Bhadradri District Latest News

దాఖలు చేసిన గ్యాస్‌ గోదాం మేనేజర్‌ ఆత్మహత్య కేసు నిందితులు భద్రాచలంఅర్బన్‌: పాల్వంచ గ్యాస్‌ గోదాం మేనేజర్‌ అనంతుల లక్ష్మీనారాయణ ఆత్మహత్య కేసులో నిందితులుగా ఉన్న నలుగురు జర్నలిస్టులతోపాటు ఓ మహిళ ముందస్తు బెయిల్‌ కోసం తెలంగాణ హైకోర్టును ఆశ్రయించారు. ఈ కేసులో రాజులపూడి రజితతోపాటు జర్నలిస్టులు ఎల్‌.రాజేష్‌, నాగచంద్రరావు అలియాస్‌ నాగచందు, మహ్మద్‌ అబ్దుల్‌ ఖలీం ఈ నెల 26న ముందస్తు బెయిల్‌ పిటిషన్‌ దాఖలు చేశారు. ఇదే కేసులో ఆరో నిందితుడిగా పేర్కొన్న జర్నలిస్టు తలారి రవికుమార్‌ సైతం విడిగా హైకోర్టును ఆశ్రయించారు. ఈ రెండు పిటిషన్లపై నవంబర్‌ 3న విచారణ జరగనుంది. కాగా ఇటీవల ఓ మహిళతోపాటు మరో ఇద్దరు జర్నలిస్టులను ఉమ్మడి కరీంనగర్‌లో, మరో ముగ్గురు జర్నలిస్టులను తమిళనాడు రాష్ట్రంలో పోలీసులు అదుపులోకి తీసుకున్నట్లు ప్రచారం జరుగుతున్నా పోలీసులు అధికారికంగా వెల్లడించలేదు. చోరీ కేసులో ముగ్గురి అరెస్ట్‌అశ్వాపురం: వృద్ధురాలి మెడలో బంగారం చోరీ చేసిన ముగ్గురిని పోలీసులు అరెస్ట్‌ చేశారు. పోలీస్‌స్టేషన్‌లో గురువారం సీఐ ఎల్ల య్య వెల్లడించిన వివరాల ప్రకారం.. గత నెలలో వృద్ధురాలు బొల్లు సరోజనమ్మ ఇంట్లోకి తెల్లవారుజామున దొంగలు చొరబడి 3 తులాల బంగారు గొలుసు, రూ.50 వేల నగదు అపహరించారు. కేసు నమోదు చేసిన పోలీసులు దర్యాప్తు ప్రారంభించారు. ఈ నెల 28న మండల పరిధిలోని గొల్లగూడెం క్రాస్‌ రోడ్డు వద్ద వాహన తనిఖీలు నిర్వహిస్తుండగా బైక్‌పై వెళ్తున్న ముగ్గురు అనుమానాస్పదంగా కనిపించారు. వారిని పట్టుకుని విచారించగా సీతారాంపురంలో చోరీ చేసినట్లు అంగీకరించారు. చుంచుపల్లి పరిధిలో మరో చోరీ చేసినట్లు ఒప్పుకున్నారు. నిందితులు ఒడిశాకు చెందిన రేవు సురేష్‌, సల్బం చిన్నా, ఏపీలోని ఎటపాక మండలం మురుమూరుకు చెందిన గొంది ముత్తయ్యలను అరెస్ట్‌ చేసి రిమాండ్‌కు తరలించారు. ఎస్సై శివరామకృష్ణ, పోలీస్‌ సిబ్బంది పాల్గొన్నారు. సర్క్యులర్‌ను నిలుపుదల చేయాలిరుద్రంపూర్‌: అండర్‌ గ్రౌండ్స్‌ లీవ్‌ రికవరీ సర్క్యులర్‌ను నిలుపుదల చేయాలని సీఐటీయూ అధ్యక్షుడు మందా నర్సింహారావు గురువారం ఒక ప్రకటనలో సింగరేణి యాజమాన్యాన్ని కోరారు. అండర్‌ గ్రౌండ్‌ కార్మికులను సంస్థ అవసరాల రీత్యా డిప్యూటేషన్‌పై సర్ఫేస్‌లో వినియోగించుకుంటున్నారు. ఇలా పనిచేస్తున్న కార్మికుల వేతనాల్లో 2014 నుంచి ఇప్పటివరకు జమైన అండర్‌ గ్రౌండ్‌ అలవెన్స్‌ రికవరీ చేయాలని సర్క్యులర్‌ జారీ చేయడం సరికాదని పేర్కొన్నారు. కార్మికులను ఇబ్బంది పెట్టడం మాని సంస్థకు రావాల్సిన రూ.56 వేల కోట్ల బకాయిల వసూళ్లపై శ్రద్ధ పెట్టాలని కోరారు. బొగ్గు టిప్పర్‌, బైక్‌ ఢీయువకుడు అక్కడికక్కడే మృతి రుద్రంపూర్‌: చండ్రుగొండ మండలం తిప్పనపల్లి శివారు ప్రాంతంలో గురువారం రాత్రి ద్విచక్రవాహనాన్ని బొగ్గుటిప్పర్‌ ఢీకొని ఓ యువకుడు అక్కడికక్కడే మృతిచెందాడు. స్థానికుల కథనం ప్రకారం.. కొత్తగూడెం నుంచి వస్తున్న బొగ్గు టిప్పర్‌ చండ్రుగొండ వైపు నుంచి వెళ్తున్న బైక్‌ను ఢీకొట్టింది. దీంతో ద్విచక్ర వాహనంపై ఉన్న యువకుడు తీవ్ర గాయాలై సంఘటనా స్థలంలోనే మృతి చెందాడు. మృతుడు వనపర్తి వాసిగా తెలిసింది. కాగా ద్విచక్రవాహనం పూర్తిగా నుజునుజ్జుయింది. మధిరలో అఘోర సాధువు మధిర: ఉత్తరప్రదేశ్‌లోని బృందావన్‌కు చెందిన అఘోర సాధువు బాబా ప్రేమ్‌గిరి గురువారం మధిరకు వచ్చారు. ఈ సందర్భంగా అంబికా ఫ్యాన్సీ షాప్‌తో పాటు పలు వ్యాపార సంస్థలకు వెళ్లగా, ఇంకొందరు తమ షాపులకు తీసుకెళ్లి ఆశీర్వాదాలు పొందారు. కాగా, అఘోర సాధువును చూడడానికి స్థానికులు ఆసక్తి కనబరిచారు.నిందితుడి బైండోవర్‌ సూపర్‌బజార్‌(కొత్తగూడెం): పలు కేసుల్లో నిందితుడిగా ఉన్న కొత్తగూడేనికి చెందిన ఆటో డ్రైవర్‌ భూపతి భరత్‌ (37)ను గురువారం తహసీల్దార్‌ ఎదుట హాజరుపర్చి బైండోవర్‌ చేశారు. భరత్‌ పేకాట ఆడిస్తున్నట్లు గుర్తించామని, గతంలో వేర్వేరు పోలీస్‌ స్టేషన్ల పరిధిలో పేకాట, ఇతర నేరాలకు సంబంధించి కేసులు కూడా ఉన్నాయని లక్ష్మీదేవిపల్లి ఎస్‌ఐ అఖిల తెలిపారు. అతని ప్రవర్తనపై నిఘా ఉంచి భవిష్యత్తులో ఎలాంటి నేరాలకు పాల్పడకుండా నిరోధించేందుకు బైండోవర్‌ చేసినట్లు పేర్కొన్నారు.

గుజరాత్‌ రాష్ట్రంలోని నేషనల్‌ ఫోరెన్సిక్‌ సైన్స్‌ యూనివర్సిటీ నిపుణులు రంగంలోకి దిగాక రామారావు హత్య కేసు ఓ కొలిక్కి వచ్చింది. గతంలో సేకరించిన ఆధారాలకు తోడు నిపుణుల విచారణతో బయటపడిన అంశాల ఆధారంగా ఖమ్మం రూరల్‌ తెల్దారుపల్లికి చెందిన బోడపట్ల శ్రీనివాసరావు అలియాస్‌ మెంటల్‌ శ్రీను, నూకల లింగయ్య, మల్లారపు లక్ష్మయ్య, కార్లపూడి ఉదయ్‌కుమార్‌ అలియాస్‌ రుక్మాన్‌ కుమార్‌ను అరెస్ట్‌ చేశారు. వీరిలో ఉదయ్‌ కాక మిగతా ముగ్గురు గతంలో రాష్ట్రవ్యాప్తంగా సంచలనం సృష్టించిన బీఆర్‌ఎస్‌ నాయకుడు, ఖమ్మంరూరల్‌ మండలం తెల్దారుపల్లికి చెందిన తమ్మినేని కృష్ణయ్య హత్య కేసుతో పాటు చౌటపల్లిలో జరిగిన హత్య కేసులోనూ నిందితులు. అయితే, హత్యకు దారి తీసిన పరిస్థితులు, ఎవరు ప్రేరేపించారనే అంశాలపై విచారణ జరుగుతోందని, మిగతా నిందితులను త్వరలోనే అరెస్ట్‌ చేస్తామని పోలీసు కమిషనర్‌ వివరించారు. కాగా, నిందితులను గురువారం ఉదయం చింతకాని పోలీసుస్టేషన్‌కు తీసుకురాగా.. ఆతర్వాత సీన్‌ రీ కన్‌స్ట్రక్షన్‌ కోసం మత్కేపల్లి పరిధి తుమ్మలమ్మ చెరువు కట్ట వద్దకు తీసుకెళ్లారు. ఆపై ఖమ్మం తరలించగా సీపీ వివరాలు వెల్లడించారు. రామారావు హత్య కేసులో సమగ్ర పర్యవేక్షణ అధికారిగా వైరా ఏసీపీ సారంగపాణి, వైరా సీఐ వెంకటప్రసాద్‌, మధిర రూరల్‌ సీఐ రమేష్‌, ఎస్సైలు వీరేందర్‌, నరేష్‌ పనిచేయగా వీరిని సీపీ అభినందించి రివార్డులు అందజేశారు.

సూపర్‌బజార్‌(కొత్తగూడెం): ప్రజా సమస్యలను పరిష్కరించాలని రాష్ట్ర రెవెన్యూ మంత్రి పొంగులేటి శ్రీనివాసరెడ్డి అన్నారు. గురువారం ఆయన కొత్తగూడెంలోని రైటర్‌ బస్తీ గొల్లగూడెంలో కాంగ్రెస్‌ పార్టీ జిల్లా కార్యాలయ నిర్మాణానికి కేటాయించిన స్థలాన్ని పరిశీలించారు. అనంతరం తన క్యాంప్‌ కార్యాలయంలో అదనపు కలెక్టర్‌, ఆర్డీఓ, రెవెన్యూ శాఖ అధికారులతో సమీక్ష నిర్వహించి, రెవెన్యూ అనుమతులు, ఇతర సాంకేతిక ప్రక్రియను త్వరితగతిన పూర్తి చేయాలని ఆదేశించారు. ఆ తర్వాత పార్టీ శ్రేణుల ద్వారా ప్రజా సమస్యలు తెలుసుకుని, పరిష్కరించాలని అధికారులను ఆదేశించారు. పలువురు అధికారులు, కార్యకర్తలు ఆయనకు జన్మదిన శుభాకాంక్షలు తెలిపారు. కొత్తగూడెంలో ఓ వివాహ వేడుకకు కూడా హాజరయ్యారు. 1987లో ఏలూరు సీఆర్‌ రెడ్డి లా కళాశాలలో తనతో కలిసి న్యాయవిద్యను అభ్యసించిన పదిమంది మిత్రులను కలుసుకున్నారు. ఈ కార్యక్రమాల్లో డీసీసీ అధ్యక్షురాలు తోట దేవీ ప్రసన్న, టీపీసీసీ జనరల్‌ సెక్రటరీ నాగా సీతా రాములు, నాయకులు ఆళ్ల మురళి, చంద్రశేఖర్‌ రావు, ఊకంటి గోపాలరావు, కోనేరు సత్యనారాయణ, నాగేంద్ర త్రివేది, రజాక్‌, చింతలపూడి శేఖర్‌, డిప్యూటీ మేయర్‌ సిరిపురం లలిత, కార్పొరేటర్‌ జల్లి శ్రీలక్ష్మి తదితరులు పాల్గొన్నారు. లక్ష్మీనారాయణ కుటుంబానికి అండగా ఉంటాం పాల్వంచ: పాల్వంచ హెచ్‌పీ గ్యాస్‌ గోదాం మేనేజర్‌ అనంతుల లక్ష్మీనారాయణ కుటుంబానికి అన్ని విధాల అండగా ఉంటామని మంత్రి పొంగులేటి శ్రీనివాస రెడ్డి భరోసా ఇచ్చారు. గురువారం లక్ష్మీనారాయణ దశదిన కార్యక్రమం నిర్వహించగా, పినపాక ఎమ్మెల్యే పాయం వెంకటేశ్వర్లు, కలెక్టర్‌ అంకిత్‌లతో కలిసి వెళ్లి కుటుంబ సభ్యులను పరామర్శించారు. నిందితులపై కఠిన చర్యలు తీసుకుంటామన్నారు. అదనపు కలెక్టర్‌ డి.వేణుగోపాల్‌, తహసీల్దార్‌ దారా ప్రసాద్‌, డీఎస్పీ సతీష్‌ తదితరులు పాల్గొన్నారు.

వివరాలు వెల్లడించిన డీఓ శంకర్‌ నాయక్‌అశ్వారావుపేటరూరల్‌: ఆయిల్‌ఫెడ్‌ నర్సరీల ద్వారా నెల రోజుల వ్యవధిలో రైతులకు రికార్డు స్థాయిలో పామాయిల్‌ మొక్కలను పంపిణీ చేశారు. గురువారం నారంవారిగూడెం ఆయిల్‌ఫెడ్‌ డివిజనల్‌ కార్యాలయంలో జరిగిన విలేకరుల సమావేశంలో డీఓ వివరాలను వెల్లడించారు. అశ్వారావుపేట, అప్పారావుపేటలోని ఆయిల్‌ఫెడ్‌ నర్సరీల నుంచి ఉమ్మడి జిల్లాతోపాటు రాష్ట్రంలోని మరో ఎనిమిది జిల్లాలకు రికార్డు స్థాయిలో 6,598 ఎకరాలకు 3,76,096 పామాయిల్‌ మొక్కలను అందజేశామని తెలిపారు. అత్యధికంగా భద్రాద్రి కొత్తగూడెం జిల్లాలో 3,233 ఎకరాలకు 1,84,280 మొక్కలు, ఆ తర్వాత ఖమ్మం జిల్లాలో 2,140 ఎకరాలకు 1,21,976 మొక్కల పంపిణీ చేశామని పేర్కొన్నారు. రాబోయే రోజుల్లో మరో 5,74,389 మొక్కలను పంపిణీ చేస్తామని అన్నారు.

యాసంగి సాగుసూపర్‌బజార్‌(కొత్తగూడెం): జిల్లా వ్యవసాయ శాఖ యాసంగి పంటల సాధారణ విస్తీర్ణాన్ని అంచనా వేసింది. ఎల్‌నినో ప్రభావం వల్ల గత సీజన్‌ కంటే ఈసారి సాగు తగ్గనుందని పేర్కొంది. 2025–26 సీజన్‌లో సాధారణ విస్తీర్ణం 2,07,005 ఎకరాలు కాగా 2026–27 సీజన్‌లో 1,51,803 ఎకరాలుగా అంచనా రూపొందించింది. దీంతో గత యాసంగితో పోలిస్తే 56,202 ఎకరాలు తక్కువ కావడం గమనార్హం. సాగునీటి వనరులు లేకపోవడం, వర్షాకాలంలో జిల్లాలో వర్షాలు సరిగా కురవక పోవడంతో సాధారణ విస్తీర్ణాన్ని కుదిస్తూ అంచనాను రూపొందించారు. ఎల్‌నినో పరిస్థితులలో వరి వేయవద్దని రైతులను చైతన్యం చేస్తున్నా నీటి వనరులు ఉన్న ప్రాంతాల్లో 39,300 ఎకరాలు సాగు చేసే అవకాశం ఉందని అంచనా వేస్తున్నారు. గత యాసంగితో పోలిస్తే 50,048 ఎకరాలు వరి తగ్గనుంది. మొక్కజొన్న 28,003 ఎకరాలు తగ్గే అవకాశం ఉంది. సాధారణ పంటల్లో మొత్తం 61,834 ఎకరాలు తగ్గుతుండగా, ఉద్యాన పంటలలో 5,632 ఎకరాలలో పంటల విస్తీర్ణం పెరిగింది. వీటిలో ఆయిల్‌పామ్‌ 4,856 ఎకరాలు, కూరగాయలు 759 ఎకరాలు పెరుగుతున్నాయి. వ్యవసాయ పంటలలో పెసర 2,737 ఎకరాలు, వేరు శెనగ 1,111 ఎకరాలు, పొద్దు తిరుగుడు 447 ఎకరాలు, ఇతర పంటలు 5,914 ఎకరాలు పెరుగనున్నాయి. పంట 2025–26 2026–27 తేడా వరి 89,348 39,300 –50,048 మొక్కజొన్న 1,07,103.11 79,100 –28,003 జొన్న 622.15 1,122 –500 మినుము 263.35 3,000 2,737 పెసర 691 3,200 2,509 బొబ్బర్లు 6,931 3,070 –3.001 వేరు శెనగ 1,389.11 2,500 1,111 నువ్వులు 509.17 509 0 ఇతరాలు 390.75 6,305 5,914 కూరగాయలు 799 2,558 759 ఉల్లి 0 12 12 పండ్ల తోటలు 56 60 4 ఆయిల్‌పామ్‌ 5,619 10,475 4,856ఎల్‌నినో ఎఫెక్ట్‌తో 56,202 ఎకరాలు తగ్గుదల

అశ్వారావుపేట: అశ్వారావుపేట ప్రాంతంలో నూతన సబ్‌ స్టేషన్లు, కార్యాలయ భవనాల నిర్మాణాలు వేగవంతం చేయాలని టీజీ ఎన్‌పీడీసీఎల్‌ సీఎండీ కర్నాటి వరుణ్‌రెడ్డి సూచించారు. అశ్వారావుపేటలో నిర్మించతలపెట్టిన విద్యుత్‌ డివిజన్‌ కార్యాలయ భవనానికి స్థలాన్ని , అశ్వారావుపేట పరిసర ప్రాంతాల్లోని పలు విద్యుత్‌సబ్‌ స్టేషన్లను గురువారం పరిశీలించారు. ఈ సందర్భంగా మాట్లాడుతూ నాణ్యమైన విద్యుత్‌ సరఫరా చేయాలన్నారు. ఆ తర్వాత మున్సిపాలిటీ పరిధిలోని నందమూరి కాలనీలో నిర్మిస్తున్న 220/132, 33/11 కేవీ సబ్‌స్టేషన్‌ నిర్మాణ పనులను పరిశీలించారు. పనులను వేగవంతంగా నాణ్యతా ప్రమాణాలతో పూర్తి చేయాలని ఆదేశించారు. ఎమ్మెల్యే జారే ఆదినారాయణ, మున్సిపల్‌ వైస్‌ చైర్మన్‌ జూపల్లి రమేష్‌ బాబు ఉన్నారు. టీజీ ఎన్‌పీడీసీఎల్‌ సీఎండీ కర్నాటి వరుణ్‌రెడ్డి

● సైఫాబాద్‌ పోలీసుస్టేషన్‌లో నమోదు ● సైదాబాద్‌లో విచారణ పూర్తి ● ఖైరతాబాద్‌ కేసులో సాగుతున్న దర్యాప్తు ఖైరతాబాద్‌: సోషల్‌మీడియా వేదికగా యువతి ఫొటో, పేరుతో చాటింగ్‌ చేసి... ఆపై ఆమె అన్నగా మారి... పలువురిని బెదిరించి రూ.లక్షల్లో వసూలు చేసిన ‘హనీట్రాప్‌ కేసు’ నిందితుడు పవన్‌కుమార్‌పై మరో కేసు నమోదైంది. దీంతో ఆయనపై నమోదైన కేసుల సంఖ్య మూడుకు చేరింది. ఇప్పటికే పవన్‌ను అరెస్టు చేసిన సైదాబాద్‌ పోలీసులు కోర్టు అనుమతితో మూడు రోజులు కస్టడీలోకి తీసుకుని విచారించారు. ఆ గడువు గురువారంతో ముగియడంతో వైద్య పరీక్షల అనంతరం కోర్టులో హాజరుపరిచి రిమాండ్‌కు తరలించారు. పోలీసుల విచారణలో వెలుగులోకి వచ్చిన వివరాల ఆధారంగా సైఫాబాద్‌ ఠాణాలో మరో కేసు నమోదు చేశారు. ఖైరతాబాద్‌ డీఐ బాలస్వామి భార్య ఫిర్యాదుతో.. పవన్‌ గతంలో బషీర్‌బాగ్‌లోని ఓ సంస్థలో విధులు నిర్వర్తించాడు. అప్పట్లో ఆ సంస్థ నుంచి రూ.30 వేలు అడ్వాన్స్‌గా తీసుకుని రూ.14 వేలే చెల్లించడంతో సంస్థ బాధ్యుల ఫిర్యాదుతో సైఫాబాద్‌ పోలీసులు చీటింగ్‌ కేసు నమోదు చేశారు. మరోపక్క ఇటీవల అరెస్టు అయిన ఖైరతాబాద్‌ డీఐ బాలస్వామి భార్య ఫిర్యాదుతో ఆ ఠాణాలో నమోదైన కేసులో పోలీసులు దర్యాప్తు ముమ్మరం చేశారు. తన భర్త బాలస్వామి భవానీనగర్‌ ఠాణాలో ఇన్‌స్పెక్టర్‌గా పని చేస్తుండగా చందన పేరుతో పవన్‌ ట్రాప్‌ చేశాడని, ఆపై ఆమెకు అన్నగా మారి ఆరు నెలల పాటు వేధించాడనేది ప్రధాన ఆరోపణ. బాలస్వామి ఖైరతాబాద్‌ డీఐగా బదిలీపై వచ్చినా వదలకుండా, దాదాపు ఆరు నెలల పాటు ఓ లాడ్జిలో తన భర్తతో కలిసి ఉన్నాడని పేర్కొన్నారు. బాలస్వామి ఇంటికి కూడా రాకుండా నిర్బంధించాడని వివరించారు. ఇలా దఫదఫాలుగా తన భర్త నుంచి రూ.10 లక్షల వరకు వసూలు చేశారని తన ఫిర్యాదులో పేర్కొన్నారు. చివరకు ఈ నెల 4న తన భర్త ఇంటికి వచ్చేయగా బెదిరింపులకు దిగాడని ఆరోపించారు. దీనిపై ఖైరతాబాద్‌ ఠాణాలో కేసు నమోదైంది. ఇటీవల ఓ కేసులో అరెస్టు అయిన బాలస్వామి ప్రస్తుతం చంచల్‌గూడ జైలులో రిమాండ్‌ ఖైదీగా ఉన్నారు. దీంతో ఆయన నుంచి వాంగ్మూలం నమోదు చేసిన తర్వాతే ఈ కేసులో తదుపరి చర్యలు తీసుకోవాలని ఖైరతాబాద్‌ పోలీసులు నిర్ణయించారు. బాలస్వామి వాంగ్మూలం జైలులో నమోదు చేయడానికి అనుమతి ఇవ్వాలంటూ కోర్టులో పిటిషన్‌ దాఖలు చేశారు. మరోపక్క తుకారాంగేట్‌ ప్రాంతానికి చెందిన ఓ యువతి నుంచి పవన్‌ కుమార్‌ ఇన్వెస్ట్‌మెంట్‌ పేరుతో రూ.6 లక్షలు తీసుకుని మోసం చేశారని పోలీసులు గుర్తించారు. దీనిపై త్వరలో ఫిర్యాదు స్వీకరించి కేసు నమోదు చేయడానికి సన్నాహాలు చేస్తున్నారు. భద్రాద్రి కొత్తగూడెం జిల్లా ముత్యాలంపాడుకు చెందిన కొండాబత్తుల పవన్‌ కుమార్‌(23) కూకట్‌పల్లి బాలాజీనగర్‌లో నివసించాడు. నకిలీ ఖాతాలతో సామాజిక మాధ్యమాల ద్వారా యువతి మాదిరి పలువురితో చాటింగ్‌ చేశాడు. ఈ క్రమాన ‘వ్యక్తిగత సంభాషణలు’ చేస్తూ వారి ఫొటోలు సేకరించి భద్రపరిచేవాడు. ఆపై ఆ యువతి అన్నలా వారిని కలిసి ఫొటోలు బయటపెడతానని బెదిరించి వసూళ్లకు పాల్పడ్డాడు. సైదాబాద్‌ పరిధిలో నివసించే అతని స్నేహితుడిని సైతం ఇలానే మోసగించాడు. ఆయన ఫిర్యాదుతో కేసు నమోదు చేసుకున్న సైదాబాద్‌ పోలీసులు ఈ నెల 19న అరెస్టు చేసి రిమాండ్‌కు తరలించారు. ప్రాథమిక విచారణలో భాగంగా దాదాపు 100 మందిని మోసం చేసినట్లు గుర్తించిన అధికారులు లోతుగా దర్యాప్తు చేస్తున్నారు. ఇందులో భాగంగా నిందితుడిని కస్టడీలోకి తీసుకుని విచారించారు. అతడికి చెందిన ఓ బ్యాంకు ఖాతాలో ఉన్న రూ.2 లక్షల నగదు ఫ్రీజ్‌ చేశారు.

సూపర్‌బజార్‌(కొత్తగూడెం): బాలలపై వేధింపులు, దోపిడీ వంటి ఘటనలు చోటుచేసుకున్నప్పుడు తగిన చర్యలు తీసుకోవడంలో ఉపాధ్యాయులు బాధ్యతాయుతంగా వ్యవహరించాలని జిల్లా న్యాయ సేవాధికార సంస్థ కార్యదర్శి ఎం.రాజేందర్‌ సూచించారు. సురక్షిత బాల్యం అభియాన్‌లో భాగంగా గురువారం బాబుక్యాంపు ప్రభుత్వ ఉన్నత పాఠశాల విద్యార్థులకు చట్టాలపై అవగాహన కార్యక్రమాన్ని నిర్వహించారు. విద్యార్థులతో బాలల రక్షణకు సంబంధించిన ప్రతిజ్ఞ చేయించారు. అనంతరం పాఠశాల ఉపాధ్యాయులకు పోక్సో చట్టం, బాలల హక్కులపై అవగాహన కల్పించారు. విద్యార్థులకు పాఠ్యాంశాలతోపాటు బాలల హక్కులు, వ్యక్తిగత భద్రత, గుడ్‌ టచ్‌, బ్యాడ్‌ టచ్‌, బాలల రక్షణ చట్టాలపై అవగాహన కల్పించాలని ఉపాధ్యాయులకు సూచించారు. పాఠశాల ఉపాధ్యాయులు, న్యాయశాఖ సిబ్బంది పాల్గొన్నారు.జిల్లా న్యాయ సేవాధికార సంస్థ కార్యదర్శి రాజేందర్‌

● రెండో రోజుకు చేరిన రాష్ట్రస్థాయి కబడ్డీ పోటీలు ● నేడు సెమీస్‌, ఫైనల్స్‌సత్తుపల్లి: సత్తుపల్లిలో 73వ రాష్ట్ర స్థాయి మహిళా కబడ్డీ పోటీలు హోరాహోరీగా సాగుతున్నాయి. రెండో రోజైన గురువారం వర్షం లేకపోవడం, వాతావరణం పొడిగా మారడంతో పోటీలను తిలకించేందుకు క్రీడాభిమానులు పెద్ద ఎత్తున తరలివచ్చారు. జిల్లా కబడ్డీ అసోసియేషన్‌ – మువ్వా విజయ్‌బాబు యూత్‌ ఆధ్వర్యాన నిర్వహిస్తున్న ఈ పోటీలకు 33 జిల్లాల నుంచి 34 జట్లు హాజరయ్యాయి. ఈమేరకు 71 లీగ్‌ మ్యాచ్‌లను 12 పూల్స్‌గా విభజించారరు. లీగ్‌ మ్యాచ్‌లు చివరి దశకు చేరడంతో గురువారం ప్రతీ మ్యాచ్‌ ఉత్కంఠగానే సాగింది. నేడు టోర్నీ ముగింపు టోర్నీలో భాగంగా బుధ, గురువారం లీగ్‌ మ్యాచ్‌లు నిర్వహించారు. ఇక చివరి రోజైన శుక్రవారం ప్రీ క్వార్టర్‌, సెమీ ఫైనల్స్‌, ఫైనల్స్‌ పోటీలు జరుగుతాయి. ఈమేరకు 16జట్ల నుంచి ఎనిమిది, ఆపై నాలుగు, ఆతర్వాత రెండు జట్లను ఫైనల్స్‌ ఎంపిక చేస్తారు. పెద్దసంఖ్యలో హాజరవుతున్న అభిమానులు ఇబ్బంది పడకుండా భారీ ఎల్‌ఈడీ స్క్రీన్లు ఏర్పాటు చేశారు. కాగా, శుక్రవారం జరిగే ముగింపు వేడుకలకు రాష్ట్ర మంత్రి పొంగులేటి శ్రీనివాసరెడ్డి హాజరై విజేతలకు బహుమతి ప్రదానం చేస్తారని టీజీఐడీసీ మాజీ చైర్మన్‌ మువ్వా విజయ్‌బాబు వెల్లడించారు. అలాగే, కలెక్టర్‌ దివాకర టీ.ఎస్‌., సీపీ సునీల్‌దత్‌, సత్తుపల్లి ఎమ్మెల్యే డాక్టర్‌ మట్టా రాగమయి దయానంద్‌ తదితరులు హాజరవుతారని తెలిపారు. ఈకార్యక్రమంలో మాజీ ఎమ్మెల్సీ బాలసాని లక్ష్మీనారాయణ, కబడ్డీ అసోసియేషన్‌ రాష్ట్ర ఉపాధ్యక్షుడు కటికల క్రిస్టోఫర్‌ బాబు, రాష్ట్ర, జిల్లా నాయకులు కె.స్వాతిముత్యం, సీహెచ్‌.సుధాకర్‌, మందపాటి ముత్తారెడ్డి, చల్లగుళ్ల నర్సింహారావు, తోట సుజలరాణి, గాదె చెన్నారావు, ఎం.డీ.కమల్‌ పాషా, మట్టా ప్రసాద్‌, ఎస్‌.కే.మౌలాలి, కూకులకుంట దయాకర్‌, పీఈటీలు, పీడీలు పాల్గొన్నారు. రెండో రోజు పోటీల వివరాలు కబడ్డీ పోటీలలో పాల్గొన్న ప్రతీ క్రీడాకారురాలికి ప్రత్యేక బహుమతి, జ్ఞాపిక, సర్టిఫికెట్‌ అందిస్తున్నారు, కాగా, రెండో రోజైన గురువారం జరిగిన మ్యాచ్‌ల్లో హనుమకొండపై సిద్దిపేట, ఆదిలాబాద్‌పై హైదరాబాద్‌, యాదాద్రి భువనగిరి జట్టుపై రంగారెడ్డి, నిర్మల్‌ జట్టుపై వరంగల్‌ జట్టు గెలిచింది. అలాగే, సంగారెడ్డి జట్టుపై ఖమ్మం, జయశంకర్‌ భూపాలపల్లిపై నల్లగొండ, హైదరాబాద్‌–1 జట్టుపై జనగామ, హనుమకొండపై ఆసిఫాబాద్‌, కరీంనగర్‌పై భద్రాద్రి కొత్తగూడెం జట్టు విజయం సాధించింది. ఇక సిరిసిల్ల జట్టుపై సిద్దిపేట, మెదక్‌పై సూర్యాపేట, ములుగుపై మహబూబ్‌నగర్‌, నాగర్‌కర్నూల్‌పై నిజామాబాద్‌, నారాయణపేటపై జగిత్యాల, మంచిర్యాలపై వనపర్తి, సిద్దిపేట జట్టుపై జోగుళాంబ గద్వాల జిల్లా జట్టు గెలిచింది.

చండ్రుగొండ : త్వరితగతిన భూ రీసర్వే పూర్తి చేయాలని సర్వే అధికారులకు కలెక్టర్‌ అంకిత్‌ ఆదేశించారు. మండలంలోని సీతాయిగూడెంలో నిర్వహిస్తున్న సర్వే పనులను గురువారం ఆయన పరిశీలించారు. ఈ సందర్భంగా అధికారులకు పలు సూచనలు చేశారు. సర్వేలో అవకతవకలు జరగకుండా జాగ్రత్తలు తీసుకోవాలని సూచించారు. ఆర్‌ఐ తిరుపతిరావు, రైతులు పాల్గొన్నారు. విద్యుత్‌ ఉద్యోగుల ప్రతిభ ఖమ్మంవ్యవసాయం: తెలంగాణ విద్యుత్‌ సంస్థల ఆధ్వర్యంలో ఈనెల 26వ తేదీ నుంచి 28వ తేదీ వరకు యాదగిరిగుట్టలో నిర్వహించిన ఇంటర్‌ సర్కిల్‌ సాంస్కృతిక పోటీల్లో ఖమ్మం సర్కిల్‌ ఉద్యోగులు ప్రతిభ కనబరిచారు. జానపద గీతాల పోటీల్లో పురుషుల విభాగం నుంచి ఏ.శేఖర్‌బాబు ప్రథమ బహుమతి సాధించగా, వాయిద్య సంగీత విభాగంలో వి.ఫణికుమార్‌ రన్నరప్‌గా నిలిచారు. ఈ సందర్భంగా విజేతలను గురువారం ఖమ్మంలో చీఫ్‌ ఇంజనీర్‌(ప్రాజెక్ట్స్‌) ఏ.సురేందర్‌, ఎస్‌ఈ ఇనుగుర్తి శ్రీనివాసాచారి అభినందించారు.

సాక్షి ప్రతినిధి, భద్రాద్రి కొత్తగూడెం: పామాయిల్‌ సాగులో రాష్ట్రానికి భద్రాద్రి కొత్తగూడెం, ఖమ్మం జిల్లాలు ఆదర్శంగా ఉన్నాయి. ఈ ఆదర్శం మాటున అక్రమాల ఆలాపన కూడా వినిపిస్తోంది. పామాయిల్‌ సాగు రంగంలో తమకు సాటి లేదని చెప్పుకునే కొందరు పెద్దల సిండికేట్‌ వ్యవహారాలే ఇందుకు కారణమనే ఆరోపణలు వినిపిస్తున్నాయి. ఎఫ్‌ కోడ్‌ ద్వారా.. పామాయిల్‌ మొక్కలను విదేశాల నుంచి దిగుమతి చేసుకుని ఆసక్తి ఉన్న రైతులకు సబ్సిడీపై అందిస్తున్నారు. దీంతో రైతులు తెలంగాణ ఆయిల్‌పామ్‌ ఫెడరేషన్‌కు దరఖాస్తు లేదా రిజిస్టర్‌ చేసుకుంటే ఎకరానికి 57 మొక్కల చొప్పున ఇస్తారు. మొక్కలు నాటాక మూడేళ్ల తర్వాత దిగుబడి ప్రారంభమవుతుంది. మొక్కలను అమ్మేందుకు రైతులకు ఆయిల్‌ ఫెడ్‌ కోడ్‌ను కేటాయిస్తుంది. దీన్నే ఫార్మర్‌కోడ్‌ (ఎఫ్‌) కోడ్‌ అంటారు. ఈ కోడ్‌తోనే రైతు ఇచ్చిన ఫ్రెష్‌ ఫ్రూట్‌ బంచ్‌ (ఎఫ్‌ఎఫ్‌బీ)కు అప్పుడున్న ఆయిల్‌ ఎక్ట్రాక్షన్‌ రేషియో (ఓఈఆర్‌) ఆధారంగా అతని బ్యాంకు ఖాతాలో నగదు జమ అవుతుంది. పామాయిల్‌ గెలలను ఫ్యాక్టరీ వరకు తరలించినందుకు రైతులకు రవాణా చార్జీలను ఐదు శ్లాబులుగా చెల్లిస్తారు. ఇందుకోసం ఎఫ్‌కోడ్‌కు అనుసంధానంగా ప్రతీ రైతుకు ట్రాన్స్‌పోర్ట్‌ కోడ్‌ కూడా ఉంటుంది. ఎఫ్‌కోడ్‌కు అనుబంధంగా ఉన్న రైతు బ్యాంకు ఖాతాలో అమ్మిన గెలలకు సంబంధించిన నగదు జమయితే, ట్రాన్స్‌పోర్ట్‌ కోడ్‌లో రవాణా చార్జీలు జమవుతాయి. సిబ్బంది, అధికారుల సాయంతో.. ఆరంభంలో ఆయిల్‌పామ్‌ సాగు తక్కువగా ఉండటంతో ఒక కుటుంబంలో వేర్వేరు వ్యక్తుల పేరు మీద పట్టాలకు సంబంధించి ఆ కుటుంబంలో ఒకరి పేరు మీదనే ఎఫ్‌కోడ్‌లు జారీ అయ్యాయి. ఆ తర్వాత దశలో ఎకరానికి ఎంత దిగుబడి వస్తుందనే అంశంపై ఇప్పటివరకు కటాఫ్‌ను టీజీ ఆయిల్‌ఫెడ్‌ నిర్ణయించలేదు. ఎఫ్‌ కోడ్‌ కలిగిన రైతు పేరుతో ఎన్ని టన్నుల గెలలు వచ్చాయి, ఎక్కడి నుంచి వచ్చాయనే వివరాల ఆధారంగానే టీజీ ఫెడ్‌ నుంచి చెల్లింపులు జరుగుతున్నాయి. దీన్ని ఆధారంగా చేసుకుని దమ్మపేట, అశ్వారావుపేటలలో ఉన్న కొందరు భారీ మోసాలకు తెర లేపారు. దీనికి టీజీఫెడ్‌లోని కొందరు సిబ్బంది, అధికారులు చేయి కలపడంతో మూడు పువ్వులు ఆరు కాయలుగా దందా సాగుతోంది. అశ్వారావుపేట, అప్పారావుపేట ఫ్యాక్టరీలకు కేవలం 15 కిలోమీటర్ల దూరంలో ఉన్న రైతుల్లో కొందరు 86 నుంచి 120 కి.మీ దూరం శ్లాబ్‌లో గెలలను తీసుకొచ్చామనే వివరాలను నమోదు చేయడం ద్వారా టీజీఫెడ్‌ ఖజానాకు కన్నం వేస్తున్నారు. టన్నుకు రవాణా చార్జీగా రూ.370 చెల్లించే బదులు రూ.900 చెల్లించాల్సి వస్తోంది. టన్నుకు అదనంగా రూ.530 చెల్లింపులు జరుగుతున్నాయి. ఈ దందాకు అడ్డుకట్ట పడకపోవడంతో స్థానిక రైతుల నుంచి ఆయిల్‌ఫెడ్‌ ఇచ్చే ధర కంటే కొంత మొత్తం అధికంగా ధర చెల్లిస్తూ కొందరు రైతులు భారీ ఎత్తున గెలలను సేకరిస్తున్నారు. ఇలా వచ్చిన గెలలను శ్లాబ్‌ వన్‌కు బదులుగా శ్లాబ్‌–5గా పేర్కొంటున్నారు. దీన్ని ఎవరూ అడ్డుకోవడం లేదు. సాధారణంగా ఎకరానికి కనిష్టంగా ఐదు టన్నులు, గరిష్టంగా 15 టన్నుల దిగుబడి వస్తుంది. సగటు 11 టన్నులుగా ఉంది. కానీ టీజీఫెడ్‌ రికార్డులను పరిశీలిస్తే కొందరు రైతులు ఒక ఎకరంలో ఏకంగా 537 టన్నులు దిగుబడి సాధించినట్టుగా పేర్కొన్నారు. ఇలాంటి అసాధారణ విషయాలు టీజీ ఫెడ్‌లో సాధారణమైనవిగా మారడంతో దందాకు అంతన్నదే లేకుండా పోతోంది. రోజుకో కొత్త రూపం తీసుకుంటూ సామాన్య పామాయిల్‌ రైతుల కష్టానికి తగ్గ ఫలితాలను తమ ఖాతాలోకి మళ్లించుకుంటున్నారు.పామాయిల్‌ సాగులో దూసుకుపోతున్న ఉమ్మడి ఖమ్మం

హతుడు సీపీఎం రాష్ట్ర స్థాయి నాయకుడు కావడం.. హత్య జరిగింది డిప్యూటీ సీఎం భట్టి నియోజకవర్గం కావడంతో ఘటన రాష్ట్రవ్యాప్తంగా సంచలనమైంది. దీంతో సీపీ సునీల్‌దత్‌ స్వయంగా రంగంలోకి విచారణ చేపట్టారు. ఘటనాస్థలి నుంచి కత్తి పౌచ్‌, రుమాలే కాక చెప్పులు స్వాధీనం చేసుకోగా, దుండగుల ఆచూకీ కనిపెట్టేందుకు ఐదు ప్రత్యేక బృందాలను ఏర్పాటు చేశారు. గ్రామంలోని సెల్‌టవర్‌ పరిధిలో రికార్డు అయిన సంభాషణల ఆధారంగా దర్యాప్తు చేపట్టాలని భావించినా.. పాతర్లపాడు సమీపాన రైల్వేట్రాక్‌ ఉండడంతో వందలాది ఫోన్‌ నంబర్లు నమోదు కావడం వల్ల పురోగతి కానరాలేదు. ఆపై సీసీ పుటేజీలు పరిశీలించడంతో పాటు ఇతర సాంకేతికత సాయం తీసుకున్నాక ఫలితం దక్కక పోలీసులకు ఈ హత్య కేసు సవాల్‌గా మారింది.

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో గురువారం రామయ్య నిత్యకల్యాణం కనుల పండువగా జరిగింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం నిత్యకల్యాణానికి రామసేవా మండపంలో కొలువుదీరిన స్వామివారికి విశ్వక్సేన పూజ, పుణ్యావాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు.పెద్దమ్మతల్లికి సువర్ణ పుష్పార్చనపాల్వంచరూరల్‌: పెద్దమ్మతల్లి అమ్మవారికి వైభవంగా సువర్ణ పుష్పార్చన పూజలు నిర్వహించారు. మండలంలోని శ్రీకనకదుర్గ (పెద్దమ్మతల్లి) ఆలయంలో గురువారం అర్చకులు అమ్మవారికి 108 సువర్ణ పుష్పాలతో అర్చన, హారతి, మంత్రపుష్పం, నివేదన తదితర పూజలు నిర్వహించారు. భక్తులు అధిక సంఖ్యలో అమ్మవారిని దర్శించుకున్నారు. కార్యక్రమంలో ఆలయ ఈఓ విజయ్‌కుమార్‌, వేదపండితుడు పద్మనాభశర్మ పాల్గొన్నారు. న్యాయమూర్తి బదిలీసూపర్‌బజార్‌(కొత్తగూడెం): గత సంవత్సరం నుంచి కొత్తగూడెం మొదటి అదనపు జిల్లా సెషన్స్‌ జడ్జిగా పనిచేస్తున్న ఎస్‌.సరితను రంగారెడ్డి జిల్లా 6వ అదనపు జిల్లా సెషన్స్‌ జడ్జిగా బదిలీ చేస్తూ గురువారం ఆదేశాలు జారీ అయ్యాయి. ఆమె స్థానంలో డి.రాంప్రసాదరావును నియమించారు. నవంబర్‌ 5వ తేదీ లోగా విధుల్లో చేరాలని ఆదేశించారు. దరఖాస్తుల ఆహ్వానంచుంచుపల్లి: భద్రాచలంలోని ప్రాంతీయ ఆస్పత్రిలో గైనకాలజిస్టు పోస్టుకు ఒప్పంద పద్ధతిలో దరఖాస్తులు ఆహ్వానిస్తున్నట్లు డీసీహెచ్‌ఓ డాక్టర్‌ రవిబాబు గురువారం ఒక ప్రకటనలో తెలిపారు. నెలకు రూ.2 లక్షల వేతనం చెల్లిస్తామని, అభ్యర్థులు నవంబర్‌ 4వ తేదీలోగా దరఖాస్తు చేసుకోవాలని సూచించారు. దరఖాస్తులను కలెక్టరేట్‌లోని జిల్లా ఆస్పత్రుల ప్రధాన కార్యాలయంలో సమర్పించాలని తెలిపారు. రికార్డులు అప్‌డేట్‌ చేయాలిపాల్వంచరూరల్‌: గ్రామ పంచాయతీల రికార్డులను అప్‌డేట్‌ చేయాలని జిల్లా పంచాయతీ అధికారి అనూష పంచాయతీ సిబ్బందిని ఆదేశించారు. మండల పరిధిలోని రంగాపురం, నాగారం గ్రామాలను గురువారం ఆమె సందర్శించారు. గ్రామ పంచాయతీల క్రిమిటోరియం, నర్సరీలు, డంపింగ్‌ యార్డులు, అభివృద్ధి పనులు, పారిశుద్ధ్యం, రికార్డులను తనిఖీ చేశారు. పలు సూచనలు చేశారు. అనంతరం నాగారం గ్రామంలోని జెడ్పీ హైస్కూల్‌ను సందర్శించి మధ్యాహ్న భోజనాన్ని పరిశీలించారు. ఎంపీఓ షేక్‌ శబ్నా, సర్పంచ్‌లు మాలోతు అనూష, దారవత్‌ స్వప్న పాల్గొన్నారు. సరాసరి వర్షపాతం 20 మి.మీసూపర్‌బజార్‌(కొత్తగూడెం): తుపాన్‌ ప్రభావంతో జిల్లాలో భారీ వర్షాలు కురుస్తాయనే వాతావరణ శాఖ హెచ్చరికలు తారుమారయ్యాయి. బుధవారం ఉదయం నుంచి గురువారం వరకు కురిసిన వర్షం అధికారిక గణాంకాల ప్రకారం.. జిల్లా సరాసరి 20 మి.మీ వర్షపాతం నమోదైంది. అధికంగా అశ్వారావుపేటలో 73 మి.మీ వర్షపాతం నమోదు కాగా గుండాలలో అల్పంగా 3.6 మి.మీ వర్షపాతం నమోదైంది. కరకగూడెంలో 11.4 మి.మీ, పినపాక 12, చర్ల 14.6, దుమ్ముగూడెం 15.2, అశ్వాపురం 16.4, మణుగూరు 19.4, ఆళ్లపల్లి 8.2, గుండాల 3.6, ఇల్లందు 8.2, టేకులపల్లి 9.2, జూలూరుపాడు 11.4, చండ్రుగొండ 25, అన్నపురెడ్డిపల్లి 31.2, చుంచుపల్లి 14.2, సుజాతనగర్‌ 17.4, కొత్తగూడెం 21.6, లక్ష్మీదేవిపల్లి 16.2, పాల్వంచ 21.6, బూర్గంపాడు 26.2, భద్రాచలం 16.4, ములకలపల్లి 28.4, దమ్మపేట 38.4, అశ్వారావుపేటలో 73.6 మి.మీ వర్షపాతం నమోదైంది.

అశ్వాపురం: మండలంలో ఇటీవల జరిగిన బైక్‌ చోరీల ఫిర్యాదు చేసినా పోలీసులు ఎఫ్‌ఐఆర్‌ నమోదు చేయటం లేదని బాధితులు ఆవేదన వ్యక్తం చేస్తున్నారు. మండల పరిధిలోని మొండికుంట గ్రామానికి చెందిన గొడుగు వెంకన్న స్కూటీ ఇంటి ఎదుట బైక్‌ను నిలపగా దొంగలు చోరీ చేశారు. అశ్వాపురానికి చెందిన పాషా అనే వ్యక్తి బైక్‌ కూడా అపహరించారు. ఈ ఘటనలపై ఫిర్యాదు చేశామని, అయినా పోలీసులు ఎఫ్‌ఐఆర్‌ చేయలేదని బాధితులు వాపోతున్నారు. ఎఫ్‌ఐఆర్‌ నమోదు చేసి, బైక్‌ దొంగలను గుర్తించాలని కోరుతున్నారు. వృద్ధుడి అదృశ్యంభద్రాచలంఅర్బన్‌: వృద్ధుడి అదృశ్యంపై గురువారం పోలీసులు కేసు నమోదు చేశారు. ఎఫ్‌ఐఆర్‌లో నమోదైన వివరాల ప్రకారం.. పట్టణానికి చెందిన కరీముల్లా ఖాన్‌్‌ (56) ఈ నెల 16న పాత మార్కెట్‌ ప్రాంతంలోని దుకాణానికి వెళ్లి తిరిగి ఇంటికి రాలేదు. దీంతో కుటుంబ సభ్యులు పలుచోట్ల వెతికినా ఆచూకీ లభించలేదు. కుటుంబీకుల ఫిర్యాదుతో పోలీసులు మిస్సింగ్‌ కేసు నమోదు చేసి దర్యాప్తు చేపట్టారు.

ఖమ్మంసహకారనగర్‌: చట్టసభల్లో అధికార, ప్రతిపక్ష సభ్యులు వ్యవహరించే తీరుతో హావభావాలు, వాగ్దాటితో విద్యార్థులు ఆకట్టుకున్నారు. ప్రధానమంత్రి, స్పీకర్‌, డిప్యూటీ స్పీకర్‌, మంత్రులు, ప్రతిపక్ష నేతలకు తోడు మార్షల్స్‌గా విద్యార్థులు వ్యవహరించిన మాక్‌ పార్లమెంట్‌ను ఖమ్మంలోని జిల్లా పరిషత్‌ సమావేశ హాల్‌లో గురువారం నిర్వహించారు. ఈ కార్యక్రమంలో డీఈఓ డి.వాసంతి మాట్లాడుతూ ప్రతీ పాఠశాలలో మాక్‌ పార్లమెంట్‌ కార్యక్రమం ఏటా రెండు, మూడు సార్లు నిర్వహించాలని సూచించారు. తద్వారా విద్యార్థులకు చట్టసభలపై అవగాహన పెరుగుతుందని తెలిపారు. అలాగే, జిల్లా పరిషత్‌ సీఈఓ దీక్షారైనా కూడా కార్యక్రమాన్ని పరిశీలించి విద్యార్థులను అభినందించారు. 26 పాఠశాలల విద్యార్థులతో.. ఖమ్మం జిల్లాలోని 26 పీఎంశ్రీ ఉన్నత పాఠశాలల విద్యార్థులతో సోషల్‌ ఫోరం ఉపాధ్యాయుల సమన్వయంతో మాక్‌ పార్లమెంట్‌ నిర్వహించారు. దాదాపు రెండున్నర గంటల పాటు సాగిన కార్యక్రమంలో తొలుత రాష్ట్రపతి ప్రసంగం, ఆ తర్వాత రాష్ట్రపతి ప్రసంగానికి ధన్యవాదాలు తెలిపే తీర్మానం, ఆ తీర్మానంపై చర్చ ఇలా అచ్చం పార్లమెంట్‌లో మాదిరి కార్యక్రమం ఆసక్తిగా కొనసాగింది. తీర్మానానికి అధికార పక్షం అనుకూలంగా ప్రసంగించడం, ప్రతిపక్ష నేతలు విమర్శించడాన్ని కళ్లకు కట్టినట్టు ప్రదర్శించారు. పార్లమెంట్‌లో చర్చలు ఎలా జరుగుతాయని, ఏయే పదవులు ఉంటాయో వివరిస్తూ మాక్‌ పార్లమెంట్‌ నిర్వహించగా, అకడమిక్‌ మానిటరింగ్‌ అధికారి పి.ప్రభాకర్‌రెడ్డితో పాటు సోషల్‌ ఫోరం అధ్యక్ష ప్రధాన కార్యదర్శులు బాలానందం, శ్రీనివాసరావు, సుబ్బారావు, భీమరాజు, ఎఫ్‌ఎల్‌ఎన్‌ సెల్‌ సభ్యులు శ్యామ్‌లాల్‌, ప్రవీణ్‌, శ్రావణ్‌, సేవ్యా తదితరులు పాల్గొన్నారు.ఉత్సాహంగా మాక్‌ పార్లమెంట్‌

గద్వాల న్యూటౌన్‌: జోగుళాంబ గద్వాల జిల్లా కేంద్రంలో ఎస్‌జీఎఫ్‌ ఆధ్వర్యాన నిర్వహించిన 70వ రాష్ట్రస్థాయి బాలుర అండర్‌–17 క్రికెట్‌ టోర్నీ విజేతగా ఖమ్మం జట్టు నిలిచింది. గురువారం సాయంత్రం రంగారెడ్డితో జరిగిన ఫైనల్స్‌లో ఖమ్మం క్రీడాకారులు సమష్టిగా రాణించి 62 పరుగుల తేడాతో ఘనవిజయాన్ని సొంతం చేసుకున్నారు. ఫైనల్‌లో పరుగుల వరద ఖమ్మం – రంగారెడ్డి జట్ల మధ్య ఫైనల్‌ మ్యాచ్‌ హోరాహోరీగా సాగింది. తొలుత బ్యాటింగ్‌కు దిగిన ఖమ్మం జట్టు నిర్ణీత 15 ఓవర్లలో కేవలం మూడు వికెట్లు కోల్పోయి 177 పరుగులు చేసింది. ఓపెనర్లు ప్రసన్న 81, చైతన్య 21 పరుగులతో శుభారంభాన్ని అందించారు. ఆతర్వాత బ్యాటింగ్‌ చేసిన రంగారెడ్డి ఆరు వికెట్లు కోల్పోయి 115 పరుగులకే పరిమితం కావడంతో ఓటమి పాలైంది. తొలుత సాగిన రెండు సెమీఫైనల్‌ మ్యాచ్‌లు కూడా ఉత్కంఠభరితంగా సాగాయి. మొదటి సెమీస్‌లో మహబూబ్‌నగర్‌ – రంగారెడ్టి జట్ల మధ్య జరగగా.. 3 వికెట్ల తేడాతో రంగారెడ్డి విజయాన్ని సాధించి ఫైనల్‌కు చేరుకుంది. రెండో సెమీస్‌లో ఖమ్మం – మెదక్‌ జట్లు తలపడ్డాయి. ఈ మ్యాచ్‌లో ఖమ్మం 52 పరుగుల తేడాతో మెదక్‌ను చిత్తుచేసింది. కాగా, విజేత ఖమ్మం జట్టుకు జోగుళాంబ గద్వాల డీఈఓ విజయలక్ష్మి ట్రోఫీ అందజేసి అభినందించారు. ఎస్‌జీఎఫ్‌ కార్యదర్శి శ్రీనివాసులు, పరిశీలకుడు డేవిడ్‌సన్‌ తదితరులు పాల్గొన్నారు.ఎస్‌జీఎఫ్‌ టోర్నీలో రంగారెడ్డిపై ఘనవిజయం

● ఈదురుగాలులకు నేలవాలిన వరి పొలాలు ● తుపాన్‌తో మినుము, వరి, పత్తి పంటలకు నష్టం అశ్వారావుపేటరూరల్‌/దుమ్ముగూడెం/బూర్గంపాడు: అర్నబ్‌ తుపాన్‌తో రైతులకు తీరని నష్టం వాటిల్లింది. జిల్లాలోని పలు ప్రాంతాల్లో తుపాన్‌ ప్రభావం చూపింది. వరి, పత్తి పంటలు దెబ్బతిన్నాయి. జిల్లా వ్యాప్తంగా ఈదురు గాలులు వీయడంతోపాటు చిరు జల్లులు కురుస్తున్నాయి. మంగళవారం రాత్రి నుంచి బుధవారం రాత్రి వరకు తేలికపాటి జల్లులు కురిశాయి. వర్షానికి వరికోతలు, పత్తితీత పనులు నిలిచిపోయాయి. భారీ వర్షాల హెచ్చరికలతో ఆందోళనకు గురైన రైతులు తేలికపాటి జల్లులు పడుతుండటంతో ఒకింత ఊరట చెందారు. మరో రెండురోజుల పాటు వర్షాలు కురుస్తాయనే హెచ్చరికల నేపథ్యంలో చేలలో పూసిన పత్తి పాడవుతుందనే ఆందోళన రైతులను వీడటం లేదు. దెబ్బతిన్న పంటలు అశ్వారావుపేట మండలంలోని నారాయణపురం, గుమ్మడవల్లి, ఊట్లపల్లి, కేశప్పగూడెం, వినాయకపురం, రామన్నగూడెం, జమ్మిగూడెం తదితర గ్రామాల్లో 400 ఎకరాల్లో వరిపంట నేలవాలింది. మరో 150 ఎకరాల్లో పత్తి పంట దెబ్బతిన్నది. ఈ ఏడాది మండలంలోని గాండ్లగూడెం, అనంతారం, బచ్చువారిగూడెం, పండువారిగూడెం, మల్లాయిగూడెం, గుమ్మడవల్లి, కోయ రంగాపురం, కొత్తూరు, నందిపాడు ప్రాంతాల్లో అత్యధికంగా మినుము పంటను సాగు చేశారు. ఎడతెరిపిలేకుండా కురిసిన భారీ వర్షం, తుపాను కారణంగా దాదాపు 200 ఎకరాల్లో మినుము పంట దెబ్బతిన్నగా, పనలు మొలకెత్తుతున్నాయి. గాండ్లగూడేనికి చెందిన భూక్యా కనక అనే రైతుకు చెందిన 15 ఎకరాల మినుము పంట దెబ్బతినడంతో క్వింటాకు రూ.12వేల చొప్పున నష్టం వాటిల్లిందని అవేదన వ్యక్తం చేస్తున్నాడు. ఇక దుమ్ముగూడెం మండలం సున్నంబట్టి దగ్గర గోదావరి అలలకు మత్స్యకారులు ఒడ్డున నిలిపిన పడవలు నీట మునిగాయి. దుమ్ముగూడెం ఆనకట్టపై నీటి నిల్వల కోసం చేపట్టిన ఇసుక బస్తాల పేర్చే పని నిలిచిపోయింది.

రఘునాథపాలెం: కన్ను తెరవడమే ఆలస్యం.. ఆ పసికందుకు కష్టాలు మొదలయ్యాయి. అప్పుడే జన్మించిన మగ శిశువును గుర్తుతెలియని వ్యక్తులు బొప్పాయి తోటలోని బురదలో వదిలివెళ్లిన ఘటన రఘునాథపాలెం మండలంలోని వీఆర్‌ బంజర సమీపాన బుధవారం వెలుగుచూసింది. ఉదయం 6 గంటల సమయాన వాటర్‌ ట్యాంక్‌ పక్కన తోటలో శిశువును గుర్తించిన స్థానికులు సర్పంచ్‌ రమణకు సమాచారం అందించగా, ఆయన తన కారులో ఆశా కార్యకర్త రమాదేవి ద్వారా ఖమ్మం ప్రభుత్వ ఆస్పత్రికి తరలించారు. స్పందించిన అధికారులు శిశువును ఆస్పత్రిలో చేర్చారనే సమాచారంతో ఖమ్మం జిల్లా బాలల పరిరక్షణ అధికారి విష్ణువందన, జిల్లా మహిళా సంక్షేమ అధికారి ప్రమీల, ఐసీడీఎస్‌ సూపర్‌వైజర్‌ పర్వీన్‌ చికిత్సపై వైద్యులతో చర్చించారు. శిశువు ఆరోగ్య పరిస్థితి నిలకడగానే ఉండగా, బుధవారం తెల్లవారుజామున 2గంటల సమయాన జన్మించి ఉండొచ్చని భావిస్తున్నారు. ఈమేరకు రఘునాథపాలెం సీఐ టి.కరుణాకర్‌ సంఘటనా స్థలాన్ని పరిశీలించి శిశువును ఎవరు వదిలివెళ్లారో గుర్తించేందుకు విచారణ చేపట్టారు. గ్రామ పరిధిలో నెలలు నిండిన గర్భిణుల వివరాల సేకరణలో నిమగ్నమయ్యారు. కాగా, ఏ కారణం చేతనైనా పిల్లలను పెంచలేని పరిస్థితి ఎదురైతే తమకు అప్పగించాలే వదిలేయొద్దని జిల్లా బాలల పరిరక్షణ అధికారి విష్ణువందన కోరారు. తద్వారా పిల్లలను సంరక్షిస్తూ అవసరమైన దంపతులకు చట్టప్రకారం దత్తత ఇస్తామని తెలిపారు.

