Jayashankar District Latest News

భూపాలపల్లి అర్బన్‌: వ్యక్తిగత రాగద్వేషాలు, ప్రతీకార చర్యలకు దూరంగా ఉంటూ మధ్యవర్తిత్వం ద్వారా సమస్యలను పరిష్కరించుకోవడం ఉత్తమమని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి తాడూరు మహతి వైష్ణవి సూచించారు. శనివారం శిక్షణ పొందిన మీడియేటర్లు, కమ్యూనిటీ మీడియేటర్లు, పారా లీగల్‌ వాలంటీర్లతో వారు సమావేశం నిర్వహించారు. ఈ సందర్భంగా మాట్లాడుతూ.. కేసుల్లో చిక్కుకుని ఏళ్ల తరబడి కోర్టుల చుట్టూ తిరగడం వల్ల కలిగే నష్టాలను ప్రజలకు వివరించాలని సూచించారు. పరస్పరం చర్చించుకుని సామరస్యపూర్వకంగా సమస్యలను పరిష్కరించుకునేలా ప్రజల్లో అవగాహన కల్పించాలన్నారు. ఈ సమావేశంలో శిక్షణ పొందిన మీడియేటర్లు పి.ఆనందరావు, కనపర్తి కవిత, ఎస్‌.రవీందర్‌, మంగళపల్లి రాజ్‌కుమార్‌, ఇందరపు శివకుమార్‌, ఎల్‌.విష్ణు, ఎ.రవికుమార్‌, అంబాల ఆనందం, రాజమౌళి, రాజ్‌ కిరణ్‌, పారాలీగల్‌ వాలంటీర్లు శ్రీనివాస్‌, రజని, సందీప్‌ రాజ్‌, కిరణ్‌, అంజయ్య, లక్ష్మినారాయణ, రమేశ్‌ పాల్గొన్నారు.

భూపాలపల్లి అర్బన్‌: ఎన్‌హెచ్‌ఎం జేఏసీ ఆధ్వర్యంలో చేపట్టిన నిరవధిక సమ్మె 12వ రోజుకు చేరింది. ఈ సందర్భంగా శనివారం ఉద్యోగులు ప్రధాన రహదారి నుంచి కలెక్టరేట్‌ వరకు భారీ నిరసన ర్యాలీ నిర్వహించారు. తమను వెంటనే రెగ్యులర్‌ చేయాలని, ఉద్యోగ భద్రత కల్పించాలని ప్రభుత్వాన్ని డిమాండ్‌ చేశారు. సమ్మెతో గ్రామీణ ప్రాంతాల్లో వైద్యసేవలకు అంతరాయం కలుగుతుందన్నారు. ప్రభుత్వం వెంటనే సమస్యలను పరిష్కరించాలని కోరారు. న్యాయం జరిగే వరకు శాంతియుతంగా పోరాటం కొనసాగిస్తామని స్పష్టంచేశారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, ఇతర నాయకులు, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు. వేట సామగ్రి స్వాధీనం మహాముత్తారం: మండలంలోని యామన్‌పల్లిలో అటవీ జంతువుల వేట సామగ్రితో పాటు ఓ వ్యక్తిని అటవీ శాఖ అధికారులు శనివారం అరెస్ట్‌ చేశారు. కాటారం సీఐ బీమేశ్‌, మహాముత్తారం ఎస్సై రమేశ్‌ ఆధ్వర్యంలో మండలంలోని యామన్‌పల్లి గ్రామంలో తనిఖీలు చేపట్టారు. గ్రామానికి చెందిన దాగం మహేశ్‌ వద్ద అటవీ జంతువుల వేటకు వాడే ఇనుప తీగలు, వైర్లతో పాటు ఓ అటవీ జంతువు కొమ్ము లభ్యమైంది. దీంతో పోలీసులు వెంటనే అతడిని కాటారం అటవీశాఖ అధికారులకు అప్పగించారు. కాటా రం అటవీశాఖ అధికారులు నిందితుడిపై అటవీ హక్కుల చట్టం కింద కేసు నమోదు చేశారు. స్వాధీనం చేసుకున్న సామగ్రితో పాటు అతడిని భూపాలపల్లి కోర్టులో హాజరుపరిచినట్లు యామన్‌పల్లి డీఆర్‌ఓ ఝాన్సీరాణి తెలిపారు. గ్రాడ్యుయేట్లు ఓటరుగా నమోదు చేసుకోవాలి భూపాలపల్లి అర్బన్‌: అర్హులైన పట్టభద్రులందరూ గ్రాడ్యుయేట్‌ ఓటర్లుగా నమోదు చేసుకోవాలని మాజీ ఎమ్మెల్యే గండ్ర వెంకటరమణారెడ్డి కోరారు. శనివారం భూపాలపల్లి పట్టణంలోని జయశంకర్‌ పార్కులో వాకర్స్‌తో పాటు మున్సిపాలిటీ పరిధిలోని 16, 17, 29వ వార్డులు, సుభాష్‌ కాలనీలో ఇంటింటికీ తిరుగుతూ గ్రాడ్యుయేట్‌ ఓటరు నమోదు ప్రక్రియపై అవగాహన కల్పించారు. అర్హులైన ప్రతీ పట్టభద్రుడు ఓటరుగా నమోదు చేసుకుని ప్రజాస్వామ్యంలో తన ఓటు హక్కును సద్వినియోగం చేసుకోవాలని ఆయన సూచించారు. సకాలంలో వైద్యం అందేలా పనిచేయాలిభూపాలపల్లి అర్బన్‌: రోడ్డు ప్రమాద బాధితులకు పీఎం రహత్‌ పథకం ద్వారా బాధితులకు సకాలంలో వైద్యం అందేలా అన్ని శాఖలు సమన్వయంతో పనిచేయాలని కలెక్టర్‌ రాహుల్‌శర్మ అధికారులను ఆదేశించారు. ప్రభుత్వ ప్రధాన కార్యదర్శి సంజయ్‌ జాజు శనివారం హైదరాబాద్‌ నుంచి నిర్వహించిన వీడియో కాన్ఫరెన్స్‌లో కలెక్టర్‌ మాట్లాడారు. పథకం అమలుపై డేటా ఎంట్రీ ఆపరేటర్లకు శిక్షణ ఇవ్వాలన్నారు. జిల్లాలో పథకం అమలులో లోపాలు లేకుండా, రోడ్డు ప్రమాద బాధితులకు సకాలంలో వైద్య సేవలు అందేలా అన్ని శాఖ అధికారులు పని చేయాలని ఆదేశించారు. ఈ సమావేశంలో పోలీస్‌, రవాణా, వైద్య ఆరోగ్య శాఖలతో పాటు ఇతర శాఖల అధికారులు పాల్గొన్నారు. విద్యుత్‌ వృథా చేస్తే చర్యలు ఎల్‌నినో ప్రభావంతో ఉష్ణోగ్రతలు పెరిగే అవకాశం ఉన్నందున ప్రభుత్వ కార్యాలయాల్లో విద్యుత్‌ను పొదుపుగా వినియోగించాలని కలెక్టర్‌ రాహుల్‌శర్మ ఆదేశించారు. ఈ మేరకు శనివారం అన్ని శాఖల అధికారులకు సర్క్యులర్‌ జారీచేశారు. పగటిపూట సహజ వెలుతురును వినియోగించాలని, గదుల్లో ఎవరూ లేనప్పుడు లైట్లు, ఫ్యాన్లు, ఏసీలు, కంప్యూటర్లు ఆఫ్‌ చేయాలని సూచించారు. ఏసీల ఉష్ణోగ్రతను 24–26 డిగ్రీల మధ్య ఉంచాలని పేర్కొన్నారు. విద్యుత్‌ వినియోగంపై ఆకస్మిక తనిఖీలు నిర్వహిస్తామని, వృథా గుర్తిస్తే బాధ్యులపై చర్యలు తీసుకుంటామని హెచ్చరించారు.

కష్టించే తత్వం. పట్టుసడలని లక్ష్యం. నిరంతర సాధన వారిని లక్ష్యం వైపు నడిపించింది. ఎంతో మంది యువతకు ఆదర్శంగా నిలిపాయి. ఇటీవల జూనియర్‌ సివిల్‌ జడ్జిలుగా ఎంపికై న డ్యాగల సాయిపవన్‌, ఫర్హానా తబస్సుమ్‌, ట్రెయినీ డీఎస్పీ షా గుఫ్తా యాస్మిన్‌ మనోగతమే ఈ ఆదివారం ‘సాక్షి’ ప్రత్యేకం. – వరంగల్‌ లీగల్‌న్యాయవాద వృత్తి నేపథ్యం లేని కుటుంబమైన్నప్పటికీ తన గమ్యమేంటో తనకు తెలుసు. మరెంతో మందికి స్ఫూర్తిదాయకంగా నిలవాలన్న ఆశే ఆమెను విజయం వైపు నడిపించింది. ఇటీవల జూనియర్‌ సివిల్‌ జడ్జిగా ఎంపికై న వరంగల్‌కు చెందిన ఫర్హానా తబస్సుమ్‌ విజయ ప్రస్థానం ఆమె మాటల్లోనే.. సాధారణ కుటుంబం. తండ్రి మహమ్మద్‌ రజాక్‌ రైల్వేలో లోకో పైలట్‌గా పనిచేస్తూ ఉద్యోగ విరమణ పొందారు. అమ్మ ముంతాజ్‌ బేగం గృహిణి. నా పాఠశాల విద్య వరంగల్‌ పబ్లిక్‌ స్కూల్లో ముగిసింది. ఆ తర్వాత చైతన్య డిగ్రీ కళాశాలలో బిజినెస్‌ మేనేజ్‌మెంట్‌ (బీబీఎం) పూర్తి చేసి, కేయూలో ఎంబీఏ పట్టా పొందా. న్యాయ వృత్తిపై ఉన్న మక్కువతో ఆదర్శ లా కళాశాలలో ఎల్‌ఎల్‌బీ పూర్తి చేశా. అదే ఏడాది తెలంగాణ బార్‌ కౌన్సిల్‌లో న్యాయవాదిగా పేరు నమోదు చేసుకున్నా. ఆ ఒక్కటే నాకు స్ఫూర్తి.. సమాజంలో చట్టం ముందు అందరూ సమానులే అనే భావన నాకు ఎప్పుడూ స్ఫూర్తినిచ్చేది. మా అక్క ఫహీమా సుల్తానా అసిస్టెంట్‌ మోటార్‌ వెహికల్‌ ఇన్‌స్పెక్టర్‌గా తన వృత్తిపై చూపిన అంకితభావం నాకు రోల్‌ మోడల్‌. వైఫల్యాల నుంచి విజయానికి... 2022లో తొలి ప్రయత్నంలో ప్రిలిమ్స్‌ ఉత్తీర్ణత సాధించాను. మెయిన్స్‌లో విజయం సాధించలేకపోయా. 2024లోనూ మెయిన్స్‌లో వెనుకంజ వేయాల్సి వచ్చింది. ఈ పరాజయాలు నన్ను కుంగదీయలేదు. మరింత పకడ్బందీ ప్రణాళికతో ముందుకు సాగాను. మెయిన్స్‌ పరీక్షలో నెగ్గాలంటే కేవలం చట్టాలను వల్లె వేయడం సరిపోదని, నిర్ణీత సమయంలో సమర్థవంతంగా సమాధానాలు రాయడం చాలా ముఖ్యమని గ్రహించాను. అందుకే, గత ప్రశ్నపత్రాలను సేకరించి, ఇంట్లోనే ప్రతీరోజూ రెండు నుంచి మూడు గంటల పాటు మాక్‌ టెస్టులు రాశా. నా విజయ రహస్యం 2025 నియామక ప్రక్రియలో మెయిన్స్‌ పరీక్షలో ప్రతిభ కనబర్చి ఉత్తీర్ణత సాధించా. ఆతర్వాత జరిగిన ఇంటర్వ్యూలోనూ రాణించి, చివరకు 2026లో జూనియర్‌ సివిల్‌ జడ్జిగా ఎంపికయ్యా. న్యాయసేవల పరీక్షలకు సన్నద్ధమవుతున్న అభ్యర్థులు వైఫల్యాలు ఎదురైతే నిరుత్సాహపడొద్దు. మొదటి ప్రయత్నంలోనే విజయం సాధించాలనే నియమం ఏమీ లేదు. బలహీనతలను నిజాయితీగా విశ్లేషించుకోవాలి. చట్టాలను చదవడం మాత్రమే కాకుండా, వాటిని నిరంతరం పునఃశ్చరణ చేయాలి. నిరంతరం సాధన చేయాలి.

హసన్‌పర్తి: మొదటి ప్రయత్నంలోనే గ్రూప్స్‌కు ఎంపికై డీఎస్పీగా శిక్షణ పొందారు యాస్మిన్‌. ఆమె తండ్రి భూపాలపల్లి జిల్లా కాటారానికి చెందిన ఖదీర్‌. ఎకై ్సజ్‌ శాఖలో హెడ్‌ కానిస్టేబుల్‌. ఆయన ప్రస్తుతం రామగుండంలో విధులు నిర్వర్తిస్తున్నారు. వీరి కుటుంబం హసన్‌పర్తిలోని ఎర్రగట్టు గుట్ట ప్రాంతంలో ఉంటోంది. ఖదీర్‌కు ముగ్గురు కూతుళ్లు, కుమారుడు. పెద్ద కుమార్తె షా గుఫ్తా యాస్మిన్‌. చిన్నప్పటి నుంచి బాగా చదివేవారు. యాస్మిన్‌ ప్రాథమిక విద్యాభ్యాసం వరంగల్‌లో పూర్తి చేశారు. ఇంటర్మీడియట్‌ హైదరాబాద్‌లో చదివారు. ఆతర్వాత డిగ్రీ, పీజీ ఢిల్లీలో పూర్తి చేశారు. మొదటి ప్రయత్నంలోనే గ్రూప్‌–1లో డీఎస్పీగా ఎంపికయ్యారు. శిక్షణ పూర్తి చేసుకున్నారు. మహబూబ్‌నగర్‌ జిల్లా గద్వాలలో ట్రెయినీ డీఎస్పీగా విధులు నిర్వర్తించనున్నారు. ఇటీవల షా గుఫ్తా యాస్మిన్‌ వివాహం తిరుపతిలో జరిగింది. యూనిఫాం ధరించాలన్నది నా కల నా తండ్రిని చూసి నేను కూడా పోలీస్‌ యూనిఫాం ధరించాలని చిన్నప్పటి నుంచి కలలు కన్నాను. ఐపీఎస్‌ కావాలన్న లక్ష్యంతో సివిల్‌ సర్వీస్‌కు సిద్ధమయ్యా. ఢిల్లీలోనే సివిల్‌ సర్వీస్‌ కోసం కోచింగ్‌ తీసుకున్నా. – షా గుఫ్తా యాస్మిన్‌

● విద్యా పరిరక్షణ కమిటీ భూపాలపల్లి అర్బన్‌: ప్రభుత్వ పాఠశాలల అభివృద్ధికి విద్యారంగానికి కేటాయించే బడ్జెట్‌ను పెంచడంతోపాటు, తరగతికి ఒక ఉపాధ్యాయుడిని నియమించి అవసరమైన మౌలిక సదుపాయాలు కల్పించాలని విద్యా పరిరక్షణ కమిటీ రాష్ట్ర ఆర్గనైజింగ్‌ కమిటీ కార్యదర్శి, సెంట్రల్‌ యూనివర్సిటీ ప్రొఫెసర్‌ కె.లక్ష్మినారాయణ ప్రభుత్వాన్ని డిమాండ్‌ చేశారు. జిల్లా విద్యా పరిరక్షణ కమిటీ ఆధ్వర్యంలో జిల్లాలోని పలు ప్రభుత్వ పాఠశాలలను శనివారం సందర్శించి విద్యారంగ సమస్యలపై అధ్యయనం చేశారు. మొగుళ్లపల్లి మండలం ఎంపీయూపీఎస్‌ మేదరమెట్ల, రేగొండ మండలం ఎంపీపీఎస్‌ రేపాకపల్లి, భూపాలపల్లి మండలం జెడ్పీహెచ్‌ఎస్‌ జంగేడు పాఠశాలలను సందర్శించి సౌకర్యాలు, ఉపాధ్యాయుల కొరత, విద్యారంగ సమస్యలను పరిశీలించారు. క్షేత్రస్థాయిలో గుర్తించిన సమస్యలను క్రోడీకరించి కలెక్టర్‌కు వినతిపత్రం అందజేశారు. అనంతరం జిల్లా విద్యాశాఖ అధికారితో సమావేశమై జిల్లాలోని విద్యారంగ సమస్యలపై చర్చించారు. ప్రభుత్వ పాఠశాలల అభివృద్ధికి తగిన నిధులు కేటాయించాలని, ఉపాధ్యాయుల కొరతను తీర్చడంతోపాటు విద్యార్థులకు అవసరమైన మౌలిక సదుపాయాలు కల్పించాలని కోరారు. ఈ కార్యక్రమంలో విద్యా పరిరక్షణ కమిటీ జిల్లా అధ్యక్షుడు ఎ.తిరుపతి, ప్రధాన కార్యదర్శి బి.సేవానాయక్‌, జిల్లా కమిటీ సభ్యులు శంకరయ్య, ప్రవీణ్‌, సదానందం, అంకన్న పాల్గొన్నారు.

● ఎస్పీ సిరిశెట్టి సంకీర్త్‌ రేగొండ: నేరాల నియంత్రణకు సమర్థవంతమైన చర్యలు చేపట్టాలని ఎస్పీ సిరిశెట్టి సంకీర్త్‌ అన్నారు. శనివారం కొత్తపల్లిగోరి మండలంలోని పోలీస్‌స్టేషన్‌ను వార్షిక తనిఖీల్లో భాగంగా సందర్శించారు. ఈ సందర్భంగా స్టేషన్‌ రికార్డులు, పెండింగ్‌ కేసుల పురోగతి, సీసీ కెమెరాల పనితీరును పరిశీలించారు. శాంతిభద్రతల పరిరక్షణలో అప్రమత్తంగా వ్యవహరించాలని తెలిపారు. సీసీటీఎన్‌ఎస్‌ 2.0, ఈ–సాక్ష్య, డిజిటల్‌ ఫోరెన్సిక్‌, సైబర్‌ దర్యాప్తు వంటి ఆధునిక సాంకేతిక పరిజ్ఞానంపై సిబ్బంది అవగాహన పెంపొందించుకోవాలని సూచించారు. డ్రగ్స్‌, గంజాయి, సైబర్‌ నేరాలు, ట్రాఫిక్‌ ఉల్లంఘనల నియంత్రణతో పాటు రౌడీషీటర్ల కదలికలపై నిరంతరం నిఘా కొనసాగించాలని ఆదేశించారు. కేసుల దర్యాప్తును వేగవంతం చేయడంతో పాటు ప్రజల ఫిర్యాదులను త్వరగా పరిష్కరించాలని అధికారులకు సూచించారు. ఈ కార్యక్రమంలో భూపాలపల్లి సబ్‌ డివిజన్‌ డీఎస్పీ సంపత్‌రావు, గణపురం సీఐ కరుణాకర్‌ రావు, ఎస్సై సాయి త్రిలోక్‌నాథ్‌ రెడ్డి, పోలీస్‌ సిబ్బంది పాల్గొన్నారు.

● అదనపు కలెక్టర్‌ అశోక్‌కుమార్‌ కాళేశ్వరం: కాళేశ్వరం గ్రామ సమీప అంతర్రాష్ట్ర సరిహద్దు చెక్‌పోస్ట్‌ వద్ద ధాన్యం అక్రమ రవాణాను అరికట్టేందుకు ప్రత్యేక తనిఖీ కేంద్రాన్ని ఏర్పాటు చేసినట్లు రెవెన్యూ అదనపు కలెక్టర్‌ అశోక్‌ కుమార్‌ తెలిపారు. శనివారం మహదేవపూర్‌ మండలం కాళేశ్వరంలో పౌర సరఫరాల శాఖ, పోలీస్‌, పంచాయతీ శాఖల అధికారులు, సిబ్బందితో కలిసి సరిహద్దు తనిఖీ కేంద్రాన్ని ప్రారంభించారు. ఈ సందర్భంగా ఆయన మాట్లాడుతూ రైతులు పండించిన ధాన్యానికి ప్రభుత్వం ప్రకటించిన కనీస మద్దతు ధర లభించేలా చూడటంతో పాటు, పొరుగు రాష్ట్రాల నుంచి ధాన్యాన్ని అక్రమంగా తెలంగాణలోకి తరలించకుండా నిరోధించేందుకు ఈ తనిఖీ కేంద్రాన్ని ఏర్పాటు చేసినట్లు పేర్కొన్నారు. ధాన్యం కొనుగోళ్లలో అక్రమాలకు తావులేకుండా, రైతుల ప్రయోజనాలను కాపాడేందుకు జిల్లా యంత్రాంగం ప్రత్యేక చర్యలు చేపట్టిందన్నారు. కాళేశ్వరం అంతర్రాష్ట్ర సరిహద్దు చెక్‌పోస్ట్‌ వద్ద పోలీసు, పౌర సరఫరాల శాఖ అధికారులు సమన్వయంతో 24 గంటల పాటు నిరంతర తనిఖీలు నిర్వహించాలని తెలిపారు. సరిహద్దు దాటి వచ్చే ప్రతీ వాహనాన్ని క్షుణ్ణంగా పరిశీలించాలని ఆదేశించారు. తనిఖీల్లో నిర్లక్ష్యానికి తావులేకుండా అప్రమత్తంగా విధులు నిర్వహించాలని సిబ్బందిని ఆదేశించారు. రైతుల సంక్షేమం, పండించిన పంటకు మద్దతు ధర కల్పించడం ప్రభుత్వ లక్ష్యమని, ధాన్యం కొనుగోళ్ల ప్రక్రియ పారదర్శకంగా జరిగేలా సంబంధిత శాఖల అధికారులు సమన్వయంతో పనిచేయాలని అదనపు కలెక్టర్‌ సూచించారు. ఈ కార్యక్రమంలో పౌర సరఫరాల అధికారి కిరణ్‌కుమార్‌, డీఎం రాములు, ఎస్సై సురేశ్‌, రెవెన్యూ సిబ్బంది జీపీఓ శ్యామ్‌ తదితరులు పాల్గొన్నారు.

సాక్షి ప్రతినిధి, వరంగల్‌ : కరువు పరిస్థితులు ఉమ్మడి వరంగల్‌ జిల్లాను వెంటాడుతున్నాయి. ఖరీఫ్‌–2026లో వర్షాభావం, పంటల నష్టాల నేపథ్యంలో ఉమ్మడి జిల్లాలోని ఆరు జిల్లాల్లో 38 మండలాలను కరువు ప్రభావిత ప్రాంతాలుగా గుర్తించారు. రాష్ట్రవ్యాప్తంగా గుర్తించిన 315 కరువు మండలాల్లో ఉమ్మడి వరంగల్‌ వాటా గణనీయంగా ఉంది. మొత్తం 38 మండలాల్లో ఒక మండలంలో తీవ్ర కరువు పరిస్థితులు ఉండగా.. 37 మండలాల్లో మోస్తరు కరువు నెలకొన్నట్లు అధికారిక జాబితా స్పష్టం చేస్తోంది. జనగామలోనే తీవ్ర కరువు ప్రభావం.. హనుమకొండలో 11.. ఉమ్మడి వరంగల్‌లో తీవ్ర కరువు మండలం ఉన్న జిల్లా జనగామ. జిల్లాలోని నాలుగు మండలాలు కరువు ప్రభావితంగా గుర్తించగా.. అందులో ఒకటి తీవ్ర కరువు, మూడు మోస్తరు కరువు మండలాలు ఉన్నాయి. దీంతో జనగామ జిల్లాలో పంటల పరిస్థితిపై ఆందోళన నెలకొంది. హనుమకొండ జిల్లాలో 11 మండలాలు కరువు ప్రభావితంగా ఉన్నాయి. వీటిలో ఒక్కటి కూడా తీవ్ర కరువు కేటగిరీలో లేకపోగా.. అన్నీ మోస్తరు కరువు మండలాలే కావడం గమనార్హం. మహబూబాబాద్‌లో 6.. వరంగల్‌లో 8 మండలాలు.. మహబూబాబాద్‌ జిల్లాలో 6 మండలాలు కరువు జాబితాలోకి వచ్చాయి. ఇవన్నీ మోస్తరు కరువు ప్రభావిత మండలాలుగానే నమోదయ్యాయి. కాగా జయశంకర్‌ భూపాలపల్లి జిల్లాలో 5 మండలాలు, ములుగు జిల్లాలో 4 మండలాలు కరువు ప్రభావితంగా గుర్తించారు. ఈ రెండు జిల్లాల్లోనూ తీవ్ర కరువు మండలం ఒక్కటీ లేకపోగా.. మోస్తరు కరువు మండలాలే ఉన్నాయి.వరంగల్‌ జిల్లాలో 8 మండలాలు కరువు ప్రభావితంగా నమోదయ్యాయి. వీటన్నింటినీ మోస్తరు కరువు కేటగిరీలో చేర్చారు. పంట నష్టాలే కరువు తీవ్రతకు అద్దం.. కరువు ప్రభావిత మండలాల్లో వర్షాభావ పరిస్థితులు పంటలపై తీవ్ర ప్రభావం చూపినట్లు అధికారిక గణాంకాలు వెల్లడిస్తున్నాయి. ముఖ్యంగా వర్షాలు సకాలంలో కురవకపోవడం, పంటలకు అవసరమైన తేమ అందకపోవడం, దిగుబడులు తగ్గడం వంటి పరిణామాలు కరువు పరిస్థితులకు కారణమయ్యాయి. కరువు జాబితాలో ఉన్న మండలాలకు ప్రభుత్వం అందించే ఉపశమన చర్యలు, పంట నష్టపరిహారం, సాగునీరు–పశుగ్రాసం వంటి అంశాలపై రైతుల్లో ఇప్పుడు ఆశలు నెలకొన్నాయి. ఇదిలా ఉండగా ఉమ్మడి వరంగల్‌లో 38 మండలాల్లో కరువు పరిస్థితులు ఉన్నట్లు ప్రకటించిన ప్రభుత్వం.. ఆ కరువు మండలాల పేర్లను మాత్రం ప్రకటించకపోవడం గమనార్హం. ఆరు జిల్లాల్లో 38 మండలాలు గుర్తింపు ఒక్క మండలంలో తీవ్ర, 37 మండలాల్లో మోస్తరు కరువు ఖరీఫ్‌ పంటలపై తీవ్ర ప్రభావం ఎల్‌నినో ప్రభావంపై వ్యవసాయశాఖ ఆరా.. మండలాల పేర్ల వెల్లడిపై గోప్యం..ఆరు జిల్లాల్లో కరువు మండలాలు ఇలా..జిల్లా తీవ్ర మోస్తరు మొత్తం హనుమకొండ 00 11 11 వరంగల్‌ 00 08 08 జనగామ 01 03 04 భూపాలపల్లి 00 05 05 మహబూబాబాద్‌ 00 06 06 ములుగు 00 04 04 మొత్తం 01 37 38

‘నా కల నిజం కావడానికి 11 ఏళ్లు పట్టింది. చేసిన తప్పులను సరిదిద్దుకుంటూ, ఏకాగ్రతతో పట్టుదలతో చదివితే ఎవరైనా విజయం సాధించవచ్చు. పట్టు వదలకుండా కన్సిస్టెన్సీ మెయింటెయిన్‌ చేయడమే ఏ రంగంలోనైనా విజయానికి అసలైన రహస్యం’ అని ఇటీవల జూనియర్‌ సివిల్‌ జడ్జిగా ఎంపికై న భీమదేవరపల్లి మండలం మల్లారం గ్రామానికి చెందిన డ్యాగల సాయి పవన్‌ అంటున్నారు. సాయి పవన్‌ విజయ ప్రయాణం ఆయన మాటల్లోనే.. ఎన్నో వైఫల్యాలు.. చెరగని ఆత్మవిశ్వాసం మాది మధ్యతరగతి కుటుంబం. అమ్మానాన్న ఇద్దరూ ఉపాధ్యాయులే. చెల్లి బిట్స్‌ పిలానీ నుంచి కెమిస్ట్రీలో డాక్టరేట్‌ పొందింది. నాకు మొదటి నుంచి లా డిగ్రీ చేయాలన్నది బలమైన కోరిక. నాన్న సూచన మేరకు ఇంటర్‌లో ఎంపీసీ తీసుకుని, హుజూరాబాద్‌లోని కిట్స్‌ కాలేజీలో ఎలక్ట్రికల్‌ అండ్‌ ఎలక్ట్రానిక్స్‌ ఇంజనీరింగ్‌ (ట్రిపుల్‌ ఈ) పూర్తి చేశాను. ఇంజనీరింగ్‌ పూర్తయ్యాక సివిల్‌ సర్వీసెస్‌ పరీక్షకు ప్రిపేరవుతూనే దాదాపు 16 ప్రభుత్వ ఉద్యోగ పరీక్షలకు హాజరయ్యా. ఆర్మీ, కోస్ట్‌గార్డ్‌ వంటి ప్రతిష్టాత్మక డిఫెన్స్‌ సర్వీసెస్‌ ఇంటర్వ్యూలకూ వెళ్లా. అయితే అదృష్టం కొన్నిసార్లు చిన్న తేడాతో దూరమయ్యేది. రెండు సార్లు సబ్‌ ఇన్‌స్పెక్టర్‌ (ఎస్సై) పరీక్షలో కేవలం 3 సెకండ్లు, 0.14 మిల్లీసెకండ్ల వ్యవధితో ఈవెంట్స్‌ మిస్‌ అవడం తీవ్ర నిరాశను మిగిల్చింది. అయినా పట్టువదల్లేదు. తలుపు తట్టిన విజయం 2018లో జీవితంలో నాకు తొలి విజయం తలుపు తట్టింది. దేశంలోనే నాలుగో స్థానంలో ఉన్న ప్రతిష్టాత్మక ఐఐటీ ఖరగ్‌పూర్‌లో ఎల్‌ఎల్‌బీ ఆనర్స్‌ ప్రవేశ పరీక్షను క్లియర్‌ చేసి అడ్మిషన్‌ పొందాను. అక్కడే లా పూర్తి చేశాక ఢిల్లీలోని ప్రముఖ లా ఫోరమ్స్‌లో ఉద్యోగ అవకాశాలు వచ్చాయి. అయినా వాటిని సున్నితంగా తిరస్కరించా. నా లక్ష్యం న్యాయమూర్తి (జడ్జి) కావాలనే కల వైపే నా అడుగులు పడ్డాయి. సవాళ్లు, పాఠాలు జూనియర్‌ సివిల్‌ జడ్జి పరీక్షకు సన్నద్ధమవడం మొదలుపెట్టాను. రెండు సార్లు ప్రిలిమ్స్‌, మెయిన్స్‌ క్లియర్‌ చేసి ఇంటర్వ్యూ వరకు వెళ్లాను. అయితే రెండోసారి కూడా చివరి దశలో సెలెక్ట్‌ కాకపోవడంతో కుంగిపోకుండా ఆత్మపరిశీలన చేసుకున్నాను. కేవలం కష్టపడితే సరిపోదని, ‘స్మార్ట్‌ వర్క్‌’ కూడా చాలా అవసరమని గ్రహించాను. నాతో పాటు ఇంటర్వ్యూ వరకు వెళ్లి, నాకు ముందు బ్యాచ్‌లలో జడ్జిలుగా ఎంపికై న నా మిత్రుల సహాయం తీసుకున్నాను. ప్రతీ దశకు ఒక స్పష్టమైన వ్యూహాన్ని రూపొందించుకుని ప్రిపరేషన్‌ సాగించాను.

కాళేశ్వరం: వచ్చే ఏడాది జూన్‌లో జరిగే గోదావరి పుష్కరాలను దృష్టిలో ఉంచుకొని కాళేశ్వరంలో పుష్కరఘాట్ల అభివృద్ధి పనులు, కాళేశ్వర ముక్తీశ్వర స్వామి దేవస్థానం పునర్నిర్మాణ పనులను మరింత వేగవంతం చేయాలని రాష్ట్ర దేవాదాయ శాఖ కమిషనర్‌ హనుమంతరావు అధికారులను, కాంట్రాక్టర్‌ను ఆదేశించారు. శనివారం ఆయన కలెక్టర్‌ రాహుల్‌శర్మతో కలిసి కాళేశ్వరం క్షేత్రంలో పర్యటించి దేవాదాయ, నీటిపారుదల, రోడ్లు భవనాలు, పంచాయతీరాజ్‌ తదితర శాఖల ఆధ్వర్యంలో చేపడుతున్న అభివృద్ధి పనుల పురోగతిని సమీక్షించారు. ఈ సందర్భంగా కమిషనర్‌ హనుమంతరావు మాట్లాడుతూ అన్ని పనులను నిర్ధేశిత గడువులోగా పూర్తి చేయాలని, పనుల నాణ్యత విషయంలో ఎట్టి పరిస్థితుల్లోనూ రాజీపడొద్దని స్పష్టంచేశారు. అక్షరాభ్యాస మండపం, అద్దాల మండపం నిర్మాణ పనులను వెంటనే ప్రారంభించాలని ఆదేశించారు. రూపొందించిన ప్రణాళికకు, సంప్రదాయ వాస్తు నిబంధనలకు అనుగుణంగా జరగాలని, నిర్మాణాల్లో మార్పులు, వ్యత్యాసాలు చోటుచేసుకోకుండా సంబంధిత అధికారులు నిరంతరం పర్యవేక్షించాలన్నారు. నాణ్యతా ప్రమాణాలు తప్పనిసరి.. నిర్మాణ పనుల్లో నాణ్యతా ప్రమాణాలను తప్పనిసరిగా పాటించాలని కమిషనర్‌ హనుమంతరావు స్పష్టంచేశారు. ముఖ్యంగా కాంక్రీట్‌ పనుల్లో వైబ్రేటర్లను వినియోగించాలని, గోనె సంచులు, వరి గడ్డితో తగిన విధంగా వాటర్‌ క్యూరింగ్‌ చేపట్టాలని సూచించారు. ప్రతీ నిర్మాణాన్ని సాంకేతిక ప్రమాణాలకు అనుగుణంగా చేపట్టి పటిష్టంగా పూర్తిచేయాలని అధికారులకు తెలిపారు. వచ్చే నెల 4న మంత్రి శ్రీధర్‌బాబు కాళేశ్వరం పర్యటనకు రానున్న నేపథ్యంలో అప్పటిలోగా పనుల్లో గణనీయమైన పురోగతి సాధించాలన్నారు. భక్తులకు ఇబ్బందులు కలగకుండా ఏర్పాట్లు.. గోదావరి పుష్కరాలకు దేశంలోని వివిధ ప్రాంతాల నుంచి పెద్ద సంఖ్యలో భక్తులు తరలివచ్చే అవకాశం ఉన్నందున వారికి అసౌకర్యం కలగకుండా అభివృద్ధి పనులను సకాలంలో పూర్తి చేయాలని కమిషనర్‌ హనుమంతరావు సూచించారు. తాగునీరు, రహదారులు, పార్కింగ్‌, వీఐపీ ఘాట్లు తదితర మౌలిక సదుపాయాల పనులను వేగవంతం చేయాలన్నారు. గత పుష్కరాల సమస్యలను దృష్టిలో ఉంచుకొని ఈసారి మరింత పటిష్ఠమైన కార్యాచరణ రూపొందించాలన్నారు. పనులను నిరంతరం పర్యవేక్షిస్తున్నాం: కలెక్టర్‌ కలెక్టర్‌ రాహుల్‌శర్మ మాట్లాడుతూ కాళేశ్వరంలో ఆలయ పునర్నిర్మాణ పనులతో పాటు గోదావరి పుష్కరాల అభివృద్ధి పనులను నిరంతరం పర్యవేక్షిస్తున్నామని తెలిపారు. సంబంధిత శాఖల అధికారులతో సమన్వయం చేసుకుంటూ పనులను వేగవంతం చేసి నిర్దేశిత గడువులోగా పూర్తి చేసేందుకు చర్యలు తీసుకుంటున్నామని వెల్లడించారు. ఈ పర్యటనలో కాటారం సబ్‌ కలెక్టర్‌ సౌరబ్‌ శర్మ, ఆర్‌అండ్‌బీ సీఈ రాజేశ్వర్‌రెడ్డి, దేవాదాయశాఖ ఎస్‌ఈ దుర్గాప్రసాద్‌, స్పెషల్‌ ఆఫీసర్‌ కిషన్‌రావు, ఎస్‌ఈ రమేశ్‌బాబు, డీఈ దేవేందర్‌, ఈఓ మహేశ్‌, ఎంపీడీఓ రవీంద్రనాథ్‌, ధర్మకర్తలు గందెసిరి సత్యనారాయణ, సీతయ్య, పద్మ, దుర్గయ్య, అశోక్‌, వివిధ శాఖల అధికారులు పాల్గొన్నారు. పుష్కర ఘాట్లు, దేవస్థానం పునర్నిర్మాణ పనులు గడువులోగా పూర్తిచేయాలి నిర్మాణ పనుల నాణ్యతలో రాజీపడొద్దు దేవాదాయ శాఖ రాష్ట్ర కమిషనర్‌ హనుమంతరావు

జిల్లా పెద్దాస్పత్రిలో నిరుపయోగంగా ఆక్సిజన్‌ ప్లాంట్‌● కరోనా సమయంలో రూ.1.20కోట్లతో ఏర్పాటు ● నిర్వహణ, ఉత్పత్తిని పట్టించుకోని అధికారులు ● ఆర్థిక భారం పడుతున్నా కొనుగోలుకే మొగ్గుభూపాలపల్లి అర్బన్‌: అత్యవసర సమయంలో రోగుల ప్రాణాలను కాపాడేందుకు ఉపయోగపడే ఆక్సిజన్‌ ప్లాంట్‌ అధికారుల నిర్లక్ష్యంతో మూలనపడింది. కరోనా సమయంలో ఎంతో ఉపయోగపడిన జిల్లా పెద్దాస్పత్రిలోని ప్లాంట్‌ ప్రస్తుతం నిర్వహణలోపంతో మూతబడింది. దీంతో రోగులకు ఆక్సిజన్‌ సిలిండర్లను బయటనుంచి కొనుగోలు చేయాల్సిన దుస్థితి నెలకొంది. దీంతో ఆర్థిక భారం పరగడమే కాకుండా రోగుల ప్రాణాలకు రక్షణ కరువవుతోందనే విమర్శలు వ్యక్తమవుతున్నాయి. ప్లాంట్‌ నిరుపయోగంగా మారి నానాటికీ పనికి రాకుండా పోతున్నా పట్టింపు లేనట్లు వ్యవహరిస్తుండడం విమర్శలకు తావిస్తోంది. నెలకు 30నుంచి 40 సిలిండర్లు.. ప్రస్తుతం ఆస్పత్రిలో చికిత్స పొందుతున్న వారికి అవసరమైన ఆక్సిజన్‌ సిలిండర్లను తీసుకువచ్చి వినియోగిస్తున్నారు. ఆస్పత్రి ప్రతీ నెల 30నుంచి 40 సిలిండర్ల వరకు అవసరమవుతున్నాయి. ఒక్కో సిలిండర్‌కు బయట మార్కెట్‌లో రూ.600 నుంచి రూ.700 వరకు వెచ్చించి కొనుగోలు చేస్తున్నారు. ప్రతీ నెల రూ.25వేల నుంచి రూ.30వేల వరకు ఖర్చు చేస్తున్నారు. ఏడాదికి సుమారు రూ.3లక్షల నుంచి రూ.4లక్షల వరకు దుర్వినియోగం చేస్తున్నట్లు కనిపిస్తోంది. వ్యాధుల వ్యాప్తి సమయాన వినియోగం మరింత పెరుగుతుంది. ఒకవేళ గాలి ద్వారా ఆక్సిజన్‌ ఉత్పత్తి చేసే ప్లాంట్‌ అందుబాటులోకి తీసుకొస్తే వ్యయం సగానికి పైగా తగ్గుతుందని.. సాధారణ రోజుల్లో ఆక్సిజన్‌ కొనుగోలు చేసే అవసరముండదని చెబుతున్నారు. అధికారులు ఎందుకు పట్టించుకోవడం లేదనేది అంతు చిక్కని ప్రశ్నగానే మిగిలిపోతోంది.

భూపాలపల్లి అర్బన్‌: కలెక్టరేట్‌ ఎదుట ఎన్‌హెచ్‌ఎం జేఏసీ ఉద్యోగులు చేపడుతున్న నిరవధిక సమ్మె శుక్రవారం నాటికి 11వ రోజుకు చేరుకుంది. ఎన్నో సంవత్సరాలుగా ప్రజారోగ్య సేవల్లో కీలక పాత్ర పోషిస్తున్న ఎన్‌హెచ్‌ఎం ఉద్యోగులను వెంటనే రెగ్యులరైజ్‌ చేయాలని, తమ న్యాయమైన డిమాండ్లను ప్రభుత్వం పరిష్కరించాలని ఉద్యోగులు డిమాండ్‌ చేస్తున్నారు. ఈ కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, వర్కింగ్‌ ప్రెసిడెంట్‌ వెంకటేశ్‌, ఉపాధ్యక్షుడు డాక్టర్‌ రఘురాం, కోశాధికారి శ్రీను, సలహాదారులు శ్రీనివాస్‌, జిల్లా కోఆర్డినేటర్‌ ప్రవీణ్‌, డాక్టర్లు జగదీశ్‌, విజయ్‌, బాలకృష్ణ, మీడియా ఇన్‌చార్జ్‌ రాజు, కృష్ణవేణి, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు.

● సమ్మక్క సారక్క సెంట్రల్‌ ట్రైబల్‌ యూనివర్సిటీ వీసీ శ్రీనివాస్‌ఎస్‌ఎస్‌ తాడ్వాయి: వైద్యులకు కరుణ, సేవాభావం అంతర్భాగంగా ఉండాలని సమ్మక్క సారక్క సెంట్రల్‌ ట్రైబల్‌ యూనివర్సిటీ వీసీ డాక్టర్‌ వై.ఎల్‌. శ్రీనివాస్‌ అన్నారు. గిరిజన గ్రామాల్లో ఆరోగ్య అవగాహన పెంపొందించి, మెరుగైన వైద్య సేవలు అందించాలనే లక్ష్యంతో సేవాంకుర్‌ భారత్‌, వనవాసి కల్యాణ పరిషత్‌ సంయుక్త ఆధ్వర్యంలో నిర్వహిస్తున్న దేశం కోసం – మూడు రోజులు కార్యక్రమం శుక్రవారం మండలకేంద్రంలో నిర్వహించారు. ఈ కార్యక్రమంలో భాగంగా జిల్లాలోని ఎనిమిది ఆదివాసీ గ్రామాల్లో వైద్య శిబిరాలు నిర్వహించేందుకు తెలంగాణలోని 16 వైద్య కళాశాలలకు చెందిన సుమారు 120 మంది వైద్య విద్యార్థులు, వైద్యుల బృందం పాల్గొన్నారు. ఈ సందర్భంగా యూనివర్సిటీ వీసీ డాక్టర్‌ వై.ఎల్‌. శ్రీనివాస్‌ మాట్లాడుతూ గిరిజన ప్రాంతాల సామాజిక, సాంస్కృతిక పరిస్థితులను అర్థం చేసుకుని నాణ్యమైన వైద్య సేవలు అందించాలని విద్యార్థులకు పిలుపునిచ్చారు. వనవాసి కల్యాణ పరిషత్‌ క్షేత్ర సంఘటన మంత్రి తాడేపల్లి శివరామకృష్ణ మాట్లాడుతూ గిరిజన సమాజంలోని బలహీన వర్గాలను బలోపేతం చేయడమే సేవా కార్యక్రమాల లక్ష్యమన్నారు. కార్యక్రమంలో ఆర్ట్స్‌ కాలేజీ విశ్రాంత ప్రిన్సిపాల్‌ చిలకమర్రి సంజీవ్‌, ఈఎస్‌ఐ మెడికల్‌ కాలేజీ హౌస్‌ సర్జనన్‌ ఉమ, విద్యార్థులు, వైద్య బృందం పాల్గొన్నారు.

● మధ్యాహ్న భోజనానికి సొంత తోటలే ఆధారం! ● కిచెన్‌ గార్డెన్లతో విద్యార్థులకు శ్రమ విలువపై అవగాహన ఎస్‌ఎస్‌తాడ్వాయి: పాఠశాలల్లో పెరటి తోటల పెంపకంతో విద్యార్థులకు ప్రకృతిపై అవగాహన కల్పించడంతోపాటు మధ్యాహ్న భోజనానికి అవసరమైన కూరగాయలను సొంతంగా పండిస్తున్నారు. తాడ్వాయి మండలంలోని ప్రభుత్వ ప్రాథమిక, ఉన్నత పాఠశాలల్లో కిచెన్‌ గార్డెన్ల ఏర్పాటుకు విశేష స్పందన లభిస్తోంది. వర్షాకాలం ప్రారంభం నుంచే అన్ని పాఠశాలల్లో పెరటి తోటలు పెంచాలని మండల విద్యాధికారి గడ్డి శ్రీనివాస్‌ సూచనల మేరకు స్పందించిన ప్రధానోపాధ్యాయులు ఆ దిశగా కూరగాయాల సాగుకు చర్యలు చేపట్టారు. పండిన కూరగాయలతోనే వంటలు మండలంలోని లింగాల పాఠశాలలో పెరటి తోటల పెంపకం ఆదర్శంగా నిలుస్తోంది. పాఠశాల ఆవరణలో గోంగూర, బీరకాయ, సోరకాయ, వంకాయ, టమాటా, ఉల్లిగడ్డలు సాగు చేస్తున్నారు. వీటితోనే మధ్యాహ్న భోజన పథకంలో విద్యార్థులకు తాజా, నాణ్యమైన కూరలు వండిపెడుతున్నారు. విద్యార్థులే సాగుదారులు లింగాల, బోటిలింగాల, అంకంపల్లి, కోడిశాల, ఇంద్రానగర్‌, కేజీబీవీ, గిరిజన ఆశ్రమ పాఠశాల తాడ్వాయి, ఊరట్టం, వెంగ్లాపూర్‌, ఎల్బాక పాఠశాలల్లో విద్యార్థులు స్వయంగా కూరగాయల మొక్కలు నాటడం, నీరు పోయడం, వాటిని సంరక్షించడం, పంట చేతికి వచ్చిన తర్వాత కూరగాయలను కోయడం వంటి పనుల్లో పాల్గొంటున్నారు. దీంతో వారికి మొక్కల పెంపకం, ప్రకృతి పరిరక్షణపై అవగాహన పెరగడంతోపాటు శ్రమపై గౌరవం అలవడుతుంది. విద్యార్థులను సాగు కార్యక్రమాల్లో భాగస్వాములను చేసేందుకు హెచ్‌ఎంలు, ఉపాధ్యాయులు కృషి చేస్తున్నారు.

భూపాలపల్లి: పోలీస్‌ అమరవీరుల త్యాగాలను యువత ఆదర్శంగా తీసుకోవాలని ఎస్పీ సంకీర్త్‌ అన్నారు. పోలీస్‌ ఫ్లాగ్‌ డే వారోత్సవాల్లో భాగంగా జిల్లా పోలీస్‌ కార్యాలయంలో శుక్రవారం నిర్వహించిన ఓపెన్‌ హౌస్‌ కార్యక్రమాన్ని ఎస్పీ సిరిశెట్టి సంకీర్త్‌ ప్రారంభించారు. ఈ సందర్భంగా పోలీసుల విధులు, ఆయుధాలు, సీసీ కెమెరాలు, ఫింగర్‌ప్రింట్‌ వ్యవస్థ, క్లూస్‌ టీమ్‌, డాగ్‌ స్క్వాడ్‌, బాంబు స్క్వాడ్‌ పనితీరును అధికారులు వివరించారు. ఏకే–47, ఎస్‌ఎల్‌ఆర్‌, కార్బైన్‌, 9 ఎంఎం పిస్టల్‌ తదితర ఆయుధాలను ప్రదర్శించారు. పోలీస్‌ స్టేషన్‌లో ఫిర్యాదు చేసే విధానం, దర్యాప్తు ప్రక్రియ, డయల్‌ 112 సేవలపై అవగాహన కల్పించారు. సైబర్‌ నేరాల నివారణ, ట్రాఫిక్‌ నిబంధనలు, మాదకద్రవ్యాల దుష్ప్రభావాలు, మహిళలు, బాలికల రక్షణ కోసం పనిచేస్తున్న షీ టీమ్స్‌, భరోసా కేంద్రం సేవలను వివరించారు. సైబర్‌ నేరాల బాధితులు వెంటనే 1930 నంబర్‌కు ఫిర్యాదు చేయాలని సూచించారు. అనంతరం ఎస్పీ సంకీర్త్‌ మాట్లాడుతూ.. చిన్నతనం నుంచే చట్టాలపై అవగాహన పెంచుకుని ట్రాఫిక్‌ నిబంధనలు పాటించాలని సూచించారు. ప్రజల రక్షణ, శాంతిభద్రతల పరిరక్షణకు పోలీస్‌ శాఖ నిరంతరం పనిచేస్తుందని తెలిపారు. ఓపెన్‌ హౌస్‌కు జిల్లాలోని వివిధ పాఠశాలలకు చెందిన సుమారు 500 మంది విద్యార్థులు పాల్గొన్నారు. ఈ కార్యక్రమంలో అదనపు ఎస్పీ నరేశ్‌ కుమార్‌, డీఎస్పీ సంపత్‌ రావు, సీఐ శ్రీనివాస్‌, ఆర్‌ఐలు, ఆర్‌ఎస్‌ఐలు, అధ్యాపకులు, పోలీస్‌ సిబ్బంది, విద్యార్థులు పాల్గొన్నారు. ఎస్పీ సిరిశెట్టి సంకీర్త్‌

భూపాలపల్లి: జిల్లాలో జనాభా లెక్కల సేకరణ ప్రక్రియను సమగ్రంగా, పకడ్బందీగా పొరపాట్లకు తావులేకుండా నిర్వహించాలని కలెక్టర్‌ రాహుల్‌శర్మ అధికారులను ఆదేశించారు. శుక్రవారం ఐడీఓసీ కార్యాలయంలో నిర్వహించిన జనగణన ఫేజ్‌–2 శిక్షణ కార్యక్రమాన్ని ఆయన పరిశీలించి అధికారులకు పలు సూచనలు చేశారు. ఈ సందర్భంగా కలెక్టర్‌ మాట్లాడుతూ.. గతంలో హౌస్‌ లిస్టింగ్‌, ఫేజ్‌–1 ప్రక్రియను విజయవంతంగా నిర్వహించిన స్ఫూర్తితో ఫేజ్‌–2 జనగణనను పూర్తి చేయాలన్నారు. జనగణన ద్వారా సేకరించిన వివరాలు భవిష్యత్‌ ప్రణాళికలు, అభివృద్ధి కార్యక్రమాల రూపకల్పనకు కీలకమని పేర్కొన్నారు. ఈ సారి డిజిటల్‌ విధానంలో మొబైల్‌ యాప్‌ ద్వారా వివరాలను నమోదు చేయనున్నట్లు తెలిపారు. స్వీయ గణన, కులాలవారీ వివరాల సేకరణపై సిబ్బంది పూర్తి అవగాహన కలిగి ఉండాలన్నారు. ఎన్యుమరేటర్లు, సూపర్‌వైజర్లు జనగణన మాన్యువల్‌ను క్షుణ్ణంగా అధ్యయనం చేసి, ప్రతీ ఇంటి వివరాలను నిబంధనల ప్రకారం ఖచ్చితంగా నమోదు చేయాలని సూచించారు. క్షేత్రస్థాయిలో ఎదురయ్యే సందేహాలను అధికారుల సహకారంతో నివృత్తి చేసుకోవాలన్నారు. జనగణన చట్టం ప్రకారం సేకరించిన సమాచారాన్ని గోప్యంగా ఉంచాలని, అనధికార వ్యక్తులతో పంచుకోకూడదని స్పష్టం చేశారు. అన్ని శాఖల అధికారులు సమన్వయంతో పనిచేసి జనగణనను విజయవంతం చేయాలని పిలుపునిచ్చారు. ఈ కార్యక్రమంలో అదనపు కలెక్టర్లు అశోక్‌ కుమార్‌, విజయలక్ష్మి, సెన్సస్‌ జాయింట్‌ డైరెక్టర్‌ సుబ్బరాజు, సీపీఓ కిష్టయ్య, ఆర్డీఓ హరికృష్ణ, మాస్టర్‌ ట్రైనర్లు, వివిధ శాఖల అధికారులు, సూపర్‌వైజర్లు, ఎన్యుమరేటర్లు పాల్గొన్నారు. కలెక్టర్‌ రాహుల్‌ శర్మ

గణపురం: శుక్రవారం సందర్భంగా మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామి వారికి ప్రత్యేక అభిషేకాలు, పూజలు నిర్వహించారు. అనంతరం స్వామి వారిని ప్రత్యేకంగా అలంకరించారు. అనంతరం భక్తులు పెద్దఎత్తున స్వామి వారిని దర్శించుకున్నారు. కాళేశ్వరం అష్టతీర్థాలకు టెండర్లు పూర్తి కాళేశ్వరం: మహదేవపూర్‌ మండలం కాళేశ్వరంలో వచ్చే ఏడాది జరిగే గోదావరి పుష్కరాల నేపథ్యంలో రాష్ట్ర ప్రభుత్వం రూ.60కోట్లతో అష్టతీర్థాఽల ఘాట్ల నిర్మాణానికి ఇరిగేషన్‌శాఖ ద్వారా టెండర్లు పూర్తి చేసింది. హైదరాబాద్‌కు చెందిన సరళ ప్రాజెక్ట్‌స్‌ దక్కించుకున్నట్లు తెలిసింది. నేడు దేవాదాయ శాఖ కమిషనర్‌ రాక కాళేశ్వరం: కాళేశ్వరంలోని శ్రీ కాళేశ్వరముక్తీశ్వర స్వామి దేవస్థానానికి దేవాదాయ శాఖ కమిషనర్‌ హనుమంతరావు శనివారం రానున్నారు. దేవస్థానం పునర్నిర్మాణ పనులను పర్యవేక్షిస్తారు. అనంతరం వచ్చే ఏడాది కాళేశ్వరంలో జూన్‌ 26 నుంచి జూలై 7 వరకు జరగనున్న గోదావరి పుష్కరాల అభివృద్ధి పనుల ఏర్పాట్లపై ఈ సందర్భంగా ఈఓ కార్యాలయంలో సమీక్ష సమావేశం నిర్వహించనున్నట్లు దేవస్థానం ఈఓ మహేశ్‌ శుక్రవారం ఒక ప్రకటనలో తెలిపారు. పుష్కరాలకు వచ్చే భక్తులకు అవసరమైన సౌకర్యాలు, ఏర్పాట్లు, దేవస్థాన అభివృద్ధి పనుల పురోగతిపై చర్చిస్తారని ఈఓ పేర్కొన్నారు. జాతీయస్థాయికి సాత్విక శ్రీని ఎంపిక చిట్యాల: మండలకేంద్రంలోని సాంఘిక సంక్షేమ గురుకుల పాఠశాల/కళాశాలలో సెకండియర్‌ చదువుతున్న మద్దెల సాత్విక శ్రీని జాతీయస్థాయి కబడ్డీ పోటీలకు ఎంపికై నట్లు ప్రిన్సిపాల్‌ గొల్గొండ భిక్షపతి శుక్రవారం ఒక ప్రకటనలో పేర్కొన్నారు. ఈ నెల 12, 13 తేదీలలో సంగారెడ్డి జిల్లాలో హెచ్‌జీఎఫ్‌ రాష్ట్ర మీట్‌లో జరిగిన అండర్‌ 19 జూనియర్‌ కళాశాల కబడ్డీ చాంపియన్‌ షిప్‌ రాష్ట్రస్థాయి పోటీలకు వరంగల్‌ జట్టుకు కెప్టెన్‌గా వ్యవహరించారని అన్నారు. దీంతో రాష్ట్ర స్థాయిలో తన ప్రతిభను కనబరిచి జాతీయ జట్టుకు ఎంపికై నట్లు ఆయన పేర్కొన్నారు. కళాశాల ప్రిన్సి పాల్‌ భిక్షపతి, వైస్‌ ప్రిన్సిపాల్‌ ఎస్‌.మాలాతిలత, ఫిజికల్‌ డైరెక్టర్‌ ఎం.వెన్నెల, పీఈటీ కె.శారద, ఉపాధ్యాయ బృందం అభినందించారు. రేపు రౌండ్‌టేబుల్‌ సమావేశం భూపాలపల్లి అర్బన్‌: దేశ, రాష్ట్రాల్లో నెలకొన్న విద్యారంగ సంక్షోభ పరిస్థితులు, పాఠశాలల అభివృద్ధిపై చర్చించేందుకు ఈ నెల 25న భూపాలపల్లిలో రౌండ్‌టేబుల్‌ సమావేశం నిర్వహించనున్నట్లు విద్యా పరిరక్షణ కమిటీ జిల్లా అధ్యక్షుడు ఎ.తిరుపతి, ప్రధాన కార్యదర్శి బి.సేవానాయక్‌ శుక్రవారం ఒక ప్రకటనలో పేర్కొన్నారు. జిల్లాకేంద్రంలోని కొమురయ్య భవన్‌లో సమావేశం ప్రారంభమవుతుందన్నారు. తెలంగాణ విద్యా పరిరక్షణ కమిటీ రాష్ట్ర ఆర్గనైజింగ్‌ సెక్రటరీ, సెంట్రల్‌ యూనివర్సిటీ ప్రొఫెసర్‌ లక్ష్మినారాయణ ముఖ్యఅతిథిగా హాజరవుతారని పేర్కొన్నారు. 10మంది వేటగాళ్ల బైండోవర్‌ మహాముత్తారం: 10మంది వన్యప్రాణి వేటగా ళ్లను శుక్రవారం మహాముత్తారం తహసీల్దార్‌ శ్రీనివాస్‌ ఎదుట బైండోవర్‌ చేసినట్లు మహా ముత్తారం ఎస్సై రమేశ్‌ తెలిపారు. యామన్‌పల్లి గ్రామానికి చెందిన జాడి లక్ష్మన్‌, బొప్పారపు రాజేందర్‌, జనగాం వెంకటయ్య, ఆకుదారి శ్రీశైలం, పాగె పోచయ్య, కలోజాల సతీష్‌, జాడి చిన్నయ్య, రత్నం సడువలి, రాంచందర్‌, అట్టెం రాజబాపు ఉన్నారు. భవిష్యత్‌లో అక్రమాలకు పాల్పడకుండా ఉంటేందుకు ముందస్తు చర్యలో భాగంగా చేసినట్లు తెలిపారు.

మల్హర్‌: మండలంలోని కొండపేట గ్రామపంచాయతీ పరిధిలోని కుంభంపల్లిలో పంట పొలాల్లో శుక్రవారం కోతులు బీభత్సం సృష్టించాయి. గ్రామానికి చెందిన ముల్కల రాజేశ్వర్‌రెడ్డి తన వ్యవసాయ పొలంలోని మోటార్‌ వైర్లు, స్టార్టర్‌ బాక్స్‌ను ధ్వంసంచేసి వైర్లను తెంపేశాయి. దీంతో వ్యవసాయ మోటార్‌ పూర్తిగా కాలిపోయింది. 15 రోజుల క్రితం కోతులు ధ్వంసం చేయడంలో రూ.40 వేలు చెల్లించి మరమ్మతులు చేసినట్లు సదరు రైతు ఆవేదన వ్యక్తం చేశారు. కోతుల విధ్వంసంతో రిపేర్లకు మరో రూ.10వేలు చెల్లించాల్సి వస్తుందని వాపోయారు. తెగిన వైర్లను గమనించకుండా వెళ్లి ఉంటే పెను ప్రమాదం జరిగి ఉండేదని తెలిపారు. కోతుల బెడద నివారించాలని రైతులు, గ్రామస్తులు అధికారులను కోరుతున్నారు.

