Uttar Pradesh

సాక్షి,లక్నో: స్పెషల్ ఇంటెన్సివ్ రివిజన్' (SIR) ప్రక్రియ పై బీజేపీయేతర పార్టీలు తీవ్ర విమర్శలు గు ప్పిస్తున్న తరుణంలో ఉత్తర ప్రదేశ్ ముఖ్యమంత్రి యోగి ఆదిత్యనాథ్ వ్యాఖ్యలు సంచలనంగా మారాయి యూపీలో జరుగుతున్న ఎస్‌ఐఆర్‌ ప్రక్రియ పట్ల నిరంతరం అప్రమత్తంగా ఉండాలంటూ బీజేపీ రాష్ట్ర కార్యవర్గ సమావేశంలో ఓటర్ల జాబితా సవరణపై బీజేపీ శ్రేణులను హెచ్చరించారు. అంతేకాదు ఓటర్ల జాబితాల నుండి 1.27 కోట్ల మంది హిందువుల పేర్లు గల్లంతయ్యాయని ముఖ్యమంత్రి పేర్కొన్నారు. అర్హులైన ఓటర్లందరినీ చేర్చాల్సి ఉందన్నారు.యోగి ఆదిత్యనాథ్ కీలక విమర్శలుఓటర్ల జాబితా నుంచి దాదాపు 1.27 కోట్ల మంది హిందువుల పేర్లు మిస్‌ అయ్యాయని యూపీ సీఎం ఆరోపించారు. ఫలితంగా 28 పట్టణ స్థానిక సంస్థల నియోజకవర్గాల్లో తమ పార్టీ బలం తగ్గిందని ఆందోళన వ్యక్తం చేశారు ఈ తొలగింపులతో పార్టీ స్థానం బలహీనపడుతోందన్నారు. జనాభా గణాంకాలను ఉటంకిస్తూ, ప్రస్తుతం సుమారు 13 కోట్ల మంది ఓటర్లు ఉండగా, ఉత్తర ప్రదేశ్‌లో 16 కోట్లకు పైగా ఓటర్లు ఉండాలని ఆదిత్యనాథ్ వాదించారు. యూపీ జనాభా లెక్కల ప్రకారం రాష్ట్రంలో ఓటర్ల సంఖ్య 16 కోట్లకు పైగా ఉండాలని, కానీ ప్రస్తుతం కేవలం 13 కోట్ల మంది మాత్రమే నమోదై ఉన్నారని తెలిపారు.గత ఎస్ఐఆర్ ప్రక్రియలో రాష్ట్ర ఓటర్ల జాబితాలో కేవలం నాలుగు లక్షల మంది ఓటర్లను మాత్రమే చేర్చడంపై యోగి ఆదిత్యనాథ్ ఆందోళన వ్యక్తం చేశారు. పంచాయతీ ఓటర్ల జాబితాలో ఉన్న సుమారు 66 లక్షల మంది పేర్లు అసెంబ్లీ ఓటర్ల జాబితాలో లేవన్నారు. అలాగే వివిధ ప్రభుత్వ సంక్షేమ పథకాల ప్రయోజనాలు పొందుతున్న 55 లక్షల మంది పేర్లు ఓటర్ల లిస్ట్‌లో కనిపించడం లేదని పేర్కొన్నారు. కొత్తగా ఓటు హక్కు పొందే వయస్సు ఉన్న 4.5 లక్షల మంది యువకుల పేర్లు నమోదవలేదు. ఈ సందర్భంగా పార్టీ శ్రేణులకు ఆదేశాలిచ్చారు. బూత్ లెవల్ అధికారులతో (BLO) సమన్వయం కావాలని, అర్హులైన ప్రతీ ఒక్క హిందూ ఓటర్ పేరు జాబితాలో చేర్చేలా బూత్ లెవల్ అధికారులతో కలిసి పనిచేయాలని ఎంపీలు, ఎమ్మెల్యేలు పార్టీ ప్రతినిధులను ఆదేశించారు.హిందూ ఓటర్లను కూడా ఓటర్ల జాబితాలో చేర్చేలా చూడాలని ఎంపీలు, ఎమ్మెల్యేలు, పార్టీ కార్యనిర్వాహకులకు కూడా బాధ్యత అప్పగించారు.ఇదీ చదవండి: స్కూలు డ్రాపౌట్‌, రూ. 114 కూలీ : ఇపుడు దేశంలోనే ధనవంతురాలుకాగా ఓటర్ల జాబితా నుంచి హిందూ ఓటర్లను మినహాయించారన్న ఆరోపణలపై యోగి ఆదిత్యనాథ్ ఆందోళన వ్యక్తం చేయడం ఇది తొలిసారి కాదు. గతంలో కూడా, తమ పేర్లు ఓటర్ల జాబితాల్లో ఉండేలా చూసుకోవాలని ఆయన బీజేపీ కార్యకర్తలను కోరారు. ఇది ఇలా ఉంటే భారత ఎన్నికల సంఘం (ఈసీఐ) విడుదల చేసిన గణాంకాల ప్రకారం, SIR ప్రక్రియ ద్వారా యూపీలో మొత్తం 2.04 కోట్లకు పైగా ఓటర్ల పేర్లను తొలగించారు. వీటిలో ఎక్కువగా పట్టణ ప్రాంతాలు, మహిళా ఓటర్ల పేర్లే ఉన్నాయి.అదే సమయంలో 84 లక్షల మంది కొత్త ఓటర్లను జాబితాలో చేర్చారు. ఈ సవరణల తర్వాత రాష్ట్రంలో మొత్తం ఓటర్ల సంఖ్య 13,39,84,792 (13.39 కోట్లు) గా నమోదైంది.ఇదీ చదవండి: 5 స్టార్‌ హోటల్‌ స్విమ్మింగ్‌ పూల్‌లో షాక్‌ : ఇద్దరు విదేశీయులు దుర్మరణం

సెల్‌ఫోన్‌లకు అతుక్కుపోయే ఈ కాలంలో... కథలు చెబితే పిల్లలు వింటారా? అనే సందేహం చాలామంది తల్లిదండ్రులకు వస్తుంది. ఒక్కసారి ఒక్క కథ అయినా చెప్పి చూడండి. వారి రియాక్షన్‌ మీకు ఎంతో ఉత్సాహాన్ని ఇస్తుంది. ఉత్తర్‌ప్రదేశ్‌ ఐపీఎస్‌ ఆఫీసర్‌ కిరణ్‌ శివకుమార్‌ తన చిట్టి కూతురి కోసం కథకుడిగా మారారు. ఆ కథలను పుస్తకంగా ప్రచురించారు. ‘కథలు చెప్పడం పిల్లలకే కాదు పెద్దలకు కూడా ఉపయోగపడుతుంది’ అంటున్నారు. ఆశ్చర్యంగా అనిపించినా ‘కథ చెబితేనే పడుకుంటాను’ అని డిమాండ్‌ చేసే పిల్లలు ఇప్పటికీ ఉన్నారు. అలా అని ఏదో ఒక కథ చెబితే సరిపోదు. ఆ కథలు కొత్తగా, ఆసక్తికరంగా ఉండాలి!ఉత్తర్‌ప్రదేశ్‌లో ఇన్‌స్పెక్టర్‌ జనరల్‌ ఆఫ్‌ పోలిస్‌గా విధులు నిర్వహిస్తున్న ఐపీఎస్‌ ఆఫీసర్‌ కిరణ్‌ శివకుమార్‌కు తన చిట్టి కూతురు తన్వీ నుంచి ‘నాన్నా కథ చెప్పు’ అనే విన్నపం వచ్చింది. కూతురికి ఎలాంటి కథలు నచ్చుతాయో తెలుసుకోవడానికి అతడికి కొంత సమయం పట్టింది. ఆ తరువాత అప్పటికప్పుడు అశువుగా కథలు చెప్పడం మొదలు పెట్టారు. డైనో మరియు రైనోతన్వీకి తాను చెప్పిన కథలను గాలికి వదిలేయకూడదు అనుకున్న శివకుమార్‌ వాటిని ‘ది ఫాదర్‌ హూ ర్యాన్‌ ఔట్‌ ఆఫ్‌ స్టోరీస్‌’ పేరుతో పుస్తకంగా ప్రచురించారు. డైనో, రైనో అనేవి ఈ పుస్తకంలో ప్రధాన పాత్రలు. ఊహాజనిత, కాల్పనిక విషయాలే కాదు వివిధ దేశాలు, చారిత్రక సంఘటనలు, సాంస్కృతిక నేపథ్యం గురించి ఈ కథలు సరదా సరదాగా చెబుతాయి.పాత సినిమాలు చూసి...తన్వీకి డైనోసర్‌లు అంటే చాలా ఆసక్తి. ఆ ఆసక్తిని దృష్టిలో పెట్టుకొని డైనోసార్‌ ఆధారంగా కథలు చెప్పడం ప్రారంభించారు. ‘కేవలం డైనోసార్‌తోనే కథలు చెప్పడం కష్టం కాబట్టి దానికి తోడుగా ఖడ్గమృగాన్ని తీసుకువచ్చాను. డైనో, రైనో.. ప్రాస కూడా బాగా కుదిరింది’ నవ్వుతూ అంటారు శివకుమార్‌. కథ ఆసక్తికరంగా చెప్పడానికి పాత సౌత్‌ ఇండియన్‌ మూవీస్‌ చూసేవారు శివకుమార్‌. అందులో ఏదో ఒక స్టైల్‌ ఫాలో అయ్యేవారు. ‘ఈరోజు తన్వీకి ఏ కథ చెప్పాలి?’ అనేదానికి సంబంధించి కొంత సమయం కేటాయించుకునేవారు. ఆ సమయం తనకు ఎంతో సంతృప్తికరంగా ఉండేది. సంతోషంగా ఉండేది.తన్వీ స్పందనఇంతకీ పుస్తకం వచ్చిన తరువాత తన్వీ స్పందన ఏమిటి? ‘ఎందుకు ఈ పుస్తకం రాశారు?’ అని తండ్రిని ముద్దు మాటలతో అడిగింది. ఆ మాటలలో పుస్తకం రావడంపై పెద్దగా సంతోషం కనిపించలేదు. ఇంతకీ విషయం ఏమిటంటే...తన్వీ కథలను చదవాలనుకోవడం లేదు. తండ్రి నోటి నుంచి మాత్రమే వినాలనుకుంటుంది! ∙పిల్లలకు కథలు చెప్పడం... పెద్దలకు మేలు చేస్తుంది!∙పిల్లలకు కథలు చెప్పడం అనేది పెద్దల ఊహశక్తికి, మానసిక చురుకుదనానికి ఉపయోగపడుతుంది ∙కథ చెప్పే విధానం వల్ల ఏకాగ్రత పెరుగుతుంది. జ్ఞాపకశక్తి, తార్కిక ఆలోచన మెరుగవుతుంది ∙అప్పటికప్పుడు కథలు అల్లి పిల్లలకు చెప్పడం వల్ల క్రియేటివిటీ పెరుగుతుంది ∙పిల్లలు అడిగే ప్రశ్నల ఆధారంగా అప్పటికప్పుడు కథలు అల్లడం ద్వారా ‘క్విక్‌–థింకింగ్‌ స్కిల్స్‌’ పెరుగుతాయి ∙రోజువారి ఒత్తిడి నుంచి బయటపడడానికి పిల్లలకు కథలు చెప్పడం అనేది సృజనాత్మక మార్గం.

ఉత్తరప్రదేశ్‌లోని ఇటావాకు చెందిన ఆకాంక్ష అనే మహిళ ఆన్ లైన్ లో కొన్న చీరను తిరిగి ఇచ్చే ప్రయత్నంలో సైబర్‌ మోసానికి గురైంది. ఫ్లిప్‌కార్ట్‌లో రూ.674 పెట్టి చీర కొనుగోలు చేసిన ఆమెకు అది నచ్చకపోవడంతో రిటర్న్‌ చేసింది. ఏడు రోజులు గడిచినా రీఫండ్‌ రాకపోవడంతో ఆర్డర్‌కు సంబంధించిన నంబర్‌కు ఫోన్‌ చేసింది. రీఫండ్‌ ఇప్పిస్తామని నమ్మించిన సైబర్‌ నేరగాళ్లు ఆమె ఫోన్‌ స్క్రీన్ ను షేర్‌ చేయించి, గిఫ్ట్‌ కార్డ్‌ కూపన్ ను ఓపెన్‌ చేయించారు. దీంతో ఆమె సెంట్రల్‌ బ్యాంక్‌ ఖాతా నుంచి ఐదు విడతల్లో మొత్తం రూ.99,518 మాయమయ్యాయి. మొదటగా రూ.10,000 రెండుసార్లు, ఆ తర్వాత రూ.19,999, రూ.55,000, చివరగా రూ.4,495 చొప్పున నేరగాళ్లు కాజేశారు. తన పెళ్లి కోసం, ఇంటి అవసరాల కోసం ఆకాంక్ష ఆ డబ్బును దాచుకుంది. అకౌంట్‌లో డబ్బులు లేకపోవడంతో ఆమె తండ్రికి విషయమంతా చెప్పింది. ఇద్దరూ బ్యాంకుకు వెళ్లారు కాని అప్పటికే బ్యాంకు టైం అయిపోవడంతో మూసేశారు. చేసేదేం లేక బాధిత కుటుంబం పోలీసులకు ఫిర్యాదు చేసి, నగదు తిరిగి ఇప్పించాలని కోరింది. ఫిర్యాదుపై విచారణ జరిపి కేసు నమోదు చేస్తామని పోలీసులు తెలిపారు.

సాక్షి, లక్నో: ఉత్తరప్రదేశ్ లోని ప్రయాగ్‌రాజ్ (అలహాబాద్) సమీపంలోని ఒక సాధారణ ఇంట్లో భూమిలో మూడు డ్రమ్ముల నిండా కోట్ల రూపాయల నగదు పూడ్చిపెట్టిన ఘటన కలకలం రేపింది. ఆ డ్రమ్ములను నల్లటి ప్లాస్టిక్ కవర్లతో చుట్టి జాగ్రత్తగా భూమిలో పాతిపెట్టడం దిగ్భ్రాంతి రేపింది. ఇద్దరు సోదరులు గుట్టు చప్పుడు కాకుండా దాచిపెట్టిన ఈ నల్లధనాన్ని పోలీసులు స్వాధీనం చేసుకున్నారు.ఇటీవల గ్రామస్థులకు, ఈ సోదరులకు మధ్య గొడవ జరగడంతో ఈ విషయం వెలుగు చూసింది. ప్రయాగ్‌రాజ్ పోలీస్ కమిషనరేట్‌ పరిధిలోని గంగానగర్ జోన్, నవాబ్‌గంజ్ పోలీస్ స్టేషన్ పరిధిలోని రామ్‌నగర్ (బరాయ్‌పూర్) గ్రామంలో ఈ ఘటన చోటు చేసుకుంది.ఒక ఇంట్లోని గదిలో దాదాపు 5 మీటర్ల లోతున మూడు భారీ ప్లాస్టిక్ బ్లూడ్రమ్ములో భారీ ఎత్తున నగదు దాచి ఉంచారనే సమాచారం మేరకు నవాబ్‌గంజ్ , సోరావ్ పోలీస్ స్టేషన్ల ఉమ్మడి పోలీస్‌ బృందం దాడి చేసింది. ఈ క్రమంలో ఇంట్లోని ఒక గదిలో ఇటీవల తవ్వినట్లు అనుమానం వచ్చి, కూలీలతో తవ్వించగా లోపల మూడు ప్లాస్టిక్ డ్రమ్ములు బయటపడ్డాయి. ఈ డ్రమ్ములను నల్లటి ప్లాస్టిక్ కవర్లతో చుట్టి జాగ్రత్తగా భూమిలో పాతిపెట్టారు. వాటిని తెరచి చూడగా రూ. 500 నోట్ల కట్టలతో నిండిపోయి ఉన్నాయి. వీటి విలువ రూ. 5 కోట్ల నుండి రూ. 10 కోట్ల వరకు ఉండవచ్చని అంచనా. డబ్బు లెక్కింపు కోసం ఆదాయపన్ను (IT) శాఖ ,ఇతర ఆర్థిక విచారణ సంస్థలకు సమాచారం అందించారు. వారు వచ్చిన తర్వాతే కచ్చితమైన సొమ్ము ఎంత అనేది తేలనుంది.Blue Drum Reveals Hidden Cash in Prayagraj! Police have unearthed three drums filled with cash allegedly buried beneath a house in Baraipur-Ramnagar. Gangapar DCP Sonam Kumar says the money has been seized and an investigation is underway. #Prayagraj #UttarPradesh #CashRecovery #CrimeNews #BlueDrum #Cash— Dynamite News (@DynamiteNews_) October 29, 2026అనుమానాలుఈ ఇల్లు రాకేష్ యాదవ్, రాజేష్ యాదవ్ అనే సోదరులకు చెందినది. వీరు గతంలో పూణేలో సాధారణ ఉద్యోగాలు చేసేవారు. 2020లో కోవిడ్ లాక్‌డౌన్ సమయంలో ఉద్యోగాలు వదిలేసి సొంత గ్రామానికి తిరిగొచ్చారు .గ్రామానికి వచ్చిన అతి తక్కువ సమయంలోనే వారు ఎకరాల కొద్దీ స్థలాలు, ట్రాక్టర్లు కొనడం, విచ్చలవిడిగా డబ్బు ఖర్చు చేయడం ప్రారంభించారు. ఒక సాధారణ ఉద్యోగం చేసేవారికి ఇంత డబ్బు ఎక్కడిది అని గ్రామస్థులు ఆశ్చర్యపోయారు. దీనికి తోడు ఇటీవల గ్రామస్థులకు, ఈ సోదరులకు మధ్య గొడవ జరిగినప్పుడు, ఒక స్థానికుడు పోలీసులకు ఫోన్ చేసి వీరి వద్ద భారీగా నల్లధనం ఉందని ఫిర్యాదు చేశారు.After Corpse in Blue Drum, Now Crores of Rupees Found in Blue Drum in #UttarPradesh.. #Prayagraj, UP: 3 Drums Filled with Notes Found Buried in the Ground In Baraipur village of Nawabganj, 3 drums filled with 500-500 rupee notes have been found buried under a house. So far, the count has reached 4 crore, with an estimate of up to 60 crore in total. Police have taken 4 people into custody.— Siraj Noorani (@sirajnoorani) October 29, 2026 ఇదీ చదవండి: షాకిచ్చిన కర్ణాటక : లీటరు పాల ధర రూ. 8 పెంపుకేసు నమోదు స్థానికుడి సమాచారం ఆధారంగా దాడి చేసిన పోలీసులు నగదును స్వాధీనం చేసుకుని, ఆ ఇంటిని సీల్ చేశారు. కుటుంబానికి చెందిన ఒకరిని అదుపులోకి తీసుకోగా, అతను మార్చి మార్చి సమాధానాలు చెబుతున్నాడని పోలీసులు తెలిపారు.ఇదీ చదవండి: రూ. కోటిన్నర జీతం వదిలేసిన టెకీ జంట, ఎందుకో తెలుసా?

లక్నో: ఇతరుల భవిష్యత్తును చెబుతూ ప్రముఖ జ్యోతిష్యుడిగా గుర్తింపు పొందిన ఇందు ప్రకాశ్ మిశ్రా.. ఆయన భార్య జాతకాన్ని వేద జ్యోతిష్యంలో అంచనా వేయలేకపోయారా?, లేకపోతే యురేనెస్‌, నెప్ట్యూన్‌, ఫ్లూటో వంటి వెస్ట్రన్‌ ఆస్ట్రాలజీ గణాంకాలు ఆయనకు అందలేదా? అనేదే ప్రస్తుత చర్చ. అందరి జాతకాలను చేతి వేళ్ల మీద లెక్క కట్టే యూపీకి చెందిన ఇందు ప్రకాశ్‌ మిశ్రా.. ఆయన భార్య విషయంలోకి వచ్చేసరికి చతికిలబడ్డారు. ఇక్కడ మనం గమనించాల్సినదేంటంటే.. ‘సొంత వైద్యం డాక్టర్‌కి సైతం పని చేయదట’ అనే నానుడే నిజమైందనేది. ఎందుకంటే ఇందు ప్రకాశ్‌ మిశ్రా భార్య స్మితా మిశ్రా ఎన్నికల్లో పోటీ చేసి ఘోర ఓటమి పాలవ్వడమే ఇందుకు కారణం.ఉత్తరప్రదేశ్‌ శాసనమండలిలోని లక్నో డివిజన్‌ గ్రాడ్యుయేట్స్‌ నియోజకవర్గం నుంచి స్వతంత్ర అభ్యర్థిగా పోటీ చేసిన ఆమెకు 300 ఓట్లు కూడా దక్కలేదు. దీంతో ఈ ఫలితం సోషల్ మీడియాలో చర్చనీయాంశంగా మారింది. ఈ స్థానంలో సమాజ్‌వాదీ పార్టీ అభ్యర్థి కాంతి సింగ్‌ విజయం సాధించారు.తొలుత కాంగ్రెస్‌ టికెట్‌ ఆశించి పార్టీలో చేరిన స్మితకు టికెట్‌ దక్కకపోవడంతో స్వతంత్రంగా పోటీ చేశారు. ఓటమి అనంతరం ఓట్ల లెక్కింపులో అవకతవకలు జరిగాయని ఆమె ఆరోపించారు. అంతేకాదు కొన్ని బ్యాలెట్‌ బాక్సుల్లో ఉన్న ఓట్ల సంఖ్య, వాటిపై పేర్కొన్న సంఖ్యతో సరిపోలలేదని, మరికొన్ని బాక్సుల్లో ఉండాల్సిన దానికంటే ఎక్కువ బ్యాలెట్‌ పత్రాలు కూడా ఉన్నాయని ఆమె ఆరోపించారు. అయితే ఈ విషయంపై మరోవైపు సోషల్‌ మీడియాలో నెటిజన్లు మాత్రం ఇతరుల భవిష్యత్తును అంచనా వేసే జ్యోతిష్యుడి భార్య ఎన్నికల్లో కనీసం 300 ఓట్లు కూడా సాధించలేకపోయిందంటూ వ్యంగ్య వ్యాఖ్యలు చేస్తున్నారు. ఇతరులకి భవిష్యత్తు చెప్పే ఆయన తన భార్య రాజకీయ భవిష్యత్తును ముందే ఊహించలేకపోయారా అంటూ సెటైర్లు వేస్తున్నారు.ప్రముఖ చానెల్‌లో భవిష్యవాణి ఆస్ట్రాలజర్‌..ఓ జాతీయ మీడియా భవిష్యవాణి కార్యక్రమం ద్వారా ఇందు ప్రకాశ్‌ మిశ్రా బాగా ఫేమస్‌ అయ్యారు. అదే సమయంలో ఈయనకు భారతదేశ సాంప్రదాయ జ్యోతిష్యంలో ప్రధాన భాగమైన వేద జ్యోతిష్యం(వేదిక్‌)తో పాటు వెస్ట్రన్‌ ఆస్ట్రాలజీలో కూడా ఆయనకు మంచి గుర్తింపు ఉందనే ప్రచారం జరుగుతూ ఉంటుంది. ప్రధానంగా వెస్ట్రన్‌ ఆస్ట్రాలజీలో యురేనెస్‌, నెఫ్ట్యూన్‌, ఫ్లూటో వంటి గ్రహాలను పరిగణలోకి తీసుకుంటారు. వెస్ట్రన్‌ ఆస్ట్రాలజీ అనేది మెంటల్‌ టెండెన్సీని తెలుపుతుంది. గ్రహస్థితిని అనుసరించి ప్రస్తుత లైఫ్‌ యొక్క ప్రొగ్రెషన్‌ ఎలా ఉందని అంచనా వేయడానికి వెస్ట్రన్‌ ఉపయోగిస్తారు. ఇదీ చదవండి: ఓసీఐ కార్డుపై ఇమ్రాన్ ఖాన్ పోరాటం

ఢిల్లీ: సమాజ్‌వాదీ పార్టీ సీనియర్‌ నేత, మాజీ మంత్రి మహమ్మద్‌ అజంఖాన్‌కు చెందిన జౌహర్‌ యూనివర్సిటీ ఆస్తులను ఎన్‌ఫోర్స్‌మెంట్‌ డైరెక్టరేట్‌ (ఈడీ) అటాచ్‌ చేసింది. ఈ ఆస్తుల ప్రస్తుత మార్కెట్‌ విలువ సుమారు రూ.1,170 కోట్లు ఉంటుందని ఈడీ వెల్లడించింది. మనీలాండరింగ్‌ కేసులో భాగంగా ఉత్తరప్రదేశ్‌లోని రాంపూర్‌ జిల్లాలో ఉన్న మహమ్మద్‌ అలీ జౌహర్‌ యూనివర్సిటీ భూములు, భవనాలను మనీలాండరింగ్‌ నిరోధక చట్టం (పీఎంఎల్‌ఏ), 2002 కింద తాత్కాలికంగా అటాచ్‌ చేసినట్లు తెలిపింది.మౌలానా మహమ్మద్‌ అలీ జౌహర్‌ ట్రస్ట్‌ ఈ యూనివర్సిటీని నిర్వహిస్తోంది. అజంఖాన్‌ యూనివర్సిటీ గౌరవ ఛాన్సలర్‌గా కూడా వ్యవహరిస్తున్నారు. రైతుల వ్యవసాయ భూములను బలవంతంగా స్వాధీనం చేసుకుని యూనివర్సిటీ కోసం వినియోగించారనే ఆరోపణలపై రాంపూర్‌లోని అజీమ్‌నగర్‌ పోలీస్‌ స్టేషన్‌లో నమోదైన 26 కేసుల ఆధారంగా ఈడీ దర్యాప్తు ప్రారంభించింది.సింఘన్‌ఖేడా గ్రామంలో సుమారు 34 ఎకరాల్లో 45 ప్లాట్లను యూనివర్సిటీ కోసం అజంఖాన్‌ అక్రమంగా ఆక్రమించినట్లు ఈడీ పేర్కొంది. ట్రస్ట్‌కు ఆ భూములపై ఇచ్చిన లీజును సంబంధిత అధికారి రద్దు చేసినప్పటికీ ఆక్రమణ కొనసాగినట్లు తెలిపింది. ఆ భూములను తిరిగి స్వాధీనం చేసుకున్నట్లు వెల్లడించింది. ప్రభుత్వ పనుల కోసం కేటాయించిన నిధులను యూనివర్సిటీ నిర్మాణానికి మళ్లించినట్లు దర్యాప్తులో గుర్తించామని ఈడీ తెలిపింది. ప్రభుత్వ కాంట్రాక్టులు పొందిన కాంట్రాక్టర్ల నుంచి విరాళాల రూపంలో నిధులు తిరిగి ట్రస్ట్‌కు చేరినట్లు పేర్కొంది. అజంఖాన్‌పై రాంపూర్‌ పోలీసులు నమోదు చేసిన మరో 28 ఎఫ్‌ఐఆర్‌లను కూడా ఈడీ దర్యాప్తు పరిధిలోకి తీసుకుంది. వీటిలో చాలా కేసుల్లో ఇప్పటికే చార్జిషీట్లు దాఖలయ్యాయి. 2016లో రాంపూర్‌ నగరంలోని వక్ఫ్‌ ఆస్తుల్లో నివసిస్తున్న వారితో పాటు పలువురు కుటుంబాల ఇళ్లను బుల్డోజర్లతో కూల్చివేసినట్లు ఆ కేసుల్లో ఆరోపణలు ఉన్నాయని ఈడీ తెలిపింది.ఇదీ చదవండి: మెట్రోలో పోకిరీ రహస్య వీడియో

లక్నో: ఉత్తరప్రదేశ్ లోని ఘజియాబాద్‌లో ఒక భర్త అదృష్టవశాత్తూ ప్రాణాలతో బయటపడ్డాడు. బాధితుడి భార్య, ఆమె ప్రియుడు (జిమ్ ట్రైనర్) పన్నాగం బయటపడడంతో పోలీసులకు అడ్డంగా బుక్కయ్యారు. జిమ్ ట్రైనర్‌తో ఉన్న సంబంధం గురించి భర్తకు తెలియడంతోనే ఈ దాడి జరిగినట్లు పోలీసులు తెలిపారు. దిగ్భ్రాంతి కరమైన ఈ స్టోరీకి సంబంధించిన వివరాలు ఇలా ఉన్నాయి.వసుంధర సెక్టార్ 1లోని జగృతి RWA సొసైటీలో శశాంక్ కంతారియాను హత్య చేయాలని శశాంక్ భార్య ప్రియా శర్మ, ఆమె ప్రియుడు ప్రతాప్ సింగ్ (ఫిట్‌నెస్ హెడ్‌క్వార్టర్స్ జిమ్ ట్రైనర్)తో కలిసి ప్లాన్‌ వేసింది. అక్టోబర్ 26న తెల్లవారుజామున 5:15 గంటల ప్రాంతంలో అతనిపై దాడిచేశారు. కత్తితో పలుమార్లు పొడిచారు. అయితే తీవ్రంగా గాయపడిన శశాంక్ కేకలు వేయడంతో, నిందితుడు అక్కడి నుండి పారిపోయాడు. సమాచారం అందుకున్న పోలీసులు ఘటనా స్థలానికి చేరుకుని, తీవ్రంగా గాయపడిన శశాంక్‌ను ఆసుపత్రికి తరలించారు. శశాంక్ సోదరుడి ఫిర్యాదు మేరకు ఇందిరాపురం పోలీసులు హత్యాయత్నం, నేరపూరిత కుట్ర కేసు నమోదు చేసి నిందితులిద్దరినీ అరెస్ట్ చేశారు. దాడికి ఉపయోగించిన కత్తిని కూడా స్వాధీనం చేసుకున్నారు. ఈ కుట్రలో ఎవరి పాత్ర ఎంత అనే దానిపై పోలీసులు దర్యాప్తు చేస్తున్నారు.ఇదీ చదవండి: 1600 మీటర్లలో గెలుపు : ఉద్యోగ పందెంలో కవితకు ఓటమిదాడికి కుట్ర ఇలా..పోలీసులు అందించిన సమాచారం ప్రకారం గత 7-8 నెలలుగా జిమ్‌కు వెళ్తున్న ప్రియా శర్మకు, ట్రైనర్ ప్రతాప్ సింగ్‌తో పరిచయం ఏర్పడి ప్రేమగా మారింది. వీరు పెళ్లి చేసుకోవాలని భావించారు. అయితే, వీరి సంబంధం గురించి భర్త శశాంక్‌కు తెలియడంతో ఆయన దీపావళి తర్వాత వేరే ఫ్లాట్‌కు మారాలని నిర్ణయించుకున్నాడు. దీంతో ఎలాగైనా అతని అడ్డు తొలగించుకోవాలని భావించారు. ఈక్రమంలోనే అక్టోబర్ 25న ఉదయం వాకింగ్ సమయంలో కలసిన ప్రియా, ప్రతాప్‌లు శశాంక్‌ను అంతమొందించాలని పథకం వేశారు. పథకంలో భాగంగా అక్టోబర్ 26 ఉదయం ప్రియా ఇంటి తలుపులు తెరిచి ఉంచగా, ప్రతాప్ లోపలికి ప్రవేశించి శశాంక్‌పై కత్తితో తీవ్రంగా దాడి చేశాడు.ఇదీ చదవండి: ఏడేళ్లకే 12 భాషలు : కుమార్తె పెంపకంలో హీరోయిన్‌ స్పెషాల్టీ ఇదే!

షాజహాన్‌పూర్‌: తోడబుట్టిన అక్కాచెల్లెళ్లు లేరు. ఆ లోటును పూరించడానికి 101 మంది యువతులకు అన్నగా మారారు ఉత్తరప్రదేశ్‌కు చెందిన వినయ్‌ అగర్వాల్‌. దగ్గరుండి వారందరికీ సామూహిక వివాహాలు జరిపించారు. అంతేకాదు.. ఉత్తి పెళ్లి చేసి చేతులు దులుపుకోలేదు.. పెట్టిపోతలు, చీరసారెలు అన్నీ పెట్టి ఘనంగా వేడుక నిర్వహించారు. యూపీలోని షాజహాన్‌పూర్‌కు చెందిన వినయ్‌ అగర్వాల్‌ వ్యాపారవేత్త. ఆయనకు తోడబుట్టిన సోదరి లేదు. ఇంట్లో ఆడపిల్లకు పెళ్లి చేయడానికి ఆర్థిక ఇబ్బందులు ఎదుర్కొంటున్న కుటుంబాలు ఎన్నో. వారికి అన్నగా మారాలనుకున్నాడు. తనకు తెలిసిన, తన దగ్గర పనిచేసేవారి పిల్లల పెళ్లిళ్లకు వెళ్లి సాయం చేయడం 2018 నుంచే మొదలుపెట్టారు. అయితే, వివాహ బాధ్యతలు పూర్తిగా తీసుకుంటే బాగుంటుందని తల్లి సరోజ్‌ అగర్వాల్‌ సూచించింది. ఆమె సలహాతో 2023లో 11 మంది యువతులకు పెద్దన్నగా మారి, వివాహం జరిపించారు. ఆ తర్వాతి ఏడాది 21 మందికి, ఆ తర్వాత 51 మందికి వివాహాలు నిర్వహించారు. ఈ ఏడాది ఏకంగా 101 మంది యువతులకు అన్నగా మారా రు. దివంగత తండ్రి అశోక్‌ అగర్వాల్‌ జ్ఞాపకార్థం ప్రతి ఏటా ఈ వేడుకను నిర్వహిస్తారు. పెళ్లి వేడుక నిర్వహించడమే కాదు.. వారు కొత్త జీవితాన్ని ప్రార ంభించడానికి అవసరమయ్యే వస్తువులను కూడా అందించారు. ఈ వేడుకల్లో ఆయనకు కుటుంబం అండగా నిలిచింది.కుటుంబ సభ్యులందరూ కలిసి వివాహ ఏర్పాట్లను, ఆచారాలను పూర్తి చేశారు. ఆదివారం నిర్వహించిన ఈ వేడుకలో 93 హిందూ జంటలు వైదిక సంప్రదాయాల ప్రకారం వివాహం చేసుకోగా, ఎనిమిది ముస్లిం జంటలు మత పెద్దల సమక్షంలో ‘నికాహ్‌’ద్వారా ఒక్కటయ్యాయి. కుటుంబాలన్నీ కలిసి పండుగ వాతావరణంలో ఈ వివాహ వేడుకలను జరుపుకోన్నాయి.

రంజీ ట్రోఫీ 2026-27 తాజా మ్యాచ్‌లలో ఉత్తరప్రదేశ్‌ స్టార్‌ రింకూ సింగ్‌, మహారాష్ట్ర కెప్టెన్‌ పృథ్వీ షా దారుణంగా విఫలమయ్యారు. ఇద్దరూ డకౌట్‌ అయి అభిమానులను తీవ్రంగా నిరాశపరిచారు. తాజా రంజీ ఎడిషన్‌లో భాగంగా ఉత్తరప్రదేశ్‌ తొలి మ్యాచ్‌లో బిహార్‌తో తలపడింది.వరుస సెంచరీలతో చెలరేగిన రింకూఈ మ్యాచ్‌లో టీమిండియా ఫినిషర్‌ రింకూ సింగ్‌ శతకం (112)తో రాణించి.. యూపీ విజయంలో కీలక పాత్ర పోషించాడు. ఈ మ్యాచ్‌లో యూపీ బిహార్‌పై ఇన్నింగ్స్‌, 267 పరుగుల తేడాతో జయభేరి మోగించింది. అనంతరం గోవాతో జరిగిన రెండో మ్యాచ్‌లోనూ రింకూ శతక్కొట్టాడు. అజేయ సెంచరీ (118)తో జట్టును గెలిపించాడు.తాజాగా డకౌట్‌అయితే, తాజాగా సోమవారం పుదుచ్చేరితో మొదలైన మూడో రంజీ మ్యాచ్‌లో మాత్రం రింకూ సింగ్‌ తుస్సుమనిపించాడు. ఐదో స్థానంలో బ్యాటింగ్‌కు దిగిన ఈ లెప్టాండర్‌ బ్యాటర్‌.. రెండు బంతులు ఎదుర్కొని.. పరుగుల ఖాతా తెరవకుండానే వెనుదిరిగాడు. ఆతిథ్య జట్టు బౌలర్లు అంకిత్‌ శర్మ బౌలింగ్‌లో మోహిత్‌ కాలేకు క్యాచ్‌ ఇచ్చి డకౌట్‌ అయ్యాడు. తొలి రోజు ఆట ముగిసే సరికి ఉత్తరప్రదేశ్‌ నాలుగు వికెట్ల నష్టానికి 67 పరుగులే చేయగలిగింది.అదే బాటలో పృథ్వీ షామరోవైపు.. రుతురాజ్‌ గైక్వాడ్‌ గైర్హాజరీలో మహారాష్ట్ర కెప్టెన్‌గా వ్యవహరిస్తున్న పృథ్వీ షా కూడా విఫలమయ్యాడు. పుణె వేదికగా గుజరాత్‌తో మ్యాచ్‌లో పృథ్వీ షా రెండు బంతులు ఎదుర్కొని.. చింతన్‌ గజా బౌలింగ్‌లో ఉర్విల్‌ పటేల్‌కు క్యాచ్‌ ఇచ్చి డకౌట్‌గా పెవిలియన్‌ చేరాడు. ఈ మ్యాచ్‌లో గుజరాత్‌ తొలి ఇన్నింగ్స్‌లో 223 పరుగులకు ఆలౌట్‌ అయింది. ఇక మహారాష్ట్ర సోమవారం ఆట పూర్తయ్యేసరికి.. వికెట్‌ నష్టానికి 24 పరుగులు చేసింది.కాగా తాజా సీజన్‌లో మహారాష్ట్ర తొలి మ్యాచ్‌లో సర్వీసెస్‌ జట్టుతో తలపడగా.. పృథ్వీ షా 70, 7 పరుగులు చేశాడు. ఈ మ్యాచ్‌లో మహారాష్ట్ర ఘన విజయం సాధించింది. ఇక జార్ఖండ్‌తో మ్యాచ్‌లో పృథ్వీ షా 21 పరుగులకే పరిమితం కాగా.. మ్యాచ్‌ డ్రా అయింది.చదవండి: టీమిండియాకు శుభవార్త.. ఆ ఇద్దరు వచ్చేస్తున్నారు!

లక్నో: ఉత్తరప్రదేశ్‌లోని పూర్వాంచల్ ఎక్స్‌ప్రెస్‌వేపై కాంగ్రెస్ అగ్రనేత, లోక్‌సభలో ప్రతిపక్ష నాయకుడు రాహుల్ గాంధీ కాన్వాయ్‌లో సోమవారం ప్రమాదం చోటుచేసుకుంది. 91వ మైలురాయి వద్ద రాహుల్ గాంధీ కాన్వాయ్‌లోని ఐదు వాహనాలు, ఒక అంబులెన్స్ ఒకదానికొకటి ఢీకొన్నాయి. ఈ ప్రమాదంలో రాహుల్ గాంధీ సురక్షితంగా బయటపడ్డారు. అయితే ఆయన కాన్వాయ్‌లో ఉన్న పార్టీ కార్యకర్తలు, స్థానిక నేతలు, భద్రతా సిబ్బందితో సహా పలువురికి గాయాలయ్యాయి. VIDEO | Lucknow: Congress workers gather at Chaudhary Charan Singh Airport in Lucknow to welcome party MP Rahul Gandhi ahead of the Sultanpur court's verdict in the defamation case against him today. (Full video available on PTI Videos - https://t.co/d8jp61yd2p) https://t.co/eVeqM55U9N— Press Trust of India (@PTI_News) October 26, 20262018 నాటి కర్ణాటక అసెంబ్లీ ఎన్నికల సమయంలో అప్పట్లోని బీజేపీ అధ్యక్షుడు అమిత్ షాపై రాహుల్ గాంధీ చేసిన వ్యాఖ్యలకు సంబంధించి సుల్తాన్‌పూర్‌లోని ప్రత్యేక ఎంపీ-ఎమ్మెల్యే కోర్టు సోమవారం తీర్పు వెలువరించాల్సి ఉంది. ఈ నేపథ్యంలో లక్నోలోని చౌదరి చరణ్ సింగ్ అంతర్జాతీయ విమానాశ్రయానికి చేరుకున్న రాహుల్ గాంధీ అక్కడి నుండి రోడ్డు మార్గంలో సుల్తాన్‌పూర్‌కు వెళ్తుండగా ఈ సంఘటన జరిగింది. ప్రమాదం జరిగినప్పటికీ ఆయన కోర్టు కార్యకలాపాలకు హాజరయ్యేందుకు ముందుకు సాగారు.

లక్నో: ఉత్తరప్రదేశ్‌లో 2027 అసెంబ్లీ ఎన్నికలకు సంబంధించి కాంగ్రెస్‌, సమాజ్‌వాదీ పార్టీ (ఎస్పీ) మధ్య సీట్ల సర్దుబాటు చర్చలు కొనసాగుతున్న వేళ రాజకీయ ఉద్రిక్తతలు పెరుగుతున్నాయి. లక్నోలోని ఉత్తరప్రదేశ్‌ కాంగ్రెస్‌ కమిటీ (యూపీసీసీ) ప్రధాన కార్యాలయం వెలుపల ఆదివారం కనిపించిన పోస్టర్లు ఈ చర్చకు మరింత ప్రాధాన్యం తెచ్చాయి. “200 సీట్లు మా హక్కు” అనే నినాదంతో ఉన్న ఈ పోస్టర్లు, రాష్ట్రంలో ఎక్కువ స్థానాల్లో పోటీ చేయాలన్న కాంగ్రెస్‌ ఆకాంక్షను బహిరంగంగా చాటాయి.లోక్‌సభలో ప్రతిపక్ష నేత రాహుల్‌ గాంధీ, కాంగ్రెస్‌ ప్రధాన కార్యదర్శి ప్రియాంక గాంధీ వాద్రా చిత్రాలతో ఈ పోస్టర్లను ఏర్పాటు చేశారు. వాటిపై “మాకు రాహుల్‌ గాంధీపై నమ్మకం ఉంది” అనే నినాదం కూడా కనిపించింది. కాంగ్రెస్‌ ఇప్పటికే 175 నుంచి 200 అసెంబ్లీ స్థానాలతో కూడిన జాబితాను సమర్పించినట్లు పార్టీ నేతలు శనివారం తెలిపారు. అయితే, తుది నిర్ణయం పార్టీ అగ్ర నాయకత్వమే తీసుకుంటుందని స్పష్టం చేశారు.ఉత్తరప్రదేశ్‌ కాంగ్రెస్‌ వ్యవహారాల ఇన్‌ఛార్జి రాజేంద్ర పాల్‌ గౌతమ్‌ మాట్లాడుతూ.. “ప్రస్తుతం మేము 175 నుంచి 200 స్థానాల జాబితాను ఇచ్చాం. త్వరలో అగ్ర నాయకత్వం సమావేశమై స్నేహపూర్వక పరిష్కారానికి, గౌరవప్రదమైన ఒప్పందానికి వస్తుంది. అగ్ర నాయకత్వం ఏ నిర్ణయం తీసుకున్నా పార్టీ కార్యకర్తలు, ఉత్తరప్రదేశ్‌ కాంగ్రెస్‌ బృందం మొత్తం దాన్ని అంగీకరిస్తుంది” అని తెలిపారు.పోస్టర్లపై ఎస్పీ నేత స్పందనసమాజ్‌వాదీ పార్టీ నేత ధర్మేంద్ర సింగ్‌ ఈ పోస్టర్లపై స్పందిస్తూ.. కూటమిలో సీట్ల కేటాయింపును పోస్టర్లు నిర్ణయించలేవని అన్నారు. ఏ స్థానంలో ఎవరు పోటీ చేయాలనే అంశాన్ని అగ్ర నాయకత్వం, సంబంధిత కమిటీలు నిర్ణయిస్తాయని స్పష్టం చేశారు. “కూటమిలో సీట్ల పంపకాన్ని పోస్టర్లు నిర్ణయించవు. 200 స్థానాలైనా, కేవలం రెండు స్థానాలైనా అది అగ్ర నాయకత్వం తీసుకోవాల్సిన నిర్ణయం. ఏ స్థానంలో ఎవరు పోటీ చేయాలి, ప్రచారం ఎలా నిర్వహించాలనే విషయాలను ఒక కమిటీ నిర్ణయిస్తుంది. ఇది కేవలం సీట్ల సంఖ్యకు సంబంధించిన విషయం కాదు. ఎవరు గెలిచే సామర్థ్యం కలిగి ఉన్నారన్నదే ముఖ్యం. ప్రతి పార్టీ గెలిచే నిజమైన అవకాశమున్న స్థానాల్లోనే పోటీ చేయాలి” అని ఆయన అన్నారు.ఉత్తరప్రదేశ్‌లో 403 అసెంబ్లీ స్థానాలు ఉన్నాయి. 2024 లోక్‌సభ ఎన్నికల్లో రాష్ట్రంలో కాంగ్రెస్‌ 6 స్థానాలు గెలుచుకోగా, అఖిలేశ్‌ యాదవ్‌ నేతృత్వంలోని ఎస్పీ 37 స్థానాల్లో విజయం సాధించింది. ఈ ఫలితాల నేపథ్యంలో రాష్ట్రంలో ఇండియా కూటమిలో ఎస్పీ ప్రధాన భాగస్వామిగా కొనసాగుతోంది.కాంగ్రెస్‌ సీట్ల పంపకాల చర్చలను నవంబర్‌ మధ్య నాటికి ముగించాలని లక్ష్యంగా పెట్టుకున్నట్లు సమాచారం. ఈ నేపథ్యంలో రెండు పార్టీల మధ్య గౌరవప్రదమైన ఒప్పందం కుదురుతుందా, ఎన్ని స్థానాల్లో కాంగ్రెస్‌ పోటీ చేస్తుందన్నది కీలకంగా మారింది. 2027 ఎన్నికల్లో అధికార బీజేపీని ఎదుర్కొనేందుకు ప్రతిపక్ష కూటమి ఐక్యతను కొనసాగించగలదా అన్నది కూడా పరిశీలించాల్సిన అంశం.ఇదీ సంగతి: 30 నుంచి ఢిల్లీలో ఉండాలంటూ కాంగ్రెస్ ఎంపీలకు ఆదేశం

ఉత్తరప్రదేశ్‌లో తీవ్ర విషాదం చోటుచేసుకుంది. డెంగ్యూ బారినపడి భర్త మృతి చెందగా.. ఆయన మరణించిన నాలుగు గంటలకే భార్య కూడా కన్నుమూసింది. దీంతో ఆ కుటుంబంలో తీరని విషాదం నెలకొంది. తల్లిదండ్రులిద్దరినీ కోల్పోయిన నలుగురు పిల్లలు అనాథలుగా మిగిలారు. భార్యాభర్తలిద్దరి అంత్యక్రియలను ఒకే చితిపై నిర్వహించడంతో గ్రామంలో విషాదఛాయలు అలుముకున్నాయి.స్థానికుల వివరాల ప్రకారం.. ఉత్తరప్రదేశ్‌, మైన్‌పురి జిల్లా ఎలావ్‌ పోలీస్‌ స్టేషన్‌ పరిధిలోని కసద్‌ గ్రామానికి చెందిన ముకేశ్‌ కుమార్‌ (48) వ్యవసాయం చేసుకుంటూ కుటుంబాన్ని పోషించుకుంటున్నాడు. ఇతనకి భార్య దీప, ఒక కూతురు, ముగ్గురు కుమారులున్నారు. అయితే కొన్నిరోజుల క్రితం ఆయనకు తీవ్రంగా జ్వరం రావడంతో కుటుంబ సభ్యులు ఆస్పత్రికి తీసుకెళ్లారు. పరిస్థితి విషమంగా మారడంతో వైద్యుల సూచన మేరకు ఆగ్రాకు తరలించారు. అక్కడ పరీక్షించిన వైద్యులు డెంగ్యూ సోకినట్లు గుర్తించి తగిన చికిత్స అందించారు. అదేవిధంగా మరోవైపు ఆయన భార్య దీప (42) కూడా జ్వరంతో బాధపడుతూ ఆగ్రాలోని మరో ఆస్పత్రిలో చికిత్స పొందుతోంది.అయితే బుధవారం రాత్రి 9.30 గంటల సమయంలో చికిత్స పొందుతూ ముకేశ్‌ మృతి చెందాడు. దీంతో భర్త మరణవార్త తెలిసిన భార్య దీప మనోవేదనకు గురై, నాలుగు గంటల తరువాత ఆమె కూడా మృతిచెందింది. గడిచిన కొన్ని గంటల వ్యవధిలోనే ఆ కుటుంబం ఇద్దరినీ కోల్పోవడం, ఒకే రాత్రి తల్లిదండ్రులిద్దరూ దూరం కావడం కుటుంబంలో తీరని శోకం మిగిల్చింది. ఈ ఘటన అక్కడి గ్రామస్థులను కలచివేసింది. అయితే దీప మరణానికి గల స్పష్టమైన కారణాలు ఇంకా తెలియరాలేదు.గురువారం ముకేశ్‌, దీప మృతదేహాలు గ్రామానికి చేరుకోవడంతో కుటుంబ సభ్యులు కన్నీరుమున్నీరుగా విలపించారు. గ్రామస్థులు సైతం పెద్ద సంఖ్యలో తరలివచ్చి నివాళులర్పించారు. అనంతరం సాయంత్రం భార్యాభర్తల అంతిమయాత్రను ఒకేసారి నిర్వహించి, ఒకే చితిపై అంత్యక్రియలు పూర్తి చేశారు. కుటుంబానికి అండగా నిలిచిన తల్లిదండ్రులిద్దరినీ కోల్పోయిన ఆ పిల్లలను చూసి గ్రామస్థులు మోయలేని కన్నీటి భారంగా చలించిపోయారు.ఇదీ చదవండి: రోడ్డు ప్రమాదంలో ఆంధ్ర యువ అథ్లెట్‌ దుర్మరణం

ఉత్తరప్రదేశ్‌ యూపీ గవర్నర్‌ ఆనందీబెన్ పటేల్ యువతను ఉద్దేశిస్తూ గతంలో ఎన్నో ఆసక్తికర వ్యాఖ్యలు చేశారు. కొన్ని వ్యాఖ్యలు వివాదాస్పదం కూడా అయ్యాయి. ఆమె సదా యువతకు మంచి దారిలో వెళ్లమని, లివ్‌ఇన్‌ సరైనది కాదంటూ హితవు పలుకుతుంటారామె. అలాగే మహిళలు బాధ్యతలు గురించి కూడా చెబుతుంటారు. మంచి తల్లిగా ఉంటేనే మంచి సమాజాన్ని నిర్మించగలమని పిలుపనిచ్చారు గతంలో. మళ్లీ తాజాగా యువతను ఉద్దేశిస్తూ మాట్లాడుతూ బాధ్యతరాహిత్యంగా ఉండొద్దని ప్రేమించేటప్పుడే ఇవన్నీ గుర్తుపెట్టుకోండి అంటూ కొన్ని సూచనలందించారు. అవేంటో చూద్దామా..!ఇవాళ యువత ఎంత దారుణంగా మారిందో ఏకరవు పెట్టారామె. ప్రతి ఒక్కళ్లు అబ్బాయిలు ప్రేమిస్తున్నారు. ఆమె తన గర్ల్‌ఫ్రెండ్‌ అని గర్వంగా తన స్నేహితులకు చెబుతారు. అంతా బాగానే ఉంటుంది. ఆకర్షణలో మోజులో తప్పు కూడా చేసేస్తారు. ఆ తర్వాత తీరిగ్గా నీతి కబుర్లు చెబుతూ..ఆమెని తల్లిని చేసి ఒంటిరిగా వదిలిపెట్టేస్తారు. ఇది క్షమించరాని తప్పు అని నొక్కి చెప్పారు ఆనందీ చెన్‌. ప్రేమిస్తే ప్రేమించండి తొందరపడి ఆ తప్పు చేయకండి. ఆర్థిక స్థిరత్వం అత్యంత ముఖ్యం. చక్కగా జీవితంలో మంచి స్థాయిలో స్థిరపడ్డాక పెళ్లి చేసుకుని హాయిగా లైఫ్‌ని లీడ్‌ చేయండి. అప్పుడు ఎలాంటి సమస్య ఉండదు. అంతేగానీ ప్రేమ పేరుతో ప్రియురాలిని తల్లిని చేసి, మోసం చేసే సాహసం చేయొద్దు. లేదా ఆమె బాధ్యతలను కచ్చితంగా స్వీకరించాలనుకుంటేనే..ప్రేమించండి. బాధ్యతగా వ్యవహరించలేను అనుకుంటే..ప్రేమ జోలికి వెళ్లొద్దని గట్టిగా వార్నింగ్‌ ఇచ్చారు. తమ కాళ్లపై నిలబడి..కుటుంబాన్ని నడపగలిగే సామర్థ్యం తెచ్చుకున్నాక ధైర్యంగా పెళ్లి చేసుకుని పిల్లలను కనండి..అంతే తప్ప ఒక అమ్మాయిని వంచించి, మోసం చేసే ప్రయత్నానికి పూనుకోకండని అన్నారామె. అది సర్వ విధాల అనర్థదాయకమైందని హితవు పలికారామె. ఆనందీబెన్‌ కుటుంబ విలువలు, మహిళల ప్రాధాన్యతల గురించి మాట్లాడుతుంటారు. ఆమె చెప్పింది సమంజసమైందే అయినా..కొందరూ మాత్రం ఆమె చెప్పే మాటలు మహిళలను కించపరిచే విధంగా, అణిచివేసే విధంగా ఉంటాయని దుమ్మెత్తిపోస్తుంటారు. ​కాగా, ఆనందీ బెన్‌..జీవితంలో మంచిగా సెటిల్‌ అయ్యి, ప్రేమించిన అమ్మాయిని పెళ్లిచేసుకోండి అంతేగానీ తల్లిని వదిలేయొద్దని ఆ కారణంగా అనాథలుగా మారి ఆశ్రమాల్లో బిక్కుబిక్కుమని గడుపుతున్నారు. ఒక్కసారి అలాంటి శరణాలయాలకు వెళ్లి చూడండి పరిస్థితి మీకే తెలుస​ఉతంది అంటూ సందేశాత్మకంగా మాట్లాడారామె.ఇదీ చదవండి: కూమార్తె పెళ్లిలో సెన్సెషన్‌గా 41 ఏళ్ల తండ్రి..! కాబోయే అల్లుడు సైతం..

గోరఖ్‌పూర్‌ (యూపీ): ఒక ఆవు మరణం కాస్తా ఏకంగా 450 మందికి యాంటీ రేబిస్‌ టీకాలివ్వాల్సిన పరిస్థితికి దారితీసింది! అది వీధికుక్క కాటుతో మరణించి ఉంటుందన్న అనుమానాలే అందుకు కారణం! దాంతో దుర్గా పూజను పురస్కరించుకుని సదరు ఆవు పాల నుంచి తయారు చేసిన ప్రసాదం తిన్నవారంతా బెంబేలెత్తిపోయారు. వారందరినీ పేరుపేరునా గుర్తించి మరీ టీకా ఇచ్చినట్టు అధికారులు గురువారం వెల్లడించారు. ఉత్తరప్రదేశ్‌లోని గోరఖ్‌పూర్‌ జిల్లాలో దాదీ ఖాస్‌ గ్రామంలో ఈ ఉదంతం చోటుచేసుకుంది. టీకాల కోసం బుధవారం గ్రామంలో ప్రత్యేక క్యాంపే ఏర్పాటు చేయాల్సి వచ్చింది! ‘‘ఆవు రెండు రోజుల పాటు నలతగా కనిపించింది. మంగళవారానికల్లా పరిస్థితి విషమించడంతో పశువైద్యున్ని సంప్రదించాం. అప్పటికే అది కుక్కలా మొరుగుతూ అసాధారణంగా ప్రవర్తించసాగింది. సాయంత్రానికల్లా మరణించింది’’అని యజమాని నవామీ యాదవ్‌ చెప్పుకొచ్చాడు. అన్నట్టూ, సదరు ఆవు పాలు రెండు దుకాణాలకు, పలు నివాసాలకు కూడా సరఫరా అయినట్టు తేలడం కొసమెరుపు!

ఉత్తరప్రదేశ్‌: డాక్టర్‌ కావాలనే కల.. ఎన్నో ఆశలు.. ఉజ్వల భవిష్యత్తుపై ఎన్నో ఆకాంక్షలు. కానీ ఇంతలోనే ఓ వైద్య విద్యార్థిని జీవితం విషాదాంతమైంది. ఎంబీబీఎస్‌ ఫైనల్‌ ఇయర్‌ చదువుతున్న 24 ఏళ్ల శగున్‌ సైనీ హాస్టల్‌ గదిలో విగతజీవిగా కనిపించడం తీవ్ర కలకలం రేపింది. ముజఫర్‌నగర్‌లోని బేగరాజ్‌పూర్‌ మెడికల్‌ కాలేజీలో సోమవారం రాత్రి ఈ ఘటన చోటుచేసుకుంది.హర్యానాలోని కైతల్‌ జిల్లాకు చెందిన శగున్‌ సైనీ.. ఉత్తరప్రదేశ్‌లోని ముజఫర్‌నగర్‌లో ఉన్న బేగరాజ్‌పూర్‌ మెడికల్‌ కాలేజీ హాస్టల్‌లో ఉంటూ 2023 బ్యాచ్‌ ఎంబీబీఎస్‌ విద్యార్థినిగా చదువుతోంది. సోమవారం రాత్రి ఆమె గది తలుపు చాలాసేపటి నుంచి లోపలి వైపుగా మూసి ఉండటాన్ని గుర్తించిన తోటి విద్యార్థినులు హాస్టల్‌ భద్రతా సిబ్బందికి సమాచారం అందించారు. దీంతో సిబ్బంది గది వెనుకవైపు ఉన్న కిటికీలో నుంచి చూడగా.. శగున్‌ ఆత్మహత్య చేసుకుని ఫ్యాన్‌కు వేలాడుతూ కనిపించింది. వెంటనే సిబ్బంది స్థానిక పోలీసులకు సమాచారం అందించారు.సమాచారం అందుకున్న పోలీసులు ఘటనా స్థలానికి చేరుకుని గది తలుపులు పగులగొట్టి మృతదేహాన్ని కిందకు దించారు. అనంతరం పోస్టుమార్టం నిమిత్తం ఆస్పత్రికి తరలించారు. ఫోరెన్సిక్‌ బృందం కూడా గదిని పరిశీలించి ఆధారాలు సేకరించింది. ఈ ఘటనతో కాలేజీ ప్రాంగణంలో తీవ్ర విషాదం నెలకొంది.అయితే, వైద్య విద్యలో కీలక దశలో ఉన్న శగున్‌ ఈ నిర్ణయం తీసుకోవడానికి గల కారణాలు ఇంకా తెలియరాలేదు. పోలీసులు అన్నీ కోణాల్లో దర్యాప్తు చేస్తూ కుటుంబ సభ్యులకు సమాచారం అందించారు. అలాగే, ఈ ఘటనపై కేసు నమోదు చేసుకున్న పోలీసులు ఆమె మరణానికి దారితీసిన పరిస్థితులపై విచారణ కొనసాగిస్తున్నారు.ఇదీ చదవండి: ఢిల్లీలో కలకలం .. వ్యాపారిపై ఐదు రౌండ్ల కాల్పులు

లక్నో: ఉత్తరప్రదేశ్‌లోని హాపూర్‌లో హిందీ వార్తాపత్రికకు చెందిన సీనియర్ జర్నలిస్ట్ మహ్మద్ నసీమ్ అహ్మద్ (50) దారుణ హత్య కలకలం రేపింది. దీపావళి ప్రకటనకు సంబంధించిన వివాదం కారణంగా 'దైనిక్ జన్వానీ' అనే హిందీ జర్నలిస్ట్ అహ్మద్‌ను కొట్టి చంపేశారు. ఆదివారం జరోఠీ రోడ్‌లో ఫ్లోర్ మిల్లులో ఈ ఘటన చోటు చేసుకుంది.పోలీసుల సమాచారం ప్రకారం దీపావళి సందర్భంగా తన పత్రికకు ప్రకటన (అడ్వర్టైజ్‌మెంట్) కోరేందుకు అహ్మద్ అక్కడికి వెళ్లారు. తన సహచరుల ఇద్దరు మహిళలతో సహా మరో ముగ్గురు సహచరులతో ​కలిసి ఒక పిండి మిల్లు యజమాని అశోక్ కుమార్ గుప్తాను సంప్రదించారు. అక్కడ యాడ్ ఇవ్వడంపై ఇరువర్గాల మధ్య వాగ్వాదం చోటుచేసుకుంది. ఆ వ్యాపారి నసీమ్‌ను 'ఫేక్ జర్నలిస్ట్ అని దూషించడంతో పాటు, కొందరు వ్యక్తులు కలిసి ఆయనపై తీవ్రంగా భౌతిక దాడికి దిగారు. చాతి, శరీర భాగాలపై విచక్షణారహితంగా పిడి గుద్దులు కురిపించారు. దీంతో తీవ్రంగా గాయపడిన నసీమ్‌ ఆసుపత్రికి తరలించేలోపే మరణించారు. సుమారు ఏడు నుంచి ఎనిమిది మంది గుంపు దాడి చేసిందని ప్రత్యక్ష సాక్షి సలావుద్దీన్ తెలిపారు. ఇదీ చదవండి: పసికందుపై అఘాయిత్యం, బతికుండగానే ఇసుకలో పాతేశాడు! हापुड़ में पत्रकार की पीट-पीटकर हत्या ! उत्तर प्रदेश के हापुड़ में जनवाणी अखबार के पत्रकार नसीम अहमद की पिटाई के बाद मौत हो गई। वह दिवाली का विज्ञापन लेने फ्लोर मिल गए थे, जहां विवाद हुआ। उनके साथ मौजूद सलाउद्दीन भी घायल हुए। पुलिस के मुताबिक, शिकायत पर मुकदमे की कार्रवाई जारी है और आरोपियों की तलाश की जा रही है। आखिर पत्रकारों की सुरक्षा की जिम्मेदारी कौन लेगा? @PA #Hapur #Journalist— गुरु प्रसाद यादव, लखनऊ (@guruprasadyada5) October 18, 2026ఈ ఘటనపై హాపూర్ దేహాత్ పోలీస్ స్టేషన్‌లో నలుగురి పేర్లతో పాటు మరికొందరిపై హత్య కేసు నమోదు చేశారు. ఈ కేసుకు సంబంధించి ముగ్గురిని విచారణ నిమిత్తం అదుపులోకి తీసుకున్నట్లు హాపూర్ దేహాత్ పోలీస్ స్టేషన్ హౌస్ ఆఫీసర్ (SHO) పరాస్ మాలిక్ తెలిపారు.

టీమిండియా డాషింగ్‌ మిడిలార్డర్‌ బ్యాటర్‌ రింకూ సింగ్‌ దేశవాలీ క్రికెట్‌లో చెలరేగిపోతున్నాడు. రంజీ ట్రోఫీ 2026-27లో వరుసగా రెండో మ్యాచ్‌లో సెంచరీతో కదంతొక్కాడు. ఈ టోర్నీ తొలి మ్యాచ్‌లో బిహార్‌పై (112 నాటౌట్‌) శతక్కొట్టిన రింకూ, గోవాతో ఇవాళ మొదలైన రెండో మ్యాచ్‌లోనూ శతకం (100 నాటౌట్‌) బాదాడు.ఈ మ్యాచ్‌లో రింకూ జట్టు ఉత్తర్‌ప్రదేశ్‌ టాస్‌ గెలిచి తొలుత బ్యాటింగ్‌ ఎంచుకుంది. అయితే ఆ జట్టు ఆదిలోనే తీవ్ర కష్టాల్లో చిక్కుకుంది. 90 పరుగులకే ఆ జట్టు టాప్‌-4 బ్యాటర్లు ఔటయ్యారు. ఈ దశలో బరిలోకి దిగిన రింకూ సింగ్‌ ఒంటరిపోరాటం చేశాడు. మరో ఎండ్‌లో వరుసగా వికెట్లు పడుతున్నా, ఏకాగ్రతతో బ్యాటింగ్‌ చేసి సెంచరీ పూర్తి చేసుకున్నాడు.137 పరుగుల వద్దే యూపీ తొమ్మిదో వికెట్‌ కోల్పోయినా, రింకూ వీరోచిత ప్రదర్శన చేసి సెంచరీ పూర్తి చేశాడు. వన్ష్‌ చౌదరితో చివరి వికెట్‌కు అజేయమైన 49 పరుగులు జోడించి మూడంకెల మార్కును అందుకున్నాడు. ఈ ఇన్నింగ్స్‌లో మొత్తంగా 165 బంతులు ఎదుర్కొన్న రింరూ 10 ఫోర్లు, 2 సిక్సర్ల సాయంతో 102 పరుగులతో క్రీజ్‌లో ఉన్నాడు. వన్ష్‌ చౌదరి 4 పరుగులతో రింకూకు జతగా ఉన్నాడు. 67 ఓవర్లు ముగిసే సమయానికి యూపీ స్కోర్‌ 186-9గా ఉంది. రింకూ మినహా యూపీ ఇన్నింగ్స్‌లో ఎవ్వరూ పెద్ద స్కోర్‌ చేయలేదు. ఓపెనర్‌ మాధవ్‌ కౌశిక్‌ (45) రింకూ తర్వాత టాప్‌ స్కోరర్‌గా నిలిచాడు. అతడితో పాటు కెప్టెన్‌ ఆర్యన్‌ జుయల్‌ (14) మాత్రమే రెండంకెల స్కోర్‌ చేశారు. గోవా బౌలర్లలో యశ్‌ కస్వంకర్‌ 4 వికెట్లతో చెలరేగాడు. రుత్విక్‌ నాయక్‌ 2, షుభమ్‌ తివారి, లలిత్‌ యాదవ్‌ తలో వికెట్‌ తీశారు.ఇదిలా ఉంటే, రంజీ ట్రోఫీలో వరుస సెంచరీలు చేస్తున్న రింకూకు ప్రస్తుతం భారత జట్టు ఏ ఫార్మాట్‌లోనూ చోటు లేదు. కనీసం అతడికి న్యూజిలాండ్‌ పర్యటన కోసం ఎంపిక చేసిన భారత-ఏ జట్టులోనూ చోటు దక్కలేదు. తాజా ప్రదర్శనలతో రింకూ భారత సెలెక్టర్లకు సవాల్‌ విసురుతున్నాడు. టీ20లతో పాటు వన్డే, టెస్ట్‌ జట్టులో చోటుకు అర్హుడినంటూ చెప్పకనే చెప్పాడు. రింకూకు టీ20లతో పాటు ఫస్ట్‌ క్లాస్‌ క్రికెట్‌లోనూ మంచి ట్రాక్‌ రికార్డు ఉంది. 55 మ్యాచ్‌ల్లో అతడు 11 సెంచరీలు, 23 అర్ద సెంచరీల సాయంతో 60 సగటున పరుగులు చేశాడు. మిడిలార్డర్‌లో ఏ బ్యాటర్‌కైనా ఈ గణాంకాలు అత్యుత్తమమని చెప్పాలి. రింకూ ఇటీవలే ఫామ్‌లేమి కారణంగా భారత టీ20 జట్టులో స్థానం కోల్పోయిన సంగతి తెలిసిందే.ఇదీ చదవండి: శ్రేయస్‌ అయ్యర్‌కు స్పెషల్‌ అవార్డు

కొన్ని ఆహార పదార్థాలను కలిపి తినకూడదని, కొన్ని కాంబినేషన్లు ఆరోగ్యానికి హానికరమని తరచూ చర్చ జరుగుతుంటుంది. అయితే ఇక్కడ ఓ కుటుంబానికి ఎదురైన విషాదం ఇప్పుడు తీవ్ర కలకలం రేపుతోంది. రాత్రి నూడుల్స్‌ తిని.. టీ తాగిన కుటుంబం నిద్రపోయింది. తెల్లారేసరికి భార్యాభర్తలు, వారి ముగ్గురు చిన్నారులు సహా ఐదుగురూ విగతజీవులుగా మారారు.గ్రేటర్‌ నోయిడాలోని రబూపురా ప్రాంతం నగ్లా శ్రీ పదమ్‌ గ్రామంలో విషాదం చోటుచేసుకుంది. మహేశ్‌ (37), ఆయన భార్య లలిత (35), వారి పిల్లలు లడ్డూ (11), మిష్టి (7), సాక్షత్‌ (3) మృతిచెందారు. శనివారం ఉదయం కుటుంబంలోని ఐదుగురూ మరణించినట్లు సమాచారం అందడంతో పోలీసులు, ఉన్నతాధికారులు, అంబులెన్స్‌ సిబ్బంది అక్కడికి చేరుకున్నారు. ఆహార భద్రతా శాఖ అధికారులు కూడా ఘటనా స్థలాన్ని పరిశీలించారు.మహేశ్‌ తల్లి, స్థానికులు తెలిపిన వివరాల ప్రకారం.. కుటుంబ సభ్యులు ముందు రోజు రాత్రి నూడుల్స్‌ తిని.. టీ కూడా తాగారు. దీంతో ఫుడ్‌ పాయిజన్‌ అయ్యి ఉండొచ్చని పోలీసులు ప్రాథమికంగా అనుమానిస్తున్నారు. ఫోరెన్సిక్‌ బృందం, ఫీల్డ్‌ యూనిట్‌ ఘటనా స్థలాన్ని పరిశీలించి ఆధారాలు సేకరించాయి. మృతదేహాలను పోస్టుమార్టం కోసం తరలించారు. పరీక్షల నివేదికలు వచ్చిన తర్వాతే మరణాలకు అసలు కారణం వెల్లడికానుంది.పుచ్చకాయ-బిర్యానీ ఘటన గుర్తుందా?కొన్ని నెలల క్రితం ముంబైలోని పాయ్‌ధునీ ప్రాంతంలో ఓ కుటుంబంలో నలుగురు మరణించిన ఘటన దేశవ్యాప్తంగా చర్చనీయాంశమైంది. అబ్దుల్లా డోకాడియా (44), ఆయన భార్య నస్రీన్‌ (35), కుమార్తెలు ఆయేషా (16), జైనబ్‌ (13) మృతిచెందారు. అంతకుముందు కుటుంబ సభ్యులు బిర్యానీ తిన్నారని, ఆ తర్వాత పుచ్చకాయ తిన్నారని వార్తలు వచ్చాయి. దీంతో బిర్యానీ, పుచ్చకాయ కలిపి తినడం వల్లే మరణాలు సంభవించాయంటూ ప్రచారం జరిగింది.అయితే ఆ ఘటనలో ఫోరెన్సిక్‌ పరీక్షల నివేదికలు మరో విషయాన్ని వెల్లడించాయి. బాధితుల శరీర భాగాల్లో, వారు తిన్న పుచ్చకాయలో జింక్‌ ఫాస్ఫైడ్‌ అనే విషపదార్థం ఉన్నట్లు నివేదికలు పేర్కొన్నాయి. ఇది ఎలుకల మందులో ఉపయోగించే అత్యంత విషపూరిత రసాయనం. దీంతో ఫుడ్‌ పాయిజన్‌ ప్రచారానికి చెక్‌ పడింది. ఆపై ఆహారంలో విషపదార్థం ఎలా చేరిందన్న అంశం దర్యాప్తులో కీలకంగా మారింది. ఇప్పుడు గ్రేటర్‌ నోయిడాలో ఐదుగురి మరణాలు మరోసారి ఆహార భద్రతపై ఆందోళనలను రేకెత్తిస్తున్నాయి.ఇదీ చదవండి: ధర్నాకు దిగమంటారా? సుప్రీం కోర్టు సీరియస్‌ వార్నింగ్‌

దసరా అంటే రావణ దహనం. కాని ఉత్తరప్రదేశ్‌లోని పిల్లలకు మాత్రం రంగురంగుల బొమ్మలతో వారి ప్రతిభ చాటే సమయం! ప్రతాప్‌గఢ్‌లో 250 మంది చిన్నారులు తమ చేతులతో రావణుడి ప్రతిమలను తయారు చేసుకుని పండుగను ప్రత్యేకంగా జరుపుకున్నారు. తల్లిదండ్రుల్లో ఒకరిని లేదా ఇద్దరినీ కోల్పోయిన ఈ పిల్లలకు ఆనందాన్ని పంచేందుకు నిర్వహించిన ఈ కార్యక్రమం అందరి దృష్టిని ఆకర్షించింది. మిషన్‌ శక్తి ఆధ్వర్యంలో జరిగిన ఈ కార్యక్రమంలో చిన్నారులు మూడు అడుగుల రావణుడి బొమ్మలను తయారు చేసి, వాటికి రంగులు అద్ది అలంకరించారు. రావణ దహనం కోసం విల్లు, బాణాలు వంటి పండుగకు సంబంధించిన వస్తువులనూ రూపొందించారు. తమ చేతులతో బొమ్మలు తయారు చేసుకుంటూ సృజనాత్మకతను చాటుకున్నారు.

మీరట్ ‘బ్లూ డ్రమ్’ హత్య కేసులో ముస్కాన్ రస్తోగి , సాహిల్ శుక్లాలకు మరణశిక్ష విధించిన రెండు రోజుల తర్వాత ఉత్తర ప్రదేశ్‌లోని మీరట్ కోర్టు ఒక సంచలన తీర్పు వెలువరించింది. భర్తను దారుణంగా హత్య చేసి, అది పాము కాటు వల్ల జరిగిన సహజ మరణంగా చిత్రీకరించేందుకు మృతదేహం పక్కన పామును ఉంచిన భార్యకు, ఆమె ప్రియుడికి కోర్టు ఉరిశిక్ష (మరణశిక్ష) విధిస్తూ తీర్పు చెప్పింది. మీరట్‌ 'బ్లూ డ్రమ్' హత్య కేసులో ఉరిశిక్ష పడిన ముస్కాన్ రస్తోగి, ఈ రవితా కశ్యప్ ఇద్దరూ మీరట్ చౌదరి చరణ్ సింగ్ జిల్లా జైలులోని ఒకే బ్యారక్ (బ్యారక్ 2B) లో ఉండటం ఆసక్తికరం.మీరట్‌లోని అక్బర్‌పూర్ సాదత్ గ్రామానికి చెందిన టైల్స్ వర్కర్‌ అమిత్ కశ్యప్ (32) హత్య కేసులో రవితా కశ్యప్ (30), ప్రియుడు అమర్‌దీప్ (23)లను కోర్టు దోషులుగా తేల్చింది. మీరట్ అదనపు జిల్లా ,షన్స్ న్యాయమూర్తి జైవీర్ సింగ్ నాగర్ వీరిద్దరికీ మరణశిక్ష విధిస్తూ ఉత్తర్వులు జారీ చేశారు.ఇదీ చదవండి: మీరట్‌ బ్లూ డ్రమ్‌ కేసు : దోషులకు మరణ శిక్ష పాము కరిచిందంటూ డ్రామాఅమిత్ వద్ద పనిచేసే అమర్‌దీప్‌కు, అమిత్ భార్య రవితకు మధ్య వివాహేతర సంబంధం ఏర్పడింది. ఈ విషయం అమిత్‌కు తెలియడంతో, వారిద్దరూ కలిసి అతడిని వదిలించుకోవాలని కుట్ర పన్నారు.పూజ కోసమని చెప్పి ఒక పాములవాడి వద్ద నుంచి రూ. 1,000 పెట్టి ఒక పామును కొనుగోలు చేశారు. గతేడాది ఏప్రిల్ 12, 2025 రాత్రి అమిత్ నిద్రపోతున్న సమయంలో అమర్‌దీప్‌ను ఇంటికి పిలిపించి, ఇద్దరూ కలిసి అమిత్‌ను గొంతు నులిమి చంపేశారు.ఇదీ చదవండి: నమ్మించి ఏకంగా రూ. 9.6 కోట్లు కొట్టేసిన నర్స్‌. కట్‌ చేస్తే!అమిత్ చనిపోయిన తర్వాత, అతడి మృతదేహం పక్కన ఆ పామును వదిలేశారు. మరుసటి రోజు ఉదయం అమిత్ పాముకాటుతో చనిపోయాడని రవితా కుటుంబ సభ్యులను నమ్మించే ప్రయత్నం చేసింది. అయితే అమిత్ మెడపై ఉన్న గుర్తులను చూసి అనుమానం వచ్చిన బంధువులు మృతదేహాన్ని పోస్టుమార్టంకు పంపాలని పట్టుబట్టారు. పోస్టుమార్టం నివేదికలో అతడు గొంతు నులిమి చంపబడ్డాడని తేలింది. పైగా అక్కడ వదిలిన పాము తీవ్రమైన విషపూరితమైనది కాదని బయటపడింది. పోలీసుల విచారణలో రవితా నిజం ఒప్పుకోవడంతో ఇద్దరినీ అరెస్ట్ చేశారు. కోర్టులో 12 మంది సాక్షులను విచారించిన అనంతరం ఇద్దరికీ ఉరిశిక్ష ఖరారు చేశారు.

లక్నో,సాక్షి : ఉత్తరప్రదేశ్‌లో ఓటర్ల జాబితా సవరణకు సంబంధించి సమాజ్‌వాదీ పార్టీ జాతీయ అధ్యక్షుడు అఖిలేష్ యాదవ్ బీజేపీ, భారత ఎన్నికల సంఘం (ఈసీఐ)పై పలు తీవ్ర ఆరోపణలు చేశారు. ఓటర్ల జాబితాలోని అవకతవకలు, ప్రతిపక్ష ఓటర్ల పేర్లను తొలగించడం, నకిలీ ఓట్లను చేర్చడం వంటి విషయాలపై ఆయన ఎస్పీ కార్యకర్తలను హెచ్చరిస్తూ, అప్రమత్తంగా ఉండాలని కోరారు. ఈసారి ఈ కుంభకోణాన్ని బయటపెడతామని అఖిలేష్ యాదవ్ ప్రకటించారు. పీడీఏ, ముస్లిం-యాదవ్ ఓటర్లు, యువ ఓటర్ల మద్దతుతో ఎస్పీ ఎన్నికల్లో విజయం సాధిస్తుందని ఆయన పేర్కొన్నారు.గురువారం విలేకరుల సమావేశంలో మాట్లాడుతూ, ఓటర్ల జాబితాలోని అవకతవకల వల్ల ఒకే వ్యక్తి పేరు మీద ఒకటి కంటే ఎక్కువ ఓట్లు నమోద య్యాయని యూపీ మాజీ ముఖ్యమంత్రి ఆరోపించారు. ఒక వ్యక్తి ఒక ఓటు వేస్తే, బీజేపీ తొమ్మిది ఓట్లు వేస్తుందంటూ వ్యంగ్యంగా అన్నారు.ఇదీ చదవండి:కూతుర్ని చూపిస్తానని చెప్పి, భార్యను పొడిచి చంపేశాడువికాస్ యాదవ్, శంభు శంకర్ శర్మల పేర్లను ప్రస్తావిస్తూ ఆయన ఓటర్ల జాబితాపై ప్రశ్నలు లేవనెత్తారు. తమ పార్టీ 100 అసెంబ్లీ నియోజకవర్గాల్లో ఫిర్యాదులు దాఖలు చేసిందని అఖిలేష్ తెలిపారు. తమ శ్రేణుల ఓట్లను చేర్చేలా చూడాలని, ఎవరి పేరునూ తప్పుగా తొలగించకుండా చూడాలని ఆయన ఎస్పీ కార్యకర్తలకు విజ్ఞప్తి చేశారు. ఈసీఐ ప్రత్యేక పునశ్చరణ శిబిరం సందర్భంగా అక్టోబర్ 17, 24 తేదీలు కీలకమైనవని ఆయన అభివర్ణించారు. బీజేపీ, ఈసీ ఎన్ని పన్నాగాలు పన్నినా పీడీఏ (పిచ్‌డా, దళిత, అల్పసంఖ్యాక), ముస్లిం-యాదవ్‌ ఓటర్లు, జెన్‌ జెడ్‌ వర్గాల కలయికతో ఈ ఎన్నికల్లో బీజేపీ ఓటమి ఖాయమని ఆయన తేల్చి చెప్పారు. అలాగే ఈసీకి వ్యతిరేక ఆందోళనల పట్ల కేంద్రం వ్యవహరిస్తున్న తీరును అఖిలేష్‌ యాదవ్‌ ఖండించారు. శాంతియుతంగా నిరసన తెలిపే హక్కు ప్రజలకు ఉందని చెప్పారు. ఢిల్లీలో నిరసనకారులపై దాడి చేశారని ఆరోపణలు ఎదుర్కొంటున్న సాధారణ దుస్తుల్లోని వ్యక్తులను ఎందుకు అరెస్టు చేయలేదని ప్రశ్నించారు. వారు బీజేపీ భావజాలంతో సంబంధం కలిగి ఉన్నందువల్లే అరెస్టు చేయలేదని ఆరోపించారు. సాధారణ ప్రజలపైకి రాజకీయ కార్యకర్తలను ఉసిగొల్పుతున్నారని విమర్శించారు. జర్మనీలో నాజీ హిట్లర్‌ కూడా ఇలాగే చేసేవాడని పేర్కొన్నారు. దేశానికి బీజేపీయే ఒక సంక్షోభం అని మండిపడ్డారు. ఈ సంక్షోభాన్ని తొలగిస్తేనే దేశం బాగుపడుతుందని మండిపడ్డారు. రాష్ట్రంలో దాదాపు అన్ని వర్గాల ప్రజలు బీజేపీ పాలన పట్ల తీవ్ర అసంతృప్తితో ఉన్నారని వ్యాఖ్యానించారు.ఇదీ చదవండి: ఆమెకు 30, అతనికి 75 : ఏడాది ప్రేమ, ఘనంగా ఎంగేజ్‌మెంట్‌కాగా ఉత్తరప్రదేశ్‌లో వచ్చే ఏడాది జరగనున్న అసెంబ్లీ ఎన్నికలు నేపథ్యంలో బీజేపీని ఎలాగైనా గద్దె దించాలని అఖిలేష్‌ యాదవ్‌ కసరత్తు చేస్తున్నారు. ఇందులో భాగంగానే బీజేపీ వ్యతిరేక శక్తులను కూడగట్టి, కూటమిని విస్తరించేందుకు ప్రయత్నిస్తున్నారు. ఈ నేపథ్యంలో ఆయన వ్యాఖ్యలు ప్రాధాన్యతను సంతరించుకున్నాయి.

