఘం, పోలీసు యంత్రాంగం బాధ్యత. నామినేషన్‌ పత్రాలను లాక్కోవడం, చింపివేయడం వంటి ఘటనలపై ఫిర్యాదులు వస్తే నిష్పాక్షికంగా విచారణ జరిపి బాధ్యులపై చర్యలు తీసుకోవాలి. అధికార పార్టీకి చెందిన వారిపై ఆరోపణలు వచ్చినా, ప్రతిపక్షాలు ఫిర్యాదు చేసినా చట్టం ముందు అందరూ సమానమే. రాష్ట్రంలో ఎన్నికల ప్రక్రియపై జాతీయ స్థాయిలో విమర్శలు, ఆరోపణలు వ్యక్తమవుతున్న నేపథ్యంలో అధికారులు స్పందించి వాస్తవాలను వెల్లడించాల్సిన అవసరం ఉంది. ప్రజాస్వామ్యంలో ప్రతి అభ్యర్థికి పోటీచేసే హక్కును కాపాడినప్పుడే ఎన్నికలపై ప్రజలకు విశ్వాసం నిలుస్తుందని సామాజిక మాధ్యమాల్లో నెటిజన్లు వ్యాఖ్యానిస్తున్నారు.

సాక్షి, అమరావతి: గత వైఎస్సార్‌సీపీ ప్రభుత్వ హయాంలో జరిగిన అభివృద్ధిని చంద్రబాబు సర్కారు నిస్సిగ్గుగా ఇప్పటికే తన ఖాతాలో వేసుకుంటున్న విషయం జగమెరిగిన సత్యం. గూగుల్‌ డేటాసెంటర్, భోగాపురం ఎయిర్‌పోర్టు, ఎన్టీపీసీ గ్రీన్‌ ఎనర్జీ ఇలా పలు ప్రాజెక్టులను తన ఖాతాలో వేసుకుని డప్పు కొట్టుకుంటున్న తెలుగుదేశం పార్టీ నేతలు తాజాగా మరో క్రెడిట్‌ చోరీకి పాల్పడడం అందరినీ విస్మయపరుస్తోంది. వైఎస్‌ జగన్‌ హయాంలో నిర్మాణం పూర్తి చేసుకుని ఉత్పత్తి ప్రారంభించిన అరబిందో లైఫియస్‌ కంపెనీ క్రెడిట్‌ను కూడా దేశం ఘనతగా చాటుకోవడం తాజాగా చర్చనీయాంశంగా మారింది. అబద్ధపు ప్రచారం ఇలా... ఆత్మనిర్భర్‌ భారత్‌లో భాగంగా 2020లో కాకినాడ వద్ద అరబిందో గ్రూపు ఏర్పాటు చేసిన లైఫియస్‌ అనే పెన్సిలిన్‌–జీ తయారీ కంపెనీ నిర్మాణాన్ని టీడీపీ తమ గొప్పగా ప్రచారం చేసుకోవడం ఆశ్చర్యపరుస్తోంది. మంత్రి నారా లోకేశ్‌ దగ్గర నుంచి కేంద్రమంత్రి రామ్మోహన్‌నాయుడు వరకు అంతా ట్వీట్లు చేస్తూ సోషల్‌ మీడియాలో పెద్ద ఎత్తున ప్రచారం చేసుకోవడంపై సర్వత్రా అభ్యంతరాలు వ్యక్తమవుతున్నాయి. చాలా ఏళ్ల తర్వాత భారత్‌లో తిరిగి పెన్సిలిన్‌–జీ తయారీ మొదలైందని, కాకినాడ వద్ద లైఫియస్‌ కంపెనీ పెన్సిలిన్‌–జీ తయారు చేస్తోందంటూ ఒక సందర్భంలో ప్రధాని నరేంద్ర మోదీ చెప్పిన వీడియా క్లిప్‌ను మైగవ్‌ఇండియా పోస్ట్‌ చేయగానే తెలుగుదేశం నాయకులు తమ ప్రభుత్వ ఘనతగా పేర్కొంటూ రీ–ట్వీట్‌ చేస్తుండటం చూసి అధికారులు ముక్కున వేలేసుకుంటున్నారు. కోవిడ్‌ సమయంలో అన్ని రకాల అనుమతులు తీసుకొచ్చి కంపెనీని వైఎస్‌ జగన్‌ ప్రభుత్వ హయాంలో ప్రారంభిస్తే ఇప్పుడు ఈ ఘనతను బాబు కూటమి తన ఖాతాలో నిస్సిగ్గుగా వేసుకోవడాన్ని అందరూ తప్పుపడుతున్నారు.అసలు నిజాలు ఇలా..... వైఎస్‌ జగన్‌ తన హయాంలో మూడు కీలక భారీ ప్రాజెక్టులను తీసుకురావడంతో కాకినాడ ఫార్మాహబ్‌గా ఎదిగింది. సుమారు రూ.5,000 కోట్ల పెట్టుబడులతో అరబిందో మూడు, దివీస్‌ ఒక ఫార్మా కేంద్రాన్ని ఏర్పాటు చేసింది. దీర్ఘకాలంలో పెండింగ్‌లో ఉన్న దివీస్‌ ఫార్మా సమస్యను వైఎస్‌ జగన్‌ అధికారం చేపట్టిన వెంటనే పరిష్కరించి ఉత్పత్తి ప్రారంభించే విధంగా చర్యలు తీసుకున్నారు.. ఫలితంగా కేంద్ర ప్రభుత్వం ప్రకటించిన ఉత్పత్తి ఆధారిత ప్రోత్సాహకాలు (పీఎల్‌ఐ) పథకం కింద అరబిందో మూడు యూనిట్లను ఏర్పాటు చేశాయి. 2020లో పనులు ప్రారంభించిన ఈ యూనిట్లు 2024లోనే ఉత్పత్తిని ప్రారంభించడం విశేషం. ఇందులో రూ.2,500 కోట్లతో లైఫియస్‌ పేరుతో ఏటా 15,000 టన్నుల పెన్సిలిన్‌–జీ, 1.8 లక్షల టన్నుల గ్లూకోజ్‌ తయారీ యూనిట్లను ఏర్పాటు చేసి అందుబాటులోకి తెచ్చింది. రూ.1,000 కోట్లతో ఏటా 3,600 టన్నుల 6–అమినో పెన్సిలానిక్‌ యాసిడ్‌ తయారీ యూనిట్‌ క్యూలే పేరుతో ఏర్పాటు చేసింది.

సాక్షి, అమరావతి: ప్రజలకు నాణ్యమైన వైద్య సేవలందేలా చూడటంతో పాటు నకిలీ వైద్యులపై కొరడ ఝుళిపించాల్సిన ఏపీ మెడికల్‌ కౌన్సిల్‌ (ఏపీఎంసీ)ను చంద్రబాబు ప్రభుత్వం అస్మదీయులతో నింపేసింది. కౌన్సిల్‌లో తిష్టవేసిన కీలక వ్యక్తులు నకిలీ వైద్యుల మాఫియాకు అండగా నిలుస్తూ ప్రజల ప్రాణాలతో చెలగాటం ఆడుతున్నారు. నకిలీ వైద్యులపై కౌన్సిల్‌కు వచ్చిన ఫిర్యాదులతోపాటు విచారణ నివేదికలను సైతం బుట్టదాఖలు చేస్తున్నారనే అరోపణలు వెల్లువెత్తుతున్నాయి. ఇటీవల అనంతపురంలో నకిలీ వైద్యుడి చేతిలో నరసమ్మ అనే మహిళ బలైపోవడానికి ఏపీఎంసీ నిర్లక్ష్యమే ప్రధాన కారణమని తెలుస్తోంది. గతంలోనే స్పష్టమైన ఫిర్యాదులు, నివేదికలు అందినా చర్యలు తీసుకోకుండా తొక్కిపెట్టడం వల్లే ఆ నిండు ప్రాణం గాలిలో కలిసిపోయిందన్న ఆరోపణలు వెల్లువెత్తుతున్నాయి. చర్యలు తీసుకోకుండా తొక్కిపెట్టి.. అనంతపురంలో మహిళ మరణానికి కారణమైన మేఘన ప్రథమ చికిత్స కేంద్రం నిర్వాహకుడు ఆర్‌ఎంపీ జి.రమణపై ఈ ఏడాది జూన్‌లోనే ఏపీఎంసీకి ఫిర్యాదులు అందాయి. ఈ ఫిర్యాదుపై విచారణ అనంతరం ఏపీఎంసీలోని నకిలీ వైద్యుల నిరోధక కమిటీ సెప్టెంబర్‌లో నివేదిక సమర్పించింది. నివేదిక ఆధారంగా చర్యలు తీసుకోకుండా ఏపీఎంసీ చైర్మన్‌ నిర్లక్ష్యం చేసిందని సమాచారం. వాస్తవానికి ఇలాంటి ఘటనల్లో వెంటనే సంబంధిత జిల్లా డీఎంహెచ్‌వో, ఔషధ నియంత్రణ, పోలీసు విభాగాలను ఏపీఎంసీ అప్రమత్తం చేయాలి. నిబంధనల ప్రకారం నకిలీ వైద్యులపై చర్యలకు ఆదేశించాలి. సెప్టెంబర్‌లో నివేదిక సమర్పించినా ఏపీఎంసీ ఎలాంటి చర్యలు తీసుకోకపోవడంతో నకిలీ వైద్యుడి చేతుల్లో ఈ నెల 17న నరసమ్మ అనే మహిళ చికిత్స పొందుతూ మృత్యువాత పడింది. అనంతపురం, విశాఖపట్నం ఇలా వివిధ జిల్లాల్లో నకిలీ వైద్యులపై చేసిన విచారణ నివేదికలను చైర్మన్‌ తొక్కిపెట్టారని కౌన్సిల్‌ సభ్యులే ఆరోపిస్తున్నారు. ఏపీఎంసీ చట్టం ప్రకారం నకిలీ వైద్యులపై క్రిమినల్‌ చర్యలు తీసుకునే పూర్తి అధికారం చైర్మన్‌కు మాత్రమే ఉంది. అదే చైర్మన్‌ నివేదికలను అటకెక్కించడం వెనుక మతలబేమిటని ప్రశ్నలు ఉత్పన్నం అవుతున్నాయి. నివేదికల్ని దాచిపెట్టాల్సిన అవసరం ఏముంది నకిలీ వైద్యుల నివారణ కమిటీ సభ్యుడిగా అనంతపురంలో తనిఖీలు చేసి సమగ్ర నివేదిక ఇచ్చినా చైర్మన్‌ చర్యలు తీసుకోకపోవడం దారుణం. హైకోర్టు ఆదేశాలున్నా ఈ జాప్యం ఎందుకు చేశారు. ఏపీఎంసీకి ప్రజల ప్రాణాల కంటే ముఖ్యం ఏముంది? ఫిర్యాదులను కమిటీ ముందుకు తీసుకురాకుండా దాచిపెడుతున్నారు. అర్హత కలిగిన వైద్యులపై విచారణల్లో చూపించే వేగం నకిలీలపై ఎందుకు ఉండటం లేదు? తక్షణమే నకిలీ వైద్యులపై వచ్చిన అన్ని ఫిర్యాదులను బయటపెట్టి డీఎంహెచ్‌వో, డ్రగ్‌ ఇన్‌స్పెక్టర్లతో సమన్వయం చేసుకుని నకిలీలపై కఠిన చర్యలు చేపట్టాలి. – డాక్టర్‌ కురువ శ్రీహరి, ఏపీఎంసీ నకిలీ వైద్యుల నిరోధక కమిటీ సభ్యుడు

సాక్షి, అమరావతి: రాష్ట్రంలో వెన్నుపోటు ప్రభుత్వం, పోలీసులు కలిసి ప్రజాస్వామ్యాన్ని పట్టపగ­లు ఖూనీ చేస్తున్నారు. ఎన్నికల్లో పోటీ చేసే పౌరుల హక్కుపై నారాసురుడు గొడ్డలివేటు వేస్తూనే ఉన్నా­రు. ఎన్నికల్లో పోటీచేసే అవకాశం కల్పించాలని సు­ప్రీంకోర్టు ఆదేశాలు ఇచ్చినప్పటికీ, రాష్ట్రంలో సాగు­తున్న రాక్షసకాండను రాష్ట్ర ఎన్నికల కమిషన్‌ (ఎస్‌­ఈసీ) ఏమాత్రం అడ్డుకోలేకపోతోంది. మరో మాట­లో చెప్పాలంటే ఊరూరా దౌర్జన్యాలు, దాడులు, హ­త్యాయత్నాలు, నేతల గృహ నిర్బంధాలు యథేచ్ఛ­గా సాగుతున్నా చోద్యం చూస్తోంది. జిల్లా, మండల పరిషత్‌ ఎన్నికల్లో నామినేషన్లకు ఆఖరి రోజైన శుక్రవారం ఎంపీటీసీ, జడ్‌పీటీసీ వైఎస్సార్‌సీపీ అభ్యర్థులకు అడుగడుగునా అడ్డంకులు ఎదురయ్యా­యి. పచ్చ మూకలు నామినేషన్‌ పత్రాలను లా­క్కొ­ని చించి వేయడంతో పాటు అభ్యర్థులు, కార్యకర్త­లపై దాడులకు తెగబడ్డాయి. రెడ్‌బుక్‌కు జీ హుజూర్‌ అంటున్న పోలీసులు రౌడీలను వదిలేసి.. బాధిత వైఎస్సార్‌సీపీ నాయకులపైనే లాఠీలు ఝళిపిస్తున్నా­రు. వీరిపైనే తప్పుడు కేసులు బనాయిస్తున్నారు. ఫలితంగా పలు జిల్లాల్లో ఉద్రిక్తత నెలకొంది. నామినేషన్‌ వేయడానికి వెళ్తున్న అభ్యర్థులను అడ్డు­కోవడం నుంచి మహిళా అభ్యర్థులను భయభ్రాంతులకు గురిచేయడం వరకు వెన్నుపోటు పార్టీ శ్రేణు­లు పేట్రేగిపోతున్నాయి. మార్కాపురం జిల్లా వాగుమడుగు ఎంపీటీసీ వైఎస్సార్‌సీపీ అభ్యర్థి తిరుపతమ్మ నామినేషన్‌ పత్రాలు చించడంతో పాటు జాకెట్‌ లాగటంతో అవమానంతో బయటకు వస్తున్న దృశ్యం భద్రత మధ్య నామినేషన్‌ వేయిస్తామని చెప్పి.. సమయం మించిపోతున్న తరుణంలో పోలీసులు చేతులెత్తేసి మోసం చేశారు. నామినేషన్‌ వేస్తే చంపుతామని పలుచోట్ల టీడీపీ గూండాలు బాహాటంగా బెదిరింపులకు దిగినా పోలీసులు చేష్టలుడిగి చూస్తుండిపోవడం శోచనీ­యం. స్థానిక ఎన్నికల్లో ప్రజల తీర్పును ఎదుర్కో­లేని అధికారపక్షం నామినేషన్ల దశలోనే అడ్డంకులు సృష్టిస్తూ ప్రజాస్వామ్యాన్ని ఖూనీ చేస్తోందని రాష్ట్ర వ్యాప్తంగా ఆగ్రహం వ్యక్తమవుతోంది.వైఎస్సార్‌సీపీ నేత కుటుంబంపై విచక్షణారహితంగా దాడికర్నూలు జిల్లా వెల్దుర్తి మండలం అల్లుగుండులో వైఎస్సార్‌సీపీ నేత శ్రీరామరెడ్డిపై టీడీపీ గూండాలు హత్యాయత్నం చేశారు. ఈ దాడిలో ఆయన కాలు, చేయి విరిగింది. మల్లెపల్లె ఎంపీటీసీ స్థానానికి నామినేషన్‌ వేస్తారేమోనని ఆయన భార్య, పిల్లలను సైతం ఈడ్చి పడేసి దాడి చేశారు. అడ్డుకోబోయిన మరో ముగ్గురిపై కూడా దాడి చేశారు. శ్రీరామరెడ్డి అపస్మారక స్థితికి వెళ్లడంతో చనిపోయాడని భావించి వెళ్లిపో­యారు. ఆదోని, దిబ్బనకల్‌ వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలను టీడీపీ నాయకులు చించివేశారు.ఏరూరు ఎంపీటీసీ అభ్యర్థి తిమ్మాపు­రం సేనాపతిని నామినేషన్‌ కేంద్రానికి వెళ్లవద్దంటూ పోలీసులు అడ్డుకున్నారు. ఆలూరు ఎమ్మెల్యే విరూ­పాక్షిని గృహ నిర్బంధం చేశారు. హొళగుందలో వైఎ­స్సార్‌సీపీ అభ్యర్థులకు కుల, ఆదాయ ధ్రువపత్రా­లు జారీ చేస్తున్న మీ సేవా కేంద్రాన్ని మూసివేయా­లని ఎస్‌ఐ దిలీప్‌కుమార్‌ నిర్వాహకులను బెదిరించారు. కృష్ణగిరిలో వైఎస్సార్‌సీపీ శ్రేణులపై రాళ్ల దాడికి పాల్పడి 20 మందిని గాయపరిచారు. ఉమ్మడి కడప జిల్లాలో యథేచ్ఛగా దాడులుఉమ్మడి కడప జిల్లాలో పోలీస్‌ నిర్బంధం కొనసాగింది. కడప ఎంపీ వైఎస్‌ అవినాష్‌రెడ్డి ఇంటికి పులివెందుల పోలీసులు నోటీసులు జారీ చేశారు. నోటీసు­ను ఆయన ఇంటికి అంటించారు. రాజంపేటలోని మిట్ట­మీదపల్లె ఎంపీటీసీ అభ్యర్థి గొంటు మణి నా­మినేషన్‌ పత్రాలను టీడీపీకి చెందిన మేకా నరసింహులు చించివేశారు. బద్వేల్‌లోని పోరుమా­మిళ్ల నామినేషన్‌ కేంద్రం వద్ద వైఎస్సార్‌సీపీ అభ్యర్థులను అడ్డుకున్నారు. సుండుపల్లి ఎంపీటీసీ స్థానానికి నామినేషన్‌ దాఖలు చేసేందుకు వెళ్తున్న మహిళా అభ్యర్థుల నుంచి టీడీపీ నాయకుడు మహేష్‌ నాయుడు దౌర్జన్యం చేసి లాక్కున్నారు. బి.కో­డూరు మండలానికి వెళ్తున్న వైఎస్సార్‌సీపీ నేత దేవ­సాని ఆదిత్యరెడ్డిని పోలీసులు అడ్డుకున్నారు. చక్రా­యపేటలోని కల్లూరుపల్లికి చెందిన వైఎస్సార్‌సీపీ కార్యకర్త ఈశ్వర్‌నాయుడిపై పచ్చ రౌడీలు ఇనుప రాడ్లతో దాడి చేశారు. టీడీపీ నేత పుత్తా నరసింహారెడ్డి అండ్‌కో దౌర్జన్యం కొనసాగింది. చాపాడులో మహిళలపై దాడులు చేశారు. కలశపాడు మండలం ఎగువ తంబళ్లపల్లె ఎంపీటీసీ వైఎస్సార్‌సీపీ అభ్యర్థి బేబిపై రాళ్లు, కర్రలతో దాడి చేశారు. మైలవరం మండలం వద్దిరాల ఎంపీటీసీ అభ్యర్థి మహాలక్ష్మి కారును ధ్వంసం చేశారు. వీరబల్లె మండలంలో ఎంపీటీసీ స్థానానికి నామినేషన్‌ వేసేందుకు వెళ్లిన లక్ష్మిదేవి, ఆమె కుమారుడుపై పచ్చమూకలు దాడు­లకు తెగబడ్డారు. అన్నమయ్య జిల్లా పీలేరు ని­యో­జకవర్గం వాల్మీకిపురంలో నామినేషన్లు దాఖలు చేసేందుకు వెళ్తున్న వైఎస్సార్‌సీపీ అభ్యర్థులపై పో­లీసులు లాఠీచార్జి చేశారు. గాలివీడులోని గోరాన్‌­చెరువు ఎంపీటీసీ స్థానానికి నామినేషన్‌ వేయడానికి వెళ్లిన ఓబులమ్మతోపాటు ఆమెకు మద్దతుగా వచ్చి­న మహిళలపై పచ్చ రౌడీలు దాడి చేశారు. పుంగనూరు నియో­జకవర్గం సోమలలో వైఎస్సార్‌సీపీ అభ్యర్థుల వాహ­నాలపై దాడులు చేసి ధ్వంసం చేశారు. అభ్యర్థులను నామినేషన్లు దాఖలు చేయ­కుండా అడ్డుకున్నారు. రాయచోటి నియోజకవర్గం గోరాన్‌ చెరువు, అర­వీ­డు, దేవపట్ల నుంచి నామినేషన్లు వేయడానికి వస్తు­న్న వైఎస్సార్‌సీపీ అభ్యర్థులను అడ్డుకొని దాడి చేశారు. ఉమ్మడి చిత్తూరు జిల్లాలో బెదిరింపులుచిత్తూరు జిల్లా కుప్పం, శాంతిపురం, రామకుప్పం ప్రాంతాల్లో వైఎస్సార్‌సీపీ నాయకులపై పచ్చ మూ­కలు భౌతిక దాడులకు పాల్పడ్డాయి. నామినేషన్లు వేస్తే చంపేస్తామని బెదిరించారు. చంద్రగిరి నియో­జకవర్గంలోని ఎంఆర్‌పల్లి సమీపంలో వైఎస్సార్‌సీపీ విద్యార్థి విభాగం నాయకుడు చెంగల్‌రెడ్డిపై పచ్చ మూకలు దాడి చేశాయి. శ్రీకాళహస్తి, తొట్టంబేడు, రేణిగుంటలలో వైఎస్సార్‌సీపీ అభ్యర్థు­లను నామినేషన్లు దాఖలు చేయకుండా అడ్డుకు­న్నారు. భవానీ దీక్షలో ఉన్న శ్రీకాళహస్తి మాజీ ఎమ్మెల్యే బియ్యపు మధుసూదన్‌రెడ్డి కుమార్తె పవిత్రారెడ్డిపై టీడీపీకి చెందిన శ్రీకాళహస్తి దేవ­స్థానం మాజీ బోర్డు సభ్యుడు, టీడీపీ పట్టణ ప్రధాన కార్యదర్శి కాసరం రమేష్‌ దురుసుగా ప్రవర్తించారు. రైల్వే కోడూరు నియోజక­వర్గ పరిధిలో ఓబు­ల­వారిపల్లి, పెనగ­లూరు మండల పరిధిలో ము­గ్గు­రు వైఎస్సార్‌సీపీ అభ్యర్థులను నామినేషన్లు వెయ్య­నివ్వకుండా టీడీపీ మూకలు అడ్డుకుని అరాచకం సృష్టించారు. పుంగనూరు నియోజకవర్గంలోని పులి­చెర్ల, రొంపిచెర్ల మండలాల్లో టీడీపీ రౌడీల దౌర్జన్యా­లు పరాకాష్టకు చేరాయి. కుప్పం నియోజకవర్గంలోని రామకుప్పం మండలంలో శుక్రవారం 16 స్థానాలకు 16 మంది టీడీపీ వారు.. వైఎస్సార్‌సీపీ నేతల పేరుతో నామినేషన్లు వేశారు. అన్నమయ్య జిల్లా వాల్మీకిపురంలో వైఎస్సార్‌సీపీ శ్రేణులపై లాఠీచార్జ్‌ చేస్తున్న పోలీసులు అనంతపురంలో కొనసాగిన దాష్టీకాలుఉమ్మడి అనంతపురం జిల్లా వ్యాప్తంగా దౌర్జన్యాలు, దాడులు కొనసాగాయి. రాప్తాడు, తాడిపత్రి, గుంతకల్లు, ఉరవకొండ నియోజకవర్గాల్లో టీడీపీ శ్రేణు­లు పేట్రేగిపోయాయి. పెద్దవడగూరులో వైఎస్సార్‌­సీపీ అభ్యర్థులపై జేసీ ప్రభాకర్‌రెడ్డి వర్గీయులు రాళ్ల దాడి చేశారు. వాహనాలను ధ్వంసం చేశారు. మాజీ ఎమ్మెల్యే కేతిరెడ్డి పెద్దారెడ్డి స్వగ్రామం తిమ్మంపల్లి­లో పచ్చ మూకలు అడ్డంకులు సృష్టించారు. నిరస­నగా వైఎస్సార్‌సీపీ శ్రేణులు యల్లనూరు పోలీస్‌ స్టేషన్‌ వద్ద ఆందోళన చేపట్టగా పోలీసులు లాఠీచార్జి చేశారు. నామినేషన్‌ వేశారని మారణాయుధాలతో దాడి శ్రీ పొట్టి శ్రీరాములు నెల్లూరు జిల్లా బోగోలు మండలం ఏనుగులబావి పంచాయతీ కోళ్లదిన్నె గ్రామా­నికి చెందిన వైఎస్సార్‌సీపీ వర్గీయులు తమ ఎంపీ­టీసీ అభ్యర్థినిగా సుభాషిణితో నామినేషన్‌ దాఖ­లు చేయించారు. ఈ క్రమంలో వైఎస్సార్‌సీపీ నేతలు అట్ల శివరాజారెడ్డి, పులి బాలకోటయ్యలు కావలి నుంచి స్వగ్రామానికి వెళ్లేందుకు తుమ్మలపెంట సెంటర్లలో ఆటో కోసం వేచి ఉండగా.. వంటేరు ప్రసన్న, పెనుగొండయ్య, ఫణీంద్ర, మహేంద్ర, గొల్లపల్లి సుధీర్, నందకిషోర్, వినోద్, మహేంద్ర, తదితరులు ఒక్కసారిగా మారణాయుధాలతో విచక్షణారహితంగా దాడికి తెగబడ్డారు. అంతటా అదే దౌర్జన్యంమార్కాపురం, ప్రకాశం జిల్లాల్లో టీడీపీ దౌర్జన్యం కొనసాగింది. కొమరోలులో టీడీపీ శ్రేణులు రాళ్ల దాడి చేయడంతో ఘర్షణ చోటు చేసుకుంది. 16 మంది వైఎస్సార్‌సీపీ నాయకులపై హత్యాయత్నం కేసును నమోదు చేశారు. తర్లుపాడు మండలంలో టీడీపీ గూండాలు ఎంపీటీసీ స్థానాలకు ఒక్క నామి­నేషన్‌ కూడా వేయనివ్వలేదు. పీసీపల్లిలో టీడీపీ గూండాలు రెచ్చిపోయారు. వైఎస్సార్‌ సీపీ అభ్యర్థు­లమంటూ 9 దొంగ నామినేషన్లు దాఖలయ్యాయి. బేస్తవారిపేట నామినేషన్‌ కేంద్రం వద్ద టీడీపీ శ్రేణు­లు ఒక్కసారిగా దాడులకు పాల్పడ్డారు. గిద్దలూరు మండలం జయరాంపురం, కనిగిరి, సీఎస్‌పురం, ప్రకాశం జిల్లా కందుకూరులో దాడులు కొనసాగా­యి.దర్శి నియోజకవర్గంలో వైఎస్సార్‌ సీపీ అభ్యర్థి ఆవుల మోహన్‌రెడ్డిని టీడీపీ రౌడీలు కొట్టి గాయపరి­చారు. కందుకూరు, యర్రగొండపాలెం నియోజక­వర్గంలో దాడులు కొనసాగాయి. పెదకూరపాడు నియోజకవర్గం బెల్లంకొండ మండలం నాగిరెడ్డిపా­లెం ఎంపీటీసీ సెగ్మెంట్‌ నుంచి నామినేషన్‌ వేసేందుకు వెళ్లిన జనసేన నాయకుడు పగడాల శ్రీనివా­సరావుపై టీడీపీ నేతలు దాడి చేశారు. మంత్రి అచ్చె­న్నాయుడు స్వగ్రామం శ్రీకాకుళం జిల్లా నిమ్మాడలో వైఎస్సార్‌సీపీ అభ్యర్థిని బెదిరించి నామినేషన్‌ ఉపసంహరింపజేశారు. ఎన్టీఆర్‌ జిల్లా ఇబ్రహీంపట్నంలో మాజీ మంత్రి జోగి రమేష్‌ను పోలీసులు గృహ నిర్బంధం చేశారు. కొటికలపూడి ఎంపీటీసీ అభ్యర్థి పాలడుగు జ్యోత్స్న నామినేషన్‌ ర్యాలీకి వెళ్లకుండా అడ్డుకున్నారు. శ్రీకాకుళం జిల్లా కోటబొ­మ్మాళి మండలం నిమ్మాడ ఎంపీటీసీ అభ్యర్థి తోట ఆదిలక్ష్మిని టీడీపీ నేతలు తీవ్రంగా బెదిరించారు.తిరుపతి జిల్లా తొట్టంబేడులో టీడీపీ నాయకులు చించివేసిన పెద్ద కన్నలి వైఎస్సార్‌సీపీ అభ్యర్థి నామినేషన్‌ ఉమ్మడి గుంటూరు జిల్లాలో పోలీసుల నిర్బంధకాండపల్నాడు జిల్లా మాచర్లలో పోలీస్‌ నిర్బంధకాండ కొనసాగుతోంది. మాజీ ఎమ్మెల్యే, పల్నాడు జిల్లా వైఎస్సార్‌సీపీ అధ్యక్షుడు పిన్నెల్లి రామకృష్ణారెడ్డిని మూడు రోజులుగా పోలీసులు గృహ నిర్బంధం చేశారు. నామినేషన్‌ వేసేందుకు వెళ్లిన వైఎస్సార్‌­సీపీ అభ్యర్థులపై పోలీసుల సమక్షంలోనే పచ్చ మూకలు పేట్రేగిపోయి దాడులు చేశాయి. మాచర్ల, వెల్దుర్తి, రెంటచింతల, కారంపూడి, దుర్గి నామినేషన్‌ కేంద్రా­ల వద్ద అభ్యర్థులకు అడ్డంకులు సృష్టించారు. మా­చర్ల జెడ్పీటీసీ అభ్యర్థి పెద్దరాజు అన్న కుమారుడు శివలీల కృష్ణ యాదవ్‌ను నామినేషన్‌ కేంద్రం నుంచి కిడ్నాప్‌ చేశారు. ఇద్దరు మీడియా ప్రతినిధులపై దా­డి చేసి వారి ఫోన్లను లాక్కున్నారు. పెదనెమలిపూరి వైఎస్సార్‌­సీపీ ఎంపీటీసీ అభ్యర్థి తులసమ్మ నామినే­షన్‌ పత్రాలను లాక్కొని చించివేశారు. ఆమె కారు­ను ధ్వంసం చేయడంతో పా­టు మహిళా నాయకుల దుస్తులు లాగేందుకు ప్రయ­త్నించారు. వినుకొండ, ఈపూరులో పోలీసులు అర్ధ­రాత్రి వైఎస్సార్‌­సీపీ నాయకుల ఇళ్ల వద్దకు వెళ్లి బెదిరించారు. కారంపూడి ఎంపీటీసీ అభ్యర్థి మస్తాన్, పార్టీ నాయకుడు జిలానీ నామినేషన్లకు సిద్ధమవుతుండగా పోలీ­సులు అరెస్ట్‌ చేశారు. సత్తెనపల్లి నియోజకవర్గం రాజుపాలెం మండల ఎంపీడీవో ఆఫీస్‌ వద్ద నామినేషన్‌ వేయడానికి వెళ్తున్న వైఎస్సార్‌సీపీ అభ్యర్థులపై టీడీపీ గూండాలు దాడికి తెగ­బడ్డారు. పోలీసుల తీరుపై రెడ్డిగూడెం నాగారం జంక్షన్‌ వద్ద సత్తెనపల్లి నియోజకవర్గ సమన్వయ­కర్త డాక్టర్‌ గజ్జల సుధీర్‌ భార్గవరెడ్డి నిరసన చేపట్టగా టీడీపీ మూకలు రాళ్లు రువ్వాయి. రాయవరంలో వైఎస్సార్‌సీపీ నాయ­కుడు గోగుల నరసింహారెడ్డిపై టీడీపీ కార్యకర్తలు దాడి చేయడంతో ఆయన తలకు గాయమైంది. మాచర్లలో సాక్షి మీడియాకు చెందిన భజరంగ్‌ ప్రసాద్, బాలాజీ, వంశీలపై తెలుగుదేశం గూండాలు వెంటాడి దాడి చేశారు. సత్తెనపల్లి నియోజకవర్గంలోని ముప్పాళ్ల, రాజుపాలెం, నకరికల్లు మండలాల్లో టీడీపీ గూండాలు రణరంగం సృష్టించారు.మాజీ మంత్రి రజినిని తోసేసిన ఎస్‌ఐస్థానిక ఎన్నికల్లో వైఎస్సార్‌సీపీ అభ్యర్థులకు బీ ఫా­రాలు కూడా ఇచ్చేందుకు వీలులేకుండా మాజీ మంత్రి విడదల రజినిని మూడు రోజు­లుగా గృహ ని­ర్భంధంలో ఉంచిన పోలీసు­లు.. శుక్రవారం అత్యంత దుర్మార్గంగా వ్యవ­హరించారు. తనను కలవడా­నికి వచ్చిన జెడ్పీ­టీసీ అభ్యర్థి, దళిత నాయకుడు పందుల బుల్లబ్బాయిని గేటు వద్దే అడ్డుకున్న పోలీసు­లను రజిని ప్రశ్నించారు. తన నివాసంలోకి వస్తున్న తన వారిని ఎందుకు అడ్డుకుంటున్నా­రని ప్రశ్నిస్తూ, వారిని లోపలికి అనుమతించాలని కోరారు. దీంతో రజినిని చిలకలూరి­పేట రూరల్‌ ఎస్సై ప్రియాంక గట్టిగా తోసేసి కిందపడేశారు. దీంతో పక్కనే ఉన్న బండరా­యి తగిలి రజిని చేతికి గాయమైంది. యడ్ల­పాడులో వైఎస్సార్‌­సీపీ నామినేషన్లను పచ్చ మూక అడ్డుకోవడంతో ఉద్రిక్తత చోటు చేసు­కుంది. దీంతో పోలీసులు లాఠీచార్జి చేశారు. దీనిని నిరసిస్తూ వైఎస్సార్‌సీపీ శ్రేణులు జాతీయ రహదారిపై ఆందోళన చేపట్టాయి.

అవే దాడులు... అదే హింస... దునుమాడుతున్న ‘దేశం’ గూండాలు... వారికి అండగా లాఠీలతో దండెత్తుతున్న ఖాకీలు..! రెడ్‌బుక్‌ను ఆచరిస్తూ.. రాష్ట్రమంతా రక్తచరిత్రను రాస్తూ... యధేచ్ఛగా రాజ్యాంగ స్వేచ్ఛను హరిస్తూ.. పౌరుల ప్రాథమిక హక్కులను హరిస్తున్న టీడీపీ గూండాల ఆగడాలు రాష్ట్ర ఎన్నికల సంఘానికి కనిపించడం లేదా...? ఎక్కడ చూసినా నామినేషన్‌ అంటే.. ఎలిమినేషన్‌ అన్నట్లుగా తెగబడి దాడులు చేస్తున్నారు.. మహిళలు.. గర్భిణులు అనే కనికరం కూడా లేకుండా రక్తం కళ్ల చూస్తున్నారు. అయినా రాష్ట్రంలో ఎన్నికల ప్రక్రియ ప్రశాంతంగా సాగుతోందని ఎలా చెబుతారు? చివరికి దేశ సర్వోన్నత న్యాయస్థానాన్ని సైతం తప్పుదారి పట్టిస్తారా?.. అంటూ నెటిజన్లు సోషల్‌ మీడియాలో ఏకిపారేస్తున్నారు. ఇటీవల పత్రికల్లో ప్రచురితమైన ఫొటోలను పోస్టు చేస్తూ ఏపీలో జరుగుతున్న అరాచకాలను ప్రపంచానికి తెలియజేస్తున్నారు. పులివెందులలో నామినేషన్‌ వేసేందుకు వెళ్తున్న వైఎస్సార్‌సీపీ శ్రేణులపై తుపాకీ ఎక్కుపెట్టిన డీఎస్పీ మురళీనాయక్‌ రాజంపేట నామినేషన్‌ కేంద్రం వద్ద వైఎస్సార్‌సీపీ అభ్యర్ధి సంబందీకులను కట్టెలతో చితకబాదుతున్న టీడీపీ మూకలు కడపలో వైఎస్సార్‌సీపీ అభ్యర్థుల నామినేషన్‌ పత్రాలు చించేసిన పచ్చమూకలు మార్కాపురం జిల్లా పీసీపల్లిలో నామినేషన్‌ కేంద్రం వద్ద వైఎస్సార్‌సీపీ అభ్యర్థి వరలక్ష్మిపై దాడి చేసి ఈడ్చేస్తున్న టీడీపీ గూండాలు పల్నాడు జిల్లా రొంపిచర్లలో టీడీపీ గూండాల దాడిలో రక్తమోడుతున్న వైఎస్సార్‌సీపీ నేత పులివెందులలో టీడీపీ మూకలు నిప్పు పెట్టడంతో తగలబడుతున్న వైఎస్సార్‌సీపీ నేత నిరంజన్‌రెడ్డి లారీ అనంతపురం రూరల్‌ ఎంపీడీవో కార్యాలయం వద వైఎస్సార్‌సీపీ మహిళా అభ్యర్థులను పోలీసుల ఎదుటే అడ్డుకుని చీరలు లాగుతున్న టీడీపీ మూకలు అనంతపురం రూరల్‌ ఎంపీడీవో కార్యాలయం వద్ద టీడీపీ శ్రేణుల రాళ్ల దాడిలో తీవ్రంగా గాయపడిన రాముడు చిత్తూరులో పెనుమూరు వైఎస్సార్‌సీపీ జెడ్పీటీసీ అభ్యర్థిని నిరీషారెడ్డి నుంచి నామినేషన్‌ పత్రాలు లాక్కుంటున్న టీడీపీ గూండాలు రిటర్నింగ్‌ ఆఫీసర్‌కు నిరీషారెడ్డి ఇచ్చిన నామినేషన్‌ పత్రాలను లాక్కుని చింపివేస్తున్న టీడీపీ మహిళా నేత టీడీపీ గూండాల నుంచి తప్పించుకుని రిటర్నింగ్‌ ఆఫీసర్‌కు నామినేషన్‌ పత్రాలు అందించేందుకు పరుగు తీస్తున్న నిరీషారెడ్డి ప్రకాశం జిల్లా పొన్నలూరులో వైఎస్సార్‌సీపీ అభ్యర్థి నామినేషన్‌ పత్రాలను చించివేసి గాలిలోకి విసిరిన టీడీపీ అల్లరిమూక అన్నమయ్య జిల్లా పెద్దకొండామర్రిలో టీడీపీ రౌడీల దాడిలో తీవ్రంగా గాయపడిన వైఎస్సార్‌సీపీ కార్యకర్త గణేష్‌ వైఎస్సార్‌ కడప జిల్లా నందలూరు హైవేపై తుపాకీతో కాల్పులు జరుపుతున్న టీడీపీ రాష్ట్ర అధికార ప్రతినిధి బాలసుబ్రమణ్యం పుంగనూరులో ఎంపీ మిథున్‌రెడ్డి కారుపై కర్రలు, కత్తులతో దాడి చేస్తున్న టీడీపీ గూండాలు కడపలో కత్తి పోటుకు గురై రక్తమోడుతున్న మాజీ కార్పొరేటర్‌ కుమారుడు మురాద్‌ రక్తంతో తడిసిన చొక్కాతో ఎంపీ మిథున్‌రెడ్డి నాలుగు గంటల పాటు నిల్చున్నా నామినేషన్‌ తీసుకోని ఆర్వో ధర్మవరంలో వైఎస్సార్‌సీపీ అభ్యర్థి నళినిపై­ దుర్మార్గంగా దాడి చిలకలూరిపేటలో ఆర్వో, పోలీసుల సమక్షంలోనే వైఎస్సార్‌సీపీ అభ్యర్థిపై దాడి చేస్తున్న టీడీపీ గూండాలు చిలకలూరిపేటలో ఆర్వో, పోలీసుల సమక్షంలోనే వైఎస్సార్‌సీపీ అభ్యర్థిపై దాడి చేస్తున్న టీడీపీ గూండాలు

