Supreme court of India

ఉపాధ్యాయ అర్హత పరీక్ష (టీఈటీ– టెట్‌)కు సంబంధించి సుప్రీంకోర్టు తీర్పుపై దేశవ్యాప్తంగా లక్షలాది మంది ఉపాధ్యాయులు ఆందోళన చెందు తున్నారు. ఇది ఉపాధ్యాయుల వృత్తిపర మైన ప్రమాణాలను, బోధన నాణ్యతను ఎలా మెరుగుపరచాలనే అంశాలకు సంబంధించిన ఒక అంశం. 2009లో విద్యా హక్కు చట్టం (ఆర్టీఈ) సెక్షన్‌ 23 ఉపాధ్యాయులకు అవసరమైన కనీస అర్హతలను ప్రాధికార సంస్థ అయిన జాతీయ ఉపాధ్యాయ విద్యా మండలి (ఎన్‌సీటీఈ)ని నిర్దేశించాలని సూచించింది. దాని ప్రకారం 2010 ఆగస్టు 23న 1 నుంచి 8 తరగతి వరకు బోధించే ఉపాధ్యాయులకు టెట్‌ అర్హతఉండాలని ఎన్‌సీటీఈ నోటిఫికేషన్‌ జారీ చేసింది. అయితే నోటిఫి కేషన్‌కు ముందు నియమితులైన ఉపాధ్యాయులు కూడా ఈ అర్హతను పొందాలని నిర్దేశించడం సమస్యను సంక్లిష్టం చేసింది. వాళ్ళు ఉద్యోగంలో చేరిన సమయానికి లేని నిబంధనలను వారిపై రుద్దడం వివాదం పెరగడానికి కారణమైంది.2010 ఆగస్టు 23న జారీ చేసిన ఎన్‌సీటీఈ నోటిఫికేషన్ లోని పేరా 4, నోటిఫికేషన్ కు ముందు నియమితులైన కొన్ని నిర్దిష్ట వర్గాల ఉపాధ్యాయులు అందులో నిర్దేశించిన కనీస అర్హతలను పొందాల్సిన అవసరం లేదని పేర్కొంది. అలాగే పేరా 5 నియామకాలకు సంబంధించిన ప్రక్రియ ఎన్‌సీటీఈ నోటిఫికేషన్ కు ముందే ప్రారంభమై ఆ తర్వాత నియామకం జరిగిన వారికి కూడా రక్షణ కల్పించింది. అయితే, 2017 విద్యా హక్కు చట్ట సవరణ కూడా ఈ సమస్యను మరింత క్లిష్టతరం చేసింది. ఈ సవరణ, ఎన్‌సీటీఈ నోటిఫికేషన్ కు ముందే సర్వీస్‌లో ఉన్న ఉపాధ్యాయులు టెట్‌ అర్హతను పొందాలన్న నిబంధనకు మినహాయింపు ఇవ్వలేదు, అర్హతను పొందే సమ యాన్ని 2019 వరకు పొడిగించింది.దీనిపై ఉపాధ్యాయులు సుప్రీంకోర్ట్‌ను ఆశ్రయించారు. విద్యా హక్కు చట్టం ఆధారంగా ఉపాధ్యాయ విద్యా మండలి నోటిఫికేషన్ విడుదలయ్యింది. కాబట్టి ఉపాధ్యాయ విద్యా మండలి ఇచ్చిన మిన హాయింపు దానికి ఆధారమైన ప్రధాన చట్టమైన విద్యాహక్కు చట్టాన్ని అధిగమించలేదనీ, అందువలన ఉపాధ్యాయ విద్యామండలి నోటిఫికేషన్ కు ముందే సర్వీస్‌లో ఉన్న ఉపాధ్యాయులకు కూడా టెట్‌ తప్పనిసరి అర్హత అనీ సుప్రీంకోర్టు 2025 సెప్టెంబరులో తీర్పు ఇచ్చింది. 2026 మే 29న ఇచ్చిన సమీక్షా (రివ్యూ) తీర్పు కూడా దీనిని పునరుద్ఘాటించింది. కాకపోతే అర్హత పొందడానికి గడువును 2028 ఆగస్టు 31 వరకు పొడిగించింది.టెట్‌ ఉపాధ్యాయుల జ్ఞానం, బోధనా విధానాలపై వారి అవగాహనలోని కొన్ని అంశాలను అంచనా వేయగలదు. కాని ఒక పరీక్షలో ఉత్తీర్ణత సాధించడం ద్వారా మాత్రమే సమర్థవంతమైన బోధన సాధ్యం కాదు. విషయ పరిజ్ఞానం, బోధనా నిర్ణయాలు తీసు కునే సామర్థ్యం, పిల్లలతో సంబంధాలు, సహచర ఉపాధ్యాయు లతో సహకారం, నిరంతర అభ్యాసం వంటి అనేక అంశాలుఉంటాయి. కేవలం బహుళైచ్ఛిక ప్రశ్నల పరీక్ష ద్వారా ఈ అంశాలను పూర్తిగా అంచనా వేయడం సాధ్యం కాదు. ఉపాధ్యాయ విద్యాసంస్థలు చాలా కాలంగా అనేక సమస్యలను ఎదుర్కొంటు న్నాయి. తగినంతమంది అధ్యాపకులు లేకపోవడం, పాఠశాలల్లో ఆచరణా త్మక శిక్షణ బలహీనంగా ఉండటం, ఉపాధ్యాయ విద్య వాణిజ్యీకరణ వంటి సమస్యలు ఉన్నాయి. సమస్య వృత్తిపరమైన శిక్షణలో లోపం అయితే, దానికి పరిష్కారం కేవలం టెట్‌ లాంటి పరీక్షలే కాకూడదు. తమిళనాడు శాసన సభ తీర్మానంఈ నేపథ్యంలో 2026 ఆగస్టు 25న తమిళనాడు శాసనసభ ఏకగ్రీవంగా ఒక తీర్మానాన్ని ఆమోదించింది. 2010 ఆగస్టు 23కు ముందు నియమితులైన ఉపాధ్యాయులను టెట్‌ నుంచి మినహా యించాలని కేంద్ర ప్రభుత్వాన్ని ఈ తీర్మానం కోరింది. ఇందుకోసం విద్యా హక్కు చట్టంలో సవరణ చేయాలనీ, జాతీయ ఉపాధ్యాయ విద్యా మండలి తగిన చర్యలు తీసుకోవాలనీ కోరింది. ఒక అర్హత ఉండాలనే నిబంధన అమల్లోకి రాకముందే, చట్టబద్ధంగా నియమించబడిన ఉపాధ్యాయులపై కొత్త అర్హతను ఇప్పుడు విధించడం న్యాయమేనా? అనే ప్రశ్నను ఇది ముందుకు తెస్తోంది.తమిళనాడు నుంచి వచ్చిన డిమాండ్‌ సమస్య పరిష్కారానికి ఒక మార్గాన్ని సూచిస్తోంది. 2010 ఆగస్టు 23కు ముందు నియ మితులైన ఉపాధ్యాయులకు ప్రత్యేక రక్షణ కల్పించవచ్చు. అంటే, ఉద్యోగంలో కొనసాగడానికి వారి నియామక సమయంలో లేని అర్హతను ఇప్పుడు పొందాలనే నిబంధన ఉండకూడదు. దీనర్థం ఈ ఉపాధ్యాయులను జవాబుదారీతనం నుంచి పూర్తిగా మినహాయించడం కాదు. దీనికి బదులుగా వారి వృత్తిపరమైన అభివృద్ధికి మార్గదర్శకత్వం, నిరంతర శిక్షణ, సహచర ఉపాధ్యాయుల ద్వారా అభ్యాసం, ఇతర విధానాల ద్వారా మద్దతు ఇవ్వవచ్చు.ఇది వృత్తిపరమైన ప్రమాణాలకు వ్యతిరేకమైన వాదన కాదు. ప్రస్తుత సర్వీస్‌ నిబంధనలను వెనుకటి తేదీ నుంచి రుద్దకూడదన్న వాదన. అందువల్ల, శాశ్వత పరిష్కారం కోసం సంబంధిత చట్టపర మైన నిబంధనలను పార్లమెంట్‌ పునఃపరిశీలించవచ్చు. టెట్‌ లేక పోతే జవాబుదారీతనం ఉండదని భావించకూడదు. సమతుల్య విధానం అవసరంఉపాధ్యాయులకు తగిన వృత్తిపరమైన మద్దతు, మార్గదర్శ కత్వం లభిస్తున్నాయా అనే దానిపై దృష్టి పెట్టడం మెరుగైన వ్యవస్థ లక్షణం. టెట్‌ను కొనసాగించడంతో పాటు, ఉపాధ్యాయుల వృత్తి పరమైన ప్రమాణాలను కాపాడే ఇతర మార్గాలను కూడా అనుసరించవచ్చు. సమతుల్యమైన విధానంలో మూడు అంశాలు ఉండవచ్చు. మొదటిది, కొత్తగా ఉపాధ్యాయ వృత్తిలోకి వచ్చే వారికి టెట్‌ను భవిష్యత్తులో వర్తించే అర్హతగా కొనసాగించాలి. రెండవది, 2010 ఆగస్టు 23కు ముందు నియమితులైన ఉపాధ్యాయులకు చట్టపరంగా ప్రత్యేక రక్షణ కల్పించే నిబంధనను పరిగణించాలి. వారి సేవ కొనసాగింపును రక్షించడంతో పాటు, తగిన వృత్తిపరమైన జవాబుదారీతనాన్ని కొనసాగించాలి. మూడవది, ఉపాధ్యాయుల కోసం మార్గదర్శకత్వం, సహచరుల ద్వారా అభ్యాసం, తరగతి గది బోధనలో సహాయం, నిరంతర అభ్యాసం ఆధారంగా బలమైనవృత్తిపరమైన అభివృద్ధి వ్యవస్థను ఏర్పాటు చేయాలి.అందువల్ల, తమిళనాడు తీర్మానం దేశవ్యాప్తంగా విస్తృత చర్చకు ఒక అవకాశంగా నిలుస్తుంది. భారతదేశానికి సమర్థులైన, జవాబుదారీ ఉపాధ్యాయులు అవసరం. అయితే వృత్తిపరమైన సామర్థ్యం ఒక్కసారిగా ఏర్పడదు. అది శిక్షణ, అనుభవం, సహ కారం, విశ్వాసం, సంస్థాగత మద్దతు ద్వారా కాలక్రమంలోఅభివృద్ధి చెందుతుంది. ఒక పరీక్ష అర్హతను నిర్ధారించగలదు. కానీ అది ఒక్కటే వృత్తిపరమైన సామర్థ్యాన్ని పెంపొందించలేదు.టెట్‌: ఇది వృత్తిపరమైన ప్రమాణాలకు వ్యతిరేకమైన వాదన కాదు. ప్రస్తుత సర్వీస్‌ నిబంధనలనువెనుకటి తేదీ నుంచి రుద్దకూడదన్న వాదన.-వ్యాసకర్త లెక్చరర్, కాకతీయ ప్రభుత్వ కళాశాల, హన్మకొండ-ఎడమ శ్రీనివాస రెడ్డి

న్యూఢిల్లీ: ప్రధాన న్యాయమూర్తి జస్టిస్‌ సూర్యకాంత్‌ లక్ష్యంగా సోషల్‌ మీడియాలో పోస్టు పెట్టినందుకు సుప్రీంకోర్టు శుక్రవారం కేరళం కాంగ్రెస్‌ కార్యవర్గానికి ధిక్కార నోటీసు జారీ చేసింది. న్యాయవ్యవస్థ స్వతంత్రతను రాజకీయ అనుకూలతగా, సంస్థాగతమైన బలహీనతగా చూడరాదంటూ ఈ సందర్భంగా జస్టిస్‌ అరవింద్‌ కుమార్, జస్టిస్‌ విపుల్‌ ఎం పంచోలీల ధర్మాసనం వ్యాఖ్యానించింది. దేశ రాజ్యాంగమే అత్యున్నతమని, ఏ వ్యక్తి లేదా రాజకీయ సంస్థ అయినా ఆ తర్వాత స్థానంలోనే ఉంటాయని స్పష్టం చేసింది. అక్టోబర్‌ 12వ తేదీన కేరళం కాంగ్రెస్‌ విభాగం ఎక్స్‌ ఖాతాలో సీజేఐకి వ్యతిరేకంగా ఓ పోస్టు వచి్చంది. వివాదాస్పదంగా మారిన ఆ పోస్టును అనంతరం తొలగించారు. సంబంధిత వ్యక్తిని బాధ్యతల నుంచి తొలగిస్తున్నట్లు రాష్ట్ర కాంగ్రెస్‌ చీఫ్‌ వెల్లడించారు. అయితే, ఆ పోస్టుపై సీజేఐ తరఫున వినీత్‌ జిందాల్‌ అనే లాయర్‌ ఫిర్యాదు చేశారు. అక్టోబర్‌ 30వ తేదీన సుప్రీంలో రిట్‌ పిటిషన్‌ దాఖలైంది. శుక్రవారం విచారణ సందర్భంగా కేరళం ప్రదేశ్‌ కాంగ్రెస్‌ కమిటీ(కేపీసీసీ) తరఫున హాజరైన లాయర్‌.. ఆఫీస్‌ బేరర్స్‌కు తెలియకుండానే ఎక్స్‌లో ఆపోస్టు వచి్చందని వివరించారు. అప్పుడే దీనిపై బేషరతుగా క్షమాపణ చెప్పామన్నారు. అయితే, కాంగ్రెస్‌ విభాగం చర్యను ఎలాంటి ధిక్కారంగా భావించాలనేది త్వరలోనే నిర్ణయిస్తామని పేర్కొంటూ ధర్మాసనం విచారణను వాయిదా వేసింది.