ఐఏఎస్‌ ఉద్యోగానికి రాజీనామా.. రాజకీయాల్లోకి వస్తున్నారన్న ప్రచారం.. కాంగ్రెస్‌, సమాజ్‌వాదీ పార్టీల నుంచి ఆహ్వానాలంటూ చర్చ.. రాహుల్‌ గాంధీతో రహస్య భేటీ జరిగిందంటూ మరో ప్రచారం! మాజీ ఐఏఎస్‌ అధికారి దివ్యా మిట్టల్‌ రాజకీయ అడుగులపై గత కొన్ని రోజులుగా ఉత్తరప్రదేశ్‌లో ఆసక్తికర చర్చ నడిచింది. ఆమె ఏ పార్టీలో చేరతారన్న ఉత్కంఠకు తాజాగా తెరపడింది. ప్రధాన పార్టీల అంచనాలకు భిన్నంగా తన రాజకీయ ప్రస్థానంపై ఆమె కీలక ప్రకటన చేశారు.13 ఏళ్ల సివిల్‌ సర్వీసు కెరీర్‌కు స్వస్తి చెప్పిన దివ్యా మిట్టల్‌(42).. గురువారం తన రాజకీయ పార్టీని ప్రకటించారు. వచ్చే ఏడాది జరగనున్న ఉత్తరప్రదేశ్‌ అసెంబ్లీ ఎన్నికల్లో పోటీ చేయనున్నట్లు వెల్లడించారు. రాజకీయాల్లోకి వస్తానని గతంలోనే ప్రకటించిన ఆమె.. ఏదో ఒక పార్టీతో కలిసి పనిచేయడం కంటే ప్రజలతో నేరుగా మమేకమై రాజకీయాలు చేయాలన్న తన ఆలోచనను ఆచరణలో పెట్టేందుకు సిద్ధమయ్యారు.సొంత పార్టీతో రాజకీయాల్లోకి..తన పార్టీకి ‘జన్‌ నీతి భారత్‌ పార్టీ’ అని పేరు పెట్టినట్లు దివ్యా మిట్టల్‌ సోషల్‌ మీడియా వేదికగా ప్రకటించారు. ప్రజలే విధానాల రూపకల్పనలో కీలకంగా ఉండాలని, ఎన్నికల సమయంలోనే కాకుండా ఐదేళ్ల పాలనలోనూ ప్రభుత్వాన్ని ప్రశ్నించే అవకాశం ఉండాలని ఆమె పేర్కొన్నారు. కులం, మతం వంటి గుర్తింపుల కంటే ప్రజల అవసరాలకు ప్రాధాన్యమివ్వాలని స్పష్టం చేశారు. ప్రతి ప్రభుత్వ పనికి ప్రజలకు జవాబు చెప్పాల్సిందేనని పేర్కొంటూ మూడు ప్రధాన సూత్రాలను వివరించారు.मेरा राजनीतिक सफर का अगला कदम। मेरे साथ जुड़ें 🙏🙏 https://t.co/c9ihA3dxOB— Divya Mittal (@divyamittal_IAS) October 15, 2026రాహుల్‌తో భేటీ ఉత్తదేదివ్యా మిట్టల్‌ రాజకీయ ప్రవేశంపై చర్చ జరుగుతున్న సమయంలో బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు మరింత ఆసక్తి రేకెత్తించింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీతో దివ్యా మిట్టల్‌ రహస్యంగా సమావేశమయ్యారంటూ ఆయన ఆరోపించారు. దీంతో ఆమె కాంగ్రెస్‌లో చేరబోతున్నారన్న ప్రచారం మొదలైంది. అయితే, ఈ ఆరోపణలను దివ్యా మిట్టల్‌ ఖండించారు. సెప్టెంబర్‌ 29న విడుదల చేసిన వీడియోలో తాను ఏ రాజకీయ పార్టీలోనూ చేరబోనని, ప్రజలతో కలిసి పనిచేయడమే తన లక్ష్యమని స్పష్టం చేశారు.అఖిలేశ్‌ వ్యాఖ్యలతోనూ చర్చ..దివ్యా మిట్టల్‌ రాజకీయాల్లోకి వస్తున్నట్లు ప్రకటించిన నేపథ్యంలో సమాజ్‌వాదీ పార్టీ అధినేత అఖిలేశ్‌ యాదవ్‌ చేసిన వ్యాఖ్యలు కూడా చర్చకు దారితీశాయి. ఆమె ఎస్పీలో చేరితే స్వాగతిస్తామనే సంకేతంగా ఆయన వ్యాఖ్యలను పలువురు విశ్లేషించారు. మరోవైపు కాంగ్రెస్‌లో చేరతారన్న ప్రచారం కూడా సాగింది. అయితే, ఈ ఊహాగానాల మధ్య దివ్యా మిట్టల్‌ సొంత పార్టీ ప్రకటన చేయడంతో ఆమె రాజకీయ ప్రయాణంపై స్పష్టత వచ్చింది.వ్యవస్థలోని లోపాలే రాజకీయాలకు కారణమా?ప్రభుత్వ వ్యవస్థలో పనిచేసినప్పుడు ఎదురైన అనుభవాలే రాజకీయాల్లోకి రావాలన్న నిర్ణయానికి కారణమని దివ్యా మిట్టల్‌ గతంలో వివరించారు. మంజూరైనప్పటికీ నిర్మాణం కాని పాఠశాలలు, లబ్ధిదారులకు అందని భూములు, అధ్వాన్న రహదారులు, పేపర్‌ లీకేజీలతో విద్యార్థులు ఎదుర్కొంటున్న ఇబ్బందులను ప్రస్తావించారు. ప్రభుత్వ నిర్ణయాలు కాగితాలకే పరిమితం కాకుండా ప్రజలకు ప్రయోజనం చేకూర్చాలని పేర్కొన్నారు. ప్రజల సమస్యలను నేరుగా తెలుసుకుని వాటి పరిష్కారానికి కృషి చేయడమే తన రాజకీయ లక్ష్యమని చెప్పారు.ఐఐటీ.. ఐఐఎం నుంచి ఐఏఎస్‌ వరకుహరియాణాలోని రేవారీకి చెందిన దివ్యా మిట్టల్‌.. ఐఐటీ ఢిల్లీ, ఐఐఎం బెంగళూరులో చదువుకున్నారు. అనంతరం లండన్‌లో పనిచేసి, 2013లో యూపీఎస్సీ సివిల్‌ సర్వీసెస్‌ పరీక్షలో 68వ ర్యాంకు సాధించారు. ఉత్తరప్రదేశ్‌ క్యాడర్‌కు చెందిన ఆమె సంత్‌ కబీర్‌ నగర్‌, మిర్జాపూర్‌, డియోరియా జిల్లాలకు జిల్లా మేజిస్ట్రేట్‌గా సేవలందించారు. మిర్జాపూర్‌లోని మారుమూల గ్రామాలకు కుళాయి ద్వారా తాగునీరు అందించే కార్యక్రమంతో గుర్తింపు పొందారు. ఆగస్టు 30న ఐఏఎస్‌ నుంచి స్వచ్ఛంద పదవీ విరమణకు నిర్ణయం తీసుకున్న ఆమె.. తాజాగా సొంత పార్టీతో రాజకీయ ప్రస్థానాన్ని ప్రారంభించారు. 2027 యూపీ ఎన్నికల్లో ఏ నియోజకవర్గం నుంచి పోటీ చేస్తారన్నది మాత్రం ఇంకా వెల్లడించలేదు.ఇదీ చదవండి: ఈసీపై ప్రశాంత్‌ కిషోర్‌ సంచలన ఆరోపణలు

ఆమెకు 30 ఏళ్లు. అతనికి 75 ఏ‍ళ్లు. ఇద్దరూ ఏడాది క్రితం ప్రేమలో పడ్డారు. ఈ దసరా నవరాత్రి ఉత్సవాల తరువాత ఇద్దరూ వివాహబంధంలోకి అడుగుపెట్టబోతున్నారు. అంతేకాదు వీరిద్దరూ ఘనంగా ఎంగేజ్‌మెంట్‌ చేసుకున్నారు. ఇరు కుటుంబాల ఆనందోత్సాహాల మధ్య జరిగిన ఈ నిశ్చితార్థం వేడుకకు సంబంధించిన వీడియో నెట్టింట తెగ చక్కర్లు కొడుతోంది. పెళ్లి కాని ప్రసాదుల గుండెల్లో గునపాలు దించుతున్న ఈ వీరి ప్రేమకథ వివరాలేంటో తెలుసుకుందామా.ఉత్తరప్రదేశ్‌లోని ఔరైయా జిల్లాకు చెందిన 75 ఏళ్ల రామ్‌షుగర్ (Ramsugar),30 ఏళ్ల రాణి రాజ్‌పుత్ (Rani Rajput) త్వరలోనే పెళ్లి పీటలెక్క బోతున్నారు. దాదాపు 45 ఏళ్ల గ్యాప్‌ ఉన్నా వీరి మధ్య చిగురించిన ప్రేమ, పెళ్లి సోషల్ మీడియాలో చర్చనీయాంశంగా మారింది. ఏడాది క్రితం వీరి ఎలా మొదలైందీ అంటేఇన్‌స్టాగ్రామ్‌లో రీల్స్ చేసే రాణి రాజ్‌పుత్, రామ్‌షుగర్ కుమార్తెను కలవడానికి తరచుగా ఆయన ఇంటికి వెళ్లేది. ఆ సమయంలో వారి మధ్య ఏర్పడిన పరిచయం, స్నేహంగా మారి ఆ తర్వాత ప్రేమగా చిగురించింది. వీరిద్దరికీ నిశ్చితార్థం కాగా, నవరాత్రుల అనంతరం వివాహం జరగనుంది. వీరి నిశ్చితార్థానికి సంబంధించిన వీడియో సోషల్ మీడియాలో విపరీతంగా వైరల్ అయింది. ఇందులో కుటుంబ సభ్యులు ఆప్తుల సమక్షంలో వీరిద్దరూ ఎంతో సంతోషంగా కనిపించారు.75 साल के रामसुगर 30 साल की रानी राजपूत से दिल लगा बैठे। दोनों की सगाई और हल्दी,मेंहदी की रस्म भी हो गई। जल्द ही दोनों शादी के बंधन में बंधेंगे। 📍 औरैया, उत्तर प्रदेश। https://t.co/dZ8sP3nNEr— Zuber Akhtar (@Zuber_Akhtar1) October 15, 2026 ఇదీ చదవండి: చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!నెటిజన్ల రియాక్షన్స్‌ఈ జంట పెళ్లి వార్త ఎక్స్‌లో వైరలవుతోంది. కొందరు వీరికి శుభాకాంక్షలు తెలుపుతోంటే, "రామ్‌షుగర్ వెర్సస్‌ షుగర్ డాడీ " అంటూ సరదాగా కామెంట్లు చేశారు. మరికొందరు ప్రేమ గుడ్డిదని ఈ రోజు మరోసారి రుజువైంది భయ్యా అంటూ ఫన్నీ కామెంట్స్‌ చేశారు. అంతేకాదు, "యువత పరిస్థితి ఏంటి భయ్యా?" అని ఒకరు, అసలే యువకులకు పెళ్లిళ్లు కావడం లేదని బాధపడుతోంటే, ఇక మాలాంటి వాళ్ల పరిస్థితేంటి బాబోయ్‌ అని మరొక నెటిజన్ కామెంట్ చేశారు. ‘‘ఇంతకీ ఆ 70 ఏళ్ల పెద్దాయన పేరిట ఉన్న ఆస్తి విలువ ఎంత ఉందో?" అంటూ ఇంకొకరు చమత్కరించారు. వీరిద్దరి మధ్య ఉన్న భారీ వయస్సు వ్యత్యాసం కారణంగా ఈ వీడియో నెటిజన్ల దృష్టిని ఆకర్షించింది.ఇదీ చదవండి: జియో అలా పుట్టింది : ఇషా అంబానీ చెప్పిన ఇంట్రస్టింగ్‌ స్టోరీ

ఉత్తరప్రదేశ్‌లోని వారణాసిలో ఉన్న బాణసంచా కర్మాగారంలో భారీ పేలుడు సంభవించింది. ఈ పేలుడు ధాటికి భవనంమొత్తం పూర్తిగా కూలిపోయింది. ఈ శిథిలాల కింద పలువురు చిక్కుకున్నట్లు నివేదికలు సూచిస్తున్నాయి. వారణాసిలోని సారనాథ్ పోలీస్ స్టేషన్ పరిధిలోని సారంగ్ తలాబ్ ప్రాంతంలో ఈ పేలుడు జరిగినట్లు సమాచారం. ఈ ఘటనలో ప్రాణనష్టం, గాయపడిన వారిన సంఖ్య, ప్రమాదానికి గల కారణాలపై పూర్తి సమాచారం ఇంకా అందాల్సి ఉంది. ఈ ప్రమాదంపై స్పందించిన యూపీ ముఖ్యమంత్రి యోగి ఆదిత్యనాథ్ సహాయక చర్యలను వేగవంతం చేయాలని అధికారులను ఆదేశించారు. ఘటనా స్థలంలో పోలీసులు, అగ్నిమాపక సిబ్బంది భారీగా మోహరించి సహాయక చర్యల్ని చేపట్టారు. ఎన్డీఆర్ఎఫ్ కూడా రంగంలోకి దిగింది. ఎస్డీఆర్ఎఫ్, పోలీసులు ఇద్దరిని రక్షించారు.గాయపడిన వారికి సరైన చికిత్స అందేలా చూడాలని ముఖ్యమంత్రి అధికారులను ఆదేశించారు. ఇదీ చదవండి : చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!वाराणसी में पटाखा फैक्ट्री में भयानक विस्फोट हुआ है. पूरी इमारत भरभराकर गिर पड़ी है. कई लोगों के मलबे में दबे होने की खबर है. SDRF और पुलिस ने 2 लोगों को रेस्क्यू कर लिया गया है. मौके पर NDRF बुलाई गयी है... #Varanasi https://t.co/mzurICOuuN— Arun (आज़ाद) Chahal 🇮🇳 (@ArunAzadchahal) October 15, 2026

నీటి బాటిల్‌పై కేవలం రూ. 2లు అదనంగా వసూలు చేయడంతో ఉత్తరప్రదేశ్‌లోని హత్రాస్‌లో ఒక రెస్టారెంట్‌ భారీ మూల్యాన్ని చెల్లించుకుంది. ఈ కేసు వినియోగదారుల హక్కుల ప్రాముఖ్యత తోపాటు, వ్యాపార సంస్థలకు గట్టి సందేశం ఇచ్చినట్లయ్యింది. అసలేం జరిగిందంటే..ఈ ఘటన ఉత్తరప్రదేశ్‌లో హత్రాస్‌లో మార్చి 11, 2026న జరిగింది. అలీగఢ్‌కు చెందిన అంకుర్ అగర్వాల్ అనే వ్యక్తి భోజనం కోసం హత్రాస్‌లోని 'బీబీసీఎన్ రాయల్ రెస్టారెంట్ అండ్ పార్టీ హాల్' (BBCN Royal Restaurant and Party Hall)కు వెళ్లారు. అక్కడ ఆయన ఒక నీళ్ల బాటిల్‌ను ఆర్డర్ చేశారు. ఆ బాటిల్‌పై ముద్రించిన గరిష్ట విక్రయ ధర (MRP) రూ. 18 కాగా, రెస్టారెంట్ యాజమాన్యం ఆయన నుంచి రూ. 20 వసూలు చేసింది. కేవలం రూ. 2 తేడానే అయినప్పటికీ, అంకుర్ అగర్వాల్ ఆ రెస్టారెంట్‌పై చట్టపరమైన చర్యలు తీసుకోవాలని నిర్ణయించుకున్నారు. ఆ నేపథ్యంలోనే అగర్వాల్ అలీగఢ్‌లోని జిల్లా వినియోగదారుల కమిషన్‌లో ఫిర్యాదు చేశారు. విచారణ సమయంలో, ఆయన రెస్టారెంట్ బిల్లును, నీళ్ల బాటిల్ ఫోటోను సాక్ష్యంగా సమర్పించారు. ఆ బిల్లులో, బాటిల్ ధర (ఎంఆర్‌పి) రూ. 18 అని ముద్రించి ఉన్నప్పటికీ, రెస్టారెంట్ దాని కోసం రూ. 20లు వసూలు చేసినట్లు స్పష్టంగా కనిపించింది.రెస్టారెంట్ యాజమాన్యానికి తమ వాదనను వినిపించే అవకాశం కల్పించినప్పటికీ, వారి తరఫున ఎవరూ హాజరు కాలేదు. దీంతో, కమిషన్ ఫిర్యాదుదారుడు సమర్పించిన సాక్ష్యాధారాలను ఆధారం చేసుకుని రెస్టారెంట్ వాదన వినకుండానే తన తీర్పును వెలువరించింది. వినియోగదారుల కమిషన్ సదరు రెస్టారెంట్‌కి రూ. లక్ష జరిమానా విధించడం తోపాటు ఫిర్యాదుదారునికి పరిహారంగా రూ. 1000/- ఆయనకు న్యాయపరమైన ఖర్చుల కింద రూ. 5వేలు చెల్లించాలని ఆదేశించింది. అలాగే ఈ ఆదేశాన్ని పాటించడానికి రెస్టారెంట్‌కు 45 రోజుల గడువు కూడా ఇచ్చింది. ఒకవేళ అలా చేయడంలో విఫలమైతే తదుపరి చట్టపరమైన చర్యలు తీసుకోనున్నట్లు పేర్కొంది. కేవలం రూ. 2లు అదనంగా వసూలు చేసినందుకు లక్ష రూపాయాలు మూల్యం చెల్లించుకోవడంతో ఈ కేసు అందరి దృష్టిని ఆకర్షించింది. అంతేగాదు వినియోగదారుల హక్కులను ఉయోగించుకునే ప్రాముఖ్యతను చాటిచెప్పడమే కాకుండా వ్యాపార సంస్థలకు ఆచితూచి అడుగువేసేలా బలమైన సందేశాన్ని ఇచ్చింది కూడా. ముఖ్యంగా ఎంఆర్‌పి కంటే ఎక్కువ వసూలు చేయవద్దని వ్యాపార సంస్థలకు గట్టి హెచ్చరికగా నిలిచింది ఈ కేసు. అలాగే ఈ కేసు ప్రజలు తమ వద్ద అధిక ధర వసూలు చేశారని భావిస్తే, సంబంధిత అధికారులను సంప్రదించవచ్చని నొక్కి చెప్పింది. చూడటానికి చిన్న కేసు కానీ అందరికీ కనువిప్పు కలిగించేలా గట్టి సందేశం అందించింది కదూ..!.ఇదీ చదవండి: ఒకప్పుడు 20 రోటీలు, 20 ఆమ్లెట్లు..కానీ సడెన్‌గా ఓమాడ్‌ డైట్‌!: యోగ్‌రాజ్‌ సింగ్‌

దేశవ్యాప్తంగా సంచలనం సృష్టించిన మీరట్‌ బ్లూ డ్రమ్‌ హత్య కేసులో దోషులుగా తేలిన ముస్కాన్‌ రస్తోగి, ఆమె ప్రియుడు సాహిల్‌ శుక్లాకు కోర్టు మరణశిక్ష విధించింది. అయితే ఈ కేసులో ఇప్పుడు మరో పెద్ద ప్రశ్న తెరపైకి వచ్చింది. ముస్కాన్‌ వద్ద ఉన్న పసిపాప భవిష్యత్తు ఏమిటి? ప్రస్తుతం తల్లితో కలిసి మీరట్‌ జైలులోనే ఉంటున్న ఆ చిన్నారి బాధ్యతను ఎవరు తీసుకుంటారు? మరోవైపు, సౌరభ్‌ కుటుంబం ముస్కాన్‌ పెద్ద కుమార్తెను దత్తత తీసుకునేందుకు సిద్ధమని ప్రకటించడం ఈ వ్యవహారంలో ఆసక్తికర పరిణామంగా మారింది.ముస్కాన్‌ గత ఏడాది నవంబర్‌ 24న మీరట్‌లోని వైద్య కళాశాల ఆస్పత్రిలో ఆడబిడ్డకు జన్మనిచ్చింది. అప్పటి నుంచి ఆ చిన్నారి తల్లితో పాటే జైలులో ఉంటోంది. జైలు నిబంధనల ప్రకారం ఖైదీల పిల్లలు ఆరేళ్ల వయసు వచ్చే వరకు తల్లులతో కలిసి ఉండేందుకు అనుమతి ఉంటుంది. ముస్కాన్‌కు మరణశిక్ష విధించినంత మాత్రాన వెంటనే ఉరిశిక్ష అమలు చేయరు. సెషన్స్‌ కోర్టు విధించిన మరణశిక్షకు హైకోర్టు నిర్ధారణ అవసరం. ఆ తర్వాత కూడా సుప్రీంకోర్టులో అప్పీల్‌, గవర్నర్‌, రాష్ట్రపతికి క్షమాభిక్ష పిటిషన్లు దాఖలు చేసుకునే అవకాశాలుంటాయి. దీంతో ప్రస్తుతానికి పాప నివాసంలో తక్షణ మార్పు ఉండదని జైలు అధికారులు తెలిపారు. ఉరిశిక్ష అమలుకు తేదీ ఖరారయ్యే దశలో చిన్నారి భవిష్యత్తుపై నిర్ణయం తీసుకుంటామని వివరించారు.పాప అసలు తండ్రి ఎవరు? ఈ చిన్నారి పుట్టినప్పటి నుంచే సౌరభ్‌, సాహిల్‌.. ఇద్దరిలో ఎవరికి పుట్టింది? అనే సందేహాలు వ్యక్తమయ్యాయి. సౌరభ్‌ కుటుంబ సభ్యులు డీఎన్‌ఏ పరీక్ష నిర్వహించాలని గతంలో కోరారు. చిన్నారి సౌరభ్‌ కూతురేనని నిర్ధారణ అయితే ఆమెను స్వీకరించేందుకు సిద్ధమని ఆయన సోదరుడు రాహుల్‌ అప్పట్లో ప్రకటించారు. అయితే ఇప్పటివరకు డీఎన్‌ఏ పరీక్ష నిర్వహించినట్లు సమాచారం లేదు. దీంతో పాప భవిష్యత్తుపై స్పష్టత రావాల్సి ఉంది.పెద్ద కూతురిని తీసుకుంటాం.. చిన్నారిని కాదు!సౌరభ్‌, ముస్కాన్‌లకు ఏడేళ్ల పెద్ద కుమార్తె పిహు కూడా ఉంది. ప్రస్తుతం ఆమె ముస్కాన్‌ తల్లిదండ్రుల వదద్దుంటోంది. కోర్టు తీర్పుపై స్పందించిన సౌరభ్‌ తల్లి రేణు, సోదరుడు రాహుల్‌.. ముస్కాన్‌ పెద్ద కుమార్తెను తాము దత్తత తీసుకునేందుకు సిద్ధమని తెలిపారు. అయితే ఆ నెలల పసికందును మాత్రం స్వీకరించబోమని అన్నారు. ఆ పాప సాహిల్‌ సంతానమని భావిస్తున్నట్లు వాళ్లు అనుమానిస్తున్నారు.మరోవైపు, తన పెద్ద కుమార్తె పిహును కలిసేందుకు ముస్కాన్‌ గత మూడు, నాలుగు రోజులుగా అనుమతి కోరుతున్నట్లు జైలు అధికారులు తెలిపారు. అయితే శిక్ష ఖరారయ్యే సమయానికి ఆ భేటీ జరగలేదు. తన చిన్న కుమార్తె భవిష్యత్తుపైనా ముస్కాన్‌ ఆందోళన వ్యక్తం చేసినట్లు అధికారులు పేర్కొన్నారు.ఒకవేళ ముస్కాన్‌కు మరణశిక్ష అమలై, ఆ పాపను కుటుంబ సభ్యులెవరూ స్వీకరించకపోతే.. చైల్డ్‌ వెల్ఫేర్‌ కమిటీ (CWC) జోక్యం చేసుకుంటుంది. చిన్నారికి తగిన సంరక్షణ కల్పించేలా చర్యలు తీసుకుంటుంది. బంధువుల వద్ద పెంచే అవకాశం లేకపోతే, ప్రభుత్వ గుర్తింపు పొందిన బాలల సంరక్షణ కేంద్రంలో ఉంచవచ్చు. దత్తతకు ఇవ్వాలంటే మాత్రం చట్టపరమైన ప్రక్రియ పూర్తి కావాలి.అసలేం జరిగింది?మర్చంట్‌ నేవీ మాజీ అధికారి సౌరభ్‌ రాజ్‌పుత్‌ను 2025 మార్చి 3న ముస్కాన్‌, ఆమె ప్రియుడు సాహిల్‌ శుక్లా హత్య చేసినట్లు ప్రాసిక్యూషన్‌ ఆరోపించింది. మృతదేహాన్ని ముక్కలుగా చేసి, సిమెంట్‌, ఇసుకతో నింపిన నీలిరంగు డ్రమ్‌లో దాచిపెట్టారు. సౌరభ్‌ కుటుంబ సభ్యులకు ఆయన నుంచి సమాచారం అందకపోవడంతో అనుమానాలు వ్యక్తమయ్యాయి. దర్యాప్తులో సుమారు రెండు వారాల తర్వాత ఇంట్లోని డ్రమ్‌లో మృతదేహ అవశేషాలు బయటపడ్డాయి.ఈ కేసులో 126 విచారణల అనంతరం, 22 మంది సాక్షుల వాంగ్మూలాలను పరిశీలించిన కోర్టు సెప్టెంబర్‌ 30న ముస్కాన్‌, సాహిల్‌లను దోషులుగా నిర్ధారించింది. అనంతరం అక్టోబర్‌ 14న ఇద్దరికీ మరణశిక్ష విధించింది. అయితే సెషన్స్‌ కోర్టు తీర్పు వెలువడినంత మాత్రాన ఉరిశిక్ష వెంటనే అమలుకాదు. హైకోర్టు నిర్ధారణతోపాటు తదుపరి న్యాయ ప్రక్రియ పూర్తికావాల్సి ఉంటుంది.ఇదీ చదవండి: సీజేపీ దీప్కేకు చేదు అనుభవం! ఏమైందంటే..

నవరాత్రుల వేడుకల్లో నార్త్‌ ఇండియాలో దాండియా, గర్బా వంటి నృత్య ప్రదర్శనలతో కోలహాలంగా ఉంటాయి. అయితే ఈసారి ఉత్తరప్రదేశ్‌లోని బుందేల్‌ ఖండ్‌లో జరిగిన గర్భా అందరి దృష్టిని అమితంగా ఆకర్షించింది. వీరనారుల్లా మహిళలు చేసిన గర్బా నృత్య ప్రదర్శన భక్తిభావం తోపాటు చక్కటి సందేశాన్ని కూడా ఇవ్వడం విశేషం. మొత్తం 15 మంది మహిళలతో కూడిన 'మా చండికా ఉత్సవ్ సమితి' నిర్వహించిన ఈ కార్యక్రమంలో సుమారు 350 మందిదాక మహిళలు, చిన్నారులు పాల్గొని కత్తులతో అద్భుతంగా గర్బా నృత్యం చేశారు. వాళ్లంతా భక్తిభావం, మహిళా సాధికారత, ఆత్మరక్షణ వంటి శక్తిమంతమైన సందేశాలతో నృత్య ప్రదర్శన ఇచ్చారు. సింపుల్‌గా చెప్పాలంటే రాణి లక్ష్మీబాయి ధైర్యసాహసాలను ప్రదర్శించారు ఆ నృత్యంలో. ముఖ్యంగా కత్తిసాము ప్రధాన ఆకర్షణగా నిలిచింది. ఈ మహిళలు తమ ప్రదర్శన ద్వారా స్త్రీత్వాన్ని ప్రదర్శిస్తూనే అనుచితన ప్రవర్తనను ఎదురించగలమని, అలాగే అవసరమైనప్పుడు తమను తాము రక్షించుకోగలమని బలమైన సందేశాన్ని ఇచ్చారు. అక్కడ వరుసగా తొమ్మిదో ఏట జరుగుతన్న ఈ గర్భా నృత్యం కోసం వాళ్లంతా పది రోజుల పాటు శిక్షణ తీసుకుని మరి పాల్గొనడం విశేషం. కాగా, పెద్దపెద్ద​ నగరాలకే పరిమితమైన ఈ నృత్యాన్ని గ్రామీణ ప్రాంతాలకు చేరువ చేయడమే లక్ష్యంగా ఈ ప్రదర్శన నిర్వహించినట్లు నిర్వాహకులు తెలిపారు. అందుకు సంబంధించిన వీడియో నెట్టింట వైరల్‌గా మారింది. #WATCH | 350+ Women Perform Garba With Swords In Uttar Pradesh's Mahoba, Send Message Of Empowerment #garba #uttarpradesh https://t.co/OAACBLgFtR— NDTV (@ndtv) October 14, 2026 ఇదీ చదవండి: ఒళ్లు గగుర్పొడిచే భక్తి విన్యాసం..! ఏకంగా 2,516 పదునైన మేకులపై పడుకుని..

ఉత్తరప్రదేశ్‌లోని కాన్పూర్‌లో ఇటీవల బీజేపీ నేత రమేష్ యాదవ్‌ బీజేపీ పిచ్డా మోర్చా (వెనుకబడిన తరగతుల విభాగం) నూతన రాష్ట్ర కార్యదర్శిగా ఎంపికయ్యారు. ఈ సందర్భంగా పార్టీ శ్రేణులు, అభిమానులతో భారీ ఎత్తున పార్టీ జరుపుకున్నారు. ఈ వేడుకలు రాత్రి పొద్దుపోయే వరకు కొనసాగాయి. సోమవారం లక్నోలో పదవీ బాధ్యతలు స్వీకరించిన అనంతరం కాన్పూర్‌కు తిరిగి వచ్చారు. అయితే ఆ రోజు ఆయనకు ఒక పీడకలలా మిగిలిపోతుందని అస్సలు ఊహించి ఉండరు. ఆయనను సొంత ఇంటిలోనే బంధించి, విలువైన వస్తువులు, నగదును దోచుకుని పరారైన ఘటన కలకలం రేపింది.పార్టీ బాధ్యతలు స్వీకరించి తరువాత రమేష్ యాదవ్ విశ్రాంతి తీసుకోవడానికి కాన్పూర్ సమీపంలోని తన ఫాంహౌస్‌కు చేరుకున్నారు. అర్ధరాత్రి సమయంలో ముసుగు ధరించిన దుండగులు ఆయన ఫాంహౌస్‌లోకి చొరబడి, ఆయనను బంధించి, రూ. 50 లక్షల విలువైన నగదు, విలువైన వస్తువులను దోచుకెళ్లారు. నగరానికి సుమారు 15 కిలోమీటర్ల దూరంలో ఉన్న తన ఫాంహౌస్‌లో ఆయన విశ్రాంతి తీసుకుంటుండగా, సినీ ఫక్కీలో ముసుగు దొంగలు బీభత్సం సృష్టించారు. పోలీసులకు ఆయన ఇచ్చిన సమాచారం ప్రకారం రమేష్ యాదవ్‌ చేతులు కట్టేసి మరీ ఈ దారుణానికి పాల్పడ్డారు.పాలక పార్టీకి చెందిన ప్రముఖ నేత నివాసంలో జరిగిన ఈ దోపిడీ పోలీసు శాఖలో కలకలం రేపింది. రాత్రికి రాత్రే సీనియర్ అధికారులు ఘటనా స్థలానికి చేరుకున్నారు. జాయింట్ పోలీస్ కమిషనర్ డాక్టర్ విపిన్ తాడా, డీసీపీ (సౌత్) దీపేంద్ర నాథ్ చౌదరి, భారీ పోలీసు బలగాలు ఆ ప్రాంతానికి చేరుకుని దర్యాప్తు ప్రారంభించాయి. సీసీటీవీలను పరిశీలిస్తున్నారు. నివేదికల ప్రకారం, నలుగురు సెక్యూరిటీ గార్డులు, నలుగురు గన్‌మెన్‌లు, డ్రైవర్‌తో సహా సుమారు 14 మంది సిబ్బందిని విచారణ నిమిత్తం అదుపులోకి తీసుకున్నారు. అయితే ఇప్పటివరకు పోలీసులు దొంగలను గుర్తించలేకపోయారు.ఇదీ చదవండి: రూ. 8.28 కోట్ల బంగారం చోరీ, అంతా 12 నిమిషాల్లోనే!

ఉత్తరప్రదేశ్‌ రాజకీయాల్లోకి మరో మాజీ ఐఏఎస్‌ అధికారి అడుగుపెట్టబోతున్నారు. 13 ఏళ్లపాటు సివిల్‌ సర్వీసుల్లో పనిచేసి రాజీనామా చేసిన దివ్య మిట్టల్‌.. తన రాజకీయ ప్రయాణంపై అక్టోబర్‌ 15న కీలక ప్రకటన చేయనున్నారు. ఇప్పటికే ఉత్తరప్రదేశ్‌లోని మీర్జాపూర్‌లో ప్రజలను కలుస్తూ, స్థానిక కార్యక్రమాల్లో పాల్గొంటున్న ఆమె.. 2027 అసెంబ్లీ ఎన్నికలకు ముందు ఎలాంటి రాజకీయ వ్యూహంతో ముందుకు వెళ్తారన్నది ఆసక్తికరంగా మారింది.జిల్లా కలెక్టర్‌గా పనిచేసిన మీర్జాపూర్‌ నుంచే దివ్య మిట్టల్‌ తన రాజకీయ ప్రయాణాన్ని ప్రారంభించాలని నిర్ణయించుకున్నారు. నవరాత్రి సందర్భంగా ఆమె జిల్లాలో పర్యటిస్తూ ప్రజలతో మమేకమవుతున్నారు. ఆమెకు మద్దతుదారులు పూలతో స్వాగతం పలుకుతూ ‘దివ్య దీదీ జిందాబాద్‌’ అంటూ నినాదాలు చేస్తున్నారు. ఇదే సమయంలో అక్టోబర్‌ 15న ఉత్తరప్రదేశ్‌ సీఎం యోగి ఆదిత్యనాథ్‌ కూడా మీర్జాపూర్‌లో పర్యటించనుండటం రాజకీయంగా ప్రాధాన్యం సంతరించుకుంది. అయితే, యోగీ పర్యటనకు పోటీగా తాను ప్రకటన చేయనున్నట్లు దివ్య మిట్టల్‌ ఎలాంటి వ్యాఖ్యలు చేయలేదు. కాగా, తన రాజకీయ ప్రయాణంలో తీసుకునే ప్రతి అడుగును ప్రజలకు బహిరంగంగానే వెల్లడిస్తానని దివ్య మిట్టల్‌ ఇప్పటికే స్పష్టం చేశారు. అయితే, ప్రస్తుతం ఉన్న ఏ రాజకీయ పార్టీలోనూ చేరే ఉద్దేశం లేదని ఆమె ప్రకటించడం గమనార్హం. దీంతో ఆమె సొంతంగా రాజకీయ వేదికను ఏర్పాటు చేస్తారా? లేక మరో మార్గంలో ప్రజా జీవితంలో కొనసాగుతారా? అన్న చర్చ మొదలైంది.మరోవైపు.. దివ్య మిట్టల్‌ రాజకీయాల్లోకి వస్తున్నారన్న వార్తపై సమాజ్‌వాదీ పార్టీ అధినేత అఖిలేశ్‌ యాదవ్‌ గతంలోనే స్పందించారు. ఆమె సమాజ్‌వాదీ పార్టీకి సంబంధించిన కండువా ధరిస్తారా? లేక మరేదైనా ఎంచుకుంటారా? అన్న అర్థంలో వ్యాఖ్యానించారు. అయితే, ఆమెకు టికెట్‌ లేదా నియోజకవర్గాన్ని కేటాయించే అంశంపై ఎలాంటి అధికారిక ప్రకటన వెలువడలేదు. మరోవైపు, ప్రజల కోసం పనిచేయాలనుకునే మహిళలకు కాంగ్రెస్‌ ఎప్పుడూ స్వాగతం పలుకుతుందని యూపీ కాంగ్రెస్‌ అధ్యక్షుడు అజయ్‌ రాయ్‌ తెలిపారు. జనసత్తా దళ్‌ (లోక్‌తాంత్రిక్‌) సహా మరికొన్ని పార్టీలు కూడా ఆమె రాజకీయ ప్రవేశంపై ఆసక్తి వ్యక్తం చేశాయి.ఎవరీ దివ్య మిట్టల్‌?2013 బ్యాచ్‌కు చెందిన ఐఏఎస్‌ అధికారిణి దివ్య మిట్టల్‌.. ఆగస్టు 30న తన పదవికి రాజీనామా చేశారు. సెప్టెంబర్‌ 29న రాజకీయాల్లోకి వస్తున్నట్లు ప్రకటించారు. ఉత్తరప్రదేశ్‌నే తన కర్మభూమిగా అభివర్ణించిన ఆమె.. అక్కడి నుంచే కొత్త ప్రయాణాన్ని ప్రారంభిస్తానని వెల్లడించారు. ఐఐటీ ఢిల్లీ, ఐఐఎం బెంగళూరులో విద్యనభ్యసించిన దివ్య మిత్తల్‌.. సివిల్‌ సర్వీసుల్లోకి రాకముందు లండన్‌లో పనిచేశారు. తొలుత ఐపీఎస్‌కు ఎంపికైన ఆమె, అనంతరం ఐఏఎస్‌గా బాధ్యతలు చేపట్టారు. మీర్జాపూర్‌తోపాటు డియోరియా, సంత్‌ కబీర్‌ నగర్‌ జిల్లాలకు జిల్లా మేజిస్ట్రేట్‌గా పనిచేశారు.ప్రస్తుతం అందరి దృష్టి అక్టోబర్‌ 15న ఆమె చేయనున్న ప్రకటనపైనే ఉంది. రాజకీయాల్లోకి రావాలన్న నిర్ణయం తీసుకున్న దివ్య మిట్టల్‌.. తనకంటూ ప్రత్యేక వేదికను ఏర్పాటు చేసుకుంటారా? 2027 అసెంబ్లీ ఎన్నికల్లో పోటీ చేస్తారా? అన్న ప్రశ్నలకు ఆమె అధికారిక ప్రకటనతోనే స్పష్టత వచ్చే అవకాశం ఉంది.ఇదీ చదవండి: అఖిలేష్‌కు బిగ్‌ షాక్‌.. ముగ్గురు ఎస్పీ ఎమ్మెల్యేలు జంప్‌!

లక్నో: ఎన్నికల వేళ ప్రత్యర్థి పార్టీల్లో చీలికలు.. రాజకీయ సమీకరణాల్లో అనూహ్య మార్పులు.. ఉత్తరప్రదేశ్‌లో ఇప్పుడు ఇదే రాజకీయ చర్చ జరుగుతోంది. వచ్చే ఏడాది అసెంబ్లీ ఎన్నికలు జరగనున్న నేపథ్యంలో అధికార బీజేపీ తన రాజకీయ వ్యూహాలకు పదును పెడుతుండగా, సమాజ్‌వాదీ పార్టీకి చెందిన ముగ్గురు తిరుగుబాటు ఎమ్మెల్యేలు కాషాయ కండువా కప్పుకునేందుకు సిద్ధమయ్యారు. రాకేశ్‌ ప్రతాప్‌ సింగ్‌, అభయ్‌ సింగ్‌, వినోద్‌ చతుర్వేది బుధవారం (అక్టోబర్‌ 14) బీజేపీలో చేరనున్నట్లు సమాచారం. అమేథీలో జరిగే కార్యక్రమంలో బీజేపీ రాష్ట్ర అధ్యక్షుడు పంకజ్‌ చౌధరి, మాజీ కేంద్ర మంత్రి స్మృతి ఇరానీ సమక్షంలో ఈ చేరికలు జరగనున్నట్లు సమాచారం.కాగా, గౌరీగంజ్‌ నుంచి రాకేశ్‌ ప్రతాప్‌ సింగ్‌, అయోధ్యలోని గోసాయిగంజ్‌ నుంచి అభయ్‌ సింగ్‌, జాలౌన్‌ జిల్లాలోని కాల్పి నుంచి వినోద్‌ చతుర్వేది ఎమ్మెల్యేలుగా ప్రాతినిధ్యం వహిస్తున్నారు. వీరిలో రాకేశ్‌ ప్రతాప్‌ సింగ్‌ 2012, 2017, 2022 ఎన్నికల్లో వరుసగా గెలుపొందారు. అభయ్‌ సింగ్‌ 2012లో తొలిసారి ఎమ్మెల్యేగా ఎన్నికై, 2022లో మరోసారి విజయం సాధించారు. వినోద్‌ చతుర్వేది 2007లో, తిరిగి 2022లో అసెంబ్లీకి ఎన్నికయ్యారు.రాజ్యసభ ఎన్నికల నుంచే విభేదాలు2024 రాజ్యసభ ఎన్నికల సమయంలో బీజేపీ అభ్యర్థులకు అనుకూలంగా క్రాస్‌ ఓటింగ్‌ చేశారనే ఆరోపణలు ఈ ఎమ్మెల్యేలపై వచ్చాయి. అనంతరం సమాజ్‌వాదీ పార్టీ నాయకత్వంతో వారి విభేదాలు మరింత పెరిగాయి. పార్టీ వ్యతిరేక కార్యకలాపాలకు పాల్పడ్డారనే కారణంతో 2025 జూన్‌లో రాకేశ్‌ ప్రతాప్‌ సింగ్‌, అభయ్‌ సింగ్‌లతో పాటు మరో నేత మనోజ్‌ పాండేను ఎస్పీ బహిష్కరించింది. ఆ తర్వాత అసెంబ్లీలో వారిని పార్టీకి అనుబంధం లేని సభ్యులుగా గుర్తించారు. వినోద్‌ చతుర్వేది కూడా బీజేపీకి అనుకూలంగా వ్యవహరించారనే ఆరోపణలు ఎదుర్కొన్నారు.2027 ఎన్నికలే బీజేపీ వ్యూహమా?ఉత్తరప్రదేశ్‌లో 2027 అసెంబ్లీ ఎన్నికలకు ముందు ఈ చేరికలు రాజకీయంగా ప్రాధాన్యం సంతరించుకున్నాయి. అవధ్‌, బుందేల్‌ఖండ్‌ ప్రాంతాలకు చెందిన ఈ ముగ్గురు నేతల చేరికతో ఆయా నియోజకవర్గాల్లో పార్టీ బలాన్ని పెంచుకోవాలని బీజేపీ భావిస్తున్నట్లు రాజకీయ వర్గాల్లో చర్చ జరుగుతోంది. మరోవైపు, ఎస్పీ నుంచి బహిష్కరణకు గురైన నేతలు బీజేపీలో చేరడం అఖిలేశ్‌ యాదవ్‌ పార్టీకి రాజకీయంగా ఎదురుదెబ్బగా మారే అవకాశముంది. అయితే ఈ చేరికల ప్రభావం ఎంతవరకు ఉంటుందనేది రాబోయే రోజుల్లో తేలనుంది. ఎమ్మెల్యేల వ్యక్తిగత రాజకీయ బలం, స్థానిక సామాజిక సమీకరణాలు, పార్టీ కార్యకర్తల స్పందన వంటి అంశాలు కీలకంగా మారనున్నాయి. ఎన్నికలకు ఇంకా సమయం ఉన్నప్పటికీ, ఉత్తరప్రదేశ్‌లో ఇప్పటి నుంచే రాజకీయ వలసలు మొదలవడం రాష్ట్ర రాజకీయాల్లో వేడి పెంచుతోంది.ఇదీ చదవండి: పడవ ప్రమాదంలో 14 మంది మృతి.. మోదీ, సీఎం దిగ్భ్రాంతి

ఢిల్లీ: ఉత్తరప్రదేశ్‌ రాజకీయాలపై ఎంఐఎం అధినేత అసదుద్దీన్‌ ఒవైసీ సంచలన వ్యాఖ్యలు చేశారు. ముఖ్యమంత్రి యోగి ఆదిత్యనాథ్‌, సమాజ్‌వాదీ పార్టీ అధ్యక్షుడు అఖిలేశ్‌ యాదవ్‌ ప్రజా సమస్యలను పరిష్కరించకుండా రాజకీయంగా పరస్పరం విమర్శించుకుంటున్నారని మండిపడ్డారు. ఇద్దరు నేతలూ అసలు సమస్యలను పక్కనపెట్టి రాజకీయంగా పైచేయి సాధించేందుకు ప్రయత్నిస్తున్నారని విమర్శించారు.ఇండియా టుడేతో ప్రత్యేకంగా మాట్లాడిన ఒవైసీ.. సంభాల్‌లో జరిగినట్లు ఆరోపణలు ఎదుర్కొంటున్న భారీ అవినీతి వ్యవహారంపై ఎందుకు చర్యలు తీసుకోవడం లేదని ప్రశ్నించారు. ప్రత్యేక దర్యాప్తు బృందం (SIT) నివేదికను ఎందుకు బయటపెట్టడం లేదని నిలదీశారు. ఈ అంశంపై యోగి ప్రభుత్వాన్ని, అఖిలేశ్‌ యాదవ్‌ను ప్రశ్నిస్తూ.. ముఖ్యమంత్రి యోగి ఆదిత్యనాథ్‌ సంభాల్‌ నుంచి పోటీ చేయాలని సవాల్‌ విసిరారు. అక్కడ ఆయనను ఓడించి చూపిస్తామని వ్యాఖ్యానించారు. అఖిలేశ్‌ యాదవ్‌ గోరఖ్‌పూర్‌ నుంచి పోటీ చేయాలని కూడా సవాల్‌ చేశారు.అఖిలేశ్‌ యాదవ్‌ అభ్యర్థుల ఎంపిక, రాజకీయ పొత్తులపైనా ఒవైసీ విమర్శలు గుప్పించారు. అధికార పక్షానికి సన్నిహితంగా ఉన్న వ్యక్తులకు టికెట్లు ఇవ్వడంపై ప్రశ్నలు లేవనెత్తారు. సమాజ్‌వాదీ పార్టీ రాజకీయ వైఖరిని తప్పుబట్టారు. ఇక ఇండియా కూటమిలో ఎంఐఎం చేరికపై జరుగుతున్న చర్చలపైనా ఒవైసీ స్పందించారు. తమ పార్టీ సమానత్వం, ఆత్మగౌరవం కోసం మాట్లాడుతుందని స్పష్టం చేశారు. సరైన సంప్రదింపులు, గౌరవప్రదమైన భాగస్వామ్యం లేకుండా ఎవరి వెనుకా నిలబడే ప్రసక్తే లేదని చెప్పుకొచ్చారు. ఉత్తరప్రదేశ్‌లో ప్రధాన పార్టీలపై ఒవైసీ చేసిన ఈ వ్యాఖ్యలు రాజకీయంగా చర్చకు దారితీశాయి.ఇదీ చదవండి: కాసేపట్లో కాంగ్రెస్‌ మార్చ్‌.. ప్రతిపక్ష నేతలను కలవలేను: సీజేఐ

నాయకత్వ మార్పు ఉత్తరప్రదేశ్‌ కాంగ్రెస్‌లో చిచ్చు రేపింది. కొత్త పీసీసీ అధ్యక్షురాలు ఆరాధన మిశ్రా మోనా బాధ్యతలు చేపట్టిన తొలిరోజే పార్టీ కార్యాలయంలో తీవ్ర గందరగోళం చోటుచేసుకుంది. మాజీ అధ్యక్షుడు అజయ్‌ రాయ్‌ మద్దతుదారులు, మోనాకు మద్దతుగా నిలిచిన కార్యకర్తలు పరస్పరం వాగ్వాదానికి దిగారు. పరిస్థితి అదుపు తప్పడంతో.. బూతులతో రెచ్చిపోతూ కొందరు చెప్పులతో కొట్టుకుంటూ ఘర్షణకు దిగారు. ఈ ఘటనకు సంబంధించిన వీడియోలు సామాజిక మాధ్యమాల్లో వైరల్‌గా మారాయి.అజయ్‌ రాయ్‌ స్థానంలో మోనాను పార్టీ రాష్ట్ర అధ్యక్షురాలిగా నియమించిన నేపథ్యంలో ఆదివారం లక్నోలోని కాంగ్రెస్‌ రాష్ట్ర కార్యాలయంలో బాధ్యతల స్వీకరణ కార్యక్రమం నిర్వహించారు. ఈ కార్యక్రమానికి పార్టీ నేతలు, కార్యకర్తలు పెద్ద సంఖ్యలో హాజరయ్యారు. అయితే, కార్యక్రమం ప్రారంభమైన కొద్దిసేపటికే రాయ్‌ మద్దతుదారులు మోనాకు వ్యతిరేకంగా నినాదాలు చేయడంతో వివాదం మొదలైంది. దీనికి ప్రతిగా మోనా మద్దతుదారులు ఆమెకు అనుకూలంగా నినాదాలు చేశారు. ఇరు వర్గాల మధ్య మాటామాటా పెరిగి ఘర్షణకు దారితీసింది.నేతల బుజ్జగింపులుకార్యకర్తలు ఒకరినొకరు నెట్టుకోవడం, బండ బూతులతో దూషించుకోవడం, చెప్పులు విసురుకోవడం వంటి దృశ్యాలు బయటకు వచ్చాయి. పరిస్థితిని చక్కదిద్దేందుకు కాంగ్రెస్‌ సీనియర్‌ నేతలు రంగంలోకి దిగారు. మోనా తండ్రి, రాజ్యసభ సభ్యుడు ప్రమోద్‌ తివారీతోపాటు యూపీ కాంగ్రెస్‌ వర్కింగ్‌ ప్రెసిడెంట్‌ ఇమ్రాన్‌ మసూద్‌ ఇరు వర్గాలను శాంతింపజేసేందుకు ప్రయత్నించారు. అజయ్‌ రాయ్‌తో ప్రమోద్‌ తివారీ చేతులు జోడించి మాట్లాడుతున్న దృశ్యాలు కూడా కనిపించాయి."Do take ki aurat, madar**chod, sa**li, r**ndi" Abuses hurled by *Congress* workers *at* Congress state prez Aradhana Misra. These are the folks who want to take power in Lucknow. As a UP voter, my deepest fear is any one of these comes near power. https://t.co/jxKVEwM0as— Ateendriyo (@Ateendriyo) October 11, 2026ఒక పార్టీ రాష్ట్ర అధ్యక్షుడి బాధ్యతల స్వీకరణ కార్యక్రమంలోనే ఈ స్థాయిలో గొడవ జరగడం కాంగ్రెస్‌ వర్గాల్లో చర్చనీయాంశమైంది. కార్యక్రమానికి హాజరైన మధ్యప్రదేశ్‌ కాంగ్రెస్‌ మహిళా విభాగం అధ్యక్షురాలు మమతా చౌధరిపై కూడా కొందరు మాటలతో దాడికి దిగినట్లు సమాచారం. ఈ పరిణామాలపై ఆమె తీవ్ర అసంతృప్తి వ్యక్తం చేశారు. తాము ఎంతో నిరుత్సాహానికి గురయ్యామని పేర్కొన్నారు.అజయ్‌ రాయ్‌ ఫిర్యాదు?తనను ఈ కార్యక్రమం పేరిట అవమానించారంటూ అజయ్‌ రాయ్‌ పార్టీ అధిష్ఠానానికి ఫిర్యాదు చేసినట్లు తెలుస్తోంది. బాధ్యులపై చర్యలు తీసుకుంటామని పార్టీ నాయకత్వం ఆయనకు హామీ ఇచ్చినట్లు సమాచారం. ఘర్షణ అనంతరం రాయ్‌ తన వారసురాలైన మోనాకు పుష్పగుచ్ఛం అందించి శుభాకాంక్షలు తెలిపారు. దీంతో పరిస్థితి సద్దుమణిగినట్లు కనిపించినా, అంతర్గత విభేదాలు మాత్రం బయటపడ్డాయి.ఈ ఘటనపై స్పందించేందుకు రాయ్‌ నిరాకరించారు. పార్టీ కోసం సాధారణ కార్యకర్తగా తన వంతు కృషి కొనసాగిస్తానని, మోనా పార్టీని కొత్త శిఖరాలకు తీసుకెళ్తారని ఆశిస్తున్నట్లు చెప్పారు. మరోవైపు, కొందరు సీనియర్‌ నేతలు ఈ వివాదాన్ని పెద్దగా పట్టించుకోవాల్సిన అవసరం లేదన్నట్లుగా వ్యవహరించారు.మోనా ముందున్న అసలు సవాలుఉత్తరప్రదేశ్‌లో 2027లో అసెంబ్లీ ఎన్నికలు జరగనున్న నేపథ్యంలో కాంగ్రెస్‌కు మోనా నాయకత్వం కీలకం కానుంది. అయితే, రాష్ట్రంలో పార్టీ పరిస్థితి అంతంతమాత్రంగానే ఉంది. 1989 నుంచి యూపీలో కాంగ్రెస్‌ అధికారానికి దూరంగా ఉంది. 2022 అసెంబ్లీ ఎన్నికల్లో 403 స్థానాలకు పోటీ చేసిన కాంగ్రెస్‌ కేవలం రెండు సీట్లకే పరిమితమైంది. ఒకప్పుడు పార్టీకి బలమైన ప్రాంతాలుగా భావించిన అమేథీ, రాయ్‌బరేలీలోనూ విజయం సాధించలేకపోయింది. ఈ నేపథ్యంలో పార్టీని బలోపేతం చేయడం, కార్యకర్తల్లో ఐక్యతను పెంచడం, ఎన్నికలకు కేడర్‌ను సిద్ధం చేయడం మోనాకు పెద్ద సవాలుగా మారాయి. బాధ్యతలు చేపట్టిన తొలిరోజే పార్టీ కార్యాలయంలో జరిగిన ఘర్షణ నాయకత్వానికి ఇబ్బందికరంగా పరిణమించింది.కుల సమీకరణాలపైనా చర్చయూపీ కాంగ్రెస్‌ అధ్యక్షుడిగా 2023 ఆగస్టు నుంచి కొనసాగిన అజయ్‌ రాయ్‌ స్థానంలో బ్రాహ్మణ సామాజిక వర్గానికి చెందిన ఆరాధన మిశ్రా మోనాను నియమించడం రాజకీయ చర్చకు దారితీసింది. రాయ్‌ భూమిహార్‌ సామాజిక వర్గానికి చెందిన నేత. సమాజ్‌వాదీ పార్టీతో పొత్తు వ్యవహారం సజావుగా సాగేందుకు, రాష్ట్రంలో బ్రాహ్మణ ఓటర్లను ఆకర్షించేందుకు కాంగ్రెస్‌ ఈ మార్పు చేసిందనే విశ్లేషణలు వినిపిస్తున్నాయి. అయితే, పార్టీ పగ్గాలు మారిన వెంటనే కార్యకర్తలు పరస్పరం ఘర్షణకు దిగడం కాంగ్రెస్‌లో అంతర్గత అసంతృప్తి ఏ స్థాయిలో ఉందన్న ప్రశ్నలను లేవనెత్తుతోంది. ఎన్నికలకు ఇంకా సమయం ఉన్నప్పటికీ, పార్టీ నేతలు, కార్యకర్తల మధ్య సమన్వయం సాధించడం మోనాకు తొలి పరీక్షగా మారింది.ఇదీ చదవండి: బీజేపీ బ్యాక్‌గ్రౌండ్‌.. కాక్రోచ్‌లకు సపోర్ట్‌గా రోడ్డెక్కి!

నాగ్‌పూర్‌: దేశవాళీ ఫస్ట్‌క్లాస్‌ క్రికెట్‌ టోర్నమెంట్‌ రంజీ ట్రోఫీ 2026–2027 సీజన్‌ ఆదివారం మొదలైంది. మొత్తం 16 మ్యాచ్‌లు ప్రారంభమయ్యాయి. తొలి రోజు ఒకవైపు శతకాల మోతతో పరుగుల వరద పారగా... మరోవైపు వికెట్ల వేట కూడా కొనసాగింది. పుదుచ్చేరితో సొంతగడ్డపై జరుగుతున్న మ్యాచ్‌లో మాజీ చాంపియన్‌ విదర్భ తొలి ఇన్నింగ్స్‌లో ఆట ముగిసే సమయానికి 85 ఓవర్లలో 5 వికెట్లు కోల్పోయి 300 పరుగులు సాధించింది. ఒకదశలో 54 పరుగులకే 5 వికెట్లు కోల్పోయి కష్టాల్లో పడ్డ విదర్భ జట్టును యశ్‌ రాథోడ్‌ (167 బంతుల్లో 131 బ్యాటింగ్‌; 11 ఫోర్లు, 1 సిక్స్‌), కెప్టెన్‌ అక్షయ్‌ వాడ్కర్‌ (225 బంతుల్లో 112 బ్యాటింగ్‌; 13 ఫోర్లు) అజేయ సెంచరీలతో ఆదుకున్నారు. వీరిద్దరు ఆరో వికెట్‌కు అజేయంగా 246 పరుగులు జోడించారు. బిహార్‌తో జరుగుతున్న మరో మ్యాచ్‌లో ఉత్తరప్రదేశ్‌ జట్టు తొలి రోజు ఆట ముగిసే సమయానికి 3 వికెట్లు కోల్పోయి 287 పరుగులు చేసింది. ఓపెనర్‌ మాధవ్‌ కౌశిక్‌ (252 బంతుల్లో 124 బ్యాటింగ్‌; 5 ఫోర్లు, 3 సిక్స్‌లు), రింకూ సింగ్‌ (164 బంతుల్లో 109 బ్యాటింగ్‌; 8 ఫోర్లు, 3 సిక్స్‌లు) అజేయ శతకాలు సాధించారు. వీరిద్దరు నాలుగో వికెట్‌కు అజేయంగా 202 పరుగుల భాగస్వామ్యం నెలకొల్పారు. కేరళతో మ్యాచ్‌లో జార్ఖండ్‌ బ్యాటర్‌ శిఖర్‌ మోహన్‌ (143) సెంచరీ చేశాడు. సర్వీసెస్‌తో మ్యాచ్‌లో మహారాష్ట్ర బ్యాటర్‌ అంకిత్‌ బావ్నే (105 బ్యాటింగ్‌) ‘శత’క్కొట్టాడు. మహారాష్ట్రకు ఆడుతున్న భారత మాజీ ప్లేయర్‌ పృథ్వీ షా (90) సెంచరీ మిస్‌ అయ్యాడు. గుజరాత్‌తో పోరులో ఒడిశా బ్యాటర్‌ గౌరవ్‌ చౌధరీ (121 బ్యాటింగ్‌) సెంచరీతో అజేయంగా నిలిచాడు. తమిళనాడుతో మ్యాచ్‌లో రాజస్తాన్‌ బ్యాటర్‌ కరణ్‌ లాంబా (103 బ్యాటింగ్‌) సెంచరీ చేసి క్రీజులో ఉన్నాడు. ఉత్తరాఖండ్‌తో పోరులో రైల్వేస్‌ బ్యాటర్‌ వివేక్‌ సింగ్‌ (112) సెంచరీ కొట్టాడు. ఆంధ్రతో మ్యాచ్‌లో కర్ణాటక బ్యాటర్‌ రవిచంద్రన్‌ స్మరణ్‌ (126) సెంచరీ నమోదు చేశాడు. డిఫెండింగ్‌ చాంపియన్‌ జమ్మూ కశ్మీర్‌ జట్టు బౌలర్లు రోహిత్‌ శర్మ (5/36), సునీల్‌ కుమార్‌ (4/69) బంతితో అదరగొట్టడంతో... మధ్యప్రదేశ్‌ జట్టు తొలి ఇన్నింగ్స్‌లో 196 పరుగులకే ఆలౌటైంది. బెంగాల్‌తో మ్యాచ్‌లో షమీ (4/30) దెబ్బకు ఢిల్లీ తొలి ఇన్నింగ్స్‌లో 240 పరుగులకు పరిమితమైంది. ఉత్తరాఖండ్‌తో మ్యాచ్‌లో రైల్వేస్‌ తొలి ఇన్నింగ్స్‌లో 278 పరుగులకు ఆలౌటైంది. సంక్షిప్త స్కోర్లు ∙ఎలైట్‌ గ్రూప్‌ ‘ఎ’ విదర్భ తొలి ఇన్నింగ్స్‌: 300/5 (85 ఓవర్లలో) (యశ్‌ రాథోడ్‌ 131 బ్యాటింగ్, అక్షయ్‌ వాడ్కర్‌ 112 బ్యాటింగ్‌); పుదుచ్చేరితో మ్యాచ్‌. ఉత్తరప్రదేశ్‌ తొలి ఇన్నింగ్స్‌: 287/3 (84 ఓవర్లలో) (మాధవ్‌ కౌశిక్‌ 124 బ్యాటింగ్, రింకూ సింగ్‌ 109 బ్యాటింగ్‌); బిహార్‌తో మ్యాచ్‌. బరోడా తొలి ఇన్నింగ్స్‌: 204/3 (85 ఓవర్లలో) (శివాలిక్‌ శర్మ 62, శాశ్వత్‌ రావత్‌ 40 బ్యాటింగ్, దీపక్‌ హుడా 38 బ్యాటింగ్‌); గోవాతో మ్యాచ్‌. మధ్యప్రదేశ్‌ తొలి ఇన్నింగ్స్‌: 196 ఆలౌట్‌ (74.2 ఓవర్లలో) (శుభం శర్మ 79, ఆర్యన్‌ పాండే 35, రోహిత్‌ శర్మ 5/36, సునీల్‌ కుమార్‌ 4/69). జమ్మూకశ్మీర్‌ తొలి ఇన్నింగ్స్‌: 3/1. ఎలైట్‌ గ్రూప్‌ ‘సి’ జార్ఖండ్‌ తొలి ఇన్నింగ్స్‌: 289/5 (90 ఓవర్లలో) (శిఖర్‌ మోహన్‌ 143, ఉత్కర్‌‡్ష సింగ్‌ 71, వైశాఖ్‌ చంద్రన్‌ 3/71); కేరళతో మ్యాచ్‌. ఢిల్లీ తొలి ఇన్నింగ్స్‌: 240 ఆలౌట్‌ (77.3 ఓవర్లలో) (హృతిక్‌ షోకీన్‌ 56, ఆయుశ్‌ దొసెజా 45, సార్థక్‌ రంజన్‌ 33, మొహమ్మద్‌ షమీ 4/30, అమీర్‌ గని 3/45); బెంగాల్‌తో మ్యాచ్‌. మహారాష్ట్ర తొలి ఇన్నింగ్స్‌: 287/5 (90 ఓవర్లలో) (అంకిత్‌ బావ్నే 105 బ్యాటింగ్, పృథ్వీ షా 70, అర్జున్‌ శర్మ 3/74); సర్వీసెస్‌తో మ్యాచ్‌. ఒడిశా తొలి ఇన్నింగ్స్‌: 272/3 (90 ఓవర్లలో) (గౌరవ్‌ చౌధరీ 121 బ్యాటింగ్, సందీప్‌ పట్నాయక్‌ 69 బ్యాటింగ్‌); గుజరాత్‌తో మ్యాచ్‌. ఎలైట్‌ గ్రూప్‌ ‘డి’ ముంబై తొలి ఇన్నింగ్స్‌: 249/5 (84 ఓవర్లలో) (యశస్వి జైస్వాల్‌ 0, ముషీర్‌ ఖాన్‌ 65, సిద్దేశ్‌ లాడ్‌ 80 బ్యాటింగ్, షమ్స్‌ ములానీ 27 బ్యాటింగ్, రోహిత్‌ ధండా 3/44); చండీగఢ్‌తో మ్యాచ్‌. రాజస్తాన్‌ తొలి ఇన్నింగ్స్‌: 286/4 (85 ఓవర్లలో) (కరణ్‌ లాంబా 103 బ్యాటింగ్, రోహన్‌ రాజ్‌బర్‌ 95, మహిపాల్‌ లొమ్రోర్‌ 31 బ్యాటింగ్, శరవణ కుమార్‌ 3/52); తమిళనాడుతో మ్యాచ్‌. రైల్వేస్‌ తొలి ఇన్నింగ్స్‌: 278 ఆలౌట్‌ (87.5 ఓవర్లలో) (వివేక్‌ సింగ్‌ 112, కునాల్‌ యాదవ్‌ 34, దేవేంద్ర సింగ్‌ బోరా 5/49); ఉత్తరాఖండ్‌తో మ్యాచ్ . హిమాచల్‌ప్రదేశ్‌ తొలి ఇన్నింగ్స్‌: 153/7 (77 ఓవర్లలో) (ఆకాశ్‌ వశిష్ట్‌ 49 బ్యాటింగ్, అన్షుల్‌ కంబోజ్‌ 4/32); హరియాణాతో మ్యాచ్‌. ఎలైట్‌ గ్రూప్‌ ‘బి’ సౌరాష్ట్ర తొలి ఇన్నింగ్స్‌: 308/4 (90 ఓవర్లలో) (చిరాగ్‌ జానీ 83, రవీంద్ర జడేజా 72 బ్యాటింగ్, ప్రేరక్‌ మన్కడ్‌ 92 బ్యాటింగ్‌); ఛత్తీస్‌గఢ్‌తో మ్యాచ్‌. అస్సాం తొలి ఇన్నింగ్స్‌: 68/3 (23 ఓవర్లలో) (డేనిష్‌ దాస్‌ 38 బ్యాటింగ్‌); పంజాబ్‌తో మ్యాచ్‌.

లక్నోలో కేఫ్‌ యజమాని శివ శర్మ అనుమానాస్పద మృతి కలకలం రేపుతోంది. బాల్కనీ నుంచి పడి ప్రాణాలు కోల్పోయిన అతడిని ప్రియురాలు కొంతకాలంగా బ్లాక్‌మెయిల్‌ చేస్తూ, శారీరకంగా వేధించేదని తల్లి ఆరోపించడం సంచలనంగా మారింది. పెళ్లి ప్రస్తావన తర్వాత వేధింపులు మరింత పెరిగాయని ఆమె ఫిర్యాదు చేశారు. సోషల్‌ మీడియా ఇన్‌ఫ్లుయెన్సర్‌ అయిన ప్రియురాలు శ్రద్ధా దూబేపై హత్య కేసు నమోదైంది. అసలు ఆ రాత్రి ఏం జరిగింది? అన్నది మిస్టరీగా మారింది.తన కుమారుడికి సంబంధించిన అసభ్యకరమైన వీడియోలను బయటపెడతానని, పరువు తీస్తానని శ్రద్ధా బెదిరించేదని తల్లి ఆరోపించారు. ఈ వేధింపులు సుమారు నాలుగు నెలలుగా కొనసాగుతున్నాయని తెలిపారు. రంజనా శర్మ ఫిర్యాదు ప్రకారం.. శుక్రవారం రాత్రి 9 గంటల సమయంలో శ్రద్ధా ఆమెకు ఫోన్‌ చేసి, తన బాల్కనీ నుంచి శివ కిందపడ్డాడని, ఆస్పత్రికి తీసుకెళ్తున్నామని చెప్పింది. కొద్దిసేపటి తర్వాత మళ్లీ ఫోన్‌ చేయగా.. తన డ్రైవర్‌ శివను ఆస్పత్రికి తీసుకెళ్లాడని తెలిపింది. డ్రైవర్‌ ఫోన్‌ నంబర్‌ను కూడా ఇచ్చింది.దీంతో రంజనా శర్మ లక్నోలోని కింగ్‌ జార్జ్‌ మెడికల్‌ యూనివర్సిటీ (కేజీఎంయూ) ఆస్పత్రి అత్యవసర విభాగానికి చేరుకున్నారు. అక్కడ ఓ ప్రైవేటు అంబులెన్స్‌ ఉండగా.. దాని సమీపంలో ఉన్న డానిష్‌ అనే వ్యక్తి తాను శ్రద్ధా డ్రైవర్‌నని చెప్పాడని.. తన కుమారుడికి ఏమైందని ప్రశ్నించగా, తనకేమీ తెలియదని చెప్పి అక్కడి నుంచి వెళ్లిపోయాడని ఫిర్యాదులో పేర్కొన్నారు. అనంతరం శివను ఆస్పత్రిలోకి తీసుకెళ్లగా, అప్పటికే మృతి చెందినట్లు వైద్యులు నిర్ధారించారు.తన కుమారుడిని శ్రద్ధా ఒత్తిడికి గురిచేసేదని.. తమకు నచ్చినట్లు నడుచుకోవాలంటూ వేధింపులకు పాల్పడేందని.. మాట వినకపోతే బెదిరింపులకు దిగేదని తెలిపారు. గతంలోనూ శివ శరీరంపై గాయాల గుర్తులు కనిపించాయని.. వాటి గురించి అడిగితే అతడు ఏమీ చెప్పకుండా దాటవేసేవాడని ఆమె పేర్కొన్నారు.శివ మృతికి సుమారు 20–25 రోజుల ముందు హజ్రత్‌గంజ్‌లోని ఓ హనుమాన్‌ ఆలయంలో శ్రద్ధాను కలిసినట్లు అతడి తల్లి తెలిపారు. ఆ సమయంలో పెళ్లి విషయం ప్రస్తావించగా.. శ్రద్ధా అంగీకరించిందని చెప్పారు. ఇరు కుటుంబాల సమ్మతితో చిన్న కార్యక్రమం నిర్వహించాలని తాను సూచించినట్లు వెల్లడించారు. అయితే, పెళ్లి చర్చల తర్వాత శ్రద్ధా ప్రవర్తన మరింత మారిందని ఆరోపించారు. తన భర్త వర్ధంతి సందర్భంగా శివ ఇంటికి వచ్చినప్పుడు కూడా శ్రద్ధా పదేపదే ఫోన్‌ చేసేదని రంజనా శర్మ తెలిపారు. తిరిగి తన వద్దకు రాకపోతే దొంగతనం కేసులో ఇరికిస్తానని బెదిరించిందని ఆరోపించారు.శివ మృతదేహంపై గాయాలు ఉన్నాయని అతడి తల్లి ఆరోపించారు. పక్కటెముకలు, భుజాలు, చేతులు, తొడలపై సిగరెట్‌తో కాల్చిన గుర్తులు ఉన్నాయని పేర్కొన్నారు. దవడకు తీవ్ర గాయమైందని, కళ్ల నుంచి, చెవులు, ముక్కు నుంచి రక్తస్రావం జరిగినట్లు కనిపించిందని తెలిపారు. తన కుమారుడి మృతికి ముందు అతడిపై దాడి జరిగి ఉంటుందని అనుమానం వ్యక్తం చేశారు.ఈ ఘటనపై పోలీసులు శ్రద్ధా దూబేతో పాటు ఆమె సోదరి రష్మీ దూబే, డానిష్‌ అనే డ్రైవర్‌, ఆదిల్‌ అనే మరో వ్యక్తి, గుర్తుతెలియని మరికొందరిపై కేసు నమోదు చేశారు. హత్య కేసు నమోదు చేసి దర్యాప్తు చేపట్టారు. శివ బాల్కనీ నుంచి ఎలా కిందపడ్డాడు? మృతికి ముందు ఏం జరిగిందనే దానిపై విచారణ కొనసాగుతోంది.ఇదీ చదవండి: పెళ్లి చేసుకోవచ్చు.. కానీ రిసెప్షన్‌ చేసుకోకూడదు!

లక్నో: ఉత్తరప్రదేశ్‌లో 2027 అసెంబ్లీ ఎన్నికల వేళ అయోధ్య కేంద్రంగా రాజకీయాలు వేడెక్కుతున్నాయి. అయోధ్య నుంచి పోటీ చేయాలంటూ సమాజ్‌వాదీ పార్టీ అధినేత అఖిలేశ్ యాదవ్ విసిరిన సవాల్‌కు సీఎం యోగి ఆదిత్యనాథ్ దీటుగా స్పందించారు. అఖిలేశ్ అయోధ్య నుంచి నామినేషన్ వేస్తే.. తాను కూడా అక్కడి నుంచే పోటీ చేస్తానని సవాల్ విసిరారు.బలరాంపూర్ జిల్లాలో రూ.800 కోట్లకు పైగా విలువైన 78 అభివృద్ధి పనులకు శంకుస్థాపనలు, ప్రారంభోత్సవాలు చేసిన సందర్భంగా యోగి ఈ వ్యాఖ్యలు చేశారు. అయోధ్య పవిత్ర స్థలమని, రాజకీయ పోరాటానికి మాత్రమే పరిమితం చేయలేమని ఆయన పేర్కొన్నారు.अखिलेश जी, मैं आपको ऑफर करता हूं। आइए, आप भी श्री अयोध्या धाम में नामांकन करिए और मैं भी करता हूं... https://t.co/R4Jtz6vNOw— Yogi Adityanath (@myogiadityanath) October 10, 2026అయితే యోగి సవాల్‌పై అఖిలేశ్ యాదవ్ స్పందిస్తూ.. బీజేపీని ఓడించడానికి తమ పార్టీ యువ అభ్యర్థి చాలని వ్యాఖ్యానించారు. అయోధ్య నుంచి తేజ్ నారాయణ్ పాండేను ఇప్పటికే అభ్యర్థిగా ప్రకటించినట్లు ఆయన గుర్తుచేశారు. 2024 లోక్‌సభ ఎన్నికల్లో ఫైజాబాద్ నియోజకవర్గంలో బీజేపీ ఓటమిని ఆయన ప్రస్తావించారు. వచ్చే అసెంబ్లీ ఎన్నికల్లోనూ బీజేపీకి ఓటమి తప్పదని అన్నారు.రామమందిరానికి వచ్చిన విరాళాల వ్యవహారాన్ని ప్రస్తావిస్తూ బీజేపీపై అఖిలేశ్ విమర్శలు గుప్పించారు. దీంతో 2027 యూపీ అసెంబ్లీ ఎన్నికలకు ముందే అయోధ్య రాజకీయాలు ఆసక్తికరంగా మారాయి.ఇదీ చదవండి: మోదీ, అమిత్ షాలపై ప్రియాంక గాంధీ ఫైర్‌

ఉత్తరప్రదేశ్‌లో షాకింగ్ ఘటన వెలుగులోకి వచ్చింది. భార్యాభర్తల మధ్య అనుమానం భర్త ప్రాణాల మీదకు తెచ్చింది. మరో మహిళతో వివాహేతర సంబంధం ఉందనే కారణంతో దారుణానికి తెగబడింది. మీరట్‌లోని లిసాడి గేట్ పోలీసు స్టేషన్ పరిధిలోని జైద్ గార్డెన్‌లో ఈ ఘటన జరిగింది.భర్త వాంగ్మూలం ప్రకారం మరో మహిళతో వివాహేతర సంబంధం ఉందన్న అనుమానంతో రగిలి పోయింది. అంతే భర్తకు కాఫీలో మత్తుమందు కలిపి ఇచ్చి, స్పృహ తప్పేలా చేసింది. ఆపై కత్తితో తన జననేంద్రియాలపై దాడి చేసింది. దీంతో తీవ్రంగా గాయపడిన అతని విన్న తల్లి, సోదరి అక్కడికి చేరుకునేలోపు నిందితురాలు అక్కడి నుంచి పరారైంది. వెంటనే కుటుంబ సభ్యులు బాధితుడిని ఆసుపత్రికి తరలించగా, వైద్యులు శస్త్రచికిత్స చేసి రక్తం కారకుండా చికిత్స అందించారు.ఇదీ చదవండి: భర్త బైక్‌ పార్క్‌ చేసి వచ్చేలోపే : లవర్‌తో పరార్‌తన భార్యకు తనపై అనుమానం ఉండేదని భర్త వాపోయాడు. తమకు పిల్లలు లేరు గనుక, తాను మరో మహిళను పెళ్లి చేసుకోవాలని అనుకుంటున్నానని భార్య అనుమానించేదని చెప్పాడు. అక్టోబర్ 8న ఈ ఘటన జరిగిందని సర్కిల్ ఆఫీసర్ సంగ్రామ్ సింగ్ తెలిపారు. భర్త ఫిర్యాదు మేరకు పోలీసులు కేసు నమోదు చేసి, నిందితురాలైన భార్యను అదుపులోకి తీసుకుని విచారణ జరుపుతున్నారు.ఇదీ చదవండి: మొన్ననే ప్రేమ పెళ్లి.. తపతి నదిలో తేలిన మృతదేహాలు

ఉత్తర ప్రదేశ్‌లోని జెవార్‌లో ఉన్న నోయిడా అంతర్జాతీయ విమానాశ్రయానికి నరేంద్ర మోదీ అంతర్జాతీయ విమానాశ్రయంగా పేరు మార్చినట్లు ముఖ్యమంత్రి యోగి ఆదిత్యనాథ్ శుక్రవారం ప్రకటించారు. సీఎం యోగి మీడియాతో మాట్లాడుతూ.. ‘జేవార్‌లోని నోయిడా అంతర్జాతీయ విమానాశ్రయాన్ని ఉత్తరప్రదేశ్‌ రాష్ట్రానికి బహుమతిగా ఇచ్చినందుకు భారత ప్రధాని నరేంద్ర మోదీకి ఉత్తరప్రదేశ్ మంత్రిమండలి కృతజ్ఞతలు తెలుపుతోంది. ఈ విమానాశ్రయం రానున్న కాలంలో ఉత్తరప్రదేశ్‌లో అతిపెద్ద విమానాశ్రయంగా, దేశంలోనే ఇది ఒక ప్రధాన విమానయాన కేంద్రంగా ఆవిర్భవించనుందని ఆయన తెలిపారు.కాగా, ఈ ఏడాది మార్చి 28న ప్రధానమంత్రి నరేంద్ర మోదీ నోయిడా విమానాశ్రయాన్ని ప్రారంభించారు. జూన్ 15న లక్నో నుండి వచ్చిన ఇండిగో విమానంతో ఇక్కడ తొలి విమాన ల్యాండింగ్ జరిగింది. ఈ విమానాశ్రయాన్ని స్విస్ సంస్థ జూరిచ్ ఎయిర్‌పోర్ట్ ఇంటర్నేషనల్ ఏజీ భారతీయ అనుబంధ సంస్థ యమునా ఇంటర్నేషనల్ ఎయిర్‌పోర్ట్ ప్రైవేట్ లిమిటెడ్, నోయిడా ఇంటర్నేషనల్ ఎయిర్‌పోర్ట్ లిమిటెడ్‌తో కలిసి సంయుక్తంగా అభివృద్ధి చేసింది.రూ. 11,282 కోట్ల వ్యయంతో నిర్మించిన నోయిడా విమానాశ్రయం మొదటి దశ ప్రారంభంలో సంవత్సరానికి 1.2 కోట్ల మంది ప్రయాణికులను నిర్వహించే సామర్థ్యం ఉంది. దీనిని రానున్న కొన్ని సంవత్సరాలలోనే 7 కోట్ల మంది ప్రయాణికులను నిర్వహించేలా చేయవచ్చు. ఇందులో పెద్ద విమానాలను నిర్వహించగల 3,900 మీటర్ల రన్‌వేతో పాటు, ఆధునిక నావిగేషన్ వ్యవస్థలు కూడా ఉన్నాయి. ఈ విమానాశ్రయం, వాయు, రోడ్డు, ఇతర రవాణా మార్గాల ద్వారా అనుసంధానంతో ఒక మల్టీమోడల్ రవాణా కేంద్రంగా అభివృద్ధి చేయబడింది. ప్రపంచ స్థాయి సౌకర్యాలను అందించడమే కాకుండా, ప్రయాణికుల మౌలిక సదుపాయాల భద్రతను ప్రపంచ స్థాయిలో నిర్ధారించడానికి ఈ విమానాశ్రయం ఒక హై-టెక్ కోటగా రూపొందించబడింది.

ఉత్తరప్రదేశ్‌లోని మీరట్ జిల్లాలో ఒక మహిళ తన ప్రియుడితో కలిసి భర్తను హత్య చేసింది. ఆ తరువాత తన భర్త గుండెపోటుతో చనిపోయాడని అందరినీ నమ్మించింది. కానీ నేరం చేసిన వాళ్ల గుట్టు ఎప్పటికైనా రట్టు కాక తప్పదు. భర్త ఫోన్‌లోని చాట్‌, భార్య వివాహేతర సంబంధాన్ని, ప్రియుడితో కలిసి పన్నిన పన్నాగాన్ని బయటపెట్టింది. ఏం జరిగిందంటే..ఈ సంఘటన మీరట్‌లోని లోహియా నగర్‌లో జరిగింది. మృతుడు 30 ఏళ్ల తాలిబ్ కాగా, 27 ఏళ్ల ఇల్మా బ్యూటీషియన్‌గా పనిచేస్తోంది. వీరికి నాలుగేళ్ల క్రితం వివాహం అయింది. మూడేళ్ల పాప కూడా ఉంది. సెప్టెంబర్‌లో హత్య జరిగిన రోజు, తాలిబ్ పని ముగించుకుని ఇంటికి వచ్చిన తర్వాత అకస్మాత్తుగా అస్వస్థతకు గురయ్యాడని బంధువులకు చెప్పింది. అలా మంచంపై పడుకుని, ఇలా కొద్ది క్షణాల్లోనే ప్రాణాలొదిలేశాడని తన పెద్దన్నయ్య అక్రమ్‌, ఇతర బంధువులను నమ్మించింది. దీంతో కుటుంబ సభ్యులు ఇది సహజ మరణమేనని భావించి అతడి కర్మకాండల్ని పూర్తి చేశారు. ఇల్మా తాలిబ్ మొబైల్‌ను దాచి పెట్టేసింది. ఇక ఈ విషయం ఎవరికీ తెలియదు అనుకుంది. అక్టోబర్ 1న తాలిబ్ బంధువు రైస్ ఇల్మా ఇంటికి వచ్చాడు. ఆ తరువాత తాలిబ్‌ది సహజ మరణం కాదని అనుమానం కలిగింది. ఇంతలో బట్టల కింద దాచి పెట్టిన మృతుడి మొబైల్‌ను గుర్తించాడు. ఆ ఫోన్‌లో తాలిబ్‌కు, అమాన్‌కు మధ్య జరిగిన సంభాషణ లభించింది. అందులో తాలిబ్ తన భార్యతో మాట్లాడవద్దని అమాన్‌ను హెచ్చరించిన మెసేజ్‌లను గుర్తించారు. దీంతో అనుమానం వచ్చి కుటుంబ సభ్యులు గట్టిగా నిలదీయడంతో, ఇల్మా తన భర్తను తానే హత్య చేసినట్లు అంగీకరించింది. ఇదీ చదవండి: ఢిల్లీలో కుప్పకూలిన 5 అంతస్తుల భవనంతాలిబ్ తనను కొట్టేవాడని ఇల్మా హత్య జరిగిన తీరును వివరించింది. సెప్టెంబర్ 28న తనపై దాడి జరిగిన తర్వాత, ఆమె తన ప్రియుడు అమాన్‌కు ఫోన్ చేసింది. అమాన్ తన స్నేహితుడితో కలిసి వచ్చి, ముగ్గురూ కలిసి తాలిబ్‌ను కొట్టారు. ఆ తర్వాత అమాన్ ఒక చున్నీతో తాలిబ్ గొంతు నులిమి హత్య చేశాడు. అనంతరం అమాన్ ఇల్మాను పెళ్లి చేసుకుంటానని హామీ ఇచ్చాడు.ఇదీ చదవండి: రూ. 60 లక్షలు : థాయ్‌ మహిళ-యూపీవాలా సోషల్‌ మీడియా లవ్‌దీంతో వారు పోలీసులకు ఫిర్యాదు చేశారు. ఇల్మాను అదుపులోకి తీసుకున్నారు. మృతదేహాన్ని వెలికితీసి పోస్ట్‌మార్టం నిర్వహించేందుకు ఏర్పాట్లు చేస్తున్నామని కోత్వాలి సర్కిల్ ఆఫీసర్ సంగ్రామ్ సింగ్ తెలిపారు. జిల్లా మేజిస్ట్రేట్‌కు నివేదించామని, పోస్టుమార్టం నివేదిక ఆధారంగా తదుపరి చర్యలు తీసుకుంటామని చెప్పారు.ఇదీ చదవండి: నో షూస్‌, నో సూట్..1600 మీటర్ల రన్‌, అదీ చీరలో

సోషల్ మీడియాలో మెల్లిగా స్నేహంగా ప్రారంభమైంది. అలా ఆ పరిచయం త్వరలోనే ప్రేమగా మారింది. చివరికి తన ప్రేమ బంధాన్ని వివాహ బంధంగా మార్చుకుంది. ఆ తరువాత లబోదిబో మంది. ఇది ఏదో సినిమా కథ కాదు, కాన్పూర్‌కు చెందిన వ్యక్తిని వివాహం చేసుకున్న థాయ్‌లాండ్ మహిళ నిజ జీవిత గాథ.థాయ్‌లాండ్‌లో రెస్టారెంట్, క్యాంటీన్ నడుపుకుంటూ జీవిస్తోంది అప్సార్ (Upsorn), సోషల్ మీడియా ద్వారా ఉత్తరప్రదేశ్‌లోని కాన్పూర్‌కు చెందిన లెదర్ వ్యాపారి ఇర్ఫాన్‌తో పరిచయం ఏర్పడింది. వారి ఆన్‌లైన్ చాట్‌లు క్రమంగా రొమాంటిక్ రిలేషన్‌షిప్‌గా మారాయి. ఒక రోజు ప్రియురాల్ని కలవడానికి ఏకంగా థాయ్‌లాండ్‌ వెళ్లాడు ఇర్ఫాన్‌. ఆమె పరిస్థితిని, స్థితిగతులను గమనించాడు. ఆమెను నమ్మించి, రెండేళ్ల క్రితం ఆమెను థాయ్‌లాండ్‌లో వివాహం చేసుకున్నాడు. దీంతో తన అదృష్టానికి తనకు తానే మురిసి పోయింది అప్సార్. కానీ ఇర్ఫాన్‌ ప్లాన్‌ మరోలా ఉంది. నెమ్మదిగా తన పథకాన్ని అమలు చేశాడు. వ్యాపారం, అవసరాలు అంటూ ఆమె దగ్గర డబ్బులు లాగడం మొదలుపెట్టాడు. దీంతో భర్తే కదా అనే ఉద్దేశంతో తన సంపాదనతోపాటు, బంధువుల దగ్గర అప్పు తీసుకొని మరీ కాలక్రమేణా దాదాపు రూ. 60 లక్షలు అప్సార్‌కి ముట్టజెప్పింది. ఆ తరువాత ఇక ఇర్ఫాన్‌ ఆమెతో అన్ని సంబంధాలను తెంచుకుని భారత్‌కు తిరిగి వచ్చేశాడు. ఆమెతో సంబంధాలను కట్‌ చేసుకోవాలని చూశాడు.ఇదీ చదవండి: నో షూస్‌, నో సూట్..1600 మీటర్ల రన్‌, అదీ చీరలోతన భర్త నుంచి నెలల తరబడి ఎలాంటి సమాచారం లేకపోవడంతో, భర్తను వెదుక్కుంటూ ఇండియాకు వచ్చింది. అక్టోబర్ 6న కాన్పూర్‌లోని ఇర్ఫాన్‌ ఇంటికి చేరింది. అక్కడ మెకు దిగ్భ్రాంతికరమైన నిజం తెలియడంతో షాక్‌ అయింది. ఇర్ఫాన్‌కు 12 ఏళ్ల క్రితమే పెళ్లి అయింది. ముగ్గురు పిల్లలు ఉన్నారు.దీంతో తననెందుకు మోసం చేశావని నిలదీసింది., తన డబ్బు తనకు ఇవ్వాలని డిమాండ్‌ చేయడంతో ఈ వ్యవహారం మరింత ముదిరింది. తనతో ఉండాలన్నా లేదా తన డబ్బు తిరిగి రావాలన్నా, ఇస్లాం మతంలోకి మారి బుర్ఖా ధరించాలని షరతు పెట్టాడు. అంతేకాదు ఆమెపై భౌతిక దాడికి పాల్పడ్డాడు. దీంతో ఆమె వేరే దారి లేక స్థానిక పోలీసులను ఆశ్రయించింది. అదనపు డిప్యూటీ కమిషనర్ ఆఫ్ పోలీస్ (ఈస్ట్) శివ సింగ్‌ను ఆశ్రయించి తన గోడును వెళ్లబోసుకుంది.. మతమార్పిడి కోణంతో సహా ఆరోపణల తీవ్రతను దృష్టిలో ఉంచుకుని పోలీసులు చర్యలు చేపట్టారు. కేసు నమోదు చేసిన పోలీసులు ఇర్ఫాన్‌ను అరెస్ట్ చేశారు. వివాహ పత్రాలు, రూ. 60 లక్షల బదిలీకి సంబంధించిన బ్యాంకు లావాదేవీలు, అలాగే మహిళపై మతం మార్చుకోవాలని ఒత్తిడి చేశారన్న ఆరోపణలపై పోలీసులు దర్యాప్తు చేస్తున్నారు.