ఖమ్మం మయూరిసెంటర్‌: దసరా పండుగ వేళ ఆర్టీసీకి కాసుల వర్షం కురిసింది. ప్రయాణికులకు ఇబ్బంది ఎదురుకాకుండా డిపోల వారీగా అధికారులు సమన్వయంతో ప్రత్యేక సర్వీసులు ఏర్పాటుచేయడంతో ఖమ్మం రీజియన్‌కు భారీ ఆదాయం సమకూరింది. వెల్లువలా ప్రయాణికులు దసరా సందర్భంగా ఆర్టీసీ అధికారులు ఈనెల 9 నుంచి 26వ తేదీ వరకు రోజువారీ సర్వీసులతో పాటు అదనపు సర్వీసులు నడిపించారు. ఇందులో ప్రధానంగా 9నుంచి 19వ తేదీ వరకు హైదరాబాద్‌ తదితర ప్రాంతాల నుంచి ఉమ్మడి జిల్లాలోని వివిధ ప్రాంతాలకు పెద్ద ఎత్తున వచ్చిన ప్రయాణికులతో బస్సులు కిటకిటలాడాయి. పండుగకు ముందు 25,63,352 మంది ప్రయాణించగా, పండుగ ముగిశాక ఈనెల 20 నుంచి 26వరకు ఉమ్మడి జిల్లా నుంచి హైదరాబాద్‌కు 16,08,917 మంది ఆర్టీసీ బస్సుల్లో ప్రయాణించారు. మొత్తంగా పండుగ సీజన్‌లో 41,72,269 మంది బస్సుల్లో రాకపోకలు సాగించారు. 52,02,135 కి.మీ. ప్రయాణం ప్రయాణికుల రద్దీ దృష్ట్యా ఈనెల 9 నుంచి 19 వరకు హైదరాబాద్‌ పరిసర ప్రాంతాల నుంచి ఉమ్మడి ఖమ్మం జిల్లాకు 927 అదనపు సర్వీసులతో కలిపి 7,283 బస్సులు నడిపించారు. ఇవన్నీ 31,98,724 కిలోమీటర్ల మేర తిరగగా రూ.17,13,48,498 ఆదాయం సమకూరింది. ఇక తిరుగు ప్రయాణంలో 460 అదనపు సర్వీసులతో కలిపి మొత్తం 4,466 సర్వీసులను ఆపరేట్‌ చేశారు. ఈక్రమాన 20,03,411 కి.మీ. తిరిగిన ఈ బస్సుల ద్వారా రూ.11,38,44,582 ఆదాయం వచ్చింది. మొత్తంగా పండుగ వేళ 1,387 అదనపు సర్వీసులతో కలిపి మొత్తం 11,749 బస్సులు నడిపించామని రీజినల్‌ మేనేజర్‌ సరిరామ్‌ వెల్లడించారు. ఈ సర్వీసులు 52,02,135 కిలోమీటర్లు ప్రయాణించగా, సంస్థకు రికార్డు స్థాయిలో రూ.28,51,93,080 కోట్ల ఆదాయం సమకూరిందని తెలిపారు. కాగా, ప్రయాణికుల రద్దీకి అనుగుణంగా అంకితభావంతో విధులు నిర్వర్తించిన డ్రైవర్లు, కండక్టర్లకు ఆర్‌ఎం అభినందనలు తెలిపారు.దసరా సర్వీసులతో రూ.28.51 కోట్ల ఆదాయం

జూలూరుపాడు(సుజాతనగర్‌): సుజాతనగర్‌ మండలం సీతంపేట బంజర గ్రామ పంచాయతీని బుధవారం కేంద్రం బృందం సందర్శించింది. గ్రామ పంచాయతీ క్లీన్‌ అండ్‌ గ్రీన్‌ (పరిశుభ్రత, పచ్చదనం) విభాగంలో జాతీయ పంచాయతీ అవార్డుకు నామినేట్‌ అయింది. ఈ నేపథ్యంలో కేంద్ర బృందం గ్రామ పంచాయతీని సందర్శించి, పారిశుద్ధ్యం, మొక్కల పెంపకం, పర్యావరణ పరిరక్షణకు చేపట్టిన కార్యక్రమాలు, సాధించిన పురోగతిని పరిశీలించింది. బృందం సభ్యులు గ్రామస్తులతో చర్చించి వివరాలను తెలుసుకున్నారు. 2023–2024 ఆర్థిక సంవత్సరానికి సంబంధించిన రికార్డులను పరిశీలించారు. కేంద్ర బృందంలో కేంద్ర పంచాయతీరాజ్‌ మంత్రిత్వశాఖ(ఎంపీఆర్‌) కార్యదర్శి పినాకి తహబిల్దార్‌, కన్సల్టెంట్‌ సత్యజిత్‌ పాత్రో ఉన్నారు. డీపీఓ బి.అనూష, కొత్తగూడెం డీఎల్పీఓ కె.ప్రభాకర్‌, సుజాతనగర్‌ ఎంపీడీఓ బి.భారతి, ఎంపీఓ జె.ఎల్‌.జి.గాంధీ, సర్పంచ్‌ గుగులోత్‌ జానకిరామ్‌, పంచాయతీ కార్యదర్శి అజ్మీర నరసింహారావు, గ్రామస్తులు పాల్గొన్నారు.

సూపర్‌బజార్‌(కొత్తగూడెం): హత్య కేసులో నిందితులను పోలీసులు అరెస్ట్‌ చేశారు. బుధవారం లక్ష్మీదేవిపల్లి పోలీస్‌ స్టేషన్‌లో కొత్తగూడెం డీఎస్పీ ఆదినారాయణ వెల్లడించిన వివరాల ప్రకారం.. గతంలో జరిగిన గొడవలు, వ్యక్తిగత కక్షల నేపథ్యంలో ఎదురుగడ్డ గ్రామానికి చెందిన మేడి అఖిల్‌(20)పై గణేష్‌, సాత్విక్‌లు పగ పెంచుకుని హత్యకు పథకం రచించారు. ఈ క్రమంలో మద్యం తాగిస్తామని నమ్మించి గ్రామంలోని రేకుల షెడ్డు సమీపంలోని ఖాళీ ప్రదేశానికి తీసుకెళ్లారు. ఈ నెల19న తెల్లవారుజామున సుమారు 3 గంటల సమయంలో గణేష్‌, సాత్విక్‌లు కత్తితో పొడిచి, సిమెంట్‌ ఇటుకతో ముఖంపై మోది హతమార్చారు. కాగా, కేసు నమోదు చేసిన పోలీసులు దర్యాప్తు చేపట్టారు. ఈ నేపథ్యంలో నిందితులు కొత్తగూడెం బస్టాండ్‌ సమీపంలో ఉన్నట్లు సమాచారం అందింది. దీంతో దంత్యాల గణేష్‌ అలియాస్‌ గని, సిరిపురం సాత్విక్‌ అలియాస్‌ చిన్నుతోపాటు హత్యకు సహకరించిన ముద్దంగుల వెంకటేష్‌ అలియాస్‌ చిన్ని, తరాల ప్రదీప్‌ను కూడా అదుపులోకి తీసుకున్నారు. నిందితుల పాత్ర, ఆర్థిక లావాదేవీలు, ఇతరుల ప్రమేయంపై లోతుగా దర్యాప్తు చేస్తున్నట్లు డీఎస్పీ తెలిపారు. కేసును ఛేదించడంలో టెక్నికల్‌ టీమ్‌ సహకారం కీలకంగా నిలిచిందని వివరించారు. సీఐ వెంకటేశ్వర్లు, ఎస్సై అఖిల పాల్గొన్నారు.

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో బుధవారం రామయ్య కల్యాణం కమనీయంగా జరిగింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం నిత్యకల్యాణానికి మిథిలా స్టేడియంలోని రామ సేవా మండపంలో స్వామి వారిని కొలువుదీర్చారు. నిత్యకల్యాణ మూర్తులకు విశ్వక్సేన పూజ, పుణ్యావాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు. రామయ్య సన్నిధిలో ఎమ్మెల్సీశ్రీ సీతారామ చంద్రస్వామివారిని మెదక్‌ ఎమ్మెల్సీ అంజిరెడ్డి బుధవారం దర్శించుకున్నారు. ఆలయ ప్రదక్షిణ అనంతరం మూలమూర్తులకు ప్రత్యేక పూజలు చేశారు. పండితులు వేదాశీర్వచనం చేసి స్వామివారి జ్ఞాపికను అందజేశారు. రామయ్య సేవలో...శ్రీ సీతారామ చంద్రస్వామివారిని రాష్ట్ర సాంకేతిక, కళాశాల విద్యాశాఖ కమిషనర్‌ శ్రీదేవసేన బుధవారం దర్శించుకున్నారు. ఆలయ ప్రదక్షిణ అనంతరం అంతరాలయంలో మూలమూర్తులకు ప్రత్యేక పూజలు చేశారు. పండితులు ఆమెకు వేదాశీర్వచనం చేసి ప్రసాదాలను అందజేశారు. ఈ కార్యక్రమంలో తహసీల్దార్‌ రవికుమార్‌, ఆలయ అధికారులు తదితరులు పాల్గొన్నారు.నిత్యాన్నదానానికి రూ.లక్ష విరాళంపాల్వంచరూరల్‌: రాష్ట్ర మంత్రి పొంగులేటి శ్రీనివాసరెడ్డి జన్మదినం సందర్భంగా కాంగ్రెస్‌ నాయకులు, కార్పొరేటర్లు బుధవారం శ్రీకనకదుర్గ (పెద్దమ్మతల్లి) ఆలయంలో ప్రత్యేక పూజలు చేశారు. 6వ డివిజన్‌ కార్పొరేటర్‌ బీఎస్‌ రావు భక్తుల నిత్య అన్నదానానికి రూ.లక్ష విరాళం అందజేశారు. పెద్దమ్మగుడి మాజీ డైరెక్టర్‌ చందుపట్ల శ్రీనివాసరెడ్డి అన్నదానం చేశారు. నాయకులు నాగేశ్వరరావు, శివారెడ్డి, ఎం.కిరణ్‌, సధా పాల్గొన్నారు.

ఇల్లెందు: అర్హుల ఓట్ల పరిరక్షణే ప్రధాన లక్ష్యమని జిల్లా ఎలక్టోరల్‌ రోల్‌ అబ్జర్వర్‌ ఎ. శ్రీదేవసేన తెలిపారు. బుధవారం ఇల్లెందు మున్సిపల్‌ సమావేశ మందిరంలో జరిగిన ఎస్‌ఐఆర్‌ కార్యక్రమంపై కలెక్టర్‌ అంకిత్‌తో కలిసి ఈఆర్‌ఓలతో సమీక్షించారు. ఈ సందర్భంగా మాట్లాడుతూ స్వీకరించిన ఫారం–6, 6ఏ, 7, 8 దరఖాస్తుల పరిష్కారం ప్రక్రియలో జిల్లా ఎన్నికల అధికారి, ఈఆర్‌ఓలు తనిఖీ చేయాలన్నారు. ఎన్‌ఆర్‌ఐల నుంచి వచ్చిన దరఖాస్తులను నిబంధనల ప్రకారం పరిష్కరించాలన్నారు. బూత్‌ స్థాయి అధికారులతో డోర్‌ టు డోర్‌ ప్రక్రియ పకడ్బందీగా చేపట్టాలని సూచించారు. పోలింగ్‌ కేంద్రాల్లో అత్యధిక చేర్పులు, అత్యధిక తొలగింపులు చేసిన 20 పోలింగ్‌ కేంద్రాలను పునఃపరిశీలించాలని ఆదేశించారు. నోటీస్‌లు జారీ, హియరింగ్‌ ప్రక్రియ సక్రమంగా నిర్వహించాలన్నారు. సరిహద్దు జిల్లాల వద్ద ద్వంద్వ నమోదులను తనిఖీ చేయాలని చెప్పారు. ఎపిక్‌ కార్డుల పంపిణీపై దృష్టి పెట్టాలని, ప్రింట్‌ అయిన కార్డులు సంబంధిత ఓటర్లకు చేరేలా చూడాలన్నారు. కలెక్టర్‌ అంకిత్‌ మాట్లాడుతూ జిల్లాలో ఎపిక్‌ కవరేజీ 99.99 శాతం పూర్తయిందని తెలిపారు. 18–19 ఏళ్ల వయస్సు గల యువ ఓటర్లు 5,608 మంది, ఎన్నారై ఓటర్లు 28 మంది ఉన్నట్లు తెలిపారు. ఫారం–6లో 13,119 దరఖాస్తులు, ఫారం–6ఏలో 34 దరఖాస్తులు, ఫారం–7లో 800 దరఖాస్తులు, ఫారం–8లో 27,033 దరఖాస్తులు పెండింగ్‌లో ఉన్నాయని వివరించారు. వాటి పరిష్కారం కోసం చర్యలు వేగవంతం చేశామని తెలిపారు. ఈ సమావేశంలో ఐటీడీఏ పీఓ రాహుల్‌, అదనపు కలెక్టర్‌ వేణుగోపాల్‌, ఆర్డీ మధు, ఈఆర్‌ఓ లు, ఏఈఆర్‌ఓలు, ఇతర అధికారులు పాల్గొన్నారు. జిల్లా ఎలక్టోరల్‌ రోల్‌ అబ్జర్వర్‌ శ్రీదేవసేన

ఇల్లెందురూరల్‌: ప్రస్తుత వాతావరణ పరిస్థితుల్లో విద్యార్థుల ఆరోగ్యంపై ప్రత్యేక శ్రద్ధ తీసుకోవాలని ఐటీడీఏ పీఓ రాహుల్‌ ఆదేశించారు. మండలంలోని బొజ్జాయిగూడెం ఆశ్రమ పాఠశాలను బుధవారం ఆయన తనిఖీ చేశారు. పాఠశాలలోని పరిసరాలు, వంట గది సామగ్రి, డైనింగ్‌ హాల్‌, పిల్లలకు వండిన ఆహారాన్ని పరిశీలించారు. మెనూ అమలుపై వివరాలు తెలుసుకున్నారు. ఈ సందర్భంగా మాట్లాడుతూ వంట సిబ్బంది పరిశుభ్రత పాటించాలని, ఉపాధ్యాయులు, వంట సిబ్బంది భోజనం చేసిన తర్వాతనే విద్యార్థులకు వడ్డించాలని ఆదేశించారు. కాంపిటేటివ్‌ పరీక్షలకు కూడా విద్యార్థులు సన్నద్ధమయ్యేలా తీర్చిదిద్దాలని ఆదేశించారు. విద్యార్థులు తమ ఇష్టానుసారం ఆశ్రమం నుంచి బయటకు వెళ్ళకుండా కట్టుదిట్టంగా పర్యవేక్షించాలని చెప్పారు.ఐటీడీఏ పీఓ రాహుల్‌

భద్రాచలంటౌన్‌: అమెరికాలో జరిగిన అంతర్జాతీయ పవర్‌లిఫ్టింగ్‌ పోటీల్లో రజత, కాంస్య పతకాలు సాధించిన భద్రాచలానికి చెందిన 74 ఏళ్ల డీ.వీ.శంకర్‌రావును రాష్ట్ర క్రీడా శాఖ మంత్రి వాకాటి శ్రీహరి అభినందించారు. కోచ్‌, పవర్‌ లిఫ్టింగ్‌ అసోసియేషన్‌ జిల్లా జనరల్‌ సెక్రటరీ జీ.వీ.రామిరెడ్డితో కలిసి శంకర్‌రావు మంత్రిని హైదరాబాద్‌లో బుధవారం కలిశారు. యువ క్రీడాకారులకు స్ఫూర్తిగా నిలిచారని మంత్రి కొనియాడారు. ఆర్థిక సాయం కోసం అందిన దరఖాస్తును త్వరలోనే పరిష్కరిస్తామని తెలిపారు. పవర్‌ లిఫ్టింగ్‌ అసోసియేషన్‌ జిల్లా అధ్యక్షుడు బోగాల శ్రీనివాస్‌రెడ్డితో పాటు రసమల్ల రాము, పూనెం ప్రదీప్‌ తదితరులు పాల్గొన్నారు. విపత్తుల నివారణపై ముగిసిన శిక్షణభద్రాచలంఅర్బన్‌: తుపానుల సమయంలో తీసుకోవాల్సిన ముందస్తు జాగ్రత్తలు, విపత్తుల ప్రభావాన్ని తగ్గించేందుకు చేపట్టాల్సిన చర్యలపై జిల్లా అధికారులు మూడు రోజులపాటు శిక్షణ పొందారు. విజయవాడ సమీపంలోని గన్నవరం పరిధిలో గల కొండపావులూరులో ఉన్న జాతీయ విపత్తు నిర్వహణ సంస్థ (ఎన్‌ఐడీఎం) దక్షిణ ప్రాంత క్యాంపస్‌లో ఈ నెల 26 నుంచి 28 వరకు శిక్షణ కొనసాగింది. శిక్షణ పొందినవారిలో భద్రాచలం గ్రామపంచాయతీ అధికారి సీహెచ్‌.శ్రీనివాసరావు, మణుగూరు మున్సిపల్‌ కమిషనర్‌ టి.ప్రసాదరావుతో పాటు జిల్లాలోని వివిధ శాఖల అధికారులు ఉన్నారు. భారజల కర్మాగారాన్ని సందర్శించిన బోర్డు చైర్మన్‌అశ్వాపురం: మణుగూరు భారజల కర్మాగారాన్ని భారజల బోర్డు సీఈ వీవీఎస్‌ఏ ప్రసాద్‌ సందర్శించారు. మంగళవారం రాత్రి గౌతమీనగర్‌ కాలనీలోని అతిథి గృహంలో బస చేసిన ఆయన బుధవారం కర్మాగారాన్ని సందర్శించారు. అడ్మినిస్ట్రేటివ్‌ భవనంలో వివిధ విభాగాల అధికారులతో సమావేశాలు నిర్వహించారు. మణుగూరు కర్మాగారంలో రెండు యూనిట్లు ఉండగా, మూడో యూనిట్‌ ఏర్పాటుకు కసరత్తు జరుగుతోంది. యూనిట్‌ ఏర్పాటు, ఆక్సిజన్‌–18 ప్లాంటుకు సంబంధించిన పలు అంశాలపై అధికారులతో చర్చించారు. గురువారం కూడా అధికారులతో సమావేశం కానున్నారు. తొలుత హోమి జే బాబా విగ్రహానికి నివాళులర్పించారు. కాగా, ఆయన గతంలో ఇక్కడ డీజీఎంగా పనిచేశారు. ఇన్‌చార్జ్‌ జీఎం రఫీక్‌ అహ్మద్‌, డీజీఎం జగన్నాథ్‌, సీఈఓ లక్ష్మదేవి, ఏడీఎంఓ జైసన్‌, ఐఆర్‌ఓ కృష్ణకాంత్‌, ఇతర అధికారులు పాల్గొన్నారు. జాతీయ పోటీలకు ఆరుగురు ఎంపికరుద్రంపూర్‌: ఈ నెల 17,18,24వ తేదీల్లో హైదరాబాద్‌లో జరిగిన మణిపూర్‌ సంప్రదాయ యుద్ధకళ (తుంగ్‌–టా)లో జిల్లాకు చెందిన ఆరుగురు క్రీడాకారులు వెంకట హాసిని, సౌమ్యశ్రీ, సభిహా మునాజ, ఏ జస్వంతి, ఎండీ హర్సీయా, ఈసం వెంకట రేవంత్‌ అత్యుత్తమ ప్రతిభ కనబరిచారు. జాతీయ స్థాయికి అర్హత సాధించి ఖేలో ఇండియా పోటీలకు ఎంపికయ్యారు. వీరితోపాటు అజయ్‌ కుమార్‌, టి.గోపి, ఎస్‌.భార్గవ్‌, చింత శ్వేత, ఈసం శృతిక, హరీషియా, మైమూన్‌, లాిస్య కూడా పతకాలు సాధించారు. ఈ సందర్భంగా విజేతలను ఎస్‌జీఎఫ్‌ఐ స్కూల్స్‌ గేమ్స్‌ సెక్రటరీ భావ్‌సింగ్‌ అభినందించారు. ముగిసిన అంతర్‌ కళాశాలల క్రీడా పోటీలు బాల్‌బ్యాడ్మింటన్‌ రన్నరప్‌గా కొత్తగూడెం కేయూ క్యాంపస్‌: హనుమకొండలోని ఆర్ట్స్‌ కళాశాల మైదానంలో రెండు రోజులుగా నిర్వహిస్తున్న కేయూ పరిధి ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లోని అంతర్‌ కళాశాలల క్రీడాపోటీలు బుధవారం ముగిశాయి. కబడ్డీ, బాల్‌బ్యాడ్మింటన్‌, హ్యాండ్‌బాల్‌, చెస్‌, క్రాస్‌ కంట్రీ విభాగాల్లో పోటీలు నిర్వహించారు. బాల్‌బ్యాడ్మింటన్‌ పోటీల్లో హనుకొండ వాగ్దేవి కళాశాల జట్టు విజేతగా, కొత్తగూడెం ఎంజీపీఆర్‌డీసీ జట్టు రన్నరప్‌గా నిలిచింది. క్రీడాకారులకు ఆర్ట్స్‌ కళాశాల ప్రిన్సిపాల్‌ ఎస్‌.జ్యోతి బహుమతులు అందజేశారు. మహారాష్ట్రకు ఐరన్‌ ఫ్రేమ్‌ల తరలింపుభద్రాచలంఅర్బన్‌: భద్రాచలం వద్ద గోదావరిపై నిర్మించిన రెండో వంతెన నిర్మాణ పనుల్లో వినియోగించిన భారీ ఐరన్‌ ఫ్రేమ్‌లను మహారాష్ట్రకు తరలిస్తున్నారు. వంతెన నిర్మాణ సమయంలో ఉపయోగించిన వీటిని లారీలపై క్రేన్‌ సహాయంతో లోడ్‌ చేసి గోదాముకు తరలిస్తున్నట్లు నిర్మాణ బాధ్యులు తెలిపారు.

● అమెరికా నుంచి ఖమ్మం చేరిన అక్షిత మృతదేహం ● మిన్నంటిన తల్లిదండ్రులు, బంధువుల రోదనలు ఖమ్మంఅర్బన్‌: ఉన్నత చదువుల కోసం అమెరికా వెళ్లిన నల్లమల అక్షిత గుండెపోటుతో మృతి చెందగా, ఐదు రోజుల అనంతరం ఆమె మృతదేహం ఖమ్మం చేరుకుంది. ఈనెల 23న అమెరికాలోని న్యూయార్క్‌లో మృతిచెందిన అక్షిత మృతదేహాన్ని తీసుకుని ఆమె సోదరుడు అక్షయ్‌ మంగళవారం అర్ధరాత్రి దాటాక హైదరాబాద్‌లోని రాజీవ్‌గాంధీ అంతర్జాతీయ విమానాశ్రయానికి చేరుకున్నాడు. మంత్రి తుమ్మల తనయుడు యుగంధర్‌, నాయకులు రావూరి సైదబాబు, చండ్రా రాంబాబు ప్రత్యేక వాహనంలో మృతదేహాన్ని ఖమ్మంలోని మమతా రోడ్డులోని అక్షిత నివాసానికి బుధవారం ఉదయం తీసుకొచ్చారు. తల్లిదండ్రులకు గుండెకోత.. కళ్లముందు ఆడుతూ పాడుతూ పెరిగిన కూతురు ఉన్నత చదువుల కోసం అమెరికా వెళ్లి ఉద్యోగంలో చేరేందుకు సిద్ధమవుతున్న క్రమాన కన్నుమూసి విగతజీవిగా ఇంటికి చేరడంతో అక్షిత తల్లిదండ్రులు నల్లమల ఆనంద్‌ – కల్పనతో పాటు కుటుంబీకులు కన్నీరుమున్నీరయ్యారు. అక్షిత మృతదేహంపై పడి తల్లిదండ్రులు రోదించిన తీరు అందరినీ కలిచివేసింది. కుటుంబ సభ్యులు, బంధువుల రోదనలతో ఆ ప్రాంతం మిన్నంటగా, బల్లెపల్లి శ్మశానవాటికకు తీసుకెళ్లి అంత్యక్రియలు పూర్తిచేశారు. సుడా, మార్కెట్‌ చైర్మన్లు పువ్వాళ్ల దుర్గాప్రసాద్‌, యరగర్ల హన్మంతరావు, కాంగ్రెస్‌ ఖమ్మం జిల్లా అధ్యక్షుడు నూతి సత్యనారాయణ, మాజీ ఎమ్మెల్యే చంద్రావతి, వివిధ పార్టీల నాయకులు నున్నా నాగేశ్వరరావు, బాగం హేమంతరావు, సంక్రాంతి నాగేశ్వరరావు, బాలసాని లక్ష్మీనారాయణ తదితరులు అక్షిత మృతదేహం వద్ద నివాళులర్పించి కుటుంబీకులను పరామర్శించారు.

సూపర్‌బజార్‌(కొత్తగూడెం): కొత్తగూడెం నియోజకవర్గం పరిధిలోని దీర్ఘకాలిక రైల్వే సమస్యలను తక్షణమే పరిష్కరించి ప్రజలకు మెరుగైన రవాణా సౌకర్యాలు కల్పించాలని సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు కోరారు. సికింద్రాబాద్‌లోని రైల్‌ నిలయంలో బుధవారం దక్షిణ మధ్య రైల్వే జనరల్‌ మేనేజర్‌ సంజయ్‌ కుమార్‌ శ్రీవాత్సవ, జీఎం సెక్రటరీ మల్లాది శ్రీనివాస్‌లను బుధవారం కలిసి పలు సమస్యలపై అందించిన లేఖలపై సమగ్రంగా చర్చించారు. ఈ సందర్భంగా కూనంనేని మాట్లాడుతూ భద్రాచలం రోడ్‌ రైల్వే స్టేషన్‌ మున్సిపల్‌ రహదారిని డబుల్‌ రోడ్డుగా విస్తరించేందుకు 22 అడుగుల రైల్వే స్థలాన్ని కేటాయించాలని కోరారు. బూడిదగడ్డ, రైటర్‌ బస్తీ, రామవరం–గరిమెళ్లపాడులలో ఆర్‌యూబీలు, లెవల్‌ క్రాసింగ్‌లు నిర్మించాలని, సర్వారంలో రైతుల కోసం అండర్‌పాస్‌ ఏర్పాటు చేయాలని విన్నవించారు. హేమచంద్రాపురం బైపాస్‌లో కొత్త ఆర్‌వోబీతో పాటు సింగరేణి మెయిన్‌ ఆస్పత్రి వద్ద ఉన్న పాత ఆర్‌వోబీని విస్తరించాలని డిమాండ్‌ చేశారు. కరోనా సమయంలో రద్దయిన మణుగూరు–కాజీపేట, భద్రాచలం రోడ్‌–డోర్నకల్‌, బెల్గాం–మణుగూరు రైళ్లను వెంటనే పునరుద్ధరించాలని కోరారు. కాకతీయ ఫాస్ట్‌ ప్యాసింజర్‌లో స్లీపర్‌ బోగీలను పునరుద్ధరించడంతోపాటు తిరుపతికి నేరుగా వారాంతపు రైలు నడపాలని విజ్ఞప్తి చేశారు. భద్రాచలం రోడ్‌ స్టేషన్‌ను కొత్తగూడెం రైల్వే స్టేషన్‌గా పేరు మార్చాలని విజ్ఞప్తి చేశారు. రైల్వే ఉన్నతాధికారులతో ఎమ్మెల్యే కూనంనేని

భద్రాచలం/చుంచుపల్లి: జిల్లాలో వీబీ జీ రామ్‌జీ పథకం ద్వారా గ్రామీణ ఉపాధి అవకాశాలను పెంచడంతోపాటు, పశుగ్రాసం సాగును ప్రోత్సహించాలని రాష్ట్ర మంత్రి సీతక్క అధికారులను ఆదేశించారు. బుధవారం ఆమె వివిధ జిల్లాల అధికారులతో నిర్వహించిన వీడియో కాన్ఫరెన్స్‌లో మాట్లాడారు. గ్రామాల్లో వలసలను నివారించేందుకు స్థానికంగా ఉపాధి పనులు గుర్తించి చేపట్టాలని సూచించారు. సీసీ రోడ్లు, పాఠశాలలు, అంగన్‌వాడీ కేంద్రాలు, గ్రామపంచాయతీ భవనాలు, నీటి కుంటలు, చెక్‌డ్యాంల నిర్మాణాలను నిర్ణీత గడువులోగా పూర్తి చేయాలని సూచించారు. చెరువులు, కాలువల్లో పూడికతీతతో పాటు భూగర్భ జలాల సంరక్షణ పనులకు ప్రాధాన్యం ఇవ్వాలన్నారు. భద్రాచలం ఐటీడీఏ నుంచి పీఓ, కలెక్టరేట్‌ నుంచి అదనపు కలెక్టర్‌ విద్యాచందన హాజరై మాట్లాడారు. జిల్లాలో చెరువులు, కాలువల్లో పూడిక తొలగింపు, వివిధ అభివృద్ధి పనుల పూర్తి, కూలీలకు పనిదినాల పెంపునకు చర్యలు తీసుకుంటున్నట్లు తెలిపారు. జెడ్పీ సీఈఓ నాగలక్ష్మీ, అదనపు డీఆర్‌డీఓ రవి, డీఏఓ బాబూరావు, ఏపీఓ డేవిడ్‌రాజు తదితరులు పాల్గొన్నారు.

లోక్‌ రక్షక్‌ పార్టీ అధ్యక్షుడు కొండా చరణ్‌చర్ల: అవినీతి అధికారులు తీరు మార్చుకోవాలని లోక్‌ రక్షక్‌ పార్టీ వ్యవస్థాపక అధ్యక్షుడు కొండా చరణ్‌ అన్నారు. బుధవారం చర్లలో పార్టీ మండల అధ్యక్షుడు షేక్‌ జహీరుద్దీన్‌ భాషా ఆధ్వర్యంలో నిర్వహించిన సమావేశంలో మాట్లాడారు. కొందరు సామాన్య ప్రజల నుంచి బహిరంగంగా లంచాలు వసూలు చేస్తున్నారని ఆరోపించారు. ఉన్నతాధికారులు కిందిస్థాయి సిబ్బంది వ్యవహారశైలిపై నిఘా పెట్టాలని సూచించారు. లోక్‌ రక్షక్‌ పార్టీ నాయకులు చిట్టిమల్ల సుజాత, గుర్రాల విజయ్‌కుమార్‌, వెంకటలక్ష్మి తదితరులు పాల్గొన్నారు.మిస్సింగ్‌ కేసు నమోదుఇల్లెందురూరల్‌: తన భార్య అరుణ, ఇద్దరు పిల్లలు కనిపించడం లేదని మండలంలోని ఒడ్డుగూడెం గ్రామపంచాయతీ నెహ్రూనగర్‌కు చెందిన బానోత్‌ లచ్చు పోలీసులకు ఫిర్యాదు చేశాడు. బుధవారం ఉదయం ఏడు గంటలకు ఇంటి నుంచి చెప్పకుండా బయటకు వెళ్లారని, వారి ఆచూకీ తెలియడం లేదని ఫిర్యాదులో పేర్కొన్నాడు. దీంతో కేసు నమోదు చేసి విచారణ ప్రారంభించినట్లు సీఐ సురేష్‌ తెలిపారు. పోలీసుల అదుపులో చోరీ నిందితుడు?ఇల్లెందు: సింగరేణి ఇల్లెందు ఏరియాలో పలు ఇళ్లల్లో బంగారు ఆభరణాలు చోరీ చేసిన వ్యక్తిని పోలీసులు మూడు రోజుల క్రితం అదుపులోకి తీసున్నట్లు సమాచారం. విచారణలో నేరాలను అంగీకరించినట్లు తెలిసింది. మూడు కిలోల బంగారు, వెండి ఆభరణాలు రికవరీ చేసినట్లు కూడా ప్రచారం సాగుతోంది. చోరీ సొత్తును ఇల్లెందు, కొత్తగూడెం, ఖమ్మం, మహబూబాబాద్‌ పట్టణాల్లో బంగారు దుకాణాల్లో విక్రయించినట్లు విచారణలో తెలపగా, పోలీసులు కూపీ లాగుతున్నట్లు తెలిసింది. అయితే చోరీల ఘటనలకు సంబంధించి ఇద్దరు, ముగ్గురు వ్యక్తులు పోలీసుల అదుపులో ఉన్నట్లు, ఒకటి రెండు రోజుల్లో వివరాలు వెల్లడించే అవకాశం ఉన్నట్లు తెలిసింది.

ఇల్లెందు: ఇల్లెందు ఏరియాలో వైసీఓఏ క్లబ్‌లో నిర్వహిస్తున్న సింగరేణి కంపెనీస్థాయి వాలీబాల్‌ క్రీడా పోటీలు బుధవారం ముగిశాయి. ఏరియా జీఎం వీసం కృష్ణయ్య విజేతలకు బహుమతులు అందజేశారు. ఈ సందర్భంగా ఆయన మాట్లాడుతూ క్రీడలు శారీరక ధృఢత్వంతోపాటు మానసిక ఉల్లాసాన్ని పెంపొందిస్తాయని తెలిపారు. కాగా పోటీల్లో ఆర్జీ–1, ఆర్జీ–2 ఏరియాల జట్టు విజేతగా, భూపాలపల్లి, ఆర్జీ–3 ఏరియాల జట్టు రన్నరప్‌గా నిలిచింది. ఈ కార్యక్రమంలో అధికారులు, క్రీడా ప్రతినిధులు అజ్మీర తుకారాం, బి. నాగేశ్వరరావు, సుందర్‌, వెంకటేశ్వర్లు, శ్రీనివాస్‌, అశోక్‌, పోస్నెట్‌, నరేందర్‌ రెడ్డి, వెంకటేశ్వర్లు, రమేష్‌, శ్రావణ్‌, జాకబ్‌, కాంతారావు, ప్రసాద్‌ తదితరులు పాల్గొన్నారు.

● 20 ఏళ్లుగా విధులు నిర్వర్తిస్తున్నా భద్రత కరువు ● జిల్లాలో పనిచేస్తున్న 719 మంది సిబ్బంది ● సమస్యల పరిష్కారానికి నిరవధిక సమ్మె చుంచుపల్లి: జాతీయ ఆరోగ్య మిషన్‌(ఎన్‌హెచ్‌ఎం) ఉద్యోగులు రెండు దశాబ్దాలుగా సేవలందిస్తున్నా క్రమబద్ధీకరణకు నోచుకోవడంలేదు. సరైన వేతనాలు, ఆరోగ్య భద్రత, ఇతర ప్రయోజనాలు కూడా లభించడంలేదు. ఈ నేపథ్యంలో తమకు న్యాయం చేయాలని రాష్ట్రవ్యాప్తంగా సమ్మె చేపడుతున్నారు. జిల్లాలో కూడా నిరవధిక సమ్మె చేపట్టారు. 78 కేడర్ల పరిధిలో సుమారు 719 మంది ఉద్యోగులు తమ డిమాండ్ల సాధనకు ఈ నెల 13 నుంచి ఆందోళనలు చేపడుతున్నారు. అర్నాబ్‌ తుపాన్‌ నేపథ్యంలో కలెక్టర్‌ ఆదేశాల మేరకు బుధ, గురువారాల్లో అత్యవసర వైద్య సేవలకు మినహాయింపునిస్తూ నిరసనలకు తాత్కాలిక విరామం ఇచ్చారు. శుక్రవారం నుంచి మళ్లీ ధర్నా చౌక్‌ వద్ద నిరవధిక సమ్మె కొనసాగించనున్నట్లు ఉద్యోగులు వెల్లడించారు. వివిధ ఆస్పత్రుల్లో సేవలు ఎన్‌హెచ్‌ఎం సిబ్బంది జిల్లా ఆస్పత్రులు, సామాజిక ఆరోగ్య కేంద్రాలు, ప్రాథమిక ఆరోగ్య కేంద్రాలు, పల్లె దవాఖానాలు, బస్తీ దవాఖానాల్లో వైద్యులు, నర్సులు, ఏఎన్‌ఎంలు, పారామెడికల్‌ సిబ్బంది, ఫార్మసిస్టులు, డేటా ఎంట్రీ ఆపరేటర్లు, సాంకేతిక సిబ్బందిగా సేవలందిస్తున్నారు. ప్రభుత్వ ఆరోగ్య కార్యక్రమాలను ప్రజలకు చేరువ చేస్తున్నారు. కోవిడ్‌ పరీక్షలు, వ్యాక్సినేషన్‌లో కీలకంగా పనిచేశారు. రోగ్య మహిళ, పల్లె దవాఖానా, బస్తీ దవాఖానా వంటి సేవల్లోనూ భాగస్వాములవుతున్నారు. కాగా, ఎన్‌హెచ్‌ఎం సిబ్బంది సమ్మెతో ప్రభుత్వ వైద్యారోగ్య వ్యవస్థలో పనిభారం పెరుగుతోంది. క్షేత్రస్థాయిలో అందించే సేవలకు ఆటంకాలు ఏర్పడుతున్నాయి. ప్రధాన డిమాండ్లు ● ఎన్‌హెచ్‌ఎం ఉద్యోగులందరినీ ప్రభుత్వ ఉద్యోగులుగా గుర్తించాలి. ● సుప్రీంకోర్టు ఆదేశాల ప్రకారం సమాన పనికి సమాన వేతనం అమలు చేయాలి. ప్రతీ కేడర్‌కు వేతన నిర్ధారణ చేసి, 100 శాతం గ్రాస్‌ శాలరీ చెల్లించాలి. ● జీఓ 1195కు సంబంధించి వేతనాల్లో తలెత్తిన సమస్యలను పరిష్కరించి, పెంచిన వేతనాలు అమలు చేయాలి. కాంట్రాక్టు ఉద్యోగులను ఔట్‌సోర్సింగ్‌ విధానంలోకి మార్చకుండా స్టేట్‌ హెల్త్‌ సొసైటీ ద్వారా వేతనాలు ఇవ్వాలి. ● ప్రతినెలా ఐదో తేదీలోపు వేతనాలు విడుదల చేయా లి. పెండింగ్‌లో ఉన్న 5 శాతం వార్షిక ఇంక్రిమెంట్‌, 8 శాతం లాయల్టీ బోనస్‌ మంజూరు చేయాలి. ● ఈహెచ్‌ఎస్‌, గ్రూప్‌ పర్సనల్‌ యాక్సిడెంట్‌ ఇన్సూరెన్స్‌ స్కీమ్‌ (జీపీఏఐఎస్‌) వర్తింపజేయాలి. ● మహిళా ఉద్యోగులందరికీ 180 రోజుల వేతనంతో కూడిన ప్రసూతి సెలవులు మంజూరు చేయాలి. ● విధుల్లో ఉండగా ఉద్యోగి మరణిస్తే కుటుంబానికి రూ.50 లక్షల ఎక్స్‌గ్రేషియా చెల్లించడంతోపాటు కుటుంబ సభ్యులకు కారుణ్య నియామకంలో ఉద్యోగం ఇవ్వాలి. 20 ఏళ్లుగా పనిచేస్తున్నాం. కరోనా సమయంలో ప్రాణాలకు తెగించి ప్రజలకు సేవలందించాం. రెగ్యులర్‌ ఉద్యోగులతో సమానంగా విధులు నిర్వహిస్తున్నా వేతనాలు, ఉద్యోగ భద్రత, ఆరోగ్య బీమా వంటి ప్రయోజనాలు అందడం లేదు. ప్రభుత్వం ఎన్‌హెచ్‌ఎం ఉద్యోగులను క్రమబద్ధీకరించాలి. –అబ్దుల్‌ రెహెమాన్‌, డీడీఎంచాలా ఏళ్లుగా చాలీచాలని వేతనాలతో విధులు నిర్వహిస్తున్నాం. కుటుంబ పోషణ, పిల్లల చదువులు, వైద్య ఖర్చులు భారంగా మారుతున్నాయి. ఉద్యోగులకు ఆరోగ్య, ప్రమాద బీమా కల్పించాలి. ప్రభుత్వం మా సమస్యలపై సానుకూలంగా స్పందించి న్యాయం చేయాలి. –బి.ప్రియాంక, ఏఎన్‌ఎం

ఉమ్మడి జిల్లాలోని 33 మండలాలతో జాబితా ● భద్రాద్రి జిల్లాలో 16, ఖమ్మం జిల్లాలో 17 మండలాలు ● గుర్తించిన మండలాల్లో సహాయక చర్యలకు ఏర్పాట్లుఉమ్మడి జిల్లాలో తీవ్ర వర్షాభావ పరిస్థితులు నెలకొనగా.. ఎల్‌నినో ప్రభావంతో ఎండలు నానాటికీ పెరుగుతున్నాయి. ఈనేపథ్యాన పంటలు చేతికొచ్చే పరిస్థితి లేక రైతులు ఆవేదన చెందుతున్నారు. ఈమేరకు రాష్ట్ర ప్రభుత్వం జిల్లాల వారీగా అందిన నివేదికలను పరిగణనలోకి తీసుకుని కరువు మండలాల జాబితా విడుదల చేసింది. నైరుతి రుతుపవనాల కాలంలో లోటు వర్షపాతం నమోదు కావడంతో ప్రభుత్వం ఈ నిర్ణయం తీసుకుంటూ జీఓ 3ను జారీ చేసింది. వర్షాభావ పరిస్థితుల తీవ్రత ఆధారంగా మండలాలను తీవ్ర కరువు, మధ్యస్త కరువు కింద వర్గీకరించారు. ఈ ఉత్తర్వులు తక్షణమే అమల్లోకి రానుండగా, రాబోయే ఆరు నెలల పాటు ఈ జాబితా ఆధారంగా సహాయక కార్యక్రమాలు కొనసాగుతాయని ప్రభుత్వం స్పష్టం చేసింది. ఖమ్మంమయూరిసెంటర్‌: ఈ ఏడాది ఎల్‌నినో ప్రభావంతో వర్షాభావ పరిస్థితులు నెలకొన్నాయి. సాధారణ వర్షపాతం కూడా నమోదు కాకపోవడంతో జలాశయాల్లో నీరు చేరక పంటల సాగు చతికిలపడింది. వరుణుడిపై నమ్మకంతో సాగు చేసిన పంటల దిగుబడి కూడా పడిపోయే పరిస్థితి నెలకొంది. అంతేకాక జలాశయాలు, భూగర్భజలాలు అడుగంటుతుండగా తాగునీటికి ముప్పు ఎదురయ్యే ప్రమాదం కనిపిస్తోంది. ఈక్రమాన జిల్లాల వారీగా పంటల సాగు విస్తీర్ణం, దిగుబడులు, జలాశయాల్లో నీటి నిల్వలు, భూగర్భ జలాల నివేదిక ఆధారంగా రాష్ట్రప్రభుత్వం కరువు మండలాలను ప్రకటించింది. రాష్ట్రంలో 365 మండలాలతో జాబితా విడుదల చేయగా ఉమ్మడి జిల్లా నుంచి 33 మండలాలు ఉన్నాయి. సహాయక చర్యలకు సిద్ధం కరువు మండలాలను ప్రకటించిన నేపథ్యాన తదుపరి చర్యలకు ప్రభుత్వ ఆదేశాలతో జిల్లా యంత్రాంగం సిద్ధమవుతోంది. ఈమేరకు రైతులను ఆదుకునేందుకు పలు కీలక చర్యలను ప్రభుత్వం ప్రకటించింది. ఇన్‌పుట్‌ సబ్సిడీ : అర్హులైన రైతులకు త్వరలోనే ప్రత్యక్ష నగదు బదిలీ (డీబీటీ) ద్వారా వ్యవసాయ ఇన్‌పుట్‌ సబ్సిడీని అందించనున్నారు. రుణాల పునర్వ్యవస్థీకరణ : రిజర్వ్‌ బ్యాంక్‌ నిబంధనల ప్రకారం వ్యవసాయ రుణాలను పునర్వ్యవస్థీకరించేలా రాష్ట్ర స్థాయి బ్యాంకర్ల కమిటీతో చర్చిస్తారు. ఇదే సమయాన బలవంతపు రుణ వసూళ్లకు ఆస్కారం లేకుండా చర్యలు తీసుకోనున్నారు. తాగునీరు, మేత సరఫరా : ప్రజలకు తాగునీటి ఎద్దడి తలెత్తకుండా తగిన చర్యలు తీసుకోవడంతో పాటు, పశువుల కోసం తగిన వసతులు, మేత ఏర్పాట్లు చేస్తారు. ఖమ్మం జిల్లా : తీవ్ర కరువు ప్రభావిత మండలాలు కారేపల్లి, కామేపల్లి, రఘునాథపాలెం, కూసుమంచి, నేలకొండపల్లి, ముదిగొండ, ఖమ్మం అర్బన్‌, బోనకల్‌, మధిర, ఎర్రుపాలెం మధ్యస్థ కరువు మండలాలు ఖమ్మం రూరల్‌, కొణిజర్ల, ఏన్కూరు, కల్లూరు, పెనుబల్లి, సత్తుపల్లి, వేంసూరు

హుడా కాంప్లెక్స్‌: భద్రాద్రి కొత్తగూడెం జిల్లా అశ్వాపురం మండలం మిట్టగూడెం వద్ద ప్రయాణికురాలు బస్సు నుంచి తోసేయడంతో తీవ్రంగా గాయపడిన కండక్టర్‌ ప్రవళికను రవాణా శాఖ మంత్రి పొన్నం ప్రభాకర్‌ పరామర్శించారు. కొత్తపేట సాయి సంజీవని ఆస్పత్రిలో చికిత్స పొందుతున్న ఆమెను మంగళవారం రాత్రి పరామర్శించి ఆరోగ్య వివరాలు, వైద్యంపై వైద్యులను అడిగి తెలుసుకున్నారు. ఈ సందర్భంగా మంత్రి మాట్లాడుతూ ప్రయాణికులకు ఇబ్బంది ఎదురైతే ఉన్నతాధికారులకు ఫిర్యాదు చేయాలే తప్ప భౌతిక దాడులకు పాల్పడటం సరికాదన్నారు. ఖమ్మంమయూరిసెంటర్‌: కండక్టర్‌ ప్రవళికను ఆర్‌టీసీ ఖమ్మం ఆర్‌ఎం ఏ.సరిరామ్‌ మంగళవారం పరామర్శించారు. ఆస్పత్రిలో పరామర్శించిన ఆయన చికిత్స వివరాలు తెలుసుకున్నారు. విధి నిర్వహణలో ఉన్న ఉద్యోగులపై దాడులు జరగడం విచారకరమని తెలిపారు. విద్యా ప్రమాణాలు మరింత మెరుగుపడాలిఐటీడీఏ డిప్యూటీ డైరెక్టర్‌ చందన బూర్గంపాడు: గిరిజన ఆశ్రమ పాఠశాలల్లో విద్యా ప్రమాణాలు మరింత మెరుగుపడేలా ఉపాధ్యాయులు ప్రత్యేక దృష్టి సారంచాలని భద్రాచలం ఐటీడీఏ డిప్యూటీ డైరెక్టర్‌ చందన సూచించారు. ఉప్పుసాకలోని గిరిజన ఆశ్రమ పాఠశాలను మంగళవారం ఆమె తనిఖీ చేశా రు. ఈ సందర్భంగా రికార్డులు, వంటగదులు, సామగ్రిని పరిశీలించారు. ఆతర్వాత విద్యార్థులతో మాట్లాడి వారి అభ్యసన సామర్థ్యాలను పరీక్షించిన ఆమె బోధనపై ఉపాధ్యాయులకు సూచనలు చేశారు. ఏటీడీఓ రాధ, హెచ్‌ఎం పిచ్చయ్య, ఉపాధ్యాయులు పాల్గొన్నారు. ఎన్‌డీఆర్‌ఎఫ్‌ బృందం సిద్ధం భద్రాచలం సబ్‌ కలెక్టర్‌ మృనాల్‌ శ్రేష్ఠ భద్రాచలం: తుపాన్‌ హెచ్చరికల నేపథ్యాన భద్రాచలం డివిజన్‌లోని సమస్యాత్మక మండలాల్లో సహాయక చర్యల కోసం ఎన్‌డీఆర్‌ఎఫ్‌ బృందం సిద్ధంగా ఉందని సబ్‌ కలెక్టర్‌ మృనాల్‌ శ్రేష్ఠతెలిపారు. కొత్తగూడెం చాతకొండకు చెందిన ఎన్‌డీఆర్‌ఎఫ్‌ బృందం సభ్యులు మంగళవారం రిపోర్ట్‌ చేశారు. ఈ సందర్భంగా సబ్‌ కలెక్టర్‌ సహాయక చర్యలపై సూచనలు చేశారు. కాగా, వరద, ఇతర సమస్యలు ఎదుర్కొనే ప్రజలు కంట్రోల్‌ రూమ్‌లోని 08743–232444 నంబర్‌కు సమాచారం ఇవ్వాలని ఆయన సూచించారు. పాఠశాలల్లో పరిశుభ్రతకు ప్రాధాన్యత.. ప్రభుత్వ పాఠశాలల్లో పరిశుభ్రతకు ప్రత్యేక ప్రాధాన్యత ఇస్తూ నిర్దేశిత మెనూ ప్రకారం నాణ్యమైన ఆహారాన్ని అందించాలని సబ్‌ కలెక్టర్‌ మృనాల్‌ శ్రేష్ఠ సూచించారు. భద్రాచలంలోని కేజీబీవీని తనిఖీ చేసిన ఆయన తరగతి గదులు, డార్మిటరీలు, స్టోర్‌ రూమ్‌, డైనింగ్‌ హాల్‌, మరుగుదొడ్లు, వంటశాల, పాఠశాల పరిసరాలను పరిశీలించారు. విద్యార్థినులతో మాట్లాడి మెనూ వివరాలు తెలుసుకున్నారు. విద్యార్థునుల భద్రత, బోధనపై ఉపాధ్యాయులకు సూచనలు చేశారు. ప్రిన్సిపాల్‌, వార్డెన్‌ లీల, ఉపాధ్యాయులు పాల్గొన్నారు. స్కౌట్స్‌ అండ్‌ గైడ్స్‌ అసోసియేషన్‌ కౌన్సిల్‌ ఎన్నిక రుద్రంపూర్‌: సింగరేణి కాలరీస్‌ డిస్ట్రిక్ట్‌ అసోసియేషన్‌ స్కౌట్స్‌ అండ్‌ గైడ్స్‌ కమిటీ ఎన్నికలు కొత్తగూడెంలో మంగళవారం నిర్వహించారు. తొలుత జీఎం పర్సనల్‌(వెల్ఫేర్‌, సీఎస్సార్‌, సెక్యూరిటీ) కె.అజయ్‌కుమార్‌ స్కౌట్స్‌ పతాకా న్ని ఆవిష్కరించారు. అనంతరం ఆయ న ఆధ్వర్యాన ఎన్నిక నిర్వహించగా కమిటీ వివరాలు వెల్లడించారు. సింగరేణి కాలరీస్‌ డిస్ట్రిక్ట్‌ అసోసియేషన్‌ ప్రెసిడెంట్‌ అండ్‌ ప్యాట్రన్‌గా సీఎండీ డాక్టర్‌ బుద్ద ప్రకాశ్‌ జ్యోతి, వైస్‌ ప్రెసిడెంట్లుగా డైరెక్టర్లు ఎల్‌.వీ.సూర్యనారాయణ, కె.వెంకటేశ్వర్లు, తిరుమలరావు, చీఫ్‌ కమిషనర్‌గా డైరెక్టర్‌ గౌతం పొట్రు వ్యవహరించనున్నట్లు తెలిపారు. అలాగే, డిస్ట్రిక్ట్‌ సెక్రటరీగా జీఎం కె.అజయ్‌కుమార్‌, డిస్ట్రిక్ట్‌ కమిషనర్‌ (రోవర్స్‌)గా జీఎం జీ.వీ.కిరణ్‌కుమార్‌, డిస్ట్రిక్ట్‌ కమిషనర్‌(స్కౌట్స్‌) గా జీఎం ఎస్‌సీఈఎస్‌. రాజేంద్రప్రసాద్‌, డిస్ట్రిక్ట్‌ జాయింట్‌ సెక్రటరీగా ఉమెన్స్‌ డిగ్రీ కళాశాల ప్రిన్సిపాల్‌ సీహెచ్‌.శారద, డిస్ట్రిక్ట్‌ కమిషనర్‌(అడల్ట్‌)గా డీజీఎం బి. శివకేశవరావు, ట్రెజరర్‌గా జీఎం సీహెచ్‌.మురళీధర్‌ వ్యవహరిస్తారని వెల్ల డించారు. ఇక అసిస్టెంట్‌ డిస్ట్రిక్ట్‌ కమిషనర్‌(కార్పొరేట్‌) సీనియర్‌ పీఓ మండల శ్రీనివాస్‌ నియమితులయ్యారని తెలిపారు. కార్యక్రమంలో వివిధ విభాగాల అధికారులు అజయ్‌కుమార్‌, కిరణ్‌కుమార్‌, రాజేంద్రప్రసాద్‌, శివకేశవరా వు, అనిల్‌కుమార్‌, కె.సునిల్‌ కుమార్‌, శివకుమార్‌, మండల శ్రీనివాస్‌, వరప్రసాద్‌ పాల్గొన్నారు.

సూపర్‌బజార్‌(కొత్తగూడెం): ఎల్‌నినో నేపథ్యాన కరువు పరిస్థితులు నెలకొన్నందున జిల్లాలో తక్షణమే సహాయక చర్యలు చేపట్టాలని అఖిల భారత రైతు కూలీ సంఘం(ఏఐకేఎంఎస్‌) నాయకులు డిమాండ్‌ చేశారు. ఈమేరకు మంగళవారం కలెక్టరేట్‌ ఎదుట ధర్నా నిర్వహించి ఏఓకు వినతిపత్రం అందజేశారు. అనంతరం రాష్ట్ర ప్రధాన కార్యదర్శి గౌని ఐలయ్య మాట్లాడుతూ జిల్లాలో పరిస్థితులను పరిగణనలోకి తీసుకుని కేంద్ర, రాష్ట్ర ప్రభుత్వాలు వెంటనే సహాయక చర్యలను చేపడుతూ రైతు, కూలీలకు భద్రత కల్పించాలని కోరారు. అలాగే, విద్యుత్‌ చార్జీల పెంపు ప్రతిపాదన వెనక్కి తీసుకుని, క్రాప్‌ హాలీడే పేరిట ఆందోళన సృష్టించడం మానుకోవాలన్నారు. జిల్లా ప్రధాన కార్యదర్శి ఏనుగు చంద్రారెడ్డి మాట్లాడుతూ సీతారామ ఎత్తిపోతల ప్రాజెక్టుకు రూ.25వేల కోట్లు కేటాయించి శాశ్వత కరువు నివారణ చర్యలు చేపట్టాలని కోరారు. ధర్నాలో నాయకులు కల్తీ వెంకటేశ్వర్లు, తుపాకుల నాగేశ్వరరావు, రంగయ్య, ఎస్‌.కే.ఉమర్‌, భూక్యా హర్జ్యా, గడ్డం లాలయ్య, కొమురం సత్యనారాయణ, మూడ్‌ మాలు, గొగ్గెల రాజు, పూనెం కోటయ్య, కుంజ కృష్ణ, రమేష్‌, హిడ్మా తదితరులు పాల్గొన్నారు. కలెక్టరేట్‌ ఎదుట ఏఐకేఎంఎస్‌ ఆధ్వర్యాన ధర్నా

పాల్వంచరూరల్‌: హైదరాబాద్‌లో వచ్చేనెల మొదటి వారంలో జరిగే రాష్ట్రస్థాయి ఖేలో ఇండియా వాలీబాల్‌ టోర్నీలోపాల్గొనే ఉమ్మడి జిల్లా బాలబాలికల జట్లను ఎంపిక చేశారు. పాల్వంచ మండలం కిన్నెరసానిలోని గిరిజన క్రీడా పాఠశాలలో మంగళవారం నిర్వహించిన ఎంపిక పోటీలకు 65మంది బాలురు, 37మంది బాలికలు హాజరుకాగా, ప్రతిభ చూపిన 14మంది చొప్పున క్రీడాకారులతో జట్లను ఎంపిక చేశారు. తొలుత ఎంపిక పోటీలను ఏటీడీఓ చంద్రమోహన్‌ ప్రారంభించి మాట్లాడారు. అనంతరం జట్ల వివరాలను ఉమ్మడి జిల్లా ఖేలో ఇండియా వాలీబాల్‌ ఎంపికల ఇన్‌చార్జ్‌ సుధాకర్‌ వెల్లడించారు. ఈ పోటీలను ఒలింపిక్‌ అసోసియేషన్‌ ఉమ్మడి జిల్లా అధ్యక్షుడు పుట్టా శంకరయ్య, ఐటీడీఏ క్రీడల అధికారి గోపాల్‌రావు, పాఠశాల హెచ్‌ఎం చందు, పీడీలు, పీఈటీలు బట్ట హరికృష్ణ, ఎస్‌.భద్రం, రాంబాబు, పి.పవన్‌కుమార్‌, ఎం.రాకేష్‌, అంజయ్య, ఐ.గోపాల్‌, రాజశేఖర్‌, విజయలక్ష్మి, రాములమ్మ, పార్వతి, మహాలక్ష్మి, ప్రియాంక పర్యవేక్షించారు.

భద్రాచలం: భద్రాచలంలోని శ్రీ సీతారామ చంద్రస్వామి దేవస్థానంలో మంగళవారం రామయ్య కల్యాణం కమనీయంగా సాగింది. తెల్లవారుజామునే గర్భగుడిలో స్వామి వారికి సుప్రభాత సేవ, సేవా కాలం, ఆరాధన పూజలు చేశారు. అనంతరం మిథిలా స్టేడియంలో ఉత్సవ మూర్తులను కొలువుదీర్చారు. స్వామికి విశ్వక్సేన పూజ, పుణ్యావాచనం చేశారు. ఆతర్వాత స్వామికి కంకణధారణ, యజ్ఞోపవేత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని అర్చకులు నిర్వహించారు. సికింద్రాబాద్‌ వాసి భారీ విరాళం శ్రీ సీతారామ చంద్రస్వామి దేవస్థానానికి సికింద్రాబాద్‌ వాసి మంగళవారం భారీ విరాళం సమర్పించారు. సికింద్రాబాద్‌లోని పీజీ రోడ్డుకు చెందిన కశ్యప్‌ రాజేష్‌ నిత్యాన్నదానానికి రూ.9 లక్షలు, శాశ్వత కల్యాణ నిమిత్తం రూ.75 వేలు, గోశాల నిర్వహణకు రూ.5,55,000ను ఆలయ అధికారులకు అందచేశాక స్వామిని దర్శించుకున్నారు. ఆలయ ఉద్యోగులు కత్తి శ్రీనివాస్‌, శ్రీనివాసరెడ్డి, నిరంజన్‌, అనిల్‌ పాల్గొన్నారు.రేక్‌ పాయింట్‌కు 1,319 మె.టన్నుల యూరియా చింతకాని: చింతకాని మండలం పందిళ్లపల్లిలోని రేక్‌ పాయింట్‌కు ఆర్‌సీఎఫ్‌ కంపెనీకి చెందిన 1,319.22 మెట్రిక్‌ టన్నుల యూరియా మంగళవారం చేరింది. ఇందులో నుంచి ఖమ్మం జిల్లాకు 519.22 మె.టన్నులు, భద్రాద్రి కొత్తగూడెం జిల్లాకు 500 మె.టన్నులు, మహబూబాబాద్‌ జిల్లాకు 200 మె.టన్నులు సరఫరా చేసినట్లు ఖమ్మం జిల్లా వ్యవసాయ శాఖాధికారి డి.పుల్లయ్య తెలిపారు. మిగతా 100 మెట్రిక్‌ టన్నులను బఫర్‌ స్టాక్‌గా నిల్వ చేశామని వెల్లడించారు. ‘ఆయుష్‌’ పోస్టులకు దరఖాస్తుల ఆహ్వానం చుంచుపల్లి: జాతీయ ఆయుష్‌ మిషన్‌ పథకంలో భాగంగా ఔట్‌ సోర్సింగ్‌ విధానంలో పోస్టుల భర్తీకి దరఖాస్తులు ఆహ్వానించారు. ఆయుష్‌ మెడికల్‌ ఆఫీసర్‌(పీజీ) పోస్టు ఒకటి, మూడేసి మెడికల్‌ ఆఫీసర్‌, మల్టీపర్పస్‌ వర్కర్‌ పోస్టులతో పాటు డైటీషియన్‌, సైకో సోషల్‌ కౌన్సిలర్‌, యోగా ప్రొఫెషనల్‌ పోస్టు ఒక్కొక్కటి ఉన్నాయని తెలిపారు. ఆసక్తి ఉన్న వారు నవంబర్‌ 2వరకు దరఖాస్తు చేసుకోవాలని, అర్హతలు, వయోపరిమితి వివరాల కోసం అధికారిక వెబ్‌సైట్‌లో పరిశీలించాలని అధికారులు ఒక ప్రకటనలో సూచించారు. బాణాసంచా విక్రయానికి దరఖాస్తు చేసుకోవాలి సూపర్‌బజార్‌(కొత్తగూడెం): రానున్న దీపావళి సందర్భంగా జిల్లాలో తాత్కాలిక బాణాసంచా విక్రయ కేంద్రాల ఏర్పాటుకు ఆసక్తి ఉన్నవారు అనుమతి కోసం దరఖాస్తు చేసుకోవాలని ఎస్పీ రోహిత్‌రాజ్‌ సూచించారు. అగ్నిమాపక శాఖ, ప్రైవేట్‌ స్థల యజమాని, ప్రభుత్వ స్థలమైన సంబంధిత అధికారి జారీ చేసిన ఎన్‌ఓసీ, జీఎస్‌టీ సర్టిఫికెట్‌ ఇతర పత్రాలతో నవంబర్‌ 2వ తేదీలోగా దరఖాస్తు చేసుకోవాలని తెలిపారు. అలాగే, నిర్ణీత రుసుము చెల్లించిన బ్యాంకు చలాన్‌ కూడా సమర్పించాలని పేర్కొన్నారు. అనుమతి లేకుండా బాణాసంచా విక్రయిస్తే చర్యలు తీసుకోనున్నందున, విక్రయదారులు తప్పనిసరి దరఖాస్తు చేసుకుని అనుమతి తీసుకోవాలని ఎస్పీ ఓ ప్రకటనలో సూచించారు. సీతంపేట బంజరకు జాతీయ స్థాయి అవార్డు ! జూలూరుపాడు(సుజాతనగర్‌): సుజాతనగర్‌ మండలం సీతంపేట బంజర గ్రామపంచాయతీ జాతీయ స్థాయి అవార్డు దక్కే అవకాశముంది. తొమ్మిది విభాగాల్లో జీపీలకు అవార్డులు ఇవ్వనుండగా, పరిశుభ్రత, పచ్చదనం విభాగంలో రాష్ట్రం నుంచి సీతంపేట బంజర నామినేట్‌ అయింది. ఈమేరకు బుధవారం కేంద్ర బృందం సభ్యులు గ్రామంలో పరిశీలించనున్నారు. గ్రామాభివృద్ధి, పారిశుద్ధ్య నిర్వహణ, తాగునీటి సరఫరా, పచ్చద నం, ప్రజారోగ్యం, మహిళా సాధికారత, రికార్డుల నిర్వహణను ఈ బృందం పరిశీలించి ఇచ్చే నివేదిక ఆధారంగా అవార్డు ప్రకటించే అవకాశముంది. ఈనేపథ్యాన మంగళవారం సర్పంచ్‌ గుగులోత్‌ జానకీరామ్‌తో డీఆర్‌డీఓ విద్యాచందన, డీపీఓ అనూష గ్రామంలో పర్యటించారు. డీఎల్పీఓ ప్రభాకర్‌, ఎంపీడీఓ బి.భారతి, ఎంపీఓలు గాంధీ, తులిసీరామ్‌, కన్సల్టెంట్‌ రేవతి, ఏపీఓ రంగా, పంచాయతీ కార్యదర్శి నర్సింహారావు పాల్గొన్నారు.