సాక్షి, న్యూఢిల్లీ: ఇతర వెనుకబడిన తరగతుల (ఓబీసీ) క్రీమీలేయర్‌ నిర్ధారణ విషయంలో ఈ ఏడాది మార్చి 11న ఇచ్చిన తీర్పుపై సుప్రీంకోర్టు కీలక స్పష్టత ఇచ్చింది. ఆ తీర్పును పాత తేదీ నుంచి (రెట్రోస్పెక్టివ్‌గా) కాకుండా, ముందస్తుగానే (ప్రాస్పెక్టివ్‌గా) అమలు చేయా­లని వివరించింది. దీని ఆధారంగా గతంలో జరిగిన నియామకాలు, విద్యా సంస్థల్లో అడ్మిషన్లు, ఉద్యోగుల సీనియారిటీ, ప్రమోషన్ల ప్రక్రియను ఎట్టి పరిస్థితు­ల్లోనూ తిరిగి సమీక్షించబోమని స్పష్టం చేసింది. తీర్పు అమలుకు తగు చర్యలు చేపట్టేందుకు కేంద్ర ప్రభుత్వానికి మరో 8 వారాల గడువు ఇస్తున్నామంది. తీర్పు అమలు విధివిధానాలపై కేంద్ర ప్రభుత్వం దాఖలు చేసిన అఫిడవిట్‌పై శుక్రవారం విచారణ చేపట్టిన జస్టిస్‌ పీఎస్‌ నరసింహ, జస్టిస్‌ ఆర్‌.మహదేవన్‌ల ధర్మాసనం ఈ మేరకు తీర్పు వెలువరించింది.తల్లిదండ్రుల వేతనం, ఉద్యోగ హోదా కూడా..ఓబీసీ క్రీమీలేయర్‌ నిర్ధారణలో అభ్యర్థి తల్లిదండ్రుల వేతనంతోపాటు, వారు చేసే ఉద్యోగ హోదాను సైతం పరిగణనలోకి తీసుకోవాలని మార్చి 11న సుప్రీంకోర్టు తీర్పు వెలువరించింది. అయితే, ఈ తీర్పు అమలు విషయంలో తలెత్తుతున్న క్షేత్రస్థాయి ఇబ్బందులను వివరిస్తూ కేంద్ర ప్రభుత్వం సుప్రీంకోర్టును ఆశ్రయించింది. తీర్పును సమీక్షించాలని కోరడం లేదని, కానీ అమలు కాలవ్యవధిపై స్పష్టత ఇవ్వాలని కోరింది. దీనిపై విచారణ జరిపిన ధర్మాసనం.. తీర్పు కేవలం కోర్టు ముందున్న పక్షాలకు మాత్రమే వర్తిస్తుందని తెలిపింది. ఇప్పటికే పూర్తయిన ఎంపిక ప్రక్రియలు, సర్వీస్, క్యాడర్‌ కేటాయింపులు, సీనియారిటీలు నాటి నిబంధనల ప్రకారమే కొనసాగుతాయని స్పష్టం చేసింది. ప్రస్తుతం పెండింగ్‌లో ఉన్న కేసులను మాత్రం ఆయా కోర్టులు మెరిట్‌ ఆధారంగా పరిష్కరిస్తాయని వెల్లడించింది.కేంద్రం ఆందోళన.. కీలక గణాంకాలు..మార్చి 11వ తేదీనాటి తీర్పును పాత తేదీ నుంచి అమలు చేస్తే ఎదురయ్యే పరిణామాలను, కీలక గణాంకాలను వెల్లడిస్తూ కేంద్రం ‘2016– 2025 మధ్య కేంద్ర ప్రభుత్వ విభాగాలు, శాఖల పరిధిలో మొత్తం 5.69 లక్షల రిజర్వ్‌డ్‌ ఖాళీలను భర్తీ చేశారు. అందులో 3.70 లక్షల ఓబీసీ పోస్టులు ఉన్నాయి. 1993 ఆగస్టు 8వ తేదీ నాటి ఆఫీస్‌ మెమోరాండం, తదనంతర మార్గదర్శకాల ప్రకారమే ఈ నియామకాలు జరిగాయి. దీన్ని వెనకటి తేదీ నుంచి వర్తింపజేస్తే 2012 నుంచి జరిగిన యూపీఎస్సీ సివిల్‌ సర్వీసెస్‌ ఎగ్జామినేషన్స్‌ (సీఎస్‌ఈ) సర్వీసు కేటాయింపులను సైతం సమూలంగా సమీక్షించాల్సి వస్తుంది. ప్రస్తుతం 18 రాష్ట్రాలు, కేంద్ర పాలిత ప్రాంతాలు 1993 నాటి పాత విధానాన్నే అనుసరిస్తున్నాయి. ఉన్నత విద్యాసంస్థల్లో 2012 నుంచి లక్షలాది ఓబీసీ అడ్మిషన్లు జరిగాయి. పాత తేదీల నుంచి తీర్పును అమలు చేస్తే ప్రభుత్వ కార్యకలాపాలు స్తంభించిపోతాయి. అడ్మిషన్లలో సూపర్‌న్యూమరరీ సీట్లు లేనందున గందరగోళం తలెత్తుతుంది. సాంకేతిక సర్వీసులకు ఎంపికైన వారి ఫిజికల్, మెడికల్‌ ప్రమాణాలను ఇన్నేళ్ల తర్వాత మళ్లీ పరిశీలించడం సైతం సాధ్యం కాదు’అని తెలిపింది.958 మంది సివిల్స్‌ అభ్యర్థులకు ఊరటసివిల్‌ సర్వీసెస్‌ ఎగ్జామినేషన్‌–2025లో ఎంపికైన 958 మంది అభ్యర్థులకు సర్వీసుల కేటాయింపు కోసం కేంద్రం విడిగా దాఖలు చేసిన మధ్యంతర పిటిషన్‌కు సైతం సుప్రీంకోర్టు సానుకూలంగా స్పందించింది. 1993 నాటి మెమోరాండం ప్రకారమే వీరికి సర్వీసులు కేటాయించేందుకు అనుమతించింది. ఈ కేటాయింపులు ఆలస్యమైతే అభ్యర్థుల ఫౌండేషన్‌ కోర్సు, వార్షిక శిక్షణ వాయిదా పడే ప్రమాదం ఉందని కేంద్రం కోర్టుకు విన్నవించడంతో ఈ మేరకు వెసులుబాటు లభించింది.మార్చి 11 తీర్పులో ఏముందంటే...: కేంద్రం 1993లో జారీ చేసిన ఆఫీస్‌ మెమోరాండం (ఓఎం) ప్రకారం.. క్రీమీలేయర్‌ నిర్ధారణకు కేవలం వేతనాన్ని ప్రాతిపదికగా తీసుకోరాదని, ఆదాయ/సంపద పరీక్ష వర్తించే చోట వేతనం, వ్యవసాయ ఆదాయాలను మినహాయించాల్సి ఉంటుందని సుప్రీంకోర్టు మార్చి 11న స్పష్టం చేసింది. ప్రభుత్వ ఉద్యోగాలతో సమానమైన పోస్టుల గుర్తింపు జరగని ప్రభుత్వరంగ సంస్థలు (పీఎస్‌యూలు), బ్యాంకులు, వర్సిటీలు, ప్రైవేట్‌ సంస్థల ఉద్యోగుల పిల్లల విషయంలో తల్లిదండ్రుల వేతనాన్ని సైతం పరిగణనలోకి తీసుకుంటూ 2004 అక్టోబర్‌ 14న ఇచ్చిన వివరణను కోర్టు తప్పుబట్టింది. పీఎస్‌యూ, ప్రైవేట్‌ రంగ ఉద్యోగుల పిల్లల పట్ల వివక్ష చూపడం రాజ్యాంగంలోని ఆర్టికల్‌ 14, 16లకు విరుద్ధమని నాడు తీర్పునిచ్చింది.సమానత్వ నిర్ధారణకు గడువు పెంపుప్రభుత్వ పోస్టులతో సమానంగా ఇతర సంస్థల్లోని (పీఎస్‌యూలు, బ్యాంకులు, ప్రైవేటు సంస్థలు) పోస్టుల సమానత్వాన్ని (ఈక్వివలెన్స్‌) నిర్ధారించడానికి, క్రీమీలేయర్‌ హోదాను నిర్ణయించేందుకు ఉమ్మడి యంత్రాంగాన్ని రూపొందించాల్సి ఉందని కేంద్రం తెలిపింది. సంబంధిత వర్గాలతో సంప్రదింపులు జరపాల్సి ఉన్నందున ఇందుకు రెండేళ్ల సమయం ఇవ్వాలని కోరింది. స్పందించిన ధర్మాసనం.. తీర్పును అమలు చేసేందుకు ప్రస్తుతానికి ఎనిమిది వారాల గడువును మంజూరు చేస్తూ ఉత్తర్వులు జారీ చేసింది.

ప్రజాస్వామిక వ్యవస్థలో ప్రాణప్రదంగా భావించే రాజ్యాంగంలోని పౌరహక్కులకు ఎట్టిపరిస్థితుల్లోనూ భంగం కలగనీయరాదని సుప్రీంకోర్టు ద్విసభ్య ధర్మాసనం గురు వారం తీర్పునివ్వడం హర్షించదగ్గది. అరెస్టయిన వ్యక్తిని 24 గంటల్లోగా మేజిస్ట్రేట్‌ కోర్టులో హాజరుపరచాలన్న రాజ్యాంగంలోని 22(2) అధికరణం, దానికి అనుగుణంగా వచ్చిన బీఎన్‌ఎస్‌ఎస్‌ సెక్షన్‌ 58 దాదాపు అన్ని ప్రభుత్వాలూ బేఖాతరు చేస్తున్నాయి. గత రెండున్నరేళ్లుగా ఆంధ్రప్రదేశ్‌లో పోలీసులు రెడ్‌ బుక్‌ రాజ్యాంగాన్ని అమలు చేస్తూ ప్రాథమిక హక్కుల్ని భ్రష్టుపట్టిస్తున్నారు. నిర్బంధంలోకి తీసుకొనే సమయం ఒకటైతే, అరెస్టు చూపించే సమయం మరోటి. ఈ రెండింటిమధ్యా వ్యత్యాసం కొన్ని గంటలు కావొచ్చు, కొన్ని రోజులు కావొచ్చు, నెలలు కావొచ్చు. అటుపై బెయిల్‌ లభించినా మళ్లీ మళ్లీ అరెస్టు చేయటం కూడా సర్వసాధారణం. విషాదమేమంటే కింది కోర్టులు సైతంఈ విషయంలో మౌనంగా ఉండిపోతున్నాయి. ఈ స్థితి పోలీసులు మరింత బరితెగించ టానికి ఆస్కారమిస్తోంది. త్రిపుర, మద్రాస్, కేరళ హైకోర్టులు నిందితుల్ని హాజరుపరిచే విషయంలో ఇచ్చిన తీర్పులపైనా, చట్టాలకు అవి ఇచ్చిన భాష్యంపైనా సుప్రీంకోర్టుఅసంతృప్తి వ్యక్తం చేయటం చూస్తే దేశంలో కోర్టుల పనితీరు ఎంతగా మెరుగుపడాల్సివుందో అర్థమవుతుంది.నిందితులకు బెయిల్‌ రాకుండా నిరోధించే ప్రత్యేక చట్టాల్లోని నిబంధనలకూ,రాజ్యాంగంలోని ప్రాథమిక హక్కులకూ మధ్య సమస్య తలెత్తితే ఎప్పుడైనా రాజ్యాంగ నిబంధనలదే పైచేయి అవుతుందని ధర్మాసనం చెప్పటం ఊరటనిచ్చే అంశం. రాజ్యాంగ అధికరణం 21కింద తన కేసులో వేగవంతంగా విచారణ జరపాలని కోరే హక్కు, బెయిల్‌ కోరే హక్కు నిందితులకుంటుందనీ, ఏ చట్టమూ దాన్ని ఉల్లంఘించటానికి వీల్లేదనీ న్యాయమూర్తులు చెప్పారు. ఏ చట్టాలైనా నిర్దిష్ట నేపథ్యంలో వస్తాయి. మాదకద్రవ్యాల వ్యాప్తిని కట్టడి చేయటానికి తీసుకొచ్చిన మాదకద్రవ్యాలు, మానసిక స్థితిగతులపైతీవ్ర ప్రభావం చూపే పదార్థాల నియంత్రణ చట్టం(ఎన్‌డీపీఎస్‌) అయినా, ఉగ్రవాద చర్యల్నీ, వేర్పాటువాద ధోరణుల్నీ అరికట్టడానికి తీసుకొచ్చిన చట్టవిరుద్ధ కార్యకలాపాల (నియంత్రణ) చట్టం (యూఏపీఏ) అయినా, అక్రమ మార్గాల్లో డబ్బు తరలించటాన్ని నిరోధించటానికి ఉద్దేశించిన పీఎంఎల్‌ఏ అయినా అంతర్జాతీయంగా దేశాలమధ్య కుదిరిన అవగాహనల పర్యవసానంగానో, ఉగ్రవాద చర్యలు ఎక్కువైనాయనో భావించి తెచ్చినవి. పీఎంఎల్‌ఏలోని సెక్షన్‌ 45, ఎన్‌డీపీఎస్‌లోని సెక్షన్‌ 37ల్లోని కఠిన నిబంధనల కారణంగా బెయిల్‌ రావటం అత్యంత దుర్లభం. నిందితుడు నేరం చేయలేదని కోర్టు బలంగా నమ్మడం లేదా భవిష్యత్తులో ఎలాంటి నేరానికీ పాల్పడబోడని విశ్వసించడం బెయిల్‌ ఇవ్వడానికి ప్రాతిపదికని గతంలో సుప్రీంకోర్టు తెలిపింది. ఏ చట్టంకింద నిర్బంధించినా సకాలంలో సరైన విచారణ జరిపి శిక్షించాలన్నదే మన రాజ్యాంగమైనా, అంత ర్జాతీయ మానవహక్కుల నిబంధనలైనా చెప్పేది. కానీ నేర నిరూపణకన్నా, ఆ వంకన జరిగే విచారణ క్రమమే శిక్షగా మారుతోంది. పీఎంఎల్‌ఏ, ఎన్‌డీపీఎస్‌ చట్టాల కింద అరెస్టయిన వారితోపాటు యూఏపీఏ కేసులు ఎదుర్కొంటున్నవారికీ ఇదే జరుగుతోంది. 2018 నాటి భీమా కోరెగావ్‌ కేసు అయినా, 2020నాటి ఢిల్లీ అల్లర్ల కేసు అయినా ఇందుకు ఉదాహరణలు. అమల్లో ఉండే చట్టాలు ప్రభావవంతంగా లేవనుకున్నప్పుడు వాటిని సవరించటమో లేదా కొత్త చట్టాలు తీసుకురావటమో చేయటం సహజం. ఆ సందర్భంగా పార్లమెంటులో జరిగే చర్చల్లో పాలకులు వాటిని దుర్వినియోగం కానీయబోమంటారు. కానీ చట్టాల్లోఅందుకు సంబంధించిన రక్షణలుండవు. పర్యవసానంగా విచారణ పూర్తయి, విధించే శిక్షతో పోల్చినా అంతకన్నా ఎక్కువ కాలం నిందితులు జైల్లో ఉంటున్న ఉదంతాలు కోకొల్లలు. అయితే ఈ తీర్పువల్ల తక్షణం మారేదేమీ ఉండక పోవచ్చు. ఎందుకంటేఇంతక్రితం మరో ద్విసభ్య ధర్మాసనం ఇందుకు విరుద్ధమైన తీర్పునిచ్చింది. ఒకే స్వభావంగల కేసుల్లో రెండు ధర్మాసనాలు భిన్నంగా ఆలోచించాయి గనుక, విస్తృత ధర్మాసనం ముందుకు ఈ అంశం వెళ్తుంది. అక్కడ ఏం తేలుతుందన్న సంగతలాఉంచితే పౌరుల హక్కులకు ఛత్రంపట్టిన ఈ తాజా తీర్పు కొనియాడదగింది.