లక్నో: ఉత్తరప్రదేశ్‌లోని సుల్తాన్‌పూర్ జిల్లాలో ఈ రోజు (బుధవారం) తెల్లవారుజామున ఘోర రోడ్డు ప్రమాదం జరిగింది. పుర్వాంచల్ ఎక్స్‌ప్రెస్‌వేపై టెన్నిస్ క్రీడాకారులతో వెళ్తున్న కారు ఓ ట్రక్కును వెనుక నుంచి ఢీకొనడంతో ముగ్గురు టెన్నిస్ క్రీడాకారులు మృతి చెందారు. మరో ముగ్గురు తీవ్రంగా గాయపడ్డారు. ఈ ఘటన ధన్‌పట్‌గంజ్ పోలీస్ స్టేషన్ పరిధిలోని సుఖ్‌బదేరి సమీపంలో ఉదయం సుమారు 5.30 గంటలకు జరిగింది. ఈ వివరాలను పోలీసులు తెలిపారు.పోలీసుల వివరాల ప్రకారం.. ఆరుగురు టెన్నిస్ క్రీడాకారులు లక్నోలో జరిగిన ఓ క్రీడా కార్యక్రమంలో పాల్గొని తిరిగి దేవరియాకు వెళ్తున్నారు. వారు ప్రయాణిస్తున్న కారు అతివేగంతో ప్రయాణిస్తూ ముందు వెళ్తున్న ట్రక్కును వెనుక నుంచి ఢీకొట్టింది. అయితే ప్రమాద సమయంలో కారు గంటకు సుమారు 100 కిలోమీటర్ల వేగంతో వెళ్తున్నట్లు పోలీసులు తెలిపారు.ట్రక్కును ఢీకొనడంతో కారు పూర్తిగా నుజ్జునుజ్జయిపోయినట్లు అధికారులు తెలిపారు. దీంతో అందులోని వారంతా కారులోనే చిక్కుకోని పోగా పోలీసులు స్థానికుల సహాయంతో కారు తలుపులు పగులగొట్టి అందులో ఉన్న వారిని బయటకు తీశారు. అనంతరం ఆరుగురినీ సమీపంలోని ఆసుపత్రికి తరలించారు. అక్కడ వైద్యులు ముగ్గురు అప్పటికే మృతి చెందినట్లు నిర్ధారించారు. మృతులు దేవరియాకు చెందిన నిత్య ప్రజాపతి (22), ఇర్ఫాన్ అన్సారీ (20), బీహార్‌లోని భాగల్‌పూర్‌కు చెందిన అనికేత్ (24)గా పోలీసులు గుర్తించారు.ఈ ప్రమాదంలో గాయపడిన వారిని ఆనంద్ యాదవ్ (23), రాజు (22), పశ్చిమ బెంగాల్‌లోని బీర్భూమ్‌కు చెందిన జయంతో శర్మ (30)గా గుర్తించారు. వీరిని మెరుగైన చికిత్స కోసం అయోధ్య మెడికల్ కాలేజీకి తరలించినట్లు పోలీసులు తెలిపారు. ప్రమాద సమయంలో కారులో ఉన్న వారిలో ఎక్కువ మంది నిద్రలో ఉన్నారని, ఢీకొన్న సమయంలో ఒక్కసారిగా కుదుపు రావడంతో మేల్కొన్నామని జయంతో శర్మ పోలీసులకు తెలిపినట్లు అధికారులు చెప్పారు. ఇదీ చదవండి: టీడీపీ నేత వేధింపులు

బీఎస్పీ అధినేత్రి మాయావతి మేనల్లుడు ఆకాష్‌ ఆనంద్‌ మళ్లీ పార్టీలో కీలక బాధ్యతలు చేపట్టారు. ఒకసారి కాదు.. వరుస పరిణామాల తర్వాత మరోసారి ఆయనకు మాయావతి ఛాన్స్‌ ఇవ్వడం యూపీ రాజకీయాల్లో ఆసక్తిని రేపుతోంది. 2027 అసెంబ్లీ ఎన్నికలు దగ్గరపడుతున్న వేళ ఆకాష్‌ రీఎంట్రీ కేవలం పదవి పునరుద్ధరణకే పరిమితమా? లేక మాయావతి ఆయనను యూపీ రాజకీయాల్లో మరోసారి కీలకంగా రంగంలోకి దింపనున్నారా? రానున్న రోజుల్లో ఆకాష్‌ దూకుడు ఎలా ఉండబోతోందన్నది ఇప్పుడు ఉత్తరప్రదేశ్‌లో హాట్‌టాపిక్‌గా మారింది.మాయావతి తన మేనల్లుడు ఆకాష్‌ ఆనంద్‌కి బీఎస్పీ జాతీయ సమన్వయకర్తగా కీలక బాధ్యతలు అప్పగించారు. ఇటీవలే పార్టీ నుంచి ఆకాష్‌ను తొలగించిన మాయావతి.. ఆయన క్షమాపణలు కోరిన కొద్ది రోజులకే మళ్లీ అవకాశం కల్పించారు. పార్టీ, బహుజన ఉద్యమ ప్రయోజనాలను దృష్టిలో పెట్టుకునే ఈ నిర్ణయం తీసుకున్నట్లు ఆమె వెల్లడించారు. అయితే, ఆకాష్‌ ఆనంద్‌ తిరిగి కీలక పదవిలోకి రావడంతో ఉత్తరప్రదేశ్‌ రాజకీయాల్లో ఆయన పాత్రపై చర్చ మొదలైంది. 2027 అసెంబ్లీ ఎన్నికలు సమీపిస్తున్న నేపథ్యంలో బీఎస్పీకి యువ నాయకత్వం, సంస్థాగత బలోపేతం కీలకంగా మారింది. ఈ నేపథ్యంలో ఆకాష్‌ను యూపీలో పార్టీ కార్యక్రమాలు, సభలు, కేడర్‌ మొబిలైజేషన్‌లో మరింత చురుగ్గా ఉపయోగించుకునే అవకాశం ఉందనే అంచనాలు వ్యక్తమవుతున్నాయి.భారీ సభ.. అక్టోబర్‌ 9న లక్నోలో డాక్టర్‌ బీఆర్‌ అంబేడ్కర్‌ జయంతి సందర్భంగా బీఎస్పీ నిర్వహించనున్న భారీ కార్యక్రమం ఆకాష్‌ పునరాగమనానికి తొలి పరీక్షగా మారొచ్చని పార్టీ వర్గాలు చెబుతున్నాయి. ఈ కార్యక్రమంలో ఆయన వేదికపై కనిపించకపోయినా.. ఏర్పాట్లు, సంస్థాగత వ్యూహాల్లో కీలకంగా వ్యవహరించే అవకాశం ఉందని సమాచారం. మరోవైపు.. ఆకాష్‌ రాజకీయ కార్యకలాపాలు రానున్న రోజుల్లో మరింత పెరగొచ్చని తెలుస్తోంది. నవంబర్‌ 1న అయోధ్యలోని ఓ అసెంబ్లీ నియోజకవర్గంలో జరిగే బహిరంగ సభలో ఆయన ప్రసంగించే అవకాశం ఉందని సమాచారం. ఇదే సమయంలో బీఎస్పీ అభ్యర్థిగా జితేంద్ర సింగ్‌ బబ్బ్లూను ప్రకటించే అవకాశమున్నట్లు పార్టీ వర్గాల్లో చర్చ జరుగుతోంది.మాయావతితో విభేదాలు.. మళ్లీ కలిసిన బంధంమాయావతి, ఆకాష్‌ ఆనంద్‌ మధ్య విభేదాలకు ఆయన మామ, మాజీ బీఎస్పీ నేత అశోక్‌ సిద్ధార్థ్‌తో ఉన్న రాజకీయ అనుబంధం కూడా ఒక కారణంగా మారింది. కుటుంబ ప్రయోజనాలు పార్టీ, బహుజన ఉద్యమ ప్రయోజనాల కంటే ముందుకు రాకూడదని మాయావతి గతంలో స్పష్టం చేశారు. ఆకాష్‌ కూడా ఇటీవల మాయావతిని తన రాజకీయ గురువుగా పేర్కొంటూ బహిరంగంగా క్షమాపణలు చెప్పారు. బీఎస్పీ తనకు కేవలం పార్టీ కాదని.. కుటుంబం లాంటిదని పేర్కొంటూ మరో అవకాశం ఇవ్వాలని కోరారు. అశోక్‌ సిద్ధార్థ్‌ క్రియాశీల రాజకీయాల నుంచి తప్పుకోవడంతో ఇక ఆకాష్‌ను బీఎస్పీ నుంచి వేరు చేయాల్సిన అవసరం ఉండదని మాయావతి స్పష్టం చేశారు.2027 ఎన్నికలే అసలు పరీక్షప్రస్తుతం ఆకాష్‌కు తిరిగి సంస్థాగత బాధ్యతలు అప్పగించినప్పటికీ.. ఉత్తరప్రదేశ్‌లో ఆయనకు ఎంత కీలకమైన పాత్ర ఇస్తారన్నది రానున్న రోజుల్లో తేలనుంది. 2027 అసెంబ్లీ ఎన్నికలకు బీఎస్పీ సిద్ధమవుతున్న వేళ ఆయన పునరాగమనం పార్టీకి మరో కీలక రాజకీయ పరిణామంగా మారింది. యూపీలో ఎంత మేరకు ప్రచారంలోకి తీసుకొస్తారు? పార్టీ కేడర్‌ను ఏ స్థాయిలో సమీకరిస్తారు? అన్నది ఆసక్తికరంగా మారింది.ఇదీ చదవండి: దద్దరిల్లిన ఢిల్లీ

ఉత్తరప్రదేశ్‌లో 2027 అసెంబ్లీ ఎన్నికలకు ముందు కాంగ్రెస్‌ కీలక సంస్థాగత మార్పు చేసింది. రాష్ట్ర కాంగ్రెస్‌ అధ్యక్షుడిగా ఉన్న అజయ్‌ రాయ్‌ను తప్పించి, రాంపూర్‌ ఖాస్‌ నుంచి వరుసగా మూడుసార్లు ఎమ్మెల్యేగా గెలిచిన ఆరాధనా మిశ్రా ‘మోనా’ను కొత్త అధ్యక్షురాలిగా నియమించింది. సహారన్‌పూర్‌ ఎంపీ ఇమ్రాన్‌ మసూద్‌ను రాష్ట్ర కాంగ్రెస్‌ వర్కింగ్‌ ప్రెసిడెంట్‌గా నియమించింది.ఉత్తరప్రదేశ్‌ అసెంబ్లీ ఎన్నికల్లో కాంగ్రెస్‌ను గెలిపించే స్థాయిలో ఆరాధనా మిశ్రా ‘మోనా’ ప్రభావం చూపగలరా అన్నది ఇప్పుడు కీలక ప్రశ్నగా మారింది. వచ్చే ఏడాది జరగనున్న ఎన్నికలకు ముందు ఆమెకు రాష్ట్ర కాంగ్రెస్‌ అధ్యక్ష బాధ్యతలు అప్పగించడం పార్టీకి పెద్ద పరీక్షగా మారనుంది. 2024 లోక్‌సభ ఎన్నికల్లో సమాజ్‌వాదీ పార్టీతో కలిసి పోటీ చేసిన కాంగ్రెస్‌ రాష్ట్రంలో 6 స్థానాలు గెలుచుకుంది. ఎస్పీ 37 స్థానాలు గెలవగా, ఈ కూటమి కలిసి బీజేపీని 33 స్థానాలకు పరిమితం చేసింది. అయితే 2027 అసెంబ్లీ ఎన్నికల్లో ఈ విజయాన్ని మరింత ముందుకు తీసుకెళ్లడం మోనా ముందున్న సవాలు.రాష్ట్రంలో పార్టీని క్షేత్రస్థాయిలో బలోపేతం చేయడం, కార్యకర్తల్లో నమ్మకం పెంచడం, ఎస్పీతో సీట్ల పంపకంపై సమన్వయం సాధించడం ఆమెకు కీలకం కానుంది. బ్రాహ్మణ వర్గానికి చెందిన మోనాతో పాటు ముస్లిం నేత ఇమ్రాన్‌ మసూద్‌ను కార్యనిర్వాహక అధ్యక్షుడిగా నియమించడం ద్వారా విస్తృత సామాజిక ప్రాతినిధ్యాన్ని సాధించేందుకు కాంగ్రెస్‌ ప్రయత్నించినట్లు రాజకీయ పరిశీలకులు భావిస్తున్నారు. అయితే ఈ వ్యూహం ఎన్నికల ఫలితాల్లో ఎంతవరకు ప్రభావం చూపుతుందో 2027 ఎన్నికల్లోనే తేలనుంది.ఆరాధనా మిశ్రా ఎవరు?బ్రాహ్మణ సామాజిక వర్గానికి చెందిన ఆరాధనా మిశ్రా గతంలో ఉత్తరప్రదేశ్‌ అసెంబ్లీలో కాంగ్రెస్‌ శాసనసభా పక్ష నేతగా పనిచేశారు. 1974లో ప్రయాగ్‌రాజ్‌లో జన్మించిన ఆమె 1998లో కాంగ్రెస్‌లో చేరారు. 2002లో ప్రతాప్‌గఢ్‌లోని సంగ్రామ్‌గఢ్‌ బ్లాక్‌ ప్రముఖ్‌గా ఎన్నికై, వరుసగా మూడు పర్యాయాలు ఆ పదవిలో కొనసాగారు. అలహాబాద్‌ విశ్వవిద్యాలయంలో చదువుకున్న ఆమె సహారా ఇండియాతో పాటు కార్పొరేట్‌ రంగంలో పనిచేశారు.పలు స్వచ్ఛంద సంస్థలతోనూ అనుబంధంగా ఉన్నారు. 2014లో ఆమె తండ్రి, కాంగ్రెస్‌ సీనియర్‌ నేత ప్రమోద్‌ తివారీ రాజ్యసభకు వెళ్లిన తర్వాత రాంపూర్‌ ఖాస్‌ అసెంబ్లీ స్థానానికి జరిగిన ఉప ఎన్నికలో ఆరాధనా మిశ్రా పోటీ చేసి విజయం సాధించారు. ఆ తర్వాత 2017, 2022 ఎన్నికల్లోనూ అదే స్థానాన్ని నిలబెట్టుకున్నారు. 2022లో బీజేపీ అభ్యర్థి నాగేశ్‌ ప్రతాప్‌ సింగ్‌పై 14,741 ఓట్ల తేడాతో గెలిచారు. ఆమె తండ్రి ప్రమోద్‌ తివారీ 1980 నుంచి 2012 వరకు రాంపూర్‌ ఖాస్‌ స్థానాన్ని వరుసగా 9 సార్లు గెలిచారు.ప్రమోద్‌ తివారీ ప్రస్తుతం రాజ్యసభలో ప్రతిపక్ష ఉపనేతగా ఉన్నారు. సమాజ్‌వాదీ పార్టీ వ్యవస్థాపకుడు ములాయం సింగ్‌ యాదవ్‌తో ఆయనకు సన్నిహిత సంబంధాలు ఉండేవని కాంగ్రెస్‌ వర్గాలు చెబుతున్నాయి. 2014లో కాంగ్రెస్‌కు రాజ్యసభకు పంపేంత సంఖ్యాబలం లేని సమయంలో ఎస్పీ మద్దతుతో తివారీ రాజ్యసభకు ఎన్నికయ్యారు. 2022లో రాజస్థాన్‌ నుంచి మరోసారి రాజ్యసభకు ఎన్నికయ్యారు.ఆరాధనా మిశ్రా ప్రియాంక గాంధీ బృందంలోనూ కీలకంగా పనిచేశారు. 2022 అసెంబ్లీ ఎన్నికల సమయంలో కాంగ్రెస్‌ నిర్వహించిన ‘లడ్కీ హూన్‌, లడ్‌ సక్తీ హూన్‌’ ప్రచారంలో ఇద్దరూ కలిసి పనిచేశారు. ప్రస్తుతం మిశ్రా, ఇమ్రాన్‌ మసూద్‌తో పాటు అత్యంత వెనుకబడిన వర్గానికి చెందిన దేవేంద్ర నిషాద్‌, దళిత నేత ఆలోక్‌ ప్రసాద్‌లకు రాష్ట్ర కాంగ్రెస్‌లో కీలక బాధ్యతలు అప్పగించారు.సమాజ్‌వాదీ పార్టీతో సీట్ల సర్దుబాటుపై కాంగ్రెస్‌ చర్చలు కొనసాగుతున్న సమయంలో ఈ మార్పులు జరిగాయి. కొత్త బాధ్యతలు స్వీకరించిన ఆరాధనా మిశ్రా మాట్లాడుతూ, “సమయం తక్కువగా ఉంది, సవాళ్లు అనేకం ఉన్నాయన్నది నిజం. 2027లో మనమే ప్రభుత్వం ఏర్పాటు చేయబోతున్నామనే నమ్మకాన్ని రాష్ట్రంలోని ప్రతి కాంగ్రెస్‌ కార్యకర్తలో కల్పించడమే నా ప్రాధాన్యం” అని చెప్పారు. 2027 ఎన్నికల్లో కాంగ్రెస్‌ తన సంస్థాగత బలాన్ని ఎంతవరకు పెంచుకోగలదన్నదే ఇప్పుడు కీలకంగా మారనుంది.

లక్నో: ఉత్తరప్రదేశ్‌లో 2027 అసెంబ్లీ ఎన్నికలకు ముందు సమాజ్‌వాదీ పార్టీ, కాంగ్రెస్ మధ్య సీట్ల సర్దుబాటుపై నెలకొన్న విభేదాల నేపథ్యంలో ఎస్పీ అధినేత అఖిలేశ్ యాదవ్ కీలక సందేశం ఇచ్చారు. కూటమిలో ఏ పార్టీ ఎన్ని స్థానాల్లో పోటీ చేస్తుందన్నది ముఖ్యం కాదని, ఎన్నికల్లో కూటమి విజయం సాధించడమే ప్రధాన లక్ష్యమని స్పష్టం చేశారు.సామాజిక మాధ్యమం ఎక్స్‌లో అఖిలేశ్ యాదవ్ ఈ విషయాన్ని వెల్లడించారు. “సీట్ల గురించి కాదు.. విజయం గురించి” అని ఆయన పేర్కొన్నారు. కూటమి భాగస్వాములకు ఎన్ని సీట్లు దక్కుతాయి, ఏ పార్టీ ఏ స్థానంలో పోటీ చేస్తుందన్న దానికంటే కూటమి గెలుపు కోసం అందరూ కలిసి పనిచేయడం ముఖ్యమని అన్నారు.కూటమి గెలుపు ఒక్కో పార్టీ విజయంగా కాకుండా ఉమ్మడి ప్రయత్నానికి దక్కే విజయంగా ఉంటుందని అఖిలేశ్ పేర్కొన్నారు. మతతత్వానికి అడ్డుకట్ట వేయడం, ప్రజాస్వామ్యం, రాజ్యాంగం, రిజర్వేషన్లను పరిరక్షించడం, దేశంలో సామరస్యం, అభివృద్ధి, సౌభాగ్యం తిరిగి రావడం కోసం ఈ పోరాటం కొనసాగుతోందని చెప్పారు. ఇటీవల ఎస్పీ ఎంపీ శివ్‌పాల్ సింగ్ పటేల్ కాంగ్రెస్‌కు 150 సీట్లు కావాలన్న డిమాండ్‌పై అభ్యంతరం వ్యక్తం చేశారు. 2022 ఉత్తరప్రదేశ్ అసెంబ్లీ ఎన్నికల్లో కాంగ్రెస్ కేవలం 2 స్థానాల్లో గెలవగా, ఎస్పీ 125 స్థానాలు గెలిచిందని పేర్కొంటూ కాంగ్రెస్‌కు 50 సీట్లకు మించి ఇవ్వడం వల్ల ప్రయోజనం ఉండదని వ్యాఖ్యానించారు.అయితే అఖిలేశ్ తాజాగా పార్టీ నేతలకు సీట్ల సర్దుబాటుపై తమ అభిప్రాయాలు, ఆందోళనలను బహిరంగంగా కాకుండా పార్టీ అంతర్గతంగా చెప్పాలని సూచించారు. కాంగ్రెస్ మాత్రం సీట్ల సర్దుబాటుపై తుది నిర్ణయం కూటమిలోని అగ్ర నాయకత్వం తీసుకుంటుందని చెబుతోంది. ఉత్తరప్రదేశ్‌లో ప్రస్తుతం 403 మంది సభ్యుల అసెంబ్లీలో ఎస్పీకి 101 మంది ఎమ్మెల్యేలు, కాంగ్రెస్‌కు ఇద్దరు ఎమ్మెల్యేలు ఉన్నారు. 2027 ఎన్నికల నేపథ్యంలో సీట్ల సర్దుబాటుపై ఎలా ఖరారవుతుందన్నది ఎస్పీ-కాంగ్రెస్ కూటమికి కీలకంగా మారింది.

వంటగదిలోకి వెళ్లిన మహిళకు ఒక్కసారిగా షాకింగ్‌ దృశ్యం కనిపించింది. వంట చేసేందుకు వెళ్లిన ఆమెకు స్లాబ్‌పై ఏకంగా 12 అడుగుల భారీ కొండచిలువ కనిపించడంతో భయంతో కేకలు వేస్తూ బయటకు పరుగులు తీసింది. ఉత్తరప్రదేశ్‌లోని ఇటావా జిల్లాలో ఓ ఇంట్లో భారీ కొండచిలువ కలకలం రేపింది. తన పిల్లల కోసం వంట చేసేందుకు వంటగదిలోకి వెళ్లిన మహిళకు స్లాబ్‌పై భారీ కొండచిలువ కనిపించింది. ఒక్కసారిగా దానిని చూసి తీవ్ర భయాందోళనకు గురైన ఆమె గట్టిగా కేకలు వేసి ఇంటి నుంచి బయటకు వచ్చింది. అనంతరం కుటుంబ సభ్యులు, ఇరుగుపొరుగు వారిని అప్రమత్తం చేశారు. స్థానికులు వెంటనే అటవీ శాఖ అధికారులకు సమాచారం అందించారు.దీంతో అటవీ శాఖ రెస్క్యూ బృందం అక్కడికి చేరుకుని కొండచిలువను పట్టుకున్నారు. ఇంత పెద్ద కొండచిలువను తమ ప్రాంతంలో ఇంతకుముందెప్పుడూ చూడలేదని, దానిని చూసిన సమయంలో తాను తీవ్రంగా భయపడ్డానని మహిళ తెలిపింది. ఈ కుటుంబంలో ఆ మహిళతో పాటు ఆమె భర్త, ముగ్గురు చిన్నపిల్లలు ఉన్నారు. ఇదీ చదవండి: రెప్పపాటులో.. సీసీటీవీలో భయానక దృశ్యాలు

‘ప్రేమకు వయసుతో పనేముంది.. మనసులు కలిస్తే చాలు’ అన్నట్టుగా మారిన ఓ ఘటన ఉత్తరప్రదేశ్‌లోని వారణాసిలో కలకలం రేపింది. ‘ప్రేమ గుడ్డిదైతే.. లోకం ఏం చెప్పినా లెక్కే ఉండదు’ అన్నట్టుగా 40 ఏళ్ల మహిళ.. 22 ఏళ్ల యువకుడితో కలిసి వెళ్లేందుకు ప్రయత్నించడం స్థానికంగా చర్చనీయాంశమైంది. దీనికి సంబంధించిన వీడియో సోషల్‌ మీడియాలో వైరల్‌ అవుతోంది.వారణాసిలో ఈ ఘటన చోటుచేసుకున్నట్లు తెలుస్తోంది. వీడియో ప్రకారం.. ఆ మహిళ, తనకంటే చాలా చిన్న వయసున్న యువకుడితో కలిసి అక్కడి నుంచి వెళ్లేందుకు ప్రయత్నిస్తుండగా స్థానికులు గుర్తించినట్లు సమాచారం. ఇద్దరినీ ఆపడంతో అక్కడ ఒక్కసారిగా జనాలు గుమిగూడారు. ఏం జరుగుతుందోనని చుట్టుపక్కల వారు ఆసక్తిగా చూడగా.. కొందరు ఈ ఘటనను వీడియోలో చిత్రీకరించారు. అసలు ట్విస్ట్‌ అక్కడే మొదలైంది. అందరి ముందు ఆమె తన మనసులో మాటను ఎలాంటి సంకోచం లేకుండా చెప్పేసింది. అతడు లేకుండా నేను జీవించలేను అంటూ తన ప్రేమను బహిరంగంగా ప్రకటించింది. దీంతో అక్కడున్న వారంతా ఒక్కసారిగా అవాక్కయ్యారు.Social Drama: In Varanasi a married middle aged woman eloped with a 22 year old young man. Locals caught her and informed the family https://t.co/IB3bjcg0CE— Ramesh Speaks (@rameshofficial0) October 1, 2026 ‘మనసుంటే మార్గం ఉంటుంది’ అన్న సామెతను గుర్తు చేసేలా.. వయసు, సమాజం ఏమనుకుంటుందన్న విషయాల కంటే తనకు అతడితో ఉండటమే ముఖ్యమని ఆమె చెప్పినట్లు తెలుస్తోంది. ఈ సన్నివేశానికి సంబంధించిన వీడియో సోషల్ మీడియాలో వైరల్‌గా మారింది. మహిళ మాట్లాడుతున్న తీరు, తన ప్రేమపై ఆమె వ్యక్తం చేసిన నమ్మకం నెటిజన్ల దృష్టిని ఆకర్షించింది. దీంతో ఈ ఘటనపై సోషల్‌ మీడియాలో భిన్నమైన స్పందనలు వస్తున్నాయి.‘ఆమెకు దక్కని ప్రేమ, ఆప్యాయతను అతడి నుంచి పొందిందేమో’ అంటూ ఓ నెటిజన్‌ స్పందించగా.. మరో వ్యక్తి ‘వారి నిర్ణయానికి మద్దతు ఇస్తున్నా’ అని కామెంట్‌ చేశాడు. ఇంకొందరు వారి ధైర్యాన్ని ప్రశంసిస్తూ స్పందించారు. అయితే ఈ ఘటనలో పాల్గొన్న మహిళ, యువకుడి పేర్లు అధికారికంగా వెల్లడికాలేదు. స్థానికులు వారిని అడ్డుకున్న పరిస్థితులు, ఆ తర్వాత ఏం జరిగిందన్న దానిపై పూర్తి వివరాలు ఇంకా తెలియాల్సి ఉంది. View this post on Instagram A post shared by Flirting Lines (@flirting.lines)

‘కలిసుంటే బలం.. విడిపోతే బలహీనం’ అన్న రాజకీయ సామెతకు భిన్నంగా.. ఉత్తరప్రదేశ్‌లో ఇండియా కూటమి మిత్రపక్షాల మధ్య అప్పుడే మాటల వేడి మొదలైంది. సమాజ్‌వాదీ పార్టీ ఎంపీ శివ్‌పాల్‌ సింగ్‌ పటేల్‌ కాంగ్రెస్‌పై సంచలన వ్యాఖ్యలు చేశారు. ఎస్పీతో పొత్తు లేకపోయి ఉంటే 2024 లోక్‌సభ ఎన్నికల్లో కాంగ్రెస్‌ ఒక్క సీటు కూడా గెలిచేది కాదని అన్నారు. అంతేకాదు.. కాంగ్రెస్‌ అగ్రనేత రాహుల్‌ గాంధీ రాయ్‌బరేలీ నుంచి పోటీ చేయడానికి కూడా ఎస్పీ అధినేత అఖిలేశ్‌ యాదవ్‌ భరోసా ఇవ్వాల్సి వచ్చిందని పేర్కొన్నారు.శివ్‌పాల్‌ సింగ్‌ పటేల్‌ తాజాగా మీడియాతో మాట్లాడుతూ.. 2024 ఎన్నికల్లో ఎస్పీ-కాంగ్రెస్‌ పొత్తు వల్లే కాంగ్రెస్‌కు ఆరు సీట్లు దక్కాయని అన్నారు. ఎస్పీతో పొత్తు లేకపోతే కాంగ్రెస్‌ ఒక్క స్థానంలో కూడా గెలిచేది కాదని వ్యాఖ్యానించారు. కాంగ్రెస్‌కు కేటాయించిన స్థానాల్లో సమాజ్‌వాదీ పార్టీకి చెందిన ప్రతి ఓటు ఆ పార్టీ అభ్యర్థులకే పడిందని, అందుకే ఆరు స్థానాలు గెలుచుకోగలిగారని చెప్పారు.రాహుల్‌ భయపడ్డారు.. రాహుల్‌ గాంధీ అమేథీ నుంచి కాకుండా రాయ్‌బరేలీ నుంచి పోటీ చేయడంపైనా పటేల్‌ కీలక వ్యాఖ్యలు చేశారు. ఒక దశలో రాహుల్‌ పోటీ నుంచి తప్పుకోవడానికి సిద్ధంగా ఉన్నారని, అఖిలేశ్‌ యాదవ్‌ భరోసా ఇచ్చి పోటీ చేయాలని ఒప్పించారని అన్నారు. తాను పోటీ చేయకపోతే ఎస్పీ తరఫున సొంత అభ్యర్థిని బరిలోకి దింపుతానని అఖిలేశ్‌ హెచ్చరించడంతోనే రాహుల్‌ రాయ్‌బరేలీ నుంచి పోటీకి అంగీకరించారని పటేల్‌ పేర్కొన్నారు. ఇక, 2024 లోక్‌సభ ఎన్నికల్లో ఉత్తరప్రదేశ్‌లో ఎస్పీ 37 స్థానాల్లో విజయం సాధించింది. కాంగ్రెస్‌ ఆరు స్థానాల్లో గెలిచింది. బీజేపీ 33 సీట్లకు పరిమితమైంది. ఎన్డీయే మొత్తం 36 స్థానాలు దక్కించుకుంది. అయోధ్య ఉన్న ఫైజాబాద్‌ లోక్‌సభ స్థానాన్ని కూడా ఎస్పీ గెలుచుకోవడం అప్పట్లో దేశవ్యాప్తంగా చర్చకు దారితీసింది.ఎస్పీ సాధించిన 37 సీట్లను ప్రస్తావిస్తూ కాంగ్రెస్‌ ఎక్కువ సీట్లు ఆశించకూడదని పటేల్‌ అన్నారు. మేమే పెద్దన్న.. చాలా పెద్దన్న అని వ్యాఖ్యానిస్తూ ఉత్తరప్రదేశ్‌లో తమ పార్టీదే పైచేయి అని స్పష్టం చేశారు. కాంగ్రెస్‌ సహకరిస్తే పొత్తు ద్వారా ఇరు పార్టీలకు ప్రయోజనం ఉంటుందని, పొత్తు లేకపోయినా ఎస్పీకి పెద్దగా నష్టం ఉండదని అన్నారు. కానీ కాంగ్రెస్‌ మాత్రం సున్నా సీట్లకు పడిపోతుందని పటేల్‌ వ్యాఖ్యానించారు. కాంగ్రెస్‌ ఒంటరిగా పోటీ చేస్తే ప్రజలు ఆ పార్టీ అభ్యర్థులను కేవలం ఓట్లు చీల్చేందుకే బరిలోకి దిగుతున్నారని భావించే అవకాశం ఉందని ఆయన అన్నారు. ఇతర రాష్ట్రాల్లో కాంగ్రెస్‌కు వేరే స్థాయి ఉండొచ్చని, కానీ ఒంటరిగా పోటీ చేసిన చోట ఆ పార్టీ తన బలాన్ని కోల్పోయిందని విమర్శించారు. అలాగే.. కాంగ్రెస్‌, బీజేపీ పాలనలో దళితుల అభివృద్ధి ఆశించిన స్థాయిలో జరగలేదని, ఎస్పీ పాలనలో అన్ని వర్గాలకు సమాన అవకాశాలు లభిస్తాయని చెప్పారు.కాంగ్రెస్‌ సీరియస్‌.. ప్రస్తుతం 403 స్థానాలున్న ఉత్తరప్రదేశ్‌ అసెంబ్లీలో ఎస్పీకి 101 మంది ఎమ్మెల్యేలు ఉండగా.. కాంగ్రెస్‌కు కేవలం ఇద్దరు ఎమ్మెల్యేలే ఉన్నారు. ఈ నేపథ్యంలోనే సీట్ల పంపకంలో తమ పార్టీదే పైచేయి అన్న సంకేతాలను పటేల్‌ ఇచ్చారు. అయితే, పటేల్‌ వ్యాఖ్యలపై కాంగ్రెస్‌ తీవ్రంగా స్పందించింది. యూపీ కాంగ్రెస్‌ అధికార ప్రతినిధి అన్షు అవస్థి.. ఇలాంటి వ్యాఖ్యలు చేసే నేతలను ఎస్పీ నాయకత్వం అదుపులో పెట్టాలని అన్నారు. ఇండియా కూటమి కారణంగానే పటేల్‌ ఎంపీగా గెలిచారని గుర్తుచేస్తూ.. ఆయన తన పరిమితులు తెలుసుకుని మాట్లాడాలని సూచించారు. కాగా, 2027 యూపీ అసెంబ్లీ ఎన్నికలకు సమయం దగ్గరపడుతున్న కొద్దీ ఈ విభేదాలు మరింత ముదురుతాయా? లేక ఇరు పార్టీలు సర్దుకుపోయి పొత్తును కొనసాగిస్తాయా? అనేది ఆసక్తికరంగా మారింది.ఇదీ చదవండి: బీజేపీకి ఊహించని షాక్‌..

ఒకప్పుడు సీబీఐ పగ్గాలు.. ఇప్పుడు రాజకీయ పార్టీ పగ్గాలు.. దాదాపు నాలుగు దశాబ్దాల పరిపాలనా అనుభవం తర్వాత మాజీ సీబీఐ డైరెక్టర్‌ ఎం. నాగేశ్వరరావు రాజకీయాల్లోకి అడుగుపెట్టారు. కాశీ వేదికగా సర్వజన సనాతన్‌ పార్టీ (SSP) జాతీయ అధ్యక్షుడిగా బాధ్యతలు స్వీకరించిన ఆయన.. ‘ఆధునిక భారత్‌.. సనాతన మూలాలతో’ అంటూ తన రాజకీయ ప్రస్థానాన్ని ప్రారంభించారు. పరిపాలనలో సుదీర్ఘ అనుభవం ఉన్న నాగేశ్వరరావు.. భారత్‌ పునర్నిర్మాణం కేవలం పరిపాలనా సంస్కరణలతో సాధ్యం కాదని, ఆధునిక అభివృద్ధితో పాటు దేశ నాగరికత మూలాలతో అనుసంధానం కొనసాగాల్సిన అవసరం ఉందని పేర్కొన్నారు. యూపీ అసెంబ్లీ ఎన్నికల కోసం సిద్ధమవుతున్నట్టు చెప్పుకొచ్చారు. ఈ సందర్భంగా ఎస్‌ఎస్‌పీ సిద్ధాంతంలో విద్య, ఆరోగ్యం, జీవనోపాధి, నాగరికతతో అనుసంధానం కీలక అంశాలుగా ఉన్నాయని నాగేశ్వరరావు తెలిపారు. సనాతనం అంటే కేవలం ఒక ఆరాధనా విధానం కాదని.. సత్యం, ధర్మం, బాధ్యత, కరుణ, న్యాయం, ఆత్మనియంత్రణ, ప్రకృతి, కుటుంబం, సమాజం, ప్రజా సంక్షేమం వంటి విలువలతో కూడిన జీవన విధానమని వివరించారు. విద్య విషయంలో భారతీయ నాగరికత, చరిత్ర, జ్ఞాన సంప్రదాయాలను ఆధునిక, ప్రపంచస్థాయి విద్యతో అనుసంధానించాలని పార్టీ లక్ష్యంగా పెట్టుకుంది. ఆరోగ్య రంగంలో అందరికీ అందుబాటులో ఉండే నాణ్యమైన వైద్యం అందించడంతో పాటు ఆధునిక వైద్యం, భారతీయ ఆరోగ్య సంప్రదాయాలను కలిపి ముందుకు వెళ్లాలని భావిస్తోంది.‘ఆధునిక భారత్‌.. సనాతన మూలాలతో’గతంలోకి వెళ్లడం తమ లక్ష్యం కాదని, భారత నాగరికత మూలాలను కాపాడుకుంటూనే ఆధునిక భారత్‌ను నిర్మించడమే తమ ఉద్దేశమని నాగేశ్వరరావు చెప్పారు. సాంకేతిక, ఆర్థిక అభివృద్ధిని సాంస్కృతిక గుర్తింపుతో సమన్వయం చేయాలని పార్టీ భావిస్తోందన్నారు. తమ పార్టీ విధానం ఏ కులం లేదా సమాజానికి వ్యతిరేకం కాదని స్పష్టం చేశారు. కాశీని తన రాజకీయ ప్రయాణానికి ప్రారంభ బిందువుగా ఎంచుకున్నానని చెబుతూ.. ఆధునికత, భారతీయ నాగరికత మూలాల మధ్య సమతుల్యత సాధించాల్సిన అవసరం ఉందని పేర్కొన్నారు.సీబీఐలో ఆయన డీల్‌ చేసిన కేసులు..👉శారదా చిట్‌ఫండ్‌ కేసు: పశ్చిమ బెంగాల్‌లో సంచలనం సృష్టించిన శారదా చిట్‌ఫండ్‌ కుంభకోణంపై సీబీఐ దర్యాప్తులో నాగేశ్వరరావు కీలక పాత్ర పోషించారు. ముఖ్యంగా అప్పటి కోల్‌కతా పోలీస్‌ కమిషనర్‌ రాజీవ్‌ కుమార్‌పై దర్యాప్తు సమయంలో ఆయన పేరు ప్రముఖంగా వచ్చింది.👉రోజ్‌ వ్యాలీ చిట్‌ఫండ్‌ కేసు: శారదాతో పాటు పశ్చిమ బెంగాల్‌, ఒడిశా తదితర రాష్ట్రాల్లో ప్రభావం చూపిన రోజ్‌ వ్యాలీ వ్యవహారంపై సీబీఐ దర్యాప్తును కూడా ఆయన పర్యవేక్షించారు.👉అగస్టా వెస్ట్‌ల్యాండ్‌ కేసు: 2018లో సీబీఐ తాత్కాలిక డైరెక్టర్‌గా బాధ్యతలు చేపట్టిన తర్వాత ఈ కేసు దర్యాప్తు పురోగతిని స్వయంగా పర్యవేక్షించారు.విజయ్‌ మాల్యా బ్యాంకు రుణాల కేసు, మాల్యాకు సంబంధించిన కేసు దర్యాప్తు పురోగతిని కూడా ఆయన పర్యవేక్షించారు.👉ముజఫర్‌పూర్‌ షెల్టర్‌ హోమ్‌ అత్యాచారం, హత్య కేసులు: ఈ కేసును దర్యాప్తు చేస్తున్న సీబీఐ అధికారి ఏకే శర్మ బదిలీ వ్యవహారంలో నాగేశ్వరరావు పాత్రపై సుప్రీంకోర్టు తీవ్రంగా స్పందించింది. కోర్టు ఆదేశాలకు విరుద్ధంగా బదిలీ చేయడంపై ఆయనను కోర్టు ధిక్కరణకు దోషిగా తేల్చి రూ.1 లక్ష జరిమానా విధించింది.वाराणसी. पूर्व CBI डायरेक्टर की सियासी एंट्री काशी से नई पार्टी का ऐलान एम. नागेश्वर राव ने बनाई पार्टी 403 सीटों पर चुनाव की तैयारी सनातन, शिक्षा और चिकित्सा होंगे मुद्दे #MNageswaraRao #VaranasiNews #UPPolitics #HindiKhabar https://t.co/x4YdoRWNr5— हिन्दी ख़बर | Hindi Khabar 🇮🇳 (@HindiKhabar) October 3, 2026👉ఇక సీబీఐకి రాకముందు ఒడిశా పోలీస్‌ అధికారిగా పనిచేసిన సమయంలోనూ ఆయనకు కీలక దర్యాప్తులు, ఆపరేషన్ల అనుభవం ఉంది. 1996లో జగత్సింగ్‌పూర్‌లో అత్యాచారం కేసు దర్యాప్తులో DNA ఫింగర్‌ప్రింటింగ్‌ టెక్నాలజీని ఉపయోగించిన తొలి ఒడిశా పోలీస్‌ అధికారిగా ఉన్నారు. అలాగే లాల్‌గఢ్‌ నక్సల్స్‌ ఆపరేషన్‌, కంధమాల్‌ హింస సమయంలోనూ కీలక బాధ్యతలు నిర్వహించారు.ఇదీ చదవండి: సైన్యం దయాదాక్షిణ్యాలపై ఆధారాపడుతూ భారత్‌పై నిందాలా? పాక్‌కు కౌంటర్‌

ఉత్తరప్రదేశ్‌ అసెంబ్లీ ఎన్నికలకు సుమారు ఆరు నెలల సమయం ఉన్న వేళ కాంగ్రెస్‌ రాష్ట్ర నాయకత్వంలో కీలక మార్పు చేసింది. మూడు సార్లు ఎమ్మెల్యేగా గెలిచిన ఆరాధనా మిశ్రా ‘మోనా’కు యూపీ కాంగ్రెస్‌ అధ్యక్ష బాధ్యతలు అప్పగించింది. సీనియర్‌ కాంగ్రెస్‌ నేత, రాజ్యసభ ఎంపీ ప్రమోద్‌ తివారీ కుమార్తె అయిన మోనా.. ఇప్పటివరకు కాంగ్రెస్‌ శాసనసభా పక్ష నేతగా ఉన్నారు. ఇక రాష్ట్రవ్యాప్తంగా పార్టీని నడిపించే బాధ్యత ఆమె భుజాలపై పడింది.మోనాను రాష్ట్ర అధ్యక్షురాలిగా ఎంపిక చేయడంతో పాటు కాంగ్రెస్‌ సంస్థాగత బృందంలోనూ పలు మార్పులు చేసింది. సహరన్‌పూర్‌ ఎంపీ ఇమ్రాన్‌ మసూద్‌ను వర్కింగ్‌ ప్రెసిడెంట్‌గా, దేవిందర్‌ నిషాద్‌, అలోక్‌ ప్రసాద్‌లను సీనియర్‌ వైస్‌ ప్రెసిడెంట్లుగా నియమించింది. మోనా స్థానంలో చౌధరి వీరేంద్ర సింగ్‌ను కాంగ్రెస్‌ శాసనసభా పక్ష నేతగా నియమించింది. ఈ కూర్పులో బ్రాహ్మణ, ముస్లిం, ఓబీసీ, దళిత ప్రాతినిధ్యాన్ని కలిపే ప్రయత్నం కనిపిస్తోందని రాజకీయ విశ్లేషణలు పేర్కొంటున్నాయి.కాంగ్రెస్‌ మాత్రం ఈ నియామకాలను సంస్థాగత పునర్వ్యవస్థీకరణగా చెబుతోంది. రాష్ట్రంలో పార్టీని బలోపేతం చేయడం, కార్యకర్తలను సమీకరించడం, ఎన్నికలకు సంస్థను సిద్ధం చేయడం కొత్త బృందం ముందున్న ప్రధాన లక్ష్యాలుగా ప్రకటించుకుంది.1974 ఏప్రిల్‌ 20న జన్మించిన ఆరాధనా మిశ్రా రాజకీయ కుటుంబం నుంచి వచ్చారు. ఆమె తండ్రి ప్రమోద్‌ తివారీ కాంగ్రెస్‌లో సీనియర్‌ నేత. ప్రతాప్‌గఢ్‌ జిల్లాలోని రాంపూర్‌ ఖాస్‌ నియోజకవర్గం నుంచి 2014 ఉప ఎన్నికలో తొలిసారి ఎమ్మెల్యేగా గెలిచిన మోనా.. 2017, 2022 ఎన్నికల్లోనూ అదే స్థానాన్ని నిలబెట్టుకున్నారు. దీంతో వరుసగా మూడుసార్లు ఎమ్మెల్యేగా ఎన్నికయ్యారు.అఖిలేశ్‌తో సమన్వయం కీలకంమోనా ముందున్న మరో కీలక అంశం సమాజ్‌వాదీ పార్టీతో సమన్వయం. 2027 అసెంబ్లీ ఎన్నికల నేపథ్యంలో కాంగ్రెస్‌–ఎస్పీ మధ్య సీట్ల పంపకంపై చర్చలు జరగాల్సి ఉంది. ఇరు పార్టీల మధ్య స్థానాల విషయంలో భిన్నాభిప్రాయాలు ఉన్న నేపథ్యంలో ఈ చర్చలు ప్రాధాన్యం సంతరించుకోనున్నాయి. అయితే అఖిలేశ్‌ యాదవ్‌తో తనకు మంచి సంబంధాలు ఉన్నాయని మోనా ఇప్పటికే చెప్పారు. ఎస్పీని ఇండియా కూటమిలో కీలక భాగస్వామిగా పేర్కొంటూ.. రాబోయే ఎన్నికల్లో కూటమి సమన్వయాన్ని మరింత బలోపేతం చేస్తామని ఆమె స్పష్టం చేశారు.యోగి సర్కార్‌ను ఢీకొట్టే బాధ్యతప్రస్తుతం ఉత్తరప్రదేశ్‌లో యోగి ఆదిత్యనాథ్‌ నేతృత్వంలోని బీజేపీ ప్రభుత్వం అధికారంలో ఉంది. ఈ నేపథ్యంలో కాంగ్రెస్‌ను రాష్ట్రవ్యాప్తంగా బలోపేతం చేయడం మోనా ముందున్న ప్రధాన బాధ్యత. పార్టీ క్యాడర్‌ను పునర్వ్యవస్థీకరించడం, సంస్థాగత బలాన్ని పెంచడం, ఇతర పార్టీలతో ఎన్నికల సమన్వయం వంటి అంశాలపై ఆమె దృష్టి పెట్టాల్సి ఉంటుంది.ఆమెనే ఛాయిస్‌ ఎందుకు?ఇక్కడే కాంగ్రెస్‌ తాజా మార్పుపై అసలు చర్చ మొదలవుతోంది. ఇప్పటివరకు యూపీ కాంగ్రెస్‌ అధ్యక్షుడిగా ఉన్న అజయ్‌ రాయ్‌ స్థానంలో మోనాను తీసుకురావడం కేవలం నాయకత్వ మార్పుగానే కాకుండా పార్టీ సామాజిక, ప్రాంతీయ సమీకరణాలను పునర్‌వ్యవస్థీకరించే ప్రయత్నంగా కూడా విశ్లేషణలు ఉన్నాయి. అజయ్‌ రాయ్‌ బదులుగా తూర్పు యూపీకి చెందిన బ్రాహ్మణ మహిళా నేతను అధ్యక్షురాలిగా, పశ్చిమ యూపీకి చెందిన ముస్లిం నేత ఇమ్రాన్‌ మసూద్‌ను వర్కింగ్‌ ప్రెసిడెంట్‌గా నియమించడం ఈ కూర్పులో కీలక అంశంగా కనిపిస్తోంది.అదే సమయంలో అఖిలేశ్‌ యాదవ్‌తో మోనా కుటుంబానికి ఉన్న రాజకీయ సంబంధాలపై కూడా చర్చ జరుగుతోంది. మరోవైపు అఖిలేశ్‌ నేతృత్వంలోని ఎస్పీపై తరచూ విమర్శలు చేసిన ఇమ్రాన్‌ మసూద్‌కు కీలక పదవి ఇవ్వడం ఆసక్తికరంగా మారింది. అంటే.. ఒకవైపు ఎస్పీతో సమన్వయానికి అవకాశం ఉన్న నాయకత్వం, మరోవైపు పశ్చిమ యూపీలో పార్టీ సామాజిక విస్తరణకు ఉపయోగపడే ముఖాన్ని ఒకే బృందంలోకి తీసుకురావడం కాంగ్రెస్‌ తాజా కూర్పులో కనిపిస్తున్న అంశం.మొత్తంగా.. రాజకీయ కుటుంబ నేపథ్యం, మూడుసార్లు ఎమ్మెల్యేగా అనుభవం, రాష్ట్ర రాజకీయాలపై అవగాహనతో పాటు సామాజిక–ప్రాంతీయ సమీకరణాలను దృష్టిలో పెట్టుకున్న కొత్త టీమ్‌లో మోనా కేంద్ర బిందువుగా నిలిచారు. ఇక 2027 ఎన్నికల ముందు ఆమె కాంగ్రెస్‌ సంస్థను ఎలా నడిపిస్తారన్నదే కీలకం కానుంది.ఇదీ చదవండి: కాంగ్రెస్‌ కుమ్ములాటకు కెప్టెన్‌ చెక్‌ పెడతారా?

సీఈసీ రాజీనామా చేయాలంటూ దేశవ్యాప్తంగా ఉద్యమం జరుగుతోంది. అయితే నిరసనకారుల పట్ల పోలీసులు వ్యవహరిస్తున్న తీరు ఇప్పుడు చర్చనీయాంశంగా మారింది. ఈ క్రమంలోనే.. ఓ కార్యకర్తను పోలీసులు ఏకంగా భుజాన వేసుకుని తీసుకెళ్లి అరెస్ట్‌ చేసిన వీడియో సోషల్‌ మీడియాలో వైరల్‌గా మారింది.అక్టోబర్‌ 2న గాంధీ జయంతి సందర్భంగా ఉత్తర ప్రదేశ్‌ లక్నోలో సమాజ్‌వాదీ పార్టీ కార్యకర్తలు జనపథ్‌ మార్కెట్‌ వద్ద ధర్నా చేపట్టారు. ఎన్నికల ప్రక్రియలో అవకతవకలు, ఓటర్ల జాబితాలో మార్పులపై ఆరోపణలు చేస్తూ.. ఎన్నికల సంఘానికి వ్యతిరేకంగా నినాదాలు చేశారు. ఆ సమయంలో హజ్రత్‌గంజ్‌ చౌరస్తా వద్ద పోలీసులు భారీగా మోహరించి ప్రదర్శనను అడ్డుకున్నారు. కార్యకర్త్లలో కొందరు అసెంబ్లీ వైపు వెళ్లేందుకు కార్యకర్తలు ప్రయత్నించడంతో ఇరువర్గాల మధ్య తోపులాట జరిగింది. ఆ తర్వాత పోలీసులు పలువురు నిరసనకారులను అదుపులోకి తీసుకుని ఈకో గార్డెన్‌కు తరలించారు. ఆ సమయంలోనే ఓ పోలీసు అధికారి ఓ నిరసనకారుడిని రెండు చేతులతో ఎత్తుకుని తీసుకెళ్లి పోలీసు వాహనం వద్ద దించిన దృశ్యం కెమెరాకు చిక్కింది. కొందరు ఫోన్లలో ఆ దృశ్యాన్ని బంధించగా.. అక్కడే ఉన్న మహిళా సిబ్బంది నవ్వుకున్నారు. అయితే ఆ సమయంలోనూ ఆ వ్యక్తి నినాదాలు ఆపలేదు. ఆ సమయంలోనే కొందరు ఎస్పీ కార్యకర్తలను పోలీసులు ఈడ్చుకుంటూ తీసుకెళ్లిన దృశ్యాలు కూడా కనిపించాయి. ఈ వీడియోలు సోషల్‌ మీడియాలో విస్తృతంగా వైరల్‌ అయ్యాయి.'इस्तीफा' गया 'उड़ता हुआ' रद्दी की टोकरी में .. गजबे है pic.twitter.com/rDnVSlTTsS— Sushant Sinha (@SushantBSinha) October 2, 2026పోలీసుల చర్యపై సోషల్‌ మీడియాలో భిన్న స్పందనలు వ్యక్తమవుతున్నాయి. అరెస్ట్‌ ఇలా కూడా చేస్తారా? అంటూ కొందరు వీడియోను సరదాగా మీమ్స్‌ చేస్తుండగా.. మరికొందరు పోలీసులు నిరసనను అదుపులోకి తీసుకున్న తీరును సమర్థిస్తున్నారు. ఇంకొందరు మాత్రం నిరసనకారులపై అధిక బలప్రయోగం జరిగిందని మండిపడుతున్నారు. ఇదీ చదవండి: దుబాయ్‌లో నర్సు ఉద్యోగమని తీసుకెళ్లారు! ఆపై పాపం..

న్యూఢిల్లీ: కీలకమైన ఉత్తరప్రదేశ్, పంజాబ్‌ల అసెంబ్లీలకు మరికొద్ది నెలల్లో ఎన్నికలు జరగనున్న రెండు రాష్ట్రాల పార్టీ సారథులను కాంగ్రెస్‌ అధిష్టానం మార్చివేసింది. యూపీ నూతన సార««థిగా ప్రస్తుతం సీఎల్‌పీ నేతగా ఉన్న ఆరాధనా మిశ్రా మోనాను నియమించింది. ఈమె పారీ్టకి చెందిన రాజ్యసభ ఎంపీ ప్రమోద్‌ తివారీ కుమార్తె కావడం గమనార్హం. యూపీసీసీ అధ్యక్షుడిగా అజయ్‌ రాయ్‌ 2023 నుంచి కొనసాగుతున్నారు. సీఎల్‌పీ నేతగా నూతనంగా చౌదరి వీరేంద్ర సింగ్‌ను, వర్కింగ్‌ ప్రెసిడెంట్‌గా ఇమ్రాన్‌ మసూద్‌ను నియమించింది. వీరితోపాటు యూపీసీసీ సీనియర్‌ ఉపాధ్యక్షులుగా దేవీందర్‌ నిషాద్, అలోక్‌ ప్రసాద్‌లకు బాధ్యతలప్పగించింది. తాజా నియామకాల ద్వారా బ్రాహ్మణ, ముస్లిం, దళిత వర్గాల సామాజిక సమీకరణాలను సంతృప్తి పరిచేందుకు కాంగ్రెస్‌ అధిష్టానం యతి్నంచింది. మోనా నియామకం ద్వారా పార్టీకి మహిళల పరంగా మైలేజీ పెరుగుతుందని పార్టీ ఆశాభావంతో ఉంది. రానున్న ఎన్నికల్లో సమాజ్‌వాదీ పారీ్టతో జరిగే అవకాశమున్న సీట్ల పంపిణీ విష యంలో బేరసారాలకు అవకాశమేర్పడుతుందని భావిస్తోంది. హాకీ మాజీ సారథికి పంజాబ్‌ బాధ్యతలు పంజాబ్‌ కాంగ్రెస్‌ అధ్యక్ష బాధ్యతలను భారత హాకీ జట్టు మాజీ కెప్టెన్‌ పర్గత్‌ సింగ్‌కు అప్పగించింది. ప్రస్తుతం అధ్యక్షుడిగా ఉన్న అమరీందర్‌ సింగ్‌ వారియర్‌ గురువారం పదవికి రాజీనామా చేశారు. దీంతో, ఆయన స్థానంలో పర్గత్‌ సింగ్‌ను కాంగ్రెస్‌ అధిష్టానం నియమించింది. ఈ నియామకాలు తక్షణమే అమల్లోకి వస్తాయని కాంగ్రెస్‌ చీఫ్‌ మల్లికార్జున ఖర్గే తెలిపారు. ఎన్నికల నేపథ్యంలో పంజాబ్‌లో ఇటీవల ఏర్పాటు చేసిన కమిటీలన్నీ యథా ప్రకారం కొనసాగుతాయని స్పష్టం చేశారు. వారియర్‌ పంజాబ్‌ కాంగ్రెస్‌ చీఫ్‌గా 2022 నుంచి కొనసాగుతున్నారు. ఇటీవల ఆయన్ను కొనసాగిస్తూ అధిష్టానం తీసుకున్న నిర్ణయంపై అసమ్మతి పెల్లుబుకడం తెల్సిందే. ఎన్నికల వేళ తీవ్ర రూపం దాలి్చన అంతర్గత కలహాలు అధిష్టానానికి తలనొప్పిగా తయారయ్యాయి.

చూపు లేదేమో అతడికి కళ్లే చేతులుగా మారి జీవనాధారంగా మారాయి. స్పర్శ జ్ఞానం గొప్పదనాన్ని తెలియజేశాయి. దేవుడు కళ్లు ఇవ్వకపోయినా..ఆ దేవుడినే అందంగా మలచగల అద్భుత నైపుణ్యం అతడి సొంతం. అతడి చేతుల్లో రూపుదిద్దుకున్న శిల్పాల అందానికి ఎవ్వరైన మంత్రముగ్ధులవ్వాల్సిందే. ఒక్కో ప్రతిమలో అతడిచేతి నైపుణ్యం, అలాగే కళ్లు లేకుండా విగ్రహాలకు మంచి ఆకృతిని అందిస్తున్న తీరు వంటివి చూస్తే..అతడికి అది దేవుడు ఇచ్చిన వరమా? అనిపిస్తుంది. ఆ మహనీయుడే ఉత్తప్రదేశ్‌కి చెందిన రాంపాల్‌. 50 ఏళ్ల వ్యక్తి పుట్టుకతో అంధుడు. అయినా అతడి చేతులు అద్భుతం చేస్తాయి. వందల సంఖ్యల విగ్రహాలను అందంగా తీర్చిదిద్దుతాయి. అందుకోసం తన స్పర్శ జ్ఞానంపైనే ఆధారపడతాడు రాంపాల్‌. నిజానికి ఎంతలా విగ్రహం తయారు చేసినా..కరెక్ట్‌గా వచ్చిందో లేదో సరిచూసుకోవడానికైనా..కళ్లు ఉంటేనా సాధ్యం..కానీ అతడు తన వేళ్ల కొలతల స్పర్శతోనే ఇదంతా గ్రహించి..ఎక్కడ ఎలాంటి తేడా కానరాకుండా విగ్రహాలను మలచడంలో దిట్ట రాంపాల్‌. అంతేగాదు ఆయన కంటిచూపుతో పనిలేదన్నట్లుగా విగ్రహాలకు ఆకారం ఇచ్చే పనితనం ఎవ్వరినైనా ఇట్టే కట్టిపడేస్తుంది. ఎలా నేర్చుకున్నాడంటే..ఉత్తరప్రదేశ్‌లోని కోల్‌కతాలోని శాంతిపూర్‌లోని నికుంజ్‌నగర్‌లో నివశిస్తుండేవాడు. అతనికి ముగ్గురు సోదరులు. వారంతా పుట్టుకతో అంధులు. తండ్రి వినయ్‌ కృష్ణపాల్‌ ఆశను వదులుకోకుండా కుమారులందరికి తమ జీవితాన్ని పోషించుకునేలా శిల్పాలు చెక్కడంలో శిక్షణ ఇవ్వాలని నిర్ణయించుకున్నాడు. అలా రాంపాల్‌ నాలుగేల్ల వయసులోనే విగ్రహాలు తయారు చేయడం నేర్చుకున్నాడు. ముందుగా వెదురుతో ప్రాథమిక చట్రాన్ని రూపొందించడం, మట్టిని పొరలుగా వేయడం, నిర్మాణానికి ఆకారం ఇవ్వడం వంటి క్లిష్టమైన ప్రక్రియను మొత్తం నేర్పించాడు. ఆ క్రమంలో తప్పులు దొర్లితే తండ్రి చేతిలో తిట్లు, దెబ్బులు తిన్నట్లు గుర్తుచేసుకున్నారు. కాలక్రమేణ ఇది సాధ్యమైందని, మొదట్లో తనకు కూడా అసాధ్యమనే అనిపించిందని అన్నారు. నిజానికి చూపు ఉన్న శిల్పికి విగ్రహం సమతుల్యంగా ఉందా లేదా సులభంగా తెలుసకోగలడు. కానీ రాంపాలల్‌ అందుకోసం అతడి వేళ్లే కొలత సాధానాలుగా మారాయి. అంటే ఇక్కడ ఆయనకు స్పర్శే చూపుగా మారింది. ఈ కళను నేర్చుకోవడానికి రాంపాల్‌కి పదేళ్లు పట్టిందట. ఆయన మట్టిని తాకి సరైన మట్టిని గుర్తిస్తారట. అలాగే చట్రానికి మేకులు కొట్టేటప్పుడు గాయాలైన సందర్భాలు కూడా ఉన్నాయన్నారు. అలా తాను పనిలో పరిపూర్ణత సాధించాక..మెరుగైన ఆదాయ అవకాశాలు లభించాయిన చెప్పారు. ఆ నేపథ్యంలోనే కోల్‌కతా నుంచి బస్తీకి వెళ్లాడు. అలా ఆయన ఏడాదికి సుమారు 30 నుంచి 40 విగ్రహాలను తయారు చేస్తారట. దాదాపు రూ. 1 లక్ష నుంచి రూ. 1.5 లక్షల వరకు ఆర్జిస్తుంటారట. తన జీవిత కాలంలో దాదాపు 700కు పైగా విగ్రహాలను తయారు చేసినట్లు వెల్లడించారు. ఆయన భార్య కాంచనపాల్‌, కుమారుడు సౌరభ్‌, కోడలు కూడా ఈ పనిలో సహాయపడతారని చెబుతున్నాడు రాంపాల్‌. ప్రస్తుతం ఆయన పనికి విపరీతమైన డిమాండ్‌ ఉందని చెబుతున్నారు స్థానికులు. పండుగకు చాలా నెలల ముందు నుంచే బుకింగ్‌లు వచ్చేస్తుంటాయట. ఈ ఏడాది సుమారు ఎనిమిది గణేశ్‌ విగ్రహాలను సిద్ధం చేశారట. వాటిలో చాలా వరకు అ‍మ్ముడైపోయాయని అన్నారు. మరో ఆసక్తికరమైన అంశం ఏంటంటే..ఆయన ప్లాస్టర్‌ ఆఫ్‌ పారిస్‌కు బదులుగా పొలాల నుంచి సేకరించిన మట్టిని, మొక్కలు, పూలు, ఆకులు, పండ్లు, కూరగాయల నుంచి తయారు చేసిన సహజసిద్ధమైన రంగులనే ఉపయోగిస్తారట. ఇవి సులభంగా నీటిలో కరిగిపోతాయి..అలాగే పర్యావరణానికి ఎలాంటి హాని ఉండదని చెబుతుండటం విశేషం. ఇక్కడ రాంపాల్‌ తాను తయారు చేసే విగ్రహాలను చూడలేకపోవచ్చు కానీ దశాబ్దాలుగా మట్టితో చేస్తున్న ఆ చేతులకు తాము ఏమి సృష్టించాలో బాగా తెలుసు కదూ..!. View this post on Instagram A post shared by Bharat Desh - Rohit Goel (@desh) ఇదీ చదవండి: మనవరాలితో కలిసి గ్రాడ్యుయేషన్‌..! ఆ బామ్మ ఘనతకు ప్రపంచమే ఫిదా)

ఉత్తరప్రదేశ్‌ రాజకీయాల్లో మాజీ ఐఏఎస్‌ అధికారి దివ్యా మిట్టల్‌ పేరు ఇప్పుడు హాట్‌టాపిక్‌గా మారింది. పదమూడేళ్ల సర్వీసు తర్వాత హఠాత్తుగా ఐఏఎస్‌కు రాజీనామా చేసిన ఆమె.. రాజకీయాల్లోకి వస్తారన్న ప్రచారం ఊపందుకుంది. వచ్చే ఏడాది యూపీ అసెంబ్లీ ఎన్నికలు జరగనున్న వేళ.. జెన్‌జీ ఉద్యమ ప్రభావం కూడా రాజకీయ పార్టీలను కొత్త ముఖాల వైపు చూస్తున్న పరిస్థితి నెలకొంది. ఈ క్రమంలో దివ్యా మిట్టల్‌ను తమవైపు తిప్పుకునేందుకు పలు పార్టీలు ఆసక్తి చూపుతున్నట్లు ప్రచారం సాగుతోంది. అయితే.. రాజకీయ ప్రవేశంపై దివ్యా మిట్టల్‌ మాత్రం ముందుగానే ఓ స్పష్టమైన నిర్ణయంతో ఉన్నట్లు తాజాగా ఆమె వ్యాఖ్యలతో తేలింది.తాజాగా బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు.. యూపీ రాజకీయాలను కుదిపేసింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీని మాజీ ఐఏఎస్‌ దివ్యా మిట్టల్‌(43) రహస్యంగా కలిశారని అన్నారాయన. ‘‘చీకటి మాటున భేటీ’’ అంటూ చేసిన సంచలన ఆరోపణతో చేసిన ఈ పోస్టుతో.. ఆమె కాంగ్రెస్‌లో చేరబోతున్నారనే చర్చ మొదలైంది. ఇదే సమయంలో.. యువతలో మంచి క్రేజ్‌ ఉన్న ఆమెను ప్రత్యక్షంగానే సమాజ్‌వాదీ పార్టీ ఆహ్వానించడం, అదే సమయంలో కాంగ్రెస్‌తో ఆ పార్టీకి జరుగుతున్న సీట్ల పంపకం పంచాయితీ, రాహుల్‌ను ఆమె కలిశారన్న ప్రచారం ఈ ఎపిసోడ్‌ను మలుపుల మీద మలుపులు తిప్పుతోంది. దివ్యకు అఖిలేశ్‌ ఆహ్వానందివ్యా మిట్టల్‌ రాజకీయ ప్రవేశం నేపథ్యంలో ఎస్పీ–కాంగ్రెస్‌ సీట్ల పంచాయితీకి కూడా ఈ వ్యవహారం ముడిపడింది. కాంగ్రెస్‌ 150 సీట్లలో పోటీ చేయాలని చెబుతుండగా.. ఎస్పీ 350 స్థానాల్లో సన్నాహాలు చేస్తోందన్న వార్తలు వచ్చాయి. ఇక దివ్యా మిట్టల్‌ విషయంలో ఎస్పీ అధినేత అఖిలేశ్‌ యాదవ్‌ చేసిన వ్యాఖ్యలు మరో చర్చకు దారితీశాయి. ఆమె రాజకీయాల్లోకి వస్తున్న విషయంపై స్పందిస్తూ.. ‘‘హరా ఔర్‌ లాల్‌ గమ్ఛా డాల్‌ లేన్‌’’ అంటూ ఎస్పీ పార్టీ రంగులను సూచించేలా వ్యాఖ్యానించారు. ఆమె ఎస్పీలో చేరితే స్వాగతిస్తామన్న సంకేతంగా ఈ వ్యాఖ్యను తీసుకున్నారు. ఏం జరిగిందో చెప్పిన దివ్యా మిట్టల్‌..రాహుల్‌ గాంధీతో రహస్య భేటీ అంటూ వచ్చిన ప్రచారంపై దివ్యా మిట్టల్‌ సుమారు తొమ్మిది నిమిషాల వీడియో విడుదల చేసి స్పందించారు. ఆ ప్రచారాన్ని ఖండిస్తూ.. తన రాజకీయ భవిష్యత్తుపై స్పష్టత ఇచ్చారు. రాజకీయాల్లోకి వస్తున్నట్లు ధృవీకరించిన ఆమె.. ఏ రాజకీయ పార్టీలోనూ చేరబోనని స్పష్టం చేశారు. యూపీ నుంచే తన రాజకీయ ప్రస్థానం ప్రారంభమవుతుందని, అది ఏ పార్టీ జెండా కింద ఉండదని తెలిపారు. పార్టీతో కాదు.. ప్రజలతో కలిసి రాజకీయాలు అనేదే తన విధానమని చెప్పారు. ‘‘గత నెల ఐఏఎస్‌కు రాజీనామా చేశాను. ఎన్నో ప్రశ్నలను వదిలి వచ్చాను. తర్వాత ఏంటి? అనే ప్రశ్నకు సమాధానం.. రాజకీయాలు’’ అని ఆమె అన్నారు. ఉత్తరప్రదేశ్‌ తన కర్మభూమి అని, ప్రజల సమస్యలను నేరుగా తెలుసుకుని పని చేయాలనుకుంటున్నట్లు తెలిపారు.ప్రజల గొంతుకగా..ప్రభుత్వ నిర్ణయాలు తీసుకున్నా.. వాటి అమలు జరగని సందర్భాలు తనను రాజకీయాల వైపు నడిపించాయని దివ్యా మిట్టల్‌ చెప్పారు. మంజూరైన పాఠశాలలు నిర్మాణానికి నోచుకోకపోవడం, భూములు కేటాయించినా లబ్ధిదారులకు అందకపోవడం, అధ్వాన్న రహదారులు, పేపర్‌ లీక్‌లతో విద్యార్థుల భవిష్యత్తు దెబ్బతినడం వంటి అంశాలను ప్రస్తావించారు. మిర్జాపూర్‌ జిల్లా కలెక్టర్‌గా ఉన్నప్పుడు లహురియా దహ్‌ గ్రామంలో ఓ మహిళ.. ఇల్లు, పింఛన్‌ కాకుండా పిల్లల కోసం పాఠశాల కావాలని కోరిన ఘటనను గుర్తుచేశారు. నిధులు, నిబంధనలు, అనుమతులు ఉన్నప్పటికీ మూడేళ్లు గడిచినా నిర్మాణం ప్రారంభం కాలేదన్నారు. ‘‘అన్నీ ఉన్నాయి.. కానీ ఉద్దేశం లేదు’’ అంటూ వ్యవస్థలో నిర్ణయం, అమలు మధ్య ఉన్న అంతరాన్ని వివరించారు.कुछ दिन पहले IAS से त्यागपत्र दिया था और आपके मन में कई सवाल छोड़ दिए थे। अपनी बात इस वीडियो में कह दी है। अगर आपको लगे कि ये आपकी भी बात है, तो 9198956957 पर whatsapp मैसेज करिए। pic.twitter.com/mtS6gzBzRw— Divya Mittal (@divyamittal_IAS) September 29, 2026ఐఐటీ–ఐఐఎం చదువు.. లండన్‌లో ఉద్యోగందివ్యా మిట్టల్‌ 2013 బ్యాచ్‌ యూపీ కేడర్‌ ఐఏఎస్‌ అధికారి. ఐఐటీ ఢిల్లీ, ఐఐఎం బెంగళూరులో చదువుకున్నారు. సివిల్‌ సర్వీసెస్‌లోకి రాకముందు లండన్‌లో ఎక్సోటిక్‌ డెరివేటివ్స్‌ ట్రేడర్‌గా పనిచేశారు. సంత్‌కబీర్‌నగర్‌, మిర్జాపూర్‌, డియోరియా జిల్లాల కలెక్టర్‌గా బాధ్యతలు నిర్వర్తించారు. మిర్జాపూర్‌ కలెక్టర్‌గా మారుమూల లహురియా దహ్‌ గ్రామానికి పైపుల ద్వారా తాగునీరు అందించే కార్యక్రమంతో గుర్తింపు పొందారు. గోండా సీడీవో, యూపీ స్టేట్‌ ఇండస్ట్రియల్‌ డెవలప్‌మెంట్‌ అథారిటీ జాయింట్‌ ఎండీ, బరేలీ డెవలప్‌మెంట్‌ అథారిటీ వైస్‌ చైర్‌పర్సన్‌గా పనిచేశారు. తర్వాత యూపీ రూరల్‌ రోడ్‌ డెవలప్‌మెంట్‌ ఏజెన్సీ సీఈవోగా బాధ్యతలు నిర్వర్తించారు. తాజాగా ఆగస్టులో ఐఏఎస్‌కు రాజీనామా చేసి రాజకీయాల్లోకి అడుగుపెట్టి.. తీవ్ర చర్చనీయాంశంగా మారారు.ఇదీ చదవండి: లండన్‌ పరీక్ష నుంచి భారతీయుల పోరాటం దాకా..

సంచలనం రేపిన మీరట్ బ్లూ డ్రమ్ కేసులో కీలక పరిణామం చోటు చేసుకుంది. 2025 మార్చిలో హత్యకు గురైన మర్చంట్ నేవీ ఉద్యోగి సౌరభ్ రాజ్‌పుత్ హత్య కేసులో ముస్కాన్, సాహిల్‌లను మీరట్ జిల్లా కోర్టు బుధవారం దోషులుగా నిర్ధారించింది.ఈ హత్య ముందుగా ప్లాన్ చేసుకుని జరిగిందని, నేరం చేయడానికి ముందు నిందితుడు ఒక కత్తి, రేజర్, సిమెంట్, ఇసుక, ఒక పెద్ద నీలిరంగు డ్రమ్‌ను కొనుగోలు చేశాడని ప్రాసిక్యూషన్ కోర్టుకు తెలిపింది. ప్రాసిక్యూషన్ మరణశిక్ష విధించాలని కోరుతోంది. అయితే పదిహేను రోజుల తర్వాత శిక్ష ఖరారు కానుంది.మీరట్‌లో జరిగిన ఒక హత్య కేసులో కాంక్రీటుతో నింపిన నీలిరంగు ప్లాస్టిక్ డ్రమ్ ప్రధాన ఆధారంగా, అత్యంత కీలకమైన సాక్ష్యంగా మారిన పదమూడు నెలల తర్వాత, స్థానిక న్యాయస్థానం బుధవారం అతని భార్య ముస్కాన్ రస్తోగి, ఆమె ప్రియుడు సాహిల్ శుక్లాలను దోషులుగా నిర్ధారించింది. 126 విచారణలు, 22 మంది సాక్షుల వాంగ్మూలాల తర్వాత, జిల్లా జడ్జి అరవింద్ కుమార్ మిశ్రా, రస్తోగి శుక్లాలు 29 ఏళ్ల మాజీ మర్చంట్ నేవీ అధికారి సౌరభ్ రాజ్‌పుత్‌ను హత్య చేయడానికి కుట్ర పన్ని, అతని శరీర భాగాలను కాంక్రీటు, ఇసుక ఉపయోగించి ఒక నీలిరంగు పారిశ్రామిక డ్రమ్‌లో దాచిపెట్టారని తేల్చి చెప్పారు. District Judge Arvind Kumar Mishra of Meerut District Court has convicted Sahil and Muskan in the sensational 'blue drum' murder case, involving the gruesome killing of Merchant Navy worker Saurabh Rajput. Court recorded the statements of more than 22 witnesses over the course… pic.twitter.com/HZxyKEt9Ay— NCMIndia Council For Men Affairs (@NCMIndiaa) September 30, 2026హత్య జరిగిన తీరుమార్చి 3, 2025న ముస్కన్ రస్తోగి మందుస్తు ప్లాన్‌ ప్రకారం భర్త సౌరభ్ రాజ్‌‌పుత్‌కు ఆహారంలో మత్తుమందు కలిపి ఇచ్చింది. ఆ తర్వాత ప్రియుడు సాహిల్ శుక్లాతో కలిసి అతన్ని కత్తితో పొడిచి చంపేశారు. దుర్వాసన రాకుండా ఉండటానికి మృతదేహాన్ని బాత్రూమ్‌‌లో ముక్కలుగా నరికి, ఒక పెద్ద నీలిరంగు ప్లాస్టిక్ డ్రమ్‌లో కుక్కారు. ఆపై ఇసుక, సిమెంట్ కలిపి డ్రమ్‌లో పోసి సీలు చేశారు.హత్య తర్వాత వారు హిమాచల్ ప్రదేశ్‌కు పారిపోయారు. సౌరభ్ బతికే ఉన్నట్లు నమ్మించడానికి ఆయన ఫోన్ నుంచి కుటుంబ సభ్యులకు మెసేజ్‌లు పంపారు. అనుమానం వచ్చిన బంధువులు పోలీసులతో కలిసి మార్చి 17న ఇంటికి వెళ్లి తనిఖీ చేయగా, ఆ డ్రమ్‌లో శవం బయటపడింది. రెండు రోజుల తర్వాత పోలీసులు నిందితులను అరెస్ట్ చేశారు. షాపు యజమానులు డ్రమ్, సిమెంట్ విక్రయించినట్లు సాక్ష్యాలు ఇవ్వడం, కాల్ డీటెయిల్ రికార్డులు (CDR), టవర్ లొకేషన్లు ఈ కేసులో కీలక ఆధారాలుగా నిలిచాయి. 13 నెలల తరువాత, 126 విచారణలు, 22 మంది సాక్ష్యాలను పరిశీలించిన డిస్ట్రిక్ట్ జడ్జి అరవింద్ కుమార్ మిశ్రా వీరిద్దరిని దోషులుగా నిర్ధారించారు. అరెస్ట్‌ తర్వాత జైలులో ఉండగానే ఆమె ఆడబిడ్డకు జన్మనిచ్చింది.ఇదీ చదవండి: అక్రమ ఆస్తుల పుట్ట : కోట్ల ఆస్తి, నగలు, నగదు, 48 లగ్జరీ వాచెస్‌

కేంద్ర ఎన్నికల సంఘం, ఎస్‌ఐఆర్‌ అంశాలపై ఉమ్మడి కార్యాచరణ రూపొందించేందుకు ఇండియా కూటమి కీలక నేతలు బుధవారం ఢిల్లీలో సమావేశమయ్యారు. అయితే ఈ భేటీకి సమాజ్‌వాదీ పార్టీ (ఎస్పీ) అధినేత అఖిలేశ్‌ యాదవ్‌ హాజరుకాలేదు. ఈ గైర్హాజరు ఇప్పుడు హస్తిన రాజకీయాల్లో తీవ్ర చర్చనీయాంశంగా మారింది.అఖిలేశ్‌ కావాలనే ఈ సమావేశానికి దూరంగా ఉన్నారన్న చర్చ రాజకీయ వర్గాల్లో సాగుతోంది. ముఖ్యంగా ఉత్తరప్రదేశ్‌ అసెంబ్లీ ఎన్నికలు సమీపిస్తున్న వేళ.. కాంగ్రెస్‌తో సీట్ల సర్దుబాటుపై ఇరు పార్టీల మధ్య భిన్నాభిప్రాయాలు బయటపడుతున్నాయి. ఈ నేపథ్యంలోనే అఖిలేశ్‌ కీలక సమావేశానికి గైర్హాజరు కావడం హాట్‌ టాపిక్‌ అయ్యింది. కూటమిలో సీట్ల లెక్కలు తేలకముందే కాంగ్రెస్‌కు తన అసంతృప్తిని పరోక్షంగా తెలియజేసేందుకే ఆయన ఈ నిర్ణయం తీసుకున్నారా? అన్న ప్రశ్నలు తలెత్తుతున్నాయి.సీట్ల లెక్కపై పేచీ..ఉత్తరప్రదేశ్‌లో కాంగ్రెస్‌ కనీసం 150 స్థానాల్లో పోటీ చేయాలని చూస్తోందని ఆ పార్టీ రాష్ట్ర ఇన్‌చార్జ్‌ రాజేంద్ర పాల్‌ గౌతమ్‌ ప్రకటించారు. మొత్తం 403 స్థానాల్లోనూ పోటీకి సిద్ధమవుతున్నామని ఆయన చెప్పారు. మరోవైపు ఎస్పీ మాత్రం కాంగ్రెస్‌కు సుమారు 85–90 స్థానాల వరకు మాత్రమే ఇవ్వడానికి సిద్ధంగా ఉన్నట్లు సమాచారం. రాయ్‌బరేలీ, అమేథీ పరిధిలోని కొన్ని స్థానాల విషయంలోనూ ఇరు పార్టీల మధ్య భిన్నాభిప్రాయాలు ఉన్నాయి.అయితే ఎస్పీ మాత్రం కాంగ్రెస్‌తో విభేదాలు లేవనే అంటోంది. అఖిలేశ్‌ గైర్హాజరుకు రాజ్యసభ ఎన్నికల నామినేషన్‌ ప్రక్రియే కారణమని ఎస్పీ చెబుతోంది. ఉత్తరప్రదేశ్‌లో పార్టీ అభ్యర్థుల నామినేషన్లకు సంబంధించిన కార్యక్రమాల్లో ఆయన బిజీగా ఉన్నారని తెలిపింది. కాంగ్రెస్‌ ప్రధాన కార్యదర్శి కేసీ వేణుగోపాల్‌ కూడా అఖిలేశ్‌తో మాట్లాడానని, నామినేషన్‌ ప్రక్రియ కారణంగానే ఆయన వ్యక్తిగతంగా సమావేశానికి రాలేకపోయారని చెప్పారు. రియాక్షన్‌ మరీ ఇలాగనా?కానీ, అఖిలేశ్‌ స్థానంలో ఎస్పీకి చెందిన ప్రముఖ నేతలు ఇండియా కూటమి సమావేశానికి రాలేదు. మొహిబుల్లా నద్వీ, హరేంద్ర మాలిక్‌ లాంటివాళ్లను సమావేశానికి పంపడం కూడా చర్చకు దారితీసింది. దీంతో సీట్ల సర్దుబాటు విషయంలో కాంగ్రెస్‌ నుంచి వస్తున్న ఒత్తిడికి అఖిలేశ్‌ తనదైన రీతిలో స్పందిస్తున్నారా? అన్న ప్రశ్నలు తలెత్తుతున్నాయి.కాంగ్రెస్‌ ఎంపీ ఇమ్రాన్‌ మసూద్‌ కూడా అఖిలేశ్‌ కూటమి సమావేశానికి దూరంగా ఉండటంపై వ్యాఖ్యలు చేశారు. కూటమికి నాయకత్వం వహించాలంటే అఖిలేశ్‌ మరింత విశాల దృక్పథంతో వ్యవహరించాలని సూచించారు. ఈ వ్యాఖ్యలు ఎస్పీ వర్గాల్లో ఇప్పుడు అసంతృప్తికి దారి తీసే అవకాశాలు కనిపిస్తున్నాయి.మరోవైపు ఇండియా కూటమి సమావేశంలో ఎస్‌ఐఆర్‌, ఎన్నికల సంఘంపై ఉమ్మడి కార్యాచరణ, తదుపరి ఆందోళనలపై చర్చ జరిగింది. అఖిలేశ్‌ గైర్హాజరుతో పాటు డీఎంకే, ఆప్‌ వంటి పార్టీల దూరం నేపథ్యంలో కూటమి అంతర్గత సమన్వయంపై చర్చ మొదలైంది.ఇదీ చదవండి: సీఈసీపై ‘ఇండియా’ కూటమి సమరశంఖం!

సంచలనం సృష్టించిన కాన్పూర్‌ ప్రముఖ వ్యాపారి వినీత్‌ మనోచా హత్య కేసు అనూహ్య మలుపు తిరిగింది. మామ హత్య కేసులో అరెస్టయిన కోడలు షాలూ మనోచా.. 21 రోజుల జైలు జీవితం తర్వాత బయటకు వచ్చారు. అయితే జైలులో గడిపిన రోజుల్లో తనను వెంటాడింది హత్య కేసు కాదని.. తన కుమారుడి జ్ఞాపకాలేని.. నా బిడ్డ లేకుండా నిద్రపట్టేది కాదు.. ప్రతి క్షణం అతని రూపమే కళ్ల ముందు కనిపించేదంటూ షాలు కన్నీటి పర్యంతమయ్యారు.ఆ 21 రోజులు నా జీవితంలోనే అత్యంత దారుణమైన రోజులు. నేను బతికున్నంత కాలం వాటిని ఎప్పటికీ మర్చిపోలేను. అది నాకు చాలా కష్టమైన సమయం. అసలు ఏం జరిగిందో, ఎలా జరిగిందో నాకు ఇప్పటికీ అర్థం కావడం లేదు. క్షణాల్లోనే అంతా తలకిందులైంది. నా ఇల్లు, నా కుటుంబం, నా జీవితం.. అంతా నాశనమైంది. ప్రతి క్షణం కుమారుడి గురించే ఆలోచనలు నన్ను వెంటాడేవి. బిడ్డ లేకుండా నాకు నిద్ర పట్టేది కాదు. నా కుమారుడి రూపమే ఎప్పుడూ నా కళ్ల ముందు కనిపించేది” అని ఆమె పేర్కొన్నారు.60 ఏళ్ల వినీత్‌ను సెప్టెంబర్ 5న కాన్పూర్‌లోని కల్యాణ్‌పూర్ ప్రాంతంలోని రతన్ ఆర్బిట్ అపార్ట్‌మెంట్‌లో కత్తితో పొడిచి హత్య చేశారు కోడలు షాలూనే ఈ హత్యకు ప్రధాన సూత్రధారిగా తేల్చిన పోలీసులు అమెను అరెస్ట్‌ చేశారు. ఆమెతో పాటు వినీత్‌ దగ్గర గతంలో పని చేసిన విశాల్ గౌతమ్, రాజ్‌కిషోర్‌ను అరెస్ట్‌ చేశారు.విశాల్‌ వాంగ్మూలంలో మరో కీలక అంశం బయటపడినట్లు పోలీసులు తెలిపారు. తాను పోలీసులకు చిక్కితే సుబ్రత్‌ భార్య షాలూ పేరును చెప్పాలని సుబ్రత్‌ సూచించినట్లు తేలింది. దీంతో ఈ కేసులో షాలూ ప్రమేయం లేదని.. ఆమెను భర్తే ఉద్దేశపూర్వకంగా ఇరికించాడని తేలింది. ఆ నంబర్‌ నుంచి అతను చేసిన తొలి కాల్‌ సుబ్రత్‌కే వెళ్లినట్లు పోలీసులు తెలిపారు. హత్యకు ముందు ఇద్దరి మధ్య జరిగిన ఫోన్‌ సంభాషణలను కూడా పోలీసులు పరిశీలించారు. షాలూ భర్త సుబ్రత్‌కు ఆరు ఫోన్ కాల్స్ చేసినట్లు పోలీసులు గుర్తించారు. సెప్టెంబర్ 23న సుబ్రత్‌ను అరెస్టు చేశారు.విచారణలో సుబ్రత్ తన తండ్రి పలువురు మహిళలతో సంబంధాలు కలిగి ఉండేవారని.. ఆయన మరో మహిళతో కలిసి ఉండి తన ఆస్తి మొత్తాన్ని ఆమె పేరుపై బదిలీ చేస్తారనే భయంతో హత్యకు కుట్ర పన్నినట్లు అంగీకరించినట్లు పోలీసులు తెలిపారు. ‘‘సుబ్రత్ పాత్ర గురించి నేను మాట్లాడదలుచుకోలేదు. దాని గురించి చెప్పడానికి నా దగ్గర ఏమీ లేదు. పోలీసులు, అధికారులు తమ పని తాము చేస్తున్నారు. న్యాయం జరిగేలా.. నిజం వెలుగులోకి వచ్చేలా వారు చూస్తారు. అంతకుమించి నేను ఎలాంటి వ్యాఖ్య చేయదలుచుకోలేదు’’ అంటూ షాలు చెప్పుకొచ్చారు.చదవండి: ఇంద్రుడిపైనే కలెక్టర్‌కు ఫిర్యాదు.. ఎందుకంటే?

వర్షం ఎప్పుడు పడుతుందో తెలియదు.. భారీ వర్షాలు.. ప్రజల జీవితాలను అతలాకుతలం చేస్తున్నాయి. ముందస్తు సమాచారం లేకుండా వర్షాలు కురుస్తున్నాయంటూ ఇంద్ర దేవుడిపైనే ఓ వ్యక్తి ఫిర్యాదు చేశాడు. ఉత్తరప్రదేశ్‌లోని హర్దోయికి చెందిన సూరజ్ తివారీ.. ఇంద్రుడి ఫోన్ నంబర్ తనకు తెలియదని.. కాబట్టి జిల్లా కలెక్టర్ దైవిక మార్గాల్లో ఆయనకు సూచనలు చేసి వర్షాలను ఆపించాలని కోరుతూ జన్‌సున్‌వాయి పోర్టల్‌లో ఫిర్యాదు చేయడం సోషల్ మీడియాలో వైరల్‌గా మారింది.‘‘కొన్నిసార్లు భారీగా.. మరికొన్నిసార్లు మెల్లగా కురుస్తున్న వర్షం సాధారణ ప్రజల జీవితాలను పూర్తిగా అస్తవ్యస్తం చేస్తోంది. ఇంద్రదేవుడు ఎలాంటి ముందస్తు సమాచారం లేకుండా నిరంతరం వర్షాలు కురిపిస్తూ, ప్రజలను అనవసర ఇబ్బందులకు గురిచేస్తున్నారు. వర్షాల కారణంగా రోడ్లు, వీధులు, లోతట్టు ప్రాంతాలు నీట మునిగిపోయాయి. రైతులు తమ పంటల విషయంలో కొత్త ఆందోళనలను ఎదుర్కొంటున్నారని, ప్రజలు ఇళ్ల నుంచి బయటకు రావడం కూడా కష్టంగా మారిందని, రోజువారీ కార్యకలాపాలు తీవ్రంగా దెబ్బతిన్నాయని పేర్కొన్నారు’’ అంటూ సూరజ్ తివారీ ఫిర్యాదులో పేర్కొన్నాడు.అయితే, తన ఫిర్యాదులోని చివరిగా ఇలా రాశాడు.. “ఇంద్రదేవుడి మొబైల్ నంబర్ నాకు తెలియదు. కాబట్టి జిల్లా కలెక్టర్ ఈ విషయాన్ని సీరియస్‌గా తీసుకుని.. తన దైవిక సమాచార మార్గాల ద్వారా ఇంద్రుడికి అవసరమైన ఆదేశాలు జారీ చేయాలి.. వెంటనే వర్షాలను నియంత్రించేలా చూడాలి...తద్వారా జిల్లా ప్రజలకు ఉపశమనం కల్పించాలని కోరుతున్నా.. ఈ ఫిర్యాదు సోషల్ మీడియాలో విస్తృతంగా వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. కొందరు దీనిని ప్రభుత్వ వ్యవస్థపై వ్యంగ్యంగా చేసిన ఫిర్యాదుగా భావిస్తున్నారు. భారీ వర్షాల కారణంగా హర్దోయితో పాటు పలు ప్రాంతాల్లో ఆస్తి నష్టంతో పాటు ప్రాణనష్టం సంభవించిన సంగతి తెలిసిందే.ఇదీ చదవండి: Video: పామును ఎలా కాపాడారో చూస్తే షాక్ అవుతారు!