సాక్షి, అమరావతి: నామినేషన్లకు అడ్డంకులు.. నాయకుల గృహనిర్బంధాలు.. పత్రాల చింపివేత.. దాడులు.. అక్రమ కేసులు.. సంతకాల ఫోర్జరీ.. ఫేక్‌ నామినేషన్లు.. బలవంతపు ఉపసంహరణలు! ఇలా స్థానిక ఎన్నికల్లో చంద్రబాబు, ఆయన గ్యాంగ్‌ ఎనిమిది రకాల కుట్రలకు పాల్పడుతున్నారంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. ప్రతిపక్ష అభ్యర్థులను పోటీకి దూరం చేసేందుకు బెదిరింపులు, దౌర్జన్యాలకు దిగుతున్నారని, మహిళా అభ్యర్థులపై దాడులు జరుగుతున్నా పోలీసులు ప్రేక్షకపాత్ర పోషిస్తున్నారని విమర్శించారు. మరోవైపు, వైఎస్సార్‌సీపీ పేరుతో నకిలీ నామినేషన్లు దాఖలు చేసి, ఎన్నికలు సజావుగా జరుగుతున్నట్లు సుప్రీంకోర్టును తప్పుదోవ పట్టించే ప్రయత్నం చేస్తున్నారని ఆరోపించారు.‘‘అష్టకుట్రలతో ప్రజాస్వామ్యాన్ని ఖూనీ చేస్తున్నారు.. రాష్ట్రాన్ని అరాచక ఆంధ్రప్రదేశ్‌గా మార్చేశారు’’ అంటూ చంద్రబాబు, పోలీసుల వ్యవహారశైలి, రాష్ట్ర ఎన్నికల సంఘం తీరుపై జగన్‌ ధ్వజమెత్తారు. మా హయాంలో స్థానిక ఎన్నికలు జరిగాయి. అప్పుడు ఒక్కటైనా ఇలా జరిగిందా? అంత సాఫీగా మేము ఎన్నికలు జరిపాము. అదే ఈరోజు అందుకు పూర్తి భిన్నంగా ఎన్నికలు. తొండి. అన్యాయం. దౌర్జన్యం. రాష్ట్రవ్యాప్తంగా ఇలాంటి పరిస్థితే నెలకొంది. ఎంపీటీసీ, జెడ్పీటీసీ నామినేషన్లలో కూడా మున్సిపల్‌ ఎన్నికల నామినేషన్ల పర్వం మాదిరిగా జరుగుతోంది. ఆ అధికారులు. ఆ పోలీసులే ఉన్నారు. మరి ఏ విధంగా నామినేషన్లు వేస్తారు?’’ అని వైఎస్‌ జగన్‌ ప్రశ్నించారు. ఇంకా ఆయనేమన్నారంటే..నామినేషన్ల పర్వంలో జరుగుతున్న దౌర్జన్యాలిలా.. (అంటూ.. అన్నీ వరసగా పేర్లు, వివరాలతో సహా వీడియోల్లో చూపారు)» పెనుకొండలో మంత్రి సవిత ముఖ్య అనుచరుడు, టీడీపీ నాయకుడు సుబ్బారెడ్డి ఆర్వో చేతిలో నుంచి నామినేషన్‌ పత్రాలు లాక్కుని చింపేశాడు. » చిత్తూరు జిల్లాలో దళిత వర్గానికి చెందిన మాజీ డిప్యూటీ సీఎం నారాయణస్వామిపై టీడీపీ గూండాల దాడి. ఆయన కారు ధ్వంసం. » ధర్మవరం మున్సిపాలిటీ. 32వ వార్డులో నామినేషన్‌ వేయడానికి వెళ్తున్న తలారి నళినిపై టీడీపీ అభ్యర్థి దాడి చేసి చీర లాగాడు. » పలమనేరు నియోజకవర్గం, వి.కోట జెడ్పీటీసీ అభ్యర్థి జీ.వీ.ప్రకాష్‌పై దాడి. నామినేషన్‌ పత్రాలు చింపివేత. » చిలకలూరిపేట. 47వ వార్డులో వైఎస్సార్‌సీపీ అభ్యర్థిపై ఆర్‌ఓ సమక్షంలోనే టీడీపీ గూండాల దాడి. » చిత్తూరులో జెడ్పీటీసీ అభ్యర్థినిపై కె.సుష్మను అసభ్యంగా తాకి, నామినేషన్‌ పత్రాలు లాక్కునే ప్రయత్నం చేసిన టీడీపీ గూండాలు. దాడుల పర్వాన్ని వివరిస్తున్న వైఎస్సార్‌సీపీ అధినేత వైఎస్‌ జగన్‌ » చిత్తూరు జెడ్పీ ఆఫీస్‌లోనే జీడీ నెల్లూరు జెడ్పీటీసీ అభ్యర్థిని నిరీషాపై దాడి చేసి, నామినేషన్‌ పత్రాలు చింపేశారు. టీడీపీ మహిళా నేత ఆ పని చేసింది. » జీడీ నెల్లూరు వైఎస్సార్‌సీపీ ఎంపీటీసీ అభ్యర్థి నామినేషన్‌ పత్రాలు టీడీపీ గూండాలు బలవంతంగా లాక్కున్నారు. » సత్యసాయి జిల్లా తాడిమర్రిలో మండల నాయకుడు చంద్రశేఖర్‌రెడ్డి ఇంటిపై దాడి చేసి పోలీసులు వారిని కొట్టారు. 9 నెలల గర్భిణీ అని కూడా చూడలేదు. » కడప జిల్లాలో ఎంపీటీసీ అభ్యర్థి భారతి నామినేషన్‌ను టీడీపీ గూండాలు చింపేశారు. » కనిగిరిలో మా ఎంపీటీసీ అభ్యర్థిని పోలు వరలక్ష్మి చేతిలో నుంచి నామినేషన్‌ పత్రాలు లాక్కుని చింపేశారు. » కడప జిల్లా చాపాడు మండలంలో ఎంపీటీసీ స్థానానికి నామినేషన్‌ వేయడానికి వచ్చిన 9 నెలల గర్భిణీ ప్రశాంతిపై దాడి చేసిన టీడీపీ మూకలు నామినేషన్‌ పత్రాలు లాక్కున్నాయి. » నర్సారావుపేటలో, పిడుగురాళ్ల జెడ్పీటీసీ అభ్యర్థి భారతి భర్త, పెద్ద లక్ష్మారెడ్డిపై దారుణంగా దాడి చేశారు. » కర్నూలు జిల్లా ఆలూరు మండలంలో ఇంట్లో ఉన్న మా పార్టీ ఎంపీటీసీ అభ్యర్థి వినోద్‌ను దుస్తులు చింపి, దారుణంగా కొట్టిన ఎస్‌ఐ విజయ్‌. » కనిగిరిలో 18వ వార్డు అభ్యర్థి సమీర నామినేషన్‌ వేయనివ్వాలంటూ పోలీసుల కాళ్ల మీద పడి వేడుకున్నా కనికరించలేదు. » దాచేపల్లిలో మా పార్టీ జెడ్పీటీసీ అభ్యర్థి పద్మావతి చీర లాగేందుకు టీడీపీ మహిళలు ప్రయత్నించారు. 10 మంది ఆ పని చేశారు. ఇదంతా నర్సారావుపేటలో జరిగింది. అయినా పోలీసులు పట్టించుకోలేదు. » పుంగనూరులో వార్డు నెం.1లో ఎస్సీ మహిళ కమలమ్మ చేతిలో నుంచి నామినేషన్‌ పత్రాలు దౌర్జన్యంగా లాక్కున్నారు. » జమ్మలమడుగు మున్సిపల్‌ ఛైర్‌పర్సన్‌గా నామినేషన్‌ వేయడానికి బయలుదేరిన ఇందిరమ్మను పోలీసులు తుపాకీ చూపించి బెదిరించారు. » కడప వైఎస్సార్‌సీపీ ఆఫీస్‌లో ఎంపీ అవినాష్‌రెడ్డిని అరెస్టు చేశారు. ఆయన ఎంపీ అన్న కనీస గౌరవం కూడా ఇవ్వలేదు. ఆయన్ను ఒక తీవ్రవాది మాదిరిగా చూశారు. అలా అక్రమంగా అరెస్టు చేశారు. » తిరుపతి జిల్లా రైల్వే కోడూరు ఎమ్మెల్యే అరవ శ్రీధర్‌ అనుచరులు అమానవీయ ప్రవర్తన. ఒక మహిళ నామినేషన్‌ వేయడానికి వెళ్తుండగా, దాడి చేసి అమానవీయ ప్రవర్తన. » తిరుపతి జిల్లా చంద్రగిరిలో అనుపల్లి ఎంపీటీసీ అభ్యర్థి ఎస్సీ మహిళ శారద సీఐ కాళ్లు పట్టుకుంది. నామినేషన్‌ వేయనివ్వాలని వేడుకుంది. »నగరి మున్సిపల్‌ చైర్‌పర్సన్‌ బాలకృష్ణ, నామినేషన్‌ తొలుత ఓకే అన్నారు. అక్నాలెడ్జ్‌మెంట్‌ కూడా ఇచ్చారు. ఆ తర్వాత తుది జాబితాలో టీడీపీ అభ్యర్థి పేరు మాత్రమే ఉంది.సుప్రీంకోర్టును ఏమార్చేందుకు ఫేక్‌ నామినేషన్లు దాఖలుచంద్రబాబు కుట్రల్లో పరాకాష్ట.. మా పార్టీ పేరుతో వారే దొంగ నామినేషన్లు దాఖలు చేస్తున్నారు. అలా సంఖ్యను పెంచి చూపి, రాష్ట్రంలో అంతా శాంతియుతంగానే జరుగుతోందని కోర్టులను మభ్య పెట్టే ప్రయత్నం చేస్తున్నారు. ఎన్నికల కమిషన్‌ డేటా చూస్తే, అది మీకు అర్ధమవుతుంది. ‘ఒక్కసారిగా వైఎస్సార్‌సీపీ నామినేషన్ల అసాధారణ పెరుగుదల’ (ఎక్స్‌పొనెన్షియల్‌ సర్జ్‌ ఇన్‌ వైఎస్సార్‌సీపీ నామినేషన్స్‌) కనిపిస్తుంది. రాష్ట్రంలో 9,829 ఎంపీటీసీ పదవులకు ఎన్నికలు జరుగుతుంటే, ఈనెల 21 నాటికి, అంటే బుధవారం నాటికి వైఎస్సార్‌సీపీ పక్షాన కేవలం 1,918 నామినేషన్లు మాత్రమే దాఖలైతే ఆ మర్నాడు, అంటే 22వ తేదీ గురువారం నాటికి వాటి సంఖ్య ఏకంగా 10,501 కి పెరిగినట్లు చూపిస్తున్నారు. ఫేక్‌ నామినేషన్ల వివరాలు వెల్లడిస్తున్న మాజీ సీఎం వైఎస్‌ జగన్‌ అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 547% పెరుగుదల చూపించారు. అలాగే 659 జెడ్పీటీసీ పదవులకు ఎన్నికలు జరుగుతుంటే, ఈనెల 21 నాటికి వైఎస్సార్‌సీపీ పక్షాన దాఖలైన నామినేషన్లు కేవలం 192 మాత్రమే. ఆ మర్నాడు, అంటే 22వ తేదీ నాటికి వాటి సంఖ్య ఏకంగా 900 కి పెరిగింది. అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 468% పెరుగుదల చూపించారు. ఒకవైపు ఎక్కడికక్కడ నామినేషన్లు వేయకుండా అడ్డుకుంటున్నారు. మండల కేంద్రాల్లోనూ, జిల్లా కేంద్రాల్లోనూ అదే మాదిరిగా ఉంది. కానీ ఇక్కడ ఎన్నికల కమిషన్‌ డేటా చూస్తే.. ఆ స్థాయిలో మా పార్టీ నామినేషన్లు పెరిగాయి!. అంటే వైఎస్సార్‌సీపీ పేరుతో వెన్నుపోటు పార్టీ వారే ఫేక్‌ నామినేషన్లు దాఖలు చేస్తున్నారు. (ఇవీ కొన్ని వివరాలు అంటూ ఆధారాలతో సహా పీపీటీలో చూపారు). » ఇది కొండాపురం మండలం కొండాపురంలో14, 15, 16, 17, 18 వార్డులు. అన్నీ ఫేక్‌ నామినేషన్లు. వైఎస్సార్‌సీపీ పేరుతో వెన్నుపోటు పార్టీ వారే వేశారు. » మైలవరం మండలం దొమ్మల నంద్యాల. అక్కడ సిలివేరు లక్ష్మీదేవి వైఫ్‌ ఆఫ్‌ సిలివేరు గోపాలకష్ణ పేరుతో వైఎస్సార్‌సీపీ అభ్యర్థి అంటూ నామినేషన్‌. ఆమె మా పార్టీ అభ్యర్థిని కాదు. » పులివెందుల నియోజకవర్గం, వేముల మండలంలో లోకేపల్లి మల్లికార్జునరెడ్డి, ఎస్‌.లక్ష్మీదేవి పేరుతో, వారు వైఎస్సార్‌సీపీ పక్షాన వేశారంటూ, ఫేక్‌ నామినేషన్లు దాఖలు చేశారు.కుట్రలు, కుతంత్రాలకు పితామహుడు చంద్రబాబుఈ కుట్రలకు నిజంగా పితామహుడు చంద్రబాబే. ఆయన ఇంత దారుణమైన ఎత్తుగడ ఎందుకు వేశాడంటే, స్థానిక సంస్థల ఎన్నికల­న్నీ సజావుగా సాగుతున్నాయని సుప్రీంకోర్టుకు ఒక భ్ర­మ కల్పించే కుట్రకు తెగబడ్డాడు. అందుకే ఎంపీటీసీ, జెడ్పీటీసీ ఎన్నికల నామినేషన్లలో వెన్నుపోటు పార్టీ వారే, మా వైఎస్సార్‌సీపీ తరపున ఫేక్‌ నామి­నేషన్లు వేయిస్తున్నారు. అందుకే ఒక్క రోజులోనే ఎంపీటీసీ నామినేషన్లలో 547%, జెడ్పీటీసీ నామి­నేషన్లలో 468% పెరుగుదల చూపించారు. ఇటు చూస్తే, మండల, జిల్లా కేంద్రాల్లోనూ మా వాళ్ళని అడ్డుకుంటూ నామినేషన్లను వేయనీయకుండా కుట్ర చేస్తున్నారు. అటు మా పార్టీ పేరుతో వాళ్లే ఫేక్‌ నామినేషన్లు వేస్తున్నారు. ఆ నామినేషన్లలో ఎక్కడా ఎ–ఫామ్స్, బీ–ఫామ్స్‌ ఉండవు. వారంతట వారే వైఎస్సార్‌సీపీ అని చెప్పుకోవడం, నామినేషన్‌ వేయడం, అదే ఎన్నికల కమిషన్‌ డేటాలో చేర్చడం.. అంతా కుట్రలో భాగంగా జరుగుతోంది.’’ అని జగన్‌ వివరించారు.ఇవీ అష్టకుట్రలుచంద్రబాబు, ఆయన గ్యాంగ్‌ కలిసి, ఈ స్థానిక ఎన్నికల్లో చేసిన 8 కుట్రలు ఇలా ఉన్నాయి.. కుట్ర–1నామినేషన్‌ వేయకముందే, వైఎస్సార్‌సీపీ అభ్యర్థులుగా పోటీ చేయాలనుకునే వారికి బెదిరింపులు. కుట్రలో భాగంగా, అభ్యర్థులు, వారికి సహకరించే వారిని బెదిరించడం. బైండోవర్‌ చేయడం. ముందస్తు అరెస్టులు చేయడం. కుట్ర–2నాయకుల గృహ నిర్భంధం. నామినేషన్ల ప్రక్రియ అంతా మీరు గమనించండి. ఎక్కడా అభ్యర్థులకు తోడుగా నాయకులను వెళ్లనీయడం లేదు.కుట్ర–3నామినేషన్‌ కేంద్రాలు స్వాధీనం చేసుకుని, ప్రతిపక్ష అభ్యర్థులు లోపలకు వెళ్లకుండా అడ్డుకుంటున్నారు. మా పార్టీ అభ్యర్థులు ఎలాగోలా నామినేషన్‌ కేంద్రాలకు వెళ్లే సరికే అక్కడ టీడీపీ వారు మారణాయుధాలతో ఉంటారు. అక్కడ ఉన్న పోలీసులు వారికి పూర్తిగా సహకారం అందిస్తున్నారు.కుట్ర–4పోలీసుల సమక్షంలోనే నామినేషన్‌ పత్రాలు లాక్కోవడం, కొన్ని చోట్ల ఆర్వోల చేతిలో నుంచి లాక్కుని చింపడం.కుట్ర–5ఇన్ని జరుగుతున్నా పోలీసులు అడ్డుకోకపోగా, బాధిత అభ్యర్థులను, అంటే మా పార్టీ వారినే పోలీసులు బయటకు నెట్టేస్తారు. నామినేషన్‌ వేయడానికి అభ్యర్థి కాకుండా, కేవలం ముగ్గురిని మాత్రమే అనుమతిస్తున్నారు. నామినేషన్‌ కేంద్రం గేటు, ఎక్కడో దూరంగా ఉంటుంది. అక్కణ్నుంచి వారు లోపలికి నడిచి వెళ్తుండగానే అడ్డుకోవడం. నామినేషన్‌ పత్రాలు లాక్కోవడం చేస్తున్నారు. వైఎస్సార్‌సీపీ అభ్యర్థి నాగమణి సంతకాన్ని ఫోర్జరీ చేసి టీడీపీ అభ్యర్థి విజయ ఎన్నికైనట్టు ప్రకటన కుట్ర–6దాడి చేసిన వారిని పూర్తిగా వదిలేసి, దాడులకు గురైన వారిపైనే తిరిగి కేసులు పెడుతున్నారు. అలా కేవలం మా వైఎస్సార్‌సీపీ అభ్యర్థులతో పాటు, వారితో ఉంటున్న మా పార్టీ నాయకులపైనే అక్రమ కేసులు బనాయిస్తున్నారు. అలా వారిని ఇంటికే పరిమితి చేయడం. లేదంటే జైలుకు పంపడం చేస్తున్నారు. కుట్ర–7స్క్రూటినీ పేరుతో నామినేషన్ల తిరస్కరణ. ఆ సమయంలో అభ్యర్థులను ఆఫీసులకు రానివ్వకుండా, ఇష్టానుసారం చేస్తున్నారు. కొన్ని చోట్ల వారే కొన్ని పేపర్లు చింపేయడం. కొన్ని చోట్ల అభ్యర్థుల సంతకాలు ఫోర్జరీ చేసి, విత్‌డ్రా చేసుకున్నట్లు చెప్పడం జరుగుతోంది. ఉదా: నంద్యాల మున్సిపాలిటీ. 51వ వార్డు అభ్యర్థి నాగమణి. ఆమె స్క్రూటినీకి హాజరు కాగా, ఆమె నామినేషన్‌ ఓకే చేశారు. ఆ తర్వాత ఆమె సంతకం ఫోర్జరీ చేసి, ఆమె విత్‌డ్రా చేసుకున్నట్లు ప్రకటించారు. (అంటూ ఆ వివరాలు చూపడంతో పాటు, ఆమెను స్వయంగా మీడియాకు చూపారు) » అలా నాగమణి సంతకాన్ని ఫోర్జరీ చేసి, ఆమె విత్‌డ్రా చేసుకున్నట్లు ప్రకటించి, ఆ వార్డులో టీడీపీ అభ్యర్థి ఏకగ్రీవం అయినట్లు ప్రకటించారు. » ఆ తర్వాత నగరి మున్సిపల్‌ ఛైర్మన్‌ అభ్యర్థి బాలకృష్ణ విషయంలో కూడా చేశారు. తొలుత ఆయన నామినేషన్‌ ఆమోదించినట్లు చెప్పారు. తుది జాబితాలో ఆయన అభ్యర్థిత్వాన్ని రద్దు చేశారు. కుట్ర–8అభ్యర్థులను బెదిరించి, భయపెట్టి, లోబర్చుకుని నామినేషన్‌ ఉపసంహరణకు ఒత్తిడి చేయడం. మహిళలపై నిర్దాక్షిణ్యంగా దాడులుఅత్యంత దారుణ విషయం ఏమిటంటే.. దాడులకు ఎక్కువగా గురైంది మహిళలే. ఎందుకంటే వారికి 50 శాతం రిజర్వేషన్లు. దాన్ని తీసుకొచ్చింది మనమే. నాడు మన హయాంలో మహిళలు వర్థిల్లారు. అదే ఇప్పుడు చంద్రబాబు పుణ్యమా అని వారంతా దాడికి గురవుతున్నారు. ఈ ఎన్నికలు సజావుగా జరిగితే డివిజన్లలో కార్పొరేటర్లు మొదలు, గ్రామస్థాయిలో వార్డు సభ్యుల వరకు దాదాపు 80 వేల మంది మహిళలు ఎన్నికవుతారు.అందులో కార్పొరేటర్లు, కౌన్సిలర్లు, ఎంపీటీసీ పదవుల్లో 7,216 మంది మహిళలు ఎన్నికవుతారు.మరి ఇన్ని వేల మంది మహిళలు నామినేషన్లు వేయడానికి వస్తే, వారి జుట్టు పట్టుకోవడం, చీరలు లాగేయడం, వారిని తిట్టి కొట్టి దాడులు చేస్తున్నారు. అందుకే నేను అడుగుతున్నాను. చంద్రబాబు అనేవాడు అసలు మనిషేనా? మహిళలపై దాడులు ప్రోత్సహిస్తున్న చంద్రబాబు, ఆ పని చేస్తున్న ఆయన పార్టీ గూండాలు, మరోవైపు ప్రత్యక్షంగా దీన్ని చూస్తూ ఊరుకుంటున్న పోలీసు అధికారులు, ఎస్‌ఈసీ.. చేస్తోంది ధర్మమేనా?.

క్రిమినల్‌ మెంటాలిటీ, దిగజారుడు బుద్ధి కలిగిన చంద్రబాబు వంటి వారి చేతుల్లో అధికారం ఉంటే ప్రజలకే కాదు.. ఈ రాష్ట్రానికి కూడా గ్యారంటీ లేదు. చంద్రబాబు వ్యవస్థీకృతంగా చేస్తున్న ఈ దారుణాలను అతిపెద్ద నేరంగా పరిగణించాలి. ప్రజాస్వామ్యాన్ని కాపాడుకోకపోతే చంద్రబాబు పాల్పడే కుట్రపూరిత నేరాలను ప్రోత్సహించిన వారమమవుతాం.పార్టీ శ్రేణులకు ఒకటే చెబుతున్నా.. మీ దగ్గర ఉన్న ఆధారాలతో పార్టీ లీగల్‌ సెల్‌ ద్వారా పిటిషన్లు వేయించండి. ప్రైవేటు పిటిషన్లు వేయండి.. జాతీయ మానవహక్కుల కమిషన్‌కు (ఎన్‌హెచ్‌ఆర్‌సీ) ఫిర్యాదు చేయండి. పార్టీ డిజిటల్‌ బుక్‌లో నమోదు చేయండి. మనం అధికారంలోకి రాగానే ఈ ప్రతీ ఘటనలోనూ బాధ్యులపైన, ప్రతీ ఒక్కరిపైనా చట్టపరంగా చర్యలు తీసుకునేందుకు ఇవన్నీ ఉపకరిస్తాయి.ప్రజాస్వామ్య పరిరక్షణ కోసం ఎన్నో దాడులు ఎదుర్కొని గుండె నిబ్బరంతో నిలబడి ఈ దుర్మార్గులను ఎదుర్కొం­టున్న వైఎస్సార్‌సీపీ అభ్యర్థులకు, వారికి తోడుగా నిలుస్తున్న నాయకులు, కార్యకర్తలకు, వారికి న్యాయపరంగా అండగా నిలుస్తున్న పార్టీ లీగల్‌ సెల్‌ విభాగానికి హ్యాట్సాప్‌ చెబుతున్నా.. శివంగుల్లా నిలబడి ఈ అన్యాయాన్ని ఎదురొడ్డి పోరాటం చేస్తున్న నా అక్కచెల్లెమ్మలకు సెల్యూట్‌ చేస్తున్నా. -వైఎస్‌ జగన్‌మోహన్‌రెడ్డిసాక్షి, అమరావతి: ‘‘ప్రజాస్వామ్యంలో నియంతృత్వ ధోరణి ప్రజ్వరిలి్లతే ప్రజలకు స్వేచ్ఛ ఉండదు.. ఎలాంటి హక్కులు ఉండవు. ఈరోజు నామినేషన్‌ పత్రాలు లాక్కొని చించేస్తున్నట్టుగానే రేపొద్దున మీ ఆస్తిపత్రాలతో ప్రభుత్వ కార్యాలయాలకు వెళ్తే లాక్కొని చించేసి మీ ఆస్తి తమదంటారు. ప్రజలందరికీ ఒకటే పిలుపునిస్తున్నా. ఒక్కసారి ఆలోచించమని కోరుతున్నా. ప్రతీ ఒక్కరూ తిరగబడండి. ప్రజాస్వామ్యాన్ని కాపాడుకోండి. లేకుంటే మీ ఆస్తులు, మీ హక్కులకే కాదు.. మీ ప్రాణాలకు కూడా రక్షణ ఉండదు’ అని మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి పిలుపునిచ్చారు. తాడేపల్లిలోని వైఎస్సార్‌సీపీ కేంద్ర కార్యాలయంలో శుక్రవారం వైఎస్‌ జగన్‌ మీడియాతో మాట్లాడారు. స్థానిక ఎన్నికల నామినేషన్ల సందర్భంగా రాష్ట్రంలో కొనసాగుతున్న హింసాకాండ, వైఎస్సార్‌సీపీ అభ్యర్థులపై దాడులు, ఎంపీటీసీ, జెడ్పీ­టీసీ ఎన్నికల్లో వైఎస్సార్‌సీపీ అభ్యర్థుల నామినేషన్లు వేయకుండా అడ్డుకోవడం, నామినేషన్‌ పత్రాలను చించేయడం, మరోవైపు యథేచ్ఛగా సుప్రీంకోర్టు ఆదేశాలను బేఖాతరు చేస్తున్న ఎస్‌ఈసీ, చంద్రబాబు ప్రభుత్వ తీరును సాక్ష్యాధారాలతో ఎత్తిచూపుతూ నిప్పులు చెరిగారు. ‘‘స్థానిక ఎన్నికల్లో ప్రజాస్వామ్యాన్ని ఖూనీ చేస్తున్న తీరును తప్పు బడుతూ సుప్రీంకోర్టు తీవ్రమైన మొట్టికాయలు వేసినా చంద్రబాబులో కానీ, ఆయన ఆధ్వర్యంలో నడుస్తున్న రాష్ట్ర ఎన్నికల కమిషన్‌ (ఎస్‌ఈసీ) తీరులో కానీ ఎలాంటి మార్పు రాలేదు. మున్సిపల్‌ ఎన్నికల్లో నామినేషన్లకు మించి జెడ్పీటీసీ, ఎంపీటీసీ నామినేషన్ల సందర్భంగా టీడీపీ గూండాలు దౌర్జన్యాలు, దాడులకు పాల్పడుతున్నారు. మహిళలని కూడా చూడకుండా చీరలు లాగి దుశ్శాసనపర్వానికి పాల్పడుతున్నా పట్టించుకునే వారులేరు. నామినేషన్లు వేయనీయకుండా అడ్డుకుంటున్న టీడీపీ మూకలు, వారికి సహకరిస్తున్న పోలీసులు, ఎన్నికల అధికారులపై ఎలాంటి చర్యలు తీçసుకోవడం లేదు. పైగా ఎన్నికలు సజావుగా జరుగుతున్నట్టు కోర్టులకు భ్రమ కల్పించేలా వైఎస్సార్‌సీపీ తరఫున ఫేక్‌ నామి­నేషన్లు వేయిస్తూ ప్రజాస్వామ్యాన్ని అపహాస్యం పాల్జేస్తున్నారు.’’ అని వైఎస్‌ జగన్‌ పేర్కొన్నారు. మీడియాతో మాట్లాడుతూ వైఎస్‌ జగన్‌ ఇంకా ఏమన్నారంటే..తొండి.. అన్యాయం..దౌర్జన్యం ఇదే చంద్రబాబు మార్క్‌ కుతంత్రం..‘‘రాష్ట్రంలో అన్నింటా విఫలమైన వెన్నుపోటు పార్టీ కూటమి ప్రభుత్వంపై ఏ ఒక్క వర్గం సంతోషంగా లేరు. అందుకే స్థానిక ఎన్నికల్లో ఓటమి తప్పదని తెలిసి, ఎలాగైనా గెలిచేందుకు అంతులేని అక్రమాలకు పాల్పడుతున్నారు. చంద్రబాబు రాష్ట్రాన్ని రావణకా­ష్టంలా మార్చేశారు. ఎలాగైనా గెలవాలన్న ఆలోచనతో స్థానిక ఎన్నికల్లో అష్ట కుట్రలకు పాల్పడుతున్నారు. సుప్రీంకోర్టు ఆదేశాలు సైతం యథేచ్ఛగా బేఖా­తరు చేస్తున్నారు. ఎస్‌ఈసీ కానీ, చంద్రబాబు ప్రభుత్వం కానీ సుప్రీంకోర్టు ఆదేశాలను ఏ మాత్రం పట్టించుకోవడం లేదు. అన్ని కుట్రలకు పితామహుడు చంద్రబాబే. ఆయన ఫోర్జరీ, మోసాలు, కుట్రలు స్థానిక ఎన్నికల్లో తారస్థాయికి చేరాయి. తొండి, అన్యాయం, దౌర్జన్యంతో స్థానిక ఎన్నికలు గెలవాలని చూస్తున్నారు. ప్రజాస్వామ్య విలువలకు పూర్తిగా పాతర వేస్తూ నియంతృత్వ ధోరణితో ముందుకెళ్తున్నారు. వ్యవస్థ దిగజారిపోయింది..స్థానిక ఎన్నికల్లో చంద్రబాబు చేస్తున్న అక్రమాలపై గత ఆదివారం ప్రెస్‌మీట్‌లో అన్ని ఆధారాలు చూపడంతో పాటు, ఇక్కడ ఎస్‌ఈసీని కలిసి పూర్తి వివరాలతో ఫిర్యాదు చేశాం. ఆ తర్వాత సుప్రీంకోర్టును కూడా ఆశ్రయించి, అన్ని ఆధారాలు చూపడంతో, సుప్రీంకోర్టు రాష్ట్ర ప్రభుత్వానికి, రాష్ట్ర ఎన్నికల కమిషన్‌ (ఎస్‌ఈసీ)కి తీవ్ర స్థాయిలో మొట్టికాయలు వేసింది. నామినేషన్‌ వేయలేకపోయిన వారికి అవకాశం ఇవ్వాలని ఆదేశించింది. ఇవి పార్టీ పరంగా జరుగుతున్న ఎన్నికలు. అలాంటప్పుడు మా పార్టీ అభ్యర్థులతో నామినేషన్‌ వేయించమని అడిగితే, ఎదుటి పక్షం మాకు ఆ అవకాశం ఇవ్వడం లేదు. మా పార్టీ అభ్యర్థులను నామినేషన్‌ వేయనివ్వడం లేదు. అంటే వ్యవస్థ దిగజారిపోయింది అనేది వాస్తవం. ఎందుకీ డ్రామాలు.. అబద్ధాలు?సుప్రీంకోర్టు చాలా స్పష్టంగా ఆదేశాలిచ్చింది. అక్టోబరు 25వరకు తుది జాబితాలు ప్రకటించ వద్దని, నామినేషన్లు వేయలేకపోయిన వారికి మళ్లీ అవకాశం ఇవ్వాలని, అవసరమైతే జిల్లా కలెక్టరేట్ల వద్ద అందుకు ఏర్పాటు చేయాలని నిర్దేశించింది. అభ్యర్థులకు స్వేచ్ఛగా నామినేషన్లు వేసే అవకాశం కల్పించాలని, వారికి పోలీస్‌ భద్రత కల్పించాలని, ఆ దిశలో ఏం చర్యలు తీసుకున్నారో నివేదిక ఇవ్వాలని ఆదేశించింది. నామినేషన్‌ కేంద్రాల వద్ద సీసీటీవీ కవరేజీ ఏర్పాటు చేయాలని కూడా డీజీపీని ఆదేశించింది. ఎన్నికలు స్వేచ్ఛాయుత వాతావరణంలో జరిగేలా చూడాలని నిర్దేశించింది. మా పార్టీ అభ్యర్థుల నామినేషన్లు వేయనిస్తే, అసలు గొడవే లేదు కదా? నిజంగా మీరు ప్రజలకు మంచి చేశామని అనుకుంటే, మా వాళ్లతో నామినేషన్లు వేయించే అవకాశం ఇచ్చి, ప్రజాతీర్పు కోరాలి. కానీ, ఆ పని చేయకుండా, మా వాళ్లను అడ్డుకోవడం ఏమిటి? మీరు ఓడిపోతారన్న భయంతోనే ఎన్నికల్లో ప్రజాస్వామ్యాన్ని ఖూనీ చేసి, ఎన్నికలను బుల్డోజ్‌ చేయాలని చూస్తున్నారు కదా? అందుకే స్థానిక ఎన్నికల్లో జరుగుతున్న దారుణాలపై సుప్రీంకోర్టు చాలా లోతుగా తీవ్రమైన వ్యాఖ్యలు చేసింది. స్వేచ్ఛగా ఎన్నికలు జరగడం రాజ్యాంగ మౌలిక విలువలలో భాగమని, ఎన్నికల్లో పోటీచేసే అవకాశాలు లేకుండా చేస్తే కోర్టులు తప్పకుండా జోక్యం చేసుకుంటాయని స్పష్టం చేసింది.చంద్రబాబు ఆదేశాలను పాటిస్తున్న ఎస్‌ఈసీ..అసలు రాష్ట్ర ఎన్నికల కమిషన్‌ (ఎస్‌ఈసీ) సుప్రీంకోర్టు ఆదేశాలు పాటిస్తోందా? లేక చంద్రబాబు ఆదేశాలు పాటిస్తోందా? టీడీపీ దాడులు, పోలీసులు అడ్డుకోవడం వల్ల 19 మున్సిపాలిటీల్లో మేము నామినేషన్లు వేయలేకపోయామని సుప్రీంకోర్టుకు వెళ్లాం. వాటితో పాటు, మరో 4 మున్సిపాలిటీల్లో స్క్రూటినీ పేరుతో మా వాళ్ల నామినేషన్లు తిరస్కరించారు. అంటే మొత్తం 23 అర్బన్‌ లోకల్‌ బాడీస్‌లో పోటీ లేకుండా చేశారు. పుంగనూరు, రాయచోటి, పిడుగురాళ్ల, ఎర్రగుంట్ల, కమలాపురం, గురజాల, దాచేపల్లి, దర్శి, గుత్తి, మైదుకూరు, రాజంపేట, జమ్మలమడుగు, తిరుపతి, పులివెందుల, కడప, ప్రొద్దుటూరు, బద్వేలు, తాడిపత్రి, కనిగిరి, చిత్తూరు, నెల్లూరు, చిలకలూరిపేట, కనిగిరిలలో 15 చోట్ల ఏకంగా పోటీయే లేదు. మున్సిపల్‌ చైర్మన్‌ అభ్యర్థులు కూడా లేరు. 8 చోట్ల నామినేషన్లకు అస్సలు అనుమతించలేదు. గురజాల, పిడుగురాళ్ల, దర్శి, రాయచోటి, కమలాపురం, ఎర్రగుంట్ల, మైదుకూరు, పుంగనూరులో నామినేషన్లు వేయనీయలేదు. 7 చోట్ల కొన్ని నామినేషన్లు పడ్డాయి. కానీ స్క్రూటినీ పేరుతో మళ్లీ అక్రమంగా చైర్మన్‌ అభ్యర్థులను అనర్హులుగా ప్రకటించారు. దాచేపల్లి, కనిగిరి, బద్వేలు, రాజంపేట, ప్రొద్దుటూరు, గుత్తి, నగరి తదితర 15 చోట్ల చైర్మన్‌ అభ్యర్థి లేకుండా చేశారు. ఇంకా చిత్తూరు, నగరి, చిలకలూరిపేట, నెల్లూరులో స్క్రూటినీ పేరిట నామినేషన్లు తిరస్కరించారు. (అంటూ.. ఎక్కడెక్కడ ఏం చేశారనే జాబితా పీపీటీలో చూపారు)శకునిని తలపిస్తున్న చంద్రబాబు..చంద్రబాబూ.. మీరు ఎందుకింత తొండి. దౌర్జన్యం. అన్యాయం చేస్తున్నారు. మీకు ధైర్యముంటే ఈ ఎన్ని­కలు ఎదుర్కోవచ్చు కదా? అసలు ఇలాంటి పరిస్థితి ఉన్నప్పుడు వీటిని ఎన్నికలు అంటారా? మహాభారతంలో శకునికి పాచికలు ఉండేవి. ఆయన కోరుకున్నట్లు నెంబర్లు వచ్చేవి. ఇక్కడ నీవు కూడా శకునిలా మారావు. నీ ఇష్టానుసారం ఎన్నికలను నిర్దేశిస్తున్నా­వు. ఎక్కడెక్కడ ఏం జరగాలో నీవే ఆదేశిస్తున్నావు. ఒక చోట తల (చైర్మన్‌) ఉండదు. కొన్ని చోట్ల కాళ్లు, చేతులు (వార్డు మెంబర్లు) ఉండవు. అంటే ఎక్కడా పూర్తిస్థాయిలో సక్రమంగా ఎన్నికలు జరగవు.మా హయాంలో ఒక్క ఫిర్యాదైనా వచ్చిందా?మీరు ప్రజలకు నిజంగా మంచి చేసి ఉంటే, వాటిని చూపి, మీ పనితీరు చూపి ఎన్నికల్లో ఓట్లు అడగాలి. మీరు ఆ పని చేయడం లేదు. కానీ, ఆ పని మేము చేశాం. మా హయాంలో ఎస్‌ఈసీ నిమ్మగడ్డ రమేష్, ఆయన చంద్రబాబు నియమించిన వ్యక్తి. నాడు ఎన్నికల షెడ్యూల్‌ రాగానే, ఆయన ఇష్టానుసారం ఆఫీసర్లను బదిలీ చేశారు. అయినా మేం ఏమీ అనలేదు. ఎక్కడా ప్రజలకు మేలు చేయడంలో మేము వెనుకంజ వేయలేదు. ఎంతో మంచి చేశాం. అందుకే ఆ ఎన్నికల్లో విజయం సాధించాం. మేనిఫెస్టోలో చెప్పిన వాటిలో 95 శాతం అమలు చేసి చూపాం. విద్య, వైద్యం, వ్యవసాయ రంగాల్లో పెనుమార్పులు తీసుకొచ్చాం. అందుకే ఆ ఎన్నికల్లో మేము 86 శాతం విజయం సాధించాం. కానీ ఈరోజు అంతా మోసం. సూపర్‌ సిక్స్‌ లేవు. ఏ ఒక్క వర్గం సంతోషంగా లేదు. నాడు సంతకాలు చేసి ఇంటింటికీ పంపించిన బాండ్లు ఒట్టివే అయ్యాయి. దీంతో ఎక్కడికక్కడ ప్రజలు నిలదీసే పరిస్థితి. అందుకే ఈ స్థానిక ఎన్నికలు జరగనివ్వకుండా, అన్నీ ఏకగ్రీవం అయ్యేలా తొండి, దౌర్జన్యం, అన్యాయం చేస్తున్నారు.ఎంపీటీసీ, జెడ్పీటీసీ ఎన్నికల నామినేషన్లలోనూ అదే తీరు..అభ్యర్థులు స్వేచ్ఛగా నామినేషన్లు వేసేలా తగిన భద్రత కల్పించాలని, ఏర్పాట్లు చేయాలని సాక్షాత్తూ సుప్రీంకోర్టు ఆదేశించినా, అది అమలు చేయకుండా బరి తెగిస్తున్నారు. జంగిల్‌రాజ్‌ నడుపుతున్నారు. ఇక్కడ నారాసుర రక్త చరిత్ర కొనసాగుతోంది. ఎంపీటీసీలకు సంబంధించి రాష్ట్రంలోని 659 మండలాల్లో 101 మండలాల్లో జీరో నామినేషన్లు. అక్కడా అదే పద్ధతి. మున్సిపల్‌ ఎన్నికల నామినేషన్ల సమయంలో ఏం చేశారో.. ఇప్పుడూ అదే చేస్తున్నారు. నామినేషన్‌ కేంద్రాల్లో టీడీపీ మనుషులు ఉంటారు. వారికి పోలీసులు అండగా ఉంటారు. అక్కడికి మా పార్టీ వారు పోగానే అడ్డుకుంటున్నారు. చేతిలో నుంచి నామినేషన్‌ పత్రాలు లాగేసుకుంటున్నారు. చింపేస్తున్నారు. ఎవరైనా నామినేషన్‌ వేస్తే, చివరకు ఆర్‌ఓ (రిటర్నింగ్‌ అధికారి) చేతిలో నుంచి నామినేషన్‌ పత్రాలు లాక్కుని చింపేస్తున్నారు. మరో 70 మండలాల్లో 5 నామినేషన్ల కంటే తక్కువ పడ్డాయి. జడ్‌పీటీసీలకు సంబంధించి 227 మండలాల్లో నామినేషన్లు ఇంకా పెండింగ్‌లో ఉన్నాయి. స్థానిక ఎన్నికల సందర్భంగా మా వారిపై జరుగుతున్న దాడులకు ప్రధాన కారణం.. సీఎం చంద్రబాబు. ఆయన చెప్పినట్లు ఆడుతున్న పోలీసులు. ఇతర అధికారులు. మరి వారిని బాధ్యతల నుంచి తప్పించకుండా, నిష్పక్షపాతంగా ఎన్నికలు ఎలా జరుగుతాయి? చంద్రబాబు ఒకప్పుడు పోలింగ్‌ కేంద్రాలను రిగ్గింగ్‌ చేయడం చూశాం. ఇప్పుడు ఏకంగా నామినేషన్‌ కేంద్రాల రిగ్గింగ్‌కు దిగజారారు. మనం గతంలో పులివెందుల జెడ్పీటీసీ ఉప ఎన్నిక సందర్భంగా పోలింగ్‌ కేంద్రాల రిగ్గింగ్‌ చూశాం.తిరగబడండి.. ప్రజాస్వామ్యాన్ని పరిరక్షించండి..ప్రజాస్వామ్య వ్యవస్థలోనే ప్రజా హక్కులు కాపాడబడతాయి. అదే నియంతృత్వ వ్యవస్థలో ప్రజలకు ఎలాంటి హక్కులు, స్వేచ్ఛ ఉండదు. కాబట్టి ప్రజలంతా ఆలోచించాలి. ఈరోజు మీ ఓటు ఎంతో ముఖ్యం. దాన్ని సక్రమంగా వినియోగించు కోకపోతే, రేపు మీ ఆస్తులను ఇలాగే లాక్కుంటారు. ఎందుకంటే ఇప్పుడు ఈ ప్రజాస్వామ్యంలో అధికారుల సమక్షంలోనే నామినేషన్‌ పత్రాలు లాక్కుని చించేస్తున్నారు. రేపొద్దున మీ ఆస్తి పత్రాలు కూడా ఇలాగే అధికారులు, పోలీసుల సమక్షంలోనే లాక్కుని చింపేస్తారు. ఆ ఆస్తులు వారివే అంటారు. కాబట్టి, తిరగబడండి. ప్రజాస్వామ్యాన్ని కాపాడుకొండి. లేకపోతే ఏ ఒక్కరి ఆస్తులు, స్వేచ్ఛ, హక్కులకు గ్యారంటీ లేదు. టీడీపీ గూండాలకు పోలీసులంటే భయం లేదు. పోలీసులను వాడుకుని ప్రజలను ఇబ్బంది పెట్టే పరిస్థితి ఉన్నపుడు ఇక ఈ రాష్ట్రం ఏమవుతుందనేది అందరూ ఆలోచించాలి. చంద్రబాబు ఒక ఆర్గనైజ్డ్‌ పద్ధతిలో చేస్తున్న ఈ దారుణాలన్నీ కూడా రాజ్యాంగ నిర్మాణంపై జరుగుతున్న దాడి మాత్రమే కాదు.. ఎన్నికల ప్రక్రియను దెబ్బతీసేందుకు జరుగుతున్న నేరపూరిత కుట్రగా పరిగణించాలి. నిజంగా ఇది అతి పెద్ద నేరం. ప్రజాస్వామ్యాన్ని కాపాడుకోవలసిన బాధ్యత మనందరిపైన ఉంది.19కి బదులు, 4 మున్సిపాలిటీల్లోనే రీ నామినేషన్లకు..ఇంత స్పష్టంగా సుప్రీంకోర్టు ఆదేశించినా, చంద్రబాబులో కానీ, ఎస్‌ఈసీలో కానీ, చంద్రబాబు చేతిలో తోలుబొమ్మ మాదిరిగా మారిన డీజీపీలో కానీ, డీఐజీలు, ఎస్పీలు, కలెక్టర్లలో కానీ ఎలాంటి మార్పు రాలేదు. సుప్రీంకోర్టు ఆదేశాలు బేఖాతరు చేస్తున్నారు. సుప్రీంకోర్టు ఆదేశాలపై గౌరవం లేదు. ప్రజాస్వామ్యం అంటే ఏ మాత్రం గౌరవం లేకుండా ప్రవర్తిస్తున్నారు. 19 మున్సిపాలిటీల్లో నామినేషన్లు వేయనివ్వలేదని మేము ఆధారాలతో సహా సుప్రీంకోర్టుకు వెళ్తే, కోర్టు మొట్టికాయలు వేసినా, వీరిలో మార్పు లేదు. కేవలం 4 మున్సిపాలిటీల్లో మాత్రమే రీనావిునేషన్లకు అనుమతి ఇచ్చారు. కేవలం మైదుకూరులో మొత్తం వార్డుల్లో రీ నామినేషన్లకు అవకాశం కల్పించారు. తిరుపతిలో 18 డివిజన్లు, కడపలో 11 డివిజన్లతో పాటు, రాజంపేటలో మరో 11 వార్డులకు రీ నామినేషన్లకు పరిమితం చేశారు. అసలు వీరికి ఎన్నికలు నిర్వహించే ఉద్దేశం ఉందా? నామినేషన్‌ విధానంలో నియమించుకుంటే సరిపోతుంది కదా? ఎవరి కళ్లకు గంతలు కడుతున్నారు? ఇవి పార్టీపరమైన ఎన్నికలు. మా అభ్యర్థులను నామినేషన్‌ వేయించమని అడుగుతున్నాం. నామినేషన్లు వేయనివ్వకుండా, గెలుపు ఏకపక్షం చేసే పని చంద్రబాబు చేస్తున్నాడు. ఇది ధర్మమేనా?కడపలో 66 డివిజన్లుంటే..11 డివిజన్లకే రీ నామినేషన్‌..కడప కార్పొరేషన్‌లో 66 డివిజన్లు ఉంటే, కేవలం 11 డివిజన్లలో మాత్రమే రీనావిునేషన్‌కు అవకాశం కల్పించారు. మిగిలిన 55 డివిజన్లలో కేవలం రెండే రెండు వార్డుల్లో పోటీ ఉండేలా చేసిన వీరు, మరో 11 చోట్ల ఇప్పుడు అనుమతి అంటే.. మొత్తం 13 వార్డుల్లో మాత్రమే పోటీకి అనుమతి ఇస్తున్నారు. ఇదేనా ప్రజాస్వామ్యం. రాజంపేటలో 32 వార్డులుంటే, ఇంతకు ముందు కేవలం 3 వార్డుల్లో మాత్రమే పోటీ ఉండేలా చేశారు. కాగా, ఇప్పుడు మరో 11 వార్డుల్లో రీ నామినేషన్‌కు అనుమతి ఇచ్చారు. అంటే 32 వార్డులకు గానూ, కేవలం 14 వార్డుల్లో మాత్రమే మా పోటీకి అనుమతి ఇస్తున్నారు.‘పచ్చమూకల దాడులు’ పేరిట బుక్‌..ఈ ప్రభుత్వం అన్నింటా విఫలమైంది. ఈ ప్రభుత్వం పట్ల రాష్ట్రంలో ఏ ఒక్క వర్గం సంతోషంగా లేదు. అందుకే ఎన్నికలను బుల్డోజ్‌ చేసి, ఎలాగైనా గెలవాలని చంద్రబాబు చూస్తున్నారు. ఇలాంటి విష సంçస్కృతి మంచిది కాదు. ఈ ఎన్నికల ప్రక్రియలో ప్రతి ఘట­నను చూపుతూ.. ఒక బుక్‌ రిలీజ్‌ చేస్తున్నాం. ‘పచ్చమూకల దాడులు’ పేరుతో బుక్‌ రిలీజ్‌ చేస్తున్నాం. దీన్ని అందరికీ ఇవ్వబోతున్నాం. కోర్టులకు కూడా చూపుతాం. దాంట్లో క్యూఆర్‌ కోడ్‌ కూడా ఉంటుంది. కాబట్టి ఈ వివరాలన్నింటినీ ప్రజ­లకు చెప్పాలి’ అని మాజీ సీఎం వైఎస్‌ జగన్‌ పిలుపునిచ్చారు.మా అభ్యర్థుల జాబితాలను సుప్రీంకోర్టుకు సమర్పిస్తాం ఈ స్థాయిలో అంతులేని అక్రమాలు జరుగుతుంటే, సీఎం చంద్రబాబు, ఎస్‌ఈసీ ఆధ్వర్యంలో ఇంత జరుగుతుంటే, అసలు రాష్ట్రంలో ప్రజాస్వామ్యం అనేది ఉందా? అన్న సందేహం కలుగుతోంది. ఇవి పార్టీ పరంగా జరిగే ఎన్నికలు. అందుకే మేము మా పార్టీ అభ్యర్థులను ప్రకటించాం. వారికి ఏ ఫామ్స్, బీ ఫామ్స్‌ కూడా ఇచ్చాం. అందుకనే మా పార్టీకి సంబంధించిన మొత్తం అభ్యర్థుల జాబితాలను ఎస్‌ఈసీకి ఇస్తాం. హైకోర్టు, సుప్రీంకోర్టుకు కూడా సమర్పిస్తాం. న్యాయం చేయమని అడుగుతాం.సుప్రీంకోర్టు పర్యవేక్షణలో ఎన్నికలు నిర్వహించాలి..తక్షణం సుప్రీంకోర్టు పర్యవేక్షణలో, అమికస్‌ క్యూరీగా ఒక సబ్జెక్ట్‌ ఎక్స్‌పర్ట్‌ను తీసుకొచ్చి, అతడి ఆధ్వర్యంలో ఎన్నికలు జరపాలి. దాడులు జరిగిన జిల్లాల ఎస్పీలు, కలెక్టర్లు, ఐజీలను బదిలీ చేయాలి. కక్షపూరితంగా విధులు నిర్వర్తిస్తున్న 59 మంది డీఎస్పీలు, సీఐలు, ఇతర అధికారులను గుర్తించి మేము ఫిర్యాదు చేసినా చర్యలు లేవు. తక్షణం వారిని ఎన్నికల బాధ్యతల నుంచి తప్పించాలి. నామినేషన్‌ కేంద్రాలు, బ్యాలెట్‌ బాక్సుల స్టోర్స్, కౌంటింగ్‌ కేంద్రాల వద్ద, కేంద్రాల లోపల సీసీ కెమెరాలు ఏర్పాటు చేయాలి. వెంటనే కేంద్ర బలగాలు రప్పించాలి.ఎన్నికల కేంద్రాల వద్ద కేంద్ర బలగాలు మోహరించాలి ప్రజలకు ఏ మాత్రం మంచి చేయని వెన్నుపోటు పార్టీ కూటమి ప్రభుత్వం, సీఎం చంద్రబాబు.. ఈ ఎన్నికల్లో ఓటమి తప్పదని తెలుసు కాబట్టే, ఎన్నికలను బుల్డోజ్‌ చేస్తున్నారు. అందుకే, నామినేషన్‌ కేంద్రాల వద్ద సీసీ కెమెరాలు పెట్టాలని, కేంద్ర బలగాలు మోహరించాలని కోరుతున్నాం. మొన్నటి పశ్చిమ బెంగాల్‌ ఎన్నికల్లో అలాగే చేశారు. ఇంకా మా పార్టీ అభ్యర్థులకు భద్రత కల్పించాలని కోరుతున్నాం. దాని కోసం హైకోర్టుకు కూడా వెళ్లాం. హైకోర్టు అందుకు అనుగుణంగా ఆదేశాలు జారీ చేసింది. అయినా ఎస్‌ఈసీ పట్టించుకోలేదు. అసలు ఎన్ని పోలింగ్‌ కేంద్రాల వద్ద సీసీ కెమెరాలు పెట్టారని ఎస్‌ఈసీని మేము అడిగితే, సమాధానం లేదు. ఎన్నికలు సజావుగా జరిగేందుకు ఏం చర్యలు తీసుకున్నారని అడిగాం. దానికీ సమాధానం లేదు. ఇంకా ఏ ఒక్కరిపై చర్యలు లేవు. ఆర్‌ఓల చేతిలో నుంచి నామినేషన్లు లాక్కుని చింపేసినా, వారు కనీసం ఫిర్యాదు కూడా చేయడం లేదు. ఇంకా మా ఫిర్యాదులపై ఎలాంటి చర్యలు లేవు. ప్రజాస్వామ్యం అంటే, నిర్భయంగా ఓటు వేయాలి. ఎన్నికలు స్వేచ్ఛాయుత వాతావరణంలో జరగాలి. మరి ఇవన్నీ లేనప్పుడు రాష్ట్రంలో రాజ్యాంగం కుప్పకూలినట్లు కాదా?ప్రజలు కసితో ఉన్నారు కచ్చితంగా బుద్ధి చెబుతారు.. ఈ అక్రమాలు, కుట్రలపై ఎస్‌ఈసీని కలిసినా లాభం లేదు. హైకోర్టు, సుప్రీంకోర్టులే న్యాయం చేయాలి. ఇలా తొండి, అన్యాయం, దౌర్జన్యంతో ఎన్నికలు గెలవొచ్చని చంద్రబాబు అనుకుంటే పొరపాటు. ఎందుకంటే రేపు సాధారణ ఎన్నికల్లో ఇలా చేసే అవకాశం రాదు. ప్రజలు కసితో ఉన్నారు. కచ్చితంగా బుద్ధి చెబుతారు. ఈ కుట్రలు, అక్రమాలన్నింటినీ మేము మళ్లీ కోర్టులో వేస్తాం. అన్ని ఆధారాలు చూపుతాం. ఇవి పార్టీపరంగా జరిగే ఎన్నికలు. కాబట్టి మాకు పోటీ చేసే అవకాశం ఇవ్వాలని కోరుతున్నాం. నామినేషన్లు స్వేచ్ఛగా వేసే పరిస్థితి ఉండాలని కోరుతున్నాం. ఆ పని ఎన్నికల కమిషన్‌ చేయాలి. కానీ, ఎస్‌ఈసీ ఆ పని చేయడం లేదు. అసలు మనం ఏ వ్యవస్థలో ఉన్నాం. ప్రజాస్వామ్య వ్యవస్థలో ఉన్నామా? లేక నియంతృత్వ వ్యవస్థలో ఉన్నామా?