సాక్షి,న్యూఢిల్లీ: ఇతర వెనుకబడిన తరగతుల (ఓబీసీ) రిజర్వేషన్లకు సంబంధించి క్రీమీ లేయర్ నిర్ధారణపై శుక్రవారం (నవంబర్‌ 06న) సుప్రీంకోర్టు కీలక తీర్పును వెలువరించింది. ఈ ఏడాది మార్చి 11న ఇచ్చిన జస్టిస్‌ పీఎస్‌ నరసింహ, జస్టిస్‌ ఆర్. మాహదేవన్‌ నేతృత్వంలోని ధర్మాసనం ఇచ్చిన సంచలన తీర్పుపై వివరణ ఇవ్వాలని కేంద్ర ప్రభుత్వం పిటిషన్‌ దాఖలు చేసింది. కేంద్రం దాఖలు చేసిన వివరణ పిటిషన్‌పై అత్యున్నత న్యాయస్థానం కీలక తీర్పిచ్చింది. ఈ తాజా తీర్పుతో దేశవ్యాప్తంగా ఉద్యోగులు, అభ్యర్థుల్లో నెలకొన్న తీవ్ర గందరగోళానికి తెరపడింది.మార్చి 11న ఇచ్చిన తీర్పు వల్ల గతంలో ఎప్పుడో పూర్తయిన నియామకాలు, ఎంపికలు, పదోన్నతులు, సీనియారిటీ జాబితాలకు ఎలాంటి ఇబ్బంది ఉండదని సుప్రీంకోర్టు జస్టిస్‌ పీఎస్‌ నరసింహ, జస్టిస్‌ ఆర్. మాహదేవన్‌ ధర్మాసనం స్పష్టం చేసింది. పాత నియామకాలను తిరగరాయడానికి ఈ తీర్పును కారణంగా చూపరాదని తేల్చిచెప్పింది. దీంతో ఇప్పటికే ఉద్యోగాలు పొందిన వేలాది మంది ఉద్యోగులకు పూర్తి రక్షణ లభించినట్టయింది. అలాగే వివిధ కోర్టులు, ట్రిబ్యునళ్లలో పెండింగ్‌లో ఉన్న ఇలాంటి కేసులను సంబంధిత న్యాయస్థానాలు వాటి మెరిట్స్ ఆధారంగా పరిష్కరించుకోవచ్చని పేర్కొంది.సివిల్ సర్వీసెస్ - 2025 అభ్యర్థులకు కొత్త రూల్స్యూపీఎస్సీ సివిల్ సర్వీసెస్ పరీక్ష-2025 ద్వారా ఎంపికైన 958 మంది అభ్యర్థులకు సర్వీసులు (ఐఏఎస్‌,ఐపీఎస్‌ మొదలైనవి) కేటాయించే ప్రక్రియ ఇంకా పూర్తి కాలేదని కోర్టు గుర్తుచేసింది. ఈ కేటాయింపు ప్రక్రియ పెండింగ్‌లో ఉన్నందున, వీరికి మాత్రం తాజా మార్గదర్శకాల ప్రకారమే (క్రీమీ లేయర్ నిర్ణయానికి జీతంతో పాటు హోదాను కూడా పరిగణలోకి తీసుకునే విధానం) ఓబీసీ క్రీమీ లేయర్ నిబంధన వర్తిస్తుందని సుప్రీంకోర్టు తేల్చిచెప్పింది.క్రీమీ లేయర్ లెక్కించే విధానంపై స్పష్టతఇకపై క్రీమీ లేయర్‌ను నిర్ణయించేటప్పుడు కేవలం తల్లిదండ్రుల జీతాన్ని మాత్రమే ప్రాతిపదికగా తీసుకోవడానికి వీల్లేదని కోర్టు పునరుద్ఘాటించింది. జీతంతో పాటు వారు పనిచేసిన ఉద్యోగ హోదా, పోస్ట్ కేటగిరీ కూడా కీలకమని స్పష్టం చేసింది. 1993 నాటి కేంద్ర ప్రభుత్వ ఆఫీస్ మెమోరాండం ప్రకారమే ఇది అమలవ్వాలని పేర్కొంది.కేంద్ర ప్రభుత్వానికి స్వేచ్ఛప్రభుత్వ ఉద్యోగాలతో సమానమైన హోదాలను పీఎస్‌యూలు, బ్యాంకులు, ప్రైవేటు సంస్థల్లో గుర్తించేందుకు రెండేళ్ల గడువు కావాలని కేంద్రం కోరినప్పటికీ, దానికి నిర్దిష్ట గడువు పెట్టేందుకు సుప్రీంకోర్టు నిరాకరించింది. ఇలాంటి విధానపరమైన నిర్ణయాలు, చట్టాల రూపకల్పన పూర్తిగా కేంద్ర ప్రభుత్వం, చట్టసభల పరిధిలోని అంశాలని స్పష్టం చేస్తూ, ఓబీసీ క్రీమీ లేయర్‌పై కొత్త పాలసీని రూపొందించుకునే పూర్తి స్వేచ్ఛ కేంద్రానికి ఉందని అత్యున్నత న్యాయస్థానం వ్యాఖ్యానించింది.కేసు పూర్వపరాల్ని పరిశీలిస్తేకేంద్ర ప్రభుత్వం, ప్రభుత్వ రంగ సంస్థలు అనుసరిస్తున్న నిబంధనల వల్ల తమకు ఓబీసీ ‘నాన్-క్రీమీ లేయర్’ సర్టిఫికెట్ నిరాకరించడాన్ని సవాల్ చేస్తూ పలువురు అభ్యర్థులు మద్రాస్‌ కోర్టును ఆశ్రయించారు. సివిల్ సర్వీసెస్ లేదా ఇతర కేంద్ర ప్రభుత్వ ఉద్యోగాల భర్తీలో ఓబీసీ రిజర్వేషన్లు పొందేందుకు అభ్యర్థులు అర్హులారా కాదా అని తేల్చేటప్పుడు.. కేంద్రం జారీ చేసిన మార్గదర్శకాల ప్రకారం, తల్లిదండ్రుల జీతం ఒక నిర్దిష్ట పరిమితిని దాటితే వారిని క్రీమీ లేయర్ కిందకు చేర్చి రిజర్వేషన్లకు అనర్హులుగా ప్రకటిస్తున్నారు.ప్రభుత్వ రంగ సంస్థలు,ప్రైవేట్ రంగాలలో పనిచేసే ఉద్యోగుల జీతభత్యాలను, ప్రభుత్వంలోని గ్రూప్-ఎ, గ్రూప్-బి అధికారులతో సమానంగా అంచనా వేసే విషయంలో అధికారులు యాంత్రికంగా వ్యవహరిస్తున్నారని, కేవలం జీతం ఆధారంగానే తమను క్రీమీ లేయర్‌లోకి నెట్టి రిజర్వేషన్లు నిరాకరిస్తున్నారని అభ్యర్థులు వాదించారు. ఈ విధానం అన్యాయమని, ఇది ప్రాథమిక నిబంధనలకు విరుద్ధమని మద్రాస్ హైకోర్టులో పిటిషన్లు దాఖలయ్యాయి.యూనియన్ పబ్లిక్ సర్వీస్‌ కమిషన్ నిర్వహించిన పరీక్షల ద్వారా సివిల్ సర్వీసెస్, ఇతర కేంద్ర సేవల కేటాయింపునకు సంబంధించి రిజర్వేషన్ ప్రయోజనాలు కోల్పోయిన కొందరు అభ్యర్థులు (ఉదాహరణకు యూనియన్ ఆఫ్ ఇండియా వర్సెస్ రోహిత్ నాథన్ (ఐపీఎస్‌)కేసు తదితరులు) సెంట్రల్ అడ్మినిస్ట్రేటివ్ ట్రిబ్యునల్, చెన్నై బెంచ్‌ను ఆశ్రయించారు. అక్కడ ప్రతికూల తీర్పు రావడంతో.. ఆ అభ్యర్థుల తరఫున,కేంద్ర ప్రభుత్వం దీనిపై పరస్పరం మద్రాస్ హైకోర్టులో రిట్ పిటిషన్లు దాఖలు చేశాయి. హైకోర్టు ఆ పిటిషన్లను విచారించి, జీతాన్ని మాత్రమే ప్రాతిపదికగా తీసుకోవడం చెల్లదని అభ్యర్థులకు అనుకూలంగా తీర్పునిచ్చింది. ఆ తర్వాత ఆ తీర్పును సవాల్ చేస్తూ కేంద్ర ప్రభుత్వం సుప్రీంకోర్టును ఆశ్రయించింది. ఇవాళ సుప్రీంకోర్టు ఆ తీర్పుపై స్పష్టత నిచ్చింది.ఇదీ చదవండి: తెలంగాణ హౌసింగ్‌ బోర్డుకు సుప్రీంకోర్టు అల్టిమేటం