ఉత్తరప్రదేశ్‌లో రాజ్యసభ ఎన్నికల వేడి మొదలైంది. అక్టోబర్‌ 16న రాష్ట్రంలోని 10 రాజ్యసభ స్థానాలకు ఎన్నికలు జరగనుండగా.. అధికార బీజేపీ, ప్రతిపక్ష సమాజ్‌వాదీ పార్టీ (ఎస్పీ) మధ్య పోరు ఆసక్తికరంగా మారింది. పదో స్థానాన్ని దక్కించుకునేందుకు ఇరు పార్టీలు వ్యూహాలకు పదును పెడుతున్నాయి. మంగళవారం నుంచే నామినేషన్ల ప్రక్రియ ప్రారంభం కానుంది.బీజేపీ ఏడు స్థానాలను సులభంగా గెలుచుకునే స్థితిలో ఉంది. అయితే వచ్చే ఏడాది అసెంబ్లీ ఎన్నికలను దృష్టిలో పెట్టుకుని ఎనిమిదో స్థానానికీ పోటీ చేయాలని భావిస్తోంది. ఇందు కోసం మరో నాలుగు ఓట్లు అవసరమవుతాయి. బీజేపీకి ప్రస్తుతం 255 మంది ఎమ్మెల్యేలు ఉండగా.. అప్నాదళ్‌ (సోనేలాల్‌), ఆర్‌ఎల్‌డీ, సుహెల్‌దేవ్‌ భారతీయ సమాజ్‌ పార్టీ, నిషాద్‌ పార్టీ వంటి మిత్రపక్షాల బలంతో కలిపి ఎనిమిదో స్థానంపై ఆశలు పెట్టుకుంది. ఇద్దరు స్వతంత్ర ఎమ్మెల్యేల మద్దతుతో ఈ స్థానాన్ని కూడా గెలుచుకునే అవకాశం ఉందని పార్టీ వర్గాలు లెక్కలు వేస్తున్నాయి.సామాజిక సమీకరణాలతో..వచ్చే అసెంబ్లీ ఎన్నికలను దృష్టిలో పెట్టుకుని అభ్యర్థుల ఎంపికపై బీజేపీ కసరత్తు చేస్తోంది. ఓబీసీలు, జాట్లు, రాజ్‌పుత్‌లు, దళితులు, మైనారిటీలకు ప్రాతినిధ్యం కల్పించడంతో పాటు యువత, మహిళలకు ప్రాధాన్యం ఇవ్వాలని యోచిస్తోంది. బ్రాహ్మణ ఓటు బ్యాంకును నిలబెట్టుకోవడంతో పాటు గత లోక్‌సభ ఎన్నికల్లో దూరమైన నాన్‌-యాదవ్‌ ఓబీసీ, ముఖ్యంగా కుర్మీ, నాన్‌-జాటవ్‌ ఎస్సీ వర్గాలను తిరిగి తమవైపు తిప్పుకునే వ్యూహంపై దృష్టి పెట్టింది.లక్నోలో సోమవారం జరిగిన బీజేపీ కోర్‌ కమిటీ సమావేశంలో రాజ్యసభ అభ్యర్థులపై విస్తృతంగా చర్చ జరిగింది. జాతీయ ప్రధాన కార్యదర్శిగా కీలక బాధ్యతలు చేపట్టిన స్మృతి ఇరానీ పేరు ప్రముఖంగా పరిశీలనలో ఉంది. ఇటీవలే పార్టీ జాతీయ సంస్థాగత బాధ్యతలు దక్కించుకున్న ఆమెకు రాజ్యసభ అవకాశం కల్పించే అంశంపై బీజేపీ నాయకత్వం కసరత్తు చేస్తున్నట్లు సమాచారం. మరోవైపు మాజీ ఎంపీ(పిలిభిత్‌) వరుణ్‌ గాంధీ పేరు కూడా మరోసారి తెరపైకి వచ్చింది. వీరితో పాటు హరీశ్‌ ద్వివేదీ, సంజీవ్‌ బాలియాన్‌, సత్యపాల్‌ సింగ్‌, సురేశ్‌ రాణా తదితరుల పేర్లు కూడా పరిశీలనలో ఉన్నాయి. తుది జాబితాను కేంద్ర ఎన్నికల కమిటీ మరో మూడు, నాలుగు రోజుల్లో ఖరారు చేసే అవకాశం ఉంది.ప్రస్తుతం రాజ్యసభ సభ్యులుగా ఉన్న కొందరికి అసెంబ్లీ ఎన్నికల్లో పోటీ చేసే అవకాశం కల్పించే అంశం కూడా పరిశీలనలో ఉన్నట్లు సమాచారం. కేంద్ర మంత్రి బీఎల్‌ వర్మ పదవీకాలం ముగియనుండగా.. ఆయనను తిరిగి రాజ్యసభకు పంపే అవకాశంపై కూడా చర్చ జరుగుతోంది. దళిత ప్రాతినిధ్యంలోనూ మార్పులు చేయాలని పార్టీ యోచిస్తున్నట్లు తెలుస్తోంది.ఎస్పీ.. ప్చ్‌ మూడో సీటు కష్టమే!మరోవైపు ఎస్పీ మూడు స్థానాలకు అభ్యర్థులను బరిలోకి దింపే అవకాశం ఉంది. పార్టీకి ప్రస్తుతం 101 మంది ఎమ్మెల్యేలు ఉండగా.. ఇద్దరు కాంగ్రెస్‌ ఎమ్మెల్యేల మద్దతుతో సంఖ్య 103కు చేరుతుంది. ఈ బలంతో రెండు స్థానాలు గెలుచుకున్న తర్వాత మూడో స్థానానికి అవసరమైన అదనపు ఓట్ల కోసం ఇతర ఎమ్మెల్యేల మద్దతు కూడగట్టాల్సి ఉంటుంది.మాజీ మంత్రి, సీనియర్‌ నేత రామ్‌గోపాల్‌ యాదవ్‌ను మరోసారి రాజ్యసభకు పంపే అంశాన్ని ఎస్పీ పరిశీలిస్తున్నట్లు సమాచారం. మాజీ ఐఏఎస్‌ అధికారి అలోక్‌ రంజన్‌, సలీం ఇక్బాల్‌ పేర్లు కూడా పరిశీలనలో ఉన్నట్లు తెలుస్తోంది.పదో సీటుపైనే ఉత్కంఠ403 మంది సభ్యులున్న యూపీ అసెంబ్లీలో ప్రస్తుతం 396 మంది ఎమ్మెల్యేలు ఉన్నారు. ఒక రాజ్యసభ స్థానాన్ని గెలుచుకోవడానికి 37 తొలి ప్రాధాన్యత ఓట్లు అవసరం. ఈ లెక్కల ప్రకారం బీజేపీ ఏడు స్థానాలను గెలుచుకున్న తర్వాత కూడా అదనపు ఓట్లు మిగులుతాయి. మరోవైపు ఎస్పీ రెండు స్థానాలను గెలుచుకున్న తర్వాత మూడో సీటుకు మరిన్ని ఓట్లు సమీకరించాల్సి ఉంటుంది.రాజ్యసభ ఎన్నికల్లో విప్‌ వర్తించకపోవడంతో క్రాస్‌ ఓటింగ్‌కు అవకాశం ఉంటుంది. దీంతో పదో స్థానంపై బీజేపీ, ఎస్పీ మధ్య హోరాహోరీ పోరు జరిగే అవకాశముంది. ఎమ్మెల్యేల మద్దతు కోసం ఇరు పార్టీలు ఇప్పటి నుంచే వ్యూహాలు రచిస్తున్నాయి. అభ్యర్థుల తుది జాబితా, మిత్రపక్షాల వైఖరి, చివరి దశలో జరిగే సమీకరణాలు ఎన్నికల ఫలితాన్ని నిర్ణయించనున్నాయి.ఇదీ చదవండి: మాయావతి సంచలన వ్యాఖ్యలు

లక్నో: ఎలక్ట్రానిక్ ఓటింగ్ యంత్రాల ద్వారా ఓటింగ్‌ను వెంటనే నిలిపివేసి, బ్యాలెట్‌ పేపర్‌ విధానాన్ని తిరిగి ప్రవేశపెట్టాలని బహుజన్ సమాజ్ పార్టీ అధినేత్రి మాయావతి డిమాండ్ చేశారు. ఈవీఎంల పనితీరుపై ప్రజల్లో నెలకొన్న అనుమానాలు స్వేచ్ఛాయుత, నిష్పక్షపాత ఎన్నికలపై విశ్వాసాన్ని దెబ్బతీస్తున్నాయని ఆమె అన్నారు. లక్నోలో సోమవారం మీడియాతో మాట్లాడిన మాయావతి.. ఎన్నికలు నిర్వహించే బాధ్యతను రాజ్యాంగం ఎన్నికల సంఘానికి అప్పగించిందని చెప్పారు. ఎన్నికలు నిష్పక్షపాతంగా జరిగేలా పార్లమెంట్ చట్టాలు, నిబంధనలు రూపొందించిందని తెలిపారు. ప్రతి వ్యక్తి తనకు నచ్చిన అభ్యర్థికి ఓటు వేసే హక్కు కలిగి ఉండాలని, తాను వేసిన ఓటు అదే అభ్యర్థికి చేరి, లెక్కింపులోనూ అదే అభ్యర్థికి జమ కావాలని అన్నారు.ఓటు వేరే వ్యక్తి ఖాతాలోకి వెళ్లిందా? అనే అనుమానం ఓటరుకు రాకూడదని మాయావతి చెప్పారు. అలాంటి పరిస్థితి ఏర్పడితే అది ప్రజాస్వామ్యాన్ని ఖూనీ చేసినట్లుగా మారుతుందని, తీవ్రమైన నేరం కింద పరిగణించాల్సి వస్తుందని అన్నారు. ప్రజలకు ప్రజాస్వామ్యంపై నమ్మకం కోల్పోయే ప్రమాదం ఉంటుందని వ్యాఖ్యానించారు. దేశంలో తొలి ఎన్నికల తర్వాత దాదాపు 5 దశాబ్దాల పాటు బ్యాలెట్‌ పేపర్లనే ఉపయోగించారని మాయావతి గుర్తుచేశారు. అన్ని రాజకీయ పార్టీల ప్రతినిధుల సమక్షంలో బ్యాలెట్‌ పేపర్లు తెరిచి ఓట్లను లెక్కించేవారని తెలిపారు. అనంతరం ఎన్నికల సంఘం బ్యాలెట్‌ పేపర్ల స్థానంలో ఈవీఎంలను వినియోగించడం ప్రారంభించిందన్నారు.అప్పట్లో బీజేపీ వ్యతిరేకించింది.. కాంగ్రెస్ కేంద్రంలో అధికారంలో ఉన్న సమయంలో భారతీయ జనతా పార్టీ ఈవీఎంలను వ్యతిరేకించిందని మాయావతి ఆరోపించారు. యంత్రాల్లోని ఎలక్ట్రానిక్ చిప్‌ను హ్యాక్ చేయవచ్చని ఆ పార్టీ అప్పట్లో చెప్పిందని, దీనిపై పుస్తకం కూడా ప్రచురించిందని ఆమె పేర్కొన్నారు. అయితే కేంద్రంలో అధికారంలోకి వచ్చిన తర్వాత భారతీయ జనతా పార్టీ ఈవీఎంల వినియోగాన్ని కొనసాగించిందని విమర్శించారు. బహుజన్ సమాజ్ పార్టీ మొదటి నుంచే ఈవీఎంల ఆధారిత ఓటింగ్‌ను వ్యతిరేకిస్తోందని మాయావతి చెప్పారు. ముఖ్యంగా పేదలు, వెనుకబడిన వర్గాలకు చెందిన ఓటర్లలో ఎన్నికల ప్రక్రియపై విశ్వాసం తగ్గుతోందని ఆమె పేర్కొన్నారు. నాగినా రిజర్వ్ లోక్‌సభ నియోజకవర్గంలో ఆజాద్ సమాజ్ పార్టీ ఎంపీ విజయం వెనుక ఈవీఎంలను భారతీయ జనతా పార్టీ తారుమారు చేసిన కుట్ర ఉందని కూడా మాయావతి ఆరోపించారు. ఆయనకు అక్కడ ప్రజాదరణ లేదని, బహుజన్ సమాజ్ పార్టీని దెబ్బతీయడానికే ఇలా చేశారని ఆమె ఆరోపించారు. అయితే ఇది అక్కడి ప్రజల నమ్మకమని ఆమె స్పష్టం చేశారు. ఈవీఎంలపై తమ అభ్యంతరాలను సుప్రీంకోర్టులో సవాలు చేసినప్పటికీ, ఈవీఎంలను తొలగించకుండా వాటితో పాటు ఓటర్ వెరిఫైడ్ పేపర్ ఆడిట్ ట్రయల్ యంత్రాలను ఉపయోగించాలని కోర్టు ఆదేశించిందని మాయావతి చెప్పారు. అయితే అన్ని వీవీప్యాట్‌ స్లిప్పులను లెక్కించకపోవడంతో ప్రయోజనం లేదని ఆమె అన్నారు.ఈవీఎంల ద్వారా ఎన్నికలను వెంటనే నిలిపివేసి, మళ్లీ బ్యాలెట్‌ పేపర్లతో ఓటింగ్ నిర్వహించాలన్నదే తమ స్పష్టమైన డిమాండ్ అని మాయావతి తెలిపారు. స్వేచ్ఛాయుత, నిష్పక్షపాత ఎన్నికలపై ప్రజల విశ్వాసాన్ని పునరుద్ధరించడం ద్వారా దేశ ప్రజాస్వామ్యాన్ని పరిరక్షించాల్సిన అవసరం ఉందని ఆమె అన్నారు.

లక్నో: ఉత్తరప్రదేశ్‌లో భారీ వర్షాలు, ఈదురుగాలులు తీవ్ర బీభత్సం సృష్టించాయి. 48 గంటల వ్యవధిలో వర్ష సంబంధిత ఘటనల్లో 56 మంది ప్రాణాలు కోల్పోగా, మరో 46 మంది గాయపడ్డారు. సెప్టెంబర్‌ 25 ఉదయం నుంచి సెప్టెంబర్‌ 27 ఉదయం వరకు రాష్ట్రంలో 97.6 మిల్లీమీటర్ల వర్షపాతం నమోదైంది. సాధారణంగా ఈ సమయంలో 4.5 మిల్లీమీటర్ల వర్షపాతం మాత్రమే నమోదవుతుంది. ఉత్తరప్రదేశ్‌లోని 75 జిల్లాల్లో 56 జిల్లాల్లో అధిక వర్షపాతం నమోదైనట్లు రాష్ట్ర సహాయ కమిషనర్‌ హృషీకేశ్‌ భాస్కర్‌ యశోద్‌ తెలిపారు. వర్షాలు, సంబంధిత ఘటనల కారణంగా 1,020కుపైగా ఇళ్లు దెబ్బతిన్నాయి. 107 జంతువులు మృతి చెందాయి. మృతుల సంఖ్య మరింత పెరిగే అవకాశం ఉందని అధికారులు తెలిపారు. ప్రస్తుతం నష్టాలు, ప్రాణనష్టంపై వివరాల సేకరణ కొనసాగుతోంది.ఫరూఖాబాద్‌లో సాధారణం కంటే ఏకంగా 7,385 శాతం అధిక వర్షపాతం నమోదైంది. కన్నౌజ్‌లో 5,664 శాతం, షాజహాన్‌పూర్‌లో 4,408 శాతం, హమీర్‌పూర్‌లో 4,240 శాతం, మహోబాలో 4,100 శాతం అధిక వర్షం నమోదైనట్లు అధికారులు వెల్లడించారు. 48 గంటలకు పైగా కొనసాగిన ప్రతికూల వాతావరణ పరిస్థితులు ప్రస్తుతం కొంత తగ్గుముఖం పట్టాయి. అయితే తరాయ్‌ ప్రాంతంలో మాత్రం భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ హెచ్చరించింది.ఒడిశాకు వరద ముప్పుభారీ వర్షాల కారణంగా ఒడిశాలోని పలు లోతట్టు ప్రాంతాలకు వరద ముప్పు పొంచి ఉంది. మహానది నదీ వ్యవస్థలోని నీరు ముండలి వద్ద సోమవారం ఉదయం 10 గంటలకు 8 లక్షల క్యూసెక్కులకు చేరే అవకాశం ఉందని అధికారులు తెలిపారు. ఆదివారం రాత్రికి సుమారు 7 లక్షల క్యూసెక్కుల నీరు ముండలి మీదుగా ప్రవహించే అవకాశం ఉందని ఒడిశా జలవనరుల శాఖ చీఫ్‌ ఇంజినీర్‌ దిలీప్‌ కుమార్‌ రౌత్‌ తెలిపారు.నాలుగు జిల్లాలపై ప్రభావంమహానది వ్యవస్థలోని లూనా, కరాండియా, చిత్రోత్పల, కాఠజోడి, కువాఖై నదుల్లో నీటిమట్టాలు పెరిగే అవకాశం ఉంది. ఖుర్దా, కటక్‌, పూరీ, జగత్సింగ్‌పూర్‌ జిల్లాల్లోని లోతట్టు ప్రాంతాలపై దీని ప్రభావం పడే అవకాశం ఉందని అధికారులు తెలిపారు. దేవి, కండాలా, కుషభద్ర, దయా, భార్గవి, రాజువా, మకర నదుల్లోనూ వరద పరిస్థితులు ఏర్పడే అవకాశం ఉంది. ఉత్తర ఒడిశాలో బైతరణి, సాలంది, సువర్ణరేఖ నదులు ఇప్పటికే ప్రమాద స్థాయి కంటే ఎగువన ప్రవహిస్తుండటంతో పరిస్థితి మరింత ఆందోళనకరంగా మారింది.రిషికేశ్‌లో రివర్‌ రాఫ్టింగ్‌ నిలిపివేతఉత్తరాఖండ్‌లోనూ భారీ వర్షాల ప్రభావం కనిపిస్తోంది. గత రెండు రోజులుగా ఎడతెరిపి లేకుండా వర్షాలు కురుస్తుండటంతో రిషికేశ్‌లోని ముని-కి-రేతి ప్రాంతంలో గంగానదిపై రివర్‌ రాఫ్టింగ్‌ను నిరవధికంగా నిలిపివేశారు. వాతావరణ పరిస్థితులు మెరుగుపడి, నదిలో నీటిమట్టం సురక్షిత స్థాయికి తగ్గిన తర్వాతే రాఫ్టింగ్‌ను తిరిగి ప్రారంభిస్తామని అధికారులు తెలిపారు. గఢ్వాల్‌ ప్రాంతంలో వర్షాలు, వాతావరణ శాఖ హెచ్చరికలను దృష్టిలో ఉంచుకుని ఈ నిర్ణయం తీసుకున్నట్లు జిల్లా పర్యాటక, అడ్వెంచర్‌ అధికారి సోబత్‌ సింగ్‌ రాణా వెల్లడించారు.ఇదీ చదవండి: 80 అడుగుల బోరుబావిలో పడి చిన్నారి మృతి

టైర్ ఒక్కసారిగా పేలింది.. క్షణాల్లో ఫార్చ్యూనర్ అదుపుతప్పింది.. రోడ్డుపై పాము మాదిరిగా స్కిడ్‌ అవుతూ దూసుకెళ్లింది.. చివరకు రోడ్డు పక్కనున్న స్తంభాన్ని బలంగా ఢీకొట్టింది. ఊహించని ఈ ప్రమాదంలో బులంద్‌షహర్‌ బీజేపీ ఎమ్మెల్యే చంద్రపాల్ సింగ్ లోధీ గాయపడ్డారు. గంగా ఎక్స్‌ప్రెస్‌వేపై జరిగిన ఈ ఘటనకు సంబంధించిన సీసీటీవీ దృశ్యాలు ప్రస్తుతం వైరల్‌గా మారాయి.ఈ ఘటనకు సంబంధించిన వివరాలు ఇలా ఉన్నాయి. ఉత్తరప్రదేశ్‌లోని బులంద్‌షహర్‌ ఎమ్మెల్యే చంద్రపాల్ సింగ్ లోధీ ఫార్చ్యూనర్‌లో ప్రయాణిస్తున్నారు. సియానా ప్రాంతంలో గంగా ఎక్స్‌ప్రెస్‌వేపై వెళ్తుండగా ఒక్కసారిగా వాహనం టైర్‌ పేలిపోయింది. దీంతో డ్రైవర్‌ వాహనాన్ని అదుపులోకి తీసుకురాలేకపోయాడు. ఫార్చ్యూనర్‌ వేగంగా స్కిడ్‌ అవుతూ రోడ్డుపక్కకు దూసుకెళ్లి స్తంభాన్ని ఢీకొట్టింది. ఈ ప్రమాదంలో ఎమ్మెల్యే చంద్రపాల్ సింగ్ లోధీతో పాటు మరో వ్యక్తికి గాయాలయ్యాయి. వెంటనే వారిని హాపూర్‌లోని ఓ ప్రైవేట్‌ ఆస్పత్రికి తరలించారు. ప్రస్తుతం ఇద్దరికీ చికిత్స కొనసాగుతోంది.కెమెరాకు చిక్కిన ప్రమాదం..ఈ ప్రమాదానికి సంబంధించిన సీసీటీవీ దృశ్యాలు వెలుగులోకి వచ్చాయి. ఫార్చ్యూనర్‌ ఒక్కసారిగా అదుపుతప్పి రోడ్డుపై స్కిడ్‌ అవుతూ స్తంభాన్ని ఢీకొట్టిన దృశ్యాలు అందులో స్పష్టంగా కనిపిస్తున్నాయి. ప్రమాదం ఎంత వేగంగా జరిగిందో ఈ వీడియో చూస్తే అర్థమవుతోంది. మరోవైపు ఉత్తరప్రదేశ్‌లో భారీ వర్షాలు కురుస్తుండటంతో గంగా ఎక్స్‌ప్రెస్‌వేపై పలు ప్రాంతాల్లో నీరు నిలిచిపోయింది. ఉన్నావ్‌లోని సోనిక్ టోల్ ప్లాజా వద్ద పరిస్థితి తీవ్రంగా మారింది. దాదాపు 36 గంటలుగా అడపాదడపా వర్షాలు కురుస్తుండటంతో టోల్ ప్లాజా పరిసరాలు జలమయమయ్యాయి. కొన్ని ప్రాంతాల్లో 5 నుంచి 6 అడుగుల మేర నీరు నిలిచినట్లు సమాచారం. టోల్ క్యాబిన్లు పూర్తిగా నీట మునిగాయి. అలాగే, నీరు ఇంజిన్‌లోకి చేరడంతో వాహనం దెబ్బతిన్నట్లు తెలుస్తోంది.BJP MLA Chandrapal Singh Lodhi filming a scene from the Fast & Furious movie on the Ganga Expressway pic.twitter.com/jJvsPXfcK3— Brajmani Yadav (@BrajmaniYadav) September 26, 2026నీటిని తోడేందుకు చర్యలు..నీటిని బయటకు పంపేందుకు ఎక్స్‌ప్రెస్‌వే నిర్వహణ సంస్థ మూడు జనరేటర్లను ఏర్పాటు చేసింది. ట్రాక్టర్ల సాయంతో జనరేటర్లను నడుపుతూ నీటిని తొలగిస్తున్నారు. సర్వీస్ రోడ్డు సమీపంలో జేసీబీతో గుంత తవ్వి టోల్ ప్లాజా వద్ద నిలిచిన నీటిని మళ్లించే ప్రయత్నం చేస్తున్నారు. అయినప్పటికీ గంటల తరబడి ప్రయత్నాలు కొనసాగుతున్నా నీటిమట్టం పెద్దగా తగ్గలేదని సమాచారం. దీంతో ఉన్నావ్‌ నుంచి ప్రయాగ్‌రాజ్‌ వైపు వెళ్లే వాహనదారులు నీటిమట్టం తగ్గే వరకు వేచి చూస్తున్నారు. టోల్ ప్లాజా వద్ద వాహనాలు నీటిలో చిక్కుకుపోతాయన్న ఆందోళన ప్రయాణికుల్లో నెలకొంది.ఇదీ చదవండి: ఎన్నికల వేళ బీజేపీకి బిగ్‌ షాక్‌

ఉత్తరప్రదేశ్‌ను నాలుగు రాష్ట్రాలుగా విభజిస్తారా? ఇప్పుడు దేశవ్యాప్తంగా ఆసక్తి రేపుతున్న ప్రశ్న ఇదే. ఉత్తరప్రదేశ్ మంత్రి, సుహేల్‌దేవ్ భారతీయ సమాజ్ పార్టీ నేత ఓం ప్రకాశ్ రాజ్‌భర్ చేసిన సంచలన ప్రకటనతో ఈ అంశం మరోసారి తెరపైకి వచ్చింది. త్వరలో ఉత్తరప్రదేశ్ నాలుగు భాగాలుగా విడిపోతుందని, తూర్పాంచల్‌కు ‘రాజ్‌భర్’ ముఖ్యమంత్రి అవుతారని కూడా ఆయన చెప్పడం రాజకీయ వర్గాల్లో చర్చకు దారితీసింది. అయితే ఇది వాస్తవంగా అమలులోకి రావాలంటే రాజ్యాంగపరమైన ప్రక్రియ జరగాల్సి ఉంటుంది.రాజ్‌భర్ ప్రకటనతో మళ్లీ చర్చఇటీవల అంబేడ్కర్‌నగర్‌లో నిర్వహించిన బహిరంగ సభలో ఓం ప్రకాశ్ రాజ్‌భర్ ఉత్తరప్రదేశ్ విభజనపై మాట్లాడారు. ఈ అంశంపై ప్రధాని నరేంద్ర మోదీతో తాను మాట్లాడినట్లు ఆయన తెలిపారు. కుల గణన పూర్తయిన తర్వాత రాష్ట్ర విభజనపై ముందుకు వెళ్లవచ్చని ప్రధాని తనకు హామీ ఇచ్చినట్లు రాజ్‌భర్ పేర్కొన్నారు. అయితే ఉత్తరప్రదేశ్ బీజేపీ వర్గాలు మాత్రం రాజ్‌భర్ వ్యాఖ్యలను ఎన్నికల రాజకీయాల్లో భాగంగా చూస్తున్నాయి. కార్యకర్తలకు తాను ముఖ్యమంత్రి కావచ్చనే సందేశాన్ని, తన వర్గాలకు అధికారంలో భాగస్వామ్యం లభించవచ్చనే సంకేతాన్ని ఇవ్వడానికే ఆయన ఈ వ్యాఖ్యలు చేసి ఉండవచ్చని ఆ వర్గాలు భావిస్తున్నాయి.మాయావతి హయాంలోనే ప్రతిపాదనఉత్తరప్రదేశ్‌ను విభజించాలనే డిమాండ్ ఇప్పటిది కాదు. 2007 నుంచి 2012 వరకు ముఖ్యమంత్రిగా ఉన్న మాయావతి కూడా రాష్ట్రాన్ని చిన్న రాష్ట్రాలుగా విభజించాలని కోరారు. 2011 నవంబర్‌లో ఆమె ప్రభుత్వం శాసనసభలో ఒక తీర్మానం ఆమోదించింది. ఉత్తరప్రదేశ్‌ను తూర్పాంచల్, బుందేల్‌ఖండ్, అవధ్ ప్రదేశ్, పశ్చిమప్రదేశ్ అనే నాలుగు రాష్ట్రాలుగా విభజించాలని అందులో ప్రతిపాదించారు. ఉత్తరప్రదేశ్ చాలా పెద్ద రాష్ట్రం కావడంతో పరిపాలన నిర్వహించడం, అన్ని ప్రాంతాలకు సమానంగా అభివృద్ధి అందించడం కష్టమవుతోందని అప్పటి ప్రభుత్వం వాదించింది. చిన్న రాష్ట్రాలతో పాలన మెరుగుపడి అభివృద్ధి వేగవంతమవుతుందని పేర్కొంది. ఈ ప్రతిపాదనను కేంద్రానికి పంపినప్పటికీ, 2012లో సమాజ్‌వాదీ పార్టీ ప్రభుత్వం ఏర్పడిన తర్వాత అది ముందుకు సాగలేదు.విభజన వెనుక రాజకీయ లెక్కలేంటి?మాయావతి ప్రభుత్వానికి రాష్ట్ర విభజన ప్రతిపాదన రాజకీయంగా కూడా ఉపయోగపడే అవకాశం ఉందనే విశ్లేషణలు ఉన్నాయి. ప్రతిపాదిత నాలుగు రాష్ట్రాల్లో దళిత జనాభా గణనీయంగా ఉంటుందని, దీని వల్ల బహుజన్ సమాజ్ పార్టీ నాలుగు ప్రాంతాల్లోనూ రాజకీయంగా బలపడే అవకాశం ఉండేదని అప్పట్లో చర్చ జరిగింది. మొత్తం ఉత్తరప్రదేశ్‌లో షెడ్యూల్డ్ కులాల జనాభా సుమారు 21 శాతం. మరోవైపు సమాజ్‌వాదీ పార్టీకి ప్రధాన ఆధారంగా భావించే యాదవుల ప్రభావం రాష్ట్రంలోని అన్ని ప్రాంతాల్లో ఒకేలా లేదు. పశ్చిమ ప్రాంతంలోని ఎటా-మైన్‌పురి-ఇటావా-ఫిరోజాబాద్ ప్రాంతంతో పాటు తూర్పు ఉత్తరప్రదేశ్‌లోని జౌన్‌పూర్, ఆజమ్‌గఢ్, ఘాజీపూర్, మౌ పరిసరాల్లో వారి ప్రభావం ఎక్కువగా ఉందని విశ్లేషణలు పేర్కొన్నాయి. విభజన జరిగితే రాజకీయపరంగా బలమైన ఈ ప్రాంతాలు వేర్వేరు రాష్ట్రాల్లోకి వెళ్లే అవకాశం ఉంటుంది.పశ్చిమ యూపీకీ ప్రత్యేక రాష్ట్ర డిమాండ్పశ్చిమ ఉత్తరప్రదేశ్‌ను ప్రత్యేక రాష్ట్రంగా ఏర్పాటు చేయాలనే డిమాండ్ కూడా చాలా కాలంగా ఉంది. జాతీయ లోక్‌దళ్ నేత అజిత్ సింగ్ పశ్చిమ ఉత్తరప్రదేశ్‌కు ప్రత్యేక రాష్ట్రం కావాలని కోరారు. ప్రతిపాదిత రాష్ట్రాన్ని ‘హరిత ప్రదేశ్’గా పిలవాలనే డిమాండ్ కూడా ఉంది. ఈ ప్రాంతంలో జాట్ జనాభా ప్రభావవంతంగా ఉండటంతో ప్రత్యేక రాష్ట్రం ఏర్పడితే ఆ వర్గానికి రాజకీయ ప్రాధాన్యం పెరిగే అవకాశం ఉందనే రాజకీయ విశ్లేషణలు ఉన్నాయి. మరోవైపు బీజేపీకి కూడా ఉత్తరప్రదేశ్ విభజన సులభమైన నిర్ణయం కాదనే అభిప్రాయం ఉంది. దేశంలో అత్యధిక జనాభా కలిగిన రాష్ట్రానికి ముఖ్యమంత్రిగా ఉండటం యోగి ఆదిత్యనాథ్ రాజకీయ బలంలో ఒక భాగం. రాష్ట్రం చిన్న భాగాలుగా విడిపోతే ఆ ప్రత్యేక రాజకీయ ప్రాధాన్యం తగ్గవచ్చు.రాజ్యాంగం ఏం చెబుతోంది?భారత రాజ్యాంగంలోని 3వ అధికరణం ప్రకారం పార్లమెంట్‌కు రాష్ట్రాన్ని విభజించి కొత్త రాష్ట్రాన్ని ఏర్పాటు చేసే అధికారం ఉంది. రాష్ట్ర సరిహద్దులు లేదా పేరు మార్చడం, రెండు రాష్ట్రాలను లేదా వాటి ప్రాంతాలను కలిపి కొత్త రాష్ట్రాన్ని ఏర్పాటు చేయడం కూడా ఈ అధికరణం పరిధిలోకి వస్తాయి. అయితే ఇందుకు ముందుగా రాష్ట్రపతి సిఫార్సు అవసరం. ప్రతిపాదిత బిల్లును సంబంధిత రాష్ట్ర శాసనసభకు అభిప్రాయం కోసం పంపిస్తారు. శాసనసభ నిర్ణీత గడువులో తన అభిప్రాయాన్ని తెలియజేయాలి. అయితే ఆ అభిప్రాయం పార్లమెంట్‌పై తప్పనిసరి కాదు. అంటే రాష్ట్ర శాసనసభ వ్యతిరేకించినా పార్లమెంట్ చట్టం చేయగలదు. దీనికి రాజ్యాంగ సవరణ అవసరం లేదు. పార్లమెంట్‌లోని రెండు సభల్లో సాధారణ మెజారిటీతో బిల్లు ఆమోదం పొందవచ్చు.రాజకీయ సమీకరణాలు మారతాయా?ఉత్తరప్రదేశ్‌కు లోక్‌సభలో 80 స్థానాలు ఉండటంతో కేంద్ర రాజకీయాల్లో ఆ రాష్ట్రానికి ఎంతో ప్రాధాన్యం ఉంది. దేశంలో పూర్తి మెజారిటీతో ప్రభుత్వం ఏర్పాటు చేయాలంటే ఉత్తరప్రదేశ్‌లో రుజువు చేసుకోవడం కీలకంగా భావిస్తారు. రాష్ట్రం నాలుగు భాగాలుగా విడిపోతే ప్రతి కొత్త రాష్ట్రంలో కొత్త రాజకీయ సమీకరణాలు ఏర్పడే అవకాశం ఉంది. ముఖ్యంగా పశ్చిమ ఉత్తరప్రదేశ్‌లోని రోహిల్‌ఖండ్‌లోని గణనీయమైన ముస్లిం జనాభా కొత్త రాజకీయ సమీకరణాలను ప్రభావితం చేయవచ్చు. మరోవైపు జనాభా ఆధారంగా భవిష్యత్‌లో లోక్‌సభ స్థానాల పునర్విభజనపై దక్షిణాది రాష్ట్రాల్లో ఉన్న ఆందోళన కూడా ఈ చర్చతో ముడిపడి ఉంది. అయితే ప్రస్తుతానికి రాజ్‌భర్ ప్రకటన మాత్రమే వెలువడింది. ఉత్తరప్రదేశ్ నిజంగా నాలుగు రాష్ట్రాలుగా విడిపోవాలంటే రాజ్యాంగపరమైన పూర్తి ప్రక్రియను అనుసరించి కేంద్రం, రాష్ట్రపతి, పార్లమెంట్ స్థాయిలో చర్యలు జరగాల్సి ఉంటుంది.ఇదీ చదవండి: దేశంలో వెల్లుల్లి నగరం ఎక్కడుందో తెలుసా?

లక్నో: ఉత్తర్‌ప్రదేశ్‌లో 2027 అసెంబ్లీ ఎన్నికలకు సీట్ల సర్దుబాటుపై కాంగ్రెస్‌, సమాజ్‌వాదీ పార్టీ (ఎస్పీ) మధ్య వచ్చే నెలలో చర్చలు ప్రారంభం కానున్నాయి. కాంగ్రెస్‌ 403 అసెంబ్లీ స్థానాల్లో 150 స్థానాలను కోరాలని నిర్ణయించుకున్నట్లు ఆ పార్టీ వర్గాలు తెలిపాయి. అయితే తుది సీట్ల పంపకంపై కాంగ్రెస్‌ అగ్ర నేత రాహుల్‌ గాంధీ, ఎస్పీ అధ్యక్షుడు అఖిలేశ్‌ యాదవ్‌ నిర్ణయం తీసుకోవాల్సి ఉంటుంది.యూపీలోని మొత్తం 403 అసెంబ్లీ నియోజకవర్గాలను కాంగ్రెస్‌ మూడు విభాగాలుగా విభజించినట్లు సమాచారం. వీటిలో 150 స్థానాలను తొలి ప్రాధాన్య విభాగంలో చేర్చింది. పొత్తు చర్చల్లో ఈ స్థానాలను కోరనుంది. అయితే తుది ఒప్పందంలో తమకు దక్కే స్థానాల సంఖ్య 100 కంటే తక్కువగా ఉండకూడదని కాంగ్రెస్‌ నేతలు భావిస్తున్నట్లు పార్టీ వర్గాలు తెలిపాయి.ఇబ్బందులు తలెత్తకుండా జాగ్రత్త పొత్తు ఖరారైన తర్వాత అభ్యర్థుల ఎంపికలో ఇబ్బందులు తలెత్తకుండా ముందుగానే పార్టీ బలాబలాలు, అభ్యర్థుల అవకాశాలను గుర్తించే ప్రక్రియను కాంగ్రెస్‌ చేపట్టింది. రాష్ట్రంలోని మొత్తం 403 స్థానాల్లో పార్టీ సంస్థాగతంగా బలోపేతం కావడంపై దృష్టి పెట్టింది. దళితులు, బ్రాహ్మణులతో పాటు అత్యంత వెనుకబడిన వర్గాల్లో మద్దతు పెంచుకునే ప్రయత్నాలు చేస్తోంది. మైనారిటీ విభాగం అధ్యక్షుడు ఇమ్రాన్‌ ప్రతాప్‌గఢీకి ఈ ప్రయత్నాల్లో కీలక బాధ్యతలు అప్పగించింది.మరోవైపు అఖిలేశ్‌ యాదవ్‌ ఇటీవల రాయ్‌బరేలీ నుంచి ‘పీడీఏ రథయాత్ర’ ప్రారంభించారు. వెనుకబడిన వర్గాలు, దళితులు, మైనారిటీలను లక్ష్యంగా చేసుకున్న ఈ యాత్రను రాహుల్‌ గాంధీ ప్రాతినిధ్యం వహిస్తున్న లోక్‌సభ నియోజకవర్గం నుంచి ప్రారంభించడం ప్రాధాన్యం సంతరించుకుంది. కాంగ్రెస్‌తో పొత్తు కొనసాగుతుందని అఖిలేశ్‌ స్పష్టం చేశారు. 2024 లోక్‌సభ ఎన్నికల్లో యూపీలో ఎస్పీ 37, కాంగ్రెస్‌ 6 స్థానాలు గెలుచుకున్నాయి. రెండు పార్టీలు కలిసి 43 స్థానాలు సాధించాయి. 2019లో ఎస్పీకి 5, కాంగ్రెస్‌కు ఒక స్థానం మాత్రమే దక్కింది. 2027 ఫిబ్రవరి-మార్చిలో యూపీ అసెంబ్లీ ఎన్నికలు జరిగే అవకాశం ఉంది. వచ్చే నెలలో ప్రారంభమయ్యే సీట్ల సర్దుబాటు చర్చల్లో కాంగ్రెస్‌ 150 స్థానాల డిమాండ్‌, తుది పొత్తు పరిమితులు కీలకంగా మారనున్నాయి.

లక్నో: ఉత్తరప్రదేశ్‌లో గత 48 గంటల్లో వర్షాలకు సంబంధించిన ఘటనల్లో 15 మంది ప్రాణాలు కోల్పోయినట్లు అధికారులు శనివారం తెలిపారు. రాష్ట్రంలోని పలు ప్రాంతాల్లో కురిసిన భారీ వర్షాల కారణంగా 100కు పైగా ఇళ్లు దెబ్బతిన్నాయని వెల్లడించారు.ఉత్తరప్రదేశ్‌లో భారీ వర్షాలు కొనసాగుతున్న నేపథ్యంలో భారత వాతావరణ శాఖ (ఐఎండీ) ఆ రాష్ట్రంలోని తూర్పు, పశ్చిమ ప్రాంతాలకు అత్యంత భారీ వర్షాల హెచ్చరిక జారీ చేసింది. సెప్టెంబర్ 26న పలు ప్రాంతాల్లో భారీ నుంచి అత్యంత భారీ వర్షాలతో పాటు ఉరుములు, మెరుపులు, బలమైన గాలులు వీచే అవకాశం ఉందని తెలిపింది.దక్షిణ ఛత్తీస్‌గఢ్‌, దానికి ఆనుకుని ఉన్న దక్షిణ అంతర్గత ఒడిశా ప్రాంతాల్లో ఏర్పడిన అల్పపీడన ద్రోణి ప్రభావంతో ఉత్తరప్రదేశ్‌లో వర్షాల తీవ్రత పెరిగినట్లు వాతావరణ శాఖ తెలిపింది. ఈ వాతావరణ వ్యవస్థ ఉత్తర దిశగా కదులుతూ ఉత్తర ఛత్తీస్‌గఢ్‌, ఈశాన్య మధ్యప్రదేశ్‌ మీదుగా ఆగ్నేయ ఉత్తరప్రదేశ్‌ వైపు వెళ్లే అవకాశం ఉందని పేర్కొంది. రాష్ట్రంలోని పలు జిల్లాల్లో ఇప్పటికే భారీ వర్షాలతో సాధారణ జనజీవనం ప్రభావితమైంది.లక్నో, ప్రయాగ్‌రాజ్‌, కాన్పూర్‌, ఉన్నావ్‌ తదితర ప్రాంతాల్లో వర్షాలు కొనసాగుతున్నాయి. వర్షాల నేపథ్యంలో పలు జిల్లాల్లో పాఠశాలలకు సెలవులు ప్రకటించారు. ప్రయాగ్‌రాజ్‌లో సెప్టెంబర్ 26న ప్రీ-ప్రైమరీ నుంచి 8వ తరగతి వరకు పాఠశాలలను మూసివేశారు. మీరట్‌లోనూ భారీ వర్షాల కారణంగా పాఠశాలలకు సెలవు ప్రకటించారు. తూర్పు ఉత్తరప్రదేశ్‌లో సెప్టెంబర్ 27న భారీ వర్షాలతో పాటు ఉరుములు, మెరుపులు, బలమైన గాలులు వీచే అవకాశం ఉంది. పశ్చిమ ఉత్తరప్రదేశ్‌లోనూ సెప్టెంబర్ 27న భారీ వర్షాలు కురిసే అవకాశం ఉందని ఐఎండీ తెలిపింది.భారీ వర్షాల కారణంగా పలు ప్రాంతాల్లో చెట్లు నేలకూలడం, రహదారులపై నీరు నిలవడం వంటి ఘటనలు నమోదయ్యాయి. ఆకస్మిక వరదల ముప్పు ఉన్న ప్రాంతాల్లో సహాయక, రక్షణ బృందాలను అవసరానికి అనుగుణంగా సిద్ధంగా ఉంచాలని అధికారులను ఆదేశించారు. భారీ వర్షాలు, ఆకస్మిక వరదలు, పిడుగులు, బలమైన గాలుల విషయంలో ప్రజలు అప్రమత్తంగా ఉండాల్సి ఉంటుంది.

ఉత్తరప్రదేశ్‌లోని బృందావన్‌లో ప్రే‌మానంద్‌ మహారాజ్‌ ఆశ్రమంలో విషాద ఘటన చోటుచేసుకుంది. ఆయన శిష్యుడు నాలుగో అంతస్తు నుంచి కిందపడి ఆత్మహత్యకు పాల్పడ్డారు. మృతుడిని మధ్యప్రదేశ్‌లోని జబల్‌పూర్‌కు చెందిన దీపక్‌ లోధి అలియాస్‌ రసిక్‌ దులారీ శరణ్‌గా గుర్తించారు. శుక్రవారం ఉదయం 10.30 గంటల సమయంలో గురు కృపా కుంజ్‌ ఆశ్రమం నాలుగో అంతస్తు నుంచి కిందపడినట్లు పోలీసులు తెలిపారు.ఆసుపత్రిలో చికిత్స పొందుతూ మృతిఈ ఘటనలో దీపక్‌కు తలకు, శరీరంలోని ఇతర భాగాలకు తీవ్ర గాయాలయ్యాయి. వెంటనే అతడిని ఆసుపత్రికి తరలించగా.. చికిత్స పొందుతూ మృతి చెందారు. నాలుగో అంతస్తు నుంచి దూకి ఆయన ఆత్మహత్య చేసుకుని ఉండొచ్చని పోలీసులు భావిస్తున్నారు. ఘటనాస్థలంలో ఆధారాలను సేకరించిన పోలీసులు.. కుటుంబ సభ్యులకు సమాచారం అందించారు.ఆత్మహత్యకు కారణమేంటి?దీపక్‌ ఆత్మహత్యకు ఎందుకు పాల్పడ్డారనే దానిపై ఇప్పటివరకు స్పష్టత రాలేదు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. దీపక్‌ మృతిపై అన్ని కోణాల్లో విచారణ జరుపుతున్నామని పోలీసులు తెలిపారు. ఆశ్రమ నిర్వాహకులను కూడా విచారిస్తున్నారు. ఈ ఘటనపై ప్రేమానంద్‌ మహారాజ్‌ ఇప్పటివరకు స్పందించలేదు.ఎవరీ ప్రేమానంద్‌ మహారాజ్‌?ప్రేమానంద్‌ మహారాజ్‌ అసలు పేరు అనిరుద్ధ కుమార్‌ పాండే. ‘ప్రేమానంద్‌’ పేరుతో ఆధ్యాత్మిక బాట పట్టారు. తన ప్రసంగాలతో దేశవ్యాప్తంగా గుర్తింపు పొందారు. సోషల్‌ మీడియాలోనూ ఆయనకు పెద్ద సంఖ్యలో ఫాలోవర్లు ఉన్నారు. ఆయన ఆశ్రమానికి దేశ నలుమూలల నుంచి, విదేశాల నుంచి కూడా వందలాది మంది భక్తులు హాజరవుతుంటారు.ఇదీ చదవండి: రైలులో ఎంపీ భార్యకు ‘భయానక’ అనుభవం

కోర్టులో కుటుంబ వివాదంపై విచారణ జరుగుతోంది.. తండ్రి వాంగ్మూలం పూర్తయింది.. అంతా సవ్యంగానే ఉందనుకున్న సమయంలో ఒక్కసారిగా ఉద్రిక్తత! కోర్టు గది నుంచి బయటకు వచ్చిన మహిళపై ఆమె భర్తతో పాటు మరో ఇద్దరు దాడికి దిగారు. అంతటితో ఆగకుండా ఆమె గొంతు నులిమి చంపేందుకు ప్రయత్నించారని బాధితురాలు పోలీసులను ఆశ్రయించింది. అడ్డుకోబోయిన తండ్రి, సోదరిపైనా దాడి జరిగింది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. ఈ క్లిప్‌ను బాధితురాలు పోలీసులకు అందించింది.ఉత్తరప్రదేశ్‌లోని మహారాజ్‌గంజ్‌ కుటుంబ న్యాయస్థానంలో ఈ ఘటన జరిగినట్లు బాధితురాలు ప్రియా త్రిపాఠి ఫిర్యాదులో పేర్కొంది. పురందర్‌పూర్‌ పోలీస్‌స్టేషన్‌ పరిధిలోని సమర్ధీరా చౌరాహాకు చెందిన ప్రియాకు.. బృజ్‌మంజ్‌గంజ్‌ ప్రాంతంలోని కోయిలాడాడ్‌కు చెందిన మనీష్‌ కుమార్‌ మిశ్రాతో వివాహమైంది. భార్యాభర్తల మధ్య కొంతకాలంగా వివాదం కొనసాగుతోంది. ఈ నేపథ్యంలో భరణం కోసం ప్రియా కుటుంబ న్యాయస్థానాన్ని ఆశ్రయించింది. కేసు నంబర్‌ 641/2025తో విచారణ కొనసాగుతోంది.తండ్రి వాంగ్మూలం తర్వాతే..సెప్టెంబర్‌ 24న కేసు విచారణకు హాజరైన ప్రియా.. తన తండ్రి లక్ష్మీకాంత్‌, సోదరి ప్రియాంకతో కలిసి కోర్టుకు వెళ్లింది. తండ్రి వాంగ్మూలం పూర్తైన తర్వాత మధ్యాహ్నం 2 గంటల సమయంలో ముగ్గురూ కోర్టు గది నుంచి బయటకు వచ్చి గ్రౌండ్‌ ఫ్లోర్‌ హాల్‌లోకి వచ్చినట్లు ఆమె తెలిపింది. అదే సమయంలో తన భర్త మనీష్‌ మిశ్రాతో పాటు ప్రిన్స్‌ మిశ్రా, సతీష్‌ మిశ్రా అక్కడికి వచ్చారని.. ముగ్గురూ కలిసి తనపై దాడి చేశారని ప్రియా ఆరోపించింది. తనను కొట్టడంతో పాటు గొంతు నులిమి చంపేందుకు ప్రయత్నించారని పేర్కొంది.Inside court premises in Maharajganj, Uttar Pradesh. Women were beaten and tossed like an object infront of police and lawyers. pic.twitter.com/g3mZBkNSuK— Piyush Rai (@Benarasiyaa) September 26, 2026అడ్డుకోబోయిన వారిపైనా దాడి?ప్రియాపై దాడిని అడ్డుకునేందుకు ఆమె తండ్రి, సోదరి ప్రయత్నించగా.. వారిపైనా నిందితులు దాడి చేశారని ఫిర్యాదులో పేర్కొంది. వారిని కింద పడేసి గొంతు నులిమేందుకు ప్రయత్నించారని ఆరోపించింది. కచేరీ ప్రాంగణంలో ఒక్కసారిగా గొడవ జరగడంతో అక్కడున్న పోలీసులకు విషయం తెలియగా.. వారు వెంటనే అక్కడికి చేరుకుని జోక్యం చేసుకున్నారని తెలిపింది. పోలీసులు రావడంతో ముగ్గురూ అక్కడి నుంచి వెళ్లిపోయారని.. అయితే వెళ్లే సమయంలో కేసు విషయంలో కోర్టులో వాదనలు కొనసాగిస్తే చంపేస్తామని బెదిరించారని ప్రియా ఆరోపించింది.వీడియోతో పోలీసుల ముందుకు..తనపై జరిగిన దాడికి సంబంధించిన వీడియో క్లిప్‌ కూడా తన వద్ద ఉందని తెలిపిన ప్రియా.. దాన్ని పోలీసులకు అందించినట్లు పేర్కొంది. భర్త మనీష్‌ మిశ్రా, ప్రిన్స్‌ మిశ్రా, సతీష్‌ మిశ్రాలపై ఎఫ్‌ఐఆర్‌ నమోదు చేసి చర్యలు తీసుకోవాలని కోరింది. కోర్టు ప్రాంగణంలోనే మహిళపై దాడి జరిగిందన్న ఆరోపణలు రావడంతో ఈ ఘటన స్థానికంగా చర్చనీయాంశంగా మారింది. బాధితురాలు అందించిన వీడియో, ఫిర్యాదులో పేర్కొన్న అంశాలను పోలీసులు పరిశీలించి తదుపరి చర్యలు తీసుకోవాల్సి ఉంది.

ప్రభుత్వ ఉద్యోగం అనేది చాలామంది యువత డ్రీమ్‌. కానీ ఆ వ్యక్తిలా ఇంతలా ఇన్నిసార్లు ప్రయత్నించి ఉండరు. ఎందుకంటే..ఎవ్వరైనా మహా అయితే ఓ పదిసార్లు ట్రై చేసి ఆగిపోతారామె. కానీ ఇతడు పట్టువదలని విక్రమార్కుడిలా చేసిన ప్రయత్నం నిజంగా స్ఫూర్తిదాయకం. ఓపికకు చిరునామా కూడా. అతడే ఉత్తరప్రదేశ్‌కి చెందిన విజయ్‌ కుమార్‌ శర్మ. దాదాపు 27 ప్రయత్నాల తర్వాత ప్రభుత్వ ఉపాద్యాయుడిగా ఉద్యోగం సాధించారు. 1999 నుంచి నియమాక పరీక్షలకు హాజరవుతూ వచ్చిన 59 ఏళ్ల శర్మ సంస్కృత విభాగంలో 'ట్రైన్డ్ గ్రాడ్యుయేట్ టీచర్' (TGT)గా ఎంపికయ్యారు. ఆయన అనేకసార్లు రాత పరీక్షలో ఉత్తీర్ణులైనప్పటికీ ఇంటర్యూలో ఫెయిలవ్వడంతో ఉద్యోగం పొందలేకపోయినట్లు తెలిపారు. ఈసారి నియామక ప్రక్రియలో ఇంటర్వ్యూని తొలగించడంతో తాను ఎంపికైనట్లు వెల్లడించారు శర్మ. ఏళ్ల తరబడి రాత పరీక్షల్లో ఉత్తీర్ణత సాధించనప్పటికీ, కేవలం ఇంటర్వ్యూలో వైఫల్యం చెందడం వల్లే ఉద్యోగం సాధించలేకపోయినట్లు తెలిపారు. ఆయన టీజీటీ నియామకానికి ఆరుసార్లు, పోస్ట్‌గ్రాడ్యుయేట్‌ టీచర్‌ నియమాకానికి నాలుగుసార్లు రాతపరీక్షలలో ఉత్తీర్ణత సాధించినట్లు తెలిపారు. ఆయన 26 ఏళ్ల పాటు 'డూన్ పబ్లిక్ స్కూల్'లో ప్రైవేట్ ఉపాధ్యాయుడిగా పనిచేశారు. పాఠశాలలో బోధిస్తూనే ప్రభుత్వ ఉద్యోగ నియామక పరీక్షలకు సన్నద్ధమైనట్లు పేర్కొన్నారు. అంతేగాదు ఆ ప్రైవేట్‌ పాఠశాల డైరెక్టర్‌ మాట్లాడుతూ.. శర్మ 2003 నుంచి తమ సంస్థతో అనుబంధ కలిగి ఉన్నారని, రెండు దశాబ్దాలకు పైగా ఇక్కడ బోధించారని చెప్పారు. ఆయన పాఠాలు బోధిస్తూనే పోటీ పరీక్షలకు సన్నద్ధమయ్యేవారని పేర్కొన్నారు. విచిత్రం ఏంటంటే శర్మ తండ్రి లక్ష్మణ్‌ సింగ్‌ కూడా ప్రభుత్వ ఉపాధ్యాయుడే. ఇక ఆయనకు ఐదుగురు పిల్లలు, వీరిలో ఇద్దరు కుమారులు ఉత్తప్రదేశ్‌ పోలీస్‌ విభాగంలో పనిచేస్తుండగా, ముగ్గురు కుమార్తెలు ఉన్నారు. వారిలో ఒకరు ఉపాధ్యాయ ఉద్యోగానికి ఎంపికై పోస్టింగ్‌ కోసం ఎదురుచూస్తున్నారు. ఇక తన నియమాకం గురించి శర్మ మాట్లాడుతూ..ఎట్టకేలకు ఉద్యోగ నియామక పత్రాన్ని అందుకోవడం తన జీవితంలోని అత్యంత గొప్ప విషయమని అన్నారు. తన ప్రతి ప్రయత్నంలో తప్పులను సరిదిద్దుకుంటూ పనితీరుని మెరుగుపరుచుకున్నాని అన్నారు. అంతేగాదు పోటీపరీక్షలకు సన్నద్ధమయ్యే సమయంలో సహకరించిన పాఠశాల ఉపాధ్యాయులకు, విద్యార్థులకు కృతజ్ఞతలు తెలిపారు. కాగా శర్మ సెప్టెంబర్ 22న లక్నోలోని ఇందిరా గాంధీ ప్రతిష్ఠాన్ వద్ద జరిగిన కార్యక్రమంలో ఉత్తరప్రదేశ్ ముఖ్యమంత్రి యోగి ఆదిత్యనాథ్ చేతుల మీదుగా తన నియామక పత్రాన్ని అందుకున్నారు. ఆయన షామ్లీ జిల్లాలోని ఒక ఎయిడెడ్ మాధ్యమిక పాఠశాలలో టీజీటీ(TGT) సంస్కృత ఉపాధ్యాయుడిగా నియమితులయ్యారు.ఇదీ చదవండి: ఎలక్ట్రీషియన్‌ నుంచి మాస్టర్‌ చెఫ్ విజేత, రెస్టారెంట్‌ యజమాని రేంజ్‌కి..!)

పాకిస్థాన్‌పై కేంద్ర హోం మంత్రి అమిత్‌షా కీలక వ్యాఖ్యలు చేశారు. యూపీలో తయారవుతున్న బ్రహ్మోస్ క్షిపణులు పాకిస్థాన్‌కు “ కంటి మీద కునుకు లేకుండా చేస్తున్నాయన్నారు. ఈ రోజు శుక్రవారం గ్రేటర్ నోయిడాలోని ఇండియా ఎక్స్‌పో సెంటర్ అండ్ మార్ట్‌లో యూపీ ట్రెడిషన్‌ ఇంటర్నేషనల్‌ ట్రేడ్‌ షో నాలుగో ఎడిషన్‌ను ఆయన ప్రారంభించారు.ఈ సందర్భంగా ఆయన మాట్లాడారు.ఈ కార్యక్రమంలో అమిత్‌షా మాట్లాడుతూ “ నేడు ఉత్తరప్రదేశ్‌లో తయారవుతున్న బ్రహ్మోస్ క్షిపణులు పాకిస్థాన్‌కు కునుకు లేకుండా చేస్తున్నాయి. రాష్ట్రంలో జరుగుతున్న మార్పుకు ఇది ప్రధాన సూచిక” అని అన్నారు. అదేవిధంగా అమేథీలో తయారవుతున్న ఏకే-203 అసాల్ట్ రైఫిళ్లు కూడా నక్సలైట్లు, ఉగ్రవాదులకు కునుకు లేకుండా చేస్తున్నాయని అమిత్ షా పేర్కొన్నారు. ఉత్తరప్రదేశ్‌లో రక్షణ రంగ ఉత్పత్తుల తయారీ విస్తరిస్తోందని చెప్పడానికి బ్రహ్మోస్ క్షిపణులు, ఏకే-203 రైఫిళ్ల తయారీ ఉదాహరణలని ఆయన స్పష్టం చేశారు.లక్నోలోని బ్రహ్మోస్ ఇంటిగ్రేషన్ అండ్ టెస్టింగ్ ఫెసిలిటీ సెంటర్ను ఉత్తరప్రదేశ్ డిఫెన్స్ ఇండస్ట్రియల్ కారిడార్‌లో భాగంగా 2025 మేలో ప్రారంభించారు. సూపర్‌సోనిక్ క్రూయిజ్ క్షిపణి బ్రహ్మోస్‌కు సంబంధించిన అసెంబ్లీ, ఇంటిగ్రేషన్, పరీక్షల పనులు ఈ కేంద్రంలో జరుగుతున్నాయి. అక్కడ తయారైన తొలి బ్యాచ్ బ్రహ్మోస్ క్షిపణులను 2025 అక్టోబర్‌లో అధికారికంగా పంపించారు.ఈ కేంద్రాన్ని సుమారు ₹300 కోట్ల పెట్టుబడితో, దాదాపు 200 ఎకరాల విస్తీర్ణంలో ఏర్పాటు చేశారు.‘భారత్ వృద్ధి కొనసాగుతుందిప్రపంచవ్యాప్తంగా అనేక సవాళ్లు ఉన్నప్పటికీ భారత్ తన ఆర్థిక వృద్ధిని కొనసాగించిందని అమిత్ షా అన్నారు. ప్రధాని నరేంద్ర మోదీ ప్రభుత్వం అనుసరిస్తున్న ఆర్థిక, వాణిజ్య విధానాలు ఎగుమతి అవకాశాలను విస్తరించాయని ఆయన పేర్కొన్నారు. “భారత్ పురోగతిని చూడలేని వారు దానిని భరించలేరని దుయ్యబట్టారు. ప్రధాని నరేంద్ర మోదీ హయాంలో భారత్ అనేక దేశాలతో స్వేచ్ఛా వాణిజ్య ఒప్పందాలు (FTAs) కుదుర్చుకుందని ఆయన తెలిపారు.ఈ ఒప్పందాల వల్ల భారత పరిశ్రమలకు ఎగుమతి అవకాశాలు గణనీయంగా పెరిగాయని, వివిధ ప్రతికూల పరిస్థితులను ఎదుర్కొంటూనే భారత్ తన ఆర్థిక వృద్ధిని కొనసాగించిందని షా అన్నారు.డిఫెన్స్ ఇండస్ట్రియల్ కారిడార్‌లోకి వస్తున్న పెట్టుబడులు కేవలం ఉత్తరప్రదేశ్‌లోనే కాకుండా దేశవ్యాప్తంగా రక్షణ ఉత్పత్తుల అభివృద్ధికి దోహదపడుతున్నాయని ఆయన చెప్పారు.యూపీలో మాఫియా పాలన2017లో బీజేపీ ప్రభుత్వం అధికారంలోకి వచ్చిన తర్వాత ఉత్తరప్రదేశ్‌లో శాంతిభద్రతల పరిస్థితిలో పెద్ద మార్పు వచ్చిందని అమిత్ షా అన్నారు. “ఒకప్పుడు యూపీలో మాఫియా పాలన ఉండేది. 2017లో బీజేపీ ప్రభుత్వం ఏర్పడింది, యోగి ఆదిత్యనాథ్ ముఖ్యమంత్రిగా బాధ్యతలు చేపట్టారు. యోగి ప్రభుత్వం రాష్ట్రవ్యాప్తంగా మాఫియాను విజయవంతంగా నిర్మూలించింది. దీనివల్ల పెట్టుబడులకు అనుకూలమైన వాతావరణం ఏర్పడింది” అని ఆయన అన్నారు.

అత్తా కోడళ్లు అంటే పచ్చగడ్డి వేస్తే భగ్గమన్నట్లు ఉంటారనేది జగమెరిగిన సత్యం. ఎక్కడో గానీ ఇరువురి మధ్య సఖ్యత అన్నది అరుదు. ఏదో ఒక విషయంలో పేచీలు వచ్చేస్తుంటాయి. అలానే కోడల్ని కూతురిలా ఆదరించేవాళ్లు కూడా అరుదే. అందులోనూ ఈ రోజుల్లో ఉన్న స్వార్థం, పేరాశల ముందు అంత గొప్ప మనసు ఉండటం అనేది అత్యంత కష్టం. కానీ ఈ అత్తది ఎంత గొప్ప మనసంటే..ఆమె కథ వింటే మనసు కరిగిపోతుంది. అత్త అన్న బంధం మీద ఉన్న అభిప్రాయం మారిపోతుంది కూడా. ఉత్తరప్రదేశ్‌లోని ముజఫర్‌నగర్‌కు చెందిన సునీత అనే అత్తమ్మ అమ్మలా మారి కోడలికి మంచి జీవితాన్ని ప్రాసాదించింది. హరిద్వార్‌కు చెందిన ఆమె కోడలు మీనాక్షికి ఆమె అంగీకారంతోనే పెళ్లి చేసి కొత్త జీవితాన్ని అందించింది. సునీత కోడలు మీనాక్షికి తన కొడుకు రోహిత్‌తో పదేళ్ల క్రితమే పెళ్లి అయ్యింది. అయితే ఈ ఏడాది ఆగస్టు 14న సునీత భర్త కేన్సర్‌తో చనిపోయాడు. అతడు చనిపోయిన మరుసటి రోజే రోహిత్‌ ఆకస్మికంగా చనిపోయాడు. అంటే ఆగస్టు 15 కొడుకుని కూడా పోగొట్టుకుంది. అసలు ఈ బాధను దిగమింగక మునుపే కోడలు అనాథగా మారిపోకూడదని బాధ్యతతో వ్యవహరించింది సునీత. కనీసం నెల కూడా గడవక మునుపే రాజస్థాన్‌ నారాయణపూర్‌కు చెందిన చాట్‌ విక్రేట యోగేష్‌తో వివాహం జరిపించింది. ఈ బుధవారమే ఆర్యసమాజ్‌లో వివాహం జరిపించింది. మీనాక్షి మరిది అన్నగారిగా కన్యాదానం చేయిపించి మరి పెళ్లి జరిపించింది సునీత. అంతేగాదు కొత్త జీవితంలోకి వెళ్తున్నప్పటికీ..నీతో మా సంబంధాన్ని కొనసాగిస్తామని ఆమెకు భరోసా ఇచ్చారు మరిది మోహిత్‌, అత్త సునీత. ఈ వివాహం అక్కడ చర్చనీయాంశంగా మారి ఈ రోజుల్లో ఇలాంటి అత్తలు కూడా ఉన్నారా అని అంతా విస్తుపోయారు. ఇక్కడ కోడలు మీనాక్షికి రితూ(7), ఏడాదిన్నర వయసున్న అవిక అనే ఇద్దరు కుమార్తెలు ఉన్నారు. ఆమె అలా ఇద్దరి పిల్లలతో రోడ్డున పడకూడదని అమ్మలా ఆలోచించి మంచి భవిష్యత్తు అందేలా అండగా నిలిచిన ఈ అత్తమ్మ నిజంగా స్ఫూర్తిదాయకం కదూ. అలాగే భర్తను, కుమారుడిని పోగొట్టుకుని కనీసం నెల కూడా పూర్తి కాకమునుపే ఇలాంటి నిర్ణయం తీసుకున్న ఆ అత్తమ్మ పెద్ద మనసుకి హ్యాట్సాప్‌ చెప్పాల్సిందే..!.ఇదీ చదవండి:

ఇంట్లోనే ఓ దారుణ హత్య.. బయట నుంచి చూస్తే అనుమానం ఓ వ్యక్తిపై.. దర్యాప్తు ముందుకు సాగేకొద్దీ మరో వ్యక్తి పేరు తెరపైకి వచ్చింది. అసలు హత్యకు కుట్ర పన్నింది ఎవరు? కిరాయి హంతకులను రంగంలోకి దించింది ఎవరు? పోలీసులు ఒక్కో ఆధారాన్ని సేకరిస్తున్న కొద్దీ.. కేసు ఊహించని మలుపులు తిరిగింది. ముఖ్యంగా నిందితుల వాంగ్మూలాలు, ఫోన్‌ కాల్స్‌, కొత్త సిమ్‌ కార్డు వ్యవహారం పోలీసుల దర్యాప్తులో కీలకంగా మారాయి. అలా దిమ్మతిరిగిపోయే ట్విస్ట్‌ బయటపడింది.ఉత్తరప్రదేశ్‌లోని కాన్పూర్‌లో ఫార్మాస్యూటికల్‌ డీలర్‌ వినీత్‌ మనోచా (60) సెప్టెంబర్‌ 5న తన నివాసంలో దారుణ హత్యకు గురయ్యారు. కత్తితో దాడి చేసి చంపినట్లు పోలీసులు గుర్తించారు. ఘటన జరిగిన మరుసటి రోజే.. వినీత్‌ దగ్గర గతంలో పని చేసిన విశాల్‌ గౌతమ్‌, రాజ్‌కిశోర్‌లను పోలీసులు అరెస్టు చేశారు. అయితే వినీత్‌ కోడలు ఇచ్చిన సుపారీతోనే తాము హత్య చేశామని చెప్పడంతో కేసు చిక్కుముడి వీడిందని పోలీసులు భావించారు.తొలుత కేసు దర్యాప్తు మొత్తం షాలూ చుట్టూనే తిరిగింది. చిన్న చిన్న ఖర్చులకు కూడా తాను మామ దగ్గర చేయి చాచడం, నచ్చినట్లు తనను బతకనీయకపోవడం, పైగా భర్తను పదే పదే అవమానించడంతోనే కోపంతో ఆమె ఆ ఘాతుకానికి పాల్పడి ఉంటుందని పోలీసులు భావించారు. అయితే విచారణలో ఆమె తనకేం పాపం తెలియదని కన్నీరు మున్నీరు అయ్యింది. ఈలోపు.. కేసు ముందుకు సాగుతున్న కొద్దీ పోలీసులకు మరిన్ని అనుమానాలు తలెత్తాయి. పైగా నిందితుడు విశాల్‌ నుంచి వినీత్‌ కొడుకు సుబ్రత్‌కు ఫోన్‌కాల్స్‌ వెళ్లడం.. కేసును మరో మలుపు తిప్పింది.విశాల్‌, రాజ్‌కిశోర్‌, షాలూలను 24 గంటల కస్టడీలోకి తీసుకున్న పోలీసులు.. వారితో పలు దఫాలుగా విచారణ జరిపారు. అనంతరం సుబ్రత్‌ను కూడా వారితో ఎదురెదురుగా కూర్చోబెట్టి ప్రశ్నించారు. ఈ విచారణ అనంతరం సుబ్రత్‌ను పోలీసులు అరెస్టు చేశారు. తన తండ్రి పిసినారితనంతో విసిగిపోయానని.. ఆస్తి కోసం హత్య చేయాలని సుబ్రత్‌ కోరాడని, ఇందుకు తమకు రూ.6 లక్షలు ఇస్తానని చెప్పాడని విశాల్‌ తెలిపినట్లు పోలీస్‌ కమిషనర్‌ రఘుబీర్‌ లాల్‌ వెల్లడించారు. విశాల్‌ వాంగ్మూలంలో మరో కీలక అంశం బయటపడినట్లు పోలీసులు తెలిపారు. తాను పోలీసులకు చిక్కితే సుబ్రత్‌ భార్య షాలూ పేరును చెప్పాలని సుబ్రత్‌ సూచించినట్లు తేలింది. దీంతో ఈ కేసులో షాలూ ప్రమేయం లేదని.. ఆమెను భర్తే ఉద్దేశపూర్వకంగా ఇరికించాడని తేలింది. విశాల్‌వాంగ్మూలం ఆధారంగా.. కాల్‌ రికార్డులు, డిజిటల్‌ ఆధారాలు, ఇతర పరిస్థితుల ఆధారాలతో వాటిని పరిశీలిస్తున్నారు. సుబ్రత్‌ ఇంకా నేరం అంగీకరించకపోవడంతో.. అతని నుంచి వివరాలు రాబట్టేందుకు పోలీసులు కస్టడీ కోరే అవకాశం కనిపిస్తోంది.కొత్త సిమ్‌.. తొలి కాల్‌ అతడికేమరోవైపు విచారణ సందర్భంగా షాలూ కన్నీటి పర్యంతమై.. సుబ్రత్‌ను కాపాడేందుకే తనను ఈ కేసులో ఇరికించారని వాపోయినట్లు పోలీసులు తెలిపారు. హత్యకు రెండు రోజుల ముందు విశాల్‌ కొత్త సిమ్‌ కార్డు తీసుకున్నట్లు దర్యాప్తులో గుర్తించారు. ఆ నంబర్‌ నుంచి అతను చేసిన తొలి కాల్‌ సుబ్రత్‌కే వెళ్లినట్లు పోలీసులు తెలిపారు. హత్యకు ముందు ఇద్దరి మధ్య జరిగిన ఫోన్‌ సంభాషణలను కూడా పోలీసులు పరిశీలిస్తున్నారు.తొలుత కోడలే హత్యకు సుపారీ ఇచ్చిందని భావించిన పోలీసులకు.. చివరికి అదే కేసులో ఆమెను ఇరికించేందుకు ప్రయత్నం జరిగిందనే ఆరోపణలు తెరపైకి రావడం ఆసక్తికరంగా మారింది. కొత్త సిమ్‌.. తొలి కాల్‌.. కాంట్రాక్ట్‌ కిల్లర్‌ వాంగ్మూలం.. ఇలా ఒక్కో ఆధారం వెలుగులోకి వస్తుండటంతో ఈ కేసు మలయాళం క్రైమ్‌ థ్రిల్లర్‌ను తలపించేలా ట్విస్టుల మీద ట్విస్టులతో సాగుతోంది.ఇదీ చదవండి: హర్ముజ్‌లో దాడి.. భారతీయుడి దుర్మరణం

బీహార్‌లో జముయ్‌ ఘటన మరువకముందే.. మరో దారుణం వెలుగుచూసింది. రోడ్డుపై యువతిని చుట్టుముట్టిన యువకులు.. దుర్భాషలు, వేధింపులకు గురిచేశారు. ఈ క్రమంలో అడ్డొచ్చిన యువకుడిపైనా దాడికి పాల్పడ్డారు. ఈ మొత్తం వ్యవహారాన్ని కొందరు వీడియో తీసి సోషల్‌ మీడియాలో పెట్టడంతో ఘటన వెలుగులోకి వచ్చింది. జముయ్‌లో యువతిపై వేధింపుల వీడియో వైరల్‌ అయిన కొద్ది రోజులకే సమస్తిపూర్‌లో ఇలాంటి మరో ఘటన బయటపడటం కలకలం రేపుతోంది.బీహార్‌లోని జగత్‌సింగ్‌పూర్‌ గ్రామంలో ఓ యువతి, ఆమెతో ఉన్న యువకుడిని బైక్‌లపై వచ్చిన కొందరు వ్యక్తులు అడ్డగించారు. అనంతరం యువతిని దుర్భాషలాడుతూ, రోడ్డుపైకి నెట్టేస్తూ వేధించినట్లు వీడియోలో కనిపిస్తోంది. స్థానికుల సమాచారం ప్రకారం.. యువతి, యువకుడు గ్రామీణ రహదారిపై ఫొటోలు తీసుకునేందుకు ఆగారు. అదే సమయంలో కొందరు వ్యక్తులు బైక్‌లపై అక్కడికి వచ్చి వారిని చుట్టుముట్టారు. యువతిపై అసభ్యకరంగా ప్రవర్తిస్తూ వేధింపులకు పాల్పడ్డారు. ఈ ఘటనకు సంబంధించిన వీడియో బుధవారం సోషల్‌ మీడియాలో వైరల్‌గా మారింది.వీడియోను పరిశీలించిన వెంటనే పోలీసులు చర్యలకు దిగారు. ఘటన జరిగిన ప్రాంతం, వీడియోలో కనిపిస్తున్న వ్యక్తుల వివరాలను నిర్ధారించే పనిలో ఉన్నామని పోలీసు అధికారి అరవింద్‌ ప్రతాప్‌ సింగ్‌ తెలిపారు. తాజాగా ఈ ఘటనకు సంబంధించి ఐదుగురిని అరెస్ట్‌ చేసినట్టు పోలీసులు తెలిపారు. ఇదిలా ఉండగా.. కొన్ని రోజుల క్రితం బీహార్‌లోని జముయ్‌లోనూ ఇద్దరు పదో తరగతి విద్యార్థులు వేధింపులకు గురయ్యారు. కోచింగ్‌ క్లాసులు ముగించుకుని స్కూటర్‌పై వెళ్తుండగా కొందరు వ్యక్తులు వారిని అడ్డుకున్నారు. యువకుడి షర్ట్‌ కాలర్‌ పట్టుకుని అతడిని యువతి నుంచి దూరంగా లాగారు. యువతి అక్కడి నుంచి తప్పించుకునేందుకు ప్రయత్నించగా ఓ వ్యక్తి వెనుక నుంచి ఆమెను పట్టుకున్న దృశ్యాలు వీడియోలో నమోదయ్యాయి. ఆ వీడియో వైరల్‌ కావడంతో పోలీసులు స్పందించి ముగ్గురిని అరెస్టు చేశారు.#BREAKING 🚨 Samastipur Harassment IncidentFour men were arrested after a viral video showed a young woman being harassed, manhandled, and interrogated on a Samastipur bypass road.#Samastipur #BiharPolice #WomenSafety @BiharPolice_ @Samastipur_Pol pic.twitter.com/BaIxLcTTIK— jarvis ☠️ (@Vishii14) September 24, 2026మరోవైపు.. ఉత్తరప్రదేశ్‌లోని అమ్రోహాలో దారుణ ఘటన వెలుగుచూసింది. మతపరమైన ప్రాంతాలను చూపిస్తామంటూ హర్యానాకు చెందిన యువతిని అమ్రోహాకు తీసుకెళ్లి.. ఫామ్‌హౌస్‌లో అత్యాచారానికి పాల్పడినట్లు ఆరోపణలు వచ్చాయి. ఈ కేసులో ఇద్దరు యూపీ పోలీసు సిబ్బంది, ఇద్దరు సీఆర్‌పీఎఫ్‌ సిబ్బందిని పోలీసులు అరెస్టు చేశారు. వివరాల మేరకు.. ఫతేహాబాద్‌కు చెందిన సుమారు యువతి(24)ని సెప్టెంబర్‌ 20న ఓ మహిళా పరిచయస్తురాలు సంప్రదించి.. అమ్రోహాలోని మతపరమైన ప్రాంతాలకు వెళ్లేందుకు సీఆర్‌పీఎఫ్‌ సిబ్బంది మోహిత్‌ను కలవాలని సూచించినట్లు పోలీసులు తెలిపారు. సెప్టెంబర్‌ 21న సోనిపట్‌లో మోహిత్‌ను కలిసిన యువతి.. అతడితో కలిసి మీరట్‌కు వెళ్లగా అక్కడ సీఆర్‌పీఎఫ్‌ హెడ్‌ కానిస్టేబుల్‌ లాలారామ్‌ యాదవ్‌ వారితో చేరినట్లు సమాచారం.సెప్టెంబర్‌ 22న ఇద్దరూ కారులో యువతిని హసన్‌పూర్‌కు తీసుకెళ్తూ మార్గమధ్యలో యూపీ పోలీస్‌ ఎస్‌ఐ సంజయ్‌ తోమర్‌ను ఎక్కించుకున్నారు. అనంతరం అట్రాసి-హసన్‌పూర్‌ రహదారిలోని ఓ ఫామ్‌హౌస్‌కు తీసుకెళ్లి రెండు గదులు అద్దెకు తీసుకున్నట్లు పేర్కొన్నారు. పోలీస్‌ హెడ్‌ కానిస్టేబుల్‌ ప్రమోద్‌ అక్కడికి ఆహారం, మద్యం తీసుకొచ్చినట్లు యువతి ఫిర్యాదులో పేర్కొన్నట్లు అధికారులు తెలిపారు. అనంతరం, తనపై మోహిత్‌, లాలారామ్‌, సంజయ్‌ తనపై అత్యాచారానికి పాల్పడ్డారని ఆరోపించింది. తర్వాత ప్రమోద్‌ కూడా గదిలోకి వచ్చి అత్యాచారానికి ప్రయత్నించగా, అతడిని బయటకు నెట్టేసి తలుపు వేసుకున్నట్లు తెలిపింది. ఆ తర్వాత ఆన్‌లైన్‌లో పోలీస్‌ హెల్ప్‌లైన్‌ నంబర్‌ కోసం వెతికి బుధవారం ఉదయం 6 గంటల సమయంలో పోలీసులకు సమాచారం ఇచ్చింది.సమాచారం అందుకున్న హసన్‌పూర్‌, రాజబ్‌పూర్‌ పోలీసులు ఫామ్‌హౌస్‌కు చేరుకుని యువతిని రక్షించి.. నలుగురినీ అదుపులోకి తీసుకున్నారు. యూపీ ఎస్‌ఐ సంజయ్‌ తోమర్‌ను సస్పెండ్‌ చేసి శాఖాపరమైన చర్యలు ప్రారంభించారు. ఇద్దరు సీఆర్‌పీఎఫ్‌ సిబ్బందిపై కఠిన చర్యలు తీసుకోవాలని ఉన్నతాధికారులకు నివేదిక పంపినట్లు పోలీసులు తెలిపారు. ఘటన జరిగినట్లు ఆరోపిస్తున్న ఫామ్‌హౌస్‌ ఉత్తరాఖండ్‌కు చెందిన ఓ స్వతంత్ర ఎమ్మెల్యేకు చెందినదిగా పోలీసులు చెబుతున్నారు.जब रक्षक ही भक्षक बन जाएं, तो न्याय की उम्मीद किससे की जाए?भाजपा राज में नारी सुरक्षा केवल जुमला बनकर रह गई है।अमरोहा में पुलिसवालों द्वारा एक युवती के साथ किए गए सामूहिक बलात्कार की घटना बेहद शर्मनाक और गंभीर है। दोषियों के खिलाफ सख्त से सख्त कार्रवाई होनी चाहिए और पीड़िता… pic.twitter.com/0radOOYT6E— AAP (@AamAadmiParty) September 24, 2026

లక్నో: ఉత్తరప్రదేశ్‌లోని బరేలీ జిల్లాలో ఓ బాలికపై అత్యాచారం జరగడంతో గ్రామ పంచాయతీలో పరిష్కరించేందుకు ప్రయత్నించారు. 16 ఏళ్ల బాలిక, మైనర్ బాలుడి కుటుంబాలపై ఒత్తిడి తెచ్చి రాజీకి అంగీకరించేలా చేశారని, బాలికకు 18 ఏళ్లు నిండిన తర్వాత ఆమెను అదే బాలుడికి ఇచ్చి వివాహం చేయాలని పంచాయతీ నిర్ణయించినట్లు సమాచారం. మరోవైపు, బాలిక కుటుంబం ఇచ్చిన ఫిర్యాదు ఆధారంగా పోలీసులు కేసు నమోదు చేసి దర్యాప్తు కొనసాగిస్తున్నారు.బాలిక కుటుంబం పోలీసులను ఆశ్రయించిన తర్వాత గ్రామ పంచాయతీ సమావేశం నిర్వహించినట్లు తెలుస్తోంది. చట్టపరమైన చర్యలు తీసుకోకుండా ఇరు కుటుంబాలు రాజీకి రావాలని ఒత్తిడి చేసినట్లు ఆరోపణలు ఉన్నాయి. సోమవారం బాలిక, బాలుడికి రోకా, తిలక్ కార్యక్రమాలు కూడా నిర్వహించారు. బాలికకు 18 ఏళ్లు నిండిన తర్వాత వివాహం జరిపించాలని పంచాయతీ నిర్ణయించింది.బాలిక తల్లి పోలీసులకు ఇచ్చిన ఫిర్యాదు ప్రకారం.. అదే గ్రామానికి చెందిన ఆ బాలుడు సుమారు ఏడాది క్రితం తన కుమార్తెను బెదిరించి అభ్యంతరకర ఫొటోలు తీసుకున్నాడు. వాటిని బయటపెడతానని బెదిరిస్తూ దాదాపు ఏడాది పాటు ఆమెను లైంగికంగా వేధించాడు. భయంతో ఉన్న బాలికను కుటుంబ సభ్యులు ప్రశ్నించడంతో ఆమె జరిగిన విషయాన్ని వెల్లడించింది. అనంతరం కుటుంబ సభ్యులు బాలుడి ఇంటికి వెళ్లగా అక్కడ కూడా బెదిరింపులు ఎదురయ్యాయని ఫిర్యాదులో పేర్కొన్నారు. దీంతో షీష్‌గఢ్ పోలీస్ స్టేషన్‌లో ఫిర్యాదు చేశారు.బాలికపై అత్యాచారానికి సంబంధించిన సమాచారం అందడంతో కేసు నమోదు చేసినట్లు బరేలీ పోలీసులు తెలిపారు. బాలికను వైద్య పరీక్షలకు పంపించామని, నిందితుడైన బాలుడిని అదుపులోకి తీసుకుని విచారిస్తున్నామని చెప్పారు. బరేలీ పోలీసు అధికారి అరుణ్ కుమార్ సింగ్ తదుపరి చర్యలు కొనసాగుతున్నాయని తెలిపారు. ఇరు కుటుంబాలు రాజీకి అంగీకరించినట్లు చెబుతున్నప్పటికీ, అసలు ఫిర్యాదు ఆధారంగా పోలీసుల దర్యాప్తు కొనసాగుతోంది. ఈ వ్యవహారంలో గ్రామ పంచాయతీ జోక్యం, కుటుంబాలపై జరిగినట్లు ఆరోపిస్తున్న ఒత్తిడిపై కూడా ఇప్పుడు దృష్టి నెలకొంది.

సాక్షి, లక్నో : ఉత్తరప్రదేశ్ మంత్రి ఓం ప్రకాష్ రాజ్‌భర్, కుల గణన తర్వాత రాష్ట్రాన్ని నాలుగు భాగాలుగా విభజిస్తామని ప్రకటించడం సంచలన రేపింది. యూపీని విభజించాలని పదే పదే డిమాండ్‌ చేస్తున్న సుహెల్దేవ్ భారతీయ సమాజ్ పార్టీ అధినేత రాజ్‌భర్ తాజా వ్యాఖ్యలతో దేశంలోనే అత్యధిక జనాభా కలిగిన ఈ రాష్ట్రాన్ని విభజించాలనే దాదాపు రెండు దశాబ్దాల నాటి చర్చ మళ్లీ తెరపైకి వచ్చింది.ఎన్నికలు జరగనున్న ఉత్తరప్రదేశ్‌ను బుందేల్‌ఖండ్, పూర్వాంచల్, అవధ్ ప్రదేశ్ ,పశ్చిమ్ ప్రదేశ్ అనే నాలుగు కొత్త రాష్ట్రాలుగా విభజించాలనే ప్రతిపాదనను రాజ్‌భర్ పదేపదే వినిపిస్తున్నారు. కులగణన తర్వాత రాష్ట్ర విభజన జరగవచ్చని ప్రధాని నరేంద్ర మోదీ తనకు హామీ ఇచ్చార న్నారు. సెప్టెంబర్ 20న డియోరియాలో జరిగిన ఒక కార్యక్రమంలో ఆయన ఈ వ్యాఖ్యలు చేశారు. పూర్వాంచల్ ఏర్పడిన రోజున ముఖ్యమంత్రి పదవి రాజ్‌భర్ కుమారుడికే దక్కుతుందని ఆయన ధీమా వ్యక్తం చేశారు.కూటమిలో భిన్నాభిప్రాయాలుయూపీలో అధికారంలో ఉన్న బీజేపీతో SBSP పొత్తులో ఉన్న సంగతి తెలిసిందే. రాజ్‌భర్‌ వ్యాఖ్యలో కూటమిలో ఒక్కసారిగా కలకలం రేగింది. ముఖ్యంగా బీజేపీ మిత్రపక్షమైన అధినేత సంజయ్ నిషాద్ రాజ్‌భర్ వ్యాఖ్యలను ఖండించారు. తమ పార్టీ అటువంటి విభజనకు అనుకూలంగా లేదని చెప్పారు. ఇది ప్రజల్ని తప్పుదారి పట్టించే వ్యాఖ్యలని కొట్టిపారేశారు. రాష్ట్రం అన్ని రంగాల్లో వేగంగా అభివృద్ధి చెందుతోందని, రాష్ట్రాన్ని విభజించాల్సిన అవసరం లేదని తెలిపారు. మరోవైపు బీజేపీ నేత సంజీవ్ బల్యన్ మాత్రం రాజ్‌భర్ వ్యాఖ్యలను సమర్థించారు. చిన్న రాష్ట్రాలు ఏర్పడితే ప్రజలకు త్వరితగతిన న్యాయం, మెరుగైన వైద్యం (AIIMS) అందుతాయని అభిప్రాయపడ్డారు.ఇదీ చదవండి : పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌సమాజ్‌వాదీ పార్టీ ఏమందంటేఎస్పీ అధినేత అఖిలేష్ యాదవ్, సీనియర్ నేత శివపాల్ యాదవ్ ఈ విభజన డిమాండ్‌ను తీవ్రంగా వ్యతిరేకించారు. దేశాన్ని, రాష్ట్రాలను విడగొట్టాలని చూసేవాళ్ళు దేశాన్ని కూడా విభజించాలనుకుంటారని అఖిలేష్ మండిపడ్డారు. చిన్న రాష్ట్రాల వల్ల ఆర్థిక వ్యవస్థ బలహీనపడుతుందని శివపాల్ యాదవ్ పేర్కొన్నారు.కాగా 2000 సంవత్సరంలో ఉత్తర ప్రదేశ్ నుండి ఉత్తరాఖండ్ విడిపోయింది. ఆ తర్వాత 2012 అసెంబ్లీ ఎన్నికలకు ముందు నాటి ముఖ్యమంత్రి మాయావతి కూడా ఉత్తర ప్రదేశ్‌ను నాలుగు భాగాలుగా విభజించాలని డిమాండ్ చేస్తూ అసెంబ్లీలో తీర్మానం ఆమోదించారు. అప్పట్లో పాలనా సౌలభ్యం, అభివృద్ధి కోసమే ఈ డిమాండ్ తెరపైకి వచ్చింది. భారతదేశంలో ప్రస్తుతం రెండు దశల్లో జనాభా గణన జరుగుతోంది. ఈ ప్రక్రియ వచ్చే ఏడాది ఫిబ్రవరి నాటికి పూర్తయ్యే అవకాశం ఉంది.ఇదీ చదవండి: 3 రోజుల సమ్మె : బ్యాంకులకు ఆర్థిక మంత్రిత్వ శాఖ కీలక ఆదేశాలు

అప్పటికే నలుగురి ప్రాణాలు పోయాయి.. ఇంట్లో ముగ్గురు చిన్నారులు బందీలుగా ఉన్నారు. బయట భారీగా పోలీసులు మోహరించగా.. లోపల ఏం జరుగుతోందో తెలియని పరిస్థితి. దాదాపు ఎనిమిది గంటల పాటు సాగిన ఈ హైడ్రామాకు చివరికి పోలీసులు చేపట్టిన ఆపరేషన్‌తో తెరపడింది.ఉత్తరప్రదేశ్‌లోని ఆజంగఢ్‌ జిల్లాలో దారుణ ఘటన చోటుచేసుకుంది. ఓ వ్యక్తి తన భార్య, కొడుకుతో పాటు ఇద్దరు పూజారుల్ని కాల్చి చంపాడు. ఆపై తన ముగ్గురు పిల్లలనే ఇంట్లోనే బంధీలుగా చేసుకుని పోలీసులకు చుక్కలు చూపించాడు. సుమారు ఎనిమిది గంటల పాటు హైడ్రామా కొనసాగగా.. పోలీసులు ఆపరేషన్‌ చేపట్టి నిందితుడిని ఎన్‌కౌంటర్‌ చేశారు.ఆజంగఢ్‌లోని అహ్రౌలా పోలీస్‌స్టేషన్‌ పరిధి శంభూపూర్‌ గ్రామంలో ఈ ఘటన జరిగింది. అరవింద్‌ సింగ్‌ తుపాకీతో కాల్పులు జరిపి తన భార్యతో పాటు మరో ఇద్దరిని హత్య చేసినట్లు సమాచారం అందడంతో పోలీసులు, ఉన్నతాధికారులు వెంటనే అక్కడికి చేరుకున్నారు. ఘటనా స్థలానికి భారీగా పోలీసు బలగాలతో పాటు ఫోరెన్సిక్‌ బృందాన్ని తరలించారు.ఇంట్లో పిల్లలు బందీలుకాల్పుల అనంతరం అరవింద్‌ సింగ్‌ తన పిల్లలను ఇంట్లో బందీలుగా ఉంచినట్లు పోలీసులు గుర్తించారు. పరిస్థితి అత్యంత ఉద్రిక్తంగా మారడంతో పోలీసులు ఆచితూచి ఆపరేషన్‌ చేపట్టారు. దాదాపు ఎనిమిది గంటల పాటు కొనసాగిన ఉత్కంఠ.. చివరకు కాల్పులతో ముగిసింది. పోలీసుల చర్యలో ముగ్గురు పిల్లలను సురక్షితంగా బయటకు తీసుకువచ్చారు.పోలీసుల కాల్పుల్లోనే..పిల్లలను రక్షించే క్రమంలో పోలీసులు జరిపిన కాల్పుల్లో అరవింద్‌ సింగ్‌ మృతి చెందినట్లు అధికారులు వెల్లడించారు. ఘటనకు సంబంధించి పూర్తి వివరాలను సేకరిస్తున్నారు. నిందితుడు ఉపయోగించిన ఆయుధం, హత్యలకు దారితీసిన కారణాలు, మృతుల మధ్య సంబంధాలపై దర్యాప్తు కొనసాగుతోంది.ఫోరెన్సిక్‌ ఆధారాల సేకరణఘటనపై సమాచారం అందుకున్న వెంటనే సీనియర్‌ పోలీసు అధికారులు సంఘటనా స్థలాన్ని పరిశీలించారు. అక్కడ ఆధారాలను సేకరించేందుకు ఫోరెన్సిక్‌ బృందం రంగంలోకి దిగింది. కేసులో తదుపరి చట్టపరమైన చర్యలు కొనసాగుతున్నాయని ఆజంగఢ్‌ సీనియర్‌ సూపరింటెండెంట్‌ ఆఫ్‌ పోలీస్‌ డాక్టర్‌ అనిల్‌ కుమార్‌ తెలిపారు.ఇదీ చదవండి: ఎయిర్‌ హోస్టెస్‌ ట్రైనింగ్‌ తీసుకుంది.. చివరకు!