సాక్షి ప్రతినిధి, వరంగల్‌: కుష్టు కేసులను వెలికి తీసేందుకు వైద్య, ఆరోగ్యశాఖ మరోసారి ఇంటింటి సర్వేకు శ్రీకారం చుట్టింది. జాతీయ కుష్టు వ్యాధి నిర్మూలన కార్యక్రమంలో భాగంగా లెప్రసీ కేస్‌ డిటెక్షన్‌ క్యాంపెయిన్‌ (ఎల్‌సీడీసీ)ను అధికారులు ముమ్మరం చేస్తున్నారు. ఆరోగ్య సిబ్బంది, ఆశా కార్యకర్తలు ఇంటింటికీ వెళ్లి చర్మంపై అనుమానాస్పద మచ్చలు, స్పర్శజ్ఞానం తగ్గడం, చేతులు, కాళ్లలో తిమ్మిర్లు, బలహీనత వంటి లక్షణాలను పరిశీలించనున్నారు. కుష్టు వ్యాధి ప్రారంభ దశలో గుర్తిస్తే పూర్తిగా నయం చేయడంతోపాటు శాశ్వత వైకల్యాలను కూడా నివారించవచ్చని వైద్యశాఖ చెబుతోంది. అందుకే అనుమానితులను గుర్తించడం, పరీక్షలు చేయించడం, నిర్ధారణ అయిన వారికి వెంటనే బహుళ ఔషధ చికిత్స (ఎండీటీ) అందించడం ఈ సర్వే ప్రధాన ఉద్దేశం. ఉమ్మడి జిల్లాపై ప్రత్యేక నజర్‌.. హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాలతో కూడిన పూర్వ ఉమ్మడి వరంగల్‌ ప్రాంతంలో కుష్టు నిర్మూలన కార్యక్రమాన్ని సాధారణ ఆరోగ్య సేవల్లో భాగంగా కొనసాగిస్తున్నారు. హనుమకొండ జిల్లా అధికారిక ఆరోగ్యశాఖ వెబ్‌సైట్‌లోనూ జాతీయ కుష్టు నిర్మూలన కార్యక్రమం (ఎన్‌ఎల్‌ఈపీ)ను ప్రధాన కమ్యూనికబుల్‌ డిసీజ్‌ కార్యక్రమాల్లో ఒకటిగా పేర్కొంది. ఆరు జిల్లాల్లోనూ కుష్టు కేసుల ముందస్తు గుర్తింపు, ఇంటింటి కాంటాక్ట్‌ సర్వే, ఆశా కార్యకర్తల భాగస్వామ్యం, ఉచిత ఎండీటీ చికిత్స, వైకల్య నివారణ చర్యలను ఎన్‌ఎల్‌ఈపీలో భాగంగా అమలు చేస్తున్నట్లు వైద్యశాఖ పేర్కొంది. మచ్చ కనిపిస్తే నిర్లక్ష్యం వద్దు.. చర్మంపై సాధారణ రంగుకంటే తెల్లగా లేదా రాగి రంగులో మచ్చలు కనిపించడం, ఆ ప్రాంతంలో స్పర్శజ్ఞానం తగ్గడం లేదా లేకపోవడం కుష్టు వ్యాధికి ముఖ్యమైన సంకేతాలుగా వైద్యశాఖ పేర్కొంటోంది. చేతులు, కాళ్లలో తిమ్మిర్లు, బలహీనత, స్పర్శజ్ఞానం కోల్పోవడం వంటి లక్షణాలు కనిపించినా వైద్యులను సంప్రదించాలి. ప్రభుత్వ ఆస్పత్రులు, పీహెచ్‌సీలు, ఇతర ప్రభుత్వ ఆరోగ్య కేంద్రాల్లో కుష్టు వ్యాధి పరీక్షలు, చికిత్స ఉచితంగా అందుబాటులో ఉన్నాయి. అనుమానం వస్తే ఆరోగ్య సిబ్బందికి చెప్పండి..కుష్టు వ్యాధి శాపం కాదు.. వంశపారంపర్య వ్యాధి కూడా కాదు. సరైన సమయంలో చికిత్స తీసుకుంటే పూర్తిగా నయం చేయవచ్చు. జాతీయ కుష్టు వ్యాధి నిర్మూలన కార్యక్రమంలో భాగంగా ఇంటింటి సర్వే నిర్వహిస్తున్నాం. ఈ సర్వేకు ప్రజలు సహకరించి, అనుమానాస్పద లక్షణాలుంటే దాచిపెట్టకుండా ఆరోగ్య సిబ్బందికి తెలియజేయాలి. వ్యాధిపై భయాందోళనలు అవసరం లేదు. వ్యాధిగ్రస్తులపై వివక్ష చూపకుండా వారికి అండగా నిలుద్దాం. – డాక్టర్‌ ఎ.అప్పయ్య, డీఎంహెచ్‌ఓ, హనుమకొండకుష్టువ్యాధి అనుమానితుల గుర్తింపుపై వైద్యశాఖ దృష్టి మళ్లీ మొదలైన ఎల్‌సీడీసీ సర్వే ఇంటింటికీ వైద్య ఆరోగ్య సిబ్బంది తొలిదశలో గుర్తిస్తే వైకల్యానికి చెక్‌ ఉమ్మడి వరంగల్‌లో విస్తృతంగా స్క్రీనింగ్‌జిల్లా సర్వే చేసిన గృహాలు పరీక్షించుకున్నవారు అనుమానితులు హనుమకొండ 2,17,815 9,07,815 1406 వరంగల్‌ 1,86,668 7,46,672 1013 భూపాలపల్లి 13,386 4,33,506 336 ములుగు 79,216 2,84,530 722 జనగామ 1,26,509 4,59,783 847 మహబూబాబాద్‌ 2,07,697 7,64,772 2544 8,31,291 35,97,078 6,868

కాళేశ్వరం: ప్రముఖ శైవక్షేత్రంగా పేరొందిన శ్రీకాళేశ్వరముక్తీశ్వరస్వామి దేవస్థానంలో పాలన గాడి తప్పుతోంది. దేవస్థానం పునర్నిర్మాణ పనులు కొనసాగుతున్న సమయంలో భక్తులకు మెరుగైన సౌకర్యాలు కల్పించాల్సిన అధికారులు, అర్చక, సిబ్బంది వ్యవహారశైలి విమర్శలకు తావిస్తోంది. అర్చకులు, సిబ్బంది సమయపాలన పాటించడం లేదనే ఆరోపణలు చర్చనీయాంశంగా మారాయి. దీంతోపాటు పాలకవర్గానికి, ప్రజాప్రతినిధులకు ప్రొటోకాల్‌ రగడపై ఆరోపణలు ఉన్నాయి. మంత్రి చొరవతోనే.. రాష్ట్ర ప్రభుత్వం నిధులు మంజూరు చేయడంతో రూ.198 కోట్లతో కాళేశ్వరం దేవస్థానంలో పునర్నిర్మాణ పనులు చేపట్టగా.. ఏప్రిల్‌ 20న సీఎం రేవంత్‌రెడ్డి శంస్థాపన చేశారు. పాత ఆలయ నిర్మాణాలను తొలగించడంతో ప్రస్తుతం ఆదిముక్తీశ్వరాలయం వద్ద ఏర్పాటు చేసిన బాలాలయంలో ఉత్సవమూర్తులను ప్రతిష్ఠించి పూజలు నిర్వహిస్తున్నారు. జూన్‌ 17న శృంగేరి పీఠాధిపతి శిష్యులు కళాప్రకర్షన చేసి బాలాలయంలో భక్తులకు దర్శనాలు కల్పించారు. జూలై 30 నుంచి పునర్నిర్మాణ పనులు జరుతుండగా.. ఆలయ వ్యవస్థ అస్తవ్యస్తంగా మారిందనే ఆరోపణలు వినిపిస్తున్నాయి. సమయపాలన ఏదీ? దేవస్థానంలో అర్చకులు, సిబ్బంది విధులకు ఎప్పుడు వస్తున్నారు? ఎప్పుడు వెళ్తున్నారు? అనే విషయాలపై పర్యవేక్షణ కొరవడిందనే విమర్శలు వినిపిస్తున్నాయి. కొంత మంది అర్చకులు మాత్రమే వస్తుండగా.. మరికొందరు సమయపాలన పాటించడం లేదు. దేవస్థానం ఈఓ ఉదయం 10 గంటలకు కార్యాలయానికి వచ్చి సాయంత్రం 5 గంటలకు వెళ్లిపోతున్నారని, సెలవు దినాలు తీసుకోవడంతో స్థానికులు, భక్తుల నుంచి ఆరోపణలు ఉన్నాయి. కార్యాలయ వేళల అనంతరం ఆలయంలో జరిగే కార్యక్రమాలు, భక్తులకు అందుతున్న సేవలను పర్యవేక్షించేదెవరనే ప్రశ్నలు ఉత్పన్నమవుతున్నాయి. ఈ ఏడాది జూన్‌ నుంచి ఆదాయం కూడా తగ్గుముఖం పట్టినట్లు తెలిసింది. జూనియర్‌ అసిస్టెంట్‌ ప్రమోషన్‌ పోస్టు విషయంలో ఇద్దరు రికార్డు అసిస్టెంట్ల మధ్య పోటీ నెలకొంది. అధికారులు ఒకరికి సపోర్ట్‌ చేయడంతో ఇన్ని రోజులు సేవలందించినవారు అలిగినట్లు సమాచారం. ప్రొటోకాల్‌ విస్మరణ.. దేవస్థానం పాలకవర్గం, ప్రజాప్రతినిధులకు ప్రొటోకాల్‌ పాటించడంపై ఈఓ, సిబ్బంది విస్మరిస్తున్నారని తెలిసింది. విజయదశమి శమీ పూజలో ఈఓ గైర్హాజరు కావడంతోపాటు ప్రొటోకాల్‌ పాటించలేదని.. సర్పంచ్‌కు అర్చకుల మధ్య స్వల్పంగా వాగ్వాదం జరగడం గమనార్హం. పాలకవర్గానికి కనీస మర్యాద ఇవ్వడంలేదని వినికిడి. ఈవిషయం ఉన్నతాధికారులకు ఫిర్యాదు వరకు వెళ్లినట్లు తెలిసింది. టెండర్‌ నిర్వాహకులకూ ఇబ్బందులే.. ఆలయ పునర్నిర్మాణ పనుల నేపథ్యంలో టెండర్‌ నిర్వాహకులకు అవసరమైన మౌలిక సదుపాయాలు కల్పించలేదు. రేకుల షెడ్లు ఏర్పాటు చేసినప్పటికీ షట్టర్లు అమర్చలేదు.. విద్యుత్‌ సౌకర్యం కల్పించలేదు. దేవస్థానానికి ఆదాయం సమకూర్చే టెండర్‌ నిర్వాహకుల సమస్యల పరిష్కారంపై దేవాదాయశాఖ అధికారులు దృష్టి సారించాల్సిన అవసరం ఉంది.కాళేశ్వరంలో భక్తులకు తప్పని ఇబ్బందులు అర్చకులు, సిబ్బంది సమయపాలనపై ఆరోపణలు పాలకవర్గం, ప్రజాప్రతినిధులకు ప్రొటోకాల్‌పై రగడ టెండర్‌ నిర్వాహకులకు సౌకర్యాలపైనా నిర్లక్ష్యమే..? చర్యలపై దృష్టి సారిస్తేనే..మంత్రి దుద్దిళ్ల శ్రీధర్‌బాబు ప్రత్యేక చొరవతో ఆలయ అభివృద్ధికి నిధులు సమకూర్చి పనులు చేపడుతున్న తరుణంలో క్షేత్రస్థాయిలో నిర్వహణ లోపాల ఆరోపణలు రావడం చర్చనీయాంశంగా మారింది. ఆలయ ప్రతిష్టకు భంగం కలగకుండా అధికారులు, అర్చకులు, సిబ్బంది సమన్వయంతో పనిచేయాలని భక్తులు కోరుతున్నారు. విధుల సమయాలను పర్యవేక్షించడం, భక్తులకు మెరుగైన సేవలు అందించడం, ప్రొటోకాల్‌ పాటించడం, టెండర్‌ నిర్వాహకులకు అవసరమైన సదుపాయాలు కల్పించడంపై ఉన్నతాధికారులు దృష్టి సారించాలని విజ్ఞప్తి చేస్తున్నారు. ప్రముఖ పుణ్యక్షేత్రంలో పాలనపై వస్తున్న ఆరోపణలకు దేవస్థానం అధికారులు స్పందించి, వాస్తవ పరిస్థితులను వెల్లడించడంతోపాటు సమస్యలను పరిష్కరించాల్సిన అవసరం ఉంది. ఈ విషయమై దేవాదాయశాఖ వరంగల్‌ డిప్యూటీ కమిషనర్‌ కృష్ణప్రసాద్‌ను వివరణ కోరేందుకు ఫోన్‌ చేయగా అందుబాటులోకి రాలేదు.ఉన్నతాధికారులకు తెలియజేస్తా..దేవస్థానం అధికారులు, అర్చకులు ప్రొటోకాల్‌ విస్మరించడం, సిబ్బంది సమయపాలన పాటించకపోవడం నాదృష్టికి వచ్చింది. పర్యవేక్షణలేమిపై దేవాదాయశాఖ ఉన్నతాధికారులు, మంత్రి శ్రీధర్‌బాబు దృష్టికి తీసుకువెళ్తాను. ఆలయ ప్రతిష్టకు భంగం కలుగకుండా చర్యలు తీసుకుంటాను. – అవధాని మోహన్‌ శర్మ, కాళేశ్వరం దేవస్థానం చైర్మన్‌

సాక్షిప్రతినిధి, వరంగల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఎన్నికలపై ప్రధాన రాజకీయ పార్టీలు ఇప్పటినుంచే దృష్టి సారించాయి. ఎన్నికల నోటిఫికేషన్‌ వెలువడకముందే రాజకీయ వాతావరణం వేడెక్కుతోంది. ఓటర్ల నమోదు ప్రక్రియపై దృష్టి పెట్టడంతో పాటు, పార్టీ శ్రేణులను సమాయత్తం చేసేందుకు కాంగ్రెస్‌, బీఆర్‌ఎస్‌, బీజేపీ తమదైన వ్యూహాలతో ముందుకు సాగుతున్నాయి. పట్టభద్రులను ఆకట్టుకోవడం, ఓటర్ల జాబితాలో తమకు అనుకూలమైన అర్హులైన ఓటర్ల నమోదు జరిగేలా అవగాహన కల్పించడం, నాయకులు–కార్యకర్తల మధ్య సమన్వయం పెంచుకుంటున్నాయి. గెలుపే లక్ష్యంగా ఎత్తులు.. పైఎత్తులకు తెరతీస్తున్నాయి. కాంగ్రెస్‌.. ప్రభుత్వ పనితీరే ప్రచారాస్త్రంగా.. అధికార కాంగ్రెస్‌ పార్టీ తమ అభ్యర్థి విజయమే లక్ష్యంగా ఎన్నికల సన్నాహాలను వేగవంతం చేస్తోంది. ఇప్పటికే ఉమ్మడి జిల్లాస్థాయి సమావేశం అనంతరం నియోజకవర్గాల వారీగా నాయకులతో సమావేశాలు నిర్వహిస్తూ పార్టీ శ్రేణులను సమాయత్తం చేస్తోంది. తాజాగా హనుమకొండ డీసీసీ కార్యాలయంలో వరంగల్‌ పశ్చిమ నియోజకవర్గ ముఖ్య నాయకులు, డివిజన్‌ అధ్యక్షులతో ఎమ్మెల్యే నాయి ని రాజేందర్‌రెడ్డి, డీసీసీ అధ్యక్షుడు ఇనగాల వెంకట్రామ్‌రెడ్డి తదితరులు పాల్గొని ఎన్నికల్లో అనుసరించాల్సిన కార్యాచరణపై దిశానిర్దేశం చేశారు. ప్రభుత్వం చేపట్టిన ఉద్యోగ నియామకాలు, సంక్షేమ కార్యక్రమాలు, విద్యావంతులు, నిరుద్యోగుల కోసం తీసుకుంటున్న నిర్ణయాలను పట్టభద్రుల్లోకి తీసుకెళ్లాలని కాంగ్రెస్‌ నాయకత్వం భావిస్తోంది. బీఆర్‌ఎస్‌.. గత పట్టు నిలబెట్టుకునే యత్నం ప్రధాన ప్రతిపక్షమైన బీఆర్‌ఎస్‌కు ఈ ఎన్నికలు రాజకీయంగా కీలకంగా మారనున్నాయి. గతంలో పట్టభద్రుల వర్గంలో పార్టీకి ఉన్న ఆదరణను నిలబెట్టుకోవడంతోపా టు, అధికార కాంగ్రెస్‌ ప్రభుత్వంపై విమర్శలను ప్రజల్లోకి తీసుకెళ్లేందుకు ఆ పార్టీ ముఖ్య నాయకులు వ్యూహరచన చేస్తున్నారు. పార్టీ వర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు ఉమ్మడి వరంగల్‌ ముఖ్య నేతలతో కొద్దిరోజుల కిందట భేటీలు నిర్వహించారు. కేసీఆర్‌ సైతం ఫామ్‌హౌజ్‌లో మాజీ మంత్రులు, ఎమ్మెల్యేలతో మాట్లాడారు. ఉద్యోగ నియామకాలు, నిరుద్యోగ సమస్యలు, ప్రభుత్వ హామీల అమలు, ఉద్యోగుల ప్రయోజనాలు వంటి అంశాలను ప్రస్తావిస్తూ పట్టభద్రులను ఆకట్టుకునే ప్రయత్నం చేస్తున్నారు. ఆ పార్టీ గతంలో పోటీ చేసి స్వల్ప మెజార్టీతో ఓటమి చెందిన ఏనుగుల రాకేష్‌రెడ్డి.. ముఖ్య నేతలతో కలిసి ఓటర్ల నమోదు చురుగ్గా సాగిస్తున్నారు. బీజేపీ.. పట్టభద్రుల్లో పట్టు పెంచుకునేలా.. మరోవైపు బీజేపీ సైతం ఈ ఎన్నికలు తమ రాజకీయ బలాన్ని చాటుకునే అవకాశంగా భావిస్తోంది. పూర్వ వరంగల్‌, నల్లగొండ, ఖమ్మం జిల్లాల్లో పార్టీ సంస్థాగత బలాన్ని సమన్వయం చేసుకోవడంతోపాటు విద్యావంతులు, ఉద్యోగులు, యువతలో మద్దతును విస్తరించుకునేందుకు ప్రయత్నిస్తోంది. కేంద్ర ప్రభుత్వ విధానాలు, జాతీయ స్థాయి అంశాలతోపాటు ఉద్యోగాలు, విద్య, యువతకు అవకాశాలు, అభివృద్ధి వంటి అంశాలను పట్టభద్రుల ముందుకు తీసుకెళ్లాలన్న తలంపుతో ఉన్నారు. అభ్యర్థి ఎంపిక, స్థానిక రాజకీయ సమీకరణాలు, పట్టభద్రుల్లో పార్టీకి ఉన్న ఆదరణను ఓట్లుగా మలుచుకునే వ్యూహాలు ఎన్నికల్లో ఆ పార్టీ ప్రభావాన్ని నిర్ణయించనున్నాయి. పోటాపోటీగా ఓటర్ల నమోదు.. సన్నాహక సమావేశాలు గెలుపే లక్ష్యంగా నేతల మోహరింపు.. వ్యూహాలకు పదును పట్టభద్రులను ప్రసన్నం చేసుకునే పనిలో పార్టీలు... నోటిఫికేషన్‌కు ముందే ‘ఎమ్మెల్సీ’హీట్‌..పట్టభద్రుల సమస్యలే ప్రచార ఎజెండా..ఎమ్మెల్సీ ఎన్నికల్లో పోటీకి ముందే ఓటర్ల నమోదు రాజకీయ పార్టీలకు కీలకంగా మారింది. ఇందులో చురుకుగా వ్యవహరించడంతోపాటు పట్టభద్రులతో నిరంతర సంబంధాలు కొనసాగించడం ద్వారా ఎన్నికల నాటికి అనుకూల వాతావరణాన్ని నిర్మించుకోవాలని పార్టీలు యోచిస్తున్నాయి. అభ్యర్థి ఫలానా అంటూ ఓటరుగా నమోదు చేసుకున్నారా.. తాము చేయాలా అని ఫోన్లు చేస్తున్నారు. ఇదిలా ఉండగా ఎన్నికల నోటిఫికేషన్‌ వెలువడకముందే పార్టీలు సన్నాహక సమావేశాలు, ఓటర్ల నమోదు, నాయకుల సమన్వయంపై దృష్టి సారిస్తుండటంతో పట్టభద్రుల ఎమ్మెల్సీ ఎన్నికల హీట్‌ రోజు రోజుకూ పెరుగుతోంది. నియోజకవర్గాల వారీగా ఇన్‌చార్జ్‌ల నియామకంగ్రాడ్యుయేట్‌ ఎమ్మెల్సీ ఎన్నికల నేపథ్యంలో బీఆర్‌ఎస్‌ పార్టీ గురువారం ఉమ్మడి వరంగల్‌ పరిధిలోని 12 అసెంబ్లీ నియోజకవర్గాలకు పార్టీ నేతలకు బాధ్యతలు అప్పగించింది. జనగామ నియోజకవర్గానికి బండా శ్రీనివాస్‌, ఘన్‌పూర్‌ (ఎస్సీ)కు నాగుర్ల వెంకన్న, పాలకుర్తికి ఎం.సుధీర్‌కుమార్‌ను నియమించింది. డోర్నకల్‌ (ఎస్టీ)కు మాజీ ఎంపీ మాలోత్‌ కవిత, మహబూబాబాద్‌ (ఎస్టీ)కు సత్యవతి రాథోడ్‌కు బాధ్యతలు అప్పగించింది. అదేవిధంగా నర్సంపేట నియోజకవర్గానికి పోచంపల్లి శ్రీనివాస్‌రెడ్డి, పరకాలకు సమ్మారావు, వరంగల్‌ పశ్చిమకు బి.వినోద్‌కుమార్‌, వరంగల్‌ తూర్పుకు మర్రి యాదవరెడ్డిని నియమించింది. వర్ధన్నపేట (ఎస్సీ)కు మసూద్‌, భూపాలపల్లికి రామస్వామి నాయక్‌, ములుగు (ఎస్టీ)కి ముత్తిరెడ్డి యాదగిరిరెడ్డిని బాధ్యులుగా ప్రకటించింది. గ్రాడ్యుయేట్‌ ఎమ్మెల్సీ ఎన్నికల్లో పార్టీ శ్రేణులను సమన్వయం చేయడం, పట్టభద్రులను సంప్రదించడం, ఎన్నికల ప్రచార కార్యక్రమాలను పర్యవేక్షించడం వంటి బాధ్యతలను వీరు నిర్వహించనున్నారు.

● ఎస్పీ సిరిశెట్టి సంకీర్త్‌ భూపాలపల్లి : పేదల పక్షాన నిలిచి, అణచివేత, దోపిడీకి వ్యతిరేకంగా పోరాడిన ప్రజావీరుడు పండుగ సాయన్న జీవితం నేటి తరానికి ఆదర్శమని ఎస్పీ సిరిశెట్టి సంకీర్త్‌ అన్నారు. గురువారం పండుగ సాయన్న జయంతి సందర్భంగా జిల్లా పోలీస్‌ కార్యాలయంలో వేడుకలను ఘనంగా నిర్వహించారు. ఎస్పీ తదితరులు.. పండుగ సాయన్న చిత్రపటానికి పూలమాల వేసి నివాళులర్పించారు. పండుగ సాయన్న ఆశయాలకు అనుగుణంగా సమాజంలో సమానత్వం, మానవత్వం, సేవాభావాన్ని పెంపొందించుకోవాలని సూచించారు. కార్యక్రమంలో అదనపు ఎస్పీ నరేష్‌ కుమార్‌, ఆర్‌ఐలు కాశీరాం, పూర్ణచందర్‌ పాల్గొన్నారు. పోరాట యోధుడు పండుగ సాయన్న భూస్వాముల దోపిడీ, ఆధిపత్యానికి వ్యతిరేకంగా పోరాడుతూ పేద ప్రజల పక్షాన నిలిచిన యోధుడు పండుగ సాయన్న అని అదనపు కలెక్టర్‌ అశోక్‌కుమార్‌ కొనియాడారు. గురువారం జిల్లా బీసీ సంక్షేమ శాఖ ఆధ్వర్యంలో ఐడీఓసీ కార్యాలయంలో నిర్వహించిన పండుగ సాయన్న ముదిరాజ్‌ జయంతి వేడుకల్లో ఆయన పాల్గొన్నారు. సాయన్న చిత్రపటానికి పూలమాల వేసి నివాళులర్పించి మాట్లాడారు. పేదలకు ధాన్యం పంపిణీ చేయడంతోపాటు నిరుపేద కుటుంబాల వివాహాలకు సాయం చేస్తూ ప్రజల గుండెల్లో సాయన్న చిరస్థాయిగా నిలిచిపోయారని పేర్కొన్నారు. ఆయనను హతమార్చినప్పటికీ, పోరాట స్ఫూర్తి నేటికీ ప్రజల్లో సజీవంగా ఉందన్నారు. కార్యక్రమంలో జిల్లా యువజన సర్వీసుల శాఖ అధికారి చిర్రా రఘు, జిల్లా ముదిరాజ్‌ సంఘం అధ్యక్షుడు ఆకుల సుభాష్‌, జిల్లా మత్స్య శాఖ అధ్యక్షుడు జోరుక సదయ్య, తదితరులు పాల్గొన్నారు.

మల్హర్‌(కాటారం): ప్రైవేట్‌ ఆస్పత్రులు తప్పనిసరిగా నింబంధనలు పాటించాలని, పాటించని వారిపై చట్టపరమైన చర్యలు తప్పవని డీఎంహెచ్‌ఓ మధుసూదన్‌ హెచ్చరించారు. గురువారం కాటా రంలోని బాలాజీ హాస్పిటల్‌, శ్రీ లక్ష్మి హాస్పిటల్‌, సాయి హాస్పిటల్‌, రఫీ హాస్పిటల్‌, సురేష్‌ హాస్పిటల్‌, రాజరాజేశ్వరి హాస్పిటల్‌లను డీంహెచ్‌ఓ తనిఖీ చేశారు. ఈ సందర్భంగా క్లినికల్‌ ఎస్టాబ్లిష్మెంట్‌ యాక్ట్‌ రిజిస్ట్రేషన్లు, బయో–మెడికల్‌ వేస్ట్‌ నిర్వహణ, అగ్నిప్రమాద నివారణ చర్యలు, రికార్డుల నిర్వహణను క్షుణ్ణంగా పరిశీలించారు. ప్రతి ఆస్పత్రిలో రిజిస్ట్రేషన్‌ సర్టిఫికెట్‌ తప్పనిసరిగా ప్రదర్శించాలని, రోగులకు కనిపించే విధంగా చికిత్స రుసుంలు, సేవల ధరల పట్టిక ఉంచాలని ఆయన సూచించారు. అగ్నిప్రమాద నివారణకు ఫైర్‌ ఎక్స్‌టింగ్విషర్లు అందుబాటులో ఉంచుకోవాలని తెలిపారు. అర్హత కలిగిన వైద్యులు మాత్రమే ఓపీ సేవలు అందించాలని, అనర్హులతో వైద్యం చేయించొద్దని స్పష్టం చేశారు. ఈ తనిఖీల్లో పీఓ ఏన్‌సీడీ డాక్టర్‌ దేవేందర్‌, పీఓఎంసీహెచ్‌ డాక్టర్‌ శ్రీదేవి, పీఓఎన్‌టీఈపీ సందీప్‌, హెచ్‌ఈ శ్రీదేవి, స్థానిక వైద్యాధికారి మౌనిక తదితరులు పాల్గొన్నారు. డీఎంహెచ్‌ఓ మధుసూదన్‌

భూపాలపల్లి : ఎల్‌నినో ప్రభావంతో వర్షపాతం తగ్గి, ఉష్ణోగ్రతలు పెరిగే అవకాశం ఉన్నందున ప్రజలంతా అప్రమత్తంగా ఉండాలని, ప్రధానంగా నీరు, విద్యుత్‌ను పొదుపుగా వినియోగించాలనికలెక్టర్‌ రాహుల్‌ శర్మ సూచించారు. తాగునీరు, సాగునీటిని అవసరమైన మేరకే వినియోగించాలని కోరారు. వర్షపు నీటిని ఒడిసిపట్టి భూగర్భ జలాలను పెంపొందించేందుకు ప్రతీ ఒక్కరు కృషి చేయాలన్నారు. విద్యుత్‌ను పొదుపుగా వినియోగించాలని, అవసరం లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆపివేయాలని సూచించారు. ఎల్‌నినో ప్రభావాన్ని ఎదుర్కొనేందుకు జిల్లా అధికారులు ముందస్తు చర్యలు చేపట్టాలని తెలిపారు. గ్రా మీణ, పట్టణ ప్రాంతాల్లో నీటి లభ్యతను నిరంతరం పర్యవేక్షించాలని సంబంధిత అధికారులను ఆదేశించారు. తాగునీటి సరఫరాలో ఇబ్బందులు తలెత్తకుండా చర్యలు తీసుకోవాలని, నీరు, విద్యుత్‌ పొదుపును సామాజిక బాధ్యతగా భావించి ప్రజలంతా సహకరించాలని కలెక్టర్‌ విజ్ఞప్తి చేశారు. కలెక్టర్‌ రాహుల్‌ శర్మ

కాళేశ్వరం: ‘వామ్మో.. అన్నారం బ్యారేజీలో మొసలి’ సంచారం శీర్షికన గురువారం సాక్షిలో ప్రచురితమైన కథనానికి ఇరిగేషన్‌, అటవీశాఖ అధికారులు స్పందించారు. మహదేవపూర్‌ మండలంలోని అన్నారం బ్యారేజీ నీటిలో మొసలి సంచరిస్తుందని సామాజిక మాద్యమాల్లో ఇరిగేషన్‌ అధికారులు ప్రచారం చేశారు. మత్య్సకారులు చేపల వేటకు వెళ్లొద్దని, ప్రజలు స్నానాలకు నీటిలో దిగొద్దని అప్రమత్తం చేస్తున్నారు. అలాగే మహదేవపూర్‌ అటవీశాఖ అధికారులు బ్యారేజీ తీరంలో సిబ్బందితో కలిసి పరిశీలించారు. మంచిర్యాలవైపు నీటి మడుగు ఉండడంతో మొసలి గేట్ల వద్ద మొసలి ఆనవాళ్లు కనిపించలేదని తెలిసింది. మళ్లీ శుక్రవారం మొసలి ఆనవాళ్ల కోసం ఆన్వేషిస్తామని అటవీశాఖ రేంజర్‌ రవికుమార్‌ తెలిపారు. వైద్యురాలికి మెమో కాళేశ్వరం: మహదేవపూర్‌ మండలం కాళేశ్వరం పీహెచ్‌సీ వైద్యాధికారి సుస్మితకు డీఎంహెచ్‌ఓ మధుసూదన్‌రావు మెమో జారీ చేసినట్లు తెలిసింది. బుధవారం డ్రెసింగ్‌ కోసం వచ్చిన బాలింతకు వైద్యం అందలేదని గురువారం సాక్షిలో వచ్చిన కథనానికి వైద్యారోగ్యశాఖ కమిషనర్‌ ఆదేశాల మేరకు ఆయన స్పందించారు. విధుల్లో నిర్లక్ష్యంగా వ్యవహరించినందుకుగాను డాక్టర్‌ సుస్మితకు మెమో జారీ చేశారు. నేడు కేయూలో పలు అభివృద్ధి కార్యక్రమాల ప్రారంభోత్సవం కేయూ క్యాంపస్‌: కాకతీయ యూనివర్సిటీలో స్పోర్ట్స్‌ హాస్టల్‌నుంచి కెనాల్‌ సమీపంలోని కో ఎడ్యుకేషన్‌ ఇంజనీరింగ్‌ కళాశాల వరకు రూ.1.34 కోట్ల వ్యయంతో కిలోమీటర్‌ మేర చేపట్టిన సీసీ రోడ్డు నిర్మాణ పనులు పూర్తయ్యాయి. అదేవిధంగా పరీక్షల విభాగం పక్కనే రూ1.67 కోట్ల వ్యయంతో పరీక్షల విభాగం రెండో బ్లాక్‌ భవనం నిర్మించారు. ఈ రెండు అభివృద్ధి పనులను నేడు (శుక్రవారం) కేయూ వీసీ కె ప్రతాప్‌రెడ్డి, రిజిస్ట్రార్‌ రామచంద్రం.. అభివృద్ధి అధికారి ఆచార్య వై.వెంకయ్యలతో కలిసి ప్రారంభించనున్నారు. పనుల్లో నాణ్యతా ప్రమాణాలు పాటించాలి ములుగు: మోడల్‌ బస్టాండ్‌ పనుల్లో నాణ్యతా ప్రమాణాలు పాటించాలని రాష్ట్ర పంచాయతీరాజ్‌, గ్రామీణాభివృద్ధిశాఖ మంత్రి సీతక్క తెలిపారు. ఈ మేరకు కలెక్టర్‌ హేమంత్‌ సహదేవరావుతో కలిసి మంత్రి సీతక్క గురువారం జిల్లా కేంద్రంలోని మోడల్‌ బస్టాండ్‌ నిర్మాణ పనులను పరిశీలించారు. ఫ్లోరింగ్‌, నిర్మాణ పనులతో పాటు ఇతర పనుల పురోగతిని పరిశీలించి పనుల వివరాలపై ఆరా తీశారు. అనంతరం మంత్రి సీతక్క మాట్లాడుతూ ప్రయాణికుల అవసరాలను దృష్టిలో ఉంచుకొని నిర్మాణ పనులను పూర్తి చేయాలని సూచించారు. పనులను అధికారులు క్షేత్రస్థాయిలో నిరంతరం పర్యవేక్షించాలని ఆదేశించారు. ప్రయాణికులు సురక్షితంగా రాకపోకలు సాగించేలా ఫ్లోరింగ్‌ పనులు చేపట్టాలని సూచించారు. తాగునీరు, మరుగుదొడ్లు, కూర్చునే సదుపాయాలు, విద్యుద్ధీపాలతో పాటు మౌలిక సౌకర్యాలపై ప్రత్యేక దృష్టి సారించాలని అధికారులను ఆదేశించారు. ఈ కార్యక్రమంలో గ్రంథాలయ సంస్థ చైర్మన్‌ బానోత్‌ రవిచందర్‌, మార్కెట్‌ కమిటీ చైర్‌పర్సన్‌ కల్యాణి, పంచాయతీరాజ్‌ డైరెక్టర్‌ భైరెడ్డి భగవాన్‌రెడ్డి, అధికారులు పాల్గొన్నారు. లంబాడీ తండాలో తీజ్‌ వేడుకలు వెంకటాపురం(ఎం): మండల పరిధిలోని లక్ష్మీదేవి పేట గ్రామపంచాయతీ పరిధిలో గల లంబాడీ తండాలో గురువారం గిరిజనులు తీజ్‌ పండుగను ఘనంగా జరుపుకున్నారు. ఈ సందర్భంగా గ్రామ పెద్దలు అజ్మీర హరీశ్‌ మాట్లాడుతూ గోదుమలను తొమ్మిదిరోజులు బుట్టలో నానబెట్టి, బుట్ట వద్ద ప్రతిరోజూ సాయంత్రం పూజలు నిర్వహించి సంతోషంగా నృత్యాలు చేస్తారని తెలిపారు. తొమ్మిదో రోజు పూర్తయ్యే నాటికి మొలకల్లో కొన్నింటిని గిరిజన పెద్దల తలపాగల్లో వేసి మిగిలిన వాటిని సమీపంలోని చెరువులో వదిలేస్తారని తెలిపారు. అనంతరం బుట్టలను తెచ్చిన యువతుల కాళ్లను వాళ్ల సోదరులు కడిగి ఆశీస్సులు తీసుకుంటారని వివరించారు. ఈ కార్యక్రమంలో గ్రామస్తులు బానోత్‌ స్వామిలాల్‌, హట్కర్‌ దేవేందర్‌, బానోతు సమ్మయ్య, పొరిక పర్తి, ధరావత్‌ తిరుపతి, అజ్మీరా సీతారాం, సురేశ్‌, బాల్య నాయక్‌, బానోతు రుషిత, సుమశ్రీ, కీర్తన, భూక్య నిఖిత, అమూల్య, అర్చన పాల్గొన్నారు.

● కొనసాగుతున్న సమ్మెభూపాలపల్లి అర్బన్‌: ఎన్‌హెచ్‌ఎం కాంట్రాక్ట్‌, ఔట్‌సోర్సింగ్‌ ఉద్యోగుల నిరవధిక సమ్మె పదో రోజుకు చేరింది. ఇందులో భాగంగా గురువారం ఎన్‌హెచ్‌ఎం జేఏసీ ఆధ్వర్యంలో ఉద్యోగులు ఒంటికాలిపై ని లబడి నిరసన తెలిపారు. ఉద్యోగులను క్రమబద్ధీకరించాలని, సమాన పనికి సమాన వేతనం అమలు చేయాలని, సమస్యలకు శాశ్వత పరిష్కా రం చూ పాలని ప్రభుత్వాన్ని డిమాండ్‌ చేశారు. సమ్మె కారణంగా గ్రామీణ ప్రాంతాల్లో వైద్య సేవలకు ఆటంకం కలుగుతోందని జేఏసీ నాయకులు తెలిపారు. జేఏసీ జిల్లా అధ్యక్షుడు బడితల రమేష్‌, ప్రధాన కార్యదర్శి మధు, వైద్యులు, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు.

ఏటూరునాగారం: మండల కేంద్రంలోని సాయిబాబా ఆలయంలో దుర్గాదేవి నవరాత్రుల ఊరేగింపు కనులపండువగా కొనసాగింది. ఈ మేరకు గురువారం అమ్మవారి ఊరేగింపు వైభవంగా నిర్వహించారు. కళాకారులు అమ్మవారి తొమ్మిది అవతారాల వేషదారణలతో ఆకట్టుకున్నారు. సుమారు వంద మంది కళాకారులు నృత్యాలు చేస్తూ పురవీధుల్లో అమ్మవారి ఊరేగింపు నిర్వహించారు. ఈ శోభాయాత్రను తిలకించేందుకు జనం భారీగా తరలివచ్చారు. అంతేకాకుండా అమ్మవారి పాటలకు మహిళలు, చిన్నారులు కోలాటం వేస్తూ నృత్యాలు చేశారు. కార్యక్రమంలో ఆలయ చైర్మన్‌ పెండ్యాల ప్రభాకర్‌, సతీష్‌, తదితరులు పాల్గొన్నారు.

భూపాలపల్లి అర్బన్‌: జిల్లా వ్యాప్తంగా దసరా వేడుకలను ప్రజలు మంగళవారం వైభవంగా నిర్వహించారు. పలు ఆలయాల్లో, జమ్మిచెట్టు వద్ద పూజలు, రావణ వధ కార్యక్రమాలు చేపట్టారు. దుర్గమాత ఆలయాలకు భక్తులు అధిక సంఖ్యలో పోటెత్తారు. వాహన యజమానులు వాహన పూజలు చేపట్టి ఏడాదంతా ఎలాంటి ఇబ్బందిలేకుండా చూడాలని అమ్మవారిని వేడుకున్నారు. జిల్లా కేంద్రంలోని అంబేడ్కర్‌ స్టేడియంలో మంగళవారం రాత్రి మున్సిపాలిటీ ఆధ్వర్యంలో నిర్వహించిన దసరా ఉత్సవాలు వైభవంగా జరిగాయి. ఎమ్మెల్యే గండ్ర సత్యనారాయణ రావు, కలెక్టర్‌ రాహుల్‌ శర్మ, ఎస్పీ సిరిశెట్టి సంకీర్త్‌ ముఖ్య అతిథులుగా హాజరై జ్యోతి ప్రజ్వలన చేసి వేడుకలను ప్రారంభించారు. మున్సిపల్‌ చైర్మన్‌ బుర్ర కొమురయ్య వారికి స్వాగతం పలికారు. చెడుపై మంచి సాధించిన విజయానికి విజయదశమి ప్రతీక అని, ప్రజలందరూ సుఖసంతోషాలతో, ఆయురారోగ్యాలతో ఉండాలని ముఖ్య అతిథులు ఆకాంక్షించారు. ఆకట్టుకున్న సాంస్కృతిక కార్యక్రమాలు జబర్దస్త్‌ కళాకారులు రాకింగ్‌ రాకేష్‌, సద్దాం, జోర్దార్‌ సుజాత, ఫోక్‌ సింగర్‌, డ్యాన్సర్‌ రాము రాథోడ్‌ తమ ప్రదర్శనలతో ప్రేక్షకులను అలరించారు. హాస్య స్కిట్లు, జానపద పాటలు, నృత్యాలతో స్టేడియం సందడిగా మారింది. కళాకారుల ప్రదర్శనలకు ప్రేక్షకులు కేరింతలు కొడుతూ ఉత్సాహంగా స్పందించారు. రావణ వధతో ముగింపు వేడుకల అనంతరం 40 అడుగుల ఎత్తుతో ఏర్పాటు చేసిన రావణసురవధకు ఎమ్మెల్యే నిప్పు అంటించారు. ఈ వేడుకను తిలకించేందుకు ప్రజలు పెద్ద సంఖ్యలో తరలివచ్చారు. ఒకరికొకరు అలాయ్‌ బలాయ్‌ ఇచ్చుకుంటూ దసరా శుభాకాంక్షలు తెలుపుకున్నారు. స్థానిక సీఐ శ్రీనివాస్‌ ఆధ్వర్యంలో బందోబస్తు ఏర్పాటు చేసి ఎటువంటి ఘర్షనలు చోటు చేసుకొకుండా చర్యలు చేపట్టారు. కార్యక్రమంలో సింగరేణి జనరల్‌ మేనేజర్‌ రాజేశ్వర్‌రెడ్డి, మున్సిపల్‌ కౌన్సిలర్లు, వివిధ రాజకీయ పార్టీల నాయకులు, పట్టణ ప్రజలు పాల్గొన్నారు. జిల్లా కేంద్రంలో జబర్దస్త్‌ కళాకారుల ప్రదర్శన వేడుకులను ప్రారంభించిన ఎమ్మెల్యే సత్యనారాయణ, కలెక్టర్‌, ఎస్పీ

భూపాలపల్లి అర్బన్‌: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగుల నిరవధిక సమ్మె బుధవారం నాటికి తొమ్మిదో రోజుకు చేరుకుంది. ఈ సందర్భంగా ఎన్‌హెచ్‌ఎం జేఏసీ ఆధ్వర్యంలో ఉద్యోగులు మౌన దీక్ష చేపట్టి, నల్ల బ్యాడ్జీలు ధరించి నిరసన తెలిపారు. కాంట్రాక్టు, ఔట్‌సోర్సింగ్‌ ఉద్యోగులను క్రమబద్ధీకరించాలని, సమాన పనికి సమాన వేతనం అమలు చేయాలని, తమ సమస్యలకు శాశ్వత పరిష్కారం చూపాలని ప్రభుత్వాన్ని డిమాండ్‌ చేశారు. ఏళ్లుగా ఆరోగ్య శాఖలో విధులు నిర్వహిస్తూ ప్రజలకు వైద్య సేవలందిస్తున్న ఉద్యోగుల న్యాయమైన డిమాండ్లను పరిష్కరించాలని కోరారు. కార్యక్రమంలో జేఏసీ జిల్లా అధ్యక్షుడు బడితల రమేష్‌, ప్రధాన కార్యదర్శి మధు, ఉపాధ్యక్షుడు డాక్టర్‌ రఘురాం, జిల్లా కోఆర్డినేటర్‌ ప్రవీణ్‌, డాక్టర్లు జగదీశ్‌, విజయ్‌, వందన, దీప్తి, రాజు, ఫార్మసీ ఆఫీసర్‌ సుమన్‌, ఏఎన్‌ఎంలు కృష్ణవేణి, చిత్ర పాల్గొన్నారు. 9వ రోజుకు చేరిన ఎన్‌హెచ్‌ఎం ఉద్యోగుల సమ్మె

మంగపేట: మల్లూరులో హేమాచల లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్ల ఉత్సవమూర్తులకు బుధవారం రాత్రి ఊరేగింపు నిర్వహించారు. విజయదశమి పర్వదినాన్ని పురస్కరించుకు ని దేవతామూర్తులను నూతన పట్టు వస్త్రాలతో ఆలంకరించి పల్లకి(సేవ)పై సాయంత్రం మేళ తాళాలు, మంగళ వాయిద్యాల నడమ గుట్టపై నుంచి రాత్రి 8 గంటలకు మల్లూరు గ్రామానికి తీసుకొచ్చారు. స్వామివారిని విశ్రాంతి మండపంపై ఉంచి జమ్మి చెట్టుకు ప్రత్యేక పూజ లు నిర్వహించారు. పూజా కార్యక్రమం అనంతరం ఉత్సవ మూర్తులను గ్రామంలోని పుర వీధుల్లో ఊ రేగింపు నిర్వహించారు. గ్రామానికి వచ్చిన ఉత్సవ మూర్తులకు గ్రామస్తులు నీళ్లారబోసి టెంకాయలు కొట్టి దర్శించుకున్నారు. పూర్వం నుంచి వస్తున్న ఆచారం ప్రకారం విజయదశమి(దసరా) పండుగ రోజు నిర్వహించాల్సిన కార్యక్రమాన్ని పండుగ తెల్లవారి నిర్వహించడం ఏంటని స్థానికులు చర్చించుకుంటున్నారు. ఈ విషయంపై ఆలయ అధికారులు మాత్రం పాంచరాత్ర ఆగమం ప్రకారం ఈ రోజు నిర్వహిస్తున్నామని, భద్రాచలం శ్రీ సీతారామచంద్ర స్వామి ఆలయంలో కూడా ఈరోజే నిర్వహిస్తున్నారని తెలిపారు.

కాళేశ్వరం: మహదేవపూర్‌ మండలం కాళేశ్వరం ప్రాజెక్టు పరిధి అన్నారం బ్యారేజీ వద్ద ఓ మొసలి కలకలం రేపుతోంది. కొన్ని రోజులుగా బ్యారేజీ సమీపంలో మొసలి సంచరిస్తున్నట్లు ఇంజనీరింగ్‌ అధికారుల ద్వారా తెలిసింది. ఎల్‌మడుగులోని శివ్వారం మెసళ్ల అభయారణ్యం నుంచి గోదావరి ప్రవాహంలో కొట్టుకొచ్చి మొసలి అన్నారం బ్యారేజీ వద్దకు చేరి ఉండవచ్చని పలువురు భావిస్తున్నారు. బరాజ్‌కు దిగువన 20 కిలో మీటర్ల దూరంలోని కాళేశ్వరం త్రివేణి సంగమం వద్ద నిత్యం భక్తులు పెద్ద సంఖ్యలో వచ్చి గోదావరిలో పుణ్యస్నానాలు ఆచరిస్తుంటారు. మొసలి అటు వైపు వెళ్తే భక్తులకు ప్రమాదం తప్పని పరిస్థితి. అటవీశాఖ అధికారులు వెంటనే స్పందించి మొసలి సంచారాన్ని గుర్తించడంతోపాటు, దానిని సురక్షిత ప్రాంతానికి తరలించేందుకు చర్యలు తీసుకోవాలని స్థానికులు కోరుతున్నారు. గతంలోనూ మొసలి సంచారం.. సుమారు ఐదేళ్ల క్రితం బరాజ్‌ దిగువన 10 కిలోమీటర్ల దూరంలోని పలుగుల గ్రామ సమీపంలోని అటవీ ప్రాంతంలోనూ గోదావరి నుంచి వచ్చిన మొసలి కలకలం సృష్టించింది. అప్పట్లో స్థానిక పోలీసులు, అటవీశాఖ అధికారులు కలిసి దానిని పట్టుకుని సురక్షిత ప్రాంతానికి తరలించినట్లు స్థానికులు గుర్తుచేస్తున్నారు. ఈ విషయమై ఇరిగేషన్‌ అధికారులు అటవీశాఖకు సమాచారం అందజేసినట్లు తెలిసింది. కొన్ని రోజులుగా నీటిలో సంచారం దిగువ కాళేశ్వరం చేరితే భక్తులకు పొంచి ఉన్న ప్రమాదం

భూపాలపల్లి రూరల్‌: ప్రకతి వైపరీత్యాలు ప్రతీఏడాది వెంటాడుతుండగా.. మిర్చి రైతులకు కన్నీళ్లే దిక్కవుతున్నాయి. ఈ సారైనా కలిసి వస్తుందనే ఆశతో సాగుచేసిన రైతులకు మళ్లీ నిరాశే ఎదురయ్యే పరిస్థితులు నెలకొన్నాయి. నెల క్రితం కురిసిన వర్షాలు, ఎల్‌నినో ప్రభావంతో మిర్చి పంటకు కొమ్మ తెగుళ్లు, ఎండు తెగుళ్లు, తెల్ల దోమ, నల్లి తెగుళ్లు ఆశించాయి. ప్రధానంగా ఆకులు పండుబారిపోతున్నాయి. దీంతో మొక్కలు ఎండిపోతున్నాయి. ఎదగని పంటకు తోడు పూత దశలో ఆశిస్తున్న తెగుళ్లు రైతులకు కంటి మీద కునుకు లేకుండా చేస్తున్నాయి. పెట్టుబడి కూడా రాలేని పరిస్థితి నెలకొంది. నల్ల తామర, నల్లి, తెల్లదోమ.. తెగుళ్లతోపాటు నల్ల తామర, నల్లి పురుగు, తెల్ల దోమ ఉధృతితో పంటలకు నష్టం వాటిల్లుతోంది. భూపాలపల్లి, రేగొండ, మహాముత్తారం తదితర మండలాల్లో బ్లాక్‌ త్రిప్స్‌ (నల్ల తామర పురుగు), మైట్స్‌ (నల్లి పురుగు) ఉధృతి ఎక్కువగా ఉంది. మిర్చి పంటకు, ఆకుముడత, తెల్ల దోమ తెగుళ్లు తాజాగా బూడిద తెగులు మొదలై దిగుబడులు భారీగా తగ్గే అవకాశం ఉన్నట్లు రైతులు ఆవేదన వ్యక్తం చేస్తున్నారు. ఈఏడాది పెరిగిన సాగు.. మిర్చి సాగులో జిల్లాకు ప్రత్యేక స్థానం, పేరు ఉన్నాయి. అయితే గత ఏడాది నల్ల తామర ప్రభావంతో మిర్చి దిగుబడులు తగ్గాయి. దీనికి తోడు గిట్టుబాటు ధర లేకపోపోవడంతో రైతులు నష్టాలు చవిచూశారు. తగ్గుతున్న మిర్చి సాగు జిల్లాలో ఏటేటా మిర్చి సాగు తగ్గుతూ వస్తుంది. వానాకాలానికి సంబంధించి 2023లో జిల్లాలో 24,400 ఎకరాల్లో సాగు కాగా.. 2024లో 20,145 ఎకరాలు.. 2025లో కేవలం 7,360 సాగు కాగా.. ఈ సంవత్సరం ఇప్పటి వరకు 13,858ఎకరాల్లోనే మిర్చిని సాగుచేసినట్లు వ్యవసాయ రికార్డులు చెబుతున్నాయి. వేరుకుళ్లుతో వాడిపోతున్న మొక్కలు తాజాగా ఆశిస్తున్న పండు తెగులు ఇప్పటికే రెండింతలు దాటిన పెట్టుబడి ఖర్చులు దిగుబడిపై అయోమయంలో మిర్చిరైతులుమండలం ఎకరాలు మహదేవపూర్‌ 2,400 పలిమెల 650 మహాముత్తారం 250 కాటారం 44 మల్హర్‌రావు 1,450 చిట్యాల 2,382 టేకుమట్ల 370 మొగుళ్లపల్లి 1,016 రేగొండ 1,650 గణపురం 940 భూపాలపల్లి 2,186 కొత్తపల్లి గోరి 520

కాజీపేట అర్బన్‌: ఎకై ్సజ్‌ శాఖకు దసరా జోష్‌ సంతరించుకుంది. ఉమ్మడి వరంగల్‌ జిల్లాలో మందుబాబులు రూ.173.47 కోట్ల మద్యాన్ని తాగేశారు. ఏడాది పొడవునా మద్యం విక్రయాలు ఒక తీరైతే కేవలం దసరా పండుగ రోజున మాత్రం ఆ తీరే వేరు. బార్లు, వైన్స్‌ల చుట్టూ మందుబాబుల క్యూ కడుతూ ఉమ్మడి జిల్లాలోని 139 బార్లు, 295 వైన్స్‌లలో రూ.173.47 కోట్ల మద్యాన్ని కేవలం దసరా పండుగ విక్రయాలు జరిగాయంటేనే మందుబాబుల జోష్‌ తెలుస్తోంది. కాగా గతేడాది.. రూ.163.56 కోట్ల మద్యం విక్రయాలు జరగ్గా.. ఈ ఏడాది రూ.173.47 కోట్ల మద్యం విక్రయాలు జరిగాయి. గతేడాది కంటే రూ.10 కోట్లతో ఎకై ్సజ్‌శాఖ కిక్కునిచ్చింది. ఉమ్మడి జిల్లాలో టాప్‌ హనుమకొండ ఉమ్మడి వరంగల్‌ జిల్లాలో ట్రైసిటీతో ప్రత్యేక గుర్తింపు తెచ్చుకున్న వరంగల్‌ అర్బన్‌ (హనుమకొండ)జిల్లాలో అత్యధికంగా లిక్కర్‌ సేల్స్‌ కొనసాగుతుంటాయి. మద్యం టెండర్లు వెలువడితే చాలు వరంగల్‌ అర్బన్‌లో ఒక్క వైన్స్‌ వచ్చినా చాలు అంటూ పోటీపడుతుంటారు. అదేవిధంగా మద్యం విక్రయాల్లోనూ ఉమ్మడి జిల్లాలోని వరంగల్‌ రూరల్‌, జనగామ, మహబూబాబాద్‌, భూపాలపల్లి జయశంకర్‌ జిల్లాలతో పోటీ పడి వరంగల్‌ అర్బన్‌ టాప్‌లో నిలుస్తూ రూ.67.86 కోట్ల మద్యం విక్రయాలు కొనసాగించింది.వరంగల్‌ అర్బన్‌ 67.86వరంగల్‌ రూరల్‌ 28.55జనగామ 28.75మహబూబాబాద్‌ 29.46జయశంకర్‌ భూపాలపల్లి 18.85 ఉమ్మడి జిల్లాలో రూ.173 కోట్ల మద్యం తాగేశారు గతేడాది కంటే రూ.10 కోట్ల అధిక ఆదాయం ఉమ్మడి వరంగల్‌లో టాప్‌లో వరంగల్‌ అర్బన్‌ (హనుమకొండ)

కాళేశ్వరం: మహదేవపూర్‌ మండలం కాళేశ్వరంలో ప్రతీఏడాది విజయదశమి (శమీ) పూజ లో స్థానిక ప్రజాప్రతినిధులకు, దేవస్థానం డైరెక్టర్లకు ప్రొటోకాల్‌ను దేవాదాయశాఖ పాటిస్తుంది. కానీ మంగళవారం విజయదశమి సందర్భంగా శ్రీరామాలయం నుంచి ఉత్సవ మూ ర్తులను గోదావరి వద్దకు తీసుకెళ్లారు. అక్కడ దేవాదాయశాఖ ఆధ్వర్యంలో శమీ పూజ కార్యక్రమం నిర్వహిస్తున్న సందర్భంలో స్థానిక సర్పంచ్‌ మోహన్‌రెడ్డి, స్థానిక డైరెక్టర్లకు కనీస మర్యాదలు పాటించకుండా ప్రొటోకాల్‌ను విస్మరించారు. దీంతో ఈ విషయంలో దేవాదా యశాఖ ఉన్నతాధికారులకు ఫిర్యాదు చేయనున్నట్లు సర్పంచ్‌ పేర్కొన్నారు. బీరు సీసాలతో దాడి.. ఒకరి గాయాలు భూపాలపల్లి అర్బన్‌: పాత కక్షల నేపథ్యంలో బీరు సీసాలతో దాడి చేసుకున్న సంఘటన జయశంకర్‌ భూపాలపల్లి జిల్లా భూపాలపల్లి మండలంలోని కాశీంపల్లి గ్రామంలో బుధవా రం సాయంత్రం చోటు చేసుకుంది. గ్రామస్తులు తెలిపిన వివరాల ప్రకారం.. అదే గ్రామాని కి చెందిన జోరు రాజ్‌కుమార్‌.. బేతు రమేష్‌ మధ్య పాత కక్షలు ఉన్నాయి. ఈక్రమంలో ఇంటి వద్ద ఉన్న రమేష్‌ను గ్రామ సమీపంలోని పెద్దమ్మతల్లి ఆలయం వద్దకు తీసుకురమ్మని అదే గ్రామానికి చెందిన పెద్ద మనిషిని రాజ్‌కుమార్‌ పంపించాడు. దీంతో మాట్లాకుందామని చెప్పి సదరు పెద్ద మనిషి తన బైక్‌పైన బాధితుడు రమేష్‌ను తీసుకొచ్చారు. అప్పటికే మ ద్యం సేవిస్తున్న రాజ్‌కుమార్‌.. బీరు సీసాతో రమేష్‌పై దాడి చేసి కడుపులో పొడిచాడు. దాడిలో తీవ్రంగా గాయపడ్డ బాధితుడిని వెంటనే ప్రభుత్వ జనరల్‌ ఆస్పత్రికి తరలించారు. పరిస్థితి విషమంగా ఉండడంతో వరంగల్‌లోని మరో ఆస్పత్రికి తరలించారు. దాడిని అడ్డుకోబోయిన గ్రామానికి చెందిన మహేష్‌ అనే వ్యక్తికి సైతం తీవ్రగాయాలైనట్లు సమాచారం. ఇదే విషయమై పోలీసులతో మాట్లాడిన వివరాలు తెలుసుకునేందుకు ప్రయత్నించగా.. అందుబాటులోకి రాలేదు. నీటి ఎద్దడి నివారణకు చర్యలుములుగు: ఎల్‌నినో ప్రభావంతో ఉష్ణోగ్రతలు పెరిగి వర్షాలు తగ్గే అవకాశం ఉన్న నేపథ్యంలో నీటి ఎద్దడి నివారణకు ప్రభుత్వం ముందస్తు చర్యలు చేపడుతోందని పంచాయతీరాజ్‌, గ్రా మీణాభివృద్ధి శాఖ మంత్రి సీతక్క తెలిపారు. బుధవారం వెంకటాపురం(ఎం) మండల పరి ధి పాలంపేటలోని రామప్ప చెరువు, డీఫ్లోరైడేషన్‌ ప్రాజెక్టును ఆమె పరిశీలించారు. రామప్ప చెరువులో ప్రస్తుతం 29 అడుగుల మేర నీటి నిల్వ ఉందని తెలిపారు. గోదావరి నుంచి నీటి ని పంపింగ్‌ చేసి సమీప చెరువులు, పరిసర ప్రాంతాల కుంటలకు సరఫరా చేసే అవకాశాలను పరిశీలిస్తున్నామని తెలిపారు. డీఫ్లోరైడేషన్‌ ప్రాజెక్టు ద్వారా ములుగు, వెంకటాపురం, గోవిందరావుపేట, మల్లంపల్లి పరిసర ప్రాంతాలతో పాటు భూపాలపల్లి జిల్లాలోని కొన్ని ప్రాంతాలకు తాగునీరు అందించేందుకు చర్యలు తీసుకుంటున్నట్లు పేర్కొన్నారు. వర్షపు నీటిని ఒడిసిపట్టేందుకు ఉపాధి హామీ పథకం కింద ఇంకుడు గుంతలు, ఊటకుంటలు, చెక్‌డ్యామ్‌ల నిర్మాణం, చెరువుల పునరుద్ధరణ, బోర్ల రీచార్జ్‌ పనులు చేపట్టాలని సూచించారు. తాగునీటి సరఫరాకు ప్రథమ ప్రాధాన్యం ఇవ్వాలన్నారు. ప్రతీ నీటి చుక్కను పొదుపుగా వినియోగించుకోవాలని కోరారు. ప్రకృతి వైపరీత్యాలపై రాజకీయాలు చేయకుండా సమష్టిగా ఎదుర్కోవాలని సీతక్క సూచించారు. రామప్ప–లక్నవరం కాలువతో పాటు ప్రత్యామ్నాయ నీటి వనరుల అభివృద్ధికి చర్యలు తీసుకుంటున్నామని తెలిపారు. అడవి పందుల బెడద మల్హర్‌: మండలంలోని పెద్దతుండ్ల గ్రామంలో అడవి పందుల బెడదతో రైతులు తీవ్రంగా నష్టపోతున్నారు. వర్షాలు లేక బోర్లు, బావుల కింద అతికష్టం మీద పండించిన వరి పంటలను అడవి పందులు రాత్రి వేళల్లో గుంపులుగా వచ్చి ధ్వంసం చేస్తున్నాయని రైతులు ఆవేదన వ్యక్తం చేస్తున్నారు. చేతికొచ్చిన పంటను పందులు తొక్కేసి నేలమట్టం చేయడంతో రైతులు కన్నీరు పెడుతున్నారు. వర్షాభావంతో పంటలు ఎండిపోతుంటే, ఉన్న పంటను పందులు నాశనం చేయడంపై రైతులు ఆందోళన చెందుతున్నారు. వెంటనే అధికారులు స్పందించి అడవి పందుల బెడదను నివారించి పంటలను కాపాడాలని రైతుల కోరుతున్నారు.

భూపాలపల్లి అర్బన్‌: విజయదశమి పర్వదినాన్ని పురస్కరించుకుని భూపాలపల్లి జిల్లా పోలీస్‌ హెడ్‌క్వార్టర్స్‌లో సోమవారం ఆయుధ, వాహన పూజలను ఘనంగా నిర్వహించారు. ఎస్పీ సిరిశెట్టి సంకీర్‌ ఆర్మ్‌డ్‌ రిజర్వ్‌ విభాగంలోని ఆయుధాలకు, మోటార్‌ ట్రాన్స్‌పోర్ట్‌ (ఎంటీ) విభాగంలోని పోలీస్‌ వాహనాలకు ప్రత్యేక పూజలు చేశారు. ఈ సందర్భంగా ఎస్పీ మాట్లాడుతూ.. విజయదశమి చెడుపై మంచి సాధించిన విజయానికి ప్రతీక అన్నారు. జిల్లా ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. పండుగను ప్రశాంత వాతావరణంలో ఆనందోత్సాహాలతో జరుపుకోవాలని కోరారు. ప్రజల ప్రాణ, ఆస్తుల రక్షణతోపాటు శాంతిభద్రతల పరిరక్షణకు పోలీస్‌శాఖ నిరంతరం అప్రమత్తంగా ఉంటుందని తెలిపారు. నేరాల నియంత్రణ, ప్రజల భద్రతలో ఆయుధాలు, పోలీస్‌ వాహనాలు కీలకపాత్ర పోషిస్తాయని పేర్కొన్నారు. అధికారులు, సిబ్బంది అంకితభావంతో విధులు నిర్వహిస్తూ ప్రజలకు మెరుగైన సేవలందించాలని సూచించారు. పోలీస్‌ సిబ్బంది, వారి కుటుంబసభ్యులకు విజయదశమి శుభాకాంక్షలు తెలిపారు. ఈ కార్యక్రమంలో అడిషనల్‌ ఎస్పీ నరేష్‌కుమార్‌, ఎస్బీ సీఐ నరేశ్‌, భూపాలపల్లి సీఐ శ్రీనివాస్‌, ఆర్‌ఐలు సంతోష్‌, రత్నం, పూర్ణచందర్‌, పోలీస్‌ అధికారులు పాల్గొన్నారు.

గణపురం: సోమవారం మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామివారికి అభిషేకాలు, పూజలు నిర్వహించారు. అనంతరం స్వామి వారిని భక్తుల దర్శనార్ధం దుర్గామాత అమ్మవారి రూపంలో ప్రత్యేకంగా అలంకరించారు. వేట సామగ్రి స్వాధీనం మహాముత్తారం : మండలంలోని యామన్‌పల్లిలో సోమవారం కాటారం సీఐ భీమేష్‌ ఆధ్వర్యంలో స్థానిక ఎస్సై రమేశ్‌ టీజీఎస్‌పీ పోలీసులతో కలిసి తనిఖీలు నిర్వహించారు. ఈ తని ఖీల్లో గ్రామానికి చెందిన దగం మహేష్‌ వద్ద వ న్యప్రాణులను వేటాడేందుకు సిద్ధం చేసిన ఐ దు కిలోల బైండింగ్‌ వైరు, పవర్‌కేబుల్‌, కల్చ్‌వైర్లను స్వాధీనం చేసుకున్నారు. అదేవిధంగా అ దే గ్రామానికి చెందిన లక్ష్మి వద్ద 150 లీటర్ల బె ల్లంపానకం ధ్వంసం చేసి 20 లీటర్ల గుడుంబాను స్వాధీనం చేసుకుని ఫారెస్టు అధికారు లకు అప్పగించినట్లు ఎస్సై తెలిపారు. ఆరుగురి బైండోవర్‌ అటవీ ప్రాంతాలు, పంటపొలాల్లో అక్రమంగా కరెంటు ఉచ్చులు అమర్చకుండా ముందస్తు చర్యలో భాగంగా సోమవారం యామన్‌పల్లి గ్రామానికి చెందిన ఆరుగురు వ్యక్తులను మహాముత్తారం తహసీల్దార్‌ ఎదుట బైండోవర్‌ చేసినట్లు మహాముత్తారం ఎస్సై రమేశ్‌ తెలిపారు. ఎవరైనా అటవీ జంతువుల వేటకు లేదా పంట రక్షణ పేరిట విద్యుత్‌ తీగలు అమర్చి ప్రాణాపాయ చర్యలకు పాల్పడితే చట్టపరమైన చర్యలు తీసుకుంటామనిఎస్సై తెలిపారు. పెండింగ్‌ వినతులు పరిష్కరించాలి ములుగు అదనపు కలెక్టర్‌ మహేందర్‌జీ ములుగు రూరల్‌: ప్రజావాణి పెండింగ్‌ దరఖాస్తులను త్వరితగతిన పరిష్కరించాలని అదనపు కలెక్టర్‌ మహేందర్‌జీ అన్నారు. ఈ మేరకు సోమవారం కలెక్టరేట్‌ కార్యాలయంలో ప్రజా వాణి దరఖాస్తులను ఆయన స్వీకరించారు. ఈ సందర్భంగా అదనపు కలెక్టర్‌ మాట్లాడుతూ ప్రజావాణి దరఖాసులను క్షుణ్ణంగా పరిశీలించి సాధ్యాసాధ్యాలను దరఖాస్తుదారులకు తెలియజేయాలన్నారు. దరఖాస్తులు పెండింగ్‌లో లేకుండా చూడాలని ఆదేశించారు. ఈ సందర్భంగా జిల్లాకేంద్రంలో నిర్వహించిన ప్రజావా ణిలో భూ సమస్యలకు సంబంధించి 2, ఇతర శాఖలకు సంబంధించి 2 దరఖాస్తులు వచ్చాయని తెలిపారు. మొత్తంగా వచ్చిన నాలుగు దరఖాస్తులను పరిశీలించి సంబంధిత శాఖలకు బదలాయించినట్లు అధికారులు వివరించారు. పారా మెడికల్‌ కోర్సుల్లో ప్రవేశాలకు నోటిఫికేషన్‌ ములుగు రూరల్‌: జిల్లా కేంద్రంలోని ప్రభుత్వ వైద్య కళాశాలలో డిప్లమా ఇన్‌ మెడికల్‌ ల్యాబోరేటరీ టెక్నీషియన్‌ కోర్సులో 30 సీట్లు, డిప్లమా ఇన్‌ మెడికల్‌ స్టెరిలైజేషన్‌ ఆపరేషన్‌ టెక్నీషియన్‌ కోర్సులో 30 సీట్ల ప్రవేశాలకు ఽనోటిఫికేషన్‌ విడుదల చేసినట్లు కళాశాల ప్రిన్సి పాల్‌ డాక్టర్‌ స్వర్ణకుమారి సోమవారం ఒక ప్రకటనలో తెలిపారు. దరఖాస్తుల స్వీకరణకు ఈ నెల 24వ తేదీలోపు ఆన్‌లైన్‌లో పూర్తిచేసిన దరఖాస్తు ఫారాలను సాయంత్రం 5 గంటల లోపు ములుగు ప్రభుత్వ వైద్య కళాశాలలో అందజేయాలని తెలిపారు. అర్హత, దరఖాస్తు విధానం, అవసరమైన ధ్రువపత్రాలు తదితర వివరాల కు ములుగు ప్రభుత్వ వైద్య కళాశాల అధికారిక వెబ్‌సైట్‌, తెలంగాణ పారామెడికల్‌ బోర్డు వెబ్‌సైట్‌ను సందర్శించాలని సూచించారు. పాలపిట్టను బంధిస్తే నేరం ఏటూరునాగారం: పాలపిట్టను బంధిస్తే నేరమని ఎఫ్‌ఆర్‌ఓ అబ్దుల్‌ రహమాన్‌ అన్నారు. ఈ మేరకు మండల కేంద్రంలోని నాయకులు, ప్రజలతో ప్రత్యేకంగా ముద్రించిన వాల్‌పోస్టర్లను సోమవారం ఆవిష్కరించి ప్రచారాన్ని చేపట్టారు. వాల్‌పోస్టర్లను బస్టాండ్‌, మార్కెట్‌, ప్రధాన కూడళ్లలో గోడలకు అతికించి ప్రజలకు అవగాహన కల్పించినట్లు ఎఫ్‌ఆర్‌ఓ తెలిపారు. వన్యప్రాణులు, పక్షులను కాపాడుకోవాలని కోరారు.