గుండాల: వయస్సు పెరిగినందున తాటి చెట్లు గీసేందుకు వెళ్లొద్దు, గతంలోనే దెబ్బతిని ఉన్నావని కుటుంబ సభ్యులు కోరినా పనిచేయడం మానుకోలేక వెళ్లిన గీత కార్మికుడు ప్రమాదవశాత్తు చెట్టు పైనుంచి పడి మృతి చెందాడు. ఆళ్లపల్లి మండలం మర్కోడు గ్రామానికి చెందిన కోతి యాదగిరి(55) మంగళవా రం కల్లు గీసేందుకు వెళ్లాడు. ఆయన ఎంత సేపటికి రాకపోవడంతో కుటుంబ సభ్యులు, గ్రామస్తులు వెతుకుతుండగా చెట్టు కింద అపస్మారక స్థితిలో గాయాలపాలై మృతిచెంది కనిపించాడు. గ్రామంలో బుధవారం నుంచి దుర్గమ్మ ప్రతిష్ఠ వేడుకలు మొదలుకానుండగా, ఆయన మృతితో కుటుంబంలో విషాదం నెలకొంది. కాగా, యాదగిరికి భార్య, ఇద్దరు కుమార్తెలు, ఓ కొడుకు ఉన్నారు. పాఠశాలకు వెళ్లాలని మందలించినందుకు ఆత్మహత్యదమ్మపేట: పాఠశాలకు వెళ్లడం లేదని తండ్రి మందలించడంతో మనస్తాపానికి గురైన ఓ విద్యార్థిని ఆత్మహత్య చేసుకుంది. మండలంలోని వడ్లగూడెం గ్రామానికి చెందిన చల్లా నాగేంద్రబాబు కుమార్తె నాగసంగీత(15) సత్తుపల్లిలోని ఓ ప్రైవేట్‌ పాఠశాలలో పదో తరగతి చదువుతోంది. దసరా సెలవుల తర్వాత పాఠశాలకు వెళ్లకపోవడంతో తండ్రి ఆమెను సోమవారం మందలించాడు. దీంతో నాగసంగీత ఇంట్లోనే పురుగుల మందు తాగగా, గమనించిన కుటుంబ సభ్యులు సత్తుపల్లికి, అక్కడి విజయవాడ తరలించగా పరిస్థితి విషమించి మంగళవారం మృతి చెందింది. ఘటనపై ఆమె తాతయ్య చెన్నారావు ఫిర్యాదుతో కేసు నమోదు చేసినట్లు ఎస్‌ఐ రాజేష్‌కుమార్‌ తెలిపారు.

బూర్గంపాడు: అసాంఘిక కార్యకలాపాల కట్టడికి ప్రత్యేక నిఘా ఏర్పాటు చేసినందున యువత పెడదోవ పట్టకుండా సన్మార్గంలో నడవాలని పాల్వంచ డీఎస్పీ సతీష్‌కుమార్‌ సూచించారు. మండలంలోని సారపాక సుందరయ్యనగర్‌లో మంగళవారం తెల్లవారుజామున కార్డెన్‌ సెర్చ్‌ చేపట్టారు. డాగ్‌ స్క్వాడ్‌ బృందాలతో ఇళ్లలో విస్తృతంగా తనిఖీ చేశా రు. అనుమానాస్పద వ్యక్తుల వివరాలను నమోదు చేసుకోవడమే కాక సరైన అనుమతి పత్రాలు లేని 43 మోటార్‌ సైకిళ్లు, ఆటోలను గుర్తించా రు. ఈ సందర్భంగా డీఎస్పీ మాట్లాడుతూ.. గంజాయి విని యోగం, అక్రమ రవాణా కారణంగా జైలుపాలు కావాల్సి వస్తుందని హెచ్చరించారు. ఎవరైనా గంజాయి రవాణా చేసినట్లు తేలితే పోలీసులకు తెలి యజేయాలని, వాహనదారులు అన్ని ధ్రువ పత్రాలను వెంట ఉంచుకోవడంతో పాటు నిబంధనలు పాటించాలని తెలిపారు. పాల్వంచ సీఐ సతీష్‌, బూర్గంపాడు ఎస్‌ఐలు మేడ ప్రసాద్‌, నాగభిక్షం, రామ్మూర్తి, సిబ్బంది పాల్గొన్నారు. కార్డెన్‌ సెర్చ్‌లో డీఎస్పీ సతీష్‌కుమార్‌

● ఉన్న వనరులతో తాగునీటికే ప్రాధాన్యత ● ఉమ్మడి జిల్లా అధికారులతో మంత్రి తుమ్మల సమీక్షఖమ్మం అర్బన్‌: ఎల్‌నినో ప్రభావంతో కరువు పరిస్థితులు నెలకొన్నందున యాసంగిలో వరికి బదులు తక్కువ నీటితో సాగయ్యే పంటలను ప్రోత్సహించాలని రాష్ట్ర వ్యవసాయ శాఖ మంత్రి తుమ్మల నాగేశ్వరరావు అధికారులను ఆదేశించారు. ఇదే సమయాన వానాకాలం సీజన్‌లో సాగు చేసిన పంటలను కాపాడేందుకు అన్ని చర్యలు తీసుకోవాలని తెలిపారు. ఖమ్మం కలెక్టరేట్‌లో ఖమ్మం, భద్రాద్రి కలెక్టర్లు దివాకర టీ.ఎస్‌., అంకిత్‌తో కలిసి వివిధ శాఖల అధికారులతో మంత్రి మంగళవారం సమీక్షించారు. భూగర్భ జలాల తగ్గుదల, సాగునీటి లభ్యత, తాగునీటి సరఫరా, వ్యవసాయం, విద్యుత్‌, పశుగ్రాసం లభ్యతపై చర్చించి సూచనలు చేశారు. వచ్చే ఏడాది జూలై వరకు తాగునీటి సరఫరాకు ఇబ్బంది తలెత్తకుండా ముందస్తు ప్రణాళికలు సిద్ధం చేయాలని తెలిపారు. యాసంగిలో వరి సాగు చేసి రైతులు నష్టపోకుండా పప్పుధాన్యాలు, చిరుధాన్యాలు, కూరగాయలు, ఇతర పంటలకు ప్రోత్సహిస్తూ విత్తనాలను సిద్ధం చేయాలని ఆదేశించారు. పాలేరు రిజర్వాయర్‌లో నీటి నిల్వలను సమర్థంగా నిర్వహిస్తూ, మిషన్‌ భగీరథ పైపులైన్ల లీకేజీలను అరికట్టాలని, గ్రామాల్లో పాత తాగునీటి పథకాలు, బోర్లు, ఓవర్‌హెడ్‌ ట్యాంకులను అవసరమైన చోట పునరుద్ధరించాలని సూచించారు. పశుగ్రాసం కొరత రాకుండా పచ్చిగడ్డి పెంపకాన్ని ప్రోత్సహించాలని, పశువులకు నీటి తొట్టెలు ఏర్పాటు చేయాలని తెలిపారు. విద్యుత్‌ పొదుపు, పిల్లల ఆరోగ్య పరిరక్షణ, ఆస్పత్రుల్లో మందుల లభ్యతపై ప్రత్యేక దృష్టి సారించాలని చెప్పారు. అనంతరం ఖమ్మం కలెక్టర్‌ దివాకర మాట్లాడుతూ భూగర్భ జలమట్టాలు సుమారు రెండు మీటర్లు తగ్గాయని, కామేపల్లి, మధిర, ఏన్కూరు, సత్తుపల్లి, ఎర్రుపాలెం ప్రాంతాల్లో జలమట్టాలు గణనీయంగా పడిపోయాయని తెలిపారు. భద్రాద్రి కలెక్టర్‌ అంకిత్‌ మాట్లాడుతూ జిల్లాలో గత ఏడాదితో పోలిస్తే భూగర్భ జలమట్టాలు సుమారు 3.5 మీటర్లు తగ్గాయని తెలిపారు. సుమారు 40 వేల ఎకరాల్లో వరికి బదులు ప్రత్యామ్నాయ పంటల సాగును ప్రోత్సహిస్తున్నామని వివరించారు. సుడా, జిల్లా గ్రంథాలయ సంస్థల చైర్మన్లు పువ్వాళ్ల దుర్గాప్రసాద్‌, మహ్మద్‌ ఖాదర్‌ బాబా, అదనపు కలెక్టర్‌ పి.శ్రీనివాసరెడ్డి, వివిధ శాఖల అధికారులు పాల్గొన్నారు.

భద్రాచలంఅర్బన్‌: జిల్లాలో ఆరోగ్య సేవలు మెరుగుపడుతున్నా.. కొన్ని సమస్యలు ఆందోళన కలిగి స్తున్నాయి. బాల్య వివాహాలు ఎక్కువ అవుతుండడంతో పురుషుల్లో మధుమేహం, మహిళల్లో ఊబ కాయం పెరుగుతోంది. చిన్నారుల్లో ఎదుగుదల లోపం తగ్గినా తక్కువ బరువు సమస్య వెంటాడుతోంది. ప్రైవేట్‌ ఆస్పత్రుల్లో సిజేరియన్‌ ప్రసవాల శాతం పెరగడం మరో ఆందోళనకర అంశం. తాజా గా వెల్లడైన జాతీయ కుటుంబ ఆరోగ్య సర్వే–6 గణాంకాలు జిల్లాలోని పరిస్థితులను వెలుగులోకి తెచ్చాయి. గత సర్వేతో పోలిస్తే కొన్ని అంశాల్లో పురోగతి నమోదైనప్పటికీ, ఇంకొన్ని అంశాలపై ప్రత్యేక దృష్టి సారించాల్సిన అవసరం స్పష్టమవుతోంది. ఆందోళన కలిగిస్తున్న గణాంకాలు.. జిల్లాలో బాల్య వివాహాల సూచిక పెరగడం గమనార్హం. 20 నుంచి 24 ఏళ్ల యువతుల్లో 18 ఏళ్లు నిండకముందే వివాహమైన వారి శాతం ఐదో సర్వేలో 20.8 ఉండగా ఆరో సర్వేలో 29.8కి చేరింది. అంటే తొమ్మిది శాతం పాయింట్ల పెరుగుదల నమోదైంది. బాల్య వివాహాల నివారణకు చేపడుతున్న చర్యలను సమీక్షించాల్సిన అవసరాన్ని ఈ గణాంకాలు సూచిస్తున్నాయి. మరోవైపు రక్తంలో చక్కెర స్థాయిలు అధికంగా ఉన్నవారు లేదా వాటి నియంత్రణకు మందులు వాడుతున్న పురుషుల శాతం 18.4 నుంచి 29.5కు పెరిగింది. మహిళల్లో ఈ సూచిక 18.3 నుంచి 22.5 శాతానికి చేరింది. మహిళల్లో అధిక బరువు, ఊబకాయం సమస్య మరింత ఆందోళన కలిగిస్తోంది. 15 నుంచి 49 ఏళ్ల మహిళల్లో ఈ సమస్య గత సర్వేలో 31 శాతం ఉండగా తాజాగా 44 శాతానికి పెరిగింది. ఈ పరిస్థితుల్లో ఆరోగ్య పరీక్షలు, ఆహారపు అలవాట్లు, జీవనశైలిపై అవగాహన పెంచాల్సిన అవసరం ఉంది. చిన్నారుల పోషణలోనూ మిశ్రమ ఫలితాలు కనిపిస్తున్నాయి. ఐదేళ్లలోపు పిల్లల్లో వయసుకు తగిన ఎత్తు లేకపోవడం 28.4 నుంచి 18.5 శాతానికి తగ్గింది. అయితే వయసుకు తగిన బరువు లేనివారి శాతం 25.3 నుంచి 26కు పెరిగింది. ఎత్తుకు తగిన బరువు లేకపోవడం 21.8 నుంచి 21.6 శాతానికి స్వల్పంగా తగ్గింది. మరోవైపు ప్రైవేటు ఆస్పత్రుల్లో జరిగిన ప్రసవాల్లో సిజేరియన్ల శాతం 73.1 నుంచి 79.6కు పెరిగింది. ప్రభుత్వ ఆస్పత్రుల్లో మాత్రం 48.6 నుంచి 42.7 శాతానికి తగ్గింది. జిల్లావ్యాప్తంగా మొత్తం సిజేరియన్ల శాతం 58 నుంచి 55.6కు తగ్గడం గమనార్హం. ఇక రెండేళ్ల నుంచి నాలుగేళ్ల చిన్నారుల పూర్వ ప్రాథమిక విద్య హాజరు 73.9 నుంచి 62.7 శాతానికి పడిపోయింది. అంగన్‌వాడీ కేంద్రాల్లో చిన్నారుల పోషణ, ప్రారంభ విద్యా కార్యక్రమాల అమలును పరిశీలించాల్సిన అవసరం ఉంది. కొన్నింట్లో ఆశాజనక ఫలితాలు ఆందోళన కలిగించే అంశాలతో పాటు జిల్లాలో కొన్ని ఆరోగ్య సూచికలు మెరుగుపడ్డాయి. ఆస్పత్రుల్లో ప్రసవాల శాతం గత సర్వేలో 97.4 ఉండగా తాజాగా 98.4కు పెరిగింది. ప్రభుత్వ వైద్య సంస్థల్లో జరిగిన ప్రసవాల శాతం 53.9 నుంచి 61.5కు చేరింది. గర్భధారణ సమయంలో కనీసం 180 రోజులు ఐరన్‌, ఫోలిక్‌ యాసిడ్‌ మాత్రలు తీసుకున్న మహిళల శాతం 42.3 నుంచి 71.6కు పెరగడం సానుకూల పరిణామం. పుట్టిన గంటలోపు తల్లిపాలు అందిన చిన్నారుల శాతం 40.2 నుంచి 61.5కు చేరింది. ఐదేళ్లలోపు చిన్నారుల్లో తీవ్రమైన ఎత్తుకు తగిన బరువు లోపం 9 నుంచి 5.9 శాతానికి తగ్గింది. మరోవైపు 15 నుంచి 19 ఏళ్ల వయసులో తల్లులైన లేదా గర్భిణులైన వారి శాతం 13 నుంచి 7.4కు తగ్గింది. ఈ పురోగతిని కొనసాగిస్తూనే బాల్య వివా హాలు, మధుమేహ సంబంధిత సమస్యలు, ఊబ కాయం, చిన్నారుల పోషణపై ప్రత్యేక దృష్టి సారించాల్సిన అవసరాన్ని సర్వే ఫలితాలు తెలియజేస్తున్నాయి. సాధారణ ప్రసవానికే తొలి ప్రాధాన్యం ఇవ్వాలి. అయితే తల్లీబిడ్డ ఆరోగ్యానికి ముప్పు ఉన్నప్పుడు సిజేరియన్‌ తప్పనిసరి కావచ్చు. లేని పక్షంలో సిజేరియన్‌ అవసరం రాదు. గర్భాధారణ సమయంలో క్రమం తప్పకుండా వైద్య పరీక్షలు చేయించుకుంటూ సిజేరియన్‌ ఎందుకు అవసరమో వైద్యులను అడిగి తెలుసుకోవాలి. – చల్లగుళ్ల పూజ, గైనకాలజిస్ట్‌, భద్రాచలం ఏరియా ఆస్పత్రి

● రూ.వందల కోట్ల సైబర్‌ నేరాల కేసులో పురోగతి ● కొత్తగూడెంలో ఇద్దరు, ఖమ్మంలో ఒకరి అరెస్ట్‌సూపర్‌బజార్‌(కొత్తగూడెం): సత్తుపల్లి, పెనుబల్లి మండలాలు కేంద్రంగా సాగిన సైబర్‌ నేరాల వ్యవహారంలో తెలంగాణ సైబర్‌ సెక్యూరిటీ బ్యూరో(టీజీసీఎస్‌బీ) సిట్‌ దర్యాప్తు వేగం పుంజుకుంది. ఈమేరకు నిందితులకు మ్యూల్‌ అకౌంట్లు సమకూర్చిన ముగ్గురిని ఖమ్మం, కొత్తగూడెం సైబర్‌ క్రైమ్‌ పోలీసుల సహకారంతో మంగళవారం అరెస్ట్‌ చేశారు. ఆపై వీరిని విచారణ నిమిత్తం హైదరాబాద్‌లోని అబిడ్స్‌ సైబర్‌ క్రైమ్‌ పోలీస్‌ స్టేషన్‌కు తరలించినట్లు తెలిసింది. రూ.5 కోట్ల జమతో వెలుగులోకి.. 2022లో కొత్తగూడెంకు చెందిన ఓ వ్యక్తి బ్యాంకు ఖాతాలో ఏకంగా రూ.5 కోట్లు జమ అయ్యాయి. ఈక్రమాన సత్తుపల్లి, పెనుబల్లి మ్యూల్‌ అకౌంట్ల కేసుల దర్యాప్తులో భాగంగా ఈ లావాదేవీలను గుర్తించిన ప్రత్యేక బృందం, కొత్తగూడెం వన్‌టౌన్‌ పరిధిలో ఇద్దరిని, ఖమ్మంలో ఇంకొకరిని అదుపులోకి తీసుకున్నట్లు తెలిసింది. కాగా, ఖమ్మం సైబర్‌ క్రైమ్‌ డీఎస్పీలు ప్రసాద్‌, ఫణిందర్‌, కొత్తగూడెం సైబర్‌ క్రైమ్‌ సీఐ నరేష్‌ ఆధ్వర్యాన వీరిని అదుపులోకి తీసుకోగా, లావాదేవీలు, ఇతర నిందితులతో ఉన్న సంబంధాలపై పూర్తిస్థాయిలో విచారణ చేపట్టనున్నారు. ఈ విషయమై కొత్తగూడెం సీఐ నరేష్‌ను వివరణ కోరగా హైదరాబాద్‌ నుంచి బృందానికి సహకారం అందించామని తెలిపారు.

అశ్వారావుపేట: తెలంగాణ ఆయిల్‌ఫెడ్‌లో ఇంటి దొంగల పరంపర కొనసాగుతూనే ఉంది. వారం క్రితం చోటుచేసుకున్న ఘటన తాజాగా బట్టబయలైంది. అశ్వారావుపేట ఆయిల్‌పామ్‌ ఫ్యాక్టరీలో గెలల క్రషింగ్‌ను నిర్వహణ పనుల నిమిత్తం ఈనెల 11 నుంచి నిలిపివేశారు. దీంతో అశ్వారావుపేట మండలంలోని రైతులు తమ గెలలను రెండు టన్నులలోపైతే అశ్వారావుపేటకు, అంతకంటే ఎక్కువైతే దమ్మపేట మండలం అప్పారావుపేట ఫ్యాక్టరీకి తరలించాలని అధికారులు సూచించారు. ఇదే విధానాన్ని రైతులు పాటిస్తున్నారు. ఈమేరకు అశ్వారావుపేట ఫ్యాక్టరీకి రైతులు తీసుకొచ్చిన గెలలను అప్పారావుపేట ఫ్యాక్టరీకి తరలిస్తున్న క్రమంలో ఇంటి దొంగలు చేతివాటం చూపించినట్లు తెలుస్తోంది. సీసీ కెమెరాలకు విద్యుత్‌ నిలిపివేసి.. అశ్వారావుపేట ఫ్యాక్టరీలో మేనేజర్‌తో పాటు కొందరు మాత్రమే ఆయిల్‌ఫెడ్‌ సిబ్బంది ఉంటారు. ఫ్యాక్టరీ నిర్వహణ 90శాతం ప్రైవేట్‌ కాంట్రాక్ట్‌ సంస్థ పరిధిలో కొనసాగుతోంది. గెలలను కాంటా వేయడం, అన్‌లోడ్‌, క్రషింగ్‌ పర్యవేక్షణే కాక ఆపరేటర్లు, కార్మికులు అంతా ప్రైవేట్‌ కంపెనీ సిబ్బందే నిర్వర్తిస్తారు. అయితే, ఇవన్నీ మేనేజర్‌ కనుసన్నల్లో జరగాల్సి ఉంటుంది. ఈక్రమాన రైతుల నుంచి సేకరించిన గెలలను ఆయిల్‌ఫెడ్‌ సమకూర్చే వాహనంలో కాకుండా కొన్నింటిని తిరిగి కాంటా ఓ ప్రైవేట్‌ కంపెనీ ట్రాక్టర్‌లో పంపించారు. ఫ్యాక్టరీలో సీసీ కెమెరాలకు విద్యుత్‌ సరఫరా నిలిపివేసి ఇదంతా చేశాక దమ్మపేట మండలానికి చెందిన ఇద్దరు రైతుల ఖాతాల్లో 3.48 టన్నుల గెలల నగదు జమ చేసినట్లు తెలిసింది. ఈ విషయం కాస్తా ఆయిల్‌ఫెడ్‌ ఎండీ యాస్మిన్‌ బాషా దృష్టికి వెళ్లడంతో విచారణ చేపట్టగా ఇంటి దొంగలు తమ తప్పిదాన్ని అంగీకరించినట్లు సమాచారం. ఇదే సమయాన రైతు సంఘం నాయకులు జోక్యం చేసుకుని రైతుల కష్టాన్ని దోచుకుంటున్న అధికారులపై చర్యలు తీసుకోవాలని డిమాండ్‌ చేస్తుండగా.. ఇంకొందరు మాత్రం వారి స్వప్రయోజనాలకు ఘటనను వాడుకునేలా పావులు కదుపుతున్నట్లు తెలిసింది. పట్టించిన టెక్నాలజీ అశ్వారావుపేట ఫ్యాక్టరీ నిర్వహణలో లేకున్నా రాత్రింబవళ్లే కాక వర్షంలో కూడా పనిచేసేలా సీసీ కెమెరాలు పనిచేస్తున్నాయి. ఒకవేళ ఫుటేజీ ఇక్కడి ఫ్యాక్టరీలో రికార్డు కాకుండా జాగ్రత్తలు తీసుకున్నా, డిలీట్‌ చేసినా.. మెయిన్‌ సర్వర్‌లో మాత్రం రికార్డు అయ్యేలా సాంకేతిక పరిజ్ఞానం అందుబాటులో ఉంది. ఈ విషయం తెలియని ఉద్యోగులు కెమెరాలకు విద్యుత్‌ సరఫరా నిలివేశాక, గెలలను రెండో సారి కాంటా వేయించి నంబర్‌ లేని వాహనాల్లో అప్పారావుపేట ఫ్యాక్టరీకి పంపించారు. ఆపై నగదును నగదు బినామీ రైతుల ఖాతాల్లో జమ చేయించారు. ఈ విషయమై మెయిన్‌ సర్వర్‌లోని ఫుటేజీ ఆధారంగా విచారణ చేపట్టడంతో అక్రమాల గుట్టరట్టయింది. కాగా, ఈ విషయమై అశ్వారావుపేట ఆయిల్‌పామ్‌ ఫ్యాక్టరీ మేనేజర్‌ కార్తీక్‌ను సంప్రదించగా తన ఆర్థిక అవసరాల నిమిత్తమే గెలల నగదును తెలిసిన రైతుల ఖాతాల్లో జమ చేశానని తెలిపారు.

టేకులపల్లి: ఎకై ్సజ్‌ ఎస్‌ఐ హన్మంతరావు ఆధ్వర్యాన సిబ్బంది మంగళవారం మండలంలోని రేగులతండాలో తనిఖీలు చేపట్టారు. ఈ సందర్భంగా రేగులతండాలోని వాగు సమీపాన తనిఖీలకు వెళ్లగా అక్కడ ఉన్న వ్యక్తి పరారయ్యారు. ఈ మేరకు పరి శీలించగా 100 లీటర్ల బెల్లం పానకాన్ని గుర్తించి ధ్వంసం చేశారు. ఉద్యోగులు పి.శ్రీనివాస్‌రావు, రామారావు, రజాలీ, వినయ్‌, నర్సిరెడ్డి పాల్గొన్నారు. నాటుసారా స్వాధీనం.. చండ్రుగొండ: మండలంలోని తిప్పనపల్లి శివారులో పోలీసులు మంగళవారం చేపట్టిన తనిఖీల్లో నాటుసారా తరలిస్తున్న ఓ వ్యక్తిని అదుపులోకి తీసుకున్నారు. తిప్పనపల్లి శివారు మొహమ్మద్‌ నగర్‌ వెళ్లే మార్గంలో తనిఖీ చేస్తుండగా ఓ వ్యక్తి అనుమానాస్పదంగా తారసడ్డాడు. ఆయన వద్ద పరిశీలించగా 90 నాటుసారా ప్యాకెట్లు లభించడంతో అన్నా రం తండా గ్రామానికి చెందిన గుగులోతు శ్రీను వద్ద తీసుకొస్తున్నానని అంగీకరించాడు. ఈమేరకు ఆయనను అదుపులోకి తీసుకున్నామని పోలీసులు తెలిపారు. అనుమతి లేకుండా తరలిస్తున్న కలప సీజ్‌దమ్మపేట: అనుమతి లేకుండా మారుజాతి కలప తరలిస్తున్న రెండు వాహనాలను మంగళవారం అటవీ అఽధికారులు సీజ్‌ చేశారు. ఫారెస్ట్‌ రేంజ్‌ అధికారి శ్రీనివాస్‌ తెలిపిన వివరాలు.. మండలంలోని ముష్టిబండ బీట్‌ పరిధి గణేష్‌పాడులో అక్రమంగా తరలిస్తున్న మారుజాతి కలప లారీని స్వా ధీనం చేసుకున్నారు. ఇందులో రూ.26,813 విలువైన 5.5 టన్నుల కలప లభించింది. అలాగే, అచ్యుతాపురం బీట్‌ పరిధి చీపురుగూడెంలో రూ. 17,062 విలువైన 4.5టన్నుల కలప తరలిస్తున్నట్లు ట్రాక్టర్‌ సీజ్‌ చేసి కేసులు నమోదు చేశామని ఎఫ్‌ఆర్‌ఓ తెలిపారు.

పాల్వంచ: అతివేగంతో వెళ్తున్న ప్రైవేట్‌ ట్రావెల్స్‌ బస్సు లగేజ్‌ డోర్‌ తెరుచుకోగా, అది పక్కనే మోటార్‌ సైకిల్‌పై వెళ్తున్న సింగరేణి ఉద్యోగికి తాకడంతో తీవ్రగాయాల పాలై మృతి చెందాడు. ఈ ఘటనకు సంబంధించి వివరాలు... సూర్యాపేటజిల్లా కోదాడ మండలం చిలుకూరు గ్రామానికి చెందిన రెడ్డి సతీష్‌రెడ్డి(40) తన కుటుంబంతో కలిసి పాల్వంచలోని నవభారత్‌ గాంధీనగర్‌లో ఉంటూ మణుగూరు సింగరేణి సంస్థలో ఉద్యోగం చేస్తున్నారు. మంగళవారం తెల్ల వారుజామున ఆయన టీ తాగేందుకు బైక్‌పై నవభారత్‌ సెంటర్‌కు వెళ్తున్నాడు. ఈ సమయాన కొత్తగూడెం వైపు నుంచి పాల్వంచ వైపు వస్తున్న బీఎస్‌ ఆర్‌ ట్రావెల్స్‌ బస్సు డ్రైవర్‌ అతివేగంతో ముందు ఉన్న యాష్‌ ట్యాంకర్‌ను ఓవర్‌టేక్‌ చేసేందుకు ప్రయత్నించాడు. ఈక్రమాన బస్సు ఎడమ వైపు లగేజ్‌ బాక్స్‌ డోర్‌ ఒక్కసారి తెరుచుకుని పక్కనే వెళ్తు న్న సతీష్‌రెడ్డికి తాకడంతో రోడ్డుపై పడిపోయాడు. ఆయన తల వెనకాల గాయమై తీవ్ర రక్తస్రావంతో అక్కడికక్కడే మృతి చెందాడు. ఈ విషయం తెలిసి సతీష్‌రెడ్డి భార్య అనూష చేరుకుని మృతదేహం వద్ద విలపించిన తీరు స్థానికులను కలిచివేసింది. కాగా, ప్రమాదానికి కారణమైన బస్సు డ్రైవర్‌ కూసుమంచి మండలం చిన్న పోచారం గ్రామానికి చెందిన గడ్డం లక్ష్మీనారాయణపై కేసు నమోదు చేసినట్లు ఎస్‌ఐ టి.నాగరాజు తెలిపారు. కాగా, సతీష్‌కు భార్యతో పాటు కూమార్తెలు అభీష్ట, భవిష్య ఉన్నారు. పక్కనే వెళ్తున్న సింగరేణి ఉద్యోగికి తాకడంతో మృతి

పాల్వంచరూరల్‌: పౌర్ణమిని పురస్కరించుకుని సోమవారం శ్రీకనకదుర్గ (పెద్దమ్మతల్లి) ఆలయంలో చండీహోమం నిర్వహించారు. ముందుగా మేళతాళాలు, వేదమంత్రాలతో స్వామి వారిని అర్చకులు ఊరేగింపుగా తీసుకొచ్చారు. అనంతరం మండపారాధన, గణపతిపూజ చండీహోమం చేశారు. చివరన పూర్ణాహుతి కార్యక్రమాన్ని నిర్వహించారు. అనంతరం అన్నదానం నిర్వహించారు. ఎస్‌ఐఆర్‌ ప్రక్రియ గడువులోగా పూర్తి చేయాలిసూపర్‌బజార్‌(కొత్తగూడెం): ఎస్‌ఐఆర్‌ ప్రక్రియను నిర్ణీత గడువులోగా పూర్తి చేయాలని రాష్ట్ర ప్రధాన ఎన్నికల అధికారి సుదర్శన్‌ రెడ్డి జిల్లా ఎన్నికల అధికారులను ఆదేశించారు. ఓటరు దరఖాస్తుల పరిష్కారం, సంబంధిత రికార్డుల నిర్వహణపై ప్రత్యేక దృష్టి సారిస్తూ ఎన్నికల ప్రక్రియను పకడ్బందీగా నిర్వహించాలని సూచించారు. హైదరాబాద్‌ నుంచి సోమవారం అన్ని జిల్లాల ఎన్నికల అధికారులతో రాష్ట్ర ప్రధాన ఎన్నికల అధికారి నిర్వహించిన వీడియో కాన్ఫరెన్స్‌లో ఎస్‌ఐఆర్‌ ప్రక్రియ పురోగతి, ఓటరు దరఖాస్తుల పరిష్కారం, శాసనమండలి నియోజకవర్గ ఓటరు నమోదు తదితర అంశాలపై సమీక్షించారు. క్యాంపు కార్యాలయం నుంచి జిల్లా ఎన్నికల అధికారి, కలెక్టర్‌ అంకిత్‌ హాజరయ్యారు. 1న ఎన్‌ఎంఎంఎస్‌ ప్రవేశ పరీక్షకొత్తగూడెంఅర్బన్‌: నేషనల్‌ మీన్స్‌ కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌) ప్రవేశ పరీక్ష నవంబర్‌ 1న ఉదయం 9.30 గంటల నుంచి మధ్యాహ్నం 12.30 గంటల వరకు నిర్వహించనున్నట్లు ఇన్‌చార్జి డీఈఓ ఎస్‌.మాధవరావు సోమవారం ఒక ప్రకటనలో తెలిపారు. కొత్తగూడెంలోని బాబూ క్యాంప్‌ ప్రభుత్వ ఉన్నత పాఠశాల, చుంచుపల్లి ప్రభుత్వ ఉన్నత పాఠశాల, సింగరేణి ఉన్నత పాఠశాల, సెంట్‌మేరీ ఉన్నత పాఠశాలల్లో పరీక్ష కేంద్రాలు ఏర్పాటు చేశామని తెలిపారు. జిల్లా వ్యాప్తంగా 845 మంది విద్యార్థులు హాజరుకానున్నట్లు పేర్కొన్నారు. హెచ్‌ఎంలు ఆన్‌లైన్‌లో హాల్‌టికెట్లు డౌన్‌లోడ్‌ చేసి, సంతకం, స్కూల్‌ స్టాంప్‌ ముద్రవేసి విద్యార్థులకు అందజేయాలని తెలిపారు. వివరాలకు 99890 27943 నంబరులో సంప్రదించాలని కోరారు. ఉపాధి పనులు సద్వినియోగం చేసుకోవాలిటేకులపల్లిరూరల్‌: ఉపాధి (వీబీ జీ రామ్‌జీ)పనులను సద్వినియోగం చేసుకోవాలని అడిషనల్‌ డీఆర్‌డీఓ నల్లమోతు రవి సూచించారు. సోమవారం ఆయన మండలంలోని సర్వాయిబోడు, సిద్దారం గ్రామాలను సందర్శించారు. గొత్తి కోయలతో సమావేశమయ్యారు. ఈ సందర్భంగా మాట్లాడుతూ ప్రతి ఒక్కరూ ఉపాధి పనిని సద్వినియోగం చేసుకోవాలన్నారు. ఒక్కొక్కరు 125 రోజులపాటు పని చేయవచ్చని తెలిపారు. చేలలో ఫారం పాండ్‌, చెరువు పూడిక తీత పనులు సహా 375 రకాల పనులను చేసుకోవాలని, ప్రతి ఇంటికి మరుగు దొడ్డి, ఇంకుడు గుంత నిర్మించుకోవాలని పేర్కొన్నారు. అనంతరం గొత్తి కోయలకు జాబ్‌ కార్డులు మంజూరు చేశారు. సర్పంచులు మెట్ల తులశమ్మ, ఇర్ప రుక్మిణి, ఉప సర్పంచ్‌ కొర్సా చుక్కమ్మ, డీఆర్‌డీఏ ఏపీడీలు విజయ భాస్కర్‌రెడ్డి, రమణ, రాజు పాల్గొన్నారు. 78మంది కండక్టర్ల సర్వీసు క్రమబద్ధీకరణ ఖమ్మంమయూరిసెంటర్‌: ఆర్‌టీసీ ఖమ్మం రీజియన్‌లో బ్రెడ్‌ విన్నర్‌ స్కీమ్‌, మెడికల్‌ ఇన్‌వ్యాలిడేషన్‌ స్కీమ్‌ ద్వారా కన్సాలిడేటెడ్‌ పేపై నియమితులైన కండక్టర్ల సర్వీసును క్రమబద్ధీకరిస్తూ రీజినల్‌ మేనేజర్‌ ఏ.సరిరామ్‌ సోమవారం ఉత్తర్వులు జారీ చేశారు. ఈ ఉత్తర్వులు ఆగస్టు 12వ తేదీ నుంచి వర్తించనున్నాయని పేర్కొన్నారు. ఖమ్మం రీజియన్‌లోని వివిధ డిపోల్లో పనిచేస్తున్న 78 మంది కండక్టర్ల సర్వీసు క్రమబద్ధీకరించగా, వీరిని వేతన స్కేల్‌లోకి మారుస్తూ, నిబంధనల ప్రకారం సాధారణ అలవెన్సులు, ఇతర సౌకర్యాలు కల్పించనున్నట్లు ఉత్తర్వుల్లో వెల్లడించారు. ఏడాది పాటు ప్రొబేషనరీ అమల్లో ఉండనుండగా, క్రమబద్ధీకరణ ఉత్తర్వులపై కార్మిక సంఘాల నాయకులు హర్షం వ్యక్తం చేశారు.

● తుపాన్‌ నేపథ్యంలో జిల్లాకు రెడ్‌ అలెర్ట్‌ జారీ చేసిన వాతావరణ శాఖ ● వరికోత, పత్తితీతల తరుణంలో పంటలు దెబ్బతినే అవకాశం బూర్గంపాడు: అర్నబ్‌ తుపాను రైతులను కలవరపెడుతోంది. వాతావరణశాఖ జిల్లాకు రెడ్‌ అలెర్ట్‌ ప్రకటించడంతోపాటు భారీ నుంచి అతి భారీ వర్షాలు కురుస్తాయని హెచ్చరికలు జారీ చేసింది. వరికోతలు, పత్తితీత షురువైన తరుణంలో తుపా ను హెచ్చరికలు రైతులను ఆందోళనకు గురిచేస్తున్నాయి. ఎల్‌నినో ప్రభావంతో ఈ ఏడాది పంటల సాగు రైతులకు కత్తిమీద సాములా మారింది. వర్షాభావ పరిస్థితులతో పంటలను కాపాడుకునేందుకు రైతులు ఇబ్బందులు పడ్డారు. ఎండల తీవ్రత, నీటి ఎద్దడి పంట దిగుబడులపై తీవ్ర ప్రభావం చూపింది. గుడ్డిలో మెల్లలాగ వరి, పత్తికి మార్కెట్‌లో ధర ఆశాజనకంగా ఉంది. దిగుబడులు తగ్గినా ధరలు ఆశాజనకంగా ఉన్నాయనే ఆనందంలో ఉన్న రైతులను అర్నబ్‌ తుపాను ఆందోళనకు గురిచేస్తోంది. బుధవారం నుంచి రెండురోజులపాటు జిల్లాలో తుపాను ప్రభావం ఉంటుందని వాతావరణశాఖ సూచిస్తోంది. గాలులతో కూడిన వర్షాలు కురుస్తాయని హెచ్చరికలు వస్తున్నాయి. 1.70లక్షల ఎకరాల్లో వరిసాగు జిల్లాలో ఈ ఏడాది సుమారు 1.70లక్షల ఎకరాలలో వరిసాగు చేశారు. వర్షాలు సరిగా కురవక, చెరువులు నిండక, బోర్లలో నీరు రాక రైతులు నానా అవస్థలతో వరిసాగు చేశారు. కరెంట్‌ కోతలతో కొన్ని ప్రాంతాలలో డీజిల్‌ ఇంజన్లు, జనరేటర్లు పెట్టి పంటను కాపాడుకున్నారు. నీరు అందక కొన్ని గ్రామాలలో పంటలు ఎండిపోయాయి. ప్రస్తుతం జిల్లా వ్యాప్తంగా వరికోతలు ప్రారంభమయ్యాయి. ప్రస్తుతం వరికి క్వింటాకు(పచ్చివి) రూ.3200 వరకు ధర పలుకుతోంది. కోసిన ధాన్యం కోసినట్లే వ్యాపారులు కొనుగోలు చేస్తున్నారు. ప్రభుత్వ కొనుగోలు కేంద్రాలు తెరవకముందే ధాన్యం అమ్మకాలు ఊపందుకున్నాయి. తుపాను కారణంగా వరికోతలు నిలిచిపోయే పరిస్థితులున్నాయి. కోతకు వచ్చిన వరి తుపానుకు నేలవాలుతుందని, చేతికి వచ్చిన పంట దెబ్బతింటుందని రైతులు ఆందోళన చెందుతున్నారు. 2.20 లక్షల ఎకరాల్లో పత్తి.. ఈ ఏడాది జిల్లాలో 2.20లక్షల ఎకరాల్లో పత్తి సాగు చేశారు. ప్రతికూల వాతావరణ పరిస్థితులతో పత్తి చేలు ఏపుగా పెరగలేదు. దిగుబడులు గణనీయంగా తగ్గుతాయని రైతులు గగ్గోలు పెడుతున్నారు. ప్రస్తుతం తొలివిడత పత్తితీతలు ముమ్మరంగా సాగుతున్నాయి. ఎకరాకు రెండు నుంచి మూడు క్వింటాళ్ల పత్తి రైతుల చేతికి రాగా, కూలీల కొరతతో పత్తితీతలు ఆలస్యమవుతున్నాయి. ప్రస్తుతం క్వింటాకు రూ. 9వేల వరకు పలుకుతోంది. సీసీఐ పత్తి కొనుగోళ్లు ప్రారంభించక ముందే వ్యాపారులు, జిన్నింగ్‌ మిల్లుల నిర్వాహకులు రైతుల వద్ద నుంచి పత్తిని కొనుగోలు చేస్తున్నారు. ఈ తరుణంలో తుపాను హెచ్చరికలు పత్తిరైతు కంటిపై కునుకు లేకుండా చేస్తున్నాయి. వర్షాలు కురిస్తే పూసిన పత్తి నేలరాలుతుందని, రంగు మారుతుందని కలవరపడుతున్నారు.

భద్రాచలం: శబరి భక్తినీ, సీతారాముల కరుణను స్మరించుకుంటూ భద్రగిరిలో సోమవారం చేపట్టిన శబరి స్మృతి యాత్ర వైభవంగా సాగింది. శబరి చిత్రపటానికి ఫల, పుష్పాంజలి సమర్పించి, భక్తి ప్రపత్తులతో రామయ్యను కొలుస్తూ గిరిజనులు ఆధ్యాత్మిక తన్మయత్వం పొందారు. గిరిజనులను ముందుగానే ప్రత్యేక ఆర్టీసీ బస్సుల్లో భద్రాచలానికి తీసుకొచ్చి వసతి సదుపాయాలు కల్పించారు. తొలుత శబరి చిత్రపటాన్ని మేళతాళాల నడుమ, భక్తుల జయజయధ్వానాలతో, శ్రీరామ నామస్మరణతో ఊరేగింపుగా తీసుకెళ్లారు. గిరిజనుల సంప్రదాయ నృత్యాలు, భక్తజనుల శ్రీరామ నామ స్మరణలతో శోభాయాత్ర సాగుతుండగా భద్రగిరి పురవీధులు ఆధ్యాత్మిక కళ సంతరించుకున్నాయి. శోభా యాత్రలో పాల్గొన్న ఎమ్మెల్యే తెల్లం వెంకట్రావు భక్త రామదాసు విగ్రహానికి పూలమాల వేసి హారతి సమర్పించారు. అనంతరం దమ్మక్క విగ్రహం వద్ద పూలు, పండ్లు సమర్పించి భక్తితో నమస్కరించారు. వివిధ ప్రాంతాల నుంచి తరలివచ్చిన గిరిజనుల సంప్రదాయ నృత్యాలు, కోలాటాల సందడితో భద్రాచల వీధుల్లో సందడి నెలకొంది. సీతారాముల సన్నిధిలో ఫల, పుష్పాంజలి మిథిలా స్టేడియంలోని రామసేవా మండపంలో కొలువుదీరిన స్వామివారి ఉత్సవమూర్తుల సన్నిధి లో శబరి స్మరణ కార్యక్రమం నిర్వహించారు. గిరిజ నులు భక్తిశ్రద్ధలతో వివిధ రకాల పండ్లు, పుష్పాలను సమర్పించగా ఆలయ అర్చకులు పుష్పాంజలి నిర్వహించారు. సీతారాముల దివ్యమంగళ రూపాలను దర్శించుకుంటూ గిరిజనులు తన్మయత్వానికి లోనయ్యారు. అనంతరం స్వామివారి నిత్యకల్యాణోత్సవాన్ని ఆలయ అర్చకులు శాస్త్రోక్తంగా, వైభవంగా నిర్వహించారు. ఈ కల్యాణ మహోత్సవంలో గిరిజ నులు పాల్గొని సీతారాముల దివ్యకల్యాణాన్ని కనులారా వీక్షించి భక్తిపారవశ్యంలో మునిగిపోయారు.శబరి స్మృతి యాత్రలో పాల్గొన్న గిరిజనుల ఆధ్యాత్మిక అనుబంధాన్ని గౌరవిస్తూ ఎమ్మెల్యే వెంకట్రావు, దేవస్థానం ఈఓ దామోదర్‌రావులు గిరిజన దంపతులకు వస్త్రాలు సమర్పించి సత్కరించారు. ఈ కార్యక్రమంలో ఏఈఓలు భవాని రామకృష్ణ, శ్రావణ్‌కుమార్‌, భద్రాచలం సర్పంచ్‌ పూనెం కృష్ణ, ఆలయ ప్రధాన అర్చకులు విజయరాఘవన్‌, కోటి రామ స్వరూప్‌, ఆలయ అర్చకులు, పండితులు, గిరిజన పెద్దలు, వివిధ గ్రామా ల నుంచి వచ్చిన గిరిజనులు, భక్తులు పాల్గొన్నారు. శబరి స్మృతి యాత్రలో భాగంగా ఆంధ్రప్రదేశ్‌లోని వరరామచంద్రాపురం పరిధిలో శబరి నది తీరాన కూడా ప్రత్యేక పూజలు నిర్వహించారు. దేవస్థానం అర్చకులు నదీ జలాలతో శబరి విగ్రహానికి అభిషేకం చేశాక, రామయ్య తరఫున తీసుకెళ్లిన వస్త్రాలతో అలంకరించి హారతి, నైవేద్యాలు సమర్పించారు.

పాల్వంచరూరల్‌: పర్యాటక ప్రాంతమైన కిన్నెరసానిని జర్మనీకి చెందిన 18 మంది టూరిస్టులు సోమవారం సందర్శించారు. ఈ సందర్భంగా కిన్నెరసాని డీర్‌పార్కులో దుప్పులు, డ్యామ్‌ పైనుంచి జలాశయం, పర్యావరణ కేంద్రాన్ని వీక్షించారు. విదేశీ టూరిస్టులకు కిన్నెరసానిలోని ప్రకృతి అందాలు, వన్యప్రాణి సంరక్షణ యాజమాన్య పద్ధతులను వైల్డ్‌లైఫ్‌ సెక్షన్‌ ఆఫీసర్‌ కిషన్‌, ఎఫ్‌బీఓ నాగేశ్వరరావు వివరించారు. ఈ సందర్భంగా కిన్నెరసాని అందంగా ఉందంటూ పర్యాటకులు ఫొటోలు దిగుతూ సందడి చేశారు. సందర్శించిన జర్మనీ పర్యాటకులు

పాల్వంచ: హెచ్‌పీ గ్యాస్‌ గోదాం మేనేజర్‌ అనంతుల లక్ష్మీనారాయణ ఆత్మహత్య ఘటనపై సమగ్ర విచారణ జరిపి, దోషులపై చట్టపరమైన చర్యలు తీసుకుంటామని రాష్ట్ర రెవెన్యూ గృహ నిర్మాణ శాఖ మంత్రి పొంగులేటి శ్రీనివాసరెడ్డి అన్నారు. ఆదివా రం కొత్తగూడెంలోని క్యాంప్‌ కార్యాలయంలో మంత్రి పొంగులేటిని పద్మశాలి సంక్షేమ సంఘం ఆధ్వర్యంలో లక్ష్మీనారాయణ కుటుంబంతో కలిసి న్యాయం చేయాని కోరారు. దీంతో మంత్రి స్పందించి ఎస్పీరోహిత్‌ రాజుతో ఫోన్‌లో మాట్లాడి, కేసు వివరాలను అడిగి తెలుసుకున్నారు. కుటుంబ జీవనోపాధి కోసం సహాయం అందించాలని సివిల్‌ సప్‌లైకమిషనర్‌తో మాట్లాడారు. నిందితులైన జర్నలిస్టుల అక్రిడిటేషన్‌ కార్డులు రద్దు చేస్తామని తెలిపారు. పద్మశాలి సంఘం నాయకులు ఎర్రగుంట సాంబశివరావు, గుండు రవికుమార్‌, ఇమంది ఉదయ్‌కుమార్‌, కన్నయ్య, రామకిషోర్‌, సతీష్‌, నవీన్‌, శ్రీనివాస్‌, శివకుమార్‌ తదితరులు పాల్గొన్నారు. మంత్రి పొంగులేటి శ్రీనివాసరెడ్డి

పాల్వంచ: ఢిల్లీలో సోమవారం జరిగిన డీఏవీ పాఠశాలల జాతీయ స్థాయి క్రీడా పోటీల్లో పాల్వంచ స్కూల్‌కు చెందిన 9వ తరగతి విద్యార్థిని మహమ్మద్‌ ఫైస్తా సుమయ్య రైఫిల్‌ షూటింగ్‌లో ప్రతిభ కనబర్చింది. 10 మీటర్ల ఓపెన్‌ సైట్‌ రైఫిల్‌ షూటింగ్‌ విభాగంలో రజత పతకం సాధించింది. ఈ సందర్భంగా జిల్లా యువజన క్రీడల అధికారి ఎం.పరంధామ రెడ్డి విద్యార్థిని అభినందించారు. కోచ్‌ అబ్దుల్‌ నబీ హర్షం వ్యక్తం చేశారు. పత్తి చేనులోకి దూసుకెళ్లిన ఆర్టీసీ బస్సుకూసుమంచి: ఖమ్మం – సూర్యాపేట జాతీయ రహదారిపై వెళ్తున్న ఆర్‌టీసీ బస్సు అదుపు తప్పి రోడ్డు పక్కనే పత్తి చేనులోకి దూసుకెళ్లింది. సోమవారం తెల్లవారుజామున చోటుచేసుకున్న ఈ ఘటన వివరాలు... భద్రాచలం డిపోనకు చెందిన డీలక్స్‌ బస్సు హైదరాబాద్‌ నుండి భద్రాచలం వెళ్తుండగా జాతీయ రహహదారిపై లింగారంతండా వద్ద అదుపు తప్పింది. దీంతో బస్సు రోడ్డు దిగి పక్కనే ఉన్న పత్తి చేనులోకి దూసుకెళ్లింది. ఈ సమయాన కొందరే ప్రయాణికులు ఉండడం, వారు స్వల్ప గాయాలతో బయట పడటంతో అంతా ఊపిరి పీల్చుకున్నారు. స్థానిక పోలీసులు, హైవే సిబ్బంది చేరుకుని క్షతగాత్రులను ఆస్పత్రికి తరలించారు. కాగా, బస్సు అతివేగం, డ్రైవర్‌ నిద్రమత్తే ప్రమాదానికి కారణమని భావిస్తున్నారు. ప్రమాద స్థలాన్ని పరిశీలించిన డీఎస్పీమణుగూరు టౌన్‌: భద్రాద్రి థర్మల్‌ పవర్‌ స్టేషన్‌లో రెండు రోజుల క్రితం జరిగిన ప్రమాదంలో సిస్కాన్‌ కంపెనీకి చెందిన కాంట్రాక్ట్‌ కార్మికుడు ధశ్వన్‌ కుమ్రే మృతి చెందిన విషయం విదితమే. సోమవారం మణుగూరు డీఎస్పీ వి.రవీంద్రారెడ్డి ఘటనా స్థలాన్ని పరి శీలించారు. ప్రమాదం జరిగిన తీరును అడిగి తెలుసుకున్నారు. వివరాలు సేకరించారు. ఈ కార్యక్రమంలో బీటీపీఎస్‌ సీఈ బి.బిచ్చన్న, మణుగూరు సీఐ నాగబాబు పాల్గొన్నారు. అనధికార దత్తతపై కేసు నమోదుటేకులపల్లిరూరల్‌: పేదరికంతో సతమతమవుతున్న ఆ తల్లి కన్నపేగు బంధాన్ని వదిలించుకునే ప్రయత్నం చేసింది. అనధికారికంగా రెండు నెలల పాపను దత్తత ఇచ్చింది. విషయం వెలుగుచూడటంతో పోలీసులు కేసు నమోదు చేశారు. మండలంలోని రామచంద్రునిపేట గ్రామానికి చెందిన మహిళ గత ఆగస్టు నెలలో పాపకు జన్మిచ్చింది. పేదరికం కారణంగా పాపను పోషించే స్థోమత లేక లక్ష్మీదేవిపల్లి మండలం ఎదురుగడ్డకు చెందిన దంపతులకు దత్తత ఇచ్చింది. కాగా, ఈ ఘటనపై కేసు నమోదు చేసి దర్యాప్తు చేపట్టినట్టు బోడు ఎస్‌ఐ రాజమౌళి తెలిపారు.

అశ్వాపురం: మండల పరిధిలోని మిట్టగూడెం వద్ద ఆర్టీసీ బస్సులో చోటుచేసుకున్న ఘటన తీవ్ర చర్చనీయాంశమైంది. చిల్లర వివాదం ప్రమాదానికి దారితీసిన విషయం విదితమే. ఈ ఘటనలో గాయపడ్డ ఆర్టీసీ కండక్టర్‌ ప్రవళిక తార్నాక ఆస్పత్రిలో చికిత్స పొందుతోంది. కండక్టర్‌ను బస్సులో నుంచి తోసేసిన ప్రయాణికురాలు, మిట్టగూడేనికి చెందిన మౌనికను పోలీసులు అరెస్ట్‌ రిమాండ్‌కు తరలించారు. ఈ ఘటనతో రెండు కుటుంబాలు ఇబ్బందుల్లో పడ్డాయి. ప్రయాణికులకు, కండక్టర్లకు మధ్య వాగ్వాదం మహిళలకు ఉచిత బస్సు ప్రయాణ సౌకర్యం కల్పి స్తున్న మహాలక్ష్మి పథకం అమలులో కొన్ని సందర్భాల్లో కండక్టర్లు ఇబ్బందులు ఎదుర్కొంటున్నారనే చర్చ సాగుతోంది. ఉచిత ప్రయాణ టికెట్ల జారీ, చిల్లర సమస్యలు, సీట్ల కేటాయింపు వంటి అంశాలు ప్రయాణికులు, కండక్టర్ల మధ్య వాగ్వాదాలకు దారితీస్తున్నాయి. బస్సుల్లో రద్దీ పెరిగిన సమయంలో సీట్ల కోసం ప్రయాణికుల మధ్య తలెత్తే వివాదా లను సర్దుబాటు చేయడం కండక్టర్లకు భారంగా మారుతోంది. కొన్నిసార్లు మాటామాట పెరిగి ఘర్షణలకు దారితీస్తోంది. కొన్నిసార్లు ప్రయాణికుల మధ్య కూడా వాగ్వాదం జరుగుతోంది. కండక్టర్లపై పని ఒత్తిడి తగ్గించేలా అధికారులు చర్యలు తీసుకోవాలని పలువురు కోరుతున్నారు. ప్రయాణికులు కూడా కండక్టర్లతో ఓర్పుగా, మర్యాదగా వ్యవహరించాలని, సీట్ల విషయంలో పరస్పర సహకారం పాటించాలని సూచిస్తున్నారు. ప్రయాణికుల సౌకర్యం, సిబ్బంది భద్రత రెండింటికీ ప్రాధాన్యం ఇస్తూ సమస్యలను పరిష్కరించాల్సిన అవసరం ఉందని పలువురు కోరుతున్నారు. సమస్యలకు పరిష్కార సూచనలు ● ఉచిత ప్రయాణానికి సంబంధించిన నిబంధనలను బస్సుల్లో, బస్టాండ్లలో స్పష్టంగా ప్రదర్శించాలి. టికెట్ల జారీ విధానంపై ప్రయాణికులకు అవగాహన కల్పించాలి. ● చిల్లర కారణంగా వాగ్వాదాలు జరగకుండా నగదు చెల్లింపుల విషయంలో స్పష్టమైన మార్గదర్శకాలు రూపొందించాలి. సాధ్యమైన చోట డిజిటల్‌ చెల్లింపులను ప్రోత్సహించాలి. ● మహిళలు, వృద్ధులు, దివ్యాంగులు తదితరులకు సంబంధించిన సీట్ల నిబంధనలను బస్సుల్లో స్పష్టంగా ప్రదర్శించాలి. ● ప్రయాణికుల రద్దీ ఎక్కువగా ఉండే మార్గాలు, సమయాలను గుర్తించి అవసరమైన చోట అదనపు బస్సులను నడపాలి. ● ప్రయాణికులతో మర్యాదగా వ్యవహరించడం, వివాదాలను శాంతియుతంగా పరిష్కరించడం వంటి అంశాలపై ఆర్టీసీ సిబ్బందికి శిక్షణ ఇవ్వా లి. విధి నిర్వహణలో దురుసు ప్రవర్తన లేదా బెదిరింపులు ఎదురైతే ఫిర్యాదు చేసేందుకు ప్రత్యేక వ్యవస్థను ఏర్పాటు చేయాలి. ● ప్రయాణికులు, కండక్టర్లు తమ సమస్యలను తెలియజేసేందుకు ప్రత్యేక హెల్ప్‌లైన్‌ లేదా ఫిర్యాదు వ్యవస్థను అందుబాటులోకి తేవాలి. ఫిర్యాదులపై అధికారులు సకాలంలో స్పందించాలి. ● రద్దీ ఎక్కువగా ఉండే మార్గాల్లో అవసరాన్ని బట్టి అదనపు సిబ్బందిని నియమించాలి. ● మహిళలకు మెరుగైన ప్రయాణ సౌకర్యం కల్పిస్తూనే కండక్టర్ల గౌరవం, భద్రత, పని పరిస్థితులను కాపాడే చర్యలు తీసుకోవాల్సిన అవసరం ఉంది. అశ్వాపురం: మండల పరిధిలోని మిట్టగూడెం వద్ద ఆర్టీసీ బస్సులో ఆదివారం జరిగిన వివాదంలో ప్రయాణికురాలు బాణోత్‌ మౌనికను సోమవారం పోలీసులు అరెస్ట్‌ చేశారు. పోలీసుల కథనం ప్రకా రం.. ఆర్టీసీ బస్సులో టికెట్‌ తీసుకునే విషయంలో ఆమె కండక్టర్‌ ప్రవళికతో గొడవపడింది. బస్సులో నుంచి నెట్టివేయగా కండక్టర్‌ కిందపడింది. బస్సు టైరు ఎక్కి రెండు కాళ్లు విరిగాయి. ఈ ఘటనపై బస్సు డ్రైవర్‌ ఫిర్యాదుతో పోలీసులు కేసు నమో దు చేసి నిందితురాలు మౌనికను అరెస్టు చేశారు. మణుగూరు కోర్టులో హాజరుపర్చగా న్యాయమూర్తి రిమాండ్‌ విధించడంతో భద్రాచలం సబ్‌ జైలుకు తరలించారు. ఈ కార్యక్రమంలో సీఐ ఎల్లయ్య, ఎస్సై శాంతి, పోలీస్‌ సిబ్బంది పాల్గొన్నారు.

అశ్వారావుపేటరూరల్‌: ఆరుగాలం శ్రమించి పంటను సాగు చేసిన ఓ మహిళా రైతుకు తీరని నష్టం వాటిల్లింది. పంట చేతికొచ్చే వేళ గుర్తుతెలియని దుండగులు కలుపుమందు పిచికారీ చేయడంతో పెట్టుబడి నష్టపోయిన ఘటన సోమవారం వెలుగులోకి వచ్చింది. బాధితురాలి కథనం ప్రకారం.. మండలంలోని మల్లాయిగూడేనికి చెందిన నారం ముత్తమ్మ నారాయణపురం రెవెన్యూ పరిధిలోని ఐదెకరాల్లో మినుము పంట సాగు చేపట్టింది. శనివారం పంటకు నీళ్లు పెట్టి సాయంత్రానికి ఇంటికి వచ్చింది. తిరిగి ఆదివారం ఉదయం వెళ్లి చూసేసరికి పంట అంతా ఎండిపోయి ఉంది. గుర్తు తెలియని వ్యక్తులు కలుపు మందు పిచికారీ చేశారని, అందుకే పచ్చని చేను పూర్తిగా మాడిపోయిందని బాధితురాలు ఆవేదన వ్యక్తం చేస్తోంది. రూ.2 లక్షల నష్టం వాటిల్లినట్లు వాపోయింది. కాగా, ఈ వ్యవసాయ భూమికి సంబంధించి కొంతకాలంగా ఇదే గ్రామానికి చెందిన ఇరువర్గాల మధ్య వివాదం సాగుతోంది. ఈ క్రమంలోనే అర్ధరాత్రి సమయంలో పొలానికి సదరు వ్యక్తులు కలుపు మందు కొట్టి ఉంటారనే అనుమానం వ్యక్తం చేస్తోంది. ఈ ఘటనపై విచారణ చేసిన న్యాయం చేయాలని బాధితురాలు స్థానిక పోలీస్‌ స్టేషన్‌లో లిఖిత పూర్వకంగా ఫిర్యాదు చేసింది. బాధిత మహిళా రైతుకు రూ.2 లక్షల నష్టం

● దాడి చేసిన వారిపై చట్టపరమైన చర్యలు తప్పవు ● ఆస్పత్రిలో పరామర్శించిన ఈడీ వెంకన్నసాక్షి, సిటీబ్యూరో(హైదరాబాద్‌): విధినిర్వహణలో ప్రయాణికురాలి దాడిలో గాయపడి హైదరాబాద్‌లోని సాయి సంజీవని ఆస్పత్రిలో చికిత్స పొందుతున్న మణుగూరు డిపో ఆర్టీసీ మహిళా కండక్టర్‌ ప్రవళికను ఆర్టీసీ ఎగ్జిక్యూటివ్‌ డైరెక్టర్‌ సీహెచ్‌.వెంకన్న సోమవారం పరామర్శించారు. ఆరోగ్య పరిస్థితిపై వైద్యులను అడిగి తెలుసుకున్నారు. అనంతరం ప్రవళిక, ఆమె కుటుంబ సభ్యులతో మాట్లాడారు. ఆర్టీసీ యాజమాన్యం అండగా ఉంటుందని భరోసా ఇచ్చారు. దాడికి పాల్పడ్డ మహిళకు చట్టప్రకారం కఠినశిక్ష పడేలా చర్యలు తీసుకుంటామని, విధినిర్వహణలో ఉన్న సిబ్బందిపై దాడులకు పాల్పడితే సహించేది లేదని స్పష్టం చేశారు. కాగా, ప్రవళిక ఆరోగ్య పరిస్థితిపై రవాణా శాఖ మంత్రి పొన్నం ప్రభాకర్‌, ఆర్టీసీ ఎండీ వై.నాగిరెడ్డి వైద్యులతో మాట్లాడారని తెలిపారు.