లక్నో: ఉత్తరప్రదేశ్‌లోని బలరాంపూర్‌లో గణేశ్‌ నిమజ్జన ఊరేగింపు సమయంలో వినిపించిన భారీ డీజే శబ్దం మధ్య ఓ పాఠశాల విద్యార్థిని (7) తరగతి గదిలో అకస్మాత్తుగా కుప్పకూలి మృతి చెందింది. అయితే, డీజే శబ్దమే బాలిక మృతికి ప్రత్యక్ష కారణమని ఇప్పటివరకు అధికారికంగా నిర్ధారించలేదు. పోలీసులు ఘటనపై దర్యాప్తు చేస్తున్నారు.బలరాంపూర్‌ నగరంలోని డివైన్‌ పబ్లిక్‌ స్కూల్‌లో రెండో తరగతి గదిలో ఈ ఘటన చోటుచేసుకుంది. బాలిక వైష్ణవి తరగతి గదిలో ఉండగా సమీప రహదారి నుంచి గణేశ్‌ నిమజ్జన ఊరేగింపు వెళ్లింది. ఆ సమయంలో డీజేను పెద్ద శబ్దంతో వినిపించినట్లు కుటుంబ సభ్యులు, స్థానికులు పేర్కొన్నారు. బాలిక అస్వస్థతకు గురై తరగతి గదిలోనే కుప్పకూలిన అనంతరం ఆసుపత్రికి తరలించగా మృతి చెందినట్లు సమాచారం.ఈ ఘటనకు సంబంధించిన సుమారు 3 నిమిషాల 2 సెకన్ల సీసీటీవీ దృశ్యాలు కూడా వెలుగులోకి వచ్చాయి. తరగతి గదిలో విద్యార్థులు కూర్చుని ఉండగా బయట నుంచి డీజే శబ్దం వినిపించింది. ఆ సమయంలో విద్యార్థులు బయట వైపు చూస్తున్న దృశ్యాలు కూడా ఉన్నాయి. అయితే ఈ దృశ్యాల ఆధారంగా డీజే శబ్దం, బాలిక మృతికి మధ్య వైద్యపరమైన ప్రత్యక్ష సంబంధాన్ని నిర్ధారించలేమని నివేదికలు స్పష్టం చేశాయి.సామాజిక మాధ్యమాల్లో ఘటనకు సంబంధించిన సమాచారం వెలుగులోకి రావడంతో పోలీసులు కేసును పరిశీలించడం ప్రారంభించారు. కుటుంబ సభ్యుల నుంచి ఇప్పటివరకు పోలీసులకు ఎలాంటి రాతపూర్వక లేదా మౌఖిక ఫిర్యాదు అందలేదని అధికారులు తెలిపారు. ప్రాంతీయ పోలీసు అధికారి ఆదేశాలతో ఘటనాస్థలం, పాఠశాల, నిమజ్జన ఊరేగింపు మార్గం, పరిసర ప్రాంతాల్లోని సీసీటీవీ దృశ్యాలను పరిశీలిస్తున్నారు.డీజే అధిక శబ్దంతో మోగించడంపై నిబంధనలు ఉల్లంఘించినట్లు దర్యాప్తులో తేలితే, సంబంధిత వ్యక్తులపై నిబంధనల ప్రకారం చర్యలు తీసుకుంటామని పోలీసులు తెలిపారు. బాలిక మృతికి కచ్చితమైన కారణం, డీజే శబ్దంతో దానికి ఏమైనా సంబంధం ఉందా? అనే అంశాలపై దర్యాప్తు పూర్తయిన తర్వాత స్పష్టత వచ్చే అవకాశం ఉంది. 🚨 BALRAMPUR, UP : A 7-year-old Class 2 student, Vaishnavi, died after suddenly falling ill at school while a Ganesh immersion procession with loud DJ music passed nearby. Police are investigating; a direct link between the DJ noise and her death is yet to be confirmed. pic.twitter.com/Y3Ez68l2VC— indiainlast24hr (@indiain24hr) September 22, 2026

ఉత్తరప్రదేశ్‌లోని లఖింపూర్ ఖేరీలో దారుణ ఘటన చోటు చేసుకుంది. తన ప్రియురాలు తమ సంబంధాన్ని ముగించడంతో ఆగ్రహానికి గురైన 27 ఏళ్ల యువకుడు ప్రియురాల్ని కాల్చి చంపాడు. అనంతరం తాను ఆత్మహత్య చేసుకొని చనిపోయిన ఘటన కలకలం రేపింది.ఈ ఘటన సోమవారం ఉదయం 11:30 గంటల ప్రాంతంలో చిల్డ్రన్స్ అకాడమీ స్కూల్‌లో జరిగింది. మృతురాలిని 26 ఏళ్ల ఉపాధ్యాయురాలు నిషాత్ ఫాతిమాగా గుర్తించారు. ఆమె సుమారు ఏడాదిగా ఇక్కడ పనిచేస్తోంది నిషత్ ఫాతిమా, సౌద్‌లు కొంతకాలంగా ప్రేమలో ఉన్నారని, అయితే ఇటీవలే ఫాతిమా ఆ సంబంధానికి స్వస్తి పలికిందని పోలీసులు తెలిపారు. అందుకే అతను ఈ దారుణానికి పాల్పడినట్టు వెల్లడించారు.ఇదీ చదవండి: రూ. 2 లక్షల కోట్లు : జపాన్‌కు ధీటుగా హై-స్పీడ్ బుల్లెట్ రైలు సంఘటన ఎలా జరిగింది? పోలీసులు సమాచారం ప్రకారం ప్రియురాలు తనతో సంబంధాన్ని తెంచుకుందన్న కోపంతో 27 ఏళ్ల మొహమ్మద్ సౌద్ లఖింపూర్ ఖేరీలోని 'చిల్డ్రన్స్ అకాడమీ స్కూల్'లోకి ప్రవేశించాడు. ఒక సంచిలో పిస్టల్‌ను దాచుకుని పాఠశాలకు వచ్చాడు. ఫాతిమాను కింది అంతస్తుకు పిలిచి, ఆ తర్వాత ఆమెను పై అంతస్తులోని ఒక కారిడార్‌లోకి తీసుకెళ్లాడు. వారు పైకి వెళ్తుండగా, ఒక సిబ్బంది వారిని అనుసరించారని ఒక సీనియర్ పోలీసు అధికారి తెలిపారు. కారిడార్‌లో సంభాషణ జరుగుతుండగా, సౌద్ పిస్టల్‌ను బయటకు తీసి ఫాతిమా తలపై కాల్చాడు. ఆ తర్వాత అతను కూడా కాల్చుకున్నాడు. దీంతో ఇద్దరూ అక్కడికక్కడే మరణించారు.విద్యార్థులు, సిబ్బంది చూస్తుండగానే ఈ ఘటన జరగడంతో పాఠశాలలో తీవ్ర భయాందోళనలు నెలకొన్నాయి.విద్యార్థులు చూస్తుండగానే, సౌద్ ఫాతిమాను చేయి పట్టుకుని పై అంతస్తుకు లాక్కెళ్తున్న దృశ్యాలు సీసీటీవీ ఫుటేజీలో కనిపించాయి. అతను ఆమెను లాక్కెళ్తుండగా ఫాతిమా ప్రతిఘటించినట్లు కూడా ఈ దృశ్యాల ద్వారా తెలుస్తోంది. పోస్ట్‌మార్టం నివేదిక తర్వాతే మరిన్ని వివరాలు తెలుస్తాయని, దర్యాప్తు కొనసాగుతుందని పోలీసులు వెల్లడించారు.ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?

ఢిల్లీ: యూపీ, ఉత్తరాఖండ్‌లలో 11 రాజ్యసభ సీట్లకు ఈసీ ఎన్నికల షెడ్యూలు విడుదల చేసింది. యూపీలో 10 సీట్లకు, ఉత్తరఖండ్‌లో ఒక సీటుకు ఎన్నిక జరగనుంది. పశ్చిమ బెంగాల్‌లో రుక్మిణి నాయక్‌ రాజీనామాతో ఖాళీ అయిన స్థానానికి ఉప ఎన్నిక జరగనుంది. యూపీ, ఉత్తరాఖండ్ రాజ్యసభ ఎంపీల పదవీ కాలం నవంబర్ 25తో ముగుస్తుంది.కేంద్ర మంత్రి హర్దీప్ సింగ్ పూరి, ఎంపీలు అరుణ్ సింగ్ ,గీత అలియాస్ చంద్రప్రభ, నీరజ్ శేఖర్ , బ్రి జ్ లాల్ , ప్రొఫెసర్ రామ్ గోపాల్ యాదవ్, రాంజీ ,బి ఎల్ వర్మ, సీమ నరేష్, బన్సల్ రిటైర్‌ కానున్నారు. సెప్టెంబర్ 29న నామినేషన్ల స్వీకరణ ప్రారంభం కానుంది. అక్టోబర్ 16న పోలింగ్, అదే రోజు కౌంటింగ్ జరగనుంది.ఇదీ చదవండి: ‘చిన్న విషయమే..’ జముయి ఘటనపై షాకింగ్‌ వ్యాఖ్యలు

పన్నెండేళ్ల వయసులో ఒక సెలూన్‌కు వెళ్లిన సుచికను చూసి అక్కడ పనిచేసే వ్యక్తి వెకిలిగా నవ్వాడు. అసభ్యకరంగా తాకాడు. ఆ చేదు అనుభవం సుచికను మార్షల్‌ ఆర్ట్స్‌ వైపు నడిపించడం ఒక ఎత్తయితే, జాతీయ, అంతర్జాతీయ స్థాయి క్రీడాకారిణిగా దూసుకెళ్లడం మరో ఎత్తు.తాజాగా... ఆసియా గేమ్స్‌లో తొలిసారి ప్రవేశ పెట్టిన మిక్స్‌డ్‌ మార్షల్‌ ఆర్ట్స్‌(ఎంఎంఏ)లో... మహిళల 60కేజీల విభాగంలో సుచికా తరియాల్‌ కాంస్య పతకం గెలుచుకుంది. జపాన్‌ వేదికగా జరుగుతున్న ఆసియా క్రీడల్లో మిక్స్‌డ్‌ మార్షల్‌ ఆర్ట్స్‌లో పతకం సాధించిన తొలి భారత అథ్లెట్‌గా చరిత్ర సృష్టించింది...ఉత్తర్‌ప్రదేశ్‌లోని బుధానాలో పుట్టిన సుచికా తరియాల్‌ హరియాణాలోని రోహ్‌తక్‌లో పెరిగింది. మార్షల్‌ ఆర్ట్స్‌ నేర్చుకోవాలనుకున్నప్పుడు కుటుంబ సభ్యుల నుంచి మొదట్లో వ్యతిరేకత వచ్చినా ఆ తరువాత ఒప్పుకున్నారు. మార్షల్‌ ఆర్ట్స్‌లోకి అడుగు పెట్టడంతో తన సత్తా చాటే అవకాశం సుచికకు వచ్చింది. జూడో, కురాష్, జూజిట్స్, మిక్స్‌డ్‌ మార్షల్‌ ఆర్ట్స్‌లో మన దేశానికి ప్రాతినిధ్యం వహించింది. ఎనిమిది సార్లు నేషనల్‌ జూడో ఛాంపియన్‌గా నిలిచింది.ఆర్థిక కష్టాలుసుచిక తండ్రి రిటైర్డ్‌ ఉద్యోగి. ఆర్థిక పరిస్థితి అంతంత మాత్రమే. తన క్రీడా ప్రయాణంలో అనేక ఆర్థిక ఇబ్బందులు ఎదుర్కొంది. ‘నాకు ఆర్థికంగా సమస్యలు ఉండేవి. అలాంటి సమయంలో నా భర్త సహాయం చేసేవారు. ధైర్యం చెప్పేవారు. అందుకే ఈ విజయాన్ని నా తల్లిదండ్రులకు, భర్తకు అంకితం చేస్తున్నాను’ అంటుంది 36 ఏళ్ల సుచిక.జర్నీ ఉమెన్‌మిక్స్‌డ్‌ మార్షల్‌ ఆర్ట్స్‌లో 2017లో అరంగేట్రం చేసింది సుచిక. ఆ తరువాత జూడో, జూజిట్స్‌ క్రీడలలో విజయవంతంగా రాణిస్తూనే ‘ఎంఎంఏ’కు కొన్ని సంవత్సరాల పాటు విరామం ఇచ్చింది. 2024లో బహ్రేయిన్‌లో జరిగిన బ్రేవ్‌ సీఎఫ్‌ 92 ఈవెంట్‌ ద్వారా ‘ఎంఎంఏ’లోకి తిరిగి అడుగు పెట్టింది. సుచికను ‘జర్నీ ఉమెన్‌’ అని కూడా పిలుస్తుంటారు. జూడో నుండి కురాష్, జూ–జిట్స్‌ మీదుగా మిక్స్‌డ్‌ మార్షల్‌ ఆర్ట్స్‌లోకి మారింది.ఆరాధ్య దేవత‘నాకు చిన్నప్పటి నుంచి అక్కడ మేరీ కోమ్‌ అక్క అంటే చాలా ఇష్టం. భోపాల్‌లో జరిగిన జాతీయ జూడో శిక్షణ శిబిరంలో ఆమెను చూశాను. ఆమె వేసుకున్న దుస్తులు, ప్రవర్తించే తీరు ఎంతో ఆకర్షణీయంగా అనిపించాయి. ఆమె నా ఆరాధ్యదేవత. నేను ఆమెతో ఎప్పుడూ వ్యక్తిగతం గా మాట్లాడలేదు. ఒకవేళ అవకాశం దొరికితే ఆమెతో మాట్లాడాలనుకుంటున్నాను’ అంటుంది సుచిక.యస్‌... రాణించగలను...సాధించగలను!ఎంఎంఏలో ప్రత్యేక శిక్షణ, ఆ క్రీడలో మునపటికంటే మెరుగైన నైపుణ్యంతో ఆసియా గేమ్స్‌ బరిలోకి దిగి కాంస్యాన్ని సాధించింది సుచిక. క్వార్టర్‌ ఫైనల్స్‌లో మంగోలియాకు చెందిన అల్తాన్‌ చిమెగ్‌ను ఓడించింది.బరువైన నిర్ణయం!కంబాట్‌ స్పోర్ట్స్‌లో పోటీకి ముందు ప్రతి అథ్లెట్‌ బరువు తూచుకోవాల్సి ఉంటుంది. ఈ ప్రక్రియను రిఫరీలు నిర్వహిస్తారు. బరువు తూచడానికి ఒక గంట ముందు వరకు ట్రయల్‌ వెయిట్‌–ఇన్‌ల కోసం అధికారిక తూనిక యంత్రాలను ఉపయోగించుకునే హక్కు అథ్లెట్‌లకు ఉంటుంది. బరువు ఎక్కువైనా, బరువు తూచడంలో పాల్గొనకపోయినా పోటీ నుండి అనర్హులుగా ప్రకటిస్తారు. ఈ బరువు తూచడాలు ఆటలో కీలక పాత్ర పోషిస్తాయి. డ్రా అయిన పోటీలో ఇవి అంతిమంగా విజేతను నిర్ణయిస్తాయి. తక్కువ బరువు ఉన్న అథ్లెట్‌ను విజేతగా నిర్ణయిస్తారు.ఎందుకలా?!ఫైనల్‌లోకి అడుగు పెట్టేందుకు సింగపూర్‌కు చెందిన హుయ్‌ హూన్‌ టియోతో తలపడింది సుచిక. హుయ్‌ను విజేతగా ప్రకటించిన తరువాత తీవ్ర దుఃఖంలో మునిగిపోయిన సుచిక తన ప్రత్యర్థితో కరచాలనం చేయడానికి నిరాకరించింది. రిఫరీ, టియో చేతిని పైకి ఎత్తగానే మ్యాట్‌పై మోకాళ్లపై కూలబడి విలపించింది సుచిక. ఫలితాలు ప్రకటించిన తీరు ఆమెకు తీవ్రమైన నిరాశను కలిగించింది. ఇద్దరు ఫైటర్‌లు హోరాహోరీ తల పడిన ఆ పోరులో, నిర్ణీత సమయంలో విజేత ఎవరనేదీ స్పష్టంగా తెలియలేదు. రిఫరీలు మొదట సింగపూర్‌ క్రీడాకారిణిని విజేతగా ప్రకటించడంతో భారత బృందం తీవ్ర నిరాశకు గురైంది. ‘జడ్జ్‌ల నిర్ణయంతో నేను ఎంత మాత్రం ఏకీభవించలేదు. వారి నిర్ణయం న్యాయంగా లేదు. మా అంతర్జాతీయ ఫెడరేషన్‌ సింగపూర్‌కు చెందింది. ఆమె కూడా సింగపూర్‌కు చెందిన అమ్మాయే’ అంటుంది సుచిక. రిఫరీ నిర్ణయాన్ని భారత బృందం సవాలు చేయగా, ఆ ఫైట్‌ను డ్రాగా ప్రకటించారు. దీంతో బరువు నిబంధనల ప్రకారం టియోను విజేతగా ప్రకటించారు. సుచిక తన ప్రత్యర్థి కంటే 700 గ్రాములు ఎక్కువ బరువు ఉంది. దీంతో టియో ఫైనల్‌కు చేరుకోగా, సుచిక కాంస్యంతోనే సరిపెట్టుకోవాల్సి వచ్చింది. బరువు నిబంధనల కారణంగా ఆమె ఫైనల్‌లోకి అడుగు పెట్టే అపూర్వమైన అవకాశాన్ని కోల్పోయింది. సుచిక దుఃఖం సంగతి ఎలా ఉన్నప్పటికీ ఆసియా క్రీడలలో మిక్స్‌డ్‌ మార్షల్‌ ఆర్ట్స్‌లో ఇదే మొట్టమొదటి పతకం కావడం విశేషంగా మారింది.‘ ఇది నా జీవితం కంటే విలువైనది. జపాన్‌కు వచ్చి నా దేశానికి పతకం తీసుకువెళుతున్నానన్న విషయాన్ని ఎప్పుడూ మరచిపోలేను. ఇక నేను సంతోషంగా చనిపోవచ్చు. ఆసియా గేమ్స్‌ తరువాత ఎంఎంఏకి స్వప్తి పలకాలని అనుకున్నాను. అయితే ఇప్పటికీ నాలో శక్తి ఉందని అనిపిస్తోంది. ఈరోజు నా పెర్‌ఫార్మెన్స్‌ను విశ్లేషించుకున్న తరువాత ఇంకా రాణించగలనని అనిపిస్తోంది’ భావోద్వేగంతో... ఆత్మవిశ్వాసంతో నిండిన గొంతుతో అంటుంది సుచికా తరియాల్‌.– యాకుబ్‌ పాషా

లక్నో: ఉత్తరప్రదేశ్‌లో బీజేపీ పాలన కాలంలో 151 బీఆర్‌ అంబేడ్కర్‌ విగ్రహాలు నేలమట్టమయ్యాయని సమాజ్‌వాదీ పార్టీ(ఎస్పీ)చీఫ్‌ అఖిలేశ్‌ యాదవ్‌ తీవ్ర ఆరోపణలు చేశారు. 72 జిల్లాల్లో చోటుచేసుకున్న ఈ ఘటనలకు సంబంధించి బీజేపీ ప్రభుత్వం ఇప్పటి వరకు 14 మందిని మాత్రమే అరెస్ట్‌ చేసిందని ఆయన తెలిపారు. రాజ్యాంగాన్ని మార్చేందుకు ప్రయత్నించి, విఫలమైన బీజేపీయే ఉద్దేశపూర్వకంగా వీటిని కూల్చివేసిందని ఆరోపించారు. అఖిలేశ్‌ ఆదివారం లక్నోలో మీడియాతో మాట్లాడారు. ‘‘ గత 15 ఏళ్ల బీజేపీ పాలనాకాలంలో మొత్తంగా 151 అంబేడ్కర్‌ విగ్రహాలు పాక్షికంగా లేదా పూర్తిగా ధ్వంసమయ్యాయి. మొత్తంగా చూస్తే ఏడాదికి 15 విగ్రహాల చొప్పున నాశనంచేశారు. 45 ఘటనల్లో గుర్తు తెలియని వ్యక్తులపై కేసులు నమోదయ్యాయి. 84 కేసుల్లో ఎటువంటి చర్యలు తీసుకోలేదు. లెక్కలోకి రాని ఘటనలు చాలా ఉన్నాయి. బీజేపీ, ఆ పార్టీ సిద్ధాంతాలను అనుసరించే వారు ముందుగా దేశ రాజ్యాంగాన్నే లక్ష్యంగా చేసుకుంటారని పేర్కొన్నారు. రాజ్యాంగం, అంబేడ్కర్, ఆయన అనుచరులంటే బీజేపీకి ఎటువంటి గౌరవం లేదు’’అని అఖిలేశ్‌ విమర్శించారు. అయోధ్య రామాలయం నిధులను సక్రమంగా వినియోగించుకోవడం, పక్కదారి పట్టకుండా చూడటమే అసలైన సనాతన ధర్మమని బీజేపీపై విరుచుకుపడ్డారు. యూపీలో పేపర్‌ లీకేజీలు పెరిగాయన్నారు. వచ్చే ఎన్నికల్లో ప్రతి అసెంబ్లీ నియోజకవర్గంలోనూ బీజేపీకి 27 వేల వరకు ఓట్లను తగ్గించేందుకు కృషి చేస్తున్నామని అఖిలేశ్‌ చెప్పారు. ప్రతి నియోజకవర్గం నుంచి తమ పార్టీకి అదనంగా 27 వేల ఓట్లు పడేలా కార్యాచరణను రూపొందించినట్లు వివరించారు.

ఉత్తరప్రదేశ్‌లోని లక్నోలో జరిగిన దారుణ ఘటన ఆలస్యంగా వెలుగులోకి వచ్చింది. కట్టుకున్న భర్త మొదటి భార్యతో సన్నిహితంగా ఉంటున్నాడనే ఆ‍గ్రహంతో తన ప్రియుడితో కలిసి భర్తను కడతేర్చిన భార్య ఉదంతం కలకలం రేపింది. రామ్‌కిశోర్ వాల్మీకిగా గుర్తించిన బాధితుడి మృతదేహం సెప్టెంబర్ 17న భావఖేడ కాలువ సమీపంలోని ఒక బాక్సు (ట్రంక్)లో లభ్యం కావడంతో ఈ విషయం వెలుగు చూసింది.నిందితురాలు సుఫియా బానోకు రామ్‌కిశోర్‌తో నాలుగేళ్ల క్రితం పరిచయం ఏర్పడింది. అప్పటికే పెళ్లైన రామ్‌కిశోర్‌ భార్యకు దూరంగా ఉంటున్నాడు. దీంతో రెండేళ్ల క్రితం ఆమెను రెండో వివాహం చేసుకున్నాడు. ఆ తర్వాత సుఫియాకు మున్నా అలియాస్ ముచ్ఛద్‌ (52) అనే వ్యక్తితో సంబంధం ఉన్నట్లు రామ్‌కిశోర్‌కు తెలిసిపోయింది. దీనిపై దంపతుల మధ్య తరచూ గొడవలు జరిగేవి. దీనికితోడు రామ్‌కిశోర్ తన మొదటి భార్య కవితా దేవిని మళ్లీ కలుసుకోవడం, ఆర్థిక సాయం చేయడం మొదలుపెట్టాడు. దీన్ని సుఫియా వ్యతిరేకించింది. ఫలితంగా వివాదం మరింత ముదిరింది.హత్యకు పథకం మొదటి భార్యతో రామ్‌కిశోర్ సాన్నిహిత్యాన్ని సహించలేని సుఫియా.. తన ప్రియుడు మున్నా, అతని సహచరుడు ఇక్బాల్‌తో కలిసి భర్తను అడ్డు తొలగించుకోవాలని ప్లాన్ వేసింది. సెప్టెంబర్ 14-15 మధ్య రాత్రి సమయంలో తన ప్రియుడు మున్నాను, అతని సహచరుడు ఇక్బాల్‌ను తన ఇంటికి ఆహ్వానించి, తలుపు గడియ పెట్టకుండా వదిలేసింది. నిద్రపోతున్న రామ్‌కిశోర్‌పైకి ఎటాక్‌ చేసిన దుండగులు అతనిని కత్తితో పొడిచి చంపారు.హత్య తర్వాత నేల మీద అంటిన రక్తపు మరకలను ప్లాస్టరింగ్ చేసి, రక్తంతో ఉన్న చీపురు, బాధితుడి దుస్తులు, కత్తిని దాచిపెట్టారు. ఆ తర్వాత తన 16 ఏళ్ల కుమారుడి సహాయంతో మృతదేహాన్ని మంచం కింద ఉన్న చెక్క పెట్టెలో దాచారు. మరుసటి రోజు రాత్రి ఆ మృతదేహాన్ని ఈ-రిక్షాలో తీసుకెళ్లి కాలువ వంతెన కింద పడవేశారు. ఇదీ చదవండి: పూణె వ్యాపారి కిడ్నాప్‌ కేసు ట్విస్ట్ : మలేషియా ట్రిప్‌ అని చెప్పి!సెప్టెంబర్ 17న రామ్‌కిశోర్ మొదటి భార్య కవితా దేవి మోహన్‌లాల్‌గంజ్ పోలీస్ స్టేషన్‌లో ఫిర్యాదు చేయడంతో పోలీసులు రంగంలోకి దిగారు. అదే రోజు మృతదేహాన్ని కనుగొన్నారు. సుమారు 180 సీసీటీవీ కెమెరాల ఫుటేజ్‌ ఆధారంగా ఈ-రిక్షా ఆధారంగా కేసు చేధించారు.నిందితులందరినీ పోలీసులు అరెస్ట్ చేశారు.

ఉత్తరప్రదేశ్‌లోని బరేలీ జిల్లా ఆసుపత్రిలో ఒక పాము హంగామా రేపింది. తన ఉనికితో ఆసుపత్రి రోగులు, వైద్యులను ఉలికి పడేలా చేసింది. ఈ ఘటన బరేలీ జిల్లా ఆసుపత్రిలో జరిగింది. అసలు స్టోరీ ఏంటంటే.. కుటుంబ సభ్యుల వివరాల ప్రకారం, బరేలీ జిల్లా బిథ్రి చైన్‌పూర్ పరిధిలోని రామ్‌నగర్ గోటియా గ్రామానికి చెందిన అతుల్ (36)ను పాము కాటేసింది. నీటి మోటారు కింద ఉన్న పామును తొలగించడానికి ప్రయత్నిస్తుండగా పాము కాటేసింది.‌ దీంతో ఆ పామును ఒక సంచిలో వేసుకుని నేరుగా ఆసుపత్రికి వచ్చాడు. ఇంతవరకు బాగానే ఉంది.కాటు తర్వాత అతని పరిస్థితి విషమించడంతో, కుటుంబ సభ్యులు అతన్ని హుటాహుటిన బరేలీ జిల్లా ఆసుపత్రికి తరలించారు. పామును గుర్తించి, దానికి తగిన చికిత్సను (పాము విషానికి విరుగుడు మందు అవసరమా లేదా అనేది సహా) నిర్ణయించడానికి వీలుగా అతుల్ ఆ పామును సంచిలో వేసుకుని వెంట తెచ్చుకున్నాడు. తీరా ఆ పాము సంచిలో తప్పించుకుని వార్డు వైపు పరుగుదీసింది. దీంతో వైద్యులు, సిబ్బంది ఒక్కసారిగా ఉలిక్కిపడ్డారు. రోగలు ఒక్కసారిగా వణికిపోయారు. తమ సీట్లనుంచి లేచి పరుగులు తీశారు. దీంతో ఆసుపత్రిలో కాసేపు కలకలం రేగింది.फिरोजाबाद के सरकारी अस्पताल के अंदर एक साँप की वजह से गंभीर हालत में भर्ती मरीजों में अफरा-तफ़री मच गई।सपेरा सांप के काटने के बाद डिब्बे में बंद कर सांप को लेकर पहुंचा था। डिब्बा खुलते ही सांप वार्ड की तरफ भाग गया। मरीज बेड छोड़कर भागे। pic.twitter.com/xnQC55McWr— Dinesh shukla (Journalist) 🇮🇳 (@Dinehshukla) September 19, 2026 > మొత్తానికి దాన్ని పట్టుకోవడంతో అందరూ ఊపిరి పీల్చుకున్నారు. ప్రస్తుతం అతుల్ ఆరోగ్యం మెరుగుపడినట్లు ఆసుపత్రి వర్గాలు తెలిపాయి. అతడి పరిస్థితి నిలకడగా ఉందని వెల్లడించాయి. ఇదీ చదవండి : గంటలో 106 పుల్-అప్స్‌ : చీరకట్టుతో నటి ఫిట్‌నెస్‌ ఫీట్‌ బరేలీలో 24 గంటల్లో నాలుగు పాము కాటు కేసులుమరోవైపు బరేలీలోని వివిధ ప్రాంతాల్లో 24 గంటల వ్యవధిలో పాము కాటుకు సంబంధించిన నాలుగు వేర్వేరు సంఘటనలు నమోదైన తరుణంలో ఈ ఘటన జరిగింది. 60 ఏళ్ల భగవాన్ దేయి తన ఇంటి సమీపంలోని పిడకలు తీస్తుండగా పాము కాటుకు గురైంది. మూడో సంఘటనలో, సాహుకారా ప్రాంతానికి చెందిన 35 ఏళ్ల సత్యవతి తన ఇంటిని శుభ్రం చేస్తుండగా పాము కాటుకు గురైంది.పో నాగ్లా గ్రామానికి చెందిన 20 ఏళ్ల సోను కూడా పాము కాటుకు గురయ్యాడు. ప్రస్తుతం ఆ నలుగురు రోగులూ బరేలీ జిల్లా ఆసుపత్రిలో చికిత్స పొందుతున్నారు. ఇదీ చదవండి: పాత చేనేతలకు కొత్త కళ..ఇలా ట్రై చేశారా?

భర్తకు మొదటి భార్యతో అనుబంధం.. రెండో భార్యకు మరో వ్యక్తితో రహస్య సంబంధం. ఈ వరుస బంధాల మధ్య రగిలిన వివాదం చివరకు హత్యకు దారితీసింది. నిద్రలో ఉన్న భర్తను రెండో భార్య తన ప్రియుడితో హత్య చేయించి, మృతదేహాన్ని చెక్కపెట్టెలో దాచి.. అర్ధరాత్రి ఈ-రిక్షాలో కాలువ వంతెన కింద పడేసింది. రెండు రోజుల తర్వాత బయటపడిన ఈ కేసులో భార్య, ప్రియుడు సహా నలుగురిపై పోలీసులు చర్యలు తీసుకున్నారు. దీంతో, రెండు భార్యతో పాటు ఆమె ప్రియుడు, అతడి సహాయకుడిని అరెస్టు చేయగా.. మహిళ మైనర్‌ కుమారుడిని కూడా అదుపులోకి తీసుకున్నారు. ఈ ఘటన ఉత్తరప్రదేశ్‌లోని లక్నోలో చోటుచేసుకుంది.పోలీసుల వివరాల ప్రకారం.. రామ్‌కిశోర్‌ వాల్మీకి, కవితా దేవికి వివాహం జరిగింది. కొన్ని కారణాల వల్ల వీరిద్దరూ విడిపోయారు. అనంతరం, సుఫియా బానోకు రామ్‌కిశోర్‌ వాల్మీకితో నాలుగేళ్లుగా పరిచయం ఉండగా, రెండేళ్ల క్రితం వీరిద్దరూ వివాహం చేసుకున్నారు. అయితే సుఫియాకు మున్నా అలియాస్‌ ముచ్చడ్‌ (52)తోనూ సంబంధం ఏర్పడింది. ఈ విషయం రామ్‌కిశోర్‌కు తెలియడంతో దంపతుల మధ్య తరచూ గొడవలు జరిగేవి. ఇదే సమయంలో రామ్‌కిశోర్‌ తన మొదటి భార్య కవితా దేవిని మళ్లీ కలుస్తూ, ఆమెకు ఆర్థిక సహాయం చేయడం సుఫియాకు నచ్చలేదు. దీంతో మున్నా, అతడి సహచరుడు మహమ్మద్‌ ఇక్బాల్‌ అలియాస్‌ బాసిర్‌ అహ్మద్‌ (40)తో కలిసి సుఫియా భర్తను హత్య చేసేందుకు కుట్ర పన్నినట్లు డీసీపీ మహమ్మద్‌ ముస్తాక్‌ తెలిపారు.Lucknow Murder: दूसरी पत्नी के अवैध संबंधों की राह में रोड़ा बना तो सोफिया बानो ने रामकिशोर वाल्मीकि को मार डाला.. #LucknowCrime #CrimeStory #UpPolice pic.twitter.com/dTd5wGZFhf— UP Tak (@UPTakOfficial) September 18, 2026సెప్టెంబర్‌ 14-15 అర్ధరాత్రి రామ్‌కిశోర్‌ నిద్రిస్తున్న సమయంలో సుఫియా ఇంటి తలుపు గడియ వేయకుండా ఉంచిందని, లోపలికి వచ్చిన ఇద్దరు నిందితులు కత్తితో పొడిచి అతడిని హత్య చేసినట్లు పోలీసులు పేర్కొన్నారు. హత్య అనంతరం ఆధారాలు చెరిపేందుకు నిందితులు ఇంటి నేలను శుభ్రం చేసి, రక్తపు మరకలున్న చీపురు, బాధితుడి దుస్తులు, హత్యకు ఉపయోగించిన కత్తిని దాచినట్లు తెలిపారు. ఆ తర్వాత సుఫియా తన 16 ఏళ్ల కుమారుడిని పిలవగా, నలుగురూ కలిసి మృతదేహాన్ని మంచం కింద ఉన్న చెక్క పెట్టెలో దాచారు. సెప్టెంబర్‌ 15-16 రాత్రి ఈ-రిక్షాలో మృతదేహాన్ని తరలించి, కనఖా ప్రాంతంలోని భవాఖడా వద్ద కాలువ వంతెన కింద పడేసినట్లు పోలీసులు వెల్లడించారు.సెప్టెంబర్‌ 17న రామ్‌కిశోర్‌ మొదటి భార్య కవితా దేవి ఫిర్యాదుతో పోలీసులు కేసు నమోదు చేశారు. అనుమానిత మార్గంలోని 170 నుంచి 180 సీసీటీవీ ఫుటేజీలను పరిశీలించి, సాంకేతిక ఆధారాలు, క్షేత్రస్థాయి సమాచారంతో నిందితులను గుర్తించినట్లు డీసీపీ తెలిపారు. శుక్రవారం సుఫియా, మున్నా, ఇక్బాల్‌ను అరెస్టు చేయగా, ఆమె మైనర్‌ కుమారుడిని కూడా అదుపులోకి తీసుకున్నారు. హత్యకు ఉపయోగించినట్లు భావిస్తున్న కత్తి, మృతదేహాన్ని తరలించిన ఈ-రిక్షాను స్వాధీనం చేసుకున్నట్లు పోలీసులు చెప్పారు. ఇదీ చదవండి: రాములమ్మ.. ఎంత పనిచేశావ్‌..

చీకటి గదిలో విలన్‌ తరహా కుర్చీలో యోగి.. చేతిలో సిగార్‌.. చుట్టూ అనుచరులు.. మరోవైపు ‘యాంగ్రీ యంగ్‌మ్యాన్‌’లా అఖిలేశ్‌ ఎంట్రీ.. డైలాగ్‌లు పేలుతుంటే బయట జనం నినాదాలు.. ఇదేదో 80ల బాలీవుడ్‌ సినిమా కాదు.. 2027 యూపీ ఎన్నికల ముందు సమాజ్‌వాదీ పార్టీ విడుదల చేసిన ఏఐ పొలిటికల్‌ సినిమా!ఎన్నికల సమరం మొదలవ్వకముందే ఉత్తరప్రదేశ్‌లో రాజకీయ తెరపై కొత్త సీన్‌ మొదలైంది. మాటల యుద్ధం కాస్తా ఇప్పుడు AI సినిమాల యుద్ధంగా మారుతోంది. సమాజ్‌వాదీ పార్టీ అధినేత అఖిలేశ్‌ యాదవ్‌.. సీఎం యోగి ఆదిత్యనాథ్‌ను టార్గెట్‌ చేస్తూ మరో AI వీడియోను విడుదల చేశారు. ఈసారి ఏకంగా 80ల నాటి మసాలా సినిమాల ఫార్ములాను తీసుకొచ్చారు.సీన్‌.. విలన్‌ ఎంట్రీ!తెరపై యోగి ఆదిత్యనాథ్‌ పాత్ర కనిపిస్తుంది. సాధారణ రాజకీయ నాయకుడిలా కాదు.. పాత బాలీవుడ్‌ విలన్‌ గెటప్‌లో! చుట్టూ అనుచరులు.. చేతిలో సిగార్‌.. తన పీఆర్‌ వ్యవస్థ గురించి గొప్పగా చెప్పుకుంటున్నట్లు సన్నివేశం. ప్రజల అభిప్రాయాన్ని మార్చేందుకు పీఆర్‌ యంత్రాంగం పనిచేస్తుందన్న అర్థంలో డైలాగ్‌లు ఉంటాయి. అంతేకాదు.. పీఆర్‌ కోసం తాను భారీగా ఖర్చు చేస్తున్నానని, ప్రధాని మోదీ కంటే కూడా ఎక్కువ ఖర్చు చేస్తున్నానని యోగి పాత్ర చెప్పేలా వీడియోను రూపొందించారు.सपा वालों का नया वीडियो जारी! सोशल मीडिया पर रहा है तेजी के साथ वायरल।अजय सेठअब बहुत हुआ तुम्हारा पाप, फूट चुका है तुम्हारा घड़ाअब यूपी लाएगा पीडीए सरकारSamajwadi party | Akhilesh Yadav | CM Yogi pic.twitter.com/0U6Kbcmkp0— India Times Official 🇮🇳 (@indiatimes24x7) September 15, 2026కట్‌ చేస్తే.. హీరో ఎంట్రీ!కట్‌ చేస్తే హీరోగా అఖిలేశ్‌ యాదవ్‌ పాత్ర తెరపైకి వస్తుంది. ముఖంలో కోపం.. మాటల్లో పదును.. యోగి పాత్రను ప్రశ్నిస్తూ వరుస డైలాగ్‌లు. మహిళలపై పెరుగుతున్న నేరాలు, ఎక్స్‌ప్రెస్‌వేల నిర్మాణ నాణ్యత, అవినీతి, ప్రభుత్వ విద్యా వ్యవస్థ పరిస్థితి, రైతుల ఆత్మహత్యలు వంటి అంశాలను ప్రస్తావిస్తూ యోగి ప్రభుత్వంపై ఆరోపణలు చేస్తున్నట్లు చూపించారు. ధరల పెరుగుదలను కూడా ప్రస్తావిస్తూ.. ‘చక్కెర కంటే మనిషి ప్రాణం చౌకైపోయింది.. గ్యాస్‌, రేషన్‌ అన్నీ ఖరీదయ్యాయి.. చౌకగా మిగిలింది పేదవాడి ప్రాణమే’ అనే భావన వచ్చేలా అఖిలేశ్‌ పాత్రకు డైలాగ్‌ పెట్టారు.‘పీఆర్‌’ వర్సెస్‌ ‘ప్రజల ప్రేమ’!ఇక్కడే కథలో మరో ట్విస్ట్‌. వీడియోలో యోగి పాత్ర తన పీఆర్‌ యంత్రాంగం గురించి గొప్పగా చెప్పుకుంటుంది. దానికి అఖిలేశ్‌ పాత్ర.. తనకు ప్రజల నుంచి లభించే ప్రేమే ఏ పీఆర్‌ వ్యవస్థకైనా సరిపోతుందని బదులిస్తుంది. అంటే.. ఒకవైపు పీఆర్‌.. మరోవైపు ప్రజల ప్రేమ! అంటూ రాజకీయ సందేశాన్ని సినిమా సన్నివేశాల రూపంలో చూపించే ప్రయత్నం చేసింది ఎస్పీ. అయితే, వీడియోలో యోగి పాత్ర రాజకీయ ‘మోడల్‌’పై కూడా అఖిలేశ్‌ పాత్ర ఆరోపణలు చేస్తున్నట్లు సన్నివేశాలను రూపొందించారు. ప్రజలను విభజించడం, వర్గాల మధ్య ఘర్షణలు సృష్టించడం వంటి ఆరోపణలు అందులో ఉన్నాయి.చివరి సీన్‌ మరింత సినిమాటిక్‌గా ఉంటుంది. కిటికీ బయట భారీగా ఎస్పీ కార్యకర్తలు గుమిగూడినట్లు చూపించారు. చేతుల్లో ప్లకార్డులు.. నినాదాలతో హోరెత్తుతున్న వాతావరణం. ఇదంతా చూస్తే.. ఎన్నికల ప్రచారంలో పోస్టర్లు, సభలు, రోడ్‌షోలు దాటి రాజకీయ పార్టీలు ఇప్పుడు AI తెరపైకి కూడా అడుగుపెట్టినట్లు కనిపిస్తోంది. ఇక, యోగి ఆదిత్యనాథ్‌ను లక్ష్యంగా చేసుకుని ఎస్పీ రూపొందించిన AI వీడియోలలో ఇది తాజా ఎపిసోడ్‌. గతంలో విడుదల చేసిన మరో AI వీడియోలో యోగి పాత్రను చిల్లం తాగుతున్నట్లు చూపించారు. ఆ వీడియోపై బీజేపీ తీవ్రంగా స్పందించి విమర్శలు చేసింది. ఇప్పుడు 80ల సినిమా ఫార్ములాతో వచ్చిన కొత్త వీడియోతో మరోసారి రాజకీయ దుమారం మొదలైంది. 2027 యూపీ ఎన్నికల వేడి పెరిగే కొద్దీ.. ఈ AI రాజకీయ సినిమా ఇంకా ఎన్ని మలుపులు తిరుగుతుందో చూడాలి.Blockbuster Cinema 📽️ Akhikesh Yadav Vs Yogi Adityanath pic.twitter.com/eZJwroF9eq— Rahul Kumar (@MukAn_X) September 17, 2026

లక్నో: ఉత్తరప్రదేశ్ రాజధాని లక్నో దారుణ ఘటన జరిగింది. తనను మోసం చేశాడని అడ్డుకున్న ప్రియురాలిపై ప్రియుడు ఏకంగా కారు ఎక్కించాడు. లక్నోలోని ప్రఖ్యాత జనేశ్వర్ మిశ్రా పార్క్ సమీపంలో జరిగిన ఈ ఉదంతం దేశవ్యాప్తంగా తీవ్ర కలకలం రేపుతోంది. ప్రియుడిని నిలదీసిన యువతిపై, నిందితుడు రాక్షసంగా వ్యవహరించిన తీరు సర్వత్రా ఆందోళనలు రేకెత్తిస్తోంది.వివరాల్లోకి వెళితే.. అనామిక అనే యువతి, షహన్వాజ్ కొంతకాలంగా పరిచయంలో ఉన్నారు. అయితే, మరో యువతితో షహన్వాజ్ కారులో తిరుగుతుండగా అనామిక రెడ్ హ్యాండెడ్‌గా పట్టుకుంది. దీంతో గొడవకు దిగింది. వివాదం ముదిరడంతో షహన్వాజ్ కారులో అక్కడి నుంచి పరారయ్యేందుకు ప్రయత్నించగా, యువతి అడ్డుకునే యత్నం చేసింది. అయితే ఆ సమయంలోనూ తన ప్రియుడు ఏమాత్రం కనికరం చూపకుండా కారుతో వేగంగా కొంతదూరం ఈడ్చుకెళ్లాడు. అంతటితో ఆగకుండా కిందపడిపోయిన ఆమెపైకి వాహనం ఎక్కించేందుకు ప్రయత్నించాడు. ఈ దృశ్యాలు ఇప్పుడు సోషల్‌ మీడియాలో వైరల్‌గా మారాయి.అయితే బాధితురాలి ఫిర్యాదు మేరకు రంగంలోకి దిగిన లక్నో పోలీసులు, ప్రధాన నిందితుడు షహన్వాజ్‌ను అదుపులోకి తీసుకుని కారును స్వాధీనం చేసుకున్నారు. ప్రస్తుతం ఆ యువతి ఆసుపత్రిలో తీవ్రగాయాలతో చికిత్స పొందుతున్నట్లు తెలుస్తోంది. అయితే సదరు యువతిని పేరు మార్చి (యష్ ఠాకూర్) పేరుతో మోసం చేసినట్లు ఆరోపణలు సైతం ఉన్నాయి. Lucknow - A woman was struck by a car and carried on its bonnet for some distance during a dispute near Janeshwar Mishra Park on Wednesday morning, according to police. A video of the incident has circulated widely on social media. Preliminary police accounts said the woman saw… pic.twitter.com/9setQbAQYs— NextMinute News (@nextminutenews7) September 16, 2026

‘‘మీరు చాలా అందంగా ఉంటారు. అంతకంటే మంచి మనసు కూడా ఉంది. మీ వ్యక్తిత్వమూ ఎంతో అద్భుతమైంది. ఇవన్నీ కాదండీ.. మీరు ఓ కంప్లీట్‌ ఉమెన్‌. మీరు చేసే పని మీకు అస్సలు సూట్‌ కాలేదు. నేను గనుక రాజకీయాల్లో కొనసాగితే.. రేపు మా పార్టీ అధికారంలోకి వస్తే సీఎం కోటాలో మీకు ఐఏఎస్‌ జాబ్‌ ఇప్పిస్తా’’.. ఇలా ఓ వాట్సాప్‌ మెసేజ్‌ ఇప్పుడు నెట్టింట చక్కర్లు కొడుతోంది. బ్యాంక్‌ ఉద్యోగి అయిన ఆమెను ఏకంగా ఐఏఎస్‌ను చేస్తానంటూ బంపర్‌ ఆఫర్‌ ఇస్తున్నాడా నేత. కాకపోతే అధికారంలోకి వస్తేనే ఆ పని చేస్తాడంట. అందుకోసం ఆమెను ‘కాంప్రమైజ్‌’ కావాలంటూ వేధించాడాయన!. ఓ బ్యాంక్‌ ఉద్యోగిని సంచలన ఆరోపణలతో ఉత్తర ప్రదేశ్‌ రాజకీయాల్లో కలకలం రేగింది. సమాజ్‌వాదీ పార్టీ మైనారిటీ విభాగం కార్యదర్శి రాజన్‌ రిజ్వీ తనను వేధిస్తున్నాడంటూ పోలీసులను ఆశ్రయించిందామె. అంతేకాదు.. తనకు పంపిన పలు మెసేజ్‌లను మీడియా ముందు రిలీజ్‌ చేయడం తీవ్ర దుమారం రేపింది. ''రోజూ నా వెంటపడే వాడు. ఏదో ఒక పని మీద రిజ్వీ రోజూ బ్యాంక్‌కు వచ్చేవాడని.. తోటి సిబ్బందిని ప్రలోభపెట్టి తన నెంబర్‌ సంపాదించాడని.. అప్పటి నుంచి వేధించడం మొదలుపెట్టాడని ఆమె ఆంటోంది. గట్టిగా నిలదీస్తే బెదిరింపులకు దిగాడ''ని ఆరోపిస్తోంది. అంతేకాకుండా.. ఎస్పీ ప్రభుత్వం అధికారంలోకి వస్తే తనకు సీఎం కోటాలో ఐఏఎస్‌ ఉద్యోగం ఇప్పిస్తానంటూ రిజ్వీ ఆశ చూపుతున్నాడని చెబుతోంది. ఈ మేరకు రిజ్వీ చేసినట్లుగా ఉన్న వాట్సాప్‌ మెసేజ్‌లను బయటపెట్టిందామె."मुझे आपकी पर्सनालिटी पर ये जॉब अच्छी नहीं लगती। अगर भविष्य में राजनीति में आगे जाता हूं और सपा की सरकार बनती है तो मैं आपको CM कोटे से IAS बनवाने की कोशिश करुंगा"बैंक की महिला कर्मचारी को यह मैसेज करने वाला सपा नेता राजन रिजवी है। पुलिस ने FIR कर ली है।📍मथुरा, उत्तर प्रदेश pic.twitter.com/YfBHGXOG3Q— Sachin Gupta (@Sachingupta) September 16, 2026వేధింపులు ఎక్కువయ్యేసరికి తాను ఫోన్‌ ఎత్తడం మానేశానని.. దీంతో సరాసరి బ్యాంక్‌కు వచ్చి అందరి ముందే బెదిరించాడని చెప్పిందామె. అంతేకాదు.. తన కుటుంబాన్ని సైతం టార్గెట్‌ చేసుకున్నాడని.. గూండాలతో వాళ్లపై నిరంతరం నిఘా పెడుతున్నాడని వాపోయింది. భరించలేకనే ఇలా పోలీసుల ముందుకు రావాల్సి వచ్చిందని తెలిపింది. ఈ నేపథ్యంతో మధురలోని కొత్వాలి పీఎస్‌లో ఆమె ఫిర్యాదు చేయగా.. సెప్టెంబర్‌ 15న ఎఫ్‌ఐఆర్‌ నమోదు చేశారు.ఎస్పీ చర్యలు..రిజ్వీ వ్యవహారాన్ని ఆధారంగా చేసుకుని అధికార బీజేపీ ప్రతిపక్ష ఎస్పీపై తీవ్ర స్థాయిలో విరుచుకుపడుతోంది. అయితే కేసు నమోదైన నేపథ్యంలో రాజన్‌ రిజ్వీని సమాజ్‌వాదీ పార్టీ మైనారిటీ విభాగం రాష్ట్ర కార్యదర్శి పదవి నుంచి తొలగించింది. మహిళల భద్రత విషయంలో ఎలాంటి చర్యలను ఉపేక్షించేది లేదని ఆ పార్టీ ఓ ప్రకటనలో తెలిపింది.ఇదీ చదవండి: ఇలా కలిశారో లేదో.. అలా పని జరిగిపోయింది!

టీమిండియా వెటరన్‌ బౌలర్‌ మహ్మద్‌ షమీ సోదరుడు, క్రికెటర్‌ మహ్మద్‌ కైఫ్‌పై కేసు నమోదైంది. పెళ్లి పేరుతో శారీరకంగా వాడుకుని తనను మోసం చేశాడని ఓ మహిళ పోలీసులకు ఫిర్యాదు చేసింది. విడాకులు తీసుకున్న మహిళను నమ్మించి...దైనిక్‌ జాగరణ్‌ కథనం ప్రకారం.. క్రికెటర్‌ షమీ సోదరుడు కైఫ్‌పై ఓ మహిళ ఫిర్యాదు చేసింది. భర్త నుంచి విడాకులు తీసుకున్న సదరు మహిళకు కైఫ్‌ మాయమాటలు చెప్పి దగ్గరయ్యాడు. పెళ్లి చేసుకుంటానని నమ్మించి శారీరక సంబంధం పెట్టుకున్నాడు.హోటల్‌కు రప్పించిబలవంతం మీద ఆమెను సెప్టెంబరు 9, 2023న కోల్‌కతాలోని ఓ హోటల్‌కు రప్పించి శారీరక వాంఛలు తీర్చుకున్నాడు. ఆ తర్వాత పెళ్లి చేసుకోమని కోరగా.. ఆమెతో స్నేహాన్ని తెంచుకున్నాడు. ఈ మేరకు సదరు మహిళ ఆదివారం సాయంత్రం ఉత్తరప్రదేశ్‌లోని అర్షియానా పోలీసులకు ఫిర్యాదు చేసింది. దీంతో కైఫ్‌పై కేసు నమోదైందని రిపోర్టర్‌ అభిషేక్‌ త్రిపాఠి ఎక్స్‌ వేదికగా పోస్టు పెట్టారు.అన్న మాదిరే బెంగాల్‌కు ఆడుతూ..కాగా అన్న షమీ మాదిరే కైఫ్‌ కూడా క్రికెటర్‌. ఉత్తరప్రదేశ్‌ వీరి సొంత రాష్ట్రం అయినప్పటికీ అన్న బాటలోనే దేశవాళీ క్రికెట్‌లో కైఫ్‌ బెంగాల్‌ జట్టుకు ప్రాతినిథ్యం వహిస్తున్నాడు. రంజీ ట్రోఫీ, విజయ్‌ హజారే ట్రోఫీ, సయ్మద్‌ ముస్తాక్‌ అలీ ట్రోఫీతో పాటు పలు దేశీ టోర్నమెంట్లలో ఆడుతున్నాడు. మీడియం ఫాస్ట్‌ బౌలర్‌ అయిన అతడు ఫస్ట్‌క్లాస్‌ క్రికెట్‌లో ఇప్పటికి 40కి పైగా వికెట్లు తీశాడు.ఇదిలా ఉంటే.. ఇంతకుముందు కూడా ఓ మహిళ కైఫ్‌పై ఇదే తరహాలో ఆరోపణలు చేసింది. పెళ్లి చేసుకుంటానని నమ్మించి తనను మోసం చేశాడని ఆరోపించింది. అయితే, అధికారికంగా కేసు మాత్రం పెట్టలేదని సమాచారం. కాగా షమీపై కూడా ఇలాంటి ఆరోపణలు వచ్చిన సంగతి తెలిసిందే.షమీపై కూడా గతంలో ఆరోపణలుషమీ భార్య హసీన్‌ జహాన్‌ స్వయంగా తీవ్రమైన ఆరోపణలతో కోర్టు మెట్లు ఎక్కింది. అతడికి వివాహేతర సంబంధాలు ఉన్నాయని ఆరోపించడంతో పాటు ఫిక్సింగ్‌ చేస్తాడని సంచలన వ్యాఖ్యలు చేసింది. అప్పటి నుంచి విడిగా ఉంటున్న వీరు.. భరణానికి సంబంధించి తరచూ ఏదో ఒక అప్‌డేట్‌తో వార్తల్లో నిలుస్తున్నారు. కాగా హసీన్‌ జహాన్‌ ఐపీఎల్‌లో చీర్‌ గర్ల్‌గా ఉన్న సమయంలో ఆమె ప్రేమలో పడ్డ షమీ.. ఆ తర్వాత పెళ్లి చేసుకున్నాడు. అయితే, అప్పటికే హసీన్‌కు వివాహమై కూతురు కూడా ఉన్నట్లు సమాచారం. షమీ- హసీన్‌కు కూడా ఓ కుమార్తె జన్మించింది.చదవండి: వద్దన్నా వినడే.. ఇదేం బుద్ధి?

కాన్పూర్‌: రష్యా రాజధాని మాస్కోలో పోలీసులు తనను అనవసరంగా నిర్బంధించి, చిత్రహింసలకు గురి చేశారని యూపీలోని కాన్పూర్‌కు చెందిన చందన్‌ గుప్తా(45) ఆరోపించారు. నోయిడాలోని యూఫ్లెక్స్‌ అనే కంపెనీ తరఫున 2023 నుంచి భార్య, కుమారుడితోపాటు మాస్కోలో ఉంటున్నట్లు చందన్‌ చెప్పారు. రష్యా పోలీసుల కస్టడీలో దాదాపు 48 గంటలు గడిపిన తర్వాత మాస్కో నుంచి తిరిగి స్వదేశానికి వచ్చేశానన్నారు. అక్కడి పోలీసులు తనను, తన స్నేహితుడిని దుర్భాషలాడటంతోపాటు, బెదిరించి, చిత్రహింసలకు గురిచేశారని ఆరోపించారు. ఈ సంఘటన తనను ఎంతో వేదనకు గురిచేసిందని, ఇకపై రష్యా ఒక్కటే కాదు, విదేశాలలో ఎన్నడూ పనిచేయరాదని నిర్ణయించుకున్నట్లు శనివారం చెప్పారు. ‘ఈ నెల 5వ తేదీ రాత్రి మిత్రుడు ఆశిష్‌తో కలిసి మాస్కోలోని కిటే గొరోడ్‌ మెట్రో స్టేషన్‌కు, హాంగింగ్‌ బ్రిడ్జి, అటు నుంచి రెడ్‌ స్క్వేర్‌ వైపు నడిచి వెళ్తుండగా పోలీసులు నిర్బంధంలోకి తీసుకున్నారు. తాము మద్యం మత్తులో ఉన్నట్లు, అంబులెన్సు కిటికీ అద్దాన్ని పగులగొట్టామని ఆరోపిస్తూ చిత్రహింసలకు గురిచేశారు. ఏవో పత్రాలపై బలవంతంగా సంతకాలు చేయించుకున్నారు. కుటుంబసభ్యులు, మిత్రులను కూడా కలవనివ్వలేదు. మా కంపెనీ లాయర్ల జోక్యంతో దాదాపు 48 గంటల తర్వాత విడిచిపెట్టారు’అని ఆరోపించారు. రెండు రోజుల క్రితం చందన్‌ గుప్తా భార్య స్నేహ కూడా సోషల్‌ మీడియాలో ఒక పోస్ట్‌ పెట్టారు. తన భర్తను విడిపించేందుకు సాయం చేయాలంటూ యూపీ సీఎం యోగిని అందులో కోరారు. మాస్కోలోని భారత ఎంబసీ తమకు ఎటువంటి సాయం చేయలేదని, రష్యా పోలీసులు చేసిన ఆరోపణలనే వినిపించిందన్నారు.

అమితాబ్ బచ్చన్ వ్యాఖ్యాతగా వ్యవహరిస్తున్న రియాల్టీ షో 'కౌన్ బనేగా కరోడ్‌పతి 18' గురువారం ఎపిసోడ్‌లో, ఉత్తరప్రదేశ్ కాన్పూర్‌కు చెందిన రోల్‌ఓవర్ కంటెస్టెంట్‌ 27 ఏళ్ల ఉద్దేశ్య సచన్ రూ. 25 లక్షల ప్రశ్నకు సమాధానం చెప్పే ప్రయత్నంలో విఫలమై, రూ. 12.5 లక్షల నగదు బహుమతితో గేమ్‌నుంచి నిష్క్రమించారు. అయితే ఈ ఎపిసోడ్ సందర్భంగా ఉద్దేశ్య వెల్లడించిన వివరాలు నెట్టింట విశేషంగా నిలిచాయి.కాన్పూర్‌లో పేద పిల్లల కోసం ఒక పాఠశాలను నడుపుతున్నానని, అక్కడ 400 మంది పిల్లలకు ఉచితంగా విద్యను అందిస్తున్నానని ఉద్దేశ్య సచన్ చెప్పారు. దాదాపు ఎనిమిదేళ్ల క్రితం తన తల్లి వద్ద రూ. 250 అప్పుగా తీసుకుని ఒక చెట్టు కింద కొద్దిమంది పిల్లలకు పాఠాలు చెప్పడం ద్వారా ఈ పాఠశాలను ప్రారంభించారు. గత కొన్నేళ్లలో ఈ పాఠశాల విస్తరించి, ప్రస్తుతం సొంత భవనాన్ని కలిగి ఉంది. 12వ తరగతి వరకు పిల్లలకు ఉచిత విద్యను అందిస్తున్నారు. ఫీజులు లేకుండా మరింత మంది పిల్లలకు విద్యను అందించడానికి దీనిని ఇంకా విస్తరించాలని ఆయన భావిస్తున్నారు.ఇదీ చదవండి: నేనో పెద్ద ప్రకటన చేయబోతున్నా : కేజ్రీవాల్‌ ట్వీట్‌ వైరల్‌విద్యావ్యవస్థ చాలా ఖరీదైనదిగా మారిందని, పేద పిల్లలు చదువుకోలేకపోతున్నారనే ఈ పాఠశాలను ప్రారంభించినట్లు తెలిపారు. వీరిలో చాలామంది పిల్లలు సమీపంలోని మురికివాడల (స్లమ్స్) నుండి వస్తారు. దీని ద్వారా తనకు ఎలాంటి ఆదాయం రాదని, తన ప్రాథమిక అవసరాలైన ఆహారం, నివాసం తన అన్నయ్య చూసుకుంటారని తెలిపారు.కాగా ఉద్దేశ్య తండ్రి దర్జీగా (టైలర్) పనిచేస్తూ నెలకు రూ. 4000-5000 మాత్రమే సంపాదించేవారు. విద్యుత్ షాక్ కారణంగా ఆయన తల్లి అనారోగ్యానికి గురైన తర్వాత కుటుంబం తీవ్ర ఆర్థిక ఇబ్బందుల్లో పడింది. తండ్రి ఫీజు చెల్లించలేకపోవడంతో ఉద్దేశ్యను 6 - 9 ఏళ్ల వయస్సులో రెండుసార్లు పాఠశాల నుండి పంపించివేశారు. ఫీజులు చెల్లించనందుకు పాఠశాల ఉపాధ్యాయులు ఆయన తల్లిదండ్రులను తరచూ అవమానించేవారని గుర్తు చేసుకున్నారు. ఆ వయసులోనే అయన అనుభవించిన అవమానాలు, మానసిక క్షోభే ఈనాటి ఉచిత విద్యకు పునాది అని చెప్పారు.ఇదీ చదవండి : నటి అమీషా తల్లి డైమండ్‌ నగలు చోరీ : పనిమనిషి అరెస్ట్‌రూ. 250తో స్కూలుకు నాంది పడిందిలా ధాబా, కేఫ్ ,కొన్ని కర్మాగారాల్లో (ఫ్యాక్టరీలు) చిన్న చిన్న పనులు చేస్తూ, తండ్రి సహాయంతో తన చదువును పూర్తి చేశారు. అయితే తనలాంటి పిల్లలు ఇంకా చాలామంది ఉంటారని గ్రహించి, వారి జీవితాలను మార్చడానికి విద్య ఒక్కటే మార్గమని నమ్మి ఈ దిశగా అడుగులు వేశారు.తన తల్లి వద్ద రూ. 250 అప్పుగా తీసుకుని స్థానికంగా ప్రచారం చేయడానికి కొన్ని పాంప్లెట్లు ప్రింట్ చేయించి పాఠశాలను ప్రారంభించినట్లు ఉద్దేశ్య చెప్పారు. ప్రారంభ రోజుల్లో ఆయన ఇంటింటికీ వెళ్లి పిల్లలను చదువుకోవడానికి ప్రోత్సహించేవారు. సోషల్ మీడియా పుణ్యమా అని చాలా మంది ఆయన పాఠశాలకు విరాళాలు ఇచ్చారు. నటుడు ఆర్‌. మాధవన్ దీనిపై ఒక పోస్ట్ షేర్ చేసినప్పుడు పాఠశాలకు భారీగా విరాళాలు వచ్చాయి. ఇది విన్న అమితాబ్ బచ్చన్ కూడా తన సోషల్ మీడియా ద్వారా ఈ పాఠశాల గురించి ప్రచారం చేస్తానని ప్రకటించారు.KBC 18లో ఉద్దేశ్య ఎదుర్కొన్న రూ. 25 లక్షల ప్రశ్న: ఏ ప్రాచీన భారతీయ పాలకుడిని 'అమిత్రఘాత' అనే బిరుదుతో కూడా పిలిచేవారు?ఆప్షన్లు: సమ్రాట్ అశోకుడు, బింబిసారుడు, సముద్రగుప్తుడు, బిందుసారుడుఉద్దేశ్య 'మహాఫ్లిప్' లైఫ్‌లైన్ ఉపయోగించిన తర్వాత ఈ ప్రశ్న వచ్చింది. దీని సమాధానంపై కూడా ఆయనకు స్పష్టత లేకపోవడంతో 50:50 లైఫ్‌లైన్ ఎంచుకున్నారు. లైఫ్‌లైన్ తర్వాత తెరపై మిగిలిన రెండు ఆప్షన్లు: బింబిసారుడు , బిందుసారుడు.సరియైన సమాధానం తెలియకపోవడంతో, ఆయన గేమ్‌ను క్విట్ చేసి క్విట్ చేసిన తర్వాత, ఊహించి ఒక సమాధానం చెప్పమని కోరగా, ఆయన 'బిందుసారుడు' అని చెప్పారు. నిజానికి అదే సరైన సమాధానం.‘అమిత్రఘాత’ అంటేమగధను పాలించిన మౌర్య సామ్రాజ్య రెండవ చక్రవర్తి బిందుసారుడిని 'అమిత్రఘాత' అని పిలిచేవారు. బిందుసారుడు చంద్రగుప్త మౌర్యుని కుమారుడు, అలాగే మౌర్య సామ్రాజ్యంలో అత్యంత ప్రసిద్ధ పాలకుడైన అశోకుడి తండ్రి. బిందుసారుడి పాలన క్రీ.పూ. 297 నుండి క్రీ.పూ. 273 వరకు కొనసాగింది. ఈ పేరు 'అమిత్ర' (శత్రువు), 'ఘాత' (సంహారకుడు) అనే పదాల కలయికతో ఏర్పడింది. అంటే "శత్రు సంహారకుడు" అని అర్థం. విశేషమేమిటంటే, ప్రాచీన గ్రీకు రచయిత స్ట్రాబో ఆయనను 'అమిట్రోచేట్స్' (Amitrochates) అని పిలిచారు, సంస్కృత పదం,అమిత్రఘాతను గ్రీకులో 'అమిట్రోచేట్స్ అంటారు.

వివాహేతర సంబంధాల మోజులో నేరాలు ఘోరాలు జరుగుతున్న రోజుల్లో.. భర్తను చంపే భార్యలు, భార్యలను హతమార్చే భర్తలు, ప్రేమ పేరుతో బ్లాక్‌మెయిల్‌ చేసే ఘటనలు తరచూ కనిపిస్తున్నాయి. కానీ దీనికి పూర్తి భిన్నంగా.. ఒక భార్య తనకు భర్త వద్దని, ప్రియుడితోనే ఉంటానని తెగేసి చెప్పింది. దీంతో ఆ భర్త తీసుకున్న నిర్ణయం ఇప్పుడు సోషల్‌ మీడియాలో వైరల్‌గా మారింది. ఈ కథలో ట్విస్టులు మాత్రం సినిమాను మించి ఉన్నాయి!..ఈవీవీ డైరెక్షన్‌లో వచ్చిన కన్యాదానం చిత్రంలో.. తన స్నేహితుడి ప్రేమను నిలబెట్టేందుకు భార్యనిచ్చి దగ్గరుండి వివాహం జరిపిస్తాడు హీరో. ఆ క్లైమాక్స్‌ను ఏమాత్రం తీసిపోని రేంజ్‌లో జరిగిన ఘటన ఇప్పుడు నెట్టింట వైరల్‌ అవుతోంది. భార్యను ఎంతో అపురూపంగా చూసుకుంటే.. ఆమె మాత్రం అతను వద్దని తెగేసి చెప్పింది. దీంతో ఆ సినిమాలో శ్రీకాంత్‌ చేసినట్లే.. ప్రియుడి వద్దకే భార్యను చేర్చాడా భర్త. లక్నోకు చెందిన ప్రాంతీయ రక్షక్‌ దళ్‌ (PRD) జవాన్‌ విక్కీకి సొనాలీతో ఏడాది క్రితం వివాహమైంది. అయితే పెళ్లికి ముందే సొనాలీకి తన చిన్ననాటి స్నేహితుడితో ప్రేమ వ్యవహారం ఉంది. ఇద్దరూ స్కూల్‌ టైం నుంచే స్నేహితులు. ఆ స్నేహం కాస్తా వాళ్లతో పాటే పెరిగి ప్రేమగా మారింది. అయితే అతనితో వివాహానికి పెద్దలు ఒప్పుకోలేదు. బలవంతంగా విక్కీకి ఇచ్చి పెళ్లి చేశారు. అయితే పెళ్లి తర్వాత కూడా ఆమె తన ప్రియుడితో ఫోన్‌లో మాట్లాడుతూనే ఉంది. భర్తను మోసం చేయొద్దని.. సుఖంగా కాపురం చేసుకోమని ఆ ప్రియుడు ఆమెకు హితబోధ చేస్తూ వచ్చాడు. అయితే ఆమె మాత్రం అలా ఉండలేనంటూ తెగేసి చెప్పింది. ఈ క్రమంలో సెప్టెంబర్‌ 5న సొనాలీ అత్తింటి నుంచి అకస్మాత్తుగా కనిపించకుండా పోయింది. కుటుంబ సభ్యులు ఎంత వెతికినా ఆచూకీ లభించలేదు. దీంతో భర్త విక్కీ పోలీసులకు ఫిర్యాదు చేశాడు. పోలీసులు సమీప జిల్లాలకు సమాచారం పంపి గాలింపు చేపట్టారు. చివరకు..సొనాలీ హర్దోయ్‌లో ఓ వ్యక్తితో కలిసి ఉన్నట్లు గుర్తించారు. అతను తన ప్రియుడని చెప్పడంతో అంతా కంగుతిన్నారు. బుధవారం పోలీసులు ఇద్దరినీ లక్నోకు తీసుకొచ్చి కుటుంబ సభ్యుల సమక్షంలో మాట్లాడించారు. గంటల తరబడి నచ్చజెప్పినా సొనాలీ మాత్రం తన నిర్ణయాన్ని మార్చుకోలేదు. భర్తతో ఒక్క క్షణం కూడా ఉండటం తనకు ఇష్టం లేదని, తన చిన్ననాటి ప్రియుడితోనే జీవితాంతం ఉండాలనుకుంటున్నానని స్పష్టం చేసింది. ఆ సమయంలో ప్రియుడు.. భర్త వద్దకే వెళ్లిపోవాలంటూ సూచించడం గమనార్హం.అయితే భార్య మాటలు విన్న విక్కీ కొంతసేపు షాక్‌కు గురైనా.. చివరకు ఆమె నిర్ణయాన్ని గౌరవించాడు. “ఇందులో బలవంతం ఏమీ లేదు. ఎవరితో అయితే సంతోషంగా ఉంటావో వారితోనే ఉండు” అని చెప్పాడు. అనంతరం ఇరువర్గాల అంగీకారంతో అవసరమైన చట్టపరమైన ప్రక్రియలు పూర్తి చేశారు. ఆ తర్వాత సొనాలీ, ఆమె చిన్ననాటి ప్రియుడు స్థానిక ఆలయంలో హిందూ సంప్రదాయం ప్రకారం ఏడడుగులు వేశారు. ఈ సమయంలో ఆమె భర్త విక్కీ స్వయంగా భార్యను ప్రియుడికి అప్పగించాడు.పెళ్లి తర్వాత కూడా చిన్ననాటి ప్రేమను కొనసాగించిన సొనాలీ.. చివరకు తన ప్రియుడినే ఎంచుకుంది. అయితే ఈ ప్రేమకథలో ఊహించని మలుపు చోటుచేసుకుంది. సాధారణంగా ఇలాంటి వ్యవహారాలు బయటపడితే గొడవలు, దాడులు, హత్యలు, బ్లాక్‌మెయిలింగ్‌ల వరకు వెళ్లే ఘటనలు చూస్తుంటాం. కానీ ఇక్కడ అలాంటిదేమీ జరగలేదు.. భర్త బలవంతం చేయకుండా భార్య నిర్ణయాన్ని గౌరవించాడు. అంతేకాదు.. ఆమె చేయిని ప్రియుడి చేతిలో పెట్టి దగ్గరుండి పెళ్లి జరిపించాడు. ఆ వీడియోనే నెట్టింట వైరల్‌ అవుతోంది.In #Lucknow's Malihabad, a PRD (Prantiya Rakshak Dal) jawan arranged his wife's marriage to her lover. His wife had run away from home, and upon discovering she was having an affair, the husband deemed it appropriate to have her married to the man rather than create a dispute. pic.twitter.com/9SC6Vdq05m— Siraj Noorani (@sirajnoorani) September 11, 2026

మనిషిని చెట్టు కట్టేయడం.. టవర్లకు కట్టేయడం అనేది ఎవరైనా తప్పు చేసిన సందర్భాల్లో ఎక్కువగా కనిపిస్తూ ఉంటుంది. ఇది ఎక్కువ గ్రామ స్థాయిలో తారస పడుతూ ఉంటుంది. ఊరంతా ఒక్కటై తప్పు చేసిన మనిషిని స్తంభాలకో, చెట్లకో, టవర్లకో కట్టేస్తూ ఉంటారు. ఇది అనాగరిక సంస్కృతే అయినా ఇప్పటికీ అక్కడక్కడ కనిపిస్తూనే ఉంది. కానీ ఇక్కడ చిత్రమేమింటంటే ఓ వ్యక్తి ఒక సంస్థలో టెక్నీషియన్‌గా పని చేస్తున్నందుకు ఈ అనుభవాన్ని ఎదుర్కోవాల్సి వచ్చింది. దీనికి అసలు కారణం 5జీ నెట్‌వర్క్‌.. ఇది ప్రస్తుతం అత్యంత వేగవంతమైన నెట్‌వర్క్‌. ఇది మనకు తెలిసిన విషయమే. మొబైల్‌ చూడటంలో కానీ వాడటంలో కానీ వేగానికి అలవాటు పడిన ప్రస్తుత సమాజంలో అత్యధిక శాతం మంది.. 5జీ నెట్‌వర్క్‌ పట్ల ఆకర్షితులయ్యారనేది కాదనలేని సత్యం. మరి ఆ వేగంలో ఏమైనా మార్పులు వచ్చి ఆ నెట్‌వర్క్‌ స్పీడ్‌ తగ్గితే.. వారు చాలా స్పీడ్‌గా రియాక్ట్‌ అవుతారనడానికి తాజా ఘటనే ఉదాహరణ. ఇక్కడ సాటి మనిషి పట్ల అమానుషంగా ప్రవర్తిస్తున్నామా.. అనే సంగతిని కూడా మర్చిపోయి మరీ రెచ్చిపోయారు.తమ ఊరిలో 5జీ నెట్‌వర్క్‌ స్పీడ్‌ తగ్గిందనే కారణంతో సదరు సంస్థకు సంబంధించిన టెక్నీషియన్‌ను మొబైల్‌ టవర్‌కు కట్టేసిన వైనం వెలుగు చూసింది. సాధారణంగానే ఆ టెక్నీషియన్‌ ఊరిలోకి వచ్చిన సందర్భంలో గ్రామస్తులు తిరగబడ్డారు. తాము 5జీ నెట్‌వర్క్‌ను వాడుతుంటే అది ఎందుకు సరిగా పనిచేయడం లేదంటూ ఆగ్రహం వ్యక్తం చేశారు. ప్రధానంగా ఇన్‌స్టా రీల్స్‌ సరిగా స్ట్రీమింగ్‌ కావడం లేదని ఆరోపిస్తూ సదరు టెక్నీషియన్‌ను మొబైల్‌ టవర్‌కు కట్టేసి ఎవరొస్తారో రండి అంటూ కూడా సవాల్‌ విసిరారు. దీనిపై ఆ సంస్థకు చెందిన అధికారులు వచ్చి 5జీ నెట్‌వర్క్‌ స్పీడ్‌ను పెంచే వరకూ టెక్నీషియన్‌ను వదిలిపెట్టే ప్రసక్తే లేదని హెచ్చరించారు. ఏమైతే కనెక్టివిటీ సమస్యలు ఉన్నాయో వాటిని వెంటనే ఉన్నతాధికారులు వచ్చి పరిష్కరించాలని డిమాండ్ చేస్తున్నారు. ఇది ఉత్తర్‌ ప్రదేశ్‌లోని ఫతేపూర్‌ గ్రామంలో చోటు చేసుకుంది. Frustrated that Instagram Reels wouldn’t stream properly due to poor 5G speeds, angry villagers in UP's Fatehpur tied a Jio technician to the mobile tower and demanded that senior officials come to the site immediately to fix the connectivity problems. pic.twitter.com/eVE0kFDjfA— Piyush Rai (@Benarasiyaa) September 11, 2026 ఇదీ చదవండి:కాబోయే భార్యను ఇంప్రెస్‌ చేద్దామని..

లక్నో: ప్రముఖ వ్యాపారి వినీత్‌ మనోచా హత్య కేసులో కోడలు షాలు(30) దారుణాలు ఒక్కొక్కటిగా వెలుగులోకి వస్తున్నాయి. సుఫారీ గ్యాంగ్‌ మనోచాను కత్తితో పొడుస్తున్న సమయంలో కోడలు షాలు బాలీవుడ్‌ ఓల్డ్‌ క్లాసిక్‌ పాటలకు డ్యాన్స్‌ చేస్తున్నట్లు తేలింది. సంబంధిత దృశ్యాలు వెలుగులోకి రాగా.. పోలీసులు విచారణలో కోడలు షాలు సైతం అంగీకరించింది. ఉత్తరప్రదేశ్‌ కాన్పూర్‌లో సంచలనం సృష్టించిన ప్రముఖ వ్యాపారి వినీత్ మీనోచా హత్య కేసుకు సంబంధించి విస్తుపోయే నిజాలు వెలుగులోకి వచ్చాయి. రూ.40 కోట్లకు పైగా టర్నోవర్ ఉన్న కుటుంబ వ్యాపారంలో తగిన స్వేచ్ఛ లేకపోవడం, చిన్న ఖర్చులకు కూడా మామను అడగాల్సి రావడం, ఇంట్లో సీసీటీవీల ద్వారా తన కదలికలపై నిరంతరం నిఘా పెట్టడంపై కోడలు షాలు తీవ్ర కక్ష పెంచుకుంది. అర్ధరాత్రి వరకు పార్టీలకు వెళ్లనివ్వకపోవడం, ఆలస్యంగా రావడాన్ని ప్రశ్నించడమే ఈ దారుణానికి ప్రధాన కారణమని తేలింది.పోలీసులు నిందితుల కాల్ డీటెయిల్ రికార్డ్స్‌ పరిశీలించగా షాకింగ్ విషయాలు తెలిశాయి. హత్యకు ముందు కేవలం 21 రోజుల్లో మాజీ పనిమనిషి విశాల్ గౌతమ్‌తో కుటుంబ సభ్యులు విపరీతంగా సంప్రదింపులు జరిపారు. కోడలు షాలు సుమారు 30 సార్లు, ఆమె భర్త సుబ్రత్ సుమారు 300 సార్లు విశాల్‌తో ఫోన్లో మాట్లాడారు. మొత్తం కలిపి ఈ సంఖ్య 330కి చేరింది. హత్య జరిగిన రోజు ఒక్కరోజే ఉదయం నుంచి రాత్రి వరకు షాలు, విశాల్ మధ్య ఏకంగా 14 సార్లు ఫోన్ కాల్స్ మాట్లాడినట్లు పోలీసులు గుర్తించారు.జూలై 28న ఆలస్యంగా ఇంటికి వచ్చిన షాలు మామతో గొడవ పడిన తర్వాతే ఈ హత్యకు ప్లాన్ వేసింది. మాజీ పనిమనిషి విశాల్‌ గౌతమ్‌కు రూ.6 లక్షలకు సుపారీ ఇచ్చి, ముందుగా రూ.2 లక్షలు చెల్లించి డూప్లికేట్ తాళం చెవిని అందజేసింది. పథకం ప్రకారం హత్యకు గురైన రోజు షాలు, ఆమె భర్త తమ బిడ్డతో కలిసి కాన్పూర్‌లోని కాస్మోజిన్ లాంజ్‌లో జరిగిన పార్టీకి వెళ్లారు.అక్కడ షాలు తన స్నేహితులతో కలిసి బాలీవుడ్ పాటలకు స్టెప్పులెస్తోంది. మరోవైపు మామను ఎలా హత్య చేయాలో నిందితులకు గైడెన్సీ ఇచ్చింది. సరిగ్గా అదే సమయంలో విశాల్, మరో నిందితుడు రాజ్ కిషోర్‌ మందులు ఇవ్వడానికి వచ్చామంటూ సెక్యూరిటీ గార్డ్‌ను నమ్మి లోపలికి వెళ్లారు. 63 ఏళ్ల వినీత్ మీనోచాను కత్తితో పొడిచి చంపారు.పోలీసుల అరెస్టుఅర్ధరాత్రి 3 గంటలకు షాలు దంపతులు ఇంటికి తిరిగి వచ్చేసరికి వినీత్ మీనోచా రక్తపు మడుగులో పడి ఉన్నారు. సీసీటీవీ ఫుటేజ్‌లు, కాల్‌డేటా ఆధారంగా దర్యాప్తు వేగవంతం చేసిన పోలీసులు, ఎన్‌కౌంటర్ తర్వాత నిందితులు విశాల్, రాజ్‌ కిషోర్‌లతో పాటు సూత్రధారైన కోడలు షాలును అరెస్టు చేశారు. మొదట అమాయకురాలిగా నటించినప్పటికీ, పోలీసుల విచారణలో షాలు తన నేరాన్ని అంగీకరించింది.

సురక్షితమైన, స్థిరమైన ఆదాయాన్ని ఇచ్చే ఉద్యోగాన్ని తృణప్రాయంగా వదులుకోవడానికి చాలా ధైర్యం కావాలి. అందులోనూ ప్రభుత్వ ఉద్యోగం అనేది చాలామంది యువత డ్రీమ్‌ అలాంటి ఉద్యోగాన్ని వద్దనుకోవడానికి చాలా గట్స్‌ ఉండాలి. తీరా ఆ నిర్ణయం భవిష్యత్తులో బాధను కలిగించకుండా ఉంటుందా అనే సందేహాం సదా వెంటాడుతుంటుంది. అయినా సరే ఇంతటి భయానక నిర్ణయం తీసుకుంది ఈ మహిళ. అది కూడా దేని కోసమో తెలిస్తే ఆశ్చర్యపోతారు.ఉత్తరప్రదేశ్‌కు చెందిన స్నిగ్ధా బోస్‌ సురక్షితమైన స్థిరమైన ఆదాయాన్ని ఇచ్చే ప్రభుత్వ ఉద్యోగాన్ని కాలదన్నుకుంది. ఎస్‌బీఐలో అసిస్టెంట్‌ మేనేజర్‌గా మంచి జీతం ఆర్జించే ఉద్యోగాన్ని వదులకుందామె. అసలు ఈ నిర్ణయాన్ని చాలామంది తప్పుబట్టారు, వెర్రి నిర్ణయంగా అభివర్ణించారు. అయితే ఆ ఉద్యోగంలో తను పనిచేస్తున్నట్లుగా అనిపించలేదని, నిరంతరం ఒత్తిడి, మానసిక అలసట, సొంత శరీరంలో అనుసంధానం కావడానికి సమయమే లేనట్లుగా అనిపించిందని చెబుతుంది. ఏదో ఉక్కిరిబిక్కిరిగా అనిపించి ఆ ఉద్యోగం వదిలేసినట్లు పేర్కొంది స్నిగ్ధా. ఆ తర్వాత మీరట్‌లో యోగాకి సంబంధిచిన 'తులా వెల్నెస్ స్టూడియోని నడుపుతున్నట్లు తెలిపింది. తనకు ఆర్థిక భద్రత కంటే వ్యక్తిగత శ్రేయస్సే ముఖ్యమనిపించిందని అంటోంది. ఇలా తనలా ఉద్యోగం మానేసేంత సౌలభ్యం అందరికీ ఉండకపోవచ్చు. అలాగే తనలా చేయాల్సిన పనిలేదు కూడా. ఒత్తిడితో ఉద్యోగం చేస్తూ కూడా ఆరోగ్యాన్ని చూసుకోచ్చు. ఒక పక్క ఉద్యోగం, అలాగే శారీరక బలం పెంపొందిచుకునేలా చురుగ్గా ఉండే ప్రయత్నం చేయొచ్చని అంటోంది. చెప్పాలంటే జీవితాన్ని మార్చకుండానే ఆరోగ్యంగా ఉండే ప్రయత్నం చేయొచ్చని, కానీ తనకు ఆ అవకాశం ఉంది కాబట్టి మానసిక ఆరోగ్యమే ప్రధానంగా భావించి, ఇలా ధైర్యంగా నిర్ణయం తీసుకున్నా అని సోషల్‌ మీడియా వేదికగా తన స్టోరీని పంచుకుంది స్నిగ్ధా. అంతేగాదు నెటిజన్లు కూడా మానసిక ఆరోగ్యానికి ప్రాధాన్యత ఇవ్వాలన్న స్నిగ్ధ నిర్ణయాన్ని ప్రశంసిస్తూ..తమ అనుభవాల్ని పంచుకున్నారు. మరొక యూజర్‌ తాను కూడా ఎస్‌బీఐలో ఉద్యోగం మానేసి తనకు నచ్చి గోల్ప్‌ క్రీడపై ఫోకస్‌ పెట్టి అంతర్జాతీయ క్రీడాకారిణిగా దూసుకుపోతున్నా అంటూ పోస్టులు పెట్టారు. View this post on Instagram A post shared by Snigdha | Certified Yoga & Pranayam Instructor (@tulaa_wellness) (చదవండి: అర ఎకరం..ఏడాదికి రూ. 80 లక్షలు!)