సాక్షి, అమరావతి: వైఎస్సార్‌ జిల్లా, పులివెందుల డీఎస్‌పీ మురళీ నాయక్‌ను ఎన్నికల విధుల నుంచి తప్పించబోమని రాష్ట్ర ఎన్నికల సంఘం (ఎస్‌ఈసీ) తెలపడంతో, ఈ నిర్ణయానికి గల కారణాలను అఫిడవిట్‌ రూపంలో తెలియజేయాలని హై­కోర్టు ఆదేశించింది. తదుపరి విచారణను సోమ­వారానికి వాయిదా వేసింది. ఈ మేరకు న్యాయమూర్తి జస్టిస్‌ చింతలపూడి పురుషోత్తంకుమార్‌ శుక్రవారం ఉత్తర్వులు జారీ చేశారు. మురళీనాయక్‌ డీఎస్‌పీగా ఉంటే స్థానిక ఎన్నికలు స్వేచ్ఛగా జరిగే అవకాశమే లేనందున, ఆయనను బదిలీ చేయాలని కోరుతూ ఈ నెల 19న సమర్పించిన వినతిపత్రంపై ఎస్‌ఈసీ ఎలాంటి చర్యలు తీసుకోవడం లేదని పేర్కొంటూ కడప ఎంపీ వైఎస్‌ అవినాష్‌రెడ్డి హైకోర్టును ఆశ్రయించిన సంగతి తెలి­సిందే. ఎన్నికల్లో అధికార పార్టీ నేతలతో కుమ్మక్కై వైఎస్సార్‌సీపీ నేతలే లక్ష్యంగా తప్పుడు కేసు­లు పెడుతూ డీఎస్‌పీ ఇబ్బందులు పెడుతున్నా­రని వైఎస్‌ అవినాష్‌రెడ్డి కోర్టుకు విన్నవించారు. 2025 ఆగస్టు 12 న జరిగిన పులివెందుల జెడ్పీటీసీ ఉప ఎన్నిక సమయంలోనూ నాయక్‌ అధికార తెలుగుదేశం పార్టీకి అనుకూలంగా పక్షపాత ధోరణితో వ్యవహరించారని వైఎస్‌ అవినాష్‌ రెడ్డి తరఫు న్యాయవాది వీఆర్‌రెడ్డి కొవ్వూరి హైకోర్టుకు విన్నవించారు. డీఎస్‌పీని ఎన్నికల విధుల నుంచి తప్పించేలా చర్యలు తీసుకోవాలని అభ్యర్థించారు. విచారణ క్రమంలో తాజాగా శుక్రవారం ఈ పిటిషన్‌ కోర్టు ముందుకు వచ్చినప్పుడు ఎన్నికల సంఘం తరఫు న్యాయవాది నర్సీపట్నం అశ్వినీకుమార్‌ వాదనలు వినిపిస్తూ క్షేత్రస్థాయిలో పరిస్థితులపై ఉన్నతాధికారుల నుంచి నివేదిక తెప్పించుకుని, దానిని పరిశీలించిన అనంతరం నాయక్‌ను తొలగించాల్సిన అవసరం లేదని నిర్ణయించినట్లు తెలిపారు.

సాక్షి, అమరావతి : ‘ఇంకో 15–20 ఏళ్లపాటు చంద్రబాబు ముఖ్యమంత్రిగా ఉండాలి. మనం ఒంటరిగా పోటీ చేసి గెలవలేం. నిజానికి మనకు అంత బలం లేదు’ అని పదే పదే శ్రేణులకు ఉద్బోధించే జనసేన అధినేత పవన్‌ కళ్యాణ్‌ ఇంకా స్థానిక సంస్థల ఎన్నికల్లో సీట్ల పంపకాలపై కసరత్తు చేస్తుండటం అటు జనసేన, ఇటు టీడీపీ శ్రేణుల్లో నవ్వులపాలవుతోంది. మున్సిపల్‌ ఎన్నికల మాదిరిగానే పరిషత్‌ ఎన్నికల్లోనూ కూటమి పార్టీల మధ్య సీట్ల సర్దుబాటు రసకందాయంలో పడింది. జనసేన కార్యకర్తలను శాంతింపజేసేందుకు 40 శాతం వాటా అడిగినట్లు హడావుడి చేసి చివరికి టీడీపీ ఇచ్చిన వాటితో సరిపెట్టుకునే పరిస్థితి నెలకొంది. ఈ నేపథ్యంలోనే జనసేన అధ్యక్షుడు, డిప్యూటీ సీఎం పవన్‌కళ్యాణ్‌ శుక్రవారం మళ్లీ సీఎం చంద్రబాబు నివాసానికి వెళ్లారు. ఇద్దరూ సుమారు అరగంటపాటు చర్చించారు. ఇదే అంశంపై గురువారం కూడా వీరిద్దరూ మరోసారి భేటీ అయ్యారు. రెండ్రోజుల్లో రెండుసార్లు సమావేశమైనా పంపకాలపై స్పష్టత రాలేదని లీకులు ఇచ్చారు. మున్సిపల్‌ ఎన్నికల తరహాలోనే జెడ్పీటీసీ, ఎంపీటీసీ స్థానాల్లోనూ తమకు 30 శాతం కేటాయించాలని జనసేన కోరినట్లు జనసేన నేతలు తెలిపారు. అయితే, దానిపై జిల్లా కమిటీలే నిర్ణయం తీసుకుంటాయని చంద్రబాబు తేల్చిచెప్పినట్లు సమాచారం. జిల్లా పరిషత్‌ పీఠాలపై మాత్రం పీఠముడి వీడలేదని రెండు పార్టీల నేతలు చెబుతున్నారు. రాష్ట్రంలోని 28 జెడ్పీల్లో తమకు ఎనిమిది చైర్మన్, ఎనిమిది వైస్‌ చైర్మన్‌ పదవులు కావాలని పవన్‌కళ్యాణ్‌ కోరినట్లు ఆ పార్టీ నేతలు తెలిపారు. టీడీపీ మాత్రం మూడు మాత్రమే ఇస్తామని చెబుతున్నట్లు సమాచారం. అలాగే, బీజేపీ మూడు జెడ్పీ పీఠాలు కోరుతుండగా ఒకటి ఇస్తామన్నట్లు తెలిసింది. జనసేన తిరుపతి, ఏలూరు జెడ్పీ పీఠాలు అడుగుతుండడం, వాటిని ఇచ్చేందుకు టీడీపీ సిద్ధంగా లేకపోవడంతో దానిపైనే చర్చలు జరుగుతున్నట్లు చెబుతున్నారు. అయితే ఫైనల్‌గా పరిషత్‌ పోరులోనూ టీడీపీ ఇచ్చినన్ని తీసుకోవడానికి జనసేన సిద్ధమైనట్లు తెలుస్తోంది. అయితే, పార్టీ శ్రేణులను ఆకట్టుకోవడానికి గట్టిగా పట్టుబట్టినట్లు చూపించడానికి చర్చల పేరుతో హడావుడి చేస్తున్నట్లు సమాచారం. పోటాపోటీగా కూటమి పార్టీల నామినేషన్లు మరోవైపు.. చాలా చోట్ల టీడీపీ, జనసేన, బీజేపీ ఆశావహులు జెడ్పీటీసీ, ఎంపీటీసీ స్థానాలకు పోటాపోటీగా నామినేషన్లు వేశారు. అల్లూరి సీతారామరాజు జిల్లాలో సర్దుబాటు తేలకముందే జెడ్పీటీసీ స్థానాలకు బీజేపీ నామినేషన్లు దాఖలు చేయగా, జనసేన సైతం బరిలోకి దిగేందుకు సిద్ధమైంది. దీంతో.. పలుచోట్ల కూటమి పార్టీల అభ్యర్థులే ఒకరిపై ఒకరు పోటీపడే పరిస్థితి నెలకొంది. ఈ నేపథ్యంలోనే పలు మండలాల్లో జనసేన నాయకులను టీడీపీ నేతలు నామినేషన్లు వేయనీయకపోవడం, వారిపై దాడులు చేయడం కలకలం రేపుతోంది. ఈ విషయంపై మాట మాత్రంగా కూడా ప్రస్తావన రాలేదని జనసేన శ్రేణులు రగిలిపోతున్నాయి.

సాక్షి, అమరావతి: ఎంపీటీసీ, జెడ్పీటీసీ ఎన్నికల్లో నామినేషన్లు వేయకుండా వైఎస్సార్‌సీపీ అభ్యర్థులను అటు అధికార పార్టీ నేతలు, ఇటు పోలీసులు అడ్డుకున్న నేపథ్యంలో వైఎస్సార్‌సీపీ మరోసారి న్యాయ పోరాటానికి దిగింది. నామినేషన్లు వేయకుండా అభ్యర్థులను అడ్డుకున్న జిల్లాల్లో నామినేషన్ల గడువును కనీసం 48 గంటలు పొడిగించేలా రాష్ట్ర ఎన్నికల సంఘాన్ని (ఎస్‌ఈసీ) ఆదేశించాలని కోరుతూ వైఎస్సార్‌ కాంగ్రెస్‌ పార్టీ శుక్రవారం అత్యవసర లంచ్‌మోషన్‌ పిటిషన్‌ దాఖలు చేసింది. అంతేకాక దాడులు, బెదిరింపులు, నామినేషన్‌ పత్రాల ధ్వంసానికి పాల్పడిన వారిపై రాజకీయ పార్టీలతో సంబంధం లేకుండా వెంటనే కేసులు నమోదు చేసి దర్యాప్తు చేసేలా పోలీసులను ఆదేశించాలని అభ్యర్థించింది. ఈ వ్యాజ్యంపై విచారణ జరిపిన న్యాయమూర్తి జస్టిస్‌ గంధం సునీత తదుపరి విచారణను సోమవారానికి వాయిదా వేశారు. అంతక్రితం వైఎస్సార్‌సీపీ తరఫున సీనియర్‌ న్యాయవాది సుబ్రమణ్య శ్రీరామ్‌ వాదనలు వినిపిస్తూ, ‘ఇక ఎన్నికలు సక్రమంగా జరిగేలా చూడాల్సిన రాష్ట్ర ఎన్నికల సంఘం తన విధి నిర్వహణలో దారుణంగా విఫలమైంది. ఎన్నికల సంఘం సక్రమంగా విధులు నిర్వర్తిస్తే మేము కోర్టుకు రావాల్సిన పని లేదు. నామినేషన్లు దాఖలు చేసే విషయంలో న్యాయ పోరాటం చేయాల్సిన పరిస్థితి వచ్చిందంటే, రాష్ట్రంలో పరిస్థితులు ఎలా ఉన్నాయో అర్థం చేసుకోవాలి. వైఎస్సార్‌సీపీ అభ్యర్థులు దాఖలు చేసిన నామినేషన్లను అధికార పార్టీ నేతలు ఇతర వ్యక్తులతో ఉపసంహరింపజేసిన ఘటనలూ ఉన్నాయి. దీనిపై ఫిర్యాదు చేసినా ఎన్నికల సంఘం పట్టించుకోవడం లేదు. ఏకగ్రీవాల కోసం అధికార పార్టీ బరి తెగించి వ్యవహరిస్తోంది’ అని కోర్టుకు వివరించారు. పోలీసులు కోర్టుకు ‘దృశ్యం–3’ సినిమా చూపిస్తున్నారు అధికార పార్టీ నేతలతో పోలీసులు కుమ్మక్కై నామినేషన్లు దాఖలు చేయనివ్వకుండా అడ్డుకుంటున్నారు. ఇందుకు సంబంధించిన ఫోటోలు, వీడియోలు ఉన్నాయి. వాటిని పరిశీలిస్తే క్షేత్రస్థాయిలో ఏం జరుగుతుందో స్పష్టంగా తెలుస్తుంది. పోలీసులు పక్షపాత వైఖరితో అధికార పార్టీకి అనుకూలంగా చేయాల్సిందంతా చేస్తూ, తమకేమీ తెలియదని కోర్టుకు చెబుతున్నారు. కోర్టుకు ‘దృశ్యం–3’ సినిమా చూపిస్తున్నారు. – వైఎస్సార్‌సీపీ తరఫున సీనియర్‌ న్యాయవాది సుబ్రమణ్య శ్రీరామ్‌ వాదనలు

సాక్షి, అమరావతి: రాజధాని అమరావతి సెల్ఫ్‌ ఫైనాన్స్‌ సిటీ అంటూ సీఎం చంద్రబాబు చెబుతున్న మాటలన్నీ బూటకమేనని మరోసారి రుజువైంది. అమరావతి నిర్మాణ పనుల కోసం చేసిన అప్పులు తీర్చేందుకు రాష్ట్ర ప్రభుత్వం తాజాగా రూ.194.33 కోట్లు మంజూరు చేసింది. రాష్ట్ర ఖజానా నుంచి ఈ అప్పు తీర్చేందుకు అనుమతి ఇస్తూ పురపాలక శాఖ ముఖ్య కార్యదర్శి ఎస్‌.సురేష్‌కుమార్‌ శుక్రవారం ఉత్తర్వులు జారీ చేశారు. రాజధాని నిర్మాణ పనుల కోసం సీఆర్‌డీఏ చేసిన అప్పులు తీర్చేందుకు 2026–27 బడ్జెట్‌లో రూ.836.26 కోట్లు కేటాయించారు. ఇందులో రెండు త్రైమాసికాలకు సంబంధించి ఇప్పటికే రూ.421.99 కోట్లను రాష్ట్ర ఖజానా నుంచి రాజధాని అప్పు తీర్చేందుకు ఇచ్చారు. ప్రజలు కట్టే పన్నుల నుంచే..!: రాజధాని పనులకు బడ్జెట్‌ నుంచి ఒక్క పైసా కూడా కేటాయించడం లేదని సీఎం చంద్రబాబు పదే పదే నమ్మబలుకుతూ వస్తున్నారు. రాజధాని కోసం చేస్తున్న అప్పులన్నీ అమరావతిలో ప్రభుత్వానికి మిగిలే భూమిని అమ్మి తీర్చుతామని.. పైసా భారం కూడా ప్రజలపై పడదని.. అమరావతి సెల్ఫ్‌ ఫైనాన్స్‌ ప్రాజెక్టు అంటూ మభ్యపెడుతున్నారు. ఇందులో డొల్లతనం తాజాగా మరోసారి నిరూపితమైంది. రాజధాని పనుల కోసం 2014–19 మధ్య జాతీయ బ్యాంకులు, ఆర్థిక సంస్థలు, బాండ్లు జారీ చేయడం ద్వారా చంద్రబాబు రూ.5,013.60 కోట్ల మేర అప్పులు తెచ్చారు. ఇక 2024 జూన్‌ 12 నుంచి ఇప్పటివరకూ రాజధాని పనుల కోసం ప్రపంచ బ్యాంకు, ఆసియా అభివృద్ధి బ్యాంకు, హడ్కో, బ్యాంకుల నుంచి ఇప్పటికే రూ.47,687 కోట్లు అప్పు చేశారు. 2014–19 మధ్య చేసిన అప్పులు తీర్చడానికి చంద్రబాబు సర్కార్‌ 2026–27 బడ్జెట్‌లో రూ.836.26 కోట్లు కేటాయించింది. అంటే.. రాజధాని నిర్మాణం కోసం చేసే అప్పులన్నీ వడ్డీతో కలిపి రాష్ట్ర ప్రజలు కట్టే పన్నుల నుంచే చెల్లించాల్సిందేనని స్పష్టమవుతోంది.

సాక్షి, అమరావతి: రాష్ట్రానికి తుపాను ముప్పు పొంచి ఉంది. బంగాళాఖాతంలో ఏర్పడిన అల్పపీడనం క్రమంగా బలపడి ఆదివారానికి వాయుగుండంగా, సోమవారం నాటికి తుపానుగా మారే అవకాశం ఉన్నట్లు భారత వాతావరణ శాఖ తెలిపింది. తుపానుగా మారితే దీనికి అర్ణబ్‌ అని పేరు పెడతారు. తుపానుగా మారిన తర్వాత ఇది ఉత్తరాంధ్ర, దానికి ఆనుకుని ఉన్న దక్షిణ ఒడిశా తీరాల వైపు కదిలి విశాఖ పరిసరాల్లోనే తీరం దాటే అవకాశం ఉన్నట్లు వాతావరణ శాఖ తెలిపింది. దీని ప్రభావం శ్రీకాకుళం, విజయనగరం, విశాఖ జిల్లాలపై ఎక్కువగా కోస్తా జిల్లాలపై ఓ మోస్తరుగా ఉండే అవకాశం ఉందని పేర్కొంది. మరోవైపు అరేబియా సముద్రంలో కొనసాగుతున్న ఉపరితల ఆవర్తనం తమిళనాడు వరకూ విస్తరించి ఉంది. ఇది ప్రస్తుతం ఆవర్తనంగానే కొనసాగుతోంది. అది బలహీనపడితే అర్ణబ్‌ తుపాను ఇంకా బలపడి తీవ్ర తుపానుగా మారే అవకాశం ఉన్నట్లు వాతావరణ శాఖాధికారులు తెలిపారు. ఒకవేళ అది అలాగే కొనసాగితే అర్ణబ్‌ తుపాను తీవ్ర తుపానుగా మారే అవకాశం తగ్గుతుందని వెల్లడించారు.వచ్చే 3 రోజుల్లో వర్షాలు కురిసే జిల్లాలు..దీని ప్రభావంతో రాష్ట్రంలో వచ్చే మూడు రోజులు తేలికపాటి నుంచి మోస్తరు వర్షాలు కురిసే అవకాశం ఉంది. మంగళ, బుధవారాల్లో తుపాను ప్రభావం ఎక్కువగా ఉంటుంది. ఉత్తరాంధ్ర జిల్లాల్లో పలుచోట్ల భారీ నుంచి అతి భారీ వర్షాలు కురుస్తాయి. శనివారం అంబేద్కర్‌ కోనసీమ, పశ్చిమ గోదావరి, కృష్ణా, గుంటూరు, బాపట్ల, ప్రకాశం, రాయలసీమ జిల్లాల్లో .. ఆదివారం అల్లూరి, పోలవరం, కృష్ణా, గుంటూరు, బాపట్ల, పల్నాడు, మార్కాపురం, ప్రకాశం, రాయలసీమ జిల్లాల్లో వర్షాలు కురుస్తాయి. సోమవారం రాయలసీమ జిల్లాల్లో తేలికపాటి వర్షాలు కురుస్తాయి.27, 28 తేదీల్లో.. 27న విశాఖ, అనకాపల్లి జిల్లాల్లో పలుచోట్ల అత్యంత భారీ వర్షాలు, శ్రీకాకుళం, పార్వతీపురం మన్యం, విజయనగరం, అల్లూరి, కాకినాడ, తూర్పు గోదావరి, కోనసీమ, ఏలూరు, పశ్చిమగోదావరి, కృష్ణా జిల్లాల్లో భారీ నుంచి అతి భారీ వర్షాలు కురుస్తాయి. ఎన్టీఆర్, గుంటూరు, బాపట్ల జిల్లాల్లో భారీ వర్షాలు కురుస్తాయి. బుధవారం అల్లూరి, అనకాపల్లి, కాకినాడ, తూర్పు గోదావరి, కోనసీమ, పశ్చిమ గోదావరి జిల్లాల్లో పలుచోట్ల అతి భారీ వర్షాలు కురుస్తాయి. శ్రీకాకుళం, పార్వతీపురం మ­న్యం, విజయనగరం, విశా­ఖ, ఏలూరు, ఎన్టీఆర్, కృష్ణా జిల్లా­ల్లో భారీ నుంచి అతి భారీ వర్షాలు, గుంటూరు, బాపట్ల జిల్లాల్లో భారీ వర్షాలు కురిసే అవకాశం ఉందని తెలిపింది.కాగా, శుక్రవారం కర్నూలు జిల్లా దూదెకొండలో 6.8 సెంటీమీటర్ల అత్యధిక వర్షం కురిసింది.తాడికొండలో భారీ వర్షంఅమరావతికి నిలిచిన రాకపోకలుతాడికొండ: తాడికొండలో శుక్రవారం భారీ వర్షం కురవడంతో వాగులు పొంగి పొర్లాయి. దీంతో లోతట్టు ప్రాంతాలు జలమయమై జనాలు అవస్థలు పడ్డారు. తాడికొండ నుంచి తుళ్లూరు వెళ్లే ప్రధాన రహదారిపై భారీగా వర్షపు నీరు నిలిచిపోవడంతో అమరావతికి రాకపోకలు నిలిచిపోయాయి. దాదాపు 4 గంటలు అమరావతికి వాహనాల రాకపోకలు పూర్తిగా నిలిచిపోయాయి. పాఠశాలలు, కళాశాలల నుంచి వచ్చే విద్యార్థులు, చిన్నారులు ఇంటికి వెళ్లేందుకు తల్లిదండ్రులకు ఫోన్‌లు చేసి పిలిపించుకొని వర్షం, వరద నీటిలో నడిచి వెళ్లారు. తాడికొండ నుండి తుళ్లూరు వరకు అధ్వాన్నంగా ఉన్న రహదారిని గతేడాది పురపాలక శాఖ మంత్రి నారాయణ పరిశీలించి మరమ్మతులు చేస్తామని చెప్పారు. కానీ ఆచరణలో మాత్రం అది అమలుకు నోచలేదు.

సాక్షి,అమరావతి : స్థానిక సంస్థల ఎన్నికల నిర్వహణ, నామినేషన్ల ప్రక్రియలో చోటుచేసుకున్న పరిణామాలపై ఆంధ్రప్రదేశ్ హైకోర్టులో వైఎస్సార్‌సీపీ లంచ్ మోషన్ పిటిషన్ దాఖలు చేసింది. వైఎస్సార్‌సీపీ ఎమ్మెల్సీ లేళ్ల అప్పిరెడ్డి దాఖలు చేసిన పిటిషన్‌పై విచారణకు హైకోర్టు అనుమతిచ్చింది. రాష్ట్ర వ్యాప్తంగా అనేక ప్రాంతాల్లో తమ పార్టీ అభ్యర్థులను పోలీసులు అక్రమంగా అరెస్టులు, గృహనిర్బంధాలు చేశారని పిటిషన్‌లో పేర్కొన్నారు.అక్రమ నిర్బంధంలో ఉన్న వైఎస్సార్‌సీపీ అభ్యర్థులందరినీ వెంటనే విడుదల చేయాలని, వారందరూ నామినేషన్లు వేసేందుకు తగిన పోలీసు భద్రత కల్పించాలని కోరారు.నామినేషన్ల గడువును కనీసం 48 గంటలు తగ్గకుండా పొడిగించాలని పిటిషన్‌లో అభ్యర్థించారు. నామినేషన్లు దాఖలు చేయడానికి అన్ని జిల్లా కార్యాలయాలతో పాటు కలెక్టరేట్లలోనూ తగిన ఏర్పాట్లు చేయాలని విజ్ఞప్తి చేశారు. నామినేషన్లు వేస్తున్న అభ్యర్థులను టీడీపీ శ్రేణులు అడ్డుకుని, నామినేషన్ పత్రాలను చించేస్తూ భౌతిక దాడులకు పాల్పడుతున్నారని.. అటువంటి వారిపై కఠిన కేసులు నమోదు చేయాలని కోరారు.ఇదీ చదవండి : చంద్రబాబే శకుని.. స్థానిక ఎన్నికల్లో అష్టకుట్రలు: వైఎస్‌ జగన్‌

సాక్షి,పల్నాడు : చిలకలూరిపేటలో తీవ్ర ఉద్రిక్తత చోటుచేసుకుంది. మాజీ మంత్రి విడదల రజినీని పోలీసులు కింద పడేశారు. గత మూడు రోజులుగా ఆమెను పోలీసులు గృహనిర్బంధం చేశారు. తాజాగా ఆమెపై పోలీసుల దౌర్జన్యం చేయడం స్థానికంగా కలకలం రేపింది. ఈ ఘటనకు సంబంధించిన వీడియోలు ప్రస్తుతం సోషల్ మీడియాలో వైరల్‌గా మారాయి.విడదల రజినీని కలిసేందుకు వైఎస్సార్‌సీపీ శ్రేణులు ఎవరూ రాకుండా పోలీసులు తీవ్ర ఆంక్షలు విధించారు. ఎడ్లపాడు జెడ్పీటీసీ అభ్యర్థి పందుల బుల్లబ్బాయిని నామినేషన్ దాఖలు చేయకుండా పోలీసులు అడ్డుకున్నారు.ఈ నేపథ్యంలోనే తనను కలిసేందుకు వచ్చిన బుల్లబ్బాయిని పరామర్శించేందుకు విడదల రజిని ఇంటి నుంచి బయటకు వచ్చే ప్రయత్నం చేశారు. ఆ సమయంలో అక్కడే ఉన్న చిలకలూరిపేట రూరల్ ఎస్ఐ ప్రియాంక ఆమెను అడ్డుకున్నారు. ఈ క్రమంలో ఇరువర్గాల మధ్య వాగ్వాదం జరగగా, ఎస్ఐ ప్రియాంక విడదల రజినీపై దౌర్జన్యానికి దిగారు. తోసేయడంతో ఆమె కింద పడిపోయారు. మాజీ మంత్రి ఇంట్లోనే పోలీసుల దౌర్జన్యపై వైఎస్సార్‌సీపీ శ్రేణులు ఆగ్రహం వ్యక్తం చేస్తున్నాయి. ఇదీ చదవండి : ‘ఎస్ఈసీపై సుప్రీంకోర్టుకు వెళతాం’

సాక్షి, తాడేపల్లి: ఏపీని రావణ కాష్ఠంగా మార్చేలా అష్టకుట్రలు పన్నారంటూ చంద్రబాబు సర్కార్‌పై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి మండిపడ్డారు. శుక్రవారం ఆయన మీడియా సమావేశంలో మాట్లాడుతూ.. కుట్రలకు పితామహుడు చంద్రబాబేనని.. ఫోర్జరీ, మోసాలు, కుట్రలు తారాస్థాయికి చేరాయన్నారు. చంద్రబాబు, ఎస్‌ఈసీ ఆధ్వర్యంలో కుట్రలు జరుగుతున్నాయంటూ వైఎస్‌ జగన్‌ ఆగ్రహం వ్యక్తం చేశారు.నామినేషన్ల ప్రక్రియలో ఎనిమిది కుట్రలు:👉పోటీ చేయాలనుకునే అభ్యర్థులను పోలీసుల పేరుతో పిలిపించి బెదిరించడం, బైండోవర్‌ చేయడం, ముందస్తు అరెస్టులకు పాల్పడడం అభ్యర్థులకు 👉👉సహకరించే పార్టీ నాయకులను గృహనిర్బంధం చేసి నామినేషన్లకు వెళ్లకుండా అడ్డుకోవడం.👉నామినేషన్‌ కేంద్రాల వద్ద అధికార పార్టీ శ్రేణులను మోహరించి ప్రతిపక్ష అభ్యర్థులను లోపలికి వెళ్లనివ్వకపోవడం.👉నామినేషన్‌ పత్రాలను లాక్కొని చింపేయడం, అధికారుల ఎదుటే దాడులకు పాల్పడడం.👉దాడులను అడ్డుకోకుండా, బాధితులైన వైయ‌స్ఆర్‌సీపీ అభ్యర్థులనే కేంద్రాల నుంచి బయటకు పంపించడం.👉దాడులకు గురైన అభ్యర్థులు, వారికి సహకరించిన నాయకులపైనే కేసులు నమోదు చేసి భయభ్రాంతులకు గురిచేయడం👉స్క్రూటినీ పేరుతో నామినేషన్లు తిరస్కరించడం, అభ్యర్థుల సంతకాలను ఫోర్జరీ చేసి ఉపసంహరించుకున్నట్లు చూపించడం👉బెదిరింపులు, ఒత్తిళ్లతో అభ్యర్థులను నామినేషన్లు ఉపసంహరించుకునేలా చేయడం.‘‘ప్రజలకు చేసిన మంచిని చూపించి ఓట్లు అడగాల్సిన చంద్రబాబు, ఎన్నికల్లో పోటీనే లేకుండా చేసేందుకు కుట్రలు చేస్తున్నారు. వైఎస్సార్‌సీపీ ప్రభుత్వం కోవిడ్‌ వంటి విపత్కర పరిస్థితుల్లోనూ సంక్షేమ పథకాలను అమలు చేసి, మేనిఫెస్టోలో ఇచ్చిన హామీల్లో 95 శాతం నెరవేర్చి ఎన్నికలకు వెళ్లింది. గత ఎన్నికల్లో ప్రజలకు చేసిన పనుల ప్రోగ్రెస్‌ రిపోర్టు చూపించి 86 శాతం స్థానాల్లో విజయం సాధించాం. నేడు సూపర్‌ సిక్స్‌, సూపర్‌ సెవెన్‌ హామీల అమలుపై ప్రజలు చంద్రబాబును నిలదీస్తున్న పరిస్థితి ఉంది. ప్రజల్లో వ్యతిరేకత పెరగడంతో ఎన్నికలనే స్వేచ్ఛగా జరగనివ్వకుండా అడ్డంకులు సృష్టిస్తున్నారు’’ అని వైఎస్‌ జగన్‌ మండిపడ్డారు.ఇదీ చదవండి: బాబు కుట్రలు.. సాక్ష్యాలతో బయటపెట్టిన వైఎస్‌ జగన్

సాక్షి, తాడేపల్లి: ‘‘తొండి, అన్యాయం, దౌర్జన్యమే వీళ్ల మార్క్‌రాజకీయం.. సుప్రీంకోర్టు ఆదేశాలిచ్చినా ఎలాంటి మార్పులేదు’ అంటూ చంద్రబాబు సర్కార్‌ అరాచకాలపై వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి మండిపడ్డారు. శుక్రవారం ఆయన మీడియాతో మాట్లాడుతూ.. రాష్ట్రాన్ని రావణ కాష్ఠంగా మార్చేలా అష్టకుట్రలు పన్నారంటూ ధ్వజమెత్తారు.‘‘నామినేషన్లు వేయకముందే వైఎస్సార్‌సీపీ అభ్యర్థులపై బెదిరింపులకు దిగారు. బెండోవర్‌ పేరిట పిలిచి బెదిరింపులకు పాల్పడ్డారు. వైఎస్సార్‌సీపీ నాయకులను హౌస్‌ అరెస్ట్‌లు చేస్తున్నారు. నామినేషన్‌ కేంద్రాలను స్వాధీనం చేసుకుని మా అభ్యర్థులను అడ్డుకున్నారు. చంద్రబాబుకు పోలీసు అధికారులు వత్తాసు పలుకుతున్నారు. వాళ్లను బాధ్యతల నుంచి తప్పించకుండా నిష్ప్రక్షపాతంగా ఎన్నికలు ఎలా జరుగుతాయి?. పరిస్థితుల్లో మార్పులు ఎలా వస్తాయి?’’ అంటూ వైఎస్‌ జగన్‌ నిలదీశారు.‘‘పోలింగ్‌ కేంద్రాల రిగ్గింగ్‌ నుంచి నామినేషన్‌ కేంద్రాల రిగ్గింగ్‌కు దిగజారారు. చంద్రబాబు అండ్‌ గ్యాంగ్‌ ఆర్గనైజ్డ్ క్రైమ్‌కు తెరతీశారు. పోలీసుల సమక్షంలోనే నామినేషన్‌ పత్రాలను చించేశారు. అధికారులు దాడులు చేస్తున్నా అడ్డుకోలేదు. బాధిత అభ్యర్థులనే నామినేషన్‌ సెంటర్‌ నుంచి బయటకు పంపారు. టీడీపీ మూకలు మాత్రం వందలమంది గుమిగూడుతున్నారు. దాడికి గురైన వైఎస్సార్‌ీపీ నాయకులపైనే కేసులు పెట్టారు. ఇంటికే పరిమితం చేశారు.. లేదా జైళ్లకు పంపారు. వ్యవస్థలపై ప్రజలకు అసహ్యం పుట్టేలా చేస్తున్నారు..స్క్రూటినీ సమయంలో అభ్యర్థులను అడ్డుకున్నారు. అభ్యర్థి లేకుండానే సంతకం ఫోర్జరీ చేసి నామినేషన్లు విత్‌ డ్రా చేశారు. నంద్యాల 51వ వార్డులో అభ్యర్థి నాగమణి సంతకం ఫోర్జరీ చేశారు. స్థానిక ఎన్నికల్లో తీవ్రమైన దాడులకు గురైంది మహిళలే. మహిళలు నామినేషన్లు వేయడానికి వస్తే జుట్టు పట్టుకున్నారు. మహిళల చీరలు లాగేసి. దాడులకు తెగబడ్డారు. చంద్రబాబు మనిషేనా?. చంద్రబాబు అండ్‌ గ్యాంగ్‌ ప్రజాస్వామ్యాన్ని భ్రష్టు పట్టించారు..గోరంట్లలో మంత్రి సవిత అనుచరులు ఎన్నికల అధికారుల గదిలోకి చొరబడ్డారు. అధికారు చేతుల్లో నామినేషన్‌ పత్రాలు లాక్కొని చించివేశారు. చిత్తూరు జిల్లాలో మాజీ డిప్యూటీ సీఎంపై దాడి చేశారు. నారాయణస్వామి కారును టీడీపీ గూండాలు ధ్వంసం చేశారు. ధర్మవరంలో బోయ వాల్మీకి వర్గానికి మహిళపై దాడి చేశారు, వైఎస్సార్‌సీపీ అభ్యర్థి నరేంద్ర చౌదరిపై ఆర్వో సమక్షంలో దాడి చేశారుకడపలో ఎంపీ అవినాష్‌రెడ్డిని అక్రమ అరెస్ట్‌ చేశారు. తీవ్రవాదిని అరెస్ట్‌ చేసినట్లు పోలీసుల అరెస్ట్‌ చేశారు. రైల్వే కోడూరులో మహిళపై ఎమ్మెల్యే శ్రీధర్‌ అనుచరులు దాడి చేశారు. ఆడవాళ్లంటే కనీస గౌరవం లేదు.. మనుషులా రాక్షసులా?. అనుపల్లిలో వైఎస్సార్‌సీపీ అభ్యర్థి సీఐ కాళ్లు పట్టి మరీ వేడుకుంది. మా హయాంలో ఒక్కటైనా ఇలాంటి ఘటన జరిగిందా?. తొండి, అన్యాయం, దౌర్జన్యమే వీళ్ల మార్క్‌రాజకీయం. సుప్రీంకోర్టు ఆదేశాలిచ్చినా ఎలాంటి మార్పులేదు’’ అని వైఎస్‌ జగన్‌ ఆగ్రహం వ్యక్తం చేశారు.

సాక్షి, తాడేపల్లి: చంద్రబాబు, ఎస్‌ఈసీ దుర్మార్గంగా వ్యహరిస్తున్నారంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి మండిపడ్డారు. శుక్రవారం ఆయన మీడియా సమావేశంలో మాట్లాడుతూ చంద్రబాబు సర్కార్‌ అరాచకాలపై ఆగ్రహం వ్యక్తం చేశారు. ఏకపక్షంగా గెలవాలని చంద్రబాబు చూస్తున్నారంటూ ధ్వజమెత్తారు.‘‘19 మున్సిపాలిటీల్లో నామినేషన్లను అడ్డుకున్నారు. ఆధారాలతో సహా మేం ఫిర్యాదు చేశాం. కేవలం 4 చోట్ల మాత్రమే రీ నామినేషన్‌కు ఇచ్చారు. మైదుకూరు, తిరుపతిలో 18, కడపలో కేవలం 11 వార్డులు, రాజంపేటలో 11 వార్డులకు మాత్రమే రీనామినేషన్‌ ఇచ్చారు. కడపలో 66 వార్డులున్నాయి. 11 చోట్ల మాత్రమే రీనామినేషన్‌. రాజంపేటలో 32 వార్డులుంటే.. 11 వార్డుల్లో రీనామినేషన్‌ అంటున్నారు. సుప్రీంకోర్టు ఆదేశాలను పాటిస్తున్నారా? లేక చంద్రబాబు ఆదేశాలను పాటిస్తున్నారా?‘‘19 మున్సిపాలిటీల్లో నామినేషన్లు వేయనివ్వలేదని సుప్రీంకోర్టుకు వెళ్లాం. స్క్రూటినీ పేరుతో అన్యాయంగా నామినేషన్లు రిజెక్ట్‌ చేశారు. 23 అర్బన్‌ లోకల్‌ బాడీస్‌లో పోటీనే లేకుండా కొన్ని చోట్ల నామమాత్రంగానే పోటీ జరిగేలా చూశారు. చిత్తూరు, నగరి, చిలకలూరిపేట, నెల్లూరులో స్క్రూటినీ పేరుతో నామినేషన్లు రద్దు చేశారు. ఇంత దారుణంగా వ్యవహరించిన వారిని ఏమనాలి?. 15 చోట్ల ఏకంగా పోటీనే లేకుండా చేశారు. 8 చోట్ల నామినేషన్లనే అనుమతించలేదు. మరో 7 చోట్ల స్క్రూటినీ పేరుతో డిస్‌ క్వాలిఫై చేశారు. ప్రజాస్వామ్యంలో ఇది న్యాయమెలా అవుతుంది?’’ అంటూ వైఎస్‌ జగన్‌ ప్రశ్నించారు.‘‘నామినేషన్లు వేయించి ధైర్యంగా ఎందుకు ఓట్లు ఎందుకు అడగడం లేదు. ఇలాంటి పరిస్థితుల్లో వీటిని ఎన్నికలంటారా?. మహాభారతంలో శకునికి పాచికలు ఉండేవి. ఏ నెంబర్‌ కావాలంటే ఆ నెంబర్‌ పడేలా గేమ్‌ సెట్‌ చేసేవారు. ఈ వ్యవస్థలో చంద్రబాబే శకుని.. చంద్రబాబు రూల్స్‌ సెట్‌ చేస్తున్నారు. నామినేషన్ల పరిస్థితి ఇలా ఉంటే.. ఎన్నికల పరిస్థితేంటి?. మూడేళ్లు కావొస్తుంది.. మీ పనితీరు చూపించి ఓట్లు అడగాలి. కోవిడ్‌ లాంటి విపత్తులో కూడా ప్రజలకు మేం మంచి చేశాం. 90 శాతం హామలు అమలు చేసి స్థానిక ఎన్నికలకు వెళ్లాం’’ అని వైఎస్‌ జగన్‌ వివరించారు.ఇదీ చదవండి: బాబు కుట్రలు.. సాక్ష్యాలతో బయటపెట్టిన వైఎస్‌ జగన్

సాక్షి, తాడేపల్లి: స్థానిక సంస్థల ఎన్నికల ప్రక్రియలో అక్రమాలు, కుట్రలకు తెగబడుతున్న చంద్రబాబు సర్కార్‌పై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. తాడేపల్లిలోని వైఎస్సార్‌సీపీ కేంద్ర కార్యాలయంలో జరిగిన మీడియా సమావేశంలో స్థానిక సంస్థల ఎన్నికల్లో టీడీపీ గూండాల అరాచకాలు, ఎస్ఈసీ వ్యవహార శైలి, సుప్రీంకోర్టు తీర్పు సహా పలు అంశాలపై ఆయన మాట్లాడారు.‘‘స్థానిక ఎన్నికల్లో చంద్రబాబు.. ప్రజాస్వామ్యాన్ని ఖూనీ చేశారు. అన్ని ఆధారాలను ఎస్‌ఈసీ, గవర్నర్‌కు సమర్పించాం. సుప్రీంకోర్టు దృష్టికి కూడా తీసుకెళ్లాం. కూటమి ప్రభుత్వానికి సుప్రీంకోర్టు మొట్టికాయలు వేసింది. ఈ నెల 25 వరకు అభ్యర్థుల తుది జాబితా వాయిదా వేయాలని సుప్రీంకోర్టు చెప్పింది. మా నామినేషన్లను అడ్డుకుంటున్నారంటే అర్థమేంటి?. వ్యవస్థ దిగజారిపోయిందని అర్థమవుతోంది. అడ్డగోలు అబద్ధాలు.. దాపరికాలు, డ్రామాలు ఎందుకు? అంటూ వైఎస్‌ జగన్‌ నిలదీశారు.‘‘పారదర్శకంగా ఎన్నికలు నిర్వహిస్తుంటే.. నామినేషన్లు ఎందుకు అడ్డుకున్నారు? ప్రజలకు మంచి చేశారన్న నమ్మకం మీకుంటే నామినేషన్లను అడ్డుకోవద్దు. ప్రజల తీర్పును బుల్డోజ్‌ చేయాలని చేస్తున్నారా?. నామినేషన్‌ వేసే అభ్యర్థులకు రక్షణ కల్పించడంతో పాటు బందోబస్తు, సీసీ టీవీ రికార్డింగ్‌ చేయాలని ఆదేశించింది. సుప్రీం ఇంత స్పష్టంగా చెప్పినా బాబులో మార్పు వచ్చిందా?. చంద్రబాబు చేతిలో తోలుబొమ్మలా మారిన డీజీపీలో మార్పు వచ్చిందా?. డీఐజీలు, ఎస్పీలు, కలెక్టర్లలో మార్పు వచ్చిందా?. సుప్రీంకోర్టు ఆదేశాలను కూడా బేఖాతరు చేశారు. ప్రజాస్వామ్యాన్ని ఖూనీ చేసే పరిస్థితులు కనిపిస్తున్నాయి’’ అని వైఎస్‌ జగన్‌ పేర్కొన్నారు.ఇదీ చదవండి: ప్రా‘దేశం’ దమనకాండ

ఢిల్లీ: పక్షపాతంతో పనిచేస్తున్న డీఐజీ కోయా ప్రవీణ్‌, అన్నమయ్య ఎస్పీ ధీరజ్ కనుబిల్లి, కడప ఎస్పీ షెల్కే నచికేత్ విశ్వనాథ్‌ సహా పలువురు ఐపీఎస్ అధికారులను ఎన్నికల విధుల నుంచి తొలగించాలంటూ వైఎస్సార్‌సీపీ ఎంపీ గురుమూర్తి ఫిర్యాదు చేశారు. ఈ మేరకు రాష్ట్రపతి, సుప్రీంకోర్టు ప్రధాన న్యాయమూర్తి, రాష్ట్ర ఎన్నికల కమిషనర్, కేంద్ర హోం శాఖ కార్యదర్శి, డీవోపీటీ, గవర్నర్‌కు ఆయన లేఖ రాశారు.పక్షపాతం తో పనిచేసినందుకు 2019 ఎన్నికలలో డీఐజీ కోయా ప్రవీణ్‌ను ఎన్నికల విధుల నుంచి ఈసీ తొలగించిందని గుర్తు చేసిన ఎంపీ గురుమూర్తి.. మళ్ళీ ఎన్నికల విధుల్లో నియమించడం నిబంధనల ఉల్లంఘనేనని.. హైకోర్టు ఆదేశాలు అమలు చేయకపోవడం, పోలీసుల పక్షపాతం, సూపర్‌విజన్ వైఫల్యంపై స్వతంత్ర విచారణ చేయాలని ఆయన డిమాండ్‌ చేశారు.‘‘ఏపీ స్థానిక ఎన్నికల్లో పక్షపాతంతో పనిచేస్తున్న పలువురు ఐపీఎస్ అధికారులను ఎన్నికల విధులలో నుంచి తొలగించాలి. ఏపీ స్థానిక సంస్థల ఎన్నికల్లో వైఎస్సార్‌సీపీ అభ్యర్థులపై హింస, అడ్డుపడటం, భయపెడుతున్నారు. పుంగనూరులో రాజంపేట ఎంపీ మిధున్ రెడ్డి, వైఎస్ఆర్‌సీపీ అభ్యర్థులపై టీడీపీ కార్యకర్తలు దాడి చేశారు. కడప, అన్నమయ్య జిల్లాల్లోని పులివెందుల, కమలాపురం, రాజంపేట, బద్వేలు, ప్రొద్దుటూరు తదితర ప్రాంతాల్లో వైఎస్ఆర్‌సీపీ నామినేషన్లు అడ్డుకున్నారు’’ అని లేఖలో గురుమూర్తి పేర్కొన్నారు.‘‘పుంగనూరులో వైఎస్సార్‌సీపీ నుంచి ఒక్క నామినేషన్ కూడా దాఖలు కాలేదు. కమలాపురంలో 47లో 46 టీడీపీ, బద్వేలులో చైర్మన్‌గా అందరూ టీడీపీ అభ్యర్థులే. ఎంపీపై డీఐజీ కోయా ప్రవీణ్‌ అవమానకర వ్యాఖ్యలు వీడియోలు సర్క్యులేట్ అవుతున్నాయి. 2019లో ఎన్నికల కమిషన్ ఆదేశాల మేరకు జీఓ ఆర్‌టి.815తో బదిలీ చేసిన డీఐజీ కోయా ప్రవీణ్‌ను మళ్లీ ఎన్నికల విధుల్లో నియమించడం నిబంధనల ఉల్లంఘన...డీఐజీ కోయా ప్రవీణ్‌, అన్నమయ్య ఎస్పీ ధీరజ్ కనుబిల్లి, కడప ఎస్పీ షెల్కే నచికేత్ విశ్వనాథ్‌లపై కూడా ఎన్నికల విధుల నుంచి తొలగించాలి. హైకోర్టు ఆదేశాలు అమలు చేయకపోవడం, పోలీసుల పక్షపాతం, సూపర్‌విజన్ వైఫల్యంపై స్వతంత్ర విచారణ చేయాలి. సీసీటీవీ, వీడియోలు, ఫిర్యాదులు, ఎఫ్‌ఐఆర్‌లు సేకరించి విచారణ చేయాలి. అభ్యర్థులకు తగిన రక్షణ కల్పించాలి’’ అని ఎంపీ గురుమూర్తి కోరారు.ఇదీ చదవండి: ప్రా‘దేశం’ దమనకాండ