మల్హర్‌(కాటారం): ఎల్‌నినో ప్రభావంతో రాష్ట్రంలో నీటి లభ్యత, విద్యుత్‌ వినియోగంపై ప్రభావం పడే అవకాశం ఉందని, ప్రజలందరూ నీరు, విద్యుత్‌ ను పొదుపుగా వాడుకోవాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు సూచించారు. సోమవారం ధన్వాడలో ఏర్పాటు చేసిన విలేకరుల సమావేశంలో మంత్రి శ్రీధర్‌బాబు మాట్లాడారు. రాష్ట్రానికి కావాల్సిన తాగునీరు 400 టీఎంసీలు కాగా.. ప్రస్తుతం 200 టీఎంసీలే ఉందన్నారు. ఎల్‌నినో కారణంగా వర్షాభావ పరిస్థితులు నెలకొనే అవకాశం ఉందని, దీనిని దృష్టిలో ఉంచుకుని రాబోయే రబీ సీజన్‌లో రైతులు అప్రమత్తంగా ఉండాలని సూచించారు. సాగునీటిని సమర్థవంతంగా వినియోగించుకోవాలని, ప్రత్యామ్నాయ పంటలపై దృష్టి పెట్టాలని రైతులకు సూచించారు. సర్పంచ్‌లు, రైతు సంఘాలు ప్రజలకు అవగాహన కల్పించాలన్నారు. ప్రజా సంక్షేమమే ప్రభుత్వ ప్రధాన ధ్యేయమని మంత్రి స్పష్టం చేశారు. ఎన్నికల్లో ఇచ్చిన హామీలను నెరవేర్చే దిశగా అన్ని పథకాలను పూర్తిచేయడానికి ప్రభుత్వం చిత్తశుద్ధితో కృషి చేస్తోందన్నారు. సంక్షేమ పథకాలు అర్హులైన ప్రతీ ఒక్కరికి చేరేలా చర్యలు తీసుకుంటున్నామని తెలిపారు. రాష్ట్ర అభివృద్ధిలో విద్య, వైద్య రంగాలకు అత్యంత ప్రాధాన్యత ఇస్తున్నామని పేర్కొన్నారు. ప్రభుత్వ పాఠశాలలు, ఆస్పత్రులను బలోపేతం చేస్తూ పేదలకు నాణ్యమైన విద్య, వైద్యం అందించడమే లక్ష్యమన్నారు. యువతకు ఉద్యోగ, ఉపాధి అవకాశాలు కల్పించేందుకు ప్రభుత్వం పెద్దఎత్తున కృషి చేస్తోందని చెప్పారు. పరిశ్రమలను ప్రోత్సహించి పెట్టుబడులను ఆకర్షిస్తున్నామని తెలిపారు. మంథని నియోజకవర్గంలో మహిళలకు కుట్టు శిక్షణ, గార్మెంట్‌ ఫ్యాక్టరీ ద్వారా స్థానికంగా ఉపాధి కల్పిస్తున్నామని గుర్తు చేశారు. ఈ కార్యక్రమంలో ట్రేడ్‌ ప్రమోషన్‌ కార్పొరేషన్‌ చైర్మన్‌ అయిత ప్రకాశ్‌రెడ్డి, జిల్లా గంథ్రాలయ సంస్థ చైర్మన్‌ కోట రాజబాబు, ఏఎంసీ చైర్‌ పర్సన్‌ పంతకాని తిరుమల, మండల అధ్యక్షుడు తెప్పల దేవేందర్‌ రెడ్డి, డిసిసి అధికార ప్రతినిధి పంతకాని సమ్మయ్య పాల్గొన్నారు.ఐటీ, పరిశ్రమల శాఖ మంత్రి శ్రీధర్‌బాబు

విజయ‘దశ’మి సూత్రాలు పాటిద్దాం.. ఎల్‌నినోను జయిద్దాం!ప్రత్యామ్నాయ పంటలతోనే సాగునీటి ఆదా.. వ్యవసాయంలో నీటి లభ్యతకు అనుగుణంగా పంటలు సాగు చేయడం, బిందు సేద్యం వంటి పద్ధతులను అనుసరించడం వల్ల సాగునీటిని సమర్థంగా వినియోగించుకోవచ్చు. ఉమ్మడి జిల్లాలో వర్షాకాలం సీజన్‌లో సగటున 26.7 శాతం వర్షపాతం లోటు నమోదైనట్లు గణాంకాలు చెబుతున్నాయి. ఉమ్మడి జిల్లాలో ఈ వానా కాలంలో అన్ని పంటలు కలిపి 14,48,052 ఎకరాల్లో సాగు చేశారు. ఇందులో వరి 6,91,997 ఎకరాలు, మొక్కజొన్న 1,00,976, పత్తి 7,99,799 ఎకరాల్లో సాగు చేశారు. ఇప్పటికే రాష్ట్ర ప్రభుత్వం వరి సాగు వద్దని చెబుతోంది. ఆరుతడి పంటలు వేసుకోవాలని సూచిస్తోంది.హన్మకొండ కల్చరల్‌: చెడుపై మంచి సాధించిన విజయానికి, అధర్మంపై ధర్మం సాధించిన విజయానికి ప్రతీకగా విజయదశమి పండుగ జరుపుకుంటారు. ఈ పండుగ మనిషి జీవితంలో మంచి మార్పులు తీసుకురావడానికి, సమాజ అభ్యున్నతికి కృషి చేయడానికి స్ఫూర్తిగా తీసుకోవాలి. విజయదశమి చెడుపై మంచిసాధించిన విజయాన్ని గుర్తుచేసుకుంటూ మనం ఈ విజయదశమి నుంచి మార్పు మనతోనే ప్రారంభించాలి. దశమి అంటే పది.. చెడుపై మంచి సాధించిన విజయానికి సంకేతంగా జరుపుకునే పండుగ స్ఫూర్తితో.. వాతావరణ మార్పుల రూపంలో ఎదురవుతున్న సవాళ్లను అధిగమించేందుకు ఉమ్మడి వరంగల్‌ ప్రజలు సిద్ధం కావాల్సిన సమయం ఆసన్నమైంది. పండుగ వేళ పది పొదుపు సూత్రాలను ఆచరణలో పెట్టడం ద్వారా ప్రకృతి వనరులను కాపాడుకోవడంతోపాటు భవిష్యత్‌ సవాళ్లను ఎదుర్కోవచ్చు.ప్రకృతికి పచ్చని కవచం.. విజయదశమి సందర్భంగా పచ్చదనాన్ని కాపాడుకోవడం, మొక్కలు నాటడమే కాకుండా వాటిని పెంచడం, సహజ నీటి వనరులను పరిరక్షించడం ప్రతి ఒక్కరి బాధ్యతగా మారాలి. ప్రకృతిని కాపాడితేనే భవిష్యత్‌ తరాలకు నీటి భద్రతను మెరుగుపర్చగలం. ఉమ్మడి వరంగల్‌ జిల్లాల్లో అటవీ విస్తీర్ణం అసమానంగా ఉంది. ఫారెస్ట్‌ సర్వే ఆఫ్‌ ఇండియా–2023 నివేదిక ప్రకారం.. ములుగు జిల్లాలో భౌగోళిక విస్తీర్ణంలో 64.64 శాతం అటవీ కవర్‌ ఉండగా, జయశంకర్‌ భూపాలపల్లిలో 41.15 శాతం, మహబూబాబాద్‌లో 26.49 శాతం ఉంది. మరోవైపు వరంగల్‌లో 3.53 శాతం, హనుమకొండలో 3.40 శాతం అటవీ కవర్‌ మాత్రమే నమోదైంది. పచ్చదనం, జీవవైవిధ్యం, నేల సంరక్షణ, స్థానిక వాతావరణ సమతుల్యతకు అడవులు కీలక పాత్ర పోషిస్తాయి.విద్యుత్‌ పొదుపు ముఖ్యం.. వర్షాలు లేకపోవడం, ఎండలు తీవ్రత ఎక్కువగా ఉండడంతో విద్యుత్‌ విని యోగం విపరీతంగా పెరిగింది. సాగు కోసం భూగర్భ జలాలు తోడేందుకు విద్యుత్‌ వినియోగం పెరిగింది. కూలర్లు, ఏసీల వినియోగం కొనసాగుతోంది. టీజీఎన్పీడీసీఎల్‌ పరిధిలో సెప్టెంబర్‌ 9న వేసవిని మించి రికార్డు స్థాయిలో 6,948 మెగావాట్ల గరిష్ట డిమాండ్‌ నమోదైంది. అవసరం లేని సమయంలో లైట్లు, ఫ్యాన్లు, ఇతర విద్యుత్‌ పరికరాలను ఆపేయడం, ఇంధన సామర్థ్యం కలిగిన పరికరాలను వినియోగించడం ద్వారా విద్యుత్‌ వృథాను అరికట్టవచ్చు.1ప్రతీ ఇంటి నుంచి మార్పు మొదలు పెట్టాలి.. వాతావరణ అనిశ్చితిపై అప్రమత్తత.. సాగు, తాగునీరు, విద్యుత్‌ పొదుపు ముఖ్యం3242

● విజయదశమి వేడుకలకు సర్వం సిద్ధం భూపాలపల్లి అర్బన్‌: తొమ్మిది రోజులు దేవీ నవరాత్రులు నిర్వహించి నేడు (పదో రోజు) దసరా పండుగను ఘనంగా జరుపుకునేందుకు జిల్లా ప్రజలు సిద్ధమయ్యారు. విజయదశమి సందర్భంగా నేడు అమ్మవారి ఆలయాలన్నీ పండగ శోభ సంతరించుకోనున్నాయి. విజయదశమి రోజున అమ్మవారిని రాజరాజేశ్వరి అలంకారంలో పూజిస్తారు. జిల్లాకేంద్రంలోని అంబేడ్కర్‌ స్టేడియంలో దసరా వేడుకలను ఘనంగా నిర్వహించనున్నారు. భూపాలపల్లి మున్సిపాలిటీ, సింగరేణి, దసరా ఉత్సవ సమితి ఆధ్వర్యంలో ఏర్పాట్లు చేశారు. సుమారు 40 ఫీట్ల పొడవైన రావణాసుర బొమ్మను ఏర్పాటు చేశారు. నేడు సాయంత్రం జబర్దస్త్‌ టీమ్‌, ప్రముఖ గాయకులు రామ్‌రాథోడ్‌, వడ్లకొండ అనిల్‌కుమార్‌, యాంకర్‌ మౌనిక, కళాకారులతో సాంస్కృతి కార్యక్రమాలు నిర్వహించనున్నారు. విజయదశమి వేడుకల్లో భాగంగా జిల్లా కేంద్రంలోని కేటీకే 5వ గని ఆవరణలోని దుర్గమాత ఆలయంలో ప్రత్యేక పూజలు నిర్వహించనున్నారు. అక్కడే ఉన్నటువంటి జమ్మి చెట్టుకు పూజలు చేసి చెట్టు ఆకును పంచిపెడుతారు. ఈ వేడుకలను ముఖ్య అతిఽథులుగా కలెక్టర్‌ రాహుల్‌శర్మ, ఎమ్మెల్యే గండ్ర సత్యనారాయణరావు, ఎస్పీ సిరిశెట్టి సంకీర్త్‌, సింగరేణి జీఎం రాజేశ్వర్‌రెడ్డి హాజరుకానున్నారు. ఈ కార్యక్రమ ఏర్పాట్లను మున్సిపల్‌ కమిషనర్‌ ఉదయ్‌కుమార్‌, సింగరేణి అధికారులు పరిశీలించారు.

ములుగు రూరల్‌: మహిళలు అన్నిరంగాల్లో పురుషులతో సమానంగా రాణించినప్పటికీ సమాజంలో మహిళలు నిత్యం వేధింపులకు గురవుతూనే ఉన్నారు. మహిళలపై జరుగుతున్న వేధింపులు, లైంగిక దాడులు, వరకట్న వేధింపులు, బాల్య వివాహాల నివారణకు తక్షణ సాయం కోసం ప్రభుత్వం సఖి కేంద్రాలను ఏర్పాటు చేసింది. సఖి కేంద్రాల ద్వారా మహిళలపై జరుగుతున్న వేధింపులకు రక్షణ కల్పిస్తూ బాధితులకు న్యాయం చేసే విధంగా కృషి చేస్తున్నాయి. గ్రామీణ ప్రాంతాల్లో సఖి కేంద్రం సభ్యులు మహిళలు, యువతులకు అందించే పోలీస్‌, న్యాయ, వైద్య సహాయం, వసతి, ఫిర్యాదు విధానాలపై అవగాహన కార్యక్రమాలు నిర్వహిస్తూ మహిళలను చైతన్య పరుస్తున్నారు. సఖి కేంద్రాలు మహిళలు, యువతులు, బాలికల సంరక్షణకు ఎంతగానో ఉపయోగపడుతున్నాయి. బాధితులకు కౌన్సెలింగ్‌.. జిల్లాలోని పది మండలాల్లో సఖి కేంద్రం ఆధ్వర్యంలో మహిళలకు సామాజిక చైతన్యం కలిగించే విధంగా కార్యక్రమాలు నిర్వహిస్తున్నారు. గ్రామీణ ప్రాంతాల్లో వేధింపులకు గురైన మహిళలు, యువతులకు సఖి కేంద్రం అందిస్తున్న సేవలను తెలియజేస్తున్నారు. వేధింపులకు గురైన మహిళల నుంచి ఫిర్యాదులు స్వీకరించి వారికి కౌన్సెలింగ్‌తో పాటు సమస్యలపై పోలీస్‌, ఉచిత న్యాయ సహాయం అందించి బాధిత మహిళలకు భరోసా కల్పిస్తున్నారు. ఉచిత న్యాయ సహాయం వేధింపులకు గురైన మహిళలు ఫిర్యాదు చేసిన వెంటనే సఖి కేంద్రం నిర్వాహకులు బాధిత మహిళను సఖి కేంద్రానికి తరలించి ఐదు రోజుల పాటు పిల్లల సంరక్షణ, భోజనం, వసతితో పాటు వైద్యం, పోలీస్‌, ఉచిత న్యాయం, ఆర్థిక సహాయం అందిస్తారు. బాధితులకు పూర్తిస్థాయి రక్షణ కల్పిస్తారు. బాధిత మహిళలు రక్షణాధికారి, జిల్లా సంక్షేమాధికారి లేదా పోలీస్‌స్టేషన్‌లో ఫిర్యాదు చేయవచ్చు. గృహహింస, లైంగిక, వరకట్న వేధింపులు, మహిళల అక్రమ రవాణా, ఆడపిల్లల అమ్మకం వంటి వాటిపై హెల్ప్‌లైన్‌ నంబర్‌ 181ను ఆశ్రయించవచ్చు. సఖి కేంద్రం సేవలు.. సఖి కేంద్రం ఆధ్వర్యంలో ఇప్పటి వరకు సోషల్‌ కౌన్సెలింగ్‌ 1,617 మందికి నిర్వహించారు. అలాగే 926 మంది బాధితులకు కౌన్సెలింగ్‌ నిర్వహించి 1022 మందికి వైద్య సదుపాయం కల్పించారు. అలాగే పలు పోలీస్‌ సపోర్టు 148 మందికి కల్పించడంతో పాటు 162 మందికి వసతి కల్పించారు. అలాగే 270 మంది పిల్లలను సంరక్షణతో పాటు 1,005 మందికి అవగాహన కల్పించారు. ఆపదలో అండగా ఉంటాం..మహిళలు, బాలికలకు ఆపద సమయంలో సఖీ కేంద్రం అండగా నిలుస్తుంది. సహాయం కోరిన వారికి వైద్యసిబ్బంది 24 గంటలు అందుబాటులో ఉంటుంది. బాధిత మహిళలకు వైద్యం, పోలీస్‌, ఉచిత న్యాయం, భోజనం అందించడంతో పాటు సమస్యలను పరిష్కరిస్తాం. ఆపద సమయంలో 181 హెల్ప్‌లైన్‌ నంబర్‌ లేదా 08715 2951281, 7013745008 నంబర్లలో సంప్రదించాలి. బాధిత మహిళలకు అండగా నిలుస్తున్న కేంద్రం ఉచిత పోలీస్‌, వైద్యం, వసతి, న్యాయ సహాయం అవగాహన కల్పిస్తున్న సిబ్బందికేసు అందిన పరిష్కరించినవి పెండింగ్‌లో ఫిర్యాదులు ఉన్నవిగృహహింస 725 603 122 వరకట్నం కేసులు 8 8 00 బాలికలపై లైంగిక దాడులు 52 47 05 బాల్య వివాహాలు 44 41 03 మిస్సింగ్‌ 46 45 01 చీటింగ్‌ 45 43 02 ప్రేమించి మోసం 63 61 02 సీనియర్‌ సిటీజన్‌ 02 02 00 ఆస్తి తగాదాలు 15 15 00 ఇతర కేసులు 46 43 03

● సమ్మెకు కల్వకుంట్ల కవిత సంఘీభావం భూపాలపల్లి అర్బన్‌: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులకు ఉద్యోగ భద్రత కల్పించడంతో పాటు న్యాయమైన డిమాండ్లను పరిష్కరించాలని తెలంగాణ రక్షణ సేన రాష్ట్ర అధ్యక్షురాలు కల్వకుంట్ల కవిత డిమాండ్‌ చేశారు. కలెక్టరేట్‌ ఎదుట ఎన్‌హెచ్‌ఎం జేఏసీ ఆధ్వర్యంలో కాంట్రాక్టు, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె సోమవారం ఏడో రోజుకు చేరింది. సమ్మె శిబిరాన్ని సందర్శించిన కవిత ఉద్యోగులకు సంఘీభావం ప్రకటించారు. కవితకు డిమాండ్లతో కూడిన వినతిపత్రం అందజేశారు. ఈ సందర్భంగా కవిత మాట్లాడుతూ.. ప్రజారోగ్య పరిరక్షణ, చిన్నారుల టీకాల కార్యక్రమాల్లో ఎన్‌హెచ్‌ఎం సిబ్బంది కీలకపాత్ర పోషిస్తున్నారని తెలిపారు. కేంద్ర ప్రభుత్వ ఉత్తర్వుల ప్రకారం ఏటా ఐదు శాతం వేతనాలు పెంచాల్సి ఉన్నా.. ఐదేళ్లుగా పెంపు లేకపోవడం అన్యాయమని విమర్శించారు. మహిళా ఉద్యోగులకు వేతనంతో కూడిన ప్రసూతి సెలవులు, కనీస సౌకర్యాలు కల్పించాలని కోరారు. ఉద్యోగుల క్రమబద్ధీకరణతోపాటు వారి న్యాయమైన డిమాండ్ల పరిష్కారానికి మద్దతు కొనసాగిస్తామని స్పష్టం చేశారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, వర్కింగ్‌ ప్రెసిడెంట్‌ వెంకటేష్‌, కార్యదర్శి మధుబాబు, ఉపాధ్యక్షుడు రఘురాం, కోశాధికారి శ్రీను, కోఆర్డినేటర్‌ ప్రవీణ్‌కుమార్‌, సోషల్‌ మీడియా ఇన్‌చార్జ్‌ రాజు, పార్టీ నాయకులు పాల్గొన్నారు.

భూపాలపల్లి అర్బన్‌: తీరొక్క పూలతో పేర్చిన బతుకమ్మలతో ఆదివారం జిల్లావ్యాప్తంగా కదిలొచ్చిన మహిళాలోకం ఆడిపాడి పులకించింది. సంప్రదాయ బద్ధంగా పాటలు పాడి సద్దుల సంబురం జరుపుకున్నారు. తంగేడు, గునుగు, బంతి, చామంతి, టేకు తదితర వర్ణాల పుష్పాలు నేలపై ‘పాల’ పుంత మాదిరి పరుచుకుని ఉండగా.. యువతులు, బాలికలు ఉత్సాహంగా కోలాటమాడి కొత్త శోభను అద్దారు. భూపాలపల్లి పట్టణంలోని పాత కూరగాయల మార్కెట్‌ మైదానాల్లో జన కోలాహలం నెలకొంది. జిల్లాలోని కాటారం, చెల్పూర్‌, చిట్యాల, గణపురం కాళేశ్వరం తదితర ప్రాంతాల్లో ఆనందంగా జరుపుకుని పోయిరా బతుకమ్మా.. వచ్చే సంవత్సరం మళ్లీ రావమ్మా అంటూ గంగమ్మ సన్నిధికి సాగనంపి వాయినం ఇచ్చిపుచ్చుకున్నారు. పట్టణంలో జరిగిన వేడుకల్లో ఎమ్మెల్యే సత్యనారాయణరావు పాల్గొన్నారు. పట్టణంలో ఘనంగా.. భూపాలపల్లి పట్టణంలో మున్సిపాలిటీ ఆధ్వర్యంలో పాత కూరగాయల అంగడి మైదానాలు, హనుమాన్‌ దేవాలయం, సంతోషిమాత, రామాలయం, అయ్యప్ప ఆలయాల వద్ద బతుకమ్మ వేడుకులకు మహిళలు, యువతులు అధిక సంఖ్యలో తరలివచ్చారు. ప్రాంగణాల్లో విద్యుత్‌ లైట్లు ఏర్పాట్లు చేశారు. బతుకమ్మ ఆడిన అనంతరం పట్టణ శివారులో పాత ఎర్ర చెరువులో నిమజ్జనం చేశారు.

ఉమ్మడి వరంగల్‌లోని ఆరు జిల్లాల్లో ఈహెచ్‌ఆర్‌ఎంఎస్‌ అమలు● ఉద్యోగుల సెలవులు, ఇంక్రిమెంట్లు, పదోన్నతులు, బదిలీలన్నీ ఆన్‌లైన్‌లోనే ● పెండింగ్‌ ఫైళ్లపై ఉన్నతాధికారుల నిఘా.. డిజిటల్‌ సర్వీస్‌ రిజిస్టర్‌తో పారదర్శకతసాక్షి ప్రతినిధి, వరంగల్‌: ప్రభుత్వ ఉద్యోగుల సర్వీస్‌ వ్యవహారాలను మరింత వేగవంతం చేసేందుకు రాష్ట్ర ప్రభుత్వం కీలక నిర్ణయం తీసుకుంది. ఉద్యోగుల సర్వీస్‌ రికార్డులను కాగితపు ఫైళ్లకే పరిమితం చేయకుండా డిజిటల్‌ సర్వీస్‌ రిజిస్టర్‌ (డీఎస్‌ఆర్‌)గా మార్చి, సర్వీస్‌కు సంబంధించిన వివిధ అంశాలను ఆన్‌లైన్‌ విధానంలోనే నిర్వహించేందుకు ఈహెచ్‌ఆర్‌ఎంఎస్‌ రాష్ట్రవ్యాప్తంగా అమలు చేయాలని ప్రభుత్వం ఆదేశించింది. ఉమ్మడి వరంగల్‌ జిల్లాలోని హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాల ప్రభుత్వ కార్యాలయాలపై కూడా ఈ నిర్ణయం ప్రభావం చూపనుంది. ఉద్యోగి సర్వీస్‌ మొత్తం ఒకే చోట.. ఇప్పటివరకు ఉద్యోగుల సర్వీస్‌ రికార్డులు ప్రధానంగా భౌతిక రూపంలో ఉండడంతో సర్వీస్‌ వ్యవహారాల పరిష్కారంలో జాప్యం, వివరాల ధ్రువీకరణలో ఇబ్బందులు, పెండింగ్‌ ఫైళ్లపై కేంద్రీకృత పర్యవేక్షణ లేకపోవడం వంటి సమస్యలు ఉన్నాయని ప్రభుత్వం గుర్తించింది. ఈ నేపథ్యంలో తెలంగాణ ఇంటిగ్రేటెడ్‌ ఫైనాన్షియల్‌ మేనేజ్‌మెంట్‌ ఇన్ఫర్మేషన్‌ సిస్టం (ఐఎఫ్‌ఎంఐ ఎస్‌)లో ఈ హెచ్‌ఆర్‌ఎంఎస్‌ను ప్రత్యేక మాడ్యూల్‌గా తీసుకొచ్చింది. కాగా, ఉద్యోగి సర్వీస్‌కు సంబంధించిన సెలవులు, ఇంక్రిమెంట్లు, పదోన్నతులు, బదిలీలు, ఏసీఆర్‌/ ఏపేఏఆర్‌, స్థిరాస్తుల వివరాలు, విజిలెన్స్‌ అంశాలు, పదవీ విరమణ కేసులు తదితర వివరా లను దశలవారీగా ఈ హెచ్‌ఆర్‌ఎంఎస్‌లో నిర్వహించనున్నారు. పర్యవేక్షించే నోడల్‌ అధికారులు.. ఉమ్మడి వరంగల్‌లో ఆరుగురికి నోడల్‌ బాధ్యతలు అప్పగించారు. హనుమకొండ ఎ.శ్రీనివాస్‌కుమార్‌ (డీడీ), వరంగల్‌కు జె.విజయసారథి (ఏడీ), జనగామ ఎండీ అన్వర్‌ హుస్సేన్‌ (ఏటీఓ), జయశంకర్‌ భూపాలపల్లి సయ్యద్‌ ఖలీద్‌ హుస్సేన్‌ను నియమించారు. మహబూబాబాద్‌కు ఎండీ షరీఫ్బాబా, ములుగుకు సయ్యద్‌ ఖలీద్‌ (ఏటీఓ)ను నియమించారు. ఈ అధికారులు ఆయా జిల్లాల్లో డీడీఓలు, ఇతర అధికారులకు ఈహెచ్‌ఆర్‌ఎంఎస్‌ అమలులో సహకరించాల్సి ఉంటుంది. జిల్లా స్థాయిలో పరిష్కారం కాని సమస్యలను ఐఎఫ్‌ ఎంఐఎస్‌ హెల్ప్‌లైన్‌ ద్వారా పరిష్కరించుకునే అవకాశం కల్పించారు.

మంగపేట: మండల పరిధిలోని మల్లూరు శ్రీ హేమాచల లక్ష్మీనర్సింహస్వామి ఆలయం భక్తజనంతో ఆదివారం కిటకిట లాడింది. వందల సంఖ్యలో భక్తులు ఆలయానికి తరలిరావడంతో ఆలయ ప్రాంగణంలో సందడి నెలకొంది. స్వయంభు స్వామివారిని దర్శించుకునేందుకు పలు ప్రాంతాల నుంచి భక్తులు ఉదయాన్నే గుట్టపైకి చేరుకున్నారు. ఆలయ సమీపంలోని పవిత్ర చింతామణి జలపాతం వద్ద పుణ్యస్నానాలు ఆచరించి అత్యంత భక్తిశ్రద్ధలతో స్వామివారిని దర్శించుకున్న భక్తులు లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్లకు పూలు, పండ్లు నూతన పట్టు వస్త్రాలు సమర్పించారు. తిలతైలాభిషేకం పూజలో పాల్గొన్న భక్తులు మానవ శరీరంతో పోలి ఉండే స్వామివారిని నిజరూప దర్శనం చేసుకుని పులకించారు. స్వామివారిని దర్శించుకున్న భక్తులకు ఆలయ పూజారులు గోత్ర నామాలతో స్వామివారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం వివరించి వేద ఆశీర్వచనం ఇచ్చారు.

హన్మకొండ కల్చరల్‌: శ్రీరుద్రేశ్వరస్వామి వారి వేయిస్తంభాల దేవాలయంలో శ్రీరుద్రేశ్వరీదేవి శరన్నవరాత్రి ఉత్సవాలు కొనసాగుతున్నాయి. 8వ రోజు ఆదివారం ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు మణికంఠశర్మ, ప్రణవ్‌, భరత్‌శర్మ సుప్రభాతసేవ, అభిషేకాలు, అర్చనలు జరిపారు. దుర్గాష్టమిని పురస్కరించుకుని శ్రీదుర్గామాతగా అలంకరించారు. దాత కోన శ్రీకర్‌ దంపతులు అందించిన కూరగాయలు, ఆకుకూరలతో అమ్మవారిని శాకంబరీదేవిగా అలంకరించి నీరాజన మంత్రపుష్పం చేశారు. భక్తులకు అన్నప్రసాదాల వితరణ చేశారు. ముదిరాజ్‌ సంఘం నాయకుడు పులి రజినీకాంత్‌, విశ్వబ్రాహ్మణ సంఘం నాయకుడు చొల్లేటి కృష్ణమాచారి, గంగపుత్ర సంఘం నాయకులు గరిగ అశోక్‌, ఉత్సవ సమితి ఉపాధ్యక్షుడు పల్లం రమేశ్‌, మాడిశెట్టి వరుణ్‌ తదితరులు పాల్గొని సేవలందించారు. ఈఓ అనిల్‌కుమార్‌ పర్యవేక్షించారు.

కాళేశ్వరం: మహదేవపూర్‌ మండలం కాళేశ్వరంలోని శ్రీకాళేశ్వర ముక్తీశ్వరస్వామి ఆలయ అనుబంధ దేవాలయమైన శ్రీరామాలయం వద్ద ప్రతీ ఏడాది విజయదశమి సందర్భంగా భక్తులు తమ వాహనాలకు పూజలు నిర్వహిస్తారు. ఈసారి కాళేశ్వరం దేవస్థానం పునర్నిర్మాణ పనుల కారణంగా వాహన పూజలకు ఇబ్బందులు ఎదురయ్యే పరిస్థితి నెలకొంది. పునర్నిర్మాణ పనుల్లో భాగంగా రామాలయానికి వచ్చే దారికి పడమర వైపున రేకుల నిర్మాణం చేపట్టడంతో రాకపోకలకు దారి లేకుండా పోయింది. ఆలయానికి ఉత్తరం వైపు ఉన్న రహదారిపైన వాహన పూజ చేయకుండా మట్టి కుప్పలు అడ్డంగా పోశారు. తూర్పున ప్రధాన రహదారి నుంచి ఆలయంలోకి వెళ్లే మార్గంలో మెట్లు అడ్డుగా ఉండడంతో వాహనాలు పైకి ఎక్కి ఆలయం వద్దకు వెళ్లే పరిస్థితి లేదు. ప్రధాన రహదారిపై వాహనాలు నిలుపుదల చేస్తే ట్రాఫిక్‌ సమస్య ఏర్పడుతుంది. దీంతో విజయదశమి రోజున వాహన పూజలు నిర్వహించేందుకు భక్తులు ఎలా చేరుకోవాలన్న ప్రశ్న తలెత్తుతోంది. ప్రతీ ఏడాది పెద్ద సంఖ్యలో భక్తులు వాహన పూజల కోసం వచ్చే నేపథ్యంలో దేవాదాయశాఖ అధికారులు ప్రత్యామ్నాయ మార్గాన్ని ఏర్పాటు చేయాలని పలువురు భక్తులు కోరుతున్నారు. పండుగ రోజున భక్తులకు ఇబ్బందులు కలగకుండా ముందస్తు చర్యలు తీసుకోవాలని విజ్ఞప్తులు చేస్తున్నారు. కాళేశ్వరంలో రామాలయం వద్ద అడ్డంగా రేకులు నిర్మాణం, మట్టి కుప్పలు భక్తులకు తప్పని ఇబ్బందులు

మల్హర్‌(కాటారం): ఆస్పత్రికి వచ్చే రోగులకు మెరుగైన వైద్యసేవలు అందించాలని జిల్లా వైద్యాధికారి (డీఎంహెచ్‌ఓ) మధుసూదన్‌ అన్నారు. శనివారం కాటారం ప్రాథమిక ఆరోగ్య కేంద్రాన్ని డీఎంహెచ్‌ఓ ఆకస్మికంగా సందర్శించారు. అనంతరం ఆయన మాట్లాడుతూ.. ఫార్మసీలో అత్యవసర మందుల నిల్వలు ఎల్లప్పుడూ అందుబాటులో ఉంచాలన్నారు. పరిసరాల పరిశుభ్రత పాటించాలని, రికార్డులను సక్రమంగా నిర్వహించాలని ఆదేశించారు. ఈ కార్యక్రమంలో ఎన్‌టీఈపీ ప్రోగ్రాం ఆఫీసర్‌ డాక్టర్‌ సందీప్‌, వైద్యాధికారులు మౌనిక, హారిక సిబ్బంది ఉన్నారు. డీఎంహెచ్‌ఓ మధుసూదన్‌

భూపాలపల్లి అర్బన్‌: జిల్లాలో నేరాల నియంత్రణకు, దీర్ఘకాలంగా పెండింగ్‌లో ఉన్న కేసుల పరిష్కారానికి అన్ని శాఖల అధికారులు సమన్వయంతో పనిచేయాలని జిల్లా ప్రధాన న్యాయమూర్తి జె.జీవన్‌కుమార్‌ సూచించారు. జిల్లా కోర్టు ఆవరణలో శనివారం జిల్లాస్థాయి అధికారులతో నిర్వహించిన సమీక్ష సమావేశంలో ఆయన మాట్లాడారు. ఏళ్ల తరబడి పెండింగ్‌లో ఉన్న కేసుల పరిష్కారానికి పోలీసు అధికారులు ప్రత్యేక చొరవ చూపాలని ఆదేశించారు. వివిధ కేసుల్లో బాధితులకు అందుతున్న నష్టపరిహారం వివరాలను సంబంధిత అధికారులను అడిగి తెలుసుకున్నారు. జైలులో ఉన్న నిందితుల వివరాలు, వారి స్థితిగతులపై జైలు అధికారులతో సమీక్షించారు. ఈ సమావేశంలో సీనియర్‌ సివిల్‌ జడ్జి తాడూరి మహతి వైష్ణవి, ప్రిన్సిపల్‌ జూనియర్‌ సివిల్‌ జడ్జి ఎస్‌ఆర్‌ దిలీప్‌కుమార్‌ నాయక్‌, అడిషనల్‌ జూనియర్‌ సివిల్‌ జడ్జి జి.అఖిల, అడిషనల్‌ ఎస్పీ ఎ.నరేష్‌ కుమార్‌, జిల్లా వైద్య ఆరోగ్యశాఖ అధికారి మధుసూదన్‌, మున్సిపల్‌ కమిషనర్‌ ఉదయ్‌ కుమార్‌, డీఎస్పీలు సంపత్‌రావు, సూర్యనారాయణ, అటవీశాఖ అధి కారి అప్పలకొండ, సీఐలు, ఎస్‌ఐలు పాల్గొన్నారు. జిల్లా ప్రధాన న్యాయమూర్తి జీవన్‌కుమార్‌

భూపాలపల్లి అర్బన్‌: జిల్లాలో ఎన్‌హెచ్‌ఎం జేఏసీ ఆధ్వర్యంలో చేపట్టిన నిరవధిక సమ్మె శనివారం ఐదో రోజుకు చేరింది. కలెక్టరేట్‌ ఎదుట చేపడుతున్న సమ్మెలో భాగంగా ఉద్యోగులు భిక్షాటన చేస్తూ నిరసన తెలిపారు. సమ్మె కారణంగా జిల్లాలోని పలు ప్రభుత్వ ఆరోగ్య కేంద్రాల్లో వైద్య సేవలకు అంతరాయం ఏర్పడిందని జేఏసీ ప్రతినిధులు తెలిపారు. సమస్యలకు శాశ్వత పరిష్కారం లభించే వరకు పోరాటం కొనసాగిస్తామని స్పష్టం చేశారు. ఈ కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు బడితల రమేశ్‌, కార్యదర్శి మధుబాబు, వర్కింగ్‌ ప్రెసిడెంట్‌ వెంకటేష్‌, వైస్‌ ప్రెసిడెంట్‌ డాక్టర్‌ రఘురాం, కోఆర్డినేటర్‌ ప్రవీణ్‌, డాక్టర్‌ జగదీశ్‌, సలహాదారులు పాల్గొన్నారు.

భూపాలపల్లి: ఎల్‌నినో ప్రభావంపై అధికారులు, ప్రజలు అప్రమత్తంగా ఉండాలని కలెక్టర్‌ రాహుల్‌ శర్మ సూచించారు. ఎల్‌నినో ప్రభావంతో సంభవించే వాతావరణ మార్పులు, వర్షాభావ పరిస్థితులు, వ్యవసాయ కార్యకలాపాలు, విద్యుత్‌ సరఫరా, తాగునీటి లభ్యత, సాగునీటి వనరులు, పశుసంపద, ప్రజారోగ్యం, గ్రామీణ జీవనోపాధిపై పడే సంభావ్య ప్రభావాలను దృష్టిలో ఉంచుకుని అన్ని మండలాల్లో ప్రస్తుత పరిస్థితులు, సంసిద్ధత చర్యలను క్షేత్రస్థాయిలో సమగ్రంగా అంచనా వేసేందుకు ప్రత్యేక అధికారులను నియమిస్తూ కలెక్టర్‌ శనివారం ఉత్తర్వులు జారీచేశారు. అధికారులు తమకు కేటాయించిన మండలాల్లో క్షేత్రస్థాయిలో పర్యటించి వర్షపాతం, వాతావరణ పరిస్థితులు, వ్యవసాయం, విద్యుత్‌ సరఫరా, తాగునీరు, సాగునీటి వనరులు, భూగర్భ జలాలు, పశుసంవర్ధక, ప్రజారోగ్య పరిస్థితులను సమగ్రంగా పరిశీలించాలని ఆదేశించారు. ప్రత్యేక అధికారులు తమకు కేటాయించిన మండలాల్లో మండల స్థాయి అధికారులతో సమన్వయం చేసుకుంటూ రోజువారీ క్షేత్రస్థాయి తనిఖీ నివేదికలను సమర్పించాలని కలెక్టర్‌ ఆదేశించారు. ఈ ఉత్తర్వులు తక్షణమే అమల్లోకి వస్తాయని తెలిపారు. ముందస్తు ప్రణాళికతో ఉండాలి.. ఎల్‌నినో ప్రభావంతో రానున్న రోజుల్లో ఏర్పడే సమస్యల పరిష్కారానికి జిల్లా యంత్రాంగం ముందస్తు ప్రణాళికతో అప్రమత్తంగా ఉండాలని సీడీఎంఏ డాక్టర్‌ టి.కె. శ్రీదేవి ఆదేశించారు. శనివారం ఉమ్మడి వరంగల్‌ జిల్లాల కలెక్టర్లతో నిర్వహించిన వీడియో కాన్ఫరెన్స్‌లో ఆమె సమీక్షించారు. ఈ సమావేశానికి ఐడీఓసీ కార్యాలయం నుంచి కలెక్టర్‌ రాహుల్‌ శర్మ, వివిధ శాఖల జిల్లా అధికారులు పాల్గొన్నారు. బతుకమ్మ పండుగ శుభాకాంక్షలు.. తెలంగాణ సంస్కృతీ సంప్రదాయాలకు, విశిష్ట జీవన విధానానికి ప్రతీకగా నిలిచే సద్దుల బతుకమ్మ పండుగ సందర్భంగా జిల్లా ప్రజలందరికీ కలెక్టర్‌ రాహుల్‌ శర్మ శుభాకాంక్షలు తెలిపారు. ప్రకృతిని, పూలను పూజించే గొప్ప పండుగ బతుకమ్మ అని పేర్కొన్నారు. ఆడపడుచులు అందరూ కలిసి ఆనందోత్సాహాల మధ్య బతుకమ్మ ఆడుకోవాలని, ఈ పండుగ ప్రతి ఇంటా సంతోషాన్ని, ఆయురా రోగ్యాలను, సమృద్ధిని నింపాలని ఆకాంక్షించారు. మండలాలకు ప్రత్యేక అధికారుల నియామకం కలెక్టర్‌ రాహుల్‌ శర్మ

● ఎమ్మెల్యే గండ్ర సత్యనారాయణరావు ● కలెక్టర్‌తో కలిసి పనుల పరిశీలనభూపాలపల్లి రూరల్‌: భూపాలపల్లి పట్టణంలో పెరుగుతున్న జనాభా, వాహనాల రద్దీకి అనుగుణంగా రోడ్ల విస్తరణ పనులు చేపడుతున్నట్లు ఎమ్మెల్యే గండ్ర సత్యనారాయణరావు అన్నారు. పట్టణంలోని అంబేడ్కర్‌ కూడలి అభివృద్ధి నమూనా ప్రణాళికను కలెక్టర్‌ రాహుల్‌శర్మతో కలిసి శనివారం పరిశీలించారు. అనంతరం ప్రజాప్రతినిధులు, అధికారులతో క్షేత్రస్థాయిలో సమీక్షించారు. అనంతరం మాట్లాడుతూ ప్రజల భద్రత, సౌకర్యవంతమైన ప్రయాణం కోసం రోడ్ల విస్తరణ అత్యవసరమన్నారు. నాణ్యతా ప్రమాణాలతో పనులను సకాలంలో పూర్తి చేయాలని అధికారులకు సూచించారు. భూసేకరణ సమస్యలను త్వరితగతిన పరిష్కరించాలన్నారు. రోడ్ల విస్తరణతో ప్రభావితమయ్యే చిరు వ్యాపారులకు ప్రత్యామ్నాయంగా రోడ్డు సరిహద్దుల్లో తగిన స్థలం, వ్యాపార అవకాశాలు కల్పిస్తామని తెలిపారు. ఇందుకు అవసరమైన నిర్మాణ పనులను రాబోయే పది రోజుల్లో ప్రారంభించేలా చర్యలు తీసుకోవాలని తెలిపారు. అధికారులు సమన్వయంతో పనిచేయాలి రోడ్ల విస్తరణ పనులకు అడ్డంకిగా ఉన్న సింగరేణి, విద్యుత్‌ శాఖ, జెన్‌కో విద్యుత్‌ లైన్లు, ఆర్‌డబ్ల్యూఎస్‌, మిషన్‌ భగీరథ, సింగరేణి పైపులైన్ల మార్పునకు సంబంధిత శాఖల అధికారులు సమన్వయంతో పనిచేయాలని కలెక్టర్‌ రాహుల్‌ శర్మ ఆదేశించారు. ఈ కార్యక్రమంలో మున్సిపల్‌ చైర్మన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, మున్సిపల్‌ కమిషనర్‌ ఉదయ్‌ కుమార్‌, సింగరేణి, విద్యుత్‌, పంచాయతీరాజ్‌, మిషన్‌ భగీరథ, మున్సిపల్‌ ఇంజనీర్లు తదితరులు పాల్గొన్నారు.

ఖిలా వరంగల్‌: వరంగల్‌చౌరస్తా మేదరివాడలో వెదురు బతుకమ్మ బుట్టలు తయారవుతున్నాయి. ఈ బుట్టలకు కావాల్సిన ముడిసరుకును నెల ముందుగానే మహారాష్ట్ర, ఛత్తీస్‌గఢ్‌, ఒడిశా, ఖమ్మం, భద్రాచలం నుంచి తెచ్చకుంటారు. 50 కుటుంబాలు ఈ వెదురు బతుకమ్మలు తయారుచేసి ఉపాధి పొందుతున్నాయి. బుట్టల సైజ్‌ను బట్టి రూ.50 నుంచి రూ.500 వరకు విక్రయిస్తున్నారు. ప్రస్తుతం పట్టణ ప్రాంతాల్లో పూలు దొరికే పరిస్థితి లేకపోవడంతో, అధికంగా ఖర్చు లేకుండా తక్కువ పూలతో పెద్ద బతుకమ్మలను ఆకర్షణీయంగా వెదురు బుట్టలను వాడి తయారు చేస్తున్నారు నగరవాసులు. చేతివృత్తులు కనుమరుగవుతున్న తరుణంలో తమకు బతుకమ్మ పండుగ కారణంగా ఉపాధి దొరుకుతోందని ఆ కుటుంబాలు ఆనందాన్ని వ్యక్తం చేస్తున్నాయి. ●

ఆదివారం శ్రీ 18 శ్రీ అక్టోబర్‌ శ్రీ 2026భూపాలపల్లి పట్టణంలో పూలు కొనుగోలు చేస్తున్న మహిళలు భూపాలపల్లి అర్బన్‌: బతుకమ్మ సంబరాల్లో చివరిదైన సద్దుల బతుకమ్మను నేడు (ఆదివారం) నిర్వహించేందుకు జిల్లావ్యాప్తంగా ముమ్మరంగా ఏర్పాట్లు చేశారు. సద్దుల బతుకమ్మ జరుపుకునే ప్రాంగణాలు, ఆలయ ప్రాంగణాలు ముస్తాబు చేశారు. భూపాలపల్లి మున్సిపల్‌ పరిధితో పాటు జిల్లావ్యాప్తంగా గ్రామాల్లో ప్రాంగణాలు సిద్ధం చేశారు. జలాశయాల వద్ద, దేవాలయాల్లో, పలు కూడళ్లలో ప్రత్యేక ఏర్పాట్లు చేపట్టారు. బతుకమ్మలను నీటిలో వదిలే సమయంలో ఇబ్బందులు చోటు చేసుకోకుండా బృందాలను జలాశయాల వద్ద ఉంచనున్నారు. పోలీస్‌ యంత్రాగం ఇప్పటికే బందోబస్తుపై దృష్టి సారించింది. ఏర్పాట్లను అధికారులు పరిశీలిస్తున్నారు. సద్దుల బతుకమ్మ కోసం అందంగా బతుకమ్మలు పేర్చేందుకు ఆడపడుచులు పూల సేకరణలో నిమగ్నమయ్యారు. శనివారం గ్రామాల నుంచి కొందరు తంగేడు, గునుగు, టేకు, బంతి పూలను జిల్లా కేంద్రంతో పాటు మండల కేంద్రాల్లోకి తీసుకువచ్చి విక్రయించారు. తంగేడు పూల కట సైజును బట్టి రూ.10 నుంచి రూ.50 వరకు విక్రయించారు. గునుగు పూల కట్టలను రూ.20నుంచి రూ.30వరకు, బంతి పూలను ప్రాంతాన్ని బట్టి కిలో రూ.80 నుంచి రూ.100 వరకు విక్రయించారు. ముస్తాబవుతున్న బతుకమ్మ ప్రాంగణాలు మున్సిపాలిటీ పరిధిలో ప్రత్యేక ఏర్పాట్లుపూలకు భలే గిరాకీ

జఫర్‌గఢ్‌: సద్దుల బతుకమ్మకు మండలంలోని ఉప్పుగల్లు గ్రామానికి చెందిన పోరెడ్డి సత్యనారాయణరెడ్డి కుటుంబం పెద్ద బతుకమ్మతో (5 ఫీట్లు) ప్రత్యేకతను చాటుకుంటోంది. ఏళ్లుగా తన తండ్రి నర్సింహారెడ్డి నుంచి వస్తున్న ఈ సంప్రదాయాన్ని కొనసాగిస్తూ వస్తున్నారు. సద్దుల పండుగకు వివిధ రకాల పూలను సేకరించి కుటుంబ సభ్యులంతా కలిసి అందంగా బతుకమ్మను పేరుస్తారు. సాయంత్రం సమయంలో ఇంటిల్లిపాది పెద్ద బతకమ్మను తీసుకుని డప్పుచప్పుళ్లు, డీజేతో ఊరేగింపుగా బతుకమ్మ ఆటస్థలానికి వెళ్తారు. గ్రామ మహిళలతో కలిసి సంప్రదాయ పాటలు పాడుతూ బతుకమ్మ ఆడుతారు. కొన్ని రకాల పూలు దొరక్కపోయినా కొని మరీ పేరుస్తూ సంప్రదాయాన్ని కొనసాగిస్తున్నారు.ఏటూరునాగారం: తాతముత్తాల నుంచి ఆనవాయితీగా ఎత్తయిన బతుకమ్మను పేరుస్తూ మండలంలోనే ప్రత్యేకంగా నిలుస్తున్నారు ఏటూరునాగారం మండల కేంద్రంలోని నూతి కృష్ణ జ్యోతి. 70 ఏళ్లుగా ఐదు ఫీట్ల ఎత్తులో తీరొక్క పూలతో బతుకమ్మలను పేరుస్తున్నారు. వారం రోజుల నుంచే పూలు సేకరిస్తున్నారు. స్థానికంగా దొరకని పూలను వరంగల్‌ నుంచి తెప్పించి మరీ పెద్ద బతుకమ్మను పేరుస్తున్నారు. కాగా, సద్దుల బతుకమ్మ రోజు తమ ఇంట్లోని ముగ్గురు మహిళలు ఉదయం 8 గంటల నుంచి పేర్చడం ప్రారంభిస్తే సాయంత్రం వరకు సమయం పడుతుందని, ఈ సమయంలో అమ్మవారిని కీర్తిస్తూ పాటలు పాడుతామని వారు చెబుతున్నారు. ఇన్నేళ్ల నుంచి గ్రామంలో ఇదే పెద్దదిగా పేరుగాంచింది.

భూపాలపల్లి: విద్యార్థులు సైబర్‌ నేరాల పట్ల అప్రమత్తంగా ఉండాలని ఎస్పీ సిరిశెట్టి సంకీర్త్‌ సూచించారు. సైబర్‌ నేరాలు, ఆన్‌లైన్‌ మోసాలపై శుక్రవారం భూపాలపల్లి పట్టణంలోని సింగరేణి కమ్యూనిటీ హాల్‌లో విద్యార్థులకు అవగాహన కల్పించారు. ఈ సందర్భంగా ఎస్పీ మాట్లాడుతూ.. ప్రస్తుత డిజిటల్‌ యుగంలో సైబర్‌ నేరాలు పెరుగుతున్న నేపథ్యంలో విద్యార్థులు ఇంటర్నెట్‌, సోషల్‌ మీడియాను బాధ్యతాయుతంగా వినియోగించాలని సూచించారు. అపరిచిత వ్యక్తుల నుంచి వచ్చే లింకులను క్లిక్‌ చేయవద్దని చెప్పారు. ఓటీపీలు, బ్యాంకు ఖాతా వివరాలు, వ్యక్తిగత ఫొటోలు, పాస్‌వర్డ్‌లను ఇతరులతో పంచుకోవద్దని తెలి పారు. ఆన్‌లైన్‌లో పరిచయమైన వ్యక్తులను గుడ్డిగా నమ్మవద్దని, సైబర్‌ నేరగాళ్లు చెప్పే ఆకర్షణీయమైన ఆఫర్లు, అధిక లాభాల ఆశలకు లోనుకావద్దన్నారు. విద్యార్థులు సైబర్‌ నేరాలపై అవగాహన పెంపొందించుకోవడంతో పాటు తమ కుటుంబ సభ్యులకు, స్నేహితులకు కూడా ఈ విషయాలపై అవగాహన కల్పించాలని సూచించారు. ఎవరైనా సైబర్‌ ఆర్థిక మోసానికి గురైతే ఆలస్యం చేయకుండా వెంటనే 1930 హెల్ప్‌లైన్‌ నంబర్‌కు ఫిర్యాదు చేయాలని తెలిపారు. ఈ కార్యక్రమంలో అడిషనల్‌ ఎస్పీ నరేష్‌కుమార్‌, పోలీసు అధికారులు పాల్గొన్నారు. ఎస్పీ సిరిశెట్టి సంకీర్త్‌

కాళేశ్వరం: ‘ఆగని వేట’ అనే శీర్షికతో సాక్షిలో శుక్రవారం ప్రచురితమైన కథనానికి జిల్లా పోలీ సులు స్పందించారు. కథనం జిల్లా వ్యాప్తంగా చర్చనీయాంశంగా మారడంతో ఎస్పీ సంకీర్త్‌ ఆదేశాలతో గ్రామాల్లో ఉచ్చులు వేసే వారిని గుర్తించి బైండోవర్‌ కార్యక్రమాలను పోలీసులు చేపడుతున్నారు. ఇంటెలిజెన్స్‌, ఎస్‌బీ పోలీసులు కూడా ఆరా తీశా రు. శుక్రవారం అడవి జంతువులను వేటాడేందుకు అడవుల్లో విద్యుత్‌ తీగలు ఏర్పాటు చేసిన నలుగురు వ్యక్తులను ముందస్తు చర్యల్లో భాగంగా మహదేవపూర్‌ తహసీల్దార్‌ సత్యనారాయణస్వామి ఎదుట బైండోవర్‌ చేసినట్లు మహదేవపూర్‌ ఎస్సై మచ్చ సాంబమూర్తి తెలిపారు. ఈ సందర్భంగా ఎస్సై మాట్లాడుతూ అడవి జంతువుల వేట కోసం విద్యు త్‌ తీగలు ఏర్పాటు చేయడం అత్యంత ప్రమాదకరమైన చర్య అన్నారు. వన్యప్రాణులతో పాటు మనుషుల ప్రాణాలకు కూడా ముప్పు వాటిల్లే అవకాశం ఉందని హెచ్చరించారు. చట్టవిరుద్ధ చర్యలకు పాల్పడే వారిపై కఠిన చర్యలు తీసుకుంటామని స్పష్టం చేశారు. గ్రామ పరిసరాల్లో, అడవుల్లో ఎవరైనా అడవి జంతువులను వేటాడేందుకు విద్యుత్‌ తీగలు ఏర్పాటు చేస్తున్నట్లు తెలిస్తే వెంటనే 87126 58116 నంబర్‌కు ఫోన్‌ చేసి పోలీసులకు సమాచారం అందించాలని కోరారు. సమాచారం అందించిన వారి వివరాలను గోప్యంగా ఉంచుతామని తెలి పారు. వన్యప్రాణుల సంరక్షణకు ప్రజలు సహకరించాలని విజ్ఞప్తి చేశారు. కాళేశ్వరం పోలీసులు ఆయా గ్రామాల్లో ఉచ్చులు వేసే వారిని గుర్తించే పనిలో పడ్డట్లు తెలిసింది. బైండోవర్లకు తరలిరావాలని గ్రామాల్లో పోలీసులు పిలుపునిచ్చినట్లు తెలిసింది. విద్యుత్‌ తీగలు ఏర్పాటు చేస్తే కఠిన చర్యలు

భూపాలపల్లి అర్బన్‌: ఎన్‌హెచ్‌ఎం ఉద్యోగుల న్యాయమైన డిమాండ్లను పరిష్కరించి, ఉద్యోగ భద్రత కల్పించాలని డిమాండ్‌ చేస్తూ చేపడుతున్న నిరవధిక సమ్మె నాటికి నాలుగో రోజుకు చేరింది. శుక్రవారం ఉద్యోగులు కళ్లకు గంతలు కట్టుకుని ప్రధాన రహదారి మీదుగా కలెక్టరేట్‌ వరకు నిరసన ర్యాలీ నిర్వహించారు. ప్రభుత్వం తమ సమస్యలను పరిష్కరించే వరకు ఐక్యంగా, శాంతియుతంగా పోరాటం కొనసాగిస్తామని ఎన్‌హెచ్‌ఎం జేఏసీ నాయకులు స్పష్టం చేశారు. ఈ కార్యక్రమంలో జిల్లా అధ్యక్షుడు బడితల రమేశ్‌, కార్యదర్శి మధుబాబు, వర్కింగ్‌ ప్రెసిడెంట్‌ వెంకటేశ్‌, వైస్‌ ప్రెసిడెంట్‌ డాక్టర్‌ రఘురాం, కోఆర్డినేటర్‌ ప్రవీణ్‌, డాక్టర్‌ జగదీశ్‌, సలహాదారులు శ్రీనివాస్‌, డాక్టర్‌ విజయ్‌, ఏఎన్‌ఎంలు వెంకటమ్మ, శ్రీలతలు పాల్గొన్నారు. గణపేశ్వరాలయంలో ప్రత్యేక పూజలు గణపురం: శుక్రవారం సందర్భంగా మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామి వారికి ప్రత్యేక అభిషేకాలు, పూజలు నిర్వహించారు. అనంతరం స్వామి వారిని ప్రత్యేకంగా అలంకరించారు. భక్తులు పెద్దఎత్తున స్వామి వారిని దర్శించుకున్నారు. సింగరేణి సంఘం కార్యాలయాన్ని కూల్చొద్దు భూపాలపల్లి అర్బన్‌: రోడ్డు విస్తరణ పేరుతో తెలంగాణ సింగరేణి ఉద్యోగుల సంఘం కార్యాలయాన్ని కూల్చే ప్రయత్నాలను విరమించుకోవాలని సంఘం రాష్ట్ర అధ్యక్షుడు కామెర గట్టయ్య ఎమ్మెల్యే గండ్ర సత్యనారాయణరావును కోరారు. శుక్రవారం యూనియన్‌ కార్యాలయంలో నిర్వహించిన విలేకరుల సమావేశంలో ఆయన మాట్లాడారు. 200 అడుగుల రోడ్డు విస్తరణపై పునరాలోచించి కార్యాలయాల కూల్చివేతను నిలిపివేయాలని విజ్ఞప్తి చేశారు. ఈ నెల 9న ఉపముఖ్యమంత్రి భట్టి విక్రమార్కను కలిసి కార్యాలయాన్ని కూల్చవద్దని వినతిపత్రం అందజేసినట్లు తెలిపారు. ఈ సమావేశంలో సంఘం ప్రధాన కార్యదర్శి మిట్టపల్లి కుమారస్వామి, వర్కింగ్‌ ప్రెసిడెంట్‌ నేరేటి రాజన్న, ప్రజాసంఘాల నాయకులు పాల్గొన్నారు. నాణ్యమైన విద్యుత్‌ సరఫరా చేయాలి భూపాలపల్లి రూరల్‌: వినియోగదారులకు అంతరాయం లేకుండా నాణ్యమైన విద్యుత్‌ సరఫరా చేయాలని, వినియోగదారుల ఫిర్యాదులకు తక్షణమే స్పందించి పరిష్కరించాలని టీజీఎన్పీడీసీఎల్‌ సీజీఆర్‌ఎఫ్‌ చైర్‌పర్సన్‌ మాధవరావు అన్నారు. భూపాలపల్లి సబ్‌స్టేషన్‌లో విద్యుత్‌ వినియోగదారుల సమస్యల పరిష్కార వేదిక సమావేశం శుక్రవారం నిర్వహించారు. ఈ వేదికలో భూపాలపల్లి రూరల్‌, భూపాలపల్లి టౌన్‌, గణపురం(ములుగు), రేగొండ సెక్షన్ల నుంచి విద్యుత్‌ వినియోగదారులు సమస్యలను అధికారుల దృష్టికి తీసుకువచ్చారు. ఈ సందర్భంగా మాధవరావు మాట్లాడుతూ ఓవర్‌లోడ్‌ అవుతున్న డీటీఆర్‌లో సామర్థ్యాన్ని పెంచాలని ఆదేశించారు. ముఖ్యంగా ఎల్‌నినో ప్రభావం ఉన్నందున వ్యవసాయ ఫీడర్లన్నింటికీ అంతరాయం లేకుండా నిరంతర విద్యుత్‌ సరఫరా అందించడం చాలా ముఖ్యం అని స్పష్టంచేశారు. నమోదైన ఫిర్యాదులన్నింటినీ నిర్ణీత గడువులోగా పరిష్కరించాలని అధికారులకు సూచించారు. ఈ కార్యక్రమంలో మెంబర్‌ టెక్నికల్‌ శేషాగిరిరావు, మెంబర్‌ (ఫైనాన్స్‌) సత్యనారాయణ, భూపాలపల్లి ఎస్‌ఈ సదానందం, అధికారులు పాపిరెడ్డి, లక్‌పతి, సుందర్‌, విద్యుత్‌ శాఖ సిబ్బంది పాల్గొన్నారు.

● ఎమ్మెల్యే గండ్ర, కలెక్టర్‌ రాహుల్‌ శర్మ ● కలెక్టరేట్‌, ఎస్పీ కార్యాలయాల్లో ఘనంగా బతుకమ్మ సంబరాలు భూపాలపల్లి: తెలంగాణ సంస్కృతీ సంప్రదాయాలకు ప్రతీక బతుకమ్మ పండుగ అని ఎమ్మెల్యే గండ్ర సత్యనారాయణరావు, కలెక్టర్‌ రాహుల్‌ శర్మ అన్నా రు. కలెక్టరేట్‌ ఆవరణలో శుక్రవారం బతుకమ్మ సంబరాలు నిర్వహించారు. ఈ సందర్భంగా మహిళా అధికారులు, సిబ్బంది రంగురంగుల పూలతో అందంగా పేర్చిన బతుకమ్మలతో వేడుకల్లో పాల్గొన్నారు. పాటలు పాడుతూ కోలాటం ఆడుతూ ఉత్సాహంగా నృత్యాలు చేశారు. బతుకమ్మ ఆటపాటలతో ఐడీఓసీ కార్యాలయం సందడిగా మారింది. ఈ వేడుకలకు ఎమ్మెల్యే గండ్ర సత్యనారాయణరావు, కలెక్టర్‌ రాహుల్‌ శర్మ, అదనపు కలెక్టర్‌ అశోక్‌కుమార్‌ ముఖ్య అతిథులుగా హాజరై బతుకమ్మ ఆడారు. ఈ కార్యక్రమంలో మున్సిపల్‌ చైర్మన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, శిక్షణ డిప్యూటీ కలెక్టర్‌ నవీన్‌రెడ్డి, వివిధ శాఖల జిల్లా అధికారులు, మహిళా ఉద్యోగులు పాల్గొన్నారు. జిల్లా పోలీసు కార్యాలయంలో తెలంగాణ సంస్కృతి, సంప్రదాయాలకు ప్రతీక బతుకమ్మ పండుగ అని ఎస్పీ సిరిశెట్టి సంకీర్త్‌ అన్నారు. జిల్లా పోలీసు కార్యాలయంలో శుక్రవారం బతుకమ్మ సంబరాలను ఘనంగా నిర్వహించారు. పోలీసు అధికారులు, సిబ్బంది కుటుంబ సభ్యులతో కలిసి నిర్వహించిన వేడుకలకు ఎస్పీ ముఖ్య అతిథిగా హాజరయ్యారు. ఎస్పీ సంకీర్త్‌, ఏఎస్పీ నరేష్‌, పోలీసు అధికారులు సైతం కాసేపు బతుకమ్మ ఆట ఆడారు. ఈ కార్యక్రమంలో అదనపు ఎస్పీ నరేష్‌కుమార్‌, డీఎస్పీలు సంపత్‌రావు, సూర్యనారాయణ, రెహమాన్‌, సీఐలు, ఆర్‌ఐలు, ఇతర పోలీసు అధికారులు, సిబ్బంది తమ కుటుంబసభ్యులతో కలిసి పాల్గొన్నారు.

జిల్లా కేంద్రంలో ఓవైపు నీటి కొరత ప్రజలను ఆందోళనకు గురిచేస్తుంటే.. మరోవైపు మిషన్‌ భగీరథ, కేటీపీపీ పైపులైన్‌ లీకేజీతో విలువైన తాగునీరు వృథాగా పోతోంది. శ్రీతార రెస్టారెంట్‌ సమీపంలో పది రోజులుగా పైపులైన్‌ రెండు ప్రాంతాల్లో లీకవుతున్నా మున్సిపల్‌, మిషన్‌ భగీరథ, కేటీపీపీ అధికారులు పట్టించుకోవడం లేదు. ప్రజల దాహార్తిని తీర్చాల్సిన నీరు ఇలా రోడ్లపై పారుతుండటంపై స్థానికులు ఆవేదన వ్యక్తం చేస్తున్నారు. లీకేజీని వెంటనే అరికట్టి నీటి వృథాను నివారించాలని కోరుతున్నారు. – భూపాలపల్లి అర్బన్‌

భూపాలపల్లి: మున్సిపాలిటీ పరిధిలో చేపడుతున్న అభివృద్ధి పనులను వేగవంతం చేయాలని భూపాలపల్లి ఎమ్మెల్యే గండ్ర సత్యనారాయణరావు అధికారులను ఆదేశించారు. శుక్రవారం ఐడీఓసీ కార్యాలయంలో కలెక్టర్‌ రాహుల్‌ శర్మతో కలిసి పట్టణ పరిధిలోని రోడ్లు, పైప్‌లైన్‌, విద్యుత్‌ స్తంభాల ఏర్పాటు తదితర పనుల పురోగతిని సమీక్షించారు. ఈ సందర్భంగా ఎమ్మెల్యే మాట్లాడుతూ.. అంబేడ్కర్‌ సెంటర్‌ నుంచి క్రిష్ణాకాలనీ, ఓసీ 2 వరకు రోడ్లు వెడల్పులో సింగరేణి సంస్థ పైప్‌లైన్‌లు, విద్యుత్‌ స్తంభాలు ఏర్పాటు చేయాల్సిన ప్రాంతాలను ముందుగానే గుర్తించి సమగ్ర అంచనాలు రూపొందించాలని సూచించారు. మున్సిపాలిటీ ద్వారా చేపట్టే పనుల్లో అనవసర ఖర్చులను తగ్గించి, నిర్దేశిత బడ్జెట్‌లోనే నాణ్యతతో పనులు పూర్తిచేయాలని ఆదేశించారు. కలెక్టర్‌ రాహుల్‌ శర్మ మాట్లాడుతూ.. పనుల అమలులో నిర్లక్ష్యానికి తావులేకుండా అధికారులు బాధ్యతాయుతంగా వ్యవహరించాలని ఆదేశించారు. ఈ సమావేశంలో మున్సిపల్‌ చైర్మన్‌ బుర్ర కొమురయ్య, మున్సిపల్‌ కమిషనర్‌ ఉదయ్‌కుమార్‌, సింగరేణి, పీఆర్‌, విద్యుత్‌ తదితర శాఖల అధికారులు పాల్గొన్నారు. ఆరోగ్యవంతులుగా తీర్చిదిద్దాలి.. చిన్నారుల బాల్యం అంగన్‌వాడీ కేంద్రాల్లో బలోపేతం అవుతుందని, ప్రతీ చిన్నారికి పోషకాహారం అందించి ఆరోగ్య వంతులుగా తీర్చిదిద్దాలని ఎమ్మెల్యే గండ్ర సత్యనారాయణరావు సూచించారు. శుక్రవారం ఐడీఓసీ కార్యాలయంలో మహిళా, శిశు, వయోవృద్ధుల సంక్షేమ శాఖ ఆధ్వర్యంలో 9వ జాతీయ పోషణ మాసం వేడుకలు నిర్వహించారు. ఈ కార్యక్రమానికి ఎమ్మెల్యేతో పాటు కలెక్టర్‌ రాహుల్‌ శర్మ ముఖ్య అతిథులుగా పాల్గొన్నారు. ఈ సందర్భంగా ఎమ్మెల్యే మాట్లాడుతూ.. గర్భిణులు, బాలింతలు, చిన్నారులకు అవసరమైన పౌష్టికాహారం, ఆరోగ్యకరమైన ఆహారపు అలవాట్లు, స్థానికంగా సహజంగా లభించే పోషక విలువలున్న ఆహార పదార్థాల వినియోగంపై ఏర్పాటుచేసిన స్టాళ్లను పరిశీలించారు. అనంతరం పోషణ చాంపియన్‌ ప్రశంస పత్రాలను అందజేశారు. ఈ కార్యక్రమంలో మున్సిపల్‌ చైర్మన్‌ బుర్ర కొమురయ్య, మహిళా, శిశు సంక్షేమ శాఖ అధికారి మల్లీశ్వరి, జిల్లా వైద్యాధికారి డాక్టర్‌ మధుసూదన్‌, శిక్షణ డిప్యూటీ కలెక్టర్‌ నవీన్‌రెడ్డి, మున్సిపల్‌ కమిషనర్‌ ఉదయ్‌కుమార్‌, అధికారులు, అంగన్‌వాడీ సూపర్‌వైజర్లు, టీచర్లు సిబ్బంది పాల్గొన్నారు. ఎమ్మెల్యే గండ్ర సత్యనారాయణరావు

ఈ ఏడాది పత్తి పంటకు ఎండ దెబ్బ, తెగులు వ్యాప్తి చెందింది. వాస్తవానికి పంట మంచిగా పండితే ఎకరాకు 15 క్వింటాల నుంచి 18 క్వింటాల వరకు దిగుబడి వస్తుంది. ఈ ఏడాది ఎండ దెబ్బకు, తెగుళ్లు రావడంతో ఎకరాకు 5నుంచి 6 క్వింటాలు మాత్రమే వచ్చే అవకాశం ఉంది, పెట్టుబడులు, ఏరివేత కూలీల డబ్బులు రాని పరిస్థితి ఉంది. ప్రభుత్వం పత్తి రైతులను ఆదుకోవాలి. – పౌనూరి గణపతి, పుల్లూరు రామయ్యపల్లి, భూపాలపల్లినెలాఖరులో కొనుగోలు కేంద్రాల ప్రారంభం..జిల్లాలో ఐదు పత్తి కొనుగోలు కేంద్రాలు ఏర్పాటు చేసేందుకు ప్రతిపాదనలు సిద్ధం చేశాం. కొనుగోలు కేంద్రాలకు ప్రతీ రైతు బ్యాంకు ఖాతాకు ఆధార్‌ కార్డు అనుసంధానం అయి ఉండాలి. ఈనెలాఖరు లేదా నవంబర్‌ మొదటి వారంలో కొనుగోళ్లు ప్రారంభిస్తాం. రైతులు దళారులను నమ్మకుండా సీసీఐ కేంద్రాల్లోనే పత్తిని విక్రయించుకోవాలి. – నాగరాజు, జిల్లా మార్కెటింగ్‌ అధికారి●

భూపాలపల్లి అర్బన్‌: భూపాలపల్లి ఏరియాలో రెండు రోజులుగా నిర్వహించిన సింగరేణి కంపెనీ స్థాయి లాన్‌ టెన్నిస్‌, బాస్కెట్‌బాల్‌ టోర్నమెంట్లు శుక్రవారం ముగిశాయి. ఏరియా జీఎం ఏనుగు రాజేశ్వర్‌రెడ్డి విజేతలకు బహుమతులు అందజేశారు. లాన్‌ టెన్నిస్‌ పురుషుల సింగిల్స్‌లో ఆర్జీ–2 ఏరియాకు చెందిన సంజీవ్‌ ప్రథమ, మందమర్రి–బెల్లంపల్లి ఏరియాకు చెందిన రాయనర్సు ద్వితీయ బహుమతి సాధించారు. పురుషుల డబుల్స్‌లో ఆర్జీ–1, 2 ఏరియాకు చెందిన శశిధర్‌రెడ్డి, ఎ.వెంకటేశ్వర్లు జోడీ విజేతగా నిలిచింది. వెటరన్‌ సింగిల్స్‌, డబుల్స్‌ విభాగాల్లోనూ విజేతలకు బహుమతులు అందజేశారు. బాస్కెట్‌బాల్‌లో భూపాలపల్లి ఏరియా జట్టు ప్రథమ, మందమర్రి ఏరియా జట్టు ద్వితీయ స్థానాలు సాధించాయి. ఈ సందర్భంగా జీఎం మాట్లాడుతూ.. క్రీడలు ఉద్యోగుల్లో శారీరక దృఢత్వం, క్రమశిక్షణ, జట్టు స్ఫూర్తి, ఐక్యతను పెంపొందిస్తాయని అన్నారు. సింగరేణి ఉద్యోగుల్లోని క్రీడా ప్రతిభను వెలికితీయడానికి ఇలాంటి పోటీలు దోహదపడతాయన్నారు. ఈ కార్యక్రమంలో పర్సనల్‌ మేనేజర్‌ ఎస్‌.శ్యామ్‌సుందర్‌, సీనియర్‌ పీఓ సాయికృష్ణ, కార్మిక సంఘాల నాయకులు మోటపలుకుల రమేశ్‌, బి.మధుకర్‌రెడ్డి, అరుణ్‌, స్పోర్ట్స్‌ సూపర్‌వైజర్‌ పర్స శ్రీనివాస్‌, స్పోర్ట్స్‌ కోఆర్డినేటర్‌ నాగేశ్వర్‌రావు పాల్గొన్నారు.