బూర్గంపాడు: మండలంలోని ఇరవెండి గ్రామపంచాయతీలో అమలవుతున్న ఘన వ్యర్థాల నిర్వహణను సోమవారం జిల్లా పంచాయతీ అధికారి అనూష పరిశీలించారు. ఈ సందర్భంగా మాట్లాడుతూ గ్రామాల్లో తడి, పొడి చెత్తలను వేరు చేసి సేకరించాలన్నారు. తడి వ్యర్థాల నుంచి కంపోస్ట్‌ ఎరువులు తయారు చేసుకోవాలని సూచించారు. పొడి చెత్తలో రీ స్లైకింగ్‌కు పనికి వచ్చే వ్యర్థాలను వేరు చేసి వాటిని విక్రయించి ఆదాయం పొందాలన్నారు. అనంతరం పల్లె ప్రకృతి వనాన్ని పరిశీలించారు. ఈ కార్యక్రమంలో సర్పంచ్‌, ఉపసర్పంచ్‌, వార్డు సభ్యులు, పంచాయతీ కార్యదర్శి పాల్గొన్నారు. సర్పంచ్‌ అవినీతిపై కలెక్టర్‌కు ఫిర్యాదుదుమ్ముగూడెం: మండలంలోని నారాయణరావుపేట గ్రామ పంచాయతీ సర్పంచ్‌ నిధుల దుర్వి నియోగానికి వివిధ అక్రమాలకు పాల్పడుతున్నారని, విచారణ జరిపి చర్యలు తీసుకోవాలని కోరు తూ గ్రామ ఉప సర్పంచ్‌, వార్డు సభ్యులు, గ్రామస్తులు సోమవారం కలెక్టర్‌కు ప్రజావాణిలో ఫిర్యాదు చేశారు. ఈ సందర్భంగా వారు మాట్లాడుతూ సర్పంచ్‌ గ్రామ పంచాయతీ అభివృద్ధి పనుల్లో అవకతవకలకు పాల్పడుతూ ప్రభుత్వ ధనాన్ని దుర్వి నియోగం చేస్తున్నారని ఆరోపించారు. ఈ విషయమై ఈ 12న ప్రజావాణిలో అదనపు కలెక్టర్‌, డీపీఓకు ఫిర్యాదు చేశామని, ఇన్ని రోజులు గడుస్తున్నా విచారణకు అధికారులు రాలేదని కలెక్టర్‌కు వివరించారు. గ్రామంలో గ్రామసభలు నిర్వహించకుండా, ఎలాంటి పాలకవర్గ తీర్మానాలు లేకుండా పంచాయతీ రికార్డులను ఎవరికీ చూపించకుండా ఏకపక్షంగా సొంత నిర్ణయాలు తీసుకుంటున్నారని తెలి పారు. స్పందించిన కలెక్టర్‌ అంకిత్‌ విచారిస్తామని హామీ ఇచ్చారు. ఈ కార్యక్రమంలో ఉప సర్పంచ్‌ నూప రాధ, వార్డు సభ్యులు సీతమ్మ, ముగరాజు, శ్యామల, కొమరం జంపన్న, ఉబ్బ నాగమణి తదితరులు పాల్గొన్నారు.

సూపర్‌బజార్‌(కొత్తగూడెం): ప్రజల నుంచి స్వీకరించే ప్రతీ వినతిని సత్వరమే పరిష్కరించాలని కలెక్టర్‌ అంకిత్‌ ఆదేశించారు. కలెక్టరేట్‌లో సోమవారం నిర్వహించిన ప్రజావాణి కార్యక్రమంలో స్థానిక సంస్థల అదనపు కలెక్టర్‌ విద్యా చందనతో కలిసి కలెక్టర్‌ ప్రజల నుంచి దరఖాస్తులను స్వీకరించారు. దరఖాస్తుల్లో కొన్ని ఇలా.. ● జాతీయ రహదారి నుంచి రామవరం మాతా, శిశు ఆస్పత్రి వరకు రోడ్డు కిరువైపులా పెరిగిన పిచ్చిచెట్లను తొలగించాలని రామవరం పరిరక్షణ కమిటీ అధ్యక్షులు ఎండీ ముస్తాఫా దరఖాస్తు చేశారు. రాత్రి వేళల్లో పేషెంట్లు, సహాయకులు వెళ్లాలంటే భయపడుతున్నారని, వీధి దీపాలు ఏర్పాటు చేయాలని కోరారు. జాతీయ రహదారిపై యూ టర్న్‌ ఏర్పాటు చేయాలని, రామవరం–త్రీ ఇంక్లైన్‌ మధ్య ఉన్న శ్మశానవాటిక వద్ద ఉన్న బోరు పంపునకు మరమ్మతులు చేయాలని విన్నవించారు. ● చుంచుపల్లి మండలం బాబుక్యాంపు వైకుంఠధామంలో చెత్త డంపింగ్‌ చేసి తగలబెడుతున్నారని, దట్టమైన పొగ వల్ల ప్రజలు అనారోగ్యం పాలవుతున్నారని స్థానిక యువత దరఖాస్తు చేయగా ఎంపీడీఓకు ఎండార్స్‌ చేశారు. పట్టభద్రులు ఓటరుగా నమోదు కావాలి అర్హులైన పట్టభద్రులందరూ ఓటరుగా నమోదు చేసుకోవా లని కలెక్టర్‌ అంకిత్‌ సూచించారు. కలెక్టరేట్‌లో సోమవారం జిల్లాలోని వివిధ కళాశాలల ప్రిన్సి పాళ్లతో పట్టభద్రుల ఓటరు నమోదు ప్రక్రియపై నిర్వహించిన సమావేశంలో మాటాల్డారు. గత ఎన్నికలతో పోలిస్తే ఈసారి ఆశించిన స్థాయిలో దరఖాస్తులు అందలేదని అన్నా రు. అర్హులైన ప్రతీ పట్టభద్రుడు ఓటరుగా నమోదయ్యేలా చర్యలు తీసుకోవాలన్నారు. ఫారం–18 దరఖాస్తులను నవంబర్‌ 6వ తేదీ లోగా సమర్పించాలన్నారు. ప్రతీ కళాశాలలో నోడల్‌ అధికారిని నియమించి ఎన్నికల విభా గంతో సమన్వయం చేసుకోవాలని తెలిపారు. కళాశాలల్లోని బోధనా సిబ్బంది, బోధనేతర సిబ్బంది, ప్రస్తుత విద్యార్థులు, పూర్వ విద్యార్థుల వివరాలను సేకరించాలని చెప్పారు. ఎన్నికల సూపరింటెండెంట్‌ రంగ ప్రసాద్‌, డిగ్రీ, పీజీ, ఇంజనీరింగ్‌, అగ్రికల్చర్‌, పాలిటెక్నిక్‌ కళాశాలల ప్రిన్సిపాళ్లు, ప్రతినిధులు, ఎన్ని కల విభాగం సిబ్బంది నవీన్‌, అశోక్‌, తదితరులు పాల్గొన్నారు. కలెక్టరేట్‌లో వాల్మీకి మహర్షి జయంతిజిల్లా వెనుకబడిన తరగతుల అభివృద్ధి శాఖ ఆధ్వర్యంలో సోమవారం కలెక్టరేట్‌లో వాల్మీకి మహర్షి జయంతి వేడుకలునిర్వహించారు. కలెక్టర్‌ అంకిత్‌ వాల్మీకి మహర్షి చిత్రపటానికి పూలమాల వేసి నివాళులర్పించారు. అధికారులు విద్యా చందన, జయలక్ష్మి, శ్రీలత, బీసీ సంఘాల నాయకులు నందకిషోర్‌, సాంబయ్య, శ్రీని వాసు, రాంబాబు, బి శ్రీనివాస్‌, మాధురి, జయశ్రీ, గుమలాపురం సత్యనారాయణ, డి.సత్యనారాయణ, రమేష్‌, జయమ్మ పాల్గొన్నారు. విద్యార్థుల సామర్థ్యాల పెంపుపై శ్రద్ధ చూపాలిజూలూరుపాడు(సుజాతనగర్‌): విద్యార్థుల అభ్యసన సామర్థ్యాల పెంపుపై శ్రద్ధ చూపాలని కలెక్టర్‌ అంకిత్‌ అన్నారు. సోమవారం సుజాతనగర్‌ ప్రభుత్వ జిల్లా పరిషత్‌ ఉన్నత పాఠశాలను తనిఖీ చేశారు. విద్యాబోధన, విద్యార్థులు, ఉపాధ్యాయుల హాజరు శాతం, పారిశుద్ధ్య పనులను పరిశీలించారు. విద్యార్థుల అభ్యసన సామర్థ్యాలను పరీక్షించారు. కొందరు విద్యార్థులు వెనుకబడి ఉండటాన్ని గమనించిన కలెక్టర్‌ తగిన శ్రద్ధ తీసుకోవాలని ఉపాధ్యాయులకు సూచించారు. తహసీల్దార్‌ కృష్ణ ప్రసాద్‌, హెచ్‌ఎం రామ్మూర్తి పాల్గొన్నారు. ప్రజావాణిలో కలెక్టర్‌ అంకిత్‌

జూలూరుపాడు: మండల కేంద్రంలోని ఓ బ్యాంకులో వృద్ధాప్య పింఛన్‌ డబ్బులు తీసుకుని వస్తున్న ఇద్దరు వృద్ధులను ఏమార్చి నగదుతో ఉడాయించిన ఘటన సోమవారం జరిగింది. బాధితుల కథనం ప్రకారం.. మండలంలోని కాకర్ల గ్రామానికి చెందిన వృద్ధులు గంజి కనకమ్మ, కొల్లి జగన్నాథం ఎస్‌బీఐలో పింఛన్‌ నగదు తీసుకుని బ్యాంకు బయటకు వస్తున్నారు. ఈ క్రమంలో హెల్మెట్‌ ధరించిన గుర్తు తెలియని వ్యక్తి ద్విచక్రవాహనంపై వృద్ధుల వద్దకు వచ్చాడు. ఏపీ సీఎం చంద్రబాబు నాయుడు కొత్త పథకం ప్రవేశపెట్టారని, పింఛన్‌గా వచ్చిన రూ.4 వేలతోపాటు, మరో రూ.2 వేలు కలిపి ఇస్తున్నారని వృద్ధులను నమ్మించాడు. చిల్లర తీసుకొస్తానంటూ వారి నుంచి రూ.4 వేలు నగదు తీసుకుని బైక్‌పై పారిపోయాడు. ఎంతసేపటికీ సదరు వ్యక్తి తిరిగి రాకపోవడంతో తాము మోసపోయామని గ్రహించిన వృద్ధులు గంజి కనకమ్మ, కొల్లి జగన్నాథం తీవ్ర ఆవేదనకు గురయ్యారు. విషయం తెలుసుకున్న జూలూరుపాడు ఎస్‌ఐ జీనత్‌ కుమార్‌ ఎస్‌బీఐ వద్దకు వెళ్లి సీసీ కెమెరాల్లో ఫూటేజీలను పరిశీలించి, విచారణ చేపట్టారు. పింఛన్‌ సొమ్ముతో ఉడాయించిన దుండగుడు

భద్రాచలం: ఆదివాసీ గిరిజనుల హక్కుల పరిరక్షణకు నిజాం ప్రభుత్వానికి వ్యతిరేకంగా పోరాడిన కుమురం భీమ్‌ను ఆదర్శంగా తీసుకోవాలని ఐటీడీఏ ఏపీఓ(జనరల్‌) డేవిడ్‌ రాజ్‌ అన్నారు. సోమవారం ఐటీడీఏ సమావేశ మందిరంలో కుమురం భీం వర్ధంతి నిర్వహించారు. భీం చిత్రపటానికి పూలమాల వేసి నివాళులర్పించారు. ఈ సందర్భంగా ఏపీఓ మాట్లాడుతూ జల్‌, జంగల్‌, జమీన్‌ నినాదంతో గిరిజనుల ఆత్మగౌరవం, భూమి, అటవీ వనరులపై హక్కుల కోసం భీం పోరాడారని గుర్తుచేశారు. గిరిజన దర్బార్‌ అర్జీలను సత్వరమే పరిష్కరించాలి గిరిజన దర్బార్‌లో సమర్పించిన అర్జీలను సత్వరమే పరిష్కరించాలని ఏపీఓ డేవిడ్‌ రాజ్‌ సూచించారు. ఐటీడీఏ సమావేశ మందిరంలో సోమవారం నిర్వహించిన గిరిజన దర్బార్‌లో వివిధ గిరిజన గ్రామాల నుంచి వచ్చిన వారి నుంచి అర్జీలను స్వీకరించారు. ఈ సందర్భంగా మాట్లాడుతూ అర్జీల వివరాలను ఆన్‌లైన్‌లో నమోదు చేయాలని చెప్పా రు. ఈ కార్యక్రమాల్లో ఎస్‌డీసీ ఆనంద్‌కుమార్‌, ట్రైబల్‌ వెల్ఫేర్‌ డీడీ చందన, ఆర్సీవో అరుణకుమారి, ఏడీఎంహెచ్‌వో సైదులు, ఉద్యానవన అధికారి ఉదయ్‌కుమార్‌, ఏపీవో పవర్‌ వేణు, ఏవో సున్నం రాంబాబు పాల్గొన్నారు. ఐటీడీఏ ఏపీఓ డేవిడ్‌ రాజ్‌

ఖమ్మంవ్యవసాయం: మొక్కజొన్నకు డిమాండ్‌ అమాంతం పెరిగింది. మునుపెన్నడూ లేని విధంగా ఖమ్మం వ్యవసాయ మార్కెట్‌లో సోమవారం మొక్కజొన్న క్వింటాకు గరిష్టంగా రూ.2,600 రికార్డు ధర పలికింది. కేంద్ర ప్రభుత్వం ఈ ఏడాది కనీస మద్దతు ధర(ఎంఎస్‌పీ) రూ.2,400గా ప్రకటిస్తే, మార్కెట్‌లో అంతకు మించి నమోదైంది. ఎల్‌నినో కారణంగా వర్షాభావ పరిస్థితులతో దేశవ్యాప్తంగా మొక్కజొన్న సాగు విస్తీర్ణం గణనీయంగా పడిపోయింది. అయితే, పారిశ్రామిక, పౌల్ట్రీ రంగాల్లో మొక్కజొన్న అవసరం పెరగడంతో డిమాండ్‌ ధర నమోదవుతోందని భావిస్తున్నారు. వరంగల్‌ ఏనుమాముల వ్యవసాయ మార్కెట్‌లో గత శుక్రవారం రూ.2,970 రికార్డు ధర పలకగా, ఖమ్మంలో తొలిసారి రూ.2,600గా నమోదైంది. ప్రస్తుత వానాకాలం జిల్లాలో కేవలం 560 ఎకరాల్లో మాత్రమే మొక్కజొన్న సాగైంది. క్వింటాకు రూ.2,600 రికార్డు ధర

కారేపల్లి: దసరా సందర్భంగా మండలంలోని ఉసిరికాయపల్లిలో నిర్వహించిన శ్రీకోటమైసమ్మతల్లి జాతర ఆదివారం ముగిసింది. ఈ మేరకు సోమవారం ఆలయ సత్రంలో దేవాదాయ శాఖ ఇన్‌స్పెక్టర్‌ సమత, ఈఓ కట్టుకూరు వెంకటయ్య , పర్సా ట్రస్టు చైర్మన్‌ పట్టాభిరామారావు సమక్షాన హుండీ ఆదాయాన్ని లెక్కించారు. ఐదు రోజుల పాటు జరిగిన జాతర సందర్భంగా మొత్తం రూ.32,02,697 ఆదాయం నమోదు కాగా, హుండీల ద్వారా రూ.8,02,366 కానుకలు వచ్చాయని అధికారులు వెల్లడించారు. గత ఏడాది జాతర ఆదాయం రూ.29,10,386 కాగా, ఈ ఏడాది రూ.2,92,311 పెరిగింది. హుండీల ద్వారా గత ఏడాది రూ.7,41,764 కానుకలు వస్తే ఈసారి రూ.20,602 పెరిగి రూ.8,02,366గా నమోదైంది. జాతరలో పూజా టికెట్ల ద్వారా గత ఏడాది రూ.4,95,290 వస్తే ఈ ఏడాది రూ.6,34,350, వేలం హక్కుల ద్వారా గత ఏడాది రూ.9,64,500 ఆదాయం రాగా, ఈ ఏడాది రూ.10,96,000 సమకూరింది. దేవాదాయ శాఖ అధికారులు పగడాల మోహన్‌కృష్ణ, పర్సా సాయిలలిత్‌, మూడ్‌ మోహన్‌చౌహాన్‌, గణితి నారాయణ, సర్పంచ్‌ వరలక్ష్మిరాజు, గ్రామ కార్యదర్శి భూక్యా నిరంజన్‌, గ్రామస్తులు బోడ బన్సీలాల్‌, ఇస్లావత్‌ శంకర్‌ పాల్గొన్నారు. గత ఏడాది కంటే రూ.2.92లక్షలు ఎక్కువ

● మూడు రోజుల తర్వాత గుర్తింపు ● అనుమానాస్పద స్థితిలో యువకుడు, వివాహిత మృతిఇల్లెందు: ఇల్లెందులోని గోవింద్‌ సెంటర్‌ దాసరి గడ్డలోని ఓ ఇంట్లో ఆత్మహత్య చేసుకున్న యువకుడు, వివాహిత మృతదేహాలను సోమవారం గుర్తించారు. పోలీసుల కథనం ప్రకారం.. దాసరిగడ్డకు చెందిన తెలకలపల్లి శ్రీనివాస్‌(27) అవివాహితుడు కాగా తల్లి దుర్గమ్మతో నివసిస్తున్నాడు. ఆయన ఇంటికి ఎదురుగా ఉండే కొవ్వాకుల కళ్యాణి(32)కి భర్త సాలయ్య, ముగ్గురు కుమారులు ఉన్నారు. వీరిద్దరు నెల క్రితం ఇళ్ల నుంచి వెళ్లిపోగా కుటుంబీకుల ఫిర్యాదుతో పోలీసులు కేసు నమోదు చేశారు. కాగా, శుక్రవారం రాత్రి శ్రీనివాస్‌ ఇంటికి చేరిన వీరిద్దరు ఉరి వేసుకుని బలవన్మరణానికి పాల్పడినట్లు తెలుస్తోంది. శ్రీనివాస్‌ వెళ్లిపోయినప్పటి ఆయన తల్లి దుర్గమ్మ సోదరుడి ఇంట్లో ఉంటోంది. శుక్రవారం సాయంత్రం ఆమె వచ్చి ఇంటి ముందు శుభ్రం చేసి వెళ్లగా, అదేరోజు రాత్రి వెనుక తలుపు నుంచి శ్రీనివాస్‌, కళ్యాణి వచ్చినట్లు సమాచారం. ఆ తర్వాత ఏం జరిగిందో కానీ వీరు ఆత్మహత్య చేసుకున్నా విషయం బయటకు రాలేదు. సోమవారం ఇంటి నుంచి దుర్వాసన వస్తుండడంతో స్థానికులు పరిశీలించగా కుళ్లిపోయిన స్థితిలో మృతదేహాలు ఉండడంతో పోలీసులకు సమాచారం ఇచ్చారు. నెల క్రితం ఇళ్ల నుంచి వెళ్లిపోయిన వీరిద్దరు మళ్లీ రావడం, శ్రీనివాస్‌ ఇంట్లో ఆత్మహత్య చేసుకోవడం చర్చనీయాంశంగా మారింది. ఈమేరకు మిస్సింగ్‌ కేసులను ఆత్మహత్యగా మార్చి దర్యాప్తు చేస్తున్నట్లు ఇల్లెందు సీఐ తాటిపాముల సురేష్‌ తెలిపారు.

అశ్వాపురం: మండల పరిధి లోని జగ్గారం క్రాస్‌రోడ్డులోని ఆంజనేయ ఫర్టిలైజర్స్‌ పెస్టిసైడ్స్‌ దుకాణంలో శనివారం రాత్రి భారీ చోరీ జరిగింది. ఆ రోజు రాత్రి షాపు తాళాలను పగలగొట్టి లోపలికి ప్రవేశించిన దొంగలు షాపులో ఉన్న రూ.2.80లక్షల నగదు చోరీ చేశారు. ఆదివారం ఉదయం గుమస్తా షాపు తెరిచేందుకు రాగా తాళాలు పగలగొట్టి ఉండటం గమనించి యజమానికి, పోలీసులకు సమాచారం అందించారు. షాపులో రూ. 2.80లక్షలు దొంగిలించినట్టు యజమాని తెలపగా.. సీఐ ఎల్లయ్య, పోలీస్‌ సిబ్బంది షాపును సందర్శించి చోరీపై విచారణ చేపట్టారు. దీంతో చోరీకి ముందు దొంగలు సీసీకెమెరాల కనెక్షన్లు కట్‌ చేసి పక్కా ప్రణాళికతో చోరీ జరిగిందని భావించి క్లూస్‌ టీం షాపులో వేలిముద్రలు సేకరించారు. బాధితుడి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. పెద్దమ్మగుడి వద్ద గుర్తుతెలియని వృద్ధుడి మృతి పాల్వంచరూరల్‌: మండల పరిధిలోని పెద్దమ్మగుడి ప్రాంగణంలో 60 – 70 ఏళ్ల వయస్సు గల గుర్తు తెలియని వృద్ధుడు మృతి చెందాడు. ఈక్రమాన ఆలయ సిబ్బంది మేకల నర్సింహారావు ఆదివారం గమనించి పోలీసులకు సమాచారం ఇవ్వగా వారు ఘటనా స్థలానికి వెళ్లి పరిశీలించగా.. ఆలయం వద్ద భిక్షాటన చేస్తూ ఎండ తీవ్రత(డీహైడ్రేషన్‌)కు గురై లేదా సరైనా ఆహారం అందక అనారోగ్యంతో మృతి చెంది ఉంటాడని అనుమానం వ్యక్తం చేశారు. మృతుడు నీలం రంగు ఫుల్‌ హ్యండ్‌ షర్టు, ఆకుపచ్చ నీలం రంగు లుంగీ ధరించి 5.7 అడుగుల ఎత్తు చామనచాయ రంగు కలిగి ఉన్నాడని, మృతదేహాన్ని పాల్వంచ ఏరియా ఆస్పత్రిలో పోస్టుమార్టం నిర్వహించి మార్చరీలో భద్రపరిచినట్లు తెలిపారు. మృతుడి సమాచారం తెలిసిన వారు 87126 82053,87126 82054 నంబర్లలో సంప్రదించాలని ఎస్‌ఐ సురేశ్‌ తెలిపారు. నవభారత్‌ రిటైర్డ్‌ ఉద్యోగి ఆత్మహత్య ఖమ్మంక్రైం: అనారోగ్య సమస్యలతో బాధపడుతున్న రిటైర్డ్‌ ఉద్యోగి ఉరి వేసుకుని బలవన్మరణానికి పాల్పడ్డాడు. భద్రాద్రి కొత్తగూడెం జిల్లా పాల్వంచకు చెందిన లోలగాని సత్యసాయి(62) నవభారత్‌లో ఉద్యోగం చేసి రిటైర్డ్‌ అయ్యా రు. ఆయనకు బ్రెయిన్‌స్ట్రోక్‌ రావడంతో మానసిక వ్యాధితో బాధపడుతున్నా డు. ఇటీవల ఖమ్మం శ్రీనివాసనగర్‌లోని బంధువుల ఇంటికి సత్యసాయి తన భార్య మణితో కలిసి వచ్చాడు. ఆయన శనివారం రాత్రి మెట్ల పక్కన రెయిలింగ్‌కు ఉరి వేసుకున్నాడు. కాసేపటికి గమనించిన బంధువులు ప్రైవేట్‌ ఆస్పత్రికి తరలించగా అప్పటికే మృతిచెందినట్లు వైద్యులు నిర్ధారించారు. ఘటనపై కుటుంబీకుల ఫిర్యాదుతో ఆదివారం కేసు నమోదు చేసినట్లు ఖమ్మం త్రీటౌన్‌ సీఐ చిట్టిబాబు తెలిపారు.

మంగపేట: ములుగు జిల్లా మంగపేట మండల పరిధిలోని మల్లూరు శ్రీ హేమాచల లక్ష్మీనర్సింహస్వామిని భద్రాద్రి కొత్తగూడెం జిల్లా రెవెన్యూ అధికారి పద్మావతి దంపతులు దర్శించుకుని ప్రత్యేక పూజలు నిర్వహించారు. ఆలయానికి వచ్చిన వారికి దేవాదాయశాఖ అధికారులు మర్యాదపూర్వకంగా స్వాగతం పలికారు. డీఆర్‌ఓ దంపతుల గోత్ర నామాలతో స్వామివారికి ప్రత్యేక అర్చనలు జరిపించారు. స్వామివారి శేష వస్త్రాలను బహూకరించి వేదాశీర్వచనం చేసి స్వామివారి తీర్థ ప్రసాదాలను అందజేశారు. వారి వెంట జీపీఓ రాములు, నర్సయ్య ఉన్నారు.

ఖమ్మంసహకారనగర్‌: ప్రభుత్వ శాఖల్లో వాహనాలు లేని చోట వెంటనే కొనుగోలు చేయడమే కాక ఉద్యోగులు, డ్రైవర్లకు రావాల్సిన పీఆర్‌సీ, డీఏ బకాయిలు తక్షణమే విడుదల చేయాలని తెలంగాణ ప్రభుత్వ డ్రైవర్లసంఘం నాయకులు డిమాండ్‌ చేశారు. ఖమ్మంలోని సంఘం కార్యాలయంలో ఆదివారం జరిగిన ఉమ్మడి జిల్లా స్థాయి సమావేశంలో జిల్లా అధ్యక్షుడు కె.వెంకటేశ్వర్లు మాట్లాడుతూ.డ్రైవర్ల సమస్యలు, బకాయిల విషయమై ఇప్పటికే టీజీ జేఏసీ ద్వారా ప్రభుత్వం దృష్టికి తీసుకువెళ్లామని తెలిపారు. తొలు త ఇటీవల మృతి చెందిన డ్రైవర్లకు నివాళులర్పించారు. హౌస్‌ బిల్డింగ్‌ సొసైటీ చైర్మన్‌ ఎం.డీ.సలీంతో పాటు కె.కోటేశ్వరరావు, బి.రామారావు, ఎస్‌.వీ.ప్రసాద్‌, గంగన్న, నర్సింహారావు, శ్రీనివాసరావు, ఆది నారాయణ, కె.రాఘవులు, నాగరాజు పాల్గొన్నారు.

చర్ల: ఆహ్లాదం, ఆనందం కోసం సరదాగా సాగిన ఓ విహారయాత్ర ప్రమాదవశాత్తు జరిగిన ఓ సంఘటన చివరకు విషాదంతో ముగిసింది. ఛత్తీస్‌గఢ్‌ రాష్ట్రంలోని బీజాపూర్‌ జిల్లాలో గల నంబి జలపాతం సందర్శనకు వెళ్లిన వారిలో ఓ ఇంటర్‌ విద్యార్థి జలపాతంలో మునిగి ఆదివారం మృతి చెందాడు. వివరాలిలా.. మండల కేంద్రంలోని పాతచర్లకు చెందిన మోర్ల వెంకన్న కుటుంబంతో పాటు మరో మూడు కుటుంబాల వారు ఆదివారం ఉదయం బీజాపూర్‌ జిల్లా ఊసూరు పోలీస్‌ స్టేషన్‌ పరిధిలోని నంబి సమీపాన ఉన్న జలపాతం సందర్శనకు వెళ్లారు. అక్కడ జలపాతం పైకి ఎక్కి కిందకు దిగుతున్న క్రమాన మోర్ల వెంకన్న కుమారుడు గిరీష్‌ (18) కాలు జారి జలపాతంలో పడి మునిగిపోయి మృతి చెందాడు. ఈ విషయాన్ని స్థానికులు ఊసూరు పోలీసులకు సమాచారం అందించగా.. వారు మృతదేహాన్ని వెలికితీసి పంచనామా కోసం ఊసూరు వైద్యశాలకు తరలించారు. కాగా, మృతుడు గిరీష్‌ చర్ల ప్రభుత్వ జూనియర్‌ కళాశాలలో ఇంటర్‌ చదువుతున్నాడు. కుటుంబానికి ఆసరాగా నిలుస్తాడని ఆశపడిన ఆ తల్లిదండ్రులు జలపాతం తమ కొడుకును బలి తీసుకుందని బోరున విలపించిన తీరు అందరినీ కలిచివేసింది. నంబి జలపాతంలో మునిగి చర్ల విద్యార్థి మృతి

కొత్తగూడెంఅర్బన్‌: ఎల్‌నినో ప్రభావాన్ని ఎదుర్కొనేందుకు రాష్ట్ర ప్రభుత్వం అన్ని రకాల చర్యలూ చేపడుతోందని రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డి అన్నారు. ఆదివారం విద్యానగర్‌లోని తన క్యాంపు కార్యాలయంలో జరిగిన సమావేశంలో మాట్లాడారు. ప్రతిపక్షాలు చేసే అసత్యప్రచారం నమ్మవద్దని సూచించారు. కొందరు ప్రజలను అయోమయానికి గురి చేయడానికి ప్రయత్నాలు చేస్తారని ఆరోపించారు. ఎస్‌ఐఆర్‌ ప్రక్రియతో ఓట్లన్నీ గల్లంతవుతున్నాయని, అందుకు కారణమైన సీఈసీ జ్ఞానేశ్వర్‌ను తొలగించాలని దేశవ్యాప్తంగా నిరసనలు జరుగుతున్నాయని అన్నారు. ఈ క్రమంలో వచ్చే నెలలో జరిగే చలో ఢిల్లీ కార్యక్రమాన్ని విజయవంతం చేయాలని కోరారు. ఎమ్మెల్సీ ఎన్నికల్లో కాంగ్రెస్‌ అభ్యర్థులకు మొదటి ప్రాధాన్యత ఓటు వేసి గెలిపించాలని కోరారు. ప్రభుత్వం ప్రజల సంక్షేమమే ధ్యేయంగా పని చేస్తోందని, ప్రభుత్వ పథకాలను స్థానిక ప్రజాప్రతినిధులు విస్తృతంగా ప్రజల్లో తీసుకెళ్లి అవగాహన కల్పించాలన్నారు. ఎస్‌ఐర్‌ వల్ల జరిగే నష్టాలను కూడా ప్రజలకు వివరించాలన్నారు. క్యాంపు కార్యాలయంలో ఏర్పాటు చేసి ఎమ్మెల్సీ ఓటు నమోదు కార్యక్రమాన్ని విద్యావంతులందరూ సద్వినియోగం చేసుకోవాలని సూచించారు. ఈ కార్యక్రమంలో ఇల్లెందు, భద్రాచలం, అశ్వారావుపేట, పినపాక ఎమ్మెల్యేలు, కోరం కనకయ్య, తెల్లం వెంకట్రావు, జారె ఆదినారాయణ, పాయం వెంకటేశ్వర్లు, డీసీసీ అధ్యక్షుడు తోట దేవీప్రసన్న, కాంగ్రెస్‌ నాయకులు ఆళ్ల మురళి, శ్రీనివాసరెడ్డి, కార్పొరేటర్లు పాల్గొన్నారు.

ఖమ్మంగాంధీచౌక్‌: తెలంగాణ సాహితి ఆధ్వర్యాన శని, ఆదివారాల్లో నాగార్జునసాగర్‌ బుద్ధవనంలో నిర్వహించిన యూత్‌ లిటరరీ ఫెస్ట్‌లో ఉమ్మడి ఖమ్మం జిల్లాకు చెందిన పలువురు ప్రతిభ కనబరిచారు. కథాచర్చలో ఆనం ఆశ్రితారెడ్డి, పెద్దపల్లి తేజస్వి, నాల్లా భానుచందర్‌ పాల్గొనగా, కవిత్వ చర్చ, గానంలో సాధన తేరాల, హిమాంశుక(ఇల్లెందు), సాయి కుమారి, రాజ్యలక్ష్మి, దుర్గాచారి(భద్రాచలం) పాల్గొని ప్రతిభ చాటారు. వీరికి తెలంగాణ సాహితి జిల్లా కన్వీనర్‌ కటుకోఝ్వల రమేష్‌ సమన్వయకర్తగా వ్యవహరించారు. నేటి నుంచి విపత్తు నిర్వహణపై శిక్షణజిల్లా నుంచి ఎనిమిది మంది అధికారుల ఎంపిక భద్రాచలంఅర్బన్‌: తుపానుల సమయంలో తీసుకోవాల్సిన ముందస్తు జాగ్రత్తలు, విపత్తుల ప్రభావాన్ని తగ్గించే చర్యలపై సోమవారం నుంచి మూడు రోజులపాటు శిక్షణ నిర్వహించనున్నారు. విజయవాడలోని జాతీ య విపత్తు నిర్వహణ సంస్థ (ఎన్‌ఐడీఎం) దక్షిణ ప్రాంత క్యాంపస్‌లో జరిగే శిక్షణకు జిల్లా నుంచి ఎనిమిది మంది అధికారులను ఎంపిక చేశారు. శిక్షణ ఎంపికై నవారిలో జిల్లా పరిషత్‌ సీఈఓ బి.నాగలక్ష్మి, ఇల్లెందు అగ్నిమాపక అధికారి ఎం.నవీన్‌, నీటిపారుదల శాఖ ఎస్‌ఈ కె.మహేశ్వరరావు, జిల్లా మత్స్యశాఖ అధికారి శివప్రసాద్‌, వ్యవసాయశాఖ సాంకేతిక అధికారి కె.విజయభాస్కర్‌రెడ్డి, మణుగూరు మున్సిపల్‌ కమిషనర్‌ టి.ప్రసాదరావు, బూర్గంపాడు ఎంపీఓ బి.రామకృష్ణ, భద్రాచలం గ్రామపంచాయతీ అధికారి సీహెచ్‌.శ్రీనివాస్‌ ఉన్నారు. గ్యాస్‌ గోదాం మేనేజర్‌ ఆత్మహత్య కేసులో కీలక మలుపు పోలీసుల అదుపులో ఆరుగురు నిందితులు? భద్రాచలంఅర్బన్‌: పాల్వంచ గ్యాస్‌ గోదాం మేనేజర్‌ అనంతుల లకీ్‌ష్మ్‌నారాయణ ఆత్మహత్య కేసులో ఆరుగురు నిందితులను పోలీసులు అదుపులోకి తీసుకున్నట్లు సమాచారం. ఈ కేసులో నిందితులుగా ఉన్న ఓ మహిళతో పాటు ఇద్దరు జర్నలిస్టులను ఉమ్మడి కరీంనగర్‌ జిల్లాలో, మరో ముగ్గురు జర్నలిస్టులను తమిళనాడు రాష్ట్రంలో అదుపులోకి తీసుకున్నట్లు తెలిసింది. ఘటన జరిగిన వారం రోజుల తర్వాత నిందితుల ఆచూకీ గుర్తించి అదుపులోకి తీసుకున్నట్లు సమాచారం. అయితే ఈ విషయమై పోలీసుల నుంచి అధికారిక ప్రకటన వెలువడాల్సి ఉంది. పంచాయతీ కార్యదర్శిని బెదిరించిన విలేకరిపై కేసు భద్రాచలంఅర్బన్‌: డబ్బుల కోసం పంచాయతీ కార్యదర్శిని బెదిరించిన ఆరోపణలపై వై–7 న్యూస్‌ ఛానల్‌ విలేకరి తమ్మళ్ల రాజేష్‌పై పోలీసులు ఆదివారం కేసు నమోదు చేశారు. బాధితుడి ఫిర్యాదు ప్రకారం.. భద్రాచలం గ్రామపంచాయతీలో గ్రేడ్‌–1 కార్యదర్శిగా పని చేస్తున్న శ్రీనివాసరావును పట్టణంలో జరుగుతున్న అక్రమ నిర్మాణాల నుంచి డబ్బులు వసూలు చేసి ఇవ్వాలని రాజేష్‌ డిమాండ్‌ చేశా రు. ఇందుకు శ్రీనివాసరావు నిరాకరించడంతో ఆయనను కించపరిచేలా వార్తలు రాయడంతో పాటు ఫోన్‌లోదూషించి, బెదిరింపులకు పాల్ప డినట్లు ఆరోపించారు. డబ్బులు ఇవ్వకుంటే మరిన్ని వార్తలు ప్రచారం చేస్తానని బెదిరించినట్లు ఫిర్యాదులో పేర్కొనగా.. రాజేష్‌పై ఎస్‌ఐ సతీష్‌ కేసు నమోదు చేసి దర్యాప్తు చేపట్టారు. ట్రాక్టర్‌ను ఢీకొన్న బైక్‌.. యువకుడు మృతి దమ్మపేట: ఆగి ఉన్న ట్రాక్టర్‌ను వెనుక నుంచి బైక్‌తో ఢీకొట్టిన ఘటనలో ఓ యువకుడు అక్కడికక్కడే మృతి చెందిన ఘటన మండల పరిధి లోని ముష్టిబండ గ్రామంలో ఆదివారం రాత్రి జరిగింది. స్థానికుల కథనం ప్రకారం... ఏపీలోని ఏలూరు జిల్లా చింతలపూడికి చెందిన ముళ్లగిరి సుధీర్‌(18) మండలంలోని వడ్లగూడెం గ్రామానికి చెందిన తన సమీప బంధువు సుందరంతో కలిసి బైక్‌పై అదే గ్రామం నుంచి దమ్మపేట వైపు వస్తున్నాడు. ఈ క్రమంలో ముష్టిబండలో ఆగి ఉన్న ట్రాక్టర్‌ను వెనుక నుంచి ఢీకొట్టాడు. ఈ ప్రమాదంలో సుధీర్‌ తలకు తీవ్ర గాయాలై అక్కడికక్కడే మృతి చెందాడు. సుందరం గాయపడగా చికిత్స నిమిత్తం దమ్మపేట ప్రభుత్వాస్పత్రికి తరలించారు. పురుగుల మందు తాగిన వ్యక్తి.. పెనుబల్లి: అనారోగ్య సమస్యలతో బాధపడుతున్న మండలంలోని భవన్నపాలెం గ్రామానికి చెందిన పాశ్యం వెంకటేశ్వరావు(63) ఆత్మహత్య చేసుకున్నాడు. ఈమేరకు శనివారం అర్ధరాత్రి ఆయన పురుగుల మందు తాగి బలవన్మరణానికి పాల్పడ్డాడు. ఘటనపై ఆయన కుటుంబీకులు ఫిర్యాదుతో ఆదివారం కేసు నమోదు చేసినట్లు వీఎం.బంజర్‌ ఎస్‌ఐ షాకీర్‌ తెలిపారు.

● నిధుల్లేక అర్ధంతరంగా నిలిచిపోయిన పనులు ● ఏళ్లు గడుస్తున్నా నిర్మాణం పూర్తికాని భవనం పాల్వంచరూరల్‌: కిన్నెరసానిలో ఫుడ్‌కోర్టు పనులు అసంపూర్తిగా నిలిచిపోయాయి. ఏళ్లు గడుస్తున్నా పూర్తి కావడంలేదు. డ్యామ్‌ పక్కనే గతంలో టూరిజం శాఖ ఆధ్వర్యంలో వెదురు కర్రలతో ఆకర్షణీయంగా నిర్మించారు. పర్యాటకులకు ఇబ్బంది లేకుండా ఉపయోగపడేది. బాగానే ఉన్న ఫుడ్‌కోర్టును అధికారులు పదేళ్ల క్రితం కూల్చివేశారు. ఆ స్థానంలో రెండు అంతస్తుల పక్కా భవన నిర్మాణం చేపట్టారు. పర్యాటకులకు అల్పాహారం, భోజనాలు, టీ బిస్కెట్‌ వంటివి అందుబాటులో ఉంచుతామని పేర్కొన్నారు. నిధులు సరిపోవడం లేదంటూ పనులను మధ్యలోనే నిలిపివేశారు. దీంతో ప్రస్తుతం కిన్నెరసానిలో పర్యాటకులకు తినుబండారాలు దొరకడం లేదు. 11 ఏళ్ల క్రితం రూ.10.77 కోట్లు మంజూరు కిన్నెరసానిలో పర్యాటక అభివృద్ధి కోసం కేంద్ర ప్రభుత్వం నీతి ఆయోగ్‌ ద్వారా రూ.3.24 కోట్లు, ఎకో టూరిజం కోసం రాష్ట్ర ప్రభుత్వం రూ.7.53 కోట్లు 2015లో మంజూరు చేసింది. ఈ నిధులతో కిన్నెరసాని ఫుడ్‌కోర్టుతోపాటు 9 కాటేజీలు, అద్దాలమేడ, కొత్తగూడెం క్రాస్‌రోడ్డులో హరిత హోటల్‌ నిర్మాణం చేయాల్సి ఉంది. అధికారులు నిధులన్నీ కాటేజీలు, అద్దాలమేడ, హరిత హోటల్‌ నిర్మాణానికి వినియోగించారు. ఆ తర్వాత నిధులు సరిపోవడంలేదని ఫుడ్‌కోర్టు పనులు నిలిపివేశారు. మరో రూ.5 కోట్లు మంజూరు చేస్తే తప్ప పూర్తికాని పరిస్థితి నెలకొంది. నిధులు సరిపోని కారణంగా కిన్నెరసానిలో ఫుడ్‌ కోర్టు పనులు నిలిచిపోయాయి. మరో రూ. 5 కోట్లు అవసరమవుతాయని ప్రభుత్వానికి ప్రతిపాదనలు పంపించాం. నిధులు రాగానే పనులు పూర్తి చేస్తాం. –రవీందర్‌, టూరిజం డీఈ

చుంచుపల్లి: తెలంగాణ రాష్ట్ర రోడ్డు రవాణా సంస్థ (టీజీఎస్‌ఆర్టీసీ)లో దాదాపు పదేళ్ల తర్వాత గుర్తింపు సంఘం ఎన్నికలు నిర్వహించారు. గెలిచిన యూని యన్లు ఏళ్ల తరబడి పెండింగ్‌లో ఉన్న సమస్యలను పరిష్కరిస్తాయని కార్మికులు ఆశ పెట్టుకున్నారు. ఇటీవల జరిగిన ఎన్నికల్లో ఖమ్మం రీజియన్‌ పరిధి లోని ఆరు డిపోల్లో ఎస్‌డబ్ల్యూఎఫ్‌ నేతృత్వంలోని ఐక్య కూటమి, ఒక డిపోలో జేఏసీ కూట మి గెలిచిన విషయం తెలిసిందే. ఇక సమస్యల పరిష్కారంపై దృష్టి పెట్టాల్సిన అవసరం ఉంది. పదేళ్ల విరామానికి తెర 2016లో చివరిసారిగా గుర్తింపు సంఘం ఎన్నికలు నిర్వహించారు. అప్పట్లో తెలంగాణ మజ్దూర్‌ యూ నియన్‌ విజయం సాధించింది. అనంతరం యూని యన్ల పదవీకాలాన్ని కొంతకాలం పొడిగించారు. 2019లో ఆర్టీసీలో 55 రోజులపాటు సుదీర్ఘ సమ్మె జరిగింది. ఆ సమయంలో 33 మంది కార్మికులు మృతి చెందడం తీవ్ర విషాదాన్ని మిగిల్చింది. అనంతరం అప్పటి ప్రభుత్వం యూనియన్లను పక్కన బెట్టింది. సమస్యల పరిష్కారానికి డిపోకు ఇద్దరు చొప్పున ఎంపిక చేసిన వెల్ఫేర్‌ కమిటీలను ఏర్పాటు చేసింది. అయితే సమస్యలు ఆశించిన స్థాయిలో పరిష్కారం కాలేదు. దీంతో గుర్తింపు సంఘం ఎన్నికలు నిర్వహించాలని కార్మికులు డిమాండ్‌ చేయగా, ఇటీవల ఎన్నికలు నిర్వహించారు. కార్మికుల సంఖ్య తగ్గి.. పనిభారం పెరిగి.. కొన్నేళ్లుగా ఆర్టీసీలో కార్మికుల సంఖ్య తగ్గడంతో పాటు పనిభారం పెరుగుతోంది. ఉద్యోగ విరమణ పొందినవారి స్థానాల్లో నియామకాలు చేపట్టడంలేదు. ఖమ్మం రీజీయన్‌లో ప్రస్తుతం 1,884 మంది కార్మికులు పనిచేస్తున్నారు. ఎక్స్‌ప్రెస్‌ సర్వీసుల్లో రోజువారీ కిలోమీటర్ల లక్ష్యాన్ని 480 నుంచి 550కు, ఆర్డినరీ సర్వీసుల్లో 360 నుంచి 450కు పెంచినట్లు కార్మికులు పేర్కొంటున్నారు. దీనివల్ల డ్రైవర్లు, కండక్టర్లు తీవ్ర ఒత్తిడికి గురవుతున్నారని ఆవేదన వ్యక్తం చేస్తున్నారు. మహాలక్ష్మి పథకం అమలుతో బస్సుల్లో మహిళా ప్రయాణికుల రద్దీ పెరిగినా సిబ్బంది, సౌకర్యాలు పెంచడంలేదు. బస్సుల్లో సామర్థ్యానికి మించి ప్రయాణికులు ఎక్కడం డ్రైవర్లు, కండక్టర్లకు ఇబ్బందులు తప్పంలేదు. గ్యారేజీల్లో అవసరమైన పనిముట్లు లేవని, మెకానిక్‌లు సైతం సమస్యలు ఎదుర్కొంటున్నారని పేర్కొంటున్నారు. గుర్తింపు కార్మిక సంఘంలో గెలిచిన యూనియన్లు సమస్యలను ఆర్టీసీ అధికారులు, ప్రభుత్వం దృష్టికి తీసుకెళ్లి పరిష్కరించాల్సిన బాధ్యత ఎంతైనా ఉంది. ప్రధాన సమస్యలివే.. ● విధుల కేటాయింపు, కిలోమీటర్ల లక్ష్యాలు, కేఎంపీఎల్‌ నిబంధనలు, సెలవులు, పనిభారం ● కార్మికులపై అధికారుల అసహనం, వేధింపులు, వేతన సవరణ ● ప్రభుత్వంలో ఆర్టీసీ విలీనం, ఉద్యోగ భద్రత, ఇతర పెండింగ్‌ సమస్యల పరిష్కారం ● డిపో స్థాయిలో పరిష్కారం కాని సమస్యలను ఉన్నతాధికారుల దృష్టికి తీసుకెళ్లడం. పదేళ్ల నుంచి ఎన్నికలు లేకపోవడంతో సమస్యలను అధికారుల దృష్టికి తీసుకెళ్లే వేదిక లేకుండాపోయింది. ఇప్పుడా సమస్య లేదు. గెలిచినసంఘాలు సమస్యల పరిష్కారంపై దృష్టి పెడతాయి. ఆర్టీసీని ప్రభుత్వంలో విలీనం చేయాలన్న డిమాండ్‌తోపాటు కార్మికులకు ఇచ్చిన హామీల అమలుపైనా పోరాడతాం. –ఇసనపల్లి సామ్యూల్‌, ఎస్‌డబ్ల్యూఎఫ్‌ కొత్తగూడెం డిపో సెక్రటరీ

జూలూరుపాడు: మండలంలోని సురారం గ్రామానికి చెందిన రైతులు కొర్రా రమేష్‌, కొర్రా కీర్యా అన్నదమ్ములకు చెందిన 12 ఎకరాల చెరుకు తోట దగ్ధమైంది. బాధిత రైతుల కథనం ప్రకారం.. సురారంకు చెందిన రమేష్‌, కీర్యాలు గత 10 నెలల క్రితం 12 ఎకరాల్లో చెరుకు తోట సాగు చేశారు. మరో 20రోజుల్లో పంట చేతికొస్తుందనగా.. చెరుకు తోటకు నిప్పంటుకుని కాలిబూడిదైందని రైతులు వాపోయారు. పక్క పొలానికి చెందిన ఓ రైతు చెరుకు చేనులో మంటలు వస్తున్నాయని రమేష్‌, కీర్యాలకు కబురు చేయడంతో ఆ ఇద్దరు హుటాహుటిన పంట పొలానికి వెళ్లేసరికి కళ్లముందే కాలిపోతుండడంతో వెంటనే స్థానిక పోలీసులకు సమాచారం ఇవ్వగా వారు ఫైర్‌ ఇంజన్‌కు తెలియజేశారు. దీంతో ఫైర్‌ సిబ్బంది అక్కడకు చేరుకునే లోపే చెరుకు పంట అగ్నికి ఆహుతైంది.ఆతర్వాత మంటలను ఆర్పివేయగా అప్పటికే జరగాల్సిన నష్టం జరిగిపోయింది. ఎకరానికి రూ.50వేల చొప్పున పెట్టుబడి.. చెరుకు సాగు కోసం ఎకరానికి రూ.50వేలు చొప్పు న సుమారు రూ.7 లక్షలు పెట్టుబడి పెట్టామని, పొలంలోని వాటర్‌ పైపులు, విద్యుత్‌ వైర్లతో సహా కాలిపోయినట్లు బాధిత రైతులు తెలిపారు. ఎకరానికి రూ.లక్ష చొప్పున 12 ఎకరాలకు రూ.12 లక్షల ఆదాయం కోల్పోయామని, ప్రభుత్వం నష్టపరిహారం అందించి ఆదుకోవాలని విజ్ఞప్తి చేశారు. ఈక్రమాన చెరుకు పంటకు ప్రమాదవశాత్తు మంటలు అంటుకున్నాయా? లేదా ఎవరైనా నిప్పు అంటించారా? అనేకోణంలో అనుమానం వ్యక్తం చేస్తూ.. బాధిత రైతులు స్థానిక పోలీస్‌స్టేషన్‌లో ఫిర్యాదు చేసినట్లు తెలిపారు. రూ.12 లక్షల నష్టం.. ప్రభుత్వం ఆదుకోవాలని విజ్ఞప్తి

కిన్నెరసానిలో నిర్మించిన అద్దాలమేడ అలంకారప్రాయంగా మారింది. ఎకో టూరిజం అభివృద్ధిలో భాగంగా 2015లో కేంద్ర ప్రభుత్వం రూ.3.34 కోట్లు, రాష్ట్ర ప్రభుత్వం రూ.7.53 కోట్లు మంజూరు చేశాయి. వీటితో కాటేజీలు, హరిత హోటల్‌, అద్దాలమేడ నిర్మించారు. నిర్మాణం పూర్తయినా అద్దాలమేడను వినియోగంలోకి తేవడంలేదు. అద్దాల మేడ, కాటేజీల నిర్వహణ కాంట్రాక్ట్‌ పద్ధతిలో ప్రైవేటు వ్యక్తులకు అప్పగించేందుకు అటవీశాఖ టెండర్లు పిలిచింది. ఎవరూ ముందుకు రాకపోవడంతో వాటిని ప్రారంభించడంలో జాప్యం జరుగుతోంది. అద్దాలమేడ వైపు వెళ్లే మార్గంలో గేటు ఏర్పాటుచేసి పర్యాటకులు వెళ్లకుండా మూసివేశారు. ఉన్నతాధికారులు స్పందించి అద్దాలమేడను వీక్షించేలా చర్యలు చేపట్టాలని పర్యాటకులు కోరుతున్నారు.

చంటి పిల్లలకు తల్లిపాలు ఇచ్చేందుకు అశ్వారావుపేట ఆర్టీసీ బస్టాండ్‌లో కొంతకాలం క్రితం వాసవి క్లబ్‌ ద్వారా ఓ దాత అమ్మకు గౌరవం పేరుతో ప్రత్యేక గదిని ఏర్పాటు చేశారు. అది కొంతకాలం తల్లులకు ఉపయోగకరంగా మారగా.. కొద్ది రోజుల క్రితం ఈ గదికి సంబంధించిన అద్దాలు ధ్వంసమయ్యాయి. దీంతో తల్లులు తమ పిల్లలకు పాలిచ్చేందుకు ఇబ్బందులు పడుతుండడంతో అమ్మకు గౌరవం ఇదేనా..? అంటూ ప్రయణికులు మండిపడు తున్నారు. ఇకనైనా ఆర్టీసీ డిపో అధికారులు స్పందించి తగిన చర్యలు తీసుకోవాలని స్థానికులు కోరుతున్నారు. – అశ్వారావుపేటరూరల్‌

అశ్వాపురం: మండల పరిధిలోని జగ్గారం గ్రామంలో అక్రమంగా నిల్వ ఉంచిన బొగ్గును మణుగూరు ఏరియా సింగరేణి సెక్యూరిటీ అధికారులు ఆదివారం స్వాధీనం చేసుకున్నారు. జగ్గారంలో బొగ్గు నిల్వ ఉంచారనే సమాచారంతో సింగరేణి సెక్యూరిటీ ఆఫీసర్‌ శ్రీనివాస్‌ స్పెషల్‌ టీంతో జగ్గారం గ్రామ పరిధిలోని ఊకెవారిగూడెంలో తనిఖీలు నిర్వహించి రెండు స్థావరాల్లో సుమారు 60 టన్నుల బొగ్గు ఉన్నట్లు గుర్తించారు. బొగ్గు ఉన్న స్థావరాల సమీపంలో ఇటుక బట్టీలు ఉండడంతో దానిలో వాడేందుకు నిల్వ ఉంచినట్టు అధికారులు భావిస్తున్నారు. తొలుత ఈ నిల్వ విషయాన్ని సింగరేణి సెక్యూరిటీ అధికారులు భారజల కర్మాగారం అసిస్టెంట్‌ సెక్యూరిటీ ఆఫీసర్‌ ప్రవీణ్‌కు సమాచారం ఇవ్వగా ఆయన భారజల కర్మాగారం డీజీఎం రఫీక్‌, ఐఆర్‌ఓ కృష్ణకాంత్‌, డీఆర్‌సీసీ ఏజీఎంకు తెలియజేశారు. ఈక్రమాన మణుగూరు డీఆర్‌సీసీ నుంచి భారజల కర్మాగారానికి రోప్‌వే ద్వారా బకెట్లలో సరఫరా అవుతున్న బొగ్గును చోరీ చేసి అక్రమంగా నిల్వ ఉంచినట్లు అధికారులు భావిస్తున్నారు. బొగ్గు అక్రమ రవాణాపై అధికారులు దృష్టి సారించాల్సి ఉంది.

ఖమ్మం స్పోర్ట్స్‌: జిల్లా జూనియర్‌ కళాశాలల క్రీడల సంఘం ఆధ్వర్యాన ఉమ్మడి జిల్లా స్థాయి అండర్‌–19 బాలబాలికల క్రికెట్‌ జట్లను ఎంపిక చేశారు. ఖమ్మం సర్దార్‌ పటేల్‌ స్టేడియంలో ఆదివారం జరిగిన ఎంపిక పోటీలకు 120 మంది క్రికెటర్లు హాజరయ్యారు. పీడీలు విజయ్‌కుమార్‌, శ్రీను ఆధ్వర్యాన పోటీలు నిర్వహించి, ప్రతిభ కనబర్చిన వారిని ఎంపిక చేయగా జట్ల వివరాలను క్రీడల సంఘం కార్యదర్శి ఎం.డీ.మూసీకలీం ప్రకటించారు. బాలుర జట్టుకు డి.ఉన్నత్‌, ఎస్‌.పూర్ణ అజయ్‌, తోలేశ్వర్‌నాథ్‌, కె.కేశవ్‌ వికాస్‌, బి.సందీప్‌, ఏ.దేవానాయక్‌, బి.నందరాజ్‌ నాయక్‌, జె.వరుణ్‌, ఎం.ఏ.రెహమాన్‌, వి.దక్షిత్‌రెడ్డి, జె.జులేమాన్‌, ఎస్‌.డీ.ఆఫ్రిద్‌, పి.పూజిత్‌కుమార్‌, ఎం.డీ.అమాన్‌ జైద్‌, బి.సృజన్‌, ఈ.ఉదయ్‌కళ్యాణ్‌, బి.చరణ్‌ సాయి, బి.సాయిరాం, ఎం.రాహుల్‌ ఎంపికయ్యారని తెలిపారు. అలాగే, బాలికల జట్టుకు బి.యమున, పి.యశస్విని, కె.మనస్విని, ఎన్‌.చిట్టి భవాని, టి.గ్రీష్మ, కె.గౌరీఅంజలి, మేఘన, ఎస్‌.కే.తాజ్‌ఆఫ్సా, డి.సాయికీర్తన, ఏ.లలిత బెస్లీ, బి.స్పందన, ఎం.కావేరి, వై.ఉషశ్రీ, పి.నవ్య, కె.ధోనిశ్రీ, డి.ఆరాధ్యి ఎంపికయ్యారు.

పాల్వంచరూరల్‌: పెద్దమ్మతల్లి అమ్మవారికి అర్చకులు విశేష పూజలు నిర్వహించారు. మండలంలోని శ్రీకనకదుర్గ (పెద్దమ్మతల్లి) ఆలయానికి ఆదివారం భక్తులకు అధిక సంఖ్యలో తరలివచ్చారు. దీంతో ఆలయ ప్రాంగణం కిటకిటలాడింది. భక్తులు క్యూలైన్‌ ద్వారా అమ్మవారిని దర్శించుకున్నారు. అన్నప్రాసనలు, ఒడిబియ్యం, పసుపు కుంకుమలు, చీరలు సమర్పించి మొక్కులు చెల్లించుకున్నారు. ఈఓ విజయ్‌కుమార్‌, వేదపండితుడు పద్మనాభశర్మ, అర్చకుడు రవికుమార్‌శర్మ పాల్గొన్నారు. నేడు చండీహోమం పూజలు పౌర్ణమిని పురస్కరించుకుని సోమవారం ఆలయంలో చండీహోమ పూజలు నిర్వహించనున్నట్లు ఈఓ విజయ్‌కుమార్‌ తెలిపారు. హోమపూజలో పాల్గొనే భక్తులు రూ.2516 చెల్లించి గోత్ర నామాలను నమోదు చేసుకోవాలని కోరారు. నేటి నుంచి విజిలెన్స్‌ వారోత్సవాలురుద్రంపూర్‌: ఈ నెల 26వ తేదీ నుంచి నవంబర్‌ 1వ తేదీ వరకు సింగరేణిలో విజిలెన్స్‌ అవగాహన వారోత్సవాలు నిర్వహించనున్నారు. సంస్థవ్యాప్తంగా గనులు, డిపార్ట్‌మెంట్లలో ఉద్యోగులకు అవగాహన, చైతన్యవంతం చేసే కార్యక్రమాలు చేపట్టనున్నారు. కేంద్ర తొలి హోంశాఖ మంత్రి సర్దార్‌ వల్లభబాయ్‌ పటేల్‌ జయంతి సందర్భంగా వారోత్సవాలు నిర్వహిస్తున్నట్లు యాజమాన్యం తెలిపింది. రాష్ట్ర ఫుట్‌బాల్‌ పోటీల పరిశీలకుడిగా ప్రేమ్‌కుమార్‌రుద్రంపూర్‌: రాష్ట్ర ఫుట్‌బాల్‌ పోటీల పరిశీలకుడిగా జిల్లాకు చెందిన బట్టు ప్రేమ్‌కుమార్‌ నియమితులయ్యాడు. ఈ మేరకు డైరెక్టర్‌ ఆఫ్‌ స్కూల్‌ ఎడ్యుకేషన్‌ పాఠశాల క్రీడా కార్యదర్శి ఉషారాణి ఉత్తర్వులు జారీ చేశారు. రాష్ట్రస్థాయి అండర్‌–14 బాలుర ఫుట్‌బాల్‌ పోటీలు ఈ నెల 29 నుంచి 31 వరకు మేడ్చల్‌ జిల్లాలో నిర్వహించనున్నారు. మూడు రోజులపాటు జరిగే పోటీలకు పెనగడప జిల్లా పరిషత్‌ ఉన్నత పాఠశాల వ్యాయామ ఉపాధ్యాయడు, జాతీయ ఫుట్‌బాల్‌ క్రీడాకారుడు ప్రేమ్‌కుమార్‌ను పరిశీలకుడిగా నియమించారు. ఆయన నియామకం వరుసగా ఇది మూడోసారి కాగా, డీఈఓ శంభూప్రసాద్‌, జిల్లా పాఠశాలల క్రీడాకార్యదర్శి భావ్‌సింగ్‌, డీవైఎస్‌ఓ పరంధామరెడ్డి తదితరులు అభినందించారు. పర్యాటక బోట్లకు తాత్కాలిక బ్రేక్‌భద్రాచలంటౌన్‌: తుపాన్‌ హెచ్చరికల నేపథ్యంలో గోదావరిలో నీటిమట్టం పెరిగే అవకాశం ఉండటంతో వీఆర్‌ పురం(ఏపీ) మండలం పోచవరం ఫెర్రీ పాయింట్‌ వద్ద పర్యాటక బోట్ల రాకపోకలను ఈ నెల 26 నుంచి తదుపరి ఆదేశాలు వచ్చే వరకు తాత్కాలికంగా నిలిపివేస్తున్నట్లు చింతూరు సబ్‌ కలెక్టర్‌ చిట్టిపులి నరేంద్ర పడాల్‌ ఆదివారం ఒక ప్రకటనలో తెలిపారు. పర్యాటకుల భద్రత దృష్ట్యా ఈ నిర్ణయం తీసుకున్నట్లు పేర్కొన్నారు. కిన్నెరసానిలో సందర్శకుల కోలాహలం పాల్వంచరూరల్‌: మండల పరిధిలో పర్యాటక ప్రాంతమైన కిన్నెరసానిలో ఆదివారం సందర్శకుల తాకిడి నెలకొంది. జిల్లా నలు మూలల నుంచే కాకుండా పొరుగు జిల్లాల నుంచి కూడా పర్యాటకులు అధిక సంఖ్యలో తరలివచ్చారు. డ్యామ్‌, జలాశయం, డీర్‌పార్కులోని దుప్పులను వీక్షించారు. 420 మంది పర్యాటకులు కిన్నెరసానిలోకి ప్రవేశించగా రూ.24,080, సఫారీ వాహనాల ద్వారా రూ.800 ఆదాయం ఫారెస్ట్‌ వైల్డ్‌లైఫ్‌ శాఖకు లభించింది. బోటు షికారు ద్వారా టూరిజం కార్పొరేషన్‌ సంస్థకు రూ.12,300 ఆదాయం సమకూరిందని నిర్వాహకులు తెలిపారు.