ఏపీలో రెడ్‌బుక్‌ పాలనలో మునుపెన్నడూ లేని విధంగా ప్రజాస్వామ్యంపై దారుణ మారణకాండ కొనసాగుతోంది. స్థానిక ఎన్నికల్లో ఓటమి భయంతో వైఎస్సార్‌సీపీ అభ్యర్థులను నామినేషన్లు వేయనీయకుండా పక్కా పథకం ప్రకారం ఏడు దశల్లో ముప్పేట దాడి జరుగుతోంది. దశల వారీగా ఏమార్చి.. ప్రజాస్వామ్యాన్ని హతమారుస్తున్న పాపంలో అధికారపక్షం, పోలీస్, ఎస్‌ఈసీ భాగస్వాములు కావడం దిగ్భ్రాంతి పరుస్తోంది.శ్రీకాళహస్తి నియోజకవర్గంలో టీడీపీ కుట్రలువైఎస్సార్‌సీపీ పెద్దకన్నలి ఎంపీటీసీ అభ్యర్థి నాగరాజును కిడ్నాప్‌ చేసిన టీడీపీ గూండాలుకారులో బలవంతంగా ఎక్కించి తీసుకెళ్లిన పచ్చమూకజేసీ ప్రభాకర్‌రెడ్డిపై మాజీ ఎమ్మెల్యే పెద్దారెడ్డి ఫైర్‌జేసీ ప్రభాకర్‌రెడ్డి ఫ్యాక్షనిజాన్ని ప్రేరేపిస్తున్నాడుగంజాయి బ్యాచ్‌తో ప్రైవేటు సైన్యాన్ని ఏర్పాటు చేశారువైఎస్సార్‌సీపీ అభ్యర్థులే టార్గెట్‌గా దాడులు చేస్తున్నారుజేసీ అరాచకాలు పోలీసులకు కనిపించడం లేదా?జేసీ ఆగడాలను ధీటుగా ఎదుర్కొంటాంఅనంతపురం:యల్లనూరులో టీడీపీ గూండాల దౌర్జన్యంవైఎస్సార్‌సీపీ నేతలపై జేసీ వర్గీయుల రాళ్ల దాడితిమ్మంపల్లి ఎంపీటీసీ నామినేషన్లను అడ్డుకున్న పచ్చమూకలుజేసీ వర్గీయులకు సహకరించిన పోలీసులునిరసనగా యల్లనూరు పీఎస్‌ ఎదుట వైఎస్సార్‌సీపీ నేతల ధర్నావైఎస్సార్‌సీపీ కార్యకర్తలపై పోలీసుల లాఠీచార్జ్‌ చంద్రబాబు ప్రజా స్వామ్యాన్ని ఖూనీ చేశారు: రాచమల్లుఓటమి భయంతోనే పచ్చమూకలను ఉసిగొల్పారుమా అభ్యర్థులను అడ్డుకుని నామినేషన్లు చింపేశారుటీడీపీ గూండాలకు పోలీసులు రక్షణ కవచంలా నిలిచారుమేం వచ్చాక అందరినీ చట్టం ముందు నిలబెడతాంపుంగనూరులో కొనసాగుతున్న టీడీపీ దౌర్జన్యాలుసోమల వైఎస్సార్‌సీపీ అభ్యర్థుల వాహనాలపై దాడులునామినేషన్‌ వేయకుండా అడ్డుకున్న టీడీపీ గూండాలువిజయవాడ: మూడో రోజు కూడా జడ్పీటీసీ, ఎంపీటీసీలను నామినేషన్ వేయకుండా అడ్డుకున్నారు: లేళ్ళ అప్పిరెడ్డిపోలీసులు, కొంతమంది రెవిన్యూ అధికారులు తెలుగుదేశం కార్యకర్తలగా వ్యవహరిస్తున్నారుఅన్ని ఆధారాలు ఎలక్షన్ కమిషన్‌కి ఇచ్చాం.నామినేషన్ పత్రాలు చింపేసిన, మా నాయకులను హౌస్ అరెస్ట్ చేసినా ఎలక్షన్స్ కమిషన్ చేతులు ఎత్తేసింది..సుప్రీంకోర్టు మొట్టికాయలు వేసినా చట్టంలో ఉన్న లొసుగులను దగ్గర పెట్టుకొని కేవలం 4 మునిసిపాలిటీల్లో రీ నామినేషన్ అన్నారు.దాడులు చేసింది.. అడ్డుకొంది, నామినేషన్ చించింది టీడీపీ నేతలుపోలిసుల బాడీ కెమెరాలు కాదు. సీసి ఫుటేజ్ చూడమని చెప్పాముఎన్ని చెప్పిన ఎలక్షన్ కమిషన్ కనీసం వినడం లేదుఎన్నికల్లో జరుగుతున్న అవకతవకలు కనీసం చూడకూడదు మాట్లాడకూడదు. అనేట్లు ఎస్‌ఈసీ వ్యవహరిస్తుందికనిగిరి(మార్కాపురం జిల్లా): పెచ్చు మీరుతున్న టీడీపీ నేతల ఆగడాలువైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్న టీడీపీవైఎస్సార్‌సీపీ అభ్యర్థి వరలక్ష్మి నామినేషన్‌ పత్రాలు లాక్కున్న టీడీపీ మూకలుపెద్ద ఇర్లపాడు ఎంపీటీసీ అభ్యర్థిగా నామినేషన్‌ వేసేందుకు వెళ్లిన వరలక్ష్మీవరలక్ష్మిపై దాడి చేసి నామినేషన్‌ పత్రాలు లాక్కున్న టీడీపీ మూకలుమహిళ అని చూడకుండా దారుణంగా ప్రవర్తించడంపై విమర్శలుపల్నాడు:మాచర్లలో టీడీపీ మూకల అరాచకంఇద్దరు మీడియా ప్రతినిధులను కిడ్నాప్‌ చేసిన పచ్చమూకసాక్షి జర్నలిస్ట్‌, ఫోటోగ్రాఫర్‌పై టీడీపీ గూండాల దాడిఫోన్లు లాక్కొని జర్నలిస్టులపై విచక్షణారహితంగా దాడి కర్నూలు:హొలగొందలో ఎస్‌ఐ దిలీప్‌కుమార్‌ ఓవరాక్షన్‌వైఎస్సార్‌సీపీ అభ్యర్థులకు క్యాస్ట్‌ సర్టిఫికెట్‌ ఇస్తున్నారనే అక్కసుమీ సేవా కేంద్రంపై ఎస్‌ఐ దిలీప్‌కుమార్‌ దాడిమీ సేవా కేంద్రాన్ని బంద్‌ చేయాలని ఎస్‌ఐ బెదిరింపులు అనంతపురం:ఉరవకొండలో కొనసాగుతున్న టీడీపీ కుట్రలురెండు ఎంపీటీసీలకు నామినేషన్లు వేసిన వైఎస్సార్‌సీపీ నేతలు జాకీర్‌, షమ్మువైఎస్సార్‌సీపీ అభ్యర్థులపై మంత్రి పయ్యావుల కక్ష సాధింపు చర్యలుజాకీర్‌, షమ్ము జ్యువెలరీ షాపులపై జీఎస్టీ అధికారుల దాడులుపయ్యావుల ఆదేశాలతోనే తనిఖీలు చేస్తున్నారని వైఎస్సార్‌సీపీ ఆరోపణ కడప జడ్పీ నామినేషన్‌ సెంటర్‌ వద్ద మళ్లీ అరాచకంనామినేషన్‌ సెంటర్‌ వద్దే తిష్టేసిన టీడీపీ గూండాలువైఎస్సార్‌సీపీ అభ్యర్థులను వ్యాన్‌లో తీసుకెళ్లలేమన్న పోలీసులుసమయం మించిపోతుందని వైఎస్సార్‌సీపీ అభ్యర్థుల ఆవేదననామినేషన్‌ వేసేందుకు వెళ్తున్న వైఎస్సార్‌సీపీ అభ్యర్థులపై దాడినామినేషన్‌ పత్రాలు లాక్కొని చింపేస్తున్న పచ్చమూకలు చిత్తూరు జిల్లాకుప్పం నియోజకవర్గంలో కొనసాగుతున్న టీడీపీ గుండాగిరిమూడోరోజు ఎంపిటిసి నామినేషన్లు వేయకుండా అడ్డుకుంటున్న టీడీపీ శ్రేణులురామకుప్పం, శాంతిపురం మండలాల్లో వైఎస్సార్‌సీపీ ఎంపీటీసీ అభ్యర్థులను నామినేషన్‌లు వేయకుండా అడ్డుకుంటున్న టీడీపీ శ్రేణులుజిల్లా కలెక్టర్, జిల్లా ఎస్పీ ఎస్పీ దృష్టికి తీసుకువెళ్ళిన ఎమ్మెల్సీ భరత్జిల్లా కలెక్టర్, ఎస్పీ తక్షణమే స్పందించాలి, మా వైఎస్సార్ కాంగ్రెస్ పార్టీ అభ్యర్థుల ఆస్తులు ధ్వంసం, ఇళ్లు ధ్వంసం చేస్తామని బెదిరింపులు, రక్షణ కల్పించాలని కోరిన ఎమ్మెల్సీ భరత్నామినేషన్ లు వేయకుండా అడ్డుకుంటున్న టీడీపీ శ్రేణులు పల్నాడు జిల్లా:పల్నాడు జిల్లా చిలకలూరిపేటలో ఉద్రిక్త పరిస్థితులు మాజీ మంత్రి విడదల రజినిని గత మూడు రోజులుగా పోలీసులు గృహ నిర్బంధం విడదల రజినిని కలిసేందుకు వచ్చిన వైఎస్సార్‌సీపీ శ్రేణులువైఎస్సార్‌సీపీ శ్రేణుల్ని అడ్డుకుంటున్న పోలీసులు జెడ్పీటీసీ అభ్యర్థి పందుల బుల్లబ్బాయిని నామినేషన్ దాఖలు చేయకుండా అడ్డుకున్న పోలీసులు విడదల రజినినీ కలిసేందుకు వచ్చిన బుల్లబ్బాయిఇంట్లో నుంచి బయటకు వచ్చిన మాజీ మంత్రి అడ్డుకున్న ఎస్‌ఐ ప్రియాంక, వాగ్వాదంవిడదల రజినినీ తోసేసిన ఎస్‌ఐ ప్రియాంక కింద పడ్డ విడదల రజిని ఎస్‌ఐ ప్రియాంక తీరుపై ఆగ్రహం వ్యక్తం చేస్తున్న పార్టీ శ్రేణులుజేసీ ప్రభాకర్ రెడ్డి వర్గీయుల దాష్టీకం అనంతపురం: తాడిపత్రి నియోజకవర్గంలో టీడీపీ నేత జేసీ ప్రభాకర్ రెడ్డి వర్గీయుల దాష్టీకంపెద్దవడగూరులో నామినేషన్లు వేసేందుకు వెళ్తున్న వైఎస్సార్ సీపీ అభ్యర్థులపై రాళ్ల దాడిపోలీసు జీపుల్లో వెళ్తున్న వైఎస్సార్ సీపీ అభ్యర్థులపై రాళ్లతో దాడి చేసిన టీడీపీ గూండాలుపెద్దవడగూరు నామినేషన్ కేంద్రం వద్ద పెద్ద సంఖ్యలో గూమికూడిన జేసీ వర్గీయులుజేసీ వర్గీయుల దౌర్జన్యంతో నామినేషన్లు వేయలేకపోతున్న వైఎస్సార్ సీపీ ఎంపీటీసీ అభ్యర్థులుమీడియా ప్ర‌తినిధిపై పచ్చ మూకల జులుంవైయస్సార్ జిల్లా కడప జడ్పీ నామినేషన్ సెంటర్ వద్ద మీడియాపై పచ్చ మూకల జులుంమీడియా ప్ర‌తినిధిపై దాడి చేసేందుకు యత్నించిన పచ్చమూకలుమీడియా ప్ర‌తినిధి చేతిలో మొబైల్ లాక్కుని, దాడికి యత్నంమొబైల్‌లో వీడియోలు డిలీట్ చేసిన టీడీపీ గూండాలునామినేషన్ సెంటర్ ముందు ధర్నాకు దిగిన మీడియా ప్రతినిధులుమీడియాకు పచ్చ మూకల నుంచి రక్షణ కల్పించాలని డిమాండ్చంద్రగిరిలో ఉద్రిక్తత, పోలీసుల భద్రతపై ఉత్కంఠతిరుపతి జిల్లా చంద్రగిరిలో నామినేషన్ల వేళ తీవ్ర ఉద్రిక్తతఎంపీడీవో కార్యాలయం, కొత్తపేట బస్టాండ్ వద్ద భారీగా టీడీపీ శ్రేణులుమార్కెట్ యార్డ్ పరిసరాల్లోనూ మోహరింపు..బారికేడ్ల వద్ద కత్తులు, కర్రలతో దాడికి సిద్ధంగా ఉన్న టీడీపీ గుండాలునామినేషన్లు వేసేందుకు రక్షణ కావాలంటూ పోలీస్ స్టేషన్‌కు చేరుకున్న వైఎస్సార్‌సీపీ నాయకులుచంద్రగిరి పోలీస్ స్టేషన్‌లో వేచి ఉన్న అభ్యర్థులు, ప్రతిపాదకులుపోలీసులు భద్రత కల్పిస్తేనే నామినేషన్లు వేస్తామంటున్న వైఎస్సార్‌సీపీ నేతలునామినేషన్లకు రక్షణ కల్పించాలని పోలీసులను కోరిన నాయకులు కడపలో టీడీపీ గూండాల బీభత్సంవైఎస్సార్‌సీపీ అభ్యర్థుల నామినేషన్లు చించివేతనామినేషన్‌ సెంటర్‌ టీడీపీ నేత పుత్తా హల్‌చల్‌గన్‌మన్‌ను వెంటపెట్టుకుని వెళ్లిన పుత్తా నరసింహారెడ్డిరక్షణ కల్పిస్తామని చేతులెత్తేసిన పోలీసులుపోలీసుల సమక్షంలోనే నామినేషన్లు చించేసిన టీడీపీ మూకలుపల్నాడు జిల్లాలో రెచ్చిపోయిన టీడీపీ గూండాలుమాచర్ల వైఎస్సార్‌సీపీ జెడ్పీటీసీ అభ్యర్థి శివలీలకృష్ణ యాదవ్‌ కిడ్నాప్‌నామినేషన్‌ కేంద్రం నుంచి ఎత్తుకెళ్లిన పచ్చమూకలుపోలీసుల సమక్షంలోనే జడ్పీటీసీ అభ్యర్థి కిడ్నాప్‌టీడీపీ అరాచకాలపై మండిపడ్డ పిన్నెల్లి రామకృష్ణారెడ్డికడప వైఎస్సార్‌సీపీ ఆఫీస్‌లో నేతలతో వైఎస్‌ అవినాష్‌రెడ్డి భేటీవైఎస్సార్‌సీపీ అభ్యర్థులకు ఏం జరిగినా పోలీసులదే బాధ్యత: రవీంద్రనాథ్‌రెడ్డివైఎస్సార్‌సీపీ అభ్యర్థులకు రక్షణ కల్పించడంలో ప్రభుత్వం, ఎస్‌ఈసీ విఫలంకూటమి సర్కార్‌ దుర్మార్గపు ప్రభుత్వంకూటమి నేతలు ప్రజాస్వామ్యాన్ని ఖూనీ చేస్తున్నారుఇటువంటి దుర్మార్గపు ప్రభుత్వాన్ని ఎక్కడా చూడలేదుచిత్తూరు జిల్లా:కుప్పం నియోజకవర్గంలో టీడీపీ కుట్ర రాజకీయాలుశాంతిపురం మండలంలో చిత్తూరు జిల్లా వైఎస్ఆర్ కాంగ్రెస్ పార్టీ ఉపాధ్యక్షుడు కోదండ రెడ్డిని అదుపులోకి తీసుకున్న పోలీసులు..కోదండ రెడ్డి నివాసంలోనే అదుపులోకి తీసుకున్నపోలీసులువైఎస్సార్‌సీపీ ఎంపీటీసీ అభ్యర్థులు నామినేషన్లు వేయకుండా అడ్డుకుంటున్న పోలీసులుకర్నూలు జిల్లా:వెల్దుర్తి మండలం అల్లుగుండులో టీడీపీ అరాచక పర్వంవైఎస్సార్‌సీపీ నేత శ్రీరామరెడ్డిపై టీడీపీ గూండాల దాడికాళ్లు, చేతులు విరిగిపోయేలా కొట్టి తీవ్రంగా గాయపరిచిన టీడీపీ గుండాలుచికిత్స నిమిత్తం కర్నూలు ప్రభుత్వాసుపత్రికి తరలింపువైఎస్సార్‌ జిల్లా:హైకోర్టు ఆదేశాలతో కడప పోలీసుల్లో కదలికఅభ్యర్థులకు రక్షణ కల్పించి నామినేషన్ సెంటర్‌కి తీసుకెళ్లాలని కోర్టు ఆదేశంనామినేషన్ అనంతరం అక్కడి నుంచి సురక్షితంగా అభ్యర్థును వెనక్కు తీసుకురావాలని ఆదేశందీంతో వైఎస్సార్‌సీపీ జడ్పీటీసీ అభ్యర్థులను విడుదల వారీగా నామినేషన్ వేయించేందుకు సిద్ధమైన పోలీసులుప్రత్యేక వాహనంలో నామినేషన్ కేంద్రానికి తీసుకెళ్లే ఏర్పాట్లునామినేషన్ కేంద్రం చుట్టూ అలానే మోహరించిన టీడీపీ మూకలుతమ అభ్యర్థుల బాధ్యత పోలీసులదే అంటున్న వైఎస్సార్సీపీ నేతలుహై కోర్టు ఆదేశాలతో పోలీసులు తీసుకువెళ్లి నామినేషన్ వేయిస్తామంటున్నారు: రవీంద్రనాథ్ రెడ్డిమా అభ్యర్ధుల పూర్తి రక్షణ బాధ్యత పోలీసు వారిదేరెండు రోజులుగా అరాచకాలు జరుగుతూనే ఉన్నాయి.ఎన్నిసార్లు లోపలికి వెళ్లినా నామినేషన్ పత్రాలు చించి పంపుతున్నారునామినేషన్ సెంటర్‌లో టీడీపీ మూకలు లేకుండా చర్యలు తీసుకోవాలిమా రక్షణ బాధ్యత అంతా పోలిసుదే అంటున్న అభ్యర్థులురెండు రోజులుగా ఎన్ని అరాచకాలు చేస్తున్నారో అందరూ చూస్తున్నారుచివరి రోజైనా మాతో నామినేషన్ వేయించాలని వేడుకుంటున్న అభ్యర్థులుఏపీలో ఆగని అరాచక కాండఇంకా టీడీపీ గూండాల చెరలోనే నామినేషన్ల కేంద్రాలుజడ్పీటీసీ, ఎంపీటీసి నామినేషన్లకు నేడే చివరి రోజుపచ్చ తాళిబన్లను తలపిస్తున్న కొందరు ఖాకీలువైఎస్సార్‌సీపీ అభ్యర్థులను నామినేషన్లకు రానీయకుండా అడ్డుసుప్రీంకోర్టు ఆదేశాలనూ లెక్క చేయని పోలీసులుకాసేపట్లో వైఎస్ జగన్ ప్రెస్‌మీట్రాష్ట్రంలో టీడీపీ అరాచకాలపై మాట్లాడనున్న వైఎస్‌ జగన్పల్నాడు జిల్లా:కారంపూడిలో ప్రజాస్వామ్యానికి తిలోదకాలిచ్చిన పోలీసులుకారంపూడి వైఎస్సార్‌సీపీ ఎంపీటీసీ అభ్యర్థి మస్తాన్ అక్రమ అరెస్ట్నామినేషన్ వేసేందుకు బయలుదేరేందుకు సిద్ధమవగా బలవంతంగా అరెస్ట్ చేసి‌ స్టేషన్‌కు తరలించిన పోలీసులుమస్తాన్ ను బలపరిచిన జిలానీని‌ సైతం అక్రమంగా అరెస్ట్ చేసిన పోలీసులునామినేషన్ వేసేందుకు ప్రయత్నిస్తే కేసులు నమోదు చేస్తామని హెచ్చరికవైఎస్సార్‌సీపీ ఎంపీ గురుమూర్తి లేఖరాష్ట్రపతి, సుప్రీంకోర్టు ప్రధాన న్యాయమూర్తి, కేంద్ర హోం శాఖ కార్యదర్శి, డీవోపిటికి ఎంపీ గురుమూర్తి లేఖపక్షపాతంతో పనిచేస్తున్న డీఐజీ కోయా ప్రవీణ్‌, అన్నమయ్య ఎస్పీ ధీరజ్ కనుబిల్లి, కడప ఎస్పీ షెల్కే నచికేత్ విశ్వనాథ్‌ సహా పలువురు ఐపీఎస్అధికారులను ఎన్నికల విధుల నుంచి తొలగించాలని ఫిర్యాదుపక్షపాతంతో పనిచేసినందుకు 2019 ఎన్నికలలో డీఐజీ కోయా ప్రవీణ్‌ను ఎన్నికల విధుల నుంచి ఈసీ తొలగించిందిమళ్లీ ఎన్నికల విధుల్లో నియమించడం నిబంధనల ఉల్లంఘనేహైకోర్టు ఆదేశాలు అమలు చేయకపోవడం, పోలీసుల పక్షపాతం, సూపర్‌విజన్ వైఫల్యంపై స్వతంత్ర విచారణ చేయాలిపులివెందులలో కొనసాగుతున్న టీడీపీ గుండాల దౌర్జన్యంపులివెందుల నియోజక వర్గం తొండూరు మండలంలో 7 మంది వైసీపీ ఎంపీటీసీ అభ్యర్థుల నామినేషన్లు అడ్డుకున్న పోలీసులు, టీడీపీ గుండాలునామినేషన్లను అడ్డుకోవడంతో మల్యాల వైఎస్సార్‌సీపీ ఎంపీటీసీ అభ్యర్థి వెంకట రమణారెడ్డి భార్య జయలక్ష్మి ఎస్‌ఈసీకి ఫోన్‌లో ఫిర్యాదునామినేషన్ సెంటర్ వద్ద ఉన్న డీఎస్పీ, పోలీసులు నామినేషన్ వేయనివ్వడం లేదని ఫిర్యాదునామినేషన్ సెంటర్ వద్ద టీడీపీ గుండాలు , కర్రలతో, రాళ్ళతో మోహరించారని నామినేషన్ వేయొద్దంటూ బెదిరిస్తున్నారంటూ ఫిర్యాదు..తిరుపతి:నేడు ఎంపీటీసీ, జెడ్పీటీసీ స్థానాలకు చివరి రోజు నామినేషన్లువైఎస్సార్ కాంగ్రెస్ పార్టీ అభ్యర్థులను నామినేషన్లు వేయకుండా అడ్డుకుంటున్న టీడీపీ శ్రేణులుఉమ్మడి చిత్తూరు జిల్లాలో అన్ని నియోజక వర్గాల్లో ఇదే పరిస్థితికుప్పం నియోజకవర్గంలో వైఎస్సార్‌సీపీ నాయకులు, కార్యకర్తలపై భౌతిక దాడులుపోలీసులు కళ్లముందే టీడీపీ గుండాలు దాడులు చేస్తున్నా పట్టించుకొని వైనంశ్రీకాళహస్తి నియోజకవర్గంలో తొట్టంబేడు, రేణిగుంట, శ్రీకాళహస్తి, మండలాల్లో ఒక్క నామినేషన్ కూడా వేయకుండా అడ్డుకున్న పోలీసులుచంద్రగిరి నియోజకవర్గంలో రామచంద్రాపురం, పాకాల, ఎర్రవారీ పాలెం మండలాల్లో వైఎస్సార్‌సీపీ అభ్యర్థులపై కొనసాగుతున్న దాడులు వైఎస్సార్‌ జిల్లా:జడ్పీటీసీ, ఎంపీటీసీ ఎన్నికల నామినేషన్లలో కొనసాగుతున్న అదే ఉద్రిక్తతరెండు రోజుల పాటు వైఎస్సార్సీపీ అభ్యర్థులను నామినేషన్లు వేయనివ్వని టీడీపీ మూకలుఅడుగడుగునా అడ్డుకుని పత్రాలు చించివేసిన వైనంరెండు రోజులు పోరాటం చేస్తే వైఎస్ఆర్సీపీ నుంచి కేవలం 2 జడ్పీటీసీ స్థానాలకు మాత్రమే నామినేషన్మరో వైపు ఫేక్ నామినేషన్లకు తెరలేపిన టీడీపీవైఎస్సార్సీపీ 2 స్థానాలకు మాత్రమే నామినేషన్ వేయగలిగితే 19 నామినేషన్లు పడ్డట్లు చూపుతున్న ఎన్నికల అధికారుల నివేదికలువైఎస్సార్‌సీపీ అభ్యర్థులమంటూ నామినేషన్లు దాఖలు చేస్తున్న టీడీపీరాష్ట్ర ఎన్నికల సంఘానికి ఫిర్యాదు చేసిన వైఎస్సార్‌సీపీ ఎంపీ వైఎస్ అవినాష్ రెడ్డిమండలాల్లో ఎంపీటీసీ నామినేషన్లను సైతం అడ్డుకుంటున్న వైనంజిల్లా కలెక్టర్, ఎస్పీకి ఫిర్యాదు చేసినా మారని తీరునిన్న ఒక్కరోజే మూడు సార్లు నామినేషన్లు వేసేందుకు ప్రయత్నించిన వైఎస్సార్సీపీ అభ్యర్థులుకేవలం ఎర్రగుంట్ల జడ్పీటీసీ స్థానానికి మాత్రమే నామినేషన్మూడో రోజూ జిల్లా పరిషత్ వద్ద నామినేషన్లు వేసేందుకు సిద్ధమైన వైఎస్సార్సీపీ జడ్పీటీసీ అభ్యర్థులురక్షణ కల్పించి తమను నామినేషన్ వేయించాలని వైఎస్సార్సీపీ అభ్యర్థుల వేడుకోలుపల్నాడు జిల్లా:మాచర్లలో మూడో రోజు కూడా కొనసాగుతున్న పోలీసుల నిర్బంధంపల్నాడు జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి అక్రమ గృహనిర్బంధంనామినేషన్ల చివరి రోజు కూడా పిన్నెల్లిని హౌస్ అరెస్ట్ చేసిన పోలీసులుమరోవైపు నియోజకవర్గ వ్యాప్తంగా కొనసాగుతున్న టీడీపీ గూండాల అరాచకాలునామినేషన్లు ప్రారంభమై రెండు రోజులు పూర్తి అయినా..మాచర్ల నియోజకవర్గంలో నేటికి వైఎస్సార్ సీపీ అభ్యర్థులను ఒక్కరిని కూడా నామినేషన్ వేయకుండా అడ్డగించిన టీడీపీ మూకలుపోలీసుల సమక్షంలోనే టీడీపీ మూకలు దాడులువైఎస్సార్‌సీపీ అభ్యర్థుల రక్తం కళ్లచూస్తున్నా కనీసం పట్టించుకోని వైనంమరో వైపు వైఎస్సార్‌సీపీ నేతలను మాత్రం అక్రమంగా గృహనిర్బంధం చేస్తోన్న పోలీసులువైఎస్సార్‌ జిల్లా:కడపలో కొనసాగుతున్న పోలీసుల దౌర్జన్యంకడప ఎంపీ వైఎస్ అవినాష్ రెడ్డికి పులివెందుల పోలీసుల నోటీసులుఎంపీటీసీ, జడ్పీటీసీ ఎన్నికల నామినేషన్ల నేపథ్యంలో ఆంక్షలుపులివెందులలో ర్యాలీలు, సమావేశాలకు అనుమతి లేదని స్పష్టంపులివెందుల పట్టణంలో బీఎన్‌ఎస్‌ఎస్‌ సెక్షన్ 163 అమల్లో ఉందని నోటీసులో పేర్కొన్న పోలీసులుపోలీస్ యాక్ట్ 30 కూడా అమల్లో ఉందని వెల్లడినలుగురు లేదా ఐదుగురు వ్యక్తులు గుమిగూడినా నిబంధనల ఉల్లంఘన కిందకు వస్తుందని హెచ్చరికగతంలో అక్టోబర్ 17న కూడా ఆంక్షలు ఉల్లంఘించినట్లు నోటీసులో ప్రస్తావనమరోసారి నిబంధనలు ఉల్లంఘిస్తే ఎంపీపై చర్యలు తీసుకుంటామని పోలీసుల హెచ్చరికపులివెందుల అర్బన్ పోలీస్ స్టేషన్ ఇన్‌స్పెక్టర్ పేరిట నోటీసు జారీఊరూరా రగులుతున్న రావణ కాష్టం నామినేషన్లు వేయనివ్వకుండా అడుగడుగునా అడ్డుకున్న పచ్చమూకసుప్రీంకోర్టు ఆదేశాలను లెక్కచేయకుండా టీడీపీ గూండాలకు సహకరించిన పోలీసులు..ఎక్కడికక్కడ నేతల గృహ నిర్బంధాలు.. బెదిరింపులుఎంపీటీసీ, జెడ్పీటీసీ నామినేషన్లను యథేచ్ఛగా అడ్డుకున్న అధికారపక్షంనామినేషన్లకు అడ్డంకులు.. పత్రాల చించివేతమహిళలపైనా దాడులు.. చీరలు లాగివేత.. గాజులు పగులగొట్టి దాష్టీకంపలుచోట్ల వైఎస్సార్‌సీపీ అభ్యర్థుల పేరుతో దొంగ నామినేషన్లుసర్కారు నిర్వాకంతో ఊరూరా రగులుతున్న రావణ కాష్టం

సాక్షి, అమరావతి: వైఎస్సార్‌సీపీ వినతి మేర­కు మున్సిపల్‌ ఎన్నికల్లో అక్రమాలు జరిగిన 19 చోట్ల తిరిగి నామినేషన్లు స్వీకరించే విష­యం పరిశీలించాలని సుప్రీం కోర్టు ఆదేశించినప్పటికీ, ఎన్నికల కమిషనే వాయిదా వేసిన మైదుకూరు సహా 4 చోట్ల మాత్రమే.. అదీ కొన్ని వార్డులకే కొత్తగా నామినేషన్లు స్వీకరించనున్నట్లు రాష్ట్ర ఎన్నికల కమిషన్‌ తెలిపింది. సుప్రీం కోర్టు ఆదేశాలతో మున్సిపల్‌ ఎన్నిక­లను బుధవారం వాయిదా వేసిన రాష్ట్ర ఎన్నికల కమిషనర్‌ (ఎస్‌ఈసీ) అనిల్‌ చంద్ర పునే­ఠ గురువారం కొత్త షెడ్యూల్‌ ప్రకటించారు.తాజా షెడ్యూల్‌ ప్రకారం రాష్ట్రంలోని 13 నగరపాలక సంస్థలు, 87 మున్సిపాలిటీలు, నగ­ర పంచాయతీలకు పోలింగ్‌ ఈ నెల 28కి బ­దులు వచ్చే నెల (నవంబర్‌) 1న నిర్వహిస్తా­రు. వచ్చే నెల 3న ఓట్ల లెక్కింపు చేపడతారు. పరోక్ష పద్ధతిలో నిర్వహించే డిప్యూటీ మేయర్, మున్సిపల్‌ వైస్‌ చైర్‌పర్సన్ల ఎన్నికల తేదీలను ప్రత్యేకంగా ప్రకటించనున్నట్టు తెలిపారు. మూడు రోజుల క్రితం ఎన్నిక వాయిదా వేసిన మైదుకూరుకు కూడా మిగిలిన మున్సిపాలిటీలతో కలిపి ఎన్నికలు నిర్వహించనున్నారు. 72 వార్డులకే తిరిగి నామినేషన్లు కడప, తిరుపతి నగర పాలక సంస్థలతో పా­టు రాజంపేట, మైదుకూరు మున్సిపాలిటీల్లో 72 వార్డులకు మాత్రమే కొత్తగా నామినేషన్లు స్వీకరించనున్నట్టు ఎస్‌ఈసీ ప్రకటించారు. తిరుపతి కార్పొరేషన్‌లో 18, కడపలో 11, రాజంపేటలో 11, మైదుకూరులోని మొత్తం 32 వార్డులకు శుక్రవారం (23వ తేదీ) ఉదయం 11 గంటల నుంచి శనివారం (24వ తేదీ) మ. 3 గంటల వరకు నామినేషన్లు స్వీకరిస్తామని పేర్కొన్నారు. ఇప్పటికే నిర్ణయించిన కేంద్రాలతోపాటు కలెక్టరేట్లలోనూ నామినేషన్లు దాఖలు చేయవచ్చని తెలిపారు.కొత్త నామినేషన్లను ఆదివారం ఉదయం 8 గంటల నుంచి పరిశీలిస్తారని, మధ్యాహ్నం 3 గంటల వరకు ఉపసంహరణకు అవకాశం ఇవ్వనున్నట్టు తెలిపారు. మొత్తం అన్ని కార్పొరేషన్లు, మున్సిపాలిటీల్లో పోటీలో ఉండే అభ్యర్థుల తుది జాబితాలను ఈ నెల 25న మధ్యాహ్నం 3 గంటలకు ప్రకటిస్తామని వెల్లడించారు. మున్సిపల్‌ ఓట్ల లెక్కింపు జరిగే 3వ తేదీనే రాష్ట్రవ్యాప్తంగా ఎంపీటీసీ, జెడ్పీటీసీ ఎన్నికల పోలింగ్‌ కూడా జరగనుంది.కొత్తగా నామినేషన్లు స్వీకరించే వార్డులు తిరుపతి నగరపాలక సంస్థ: 1,2, 3, 4, 5, 6, 9, 11, 12,13, 14, 19, 55, 56, 57,59,65, 66 వార్డులు కడప నగరపాలక సంస్థ: 6, 11, 13, 15, 16, 17, 24,31, 34, 52, 55 వార్డులు రాజంపేట పురపాలక సంఘం: 6, 12, 13, 14, 17, 19, 23, 24, 25, 26, 27 వార్డులు మైదుకూరు పురపాలక సంఘం: మొత్తం 32 వార్డులుసవరించిన షెడ్యూల్‌.. అక్టోబర్‌ 23, 24: కొత్త నామినేషన్ల స్వీకరణ అక్టోబర్‌ 25: ఉదయం 8 గంటల నుంచి కొత్త నామినేషన్ల పరిశీలన అక్టోబర్‌ 25: మధ్యాహ్నం 3 గంటల వరకు కొత్త నామినేషన్ల ఉపసంహరణ గడువు అక్టోబర్‌ 25: మధ్యాహ్నం 3 గంటల తర్వాత మొత్తం 100 పట్టణ స్థానిక సంస్థల్లో పోటీలో ఉన్న అభ్యర్థుల తుది జాబితా విడుదల నవంబర్‌ 1: ఉదయం 7 నుంచి సాయంత్రం 5 గంటల వరకు పోలింగ్‌ నవంబర్‌ 2: అవసరమైన చోట్ల రీపోలింగ్‌ నవంబర్‌ 3: ఉదయం 8 గంటల నుంచి ఓట్ల లెక్కింపు

సాక్షి, అమరావతి: రాష్ట్రాన్ని మరో బిహార్‌లా మారుస్తూ సీఎం చంద్రబాబు నేతృత్వంలోని కూటమి ప్రభుత్వం ప్రజాస్వామ్యంపై దాడికి పాల్పడుతోందని వైఎస్సార్‌సీపీ తీవ్ర ఆగ్రహం వ్యక్తం చేసింది. ఈ మేరకు గురువారం పార్టీ ‘ఎక్స్‌’లో పోస్టు చేసింది. ‘చంద్రబాబు ప్రభుత్వంలో ప్రజాస్వామ్యం ప్రమాదంలో పడింది. ప్రజాక్షేత్రంలో గెలుపు ధీమాలేక ఎన్నికల నామినేషన్ల సందర్భంగా అధికార టీడీపీ నేతలు, కార్యకర్తలు దాడులు, బెదిరింపులకు పాల్పడుతున్నారు. నామినేషన్‌ పత్రాలను చించివేయడం, మహిళలపై దాడులు, గర్భిణులను బెదిరించడం, ప్రతిపక్ష నేతల అరెస్టులు వంటి దారుణ ఘటనలు జరుగుతున్నాయి. మున్సిపల్‌ ఎన్నికల నామినేషన్లలో అక్రమాలపై అక్టోబర్‌ 21న సుప్రీంకోర్టు జోక్యం చేసుకుని అభ్యర్థుల హక్కుల పరిరక్షణకు ఆదేశాలు జారీ చేసినప్పటికీ, అక్టోబర్‌ 22న జరిగిన ఎంపీటీసీ, జెడ్పీటీసీ నామినేషన్ల రెండో రోజు కూడా పలు ప్రాంతాల్లో ప్రతిపక్ష నేతల నిర్బంధం, దాడులు, అడ్డగింతలు, నామినేషన్‌ పత్రాల చించివేత వంటి దారుణాలకు అధికార పార్టీ ఒడిగట్టింది. పోలీసులు కేవలం ప్రేక్షకపాత్ర పోషిస్తున్నారు. ఈ ఘటనలపై రాష్ట్ర ఎన్నికల సంఘం, డీజీపీ ఇప్పటికైనా స్పందించాలి. నామినేషన్లు వేయకుండా అడ్డుకున్న అభ్యర్థులకు మరో అవకాశం కల్పించాలి. వారికి తక్షణ రక్షణ కల్పించాలి. వీడియో ఆధారాలను భద్రపరచాలి. దాడులకు పాల్పడిన వారితో పాటు విధుల్లో నిర్లక్ష్యం వహించిన అధికారులపైనా కఠిన చర్యలు తీసుకోవాలి. దాడులకు సంబంధించిన వీడియో ఆధారాలను పరిశీలించి ప్రజాస్వామ్య పరిరక్షణకు జాతీయ మీడియా కూడా తన వంతు పాత్ర పోషించాలి ’అని వైఎస్సార్‌సీపీ విజ్ఞప్తి చేసింది.. ప్రజాస్వామ్యాన్ని కాపాడేందుకు పోరాటం కొనసాగిస్తామని స్పష్టంచేసిన పార్టీ, రాష్ట్రవ్యాప్తంగా వైఎస్సార్‌సీపీ శ్రేణులపై అధికార పార్టీ గూండాల దాష్టీకాన్ని ఈ సందర్భంగా ప్రస్తావించింది.

వైఎస్సార్‌ కడప జిల్లాకు చెందిన ఒక అభ్యర్థి చదువు 1 నుంచి 5వ తరగతి వరకు అదే జిల్లాలో సాగింది. 6, 7 తరగతులు అనంతపురం జిల్లాలో పూర్తిచేశాడు. ఇటీవల జిల్లా విభజనతో పాటు కొత్త జోనల్‌ విధానం రావడంతో వైఎస్సార్‌ కడప జిల్లా ఐదో జోన్‌లో ఉండగా, అనంతపురం ఆరో జోన్‌లోకి వెళ్లింది. ఇప్పుడు సదరు అభ్యర్థి గ్రూప్‌–1కి దరఖాస్తు చేసుకున్నాడు. అయితే అతడు ఏ జోన్‌ పరిధిలో స్థానికుడు అవుతాడో తెలియక సతమతమవుతున్నాడు. ఈ సమస్య గురించి అనేకసార్లు ఏపీపీఎస్సీకి కాల్‌ చేసినా పరిష్కారం దొరక్కపోవడంతో పాటు సిబ్బంది నుంచి ‘మాకు తెలియదు’ అన్న ఒక్క సమాధానం మాత్రమే వస్తోందని ఆవేదన చెందుతున్నాడు. సాక్షి, అమరావతి: ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (ఏపీపీఎస్సీ) తీరు నిరుద్యోగ అభ్యర్థులకు శాపంగా మారింది. పలు ఉద్యోగాలకు నోటిఫికేషన్లు ఇచ్చిన సర్వీస్‌ కమిషన్‌.. వాటిపై వచ్చే అనుమానాలను నివృత్తి చేయడంపై నిర్లక్ష్యంగా వ్యవహరిస్తోంది. నోటిఫికేషన్లలో పేర్కొన్న అంశాలపై సందేహాల నివృత్తికి వివిధ జిల్లాల నుంచి దరఖాస్తుదారులు సర్వీస్‌ కమిషన్‌కు ఫోన్‌ చేస్తుంటే ‘మాకు తెలియదు’ అన్న సమాధానం మాత్రమే వస్తోందని అభ్యర్థులు ఆగ్రహం వ్యక్తం చేస్తున్నారు. ఇటీవల ప్రభుత్వం సామాజిక రిజర్వేషన్లలో మార్పులు తెచ్చింది. రాష్ట్రపతి ఉత్తర్వులు–2025 అమల్లోకి వచ్చాయి. అలాగే జోనల్‌ విధానంలో మార్పులు జరిగాయి. దీంతో ఆయా అంశాలపై అభ్యర్థులను ఎన్నో సందేహాలు వెంటాడుతున్నాయి. ఆ సందేహాలను తొలగించాల్సిన సర్వీస్‌ కమిషన్‌ పట్టనట్టు వ్యవహరించడం ఆందోళన కలిగిస్తోంది. దరఖాస్తు చేసుకోలేని చిక్కులు ఏపీపీఎస్సీ నుంచి గ్రూప్‌–1, 2తో సహా పలు నోటిఫికేషన్లు వెలువడ్డాయి. కొన్నింటికి దరఖాస్తు ప్రక్రియ కూడా ప్రారంభమైంది. అందులో ప్రధానమైన గ్రూప్‌–1 నోటిఫికేషన్‌ దరఖాస్తు గడువు ఈనెల 27వ తేదీతో ముగుస్తుంది. అభ్యర్థులు దరఖాస్తు చేసేందుకు పలు సాంకేతిక సమస్యలు ఎదురవుతున్నాయి. ఇటీవల ఓటీపీఆర్‌ కష్టాలను ‘సాక్షి’ పత్రిక వెలుగులోకి తేవడంతో అంతవరకు పరిష్కరించారు. కానీ ముఖ్యమైన ఈడబ్ల్యూఎస్, స్థానికత, మైగ్రేషన్, లోకల్‌ స్టేటస్‌ వంటి అంశాలపై అభ్యర్థుల సందేహాలు తీరడంలేదు. గ్రూప్‌–1 నోటిఫికేషన్‌లో జీవో నం.161 ప్రకారం 2014 జూన్‌ 2 నుంచి 2024 జూన్‌ ఒకటో తేదీ వరకు ఉన్న కాలానికి ప్రామాణికంగా మైగ్రేషన్‌ నిబంధనలు వర్తిస్తాయని పేర్కొన్నారు. కానీ అంతకు ముందు, 2024 జూన్‌ ఒకటో తేదీ తర్వాత తెలంగాణ నుంచి ఆంధ్రప్రదేశ్‌కు వచ్చినవారి పరిస్థితి ఏంటో చెప్పలేదు. వివిధ జిల్లాల్లో చదువుకున్నవారి స్థానికతపై గందరగోళం నెలకొంది. మల్టీ జోనల్‌ విధానం అమలుతో ఈ పరిస్థితి ఏర్పడింది. ఈ అనుమానాలను తీర్చాల్సిన ఏపీపీఎస్సీ తన బాధ్యత కాదన్నట్టుగా వ్యవహరిస్తోంది. రిడ్రెస్సెల్‌ సెల్‌ ఏది? విధానపరమైన మార్పులు, చట్టాలు చేసినప్పుడు వాటిపై సందేహాలను నివృత్తి చేయాల్సిన బాధ్యత ప్రభుత్వానికి, ఆయా సంస్థలకు ఉంది. కానీ కూటమి ప్రభుత్వం పలు విధానపరమైన చట్టాలను మార్చిన అనంతరం ఏపీపీఎస్సీ ఉద్యోగాల భర్తీకి నోటిఫికేషన్లు విడుదల చేసింది. ఈ క్రమంలో సందేహాలను తీర్చేందుకు ఏ విభాగంలో ఎక్కువ ఫిర్యాదులు వస్తున్నాయో గుర్తించి వాటిపై వెబ్‌నోట్‌ ఆన్‌లైన్‌లో విడుదల చేయాలి. కానీ చేయలేదు. అలాగే నోటిఫికేషన్లకు సంబంధించి దరఖాస్తుదారుల ఫిర్యాదులను తీసుకుని సమాధానం చెప్పేందుకు ప్రత్యేకంగా కమిషన్‌ కార్యాలయంలో ఫిర్యాదుల పరిష్కార విభాగం (రిడ్రెస్సెల్‌ సెల్‌) ఏర్పాటు చేయాల్సి ఉన్నా.. చేయలేదు. దీంతో పలువురు అభ్యర్థులు తమ దరఖాస్తులు రిజెక్ట్‌ అవుతున్నాయని ఆవేదన చెందుతున్నారు. అన్నీ సక్రమంగా నమోదు చేసినా తప్పు ఎక్కడ జరుగుతోందో తెలియక ఆందోళన చెందుతున్నారు. ఏపీపీఎస్సీకి ఎన్నిసార్లు ఫిర్యాదు చేసినా సరైన సమాధానం లేదని వారు ఆగ్రహం వ్యక్తం చేస్తున్నారు.

సాక్షి, అమరావతి: ఇంటర్మీడియట్‌ మొదటి సంవత్సరం పబ్లిక్‌ పరీక్షలు వచ్చే ఏడాది ఫిబ్రవరి 24 నుంచి, రెండో సంవత్సరం పరీక్షలు ఫిబ్రవరి 25వ తేదీ నుంచి జరగనున్నాయి. ఈ మేరకు పరీక్షల తాత్కాలిక టైం టేబుల్‌ను విద్యా మండలి గురువారం విడుదల చేసింది. రాత పరీక్షలు రోజూ ఉదయం 9 నుంచి మధ్యా­హ్నం 12 గంటల వరకు జరుగుతాయని ఇంటర్మీడియట్‌ విద్యా మండలి కార్యదర్శి రంజిత్‌ బాషా తెలిపారు. ప్రాక్టికల్స్‌ ఫిబ్రవరి 1 నుంచి 10వ తేదీ వరకు జరుగుతాయి. ప్రాక్టికల్స్‌ రోజూ రెండు సెషన్లలో ఉద­యం 9 నుంచి 12 గంటల వరకు, మధ్యాహ్నం 2 నుంచి సాయంత్రం 5 గంటల వరకు జరుగుతాయి. సమగ్ర శిక్ష ఒకేషనల్‌ ట్రేడ్‌ పరీక్ష ఫిబ్రవరి 17న ఉదయం 10 నుంచి మధ్యాహ్నం 12 గంటల వరకు నిర్వహిస్తారు. ఇవే తేదీల్లో ఒకేషనల్‌ కోర్సుల పరీక్షలు కూడా ఉంటాయని, ఆ టైం టేబుల్‌ విడిగా విడుదల చేస్తామని కార్యదర్శి ప్రకటించారు. బ్యాక్‌లాగ్‌ విద్యార్థులకు పాత సిలబస్‌ ప్రకారం పరీక్షలు ఉంటాయని తెలిపారు.ముఖ్యమైన పరీక్షల వివరాలు.. » ఎథిక్స్‌ అండ్‌ హ్యూమన్‌ వ్యాల్యూస్‌ – జనవరి 27 » ఎన్విరాన్‌మెంటల్‌ ఎడ్యుకేషన్‌ – జనవరి 29 ప్రాక్టికల్‌ పరీక్షలు » జనరల్‌ కోర్సులకు ఫిబ్రవరి 1 నుంచి 10వ తేదీ వరకు, ఒకేషనల్‌ కోర్సులకు ఫిబ్రవరి 15 వరకు

సాక్షి, అమరావతి: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌ రెడ్డి శుక్రవారం ఉదయం 11 గంటలకు తాడేపల్లిలోని వైఎస్సార్‌సీపీ కేంద్ర కార్యాలయంలో ప్రెస్‌మీట్‌ నిర్వహించనున్నారు. సమకాలీన అంశాలపై ఆయన మీడియాతో మాట్లాడనున్నారు.