సాక్షి, న్యూఢిల్లీ: ఉత్తరప్రదేశ్‌లో వచ్చే ఏడాది జరిగే అసెంబ్లీ ఎన్నికల్లో విజయమే లక్ష్యంగా అధికార బీజేపీ ఇప్పటి నుంచే కసరత్తు ప్రారంభించింది. గత ఎన్నికల్లో ఓటమి పాలైన స్థానాలతోపాటు తాము బలహీనంగా ఉన్న స్థానాలపై బీజేపీ నాయకత్వం ప్రత్యేకంగా దృష్టి పెట్టింది. వచ్చే ఎన్నికల్లో ఆయా స్థానాల్లో కచ్చితంగా గెలుపు బావుట ఎగురవేయాలని నిశ్చయించుకుంది.ఇందుకోసం నేరుగా కేంద్ర నాయకత్వమే రంగంలోకి దిగుతోంది. బీజేపీ జాతీయ అధ్యక్షుడు నితిన్‌ నబీన్, జాతీయ సంస్థాగత ప్రధాన కార్యదర్శి బీఎల్‌.సంతోష్, ఉత్తరప్రదేశ్‌ బీజేపీ ఇన్‌చార్జి వినోద్‌ తావ్డేలు రాష్ట్రంలో పర్యటించబోతున్నారు. ఉత్తరప్రదేశ్‌లో బీజేపీ సంస్థాగత పరిస్థితి, సామాజిక సమీకరణాలు, ఓడిన సీట్లలో గెలుపు వ్యూహాలపై గురువారం నుంచి వరుసగా సమీక్షలు నిర్వహించనున్నారు.ఒక్కో ప్రాంతానికి ఒక్కో రకమైన వ్యూహరచన 2022 అసెంబ్లీ ఎన్నికలతోపాటు 2024 లోక్‌సభ ఎన్నికల్లో సమాజ్‌వాదీ పార్టీ-కాంగ్రెస్‌ పార్టీలు బలంగా నిలిచిన 115 అసెంబ్లీ నియోజక వర్గాలపై బీజేపీ గురిపెట్టింది. ఆయా నియోజకవర్గాల్లో అభివృద్ధి ప్రాజెక్టులను ప్రారంభిస్తూ ప్రజల్లో పార్టీ ప్రభావాన్ని పెంచే ప్రయత్నాలు ఇప్పటికే మొదలయ్యాయి. పార్టీ అగ్రనాయకత్వం ఆయా స్థానాల్లో పర్యటించబోతోంది. ఇందులో భాగంగానే నితిన్‌ నబిన్‌ సెప్టెంబర్‌ 12, 13 తేదీల్లో మీరట్‌ నుంచి పశ్చిమ యూపీ పర్యటనను ప్రారంభిస్తారు.రాష్ట్రంలోని ఆరు కీలక ప్రాంతాల్లో పర్యటిస్తూ పార్టీ నాయకులు, ప్రజాప్రతినిధులు, కార్యకర్తలతో ప్రత్యేక సమావేశాలు నిర్వహించనున్నారు. పశ్చిమ ఉత్తరప్రదేశ్‌లోని 71 అసెంబ్లీ స్థానాల్లో బీజేపీని మరింత బలోపేతం చేయాలని అధిష్టానం నిర్ణయానికి వచ్చింది. తమ కూటమిలోని పార్టీల బలాబలాలను సైతం అంచనా వేయడం, జాట్‌ వర్గాన్ని కలుపుకునేలా వారితో సమావేశాలు నిర్వహించబోతున్నారు. ఉత్తరప్రదేశ్‌లో ఒక్కో ప్రాంతానికి ఒక్కో రకమైన వ్యూహరచన సాగించాలని బీజేపీ పెద్దలు నిర్ణయించినట్లు సమాచారం. బలం పెంచుకోవడానికి ప్రత్యేక బృందాలు బీఎల్‌ సంతోష్‌ ఈ నెల 10, 11 తేదీల్లో లక్నోలో అవధ్, కాన్పూర్‌ ప్రాంతాలపై సమీక్ష నిర్వహించనున్నారు. అవధ్‌లో 82, కాన్పూర్‌లో 52 అసెంబ్లీ స్థానాల పరిధిలో పార్టీ పరిస్థితిని ఆయన సమీక్షిస్తారు. ముఖ్య మంత్రి యోగి ఆదిత్యనాథ్, డిప్యూటీ సీఎంలు కేశవ్‌ ప్రసాద్‌ మౌర్య, బ్రజేశ్‌ పాఠక్‌లతో భేటీ అయ్యే అవకాశం ఉంది. వినోద్‌ తావ్డే ఇప్పటికే యూపీలో ఒక పర్యాయం పర్యటించారు. పార్టీ స్థితిగతులపై క్షేత్రస్థాయిలో సమాచారం సేకరించారు. ప్రాంతీయంగా బ లం పెంచుకోవడానికి నేతలు, కార్యకర్తలతో కొన్ని బృందాలు ఏర్పాటు చేయాలని ఆయన భావిస్తున్నట్లు సమాచారం. ఆయన మరోసారి రాష్ట్రంలో పర్యటించి సంస్థాగత ఏర్పాట్లను పరిశీలించనున్నారు.2022లో ఓడిన అసెంబ్లీ స్థానాలు, 2024లో బీజేపీ వెనుకబడిన లోక్‌సభ స్థానాల్లో పార్టీని తిరు గులేని శక్తిగా మార్చడం, బలహీనతలను సరిదిద్దడం, సామాజిక సమీకరణాలను అనుకూలంగా మార్చుకోవడం బీజేపీ ప్రధాన అజెండాగా కనిపిస్తోంది. 2027లో జరిగే ఎన్నికలకు ముందే పార్టీని పూర్తిస్థాయిలో ఎన్నికల వాతావరణంలోకి తీసుకెళ్లే ప్రయత్నంలో భాగంగానే కేంద్ర నాయకత్వం వరుసగా యూపీ పర్యటనలు చేపడుతున్నట్లు తెలుస్తోంది. ఇదీ చదవండి: విజయ్‌ కూటమికి కొత్త పేరు.. తమిళనాట కొత్త లెక్కలు

లక్నో: ఉత్తరప్రదేశ్‌లోని గోరఖ్‌పూర్‌, దీనదయాళ్ ఉపాధ్యాయ గోరఖ్‌పూర్ విశ్వవిద్యాలయంలో ఉద్రిక్త పరిస్థితులు నెలకొన్నాయి. గత 2 వారాలుగా పలు సమస్యలపై ఆందోళన చేస్తున్న విద్యార్థులు అధికారులతో తీవ్ర వాగ్వాదానికి దిగారు.ఈ ఘటనకు సంబంధించిన వీడియో సామాజిక మాధ్యమాల్లో వైరల్‌గా మారింది. అందులో ఓ పోలీసు అధికారి నిరసన చేస్తున్న విద్యార్థులను తీవ్రంగా హెచ్చరిస్తూ కనిపించారు. క్యాంపస్‌లో అదనపు పోలీసు బలగాలను మోహరిస్తానని ఆయన హెచ్చరించారు.“ఇంకా బలగాన్ని రప్పిస్తాను.. మీరంతా సల్లబడేటట్టు చేస్తా. మేము గోరఖ్‌పూర్ పోలీసులమని గుర్తుంచుకోండి” అని పోలీసు అధికారి హెచ్చరించినట్లు వీడియోలో వినిపిస్తోంది. వీడియోలో పోలీసు అధికారి చేయి పైకెత్తి పిడికిలి బిగిస్తూ ఆగ్రహంగా మాట్లాడటం కనిపించింది. విద్యార్థులతో ఆయన వాగ్వాదానికి దిగిన సమయంలో కొన్ని అసభ్య పదాలు కూడా వినిపించాయి.ఈ ఘటనపై గోరఖ్‌పూర్ పోలీసులు ప్రకటన విడుదల చేశారు. బహిష్కరణకు గురైన కొందరు విద్యార్థులు విశ్వవిద్యాలయ ప్రాక్టర్‌తో సమావేశమైన సమయంలో పరిస్థితి అదుపు తప్పిందని పోలీసులు తెలిపారు. కొంతమంది విద్యార్థులు ఆగ్రహానికి గురై ప్రాక్టర్‌పై దాడి చేసేందుకు ప్రయత్నించారని పోలీసులు పేర్కొన్నారు.అక్కడ విధుల్లో ఉన్న పోలీసు సిబ్బంది వెంటనే జోక్యం చేసుకుని ప్రాక్టర్‌ను సురక్షితంగా బయటకు తీసుకెళ్లారని తెలిపారు. పరిస్థితిని అదుపులోకి తీసుకున్నామని చెప్పారు. ఈ ఘటనపై దర్యాప్తు కొనసాగుతోందని, అవసరమైన చట్టపరమైన చర్యలు తీసుకుంటున్నామని గోరఖ్‌పూర్ పోలీసులు తెలిపారు.పోలీసు అధికారి వ్యవహారంపై ప్రతిపక్షాల నుంచి విమర్శలు వచ్చాయి. నిరసన చేస్తున్న వారు విద్యార్థులని, నేరస్థులు కాదని గుర్తుంచుకుని సంయమనం పాటించాలని సమాజ్‌వాదీ పార్టీ అధినేత అఖిలేశ్ యాదవ్ అన్నారు.విద్యార్థుల నిరసనలు ఎందుకు?విశ్వవిద్యాలయంలో అవకతవకలు జరుగుతున్నాయనే ఆరోపణలతో విద్యార్థుల ఆందోళన తీవ్రతరమైంది. ఆగస్టు 25 నుంచి విద్యార్థులు క్యాంపస్‌లో నిరసన చేస్తున్నారు. 4 రోజుల క్రితం వారు నిరాహార దీక్ష కూడా ప్రారంభించారు. విశ్వవిద్యాలయ పరీక్షల నిర్వహణ సంస్థకు సంబంధించిన ఆర్థిక అవకతవకలపై విచారణ జరపాలని విద్యార్థులు డిమాండ్ చేస్తున్నారు. డిగ్రీలు, మార్కుల పట్టాలు తీసుకునేందుకు కూడా విద్యార్థుల నుంచి రుసుములు వసూలు చేస్తున్నారని వారు ఆరోపించారు. విద్యార్థి సంఘం ఎన్నికలు నిర్వహించకపోయినా విద్యార్థుల నుంచి విద్యార్థి సంఘం రుసుము వసూలు చేస్తున్నారని వారు ఆరోపించారు. వెంటనే ఎన్నికలు నిర్వహించాలని డిమాండ్ చేశారు. వసతి గృహాల్లో మెరుగైన భోజనం, ప్రాథమిక సదుపాయాలు కల్పించాలని విద్యార్థులు కోరుతున్నారు. ప్రధానమంత్రి ఉషా పథకం కింద విశ్వవిద్యాలయంలో చేపడుతున్న పనుల కేటాయింపులో పారదర్శకత ఉండాలని వారు డిమాండ్ చేశారు. బహిష్కరించిన విద్యార్థులను తిరిగి చేర్చుకోవాలని కూడా కోరుతున్నారు. తమ డిమాండ్లు నెరవేరే వరకు ఆందోళన కొనసాగుతుందని విద్యార్థులు స్పష్టం చేశారు.Chaos at Gorakhpur University as students on hunger strike erupt in protest.A Sub-Inspector arrives on the spot and threatens students: I’ll call so much force that I’ll cool you down. This is Gorakhpur Police.@myogiadityanath It’s 2026, and students are still being threatened… pic.twitter.com/pcL3h3LqUx— Voice of Hindus (@Voiceofhindus) September 9, 2026

అయోధ్య తరహాలో మథుర-బృందావన్ రూపురేఖలను మార్చి అత్యంత రమణీయంగా తీర్చిదిద్దేందుకు రంగం సిద్ధమవుతోంది. దీనికి ఉత్తరప్రదేశ్‌ ప్రభుత్వం రూ. 1,051 కోట్ల ప్రణాళికను రూపొందిం. ఇందులో రూ. 540 కోట్ల విలువైన 62 ప్రాజెక్టులను ఇప్పటికే ప్రారంభించారు. మరో 167 ప్రాజెక్టులకు శంకుస్థాపన చేయడం విశేషం. ఉత్తరప్రదేశ్ ముఖ్యమంత్రి యోగి ఆదిత్యనాథ్ రూ. 1,051 కోట్ల విలువైన 229 అభివృద్ధి ప్రాజెక్టులను ప్రారంభించారు. కృష్ణాష్టమి పర్వదినాన శ్రీకృష్ణ జన్మభూమి ఆలయంలో పూజలు నిర్వహించిన అనంతరం ఈ భారీ ప్రాజెక్టులకు శ్రీకారం చుట్టారు.అయోధ్య, కాశీ తరహాలోనే మధుర-బృందావన్‌లో కూడా అత్యంత ఘనంగా ఆలయ సముదాయాలను నిర్మించనున్నట్లు ప్రభుత్వం ప్రకటించింది.మధుర 2.0:మొత్తం రూ. 1,051 కోట్లలో ఇప్పటికే రూ. 540 కోట్ల విలువైన 62 ప్రాజెక్టులను ప్రారంభించగా, మరో రూ. 437 కోట్ల విలువైన 167 ప్రాజెక్టులకు శంకుస్థాపన చేశారు. అంతేకాకుండా గృహ నిర్మాణ పథకాల కింద లబ్ధిదారుల ఖాతాల్లోకి రూ. 72 కోట్లు నేరుగా బదిలీ చేశారు.ప్రాజెక్టుకేటాయించిన నిధులుప్రయోజనంబృందావన్‌కు 4-లేన్ల హైవేరూ. 251 కోట్లుయమునా ఎక్స్‌ప్రెస్ వే నుండి నేరుగా బృందావన్‌కు అనుసంధానం చేస్తారు. దీని వల్ల ట్రాఫిక్ తిప్పలు తప్పనున్నాయని భావిస్తున్నారు.యమునా నదిపై కొత్త వంతెన : 2-లేన్ల క్రాసింగ్ ద్వారా పాత వంతెనలపై భారం తగ్గింపు, గ్రామీణ ప్రాంతాలకు మెరుగైన రవాణా. 12 అంతస్తుల పర్యాటక హాస్టల్స్‌. 47 కోట్లు పండుగల సమయంలో (జన్మాష్టమి, హోలీ, రాధాష్టమి) వచ్చే భక్తుల కోసం వసతి సౌకర్యం.ఛాతా మాస్టర్ ప్లాన్ రోడ్డు : రూ. 86 కోట్లు30 మీటర్ల వెడల్పుగల రోడ్డు ద్వారా భారీ వాహనాల మళ్లింపు, వాణిజ్య కార్యకలాపాల విస్తరణ.ఫ్లైఓవర్ & సౌందర్యీకరణరూ. 79 కోట్లుజాతీయ రహదారి (NH-19) నుండి బృందావన్ ప్రవేశ మార్గం ఆధునీకరణ (ఫుట్‌పాత్‌లు, సైకిల్ ట్రాక్‌లు, అండర్‌గ్రౌండ్ వైరింగ్).12 అంతస్తుల పర్యాటక వసతి గృహం: నయారా పోలీస్ లైన్స్ క్యాంపస్‌లో రూ. 47 కోట్ల వ్యయంతో నిర్మించిన ఇది, జన్మాష్టమి, హోలీ, రాధాష్టమి వంటి పండుగల సమయంలో నగరం యాత్రికులతో నిండిపోయే రద్దీని దృష్టిలో ఉంచుకుని నిర్మాణం.బృందావన్‌లో ఒక పౌర శిక్షణా కేంద్రం: పరిశుభ్రత, స్మార్ట్ సేవలు , యాత్రికుల నిర్వహణపై మున్సిపల్ సిబ్బందికి శిక్షణ ఇచ్చే ఈ కేంద్రం కోసం రూ. 31 కోట్లు కేటాయించారు.ఇదీ చదవండి: సీజేపీ ఉద్యమకారుడికి నోటీసులా? సీజేఐ సూర్యకాంత్‌ తీవ్ర ఆగ్రహందీంతో పాటు బృందావన్‌లో కొత్త రోప్‌వే , భారీ పార్కింగ్ ప్రాజెక్టులు.సూర్‌దాస్ బ్రజ్‌భాషా అకాడమీ , 400 ఎకరాల్లో విస్తరించే ఆసియాలోనే అతిపెద్ద సిటీ ఫారెస్ట్ సిద్ధం కానుంది. ఇంకా కొత్త హైవేలు, ఫ్లైఓవర్‌లు నిర్మానంకానున్నాయి. ఫలితంగా ఢిల్లీ, నోయిడా నుండి మధుర-బృందావన్‌లకు ప్రయాణ సమయం కేవలం రెండు గంటలకు తగ్గనుంది. ఆధ్యాత్మిక జీవన విధానాన్ని కోరుకునే వారికి, వారాంతపు పర్యాటకులకు బృందావన్ అత్యంత అనుకూలమైన కేంద్రంగా మారుతోంది. ఇందుకోసం ప్రత్యేకంగా రిటైర్మెంట్ హోమ్స్ నిర్మించనున్నారు.ఇదీ చదవండి: 'f' లెటర్‌ తంటా : ‘భారతరత్న’ సైంటిస్టుకు ఎస్‌ఐఆర్‌ నోటీసుఅయెధ్యలోరామమందిరి నిర్మాణంతో రామమందిరం సమీపంలో భూముల ధరలు భారీగా పెరిగాయి, పెట్టుబడిదారులు స్థలాలను దక్కించుకోవడానికి పోటీ పడుతున్నారు.ఇప్పుడిక శ్రీకృష్ణుని జన్మభూమి అయిన ఈ ప్రాంతంలో కూడా అటువంటి మార్పునే తీసుకురావాలని ఉత్తరప్రదేశ్ ప్రభుత్వం భావిస్తోంది. దీంతో రియల్ ఎస్టేట్ రంగానికి ఊతం, హోటళ్లు, సర్వీస్ అపార్ట్‌మెంట్లు, గెస్ట్ హౌస్‌లకు డిమాండ్ పెరుగుతుంది.ఇదీ చదవండి: ఆ ఒరంగుటాన్‌లు ఎక్కడివి? అనుమానాస్పదంగా మహీంద్ర బ్లాక్‌ థార్

మాతృత్వం ఆ మహిళను ఆహార వ్యాపారం ప్రారంభించడానికి పునాది వేసింది. ముఖ్యంగా తన పిల్లలకు ఆరోగ్యకరమైన ఫుడ్‌ అందించాలనే అన్వేషణ ఇందుకు అంకురార్పణ. అలా వ్యాపార వేత్తగా మారి సక్సెస్‌​ అందుకుందా అంటే..ఆ మహిళే ఉత్తరప్రదేశ్‌కి చెందిన జ్యోతి శ్రీ వాస్తవ భారత సైన్యం కోసం ఒకప్పుడు రాకెట్లు రూపొందించేది. కెమికల్‌ ఇంజనీర్‌ అయిన జ్యోతి నానో టెక్నాలజీ, రాకెట్‌ ప్రొపెల్లెంట్ల విభాగంలో మంచి నైపుణ్యం సాధించారామె. అలా ఆమె ఆర్మీ కోసం రాకెట్లు డిజైన్‌ చేసే విభాగంలో పనిచేసింది. అయితే ఆ వర్క్‌లో ఉండే తీవ్రమైన ఒత్తిడికి తట్టుకోలేగా ఆ ఉద్యోగానికి కొన్నాళ్లపాటు విరామం తీసుకునేలా రిజైన్‌ చేసింది. ఒక ఏడాది తర్వాత ఆమె గర్భవతి కావడం ఒక పండంటి మగబిడ్డకు జన్మనివ్వడం జరిగింది. ఆ తర్వాత ఆ చిన్నారికి ఘన ఆహారం కోసం అన్వేషిస్తున్నప్పుడే తెలిసింది మార్కెట్లో లభించేవన్నీ పోషకవంతమైనవి కావని. చిన్నప్పటి నుంచి సరైన ఆహారం అందిస్తేనే కదా వాళ్ల పెరుగుదల బాగుంటుందన్న ఆలోచన ఆమెను కుదురుగా ఉండనివ్వలేదు. ఆ క్రమంలో పడిన తపన మళ్లీ ఆమెను తన ఉద్యోగం వైపుకి వెళ్లకుండా ఫుడ్‌ వ్యాపారంలోకి దిగేలా చేసింది. మైదా లేనివి, శుద్ధి చేసిన చక్కెరలు ఉపయోగించిన ఆరోగ్యకరమైన ఆహారాలు ఇచ్చేలా యూనిసెఫ్ నుంచి శిక్షణ తీసుకుని మరి సర్టిఫికేషన్‌ పొందింది. అది ఆమెకు శిశువుల పెరుగుదల అభివృద్ధిలో వివిధ సూక్ష్మ, స్థూల పోషకాలు, ఖనిజాలు, విటమిన్ల పాత్రలను అర్థం చేసుకోవడానికి సహాయపడిందని అంటోంది. అలాగే పిల్లల ఆరోగ్యంలో వనమూలికల పాత్రను అర్థం చేసుకునేందుకు ఆయుర్వేదాన్ని అధ్యయనం చేసింది. ఆ తర్వాత వ్యాపారం పెట్టేందకు నిధులు కొరతతో ఇబ్బందులు ఎదురైనా..ఏదోలా కష్టపడి లిటిల్‌ చెర్రీ మామ్‌ అనే వ్యాపారాన్ని తన సొంతూరు మీరట్‌లో ప్రారంభించింది. దాన్ని ఓ బ్రాండ్‌లా మార్చి.. పోషకవంతమైన ఆహారం అందించేలా దోస మిక్స్‌లు, చిరుధాన్యల పిండి, పంచదార, బెల్లం లేని లడ్డూలు వంటి మంచి ఉత్పత్తులను అందించింది. అంతేగాదు పిల్లల కోసం సన్నని క్రాకర్లు వంటి ఆరోగ్యకరమైన స్నాక్స్‌ను కూడా అందుబాటులోకి తీసకొచ్చింది. ముఖ్యంగా ఆరునెలల తదనంతరం ఎలాంటి ఫుడ్‌ పెట్టాలని భయపడే చిన్నారుల తల్లులకు ఈ ప్రొడక్ట్స్‌ని ధైర్యంగా పెట్టొచ్చు అనేలా ప్రజల నమ్మకం సంపాదించుకుంది జ్యోతి. ప్రారంభంలో ఎన్నో సవాళ్లు, సమస్యలు ఎదుర్కొన్నప్పటికీ ఈ బ్రాండ్‌కి దేశవ్యాప్తంగా 70 వేల మంది వినియోగదారులున్నారని ఏడాదికి కోటి రూపాయల టర్నోవర్‌ ఆర్జిస్తుండటం విశేషం. అంతేగాదు జ్యోతి 'షార్క్ ట్యాంక్ ఇండియా' సీజన్ 5లో పాల్గొని తన వ్యాపార సక్సెస్‌ గురించి కూడా పంచుకుంది.(చదవండి: కార్పొరేట్‌ ఉద్యోగాన్ని కాదని సైన్యంలోకి సివిల్‌ ఇంజనీర్‌!)

లక్నో: ఉత్తరప్రదేశ్‌లోని ముజఫర్‌నగర్ అదనపు జిల్లా, సెషన్స్ న్యాయమూర్తి రవి కుమార్ దివాకర్ గత 4 నెలల్లో 23 మందికి మరణశిక్ష విధించారు. తాజా తీర్పులో వరకట్నం డిమాండ్‌ కారణంగా భార్యను సజీవ దహనం చేసిన నదీమ్‌కు మరణశిక్ష విధించారు. ఈ కేసులో నిందితుడిపై భారతీయ శిక్షాస్మృతిలోని సెక్షన్లు 302, 504 కింద దోషిగా నిర్ధారించి రూ.లక్ష జరిమానా విధించారు.షాజహాన్‌పూర్ పట్టణంలో 2018 జూలై 23న నదీమ్ తన భార్య షెహజాదీని వరకట్నం డిమాండ్‌ కారణంగా నిప్పంటించి చంపినట్లు ఆరోపణలు ఉన్నాయి. తీవ్ర గాయాలతో ఆమెను ఢిల్లీలోని సఫ్దర్‌జంగ్ ఆసుపత్రికి తరలించారు. అక్కడ చికిత్స పొందుతూ ఆమె మృతి చెందారు. మరణానికి ముందు ఇచ్చిన వాంగ్మూలంలో నదీమ్ తనకు నిప్పంటించినట్లు షెహజాదీ చెప్పినట్లు ప్రభుత్వ న్యాయవాది తెలిపారు.విచారణ సమయంలో అభియోగపక్షానికి చెందిన మొత్తం 11 మంది సాక్షులు తమ వాంగ్మూలాలను మార్చుకున్నారు. అయినప్పటికీ షెహజాదీ మరణ వాంగ్మూలం ఆధారంగా కోర్టు నదీమ్‌ను దోషిగా తేల్చింది. ఈ హత్య అత్యంత క్రూరమైనదిగా, అనాగరికమైనదిగా పేర్కొన్న కోర్టు దీనిని అత్యంత అరుదైన కేసుల్లో అరుదైనదిగా పరిగణించి మరణశిక్ష విధించింది.ఈ తీర్పుతో దివాకర్ కోర్టు గత 4 నెలల్లో 11 కేసుల్లో 23 మందికి మరణశిక్ష విధించింది. అయితే మరణశిక్షకు సంబంధించిన కేసుల్లో తదుపరి న్యాయ ప్రక్రియ కొనసాగుతుంది. నిందితులకు పైకోర్టుల్లో అప్పీల్ చేసుకునే హక్కు ఉంటుంది.చనిపోవడానికే సిద్ధం: జడ్జి‘‘నన్ను పిరికి న్యాయమూర్తి అని పిలిపించుకోవడం కంటే చనిపోవడానికే సిద్ధం’’ అని దివాకర్ అన్నారు. తన సూత్రాలను పాటిస్తూ విధులు నిర్వహించగలిగినంతకాలం పదవిలో కొనసాగుతానని, అలా చేయలేని పరిస్థితి వస్తే రాజీనామా చేస్తానని తెలిపారు. తాను న్యాయమూర్తి స్థానంలో ఉన్నంతకాలం నిర్ణయాలు తీసుకునే అధికారం తనదేనని ఆయన తీర్పులో పేర్కొన్నారు. న్యాయమూర్తి తనపై మాఫియా, నేరస్థుల నుంచి బెదిరింపులు వస్తున్నాయని తెలిపారు. మాఫియా, నేరస్థులకు ప్రయోజనం చేకూర్చేలా తన కోర్టు నుంచి సుమారు 100 తీవ్రమైన కేసులను తొలగించారని ఆరోపించారు.ఆగస్టులో దివాకర్ ముందు పెండింగ్‌లో ఉన్న సుమారు 100 హత్య కేసులను పరిపాలనా ఉత్తర్వుల ద్వారా జిల్లా, సెషన్స్ న్యాయమూర్తి వీరేంద్ర కుమార్ సింగ్ కోర్టుకు బదిలీ చేశారు. ఫాస్ట్‌ట‍్రాక్‌ కోర్టు మరణశిక్షలు విధించే అవకాశం ఉందన్న ఆందోళనల నేపథ్యంలో ఈ కేసుల బదిలీ జరిగిందని జిల్లా బార్ అసోసియేషన్ అధ్యక్షుడు ప్రమోద్ త్యాగి తెలిపారు.

సంపన్న కుటుంబానికి ఆమె కోడలిగా వెళ్లింది. అయితే అత్తింట్లో అడుగు పెట్టినప్పటి నుంచే ఆమెను మనశ్శాంతి కరువైందట. అడుగడుగునా సీసీ కెమెరాల నిఘా. ఏం చేసినా ఓ కన్నేసి చూసే పిసినారి మామ. నచ్చిన దుస్తులు వేసుకుంటే.. సూటిపోటి మాటలు. కాస్త ఆలస్యంగా ఇంటికి వస్తే ప్రశ్నలు. చిన్న ఖర్చుకూ భార్యభర్తలిద్దరూ ఆయన్నే డబ్బులు అడగాల్సిన పరిస్థితి.. ఇవన్నీ ఆమెలో తీవ్ర అసంతృప్తిని పెంచాయి. ఆ అసహనం.. కోపంగా మారి తీవ్ర నిర్ణయం తీసుకుంది. ఉత్తర ప్రదేశ్‌ కాన్పూర్‌కు చెందిన 63 ఏళ్ల ఫార్మాస్యూటికల్‌ వ్యాపారి వినీత్‌ మినోచా దారుణ హత్యకు గురయ్యాడు. అయితే ఈ కేసులో సంచలన విషయం వెలుగులోకి వచ్చింది. ఈ హత్య కేసులో ఆయన కోడలే ప్రధాన సూత్రధారి అని పోలీసులు తేల్చేశారు. మాజీ పనిమనుషులకు సుపారీ ఇచ్చి ఈ ఘాతుకానికి పాల్పడిందని తెలిసింది. నేరాంగీకారంలో ఆమె విస్తుపోయే విషయాలే వెల్లడించింది. సెప్టెంబర్‌ 5 శనివారం రాత్రి తన ఇంట్లో వినీత్‌ దారుణ హత్యకు గురయ్యారు. సమాచారం అందుకున్న పోలీసులు సీసీ కెమెరాల ఫుటేజీని పరిశీలించగా.. ఆ కుటుంబానికి గతంలో పనిచేసిన విశాల్‌ (30), అతడి సహచరుడు రాజ్‌ కిశోర్‌పై అనుమానం వచ్చింది. ఆదివారం రాత్రి ఇద్దరినీ పోలీసులు అరెస్టు చేశారు. ఈ క్రమంలో విశాల్‌ ఇచ్చిన సమాచారంతో కేసులో సంచలన విషయాలు వెలుగులోకి వచ్చాయి.వినీత్‌ కోడలు షాలు (36) తన మామను హత్య చేయాలని తమను సంప్రదించిందని విశాల్‌ పోలీసులకు చెప్పాడు. ఇందుకోసం రూ.6 లక్షలు ఇస్తానని ఆమె ఒప్పందం చేసుకున్నట్లు వెల్లడించాడు. దీంతో పోలీసులు షాలును అదుపులోకి తీసుకుని విచారించారు. తొలుత పోలీసులను తప్పుదోవ పట్టించే ప్రయత్నం చేసిన ఆమె.. ఆ తర్వాత తన ప్రమేయాన్ని అంగీకరించినట్లు అధికారులు తెలిపారు.షాలు చెప్పిన వివరాల ప్రకారం.. ఇంట్లో ఏర్పాటు చేసిన సీసీ కెమెరాల ద్వారా మామ తన కదలికలను నిరంతరం గమనించేవారు. రాత్రిళ్లు పార్టీలకు వెళ్లడం, ఆలస్యంగా ఇంటికి రావడంపై అభ్యంతరం వ్యక్తం చేసేవారు. కుటుంబం ఆర్థికంగా బలంగా ఉన్నప్పటికీ.. తనకు, తన భర్తకు సంబంధించిన చిన్న ఖర్చులకు కూడా మామను డబ్బులు అడగాల్సి వచ్చేదని ఆమె పోలీసుల విచారణలో చెప్పినట్లు సమాచారం.ఆ రాత్రి..జూలై 28న పార్టీ నుంచి షాలు ఆలస్యంగా ఇంటికి రావడంతో మామతో తీవ్ర వాగ్వాదం జరిగినట్లు పోలీసులు గుర్తించారు. ఆ ఘటన తర్వాతే ఆమె మామపై కక్ష పెంచుకున్నట్లు దర్యాప్తులో వెల్లడైంది. ఆ తర్వాత వినీత్‌ దగ్గర గతంలో పని చేసిన విశాల్‌ను ఆమె సంప్రదించింది. సెప్టెంబర్‌ 6న రూ.2 లక్షలు, మిగిలిన రూ.4 లక్షలను 15 రోజుల తర్వాత ఇస్తానని ఒప్పందం చేసుకుంది. అంతేకాదు హత్య కోసం ఫ్లాట్‌ డూప్లికేట్‌ తాళం చెవిని కూడా షాలు ఏర్పాటు చేసి విశాల్‌ చేతికి అందించింది. జన్మాష్టమి సందర్భంగా సెప్టెంబర్‌ 4న అతడిని ఇంటికి పిలిచి.. హత్య స్కెచ్‌ను వివరించింది. గుండెపోటుగా..శనివారం రాత్రి షాలు తన భర్త సుబ్రత్‌, కుమారుడితో కలిసి పార్టీకి వెళ్లింది. వారు ఇంటి నుంచి వెళ్లిన కొద్దిసేపటికే విశాల్‌, రాజ్‌ కిశోర్‌ ఫ్లాట్‌కు చేరుకున్నారు. సెక్యూరిటీ గార్డు మదన్‌ వారిని అడ్డుకోవడంతో.. విశాల్‌ వెంటనే షాలుకు ఫోన్‌ చేశాడు. వాళ్లిద్దరూ మందులు తెచ్చారని.. లోపలికి అనుమతించాలని గార్డుకు ఆమె చెప్పింది. అయితే వినీత్‌ను దిండు పెట్టి ఊపిరాడకుండా చేసి హత్య చేయడం.. దాన్ని గుండెపోటుగా చిత్రీకరించాలన్నది వాళ్ల ప్లాన్‌. అయితే జరిగింది వేరు. ఇంట్లోకి ప్రవేశించిన ఇద్దరూ.. బెడ్‌రూమ్‌లో దాక్కున్నారు. వినీత్‌ అక్కడికి రావడంతో ఒక్కసారిగా ఆయనపై కత్తులతో దాడి చేశారు. ఏకంగా 26 సార్లు పొడిచి అక్కడి నుంచి పరారయ్యారు.రక్తపు మడుగులో మామ..పార్టీ ముగించుకుని షాలు, ఆమె భర్త సుబ్రత్‌ రాత్రి సుమారు 3 గంటల సమయంలో ఇంటికి తిరిగి వచ్చారు. బెడ్‌రూమ్‌లో వినీత్‌ రక్తపు మడుగులో పడి ఉండటాన్ని చూసి పోలీసులకు సమాచారం అందించారు. అయితే ఇంట్లోని విలువైన వస్తువులేవీ దొంగిలించకపోవడం పోలీసులకు కీలక ఆధారంగా మారింది. దీంతో తొలినుంచే ఇది దోపిడీ కోసం జరిగిన హత్య కాదని.. కుటుంబంలో వ్యక్తిగత విభేదాలే కారణమై ఉండొచ్చని పోలీసులు అనుమానించారు.ప్రస్తుతం షాలు జైలులో ఉంది. మరోవైపు ఆమె భర్త సుబ్రత్‌ ఈ కుట్ర గురించి ముందే తెలుసా? హత్యలో అతడి పాత్ర ఏమైనా ఉందా? అనే కోణంలో పోలీసులు దర్యాప్తు చేస్తున్నారు. ఇందుకోసం అతడి ఫోన్‌ కాల్‌ రికార్డులను పరిశీలిస్తున్నారు.ఇదీ చదవండి: యూట్యూబర్‌ రమా నందన సంచలన వాంగ్మూలం

లక్నో (ఉత్తరప్రదేశ్‌): సమాజ్‌వాదీ పార్టీ తన విద్యార్థి విభాగమైన సమాజ్‌వాదీ పార్టీ ఛాత్ర సభ దుస్తుల విధానాన్ని మార్చింది. ఇంతవరకు ఉన్న సంప్రదాయ ఎరుపు రంగుకు బదులుగా నీలిరంగు జీన్స్‌, నీలిరంగు టీషర్టులను కొత్త దుస్తులుగా నిర్ణయించింది.దళిత ఓటర్లు, యువతకు చేరువ కావాలనే ప్రయత్నంలో ఈ మార్పు చేసినట్లు తెలుస్తోంది. 2027 ఉత్తర్‌ప్రదేశ్‌ అసెంబ్లీ ఎన్నికలకు సన్నాహాలు జరుగుతున్న సమయంలో ఈ నిర్ణయం తీసుకున్నారు. మంగళవారం లక్నోలో జరుగుతున్న ఛాత్ర సభ సదస్సులో కొత్త దుస్తుల విధానం కనిపించింది. పార్టీ పదాధికారులు, కార్యకర్తలు కొత్త నీలిరంగు దుస్తులతో హాజరయ్యారు.ఈ మార్పును కేవలం సంస్థాగత నిర్ణయంగా కాకుండా దళిత యువతలో పార్టీకి ఆదరణ పెంచే రాజకీయ వ్యూహంగా కూడా చూస్తున్నారు. ఉత్తరప్రదేశ్‌ రాజకీయాల్లో రంగులకు సుదీర్ఘకాలంగా రాజకీయ ప్రాధాన్యం ఉంది. నీలిరంగు దళిత రాజకీయాలు, బీఆర్‌ అంబేడ్కర్‌ సిద్ధాంతంతో ముడిపడి ఉంది. సమాజ్‌వాదీ పార్టీ సంప్రదాయంగా ఎరుపు, ఆకుపచ్చ రంగులతో గుర్తింపు పొందింది.ఇది రాజకీయ సందేశం! ఈ నేపథ్యంలో విద్యార్థి విభాగానికి నీలిరంగును ప్రధాన రంగుగా మార్చడం రాజకీయ సందేశాన్ని ఇస్తున్న చర్యగా భావిస్తున్నారు. సమాజ్‌వాదీ పార్టీ తన సంప్రదాయ యాదవ్‌-ముస్లిం మద్దతు వర్గాలకు మించి దళిత ఓటర్లను చేరుకునేందుకు ప్రయత్నిస్తున్న సమయంలో ఈ నిర్ణయం తీసుకుంది.పార్టీ ప్రతిపాదించిన పీడీఏ అంటే వెనుకబడిన వర్గాలు, దళితులు, మైనారిటీల సమీకరణ సూత్రానికి 2024 లోక్‌సభ ఎన్నికల్లోనూ రాజకీయ ప్రాధాన్యం లభించింది. రాబోయే ఎన్నికలకు సన్నాహాలు జరుగుతున్న సమయంలో, యువ ఓటర్లను సమీకరించే ప్రయత్నాలు సాగుతున్న వేళ ఈ దుస్తుల మార్పు సమయానికి కూడా రాజకీయ ప్రాధాన్యం ఉందని భావిస్తున్నారు.ఉత్తర్‌ప్రదేశ్‌లో అసెంబ్లీ ఎన్నికలు 2027లో జరగనున్నాయి. ప్రధానంగా భారతీయ జనతా పార్టీ, సమాజ్‌వాదీ పార్టీ మధ్య పోటీ ఉంటుందని భావిస్తున్నారు. ప్రస్తుత ఉత్తర్‌ప్రదేశ్‌ అసెంబ్లీలో 403 మంది ఎన్నికైన సభ్యులు ఉన్నారు. వీరిలో 258 మంది భారతీయ జనతా పార్టీకి, 107 మంది సమాజ్‌వాదీ పార్టీకి, 13 మంది అప్నా దళ్‌కు చెందినవారు. సమాజ్‌వాదీ పార్టీతో పొత్తులో ఉన్న కాంగ్రెస్‌ ఉత్తర్‌ప్రదేశ్‌లో తిరిగి పుంజుకోవాలని చూస్తోంది. 2027 ఎన్నికల్లో విజయం సాధించడంపై దృష్టి పెట్టింది.

సోషల్‌ మీడియాలో రీల్స్‌ పిచ్చి ప్రజల ప్రాణాలమీదికి తీసుకొస్తున్నా,తీరు మారడం లేదు. తాజాగా ఉత్తర ప్రదేశ్‌లోని ఝాన్సీలో ఒక యువకుడు డేంజరస్‌ స్టంట్ చేస్తూ తృటిలో ప్రాణాపాయం నుంచి బయటపడ్డాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. సిప్రి బజార్ పోలీస్ స్టేషన్ పరిధిలోని గ్రాస్‌ల్యాండ్స్ పోలీస్ పోస్ట్ సమీపంలో ఉన్న పహుంజ్ డ్యామ్ వద్ద ఈ సంఘటన జరిగింది. రక్సా పోలీస్ స్టేషన్ పరిధిలోని పర్వాయి గ్రామానికి చెందిన రాజ్‌కుమార్ కుమారుడు, 38 ఏళ్ల పుష్పేంద్ర కుమార్ (32) అనే వ్యక్తి ఆదివారం సాయంత్రం తన స్నేహితులతో కలిసి సమీపంలోని పహూజ్ డ్యామ్‌ను చూడటానికి వెళ్లాడు ఇన్‌స్టారీల్‌ కోసం ఒక స్టంట్ చేయాలను పూనుకున్నాడు. స్నేహితులు వీడియో రికార్డ్ చేస్తుండగా, పుష్పేంద్ర డ్యామ్‌లోని వ్యూ పాయింట్ వద్ద ఉన్న బాండ్రీ వాల్ ఎక్కి దాదాపు 30 అడుగుల ఎత్తు నుంచి డ్యామ్‌లోకి దూకాడు.Jhansi - A young man suffered fractures in both legs after he jumped from a 30-foot-high dam in Jhansi while trying to shoot a social media reel. The incident took place at Pahuj Dam. Pushpendra Kumar Manauriya, 32, a resident of Parwai village under Raksa police station, had… pic.twitter.com/HpowlS0MO7— NextMinute News (@nextminutenews7) September 7, 2026డ్యామ్‌లో నీళ్లు ఎక్కువగా ఉంటాయని భావించి దూకినప్పటికీ, ఆ ప్రదేశంలో నీరు చాలా తక్కువగా ఉండటంతో నేరుగా నేలను బలంగా తాకాడు. ధఋఃథక్ష అతడి రెండు కాళ్లు తీవ్రంగా విరిగిపోయాయి. ప్రమాదాన్ని గుర్తించిన స్నేహితులు, స్థానిక పోలీసులు సమాచారం ఇచ్చారు. వారు ఘటనా స్థలానికి చేరుకుని పుష్పేంద్రను డ్యామ్ నుంచి బయటకు తీసి ప్రైవేట్ ఆసుపత్రికి తరలించారు. ప్రస్తుతం అతనికి వైద్యులు చికిత్స అందిస్తున్నారు.ఇదీ చదవండి: విషాదం : మరికొన్ని గంటల్లో లైవ్‌, దుబాయ్‌లో సింగర్‌ హఠాన్మరణంనోట్‌ : సోషల్ మీడియాలో వ్యూస్‌కోసం లేనిపోని సాహసాలు చేస్తూ ప్రాణాలు పోగొట్టుకున్న ఘటనలు గతంలో చాలా చూశాం. ఇప్పటికే ఇలాంటి స్టంట్లు చేసి, తల్లితండ్రులకు కడుపుకోత మిగల్చవద్దని నిపుణులు పలు హెచ్చరికలు చేశారు. కొన్ని సెకన్ల రీల్ లేదా వైరల్ వీడియోల కోసం తమ ప్రాణాలను పణంగా పెట్టవద్దని, ఇటువంటి ప్రమాదకరమైన స్టంట్లు చేయవద్దని పోలీసులు, ప్రజలకు సూచిస్తున్నారు.ఇదీ చదవండి: సత్య నికేతన్ ఘటనపై హైకోర్టు సీరియస్‌ : యజమాని అరెస్ట్‌

బాగ్‌పత్‌: ఉత్తర్‌ప్రదేశ్‌లోని బాగ్‌పత్‌ జిల్లాలో ఆదివారం అర్ధరాత్రి ఘోర రోడ్డు ప్రమాదం చోటుచేసుకుంది. తీర్థయాత్రికులతో వెళ్తున్న బస్సు డివైడర్‌ను ఢీకొని బోల్తాపడటంతో నలుగురు మృతి చెందగా.. పలువురు గాయపడ్డారు. ఈ ప్రమాదం ఈస్టర్న్‌ పెరిఫెరల్‌ ఎక్స్‌ప్రెస్‌వేపై బడాగావ్‌ కట్‌ సమీపంలో చోటుచేసుకుంది. ప్రమాదం జరిగిన సమయంలో బస్సులో సుమారు 32 మంది యాత్రికులు ఉన్నట్లు అధికారులు తెలిపారు.పోలీసులు తెలిపిన వివరాల ప్రకారం.. రాజస్థాన్‌లోని బంగార్‌ నుంచి బదాయూన్‌ వైపు బస్సు వెళ్తుండగా రాత్రి సుమారు 12.30 గంటలకు ప్రమాదం జరిగింది. డివైడర్‌ను ఢీకొన్న అనంతరం బస్సు అదుపుతప్పి బోల్తాపడింది. 112 అత్యవసర సేవకు సమాచారం అందడంతో నాలుగు పోలీస్‌ రెస్పాన్స్‌ వెహికల్స్‌ (పీఆర్‌వీలు), అంబులెన్స్‌లు, స్థానిక పోలీసులు వెంటనే ఘటనాస్థలానికి చేరుకున్నారు.బస్సులో ఉన్నవారిలో పలువురికి తీవ్ర గాయాలయ్యాయని ఎస్పీ కుమార్‌ రాయ్‌ తెలిపారు. బోల్తాపడిన బస్సు నుంచి క్షతగాత్రులను బయటకు తీసి సమీపంలోని కమ్యూనిటీ హెల్త్‌ సెంటర్‌ (సీహెచ్‌సీ), జిల్లా ఆసుపత్రికి తరలించారు. తీవ్రంగా గాయపడిన కొందరిని మెరుగైన వైద్యం కోసం ఉన్నత వైద్య కేంద్రాలకు పంపినట్లు చెప్పారు. బాగ్‌పత్‌ జిల్లా మేజిస్ట్రేట్‌ అస్మితా లాల్‌ కూడా నలుగురు మృతి చెందినట్లు తెలిపారు. ప్రమాదంలో పలువురు తీవ్రంగా గాయపడ్డారని, బాధితులందరినీ సమీపంలోని వైద్య కేంద్రాలకు తరలించినట్లు తెలిపారు.ఇది కూడా చదవండి: డ్రోన్ల కలకలం.. హైఅలర్ట్‌లో అమృత్‌సర్‌ ఎయిర్‌పోర్ట్‌!

కాన్పూర్‌: పోలీసు యూనిఫాం ధరించాలన్న కలతో కాన్పూర్‌లో ఇద్దరు కవల సోదరులు ఉద్యోగం సంపాదించేందుకు మోసానికి పాల్పడ్డారు. ఇద్దరి ముఖం ఒకేలా ఉండటాన్ని తమకు అనుకూలంగా ఉపయోగించుకోవాలని, ఒకే రకమైన దుస్తులు ధరించాలని, వైద్య పరీక్ష సమయంలో ఒకరి స్థానంలో మరొకరు హాజరుకావాలని ముందుగానే ప్రణాళిక వేసుకున్నారు. అయితే ముఖం ఒకేలా ఉన్నప్పటికీ వేలిముద్రలు, కంటి రెటీనా ఒకేలా ఉండవన్న విషయాన్ని వారు గుర్తించలేదు.ఉత్తరప్రదేశ్‌లోని కాన్పూర్‌ పోలీస్‌ లైన్‌లో జరుగుతున్న పోలీస్‌ నియామక శారీరక ప్రమాణాల పరీక్షలో ఈ ఘటన జరిగింది. ఆగ్రాకు చెందిన భూపేంద్ర రాత పరీక్షలో ఉత్తీర్ణత సాధించి, శారీరక కొలతల పరీక్షకు హాజరయ్యాడు. ఆగస్టు 29న నిర్వహించిన పరీక్షలో భూపేంద్ర ఎత్తు 166.4 సెంటీమీటర్లు, ఛాతీ కొలత 79 సెంటీమీటర్లుగా నమోదైంది. నియామకానికి నిర్దేశించిన ప్రమాణాల ప్రకారం ఎత్తు తక్కువగా ఉండటంతో అతడిని అనర్హుడిగా ప్రకటించారు.పోలీసు నియామక నిబంధనల ప్రకారం అభ్యర్థి తన వైద్య లేదా శారీరక పరీక్షపై అభ్యంతరం ఉంటే మరోసారి పరీక్ష నిర్వహించాలని అప్పీల్‌ చేసుకోవచ్చు. భూపేంద్ర కూడా మరోసారి కొలతలు తీసుకోవాలని దరఖాస్తు చేసుకున్నాడు. అక్కడి నుంచే కవల సోదరుల మోసం మొదలైంది.తొలిసారి 166.4.. రెండోసారి 169.6 సెంటీమీటర్లుమరోసారి వైద్య పరీక్ష నిర్వహించిన సమయంలో ఓ యువకుడు తానే భూపేంద్రనంటూ అధికారుల ముందు హాజరయ్యాడు. ఈ సారి అతడి ఎత్తు 169.6 సెంటీమీటర్లుగా నమోదైంది. అంటే తొలి పరీక్ష, రెండో పరీక్ష మధ్య 3.2 సెంటీమీటర్ల తేడా వచ్చింది. ఇంత పెద్ద తేడా కనిపించడంతో అధికారులకు అనుమానం వచ్చింది.అధికారులు ఫొటోలను సరిపోల్చారు. ఫొటోలో ముఖం దాదాపు ఒకేలా కనిపించింది. ఇద్దరి ముఖాలు ఒకేలా ఉండటంతో తొలిచూపులో విషయం బయటపడలేదు. అయితే అధికారుల అనుమానం మాత్రం తీరలేదు.దీంతో బయోమెట్రిక్‌ పరీక్ష నిర్వహించారు. కంటి రెటీనా, వేలిముద్రలు సరిపోలలేదు. దీంతో ఇద్దరు సోదరుల పథకం మొత్తం బయటపడింది. కఠినంగా విచారించడంతో వైద్య పరీక్షకు వచ్చిన యువకుడు భూపేంద్ర కాదని, అతడి కవల సోదరుడు భూపేశ్‌ అని తేలింది.ఎత్తు తక్కువని ముందే తెలుసుపోలీసులు తెలిపిన వివరాల ప్రకారం.. భూపేంద్ర తన ఎత్తు నియామక ప్రమాణాల కంటే తక్కువగా ఉందని ముందే తెలుసు. అందుకే తొలిసారి పరీక్షలో ఎత్తు తక్కువగా నమోదైతే, రెండోసారి వైద్య పరీక్ష సమయంలో తన స్థానంలో ఎక్కువ ఎత్తు ఉన్న భూపేశ్‌ను పంపించాలని ఇద్దరూ ముందుగానే ప్రణాళిక వేసుకున్నారు.తొలి పరీక్ష తర్వాత భూపేంద్ర తన సామాన్లు తీసుకుని ఇంటికి వెళ్తున్నట్లుగా అక్కడి నుంచి బయటకు వెళ్లాడు. కొంతసేపటి తర్వాత అతడి కవల సోదరుడు భూపేశ్‌ అదే రకమైన దుస్తులు, సామాన్లతో అక్కడికి వచ్చి మరోసారి ఎత్తు పరీక్ష నిర్వహించాలని కోరాడు.ఇద్దరి ముఖాలు ఒకేలా ఉండటంతో అధికారులకు తొలుత అనుమానం రాలేదు. అయితే ఎత్తులో 3 సెంటీమీటర్లకు పైగా తేడా రావడంతో విషయం అనుమానాస్పదంగా మారింది. రెండో పరీక్షలో ఎక్కువ ఎత్తు నమోదైన తర్వాత భూపేశ్‌ అక్కడి నుంచి బయటకు వెళ్లిపోవాలి. అనంతరం భూపేంద్ర తిరిగి తన స్థానాన్ని తీసుకోవాలి అనేది ఇద్దరి ప్రణాళిక.విచారణ తర్వాత ఇద్దరు సోదరుల అరెస్టువిచారణ అనంతరం ప్రాంగణం బయట ఉన్న భూపేంద్రను కూడా పోలీసులు పట్టుకున్నారు. ఇద్దరు సోదరులను అరెస్టు చేశారు. పోలీస్‌ లైన్‌ ఉప పరిశీలకుడు ఈశ్వర్‌ సింగ్‌ ఇచ్చిన ఫిర్యాదు ఆధారంగా ఇద్దరిపై కేసు నమోదు చేశారు. కోత్‌వాలీ ఇన్‌చార్జ్‌ అరుణ్‌ కుమార్‌ ద్వివేది తెలిపిన వివరాల ప్రకారం.. కవల సోదరులుగా ఉండటం, ముఖాలు ఒకేలా ఉండటాన్ని ఉపయోగించుకుని నియామక ప్రక్రియను మోసం చేసేందుకు ఇద్దరూ ప్రయత్నించారు. పోలీసులు ఇద్దరి వద్ద నుంచి 2 మొబైల్‌ ఫోన్లు, ఆధార్‌ కార్డులు, పాన్‌ కార్డులు, ఓటరు గుర్తింపు కార్డులు, ఏటీఎం కార్డులు సహా ఇతర పత్రాలను స్వాధీనం చేసుకున్నారు.

న్యూఢిల్లీ: వచ్చే ఏడాది ఆరంభంలో అసెంబ్లీ ఎన్నికలు జరగనున్న రాష్ట్రాల్లో జన గణన ప్రక్రియను ముందుగానే ప్రారంభిస్తున్నట్లు రిజి్రస్టార్‌ జనరల్‌ ఆఫ్‌ ఇండియా(ఆర్‌జీఐ) శనివారం వెల్లడించారు. గోవా, ఉత్తరప్రదేశ్, పంజాబ్‌ రాష్ట్రాలతోపాటు ఉత్తరాఖండ్‌లోని కొన్ని ప్రాంతాల్లో ఈ ప్రక్రియ 2026 డిసెంబర్‌ 1 నుంచి 2027 జనవరి 4వ తేదీ వరకు జరుగుతుందని తెలియజేశారు. అలాగే 2027 జనవరి 5 నుంచి 2027 జనవరి 9 వరకు దీనికి సంబంధించిన పునఃపరిశీలన దశ నిర్వహించనున్నట్లు పేర్కొన్నారు. ఈ మేరకు ఆర్‌జీఐ, జనాభా గణన కమిషనర్‌ మృత్యుంజయ్‌ కుమార్‌ నారాయణ్‌ ఒక గెజిట్‌ నోటిఫికేషన్‌ విడుదల చేశారు. ఆయా ప్రాంతాల్లోని పౌరులు 2026 నవంబర్‌ 16 నుంచి నవంబర్‌ 30 వరకు స్వయంగా వివరాలను నమోదు చేసుకునే (ఎల్ఫ్‌ ఎన్యూమరేషన్‌) అవకాశాన్ని వినియోగించుకోవచ్చని సూచించారు. వాస్తవానికి దేశవ్యాప్తంగా జనగణన వచ్చే ఏడాది ఫిబ్రవరిలో జరగనుంది. ఎన్నికలు జరిగే రాష్ట్రాల్లో మాత్రం ముందుగానే నిర్వహించబోతున్నారు.

ప్రముఖ గ్లోబల్‌ టెక్‌ కంపెనీలో ఉద్యోగం. లక్షల్లొ జీతం. సౌకర్యవంతమైన జీవితం. సాధారణంగా చాలా మంది నిపుణులు తమ కెరీర్‌లో ఒక మైలురాయిగా భావిస్తారు. కానీ లక్నోకు చెందిన 27 ఏళ్ల శారదేందు తివారీ తీసుకున్న నిర్ణయం ఇపుడు దేశవ్యాప్తంగా చర్చనీయాంశంగా నిలుస్తోంది. తండ్రిని ప్రేరణగా తీసుకొని మరీ తీసుకున్న తివారి సంచనల నిర్ణయం గురించి తెలుసుకోవాలంటే ఈ కథనాన్ని పూర్తిగా చదవాల్సిందే.శారదేందు తివారీ అమెజాన్‌లో క్లౌడ్ ఇంజినీర్‌గా ఏడాదికి సుమారు రూ.46 లక్షల ప్యాకేజీతో పనిచేసేవారు. అయితే చాలా సౌకర్యవంతమైన కార్పొరేట్ జీతాన్ని వదులుకుని త్వరలో భారత ఆర్మీలో ఆఫీసర్‌గా బాధ్యతలు స్వీకరించనున్నారు. శనివారం గయలోని ఆఫీసర్స్ ట్రైనింగ్ అకాడమీ (OTA)లో పాసింగ్ అవుట్ పరేడ్ తన ప్రతిభను చాటుకున్నారు.అత్యంత ప్రతిష్టాత్మకమైన పదవులలో ఒకటైన సీనియర్ అండర్ ఆఫీసర్ (SUO)గా ఎంపికయ్యారు.ఏరోస్పేస్ దిగ్గజం ఎయిర్‌బస్‌లోనూ పనిచేసే అవకాశం వచ్చినప్పటికీ , చిన్ననాటి నుంచి ఉన్న సైన్యంలో చేరాలన్న కలను నెరవేర్చుకునేందుకు చేస్తున్న ఉద్యోగాన్ని వదులుకున్నారట తివారీ. శర్దేందు తివారీ ఆర్మీ యూనిఫామ్ ధరించాలనే నిర్ణయానికి ఆయన కుటుంబ నేపథ్యమే కారణం. తండ్రి రాజ్ కుమార్ తివారీ ఆర్మీ సర్వీస్ కార్ప్స్‌లో ఆనరరీ కెప్టెన్‌గా 36 ఏళ్ల పాటు దేశసేవ చేసి రిటైర్ అయ్యారు. తండ్రి సేవలను చిన్నప్పటి నుంచి చూసిన శారదేందుకు మిలిటరీలో చేరాలనే బలమైన కోరిక ఉండేది.శారదేందు తివారీది ఉత్తరప్రదేశ్‌లోని సుల్తాన్‌పూర్ జిల్లాలోని పిపర్‌గావ్. అయితే వారి కుటుంబం లక్నోలోని నీల్‌మథ ప్రాంతంలో స్థిరపడింది. పంజాబ్ ఇంజినీరింగ్ కాలేజ్ (చండీగఢ్) నుంచి ఐటీలో ఇంజనీరింగ్‌, కంప్యూటర్ సైన్స్ అండ్ ఇన్ఫర్మేషన్ సెక్యూరిటీలో ఎం.టెక్ పూర్తి చేశారు. క్యాంపస్ ప్లేస్‌మెంట్ తర్వాత, రూ. 46 లక్షల వార్షిక ప్యాకేజీతో అమెజాన్‌లో క్లౌడ్ ఇంజనీర్‌గా చేరారు. కానీ ఆర్మీలో చేరాలన్న కోరిక మాత్రం నిరంతరం మదిలో మెదులుతూనే ఉండది. ఫలితంగా ఆర్మీ సెలెక్షన్ ప్రక్రియ కోసం ఆయన 8 సార్లు ప్రయత్నించారు. ఓటమికి కుంగిపోకుండా పట్టుదలతో శ్రమించి 'టెక్నికల్ రూట్' ద్వారా ఆర్మీకి సేవల చేయాలన్న కలను సాకారం చేసుకున్నారు. ఆర్మీ ఇచ్చే సాహసం, నాయకత్వ లక్షణాలు, దేశసేవ చేసే అవకాశం తనను ఆకర్షించాయనిశారదేందు తెలిపారు.ఇదీ చదవండి: రూ. 6వేలతో మొదలై, రూ.1400 కోట్ల సామ్రాజ్యాన్ని సృష్టించాడుషార్ట్ సర్వీస్ కమిషన్ (టెక్నికల్) శిక్షణ పూర్తి చేసిన తర్వాత, 219 మంది పురుషులు,35 మంది మహిళలతో సహా మొత్తం 254 మంది క్యాడెట్లు కమిషన్ పొందనున్నారు. వియత్నాం పీపుల్స్ ఆర్మీకి చెందిన లెఫ్టినెంట్ జనరల్ లే వాన్ హోయాంగ్ ముఖ్య అతిథిగా హాజరు కానున్నారు.ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియో

ఉత్తరప్రదేశ్‌లో అసెంబ్లీ ఎన్నికల వేడి రాజుకుంటున్న వేళ.. ఓ కీలక భేటీ రాజకీయ వర్గాల్లో కొత్త చర్చకు తెరలేపింది. సమాజ్‌వాదీ పార్టీ అధినేత అఖిలేష్‌ యాదవ్‌, విద్యార్థి ఉద్యమ సంస్థ సీజేపీ ప్రతినిధి ఆశుతోష్‌ రంకా భేటీ కావడంతో యూపీలో కొత్త రాజకీయ సమీకరణాలపై ఊహాగానాలు మొదలయ్యాయి. ఇది కేవలం మర్యాదపూర్వక సమావేశమేనా? లేక ఎన్నికల ముందు యువతను కేంద్రంగా చేసుకుని అఖిలేష్‌ కొత్త రాజకీయ వ్యూహానికి తెరతీశారా? అన్న ప్రశ్నలు ఇప్పుడు హాట్‌టాపిక్‌గా మారాయి.ఇక, అఖిలేష్‌తో సీజేపీ ప్రతినిధి సమావేశం కావడం రాజకీయంగా ప్రాధాన్యత సంతరించుకుంది. ఇద్దరి మధ్య లక్నోలో జరిగిన భేటీ దాదాపు 90 నిమిషాల పాటు సాగినట్లు పలు నివేదికలు పేర్కొంటున్నాయి. సమావేశం తర్వాత ఇరువైపుల నుంచి పెద్దగా వివరాలు బయటకు రాకపోవడంతో.. అసలు ఏం చర్చించారు? అన్నదే ఇప్పుడు రాజకీయ వర్గాల్లో చర్చనీయాంశంగా మారింది. అయితే, ఎన్నికల ముందు అఖిలేష్‌ కొత్త ఎత్తుగడ వేస్తున్నారా? సీజేపీ ద్వారా యూపీలో విద్యార్థి శక్తిని ఏకం చేయబోతున్నారా? ఈ భేటీ వెనుక అసలు వ్యూహం ఏమిటి? ఇప్పుడు యూపీ రాజకీయాల్లో ఇదే తీవ్ర చర్చనీయాంశంగా మారింది. కాగా, ఇప్పటివరకు ఎస్పీ-సీజేపీ మధ్య ఎలాంటి అధికారిక రాజకీయ పొత్తు లేదా అవగాహన ప్రకటించలేదు.టార్గెట్‌ యూపీనా?సీజేపీ ఇటీవల విద్యార్థులు, యువతకు సంబంధించిన అంశాలపై ఢిల్లీలో చేపట్టిన ఆందోళనలతో జాతీయ స్థాయిలో గుర్తింపు తెచ్చుకుంది. పరీక్షల వ్యవస్థ, విద్యార్థుల సమస్యలు, నిరుద్యోగం, విద్యా వ్యవస్థలో లోపాలపై ఉద్యమాలను ముందుకు తీసుకెళ్లింది. ఆ తర్వాత పలు రాష్ట్రాల్లో ప్రభుత్వ పాఠశాలల పరిస్థితిని పరిశీలించే ‘School Thik Karo’ కార్యక్రమాన్ని కూడా చేపట్టింది. ఈ నేపథ్యంలో అఖిలేష్‌తో రంకా భేటీ కావడంతో.. సీజేపీ తన విద్యార్థి ఉద్యమాన్ని యూపీలో విస్తరించేందుకు సిద్ధమవుతోందా? అనే ఊహాగానాలు ఊపందుకున్నాయి.యువ ఓటర్లపై అఖిలేష్‌ కన్ను?యూపీ రాజకీయాల్లో యువత, విద్యార్థులు కీలక ఓటు బ్యాంకుగా ఉన్నారు. ఉద్యోగాలు, పరీక్షల నిర్వహణ, పేపర్ లీకులు, విద్యా వ్యవస్థ వంటి అంశాలను అఖిలేష్‌ యాదవ్‌ కూడా తరచూ ప్రస్తావిస్తూ బీజేపీ ప్రభుత్వంపై విమర్శలు చేస్తున్నారు. ఇలాంటి సమయంలో యువతలో ప్రభావం పెంచుకుంటున్న ఓ ఉద్యమ సంస్థతో సంప్రదింపులు జరపడం రాజకీయంగా ప్రాధాన్యత సంతరించుకుంది.ఇదీ చదవండి: ‘విజయ్‌ ఫర్‌ పీఎం’.. కాంగ్రెస్‌కు టీవీకే మరో షాక్‌!అయితే, సీజేపీ ఎన్నికల్లో పోటీ చేస్తుందా? సమాజ్‌వాదీపార్టీతో కలిసి పనిచేస్తుందా? లేక కేవలం విద్యార్థి సమస్యలపై మాత్రమే సహకారం ఉంటుందా? అన్న దానిపై ఇప్పటివరకు స్పష్టత లేదు. మరోవైపు.. వీరి భేటీపై బీజేపీ కూడా స్పందించింది. బీజేపీ నేత రాకేశ్‌ త్రిపాఠి ఈ పరిణామాన్ని విమర్శిస్తూ సీజేపీ ఉద్యమం వెనుక రాజకీయ ఉద్దేశాలు ఉన్నాయని ఆరోపించారు. కాంగ్రెస్ మాత్రం ఈ రకమైన సంప్రదింపులను స్వాగతించింది. దీంతో ఈ భేటీ కేవలం విద్యార్థి సమస్యలపై చర్చకే పరిమితమా.. లేక యూపీలో కొత్త రాజకీయ కూటమికి తొలి సంకేతమా? అన్న ప్రశ్న మరింత ఆసక్తికరంగా మారింది.

ఉత్తరప్రదేశ్‌లో దారుణం చోటు చేసుకుంది. మెయిన్‌పురి జిల్లాలో ఒక గ్రామంలో, మూడు నెలల చిన్నారిపై 35 ఏళ్ల వ్యక్తి అత్యాచారానికి పాల్పడిన ఘటన దిగ్బ్రాంతి రేపింది.పోలీసుల సమాచారం ప్రకారం పొరిగింటిలో ఉండే, కుటుంబానికి తెలిసిన వ్యక్తి జితేంద్ర ఈ అఘాయిత్యానికి పాల్పడ్డాడు. మంగళవారం రాత్రి వేళ ఇంట్లో మంచంపై పడుకుని ఉన్న చిన్నారి ఎత్తుకెళ్లి అత్యాచారం చేశాడు.. ఆ సమయంలో చిన్నారి తల్లి రాత్రి వంట పనిలో తండ్రి ఇంటి పనుల్లో నిమగ్నమై ఉన్నారు. ఇంతలో పొరుగింట్లో ఉండే నిందితుడు జితేంద్ర, ఇంట్లోకి వచ్చి చిన్నారితో ఆడుకోవడం మొదలుపెట్టాడు. తెలిసిన వ్యక్తి కావడంతో, వారు ఎలాంటి అభ్యంతరం వ్యక్తం చేయలేదు. సుమారు అరగంట తర్వాత నిందితుడు తిరిగి వచ్చి, చిన్నారిని మళ్లీ మంచంపై పడుకోబెట్టి అక్కడి నుంచి వెళ్లిపోయాడు.అయితే పాప విపరీతంగా ఏడుస్తూండటంతో తల్లీ ఎత్తుకుని ఓదారుస్తుండగా, చిన్నారి జననేంద్రియాల నుండి తీవ్ర రక్తస్రావం అవుతుండటాన్నిగమనించి ఒక్కసారిగాఉలిక్కిపడింది. గట్టిగా కేకలు వేసింది. అనంతరం పోలీసులకు సమాచారం అందించారని బేవార్ పోలీస్ స్టేషన్ ఇన్‌ఛార్జ్ అనిల్ కుమార్ సింగ్ తెలిపారు.ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలుకుటుంబ సభ్యులు వెంటనే చిన్నారిని జిల్లా ఆసుపత్రికి తరలించారు, అక్కడి వైద్యులు ఆమె పరిస్థితి విషమంగా ఉండటంతో సాయిఫై మెడికల్ కాలేజీకి రిఫర్ చేశారు. ప్రస్తుతం ఆమె అక్కడ చికిత్స పొందు తోందని పోలీసు అధికారి తెలిపారు. బాధితురాలి తండ్రి బుధవారం ఇచ్చిన ఫిర్యాదు ఆధారంగా కేసు నమోదు చేసి, నిందితుడిని అరెస్టు చేశామని పోలీసులు పేర్కొన్నారు.ఇదీ చదవండి: నెలకు రూ. 14 లక్షలు : ఏం వ్యాపారమో తెలిస్తే షాకవుతారు

సాక్షి, లక్నో: ఉత్తరప్రదేశ్‌లోని బల్లియాకు చెందిన ఏడేళ్ల బాలిక నెట్టింట వైరల్‌గా మారింది. సాధారణంగా చిన్నారులు సరదాగా గెంతుతూ ఎగురుతూ బడికి వెళ్లడం మనం చూసి ఉంటాం. కానీ దురదృష్టవశాత్తూ ఈ బాలికకు బాధతో కుంటుకుంటూ వెళ్లక తప్పని పరిస్థితి. అందుకే పాఠశాలకు సులభంగా వెళ్లడానికి వీలుగా ఒక ట్రైసైకిల్ కావాలని జిల్లా మేజిస్ట్రేట్‌కు పెట్టుకున్న విజ్ఞప్తి చేసి ఆన్‌లైన్‌లో అందరి దృష్టిని ఆకర్షించింది. 6 నెలల వయస్సులోనే జరిగిన ఒక ప్రమాదంలో ఏడేళ్ల రాగిణి తన ఎడమ కాలును కోల్పోయింది. అయినప్పటికీ, చదువుకోవాలనే పట్టుదలతో ప్రతిరోజూ ఒంటికాలితో దాదాపు 400 మీటర్ల దూరంలో ఉన్న పాఠశాలకు గెంతుతూ వెళ్తోంది. బల్లియాలోని మనియార్ విద్యా బ్లాక్‌లో ఉన్న దిఘేడా ప్రాథమిక పాఠశాలలో రాగిణి మొదటి తరగతి చదువుతోంది.ట్విటర్‌లో Benarasiyaa అనే యూజర్‌ ఆమె పరిస్థితిని వివరిస్తూ పెట్టిన పోస్ట్‌ వైరల్‌గా మారింది. చదువును కొనసాగించడానికి ఆమెకు కావలసింది కేవలం ఒక ట్రైసైకిల్ మాత్రమే అంటూ జిల్లా కలెక్టర్‌ను ట్యాగ్‌ చేస్తూ ట్వీట్‌ చేశారు. ఈ సందర్భంగా ఒక నిరుపేద చిన్నారికి ప్రాథమిక సదుపాయం అందించేందుకు, సోషల్ మీడియాలో వైరల్ అయ్యే వరకు స్థానిక యంత్రాంగం ఎందుకు స్పందించడం లేదని ఆవేదన వ్యక్తం చేశారు. దీంతో నెటిజన్లు కూడా పాఠశాల అధికారులు లేదా స్థానిక యంత్రాంగం ఎందుకు స్పందించలేదంటూ ప్రశ్నించారు. ఆ బాలికకు భారీ మద్దతు లభిస్తోంది. “DM Uncle, please get me a bicycle…” 🚲🥹Despite being differently-abled, Class 1 student Ragini’s passion for education is unstoppable. Her small request carries a big dream. 📚❤️#Ballia #Ragini #Education pic.twitter.com/RiozXvVuO9— Sunanda Acharya (@Sunanda_Iam) September 1, 2026నెటిజన్ల స్పందనలుఆమెకు చికిత్స అవసరం. ట్రైసైకిల్ ఆమెకు శాశ్వత పరిష్కారం కాదు. ఆమె వయసు కేవలం 7 ఏళ్లు మాత్రమే, ఇంకా ఆమె శారీరక ఎదుగుదల మిగిలే ఉందని ఒకరు 5-8 వేల రూపాయలకే ట్రైసైకిల్ వస్తుంది కదా, క్రౌడ్ ఫండింగ్ (ప్రజల నుంచి విరాళాలు) చేసి ఉండవచ్చు లేదా కనీసం DMకి సమాచారం ఇచ్చి ఉండాల్సింది. ప్రభుత్వ ఆసుపత్రిలో ఒక రోజు సెలవు పెట్టి చూపించి ఉండాల్సింది కదా మరొకరు వ్యాఖ్యానించారు. ఇలాంటి వార్తలు చూసినప్పుడు బాధ అనిపిపిస్తుంది. వెనుకబడిన పౌరుల కోసం దేశం ఎంతైనా చేయాల్సి ఉంది. ఇప్పటికైనా ప్రభుత్వం ఆమెకు తక్షణమే సహాయం చేస్తుందని ఆశిస్తున్నా అన్నారు. మరొకరు వ్యక్తి కృత్రిమ కాలు (prosthetic limb) అమర్చడంలో సహాయం చేస్తానని ముందుకొచ్చారు. ఈ ఖర్చును తానే భరిస్తానని హామీ ఇచ్చారు. ఒక పోలీస్ అధికారి కూడా ఆ వీడియోపై స్పందించి ఆమెకు ట్రైసైకిల్ సమకూర్చినట్టు తెలిసిందన్నారు.స్పందించిన యంత్రాంగంచివరికి, బల్లియా జిల్లా మేజిస్ట్రేట్ (DM) ఆ చిన్నారికి ట్రైసైకిల్‌ను అందించడం విశేషం. దీంతో ఇకపై ఆ చిన్నారి బడికి వెళ్లేటప్పుడు కుంటుతూ నడవాల్సిన అవసరం ఉండదు. అయితే, ఇది శాశ్వత పరిష్కారం కాదు. ప్రమాదంలో దెబ్బతిన్న ఆ చిన్నారి కాలు సరిగ్గా నయమవ్వాలంటే, ఆమెకు సరైన వైద్య చికిత్స అందడం ఇప్పుడు చాలా అవసరమని వీడియో షేర్‌ చేసినవ్యక్తి ఆనందం వెలిబుచ్చారు. మద్దతు తెలిపిన ప్రతి ఒక్కరికీ ధన్యవాదాలు తెలిపారు. 20 మందికి పైగా ట్రైసైకిల్ ఇస్తామని ముందుకు వచ్చారు. కానీ మొదట జిల్లా యంత్రాంగం నుండి సహాయం కోసం వేచి చూసినట్టు చెప్పారు.बुलंद हौसले वाली बलिया की बेटी रागिनी अब ट्राईसाइकिल से स्कूल जाएगी .उसके सपनों की उड़ान अब नहीं थमेगी🥰बलिया DM मंगला प्रसाद ने रागिनी को ट्राइसाइकिल के साथ किताब और चाकलेट भी दिया... https://t.co/9YXKTWr4P0 pic.twitter.com/0XSXCsgRbl— Ruby Arun रूबी अरुण (@arunruby08) September 2, 2026ఆప్‌ సాయంమరోవైపు ఈ విషయంలో సోషల్‌మీడియాలో వైరల్‌ కావడంతో రాగిణికి సహాయం చేయడానికి ఆమ్ ఆద్మీ పార్టీ (AAP) కార్యకర్తలు ముందుకు వచ్చారు. AAP ప్రతినిధి సర్వేష్ మిశ్రా , బల్లియా జిల్లా అధ్యక్షుడు ప్రదీప్ యాదవ్ రాగిణి కుటుంబాన్ని సంప్రదించారు. AAP నాయకుడు సంజయ్ సింగ్ తెలిపిన వివరాల ప్రకారం, పార్టీ కార్యకర్తలు స్థానిక సభ్యులతో కలిసి ఆ చిన్నారిని కలిసి ఆమెకు వీల్‌చైర్‌ను అందించారు. అలాగే ఆ కుటుంబానికి రూ. 25,000 ఆర్థిక సహాయం కూడా అందజేశారు.

లక్నో: అయోధ్య ట్రస్ట్‌ సీఈవోగా ఎయిర్‌ మార్షల్‌ జితేంద్ర మిశ్రా ఎంపికయ్యారు. ఆయనను అయోధ్య ట్రస్ట్ సీఈవోగా ఎంపికచేస్తూ రామ జన్మభూమి ట్రస్ట్‌ ప్రకటన విడుదల చేసింది. జితేంద్ర మిశ్రా 39 ఏళ్ల పాటు ఎయిర్‌ఫోర్స్‌లో సేవలందించారు. కాగా రామ జన్మభూమి తీర్థక్షేత్ర ట్రస్ట్ తన మొట్టమొదటి చీఫ్ ఎగ్జిక్యూటివ్ ఆఫీసర్ (సీఈవో)కి దరఖాస్తులను ఆహ్వనించిన సంగతి తెలిసిందే. దాదాపు 5,500కి పైగా వచ్చిన దరఖాస్తులను పరిశీలించిన అనంతరం ముగ్గురు సభ్యుల నిపుణుల కమిటీ జితేంద్ర మిశ్రాను సీఈఓగా ఎంపిక చేసింది.జరిటైర్డ్ జస్టిస్ ప్రమోద్ కోహ్లీ, రిటైర్డ్ లెఫ్టినెంట్ జనరల్ విష్ణుకాంత్ చతుర్వేది, నిపుణుల కమిటీ సభ్యుడు సురేష్ హవ్డేలతో కూడిన ప్యానెల్ ఈ ఎంపిక ప్రక్రియను చేపట్టింది. మొత్తం 5,585 దరఖాస్తులను క్షుణ్ణంగా సమీక్షించి, 16 మంది అభ్యర్థులతో ముఖాముఖి నిర్వహించినట్లు ట్రస్ట్ ‘ఎక్స్’ (ట్విట్టర్) వేదికగా వెల్లడించింది. జులై 11 నుంచి 18 వరకు దరఖాస్తులు స్వీకరించగా, 600 మార్కుల మూల్యాంకన విధానం ద్వారా అభ్యర్థుల అర్హతలను పరిశీలించారు. ప్రాథమిక పరిశీలన అనంతరం 3,577 మందికి ఫారాలు పంపగా, కనీసం 470 మార్కులు సాధించిన 108 మంది అర్హత పొందారు.వీరికి నాలుగు రోజుల పాటు వర్చువల్ ఇంటర్వ్యూలు నిర్వహించి, వారి ప్రతిభ ఆధారంగా 17 మందిని గ్రేడ్లుగా విభజించారు. చివరికి నిబద్ధత, దార్శనికత ఆధారంగా అత్యుత్తమమైన ముగ్గురిని ఎంపిక చేసి ట్రస్ట్‌కు సమర్పించారు. ట్రస్ట్ సభ్యుడు విమలేంద్ర మోహన్ ప్రతాప్ మిశ్రా మరణం, కానుకల చోరీ ఆరోపణలు, మాజీ ప్రధాన కార్యదర్శి చంపత్ రాయ్, సభ్యుడు అనిల్ మిశ్రాల రాజీనామాల అనంతరం ఏర్పడిన ఖాళీల నేపథ్యంలో ఈ నియామకాలు ప్రాధాన్యం సంతరించుకున్నాయి.

లక్నో: ఉత్తరప్రదేశ్‌లో వచ్చే ఏడాది అసెంబ్లీ ఎన్నికలు జరగనున్న నేపథ్యంలో ప్రధాన పార్టీలు వ్యూహాలకు పదును పెడుతున్నాయి. విజయమే లక్ష్యంగా కాంగ్రెస్‌ కూడా కీలక నిర్ణయాల దిశగా అడుగులు వేస్తోంది. ఎన్నికలకు ముందు సమాజ్‌వాదీ పార్టీతో సీట్ల పంపకాలపై చర్చలు కొనసాగుతున్న వేళ.. అభ్యర్థుల ఎంపికలోనూ కొత్త విధానాన్ని అనుసరించాలని కాంగ్రెస్‌ భావిస్తున్నట్లు సమాచారం.బలమైన ప్రజాదరణతో పాటు ఎన్నికల ప్రచారాన్ని సొంతంగా నిర్వహించగల ఆర్థిక సామర్థ్యం ఉన్న అభ్యర్థులకు టికెట్లలో ప్రాధాన్యం ఇవ్వాలని పార్టీ నిర్ణయించినట్లు ‘ఇండియా టుడే’ కథనం వెల్లడించింది. ఎన్నికలను ఈసారి కాంగ్రెస్‌ అత్యంత సీరియస్‌గా తీసుకుంటోందని ఆ పార్టీకి చెందిన ఓ సీనియర్‌ నేత తెలిపారు. నియోజకవర్గంలో ప్రజాదరణ, గెలుపు అవకాశాలు, ప్రచారానికి అవసరమైన వనరులు ఉన్న నేతలను ఎంపిక చేయాలని భావిస్తున్నట్లు చెప్పారు.అయితే.. ఆర్థికంగా వెనుకబడినప్పటికీ గెలిచే సత్తా ఉన్న బలమైన అభ్యర్థులకు మాత్రం మినహాయింపు ఉంటుందని కాంగ్రెస్‌ వర్గాలు స్పష్టం చేశాయి. అదే సమయంలో అభ్యర్థులు పార్టీ నిధికి కూడా తమ వంతు సహకారం అందించాలని పార్టీ ఆశిస్తోంది. గతంలో ఎన్నికల ఖర్చుల కోసం పార్టీ నుంచి నిధులు తీసుకున్న కొందరు అభ్యర్థులు వాటిని పూర్తిగా ప్రచారానికి వినియోగించకుండా తమ వద్దే ఉంచుకున్నారన్న ఆరోపణలు వచ్చిన నేపథ్యంలో ఈసారి ఈ అంశంపై కాంగ్రెస్‌ ప్రత్యేక దృష్టి సారించినట్లు తెలుస్తోంది.2022 ఫలితాల నేపథ్యంలో కొత్త వ్యూహం2022 యూపీ అసెంబ్లీ ఎన్నికల్లో కాంగ్రెస్‌ 399 స్థానాల్లో పోటీ చేసి కేవలం రెండు స్థానాల్లో మాత్రమే విజయం సాధించింది. పలువురు అభ్యర్థులకు పార్టీ నుంచి ఎన్నికల ప్రచారం కోసం భారీగా నిధులు అందించినప్పటికీ ఆశించిన ఫలితాలు రాలేదని పార్టీ వర్గాలు పేర్కొంటున్నాయి. ఈ అనుభవం నేపథ్యంలోనే ఈసారి అభ్యర్థుల ఎంపికలో గెలుపు అవకాశాలతో పాటు ఆర్థిక సామర్థ్యానికీ ప్రాధాన్యం ఇవ్వాలని కాంగ్రెస్‌ భావిస్తున్నట్లు సమాచారం.ఎస్పీతో సీట్లపై కాంగ్రెస్‌ పట్టుమరోవైపు.. సమాజ్‌వాదీ పార్టీతో సీట్ల పంపకాల అంశం కాంగ్రెస్‌కు కీలకంగా మారింది. మొత్తం 403 అసెంబ్లీ స్థానాల్లో కనీసం 115 నుంచి 120 సీట్లు కావాలని కాంగ్రెస్‌ పట్టుబడుతున్నట్లు పార్టీ వర్గాలు చెబుతున్నాయి. యూపీ కాంగ్రెస్‌ ఇన్‌చార్జ్‌ రాజేంద్ర పాల్‌ గౌతమ్‌ ఏకంగా 50 శాతం సీట్ల కోసం డిమాండ్‌ చేస్తున్నారు. 2024 లోక్‌సభ ఎన్నికల్లో యూపీలో కాంగ్రెస్‌ ఆరు స్థానాలు గెలుచుకోవడం, ఉత్తర భారతదేశంలో రాహుల్‌ గాంధీకి పెరుగుతున్న ఆదరణ తమకు అనుకూలంగా మారుతుందని పార్టీ అంచనా వేస్తోంది. దళితులు, మైనారిటీలు, యాదవేతర ఓబీసీ వర్గాలు రాహుల్‌ వైపు మొగ్గుచూపుతున్నాయని కాంగ్రెస్‌ నేతలు చెబుతున్నారు.ఇక వరుసగా రెండు పర్యాయాలు అధికారంలో ఉన్న యోగి ఆదిత్యనాథ్‌ ప్రభుత్వంపై యాంటీ ఇన్‌కంబెన్సీ తమకు కలిసొచ్చే అవకాశం ఉందని కాంగ్రెస్‌ భావిస్తోంది. సంస్థాగత బలోపేతంపై దృష్టి సారిస్తూ మొత్తం 403 నియోజకవర్గాల్లో పార్టీ కార్యక్రమాలను విస్తరిస్తోంది. సీట్ల పంపకాల నుంచి అభ్యర్థుల ఎంపిక వరకు.. 2027 యూపీ అసెంబ్లీ ఎన్నికల కోసం కాంగ్రెస్‌ ఇప్పటి నుంచే వ్యూహాత్మకంగా అడుగులు వేస్తున్నట్లు తాజా పరిణామాలు స్పష్టం చేస్తున్నాయి.ఇదీ చదవండి: రీల్స్‌.. ఫాలోవర్ల మోజు!.. పా‍ర్టీని పట్టించుకోరా?