కాశిబుగ్గ: వరంగల్‌ ఎంజీఎం స్థానంలో నిర్మిస్తున్న 24 అంతస్తుల సూపర్‌ స్పెషాలిటీ ఆస్పత్రిలో దసరా కానుకగా ఓపీ సేవలు ప్రారంభించనున్న నేపథ్యంలో పరిశీలించడానికి మంత్రులు పొంగులేటి శ్రీనివాసరెడ్డి, సీతక్క శనివారం మరోసారి రానున్నట్లు తెలిసింది. గురువారం పరిశీలించిన మంత్రులు ఓపీ సేవల కోసం అన్ని ఏర్పాట్లు చేయాలని ఆదేశించిన విషయం తెలిసిందే. ప్రారంభోత్సవం సందర్భంగా రోగులకు ఇబ్బందులు తలెత్తకుండా మరోసారి ఏర్పాట్ల పరిశీలనకు వస్తున్నట్లు సమాచారం. మంత్రులు నేరుగా సూపర్‌ హాస్పిటల్‌ భవనానికి చేరుకుని, వైద్యాధికారులతో కలిసి పరిశీలన చేయనున్నారు. అనంతరం అధికారులతో సమీక్ష చేయనున్నట్లు తెలుస్తోంది. అందుబాటులో ఎక్స్‌రే, ఆల్ట్రా సౌండ్‌ పరీక్షలు ఓపీ సేవల కోసం వచ్చిన ప్రజల అవసరాన్ని బట్టి ఎక్స్‌రే, ఆల్ట్రా సౌండ్‌, ఫార్మసీ సేవలను అందుబాటులో ఉంచారు. మిగతా ఏర్పాట్లను కూడా చకచకా చేస్తున్నారు. బ్లడ్‌ టెస్ట్‌లకు మాత్రం ఇక్కడ శ్యాంపిల్స్‌ తీసుకుని, ఎంజీఎంలో చేస్తారని సమాచారం. ఇక సీటీ స్కాన్‌, ఎంఆర్‌ఐతో అడ్మిట్‌ కావాల్సి వస్తే వారిని తరలించేందుకు అందుబాటులో ఉన్న అంబులెన్స్‌లతో పాటు ఆర్టీసీ రెండు బస్‌లను ఉపయోగించుకోవాలనే ప్రతిపాదనలతో ఉన్నట్లు సమాచారం. వారంలో ఎంజీఎం ఓపీ సేవలివే.. సాధారణంగా ఓపీ వైద్యసేవలు ఉదయం 8 నుంచి మధ్యాహ్నం 12 గంటల వరకు ఉంటుంది. ప్రతీ ఆదివారం, స్వాతంత్య్ర దినోత్సవం, రిపబ్లిక్‌ దినోత్సవం రోజుల్లో ఓపీ సేవలు బంద్‌ చేస్తారు. ప్రస్తుతం సోమవారం, మంగళవారం తప్ప మిగతా రోజుల్లో ఆర్థోపెడిక్‌, మెడికల్‌, సర్జికల్‌, సైకియాట్రి, పిడియాట్రిక్స్‌, ఈఎన్‌టీ, డెర్మటాలజీ సేవలు, మంగళవారం ప్లాస్టిక్‌ సర్జరీ సేవలను అందించడానికి వైద్యులు అందుబాటులో ఉంటారు. సూపర్‌ స్పెషాలిటీలో.. ప్రతీ సోమ, బుధవారాల్లో సిటీ వ్యాస్కులర్‌ సర్జరీ, గ్యాస్ట్రో, మెడికల్‌ అంకాలజీ, సర్జికల్‌ అంకాలజీ, ప్రతీ మంగళ, గురువారాల్లో న్యూరాలజీ, న్యూరో సర్జరీ, నెఫ్రాలజీ, యూరాలజీ, పిడియాట్రిక్‌ సర్జరీ సేవలు అందిస్తారు. ప్రతీ శుక్రవారం, శనివారం రోజుల్లో ఆయా స్పెషాలిటీలకు సంబంధించిన వైద్యసేవలను రిప్యూ చేస్తారు. హోమియోపతిక్‌, యూనానీ సేవలు కూడా... ఎంజీఎంలో ఉన్న హోమియోపతిక్‌, యూనాని వైద్య సేవలు కూడా సూపర్‌లో అందించనున్నారు. ఈ సేవలు ఉదయం 9నుంచి సాయంత్రం 4 గంటల వరకు ప్రతీరోజు అందుబాటులో ఉంటాయి. మధ్యాహ్నం ఒంటిగంట నుంచి 2 గంటల వరకు లంచ్‌ అవర్‌ ఉంటుంది. రానున్న మంత్రులు పొంగులేటి, సీతక్క పెండింగ్‌ పనులపై సమీక్షించే అవకాశం అందుబాటులో ఎక్స్‌రే, ఆల్ట్రాసౌండ్‌, ఈసీజీ పరీక్షలు రక్త నమూనాలు ఇక్కడ.. పరీక్షలు ఎంజీఎంలో..

భూపాలపల్లి రూరల్‌: ప్రభుత్వం తరఫున పత్తి కొనుగోలు చేసేందుకు అధికారులు సిద్ధమయ్యారు. ఇందుకోసం జిల్లా వ్యాప్తంగా ఐదు కొనుగోలు కేంద్రాలు ఏర్పాటు చేసి, రైతుల నుంచి పత్తి కొనుగోలు చేసేలా ప్రణాళికలు సిద్ధం చేస్తున్నారు. ప్రభుత్వం ఇస్తున్న మద్దతు ధర కంటే బహిరంగ మార్కెట్లోనే పత్తి ధర అధికంగా ఉండడం, తేమ పేరుతో రైతులను ఇబ్బందులకు చేయడంతో గతేడాది పెద్దగా రైతులు కొనుగోలు కేంద్రాలపై ఆసక్తి చూపలేదు. చాలాచోట్ల తేమ శాతం సాకుగా చూపి మోసంచేసిన ఘటనలు కూడా అక్కడక్కడ జరగడం రైతులను కొంత నష్టపరిచింది. 1,09,442 ఎకరాలలో పత్తి సాగు జిల్లాలో 1,09,442 ఎకరాల్లో రైతులు పత్తి సాగు చేశారు. 13 లక్షల క్వింటాళ్ల దిగుబడి వచ్చే అవకాశం ఉందని అధికారులు అంచనా వేశారు. ప్రస్తుతం ప్రభుత్వం క్వింటాలు పత్తికి రూ.8,667గా ధరను నిర్ణయించింది. అధికారులు చిట్యాలలో 2, కాటారంలో 2, భూపాలపల్లిలో ఒక సీసీఐ కొనుగోలు కేంద్రం ఏర్పాటుచేయనున్నారు. సీసీఐ కొనుగోలు కేంద్రాల వద్ద రైతులు తమ పంటను అమ్ముకుంటే రైతులు న్యాయం జరిగే అవకాశం ఉందని అధికారులు సూచిస్తున్నారు. బహిరంగ మార్కెట్లో తేమ పేరుతో రైతులకు నిర్ణయించిన ధర కంటే తక్కువగా ఇస్తారని, తూకాల్లో కూడా అవకతవకలు ఉంటాయని, రైతులు దళారులను నమ్మి మోసపోవద్దని అధికారులు చెబుతున్నారు. కొనుగోలు కేంద్రాల్లో పత్తిలో తేమ శాతం 8నుంచి 12 శాతం ఉండేలా చూసుకోవాల్సిన అవసరం ఉంది. గతేడాది చాలాచోట్ల సీసీఐ కొనుగోళ్ల వద్ద రైతులను తేమ పేరుతో ఇబ్బంది పెట్టిన ఘటనలు చోటుచేసుకున్నాయి. ఈ ఏడాది పునరావృతం అయితే కేంద్రాల నిర్వాహకులపై చర్యలు తీసుకునే విధంగా అధికారులు హెచ్చరికలు జారీ చేశారు.. దిగుబడిపై ప్రభావం.. ప్రస్తుతం ఎల్‌నినో ప్రభావం, తెగుళ్ల కారణంగా పత్తి దిగుబడిపై ప్రభావం చూపే అవకాశం ఉన్నట్లు తెలుస్తోంది. జిల్లాలో చాలాచోట్ల పత్తి పంట తెగుళ్ల బారిన పడింది. వాతావరణం అనుకూలిస్తే ఎకరాకు 15 క్వింటాలకు పైగా దిగుబడి వస్తుంది, గతేడాది 89,240 ఎకరాలు సాగు కాగా.. ఎకరానికి సుమారుగా 12 క్వింటాల చొప్పున 1,07,088 టన్నులు దిగుబడివచ్చింది. ఈ ఏడాది మాత్రం పంట దిగబడి సగానికి సగం ఎకరాకు 5 క్వింటాలు వస్తే ఎక్కువనేనని రైతులు వాపోతున్నారు. ఆధార్‌ అనుసంధానం తప్పనిసరి జిల్లాలో అక్టోబర్‌ నెలలో కొనుగోలు కేంద్రాలను ప్రారంభించే అవకాశం ఉంది. పత్తి కొనుగోళ్లు, పారదర్శకంగా ఉండేందుకు రైతుల బ్యాంకు ఖాతాకు ఆధార్‌ కార్డు అనుసంధానం ఉండాలనే నిబంధన పెట్టారు. రైతులు తమ వివరాలను కిసాన్‌ యాప్‌లో నమోదు చేసుకొని ఉండాలి.జిల్లావ్యాప్తంగా 5 సీసీఐ కేంద్రాల ఏర్పాటు ఈ నెల చివరివారంలో ప్రారంభించే అవకాశం 13లక్షల క్వింటాళ్ల పత్తి దిగుబడి అంచనా క్వింటాల్‌కు మద్దతు ధర రూ.8,667 తెగుళ్ల వ్యాప్తితో దిగుబడి తగ్గే అవకాశం

గణపురం: సాంకేతికతను వినియోగించుకుని నేరాల నియంత్రణపై ప్రత్యేక దృష్టి సారించాలని ఎస్పీ సిరిశెట్టి సంకీర్త్‌ అన్నారు. గురువారం గణపురం సర్కిల్‌ కార్యాలయంతో పాటు పోలీస్‌స్టేషన్‌ను తనిఖీ చేశారు. పోలీస్‌స్టేషన్‌ నిర్వహణ, రికార్డులు, పరిశుభ్రత, వివిధ విభాగాల పనితీరును పరిశీలించారు. ఈ సందర్భంగా ఎస్పీ సంకీర్త్‌ మాట్లాడుతూ నేరాల నియంత్రణలో నూతన సాంకేతిక విధానాన్ని వినియోగించుకోవాలన్నారు. ప్రజలకు మెరుగైన సేవలు అందించేందకు ప్రతీఒక్కరు బాధ్యతాయుతంగా విధులు నిర్వహించాలన్నారు. రోడ్డు ప్రమాదాల నివారణ, విజిబుల్‌ పోలీసింగ్‌, నిఘా పెట్రోలింగ్‌, కమ్యూనిటీ పోలీసింగ్‌పై ప్రత్యేక దృష్టి సారించాలన్నారు. గంజాయి, సైబర్‌నేరాలు, ట్రాఫిక్‌ నియంత్రణతో పాటు రౌడీషీటర్లపై నిరంతరం నిఘా ఉంచాలని అధికారులను ఆదేశించారు. ఈ కార్యక్రమంలో భూపాలపల్లి డీఎస్పీ సంపత్‌ రావు, సీఐ కరుణాకర్‌ రావు, ఎస్‌ఐ అశోక్‌ పాల్గొన్నారు. అనంతరం బస్వరాజుపల్లి గ్రామంలో దుర్గామాత వద్ద ప్రత్యేక పూజలు నిర్వహించి మహా అన్నదాన కార్యక్రమాన్ని ప్రారంభించారు. ఎస్పీ సిరిశెట్టి సంకీర్త్‌

కాశిబుగ్గ: వరంగల్‌లో పెద్దఎత్తున నిర్మాణం చేపట్టిన 24 అంతస్తుల సూపర్‌ మల్టీ స్పెషాలిటీ ఆస్పత్రిలో ఓపీ సేవలకు ఎట్టకేలకు ముహూర్తం ఖరారైంది. దసరా పర్వదినాన ఆస్పత్రి ప్రారంభో త్సవంతోపాటు ఓపీసేవలు ఆరంభించనున్నట్లు మంత్రి పొంగులేటి శ్రీనివాస్‌రెడ్డి గురువారం వరంగల్‌లో ప్రకటించారు. చాలాకాలంనుంచి ఎదురుచూస్తున్న ముహూర్తానికి ఇక ఐదు రోజులే మిగి లాయి. మరోవైపు ఓపీ సేవలకు కౌంట్‌డౌన్‌ ప్రారంభమవుతుండడంతో ఆస్పత్రిలో సేవలు సూపర్‌గా ఉండేందుకు అధికారులు సర్వ ప్రయత్నాలు చేస్తున్నారు. ఇప్పటికే ఆస్పత్రిలో డీఎంఈ డాక్టర్‌ వాణి, కలెక్టర్‌ డాక్టర్‌ సత్యశారద పర్యవేక్షణలో నిర్మాణ పనులు ముమ్మరంగా సాగుతున్నాయి. సీఎం ఆదేశాల మేరకు సీఎంఓ, గ్రూప్‌–1 అధికారులు, ముగ్గురు నోడల్‌ అధికారులు ఫ్లోర్‌కు ఒకరు చొప్పు న బాధ్యతలు తీసుకుని విధులు నిర్వహిస్తున్నారు. రాత్రింబవళ్లు నిర్మాణ పనులు సాగుతున్నాయి. తొలుత గ్రౌండ్‌, మొదటి అంతస్తులో ఓపీ సేవలు ప్రస్తుత నిర్మాణ పనుల దృష్ట్యా తొలుత ఓపీ సేవలను అందుబాటులో తీసుకురావాలని నిర్ణయించారు. ఈ మేరకు అవసరమైన పనులు పూర్తి చేశారు. గ్రౌండ్‌ ఫ్లోర్‌తోపాటు మొదటి అంతస్తులో ఓపీ సేవలు, పలు రకాల పరీక్షలు అందించేందుకు సిద్ధం చేశారు. అదేవిధంగా ఫర్నిచర్‌, ఓపీ హాల్‌లో భారీ ఫ్యాన్లను సైతం సిద్ధం చేశారు. వైద్యులను అందుబాటులో ఉంచుతూ, వివిధ రకాల పరీక్షలు చేసే విధంగా ఏర్పాట్లు పూర్తయ్యాయి. సిబ్బందిని అలర్ట్‌ చేశారు. దాదాపు అన్ని డిపార్ట్‌మెంట్లవారీగా సూపరింటెండెంట్‌ డాక్టర్‌ రాంకుమార్‌రెడ్డి వేర్వేరుగా సమావేశాలు ఏర్పాటు చేసి, ఏ రోజు ప్రారంభమైనా విధులు నిర్వహించడానికి సిద్ధంగా ఉండాలని ఆదేశించినట్లు సమాచారం. అదేవిధంగా సెక్యూరిటీ, పేషంట్‌ కేర్‌, శానిటేషన్‌ సిబ్బంది విధులపై స్పష్టత రావడంతో వారికి రోస్టర్‌ కూడా తయారు చేశారు. పనిలో పనిగా గురువారంనుంచి నర్సింగ్‌ సిబ్బంది, సెక్యూరిటీ, శానిటేషన్‌, పేషంట్‌ కేర్‌, డ్రెసింగ్‌ సిబ్బందిని ట్రయల్‌ రన్‌గా విధులకు పంపించారు. వీరిని మంత్రులు శ్రీనివాస్‌రెడ్డి, సీతక్క స్వయంగా చూసి, పేషంట్లకు వైద్యసేవలు ఎలా అందిస్తారో అడిగి తెలుసుకున్నారు. కార్పొరేట్‌ స్థాయిలో అధునాతన ఏర్పాట్లు.. దసరా కానుకగా పేదలకు అందిస్తున్న ఓపీ సేవలు కార్పొరేట్‌ స్థాయిలో ఉండేలా ఏర్పాట్లు చేశారు. వివిధ ప్రాంతాలనుంచి వచ్చిన పేషంట్లు కూర్చొనేందుకు ప్రైవేట్‌ ఆస్పత్రుల మాదిరిగా కుర్చీలను సిద్ధం చేశారు. మహిళలకు, పురుషులకు ప్రత్యేకంగా ఓపీ గదులు కేటాయించారు. ఇందులో వైద్యులు ఓపీ చూసేందుకు కార్పొరేట్‌ స్థాయిలో వసతులు ఉన్నాయి. వివిధ పరీక్షల్లో భాగంగా గ్రౌండ్‌ ఫ్లోర్‌లో ఈసీజీ, ఈఈజీ, డ్రెసింగ్‌ రూంలు సిద్ధంగా ఉంచారు. ట్రాన్స్‌జెండర్ల కోసం ప్రత్యేక ఓపీ గది కేటాయించారు. మొత్తంగా 50 వరకు భారీ లిఫ్ట్‌లు ఏర్పాటు చేసినట్లు తెలుస్తోంది. అధునాతన ఫ్యా న్లు, ఆస్పత్రి లోపల మొత్తం కళ్లు జిగేల్‌ అనే విధంగా విద్యుత్‌ లైట్లను అమర్చారు. ఏర్పాట్లు భారీగా ఉన్నా.. ఆస్పత్రికి వచ్చిన రోగులకు ఏ మేరకు వైద్యసేవలు అందుతాయో వేచి చూడాల్సిందే. సూపర్‌ స్పెషాలిటీ ఆస్పత్రి కార్పొరేట్‌ స్థాయిలో రూపుదిద్దుకుంటున్న దవాఖాన అధునాతన ఫ్యాన్లు, 50 వరకు లిఫ్ట్‌లు ఎంజీఎంలో అడ్మిట్‌ అయ్యే పేషంట్లకు ఏర్పాట్లు ఏవీ?ఇవీ ఓపీ సేవల వివరాలు..గ్రౌండ్‌ ఫ్లోర్‌ : ఫార్మసీ గది, మెడికల్‌ ఓపీలో పురుషులకు రెండు, సీ్త్రలకు మూడు విభాగాలు ఏర్పాటుచేశారు. ఆర్థో విభాగానికి పురుషులకు రెండు, సీ్త్రలకు మూడు విభాగాలు అందుబాటులో ఉంచారు. ఫిజియోథెరపీ ఒకటి, సైకియాట్రి మేల్‌, ఫిమేల్‌కు ఒక్కొక్కటి చొప్పున ఓపీ విభాగాలు కేటాయించారు. గైనిక్‌ కోసం రెండు ఓపీ విభాగాలు కేటాయించారు. పేషంట్లు అడ్మిట్‌ అయితే ఎలా? అవుట్‌ పేషంట్లుగా వచ్చిన వాళ్లు పరీక్షలు చేసిన తర్వాత అడ్మిట్‌ ఎలా చేయాలన్న దానిపై ప్రశ్నలు తలెత్తుతున్నాయి. ఇక్కడ కేవలం ఓపీ సేవలు ఉండడంతో వారిని సూపర్‌ నుంచి ఎంజీఎంకు ఎలా తరలిస్తారన్న దానిపై స్పష్టత లేదు. అదేవిధంగా సీటీ స్కాన్‌, ఎంఆర్‌ఐ పరీక్షలు అవసరమైతే పేషంట్లు అక్కడికి వెళ్లడం కష్టంగా మారుతుందని అభిప్రాయం వ్యక్తమవుతోంది. ఓపీ సేవలు ప్రారంభమైన తర్వాత ఏం చేయాలో చేస్తామంటూ దాటవేస్తున్నారు. దవాఖానాలో ఉన్న అంబులెన్స్‌లు వాడుతారా.. లేక ఆర్టీసీ బస్సులను ఉపయోగించుకునే వెసులుబాటు ఉంటుందా? అనేది తెలియాల్సి ఉంది. ఫస్ట్‌ ఫ్లోర్‌ : సర్జికల్‌, రుమటాలజీ, డయాబెటిక్‌, పిడియాట్రిక్‌ సర్జరీ, పిడియాట్రిక్‌, న్యూరాలజీ, న్యూరో సర్జరీ, ఈఎన్‌టీ, స్కిన్‌, గ్యాస్ట్రో సర్జికల్‌ ఓపీలను కేటాయించినట్లు తెలుస్తోంది.

భూపాలపల్లి అర్బన్‌: జిల్లాకేంద్రంలోని భరోసా కేంద్రాన్ని జిల్లా ప్రధాన న్యాయమూర్తి జె.జీవన్‌కుమార్‌ గురువారం సందర్శించారు. కేంద్రంలో నమోదవుతున్న కేసుల వివరాలను నిర్వాహకులను అడిగి తెలుసుకున్నారు. బాధితులకు అందిస్తున్న సేవలు, కేంద్రంలో కల్పించిన సౌకర్యాలను పరిశీలించారు. ఈ కార్యక్రమంలో కోర్టు పరిపాలనాధికారి పారిజాతం, ఎస్‌ఐ స్వప్నకుమారి, కోఆర్డినేటర్‌ రమాదేవి, లీగల్‌ కౌన్సిలర్‌ రజిత, సూపరింటెండెంట్‌ రఘురామ్‌ పాల్గొన్నారు. అంతర్జాతీయ అనాటమీ దినోత్సవంభూపాలపల్లి అర్బన్‌: అంతర్జాతీయ అనాటమీ దినోత్సవాన్ని పురస్కరించుకొని జిల్లాకేంద్రంలోని ప్రభుత్వ మెడికల్‌ కళాశాలలో అనాటమీ, పాథాలజీ విభాగాల ఆధ్వర్యంలో గురువారం హిస్టో రంగోలి కార్యక్రమం నిర్వహించారు. సూక్ష్మదర్శినిలో కనిపించే కణజాలాల ఆకృతులను రంగులతో అందంగా తీర్చిదిద్దుతూ వైద్య విద్యార్థులు తమ సృజనాత్మకతను చాటుకున్నారు. కార్యక్రమంలో పాల్గొన్న విద్యార్థులను కళాశాల, ఆస్పత్రి ప్రొఫెసర్లు అభినందించి బహుమతులు అందజేశారు. విజేతలకు కళాశాల ప్రిన్సిపల్‌ డాక్టర్‌ శ్రీధర్‌రావు అభినందనలు తెలిపారు. ఈ కార్యక్రమంలో వైస్‌ ప్రిన్సిపల్‌ ప్రొఫెసర్‌ డాక్టర్‌ ప్రసాద్‌రెడ్డి, జనరల్‌ మెడిసిన్‌ ప్రొఫెసర్‌ పవన్‌కుమార్‌, పీడియాట్రిక్స్‌ ప్రొఫెసర్‌ సురేందర్‌, పాథాలజీ విభాగానికి చెందిన డాక్టర్‌ పావని, అనాటమీ విభాగానికి చెందిన డాక్టర్‌ అజయ్‌ ప్రకాశ్‌, డాక్టర్‌ లూయిస్‌ ఫీబీ పాల్గొన్నారు. గాజర్ల అశోక్‌ను పరామర్శించిన ఎమ్మెల్యే భూపాలపల్లి రూరల్‌: కాంగ్రెస్‌ పార్టీ రాష్ట్ర అధికార ప్రతినిధి గాజర్ల అశోక్‌ అనారోగ్యంతో నిమ్స్‌ ఆస్పత్రిలో చికిత్స పొందుతుండగా ఎమ్మెల్యే గండ్ర సత్యనారాయణరావు గురువారం పరామర్శించారు. ఆయన ఆరోగ్య పరిస్థితిని అడిగి తెలుసుకున్నారు. త్వరగా కోలుకోవాలని ఆకాంక్షించారు. నిమ్స్‌ వైద్యులతో మాట్లాడి సరైన వైద్యం అందించాలని కోరారు. వారి కుటుంబ సభ్యులకు మనోధైర్యం చెప్పారు. ఎమ్మెల్యే వెంట కాంగ్రెస్‌ పార్టీ నాయకులు ఉన్నారు. విదేశాల్లో ఉద్యోగాలుభూపాలపల్లి అర్బన్‌: టామ్కామ్‌ ద్వారా విదేశాల్లో నర్సింగ్‌ ఉద్యోగాలకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా ఉపాధి కల్పనాధికారి మల్లయ్య గురువారం ఒక ప్రకటనలో పేర్కొన్నారు. లైసెన్స్‌డ్‌ ప్రాక్టికల్‌ నర్సులు (ఎల్‌పీఎన్‌), నర్సింగ్‌ టెక్నీషియన్ల (ఎన్‌టీ) పోస్టులు భర్తీ చేయనున్నట్లు తెలిపారు. 20–40 ఏళ్ల వయస్సు, సంబంధిత విద్యార్హతలు, ఆంగ్ల భాషా నైపుణ్యాలు ఉండాలి. ఎల్‌పీఎన్‌ పోస్టులకు రెండేళ్లు, ఎన్‌టీ పోస్టులకు ఏడాది అనుభవం అవసరమని పేర్కొన్నారు. నెలకు రూ.95,000, రూ.73,000 వేతనం అందించనున్నట్లు వివరించారు. వివరాలకు టామ్కామ్‌ 080 35524946, జిల్లా ఉపాధి కల్పన కార్యాలయం 95024 68800 నంబర్లను సంప్రదించాలని సూచించారు. 17న జాబ్‌ మేళా నిరుద్యోగ యువతకు ఉద్యోగ అవకాశాలు కల్పించేందుకు జిల్లా ఉపాధి కల్పన శాఖ ఆధ్వర్యంలో ఈ నెల 17న జాబ్‌ మేళా నిర్వహించనున్నట్లు జిల్లా ఉపాధి కల్పన అధికారి మల్లయ్య ఒక ప్రకటనలో పేర్కొన్నారు. కలెక్టరేట్‌ ఎఫ్‌3 బ్లాక్‌లో ఉదయం 11 గంటలకు జాబ్‌ మేళా ప్రారంభమవుతుందని తెలిపారు. పిగ్గియో ఏపీఎఫ్‌ ఆటో షోరూంలో సేల్స్‌ ఎగ్జిక్యూటివ్స్‌, మెకానిక్‌ పోస్టుల భర్తీకి మొత్తం 10 ఖాళీలు ఉన్నట్లు పేర్కొన్నారు. ఇంటర్‌, ఏదైనా డిగ్రీ అర్హత కలిగి 18 ఏళ్లు పైబడిన వారు దరఖాస్తు చేసుకోవచ్చన్నారు. నెలకు రూ.10వేల నుంచి రూ.14వేల వరకు వేతనం చెల్లించనున్నట్లు తెలిపారు. ఎంపికై న వారికి భూపాలపల్లిలోనే ఉద్యోగ అవకాశం కల్పిస్తారని, త్రీ వీలర్‌ డ్రైవింగ్‌ తప్పనిసరి కలిగి ఉండి, ఆసక్తి గల అభ్యర్థులు ధ్రువపత్రాలతో హాజరుకావాలని సూచించారు. వివరాలకు 95024 68800 నంబర్‌ను సంప్రదించాలని తెలిపారు.

● కంపెనీస్థాయి క్రీడాపోటీలు ప్రారంభంభూపాలపల్లి అర్బన్‌: క్రీడా పోటీల్లో పాల్గొంటే క్రీడా సామర్థ్యాలతో పాటు స్నేహభావం పెంపొందించుకోవాలని ఏరియా సింగరేణి జనరల్‌ మేనేజర్‌ రాజేశ్వర్‌రెడ్డి సూచించారు. సింగరేణి భూపాలపల్లి ఏరియా ఆధ్వర్యంలో కంపెనీ స్థాయి లాన్‌ టెన్నిస్‌, బాస్కెట్‌బాల్‌ టోర్నమెంట్లు గురువారం ఏరియాలో ప్రారంభమయ్యాయి. ఈ పోటీలను ఏరియా జనరల్‌ మేనేజర్‌ ఏనుగు రాజేశ్వర్‌రెడ్డి ప్రారంభించారు. కృష్ణకాలనీ గ్రౌండ్‌లో ఒలింపిక్‌ జెండాను ఆవిష్కరించారు. సంస్థలో పనిచేసి పదవీ విరమణ పొందిన సీనియర్‌ క్రీడాకారులను సన్మానించారు. ఈ సందర్భంగా జీఎం మాట్లాడుతూ.. ఉద్యోగుల సంక్షేమంతోపాటు క్రీడలకు సింగరేణి ప్రాధాన్యమిస్తోందన్నారు. క్రీడలు శారీరక దృఢత్వం, మానసిక ఉల్లాసం, క్రమశిక్షణతో పాటు జట్టుగా పనిచేసే సామర్థ్యాన్ని పెంపొందిస్తాయన్నారు. ఈ కార్యక్రమంలో ఎస్‌వోటు జీఎం రామన్‌ వి.పాఠక్‌, పర్సనల్‌ మేనేజర్‌ ఎస్‌.శ్యామ్‌సుందర్‌, సీనియర్‌ పీఓ సాయికృష్ణ పాల్గొన్నారు.

భూపాలపల్లి అర్బన్‌: ఎల్‌నినో ప్రభావంతో పంటలకు సాగునీటి ఇబ్బందులు తలెత్తకుండా అన్ని శాఖల అధికారులు సమన్వయంతో ముందస్తు చర్యలు చేపట్టాలని కలెక్టర్‌ రాహుల్‌శర్మ ఆదేశించారు. గురువారం కలెక్టరేట్‌లోని కాన్ఫరెన్స్‌ హాల్‌లో నిర్వహించిన సమీక్షా సమావేశంలో ఆయన మాట్లాడారు. చెరువులు, రిజర్వాయర్లలో నీటి నిల్వలను గత ఏడాదితో పోల్చి సమగ్ర నివేదికలు అందించాలని సూచించారు. రైతులకు సకాలంలో సాగునీరు, విద్యుత్‌ సరఫరా అందేలా ప్రణాళిక రూపొందించాలన్నారు. భూగర్భ జలాల మట్టాలను నిరంతరం పర్యవేక్షించాలని తెలిపారు. వాతావరణ మార్పులను ముందుగానే అంచనా వేసి వ్యవసాయ రంగానికి నష్టం కలగకుండా చర్యలు తీసుకోవాలని ఆదేశించారు. వీబీజీ రామ్‌జీ పథకం ద్వారా ఫామ్‌ పాండ్ల ఏర్పాటుపై ప్రత్యేక దృష్టి సారించాలని ఆదేశించారు. ఈ సమావేశంలో అదనపు కలెక్టర్‌ అశోక్‌ కుమార్‌తోపాటు వివిధ శాఖల అధికారులు పాల్గొన్నారు. 17న ఇన్నోవేషన్‌ పంచాయతీ తెలంగాణ ఇన్నోవేషన్‌ సెల్‌ ఆధ్వర్యంలో ఈ నెల 17న ములుగు కలెక్టరేట్‌లో ఇన్నోవేషన్‌ పంచాయతీ నిర్వహించనున్నట్లు కలెక్టర్‌ రాహుల్‌శర్మ ఒక ప్రకటనలో పేర్కొన్నారు. ఉదయం 10 గంటల నుంచి సాయంత్రం 4 గంటల వరకు జరిగే ఈ కార్యక్రమంలో జిల్లాకు చెందిన ఆవిష్కర్తలు, విద్యార్థులు, యువత, ఔత్సాహిక పారిశ్రామికవేత్తలు పాల్గొనవచ్చని పేర్కొన్నారు. నేడు, రేపు ప్రత్యేక అధికారి పర్యటన ఎల్‌నినో ప్రభావం, ప్రతికూల వాతావరణ పరిస్థితుల నేపథ్యంలో నేడు (శుక్రవారం) రేపు ఉమ్మడి వరంగల్‌ జిల్లాకు ప్రత్యేక అధికారిగా నియమితులైన మున్సిపల్‌ పరిపాలన శాఖ ముఖ్య కార్యదర్శి డాక్టర్‌ టీకే శ్రీదేవి జిల్లాల్లో పర్యటించనున్నట్లు కలెక్టర్‌ రాహుల్‌శఽర్మ ప్రకటనలో తెలిపారు. భూ రీ సర్వేతో శాశ్వత పరిష్కారం రేగొండ: ఆధునిక సాంకేతిక పరిజ్ఞానంతో చేపడుతున్న భూ రీ సర్వేతో రైతుల భూసమస్యలకు శాశ్వత పరిష్కారం లభించేలా చర్యలు తీసుకుంటామని కలెక్టర్‌ రాహుల్‌ శర్మ అన్నారు. కొత్తపల్లిగోరి మండలం చెన్నాపూర్‌లో కొనసాగుతున్న భూ రీ సర్వే ప్రక్రియను పరిశీలించారు. ఈ సందర్భంగా ఆయన మాట్లాడుతూ.. భవిష్యత్‌లో భూవివాదాలకు తావు లేకుండా రీ సర్వేను సమగ్రంగా నిర్వహిస్తున్నామని తెలిపారు. ఈ కార్యక్రమంలో ఆర్డీఓ హరికృష్ణ, సర్వే అండ్‌ ల్యాండ్‌ రికార్డ్స్‌ ఏడీ కుసుమ కుమారి, తహసీల్దార్‌ హేమ, సర్పంచ్‌ భిక్షపతి, సర్వే సిబ్బంది, రైతులు, బీఎల్‌ఓలు పాల్గొన్నారు. కలెక్టర్‌ రాహుల్‌శర్మ

అడవిలో వన్యప్రాణులకు ఉచ్చులుకాళేశ్వరం: భూపాలపల్లి, కాటారం డివిజన్‌ పరిధిలోని అడవుల్లో ఉచ్చులు ఏర్పాటు చేసి వన్యప్రాణులను వేటాడుతున్న ఘటనలు ప్రజలను ఆందోళన కలిగిస్తున్నాయి. అడవుల్లోకి వెళ్లే గొర్రెల కాపరులు, వంట చెరుకు కోసం వెళ్లే వారు, ఇతరులు ప్రమాదవశాత్తు ఈ ఉచ్చుల్లో చిక్కుకుని ప్రాణాలు కోల్పోతున్న ఘటనలు చోటుచేసుకుంటున్నాయి. వేటగాళ్లు మరోవైపు వేటాడిన వన్యప్రాణుల మాంసాన్ని కిలోల చొప్పున విక్రయిస్తున్నట్లు సమాచారం. ఘటనలు జరిగితే తప్ప అటవీశాఖ అధికారులు అటువైపు చూడడం లేదని ఆరోపణలు ఉన్నాయి. బైండింగ్‌ వైర్లే ఉచ్చులు.. బైండింగ్‌ వైర్లతో ఏర్పాటు చేసి 11కేవీ విద్యుత్‌ తీగలు వేసే ఉచ్చుల కారణంగా గేదెలు, ఎడ్లు, వన్యప్రాణులు సైతం జిల్లాలో అనేక చోట్ల నిత్యం మృతువాత పడుతున్నట్లు సమాచారం. భూపాలపల్లి, కాటారం డివిజన్‌ మహాముత్తారం, పలిమెల, మహదేవపూర్‌, మల్హర్‌ మండలాల్లో అటవీ ప్రాంతాల్లో ఉచ్చులు ఏర్పాటు చేస్తున్నట్లు సమాచారం. ఈ ఉచ్చులు వేటాగాళ్లకు కాసులు తెచ్చిపెడుతుండగా.. అమాయకుల ప్రాణాలకు ముప్పుగా మారుతోందని చర్చ జరుగుతోంది. పట్టణాలకు మాంసం? అటవీ పల్లెల్లో వేటాడిన అడవి పందులు, కుందేళ్లు, కొండ గొర్రెలు, దుప్పులు, అడవి కోళ్ల మాంసాన్ని ప్రైవేట్‌ వాహనాల ద్వారా హనుమకొండ, వరంగల్‌, కరీంనగర్‌, మంచిర్యాల పట్టణాలకు తరలిస్తున్నారు. ఈ మాంసానికి మహా డిమాండ్‌ ఉందని తెలిసింది. దీంతో ప్రస్తుతం దసరా పండగ సీజన్‌ కావడంతో పట్టణాలకు మాంసాన్ని పంపి వేటగాళ్లు సొమ్ము చేసుకుంటున్నారని వినికిడి. రూ.కిలోకు 800 వరకు పలుకుతుండడంతో పట్టణవాసులు పల్లెల్లో లభించే మాంసానికి ఆకర్షితులవుతున్నట్లు తెలిసింది. రెండేళ్ల కిందట అవగాహన కార్యక్రమాలు.. రెండేళ్ల కిందట ఇలాంటి ఘటనలు జరిగిన నేపథ్యంలో అటవీశాఖ ఆధ్వర్యంలో పోలీసులు, అటవీ, రెవెన్యూ, ఎన్పీడీసీఎల్‌ శాఖలు సంయుక్తంగా గ్రామాల్లో దండోర వేసి గ్రామసభలు నిర్వహించి అవగాహన కార్యక్రమాలు చేపట్టారు. అధికారులు గ్రామపంచాయతీల పరిధిలో సభలు, సమావేశాలు నిర్వహించి ప్రజలకు అవగాహన కల్పించారు. ఘటనలతో సంబంధం ఉన్న పలువురు వ్యక్తులను తహసీల్దార్‌ వద్ద బైండోవర్‌ వంటి చర్యలు చేపట్టారు. దీంతో కొంతకాలం వేట తగ్గినప్పటికీ, ప్రస్తుతం మళ్లీ సంబంధిత అధికారులు చూసీచూడనట్లు వ్యవహరిస్తుండడంతో వన్యప్రాణుల వేట పుంజుకుంటుందనే ఆరోపణలు వినిపిస్తున్నాయి. ఘటనలు జరిగితే.. హడావిడి.. అడవుల్లో ఉచ్చులు ఏర్పాటు చేస్తున్న వారిపై నిరంతర నిఘా ఉంచాల్సిన అధికారులు, ప్రమాదాలు జరిగినప్పుడు మాత్రమే హడావిడి చేస్తున్నారనే విమర్శలు లేకపోలేదు. ఉచ్చులు ఏర్పాటు చేస్తున్న ప్రాంతాలను గుర్తించి వాటిని తొలగించడం, వేటగాళ్లను గుర్తించి కఠిన చర్యలు తీసుకోవడం వంటి చర్యలు నిరంతరం చేపట్టాల్సిన అవసరం ఉంది. నిరంతరం గ్రామాల్లో పంచాయతీలతో కలిసి అవగాహన కల్పించాల్సిన అవసరం ఉంది. అడవుల్లోకి వెళ్లే గొర్రెల కాపరులు, కూలీలు, రైతులు అప్రమత్తంగా ఉండాలి. వన్యప్రాణుల వేటను అరికట్టేందుకు అటవీ శాఖతో పాటు పోలీసు, రెవెన్యూ, విద్యుత్‌ శాఖల అధికారులు సమన్వయంతో పని చేయాలని పలువురు కోరుతున్నారు.పలు ఘటనలు.. రెండేళ్ల కిందట కాటారం సమీపంలోని నస్తుర్‌పల్లిలో సీఎం రేంవత్‌రెడ్డి పర్యటన నేపథ్యంలో కూంబింగ్‌ నిర్వహిస్తున్న గ్రేహౌండ్స్‌ కానిస్టేబుల్‌ ప్రవీణ్‌ ఉచ్చుకు తగిలి ప్రాణాలు కోల్పోయాడు. ఈ ఘటనతో పోలీసులతో పాటు ఫారెస్టుశాఖలో కలకలం రేపింది. మూడున్నరేళ్ల క్రితం మద్దులపల్లి శివారు బల్జాపూర్‌లో మంచిర్యాల జిల్లా దేవులవాడకు చెందిన ఓ వ్యక్తి వేటగాళ్లు అమర్చిన ఉచ్చుకు తగిలి మృతి చెందాడు. ఆ ఘటన జరిగిన ఏడాదిన్నర తరువాత నిందితులను పోలీసులు అరెస్టు చేసి జైలుకు పాంపారు. నాలుగేళ్ల కిందట మల్హర్‌ మండలం తాడిచర్ల గ్రామంలో పంటపొలాలకు రక్షణగా వేసిన విద్యుత్‌ ఉచ్చుకు తగిలి ఓ వ్యక్తి మృతి చెందాడు. తాజాగా వారం కిందట మహాముత్తారం మండలం యామన్‌పల్లి–ఆజంనగర్‌ అటవీ ప్రాంతంలో పోడు కోసం వెళ్లి జడల అశోక్‌(32) అడవిలో ఏర్పాటు చేసిన ఉచ్చుకు తగిలి ప్రాణాలు పోగా...ఆయన మృతదేహం కనిపించకపోవడంతో మిస్టరీగా మారింది. దీంతో పోలీసులు విచారణ జరిపి నిందితులను పట్టుకుని రిమాండుకు తరలించారు. మహాముత్తారం ఘటనతో ఉలిక్కిపాటు పట్టించుకోని ఫారెస్ట్‌ అధికారులు ఘటనలు జరిగితేనే అవగాహనలు.. హడావిడితనిఖీలు ముమ్మరం చేశాం..అక్టోబర్‌ 2 నుంచి జరిగిన వన్యప్రాణి సప్తహా వారోత్సవాల్లో భాగంగా డివిజన్‌లోని ప్రతీ గ్రామంలో అనుమానం ఉన్న చోట ఇంటింటికీ సోదాలు చేపట్టాం. ఇంకా యాక్టివ్‌గా ఉన్న కేసులపై తనిఖీలు ముమ్మరం చేసి ఉచ్చులు, విద్యుత్‌ తీగలు స్వాధీనం చేస్తున్నాం. పూర్తిస్థాయిలో ప్రజల భాగస్వామ్యంతో అరికడతాం. అడవి జంతువులను వేటాడినా, అడవిలో ఉచ్చులు అమర్చిన కఠిన చర్యలు తప్పవు. – సందీప్‌రెడ్డి, ఎఫ్‌డీఓ, మహదేవపూర్‌

చేపల పెంపకంపై భూపాలపల్లి రూరల్‌: రైతన్నలపైనే కాదు.. మత్స్యకారుల జీవనోపాధిపై ఎల్‌నినో ప్రభావం తీవ్రంగా ఉంది. తీవ్ర వర్షాభావ పరిస్థితుల నేపథ్యంలో చెరువుల్లోకి నీరు రాకపోవడంతో చేపపిల్లల పెంపకం ప్రశ్నార్థకంగా మారింది. గతేడాది ఇప్పటికే చేపపిల్ల లను చెరువుల్లో వదలిపెట్టగా.. ఈసారి ఇంకా వదల్లేదు. అయితే మరోవారం రోజుల్లో వదలడానికి ప్రణాళిక సిద్ధం చేశారు. జిల్లాలో 781 చెరువులు ఉండగా వాటిలో కేవలం 282 చెరువుల్లోనే చేపలను పెంచాలని మత్స్యశాఖ నిర్ణయం తీసుకుంది. ఇందులో 3 రిజర్వాయర్లు, 279 పెద్ద చెరువులు, ఇతర కుంటలు, చెరువుల్లోనే చేప పిల్లలు వదలనున్నారు. మిగతా చెరువులు నీరు లేక వెలవెలబోతుండడంతో పెంపకానికి నిరాకరించారు. ఏటా చేపల ఉత్పత్తిపై ఆధారపడి జీవనం సాగించే మత్స్యకారులు ప్రస్తుత పరిస్థితిని చూసి ఆందోళన చెందుతున్నారు. లోటు వర్షపాతంతో.. ఈ ఏడాది ఎల్‌నినో ప్రభావంతో తీవ్ర వర్షా భావ పరిస్థితులు నెలకొన్నాయి. ఫలితంగా జిల్లాలో లోటు వర్షపాతం నమోదై చెరువులు, కుంటల్లోకి నీరు రాలేదు. గణపురం మండలం గణపురం సరస్సు, మల్హర్‌ మండలం బొగ్గుల వాగు ప్రాజెక్టులకు గత నెలలో కురిసిన వర్షాలకు వరదలు రావడంతో నీరు చేరింది. అలాగే కొన్ని చెరువుల్లో కొంత మేర నీరు చేరింది. ఈ వరద కూడా రాకపోతే జిల్లాలో మరింత గడ్డు పరిస్థితులు నెలకొనేవి. భూపాలపల్లి భీంఘన్‌పూర్‌కు దేవాదుల నీటితో ఎప్పుడు నీటితో నిండుకొని ఉంటుంది. జిల్లాలోని 781 చెరువులకు గాను కేవలం 3 రిజర్వాయర్లు, 279 పెద్ద చెరువుల్లోనే నీరు ఉండడంతో వాటిలో చేపపిల్లలను పెంచనున్నారు. వీటిలో పెద్ద చెరువులు, రిజర్వాయర్లలో 39.74 లక్షలు 80 నుంచి 100 సైజు చేపపిల్లలు, మిగతా 279 చెరువుల్లో 71.74లక్షల 35 నుంచి 40 సైజు చిన్నపిల్లలు పెంచాలని జిల్లా మత్స్యశాఖ నిర్ణయించింది. గతేడాది జిల్లాలోని 837 చెరువుల్లో 2.10 కోట్ల చేపపిల్లలను ఆగస్టు నెలలోనే వదిలారు. ఈ ఏడాది సగమే చేపపిల్లలను వదలనున్నారు.వేశాలపల్లిలోని తిప్పిరెడ్డి చెరువుచెరువుల్లో నీరు లేకపోవడంతో చేపపిల్లల పెంపకం 50 శాతానికిపైగా పడిపోవడంతో ఉత్పత్తి సైతం బాగా తగ్గిపోనుంది. గతేడాది 837 చెరువుల్లో 2.10 కోట్ల చేపపిల్లలను వదలగా దాదాపుగా 1,011 టన్నుల చేపల ఉత్పత్తి జరిగింది. గతేడాదితో పోల్చితే ఈసారి తక్కువగా చేపపిల్లలను పెంచుతుండడంతో ఉత్పత్తి కూడా తగ్గిపోనుందని జిల్లా మత్స్యశాఖ అధికారి తెలిపారు. ఈ ప్రభావం ప్రజలపై పడనుందనే అభిప్రాయం వ్యక్తమవుతుంది. చేపల ఉత్పత్తి పెరిగితే తక్కువ ధరలు అందుబాటులో ఉంటాయి. ఉత్పత్తి తగ్గితే ధర పెరిగి ప్రజలపై భారం పడనుంది.మత్స్య సహకార సంఘాలు: 133మొత్తం సభ్యులు: 10,426చెరువులు, కుంటలు: 781ఈసారి చేపపిల్లలు వదిలే చెరువులు: 282వదలనున్న చేపవిత్తనాలు: 1.11కోట్లు ఈసారి 282 చెరువుల్లోనే చేపపిల్లలు పెంచాలని నిర్ణయం గణనీయంగా తగ్గనున్న దిగుబడి ప్రశ్నార్థకంగా మత్స్యకార్మికుల జీవనోపాధి

మల్హర్‌(కాటారం): కాటారం మండలంలోని తహసీల్దార్‌ కార్యాలయంలో బుధవారం ఉదయం పెను ప్రమాదం తప్పింది. తహసీల్దార్‌ చాంబర్‌లో సీలింగ్‌, ఫ్యాన్‌తో సహ ఒక్కసారిగా కూలిపోయింది. ఉద యం కార్యాలయ సిబ్బంది తలుపులు తెరిచి చూసే సరికి సీలింగ్‌ పెచ్చులు ఊడి తహసీల్దార్‌ కుర్చీ, టేబుల్‌పై ఉన్న కంప్యూటర్లపై పడి ఉంది. ప్రమాద సమయంలో ఎవరూ లేకపోవడంతో ప్రాణా పాయం తప్పింది. కార్యాలయ పనివేళలో ప్రమా దం జరిగేదని సిబ్బంది ఆందోళన వ్యక్తం చేస్తున్నా రు. అయితే కార్యాలయ భవనం శిథిలావస్థకు చేరి పలుచోట్ల పెచ్చులు ఊడిపోతున్నాయని, వెంటనే మరమ్మతు చేపట్టాలని సిబ్బంది కోరుతున్నారు. తప్పిన ప్రమాదం

భూపాలపల్లి అర్బన్‌: ప్రభుత్వం స్పందించి ఎన్‌హెచ్‌ఎం ఉద్యోగుల సమస్యలు పరిష్కరించే వరకు పో రాటం కొనసాగిస్తామని ఎన్‌హెచ్‌ఎం ఉద్యోగులు స్పష్టం చేశారు. జిల్లా కలెక్టరేట్‌ ఎదుట జేఏసీ ఆధ్వర్యంలో చేపట్టిన నిరవధిక సమ్మె, దీక్షలు బుధవారం రెండోరోజుకు చేరుకున్నాయి. న్యాయమైన డిమాండ్లను నెరవేర్చాలని ఉద్యోగులు దీక్షలు కొనసాగిస్తున్నారు. ఉద్యోగులకు మద్దతుగా పలువురు రాజకీయ పార్టీల నాయకులు, వివిధ సంఘాల ప్రతినిధులు సంఘీభావం తెలిపారు. రెండో రోజు ధర్నాలో ఎన్‌హెచ్‌ఎం ఉద్యోగులు

భూపాలపల్లి అర్బన్‌: ప్రభుత్వ ప్రధాన ఆస్పత్రికి వచ్చే రోగులకు మెరుగైన వైద్య సేవలు అందించేందుకు అవసరమైన మౌలిక వసతులపై సమగ్ర ప్రతిపాదనలు సిద్ధం చేయాలని కలెక్టర్‌ రాహుల్‌ శర్మ అధికారులను ఆదేశించారు. బుధవారం ఆస్పత్రిని సందర్శించి ఎక్స్‌రే యూనిట్‌, ఎంఆర్‌ఐ యంత్రం, విద్యుత్‌ సరఫరా, అత్యవసర విభాగం, తాగునీరు, పార్కింగ్‌ సదుపాయాలను పరిశీలించారు. ఎంఆర్‌ఐ, ఎక్స్‌రే యంత్రాలకు అవసరమైన విద్యుత్‌ సదుపాయాలు కల్పించాలని, అత్యవసర రోగులకు తక్షణ వైద్యం అందించేందుకు ప్రత్యేక విభాగం ఏర్పాటు చేయాలని సూచించారు. పేదలకు నాణ్యమైన వైద్య సేవలు అందించేందుకు అధికారులు సమన్వయంతో పనిచేయాలన్నారు. అనంతరం కలెక్టర్‌ తన కాలికి ఇటీవల గాయం కావడంతో ఆస్పత్రిలో ఎక్స్‌రే తీసుకున్నారు. ఈ కార్యక్రమంలో సూపరిటెండెంట్‌ డాక్టర్‌ వెంకటరత్నం, టీజీఎండీసీ ఈఈ నందు పటేల్‌, శిక్షణ డిప్యూటీ కలెక్టర్‌ నవీన్‌రెడ్డి తదితరులు పాల్గొన్నారు. వెట్టిచాకిరీ, బానిస కార్మిక వ్యవస్థ నిర్మూలనకు విస్తృత అవగాహన కల్పించాలని కలెక్టర్‌ రాహుల్‌ శర్మ అన్నారు. బుధవారం కలెక్టరేట్‌లో తెలంగాణ ప్రభుత్వం, ఇంటర్నేషనల్‌ జస్టిస్‌ మిషన్‌ సంయుక్తంగా చేపట్టిన ‘స్వేచ్ఛా గమనం’ ప్రచార రథాన్ని ప్రారంభించి మాట్లాడారు. బాధితులు 080–69434343 హెల్ప్‌లైన్‌ను సంప్రదించాలని సూచించారు. రామప్ప నీటి తరలింపు పనులు వేగవంతం చేయాలి గణపురం మండలంలోని బుద్దారం గ్రామంలో భూసేకరణ, రీ–సర్వే, పెగ్‌ మార్కింగ్‌ పనులను వేగవంతం చేసి, పెండింగ్‌ ప్రక్రియలను త్వరగా పూర్తి చేయాలని భూపాలపల్లి ఎమ్మెల్యే గండ్ర సత్యనారాయణరావు అధికారులను ఆదేశించారు. బుధవారం కలెక్టరేట్‌లోని కాన్ఫరెన్స్‌హాల్‌లో కలెక్టర్‌ రాహుల్‌ శర్మతో కలిసి రెవెన్యూ, నీటిపారుదల, పంచాయతీరాజ్‌ శాఖల అధికారులతో నిర్వహించిన సమీక్షలో ఆయన మాట్లాడారు. రామప్ప నుంచి నీటిని తరలించే ప్రాజెక్టు ద్వారా ఎనిమిది మండలాలకు మిషన్‌ భగీరథ ద్వారా తాగునీరు అందించేందుకు కార్యాచరణ రూపొందించాలని, భూములు కోల్పోతున్న రైతులకు నిబంధనల ప్రకారం పరిహారం అందించాలని సూచించారు. కలెక్టర్‌ రాహుల్‌ శర్మ మాట్లాడుతూ అక్టోబర్‌ 15లోగా భూసేకరణకు అవసరమైన పెగ్‌ మార్కింగ్‌ పూర్తి చేయాలని, రీ–సర్వే పనులను ఆర్డీవో పర్యవేక్షించాలని ఆదేశించారు. ఈ సమావేశంలో ఆర్డీవో హరికృష్ణ, శిక్షణ డిప్యూటీ కలెక్టర్‌ నవీన్‌రెడ్డి, ఇంజినీరింగ్‌ అధికారులు పాల్గొన్నారు. అర్హులంతా ఓటరుగా నమోదు చేసుకోవాలి అర్హులైన ప్రతిఒక్కరికీ ఓటు హక్కు కల్పించడమే లక్ష్యంగా నేటినుంచి (గురువారం) రెండు రోజుల పాటు జిల్లాలోని అన్ని పోలింగ్‌ కేంద్రాల్లో ప్రత్యేక ఓటరు నమోదు క్యాంపులు నిర్వహించనున్నట్లు జిల్లా ఎన్నికల అధికారి, కలెక్టర్‌ రాహుల్‌ శర్మ ప్రకటనలో తెలిపారు. ఓటరు జాబితాలో పేర్లు లేని వారు, 18 ఏళ్లు నిండిన యువత ఈ అవకాశాన్ని సద్వినియోగం చేసుకోవాలని సూచించారు. కలెక్టర్‌ రాహుల్‌ శర్మ ప్రభుత్వ ప్రధాన ఆస్పత్రి పరిశీలన

సాక్షి ప్రతినిధి, వరంగల్‌: పట్టభద్రుల ఎమ్మెల్సీ ఎన్నికలకు తెరలేవకముందే రాజకీయ పార్టీల్లో సందడి మొదలైంది. వరంగల్‌–ఖమ్మం–నల్లగొండ పట్టభద్రుల నియోజకవర్గంపై ప్రధాన పార్టీలు ఇప్పటి నుంచే దృష్టి సారించాయి. అభ్యర్థుల ఎంపికతో పాటు ఓటర్ల న మోదును కూడా ప్రతిష్టాత్మకంగా తీసుకుంటున్నా యి. అర్హత ఉన్న ప్రతి పట్టభద్రుడి పేరును ఓటరు జాబితాలో చేర్పించేందుకు కాంగ్రెస్‌, బీఆర్‌ఎస్‌, బీజేపీశ్రేణులు పోటాపోటీగా కసరత్తు చేస్తున్నాయి. మూడు పార్టీల అభ్యర్థులు ఖరారు.. పట్టభద్రుల ఎమ్మెల్సీ స్థానానికి కాంగ్రెస్‌ రాంరెడ్డి సర్వోత్తమ్‌రెడ్డి పేరు, బీఆర్‌ఎస్‌ ఏనుగుల రాకేశ్‌రెడ్డి, జనసేన మాజీ డీహెచ్‌ (డైరెక్టర్‌ ఆఫ్‌ హెల్త్‌) గడల శ్రీనివాసరావును ఖరారు చేసింది. దీంతో మూడు పార్టీల్లో ఎన్నికల సందడి మొదలైంది. అధికార కాంగ్రెస్‌ పార్టీ ఈ ఎన్నికను ప్రతిష్టాత్మకంగా తీసుకుంటోంది. మూడు ఉమ్మడి జిల్లాల పరిధిలోని పార్టీ యంత్రాంగాన్ని సమన్వయం చేసుకుంటూ ముందుకు వెళ్లాలని భావిస్తోంది. బీఆర్‌ఎస్‌ తన కేడర్‌ను పూర్తిస్థాయిలో రంగంలోకి దించి, గత ఎన్నికల అనుభవాన్ని ఉపయోగించుకోవాలని చూస్తోంది. జనసేన మాత్రం పట్టభద్రులు, యువతలో తనకు ఉన్న మద్దతును ఓట్లుగా మలుచుకునేందుకు ప్రయత్నిస్తోంది. కాగా, బీజేపీ అభ్యర్థి త్వంపై ఇంకా స్పష్టత రాలేదు. గతంలో రెండుసార్లు పోటీచేసి ఓడిపోయిన గుజ్జుల ప్రేమేందర్‌రెడ్డితో పాటు ప్రకాశ్‌రెడ్డి, జి.మనోహర్‌రెడ్డి, నర్సిరెడ్డి, రాణిరుద్రమ, వెంకటేశ్వర్లు తదితరుల పేర్లు వినిపిస్తున్నాయి. చివరకు ఆ పార్టీ నుంచి ఎవరిని బరిలోకి దింపుతారన్నది ఆసక్తికరంగా మారింది. నమోదే తొలి మెట్టు.. గెలుపే టార్గెట్‌.. ప్రస్తుతం పార్టీల నాయకులు, కార్యకర్తలు ప్రచారం కంటే ముందుగా ఓటరు నమోదుపైనే ప్రధానంగా దృష్టి పెట్టాయి. డిగ్రీ కళాశాలలు, ప్రైవేట్‌ విద్యాసంస్థలు, ఉద్యోగ వర్గాలు, యువత, పట్టణాలు, మండలాల వారీగా పట్టభద్రుల వివరాలను సేకరిస్తున్నారు. పార్టీ నాయకులు తమ పరిధిలోని పట్టభద్రులతో నేరుగా మాట్లాడి ‘ఓటరు జాబితాలో మీ పేరు ఉందా?’ అంటూ నమోదు ప్రక్రియపై అవగాహన కల్పిస్తున్నారు. అర్హత ఉన్న పట్టభద్రులను ఓటర్లుగా నమోదు చేయించేందుకు ప్రధాన పార్టీల కార్యకర్తలు ఇంటింటికీ వెళ్తున్నారు. ముఖ్యంగా కొత్తగా డిగ్రీ పూర్తిచేసినవారు, ఉద్యోగాల కోసం ఇతర ప్రాంతాలకు వెళ్లినవారు, ప్రైవేట్‌ సంస్థల్లో పనిచేస్తున్న పట్టభద్రులను గుర్తించడంపై ప్రత్యేక దృష్టి సారిస్తున్నారు. వాట్సాప్‌ గ్రూపులు, సోషల్‌ మీడియా వేదికల ద్వారా కూడా ఓటరు నమోదుపై ప్రచారం చేస్తున్నా రు. పార్టీ నాయకులు తమకు కేటా యించిన ప్రాంతాల్లో ఎంతమంది అర్హులై న పట్టభద్రులు ఉ న్నారు, ఎంతమంది ఇప్పటికే నమోదు చేసుకున్నారు, ఇంకా ఎంతమందిని నమో దు చేయించాలి అనే లెక్కలు తీస్తున్నట్లు తెలుస్తోంది. నోటిఫికేషన్‌ రాకముందే కార్యాచరణ.. 2023 అక్టోబర్‌ 31 నాటికి డిగ్రీ ఉత్తీర్ణులైన పట్టభద్రులు ఓటరుగా నమోదు చేసుకునేందుకు అర్హులు. ఇందుకు సంబంధించి నవంబర్‌ 6 వరకు గడువు ఉంది. ఈ గడువు ముగిసేలోపు అర్హులైన పట్టభద్రులందరూ తమ పేర్లను నమోదు చేసుకునేలా రాజకీయ పార్టీలు ప్రత్యేక కార్యాచరణ చేపడుతున్నాయి. అధికార యంత్రాంగం ఒకవైపు నమోదు ప్రక్రియను పర్యవేక్షిస్తుండగా.. రాజకీయ పార్టీలు మరోవైపు తమ శ్రేణులను అప్రమత్తం చేస్తున్నాయి. వరంగల్‌–ఖమ్మం–నల్లగొండ పట్టభద్రుల నియోజకవర్గానికి నల్లగొండ అదనపు కలెక్టర్‌ జె.శ్రీనివాస్‌ను ఎన్నికల రిజిస్ట్రేషన్‌ అధికారిగా (ఈఆర్వో) నియమించారు. ఓటర్ల నమోదు, జాబితా తయారీ తదితర ఎన్నికల ప్రక్రియను ఆయన పర్యవేక్షించనున్నారు. కాగా, ఎమ్మెల్సీ ఎన్నికల నోటిఫికేషన్‌ ఇంకా రాకపోయినా.. ఉమ్మడి వరంగల్‌లో రాజకీయ పార్టీలు మాత్రం తమదైన శైలిలో ముందస్తు మంత్రాంగం ప్రారంభించాయి. ప్రధానంగా గ్రేటర్‌ వరంగల్‌ ట్రైసిటీ నుంచి పట్టభద్రుల ఓటరు జాబితాలో తమకు అనుకూలంగా ఉన్న వర్గాల నమోదు పెంచడమే లక్ష్యంగా పార్టీలు వ్యూహాలు రచిస్తున్నాయి. పట్టభద్రులను ఓటర్లుగా చేర్పించేందుకు ప్రధాన పార్టీల దృష్టి నవంబర్‌ 6 వరకు గడువు.. గెలుపు కోసం నేతల మంత్రాంగం ఎమ్మెల్సీ బరిలో కాంగ్రెస్‌, బీఆర్‌ఎస్‌, బీజేపీ.. ఖరారు కాని కమలం అభ్యర్థిఇదీ ఓటర్ల నమోదు షెడ్యూల్‌..కార్యక్రమం తేదీ ప్రజా నోటీసు సెప్టెంబర్‌ 28 ఫారం–18 దరఖాస్తుల స్వీకరణ సెప్టెంబర్‌ 28 నుంచి దరఖాస్తుల చివరి తేదీ నవంబర్‌ 6 ముసాయిదా ఓటర్ల జాబితా నవంబర్‌ 25 క్లెయిమ్‌లు, అభ్యంతరాలు నవంబర్‌ 25 నుంచి డిసెంబర్‌ 10 క్లెయిమ్‌లు, అభ్యంతరాల పరిష్కారం డిసెంబర్‌ 25లోగా తుది ఓటర్ల జాబితా డిసెంబర్‌ 30

హన్మకొండ కల్చరల్‌: భద్రకాళి దేవీశరన్నవరాత్ర మహోత్సవాల్లో భాగంగా మూడో రోజు మంగళవారం అమ్మవారిని శ్రీగాయత్రీ మాతగా అలంకరించారు. ఆలయ అర్చకుడు భద్రకాళి శేషు ఆధ్వర్యంలో అర్చకులు, వేదపండితులు ఉదయం నుంచి ప్రత్యేక పూజలు నిర్వహించారు. అనంతరం అమ్మవారి స్నపనమూర్తికి ఉదయం చంద్రఘంటా క్రమంలో దుర్గార్చన చేశారు. అమ్మవారి ఉత్సవమూర్తిని సింహవాహనంపై ఊరేగించారు. సాయంత్రం మహిషామర్ధిని క్రమంలో దుర్గార్చన జరిపి గజవాహనంపై ఊరేగించారు. సేవా సమితి కన్వీనర్‌ అయిత గోపీనాథ్‌ ఆధ్వర్యంలో మధ్యాహ్నం, రాత్రి భక్తులకు అన్నప్రసాదాల వితరణ జరిగింది. రాత్రి జరిగిన సాంస్కృతిక కార్యక్రమాలు అలరించాయి. దేవాదాయ ధర్మాదాయశాఖ కమిషనర్‌ ఎం.హన్మంతరావు కుటుంబసమేతంగా అమ్మవారిని దర్శించుకున్నారు. హనుమకొండ కలెక్టర్‌ చాహత్‌ బాజ్‌పాయ్‌ దేవాలయాన్ని సందర్శించి మాడవీధుల నిర్మాణ పురోగతిని, నూతనంగా తయారు చేస్తున్న దారురథాన్ని పరిశీలించారు. కలెక్టర్‌ వెంట కుడా, ఇరిగేషన్‌ అధికారులు ఉన్నారు. ఆలయ ఈఓ రామల సునీత పర్యవేక్షించారు.