● నేడు గిరిజన సంప్రదాయాలతో వేడుకల నిర్వహణకు ఏర్పాట్లు ● ఆర్టీసీ, ప్రైవేట్‌ బస్సుల్లో భద్రగిరికి భక్తుల తరలింపు భద్రాచలం: అపారమైన భక్తితో శ్రీరాముడికి ఎంగిలి పండ్లను సమర్పించి, స్వామివారి అనుగ్రహాన్ని పొందిన భక్త శబరి స్మృత్యర్థం సోమవారం భద్రాచలంలో శబరి స్మృతి యాత్ర నిర్వహించనున్నారు. గిరిజన సంప్రదాయాలు, ఆచార వ్యవహారాలకు పెద్దపీట వేస్తూ నిర్వహించే వేడుకకు దేవస్థానం అధికారులు విస్తృత ఏర్పాట్లు చేస్తున్నారు. స్వామివారి ఉత్సవమూర్తులతో శోభాయాత్ర, ప్రత్యేక పూజలు, నిత్యకల్యాణోత్సవం నిర్వహించనున్నారు. భద్రాచలం శ్రీ సీతారామ చంద్రస్వామివారి దివ్యక్షేత్రంలో గిరిజన భక్తులకు భాగస్వామ్యం కల్పించాలనే ఉద్దేశంతో 2013లో శబరి యాత్రకు శ్రీకారం చుట్టారు. అప్పటి నుంచి ఏటా అశ్వయుజ మాస పౌర్ణమి సందర్భంగా నిర్వహిస్తున్నారు. బస్సుల ద్వారా గిరిజనుల తరలింపు శబరి స్మృతి యాత్రకు గిరిజన భక్తులను తరలించేందుకు దేవస్థానం ప్రత్యేక ఏర్పాట్లు చేసింది. ఇల్లెందు, అశ్వారావుపేట, జూలూరుపాడు, వాజేడు, కూనవరం మార్గాల్లో ఆర్టీసీ, ప్రైవేట్‌ బస్సుల ద్వారా భక్తులను భద్రాచలం తీసుకురానున్నారు. ఇందుకోసం దేవస్థానం సిబ్బంది ఆదివారం నుంచే ఆయా గ్రామాలకు బస్సులతో తరలివెళ్లారు. యాత్రలో పాల్గొనే గిరిజన భక్తులకు ఉచిత బస, భోజన సదుపాయాలను కల్పించనున్నారు. శాస్త్రోక్తంగా నిత్యకల్యాణోత్సవం దేవస్థానంలో ఆదివారం స్వామివారి నిత్యకల్యాణోత్సవం శాస్త్రోక్తంగా నిర్వహించారు. తెల్లవారుజామున గర్భాలయంలో సుప్రభాత సేవ, సేవాకాలం, ఆరాధన తదితర పూజలు జరిపారు. అనంతరం మిథిలా స్టేడియంలోని శ్రీరామ సేవా మండపంలో ఉత్సవమూర్తులను కొలువుదీర్చి కల్యాణ క్రతువును ప్రారంభించారు. విశ్వక్సేన పూజ, పుణ్యావాచనం నిర్వహించిన అర్చకులు స్వామివారికి కంకణధారణ, యజ్ఞోపవీతధారణ, అమ్మవారికి కంకణధారణ, యోక్త్రధారణ వంటి సంప్రదాయ కార్యక్రమాలను శాస్త్రోక్తంగా పూర్తి చేశారు. దేవస్థానంలో పునరుద్ధరణ పనులు కొనసాగుతున్న నేపథ్యంలో ఈ ఏడాది ఉత్సవ నిర్వహణలో కొన్ని మార్పులు చేపట్టారు. పనుల కారణంగా గిరిప్రదక్షిణ రద్దు చేశారు. దాని స్థానంలో ప్రచార రథంపై స్వామివారి ఉత్సవమూర్తులను కొలువుదీర్చి శోభాయాత్ర నిర్వహించనున్నారు. ప్రత్యేక పూజల అనంతరం మిథిలా స్టేడియంలోని శ్రీరామ సేవా మండపంలో నిత్యకల్యాణోత్సవాన్ని వైభవంగా జరపనున్నారు. ఇదే సమయంలో ఆంధ్రప్రదేశ్‌లోని వరరామచంద్రాపురం సమీపంలో ఉన్న శబరి నది వద్ద దేవస్థానం ఆధ్వర్యంలో ప్రత్యేక అభిషేకం నిర్వహించడంతోపాటు వస్త్రాలు, పండ్లు సమర్పించనున్నారు.భద్రాచలంటౌన్‌: భద్రాచలం శ్రీసీతారామచంద్ర స్వామివారి దేవస్థానంలో జరిగే శాశ్వత నిత్యాన్నదాన కార్యక్రమానికి ఆదివారం ఓ భక్తుడు విరాళం అందజేశాడు. పట్టణంలోని అశోక్‌నగర్‌ కాలనీకి చెందిన పసుపుల రమేష్‌ దంపతులు రూ.లక్ష చెక్కును ఆలయ అధికారులకు అందించారు. ఈ సందర్భంగా దాత కుటుంబ సభ్యులతో కలిసి స్వామివారిని దర్శించుకుని ప్రత్యేక పూజలు నిర్వహించారు. ఆలయ అధికారులు స్వామివారి ప్రసాదంతోపాటు జ్ఞాపికను అందజేశారు. ఆలయ పీఆర్వో సాయిబాబు, వేదపండితులు పాల్గొన్నారు. గోదావరి నదికి హారతిభద్రాచలం వద్ద గోదావరి కరకట్టపై ఆంజనేయస్వామి ఆలయ ప్రాంగణంలో ఆదివారం గోదావరి మాతకు నదీ హారతి నిర్వహించారు. గణపతి పూజ, గోదావరి మాతకు అష్టోత్తర శతనామార్చన జరిపారు. ఈ కార్యక్రమంలో రామవజ్జల రవికుమార్‌, రామాచార్యులు, చంద్రశేఖర్‌ శర్మ, తేజ శర్మ, శివ, తిరుపతిరావు, పీఎస్‌ఎన్‌రెడ్డి తదితరులు పాల్గొన్నారు.

● ఎల్‌నినో నేపథ్యంలో అప్రమత్తంగా ఉండాలి ● దుమ్ముగూడెం ఆనకట్ట వద్ద టీఎంసీ నీటి నిల్వకు చర్యలు ● ఇసుక బస్తాల ఏర్పాటు పనులు వేగవంతం చేయాలి ● రాష్ట్ర వ్యవసాయ శాఖ మంత్రి తుమ్మలసాక్షి ప్రతినిధి, భద్రాద్రి కొత్తగూడెం: ఎల్‌నినో ప్రభావంతో రానున్న కాలంలో ఏర్పడే వాతావరణ పరిస్థితులను దృష్టిలో ఉంచుకుని గోదావరి జలాలను సమర్థవంతంగా వినియోగించుకోవాలని రాష్ట్ర వ్యవసాయ శాఖ మంత్రి తుమ్మల నాగేశ్వరరావు అధికారులను ఆదేశించారు. అశ్వాపురం మండలం అమ్మగారిపల్లి గ్రామ పరిధిలోని దుమ్ముగూడెం ఆనకట్టను ఆదివారం పరిశీలించారు. ఆనకట్టపై ఇసుక బస్తాలతో నీటిని నిల్వ చేసేందుకు చేపడుతున్న పనులను పరిశీలించి, త్వరితగతిన పూర్తి చేయాలని సూచించారు. గోదావరిలో నీటి ఇన్‌ ఫ్లో, అవుట్‌ఫ్లో వివరాలు తెలుసుకున్నారు. అనంతరం అమ్మగారిపల్లి నుంచి దుమ్ముగూడెం వరకు పడవలో ప్రయాణించి ఆనకట్ట పరిస్థితిని క్షేత్రస్థాయిలో పరిశీలించారు. ఈ సందర్భంగా మాట్లాడుతూ దుమ్మగూడెం ఆనకట్ట వద్ద టీఎంసీ నీటి నిల్వకు చర్యలు తీసుకుంటున్నట్లు తెలిపారు. ఎల్‌నినో ప్రభావం నేపథ్యంలో ప్రజలు, రైతులు అప్రమత్తంగా ఉండాలని చెప్పారు. ఈ ఏడాది లోటు వర్షపాతం వల్ల రిజర్వాయర్లలో నీటి నిల్వలు తగ్గి భూగర్భ జలాలపై ఒత్తిడి పెరుగుతోందని పేర్కొన్నారు. అనేక ప్రాంతాల్లో బోర్ల నుంచి నీరు అందక రైతులు ఇబ్బందులు ఎదుర్కొంటున్నారని, రానున్న వేసవిలో తాగునీటి అవసరాలను తీర్చడం ప్రధాన సవాలుగా మారే అవకాశం ఉందని అన్నారు. అందుబాటులో ఉన్న ప్రతీ నీటి బొట్టును జాగ్రత్తగా వినియోగించుకోవాలని ప్రజలకు విజ్ఞప్తి చేశారు. ఆరుతడి పంటలు రైతులు రబీ సాగులో తక్కువ నీటితో పండే కూరగాయలు, చిరుధాన్యాలు, పప్పుధాన్యాలు, ఆరుతడి పంటలకు ప్రాధాన్యత ఇవ్వాలని సూచించారు. భూమిలో ఉన్న తేమ, నీటి లభ్యత ఆధారంగా సాగు ప్రణాళిక రూపొందించుకోవాలని చెప్పారు. రానున్న కాలంలో కరువు పరిస్థితులు ఏర్పడే ప్రాంతాల్లో చేపట్టాల్సిన చర్యలపై అఖిలపక్షంతో చర్చించి, అవసరమైన సహాయ సహకారాల కోసం కేంద్ర ప్రభుత్వాన్ని సంప్రదిస్తామని పేర్కొన్నారు. వేసవిలో వ్యవసాయ పనులు లేని సమయంలో వీబీజీరామ్‌జీ పథకం ద్వారా గ్రామీణ ప్రాంత ప్రజలకు ఉపాధి కల్పించేందుకు ప్రణాళిక రూపొందిస్తున్నామన్నారు. పంట కాలువల మరమ్మతులు, చెక్‌డ్యామ్‌ల నిర్మాణం, చెరువుల్లో పూడికతీత, గ్రామీణ రహదారుల అభివృద్ధి, నీటితొట్ల నిర్మాణం వంటి పనులకు ప్రాధాన్యత ఇస్తామని తెలిపారు. ఈ కార్యక్రమంలో భద్రాచలం సబ్‌ కలెక్టర్‌ మృణాల్‌ శ్రేష్ఠ, ఇరిగేషన్‌ ఎస్‌ఈ మహేశ్వరరావు, అమ్మగారి పల్లి సర్పంచ్‌ కవిత, సంబంధిత శాఖల అధికారులు, ప్రజాప్రతినిధులు తదితరులు పాల్గొన్నారు.

● భద్రగిరిలో నత్తనడకన ప్రసాద్‌ పథకం పనులు ● ఏళ్లుగా సాగుతున్న వసతి భవన నిర్మాణం ● సిద్ధమైన రెస్టారెంట్‌ను దేవస్థానానికి అప్పగించని టూరిజం శాఖ ● మరోవైపు సమీపిస్తున్న గోదావరి పుష్కరాల తరుణంభద్రాచలం: వచ్చే ఏడాది జూన్‌లో గోదావరి పుష్కరాలు నిర్వహించనున్నారు. అంతకుముందు వచ్చే శ్రీరామనవమికి కూడా భక్తులు అధిక సంఖ్యలో తరలిరానున్నారు. వారికి ఎప్పటిలాగే వసతి కష్టాలు తప్పేలా లేవు. భద్రగిరిలో భక్తుల సౌకర్యాల కోసం కేంద్ర ప్రభుత్వం ప్రసాద్‌ పథకం పనులు చేపట్టినా నత్తనడకన సాగుతున్నాయి. పూర్తయిన నిర్మాణాలను దేవస్థానానికి అప్పగించడంలోనూ పర్యాటక శాఖ అధికారులు జాప్యం చేస్తున్నారు. నిర్మాణం పూర్తయినా అప్పగించని రెస్టారెంట్‌ భద్రాచలానికి దసరా, సంక్రాంతి సెలవులతోపాటు ముక్కోటి, శ్రీరామనవమి పర్వదినాల్లో భక్తులు పెద్ద సంఖ్యలో తరలివస్తుంటారు. ఇటీవల దసరా సెలవుల్లోనూ భక్తుల రద్దీ విపరీతంగా కనిపించింది. హోటళ్లు, రెస్టారెంట్లు కిక్కిరిసిపోయాయి. ఇలాంటి పరిస్థితుల్లో బ్రిడ్జి సమీపంలో ప్రసాద్‌ పథకంలో భాగంగా నిర్మించిన టూరిజం రెస్టారెంట్‌ అందుబాటులో ఉంటే భక్తులకు కొంతమేర ఉపశమనం లభించేది. ఆధునిక రెస్టారెంట్లను తలపించేలా విశాలమైన హాళ్లు, లైటింగ్‌, వాహనాల పార్కింగ్‌ సదుపాయాలతో రెండు నెలల క్రితమే నిర్మాణం పూర్తి చేశారు. కానీ ప్రారంభించడంలేదు. టూరిజం శాఖ అధికారులు రెస్టారెంట్‌ను అప్పగిస్తే, రామాలయ అధికారులు టెండర్లు నిర్వహించి ప్రైవేట్‌ వ్యక్తులకు నిర్వహణ బాధ్యతలు అప్పగించాల్సి ఉంటుంది. ఉన్నతాధికారుల నుంచి అనుమతి రాకపోవడంతో అప్పగింతలో జాప్యం జరుగుతోంది. దీనిపై దేవస్థానం అధికారులు టూరిజం ఉన్నతాధికారులకు లేఖ రాసినా స్పందన లేదని తెలుస్తోంది. ఏళ్లుగా సాగుతున్న వసతి భవనం నిర్మాణం మిథిలా స్టేడియం వెనుక భాగంలో సుమారు రెండు ఎకరాల స్థలంలో చేపట్టిన జీ ప్లస్‌ వన్‌ భవన నిర్మాణం ఏళ్లుగా కొనసాగుతోంది. ప్రసాద్‌ పథకంలో భాగంగా ఈ పనులు చేపట్టారు. నిత్యాన్నదానానికి అన్నప్రసాద మండపంతోపాటు భక్తుల కోసం వసతి గదులు నిర్మిస్తున్నారు. తొలుత 2024 జూలై 30 నాటికి పనులు పూర్తి చేయాలని లక్ష్యంగా నిర్దేశించారు. అనంతరం డిసెంబర్‌కు, ఆ తర్వాత 2025 జూన్‌ వరకు గడువు పొడిగించారు. అయినా పనులు పూర్తి కాకపోవడంతో మరోసారి గడువు పెంచాల్సి వచ్చింది. ప్రస్తుతం ఆలయ అభివృద్ధి పనులు జరుగుతున్న నేపథ్యంలో నిత్యాన్నదానం వద్ద భక్తులు ఇబ్బందులు ఎదుర్కొంటున్నారు. జీ ప్లస్‌ వన్‌ భవన నిర్మాణం పూర్తయితే అన్నప్రసాద పంపిణీతోపాటు వసతి సమస్యకూ కొంతమేర పరిష్కారం లభించే అవకాశం ఉంది. రెస్టారెంట్‌ పూర్తిగా సిద్ధమైంది. దేవస్థానానికి అప్పగించేందుకు ఉన్నతాధికారుల నుంచి అనుమతి పత్రాలు అందాల్సి ఉంది. అవి అందగానే దేవస్థానం ఇంజనీరింగ్‌ శాఖకు అప్పగిస్తాం. జీ ప్లస్‌ వన్‌్‌ భవన నిర్మాణానికి ఆటంకాలు తొలగడంతో పనులు వేగంగా కొనసాగుతున్నాయి. నూతన సంవత్సరంలో భవనాన్ని భక్తులకు అందుబాటులోకి తెచ్చేలా కృషి చేస్తున్నాం. –నిమ్మల రామకృష్ణ, డీఈ, టూరిజం

● గత ఆగస్టులో విధి నిర్వహణలో మృతి చెందిన ఎఫ్‌బీఓ ● బానోతు నవీన్‌కు ‘ఫ్రంట్‌లైన్‌ స్టాఫ్‌ ప్రొటెక్షన్‌’ పురస్కారం చుంచుపల్లి: విధి నిర్వహణలో ప్రాణాలు కోల్పోయిన బీట్‌ ఆఫీసర్‌ బానోత్‌ నవీన్‌కు జాతీయస్థాయిలో గుర్తింపు లభించింది. పాల్వంచ అటవీ రేంజ్‌ పరిధిలోని ముసలిమడుగు సెక్షన్‌ చెరువుసింగారం వెస్ట్‌ బీట్‌లో పనిచేస్తున్న నవీన్‌కు అడవిలో వన్యప్రాణులను వేటాడేందుకు విద్యుత్‌ తీగలను అమర్చి నట్లు సమాచారం అందింది. దీంతో తోటి సిబ్బందితో కలిసి కృష్ణసాగర్‌ రిజర్వ్‌ ఫారెస్ట్‌ పరిధిలోని నకిరిపేట అటవీ ప్రాంతానికి వెళ్లారు. అక్కడ అక్రమంగా అమర్చిన విద్యుత్‌ తీగలు తగిలి విద్యుదాఘాతానికి గురై మృతిచెందాడు. తాను ప్రాణా లు కోల్పోతున్న తోటి సిబ్బందిని ప్రమాదం గురించి హెచ్చరించాడు. ఈ ఘటన గత ఆగస్టు 11న రాత్రి జరిగింది. పాల్వంచ అర్బన్‌ పార్క్‌లో విగ్రహం నవీన్‌ మరణం ఆయన కుటుంబానికి తీరని విషాదాన్ని మిగిల్చింది. అతని కుటుంబానికి రాష్ట్ర ప్రభుత్వం కు రూ.30 లక్షలు, సెంట్రల్‌ ఐఎఫ్‌ఎస్‌ ఆఫీసర్స్‌ అసోసియేషన్‌ రూ.2 లక్షల ఆర్థికసాయం అందజేశాయి. జూనియర్‌ ఫారెస్ట్‌ ఆఫీసర్స్‌ అసోసియేషన్‌ ద్వారా రూ.6 లక్షల వరకు, విద్యుత్‌శాఖ నుంచి మరో రూ.8 లక్షల వరకు త్వరలో అందించనున్నట్లు సమాచారం. పాల్వంచ అర్బన్‌ పార్కులో నవీన్‌ విగ్రహం పెట్టేందుకు అటవీశాఖ ఏర్పాట్లు చేస్తోంది. ఫారెస్ట్‌ బీట్‌ ఆఫీసర్‌ నవీన్‌ సేవలను కేంద్ర పర్యావరణ, అటవీ, వాతావరణ మార్పుల మంత్రిత్వ శాఖ గుర్తించింది. ‘ఫ్రంట్‌లైన్‌ స్టాఫ్‌–ప్రొటెక్షన్‌ అండ్‌ యాంటీ–పోచింగ్‌ విభాగంలో ఆయనను మరణానంతర పురస్కారానికి ఎంపిక చేసింది. ఈ విభాగంలో తెలంగాణ నుంచి నవీన్‌ ఒక్కరే ఎంపికయ్యాడు. త్వరలోనే ఢిల్లీలో ఈ పురస్కారం ప్రదానం చేయనున్నారు. వన్యప్రాణుల సంరక్షణలో బానోత్‌ నవీన్‌ త్యాగం చిరస్మరణీయం. ఆయన సేవలకు జాతీయ స్థాయిలో గుర్తింపు లభించడం గర్వకారణం. అటవీ ప్రాంతాల్లో అక్రమ వేటను అరికట్టడంతోపాటు సిబ్బంది భద్రతకు ప్రాధాన్యం ఇవ్వాల్సిన అవసరం ఉంది. –సిద్ధార్థ్‌ విక్రమ్‌ సింగ్‌, జిల్లా అటవీ శాఖ అధికారి

కొత్తగూడెంఅర్బన్‌: బాలల హక్కుల పరిరక్షణలో ఉపాధ్యాయులు కీలక పాత్ర పోషించాలని జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ జి. ప్రేమలత సూచించారు. జిల్లా న్యాయ సేవాధికార సంస్థ ఆధ్వర్యంలో మిషన్‌ బాల్‌ సురక్ష, శిక్షా, న్యాయ–2026 కార్యక్రమం చేపట్టారు. ఈ క్రమంలో చైల్డ్‌ ప్రొటెక్షన్‌ ఆఫీసర్లుగా నామినేట్‌ చేసిన ఉపాధ్యాయులకు శనివారం జిల్లా కోర్టులో అవగాహన కార్యక్రమాన్ని నిర్వహించారు. ఈ సందర్భంగా న్యాయమూర్తి మాట్లాడుతూ బాలలకు రాజ్యాంగం కల్పించిన విద్యా హక్కు, రక్షణ, సమానత్వం, గౌరవప్రదమైన జీవనం అందేలా చూడాలని అన్నారు. ఉపాధ్యాయులు విద్యార్థుల ప్రవర్తన, వారి మానసిక స్థితి, విద్యాభ్యాసంలో ఎదురయ్యే సమస్యలను గుర్తించాలని, బాలలపై వేధింపులు, వివక్ష, నిర్లక్ష్యం వంటివి లేకుండా చూడాలని చెప్పారు. బాలల హక్కులకు భంగం కలిగితే సంబంధిత అధికారులకు సమాచారం అందించాలన్నారు. ఈ కార్యక్రమంలో న్యాయమూర్తులు ఎస్‌.సరిత, ఎం.రాజేందర్‌, అధికారులు శంభూప్రసాద్‌, స్వర్ణలత లేనినా, హరి కుమారి, చైల్డ్‌ వెల్ఫేర్‌ కమిటీ సభ్యులు సాధిక్‌ పాషా, అంబేద్కర్‌, లలిత, కళ్యాణి, పాండురంగ విట్టల్‌ తదితరులు పాల్గొన్నారు. జిల్లా ప్రధాన న్యాయమూర్తి ప్రేమలత

దమ్మపేట: ఖమ్మం జిల్లా సత్తుపల్లి, వేంసూరు మండలాలకు త్వరితగతిన సాగునీరు అందించేందుకు సీతారామ ప్రాజెక్టు కాలువ నిర్మాణ పనులను వేగవంతం చేయాలని రాష్ట్ర వ్యవసాయ శాఖ మంత్రి తుమ్మల నాగేశ్వరరావు అధికారులను ఆదేశించారు. శనివారం మండలంలోని నాగుపల్లి శివారులోని సీతారామ ప్రాజెక్టు కాలువ సమీపంలో ఏర్పాటు చేసిన నిర్వాసిత రైతుల సమావేశంలో మాట్లాడారు. ఎల్‌నినో ప్రభావం తట్టుకోవడానికి సీతారామ కాలువల ద్వారా నీటిని ప్రవహింపజేస్తే భూగర్భ జలాలు పెరుగుతాయని పేర్కొన్నారు. ముఖ్యమంత్రి రేవంత్‌ రెడ్డితో ప్రత్యేకంగా మాట్లాడి నాగుపల్లి నిర్వాసిత రైతులకు ఎకరాకు రూ. 25 లక్షల చొప్పున పరిహారం ఇప్పించామని అన్నారు. భూమి అనుభవదారులుగా ఉన్న రైతులకు పరిహారం చెల్లించాలని రెవెన్యూ అధికారులను ఆదేశించారు. నాగుపల్లి కాలువ వయా బేతుపల్లి చెరువు ద్వారా వేంసూరు, సత్తుపల్లి మండలాలకు దీపావళిలోగా సాగునీరు అందించాలన్నారు. ఎమ్మెల్యే జారే ఆదినారాయణ మాట్లాడుతూ మంత్రి తుమ్మల చొరవతోనే సీతారామ ప్రాజెక్టు పనులు వేగంగా సాగుతున్నాయని తెలిపారు. నిర్వాసిత రైతులకు రూ. 10,24,40,266 విలువైన పరిహారపు చెక్కులను మంత్రి తమ్మల చేతులమీదుగా పంపిణీ చేశారు. అనంతరం కాలువ పనులను పరిశీలించారు. ఈ కార్యక్రమంలో సీతారామ ప్రాజెక్టు చీఫ్‌ ఇంజనీర్‌ శ్రీనివాసరెడ్డి, స్పెషల్‌ డిప్యూటీ కలెక్టర్‌ వెంకటరమణ, ఆర్డీఓ మధు, ట్రెయినీ డిప్యూటీ కలెక్టర్‌ మద్దినేని మురళి, మాజీ జెడ్పీటీసీ పైడి వెంకటేశ్వరరావు, కాంగ్రెస్‌ పార్టీ మండల అధ్యక్షుడు కక్కిరాల రమేష్‌, రైతులు తదితరులు పాల్గొన్నారు. రాష్ట్ర మంత్రి తుమ్మల నాగేశ్వరరావు

అశ్వాపురం: ఎల్‌నినోపై ప్రజలు అప్రమత్తంగా ఉండాలని పంచాయతీరాజ్‌ డిప్యూటీ కమిషనర్‌ జాన్‌మెస్లీ అన్నారు. మండల పరిధిలోని రామచంద్రాపురం గ్రామంలో వీబీ జీరామ్‌జీ పథకంలో నిర్మిస్తున్న ఫారంపాండ్‌ను శనివారం పరిశీలించారు. మొండికుంట గ్రామ పంచాయతీలో వీబీ జీరామ్‌జీ పనులను సందర్శించారు. రైతులతో మాట్లాడారు. ఎల్‌నినోతో కరువు పరిస్థితులు వచ్చే అవకాశం ఉందని, ప్రజలు వీబీజీరామ్‌జీ పనులను సద్వినియోగం చేసుకోవాలని సూచించారు. మండల పరిషత్‌ కార్యాలయం ఆవరణలోని రైతువేదికలో అశ్వాపురం, మణుగూరు మండలాల గ్రామ పంచాయతీ కార్యదర్శులు, వీబీజీరామ్‌జీ సిబ్బందితో నిర్వహించిచన సమావేశంలో మాట్లాడారు. భూగర్భజలాలు అడుగంటకుండా వీబీజీరామ్‌జీ పథకంలో ఫారంపాండ్‌లు నిర్మించుకోవాలన్నారు. కొందరు పంచాయతీ కార్యదర్శులు డీఎస్‌ఆర్‌ను సక్రమంగా నిర్వహించడం లేదన్నారు. జిల్లా పంచాయతీ అధికారి అనూష, ఎంపీడీఓ ముత్యాలరావు, మణుగూరు ఎంపీఓ వెంకటేశ్వరరావు, అధికారులు, సిబ్బంది పాల్గొన్నారు. పంచాయతీరాజ్‌ డిప్యూటీ కమిషనర్‌ జాన్‌వెస్లీ

సూపర్‌బజార్‌(కొత్తగూడెం): సైబర్‌ నేరాల ఫిర్యాదులపై తక్షణమే స్పందించాలని ఎస్పీ రోహిత్‌రాజు ఆదేశించారు. సైబర్‌ వారియర్లతో శనివారం నిర్వహించిన సమీక్ష సమావేశంలో మాట్లాడారు. బాధితులకు పోలీస్‌ స్టేషన్‌ స్థాయిలోనే న్యాయం జరిగేలా కృషి చేయాలని ఆదేశించారు. ఎన్సీఆర్పీ, జీఆర్‌ఎం, ఎంఆర్‌ఎఫ్‌, సహయోగ్‌, సమన్వయ, సైబర్‌ క్రైమ్‌ అనలిటిక్స్‌ అండ్‌ ప్రాసిక్యూషన్‌ సిస్టమ్‌ వంటి పోర్టళ్ల విధులు, వినియోగంపై అవగాహన కలిగి ఉండాలని చెప్పారు. 1930 సైబర్‌ హెల్ప్‌లైన్‌ ద్వారా వచ్చే ఫిర్యాదులపై స్పందించి బాధితులకు సహాయ సహకారాలు అందించాలని తెలిపారు. సైబర్‌ నేరాల దర్యాప్తులో సాంకేతిక పరిజ్ఞానాన్ని సమర్థవంతంగా వినియోగించుకోవాలని చెప్పారు. ఈ సమావేశంలో సైబర్‌ సెల్‌ సీఐ నరేష్‌, ఎస్సై జుబేదా బేగం, సిబ్బంది పాల్గొన్నారు. ఎస్పీ రోహిత్‌ రాజు

సూపర్‌బజార్‌(కొత్తగూడెం): ఉమ్మడి ఖమ్మం జిల్లా అండర్‌–17 బాలుర క్రికెట్‌ జట్టుకు కొత్తగూడేనికి చెందిన బి.తనిష్క్‌ ఎంపికయ్యాడు. కొత్తగూడెం ప్రకాశం స్టేడియంలో నిర్వహించిన ఎంపికల్లో ప్రతిభ కనబరిచి జట్టులో స్థానం సంపాదించాడు. ప్రస్తుతం ఇంటర్‌ మొదటి సంవత్సరం చదువుతున్న తనిష్క్‌ సోమవారం నుంచి గద్వాల్‌లో జరగనున్న ఇంటర్‌ డిస్ట్రిక్ట్‌ క్రికెట్‌ ఛాంపియన్‌షిప్‌ పోటీల్లో పాల్గొననున్నాడు. ఈ సందర్భంగా శనివారం విద్యార్థిని నలంద వివేకవర్థిని విద్యాసంస్థల సీఈఓ చైతన్య కృష్ణ, ఏఓ రమేష్‌ అభినందించి, మెమెంటోను అందజేశారు. దరఖాస్తుల ఆహ్వానంచుంచుపల్లి: కొత్తగూడెం ప్రభుత్వ వైద్య కళాశాలలో 2026–27 విద్యా సంవత్సరానికి డీఎంఎల్టీ, డయాలసిస్‌ టెక్నీషియన్‌ కోర్సుల్లో ప్రవేశానికి దరఖాస్తులు ఆహ్వానిస్తున్నట్లు ప్రిన్సిపాల్‌ శనివారం ఒక ప్రకటనలో తెలిపారు. ఒక్కో కోర్సుకు 30 సీట్లు ఉన్నాయని, ఇంటర్‌ బైపీసీ, ఎంపీసీ ఉత్తీర్ణులైన విద్యార్థులు అర్హులని పేర్కొన్నారు. ఈ నెల 31వ తేదీలోగా ఆన్‌లైన్‌లో దరఖాస్తు చేసుకుని హార్డ్‌ కాపీ తమకు సమర్పించాలని సూచించారు.

సూపర్‌బజార్‌(కొత్తగూడెం): రోడ్డు ప్రమాద బాధితులకు సకాలంలో వైద్య సహాయం అందించి ప్రాణాలను కాపాడేందుకు కేంద్ర ప్రభుత్వ పథకం పీఎం రాహత్‌ను సమర్థవంతంగా అమలు చేయాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. ప్రమాద బాధితులకు తక్షణ వైద్య సేవలు అందించడంతో పాటు, చికిత్స ఖర్చు ల చెల్లింపులు, కేసుల ధృవీకరణ, క్లెయిమ్‌ల పరి ష్కార ప్రక్రియలను వేగవంతం చేయాలని సూచించారు. హైదరాబాద్‌ నుంచి శనివారం కలెక్టర్లతో నిర్వహించిన వీడియో కాన్ఫరెన్స్‌లో మాట్లాడారు. రోడ్డు ప్రమాద బాధితులకు ఏడు రోజులపాటు రూ.1.5 లక్షల వరకు నగదురహిత వైద్య చికిత్స అందించాలని వివరించారు. కలెక్టరేట్‌ నుంచి వీసీకి హాజరైన అదనపు కలెక్టర్‌ డి.వేణుగోపాల్‌ అనంతరం అధికారులతో సమావేశం నిర్వహించారు. జిల్లాలో పీఎం రాహత్‌ పథకం అమలుపై సంబంధిత శాఖల అధికారులు ప్రత్యేక దృష్టి సారించాలని సూచించారు. డీఆర్‌ఓ పద్మావతి, డీపీఓ అనూష, జిల్లా రవాణా శాఖ అధికారి భూషిత్‌ రెడ్డి, డీఆర్‌ఎం బాలాజీ, వివిధ శాఖల జిల్లా అధికారులు పాల్గొన్నారు. ప్రభుత్వ ప్రధాన కార్యదర్శి సంజయ్‌ జాజు

ఖమ్మంమయూరిసెంటర్‌: రాష్ట్ర మంత్రి పొంగులేటి శ్రీనివాసరెడ్డి ఆదివారం ఉమ్మడి జిల్లాలో పర్యటించనున్నారు. ఉదయం 10గంటలకు ఖమ్మం జిల్లా ఏదులాపురం మున్సిపాలిటీ పరిధి మద్దులపల్లిలో నాలుగు లేన్ల రోడ్డు, డివైడర్‌, సెంట్రల్‌ లైటింగ్‌ నిర్మాణ పనులకు శంకుస్థాపన చేస్తారు. ఆతర్వాత అభివృద్ధి చేసిన నాయుడుపేట జంక్షన్‌ను ప్రారంభించనున్నారు. సాయంత్రం 5గంటలకు భద్రాద్రి కొత్తగూడెం జిల్లా చుంచుపల్లి మండలం విద్యానగర్‌లోని క్యాంపు కార్యాలయంలో కాంగ్రెస్‌ పార్టీ సమావేశంలో మంత్రి పాల్గొంటారు. నేడు, రేపు మంత్రి తుమ్మల.. ఖమ్మంఅర్బన్‌: రాష్ట్ర మంత్రి తుమ్మల నాగేశ్వరరావు ఆది, సోమవారం ఉమ్మడి జిల్లాలో పర్యటించనున్నారు. ఆదివారం ఉదయం వేంసూరు మండలం మర్లపాడు, కందుకూరు, దుద్దేపూడి గ్రామాల్లో జరిగే కార్యక్రమాలకు హాజరవుతారు. మధ్యాహ్నం 3గంటలకు అశ్వాపురం మండలంలో దుమ్ముగూడెం ఆనకట్ట ఎత్తు పెంచే పనులను పరిశీలించనున్నారు. ఘనంగా రామయ్య కల్యాణంభద్రాచలం: భద్రాచలం శ్రీ సీతారామ చంద్రస్వామి దేవస్థానం ఆధ్వర్యంలో శనివారం స్వామివారి నిత్యకల్యాణం కమనీయంగా జరి గింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం నిత్యకల్యాణానికి మిథిలా స్టేడియం ప్రాంగణంలో ఉన్న శ్రీరామా సేవా మండపంలో ఉత్సవ మూర్తులను కొలువుదీర్చారు. స్వామి వారికి విశ్వక్సేన పూజ, పుణ్యావాచనం చేశారు. స్వామి, , అమ్మవార్లకు కంకణధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు. వచ్చే నెల 20న దాతలకు సత్కారంభద్రాచలంటౌన్‌: శ్రీ సీతారామచంద్రస్వామి దేవస్థానానికి రూ.లక్షకు పైగా విరాళాలు అందించిన దాతలను నవంబర్‌ 20న సత్కరించనున్నట్లు ఈఓ కె.దామోదర్‌రావు శనివారం ఒక ప్రకటనలో తెలిపారు. దాతలకు వసతి, భోజన సదుపాయాలతోపాటు కండువా, జాకెట్‌ పీస్‌, స్వామివారి ఫొటో, రెండు లడ్డూలతో కూడిన ప్రసాదం కిట్‌ అందజేస్తామని పేర్కొన్నారు. ఫుట్‌బాల్‌ పోటీలు ప్రారంభంఇల్లెందు: పట్టణంలోని 24 ఏరియా సింగరేణి రన్స్‌ అండ్‌ గోల్స్‌ స్టేడియంలో రీజినల్‌ లెవల్‌ ఫుట్‌బాల్‌ పోటీలను ఏరియా జీఎం వీసం కృష్ణయ్య శనివారం ప్రారంభించారు. మణుగూ రు, ఇల్లెందు ఏరియాల క్రీడాకారులు పాల్గొని ప్రతిభ చాటారు. అధికారులు అజ్మీర తుకా రాం, సుధాకర్‌, అశోక్‌, కిషోర్‌, బాబూరావు, రిఫరీలు సూర్యప్రకాష్‌, చందూ పాల్గొన్నారు. ఎస్‌ఐల బదిలీలుసూపర్‌బజార్‌(కొత్తగూడెం): జిల్లాలో ఆరుగురు ఎస్‌ఐలను బదిలీ చేస్తూ శనివారం ఉన్నతాధికారులు ఉత్తర్వులు జారీ చేశారు. అశ్వాపురం ఎస్‌ఐ ఎల్లా రాజేష్‌ను భద్రాచలానికి, వీఆర్‌లో ఉన్న పిండి శివరామకృష్ణను అశ్వాపురం, భద్రాచలం ట్రాఫిక్‌లో పనిచేస్తున్న పండగ తిరుపతిరావును కొత్తగూడెం వన్‌టౌన్‌కు బదిలీ చేశారు. వీఆర్‌లో ఉన్న తిప్పని యాయాతిరాజును కొత్తగూడెం త్రీ టౌన్‌కు, వీఆర్‌లో ఉన్న ఏ.రాజేష్‌ను పాల్వంచ టౌన్‌, కొత్తగూడెం వన్‌టౌన్‌లో ఉన్న సీహెచ్‌ వెంకటరెడ్డిని లక్ష్మీదేవిపల్లి పోలీస్‌ స్టేషన్‌కు బదిలీ చేసినట్లు ఉత్తర్వుల్లో పేర్కొన్నారు. రేపటి నుంచి ‘ఉద్యాన’ తరగతులుఅశ్వారావుపేటరూరల్‌: కొత్తగా ఏర్పాటైన అశ్వారావుపేట ఉద్యాన కళాశాలలో ఈ నెల 26వ తేదీ నుంచి తరగతులు ప్రారంభించనున్నారు. ఉద్యాన పరిశోధనా స్థానం భవన సముదాయంలో కళాశాల నిర్వహణకు ఏర్పా ట్లు చేయగా, శనివారం విశ్వ విద్యాలయం ఇంజనీరింగ్‌ విభాగం బృందం సభ్యులు కళాశాలను సందర్శించారు. అసోసియేట్‌ ఇన్‌చార్జి డీన్‌ మజ్జిగ శ్రీనివాస్‌ పర్యవేక్షణలో తరగతి గదులు, బెంచీలు, డిజిటల్‌ బోర్డులతోపాటు ఇతర సౌకర్యాలను సిద్ధం చేశారు. కళాశాలకు శ్రీ కొండా లక్ష్మణ్‌ బాపూజీ ఉద్యాన విశ్వ విద్యాలయం ఈ ఏడాది 30 సీట్లు కేటాయించగా, తొలి విడత కౌన్సెలింగ్‌లో 22 సీట్లు భర్తీ అయినట్లు డీన్‌ తెలిపారు. ఇప్పటివరకు 9 మంది కళాశాలలో చేరగా, ప్రైవేటు భవనాల్లో తాత్కాలికంగా హాస్టల్‌ వసతి, భోజనం, రవాణా సౌకర్యాలు కల్పిస్తునట్లు పేర్కొన్నారు.

● ఈ సమయాన అండగా నిలుస్తున్న సోలార్‌ విద్యుత్‌ ● ఉమ్మడి జిలాల్లో రోజుకు 65 మెగావాట్ల ఉత్పత్తి ● గ్రిడ్‌పై తగ్గనున్న భారం.. వినియోగదారులకు బిల్లుల లాభం పీఎం సూర్యఘర్‌ ఈ పథకం ద్వారా రూఫ్‌టాప్‌ సోలార్‌ వ్యవస్థలో భాగంగా కేంద్రప్రభుత్వం మూడు కిలోవాట్ల యూనిట్‌కు రూ.78వేల సబ్సిడీ ఇస్తోంది. ఈ మేరకు ఖమ్మం జిల్లాలో 13,957 మంది దరఖాస్తు చేసుకోగా, 9,042 మంది ఇళ్లపై ఫలకాల ఏర్పాటు పూర్తయింది. ఫలితంగా 25.84 మెగావాట్ల విద్యుత్‌ ఉత్పత్తి అవుతుంది. ఈ పథకం కింద ప్రోత్సాహకంగా లబ్ధిదారులకు ఇప్పటివరకు రూ.52 కోట్ల సబ్సిడీని అందింది. ఇక భద్రాద్రి కొత్తగూడెం జిల్లాలో పీఎం సూర్యఘర్‌ పథకం కింద 4,893 మంది దరఖాస్తు చేసుకుంటే 3,053 మంది ఇళ్లలో ఇన్‌స్టాలేషన్‌ పూర్తవగా 11.11 మెగావాట్ల సోలార్‌ విద్యుత్‌ ఉత్పత్తి అవుతుంది, లబ్ధిదారులకు కేంద్రం నుంచి రూ.19 కోట్లు జమ అయ్యాయి. ఈ పథకం ద్వారా వినియోగదారుల విద్యుత్‌ బిల్లు సున్నా కావడంతో పాటు మిగులు విద్యుత్‌ను యూనిట్‌కు రూ.2.57 చొప్పున గ్రిడ్‌కు అమ్ముకునే వెసులుబాటు ఉంది. పీఎం కుసుమ్‌ రైతులు తమ భూమిలో సోలార్‌ ప్లాంట్లు ఏర్పాటు చేసి డిస్కంకు విద్యుత్‌ అమ్మే పథకం ఇది. ఖమ్మం జిల్లాలో 76మంది రైతులు దరఖాస్తు చేసుకున్నారు. ఇప్పటికే 54 ప్లాంట్లు ఏర్పాటు పూర్తికాగా, 11 మెగావాట్ల విద్యుత్‌ ఉత్పత్తి జరుగుతోంది. భద్రాద్రి జిల్లాలో 12 దరఖాస్తుల ద్వారా 16 మెగా వాట్ల సామర్థ్యం పనులు కొనసాగుతున్నాయి. బీడు భూ ములు, సాగులో లేని భూముల్లో ఈ పథకం ద్వారా రైతులు ప్లాంట్లు ఏర్పాటు చేసే వీలుంది. యూనిట్‌ కు రూ.3.13 చొప్పున ప్రభుత్వం చెల్లిస్తుంది. గరిష్టస్థాయి డిమాండ్‌ ఖమ్మం జిల్లాలో రోజుకు 7 మిలియన్‌ యూనిట్లు, భద్రాద్రి జిల్లాలో 5.3 మిలియన్‌ యూనిట్ల విద్యుత్‌ డిమాండ్‌ నమోదవుతోంది. ప్రస్తుతం సోలార్‌ పథకాల ద్వారా ఖమ్మం జిల్లాలో రోజుకు 52 – 55 మెగావాట్లు, భద్రాద్రి జిల్లాలో 13.70 మెగావాట్లు సోలార్‌ ద్వారా ఉత్పత్తి అవుతోంది. మహిళా సంఘాల ఆధ్వర్యాన ఎర్రుపాలెం మండలం వెంకటాపురం సబ్‌ స్టేషన్‌ పరిధిలో ఒక మెగావాట్‌ ప్లాంట్‌ను ఏర్పాటుచేయగా, ఉత్పత్తి కూడా ప్రారంభమైంది. కల్లూరు మండలం చిన్నకోరుకొండిలో ఒక మెగావాట్‌ ప్లాంట్‌ పనులు జరుగుతున్నాయి. అలాగే, భద్రాద్రి జిల్లా సుజాతనగర్‌ మండలం, లక్ష్మీదేవిపల్లి, మణుగూరు మండలం ఉడుతనేనిగుంపు గ్రామాల్లో రెండు మెగావాట్ల పనులు కొనసాగుతున్నాయి. ఈ ప్లాంట్ల ద్వారా ఉత్పత్తి అయ్యే విద్యుత్‌ను గ్రిడ్‌కు కేటాయిస్తే.. మహిళా సంఘాలకు ఆదాయం లభిస్తుంది. సౌర ప్లాంట్ల ఏర్పాటుపై ప్రజల్లో అవగాహన పెరిగింది. కేంద్ర ప్రభుత్వ పథకాల ద్వారా ప్రోత్సాహం అందుతుండడంతో దరఖాస్తులు పెరుగుతున్నాయి. సూర్యఘర్‌కు 2027 మార్చి వరకే అవకాశం ఉంది. అన్నివర్గాల ప్రజలు వినియోగించుకోవచ్చు. – పొలిశెట్టి అజయ్‌కుమార్‌, రెడ్‌కో, ఉమ్మడి జిల్లా మేనేజర్‌పీఎం కుసుమ్‌ పథకం కింద ఆరెకరాల్లో ప్లాంట్‌ ఏర్పాటు చేశా. డిమాండ్‌ ఉన్న ఈ సమయాన నిత్యం రెండు మెగావాట్ల విద్యుత్‌ ఉత్పత్తి చేస్తుండడం తృప్తినిస్తోంది. భూమిలో పంటలే కాదు విద్యుత్‌ కూడా ఉత్పత్తి చేయొచ్చని నిరూపణ అయింది. – బీరెల్లి శ్రీనివాసరావు, జూపెడ, తిరుమలాయపాలెం మండలం

పాల్వంచ/పాల్వంచరూరల్‌: గ్రామాల్లో ఇంటింటికి తిరుగుతూ ప్రజ లకు ఆరోగ్య సూత్రాలపై అవగాహన కల్పించాలని డీఎంహెచ్‌ఓ తుకారాం రాథోడ్‌ సూచించారు. శనివారం డిప్యూటీ డీఎంహెచ్‌ఓ కార్యాలయంలో నిర్వహించిన సమావేశంలో మాట్లాడారు. రోజూ ఉదయం 6 గంటల నుంచి 9 గంటల మధ్య కనీసం 20 ఇళ్లను సందర్శించి కుష్ఠు వ్యాధి సర్వే చేపట్టా లని సిబ్బందికి సూచించారు. జ్వరం బారిన పడిన ప్రతి ఒక్కరికీ ఆర్‌డీటీ లేదా మైక్రోస్కోపీ ద్వారా మలేరియా, టీబీ పరీక్షలు నిర్వహించాలన్నారు. మీజిల్స్‌–రుబెల్లా టీకాలపై ప్రత్యేక దృష్టి సారించాలని చెప్పారు. 2030 నాటికి టీబీ రహిత సమాజ లక్ష్యసాధనకు కృషి చేయాలని చెప్పారు. డీటీసీఓ డాక్టర్‌ ప్రసాద్‌, డిప్యూటీ డీఎంహెచ్‌ఓ శ్రీధర్‌, పీఓ డీటీ డాక్టర్‌ రాందాస్‌, ఏఎంఓ రాందాస్‌ తదితరులు పాల్గొన్నారు. డీఎంహెచ్‌ఓ తుకారాం రాథోడ్‌

అశ్వాపురం: ఎల్‌నినో ప్రభావంతో ఉమ్మడి ఖమ్మం జిల్లాలో తాగునీటికి ఇబ్బందులు రాకుండా జలవనరుల శాఖ ఆధ్వర్యంలో చేపడుతున్న దుమ్ముగూడెం ఆనకట్ట ఎత్తు పెంపు పనులు ముమ్మరంగా సాగుతున్నాయి. మండల పరిధి లోని కుమ్మరిగూడెంలో దుమ్ముగూడెం ఆనకట్ట ఎత్తు పెంచే పనులను విజయదశమిరోజు ఎమ్మె ల్యే పాయం వెంకటేశ్వర్లు ప్రారంభించారు. టీఎంసీ నీరు నిల్వ ఉండేలా రూ.1.30 కోట్లు వెచ్చించి ఇసుక బస్తాలతో ఆనకట్ట ఎత్తు పెంచుతున్నారు. శనివారం పనుల ను జలవనరుల శాఖ సీఈ శ్రీనివాసరెడ్డి పరి శీలించారు. గోదావరిలో వరద పెరిగినా ఇబ్బంది లేకుండా ఆధునిక గేబీన్‌ టెక్నాలజీతో ఆనకట్ట ఎత్తు పెంచుతున్నామని తెలిపారు. ఎస్‌ఈ మహేశ్వరరావు, ఈఈలు రాంబాబు, వెంకటేశ్వరరావు, డీఈ శ్రీనివాస్‌, ఏఈలు పాల్గొన్నారు.

బూర్గంపాడు: మండల పరిధిలోని అంజనాపురంలో శనివారం భారీ చోరీ జరిగింది. గ్రామానికి చెందిన లకావత్‌ బాల్య ఇంట్లో ఎవరూ లేని సమయంలో గుర్తుతెలియని వ్యక్తులు ఇంట్లోకి చొరబడ్డారు. బీరువాలో ఉన్న సుమారు 8 తులాల బంగారు నగలు, వెండి వస్తువులు, కొంత నగదు అపహరించారు. పోలీసులు కేసు నమోదు చేశారు. ఐటీసీ కార్మికుడి ఇంట్లో..భద్రాచలంఅర్బన్‌: ఐటీసీ క్యాజువల్‌ కార్మికుడి ఇంట్లో చోరీ జరిగిన ఘటన ఆలస్యంగా వెలుగులోకి వచ్చింది. పోలీసుల కథనం ప్రకారం.. ఆదర్శ నగర్‌ కాలనీలో నివాసం ఉంటున్న ఐటీసీ కార్మికుడు పుట్టి రాజు ఈ నెల 20న ఉదయం ఊరెళ్లాడు. తిరిగి మధ్యాహ్నం వచ్చేసరికి ఇంటి తాళం పగులగొట్టి బీరువాలో ఉన్న 35 గ్రాముల బంగారు ఆభరణాలు, 60 గ్రాముల వెండి గొలుసులు అపహరించారు. బాధితుడి ఫిర్యాదుతో పోలీసులు కేసు నమోదు చేసి దర్యాప్తు చేపట్టారు. శనివారం నిందితుడు, అదే ప్రాంతానికి చెందిన కొండేటి భార్గవ్‌ను అరెస్ట్‌ చేశారు. పురుగుల మందు తాగి ఆత్మహత్యచర్ల: మద్యం మత్తులో పురుగుల మందు తాగిన వ్యక్తి చికిత్స పొందుతూ శనివారం మృతి చెందాడు. ఎస్సై ఆర్‌ నర్సిరెడ్డి తెలిపిన వివరాల ప్రకారం.. మండలంలోని గొంపల్లికి చెందిన గౌర్ల రమేష్‌ (48) మద్యం మత్తులో ఈ నెల 22న ఇంటి వద్దనే పురుగుల మందు తాగాడు. కుటుంబ సభ్యులు భద్రాచలం ఏరియా వైద్యశాలకు తరలించి చికిత్స అందిస్తుండగా శనివారం మృతి చెందాడు. మృతుడికి భార్య, ఇద్దరు కుమారులు, కుమార్తె ఉన్నారు. పోలీసులు కేసు నమోదు చేసి దర్యాప్తు చేపట్టారు. భవనం పైనుంచి పడి..బెంగాల్‌ కార్మికుడి మృతి కొత్తగూడెంఅర్బన్‌: నిర్మాణ దశలో ఉన్న మూడు అంతస్తుల భవనం పైనుంచి పడి ఓ కార్మికుడు మృతి చెందిన ఘటన శనివారం జరిగింది. కొత్తగూడెం త్రీటౌన్‌ పోలీసుల కథనం ప్రకారం.. బెంగాల్‌కు చెందిన నిత్యానందసర్కార్‌(26) కొన్ని నెలల క్రితం కొత్తగూడేనికి వలస వచ్చాడు. భవన నిర్మాణ పనులు చేస్తూ జీవనం సాగిస్తున్నాడు. శనివారం మేదరబస్తీలోనే నిర్మాణంలో ఉన్న మూడు అంతస్తుల భవనంపై పని చేస్తున్నాడు. ఈ క్రమంలో పరంజాను పట్టుకునే క్రమంలో కాలు జారి కిందపడి మృతి చెందాడు. మృతుడి బాబాయి బిష్ణు ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మృతుడికి భార్య, కొడుకు, కూతురు ఉన్నారు. పల్టీ కొట్టిన కారు : ఐదుగురికి గాయాలు ఏన్కూరు: మండలంలోని భగవాన్‌ నాయక్‌ తండా సమీపాన శనివారం జరిగిన రోడ్డు ప్రమాదంలో ఐదుగురికి గాయాలయ్యాయి. తక్కెళ్లపాడు గ్రామానికి చెందిన రాజశేఖర్‌రెడ్డి తన కుటుంబ సభ్యులతో కలిసి కారులో ఏన్కూరు మీదుగా పాల్వంచ వెళ్తున్నారు. భగవాన్‌నాయక్‌ తండా సమీపాన గుంతను తప్పించే క్రమాన కారు అదుపు తప్పి పల్టీ కొట్టింది. ఘటనలో ఐదుగురికి గాయాలు కాగా ఖమ్మం ఆస్పత్రికి తరలించారు.

రామాలయ ఈఓ దామోదర్‌రావు భద్రాచలం: భక్తులకు అసౌకర్యాలు కలగకుండా ఆలయ అభివృద్ధి పనులు చేపట్టాలని శ్రీ సీతారామ చంద్రస్వామి దేవస్థానం ఈఓ దామోదర్‌రావు అన్నారు. అభివృద్ధి పనులను శనివారం ఆయన పరిశీలించారు. ఈ సందర్భంగా మాట్లాడుతూ పనుల్లో నాణ్యతా ప్రమాణాలు పాటించాలని సూచించారు. మౌలిక సదుపాయాల అభివృద్ధి, భక్తులకు అవసరమైన సౌకర్యాల మెరుగుదల, ఆలయ పరిసరాల అభివృద్ధికి ప్రాధాన్యత ఇవ్వాలని అన్నా రు. ఈ కార్యక్రమంలో ఏఈఓ శ్రావణ్‌కుమార్‌, టెంపుల్‌ ఇన్‌స్పెక్టర్‌ లింగాల సాయిబాబు, నిర్మాణ సంస్థ బాధ్యులు పాల్గొన్నారు. వ్యవసాయ కళాశాలను సందర్శించిన విద్యార్థులుఅశ్వారావుపేటరూరల్‌: అశ్వారావుపేటలోని వ్యవసాయ కళాశాలను ఖమ్మం జిల్లా వేంసూ రు మండలం కందుకూరు జిల్లా పరిషత్‌ ఉన్న త పాఠశాల విద్యార్థులు శనివారం సందర్శించారు. విజ్ఞాన యాత్రలో భాగంగా 200 మంది విద్యార్థులు కళాశాలలోని వ్యవసాయ, ఉద్యా న పంట క్షేత్రాలను పరిశీలించారు. ఈ సందర్భంగా కళాశాల అసోసియేట్‌ డీన్‌ డాక్టర్‌ హేమంత్‌కుమార్‌ వ్యవసాయంలో ఆధునిక పద్ధతులు, చిరు ధాన్యాల సాగు, విధానం, కొబ్బరి, పామాయిల్‌ తోటల్లో అంతర పంటల సాగుపై అవగాహన కల్పించారు. ఈ కార్యక్రమంలో కళాశాల ప్రొఫెసర్లు డాక్టర్‌ నాగాంజలి, డాక్టర్‌ శ్రీనివాసరావు, శివ, శ్రావిక తదితరులు పాల్గొన్నారు.

కొత్తగూడెంఅర్బన్‌: కొత్తగూడెం మున్సిపల్‌ కార్పొరేషన్‌ ఏర్పడ్డాక తొలిసారిగా రాష్ట్ర ప్రభుత్వం నిధులు కేటాయించింది. నగరాభివృద్ధికి రూ.32 కోట్లను మంజూరు చేసింది. వీటితో రోడ్లు, డ్రెయినేజీలు, జీ ప్లస్‌ వన్‌ షాపింగ్‌ కాంప్లెక్స్‌లు, పార్కులు, కమ్యూనిటీ హాళ్లు, సబ్‌ డివిజన్‌ ఆఫీసులు, స్వాగత తోరణాలు నిర్మించనున్నారు. కాంప్లెక్స్‌లు నిర్మించి అద్దెకు ఇవ్వనుండటంతో కార్పొరేషన్‌కు ఆదాయం వచ్చే అవకాశం ఉంటుంది. సుజాతనగర్‌లో రూ.50 లక్షలతో పార్కు, మల్టీపర్పస్‌ కమ్యూనిటీ హాల్‌ రూ.కోటితో నిర్మించనున్నారు. మరో రూ. కోటితో అక్కడే సబ్‌ డివిజన్‌ ఆఫీసు నిర్మాణానికి ప్రతిపాదనలు సిద్ధం చేశారు. రోడ్డు డివైడర్లకు రూ.7 లక్షలతో పెయింటింగ్‌ పనులు చేపట్టనున్నారు. స్వాగత తోరణాలకు రూ.కోటి వెచ్చించనున్నారు. అభివృద్ధి పనులు పూర్తయితే నగరం కొత్త కళ సంతరించుకోనుంది. ఇప్పటికే కేంద్ర, రాష్ట్ర ప్రభుత్వాల నిధులు, విదేశీ బ్యాంకు సహకారంతో రూ.600 కోట్లతో అభివృద్ధి పనులు చేపట్టాలని నిర్ణయించారు. ఇందుకోసం డీపీఆర్‌ సిద్ధం చేసేందుకు టెండర్ల ప్రక్రియ ప్రారంభించగా, అవకతవకలు ఉండటంతో రద్దు చేశారు. మళ్లీ కొత్తగా టెండర్‌ను పిలిచారు. నగర అభివృద్ధికి నిధులు కేటాయించిన రాష్ట్ర ప్రభుత్వం

పాల్వంచరూరల్‌: పెద్దమ్మతల్లి అమ్మవారికి శుక్రవారం పంచామృతాభిషేకం నిర్వహించారు. మండలంలోని శ్రీకనకదుర్గ(పెద్దమ్మతల్లి) ఆలయంలో అర్చకులు అమ్మవారి జన్మస్థలం వద్ద పంచామృతం, పసుపు, కుంకుమ, గాజులు, హారతి సమర్పించారు. అనంతరం ఆలయంలోని మూలవిరాట్‌కు పంచామృతాలతో అభిషేక పూజలు, పంచహారతులు, నివేదన, నీరాజనం, మంత్రపుష్పం పూజలతోపాటు కుంకుమపూజ, గణపతిహోమం నిర్వహించారు. ఈ కార్యక్రమంలో ఈఓ విజయ్‌కుమార్‌ పాల్గొన్నారు. 26న చండీహోమం పెద్దమ్మతల్లి ఆలయంలో ఈనెల 26న చండీహోమ పూజలు నిర్వహించనున్నట్లు ఈఓ విజయ్‌కుమార్‌ శుక్రవారం ఒక ప్రకటనలో తెలిపారు. హోమం పూజలో పాల్గొనే భక్తులు రూ.2516 చెల్లించి గోత్రనామాలను నమోదు చేసుకోవాలని, వివరాలకు 63034 08458 నంబరులో సంప్రదించాలని కోరారు. గిరిజన మహిళలకు ఏఎన్‌ఎం కోర్సులో ప్రవేశాలు భద్రాచలంటౌన్‌: భద్రాచలం ఐటీడీఏ పరిధిలోని ప్రభుత్వ గిరిజన ఎంపీహెచ్‌డబ్ల్యూ ట్రైనింగ్‌ స్కూల్‌లో రెండేళ్ల కాలవ్యవధితో ఏఎన్‌ఎం కోర్సులో ప్రవేశాలు కల్పించనున్నట్లు పీఓ రాహుల్‌ తెలిపారు. ఇంటర్మీడియట్‌ ఉత్తీర్ణులై, కనీసం 17 ఏళ్ల వయసు కలిగిన గిరిజన మహిళలు అర్హులని పేర్కొన్నారు. ఆసక్తి ఉన్న వారు chfw. telangana. gov. inవెబ్‌సైట్‌ నుంచి దరఖాస్తు ఫారం డౌన్‌లోడ్‌ చేసుకుని, ‘కమిషనర్‌ ఆఫ్‌ హెల్త్‌ అండ్‌ ఫ్యామిలీ వెల్ఫేర్‌, తెలంగాణ, హైదరాబాద్‌’ పేరుతో తీసిన రూ.200 డీడీ, అవసరమైన ధ్రువపత్రాలు జత చేసి ఈనెల 28వ తేదీలోగా ప్రిన్సిపాల్‌ కార్యాలయంలో అందజేయాలని సూచించారు. వివరాలకు 94903 70905, 99633 15323, 90009 83664 నంబర్లలో సంప్రదించాలని పీఓ తెలిపారు. నల్సా పథకాల మెగా డ్రైవ్‌ ముగింపు టేకులపల్లిరూరల్‌: మండలంలోని రోళ్లపాడు గ్రామంలో నల్సా పథకాల అమలు కోసం నిర్వహిస్తున్న 60 రోజుల మెగా డ్రైవ్‌ కార్యక్రమం శుక్రవారం ముగిసింది. 60 రోజుల్లో సాధించిన ప్రగతి, చేపట్టిన కార్యక్రమాలపై జిల్లా సేవాధికార సంస్థ సెక్రటరీ, సీనియర్‌ సివిల్‌ జడ్జి ఎం.రాజేందర్‌ సమీక్షించారు. గ్రామ సమస్యలు, పరిష్కార మార్గాలు, నిరుద్యోగ యువతకు వైటీసీ, ఐటీడీఏ ద్వారా గొర్రెల పెంపకం, మహిళలకు కుట్టు మిషన్‌ కేంద్రం, మెగా హెల్త్‌ చెకప్‌ క్యాంపు నిర్వహించినట్లు పారా లీగల్‌ వలంటీర్లు నరసింగం చరణ్‌ కుమార్‌, భారతి, రాజ కుమారి వివరించారు. ఎన్‌సీడీ స్క్రీనింగ్‌ పూర్తి చేయాలిచుంచుపల్లి: ఈ నెల 30వ తేదీ లోపు అసంక్రమిత వ్యాధుల (ఎన్‌సీడీ) స్క్రీనింగ్‌ ప్రక్రియ పూర్తి చేయాలని స్టేట్‌ ప్రోగ్రాం ఆఫీసర్‌ డాక్టర్‌ కరుణశ్రీ ఆదేశించారు. జిల్లా వైద్య ఆరోగ్య శాఖ కార్యాలయంలో శుక్రవారం ఎన్‌సీడీ పోర్టల్‌ నిర్వహణపై కన్సల్టెంట్‌ మెడికల్‌ ఆఫీసర్లతో నిర్వహించిన సమావేశంలో మాట్లాడారు. హైపర్‌టెన్షన్‌, డయాబెటిస్‌, కేన్సర్‌ వంటి వ్యాధులను ముందుగానే గుర్తించాలన్నారు. ప్రోగ్రాం ఆఫీసర్లు ప్రతాప్‌, ప్రసాద్‌, అనిల్‌, దినేష్‌, నాగలక్ష్మి, నవీన్‌ పాల్గొన్నారు. బీసీ సెల్‌ లైజన్‌ ఆఫీసర్ల నియామకంరుద్రంపూర్‌: సింగరేణిలో పనిచేస్తున్న బీసీ, ఓబీసీ ఉద్యోగుల సంక్షేమం కోసం సింగరేణి యాజమాన్యం వివిధ ఏరియాల్లో బీసీ సెల్‌ లైజన్‌ ఆఫీసర్లను నియమించింది. ఈ మేరకు శుక్రవారం రిక్రూట్‌మెంట్‌ సెల్‌ జీఎం ఏజే. మురళీధర్‌ రావు ఉత్తర్వులు జారీ చేశారు. కార్పొరేట్‌ ఏరియా లైజన్‌ ఆఫీసర్‌గా సబ్బాని లక్ష్మణ్‌, మందమర్రికి పిట్టల రాజు, శ్రీరాంపూర్‌కు బి.కృష్ణ ప్రసాద్‌, భూపాలపల్లికి పాక రాహుల్‌, ఇల్లెందు ఏరియా లైజన్‌ ఆఫీసర్‌గా పులి పూర్ణచందర్‌ను నియమించారు.