సాక్షి,హైదరాబాద్: తెలంగాణ హౌసింగ్‌ బోర్డు ఇళ్ల రిజిస్ట్రేషన్ల వివాదంపై సుప్రీంకోర్టు కీలక ఆదేశాలు జారీ చేసింది. సుదీర్ఘకాలంగా పెండింగ్‌లో ఉన్న లబ్ధిదారుల ఇళ్ల రిజిస్ట్రేషన్ ప్రక్రియను తక్షణమే పూర్తి చేయాలని అత్యున్నత న్యాయస్థానం హౌసింగ్ బోర్డును ఆదేశించింది. ఈనెల 23వ తేదీలోగా ఈ ప్రక్రియను పూర్తి చేయాలని స్పష్టమైన డెడ్‌లైన్ విధించింది.లబ్ధిదారుల ఇళ్ల రిజిస్ట్రేషన్లకు సంబంధించి పెండింగ్‌లో ఉన్న అన్ని ప్రక్రియలను ఈ నెల 23వ తేదీలోపు పూర్తి చేయాలని సుప్రీంకోర్టు స్పష్టం చేసింది. ఈ లబ్ధిదారులు లేదా హౌసింగ్ బోర్డు ఈ ఆస్తులను ఎట్టి పరిస్థితుల్లోనూ ఇతర వ్యక్తులకు విక్రయించడానికి, బదిలీ చేయడానికి వీల్లేదని కోర్టు స్పష్టమైన షరతు విధించింది. ఈ కేసులో తుది తీర్పు వెలువడే వరకు ఎలాంటి మూడో పక్షానికి ఎలాంటి హక్కులు కల్పించవద్దని న్యాయస్థానం ఆదేశించింది.తెలంగాణ హౌసింగ్‌ బోర్డు ద్వారా గతంలో ఇళ్లు పొందిన లబ్ధిదారులకు రిజిస్ట్రేషన్లు పూర్తి కాకపోవడం,దీనికి సంబంధించి వివిధ కోర్టుల్లో కేసులు నడుస్తున్న నేపథ్యంలో సుప్రీంకోర్టు ఈ మధ్యంతర ఆదేశాలు జారీ చేసింది. ఒకవైపు లబ్ధిదారులకు రిజిస్ట్రేషన్లు పూర్తి చేయాలని ఆదేశిస్తూనే, మరోవైపు కేసు అంతిమ తీర్పు వచ్చే వరకు ఆస్తుల క్రయవిక్రయాలపై నియంత్రణలు విధించడం ద్వారా వివాదాలకు తావు లేకుండా న్యాయస్థానం ఈ నిర్ణయం తీసుకుంది. ఈ నిర్ణయంతో ఏళ్ల తరబడి రిజిస్ట్రేషన్ల కోసం ఎదురుచూస్తున్న లబ్ధిదారులకు ఊరట లభించినట్టయింది.ఇదీ వివాదం..తెలంగాణ హౌసింగ్‌ బోర్డు చేపట్టిన వివిధ ప్రాజెక్టులలో సుమారు దశాబ్దానికి పైగా పలు రిజిస్ట్రేషన్లు నిలిచిపోయాయి. దాదాపు 10 నుంచి 15 ఏళ్ల క్రితమే లబ్ధిదారులు ఫ్లాట్లను బుక్‌ చేసుకున్నారు. కొనుగోలుదారుల ఒప్పందం ప్రకారం 2011 నాటికే చాలామంది తమ వంతు పూర్తి డబ్బులను బోర్డుకు చెల్లించారు. అయితే హౌసింగ్‌ బోర్డు, నిర్మాణ డెవలపర్ల మధ్య వివాదాలు, థర్డ్‌ పార్టీ లావాదేవీల వల్ల బోర్డు లబ్ధిదారులకు రిజిస్ట్రేషన్లు పూర్తి చేయకుండా కాలయాపన చేస్తూ వచ్చింది. ఇప్పుడు ఇదే కేసులో సుప్రీం.. పెండింగ్‌లో ఉన్న లబ్ధిదారుల ఇళ్ల రిజిస్ట్రేషన్ ప్రక్రియను తక్షణమే పూర్తి చేయాలని అత్యున్నత న్యాయస్థానం హౌసింగ్ బోర్డును ఆదేశించింది. ఈనెల 23వ తేదీని డెడ్‌లైన్‌గా విధించింది. ఇదీ చదవండి : ‘స్థానిక’ కుట్రలపై సుప్రీం కొరడా!

న్యూఢిల్లీ: కాక్రోచ్‌ జనతా పార్టీ(సీజేపీ)సారథ్యంలో జంతర్‌ మంతర్‌ వద్ద జరిగిన నిరసనల సమయంలో భద్రతా బలగాలు మితిమీరి బలప్రయోగానికి పాల్పడ్డాయంటూ వచ్చిన ఆరోపణలపై బాధితుల నుంచి ఇప్పటి వరకు ఎలాంటి ఫిర్యాదులు అందలేదని సుప్రీంకోర్టు ఏర్పాటు చేసిన ఉన్నత స్థాయి విచారణ కమిటీ(హెచ్‌పీఈసీ) తెలిపింది. ప్రధాన న్యాయమూర్తి(సీజేఐ)జస్టిస్‌ సూర్యకాంత్‌ సారథ్యంలోని ధర్మాసనం గురువారం హింసకు సంబంధించిన ఆరోపణలపై బాధితుల నుంచి అందిన వీడియో క్లిప్పుల వంటి ఆధారాలను తమ ఎదుట వెల్లడించాలని హెచ్‌పీఈసీని కోరగా పైవిధంగా కమిటీ బదులిచ్చింది. బాధితులు ఆన్‌లైన్‌లో సైతం ఫిర్యాదులు, ఆధారాలను అందించేందుకు వీలుగా ప్రత్యేక పోర్టల్‌నూ అందుబాటులోకి తెచ్చామని ఈ సందర్భంగా సుప్రీం మాజీ న్యాయమూర్తి జస్టిస్‌ ఆర్‌.సుభాష్‌ రెడ్డి సారథ్యంలోని హెచ్‌పీఈసీ తెలిపింది. అయితే, ఇప్పటి వరకు ఆన్‌లైన్‌లోనూ, ప్రత్యక్షంగానూ ఎలాంటి ఆధారాలు బాధితుల నుంచి అందలేదని పేర్కొంది. బలగాల మితిమీరిన బలప్రయోగానికి సంబంధించిన ఎలాంటి ఆధారాలున్నా ప్రత్యక్షంగా, రిజిస్టర్డ్‌ పోస్టు ద్వారా లేక వర్చువల్‌గా అందజేయవచ్చంటూ అక్టోబర్‌ 17వ తేదీన దేశవ్యాప్తంగా 149 వార్తా పత్రికల్లో ప్రకటనలు కూడా ఇచ్చినట్లు అక్టోబర్‌ 31వ తేదీన జరిగిన విచారణ సమయంలో హెచ్‌పీఈసీ పేర్కొంది. అయినప్పటికీ ఎలాంటి ఫిర్యాదులు రాలేదని గురువారం ధర్మాసనం స్పష్టం చేసింది. తాము పిటిషన్లతోపాటే వీడియో క్లిప్పులు తదితర ఆధారాలను అందజేశామని పిటిషనర్ల తరఫున సీనియర్‌ లాయర్‌ బృందా గ్రోవర్‌ చెప్పారు. అప్పటి ఘటనలకు సంబంధించి పోలీసులు ఎలాంటి కేసులు నమోదు చేయలేదన్నారు. దీనిపై ధర్మాసనం..ఇప్పటికైనా బాధితులు తమ వద్ద ఉన్న అన్ని రకాల ఆధారాలను హెచ్‌పీఈసీకి అందజేసేలా ఇప్పటికైనా ప్రోత్సహించాలని పిటిషనర్ల లాయర్లు బృందా గ్రోవర్, శంకరనారాయణన్‌లను ధర్మాసనం కోరింది. అదేవిధంగా, ఇప్పటి వరకు అందిన వివిధ రకాలైన ఆధారాల ప్రాతిపదికగా నిజనిర్థారణ ప్రక్రియను ప్రారంభించాలని హెచ్‌పీఈసీని ధర్మాసనం కోరింది. కాగా, నీట్‌ పరీక్షల్లో అవకతవకలకు బాధ్యత వహిస్తూ కేంద్ర విద్యామంత్రి ధర్మేంద్ర ప్రధాన వైదొలగాలంటూ జూన్‌–జూలై నెలల్లో సీజేపీ ఆధ్వర్యంలో జంతర్‌మంతర్‌లో ఆందోళనలు కొనసాగడం తెల్సిందే.

న్యూఢిల్లీ: ప్రభుత్వ ఉద్యోగులపై దేశ అత్యున్నత న్యాయస్థానం కీలక వ్యాఖ్యలు చేసింది. ‘‘ప్రభుత్వ ఉద్యోగులు ఇకపై కాంట్రాక్ట్‌ పద్ధతిలోనే రావాలి. అప్పుడే వారు బాధ్యతగా వ్యవహరిస్తారు’’అని జస్టిస్‌ బి.వి.నాగరత్న, జస్టిస్‌ ఆర్‌.మహాదేవన్‌లతో కూడిన బెంచ్‌ వ్యాఖ్యానించింది. పంజాబ్, హర్యానా హైకోర్టు ఇచ్చిన ఆదేశాలపై దాఖలైన పిటిషన్లపై సుప్రీంకోర్టు గురువారం విచారణ జరిపింది. ఇందులో ఒక పిటిషన్‌ పంజాబ్‌ ప్రభుత్వ ఉద్యోగుల డీఏ, డీఆర్‌ బకాయిల చెల్లింపులకు సంబంధించినది. ఈ కేసులో హైకోర్టు పంజాబ్‌ రాష్ట్ర ప్రధాన కార్యదర్శి కే.ఏ.పీ సిన్హాపై క్రిమినల్‌ కోర్టు ధిక్కరణ కేసు నమోదు చేసింది. రాష్ట్ర అదనపు ప్రధాన కార్యదర్శి సుప్రీంకోర్టులో సవాలు చేశారు. ఉద్యోగులు, పెన్షనర్ల డీఏ బకాయిలకు సంబంధించి హైకోర్టు ఇచ్చిన మరో ఆదేశాన్ని సవాలు చేస్తూ ఇంకో రెండు పిటిషన్లు కూడా సుప్రీంకోర్టులో దాఖలయ్యాయి. మూడింటిపై విచారణ జరిపిన సుప్రీంకోర్టు పంజాబ్‌ ప్రధాన కార్యదర్శి సహా పలువురు అధికారులపై క్రిమినల్‌ ధిక్కార చర్యలను నిలిపివేస్తూ ఆదేశాలు జారీ చేసింది. తదుపరి ఉత్తర్వులు ఇచ్చేంత వరకూ కేసు విచారణను నిలిపివేస్తూ తీర్పునిచ్చింది. ప్రధాన కార్యదర్శి వ్యక్తిగత హాజరుపై ఇచ్చిన హైకోర్టు ఆదేశాలనూ కొట్టివేసింది. పిటిషన్ల విచారణ సందర్భంగా న్యాయమూర్తులు మాట్లాడుతూ.. ‘‘ప్రభుత్వ ఉద్యోగులను కాంట్రాక్ట్‌ ప్రాతిపదికన నియమిస్తేనే వారికి నిజమైన బాధ్యత ఉంటుంది’’అని వ్యాఖ్యానించింది. ప్రస్తుతం పంజాబ్‌లో ఉన్న ప్రభుత్వం దాదాపు రూ.13,000 కోట్ల బకాయిలను గత ప్రభుత్వం నుంచి వారసత్వంగా పొందిందని రాష్ట్రం తరఫు న్యాయవాది బెంచ్‌ దృష్టికి తీసుకురాగా.. వచ్చే ఏడాది మార్చిలోగా ఎంత మొత్తం విడుదల చేయగలరో తెలపాలని కోరింది. ‘‘మీకు కొంత వెసలుబాటు ఇస్తున్నాం. సానుకూలంగా స్పందించండి’’అని వ్యాఖ్యానించింది. తదుపరి విచారణను డిసెంబరు ఒకటవ తేదీకి వాయిదా వేసింది. ఆగస్టు మూడవ తేదీన హైకోర్టు ఉత్తర్వులను సవాలు చేసిన రాష్ట్ర ప్రభుత్వంతోపాటు పిటిషనర్లుపై ఎలాంటి బలవంతపు చర్యలు తీసుకోరాదని ప్రభుత్వానికి స్పష్టం చేసింది. ఇలా మొదలైంది... పంజాబ్‌ ప్రభుత్వ ఉద్యోగులు, పెన్షనర్లకు చెల్లించాల్సిన కరవు భత్యం (డీఏ) బకాయిల వివాదం ఈ ఏడాది ఏప్రిల్‌లో పంజాబ్‌–హర్యానా హైకోర్టు ఇచ్చిన తీర్పుతో కీలక మలుపు తిరిగింది. డీఏ బకాయిల చెల్లింపు విషయంలో ప్రభుత్వం సూచించిన ప్రణాళికను హైకోర్టు సింగిల్‌ జడ్జి బెంచ్‌ తిరస్కరించింది. జూన్‌ 30లోపు ఐఏఎస్, ఐపీఎస్, ఐఎఫ్‌ఎస్‌ అధికారులకు వర్తించే రేట్ల ప్రకారం ఉద్యోగులు, పెన్షనర్ల బకాయిలన్నీ విడుదల చేయాలని ఆదేశించింది. పంజాబ్‌ ప్రభుత్వం, పంజాబ్‌ స్టేట్‌ పవర్‌ కార్పొరేషన్‌ లిమిటెడ్‌ ఈ ఆదేశాలను డివిజన్‌ బెంచ్‌ ముందు సవాలు చేశాయి. డివిజన్‌ బెంచ్‌ ఆగస్టు 3న ప్రభుత్వం అప్పీళ్లను కొట్టివేసింది. రెండు వారాల్లో బకాయిలు చెల్లించాలని ఆదేశించింది. అంతేకాకుండా, బకాయిలు పూర్తిగా చెల్లించే వరకు పత్రికలు, సోషల్‌ మీడియా వంటి మాధ్యమాల్లో భారీ ప్రకటనలపై ఖర్చులు చేయవద్దని కూడా స్పష్టం చేసింది. ఈ ఆదేశాలు అమలు కాలేదని ఉద్యోగులు, పెన్షనర్లు కొందరు మళ్లీ హైకోర్టును ఆశ్రయించారు. దీంతో హైకోర్టు అక్టోబర్‌ 12న, ప్రధాన కార్యదర్శి కేఏపీ సిన్హాకు నోటీసు జారీ చేసింది. క్రిమినల్‌ ధిక్కరణ చర్యలు ఎందుకు ప్రారంభించకూడదో చెప్పాలని, వ్యక్తిగతంగా కోర్టుకు హాజరు కావాలని ఆదేశించింది. ఈ నేపథ్యంలో అదనపు ప్రధాన కార్యదర్శి సుప్రీంకోర్టును ఆశ్రయించారు. ఇప్పటికే సివిల్‌ ధిక్కరణ కేసులు పెండింగ్‌లో ఉన్నప్పుడు క్రిమినల్‌ కాంటెంప్ట్‌ చర్యలు ప్రారంభించడం సరికాదని వాదించారు.