గణపురం: వ్యవసాయం, ఉచిత విద్యుత్‌, సాగునీరు, విద్య, ఉపాధి తదితర రంగాల్లో కాంగ్రెస్‌ ప్రభుత్వం పూర్తిగా విఫలమైందని భూపాలపల్లి మాజీ ఎమ్మెల్యే గండ్ర వెంటరమణారెడ్డి ఆగ్రహం వ్యక్తం చేశారు. రైతులకు 24 గంటల నాణ్యమైన విద్యుత్‌ అందించాలని డిమాండ్‌ చేస్తూ బీఆర్‌ఎస్‌ మండలపార్టీ ఆధ్వర్యంలో మంగళవారం గణపురం మండలం చెల్పూరులో జాతీయ రహదారిపై భారీ ధర్నా నిర్వహించారు. ఈ కార్యక్రమానికి ముఖ్యఅ తిథిగా మాజీ ఎమ్మెల్యే హాజరై మాట్లాడుతూ వి ద్యుత్‌ సరఫరా లేక సాగునీరు అందక పంటలు ఎండిపోతున్నాయని, ఈ ప్రభుత్వం మాత్రం నిమ్మకు నీరెత్తినట్లు ఉండటం బాధాకరమన్నారు. బీఆర్‌ఎస్‌ హయాంలో కేసీఆర్‌ 24 గంటల నాణ్యమైన ఉచిత విద్యుత్‌ అందించడంతో పాటు పంటలకు సాగునీరు అందించారని గుర్తు చేశారు. ప్రస్తుతం పంటలు చివరి దశకు చేరుకున్నాయని, ఇప్పుడు సాగు నీరు ఎక్కువగా అవసరమని, దానికి కావాల్సిన మోటార్లు నడవాలంటే 24 గంటల విద్యుత్‌ ఇవ్వాలని డిమాండ్‌ చేశారు. తక్షణమే విద్యుత్‌ అధికారులతో సమీక్షించి రైతాంగానికి అవసరమైన విద్యుత్‌ సరఫరా చేయాలని, లేదంటే రైతుల ఆగ్రహానికి గురికాక తప్పదన్నారు. ఆందోళనతో సుమారు 2 గంటల పాటు జాతీయ రహదారిపై వాహనాలు భారీగా నిలిచిపోయాయి. కార్యక్రమంలో బీఆర్‌ఎస్‌ నాయకుల, కార్యకర్తలు పాల్గొన్నారు. రైతులకు నాణ్యమైన ఉచిత విద్యుత్‌ ఇవ్వాలి భూపాలపల్లి మాజీ ఎమ్మెల్యే గండ్ర వెంకటరమణారెడ్డి బీఆర్‌ఎస్‌ ఆధ్వర్యంలో ధర్నా

భూపాలపల్లి: ఎల్‌నినో ప్రభావం, వర్షాభావ పరిస్థితులు, భవిష్యత్‌లో ఎదురయ్యే నీటి కొరతను దృష్టిలో ఉంచుకుని జిల్లాలో వ్యవసాయ రంగాన్ని అప్రమత్తం చేయడంతో పాటు ఆరుతడి పంటల సాగును ప్రోత్సహించేందుకు సమగ్ర కార్యాచరణ ప్రణాళికలు రూపొందించాలని కలెక్టర్‌ రాహుల్‌ శర్మ అధికారులను ఆదేశించారు. జిల్లాలో వర్షపాతం పరిస్థితులు, పంటల సాగు విస్తీర్ణం, భూగర్భ జలాల లభ్యత, ప్రత్యామ్నాయ పంటల సాగు, విత్తనాల సరఫరా, వ్యవసాయ, విద్యుత్‌, మంచినీటి తదితర రంగాలపై ఎల్‌నీనో ప్రభావం, తదితర అంశాలపై కలెక్టర్‌ అధ్యక్షతన మంగళవారం ఐడీఓసీ కార్యాలయంలో సంబంధిత శాఖల అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ గత సీజన్‌తో పోలిస్తే ప్రస్తుత సీజన్‌లో జిల్లాలో తక్కువ వర్షపాతం నమోదైనట్లు వివరించారు. ఎల్‌నినో భూగర్భ జలాలు, చెరువులు, ఇతర నీటి వనరులపై ప్రభావం పడే అవకాశం ఉందన్నారు. ఈ పరిస్థితులను ముందుగానే అంచనా వేసి సంబంధిత శాఖలు సమన్వయంతో అవసరమైన చర్యలు చేపట్టాలని సూచించారు. రైతులు వరి సాగుపైనే ఆధారపడకుండా కంది, మొక్కజొన్న, పెసలు, మినుములు, శనగ, వేరుశనగ, సోయాబీన్‌, జొన్న, సజ్జ తదితర పప్పుధాన్యాలు, నూనెగింజలు, చిరుధాన్యాల సాగు వైపు మళ్లేలా ప్రోత్సహించాలన్నారు. సమావేశంలో కాటారం సబ్‌ కలెక్టర్‌ సౌరవ్‌ శర్మ, అదనపు కలెక్టర్‌ అశోక్‌కుమార్‌, ఆర్డీవో హరికృష్ణ, అధికారులు పాల్గొన్నారు. అనంతరం రెవెన్యూ, సర్వే అండ్‌ ల్యాండ్‌ రికార్డ్స్‌ శాఖల అధికారులతో సమీక్ష నిర్వహించారు. జిల్లాలో రీసర్వే పనులు వేగవంతం చేయాలని రెవెన్యూ అధికారులను ఆదేశించారు. ఈనెల 16న ఐడీఓసీ కార్యాలయంలో నిర్వహించనున్న బతుకమ్మ సంబురాలకు అన్ని ఏర్పాట్లు చేస్తున్నట్లు హైదరాబాద్‌ నుంచి రాష్ట్ర పర్యాటక, సాంస్కృతిక శాఖ ప్రత్యేక ప్రధాన కార్యదర్శి వాణి ప్రసాద్‌ నిర్వహించిన వీసీలో కలెక్టర్‌ పాల్గొని మాట్లాడారు. భూముల రీసర్వే వేగవంతం చేయాలి కలెక్టర్‌ రాహుల్‌ శర్మ

భూపాలపల్లి: తెలంగాణ ఆడపడుచులు ఎంతో సంబురంగా జరుపుకునే పండుగ బతుకమ్మ. ఈ పండుగకు ప్రభుత్వం అందించే చీరల పంపిణీపై తీవ్ర ఉత్కంఠ, నిరాశ వ్యక్తమవుతున్నాయి. పూలపండుగ వేళ ప్రభుత్వం ఉచితంగా చీరలను అందిస్తుందని మహిళలు ఆశగా ఎదురుచూసినప్పటికీ, నాలుగు రోజుల్లో పండుగ ఉండగా, పంపిణీ ప్రక్రియ ఇంకా ప్రారంభం కాలేదు. ప్రభుత్వ ఆదేశాల కోసం క్షేత్రస్థాయి అధికారులు నిరీక్షిస్తుండడంతో, చీరలు గోదాముల్లోనే మూలుగుతున్నాయి. జిల్లాకు చేరిన చీరలు జిల్లాలోని 12 మండలాల్లో సుమారు 9వేల మహిళా సంఘాల్లోని సభ్యులతో పాటు 18 ఏళ్లు నిండిన ప్రతీ మహిళకు ప్రభుత్వం ఉచితంగా ఒక్కో చీరను పంపిణీ చేయనుంది. ఈ మేరకు జిల్లాకు మొత్తం 1,22,746 చీరలు అవసరం ఉండగా ఇప్పటి వరకు 82,634 జిల్లాకు రాగా, ఇంకా 40,112 రావాల్సి ఉంది. కాగా 18 ఏళ్లకు పైబడిన వారికి 6.30 మీటర్ల పొడవైన 1,22,111 చీరలు, వయసు పైబడిన వారికి 9 మీటర్ల పొడవైన 635 చీరలను అందించనున్నారు. ఆదేశాల కోసం ఎదురుచూపులు సాధారణంగా బతుకమ్మ పండుగ ప్రారంభానికి ముందే మహిళలకు చీరలను అందించడం రాష్ట్రం ఏర్పడిన నాటి నుంచి ఆనవాయితీగా వస్తుంది. ఈ మేరకు సిరిసిల్ల, ఇతర ప్రాంతాల నేత కార్మికుల ద్వారా నాణ్యమైన చీరలను సిద్ధం చేసి జిల్లాలకు కూడా తరలించారు. అయితే బతుకమ్మ పండుగ సమయానికి పంపిణీ చేపట్టాలని రాష్ట్ర ప్రభుత్వం నుంచి ఎటువంటి స్పష్టమైన ఆదేశాలు రాకపోవడంతో అధికారులు పంపిణీని నిలిపేశారు. ఇందిరాగాంధీ జయంతి రోజేనా? గతేడాది మాదిరిగానే ఈసారి కూడా బతుకమ్మ పండుగకు కాకుండా, మాజీ ప్రధాని దివంగత ఇందిరా గాంధీ జయంతిని పురస్కరించుకుని నవంబర్‌ 19వ తేదీన చీరలను పంపిణీ చేసేందుకు ప్రభుత్వం సిద్ధం అవుతున్నట్లు సమాచారం. కాంగ్రెస్‌ ప్రభుత్వం ప్రతిష్టాత్మకంగా చేపట్టిన ‘ఇందిరా మహిళా శక్తి’ పథకం కింద రాష్ట్రవ్యాప్తంగా ఉన్న పొదుపు సంఘాల మహిళలకు, అర్హులైన ఆడపడుచులకు ఈ చీరలను అందజేసేలా సన్నాహాలు చేస్తున్నట్లు సమాచారం. కావాల్సిన 6.30 మీటర్ల చీరలు: 1,22,111వచ్చినవి : 82,634కావాల్సిన 9 మీటర్ల పాలికాట్‌ చీరలు: 635మొత్తం చీరలు : 1,22,746ఇంకా రావాల్సినవి: 40,112జిల్లాకు ఇప్పటికే 70 శాతం చీరలు చేరాయి. వాటిని గోదాముల్లో భద్రంగా నిల్వ చేశాం. అయితే అర్హులైన మహిళలకు బతుకమ్మ పండుగ సందర్భంగా పంపిణీ చేయాలని మాకు ఎటువంటి ఆదేశాలు రాలేదు. ప్రభుత్వం ఎప్పుడు పంపిణీ చేయాలని చెప్పినా, పంపిణీ చేసేందుకు అన్ని ఏర్పాట్లు చేశాం. – బాలకృష్ణ, డీఆర్‌డీఓ పీడీ రాష్ట్రంలోని మహిళలకు ప్రభుత్వం ఉచితంగా అందించనున్న ఒక్కో చీర విలువ సుమారు రూ.500 వరకు ఉంటుందని తెలుస్తోంది. సిరిసిల్లలో ఒక చీర తయారీకి రూ. 385 నుంచి రూ. 400 వరకు ఖర్చు అవుతుండగా, షోలాపూర్‌, సూరత్‌, హైదరాబాద్‌లో చేస్తున్న ప్రాసెసింగ్‌ చేయించేసరికి చీర ధర రూ.450 నుంచి రూ. 500 వరకు చేరుకుంటుంది. అయితే ఆడపడుచులు బతుకమ్మ పండుగ పూట కొత్త చీరలు కట్టుకోవాలని ఆశపడినప్పటికీ, మళ్లీ ఇందిరమ్మ జయంతి వరకు ఆగక తప్పడం లేదని పలువురు అభిప్రాయపడుతున్నారు. మరో నాలుగు రోజుల్లో సద్దుల బతుకమ్మ పంపిణీకి సర్కారు నుంచి రాని ఆదేశాలు ఇందిరాగాంధీ జయంతికి పంపిణీకి సన్నాహాలు?

భూపాలపల్లి: విధి నిర్వహణలో అమరులైన పోలీసులను స్మరించుకుంటూ ఈ నెల 21 నుంచి 31వ తేదీ వరకు వివిధ కార్యక్రమాలు నిర్వహించనున్నట్లు ఎస్పీ సిరిశెట్టి సంకీర్త్‌ వెల్లడించారు. జిల్లాలోని ప్రతీ పోలీస్‌స్టేషన్‌లో ఓపెన్‌హౌస్‌, పోలీసు సిబ్బందికి రెండు కేటగిరీల్లో తెలుగు, ఇంగ్లిష్‌, ఉర్దూ బాషల్లో వ్యాసరచన పోటీలు నిర్వహిస్తామన్నారు. షార్ట్‌ ఫిల్మ్‌, ఫొటోగ్రఫీ పోటీలు ఉంటాయన్నారు. ఆసక్తి గల వారు తమ ఎంట్రీలను ఈ నెల 23వ తేదీ సాయంత్రంలోగా జిల్లా స్పెషల్‌ బ్రాంచ్‌ కార్యాలయంలో సమర్పించాలన్నారు. పెండింగ్‌ కేసులపై దృష్టి సారించాలి.. పెండింగ్‌ కేసులపై దృష్టి సారించి త్వరగా పరిష్కరించాలని ఎస్పీ సిరిశెట్టి సంకీర్త్‌ ఆదేశించారు. జిల్లా పోలీసు కార్యాలయంలో మంగళవారం నిర్వహించిన నెలవారి నేర సమీక్ష సమావేశం నిర్వహించారు. ఈ సందర్భంగా జిల్లాలో నేరాల పరిస్థితి, పోలీస్‌ స్టేషన్ల పనితీరు, పెండింగ్‌ కేసుల దర్యాప్తు పురోగతిని ఎస్పీ సమీక్షించారు. ఈ సమావేశంలో అడిషనల్‌ ఎస్పీ నరేష్‌కుమార్‌, భూపాలపల్లి, కాటారం డీఎస్పీలు సంపత్‌రావు, సూర్యనారాయణ, సీఐలు, ఎస్సైలు, వివిధ విభాగాల అధికారులు పాల్గొన్నారు. ఈ నెల 21 నుంచి పోలీసు సంస్మరణ వారోత్సవాలు ఎస్పీ సిరిశెట్టి సంకీర్త్‌

భూపాలపల్లి అర్బన్‌: సింగరేణి లాభాల్లో కార్మికుల వాటా మరోసారి 34 శాతమే ప్రకటించారు. 2024–25లో చెల్లించిన విధంగానే 2025–26 ఆర్థిక సంవత్సరంలోనూ చెల్లిస్తుండడంపై పెదవి విరుస్తున్నారు. మంగళవారం ప్రజాభవన్‌లో ఉప ముఖ్యమంత్రి మల్లు భట్టి విక్రమార్క సింగరేణి సమస్యలపై మాట్లాడారు. కార్మికులు ఎప్పుడెప్పుడా అని ఎదురుచూస్తున్న లాభాల వాటాపై ప్రకటన చేశారు. గత ఆర్థిక సంవత్సరం కంపెనీ సాధించిన రూ.1,754కోట్ల లాభాల నుంచి 34శాతం వాటా కింద రూ.596.36కోట్లు కార్మికులకు పంపిణీ చేయనున్నారు. ఈ లెక్కన ఒక్కో కార్మికుడికి సగటున రూ.1,53,912 రానున్నట్లు తెలుస్తోంది. 2024–25 ఆర్థిక సంవత్సరంలో కార్మికులకు సగటున రూ.2లక్షల వరకు వచ్చాయి. దీంతో పోల్చితే ఈసారి వాటా మొత్తం రూ.50వేల వరకు తగ్గుతుందని కార్మికులు ఆవేదన వ్యక్తం చేస్తున్నారు. కనీసం ఒక్క శాతం వాటా పెరిగినా పెరిగేదంటున్నారు. కంపెనీలో 38,737 మంది శాశ్వత, 29,715 మంది కాంట్రాక్టు కార్మికులకు లాభాల వాటా అందనుంది. ప్రస్తుతం భూపాలపల్లి ఏరియాలోని 5,600 శాశ్వత కార్మికులు ఉన్నారు. వీరితోపాటు 2025–26 ఆర్థిక సంవత్సరంలో మధ్యలో దిగిపోయిన వారు కూడా వాటా లబ్ధిపొందనున్నారు. ఏరియాలో సుమారు 1,200 మంది కాంట్రాక్ట్‌ కార్మికులు పని చేస్తున్నారు. కాగా, శాశ్వత కార్మికులకు లాభాల వాటా చెల్లింపులో మస్టర్లు, వ్యక్తిగత పనితీరు, గ్రూపు పనితీరు లెక్కగడుతారు. ఈసారి వాస్తవ లాభాలు రూ.2,600 కోట్లు వచ్చాయని, పన్నులు పోను మిగిలినవి నికర లాభాల కింద చూపినట్లు సమాచారం. కాంట్రాక్ట్‌ కార్మికులకు నిరాశే.. కాంట్రాక్ట్‌ కార్మికులకు గతేడాది మాదిరిగానే ఈసారి కూడా రూ.5,500 చొప్పున లాభాల బోనస్‌ ప్రకటించారు. ఈసారి 10శాతం వాటా ఇవ్వాలని లేదా కనీసం రూ.25 వేలు ఇవ్వాలని డిమాండ్‌ చేసినా ఫలితం లేకపోయింది సింగరేణి కార్మికులకు లాభాల్లో వాటా కార్మికుల పెదవి విరుపు ఒక్క శాతం పెరిగినా లాభమయ్యేదని ఆవేదనసంవత్సరం సాధించిన ఉత్పత్తి నికర పంచిన వాటా (మిలియన్‌ లాభం వాటా శాతం టన్నులు) (రూ. కోట్లు) (రూ. కోట్లు) 2016–17 61.34 395 99 25 2017–18 62.01 1,212 327 27 2018–19 64.40 1,765 494 28 2019–20 64.02 993 278 28 2020–21 50.58 272.64 79.07 29 2021–22 65.02 1,227 368 30 2022–23 67.14 2,222 711 32 2023–24 70.02 2,412 796 33 2024–25 69.01 2,360 819 34 2025–26 58.00 1,754 596.36 34

ములుగు: జిల్లా కేంద్రంలో తెలంగాణ ఓపెన్‌ స్కూ ల్‌ సొసైటీ (టాస్‌) ఆధ్వర్యంలో సోమవారం నుంచి జరుగుతున్న పదో తరగతి, ఇంటర్‌ పరీక్షల్లో జోరుగా వసూళ్ల పర్వం కొనసాగుతోంది. 2026 ఓపెన్‌ సప్లిమెంటరీ పరీక్షల నేపథ్యంలో జిల్లా కేంద్రంలోని ప్రభుత్వ హైస్కూల్‌లో ఇంటర్‌ పరీక్షలు నిర్వహిస్తుండగా, జెడ్పీహెచ్‌ఎస్‌ బాలుర స్కూల్‌లో పదో తరగతి పరీక్షలు నిర్వహిస్తున్నారు. ఇంటర్‌లో 88 మంది విద్యార్థులకు మంగళవారం 52 మంది విద్యార్థులు హాజరు కాగా టెన్త్‌లో 61 మంది విద్యార్థులకు 39 మంది హాజరయ్యారు. సరైన ఉత్తీర్ణత లేకుండా చిన్న చిన్న ఉద్యోగాలు చేసేవారు, మహిళా సంఘాల సభ్యులు చదువును మధ్యలో ఆపేసినవారు ఓపెన్‌ పరీక్షలు రాస్తూ ఉంటారు. మాస్‌ కాపీయింగ్‌.. ఇదే అవకాశాన్ని ఆసరాగా చేసుకున్న పరీక్ష కేంద్రా ల అధికారులు ప్రతీ సబ్జెక్టుకు రూ.500 చొప్పున పరీక్షలకు హాజరయ్యే అభ్యర్థుల దగ్గర వసూలు చేస్తూ మాస్‌ కాపీయింగ్‌ను ప్రోత్సహిస్తున్నారనే విమర్శలున్నాయి. పరీక్షలకు హాజరుకాని అభ్యర్థుల నుంచి సబ్జెక్టుకు రూ.2వేలు వసూలు చేస్తూ ఇతరులచే పరీక్షలు రాయిస్తున్నారనే ఆరోపణలు వినిపిస్తున్నాయి. అర్హత లేని మహిళను అటెండర్‌గా పెట్టుకొని వసూళ్లకు పాల్పడుతున్నారని సహచర ఉపాధ్యాయులే ఆరోపిస్తున్నారు. అభ్యర్థులకు సహకరిస్తున్న అధికారులు ఈ క్రమంలో మంగళవారం ఒకరికి బదులు మరొకరు సుమారు 8 మంది పరీక్షలు రాసినట్లు వినికిడి. ఖమ్మం, కొత్తగూడెం, పాల్వంచ ప్రాంతాలకు చెందిన అభ్యర్థుల స్థానాలలో ఇతర అభ్యర్థులు పరీక్షలు రాస్తున్నారని, వారికి పరీక్ష కేంద్రాల అధికారులే సహకరిస్తున్నారని స్థానిక ఉపాధ్యాయులు బహిరంగంగా విమర్శిస్తున్నారు. ఈ విషయంపై డీఈఓ సిద్ధార్థరెడ్డిని వివరణ కోరగా.. డబ్బులు వసూలు చేస్తున్నారనే ఆరోపణలు తన దృష్టికి వచ్చాయని బుధవారం నుంచి ప్రతీ అభ్యర్థిని తనిఖీ చేసిన తర్వాతనే పరీక్ష కేంద్రంలోని అనుమతి ఇస్తామని తెలిపారు. ఒకరికి బదులు మరొకరు పరీక్షలు రాస్తున్నట్లు ఆరోపణలు

భూపాలపల్లి రూరల్‌: సింగరేణి కార్మికుల సంక్షేమమే లక్ష్యంగా భూపాలపల్లి ఎమ్మెల్యే గండ్ర సత్యనారాయణరావు చేస్తున్న కృషిలో భాగంగా కీలక పరిణామాలు చోటుచేసుకున్నాయి. గత శాసనసభ సమావేశాల్లో సింగరేణి కార్మికులు ఎదుర్కొంటున్న సమస్యలను శాసనసభ దృష్టికి తీసుకెళ్లారు. దీనిలో భాగంగా మంగళవారం హైదరాబాద్‌లోని ప్రజాభవన్‌లో ఉపముఖ్యమంత్రి మల్లు భట్టి విక్రమార్క అధ్యక్షతన నిర్వహించిన సమావేశంలో సింగరేణి ప్రాంతానికి చెందిన ఎమ్మెల్యేలతో కలిసి ఎమ్మెల్యే సత్యనారాయణరావు పాల్గొన్నారు. కేటీకే–1, 8 ఇంకై ్లన్‌ గేట్‌ మీటింగ్‌ల సందర్భంగా కార్మికులకు ఇచ్చిన హామీల మేరకు వారి సమస్యలను ముఖ్యమంత్రి రేవంత్‌రెడ్డి, ఉప ముఖ్యమంత్రి మల్లు భట్టి విక్రమార్క దృష్టికి తీసుకెళ్లారు. కార్మికుల హక్కులు, వారి కుటుంబాల సంక్షేమం, ఉద్యోగ భద్రతకు సంబంధించిన అంశాలపై ప్రభుత్వం దృష్టి సారించేలా కృషి చేశారు. ఈ నేపథ్యంలో సింగరేణి కార్మికులకు పలు ప్రయోజనాలు కల్పించేందుకు ప్రభుత్వం చర్యలు తీసుకోవడం ఎమ్మెల్యే కృషికి ప్రాధాన్యం సంతరించుకుంది

హన్మకొండ: శీతాకాలం వచ్చినా ఎల్‌నినో ప్రభావంతో ఉమ్మడి వరంగల్‌ జిల్లాలో ఎండలు భగ్గుమంటున్నాయి. ఉక్కపోతతో ప్రజలు ఉక్కిరిబిక్కిరి అవుతున్నారు. దీనికితోడు వర్షాభావ పరిస్థితులు నెలకొన్నాయి. సాగు కోసం భూగర్భ జలాలు తోడేందుకు విద్యుత్‌ వినియోగం పెరిగింది. దీనికి తోడు గృహాలు, వ్యాపార వాణిజ్యసంస్థలు, పరిశ్రమల్లో ఉష్ణోగ్రతలు పెరగడంతో ఉక్కపోత భరించలేక కూలర్లు, ఏసీల వినియోగం కొనసాగుతోంది. దీంతో గతేడాదితో పోలిస్తే ఈసారి విద్యుత్‌ వినియోగం బాగా పెరిగింది. ఈ క్రమంలో విద్యుత్‌ డిమాండ్‌ రోజురోజుకు పెరుగుతోంది. ఈ డిమాండ్‌ నిలకడగా కాకుండా రోజూ పెరుగుతూ రికార్డులు బ్రేక్‌ చేస్తోంది. టీజీ ఎన్పీడీసీఎల్‌లో అధికశాతం వ్యవసాయానికి, గృహ అవసరాలు, వ్యాపార వాణిజ్య అవసరాలు, చిన్న చిన్న పరిశ్రమలకు విద్యుత్‌ వినియోగిస్తారు. భారీ పరిశ్రమలు పెద్దగా లేవు. అయినా విద్యుత్‌ డిమాండ్‌ విపరీతంగా పెరుగుతోంది. సెప్టెంబర్‌ 9న వేసవిని మించి రికార్డు స్థాయిలో 6,948 మెగావాట్ల గరిష్ట డిమాండ్‌ నమోదైంది. అంతకు ముందు మార్చి 27న నమోదైన 6,574 మెగావాట్ల డిమాండ్‌ అత్యధికం. దీన్ని బ్రేక్‌ చేస్తూ సెప్టెంబర్‌ 9న రికార్డు స్థాయిలో డిమాండ్‌ నమోదైంది. రాష్ట్రంలో గరిష్టంగా 19,543 మెగావాట్ల డిమాండ్‌ నమోదైంది. మార్చిలో అత్యధికంగా నమోదైన 18,548 మెగావాట్ల డిమాండ్‌నుఽ అధిగమించి ఇప్పుడు ఆల్‌టైం రికార్డు నమోదైంది. వ్యవసాయ మోటార్లు ఆన్‌.. ప్రస్తుత వర్షాకాలమైనా చినుకు జాడలేదు. పంటలు పూర్తిగా భూగర్భజలాలపై ఆధారపడి సాగు చేశారు. భూగర్భజలాలు తోడి వరితో పాటు మెట్ట పంటలకు తడులు ఇస్తున్నారు. ఆరుతడి పంటలకు నీరు అవసరం కావడంతో వ్యవసాయ అవసరాలకు విద్యుత్‌ వినియోగం పెరిగింది. ఉమ్మడి వరంగల్‌ జిల్లాలో ఈ వానా కాలంలో అన్ని పంటలు కలిపి 14,48,052 ఎకరాల్లో సాగు చేశారు. ఇందులో వరి 6,91,997 ఎకరాలు, మొక్కజొన్న 1,00,976, పత్తి 7,99,799 ఎకరాల్లో సాగు చేశారు. ఉమ్మడి వరంగల్‌ జిల్లాలో.. ఉమ్మడి వరంగల్‌ జిల్లాలో విద్యుత్‌ డిమాండ్‌ ఈ నెల 6న 2,012 మెగావాట్లు, 7న 2,022, 8న 2,017, 9న 2,025, 10న 2,106, 11న 2,072 మెగావాట్లకు చేరుకుంది. గతేడాది అక్టోబర్‌ 6న 939 మెగావాట్లు, 7న 1,026, 8న 1,206, 8న 1,364, 9న 1,269, ఈ నెల 11న 1,333 మెగావాట్ల డిమాండ్‌ నమోదైంది. విద్యుత్‌ వినియోగం చూస్తే ఈ నెల 6న 25.135, 7న 24.222, 8న 25.785, 9న 25.267, 10న 25.769, ఈ నెల 11న 28.552 మిలియన్‌ యూనిట్లు వాడారు. గతేడాది అక్టోబర్‌ 6న 13.551 మిలియన్‌ యూనిట్లు, 7న 15.152. 8న 17.191, 9న 18.062, 10న 18.932, 11వ తేదీన 18.323 మిలియన్‌ యూనిట్లుగా నమోదైంది.ఉమ్మడి వరంగల్‌ జిల్లాలో ఇలా.. శీతాకాలం వచ్చినా తగ్గని డిమాండ్‌.. పెరిగిన వినియోగం ఎల్‌నినో ప్రభావంతో అధిక ఉష్ణోగ్రతలు, ఉక్కపోత పెరిగిన ఏసీలు, కూలర్ల వినియోగం గిరిగిరా తిరుగుతున్న మీటర్లు

భూపాలపల్లి అర్బన్‌: ప్రస్తుత ప్రభుత్వం ప్రచారానికి కాకుండా అభివృద్ధికి ప్రాధాన్యం ఇవ్వాలని మాజీ ఎమ్మెల్యే గండ్ర వెంకటరమణారెడ్డి అన్నారు. జిల్లా బార్‌ అసోసియేషన్‌ ఆధ్వర్యంలో సోమవారం మాజీ సీఎం కేసీఆర్‌ చిత్రపటానికి పాలాభిషేకం నిర్వహించారు. జిల్లాల ఏర్పాటు చేసి పదేళ్లు అవుతున్న సందర్భంగా బీఆర్‌ఎస్‌ నిర్వహిస్తున్న దశాబ్ది ఉత్సవాల్లో భాగంగా సోమవారం జిల్లా కేంద్రంలో మాజీ ఎమ్మెల్యే గండ్ర వెంకటరమణారెడ్డి ఆధ్వర్యంలో పలు ప్రభుత్వ కార్యాలయాల్లో అధికారులకు పుష్ప గుచ్చాలు అందిస్తూ స్వీట్లను పంపిణి చేశారు. కలెక్టర్‌, ఎస్పీ, ఇతర అధికారులను, మెడికల్‌ కాలేజీ సిబ్బంది, విద్యార్థులను కలిసి శుభాకాంక్షలు తెలిపారు. రమణారెడ్డి మాట్లాడుతూ జిల్లాలో అభివృద్ధి పనులను వేగవంతం చేయాలని గండ్ర కోరారు. కార్యక్రమంలో బీఆర్‌ఎస్‌ నాయకులు, న్యాయవాదులు పాల్గొన్నారు.

భూపాలపల్లి అర్బన్‌: సింగరేణిలో రోజురోజుకూ పెరిగిపోతున్న రాజకీయ జోక్యం, అవినీతికి ముగింపు పలకాలని బీఎంఎస్‌ రాష్ట్ర అధ్యక్షుడు అప్పాని శ్రీనివాస్‌ కోరారు. ఏరియాలోని కేటీకే 1వ గని, వర్క్‌షాప్‌లో విధులు నిర్వర్తిస్తున్న వివిధ సంఘాలకు చెందిన కార్మికులు సోమవారం బీఎంఎస్‌లో చేరగా వారికి యూనియన్‌ కార్యాలయంలో శ్రీనివాస్‌ కండువాలు కప్పి ఆహ్వానించారు. ఈ సందర్భంగా అప్పాని శ్రీనివాస్‌ మాట్లాడుతూ.. సింగరేణి సంస్థ పరిరక్షణ, కార్మికుల హక్కులు, ఉద్యోగ భద్రత కోసం కార్మికులంతా ఐక్యంగా పోరాడాలని పిలుపునిచ్చారు. కార్మిక సంఘాలు సమస్యల పరిష్కారానికి ప్రాధాన్యమివ్వాలని, రాజకీయ జోక్యానికి తావులేకుండా పారదర్శక పాలన సాగాలని కోరారు. కొత్త బొగ్గు ప్రాజెక్టులను సాధించడంతోపాటు సంస్థ ఆర్థిక ప్రయోజనాలను కాపాడాలన్నారు. కార్మికుల హక్కుల సాధనకు బీఎంఎస్‌ రాజీలేని పోరాటం కొనసాగిస్తోందని స్పష్టం చేశారు. యూనియన్‌లో చేరిన వారిలో బోయిన మల్లికార్జున్‌, బోలో వెంకటేశ్వర్లు, దీపు, టి.సత్తయ్య, సీహెచ్‌.శ్రీకాంత్‌, పి.దిలీప్‌, మోసం ప్రశాంత్‌, ఎండీ.తాజోద్దీన్‌, దేవులాల్‌, మండ మల్లేశ్‌, సునీల్‌ ఉన్నారు. ఈ కార్యక్రమంలో నాయకులు రాసకట్ల నర్సింగరావు, వెల్లబోయిన సుజేందర్‌, యూనియన్‌ నాయకులు, కార్మికులు పాల్గొన్నారు. బీఎంఎస్‌ రాష్ట్ర అధ్యక్షుడు అప్పాని శ్రీనివాస్‌

భూపాలపల్లి అర్బన్‌: కార్యాలయాల కూల్చివేత ప్రజాస్వామ్య హక్కులపై దాడి చేసినట్లేనని తెలంగాణ పౌర హక్కుల సంఘం రాష్ట్ర అధ్యక్షుడు ప్రొఫెసర్‌ గడ్డం లక్ష్మణ్‌, ప్రధాన కార్యదర్శి నక్క నారాయణరావు తెలిపారు. తెలంగాణ సింగరేణి ఉద్యోగుల సంఘం కార్యాలయ ప్రహరీ కూల్చివేతను ప్రొఫెసర్‌ గడ్డం లక్ష్మణ్‌, నక్క నారాయణరావు ఖండించారు. సోమవారంలో ఏరియాలోని యూనియన్‌ కార్యాలయంలో నిర్వహించిన విలేకరుల సమావేశంలో వారు మాట్లాడారు. కార్యాలయ కూల్చివేతపై సమగ్ర విచారణ జరిపి చట్టబద్ధమైన అనుమతులు, విధివిధానాలు పాటించారా లేదా తేల్చాలని డిమాండ్‌ చేశారు. ఘటనకు బాధ్యులైన వారిపై చర్యలు తీసుకోవడంతోపాటు కార్మిక సంఘాల హక్కులకు రక్షణ కల్పించాలని కోరారు. ఈ ఘటనపై స్థానిక ఎమ్మెల్యే గండ్ర సత్యనారాయణరావు, మున్సిపల్‌ చైర్మన్‌ బుర్ర కొమురయ్యలు బాధ్యత వహించాలని కోరారు. కార్మిక సంఘాల స్వేచ్ఛను హరించే ప్రయత్నాలను ప్రజాస్వామ్య శక్తులు అడ్డుకుంటాయని హెచ్చరించారు. ఈ సమావేశంలో పౌర హక్కుల సంఘం జిల్లా అధ్యక్షుడు పాని, తెలంగాణ విద్యావంతుల వేదిక నాయకుడు రాదండి దేవేందర్‌, టీఎస్‌యూఎస్‌ నాయకులు మిట్టపల్లి కుమారస్వామి, నీరేటి రాజన్న, పీక కిరణ్‌, ఐత బాబు, పార్వతక్క, దాసరి జనార్ధన్‌, జైపాల్‌ సింగ్‌, గోడిశెల శ్రీహరి, నామాల శ్రీనివాస్‌ పాల్గొన్నారు.

గణపురం: సోమవారం సందర్భంగా మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామివా రికి అభిషేకాలు, పూజలు నిర్వహించారు. అనంతరం స్వామి వారిని భక్తుల దర్శనార్ధం ప్రత్యేకంగా అలంకరించారు. స్వామివారిని దర్శించుకున్న భక్తులకు తీర్థ ప్రసాదాలు అందచేశారు. కల్యాణం.. కమనీయం రేగొండ: కొడవటంచ శ్రీలక్ష్మీ నరసింహస్వామి వారి కల్యాణం సోమవారం ఘనంగా నిర్వహించారు. స్వామి వారి జన్మ స్వాతి నక్షత్రం సందర్భంగా ప్రతీ నెలలో ఆలయంలో కల్యాణం నిర్వహిస్తారు. అభిషేకంతో ప్రారంభమై సుదర్శన నారసింహ హోమం కొనసాగించారు. అనంతరం కల్యాణం నిర్వహించారు. ఆరగింపుతో కల్యాణ కార్యక్రమం ముగిసింది. ఈ కార్యక్రమంలో ఆలయ సిబ్బంది శ్రావణ్‌, సుధాకర్‌, అధిక సంఖ్యలో భక్తులు పాల్గొన్నారు. కానిస్టేబుల్‌పై దాడి కేసులో అరెస్ట్‌ చిట్యాల: విధి నిర్వహణలో ఉన్న పోలీస్‌ కానిస్టేబుల్‌పై దాడిచేసి గాయపరిచిన ఘటనలో నిందితుడు తూముల గణేశ్‌ను సోమవారం అరెస్ట్‌ చేసి రిమాండ్‌కు తరలించినట్లు ఎస్సై పోచంపల్లి సతీశ్‌ తెలిపారు. నాలుగు రోజుల క్రితం మండలకేంద్రంలో ఘర్షణ జరుగుతుందని సమాచారం మేరకు కానిస్టేబుల్‌ మహేశ్‌ ఘటనా స్థలానికి చేరుకుని ఘర్షణను ఆపేందుకు ప్రయత్నించారు. ఆ సమయంలో తూముల గణేశ్‌, కానిస్టేబుల్‌తో దురుసుగా ప్రవర్తించడమే కాకుండా విధులకు ఆటంకం కలిగిస్తూ దాడికి పాల్పడ్డారు. ఈ కేసులో ప్రధాన నిందితుడైన తూముల గణేశ్‌ను పోలీసులు అదుపులోకి తీసుకుని సోమవారం న్యాయస్థానంలో హాజరుపరిచారు. రెండవ అదనపు జ్యుడీషియల్‌ జడ్జి దిలీప్‌నాయక్‌ నిందితుడికి 14రోజుల రిమాండ్‌ విధించారు. న్యాయస్థానం ఆదేశాల మేరకు నిందితుడిని పరకాల సబ్‌ జైలుకు తరలించినట్లు ఎస్సై తెలిపారు. గుప్తనిధుల తవ్వకాలపై కేసు నమోదు కాళేశ్వరం: మహదేవపూర్‌ మండలం కాళేశ్వరం మసీదు వాడలో ఒకరి ఇంట్లో ఆదివారం రాత్రి గుప్తనిధుల కోసం తవ్వకాలు జరుపుతున్న ఎనిమిది మందిని అదుపులోకి తీసుకొని కేసు నమోదు చేసినట్లు కాళేశ్వరం ఎస్సై ఈ.సురేష్‌ తెలిపారు. సోమవారం హైదరాబాద్‌, కరీంనగర్‌, మంచిర్యాల, కాళేశ్వరం ప్రాంతాలకు చెందిన వేణుగోపాల్‌, మోహన్‌, శంకర్‌ వద్ద నుంచి మెటల్‌ డిటెక్టర్‌, ఏడు మొబైల్‌ ఫోన్లు, ఒక పార, బెలెనో కారును స్వాధీనం చేసుకున్నట్లు ఎస్సై పేర్కొన్నారు.

భూపాలపల్లి: ప్రజల సమస్యలకు తక్షణ పరిష్కారం చూపడమే తమ లక్ష్యమని ఎస్పీ సిరిశెట్టి సంకీర్త్‌ అన్నారు. జిల్లా పోలీస్‌ ప్రధాన కార్యాలయంలో సోమవారం నిర్వహించిన ప్రజాదివస్‌ కార్యక్రమంలో ఎస్పీ ప్రజల నుంచి 12 ఫిర్యాదులు స్వీకరించారు. సీఐలు, ఎస్సైలతో మాట్లాడి తక్షణ పరిష్కారానికి ఆదేశాలు జారీ చేశారు. ఈ సందర్భంగా ఎస్పీ మాట్లాడుతూ ప్రజలు పైరవీలు, మధ్యవర్తులు లేకుండా నిర్భయంగా పోలీస్‌ సేవలను వినియోగించుకోవాలని సూచించారు. చట్టబద్ధంగా ప్రతీ ఒక్కరికి న్యాయం జరిగేలా పోలీస్‌ శాఖ కట్టుబడి ఉందన్నారు. సత్వర, పారదర్శక సేవలు అందించేందుకు జిల్లా పోలీస్‌ శాఖ ఎల్లప్పుడూ కృషి చేస్తుందని ఎస్పీ చెప్పారు. ఎస్పీ సిరిశెట్టి సంకీర్త్‌

భూపాలపల్లి రూరల్‌: జిల్లాలో ఎల్‌నినోతో ఏర్పడే వర్షాభావ పరిస్థితులపై రైతులకు అవగాహన కార్యక్రమాలు నిర్వహిస్తున్నామని కలెక్టర్‌ రాహుల్‌శర్మ అన్నారు. ఎల్‌నినో ప్రభావం, వర్షాభావ పరిస్థితులు, వ్యవసాయ రంగంపై పడే ప్రభావం తదితర అంశాలపై రైతులకు అవగాహన కల్పించేందుకు సోమవారం ఢిల్లీ నుంచి ఉపముఖ్యమంత్రి భట్టి విక్రమార్క రైతు వేదికల ద్వారా వీడియో కాన్ఫరెన్స్‌ నిర్వహించారు. భట్టి విక్రమార్క, వ్యవసాయ శాఖ మంత్రి తుమ్మల నాగేశ్వరరావు ఎల్‌నినోపై పలు సూచనలు చేశారు. వీడియో కాన్ఫరెన్స్‌కు కొంపల్లి రైతు వేదిక నుంచి కలెక్టర్‌ రాహుల్‌ శర్మ పాల్గొన్నారు. ఈ సందర్భంగా కలెక్టర్‌ మాట్లాడుతూ రైతులు నీటి లభ్యతను దృష్టిలో ఉంచుకుని వరికి ప్రత్యామ్నాయంగా కూరగాయలు, ఉద్యాన పంటలు, నూనెగింజలు తదితర పంటలను సాగు చేయాలని సూచించారు. వాతావరణ పరిస్థితులకు అనుగుణంగా పంటల ఎంపిక చేసుకోవడం ద్వారా వ్యవసాయ పెట్టుబడులపై నష్టాలను తగ్గించుకోవచ్చని పేర్కొన్నారు. రైతులకు అవసరమైన సాంకేతిక సలహాలు, ప్రత్యామ్నాయ పంటల వివరాలను వ్యవసాయ, ఉద్యాన శాఖల అధికారులు నిరంతరం అందించాలని తెలిపారు. ఈ వీడియో కాన్ఫరెన్స్‌లో అదనపు కలెక్టర్లు అశోక్‌ కుమార్‌, విజయలక్ష్మి, జిల్లా వ్యవసాయ, అధికారి బాబూరావు, ఉద్యానవన శాఖ అధికారి తిరుపతి, విద్యుత్‌ శాఖ ఎస్‌ఈ సదానందం, సీపీఓ కృష్ణ, వ్యవసాయ శాస్త్రవేత్తలు పాల్గొన్నారు. బతుకమ్మ ఉత్సవాల వాల్‌పోస్టర్‌ ఆవిష్కరణ భూపాలపల్లి: తెలంగాణ గెజిటెడ్‌ అధికారుల సంఘం ఆధ్వర్యంలో బతుకమ్మ ఉత్సవాల వాల్‌పోస్టర్‌ను కలెక్టర్‌ రాహుల్‌శర్మ ఐడీఓసీ కార్యాలయంలో ఆవిష్కరించారు. అనంతరం మాట్లాడుతూ బతుకమ్మ సంబరాలను ఘనంగా నిర్వహించాలన్నారు. కార్యక్రమంలో అదనపు కలెక్టర్‌ అశోక్‌ కుమార్‌, తెలంగాణ గెజిటెడ్‌ అధికారుల సంఘం అధ్యక్షురాలు విజయలక్ష్మి, వివిధ శాఖల జిల్లా అధికారులు, సిబ్బంది పాల్గొన్నారు. పరిష్కారంలో జాప్యంచేస్తే చర్యలు భూపాలపల్లి అర్బన్‌: ప్రజావాణిలో స్వీకరించిన అర్జీలను క్షుణ్ణంగా పరిశీలించి, వారంలోగా పరిష్కరించాలని కలెక్టర్‌ రాహుల్‌శర్మ అధికారులను ఆదేశించారు. కలెక్టరేట్‌లో నిర్వహించిన ప్రజావాణి కార్యక్రమంలో ప్రజల నుంచి వివిధ సమస్యలకు సంబంధించి 67 దరఖాస్తులను స్వీకరించారు. సమస్యల పరిష్కారంపై ఆశతో ప్రజలు ప్రజావాణిని ఆశ్రయిస్తున్నందున అధికారులు బాధ్యతాయుతంగా వ్యవహరించాలని సూచించారు. ఈ కార్యక్రమంలో అదనపు కలెక్టర్లు అశోక్‌కుమార్‌, విజయలక్ష్మి, ఆర్డీఓ హరికృష్ణ పాల్గొన్నారు. పాఠశాల గుర్తింపు రద్దు చేయాలి పట్టణంలోని మహేశ్వర ఎడ్యుకేషనల్‌ సొసైటీ ఆధ్వర్యంలో నిర్వహిస్తున్న బిట్స్‌ పాఠశాల గుర్తింపును రద్దు చేసి చైర్మన్‌ డాక్టర్‌ రాజేంద్రప్రసాద్‌పై క్రిమినల్‌ కేసులు నమోదు చేయాలని సమాచార హక్కు చట్టం కార్యకర్త కుసుమ రామకృష్ణ డిమాండ్‌ చేశారు. ఈ మేరకు కలెక్టర్‌కు వినతిపత్రం సమర్పించారు.శాత్రాజ్‌పల్లి బాధితుల ఆందోళన..మల్హర్‌ మండలం శాత్రాజ్‌పల్లి గ్రామంలో అనుమతిలేని నివాస గృహాలను మూడు రోజుల క్రితం అధికారులు కూల్చివేసిన విషయం తెలిసిందే. దీంతో బాధితులు సుమారు వంద మంది వరకు కలెక్టరేట్‌ వద్ద ఆందోళన చేపట్టారు. ప్రజావాణిలో ఫిర్యాదు అందించేందుకు వెళ్తున్న బాధితులను పోలీసులు ప్రధాన ద్వారం వద్ద అడ్డుకున్నారు. సర్పంచ్‌ ఆధ్వర్యంలో కొంత మంది బాధితులను లోపలికి అనుమతించారు. కలెక్టర్‌కు వినతిపత్రాన్ని అందించి న్యాయం చేయాలని వేడుకున్నారు. కలెక్టర్‌ రాహుల్‌శర్మ

ఇందిరమ్మ నిర్మాణాలకు కొత్త నిబంధనలు ● స్లాబ్‌ 750 చదరపు అడుగులు దాటితే బిల్లుల నిలిపివేత ● అమల్లోకి కొత్త నిబంధనలుభూపాలపల్లి అర్బన్‌: ఇందిరమ్మ ఇళ్ల నిర్మాణాల్లో గృహ నిర్మాణ శాఖ సరికొత్త నిబంధనలు అమల్లోకి తీసుకొచ్చింది. సొంత స్థలంలో ఇళ్లు నిర్మించుకునే పేదలకు ప్రభుత్వం అందిస్తున్న రూ.5లక్షల ఆర్థిక సాయం సద్వినియోగం కావాలనే ఉద్దేశంతో స్లాబ్‌ వైశాల్యంపై కఠిన పరిమితులు విధించింది. అనుమతించిన ఇంటి స్లాబ్‌ 750చదరపు అడుగులు దాటితే బిల్లు చెల్లింపులు నిలిపివేస్తామని అధికారులు హెచ్చరిస్తున్నారు. నిబంధనలు ఉల్లంఘించిన లబ్ధిదారులకు నోటీసులు జారీచేస్తున్నారు. జిల్లావ్యాప్తంగా.. జిల్లా పరిధిలోని 12 మండలాల్లో మొదటలో ఇళ్లకు 4,075 మార్కవుట్‌ చేశారు. పూర్తయిన ఇళ్లు 1,296, బేస్‌మెంట్‌ లెవల్‌ దశలో 814, రూప్‌ లెవల్‌ 381, స్లాబ్‌లో 1,079, ప్రారంభం కాని 534 ఉన్నాయని అధికారిక లెక్కలు చెబుతున్నారు. ఈ క్రమంలో జిల్లాలో ఇళ్ల నిర్మాణం నత్తనడక సాగుతుండడంతో అధికారులు క్షేత్రస్థాయి పర్యటనలు మరింత పెంచింది. డీఈఈ, ఏఈలు, పంచాయతీ కార్యదర్శులు గ్రామాల్లో పర్యటిస్తూ లబ్ధిదారులకు అవగాహన కల్పిస్తున్నారు. స్లాబ్‌ సైజు ఎక్కువ చేసి అప్పుల పాలుకావద్దని సూచిస్తున్నారు. క్షేత్రస్థాయిలో చాలామంది.. ఇందిరమ్మ ఇళ్ల నిర్మాణంలో గోడల కంటే 3నుంచి 8అడుగుల వరకు స్లాబు ముందుకు పొడిగించినట్లు ప్రభుత్వం గుర్తించింది. ఇలా చేయడం వల్ల ప్రభుత్వం నుంచి అందే ఐదు లక్షల రూపాయల సాయం సరిపోక పేదలు అప్పుల బారిన పడుతున్నారని, మరికొందరు ఈ భారం తట్టుకోలేక ఇళ్ల నిర్మాణాలను మధ్యలోనే వదిలేస్తున్నారని భావిస్తున్నారు. ఈ ఇబ్బందులను తొలగించి ప్రభుత్వ సాయంతోనే ఇళ్ల నిర్మాణం పూర్తవ్వాలనే లక్ష్యంతో స్లాబ్‌ వైశాల్యంపై పరిమితులు విధించారు. ఈ నేపథ్యంలో ఇంటి స్లాబ్‌ 750చదరపు అడుగులు దాటి తే బిల్లు చెల్లింపులు నిలిపివేస్తామంటూ గృహ నిర్మాణ శాఖ లబ్ధిదారులకు నోటీసులు పంపిణీ చేస్తోంది. ఇప్పటికే ఈ ప్రక్రియను వేగవంతం చేశారు.జీవో 352 ప్రకారం..ప్రభుత్వం విడుదల చేసిన జీవో 352 ప్రకారం.. 400చదరపు అడుగుల ప్లింత్‌ ఏరియా కలిగిన ఇంటికి స్లాబ్‌ వైశాల్యం గరిష్టంగా 500ఫీట్ల లోపే ఉండాలి. 600 స్క్వేర్‌ ఫిట్‌ ప్లింత్‌ ఏరియా కలిగిన ఇంటికి స్లాబ్‌ గరిష్టంగా 750 స్క్వేర్‌ ఫీట్ల వరకే ఉండాలి. ఇంటి ముందువైపు స్లాబ్‌ పొడగింపును గరిష్ఠంగా మూడు అడుగులకు పరిమితం చేసి మిగిలిన మూడువైపులా ఒక్క అడుగు మాత్రమే పొడిగించాలని ఉత్తర్వుల్లో స్పష్టం చేశారు. ఈ నిబంధనలు అక్టోబరు 1నుంచి అమల్లోకి వచ్చాయని, స్లాబ్‌ నిర్మాణంలో సైజు పెంచితే బిల్లు చెల్లింపులు నిలిపివేస్తామని నోటీసులో హెచ్చరించారు. ఇప్పటికే ఎక్కువ విస్తీర్ణంలో స్లాబ్‌ వేసినవారు ఏఈ, డీఈఈని సంప్రదించాలని, నిబంధనలు పాటించకుండా ఆర్థికంగా నష్టపోతే లబ్ధిదారులే బాధ్యులని హౌసింగ్‌ శాఖ పేర్కొన్నది. మార్గదర్శకాలకు విరుద్ధంగా అదనపు నిర్మాణం చేపట్టి నష్టపోకుండా జాగ్రత్త వహించాలని జారీచేసిన నోటీసుల్లో ప్రభుత్వం సూచించింది. నిబంధనల ప్రకారమే నిర్మించుకోవాలి.. ప్రభుత్వం ఇందిరమ్మ ఇళ్ల నిర్మాణంలో పలు నిబంధనలు జారీచేసిన నేపథ్యంలో లబ్ధిదారులు నిబంధనల ప్రకారమే ఇళ్లు నిర్మించుకోవాలి. ఇప్పటికే లబ్ధిదారులకు నోటీసులు అందజేస్తున్నాం. స్లాబ్‌సైజ్‌ ఎక్కువ వేయడం వల్ల లబ్ధిదారులపై అదనపు భారం పడి అప్పుల పాలవుతున్నారు. అందుకే ప్రభుత్వం స్లాబ్‌ విస్తీర్ణంలో పరిమితి విధించింది. ప్రభుత్వం నిర్దేశించిన సైజులో ఇళ్లు కట్టుకుంటే దశల వారీగా బిల్లులు వస్తాయి. – శ్రీకాంత్‌ గృహనిర్మాణ శాఖ, ఇన్‌చార్జ్‌ పీడీ

మంగపేట : మండల పరిధిలోని మల్లూరు శ్రీ హేమాచలక్షేత్రంలో భక్తుల రద్దీ నెలకొంది. ఆలయంలోని స్వయంభు స్వామివారిని దర్శించుకునేందుకు వందల సంఖ్యలో భక్తులు తరలివచ్చారు. ఉదయాన్నే గుట్టపైకి చేరుకుని చింతామణి జలపాతం వద్ద పుణ్యస్నానాలు ఆచరించి స్వామివారిని దర్శించుకున్నారు. అర్చకులు అనిపెద్ది రాజీవ్‌శర్మ, కారంపుడి పవన్‌కుమార్‌ ఆచార్యులు, వెంకటనారాయణ శర్మ ఉదయం 11 గంటల నుంచి ఒంటి గంట వరకు నిర్వహించిన తిలతైలాభిషేకం పూజలో పాల్గొని స్వామివారికి నువ్వుల నూనె, పూల దండలు, పట్టు వస్త్రాలను సమర్పించారు. స్వయంభు స్వామివారి నిజరూప దర్శనం చేసుకుని పులకించారు. అనంతరం పూజారులు స్వామివారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం వివరించి వేద ఆశీర్వచనం ఇచ్చారు.

ఎస్‌ఎస్‌ తాడ్వాయి: మండల పరిధిలోని మేడారం సమ్మక్క– సారలమ్మను దర్శించుకునేందుకు ఆదివారం భక్తులు వేలాదిగా తరలివచ్చారు. దసరా పండుగ సందర్భంగా ప్రభుత్వం పాఠశాలలకు సెలవులు ప్రకటించడంతో సుదూర ప్రాంతాల నుంచి భక్తులు వేలాదిగా తరలివచ్చారు. తలనీలాలు సమర్పించి జంపన్నవాగులో పుణ్య స్నానాలు ఆచరించి అమ్మవార్లను దర్శించుకున్నారు. అనంతరం గోవిందరాజులు, పగిడిద్దరాజులకు పూజలు చేసి మొక్కులు చెల్లించుకున్నారు. మొక్కుల అనంతరం మేడారం పరిసరాల్లో విడిది చేసి వంటావార్పు చేసుకొని సహపంక్తి భోజనాలు చేశారు.

భూపాలపల్లి రూరల్‌: సోషల్‌ మీడియాలో వచ్చే సమాచారాన్ని నమ్మే ముందు నిజానిజాలు ధృవీకరించుకుని బాధ్యతగా వ్యవహరించాలని ఎస్పీ సిరిశెట్టి సంకీర్త్‌ ఆదివారం ఒక ప్రకటనలో పేర్కొన్నారు. సోషల్‌ మీడియాలో కనిపించే ప్రతీ సమాచారం నిజం కాదన్నారు. ప్రజలు అప్రమత్తంగా ఉండాలని సూచించారు. ఎడిట్‌ చేసిన వీడియోలు, నకిలీ స్క్రీన్‌షాట్‌లు, డీప్‌ఫేక్‌లు, తప్పుడు వార్తల ద్వారా ప్రజలను తప్పుదారి పట్టించే అవకాశాలు ఉన్నాయని తెలిపారు. ఆన్‌లైన్‌లో వచ్చే సమాచారాన్ని చూసిన వెంటనే నమ్మడం లేదా ఇతరులకు షేర్‌ చేయవద్దన్నారు. అనుమానాస్పద లింక్‌ల పట్ల జాగ్రత్తగా ఉండాలని తెలిపారు. తప్పుడు సమాచారాన్ని షేర్‌ చేయడం వల్ల ప్రజల్లో అపోహలు, అనవసర భయాందోళనలు ఏర్పడే ప్రమాదం ఉందన్నారు. ప్రతి ఒక్కరూ బాధ్యతాయుతంగా సోషల్‌ మీడియాను వినియోగించాలని పేర్కొన్నారు. సైబర్‌ మోసానికి గురైతే వెంటనే 1930 హెల్ప్‌లైన్‌కు ఫోన్‌ చేసి ఫిర్యాదు చేయాలని తెలిపారు. ఎస్టీ కమిషన్‌ సభ్యుల పర్యటన వాయిదా భూపాలపల్లి రూరల్‌: జిల్లాలో ఈనెల 13న జరగాల్సిన జాతీయ ఎస్టీ కమిషన్‌ సభ్యుల పర్యటన వాయిదా పడినట్లు, దసరా పండుగ అనంతరం ఈ పర్యటన తేదిలను ఖరారు చేయనున్నట్లు జాతీయ షెడ్యూల్డ్‌ తెగల కమిషన్‌ డైరెక్టర్‌ డాక్టర్‌ కల్యాణ్‌ రెడ్డి ఆదివారం ఒక ప్రకటనలో పేర్కొన్నారు. ఈ సందర్భంగా కమిషన్‌లో ఇప్పటికే నమోదైన గిరిజనుల ఫిర్యాదులు, వినతులపై సంబంధిత అధికారులు ప్రత్యేక దృష్టి సారించాలన్నారు. వాటి పరిష్కారానికి అవసరమైన చర్యలు చేపట్టాలని సూచించారు. బాల కవి సమ్మేళనం కాళేశ్వరం: కాళేశ్వరం పీఎంశ్రీ జెడ్పీహెచ్‌ఎస్‌ పాఠశాలలో బాల కవి సమ్మేళనాన్ని ఆదివారం నిర్వహించారు. 25 మంది విద్యార్థులు కవితలు వినిపించి ప్రతిభ చాటుకున్నారు. విద్యార్థుల కవితలను సాహితీ ప్రముఖులు అభినందించారు. ఈ సందర్భంగా పాకాల కవుల బృందానికి చెందిన కవి పుచ్చ కుమారస్వామి విజేతలకు నగదు బహుమతులు, షీల్డులు, పుస్తకాలు అందజేశారు. ప్రథమ బహుమతి మాడుగుల వరణ్య సుమహిత రూ.1,000, ద్వితీయ బహుమతి కటుకు అలేఖ్య రూ.600, తృతీయ బహుమతి ముంగి శ్రీలేఖ రూ.400 గెలుచుకున్నారు. నాలుగో స్థానం గాడిపల్లి భార్గవి, ఐదో స్థానం ఎస్‌.కె. జోయా సాధించారు. హెచ్‌ఎం దోనికల రాజేందర్‌ మాట్లాడుతూ విద్యార్థుల్లో సృజనాత్మకత, ఆత్మవిశ్వాసం, భాషా నైపుణ్యాలను పెంపొందించేందుకు ఇలాంటి కార్యక్రమాలు నిర్వహిస్తున్నట్లు తెలిపారు. మాడుగుల భాస్కర్‌ శర్మ కవులను, విద్యార్థులను సత్కరించారు. మురళీధర శర్మ, నారాయణమూర్తి, శ్రీనివాస శర్మ, శ్రీకాంత్‌ శర్మ, రామగుండం రామ్మూర్తి ముఖ్యఅతిథులుగా పాల్గొన్నారు. పొదల్లోకి దూసుకెళ్లిన ఇసుక టిప్పర్‌ కాళేశ్వరం: స్టీరింగ్‌ ఫెయిల్‌ కావడంతో ఇసుక టిప్పర్‌ చెట్ల పొదల్లోకి దూసుకెళ్లింది. ఈ ఘటన మహదేవపూర్‌ మండలం కూదురుపల్లి–ఎడపల్లి మధ్య జాతీయ రహదారిపై ఆదివారం చోటుచేసుకుంది. డ్రైవర్‌ జాగ్రత్తగా వ్యవహరించడంతో పెను ప్రమాదం తప్పింది. ఈ ఘటనలో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. కడుపులో 9 కేజీల కణితి తొలగింపు భూపాలపల్లి అర్బన్‌: జిల్లాకేంద్రంలోని కిరణ్‌ ఆస్పత్రిలో ఆదివారం మహిళ కడుపులో నుంచి సుమారు 9 కేజీల కణితిని తొలగించారు. డాక్టర్‌ కిరణ్‌ వివరాల ప్రకారం.. మహరాష్ట్ర సిరొంచకు చెందిన సురక్క ఐదేళ్లుగా కడుపు నొప్పితో బాధపడుతుంది. మూడు రోజుల క్రితం ఆస్పత్రికి రాగా స్కానింగ్‌ చేసి కణితి ఉన్నట్లు గుర్తించారు. ఆదివారం డాక్టర్‌ శ్రీకాంత్‌, డాక్టర్‌ రష్మిత, డాక్టర్‌ శ్రీకాంత్‌ ఆధ్వర్యంలో రెండున్నర గంటల పాటు శ్రమించి కణితిని తొ లగించారు. రోగి క్షేమంగా ఉన్నట్లు తెలిపారు.

భూపాలపల్లి అర్బన్‌: ఈ నెల 14న గోదావరిఖనిలో నిర్వహించనున్న సింగరేణి కార్మిక గర్జనకు భూపాలపల్లి ఏరియా నుంచి కార్మికులు అధిక సంఖ్యలో తరలివచ్చి విజయవంతం చేయాలని టీబీజీకేఎస్‌ సెంట్రల్‌ వర్కింగ్‌ ప్రెసిడెంట్‌ రామ్మూర్తి, అధికార ప్రతినిధి పర్లపల్లి రవి పిలుపునిచ్చారు. ఆదివారం ఏరియాలోని యూనియన్‌ కార్యాలయంలో బ్రాంచ్‌ ఉపాధ్యక్షుడు బడితల సమ్మయ్య అధ్యక్షతన నిర్వహించిన సన్నాహక సమావేశంలో మాట్లాడారు. మెడికల్‌ ఇన్వాలిడేషన్‌ ఉద్యోగాలు, కార్మికుల లాభాల వాటా ప్రకటనలో జాప్యంపై ఆందోళన వ్యక్తం చేశారు. సమావేశంలో నాయకులు నల్లబెల్లి సదానందం, రత్నం అవినాష్‌, కొండికుమార్‌, భాషనపల్లి కుమార్‌, వెంకటరాజం, గోవర్దన్‌, కిరణ్‌, రమేష్‌, మూర్తి, సరోత్తంరెడ్డి పాల్గొన్నారు.

సాక్షిప్రతినిధి, వరంగల్‌: ఐదు తరగతులు.. విద్యార్థులు 19 మందిలోపే.. కానీ, బోధనకు ఒక్క ఉపాధ్యాయుడు.. ఉమ్మడి వరంగల్‌ జిల్లాలోని ప్రాథమిక పాఠశాలల్లో ఇదీ పరిస్థితి. విద్యార్థుల సంఖ్య ఆధారంగా ఉపాధ్యాయ పోస్టులను నిర్ణయించే రేషనలైజేషన్‌ విధానం చిన్న పాఠశాలలకు భారంగా మారుతోంది. ఉమ్మడి జిల్లాలో మొత్తం 4,293 పాఠశాలలు ఉండగా.. 879 పాఠశాలల్లో సింగిల్‌ టీచర్‌ మాత్రమే పనిచేస్తున్నారు. అంటే మొత్తం 20.5 శాతం పాఠశాలల్లో ఒకే ఉపాధ్యాయుడితో బోధన సాగుతోంది. ప్రాథమికస్థాయిలో ఒకటి నుంచి ఐదో తరగతి వరకు చదివే 83,771 మంది విద్యార్థులపై ఈ ప్రభావం పడుతుంది. జీఓ 25లో ఏం ఉంది?.. ప్రభుత్వ పాఠశాలల్లో ఉపాధ్యాయుల సర్దుబాటు, రేషనలైజేషన్‌ కోసం ప్రభుత్వం 2021 ఆగస్టు 12న జీఓ 25ను జారీ చేసింది. విద్యార్థుల సంఖ్య ఆధారంగా ఉపాధ్యాయుల సంఖ్యను నిర్ణయించే విధానం ఇందులో ఉంది. ప్రాథమిక పాఠశాలల్లో 0–19 మంది విద్యార్థులుంటే ఒక ఎస్‌జీటీ, 20–60 మందికి ఇద్దరు, 61–90 మందికి ముగ్గురు, 91–120 మందికి నలుగురు ఎస్‌జీటీలను కేటాయించాలి. విద్యార్థుల సంఖ్య పెరిగితే ఉపాధ్యాయ పోస్టుల సంఖ్య కూడా పెరుగుతుంది. అయితే 0–19 మంది విద్యార్థులున్న బడికి ఒక్క ఎస్‌జీటీ ఉండడంతో.. ఒకటి నుంచి ఐదో తరగతి వరకు ఒక్కరే బోధించాల్సిన పరిస్థితి వస్తోంది. బోధనకే సమయం కరువు.. ఐదు తరగతుల విద్యార్థులకు ఒకే సమయంలో బోధన చేయడం సింగిల్‌ టీచర్‌కు పెద్ద సవాల్‌. ఒక తరగతికి పాఠం చెబుతున్న సమయంలో మిగిలిన తరగతుల విద్యార్థులను స్వయం పఠనానికి వదిలేయాల్సి వస్తోంది. దీనికితోడు హాజరు, రికార్డుల నిర్వహణ, ప్రభుత్వ కార్యక్రమాలు, శిక్షణలు, ఎన్నికల విధులు, ఇతర శాఖల పనులు వంటి అదనపు బాధ్యతలు కూడా ఉంటున్నాయి. దీంతో బోధనకు కేటాయించాల్సిన సమయం తగ్గిపోతోంది.పిల్లలు తగ్గితే.. టీచర్లు తగ్గాలా? గ్రామాల్లోని ప్రభుత్వ పాఠశాలల్లో విద్యార్థుల సంఖ్య తగ్గడానికి అనేక కారణాలున్నాయి. పిల్లలు తక్కువగా ఉన్న పాఠశాలల్లో ఉపాధ్యాయులను తగ్గిస్తే పరిస్థితి మరింత ప్రతికూలంగా మారే అవకాశం ఉందని ఉపాధ్యాయ సంఘాలు అంటున్నాయి. టీచర్లు తక్కువ.. బోధనపై ప్రభావం.. విద్యా ప్రమాణాలపై తల్లిదండ్రుల్లో అనుమానాలు.. ప్రైవేట్‌ పాఠశాలల వైపు మొగ్గు.. ప్రభుత్వ బడుల్లో మరింతగా విద్యార్థుల సంఖ్య తగ్గడం.. ఇలా ఒక చక్రంలా మారే ప్రమాదం ఉందని పేర్కొంటున్నాయి.ఉమ్మడి వరంగల్‌ జిల్లాలో 879 ఏకోపాధ్యాయ పాఠశాలలు 1 నుంచి 5 తరగతి చదువుతున్న 83,771 విద్యార్థులపై ప్రభావం జీఓ 25తో ప్రాథమిక విద్యకు ‘రేషనలైజేషన్‌’ ఉచ్చు ప్రతి తరగతికి ఒక టీచర్‌ ఉండాలంటున్న ఉపాధ్యాయ సంఘాలు

● బాలాలయంలో చండీ హోమం ● అమ్మవారికి విశేష పూజలుకాళేశ్వరం: శ్రీ కాళేశ్వర ముక్తీశ్వరస్వామి దేవస్థానం అనుబంధ ఆలయమైన శ్రీ ఆదిముక్తీశ్వర స్వామివారి బాలాలయంలో ఆదివారం దేవీశరన్నవరాత్రి ఉత్సవాలు వైభవోపేతంగా ప్రారంభమయ్యాయి. ఈనెల 20వ తేదీ వరకు నిర్వహించనున్న ఈ ఉత్సవాల్లో భాగంగా బాలాలయంలో అమ్మవారి బింబానికి ప్రత్యేక పూజా కార్యక్రమాలను ప్రధాన అర్చకుడు పనకంటి ఫణీంద్రశర్మ ఆధ్వర్యంలో నిర్వహించారు. ఉత్సవాల్లో భాగంగా పండితులు చండీ హోమం నిర్వహించారు. కాళేశ్వరం దేవస్థానం పునర్నిర్మాణం జరుగుతున్న నేపథ్యంలో అమ్మవార్ల విగ్రహాలు లేనందున బాలాలయంలో అమ్మవార్ల బింబానికి పూజలు చేస్తున్నారు. ఈసారి అలంకరణలు నిర్వహించడం లేదని ఆలయ వర్గాలు తెలిపారు. ఈఓ మహేశ్‌, చైర్మన్‌ అవధాని మోహన్‌శర్మ, ధర్మకర్తలు సత్యనారాయణ, సీతయ్య, దేవుడా శ్యామ్‌ సుందర్‌, సర్పంచ్‌ మోహన్‌రెడ్డి, ఉప సర్పంచ్‌ సుధీర్‌, ఎస్సిసెల్‌ అధ్యక్షుడు రాజబాబు, అర్చకులు, సిబ్బంది, తదితరులు ఉన్నారు.