అశ్వాపురం/కరకగూడెం/మణుగూరు రూరల్‌: పోలీస్‌ స్టేషన్‌కు వచ్చే ఫిర్యాదుదారులతో మర్యాదపూర్వకంగా వ్యవహరించాలని ఎస్పీ రోహిత్‌ రాజు సిబ్బందిని ఆదేశించారు. శుక్రవారం ఆయన మణుగూరు, అశ్వాపురం, కరకగూడెం పోలీస్‌ స్టేషన్లలో తనిఖీ చేశారు. కేసుల వివరాలపై ఆరా తీసి మాట్లాడారు. శాంతిభద్రతల పరిరక్షణకు పటిష్ట చర్యలు చేపట్టాలని, నేరాల నియంత్రణపై ప్రత్యేక దృష్టి సారించాలని ఆదేశించారు. మణుగూరు పోలీస్‌ స్టేషన్‌ ఎదుట నూతనంగా నిర్మిస్తున్న మూడు గదుల నిర్మాణ పనులను, పినపాక మండలంలో నిర్మాణంలో ఉన్న నూతన పోలీస్‌ స్టేషన్‌ భవన పనులను పరిశీలించి, త్వరితగతిన పూర్తి చేయాలని చెప్పారు. ఈ కార్యక్రమాల్లో మణుగూరు డీఎస్పీ రవీందర్‌ రెడ్డి, సీఐలు వెంకటేశ్వరరావు, ఎల్లయ్య, నాగబాబు, ఎస్‌ఐలు పీవీఎన్‌ రావు, రఘు, రాజేష్‌, రవూఫ్‌ పాల్గొన్నారు. ఎస్పీ రోహిత్‌ రాజు

సూపర్‌బజార్‌(కొత్తగూడెం): జిల్లాలో రోడ్డు ప్రమాదాల నివారణకు పటిష్ట చర్యలు చేపట్టాలని జిల్లా రెవెన్యూ అధికారి పద్మావతి ఆదేశించారు. కలెక్టరేట్‌లో శుక్రవారం నిర్వహించిన జిల్లాస్థాయి రోడ్డు భద్రత కమిటీ సమావేశంలో జిల్లాలో నమోదైన రోడ్డు ప్రమాదాలు, మరణాలు, గాయపడిన వారి వివరాలతోపాటు ప్రమాదాల నివారణకు చేపట్టా ల్సిన చర్యలపై సమీక్షించారు. ఈ సందర్భంగా జిల్లాలో ఈ ఏడాది జనవరి 1 నుంచి అక్టోబర్‌ 15 వరకు 410 రోడ్డు ప్రమాదాలు నమోదయ్యాయని అధికారులు వివరించారు. వీటిల్లో 191 మంది ప్రాణాలు కోల్పోగా, 26 మంది తీవ్రంగా, 383 మంది స్వల్పంగా గాయపడ్డారు. అనంతరం డీఆర్వో మాట్లాడుతూ ప్రమాదాలు అధికంగా నమోదవుతున్న రహదారులను గుర్తించి, ఆయా ప్రాంతాల్లో ప్రత్యేక భద్రతా చర్యలు చేపట్టాలని ఆదేశించారు. ప్రమాద ప్రాంతాల్లో హెచ్చరిక బోర్డులు, రోడ్‌ మార్కింగ్‌లు, రిఫ్లెక్టర్లు, వీధి దీపాలు ఏర్పాటు చేయాలని సూచించారు. ప్రమాదకర మలుపులు, కూడళ్లు, రహదారులపై ఉన్న ఇతర సమస్యలను గుర్తించి, సంబంధిత శాఖల అధికారులు సమన్వయంతో పరిష్కరించాలని తెలిపారు. రహదారుల భద్రతకు సంబంధించిన పనుల్లో జాప్యం చేయొద్దన్నారు. హిట్‌ అండ్‌ రన్‌ కేసుల్లో తగిన చర్యలు తీసుకుని, బాధితులకు సకాలంలో సహాయం అందించాలని అన్నారు. జిల్లా రవాణా శాఖ అధికారి భూషిత్‌ రెడ్డి, డీఆర్‌ఎం జి.బాలాజీ, జిల్లా ఇంటర్మీడియట్‌ శాఖ అధికారి సీహెచ్‌ వెంకటేశ్వర్లు, డీఎస్పీ వెంకన్న బాబు, జిల్లా వైద్య శాఖ అధికారులు, ఆర్‌అండ్‌బీ, ట్రాఫిక్‌, కలెక్టరేట్‌ సి.సెక్షన్‌ అధికారులు పాల్గొన్నారు.డీఆర్వో పద్మావతి

అదనపు కలెక్టర్‌ వేణుగోపాల్‌ సూపర్‌బజార్‌(కొత్తగూడెం): సమాజంలో కొనసాగుతున్న వెట్టి చాకిరి, బానిసత్వం వంటి అమానవీయ దురా చారాలను పూర్తిగా నిర్మూలించేందుకు ప్రతి ఒక్కరూ కృషి చేయాలని అదనపు కలెక్టర్‌ డి.వేణుగోపాల్‌ పిలుపునిచ్చారు. వెట్టి చాకిరి నిర్మూలనపై కార్మిక శాఖ రూపొందించిన వాల్‌ పోస్టర్లను శుక్రవారం కలెక్టరేట్‌లో ఆయన ఆవిష్కరించారు. అనంతరం అసంఘటిత రంగ కార్మికులకు చట్టాలపై అవగాహన కల్పించేందుకు ఏర్పాటు చేసిన ప్రచార రథాన్ని జెండా ఊపి ప్రారంభించారు. ఈ సందర్భంగా మాట్లాడుతూ తెలంగాణ ప్రభుత్వం చేపట్టిన ‘స్వేచ్ఛా ధనం’రాష్ట్రవ్యాప్త అవగాహన కార్యక్రమం ద్వారా వెట్టి చాకిరి నిర్మూలన, బాధితుల గుర్తింపు, పునరావాసం, హక్కులపై అవగాహన కల్పించనున్నట్లు తెలిపారు. జిల్లా సహాయ కార్మిక కమిషనర్‌ శ్యామల ప్రమోద్‌ కుమార్‌, జిల్లా ఉపాధి కల్పన శాఖ అధికారి కె శ్రీరామ్‌, ఇతర అధికారులు బి.నాగరాజు, పీవీకే శాస్త్రి, ఎ.యేసుపాదం, రజిత తదితరులు పాల్గొన్నారు. భూ రీ సర్వే వేగవంతం చండ్రుగొండ : జిల్లాలో భూ రీసర్వే వేగవంతంగా నిర్వహిస్తున్నట్లు జిల్లా అదనపు కలెక్టర్‌ వేణుగోపాల్‌ తెలిపారు. మండలంలోని సీతాయిగూడెం గ్రామంలో జరుగుతున్న భూ రీసర్వే ప్రక్రియను శుక్రవారం ఆయన పరిశీలించి పలు సూచనలు చేశారు. సర్వే ల్యాండ్స్‌ ఏడీ శ్రీనివాసరావు, డీటీ హైందవి, ఆర్‌ఐ తిరుపతిరావు పాల్గొన్నారు. అంతర పంటగా కోకో సాగు చేయాలికొబ్బరి అభివృద్ధి బోర్డు డీఓ శరత్‌ అశ్వారావుపేటరూరల్‌: కొబ్బరి, పామాయిల్‌ తోటల్లో రైతులు అంతర పంటగా కోకోను సాగు చేసి అదనపు ఆదాయాన్ని పొందాలని కొబ్బరి అభివృద్ధి బోర్డు డీఓ(డెవలప్‌మెంట్‌ ఆఫీసర్‌) హెచ్‌ఎన్‌ శరత్‌ సూచించారు. శుక్రవారం కొబ్బరి క్షేత్రంలో రైతులకు నిర్వహించిన అవగాహన కార్యక్రమంలో మాట్లాడారు. రాయితీ పథకాలను సద్వినియోగం చేసుకుని, కొబ్బరి తోటల సాగును మరింత విస్తరించాలని అన్నారు. అనంతరం పలువురు రైతులు మాట్లాడుతూ పొటాష్‌తోపాటు వేప పిండి, లింగాకర్షక బుట్టలను సరఫరా చేయాలని, కోకో మొక్కల నర్సరీ స్థానికంగా ఏర్పాటు చేసి, రాయితీపై మొక్కలను అందించాలని కోరారు. ఆత్మ కమిటీ చైర్మన్‌ ఎస్‌ వీరభద్రరావు, రైతు సంఘం నాయకులు కొక్కెరపాటి పుల్లయ్య, హెచ్‌ఈఓ ఈశ్వర్‌, శీమకుర్తి వెంకటేశ్వరరావు, తలశిల ప్రసాద్‌ పాల్గొన్నారు. పుష్కరాల ఏర్పాట్లు పూర్తి చేయాలిసౌత్‌ సెంట్రల్‌ రైల్వే డీఆర్‌ఎం గోపాలకృష్ణన్‌ కొత్తగూడెంఅర్బన్‌: భద్రాచలం రోడ్డు రైల్వే స్టేషన్‌లో చేపడుతున్న పుష్కరాలు పనులు, ఏర్పాట్లను త్వరితగతిన పూర్తి చేయాలని సౌత్‌ సెంట్రల్‌ రైల్వే డీఆర్‌ఎం గోపాలకృష్ణన్‌ అన్నారు. శుక్రవారం స్పెషల్‌ ట్రైన్‌లో వచ్చిన ఆయన గోదావరి పుష్కరాల నేపథ్యంలో జరుగుతున్న ఏర్పాట్లను పరిశీలించారు. ఈ సందర్భంగా మాట్లాడుతూ పనుల్లో నాణ్యత పాటించాలని ఆదేశించారు. పుష్కరాలకు భద్రాచలం వచ్చే భక్తులకు అసౌకర్యం కలుగకుండా భారీ షెడ్లను ఏర్పాటు చేస్తున్నామని, రైల్వే స్టేషన్‌లోనే ఆర్టీసీ బస్సులు అందుబాటులో ఉండేలా చూస్తామని వివరించారు. అనంతరం డీఆర్‌యూసీసీ మెంబర్లు వై.శ్రీనివాస్‌రెడ్డి, భీమా శ్రీధర్‌ వేర్వేరుగా వినతిపత్రాలు అందజేశారు. తిరుపతికి, షిరిడికి ప్రత్యేక రైళ్లు నడపాలని, గతంలో రద్దు చేసిన కొల్హాపూర్‌, కాజీపేట, డోర్నకల్‌ రైళ్లను తిరిగి నడిపించాలని కోరారు. సింగరేణి రైలులో సౌకర్యాలు కల్పించాలని, కరీంనగర్‌–తిరుపతి సూపర్‌ ఫాస్ట్‌ రైలుకు డోర్నకల్‌లో స్టాప్‌ ఏర్పాటు చేయాలని, సత్తుపల్లికి ప్యాసింజర్‌ రైలు ఏర్పాటు చేయాలని చాంబర్‌ ఆఫ్‌ కామర్స్‌ ఆధ్వర్యంలో వినతిపత్రం అందజేశారు. వందనపు సూర్యప్రకాశరావు తదితరులు పాల్గొన్నారు.

భద్రాచలం: శ్రీ సీతారామ చంద్రస్వామి దేవస్థానంలో స్వామివారి నిత్యకల్యాణం వైభవోపేతంగా జరిగింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం మిథిలా స్టేడియంలోని రామసేవా మండపంలో స్వామివారి నిత్యకల్యాణ మూర్తులను కొలువుదీర్చారు. విశ్వక్సేన పూజ, పుణ్యాహవాచనం చేశారు. స్వామి వారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ ఘట్టాన్ని ఆలయ అర్చకులు శాస్త్రోక్తంగా జరిపారు. రామయ్య సన్నిధిలో త్రిదండి జీయర్‌స్వామి శ్రీ సీతారామ చంద్రస్వామి వారిని శుక్రవారం త్రిదండి దేవనాథ రామానుజ జీయర్‌ స్వామి దర్శించుకున్నారు. ఆలయ ప్రదక్షిణ అనంతరం అంతరాలయంలో మూలమూర్తులను దర్శించుకున్నారు. పండితులు వేదాశీర్వచనం చేశారు. ఆలయ అభివృద్ధి పనులను పరిశీలించారు. ఆలయ ఏఈవో శ్రావన్‌కుమార్‌, అర్చకులు, పండితులు పాల్గొన్నారు. శాశ్వత నిత్యాన్నదానానికి విరాళం శ్రీ సీతారామ చంద్రస్వామి దేవస్థానంలో శాశ్వత నిత్యాన్నదాన కార్యక్రమానికి బెంగళూరుకు చెందిన భక్తుడు పి.కిషోర్‌ రూ. 1.5 లక్షల విరాళం అందించాడు. దాతకు అధికారులు రశీదు అందజేశారు. ఆలయ పర్యవేక్షకుడు లింగాల సాయిబాబు, అర్చకులు పాల్గొన్నారు. 26న శబరి స్మృతి యాత్ర దేవస్థానం ఆధ్వర్యంలో ఈ నెల 26న అశ్వయుజ పూర్ణిమ సందర్భంగా శబరి స్మృతి యాత్ర నిర్వహించనున్నట్లు ఆలయ ఈఓ దామోదర్‌రావు శుక్రవారం ప్రకటనలో తెలిపారు. ఉదయం 7 గంటలకు శబరి చిత్రపటంతో గిరి ప్రదక్షిణ, ప్రత్యేక పూజలు, ప్రచార రథంతో శోభాయాత్ర, నిత్యకల్యాణోత్సవాలు, అన్నదాన ప్రసాద వితరణ కార్యక్రమాలు జరపనున్నట్లు పేర్కొన్నారు.

భద్రాచలంటౌన్‌: భద్రాచలం పట్టణానికి చెందిన ఎస్‌బీఐ రిటైర్డ్‌ అధికారి డీవీ శంకరరావు ప్రపంచ పవర్‌లిఫ్టింగ్‌ పోటీల్లో సత్తా చాటారు. అమెరికాలోని రెనో నగరంలో ఈ నెల 22న జరిగిన వరల్డ్‌ మాస్టర్స్‌ ఎక్విప్డ్‌ పవర్‌ లిఫ్టింగ్‌ చాంపియన్‌షిప్‌లో రజత పతకం సాధించాడు. ఈ నెల 15న జరిగిన క్లాసిక్‌ పవర్‌లిఫ్టింగ్‌ పోటీల్లో కాంస్య పతకం గెలుచుకున్నాడు. 2012లో గుండె బైపాస్‌ శస్త్రచికిత్స చేయించుకున్న ఆయన 73 ఏళ్ల వయసులో రెండు పతకాలు సాధించి స్ఫూర్తిగా నిలిచాడు. ఇప్పటివరకు 10 పతకాలు సాధించిన శంకరరావును పలువురు అభినందించారు. ప్రభుత్వాస్పత్రిలో కాన్పుల సంఖ్య పెంచాలిటేకులపల్లిరూరల్‌: ప్రభుత్వాస్పత్రిలో కాన్పుల సంఖ్య పెంచాలని డీఎంహెచ్‌ఓ డాక్టర్‌ తుకా రాం రాథోడ్‌ సూచించారు. మండలంలోని సులానగర్‌ ప్రాథమిక ఆరోగ్య కేంద్రాన్ని శుక్రవారం ఆయన సందర్శించారు. రికార్డులు, రిజిస్టర్లు తనిఖీ చేశారు. అనంతరం మాట్లాడు తూ పీహెచ్‌సీలో కాన్పుల సంఖ్య పెంచాలని, గర్భిణుల ఆరోగ్యంపై ప్రత్యేక శ్రద్ధ వహించా లని ఆదేశించారు. ప్రోగ్రాం అధికారి డాక్టర్‌ సుందర్‌ పాల్గొన్నారు. కాంట్రాక్ట్‌ ఉపాధ్యాయుడు, వర్కర్‌పై పోక్సో కేసుఇల్లెందురూరల్‌: మండలంలోని రొంపేడు బాలికల ఆశ్రమ పాఠశాలలో కాంట్రాక్ట్‌ ఉపాధ్యాయుడు, కాంట్రాక్ట్‌ వర్కర్‌పై ఈ నెల 18న పోక్సో కేసు నమోదు కాగా, ఆలస్యంగా వెలుగులోకి వచ్చింది. ఏటీడీఓ భారతీదేవి శుక్రవారం ఆశ్రమ పాఠశాలను సందర్శించి విచారణ నిర్వహించారు. నివేదికను ఉన్నతాధికారులకు సమర్పించి, వారి ఆదేశాలతో చర్యలు తీసుకుంటామని తెలిపారు. బాలికల ఆశ్రమ పాఠశాలలో పర్యవేక్షణ లోపం బాలికల ఆశ్రమ పాఠశాలలో పర్యవేక్షణ లోపం అవాంఛనీయ ఘటనకు బీజం వేసిందన్న ఆరోపణలు వ్యక్తమవుతున్నాయి. ఈ నెల 18న బాధిత కుటుంబం ఫిర్యాదుతో ఇల్లెందు పోలీసుస్టేషన్‌లో కేసు నమోదైనా ఇప్పటివరకు సమగ్ర విచారణ చేపట్టలేదు. కేసు నమోదు విషయం శుక్రవారం వరకు తమ దృష్టికి రాలేదని హెచ్‌ఎం పద్మ తెలపడం గమనార్హం.

భద్రాచలం సబ్‌ కలెక్టర్‌ మృణాల్‌ శ్రేష్ఠ సూపర్‌బజార్‌(కొత్తగూడెం): జిల్లాలో జనాభా గణన పారదర్శకంగా నిర్వహించాలని భద్రాచలం సబ్‌ కలెక్టర్‌ మృణాల్‌ శ్రేష్ఠ సూచించారు. జనాభా గణన ఫేస్‌–2 నిర్వహణకు సంబంధించి కలెక్టరేట్‌లో రెండు రోజులు నిర్వహించిన సమగ్ర శిక్షణ శుక్రవారంతో ముగిసింది. ఈ సందర్భంగా సబ్‌ కలెక్టర్‌ మాట్లాడుతూ జనాభా గణన మార్గదర్శకాలను తప్పనిసరిగా పాటించాలని తెలిపారు. ఎన్యూమరేటర్లు, సూపర్‌వైజర్లు బాధ్యతాయుతంగా విధులు నిర్వర్తించాలని చెప్పారు. కాగా, సెన్సెస్‌ శాఖ రూపొందించిన 40 ప్రశ్నలతో కూడిన ప్రశ్నావళిపై అధికారులకు సమగ్ర శిక్షణ అందించారు. సీపీఓ జె.సునీత, ఆర్డీఓ డి మధు, జెడ్పీ సీఈఓ నాగలక్ష్మి, డీపీఓ అనూష, డీఈఓ శంభూప్రసాద్‌, మాస్టర్‌ ట్రైనర్లు రవీందర్‌ నాయక్‌, శివ, మున్సిపల్‌ కమిషనర్లు, తహసీల్దార్లు పాల్గొన్నారు. పంచాయతీ కార్యదర్శి సంతకం ఫోర్జరీపాల్వంచరూరల్‌: పంచాయతీ కార్యదర్శి సంతకాన్ని ఫోర్జరీ చేసిన ఘటనలో ఇద్దరిపై పోలీసులు శుక్రవారం కేసు నమోదు చేశారు. పోలీసుల కథనం ప్రకారం.. మండల పరిధిలోని బస్వతారాకకాలనీ గ్రామపంచాయతీ పరిధిలో కోళ్లఫారం ఏర్పాటుకు పంచాయతీ కార్యదర్శి అనుమతి ఇవ్వలేదు. బానోత్‌ వీరన్న, రామా అనే వ్యక్తులు కార్యదర్శి సంతకాన్ని ఫోర్జరీ చేసి, కోళ్లఫారం నిర్వహిస్తున్నారు. ఈ ఘటనపై పంచాయతీ కార్యదర్శి అజ్మీరా రాంబాబు ఈ నెల 19న ఫిర్యాదు చేయగా, కేసు నమోదు చేసినట్లు ఎస్‌ఐ సురేశ్‌ శుక్రవారం తెలిపారు.

కొత్తగూడెంఅర్బన్‌: కొత్తగూడెం త్రీటౌన్‌ పోలీస్‌ స్టేషన్‌ పరిధిలోని సఫాయిబస్తీ ఏరియాలో శుక్రవారం తెల్లవారుజామున 4 గంటల నుంచి ఉద యం 7 గంటల వరకు కార్డన్‌ అండ్‌ సెర్చ్‌ నిర్వహించారు. తనిఖీల్లో సరైన ధ్రువపత్రాలు లేని 47 ద్విచక్ర వాహనాలు, 2 త్రిచక్ర వాహనాలను గుర్తించి జరిమానా విధించారు. 87 ఐఎంఎఫ్‌ఎల్‌ మద్యం సీసాలను స్వాధీనం చేసుకున్నారు. అనంతరం నిర్వహించిన కమ్యూనిటీ కనెక్ట్‌ కార్యక్రమంలో డీఎస్పీ ఆదినారాయణ మాట్లాడారు. గంజా యి, ఇతర మాదకద్రవ్యాల వినియోగం వల్ల కలిగే అనర్థాలపై అవగాహన కల్పించారు. తల్లిదండ్రులు పిల్లల ప్రవర్తనను నిరంతరం గమనింంచాలని చెప్పారు. సైబర్‌ నేరాల నియంత్రణకు ఓటీపీ, యూపీఐ మోసాలు, నకిలీ ఫోన్‌ కాల్స్‌, అనుమానా స్పద లింకుల పట్ల అప్రమత్తంగా ఉండాలని సూ చించారు. శాంతిభద్రతల పరిరక్షణలో పోలీసులకు సహకరించాలని, మతసామరస్యాన్ని కాపాడాలని కోరారు. సీఐలు ఇంద్రసేనారెడ్డి, జితేందర్‌, సుమా రు 80 మంది పోలీసు సిబ్బంది పాల్గొన్నారు. కార్డన్‌ అండ్‌ సెర్చ్‌ నిర్వహించిన పోలీసులు

ములకలపల్లి: మద్యానికి బానిసై ఓ వ్యక్తి ఆత్మహత్య చేసుకున్న ఘటన శుక్రవారం జరిగింది. ఎస్సై మధుప్రసాద్‌ కథనం ప్రకారం.. మండలంలోని జగన్నాథపురం గ్రామ పంచాయతీ చండ్రకుంట గ్రామానికి చెందిన కొర్సా రాజులు (35) భార్య వెంటకమ్మతో కలిసి కూలి పనులు చేసుకుంటూ జీవనం సాగిస్తున్నాడు. రాజులు కొంతకాలంగా మద్యానికి బానిసై ఏ పనీ చేయకుండా తిరుగుతున్నాడు. శుక్రవారం కూడా అతిగా మద్యం తాగి ఇంటికిరాగా, భార్య కోపగించుకుంది. దీంతో మనస్తాపం చెంది, మద్యంలో పురుగుల మందు కలుపుకుని తాగాడు. పాల్వంచ ఏరియా ఆస్పత్రికి తరలించేలోపే మృతి చెందాడు. పోలీసులు కేసు నమోదు చేసి దర్యాప్తు చేపట్టారు. టేకులపల్లి: మండల కేంద్రంలోని పోలీసు స్టేషన్‌ ఎదుట గురువారం రాత్రి వాహనాల తనిఖీ చేపట్టిన కానిస్టేబుల్‌ పులసం రవిని ఇసుక లారీ ఢీకొట్టిన విషయం విదితమే. ఆ తర్వాత ఆటోను ఢీకొట్టగా మరో ఇద్దరికి గాయాలయ్యాయి. దీంతో శుక్రవారం లారీ డ్రైవర్‌ భూక్య గణేష్‌పై కేసు నమోదు చేశారు. రవిని కొత్తగూడెంలోని ప్రైవేట్‌ ఆస్పత్రికి తరలించి చికిత్స అందిస్తున్నట్లు ఎస్‌ఐ తిరుపతి తెలిపారు. చికిత్స పొందుతున్న కానిస్టేబుల్‌ను శుక్రవారం సీఐ బత్తుల సత్యనారాయణతో కలిసి ఎస్పీ రోహిత్‌రాజు పరామర్శించారు. రూ. 25 వేల ఆర్థికసాయం చేశారు. భద్రాచలంఅర్బన్‌: అక్రమంగా తరలిస్తున్న ఐదు పశువులను శుక్రవారం పోలీసులు పట్టుకున్నారు. చర్ల నుంచి మోరంపల్లి బంజరకు తరలిస్తుండగా భద్రాచలం బ్రిడ్జి పాయింట్‌ వద్ద స్వాధీనం చేసుకున్నారు. పశువులను పాల్వంచలోని గోశాలకు తరలించి, ఇద్దరు నిందితులపై కేసు నమోదు చేశారు. మణుగూరు టౌన్‌: సింగరేణి మణుగూరు ఓసీలో గురువారం అర్ధరాత్రి కొందరు వ్యక్తులు చోరీకి యత్నించగా, ఓసీ స్పెషల్‌ టీం ఆధ్వర్యంలో దాడులు నిర్వహించారు. 35 మీటర్ల కేబుల్‌ను స్వాధీనం చేసుకోగా, దొంగలు పరారయ్యారు. గతంలోనూ రెండుసార్లు దొంగతనాలకు యత్నించగా, సెక్యూరిటీ సిబ్బంది చాకచక్యంగా అడ్డుకుని కాపర్‌ చోరీకి గురికాకుండా చర్యలు తీసుకున్నారు.

జూలూరుపాడు: ఎల్‌నినో ప్రభావం నుంచి బయటపడేందుకు గ్రామాల్లో వర్షపు నీటి సంరక్షణ కోసం ఇంకుడు గుంతల నిర్మాణానికి ప్రాధాన్యత ఇవ్వాలని, భూగర్భ జలాల పెంపుదలకు అవసరమైన పనులను గుర్తించి పనులు చేపట్టాలని డీఆర్డీఓ, అదనపు కలెక్టర్‌(స్థానిక సంస్థల) విద్యా చందన అన్నారు. శుక్రవారం జూలూరుపాడు మండలంలో ఆమె వీబీజీ రామ్‌ జీ పనులను పరిశీలించారు. ఈ సందర్భంగా మాట్లాడుతూ జలసిరి పనుల ప్రాముఖ్యత, నీటి సంరక్షణ, భూగర్భ జాలల పెంపుదల, నీటి వనరుల అభివృద్ధి వంటి అంశాలపై కూలీలకు అవగాహన కల్పించారు. అనంతరం మండల పరిషత్‌ అభివృద్ధి కార్యాలయంలో జరిగిన మండల సర్వసభ్య సమావేశంలో అధికారులు, సర్పంచ్‌లకు ఆమె దిశానిర్దేశం చేశారు. రైతులకు ఉపయోగకరంగా ఉండే పంట కుంటల నిర్మాణం చేపట్టాలన్నారు. ఎంపీడీఓ తాళ్లూరి రవి, ఎంపీఓ తులసీరామ్‌, సర్పంచ్‌లు, పంచాయతీ కార్యదర్శులు, వివిధశాఖల అధికారులు, వీబీజీ రామ్‌ జీ సిబ్బంది పాల్గొన్నారు. డీఆర్డీఓ విద్యా చందన

ములకలపల్లి(అన్నపురెడ్డిపల్లి): తమ వీధి గుండా విద్యుత్‌ లైను వేయవద్దని ఒడ్డుబజార్‌ వాసులు ఆందోళన చేపట్టి పనులను అడ్డుకున్నారు. కమలాపురం నుంచి పెంట్లం సబ్‌స్టేషన్‌కు విద్యుత్‌ సరఫరా నిమిత్తం మండలకేంద్రంలోని ఒడ్డుబజార్‌ నుంచి 33 కేవీ లైన్‌ పనులు శుక్రవారం ప్రారంభించారు. తమ వీధిలో విద్యుత్‌ లైన్‌ ఏర్పాటు చేయొద్దని స్థానికులు ఆందోళనకు దిగారు. జనావాసాల మధ్య లైన్‌ ఏర్పాటు చేస్తే ప్రమాదాలు చోటు చేసుకునే అవకాశం ఉందని పేర్కొన్నారు. స్తంభాలు, విద్యుత్‌లైను వేసేందుకు వచ్చిన అధికారులను, సిబ్బందిని అడ్డుకున్నారు. ఈక్రమంలో ఓ వ్యక్తి పెట్రోల్‌ బాటిల్‌తో వచ్చి ఒంటిపై పోసుకుంటుండగా, పలువురు అడ్డుకున్నారు. దీంతో కొద్దిసేపు ఉద్రిక్త వాతావరణం నెలకొంది. పోలీసులు నచ్చజెప్పినా వినకపోవడంతో అధికారులు పనులు నిలిపివేసి వెనుదిరిగారు. కాగా, ఒంటిపై పెట్రోల్‌ పోసుకుని, ప్రభుత్వ అధికారుల విధులకు ఆటంకం కలిగించిన నవీన్‌ అనే వ్యక్తిపై కేసు నమోదు చేసినట్లు ఎస్సై విజయసింహారెడ్డి తెలిపారు. ఒకరిపై కేసు నమోదు

మణుగూరు టౌన్‌: రెవెన్యూ అధికారుల తీరుతో మణుగూరు ఓసీ విస్తరణ అపహాస్యమవుతోంది. విస్తరణకు మూడు గ్రామాల్లో సుమారు 813 ఎకరాల భూమిని రైతుల నుంచి సేకరిస్తున్నారు. ఆర్‌అండ్‌ఆర్‌ ప్యాకేజీల పేరిట దళారుల చేతివాటానికి రెవెన్యూ అధికారుల సహకారం తోడవడంతో అనర్హుల పేర్లు కూడా జాబితాలో వచ్చాయి. దీంతో సింగరేణిపై పరిహారం భారం పెరగనుంది. మణుగూ రు ఓసీలో బొగ్గు నిల్వలు అడుగంటుతుండటంతో యాజమాన్యం విస్తరణకు చర్యలు చేపట్టింది. 37 మిలియన్‌ టన్నుల నిల్వలను గుర్తించి 2026–27లో ఉత్పత్తి ప్రారంభించాలని భావించింది. కానీ క్షేత్రస్థాయి పరిస్థితి ఆందోళనకరంగా ఉంది. రూ.437 కోట్లు కేటాయింపు.. ఓసీ విస్తరణ అనంతరం వచ్చే జీ–13, 15, 9 గ్రేడ్‌ బొగ్గును కేవలం బీటీపీఎస్‌కు మాత్రమే కేటాయించాలి. బహిరంగ మార్కెట్‌లో రూ. 609 అదనంగా అందించేందుకు ఎంఓయూ కుదరగా, ప్రస్తుతం మణుగూరు ఓసీ విస్తరణలో భూ సేకరణ ప్రక్రియ జరుగుతోంది. ఈ క్రమంలో భూములు తీసుకునే రైతులకు పరిహారం కింద రూ.160 కోట్లు, సర్వే, ఇతర వ్యవహారాలకు మొత్తం కలిపి రూ.437 కోట్లు కేటాయించింది. తాజాగా వెలువడిన నిర్వాసితులజాబితాలో ఆర్‌అండ్‌ఆర్‌ ప్యాకేజీ అందుకునే వారి సంఖ్య పెరిగింది. దీంతో చెల్లింపులు ఇంకారూ. కోట్లలో పెరిగే అవకాశం ఉన్నట్లు తెలుస్తోంది. ఓసీ విస్తరణ భవిష్యత్‌ 20 సంవత్సరాలు ఉంది. భూ సేకరణ ప్రతిపాదనల ప్రారంభ దశలో అధికా రుల సంయుక్త సమావేశంలో తిర్లాపురం, రామానుజవరం, మణుగూరు గ్రామా ల రికార్డులను అనుసరించి పహణీ, తదితర అంశాల ప్రాతిపదికన నిర్వాసితులు 400 మంది నుంచి 500 వరకు ఉండే అవకాశం ఉందని అధికారులు భావించారు. రెవెన్యూ అధికారుల నిర్లక్ష్యంతో ప్రస్తుతం వారి సంఖ్య 1380కి చేరింది. అభ్యంతరాల స్వీకరణ అనంతరం మరింత పెరిగే అవకాశం లేకపోలేదు. ఫలితంగా ఆర్‌అండ్‌ఆర్‌ ప్యాకేజీలు అందుకునే నిర్వాసితులు పెరిగి సింగరేణిపై ఆర్థిక భాగం పెరిగి మణుగూరు ఓసీలో ఉత్పత్తి వ్యయం పెరిగి లాభసాటిగా ఉండదు అన్న భావన సింగరేణి అధికారుల్లో చర్చనీ యాంశంగా మారినట్లు సమాచారం. పక్క జిల్లావా సులు ఇక్కడ 1 నుంచి 10 కుంటల భూమి విస్తీర్ణంలో వ్యవసాయం చేసినట్లు రెవెన్యూ అధికారులు రికార్డులు చూపుతున్నారు. క్షేత్రస్థాయి విచారణ అనంతరం పబ్లిక్‌ నోటీస్‌లో కూడా అదే విషయం పేర్కొనడం గమనార్హం. ఈ విషయమై మణుగూరు తహసీల్దార్‌ అద్దంకి నరేష్‌ను వివరణ కోరేందుకు ప్రయత్నించగా.. ఆయన అందుబాటులోకి రాలేదు.

● న్యూయార్క్‌లో గుండెపోటుతో ఖమ్మం యువతి మృతి ● ఇటీవలే ఎంఎస్‌ పూర్తి, వారంలోగా ఉద్యోగానికి.. ● ఇంతలోనే కన్నుమూసిన అక్షితఖమ్మంఅర్బన్‌: కుటుంబానికి దూరంగా ఉంటూ ఉన్నత చదువు పూర్తిచేయడమే కాక మంచి ఉద్యోగానికి ఎంపికై ంది. ఇన్నాళ్లు పడిన శ్రమకు ఫలితం దక్కుతుందని ఆ యువతితో పాటు తల్లిదండ్రులు ఆశపడ్డారు. కానీ ఆ విజయాన్ని ఆస్వాదించకుండానే యువతి గుండెపోటుతో కన్నుమూసింది. ఎంఎస్‌ పూర్తి చేసి, మూడు ప్రముఖ కంపెనీల్లో ఉద్యోగాలకు ఎంపికై న ఆమె నచ్చిన సంస్థలో త్వరలోనే చేరి జీవితంలో కొత్త అధ్యాయానికి శ్రీకారం చుట్టాల్సిన తరుణంలో మృతి చెందిందన్న సమాచారం తెలియడంతో కుటుంబానికి తీరని విషాదాన్ని మిగిల్చింది. నాలుగేళ్ల క్రితం అమెరికాకు... తిరుమలాయపాలెం మండలం కొక్కిరేణి గ్రామానికి చెందిన నల్లమల ఆనంద్‌–కల్పన దంపతులు ఖమ్మం మమతారోడ్డులో స్థిరపడ్డారు. ఆనంద్‌ వ్యాపారం చేస్తూనే చాంబర్‌ ఆఫ్‌ కామర్స్‌ ఎగుమతుల విభాగం అధ్యక్షుడిగా వ్యవహరిస్తుండగా, కల్పన విద్యుత్‌ శాఖలో ఉద్యోగం చేస్తున్నారు. వీరి కుమార్తె అక్షిత(26) నాలుగేళ్ల క్రితం ఉన్నత చదువుల కోసం అమెరికా వెళ్లింది. ఆతర్వాత ఆమె సోదరుడు అక్షయ్‌ కూడా వెళ్లడంతో న్యూయార్క్‌లోని ఒకే ఇంట్లో ఉంటున్నారు. ఇటీవలే ఎంఎస్‌ పూర్తి చేసిన అక్షిత తాజాగా మూడు కంపెనీల్లో ఉద్యోగాలకు ఎంపికై ంది. అందులో నచ్చిన సంస్థను ఎంచుకుని వారం రోజుల్లో విధుల్లో చేరేందుకు సిద్ధమవుతోంది. ఉద్యోగంలో స్థిరపడ్డాక మంచి సంబంధం చూసి వివాహం చేయాలని తల్లిదండ్రులు భావిస్తున్నారు. జిమ్‌ నుంచి వచ్చి కుప్పకూలి.. అక్షిత శుక్రవారం తెల్లవారుజామున(భారత కాలమానం ప్రకారం) రోజులాగే వ్యాయామం కోసం జిమ్‌కు వెళ్లి తిరిగి గదికి వచ్చింది. అనంతరం సోదరుడు అక్షయ్‌తో కలిసి పాస్తా తిన్నాక ఆమె నివాస సముదాయం కింద వాకింగ్‌ చేస్తోంది. ఈక్రమాన ఒక్కసారిగా కుప్పకూలిపోవడంతో స్పందించిన సోదరుడు వైద్యులను పిలిపించి సీపీఆర్‌ చేయించినా ఫలితం దక్కలేదు. అప్పటికే ఆమె గుండెపోటుతో ప్రాణాలు విడిచినట్లు వైద్యులు ప్రకటించారు. దీంతో సోదరుడు ఖమ్మంలోని తల్లితండ్రులకు సమాచారం ఇవ్వడంతో కన్నీరుమున్నీరుగా విలపిస్తున్నారు. తండ్రితో మాట్లాడిన కొద్దిసేపటికే.. అక్షిత జిమ్‌కు వెళ్లి వచ్చాక తండ్రి ఆనంద్‌తో ఫోన్‌లో మాట్లాడింది. ఆ తర్వాత వాకింగ్‌ వెళ్లిన ఆమె, కాసేపటికి మృతి చెందిందనే సమాచారం తెలియడంతో ఆనంద్‌ – కల్పన దంపతులతో పాటు బంధువుల రోదనలు మిన్నంటాయి. ఈమేరకు బంధువులు, మిత్రులు పెద్ద సంఖ్యలో చేరుకుని ఆనంద్‌ దంపతులను ఓదార్చారు. ఉన్నత చదువులు చదివిన కుమార్తె ఉద్యోగం చేస్తూ తమకు అండగా నిలుస్తుందనుకునే తరుణాన దూరమైందంటూ వారు రోదించినట్లు తీరు అందరినీ కంటతడి పెట్టించింది. స్వదేశానికి తీసుకొచ్చేందుకు ప్రయత్నాలు అమెరికా నుంచి అక్షిత మృతదేహాన్ని స్వస్థలానికి తీసుకొచ్చేందుకు మిత్రులు, కుటుంబ సభ్యులు ప్రయత్నాలు ప్రారంభించారు. అమెరికాలోని ‘తానా’ సహకారంతో పాటు కేంద్ర, రాష్ట్ర మంత్రులను సంప్రదిస్తున్నట్లు వారు తెలిపారు. అక్కడి నిబంధనల ప్రకారం పోస్టుమార్టం, ఇతర అధికారిక ప్రక్రియ పూర్తయ్యాక సోమవారం నాటికి మృతదేహం ఖమ్మం చేరే అవకాశముందని తెలిసింది. కాగా, అక్షిత మృతిపై రాష్ట్ర మంత్రి తుమ్మల నాగేశ్వరరావు దిగ్భ్రాంతి వ్యక్తం చేశారు. ఆయన ఆనంద్‌కు ఫోన్‌ చేసి పరామర్శించారు. అలాగే, మాజీ ఎంపీ నామా నాగేశ్వరరావు కూడా ఓ ప్రకటనలో సంతాపం తెలిపారు.

చర్ల: రోడ్డు ప్రమాదంలో ఓ వ్యక్తి మృతి చెందిన ఘటన బుధవారం చోటుచేసుకోగా, గురువారం వెలుగులోకి వచ్చింది. పోలీసుల కథనం ప్రకారం.. మండలంలోని చీమలపాడు గ్రామానికి చెందిన ఎల్లబోయిన కామరాజు (62) బుధవారం బైక్‌పై చర్లకు వచ్చి తిరిగి వెళ్తున్నాడు. ఈ క్రమంలో సుబ్బంపేట వైపు నుంచి చర్లకు వస్తున్న టాటా ఏస్‌ ట్రాలీ ఢీకొట్టింది. దీంతో ద్విచక్రవాహనంతోపాటు కామరాజు ఎగిరి పక్కనే ఉన్న చెట్ల పొదల్లో పడిపోయాడు. ప్రమాదం జరిగాక టాటా ఏస్‌ ట్రాలీ వాహనం ఆగకుండా వెళ్లిపోయింది. కాగా, చెట్ల పొదల్లో ద్విచక్రవాహనం, మృతదేహాన్ని గురువారం ఉదయం గమనించిన పాదచారులు పోలీసులకు సమాచారం అందించారు. దీంతో సీఐ రాజువర్మ సంఘటనా ప్రాంతానికి చేరుకుని పరిశీలించారు. మృతుడు చీమలపాడుకు చెందిన కామరాజుగా గుర్తించారు. మృతుడి కుమారుడు కృష్ణబాబు ఫిర్యాదుతో ఎస్సై నర్సిరెడ్డి కేసు నమోదు చేసి దర్యాప్తు చేపట్టారు. ప్రమాదానికి కారణమైన వాహనాన్ని గుర్తించి, డ్రైవర్‌ను అదుపులోకి తీసుకున్నారు. చోరీ కేసులో నిందితుడి అరెస్ట్‌భద్రాచలంఅర్బన్‌: పట్టణంలోని వెంకటేశ్వర కాలనీలో ప్రభుత్వ ఉపాధ్యాయుడు అపాక శంకరరావు ఇంట్లో జరిగిన చోరీ కేసులో నిందితుడిని పోలీసులు అరెస్ట్‌ చేసిన విషయం ఆలస్యంగా వెలుగులోకి వచ్చింది. ఈ నెల 14న గుర్తుతెలియని వ్యక్తులు ఉపాధ్యాయుడి ఇంటి తాళాలు పగులగొట్టి రూ.6 వేల విలువైన 25 గ్రాముల వెండి కుంకుమ భరిణెతో పాటు రూ.3 వేల నగదు అపహరించిన విషయం తెలిసిందే. బాధితుడి ఫిర్యాదుతో కేసు నమోదు చేసిన పోలీసులు దర్యాప్తు చేపట్టారు. మణుగూరు మండలం కమలాపురం గ్రామానికి చెందిన లావేటి విమల్‌కుమార్‌ అలియాస్‌ పండు (35)ను నిందితుడిగా గుర్తించి, ఈ నెల 17న అరెస్ట్‌ చేశారు. కాగా, ఈ విషయం గురువారం వెలుగులోకి వచ్చింది. కొండచిలువ హతంములకలపల్లి: సుమారు 8 అడుగుల కొండచిలువ హతమైంది. మండలకేంద్రంలోని భక్త అభయాంజనేయ స్వామి ఆలయ సమీపంలోని ఓ ఇంట్లో కొండచిలువ ఉన్నట్లు కుటుంబీకులు గమనించి ఆందోళన చెందారు. దీంతో స్థానికులు వచ్చి కొండచిలువను కొట్టి చంపేశారు. ఇంటి యజమానికి బెదిరింపులుముగ్గురిని అదుపులోకి తీసుకున్న పోలీసులు భద్రాచలంఅర్బన్‌: విలేకర్లమని చెప్పుకుంటూ ముగ్గురు వ్యక్తులు బెదిరించిన ఘటనపై బాధితుడు పోలీసులకు ఫిర్యాదు చేశాడు. ఫిర్యాదులో పేర్కొన్న వివరాల ప్రకారం.. విజ్జిగిరి రాజాకిరణ్‌ అనే వ్యక్తి పట్టణంలోని చర్ల రోడ్డులో తన స్థలంలో ఇంటి నిర్మాణం చేపట్టాడు. ఈ క్రమంలో గురువారం ముగ్గురు వ్యక్తులు వచ్చి కార్మికులను బెదిరించి పనులు అడ్డుకున్నారు. అనంతరం యజమాని దుకాణానికి వెళ్లి విలేకర్లమని చెప్పుకుంటూ నిర్మాణ అనుమతులపై ప్రశ్నించారు. పనులు కొనసాగాలంటే రూ.25 వేలు ఇవ్వాలని డిమాండ్‌ చేశారు. దీంతో రాజాకిరణ్‌ పోలీసులకు సమాచారం అందించగా, వారొచ్చి ముగ్గురిని స్టేషన్‌కు తరలించారు.

అశ్వారావుపేటరూరల్‌: వివాదాస్పద భూముల్లో రీసర్వే పకడ్బందీగా నిర్వహించాలని సత్తుపల్లి ఎఫ్‌డీసీ డీఎం చంద్రమౌళి సూచించారు. అశ్వారావుపేట ప్రాంతం సత్తుపల్లి ఎఫ్‌డీసీ పరిధిలో ఉండగా.. ఇక్కడి ఓ భూమిపై వివాదం నెలకొనడంతో గురువారం ఆయన పర్యటించారు. అటవీ, రెవెన్యూ అధికారులతో కలిసి అశ్వారావుపేట మండలం రామన్నగూడెం రెవెన్యూ పరిధి 573 ఎకరాల రీ సర్వేను పరిశీలించి భూములు, పూర్వ మ్యాప్‌లు, రికార్డుల ద్వారా వివరాలు తెలుసుకున్నారు. సర్వే వేగంగా చేపట్టి సరిహద్దులను నిర్ణయించాలని ఆదేశించారు. సర్పంచ్‌ మడకం నాగేశ్వరరావు, మాజీ సర్పంచ్‌ మడకం స్వరూప, ఫారెస్ట్‌ రేంజర్‌ మురళి, సర్వేయర్‌ నాగరాజు, పోలీస్‌ సిబ్బంది పాల్గొన్నారు.

రుద్రంపూర్‌: సింగరేణి కొత్తగూడెం ఏరియా పరిధిలోనీ వీకేసీఎం(వెంకటేష్‌ఖని కోల్‌మైన్‌)కు స్టేజి–2 అనుమతులు ఎట్టకేలకు లభించాయి. సుమారు ఐదేళ్ల నుంచి 649.3014 హెక్టార్ల బొగ్గు గని నిర్వహణకు అనుమతి కోసం యాజమాన్యం, కార్మికులు ఎదురుచూస్తుండగా కేంద్ర ప్రభుత్వ పరిధిలోని మినిస్ట్రీ ఆఫ్‌ కోల్‌, ఫారెస్ట్‌ విభాగాల నుంచి ఈనెల 20వ తేదీన ఉత్తర్వులు జారీ అయ్యాయి. అనుమతులు లభించడంతో మరో పది రోజుల్లో ఓబీ వెలికితీత పనులు మొదలుకానున్నాయి. ఈక్రమాన జీకేఓసీ సమీపంలోని బొల్లి గుట్ట తవ్వకంతో పాటు ఆనందఖని, ఆర్‌సీహెచ్‌పీ, జీఎం కార్యాలయాన్ని తొలగించాల్సి ఉంది. అయితే, అధికారులు ముందుగానే వీటిని ఖాళీ చేయడంలో నిమగ్నం కాగా.. ఏరియా వర్క్‌షాపు, జీఎం కార్యాలయాలను సైతం మరోచోట నిర్మించారు. అన్నీ అనుకూలిస్తే రానున్న మూడు మాసాల్లో వీకేసీఎంలో బొగ్గు ఉత్పత్తి మొదలవుతుంది. అయితే గనికి అనుమతులు రాకముందే యాజమాన్యం ఏటా 20 లక్షల బొగ్గు ఉత్పత్తిని లక్ష్యంగా నిర్దేశించడం గమనార్హం. ప్రస్తుతం పనులు ఆశించిన రీతిలో సాగితే ఆర్థిక సంవత్సరం ముగిసేలోగా ఇందులో కనీసం నాలుగో వంతైనా ఉత్పత్తి సాధించే అవకాశముందని అంచనా వేస్తున్నారు. ఇప్పటికే తాడిచర్ల–2 బ్లాక్‌, మణుగూరు డిప్‌సైడ్‌ బ్లాక్‌లు సింగరేణికి దక్కడం, తాజాగా వీకేసీఎంకు అనుమతులు రావడంతో సింగరేణికి ఊరట లభించినట్లయింది.త్వరలో ప్రారంభం కానున్న ఓబీ పనులు

● యాసంగి సీజన్‌పై ప్రత్యేక కార్యక్రమం ● వచ్చేనెల 30వరకు 150 అవగాహన సదస్సులు ఖమ్మంవ్యవసాయం: కేంద్ర వ్యవసాయ, రైతు సంక్షేమ మంత్రిత్వ శాఖ ప్రతిష్టాత్మకంగా చేపట్టిన ‘ఖేత్‌ బచావో అభియాన్‌ – రబీ’ కార్యక్రమం గురువారం ప్రారంభమైంది. ఈ కార్యక్రమంలో భాగంగా వచ్చేనెల 30వ తేదీ వరకు జిల్లా వ్యవసాయ శాఖ ఆధ్వర్యాన నేల సంరక్షణే ప్రధాన అంశంగా 150 ప్రత్యేక అవగాహన సమావేశాలు నిర్వహిస్తారు. ‘మట్టిని రక్షించండి, వ్యవసాయాన్ని రక్షించండి, రైతులను రక్షించండి’ నినాదంతో వ్యవసాయ శాఖ అధికారులు, కృషి విజ్ఞాన కేంద్రం శాస్త్రవేత్తల బృందాలు రైతు వేదికలు, క్షేత్రాల్లో ప్రదర్శనలు నిర్వహిస్తారు. భూసార పరీక్షలే ప్రామాణికం రసాయన ఎరువులను విచక్షణారహితంగా వాడడం వల్ల జిల్లాలోని వరి, మిర్చి, పత్తి భూముల్లో సారం తగ్గుతోంది. ఈమేరకు సాయిల్‌ హెల్త్‌ కార్డుల ఆధారంగా ఎరువులు ఉపయోగించాలని రైతులకు సూచిస్తారు. అలాగే, గ్రీన్‌ అమ్మోనియా, జీవ ఎరువుల వాడకంపై శిక్షణ ఇస్తారు. అంతేకాక వరి కోత తర్వాత ఖాళీగా ఉండే పొలాల్లో అపరాలు, నూనె గింజల పంటలు సాగు చేయడం వల్ల లాభాలను వివరిస్తారు. పెసర, మినుము, శనగ, ఆవాలు, నువ్వులు, వేరుశనగ వంటి పంటల సాగును ప్రోత్సహించడంతో పాటు అంతర పంటల విధానంపై అవగాహన కల్పిస్తారు. వ్యర్థాల దహనం వద్దు వరి కోత తర్వాత కొయ్యకాలు, వ్యర్థాలను కాల్చడం వల్ల భూసారం దెబ్బతినడమే కాకుండా వాతావరణ కాలుష్యం పెరుగుతోంది. వీటిని కాల్చకుండా వర్మీ కంపోస్టుగా, పశుగ్రాసంగా, సేంద్రియ ఎరువుగా మార్చుకునే విధానాలపై క్షేత్రస్థాయిలో అవగాహన కల్పిస్తారు. అలాగే, పచ్చిరొట్ట ఎరువులు, జీవ ఎరువులు, వర్మీ కంపోస్టింగ్‌, ప్రకతి వ్యవసాయ పద్ధతులు, సమగ్ర సస్యరక్షణపై శిక్షణ ఇవ్వనున్నారు. ఇంకా నీటి సంరక్షణ, వర్షపు నీటి సేకరణ, భూగర్భ జలాల పునరుద్ధరణతో పాటు బిందు, తుంపర సేద్యం ప్రాముఖ్యతను వివరిస్తారు. అలాగే, నకిలీ విత్తనాలు, కల్తీ ఎరువులు, నాసిరకం పురుగు మందుల గుర్తించి, వీటితో మోసపోతే ఫిర్యాదు విధానాలపై చైతన్యం కల్పిస్తారు. ఇంకా పీఎం–కిసాన్‌, పీఎం ఫసల్‌ బీమా యోజన, కిసాన్‌ క్రెడిట్‌ కార్డు, పీఎం ధన్‌–ధాన్య కషి యోజన వంటి పథకాలతో జరిగే లబ్ధిని వివరిస్తారు. ‘ఖేత్‌ బచావో అభియాన్‌’ ద్వారా 40 రోజుల పాటు సాగే సదస్సులను రైతులు సద్వినియోగం చేసుకుని శాసీ్త్రయ సాగు వైపు అడుగులు వేయాలని ఖమ్మం జిల్లా వ్యవసాయ శాఖ అధికారి డి.పుల్లయ్య కోరారు.

సూపర్‌బజార్‌(కొత్తగూడెం): జిల్లాకు చెందిన రైతులు గురువారం హైదరాబాద్‌లోని ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయంలో నిర్వహించిన ‘ఇన్నోవేషన్‌ టు ఇంపాక్ట్‌’ (నవీన ఆవిష్కరణల నుంచి క్షేత్రస్థాయి ప్రభావం వరకు) కార్యక్రమానికి హాజరయ్యారు. ఈ కార్యక్రమంలో రాష్ట్ర వ్యవసాయ శాఖ మంత్రి తుమ్మల నాగేశ్వరరావు, శాఖ ఉన్నతాధికారులు పాల్గొన్నారు. ఈ మేరకు కేవీకే సీనియర్‌ శాస్త్రవేత్త డాక్టర్‌ టి.భరత్‌తో కలిసి జిల్లాకు చెందిన రైతులు గొట్టిపాటి వెంకటేశ్వరచౌదరి, గాడె నర్సిరెడ్డి, జర్పుల మురళి హాజరయ్యారు. ఈ సందర్భంగా వెంకటేశ్వరచౌదరి వ్యవసాయ రంగంలో నూతన ఆవిష్కరణలను రైతులకు చేరువ చేయడం, ఆధునిక సాంకేతిక పరిజ్ఞానాన్ని వ్యవసాయంలో వినియోగించడం, రైతుల ఉత్పాదకత, ఆదాయాన్ని పెంపొందించడంలో వినూత్న పద్ధతుల ప్రాధాన్యతను వివరించారు. అపార్ట్‌మెంట్‌లో బైక్‌ చోరీ ఖమ్మంఅర్బన్‌: ఖమ్మం గొల్లగూడెం ప్రాంతంలో దొంగలు హల్‌చల్‌ చేశారు. స్థానిక మైత్రి అపార్ట్‌మెంట్‌లోకి బుధవారం అర్ధరాత్రి ఒంటి గంట సమయాన చొరబడిన గుర్తు తెలియని వ్యక్తులు ఓ బైక్‌ ఎత్తుకెళ్లారు. అలాగే, శృంగేరి పీఠం ఎదురుగా చెరువుకు వెళ్లే రహదారిలోని ఓ ఇంటి వద్ద స్టీల్‌ నల్లాలు పగులగొట్టి దొంగతనం చేశారు. ఈ ఘటనకు సంబంధించి సీసీ టీవీ ఫుటేజీని వాట్సప్‌ గ్రూప్‌ల్లో పోస్ట్‌ చేశారు. అనుమానిత వ్యక్తులను ఎవరైనా గుర్తిస్తే పోలీసులకు సమాచారం ఇవ్వాలని కోరారు.

● రాష్ట్ర శిశు సంక్షేమ శాఖ మంత్రి సీతక్క ● కుమురం భీం విగ్రహం ఆవిష్కరణదుమ్ముగూడెం : దశాబ్దాల నుంచి ఆదివాసీలది గాయాల చరిత్ర అని రాష్ట్ర శిశు సంక్షేమ శాఖ, పంచాయతీరాజ్‌ మంత్రి సీతక్క అన్నారు. గురువారం ఆదివాసీ సంఘాల ఐక్యకార్యాచరణ వేదిక ఆధ్వర్యంలో ములకపాడు సెంటర్‌లో ఏర్పాటు చేసిన కుమురం భీం విగ్రహాన్ని ఎమ్మెల్యేలు డాక్టర్‌ తెల్లం వెంకట్రావు, పాయం వెంకటేశ్వర్లుతో కలిసి ఆమె ఆవిష్కరించారు. అనంతరం ములకపాడు వైద్యశాల ఆవరణలో నిర్వహించిన సభలో మాట్లాడారు. ఎన్నో ఉద్యమాలు చేసిన చరిత్ర ఆదివాసీ నాయకులదని అన్నారు. సమ్మక్క– సారలమ్మ, కుమురం భీం ప్రాణాలు అర్పించి ఆదివాసీ హక్కుల కోసం పోరాడారని అన్నారు. ఏజెన్సీలో గిరిజనులు, గిరిజనేతరులు మధ్య సమస్యలను సామరస్యంగా పరిష్కరించుకోవాలని సూచించారు. స్వాతంత్య్రం వచ్చిన 75 ఏళ్లలో కోయ జాతి నుంచి రాష్ట్ర మహిళా మంత్రిగా ఎన్నికై ంది తానేనని, ఆదివాసీ సమస్యల పరిష్కారానికి నిరంతరం పాటుపడతానని అన్నారు. ప్రగళ్లపల్లి లిప్ట్‌ పథకం కోసం తన వంతు కృషి చేస్తానని హామీ ఇచ్చారు. అనంతరం మంత్రికి పలువురు వినతిపత్రాలు అందజేశారు. తొలుత భారీ ర్యాలీ నిర్వహించారు. మాజీ ఎంపీ మిడియం బాబూరావు, మాజీ ఎమ్మెల్యేలు తాటి వెంకటేశ్వర్లు, చందా లింగయ్య, ఆదివాసీ సంఘాల నాయకులు సొందె వీరయ్య, ఆదివాసీ సంఘాల ఐక్యకార్యాచరణ వేదిక నాయకులు కొమరం దామోదరరావు, కుంజా శ్రీనివాసరావు, సోయం కామరాజు, కణితి రాముడు, తెల్లం హరికృష్ణ, వర్షా ముద్దరాజు, తునికి కామేష్‌ తదితరులు పాల్గొన్నారు.

అశ్వారావుపేటరూరల్‌: అభివృద్ధి, ఉపాధి కల్పనలో వెనుకబడిన గిరిజన ప్రాంతాలకు పారిశ్రామికవేత్తలు ప్రాధాన్యమివ్వాలని ఎమ్మెల్యే జారె ఆదినారాయణ కోరారు. గురువారం ఢిల్లీలో జరిగిన జాతీయ స్థాయి సెమినార్‌లో ఆయన పాల్గొని, పలు అంశాలపై ప్రసంగించారు. తెలంగాణ రాష్ట్రంలోని గిరిజన ప్రాంతాల అభివృద్ధి, స్థానిక ప్రజల జీవన ప్రమాణాల మెరుగుదలకు కృషి చేయాలన్నారు. భద్రాద్రి కొత్తగూడెం జిల్లాలో గిరిజన జనాభా అధికంగా ఉన్న ప్రాంతాల్లో విద్య, వైద్యం, రహదారులు, తాగునీరు వంటి మౌలిక సదుపాయాలు విస్తరించాలన్నారు. పారిశ్రామిక పెట్టుబడులు, కొత్త పరిశ్రమలకు జిల్లాలోని ప్రాంతాలు అనుకూలమని వివరించారు.జాతీయ సెమినార్‌లో ఎమ్మెల్యే జారె ఆదినారాయణ

చుంచుపల్లి: దసరా పండుగను సొంతూళ్లలో కుటుంబ సభ్యులతో ఆనందంగా జరుపుకున్న ప్రజలకు తిరుగు ప్రయాణం మాత్రం అవస్థలను మిగిల్చింది. సెలవులు ముగియడంతో హైదరాబాద్‌తోపాటు ఇతర ప్రాంతాలకు వెళ్లే ప్రయాణికుల సంఖ్య భారీగా పెరిగింది. బుధ, గురువారాల నుంచి కొత్తగూడెం, భద్రాచలం, మణుగూరు, పాల్వంచ, ఇల్లెందు, మధిర, సత్తుపల్లి, ఖమ్మం వంటి ప్రధాన బస్టాండ్లలో రద్దీ నెలకొంది. అయినా తగిన సంఖ్యలో బస్సులు ఏర్పాటు చేయలేదు. దీంతో ప్రయాణికులు గంటల తరబడి నిరీక్షించాల్సి వచ్చింది. పిల్లాపాపలతో వచ్చిన కుటుంబాలు తీవ్ర ఇబ్బందులు ఎదుర్కొన్నాయి. పండుగ ప్రత్యేక బస్సులపై ఆర్టీసీ చేసిన ప్రకటనలకు, క్షేత్రస్థాయిలో ప్రయాణికులకు ఎదురవుతున్న పరిస్థితులకు పొంతన లేదనే విమర్శలు వ్యక్తమవుతున్నాయి. సరిపోని ప్రత్యేక బస్సులు బతుకమ్మ, దసరా సందర్భంగా ఖమ్మం రీజియన్‌ పరిధిలో 1,642 ప్రత్యేక బస్సులు నడుపుతామని ఆర్టీసీ అధికారులు పండుగ ముందుగానే ప్రకటించారు. పండుగ అనంతరం ఈ నెల 21 నుంచి 25వ తేదీ వరకు ఉమ్మడి ఖమ్మం జిల్లా నుంచి హైదరాబాద్‌కు తిరుగు ప్రయాణాల కోసం 733 ప్రత్యేక బస్సులను నడపాలని నిర్ణయించారు. వీటిలో 405 రిజర్వేషన్‌ సర్వీసులు ఉండగా, రోజువారీగా నడిచే 145 సాధారణ షెడ్యూల్‌ సర్వీసులు ఉన్నాయి. తిరుగు ప్రయాణాల కోసం ఖమ్మం డిపో నుంచి 216, సత్తుపల్లి నుంచి 140, భద్రాచలం నుంచి 132, మధిర నుంచి 102, కొత్తగూడెం నుంచి 57, మణుగూరు నుంచి 50, ఇల్లెందు నుంచి 36 ప్రత్యేక బస్సులను నడపాలని నిర్ణయించారు. ఈ ఏడు డిపోల నుంచి మొత్తం 733 ప్రత్యేక సర్వీసులు అందుబాటులోకి రావాల్సి ఉంది. అయితే రద్దీ పెరిగిన సమయంలో సరిపడా బస్సులు లేకపోవడంతో ప్రయాణికులు ఆగ్రహం వ్యక్తం చేస్తున్నారు. ఆర్టీసీ అధికారులకు అదనపు చార్జీల మీద ఉన్న శ్రద్ధ ప్రయాణికుల శ్రేయస్సు మీద లేదని పేర్కొంటున్నారు. ఇప్పటికై నా అధికారులు స్పందించి ప్రధాన బస్టాండ్లలో రద్దీకి అనుగుణంగా బస్సులు ఏర్పాటు చేయాలని కోరుతున్నారు.