సాక్షి, న్యూఢిల్లీ: తిరుమల లడ్డూ ప్రసాదం నెయ్యి వ్యవహారం కేసు విచారణను ఆంధ్రప్రదేశ్‌ నుంచి మరో రాష్ట్రానికి బదిలీ చేసేందుకు సుప్రీంకోర్టు నిరాకరించింది. ఈ మేరకు దాఖలైన పిటిషన్‌ను కొట్టివేస్తూ, కేసుకు సంబంధించిన సాక్ష్యాధారాలు, సాక్షులు ఏపీలోనే ఉన్నందున విచారణను వేరే రాష్ట్రానికి మార్చలేమని పేర్కొంది. నిష్పక్షపాత విచారణకు ఎలాంటి ఆటంకం ఉండబోదని, ఒకవేళ విచారణలో ఏమైనా ఇబ్బందులు ఎదురైతే మళ్లీ కోర్టును ఆశ్రయించవచ్చని పిటిషనర్‌కు భరోసా ఇచ్చింది. భారత ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జోయ్‌మాల్య బాగ్చీలతో కూడిన ధర్మాసనం ఈ మేరకు గురువారం ఉత్తర్వులు వెలువరించింది. ఏపీలో ఈ కేసు పూర్తిగా రాజకీయ రంగు పులుముకుందని, అందువల్ల ఈ కేసు విచారణను ఏపీ నుంచి పొరుగు రాష్ట్రానికి మార్చాలని కోరుతూ మహా రాష్ట్రకు చెందిన మల్గంగా మిల్క్‌ అండ్‌ ఆగ్రో ప్రొడక్ట్స్‌ ఎండీ, లడ్డూ కేసులో నిందితుడు అయిన మచీంద్ర శాంతారాం లంకే సుప్రీంకోర్టును ఆశ్రయించారు. పిటిషనర్‌ తరఫున సీనియర్‌ న్యాయవాది సిద్ధార్థ్‌ దవే వాదనలు వినిపిస్తూ సీఎం, డిప్యూటీ సీఎం రాజకీయ వ్యాఖ్యలు ఈ కేసు విచారణకు ప్రతికూలంగా మారుతున్నాయని ఆందోళన వ్యక్తం చేశారు. నెయ్యిలో జంతువుల కొవ్వు ఉన్నట్లు ఫోరెన్సిక్‌ నివేదిక నిర్ధారించకపోయినా ఆరోపణలు కొనసాగుతున్నాయని తెలిపారు. దీనిపై స్పందించిన ధర్మాసనం గతంలో తమ ఆదేశాలతో వారందరినీ మౌనం పాటించేలా చేశామని స్పష్టంచేసింది. తమ ఆదేశాల తర్వాత కూడా వారు అలాంటి వ్యాఖ్యలు చేశారా? అని ప్రశ్నించింది. దీనిపై న్యాయవాది దవే బదులిస్తూ.. రాజకీయ వ్యాఖ్యలు కొనసాగుతున్నాయని విన్నవించారు. గతంలో రాష్ట్ర సిట్‌ను రద్దు చేసిన సుప్రీంకోర్టు, సీబీఐ డైరెక్టర్‌ పర్యవేక్షణలో ఐదుగురు సభ్యులతో స్వతంత్ర సిట్‌ను ఏర్పాటుచేసింది. ఆధారాలు లేకుండా తిరుమల ప్రసాదంపై రాజకీయ ప్రకటనలు చేయరాదని, రాజ్యాంగ పదవుల్లో ఉన్నవారు బాధ్యతాయుతంగా వ్యవహరించాలని ఆదేశించింది.

విదేశాల్లో కొలువనీ, లక్షల్లో జీతమనీ, అక్కడ కులాసా జీవితమనీ కబుర్లు చెప్పి పెళ్లాడి తీరా అక్కడికెళ్లాక నరకం చూపించేవారికి, అక్కడి కోర్టుల్లో సులభంగా విడాకులు తీసుకునేవారికి సర్వోన్నత న్యాయస్థానం ఝలక్‌ ఇచ్చింది. అలాంటి విడాకులు ఇక్కడ చెల్లుబాటుకావనీ, ఆ ప్రాతిపదికన చేసుకునే మారు వివాహం బహుభార్యత్వం కింద నేరమే అవుతుందనీ మంగళవారం జస్టిస్‌ ప్రశాంత్‌ కుమార్‌ మిశ్రా, జస్టిస్‌ శ్రీచంద్రశేఖర్‌ల ధర్మాసనం స్పష్టం చేసింది. ఆంధ్రప్రదేశ్‌లోని సత్తెనపల్లి వైద్యుడొకరు అక్కడి న్యాయస్థానం మంజూరు చేసిన విడాకుల ఆధారంగా రెండో పెళ్లి చేసుకున్న ఉదంతంలో ఈ తీర్పు వెలువడింది. పెళ్లి చేసుకుని ఎన్నో కలలతో విదేశాలకెళ్లే యువతులు సమస్యలు ఎదుర్కొనటం అంతకుముందూ ఉండొచ్చుగానీ... 90వ దశకంలో సాఫ్ట్‌వేర్‌ రంగం అభివృద్ధి చెందాక ఈ మాదిరి కేసుల సంఖ్య పెరుగుతోంది. ఎన్నోవిధాల వాకబుచేసి, కుటుంబ నేపథ్యం గురించి తెలుసుకుని చేసే పెళ్లిళ్లు సైతం ఏవేవో కారణాలతో పెటాకులవుతున్నాయి. ఊహించని ఈ పరిణామాలతో మధ్యతరగతి తల్లిదండ్రులుబెంగటిల్లి ఏం చేయాలో తోచక అవస్థలు పడుతున్నారు. మధ్యవర్తుల ద్వారానో, స్వయంగానో పరిష్కరిద్దామంటే దేశంకాని దేశంలో ఉండే అల్లుళ్లు ఫోన్‌కు కూడా దొరక్కుండా తప్పించుకు తిరుగుతున్నారు. వెళ్లటం దుర్లభమై, వెళ్లినా ఫలితం ఉంటుందన్న ఆశ కూడా లేక అలాంటివారు కుమిలిపోతున్నారు. ఈ బాపతు యువకుల్లో రకరకాలవారుంటారు. విమానం ఎక్కేవరకూ ఒకలా ఉండి, అటుతర్వాత అదనపు కట్నం ఆశించో, ఇతరే తరమైన ఆలోచనలతోనో ఆడపిల్లల్ని చిత్రహింసలపాలు చేస్తున్నారు. మరికొందరుపెళ్లి చేసుకుని, ముచ్చట్లన్నీ తీర్చుకుని మళ్లీ వచ్చి తీసుకెళ్తామంటూ కథలు చెప్పి మాయమవుతున్నారు. ఇలాంటి ఉదంతాల్లో వస్తున్న ఫిర్యాదుల సంఖ్య అంతకంతకు పెరగటంతో కేంద్ర ప్రభుత్వం 2018లోనే భారతీయ శిక్షాస్మృతిలో అవసరమైన నిబంధ నలు చేర్చాలని నిర్ణయించింది. రెండేళ్లక్రితం క్రిమినల్‌ చట్టాల స్థానంలో కొత్త చట్టాలొచ్చాయి. కానీ సివిల్‌ ప్రొసీజర్‌ కోడ్‌ (సీపీసీ) మాత్రం యథాతథంగా కొనసాగుతోంది. అందులోని సెక్షన్‌ 13 విదేశీ న్యాయస్థానాల ద్వారా పొందే విడాకులు ఇక్కడ చెల్లుబాటు కావని చాలా స్పష్టంగా చెప్పింది. ఆ తీర్పుల ఆధారంగా మరో పెళ్లి చేసుకుంటే భారతీయ చట్టాల దృష్టిలో అది చెల్లుబాటుకాదని ఆ నిబంధన చెబుతోంది. అలాంటివారిపై బహుభార్యత్వం కింద భారతీయ శిక్షాస్మృతిలోని 494 కింద కేసు నమోదు చేయొచ్చని ఆ నిబంధన అంటున్నది. ఇప్పుడు సుప్రీంకోర్టు దాన్నే మరోసారి చెప్పింది. ఈ దేశంలో పెళ్లాడి, ఇక్కడ కొంతకాలం గడిపి వెళ్లేవారెవరైనా ఇక్కడి చట్టాల ఆధారంగా ఫ్యామిలీ కోర్టుల్లో మాత్రమే పిటిషన్లు దాఖలుచేసి విడాకులు పొందాలని వివరించింది. సత్తెనపల్లివాసి అతి తెలివికి పోయాడు. భార్య కాన్పు కోసం భారత్‌ తిరిగిరావటాన్ని ఆసరా చేసుకుని శాశ్వతంగా ఆమెను వదిలించుకునే ఎత్తుగడ పన్నాడు. దాంపత్యజీవితంలో పొరపొచ్చాలు వచ్చాయి గనుక విడాకులిప్పించాలంటూ నర్సరావుపేట కోర్టులో వేసిన పిటిషన్‌ తోసిపుచ్చడంతో హైకోర్టును ఆశ్రయించాడు. అక్కడా తనకు అనుకూలంగా తీర్పు రాకపోవటంతో బ్రిటన్‌ పౌరసత్వం వచ్చేవరకూ ఆగి అక్కడికేంబ్రిడ్జి కౌంటీ కోర్టులో విడాకులు పొందాడు. చాలామంది ఎన్నారైలు చేసే పని ఇదే. కానీ హిందూ వివాహ చట్ట నిబంధనల ప్రకారం వివాహమాడినవారు వేరే దేశాల కోర్టుల్లో విడాకులు పొందినా చెల్లుబాటుకాదని గతంలోనూ కోర్టులు చెప్పాయి. విదేశీ యులకు వెసులుబాటిచ్చే ఐపీసీలోని సెక్షన్‌ 4 వర్తించబోదని కూడా స్పష్టంచేశాయి. ఇలాంటి కేసుల్లో అనుసరించదగిన నియమాలను 1991లోనే సుప్రీంకోర్టు నిర్ధారించింది. కానీ ఏదో వంకన దీర్ఘకాలం వ్యాజ్యం కొనసాగిస్తూ అత్తింటివారిని ఆర్థికంగా దెబ్బతీస్తే, విసుగుచెంది రాజీ మార్గానికొస్తారని, సులభంగా వదిలించుకోవచ్చని చాలామంది భావిస్తున్నారు. గత దశాబ్దకాలంలో ఈ మాదిరి ఎన్నారై విడాకుల కేసులు 35 శాతం మేర పెరిగాయని గణాంకాలు చెబుతున్నాయి. వాటిల్లో న్యాయస్థానాల పరిధి ప్రశ్నార్థకమైన కేసులే 60 శాతం పైగా ఉన్నాయి. ఇలాంటి వంచకుల ఆటకట్టించే క్రమంలో తాజా సుప్రీంకోర్టు తీర్పు ఒక ముందడుగు.