సాక్షి, అమరావతి: ‘స్థానిక’ ఎన్నికల్లో రాష్ట్రంలో శాంతిభద్రతల పరిస్థితులపై సుప్రీంకోర్టు తీవ్రంగా ఆక్షేపించిన తర్వాత కూడ రాష్ట్ర ఎన్నికల కమిషనర్‌ అనిల్‌ చంద్ర పునేఠ తీరు మారలేదు. ‘రాజ్యాంగ బాధ్యతల నిర్వహణలో ఎన్నికల కమిషన్‌ విఫలమైతే మా జోక్యం తప్పదు..’ అని సుప్రీంకోర్టు స్పష్టం చేసిన తర్వాత కూడా ఆయన స్థానిక ఎన్నికల నామినేషన్ల సమయంలో చోటు చేసుకుంటున్న అక్రమాల అడ్డుకట్టకు కనీస చర్యలు చేపట్ట లేదు. పోలింగ్‌ కేంద్రాల లోపల, వెలుపల పోలీసుల ఎదుటే నామినేషన్లు వేయడానికి వచ్చిన అభ్యర్థులపై అధికార పార్టీ మోహరించిన అల్లరి మూకలు, గంజాయి బ్యాచ్‌లు యథేచ్ఛగా దాడులు చేస్తూ వారి చేతుల్లో నామినేషన్‌ పత్రాలను ఎత్తుకెళ్తున్నారు. అక్కడే చించిపోస్తున్నారు. మహిళా అభ్యర్థులపై అల్లరి మూకలు దాడులకు తెగబడి వారిని తాకరాని చోట్ల తాకుతూ అసభ్యంగా ప్రవర్తిస్తూ వారి చేతుల్లో నామినేషన్లు లాక్కెళ్లినా అధికారులు, పోలీసులు ఏమీ పట్టనట్టే వ్యవహరించారు. అధికారులకు చేరిన నామినేషన్ల పత్రాలను సైతం అక్రమంగా గూండాలు లాక్కెళ్లినా, వారి కళ్లముందే చించేస్తున్నా పట్టించుకునే వారే కరువయ్యారు. రోజూ వందలాది ఘటనలు సోషల్‌ మీడియాలో కళ్లకు కడుతున్నా విశేష అధికారాలున్న రాష్ట్ర ఎన్నికల కమిషనర్‌ అనిల్‌ చంద్ర పునేఠ ఏం జరగనట్టు మిన్నకుండి పోవడంతో రోజు రోజుకు హింసాత్మక ఘటనలు పెరిగిపోతున్నాయి. మున్సిపల్‌ ఎన్నికల నామినేషన్లలో కొన్ని చోట్లే దౌర్జన్యాలు, దాడులు కొనసాగితే.. ఎంపీటీసీ జెడ్పీటీసీ ఎన్నికల నామినేషన్లలో అమాంతం ఆ సంఖ్య భారీగా పెరిగిపోయింది. చంద్రబాబుకు లబ్ధి చేకూర్చడం కోసం ఎస్‌ఈసీ తన స్థాయిని పాతాళానికి దిగజార్చుకుంటే.. డీజీపీ మరో అడుగు ముందుకు వేసి, బాబుకు ప్రైవేట్‌ సెక్యూరిటీ గార్డులా వ్యవహరిస్తున్నారనే విమర్శలు వ్యక్తమవుతున్నాయి. ఎక్కడికక్కడ నామినేషన్లను అడ్డుకుంటుంటే పోలీసుల నుంచి కనీస స్పందన లేకపోవడమే ఇందుకు నిదర్శనం. కళ్లెదుటే కిరాయి మూకలు స్వైర విహారం చేస్తున్నా చోద్యం చూశారు. పైగా టీడీపీ గూండాలు లేని చోట పోలీసులే ఆ అవతారం ఎత్తి దౌర్జన్యం చేశారు. వైఎస్సార్‌సీపీ అంటే చాలు లాఠీలతో చితకబాదుతూ తరిమేయడం ఊరూరా కనిపించింది. ఆయా ప్రాంతాల్లో జరిగిన దాష్టీకాలకు సంబంధించి వీడియో సాక్ష్యాలతో ఆయా జిల్లాల ఎస్పీలకు, ఎస్‌ఈసీకి ఫిర్యాదు చేసినా ఏ చర్యా లేదు. పైగా ఫిర్యాదులు బుట్ట దాఖలు చేసి.. తమకు ఫిర్యాదులే రాలేదని బొంకడం వారు దిగజారిన స్థాయిని తేటతెల్లం చేస్తోంది. ఎస్‌ఈసీ, డీజీపీ పోస్టుల్లో కసబ్, బిన్‌లాడెన్‌లు ఉన్నా బాబును ఇంతగా వెనకేసుకురారేమో! సుప్రీంకోర్టు చెప్పాక కూడా నిస్సిగ్గుగా బాబు దాష్టీకానికి మద్దతు పలకడం దేశ చరిత్రలో ఇలాంటి అధికారులను ఇప్పుడే చూస్తున్నాం. ఫలితంగా ఎస్పీలు, డీఎస్పీలు, సీఐలు, ఎస్‌ఐలు ‘పచ్చ’పాతం చూపుతూ అధికార పార్టీ కోసం శక్తి వంచన లేకుండా పని చేస్తున్నారు.నమ్మించి నమ్మక ద్రోహంనామినేషన్‌ వేయడానికి టీడీపీ నేతలు అడ్డంకులు సృష్టిస్తున్నారని, ప్రజాస్వామ్యాన్ని ఖూనీ చేస్తున్నారని వైఎస్సార్‌సీపీ నేతలు ఎస్పీలకు ఫిర్యాదు చేస్తే.. తాము భద్రత కల్పించి, నామినేషన్‌ వేయిస్తామని నమ్మకంగా చెబుతున్నారు. ఆపై కాలయాపన చేసి.. గడువు ముగిసే సమయంలో రమ్మని చెబుతున్నారు. తీరా అక్కడికి వెళ్లగానే ఒక్కసారిగా టీడీపీ మూక దాడికి పాల్పడుతుంది. ఇలా జరిగిందేమిటని ప్రశ్నిస్తే వారి నుంచి సమాధానం కరువు. విశేషాధికారాలు కలిగి ఉన్నా.. ఉత్సవ విగ్రహమేరాజ్యాంగంలోని 243కే అధికరణం కింద ఏర్పాటయ్యే రాష్ట్ర ఎన్నికల కమిషన్‌కు భారత ఎన్నికల సంఘానికి లోకసభ, అసెంబ్లీ ఎన్నికలకు దఖలు పడే అన్ని రకాల అధికారాలు ఉంటాయని రాజ్యాంగంలోనే పేర్కొన్నారని అధికారులు చెబుతున్నారు. వివిధ రకాల ఎన్నికల నిర్వహణకు రాజ్యాంగంలో భారత ఎన్నికల సంఘం, రాష్ట్ర ఎన్నికల కమిషన్‌కు ఒకే తరహా అధికారాలను కట్టబెట్టిందని నిపుణులు పేర్కొంటున్నారు. ఆంధ్రప్రదేశ్‌ పంచాయతీరాజ్‌ చట్టంలోని 201 నిబంధన ‘రాష్ట్ర ఎన్నికల కమిషనర్‌కు కల్పించిన అధికారాల్లో ‘అన్ని స్థానిక సంస్థల ఎన్నికలు రాష్ట్ర ఎన్నికల కమిషన్‌ అధీక్షణ, నియంత్రణ కిందే జరగాలి. ఎన్నికలను సమర్థవంతంగా జరిపించేందుకు జిల్లా కలెక్టర్లకు లేదా ప్రభుత్వ, స్థానిక సంస్థల అధికారులెవరికైనా, ఉద్యోగులెవ్వరికైనా ఆ చట్టం కింద రాష్ట్ర ఎన్నికల కమిషనర్‌ తాను అవసరమనుకున్న ఏ ఆదేశాలైనా ఇచ్చే అధికారం కలిగి ఉంటారు’ అని పేర్కొంది. మున్సిపల్‌ ఎన్నికల రూల్‌ బుక్‌లోని 46వ పేజీ రూల్‌ నెంబరు 10(బీ)లో పంచాయతీరాజ్‌ చట్టంలో పేర్కొన్న నిబంధనను ఉదహరించారు. ప్రత్యేకంగా ఫలానా అని లేకుండా అపరిమిత విశేషాధికారాలు ఉన్నా­యి. అయినా ఎస్‌ఈసీ అనిల్‌ చంద్ర పునేఠ మాత్రం రాష్ట్రంలో వారం రోజులుగా పలుచోట్ల హింసాత్మక ఘటనలు చోటుచేసుకుంటున్నా ఏ చర్యలు తీసుకునేందుకు ముందుకు రాలేదు. ఆయా హింసాత్మక ఘటనలపై వివిధ రాజకీయ పార్టీలు భారీగా ఫిర్యాదులు చేసినా పట్టించుకోలేదు. రాష్ట్ర ఎన్నికల కమిషనర్‌ తనకు ఉండే విశేషాధికారాలను ఉపయోగించి ఒక్కరిపై చర్య తీసుకున్నా స్థానిక సంస్థల ఎన్నికల్లో ఇలాంటి దుస్థితి ఉండేది కాదని అధికార వర్గాల్లో చర్చ సాగుతోంది. ప్రభుత్వ పెద్దలకు కావాలి్సనట్టే ఎన్నికలు పునేఠ రాష్ట్ర ఎన్నికల కమిషనర్‌గా ఈ ఏడాది ఏప్రిల్‌లో బాధ్యతలు చేపట్టారు. అయితే అప్పటికే మున్సి­పల్, పంచాయతీ పాలక మండళ్ల పదవీ కాలం ముగిసినా, తిరిగి ఎన్నికల నిర్వహణకు ఏడు నెలలుగా కనీస ప్రయత్నాలు చేయలేదు. ముఖ్య­మంత్రి చంద్రబాబు త్వరలో స్థానిక సంస్థల ఎన్నికలు నిర్వహించనున్నట్టు ప్రకటించగానే రాష్ట్ర ఎన్ని­కల కమి­షన్‌ ఎన్నికల ప్రక్రియను వేగవంతం చేసింది. ఎన్నికలను స్వేచ్ఛాయుత, నిష్పక్షపాతంగా నిర్వహించేందుకు ఎన్నికల షెడ్యూల్‌కు ముందే.. ఎన్నికల ప్రక్రియలో ప్రత్యక్ష సంబంధం ఉండే పోలీసు, ఇతర అధికారులు రెండేళ్లకు మించి ఒకే చోట పని చేస్తుండటం.. లేదా సొంత ప్రాంతాల్లో ఉద్యోగ విధుల్లో ఉండడం వంటి వాటిపై సమీక్షించి.. అలాంటి వారిని తక్షణమే బదిలీ చేయాలి. అయితే ఇలాంటి చర్యలు ఏకోశానా పునేఠా తీసుకోలేదు. ఫలితంగా గ్రేటర్‌ రాయలసీమ జిల్లాల్లో హింస చోటుచేసుకుంది. కర్నూలు రేంజి ఐజీ కోయ ప్రవీణ్‌ అయితే టీడీపీ నేతలను మించి ఆ పార్టీ కోసం పని చేస్తున్నారని ఆయన చర్యలు స్పష్టం చేస్తున్నాయి.పునేఠ ఇలా.. నిమ్మగడ్డ అలా..ఆరేళ్ల క్రితం మన రాష్ట్రంలో అప్పటి రాష్ట్ర ఎన్నికల కమిషనర్‌ నిమ్మగడ్డ రమేష్‌ కుమార్‌ ఎన్నికల సమయంలో తనకు ‘ఆకాశమే హద్దు అన్నట్టు..’ ప్రభుత్వం కన్నా అపరిమిత విశేషాధికారాలు ఉన్నాయని చెబుతూ వ్యవహరించారు. అప్పటి ఎన్నికలకు ముందు ఘర్షణలు జరిగే అవకాశం ఉందని పలు జిల్లాల్లో కలెక్టర్లు, ఎస్పీలను బదిలీ చేస్తూ ఆదేశాలిచ్చారు. ఇద్దరు రాష్ట్ర స్థాయి ఐఏఎస్‌ అధికారాలపై చర్యలకు సిఫార్సు చేస్తూ సెన్‌సూ్యర్‌ ఆదేశాలిచ్చారు. క్షేత్ర స్థాయిలో పలువురు డీఎస్పీ, సీఐ వంటి అధికారుల బదిలీలకు తానే ఎస్పీలకు ఆదేశాలు జారీ చేసిన ఉదంతాలు ఉన్నాయి.అయితే ప్రస్తుత ఎస్‌ఈసీ అందుకు పూర్తి భిన్నంగా వ్యవహరిస్తున్నారు. దేశ ఎన్నికల చరిత్రలోనే ఎప్పుడూ, ఎక్కడా లేని విధంగా ఏకంగా సుప్రీంకోర్టే రాష్ట్రంలో ఎన్నికల సందర్భంగా అభ్యర్ధులు స్వేచ్చగా నామినేషన్లు వేసుకోలేని పరిస్థితులపై తీవ్రంగా ఆక్షేపించింది. అయినా ఎస్‌ఈసీ çతగిన చర్యలు తీసుకోక పోవడం.. ఫలితంగా ఎంపీటీసీ, జెడ్పీటీసీ నామినేషన్లలోనూ అధికార పార్టీ గూండాలు యథేచ్ఛగా పేట్రేగిపోతున్నారు.రాష్ట్రం రావణకాష్టంగా మారినా అందుకే స్పందన నిల్‌రాష్ట్ర ప్రతిష్టనే దెబ్బతీసే ఘటనలు పునరావృతం కాకుండా స్వేచ్ఛాయుతంగా ఎన్నికలు జరపాల్సిన రాష్ట్ర ఎన్నికల కమిషనర్‌ అవేమీ పట్టవన్నట్టు తనను ఆ పదవిలో నియమించిన చంద్రబాబు చెప్పినట్టే నడుచుకుంటున్నారని ఉద్యోగ వర్గాల్లో విస్తృత చర్చ సాగుతోంది. ఎన్నికలను ప్రభావితం చేసే విధుల్లో ఉంటూ.. ఆ విధుల నుంచి ఒకసారి తప్పిస్తే ఆ అధికారి తర్వాత ఏ ఎన్నికల విధుల్లో ఉండకూడదన్నది కేంద్ర ఎన్ని­కల సంఘం నిబంధన. ఎందుకంటే ఆ అధికారి పర్యవేక్షణలో ఎన్నికలు ప్రశాంతంగా జరిగే అవకాశం ఉండదని ఈ నిబంధన అమలులో ఉంది.ఈ క్రమంలో 2019 సార్వత్రిక ఎన్నికల సమయంలో రాష్ట్ర ప్రభుత్వ ప్రధాన కార్యదర్శిగా ఉండి.. అప్పటి చంద్రబాబు ప్రభుత్వ సూచనతో కేంద్ర ఎన్నికల సంఘం ఆదేశాలు పాటించక పోవడంతో అప్పట్లో కేంద్ర ఎన్నికల కమిషన్‌ పునేఠను ఆ విధుల నుంచి తప్పించింది. ఈ దృష్ట్యా ఆ తర్వాత ఆయన ఏ ఎన్నికల విధుల్లో పాల్గొనకూడదు. అయినా.. చంద్రబాబు 2024లో తిరిగి ముఖ్యమంత్రి కాగానే పునేఠను రాష్ట్ర ఎన్నికల కమిషనర్‌గా నియమించారు. ఈ దృష్ట్యా రాష్ట్రం రావణ కాష్టంగా మారినా చంద్రబాబు కోసం పునేఠా పట్టించుకోవడం లేదని స్పష్టమవుతోంది.రాష్ట్రంలో ఇదీ ఎన్నికల దారుణ సిత్రంస్టెప్‌ 1: వైఎస్సార్‌సీపీ ముఖ్య నేతలందరికీ నోటీసులు.. నామినేషన్ల వేళ గృహ నిర్బంధాలు.స్టెప్‌ 2: టీడీపీ నేతలందరూ ఎక్కడికైనా వెళ్లేలా పూర్తి స్వేచ్ఛ.. నామినేషన్ల కేంద్రం వద్ద టీడీపీ గూండాల మోహరింపు.స్టెప్‌ 3: వైఎస్సార్‌సీపీ నేతలు నామినేషన్‌ వేయడానికి వెళితే కిలోమీటర్‌ దూరంలోనే పోలీసుల అడ్డగింత.. వెనక్కు వెళ్లాలని తరిమేయడం.స్టెప్‌ 4: వారిని తప్పించుకుని వెళితే కేంద్రంలోకి ఇద్దరు మాత్రమే వెళ్లాలని పోలీసుల హుకుం.స్టెప్‌ 5: వీరందరినీ దాటుకుని ఆర్వో వద్దకు వెళ్లి నామినేషన్‌ పత్రాలు అందజేస్తుండగా టీడీపీ రౌడీ మూకలు, గంజాయి బ్యాచ్‌ ఒక్క ఉదుటున దాడి చేసి పత్రాలు లాక్కోవడం.. చించేయడం.స్టెప్‌ 6: ఈ దారుణాన్ని జిల్లా కలెక్టర్, ఎస్పీ, డీఎస్పీల దృష్టికి తీసుకెళ్తే ఎలాంటి స్పందనా ఉండక పోవడం. గట్టిగా నిలదీస్తే నామినేషన్‌ మళ్లీ వేయండంటూ ఉచిత సలహా ఇవ్వడం.స్టెప్‌ 7: ఈ అడ్డంకులన్నీ దాటుకుని నామినేషన్‌ దాఖలు చేస్తే.. తీరా చెల్లుబాటు కాలేదని తిరస్కరణ.. లేదా ఉపసంహరించుకోవాలని పచ్చ మూక బెదిరింపులు

సాక్షి, అమరావతి: సుప్రీం కోర్టు మధ్యంతర ఉత్తర్వులను రాష్ట్ర ఎన్నికల కమిషనర్‌ అపహాస్యం చేశారు. స్థానిక సంస్థల ఎన్నికలకు స్వేచ్ఛాయుత వాతావరణం ఎలాగూ లేదు. కనీసం పారదర్శకతను కూడా రాష్ట్ర ఎన్నికల కమిషనర్‌ (ఎస్‌ఈసీ) పట్టించుకోవడం లేదన్నది మరోసారి బట్టబయలైంది. మున్సిపల్‌ ఎన్నికల నామినేషన్ల అక్రమాలపై సుప్రీంకోర్టు ప్రాథమిక ఆధారాలుగా పేర్కొన్న వాటిని లెక్కచేయకుండా ఎస్‌ఈసీ అనిల్‌ చంద్ర పునేఠ నిర్ణయం ప్రకటించారు. అధికార టీడీపీ రాజకీయ ప్రయోజనాలను కాపాడేందుకు అత్యున్నత న్యాయస్థానమైన సుప్రీం కోర్టు ఉత్తర్వులను సైతం ఎస్‌ఈసీ పునేఠ తుంగలో తొక్కేశారు. మైదుకూరు మున్సిపల్‌ ఎన్నికలను ఎస్‌ఈసీ ముందుగానే వాయిదా వేసింది. ఆ పట్టణంలోని 32 వార్డులతో సహా కడప కార్పొరేషన్‌లో 11, తిరుపతి కార్పొరేషన్‌లో 18 డివిజన్‌లు, రాజంపేట మున్సిపాల్టీలో 11 వార్డులు కలిపి మొత్తం 72 వార్డులకే మళ్లీ నామినేషన్లు వేసేందుకు వీలు కల్పిస్తూ ఎస్‌ఈసీ ఉత్తర్వులు జారీ చేయడంపై సర్వత్రా విస్మయం వ్యక్తమవుతోంది. మున్సిపల్‌ ఎన్నికల్లో అక్రమాలకు సంబంధించి వైఎస్సార్‌సీపీ అన్ని ఆధారాలతో కోర్టు వచ్చిందని సుప్రీం కోర్టు వ్యాఖ్యానించిన తర్వాత కూడా అత్యున్నత న్యాయస్థానం అభిప్రాయాన్ని రాష్ట్ర ఎన్నికల కమిషన్‌ పరిగణనలోకే తీసుకోలేదని నిఫుణులు పేర్కొంటున్నారు.వైఎస్సార్‌సీపీ దాఖలు చేసిన పిటిషన్‌లో ‘కార్పొరేషన్, మున్సిపల్‌ ఎన్నికలలో మొత్తం 19 చోట్ల నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలు కోర్టు ముందుంచారు’ అని సుప్రీంకోర్టు వ్యాఖ్యలు చేసింది. సుప్రీంకోర్టు గుర్తించిన ఆధారాలను కూడా పరిగణనలోకి తీసుకోకుండా నిర్ణయం ప్రకటించడం రాష్ట్ర ఎన్నికల కమిషన్‌ ఏకపక్ష ధోరణిని తెలియజేస్తుందని రాజకీయ వర్గాల్లో చర్చ సాగుతోంది. వైఎస్సార్‌సీపీ, ఇతరులు ఇచ్చిన ఫిర్యాదులను, ఆధారాలను పరిశీలించండి అని కోర్టు స్పష్టమైన సూచన చేసినప్పటికీ, ఆ పిటిషనర్ల అభిప్రాయాలు కూడా తీసుకోకుండా ఎస్‌ఈసీ ఏకపక్షంగా నిర్ణయం ఎలా ప్రకటిస్తుందన్న చర్చ సాగుతోంది. వైఎస్సార్‌సీపీ చైర్మన్‌ నామినేషన్లే వేయలేకపోవడం ఆధారం కాదా?మున్సిపల్‌ ఎన్నికల నామినేషన్లలో హింసాత్మక ఘటనలు జరిగిన చోట ఛైర్‌పర్సన్‌ పదవులకు కూడా ప్రతిపక్ష వైఎస్సార్‌సీపీ అభ్యర్థుల నామినేషన్లు దాఖలు కాకపోవడం ఆధారం కాదా అని విశ్లేషకులు ప్రశ్నిస్తున్నారు. ఇంత పెద్ద ఆధారమున్నా ఎస్‌ఈసీ ఎందుకు పరిగణనలోకి తీసుకోలేదని నిలదీస్తున్నారు. నామినేషన్ల ప్రక్రియ మొదలైన పావు గంటలోనే పుంగనూరులో ఆశావహ అభ్యర్ధులను పోలింగ్‌ కేంద్రం వద్ద దింపేందుకు వచ్చిన ఎంపీ మిథున్‌ రెడ్డిపై పట్టపగలే అందరి ఎదుటే దాడి జరిగింది. అధికారులు కూడా అభ్యర్థుల నుంచి నామినేషన్లు తీసుకోలేదు. నామినేషన్లు వేయడానికి వచ్చిన వైఎస్సార్‌సీపీ అభ్యర్థులను చంద్రబాబు కూటమి గూండాలు అడ్డుకోవడమే ఒక తప్పయితే, అభ్యర్థుల నుంచి అధికారులు నామినేషన్లే తీసుకోకపోవడం మరింత తీవ్రమైన అంశం. ఇదే విషయంపై ఎంపీ మిథున్‌రెడ్డి గట్టిగా ప్రశ్నించారు. రాయచోటి మున్సిపాలిటీలో వైఎస్సార్‌సీపీ అభ్యర్థులను నామినేషన్లు వేయనివ్వకుండా టీడీపీ మూక వీరంగం చేసింది. ఇలా రాష్ట్రవ్యాప్తంగా అనేక చోట్ల నామినేషన్లు వేయడానికి వచ్చిన వైఎస్సార్‌సీపీ అభ్యర్థులను అడ్డగించడం, దాడులు చేయడం, దౌర్జన్యపూరితంగా నామినేషన్‌ పత్రాలు లాగేసుకోవడం, వాటిని చించివేయడం వంటి ఘటనలు బహిరంగంగానే జరిగాయి. ఇవన్నీ అన్ని మీడియాల్లో కథనాలుగా ప్రసారమయ్యాయి. ఇంతలా కళ్లకు కట్టినట్లు దారుణాలు కనిపిస్తున్నా, కేవలం 2 నగరపాలక సంస్థలు, 2 మున్సిపాలిటీల్లోనే.. అదీ కొన్ని వార్డుల్లోనే మళ్లీ నామినేషన్లు స్వీకరిస్తామనడంపై రాజకీయ విశ్లేషకులు మండిపడుతున్నారు. స్వేచ్ఛాయుత ఎన్నికలు నిర్వహించాలని రాష్ట్ర ఎన్నికల కమిషనర్‌ భావిస్తే, బెదిరింపుల కారణంగా నామినేషన్లు దాఖలు కాని అన్ని చోట్లా సుప్రీం సూచనలను పాటిస్తూ కొత్తగా నామినేషన్ల దాఖలుకు అవకాశమిచ్చి ఉండే వారన్న చర్చ సాగుతోంది.మైదుకూరు పైనా మాట తప్పారు!మైదుకూరు మున్సిపాలిటీ ఎన్నిక వాయిదా వేసినట్లు ఈ నెల 19న ప్రకటించిన రాష్ట్ర ఎన్నికల కమిషనర్‌.. ఆ విషయంలో మాట తప్పారన్న చర్చ సాగుతోంది. మైదుకూరు మున్సిపాలిటీకి నోటిఫికేషన్‌ మళ్లీ ఇస్తామని చెప్పారు. మొత్తం మున్సిపాలిటీకి కొత్తగా నోటిఫికేషన్‌ ఇవ్వడం అంటే.. ఛైర్‌పర్సన్‌తో పాటు ఆ మున్సిపాలిటీలోని 32 వార్డులకు కొత్తగా ఎన్నికలు నిర్వహించడమే అవుతుందని అంటున్నారు. అయితే, గురువారం రాష్ట్ర ఎన్నికల కమిషనర్‌ విడుదల చేసిన ప్రకటనలో మైదుకూరులో 32 వార్డులకు మాత్రమే కొత్తగా నామినేషన్లు స్వీకరించనున్నట్టు ప్రకటించి, ఛైర్‌పర్సన్‌ ఎన్నికను పేర్కొనకపోవడాన్ని విశ్లేషకులు తప్పుపడుతున్నారు.ఎంపీటీసీ, జెడ్పీటీసీ ఎన్నికల రోజే మున్సిపల్‌ కౌంటింగ్‌ నిర్ణయంపైనా..సాధారణంగా రాజకీయ గుర్తులతో ఒకే సమయంలో వివిధ రకాల పదవుల ఎన్నికలు జరుగుతుంటే, ఒక ఎన్నికల ఫలితం ప్రభావం మిగతా వాటిపై పడకుండా ఓట్ల లెక్కింఫు షెడ్యూల్‌ ప్రకటిస్తుంటారు. అంటే ఆ రెండు రకాల పోలింగ్‌ ముగిశాక లెక్కింపు చేపట్టడం సాధారణంగా జరిగేదే. కానీ, రాష్ట్ర ఎన్నికల కమిషనర్‌ ఇప్పుడు ఆ అంశాన్ని కూడా పట్టించుకోలేదన్న చర్చ సాగుతోంది. మున్సిపల్‌ ఎన్నికల తాజా షెడ్యూల్‌ ప్రకారం మున్సిపాలిటీల ఓట్ల లెక్కింపు వచ్చే నెల 3న చేపడతారు. కానీ, అదే రోజు ఎంపీటీసీ, జెడ్పీటీసీ ఎన్నికల పోలింగ్‌ జరుగుతుంది. దీనికి ఇప్పటికే నోటిఫికేషన్‌ కూడా ఇచ్చారు. కానీ, అదే రోజున మున్సిపల్‌ ఓట్ల లెక్కింపు జరిగితే, దాని ప్రభావం మరో ఎన్నికపై చూపే అవకాశంతో పాటు ఒకేసారి రెండు ప్రక్రియల కారణంగా అధికార, పోలీసు యంత్రాంగంపై తీవ్ర ఒత్తిడి ఉంటుందని విశ్లేషకులు అంటున్నారు. కానీ రాష్ట్ర ఎన్నికల కమిషనర్‌ ఈ అంశాన్ని కూడా పరిగణనలోకి తీసుకోకపోవడాన్ని తప్పుపడుతున్నారు. ఎస్‌ఈసీ నిర్ణయాలు ఏకపక్షంగా, ప్రజాస్వామ్య విరుద్ధంగా ఉన్నాయన్న విమర్శలు వస్తున్నాయి.

సాక్షి, అమరావతి: కేంద్ర హోంమంత్రి అమిత్‌షాకు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి జన్మదిన శుభా­కాంక్షలు తెలియజేశారు. ఈ మేరకు గురువా­రం ‘ఎక్స్‌’లో ఆయన పోస్టు చేశారు. ఆయన­కు మంచి ఆరోగ్యం, దీర్ఘాయుష్షు కలగాలని ఆకాంక్షిస్తున్నట్లు పేర్కొన్నారు.

సాక్షి, అమరావతి: సీఎం చంద్రబాబుతో డిప్యూటీ సీఎం పవన్‌ కళ్యాణ్, బీజేపీ రాష్ట్ర అధ్యక్షుడు పీవీఎన్‌ మాధవ్‌ గురువారం సమావేశమయ్యారు. ఉండవల్లిలోని సీఎం నివాసంలో ఉదయం ఈ భేటీ జరిగింది. కాన్వాయ్, భద్రతా సిబ్బంది లేకుండా పవన్‌ సీఎం ఇంటికి వచ్చారు. సుమారు అరగంట పాటు సమావేశమయ్యారు. సుప్రీంకోర్టు ఆదేశాలతో రాష్ట్రంలోని 100 పట్టణ స్థానిక సంస్థల ఎన్నికల ప్రక్రియను రాష్ట్ర ఎన్నికల సంఘం తాత్కాలికంగా నిలిపివేయడంపై ప్రధానంగా చర్చ జరిగింది. తదుపరి ఎలా ముందుకెళ్లాలో చర్చించినట్టు తెలిసింది. రెబల్‌ అభ్యర్థుల వ్యవహారంపై కూడా భేటీలో చర్చ జరిగినట్టు సమాచారం. సీట్ల సర్దుబాటు పూర్తయినా క్షేత్రస్థాయిలో టీడీపీ, జనసేన, బీజేపీ మూడు పార్టీల్లోనూ టికెట్‌ దక్కని నేతలు రెబల్స్‌గా బరిలో నిలిచారు. ఒక పార్టీకి కేటాయించిన స్థానంలో మిత్రపక్షాల నేతలే పోటీకి దిగుతుండటంతో కూటమి ఓట్లు చీలుతాయన్న ఆందోళన నెలకొంది. రెబల్స్‌ను బుజ్జగించి, పోటీ నుంచి తప్పుకునేలా చేయాలని నేతలు నిర్ణయించినట్టు తెలిసింది. ఈ క్రమంలోనే చంద్రబాబు టీడీపీ నేతలతో టెలీకాన్ఫరెన్స్‌ నిర్వహించి రెబల్స్‌ పోటీ నుంచి తప్పుకోవాలని కోరారు. ఎస్‌ఈసీ నిర్ణయాన్ని గౌరవిస్తాం : కూటమి ఉమ్మడి ప్రకటన అంతకు ముందు ఎన్నికల సంఘం నిర్ణయంపై చంద్రబాబు, పవన్, మాధవ్‌ బుధవారం అర్థరాత్రి సంయుక్త ప్రకటన విడుదల చేశారు. ఎస్‌ఈసీ నిర్ణయాన్ని గౌరవిస్తామని అందులో పేర్కొన్నారు. స్థానిక ఎన్నికలను మొదటి రోజు నుంచే అడ్డుకునేందుకు వైఎస్సార్‌సీపీ ప్రయత్నిస్తోందని, కోర్టుల్లో పదుల సంఖ్యలో పిటిషన్లు వేసి అభివృద్ధికి ఆటంకం కలిగిస్తోందని విమర్శించారు.

సాక్షి, అమరావతి: ప్రజాస్వామ్య పరిరక్షణ మన బాధ్యత.. ప్రజాస్వామ్య పరిరక్షణ కోసం ఎందాకైనా పోరాడదామని పార్టీ శ్రేణులకు వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పిలుపునిచ్చారు. గురువారం ఉదయం తాడేపల్లిలోని వైఎస్సార్‌సీపీ కేంద్ర కార్యాలయంలో పార్టీ ముఖ్య నాయకులతో వైఎస్‌ జగన్‌ సమావేశమయ్యారు. స్థానిక సంస్థల ఎన్నికల్లో వెన్నుపోటు పార్టీ అక్రమాలు, రాష్ట్రంలో హింసపై తాజాగా సుప్రీంకోర్టు తీర్పుపై చర్చించారు. రాష్ట్రంలో ప్రజాస్వామ్య హననంపై సుప్రీంకోర్టు ఆందోళన వ్యక్తం చేసిందన్నారు.స్థానిక ఎన్నికల్లో అక్రమాలు, హింసను సుప్రీంకోర్టు పరిగణనలోకి తీసుకుందని.. అందుకనే ఎస్‌ఈసీకి ఆదేశాలు ఇచ్చిందన్నారు. స్థానిక ఎన్నికల్లో గెలవలేమనే భయంతోనే సీఎం చంద్రబాబు వ్యవస్థీకృతంగా, ఉద్దేశపూర్వకంగా హింసకు పాల్పడుతున్నారని మండిపడ్డారు. జరిగిన ఘటనలు ఈ అంశాన్ని నిర్థారిస్తున్నాయని చెప్పారు. అయితే సుప్రీం కోర్టు ఆదేశాలు ఇచ్చినా పరిస్థితిలో మార్పు రాలేదన్నారు. ఎంపీటీసీ, జెడ్పీటీసీల్లోనూ హింసకు పాల్ప­డుతున్నారని ఆగ్రహం వ్యక్తం చేశారు. ప్రభుత్వాన్ని నడుపుతున్నవారే హింసకు పాల్పడటం ఎక్కడా చూసి ఉండమని... పోలీసులను వాడుకుని ఈ దారుణాలన్నీ చంద్రబాబు చేయిస్తున్నారని ధ్వజమెత్తారు. పటిష్ట ఆధారాలతో న్యాయ పోరాటం చేద్దాం.. సుప్రీంకోర్టు తీర్పు నేపథ్యంలో తదనంతరం తీసుకోవాల్సిన చర్యలపై పార్టీ నాయకులకు వైఎస్‌ జగన్‌ దిశానిర్దేశం చేశారు. క్షేత్రస్థాయిలో వైఎస్సార్‌ సీపీ కార్యకర్తలు, నాయకులు తిరుగులేని ధైర్యాన్ని ప్రదర్శిస్తున్నారని ప్రశంసించారు. ప్రజాస్వామ్యాన్ని కాపాడుకునే దిశగా గొప్పగా పోరాటం చేస్తున్నారని అభినందించారు. క్షేత్రస్థాయిలో వెన్నుపోటు పార్టీ వ్యవస్థీకృతంగా పాల్పడుతున్న హింసాకాండ... జరుగుతున్న ఘటనలపై ఆధారాలు సేకరణ చాలా అవసరమని.. పార్టీ నాయకులకు, శ్రేణులకు ఆమేరకు సూచనలు, సలహాలు ఇవ్వాలని ఆదేశించారు. పటిష్ట ఆధారాలను కోర్టుల ముందు ఉంచడం ద్వారా న్యాయపోరాటం చేద్దామని సూచించారు. ప్రజాస్వామ్య పరిరక్షణ మన బాధ్యత.. ప్రజాస్వామ్య పరిరక్షణకోసం ఎందాకైనా పోరాటం చేద్దామని స్పష్టం చేశారు.

నెత్తురు మరిగిన తోడేళ్లులా తెలుగు తమ్ముళ్లు.. నిర్లజ్జగా, నిస్సిగ్గుగా పచ్చచొక్కాల దాష్టీకాలకు సహకరిస్తున్న పోలీసులు.. మహిళలపై దుశ్శాసనుల్లా ఎగబడుతున్న టీడీపీ గంజాయి బ్యాచ్‌ గూండాలు.. నాటి కౌరవుల సభను తలదన్నేలా వైఎస్సార్‌సీపీ మహిళా అభ్యర్థులను కించపరుస్తూనే ఉన్నారు.. చీర చెంగు లాగుతూ చెలరేగిపోతున్నారు.. మానవీయతను మరచిన మృగాళ్లులా పేట్రేగుతున్నారు.. ప్రజాస్వామ్యాన్ని ‘మంట’గలుపుతున్నారు. నేటి భారతావని భవిష్యత్‌ను ‘చించే’స్తున్నారు.. ‘స్థానిక’ సమరాంగణాన గూండాల్లా ఆంధ్రప్రదేశ్‌కు అపఖ్యాతిని అంటగడుతున్నారు...!‘పచ్చ’ పోలీసులపై సుప్రీంలో పిటిషన్‌సాక్షి, అమరావతి: రాష్ట్రంలో చంద్రబాబు ప్రభుత్వ దాష్టీకాలకు, దుర్మార్గాలకు బహిరంగంగా, అడ్డగోలుగా సహకరిస్తున్న దాదాపు 70 మంది పోలీసు అధికారులపై దేశ సర్వోన్నత న్యాయస్థానం అయిన సుప్రీంకోర్టులో వైఎస్సార్‌సీపీ పిటిషన్‌ వేయనుంది. స్థానిక ఎన్నికల్లో ప్రజాస్వామ్యాన్ని ఖూనీ చేస్తూ.. ప్రతిపక్ష వైఎస్సార్‌సీపీ అభ్యర్థులు నామినేషన్‌ దాఖలు చేయకుండా అడుగడుగునా టీడీపీ రౌడీ మూకలు అడ్డుపడుతున్న విషయం తెలిసిందే. ఈ దారుణాలను వైఎస్సార్‌సీపీ సుప్రీంకోర్టు దృష్టికి తీసుకెళ్లనుంది. రాష్ట్రంలో రెడ్‌బుక్‌ పాలనలో మునుపెన్నడూ లేని విధంగా ప్రజాస్వామ్యంపై దారుణ మారణకాండ కొనసాగుతోంది. స్థానిక ఎన్నికల్లో ఓటమి భయంతో వైఎస్సార్‌సీపీ అభ్యర్థులను నామినేషన్లు వేయనీయకుండా పక్కా పథకం ప్రకారం ఏడు దశల్లో ముప్పేట దాడి జరుగుతోంది. దశల వారీగా ఏమార్చి.. ప్రజాస్వామ్యాన్ని హతమారుస్తున్న పాపంలో అధికారపక్షం, పోలీస్, ఎస్‌ఈసీ భాగస్వాములు కావడం దిగ్భ్రాంతి పరుస్తోంది. సాక్షాత్తు దేశ అత్యున్నత న్యాయస్థానం తీవ్రంగా స్పందించినా.. రాష్ట్రంలోని ప్రభుత్వం, పోలీస్, ఎస్‌ఈసీలకు చీమకుట్టినట్టు కూడా లేదు. సుప్రీంకోర్టు కర్రు కాల్చి వాత పెట్టినా రాష్ట్రంలో వారి తీరు మారలేదు. మున్సిపల్‌ ఎన్నికల నామినేషన్ల దశలో జరిగిన అకృత్యాలపై సాక్షాత్తు సుప్రీంకోర్టు ఘాటుగా స్పందించి ఆదేశాలు ఇచ్చినా.. ఎంపీటీసీ, జెడ్పీటీసీ నామినేషన్ల రెండవ రోజు కూడా పచ్చ మూకల దౌర్జన్యకాండ ఆగలేదు. సార్వత్రిక ఎన్నికల్లో ఇచ్చిన హామీలు అమలు చేయకపోవడంతో స్థానిక ఎన్నికల్లో ప్రజాగ్రహం చవిచూడక తప్పదని భయపడుతున్న చంద్రబాబు అండ్‌ కో ఏకంగా ప్రజాస్వామ్యంపైనే దండయాత్రకు దిగింది. ఎలాగైనా వైఎస్సార్‌సీపీ అభ్యర్థులు ఎన్నికల బరిలో ఉండకూడదని భావించిన వెన్నుపోటు పార్టీ.. కిరాయి రౌడీలను, పచ్చ గూండాలను, గంజాయి బ్యాచ్‌లను రంగంలోకి దించింది. అందుకు అత్యంత స్వామిభక్తి ప్రదర్శిస్తూ పనిచేసే పోలీసులను అడ్డగోలుగా వాడుకుంటోంది. ఫలితంగా ఊరూరా రావణ కాష్టం రగులుతోంది. ప్రైవేట్‌ వ్యక్తి గన్‌ పేల్చితే.. పోలీస్‌ వైఫల్యం కాదా?ఎన్నికల ముందు నుంచే బైండోవర్ల పేరుతో వైఎస్సార్‌సీపీ శ్రేణులను తీవ్ర వేధింపులకు గురిచేసిన పోలీసులకు ప్రైవేట్‌ వ్యక్తుల వద్ద ఉన్న గన్‌ను స్వాధీనం (సీజ్‌) చేసుకోవాలని తెలియదా? అని ప్రజలు నిలదీస్తున్నారు. వైఎస్సార్‌ కడప జిల్లా నందలూరు నామినేషన్ల కేంద్రం వద్ద టీడీపీకి చెందిన డాక్టర్‌ బాలసుబ్రమణ్యం తన రివాల్వర్‌తో మూడు రౌండ్లు గాలిలో కాల్పులు జరపడం పోలీసుల వైఫల్యం కాదా అని ప్రశ్నిస్తున్నారు. తిరుపతిలో ఎలైట్‌ ఆసుపత్రి ఎండీగా ఉన్న బాలసుబ్రమణ్యం తన తల్లి నామినేషన్‌ కోసం కడప జిల్లాలోని సొంతూరు నందలూరుకు గురువారం వచ్చాడు. అక్కడ నామినేషన్‌ దశలో ఉద్రిక్తత నెలకొనడంతో ఆయన రివాల్వర్‌తో కాల్పలు జరిపారు. దీనికి పోలీసులు ఏం సమాధానం చెబుతారని ప్రజలు ప్రశ్నిస్తున్నారు. ఎంపీటీసీ, జెడ్పీటీసీ ఎన్నికల నామినేషన్ల రెండవ రోజు గురువారం కూడా దారుణ దురంతాలు కొనసాగాయి. కడప జిల్లాలో దొంగ నామినేషన్లు వైఎస్సార్‌ కడప జిల్లాలో దొంగ నామినేషన్ల పర్వం బట్టబయలైంది. చక్రాయపేట మండలంలో గురువారం నామినేషన్ల ప్రక్రియ ముగిసే సమయానికి మొత్తం 11 నామినేషన్లు దాఖలు కాగా, అందులో ఒక్కటంటే ఒక్కటి కూడా అసలైన వైఎస్సార్‌సీపీ నేతది కాదు. పెండ్లిమర్రి మండలంలోనూ మూడు దొంగ నామినేషన్లు వేశారు. చింతకొమ్మదిన్నె మండలంలో వైఎస్సార్‌సీపీ నిజమైన అభ్యర్థులు నామినేషన్లు వేయకపోయినా, కూటమి నేతలే ప్రతిపక్షం పేరును వాడుకుని ఏకంగా ఏడు నకిలీ నామినేషన్లు వేశారు. ఎర్రగుంట్ల మండలంలో వైఎస్సార్‌సీపీ తరఫున కూటమి నాయకులే స్వయంగా డమ్మీలుగా రంగంలోకి దిగారు. వలసపల్లె స్థానానికి పాతకోటకు చెందిన టీడీపీ వర్గీయుడు రఘునాథ్‌ రెడ్డి, ఆర్టీపీపీ కృష్ణానగర్‌ స్థానానికి గుంతకల్లుకు చెందిన నాగప్ప వైఎస్సార్‌సీపీ అభ్యర్థులుగా ముసుగు వేసుకుని నామినేషన్లు వేశారు. పొట్లదుర్తి గ్రామానికి చెందిన మాధవి (మాతమ్మ)తో పాటు నరసింహులు అనే వ్యక్తి ప్రతిపక్ష అభ్యర్థులుగా పత్రాలు సమర్పించారు. కొండాపురం మండలంలో మొనగోటి గంగమ్మ, కృష్ణారెడ్డి కుమారుడు ఎ.సిద్ధార్థ రెడ్డి, పెద్దన్న కుమారుడు వై.ప్రసాద్, పెద్దయ్య భార్య వై.సావిత్రిల చేత బలవంతంగా వైఎస్సార్‌సీపీ తరఫున నామినేషన్లు దాఖలు చేయించి రికార్డులను తారుమారు చేశారు. మొత్తం 9 ఎంపీటీసీ స్థానాలు ఉన్న కలసపాడు మండలంలో అసలైన వైఎస్సార్‌సీపీ నేతలు ఎవ్వరూ నామినేషన్‌ వేయకుండా కట్టడి చేశారు. ఆ తర్వాత కోర్టు భయంతో టీడీపీ నేతలే వైఎస్సార్‌సీపీ పేరుతో 4 దొంగ నామినేషన్లు వేశారు. వైఎస్‌ కుటుంబ స్వగ్రామమైన బలపనూరు ఎంపీటీసీ స్థానానికి టీడీపీ నాయకుడే వైఎస్సార్‌సీపీ అభ్యర్థిగా ముసుగు వేసుకుని దొంగ నామినేషన్‌ దాఖలు చేయడం స్థానికులను విస్మయానికి గురిచేసింది. పేట్రేగిన పచ్చ రౌడీ మూకలువైఎస్సార్‌ కడప జిల్లా పులివెందులలో ఎంపీ వైఎస్‌ అవినాష్‌రెడ్డిని గృహ నిర్బంధం చేసేందుకు పోలీసులు ప్రయత్నించారు. ఆయన ఇంటి చుట్టూ ముళ్ల కంచె ఏర్పాటు చేసి భారీగా పోలీసులను మోహరించారు. అనంతరం వైఎస్‌ అవినాష్‌రెడ్డిని కడపలో అదుపులోకి తీసుకుని పులివెందుల పార్టీ కార్యాలయానికి తీసుకొచ్చారు. లింగాల మండలంలోని తొమ్మిది జడ్పీటీసీ స్థానాలకు పోటీ చేసేందుకు సిద్ధంగా ఉన్న అభ్యర్థులను నామినేషన్లు వేయనివ్వాలని వైఎస్సార్‌సీపీ కార్యకర్తలు కోరినా పోలీసులు పట్టించుకోలేదు. కడప నగరంలోని వైఎస్సార్‌సీపీ కార్యాలయం వద్ద పోలీసులు దౌర్జన్యానికి పాల్పడ్డారు. పార్టీ జిల్లా అధ్యక్షుడు పి.రవీంద్రనాథ్‌రెడ్డితోపాటు పలువురిని అదుపులోకి తీసుకుని బద్వేల్‌కు తరలించారు. జిల్లా వ్యాప్తంగా పలువురు నేతలను పోలీస్‌స్టేషన్‌కు తరలించారు. వైఎస్సార్‌ జిల్లాలో తమ పార్టీకి చెందిన జెడ్పీటీసీ అభ్యర్థులు నామినేషన్లు వేయడానికి సిద్ధంగా ఉన్నారని, తగిన భద్రత కల్పించాలని వైఎస్సార్‌సీపీ జిల్లా అధ్యక్షుడు ఎస్పీ, కలెక్టర్, ఎన్నికల కమిషన్‌ను కోరారు. అన్నమయ్య జిల్లాలో కొనసాగిన అరాచకంఅన్నమయ్య జిల్లా పీలేరులో వైఎస్సార్‌సీపీ నాయకులు, కార్యకర్తలను పోలీసులు రహదారులపైనే అడ్డుకున్నారు. నేతలను గృహ నిర్బంధం చేశారు. కలకడ–కదిరాయచెరువు ప్రాంతంలో చిరంజీవి, శంకరమ్మ, రాధిక అనే వైఎస్సార్‌సీపీ నాయకులు, కార్యకర్తలపై దాడి చేసి నామినేషన్‌ పత్రాలను లాక్కొని చించివేశారు. రాయచోటి నియోజకవర్గంలోని లక్కిరెడ్డిపల్లెలో నామినేషన్లు వేయడానికి వెళ్లిన వైఎస్సార్‌సీపీ నాయకులు ఢిల్లీ విశ్వనాథరెడ్డి, లక్ష్మీరెడ్డి, మహేంద్రబాబులపై దాడి చేశారు. వారి కారును ధ్వంసం చేసి కర్రలతో కొట్టడంతో మహేంద్రబాబుకు తీవ్ర గాయాలయ్యాయి. తంబళ్లపల్లె, పెద్దమండ్యం, పెద్దతిప్పసముద్రంలో వైఎస్సార్‌సీపీ నాయకులు, కార్యకర్తలపై రాళ్లదాడి చేశారు. చౌడేపల్లి మండలం బోయకొండలో వైఎస్సార్‌సీపీ నేత జయచంద్ర భవనాన్ని కూల్చివేసే రూ.50 లక్షలు నష్టం కలిగించారు. పెద్దకొండామర్రికి చెందిన వైఎస్సార్‌సీపీ నాయకులు గణేష్, నారాయణరెడ్డి, సాదిక్‌ లపై దాడి చేసి తీవ్రంగా గాయపరిచారు. చౌడేపల్లె వైఎస్సార్‌సీపీ మండల అధ్యక్షుడు నాగభూషణంరెడ్డి ఇంటిపై టీడీపీ శ్రేణులు దాడిచేసి ధ్వంసం చేశారు. పుంగనూరులోనూ నామినేషన్లకు టీడీపీ శ్రేణులు అడ్డుపడ్డారు. యనమసామనపల్లిలో వైఎస్సార్‌సీపీ నాయకుడు శ్రీనివాసులరెడ్డిపై పచ్చ రౌడీలు దాడికి దిగారు. నందలూరు ఎంపీపీ సీటు విషయంలో టీడీపీకి చెందిన మేడా విజయశేఖర్‌రెడ్డి, పార్టీ ఇన్‌చార్జి జగన్మోహన్‌రాజు వర్గాల మధ్య ఘర్షణ జరిగింది. ఇరువర్గాలను అదుపు చేసేందుకు పోలీసులు గాలిలోకి కాల్పులు జరిపారు. ఉమ్మడి అనంతలో అదే దౌర్జన్యంఉమ్మడి అనంతపురం జిల్లా రాప్తాడు నియోజకవర్గంలో ఎమ్మెల్యే పరిటాల సునీత డైరెక్షన్‌లో టీడీపీ రౌడీ మూకలు వైఎస్సార్‌సీపీ శ్రేణులపై దాడికి దిగాయి. పలువురి అభ్యర్థుల నామినేషన్లను లాక్కుని చింపేశారు. సాక్షి టీవీ రిపోర్టర్‌ మురళీపై దాడికి తెగబడ్డారు. కనగానపల్లికి వస్తోన్న వైఎస్సార్‌సీపీ కార్యకర్తలపై ఇనుపరాడ్లతో దాడులు చేశారు. చెన్నేకొత్తపల్లిలో టీడీపీ జిల్లా అధ్యక్షుడు ఎంఎస్‌ రాజు, రాప్తాడు ఎమ్మెల్యే పరిటాల సునీత వైఎస్సార్‌సీపీ అభ్యర్థుల నామినేషన్లు ఎందుకు అనుమతించారంటూ వీరంగం వేశారు. తాడిపత్రి నియోజకవర్గం పెద్దవడుగూరులో వైఎస్సార్‌సీపీ నాయకుడు శేషానందరెడ్డిపై టీడీపీ మూకలు దాడి చేసి గాయపరిచాయి. పెద్దవడుగూరులో టీడీపీ నేత జేసీ ప్రభాకర్‌రెడ్డి ఇచ్చిన జాబితాలో లేని ఆరు ఎంపీటీసీ స్థానాలకు మాత్రమే నామినేషన్లు వేయడానికి అనుమతి ఇస్తామని సీఐ నరేంద్రరెడ్డి స్పష్టం చేశారు. తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని తిమ్మంపల్లిలో పోలీసులు హౌస్‌ అరెస్టు చేశారు. వైఎస్సార్‌సీపీ శింగనమల నియోజకవర్గ సమన్వయకర్త, మాజీ మంత్రి డాక్టర్‌ శైలజానాథ్, ఎమ్మెల్సీ మంగమ్మలను అనంతపురంలో హౌస్‌ అరెస్టు చేశారు. గుంతకల్లులో వైఎస్సార్‌సీపీ ఎంపీటీసీ అ«భ్యర్థుల చేతుల్లోంచి నామినేషన్లను టీడీపీ మూకలు లాక్కుని చించివేశాయి. చింతలాంపల్లి మాజీ సర్పంచ్‌ బొజ్జనపై దాడి చేసి గాయపరిచాయి. వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి బురఖా ధరించి, పోలీసులు, టీడీపీ అల్లరిమూకల కళ్లు గప్పి ఎంపీడీఓ కార్యాలయంలోని ఎన్నికల అధికారుల ఎదుట ప్రత్యక్షమై పార్టీకి చెందిన 13 మంది ఎంపీటీసీ అభ్యర్థుల నామినేషన్లను అందజేస్తుండగా.. టీడీపీ శ్రేణులు వాటిని లాక్కొని చించివేశారు. బత్తలపల్లిలో వైఎస్సార్‌సీపీ అభ్యర్థులపైన కూటమి నేతలు రాళ్లు, కట్టెలు, బీరు సీసాలతో దాడులు చేసి భయోత్పాతం సృష్టించారు. వారికి టీడీపీ నియోజకవర్గ ఇన్‌చార్జ్‌ పరిటాల శ్రీరామ్‌ అండగా నిలిచి.. రౌడీయిజానికి ఆజ్యం పోశారు. చిత్తూరు జిల్లా గంగాధర నెల్లూరులో వైఎస్సార్‌సీపీ అభ్యర్థినిపై అసభ్యకరంగా చేతులు వేసి.. ఈడ్చేస్తున్న టీడీపీ గూండాలు ఉమ్మడి గుంటూరు జిల్లాలో పోలీసుల రౌడీయిజంపల్నాడు జిల్లా పెదకూరపాడు మాజీ ఎమ్మెల్యే నంబూరు శంకరరావు ఇంటిని పోలీసులు చుట్టుముట్టారు. నరసరావుపేట పెట్లూరివారిపాలెం మాజీ ఎంపీపీ మోరబోయిన శ్రీనివాసరావు ఇంటిపై అర్ధరాత్రి పోలీసులు దాడికి ప్రయత్నించారు. వినుకొండలో మాజీ ఎమ్మెల్యే బొల్లా బ్రహ్మనాయుడిని గృహ నిర్బంధం చేసి స్థానికంగా అభ్యర్థులను పోలీసులు అడ్డుకున్నారు. జిల్లా అధ్యక్షుడు పిన్నెల్లి రామకృష్ణారెడ్డిని పోలీసులు హౌస్‌ అరెస్ట్‌ చేశారు. చిలకలూరిపేట నియోజకవర్గంలో అక్రమాలపై ఎన్నికల కమిషనర్‌కు మాజీ మంత్రి విడుదల రజిని ఫిర్యాదు చేశారు. నిజాంపట్నంలో వైఎస్సార్‌ సీపీ నాయకుడు చిప్పల సాయిబాబాకు చెందిన ఇంట్లో ఫర్నిచర్, ఇతర వస్తువులను ధ్వంసం చేశారు. రేపల్లెలో వైఎస్సార్‌సీపీ అభ్యర్థులు యేమినని రాంబాబు, కొక్కిలిగడ్డ రవి నామినేషన్లు లాక్కున్నారు. ఈపూరులో దాడులకు తెగబడ్డారు. ఇనుమెళ్ల వైఎస్సార్‌సీపీ అభ్యర్థి తరఫున వస్తున్న ప్రతిపాదకుడు రామినీడి అనిల్, చెవుల పెద్ద అంకారావులపై టీడీపీ అల్లరి మూకలు విచక్షణారహితంగా దాడి చేశాయి. చింతలతండా గ్రామానికి చెందిన వైఎస్సార్‌సీపీ నాయకుడు రమావత్‌ శాంతిగబ్బర్‌సింగ్‌ దంపతులపై దాడికి పాల్పడ్డారు. ఉమ్మడి చిత్తూరు జిల్లాలో రెచ్చిపోయిన గూండాలుఉమ్మడి చిత్తూరు జిల్లా జీడీ నెల్లూరులో వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలను పచ్చ మూక చించివేసి, అభ్యర్థులను అడ్డుకుంది. ఎస్‌ఆర్‌పురంలో పోలీసులు లాఠీచార్జి చేశారు. సీఎం చంద్రబాబు నియోజకవర్గ పరిధిలోని రామకుప్పం మండలంలో వైఎస్సార్‌సీపీ ఎంపీటీసీ నామినేషన్లను పచ్చ గుండాలు అడ్డుకున్నారు. చంద్రగిరి నియోజకవర్గం వైఎస్సార్‌సీపీ పాకాల ఎంపీటీసీ అభ్యర్థి నామినేషన్‌ పత్రాలను టీడీపీ నాయకుడు చెన్నకేశవరెడ్డి బహిరంగంగా చించివేశారు. చంద్రగిరిలో చెవిరెడ్డి మోహిత్‌రెడ్డి, హర్షిత్‌రెడ్డి తదితరులను పోలీసులు గృహ నిర్బంధం చేశారు. మాజీ ఎమ్మెల్యే చెవిరెడ్డి భాస్కర్‌రెడ్డి అభ్యర్థులతో నామినేషన్‌ కేంద్రాలకు వెళ్లకుండా పోలీసులు అడ్డుకున్నారు. చంద్రగిరి నియోజకవర్గంలో గురువారం ఆరు మండలాల్లో హింసాత్మక ఘటనలు చోటు చేసుకున్నాయి. ఈ ఘటనల్లో 12 మంది వైఎస్సార్‌సీపీ అభ్యర్థులు గాయపడగా, ఎర్రావారిపాలెం ఎస్సైపైనా టీడీపీ గూండాలు దాడి చేశారు. తిరుపతి ఎంపీ గురుమూర్తి, ఎమ్మెల్సీ సిపాయి సుబ్రహ్మణ్యం, మాజీ ఎమ్మెల్యే చెవిరెడ్డి భాస్కర్‌రెడ్డిలను పోలీసులు గృహ నిర్బంధం చేశారు. చంద్రగిరిలో గురువారం ఎమ్మెల్యే నాని తమ అనుచరులకు వైఎస్సార్‌సీపీ కండువాలు కప్పి, చంద్రగిరి–4 సెగ్మెంట్‌ నుంచి ఉగ్రాణం గురవా రెడ్డి, చంద్రగిరి–1 నుంచి సీతలు వైఎస్సార్‌సీపీ తరఫున ఎంపీటీసీలు నామినేషన్‌ వేసినట్లు పత్రాలను సమర్పించారు. శ్రీకాళహస్తి వైఎస్సార్‌సీపీ మండల అధ్యక్షుడు, ఎంపీపీ అభ్యర్థి చెవిరెడ్డి మధుసూదన్‌రెడ్డిపై దాడి చేసి నామినేషన్‌ పత్రాలను చించివేశారు. ఓబులవారిపల్లె మండలంలో వైఎస్సార్‌సీపీ ఎంపీటీసీ అభ్యర్థి కె మౌనిక నామినేషన్‌ వేసేందుకు బయలుదేరగా, మార్గం మధ్యలో జనసేన పార్టీ నాయకులు ఆమె చేతులు పట్టుకుని అసభ్యకరంగా ప్రవర్తించారు. ఆమెను నామినేషన్‌ వేసేందుకు వెళ్లనీయకుండా అడ్డుకున్నారు. రైల్వే కోడూరు నియోజకవర్గంలో సీనియర్‌ నాయకులు ముద్దాబాబుల్‌రెడ్డి, రామిరెడ్డి ధ్వజారెడ్డి, సాయికిషోర్‌రెడ్డి, ముస్తాక్‌లను గురువారం పోలీసులు హౌస్‌ అరెస్ట్‌ చేశారు. శ్రీరంగరాజపురంలో వైఎస్సార్‌సీపీ వెంకటాపురం, తయ్యూరు ఎంపీటీసీ అభ్యర్థులు జయమ్మ, శిరీషా గురవారెడ్డి నామినేషన్లు దాఖలు చేసేందుకు రాగా.. పోలీసుల సమక్షంలోనే టీడీపీ నాయకుడు నిరంజన్‌రెడ్డి, జీవన్‌బాబు, రామిరెడ్డి కలిసి నామినేషన్లు చించివేశారు. జయమ్మ చీరను సైతం లాగేశారు. చిత్తూరు జిల్లా గంగాధర నెల్లూరులో బాలగంగానపల్లి పంచాయతీకి చెందిన వైఎస్సార్‌సీపీ అభ్యర్థులు మోహన, వింజం పంచాయతీకి చెందిన నాగరత్నమ్మల వద్ద నుంచి టీడీపీ రౌడీ మూకలు నామినేషన్‌ పత్రాలను లాక్కున్నాయి. వారి చీర లాగి దాడి చేశాయి.