పాల్వంచరూరల్‌: పెద్దమ్మతల్లి అమ్మవారికి సువర్ణ పుష్పార్చన పూజలు ఘనంగా నిర్వహించారు. మండలంలోని శ్రీకనక దుర్గ (పెద్దమ్మతల్లి) ఆలయంలో గురువారం అర్చకులు అమ్మవారికి 108 సువర్ణ పుష్పాలతో అర్చన, హారతి, మంత్రపుష్పం, నివేదన తదితర పూజలు నిర్వహించారు. ఈ పూజా కార్యక్రమంలో ఆలయ ఈఓ విజయ్‌కుమార్‌, అర్చకులు, వేదపండితులు పాల్గొన్నారు. ఆదర్శనీయుడు పండుగ సాయన్నసూపర్‌బజార్‌(కొత్తగూడెం): పండుగ సాయన్న పోరాట స్ఫూర్తి భావి తరాలకు ఆదర్శమని కలెక్టరేట్‌ ఏఓ అనంత రామకృష్ణ అన్నారు. కలెక్టరేట్‌లో గురువారం సాయన్న జయంతి వేడుకలు నిర్వహించారు. సాయన్న చిత్రపటానికి పూలమాల వేసి నివాళుర్పించారు. ఈ సందర్భంగా మాట్లాడుతూ పండుగ సాయన్న సమాజంలో అణగారిన వర్గాలు, అన్యాయాలు, అణచివేతలకు వ్యతిరేకంగా పోరాడారని పేర్కొన్నారు. వెనుకబడిన తరగతుల అభివృద్ధి శాఖ అధికారిణి విజయలక్ష్మి, బీసీ సంఘ నాయకులు ఎస్‌.క్రాంతి, బండారి సాగర్‌, అక్కల మధు, అక్కల సీతారామయ్య, కె పైడయ్య, ఊదర వెంకటస్వామి, ఎ సోమయ్య, హారిక, ఉషారాణి, జి సంధ్యారాణి, ఎం.కిషోర్‌, కలెక్టరేట్‌ కార్యాలయ సిబ్బంది పాల్గొన్నారు. పోలీస్‌ హెడ్‌క్వార్టర్స్‌లో..సూపర్‌బజార్‌(కొత్తగూడెం): హేమచంద్రాపురంలోని పోలీస్‌ హెడ్‌క్వార్టర్స్‌లో గురువారం పండుగ సాయన్న ముదిరాజ్‌ జయంతి వేడుకలు నిర్వహించారు. ఏఆర్‌ డీఎస్పీ సత్యనారాయణ తదితరులు సాయన్న చిత్రపటానికి పూలమాల వేసి నివాళులర్పించారు. ఆర్‌ఐలు లాల్‌బాబు, నరసింహారావు, కృష్ణారావు, ఆర్‌ఎస్‌ఐలు హరీష్‌, శ్రీనివాస్‌, అధికారులు, సిబ్బంది పాల్గొని నివాళులర్పించారు. రేపు ఫుట్‌బాట్‌ ఎంపికలురుద్రంపూర్‌: ఉమ్మడి ఖమ్మం జిల్లాకు చెందిన బాలబాలికల ఫుట్‌బాట్‌ జట్ల ఎంపికలను ఈ నెల 24న కొత్తగూడెంలోని ప్రకాశం స్టేడియంలో నిర్వహించనున్నట్లు నిర్వాహకులు గురువారం ఒక ప్రకటనలో తెలిపారు. 01.01.2009 నుంచి 31.12.2011 లోపు జన్మించిన బాలబాలికలు పోటీలకు అర్హులని పేర్కొన్నారు. ప్రతిభ కనబర్చిన క్రీడాకారులను హైదరాబాద్‌లో నిర్వహించే రాష్ట్రస్థాయి పోటీలకు ఎంపిక చేస్తామని తెలిపారు. 31 నుంచి రాష్ట్ర స్థాయి హ్యాండ్‌బాల్‌ టోర్నీ ఖమ్మం స్పోర్ట్స్‌ : హ్యాండ్‌బాల్‌ అసోసియేషన్‌ ఆధ్వర్యాన జూనియర్స్‌ విభాగంలో రాష్ట్రస్థాయి బాలికల హ్యాండ్‌బాల్‌ టోర్నీ ఈనెల 31నుంచి నవంబర్‌ 2వ తేదీ వరకు నిర్వహించనున్నారు. ఈమేరకు పోటీల బ్రోచర్లను ఖమ్మంలోని మంత్రి తుమ్మల నాగేశ్వరరావు క్యాంపు కార్యాలయంలో గురువారం కాంగ్రెస్‌ నాయకుడు తుమ్మల యుగంధర్‌ ఆవిష్కరించారు. నిర్వాహకులు మాట్లాడుతూ ఖమ్మంలోని సర్దార్‌ పటేల్‌ స్టేడియంలో పోటీలు జరగనుండగా, జిల్లా స్పోర్ట్స్‌ అథారిటీ, ఒలింపిక్‌ అసోసియేషన్‌ సహకారం అందిస్తున్నాయని చెప్పారు. ఈ కార్యక్రమంలో రాష్ట్ర గిడ్డంగుల సంస్థ మాజీ చైర్మన్‌ రాయల నాగేశ్వరరావు, జిల్లా గ్రంథాలయ సంస్థ చైర్మన్‌ ఖాదర్‌ బాబా, హ్యాండ్‌బాల్‌ అసోసియేషన్‌ జిల్లా కార్యదర్శి వరికూటి మోహన్‌తో పాటు హన్మంతరావు, కృష్ణమోహన్‌ తదితరులు పాల్గొన్నారు.

ఖమ్మంవ్యవసాయం: ఇప్పుడిప్పుడే చేతికి వస్తున్న పత్తి పంటను రైతులు ప్రైవేట్‌ వ్యాపారులకు అమ్మేందుకే మొగ్గు చూపుతున్నారు. ప్రభుత్వం నిర్ణయించిన కనీస మద్దతు ధర(ఎంఎస్‌పీ) కంటే బహిరంగ మార్కెట్‌లో మరింత ఎక్కువగా పలుకుతోంది. దీంతో రైతులెవరూ సీసీఐ కేంద్రాల వైపు చూడడం లేదు. ఖమ్మంలో క్వింటాకు రూ.9,200 ఖమ్మం వ్యవసాయ మార్కెట్‌లో పత్తి క్వింటా ధర పది రోజుల క్రితం వరకు రూ.8,400 ఉండగా.. క్రమంగా పెరుగుతూ గురువారం గరిష్టంగా రూ.9,200 నమోదైంది. మోడల్‌ ధర రూ.9,100, కనిష్ట ధర రూ.8,500 నమోదైంది. కేంద్ర ప్రభుత్వం ప్రకటించిన కనీస మద్దతు ధర రూ.8,667 కాగా, అంతకు మించి ధర ఉంటోంది. ఎల్‌నినో కారణంగా పత్తి సాగు విస్తీర్ణం, దిగుబడి 15–20 శాతం తగ్గడమే కాక కాటన్‌ బేళ్లు, సీడ్‌, ఆయిల్‌ ధరలు అంతర్జాతీయంగా పెరగడంతో వ్యాపారులు పోటీపడి ధర పెంచుతున్నట్టు తెలుస్తోంది. జిన్నింగ్‌ మిల్లుల్లో సీసీఐ కేంద్రాలు ఉమ్మడి జిల్లాలోని తొమ్మిది వ్యవసాయ మార్కెట్ల పరిధిలో 15 జిన్నింగ్‌ మిల్లులను సీసీఐ కొనుగోలు కేంద్రాలుగా గుర్తించింది. ఇందులో ఖమ్మం జిల్లాలో తొమ్మిది, భద్రాద్రి జిల్లాలో ఆరు కేంధ్రాలు ఉండగా, రైతులు కపాస్‌ కిసాన్‌ యాప్‌ ద్వారా స్లాట్‌ బుక్‌ చేసుకుంటే నిబంధనల మేరకు కొనుగోళ్లకు సీసీఐ సిద్ధమైంది. కానీ ప్రైవేట్‌ మార్కెట్‌లో ధర ఎక్కువగా ఉండడంతో రైతులెవరూ రావడం లేదు. దీనికి తోడు ప్రస్తుత ఉష్ణోగ్రతల కారణంగా పత్తిలో తేమ తగ్గడంతో ప్రైవేట్‌ మార్కెట్‌లో మంచి ధర నమోదవుతోంది. కాగా, రైతులు పత్తి తీసుకొస్తే కొనడానికి సిద్ధంగా ఉన్నామని జిల్లా మార్కెటింగ్‌ శాఖ అధికారి రత్నం సంతోష్‌కుమార్‌ వెల్లడించారు.

● ఓటరు నమోదుకు ఆఫ్‌లైన్‌, ఆన్‌లైన్‌లో అవకాశం ● వచ్చేనెల 6వ తేదీ వరకు గడువుఅశ్వారావుపేటరూరల్‌: ఖమ్మం–నల్లగొండ– వరంగల్‌ పట్టభద్రుల ఎమ్మెల్సీ స్థానానికి కొద్ది నెలల్లో ఎన్నిక జరగనుంది. ఈమేరకు అర్హులైన పట్టభద్రులు ఓటర్లుగా నమోదు చేసుకునే గడువు వచ్చేనెల 6వ తేదీ వరకు ఉంది. ఇప్పటికే పార్టీల వారీగా అభ్యర్థులు ప్రచారం చేస్తూనే పట్టభద్రులతో ఓటర్లుగా నమోదు చేయించడంలో నిమగ్నమయ్యారు. కొందరు ప్రత్యేక కేంద్రాలు ఏర్పాటుచేసి ఉచితంగా నమోదు చేస్తామని చెబుతున్నారు. అయితే, గత ఎమ్మెల్సీ ఎన్నికల్లో ఓటు వేసిన వారు మళ్లీ ఈసారి కొత్తగా నమోదు చేసుకోవాల్సి ఉంటుంది. అటు ఆన్‌లైన్‌, ఇటు ఆఫ్‌లైన్‌ ద్వారా దరఖాస్తు చేసుకునే అవకాశం ఉన్నందున పట్టభద్రులు ముందుకు రావాలని అధికార యంత్రాంగం విస్తృత ప్రచారం చేస్తోంది. ●ఏదైనా గుర్తింపు పొందిన విశ్వవిద్యాలయం నుంచి డిగ్రీ లేదా సమాన అర్హత కలిగిన కోర్సు పూర్తిచేసి ఉండాలి. ●డిగ్రీ పూర్తిచేసి ఈ ఏడాది నవంబర్‌ 1వ తేదీ నాటికి మూడేళ్లు నిండిన వారు అర్హులు. ●ఖమ్మం–నల్లగొండ–వరంగల్‌ పట్టభద్రుల నియోజకవర్గ పరిధి నివాసి అయి ఉండాలి. ●ఓటరుగా నమోదు కావడానికి ఆన్‌లైన్‌లో ఫారం–18 ద్వారా దరఖాస్తు చేసుకోవచ్చు. లేదా దరకాస్తు నింపి బీఎల్‌ఓ / ఎన్నికల డీటీకి సమర్పించాల్సి ఉంటుంది. ●దరఖాస్తుతోపాటు డిగ్రీ సర్టిఫికెట్‌, ఆధార్‌, ఓటరు కార్డు(పాత కార్డు ఉంటే) జతపరచాలి. ●దరఖాస్తు పత్రాలపై ధ్రువీకరణకు గెజిటెడ్‌ అధికారి సంతకం చేయించాలి.అర్హులైన పట్టభద్రులంతా బాధ్యతగా ఓటు హక్కు కోసం దరఖాస్తు చేసుకోవాలి. గతంలో ఓటరుగా నమోదైన పట్టభద్రులే కాక మూడేళ్ల క్రితం డిగ్రీ, డిప్లొమా పూర్తి చేసిన వారు నమోదు చేయించుకోవాలి. ఎలాంటి సందేహాలు ఉన్నా తహసీల్దార్‌ కార్యాలయం లేదా స్థానిక బీఎల్‌ఓను సంప్రదించవచ్చు. – ఎస్‌.కే.హుస్సేన్‌, ఎన్నికల డీటీ, అశ్వారావుపేట

భద్రాచలం: జీసీసీ ఆధ్వర్యంలో నిర్వహిస్తున్న సొసైటీల ఆర్థిక కార్యకలాపాలపై సమీక్ష జరిపి, సమగ్ర నివేదిక ఇవ్వాలని ఐటీడీఏ సహాయ ప్రాజెక్టు అధికారి డేవిడ్‌ రాజ్‌ ఆదేశించారు. గురువారం ఆయన ఐటీడీఏలో జీసీసీ అధికారులు, ఆడిట్‌ బృందంతో నిర్వహించిన సమావేశంలో మాట్లాడారు. సంక్షేమ పథకాల అమలు, వ్యయ వివరాలు, భవిష్యత్‌ ప్రణాళికలతో కూడిన ప్రతిపాదనలను ఈ నెల 28వ తేదీలోగా సమర్పించాలని సూచించారు. సెప్టెంబర్‌ 2026 వరకు ఉన్న బకాయిలను ఏటీడీఓలు, గురుకులాల ప్రిన్సిపాళ్లతో సరిచూసుకోవాలని జీసీసీ మేనేజర్లకు చెప్పారు. జీసీసీ డీఎం రామానందం, జీసీసీ మేనేజర్‌ జయరాజ్‌, ఆడిట్‌ అధికారులు, డివిజనల్‌ జీసీసీ మేనేజర్లు తదితరులు పాల్గొన్నారు.ఐటీడీఏ ఏపీఓ డేవిడ్‌ రాజ్‌

● కోటమైసమ్మ తల్లిని దర్శించుకున్న భక్తజనం కారేపల్లి: మండలంలోని ఉసిరికాయలపల్లిలో దసరా పండుగ సందర్భంగా మొదలైన కోటమైసమ్మ తల్లి జాతర గురువారం మూడో రోజుకు చేరింది. ఈ సందర్భంగా పెద్దసంఖ్యలో భక్తులు అమ్మవారిని దర్శించుకుని మొక్కులు చెల్లించారు. ఈనెల 26వ తేదీ వరకు జరిగే జాతరకు దేవాదాయ ధర్మదాయ శాఖ, పర్సా ట్రస్టు ఆధ్వర్యాన విస్తృత ఏర్పాట్లు చేశారు. జాతర ఆవరణలో సర్కస్‌లు, పిల్లలు, పెద్దలను అలరించేలా జాయింట్‌ వీల్‌, కొలంబో, టవర్‌ రైడర్‌ వంటివి ఏర్పాటుచేయడంతో రాత్రీపగలు సందడిగా ఉంటోంది. ఖమ్మం రూరల్‌ ఏసీపీ తిరుపతిరెడ్డి పర్యవేక్షణలో సింగరేణి సీఐ సాగర్‌, ఎస్‌ఐ గోపితో పాటు సిబ్బంది బందోబస్తు విధులు నిర్వర్తిస్తున్నారు. దేవాదాయ శాఖ ఈఓ కె.వెంకటయ్య, పర్సా ట్రస్టు చైర్మన్‌ పట్టాభిరామారావు ఏర్పాట్లను పర్యవేక్షిస్తున్నారు.

రుద్రంపూర్‌: సంస్థలో ఖాళీగా ఉన్న 11 లా అసిస్టెంట్‌ పోస్టుల భర్తీకి ఇంటర్నల్‌ అభ్యర్థుల నుంచి దరఖాస్తులు ఆహ్వానిస్తున్నట్లు సింగరేణి యాజమాన్యం ఒక ప్రకటనలో తెలిపింది. ఈ నెల 22 నుంచి నవంబర్‌ 3వ తేదీ వరకు ఆన్‌లైన్‌లో దరఖాస్తు చేసుకోవాలని సూచించింది. 5వ తేదీ లోగా హార్ట్‌ కాపీలు అందజేయాలని తెలిపింది. జాతీయ కౌన్సిల్‌ సభ్యుడిగా సత్యనారాయణభద్రాచలంటౌన్‌: భద్రాచలం పట్టణానికి చెందిన సీనియర్‌ జర్నలిస్టు పీవీ సత్యనారాయణ ఇండియన్‌ ఫెడరేషన్‌ ఆఫ్‌ వర్కింగ్‌ జర్నలిస్ట్‌స్‌ (ఐఎఫ్‌డబ్ల్యూజే) జాతీయ కౌన్సిల్‌ సభ్యుడిగా నియమితులయ్యారు. ఈ మేరకు సంస్థ సెక్రటరీ జనరల్‌ పరమానంద్‌ పాండే గురువారం ఉత్తర్వులు జారీ చేశారు. ఈ సందర్భంగా సత్యనారాయణను పలువురు అభినందించారు. కరువు జిల్లాగా ప్రకటించాలిచర్ల: జిల్లాను కరువు ప్రాంతంగా ప్రకటించడంతోపాటు పూర్తి ఏజెన్సీ ప్రాంతాలైన చర్ల, దుమ్ముగూడెం మండలాలను శాశ్వత కరువు మండలాలుగా గుర్తించాలని సీపీఐ (ఎంఎల్‌) న్యూడెమోక్రసీ రాష్ట్ర కార్యదర్శివర్గ సభ్యుడు ఆవునూరి మధు డిమాండ్‌ చేశారు. గురువారం చర్లలో జరిగిన పార్టీ జనరల్‌బాడీ సమావేశంలో మాట్లాడారు. ఈ ఏడాది వర్షాల్లేక పంటలు సాగు చేయలేని పరిస్థితి నెలకొందన్నారు. కరువు కారణంగా పనులు లేక ఇబ్బందులు పడుతున్న ఆదివాసీలను ఆదుకోవాలని కోరారు. ఏజెన్సీ ప్రాంతంలో ఆదివాసీల పేరుతో సొసైటీలు ఏర్పాటు చేసి ఇసుక అక్రమ వ్యాపారం చేస్తున్న వారిపై చర్యలు తీసుకోవాలని డిమాండ్‌ చేశారు. సీతారామ ప్రాజెక్టు నీటిని జిల్లాలోని ప్రతీ ఎకరానికి అందించాలని కోరారు. ఈ కార్యక్రమంలో నాయకులు గౌని నాగేశ్వరావు, ముసలి సతీష్‌, సంతపురి సురేష్‌, గొంది ముయ్యన్న, మట్టా నర్సింహారావు, రామకృష్ణ, ప్రసాద్‌, కొండస్వామి, అబ్బురం, సోనూ, , చిలకమ్మ, జానకి తదితరులు పాల్గొన్నారు. పశువులు స్వాధీనం పాల్వంచ: అక్రమంగా తరలిస్తున్న గోవులను పోలీసులు స్వాధీనం చేసుకున్నారు. బుధవారం అర్ధరాత్రి భద్రాచలం వైపు నుంచి పాల్వంచ వైపు బొలెరో వాహనంలో తరలిస్తుండగా పోలీసులు గమనించి ఆపేందుకు ప్రయత్నించారు. వాహనం ఆపకుండా వెళ్లడంతో వెంబడించి అంబేద్కర్‌ సెంటర్‌ వద్ద పట్టుకున్నారు. విచారించగా నాలుగు ఆవులు, నాలుగు లేగ దూడలను కొత్తగూడెంలోని కబేళాకు తరలిస్తున్నట్లు తేలింది. కొత్తగూడెం హాలియా తండాకు చెందిన డ్రైవర్‌ కొర్రా రామ, ఓల్డ్‌ డిపో రోడ్‌కు చెందిన మాంసం దుకాణం యజమాని మహ్మద్‌ ఫయాజ్‌ ఖురేషి, మహమ్మద్‌ రెహాన్‌లపై కేసు నమోదు చేసినట్లు ఎస్‌ఐ నాగరాజు తెలిపారు. పశువులను నవభారత్‌ వద్ద గల అన్నపూర్ణగోశాలకు అప్పగించారు. వాహనాన్ని సీజ్‌ చేశారు. రైతు వేదికలో స్పీకర్లు చోరీ ఇల్లెందురూరల్‌: మండలంలోని సుదిమళ్ల రైతు వేదికలో రూ.50 వేల విలువైన స్పీకర్లు చోరీకి గురయ్యాయి. రైతు నేస్తం కార్యక్రమం నిర్వహించాల్సి ఉండటంతో గురువారం రైతు వేదిక వద్దకు చేరుకున్న ఏఈఓ సుమన్‌ ఏర్పాట్లు చేసుకుంటుండగా స్పీకర్లు కనిపించకలేదు. ఏడీఏ లాల్‌చంద్‌కు సమాచారం ఇవ్వడంతోపాటు పోలీసుస్టేషన్‌లో ఫిర్యాదు చేశాడు.

సాక్షి ప్రతినిధి, భద్రాద్రి కొత్తగూడెం: సీతారామ ప్రాజెక్ట్‌ డిస్ట్రిబ్యూటరీ కాలువల నిర్మాణంపై అశ్వారావుపేట, సత్తుపల్లి నియోజకవర్గ ప్రజల నుంచి భిన్నాభిప్రాయాలు వ్యక్తమవుతున్నాయి. గోదావరి జలాలను అప్పటి సత్తుపల్లి నియోజకర్గానికి అందించే లక్ష్యంతో ఇందిరాసాగర్‌ ప్రాజెక్ట్‌కు దివంగత ముఖ్యమంత్రి వైఎస్‌ రాజశేఖరరెడ్డి 2005 ఏప్రిల్‌లో శంకుస్థాపన చేశారు. ప్రాజెక్ట్‌ సకాలంలో పూర్తయితే అప్పటి సత్తుపల్లి నియోజకవర్గంలో కొత్తగా 1.43 లక్షల ఎకరాల ఆయకట్టుకు గోదావరి నీరు అందేది. మరో లక్ష ఎకరాల ఆయకట్టు స్థిరీకరణ జరిగేది. రాష్ట్ర విభజన తర్వాత చోటుచేసుకున్న పరిణామాలతో ఇందిరాసాగర్‌తోపాటే ప్రారంభమైన రాజీవ్‌ సాగర్‌ ప్రాజెక్టు కూడా రద్దయింది. పదేళ్ల తర్వాత 2016లో సీతారామ ప్రాజెక్ట్‌ నిర్మాణం ప్రారంభించారు. సత్తుపల్లి ట్రంక్‌ కెనాల్‌ నిర్మాణం పూర్తయింది. దీనికోసం 1,737 ఎకరాల స్థలం అవసరమవగా ఇందులో ఫారెస్ట్‌ భూములే 1,202 ఎకరాలు ఉంది. దీంతో రైతుల నుంచి అభ్యంతరాలు వ్యక్తం కాలేదు. యాతాలకుంట టన్నెల్‌ అందుబాటులోకి రావడంతో డిస్ట్రిబ్యూటరీ కాలువలు నిర్మిస్తే సత్తుపల్లి, అశ్వారావుపేట నియోజకవర్గాల్లోని సాగు భూముల్లో సీతారామ ప్రాజెక్టు ద్వారా గోదావరి జలాలు పారే అవకాశం కలిగింది. కానీ, ఇక్కడే కొత్త సమస్య ఎదురైంది. మారిన పరిస్థితులు గడిచిన 20 ఏళ్లలో అశ్వారావుపేట, సత్తుపల్లి నియోజకవర్గాల్లో పరిస్థితులు మారిపోయాయి. ఇక్కడ వరి స్థానాన్ని పామాయిల్‌ భర్తీ చేసింది. ఈ రెండు నియోజకర్గాల్లోనే దాదాపు లక్షన్నర ఎకరాల్లో పామాయిల్‌ సాగవుతోంది. గడిచిన మూడేళ్లుగా పామాయిల్‌ సాగు ద్వారా ఇక్కడి రైతుల ఆదాయాలు కూడా పెరగడం మొదలైంది. ఈ సమయంలో సీతారామ డిస్ట్రిబ్యూటరీ కాలువల నిర్మాణ భూసేకరణకు రైతులు అభ్యంతరాలు వ్యక్తం చేస్తున్నారు. రీ చార్జ్‌ చేయండి వరి తరహాలో ఎక్కువ మొత్తంలో నీరు నిలిస్తే పామాయిల్‌ సాగుకు ఇబ్బంది ఉంటుంది. ఆరుతడి పంటల తరహాలో తక్కువ స్థాయిలో నీరుంటే దిగుబడి సరిగా రాదు. పామాయిల్‌ మొక్క/చెట్టు మొదలు దగ్గర ఎళ్ల వేలలా తడి ఉండాలి. అందుకోసం డ్రిప్‌, స్ప్రింకర్లను రైతులు ఉపయోగిస్తున్నారు. దీనికోసం భూగర్భ జలాలు, విద్యుత్‌ మోటార్లను ఉపయోగించుకుంటున్నారు. అందువల్ల భూగర్భ జలాలు రీచార్జ్‌ అయ్యేలా చెరువులు, ఇతర జలాశయాలను గోదావరి జలాలతో నింపితే సరిపోతుందని ఎక్కువ మంది రైతులు అభిప్రాయపడుతున్నారు. డిస్ట్రిబ్యూటరీ కాలువలు పామాయిల్‌ తోటల మధ్యలో నుంచి వెళితే తమకు తీవ్ర నష్టం జరుగుతుందని ఆందోళన చెందుతున్నారు. ఈ మేరకు ఇప్పటికే కొందరు రైతులు తమ స్థానిక ప్రజాప్రతినిధులకు వినతిపత్రాలు ఇవ్వగా, మరికొందరు గ్రామ సభల్లో తీర్మానాలు కూడా చేస్తున్నారు. మొర ఆలకిస్తారా ? డిస్ట్రిబ్యూటరీ కాలువల విషయంలో రైతుల నుంచి వస్తున్న అభ్యంతరాలపై మంత్రి తుమ్మల స్పందించారు. కాలువలకు బదులు పైప్‌లైన్ల ద్వారా గోదావరి జలాల తరలింపు అంశాన్ని పరిశీలించాలంటూ సీఎం రేవంత్‌రెడ్డికి విన్నవించారు. తద్వారా 9,767 ఎకరాల వరకు భూసేకరణ చేయాల్సిన అవసరం ఉండదని, ప్రభుత్వ ఖజానాపై భారం కూడా పడదని చెప్పారు. ఈ ప్రతిపాదనపై సీతారామ ఇంజనీర్లు ఏ నిర్ణయం తీసుకుంటారనేది తేలాల్సి ఉంది.20 ఏళ్ల క్రితం మొదలైన ఇందిరా సాగర్‌ ఎత్తిపోతల పనులు

రుద్రంపూర్‌: సింగరేణి కార్మికుల అలియాస్‌ పేరు మార్పు ప్రక్రియలో కదలిక రావడంతో హర్షం వ్యక్తమవుతోంది. కార్మికులు వివిధ కారణాలతో ఇంటి వద్ద ఒక పేరు, సంస్థలో మరో పేరుతో కొనసాగుతున్నారు. దీంతో అలియాస్‌ పేరు మార్పు సమస్య పరిష్కరించాలని పలుమార్లు ఆందోళన చేపట్టారు. ఈ నేపథ్యంలో లీగల్‌గా ఇబ్బందులు లేకుండా పేరు, ఇంటి పేర్ల, తదితర తప్పిదాలను సరిచేసేందుకు యాజమాన్యం ఉపక్రమించింది. గురువారం సింగరేణి ప్రధాన కార్యాలయంలో గుర్తింపు, ప్రాతినిధ్య సంఘాల నాయకులతో కమిటీ అధికారులు సమావేశమై అభిప్రాయాలు సేకరించింది. గత నెలలో కూడా యూనియన్‌ నాయకులతో యాజమాన్యం చర్చలు జరిపింది. ప్రక్రియ సాఫీగా సాగితే త్వరలో సుమారు 150 మంది అలియాస్‌ పేర్ల అభ్యర్థుల సమస్య పరిష్కారం కానుంది. ఈ చర్చల్లో గుర్తింపు సంఘం అధ్యక్షుడు వాసిరెడ్డి సీతారామయ్య, సెక్రటరీ కొరిమి రాజ్‌కుమార్‌, ప్రాతినిధ్య సంఘం నాయకుడు ఆల్బర్ట్‌, జీఎంలు దేవేందర్‌ (సీపీపీ), వీవీ కిరణ్‌కుమార్‌ (ఐఆర్‌పీఎం), కే. అజయ్‌కుమార్‌ (జీఎం వెల్ఫేర్‌) తదితరులు పాల్గొన్నారు.

సూపర్‌బజార్‌(కొత్తగూడెం): భద్రాచలంలోని గోదావరి లాడ్జిలో పాల్వంచ హెచ్‌పీ గ్యాస్‌ మేనేజర్‌ అనంతుల లక్ష్మీనారాయణ బలవన్మరణానికి దారితీసిన పరిస్థితులపై సమగ్ర విచారణ జరిపి, బాధ్యులపై చర్యలు తీసుకోవాలని పద్మశాలీ సంఘం నాయకులు, కుటుంబ సభ్యులు కోరారు. ఈ మేరకు ఎస్పీ రోహిత్‌ రాజును కలిసి వినతిపత్రం అందజేశారు. తన తండ్రి మృతికి కారణమైన బాధ్యులను శిక్షించాలని లక్ష్మీనారాయణ కుమార్తె కన్నీటిపర్యంతమయ్యారు. నిజాయితీపరుడైన లక్ష్మీనారాయణను జర్నలిజం ముసుగులో వేధింపులకు గురిచేసి బలవన్మరణానికి కారణమైన వారిపై కఠిన చర్యలు తీసుకోవాలని పద్మశాలీ సంఘం నాయకులు కోరారు. స్పందించిన ఎస్పీ మాట్లాడుతూ విచారించి వాస్తవాలను వెలుగులోకి తీసుకొస్తామని హామీ ఇచ్చారు. బాధ్యులుగా తేలిన వారిపై కఠిన చర్యలు తీసుకుంటామని చెప్పారు. ఈ కార్యక్రమంలో పద్మశాలీ సంఘం నాయకులు వైఎస్‌ రావు, గుండు రవికుమార్‌, వేముల ప్రసాద్‌ బాబు, వేముల సతీష్‌, వేముల మధుకర్‌, ఇమంది ఉదయ్‌ కుమార్‌, పుట్టా శంకరయ్య, తోటకూర శ్రీనివాసరావు, పిండిప్రోలు కన్నయ్య, దోమల కిషోర్‌, బొమ్మ రామకిషోర్‌, దోమల ప్రవీణ్‌, పెగడ శంకర్‌, ఆడెపు నాగరాజు, రాగిణి వెంకటేశ్వర్లు, వేల శివ, వేల జీవన్‌ తదితరులు పాల్గొన్నారు.

పాల్వంచరూల్‌: దసరా పండుగ సందర్భంగా జిల్లాలో రూ.6కోట్ల విలువైన మద్యం అమ్మకాలు సాగా యి. రెండు రోజుల పాటు జిల్లాలోని బార్లు, వైన్స్‌ కిటకిటలాడుతూ కనిపించాయి. కొన్నిచోట్ల వైన్స్‌లో బీర్లు లభించక మద్యం ప్రియులు ఇతర ప్రాంతాలకు వెళ్లినట్లు తెలుస్తోంది. జిల్లాలో 88 వైన్స్‌, 13 బార్లు ఉండగా, వైరాలోని డిపో ద్వారా రూ.10.57 కోట్ల విలువైన మద్యం చేరినట్లు అధికారులు తెలిపారు. గత ఏడాది దసరా పండుగ రోజే గాంధీ జయంతి రావడంతో ముందుగానే రూ.9.50 కోట్ల విలువైన మద్యం అమ్మకాలు సాగాయి. ఈసారి షాప్‌లకు రూ.10.57కోట్ల విలువైన మద్యం చేరగా, పండుగ రెండు రోజుల్లో రూ.6కోట్లకు పైగా విలువైన మద్యం అమ్మకాలు జరిగినట్లు అంచనా ఉందని జిల్లా ఎకై ్సజ్‌ సూపరింటెండెంట్‌ శ్రీనివాసరెడ్డి వెల్లడించారు. రెండు రోజుల్లో రూ.6కోట్ల మద్యం అమ్మకాలు

కారేపల్లి: జాతరెళ్లి పోదామే.. జాతరో, జాతర.. అంటూ వేలాదిగా భక్తజనం శ్రీ కోటమైసమ్మతల్లి ఆలయానికి తరలివచ్చారు. కారేపల్లి మండలం ఉసిరికాయలపల్లిలో కొలువుదీరిన కోటమైసమ్మ తల్లి ఆలయ ఆవరణలో దసరా సందర్భంగా జాతర మంగళవారం ప్రారంభమైంది. ఈ సందర్భంగా ఉమ్మడి జిల్లా నుంచే కాక చుట్టు ప్రాంతాల నుంచి పెద్దసంఖ్యలో భక్తులు వాహనాల్లో వచ్చారు. అలాగే, బుధవారం కూడా ఆలయ ప్రాంగణం కిక్కిరిసిపోయింది. జాతర ఈనెల 26వ తేదీ వరకు కొనసాగనుండగా, దేవాదాయ శాఖ ఈఓ కట్టుకూరు వెంకటయ్య, పర్సా ట్రస్టు చైర్మన్‌ పట్టాభిరామారావు ఏర్పాట్లను పర్యవేక్షిస్తున్నారు. సందడే.. సందడి జాతర ఆవరణలో చిన్నారులు, పెద్దల ఆటవిడుపు కోసం సర్కస్‌ ఏర్పాటుచేశారు. ఇందులో జాయింట్‌ వీల్స్‌, జంపింగ్‌ డాల్స్‌, టవర్‌ రైడర్‌ వంటి ఉండడంతో భక్తులు అమ్మవారిని దర్శించుకుని వీటిలో ఎక్కి సందడి చేశారు. కాగా, ఖమ్మం రూరల్‌ ఏసీపీ తిరుపతిరెడ్డి పర్యవేక్షణలో సింగరేణి సీఐ ఎన్‌ సాగర్‌, ఎస్‌ఐ బి.గోపితో పాటు ఇతర ప్రాంతాల సీఐలు, ఎస్సైలు, సిబ్బందితో బందోబస్తు నిర్వహించారు. తొలిరోజు జాతరకు పెద్దసంఖ్యలో భక్తులు రావడంతో గంట పాటు ట్రాఫిక్‌కు అంతరాయం ఏర్పడింది. దీంతో పోలీసులు సోలార్‌ ప్లాంట్‌ నుంచి పోలంపల్లి బైపాస్‌ రోడ్డుకు వాహనాలను మళ్లించారు. అలాగే, కారేపల్లి, సీతారాంపురం గ్రామాల నుంచి వచ్చే వాహనాలను దారి మళ్లించడంతో పరిస్థితి చక్కబడింది.కిటకిటలాడిన కోటమైసమ్మతల్లి ఆలయ ప్రాంగణం

అశ్వారావుపేటరూరల్‌: పూత దశలో ఉన్న కంది పంటను నరికివేసిన ఘటనపై గిరిజనులు ఆందోళనకు దిగారు. పాదయాత్రగా అశ్వారావుపేట పోలీస్‌స్టేషన్‌ వచ్చి నిరసన తెలిపారు. అశ్వారావుపేట మండలం రామన్నగూడెం రెవెన్యూ పరిధిలోని సర్వే నంబర్లు 30, 36, 39లో 573 ఎకరాలకు సంబంధించి 181 మంది రైతులతో పాటు ఎఫ్‌డీసీ, ఫారెస్టు అధికారుల మధ్య కొన్నేళ్లుగా వివాదం సాగుతోంది. ప్రస్తుతం కలెక్టర్‌ అంకిత్‌ అదేశాలతో ఆయా భూముల్లో రీసర్వే చేస్తున్నారు. అయితే, ఇదే సర్వే నంబర్లలోని నాలుగు ఎకరాల్లో రామన్నగూడెం గ్రామస్తులంతా ఉమ్మడిగా గత జూన్‌ నుంచి కంది పంట సాగు చేస్తున్నారు. పంట ప్రస్తుతం పూత దశలో ఉండగా, ఎకరం పంటను గుర్తుతెలియని వ్యక్తులు పూర్తిగా నరికివేశారు. ఈ విషయాన్ని బుధవారం గుర్తించిన గిరిజనులు అగ్రహం వ్యక్తం చేస్తూ నరికేసిన కంది పంటతో కాలినడకన అశ్వారావుపేట పోలీసుస్టేషన్‌ వద్దకు చేరుకున్నా రు. ఘటనకు పాల్పడిన ఎఫ్‌డీసీ అధికారులపై కేసు నమోదు చేసి కఠిన చర్యలు తీసుకోవాలని ఆదివాసీ సంక్షేమ పరిషత్‌ జిల్లా అధ్యక్షులు, రామన్నగూడెం సర్పంచ్‌ మడకం నాగేశ్వరరావు, గ్రామస్తులు డిమాండ్‌ చేశారు. పూతదశలో ఉన్న నరికివేయడంతో రూ. 60వేల మేర నష్టపోయామని వాపోయారు. అనంతరం ఎఫ్‌డీసీ అధికారులపై ఫిర్యాదు చేయగా, దర్యాప్తు చేసి చర్యలు తీసుకుంటామని ఎస్‌ఐ సాయికిశోర్‌రెడ్డి నచ్చజెప్పడంతో గిరిజనులు తమ ఆందోళన విరమించి వెనుదిరిగారు.ఎఫ్‌డీసీ అధికారుల పనేనని గిరిజనుల ఆరోపణ

ఇల్లెందు: ఇల్లెందు ఫారెస్ట్‌ గ్రౌండ్‌లో మంగళవారం రాత్రి దసరా వేడుకలు నిర్వహించగా పెద్దసంఖ్యలో జనం పాల్గొన్నారు. రాత్రి 8గంటల నుంచి 12 వరకు ఉత్సవాలు జరగగా.. రాష్ట్ర మంత్రి పొంగులేటి శ్రీని వాసరెడ్డి, ఎమ్మెల్యే కోరం కనకయ్య, ఎంపీ పోరిక బలరామ్‌నాయక్‌ ప్రారంభించారు. అనంతరం మ్యూజి కల్‌ నైట్‌, సినీ, టీవీ కళాకారుల ఆటపాటలు ఏర్పాటుచేశారు. సినీ దర్శకుడు కాంపాటి సాయిలు హాజరుకాగా, కళాకారులు అభి, రాజమౌళి, ప్రసాద్‌, సౌమ్య, వినోద్‌ తదితరులు ప్రదర్శనలతో ఆకట్టుకున్నారు. కాగా, మైదానానికి భారీగా జనం హాజరైనా వెనుక ఉన్న వారికి వేదిక కనిపించకపోవడంతో నిలబడి మరీ స్క్రీన్లలో చూడాల్సి వచ్చింది. చివరకు రావణవధతో కార్యక్రమాలు ముగిశాయి. మున్సిపల్‌ చైర్‌ పర్సన్‌ దొడ్డ కిరణ్‌ మిత్ర, వైస్‌ చైర్మన్‌ రాజు, మార్కెట్‌ చైర్మన్‌ బానోతు రాంబాబు, కమిషనర్‌ సందీప్‌, డీఈ నవీన్‌, కాంగ్రెస్‌ పట్టణ, మండల అధ్యక్షులు బోళ్ల సూర్యం, మండల రాము, నాయకులు దొడ్డ డానియేల్‌, మడు గు సాంబమూర్తి తదితరులు పాల్గొనగా, డీఎస్పీ వెంకన్నబాబు, సీఐలు టి.సురేష్‌, బత్తుల సత్యనారాయణ ఆధ్వర్యాన 220 మంది పోలీసు సిబ్బందితో బందోబస్తు ఏర్పాటు చేశారు. దసరా వేడుకల్లో పాల్గొన్న మంత్రి పొంగులేటి

దసరా సందర్భంగా ఇల్లెందులోని ఫారెస్ట్‌ గ్రౌండ్‌లో ఏర్పాటుచేసిన వేడుకలు అలరించాయి. పెద్దసంఖ్యలో స్థానికులు పాల్గొనగా.. టీవీ, సీని కళాకారుల ప్రదర్శనలు ఆకట్టుకున్నాయి. ఈ వేడుకలను రాష్ట్ర మంత్రి పొంగులేటి శ్రీనివాసరెడ్డి ప్రారంభించారు. ఎంపీ బలరాంనాయక్‌, ఎమ్మెల్యే కనకయ్య తదితరులు పాల్గొన్నారు. ఇక పాల్వంచలోని పెద్దమ్మగుడికి సైతం విజయదశమి సందర్భంగా భక్తులు పెద్దసంఖ్యలో హాజరై పూజలు నిర్వహించారు. – ఇల్లెందు / పాల్వంచ రూరల్‌ –II లో...

సూపర్‌బజార్‌(కొత్తగూడెం): శాంతిభద్రతల పరిరక్షణ కోసం నిరంతరం కృషి చేస్తూ విధి నిర్వహణలో ప్రాణాలు త్యాగం చేసిన పోలీసు అమరవీరుల సేవలు ఎప్పటికీ మరువలేనివని ఎస్పీ రోహిత్‌రాజ్‌ తెలిపారు. పోలీసు అమరవీరుల సంస్మరణ దినో త్సవం సందర్భంగా పోలీస్‌ హెడ్‌క్వార్టర్స్‌లో బుధవారం అమరవీరుల స్తూపం వద్ద ఎస్పీ పుష్పగుచ్ఛాలతో నివాళులర్పించారు. అనంతరం సా యుధ పోలీసులు గౌరవ వందనం సమర్పించగా ఎస్పీ మాట్లాడుతూ విధి నిర్వహణలో వీరమరణం పొందిన ఉద్యోగులను స్మరించుకోవడం అందరి బాధ్యత అని తెలిపారు. భద్రత, శాంతిభద్రతల పరిరక్షణ, నేరాల నియంత్రణలో పోలీసు శాఖ కీలక పాత్ర పోషిస్తోందని, ఉగ్రవాదం, నక్సలిజం వంటి సవాళ్లను ఎదుర్కొంటూ ప్రజలకు రక్షణ కల్పించేందుకు పోలీసులు నిరంతరం కృషి చేస్తున్నారని చెప్పారు. అమరవీరుల త్యాగాలను స్ఫూర్తి గా తీసుకుంటూ పోలీసులు అంకితభావంతో విధులు నిర్వర్తించాలని సూచించారు. డీఎస్పీలు ఆది నారాయణ, ఆర్‌.సతీష్‌కుమార్‌, వెంకన్నబాబు, రవీందర్‌రెడ్డి, సత్యనారా యణ, మల్లయ్య స్వామి, అరుణ్‌ కుమార్‌, అడ్మినిస్ట్రేటివ్‌ ఆఫీసర్‌ మంజ్యానాయక్‌ తదితరులు పాల్గొన్నారు. ఎస్పీ రోహిత్‌రాజ్‌

అశ్వారావుపేటరూరల్‌/మణుగూరు రూరల్‌: పట్టభద్రుల ఎమ్మెల్సీ స్థానంలో విజయమే లక్ష్యంగా కాంగ్రెస్‌ పార్టీ శ్రేణులంతా సమన్వయంతో ముందుకు సాగాలని ఖమ్మం, మహబూబాబాద్‌ ఎంపీలు రామసహాయం రఘురాంరెడ్డి, పోరిక బలరాంనాయక్‌ సూచించారు. అశ్వారావుపేటలో బుధవారం జరిగిన పార్టీ నియోజకవర్గ స్థాయి సమావేశానికి ఎమ్మెల్యే జారె ఆదినారాయణ అధ్యక్షత వహించగా పార్టీ ఎమ్మెల్సీ అభ్యర్థి రాంరెడ్డి సర్వోత్తమ్‌రెడ్డి హాజరయ్యారు. ఈ సందర్భంగా ఎంపీ రఘురాంరెడ్డి మాట్లాడుతూ..సర్వోత్తమ్‌రెడ్డిని మొదటి ప్రాధాన్యత ఓట్లతోనే గెలిపించేలా ఓటర్ల నమోదు చేయించి, క్షేత్రస్థాయిలో సమన్వయంతో పని చేయాలని చెప్పారు. అలాగే, మణుగూరులో జరిగిన సమావేశంలో ఎంపీలు రఘురాంరెడ్డి, బలరాంనాయక్‌తో పాటు పినపాక ఎమ్మెల్యే పాయం వెంకటేశ్వర్లు, కాంగ్రెస్‌ జిల్లా అధ్యక్షురాలు తోట దేవీలక్ష్మీప్రసన్న మాట్లాడారు. ఈ సమావేశాల్లో ఎమ్మెల్సీ శంకర్‌నాయక్‌, ప్రజాప్రతినిధులు, నాయకులు వీరభద్రరావు, చిన్నంశెట్టి సత్యనారాయణ, మొగళ్లపు చెన్నకేశవరావు, జ్యేష్ట సత్యనారాయణ చౌదరి, తోలెం కల్యాణి, పీరినాకి నవీన్‌, కురం రవి తదితరులు పాల్గొన్నారు. ఎంపీలు రఘురాంరెడ్డి, బలరాంనాయక్‌

టేకులపల్లిరూరల్‌: రెండు మోటార్‌ సైకిళ్లు ఎదురెదురుగా ఢీకొన్న ఘటనలో ఓ వ్యక్తి మృతి చెందగా, మరొకరికి తీవ్ర గాయాలయ్యాయి. టేకులపల్లి మండలంలోని ఎర్రాయిగూడెం స్టేజీ సమీపంలో మంగళవారం సాయంత్రం ఈ ప్రమాదం జరిగింది. ఎర్రాయిగూడెంకు చెందిన వర్సా వీరస్వామి(40) టేకులపల్లిలో చికెన్‌ కొనుక్కొని బైక్‌పై ఇంటికి వెళ్తుండగా మోదుగులగూడెంకు చెందిన మాడె రాజేష్‌ తన భార్య మీనాక్షితో బైక్‌పై బోడు వైపు నుంచి వస్తూ వీరస్వామి వాహనాన్ని బలంగా ఢీకొట్టాడు. ఘటనలో ముగ్గురికి తీవ్ర గాయాలు కాగా కొత్తగూడెం ఆస్పత్రికి తరలిస్తుండగానే వీరస్వామి మృతి చెందాడు. కూలీ పనులతో జీవనం సాగించే వీరస్వామి మృతిపై ఆయన భార్యసారక్క ఫిర్యాదుతో కేసు నమోదు చేసినట్లు బోడు ఎస్‌ఐ రాజమౌళి తెలిపారు. విద్యుదాఘాతంతో యువకుడు.. కరకగూడెం: విద్యుదాఘాతంతో ఓ యువకుడు మృతి చెందడంతో దసరా పండుగ రోజు కుటుంబంలో విషా దం చోటు చేసుకుంది. మండలంలోని రాయనపేటకు చెందిన చర్చ నితిన్‌(20) తన పొలంలోని మోటార్‌ ఆన్‌ చేసేందుకు వెళ్లాడు. విద్యుత్‌ సరఫరా కాకపోవడంతో పైన ఉన్న లైన్‌ను తీగలను తగిలించే ప్రయత్నంలో షాక్‌కు గురై అక్కడికక్కడే మృతి చెందాడు. ఆయన తల్లి నాగరత్నం ఫిర్యాదుతో పోలీసులు కేసు నమోదు చేశారు. రోడ్డు ప్రమాదంలో రైతు.. జూలూరుపాడు(సుజాతనగర్‌): సుజాతనగర్‌ మండలం వేపలగడ్డకు చెందిన ఓ రైతు వ్యవసాయ పనులు ముగించుకుని ఇంటికి వస్తుండగా జరిగిన రోడ్డు ప్రమాదంలో మృతి చెందాడు. వేపలగడ్డకు చెందిన చెన్నబోయిన సత్యనారాయణ(50) వ్యవసాయంతో పాటు పాల వ్యాపారం చేస్తుంటాడు. ఆయన బుధవారం పొలంలో వ్యవసాయ పనులు ముగిశాక పచ్చిగడ్డి మోపు బైక్‌పై పెట్టుకుని ఇంటికి వస్తున్నాడు. గ్రామంలో రోడ్డు దాటుతుండగా ఖమ్మం వైపు నుంచి మణుగూరు వెళ్తున్న ఆర్టీసీ బస్సు ఢీకొట్టింది. ఘటనలో తీవ్రగాయాలైన సత్యనారాయణను కొత్తగూడెం ప్రభుత్వ ఆస్పత్రికి తరలించగా, అప్పటికే మృతి చెందినట్లు వైద్యులు నిర్ధారించారు. ఆయనకు భార్య, ఇద్దరు కుమార్తెలు ఉన్నారు.

● భద్రగిరిలో కనుల పండువగా రామ్‌లీలా మహోత్సవం ● శమీ పూజలు, ఆయుధార్చనలు ● పట్టాభిషక్తుడైన భద్రగిరి రామయ్య భద్రాచలం: ఓ వైపు వేదమంత్రాల ఘోష.. మరోవైపు మంగళవాయిద్యాలు.. ఇంకోవైపు భక్తజనుల జయజయధ్వానాలు, శ్రీరామ నామస్మరణతో భద్రాచలంలో విజయదశమి వేడుకలు అంబరాన్నంటాయి. చెడుపై మంచి సాధించిన విజయానికి ప్రతీకగా నిలిచే దసరా పర్వదినాన్ని శ్రీ సీతారామచంద్రస్వామి దేవస్థానం ఆధ్వర్యంలో అంగరంగ వైభవంగా నిర్వహించారు. వైష్ణవ సంప్రదాయం ప్రకారం బుధవారం నిర్వహించిన శమీ పూజలు, ఆయుధార్చనలు, శ్రీరామలీలా మహోత్సవం, రావణాసుర వధ ఘట్టాలతో భద్రగిరి ఆధ్యాత్మిక శోభ సంతరించుకుంది. ముగిసిన పారాయణోత్సవాలు విజయదశమిని పురస్కరించుకుని మారుతి సదనంలో నిర్వహిస్తున్న శ్రీరామ పారాయణోత్సవాలు బుధవారంతో ముగిశాయి. ప్రత్యేక పూజలు, యాగం అనంతరం మహా పూర్ణాహుతితో అర్చకులు ఉత్సవాలకు ముగింపు పలికారు. ప్రత్యేక వేదికపై కొలువుదీరిన స్వామివారి నిత్యకల్యాణ మూర్తులకు శాస్త్రోక్తంగా పూజలు నిర్వహించారు. కాగా, రామసేవా మండపంలో నిర్వహించిన స్వామివారి పట్టాభిషేక వేడుకకు భక్తులు పెద్ద సంఖ్యలో హాజరయ్యారు. శాస్త్రోక్తంగా శమీ, ఆయుధ పూజలు ఆలయ అభివృద్ధి పనుల కారణంగా స్వామివారిని తిరువీధి సేవగా సంప్రదాయ దసరా మండపానికి తీసుకెళ్లే పరిస్థితి లేకుండా పోయింది. దీంతో ఆలయ ప్రాంగణంలోనే శమీ పూజ నిర్వహించారు. శమీ వృక్షం కొమ్మలను తీసుకొచ్చి అర్చకులు పుణ్యావాచనం, పూజ జరిపారు. స్వామివారి ఆయుధాలకు ప్రత్యేక పూజలు చేశారు. రాముడి విజయగాథను స్మరిస్తూ అర్చకులు పండుగ విశిష్టతను వివరించారు. శ్రీరామ్‌లీలా మహోత్సవం స్వామివారి పాదుకలు, రామజ్యోతిని వేదమంత్రాలు, మంగళవాయిద్యాలు, కోలాటాల నడుమ దసరా మండపానికి తీసుకువచ్చారు. అక్కడ నిర్వహించిన శ్రీరామలీలా మహోత్సవం భక్తులను విశేషంగా ఆకట్టుకుంది. రావణాసురుడిపై శ్రీరాముడు విజయం సాధించిన ఘట్టాన్ని ఆలయ అధికారులు సంప్రదాయబద్ధంగా నిర్వహించారు. ఆలయ ఈఓ దామోదర్‌రావు రావణాసురుడి ప్రతిరూపంపై బాణం సంధించడంతో బాణసంచా వెలుగులు విరజిమ్మాయి. భక్తుల శ్రీరామ నామస్మరణ, జయజయధ్వానాలతో దసరా మండపం మార్మోగింది. ఆలయ ఏఈఓ శ్రవణ్‌కుమార్‌, ఆలయ అర్చకులు, పండితులు పాల్గొన్నారు.

మణుగూరు టౌన్‌/మణుగూరు రూరల్‌: దసరా ఉత్సవాలు వీక్షించి వస్తుండగా మండలంలోని కూనవరం సమీపాన జరిగిన రోడ్డు ప్రమాదంలో ఓ యువకుడు తీవ్రగాయాలతో మృతి చెందాడు. బూర్గంపాడు మండలం సారపాకకు చెందిన కేసుపాక నవీన్‌(20) మణుగూరులోని తన స్నేహితుడైన అభినయ్‌ పాల్‌ అలియాస్‌ కల్యాణ్‌ ఇంటికి మంగళవారం వచ్చాడు. వీరి స్నేహితులు మనోజ్‌, సిద్దు, పవన్‌తో కలిసి పీ.వీ.కాలనీలోని భఽద్రాద్రి స్టేడియంలో నిర్వహించిన రామ్‌లీలా, జమ్మి వేడుకలను చూసేందుకు ద్విచక్ర వాహనాలపై వెళ్లారు. వేడుకలు ముగిశాక అర్ధరాత్రి తిరిగి వస్తుండగా.. కూనవరం గ్రామ సమీప కోడిపుంజుల వాగు బ్రిడ్జి రోడ్డుపై నడిచి వస్తున్న మహిళను ఒక బైక్‌ ఢీట్టింది. దీంతో ఆ బైక్‌ వెనుక కూర్చున్న నవీన్‌ కింద పడడంతో తలకు బలమైన గాయమైంది. దీంతో స్నేహితులు మణుగూరు ప్రభుత్వ ఏరియా ఆస్పత్రిలో చికిత్స అనంతరం భద్రాచలం ఆస్పత్రికి తీసుకెళ్తుండగా మార్గమధ్యలోనే మృతి చెందాడు. ఘటనపై నవీన్‌ తండ్రి ఫిర్యాదు మేరకు పోలీసులు కేసు నమోదు చేశారు.

భద్రాచలంఅర్బన్‌: సద్దుల బతుకమ్మ సందర్భంగా భద్రాచలంలో గోదావరి వద్దకు వచ్చిన మహిళలు నిమజ్జనం చేసే మార్గం లేక ఒడ్డునే వదిలేసి వెళ్లిపోయారు. దీంతో కొన్ని ఒడ్డున నీటిలో తేలుతుండగా, మరికొన్ని బురదలో చిక్కుకున్నాయి. వీటికి తోడు ప్లాస్టిక్‌ కవర్లు, ఇతర వ్యర్థాలు పేరుకుపోవడంతో ఘాట్‌ పరిసరాలు అపరిశుభ్రంగా మారా యి. పూలు సహజంగా కుళ్లిపోయేవే అయినా ప్లాస్టిక్‌, ఇతర వ్యర్థాలను తొలగించకపోతే గోదా వరి పరిశుభ్రతకు సమస్యగా మారే అవకాశం ఉంది. ఈమేరకు సంబంధిత అధికారులు చొరవ చూపాలని భక్తులు, స్థానికులు కోరుతున్నారు.

రుద్రంపూర్‌: సింగరేణి వ్యాప్తంగా కార్మికులకు లాభాల వాటా, దసరా అడ్వాన్స్‌ చెల్లించిన యాజ మాన్యం, కొత్తగూడెం డివిజన్‌ పరిధి సూపర్‌బజార్‌లలో ఉద్యోగులకు అడ్వాన్స్‌ మాత్రం ఇవ్వలేదు. పండుగ ముందు రోజు వరకు రూ.25వేలు వస్తాయని చూసినా, రాకపోవడంతో ఉద్యోగులకు నిరా శే ఎదురైంది. కొత్తగూడెం డివిజన్‌లో 25 మంది పనిచేస్తుండగా, శ్రీరాంపూర్‌, గోదావరిఖనిలో చెల్లించిన యాజమాన్యం ఇక్కడి ఉద్యోగులను విస్మరించడంపై విమర్శలు వస్తున్నాయి. ప్రతీనెల వేతనం నుంచి రికవరీ చేసుకునే అడ్వాన్‌ చెల్లించకపోవడం సరికాదని ఉద్యోగులు వాపోయారు. ఈ విషయమై సూపర్‌బజార్‌ డివిజన్‌ మేనేజర్‌ దేవదాస్‌ను వివరణ కోరగా.. లావాదేవీలు ఉన్నా, లేకున్నా ప్రతీనెల ఉద్యోగులకు రూ.2.70లక్షలకు పైగా వేతనాలు చెల్లిస్తున్న నేపథ్యాన పరిస్థితులను అర్థం చేసుకోవాలని సూచించారు. రిటైర్‌ అయిన కార్మికులంతా రామగుండం, శ్రీరాంపూర్‌ వెళ్తుండడంతో ఇక్కడ సూపర్‌బజార్‌లో అమ్మకాలు, గ్యాస్‌ కనెక్షన్లు పడిపోయాయని తెలిపారు. కాంట్రాక్ట్‌ కార్మికుల ధర్నా సింగరేణి కాంట్రాక్టు కార్మికులకు రాష్ట్ర ప్రభుత్వం ప్రకటించిన లాభాల వాటాను జీఎస్టీతో సంబంధం లేకుండా చెల్లించాలని సీఐటీయూ నాయకులు డిమాండ్‌ చేశారు. ఈమేరకు బుధవారం కొత్తగూడెంలోని సింగరేణి కార్యాలయం ఎదుట ధర్నా చేయగా నాయకులు మాట్లాడుతూ పండుగ వరకు ఇదిగో, అదిగో అని చివరికి వాటా చెల్లించకపోవడం సరికాదన్నారు. ఇకనైనా నిర్లక్ష్యం విడనాడి రూ.5,500 చొప్పున చెల్లించాలన్నారు. నాయకులు భూక్యా రమేష్‌, మాతంగి రాజేష్‌, ఎన్‌.రమేష్‌, ప్రమోద్‌, శివ, గడల నర్సింహారావు, ఎన్‌.ఎస్‌.రాజు, మహ్మద్‌ నసూర్‌ పాల్గొన్నారు.