న్యూఢిల్లీ: దేశంలో గత కొన్ని దశాబ్దాల్లో వచ్చిన జనాభా మార్పుల కారణంగా.. ఇద్దరికంటే ఎక్కువ మంది పిల్లలను కనడాన్ని నిషేధించే చట్టాలు తమ ప్రాసంగికతను కోల్పోయాయని సుప్రీంకోర్టు పేర్కొంది. 2003 నుంచి మొత్తం సంతానోత్పత్తి రేటు(టీఎఫ్‌ఆర్‌) 3.0 నుంచి 1.9కి పడిపోయినట్లు వెల్లడించింది. ఈ నేపథ్యంలో జనాభా వృద్ధిని పరిమితం చేసే లక్ష్యంతో రూపొందించిన చట్టాలు ఇప్పుడు ప్రాముఖ్యతను కోల్పోయాయని తెలియజేసింది. కాకోడ గ్రామ పంచాయతీ సర్పంచ్‌గా ఎన్నికైన మంగళ భీమ్‌రావ్‌ ఇంగ్లే దాఖలు చేసిన పిటిషన్‌పై న్యాయస్థానం తమ తీర్పును బుధవారం వెలువరించింది. ఆమెకు ఇద్దరికంటే ఎక్కువ మంది పిల్లలు ఉండటం వల్ల ఎన్నికల్లో పోటీ చేయడానికి అనర్హురాలని, ఇది ‘మహారాష్ట్ర గ్రామ పంచాయతీల చట్టం–1959’లోని సెక్షన్‌ 14(1)(జే1)ని ఉల్లంఘించడమేనని పేర్కొంది. ఆమె ఎన్నికను కోర్టు రద్దు చేసింది. ‘హరియాణా పంచాయతీ రాజ్‌ చట్టం–1994’ చట్టబద్ధతను పరిశీలించిన అనంతరం, ఇద్దరికంటే ఎక్కువ మంది జీవించి ఉన్న పిల్లలు గల వ్యక్తులు పంచాయతీ పదవులను నిర్వహించడానికి లేదా చేపట్టడానికి అనర్హులని పేర్కొంటూ సుప్రీంకోర్టు 2003 జూలైలో ఇచ్చిన తీర్పును జస్టిస్‌ పి.ఎస్‌.నరసింహ, జస్టిస్‌ అలోక్‌ అరాధేలతో కూడిన సుప్రీంకోర్టు ధర్మాసనం ప్రస్తావించింది. పునరుత్పత్తికి సంబంధించిన నిర్ణయాలు తీసుకునే హక్కు, ఆర్టికల్‌ 21 కింద లభించే జీవించే హక్కు వ్యక్తిగత స్వేచ్ఛలో అంతర్భాగమని పేర్కొంటూ, ‘జావేద్‌ వర్సెస్‌ స్టేట్‌ ఆఫ్‌ హర్యానా’ (2003 తీర్పు) కేసులో వెలువరించిన నిర్ణయాన్ని పునఃపరిశీలించవలసిందిగా సుప్రీంకోర్టు ఈ అంశాన్ని విస్తృత ధర్మాసనానికి బదిలీ చేసింది. ఇద్దరికంటే ఎక్కువ మంది పిల్లలను కనడాన్ని శిక్షించే చట్టాలు ప్రాసంగికతను కోల్పోయినట్లు గట్టిగా అభిప్రాయపడుతున్నామని ధర్మాసనం స్పష్టంచేసింది. జనాభాలో వచ్చిన మార్పుల కారణంగా.. అటువంటి చట్టాలకు పునాది అయిన అధిక జనాభా భయం నేడు లేదని గుర్తుచేసింది.

న్యూఢిల్లీ: ‘‘మీరు తప్పు నెంబర్‌కు డయల్‌ చేస్తున్నారు. ఇది ధర్నాలు, నిరసనలు చేసే సమయం. మీరు కూడా చేయండి’’ అని పిటిషనర్‌ను ఉద్దేశించి సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ సరదాగా వ్యాఖ్యానించారు. ఎస్సీ, ఎస్టీ నియోజకవర్గాలను తప్పనిసరిగా రొటేషన్‌ పద్ధతిలో కేటాయించాలని కోరుతూ ఉత్తరప్రదేశ్‌కు చెందిన జగదీష్‌ సింగ్‌ దాఖలు చేసిన పిటిషన్‌ బుధవారం జస్టిస్‌ సూర్యకాంత్‌ నేతృత్వంలోని ధర్మాసనం ముందుకు వచ్చింది. పార్లమెంట్, రాష్ట్ర శాసనసభల్లో షెడ్యూల్డ్‌ కులాలు(ఎస్సీలు), షెడ్యూల్డ్‌ తెగల(ఎస్టీలు) కోసం రిజర్వ్‌ చేసిన నియోజకవర్గాలను రొటేషన్‌ చేయకపోవడం రాజ్యాంగాన్ని ఉల్లంఘన కిందకు వస్తుందని పిటిషనర్‌ పేర్కొన్నారు. అయితే, ఇటువంటి నిర్ణయాలు శాసనసభ పరిధిలోకి వస్తాయని, వాటిపై న్యాయస్థానాలు ఆదేశాలు జారీ చేయలేవని ధర్మాసనం పేర్కొంది. ఈ పిటిషన్‌ను విచారించడానికి అంగీకరించలేదు. డీలిమిటేషన్‌ చట్టం–2002లోని సెక్షన్‌ 9(1)(సీ)ని సమర్థిస్తూ అలహాబాద్‌ హైకోర్టు ఇచ్చిన తీర్పులో జోక్యం చేసుకోవడానికి సర్వోన్నత న్యాయస్థానం నిరాకరించింది. ఈ సెక్షన్‌ ఎస్సీ/ఎస్టీ జనాభా నిష్పత్తి ఎక్కువగా ఉన్న ప్రాంతాల్లో రిజర్వ్‌డ్‌ నియోజకవర్గాలను గుర్తించడానికి వీలు కల్పిస్తుంది. ‘‘ఒక రాజకీయ ప్రజాస్వామ్యంలో, భిన్నమైన సిద్ధాంతాలు కలిగిన అనేక రాజకీయ పార్టీలు ఉంటాయి. ఓటర్లు మతాన్ని బట్టి కాకుండా, పార్టీని బట్టి ఓటు వేయాలని ఆశిస్తారు. మీకు ఒక నిర్దిష్ట రాజకీయ సిద్ధాంతం నచ్చవచ్చు లేదా నచ్చకపోవచ్చు; కానీ ఆ సిద్ధాంతానికి ఎవరు ప్రాతినిధ్యం వహిస్తున్నారనేది అప్రస్తుతం. మీరు ఓటు వేసేది ఆ సిద్ధాంతానికే’’ అని ధర్మాసనం సభ్యుడు జస్టిస్‌ జోయ్‌మాల్య బాగ్చీ పేర్కొన్నారు.

సాక్షి ప్రతినిధి, న్యూఢిల్లీ: ప్రధాన ఎన్నికల కమిషనర్‌(సీఈసీ), ఎన్నికల కమిషనర్ల(ఈసీ)కు వారి అధికారిక విధులపై పూర్తిస్థాయి జీవితకాల న్యాయపరమైన రక్షణ (బ్లాంకెట్‌ ఇమ్యూనిటీ) కల్పించడాన్ని సవాలు చేస్తూ దాఖలైన ప్రజా ప్రయోజన వ్యాజ్యాలపై(పిల్‌) సుప్రీంకోర్టు విచారణ చేపట్టింది. దీనిపై నాలుగు వారాల్లోగా వివరణ ఇవ్వాలంటూ కేంద్ర ప్రభుత్వంతోపాటు కేంద్ర ఎన్నికల సంఘానికి నోటీసులు జారీ చేసింది. సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్, న్యాయమూర్తులు జస్టిస్‌ జోయ్‌మాల్య బాగ్చీ, జస్టిస్‌ వి.మోహనలతో కూడిన త్రిసభ్య ధర్మాసనం బుధవారం ఈ మేరకు ఆదేశాలిచ్చింది. ‘చీఫ్‌ ఎలక్షన్‌ కమిషనర్‌ అండ్‌ అదర్‌ ఎలక్షన్‌ కమిషనర్స్‌ యాక్ట్‌–2023’లోని సెక్షన్‌ 16 సెక్షన్‌ రాజ్యాంగబద్ధత అంశం ఇటీవల చర్చనీయాంశంగా మారింది. సెక్షన్‌ 16ను రద్దు చేయాలని కోరుతూ న్యాయవాది, సామాజిక కార్యకర్త అరుణ్‌ కుమార్‌ అగర్వాల్, ఆర్జేడీ ఎంపీ మనోజ్‌ ఝా పిటిషన్లు దాఖలు చేశారు. అగర్వాల్‌ తరఫున నేహా రాఠీ, మనోజ్‌ ఝా తరఫున ఫౌజియా షకీల్‌ వాదనలు వినిపించారు. అధికారిక విధుల్లో ఎన్నికల కమిషనర్లు చేసే వ్యాఖ్యలు, నిర్ణయాలపై ఎటువంటి సివిల్‌ లేదా క్రిమినల్‌ విచారణలు చేపట్టరాదనే సెక్షన్‌ 16 నిబంధన ఏకపక్షంగా ఉందని వాదించారు. సద్భావనతో చేయని పనులకు లేదా పరిధి దాటి చేసే చర్యలకు కూడా పూర్తి మినహాయింపు ఇవ్వడం రాజ్యాంగ విరుద్ధమని పేర్కొన్నారు. సీఈసీకి ఉన్న ఈ నిరంకుశ రక్షణ వల్ల ఓటర్ల జాబితా నుంచి తొలగింపునకు గురైన ఓటర్లకు, బాధితులకు న్యాయం పొందే హక్కు లేకుండా పోతోందని చెప్పారు. ఎన్నికల సంఘం స్వతంత్రత పేరిట అందులోని సభ్యులు న్యాయపరమైన జవాబుదారీతనం లేకుండా పనిచేయడం సమర్థనీయం కాదని ధర్మాసనం దృష్టికి తీసుకొచ్చారు. ఇదే తరహా అంశంపై పెండింగ్‌లో ఉన్న మరో పిటిషన్‌తో దీన్ని జత చేస్తున్నట్లు ధర్మాసనం తెలిపింది. ఎస్‌ఐఆర్‌పై తీవ్ర అసహనం ఎన్నికల సంఘం చేపట్టిన ఒటర్ల జాబితా ప్రత్యేక సమగ్ర సవరణ(ఎస్‌ఐఆర్‌)పై దాఖలైన ఇతర పిటిషన్లను సైతం ధర్మాసనం విచారించింది. ఎన్నికల సంఘం పనితీరుపై న్యాయమూర్తులు ప్రశ్నల వర్షం కురిపించారు. అసలు ఢిల్లీలో ఇప్పుడు ఎన్నికలే లేనప్పుడు ఎస్‌ఐఆర్‌ను ఇంత హడావుడిగా ఎందుకు చేపట్టాల్సి వచ్చిందని నిలదీశారు. ఎస్‌ఐఆర్‌ అనేది ఓటర్లను ఇబ్బంది పెట్టేందుకు, భయపెట్టేందుకు ఉద్దేశించినట్లుగా కనిపిస్తోందని అసహనం వ్యక్తం చేశారు. ఇప్పటికే రిజిస్టర్‌ అయిన ఓటర్ల పేర్లు డ్రాఫ్ట్‌ జాబితాలో లేకపోతే, మళ్లీ కొత్తగా ఫారం–6 ఎందుకు సమర్పించాలని జస్టిస్‌ బాగ్చీ ప్రశ్నించారు. ఓటరు ఏమరుపాటుగా ఉంటే, శిక్షగా వారి ఓటుహక్కును శాశ్వతంగా లాగేసుకుంటారా? అని ఆక్షేపించారు. ఎస్‌ఐఆర్‌ విషయంలో విధించిన గడువులపై మొండిపట్టు వీడి, ఎన్యూమరేషన్‌ ఫారాలను ఆలస్యంగా సమర్పించే అవకాశాన్ని పౌరులకు కల్పించాలని ధర్మాసనం ఆదేశించింది. తొలగించిన ఓటర్ల వివరాలను స్థానిక భాషల్లో గ్రామ, మండల స్థాయిలో జాబితా రూపంలో ప్రజలకు అందుబాటులో ఉంచాలని తేల్చిచెప్పింది.ఓటర్లకుభరోసాఎస్‌ఐఆర్‌ వ్యవహారం కోర్టు పరిశీలనలో ఉన్నందున ఓటర్లు భయపడాల్సిన అవసరం లేదని ధర్మాసనం భరోసా ఇచ్చింది. ఎస్‌ఐఆర్‌ ద్వారా పేరు తొలగించినా, గడువు ముగిసినా నామినేషన్ల చివరి తేదీ వరకు ఓటర్ల జాబితాలో న మోదు చేసుకునే హక్కు పౌరులకు ఉంటుందని స్పష్టం చేసింది. ఈ కేసు తదుపరి విచారణను ధర్మాసనం డిసెంబర్‌ 19కి వాయిదా వేసింది. ఇదీ చదవండి : సడన్ ట్విస్ట్.. సీఈసీ జ్ఞానేశ్ కుమార్ ఈవెంట్స్ క్యాన్సల్!