● అటవీప్రాంతంలో రెండు రోజులుగా గాలిస్తున్న పోలీసులు ● కన్నీరుమున్నీరు అవుతున్న కుటుంబసభ్యులుమహాముత్తారం: మండలంలోని నిమ్మగూడెం అటవీప్రాంతంలో శుక్రవారం అర్ధరాత్రి విద్యుత్‌తీగలు తగిలి అశోక్‌(31) అనే వ్యక్తి మృతిచెందిన ఘటన స్థానికంగా తీవ్ర కలకలం రేపింది. ప్రమాదం జరిగి రెండు రోజులు గడుస్తున్నా మృతదేహం లభ్యంకాలేదు. రెండు రోజులుగా పోలీసులు, కుటుంబసభ్యులు, గ్రామస్తులు కలిసి నిమ్మగూడెం, యామన్‌పల్లి అటవీ ప్రాంతంలో విస్తృతంగా గాలింపు చర్యలు చేపట్టి అడవిని జల్లెడపడుతున్నప్పటికీ మృతదేహం ఆచూకీ దొరకలేదు. ఆదివారం కూడా డాగ్‌స్కాడ్‌తో కాటారం సీఐ నాగార్జునరావు ఆధ్వర్యంలో పోలీసులు అడవిని జల్లెడపట్టారు. యామన్‌పల్లిలో ధర్నా.. రెండు రోజులు గడుస్తున్నా అశోక్‌ మృతదేహం లభించకపోవడంతో తీవ్ర ఆగ్రహానికి ఆవేదనకు గురైన మృతుడి కుటుంబసభ్యులు, గ్రామస్తులు యామన్‌పల్లి ప్రధానచౌరస్తా వద్ద బైఠాయించి ధర్నా, రాస్తారోకో నిర్వహించారు. మృతదేహాన్ని అప్పగించే వరకు కదిలేదిలేదని నిరసన వ్యక్తం చేశారు. దీంతో పోలీసులు ఘటనా స్థలానికి చేరుకుని ఆందోళనకారులతో మాట్లాడి సర్దిచెప్పే ప్రయత్నం చేశారు. తెల్లవారేసరికి మృతదేహాన్ని స్వాధీనం చేసుకుని ఆచూకీ తెలుపుతామని చెప్పారు. గాలింపు చర్యలను ముమ్మరం చేస్తున్నామని పోలీసులు హామీ ఇవ్వడంతో గ్రామస్తులు, అశోక్‌ కుటుంబసభ్యులు శాంతించారు. ప్రస్తుతం ప్రత్యేక బృందాలతో నిందితుల కోసం గాలింపు చర్యలు కొనసాగుతున్నాయి.

మల్హర్‌(కాటారం): పెండింగ్‌ కేసులను త్వరిగతిన పరిష్కరించి పూర్తి చేయాలని అడిషనల్‌ ఎస్పీ నరేష్‌ కుమార్‌ సిబ్బందిని ఆదేశించారు. మండలంలోని కాటారం పోలీస్‌స్టేషన్‌ను శనివారం ఆకస్మికంగా తనిఖీ చేశారు. జిల్లాలో పోలీసు సేవలను మరింత సమర్థవంతంగా అందించడమే లక్ష్యంగా ఈ తనిఖీలు చేపట్టారు. ఈ సందర్భంగా స్టేషన్‌లోని క్రైమ్‌ రికార్డులు, పెండింగ్‌ కేసుల ఫైళ్లు, ఎఫ్‌ఐఆర్‌ రిజిస్టర్లు, సీసీ కెమెరాల పనితీరు, లాకప్‌ రూమ్‌, పరిసరాల పరిశుభ్రతను ఆయన పరిశీలించారు. అనంతరం సిబ్బందితో మాట్లాడుతూ.. పెండింగ్‌ కేసుల దర్యాప్తును వేగవంతం చేయాలన్నారు. ప్రజల ఫిర్యాదుల పట్ల నిర్లక్ష్యం వహించవద్దని ఆదేశించారు. బాధితులకు సత్వర న్యాయం అందించేలా చర్యలు తీసుకోవాలని చెప్పారు. ఈ కార్యక్రమంలో కాటారం డీఎస్పీ సూర్యనారాయణ, సీఐ నాగార్జునరావు, ఎస్సై శ్రీనివాస్‌ పాల్గొన్నారు.

భూపాలపల్లి అర్బన్‌: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను జిల్లా ప్రజలంతా ఆనందోత్సాహాలతో జరుపుకోవాలని కలెక్టర్‌ రాహుల్‌ శర్మ ఆకాంక్షించారు. ప్రకృతిని ఆరాధిస్తూ, మహిళల ఆత్మీయత, ఐక్యత, ఆత్మగౌరవాన్ని చాటే బతుకమ్మ పండుగ తెలంగాణ ప్రత్యేకతను ప్రతిబింబిస్తుందన్నారు. ప్రతీ ఇంటా సుఖసంతోషాలు వెల్లివిరియాలని, జిల్లా ప్రజలంతా ఆయురారోగ్యాలతో వర్ధిల్లాలని ఆకాంక్షించారు. చిన్నపిల్లలను బతుకమ్మ నిమజ్జన ప్రాంతాలకు తీసుకెళ్లవద్దని చెప్పారు. ప్రభుత్వంలో ఆర్టీసీ విలీనమే లక్ష్యం భూపాలపల్లి అర్బన్‌: ఈ నెల 9న జరిగిన ఆర్టీసీ ఎన్నికల్లో ఎంప్లాయీస్‌ యూనియన్‌ (ఈయూ)–ఏఐటీయూసీ కూటమి విజయం సాధించిందని, ప్రభుత్వంలో ఆర్టీసీని విలీనం చేయడమే లక్ష్యంగా కార్యక్రమాలు నిర్వహిస్తామని ఏఐటీయూసీ రాష్ట్ర కార్యదర్శి కొరిమి రాజ్‌కుమార్‌ తెలిపారు. శనివారం జిల్లాకేంద్రంలోని కొమురయ్య భవన్‌లో నిర్వహించిన సమావేశంలో ఆయన మాట్లాడారు. రాష్ట్రంలోని సుమారు 90 డిపోలకు గాను 60 డిపోల్లో కూటమి గెలిచిందన్నారు. నాలుగు వేలకుపైగా ఓట్ల ఆధిక్యం సాధించిందని చెప్పారు. ఆర్టీసీని ప్రభుత్వంలో విలీనం చేయడంతో పాటు కార్మికుల సమస్యల పరిష్కారానికి నిరంతరం పోరాడతామని తెలిపారు. ఈ సమావేశంలో ఏఐటీయూసీ జిల్లా ప్రధాన కార్యదర్శి క్యాతరాజు సతీష్‌, సీపీఐ పట్టణ కార్యదర్శి సొతుకు ప్రవీణ్‌కుమార్‌, ఈయూ నాయకులు రాజయ్య, ఎల్ల గౌడ్‌, మంతెన అనిత, తోక రాజయ్య పాల్గొన్నారు. సీఈసీ జ్ఞానేశ్‌ కుమార్‌ను బర్తరఫ్‌ చేయాలి భూపాలపల్లి అర్బన్‌: ఎస్‌ఐఆర్‌ పేరుతో అర్హులైన ఓటర్లను తొలగిస్తున్నారని.. సీఈసీ జ్ఞానేశ్‌ కుమార్‌ను తక్షణమే బర్తరఫ్‌ చేయాలని యూఎస్‌పీసీ నాయకులు డిమాండ్‌ చేశారు. ఢిల్లీలో చలో జంతర్‌మంతర్‌ కార్యక్రమానికి మద్దతుగా శనివారం జిల్లాకేంద్రంలోని అంబేడ్కర్‌ సెంటర్‌లో యూఎస్‌పీసీ ఆధ్వర్యంలో నిరసన ప్రదర్శన నిర్వహించారు. ఈ సందర్భంగా నాయకులు మాట్లాడుతూ.. ఎన్నికల సంఘం ఏకపక్ష నిర్ణయాలు ప్రజాస్వామ్యానికి, ఓటు హక్కుకు విఘాతమని విమర్శించారు. ఢిల్లీలో నిరసనకారుల అరెస్టులను ఖండిస్తూ, వారిని భేషరతుగా విడుదల చేయాలని డిమాండ్‌ చేశారు. ఈ కార్యక్రమంలో టీఎస్‌యూటీఎఫ్‌ అధ్యక్షుడు నక్క తిరుపతి, టీపీటీఎఫ్‌ అధ్యక్షుడు సేవానాయక్‌, డీటీఎఫ్‌ ప్రధాన కార్యదర్శి తిరుపతి, ఉపాధ్యాయ సంఘాల నాయకులు, ప్రజాసంఘాల ప్రతినిధులు పాల్గొన్నారు. గిరిజనులు సమస్యలు విన్నవించుకోవాలి భూపాలపల్లి అర్బన్‌: జాతీయ ఎస్టీ కమిషన్‌ సభ్యుడు జాటోత్‌ హుస్సేన్‌ నాయక్‌ ఈ నెల 13న జిల్లాలో పర్యటించనున్న నేపథ్యంలో గిరిజనులు తమ సమస్యలను ఆయన దృష్టికి తీసుకురావాలని సేవాలాల్‌ విద్యార్థి సేన రాష్ట్ర అధ్యక్షుడు గుగులోత్‌ సంతోష్‌ నాయక్‌ శనివారం ఒక ప్రకటనలో పేర్కొన్నారు. గిరిజనుల సమస్యలు, సామాజిక, ఆర్థిక స్థితిగతులపై కలెక్టరేట్‌లో సమీక్ష నిర్వహించనున్నట్లు తెలిపారు. పెండింగ్‌ స్కాలర్‌షిప్‌లు, ఫీజు రీయింబర్స్‌మెంట్‌, విద్యా, వైద్య సదుపాయాలు, రహదారులు, తాగునీరు, భూ సమస్యలు, అటవీ హక్కులు, సంక్షేమ పథకాల అమలుపై వినతులు సమర్పించి ఈ అవకాశాన్ని సద్వినియోగం చేసుకోవాలని సూచించారు. రాష్ట్రస్థాయికి ఎంపిక చిట్యాల: మండలకేంద్రంలోని ఉన్నత పాఠశాల విద్యార్థి బానోత్‌ శ్రీధర్‌ రాష్ట్రస్థాయి అధ్లెటిక్స్‌ పోటీలకు ఎంపికై నట్లు పాఠశాల ఫిజికల్‌ డైరెక్టర్‌ సూదం సాంబమూర్తి శనివారం ఒక ప్రకటనలో పేర్కొన్నారు. జిల్లాస్థాయి పోటీలలో అత్యుత్తమ ప్రతిభ కనబరిచి రాష్ట్ర అండర్‌–14 ట్రయాథ్లాన్‌ అథ్లెటిక్స్‌ పోటీలకు ఎంపికై నట్లు తెలిపారు. నేటి (ఆదివారం) నుంచి కొమురంభీమ్‌ ఆసిఫాబాద్‌ జిల్లాలో జరగనున్న రాష్ట్రస్థాయి పోటీల్లో పాల్గొనున్నట్లు పేర్కొన్నారు. ఈ సందర్భంగా విద్యార్థికి ఏంఈఓ కొడెపాక రఘుపతి అభినందనలు తెలిపారు.

భూపాలపల్లి అర్బన్‌: మారుమూల భూపాలపల్లిని జిల్లా కేంద్రంగా అభివృద్ధి చేసి, పాలనను ప్రజలకు చేరువ చేసిన ఘనత కేసీఆర్‌కే దక్కుతుందని మాజీ ఎమ్మెల్యే గండ్ర వెంకటరమణారెడ్డి అన్నారు. జిల్లా ఏర్పాటులో ఆయన దూరదృష్టి, చొరవ కీలకమని పేర్కొన్నారు. జిల్లా ఆవిర్భావ దశాబ్ది ఉత్సవాల్లో భాగంగా శనివారం బీఆర్‌ఎస్‌ నిర్వహించిన కార్యక్రమంలో గండ్ర పాల్గొన్నారు. హనుమాన్‌ ఆలయంలో పూజలు చేసి, అంబేడ్కర్‌, ప్రొఫెసర్‌ జయశంకర్‌ విగ్రహాలకు నివాళులర్పించారు. అనంతరం కలెక్టరేట్‌ ఎదుట కేసీఆర్‌ చిత్రపటానికి పాలాభిషేకం చేశారు. కేసీఆర్‌ హయాంలో కలెక్టరేట్‌, ఎస్పీ కార్యాలయం, ఆస్పత్రి, వైద్య కళాశాల, డబుల్‌ బెడ్‌రూం ఇళ్లు, డిగ్రీ కళాశాల, సింగరేణి కార్మికుల కోసం వెయ్యి క్వార్టర్లు నిర్మించినట్లు వివరించారు. కాళేశ్వరం, మిషన్‌ భగీరథ వంటి పథకాలు తెలంగాణ అభివృద్ధికి దోహదపడ్డాయన్నారు. దశాబ్ది వేడుకల్లో ప్రజలు, నాయకులు, కార్యకర్తలు పాల్గొనాలని పిలుపునిచ్చారు. నేడు (ఆదివారం) సాయంత్రం 4 గంటలకు బీఆర్‌ఎస్‌ కార్యాలయంలో మహిళలతో బతుకమ్మ వేడుకలు, ఈ నెల 12న కలెక్టరేట్‌లో అధికారులు, ప్రజలతో సమావేశం, జిల్లా కోర్టులో న్యాయవాదులతో చర్చ నిర్వహించనున్నట్లు తెలిపారు. మాజీ ఎమ్మెల్యే గండ్ర వెంకటరమణారెడ్డి

జిల్లాకేంద్రంలో బతుకమ్మ ఆడుతున్న మహిళలు, యువతులుజిల్లాకేంద్రంలో బతుకమ్మ ఆడుతున్న మహిళలుభూపాలపల్లి: నాడు కుగ్రామంగా ఉన్న భూపాలపల్లి.. కేటీపీపీ, సింగరేణి పరిశ్రమలతో దినదినం అభివృద్ధి చెందుతున్న క్రమంలో దశాబ్ద కాలం క్రితం జయశంకర్‌ భూపాలపల్లి జిల్లాగా ఏర్పడింది. ఫలితంగా పరిపాలన సౌలభ్యంతో పాటు మెరుగైన విద్య, వైద్య సౌకర్యాలు అందుబాటులోకి వచ్చాయి. కాళేశ్వరం ప్రాజెక్టు నిర్మాణంతో జిల్లాకు పేరు వచ్చింది. జిల్లా కేంద్రంగా ఏర్పడిన అనంతరం భూపాలపల్లి పట్టణం సైతం ఊహించని రీతిలో అభివృద్ధి చెందింది. 11 మండలాలతో ఏర్పాటు.. భూపాలపల్లి నియోజకవర్గంలోని భూపాలపల్లి, గణపురం, రేగొండ, చిట్యాల, మొగుళ్లపల్లి మండలాలతో పాటు కొత్తగా టేకుమట్ల మండలం, మంథని నియోజకవర్గంలోని కాటారం, మహాముత్తారం, మల్హర్‌, మహదేవపూర్‌, కొత్తగా పలిమెల మండలాన్ని ఏర్పాటు చేసి.. మొత్తంగా 11 మండలాలతో కూడిన జయశంకర్‌ భూపాలపల్లి జిల్లాను అప్పటి టీఆర్‌ఎస్‌ ప్రభుత్వం 2016 అక్టోబర్‌ 11న ఏర్పాటు చేసింది. అనంతరం రేగొండ మండలాన్ని విభజించి కొత్తపల్లిగోరి మండలాన్ని ఏర్పాటు చేశారు. 25 ఎకరాల్లో కలెక్టరేట్‌.. జిల్లా ఏర్పడిన అనంతరం 25 ఎకరాల్లో సుమారు రూ.68.25కోట్లతో సమీకృత కలెక్టరేట్‌ నిర్మించారు. రూ.45కోట్లతో జిల్లా పోలీసు కార్యాలయాన్ని నిర్మించారు. జిల్లా ఏర్పాటుకు ముందు ప్రజలు తమ సమస్యల పరిష్కారం కోసం సుమారు 60 కిలోమీటర్ల దూరంలో ఉన్న వరంగల్‌ కేంద్రానికి వెళ్లేవారు. జిల్లా ఏర్పాటుతో బాధలు తప్పాయి. ప్రతీ సమస్యను ఇక్కడే జిల్లా అధికారుల దృష్టికి తీసుకెళ్లి పరిష్కరించుకునే అవకాశం లభించింది. అందుబాటులో మెరుగైన వైద్యం.. ఈ ప్రాంతంలో ఎక్కడ చిన్న ప్రమాదం జరిగినా, చికిత్స అవసరమైనా అత్యవసర వైద్యసేవల కోసం గతంలో వరంగల్‌ పట్టణానికి పరుగులు పెట్టాల్సి వచ్చేంది. ఈ క్రమంలో ఎంతోమంది ప్రాణాలు కోల్పోయిన సందర్భాలు కూడా ఉన్నాయి. జిల్లా ఏర్పాటు అనంతరం వైద్యరంగంలో ఊహించని రీతిలో మార్పులు వచ్చాయి. రూ.6కోట్లతో వంద పడకల ఆస్పత్రి నిర్మించారు. అనంతరం మెడికల్‌ కళాశాలను సైతం మంజూరు చేసి, భవన నిర్మాణం చేపట్టడంతో పాటు జిల్లా ఆస్పత్రిని 250 పడకలకు అప్‌గ్రేడ్‌ చేశారు. దీంతో జిల్లాతో పాటు సరిహద్దులో గల మహారాష్ట్ర, ఛత్తీస్‌గఢ్‌ రాష్ట్రాల ప్రజలు సైతం ఇక్కడికి వచ్చి వైద్యసేవలు పొందుతున్నారు. జిల్లా కేంద్రం అభివృద్ధి.. జిల్లా ఏర్పాటు అనంతరం భూపాలపల్లి పట్టణం మరింత అభివృద్ధి చెందింది. రూ.63 కోట్లతో వేశాలపల్లి, భాస్కర్‌ గడ్డలో డబుల్‌ బెడ్‌ రూం ఇళ్ల నిర్మాణం, రూ.4కోట్లతో మున్సిపాలిటీ కార్యాలయ భవన నిర్మాణం, రూ.6కోట్లతో సుభాష్‌ కాలనీలో మినీ స్టేడియం తదితర పనులను ప్రభుత్వం చేపట్టింది. సింగరేణి కార్మికుల సౌకర్యార్థం వేయి క్వార్టర్లు నిర్మించి రామప్ప కాలనీగా నామకరణం చేశారు. జిల్లా ఏర్పడి దశాబ్ద కాలం పూర్తి పరిపాలనా సౌలభ్యం, మారిన రూపురేఖలు జిల్లా ఆస్పత్రి, మెడికల్‌ కళాశాలతో మెరుగైన వైద్యం జిల్లా ప్రజల డిమాండ్లు.. జిల్లాలో పుష్కలంగా గోదావరి జలాలు, సింగరేణి బొగ్గు, కేటీపీపీ పరిశ్రమలు ఉన్నాయి. వీటి ఆధారంగా పరిశ్రమలు ఏర్పాటు చేస్తే ఈ ప్రాంత నిరుద్యోగ యువతకు ఉపాధి అవకాశాలు లభించనున్నాయి. బొగ్గు, ఇసుక లారీలతో నిత్యం ప్రమాదాలు చోటు చేసుకుంటున్నాయి. జిల్లా కేంద్రంలో బైపాస్‌ రోడ్డు ఏర్పాటు చేస్తే ప్రమాదాలను నివారించడంతో పాటు ట్రాఫిక్‌ ఇబ్బందులు తొలిగిపోనున్నాయి. జిల్లా ప్రధాన ఆస్పత్రిలో క్రిటికల్‌ కేర్‌తో పాటు పలు ప్రధాన విభాగాలకు వైద్య నిపుణులు లేరు. వైద్యులను నియమిస్తే ఈ ప్రాంత ప్రజలకు మరింత అత్యవసర వైద్యసేవలు అందనున్నాయి. సింగరేణి సహకారంతో పాలిటెక్నిక్‌ కళాశాలను ఏర్పాటు చేయాలని ఈ ప్రాంత ప్రజలు ఎప్పటి నుంచో కోరుతున్నారు.

సింగరేణి ఓపెన్‌కాస్ట్‌ గనితో ఆలయానికి ముప్పుచెరువు భద్రతపై ఆందోళన జిల్లాలోని నాలుగు మండలాల ప్రజలకు ఫ్లోరైడ్‌ రహిత తాగునీటిని అందించడమే కాకుండా సుమారు 10 వేల ఎకరాల ఆయకట్టుకు రామప్ప చెరువు నీటిని అందిస్తున్నారు. అలాగే చెరువు దిగువన సుమారు ఐదు కిలోమీటర్ల దూరంలో ఓపెన్‌న్‌కాస్ట్‌ ప్రాజెక్టును సింగరేణి సంస్థ ప్రతిపాదించినట్లు మానవ హక్కుల వేదిక పేర్కొంది. సుమారు మూడు టీఎంసీల నీటి నిల్వ సామర్థ్యం కలిగిన రామప్ప చెరువు ఈ ప్రాంత వ్యవసాయానికి కీలకమైన నీటి వనరుగా ఉందని చెబుతున్నారు. గనుల్లో జరిగే భారీ పేలుళ్ల వల్ల భూమి అంతర్గత పొరల్లో మార్పులు సంభవించి చెరువులో నీటి నిల్వలు పడిపోయే ప్రమాదం ఉందని పేర్కొంటున్నారు. అలాగే చెరువు కట్ట పరిస్థితి.. నీటి నిల్వ సామర్థ్యం, భూగర్భ జలాలపై ఎంత ప్రభావం పడుతుందనే అంశాలపై సమగ్ర అధ్యయనం అవసరమని పర్యావరణ పరిరక్షణ వాదులు కోరుతున్నారు. వెంకటాపురం(ఎం): ఓ వైపు ప్రపంచ వారసత్వ సంపద రామప్ప దేవాలయం.. మరోవైపు వేలాది ఎకరాలకు సాగునీరు అందించే రామప్ప చెరువు.. వీటి సమీపంలో బొగ్గు తవ్వకాల కోసం సింగరేణి ప్రతిపాదించిన ఓపెన్‌న్‌ కాస్ట్‌ ప్రాజెక్టు ఇప్పుడు చర్చనీయాంశంగా మారింది. సుమారు 300 మీటర్ల లోతులో తవ్వకాలు, పేలుళ్లతో భూమి అంతర్గత పొరల్లో మార్పులు సంభవిస్తే రామప్ప ఆలయంతో పాటు చెరువు భద్రతపై ప్రభావం పడుతుందన్న ఆందోళనలు వ్యక్తమవుతున్నాయి. పర్యావరణ విధ్వంసం, భూసేకరణ, స్థానికుల జీవనోపాధి, రామప్ప పర్యాటక ప్రాధాన్యతకు సంబంధించిన అంశాలను ప్రస్తావిస్తూ మానవ హక్కుల వేదిక ఈ ప్రాజెక్టును వ్యతిరేకిస్తోంది. ప్రమాదం లేదన్న సింగరేణి భరోసా కంటే ప్రజల సందేహాలకు శాసీ్త్రయ అధ్యయనాలతో సమాధానం చెప్పాలని డిమాండ్‌ చేస్తోంది. ప్రాజెక్టును నిలిపివేయాలని కోరుతూ శనివారం జంగాలపల్లి క్రాస్‌ నుంచి వెంకటాపురం మండల కేంద్రం మీదుగా రామప్ప ఆలయం వరకు చైతన్య ర్యాలీ నిర్వహించింది. మానవ హక్కుల వేదికకు రామప్ప పరిరక్షణ సమితి మద్దతు ప్రకటిస్తూ ర్యాలీలో పాల్గొంది. ఈ చైతన్య ర్యాలీలో జిల్లా జేఏసీ కన్వీనర్‌ ముంజాల భిక్షపతి, మానవ హక్కుల వేదిక సంఘం రాష్ట్ర ఉపాధ్యక్షుడు బాదావత్‌ రాజు, రాష్ట్ర కార్యదర్శి హరికృష్ణ, నాయకులు యాదగిరి, దిలీప్‌, పద్మజ, శ్రీనివాస్‌, రమేశ్‌ తదితరులు పాల్గొన్నారు. వారసత్వ సంపదకు ముప్పు పొంచి ఉందా! కాకతీయుల శిల్పకళా వైభవానికి ప్రతీకగా నిలిచిన రామప్ప దేవాలయానికి యునెస్కో ప్రపంచ వారసత్వ గుర్తింపు 2021 జూలై 25న లభించింది. 800 ఏళ్ల చరిత్ర కలిగిన ఈ కట్టడం అంతర్జాతీయంగా పర్యాటకులను ఆకర్షిస్తోంది. ఆలయం, చెరువు, పరిసర ప్రకృతి వ్యవస్థ ఈ ప్రాంత ప్రత్యేకతను చాటుతున్నాయి. ఇలాంటి ప్రాంతానికి సమీపంలో భారీ స్థాయి బొగ్గు తవ్వకాలు చేపట్టే ముందు ప్రకంపనలు, భూగర్భ జలాలు, నీటి వనరులు, జీవవైవిధ్యం, పర్యావరణంపై ప్రభావాలను సమగ్రంగా అంచనా వేయాలని మానవ హక్కుల వేదిక కోరుతోంది. పర్యావరణ సమతుల్యత దెబ్బతింటే రామప్ప పర్యాటక ప్రాధాన్యతపైనా ప్రభావం పడవచ్చని ఆందోళన వ్యక్తం చేస్తోంది. అలాగే ఓపెన్‌కాస్ట్‌ ప్రాజెక్టు కోసం సుమారు మూడు వేల ఎకరాల భూమిని సింగరేణి సేకరించే ప్రతిపాదన ఉందని మానవ హక్కుల వేదిక తెలిపింది. ఇంత పెద్ద మొత్తంలో భూసేకరణ జరిగితే భూములపై ఆధారపడి జీవించే రైతు కుటుంబాలపై ప్రభావం పడే అవకాశం ఉందని వెల్లడిస్తుంది. ఉద్యమానికి నడుంకట్టిన మానవ హక్కుల వేదిక మద్దతు ప్రకటించిన రామప్ప పరిరక్షణ సమితి

నాకున్న రెండెకరాల్లో పత్తిపంట వేసిన. ఈ సారి పత్తిపంటతో అప్పుల పాలయ్యే పరిస్థితి ఉంది. పెట్టుబడి కోసం ఇప్పటి వరకు రూ.లక్ష ఖర్చు చేసినం. రెండు క్వింటాళ్ల పత్తి కూడా వచ్చే పరిస్థితి లేదు. ఎంత కష్టపడి పత్తి ఏరి అమ్మినా రూ.10వేలు కూడా రావు. కరువు వస్తదని అందరూ చెప్తుంటే పత్తి కొంచెమన్నా ఎల్లదా అనుకున్నా. గింత ఘోరంగా అయితది అనుకోలేదు. ఇప్పటికై నా నీళ్లు కట్టి పంటను కాపాడుకుందామని అనుకున్నా పత్తి మొక్కలు మొత్తం ఎర్రబారినవి. ఏం చేసినా ఇక దిగుబడి అయితే రాదు. – ఆవుల శ్రీవాణి, కొత్తపల్లిగోరి

భూపాలపల్లి రూరల్‌: యువత చదువుతో పాటు నైపుణ్యాలను పెంపొందించుకొని ఉన్నత వేతనాలతో కూడిన ఉద్యోగాలు సాధించాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. జిల్లాకేంద్రంలో శుక్రవారం టాస్క్‌ ఆధ్వర్యంలో నిర్వహించిన మెగా జాబ్‌మేళాకు మంత్రి ముఖ్యఅతిథిగా హాజరై మాట్లాడారు. ఈ జాబ్‌మేళాకు 142కి పైగా కంపెనీల ప్రతినిధులు పాల్గొని యువతకు ఉద్యోగావకాశాలు కల్పిస్తున్నారని తెలిపారు. ప్రారంభంలో రూ.10వేల నుంచి రూ.20వేల వేతనంతో ఉద్యోగంలో చేరినా, అనుభవం, నైపుణ్యాలను పెంచుకుంటే రూ.50వేల నుంచి రూ.70వేల వరకు వేతనం పొందే అవకాశాలు ఉంటాయన్నారు. యువతకు పరిశ్రమల అవసరాలకు అనుగుణంగా శిక్షణ అందించేందుకు ప్రభుత్వం స్కిల్‌ యూనివర్సిటీతో పాటు టాస్క్‌ ద్వారా నైపుణ్యాభివృద్ధి కార్యక్రమాలు చేపడుతోందని చెప్పారు. మెగా జాబ్‌మేళా గొప్ప అవకాశం.. ఎమ్మెల్యే గండ్ర సత్యనారాయణరావు మాట్లాడుతూ.. భూపాలపల్లి నిరుద్యోగ యువతకు మెగా జాబ్‌మేళా గొప్ప అవకాశమన్నారు. సుమారు 10వేల నుంచి 12వేల వరకు ఉద్యోగావకాశాలు అందుబాటులోకి వచ్చే అవకాశం ఉందని తెలిపారు. టాస్క్‌ ద్వారా జిల్లాలో నైపుణ్యాభివృద్ధి శిక్షణను మరింత విస్తరించనున్నట్లు చెప్పారు. సింగరేణి సంస్థ సహకారంతో శిక్షణ కేంద్రానికి విశాలమైన హాలు, ఏసీ వసతులు క ల్పించేందుకు చర్యలు తీసుకుంటున్నట్లు వెల్లడించారు. గాంధీనగర్‌ పారిశ్రామిక ప్రాంత అభివృద్ధికి కూడా కృషి చేస్తున్నామని తెలిపారు. యు వత ఈ అవకాశాన్ని వినియోగించుకొని తమ కుటుంబాలకు అండగా నిలవాలని కోరారు. కలెక్టర్‌ రాహుల్‌ శర్మ మాట్లాడుతూ కంపెనీలు స్థానికంగానే ఇంటర్వ్యూలు నిర్వహిస్తున్నందున యువత అర్హతకు తగిన ఉద్యోగాలు సాధించాలన్నారు. అనంతరం ఉద్యోగాలకు ఎంపికై న అభ్యర్థులకు నియామక పత్రాలు అందజేశారు. ఈ కార్యక్రమంలో ఎస్పీ సంకీర్త్‌, టాస్క్‌ సీఈఓ ప్రదీ ప్‌ రెడ్డి, స్థానిక సంస్థల అదనపు కలెక్టర్‌ విజయలక్ష్మి, రాష్ట్ర ఉపాధి హామీ పథకం డైరెక్టర్‌ దండు రమేశ్‌, జిల్లా గ్రంథాలయ సంస్థ చైర్మన్‌ రాజబా బు, మున్సిపల్‌ చైర్‌పర్సన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, మున్సిపల్‌ కమి షనర్‌ ఉదయ్‌ కుమార్‌ పాల్గొన్నారు.డిజిటల్‌ టైబ్రరీ ప్రారంభంవివిధ ప్రభుత్వ ఉద్యోగాల సాధన పోటీ పరీక్షలకు సిద్ధమవుతున్న నిరుద్యోగ యువతీ యువకులకు డిజిటల్‌ లైబ్రరీ ఎంతో ఉపయోగకరంగా ఉంటుందని మంత్రి దుద్దిళ్ల శ్రీధర్‌ బాబు అన్నారు. జిల్లా గ్రంథాలయంలో ఏర్పాటుచేసిన డిజిటల్‌ లైబ్రరీని ప్రారంభించారు. అనంతరం ఆయన మాట్లాడుతూ సాధారణ గ్రంథాలయాల్లో అందుబాటులో లేని పుస్తకాలను సైతం ఈ–లైబ్రరీ ద్వారా ఆన్‌లైన్‌లో ఉచితంగా చదివే అవకాశం ఉంటుందని తెలిపారు. పోటీ పరీక్షలకు అవసరమైన నాణ్యమైన అధ్యయన సామగ్రిని డిజిటల్‌ రూపంలో పొందవచ్చని పేర్కొన్నారు. జిల్లాలోని అన్ని మండలాల్లో గ్రంథాలయాల ఏర్పాటుకు వేగవంతమైన చర్యలు తీసుకుంటున్నట్లు తెలిపారు. రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు

భూపాలపల్లి అర్బన్‌: హౌస్‌సర్జన్‌ వైద్యులకు నెలకు రూ.29,792 స్టైఫండ్‌ చెల్లించాలని ఫారిన్‌ మెడికల్‌ గ్రాడ్యుయేట్‌ వైద్యులు ప్రభుత్వాన్ని డిమాండ్‌ చేశారు. శుక్రవారం భూపాలపల్లి ప్రభుత్వ జనరల్‌ ఆస్పత్రిలో నిరసన తెలిపారు. ఈ సందర్భంగా వైద్యులు మాట్లాడుతూ.. 2026 జనవరి నుంచి స్టైఫండ్‌ అందడం లేదని ఆవేదన వ్యక్తం చేశారు. అయినప్పటికీ క్యాజువాలిటీ, ఐసీయూ, ఓపీ విభాగాల్లో 24 గంటలపాటు సేవలందిస్తున్నామని తెలిపారు. జాతీయ వైద్య మండలి సూచనల ప్రకారం ఇంటర్న్‌షిప్‌ వైద్యులందరికీ సమాన పారితోషికం చెల్లించి న్యాయం చేయాలని కోరారు. ఈ కార్యక్రమంలో పలువురు హౌస్‌సర్జన్లు పాల్గొన్నారు. 51శాతం ఫిట్‌మెంట్‌తో పీఆర్సీ ఇవ్వాలి భూపాలపల్లి అర్బన్‌: పీఆర్సీ నివేదిక కోసం 36 నెలలుగా ఎదురుచూడాల్సి రావడం విచారకరమని, 51 శాతం ఫిట్‌మెంట్‌తో వెంటనే పీఆర్సీ ప్రకటించాలని టీఎన్‌జీఓ జిల్లా అధ్యక్షుడు బూరుగు రవి డిమాండ్‌ చేశారు. శుక్రవారం జిల్లా కేంద్రంలోని టీఎన్‌జీఓ కార్యాలయంలో నిర్వహించిన జిల్లా కార్యవర్గ సమావేశంలో ఆయన మాట్లాడారు. ఉద్యోగుల ఆరోగ్య పథకం (ఈహెచ్‌ఎస్‌)లో లోపాలు సరిదిద్ది, అన్ని కార్పొరేట్‌ ఆస్పత్రుల్లో నగదు రహిత వైద్యం అందించాలని కోరారు. ఈహెచ్‌ఎస్‌ ద్వారా వైద్యం అందక మరణించిన ఉద్యోగుల కుటుంబాలకు ఎక్స్‌గ్రేషియా చెల్లించాలని డిమాండ్‌ చేశారు. పెండింగ్‌ ఉద్యోగుల బిల్లులను వెంటనే విడుదల చేయాలని జిల్లా కార్యదర్శి ఎ.దశరథరామారావు కోరారు. సమావేశంలో జిల్లా నాయకులు పాల్గొన్నారు. తాడిచర్ల బ్లాక్‌–1లో రికార్డు బొగ్గు ఉత్పత్తి మల్హర్‌: తాడిచర్ల బ్లాక్‌–1 జెన్‌ కో ఉపరితల గనిలో బొగ్గు ఉత్పత్తి రికార్డు స్థాయిలో నమోదైంది. ఈ ఏడాది ఆరు నెలల్లో 12.50 లక్షల మెట్రిక్‌ టన్నుల బొగ్గు ఉత్పత్తి లక్ష్యంగా నిర్దేశించగా, దానిని అధిగమించి 16.35 లక్షల మెట్రిక్‌ టన్నుల బొగ్గును వెలికితీశారు. ఉత్పత్తి చేసిన బొగ్గును చెల్పూర్‌లోని కేటీపీపీకి తరలిస్తున్నారు. మైన్‌ ప్రారంభించిన ఏడేళ్లలో అర్ధ వార్షిక లక్ష్యాన్ని దాటడం ఇదే మొదటిసారి. ఈ ఏడాది మొత్తం లక్ష్యంలో ఇంకా 13.65 లక్షల మెట్రిక్‌ టన్నుల బొగ్గు ఉత్పత్తి చేయాల్సి ఉంది. బొగ్గు ఉత్పత్తి చేస్తున్న ఏఎమ్మార్‌ కంపెనీ, జెన్‌ కో అధికారులు సమన్వయంతో పనిచేస్తూ అడ్డంకులను అధిగమిస్తూ లక్ష్యాల వైపు దూసుకెళ్తున్నట్లు అధికారులు తెలిపారు. లక్ష్యాన్ని సాధించడంలో కృషి చేసిన కార్మికులు, సిబ్బంది, అధికారులను జెన్‌ కో డైరెక్టర్‌ నాగ్యా, జీఎం మోహన్‌ రావు, ఏఎమ్మార్‌ కంపెనీ ఉపాధ్యక్షుడు ప్రభాకర్‌రెడ్డి ప్రత్యేకంగా అభినందించారు. నిరంతరాయంగా విద్యుత్‌ సరఫరా భూపాలపల్లి రూరల్‌: బతుకమ్మ, దసరా పండుగలకు గ్రామాల్లో నిరంతరాయంగా విద్యుత్‌ సరఫరా చేయాలని ఎస్‌ఈ నాగెల్లి సదానందం అధికారులకు సూచించారు. శుక్రవారం జిల్లాకేంద్రంలో అధికారుల సమీక్ష సమావేశంలో ఎస్‌ఈ మాట్లాడారు. వినియోగదారుల ఫిర్యాదులను ఎప్పటికప్పుడు పరిష్కరించాలన్నారు. పనులుచేసే సమయంలో సిబ్బంది తప్పనిసరిగా భద్రతా ప్రమాణాలు పాటించాలని సూచించారు. ప్రస్తుతం ఎల్‌నినో ప్రభావంతో విద్యుత్‌ డిమాండ్‌, లోడ్లు పెరిగిన నేపథ్యంలో.. లైన్‌ క్లియరెన్స్‌లను వీలైనంత వరకు తగ్గించి, వ్యవసాయ ఫీడర్లకు అంతరాయం లేకుండా విద్యుత్‌ అందించాలని ఏఈలను ఆదేశించారు. పెండింగ్‌లో ఉన్న వ్యవసాయ విద్యుత్‌ లైన్ల పనులను పూర్తిచేసి కనెక్షన్లు ఇవ్వాలని స్పష్టం చేశారు. ఈ సమావేశంలో భూపాలపల్లి డీఈ పాపిరెడ్డి, కాటారం డీఈ నాగరాజు, భూపాలపల్లి టెక్నికల్‌, ఎంఆర్‌టీ కన్స్‌ట్రక్షన్‌ డీఈ జగదీశ్‌, భూపాలపల్లి సర్కిల్‌ ఆఫీస్‌ ఎస్‌ఏఓ లక్పతి పాల్గొన్నారు.

నాలుగు ఎకరాల్లో పత్తిపంట సాగుచేస్తున్న. ఇప్పటివరకు సుమారు రూ.లక్షకు పైగా పెట్టుబడి ఖర్చు అయింది. నెల రోజుల క్రితం విపరీతంగా ఎండలు కొట్టాయి. పోయిన నెల చివరి వారంలో మూడు రోజులు వర్షాలు కురిశాయి. దీంతో పత్తిపంటకు తెగుళ్లు సోకింది. నేను ఇప్పటి వరకు ఒక్కసారి కూడా పత్తి ఏరలేదు. అమ్మలేదు. తెగుళ్లు సోకి పూత, కాత మొత్తం ఎర్రబారింది. రెండు ఎకరాల్లో రెండు క్వింటాళ్లు పత్తి కూడా ఎల్లేటట్టు లేదు. కూలి కూడా గిట్టుబాటు అయ్యే అవకాశం కనిపించడం లేదు. ఎంత కరువు వచ్చినా గింత తక్కువ పత్తి దిగుబడి ఎప్పుడు రాలేదు. ఇదే మొదటిసారి చూస్తున్నా. – ఎండీ అబీద్‌, రామచంద్రాపురం, చిట్యాల మండలం

● నేటి నుంచి బతుకమ్మ సందడిపుట్టింటికి వచ్చిన ఆడపడుచులా.. రెక్కలు విచ్చిన సీతాకోక చిలుకలా.. కరుణించి కాపాడే అమ్మవారిలా.. తొమ్మిది రోజుల బతుకమ్మ పండుగ రానేవచ్చింది.. ఊరూవాడా ఆటపాటల సందడి తెచ్చింది. నేడు ఎంగిలిపూల బతుకమ్మ నేపథ్యంలో జిల్లా కేంద్రంలో పూల దుకాణాలు వెలిశాయి. తంగేడు, బంతి, చామంతి, సీతమ్మ, గునుగు, గుమ్మడి పూల దుకాణాలు ఏర్పాటు చేశారు. పూలను కొనుగోలు చేసిందేందుకు మహిళలు తరలివచ్చారు. పండుగవేళ బతుకమ్మను తీర్చిదిద్దేందుకు ప్రధానమైన బంతిపూల తోటలు మహాముత్తారం మండలం మీనాజీపేట గ్రామంలో పసుపు, నారింజ రంగులతో కనువిందు చేస్తున్నాయి. పూలతోటలన్నీ బతుకమ్మ పండుగ శోభతో కళకళలాడుతున్నాయి. – భూపాలపల్లి అర్బన్‌/మహాముత్తారం

రెండెకరాల్లో పత్తిపంట వేసిన. ఎప్పుడైనా ఎకరానికి 10నుంచి 12 క్వింటాళ్ల దిగుబడి వచ్చేది. ఈ సంవత్సరం వర్షాలు లేక పత్తి మొక్కలు సరీగా ఎదగలేదు. ఒక్కో మొక్క రెండు ఫీట్ల కంటే ఎక్కువ ఎత్తు లేదు. ఉన్న మొక్కలకు సైతం పదిలోపే పత్తికాయలు ఉన్నాయి. ఒక్కసారి కంటే ఎక్కువ పత్తి ఏరే పరిస్థితి కనిపించడం లేదు. ఈ ఏడాది మూడు క్వింటాళ్ల పత్తి దిగుబడి వచ్చేలా కనిపించడం లేదు. పెట్టుబడి, కూలీల ఖర్చులు కూడా రావు. అప్పులు చేసి పెట్టుబడులు పెట్టాం. నిండా మునిగినట్లే. – కాటం రవయ్య, రైతు అంకుషాపూర్‌, టేకుమట్ల మండలం

భూపాలపల్లి: హోరాహోరీగా సాగిన ఆర్టీసీ గుర్తింపు సంఘం ఎన్నికల్లో తెలంగాణ వర్కర్స్‌ యూనియన్‌(టీడబ్ల్యూయూ) పై చేయి సాధించింది. భూపాలపల్లి బస్‌డిపోలో ఓటు హక్కు కలిగిన కార్మికులు 262 మంది ఉండగా అందులో 258 మంది తమ ఓటు హక్కును వినియోగించుకున్నారు. ఒకరి ఓటు చెల్లకపోగా మిగిలిన ఓట్లను ఎన్నికల అధికారులు లెక్కించారు. క్లాస్‌ 3(రాష్ట్రం), క్లాస్‌ 6(రీజియన్‌)లో వర్కర్‌ యూనియన్‌దే పై చేయి అయింది. ఊహించని రీతిలో వర్కర్స్‌ యూనియన్‌ అధిక ఓట్ల మెజార్టీతో గెలుపొందింది. హోరాహోరీగా ఆర్టీసీ గుర్తింపు సంఘం ఎన్నికలు భూపాలపల్లి డిపోలో 262 ఓట్లకు 258 పోలింగ్‌

● కలెక్టర్‌ రాహుల్‌శర్మ భూపాలపల్లి అర్బన్‌: జాతీయ షెడ్యూల్డ్‌ తెగల కమిషన్‌ సభ్యుడు జాటోత్‌ హుస్సేన్‌నాయక్‌ ఈ నెల 13న జిల్లాలో పర్యటించనున్న నేపథ్యంలో అన్ని శాఖల అధికారులు సమగ్ర నివేదికలు సిద్ధం చేయాలని కలెక్టర్‌ రాహుల్‌శర్మ ఆదేశించారు. శుక్రవారం నిర్వహించిన టెలీకాన్ఫరెన్స్‌లో కలెక్టర్‌ మాట్లాడుతూ.. శాఖల వారీగా పూర్తి సమాచారాన్ని సేకరించి, లోటుపాట్లు లేకుండా సిద్ధం చేయాలన్నారు. నివేదికలను వీలైనంత త్వరగా జిల్లా గిరిజన అభివృద్ధి అధికారికి అందించాలని సూచించారు. వివిధ శాఖల నుంచి వచ్చిన సమాచారాన్ని క్రోడీకరించి జిల్లా స్థాయి సమగ్ర నివేదిక రూపొందించాలని గిరిజన సంక్షేమ శాఖ అధికారిని ఆదేశించారు. కమిషన్‌ సభ్యుడి పర్యటనకు అధిక ప్రాధాన్యం ఇవ్వాలని, నిర్ణీత గడువులోగా సమాచారాన్ని అందించాలని స్పష్టం చేశారు. ఈ టెలీకాన్ఫరెన్స్‌లో అదనపు కలెక్టర్లు అశోక్‌ కుమార్‌, విజయలక్ష్మి, కాటారం సబ్‌ కలెక్టర్‌ సౌరవ్‌ శర్మ, ఏఎస్పీ నరేశ్‌ కుమార్‌, ఆర్డీఓ హరికృష్ణ, వివిధ శాఖల అధికారులు పాల్గొన్నారు. యాసంగి సాగు ప్రణాళికలపై ప్రత్యేక దృష్టి యాసంగి సాగు ప్రణాళికలు, పంటల ఎంపిక, నీటి లభ్యతపై రైతులకు అవగాహన కల్పించేందుకు రైతు వేదికలను సమర్థవంతంగా వినియోగించుకోవాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. శుక్రవారం హైదరాబాద్‌ సచివాలయం నుంచి జిల్లా కలెక్టర్లతో నిర్వహించిన వీడియో కాన్ఫరెన్స్‌లో యాసంగి సాగు, ఉపాధి హామీ పనులు, విద్యుత్‌ సరఫరా, తాగునీటి లభ్యతపై సమీక్షించారు. వీడియో కాన్ఫరెన్స్‌ అనంతరం కలెక్టర్‌ రాహుల్‌శర్మ మాట్లాడుతూ.. అన్ని శాఖల అధికారులు సమన్వయంతో పనిచేస్తూ అవసరమైన సమాచారంతో సమగ్ర నివేదికలు సమర్పించాలని ఆదేశించారు. సమావేశంలో జిల్లా అధికారులు పాల్గొన్నారు.సమాచార హక్కు చట్టాన్ని పకడ్బందీగా అమలు చేయాలి ప్రభుత్వ పాలనలో పారదర్శకత, జవాబుదారీతనాన్ని పెంపొందించేలా సమాచార హక్కు చట్టం–2005ను పకడ్బందీగా అమలు చేయాలని గవర్నర్‌ శివ ప్రతాప్‌శుక్ల సూచించారు. సమాచార హక్కు చట్టం వారోత్సవాల్లో భాగంగా హైదరాబాద్‌లో నిర్వహించిన రాష్ట్రస్థాయి కార్యక్రమంలో భూపాలపల్లి కలెక్టరేట్‌ నుంచి అదనపు కలెక్టర్‌ అశోక్‌ కుమార్‌, వివిధ శాఖల అధికారులు వీడియో కాన్ఫరెన్స్‌లో పాల్గోన్నారు.

నేను గ్యాస్‌ స్టౌలు రిపేర్‌ చేసేందుకని చిట్యాలతో పాటు పక్కనున్న మండలాల్లోని గ్రామాలకు వెళ్తుంటాను. ఏ గ్రామంలో చూసినా కోతులే ఉంటున్నాయి. ఎక్కడ ఆగితే కోతులు కరుస్తాయోనని భయమేస్తుంది. నెల రోజుల కింద గ్యాస్‌ పొయ్యి రిపేరు చేసేందుకని మొగుళ్లపల్లిలోని ఓ ఇంటికి వెళ్తుంటే కోతులు కరిచాయి. వెంటనే చిట్యాల సివిల్‌ ఆస్పత్రికి వచ్చి ఇంజక్షన్‌ వేయించుకున్నా. మోటం శ్రీకాంత్‌, చల్లగరిగ, చిట్యాల మండలం మా ఊరిలో విపరీతంగా కోతులు ఉన్నాయి. వాటి బాధకే కూరగాయలు, మొక్కజొన్న పంటల సాగు ఎవరూ చేయడం లేదు. నాకున్న రెండెకరాల్లో పత్తిపంట వేసిన. ప్రతీరోజు కోతులు వచ్చి కాయలు ఒలుచుకొని మరీ తింటున్నాయి. అసలే కాలం కలిసిరాక ఇబ్బంది పడుతుంటే ఈ కోతులు పంటను నాశనం చేస్తున్నాయి. – క్యాతం భూమయ్య, రైతు, చిట్యాల ●

కాళేశ్వరం: కాళేశ్వరం పోలీస్‌స్టేషన్‌ను గురువారం ఎస్పీ సిరిశెట్టి సంకీర్త్‌ ఆకస్మికంగా తనిఖీ చేశారు. స్టేషన్‌ పరిసరాలు, నిర్వహణను పరిశీలించడంతో పాటు విధుల్లో ఉన్న అధికారులు, సిబ్బంది పనితీరును సమీక్షించారు. వివిధ రికార్డులను పరిశీలించి వివరాలు అడిగి తెలుసుకున్నారు. ఎస్సై, స్టేషన్‌ రైటర్‌, సీసీటీఎన్‌ఎస్‌ రైటర్లతో మాట్లాడిన ఎస్పీ ఆన్‌లైన్‌ వివరాల నమోదు, రికార్డుల అప్‌లోడ్‌ ప్రక్రియపై ఆరా తీశారు. స్టేషన్‌ పరిధిలో నమోదవుతున్న నేరాలు, గ్రామాల పరిస్థితి, శాంతిభద్రతలు, స్టేషన్‌ నిర్వహణపై వివరాలు తెలుసుకున్నారు. ప్రతీ ఫిర్యాదుదారుడితో మర్యాదగా వ్యవహరించాలని, బాధితులు, ప్రజలకు మెరుగైన సేవలు అందించడంపై ప్రత్యేక దృష్టిపెట్టాలని సూచించారు. రౌడీషీటర్లు, సస్పెక్ట్‌షీట్‌లో ఉన్న వ్యక్తుల ఇళ్లను క్రమం తప్పకుండా తనిఖీ చేస్తూ వారి కదలికలపై నిఘా ఉంచాలని ఆదేశించారు. సరిహద్దు ప్రాంతం కావడంతో అప్రమత్తంగా ఉండాలని సూచించారు. ప్రజల భద్రతకు పకడ్బందీ చర్యలు చేపట్టాలని చెప్పారు. శాంతిభద్రతల పరిరక్షణలో నిర్లక్ష్యానికి తావివ్వకూడదని ఆదేశించారు. ఎస్పీ వెంట ఎస్సై సురేష్‌ ఉన్నారు.

● బీఎంఎస్‌, టీబీజీకేఎస్‌, తెలంగాణ సింగరేణి ఉద్యోగుల సంఘం నాయకులుభూపాలపల్లి అర్బన్‌: భూపాలపల్లి ఏరియాలోని సుభాష్‌కాలనీ రోడ్డు వెడల్పులో భాగంగా నిబంధనలు అతిక్రమించి సింగరేణి కార్మిక సంఘ కార్యాలయాలపై మున్సిపల్‌శాఖ అధికారులు విధ్వంసానికి పాల్పడుతున్నారని బీఎంఎస్‌, టీబీజీకేఎస్‌, తెలంగాణ సింగరేణి ఉద్యోగుల సంఘం నాయకులు అప్పాని శ్రీనివాస్‌, దేవరకొండ మధు, కామెర గట్టయ్య ఆరోపించారు. గురువారం ఏరియాలోని బీఎంఎస్‌ కార్యాలయంలో ఏర్పాటు చేసిన విలేకరుల సమావేశంలో వారు మాట్లాడారు. పట్టణ అభివృద్ధికి సింగరేణి కార్మిక సంఘాలు సహకరిస్తాయని తెలిపారు. కృష్ణకాలనీకి వెళ్లే రోడ్డును 80 ఫీట్ల వెడల్పు చేస్తూ సుభాష్‌కాలనీ రోడ్డును 200 ఫీట్లకు ఎందుకు పెంచారన్నారు. కార్మిక సంఘాల కార్యాలయాలను తొలగించాలని స్థానిక ప్రజాప్రతినిధులు, అధికారులు కుట్రలు పన్నుతున్నట్లు తెలిపారు. సింగరేణి ఆస్తులను మున్సిపాలిటీ అధికారులు ధ్వంసం చేస్తుంటే సింగరేణి అధికారులు ఎందుకు మౌనంగా ఉంటున్నారన్నారు. సింగరేణి ఆస్తులను కాపాడాలని కోరారు. ఈ సమావేశంలో స్థానిక నాయకులు పాల్గొన్నారు.

భూపాలపల్లి: ఎల్‌నినో ప్రభావంతో యాసంగి (రబీ) సీజన్‌లో నీటి లభ్యత, వాతావరణ పరిస్థితులను దృష్టిలో ఉంచుకుని ప్రత్యామ్నాయ పంటల సాగు పెద్దఎత్తున చేపట్టేలా రైతులకు అవగాహన కల్పించాలని కలెక్టర్‌ రాహుల్‌ శర్మ వ్యవసాయ, ఉద్యానవన శాఖ అధికారులను ఆదేశించారు. యాసంగిలో పంటల సాగు కార్యాచరణ ప్రణాళికపై గురువారం క్యాంపు కార్యాలయంలో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ.. వరి సాగుపై అధికంగా ఆధారపడకుండా జొన్న, మినుములు, పెసర్లు, కూరగాయలు, ఉద్యాన పంటల సాగును ప్రోత్సహించాలని సూచించారు. నీటి లభ్యతను పరిగణనలోకి తీసుకుని పంటల ప్రణాళిక రూపొందించా లని, భూములు బీడుగా ఉండకుండా ప్రత్యామ్నా య పంటల సాగువైపు రైతులను ప్రోత్సహించా లని తెలిపారు. ఈ సమావేశంలో డీఏఓ బాబూ రావు, ఉద్యాన శాఖ అధికారి తిరుపతి, వ్యవసాయ శాఖ ఏడీఏలు, మార్కెటింగ్‌ అధికారులు పాల్గొన్నారు. జాబ్‌మేళా సద్వినియోగం చేసుకోవాలి.. జిల్లా నిరుద్యోగ యువతీ యువకులకు విస్తృత ఉపాధి అవకాశాలు కల్పించే లక్ష్యంతో నేడు (శుక్రవారం) జిల్లాకేంద్రంలోని పుష్ప గ్రాండ్‌లో నిర్వహించనున్న మెగా జాబ్‌ మేళాకు అన్ని ఏర్పాట్లు పూర్తి చేసినట్లు కలెక్టర్‌ రాహుల్‌ శర్మ తెలిపారు. అభ్యర్థులు అధిక సంఖ్యలో వచ్చే అవకాశం ఉన్నందున, అసౌకర్యం కలగకుండా అధికారులు సమన్వయంతో విధులు నిర్వహించాలని ఆదేశించారు. జాబ్‌ మేళాలో అభ్యర్థుల సౌకర్యార్థం 15 రిజిస్ట్రేషన్‌ కౌంటర్లు, హెల్ప్‌డెస్క్‌లు ఏర్పాటు చేసినట్లు తెలిపారు. జాబ్‌ మేళా విధుల్లో ఉన్న అధికారులు, సిబ్బంది ఉదయం ఏడు గంటలకే పుష్ప గ్రాండ్‌కు చేరుకోవాలని కలెక్టర్‌ ఆదేశించారు. నిరుద్యోగ యువతీ యువకులు తమ విద్యార్హతలు, నైపుణ్యాలకు అనుగుణంగా లభించే ఉద్యోగ అవకాశాలను సద్వి నియోగం చేసుకుని ప్రైవేట్‌ సంస్థల్లో ఉద్యోగాలు పొందాలని కలెక్టర్‌ రాహుల్‌ శర్మ సూచించారు. జాబ్‌మేళాకు ఏర్పాట్లు పూర్తి కలెక్టర్‌ రాహుల్‌ శర్మ

భూపాలపల్లి: వానర మూకలు ఆగం చేస్తున్నాయి. రోడ్లపై మనుషులు తిరగలేని పరిస్థితి నెలకొంటుంది. నిత్యం దాడులకు పాల్పడుతుండటంతో జిల్లాలో భయాందోళన పరిస్థితి నెలకొంది. రైతులు పండించే పంటలను సైతం నాశనం చేస్తుండటంతో పండ్లు, కూరగాయల పంటల సాగు చేసేందుకు రైతులు విముఖత వ్యక్తం చేస్తున్నారు. కోతుల దాడిలో ఒకరి మృతి జిల్లాలో 12 మండలాల్లో ప్రతీ గ్రామంలో కోతుల బెడద తీవ్రంగా ఉంది. ఉదయం 6గంటల నుంచి రాత్రి 9 గంటల వరకు పట్టణాలు, పల్లెల్లో విచ్చలవిడిగా తిరుగుతున్నాయి. చేతిలో ఏదైనా కవర్‌, బాక్స్‌ కనిపిస్తే చాలు.. ఒక్కసారిగా కోతుల గుంపు దాడులకు పాల్పడుతుంది. ఈ ఏడాది మే 1వ తేదీన భూపాలపల్లి పట్టణంలోని జవహర్‌నగర్‌ కాలనీలో కాలినడకన వెళ్తున్న కోసనగొట్టు హరికిషన్‌పై కోతులు దాడికి పాల్పడ్డాయి. దీంతో అతను అక్కడికక్కడే గుండెపోటుకు గురై మృతి చెందాడు. అత్యధికంగా భూపాలపల్లి, చెల్పూరు, కాళేశ్వరం, కాటారం పీహెచ్‌సీల పరిధిలో కోతుల దాడి కేసులు వందల సంఖ్యలో నమోదవుతున్నాయి. తరలించినా వచ్చేస్తున్నాయి.. జిల్లా కేంద్రంతో పాటు పలు గ్రామాల్లో కోతులను పట్టుకొని ఏటూరునాగారం అటవీ ప్రాంతంలో వదిలేస్తున్నారు. అయినప్పటికీ కొద్దిరోజులకే మళ్లీ వచ్చేస్తున్నాయి. కోతుల బాధ నుంచి తప్పించుకునేందుకు మొగుళ్లపల్లి మండల కేంద్రంతో పాటు పిడిసిల్ల, పెద్దకోమటిపల్లి, ములకపల్లి పంచాయతీల ఆధ్వర్యంలో కొండెంగలను కొనుగోలు చేసి గ్రామాల్లో తిప్పుతున్నారు. సింగరేణి సంస్థ ఇటీవల ఆరు కొండెంగలను కొనుగోలు చేసి భూపాలపల్లి పట్టణంలో వదిలేసింది. మొదట్లో కోతులు వాటికి భయపడినప్పటికీ ఇప్పుడు ప్రభావం అంతగా లేదు. జిల్లా కేంద్రంలో మున్సిపాలిటీ ఆధ్వర్యంలో ఇప్పటి వరకు రూ.లక్షలు వెచ్చించి ఐదారు సార్లు కోతులను పట్టించి ఏటూరునాగారం అభయారణ్యంలో వదిలేశారు. కాళేశ్వరంలో దేవస్థానానికి వచ్చే భక్తులపై కోతులు దాడి చేస్తుండటంతో పంచాయతీ ఆధ్వర్యంలో ఒక్కో కోతికి రూ.400 చొప్పున చెల్లించి 600 కోతులను పట్టించి తరలించారు. పంచాయతీ ఎన్నికల సమయంలో ఇచ్చిన హామీ మేరకు టేకుమట్ల, వెంకట్రావ్‌పల్లి(బి), బూర్నపల్లి సర్పంచ్‌లు పలుమార్లు కోతులను పట్టించారు. అయినప్పటికీ ఆయా ప్రాంతాల్లో కోతుల బెడద తప్పలేదు. అంతటా కోతుల సమస్య.. సర్వేలో వెల్లడి.. కోతుల సమస్యను తీర్చడానికి రాష్ట్ర ప్రభుత్వం శ్రీకారం చుట్టింది. గ్రామ పంచాయతీ కార్యదర్శుల లాగిన్‌లో మూడు ప్రశ్నలతో కూడిన ఆన్‌లైన్‌ సర్వేను నిర్వహిస్తున్నారు. మీ గ్రామంలో కోతులు ఉన్నాయా.. వాటి వలన పంట నష్టం జరుగుతుందా.. రోజువారి కార్యక్రమాలకు ఆటంకం కలగడంతో పాటు ప్రజలను భయబ్రాంతులకు గురి చేస్తున్నాయా అనే ప్రశ్నలతో సర్వే జరుగుతుంది.జిల్లాలో 231 గ్రామాల్లో సర్వే కాగా అన్నింటిలో కోతుల సమస్య ఉన్నట్లుగా గ్రామస్తులు వెల్లడించారు. 1,971 కేసులు నమోదు ఈ ఏడాది ప్రారంభం నుంచి ఈనెల ఏడో తేదీ వరకు కోతుల దాడుల కేసులు 1,971 నమోదయ్యాయి. జిల్లా ప్రధాన ఆస్పత్రిలో 213 కేసులు నమోదయ్యాయి. పీహెచ్‌సీల వారీగా కూడా భారీగానే కేసులు నమోదయ్యాయి. భూపాలపల్లి పీహెచ్‌సీ 366, చెల్పూరు 316, కాళేశ్వరం 222, మొగుళ్లపల్లి 129, వెలిశాల 167, ఒడితల 135, కాటారం 121, రేగొండ 73, ఆజంనగర్‌ 62, మహాముత్తారం 54, గణపురం 40, తాడిచర్ల 7, అంబట్‌పల్లి పీహెచ్‌సీలో ఒక కేసు నమోదైంది. చిట్యాల సీహెచ్‌సీలో 65 కేసులు నమోదయ్యాయి. కోతుల దాడి నుంచి పంటలను కాపాడుకునేందుకు కొందరు రైతులు వివిధ రకాల ప్రయత్నాలు చేస్తున్నారు. కుక్కలను పెంచుకొని పంటలను చుట్టూ తిప్పడం, సోలార్‌ ఫెన్షింగ్‌ వేసుకొని పంటలను కాపాడుకుంటున్నారు. కాటారం డివిజన్‌లోని అటవీ గ్రామాల్లో పంటల చుట్టూ చీరలను కడుతున్నారు. అయినప్పటికీ కొంతమేరకు పంటనష్టం జరుగుతూనే ఉంది.

హన్మకొండ: ఆర్టీసీ గుర్తింపు ఎన్నికల్లో రెండు ఐక్య కూటమిల మధ్య ముఖాముఖి పోటీ నెలకొంది. నేడు (శుక్రవారం) ఉదయం 5నుంచి సాయంత్రం 6 గంటల వరకు పోలింగ్‌ జరగనుంది. అనంతరం ఓట్లు లెక్కిస్తారు. కానీ, ఫలితాలు అధికారికంగా వెల్లడించరు. అధికారికంగా ఎన్నికల ఫలితాల కోసం ఈనెల 17 వరకు వేచి చూడాలి. కాగా అనధికారికంగా ఫలితాలు కౌంటింగ్‌ ముగిసిన వెంటనే తెలిసే అవకాశముంది. ఆర్టీసీ గుర్తింపు ఎన్నికల్లో 12 యూనియన్లు పోటీలో ఉన్నాయి. వరంగల్‌ రీజియన్‌లో మొత్తం 3,042 ఓట్లు ఉండగా 9 డిపోల్లో ఒక్కో బూత్‌, ఆర్‌ఎం కార్యాలయంలో మరోటి ఏర్పాటు చేశారు. నాలుగు యూనియన్‌లు బలంగా ఉండగా అశ్వత్థామ రెడ్డి నేతృత్వంలోని టీఎంయూ (వర్గం) తెలంగాణ ఆర్టీసీ వర్కర్స్‌ యూనియన్‌గా ఎస్‌డబ్ల్యూఎఫ్‌ కలిసి ఒక కూటమిగా పోటీ చేస్తున్నాయి. ఎంప్లాయీస్‌ యూనియన్‌, ఎన్‌ఎంయూ మరో ఐక్య కూటమిగా బరిలో నిలిచింది. ఎన్నికల్లో విజయం కోసం డిపోల వారీగా ఎన్నికల ప్రచారం నిర్వహించడంతో పాటు, చివరగా రెండు ఐక్య కూటములు రీజియన్‌ స్థాయి బహిరంగ సభలు నిర్వహించి గెలిస్తే ఏం చేయబోతున్నామో చెప్పారు. కార్మికుల ముందు రెండు ఐక్య కూటములు మేనిఫెస్టోను ఉంచాయి. నమ్మి ఓట్లు వేయాలని కూటమిల నాయకత్వాలు అభ్యర్థించాయి. వరంగల్‌ రీజియన్‌లో ఇలా.. వరంగల్‌ రీజియన్‌లో ప్రధానంగా రెండు ఐక్య కూటముల మధ్య పోటీ నెలకొనగా తెలంగాణ ఆర్టీసీ వర్కర్స్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌ కూటమి నుంచి క్లాస్‌–3 (రాష్ట్ర), క్లాస్‌–6 (రీజియన్‌)కు తెలంగాణ వర్కర్స్‌ యూనియన్‌ బరిలో ఉంది. ఎంప్లాయీస్‌ యూనియన్‌, ఎన్‌ఎంయూ కూటమి నుంచి క్లాస్‌–3లో ఎంప్లాయీస్‌ యూనియన్‌ పోటీలో ఉండగా, క్లాస్‌–6లో ఎన్‌ఎంయూ పోటీ చేస్తుంది. ప్రతీ ఓటరు రెండు ఓట్లు వేయాల్సి ఉంటుంది. క్లాస్‌–3, క్లాస్‌–6కు ఓటు వేయాలి. వరంగల్‌ రీజియన్‌లో జరుగనున్న ఎన్నికల్లో బ్యాలెట్‌లో 9 గుర్తులు మాత్రమే ఉంటాయి. ఐక్య కూటముల నేపథ్యంలో బ్యాలెట్‌లో గుర్తులు సంఖ్య తగ్గింది. దీంతో ఎన్నికల్లో 12 యూనియన్‌లు పోటీలో ఉన్న బ్యాలెట్‌లో మాత్రం 9 గుర్తులు మాత్రమే కనిపిస్తాయి. పోలింగ్‌ సామగ్రి పంపిణీ.. పోలింగ్‌ నేపథ్యంలో గురువారం పోలింగ్‌ సామగ్రిని తీసుకుని సిబ్బంది వారికి కేటాయించిన పోలింగ్‌ కేంద్రాలకు చేరుకున్నారు. ఇప్పటికే అధికారులు పోలింగ్‌కు అవసరమైన ఏర్పాట్లు చేశారు. ఎన్నికలు పకడ్బందీగా జరిగేలా కార్మిక శాఖ అన్ని చర్యలు తీసుకుంది. కార్మికుల మద్దతు కోసం చివరి వరకు యత్నం గెలుపే లక్ష్యంగా యూనియన్‌ నాయకులు ప్రతీ కార్మికుడిని స్వయంగా కలిసి తమకే ఓటు వేయాలని కోరారు. ప్రచారం ముగియడంతో పోటీలో ఉన్న యూనియన్‌ నాయకులు పోలింగ్‌పై దృష్టి సారించారు. కార్మికులు ఇంటికి వెళ్లి మద్దతు కోరారు. పోలింగ్‌ జరుగుతున్న సమయంలోను చివరి ప్రయత్వం చేయాలనే ఆలో చనలో నాయకులున్నారు. రెండూ కూటమలు తమదే గెలుపన్న విశ్వాసంతో ఉన్నాయి. మెజారిటీ కోసమే తమ తాపత్రయమని నాయకులు చెప్పారు. తెలంగాణ ఆర్టీసీ వర్కర్స్‌ యూనియన్‌ నేతృత్వంలోని కూటమికి అధికా ర కాంగ్రెస్‌ పార్టీ సంపూర్ణ మద్దతు ప్రకటించింది. ఎన్నికల ప్రచారంలోని ఆ పార్టీ నాయకులు, ఎమ్మెల్సీలు, ఎమ్మెల్యేలు పాల్గొన్నారు. ఎంప్లాయీస్‌ యూనియన్‌ నేతృత్వంలోని కూటమి తరఫున ఆ కూటమిలోని యూనియన్‌ల నాయకులు మాత్రమే ప్రచారం చేశారు. టీడబ్ల్యూయూ, ఎస్‌డబ్ల్యూఎఫ్‌ ఐక్య కూటమి, ఈయూ, ఎన్‌ఎంయూ కూటమి మధ్యపోరు హోరాహోరీగా సాగిన ప్రచారం పోలింగ్‌పై దృష్టి సారించిన యూనియన్లు నేడే పోలింగ్‌.. అన్ని ఏర్పాట్లు పూర్తి

శుక్రవారం శ్రీ 9 శ్రీ అక్టోబర్‌ శ్రీ 2026మండలాలు 12 గ్రామ పంచాయతీలు 248సర్వే పూర్తయిన గ్రామాలు 231సర్వే కాని గ్రామాలు 17● మనుషులపై నిత్యం దాడులు ● పండ్లు, కూరగాయల సాగు మానేస్తున్న రైతులు ● పొట్టదశలో ఉన్న వరిని ఆగం చేస్తున్న వైనం ● పలు గ్రామాల్లో కట్టడికి వివిధ రకాల చర్యలు ● సమస్య తీర్చేందుకు సర్వేకు సర్కారు శ్రీకారం

బాలగోపాల్‌ తన రచనలు, ఆలోచనల ద్వారా స్పష్టమైన మార్గం చూపారని ప్రముఖ సామాజిక వేత్త ప్రొఫెసర్‌ జి. హరగోపాల్‌ అన్నారు. వాతావరణం జిల్లాలో ఉదయం ఆహ్లాదకరంగా ఉంటుంది. మధ్యాహ్నం ఎండ అధికంగా ఉంటుంది. సాయంత్రం అక్కడక్కడా చిరుజల్లులు కురుస్తాయి.పంటలు పీకి పందిరేస్తున్నాయి.. వానరాల మూలంగా అన్నదాతలు పడుతున్న బాధలు చెప్పనలవి కాదు. జిల్లాలో వరి, పత్తి, మిర్చి పంటలు 2,19,214 ఎకరాల్లో సాగు అవుతుండగా.. కూరగాయల సాగు కేవలం 373 ఎకరాల్లోనే జరుగుతుంది. సుమారు పదేళ్ల క్రితం రేగొండ, కాటారం, మహదేవపూర్‌ మండలంతో పాటు జిల్లాలోని పలు గ్రామాల్లో వందలాది ఎకరాల్లో కూరగాయల పంటలు సాగు చేసేవారు. టమాట, వంకాయ, బీరకాయ, అల్చంతకాయ, కాలీఫ్లవర్‌, బెండకాయ పంటలు సాగు చేసేవారు. ప్రతీ గ్రామంలో కోతుల తీవ్రత ఎక్కువగా ఉండటం, పంట కోతకు రాకముందు పూతదశలోనే కోతులు కొరికిపారేస్తుండటంతో ఏటా సాగు తగ్గుతుంది. భూపాలపల్లి పట్టణంతో పాటు మండల కేంద్రాల్లో ఇళ్ల పరిసరాల్లో ఉన్న పండ్ల చెట్లను సైతం వానరాలు నాశనం చేస్తున్నాయి. దీంతో చేసేదేమీ లేక పలువురు తమ ఇళ్ల ముందు ఉన్న జామ, మామిడి, పనస, ఉసిరి లాంటి భారీ చెట్లను సైతం తొలగించుకుంటున్నారు.