కొందరు అధికారులు ఉద్యోగాలకే వన్నె తెస్తుంటారు. ఉత్తరప్రదేశ్‌ కేడర్‌కు చెందిన 2013 బ్యాచ్‌ ఐఏఎస్‌ అధికారిణి దివ్య మిట్టల్‌ అలాంటి వారిలో ఒకరు. పదమూడేళ్లగా చేస్తున్న ఉద్యోగానికి స్వచ్ఛందంగా ముగింపు పలుకుతూ రాజీనామా చేశారు. భవిష్యత్‌లో ఏం చేయబోతున్నారో ఇప్పటివరకు చెప్పలేదు. ‘సమయం వచ్చినప్పుడు మాట్లాడతాను’ అన్నారు. దివ్య తన పదవికి రాజీనామా చేయడం దేశవ్యాప్తంగా హాట్‌టాపిక్‌గా మారింది...దివ్య మిట్టల్‌ సోషల్‌ మీడియాలో చాలా చురుగ్గా ఉండే ఐఏఎస్‌ అధికారిణి. ఎవరైనా సందేహం అడిగితే వెంటనే నివృత్తి చేసేవారు. దేశవ్యాప్తంగా యూపీఎస్సీకి ప్రిపేర్‌ అయ్యే లక్షలాది మంది అభ్యర్థులకు ఆమె ‘మెంటార్‌’గా నిలిచారు. మీర్జాపూర్‌ జిల్లా లహురియా దహ్‌ గ్రామం. స్వాతంత్య్రం వచ్చినప్పటి నుంచి ఆ గ్రామ ప్రజలకు పైపుల ద్వారా మంచినీరు అందలేదు. దివ్య మిట్టల్‌ అక్కడ జిల్లా మేజిస్ట్రేట్‌గా ఉన్నప్పుడు వారి దాహాన్ని తీర్చిన తొలి ఆఫీసర్‌గా వారి గుండెల్లో నిలిచిపోయారు. అక్రమ మైనింగ్‌ వంటి కార్యకలాపాలకు అడ్డుకట్ట వేసేందుకు పరిపాలనా చర్యలు తీసుకున్నారు. ప్రకృతి సంపదను ప్రజల హక్కుగా చూడాలనేది ఆమె నిర్ణయాల్లో కనిపించింది. కోట్ల జీతం వదిలి... ఐఐటీ ఢిల్లీలో ఇంజినీరింగ్, ఐఐఎం బెంగళూరులో ఎంబీఏ పూర్తి చేసిన దివ్య మిట్టల్‌ లండన్‌లో ‘జేపీ మోర్గాన్‌’ సంస్థలో ‘ఎక్సోటిక్‌ డెరివేటివ్స్‌ ట్రేడర్‌’గా పనిచేశారు. ఏడాదికి కోట్లాది రూపాయల వార్షిక వేతనాన్ని అందుకునే వారు. కోట్ల రూపాయల ΄్యాకేజీని వద్దనుకొని 2011లో స్వదేశానికి వచ్చి యూపీఎస్సీకి ప్రిపేరై ఐఏఎస్‌ అయ్యారు. ‘ఐఏఎస్‌లో చేరిన తర్వాత దొరికింది కేవలం ప్రభుత్వ ఉద్యోగం కాదు. వేలాది జీవితాలను తాకే అవకాశం’ అంటూ పలు సందర్భాల్లో ఆమె చెప్పడం విశేషం. జీవితాంతం గుర్తుంటుంది... రాజీనామా సందర్భంగా దివ్య మిట్టల్‌ రాసిన లేఖలోని ముఖ్య విషయాలు... ‘ఈ రోజు నా 13 ఏళ్ల ప్రయాణానికి నా ఇష్టంతో విరామం పలుకుతూ ఐఏఎస్‌కు రాజీనామా చేశాను. ఐఏఎస్‌ ఆఫీసర్‌గా పనిచేసే అదృష్టం నాకు లభించింది. చాలా చేయడానికి అవకాశం లభించింది. శక్తి పదవి నుంచి రాదు. ప్రజలు మనపై ఉంచే విశ్వాసం నుంచి వస్తుంది. నేను ఏదో ఇవ్వడానికి వచ్చానని అనుకోవడం పొరపాటు. నిజానికి ఎక్కువగా పొందింది నేనే. లహురియా దహ్‌ కొండపై ఉన్న ఒక బామ్మ తన గ్రామానికి తొలిసారిగా నీరు చేరడాన్ని చూసి ఆనందంతో నన్ను ఆశీర్వదించి వెళ్లింది. ఈ రోజు పదవి నన్ను విడిచిపోయింది. కానీ ఆమె స్పర్శ మాత్రం జీవితాంతం నన్ను విడిచిపెట్టదు. ఈ దేశపు మట్టి నాకు అందించిన ఆ కల కూడా ఎప్పటికీ నన్ను విడిచిపెట్టదు.రాజీనామా ఎందుకు?మీర్జాపూర్‌ కలెక్టర్‌గా పనిచేస్తున్న దివ్యా మిట్టల్‌ను బదిలీ చేయడంతో ప్రజలు పెద్ద ఎత్తున నిరసన తెలిపారు. అయిదు నెలలు ఆమెకు ఏ పోస్ట్‌ కేటాయించలేదు. ఆ తర్వాత ఉత్తరప్రదేశ్‌ గ్రామీణ రహదారుల సంస్థ సీఈవోగా నియామకం అయ్యారు దివ్య. రాజీనామా చేయడానికి ముందు రాష్ట్ర రెవెన్యూశాఖ ప్రత్యేక కార్శదర్శిగా పనిచేస్తున్నారు. తన రాజీనామాకు కారణం చెప్పకపోవడంతో రకరకాల ఊహాగానాలు వెల్లువెత్తుతున్నాయి. ఎక్కువ సమయాన్ని కుటుంబంతో గడపడానికి, బోధనలు, రచనలు చేయడానికి, సామాజిక సేవ కోసం రాజీనామా చేశారనే అభి ప్రాయాలు వినిపిస్తున్నాయి. మరోవైపు....ఉద్యోగప్రస్థానంలో ప్రభుత్వం నుంచి దివ్యకు ఇబ్బందులు ఎదురై ఉంటాయని ఒక వాదన. ఒకవేళ అలాంటి ఇబ్బందులు ఎదుర్కొని ఉంటే...అవేంటో త్వరలోనే ఆమె మాటల్లో వినవచ్చు.– చైతన్య వంపుగాని, సాక్షి, న్యూదిల్లీ

పాతికేళ్ల వయసులో జాబ్ చేస్తూ బాగా సంపాదించాలని అందరూ అనుకుంటారు. కానీ 23 ఏళ్ల వయసులో బ్యాంకింగ్ ఉద్యోగాన్ని వదిలి తనకు ఇష్టమైన కొండలు, అడవులు, ట్రెక్కింగ్‌ వైపు అడుగులు వేసాడు విజయ్ ప్రతాప్ సింగ్. అదే అతన్ని సక్సెస్ వైపు తీసుకెళ్లింది, కోట్ల రూపాయల ఆదాయం గడించేలా చేసింది.ఉత్తరప్రదేశ్‌లోని బులంద్‌షహర్‌కు చెందిన విజయ్ చదువుల కోసం డెహ్రాడూన్‌కు వెళ్లిన తర్వాత ప్రకృతికి చాలా దగ్గరయ్యాడు. ఖాళీ సమయం దొరికినప్పుడల్లా అడవులు, కొండల్లో తిరిగేవాడు. అదే ఆసక్తి తర్వాత సొంత వ్యాపారం పెట్టాలనే ఆలోచనకు దారితీసింది.ట్రెక్కింగ్‌తో సొంత కంపెనీవిజయ్ అడ్వెంచర్ ట్రావెల్ కంపెనీని ప్రారంభించాడు. ట్రెక్కింగ్ ట్రిప్స్‌, అవుట్‌డోర్ కార్యక్రమాలను నిర్వహించడం ద్వారా కంపెనీని క్రమంగా అభివృద్ధి చేశాడు. ఉద్యోగం వదిలే ముందే కంపెనీని ఎలా నడపాలనే దానిపై ప్లాన్ చేసుకున్నాడు. స్నేహితుల సహాయంతో వెబ్‌సైట్‌, సోషల్ మీడియా పేజీలు ఏర్పాటు చేసి ట్రెక్కింగ్ బుకింగ్స్‌ ప్రారంభించాడు. 2016లో 12 మంది విద్యార్థులను చోప్టా-తుంగ్‌నాథ్ ట్రెక్‌కు తీసుకెళ్లడంతో అతని ట్రెక్ లీడర్ ప్రయాణం మొదలైంది.శిక్షణతో బలమైన టీమ్ట్రెక్కింగ్‌పై ఆసక్తి ఒక్కటే మాత్రమే సరిపోదని విజయ్‌ అర్థం చేసుకున్నాడు. కొండల్లో భద్రత చాలా ముఖ్యమని భావించి నెహ్రూ ఇన్‌స్టిట్యూట్ ఆఫ్ మౌంటెనీరింగ్‌లో ప్రత్యేక శిక్షణ తీసుకున్నాడు. తర్వాత శిక్షణ పొందిన ట్రెక్ లీడర్లతో 10 మంది సభ్యుల టీమ్‌ను ఏర్పాటు చేశాడు. వీరిలో కొందరికి మౌంటెనీరింగ్‌, సెర్చ్ అండ్ రెస్క్యూ, ఫస్ట్ ఎయిడ్‌లో శిక్షణ ఉంది. ట్రెక్కింగ్‌కు వచ్చే వారి ఆరోగ్య పరిస్థితిని కూడా ముందుగానే పరిశీలిస్తారు.రూ.10 కోట్ల వరకు ఆదాయంగత ఎనిమిదేళ్లలో తన అడ్వెంచర్ ట్రావెల్ కంపెనీ ద్వారా లడఖ్‌, హిమాచల్ ప్రదేశ్‌, ఉత్తరాఖండ్‌, సిక్కిం, నేపాల్ వంటి ప్రాంతాలకు ట్రెక్కింగ్ ట్రిప్స్ నిర్వహించారు. ఈ కంపెనీ ఇప్పటివరకు సుమారు రూ.10 కోట్ల ఆదాయం పొందినట్లు సమాచారం. అయితే.. ఎక్కువ ట్రెక్కులు నిర్వహించడం కంటే.. ప్రతి గ్రూప్‌కు మంచి అనుభవం ఇవ్వడానికే విజయ్‌ ప్రాధాన్యం ఇస్తున్నాడు. అందుకే ఏడాదికి 10 నుంచి 20 ట్రెక్కులు మాత్రమే నిర్వహిస్తున్నారు. భవిష్యత్తులో ఎవరికీ పెద్దగా తెలియని కొత్త ట్రెక్కింగ్ మార్గాలను గుర్తించి, వాటిని అభివృద్ధి చేయాలనేది తన లక్ష్యమని విజయ్‌ పేర్కొన్నారు.ఇదీ చదవండి: ఖాతాదారులకు అలర్ట్.. ఈ తేదీల్లో బ్యాంకులు బంద్!

ఉత్తరప్రదేశ్‌ రాజకీయాల్లో 2027 అసెంబ్లీ ఎన్నికలు దగ్గరపడుతున్న కొద్దీ సమాజ్‌వాదీ పార్టీ వ్యూహం స్పష్టమవుతోంది. ఆ పార్టీ అధినేత అఖిలేశ్‌ యాదవ్‌ కంటే ఇప్పుడు ఆయన భార్య, మైన్‌పురి ఎంపీ డింపుల్‌ యాదవ్‌ ఎక్కువగా రాజకీయ వేదికలపై కనిపిస్తున్నారు. ఒకప్పుడు కుటుంబ రాజకీయాల ఆరోపణలకు దూరంగా ఉంచిన ఆమెనే ఇప్పుడు బీజేపీని ఎదుర్కొనేందుకు అఖిలేశ్‌ కీలక అస్త్రంగా ముందుకు తెస్తున్నట్లు కనిపిస్తోంది.2017లో రాహుల్‌ గాంధీ చేసిన కుటుంబ రాజకీయాల విమర్శల నేపథ్యంలో అఖిలేశ్‌.. తన భార్య డింపుల్‌ యాదవ్‌ ఇక ఎన్నికల్లో పోటీ చేయరని ప్రకటించారు. కానీ ఆ హామీ ఎక్కువ కాలం నిలవలేదు. 2019లో కన్నౌజ్‌ నుంచి పోటీ చేసి ఓడిన డింపుల్‌.. ములాయం సింగ్‌ యాదవ్‌ మరణం తర్వాత 2022లో మైన్‌పురి లోక్‌సభ ఉప ఎన్నికలో భారీ మెజారిటీతో గెలిచారు. 2024లోనూ అదే నియోజకవర్గం నుంచి విజయం సాధించారు. వరుస విజయాలతో ఆమె కేవలం యాదవ్‌ కుటుంబ వారసురాలిగానే కాకుండా, సొంత రాజకీయ గుర్తింపు ఉన్న నాయకురాలిగా ఎదిగారు.జంతర్‌ మంతర్‌ నుంచి లక్నో వరకు..ఈ మధ్యకాలంలో డింపుల్‌ రాజకీయం మరింత దూకుడుగా కనిపిస్తోంది. ఢిల్లీలో జంతర్‌ మంతర్‌ వద్ద జరిగిన విద్యార్థుల ఆందోళనల్లో ఆమె పాల్గొనడం, గాయపడిన నిరసనకారులను పరామర్శించడం చర్చనీయాంశమైంది. అఖిలేశ్‌ పార్లమెంట్‌లో ఉండగా.. డింపుల్‌ రోడ్డుపై నిరసనకారుల మధ్య కనిపించడం ఆమెకు నెక్ట్స్‌లెవల్‌ పొలిటికల్‌ ఇమేజ్‌ను తీసుకొచ్చింది.ఆగస్టు 26న లక్నోలోని లోహియా సభాగార్‌లో నిర్వహించిన కార్యక్రమంలోనూ డింపుల్‌ కేంద్రబిందువుగా నిలిచారు. మహిళా ఎంపీలు, ఎమ్మెల్యేలతో నిండిన వేదికపై అఖిలేశ్‌ ఒక్కరే ఉన్నారు. డింపుల్‌ కార్యక్రమాన్ని ప్రారంభించి ‘స్త్రీ సమ్మాన్‌ సమృద్ధి యోజన’ను ప్రకటించారు. సమాజ్‌వాదీ పార్టీ అధికారంలోకి వస్తే అర్హులైన మహిళలకు ఏటా రూ.40 వేల ఆర్థిక సాయం అందిస్తామని ప్రకటించడం ద్వారా బీజేపీ మహిళా ఓటు బ్యాంకుపై నేరుగా గురిపెట్టారు.మహిళా ఓటర్లే లక్ష్యంఉత్తరప్రదేశ్‌లో సమాజ్‌వాదీ పార్టీకి చాలాకాలంగా మహిళా ఓటర్ల మద్దతు బలహీనంగా ఉంది. 2022 అసెంబ్లీ ఎన్నికల్లో మహిళా ఓటర్లలో బీజేపీకి ఎస్పీ కూటమిపై గణనీయమైన ఆధిక్యం లభించింది. గతంలో ఎస్పీ పాలనలో శాంతిభద్రతలు, మహిళల భద్రత అంశాలను బీజేపీ పదేపదే ప్రచారాస్త్రంగా ఉపయోగించింది.ఇప్పుడు డింపుల్‌ను ముందుకు తీసుకురావడం ద్వారా ఆ ప్రతికూల ముద్రను కొంతమేర మార్చాలని అఖిలేశ్‌ భావిస్తున్నట్లు రాజకీయ పరిశీలకులు అంచనా వేస్తున్నారు. మహిళల భద్రత, రాజకీయ ప్రాతినిధ్యం, సంక్షేమ పథకాలపై డింపుల్‌ గళం వినిపిస్తున్నారు. మహిళలను ‘ఆధీ ఆబాదీ’(మెజారిటీ సమాజం)గా పరిగణిస్తూ పీడీఏ(పిచ్డా(OBC), దళిత్, అల్పసంఖ్యక్) సామాజిక సమీకరణాన్ని మరింత విస్తరించాలన్న సంకేతాలను ఇస్తున్నారు.ఆ ఫలితాలే ధైర్యానిచ్చాయా?2024 లోక్‌సభ ఎన్నికలు ఎస్పీకి కొత్త ఊపునిచ్చాయి. ఉత్తరప్రదేశ్‌లో ఆ పార్టీ 37 స్థానాలు గెలుచుకుంది. ఇండియా కూటమి మొత్తం 43 స్థానాలను దక్కించుకుంది. ఈ ఫలితాల నేపథ్యంలో లోక్‌సభ విజయాన్ని 2027 అసెంబ్లీ ఎన్నికల్లోనూ పునరావృతం చేయాలని అఖిలేశ్‌ వ్యూహం రచిస్తున్నారు. ముఖ్యంగా మహిళా ఓటర్లలో బీజేపీకి ఉన్న పట్టు సడలిస్తేనే అసెంబ్లీ పోరులో ఎస్పీకి గణనీయమైన లాభం చేకూరే అవకాశం ఉంది. అందుకే డింపుల్‌ యాదవ్‌ను మహిళా ముఖంగా ముందుకు తీసుకురావడం వ్యూహాత్మక నిర్ణయంగా కనిపిస్తోంది.రాజకీయంగా అఖిలేశ్‌ దూకుడైన నేతగా కనిపిస్తే.. డింపుల్‌ అదే పోరాటాన్ని మరింత సౌమ్యమైన శైలిలో ప్రజల్లోకి తీసుకెళ్లగలరన్న అంచనా ఉంది. కుటుంబ వారసత్వం నుంచి వచ్చినప్పటికీ రెండు విజయాలతో తనకు తానుగా ఓ రాజకీయ బలం సంపాదించుకున్నారన్నది ఎస్పీ వర్గాల నమ్మకం. అందుకే ఒకప్పుడు కుటుంబ రాజకీయాల విమర్శల నుంచి తప్పించేందుకు ఎన్నికలకు దూరంగా ఉంచిన డింపుల్‌.. ఇప్పుడు 2027లో అఖిలేశ్‌కు బీజేపీపై పోరులో అత్యంత కీలకమైన రాజకీయ అస్త్రంగా మార్చుతున్నారనే విశ్లేషణలు యూపీ రాజకీయాల్లో నడుస్తున్నాయి.ఇదీ చదవండి: విజయ్‌.. సర్లే.. ఎన్నెన్నో అనుకుంటాం!

ఉత్తరప్రదేశ్‌లో శాంతిభద్రతలపై ప్రతిపక్షాల విమర్శలు కొనసాగుతున్న వేళ.. హర్యాన్వీ గాయకుడు, యూట్యూబర్‌ అంకిత్‌ బల్యాన్‌ హత్య కేసులో కీలక పరిణామం చోటుచేసుకుంది. అంకిత్‌పై కాల్పులు జరిపినట్లు అనుమానిస్తున్న ఇద్దరిని పోలీసులు ఎన్‌కౌంటర్‌లో హతమార్చారు. సోమవారం వేకువ జామున షామ్లీ ఇండస్ట్రీయల్‌ ఏరియాలో ఈ ఘటన చోటు చేసుకుంది. పరారైన మరికొందరి కోసం పోలీసులు గాలింపు ముమ్మరం చేశారు.హరియాణాలో పుట్టి పెరిగిన అంకిత్‌ బల్యాన్‌.. యూపీకి వలస వచ్చి స్థిరపడ్డాడు. తొలుత కబడ్డీ ప్లేయర్‌గా రాణించి.. గాయం కారణంగా సంగీతం వైపు మళ్లాడు. యూట్యూబ్‌ వీడియోలతో పాటు హర్యాన్వీ సాంగ్స్‌తోనూ మాంచి గుర్తింపు దక్కించుకున్నాడు. సోషల్‌ మీడియాలోనూ ఆయన వీడియోలకు విపరీతమైన పాపులారిటీ ఉంది. అయితే.. ఆగస్టు 26న సాయంత్రం షామ్లీ జిల్లా కోత్వాలి పీఎస్‌ పరిధిలో ఓ జిమ్‌ బయట అంకిత్‌ బల్యాన్‌ దారుణ హత్యకు గురయ్యాడు.జిమ్‌ నుంచి బయటకు వచ్చి తన కారు వైపు వెళ్తున్న అంకిత్‌పై రెండు బైక్‌లపై వచ్చిన నలుగురు దుండగులు కాల్పులు జరిపారు. సీసీటీవీ ఫుటేజీలో నిందితులు అంకిత్‌ వైపు దూసుకొచ్చి వరుసగా కాల్పులు జరుపుతున్న దృశ్యాలు నమోదయ్యాయి. కనీసం 16 రౌండ్లు కాల్పులు జరిగినట్లు సమాచారం. తీవ్రంగా గాయపడిన అంకిత్‌ను వెంటనే సమీపంలోని కమ్యూనిటీ హెల్త్‌ సెంటర్‌కు తరలించారు. అయితే అప్పటికే ఆయన మృతిచెందినట్లు వైద్యులు నిర్ధారించారు. ఘటనపై కేసు నమోదు చేసిన పోలీసులు సీసీటీవీ దృశ్యాలు, మొబైల్‌ ఫోన్‌ డేటా, ఇతర సాంకేతిక ఆధారాలను పరిశీలిస్తూ నిందితుల కోసం గాలింపు చేపట్టారుఅయితే ఈ కేసులో అనుమానితులుగా భావిస్తున్న ఇద్దరు ఈ ఉదయం ఎన్‌కౌంటర్‌ అయ్యారు. వాళ్ల పేర్లు సుమిత్‌, మోహిత్‌గా పోలీసులు నిర్ధారించారు. అయితే వాళ్లు ఏ గ్యాంగ్‌? ఎందుకు అంకిత్‌ను హతమార్చారు అనేదానిపై ఇంకా ఓ కొలిక్కి రాలేదు. పరారీలో ఉన్న మరో ఇద్దరి కోసం గాలింపు ఉధృతం చేసినట్లు మాత్రమే వెల్లడించారు.భార్య తీవ్ర హెచ్చరికహత్య అనంతరం అంకిత్‌ కుటుంబం పోలీసులపై తీవ్ర ఆగ్రహం వ్యక్తం చేసింది. తన భర్త హత్యకు బాధ్యులైన వారిని వెంటనే అరెస్టు చేయాలని అంకిత్‌ భార్య డిమాండ్‌ చేశారు. నాలుగు రోజుల్లో హంతకులను పట్టుకోకపోతే ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ నివాసం ఎదుట ఆత్మాహుతికి పాల్పడతానని ఆమె హెచ్చరించారు.నా కొడుకు ఎవరితోనూ గొడవ పడలేదు.. అతడికి ఎలాంటి శత్రుత్వం లేదు. అన్యాయంగా అతడిని చంపారు. నా కొడుకును ఎలాగైతే చంపారో.. ఆ హంతకులనూ అలాగే చంపాలి అని సీఎం యోగికి అంకిత్‌ తండ్రి విజ్ఞప్తి చేశాడు. దీంతో.. పోలీసులు అంకిత్‌ కుటుంబాన్ని కలిసి దర్యాప్తు వేగవంతం చేస్తామని హామీ ఇచ్చారు. ఈ పరిణామం జరిగిన కొద్దిరోజుల్లోనే ఇద్దరు అనుమానితులు ఎన్‌కౌంటర్‌లో హతమవడం కేసులో కీలక మలుపుగా మారింది.గోగీ గ్యాంగ్‌ పేరు తెరపైకిఅంకిత్‌ హత్య జరిగిన కొన్ని గంటల్లోనే సోషల్‌ మీడియాలో ఓ వ్యక్తి తాను హరియాణాలోని సోనిపట్‌కు చెందిన భోలు షాపురి అని చెప్పుకుంటూ.. ఈ హత్యకు గోగీ గ్యాంగ్‌ బాధ్యత వహించినట్లు ప్రకటించాడు. దీంతో కేసులో గ్యాంగ్‌వార్‌ కోణం తెరపైకి వచ్చింది. అయితే ఈ ప్రకటనను పోలీసులు అధికారికంగా ధ్రువీకరించలేదు. అంకిత్‌కు ఎవరితోనైనా పాత వివాదాలు ఉన్నాయా? వ్యక్తిగత కక్షలే హత్యకు కారణమా? గ్యాంగ్‌ ప్రమేయం ఉందా? అనే కోణాల్లో దర్యాప్తు సాగుతోంది. ఎన్‌కౌంటర్‌లో మృతిచెందిన ఇద్దరు అనుమానితుల నుంచి లభించే సమాచారం కేసు దర్యాప్తులో కీలకంగా మారే అవకాశం ఉంది.యోగి సర్కార్‌పై విమర్శలుఅంకిత్‌ బల్యాన్‌ హత్య ఘటన ఉత్తరప్రదేశ్‌లో శాంతిభద్రతలపై మరోసారి రాజకీయ దుమారం రేపింది. సమాజ్‌వాదీ పార్టీ, కాంగ్రెస్‌ సహా విపక్షాలు యోగి ప్రభుత్వాన్ని లక్ష్యంగా చేసుకుని విమర్శలు గుప్పించాయి. రాష్ట్రంలో సామాన్యులతో పాటు ప్రముఖులకు కూడా భద్రత లేకుండా పోయిందని ఆరోపించాయి. ఎస్‌పీ అధినేత అఖిలేశ్‌ యాదవ్‌ ఈ హత్యపై తీవ్రంగా స్పందించారు. రాష్ట్రంలో శాంతిభద్రతల పరిస్థితి దిగజారిపోయిందని విమర్శించారు. వ్యక్తిగత కక్షలతో పాటు రాజకీయ కోణాన్ని కూడా పరిశీలించాలని డిమాండ్‌ చేశారు. దీంతో ఈ హత్య కేవలం నేర ఘటనగానే కాకుండా రాజకీయ అంశంగానూ మారింది.ఎవరీ అంకిత్‌ బల్యాన్‌?33 ఏళ్ల అంకిత్‌ బల్యాన్‌ హర్యాన్వీ సంగీతంలో గుర్తింపు పొందిన గాయకుడు, యూట్యూబర్‌. షామ్లీకి చెందిన ఆయనకు ఇన్‌స్టాగ్రామ్‌లో ఐదు లక్షలకు పైగా ఫాలోవర్లు, యూట్యూబ్‌లో మూడు లక్షలకు పైగా సబ్‌స్క్రైబర్లు ఉన్నారు. సంగీతంలోకి రాకముందు అంకిత్‌ రాష్ట్రస్థాయి కబడ్డీ క్రీడాకారుడిగా ఉన్నారు. 2013–14 వరకు ఢిల్లీ, భోపాల్‌ తదితర ప్రాంతాల్లో జరిగిన పోటీల్లో పాల్గొన్నారు. కాలికి గాయం కావడంతో కబడ్డీకి దూరమై అనంతరం జిమ్‌లో చేరారు. 2022 ప్రాంతంలో హర్యాన్వీ సంగీతంపై దృష్టి పెట్టారు.గాయకుడిగా మాత్రమే కాకుండా గీత రచయితగా, సంగీత స్వరకర్తగా కూడా పనిచేశారు. తన కెరీర్‌లో 50కి పైగా పాటలతో ప్రేక్షకులకు చేరువయ్యారు. ‘భారీ కోర్ట్‌ మే గోలి మారేంగే’, ‘బాడీ బిల్డర్‌’, ‘పీటీఐ’, ‘ఏక్‌ ఖటోలా జైల్‌ కే భీతర్‌’ వంటి పాటలతో పాపులర్‌ అయ్యారు. ఆయన పాటలు, వీడియోల్లో తుపాకులు, గొడవలు, గ్యాంగ్‌లు, లగ్జరీ కార్ల ప్రస్తావనలు తరచూ కనిపించేవి. త్వరలో జరగనున్న పంచాయతీ ఎన్నికల్లో పోటీ చేయాలని కూడా అంకిత్‌ భావిస్తున్నట్లు గతంలో సమాచారం వచ్చింది.హత్యకు కొన్ని గంటల ముందు..అంకిత్‌ హత్యకు కొన్ని గంటల ముందే తన కొత్త పాట ‘బేబీ బద్మాష్‌’కు సంబంధించిన వీడియోను ఇన్‌స్టాగ్రామ్‌లో పోస్ట్‌ చేశారు. అందులో హత్యను ప్రస్తావించే కొన్ని పంక్తులను పాడారు. హత్య తర్వాత ఆ వీడియో సోషల్‌ మీడియాలో వైరల్‌గా మారింది. అయితే ఆ పాటకు, హత్యకు మధ్య ఏదైనా సంబంధం ఉందా? అన్నది మాత్రం ఇప్పటివరకు స్పష్టంగా తెలియలేదు.ఇదీ చదవండి: జాక్‌పాట్‌ కొట్టిన కానిస్టేబుల్‌.. ఏకంగా కోట్లలో లాటరీ!

విదేశాల్లో లక్షల జీతం.. ఐఏఎస్‌లో ప్రతిష్ఠాత్మక కెరీర్‌.. అయినా ఆమె ఎందుకు అన్నింటినీ వదిలేశారు? 13 ఏళ్ల సుదీర్ఘ ఐఏఎస్‌ ప్రస్థానానికి దివ్య మిట్టల్‌ స్వచ్ఛందంగా ముగింపు పలికారు. ఉన్నత పదవి, అధికారం, గుర్తింపు ఉన్నప్పటికీ తన జీవితానికి అవే అంతా కాదని తేల్చిచెప్పారు. ఎలాంటి ఒత్తిడి లేదని, ఆకస్మిక నిర్ణయం కాదని స్పష్టం చేసిన ఆమె.. కుటుంబం, వ్యక్తిగత ఆసక్తులు, జీవితంలో చేయాలనుకున్న మరిన్ని పనుల కోసమే ఈ కీలక నిర్ణయం తీసుకున్నట్లు వెల్లడించారు. ఇదే సమయంలో ఆమె..‘ఐఏఎస్‌ నా జీవితంలో ఒక అధ్యాయం మాత్రమే.. నా మొత్తం జీవితం కాదు’ అంటూ ఆమె చేసిన వ్యాఖ్యలు ఇప్పుడు చర్చనీయాంశంగా మారాయి. మరోవైపు.. ఆమె రాజీనామా అంశంపై అఖిలేష్‌ యాదవ్‌ సంచలన వ్యాఖ్యలు చేశారు.2013 బ్యాచ్‌కు చెందిన దివ్య మిట్టల్‌ యూపీలోని దేవరియా, మీర్జాపూర్‌, సంత్‌ కబీర్‌నగర్‌ జిల్లాలకు జిల్లా మేజిస్ట్రేట్‌గా పనిచేశారు. ప్రస్తుతం రెవెన్యూ బోర్డులో స్పెషల్‌ సెక్రటరీగా ఉన్నారు. ఈ నేపథ్యంలో రాజీనామాపై స్పందించిన దివ్య మిట్టల్‌.. ‘ఐఏఎస్‌ ఉద్యోగం నా జీవితంలో ఒక అధ్యాయం మాత్రమే.. నా మొత్తం ఉనికి కాదని అన్నారు. తన ఇద్దరు కుమార్తెలు, కుటుంబ బాధ్యతలతో పాటు చాలాకాలంగా తనకు ఉన్న ఆసక్తులను కూడా ఇకపై కొనసాగించాలని భావిస్తున్నట్లు తెలిపారు. రచన, బోధన లేదా సామాజిక సేవలో ఏదైనా చేయొచ్చని ఆమె వెల్లడించారు. అయితే భవిష్యత్‌ ప్రణాళికపై ఇంకా తుది నిర్ణయం తీసుకోలేదన్నారు.అఖిలేష్‌ సంచలన వ్యాఖ్యలు..మరోవైపు.. ఐఏఎస్‌ అధికారి దివ్య మిట్టల్‌ రాజీనామా రాజకీయ రంగు పులుముకుంది. ఆమె నిర్ణయంపై స్పందించిన సమాజ్‌వాదీ పార్టీ అధినేత అఖిలేష్‌ యాదవ్‌.. ఉత్తరప్రదేశ్‌లో నిజాయితీగా పనిచేసే అధికారులకు స్వేచ్ఛ లేకుండా పోయిందని ఆరోపించారు. యోగి ప్రభుత్వంలో నిజాయితీగల అధికారులు పనిచేయలేకపోతున్నారు. అవినీతి కారణంగా వారు విధులు నిర్వర్తించలేకపోతున్నారు. అధికారులపై అంత ఒత్తిడి ఉంది.. రిటైర్మెంట్‌కు ముందే ఉద్యోగాలను వదిలేస్తున్నారు అంటూ విమర్శలు గుప్పించారు.విదేశాల్లో భారీ జీతాలు.. అయినా భారత్‌కు తిరిగిఐఐటీ ఢిల్లీ, ఐఐఎం బెంగళూరులో చదువుకున్న దివ్య మిట్టల్‌.. లండన్‌లో ఉద్యోగం కూడా చేశారు. జేపీ మోర్గాన్‌లో పనిచేసిన ఆమెకు అక్కడ మంచి కెరీర్‌ ఉండేది. ఆమె భర్త, మాజీ ఐఏఎస్‌ అధికారి గగన్‌దీప్‌ సింగ్‌ ధిల్లాన్‌ కూడా సిటీ గ్రూప్‌లో పనిచేశారు. అయితే విదేశాల్లో మంచి జీతాలు, విజయవంతమైన కెరీర్‌ ఉన్నప్పటికీ ఏదో లోటుగా అనిపించడంతో ఇద్దరూ భారత్‌కు తిరిగివచ్చారు. అనంతరం దివ్య మిట్టల్‌ సివిల్‌ సర్వీసెస్‌లోకి ప్రవేశించారు. 2012లో రెండో ప్రయత్నంలో ఆల్‌ ఇండియా 68వ ర్యాంక్‌తో ఐఏఎస్‌ సాధించారు.దేవరియా నుంచి మీర్జాపూర్‌ వరకు..ఉత్తరప్రదేశ్‌లో వివిధ కీలక బాధ్యతలు నిర్వహించిన దివ్య మిట్టల్‌ తన పోస్టింగులు తనకు పరిపాలనకు మించిన జీవిత పాఠాలను నేర్పాయని చెప్పారు. దేవరియాలో సరైనదాని కోసం నిలబడటం బాధ్యత అని నేర్చుకున్నానని, మీర్జాపూర్‌లో ‘‘అసాధ్యం’’ అనేది వాస్తవం కాదు.. ఒక అభిప్రాయం మాత్రమే అని తెలుసుకున్నానని పేర్కొన్నారు. ప్రస్తుతం ఆమె సమర్పించిన రాజీనామా ఇంకా ఆమోదం పొందలేదు. యూపీ ప్రభుత్వం సిఫార్సు చేసిన అనంతరం తుది నిర్ణయం కేంద్ర హోంశాఖ తీసుకోనుంది.ఆమె సేవలో గుర్తుండిపోయే అంశాలులహురియాదహ్‌కు నల్లా నీరు: మిర్జాపూర్‌లోని లహురియాదహ్‌ గ్రామ ప్రజలు చాలా కాలంగా ట్యాంకర్‌ నీటిపై ఆధారపడేవారు. దివ్య మిట్టల్‌ హయాంలో అక్కడ పైపుల ద్వారా నీటి సరఫరా అందింది. తాజా కథనాలు దీనిని ఆమెకు గుర్తుండిపోయే ప్రజా సేవగా పేర్కొంటున్నాయి. కాగా, పదవి పోతుంది.. కానీ ప్రజల మనసుల్లో మిగిలే జ్ఞాపకాలు పోవు. లహురియాదహ్‌లో నల్లా నీరు వచ్చిన రోజు ఓ వృద్ధురాలి ఆశీర్వాదం తనతో జీవితాంతం ఉంటుందని దివ్య మిట్టల్‌ చెప్పడం.. ఆమె 13 ఏళ్ల ప్రస్థానానికి అద్దం పడుతోంది. ఇప్పుడు ఐఏఎస్‌కు రాజీనామా చేసినా ప్రజా సేవకు పూర్తిగా దూరం కావాలనుకోవడం లేదని ఆమె సంకేతాలిచ్చారు. ఐఏఎస్‌కు దివ్య మిట్టల్‌ వీడ్కోలు పలికినా.. తన లక్ష్యాలకు మాత్రం కాదని ఆమె మాటలు స్పష్టం చేస్తున్నాయి.ఇదీ చదవండి: మాట్లాడింది.. రాహులా? భగవతా?

ఉత్తర ప్రదేశ్‌కు చెందిన ఐఏఎస్ అధికారిణి దివ్య మిట్టల్‌ రాజీనామా పెద్ద సంచలనంగా మారింది. ఇండియాలో IAS అధికారిగా రాణించిన ఆమె 13 ఏళ్ల కరియర్‌లో ఎన్నో విజయాలు, మరెన్నో కీలక మైలు రాళ్లు. 75 ఏళ్ల నాటి నీటి సమస్య పరిష్కారం మొదలు రాజీనామా వరకు దివ్యమిట్టల్‌ ప్రస్తానం వైరల్‌గా మారింది. ఇన్నేళ్ల సర్వీసు తరువాత రాజీనామా చేయడంతో మాజీ బ్యూరోక్రాట్ దంపతులు దేశవ్యాప్తంగా హాట్‌ టాపిక్‌గా మారారు.దివ్య మిట్టల్‌, ఆమెభర్త గగన్‌దీప్, లండన్‌లో లక్షల విలువైన ప్యాకేజీని వదిలిపెట్టి భారతదేశానికి తిరిగి వచ్చారు. భారతదేశానికి తిరిగి వచ్చిన తర్వాత, గగన్‌దీప్ సింగ్ ధిల్లాన్ తన మొదటి ప్రయత్నంలోనే యూపీఎస్సీ పరీక్షలో ఉత్తీర్ణత సాధించి ఐఏఎస్ ర్యాంకును పొందగా, దివ్య మిట్టల్ 2012లో తన రెండవ ప్రయత్నంలో అఖిల భారత ర్యాంకు 68 సాధించారు. అలా డియోరియాలో కలెక్టర్‌గా పనిచేస్తున్న సమయంలోనే ఆమె పలుమార్లు వార్తల్లో నిలిచారు. స్థానిక ప్రజాప్రతినిధులు ఆమెకు వ్యతిరేకంగా నిరసనలు వ్యక్తం చేయడంతోపాటు, అనేక ఫిర్యాదులు ప్రభుత్వానికి అందాయి. కేవలం బీజేపీ ఎంఎల్‌ఏ ఆరోపణలు, ఫిర్యాదుల కారణంగా మే 6న డియోరియా నుండి బదిలీ చేశారా? లాంటి ప్రశ్నలు తలెత్తున్నాయి. దివ్య మిట్టల్‌ ప్రత్యేకతలు, వివాదాలు లండన్‌లో ట్రేడింగ్ వృత్తిని వదిలిపెట్టిన మరీ IAS అధికారి కావాలనే కల సాకారం కోసం ఆమె ఇండియాకు తిరిగి వచ్చారు. మీర్జాపూర్ జిల్లా కలెక్టర్‌గా (2023) పనిచేసిన సమయంలో జల్ జీవన్ మిషన్ కింద ఆమె చేసిన కృషి, సేవ ప్రత్యేకంగా నిలుస్తుంది.దేశానికి 1947లో స్వాతంత్ర్యం వచ్చినప్పటికీ, మీర్జాపూర్‌లోని లహరియా దాహ్ గ్రామానికి నీటి సౌకర్యాన్ని కల్పించింది మాత్రం దివ్య మిట్టలే అని మీర్జాపూర్ ప్రజలు ఇప్పటికీ చాలా గర్వంగా చెప్పుకుంటారు. ఆమెను ఎంతో గౌరవిస్తారు. ఈ నేపథ్యంలో రాబోయే అసెంబ్లీ ఎన్నికల్లో ఆమె మీర్జాపూర్ నుండి పోటీ చేసే అవకాశం ఉందా అనే ఊహాగానాలు వెలుగులోకి వస్తున్నాయి.क्या जीवन में थक गए हो? मेरी स्वरचित कुछ पंक्तियाँ आपके लिए - ‘रुकना मत’ pic.twitter.com/egSijXFKgT— Divya Mittal (@divyamittal_IAS) July 29, 2026 లహూరియా దాహ్ గ్రామానికి పైపుల ద్వారా నీటి సరఫరా లేదు. కానీ ఆమె కృషితో జల్ జీవన్ మిషన్ కింద ఆ గ్రామానికి 75 ఏళ్లలో తొలిసారిగా కుళాయి నీరు అందింది. ఈ విషయాన్ని ఆమె తన రాజీనామా లేఖలో ప్రత్యేకంగా ప్రస్తావించారు. కొండ ప్రాంతం, పైప్‌లైన్‌లు విజయవంతంగా అందుబాటులోకి వచ్చాయి. 125 ఇళ్లకు కనెక్షన్లు, సుమారు 1,200 మంది నివాసితులు లబ్ధి పొందారు. సుదీర్ఘ తీవ్రమైన తాగునీటి సంక్షోభానికి తెరపడింది. అంతకుముందు, కాలానుగుణంగా వచ్చే నీటి ఊటపై, ఖరీదైన ప్రైవేట్ ట్యాంకర్లే ఆధారం. నీటి కోసం ప్రతీ రోజూ కాలి నడకన వెళ్లి అష్టకష్టాలు పడాల్సి వచ్చేది.అయితే ఈ ​కార్యక్రమంలో ఆమెను ప్రోటోకాల్‌ పాటించలేదంటూ స్థానిక బీజేపీ ఎమ్మెల్యే ముఖ్యమంత్రి యోగీ ఫిర్యాదు చేసినట్టు తెలుస్తోంది. ఆయనను ఆహ్వానించలేదనే ఆరోపణల మధ్య ఆమెను బదిలీ చేశారన్న ఆరోపణలు గుప్పు మన్నాయి. ఆ తరువాత దివ్యను బదిలీ చేశారు. 'వెయిటింగ్ లిస్ట్'లో ఉంచారు. అంతేకాదు కొత్తగా వేసిన పైప్‌లైన్‌ను గుర్తు తెలియని వ్యక్తులు ధ్వంసం చేయడంతో నీటి సరఫరా మళ్లీ నిలిచిపోయింది. గ్రామాన్ని తిరిగి నీటి సంక్షోభంలోకి వెళ్లిపోయింది. నెలల తరబడి అధికారిక పోస్టింగ్ లేకుండా నిరీక్షణ జాబితాలో ఉన్న దివ్య మిట్టల్ చివరికి తన పదవికి రాజీనామా చేశారు.వంతెన నిర్మాణంలో నిర్లక్ష్యం వహించినందుకు దివ్య ఒక PWD అధికారిని మందలించారు. ఆ సమయంలో, ఎండ తీవ్రతను ప్రస్తావిస్తూ, నీడలో కూర్చుని మాట్లాడాలని ADM ఆమెను కోరారు. దానికి ఆమె సరదాగా స్పందిస్తూ, " మిత్రమా, అది కేవలం ఎండ మాత్రమే కదా—కాస్త ఓపిక పట్టు, మనం కరిగిపోము కదా..." అని బదులివ్వడం పలువుర్ని ఆకట్టుకుంది. అంతేకాదు అక్రమ ఆక్రమణకు సంబంధించిన ఫిర్యాదుపై కనుంగో-లేఖ్‌పాల్‌ను మందలిస్తున్న వీడియో ఒకటి వైరల్ అయింది."దీన్ని మీరు సర్కస్‌లా మార్చేశారు. ఈ వ్యవహారం మొత్తాన్ని విచారించి నివేదిక సమర్పించండి. ఇకపై ఇలాంటి పనులు చేయకండి. నిజంగానే, మిమ్మల్ని జైలుకు పంపిస్తాను." అంటూ తీవ్రంగా హెచ్చరించిన వైనం అప్పట్లో పెద్ద సంచలనం.ఇదీ చదవండి: యూపీలో సీనియర్‌ ఐఏఎస్‌ అధికారిణి రాజీనామా కలకలంఅప్పుడు భర్త, ఇప్పుడు భార్యఐఏఎస్ అధికారి దివ్య మిట్టల్ భర్త గగన్ దీప్ సింగ్ కూడా వాణిజ్య మరియు పరిశ్రమల మంత్రిత్వ శాఖలో జాయింట్ డైరెక్టర్‌గా పనిచేస్తున్న సమయంలో,2022లో తన పదవికి రాజీనామా చేశారు. వీరిద్దరూ అత్యున్నత స్థాయి అధికారులు, పైగా ఇప్పుడు ఇద్దరూ తమ పదవులకు రాజీనామా చేయడంతో వీరి భవిష్యత్‌ ప్రణాళిక ఏంటి అనేది ఆసక్తికరంగా మారింది. ఉద్యోగానికి రాజీనామా చేసి, ఆ తర్వాత ఆమె భర్త దేశీయంగా, అంతర్జాతీయంగా వ్యాపారం చేసే ఒక సంస్థను స్థాపించారు. మరోవైపు గత నాలుగు నెలలుగా ఆమెకు ఎటువంటి కీలక బాధ్యతలు అప్పగించకపోవడంతో, ఇప్పుడు ఆమె తన భర్త వ్యాపారానికి సహకరించడం లేదా రాజకీయాల్లోకి అడుగుపెట్టడం వంటి నిర్ణయాలు తీసుకునే అవకాశం ఉందని అంచనా. కాగా గగన్‌ దీప్‌ సింగ్‌ హర్యానాలోని రేవారి జిల్లాకు చెందినవారు. గగన్ దీప్ సింగ్ 2011 బ్యాచ్‌కు చెందిన ఐటీఎస్ (ITS) అధికారి.రాజీనామాకు ఆమె చెప్పిన కారణంతన నిర్ణయం ఎలాంటి ఒత్తిడి లేదా ప్రేరేపణ ఫలితంగా తీసుకోలేదని, ఇది పూర్తిగా ఆలోచించి తీసుకున్న వ్యక్తిగత కుటుంబ నిర్ణయమని స్పష్టం దివ్య మిట్టల్ చేశారు. తన ప్రాధాన్యతలు, ఆసక్తులు, ఇద్దరు కుమార్తెలు, కుటుంబాన్ని దృష్టిలో ఉంచుకుని ఈ నిర్ణయం తీసుకున్నానని ఆమె స్పష్టం చేశారు. భవిష్యత్తులో ఆమె రచన, బోధన, సామాజిక సేవ వంటి రంగాలలోకి ప్రవేశించవచ్చని తెలిపారు. ‘‘ఐఏఎస్ ఉద్యోగం నా జీవితంలో ఒక అధ్యాయం మాత్రమే, నా జీవితం మొత్తం కాదు" అని పేర్కొనడం గమనార్హం.మోటివేషనల్‌ వీడియో వైరల్‌ ‘‘అలసిపోతే, నిద్రపోండి, మీ హృదయం నిండిపోతే, ఏడవండి, కానీ ఆగిపోకండి’’ అంటూ దివ్య మిట్టల్ పాత స్ఫూర్తిదాయక వీడియో వైరల్ అవుతోంది.

సాక్షి, లక్నో : ఉత్తర్ ప్రదేశ్ కేడర్‌కు చెందిన 2013 బ్యాచ్ ఐఏఎస్ అధికారిణి దివ్య మిట్టల్ తీసుకున్న సంచలన నిర్ణయం నెట్టింట వైరల్‌గా మారింది. యూపీ రెవెన్యూ శాఖలో ప్రత్యేక కార్యదర్శిగా పనిచేస్తున్న దివ్య మిట్టల్, 13 ఏళ్ల సుదీర్ఘ కరియర్‌కు రాజీనామా చేశారు. సోషల్ మీడియా ద్వారా తన నిర్ణయాన్ని ప్రకటిస్తూ, ప్రజా సేవలో గడిపిన తన సంవత్సరాలను ఒక మరపురాని అధ్యాయంగా మిట్టల్ అభివర్ణించారు.ఐఏఎస్‌లో 13 ఏళ్ల సుదీర్ఘ కెరీర్‌ను ముగిస్తూ, మిట్టల్ తన దృష్టిలో, అధికారిక పదవిని వదిలివేయడం అంటే, తనను భారతదేశానికి తిరిగి తీసుకువచ్చిన ఉన్నతమైన లక్ష్యాన్ని విడిచిపెట్టడం కాదని వ్యాఖ్యానించారు. తాను ఈ పదవిని వీడుతున్నప్పటికీ, సేవ వైపు తనను ఆకర్షించిన గొప్ప కల మాత్రం కొనసాగుతుందని ఆమె అన్నారు. అదే విధంగా ప్రజా సేవపై తన మారుతున్న అవగాహన గురించి, తన వృత్తి జీవితంలో తాను కనుగొన్న ఉద్దేశ్యం గురించి ప్రధానంగా ప్రస్తావించారు. ఒకప్పుడు తన కోసం తాను కన్న వ్యక్తిగత కలలు ఇప్పటికే నెరవేరాయని, ఇప్పుడు తాను ఇతరుల కోసం కన్న కలల కోసం జీవించాలను కుంటున్నానని మిట్టల్ తన రాజీనామా లేఖలో పేర్కొన్నారు.‘‘ఈ నేల నాకు విద్యను, ఆత్మవిశ్వాసాన్ని ఇచ్చింది. ఆ రుణం తీర్చుకోవడానికే సివిల్ సర్వీసెస్‌లోకి వచ్చాను" అని భావోద్వేగంతో చెప్పుకొచ్చారు. తాను ఒకప్పుడు విజయంగా భావించిన దానిని సాధించి నప్పటికీ, ఏదో అసంపూర్ణంగా మిగిలిపోయిందని అనిపించిందని ఆమె తన రాజీనామా లేఖలో గుర్తు చేసుకున్నారు. భారతదేశానికి దూరంగా జీవించడం తనను కలవరపెట్టిందనీ, అందుకే దేశానికి తిరిగి వచ్చి ఐఏఎస్‌లో చేరినట్టు చెప్పుకొచ్చారు. లండన్‌లో ఉన్నతమైన కార్పొరేట్ ఉద్యోగాన్ని వదిలి దేశసేవ కోసం భారత్ వచ్చినమిట్టల్‌ తాజా రాజీనామా చర్చకు దారి తీసింది. आज मैंने 13 वर्षों की अविस्मरणीय यात्रा को अपनी इच्छा से विराम देते हुए IAS से त्यागपत्र दे दिया है।साधारण परिवेश में पलते हुए मैंने एक अच्छे, सफल जीवन का सपना देखा था। दिन-रात एक कर IIT दिल्ली और IIM बैंगलोर से पढ़ने के बाद, लंदन में नौकरी लग गयी। पर 'सब कुछ' पा लेने पर भी कुछ… pic.twitter.com/4VRXpK8nu8— Divya Mittal (@divyamittal_IAS) August 30, 2026 అలాగే కుటుంబాలు తొలిసారిగా భూమి హక్కులను పొందడం, దివ్యాంగులు గౌరవప్రదంగా జీవించే అవకాశాలను పొందడం, రైతులు తమ పొలాలకు నీటిని అందుకోవడం వంటివి చూడటమే ప్రజా సేవలో అత్యంత సంతృప్తి నిచ్చిన ఉదంతాలన్నారు. ప్రజలకు ఏదైనా ఇవ్వాలనే ఉద్దేశ్యంతోనే ప్రజా సేవలోకి ప్రవేశించానని , అయితే, సంవత్సరాలు గడిచేకొద్దీ, వారి సంతోషం, ఆప్యాయత , నమ్మకం రూపంలో తాను వారి నుండి అంతకంటే ఎంతో ఎక్కువ పొందానంటే సంతోషాన్ని వెలిబుచ్చారు. తన పదవీ కాలంలో తనతో పాటు పనిచేసిన సహోద్యోగులకు, అధికారులకు ,ఉద్యోగులకు కూడా ఈ సందర్భంగా కృతజ్ఞతలు తెలిపారు. తనకు లభించిన ప్రేమ, మర్యాద, ఆప్యాయత తనకు ఎంతో సంతృప్తినిచ్చాయని, కష్ట సమయాల్లో కూడా ముందుకు సాగడానికి అవి తోడ్పడ్డాయన్నారు.లహూరియా దేహ్ గ్రామానికి మొదటిసారిగా నీరు రావడం చూసి, ఒక వృద్ధురాలు వణుకుతున్న చేతులతో తన తలను తాకడాన్ని మిట్టల్ గుర్తు చేసుకున్నారు. ఈ ప్రాజెక్ట్ 75 ఏళ్ల నిరీక్షణ తర్వాత 125 కుటుంబాలకు పైపుల ద్వారా కుళాయి నీటిని అందించింది. తన వీడ్కోలు ప్రసంగంలో, పరిపాలన ,బాధ్యతపై తన అవగాహనను తీర్చిదిద్దడంలో ఈ రెండు పోస్టింగ్‌లే కీలకమని వ్యాఖ్యానించడం విశేషం. న్యాయమైన దాని పక్షాన నిలబడటం ఒక ఐచ్ఛికం కాదని, అది ఒక కర్తవ్యం అని డియోరియా తనకు నేర్పించిందనీ. "అసాధ్యం అనేది వాస్తవం కాదు, కేవలం ఒక అభిప్రాయం మాత్రమే" అని మీర్జాపూర్ తనకు నేర్పించిందన్నారు. అయితే లండన్‌లో ఉన్నతమైన కార్పొరేట్ ఉద్యోగాన్ని వదిలి దేశసేవ కోసం భారత్ వచ్చినమిట్టల్‌ తాజా రాజీనామా చర్చకు దారి తీసింది. మరోఆణిముత్యం లాంటి ఆఫీసర్‌ను కోల్పోయాం అంటూ సోషల్‌ మీడియాలో విమర్శలు వెల్లువెత్తాయిఇదీ చదవండి: Nepal Flash Floods 1600 మందిని కాపాడిన ఒకే ఒక్కడు!ఎవరీ దివ్య మిట్టల్ఢిల్లీకి చెందిన ఈమె ఐఐటీ ఢిల్లీనుంచి ఇంజినీరింగ్, ఐఐఎమ్ బెంగళూరు నుంచి మేనేజ్‌మెంట్ పూర్తి చేశారు. లండన్‌లో ఫైనాన్స్ విభాగంలో అధిక జీతంతో కూడిన ఉద్యోగం సాధించినప్పటికీ, దేశానికి సేవ చేయాలనే తపనతో ఆ ఉద్యోగానికి రాజీనామా చేసి భారత్‌కు తిరిగొచ్చారు. UPSC సాధించి IAS అధికారిణిగా మారారు. అలా మిట్టల్ తన ఐఏఎస్ కెరీర్‌లో యూపీలోని మీర్జాపూర్ , సంత్ కబీర్ నగర్, జిల్లాల కలెక్టర్‌గా పనిచేశారు. అలాగే రెవెన్యూ శాఖలో స్పెషల్ సెక్రటరీగా సేవలు అందించారు. ముఖ్యంగా మీర్జాపూర్‌లోని 'లహురియా దిహ్' (Lahuriya Dih) కొండ ప్రాంత గ్రామానికి తొలిసారిగా తాగునీరు అందించడంలో ఆమె కీలక పాత్ర పోషించారు. మిట్టల్ మే నెలలో డియోరియా నుండి లక్నోకు రెవెన్యూ శాఖలో ప్రత్యేక కార్యదర్శిగా బదిలీ అయ్యారు. ఆమె భర్త గగన్‌దీప్ సింగ్ కూడా ఐఏఎస్ అధికారి. ఐఐటి ఢిల్లీ, ఐఐఎం బెంగళూరు పూర్వ విద్యార్థి.ఇదీ చదవండి: తుకారాం ముండేకు భారీ ఎదురు దెబ్బ, హైకోర్టు మండిపాటు

లక్నో: ఉత్తరప్రదేశ్‌కు చెందిన ఓ మహిళ 9 ఏళ్ల పాటు తన గల్ల (పిగ్గీ బ్యాంక్‌)లో డబ్బు దాచుకుంది. చివరకు ఆ డబ్బుతో కారు, ఫోన్ లేదా మరేదైనా విలాసవంతమైన వస్తువు కొనకుండా, ఓ స్థలం కొనుగోలు చేసింది.ఇన్‌స్టాగ్రామ్‌ వినియోగదారు దీక్షా జైస్వాల్ తన ఖాతాలో ఈ వీడియోను షేర్‌ చేశారు. 2017 నుంచి ఏళ్ల తరబడి డబ్బు దాచుకోవడం ద్వారా తాను ఏం సాధించానో అందులో చూపించారు.వీడియోలో దీక్షా నవ్వుతూ తన పిగ్గీ బ్యాంక్‌ను ఖాళీ చేస్తూ కనిపించారు. ఏళ్ల తరబడి జాగ్రత్తగా దాచుకున్న నోట్ల కట్టలు, నాణేలను బయటకు తీశారు. "2017 నుంచి డబ్బు దాచుకోవడం ద్వారా ఏం సాధించారు?" అని వీడియోలో ఒకరు ప్రశ్నించింది.ఆ తర్వాత దీక్షా ఓ బ్యాగ్‌తో నడుస్తూ కనిపించారు. అందులోంచి 7 నుంచి 8 నగదు కట్టలను బయటకు తీశారు. తాను దాచుకున్న డబ్బుతో పెద్ద కొనుగోలు చేయబోతున్నట్లు ఇది సూచించారు.తర్వాతి దృశ్యంలో ఆ డబ్బుతో ఆమె ఏం కొనుగోలు చేశారో వెల్లడైంది. వాహనం లేదా మరో ఖరీదైన వస్తువు కొనకుండా, దీక్షా ఓ స్థలంలో పెట్టుబడి పెట్టారు.ఆ తర్వాత ఆమె తన కుటుంబ సభ్యులు, స్నేహితులతో కలిసి ఫొటోలకు పోజులిచ్చారు. తన తాజా పెట్టుబడిని గర్వంగా చూపిస్తూ, ఏళ్ల తరబడి డబ్బు దాచుకున్న తర్వాత సాధించిన విజయాన్ని జరుపుకున్నారు.ఈ వీడియో ప్రేక్షకులను ఆకట్టుకుంది. కాలక్రమంలో విలువ కోల్పోయే వస్తువుపై డబ్బు ఖర్చు చేయకుండా, ఆస్తిలో పెట్టుబడి పెట్టిన ఆమె నిర్ణయాన్ని పలువురు ప్రశంసించారు.ఓ వినియోగదారు ఇన్నేళ్లు డబ్బు దాచుకున్న తర్వాత ఆమె కారు కొనకపోవడం సంతోషంగా ఉందని చెప్పారు. మరో వినియోగదారు తన సొంత సంపాదనతో ఓ మహిళ ఆస్తిలో పెట్టుబడి పెట్టడం చూసి "చాలా సంతోషంగా, చాలా గర్వంగా ఉంది" అని చెప్పారు. ఇదే సరైన మార్గమని పేర్కొన్నారు.మరికొందరు ఆమె చివర్లో కారు, ఫోన్ లేదా బంగారం చూపిస్తారని ఊహించినట్లు చెప్పారు. కానీ ఆమె తీసుకున్న నిర్ణయం చూసి ఆనందం కలిగిందన్నారు. ఓ ప్రేక్షకుడు తన ఫీడ్‌లో కనిపించిన వారిలో ఆమెనే తెలివైన వ్యక్తి అని పేర్కొన్నారు. చిన్న వయసులోనే ఆమె పెట్టుబడులపై అవగాహన కలిగి ఉండటం బాగుందన్నారు. View this post on Instagram A post shared by Diksha Jaiswal (@djmadgirl)

నన్ను కూడా చేర్చుకోండి సార్‌! నాకు చాలా అనుభవం ఉంది!!

ఐటీ రాజధానిగా పేరొందిన బెంగళూరు.. కార్పొరేట్‌ హబ్‌గా వెలుగుతున్న ముంబైలను దాటుకుని అందరి అంచనాలను తలకిందులు చేస్తూ, స్కిల్స్‌ రేస్‌లో ఉత్తరప్రదేశ్‌ నెంబర్‌ వన్‌ పీఠాన్ని కైవసం చేసుకుంది! ఇండియా స్కిల్స్‌ రిపోర్ట్‌ 2026 విడుదల చేసిన తాజా గణాంకాలే ఇందుకు నిదర్శనం. 78.64 శాతం ఎం΄్లాయబిలిటీ రేటుతో ఉత్తరప్రదేశ్‌ అగ్రస్థానంలో నిలవగా.. ఇందులో మహిళలే ఎక్కువ అర్హత గలవారిగా రికార్డు సృష్టించారు. ఉద్యోగానికి కావాల్సింది చేతిలోని డిగ్రీలు కాదు... స్కిల్స్‌ కూడా అవసరమే అని నిరూపించారు.ఇన్నాళ్లూ మహారాష్ట్ర, కర్ణాటక, కేరళ వంటి రాష్ట్రాలదే హవా అనుకున్న ప్రతి ఒక్కరినీ విస్తుపోయేలా చేస్తూ, ఈసారి ఉత్తరప్రదేశ్‌ యువత ప్రతిభలో టాప్‌గేర్‌ వేశారు. మారుతున్న ఉద్యోగ అవసరాలకు తగినట్టుగా నైపుణ్యాలను పెంపొందించుకుని 78.64 శాతంతో ప్రథమ స్థానాన్ని సంపాదించుకుంది. వాణిజ్య రాజధాని మహారాష్ట్ర గట్టి పోటీనిచ్చినప్పటికీ 75.42 శాతంతో రెండో స్థానానికే పరిమితమైంది. కర్ణాటక ఐటీ పవర్‌ హౌస్‌గా ఉన్నప్పటికీ 73.85 శాతంతో నైపుణ్య వృద్ధిలో మూడో స్థానానికి చేరింది. కేరళ విద్యా శ్రేణిలో ముందంజలో ఉన్నా నైపుణ్యంలో 72.16 శాతంతో నాలుగో స్థానంలో నిలిచింది. ఢిల్లీ 71.25 శాతంతో ఐదో స్థానంలో నిలిచింది.జాతీయ సగటు పెరుగుదలదేశ వ్యాప్తంగా యువత ఉద్యోగ అర్హత 2025లో 54.81% ఉండగా 2026 నాటికి 56.35% కి పెరిగింది. 2022లో ఇది 46.2% మాత్రమే ఉండేది. డిజిటల్‌ టెక్నాలజీల వినియోగం పెరగడం దీనికి ప్రధాన కారణం.మహిళలే టాప్‌ఉద్యోగార్హతలో మహిళలు (54%) మొదటిసారిగా పురుషులను (51.5%) వెనక్కి నెట్టారు! ద్వితీయ, తృతీయ శ్రేణి పట్టణాల నుంచి వస్తున్న మహిళలు బ్యాంకింగ్, హెల్త్‌కేర్, విద్యారంగాల్లో సరికొత్త రికార్డులు çసృష్టి్టస్తున్నారు.ఏఐ నైపుణ్యాలే ముఖ్యంకంప్యూటర్‌ సైన్స్‌ గ్రాడ్యుయేట్లలో అత్యధికంగా 80%, ఇన్ఫర్మేషన్‌ టెక్నాలజీ లో 78%, ఇన్స్‌స్ట్రుమెంటేషన్‌ ఇంజనీరింగ్‌లో 77% ఉద్యోగ అర్హత నమోదైంది. ఏఐ, డేటా అనలిటిక్స్, క్లౌడ్‌ కంప్యూటింగ్‌ వంటి నైపుణ్యాలు ఉన్నవారికి డిమాండ్‌ ఉంది. గ్లోబల్‌ ఏఐ టాలెంట్‌లో 16% వాటా మన భారతీయులదే.గిగ్‌ ఎకానమీ ధమాకా2030 నాటికి దేశంలో 2.35 కోట్ల మంది ఫ్రీలాన్సర్లు, గిగ్‌ వర్కర్లు రాబోతున్నారనీ.. ‘ఉదయం 9 నుంచి సాయంత్రం 5 గంటల దాకా ఆఫీస్‌ డెస్క్‌’’ అనే సాంప్రదాయ పద్ధతికి కాలం చెల్లుతోందని ఈ నివేదిక హెచ్చరిస్తోంది. పాఠ్యపుస్తకాల్లో చదివే పాతకాలపు విషయాల కంటే, కంపెనీలలో నేరుగా ఉపయోగపడే ప్రాక్టికల్‌ స్కిల్స్‌ ఉన్నవారికే ఉద్యోగాల్లో గ్రీన్‌ సిగ్నల్‌ లభిస్తోంది.అంటే మారుతున్న కాలానికి అనుగుణంగా కోడింగ్, ఏఐ టూల్స్, సాఫ్ట్‌ స్కిల్స్‌ నేర్చుకున్న యువత ఏ ప్రాంతంతోనూ సంబంధం లేకుండా ముందంజలో ఉంటరన్నమాట.ఇవి కూడా చదవండి: ఆటల్లో రాణిస్తున్నారు!

లక్నో: నేపాల్‌ నుంచి ప్రవహించే నదుల్లో ఏడు మృతదేహాలను భారత అధికారులు వెలికితీశారు. ఇవి మెరుపు వరదల్లో మృతి చెందినవారి మృతదేహాలు అయి ఉండొచ్చని అధికారులు శుక్రవారం తెలిపారు. ఈ ఘటన ఘోర వరద విపత్తు తీవ్రతను తెలియజేస్తోంది.నేపాల్‌ దక్షిణ ప్రాంతంలోని వరద ప్రభావిత చిత్వన్‌ ప్రాంతానికి సరిహద్దుగా ఉన్న ఉత్తరప్రదేశ్‌ రాష్ట్రంలోని మహారాజ్‌గంజ్‌, కుషీనగర్‌ జిల్లాల్లో నదుల్లో ఈ మృతదేహాలు కొట్టుకొస్తూ కనిపించాయి.“గుర్తుతెలియని నాలుగు మృతదేహాలను గురువారం జిల్లాలో వెలికితీశాం. అక్కడ సంభవించిన ఆకస్మిక వరదల తర్వాత అవి నేపాల్‌ నుంచి కొట్టుకొచ్చి భారత్‌లోకి ప్రవేశించి ఉంటాయని భావిస్తున్నాం” అని ” అని మహారాజ్‌గంజ్‌ జిల్లా మేజిస్ట్రేట్‌ గౌరవ్‌ సింగ్‌ సోగర్వాల్‌ ఏఎఫ్‌పీకి తెలిపారు. సరిహద్దు నుంచి నదీ ప్రవాహ దిశలో సుమారు 70 కిలోమీటర్ల దూరంలో ఉన్న కుషీనగర్‌ జిల్లాలో మరో మూడు మృతదేహాలను వెలికితీశామని పోలీసు అధికారి తెలిపారు. మృతదేహాలను గుర్తించేందుకు అధికారులు చర్యలు చేపట్టారు.కాగా, నేపాల్‌ వరదల్లో 538 మంది మృతి చెందారు. ఇందులో నేపాల్‌లో వెలికితీసిన 469, చైనాలో 3 మృతదేహాలు ఉన్నాయి. దాదాపు 1,400 మంది ఆచూకీ తెలియడం లేదు. భారత్‌లో వెలికితీసిన ఏడు మృతదేహాలను ఈ మృతుల సంఖ్యలో చేర్చలేదు.ఇదీ చదవండి: నార్వే రాజు హరాల్డ్‌-5 ఇకలేరు

ఉత్తరప్రదేశ్‌లో శాంతి భద్రతల అంశం.. మరోసారి చర్చనీయాంశమైంది. ప్రముఖ హర్యాన్వీ గాయకుడు, యూట్యూబర్‌ అంకిత్‌ బల్యాన్‌ను గుర్తుతెలియని దుండగులు కాల్చిచంపడంతో రాష్ట్రం ఉలిక్కి పడింది. షామ్లీ జిల్లాలోని కోత్వాలి పోలీస్‌ స్టేషన్‌ పరిధిలో బుధవారం సాయంత్రం ఈ ఘటన జరిగింది. ఈ ఘటనతో ఆ రాష్ట్రంలో ప్రజలకు, ప్రముఖులకు రక్షణ కరువైందని యోగి సర్కార్‌పై విమర్శలు వెల్లువెత్తాయి.పోలీసుల వివరాల ప్రకారం.. అంకిత్‌ బల్యాన్‌ జిమ్‌(33) నుంచి బయటకు వస్తుండగా బైకులపై వచ్చిన ఇద్దరు దుండగులు పలు రౌండ్లు కాల్పులు జరిపారు. దీంతో అతను అక్కడికక్కడే కూలిపోగా.. దుండగులు పరారయ్యారు. సమాచారం అందుకున్న పోలీసులు ఘటనాస్థలానికి చేరుకున్నారు. అంకిత్‌ మృతదేహాన్ని పోస్టుమార్టం కోసం తరలించారు. ఘటన జరిగిన ప్రాంతంలోని సీసీటీవీ ఫుటేజీలను పరిశీలిస్తున్నారు. నిందితుల కోసం ప్రత్యేక బృందాలను ఏర్పాటు చేసినట్లు షామ్లీ ఎస్పీ ఎం.పీ. సింగ్‌ తెలిపారు. త్వరలోనే నిందితులను పట్టుకుంటామని తెలిపారు. అంకిత్‌పై దుండగులు దాదాపు 18 రౌండ్ల కాల్పులు జరిపినట్లు సమాచారం.ఎవరీ బల్యాన్‌ఉత్తర ప్రదేశ్‌తో పాటు ఉత్తరాఖండ్‌లోనూ అంకిత్‌ బల్యాన్‌ యూట్యూబ్‌లో ఎంతో ప్రజాదరణ పొందిన గాయకుడు. ఆయన ఛానల్‌కు 3.66 లక్షలకు పైగా సబ్‌స్క్రైబర్లు ఉన్నారు. హర్యాన్వీ పాటలు, ప్రదర్శనలతో యువతలో గుర్తింపు తెచ్చుకున్నారు. ఆయన వీడియోల్లో పాటలతో పాటు లగ్జరీ కార్లు, ఆయుధాల ప్రదర్శన హైలైట్‌ అయ్యేవి. ఇదిలా ఉండగా.. అంకిత్‌ బల్యాన్‌ త్వరలో జరగనున్న పంచాయతీ ఎన్నికల్లో పోటీ చేయాలని భావిస్తున్నట్లు సమాచారం.అఖిలేష్‌ ఆగ్రహంఅంకిత్‌ హత్యపై ముఖ్యమంత్రి యోగి ఆదిత్యానాథ్‌ ఇప్పటివరకు ఎలాంటి స్పందన తెలియజేయలేదు. అయితే ఎస్సీ అధినేత, ఎంపీ అఖిలేశ్‌ యాదవ్‌ తీవ్రంగా స్పందించారు. ఉత్తరప్రదేశ్‌లో శాంతిభద్రతల పరిస్థితి పూర్తిగా దిగజారిపోయిందని విమర్శించారు. ఈ ఘటన భయాందోళనలకు కారణమైందని పేర్కొన్నారు. అంకిత్‌ తల్లి తన కుమారుడి మృతదేహాన్ని ఒడిలో పెట్టుకుని విలపించిన దృశ్యం హృదయ విదారకమని అన్నారు. వ్యక్తిగత కక్షలతో పాటు రాజకీయ కక్షల కోణంలోనూ దర్యాప్తు చేయాలని సమాజ్‌వాదీ పార్టీ అధ్యక్షుడు అఖిలేశ్‌ యాదవ్‌ డిమాండ్‌ చేశారు. మరోవైపు ఈ హత్యపై జాట్‌ వర్గంలోనూ ఆగ్రహం వ్యక్తమవుతోంది. దుండగులను వెంటనే అరెస్టు చేయాలని డిమాండ్లు వినిపిస్తున్నాయి. ఉత్తరప్రదేశ్‌లో జాట్‌లు మొత్తం జనాభాలో సుమారు 2–3 శాతం వరకు ఉంటారని అంచనాలు ఉన్నాయి. అయితే పశ్చిమ యూపీలోని షామ్లీ, ముజఫర్‌నగర్‌, బాఘ్‌పత్‌, మీరట్‌ వంటి జిల్లాల్లో వీరి ప్రభావం గణనీయంగా ఉంటుంది. కొన్ని నియోజకవర్గాల్లో జాట్‌ ఓటర్లు గెలుపోటములను ప్రభావితం చేసే స్థాయిలో ఉన్నారు.ఇప్పటికే యూపీలో శాంతి భద్రతల గురించి దేశవ్యాప్త చర్చ నడుస్తోంది. గ్యాంగ్‌స్టర్ల ఎన్‌కౌంటర్ల గురించి యోగి ప్రభుత్వ తొలి కాలంలో సానుకూల చర్చ నడిచినా.. ప్రస్తుత టర్మ్‌లో మాత్రం కాస్త వ్యతిరేకత కనిపిస్తోంది. అమాయకులు బలైపోతున్నారంటూ విమర్శలు వినిపిస్తున్నాయి. దానికి తోడు.. అభివృద్ధి అంశం పూర్తిగా పక్కకు జరిగిపోయిందనే విశ్లేషణలు నడుస్తున్నాయి. ఈ క్రమంలో.. వచ్చే యూపీ అసెంబ్లీ ఎన్నికల నేపథ్యంలో అంకిత్‌ బల్యాన్‌ హత్య రాజకీయ చర్చకు దారి తీసింది. జాట్‌ సంఘాలు దీనిని పెద్ద అంశంగా తీసుకుని ఆందోళనలు చేస్తే యోగి సర్కార్‌కు కాస్త ఇబ్బందికర పరిస్థితే ఎదురు కావొచ్చు.ఇదీ చదవండి: సీఎం కటింగ్‌ ఖరీదు 50రూ.

లక్నో: ఉత్తరప్రదేశ్‌లోని షాజహాన్‌పూర్‌ మున్సిపల్‌ కార్పొరేషన్‌కు చెందిన పలువురు కౌన్సిలర్లు లంచాల ద్వారా వచ్చిన డబ్బును తమలో తాము నిజాయితీగా పంచుకుంటామని ప్రమాణం చేసినట్లు తెలుస్తోంది. ఇందుకు సంబంధించిన వీడియో సామాజిక మాధ్యమాల్లో వైరల్‌గా మారింది. దీంతో మున్సిపల్‌ సంస్థ విచారణకు ఆదేశించింది.వీడియోలో ఒక మున్సిపల్‌ కౌన్సిలర్‌ గంగాజలం ఉన్న పాత్రను పట్టుకుని, లంచాల ద్వారా వచ్చిన డబ్బును 60 మందికి సమానంగా పంచుకుంటామని ప్రమాణం చేస్తున్నట్లుగా కనిపిస్తున్నారు. ఒక వ్యక్తి ప్రమాణం చేయిస్తుండగా.. చేతుల్లో నీటితో కొంతమంది నిలబడి ఆయన చెప్పిన మాటలను పునరావృతం చేస్తున్నట్లు కనిపిస్తోంది. సామాజిక మాధ్యమాల్లో వారిని మున్సిపల్‌ కౌన్సిలర్లుగా గుర్తించారు. అయితే వీడియో నిజమైనదా, అందులో కనిపిస్తున్న వ్యక్తులు ఎవరు అనే విషయాలను స్వతంత్రంగా ఏ వార్తా సంస్థా ధ్రువీకరించలేదు.ఆ వీడియోలో ప్రకారం.. మున్సిపల్‌ కార్పొరేషన్‌కు వచ్చిన డబ్బును 60 మంది కౌన్సిలర్లకు సమానంగా పంచుకోవాలని పేర్కొన్నారు. తమలో ఎవరైనా ఇబ్బందుల్లో పడితే అందరూ ఐక్యంగా నిలబడతామని కూడా ఆ బృందం ప్రమాణం చేసినట్లు చెబుతున్నారు. ప్రమాణాన్ని ఉల్లంఘించిన వ్యక్తిని ద్రోహిగా పేర్కొంటూ వీడియోలో అభ్యంతరకరమైన వ్యాఖ్య కూడా ఉంది.ఈ వీడియో సామాజిక మాధ్యమాల్లో కౌన్సిలర్లపై అవినీతి ఆరోపణలకు దారితీసింది. ఒక కౌన్సిలర్‌ ఆస్తులు పెరిగినట్లు కొంతమంది వినియోగదారులు చెప్పారు. 3 ఏళ్ల క్రితం ఆ వ్యక్తికి ఒక ఇల్లు మాత్రమే ఉండేదని, ఇప్పుడు అనేక ఇళ్లు, విలాసవంతమైన వాహనాలు సంపాదించారని వారు ఆరోపించారు.మున్సిపల్‌ కమిషనర్‌ సౌమ్య గురురాణి జాతీయ మీడియాతో మాట్లాడుతూ.. ఈ వీడియోను 2025 నవంబర్‌లో, మరో మున్సిపల్‌ కమిషనర్‌ బాధ్యతల్లో ఉన్న సమయంలో చిత్రీకరించినట్లు సమాచారం అందిందని తెలిపారు. “అయినప్పటికీ, మేము విచారణకు ఆదేశించాం” అని ఆమె చెప్పారు. విచారణలో వెల్లడయ్యే అంశాల ఆధారంగా తదుపరి చర్యలు తీసుకుంటామని తెలిపారు.UP councillors in Shahjahanpur reportedly took a Gangajal oath to equally share the municipal corporation’s earnings, sparking allegations of corruption and questions over public money. pic.twitter.com/P4dt07sFw4— Ground Eye 🇮🇳 (@TapasyaYaa83081) August 25, 2026

లక్నో: ఉత్తరప్రదేశ్‌లోని ఝాన్సీలో ఓ భర్త తన భార్యను ప్రియుడితో సన్నిహితంగా ఉన‍్న సమయంలో రెడ్‌హ్యాండెడ్‌గా పట్టుకున్నాడు. దీంతో, ఈ సమయంలో తన భార్య తన చేతులను పట్టుకోగా, ఆమె ప్రియుడు తనపై దాడి చేసి.. గొంతు నులిమేందుకు ప్రయత్నించాడని బాధిత భర్త ఆరోపించాడు. ఇంతలో చుట్టుపక్కల వారు అక్కడికి వచ్చి తనను కాపాడారని తెలిపాడు.బాధిత భర్తకు ఆ మహిళతో సుమారు నెలన్నర క్రితమే వివాహం జరిగింది. ఫిర్యాదు చేసేందుకు భర్త ఝాన్సీ ఎస్‌ఎస్‌పీ కార్యాలయానికి వెళ్లి తన గోడును వెల్లడించాడు. ఈ ఘటన ప్రస్తుతం ఆ ప్రాంతంలో చర్చనీయాంశంగా మారింది.చిర్‌గావ్ పోలీస్‌స్టేషన్ పరిధిలోని అతడు నివసిస‍్తున్నాడు. అతడు తన తల్లిదండ్రులతో కలిసి ఎస్‌ఎస్‌పీ కార్యాలయానికి వెళ్లాడు. జూన్ 24న మధ్యప్రదేశ్‌లోని భాండేర్‌కు చెందిన ఓ యువతితో హిందూ సంప్రదాయాల ప్రకారం వివాహం జరిగినట్లు తెలిపాడు. పెళ్లయినప్పటి నుంచి తన భార్య తనకు నిద్రమాత్రలు ఇవ్వడం ప్రారంభించిందని, తాను నిద్రపోయాక ఆమె తన ప్రియుడితో మాట్లాడుకునేదని భర్త ఆరోపించాడు.టీ, పాలలో నిద్రమాత్రలు తన భార్య టీ, పాలలో నిద్రమాత్రలు కలిపేదని, ప్రియుడితో కలిసి తనపై హత్యాయత్నానికి పాల్పడిందని బాధిత భర్త ఆరోపించాడు. ఆగస్టు 19న ప్రియుడి ఇంట్లోకి వెళ్లిన తర్వాత, ఆగస్టు 23న రెండోసారి భర్త వారిద్దరినీ రెడ్‌ హ్యాండెడ్‌గా పట్టుకున్నాడు. ఈ సమయంలో ప్రియుడు, భార్య కలిసి తన గొంతు నులిమి కొట్టారని ఆరోపించాడు. అతని అరుపులు విని వచ్చిన పొరుగువారు అతడిని కాపాడారు. ప్రస్తుతం తన ప్రాణాలకు ప్రమాదం ఉందని చెబుతూ బాధితుడు పోలీసులను న్యాయం చేయాలని కోరాడు.ఈ కేసుపై మోంఠ్ పోలీస్ సర్కిల్ అధికారి మాట్లాడుతూ.. సమాచారం అందిన వెంటనే పోలీసులు అక్కడికి వెళ్లారని, ఫిర్యాదు అందిందని తెలిపారు. ఈ ఘటనపై దర్యాప్తు జరుగుతోందని, దర్యాప్తు అనంతరం తదుపరి చర్యలు తీసుకుంటామని చెప్పారు.ఇదీ చదవండి: భారతీయ విద్యార్థులను ఆకర్షించేందుకు ఫ్రాన్స్ భారీ ప్రణాళిక

అది కేవలం నీటి సమస్యేనా.. అంతకుమించి మరేదైనానా..!? టెక్నాలజీ పెరిగింది.. అంతరిక్షానికి చేరువయ్యే మేథస్సుని అందిపుచ్చుకుంటున్నా.. ఇంకా కులం కోరల్లో మగ్గిపోతున్నారు చాలచోట్ల. వీచే గాలి, ప్రసరించే ఎండకు లేని భేదం మనిషికి మనిషికి మధ్య కులం అనే అడ్డుగోడ సృష్టించే సమస్యలకు నిలువెత్తు నిదర్శనం ఉత్తరప్రదేశ్‌లోని బుందేల్‌ ఖండ్‌లో కనిపించే సమస్య. శాస్త్రవేత్తలను సైతం దిగ్బ్రాంతికి గురిచేసే మానవీయ సమస్య.ఉత్తరప్రదేశ్‌ రాష్ట్రంలోని బుందేల్‌ఖండ్‌ ప్రాంతంలో ఎండలు మండిపోతుండటంతో నీటి కష్టాలు తీవ్రంగా మారుతున్నాయి. కరువు, తక్కువ వర్షపాతం, పెరుగుతున్న ఉష్ణోగ్రతల కారణంగా నీటి వనరులు అడుగంటిపోతున్నాయి. దీంతో అందుబాటులో ఉన్న కొద్దిపాటి నీటి కోసం ప్రజలు నిత్యం ఇబ్బందులు పడుతున్నారు. ఈ పరిస్థితి ఇప్పటికే ఉన్న కుల వివక్షను మరింత తీవ్రం చేస్తోందని పరిశోధకులు చెబుతున్నారు.జలౌన్‌ జిల్లాకు చెందిన 40 ఏళ్ల మమత పరిస్థితి ఇందుకు ఉదాహరణగా నిలుస్తోంది. వాల్మీకి సామాజిక వర్గానికి చెందిన దళితురాలైన ఆమె.. కుటుంబ సభ్యులు, పశువుల అవసరాల కోసం ప్రతిరోజూ హ్యాండ్‌పంప్‌(బోరింగ్‌) వద్దకు వెళ్లి నీటిని తీసుకువస్తోంది. గ్రామంలో ప్రభుత్వ పథకం కింద ఏర్పాటు చేసిన నల్లాలు రెండేళ్లుగా పనిచేయకపోవడంతో సుమారు వెయ్యి మంది ప్రజలు కొద్దిపాటి హ్యాండ్‌పంపులపైనే ఆధారపడుతున్నారు. దీంతో మమత రోజుకు 8 నుంచి 10 సార్లు నీటిని తెచ్చుకోవాల్సి వస్తోంది.అయితే నీటి కోసం వెళ్లే మమతకు ఎండలతో పాటు కుల వివక్ష కూడా ఇబ్బందిగా మారిందని ఆమె ఆరోపిస్తోంది. ఆధిపత్య కులాలకు చెందినవారు హ్యాండ్‌పంప్‌ వద్ద ఉన్నప్పుడు తాము నీటిని పట్టుకోలేమని, వారు వెళ్లే వరకు గంటల తరబడి వేచి ఉండాల్సి వస్తుందని చెబుతోంది. అంతేకాకుండా నిమ్నకులాలు తాకిన హ్యాండ్‌పంప్‌ని వారు వెళ్లిన తర్వాత నీటిని పోసి శుద్ధి చేస్తారని ఆరోపించింది. ఇదే తరహా అనుభవాన్ని షాజహాన్‌పూర్‌కు చెందిన శివ్‌ కూడా ఎదుర్కొంటున్నాడు. ఆధిపత్య కులాల వారు నీటిని తీసుకుంటున్నప్పుడు తమ వర్గానికి చెందినవారు హ్యాండ్‌పంప్‌ వద్దకు వెళ్లరని, ఎంత ఎండగా ఉన్నా వేచి ఉండాల్సిందేనని తెలిపాడు. కుటుంబ సభ్యులు ఎంత దాహంగా ఉన్నాసరే.. అగ్ర కులాలవారు అక్కడినుంచి వెళ్లే వరకు గంటల తరబడి వేచి ఉండాలని, గతంలో నీటి విషయంలో జరిగిన గొడవలో తన తల్లిపై దాడి కూడా జరిగిందని ఆరోపించాడు.వేసవి కాలంలో ఈ సమస్య మరింత తీవ్రంగా మారుతోంది. ఈ క్రమంలో చలికాలంలో రోజుకు 2, 3 సార్లు మాత్రమే నీటి కోసం వెళ్లే మమత.. వేసవిలో ఏకంగా 8 నుంచి 10 సార్లు నీటికోసం వెళ్లాల్సి వస్తోందని చెబుతోంది. మరోవైపు బుందేల్‌ఖండ్‌లో ఇటీవలి వేసవిలో కొన్ని ప్రాంతాల్లో ఉష్ణోగ్రతలు 48 డిగ్రీల సెల్సియస్‌కు చేరువయ్యాయి. ఆ ప్రాంతం రాతి నేల కారణంగా భూగర్భ జలాలను ఎక్కువగా నిల్వ చేసుకోలేకపోవడం, వర్షపాతం తక్కువగా ఉండటం కూడా నీటి సమస్యను అధికం చేస్తున్నాయి. అయితే నీటి వనరుల వద్ద కుల వివక్ష జరుగుతోందన్న ఆరోపణలను స్థానిక అధికారులు కొట్టివేస్తున్నారు. నీటి కొరతను ఎదుర్కొనేందుకు పైపుల ద్వారా తాగునీరు అందించడం, చెరువులను పునరుద్ధరించడం, భూగర్భ జలాలను పెంచే చర్యలు చేపడుతున్నామని వారు చెబుతున్నారు.అయితే నీటి వనరులను పెంచడం ఒక్కటే ఈ సమస్యకు పరిష్కారం కాదని పరిశోధకులు స్పష్టం చేస్తున్నారు. వాతావరణ మార్పులు, పెరుగుతున్న ఎండలు ఇప్పటికే ఉన్న సామాజిక అసమానతలను మరింత తీవ్రం చేస్తున్నాయని వారు చెబుతున్నారు. నీరు కొరతగా మారిన కొద్దీ నీటికై పోటీ పెరుగుతోందని, ఈ క్రమంలో దళితులు ఎదుర్కొంటున్న వివక్ష మరింత స్పష్టంగా బయటపడుతోందని అంటున్నారు. అందరికీ సమానంగా నీరు అందేలా చూడటంతో పాటు కుల వివక్షను తొలగించేందుకు చర్యలు తీసుకున్నప్పుడే బుందేల్‌ఖండ్‌ నీటి సమస్యకు శాశ్వత పరిష్కారం లభిస్తుందని పరిశోధకులు అభిప్రాయపడుతున్నారు.ఇవి చదవండి: పర్యావరణ హిత జీవన సేద్యం

సాక్షి, లక్నో: ఉత్తరప్రదేశ్‌లోని కురుక్షేత్రలోని పెహోవా రోడ్డులో రాజ్ ప్యాలెస్ సమీపంలో దారుణం చోటు చేసుకుంది. ఒక మహిళ భర్తను అత్యంత అమానుషంగా హత్య చేసింది. పొట్టలో కత్తితో దారుణంగా పొడవడంతో పేగులు బయటకొచ్చిన ఘటన కలకలం రేపింది. అంతేకాదు మృతుడి కాలేయం, కిడ్నీ అదృశ్యం కావడంపై మరింత ఆందోళన రేపింది. దీనిపై హర్యానా పోలీసులు దర్యాప్తు చేస్తున్నారు.యూపీలోని ధంపూర్ గ్రామానికి చెందిన రాజేష్, విమలా దేవి భార్యాభర్తలు. భార్యాభర్తల మధ్య తీవ్ర వాగ్వాదం నేపథ్యంలో భర్తను పొడిచిన తర్వాత, ఆ మహిళ అతని ప్రేగులను భవనం పైకప్పుపై ఉన్న ప్లాస్టిక్ సంచిలో కుక్కుతుండగా,ఇంటి యజమాని కంట్లోపడింది. ఇంటి యజమాని రింకు అక్కడికి చేరుకుని, రక్తపు మడుగులో పడి ఉండటాన్ని గమనించినప్పుడు, నిందితురాలు విమలా దేవి భవనం పైకప్పు పైనుంచి దూకేసింది. రాజేష్ పొట్టలో తీవ్రమైన గాయాలు అయ్యాయని, బయటకు వచ్చిన ప్రేగులను విమల ఒక ప్లాస్టిక్ సంచిలో పెడుతోందని రింకు పోలీసులకు తెలిపింది. మరోవైపు నిందితురాలు దేవి వెన్నెముకకు తీవ్ర గాయాలయ్యాయి. ఆమెను ఆసుపత్రిలో చేర్పించి, చికిత్స అందిస్తున్నారు పోలీసులు.భర్త కాలేయం, మూత్రపిండం అదృశ్యంపోస్ట్-మార్టం నివేదిక ప్రకారం, ఫోరెన్సిక్ నిపుణుడు డాక్టర్ గౌరవ్ కౌశిక్ వివరాల ప్రకారం భర్త రైట్‌ కిడ్నీ,కాలేయంలోకొంత భాగం కనిపించకుండా పోయాయి. అలాగే పొట్ట భాగంలో సుమారు 37 సెంటీమీటర్ల పొడవైన లోతైన గాటు, ప్రేగులు బయటకు వచ్చి పడి ఉన్నాయి. ఇదీ చదవండి: బిచ్చగత్తె కన్నుమూత : 30కి పైగా గోనె సంచుల్లో డబ్బువిమల, రాజేష్‌ దంపతులు సుమారు ఏడాది కాలంగా కురుక్షేత్రలో నివసిస్తుండగా, భర్త ఒక కంపెనీలో నీటి సరఫరా విభాగంలో పనిచేసేవాడు. వీరికి పిల్లలు లేరు. అయితే విమలాదేవి చేతబడి, దుష్టశక్తులను వదిలించే ప్రక్రియవంటి పనుల్లో నిమగ్నమై ఉండేదని, వారిద్దరి మధ్య తరచుగా గొడవలు జరిగేవని ఇంటి యజమాని తెలిపారు.ఇదీ చదవండి: 25 ఏళ్లకే కోట్లు సంపాదించా : ఫ్యూచర్‌లో ఏం చేయాలి?ఘటనా స్థలం నుండి పోలీసులు మూడు కత్తులను స్వాధీనం చేసుకున్నారు. అయితే, ఈ హత్యకు గల కారణం ఇంకా తెలియరాలేదు. విచారణకు సహకరించేంతగా ఆమె ఆరోగ్యం కుదుటపడ్డాక ఆమెను విచారిస్తామని ఆదర్శ్ పోలీస్ స్టేషన్ ఎస్‌హెచ్‌ఓ సురేందర్ సంధు వెల్లడించారు. ఈ అవయవాలు అదృశ్యం కావడానికి, హత్యకు మధ్య ఏదైనా సంబంధం ఉందా అనే కోణంలో పోలీసులు దర్యాప్తు చేస్తున్నారు.ఇదీ చదవండి: రోజు రూ. 50లే, ఇపుడు ఫార్చ్యూనర్ కారు : స్వీపర్‌ సక్సెస్‌ స్టోరీ వైరల్‌

కాంగ్రెస్‌ అగ్రనేత రాహుల్‌ గాంధీ మనుస్మృతిపై చేసిన వ్యాఖ్యలపై ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ తీవ్రంగా స్పందించారు. బాధ్యత గల ప్రతిపక్ష నేత హోదాలో ఆయన అలా మాట్లాడాల్సింది కాదని అన్నారు. ఈ క్రమంలో.. సంప్రదాయాలు, సంస్కృతిని అవమానించేలా రాహుల్‌ వ్యాఖ్యలు చేస్తున్నారని, యువతను తప్పుదోవ పట్టిస్తున్నారని యోగి మండిపడ్డారు.రాయ్‌బరేలీలో స్వాతంత్య్ర సమరయోధుడు రాణా బేని మాధవ్‌ బక్ష్‌ సింగ్‌ జయంతి సందర్భంగా సోమవారం నిర్వహించిన కార్యక్రమంలో ముఖ్యమంత్రి యోగి ఆదిత్యానాథ్‌ మాట్లాడారు. ఇటీవల మహారాష్ట్రలో జరిగిన ఓ కార్యక్రమంలో రాహుల్‌ గాంధీ మాట్లాడుతూ.. మహిళలు మనుస్మృతి సంకెళ్ల నుంచి బయటకు రావాలని వ్యాఖ్యానించారని యోగి ప్రస్తావించారు.“రాహుల్‌ గాంధీపై దేశానికి పెద్దగా ఆశలు లేవు. కానీ భారత పార్లమెంట్‌లో ప్రతిపక్ష నేతగా ఆయనకు ప్రజాస్వామ్యంపై బాధ్యత ఉంది. దేశ సంప్రదాయాలు, వారసత్వాన్ని విమర్శించడం మీ జన్మహక్కు అని భావిస్తున్నారా?” అని యోగి ప్రశ్నించారు. మనుస్మృతి గురించి మాట్లాడే ముందు రాహుల్‌ గాంధీ భారతీయ గ్రంథాలను అధ్యయనం చేయాలని యోగి సూచించారు. మనువు, భారతీయ సంస్కృతి గురించి తెలుసుకోవాలంటే అథర్వవేదం, శతపథ బ్రాహ్మణం, మత్స్య పురాణం వంటి గ్రంథాలను చదవాలని అన్నారు.“If you want to understand Manusmriti, read Artha Veda, Shatapatha Brahmana, you will get all information.”- CM Yogi Adityanath to Rahul Gandhi on 'Manusmriti mindset' remark pic.twitter.com/xwDfphNMVf— News Arena India (@NewsArenaIndia) August 24, 2026భారతీయ సంప్రదాయాలు, వారసత్వంపై అవగాహన లేకుండానే విమర్శలు చేయడం సరికాదని యోగి పేర్కొన్నారు. దేశ సంస్కృతిని అవమానించే వ్యాఖ్యలు చేయడం ద్వారా ప్రజలను తప్పుదోవ పట్టిస్తున్నారని మండిపడ్డారు.విదేశాల్లో భారత్‌పై విమర్శలురాహుల్‌ గాంధీ గతంలోనూ అంతర్జాతీయ వేదికలపై భారత సాంస్కృతిక వారసత్వాన్ని కించపరిచేలా మాట్లాడారని యోగి ఆరోపించారు. ఉత్తరప్రదేశ్‌ బయటకు వెళ్లినప్పుడు రాష్ట్రాన్ని, విదేశాలకు వెళ్లినప్పుడు దేశాన్ని అవమానిస్తున్నారని విమర్శించారు. దేశం ఉగ్రవాదంపై పోరాడుతున్న సమయంలో సైన్యాన్ని ప్రశ్నించేలా వ్యాఖ్యలు చేస్తున్నారని ఆరోపించారు. సరిహద్దుల్లో సైనికులు శత్రువులతో పోరాడుతున్నప్పుడు వారి చర్యలకు ఆధారాలు అడగడం సరికాదన్నారు.కాంగ్రెస్‌పైనా ఫైర్‌అయోధ్య విరాళాల చోరీ అంశం రాజకీయంగా పెను దుమారం రేపింది. అయితే ఈ వ్యవహారంలో కాంగ్రెస్‌ పార్టీ వైఖరిపై యోగి విమర్శలు గుప్పించారు. అయోధ్యలో శ్రీరాముడి ఉనికిని ప్రశ్నించిన పార్టీ ఇప్పుడు ప్రజాస్వామ్యం, సంస్కృతి గురించి మాట్లాడుతోందని అన్నారు. 1975లో విధించిన ఎమర్జెన్సీని ప్రస్తావిస్తూ.. ప్రజాస్వామ్యంపై కాంగ్రెస్‌కు మాట్లాడే నైతిక హక్కు ఉందా? అని ప్రశ్నించారు.ఈ సందర్భంగా రాయ్‌బరేలీలో సుమారు రూ.50 కోట్ల వ్యయంతో నిర్మించిన రాణా బేని మాధవ్‌ బక్ష్‌ సింగ్‌ పేరుతో ఆడిటోరియంను యోగి ప్రారంభించారు. ఆయన పేరుతో పోస్టల్‌ స్టాంపును విడుదల చేసి, స్మారక సంచికను ఆవిష్కరించారు. రాయ్‌బరేలీ జిల్లాకు ఇది చారిత్రక రోజని పేర్కొన్నారు. స్వాతంత్య్ర సమరయోధుల త్యాగాలను గుర్తు చేసుకోవడం ప్రతి ఒక్కరి బాధ్యత అని అన్నారు.రాహుల్‌ ఏమన్నారంటే..ఆగస్టు 22న మహారాష్ట్ర పుణెలో జరిగిన ‘ఛాత్రోం కీ గూంజ్‌’ కార్యక్రమంలో మహిళల హక్కులు, స్వేచ్ఛపై మాట్లాడిన రాహుల్‌ గాంధీ.. మనుస్మృతిలో మహిళల స్థానం గురించి ప్రస్తావించారు. “మనుస్మృతి ప్రకారం చిన్నతనంలో మహిళ తండ్రి ఆధీనంలో, యవ్వనంలో భర్త ఆధీనంలో, భర్త మరణించిన తర్వాత కుమారుల ఆధీనంలో ఉండాలని చెబుతుంది. మహిళ ఎప్పుడూ స్వతంత్రంగా ఉండకూడదనే ఆలోచనను నేను వ్యతిరేకిస్తున్నాను. ఇలాంటి భావనలు సిగ్గుచేటు” అని అన్నారాయన. అలాగే బీజేపీ, ఆరెస్సెస్‌లు మహిళలను చెరసాల బందీలుగానే చూస్తుంటాయని మండిపడ్డారు. ఆ వ్యాఖ్యలనే ప్రస్తావిస్తూ.. యూపీ సీఎం యోగి ఇప్పుడు విమర్శలు గుప్పించారు. #WATCH | Pune, Maharashtra: Addressing the "Chhatron Ki Goonj" program, Lok Sabha LoP and Congress MP Rahul Gandhi says, "The Manusmriti says- "in childhood, a female belongs to her father. In youth, she belongs to her husband. When her lord is dead, she belongs to her sons. A… pic.twitter.com/JsqPlnFXsy— ANI (@ANI) August 22, 2026ఇదీ చదవండి: సెల్ఫీ కోసం వచ్చినట్లు చేసి, ముద్దు పెట్టి..