సాక్షి, అమరావతి: రాష్ట్రంలో స్థానిక ఎన్నికల సందర్భంగా అధికార పార్టీ బరి తెగించి అక్రమాలకు పాల్పడుతున్నా రాష్ట్ర ఎన్నికల కమిషన్‌ నిర్లిప్తంగా వ్యవహరించడం.. సుప్రీంకోర్టు ఆదేశాలనూ బేఖాతర్‌ చేయడంపై వైఎస్సార్‌సీపీ తీవ్రంగా పరిగణించింది. ఎస్‌ఈసీ నిర్లక్ష్యం కారణంగా మున్సిపల్‌ ఎన్నికల కౌంటింగ్‌ సందర్భంగా చోటు చేసుకుంటున్న ఘటనలపై ప్రతి స్పందించింది. కుప్పం మున్సిపాలిటీలో ఓట్ల లెక్కింపు సందర్భంగా.. వైఎస్సార్‌సీపీ అభ్యర్థులు, కౌంటింగ్‌ ఏజెంట్లను బయటకు పంపించడం, పోలీసుల లాఠీచార్జి.. అనంతపురం జిల్లా కళ్యాణదుర్గం మున్సిపాలిటీలో ఓట్ల లెక్కింపు సందర్భంగా వైఎస్సార్‌సీపీ గెలిచిన వార్డుల్లోనే రీకౌంటింగ్‌కు అనుమతి ఇవ్వడంపై ఎన్నికల కమిషన్‌ తక్షణ జోక్యం చేసుకోవాలని వైఎస్సార్‌సీపీ కోరింది. ఈ నేపథ్యంలో సుప్రీంకోర్టు ఆదేశాల మేరకు ఇప్పటికైనా స్పందించి చర్యలు తీసుకోవాలని సూచిస్తూ వైఎస్సార్‌సీపీ మంగళవారం 16 వేర్వేరు ఫిర్యాదులు చేసింది. ఈ మేరకు పార్టీ ఎమ్మెల్సీ లేళ్ల అప్పిరెడ్డి ఎస్‌ఈసీకి లేఖలు రాశారు. అందులో వివరాలివీ... సమస్యాత్మక కేంద్రాల్లో ప్రత్యేక భద్రతా ఏర్పాట్లు.. రాష్ట్రంలోని పలు జిల్లాల్లో సమస్యాత్మక ప్రాంతాల్లో గతంలో చోటు చేసుకున్న ఘటనలను దృష్టిలో ఉంచుకుని సుప్రీంకోర్టు ఆదేశాల ప్రకారం సీసీటీవీ, వీడియోగ్రఫీ ఏర్పాటుతోపాటు అదనపు పోలీసు బలగాలను మోహరించాలి. శ్రీసత్యసాయి జిల్లా ధర్మవరం రూరల్‌ మండలం, ధర్మవరం అసెంబ్లీ నియోజకవర్గ పరిధిలోని ముదిగుబ్బ, తాడిమర్రి మండలాలు, ఇదే జిల్లాలోని బత్తలపల్లి మండలంలో తగిన ఏర్పాట్లు చేయాలి. తిరుపతి జిల్లా పెల్లకూరు మండలం పునబాక, చిల్లకూరు గ్రామాల ఎస్సీ, ఎస్టీ ఓటర్లకు రక్షణతోపాటు అన్ని పోలింగ్‌ కేంద్రాల్లో ఏజెంట్లకు తగిన పోలీసు భద్రత కల్పించాలి. శ్రీకాకుళం జిల్లా నందిగాం మండలంలోని 56, 57, 58, 59 పోలింగ్‌ కేంద్రాల వద్ద, మార్కాపురం జిల్లా హనుమంతునిపాడు మండలంలోని సమస్యాత్మక కేంద్రాల్లో ప్రత్యేక భద్రతా ఏర్పాట్లు చేయాలి. 100 శాతం వెబ్‌కాస్టింగ్, సీసీటీవీలు.. తిరుపతి జిల్లా చినగొట్టిగల్లు, రామచంద్రాపురం మండలాల్లోని కీలక, అత్యంత కీలకమైన పోలింగ్‌ కేంద్రాల్లో కేంద్ర సాయుధ పోలీసు బలగాల మోహరింపు, వెబ్‌కాస్టింగ్, ప్రత్యేక భద్రతా ఏర్పాట్లు చేయాలి. చిత్తూరు జిల్లా పలమనేరు నియోజకవర్గంలోని సమస్యాత్మక, అత్యంత సమస్యాత్మక పోలింగ్‌ కేంద్రాల్లో అదనపు బలగాలు, కేంద్ర సాయుధ పోలీసు బలగాలు, 100 శాతం వెబ్‌కాస్టింగ్, సీసీటీవీలు ఏర్పాట్లు చేయాలి. దీంతో పాటు తిరుపతి జిల్లా పెల్లకూరు మండలంలో అధికారికంగా నియమించిన ఏజెంట్లను అన్ని పోలింగ్‌ కేంద్రాల్లోకి అనుమతించి స్వేచ్ఛాయుత, నిష్పక్షపాత ఎన్నికలు జరిగేలా చూడాలి. కుప్పంలో విపక్ష అభ్యర్థులు, ఏజెంట్లను గెంటేసి కౌంటింగ్‌... మున్సిపల్‌ ఎన్నికల కౌంటింగ్‌ సందర్భంగా పలుచోట్ల చోటు చేసుకున్న ఘటనలపై ఎన్నికల కమిషన్‌ తక్షణం చర్యలు తీసుకోవాలి. కుప్పం మున్సిపాలిటీలో ఓట్ల లెక్కింపు సందర్భంగా వైఎస్సార్‌సీపీ అభ్యర్థులు, కౌంటింగ్‌ ఏజెంట్లను బయటకు పంపించడం, పోలీసుల లాఠీచార్జి, అనంతపురం జిల్లా కళ్యాణదుర్గం మున్సిపాలిటీలో ఓట్ల లెక్కింపు సందర్భంగా అక్రమాలకు తెర తీస్తూ.. వైఎస్సార్‌సీపీ గెలిచిన వార్డుల్లోనే రీకౌంటింగ్‌కు అనుమతి ఇవ్వడంపై ఎన్నికల కమిషన్‌ తక్షణ జోక్యం చేసుకోవాలి. వీటితో పాటు ప్రకాశం జిల్లా చీమకుర్తి కౌంటింగ్‌ కేంద్రంలో టీడీపీ నాయకులు, వారి అనుచరులు వైఎస్సార్‌సీపీ కౌంటింగ్‌ ఏజెంట్లను అడ్డుకోవడం, పోలీసులు స్పందించకపోవడంపై తక్షణ జోక్యం చేసుకోవాలి. ఆత్మకూరు మున్సిపాలిటీలో 26, 27 వార్డుల్లో రీకౌంటింగ్‌ సందర్భంగా చోటు చేసుకున్న అక్రమాలు, అనధికార వ్యక్తులు కౌంటింగ్‌ హాల్‌లోకి ప్రవేశించడంపై స్వతంత్ర బృందం పర్యవేక్షణలో తిరిగి లెక్కింపు జరపాలి. ఆ అధికారులపై చర్యలు తీసుకోవాలి... గతంలో పులివెందుల జెడ్పీటీసీ ఉపఎన్నికల సందర్భంగా జిల్లా ఎన్నికల అధికారిగా వ్యవహరించిన కడప కలెక్టర్‌ చెరుకూరి శ్రీధర్‌ ఎన్నికల ప్రక్రియను అధికార పార్టీకి అనుకూలంగా నిర్వహించేలా అవకాశం కల్పించారు. ఆ ఉపఎన్నిక సందర్భంగా జరిగిన చోటు చేసుకున్న అక్రమాల గురించి తెలిసి కూడా పట్టించుకోలేదు. ఓటరు స్లిప్పుల పంపిణీలో అక్రమాలు, పెద్ద సంఖ్యలో ఓటర్లను ఒక ప్రాంతం నుంచి మరొక ప్రాంతానికి తరలించడం లాంటి అంశాలపై ఫిర్యాదులు అందినా తగిన చర్యలు తీసుకోలేదు. దీనిపై స్వతంత్ర విచారణ జరిపించడంతో పాటు పక్షపాతంగా వ్యవహరించిన అధికారులపై చర్యలు తీసుకోవాలి. వారిని ఎన్నికల విధుల నుంచి తప్పించి స్థానిక సంస్థల ఎన్నికలు నిష్పక్షపాతంగా జరిగేలా చర్యలు తీసుకోవాలి. పోలింగ్‌ రికార్డింగ్‌లు భద్రపరచాలని ఆదేశం.. వైఎస్సార్‌సీపీ ఎమ్మెల్సీ లేళ్ల అప్పిరెడ్డి ఫిర్యాదులపై స్పందించిన రాష్ట్ర ఎన్నికల కమిషన్‌ తాజాగా కీలక ఆదేశాలు జారీ చేసింది. సుప్రీంకోర్టు ఆదేశాల ప్రకారం ఎంపీటీసీ, జెడ్పీటీసీ ఎన్నికల్లో అన్ని పోలింగ్‌ కేంద్రాలు, స్ట్రాంగ్‌ రూములు, కౌంటింగ్‌ కేంద్రాల్లో సీసీటీవీ లేదా వీడియోగ్రఫీ ఏర్పాట్లు చేయాలని అన్ని జిల్లాల కలెక్టర్లు, జిల్లాల ఎన్నికల అధికారులు, ఎస్పీలు, పోలీసు కమిషనర్లను ఆదేశించింది. ఎన్నికల పిటిషన్‌ దాఖలు చేసే గడువు ముగిసే వరకు లేదా దానిపై తుది పరిష్కారం అయ్యేవరకు రికార్డింగ్‌లను భద్రపరచాలని స్పష్టం చేసింది. అలాగే ఆయా ఫిర్యాదులపై తీసుకున్న చర్యల నివేదికను ఈ నెల 4వ తేదీ సాయంత్రం 4 గంటలలోపు సమర్పించాలని ఆదేశించింది.

సాక్షి, న్యూఢిల్లీ: దేశీయచట్టాల ప్రకారం వివాహం చేసుకున్న వ్యక్తులు, విదేశీ కోర్టుల్లో అక్కడి నిబంధనల ప్రకారం విడాకులు తీసుకుని రెండో వివాహం చేసుకుంటే, భారతీయ చట్టాల ప్రకారం ఆ విడాకులు చెల్లవని సుప్రీంకోర్టు సంచలన తీర్పు వెలువరించింది. హిందూ వివాహ చట్టంలో లేని ‘సరిదిద్దలేని విధంగా వివాహ బంధం దెబ్బతినడం’ (ఇర్రిట్రీవబుల్‌ బ్రేక్‌డౌన్‌ ఆఫ్‌ మ్యారేజ్‌) అనే కారణంతో లండన్‌ కోర్టు మంజూరు చేసిన విడాకుల డిక్రీని ప్రాతిపదికగా తీసుకుని ఐపీసీ సెక్షన్‌ 494 (బహు­భా­ర్యత్వం) నుంచి తప్పించుకోలేరని న్యాయ­మూర్తులు జస్టిస్‌ ప్రశాంత్‌ కుమార్‌ మిశ్రా, జస్టిస్‌ శ్రీ చంద్రశేఖర్‌లతో కూడిన ద్విసభ్య ధర్మాసనం మంగళవారం స్పష్టం చేసింది.అసలేం జరిగింది?ఏపీలోని ఓ డాక్టర్‌కు పల్నాడు జిల్లాలో హిందూ సంప్రదాయం ప్రకారం వివాహం జరిగింది. అనంతరం ఆయన ఇంగ్లాండ్‌ వెళ్లారు. కుమారుడు జన్మించిన అనంతరం దంపతుల మధ్య మన­స్పర్థలు రావడంతో విడాకులు, పిల్లల కస్టడీ కోసం ఏపీలోని స్థానిక కోర్టులో ఆయన పిటిషన్‌ వేశారు. అది వీగిపోవడంతో హైకోర్టును ఆశ్రయించి, అనంతరం ఆ అప్పీల్‌ను కూడా ఉపసంహరించుకున్నారు. దీంతో వారి వివాహం చట్టబద్ధంగా కొనసాగు­తూనే ఉంది.లండన్‌ కోర్టులో విడాకులు.. రెండో పెళ్లి... ఆ డాక్టర్‌ ఎనిదేళ్లపాటు అక్కడే ఉండడంతో యూకే పౌరసత్వం పొందారు. 2013 ఆగస్టు 16న ఇంగ్లాండ్‌లోని కేంబ్రిడ్జ్‌ కౌంటీ కోర్టులో విడాకుల కోసం దరఖాస్తు చేశారు. 2014 జనవరి 29న వివాహ బంధం కోలుకోలేని విధంగా దెబ్బతిన్నదన్న కారణంతో కోర్టు విడాకులు మంజూరు చేసింది. 2014లో ఆయన మరో మహిళను యూకేలోని నార్ఫోక్‌లో రెండో వివాహం చేసుకున్నారు. ఈ విషయం తెలుసుకున్న మొదటి భార్య పల్నాడు జిల్లాలో పోలీసులకు ఫిర్యాదు చేయగా, డాక్టర్, అతని తల్లిదండ్రులు సహా రెండో భార్యపై ఐపీసీ 494, 120బీ, 34 సెక్షన్ల కింద కేసు నమోదైంది. స్థానిక జడ్జి వీరందరిపై విచారణకు ఆదేశించారు.అత్తమామలు, రెండో భార్యకు ఊరట... రెండో పెళ్లికి సంబంధించి కుట్ర చేశారనడానికి ఎలాంటి ప్రత్యక్ష ఆధారాలు లేనందున డాక్టర్‌ తల్లిదండ్రులపై ఉన్న కేసును ధర్మాసనం కొట్టివేసింది. మొదటి వివాహం కొనసాగుతున్న విషయం రెండో భార్యకు ముందే తెలుసనడానికి తగిన ఆధారాలు లేవని, చట్టం దృష్టిలో క్రిమినల్‌ బాధ్యతను ఒక్కొక్కరిపై వేర్వేరుగా నిర్ధారించాల్సి ఉంటుందని తెలుపుతూ ఆమెపై కేసును సైతం కొట్టివేస్తున్నట్లు ద్విసభ్య ధర్మాసనం తుది తీర్పులో వెల్లడించింది.సుప్రీంకోర్టు కీలక వ్యాఖ్యలు.. ఈ క్రిమినల్‌ కేసును కొట్టివేయాలని కోరుతూ నిందితులు ఏపీ హైకోర్టును ఆశ్ర­యించగా, 2019 జూలై 8న వారి పిటి­షన్లను తోసిపుచ్చింది. దీన్ని సవాలు చేస్తూ నిందితులు సుప్రీంకోర్టులో వేర్వేరుగా అప్పీళ్లు దాఖలు చేశారు. విచారణ చేపట్టిన సుప్రీంకోర్టు ధర్మాసనం కీలక తీర్పు వెలువరించింది. విదేశీ కోర్టు ఇచ్చిన తీర్పులు సీపీసీ సెక్షన్‌ 13, 14 నిబంధన­లకు లోబడి ఉండాలని పేర్కొంది. హిందూ చట్టం ప్రకారం పెళ్లి జరిగినప్పు­డు, ఆ చట్టంలో లేని కారణాలను చూపి విదేశీ కోర్టులు ఇచ్చే విడాకుల డిక్రీలు భారత్‌లో చెల్లవని వై. నరసింహారావు కేసును ఉటంకిస్తూ స్పష్టం చేసింది. పౌరసత్వం మారి­నంత మాత్రాన తొలి వివాహ బాధ్యతల నుంచి భర్త తప్పించుకోలేరని, బహుభా­ర్యత్వం అనేది నిరంతర నేరమని తేల్చిచె­ప్పింది. నిబంధనలకు విరుద్ధంగా విదేశా­ల్లో విడాకులు తీసుకున్న డాక్టర్‌కు విదేశీ డిక్రీ రక్షణ కవచంగా మారబోదని, అత­నిపై పల్నాడులోని కోర్టులో విచారణ కొనసాగాల్సిందేనని స్పష్టం చేస్తూ అప్పీల్‌ను కొట్టివేసింది.