సాక్షి,గుంటూరు: చిలకలూరిపేట నియోజకవర్గంలో టీడీపీ గూండాలు బరితెగించి నామినేషన్లు వేసేందుకు వెళ్తున్న వైఎస్సార్సీపీ అభ్యర్ధులపై దాడులు చేస్తుంటే, ఇళ్లలోకి దూరి మరీ అభ్యర్ధుల్ని లాక్కొచ్చి నామినేషన్లు విత్ డ్రా చేయిస్తుంటే ఎస్ఈసీ ఏం చేస్తోందని మాజీ మంత్రి, వైఎస్సార్సీపీ నేత విడదల రజిని తీవ్రంగా మండిపడ్డారు. చిలకలూరిపేటలో టీడీపీ దాడులకు దిగుతుంటే, బెదిరించి నామినేషన్లు విత్ డ్రా చేయిస్తుంటే పోలీసులు కూడా చోద్యం చూస్తున్నారని ఆక్షేపించారు. అర్ధరాత్రి 12 గంటల వరకూ మున్సిపల్ ఎన్నికల నామినేషన్లు విత్ డ్రా చేయించిన వ్యవహారంపై ఎస్ఈసీని కలిసి ఆధారాలు సమర్పించామని, దీనిపై తగు చర్యలు తీసుకోకపోతే సుప్రీంకోర్టు వరకైనా వెళ్లి న్యాయం కోరతామని విడదల రజిని హెచ్చరించారు. ప్రెస్ మీట్లో విడదల రజినీ ఇంకా ఏమన్నారంటే...రెడ్ బుక్ రాజ్యాంగం అమలు చేస్తూ ఏ విధంగా స్థానిక ఎన్నికల్లో దాడులు, అక్రమాలకు పాల్పడుతున్నారో అందరూ చూస్తున్నారు. ఈ రెడ్ బుక్ ఎలెక్షన్ అజెండా ఒక్కటే. కూటమి అభ్యర్ధులు పోటీ కూడా పడకుండానే, వాళ్లే సుప్రీం అనుకుని, వాళ్లకే ఏకగ్రీవం కావాలని, వాళ్లే గెలిచినట్లు డిక్లరేషన్ చేసుకోవడమే ఈ రెడ్ బుక్ ఎలెక్షన్. రాష్ట్ర వ్యాప్తంగా ఎక్కడ చూసినా విపక్ష అభ్యర్ధులు నామినేషన్లను అడ్డుకోవడం, వాళ్ల కుటుంబ సభ్యుల్ని, పిల్లల్ని వేధిస్తున్నారు. ఇన్ని ఇబ్బందులు పెడుతున్నా, దాడులు చేస్తున్నా ఎక్కడా వెనక్కి తగ్గకుండా మా నాయకుడు వైఎస్ జగన్‌పై ఉన్న అభిమానంతో పోటీ చేయాలని ముందుకొస్తున్న వారిని ఎంత మెచ్చుకున్నా తక్కువే అవుతుంది. అందుకే వారికి కృతజ్ఞతలు, అభినందనలు తెలియజేస్తున్నాం.ఎంపీటీసీ,జడ్పీటీసీ నామినేషన్లు ప్రారంభమయ్యాక కూడా అధికారులు వైఎస్సార్సీపీ అభ్యర్ధులకు ఎక్కడా ఎన్వోసీలు ఇవ్వకుండా సాకులు చెప్తూ వచ్చారు.చివరికి ఎస్ఈసీ ఆదేశాలు ఇచ్చిన తర్వాత వెనక్కి తగ్గారు. ఎన్వోసీల అడ్డంకులు తప్పాయి నామినేషన్ వేద్దామని అనుకుంటే, మండల కేంద్రాల్లో నామినేషన్ కేంద్రాలకు దగ్గరగా బ్యారికేడ్లు పెట్టి, అక్కడ 400-500 మంది టీడీపీ వాళ్లు, పోలీసులు ఉంటారు. పోలీసులు ఉన్నారు కదా సవ్యంగా నామినేషన్లు వేసుకునేలా చూస్తారా అంటే అదీ లేదు. నామినేషన్ వేసేందుకు వచ్చిన వైఎస్సార్సీపీ అభ్యర్ధులపై దౌర్జన్యాలు చేయడానికి, వాళ్ల తలలు పగులగొట్టడానికి, చంపడానికి ప్రయత్నిస్తున్న పరిస్ధితులు ఉన్నయి. ఇవాళ నా నియోజకవర్గంలోని నాదెండ్ల మండలంలో నామినేషన్ వేయానుకున్న అభ్యర్ధులనూ, నాయకులనూ కారణం చెప్పకుండానే పోలీసు స్టేషన్ కు తీసుకెళ్లి బంధించారు. ఎడ్లపాడులో మా నాయకులు నామినేషన్లు వేయాలని బయటికి వస్తే వాళ్లను టీడీపీ వాళ్లు అడ్డుకుని, గూండాయిజం, రౌజీయిజం చేస్తూ పోలీసుల సమక్షంలోనే అడ్డుకున్నారు. సినిమా ఫక్కీలో ఇరువర్గాల వారిని లాఠీచార్జ్ చేసి చెదరగొట్టామని చెప్పుకుంటూ పోలీసులు డ్రామాలు ఆడుతున్నారు.అర్ధరాత్రి 12 గంటల వరకూ నామినేషన్ల ఉపసంహరణా ?పోలీసులు ఎక్కడ కూడా అభ్యర్ధులతో స్వేచ్ఛగా నామినేషన్లు వేయించాలని, గొడవలు నివారిద్దామని అనుకోవడం లేదు. అంటే అధికార పార్టీ రెడ్ బుక్ రాజ్యాంగంలో భాగంగా టీడీపీ వాళ్లు గూండాలు, రౌడీల మాదిరిగా నామినేషన్లు వేయాలనుకున్న వైఎస్సార్సీపీ వాళ్ల మీద దాడులు చేస్తున్నారు. అందుకే ఎడ్లపాడులో మహిళలు హైవే ఎక్కి నామినేషన్ వేసేందుకు అనుమతించాలని పోలీసుల ముందు నిరసనకు దిగాల్సిన పరిస్ధితిని అందరూ చూశారు. ఈ విధంగా రాష్ట్రవ్యాప్తంగా ఎంపీటీసీ, జడ్పీటీసీ నామినేషన్లను వీళ్లు అడ్డుకుంటుంటే ఎస్ఈసీ ఏం చేస్తుంది, ప్రభుత్వం ఏం చేస్తుందని అడుగుతున్నాం. ఈసీ రూల్స్ ఎవరూ పాటించడం లేదు.2019లో వైఎస్‌ జగన్‌ అధికారంలోకి వచ్చాక నిర్వహించిన స్థానిక ఎన్నికల్ని ఎంతో పద్దతిగా నిర్వహించారు. కానీ ఇప్పుడు ఆ పరిస్ధితులు ఎక్కడా కనిపించడం లేదు. నిన్న రాష్ట్రవ్యాప్తంగా 3 గంటలకు మున్సిపల్ ఎన్నికల నామినేషన్ల విత్ డ్రా ప్రక్రియ ముగిసింది. కానీ మా చిలకలూరిపేట నియోజకవర్గంలో మాత్రం 3 గంటల నుంచి రాత్రి 12 గంటల వరకూ విత్ డ్రా ప్రక్రియ కొనసాగింది. ఇందుకు ఇక్కడ ఉన్న మీడియా మిత్రులే సాక్ష్యం. ఏంటీ అన్యాయమని ప్రతీ ఒక్కరూ మాట్లాడుతున్నారు. ఈ రాష్ట్రంలో చంద్రబాబుకు, ఈ ప్రభుత్వానికి దమ్ముంటే నిజాయితీగా ఎన్నికలు జరిపిస్తే చిలకలూరిపేటలో మధ్యాహ్నం 3 గంటల తర్వాత ఏం జరిగిందో సీసీటీవీ ఫుటేజ్ బయటపెట్టండి. ఎస్ఈసీ ఇందులో జోక్యం చేసుకోవాలని ఇవాళ ఫిర్యాదు చేశాను. ఎన్నికలు వాయిదా వేస్తున్నామని ఎస్ఈసీ రాత్రి 10 గంటలకు ప్రకటించినా అది కూడా లెక్కచేయకుండా రాత్రి 12 గంటల వరకూ నామినేషన్ల ఉపసంహరణ కార్యక్రమం కొనసాగించారు. చంపుతామని బెదిరించి, కొట్టి, ఆస్తులు ధ్వంసం చేసి, ఉద్యోగాలు, ఆస్తుల విషయంలో అంతు తేలుస్తామని బెదిరించి, కిడ్నాప్ లు చేసి నామినేషన్లను ఉపసంహరించుకునేలా చేశారు. నైట్ డ్రెస్ లో ఉన్న మహిళను సైతం డ్రెస్ మార్చుకుని వస్తామని చెప్పినా టీడీపీ గూండాలు ఎత్తుకొచ్చి రాత్రి 11 గంటలకు ఆమెతో నామినేషన్ ఉపసంహరింపజేశారు. రాత్రి 12 గంటల వరకూ అధికారులు ఎందుకు పనిచేశారో చెప్పాలి.ఎస్ఈసీ చర్యలు తీసుకోకపోతే న్యాయపోరాటం తప్పదుటీడీపీకి ధైర్యం, నిజాయితీ ఉంటే ఇలాంటి తప్పులు చేయాల్సిన అవసరం ఏమొచ్చింది. ధైర్యముంటే ప్రజల్లోకి రండి, మీరేం చెప్పాలనుకుంటున్నారో చెప్పండి, మేమేం చెప్పాలో చెప్తాం, వాళ్లే అన్నీ నిర్ణయిస్తారు. అలా కాకుండా నీచమైన, దుర్మార్గమైన పనులకు దిగుతున్నారంటే చిలకలూరిపేటలో ఓడిపోతామన్న భయం మీలో కనిపించింది. మహిళలని కూడా లెక్కచేయకుండా ఇలాంటి దాడులకు దిగుతున్నారంటే రెడ్ బుక్ ఎన్నికల అజెండా ఎలా ఉందో అర్దమవుతోంది. ఒకరిని మించి మరొకరు ఇందులో పోటీ పడుతున్నారు. ఒకరు నామినేషన్లు వేయనివ్వకుండా అడ్డుకుంటే, మరొకరు ప్రత్యర్దుల్ని ఇంటిలో నుంచి బయటికి రాకుండా అడ్డుకుని పోటీ పడుతున్నారు. ఇలా ఒకరిని మించి మరొకరు ఎన్నికల్లో ఇన్ని విధాలుగా ప్రజల్ని భయబ్రాంతులకు గురిచేస్తున్నారో అర్థమవుతోంది. ఇదంతా కరెక్టేనా అని ప్రభుత్వాన్ని ప్రశ్నిస్తున్నాం.దీనిపై ఇవాళ చిలకలూరిపేట నియోజకవర్గంలో మున్సిపల్ ఎన్నికల సందర్భంగా జరిగిన దారుణాలు, దాడులు, బెదిరింపులపై ఎస్ఈసీకి ఫిర్యాదు చేశాను. 12 గంటల వరకూ ఎలా నామినేషన్లు విత్ డ్రా చేయించారో కూడా ఆధారాలు, వీడియోలను సమర్పించి తగిన చర్యలు తీసుకోవాలని కోరాను. అలాగే నిన్న మధ్యాహ్నం 3 గంటల నుంచి అర్ధరాత్రి 12 గంటల వరకూ సీసీటీవీ ఫుటేజ్ ను ఫ్రీజ్ చేయమని కూడా కోరాను. దీనికి సంబంధించి మా దగ్గర ఉన్న ఆధారాలన్నీ సమర్పించాం. ఇవన్నీ అధ్యయనం చేసి వెంటనే ఈ ఎన్నికల్ని రీషెడ్యూల్ చేయమని కోరాం. ఎస్ఈసీ మాకు కచ్చితంగా న్యాయం చేయకపోతే వెంటనే హైకోర్టును ఆశ్రయిస్తాం, సుప్రీంకోర్టు వరకూ వెళ్తాం, ఎన్నికల్లో ఎవరైతే అత్యుత్సాహం చూపించారో వారిని శిక్షించే వరకూ వదిలిపెట్టం. వైఎస్సార్సీపీని ఎంత అణగదొక్కినా, ప్రజలు సరైన సమయం చూసి మీకు తీర్పు ఇస్తారని ఆశిస్తున్నాం. టెక్నికల్‌గా వీళ్లు గెలిచినా, నైతికంగా వైఎస్సార్సీపీయే గెలువబోతోందని విడదల రజిని తేల్చిచెప్పారు.ఇదీ చదవండి : సుప్రీం ఆదేశాలు..ఏపీ ఎన్నికల సంఘం కీలక నిర్ణయం

సాక్షి,తాడేపల్లి: జనసేనకు గట్టి ఎదురుదెబ్బ తగిలింది. కాకినాడ జిల్లా జగ్గంపేట నియోజకవర్గానికి చెందిన జనసేన కీలక నేత పాఠంశెట్టి సూర్యచంద్ర దంపతులు వైఎస్సార్‌సీపీలో చేరారు.గురువారం తాడేపల్లిలోని వైఎస్సార్‌సీపీ కేంద్ర కార్యాలయంలో ఆ పార్టీ అధినేత, మాజీ సీఎం వైఎస్‌ జగన్‌మోహన్‌ రెడ్డి సమక్షంలో పాఠంశెట్టి సూర్యచంద్ర, ఆయన సతీమణి శ్రీదేవితో పాటు వారి ముఖ్య అనుచరులు వైఎస్సార్‌సీపీ కండువా కప్పుకున్నారు. ఈ సందర్భంగా వైఎస్‌ జగన్‌ వారికి పార్టీ కండువాలు కప్పి సాదరంగా పార్టీలోకి ఆహ్వానించారు.నియోజకవర్గంలో బలమైన పట్టు..జగ్గంపేట నియోజకవర్గ రాజకీయాల్లో తనకంటూ ప్రత్యేక గుర్తింపు తెచ్చుకున్న పాఠంశెట్టి సూర్యచంద్ర మూడుసార్లు బూరుగుపూడి గ్రామ సర్పంచ్‌గా పనిచేశారు. 2019 అసెంబ్లీ ఎన్నికల్లో జనసేన పార్టీ అభ్యర్థిగా, 2024 ఎన్నికల్లో స్వతంత్ర అభ్యర్థిగా జగ్గంపేట నియోజకవర్గం నుంచి పోటీ చేసి గణనీయమైన ఓట్లు సాధించారు. ఈ కార్యక్రమంలో మాజీ ఎంపీ తోట నరసింహంతో పాటు పలువురు వైఎస్సార్‌సీపీ నాయకులు పాల్గొన్నారు.ఎన్నిక‌ల హామీలు ప‌ది శాతం కూడా అమ‌లు చేయ‌లేదు : పాఠంశెట్టి సూర్య‌చంద్ర‌‘వైఎస్సార్‌సీపీలో చేరడం చాలా సంతోషంగా ఉంది. గత 30 ఏళ్లుగా రాజకీయాల్లో ఉంటూ గ్రామస్థాయి నుంచి ప్రజలకు సేవ చేస్తున్నాను. మూడు సార్లు సర్పంచ్‌గా పనిచేసి, మా గ్రామాన్ని అభివృద్ధి చేసి రాష్ట్రంలోని ఇతర గ్రామాలకు ఆదర్శంగా నిలిపాను. 2019లో జనసేన పార్టీ తరఫున పోటీ చేసిన తర్వాత కూడా ఐదేళ్లపాటు రాత్రింబవళ్లు ప్రజల మధ్యే ఉంటూ వారి సమస్యలను తెలుసుకుని పరిష్కారం కోసం పోరాడాను. 2024 ఎన్నికల్లో జగ్గంపేట నియోజకవర్గం నుంచి స్వతంత్ర అభ్యర్థిగా పోటీ చేసి 12,531 ఓట్లు సాధించాను. ఎన్నికల తర్వాత కూడా ప్రజా సమస్యలపై పోరాడుతూ, ప్రభుత్వం ఇచ్చిన హామీలను ఎందుకు అమలు చేయడం లేదని నిలదీస్తున్నాను. వైఎస్‌ జగన్ నాయకత్వంపై నమ్మకంతో, తోట నరసింహం గారి ఆధ్వర్యంలో నా భార్య శ్రీదేవి, మా అనుచరులతో కలిసి వైఎస్సార్‌సీపీలో చేరడం గర్వంగా భావిస్తున్నాను. వైఎస్సార్‌సీపీ కార్యకర్తగా జగ్గంపేట నియోజకవర్గంలో పార్టీ బలోపేతానికి, ప్రజలకు మేలు జరిగేలా పనిచేస్తాను.ఎన్నికల సమయంలో సూపర్‌ సిక్స్‌ పేరుతో ఎన్నో హామీలు ఇచ్చిన కూటమి ప్రభుత్వం వాటిని అమలు చేయడంలో విఫలమైంది. కనీసం పది శాతం హామీలైనా నెరవేర్చకుండా ప్రజలను మళ్లీ ఓట్లు అడగడానికి వస్తున్న కూటమి నాయకులను ప్రజలు నిలదీయాలి. పెన్షన్లు, ఇళ్లు, స్థలాలు, ఇతర సంక్షేమ పథకాల పేరుతో ఇంటింటికీ వెళ్లి హామీలు ఇస్తున్న నాయకులను గత రెండున్నరేళ్లలో ఏం చేశారని ప్రశ్నించాలి. ప్రజల సమస్యల పరిష్కారం కోసం నిరంతరం పోరాడే వైఎస్సార్‌సీపీకి అండగా నిలవాలి. స్థానిక సంస్థల ఎన్నికల్లో ఎంపీటీసీ, జెడ్పీటీసీ, సర్పంచ్‌, మేయర్‌, వార్డు సభ్యుల స్థానాల్లో వైఎస్సార్‌సీపీ అభ్యర్థుల విజయానికి ప్రతి ఒక్కరూ కృషి చేయాలి. వైఎస్‌ జగన్ గారు మళ్లీ ముఖ్యమంత్రి అయ్యే వరకు, రాష్ట్ర ప్రజలకు మేలు జరిగే వరకు నా శక్తివంచన లేకుండా పనిచేస్తాను’ అని స్పష్టం చేశారు.ఇదీ చదవండి : సుప్రీం ఆదేశాలు..ఏపీ ఎన్నికల సంఘం కీలక నిర్ణయం

సాక్షి, తాడేపల్లి: పార్టీ ముఖ్య నేతలతో వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి భేటీ అయ్యారు. స్థానిక సంస్థల ఎన్నికల్లో అక్రమాలు, హింసపై సుప్రీంకోర్టు తీర్పుపై చర్చించారు. ఈ సందర్భంగా వైఎస్‌ జగన్‌ మాట్లాడుతూ.. రాష్ట్రంలో ప్రజాస్వామ్య హననంపై సుప్రీంకోర్టు ఆందోళన వ్యక్తం చేసిందని.. స్థానిక ఎన్నికల్లో అక్రమాలు, హింసను సుప్రీంకోర్టు పరిగణలోకి తీసుకుందని.. అందుకనే ఎస్‌ఈసీకి ఆదేశాలు ఇచ్చిందన్నారు.‘‘చంద్రబాబు వ్యవస్థీకృతంగా ఉద్దేశ పూర్వకంగా హింసకు పాల్పడుతున్నారు. జరిగిన ఘటనలు ఈ అంశాన్ని నిర్థారిస్తున్నాయి. సుప్రీంకోర్టు ఆదేశాలు ఇచ్చినా పరిస్థితిలో మార్పురాలేదు. ఎంపీటీసీ, జడ్పీటీసీల్లోనూ హింసకు పాల్పడుతున్నారు. ప్రభుత్వాన్ని నడుపుతున్నవారే హింసకు పాల్పడ్డం ఎక్కడా చూసి ఉండం. పోలీసులను వాడుకుని ఈ దారుణాలన్నీ చంద్రబాబు చేయిస్తున్నారు. క్షేత్రస్థాయిలో కార్యకర్తలు, నాయులు తిరుగులేని ధైర్యాన్ని ప్రదర్శిస్తున్నారు. ప్రజాస్వామ్యాన్ని కాపాడుకునేదిశగా గొప్పగా పోరాటం చేస్తున్నారు’’ అని వైఎస్‌ జగన్‌ పేర్కొన్నారు.‘‘క్షేత్రస్థాయిలో జరుగుతున్న ఘటనలపై ఆధారాలు సేకరణ చాలా అవసరం. పార్టీ నాయకులకు ఆమేరకు సూచనలు సలహాలు ఇవ్వండి. పటిష్ట ఆధారాలను కోర్టుల ముందు ఉంచడం ద్వారా న్యాయపోరాటం చేద్దాం. ప్రజాస్వామ్య పరిరక్షణ మన బాధ్యత. ప్రజాస్వామ్య పరిరక్షణ కోసం ఎందాకైనా పోరాటం చేద్దాం’’ అని వైఎస్‌ జగన్‌ పిలుపునిచ్చారు.ఇదీ చదవండి: అరాచకాలు చేస్తుంటే చూస్తూ ఊరుకోం

సాక్షి, తాడేపల్లి: కత్తిపూడి రోడ్డు ప్రమాదంపై వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి దిగ్భ్రాంతి వ్యక్తం చేశారు. కనకదుర్గమ్మ దర్శనానికి వస్తున్న భక్తులు ప్రమాదానికి గురై నలుగురు ప్రాణాలు కోల్పోవడం అత్యంత బాధాకరమన్నారు. మృతుల కుటుంబాలకు ఆయన తన ప్రగాఢ సానుభూతి తెలిపారు.‘‘గాయపడిన వారికి మెరుగైన వైద్యసేవలు అందించాలి. మృతుల కుటుంబాలను ప్రభుత్వం అన్ని విధాలుగా ఆదుకోవాలి. క్షతగాత్రులకు అవసరమైన సహాయ సహకారాలు అందించాలి. మృతుల ఆత్మలకు శాంతి చేకూరాలి’’ వైఎస్‌ జగన్‌ పేర్కొన్నారు.ఇదీ చదవండి: భవానీ భక్తులపైకి దూసుకెళ్లిన కారు.. నలుగురి మృతి

సాక్షి, అమరావతి: ము­న్సిపల్‌ ఎన్నికల్లో నామినేషన్లను అడ్డుకున్నట్లుగానే జెడ్పీటీసీ, ఎంపీటీసీ ఎన్నికల్లోనూ నామినేషన్ల ప్రక్రియకు అడ్డంకులు సృష్టిస్తున్నారని వైఎస్సార్‌సీపీ ఎమ్మెల్సీ కల్పలతారెడ్డి మండిపడ్డారు.ఆమె బుధవారం తాడేపల్లిలోని వైఎస్సార్‌సీపీ కేంద్ర కార్యాల­యం వద్ద మీడియాతో మాట్లాడుతూ.. కడప, అనంతపురం, నంద్యాల, కర్నూలు సహా పదికి పైగా జిల్లాల్లో నామినేషన్లను అడ్డుకోవడం, పత్రాలను చించివేయడం, మహిళల పట్ల దురుసుగా వ్యవహరించడం జరుగుతోందని చెప్పారు.ఈ దుర్మార్గాలపై రాష్ట్ర ఎన్నికల కమిషనర్‌కు వినతిపత్రం అందజేశామన్నారు. మున్సిపల్‌ ఎన్నికల్లో అధికార టీడీపీ అరాచకాలపై రాష్ట్ర ఎన్నికల సంఘం స్పందించకపోవడం వల్లే సుప్రీం కోర్టు జోక్యం చేసుకోవాల్సి వచ్చిందని తెలిపారు. సుప్రీంకోర్టు మార్గదర్శకాలను ఎన్నికల సంఘం అమలు చేయకపోతే వైఎస్సార్‌సీపీ మరోసారి న్యాయపోరాటం చేస్తుందని స్పష్టం చేశారు.ఇదీ చదవండి: చంద్రబాబు అధికారంలో ఉంటే రాజ్యాంగ వ్యవస్థలకు ఆటంకం..

సాక్షి, అమరావతి: బడ్జెట్‌ బయట ప్రభుత్వ గ్యారెంటీలతో అప్పుల పరంపరను చంద్రబాబు సర్కారు యథేచ్ఛగా కొనసాగిస్తోంది. ఇందులో భాగంగా మరో భారీ రుణానికి అనుమతించింది. మార్క్‌ఫెడ్‌ ద్వారా రూ.6,500 కోట్లు అప్పు చేసేందుకు అనుమతిస్తూ రాష్ట్ర ప్రభుత్వం బుధవారం ఉత్తర్వులు జారీచేసింది. వర్కింగ్‌ క్యాపిటల్‌ రుణంగా తీసుకునేందుకు, దీనికి ప్రభుత్వ గ్యారెంటీ ఇస్తున్నట్లు ఆ ఉత్తర్వుల్లో పేర్కొంది. జాతీయ కో–ఆపరేటివ్‌ డెవలప్‌మెంట్‌ కార్పొరేషన్‌ నుంచి మార్క్‌ఫెడ్‌ ఈ రుణం పొందుతుందని అందులో తెలిపారు. రుణ కాలపరిమితి మొత్తానికి ప్రభుత్వ గ్యారెంటీ వర్తిస్తుంది. అలాగే.. అసలు, వడ్డీ మొత్తాలకు గ్యారెంటీ వర్తిస్తుందని.. అసలు, వడ్డీ చెల్లింపుల షెడ్యూల్‌ను సమర్పించడంతో పాటు వడ్డీ రేటు, కాలపరిమితి, మారటోరియం కాలం వంటి వివరాలను, ఇతర ఏవైనా నిబంధనలు ఉంటే వాటిని కూడా మార్క్‌ఫెడ్‌ తెలియజేయాలి. అయితే, మార్క్‌ఫెడ్‌ తన సొంత వనరుల నుండే రుణాన్ని చెల్లించాలి. అప్పు తీర్చడంలో మార్క్‌ఫెడ్‌ విఫలమైనప్పుడు మాత్రమే ప్రభుత్వ హామీ అమలులోకి వస్తుంది. గ్యారెంటీ ఇచ్చిన మొత్తంపై మార్క్‌ఫెడ్‌ ఐదు శాతం గ్యారెంటీ కమీషన్‌ను చెల్లించాలి. ఇదిలా ఉంటే.. మార్క్‌ఫెడ్‌ ద్వారా చంద్రబాబు సర్కారు ఇప్పటికే రూ.22,000 కోట్లు అప్పుచేసింది. తాజాగా చేసే రూ.6,500 కోట్ల అప్పుతో మార్క్‌ఫెడ్‌ ద్వారా చేసిన అప్పు రూ.28,500 కోట్లకు చేరింది.

సాక్షి, అమరావతి: రాష్ట్రంలో స్థానిక సంస్థల ఎన్నికలను అడ్డుపెట్టుకుని వెన్నుపోటు పార్టీ కూటమి ప్రభుత్వం సాగిస్తున్న అరాచకాలు, హింసాత్మక రాజకీయాల నుంచి ప్రజల దృష్టిని మళ్లించేందుకే చంద్రబాబు, లోకేశ్, పవన్‌ కళ్యాణ్‌ త్రయం ఎల్లో మీడియాతో కలిసి కుట్ర­పూ­రిత ప్రచారానికి తెరలేపిందని వైఎస్సార్‌సీపీ అధికార ప్రతినిధి పుత్తా శివశంకర్‌ ధ్వజమె­త్తారు.తాడేపల్లిలోని పార్టీ కేంద్ర కార్యాలయంలో మంగళవారం ఆయన మీడియాతో మాట్లా­డారు. రైతు పొలంలో రోడ్డు వ్యవహారం, సత్యనారాయణకు సంబంధించిన డ్రగ్స్‌ కేసును తెరపైకి తీసుకొచ్చి వైఎస్సార్‌సీపీపై బురదజల్లే కుట్ర జరుగుతోందని ఆక్షేపించారు. రాష్ట్రంలో జరుగుతున్న ఎన్నికల అక్రమాలు, దాడులు, నామినేషన్ల అడ్డగింతలపై సమాధానం చెప్పాల్సిన పాలకు­లు.. సంబంధం లేని అంశాల­ను రాజకీయ ప్రచారానికి వాడు­కోవడం దేనికి సంకే­తమని ప్రశ్నించారు.‘స్థానిక ఎన్నికల్లో వెన్ను­పోటు పార్టీ అక్రమాలను ప్రజలు గమనిస్తు­న్నారు. నిజాయితీగా ఎన్నికల్లో పోటీ చేసి గెలిచే దమ్ము ఆ పార్టీకి లేదని తేలిపోయింది. దాన్నుంచి ప్రజలను డైవర్ట్‌ చేసేందుకు రోడ్డు ధ్వంసం పేరుతో దుష్ప్రచారం చేస్తున్నారు. సంబంధం లేని డ్రగ్స్‌ కేసును వైఎస్సార్‌సీపీ నేతకి అంటగట్టారు. ప్రతిపక్ష పార్టీలను, అభ్యర్థుల నామినేషన్లను కూడా అడ్డుకుంటున్న ఈ రాక్షస పాలనకు కాలం చెల్లింది. రాబోయే రోజుల్లో ప్రజలు ఈ ప్రభుత్వానికి గుణపాఠం చెబుతారు’ అని పుత్తా శివశంకర్‌ హెచ్చరించారు.ఇదీ చదవండి: మేమున్నాం.. ధైర్యంగా నామినేషన్లు వేయండి

చౌడేపల్లె: ఎదుటివారి భయాన్ని పెట్టుబడిగా చేసుకుని కూటమి నేతలు రాజకీయం చేయాలని చూస్తున్నారని వైఎస్సార్‌సీపీ లోక్‌సభాపక్ష నేత, రాజంపేట ఎంపీ పెద్దిరెడ్డి మిథున్‌రెడ్డి, మాజీమంత్రి డాక్టర్‌ పెద్దిరెడ్డి రామచంద్రారెడ్డి విమర్శించారు. భయపడితే ఇక్కడ రాజకీయం చేయలేమని చెప్పారు. అన్నమయ్య జిల్లా చౌడేపల్లెలోని వైఎస్సార్‌సీపీ కార్యాలయంలో పార్టీ ముఖ్యనేతలు, కార్యకర్తలతో మంగళవారం నిర్వహించిన విస్తృతస్థాయి సమావేశంలో వారు మాట్లాడారు. స్థానిక సంస్థల ఎన్నికల వేళ పార్టీ శ్రేణులకు దిశానిర్దేశం చేశారు. ఎంపీ మిథున్‌రెడ్డి మాట్లాడుతూ క్లిష్ట పరిస్థితుల్లో పార్టీకోసం నిలబడిన ప్రతి ఒక్కరిని భవిష్యత్తులో భుజాలపై మోసుకుని కాపాడుకుంటానని భరోసానిచ్చారు. ‘మనమేమీ మర్డర్లు, మానభంగాలు చేయలేదు, భయపడకండి. కేసులు పెడతారు, అంతేగా. నేను ఉన్నాను., ఎవరికి ఏం జరిగినా పూర్తి బాధ్యత నాదే..’ అని న్యాయబద్ధంగా నామినేషన్లు వేయాలని కోరారు. ఇటీవల మున్సిపల్‌ ఎన్నికల్లో తానే స్వయంగా ముందుండి తల ఎత్తుకుని వెళ్లి నామినేషన్‌ వేశానని గుర్తుచేశారు. కార్యకర్తలంతా అదే ధైర్యంతో ముందుకెళ్లాలని పిలుపునిచ్చారు. క్షేత్రస్థాయి అరాచకాలపై ఇప్పటికే దాదాపు 20 మంది టీడీపీ ముఖ్యనేతలే తనతో ఫోన్‌లో ఆవేదన వ్యక్తం చేశారని చెప్పారు. బయటి ఊరి వాళ్లను తెచ్చి ఇక్కడ రెచ్చగొడుతున్నారని, రేపు అధికారం పోతే వారు రాష్ట్రం విడిచి పారిపోతారని ఆయన పేర్కొన్నారు. పెద్దిరెడ్డి రామచంద్రారెడ్డి మాట్లాడుతూ తాము పుంగనూరుకు ప్రాతినిధ్యం వహించినప్పటి నుంచి చౌడేపల్లె మండలం వైఎస్సార్‌సీపీకి పటిష్టమైన ఆదరణ అందించిందని చెప్పారు. గతం నుంచి ఇప్పటివరకు ఇక్కడ మనదే ఆధిపత్యమని గుర్తుచేశారు. ఈ పిల్ల రౌడీల చేష్టలకు ఎవరూ వెనకడుగు వేయాల్సిన అవసరం లేదని, మనకున్నంత కేడర్‌ బలం మరే పార్టీకి లేదని చెప్పారు. ప్రతి పంచాయతీ నుంచి కనీసం వందమందితో కలిసి ధైర్యంగా వెళ్లి నామినేషన్లు వేయాలని, అభ్యర్థులను గెలిపించుకునే పూర్తి బాధ్యత తాము తీసుకుంటామని కార్యకర్తల్లో ధైర్యం నింపారు. ఈ సమావేశంలో వైఎస్సార్‌సీపీ రాష్ట్ర కార్యదర్శులు దామోదరరాజు, రుక్మిణమ్మ, నేతలు, భారీ సంఖ్యలో కార్యకర్తలు పాల్గొన్నారు. సుప్రీంకోర్టు ఆదేశాలను అమలుచేసి అభ్యర్థులకు నామినేషన్ల స్వేచ్ఛ కల్పించాలి : ఎంపీ మిథున్‌రెడ్డి మదనపల్లె (కురబలకోట): స్థానిక సంస్థల ఎన్నికల్లో ప్రతిపక్ష అభ్యర్థులను అడ్డుకున్నచోట పటిష్ట భద్రతతో కలెక్టర్ల సమక్షంలో నామినేషన్లు స్వీకరించాలని సుప్రీంకోర్టు ఇచ్చిన ఆదేశాలు చంద్రబాబు ప్రభుత్వానికి చెంపపెట్టు అని రాజంపేట ఎంపీ పెద్దిరెడ్డి మిథున్‌రెడ్డి అన్నారు. అన్నమయ్య జిల్లా మదనపల్లెలో బుధవారం మీడియాతో మాట్లాడారు. సుప్రీంకోర్టు ఆదేశాలను వెంటనే అమలు చేసి, ప్రతి అభ్యర్థికి భయం లేకుండా నామినేషన్‌ వేసే స్వేచ్ఛ కల్పించాలని డిమాండ్‌ చేశారు. ముఖ్యమంత్రి చంద్రబాబు మాటలు విని, రాజకీయ ఒత్తిళ్లకు లొంగి చట్టవిరుద్ధమైన చర్యలకు పాల్పడి వివాదాల్లో చిక్కుకోవద్దని అధికారులకు సూచించారు. అధికారం శాశ్వతం కాదని, రాజ్యాంగాన్ని కాపాడటం అధికారుల బాధ్యత అని గుర్తుచేశారు. ఇప్పుడు కార్యకర్తలను రెచ్చగొడుతున్న పెద్ద నాయకులు అధికారం కోల్పోయాక నగరాలకే పరిమితమవుతారని, ఆ తర్వాత క్షేత్రస్థాయిలో కేసులు, ఘర్షణలు ఎదుర్కోవాల్సింది స్థానిక కార్యకర్తలేనని చెప్పారు. నాయకుల మాటలు విని భవిష్యత్తును పాడుచేసుకోవద్దని సూచించారు. సమావేశంలో తంబళ్లపల్లి ఎమ్మెల్యే పెద్దిరెడ్డి ద్వారకానాథ్‌రెడ్డి కూడా పాల్గొన్నారు.

సాక్షి, అమరావతి: అభ్యర్థులు నామినేషన్‌ దాఖలు చేసే సమయంలో తప్పనిసరిగా ‘నో అబ్జెక్షన్, నో డ్యూస్‌ సర్టిఫికెట్లు’ సమర్పించాలనే నిబంధన ఎన్నికల నియమావళిలో లేదని తాజాగా రాష్ట్ర ఎన్నికల సంఘం స్పష్టం చేసింది. ఈ సర్టిఫికెట్లు లేవన్న కారణంగా నామినేషన్లు తిరస్కరించరాదని స్పష్టంచేసింది. నామినేషన్‌ పత్రాలతో పాటు ‘కేసులకు సంబంధిత పోలీస్‌స్టేషన్‌ నుంచి నో అబ్జెక్షన్‌ సర్టిఫికెట్‌’, అలాగే ఏదైనా ప్రభుత్వ శాఖ నుంచి ‘బకాయిల్లేవని తెలిపే నో డ్యూస్‌ సర్టిఫికెట్‌’ సమర్పించలేదనే కారణంతో నామినేషన్‌ను తిరస్కరించకూడదని స్పష్టంచేసింది. ఈ మేరకు అన్ని జిల్లాల కలెక్టర్లు, మున్సిపల్‌ కమిషనర్లు, జెడ్పీ సీఈవోలు, డీపీవోలతో పాటు ఆయా ఎన్నికలాధికారులకు రాష్ట్ర ఎన్నికల కమిషనర్‌ అనిల్‌ చంద్రపునేఠ ఆదేశాలు జారీ చేశారు. ఎన్నికల నియమావళికి విరుద్ధంగా అదనపు నిబంధనలు విధించకుండా, అర్హులైన అభ్యర్థులు నిబంధనల ప్రకారం నామినేషన్లు దాఖలుకు అవసరమైన చర్యలు తీసుకోవాలని సూచించారు. కాగా, మున్సిపల్‌ ఎన్నికల నామినేషన్ల సందర్భంగా ఈ సర్టిఫికెట్ల కోసం అభ్యర్థులు తీవ్ర ఇబ్బందులు పడాల్సి వచ్చింది. కీలక ప్రక్రియ ముగిసిన తర్వాత ఇప్పుడు తాపీగా ఎన్నికల కమిషనర్‌ నుంచి ఈ ప్రకటన ఏమిటంటూ సర్వత్రా విమర్శలు వినిపిస్తున్నాయి. ఆలస్యంగా జారీ చేసిన ఈ ఆదేశాల పట్ల పలు అనుమానాలు వ్యక్తమవుతున్నాయి. మున్సిపల్‌ ఎన్నికలకు దాఖలైన మొత్తం నామినేషన్లలో వివిధ రకాల కారణాలతో దాదాపు 1,665 నామినేషన్ల తిరస్కరణకు గురికావడం గమనార్హం.