● ఎమ్మెల్యే గండ్ర సత్యనారాయణరావు ● జ్ఞానేష్‌కుమార్‌ దిష్టిబొమ్మ దహనంభూపాలపల్లి రూరల్‌: ప్రజాస్వామ్యంలో ఓటు హక్కు అత్యంత కీలకమైనదని భూపాలపల్లి ఎమ్మెల్యే గండ్ర సత్యనారాయణరావు అన్నారు. అర్హత కలిగిన ప్రతీ ఒక్కరికి ఓటు హక్కు కల్పించాలని డిమాండ్‌ చేస్తూ గురువారం భూపాలపల్లి పట్టణంలోని హనుమాన్‌ టెంపుల్‌ నుంచి అంబేడ్కర్‌ చౌక్‌ వరకు కాంగ్రెస్‌, సీపీఐ, సీపీఎం, సీపీఐ(ఎంఎల్‌), టీజేఎస్‌ ఆధ్వర్యంలో ప్రజాస్వామ్య పరిరక్షణ పాదయాత్ర నిర్వహించారు. ఈ సందర్భంగా ఎమ్మెల్యే సత్యనారాయణరావు మాట్లాడుతూ ఓటర్ల జాబితాలో మార్పులు, తొలగింపుల విషయంలో పూర్తి పారదర్శకత పాటించాలని డిమాండ్‌ చేశారు. ఫామ్‌–6, ఫామ్‌–7, ఫామ్‌–8కు సంబంధించిన మార్పులపై ప్రజలకు స్పష్టమైన సమాధానం ఇవ్వాలన్నారు. కేంద్ర ఎన్నికల సంఘం ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలన్నారు. ఈ కార్యక్రమంలో ట్రేడ్‌ ప్రమోషన్‌ కార్పొరేషన్‌ చైర్మన్‌ అయిత ప్రకాశ్‌రెడ్డి, కాంగ్రెస్‌ పార్టీ జిల్లా అధ్యక్షుడు బట్టు కరుణాకర్‌, సీపీఐ జిల్లా కార్యవర్గ సభ్యులు రమేశ్‌, పట్టణ కార్యదర్శి సోతుకు ప్రవీణ్‌, సీపీఎం జిల్లా కార్యవర్గ సభ్యులు గుర్రం దేవేందర్‌, సీపీఐ(ఎంఎల్‌) జిల్లా కార్యదర్శి మల్లేష్‌, మున్సిపల్‌ చైర్మన్‌ కొమురయ్య, వైస్‌చైర్మన్‌ అంబాల శ్రీనివాస్‌, నాయకులు దాట్ల శ్రీనివాస్‌, ఇస్లావత్‌ దేవన్‌ పాల్గొన్నారు.

భూపాలపల్లి అర్బన్‌: జిల్లాకేంద్రంలోని ప్రభుత్వ ఐటీఐ/ఏటీసీలో నూతనంగా ప్రవేశం పొందిన విద్యార్థులకు గురువారం ఓరియంటేషన్‌ సదస్సు నిర్వహించారు. కళాశాల ప్రిన్సిపాల్‌ జుమ్లానాయక్‌ అధ్యక్షతన జరిగిన కార్యక్రమంలో విద్యార్థులకు కోర్సులు, నైపుణ్య శిక్షణ, ఉద్యోగ, అప్రెంటిస్‌షిప్‌ అవకాశాలపై అవగాహన కల్పించారు. ప్రస్తుత పారిశ్రామిక అవసరాలకు అనుగుణంగా సాంకేతిక నైపుణ్యాలను పెంపొందించుకోవాలని సూచించారు. రాష్ట్ర ప్రభుత్వం ఐటీఐలను ఏటీసీలుగా ఆధునీకరించి అత్యాధునిక కోర్సులను అందుబాటులోకి తెచ్చిందన్నారు. తరగతి గది బోధనతో పాటు ప్రాక్టికల్‌ శిక్షణకు ప్రాధాన్యం ఇవ్వాలని, క్రమశిక్షణ, సమయపాలన, తప్పనిసరి హాజరును పాటించాలని సూచించారు. కోర్సు పూర్తయిన తర్వాత పరిశ్రమల్లో ఉద్యోగాలు, అప్రెంటిస్‌షిప్‌, స్వయం ఉపాధి అవకాశాలను సద్వినియోగం చేసుకోవాలని తెలిపారు. ఐటీఐ పూర్తిచేసిన వారు పాలిటెక్నిక్‌ ద్వితీయ సంవత్సరంలో చేరే అవకాశం ఉందన్నారు. యువత దేశ భవిష్యత్‌ అని, చెడు సావాసాలు, క్షణికావేశంతో మత్తు పదార్థాలకు బానిస కావద్దని హెచ్చరించారు. డ్రగ్స్‌తో శారీరక, మానసిక ఆరోగ్యం దెబ్బతినడంతో పాటు కుటుంబాలు ఛిన్నాభిన్నమవుతాయని తెలిపారు. మాదకద్రవ్యాల సరఫరా, రవాణా, వినియోగం చట్టరీత్యా తీవ్రమైన నేరమని, భవిష్యత్‌లో ఉద్యోగాలు, పాస్‌పోర్టు, ఇతర అవకాశాలపై ప్రతికూల ప్రభావం పడే అవకాశం ఉందన్నారు. ఐటీఐ అనంతరం జపనీస్‌, జర్మన్‌ భాషలను నేర్చుకుంటే టీఓఎంసీఓఎం ద్వారా విదేశాల్లో ఉద్యోగ అవకాశాలు పొందవచ్చన్నారు. విద్యార్థులు ఈ అవకాశాలను సద్వినియోగం చేసుకుని ఉజ్వల భవిష్యత్‌ను నిర్మించుకోవాలని సూచించారు. ఈ కార్యక్రమంలో ట్రైనింగ్‌ ఆఫీసర్‌, ఐటీఐ, ఏటీసీ ఏటీఓలు, సిబ్బంది, నూతన విద్యార్థులు పాల్గొన్నారు.

హన్మకొండ: టీజీఎస్‌ ఆర్టీసీ గుర్తింపు ఎన్నికలకు వరంగల్‌ రీజియన్‌ పరిధిలో కార్మికశాఖ అన్ని ఏర్పాట్లు చేసింది. 9న ఉదయం 5నుంచి సాయంత్రం 6 గంటల వరకు పోలింగ్‌ జరగనుంది. మొత్తం 3,042 మంది కార్మికులు ఓటు హక్కు వినియోగించుకోనున్నారు. ఇప్పటికే డిపోల వారీగా, రీజినల్‌ మేనేజర్‌ కార్యాలయంలో పోలింగ్‌ బూత్‌లు గుర్తించారు. ప్రిసైడింగ్‌, అసిస్టెంట్‌ ప్రిసైడింగ్‌ అధికారులు, సిబ్బందిని నియమించారు. బ్యాలెట్స్‌ బాక్స్‌లు సమకూర్చుకోవడంతో పాటు బ్యాలెట్‌ పేపర్‌లు సిద్ధం చేశారు. నేడు (గురువారం) హనుమకొండలోని జిల్లా కార్యాలయాల భవన సముదాయంలోని కార్మిక శాఖ కార్యాలయంలో సిబ్బందికి పోలింగ్‌ మెటీరియల్‌ పంపిణీ చేయనున్నారు. పోలింగ్‌ పర్యవేక్షకులుగా అసిస్టెంట్‌ లేబర్‌ కమిషనర్లు మహబూబాబాద్‌ అసిస్టెంట్‌ లేబర్‌ కమిషనర్‌ వెంకట్‌రెడ్డి మహబూబాబాద్‌, భూపాలపల్లి, తొర్రూరు డిపోల్లోని పోలింగ్‌ స్టేషన్‌లను, వరంగల్‌ అసిస్టెంట్‌ లేబర్‌ కమిషనర్‌ భార్గవ్‌ వరంగల్‌–1, వరంగల్‌–2 హనుమకొండ, ఆర్‌ఎం ఆఫీస్‌, జనగామ, పరకాల, నర్సపేట, పరకాల డిపోల్లోని పోలింగ్‌ స్టేషన్‌లను పర్యవేక్షిస్తారు. ప్రతీ ఓటరుకు రెండు ఓట్లు.. ● ప్రతీ ఓటరు (కార్మికుడు) రెండు ఓట్లు వేయాలి. క్లాస్‌–3 (రాష్ట్ర), క్లాస్‌–6 (రీజియన్‌)కు వేర్వేరుగా ఓట్లు వేయాల్సి ఉంటుంది. ● డ్యూటీలో ఉండి 9న పోలింగ్‌లో పాల్గొనే అవకాశం లేని కార్మికులకు ఈ నెల 15, 16 తేదీల్లో పోస్టల్‌ బ్యాలెట్‌కు అవకాశం కల్పించారు. ● పోలింగ్‌ కోసం మొత్తం 39 మంది సిబ్బందిని నియమించారు. ఇందులో 10 మంది ప్రిసైడింగ్‌ అధికారులుండగా, మిగతా వారిలో అసిస్టెంట్‌ ప్రిసైడింగ్‌ అఫీసర్‌, ఎన్నికల సిబ్బంది ఉన్నారు. ● పోలింగ్‌ అనంతరం కౌంటింగ్‌ నిర్వహిస్తారు. కా నీ, ఫలితాలు అధికారికంగా విడుదల చేయరు. ● పోస్టల్‌ బ్యాలెట్‌ను ఈ నెల 15, 16 తేదీల్లో ఉదయం 10 నుంచి మధ్యాహ్నం 2 గంటల వరకు డిపోలో కేటాయించిన బాక్స్‌లో వేయాలి. ● వీటిని ఈ నెల 16న మధ్యాహ్నం 2 గంటల తర్వాత కౌంటింగ్‌ చేస్తారు. తుది ఫలితాలు 17న ప్రకటిస్తారు. ముగిసిన ఎన్నికల ప్రచారం... టీజీఎస్‌ ఆర్టీసీ గుర్తింపు ఎన్నికల ప్రచారం బుధవారంతో ముగిసింది. ఈ నెల 18న కార్మిక శాఖ గుర్తింపు ఎన్నికల షెడ్యూల్‌ విడుదల చేసింది. అప్పటినుంచి యూనియన్‌లు ఎన్నికల ప్రచారం చేపట్టాయి. కార్మిక యూనియన్‌ ప్రధాన సంఘాలతోపాటు ఆయా పార్టీల నాయకులు, ప్రజా ప్రతినిధులు, కార్మిక సంఘాల రాష్ట్ర, రీజియన్‌ నాయకులు డిపోల వారీగా ప్రచారం నిర్వహించారు. గెలుపుకోసం సర్వశక్తులు ఒడ్డారు. చివరగా ఈ నెల 6న తెలంగాణ ఆర్టీసీ వర్కర్స్‌ యూనియన్‌, ఎస్‌డబ్ల్యూఎఫ్‌ ఐక్య కూటమి బహిరంగ సభ నిర్వహించగా, ఎంప్లాయీస్‌ యూనియన్‌, ఎన్‌ఎంయూ, టీఎంయూ ఐక్య కూటమి బుధవారం బహిరంగ సభ నిర్వహించింది. కార్మికులకు ఏమేమి చేస్తామో వివరించాయి. వరంగల్‌ రీజియన్‌లో రెండు ఐక్య కూటమిల మధ్య ముఖాముఖి పోటీ నెలకొనగా ఓటర్ల మద్దతు పొందేందుకు తీవ్రంగా శ్రమించాయి. విజయంపై ఎవరికివారు ధీమాతో ఉన్నారు. డిపోల వారీగా ఓటర్లు ఇలా..472 258 557 400 219 280 242 262 302 50 పోలింగ్‌ ఇలా.. 9న ఉదయం 5నుంచి సాయంత్రం 6 గంటల వరకు పోలింగ్‌ అనంతరం కౌంటింగ్‌ ఈ నెల 15, 16న పోస్టల్‌ బ్యాలెట్‌ క్లాస్‌–3కి వైట్‌ పేపర్‌ బ్యాలెట్‌ క్లాస్‌–6కు లైట్‌ గ్రీన్‌ బ్యాలెట్‌ 17న తుది ఫలితాల ప్రకటన ముగిసిన ఎన్నికల ప్రచారం వరంగల్‌ రీజియన్‌లో మొత్తం 3,042 ఓట్లు 9 డిపోల్లో ఒక్కో బూత్‌, ఆర్‌ఎం కార్యాలయంలో మరొకటి ఏర్పాటు 39 మంది పోలింగ్‌ సిబ్బంది నియామకం

● ఎమ్మెల్యే గండ్ర సత్యనారాయణరావుభూపాలపల్లి: నిరుద్యోగ యువతకు ఉద్యోగ అవకాశాలు కల్పించేందుకు ఈ నెల 9న భూపాలపల్లి జిల్లాకేంద్రంలోని పుష్ప గార్డెన్స్‌లో నిర్వహించనున్న మెగా జాబ్‌ మేళాను సద్వినియోగించుకోవాలని భూపాలపల్లి ఎమ్మెల్యే గండ్ర సత్యనారాయణరావు తెలిపారు. ఈ మేరకు బుధవారం కలెక్టర్‌ రాహుల్‌శర్మ, ఎస్పీ సిరిశెట్టి సంకీర్త్‌తో కలిసి ముందస్తు ఏర్పాట్లను పరిశీలించారు. అఽధికారులకు టెంట్లు, సౌండ్‌ సిస్టం ఏర్పాటు, భోజన సౌకర్యాలు, తదితర అంశాలపై దిశానిర్దేశం చేశారు. అనంతరం ఎమ్మెల్యే గండ్ర సత్యనారాయణరావు మాట్లాడుతూ తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌ ఆధ్వర్యంలో నిర్వహించే ఈ మేళాలో పలు కంపెనీలు పాల్గొంటాయని, పదో తరగతి నుంచి పీజీ, పీహెచ్‌డీ, ఐటీఐ, పాలిటెక్నిక్‌, బీటెక్‌, ఎంటెక్‌, బీ ఫార్మసీ, డీఫార్మసీ తదితర విద్యార్హతలు కలిగిన యువత పాల్గొనవచ్చన్నారు. అభ్యర్థుల కోసం 15 రిజిస్ట్రేషన్‌ కౌంటర్లు ఏర్పాటు చేస్తున్నట్లు తెలి పారు. గ్రామీణ ప్రాంతాల నుంచి వచ్చే వారికి ఉచి త రవాణా, టిఫిన్‌ సౌకర్యం కల్పించాలని కలెక్టర్‌ అధికారులను ఆదేశించారు. అభ్యర్థులు విద్యార్హతల ధ్రువపత్రాలతో ఉదయం 7 గంటలకు మేళా ప్రాంగణానికి చేరుకోవాలని సూచించారు. జాబ్‌మేళాకు యువత పెద్ద సంఖ్యలో పాల్గొనే అవకాశం ఉన్నందున ఎలాంటి ఇబ్బందులు లేకుండా ఏ ర్పాట్లు చేసినట్లు తెలిపారు. ఈ కార్యక్రమంలో అదనపు కలెక్టర్‌ విజయలక్ష్మి, కేటీపీపీ సీఈ శ్రీప్రకాష్‌, సింగరేణి జీఎం రాజేశ్వర్‌రెడ్డి, మున్సిపల్‌ చైర్మన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, కౌన్సిలర్లు, అధికారులు పాల్గొన్నారు.

భూపాలపల్లి అర్బన్‌: జిల్లా కేంద్రంలోని ప్రభుత్వ జనరల్‌ ఆస్పత్రిలో సిబ్బందికి రక్షణ లేకుండా పోయిందని వైద్యసిబ్బంది ఆస్పత్రి ఎదుట బుధవారం నిరసనకు దిగారు. ఆస్పత్రిలో విధులు నిర్వహిస్తున్న సిబ్బందికి రక్షణ లేకుండా పోయిందని ఆవేదన వ్యక్తం చేశారు. పేషెంట్లు, వారి అటెండర్లు సిబ్బందితో దురుసుగా ప్రవర్తిస్తున్నా.. భద్రతా సిబ్బంది పట్టించుకోవడం లేదని ఆరోపించారు. ఆస్పత్రిలో భద్రతా ఏర్పాట్లు సక్రమంగా లేవని, సెక్యూరిటీ సిబ్బంది పర్యవేక్షణలో లోపాలు ఉన్నాయన్నారు. విధి నిర్వహణలో తమకు ఇబ్బందులు ఎదురవుతున్నాయని, భయాందోళనల మధ్య పనిచేయాల్సి వస్తోందన్నారు. సిబ్బందికి రక్షణ కల్పించాల్సిన సెక్యూరిటీ వ్యవస్థ విఫలమైందని విమర్శించారు. ప్రస్తుతం పనిచేస్తున్న సెక్యూరిటీ సూపర్‌వైజర్‌ను తొలగించి, సమర్థవంతమైన భద్రతా వ్యవస్థను ఏర్పాటు చేయాలని డిమాండ్‌ చేశారు. ఆస్పత్రిలో పేషెంట్లు, అటెండర్ల కదలికలపై నిఘా పెంచడంతోపాటు సిబ్బందిపై దురుసు ప్రవర్తనకు అడ్డుకట్ట వేయాలని కోరారు. సిబ్బందికి పూర్తి భద్రత కల్పించే వరకు ఆందోళన కొనసాగిస్తామని వారు స్పష్టం చేశారు. ప్రభుత్వ జనరల్‌ ఆస్పత్రి ఎదుట నిరసన

భూపాలపల్లి రూరల్‌: ఎస్సై, కానిస్టేబుల్‌ ఉద్యోగాల కోసం షెడ్యూల్డ్‌ కులాల స్టడీ సర్కిల్‌, ఉమ్మడి వరంగల్‌ జిల్లా బ్రాంచ్‌లో ప్రిలిమినరీ ఎగ్జామినేషన్‌ వరకు ఉచిత రెసిడెన్షియల్‌ కోచింగ్‌ అందించేందుకు ఇంటర్మీడియట్‌, డిగ్రీ పూర్తి చేసిన అభ్యర్థుల నుంచి దరఖాస్తులు ఆహ్వానిస్తున్నట్లు షెడ్యూల్డ్‌ కులాల అభివృద్ధి అధికారి సుకీర్తి బుధవారం ఒక ప్రకటనలో పేర్కొన్నారు. దరఖాస్తులను ఈనెల 10వ తేదీ సాయంత్రం 5 గంటల లోపు హనుమకొండలోని షెడ్యూల్డ్‌ కులాల స్టడీ సర్కిల్‌ కార్యాలయంలో అందించాలన్నారు. పూర్తి వివరాలకు 9160606862 నంబర్‌లో సంప్రదించాలన్నారు. విజయగణపతి ఆలయ రాతి పనులు షురూ కాళేశ్వరం: మహదేవపూర్‌ మండలం కాళేశ్వరం దేవస్థానం పునర్నిర్మాణం పనుల్లో భాగంగా విజయ గణపతి ఆలయం, ప్రధాన గర్భగుడి ఆలయ పునాది పనులు పూర్తయ్యాయి. బుధవారం విజయగణపతి, గర్భగుడికి అర్చకులు పూజలు చేసి ఒక్కో కృష్ణశిలను పునాదిపై ఏర్పాటు చేశారు. దేవాదాయ, ఆర్‌అండ్‌బీ శాఖలు ఈ పనుల వివరాలు, విషయాలు బయటకు రాకుండా గోప్యత పాటించడంపై విమర్శలు వెల్లువెత్తుతున్నాయి. నేటి పాదయాత్రను విజయవంతం చేయాలి భూపాలపల్లి రూరల్‌: రాజ్యాంగ పరిరక్షణకు ఇండియా కూటమి కాంగ్రెస్‌, సీపీఐ, సీపీఎం, టీజేఎస్‌, సీపీఐ (ఎంఎల్‌) పార్టీల ఆధ్వర్యంలో చేపట్టే పాదయాత్రను విజయవంతం చేయాలని కాంగ్రెస్‌ పార్టీ జిల్లా అధ్యక్షుడు బట్టు కరుణాకర్‌ తెలిపారు. బుధవారం జిల్లాకేంద్రంలోని పార్టీ కార్యాలయంలో కూటమి పార్టీల నాయకులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ నేడు (గురువారం) ఉదయం 9 గంటలకు జిల్లాకేంద్రంలో రాజ్యాంగ పరిరక్షణ పాదయాత్ర చేపట్టనున్నట్లు తెలిపారు. కూటమి నాయకులు, వివిధ సంఘాల నాయకులు హాజరై విజయవంతం చేయాలన్నారు. కార్యక్రమంలో సీపీఐ జిల్లా కార్యవర్గసభ్యుడు సోతుకు ప్రవీణ్‌ కుమార్‌, నాయకులు పాల్గొన్నారు. బెటాలియన్‌ అసిస్టెంట్‌ కమాండెంట్‌గా అరుణ్‌ గోవిందరావుపేట: మండల పరిధిలోని చల్వా యి 5వ బెటాలియన్‌ టీజీఎస్పీ నూతన అసిస్టెంట్‌ కమాండెంట్‌గా ఆర్‌.అరుణ్‌ రాజ్‌కుమా ర్‌ బుధవారం బాధ్యతలు స్వీకరించారు. గతంలో అలైడ్‌ ఫోర్స్‌లో విధులు నిర్వహించిన ఆ యన బెటాలియన్‌కు అసిస్టెంట్‌ కమాండెంట్‌గా వచ్చారు. ఈ సందర్భంగా బెటాలియన్‌ క మాండెంట్‌ సీవీ.లక్ష్మీకాంతరావు నూతన అసిస్టెంట్‌ కమాండెంట్‌కు మొక్క అందజేసి శుభా కాంక్షలు తెలిపారు. బెటాలియన్‌ విధుల నిర్వహణలో సమన్వయంతో పనిచేస్తూ సిబ్బంది సంక్షేమానికి ప్రాధాన్యం ఇవ్వాలని సూచించా రు. అనంతరం అరుణ్‌ బెటాలియన్‌ అఽధికారులను పరిచయం చేసుకున్నారు. నకిలీ లోన్‌ ఆఫర్లపై అప్రమత్తం ములుగు రూరల్‌: నకిలీ లోన్‌ ఆఫర్లపై ప్రజలు అప్రమత్తంగా ఉండాలని ఎస్పీ సుధీర్‌ రాంనాథ్‌ కేకన్‌ సూచించారు. ఈ మేరకు బుధవారం సైబర్‌ నేరాలపై అవగాహన కార్యక్రమం నిర్వహించి వాల్‌ పోస్టర్‌ ఆవిష్కరించారు. ఈ సందర్భంగా ఎస్పీ మాట్లాడుతూ తెలంగాణ పోలీస్‌శాఖ చేపట్టిన ఫ్రాడ్‌ కా పుల్‌స్టాప్‌ కార్యక్రమం నిర్వహించినట్లు తెలిపారు. తక్షణం, తక్కువ వడ్డీ రుణాలు, నిమిషాల్లో లోన్‌ మంజూరు అంటూ సైబర్‌ నేరగాళ్లు ప్రజలను ఆకర్షించి జీఎస్టీ, లోన్‌ప్రాసింగ్‌ ఫీజు పేరుతో ముందుగా డబ్బులు చెల్లించాలని కోరుతున్నారని తెలిపారు. ప్రజలు అనుమానాస్పద లింకులు, ఫోన్‌ కాల్స్‌, మెసేజ్‌లకు స్పందించకూడదని వివరించారు. ఇతరులకు బ్యాంకు ఖాతా వివరాలు, ఓటీపీలు, పాస్‌వర్డ్‌లు తెలుపరాదని వెల్లడించారు. సైబర్‌ మోసాల భారిన పడితే వెంటనే 1930 కాల్‌ చేయాలని సూచించారు. ఫిర్యాదు చేస్తే డబ్బును నిలిపివేసే అవకాశం ఉంటుందని తెలిపారు. ఈ కార్యక్రమంలో డీసీఆర్బీ డీఎస్పీ కిశోర్‌కుమార్‌, సీఐ సురేశ్‌కుమార్‌, ఎస్‌బీ ఇన్‌స్పెక్టర్‌ ప్రతాప్‌, వెంకటాపురం(ఎం) ఎస్సై చల్లా రాజు, డీసీఆర్బీ ఎస్సై వెంకటేశ్‌ తదితరులు పాల్గొన్నారు.

భూపాలపల్లి రూరల్‌: ఎల్‌నినో కారణంగా వర్షాభావ పరిస్థితుల్లో యాసంగి సీజన్‌లో పంటల సాగుపై రైతులకు అవగాహన కల్పించాలని రాష్ట్ర వ్యవసాయ శాఖ అధికారులు తెలిపారు. ఈ మేరకు బుధవారం హైదరాబాద్‌ నుంచి వీడియో కాన్ఫరెన్స్‌లో జిల్లా, మండల, ఉద్యాన వన శాఖ అధికారులతో మాట్లాడారు. ఏ పంటలు వేయాలో ముందుగానే రైతులకు అవగాహన కల్పించాలని అధికారులకు సూచించారు. అనంతరం జిల్లా వ్యవసాయ అధికారి బాబురావు ఏఈఓలతో సమావేశం నిర్వహించారు. యాసంగి పంటలకు సంబంధించి తక్కువ నీటితో పండే పంటలను వేసుకునేలా గ్రామాల్లోని రైతులకు అవగాహన కల్పించాలన్నారు. ఈ సమావేశంలో జిల్లా ఉద్యాన శాఖ అధికారి తిరుపతి, అధికారులు సిబ్బంది, తదితరులు పాల్గొన్నారు.

● అదనపు కలెక్టర్‌ విజయలక్ష్మిరేగొండ: ప్రతీ ఉపాధి కూలీకి పని కల్పించే విధంగా సంబంధిత అధికారులు చర్యలు తీసుకోవాలని అదనపు కలెక్టర్‌ విజయలక్ష్మి అన్నారు. బుధవారం మండలంలోని రైతువేదికలో వీబీజీ రామ్‌జీ సిబ్బంది, పంచాయతీ కార్యదర్శులతో సమావేశం నిర్వహించారు. ఈ సందర్భంగా ఆమె మాట్లాడుతూ ప్రతీ గ్రామ పంచాయతీలో 100 నుంచి 150 మంది కూలీలు పనులకు వచ్చే విధంగా అవగాహన కల్పించాలన్నారు. ఎల్‌నినో దృష్ట్యా గ్రామాల్లో జలసిరి పనులు చేపట్టాలని, ఇంటింటికీ ఇంకుడు గుంత, రైతు పొలంలో ఫామ్‌ పాండ్‌ నిర్మించాలన్నారు. అన్ని గ్రామాల్లో బోర్‌ రీచార్జ్‌ స్ట్రక్చర్‌లను చేపట్టాలన్నారు. జిల్లా కేంద్రంలో ఈనెల 9న జరిగే జాబ్‌ మేళాలో అధిక సంఖ్యలో నిరుద్యోగులు పాల్గొనేలా అవగాహన కల్పించాలన్నారు. ఈ కార్యక్రమంలో డిప్యూటీ కలెక్టర్‌ నవీన్‌ రెడ్డి, ఎంపీడీఓ వెంకటేశ్వరరావు, ఏపీఓ జమీర్‌ పాషా, ఈసీ మంగిలాల్‌ తదితరులు పాల్గొన్నారు.

భూపాలపల్లి రూరల్‌: ప్రభుత్వం అర్హులైన వారికి కొత్తగా దసరా నుంచి చేయూత పథకం కింద పింఛన్లు అందించేందుకు కసరత్తు చేస్తుండడంతో ఈసారైనా తమకు పింఛన్లు వస్తాయన్న ఆశతో అర్హులైన వారు దరఖాస్తు చేసుకున్నారు. కాంగ్రెస్‌ ప్రభుత్వం అధికారంలోకి వచ్చిన తర్వాత మొదటి సారిగా చేయూత పింఛన్లు అందిస్తుండటంతో జిల్లాలో చాలా మంది ఆన్‌లైన్‌, ఆఫ్‌లైన్‌లో దరఖాస్తు చేసుకున్నారు. ఆయా దరఖాస్తులను అధికారులు క్షేత్రస్థాయిలో పరిశీలన చేసి అర్హుల జాబితాను సిద్ధం చేశారు. 387 మంది దరఖాస్తుల తిరస్కరణ చేయూత పింఛన్ల కోసం ఆగస్టు 9 నుంచి సెప్టెంబర్‌ 16వ తేదీ వరకు ప్రభుత్వం దరఖాస్తులకు అవకాశం కల్పించడంతో జిల్లాలో 8,037 మంది దరఖాస్తులు చేసుకున్నారు. వీరిలో 7, 429 మంది అర్హులు కాగా 387 మంది దరఖాస్తులను అధికారులు తిరస్కరించారు. తనిఖీలో 188 మంది హోల్డ్‌లో ఉంచారు. 33 మందివి పెండింగ్‌లో ఉంచారు. అనంతరం ఎంపీడీఓల వద్దకి రాగా 298 రిజెక్ట్‌ కాగా 188, హోల్డ్‌లో ఉండగా, 33 దరఖాస్తులు పెండింగ్‌లో ఉన్నాయి. మొత్తం 7,088 దరఖాస్తులు అప్రూవల్‌ చేశారు. ఇప్పటికే జిల్లాలో 53,739 మంది పింఛన్‌ లబ్ధిదారులు ఉన్నారు. దసరా పండుగ సందర్భంగా కొత్తవారికి పింఛన్లు మంజూరు చేస్తే లబ్ధిదారుల సంఖ్య మరింత పెరగనుంది. క్షేత్రస్థాయి పరిశీలన పూర్తి చేయూత పింఛన్లకు లబ్ధిదారులు చేసుకున్న దరఖాస్తుల పరిశీలన గతనెల 16తో ముగిసింది. జిల్లావ్యాప్తంగా అధికారుల బృందాలు క్షేత్రస్థాయిలో దరఖాస్తుదారుల వద్దకు నేరుగా వెళ్లి పరిశీలన చేశాయి. 14 ప్రశ్నలతో కూడిన వివరాలను సరిచూసి ఆన్‌లైన్‌లో నమోదు చేశారు. చేయూత యాప్‌లో అర్హుడా? కాదా అన్న విషయాన్ని టిక్‌ చేసి లోకేషన్‌ ఫొటోతో సహా అప్‌లోడ్‌ చేశారు. జిల్లాలో ఈసారి పెద్ద ఎత్తున దరఖాస్తులు రావడంతో పరిశీలన అనంతరం ఎంతమందికి పింఛన్లు వస్తాయోనన్న విషయం అధికారులు వెల్లడించలేదు. దీంతో లబ్ధిదారులు ఆందోళన చెందుతున్నారు. చేయూత దరఖాస్తుల పరిశీలన పకడ్బందీగా పూర్తయింది. ప్రభుత్వ ఆదేశాల మేరకు అర్హుల జాబితా త్వరలో ప్రకటిస్తాం. – బాలకృష్ణ, డీఆర్‌డీఓ పూర్తయిన దరఖాస్తుల పరిశీలన జిల్లాలో దరఖాస్తు చేసుకున్నవారు 8,037 తిరస్కరణకు గురైనవి 387

భూపాలపల్లి అర్బన్‌: భూపాలపల్లి ఏరియాలో నిర్దేశిత బొగ్గు ఉత్పత్తి లక్ష్యాలను సాధించేందుకు పక్కా ప్రణాళికతో ముందుకు సాగాలని సింగరేణి డైరెక్టర్‌ (ప్రాజెక్ట్‌ అండ్‌ ప్లానింగ్‌) కొప్పుల వెంకటేశ్వర్లు అధికారులను ఆదేశించారు. అందుబాటులో ఉన్న మానవ వనరులు, భారీ యంత్రాలు, ఇతర వనరులను సమర్థవంతంగా వినియోగించుకుని ఉత్పత్తి సామర్థ్యాన్ని పెంచాలని సూచించారు. మంగళవారం భూపాలపల్లి ఏరియాలో పర్యటించిన ఆయన ముందుగా ఏరియా జనరల్‌ మేనేజర్‌ ఏనుగు రాజేశ్వర్‌రెడ్డితో కలిసి కేటీకే ఓసీ–2, 3 ఓపెన్‌కాస్ట్‌ గనులను సందర్శించారు. క్షేత్రస్థాయిలో బొగ్గు ఉత్పత్తి, ఓవర్‌బర్డెన్‌ తొలగింపు, గని అభివృద్ధి పనులు, యంత్రాల పనితీరును పరిశీలించారు. ఉత్పత్తి పురోగతి, లక్ష్యాల సాధనలో ఎదురవుతున్న సమస్యలపై అధికారులను అడిగి తెలుసుకున్నారు. అనంతరం జీఎం కార్యాలయ కాన్ఫరెన్స్‌ హాల్‌లో ఏరియా అధికారులతో సమీక్ష నిర్వహించారు. ప్రస్తుత ఉత్పత్తి పరిస్థితులు, నిర్దేశిత లక్ష్యాలు, ఓవర్‌బర్డెన్‌ తొలగింపు, గని అభివృద్ధి, యంత్రాల వినియోగం, భవిష్యత్‌ ఉత్పత్తి ప్రణాళికలపై చర్చించారు. క్షేత్రస్థాయిలో ఎదురయ్యే సమస్యలను వెంటనే గుర్తించి పరిష్కరించాలని, భవిష్యత్‌ ఉత్పత్తి అవసరాలకు అనుగుణంగా గనుల అభివృద్ధి పనులను వేగవంతం చేయాలని సూచించారు. ఉత్పత్తి పెంపు క్రమంలో భద్రతా ప్రమాణాల విషయంలో రాజీ ఉండకూడదని డైరెక్టర్‌ స్పష్టం చేశారు. సేఫ్టీ నిబంధనలను కచ్చితంగా పాటిస్తూ ఉత్పత్తి లక్ష్యాలను సాధించాలని అధికారులకు దిశానిర్దేశం చేశారు. ఈ కార్యక్రమంలో ఎస్‌వోటు జీఎం రామన్‌ వి.పాఠక్‌, ఓసీ–2 పీఓ డి.శ్యాంసుందర్‌, ఓసీ–3 పీవో రామస్వామి, ఏజీఎం (సివిల్‌) రవికుమార్‌, ఏజీఎం (ఈఅండ్‌ఎం) సాంబశివరావు, డీజీఎం (ఫైనాన్స్‌) రాజేశ్వర్‌, పర్సనల్‌ మేనేజర్‌ ఎస్‌.శ్యామ్‌సుందర్‌, ఏరియా సర్వే ఆఫీసర్‌ శైలేంద్రకుమార్‌, ఏరియా సెక్యూరిటీ ఆఫీసర్‌ వీరారెడ్డి, గనుల మేనేజర్లు, వివిధ విభాగాల అధికారులు పాల్గొన్నారు. కాళేశ్వరం: రూ.198 కోట్లతో చేపట్టిన కాళేశ్వరం దేవస్థానం పునర్నిర్మాణ పనులు రెండు నెలలుగా ముమ్మరంగా కొనసాగుతున్నాయి. నిర్మాణ ప్రాంతం చుట్టూ కంచె ఏర్పాటు చేసి ప్రజలు, మీడియా ప్రతినిధులను సైతం లోపలికి అనుమతించకపోవడంపై భిన్నాభిప్రాయాలు వ్యక్తమవుతున్నాయి. దీంతో ఆలయ ప్రాంతం నిషేధిత ప్రాంతంగా మారిందని ప్రజల్లో చర్చ జరుగుతోంది. పునర్నిర్మాణ పనుల పురోగతిని పరిశీలించేందుకు వెళ్లే రిపోర్టర్లను సైతం అనుమతించకపోవడంతో అసలు అక్కడ ఏం జరుగుతోందన్న చర్చ స్థానికంగా సాగుతోంది. పనులు ముమ్మరం.. ప్రధాన ఆలయం గర్భగుడి, విజయగణపతి, సరస్వతి ఆలయం, శ్రీశుభానందదేవి(పార్వతి), శ్రీసుబ్రహ్మణ్యస్వామి ఆలయాల పునాది పనులు చివరి దశకు చేరుతున్నాయి. ప్రధాన ఆలయం ముఖ మండపం, శుభానందదేవి ఆలయ ముఖమండపాల పునాది పనులు సాగుతున్నాయి. పడమర వైపున ప్రాకారాల పునాది పనులు జరుగుతున్నాయి. మిగిలి ఉన్న ఉత్తర, దక్షిణ ప్రాకారాల కూల్చివేతలు సాగుతున్నాయి. దక్షిణ ఆగ్నేయంలో రామాలయం నిర్మాణం జరుగనుంది. తూర్పు ఈశాన్యంలో సూర్యదేవాలయం నిర్మాణం జరుగుతుందని అధికారుల ద్వారా తెలిసింది. ఏర్పాట్లేవి.. టెండర్‌ దుకాణ వ్యాపారులకు బాలాలయం వద్ద ప్రత్యామ్నాయ ఏర్పాట్లు పూర్తిస్థాయిలో చేయలేదనే ఆరోపణలు వినిపిస్తున్నాయి. రెండు గుంజలు వేసి పందిరి ఏర్పాటు చేసి వదిలేయడంతో రేకులు లేక వ్యాపారులు ఇబ్బందులు పడుతున్నారు. కనీసం దుకాణం భద్రత లేకుండా ఉండడంతో నిర్మాణ ప్రాంతానికి వెళ్లే అవకాశం లేక పలువురు దుకాణాలను మూసివేసుకున్నారని ఆరోపణలు ఉన్నాయి. దక్షిణ ఆగ్నేయం వద్ద తొలగిస్తున్న ప్రాకారంకంచెతో తంటా.. నాగేంద్రస్వామి ఆలయం సమీపం పడమర ద్వారం నుంచి తూర్పు గోపురం వరకు భారీగా కంచె ఏర్పాటుకు గోతులు తవ్వి ఇనుప ఫోల్స్‌ వేస్తున్నారు. ఇప్పటికే పూర్వం రహదారిని మూసివేసేందుకు కాంట్రాక్టర్‌, ఆర్‌అండ్‌బీ అధికారులు సిద్ధమవుతున్నారు. తూర్పు గోపురం ఎదుట టెండర్‌ ద్వారా దుకాణాలకు కూడా అడ్డంగా ఇనుప ఫోల్స్‌ ఏర్పాటు చేసి మట్టి కుప్పలు పోశారు. ఈ విషయమై ఆర్‌అండ్‌బీ ఈఈ మనోహర్‌ను ఫోన్‌లో సంప్రదించగా, ఉన్నతాధికారుల ఆదేశాల మేరకే నిర్మాణ ప్రాంతానికి ఎవరిని కూడా అనుమతించడం లేదని తెలిపారు. దేవస్థానంలో చేపడుతున్న నిర్మాణ పనులు ప్రస్తుతం ఆర్‌అండ్‌బీ శాఖ పరిధిలో ఉన్నాయని ఈఓ మహేష్‌ బదులిచ్చారు. అందుకే తమకు అనుమతి ఇచ్చే అధికారం లేదన్నారు. సింగరేణి డైరెక్టర్‌ కొప్పుల వెంకటేశ్వర్లు

●సాక్షిప్రతినిధి, వరంగల్‌: పేద, మధ్యతరగతి కుటుంబాల పిల్లలకు మంచి విద్య, వసతి, భోజనం అందించాలనే లక్ష్యంతో ఏర్పాటు చేసిన గురుకులాల్లో వరుస ఘటనలు ఆందోళన కలిగిస్తున్నాయి. ఎలుకల కాటు నుంచి ఆహార కలుషితంతో అస్వస్థత, విద్యార్థుల మధ్య ఘర్షణలు, ఆత్మహత్యలు, ఆత్మహత్యాయత్నాల ఘటనలు వెలుగులోకి వస్తున్నాయి. దీంతో తల్లిదండ్రులు కలవరపడుతున్నారు. విస్తృతం ‘గురుకుల’ నెట్‌వర్క్‌.. హనుమకొండ, వరంగల్‌, జనగామ, జయశంకర్‌ భూపాలపల్లి, మహబూబాబాద్‌, ములుగు జిల్లాల్లో బీసీ, సాంఘిక సంక్షేమ, గిరిజన సంక్షేమ గురుకుల సంస్థలు ఉన్నాయి. కేంద్ర ప్రభుత్వానికి ఇటీవల పంపిన నివేదిక ప్రకారం ఆయా సొసైటీల జాబితాలను పరిశీలిస్తే పాఠశాలలు, ఇతర రెసిడెన్షియల్‌ సంస్థలు కలిపి 61 ఉండగా 24,400 మంది విద్యార్థిని, విద్యార్థులు చదువుతున్నారు. ఒక్క ఎంజేపీటీ బీసీ డబ్ల్యూఆర్‌ఈఐ పరిధిలోని ఉమ్మడి వరంగల్‌ ప్రాంతంలో 31 గురుకులాల్లో 12,400 వ రకు విద్యార్థులున్నట్లు గణాంకాలు చెబుతున్నాయి. గేట్‌ దగ్గరే తల్లిదండ్రులు.. గురుకుల పాఠశాలల్లో చదివే పిల్లలు వారాల తరబడి తల్లిదండ్రులకు దూరంగా ఉంటారు. పిల్లలకు ఏ చిన్న సమస్య వచ్చినా వెంటనే తల్లిదండ్రులకు తెలియదు. కొన్నిచోట్ల తల్లిదండ్రులను గురుకులం లోపలికి అనుమతించకపోవడంతో పరిస్థితిని ప్రత్యక్షంగా తెలుసుకునే అవకాశం ఉండడం లేదన్న ఆరోపణలు ఉన్నాయి. పిల్లలతో మాట్లాడేందుకు వచ్చిన పేరెంట్స్‌ గేటు బయటే ఉండాల్సిన పరిస్థితి ఉంది. ఉన్నతాధికారుల పర్యవేక్షణ మొక్కుబడిగా మారడం వల్ల కూడా అనర్థాలకు కారణంగా చెబుతున్నారు. దీంతో లోపల వారి పిల్లలు ఎలా ఉంటున్నారు? భోజనం ఎలా ఉంది? వసతి గదులు, మరుగుదొడ్లు ఎలా ఉన్నాయి? ఎవరైనా వేధిస్తున్నారా? అనారోగ్యంగా ఉన్నారా? అనే ప్రశ్నలకు సమాధానం ఎవరూ చెప్పాలి అన్నది ఇప్పుడు చర్చనీయాంశంగా మారింది. పిల్లలను నమ్మి పంపుతున్నాం.. ‘పిల్లలను నమ్మి గురుకులాలకు పంపుతున్నాం.. మా కళ్లకు దూరంగా ఉన్నా.. అధికారులు, సిబ్బంది పర్యవేక్షణలో భద్రంగా ఉన్నారనే నమ్మకం కల్పించాలి. ఘటన జరిగిన తర్వాత స్పందించడం కాదు.. ఘటన జరగకుండా చూడాలి’ అని హనుమకొండ జిల్లాకు చెందిన గురుకుల పాఠశాలలో చేరిన ఓ విద్యార్థిని తండ్రి ఆవేదన వ్యక్తం చేశాడు. ‘గురుకులాల్లో చేర్పించిన పిల్లలందరూ రైతులు, పేద, మధ్యతరగతి కుటుంబాలకు చెందినవారే. పిల్లలకు మంచి భవిష్యత్‌ వస్తుందనే ఆశతో వారిని దూరంగా పంపుతున్నాం. అప్పుడప్పుడు కలెక్టర్లు, ఉన్నతాధికారులు పర్యవేక్షణ చేస్తున్నా.. నిర్వహణలో మార్పు లేదు. ఇకనైనా జాగ్రత్తలు తీసుకుని పిల్లల భవిష్యత్‌కు భరోసా ఇవ్వాలి’ అని వరంగల్‌ జిల్లాకు చెందిన పేర్లు చెప్పని ఓ గురుకుల విద్యార్థి తల్లిదండ్రులు కోరుతున్నారు. నెక్కొండలోని తెలంగాణ గురుకుల పాఠశాలలో టీచర్‌ కొట్టడంతో గాయమైందని చేతిని చూపుతున్న విద్యార్థిని ఎలుక కొరికిందని చూపిస్తున్న గూడూరు మహాత్మాజ్యోతిబాపూలేబీసీ బాలికల పాఠశాల విద్యార్థిని సాయి హర్షిత (ఫైల్‌)గురుకులాల్లో పిల్లలను పర్యవేక్షించే వ్యవస్థ ఏం చేస్తోంది? టీచర్‌ దాడి, ఎలుకల కాటు, అనారోగ్యం, ఆత్మహత్యలు, ఆత్మహత్యాయత్నాలు వరుస ఘటనలతో ఆందోళన చెందుతున్న విద్యార్థులు, తల్లిదండ్రులు ఈ ఏడాది కలవరపెట్టిన ఘటనలు కొన్ని ఏప్రిల్‌ 26 : మహబూబాబాద్‌ జిల్లా తొర్రూరు మండలం నాంచారి మడూరు మహాత్మా జ్యోతిరావుపూలే రెసిడెన్షియల్‌ డిగ్రీ కాలేజీలో మొదటి సంవత్సరం విద్యార్థి రాచర్ల కార్తీక్‌ మృతి కలకలం రేపింది. కుటుంబ సభ్యులు అనుమానాలు వ్యక్తం చేయడంతో పోలీసులు కేసు నమోదు చేసి దర్యాప్తు చేపట్టారు. జూన్‌ 30 : పరకాల మండలం మల్లక్కపేట (నర్సక్కపల్లి) సాంఘిక సంక్షేమ బాలికల రెసిడెన్షియల్‌ స్కూల్‌లో పదో తరగతి విద్యార్థిని శ్రీవాణి బాత్‌రూంలో ఆత్మహత్యకు పాల్పడిన ఘటన విషాదం నింపింది. ఆగస్టు 3: వరంగల్‌ జిల్లా వర్ధన్నపేట గిరిజన బాలికల ఆశ్రమ పాఠశాలలో సుమారు 27 మంది బాలికలు అస్వస్థతకు గురైన ఘటన వెలుగులోకి వచ్చింది. ఆరోపణలపై విచారణ జరిపారు. సెప్టెంబర్‌ 19: హనుమకొండ జిల్లా వంగర పీవీ రంగారావు బాలికల గురుకులంలో చదువుతున్న ఓ విద్యార్థిని సోదరి ఆత్మహత్య చేసుకోవడంతో కుటుంబ సభ్యులు ఆమెను ఇంటికి తీసుకెళ్లారు. తిరిగి గురుకులంలో చేర్చుకోవాలనే విషయంలో ప్రిన్సిపాల్‌ నిరాకరించడంతో తల్లిదండ్రులు ఆందోళనకు దిగడం వివాదాస్పదమైంది. సెప్టెంబర్‌ 24: జనగామ జిల్లా పాలకుర్తిలోని సాంఘిక సంక్షేమ గురుకుల బాలికల పాఠశాలలో పలువురు విద్యార్థులను ఎలుకలు కరవడం చర్చనీయాంశమైంది. దీంతో అధికారులు బాలికలను ఆస్పత్రికి తీసుకెళ్లి ట్రీట్‌మెంట్‌ చేయించినట్లు ప్రకటించారు. అక్టోబర్‌ 5: వరంగల్‌ జిల్లా ఖానాపురంలో ఇద్దరు గిరిజన బాలికలు ఆత్మహత్యాయత్నానికి పాల్పడిన ఘటన వెలుగుచూసింది. ఫోన్‌ ద్వారా వేధింపులే ఘటనకు కారణమన్న ఆరోపణలు వచ్చాయి. అక్టోబర్‌ 5: మహబూబాబాద్‌ జిల్లా గూడూరులోని బీసీ బాలికల రెసిడెన్షియల్‌ స్కూల్‌లో ఐదో తరగతి బాలికను ఎలుక కరిచింది. అక్టోబర్‌ 6: నెక్కొండ బాలికల గురుకుల పాఠశాల, కళాశాలలో 35 మంది ఐదో తరగతి విద్యార్థినులను ఇంగ్లిష్‌ టీచర్‌ రజిని తీవ్ర గాయ పర్చింది. ఈ ఘటనను సుమోటోగా తీసుకున్న కలెక్టర్‌ సత్యశారద ఎంపీడీఓను విచారణ అధికారిగా నియమించారు. విచారణ నివేదిక మేరకు టీచర్‌ను కలెక్టర్‌ సస్పెండ్‌ చేశారు.

భూపాపల్లి అర్బన్‌: నిరుద్యోగ యువతకు ఉద్యోగ అవకాశాలు కల్పించేందుకు ఈ నెల 9న భూపాలపల్లిలోని పుష్ప గ్రాండ్‌ ప్రాంగణంలో భారీ ఉద్యోగ మేళా నిర్వహించనున్నట్లు కలెక్టర్‌ రాహుల్‌ శర్మ మంగళవారం ఒక ప్రకటనలో పేర్కొన్నారు. 300లకుపైగా కంపెనీల్లో ఉద్యోగ అవకాశాలు ఉన్నాయని పేర్కొన్నారు. గ్రామీణ ప్రాంతాల యువత కోసం ఆర్టీఓ ఆధ్వర్యంలో ఉచిత రవాణా సౌకర్యం కల్పిస్తున్నట్లు తెలిపారు. మేళా ప్రాంగణంలో రిజిస్ట్రేషన్‌ కౌంటర్లు, ఇంటర్వ్యూ హాళ్లు, తాగునీరు, నీడ, పారిశుద్ధ్య సౌకర్యాలు ఏర్పాటు చేస్తున్నామన్నారు. అర్హత కలిగిన యువత విద్యార్హతల ధ్రువపత్రాలు, అవసరమైన సర్టిఫికెట్లతో ఈ మేళాకు హాజరై అవకాశాలను సద్వినియోగం చేసుకోవాలని కలెక్టర్‌ సూచించారు. విద్యార్థినుల భద్రతే షీ టీం లక్ష్యం భూపాలపల్లి అర్బన్‌: విద్యార్థినులు మహిళలు, బాలికల భద్రతపై అప్రమత్తంగా ఉండాలని షీ టీమ్‌ ఎస్సై స్వప్నకుమారి తెలిపారు. ఎస్పీ సిరిశెట్టి సంకీర్త్‌ ఆదేశాల మేరకు షీ టీం ఆధ్వర్యంలో మంగళవారం జిల్లాకేంద్రంలోని కేజీబీవీ, కళాశాలలో విద్యార్థిని విద్యార్థులకు మహిళల భద్రత, సైబర్‌ నేరాలు, గుడ్‌ టచ్‌–బ్యాడ్‌ టచ్‌, పోక్సో చట్టంపై అవగాహన కల్పించారు. షీ టీం ఎస్సై స్వప్నకుమారి మాట్లాడుతూ.. సోషల్‌ మీడియాలో అపరిచితులతో పరిచయాలు పెంచుకోవద్దన్నారు. వ్యక్తిగత సమాచారం, ఫొటోలు, వీడియోలు పంచుకోవద్దని సూచించారు. అనుమానాస్పద లింకులు, క్యూఆర్‌ కోడ్‌లు, ఏపీకే ఫైళ్లను క్లిక్‌ చేయవద్దన్నారు. వేధింపులు ఎదురైతే భయపడకుండా షీ టీం 87126 58162, అత్యవసరానికి 112, సైబర్‌ నేరాలకు 1930కు ఫిర్యాదు చేయాలని సూచించారు. ప్రయాణ సమయంలో టీ–సేఫ్‌ యాప్‌ను వినియోగించాలని తెలిపారు. ‘ఇడుపు కాయితం’ షూటింగ్‌ మొగుళ్లపల్లి: మండలకేంద్రంలోని పెద్దవాగు బ్రిడ్జిపై, సమ్మక్క–సారక్క జాతర ప్రాంగణ ఆవరణలో ‘ఇడుపు కాయితం’ సినిమా షూటింగ్‌ నిర్వహిస్తున్నారు. ప్రకృతి అందాలు, వాగు పరిసరాలను దృష్టిలో ఉంచుకుని చిత్రబృందం చిత్రీకరణ చేపట్టింది. షూటింగ్‌ ప్రారంభమైన విషయం తెలుసుకున్న స్థానికులు ఆసక్తిగా అక్కడికి చేరుకున్నారు. ఈ చిత్రంలో ప్రియదర్శి కథానాయకుడిగా, నాగదర్గ హీరోయిన్‌గా చిత్రాన్ని తెరకెక్కిస్తున్నారు. విదేశీ విద్యానిధి దరఖాస్తుల గడువుపెంపు భూపాలపల్లి రూరల్‌: మహాత్మా జ్యోతిబాపూలే ఓవర్సీస్‌ విద్యానిధి పథకానికి దరఖాస్తు చేసుకునేందుకు దరఖాస్తుల గడువును అక్టోబర్‌ 15వరకు పొడిగించినట్లు జిల్లా బీసీ అభివృద్ధి అధికారి ఇందిర మంగళవారం ఒక ప్రకటనలో పేర్కొన్నారు. విదేశాల్లో మాస్టర్స్‌, డాక్టరేట్‌ కోర్సులు చదవాలనుకునే అర్హులైన బీసీ, ఈబీసీ విద్యార్థులు ఈ అవకాశాన్ని సద్వినియోగం చేసుకోవాలని ఆమె కోరారు. అధికారిక వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవాలని సూచించారు.

భూపాలపల్లి అర్బన్‌: తెలంగాణ ఓపెన్‌ స్కూల్‌ సొసైటీ ఆధ్వర్యంలో ఈ నెల 11 నుంచి 17 వరకు నిర్వహించనున్న పదో తరగతి, ఇంటర్మీడియట్‌ సప్లిమెంటరీ పరీక్షలకు పకడ్బందీ ఏర్పాట్లు చేయాలని అదనపు కలెక్టర్‌ విజయలక్ష్మి అధికారులను ఆదేశించారు. మంగళవారం కలెక్టరేట్‌లోని తన కార్యాలయంలో అధికారులతో సమీక్ష నిర్వహించారు. పరీక్షలు ఉదయం 9 నుంచి మధ్యాహ్నం 12 గంటల వరకు, మధ్యాహ్నం 2.30 నుంచి సాయంత్రం 5.30 గంటల వరకు జరుగుతాయని తెలిపారు. ఇంటర్‌ ప్రాక్టికల్‌ పరీక్షలు ఈ నెల 23నుంచి 30వరకు నిర్వహించనున్నట్లు తెలిపారు. పరీక్ష కేంద్రాల్లో పోలీసు బందోబస్తు, ఫ్లయింగ్‌, సిట్టింగ్‌ స్క్వాడ్‌లను ఏర్పాటు చేయాలని సూచించారు. విద్యార్థులకు తాగునీరు, పారిశుద్ధ్యం, వైద్య సదుపాయాలు, ఓఆర్‌ఎస్‌ ప్యాకెట్లు అందుబాటులో ఉంచాలన్నారు. నిరంతర విద్యుత్‌ సరఫరా ఉండేలా చర్యలు తీసుకోవాలని ఆదేశించారు. విద్యార్థులు ప్రశాంతంగా పరీక్షలు రాయాలని సూచించారు. ఈ సమావేశంలో డీఈఓ లలిత, డీఎంహెచ్‌ఓ డాక్టర్‌ మధుసూదన్‌, డీపీఓ శ్రీలత పాల్గొన్నారు.

ఎస్‌ఎస్‌ తాడ్వాయి: విద్యార్థులు క్రమం తప్పకుండా పాఠశాలకు హాజరవుతూ చదువుపై ప్రత్యేక దృష్టి సారించేలా చూడాలని ఏటూరునాగారం ఐటీడీఏ పీఓ లెనిన్‌ వత్సల్‌ టొప్పో ఉపాధ్యాయులకు సూ చించారు. మండల పరిధిలోని బయ్యక్కపేటలోని గిరిజన సంక్షేమ ప్రాథమికోన్నత పాఠశాల(ఏయూపీఎస్‌ )ను ఐటీడీఏ పీఓ లెనిన్‌ వత్సల్‌ టొప్పో మంగళవారం సందర్శించి పాఠశాలలోని విద్యా పరిస్థితులు, విద్యార్థులకు అందుతున్న సౌకర్యాలను పరిశీలించారు. ఈ సందర్భంగా పీఓ తరగతి గదులను సందర్శించి విద్యార్థులతో మాట్లాడారు. విద్యార్థుల నోట్‌బుక్స్‌, అభ్యసన స్థాయి, విద్యా ప్రగతిని పరిశీలించారు. పాఠ్యాంశాలపై వారికి ఉన్న అవగాహనను తెలుసుకున్నారు. విద్యార్థులకు అవసరమైన సౌకర్యాలు, పరిశుభ్రమైన వాతా వరణం కల్పించేలా పాఠశాల సిబ్బంది చర్యలు తీసుకోవాలని సూచించారు. ప్రణాళికతో సాధన చేసి ఉద్యోగాలు సాధించాలి ఏటూరునాగారం: పోలీస్‌ ఉద్యోగాలకు ఉచిత శిక్షణ పొందుతున్న అభ్యర్థులు ప్రణాళికతో సాధన చేసి ఉద్యోగాలు సాధించాలని ఐటీడీఏ పీఓ లెనిన్‌ వత్సల్‌ టొప్పో, ఏఎస్పీ మనన్‌భట్‌ అన్నారు. మండల కేంద్రంలోని గిరిజన భవనంలో గిరిజన యువతకు పోలీస్‌ ఉద్యోగాలు సాధించేలా ఉచితంగా ఇస్తున్న శిక్షణను వారు మంగళవారం పరిశీలించారు. ఐటీడీఏ పీఓ లెనిన్‌ వత్సల్‌ టొప్పో

రేగొండ: నేరాల నియంత్రణకు సమర్థవంతమైన చర్యలు చేపట్టాలని ఎస్పీ సిరిశెట్టి సంకీర్త్‌ అన్నారు. మంగళవారం కొత్తపల్లిగోరి మండలంలోని పోలీస్‌స్టేషన్‌ను ఆకస్మికంగా తనిఖీ చేశారు. ఈ సందర్భంగా స్టేషన్‌ రికార్డులు, పెండింగ్‌ కేసుల పురోగతి, సీసీ కెమెరాల పనితీరును పరిశీలించారు. శాంతిభద్రతల పరిరక్షణలో అప్రమత్తంగా వ్యవహరించాలని తెలిపారు. కేసుల దర్యాప్తును వేగవంతం చేయడంతో పాటు ప్రజల ఫిర్యాదులను త్వరగా పరిష్కరించాలని అధికారులకు సూచించారు. ఈ కార్యక్రమంలో ఎస్సై సాయి త్రిలోక్‌నాథ్‌ రెడ్డి, పోలీస్‌ సిబ్బంది, తదితరులు పాల్గొన్నారు. ఎస్పీ సిరిశెట్టి సంకీర్త్‌

ఎల్‌నినో ప్రభావంతో అడుగంటిన భూగర్భ జలాలు భూపాలపల్లి: కాకతీయులు నిర్మించిన చెరువులు, వాగులు వంకలతో రెండు పంటలు సమృద్ధిగా పండే ఈ ప్రాంతంలో కరువు మేఘాలు కమ్ముకోనున్నాయి. ఎల్‌నినో నేపథ్యంలో వర్షాలు సమృద్ధిగా కురవకపోవడం, భూగర్భ జలాలు అడుగంటిపోవడం, వరదనీరు రాక జలాశయాలు వెలవెలబోతుండటంతో జిల్లాలో యాసంగి పంటల సాగు కష్టతరమేని అనిపిస్తోంది. ఊహించని రీతిలో కరువు ఏర్పడబోతుండటంతో అన్నదాతలు ఆందోళన చెందుతున్నారు. సాగుకు వాగులు, చెరువులపైనే ఆధారం.. జిల్లాలోని రైతులు ఎక్కువగా రిజర్వాయర్‌లు, చెరువులు, వాగులపైనే ఆధారపడి వ్యవసాయం చేస్తున్నారు. జిల్లాలో మానేరు, మోరంచ, చలివాగు, బొగ్గులవాగు ప్రతీ ఏటా ఉధృతంగా ప్రవహిస్తున్నాయి. ఈ వాగులపై ఆధారపడి మొగుళ్లపల్లి, చిట్యాల, టేకుమట్ల, మల్హర్‌, కాటారం, భూపాలపల్లి మండలాలకు చెందిన రైతులు పంటలు సాగు చేసుకుంటున్నారు. ఆగస్టు, సెప్టెంబర్‌ నెలల్లో వాగుల్లో వరద దాటికి పంట పొలాలు సైతం నీటమునుగుతున్నాయి. వానాకాలంలో వరద నీటితో సాగుచేస్తూ, యాసంగిలో వాగులో, పక్కనే వేసుకున్న బోర్లతో రైతులు పంటలు సాగు చేస్తున్నారు. ఈ ఏడాది ఆయా వాగుల నుంచి పెద్దగా వరద ప్రవాహం ఏమీ రాలేదు. దీంతో వానాకాలం పంటల సాగుకే ఇబ్బంది తలెత్తగా, యాసంగిలో సాగుపై రైతులు ఆశలు వదులుకుంటున్నారు. సగటున 2.67 మీటర్ల లోతుకు నీరు.. ఎల్‌నినో ప్రభావంతో ఈ ఏడాది జిల్లాలో ఆశించిన స్థాయిలో వర్షాలు కురవలేదు. పెద్దగా వరద నీరు రాకపోవడంతో చిన్నచిన్న చెరువులు సైతం నిండలేదు. దీంతో గత ఏడాదితో పోలిస్తే ఈ ఏడాది జిల్లాలోని చిట్యాల మినహా అన్ని మండలాల్లో భూగర్భ జలాలు అడుగంటిపోయాయి. 2025 సెప్టెంబర్‌ నెలలో జిల్లావ్యాప్తంగా సరాసరిగా 7.11 మీటర్ల లోతులో భూగర్భ జలాలు ఉండగా ఈ నెలలో 9.78 మీటర్ల లోతులో.. 2.67 మీటర్లకు తగ్గాయి. కాటారం మండలంలో అత్యధికంగా 26.21 మీటర్ల లోతుకు పడిపోగా, తరువాత స్థానంలో మల్హర్‌, మహదేవపూర్‌, మహాముత్తారం మండలాలు ఉన్నాయి. సాగు జరిగేనా.. జిల్లాలో వానాకాలం సీజన్‌లో 1.12 లక్షల ఎకరాల్లో రైతులు వివిధ పంటలు సాగుచేస్తుండగా, యాసంగిలో సుమారు 98వేల ఎకరాల్లో ప్రతీఏటా సాగు జరుగుతుంది. యాసంగిలో ప్రధానంగా వరి, మొక్కజొన్న, చిరుధాన్యాలతో పాటు కూరగాయలు సాగు చేస్తుంటారు. ఈసారి భూగర్భ జలాలు అడుగంటిపోవడంతో బోర్లతో సైతం సాగు చేయలేని పరిస్థితి నెలకొంది. దీంతో ఊహించని రీతిలో సాగు తగ్గే అవకాశాలు కనిపిస్తున్నాయి. పై ఫొటోలో కనిపిస్తున్నది కాకతీయులు నిర్మించిన గణపసముద్రం. ఈ రిజర్వాయర్‌ నీటి సామర్థ్యం 31 అడుగులు. వర్షాభావ పరిస్థితుల కారణంగా ఈ రిజర్వాయర్‌లోకి పెద్దగా వరద నీరు చేరలేదు. దీంతో రామప్ప చెరువు నుంచి గ్రావిటీ కెనాల్‌ ద్వారా గణపసముద్రానికి నీటిని తరలిస్తున్నారు. ప్రస్తుతం 20.8 అడుగుల నీటిమట్టం ఉంది. ఆ నీటిని మిషన్‌ భగీరథ పథకం ద్వారా భూపాలపల్లి నియోజకవర్గంలోని ఏడు మండలాలకు తాగునీరు అందిస్తున్నారు. దీంతో మరో రెండు, మూడు నెలల్లో గణపసముద్రం సైతం అడుగంటిపోనుంది. ప్రతీ ఏటా ఈ రిజర్వాయర్‌పై ఆధారపడి యాసంగిలో అధికారికంగా సుమారు 3,150, అనధికారికంగా మరో మూడు వేల ఎకరాల సాగు జరిగేది. ఎల్‌నినో ప్రభావం కారణంగా వర్షాలు సమృద్ధిగా కురవకపోవడంతో నీటి ఎద్దడి కారణంగా తాగునీటికే ప్రాధాన్యత ఇవ్వాల్సిన పరిస్థితి నెలకొంది. దీంతో యాసంగికి సాగునీరు అందే అవకాశాలు కనిపించడం లేదు. మండలం 2025 ప్రస్తుతం (సెప్టెంబర్‌) భూపాలపల్లి 7.48 11 చిట్యాల 4.33 2.49 గణపురం 3.17 6.77 కొత్తపల్లిగోరి 3.00 4.50 కాటారం 17.36 26.21 మహదేవపూర్‌ 10.06 13.26 మహాముత్తారం 0.91 3.05 మల్హర్‌ 14.51 16.53 మొగుళ్లపల్లి 3.66 4.67 పలిమెల 6.63 9.27 రేగొండ 2.87 4.05 టేకుమట్ల 3.91 4.85 జిల్లా సరాసరి 7.11 9.78 కాటారంలో 26.21 మీటర్ల లోతులో జలం జలాశయాల్లోనూ అంతంత మాత్రంగానే నీరు మునుపెన్నడూ లేని రీతిలో పడిపోనున్న సాగు

● ఉపాధ్యాయ ఎమ్మెల్సీ పింగిలి శ్రీపాల్‌రెడ్డిభూపాలపల్లి అర్బన్‌: 50శాతం ఫిట్‌మెంట్‌తో పీఆర్‌సీ, ఉద్యోగ, ఉపాధ్యాయుల న్యాయమైన హక్కుల సాధన, సంక్షేమం కోసం పీఆర్‌టీయూటీఎస్‌ నిరంతరం పోరాడుతోందని ఉపాధ్యాయ ఎమ్మెల్సీ పింగిలి శ్రీపాల్‌రెడ్డి అన్నారు. 50 శాతం ఫిట్‌మెంట్‌తో నూతన పీఆర్‌సీ సాధించడమే సంఘం ప్రధాన లక్ష్యమని తెలిపారు. భూపాలపల్లిలోని సింగరేణి కమిటీ హాల్‌లో జిల్లా అధ్యక్షుడు రేగూరి సుభాకర్‌రెడ్డి అధ్యక్షతన సోమవారం నిర్వహించిన పీఆర్‌టీయూటీఎస్‌ జిల్లా సర్వసభ్య సమావేశానికి ఆయన ముఖ్యఅతిథిగా హాజరై మాట్లాడారు. పెరుగుతున్న ధరలు, జీవన వ్యయానికి అనుగుణంగా ఉద్యోగ, ఉపాధ్యాయుల వేతనాలను సవరించాల్సిన అవసరం ఉందన్నారు. వెంటనే 50శాతం ఫిట్‌మెంట్‌తో పీఆర్‌సీ ప్రకటించాలని ప్రభుత్వాన్ని డిమాండ్‌ చేశారు. ఉద్యోగ, ఉపాధ్యాయులకు హెల్త్‌కార్డులు అందించి కార్పొరేట్‌, ప్రైవేట్‌ ఆస్పత్రుల్లో మెరుగైన వైద్యం అందేలా చర్యలు తీసుకోవాలని కోరారు. సంఘం రాష్ట్ర అధ్యక్షుడు పులగం దామోదర్‌రెడ్డి మాట్లాడుతూ.. ఉపాధ్యాయుల సమస్యల పరిష్కారానికి ప్రభుత్వంపై ఒత్తిడి తెస్తామన్నారు. రాష్ట్ర ప్రధాన కార్యదర్శి సుంకరి భిక్షం గౌడ్‌ మాట్లాడుతూ.. పెండింగ్‌ డీఏలు, ఉద్యోగుల బిల్లులను వెంటనే చెల్లించాలని డిమాండ్‌ చేశారు. కేజీబీవీ సీఆర్‌టీల 29 రోజుల సమ్మె కాలం వేతనాలు, మోడల్‌ స్కూల్‌ ఉపాధ్యాయులకు 010 పద్దు ద్వారా వేతనాలు, ట్రైబల్‌ వెల్ఫేర్‌, ఎంజేపీ గురుకులాల సమస్యల పరిష్కారానికి కృషి చేస్తామని తెలిపారు. నూతన కార్యవర్గం ఎన్నిక సమావేశంలో జిల్లా నూతన కార్యవర్గాన్ని ఏకగ్రీవంగా ఎన్నుకున్నారు. జిల్లా అధ్యక్షుడిగా రేగూరి సుభాకర్‌రెడ్డి, ప్రధాన కార్యదర్శిగా కుసునపు కిరణ్‌కుమార్‌ ఎన్నికయ్యారు. ఎన్నికల అధికారులు ముసుకు తిరుపతిరెడ్డి, లక్ష్మినారాయణ ఆధ్వర్యంలో నూతన కార్యవర్గంతో ప్రమాణ స్వీకారం చేయి ంచారు. ఈ సమావేశంలో ఉమ్మడి జిల్లాలోని వివిధ జిల్లాల అధ్యక్ష ప్రధాన కార్యదర్శులు ఇదినూరి రవీందర్‌రెడ్డి, నకిరెడ్డి మహేందర్‌, ఫలిత శ్రీహరి, ఎడ్ల ఉపేందర్‌, కొల్లు మహిపాల్‌రెడ్డి, రాంబాబు, మిరియాల సతీశ్‌రెడ్డి, ఏమి యాకూబ్‌రెడ్డి, కోకిల శ్రీరంగం, మాజీ బాధ్యులు మండల రవీందర్‌రెడ్డి, దేవులపల్లి సత్యనారాయణ, విజయభాస్కర్‌లతో పాటుగా రాష్ట్ర, జిల్లా, మండల శాఖల బాధ్యులు, నూతన కార్యవర్గ సభ్యులు పాల్గొన్నారు.