పవిత్రమైన శ్రావణ మాసంలో అందునా.. అయోధ్య నగరంలో చేపల వంటకాల భోజనాలు ఏర్పాటు చేయడంపై కొందరు సాధువులు, స్థానికులు అభ్యంతరం వ్యక్తం చేశారు. రాముడు కొలువై ఉన్నచోట ఇలాంటి పనులు చేయడం ఘోర పాపమేనని తిట్టిపోస్తున్నారు. అయితే కార్యక్రమ నిర్వాహకుడు మాత్రం వ్యక్తిగత ఆహార స్వేచ్ఛ, సంప్రదాయాల పేరుతో ఈ ఏర్పాటును సమర్థించారు.అయోధ్య రామ మందిర విరాళాల గోల్‌మాల్‌ వివాదం కొనసాగుతున్న వేళ.. ఉత్తరప్రదేశ్‌ కాంగ్రెస్‌ పార్టీ అధ్యక్షుడు అజయ్‌ రాయ్‌ ఆదివారం అయోధ్యలో పర్యటించారు. తొలుత ఆయన శ్రీరామ జన్మభూమి ఆలయం, హనుమాన్‌ గఢీ ఆలయాలను సందర్శించి ప్రత్యేక పూజలు నిర్వహించారు. అనంతరం తరుణ్‌ ప్రాంతంలో కాంగ్రెస్‌ నేత రామ్‌ నిహాల్‌ నిషాద్‌ ఏర్పాటు చేసిన స్వాగత కార్యక్రమంలో పాల్గొన్నారు. ఈ కార్యక్రమానికి అజయ్‌ రాయ్‌తో పాటు కాంగ్రెస్‌ రాష్ట్ర వ్యవహారాల ఇన్‌చార్జ్‌ రాజ్‌పాల్‌ గౌతమ్‌, పార్టీ జాతీయ అధికార ప్రతినిధి అఖిలేశ్‌ ప్రతాప్‌ సింగ్‌, పూర్వాంచల్‌ ఇన్‌చార్జ్‌ అభిషేక్‌ దత్‌ తదితరులు హాజరయ్యారు.అయితే ఈ సందర్భంగా పెద్ద సంఖ్యలో వచ్చిన కార్యకర్తలు, అతిథుల కోసం రకరకాల వంటకాలు సిద్ధం చేయించారు. అందులో.. చేపల వంటకాలు స్పెషల్‌కాగా.. అదే వివాదానికి దారి తీసింది.వీడియోతో మొదలైన వివాదంకార్యక్రమ వేదిక వద్ద చేపలు వండుతున్న దృశ్యాలతో కూడిన వీడియోలు కొందరు సోషల్‌ మీడియాలో సర్క్యులేట్‌ చేశారు. భారీ వర్షం పడుతున్న సమయంలోనే అక్కడ చేపలను తీసుకుంటున్న దృశ్యాలు కనిపించాయి. అయోధ్యలో చేపల కూర వడ్డింపుపై కొందరు స్థానిక సాధువులు, హిందూ సంఘాల ప్రతినిధులు అభ్యంతరం వ్యక్తం చేశారు. శ్రావణ మాసంలో అయోధ్య వంటి పవిత్ర ప్రాంతంలో చేపల విందు ఏర్పాటు చేయడం మతపరమైన భావాలను దెబ్బతీస్తుందని వారు పేర్కొన్నారు.A Major Controversy at a Congress Event in AyodhyaA fish feast is allegedly being prepared in Ayodhya for the welcome of Uttar Pradesh Congress President Ajay Rai.Ajay Rai is scheduled to visit Arpit Lawn near the Hanuman Garhi temple, where fish is reportedly being prepared… pic.twitter.com/nY5K2SkTcy— Oxomiya Jiyori 🇮🇳 (@SouleFacts) August 23, 2026ఏం తినాలో మీరే చెప్తారా?అయితే కార్యక్రమ నిర్వాహకుడు రామ్‌ నిహాల్‌ నిషాద్‌ ఈ విమర్శలను తోసిపుచ్చారు. రాజ్యాంగం ప్రతి వ్యక్తికి తనకు నచ్చిన ఆహారం తీసుకునే హక్కును కల్పించిందని అన్నారు. సమాజంలో చేపల వేట, చేపలు తినడం సంప్రదాయంలో భాగమని పేర్కొన్న ఆయన.. శ్రావణం, భాద్రపదం వంటి నెలల పేరుతో వ్యక్తుల ఆహార అలవాట్లను ప్రశ్నించకూడదని వ్యాఖ్యానించారు.రాజకీయ దుమారంతన అయోధ్య పర్యటనలో చెలరేగిన ఈ దుమారంపై అజయ్‌ రాయ్‌ స్పందించారు. దేశంలో అణచివేత, అన్యాయం కొనసాగుతోందని యూపీ బీజేపీ ప్రభుత్వంపై విమర్శలు చేశారు. రామాలయంలో సమర్పించిన కానుకల విషయంలోనూ ఆయన ఆరోపణలు చేశారు. అక్రమాలకు పాల్పడిన వారిపై చర్యలు తీసుకోవాలని, వారిని జైలుకు పంపాలని హనుమంతుడిని ప్రార్థించినట్లు తెలిపారు. అయితే అయోధ్యలో చేపల విందు వివాదం ప్రస్తుతం ఆహార స్వేచ్ఛ, మత విశ్వాసాలు, రాజకీయ విమర్శల చుట్టూ కొత్త చర్చకు దారితీసింది.ఇదీ చదవండి: అతను సీఎం పదవికి అన్నివిధాల అర్హుడు!

ఉన్నావ్‌: ఉత్తరప్రదేశ్‌ శాసనసభ స్పీకర్‌ సతీశ్‌ మహానా అనూహ్య చర్య వివాదానికి దారి తీసింది. శనివారం ఓ కార్యక్రమంలో పాల్గొన్న మహానా జాతీయ గీతం ఆలాపన పూర్తి కాకుండానే వేదిక దిగి, అక్కడి నుంచి వెళ్లిపోవడం చర్చనీయాంశమైంది. ఉన్నావ్‌లోని ఎస్‌వీఎం ఇంటర్‌ కాలేజీలో జరిగిన సెమినార్‌కు ఆయన హాజరయ్యారు. పోలీసులు స్పీకర్‌కు గౌరవ వందనం సమర్పించారు. అనంతరం జనగణమన గీతాలాపన మొదలైంది. కొన్ని క్షణాల పాటు అక్కడే అటెన్షన్‌లో నిల్చున్న స్పీకర్‌ వెంటనే వెనుదిరిగి, వేదిక నుంచి కిందికి చేరుకున్నారు. అక్కడే సిద్ధంగా ఉన్న తన కారులో వెళ్లిపోయారు. ఇందుకు సంబంధించిన వీడియో సామాజిక మాధ్యమాల్లో వైరల్‌గా మారింది. వందేమాతరం పూర్తి ఆరు చరణాలకు బదులుగా గతంలో మాదిరిగానే రెండు చరణాలను మాత్రమే తాము ఆలపిస్తామంటూ కాంగ్రెస్‌ తీసుకున్న నిర్ణయాన్ని బీజేపీ తీవ్రంగా తప్పుబడుతున్న నేపథ్యంలో ఈ పరిణామం చోటుచేసుకుంది. దీనిపై కాంగ్రెస్‌ సోషల్‌ మీడియా విభాగం చీఫ్‌ సుప్రియా శ్రీనాథే బీజేపీ, ఆర్‌ఎస్‌ఎస్‌.. బ్రిటిష్‌ ఇన్ఫార్మర్‌లు అని విరుచుకుపడ్డారు. ‘గొప్ప బీజేపీ నేత, స్పీకర్‌ మహానా జాతీయ గీతం మధ్యలోనే ఎందుకు వెళ్లిపోయారు? కనీసం 52 సెకన్లు కూడా వేచి ఉండే సమయం ఆయనకు లేదా? జనగణమనను ఆయన అవమానించారు. మహానా క్షమాపణ చెప్పాలి’ అని డిమాండ్‌ చేశారు.

న్యూఢిల్లీ: ఒకటి కాదు.. రెండు కాదు... ఏకంగా నలభై రెండేళ్లు పోలీసుల కళ్లుకప్పాడు ఆ వ్యక్తి. ఎప్పుడో 1984లో ఢిల్లీలో హత్య చేసి పారిపోయిన నత్తూ అలియాస్‌ నథూలాల్‌ చివరకు 2026 ఆగస్టు 18న ఉత్తరప్రదేశ్‌లో పోలీసులకు చిక్కాడు. పోలీసులిచ్చిన వివరాల ప్రకారం... ఉత్తరప్రదేశ్‌లోని హర్దోయికి చెందిన నత్తూలాల్‌ ఢిల్లీలో ఉండేవాడు. 1984 మే 23వ తేదీ సీతాపూర్‌కు చెందిన మిత్రుడు బభూతి ప్రసాద్‌తో కలిసి ఢిల్లీలోని వికాస్‌పురి ప్రాంతంలో అశోక్‌ కుమార్‌ అనే వ్యక్తిని చంపాడు. అశోక్‌ కుమార్‌ ఒంటిపై బోలెడన్ని కత్తిపోట్లు కనిపించాయి. ఈ విషయమై జనక్‌పురి పోలీస్‌ స్టేషన్‌లో కేసు నమోదైంది కూడా. కేసు విచారించిన పోలీసులు బభూతి ప్రసాద్‌ను అరెస్ట్‌ చేసి నేరం చేసేందుకు వాడిన కత్తిని కూడా స్వాదీనం చేసుకున్నారు. అయితే అప్పటి నుంచి నత్తూ మాత్రం కనిపించకుండా పోయాడు. ఎలాగైనా ఈ పాత కేసును పరిష్కరించలని అనుకున్నారో ఏమో కానీ... నత్తూ అరెస్ట్‌ కోసం పోలీసులు ఒక ప్రత్యేక బృందాన్ని ఏర్పాటు చేశారు. పాత కేసు రికార్డులను నెలలకొద్దీ పరిశీలించి... సీతాపూర్, హర్దోయి ప్రాంతాల్లో తనిఖీలు చేసి నత్తూ ఆచూకీ కనిపెట్టే ప్రయత్నం చేశారు. ఈ క్రమంలోనే ఇటీవల హర్దోయిలోని పాలి ప్రాంతంలో వెరిఫికేషన్‌ జరుగుతూండగా నత్తూ బతికే ఉన్నట్లు, అప్పుడప్పుడూ సొంతూరుకు వచ్చిపోతున్నట్లు పోలీసులకు తెలిసింది. నత్తూ పోలికలతో ఉన్న వ్యక్తి గురించి ఆగస్టు 17న సమాచారం అందడంతో పోలీసులు నిఘా పెంచారు. ఆ మరుసటి రోజే నత్తూ తన ఊరి నుంచి ఫరూకాబాద్‌ వెళ్లేందుకు ప్రయతి్నస్తూండగా పట్టుబడ్డాడు.

అకస్మాత్తుగా ఉద్యోగం కోల్పోవడం తీవ్ర ఆందోళనకు గురిచేస్తుంది. అయితే, టెకీకి తన తండ్రి అందించిన అచంచలమైన మద్దతు ధైర్యాన్ని ఇచ్చింది. యూకేలో జేపీ మోర్గాన్ ఉద్యోగం నుంచి తనను తొలగించిన తర్వాత కైష్ అన్సారీ ఇన్‌స్టాగ్రామ్‌లో ఓ భావోద్వేగ వీడియోను పంచుకున్నారు. అందులో తన తండ్రి తనకు ఓదార్పునిచ్చిన తీరు కనిపించింది.గతంలో టైలర్‌గా పనిచేసిన తన తండ్రి, తన ఉద్యోగం గురించి కాకుండా ప్రధానంగా తన మానసిక ఆరోగ్యం గురించి ఆందోళన చెందారని చెప్పారు. తనను తాను జాగ్రత్తగా చూసుకోవాలని ప్రోత్సహించారని కైష్ అన్సారీ తెలిపారు. “ఈ వీడియోను సానుభూతి కోసం షేర్‌ చేయడం లేదు. కష్టకాలంలో ఉన్న ఎవరికైనా మీరు ఒంటరిగా లేరని గుర్తు చేయడానికే పంచుకుంటున్నాను. ఏ పరిస్థితుల్లోనైనా మీ కుటుంబం మీకు అండగా ఉంటుంది” అని కైష్ అన్సారీ ఇన్‌స్టాగ్రామ్‌లో పేర్కొన్నారు.అకస్మాత్తుగా ఉద్యోగం కోల్పోయిన విషయంపై కైష్‌ అన్సారీ మాట్లాడుతూ.. “ఉద్యోగం నుంచి తొలగించడం బాధాకరం. మీరు ఎంత అనుభవం ఉన్నవారైనా, ఎంత కష్టపడి పనిచేసినా.. ఒక్కసారిగా ఉద్యోగం కోల్పోతే మీపై మీకు, మీ వృత్తిపై, మీ భవిష్యత్తుపై సందేహాలు మొదలవుతాయి” అని రాశారు. కైష్ అన్సారీ ఉత్తరప్రదేశ్‌లోని డియోరా జిల్లాలోని సలేమ్‌పూర్‌కు చెందినవారు. ప్రస్తుతం యూకేలో నివసిస్తున్నారు.తండ్రి మాటలతో ధైర్యం తీవ్రమైన వృత్తిపరమైన ఆత్మన్యూనతకు గురైన సమయంలో తన తండ్రి చెప్పిన మాటలు తనకు ఎలా ధైర్యం ఇచ్చాయో ఆయన గుర్తుచేసుకున్నారు. ఆ హృదయాన్ని హత్తుకునే సంభాషణను వివరిస్తూ.. కష్టకాలంలో కుటుంబం తనపై ఉంచే నమ్మకమే అత్యంత గొప్ప ప్రేరణ అని చెప్పారు.“అయితే కొన్నిసార్లు తల్లిదండ్రులతో జరిగే ఒక్క సంభాషణ నిజంగా ముఖ్యమైన విషయం ఏమిటో గుర్తు చేస్తుంది. ఉద్యోగం కోల్పోయిన తర్వాత నా నాన్నతో జరిగిన సంభాషణలోని చిన్న భాగం ఇది. నిజాయితీగా చెప్పాలంటే, ఆయన చెప్పిన మాటలు ఆయన ఊహించిన దానికంటే నాకు ఎంతో భాగా అర్థమయ్యాయి. నా నాన్న ఎప్పుడూ నాకు అత్యంత గొప్ప ప్రేరణనిచ్చే వ్యక్తుల్లో ఒకరు. ప్రతి విజయంలోనూ, ప్రతి కష్టకాలంలోనూ ఆయనకు నాపై ఉన్న నమ్మకం ఎప్పుడూ మారలేదు. నాపై నాకు సందేహం వచ్చినప్పుడు ముందుకు సాగాలని గుర్తు చేస్తారు. అనుకున్నది అనుకున్నట్లుగా జరగనప్పుడు జీవితం అక్కడితో ముగిసిపోదని చెబుతారు” అని కైష్ అన్సారీ తెలిపారు.సంభాషణను ఎందుకు షేర్‌ చేశారు?భావోద్వేగానికి లోనైన అన్సారీ స్పందిస్తూ.. “అలాంటి మద్దతును కుటుంబం మాత్రమే ఇవ్వగలదు. ఇదే పరిస్థితిని మౌనంగా ఎదుర్కొంటున్న ఎంతోమంది ఉన్నారని నాకు తెలుసు కాబట్టే దీన్ని పంచుకుంటున్నాను. ఉద్యోగాలు కోల్పోవడం, తిరస్కరణలు, ఉద్యోగ ఇంటర్వ్యూలు విఫలంకావడం, అనిశ్చితి, ఆర్థిక ఒత్తిడి లేదా ‘ఇక నేను ఏం చేయాలి?’ అని ఆలోచించడం.. వంటి నాకు తెలుసు” అని తెలిపారు. ఉద్యోగం కోసం ప్రయత్నిస్తూ తిరస్కరణలకు గురవుతున్న వారికి, ఆర్థిక ఆందోళనతో ఇబ్బందులు పడుతున్న వారికి ఈ సందేశం ఓదార్పునిస్తుందని ఆయన ఆశించారు.“వారిలో మీరు ఒకరైతే, దయచేసి గుర్తుంచుకోండి.. ఉద్యోగం కోల్పోవడం మీ విలువకు ప్రతిబింబం కాదు. అది మీ వృత్తిలో జరిగిన ఒక సంఘటన మాత్రమే, మీ వృత్తికి ముగింపు కాదు. ఒక్క ఎదురుదెబ్బ కారణంగా ఇప్పటివరకు మీరు సాధించిన ప్రతిదాన్ని మర్చిపోకండి. నేర్చుకుంటూ ఉండండి. మెరుగుపడుతూ ఉండండి. ఉద్యోగాల కోసం దరఖాస్తు చేస్తూనే ఉండండి. నమ్మకాన్ని కోల్పోవద్దు. మనం ఇంకా కనుగొనని అవకాశాలు ముందున్నాయి. కొన్నిసార్లు జీవితం ఒక తలుపును మూసివేసి, అంతకంటే మెరుగైన దిశగా మనల్ని నడిపిస్తుంది” అని తెలిపారు.నాన్న విషయానికి వస్తే… తన తండ్రికి కృతజ్ఞతలు తెలుపుతూ అన్సారీ.. “మీ ప్రేమ, మీ మద్దతు, మీ దీవెనలు ఎప్పుడూ ముందుకు సాగేందుకు నాకు బలాన్ని ఇచ్చాయి. నేను ఉద్యోగాన్ని కోల్పోయి ఉండవచ్చు. కానీ నా ఆత్మవిశ్వాసాన్ని, నా ఆశయాన్ని, పోరాడాలనే నా సంకల్పాన్ని కోల్పోలేదు. ఈ ఎదురుదెబ్బను ఎదుర్కొని, మరింత బలంగా తిరిగి వస్తాను. అంతకంటే మంచి ఉద్యోగ అవకాశంతో తిరిగి వస్తానని ఆశిస్తున్నాను” అని తెలిపారు.నా మానసిక ఆరోగ్యం గురించి ఆందోళన తన తండ్రి తన ఉద్యోగం కోల్పోవడం గురించి ఎప్పుడూ ఆందోళన చెందలేదని, తాను ఎలా ఉన్నాననే విషయంపైనే ఎక్కువగా ఆందోళన చెందారని అన్సారీ చెప్పారు. “ఆయన ప్రధానంగా నా మానసిక ఆరోగ్యం గురించి ఆందోళన చెందారు. ఎందుకంటే నా కుటుంబానికి పూర్తి బాధ్యత నాదే. నా కుటుంబానికి ఆర్థికంగా అండగా నిలుస్తున్న ఏకైక వ్యక్తిని నేనే. ఆయన వృత్తిరీత్యా టైలర్. అందుకే నా కుటుంబం కోసం పని ప్రారంభించడానికి నాకు ఇంకా శక్తి ఉందని చెప్పారు. ప్రాథమికంగా, నాకు ఉద్యోగం వచ్చిన తర్వాత ఆయనను విశ్రాంతి తీసుకోమని నేను చెప్పాను. ప్రస్తుతం యూకేలో ఉద్యోగ మార్కెట్ కొంత కష్టంగా ఉంది. అయినప్పటికీ నాకు కొన్ని ఉద్యోగ ఇంటర్వ్యూలు వస్తున్నాయి. ఇంటర్వ్యూలకు సిద్ధమవుతున్నాను. త్వరలోనే నాకు మరింత మంచి ఉద్యోగం లభిస్తుంది” అని చెప్పారు. View this post on Instagram A post shared by Kaish Ansari (@theengineerguy_)

లక్నో: ఉత్తరప్రదేశ్ గోరఖ్‌పూర్‌లో ఇండిగో విమానానికి పెను ప్రమాదం తప్పింది. 178 మంది ప్రయాణికులు, సిబ్బందితో ఢిల్లీ నుంచి గోరఖ్‌పూర్ వెళ్తున్న ఇండిగో ఫ్లైట్ 6E 2381 ల్యాండింగ్ సమయంలో విమానం వెనుక భాగం రన్‌వేను తాకింది. దీంతో వెంటనే అప్రమత్తమైన ఫైలట్‌ వెంటనే గో-అరౌండ్ చేసి విమానాన్ని మళ్లీ గాల్లోకి తీసుకెళ్లడంతో పెనుప్రమాదం తప్పింది. అనంతరం ఎయిర్ ట్రాఫిక్ కంట్రోల్ (ATC) నుంచి అనుమతి తీసుకుని కొద్దిసేపటి తర్వాత విమానాన్ని రెండో ప్రయత్నంలో సురక్షితంగా విమానాశ్రయంలో ల్యాండ్ చేశారు. దీంతో పెను ప్రమాదం తప్పింది. విమానం ల్యాండ్ అయిన తర్వాత నిర్వహించిన సాధారణ తనిఖీల్లో దాని వెనుక భాగంలోని ఆక్సిలరీ పవర్ యూనిట్ (APU) సమీపంలో గీతలు, రాపిడి గుర్తులు కనిపించాయి. దీంతో విమానాన్ని తాత్కాలికంగా సేవల నుంచి తొలగించారు.ప్రస్తుతం విమానంపై సాంకేతిక తనిఖీలు, మరమ్మతులు జరుగుతున్నాయని అవసరమైన సాంకేతిక అనుమతులు లభించిన తర్వాత మాత్రమే విమానాన్ని తిరిగి కార్యకలాపాల్లోకి తీసుకురానున్నట్లు ఇండిగో సిబ్బంది ప్రకటించారు. ఈ ప్రభావంతో గోరఖ్‌పూర్ నుంచి ఢిల్లీ వెళ్లాల్సిన ఇండిగో ఫ్లైట్ 6E-5013 సుమారు 5 గంటల 30 నిమిషాలు ఆలస్యంగా బయలుదేరింది. కాగా ఇటీవల ఇండిగో విమానంలో తరచుగా ఇబ్బందులు తలెత్తుతున్నాయి. కోల్‌కతా–చెన్నై 6E-723 విమానంలో ల్యాండింగ్‌కు ముందు ఎడమ ఇంజిన్ పనిచేయకుండా పోయింది. చెన్నైలో ఫుల్ ఎమర్జెన్సీ ప్రకటించగా, 224 మంది ఉన్న విమానం ఒక ఇంజిన్‌తో సురక్షితంగా ల్యాండ్ అయింది.ఆగస్టు 13న భువనేశ్వర్–కోల్‌కతా ఇండిగో విమానంలో ప్రయాణికులు ఎక్కుతున్న సమయంలో పైలట్ సాంకేతిక సమస్యను గుర్తించారు. భద్రతా కారణాలతో ఆ విమానాన్ని రద్దు చేశారు. ఇలాంటి ఘటనలు తరుచుగా జరగడం ప్రయాణికులకు ఆందోళన కలిగించే విషయం

ఒకవైపు విడాకుల కేసు.. మరోవైపు రూ.1.5 కోట్ల భరణం డిమాండ్‌.. ఇంకోవైపు కుటుంబ కలహాలు.. ఇవన్నీ కలిసి ఓ కుటుంబాన్ని బలి తీసుకున్నాయా?. లక్నోలో ఓ బ్యాంకర్‌ భార్యను నడిరోడ్డుపై కాల్చి చంపి, ఇంటికి వెళ్లి సొంత సోదరినీ హతమార్చి చివరకు తాను కూడా ప్రాణాలు తీసుకున్న ఘటన సంచలనంగా మారింది. మూడు ప్రాణాలను బలిగొన్న ఈ దారుణం వెనుక అసలు కారణమేంటి?. మూడు కోణాల్లో పోలీసులు దర్యాప్తు చేస్తున్నారు. ఇప్పుడు పోలీసుల దర్యాప్తులో వెలుగులోకి వస్తున్న విషయాలు మరింత కలవరపెడుతున్నాయి.దివ్యా మిశ్రా, మానస్ బాజ్‌పాయ్‌ 2017లో వివాహం చేసుకున్నారు. మొదట వారి వైవాహిక జీవితం సాఫీగానే సాగినప్పటికీ, కొంతకాలానికి కుటుంబ వ్యవహారాలు, వ్యక్తిగత విభేదాలు తీవ్రరూపం దాల్చాయి. గత ఏడాది నవంబర్‌ నుంచి ఇద్దరూ వేర్వేరుగా ఉంటున్నారు. ఈ ఏడాది జనవరిలో దివ్య విడాకుల కోసం కోర్టును ఆశ్రయించింది.ఆగస్టు 18న కోర్టులో ఏం జరిగింది?విడాకుల కేసు విచారణలో దివ్య రూ.1.5 కోట్ల భరణం కోరిన విషయం వెలుగులోకి వచ్చింది. ఈ విచారణ అనంతరం మానస్ తీవ్ర ఆందోళనకు గురైనట్లు పోలీసులు విచారణలో తేలింది. అయితే రూ.1.5 కోట్ల డిమాండ్‌ ఒక్కటే హత్యకు కారణమని పోలీసులు ఇప్పటివరకు తేల్చలేదు. దంపతుల మధ్య ఉన్న గొడవలు, కుటుంబ సమస్యలు, ముఖ్యంగా మానస్‌ చెల్లెలు షీబాతో ఉన్న విభేదాలను కూడా దర్యాప్తులో భాగంగా పరిశీలిస్తున్నారు.ఒక్కరోజే మూడు కాల్పులుగురువారం మధ్యాహ్నం గోమతీనగర్‌లోని తన కార్యాలయం వెలుపల దివ్యపై మానస్‌ కాల్పులు జరిపినట్లు పోలీసులు చెబుతున్నారు. అనంతరం అతడు తన ఇంటికి వెళ్లాడు. అక్కడ తన 28 ఏళ్ల చెల్లెలు షీబాను కాల్చి చంపిన అనంతరం, తాను కూడా తుపాకీతో కాల్చుకుని ఆత్మహత్య చేసుకున్నట్లు ప్రాథమిక దర్యాప్తులో వెల్లడైంది. ఇంట్లోకి వెళ్లిన తర్వాత మానస్‌ గదికి తాళం వేసుకుని టీవీ శబ్దాన్ని గట్టిగా పెట్టినట్లు పోలీసులు గుర్తించారు. కాల్పుల శబ్దం బయటకు వినిపించకుండా చేసేందుకే ఇలా చేసి ఉండొచ్చని అనుమానిస్తున్నారు.వాట్సాప్‌ స్టేటస్‌లో సంచలన ఆరోపణలుదివ్యను హత్య చేసిన తర్వాత మానస్‌ పెట్టినట్లు చెబుతున్న వాట్సాప్‌ స్టేటస్‌ ఇప్పుడు కేసులో కీలక ఆధారంగా మారింది. దివ్య తనను మోసం చేసిందని ఆరోపిస్తూ, తాను భార్యను చంపినట్లు అందులో పేర్కొన్నట్లు పోలీసులు చెబుతున్నారు. అంతేకాదు, తాను, తన చెల్లెలు చనిపోతామని కూడా ఆ సందేశంలో పేర్కొన్నట్లు సమాచారం. దివ్య సోదరి, యూట్యూబర్‌ ప్రగ్యా మిశ్రా, ఆమె భర్త భరత్‌ పేర్లు కూడా ఆ సందేశంలో ఉన్నట్లు పోలీసులు చెబుతున్నారు. అయితే ప్రగ్యా, భరత్‌కు ఈ వ్యవహారంతో ఎలాంటి సంబంధం లేదని దివ్య బంధువు మయాంక్‌ దీక్షిత్‌ స్పష్టం చేశారు.ఇది కూడా చదవండి: నీ తల్లి కోసమైనా బతకాలి కదరా.. ఇది ముందే పన్నిన పథకమా?ఇప్పుడు పోలీసుల ముందు ఉన్న మరో కీలక ప్రశ్న ఇదే. మానస్‌ దివ్యను హత్య చేసేందుకు ముందుగానే ప్రణాళిక రూపొందించాడా?. మూడు తుపాకుల స్వాధీనం, సీసీటీవీ దృశ్యాలు, దివ్య కదలికలపై అతడు రెండు రోజుల పాటు నిఘా పెట్టినట్లు వచ్చిన సమాచారం.. వీటిని పోలీసులు నిశితంగా పరిశీలిస్తున్నారు. కుటుంబ సభ్యులు, బ్యాంకు ఉద్యోగులు, సెక్యూరిటీ సిబ్బంది, పొరుగువారిని పోలీసులు ప్రశ్నిస్తున్నారు. ఫోన్‌, వాట్సాప్‌, ఇతర డిజిటల్‌ ఆధారాలను కూడా విశ్లేషిస్తున్నారు. రూ.1.5 కోట్ల భరణం వివాదమే హత్యలకు కారణమా? కుటుంబ కలహాలే అసలు కారణమా? లేక మానస్‌ చివరి సందేశంలో పేర్కొన్న ఆరోపణల వెనుక మరేదైనా కథ ఉందా? ప్రస్తుతం ఈ ప్రశ్నలకు సమాధానాలు రాబట్టడమే పోలీసుల దర్యాప్తులో కీలకంగా మారింది.

లక్నో: ఉత్తరప్రదేశ్‌లోని హమీర్‌పూర్ జిల్లాలోని మౌదహా పట్టణంలో పండుగల నేపథ్యంలో ఎస్‌డీఎం, ఆహార శాఖ అధికారులు కల్తీ స్వీట్లకు వ్యతిరేకంగా తనిఖీలు నిర్వహించారు. తనిఖీల్లో భాగంగా మా వైష్ణో జై భవానీ స్వీట్ హౌస్ నిర్వాహకుడు బాబాకు ఆయన దుకాణంలో ఉన్న వెండి పూత వేసిన స్వీట్‌ను తినాలని అధికారులు చెప్పారు. అయితే దానిని తినేందుకు ఆయన స్పష్టంగా నిరాకరించారు. దుకాణదారు తినేందుకు నిరాకరించడంతో ఎస్‌డీఎం కరణ్‌వీర్ సింగ్ స్వీట్ల నమూనాలు సేకరించి, ఆ స్వీట్లను పారేయించారు. ఈ చర్యకు సంబంధించిన వీడియో ఇప్పుడు సామాజిక మాధ్యమాల్లో వేగంగా వైరల్ అవుతోంది. అధికారులు పదేపదే చెప్పినప్పటికీ ఆయన ఆ స్వీట్ తినేందుకు నిరాకరించారు. ఈ ఘటన తర్వాత ఆహార పదార్థాల నాణ్యతపై ప్రశ్నలు తలెత్తాయి.అపరిశుభ్రత, నిషేధిత వెండి పూత వాడకంఆహార శాఖ సహాయ కమిషనర్ గోరీ శంకర్, ఆహార భద్రత అధికారి మృత్యుంజయ్ కుమార్ నేతృత్వంలోని బృందం పలు దుకాణాల నుంచి నమూనాలు సేకరించి ప్రయోగశాలకు పంపింది. తనిఖీల్లో 2 దుకాణాల్లో అపరిశుభ్రత కనిపించింది. స్వీట్లలో నిషేధిత వెండి పూతను ఉపయోగించిన విషయం కూడా బయటపడింది. పరీక్షల నివేదిక వచ్చిన తర్వాత కఠిన చట్టపరమైన చర్యలు తీసుకుంటామని ఎస్‌డీఎం కరణ్‌వీర్ సింగ్ తెలిపారు.ఇదీ చదవండి: ఎల్‌ నినో: మనకు ముప్పు తట్టుకోలేని విధంగా ఏ స్థాయిలో అంటే?మార్కెట్‌లో కలకలం.. పోలీసు బలగాల మోహరింపుసంయుక్త తనిఖీల విషయం తెలియగానే మౌదహా పట్టణంలోని ఇతర స్వీట్ విక్రేతల్లో కలకలం రేగింది. ఈ చర్యల సమయంలో ప్రాంతీయ అధికారి రాజ్‌కుమార్ పాండే, కోత్వాలీ ఇన్‌చార్జ్ సంతోష్ కుమార్ పోలీసు బలగాలతో అక్కడే ఉన్నారు. పండుగల సమయంలో ప్రజల ఆరోగ్యంతో చెలగాటమాడేవారిపై చేపడుతున్న ఈ కార్యక్రమం కొనసాగుతుందని అధికారులు స్పష్టం చేశారు. View this post on Instagram A post shared by Briefly Scroll (@brieflyscroll)

ఢిల్లీ: లక్నోలోని ఐసీఐసీఐ బ్యాంక్ వెలుపల తన భర్త చేతిలో దివ్య మిశ్రా హత్యకు గురైన సంగతి తెలిసిందే. సంచలన రేపిన ఈ ఘటనలో దివ్య మిశ్రా సోదరి ప్రజ్ఞా మిశ్రా.. నిందితుడు మానస్ వాజ్‌పేయ్ గురించి దిగ్భ్రాంతికరమైన విషయాలను వెల్లడించారు. హిందీ యూట్యూబర్ అయిన ప్రజ్ఞా మిశ్రా మాట్లాడుతూ, మానస్ తన సోదరి దివ్య పట్ల చాలా క్రూరంగా ప్రవర్తించేవాడని.. అందుకే ఆమె అతని నుండి విడాకులు కోరుకుందని తెలిపారు.ఒకసారి బ్లింకిట్ (Blinkit) ద్వారా తెప్పించిన టమోటా కుళ్లిపోయిందనే కోపంతో మానస్ తన సోదరిని దారుణంగా కొట్టాడని ఎక్స్ (ట్విట్టర్) వేదికగా ప్రజ్ఞా మిశ్రా తెలిపారు. మానస్‌ను "సైకో"గా అభివర్ణించిన ప్రజ్ఞా మిశ్రా.. ఆ వ్యక్తి, అతని సోదరి కలిసి తల్లిని దారుణంగా కొట్టేవారని.. చివరకు అనారోగ్యంతో అతని సొంత తల్లి కూడా మరణించింది. దివ్య అతని నుంచి బయటపడాలని మాత్రమే కోరుకుంది. ఫ్యామిలీ కోర్టులోని కౌన్సిలర్‌తో కూడా మనస్ గొడవపడ్డాడని ఆమె ఒకసారి తనకు చెప్పిందని ప్రజ్ఞా తెలిపారు. తమ పెళ్లి జరిగిన రాత్రే ఇంటి ఖర్చులను ఏయే విధంగా దివ్య భరించాలో మానస్ ఒక జాబితా తయారు చేశాడని, దానికి దివ్య అంగీకరించిందని ప్రజ్ఞా తెలిపారు.దివ్య, మానస్‌లకు 12 ఏళ్ల క్రితం వివాహం జరిగింది. అయితే గత ఏడాది కాలంగా వారు విడివిడిగా ఉంటున్నారు. గత ఏడాది దివ్య విడాకుల కోసం దరఖాస్తు చేసుకున్నట్లు సమాచారం. దివ్య తనను మోసం చేస్తోందంటూ మానస్ ఆరోపించేవాడు. గత ఏడాది నుంచి దివ్య తన వాటా ఖర్చులను చెల్లించడం ఆపేసింది. ఆ సైకో హంతకుడి దృష్టిలో అది కూడా మోసం చేసినట్టేనా? ఇంతటి బాధను అనుభవించినప్పటికీ, దివ్య ‘తీజ్’ పండుగ సందర్భంగా ఉపవాసం ఉండాలనుకుంది. ఆమె చేతిపై మానస్‌ పేరును టాటూగా కూడా వేయించుకుంది. మనసులో అతను మారాలని బలమైన కోరిక ఉండేది” అని ప్రజ్ఞా తెలిపారు.గురువారం.. మానస్ తన భార్య పనిచేసే ప్రదేశానికి వెళ్లి, ఆమెను ఐసీఐసీఐ బ్యాంక్ బయటకు పిలిచాడు. ఆమెతో కొన్ని నిమిషాలు మాట్లాడిన అనంతరం కాల్చి చంపాడు. దివ్యను ఆసుపత్రికి తరలించగా, అప్పటికే ఆమె మృతి చెందినట్లు వైద్యులు ప్రకటించారు. ఆ తర్వాత నిందితుడు ఇంటికి తిరిగి వెళ్లి తన సోదరి శివా వాజ్‌పేయి (28)ని కూడా చంపాడు. ఆమె మానసిక ఆరోగ్య సమస్యలతో బాధపడుతున్నట్లు సమాచారం. కొన్ని నిమిషాల తర్వాత మానస్ కూడా ఆత్మహత్య చేసుకున్నాడు. మానస్ తన భార్య, సోదరిని తానే చంపినట్లు వాట్సాప్ స్టేటస్‌ పెట్టిన సంగతి తెలిసిందే.

సాక్షి, లక్నో: ఉత్తరప్రదేశ్‌లోని లక్నో గోమతీ నగర్ ప్రాంతంలో గురువారం మధ్యాహ్నం 12:15 గంటల ప్రాంతంలో దారుణమైన ఘటన వెలుగు చూసింది. ఒక బ్యాంకు ఉద్యోగి తన భార్యను, చెల్లిని కాల్చి చంపి, ఆపై తాను కూడా కాల్చుకుని ఆత్మహత్య చేసుకున్న ఘటన దిగ్భ్రాంతి రేపింది. ఈ జంటల హత్య వెనుక అసలు రహస్యాన్ని అతను వాట్సాప్‌లో స్టేటస్‌గా పెట్టాడు.మృతుడు మానస్ వాజ్‌పేయ్ (38)ఎస్‌బీఐలో పనిచేసేవాడు. గోమతీ నగర్‌లోని ICICI బ్యాంక్ బ్రాంచ్‌లో భార్య దివ్య మిశ్రా (37) రిలేషన్‌షిప్ మేనేజర్‌గా పనిచేస్తోంది.ఆటోరిక్షాలో వేచి ఉన్న భర్త పాయింట్‌ బ్లాంక్‌ రేంజ్‌లో తుపాకీతో కాల్పులు జరిపి అక్కడినుంచి పరాయ్యాడు. ఆతరువాత గోమతి నగర్‌లో ఇంటికెళ్లి దివ్యాంగురాలైన తన సోదరి శివా వాజ్‌పేయ్‌నుని కాల్చి చంపాడు. ఈ క్రమంలో వాట్సాప్‌లో ఒక మెసేజ్‌ పెట్టిన అనంతరం ఆ తర్వాత అదే తుపాకీతో తాను కూడా కాల్చుకుని ప్రాణాలు తీసుకున్నాడు.ఇదీ చదవండి: 14 ఏళ్లకే సోషల్‌ మీడియాలో సంచలనం ఎవరీ ‘ఏలియన్‌ స్టార్‌’ఈ ఘాతుకానికి పాల్పడే ముందు ‘‘నా భార్య నన్ను మోసింది, అందుకే చంపేసా. ఇపుడు నా సోదరి, నేను కూడా చనిపోవాలి. ఈ విషయాలన్నీ ఆమె సోదరి ప్రజ్ఞ , భరత్‌కు అంతా తెలుసు’’ అంటూ స్టేటస్‌ పెట్టారు. అయితే తాను పోయిన తరువాత దివ్యాంగురాలైన తన28 ఏళ్ల సోదరిని చూసుకునే వారు ఎవరూ ఉండరనే కారణంతో అతను ఆమెను చంపినట్లు భావిస్తున్నారు. దివ్య మిశ్రా సోదరి,జర్నలిస్ట్ ప్రజ్ఞా మిశ్రా యూపీ పోలీసుల అధికారిక హ్యాండిల్‌ను ట్యాగ్ చేస్తూ ఈ విషయాన్ని ట్వీట్‌ చేశారు. ఇదీ చదవండి: ఇన్‌స్టామార్ట్‌లో బొద్దింక : ఎఫ్‌డీఏ తుకారాంకు హీరోయిన్‌ విజ్ఞప్తికాగా మానస్ వాజ్‌పేయ్, దివ్య మిశ్రాలకు పెళ్లై 12 సంవత్సరాలు అయింది. వారికి పిల్లలు లేరు.భార్య ఏడాది క్రితం విడాకుల కోసం దరఖాస్తు చేసుకుంది.ఘటనా స్థలానికి చేరుకున్న పోలీసులు, ఫోరెన్సిక్ బృందాలు ఆధారాలు సేకరించి కేసు నమోదు చేసి దర్యాప్తు చేస్తున్నారు.ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

ఉత్తరప్రదేశ్‌లోని ముజఫర్‌నగర్‌ ఫాస్ట్‌ట్రాక్‌ కోర్టు న్యాయమూర్తి జస్టిస్‌ రవి కుమార్‌ దివాకర్‌ తీర్పులు ఇప్పుడు చర్చనీయాంశంగా మారాయి. గత నాలుగు నెలల్లో ఆయన 10 హత్య కేసుల్లో ఏకంగా 22 మందికి మరణశిక్ష విధించారు. ఈ నేపథ్యంలో ఆయన వద్ద విచారణలో ఉన్న మరణశిక్ష, జీవిత ఖైదు పడే అవకాశం ఉన్న సుమారు 100 హత్య కేసులను మరో కోర్టుకు బదిలీ చేశారు. అందుకు కారణం ఏంటో కూడా చెబుతున్నారు.ముజఫర్‌నగర్‌లోని అదనపు జిల్లా, సెషన్స్‌ జడ్జి రవి కుమార్‌ దివాకర్‌ వద్ద పెండింగ్‌లో ఉన్న సుమారు 100 హత్య కేసులను జిల్లా, సెషన్స్‌ జడ్జి వీరేంద్ర కుమార్‌ సింగ్‌ కోర్టుకు బదిలీ చేసినట్లు ప్రభుత్వ న్యాయవాది వెల్లడించారు. మరణశిక్ష లేదంటే జీవిత ఖైదు పడే అవకాశం ఉన్న కేసులే ఇందులో ఎక్కువగా ఉన్నాయి. జిల్లా బార్‌ అసోసియేషన్‌ అధ్యక్షుడు ప్రమోద్‌ త్యాగి ప్రకారం.. ఈ కోర్టులో విచారణ ఎదుర్కొంటున్న నిందితులకు గరిష్ఠ శిక్ష పడే అవకాశం ఉందన్న ఆందోళన న్యాయవాదులు, కక్షిదారుల్లో నెలకొంది.ఎవరీ రవి కుమార్‌ దివాకర్‌?46 ఏళ్ల రవి కుమార్‌ దివాకర్‌ 2009లో అజంగఢ్‌లో అదనపు సివిల్‌ జడ్జిగా తన న్యాయ ప్రస్థానాన్ని ప్రారంభించారు. 2015లో సుల్తాన్‌పూర్‌లో సివిల్‌ జడ్జిగా పదోన్నతి పొందారు. అనంతరం న్యాయ మేజిస్ట్రేట్‌గా పనిచేశారు. బీకామ్‌, ఎల్‌ఎల్‌ఎం పట్టాలు పొందిన ఆయన 2025 నవంబర్‌ నుంచి ముజఫర్‌నగర్‌లో అదనపు జిల్లా, సెషన్స్‌ జడ్జిగా పనిచేస్తున్నారు. 2022లో వారణాసిలోని జ్ఞాన్‌వాపి సముదాయంలో వీడియో సర్వే నిర్వహించాలంటూ ఆదేశాలు జారీ చేయడంతో ఆయన పేరు దేశవ్యాప్తంగా వార్తల్లో నిలిచింది.నాలుగు నెలల్లో 22 మరణశిక్షలు..రవి కుమార్‌ దివాకర్‌ ఇటీవల వరుసగా సంచలన తీర్పులు వెలువరించారు. ఆగస్టు 13న 12 ఏళ్ల క్రితం జరిగిన హత్య కేసులో నలుగురికి మరణశిక్ష విధించారు. షామ్లీ జిల్లాలో పాత కక్షల నేపథ్యంలో 2014లో పవన్‌ కుమార్‌ ఇంటిపై దాడి చేసి కాల్పులు జరిపిన కేసులో రామ్‌వీర్‌, రాజీవ్‌, రాహుల్‌, హరేంద్ర కుమార్‌లను దోషులుగా తేల్చారు.అంతకుముందు ఆగస్టు 12న 1999లో రూ.5 లక్షల విమోచన కోసం కలప వ్యాపారి సలీంను కిడ్నాప్‌ చేసి హత్య చేసిన షహనవాజ్‌కు ఉరిశిక్ష విధించారు. దాదాపు 27 ఏళ్ల నాటి కేసులో ఈ తీర్పు వెలువడింది. జూలై 17న 2011లో దోపిడీకి ప్రయత్నిస్తూ రైతు రాజ్‌సింగ్‌ను హత్య చేసిన కేసులో నలుగురికి మరణశిక్ష పడింది. జూలై 6న పంచాయతీ ఎన్నికల కక్షల నేపథ్యంలో 2010లో రాజ్‌బీర్‌ సింగ్‌ను హత్య చేసిన కేసులో మాజీ గ్రామ సర్పంచ్‌, అతని సహచరుడికి ఉరిశిక్ష విధించారు. ఈ కేసు ‘అత్యంత అరుదైన వాటిలో అరుదైనది’ అని కోర్టు అభిప్రాయపడింది.విధుల్లో ఉన్న హోంగార్డును హత్య చేసిన కేసులోనూ..2020లో విధుల్లో ఉన్న హోంగార్డు రతిరామ్‌ను కత్తితో పొడిచి హత్య చేసిన దీపక్‌కు జూలై 2న మరణశిక్ష విధించారు. తన తల్లిపై దాడి చేసిన నిందితుడిని అడ్డుకునేందుకు రతిరామ్‌ ప్రయత్నించడంతో ఈ హత్య జరిగినట్లు ప్రాసిక్యూషన్‌ పేర్కొంది. జూన్‌ 20న రాజేంద్ర సైనీ హత్య కేసులో గజేంద్ర, రామ్‌కిరణ్‌లకు ఉరిశిక్ష విధించారు. మే 30న 15 ఏళ్ల నాటి డబుల్‌ మర్డర్‌ కేసులో 50 ఏళ్ల రహీస్‌కు మరణశిక్ష పడింది. అతడు రాజేశ్‌ దేవి, ఆమె ఆరేళ్ల కుమారుడు హిమాంశును ఇటుకలతో కొట్టి చంపినట్లు కోర్టు నిర్ధారించింది.ఏప్రిల్‌ 28న 2019 నాటి హత్య కేసులో ఓ మహిళతో పాటు ఆమె ముగ్గురు కుమారులకు మరణశిక్ష విధించారు. ఏప్రిల్‌ 6న రూ.45 లక్షల ఆర్థిక వివాదం నేపథ్యంలో న్యాయవాది మహ్మద్‌ సమీర్‌ను కిడ్నాప్‌ చేసి హత్య చేసిన కేసులో ముగ్గురికి ఉరిశిక్ష విధించారు.ఎందుకింత చర్చ?ఒకే న్యాయమూర్తి నాలుగు నెలల వ్యవధిలో 10 కేసుల్లో 22 మందికి మరణశిక్ష విధించడం న్యాయ వర్గాల్లోనే కాదు.. ఇటు దేశవ్యాప్తంగానూ చర్చకు దారితీసింది. ముఖ్యంగా మరణశిక్ష అనేది ‘అత్యంత అరుదైన వాటిలో అరుదైన’ కేసుల్లోనే విధించాల్సిన గరిష్ఠ శిక్ష కావడంతో.. ఈ తీర్పులపై ఆసక్తి నెలకొంది. అయితే మరణశిక్ష విధించినంత మాత్రాన వెంటనే ఉరి అమలు జరగదు. భారత న్యాయవ్యవస్థలో ఇటువంటి తీర్పులకు తదుపరి న్యాయపరమైన దశలు ఉంటాయి. అప్పీళ్లు, ఉన్నత న్యాయస్థానాల పరిశీలన వంటి ప్రక్రియలు పూర్తయిన తర్వాతే తుది పరిణామం ఉంటుంది. ఈ నేపథ్యంలో దివాకర్‌ కోర్టులో పెండింగ్‌లో ఉన్న సుమారు 100 కేసుల బదిలీ ఇప్పుడు మరింత ప్రాధాన్యం సంతరించుకుంది.

సోదరుడిని కాపాడుకోవాలనే తపనతో ఒక వ్యక్తి అతడిని ఏకంగా 150 సార్లు చెంపదెబ్బలు కొట్టాడు. వైద్యుల సలహా మేరకు అలా చేశాడు. అదేంటి అనుకుంటున్నారా? అయితే నెట్టింట తెగ వైరల్‌ అవుతున్న ఈ స్టోరీ గురించి తెలుసుకోవాల్సిందే.ఉత్తరప్రదేశ్‌లోని హర్దోయ్‌కి చెందిన 21 ఏళ్ల అరుణ్‌ని అత్యంత విషపూరితమైన పాము కాటు వేసింది. నీళ్లు తెచ్చుకోవడానికి పొలానికి వెళ్లినపుడు గడ్డి బస్తాను పైకి లేపుతుండగా, అందులో దాగి ఉన్న పాము అతన్ని కాటు వేసింది.దీంతో అతడు గట్టిగా కేకలు వేశాడు. క్రమంగా అతని పరిస్థితి విషమంగా మారిపోతోంది. అరుణ్ అరుపులు విన్న అతని అన్నయ్య ఆకాష్ వెంటనే అక్కడికి చేరుకుని, అతన్ని రోడ్డు వైపు తీసుకువెళ్లాడు. అరుణ్ పరిస్థితి మరింత క్షీణించడంతో అంబులెన్స్ ,పోలీసులకు సమాచారం అందించారు.మరోవైపు అరుణ్‌ పరిస్థితి తీవ్రతను గమనించిన ఒక మెడికల్ స్టోర్ యజమాని, ఆ సోదరులిద్దరినీ తన మోటార్‌సైకిల్‌పై మెడికల్ కాలేజీకి తీసుకెళ్లాడు. మెడికల్ కాలేజీలోని ఎమర్జెన్సీ విభాగంలో, ఎమర్జెన్సీ మెడికల్ ఆఫీసర్ (EMO) డాక్టర్ షేర్ సింగ్, ఆయన బృందం వెంటనే చికిత్స ప్రారంభించారు.రెండు గంటల వ్యవధిలో 15 డోసుల యాంటీ-వెనం (విష విరుగుడు మందు) ఇచ్చారు, ఆ తర్వాత అతని ఆరోగ్యం మెరుగుపడింది. ఆ సమయంలో అతణ్ణి నిద్రపోనివ్వకుండా చూడాలని, మెలకువగా ఉంచాలను వైద్యులు సూచించారు. దీంతో ఆకాష్ తన సోదరుడి పరిస్థితిని నిరంతరం గమనిస్తూనే, అతనిపై నీళ్లు చల్లుతూ, అరుణ్‌ని 150 సార్లకు పైగా చెంపదెబ్బలు కొడుతూ అతణ్ణి మెలకువతో ఉండేలా కాపాలా కాశాడు. ఇదీ చదవండి: ప్రియుడితో కలిసి ఘాతుకం : దిండుతో అదిమి భర్త, కొడుకు హత్యపాము కాటు కేసుల్లో సాధారణంగా ఐదు డోసుల యాంటీ-వెనం ఇస్తామని డాక్టర్ షేర్ సింగ్ తెలిపారు. అయితే, అరుణ్‌పై విష ప్రభావం తీవ్రంగా ఉండటంతో, రెండు గంటల వ్యవధిలో మొత్తం 15 డోసుల యాంటీ-వెనం ఇవ్వాల్సి వచ్చిందని ఆయన చెప్పారు. అరుణ్ ప్రాణాలను కాపాడటంలో సహాయపడినందుకు కుటుంబ సభ్యులు వైద్యులకు , మెడికల్ స్టోర్ యజమానికి కృతజ్ఞతలు తెలిపారు.ఇదీ చదవండి: 14 మిలియన్ల ఫాలోవర్లు : కానీ యష్‌ ఫాలో అయ్యేది ఆమె ఒక్కర్నే!నోట్‌ : పాము కాటుకు గురైనప్పుడు వెంటనే సమీపంలోని వైద్యుడిని సంప్రదించడం చాలా అవసరం. సాధ్యమైనంత త్వరగా యాంటి వెనమ్‌ ఇంజెక్షన్స్‌ తీసుకుంటే ప్రాణాపాయం తప్పుతుంది. ఆందోళన,భయం అస్సలు మంచిది కాదు. ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

అయోధ్య రామ మందిర విరాళాల చోరీ ఆరోపణల కేసులో కీలక పరిణామం చోటుచేసుకుంది. శ్రీరామ జన్మభూమి తీర్థ క్షేత్ర ట్రస్ట్‌ మాజీ ప్రధాన కార్యదర్శి చంపత్‌ రాయ్‌కు ప్రత్యేక దర్యాప్తు బృందం క్లీన్‌చిట్‌ ఇచ్చింది. చంపత్‌తో పాటు ట్రస్ట్‌ మాజీ సభ్యుడు అనిల్‌ మిశ్రాకు కూడా కేసులో ఎలాంటి పాత్ర లేదని సిట్‌ తేల్చింది. రామ మందిరంలో భక్తులు సమర్పించిన విరాళాల నిర్వహణలో అవకతవకలు, నగదు చోరీ జరిగాయన్న ఆరోపణలు తెరపైకి రావడంతో చంపత్‌ రాయ్‌, అనిల్‌ మిశ్రా ఇద్దరూ జూన్‌ 27న తమ పదవులకు రాజీనామా చేశారు. అనంతరం విరాళాల సేకరణ, లెక్కింపు, భద్రత, నిర్వహణకు సంబంధించిన అంశాలపై SIT అధికారులు వారిని ప్రశ్నించారు. విచారణ సందర్భంగా చంపత్‌ రాయ్‌ తనకు విరాళాల చోరీతో ఎలాంటి సంబంధం లేదని స్పష్టం చేసినట్లు సమాచారం. అంతేకాకుండా అక్రమాలకు పాల్పడిన వారిపై చర్యలు తీసుకోవడానికి తానే పోలీసులకు ఫిర్యాదు చేశానని దర్యాప్తు అధికారులకు చెప్పినట్లు తెలుస్తోంది. ఈ నేపథ్యంలో ఈ కేసులో దర్యాప్తు పూర్తి చేసిన SIT తన తుది నివేదికను సోమవారం ఉత్తర్‌ప్రదేశ్‌ హోం శాఖకు సమర్పించింది. అనంతరం దానిని తదుపరి చర్యల కోసం శ్రీరామ జన్మభూమి తీర్థ క్షేత్ర ట్రస్ట్‌కు అందజేశారు.‘అక్రమాలు తెలిసిన వెంటనే చర్యలు తీసుకున్నా’విరాళాల సేకరణలో ఎలాంటి అవకతవకలు జరగకుండా చూడటం తన బాధ్యతేనని చంపత్‌ రాయ్‌ SITకు వివరించినట్లు సమాచారం. అక్రమాలు జరుగుతున్న విషయం తన దృష్టికి వచ్చిన వెంటనే చర్యలు తీసుకున్నానని చెప్పినట్లు తెలుస్తోంది. దర్యాప్తు సందర్భంగా ఆయన వాంగ్మూలంతో పాటు ఇతర ఆధారాలను పరిశీలించిన SIT.. విరాళాల చోరీలో రాయ్‌, అనిల్‌ మిశ్రా పాత్ర ఉన్నట్లు ఆధారాలు లేవని నిర్ధారించినట్లు సమాచారం.జూన్‌ 13న SIT ఏర్పాటురామ మందిర విరాళాల చోరీ ఆరోపణలపై ట్రస్ట్‌ అభ్యర్థన మేరకు ఉత్తర్‌ప్రదేశ్‌ ప్రభుత్వం జూన్‌ 13న ముగ్గురు సభ్యులతో SITను ఏర్పాటు చేసింది. లక్నో డివిజనల్‌ కమిషనర్‌ విజయ్‌ విశ్వాస్‌ పంత్‌ ఈ బృందానికి నేతృత్వం వహించారు. రేంజ్‌ ఇన్‌స్పెక్టర్‌ జనరల్‌ కిరణ్‌ ఎస్‌, ఆర్థిక శాఖ ప్రత్యేక కార్యదర్శి నీల్‌ రతన్‌ కుమార్‌ సభ్యులుగా ఉన్నారు. అయితే ఈ వ్యవహారంలో సుప్రీంకోర్టు జోక్యం చేసుకునేలోపే రాష్ట్ర ప్రభుత్వం దర్యాప్తు బృందాన్ని ఏర్పాటు చేసింది.SIT జూన్‌ 23న ప్రాథమిక నివేదికను రాష్ట్ర ప్రభుత్వానికి సమర్పించింది. విరాళాల నిర్వహణ వ్యవస్థలో పలు లోపాలను గుర్తించిన బృందం.. వాటిని సరిదిద్దేందుకు కఠినమైన సిఫార్సులు చేసింది.ఎనిమిది మందిపై FIRSIT ప్రాథమిక నివేదిక ఆధారంగా ట్రస్ట్‌ సభ్యుడు కృష్ణమోహన్‌ శ్రీరామ జన్మభూమి పోలీస్‌ స్టేషన్‌లో లిఖితపూర్వకంగా ఫిర్యాదు చేశారు. దీంతో జూన్‌ 25న పోలీసులు కేసు నమోదు చేశారు. ఎఫ్‌ఐఆర్‌లో అవినాశ్‌ శుక్లా, అనుకల్ప్‌ మిశ్రా, లవ్‌కుష్‌ మిశ్రా, మనీష్‌ కుమార్‌ యాదవ్‌, కరుణేశ్‌ పాండే, రామశంకర్‌ మిశ్రా, సుభాష్‌ శ్రీవాస్తవ, రామ్‌ శంకర్‌ యాదవ్‌ అలియాస్‌ టిన్నూ సహా పలువురి పేర్లను చేర్చారు. మరికొందరు గుర్తుతెలియని వ్యక్తులను కూడా నిందితులుగా పేర్కొన్నారు.ఈ కేసులో నిందితులందరినీ పోలీసులు అరెస్టు చేసినట్లు అధికారులు తెలిపారు. భారతీయ న్యాయ సంహిత (BNS)లోని సంబంధిత సెక్షన్లతో పాటు అవినీతి నిరోధక చట్టంలోని సెక్షన్‌ 13(1)(a) కింద కేసులు నమోదు చేశారు. SIT సమర్పించిన ప్రాథమిక నివేదిక ఆధారంగానే తదుపరి FIRలు, అరెస్టులకు సంబంధించిన చర్యలు కొనసాగాయి.తాజాగా SIT తుది నివేదికలో చంపత్‌ రాయ్‌, అనిల్‌ మిశ్రాకు క్లీన్‌చిట్‌ ఇవ్వడంతో ఈ కేసులో కొత్త పరిణామం చోటుచేసుకుంది. ఇక దర్యాప్తు నివేదిక ఆధారంగా శ్రీరామ జన్మభూమి తీర్థ క్షేత్ర ట్రస్ట్‌ తదుపరి చర్యలు తీసుకోనుంది.

రాంపూర్‌: భార్యకు మర్మాంగాలతో పాటు శరీరంలోని పలు భాగాలకు విద్యుత్ షాక్ ఇచ్చి హత్య చేశాడు భర్త. నిందితుడిని పోలీసులు అరెస్ట్ చేశారు. ఉత్తరప్రదేశ్‌లోని రాంపూర్‌లో ఈ ఘటన చోటుచేసుకుంది. ఆస్తి వివాదమే ఆ మహిళ దారుణ హత్యకు కారణమని పోలీసులు గుర్తించారు.నస్రీన్ పోస్టుమార్టం నివేదికలో ఆమె శరీరంపై పలు కాలిన గాయాలు ఉన్నట్లు తేలింది. మర్మాంగాలపై కూడా కాలిన గాయాలు ఉండగా, అవి విద్యుత్ షాక్ వల్ల ఏర్పడినట్లు నిర్ధారణ అయ్యింది. నిందితుడు ఇస్రార్ నేరాన్ని అంగీకరించాడు. తన తల్లిదండ్రుల నుంచి వారసత్వంగా వచ్చిన భూమిలో కొంత భాగాన్ని విక్రయించేందుకు భార్య నిరాకరించడంతో ఆమెపై కోపం పెంచుకున్నానని దర్యాప్తు అధికారులకు చెప్పాడు.నస్రీన్ కుటుంబ సభ్యులు తెలిపిన వివరాల ప్రకారం.. ఆ భూమిని విక్రయిస్తే తమ ఐదుగురు పిల్లల భవిష్యత్తు దెబ్బతింటుందని ఆమె భయపడింది. నస్రీన్, ఇస్రార్‌లకు దాదాపు 13 ఏళ్ల క్రితం వివాహం జరిగింది. వారికి నలుగురు కుమార్తెలు, ఒక కుమారుడు ఉన్నారు.భూమి వివాదం కారణంగా నస్రీన్‌కు పదేపదే బెదిరింపులు, హింస ఎదురయ్యాయని ఆమె కుటుంబ సభ్యులు ఆరోపించారు. తన డిమాండ్లకు అంగీకరించకపోతే ఎప్పటికైనా చంపేస్తానని ఇస్రార్ ఆమెను బెదిరించేవాడని వారు తెలిపారు.నస్రీన్ సోదరి హసీన్ జహాన్ మాట్లాడుతూ.. నస్రీన్ ఇటీవల గాయపడినప్పటికీ, ఆ విషయాన్ని బయటకు చెప్పలేదని తెలిపారు. "ఆమె ఇంటికి పూర్తిగా క్షేమంగా వచ్చింది. కానీ ఆమె ముఖంపై గాయాలు ఉన్నాయి" అని జహాన్ తెలిపారు. తనకు ఏం జరిగిందో నస్రీన్ చెప్పలేదని ఆమె తెలిపారు.రాంపూర్ అదనపు పోలీసు సూపరింటెండెంట్ అనురాగ్ సింగ్ మాట్లాడుతూ.. బాధితురాలి మేనమామ ఇచ్చిన ఫిర్యాదుపై కేసు నమోదు చేసినట్లు తెలిపారు. నస్రీన్ హత్యలో ఆమె అత్తింటి కుటుంబ సభ్యులు కూడా ఉన్నారని ఫిర్యాదులో ఆరోపించినట్లు చెప్పారు.విద్యుత్ షాక్‌ల కారణంగా గాయాలు ఏర్పడినట్లు పోస్టుమార్టం నివేదిక నిర్ధారించిందని అధికారి తెలిపారు. "పోస్టుమార్టం నివేదికలో 6 చోట్ల గాయాలు ఉన్నట్లు తేలింది. అందులో విద్యుత్ షాక్ కారణంగా ఏర్పడిన పలు కాలిన గాయాలు ఉన్నాయి. ఆమె మర్మాంగాలపై కూడా విద్యుత్ షాక్ గాయాలు కనిపించాయి" అని సింగ్ తెలిపారు.

ఉత్తరప్రదేశ్‌: స్వాతంత్య్ర దినోత్సవం రోజున చైనా మాంజాతో ఓ ప్రయాణికుడు ప్రాణాలను కోల్పోయాడు. ఈ విషాదకర ఘటన ఉత్తరప్రదేశ్‌లోని గాజియాబాద్‌లో చోటుచేసుకుంది. కౌశాంబి పోలీసుల వివరాల ప్రకారం.. నోయిడాలోని అక్బర్‌పూర్‌ బెహ్రాంపూర్‌కు చెందిన రవి రాజ్‌ తన స్నేహితుడు నరేశ్‌తో కలిసి మోటార్‌సైకిల్‌పై వెళ్తున్నాడు.అయితే, కౌశాంబి పోలీస్‌స్టేషన్‌ ఎన్‌హెచ్‌-9పై యూపీ గేట్‌ సమీపంలో వంతెనపై వారు చేరుకోగానే.. గాలిలో వేలాడుతున్న మాంజా అకస్మాత్తుగా అతని మెడకు చుట్టుకుంది. మాంజా పదునుగా ఉండటంతో రవి మెడకు తీవ్ర గాయమై, మెడ ఎముక వరకు తెగింది. దీంతో తీవ్ర రక్తస్రావంతో రోడ్డుపై పడిపోయాడు. రక్తపుమడుగులో కొట్టుమిట్టాడుతున్న రవిని చూసిన స్థానికులు భయాందోళనకు గురయ్యారు. ప్రమాదం జరిగిన చోటు తీవ్ర గందరగోళం పరిస్థితి ఏర్పడింది. గాయపడిన రవిని ఆసుపత్రికి తరలించగా, చికిత్స పొందుతూ మృతి చెందినట్లుగా ఇందిరాపురం ఏసీపీ సూర్యబలి మౌర్య తెలిపారు.అయితే, ఈ ప్రమాద ఘటన సుమారు 2 గంటల సమయంలో ఢిల్లీ ఎక్స్‌ప్రెస్‌వే సమీపంలో జరిగినట్లుగా, ఘటనకు సంబంధించిన వీడియో ఇప్పుడు సోషల్‌ మీడియాలో వైరల్‌ అవుతోంది. అందులో మాంజాతో మెడకు తీవ్ర గాయం కావడంతో రవి రక్తమోడుతూ కనిపించగా, అతడి స్నేహితుడు గాయంపై వస్త్రాన్ని ఉంచి రక్తస్రావాన్ని ఆపేందుకు ప్రయత్నిస్తున్నట్లు కనిపిస్తోంది. రవి ఆన్‌లైన్‌ డెలివరీ పని చేసేవాడని, అతడి స్వస్థలం బిహార్‌గా పోలీసులు గుర్తించారు. ఈ ఘటన నేపథ్యంలో చైనా మాంజా వాడటం నిషేధం ఉన్నప్పటికీ ఈ వినియోగం ఎలా జరుగుతోందనే ప్రశ్నలు మరోసారి తెరపైకి వచ్చాయి.ఏసీపీ మాట్లాడుతూ.. పదునైన ఈ మాంజా ద్విచక్ర వాహనదారులు, పాదచారులతో పాటు పక్షులకు కూడా ప్రమాదకరంగా మారుతోందని తెలిపారు. నిషేధిత మాంజాను విక్రయించే వారిని గుర్తించి కఠిన చర్యలు తీసుకుంటామని, అక్రమ విక్రయాలను అడ్డుకునేలా పర్యవేక్షణ పెంచుతామని వారు తెలిపారు.

సాక్షి, లక్నో: ఉత్తరప్రదేశ్‌లోని గోరఖ్‌పూర్‌కు చెందిన ఒక మహిళ చేసిన ఫిర్యాదుపై నెట్టింట తీవ్ర చర్చ నడుస్తోంది. వివాహమైన నెల రోజులకే హనీమూన్‌ సమయంలోనెలసరి వచ్చిందన్న ఆగ్రహంతో తన భర్త తనపై దాడిచేయడంతోపాటు గొంతు నులిమి హత్య చేయడానికి ప్రయత్నించాడంటూ ఆరోపించిన కేసు కలకలం రేపుతోంది.యూపీలోని రామ్‌ఘర్‌తాల్ ప్రాంతానికి చెందిన సదరు మహిళ తన ఫిర్యాదులో, ఢిల్లీకి చెందిన తన భర్త నిఖిల్ మిశ్రాపై కేసు నమోదు చేసింది.ఈ ఫిర్యాదు ప్రకారం 2023 మే 30న ఢిల్లీకి చెందిన నిఖిల్ మిశ్రాతో ఈమెకు వివాహమైంది. ఆ తర్వాత జూలై 4న హనీమూన్ కోసం అండమాన్ వెళ్లారు. అక్కడికి వెళ్లాక తీవ్రమైన కడుపునొప్పి, పీరియడ్స్ వచ్చాయి. అధిక రక్తస్రావం జరిగింది. దీంతో రుతుక్రమం గురించి తనకు ముందుగానే ఎందుకు చెప్పలేదని ప్రశ్నిస్తూ భర్త తనపై దాడి చేశాడని ఆమె ఆరోపించింది. అలాగే గొంతు నులమడానికి ప్రయత్నించాడని కూడా చెప్పింది. ఆమెకు రుతుక్రమం (పీరియడ్స్) రావడంతో ఆగ్రహానికి గురైన భర్త ఈ దారుణానికి ఒడిగట్టినట్లు పేర్కొంది. చివరికి హోటల్ సిబ్బంది ఆమె కేకలు విని రక్షించినట్లు బాధితురాలు తెలిపింది.కట్నం కోసం వేధింపులు పెళ్లిలో కట్నంకోసం వేధించారని కూడా ఫిర్యాదు చేసింది. రూ. 20 లక్షల నగదు, ఒక కారు, రూ. 40 లక్షల విలువైన వస్తువులు కట్నంగా ఇచ్చినప్పటికీ, బ్రాండెడ్ వస్తువులు తీసుకురాలేదని అత్త, ఆడపడుచు మానసికంగా వేధించారని తెలిపింది. అంతేకాదు పెళ్లయిన 45 రోజులకే (జూలై 14, 2023) ఆమెను అత్తవారింటి నుంచి వెళ్లగొట్టారు. సమస్యను పరిష్కరించడానికి వచ్చిన ఆమె తండ్రిని కూడా అవమానించినట్లు తెలిపారు. ఈ నేపథ్యంలో బాధితురాలు, ఆమె కుటుంబ సభ్యులు స్థానిక పోలీసు స్టేషన్లలో ఫిర్యాదు చేయడానికి పలుమార్లు ప్రయత్నించినప్పటికీ పోలీసులు పట్టించుకోలేదని ఆరోపించింది. ఇప్పటికీ కట్నంగా ఇచ్చిన వస్తువులను తిరిగి ఇవ్వలేదని, తన భర్త ఇంకా తనకు బెదిరింపు సందేశాలు పంపుతూనే ఉన్నాడని కూడా ఆమె ఆరోపించింది.ఇదీ చదవండి: 24 గంటల్లో 1.6 లక్షల ఫాలోవర్స్‌ : సీజేపీ తరహాలో డీజేపీ సంచలనంమొత్తానికి గోరఖ్‌పూర్ సీనియర్ సూపరింటెండెంట్ ఆఫ్ పోలీస్ డాక్టర్ కౌస్తుభ్ జోక్యంతో ఎట్టకేలకు ఆగస్టు 15న భర్త, అత్త మరియు ఆడపడుచుపై FIR నమోదు చేశారు. మిశ్రా, అతని తల్లి సంజు మిశ్రా సోదరి నేహా పాండేలపై సదరు మహిళ చేసిన ఫిర్యాదు మేరకు ఆగస్టు 15న ఎఫ్‌ఐఆర్ (FIR) నమోదు చేసినట్లు రామ్‌ఘర్‌తాల్ ఎస్‌హెచ్‌ఓ శ్యామ నంద్ రాయ్ తెలిపారు. విచారణలో సేకరించిన సాక్ష్యాధారాల ఆధారంగా తదుపరి చర్యలు తీసుకుంటామని పోలీసులు పేర్కొన్నారు.ఇదీ చదవండి: ఎగ్జామ్‌ స్కాంలపై మోదీ సర్కార్‌కు బాబా రామ్‌దేవ్ హెచ్చరిక

లక్నో: పాఠశాలలో ఉపాధ్యాయుల కొరత, మౌలిక వసతుల సమస్యలపై ఉత్తరప్రదేశ్‌లోని విద్యార్థులు రోడ్డెక్కుతున్నారు. లక్నోలోని దుబగ్గ ప్రాంతంలోని జయప్రకాశ్‌ నారాయణ్‌ సర్వోదయ విద్యాలయానికి చెందిన వందలాది మంది విద్యార్థులు ఉపాధ్యాయుల కొరతను నిరసిస్తూ బాలాగంజ్‌ చౌరస్తాలో నిరసనకు దిగారు. దీంతో రహదారిపై వాహనాల రాకపోకలు నిలిచిపోయాయి. అధికారులు అక్కడికి చేరుకుని విద్యార్థులతో మాట్లాడి సమస్యను ప్రభుత్వం దృష్టికి తీసుకెళ్తామని హామీ ఇవ్వడంతో ఆందోళన విరమించారు.అయితే, మూడు రోజుల క్రితం కూడా ఇదే పాఠశాల విద్యార్థులు ఉపాధ్యాయుల కొరత, పాఠశాలలోని వసతులపై నిరసనకు దిగారు. ఆ సమయంలో కన్నౌజ్‌ వెళ్తున్న రాష్ట్ర సాంఘిక సంక్షేమ శాఖ మంత్రి, అధికారులు తమ కాన్వాయ్‌ను నిలిపి విద్యార్థులతో మాట్లాడారు. పాఠశాలలో తగినంత మంది ఉపాధ్యాయులను త్వరగా నియమిస్తామని హామీ ఇచ్చారు. అయితే మూడు రోజులు గడిచినా పరిస్థితిలో మార్పు కనిపించకపోవడంతో విద్యార్థులు మరోసారి రోడ్డుపైకి వచ్చారు. అనంతరం తమ డిమాండ్లను ప్రభుత్వం దృష్టికి తీసుకెళ్లేందుకు ముఖ్యమంత్రి నివాసం వైపు వెళ్లేందుకు ప్రయత్నించగా పోలీసులు వారిని అడ్డుకున్నారు.ఈ విద్యార్థుల నిరసనలు కేవలం ఉత్తరప్రదేశ్‌కే పరిమితం కాలేదు. ఫతేపూర్‌, హమీర్‌పూర్‌, బిహార్‌, రాజస్థాన్‌లోని బార్మేర్‌, జాలోర్‌, మధ్యప్రదేశ్‌లోని ఛింద్వారా, సిరోంజ్‌, మహారాష్ట్ర తదితర ప్రాంతాల్లోనూ పాఠశాల విద్యార్థులు వివిధ సమస్యలపై ఆందోళనలు చేసినట్లు నివేదికలు చెబుతున్నాయి.హమీర్‌పూర్‌లో గ్రామానికి రహదారి లేకపోవడంతో పాఠశాలకు వెళ్లేందుకు ఇబ్బందులు ఎదురవుతున్నాయని విద్యార్థులు ఆందోళన వ్యక్తం చేశారు. 'చదువుకుని మంచి భవిష్యత్తును పొందాలనుకుంటున్నాం.. కానీ పాఠశాలకు వెళ్లే దారే ఇలా ఉంటే ఎలా' అని విద్యార్థులు వారి ఇబ్బంది పరిస్థితులను చెప్పుకొచ్చారు. మరోవైపు అల్వార్‌లో పాఠశాల పైకప్పు దెబ్బతినడంతో భద్రతపై విద్యార్థులు ఆందోళనకు దిగారు. కన్నౌజ్‌లో పాఠశాలల్లో అందించే మధ్యాహ్న భోజనం నాణ్యతపై ప్రశ్నలు తలెత్తడంతో విద్యార్థులు ఆ భోజనాన్ని బహిష్కరించినట్లు సమాచారం.అయితే, ఉత్తరప్రదేశ్‌ నుంచి పలు రాష్ట్రాలకు చేరుకున్న ఈ విద్యార్థుల ఆందోళనలు పాఠశాలల్లో ఉపాధ్యాయుల కొరత, మౌలిక సదుపాయాలు, విద్యార్థుల భద్రత, నాణ్యమైన భోజనం వంటి అంశాలపై ప్రశ్నలు లేవనెత్తుతున్నాయి. తమకు అవసరమైన కనీస సదుపాయాలు కల్పించాలని కోరుతూ పాఠశాల విద్యార్థులు స్వయంగా రోడ్డెక్కడం ఇప్పుడు దేశవ్యాప్తంగా చర్చనీయాంశంగా మారుతోంది.

లక్నో: వారణాసి విమానాశ్రయంలో ఆదివారం భారీ ప్రమాదం తప్పింది. ఆయుధాల తనిఖీ సమయంలో ఓ ప్రయాణికుడి వద్ద ఉన్న పిస్టల్‌ అనుకోకుండా పేలడంతో ఇద్దరు విమానాశ్రయ సిబ్బంది గాయపడ్డారు. దీంతో, విమానాశ్రయంలో ఈ ఘటన తీవ్ర కలకలం రేపింది.వివరాల మేరకు.. అజాంగఢ్‌కు చెందిన ఓ వ్యక్తి తన భార్యతో కలిసి ఎయిర్ ఇండియా విమానం IX-1810లో ముంబై వెళ్లేందుకు విమానాశ్రయానికి వచ్చాడు. అతని వద్ద పిస్టల్‌, మ్యాగజైన్ ఉండగా.. ప్రయాణానికి ముందే ఆయుధాల వివరాలను అధికారులకు వెల్లడించాడు. ఆదివాయం ఉదయం సుమారు 9.30 గంటల సమయంలో ఆయుధం, సంబంధిత పత్రాలను తనిఖీ చేస్తున్న సమయంలోనే పిస్టల్‌ నుంచి ఓ రౌండ్‌ పేలింది. ఈ ఘటనలో సమీపంలో ఉన్న ఇద్దరు సిబ్బంది తగలి గాయపడ్డారు.తుపాకీ నుంచి వెలువడిన బుల్లెట్‌ తొలుత నేలను తాకి అనంతరం సిబ్బందిని తాకినట్లు అధికారులు తెలిపారు. ఓ మహిళా సిబ్బందికి తొడ భాగంలో బుల్లెట్‌ గాయం కాగా, మరో పురుష సిబ్బంది చేతికి గాయమైంది. ఈ క్రమంలో గాయపడిన ఇద్దరినీ చికిత్స నిమిత్తం న్యూ లక్ష్మీ ట్రామా సెంటర్‌కు తరలించారు. ప్రస్తుతం వారి పరిస్థితి నిలకడగా ఉందని వారణాసి విమానాశ్రయ డైరెక్టర్ పునీత్ గుప్తా తెలిపారు. ఆయుధం, దాని పత్రాల తనిఖీ సమయంలో ఆయుధ యజమాని, విమానాశ్రయ సిబ్బంది అక్కడే ఉన్నారని అధికారులు వెల్లడించారు. ఘటనపై స్థానిక పోలీసులకు సమాచారం అందించడంతో దర్యాప్తు కొనసాగుతోంది.Today, 16.08.2026, at about 0930 hrs, a passenger travelling with his wife on flight IX-1810 to Mumbai declared weapons on board the flight. During the weapons check, the passenger fired a round, injuring two AAICLAS screeners. Both were taken to New Laxmi Trauma Centre for…— ANI (@ANI) August 16, 2026