సాక్షి, అమరావతి/సాక్షి నెట్‌వర్క్‌ : రాష్ట్ర వ్యాప్తంగా మున్సిపల్‌ ఎన్నికల్లో నామినేషన్ల ఉపసంహరణ ఘట్టంలోనూ ఎల్లో గ్యాంగ్‌ అరాచకం సృష్టిస్తోంది. పచ్చమూకలు పేట్రేగిపోయి తీవ్ర బెదిరింపులకు దిగాయి. ‘నామినేషన్‌ను ఉపసంహరించుకుంటే బావుంటుంది. లేదంటే ఏమవుతుందో తెలీదు. మర్యాదగా విత్‌ డ్రా చేస్తావా.. లేదా.. లేదంటే చంపేస్తాం’ అంటూ హెచ్చరించారు. ఇందుకు పలుచోట్ల పోలీసులు సైతం వంత పాడారు. ఎన్నో ఇక్కట్ల మధ్య నామినేషన్‌ వేసిన వైఎస్సార్‌సీపీ అభ్యర్థుల నామినేషన్‌లను స్క్రూటినీలో తీసివేసేందుకు ఎత్తులు వేశారు. అయినా పోటీలో నిలబడిన వారిని ఎలాగైనా తప్పించేందుకు బుధవారం రాష్ట్రంలోని పలు చోట్ల పచ్చ రౌడీలు బరితెగించారు. పలు చోట్ల బెదిరింపులకు దిగి వైఎస్సార్‌సీపీ అభ్యర్థులతో నామినేషన్‌ ఉపసంహరణ ఫారాలపై సంతకాలు చేయించారు. మరికొన్ని చోట్ల వైఎస్సార్‌సీపీ అభ్యర్థుల సంతకాలను ఫోర్జరీ చేశారు. ఇంకొన్ని చోట్ల వైఎస్సార్‌సీపీ బీ–ఫారాలను చించేశారు. చిత్తూరు కార్పొరేషన్‌ ఎన్నికల్లో పోటీ చేస్తున్న 57 మంది వైఎస్సార్‌సీపీ అభ్యర్థుల బీ ఫారాలు ఇచ్చేందుకు వెళ్లడంతో వాటిని పచ్చ రౌడీలు లాగేసుకుని చించేశారు. ఈ విషయమై జిల్లా కలెక్టర్‌కు వైఎస్సార్‌సీపీ నేతలు ఫిర్యాదు చేయడంతో బీ–ఫారాలు మళ్లీ ఇవ్వాలని సలహా ఇచ్చారు. అడుగడుగునా అరాచకం » చిత్తూరు కార్పొరేషన్‌లో 60 డివిజన్లకు గానూ 51 చోట్ల టీడీపీ, 8 చోట్ల జనసేన పార్టీ అభ్యర్థులు ఏకగ్రీవంగా ఎన్నికైనట్లు రిటర్నింగ్‌ అధికారులు డిక్లరేషన్‌ ఇచ్చారు. పోటీలో ఉన్న ఏ ఒక్క అభ్యర్థి నామినేషన్‌ ఉపసంహరించుకోకపోయినా, వాళ్ల పేరిట దొంగ సంతకాలు పెట్టి మరీ ఫారాలు ఇవ్వడం విస్తుగొలుపుతోంది. » నంద్యాల మున్సిపాలిటీలో 51వ వార్డుకు వైఎస్సార్‌సీపీ అభ్యర్థిగా పోటీలో నిలిచిన అవ్వారి నాగమణి సంతకాన్ని ఫోర్జరీ చేసిన పచ్చగ్యాంగ్‌ తమ పార్టీ అభ్యర్థి ఏకగ్రీవం అయ్యేలా అడ్డగోలుగా వ్యవహరించారు. తిరుపతి వైఎస్సార్‌సీపీ 63వ డివిజన్‌ అభ్యర్థి జమున భర్త కేశవులును బెదిరించారు. జమున సంతకాన్ని ఫోర్జరీ చేసి నామినేషన్‌ ఉపసంహరణ చేసినట్లు చూపడంతో తీవ్ర ఉద్రిక్తత నెలకొంది. అద్దంకి మున్సిపల్‌ ఎన్నికలు, నామినేషన్ల ఉపసంహరణలో అక్రమాలు జరగడంతో తీవ్ర ఆగ్రహం వ్యక్తం చేసిన వైఎస్సార్‌సీపీ సమన్వయకర్త డాక్టర్‌ అశోక్‌కుమార్‌ చింతలపూడి ఆందోళన చేశారు. » అమలాపురం 25వ వార్డు వైఎస్సార్‌సీపీ అభ్యర్థిని పోలీసులు, టీడీపీ నాయకులు కలిసి బెదిరించి నామినేషన్‌ ఉపసంహరింపజేయడంపై వైఎస్సార్‌సీపీ నియోజకవర్గ సమన్వయకర్త పినిపే శ్రీకాంత్‌ అభ్యంతరం వ్యక్తం చేశారు. కర్నూలు జిల్లా ఆళ్లగడ్డలో నామినేషన్ల ఉపసంహరణ సందర్భంగా పచ్చ మూక చెలరేగిపోయి వైఎస్సార్‌సీపీ శ్రేణులపై రాళ్ల దాడికి పాల్పడింది. పశ్చిమగోదావరి జిల్లా ఆకివీడు నగర పంచాయతీ ఎన్నికల్లో ఎనిమిది మంది వైఎస్సార్‌సీపీ అభ్యర్థులను అధికార పార్టీ నేతలు బెదిరించి నామినేషన్లు ఉపసంహరించేలా చేశారు. » శ్రీపొట్టి శ్రీరాములు నెల్లూరు జిల్లా ఆత్మకూరు మున్సిపాలిటీలో 10, 24 వార్డుల వైఎస్సార్‌సీపీ అభ్యర్థులు కోర్సిపాటి ప్రవీణ, బడుగు శ్రీనివాసుల ఫోర్జరీ సంతకాలతో టీడీపీ గూండాలు వారి నామినేషన్లు విత్‌ డ్రా చేయించారు. ఈ విషయం తెలుసుకుని పార్టీ నాయకులతో కలిసి మున్సిపల్‌ కార్యాలయానికి చేరుకున్న వారు తమ నామినేషన్లను విత్‌డ్రా చేసుకోలేదని చెప్పారు. విత్‌ డ్రాయిల్‌ ఫారాలు ఎవరు అందజేశారో సీసీ కెమెరాల వీడియో ఫుటేజీ చూడాలని కోరినా ఎన్నికల అధికారులు పట్టించుకోలేదు. కలెక్టర్‌ను సంప్రదించాలన్నారు. » పశ్చిమగోదావరి జిల్లా ఉండిలో 8 మంది వైఎస్సార్‌సీపీ అభ్యర్థులు నామినేషన్లు ఉపసంహరించుకున్నారు. నంద్యాల జిల్లా ఆళ్లగడ్డలో వైఎస్సార్‌సీపీ కౌన్సిలర్ల అభ్యర్థులకు సంబంధించి బీ–ఫారాలను తీసుకోకుండా అధికారులు కాలయాపన చేశారు. తుదకు సాయంత్రం వెళ్లగా సమయం మించిపోయిందని చెప్పారు. వైఎస్సార్‌సీపీ మాజీ ఎమ్మెల్యే గంగుల బ్రిజేంద్రారెడ్డి అప్పుడు అక్కడికి రాగా, ఆయనపై టీడీపీ మూకలు దాడి చేశాయి. » పల్నాడు జిల్లా చిలకలూరిపేటలో మధ్యాహ్నం 3గంటలకు ముగియాల్సిన నామినేషన్ల ఉపసంహరణ ప్రక్రియ అర్ధరాత్రి వరకు కొనసాగింది. వైఎస్సార్‌సీపీకి చెందిన నలుగురు అభ్యర్థులను భయపెట్టి నామినేషన్లు ఉపసంహరింపచేశారు. 18వ వార్డు అభ్యర్ధి బండి రాణిని కిడ్నాప్‌ చేసి ఎత్తుకెళ్లారు. » ఎన్టీఆర్‌ జిల్లా జగ్గయ్యపేటలో 36 వార్డులు ఉండగా.. వైఎస్సార్‌సీపీ కౌన్సిలర్ల అభ్యర్థులను భయపెట్టి 12 మందితో విత్‌డ్రా చేయించారు. దీంతో పది మంది తెలుగుదేశం, ఇద్దరు జనసేన కౌన్సిలర్లు ఏకగ్రీవం అయ్యారు. మున్సిపల్‌ ఛైర్మన్‌ అభ్యర్థి కూడా ఉపసంహరించుకునేలా చేయడానికి తీవ్రంగా ఒత్తిడి తెచ్చారు. అయితే అమె గట్టిగా నిలబడటంతో వారి పాచికలు పారలేదు. » తిరుపతి కార్పొరేషన్‌ పరిధిలోని 66 వార్డుల్లో నామినేషన్లు దాఖలు చేయడానికి వెళ్లిన వైఎస్సార్‌సీపి కార్పొరేటర్లను టీడీపీ గూండాలు కర్రలు, రాళ్లతో దాడులకు తెగబడ్డారు. వైఎస్సార్‌సీపీ అభ్యర్థులు వారి దాడులకు ఎదురొడ్డి నిలబడి మేయర్‌ అభ్యర్థి వాసుయాదవ్‌తో పాటు 48వార్డులకు నామినేషన్లు దాఖలు చేశారు. » అమలాపురం మున్సిపల్‌ కార్యాలయంలో 25వ వార్డు వైఎస్సార్‌సీపీ అభ్యర్థి కురసాల భద్రాజీని టీడీపీ నేతలు బెదిరించి నామినేషన్‌ ఉపసంహరింపచేశారు.

సాక్షి, అమరావతి / సాక్షి నెట్‌వర్క్‌: రాష్ట్రంలో జిల్లా, మండల పరిషత్‌ ఎన్నికల నామినేషన్లలోనూ టీడీపీ మూకలు అదే దౌర్జన్యం, దాడులు, దాష్టీకాన్ని కొనసాగించాయి. మున్సిపల్‌ ఎన్నికలకు నామినేషన్లు వేయనీయకుండా అడ్డంకులు ఎదురైన చోట పోలీస్‌ భద్రత కల్పించి నామినేషన్లు వేయించేలా చూడాలని ఎస్‌ఈసీకి సుప్రీంకోర్టు ఆదేశించినా ఫలితం లేకపోయింది. రాష్ట్ర వ్యాప్తంగా 28 జిల్లా పరిషత్‌ల పరిధిలోని 659 జెడ్పీటీసీ, 659 మండల పరిషత్‌ల పరిధిలోని 9,829 ఎంపీటీసీ అభ్యర్థుల నామినేషన్ల తొలి రోజైన బుధ­వారం 76 ప్రాంతాల్లో ఎల్లో గూండాలు యథేచ్ఛగా దా­డులు, దౌర్జన్యాలకు బరితెగించారు. స్థానిక సంస్థ­ల ఎన్నికల్లో వైఎస్సార్‌సీపీ అభ్యర్థులను నామినేషన్లు వేయనీయకుండా అడ్డుకోవడమే లక్ష్యంగా వెన్నుపోటు పార్టీ అధికార దుర్వినియోగానికి పాల్పడుతోంది. పులివెందుల, పిడుగురాళ్ల, దాచేపల్లి ప్రాంతాలు, తిరుపతి, చిత్తూరు, కడప, కర్నూలు, ప్రకాశం, నెల్లూరు, కాకినాడ తిదితర జిల్లాల్లో వైఎస్సార్‌సీపీ అభ్యర్థులు, పార్టీ నేతలపై దాడులు, బెదిరింపులు, గృహ నిర్బంధాలు, నామినేషన్‌ పత్రాల దాఖలుకు ఆ­టంకాలు కొనసాగాయి. ప్రజాస్వామ్య పద్ధతిలో ఎన్నికల్లో పోటీ చేసే హక్కును కాలరాస్తూ భయానక వాతావరణం సృష్టించారు. జీడీ నెల్లూరు, చంద్రగిరి, శ్రీకాళహస్తి, చిత్తూరు జిల్లాలోని నాలుగు అసెంబ్లీ నియోజకవర్గాల్లో వైఎస్సార్‌సీపీకి చెందిన ఒక్క అభ్యర్థిని కూడా నామినేషన్‌ వేయనీయకుండా టీడీపీ గూండాలు అడ్డుకున్నారు. పలుచోట్ల నామినేషన్‌ పత్రాలను చించివేశా­రు. వెన్నుపోటు పార్టీ రౌడీల దౌర్జన్యం, పోలీసులు, అధికారుల ఉదాసీన వైఖరిని నిరసిస్తూ తిరుపతి కలెక్టరేట్‌ వద్ద మాజీ ఎమ్మెల్యే చెవిరెడ్డి భాస్కర్‌రెడ్డి, చంద్రగిరి నియోజకవర్గ వైఎస్సార్‌సీపీ ఇన్‌చార్జి చెవిరెడ్డి మోహిత్‌రెడ్డి తదితర వైఎస్సార్‌సీపీ శ్రేణులు ధర్నా చేపట్టాయి. దీంతో పోలీసులు వారిని అరెస్టు చేశారు. కాకినాడ జిల్లా తొండంగిలో ఎంపీటీసీ నామినేషన్‌ సందర్భంగా ఉద్రిక్తత నెలకొంది. నామినేషన్ల దాఖలు సందర్భంగా అభ్యర్థులతో కలిసి మాజీ మంత్రి దాడిశెట్టి రాజా రాగానే టీడీపీ మూకలు అడ్డుకోవడంతో తోపులాట జరిగింది. రాజా కారు డ్రైవర్‌ గాయపడ్డాడు. చిత్తూరులో రెచ్చిపోయిన పచ్చ గూండాలు చిత్తూరు జిల్లా ఎస్‌ఆర్‌.పురం, కార్వేటినగరం, వెదురుకుప్పం, వి.కోట, గుడుపల్లె వైఎస్సార్‌సీపీ అభ్యర్థుల నామినేషన్లను చిత్తూరు జెడ్పీ కార్యాలయం వద్ద పహారా కాసిన టీడీపీ గూండాలు చింపేశారు. గంగాధరనెల్లూరు టీడీపీ ఎమ్మెల్యే థామస్‌ నామినేషన్లు తీసుకునే చిత్తూరు జెడ్పీ కార్యాలయం వద్ద స్వయంగా కాపుకాచి, వైఎస్సార్‌సీపీ అభ్యర్థులపై దాడులు చే­యించారు. జెడ్పీటీసీ అభ్యర్థులు జగదీష్‌రెడ్డి, ప్రకాష్, దేవప్పనాయుడు, శ్రీనివాసరెడ్డి, దేవిప్రియకు రక్తగాయాలయ్యాయి. ఎంపీటీసీ అభ్యర్థులుగా నామినేషన్లు వేయడానికి ప్రయత్నించిన బంగారుపాళ్యం, వెదురుకుప్పం, వి.కోట, చిత్తూరు మండలాల్లో అభ్యర్థులపై టీడీపీ గూండాలు దాడులు చేశారు.నామినేషన్‌లు వేస్తున్న వారికి పచ్చ మూకలు అడ్డంకులు కల్పించి దాడులు చేయడాన్ని నిరసిస్తూ వైఎస్సార్‌సీపీ శ్రేణులు రోడ్డుపై బైఠాయించి నిరసన తెలిపాయి. తిరుపతి జిల్లా తొట్టంబేడులో నామినేషన్ల సందర్భంగా శ్రీకాళహస్తి మాజీ ఎమ్మెల్యే బియ్యపు మధుసూదన్‌రెడ్డి కు­మార్తె పవిత్రారెడ్డి, కుమారుడు అక్షర్‌రెడ్డికి పచ్చ మూ­కలు అడ్డంకులు కల్పించి దాడులు చేయడంతో ఉద్రి­క్తత చోటు చేసుకుంది. ఇదే అదనుగా పోలీసులు లాఠీచార్జి చేయడంతో పలువురు వైఎస్సార్‌సీపీ కార్యకర్తల­కు గాయాలయ్యాయి. శ్రీకాళహస్తి ఎమ్మెల్యే బొజ్జల సుధీర్‌రెడ్డి సతీమణి డ్రైవర్‌ ప్రభుత్వ సర్వేయర్‌పై సి­మెంట్‌ ఇటుకలతో దాడి చేశాడు. అతని తలకు తీవ్ర గాయమైంది. తిరుపతి జిల్లా పుల్లంపేట మండలంలో వైఎస్పార్‌సీపీ అభ్యర్థుల నామినేషన్‌ పత్రాలను రౌడీ­లు లాగేశారు. పార్టీ మండల కన్వీనర్‌ సయ్యద్‌ ముస్తాక్‌ను పోలీస్‌స్టేషన్‌లో అక్రమ నిర్బంధం చేశారు. శ్రీకాళహస్తి నియోజకవర్గం తొట్టంబేడు తహసీల్దార్‌ కార్యాలయం వద్ద లింగమనాయుడు పల్లె మాజీ సర్పంచ్‌ గుడ్లూరు వెంకటరమణ నాయుడు కారును టీడీపీ నేతలు కాసారం రమేష్, టీడీపీ తొట్టంబేడు మండలం అధ్యక్షుడు మునిరాజ నాయుడు కారుపై ఎక్కి కారును ధ్వంసం చేశారు. ఆయన్ను కింద పడేసి దాడి చేశారు. శ్రీకాళహస్తి పట్టణంలోని ఎంపీడీఓ కార్యాలయం లో తిరుపతి ఎంపీ డాక్టర్‌ మద్దెల గురుమూర్తి, ఎమ్మెల్సీ డాక్టర్‌ సిపాయి సుబ్రమణ్యం, శ్రీకాళహస్తి మాజీ ఎమ్మెల్యే బియ్యపు మధుసూదన్‌ రెడ్డి నామినేషన్‌ కేంద్రానికి వెళ్తుండగా టీడీపీ శ్రేణులు అడ్డుకుని వైఎస్సార్‌ సీపీ కార్యకర్తలు, నాయకులపై దాడులు చేశారు. దీంతో వారు అక్కడే బైఠాయించి నిరసన తెలిపారు. చంద్రగిరి మండలంలో కిరాతకం ఎంపీటీసీ నామినేషన్ల పర్వంలో టీడీపీ గూండాలు సీఎం చంద్రబాబు సొంత మండలం చంద్రగిరిలో అరాచకం సృష్టించారు. నామినేషన్లు వేయడానికి వెళ్లిన వైఎస్సార్‌సీపీ అభ్యర్థులపై గంజాయి బ్యాచ్‌లతో దాడులకు తెగబడ్డారు. తలలు పగలగొట్టి, కాళ్లతో తన్నుకుంటూ, వాహనాలను ధ్వంసం చేసి భయానక వాతావరణాన్ని సృష్టించారు. చంద్రగిరి ఎమ్మెల్యే నాని కుమారుడు పులివర్తి వినీల్‌ సమక్షంలో దమనకాండ జరుగుతున్నా..అక్కడే ఉన్న పోలీసులు ప్రేక్షకపాత్ర వహించారు. నామినేషన్‌ వేసేందుకు వెళ్లిన మాజీ ఎంపీటీసీ, ప్రస్తుత ఎంపీటీసీ అభ్యర్థి దెయ్యాల మాధవ రెడ్డిపై రాడ్లతో దాడి చేశారు. తొండవాడ ఎంపీపీ అభ్యర్థి మల్లం దీపికా రెడ్డికి ప్రపోజర్‌గా వెళ్లిన రాము అనే వ్యక్తి తలపై ఇనుప రాడ్లతో దాడి చేయడంతో తీవ్ర గాయాలపాలయ్యాడు. స్థానికంగా ఉండే విజయ్‌ ఆచారి అటుగా వెళ్తుండడంతో టీడీపీకి చెందిన కిరాయి గూండాలు అతనిపై దాడిచేసి విచక్షణారహితంగా కాళ్లతో కొట్టారు. తిరుపతి రూర­ల్‌ మండలం సి.మల్లవరం ఎంపీటీసీ వైఎస్సార్సీపీ అభ్యర్థి తిమ్మారెడ్డి, అతని ప్రపోజర్లు మున స్వామి రెడ్డి, లోక నాథ రెడ్డిలపై టీడీపీ నేతల మూకుమ్మడి దాడి­చేసి నామినేషన్‌ పత్రాలను చించేశారు. పాకాల మండలంలో 16 ఎంపీటీసీ స్థానాలకు వైఎస్‌ఆర్సీపీ అభ్యర్థులచే నామినేషన్‌ దాఖలు చేయకుండా టీడీపీ గూండాలు అడ్డుకున్నారు. నామినేషన్‌ కేంద్రానికి వేస్తే చంపుతా­మని అభ్యర్థులను బెదిరించారు. టీడీపీ దౌర్జ­న్యాన్ని నిరసిస్తూ తిరుపతి రూరల్‌ మండలం నుంచి 40 మంది ఎంపీటీసీ అభ్యర్థులతో చంద్రగిరి వైఎస్సార్‌­సీపీ నియోజకవర్గ సమన్వయకర్త చెవిరెడ్డి మోహిత్‌ రెడ్డి నిరసన తెలిపారు.నెల్లూరు జిల్లాలో భయోత్పాతం నెల్లూరు జిల్లా చిట్టమూరులో ఎల్లో గ్యాంగ్‌ భయో­త్పాతం సృష్టించింది. నామినేషన్‌ కేంద్రం వద్ద మోహరించిన 500 మందికి పైగా పచ్చ రౌడీలు వైఎస్సార్‌సీపీ అభ్యర్థులు నామినేషన్‌ వేయకుండా దౌర్జన్యం చేశారు. పలువురికి గాయాలయ్యాయి. వైఎస్సార్‌సీపీ నేతల కారు ధ్వంసం చేశారు. పోలీసులను ప్రయోగించి బెదిరింపులకు దిగారు. నామినేషన్‌ పూర్తిగా విరమించుకోవాలని వైఎస్సార్‌సీపీ నాయకులకు టీడీపీ నేతలు బెదిరింపులకు దిగారు. కోట తదితర చోట్ల వైఎస్సార్‌సీపీకి చెందిన వారి నామినేషన్లు వేయనీయలేదు. గూడూరులో వైఎస్సార్‌సీపీ అభ్యర్థులు నామినేషన్లు లాక్కొని చించేశారు. తిరుపతి జిల్లా సూళ్లూరుపేట ఎంపీడీవో కార్యాలయం ఎదుట నామినేషన్లు వేయకుండా అడ్డుకున్నారు. వైఎస్సార్‌సీపీ మహిళా ఎంపీటీసీ అభ్యర్థి నామినేషన్‌ వేయకుండా వేధించా­రు. వాకాడులో నామినేషన్లు వేయడానికి ప్రయత్నించిన వైఎస్సార్‌సీపీ జెడ్పిటీసీ, ఎంపీటీసీ అభ్యర్థుల నామినేషన్‌ పత్రాలు లాక్కుని కర్రలతో దాడి చేసి రక్త గాయాలు చేశారు. పోలీసులు మాత్రం బాధితులపైనే కేసులు పెట్టారు. ఆ దృశ్యాన్ని రికార్డు చేస్తున్న వారి నుంచి సెల్‌ ఫోన్లను లాక్కొని పగులగొట్టారు. టీడీపీ మూకల అరాచకంపై వైఎస్సార్‌సీపీ వెంకటగిరి ఇన్‌చా­ర్జ్‌ నేదురుమల్లి అభ్యంతరం వ్యక్తం చేశారు. ఉదయ­గిరి నియోజకవర్గం సీతారామపురంలో వైఎ­స్సార్‌సీపీ అభ్యర్థి నామినేషన్‌ వేయనీయకుండా పోలీసులే అడ్డుకున్నారు. గూడూరు, ఉదయగిరి నియోజకవర్గాల్లో టీడీపీ మూకలు ఎంపీటీసీ అభ్యర్థు­ల కార్ల అద్దాలు ధ్వంసం చేశాయి. గూడూరు, చి­ల్ల­కూ­రు, కోట, వా­కా­డు, చిట్టమూరు మండలాల్లో దాడులకు పాల్పడ్డారు. పుంగనూరులో మారని తీరు పుంగనూరులో గత శుక్రవారం నాటి ఘటనను టీడీపీ శ్రేణులు మళ్లీ పునరావృతం చేశారు. నామినేషన్ల దాఖలుకు వచ్చిన అభ్యర్థుల నుంచి పత్రాలను లాక్కున్నారు. రాళ్లతో దాడి చేయడమే గాక మహిళల పుస్తెలను లాగేశారు. ముందే సిద్ధం చేసుకున్న కర్రలు, రాళ్లతో దాడి చేసి బీభత్సం సృష్టించారు. రోడ్డుపై వెళ్తున్న మాజీ ఎంపీ, దళిత నాయకుడు రెడ్డెప్పపై దాడి చేశారు. నామినేషన్‌ వేసేందుకు వచ్చిన ఈశ్వరమ్మపై దాడి చేసి తాళిబొట్టు, చైను లాక్కున్నారు. వైఎస్సార్‌సీపీ శ్రేణులు అడ్డుకోబోగా, పోలీసులు లాఠీచార్జి చేశారు. దీనిని నిరసిస్తూ ఆ పార్టీ శ్రేణులు అక్కడే బైఠాయించి ధర్నాకు దిగాయి. చౌడేపల్లిలో టీడీపీ శ్రేణులు అడ్డుకొని వైఎస్‌ఆర్సీపీ కార్యకర్తలు సునీల్‌ శివప్రకాశ్‌ రెడ్డి, ఓబులేసుపై దాడి చేసి కొట్టారు. మదనపల్లిలో జడ్పిటిసి నామినేషన్‌ వేసేందుకు వచ్చిన వైఎస్‌ఆర్సీపీ అభ్యర్థి కిరణ్మయిపై దాడి చేశారు. అసభ్యంగా ప్రవర్తించి నామినేషన్‌ పత్రాలను లాక్కొని వెళ్లారు. మదనపల్లెలో ఎంపీ మిథున్‌ రెడ్డిని ఆయన కార్యాలయం నుంచి బయటకు వెళ్లనివ్వకుండా పోలీసులు అడ్డుపడ్డారు. పోలీసుల తీరు, నామినేషన్లను అడ్డుకుంటు­న్నందుకు నిరసనగా వాల్మీకిపురంలో మాజీ ఎమ్మెల్యే చింతల రామచంద్రారెడ్డి, పార్టీ నాయకులు, కార్యకర్త­లు రోడ్డుపై బైఠాయించి రాస్తారోకో చేశారు. పీలేరులో వైఎస్‌ఆర్సీపీ నాయకులు, కార్యకర్తలు పెద్ద సంఖ్యలో 2 గంటలకు పైగా రాస్తారోకో నిర్వహించారు. ఎమ్మె­ల్యే పెద్దిరెడ్డి ద్వారకానాథ్‌ రెడ్డి తంబళ్లపల్లి నియోజకవర్గంలో పర్యటించరాదని పోలీసులు నోటీసులిచ్చారు. పల్నాడులో అదే దౌర్జన్యం పల్నాడు జిల్లా రొంపిచర్లలో నామినేషన్లు వేసేందుకు చెరువుగట్టు సెంటర్‌ నుంచి అభ్యర్థులతో బయలుదేరి వస్తున్న మాజీ శాసనసభ్యుడు డాక్టర్‌ గోపిరెడ్డి శ్రీనివాసరెడ్డిని పోలీసులు అడ్డుకున్నారు. దీంతో ఆయన అక్కడే బైఠాయించగా పోలీసులు లాఠీలను ఝుళిపించారు. నామినేషన్‌ వేసేందుకు వెళ్లిన అభ్యర్థులను, ప్రతిపాదిత దారులను పాలకేంద్రం, పోలీసుస్టేషన్‌ మధ్యలో టీడీపీ శ్రేణులు దాడిచేసి నామినేషన్‌పత్రాలు చించేశారు. పోలిమేర నాగిరెడ్డి, పొలిమేర వెంకటరెడ్డిలు గాయపడ్డారు. రెంటచింతల, కారంపూడి, దుర్గి, వెల్దుర్తి నామినేషన్‌ కేంద్రాల వద్ద కర్రలు, రాళ్లతో పచ్చ మూకలు స్వైర విహారం చేశాయి. వైఎస్సార్‌సీపీ అభ్యర్థులను నామినేషన్లు వేయనీయకుండా అడ్డుకున్నారు. నరసరావుపేటలో ఆర్డీఓ కార్యాలయం నామినేషన్‌ కేంద్రం వద్ద జడ్పీటీసీ అభ్యర్థి భారతి, ఆమె భర్త పెద్ద లక్ష్మారెడ్డిపై ఎల్లో గూండాలు దాడి చేశారు. గాయపడిన పెద్ద లక్ష్మారెడ్డిని ఆసుపత్రికి తరలించా­రు. దాచేపల్లిలో జడ్పీటీసీ అభ్యర్థి వంగా పద్మావతిపై టీడీపీ రౌడీలు దాడి చేసి కొట్టారు. రొంపిచర్ల పోలీస్‌స్టేషన్‌ పరిధిలోని వీరాటం గ్రామానికి చెందిన వైఎ­స్సా­ర్‌సీపీ అభ్యర్థులకు చెందిన బీ ఫారాలను లాక్కోవడంతో ఘర్షణ తలెత్తింది. మాచర్లలో ఎంపీటీసీ నా­మి­నేషన్లు దాఖలు చేయడానికి వచ్చిన వైఎస్సార్‌సీపీ అభ్యర్థుల నుంచి నామినేషన్‌ పత్రాలు లాక్కున్నారు. అమరావతి జెడ్పీటీసీ వైఎస్సార్‌సీపీ అభ్యర్థి బంక దీనమ్మ, బంక విష్ణుపై దాడిచేసి నామినేషన్‌ పత్రాలను చించేశారు. మాజీ ఎమ్మెల్యే కాసు మహేష్‌రెడ్డిని పోలీసులు అదుపులోకి తీసుకున్నారు. వైఎస్సార్‌ సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి బుధవారం ఉదయం నుంచే హౌస్‌ అరెస్టు చేశారు. ఉమ్మడి కర్నూలు జిల్లాలోనూ అరాచకం కర్నూలు, నంద్యాల జిల్లాల్లో టీడీపీ అరాచక పర్వం కొనసాగింది. మంత్రాలయంలో వైఎస్‌ఆర్‌సీపీ జిల్లా కార్యదర్శి విశ్వనాథ్‌రెడ్డి ఓటరు లిస్టు కోసం వెళితే నామినేషన్‌ వేసేందుకు వచ్చారని దాడి చేసి తీవ్రంగా గాయపరిచారు. బనగానిపల్లె మండలంలో 25 గ్రా­మా­లకు చెందిన 75 మంది నేతలను బైండోవర్‌తో నిర్బంధించారు. దీంతో మాజీ ఎమ్మెల్యే కాటసాని రామిరెడ్డి ధర్నాకు దిగారు. ప్యాపిలి మండల జెడ్పీటీసీ అభ్యర్థిగా బరిలో ఉన్న పోదు కృష్ణమూర్తిని ఏ కార­ణం చెప్పకుండా పోలీసు­లు అదుపులోకి తీసుకున్నా­రు. ఆళ్లగడ్డ మండలం బాబేపల్లె వైఎస్‌ఆర్‌సీపీ నాయకుడు కసెట్టి నాగేశ్వరరావుపై టీడీపీ నాయకులు దాడి చేశారు. ఉల్చాల ఎంపీటీసీ స్థానానికి నామినేషన్‌ వేసేందుకు క్లియరెన్స్‌ సర్టిఫికెట్‌ కోసం సీపీఎం అభ్యర్థులు మధుసూధన్, రాఘవేంద్రలను కేడీసీసీ బ్యాంకు చైర్మన్‌ విష్ణువర్ధన్‌రెడ్డి అనుచరులు చితకబాదారు. గోస్పాడు ఎంపీడీఓ కార్యాలయం వద్దకు 12 ఎంపీటీసీ స్థానాల అభ్యర్థులు ఒకేసారి నామినేషన్‌ వేసేందుకు వెళ్లగా ఎస్‌ఐ సుధాకరరెడ్డి అడ్డుకున్నారు. చిప్పగిరిలో ఎమ్మెల్యే విరూపాక్షిని, కర్నూలులో మాజీ ఎమ్మెల్యే హఫీజ్‌ఖాన్‌ను గృహ నిర్బంధం చేశారు. శ్రీసత్యసాయి జిల్లా తాడిమర్రి, ముదిగుబ్బ, బత్తలపల్లి మండలాల్లో ఎంపీటీసీ నామినేషన్ల ప్రక్రి­యలో కూటమి మూకలు దౌర్జన్యకాండ సాగించాయి. తాడిమర్రి మండలంలో 9ఎంపీటీసీ స్థానాలు ఉండ­గా, 8 మంది వైఎస్సార్‌సీపీ అభ్యర్థులు నామినేషన్‌ వేసేందుకు ఉదయాన్నే వచ్చారు. పోలీసులు 4 గంటల వరకు కా­లయాపన చేయించారు. తర్వాత వారు నామినేషన్‌కు వేయబోగా, టీడీపీ నేతలు రాళ్ల దాడి చేశారు. వైఎస్సార్‌సీపీ సీఈసీ సభ్యు­డు తాడిమర్రి చంద్రశేఖర్‌రెడ్డి ఇంటి తలుపులు బద్దలు కొట్టి లోపలికి వెళ్లి వీరంగం చేశారు. చంద్రశేఖ­ర్‌రెడ్డి కోడళ్ల (ఒకరు నిండుగర్భిణి, మరొకరు బాలింత)ను పక్కకు తోసే­శారు. ముదిV­ý ుబ్బ, బత్తలపల్లి మండ­లాల్లోనూ వైఎ­స్సా­ర్‌సీపీ అ­భ్యర్థులు నామినేషన్లు వే­యకుండా ఆటంకాలు సృష్టించారు. మాజీ ఎమ్మెల్యే కేతిరెడ్డి వెంకట­రా­మిరెడ్డిని ధర్మవరం పోలీసులు హౌస్‌ అరెస్టు చేశారు.మహిళ అభ్యర్థి చీర లాగి..మార్కాపురం జిల్లా పొదిలిలో నామినేషన్‌ వేస్తున్న సూదనగుంట వైఎస్సార్‌సీపీ ఎంపీటీసీ అభ్యర్థి దొనపాటి శ్రావణి చీర లాగి.. రక్తం వచ్చేలా దాడి చేసి కొట్టారు. నామినేషన్‌ పత్రాలను ఎల్లో రౌడీలు చించేశారు. జిల్లాలో పలు­చోట్ల దాడులు చేస్తున్న వారిని వదిలేసి వైఎస్సార్‌సీపీ అభ్యర్థులు, వారిని బలపరిచేందుకు వెళ్లిన వారిని పోలీసులు తరిమి కొట్టారు. కనిగిరి నియోజకవర్గం పీసీపల్లి మండలం చింతగుంపల్లి వైఎస్సార్‌సీపీ ఎంపీటీసీ అభ్యర్థి పోలు వరలక్ష్మి, పెద్ద ఎర్లపాడు ఎంపీటీసీ స్థానానికి పోలు జయరాం రెడ్డిలు నామినేషన్‌ వేసేందుకు వెళ్తుండగా టీడీపీ గూండాలు రాళ్లు, కత్తులతో దాడి చేశారు. నామినేషన్లు లాక్కొని చించేశారు. గిద్దలూరు నియోజకవర్గం బేస్తవారిపేట మండలంలో కోర్టు ఆర్డర్‌ కాపీలను ఏఆర్‌ఓకు చూపించేందుకు వెళ్తున్న బేస్తవారిపేట మాజీ ఎంపీపీ వేగినాటి ఓసూరారెడ్డి, ఎంపీపీ అభ్యర్థి షేక్‌ మున్వర్‌బాషాలను టీడీపీ నేతలు, కార్యకర్తలు అడ్డుకుని చింపేశారు. ఎంపీటీసీ అభ్యర్థి ఈశ్వరరెడ్డి నామి­నేషన్‌ పత్రాలను లాక్కున్నారు. నామినేషన్‌ వేయనీయక పోవడంతో నేకునాంబాద్‌కి చెందిన వైఎస్సార్‌సీపీ ఎంపీటీసీ అభ్యర్థి ఎస్‌ శ్రీరాములు పురుగుమందు తాగి ఆత్మహత్యాయత్నం చేశా­రు. గిద్దలూరు నియోజకవర్గం కంభం నాయక్‌­వీధి ఎంపీటీసీ అభ్యర్థి మహమ్మద్‌ రఫీ నామి­నేషన్‌ను చింపేశారు. కందులాపురం తూర్పు అభ్యర్థి పెరుమారెడ్డి నందిరెడ్డి, కందులాపురం పడమర అభ్యర్థి బొర్రా నాగభూషణం నామినేషన్‌ పేపర్లను చించేశారు. అర్థవీ­డు, రాచర్ల మండలంలో పచ్చమూకలు విలేకర్లపైనా దాడులకు తెగబడ్డాయి. ప్రకాశం జిల్లా దర్శి, కొండపి నియోజకవర్గాల్లోనూ అదే దౌర్జన్యం కొనసాగింది. అనంతలో అడుగడుగునా దౌర్జన్యం అనంతపురం జిల్లా పామిడి మండలం కొత్తపల్లి వైఎస్సార్‌సీపీ ఎంపీటీసీ అభ్యర్థి రమేష్‌ను నామినేషన్‌ వేస్తే కాళ్లు విరగ్గొడతామని పచ్చ రౌడీలు ఫోన్‌కాల్స్‌ చేసి బెదిరించారు. రాప్తాడు, ఆత్మకూరు, అనంతపురం రూరల్‌ మండలాల్లో వైఎస్సార్‌సీపీ అభ్యర్థుల నామినేషన్లకు అడ్డంకులు కల్పించిన పచ్చ రౌడీలు వైఎస్సార్‌సీపీ నేతల ఇళ్లపై దాడులకు పాల్పడ్డారు. తాడిపత్రి టీడీపీ నాయకుడు జేసీ ప్రభాకర్‌రెడ్డి ‘ప్రాదేశిక’ ఎన్నికల నామినేషన్లలోనూ అదే పంథా అనుసరిస్తున్నారు. తాడిపత్రి పట్టణంలో అధికార పార్టీకి చెందిన మట్కా, పేకాట నిర్వాహకులు, గంజా­యి విక్రయదారులు, వీధి రౌడీలను నియోజకవర్గంలోని పెద్దపప్పూరు, పెద్దవడుగూరు, యాడికి, తాడిపత్రి మండల కేంద్రాల్లో జరుగుతున్న నామినేషన్‌ కేంద్రాల వద్ద పదుల సంఖ్యలో మోహరించి.. అక్కడ వైఎస్సార్‌సీపీ వర్గీయులు జెడ్పీటీసీ, ఎంపీటీసీ స్థానాలకు నామినేషన్లు వేయకుండా అడ్డుకునే ప్రయత్నం చేశా­రు. పామిడి–6 ఎంపీటీసీ స్థానం వైఎస్సార్‌సీపీ అభ్యర్థి రమేష్‌పై టీడీపీ మూకలు కత్తులు, రాడ్లతో దాడికి పాల్పడ్డాయి. రాప్తాడు నియోజకవర్గంలో ఎ­మ్మెల్యే పరిటాల సునీత డైరెక్షన్‌లో టీడీపీ శ్రేణు­లు అరాచకాలకు ఒడిగట్టారు. మరూరు ఎంపీటీసీ స్థా­నం వైఎస్సార్‌సీపీ అభ్యర్థి పూజారి ప్రతిమ నామినేష­న్‌ పత్రాలను లాక్కుని, ప్రతిపాదకులపై దాడి చేశారు. పులివెందులలో వైఎస్సార్‌సీపీ అభ్యర్థుల వాహనాలకు నిప్పు కడపలో తీవ్ర ఉద్రికత్త నెలకొంది. జెడ్పీటీసీలకు నామినేషన్లు వేయడానికి వచ్చిన వైఎస్సార్‌సీపీ అభ్యర్థులపై భౌతికదాడులకు దిగారు. పోలీసులు వైఎస్సార్‌సీపీ కార్యాలయాన్ని ముట్టడించి, టీడీపీ గూండాలకు సహకరించారు. జెడ్పీ మెయిన్‌ గేటు వరకూ పోలీసులు అంచెలంచెలుగా బారికేడ్లు పెట్టి వైఎస్సార్‌సీపీ శ్రేణులను నిలువరించారు. ఫలితంగా వైఎస్సార్‌ కడప జిల్లాలో 39 జడ్పీటీసీలుంటే ఒక్కటంటే ఒక్క నామినేషన్‌ కూడా దాఖలు కాలేదు. పులివెందులలో భయోత్పాతం సృష్టించి లబ్ధిపొందాలనే దిశగా తెలుగుదేశం పార్టీ వ్యవహారిస్తోంది. కేసులతో సంబంధం లేనోళ్లను కూడా అరెస్టులకు పురిగొల్పుతున్నారు. బుధవారం వేకువజామున కౌన్సిలర్‌ అభ్యర్థుల ఇళ్ల వద్ద ఉన్న వాహనాలకు నిప్పు పెట్టారు. కడప ఎంపీ వైఎస్‌ అవినాష్‌రెడ్డి వివిధ మండలాలకు చెందిన జడ్పీటీసీ అభ్యర్థులతోపాటు జిల్లా అధ్యక్షుడు పోచంరెడ్డి రవీంద్రనాథరెడ్డి, కమలాపురం ఇన్‌ఛార్జి నరేన్‌రామాంజులరెడ్డితో కలిసి రాగా, నామినేషన్‌ కేంద్రంలోకి అనుమతించేందుకు పోలీసులు నిరాకరించారు. జిల్లా ఎస్పీ నచికేత్‌ విశ్వనాథ్‌కు ఫోన్‌ ద్వారా విన్నవించినా నిష్ప్రయోజనమే అయ్యింది. మద్యాహ్నం తర్వాత రమ్మని చెప్పారు. ఆ సమయంలో టీడీపీ మూకలు చెలరేగిపోయాయి. రాళ్లు, బీరు బాటిళ్లుతో దాడులు చేశారు. అయినప్పటికీ వైఎస్సార్‌సీపీ నేతలు జడ్పీ ప్రాంగణంలోకి చేరుకోగానే అక్కడ రౌడీలతో తిష్టవేసిన పుత్తా, దేవగుడి కుటుంబ వర్గాల రౌడీలు అడ్డుకున్నారు. పులివెందుల నియోజకవర్గంలో వైఎస్సార్‌సీపీ ఎంపీటీసీ అభ్యర్థులు నామినేషన్లు వేయకుండీ టీడీపీ రౌడీ మూకలు అడ్డుకున్నాయి. అన్నమయ్య జిల్లా రామాపురం మండల పరిషత్‌ కార్యాలయం ఎదుట టీడీపీ రౌడీ మూకలు, గూండాలు రెచ్చిపోయారు. సాక్షి విలేకరి నాగార్జునపై టీడీపీ మూకలు ఒక్కసారిగా దాడి చేశాయి. సెల్‌ ఫోన్‌ను పగులగొట్టారు. అక్కడే ఉన్న పోలీసులు ఏమాత్రం పట్టించుకోలేదు. రైల్వే కోడూరు నియోజకవర్గం వ్యాప్తంగా కూటమి నాయకులు దౌర్జన్యాలకు దిగారు. పులివెందులలో వైఎస్సార్‌సీపీ అభ్యర్థుల వాహనాలకు నిప్పుకడపలో తీవ్ర ఉద్రికత్త నెలకొంది. జెడ్పీటీసీలకు నామినేషన్లు వేయడానికి వచ్చిన వైఎస్సార్‌సీపీ అభ్యర్థులపై భౌతికదాడులకు దిగారు. పోలీసులు వైఎస్సార్‌సీపీ కార్యాలయాన్ని ముట్టడించి, టీడీపీ గూండాలకు సహకరించారు. జెడ్పీ మెయిన్‌ గేటు వరకూ పోలీసులు అంచెలంచెలుగా బారికేడ్లు పెట్టి వైఎస్సార్‌సీపీ శ్రేణులను నిలువరించారు. ఫలితంగా వైఎస్సార్‌ కడప జిల్లాలో 39 జడ్పీటీసీలుంటే ఒక్కటంటే ఒక్క నామినేషన్‌ కూడా దాఖలు కాలేదు. పులివెందులలో భయోత్పాతం సృష్టించి లబ్ధిపొందాలనే దిశగా తెలుగుదేశం పార్టీ వ్యవహారిస్తోంది. కేసులతో సంబంధం లేనోళ్లను కూడా అరెస్టులకు పురిగొల్పుతున్నారు. బుధవారం వేకువజామున కౌన్సిలర్‌ అభ్యర్థుల ఇళ్ల వద్ద ఉన్న వాహనాలకు నిప్పు పెట్టారు. కడప ఎంపీ వైఎస్‌ అవినాష్‌రెడ్డి వివిధ మండలాలకు చెందిన జడ్పీటీసీ అభ్యర్థులతోపాటు జిల్లా అధ్యక్షుడు పోచంరెడ్డి రవీంద్రనాథరెడ్డి, కమలాపురం ఇన్‌ఛార్జి నరేన్‌రామాంజులరెడ్డితో కలిసి రాగా, నామినేషన్‌ కేంద్రంలోకి అనుమతించేందుకు పోలీసులు నిరాకరించారు. జిల్లా ఎస్పీ నచికేత్‌ విశ్వనాథ్‌కు ఫోన్‌ ద్వారా విన్నవించినా నిష్ప్రయోజనమే అయ్యింది. మద్యాహ్నం తర్వాత రమ్మని చెప్పారు. ఆ సమయంలో టీడీపీ మూకలు చెలరేగిపోయాయి. రాళ్లు, బీరు బాటిళ్లుతో దాడులు చేశారు. అయినప్పటికీ వైఎస్సార్‌సీపీ నేతలు జడ్పీ ప్రాంగణంలోకి చేరుకోగానే అక్కడ రౌడీలతో తిష్టవేసిన పుత్తా, దేవగుడి కుటుంబ వర్గాల రౌడీలు అడ్డుకున్నారు. పులివెందుల నియోజకవర్గంలో వైఎస్సార్‌సీపీ ఎంపీటీసీ అభ్యర్థులు నామినేషన్లు వేయకుండీ టీడీపీ రౌడీ మూకలు అడ్డుకున్నాయి. అన్నమయ్య జిల్లా రామాపురం మండల పరిషత్‌ కార్యాలయం ఎదుట టీడీపీ రౌడీ మూకలు, గూండాలు రెచ్చిపోయారు. సాక్షి విలేకరి నాగార్జునపై టీడీపీ మూకలు ఒక్కసారిగా దాడి చేశాయి. సెల్‌ ఫోన్‌ను పగులగొట్టారు. అక్కడే ఉన్న పోలీసులు ఏమాత్రం పట్టించుకోలేదు. రైల్వే కోడూరు నియోజకవర్గం వ్యాప్తంగా కూటమి నాయకులు దౌర్జన్యాలకు దిగారు. ఈసీ.. ఇటు చూడు!శ్రీసత్యసాయి జిల్లా గోరంట్ల మండలం మందలపల్లి ఎంపీటీసీ స్థానం నుంచి వైఎస్సార్‌సీపీ అభ్యర్థి కృష్ణవేణి బుధవారం నామినేషన్‌ దాఖలు చేశారు.. నామినేషన్‌ పత్రాలను ఎన్నికల అధికారి ప్రకాష్‌ పరిశీలించారు.. ఆ పత్రాలు సక్రమంగా ఉన్నాయని ధృవీకరించుకుని పక్కన పెట్టుకోబో­తున్నారు.. అంతలో ఆయన చేతి నుంచి మంత్రి సవిత అనుచరుడు, టీడీపీ నేత సుబ్బారెడ్డి ఒక్క ఉదుటున లాక్కొని చింపేశాడు.. పక్కనే పోలీసులున్నా, ఇతర అధికారులు ఉన్నా జోక్యం చేసుకోని దుస్థితి.. పట్టపగలు ప్రజాస్వామ్యాన్ని ఖూనీ చేయడం అంటే ఇంత కంటే నిదర్శనం ఉండదు.. రాష్ట్రంలో టీడీపీ అరాచకానికి ఈ ఒక్క చిత్రం మచ్చుతునక.మాజీ డిప్యూటీ సీఎంపై హత్యాయత్నంసాక్షి, చిత్తూరు: వైఎస్సార్‌సీపీ నేత, మాజీ ఉప ముఖ్యమంత్రి నారాయణస్వామిపై టీడీపీ గూండాలు హత్యాయత్నానికి తెగబడ్డారు. గంగాధరనెల్లూరు నియోజకవర్గంలోని ఎస్‌ఆర్‌ పురం, కార్వేటినగరం, వెదురుకుప్పం మండలాల వైఎస్సార్‌సీపీ జెడ్పీటీసీ అభ్యర్థులతో నామినేషన్లు వేయడానికి బుధవా­రం చిత్తూరు జెడ్పీ కార్యాలయానికి నా­రా­యణస్వామి బయల్దేరారు. దారిలో మాటువేసిన గంగాధరనెల్లూరు టీడీపీ ఎమ్మెల్యే థామస్, ఆ పార్టీ నేత చిట్టిబాబు నాయుడు, వందలాది మంది టీడీపీ గూండాలు ఇనుప రాడ్లు, రాళ్లతో నారా­యణస్వామిని చంపడానికి ప్రయత్నించారు.కారు తలుపు మూసేయడంతో ఆ­యన తృటిలో ప్రాణాపాయం నుంచి త­ప్పించుకున్నారు. కారులో ఉన్న వైఎస్సార్‌సీపీ జెడ్పీటీసీ అభ్యర్థులను టీడీపీ గూండాలు చావబాదారు. ఓ దశలో పచ్చ­మూకలను నారాయణస్వామి అ­భ్యర్థిస్తూ చేతులెత్తి దండం పెడుతున్నా కనికరించలేదు. డ్రైవర్‌ చాకచక్యంతో కా­రు ముందుకు పోనివ్వడంతో తప్పించు­కున్నారు. ఇంత జరుగుతున్నా పోలీసు­లు ప్రేక్షకపాత్రకు పరిమితమయ్యారు.