భూపాలపల్లి అర్బన్‌: దేశీయంగా ఆయిల్‌పామ్‌ సాగు విస్తరిస్తున్న ప్రస్తుత పరిస్థితుల్లో స్థానిక రైతులకు కేంద్ర ప్రభుత్వం షాక్‌ ఇచ్చింది. విదేశాల నుంచి వచ్చే ముడి పామాయిల్‌ దిగుమతులపై సుంకాలు 16నుంచి 11శాతానికి కుదిస్తూ నిర్ణయం తీసుకుంది. ఐదు శాతం సుంకాల కోత నిర్ణయం అమల్లోకి రావడంతో క్షేత్రస్థాయిలో తోటలు సాగుచేస్తున్న రైతుల్లో ఆందోళన వ్యక్తమవుతోంది. జిల్లాలో 3,649.57 ఎకరాల్లో 1,229 మంది రైతులు ఆయిల్‌ పామ్‌ సాగు చేస్తున్నారు. పెరుగుతున్న సాగు.. జిల్లావ్యాప్తంగా ఆయిల్‌పామ్‌ సాగువైపు రైతులు మొగ్గు చూపుతున్నారు. అధికారులు సైతం గ్రామాల్లోని రైతులకు ఆయిల్‌పామ్‌ వైపు మళ్లాలని సూచిస్తున్నారు. దీంతో ఇప్పటివరకు 1,229మంది రైతులు 3,649.57 ఎకరాల్లో ఆయిల్‌పామ్‌ తోటలు సాగుచేశారు. ప్రస్తుతం కొంతమంది రైతులు ఇటీవలే గెలలను మద్దతు ధరకు విక్రయించారు. లాభాలు కనిపించడంతో మరింత మంది రైతులు ఆయిల్‌పామ్‌ సాగు చేయడానికి మొగ్గు చూపుతున్నారు. ఈ క్రమంలో కేంద్రం సుంకాలు తగ్గించడంతో గెలల ధరలు పడిపోయే అవకాశం ఉంది. ఇప్పటికే సాగుచేస్తున్న రైతులు సాగు ఖర్చులు విపరీతంగా పెరిగిపోయిన ప్రస్తుత తరుణంలో గెలల ధరలు మరింత తగ్గితే తీవ్రంగా నష్టపోతామని వాపోతున్నారు. ఈ సుంకాల తగ్గింపు నిర్ణయాన్ని కేంద్రం వెంటనే ఉపసంహరించుకోవాలని, పాత సుంకాలను పునరుద్ధరించి గెలలకు గ్యారెంటీ మద్దతు ధర కల్పించాలని రైతాంగం డిమాండ్‌ చేస్తోంది. పడిపోనున్న గెలల ధరలు.. విదేశాల నుంచి పామాయిల్‌ ముడిచమురు తక్కువ సుంకంతో దేశంలోకి ప్రవేశిస్తే, స్థానిక మార్కెట్‌లో తాజా ఆయిల్‌పామ్‌ గెలలకు డిమాండ్‌ పడిపోనుంది. ప్రస్తుతం ధర మాత్రం ఆల్‌టైం రికార్డుగా ఉంది. గెల టన్నుకు రూ.24,025 ధర పలుకుతోంది. గత నెల 24 నుంచి సుంకాలు తగ్గించడంతో ఆయిల్‌ కంపెనీలు ప్రస్తుతం గెలలను రైతుల వద్ద నుంచి తీసుకోవడం లేదన్న విమర్శలు వస్తున్నాయి. దిగుమతి సుంకం తగ్గడంతో ప్రాసెసింగ్‌ కంపెనీలు దేశీయ రైతుల వద్ద కొనుగోలు చేసే గెలల ధరలను గణనీయంగా తగ్గించే అవకాశాలు కనిపిస్తున్నాయి. ఆ ప్రతికూల ప్రభావం ఈ నెలలో గెలల కొనుగోలు ధరలపై తీవ్రంగా పడనుంది. దిగుమతిపై సుంకం 16నుంచి 11శాతానికి తగ్గింపు విదేశీ ముడి పామాయిల్‌ వచ్చే అవకాశం గెలల ధరలపై ప్రభావం జిల్లాలో 3,649.57 ఎకరాల్లో సాగు రైతుల్లో ఆందోళనసంప్రదాయ పంటల్లో నష్టాలు వస్తున్నాయని అధికారుల మాట విని ఆయిల్‌ పామ్‌ సాగు మొదలు పెట్టాను. డ్రిప్‌, ఎరువులతో ఇప్పటికే భారీగా ఖర్చయింది. పంట చేతికొచ్చే సమయంలో కేంద్రం దిగుమతి సుంకాన్ని తగ్గించడం మమ్మల్ని కోలుకోలేని దెబ్బ తీసింది. మార్కెట్‌ ఒడిదుడుకులతో సంబంధం లేకుండా గెలలకు కనీస మద్దతు ధరను చట్టబద్ధం చేయాలి. ధరను స్థిరంగా ఉంచాలి. – పుల్లూరి శ్రీధర్‌, పామాయిల్‌ రైతు, చిట్యాల

సాక్షి ప్రతినిధి, వరంగల్‌: కడుపులోని బిడ్డ బయటికి రావాలంటే కోత తప్పడం లేదు. గర్భిణులకు ఒకప్పుడు సుఖ ప్రసవం (నార్మల్‌ డెలివరీ) జరిగేది. కానీ, నేడు సహజ ప్రసవాల స్థానంలో సిజేరియన్‌ సంఖ్య గణనీయంగా పెరిగింది. ఉమ్మడి వరంగల్‌లోని పలు జిల్లాల్లో ప్రతీ పది ప్రసవాల్లో ఏడుకు పైగా సిజేరియన్లే నమోదవుతున్నాయి. ముఖ్యంగా ప్రైవేట్‌ ఆస్పత్రుల్లో ఈ వాటా ఏకంగా 80శాతం దాటగా, వరంగల్‌ 89.6, జనగామ 89.5 శాతంతో సెంచరీ మార్కుకు చేరువగా ఉన్నాయి. మిగిలిన నాలుగు జిల్లాల్లోనూ ఈ వాటా 80 శాతానికి పైగానే ఉంది. నేషనల్‌ ఫ్యామిలీ హెల్త్‌ సర్వే–6 (2023–24) గణాంకాలు ఈ విషయాన్ని వెల్లడిస్తున్నాయి. నాలుగు జిల్లాల్లో 70 శాతం పైనే!.. సీ–సెక్షన్ల (సిజేరియన్లు) వాటా ఉమ్మడి వరంగల్‌ నాలుగు జిల్లాల్లో 70 శాతాన్ని దాటింది. హనుమకొండ జిల్లా 74.1 శాతంతో ముందంజలో ఉండగా.. జయశంకర్‌ భూపాలపల్లి 70.4 శాతం, జనగామ 70.2 శాతం, మహబూబాబాద్‌ 70.1 శాతం నమోదయ్యాయి. ప్రైవేట్‌ ఆస్పత్రుల్లో పరిస్థితి మరింత ఆందోళనకరంగా కనిపిస్తోంది. ఉమ్మడి వరంగల్‌లోని ప్రైవేట్‌ ఆస్పత్రుల్లో సిజేరియన్ల వాటా 80 శాతాన్ని దాటింది. జనగామ, వరంగల్‌ జిల్లాల్లో ఈ వాటా దాదాపు 90 శాతానికి చేరువైంది. జనగామలో 89.5 శాతం, వరంగల్‌లో 89.6 శాతం నమోదైంది. మహబూబాబాద్‌లో 87.5 శాతం, హనుమకొండలో 82.7 శాతం, భూపాలపల్లిలో 82.6 శాతం, ములుగులో 81.9 శాతం ఉన్నాయి. అంటే ప్రైవేట్‌ ఆస్పత్రుల్లో జరిగే ప్రతీ పది ప్రసవాల్లో ఎనిమిదికి పైగా సీ–సెక్షన్లే జరుగుతున్న పరిస్థితి కనిపిస్తోంది. కాగా ప్రభుత్వ ఆస్పత్రుల్లో సహజ ప్రసవాల వాటా ప్రైవేట్‌తో పోలిస్తే ఎక్కువగా ఉన్నప్పటికీ.. సీ–సెక్షన్ల శాతం మాత్రం గణనీయంగానే ఉంది. ప్రభుత్వ ఆస్పత్రుల్లోనూ కొన్ని జిల్లాల్లో ప్రతీ పది ప్రసవాల్లో ఆరు వరకు సిజేరియన్లు నమోదవుతున్నాయి. ప్రసవాలన్నీ దవాఖానాల్లోనే.. హనుమకొండలో ఆస్పత్రి ప్రసవాలు 100 శాతం నమోదయ్యాయి. అంటే ప్రసవాల కోసం ఆస్పత్రులను ఆశ్రయించే పరిస్థితి పూర్తిగా ఏర్పడినప్పటికీ.. అదే సమయంలో సిజేరియన్ల వాటా 74.1 శాతానికి చేరడం ప్రత్యేకంగా దృష్టి సారించాల్సిన అంశంగా మారింది. ఆస్పత్రి ప్రసవాల పెరుగుదల తల్లి, శిశువుల భద్రతకు అనుకూలమైన పరిణామమే. గర్భిణులకు ప్రసవానికి ముందునుంచే సుఖ ప్రసవం, సిజేరియన్‌ అవసరం అయ్యే పరిస్థితులు, ప్రసవ సమయంలో తీసుకోవాల్సిన జాగ్రత్తలపై స్పష్టమైన అవగాహన కల్పించాల్సిన అవసరం ఉందన్న అభిప్రాయం సర్వత్రా వ్యక్తమవుతోంది.ఉమ్మడి జిల్లాలో ప్రతీ పది ప్రసవాల్లో ఏడూ సీ–సెక్షన్లే సహ ప్రసవాల (నార్మల్‌ డెలివరీ)కు ససేమిరా.. ప్రసవాలన్నీ ఆస్పత్రుల్లోనే.. అయినా పెరుగుతున్న ఆపరేషన్ల వాటా.. ప్రైవేట్‌ ఆస్పత్రుల్లో 80శాతానికి పైనే.. ప్రభుత్వ దవాఖానాల్లో 40–64 శాతం నేషనల్‌ ఫ్యామిలీ హెల్త్‌ సర్వే–6 (2023–24) గణాంకాలు వెల్లడి

● సింగరేణి కార్మిక సంఘాల జేఏసీ నాయకులుభూపాలపల్లి అర్బన్‌: సింగరేణి ఆస్తులు, కార్మిక సంఘాల కార్యాలయాల రక్షణ బాధ్యత యాజమాన్యానిదేనని, నిర్లక్ష్యం చేస్తే నిరవధిక నిరాహార దీక్ష చేపట్టేందుకు సిద్ధంగా ఉన్నామని సింగరేణి కార్మిక సంఘాల జేఏసీ నాయకులు అన్నారు. పట్టణంలో రోడ్డు విస్తరణ పనుల్లో సింగరేణి కార్యాలయాలను కూల్చేయొద్దని సోమవారం జేఏసీ ఆధ్వర్యంలో కలెక్టరేట్‌లో, గనులు, వర్క్‌షాపుల్లో గని మేనేజర్లకు వినతిపత్రం అందజేశారు. ఈ సందర్భంగా నాయకులు మాట్లాడుతూ సింగరేణి సంస్థ, ఆస్తులు, కార్మికుల హక్కులు, కార్మిక సంఘాల కార్యాలయాల పరిరక్షణ కోసం పోరాటాన్ని కొనసాగిస్తామన్నారు. ఆందోళనలకు దారితీసే పరిస్థితులు ఏర్పడితే అందుకు యాజమాన్యమే బాధ్యత వహించాల్సి ఉంటుందన్నారు. కార్మికుల హక్కులు, ప్రయోజనాల కోసం సంఘాలు ఐక్యంగా, శాంతియుత ప్రజాస్వామ్య పద్ధతుల్లో పోరాటం కొనసాగిస్తాయని తెలిపారు. ఆయా గనుల్లో నాయకులు వెలబోయిన సుజేందర్‌, రాసాకట్ల నర్సింగరావు, అప్పాని శ్రీనివాస్‌, కామెర గట్టయ్య, పండ్రాల మల్లేష్‌, బసనపల్లి కుమారస్వామి, రేణుకుంట్ల మల్లయ్య, కాడారి శంకర్‌, బడితల సుదర్శన్‌, మా లోత్‌ ప్రేమ్‌సింగ్‌, పోగుల శ్రీనివాస్‌ పాల్గొన్నారు.

భూపాలపల్లి: జిల్లాలోని అన్ని ప్రభుత్వ శాఖల అధికారులు, సిబ్బంది ఇకపై మీ ప్రమాణం యాప్‌ ద్వారానే హాజరు నమోదు చేయాలని కలెక్టర్‌ రాహుల్‌శర్మ ఆదేశించారు. మీ ప్రమాణం హాజరు యాప్‌ వినియోగంపై సోమవారం ఐడీఓసీ సమావేశపు హాలులో జిల్లా అధికారులతో నిర్వహించిన సమీక్షలో కలెక్టర్‌ మాట్లాడారు. ఈ విధానాన్ని వచ్చే వారం నుంచి తప్పనిసరిగా అమలు చేయాలన్నారు. ప్రభుత్వ సేవల్లో పారదర్శకత, సమయపాలన, జవాబుదారీతనం పెంచే లక్ష్యంతో ఈ హాజరు విధానాన్ని అమలు చేస్తున్నట్లు తెలిపారు. జిల్లా స్థాయి నుంచి క్షేత్రస్థాయి వరకు పని చేస్తున్న ప్రతి అధికారి, ఉద్యోగి యాప్‌లో హాజరు నమోదు చేయాల్సి ఉంటుందన్నారు. యాప్‌ వినియోగం, హాజరు నమోదు ప్రక్రియపై ఈడీఎం శ్రీకాంత్‌ అధికారులకు అవగాహన కల్పించారని, సాంకేతిక సమస్యలు, సందేహాలు ఉంటే ఈడీఎంను సంప్రదించాలని కలెక్టర్‌ సూచించారు. ఈ సమావేశంలో అదనపు కలెక్టర్‌ అశోక్‌కుమార్‌, డీఆర్వో వసంతకుమారి, ఆర్డీఓ హరికృష్ణ, శిక్షణ డిప్యూటీ కలెక్టర్‌ నవీన్‌రెడ్డి, ఈడీఎం శ్రీకాంత్‌, వివిధ శాఖల జిల్లా అధికారులు పాల్గొన్నారు. కార్మికుల పక్షపాతి వెంకటస్వామి.. కార్మికులు, పేదల సంక్షేమానికి మాజీ కేంద్ర మంత్రి జి.వెంకటస్వామి చేసిన సేవలు చిరస్మరణీయమని కలెక్టర్‌ రాహుల్‌ శర్మ అన్నారు. ఐడీఓసీ కార్యాలయంలో యువజన సర్వీసులు, క్రీడల శాఖ ఆధ్వర్యంలో నిర్వహించిన వెంకటస్వామి జయంతి వేడుకల్లో కలెక్టర్‌ పాల్గొని ఆయన చిత్రపటానికి పూలమాల వేసి నివాళులర్పించారు. ఈ సందర్భంగా కలెక్టర్‌ మాట్లాడుతూ.. రాజనీతిజ్ఞుడిగా, ప్రజా నాయకుడిగా ఆయన దేశానికి అందించిన సేవలు ఆదర్శనీయమన్నారు. అర్జీలను పరిష్కరించాలి.. ప్రజావాణి అర్జీల పరిష్కారానికి చర్యలు తీసుకోవాలని కలెక్టర్‌ రాహుల్‌ శర్మ అధికారులను ఆదేశించారు. ఐడీఓసీ కార్యాలయంలో నిర్వహించిన ప్రజావాణికి వచ్చిన 85మంది నుంచి దరఖాస్తులు స్వీకరించి పరిష్కారానికి చర్యలు తీసుకోవాలని ఆయా శాఖల అధికారులకు ఎండార్స్‌మెంట్‌ చేసినట్లు తెలిపారు. ప్రజావాణి అర్జీల పరిష్కారంలో జాప్యం చేయొద్దని, పరిష్కారానికి తీసుకున్న చర్యల వివరాలను ప్రజావాణి పోర్టల్‌లో నమోదు చేయాలని అధికారులను ఆదేశించారు. కలెక్టర్‌ రాహుల్‌ శర్మ

మల్హర్‌ (కాటారం): ప్రభుత్వ పాఠశాలల్లో చదువుకునే విద్యార్థులకు సకల సౌకర్యాలు కల్పించి, ప్రభుత్వ విద్యను బలోపేతం చేసే దిశగా రాష్ట్ర ప్రభుత్వం ముందుకు సాగుతోందని కాటారం వ్యవసాయ మార్కెట్‌ కమిటీ చైర్‌పర్సన్‌ పంతకాని తిరుమల అన్నారు. రాష్ట్ర ప్రభుత్వం ప్రతిష్టాత్మకంగా చేపట్టిన ‘సీఎం బ్రేక్‌ ఫాస్ట్‌’ పథకాన్ని సోమవారం మండలంలోని ప్రభుత్వ పాఠశాలలు, మోడల్‌ స్కూళ్లలో చైర్‌పర్సన్‌, సర్పంచులు, కాంగ్రెస్‌ నాయకులు ప్రారంభించారు. గంగారం మోడల్‌ స్కూల్‌లో అల్పాహార కార్యక్రమాన్ని ప్రారంభించిన అనంతరం ఏఎంసీ చైర్‌పర్సన్‌ మాట్లాడారు. రాష్ట్రంలో కాంగ్రెస్‌ ప్రభుత్వం అధికారంలోకి వచ్చినప్పటి నుంచి ప్రభుత్వ పాఠశాలల బలోపేతానికి అనేక చర్యలు చేపడుతోందన్నారు. విద్యార్థులకు పౌష్టికమైన అల్పాహారం అందించడం ద్వారా వారి ఆరోగ్యం, ఏకాగ్రత మెరుగుపడటంతో పాటు పాఠశాల హాజరు శాతం, విద్యా ప్రగతి పెరుగుతుందని తెలిపారు. ఈ కార్యక్రమంలో ఆయా పాఠశాలల ప్రధానోపాధ్యాయులు, ఉపాధ్యాయులు, విద్యార్థులు పాల్గొన్నారు. సబ్‌స్టేషన్‌కు సౌరవిద్యుత్‌ అనుసంధానం చిట్యాల: మండలకేంద్రంలోని 33/11కేవీ సబ్‌స్టేషన్‌కు రెండు మెగావాట్ల సౌర విద్యుత్‌ ప్లాంట్‌ నుంచి అనుసంధానం చేసినట్లు భూపాలపల్లి సర్కిల్‌ సూపరింటెండింగ్‌ ఇంజనీర్‌ నాగెల్లి సదానందం పేర్కొన్నారు. సోమవారం చిట్యాల సబ్‌స్టేషన్‌ను సందర్శించి పరిశీలించారు. అనంతరం ఆయన మాట్లాడుతూ పీఎం కుసుమ్‌ ఏ పథకం ద్వారా పునరుత్పాదక విద్యుత్‌ ఉత్పత్తికి మరో ముందడుగు వేసినట్లు తెలిపారు. ఈ మేరకు సౌర విద్యుత్‌ ఉత్పత్తి ద్వారా స్థానికంగా విద్యుత్‌ అవసరాలను తీర్చుకోవడంతో పాటు పునరుత్పాదక ఇంధన వినియోగాన్ని పెంపొందించేందుకు ఈ ప్రాజెక్ట్‌ దోహదపడుతుందని అన్నారు. ఈ పథకం మూలంగా సౌర విద్యుత్‌ ఉత్పత్తి సామర్ధ్యాన్ని మరింతగా పెంచుతూ, పర్యావరణహితమైన, స్థిరమైన విద్యుత్‌ ఉత్పత్తికి టీజీఎన్‌పీడీసీఎల్‌ ప్రాధాన్యత ఇస్తుందని తెలిపారు. ఈ కార్యక్రమంలో డీఈ జగదీశ్‌, ఏడీఈ పి.సుందర్‌కుమార్‌, ఏఈ చంద్రశేఖర్‌, విద్యుత్‌ సిబ్బంది పాల్గొన్నారు. లాభాల వాటా వెంటనే చెల్లించాలి భూపాలపల్లి అర్బన్‌: సింగరేణి కార్మికులకు రావాల్సిన లాభాల వాటాను తేల్చి 40శాతం వెంటనే చెల్లించాలని ఏఐటీయూసీ బ్రాంచ్‌ కమిటీ నాయకులు డిమాండ్‌ చేశారు. సింగరేణికి ప్రభుత్వం చెల్లించాల్సిన రూ.59వేల కోట్ల బకాయిలను కూడా వెంటనే విడుదల చేయాలని కోరారు. ఈ మేరకు ఏరియాలోని వివిధ గనుల్లో కార్మికుల సమస్యలను పరిష్కరించాలని కోరుతూ ఏఐటీయూసీ ఆధ్వర్యంలో గని మేనేజర్లకు సోమవారం మెమోరాండాలు అందజేశారు. ఈ కార్యక్రమంలో శ్రీనివాస్‌, రవికుమార్‌, సదానందం, నరేష్‌, రాజారాం, ఆసిఫ్‌పాషా, మల్లికార్జున్‌, దోర్నాల తిరుపతి, నల్ల సత్తి, జే.రాజు, ప్రవీణ్‌, పి.శ్రీనివాస్‌, గణేష్‌, తోడే రాజన్న, ఎస్‌.కృష్ణమూర్తి, నూకల చంద్రమౌళి, ఎల్‌.శంకర్‌, జగత్‌రావు పాల్గొన్నారు. పోలీసు ఉద్యోగాల కోసం ఉచిత శిక్షణ భూపాలపల్లి రూరల్‌: జిల్లాకు చెందిన గిరిజన యువతీ, యువకులకు పోలీసు ఉద్యోగాల కోసం ఉచిత శిక్షణ అందించనున్నట్లు ఏటూరునాగారం ఐటీడీఏ ప్రాజెక్టు అధికారి లెనిన్‌ వత్సల్‌ టోప్పో సోమవారం ఒక ప్రకటనలో పేర్కొన్నారు. గిరిజన సంక్షేమ శాఖ ఆధ్వర్యంలో పోలీసు కానిస్టేబుల్‌, సబ్‌ఇన్‌స్పెక్టర్‌ ఉద్యోగాల సాధనకు ఎంపికయ్యేలా శిక్షణ ఇవ్వనున్నట్లు తెలిపారు. అభ్యర్థులకు ఉచిత భోజనం, వసతి సదుపాయాలు కల్పిస్తామని,అర్హత కలిగిన గిరిజన యువత కుల, ఆదాయ ధ్రువీకరణ పత్రాలు, ఆధార్‌, స్టడీ సర్టిఫికెట్లు, పోలీసు ఉద్యోగానికి దరఖాస్తు చేసిన పత్రం ప్రతితో దరఖాస్తు చేసుకోవాలని సూచించారు. అభ్యర్థులు పోలీసు రిక్రూట్‌మెంట్‌ నిబంధనలకు అనుగుణంగా ఉండాలని, ఆసక్తి, అర్హత ఉన్న వారు అక్టోబర్‌ 9న సాయంత్రం 5 గంటల్లోగా ఏటూరునాగారం ఐటీడీఏ కార్యాలయంలో దరఖాస్తులు సమర్పించాలని సూచించారు.

● ఎస్పీ సిరిశెట్టి సంకీర్త్‌ భూపాలపల్లి: పోలీసు అధికారులు, సిబ్బంది విధి నిర్వహణతో పాటు క్రీడల్లోనూ రాణించి జిల్లాకు పేరు తీసుకురావాలని ఎస్పీ సిరిశెట్టి సంకీర్త్‌ సూచించారు. తెలంగాణ పోలీస్‌ అకాడమీ, హైదరాబాద్‌లో సెప్టెంబర్‌ 27 నుంచి 30 వరకు నిర్వహించిన 5వ తెలంగాణ పోలీస్‌ స్పోర్ట్స్‌ మీట్‌లో భూపాలపల్లి జిల్లా హెడ్‌క్వార్టర్స్‌లో విధులు నిర్వహిస్తున్న ఏఆర్‌ మహిళా కానిస్టేబుళ్లు అఖిల, చరిష్మా ప్రతిభ కనబరిచారు. టేబుల్‌ టెన్నీస్‌ డబుల్స్‌ విభాగంలో రెండు రజత పతకాలు సాధించారు. ఈ సందర్భంగా పతకాలు సాధించిన అఖిల, చరిష్మాలను జిల్లా పోలీసు కార్యాలయంలో ఎస్పీ సోమవారం అభినందించారు. విధి నిర్వహణతో పాటు శారీరక దారుఢ్యం, క్రీడా నైపుణ్యాలను పెంపొందించుకోవాలని సిబ్బందికి సూచించారు. ఈ కార్యక్రమంలో అడిషనల్‌ ఎస్పీ నరేష్‌కుమార్‌, ఆర్‌ఐ కాశీరాం పాల్గొన్నారు. తక్షణ పరిష్కారమే లక్ష్యం.. ప్రజల సమస్యల తక్షణ పరిష్కారమే లక్ష్యంగా ప్రజాదివస్‌ కార్యక్రమాన్ని నిర్వహిస్తున్నట్లు ఎస్పీ సిరిశెట్టి సంకీర్త్‌ వెల్లడించారు. జిల్లా పోలీసు ప్రధాన కార్యాలయంలో సోమవారం నిర్వహించిన ప్రజాదివస్‌ కార్యక్రమంలో జిల్లాలోని వివిధ ప్రాంతాల నుంచి వచ్చిన 18మంది నుంచి ఎస్పీ నేరుగా ఫిర్యాదులు స్వీకరించారు. వాటి పరిష్కారానికి తక్షణ చర్యలు చేపట్టాలని సంబంధిత అధికారులను ఆదేశించారు.

వరంగల్‌ములుగుమహబూబాబాద్‌మల్హర్‌(కాటారం): మండలకేంద్రంలోని బాలాజీ ప్రైవేట్‌ హాస్పిటల్‌ను జిల్లా వైద్యాధికారులు సోమవారం తనిఖీ చేశారు. జిల్లా వైద్య ఆరోగ్యశాఖ అధికారి డాక్టర్‌ మధుసూదన్‌ ఆదేశాల మేరకు డిప్యూటీ సివిల్‌ సర్జన్లు డాక్టర్‌ దేవేందర్‌ (పీఓ ఎన్‌సీడీ), డాక్టర్‌ శ్రీదేవి (పీఓ ఎంహెచ్‌ఎన్‌) హాస్పిటల్‌ను సందర్శించారు. జాదరావుపేట గ్రామానికి చెందిన వ్యక్తి ఛాతి నొప్పితో ఆస్పత్రికి వచ్చి చికిత్స పొందుతూ పరిస్థితి విషమించడంతో జిల్లాకేంద్రానికి తరలిస్తుండగా మృతిచెందినట్లు వార్తలు వచ్చిన నేపథ్యంలో అధికారులు విచారణ చేపట్టారు. హాస్పిటల్‌ రికార్డులు, కేస్‌ షీట్‌, అందించిన చికిత్స వివరాలు, సిబ్బంది వివరాలను క్షుణ్ణంగా పరిశీలించారు. యాజమాన్యం నుంచి వివరణ తీసుకున్నారు. అనంతరం వారు మాట్లాడుతూ.. ప్రైవేట్‌ హాస్పిటల్స్‌ తప్పనిసరిగా క్లినికల్‌ ఎస్టాబ్లిష్మెంట్‌ యాక్ట్‌ నిబంధనలు పాటించాలని, అత్యవసర సమయంలో రోగులకు ప్రాథమిక చికిత్స అందించి అవసరమైతే సకాలంలో ఉన్నత ఆస్పత్రికి రెఫర్‌ చేయాలని సూచించారు. రోగులపట్ల నిర్లక్ష్యం వహించరాదని, రికార్డులను సక్రమంగా నిర్వహించాలని ఆదేశించారు. విచారణ నివేదిక ఆధారంగా తదుపరి చర్యలు తీసుకుంటామని చెప్పారు. ఈ కార్యక్రమంలో స్థానిక వైద్యాధికారి డాక్టర్‌ మౌనిక, సీహెచ్‌ఓ నిర్మల, వైద్యసిబ్బంది పాల్గొన్నారు. రికార్డులు పరిశీలించిన వైద్యాధికారులు

సాక్షిప్రతినిధి, వరంగల్‌: యునెస్కో గుర్తింపు పొందిన రామప్ప దేవాలయం, చారిత్రక రామప్ప చెరువుకు సింగరేణి ప్రతిపాదిత ఓపెన్‌కాస్ట్‌ బొగ్గుగనితో పొంచిఉన్న ముప్పుపై పౌరులు, పౌరస్పందన వేదికలు ఆందోళన వ్యక్తం చేస్తున్నాయి. ‘మైనింగ్‌ ఆపండి, రామప్పను కాపాడండి’ నినాదంతో ప్రజా ఉద్యమాలకు శ్రీకారం చుడుతున్నాయి. ఓపెన్‌కాస్ట్‌ బొగ్గుగని వల్ల ముప్పు పొంచి ఉందని, ఆ ప్రాజెక్టును ఉపసంహరించుకోవాలని కేంద్రమంత్రి జి.కిషన్‌రెడ్డిని కలిసి కాకతీయ హెరిటేజ్‌ ట్రస్ట్‌ (కేహెచ్‌టీ) వినతిపత్రం సమర్పించింది. ఈ మేరకు ట్రస్టీ ప్రొఫెసర్‌ ఎం.పాండురంగారావు, వరంగల్‌ నగర మాజీ మేయర్‌ టి.రాజేశ్వర్‌రావు, మండల పరశురాములు తదితరులు ఆదివారం ఒక ప్రకటనలో వివరాలు వెల్లడించారు. 3 టీఎంసీల చెరువుపై ప్రభావం? ములుగు జిల్లా వెంకటాపూర్‌ గ్రామం వద్ద సింగరేణి ప్రతిపాదించిన పీవీ నరసింహారావు ఓపెన్‌కాస్ట్‌ మైన్‌ రామప్ప చెరువు, దేవాలయానికి దిగువ వైపున సుమారు 5 కిలోమీటర్ల దూరంలో ఉందని వినతిపత్రంలో పేర్కొన్నారు. గనిని సుమారు 300 మీటర్ల లోతు వరకు తవ్వే ప్రతిపాదన ఉందని తెలి పారు. పీవీఎన్‌ఆర్‌ ఓపెన్‌కాస్ట్‌ ప్రాజెక్టు రామప్పకు సుమారు 5 కిలోమీటర్ల దూరంలో ఉందని పేర్కొ న్న తాజా అధ్యయనాలు కూడా కేంద్ర మంత్రి దృష్టికి తీసుకెళ్లారు. 3 టీఎంసీల నీటిని నిల్వచేసి దా దాపు 30 వేల ఎకరాలకు సాగునీరు అందించే రా మప్ప చెరువుకు ముప్పు పొంచి ఉందనని తెలిపా రు. చెరువు కింద భాగంలో 300 మీటర్ల లోతైన గని తవ్వితే భూగర్భజలాల ప్రవాహంలో మార్పులు, లీకేజీ వేగం పెరిగే అవకాశం ఉందని, దీనిపై జీఎస్‌ఐ నివేదికలోని పరిశీలనలను ఉటంకించిందని కేహెచ్‌టీ బాధ్యులు కేంద్రం దృష్టికి తీసుకెళ్లారు. బ్లాస్టింగ్‌ వల్ల రామప్ప ఆలయం ఇప్పటికే ఫ్లోర్‌ బీముల్లో పగుళ్లు, డిఫరెన్షియల్‌ సెటిల్‌మెంట్‌ వంటి సమస్యలను ఎదుర్కొంటోందని పేర్కొంది. అధికార యంత్రాంగం నో అన్నా.. పీవీఎన్‌ఆర్‌ ఓపెన్‌కాస్ట్‌ ప్రాజెక్టు ఇంకా ప్రతిపాదిత దశలోనే ఉంది. 2021లో కేంద్ర పర్యావరణ మంత్రిత్వ శాఖకు చెందిన నిపుణుల కమిటీ ప్రాజెక్టుకు టర్మ్స్‌ ఆఫ్‌ రిఫరెన్స్‌ (టీఓఆర్‌) మంజూరుకు సిఫారసు చేసింది. 2026 సెప్టెంబర్‌లో రామప్పపై ప్రభావాన్ని అంచనా వేసేందుకు శాసీ్త్రయ, పర్యావరణ అధ్యయనాలు పూర్తయ్యే వరకు ముందుకు వెళ్లరాదనే అభిప్రాయాన్ని ములుగు జిల్లా యంత్రాంగం వ్యక్తం చేసింది. ఇటీవల పాలంపేట ప్రత్యేక అభివృద్ధి సంస్థ సమావేశంలో కూడా ప్రాజెక్టు ప్రభావంపై సమగ్ర పరిశీలన, శాసీ్త్రయ అధ్యయనాల అవసరాన్ని చర్చించారు. నో అబ్జెక్షన్‌ సర్టిఫికెట్‌ (ఎన్‌ఓసీ)పై తుది నిర్ణయం అన్ని అంశాలను పరిశీలించిన తర్వాతే తీసుకుంటామని కలెక్టర్‌ స్పష్టం చేసినట్లు నివేదికలు వెల్లడించినా సింగరేణి ముందుకు సాగడంపై కేహెచ్‌టీ ఆధ్వర్యంలో కేంద్రమంత్రికి ఫిర్యాదు చేయడం చర్చనీయాంశం అవుతోంది. కేంద్ర మంత్రి కిషన్‌రెడ్డికి కేహెచ్‌టీ వినతిపత్రం ‘రామప్ప’ పరిరక్షణకు ప్రజా ఉద్యమం 5 కిలోమీటర్ల దూరంలో 300 మీటర్ల లోతైన ఓపెన్‌కాస్ట్‌ చెరువుపై ‘హైడ్రాలిక్‌ గ్రేడియంట్‌’ ప్రభావంపై ఆందోళన

హైదరాబాద్‌ మర్రి చెన్నారెడ్డి మానవ వనరుల అభివృద్ధి కేంద్రంలో శిక్షణ పొందుతున్న 150మంది గ్రూప్‌–2 అధికారుల బృందం ఆదివారం రేగొండ మండలంలోని పాండవుల గుట్టలను సందర్శించింది. ఈ సందర్భంగా పాండవులు అరణ్యవాసం చేసిన సమయంలో వేసిన పెయింటింగ్‌ను పరిశీలించారు. అనంతరం వారంతా ట్రెక్కింగ్‌ చేసి ప్రకృతి అందాలను, ప్రాచీన రాతిచిత్రాలను ఆసక్తిగా తిలకించారు. చారిత్రక సంపదను పరిరక్షిస్తూ భావితరాలకు అందించాలని కోరారు. – రేగొండఫారెస్ట్‌లో 10 కి.మీ ట్రెక్కింగ్‌ వన్యప్రాణి వారోత్సవాల్లో భాగంగా అటవీ శాఖ ఆధ్వర్యంలో మహదేవపూర్‌ టు కాటారం అటవీప్రాంతంలో బీరసాగర్‌ బీట్‌ పరిధిలోని మహదేవపూర్‌ రిజర్వ్‌ ఫారెస్ట్‌లో 10 కిలోమీటర్ల ట్రెక్కింగ్‌ ఆదివారం నిర్వహించారు. ట్రెక్కింగ్‌ సందర్భంగా అటవీ ప్రాంతంలో వన్యప్రాణుల వేటకు ఉపయోగించే ఉచ్చులు, కుంటలు, విద్యుత్‌ తీగలు తదితరాలను ఎఫ్‌ఆర్‌ఓ బృందం తనిఖీ చేసింది. అటవీ, వన్యప్రాణుల సంరక్షణపై సిబ్బందికి పలు సూచనలు చేశారు. ఎఫ్‌ఆర్‌ఓ రవికుమార్‌తో పాటు రేంజ్‌ సిబ్బంది, బేస్‌ క్యాంప్‌ సిబ్బంది పాల్గొన్నారు. – కాళేశ్వరం

భూపాలపల్లి అర్బన్‌: ఈ నెల 9న జరగనున్న ఆర్టీసీ కార్మికుల గుర్తింపు సంఘం ఎన్నికల్లో ఎంప్లాయీస్‌ యూనియన్‌ (ఈయూ) కూటమికి మద్దతు ఇవ్వాలని ఏఐటీయూసీ రాష్ట్ర కార్యదర్శి కొరిమి రాజ్‌కుమార్‌ కార్మికులను కోరారు. ఆదివారం భూపాలపల్లి ఆర్టీసీ డిపోలో కార్మికులను కలిసి ఆయన ప్రచారం నిర్వహించారు. ఈ సందర్భంగా రాజ్‌కుమార్‌ మాట్లాడుతూ.. ఆర్టీసీని ప్రభుత్వంలో విలీనం చేయడం తమ ప్రధాన లక్ష్యమన్నారు. డ్రైవర్లు, కండక్టర్లకు భద్రత, సంక్షేమం కల్పించడంతోపాటు పెండింగ్‌ బకాయిల సాధనకు కృషి చేస్తామని తెలిపారు. 2025 వేతన సవరణను పే స్కేల్‌గా మార్చడం, గ్యారేజీ హక్కులు సాధించడం, వర్క్‌షాప్‌ కార్మికులకు పని గంటల రేటు విడుదల చేయించడం, మహిళా కండక్టర్లకు పిల్లల సంరక్షణ కోసం సెలవులు కల్పించడం తమ ప్రధాన డిమాండ్లన్నారు. ఈ కార్యక్రమంలో ఏఐటీయూసీ జిల్లా అధ్యక్షుడు మోటపలుకుల రమేశ్‌, కార్యదర్శి క్యాతరాజు సతీష్‌, నాయకులు జి.సుధాకర్‌రెడ్డి, సీపీఐ పట్టణ కార్యదర్శి ప్రవీణ్‌, కౌన్సిలర్‌ వేముల జ్యోతి శ్రీకాంత్‌, నాయకులు నూకల చంద్రమౌళి, జోసెఫ్‌, కేటీపీపీ రీజినల్‌ కమిటీ నాయకులు కోలా శ్యామ్‌,కిరణ్‌ పాల్గొన్నారు. సింగరేణి ఆస్తులు ధ్వంసంచేస్తే ఊరుకోంభూపాలపల్లి అర్బన్‌: రోడ్డు విస్తరణ పేరుతో సింగరేణి సంస్థకు చెందిన ఆస్తులను ధ్వంసం చేస్తే ఊరుకునేది లేదని సింగరేణి కార్మిక సంఘాల జేఏసీ నాయకులు బడితల సమ్మయ్య, అప్పాని శ్రీనివాస్‌ హెచ్చరించారు. ఆదివారం జిల్లాకేంద్రంలోని సుభాష్‌ కాలనీ వైపు వెళ్లే మార్గంలో రోడ్డు విస్తరణ పనుల్లో భాగంగా చిరు వ్యాపారుల దుకాణాలతో పాటు సింగరేణి కమ్యూనిటీ హాల్‌, కార్మిక సంఘాల కార్యాలయాల ప్రహరీలను కూల్చే ప్రయత్నాన్ని కార్మికులు అడ్డుకున్నారు. దీంతో మున్సిపల్‌ అధికారులు, కార్మికుల మధ్య వాగ్వాదం జరిగింది. ఈ సందర్భంగా జేఏసీ నాయకులు మాట్లాడుతూ.. అభివృద్ధి పేరుతో చిరు వ్యాపారులను రోడ్డున పడేసే చర్యలను అడ్డుకోవాలని డిమాండ్‌ చేశారు. నోటీసులు ఇవ్వకుండా సింగరేణి ఆస్తులను కూల్చేయడం సరికాదన్నారు. కూల్చివేసిన ఆస్తులను తిరిగి నిర్మించాలని డిమాండ్‌ చేశారు. చర్యలు నిలిపివేయకపోతే ఉద్యమాన్ని మరింత ఉధృతం చేస్తామని హెచ్చరించారు. ఆందోళనలో భాసనపల్లి కుమారస్వామి, కాగితపు సురేష్‌, లక్ష్మణ్‌, సుజేందర్‌ పాల్గొన్నారు. మేడారంలో మొక్కుల సందడిఎస్‌ఎస్‌తాడ్వాయి: మేడారం సమ్మక్క– సారలమ్మలను దర్శించుకునేందుకు భక్తులు ఆదివారం వేలసంఖ్యలో తరలివచ్చారు. రెండు తెలుగు రాష్ట్రాలతో పాటు ఛత్తీస్‌గఢ్‌, మహారాష్ట్ర ప్రాంతాల నుంచి భక్తులు మేడారానికి ప్రైవేట్‌ వాహనాల్లో తరలివచ్చారు. జంపన్నవాగులో పుణ్యస్నానాలు ఆచరించి అమ్మవార్ల గద్దెల వద్ద పసుపు, కుంకుమ, చీరసారె, కానుకలు, ఎత్తు బంగారం, ఒడిబియ్యం, సమర్పించారు. సంతానం కలగాలని మహిళలు రావి చెట్టు వద్ద ముడుపులు కట్టారు.

భూపాలపల్లి అర్బన్‌: జిల్లా క్రీడాకారుల్లో దాగి ఉన్న ప్రతిభను వెలికితీసి రాష్ట్ర, జాతీయ స్థాయిలో రాణించేలా ప్రోత్సహించడమే అథ్లెటిక్స్‌ అసోసియేషన్‌ లక్ష్యమని అసోసియేషన్‌ అధ్యక్షుడు పంతకాని సమ్మయ్య అన్నారు. జిల్లా అథ్లెటిక్స్‌ అసోసియేషన్‌ ఆధ్వర్యంలో ఆదివారం సింగరేణి అంబేడ్కర్‌ స్టేడియంలో జిల్లా స్థాయి అథ్లెటిక్స్‌ ఎంపిక పోటీలు నిర్వహించారు. జిల్లా నలుమూలల నుంచి సుమారు 350మంది బాలబాలికలు అండర్‌–14, అండర్‌–16 విభాగాల్లో పాల్గొన్నారు. అండర్‌–14లో ట్రయాథ్లాన్‌–ఏ, బీ, సీ విభాగాలతో పాటు పరుగు, లాంగ్‌జంప్‌, షాట్‌పుట్‌, జావెలిన్‌త్రో పోటీలు నిర్వహించారు. అండర్‌–16లో లాంగ్‌జంప్‌, షాట్‌పుట్‌, జావెలిన్‌త్రోలో పోటీలు నిర్వహించి ప్రతిభ కనబరిచిన వారిని రాష్ట్ర, జాతీయస్థాయి పోటీలకు ఎంపిక చేశారు. కాంగ్రెస్‌ జిల్లా అధ్యక్షుడు బట్టు కరుణాకర్‌ హాజరై క్రీడాకారులను అభినందించారు. ఈ కార్యక్రమంలో అసోసియేషన్‌ ప్రధాన కార్యదర్శి పూతల సమ్మయ్య, ఉపాధ్యక్షులు జాగరి అజయ్‌, పర్స శ్రీనివాస్‌, ఆర్గనైజింగ్‌ సెక్రటరీ కె.సారంగపాణి, ట్రెజరర్‌ సూదం సాంబమూర్తి, కార్యవర్గ సభ్యులు పాల్గొన్నారు. జిల్లా అథ్లెటిక్స్‌ ఎంపిక పోటీలు

భూపాలపల్లి: పేదల కడుపు నింపేందుకు ప్రభుత్వం సరఫరా చేస్తున్న రేషన్‌ (పీడీఎస్‌) బియ్యం ఏళ్ల తరబడి పక్కదారి పడుతోంది. అధికారుల తనిఖీలు, పోలీసులు, పౌరసరఫరాల అధికారులు కేసుల నమోదు నిత్యం కొనసాగుతున్నప్పటికీ దందా మాత్రం ఆగడం లేదు. ఒకరు పట్టుబడితే మ రొకరు తెరపైకి వస్తూ ఈ దందాను మూడు పువ్వులు, ఆరు కాయలుగా విస్తరిస్తున్నారు. తక్కువ సమయంలోనే అధిక లాభాలు వస్తుండటంతో అక్రమార్కులు సరికొత్త మార్గాల్లో సరిహద్దులు దాటిస్తూ కోట్ల రూపాయలు కొల్లగొడుతున్నారు. తాజాగా శనివారం జిల్లాలో వెలుగుచూసిన పీడీఎస్‌ బియ్యం కుంభకోణం దందా ఏ స్థాయిలో జరుగుతుందో కళ్లకు కట్టినట్లుగా కనిపించింది. భూపాలపల్లి పట్టణంలోని సీఆర్‌ నగర్‌కు చెందిన మోటం శ్రీనివాస్‌ అనే వ్యక్తికి మహారాష్ట్ర సిరొంచకు చెందిన రైస్‌మిల్లు యజమాని వీరయ్య సేటుతో మూడేళ్లుగా పరిచయం ఉంది. ఈ క్రమంలో వీరయ్యతో శ్రీనివాస్‌ తగు ఒప్పందం కుదర్చుకొని, మండలాల వారీగా ఏజెంట్లను ఏర్పాటు చేసుకొని, వారితో రేషన్‌ బియ్యం సేకరణ చేపట్టేవాడు. పెద్ద మొత్తంలో బియ్యం సమకూర్చుకున్నాక డీసీఎం వ్యాన్‌, ట్రాలీల్లో వీరయ్య సేటు మిల్లుకు పంపించేవాడు. విషయం తెలుసుకున్న పోలీసులు పూర్తి ఆధారాలతో శ్రీనివాస్‌ను అరెస్ట్‌ చేసి, అతనికి ఏజెంట్లుగా వ్యవహరించిన వారిపై సైతం కేసు నమోదు చేశారు. రేషన్‌ బియ్యం దందా చేస్తున్న పలువురు డాన్‌లు స్థానిక పోలీసు, పౌరసరఫరాలు, రెవెన్యూ అధికారులకు నెలవారి మామూళ్లు అందిస్తున్నట్లు సమాచారం. మామూళ్లు తీసుకుంటున్న అధికారులు.. సదరు డాన్‌లకు పూర్తిస్థాయిలో సహకరిస్తున్న విషయం, రేషన్‌ బియ్యం దందా గురించి ఇటీవల ఎస్పీ సిరిశెట్టి సంకీర్త్‌కు ఫిర్యాదులు అందినట్లు సమాచారం. దీంతో ఆయన పూర్తి స్థాయిలో విచారణ చేపట్టిన ఈ దందాపై ఉక్కుపాదం మోపినట్లు తెలుస్తోంది. జిల్లాలో ఈ తరహా దందా కొత్తదేమీ కాదు. గతంలో కూడా ప్రతీ మండలానికి ఒక దళారి ఉండి రేషన్‌ బియ్యాన్ని సేకరించి ఇతర ప్రాంతాలకు పంపేవారు. పోలీసులు నిఘా పెట్టి కొందరిని అరెస్టు చేసినా, ఆ స్థానంలోకి కొత్త వ్యక్తులు వస్తూనే ఉన్నారు. పాత నేరస్తులు జైలు నుంచి రాగానే లేదా వారి వెనుక ఉన్న కొత్త అనుచరులు మళ్లీ ఇదే దందాను ప్రారంభిస్తున్నారు. తక్కువ పెట్టుబడితో ఎక్కువ లాభాలు రావడం, లబ్ధిదారులు కూడా బియ్యాన్ని అమ్ముకోవడానికి సిద్ధపడటంతో దళారుల పని సులువవుతోంది. కొంతమంది కాసులకు కక్కుర్తి పడుతున్నా, మరికొందరు మచ్చలేని వివిధ శాఖల అధికారులు రేషన్‌ బియ్యం అక్రమ రవాణాకు సంబంధించి ఎప్పటికప్పుడు దాడులు చేసి కేసులు నమోదు చేస్తున్నారు. అయినప్పటికీ ఈ దందాను మూలాల నుంచి నిర్మూలించలేకపోతున్నారు. సరిహద్దు చెక్‌పోస్టుల వద్ద నిఘా పెంచడంతో పాటు, రేషన్‌ బియ్యం అమ్ముకునే కార్డుదారులపై కూడా కఠిన చర్యలు తీసుకుంటే తప్ప ఈ అక్రమ రవాణాకు అడ్డుకట్ట పడే అవకాశం కనిపించడం లేదు. అధికారులు కేవలం ఏజెంట్లపైనే కాకుండా, బియ్యం కొనుగోలు చేస్తున్న రైస్‌మిల్లు యజమానులు, వెనక ఉండి నడిపిస్తున్న పెద్ద తిమింగలాలపై ఉక్కుపాదం మోపాల్సిన అవసరం ఎంతైనా ఉంది. నిందితులు పట్టుబడుతున్నా మారని తీరు కొత్త నీరులా తెరపైకి దళారులు యథేచ్ఛగా రీ సైక్లింగ్‌

సాక్షిప్రతినిధి, వరంగల్‌: ‘హిమం’ అంటే చలి.. మంచు.. కశ్మీర్‌ గుర్తొస్తుంది. ‘సాగరం’ అంటే సముద్రం.. కన్యాకుమారి గుర్తుకొస్తుంది. ఈ రెండు భిన్న భౌగోళిక ప్రపంచాలను ఒకే రైలు పట్టాలపై కలిపితే అదే హిమసాగర్‌ ఎక్స్‌ప్రెస్‌. దేశంలోని ఒక చివర నుంచి మరో చివర వరకు ప్రజలను తీసుకెళ్తున్న ఈ సుదూర రైలు 1984 అక్టోబర్‌ 3న తన ప్రయాణాన్ని ప్రారంభించింది. అప్పట్లో జమ్ముతావి–కన్యాకుమారి మధ్య నడిచిన ఈ రైలు.. ఆ తర్వాత దేశంలోనే అత్యంత దూరం నడిచే రైళ్లలో ఒకటిగా నిలిచింది. 2015లో జమ్ముతావి బదులు శ్రీమాతా వైష్ణోదేవి కాట్రా వరకు పొడిగించారు. ఇప్పుడు ఈ రైలుకు 42 ఏళ్లు. ఉత్తరం నుంచి దక్షిణం వరకు ప్రయాణికులను మోస్తున్న ఈ రైలు ప్రస్తుతం భారత రైల్వేలో మూడో అత్యంత సుదూర రైలు సర్వీసుగా కొనసాగుతోంది. సుమారు 3,790 కి.మీ. దూరాన్ని దాదాపు 70 గంటల ప్రయాణంలో కవర్‌ చేస్తోంది. వరంగల్‌కు ప్రత్యేకమైన అనుబంధం హిమసాగర్‌ ప్రయాణంలో ఉమ్మడి వరంగల్‌కు ప్రత్యేక స్థానం ఉంది. ఈ రైలు తెలంగాణలో రామగుండం, వరంగల్‌, ఖమ్మం స్టేషన్లలో మాత్రమే ఆగుతుంది. వరంగల్‌లో ఒక నిమిషం, ఖమ్మంలో మరో నిమిషం మాత్రమే ఆగుతుంది. రైలు వరంగల్‌ స్టేషన్‌కు చేరుకునే సమయం సుమారు 16:09 గంటలు కాగా.. 16:10కే బయలుదేరుతుంది. అంటే ప్రయాణికుడు రైలు ఎక్కడానికి, దిగడానికి కూడా గడియారం కన్నా వేగంగా నిర్ణయం తీసుకోవాల్సిందే అన్నమాట. కాగా, హిమసాగర్‌ ఎక్స్‌ప్రెస్‌కు కాజీపేటలో స్టాప్‌ లేదు. ‘కశ్మీర్‌ నుంచి కన్యాకుమారి వరకు కనెక్టివిటీ ఉంది. కాజీపేట నుంచి హిమసాగర్‌కు మాత్రం కనెక్షన్‌ లేదు’ అంటూ రైల్వే ప్రయాణికులు సరదాగా వ్యాఖ్యానించే పరిస్థితి. 12 రాష్ట్రాల మీదుగా.. హిమసాగర్‌ ఎక్స్‌ప్రెస్‌ దేశ భౌగోళిక వైవిధ్యానికి ఒక కదిలే అద్దం. జమ్మూకశ్మీర్‌ నుంచి ప్రారంభమై పంజాబ్‌, హరియాణా, ఢిల్లీ, ఉత్తరప్రదేశ్‌, రాజస్థాన్‌, మధ్యప్రదేశ్‌, మహారాష్ట్ర, తెలంగాణ, ఆంధ్రప్రదేశ్‌, కేరళ, తమిళనాడు మీదుగా ప్రయాణిస్తుంది. 12 రాష్ట్రాల మీదుగా సాగుతున్న ఈ సుదూర ప్రయాణం భారతదేశ భిన్నత్వంలో ఏకత్వానికి ప్రతీకగా నిలుస్తోంది. ఒకే రైలులో ప్రయాణిస్తే.. ఉత్తర భారత వాతావరణం నుంచి దక్షిణ భారత తీరప్రాంత వాతావరణం వరకు మార్పును ప్రత్యక్షంగా చూడొచ్చు. ఆధ్యాత్మిక పర్యటనకూ ప్రత్యేకంగా ఉపయోగపడుతుంది. కాట్రాలోని శ్రీమాతా వైష్ణోదేవి నుంచి ప్రారంభమైన ప్రయాణం.. మార్గమధ్యంలో తిరుపతి వంటి పుణ్యక్షేత్రాలను కలుపుతూ చివరికి కన్యాకుమారి వరకు తీసుకెళ్తుంది. అప్పట్లో ‘లాంగెస్ట్‌’.. ఇప్పుడు మూడో స్థానం హిమసాగర్‌ ఎక్స్‌ప్రెస్‌ దేశంలోనే అత్యంత దూరం నడిచే రైలు ప్రయాణాల్లో అగ్రస్థానంలో ఉండేది. 2011లో దిబ్రూగఢ్‌–కన్యాకుమారి వివేక్‌ ఎక్స్‌ప్రెస్‌ రావడంతో ఆ రికార్డు మారింది. ప్రస్తుతం వివేక్‌ ఎక్స్‌ప్రెస్‌, అరొనై సూపర్‌ఫాస్ట్‌ ఎక్స్‌ప్రెస్‌ల తర్వాత హిమసాగర్‌ మూడో స్థానంలో ఉంది. దేశాన్ని కలపడానికి రైల్వే పట్టాలు వేసిన కాలంలో పుట్టిన ఈ రైలు.. నాలుగు దశాబ్దాల తర్వాత కూడా ‘హిమం నుంచి సాగరం వరకు.. భారతదేశం ఒక్కటే’ అనే భావనకు కదిలే చిహ్నంగా నిలుస్తోంది. వరంగల్‌ మీదుగా హిమసాగర్‌ ఎక్స్‌ప్రెస్‌ 42 ఏళ్ల ప్రయాణం కశ్మీర్‌ కొండల నుంచి కన్యాకుమారి సముద్రతీరం వరకు.. 3,790 కిలోమీటర్ల దూరం.. 70 గంటల సుదీర్ఘ జర్నీ

ఉద్యోగుల హాజరుకు ‘మీ ప్రమాణం’ యాప్‌ భూపాలపల్లి అర్బన్‌: జిల్లాలో వివిధ ప్రభుత్వశాఖలలో విధులు నిర్వహిస్తున్న ఉద్యోగుల హాజరు, సమయపాలన విషయంలో జిల్లా యంత్రాంగం ఇక కఠిన వైఖరి అవలంభించనుంది. విధులకు ఆలస్యంగా రావడం, సమాచారం లేకుండా గైర్హాజరు కావడం వంటి వాటికి చెక్‌ పెట్టేందుకు ఈ నెల రెండో వారం నుంచి జిల్లాలోని అన్ని ప్రభుత్వ శాఖల్లో మీ ప్రమాణం యాప్‌ ద్వారా ఉద్యోగుల హాజరు నమోదు తప్పనిసరి చేయనున్నారు. కలెక్టర్‌ రాహుల్‌శర్మ ఆదేశాల మేరకు అధికారులు ఆదేశాలు జారీచేశారు. జిల్లాలో 40కి పైగా డిపార్ట్‌మెంట్‌లలో ఐదు వేలకు పైగా ఉద్యోగులు పనిచేస్తున్నారు. ఆలస్యానికి అడ్డుకట్ట ఉద్యోగుల హాజరు విషయంలో నిర్లక్ష్యానికి తావులేకుండా సాంకేతికతను అస్త్రంగా మార్చుతున్నారు. జిల్లా స్థాయి నుంచి క్షేత్రస్థాయి వరకు పనిచేసే అధికారులు, సిబ్బంది ప్రతి ఒక్కరూ యాప్‌ ద్వారా తమ హాజరును నమోదు చేయాల్సి ఉంటుంది. విధులకు సకాలంలో హాజరు కావడం, కార్యాలయ సమయాలను పాటించడం తప్పనిసరి కానుంది. మినహాయింపు మాటే లేదు మీ ప్రమాణం యాప్‌ ద్వారానే హాజరు నమోదు చేయాలని ఇటీవల అవగాహన కార్యక్రమం ఏర్పాటు చేశారు. మినహాయింపులు ఉండవని స్పష్టం చేయడంతో అధికారులు, సిబ్బందిలో హాజరు విషయంలో అప్రమత్తత తప్పనిసరి కానుంది. అన్ని శాఖల ఉన్నతాధికారులు తమ పరిధిలోని సిబ్బంది యాప్‌లో నమోదు ప్రక్రియను పూర్తి చేసేలా బాధ్యత తీసుకోవాలని ఆదేశించారు. ముందు అవగాహన.. ఆ తర్వాత కఠిన అమలు యాప్‌ వినియోగంపై ఈడీఎం ఆధ్వర్యంలో ఇప్పటికే రెండు రోజుల పాటు అవగాహన కల్పించారు. సాంకేతిక కారణాలు లేదా యాప్‌పై అవగాహన లేకపోవడాన్ని కారణంగా చూపకుండా ముందుగానే సిబ్బందికి శిక్షణ, అవగాహన కల్పించాలని సంబంధిత అధికారులకు సూచించారు. ప్రభుత్వ సేవలు ప్రజలకు మరింత చేరువ కావాలంటే ఉద్యోగుల సమయపాలన, విధి నిర్వహణలో క్రమశిక్షణ కీలకం. ఈ నేపథ్యంలో మీ ప్రమాణం యాప్‌ అమలు ప్రభుత్వ కార్యాలయాల్లో హాజరు వ్యవస్థను మరింత కట్టుదిట్టం చేయనుంది. కాంట్రాక్ట్‌, అవుట్‌ సోర్సింగ్‌ ఉద్యోగులకు.. కాంట్రాక్ట్‌, అవుట్‌ సోర్సింగ్‌ ఉద్యోగులకు కూడా ఈ యాప్‌ను వినియోగంలోకి తీసుకువచ్చే అవకాశం ఉంది. దీని ఆధారంగానే ప్రతీ నెల వేతనాలు చెల్లించనున్నారు. పూర్తిస్థాయిలో అమలు తరువాత ఫలితాలను బట్టి అమలు చేయనున్నారు. ఇప్పటివరకు ప్రభుత్వ శాఖలు వేర్వేరు యాప్‌ల ద్వారా ఉద్యోగుల హాజరు నమోదు చేస్తున్నారు. సాధారణ హాజరు విధానాలకు స్వస్తి పలుకుతూ యాప్‌ ఆధారిత హాజరు విధానాన్ని అమల్లోకి తీసుకురానున్నారు. ఒకే డ్యాష్‌ బోర్డ్‌లో సమీకరించి ఉద్యోగుల హాజరు, విధుల నిర్వహణ, పనితీరును పారదర్శకంగా పర్యవేక్షించే అవకాశం ఏర్పడనుంది. కార్యాలయానికి వచ్చామా.. రాలేదా అన్న విషయంపై స్పష్టత ఉండేలా రికార్డు నమోదవుతుంది. వినియోగంపై విడతల వారీగా శిక్షణ ఈ నెల రెండో వారం నుంచి తప్పనిసరి జిల్లాలో 5వేల మంది ఉద్యోగులు