సర్‌ ఆర్డర్‌ కాటన్‌ హయాంలో.. గోదావరిపై అశ్వాపురం – దుమ్ముగూడెం మధ్య 1564.50 మీటర్ల పొడవుతో 150ఏళ్ల క్రితం సర్‌ ఆర్దర్‌ కాటన్‌ నేతృత్వాన ఆనకట్ట నిర్మించారు. ఈ ఆనకట్ట డెడ్‌ స్టోరేజీ లెవల్‌ 36 మీటర్లు ఉండగా గరిష్ట ఎత్తు 49.50 మీటర్లుగా ఉంది. గోదావరి నదికి 35వేల క్యూసెక్కుల వరద వస్తే అలుగు పోసేలా ఈ ఆనకట్టను డిజైన్‌ చేశారు. అంటే ఆనకట్ట నీటి నిల్వ సామర్థ్యం 6 టీఎంసీలుగా ఉండేది. ఈ ఆనకట్ట ఆధారంగానే ఖమ్మం, భద్రాద్రి కొత్తగూడెం, మహబూబాబాద్‌ జిల్లాలోని లక్షలాది ఇళ్లకు మిషన్‌ భగీరథ ఇన్‌టేక్‌ వెల్‌ ద్వారా తాగునీటి సరఫరా జరుగుతోంది. డేంజర్‌ బెల్స్‌ గోదావరిపై కాటన్‌ ఆనకట్ట దిగువన నిర్మించతలపెట్టిన సీతమ్మ సాగర్‌ బరాజ్‌ నిర్మాణ పనులు మధ్యలో ఆగిపోయాయి. సీతమ్మసాగర్‌ అందుబాటులోకి వస్తే 36 టీఎంసీల నీటిని నిల్వ చేసుకునే వెసులుబాటు ఉండేది. ఎల్‌నినో వంటి కఠిన పరిస్థితులు వచ్చినా వేసవిలో తాగునీటికి ఇబ్బంది ఉండేది కాదు. ఇది జరగకపోగా... ఆనకట్ట ఎగువ భాగాన పేరుకుపోయిన పూడిక, ఇసుక మేటల కారణంగా నీటి నిల్వ సామర్థ్యం 6 టీఎంసీల నుంచి 1.25 టీఎంసీలకు పడిపోయింది. గుక్కెడు నీళ్లకు చిక్కులే ప్రస్తుతం కాటన్‌ ఆనకట్ట నుంచి ప్రతీరోజు 150 ఎంఎల్‌డీ నీటిని తాగు అవసరాలకు సరఫరా చేస్తున్నారు. ఈ లెక్కన ప్రస్తుతం నిల్వ ఉన్న 1.20 టీఎంసీల నీటిని కేవలం తాగునీటి అవసరాలకే వినియోగిస్తే ఎనిమిది నెలల వరకు ఇబ్బంది ఉండదు. కానీ ఒక్కసారి ప్రవాహం తగ్గిపోయి, వేసవి తాపం మొదలైందంటే నెల వ్యవధిలోనే 1.20 టీఎంసీలుగా ఉన్న నీటి నిల్వ సామర్థ్యం డెడ్‌ స్టోరేజీ లెవల్‌ 0.45 టీఎంసీలకు పడిపోయే అవకాశముంది. తద్వారా ఫిబ్రవరి, మార్చి నాటికే తాగునీటికి కటకట ఎదురయ్యే ప్రమాదకర పరిస్థితులు కనిపిస్తున్నాయి. ఇక సాగు, పారిశ్రమిక రంగాల విషయం ఆలోచించే పరిస్థితి ఉండదు. దీంతో ముందు జాగ్రత్తగా వేసవిలో తాగునీటి ఇబ్బంది రాకుండా మంత్రి తుమ్మల నాగేశ్వరరావు సూచనలతో తాత్కాలికంగా ఇసుక బస్తాలతో ఆనకట్ట ఎత్తు పెంపు ప్రణాళిక అమలుకు సిద్ధమయ్యారు. ఎత్తు పెంపు ఇలా దుమ్ముగూడెం వైపు రవాణా కెనాల్‌ నుంచి 209.10 మీటర్ల వరకు ఆనకట్ట ఎత్తును 1.50 మీటర్ల ఎత్తు పెంచాలని నిర్ణయించారు. అదే విధంగా అశ్వాపురం వైపు 1,355.40 మీటర్ల మేరకు ఒక మీటర్‌ మేర కరకట్ట ఎత్తు పెంచనున్నారు. తద్వారా ఆనకట్ట నీటి నిల్వ సామర్థ్యం 1.25 టీఎంసీల నుంచి 2.25 టీఎంసీలకు పెరిగే అవకాశం ఉంది. ఒక టీఎంసీ నీటిని అదనంగా నిల్వచేయడం ద్వారా రాబోయే వేసవిలో ఖమ్మం, భద్రాద్రి కొత్తగూడెం,మహబూబాబాద్‌ జిల్లాలోని లక్ష లాది ఆవాసాలకు మిషన్‌ భగీరథ ద్వారా నీటిని ఆటంకాలు లేకుండా సరఫరా చేసే వీలు ఏర్పడుతుంది. నవంబర్‌లో మొదలు ఇసుక కట్టల ద్వారా కాటన్‌ ఆనకట్ట ఎత్తును తాత్కాలికంగా పెంచేందుకు రూ.1.25 కోట్లు వ్యయం అవుతుందని అంచనా వేశారు. ఇప్పటికే జిల్లా ఇరిగేషన్‌ శాఖ నుంచి ఆర్థిక శాఖకు ప్రతిపాదనలు వెళ్లాయి. నిధుల కేటాయింపుతో పాటు సాంకేతిక శాఖ అనుమతులు లభించాల్సి ఉంది. మొత్తంగా నవంబర్‌ మొద టి వారంలో ఆనకట్ట ఎత్తు పెంపు పనులు ప్రారంభమయ్యే అవకాశం ఉంది. అయితే, దసరా ముహూర్తాన పినపాక ఎమ్మెల్యే పాయం వెంకటేశ్వర్లు నేతృత్వాన పనులను మంగళవారంలాంఛనంగా మొదలుపెట్టారు. ఇదంతా బాగానే ఉన్నా ఆనకట్ట తాత్కాలిక ఎత్తు పెంపుతో ముంపు ముప్పు ఏ మేరకు ఉంటుందనే సందేహాలు గోదావరి తీర ప్రాంత వాసుల్లో ఉన్నాయి. అశ్వాపురం: ఎల్‌నినో ప్రభావంతో తాగునీటి ఎద్దడి తలెత్తే అవకాశం ఉన్నందున, ఆ పరిస్థితిని ఎదుర్కొనేందుకు గోదావరి జలాల నిల్వ కోసం ప్రభుత్వం ముందస్తు చర్యలు చేపడుతోంది. పినపాక ఎమ్మెల్యే పాయం వెంకటేశ్వర్లు తెలిపారు. దుమ్ముగూడెం ఆనకట్టపై ఫ్లాష్‌బండ్‌ (సాండ్‌ బ్యాగింగ్‌) పనులకు ఎమ్మెల్యే విజయదశమి సందర్భంగా మంగళవారం ప్రారంభించి మాట్లాడారు. సాండ్‌ బ్యాగింగ్‌ ద్వారా వృథాగా వెళ్లే 0.90 టీఎంసీల గోదావరి జలాలను అదనంగా నిల్వ చేయొచ్చని, తద్వారా వేసవిలో తాగునీటికి ఇబ్బంది రాకుండా సరఫరా చేసే అవకాశం ఉంటుందని తెలిపారు. ఈ పనులు పూర్తయితే మూడు జిల్లాలకు తాగునీరే కాకుండా భారజాల కర్మాగారానికి, 11 ఎత్తిపోతల పథకాలకు సాఫీగా నీరు అందుతుందని చెప్పారు. నీటిపారుదల శాఖ ఈఈ వెంకటేశ్వరరావు, డీఈ శ్రీనివాస్‌, రమేష్‌, సర్పంచ్‌లు, నాయకులు కోర్సా కృష్ణ, ఇర్పా కవిత, ఓరుగంటి రమేష్‌బాబు, గాదె కేశవరెడ్డి, ఊసా అనిల్‌కుమార్‌, వేములపల్లి రమేష్‌, శీలం సంజీవరెడ్డి, మేకల అంజిబాబు, జామా ఖాదర్‌బాబా, ఐర్పా లక్ష్మణ్‌, కాకా రాములు, బట్టా సత్యనారాయణ, బారాజు సంపత్‌, లంకమల్ల కొండలరావు, గాదె వెంకటరెడ్డి పాల్గొన్నారు. కఠినమైన ఎల్‌నినో పరిస్థితులను దీటుగా ఎదుర్కొనేలా యంత్రాంగం సిద్ధమవుతోంది. జలాశయాల్లో నీరు అడుగంటుతుండడం, భూగర్భ జలాలు కూడా పడిపోతుండడంతో రానున్న వేసవిలో తాగునీటికి ఇబ్బంది రాకుండా ముందస్తు చర్యలు చేపడుతున్నారు. ఇందులో భాగంగా గోదావరిపై అశ్వాపురంలోని దుమ్ముగూడెం ఆనకట్ట ఎత్తు పెంపునకు శ్రీకారం చుట్టారు. – సాక్షి ప్రతినిధి, భద్రాద్రి కొత్తగూడెం

● దసరా సందర్భంగా కిటకిటలాడిన పెద్దమ్మతల్లి ఆలయం ● ముగిసిన శ్రీదేవి శరన్నవరాత్రి ఉత్సవాలుపాల్వంచరూరల్‌: మండలంలోని కేశవాపురం – జగన్నాధపురం మధ్య కొలువైన శ్రీ కనకదుర్గ(పెద్దమ్మతల్లి) ఆలయం దసరా సందర్భంగా భక్తజనంతో కిటకిటలాడింది. ఈనెల 11నుంచి నిర్వహిస్తున్న శ్రీదేవి శరన్నవరాత్రి మహోత్సవాలు బుధవారం ముగిశాయి. ఈక్రమాన దసరా సందర్భంగా మంగళవారం శ్రీ రాజరాజేశ్వరీ దేవి అలంకరణలో పెద్దమ్మతల్లి దర్శనం ఇచ్చారు. అలాగే, సాయంత్రం అమ్మవారిని రథోత్సవం ఉరేగింపు గుడి నుంచి కేశవాపురం వరకు సాగింది. ఇందులో అమ్మవారి వేషధారణతో కళాకారుల ప్రదర్శనలు ఆకట్టుకున్నా యి. ఆతర్వాత కోనేరులో హంసవాహనంపై అమ్మవారి తెప్పోత్సవం, జమ్మి చెట్టు వద్ద శమీ పూజలు నిర్వహించారు. కాగా, దసరా సందర్భంగా సోమవారం అర్ధరాత్రి నుంచే వివిధ ప్రాంతాల భక్తులు వాహనాల పూజ కోసం బారులుదీరారు. దీంతో కేశవాపురం నుంచి ఆలయం వరకు వాహనాలు నిలిచి పోయాయి. ఇక బుధవారం ఆలయంలో సామూహిక సత్యనారాయణ వ్రతం నిర్వహించాక, యాగశాలలో అర్చకులు పూర్ణాహుతి సమర్పించారు. పినపాక ఎమ్మెల్యే పాయం వెంకటేశ్వర్లు తదితరులు అమ్మవారిని దర్శించుకున్నారు.

భద్రాచలం అర్బన్‌: శ్రీదేవీ శరన్నరాత్రి ఉత్సవాల సందర్భంగా జిల్లాలోని వివిధ ప్రాంతాల్లో ఏర్పాటు చేసిన దుర్గామాత విగ్రహాలను నిమజ్జనం కోసం భద్రాచలంలో గోదావరికి తీసుకొస్తున్నారు. బుధవారం సాయంత్రం వరకు 180 అమ్మవారి విగ్రహాల నిమజ్జనం జరిగినట్లు సమాచారం. నిమజ్జనానికి వస్తున్న విగ్రహాల సంఖ్య తక్కువగా ఉండడంతో ఒకే లాంచీని వినియోగిస్తున్నారు. వివిధ శాఖల ఉద్యోగులు విధులు నిర్వర్తిస్తున్నారు. గురువారం కూడా నిమజ్జనం కొనసాగే అవకాశం ఉంది. 2,680 మె.టన్నుల యూరియా చింతకాని: చింతకాని మండలం పందిళ్లపల్లిలోని రేక్‌ పాయింట్‌కు బుధవారం ఇఫ్‌కో కంపెనీకి చెందిన 2,680.02 మెట్రిక్‌ టన్నుల యూరియా చేరింది. ఇందులో నుంచి ఖమ్మం జిల్లాకు 1,080.02 మె.టన్నులు, భద్రాద్రి కొత్తగూడెం జిల్లాకు 900 మె.టన్నులు, మహబూబాబాద్‌ జిల్లాకు 600 మె.టన్నులు సరఫరా చేశామని ఖమ్మం జిల్లా వ్యవసాయాధి కారి ధనసరి పుల్లయ్య తెలిపారు. మిగతా 100 మెట్రిక్‌ టన్నులను బఫర్‌ స్టాక్‌గా నిల్వ చేశామని వెల్లడించారు. 25న అండర్‌–19 క్రికెట్‌ జట్ల ఎంపికఖమ్మం స్పోర్ట్స్‌: ఉమ్మడి జిల్లా జూనియర్‌ కళాశాలల క్రీడా సంఘం ఆధ్వర్యాన ఈనెల 25వ తేదీన అండర్‌–19 బాలబాలికల క్రికెట్‌ జట్లను ఎంపిక చేయనున్నారు. ఖమ్మం సర్దార్‌ పటేల్‌ స్టేడియంలో 25వ తేదీన ఎంపిక పోటీలు జరుగుతాయని సంఘం జిల్లా కార్యదర్శి ఎం.డీ.మూసాకలీం తెలిపారు. ఆసక్తి ఉన్న క్రీడాకారులు వయసు ధ్రువీకరణ పత్రంతో పాటు సొంత కిట్‌తో హాజరుకావాలని వారు ఓ ప్రకటనలో సూచించారు. సమష్టి కృషితో ఉత్పత్తి లక్ష్య సాధనమణుగూరు టౌన్‌: ఉద్యోగులు సమష్టిగా కృషి చేస్తూ బొగ్గు ఉత్పత్తి వార్షిక లక్ష్యాలను చేరుకోవాలని సింగరేణి డైరెక్టర్‌(ఆపరేషన్స్‌) ఎల్‌. వీ. సూర్యనారాయణ సూచించారు. మణుగూరు ఏరియాలో జీఎం దుర్గం రాంచందర్‌తో కలిసి బుధవారం ఆయన కేసీహెచ్‌పీ, పీకేఓసీ–2 గనులను పరిశీలించారు. బొగ్గు ఉత్పత్తి, క్రషర్ల పనితీరును పరిశీలించాక డైరెక్టర్‌ మాట్లాడుతూ ఏరియా వార్షిక లక్ష్యం 122.10 లక్షల టన్నుల మేర బొగ్గు ఉత్పత్తి కోసం రోజూ 40వేల టన్నులు వెలికితీయాలని తెలి పారు. యంత్రాలతో నిరంతరాయంగా పనులు చేపడితే ఫలితం ఉంటుందని చెప్పారు. అలాగే, పీకేఓసీ–2లోని నీటిని సకాలంలో తొలగించాలని సూచించారు. వివిధ విభాగాల అధికారులు మదన్‌నాయక్‌, గౌడే, సౌరభ్‌ సుమన్‌, సురేశ్‌, నాగరమేశ్‌, శ్రీనివాస్‌ తదితరులు ఉన్నారు. కిన్నెరసానిలో దసరా సందడిరూ.2లక్షలకు చేరువగా నమోదైన మూడు రోజుల ఆదాయం పాల్వంచరూరల్‌: దసరా పండగ సందర్భంగా మండలంలోని పర్యాటక ప్రాంతమైన కిన్నెరసానిలో సందర్శకుల సందడి నెలకొంది. ఉమ్మడి జిల్లా నుంచే వివిధ ప్రాంతాల సందర్శకులు పెద్దసంఖ్యలో వచ్చారు. ఈ సందర్భంగా డ్యామ్‌పై నుంచి జలాశయం, డీర్‌ పార్కులోని దుప్పులను వీక్షించడమే కాక బోటు షికారు చేస్తూ ఆనందంగా గడిపారు. ఈమేరకు 19నుంచి 21వ తేదీ వరకు 1,473 మంది పర్యాటకులు కిన్నెరసానిలోకి ప్రవేశించడం ద్వారా వైల్డ్‌లైఫ్‌ శాఖ రూ.1,19,255, సఫారీ వాహనాల ద్వారా రూ.20,550, 1,020మంది బోటు షికారు చేయడంతో టూరిజం కార్పొరేషన్‌ సంస్థకు రూ.51,870 ఆదాయం సమకూరింది.

భద్రాచలంఅర్బన్‌: ఏపీలోని గుంటూరు ఆర్‌టీసీ కాలనీకి చెందిన దుర్గారావు ‘రామ్‌ ది ట్రావెలర్‌’ (శ్రీరాముడు) పేరుతో ప్రపంచ యాత్ర చేస్తున్నాడు. ఎనిమిదో తరగతితో చదువు ఆగిపోయిన దుర్గారావు 2023లో ప్రయాణాలు మొదలుపెట్టాడు. ఇప్పటివరకు 30 దేశాల్లో పర్యటించిన ఆయన, అందులో 11 దేశాలను సైకిల్‌పై చుట్టిరావడం విశేషం. ప్రపంచంలోని 195 దేశాలను చూడాలని లక్ష్యంగా పెట్టుకోగా విజయవాడ నుంచి సైకిల్‌పై సోమవారం భద్రాచలం చేరుకున్నాడు. వివిధ దేశాల జీవన విధానం, ప్రజల ఆహారపు అలవాట్లు, సంస్కృతి, సంప్రదాయాలు తెలుసుకునేందుకే పర్యటనలు చేస్తున్నానని తెలిపాడు. గతేడాది నేపాల్‌లోని పర్వత ప్రాంతాల్లో ప్రయాణిస్తున్న సమయంలో తన మోకాలికి గాయం కాగా, ఆతర్వాత కూడా పలు దేశాల్లో పర్యటించానని వెల్లడించాడు. సోషల్‌ మీడియాలో ఎంతో ఆదరణ లభిస్తుందని తెలిపాడు. దుర్గాభవాని ఆలయంలో చండీయాగంఇల్లెందు: ఇల్లెందు ఏరియా జేకే–5 ఓసీ శ్రీ దుర్గా భవానీ మాత ఆలయంలో సోమవారం చండీయాగం నిర్వహించారు. జీఎం వీసం కృష్ణయ్య ప్రత్యేక పూజలు చేశారు. అనంతరం సహపంక్తి భోజనాలు ఏర్పాటు చేశారు. ఈ కార్యక్రమంలో ఎస్‌ఓటూ జీఎం జాకీర్‌ హుస్సేన్‌, కేఓసీ పీఓ మాధవరావు, డీజీఎం ఐఈడీ ప్రభాకర్‌రావు, ఏరియా సేఫ్టీ ఆఫీసర్‌ రాందాస్‌, ఇతర అధికారులు, కార్మికులు పాల్గొన్నారు. పాత కక్షలతో యువకుడి హత్యసూపర్‌బజార్‌(కొత్తగూడెం): పాత కక్షలతో ఓ యువకుడిని సోమవారం హతమార్చారు. పోలీసుల కథనం ప్రకారం.. ఖమ్మంలో డిగ్రీ చదువుతున్న లక్ష్మీదేవిపల్లి మండలం ఎదురుగడ్డకు చెందిన మేడి అఖిల్‌(20) దసరా సెలవులకు ఇంటికి వచ్చాడు. ఆదివారం అర్ధరాత్రి బతుకమ్మ వేడుకల్లో పాల్గొని తిరిగి వస్తుండగా కొందరు యువకులు మద్యం తాగేందుకు సమీప రైల్వే ట్రాక్‌ వద్దకు తీసుకెళ్లారు. తాగిన తరువాత బండరాయితో ముఖంపై కొట్టి, కత్తులతో పొడిచి హత్యచేశారు. సోమవారం తెల్లవారుజామున సమాచారం అందుకున్న లక్ష్మీదేవిపల్లి పోలీసులు సంఘటనా స్థలానికి చేరుకుని మృతదేహాన్ని మార్చురీకి తరలించారు. కొంతకాలం క్రితం జరిగిన గొడవను దృష్టిలో ఉంచుకుని పథకం ప్రకారం హత్యకు పాల్పడినట్లు అఖిల్‌ తండ్రి మేడి పాపయ్య పోలీసులకు ఫిర్యాదు చేశాడు. ఎస్‌ఐ అఖిల కేసు నమోదు చేసి దర్యాప్తు చేస్తున్నారు. యువకుడి ఆత్మహత్యఅశ్వారావుపేటరూరల్‌: కుటుంబ కలహాలతో తల్లిదండ్రులు కొంతకాలంగా విడిగా ఉంటున్నారనే మనోవేదనతో సోమవారం తనయుడు ఉరివేసుకుని ఆత్మహత్యకు పాల్పడ్డాడు. అదనపు ఎస్‌ఐ దేవ్‌సింగ్‌ కథనం ప్రకారం.. అశ్వారావుపేట మున్సిపాలిటీ పరిధిలోని నెహ్రునగర్‌కు చెందిన కాగిత నాగ ముత్యాలరావు–జ్యోతి దంపతుల తనయుడు రంజిత్‌(19) బైక్‌ షోరూంలో మెకానిక్‌గా పని చేస్తున్నాడు. తల్లిదండ్రులు రెండేళ్లుగా వేర్వేరుగా ఉండటంతో రంజిత్‌ అమ్మమ్మ ఇంట్లోనే ఉంటున్నాడు. మనోవేదనతో ఆత్మహత్యకు పాల్పడ్డాడు. పోలీసులు కేసు దర్యాప్తు చేస్తున్నారు. బతుకమ్మ పూల కోసం వెళ్లి..చెరువులో మునిగి వ్యక్తి మృతి అశ్వాపురం: బతుకమ్మ కోసం తామర పూలు సేకరించేందుకు వెళ్లిన ఓ వ్యక్తి చెరువులో మునిగి మృతి చెందాడు. మండల కేంద్రంలోని కాలువ బజార్‌ కు చెందిన కుర్సం లక్ష్మయ్య(57) ఆదివారం మధ్యాహ్నం భద్రయ్య గారి కుంట వద్దకు తామర పూలు సేకరించేందుకు వెళ్లాడు. ఇంటికి తిరిగి రాకపోవడంతో కుటుంబ సభ్యులు, బంధువులు చెరువు పరిసరాల్లో వెతికినా ఆచూకీ లభించలేదు. దీంతో సోమవారం ఉదయం చెరువులో గాలించారు. నీటిలోని చెట్ల తీగల మధ్య మృతదేహం చిక్కుకుని ఉండగా, బయటకు తీశారు. లక్ష్మయ్య మృతితో కుటుంబ సభ్యులు కన్నీరుమున్నీరయ్యారు. పోలీసులు మృతదేహాన్ని పోస్టుమార్టం నిమిత్తం మణుగూరు ప్రభుత్వ ఆస్పత్రికి తరలించి కేసు నమోదు చేసి దర్యాప్తు చేస్తున్నారు. గుండెపోటుతో ఎస్‌బీఐ క్యాషియర్‌ మృతిగార్ల: మహబూబాబాద్‌ జిల్లా గార్ల ఎస్‌బీఐలో క్యాషియర్‌గా విధులు నిర్వర్తిస్తున్న యాస అశోక్‌(35) సోమవారం గుండెపోటుతో మృతిచెందాడు. బ్యాంకులో విధులు నిర్వర్తిస్తున్న క్రమంలోనే గుండెపోటుకు గురై ఒక్కసారిగా కుప్పకూలిపోయాడు. దీంతో సహచర ఉద్యోగులు సీహెచ్‌సీకి తరలించి చికిత్స చేయించినా ఫలితం దక్కలేదు. అశోక్‌ స్వస్థలం భద్రాద్రి కొత్తగూడెం జిల్లా గుండాల మండలం తూరుబాక కాగా, ఆయనకు భార్య, ఇద్దరు పిల్లలు ఉన్నారు. బోనస్‌ జాప్యంపై జీఎం ఆఫీసు ముట్టడిఇల్లెందు: దసరా బోనస్‌ చెల్లింపులో యాజమాన్యం ద్వంద్వ వైఖరి అవలంబిస్తూ కాంట్రాక్టు కార్మికులను మోసం చేస్తోందని ఆరోపిస్తూ టీయూసీఐ ఆధ్వర్యంలో సోమవారం సింగరేణి జీఎం కార్యాలయాన్ని ముట్టడించారు. డిమాండ్లతో కూడిన వినతిపత్రాన్ని అధికారులకు అందజేశారు. యాకూబ్‌షావలీ మాట్లాడుతూ రెగ్యులర్‌ కార్మికులకు ప్రకటించిన వెంటనే బోనస్‌ చెల్లించిన యాజమాన్యం కాంట్రాక్టు కార్మికులకు చెల్లించకుండా నిర్లక్ష్యం చేస్తోందన్నారు. కార్మిక నేతలతో చర్చించిన జీఎం కృష్ణయ్య తక్షణమే కార్మికుల అకౌంట్లలో బోనస్‌ జమ అవుతుందని చెప్పారు. రాంసింగ్‌, పాయం వెంకన్న, గురునాథం, చిలకమ్మ, రాధ, స్వాతి పాల్గొన్నారు. సోమవారం రాత్రి జమ రుద్రంపూర్‌: సంస్థవ్యాప్తంగా 12 వేల మంది కాంట్రాక్ట్‌ కార్మికులకు సోమవారం రాత్రి లాభాల వాటా చెల్లించినట్లు సింగరేణి అధికారులు తెలిపారు. మిగిలిన కార్మికులకు కూడా త్వరలోనే చెల్లిస్తామని పేర్కొన్నారు.

భద్రాచలంఅర్బన్‌: పట్టణంలోని అశోక్‌నగర్‌ కాలనీలో కల్తీ నెయ్యి తయారీ కేంద్రంలో ఆహార భద్రతా శాఖ అధికారులు, పోలీసులు సంయుక్తంగా తనిఖీలు నిర్వహించారు. 30 కిలోల డాల్డా, 10 లీటర్ల నెయ్యి, 15 లీటర్ల పామాయిల్‌, మూడు కిలోల వెన్నను గుర్తించి స్వాధీనం చేసుకున్నారు. పరీక్షల నిమిత్తం ల్యాబ్‌కు పంపంపారు. కర్ణాటక రాష్ట్రంలోని బళ్లారికి చెందిన యువరాజ్‌ కల్తీ నెయ్యి తయారు చేస్తున్నట్లు గుర్తించారు. గతంలోనూ ఇదే కుటుంబానికి చెందిన మరో వ్యక్తి కల్తీ నెయ్యి తయారీ వ్యవహారంలో పట్టుబడినట్లు అధికారులు వెల్లడించారు. గంజాయి సేవించిన ముగ్గురిపై కేసుభద్రాచలంఅర్బన్‌: పట్టణంలోని ఓ హోటల్‌లో పని చేస్తున్న ముగ్గురు సిబ్బంది గంజాయి తాగుతుండగా పోలీసులు పట్టుకుని సోమవారం కేసు నమోదు చేశారు. పెట్రోలింగ్‌ నిర్వహిస్తున్న పోలీసులు గోదావరి కరకట్ట వద్ద గంజాయి సేవించిన ముగ్గురు యువకులను అదుపులోకి తీసుకున్నారు. నిందితులు ఒడిశా రాష్ట్రానికి చెందిన షేక్‌ షానవాజ్‌, మీర్‌ రోహిత్‌, హసన్‌ కాగా, భద్రాచలం అశోక్‌నగర్‌ కాలనీలో నివాసముంటూ గీతాంజలి హోటల్‌లో వంట సిబ్బందిగా పనిచేస్తున్నారని సీఐ సట్ల రాజు తెలిపారు.

భద్రాచలం: శ్రీ సీతారామ చంద్రస్వామి దేవస్థానంలో జరిగే శాశ్వత నిత్యాన్నదాన కార్యక్రమానికి సూర్యాపేట ఔషధ తనిఖీ అధికారి జి.సురేంద్ర సోమవారం రూ. 3 లక్షల విరాళం అందజేశా రు. ఆలయంలో ప్రత్యేక పూజలు చేశారు. కెమిస్ట్‌ అండ్‌ డ్రగిస్ట్‌ అసోసియేషన్‌ సభ్యుడు పరిమి సోమశేఖర్‌ పాల్గొన్నారు. రామయ్య సేవలో మహబూబాబాద్‌ జిల్లా జడ్జి మురళీమోహన్‌ భద్రాచలంఅర్బన్‌: శ్రీ సీతారామ చంద్రస్వామివారిని సోమవారం మహబూబాబాద్‌ జిల్లా ప్రధాన న్యాయమూర్తి కె.మురళీమోహన్‌ కుటుంబ సమేతంగా దర్శించుకున్నారు. ప్రత్యేక పూజలు చేశారు. అనంతరం కాకతీయ గ్రాండ్‌ సత్రంలో మురళీమోహన్‌ దంపతులను బార్‌ అసోసియేషన్‌ ఆధ్వర్యంలో సన్మానించారు. రామయ్య జ్ఞాపికను అందజేశారు. ఈ కార్యక్రమంలో భద్రాచలం బార్‌ అసోసియేషన్‌ అధ్యక్షుడు కొడాలి శ్రీనివాస్‌, హైకోర్టు న్యాయవాది పీవీ కృష్ణమాచారి తదితరులు పాల్గొన్నారు.

భద్రాచలం: భద్రాచలం శ్రీ సీతారామచంద్రస్వామి దేవస్థానంలో శ్రీదేవీ శరన్నవరాత్రి ఉత్సవాలు ఆధ్యాత్మిక వైభవంతో కొనసాగుతున్నాయి. మహా లక్ష్మి అమ్మవారు వీరలక్ష్మిగా భక్తులకు దర్శనమిచ్చా రు. భక్తులు అధిక సంఖ్యలో అమ్మవారిని దర్శించుకుని పూజలు చేశారు. కాగా, మంగళవారం అమ్మవారు నిజరూప మహాలక్ష్మి అలంకరణలో భక్తులకు దర్శనమివ్వనున్నారు. విజయదశమి వేడుకలకు ఏర్పాట్లు వైష్ణవ సంప్రదాయం ప్రకారం భద్రాచలం దేవస్థానంలో బుధవారం నిర్వహించే దసరా వేడుకలకు అధికారులు ఏర్పాట్లు చేస్తున్నారు. ఆలయ అభివృద్ధి నేపథ్యంలో ఈ ఏడాది విజయదశమి ఉత్సవాలను ఆలయ ప్రాంగణంలోనే నిర్వహించనున్నారు. స్వామివారిని తిరువీధి సేవకు తీసుకువెళ్లే పరిస్థితులు లేకపోవడంతో జమ్మి కొమ్మను ఆలయానికి తీసుకువచ్చి శమీ పూజ, ఆయుధ పూజ నిర్వహించాలని అధికారులు నిర్ణయించారు. ఉదయం స్వామివారికి పట్టాభిషేకం, కల్యాణ మహోత్సవాలను నిర్వహించేందుకు ఏర్పాట్లు చేస్తున్నారు. సాయంత్రం స్వామివారి పాదుకలు, రామజ్యోతిని వేదమంత్రోచ్ఛరణలు, మంగళవాయిద్యాల నడు మ సంప్రదాయబద్ధంగా రామదాసు మండపానికి ఊరేగింపుగా తీసుకువెళ్లనున్నారు. అక్కడ శ్రీరామ్‌లీలా మహోత్సవాన్ని భక్తిశ్రద్ధలతో నిర్వహించేందుకు అధికారులు సన్నాహాలు చేస్తున్నారు.

జూలూరుపాడు: ఏడాదిలో సీతారామ ప్రాజెక్టు టన్నెల్‌ పనులు పూర్తి చేసి పాలేరుకు నీరందిస్తామని రాష్ట్ర వ్యవసాయశాఖ మంత్రి తుమ్మల నాగేశ్వరరావు తెలిపారు. సోమవారం పాపకొల్లు అటవీ ప్రాంతంలోని సీతారామ ప్రాజెక్టు కెనాల్‌ టన్నెల్‌ నిర్మించే ప్రాంతాన్ని పరిశీలించారు. వినోభానగర్‌ సమీపంలోని రాజీవ్‌ లింక్‌ కెనాల్‌ను సందర్శించారు. ఈ సందర్భంగా మాట్లాడుతూ టన్నెల్‌ పనులను వచ్చే దసరా లోగా పూర్తి చేస్తామన్నారు. పాలేరు రిజర్వాయర్‌కు గోదావరి జలాలు తరలించేందుకు సీఎం రేవంత్‌ రెడ్డి రూ.4 వేల కోట్లు విడుదల చేసినట్లు తెలిపారు. నియోజకవర్గాల వారీగా ఎమ్మెల్యేలు రెతులను ఒప్పించి లింక్‌ కాలువలు ఏర్పాటు చేస్తే 50 వేల ఎకరాలకు సాగునీరు అందించవచ్చని అన్నారు. పాపకొల్లుకు చెందిన ఆత్మీయ మిత్రుడు రోకటి రంగారావు నివాసానికి మంత్రి వెళ్లి కలిశారు. వైరా ఎమ్మెల్యే మాళోత్‌ రాందాస్‌ నాయక్‌, అదనపు కలెక్టర్‌ వేణుగోపాల్‌, సుడా చైర్మన్‌ పువ్వాళ్ల దుర్గా ప్రసాద్‌, గిడ్డంగుల సంస్థ చైర్మన్‌ రాయల నాగేశ్వరరావు, కాంగ్రెస్‌ మండల అధ్యక్షుడు మాళోత్‌ మంగీలాల్‌ పాల్గొన్నారు. మంత్రి తుమ్మల నాగేశ్వరరావు

జయ జయ హే పాల్వంచరూరల్‌: దసరా వేడుకలకు పెద్దమ్మతల్లి ఆలయం ముస్తాబైంది. శ్రీకనకదుర్గ (పెద్దమ్మతల్లి) ఆలయంలో తొమ్మిదిరోజులపాటు శ్రీదేవీ శరన్నవరాత్రుల మహోత్సవాలు వైభవంగా నిర్వహించారు. మంగళవారం దసరా పండగను పురష్కరించుకుని శమి పూజ చేయనున్నారు. ఈసారి నూతనంగా నిర్మించిన కోనేరులో తెప్పోత్సవానికి ఏర్పాట్లు చేశారు. తెలంగాణతోపాటు పొరుగు రాష్ట్రాల నుంచీ భక్తులు తరలివస్తున్నారు. శమీ పూజ దసరా పండగ సందర్భంగా ఆలయం ప్రాంగణంలో జమ్మి చెట్టు వద్ద శమి పూజ నిర్వహించనున్నారు. వివిధ వేషధారణలతో కళాకా రుల నృత్యాలు, డప్పుచప్పుళ్లతో సందడి చేయనున్నారు. వేడుకలకు ఈఓ విజయ్‌కుమార్‌ ఆధ్వర్యంలో ఏర్పాట్లు పూర్తి చేశారు. విద్యుత్‌ దీపాలను అలంకరించడంతోపాటు కార్పెట్లు సిద్ధంచేశారు. ఘనంగా చండీహోమం శ్రీదేవీ శరన్నవరాత్రి మహోత్సవాల్లో భాగంగా పెద్దమ్మతల్లి అమ్మవారు సోమవారం శ్రీ మహిషాసుర మర్దినిదేవి అవతారంలో భక్తులకు దర్శనం ఇచ్చారు. మండలంలోని శ్రీ కనకదుర్గ (పెద్దమ్మతల్లి) ఆలయంలో తొమ్మిదో రోజు అర్చకులు అమ్మవారికి ప్రాత కాలర్చన, శ్రీ లక్ష్మీగణపతి అనుష్టాణం, వేదపారాయణం, నవగ్రహ జపాలు, శ్రీ చక్రార్చన, మహన్యాస పూర్వక ఏకాదశ రుద్రాభిషేకం, రుద్రహోమం, సువర్ణపుష్పార్చన, చండీహోమం, లక్ష కుంకుమార్చన, నాదనీరాజనం, మంత్రపుష్ప, దంపతుల పూజలు, సహస్రదీపాలంకరణ నిర్వహించారు. దర్శించుకున్న ఎండోమెంట్‌ సహాయ కమిషనర్‌ పెద్దమ్మతల్లి అమ్మవారిని సోమవారం ఖమ్మం జిల్లా ఎండోమెంట్‌శాఖ సహాయ కమిషనర్‌ ఎం.వీరస్వామి దంపతులు, భద్రాచలం ఆలయ ఈఈ రవీంద్రనాథ్‌ దర్శించుకున్నారు. అమ్మవారి సన్నిధిలో ప్రత్యేక పూజలు నిర్వహించారు. అనంతరం దసరా ఏర్పాట్లను పరిశీలించారు. ఆలయ ఈఓ విజయ్‌కుమార్‌ తదితరులు పాల్గొన్నారు.

భద్రాచలం: అష్టైశ్వర్యాలు, సకల శుభాలు కలగాలని భక్తులను ఆశీర్వదించే జగన్మాత ఆదివారం భద్రాచలం శ్రీ సీతారామచంద్రస్వామి దేవస్థానంలో ఐశ్వర్యలక్ష్మి అలంకారంలో భక్తులకు దర్శనమిచ్చారు. శరన్నవరాత్రి ఉత్సవాల్లో ప్రత్యేక పూజలు కొనసాగుతుండగా, భక్తులు అధిక సంఖ్యలో అమ్మవారిని దర్శించుకుంటున్నారు. ఆదివారం మధ్యాహ్నం సామూహిక కుంకుమార్చన నిర్వహించారు. మారుతి సదనంలో వేద పండితులు, అర్చకులు రామాయణ యుద్ధకాండ పారాయణం చేశారు. కాగా, సోమవారం అమ్మవారు వీరలక్ష్మిగా భక్తులకు దర్శనమివ్వనున్నారు. వైభవంగా రామయ్య నిత్యకల్యాణం భద్రగిరి దేవస్థానంలో ఆదివారం స్వామివారి నిత్యకల్యాణం వైభవంగా నిర్వహించారు. తెల్లవారుజామున గర్భాలయంలో సుప్రభాత సేవ, సేవాకాలం, ఆరాధన తదితర పూజలు నిర్వహించిన అనంతరం బేడా మండపంలో నిత్యకల్యాణ క్రతువును ప్రారంభించారు. విశ్వక్సేన పూజ, పుణ్యావాచనం అనంతరం స్వామివారికి కంకణధారణ, యజ్ఞోపవీతధారణ, అమ్మవారికి కంకణధారణ, యోక్త్రధారణ వంటి కార్యక్రమాలను అర్చకులు శాస్త్రోక్తంగా నిర్వహించారు. విజయదశమికి ఏర్పాట్లు విజయదశమి సందర్భంగా ఈ నెల 21న దేవస్థానంలో విజయోత్సవం, శమీపూజ, ఆయుధ పూజ, శ్రీరామలీలా మహోత్సవం నిర్వహించేందుకు ఏర్పా ట్లు చేస్తున్నారు. ఈ నెల 26న పౌర్ణమి సందర్భంగా శబరి స్మృతి యాత్ర కూడా నిర్వహించనున్నారు. ఆలయంలోనే రామ్‌లీలా విజయోత్సవంభద్రాచలంటౌన్‌: భద్రాచలం శ్రీ సీతారామచంద్రస్వామి దేవస్థానంలో ఈ నెల 21న నిర్వహించే రామ్‌లీలా విజయోత్సవంలో మార్పులు చేసినట్లు ఈఓ కె. దామోదర్‌రావు ఆదివారం ఒక ప్రకటనలో తెలిపారు. ఆలయ అభివృద్ధి పనుల కారణంగా ఉదయం కల్యాణం, పట్టాభిషేకం, సాయంత్రం శమీ పూజలను ఆలయంలోనే నిర్వహించనున్నట్లు పేర్కొన్నారు. అనంతరం స్వామివారి పాదుకలు, రామజ్యోతిని జమ్మి మండపానికి తీసుకెళ్లి సాయంత్రం 6 గంటలకు రామ్‌లీలా ఉత్సవం నిర్వహిస్తామని పేర్కొన్నారు.

● అందుబాటులో ఉన్న నీరు తాగు అవసరాలకే ప్రాధాన్యత ● విద్యుత్‌ అంతరాయాలు, లోఓల్టేజీ రాకుండా ముందస్తు చర్యలు ● ఉమ్మడి జిల్లా సమీక్షలో ప్రత్యేక అధికారి అనుదీప్‌ ఖమ్మం సహకారనగర్‌: సూపర్‌ ఎల్‌నినో ప్రభావాన్ని సమర్థవంతంగా ఎదుర్కొనేలా రానున్న ఎనిమిది నెలల కాలానికి ప్రత్యేక కార్యాచరణ రూపొందించాలని ఉమ్మడి జిల్లా ప్రత్యేక అధికారి అనుదీప్‌ దురిశెట్టి ఆదేశించారు. ఖమ్మం కలెక్టరేట్‌లో ఆదివారం ఆయన ఖమ్మం, భద్రాద్రి అదనపు కలెక్టర్లు పి.శ్రీనివాసరెడ్డి, డి.వేణుగోపాల్‌తో కలిసి వివిధ శాఖల అధికారులతో సమీక్షించారు. ఈ సందర్భంగా అనుదీప్‌ మాట్లాడుతూ గత ఏడాది వర్షపాతం, ఈ ఏడాది వర్షపాతాన్ని మండలాల వారీగా పరీశీలించి లోటు ఉన్న మండలాల్లో అవసరమైన చర్యలు తీసుకోవాలన్నారు. అంతేకాక పూర్తి వివరాలతో నివేదికలు సమర్పించాలని సూచించారు. తగ్గుతున్న భూగర్భ జలాలు ఖమ్మం జిల్లా కామేపల్లి మండలంలో 5 మీటర్లు, ఎర్రుపాలెం మండలంలో 6.5 మీటర్లు, ఏన్కూరు, సత్తుపల్లి మండలాల్లో 5 మీటర్లకు పైగా లోతుకు భూగర్భ జలాలు పడిపోయాయని అనుదీప్‌ తెలిపారు. భద్రాద్రి జిల్లాలోని దమ్మపేట, అశ్వారావుపేట, కొత్తగూడెం, అన్నపురెడ్డిపల్లి మండలాల్లో 10 మీటర్లకు పైగా భూగర్భ జలమట్టం తగ్గిందని చెప్పారు. ఇకపై భూగర్భ జలాలను పరిరక్షించేందుకు అనధికారికంగా బోర్లు వేయడాన్ని కట్టడి చేయడమే కాక వ్యవసాయ బోర్లకు ఆటో స్టార్టర్లు తొలగించాలని సూచించారు. అంతేకాక వ్యవసాయ విస్తరణ అధికారులు(ఏఈఓలు) రైతు వేదికల వద్ద గ్రామాల వారీగా మూడు ఫేజ్‌ల విద్యుత్‌ సరఫరా సమయాలను ముందుగానే ప్రకటించాలన్నారు. తాగునీటి అవసరాల కోసం మినహా కొత్త బోర్లకు అనుమతులు ఇవ్వొద్దని, బోర్లు వేసే వ్యాపారులతో సమావేశాలు నిర్వహించి వాల్టా చట్టాన్ని పకడ్బందీగా అమలు చేయాలని తెలిపారు. ఖరీఫ్‌లో వరి సాగు విస్తీర్ణం ఆశించిన స్థాయిలో తగ్గనందున... యాసంగిలోనైనా వరి సాగు చేయకుండా రైతులకు అవగాహన కల్పించాలని సూచించారు. ప్రస్తుతం సాగులో పంటలకు ఒకటి, రెండు తడులు అవసరమైన చోట సాధ్యమైన చోట నీరు విడుదల చేయాలన్నారు. అవసరమైతే ‘రేషన్‌’ విధానం భద్రాద్రి జిల్లాలోని వర్షాధార చెరువుల్లో అందుబాటులో ఉన్న నీటిని ప్రధానంగా తాగునీటి అవసరాలకే వినియోగించాలని అనుదీప్‌ స్పష్టం చేశారు. చెరువుల్లో నీరు నిల్వ ఉంచడం వల్ల భూగర్భ జలమట్టం మెరుగుపడుతుందని తెలిపారు. రానున్న ఎనిమిది నెలల తాగునీటి అవసరాలను దృష్టిలో ఉంచుకొని ప్రణాళిక రూపొందించాలని చెప్పారు. పాలేరు, వైరా రిజర్వాయర్ల నుంచి తాగునీటి అవసరాల కోసం ఎప్పుడు, ఎంత నీరు విడుదల చేయాలో షెడ్యూల్‌ రూపొందించాలన్నారు. ఐటీసీ, హెచ్‌డబ్ల్యూపీ నీటి సరఫరా పరిస్థితులను సమీక్షించి, అవసరమైతే రేషనింగ్‌ విధానాన్ని అమలు చేస్తూ.. తాగునీటికే మొదటి ప్రాధాన్యత ఇవ్వాలని తెలిపారు. అనధికారిక విద్యుత్‌ కనెక్షన్ల కారణంగా ట్రాన్స్‌ఫార్మర్ల పడుతున్నందున కట్టడి చేయాలని, ఫీడర్లలో లో ఓల్టేజీ రాకుండా చర్యలు తీసుకోవాలని సూచించారు. ఇక పశువులకు అవసరమైన నీరు, పశుగ్రాసం అందుబాటులో ఉండేలా ముందస్తు ప్రణాళిక రూపొందించాలని, గ్రామాల్లో పశువుల నీటి తొట్ల నిర్మాణానికి వీబీజీ రాంజీ పథకాన్ని వినియోగించుకోవాలని తెలిపారు. సమావేశంలో రెండు జిల్లాలకు చెందిన వివిధ శాఖల అధికారులు పాల్గొన్నారు.

జిల్లావ్యాప్తంగా సద్దుల సంబురం ఘనంగా ముగిసిన బతుకమ్మ ఉత్సవాలు చివరిరోజు ఊరూవాడ హోరెత్తిన వేడుకలు సద్దుల సంబురం అంబరాన్నంటింది. అంతటా కోలాహలం నెలకొంది. బతుకమ్మ వేడుకతో ఇంటింటా తెలంగాణ సంస్కృతి ప్రతిబింబించింది. తొమ్మిది రోజులుగా కొనసాగుతున్న ఉత్సవాలు ఆదివారం సద్దుల బతుకమ్మతో ముగిశాయి. ఆడబిడ్డలు తీరొక్క పూలు సేకరించి బతుకమ్మను పేర్చారు. కొత్త వస్త్రాలు ధరించి ఇళ్లలో గౌరమ్మకు పూజలు చేశారు. బతుకమ్మలతో ఊరేగింపుగా బయల్దేరి చౌరస్తాలు, ఆలయాలకు చేరుకున్నారు. చూడచక్కని బతుకమ్మలను కూడళ్లలో ఉంచి ఆడిపాడారు. చుట్టూ తిరుగుతూ నృత్యం చేస్తూ జానపదాలు ఆలపించారు. కోలాటాలు, డీజేలతో సందడి చేశారు. రాత్రి వరకు వేడుకలు నిర్వహించి జలాశయాలు, వాగుల్లో నిమజ్జనం చేశారు. పోయిరావమ్మా.. మళ్లీ రావమ్మా అంటూ బతుకమ్మకు వీడ్కోలు పలికారు.

పాల్వంచరూరల్‌: పాల్వంచ గ్యాస్‌ గోదాం మేనేజర్‌ అనంతుల లక్ష్మీనా రాయణ వేధింపుల ఘటనలో భద్రాచలంలో శనివారం ఆత్మహత్య చేసుకున్నాడు. ఆయన మృతదేహానికి పోస్టుమార్టం అనంతరం పాల్వంచ ఎన్‌ ఎండీసీ కాలనీ లోని నివాసానికి తీసుకొచ్చారు. ఆయనకుభార్య భాగ్యలక్ష్మి, సాఫ్ట్‌వేర్‌ ఇంజనీర్లు అయి న ఇద్దరూ కుమార్తెలు ప్రవళ్లిక,మధులిక ఉన్నా రు. కుమారులు లేకపోవడంతో పెద్దకుమార్తె తలకొరివి పెట్టాలని భా వించినా... భార్య భాగ్యలక్ష్మి ముందుకొచ్చింది. దీంతో ఆమె చేతుల మీదుగా అంత్యక్రియలు నిర్వహించారు.

భద్రాచలంఅర్బన్‌: పాల్వంచ గ్యాస్‌ గోదాం మేనేజర్‌ అనంతుల లక్ష్మీనారాయణ ఆత్మహత్య కేసులో ఆరుగురిపై భద్రాచలం పోలీసులు కేసు నమోదు చేశారు. పోలీసుల కథనం ప్రకారం.. పాల్వంచలోని పౌరసరఫరాల సంస్థ ఎల్పీజీ కేంద్రంలో లక్ష్మీనారాయణ మేనేజర్‌గా పనిచేస్తున్నారు. అదే కార్యాలయంలో గతంలో కాంట్రాక్టు కంప్యూటర్‌ ఆపరేటర్‌గా పనిచేసిన రజిత వినియోగదారుల నుంచి అదనంగా డబ్బులు వసూలు చేసేందుకు అనుమతించాలని కోరగా ఆయన నిరాకరించారు. అప్పటి నుంచి అతన్ని ఇబ్బందులకు గురిచేయడంతో 21 రోజులపాటు సెలవులో ఉండి, ఆగస్టు 17న తిరిగి విధుల్లో చేరా డు. అదే నెల 25న రజితతోపాటు మరో ఐదుగురు కార్యాలయానికి వచ్చి సిబ్బంది సమక్షంలో దూషించడంతోపాటు బెదిరించారు. ఈ వ్యవహారంపై సెప్టెంబర్‌ 30న ఉన్నతాధికారులకు ఫిర్యాదు చేశా డు. ఆ తర్వాత లక్ష్మీనారాయణపై లైంగిక వేధింపుల ఆరోపణలతో ఫిర్యాదు చేశారు. ఆ ఫిర్యాదును ఉపసంహరించుకునేందుకు రూ.కోటి డిమాండ్‌ చేశారని, అంత మొత్తం ఇవ్వలేనని చెప్పడంతో వేధింపులు కొనసాగించారని ఆరోపించారు. ఈ పరిణామాలతో మనస్తాపానికి గురైన లక్ష్మీనారాయణ శనివా రం భద్రాచలం ఆర్టీసీ బస్టాండ్‌ సమీపంలోని గోదా వరి లాడ్జిలో ఆత్మహత్య చేసుకున్నాడు. మృతికి ఆరుగురు బాధ్యులని పేర్కొంటూ సూసైడ్‌ నోట్‌లో పేర్కొన్నాడు. మృతుడి కుమార్తె మధులిక ఫిర్యాదు మేరకు రజిత, రాజేష్‌, నాగచందు, వెంకన్న, ఖలీం, రవి అనే వ్యక్తులపై శనివారం రాత్రి కేసు నమోదు చేసినట్లు సీఐ ఎస్‌.రాజు తెలిపారు. లక్ష్మీనారాయణ ఎదుర్కొంటున్న ఇబ్బందుల గురించి ముందుగానే చర్చించి ధైర్యం చెప్పినట్లు కుటుంబ సభ్యులు తెలిపారు. ఆయనను మరో ప్రాంతానికి బదిలీ చేసి ఉంటే తమకు దక్కేవాడని కుటుంబ సభ్యులు కన్నీరుమున్నీరయ్యారు. భద్రాచలం ప్రభుత్వ ఏరియా ఆస్పత్రి మార్చురీ వద్ద ‘‘బదిలీ చేసి ఉంటే బతికి ఉండేవాడు కదా..’’అంటూ రోదించారు. పోస్టుమార్టం నిర్వహించాక మృతదేహాన్ని కుటుంబ సభ్యులకు అప్పగించారు. కాగా లక్ష్మీనారాయణ ఉత్తమ అధికారిగా రెండు సార్లు అవార్డు తీసుకున్నాడు. ఫిర్యాదు ఉపసంహరణకు రూ.కోటి డిమాండ్‌ చేశారని కుమార్తె ఆరోపణ

● రక్షణ లేకపోవడంతో నీటమునిగి పలువురి మృతి ● రెండు రోజుల క్రితం కొత్తగూడేనికి చెందిన ఇద్దరు మృత్యువాత ● రక్షణ చర్యలపై నిర్లక్ష్యం వీడని కేటీపీఎస్‌ యాజమాన్యం పాల్వంచరూరల్‌: కేటీపీఎస్‌ కాలువ మృత్యుఘంటికలు మోగిస్తోంది. ఏటా ఇద్దరు, ముగ్గురిని బలిగొంటోంది. గత నాలుగైదేళ్లలో సుమారు 15 మంది ప్రాణాలు తీసింది. అయినా కేటీపీఎస్‌(జెన్‌కో) అధికారులు కాలువకు ఇరువైపులా రక్షణ చర్యలు చేపట్టడంలేదు. రెండు రోజుల క్రితం కూడా కొత్తగూడేనికి చెందిన ఇద్దరు యువకులు ఈతకు దిగి కాలువలో మునిగి మృత్యువాత పడ్డారు. విద్యుదుత్పత్తి కోసం కాలువ ఏర్పాటు విద్యుదుత్పత్తి కోసం అవసరమైన నీటిని కిన్నెరసాని ప్రాజెక్ట్‌ నుంచి కేటీపీఎస్‌కు కాలువ ద్వారా తరలిస్తున్నారు. ప్రాజెక్ట్‌ నుంచి కరకవాగు వరకు సుమారు పది కిలోమీటర్ల పొడవున కాలువ ఉండగా, రోజూ 120 క్యూసెక్కుల ప్రవాహం ఉంటుంది. కాలువ ప్రమాదకరంగా ఉన్నా అధికారులు రక్షణ చర్యలు తీసుకోవడంలేదు. కాలువ పక్కనే కరకవాగు, గాజులగూడెం, దుబ్బతండా, కాల్వతండా, పూసలతండా గిరిజన గ్రామాలు ఉన్నాయి. నీటిని పంటలకు ఉపయోగించుకునేందుకు కొందరు రైతులు, బట్టలు ఉతుక్కునేందుకు మహిళలు కాలువలోకి దిగుతుంటారు. కాలువపై మొద్దు ఏర్పాటు చేసుకుని అవతలివైపు ఉన్న ఇళ్లకు రాకపోకలు సాగిస్తుంటారు. వేసవికాలం, హోలీ పండుగ వచ్చిందంటే పాల్వంచ, కొత్తగూడెం పట్టణాల నుంచి వందల సంఖ్యలో యువకులు, విద్యార్థులు సరదాగా ఈత కొట్టేందుకు వస్తారు. ఈ క్రమంలో అవగాహన లేక, నీటి ప్రవాహ ఉధృతి అంచనావేయలేక, ఈత రాక పలువురు కాలువలో మునిగి మృతి చెందుతున్నారు. గాజులగూడెం వద్ద కాలువ ఎదుట ప్రభుత్వ పాఠశాల కూడా ఉంది. కాలువలో మొసళ్లు కూడా సంచరిస్తున్నాయి. గస్తీ ఏర్పాటు చేయాలి ములకలపల్లి మండలం మాదారం పాఠశాలకు చెందిన ముగ్గురు విద్యార్థులు కిన్నెరసాని ప్రాజెక్టు వద్ద ఇదే కాలువలో పడి మృతి చెందగా అక్కడ ఇనుప కంచె ఏర్పాటు చేశారు. కరవాగు వద్ద కూడా గతంలో రెండు మూడు ప్రమాదాలు చోటుచేసుకోగా, ఇనుప కంచె నిర్మించారు. ఇదే తరహాలో కాలువ పొడవునా ఇరువైపులా ఇనుపకంచె నిర్మించాలని పలువురు కోరుతున్నారు. కేటీపీఎస్‌ సిబ్బందితో గస్తీ ఏర్పాటు చేయాలని విజ్ఞప్తి చేస్తున్నారు. అయితే కేటీపీఎస్‌ అధికారులు కాలువ పొడవునా హెచ్చరిక బోర్డులు ఏర్పాటు చేసినా కొందరు పట్టించుకోకుండా కాలువలో దిగి ప్రాణాలమీదకు తెచ్చుకుంటున్నారు. రక్షణ చర్యలు చేపట్టాలని గతంలో కలెక్టర్‌తోపాటు ఆర్డీఓ కేటీపీఎస్‌ అధికారులతో సమావేశం నిర్వహించి ఆదేశించారు. అయినా కేటీపీఎస్‌ యాజమాన్యం నిర్లక్ష్యం వీడటంలేదు. లక్ష్మీదేవిపల్లి మండలం సంజయ్‌నగర్‌ కాలనీకి చెందిన జక్కినబోయిన అనిల్‌కుమార్‌, ఎస్‌డీ సోహెబ్‌పాషా గాజులగూడెం వద్ద కాలువలో ఈతకు దిగి మృత్యువాతపడ్డారు. పాల్వంచ గట్టాయిగూడేనికి చెందిన గుండా పుష్పలత, మంచికంటినగర్‌కు చెందిన దివ్యాంగుడైన రాములు కిన్నెరసాని డీర్‌ పార్కు వద్ద కాలువలో పడి మృతి చెందారు. గాజులగూడెం వద్దే సిద్దుల రక్షిత్‌ అనే 11 ఏళ్ల బాలుడు కూడా మృతి చెందాడు. గత ఆగస్టు 2న కొత్తగూడేనికి చెందిన తంగళ్లపల్లి సంతోష్‌ కెనాల్లో పడి చనిపోయాడు. శనివారం కొత్తగూడెంలోని రామవరానికి చెందిన తుడుం భరత్‌, పంజాబ్‌గడ్డకు చెందిన ఎస్‌కె.సమీర్‌ గాజులగూడెం వద్ద కాలువలో పడి మృతిచెందారు. కరకవాగు నుంచి కేటీపీఎస్‌ ప్రాజెక్ట్‌ వరకు కాలువకు ఇనుప కంచె ఏర్పాటు చేసేలా కేటీపీఎస్‌ అధికారులతో మాట్లాడుతాం. భవిష్యత్‌లో ప్రమాదాలు జరగకుండా చర్యలు తీసుకుంటాం. యువకులు ఈతకు నీటిలో దిగి ప్రమాదాలకు గురికావొద్దు. –సతీష్‌కుమార్‌, డీఎస్పీ పాల్వంచకాలువలో దిగకుండా అవగాహన కల్పించడంతోపాటు అక్కడక్కడా ఇనుప కంచె ఏర్పాటు చేస్తున్నాం. అయితే కొందరు ఆ కంచెను తొలగిస్తున్నారు. సిబ్బంది ద్వారా పెట్రోలింగ్‌ నిర్వహిస్తున్నాం. కాలువ పొడవునా రక్షణ చర్యలకు అంచనాలు రూపొందించి జెన్‌కోకు పంపిస్తాం. –ప్రభాకర్‌రావు, కేటీపీఎస్‌ 5వదశ సీఈ

మణుగూరు టౌన్‌: మండలంలోని ముత్యాలమ్మనగర్‌ గ్రామం సంతోష్‌నగర్‌కి చెందిన బోదనగడ్డ వెంకటేశ్వర్లు(66) చెరువులో చేపల వేటకు వెళ్లి మృతి చెందాడు. కుటుంబీకుల కథనం ప్రకారం.. శనివారం మధ్యాహ్నం ఐతపబోయిన కుంట చెరువులో చేపల వేటకు వెళ్లాడు. పలుచోట్ల వెతికినా ఆచూకీ లభ్యం కాలేదు. ఆదివారం ఉదయం చెరువులో శవమై తేలాడు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. విద్యుదాఘాతంతో రైతు ..చర్ల: మండలంలోని జీపీపల్లిలో విద్యుదాఘాతంతో రైతు మృతి చెందిన సంఘటన ఆదివారం జరిగింది. స్థానికుల కథనం ప్రకారం.. రైతు పుచ్చా రమణారెడ్డి (58) ఆదివారం ఉదయం పొలం వద్దకు బయల్దేరాడు. అయితే శనివారం రాత్రి వీచిన గాలిదుమారానికి ఎల్‌టీ విద్యుత్‌ లైన్‌ తెగి కిందకు వేలాడుతోంది. ఆ దారి వెంట వెళ్తున్న రైతుకు వైరు తగలడంతో విద్యుదాఘాతానికి గురై మృతి చెందాడు. అటుగా వెళ్తున్న కొందరు రైతులు గమనించి సమాచారం ఇవ్వడంతో విద్యుత్‌ శాఖ అధికారులు కరెంట్‌ సరఫరా నిలిపివేశారు. కుటుంబీకుల ఫిర్యాదుతో పోలీసులు కేసు నమోదు చేసి దర్యాప్తు చేపట్టారు. చర్ల ప్రభుత్వ వైద్యశాలలో పోస్టుమార్టం నిర్వహించి మృతదేహాన్ని కుటుంబ సభ్యులకు అప్పగించారు. గతంలో రమణారెడ్డి కుమారుడు కూడా విద్యుత్‌ షాక్‌తోనే మృతి చెందాడు. ఒకే కుటుంబానికి చెందిన ఇద్దరిని విద్యుత్‌ బలిగొనడంతో ఆ కుటుంబంలో తీవ్ర విషాదం నెలకొంది. సంఘటనా ప్రాంతాన్ని ట్రాన్స్‌కో ఏఈ వెంకటేశ్వరావు సందర్శించి వివరాలు సేకరించారు. భార్య మందలించిందని భర్త ఆత్మహత్యఅశ్వారావుపేటరూరల్‌: పురుగుల మందు తాగి చికిత్స పొందుతున్న వ్యక్తి ఆదివా రం మృతి చెందాడు. ఎస్‌ఐ సాయికిశోర్‌ రెడ్డి కథనం ప్రకారం.. మండలంలోని ఊట్లపల్లి గ్రామానికి చెందిన పొండ్రు దుర్గాప్రసాద్‌(28), వ్యవసాయం కూలీ పనులు చేస్తూ జీవనం సాగిస్తున్నాడు. మద్యానికి అలవాటు పడటంతో ఈ నెల 13న భార్య లోవలక్ష్మి మందలించింది. దీంతో మనస్తాపం చెంది పురుగుల మందు తాగి ఆత్మహత్యాయత్నానికి పాల్పడ్డాడు. గమనించిన కుటుంబీకులు ఏపీలోని కాకినాడ ప్రభుత్వ ఆస్పత్రికి తరలించారు. చికిత్స పొందుతూ మృతి చెందాడు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. బడ్డీ కొట్టులోకి దూసుకెళ్లిన లారీసత్తుపల్లి: అదుపుతప్పి లారీ బడ్డీ కొట్టులోకి దూసుకెళ్లిన ఘటన సత్తుపల్లిలో ఆదివారం చోటుచేసుకుంది. సిమెంట్‌ లోడ్‌ తీసుకెళ్తున్న లారీని డ్రైవర్‌ స్థానిక కూరగాయల మార్కెట్‌ వద్ద నిలిపివెళ్లా డు. అయితే, క్లీనర్‌ హ్యాండ్‌ బ్రేక్‌ తీయడంతో ఒకసారిగా వెనక్కి వెళ్తూ బడ్డీ కొట్టుతో పాటు తోపుడు బండి ఢీకొట్ట డంతో ధ్వంసమయ్యాయి. ఘటనలో ఎవరికి ప్రమాదం జరగకపోవడంతో స్థానికులు ఊపిరి పీల్చుకున్నారు.

● జీఎస్టీ సాకుతో చెల్లించని కాంట్రాక్టర్లు ● పండుగ పూట ఎదురుచూస్తున్న కార్మికులురుద్రంపూర్‌: సింగరేణి సంస్థ 2025–26 ఆర్థిక సంవత్సరంలో సాధించిన రూ. 1,754 కోట్ల లాభాల్లో కార్మికులకు 34 శాతం వాటా ప్రకటించింది. పర్మనెంట్‌ కార్మికులకు ఒక్కొక్కరికి సుమారుగా రూ.1.53 లక్షలను ఈ నెల 16న చెల్లించింది. కాంట్రాక్ట్‌ కార్మికులకు ఒక్కొక్కరికి రూ. 5,500 చొప్పున ప్రకటించింది. సంస్థవ్యాప్తంగా ఉన్న 12 ఏరియాల కాంట్రాక్ట్‌ కార్మికులకు సంబంధించిన నగదు వారికి వేతనాలు చెల్లించే కాంట్రాక్టర్లలో ఖాతాల్లో జమ చేసింది. ఆ నగదు తాము కార్మికులకు చెల్లించాలంటే రూ. లక్ష వరకు జీఎస్టీ భారం పడుతుందని కాంట్రాక్టర్లు పేర్కొంటున్నారు. సింగరేణి యాజమాన్యం వాటా నగదు మాత్రమే జమ చేసిందని చెబుతున్నారు. జీఎస్టీకి సంబంధించిన నగదు కూడా జమ చేస్తేనే తాము కార్మికులకు చెల్లిస్తామని పేర్కొంటున్నారు. దీంతో కాంట్రాక్ట్‌ కార్మికులు పండుగపూట లాభాల వాటా కోసం ఎదురుచూడాల్సిన పరిస్థితి నెలకొంది. కేవలం కమీషన్‌ రావటంలేదనే సాకుతో కాంట్రాక్టర్లు లాభాలవాటా చెల్లింపులో జాప్యం చేస్తున్నారు. ఇది సరైన విధానంకాదు. సింగరేణి యాజమాన్యం డైరెక్ట్‌గా కాంట్రాక్ట్‌ కార్మికుల ఖాతాల్లో వాటా జమ చేస్తే బాగుండేది. దసరా పండుగ వేళ ఇబ్బందులు తప్పేవి. –ఎన్‌.సంజీవ్‌, ఇఫ్టూ రీజియన్‌ కార్యదర్శి