సాక్షి, అమరావతి: రాష్ట్రంలో ఐపీఎస్, డీఎస్పీ స్థాయి అధికారులు కొందరు రౌడీలుగా మారిపోయి, ఎన్నికల్లో అక్రమ సంపాదన కోసం వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుంటున్నారని వైఎస్సార్‌సీపీ ప్రధాన కార్యదర్శి ఎస్వీ సతీష్‌ కుమార్‌ రెడ్డి చెప్పారు. లోకేశ్‌ శునకానందం కోసం, ఆయన రాజకీయ భవిష్యత్తు కోసం చంద్రబాబు ఈ రాష్ట్రాన్ని రావణకాష్టంగా మారుస్తున్నారని మండిపడ్డారు. తాడేపల్లిలోని వైఎస్సార్‌సీపీ కేంద్ర కార్యాలయంలో బుధవారం ఆయన మీడియాతో మాట్లాడుతూ.. ఎన్నికల్లో టీడీపీ అక్రమాలను ప్రోత్సహిస్తున్న డీఎస్పీలకు ఒక్కొక్కరికీ రోజుకు రూ.60 లక్షలు, డీఐజీలకు కోట్లాది రూపాయలు ముడుపులు అందుతున్నాయని, కావాలంటే దీనిపై ఎవరైనా విచారణ చేసుకోవచ్చని అన్నారు. ఎన్నికలను స్వేచ్ఛగా నిర్వహించాల్సిన పోలీసులే అధికార పార్టీతో కుమ్మక్కై, కిందిస్థాయి సిబ్బందికి కూడా డబ్బులు పంచుతూ రూ.కోట్లు దండుకుంటున్నారని మండిపడ్డారు. నామినేషన్‌ కేంద్రాల వద్ద పోలీసుల సమక్షంలోనే తమ అభ్యర్థులపై దాడులు జరుగుతున్నా, నామినేషన్‌ పత్రాలు చించేస్తున్నా పట్టించుకోకుండా టీడీపీకి సహకరిస్తున్నారని ధ్వజమెత్తారు. ఈ ఎన్నికల్లో టీడీపీ గూండాలు కట్టెలకు సర్జికల్‌ బ్లేడ్లు కట్టుకుని రోడ్లపై స్వైరవిహారం చేస్తున్నా పట్టించుకోవడం లేదన్నారు. కడపలో టీడీపీ అభ్యర్థుల నుంచి రూ. 40 కోట్లు వసూలు చేసి, అందులో సింహభాగాన్ని ఈ పోలీసు అధికారులకే పంచుతున్నారని ఆరోపించారు. డీఎస్పీ స్థాయి అధికారులు ఈ ఎన్నికల ద్వారానే ఏకంగా రూ.10 కోట్ల నుంచి రూ.20 కోట్ల వరకు సంపాదిస్తున్నారని టీడీపీ నాయకులే తనతో చెబుతున్నారని తెలిపారు. అదనపు డీజీ స్థాయిలో ఉన్న ఓ అధికారి డీజీపీ పదవి కోసం టీడీపీ గూండాలు ఏం చేసినా చూస్తూ ఉండాలని ఆదేశాలు ఇచ్చారని తెలిపారు. దాడులపై ఆధారాలున్నా పోలీసుల చర్యలు శూన్యం ‘మాజీ ఉప ముఖ్యమంత్రి నారాయణస్వామిపై జరిగిన దాడితో పాటు రాష్ట్రంలో పలు ప్రాంతాల్లో టీడీపీ గూండాలు చేస్తున్న దాడులు, ఆస్తుల ధ్వంసంపై ఆధారాలు ఉన్నా పోలీసులు ఎలాంటి చర్యలు తీసుకోవడం లేదు. ఎన్నికల ప్రక్రియలో అడ్డంకులు సృష్టించిన వారిపై ఎన్ని కేసులు పెట్టారు? బాధ్యులైన వారిలో ఒక్కరినైనా అరెస్టు చేశారా? పైగా, వైఎస్సార్‌సీపీ నాయకులు, కార్యకర్తలపై మాత్రం సెక్షన్‌ 144 పేరుతో ఆంక్షలు విధిస్తున్నారు. అక్రమంగా కేసులు పెడుతున్నారు. వీటన్నింటికీ చంద్రబాబు ప్రభుత్వం, పోలీసు అధికారులు సమాధానం చెప్పాలి. అభ్యర్థులకు రక్షణ కల్పించి, ఎన్నికలను కేంద్ర బలగాల పర్యవేక్షణలో నిష్పక్షపాతంగా నిర్వహించాలి’ అని చెప్పారు. ఇదేనా సీఎం చేయాల్సిన పని? ‘ఎన్నికలను స్వేచ్ఛగా నిర్వహించాల్సిన ప్రభుత్వమే వాటిని ఒక ఫార్స్‌గా మార్చడం సిగ్గుచేటు. ఎన్నికలు స్వేచ్ఛగా, నిజాయితీగా నిర్వహించలేనప్పుడు చంద్రబాబు నోటిఫికేషన్‌ ఎందుకు ఇచ్చినట్లు? పరువు, మర్యాదలతో బతికే వారు, ప్రజలకు సేవ చేయాలనే ఉద్దేశంతో రాజకీయాల్లోకి రావాలనుకునే వారు ఈ దౌర్జన్యాలను చూసి బెంబేలెత్తిపోతున్నారు. చంద్రబాబుకు నిజంగా దమ్ముంటే వైఎస్సార్‌సీపీ అభ్యర్థులను అడ్డుకోవడం మానేసి, ఆయనే దగ్గరుండి నామినేషన్లు వేయించాలి. ప్రజాస్వామ్య పద్ధతిలో ఎన్నికలను ఎదుర్కొనే ధైర్యం లేక పోలీసులను, అధికారులను అడ్డం పెట్టుకుని ప్రతిపక్ష అభ్యర్థులను అడ్డుకోవడం ఎందుకు? ఎవరిని ఎన్నుకోవాలో నిర్ణయించుకునే ప్రజల హక్కును కూడా కాలరాస్తున్నారు. ముఖ్యమంత్రిగా ఉన్న వ్యక్తి వ్యవహరించాల్సిన తీరు ఇదేనా?’ అని ధ్వజమెత్తారు. దౌర్జన్యాలకు పాల్పడేవారిపై చర్యలు తీసుకోవాలి రాష్ట్ర ఎన్నికల కమిషనర్‌ పునేఠా సుప్రీం కోర్టు ఆదేశాలను కచ్చితంగా అమలు చేయాలి. ప్రతి అభ్యర్థీ స్వేచ్ఛగా నామినేషన్‌ వేసేలా భద్రత కల్పించాలి. దాడులు, బెదిరింపులు, ఆస్తుల ధ్వంసంపై నమోదైన ఫిర్యాదులపై తక్షణ చర్యలు తీసుకోవాలి. ఒత్తిళ్లకు తలొగ్గకుండా ఎన్నికల సంఘం తన రాజ్యాంగబద్ధ బాధ్యతను నిర్వర్తించాలి. సుప్రీం కోర్టు ఆదేశాలతోనైనా పోలీసులు, అధికారులు బుద్ధి తెచ్చుకోవాలి. చట్టబద్ధంగా వ్యవహరించాలి. అధికార పార్టీకి ఒక న్యాయం, ప్రతిపక్షానికి మరో న్యాయం అనే పద్ధతిని విడనాడాలి. ‘ప్రజలు గెలవాలి.. ప్రజాస్వామ్యం గెలవాలి’ అనే లక్ష్యంతో మా పోరాటం కొనసాగుతుంది’ అని చెప్పారు. జగన్‌ ప్రజాదరణను తగ్గించి చూపే కుట్రలు.. వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌ రెడ్డికి ఉన్న ప్రజాదరణను తగ్గించి చూపేందుకు చంద్రబాబు కుట్రలు చేస్తున్నారు. తన ప్రభుత్వ అసమర్థతను కప్పిపుచ్చుకునేందుకు జగన్‌పై నిందలు వేస్తున్నారు. వైఎస్‌ జగన్‌ లక్ష్యంగా ఎల్లో మీడియా చౌకబారు రాతలు రాస్తోంది. ఎన్ని కుట్రలు చేసినా ప్రజల గుండెల్లో వైఎస్‌ జగనే అసలు సిసలు హీరో’ అని చెప్పారు.

సాక్షి, అమరావతి: రాష్ట్రంలో తాజాగా స్థానిక సంస్థల ఎన్నికల షెడ్యూల్‌లో ఏకంగా సుప్రీం కోర్టు జోక్యం చేసుకునే వరకు దారి తీసిన పరిణామాలను గమనిస్తే... మునిసిపల్‌ ఎన్నికల నామినేషన్ల వేళ చోటు చేసుకున్న ఘటనలపై కనీస చర్యలు చేపట్టకుండా చేష్టలుడిగిన రాష్ట్ర ఎన్నికల కమిషన్‌ పరువే పోయిందని రాజకీయ పరిశీలకులు, న్యాయ నిపుణులు వ్యాఖ్యానిస్తున్నారు. రాజ్యాంగం ప్రకారం అర్హత ఉన్న ప్రతి ఒక్కరికీ ఎన్నికల్లో పోటీ చేసే హక్కు ఉన్నప్పటికీ.. విపక్ష అభ్యర్థులను పలుచోట్ల పోలీసుల ద్వారా అడ్డగించి నామినేషన్లు దాఖలు చేయనివ్వకుండా అధికార పార్టీ నిరోధించింది. ప్రజాస్వామ్యాన్ని మంటగలుపుతున్న చంద్రబాబు సర్కారు బరి తెగింపుపై సర్వోన్నత న్యాయస్థానం కన్నెర్ర చేయడంతో అధికార యంత్రాంగం పరువు మంటగలిసిందని పేర్కొంటున్నారు. ఒకసారి ఎన్నికల షెడ్యూల్‌ వెలువడిన తర్వాత కోర్టులు జోక్యం చేసుకోవడం అత్యంత అరుదుగా జరుగుతుంటుందని.. రాష్ట్రంలో మున్సిపల్‌ ఎన్నికల నామినేషన్ల ప్రక్రియలో అరాచకాలపై స్వయంగా సుప్రీంకోర్టు జోక్యం చేసుకున్న తీరు దేశ చరిత్రలో గతంలో ఎప్పుడూ జరగలేదని అధికార వర్గాల్లో పెద్ద ఎత్తున చర్చ సాగుతోంది.మొత్తం 100 చోట్ల మున్సిపల్‌ ఎన్నికలు జరుగుతుండగా అభ్యర్థులు అధికారులకు అందజేసిన నామినేషన్‌లను అపహరించడం లాంటి అరాచక ఘటనల కారణంగా ఇప్పటికే ఒక చోట ఎన్నిక వాయిదా పడగా.. తాజాగా సుప్రీంకోర్టు ఆదేశాల నేపథ్యంలో మరో 19 చోట్ల రాష్ట్ర ఎన్నికల కమిషన్‌ ప్రకటించిన షెడ్యూల్‌ను సవరిస్తూ ఆదేశాలివ్వడం దేశ ఎన్నికల చరిత్రలోనే అత్యంత అరుదైన ఘటనగా అధికార వర్గాలు అభివర్ణిస్తున్నాయి. ఇప్పటిదాకా ఏదైనా ఎన్నికల విషయంలో కోర్టులు ప్రత్యేకించి సంబంధిత అభ్యర్థులు దాఖలు చేసిన ఫిర్యాదుల విషయంలో స్పందించిన పరిస్థితి ఉందని.. కానీ రాష్ట్రంలో జరుగుతున్న మున్సిపల్‌ ఎన్నికల్లో ఏకంగా 20 శాతం చోట్ల అభ్యర్థులు అసలు నామినేషన్లే దాఖలు చేసుకోలేని దుస్థితిపై జోక్యం చేసుకోవడం ఎప్పుడూ, ఎక్కడా ఉత్పన్నం కాలేదనే చర్చ సాగుతోంది. హింసాత్మక ఘటనలపై ఎస్‌ఈసీ మౌనం వల్లే..రాష్ట్రంలో మునిసిపల్‌ ఎన్నికల నామినేషన్ల ప్రక్రియ మొదలైన తొలి పావు గంటలోనే వైఎస్సార్‌సీపీ లోక్‌సభా పక్ష నేత పీవీ మిధున్‌రెడ్డిపై దాడికి తెగబడటం.. ఎంపీ వాహనాల ధ్వంసం.. భద్రతా సిబ్బంది కాల్పుల ఘటనతో పాటు తొలి గంట వ్యవధిలోనే రాయచోటిలో వైఎస్సార్‌సీపీ కార్యాలయంపై అధికార పార్టీ గూండాల దాడి.. వాహనాలకు నిఫ్పు పెట్టడం లాంటి అరాచకాలతో పచ్చమూకలు పేట్రేగినా ఎన్నికలు స్వేచ్ఛాయుత వాతావరణంలో జరిగేలా రాష్ట్ర ఎన్నికల కమిషన్‌ ఎలాంటి చర్యలు తీసుకోలేదు. హింసాత్మక ఘటనలు చోటు చేసుకున్న చోట్ల వైఎస్సార్‌సీపీ అభ్యర్ధులు చైర్మన్‌ పదవులకు నామినేషన్లు దాఖలు చేయలేని పరిస్థితి కనిపిస్తున్నా ఎస్‌ఈసీ తీసుకున్న చర్యలు శూన్యం. స్థానిక ఎన్నికల ప్రక్రియలో నిష్పాక్షిత కోసం ఎస్‌ఈసీకి వైఎస్సార్‌ సీపీ నేతలు గత నెలన్నర వ్యవధిలో 54 వినతి పత్రాలు సమర్పించి పారా మిలటరీ బలగాల పర్యవేక్షణలో నిర్వహించాలని కోరినా నిమ్మకు నీరెత్తినట్లు వ్యవహరించారు. ఇక మునిసిపల్‌ నామినేషన్లు మొదలైన నాటి నుంచి పచ్చమూకల దౌర్జన్యాలు, పోలీసుల ద్వారా అడ్డుకుని నామినేషన్లు కూడా దాఖలు చేయనివ్వకుండా అడ్డుకోవడంపై 41 ఫిర్యాదులు ఎస్‌ఈసీకి అందచేసినా ఎలాంటి చర్యలు తీసుకోకుండా బుట్టదాఖలు చేశారు. అధికార పార్టీ అరాచకాలను వివరిస్తూ రాష్ట్ర ఎన్నికల కమిషన్‌తో పాటు గవర్నర్‌కు మాజీ సీఎం వైఎస్‌ జగన్‌ వినతిపత్రాలిచ్చినా ఎలాంటి చర్యలు లేకపోవడంతో వైఎస్సార్‌సీపీ న్యాయస్థానాలను ఆశ్రయించాల్సి వచ్చింది.మైదుకూరు ఎన్నిక వాయిదా.. బాధ్యులపై చర్యలేవీ?అభ్యర్థులు అందజేసిన నామినేషన్లను ఇతరులు ఎన్నికల అధికారి కార్యాలయంలో చొరబడి ఎత్తుకెళ్లారని జిల్లా కలెక్టరు స్వయంగా నివేదిక ఇచ్చారంటూ రాష్ట్ర ఎన్నికల కమిషన్‌ మైదుకూరు మున్సిపల్‌ ఎన్నికను వాయిదా వేసింది. అయితే, ఇప్పటి వరకు ఏ ఒక్క ఎన్నికల అధికారిపై గానీ, పోలీసులపైగానీ కనీస చర్యలు తీసుకున్న దాఖలాలు లేవు.నాడు ఈసీ తప్పించిన అధికారే... నేడు ఏకంగా ఎస్‌ఈసీగాఎన్నికలు జరిగే సమయంలో కేంద్ర ఎన్నికల సంఘం ఎవరైనా అధికారిని ఎన్నికలతో పాటు ఎన్నికలను ప్రభావితం చేసే విధుల నుంచి ఒకసారి తప్పిస్తే ఆ అధికారిని తర్వాత ఏ ఎన్నికల విధుల్లోనూ పాల్గొనకుండా ఈసీ నియంత్రిస్తుందన్న నిబంధన ఉంది. గతంలో మన రాష్ట్రంలో పనిచేసిన ఐఏఎస్‌ అధికారి ప్రవీణ్‌ప్రకాష్‌ను ఆ నిబంధనతో పలు మార్లు ఎన్నికల విధులకు దూరం పెట్టినట్లు ప్రస్తావిస్తున్నారు. 2019 సార్వత్రిక ఎన్నికల సమయంలో రాష్ట్ర ప్రభుత్వ ప్రధాన కార్యదర్శిగా ఉన్న అనిల్‌ చంద్ర పునేఠ నాటి సీఎం చంద్రబాబు సూచనల మేరకు నడుచుకుంటూ, తమ ఆదేశాలు పాటించలేదనే కారణంతో కేంద్ర ఎన్నికల సంఘం పునేఠను ఎన్నికల విధుల నుంచి తప్పించింది. కేంద్ర ఎన్నికల సంఘం నిబంధనల ప్రకారం అనిల్‌చంద్ర పునేఠ తిరిగి ఏ ఎన్నికల విధుల్లోనూ పాల్గొనకూడదు. అలాంటిది 2024లో చంద్రబాబు తిరిగి సీఎం కాగానే అదే అనిల్‌ చంద్ర పునేఠను ఎస్‌ఈసీగా నియమించడం గమనార్హం.

సాక్షి, అమరావతి: మున్సిపల్‌ ఎన్నికల తరహాలోనే జెడ్పీటీసీ, ఎంపీటీసీ ఎన్నికల ప్రక్రియకు టీడీపీ నేతలు ఆటంకాలు కల్పించి వైఎస్సార్‌సీపీ అభ్యర్థులను నామినేషన్లు దాఖలు చేయకుండా అడ్డుకోవడంపై రాష్ట్ర ఎన్నికల కమిషనర్‌ అనిల్‌ చంద్రను పునేఠకు వైఎస్సార్‌సీపీ నేతలు బుధవారం ఫిర్యాదు చేశారు. ఎన్నికలు స్వేచ్ఛగా, నిష్పక్షపాతంగా జరిగేలా చర్యలు తీసుకోవాలని, శాంతి భద్రతలను కాపాడుతూ అభ్యర్థులకు రక్షణ కల్పించాలని వైఎస్సార్‌సీపీ నేతలు కోరారు. మున్సిపల్‌ ఎన్నికల్లో కనీసం నామినేషన్లు దాఖలు చేయనివ్వని పరిస్థితులపై స్వయంగా సుప్రీంకోర్టు జోక్యం చేసుకున్న తర్వాత కూడా పలుచోట్ల పోలీసులే అధికార పార్టీ గూండాలకు అండగా నిలవడం.. నామినేషన్లు వేయడానికి వెళుతున్న మహిళలను అడ్డుకోవడం.. అనంతపురం, చిత్తూరు, తిరుపతి, కర్నూలు, పల్నాడు జిల్లాల్లో అభ్యర్థులపై దాడుల ఘటనలను ఎస్‌ఈసీ దృష్టికి తెచ్చారు. అనంతరం పార్టీ ప్రధాన కార్యదర్శి ఎమ్మెల్సీ లేళ్ల అప్పిరెడ్డి, ఎమ్మెల్సీ కల్పలతారెడ్డి, మాజీ ఎమ్మెల్యే టీజేఆర్‌ సుధాకర్‌బాబు మీడియాతో మాట్లాడారు. సుప్రీం ఆదేశాలు పాటించకుంటే మరోసారి న్యాయపోరాటం సుప్రీంకోర్టు ఆదేశాలను రాష్ట్ర ఎన్నికల కమిషన్‌ నిష్పక్షపాతంగా అమలు చేయాలని.. మున్సిపల్‌ ఎన్నికల నామినేషన్లలో అక్రమాలకు పాల్పడిన పోలీ­సు, రెవెన్యూ అధికారులను ఎన్నికల విధుల నుంచి తప్పించాలని నేతలు డిమాండ్‌ చేశారు. ‘సుప్రీంకోర్టు తీర్పును తమకు అనుకూలంగా వక్రీకరించి ప్రచారం చేస్తున్న అధికార పార్టీ తీరును ఎన్నికల సంఘం గమనించాలి. జెడ్పీటీసీ, ఎంపీటీసీ నామినేషన్ల విషయంలో ఎన్నికల సంఘం న్యాయం చేయకుంటే మరోసారి సుప్రీంకోర్టు తలు­పులు తడతాం. చట్టాన్ని పక్కనపెట్టి అధికార పార్టీకి అనుకూలంగా వ్యవహరించే పోలీసు, రెవెన్యూ అధి­కారులపై న్యాయపోరాటం చేస్తాం. మేం అధికారంలోకి వచ్చిన తర్వాత ఈ ఘటనలపై విచారణ జరిపించి బాధ్యులను చట్టం ముందు నిలబెడతాం’ అని పేర్కొన్నారు. మున్సిపల్‌ ఎన్నికల నామినేషన్ల సమయంలో రాష్ట్ర ప్రభుత్వ యంత్రాంగం వ్యవహరించిన తీరుతో సుప్రీంకోర్టు జోక్యం చేసుకోవాల్సి వచ్చిందని.. ఇందుకు నైతిక బాధ్యత వహిస్తూ సీఎం చంద్రబాబు తన పదవికి రాజీనామా చేయాలని డిమాండ్‌ చేశారు. డీజీపీ, హోంమంత్రి నైతిక బాధ్యత వహించాలన్నారు. రాష్ట్ర ఎన్నికల కమిషన్‌ ఇప్పటికైనా ప్రజాస్వామ్యయుతంగా ఎన్నికల నిర్వహణకు చర్యలు చేపట్టాలని డిమాండ్‌ చేశారు. శాంతి భద్రతలను కాపాడటంలో విఫలమైన పోలీసు అధికారులను ఎన్నికల విధుల నుంచి తప్పించాలని పేర్కొన్నారు. ఎన్నికల కమిషనర్‌ను కలిసిన వారిలో వైఎస్సార్‌ సీపీ లీగల్‌ సెల్‌ రాష్ట్ర అధ్యక్షుడు ఎం.మనోహర్‌రెడ్డి, పార్టీ ఎంప్లాయీస్‌ అండ్‌ పెన్షనర్స్‌ విభాగం రాష్ట్ర అధ్యక్షుడు నలమారు చంద్రశేఖర్‌రెడ్డి, పార్టీ అధికార ప్రతినిధి యనమల నాగార్జునయాదవ్‌ తదితరులున్నారు.

స్వేచ్ఛాయుత, నిష్పాక్షిక ఎన్నికలు రాజ్యాంగ మౌలిక స్వరూపంలో భాగం.. ఎన్నికల్లో పాల్గొనే హక్కు, నామినేషన్లు వేసే హక్కు అందులో అంతర్భాగం.. సాధారణంగా ఎన్నికల విషయంలో న్యాయస్థానాలు జోక్యం చేసుకోవు.. కానీ రాజ్యాంగ బాధ్యతల నిర్వహణలో ఎన్నికల సంఘం విఫలమైతే మా జోక్యం తప్పదు..వైఎస్సార్‌సీపీ అన్నీ ఆధారాలతోనే మా వద్దకు వచ్చింది.. బల ప్రయోగం, బెదిరింపులు, శాంతిభద్రతలకు విఘాతంపై ఆధారాలిచ్చింది.. అలాంటప్పుడు మా న్యాయ సమీక్ష అధికారాన్ని పక్కన పెట్టేయలేం.. కండబలం, దౌర్జన్యం కారణంగా ఎన్నికలు కలుషితమవుతుంటే చేతులు ముడుచుకుని ఉండలేం..విస్తృతమైన హింస వల్ల శాంతి భద్రతలకు విఘాతం కలిగి, దాని కారణంగా నామినేషన్ల దాఖలులో అభ్యర్థులందరికీ సమాన అవకాశాలు లేనప్పుడు, రాష్ట్ర ఎన్నికల సంఘం తన రాజ్యాంగ బాధ్యతను నెరవేర్చనప్పుడు, కోర్టు న్యాయ సమీక్షాధికారాన్ని ఉపయోగించకుండా ఉండలేదు. ఎన్నికల్లో పోటీచేసే అభ్యర్థులందరూ ఎలాంటి ఆటంకం లేకుండా నామినేషన్‌ పత్రాలను దాఖలు చేసేలా చూడటానికి అవసరమైన అన్ని చర్యలు చేపట్టడం కూడా ఖచ్చితంగా ఆ బాధ్యతల్లో భాగమే.నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలను కోర్టు ముందుంచింది. ఎన్నికల విషయాల్లో కోర్టులు జోక్యం చేసుకోకూడదనే నెపంతో మా న్యాయ సమీక్షాధికారాన్ని పక్కన పెట్టేయలేం. ఇలాంటి సందర్భాల్లో ఎన్నికల ప్రక్రియ నిష్పాక్షికంగా, న్యాయబద్ధంగా ముగిసేలా చూడటానికి న్యాయస్థానాల జోక్యం అత్యంత ఆవశ్యకం. ప్రజాస్వామ్యాన్ని, చట్టబద్ధ పాలనను పరిరక్షించడానికి ఎన్నికల ప్రక్రియపై ప్రజల్లో నమ్మకాన్ని కలిగించడం ఎంతో కీలకం.‘ఎన్నికల చట్టాన్ని నిర్దేశించే సూత్రా­లను, వైఎస్సార్‌సీపీ సమర్పించిన ఆధారాలను, ఎలక్ట్రానిక్‌ సాక్ష్యాలను, వినతి పత్రాలను ఈ కోర్టు పరిగణనలోకి తీసుకుంటోంది. ఈ వ్యవహారంలో తగిన ఆదేశాలు జారీ చేయడానికి వైఎస్సార్‌సీపీ మా ముందు ప్రాథమిక ఆధారాలను ఉంచింది. వీటి ఆధారంగా ఈ ఆదేశాలు జారీ చేస్తున్నాం.నామినేషన్‌ కేంద్రాల వద్ద డీజీపీ తగిన పోలీస్‌ బందోబస్తు, సీసీటీవీ నిఘాను ఏర్పాటు చేయాలి. సంబంధిత కేంద్రాలకు నామినేషన్లు వేయడానికి వచ్చే అభ్యర్థులకు అవసరమైన భద్రత కల్పించేలా అన్ని చర్యలు తీసుకోవాలి. – సుప్రీంకోర్టు ధర్మాసనంసాక్షి, అమరావతి/న్యూఢిల్లీ: స్థానిక సంస్థల ఎన్ని­కల్లో అడ్డూ అదుపు లేకుండా భౌతిక దాడులతో పేట్రేగిపో­తున్న అధికార పార్టీ నేతలకు.. వారితో కు­మ్మక్కై శాంతి భద్రతలను గాలికొదిలేసిన పో­లీసు­ల­కు.. పచ్చమూకల స్వైర విహారాన్ని పట్టించుకోని రాష్ట్ర ఎన్నికల కమిషన్‌కు సుప్రీంకోర్టు మూకుమ్మడిగా గడ్డి పెట్టింది. ప్రధాన ప్రతిపక్షం వైఎస్సార్‌సీపీ అభ్యర్థులను నామినేషన్లు కూడా వేయనివ్వకుండా అడ్డుకోవడం.. పార్టీ అభ్యర్థులపై దాడులకు పాల్పడటం.. వారి ఆస్తుల విధ్వంసం లాంటి ఘటనలపై సర్వోన్నత న్యాయస్థానం తీవ్ర విస్మయం వ్యక్తం చేసింది.స్వేచ్ఛగా, ప్రశాంతంగా, ప్రజాస్వామ్యబద్ధంగా జరగాల్సిన ఎన్నికల్లో అడ్డూ అదుపు లేకుండా అధికార పార్టీ నేతలు హింసకు పాల్పడుతుండటంతో పోలీసులు కనీస స్థాయిలో కూడా స్పందించకపోవడం పట్ల తీవ్రస్థాయిలో మండిపడింది. కనీసం ఒక్క కేసు కూడా నమోదు చేయకపోవడాన్ని తీవ్రంగా గర్హించింది. ఎన్నికల ఘర్షణలపై ఇప్పటి వరకు ఒక్క ఫిర్యాదు కూడా రాలేదని పోలీసుల తరఫున ప్రభుత్వ న్యాయవాదు­లు చెప్పడంపై కూడా సుప్రీంకోర్టు తీవ్ర విస్మయం వ్యక్తం చేసింది.‘క్షేత్రస్థాయిలో అంత హింస జరు­గుతుంటే.. నామినేషన్‌ కేంద్రాల వద్ద కనీస స్థాయి­లో శాంతి భద్రతలు లేకుంటే.. ఇక నామినేషన్లు వేయడానికి ఎవరొస్తారు? ఇలాంటి పరిస్థితుల నడుమ ఎన్నికల్లో పోటీ చేయాలనుకునే సామాన్యులు నామినేషన్‌ కేంద్రాల వైపు కన్నెత్తి చూసే ధైర్యం చేయగలరా?’ అని సుప్రీంకోర్టు ధర్మాసనం పోలీసులను నిలదీసింది. ఎన్నికల్లో పోటీ చేయడానికి విపక్షాలతో సహా అందరికీ పూర్తి అవకాశం ఉండి తీరాలని తేల్చి చెప్పింది. ఈ అరాచకాలను అడ్డుకోకుండా నిర్లక్ష్యం వహిస్తే చూస్తూ ఊరుకునేది లేదని అటు పోలీసులు ఇటు రాష్ట్ర ఎన్నికల కమిషన్‌ను సుప్రీంకోర్టు గట్టిగా హెచ్చరించింది. ఎన్నికల సంఘం విఫలమైతే.. కోర్టుల జోక్యం తప్పదు ‘స్వేచ్ఛగా, నిష్పాక్షికంగా ఎన్నికలు నిర్వహించడమనేది రాజ్యాంగ మౌలిక స్వరూపంలో ఓ భాగం. ఎలాంటి అడ్డంకులు లేకుండా ఎన్నికల ప్రక్రియలో పాల్గొనడం, స్వేచ్ఛగా నామినేషన్‌ పత్రాలను దాఖలు చేయడం లాంటివి స్వేచ్ఛాయుత, నిష్పాక్షిక ఎన్నికల ప్రక్రియలో కీలక అంశం. అధికరణ 243 జెడ్‌ ఏ ప్రకారం ఎన్నికలను స్వేచ్ఛగా, నిష్పాక్షికంగా నిర్వహించడం, పర్యవేక్షించడం రాష్ట్ర ఎన్నికల కమిషన్‌కు రాజ్యాంగం అప్పగించిన బాధ్యత.ఎన్నికల్లో పోటీ చేసే అభ్యర్థులందరూ ఎలాంటి ఆటంకం లేకుండా నామినేషన్‌ పత్రాలను దాఖలు చేసేలా చూడటానికి అవసరమైన అన్ని చర్యలు చేపట్టడం కూడా కచ్చితంగా ఆ బాధ్యతల్లో భాగమే. ఎన్నికల విషయాలలో న్యాయస్థానాల ‘న్యాయ సమీక్ష’ అధికారాలు పరిమితం. అయినప్పటికీ.. విస్తృతమైన హింస వల్ల శాంతి భద్రతలకు విఘాతం కలిగి, దాని కారణంగా నామినేషన్ల దాఖలులో అభ్యర్థులందరికీ సమాన అవకాశాలు లేనప్పుడు, రాష్ట్ర ఎన్నికల సంఘం తన రాజ్యాంగ బాధ్యతను నెరవేర్చనప్పుడు, కోర్టు న్యాయ సమీక్షాధికారాన్ని ఉపయోగించకుండా ఉండలేదు’ అని సుప్రీంకోర్టు తేల్చి చెప్పింది. ఎన్నికలు కలుషితమవుతుంటే కోర్టుల జోక్యం తప్పదు ‘న్యాయస్థానాలు సాధారణంగా ఎన్నికల ప్రక్రియ­లో జోక్యం చేసుకోవు. కానీ కండబలం, దౌర్జన్యం కారణంగా ఎన్నికలు కలుషితమవుతుంటే, అలాంటి వాటిని నిరోధించడానికి కోర్టుల జోక్యం తప్ప­దు. అత్యవసరమైనప్పుడు జోక్యం చేసుకోకుండా కోర్టులు చేతులు ముడుచుకుని కూర్చోవు’ అని ధర్మాసనం విస్పష్టంగా తేల్చి చెప్పింది. వైఎస్సార్‌సీపీ సమర్పించిన ఆధారాలను పరిగణనలోకి తీసుకున్నాం ‘ఎన్నికల చట్టాన్ని నిర్దేశించే సూత్రాలను, వైఎస్సార్‌సీపీ సమర్పించిన ఆధారాలను, ఎలక్ట్రానిక్‌ సా­క్ష్యాలను, వినతి పత్రాలను ఈ కోర్టు పరిగణలోకి తీసుకుంటోంది. ఈ వ్యవహారంలో తగిన ఆదేశా­లు జారీ చేయడానికి వైఎస్సార్‌సీపీ మా ముందు ప్రాథమిక ఆధారాలను ఉంచింది. వీటి ఆధారంగా ఈ ఆదేశాలు జారీ చేస్తున్నాం’ అని సుప్రీంకోర్టు పేర్కొంది.అదనపు నామినేషన్‌ కేంద్రాల కోసం వైఎస్సార్‌సీపీ న్యాయ పోరాటం స్థానిక ఎన్నికల్లో ప్రతిపక్ష పార్టీల అభ్యర్థులు నామినేషన్లు వేయకుండా అడ్డుకోవడమే కాకుండా భౌతిక దాడులతో అధికార పార్టీ నేతలు విధ్వంసం సృష్టిస్తున్న నేపథ్యంలో జిల్లా కలెక్టర్‌ లేదా ఎన్నికల అధికారి లేదా ఆర్డీవో వద్ద నామినేషన్లు దాఖలు చేసేలా ఎన్నికల కమిషన్‌ను ఆదేశించాలంటూ వైఎస్సార్‌సీపీ హైకోర్టులో పిటిషన్‌ దాఖలు చేసింది. ఈ వ్యాజ్యంపై విచారణ జరిపిన సింగిల్‌ జడ్జి జస్టిస్‌ మండవ కిరణ్మయి.. అదనపు నామినేషన్‌ కేంద్రాల విషయంలో వైఎస్సార్‌సీపీ అభ్యర్థనను తోసిపుచ్చుతూ ఉత్తర్వులిచ్చారు. ధర్మాసనం ముందు అప్పీల్‌ హైకోర్టు సింగిల్‌ జడ్జి ఉత్తర్వులను సవాలు చేస్తూ వైఎస్సార్‌సీపీ ఇద్దరు న్యాయమూర్తులతో కూడిన హైకోర్టు ధర్మాసనం ముందు శనివారం అత్యవసరంగా హౌస్‌మోషన్‌ రూపంలో అప్పీల్‌ దాఖలు చేసిన విషయం తెలిసిందే. ఈ పిటిషన్‌ను హైకోర్టు ధర్మాసనం కొట్టివేస్తూ ఈ నెల 18న ఉత్తర్వులిచ్చింది. అత్యవసరంగా సుప్రీం తలుపుతట్టిన వైఎస్సార్‌సీపీ హైకోర్టు ధర్మాసనం ఉత్తర్వులను సవాలు చేస్తూ వైఎస్సార్‌సీపీ అత్యవసరంగా సుప్రీంకోర్టును ఆశ్రయించింది. ఈ వ్యాజ్యంపై న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం బుధవారం సుదీర్ఘ విచారణ జరిపింది. వైఎస్సార్‌సీపీ తరఫున సీనియర్‌ న్యాయవాదులు మణీందర్‌ సింగ్, నిఖిల్‌ గోయల్, న్యాయవాది మెహఫూజ్‌ నజ్కీ వాదనలు వినిపించారు. అడుగడుగునా దౌర్జన్యాలు.. అడ్డంకులు స్థానిక ఎన్నికల్లో ప్రతిపక్ష అభ్యర్థులను అధికార పక్షం అడుగడుగునా అడ్డుకున్న తీరును, పోలీసుల ప్రేక్షకపాత్రను వైఎస్సార్‌సీపీ తరఫు న్యాయవాదులు సుప్రీంకోర్టు ధర్మాసనం దృష్టికి తీసుకొచ్చారు. నామినేషన్ల ఘట్టం మొదలైన రోజు నుంచి వరుసగా జరిగిన ఘటనలన్నింటినీ వివరించారు. నామినేషన్ల ప్రక్రియ ఏకపక్షంగా, హింసాత్మకంగా సాగిందని గణాంకాలతో నివేదించారు. రాష్ట్రంలోని 19 పట్టణ స్థానిక సంస్థల్లో మొత్తం 723 వార్డులకు ఎన్నికలు జరుగుతుండగా అధికార పార్టీ దౌర్జన్యం, పోలీసుల కుమ్మక్కు, రాష్ట్ర ఎన్నికల కమిషన్‌ నిస్సహాయత కారణంగా ప్రధాన ప్రతిపక్ష పార్టీ వైఎస్సార్‌సీపీ కేవలం 263 స్థానాల్లో (36.43 శాతం) మాత్రమే నామినేషన్లు వేయగలిగిందని కోర్టుకు వివరించారు. మిగిలిన సుమారు 63.57 శాతం మంది అభ్యర్థులను నామినేషన్లు వేయకుండా అధికార పార్టీ నేతలు, పోలీసులు ఉద్దేశపూర్వకంగా, భౌతికంగా అడ్డుకున్నారని, ఎన్నికల కేంద్రాల వద్ద దౌర్జన్యాలకు పాల్పడ్డారని ధర్మా­సనం దృష్టికి తీసుకొచ్చారు. సిట్టింగ్‌ ఎంపీపై హత్యాయత్నం జరిగితే.. పోలీసులు ఆయనపైనే కేసు పెట్టారు పుంగనూరు, రాయచోటి, మైదుకూరు తదితర ప్రాంతాల్లో అభ్యర్థుల నామినేషన్‌ పత్రాలను లాక్కుని చించేశారని, అడ్డుకోబోయిన వారిపై భౌతిక దాడులకు దిగారని మణీందర్‌ సింగ్‌ తదితరులు సుప్రీం ధర్మాసనానికి నివేదించారు. క్షేత్రస్థాయిలో పరిస్థితిని పర్యవేక్షించేందుకు వెళ్లిన స్థానిక సిట్టింగ్‌ ఎంపీపై ఏకంగా హత్యాయత్నం చేసి, ఆయనకు చెందిన కార్లను తగలబెట్టారని ధర్మాసనం దృష్టికి తెచ్చారు. అయితే విస్మయకరంగా పోలీసులు దాడికి పాల్పడిన వారిపై కాకుండా దెబ్బలు తిన్న బాధితులపైనే హత్యాయత్నం లాంటి అక్రమ కేసులు బనాయించారని కోర్టు దృష్టికి తెచ్చారు. అభ్యర్థులకు రక్షణపై హైకోర్టు ఆదేశాలు బేఖాతర్‌ దాడులకు పాల్పడటంపై ఆన్‌లైన్, ఆఫ్‌లైన్‌ విధానం ద్వారా ఫిర్యాదు చేసినా స్థానిక పోలీసులు, ఎన్నికల అధికారులు కనీసం పట్టించుకోలేదన్నారు. అభ్యర్థులకు తగిన రక్షణ కల్పించాలంటూ హైకోర్టు ఇచ్చిన ఆదేశాలు క్షేత్రస్థాయిలో ఏమాత్రం అమలు కాలేదని ధర్మాసనానికి నివేదించారు. దాడులు, బెదిరింపులు, పోలీసుల నిర్లక్ష్యం వల్ల భారీ ఎత్తున ఏకపక్ష ఏకగ్రీవాలు జరిగే ప్రమాదం ఉందని ఆందోళన వ్యక్తం చేశారు. క్షేత్రస్థాయిలో భద్రత పూర్తిగా లోపించినందున ప్రత్యామ్నాయంగా జిల్లా కేంద్రాల్లో కలెక్టర్ల వద్ద నామినేషన్లు వేసేలా తగిన ఏర్పాట్లు చేయడంతో పాటు లేదా నామినేషన్లు వేయలేకపోయిన వారికి మరో అవకాశం కల్పించేలా నామినేషన్ల గడువును పొడిగించేలా ఎన్నికల సంఘానికి ఆదేశాలు జారీ చేయాలని ధర్మాసనాన్ని అభ్యర్థించారు. పక్కా ఆధారాలతో వచ్చింది.. అలాంటప్పుడు మా అధికారాన్ని ఎలా పక్కన పెడతాం?‘ఎన్నికల సంఘం పర్యవేక్షణ, నియంత్రణ విషయంలో న్యాయస్థానాలు జోక్యం చేసుకోకపోవడం అనే సిద్ధాంతం ఒక అత్యవసరమైన అవసరం నుంచి∙పుట్టుకొచ్చింది. ఎన్నికల ప్రక్రియను నిర్దేశిత కాల పరిమితిలోపు పూర్తి చేయడమన్నది స్వతంత్ర రాజ్యాంగ వ్యవస్థ అయిన ఎన్నికల సంఘం పని. ఇందులో కోర్టులు జోక్యం చేసుకుంటే ఆ ప్రక్రియ సకాలంలో పూర్తి కాదు. ఎన్నికల ప్రక్రియకు సంబంధించిన అన్ని ఫిర్యాదులను లేదా అభ్యంతరాలను ఎన్నికలు పూర్తయిన తర్వాత ‘ఎన్నికల పిటిషన్‌’ ద్వారా మాత్రమే ప్రస్తావించాల్సి ఉంటుంది. అయితే రాష్ట్రంలోని ప్రధాన ప్రతిపక్ష రాజకీయ పార్టీ (వైఎస్సార్‌సీపీ) ఎన్నికల ప్రక్రియ ప్రారంభానికి ముందే హైకోర్టును ఆశ్రయించింది.నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలను కోర్టు ముందుంచింది. ఎన్నికల విషయాల్లో కోర్టులు జోక్యం చేసుకోకూడదనే నెపంతో మా న్యాయ సమీక్షాధికారాన్ని పక్కన పెట్టేయలేం. ఇలాంటి సందర్భాల్లో ఎన్నికల ప్రక్రియ నిష్పాక్షికంగా, న్యాయబద్ధంగా ముగిసేలా చూడటానికి న్యాయస్థానాల జోక్యం అత్యంత ఆవశ్యకం. ప్రజాస్వామ్యాన్ని, చట్టబద్ధ పాలనను పరిరక్షించడానికి ఎన్నికల ప్రక్రియపై ప్రజల్లో నమ్మకాన్ని కలిగించడం ఎంతో కీలకం’ అని సుప్రీంకోర్టు ధర్మాసనం స్పష్టం చేసింది.సుప్రీంకోర్టు ఇచ్చిన ఆదేశాలు ఇవీ శాంతి భద్రతల వల్ల నామినేషన్లు వేయలేని చోట్ల గడువు పెంచండి రాష్ట్ర ఎన్నికల సంఘం అభ్యర్థుల తుది జాబితా ప్రచురణను 25.10.2026 వరకు వాయిదా వేయాలి. ఈలోగా, వైఎస్సార్‌సీపీ లేదా ఇతర అభ్యర్థులు సమర్పించిన వినతిపత్రాలను, అలాగే వారిచ్చిన ఆధారాలను, ఎలక్ట్రానిక్‌ సాక్ష్యాలను రాష్ట్ర ఎన్నికల కమిషన్‌ పరిశీలించాలి. శాంతిభద్రతల సమస్య కారణంగా అభ్యర్థులు తమ నామినేషన్లను వేయలేకపోయారని భావించే పట్టణ స్థానిక సంస్థల్లో నామినేషన్ల దాఖలుకు గడువును పొడిగించేలా నిర్ణయం తీసుకోవాలి. అటువంటి నిర్ణయాన్ని ఎన్నికల కమిషన్‌ కచ్చితంగా రేపటికల్లా (గురువారం) తీసుకోవాలి. ఎక్కడైనా నామినేషన్‌ గడువును పొడిగించాలని నిర్ణయించుకుంటే.. ఆ నిర్ణయాన్ని ప్రచురించిన సమయం నుంచి కనీసం 48 గంటల సమయాన్ని ఎన్నికల నోటిఫికేషన్‌ను సవరించడం ద్వారా పొడిగించాలి. కలెక్టర్‌ వద్ద నామినేషన్లకు ఏర్పాట్లు చేయండి అవసరమైన ప్రదేశాలలో నామినేషన్లు వేయడానికి, జిల్లా కలెక్టర్‌ సమక్షంలో జిల్లా కేంద్రాలలో నా­మినేషన్లు వేసేందుకు అనువుగా రాష్ట్ర ఎన్నికల కమిషన్‌ అదనపు ఏర్పాట్లు చేయాలి. వీటితో పాటు వైఎస్సార్‌సీపీకి, ఎన్నికల్లో పోటీ చేసే అభ్యర్థులకు ఎన్నికల ప్రక్రియలో స్వేచ్ఛగా, నిష్పాక్షికంగా పాల్గొనే అవకాశం ఉందన్న నమ్మకాన్ని కలిగించాలి. వారి అనుమానాలను నివృత్తి చేసేందుకు రాష్ట్ర ఎన్నికల కమిషన్‌ అన్ని అవసరమైన చర్యలు తీసుకోవాలి. తదుపరి విచారణ తేదీ నాటికి మా ఈ ఆదేశాల అమలుకు తీసుకున్న చర్యలను వివరిస్తూ రాష్ట్ర ఎన్నికల కమిషన్‌ ఓ నివేదికను మా ముందుంచాలి. అభ్యర్థులకు అవసరమైన భద్రత కల్పించండి నామినేషన్‌ కేంద్రాల వద్ద డీజీపీ తగిన పోలీస్‌ బందోబస్తు, సీసీటీవీ నిఘాను ఏర్పాటు చేయాలి. సంబంధిత కేంద్రాలకు నామినేషన్లు వేయడానికి వచ్చే అభ్యర్థులకు అవసరమైన భద్రత కల్పించేలా అన్ని చర్యలు తీసుకోవాలి. తదుపరి విచారణ నాటికి ఈ ఆదేశాల అమలు విషయంలో నివేదిక సమర్పించాలి. ఒక్క ఫిర్యాదూ రాలేదన్న ప్రభుత్వం రాష్ట్రప్రభుత్వం తరఫున సీనియర్‌ న్యాయవాదులు ముకుల్‌ రోహత్గీ, సిద్ధార్థ్‌ లుథ్రా వాదనలు వినిపిస్తూ.. ప్రతిపక్షాలకు ఎన్నికల్లో పోటీ చేసే ఆసక్తి లేదన్నారు. ఎన్నికల ఘర్షణలపై ఇప్పటి వరకు ఒక్క ఫిర్యాదు కూడా రాలేదని చెప్పారు. రాష్ట్ర ఎన్నికల కమిషన్‌ తరఫు సీనియర్‌ న్యాయవాది పరమేశ్వరన్‌ స్పందిస్తూ.. అభ్య­ర్థు­లు సరైన ఆధారాలతో వస్తే పరిశీలిస్తామని, ఇప్పటికే అందిన ఫిర్యాదుల నేప­థ్యంలో మైదుకూరు మున్సిపాలిటీలో ఎన్నికను నిలిపివేశామని తెలిపారు. అందరి వాదనలు విన్న ధర్మాసనం అటు ఎన్నికల సంఘానికి, ఇటు పోలీ­సులకు విస్పష్టమైన ఆదేశాలు జారీ చేస్తూ తదుపరి విచారణను ఈ నెల 27కి వాయిదా వేసింది.

సాక్షి, విజయవాడ: ఆంధ్రప్రదేశ్‌లో మున్సిపల్, కార్పొరేష‌న్‌ ఎన్నికల ప్రక్రియకు రాష్ట్ర ఎన్నికల సంఘం (ఎస్‌ఈసీ) తాత్కాలికంగా బ్రేక్ వేసింది. రాష్ట్రంలోని 100 మున్సిపాలిటీలు, మున్సిపల్ కార్పొరేషన్ల పరిధిలో పోటీలో ఉన్న అభ్యర్థుల జాబితాలను ప్రకటించవద్దని అధికారులను ఆదేశించింది.సుప్రీంకోర్టు ఆదేశాల నేపథ్యంలో ఎస్‌ఈసీ ఈ నిర్ణయం తీసుకుంది. తదుపరి ఆదేశాలు వచ్చే వరకు అభ్యర్థుల జాబితాల ప్రకటనను నిలిపివేయాలని స్పష్టం చేసింది. తొలుత 19 ప్రాంతాల్లోనే ఆపాల‌ని భావించిన‌ప్ప‌టికి.. ఇప్పుడు మొత్తం 100 స్దానాల్లో నిలిపివేస్తున్న‌ట్లు ఎస్ఈసీ ప్ర‌క‌టించింది.మున్సిపల్ ఎన్నికల ప్రక్రియపై తదుపరి నిర్ణయాన్ని రేపు వెల్లడిస్తామని రాష్ట్ర ఎన్నికల సంఘం తెలిపింది. దీంతో రాష్ట్రవ్యాప్తంగా మున్సిపల్ ఎన్నికల ప్రక్రియపై ఉత్కంఠ నెలకొంది. ఎస్‌ఈసీ రేపు తీసుకోబోయే నిర్ణయంపై రాజకీయ వర్గాలు, ఎన్నికల్లో పోటీ చేస్తున్న అభ్యర్థులు ఆసక్తిగా ఎదురుచూస్తున్నారు.కాగా ఏపీ మున్సిపల్ ఎన్నికల నామినేషన్ల ప్రక్రియలో తలెత్తిన వివాదాలు, హింసాత్మక ఘటనలపై ఎస్ఈసీకి సుప్రీంకోర్టు బుధవారం ఉద‌యం కీల‌క ఆదేశాలు జారీ చేసిన సంగ‌తి తెలిసిందే. హింస జరిగిన 19 మున్సిపాలిటీల్లో నామినేషన్ల గడువు పెంచడంతో పాటు ఈ నెల 25వరకు అభ్యర్థుల తుది జాబితా ప్రకటించొద్దని సుప్రీం కోర్టు స్పష్టం చేసింది.ఇదీ చదవండి: ఇరాన్‌తో యుద్ధం వద్దని ట్రంప్‌కు చెప్పిన కుమారుడు డాన్ జూనియర్!