సాక్షి, న్యూఢిల్లీ: అయోధ్య రామ మందిర విరాళాల చోరీ వ్యవహారంపై స్వతంత్ర దర్యాప్తు కోరుతూ దాఖలైన పిటిషన్లను సుప్రీంకోర్టు కొట్టివేసింది. ఉత్తరప్రదేశ్‌ ప్రభుత్వం ఏర్పాటు చేసిన ప్రత్యేక దర్యాప్తు బందం (సిట్‌) ఇప్పటికే విచారణ పూర్తి చేసి చార్జిషీట్‌ దాఖలు చేసిన నేపథ్యంలో ఈ నిర్ణయం తీసుకున్నట్లు సీజేఐ జస్టిస్‌ సూర్యకాంత్, జస్టిస్‌ జాయ్‌మాల్య బాగ్చీ, జస్టిస్‌ వి.మోహనల ధర్మాసనం సోమవారం తెలిపింది. దర్యాప్తు పూర్తయి చార్జిషీట్‌ దాఖలైనందున ఈ కేసును ఇక న్యాయపరంగా జ్యుడీషియల్‌ మేజి్రస్టేట్‌ పరిశీలిస్తుందని ధర్మాసనం స్పష్టం చేసింది. ఈ వ్యవహారంలో ప్రజా ప్రయోజనాలు ముడిపడి ఉన్నందున, చట్టప్రకారం ఒక కేసులో బాధితులు ఎలాగైతే కోర్టుకు సహకరిస్తారో, అదే రీతిలో మేజిస్ట్రేట్‌కు సహకరించేందుకు పిటిషనర్లకు స్వేచ్ఛను ఇస్తున్నట్లు పేర్కొంది. విచారణ నిష్పాక్షికంగా సాగేందుకు వీలుగా.. కేసుపూర్వాపరాలపై తాము ఎలాంటి అభిప్రాయం వ్యక్తం చేయడం లేదని ధర్మాసనం స్పష్టం చేసింది. ఈ సందర్భంగా యూపీ ప్రభుత్వం తరఫున సొలిసిటర్‌ జనరల్‌ తుషార్‌ మెహతా వాదనలు వినిపించారు. విరాళాల లెక్కింపు దశలోనే చోరీలు జరిగినట్లు సిట్‌ తేల్చిందని తెలిపారు. ఇందుకు సంబంధించి 8 మంది నిందితులను గుర్తించి, సెప్టెంబర్‌ 23న అయోధ్య కోర్టులో వారిపై చార్జిషిట్‌ వేసిందని వెల్లడించారు. నిందితులు దొంగిలించిన నగదును ఆస్తుల కొనుగోలుకు, బ్యాంకు డిపాజిట్లకు మళ్లించినట్లు కూడా తేలిందన్నారు. ఆడిట్‌ ప్రక్రియ కూడా పూర్తయిందని, ఆలయంలోని కానుకలు, వస్తువులు, ఇతర కళాఖండాలన్నీ భద్రంగానే ఉన్నాయని నివేదించారు. భవిష్యత్తులో ఇలాంటివి జరగకుండా తగిన చర్యలు తీసుకున్నట్లు ధర్మాసనానికి వివరించారు. విరాళాల చోరీ వ్యవహారం నేపథ్యంలో రామ జన్మభూమి తీర్థ క్షేత్ర ట్రస్ట్‌ ఆర్థిక లావాదేవీలపై సమగ్ర స్వతంత్ర దర్యాప్తు చేపట్టాలంటూ లాయర్‌ నరేంద్ర కుమార్‌ గోస్వామి, అజయ్‌ కుమార్‌ రాయ్, ఆర్జేడీ ఎంపీ సుధాకర్‌ సింగ్, హిందూ ధర్మ పరిషత్‌ పిటిషన్లు వేయడం తెల్సిందే. కాగా, ప్రధాన అయోధ్య వివాద కేసులో తీర్పునిచ్చిన భూమిలోనే రామమందిరం ఉందా లేదా అని నిర్ధారించాలంటూ దాఖలైన కొత్త పిటిషన్‌పై విచారణ చేపట్టేందుకు ధర్మాసనం తాజాగా నిరాకరించింది.

సాక్షి, న్యూఢిల్లీ: నీట్‌–పీజీ ప్రవేశ పరీక్షకు సంబంధించిన ప్రశ్నపత్రాలు, జవాబుల కీలను అభ్యర్థులకు అందుబాటులో ఉంచితే పరీక్షల సమగ్రత, పవిత్రతకు విఘాతం ఏవిధంగా కలుగుతుందో తెలపాలని సుప్రీంకోర్టు సోమవారం నేషనల్‌ బోర్డ్‌ ఆఫ్‌ ఎగ్జామినేషన్స్‌ ఇన్‌ మెడికల్‌ సైన్సెస్‌ (ఎన్‌బీఈఎంఎస్‌)ను ఆదేశించింది. నీట్‌–పీజీ ఆన్సర్‌ కీ, జవాబు పత్రాలను వెల్లడించకపోవడాన్ని సవాల్‌ చేస్తూ దాఖలైన పిటిషన్లపై జస్టిస్‌ పీఎస్‌ నరసింహ, జస్టిస్‌ అలోక్‌ ఆరాధేల ధర్మాసనం విచారణ చేపట్టింది. విద్యార్థులు తమ సమాధానాలను సరిచూసుకునేందుకు, మూల్యాంకనం కచ్చితత్వాన్ని సొంతంగా నిర్ధారించుకునేందుకు ప్రస్తుత విధానం ఏమాత్రం అవకాశం ఇవ్వడం లేదని పిటిషనర్ల న్యాయవాదులు తెలిపారు. ఆన్సర్‌ కీ, ప్రశ్నపత్రాలు అడిగితే ఎన్‌బీఈఎంఎస్‌ కేవలం ముక్తసరి సమాధానాలే చెబుతోందని నివేదించారు. విద్యార్థుల సందేహాలను నివృత్తి చేసేలా వివరాలు ఇవ్వడం లేదన్నారు. భవిష్యత్తులో జరిగే పీజీ మెడికల్‌ ప్రవేశ పరీక్షల్లో పారదర్శకత కోసం ప్రామాణిక విధివిధానాలను (ఎస్‌ఓపీ) కచ్చితంగా అమలు చేయాలని కోరారు. అయితే, నీట్‌–పీజీ కంప్యూటర్‌ ఆధారిత బహుళైచి్ఛక ప్రశ్నల (ఎంసీక్యూ) పరీక్ష అని, ఇందులో భౌతిక జవాబు పత్రాలు ఉండవని బోర్డు గతంలోనే స్పష్టం చేసిన విషయాన్ని ఈ సందర్భంగా న్యాయవాదులు ప్రస్తావించారు. ప్రశ్నపత్రాలు, ఆన్సర్‌ కీలు అత్యంత గోప్యమైనవని, వాటిని బయటపెట్టడం కుదరదని బోర్డు వాదిస్తోంది. పరీక్షలో పునర్‌మూల్యాంకనం (రీవాల్యుయేషన్‌) చేసే విధానం లేనందున సమాచార హక్కు చట్టం (ఆర్టీఐ) కింద కూడా ఈ వివరాలు అడిగే హక్కు అభ్యర్థులకు లేదని ఎన్‌బీఈఎంఎస్‌ చెబుతూ వస్తోంది. సోమవారం ఇరు పక్షాల వాదనలు విన్న ధర్మాసనం.. అసలు ఆన్సర్‌ కీలను వెల్లడిస్తే పరీక్షల సమగ్రతకు ఏ రకంగా భంగం వాటిల్లుతుందో కచ్చితమైన ఆధారాలతో తెలియజేయాలని ఎన్‌బీఈఎంఎస్‌ను ఆదేశించింది. జాతీయ స్థాయి పరీక్షల్లో పారదర్శకత తప్పనిసరి అని స్పష్టం చేసిన న్యాయస్థానం.. అభ్యర్థులు చేస్తున్న డిమాండ్లపై తదుపరి విచారణలో నిర్ణయం తీసుకోనుంది.

సాక్షి, ఢిల్లీ: దీపావళి సందర్భంగా ఢిల్లీ-ఎన్‌సీఆర్‌లో గ్రీన్ క్రాకర్స్ కాల్చేందుకు సుప్రీంకోర్టు అనుమతించింది. అయితే నవంబర్ 7, 8 తేదీల్లో మాత్రమే ధ్రువీకరించిన గ్రీన్ క్రాకర్స్ వినియోగానికి అవకాశం కల్పించింది. దీపావళి అనంతరం అంటే నవంబర్ 9 నుంచి మళ్లీ పూర్తిస్థాయి క్రాకర్స్ నిషేధం అమల్లోకి వస్తుందని సుప్రీంకోర్టు స్పష్టం చేసింది.అయితే సుప్రీంకోర్టు ఆదేశాల ప్రకారం దీపావళి రోజు ఉదయం 6 నుంచి 7 గంటల వరకు, మళ్లీ రాత్రి 8 నుంచి 10 గంటల వరకు మాత్రమే టపాసులు కాల్చాలి. అంతేకాదు ఆసుపత్రులు, వృద్ధాశ్రమాలు, విద్యాసంస్థలు వంటి ప్రాంతాలకు 300 మీటర్ల పరిధిలో ఎలాంటి క్రాకర్స్ కాల్చకూడదు. ఆయా ప్రాంతాలను నో-క్రాకర్ జోన్లుగా ప్రకటించాలని అధికారులను సుప్రీంకోర్టు ఆదేశించింది. ఈ నిబంధనలు ఉల్లంఘిస్తే తయారీదారులు, వ్యాపారులు సమర్పించిన సెక్యూరిటీ డిపాజిట్‌ను జప్తు చేయాలని సుప్రీంకోర్టు స్పష్టం చేసింది.గ్రీన్ క్రాకర్స్ ప్రత్యేకత ఏమిటంటే?CSIR-NEERI అభివృద్ధి చేసిన గ్రీన్ క్రాకర్స్ సంప్రదాయ టపాసులతో పోలిస్తే సుమారు 30 శాతం తక్కువ కాలుష్యాన్ని విడుదల చేస్తాయని చెబుతున్నారు. వీటి వల్ల పొగ, దుమ్ము, శబ్దం కూడా తక్కువగా ఉంటాయి. అయితే వీటిని పూర్తిగా కాలుష్యరహితమైనవిగా భావించకూడదు. గ్రీన్ క్రాకర్స్ కాల్చినప్పుడు కూడా కొంతమేర కాలుష్య కారకాలు గాలిలోకి విడుదలవుతాయి. అందువల్ల వీటి వినియోగంలోనూ జాగ్రత్తలు అవసరం.ఇదీ చదవండి: రాప్తాడు బాలికకు వైఎస్ జగన్ పరామర్శ

సాక్షి, అమరావతి: స్థానిక సంస్థల ఎన్నికల నిర్వహణలో రాష్ట్ర ఎన్నికల కమిషన్‌ (ఎస్‌ఈసీ) పూర్తిగా విఫలమైందని, కనీసం పోలింగ్‌ కేంద్రాల్లో సీసీ కెమెరాలు పెట్టాలన్న సుప్రీం కోర్టు ఆదేశాలను కూడా లెక్కచేయడం లేదని వైఎస్సార్‌సీపీ ఎమ్మెల్సీ లేళ్ల అప్పిరెడ్డి, మాజీ ఎమ్మెల్యే మల్లాది విష్ణు, పార్టీ లీగల్‌ సెల్‌ అధ్యక్షుడు మలసాని మనోహర్‌ రెడ్డి మండిపడ్డారు. వారు శనివారం మరోసారి ఎస్‌ఈసీని కలిసి పోలింగ్‌ కేంద్రాల్లో సీసీ కెమెరాల ఏర్పాటు, పోలింగ్‌ రోజు నిరంతర వెబ్‌ క్యాస్టింగ్‌తో పాటు పలు అంశాలపై వినతిపత్రం సమర్పించారు. నామినేషన్ల ప్రక్రియ మొదలైన నాటి నుంచీ తాము చేస్తున్న ఫిర్యాదుల్ని పట్టించుకోని ఎస్‌ఈసీ.. ఆదివారం పోలింగ్‌ నిర్వహణలో కూడా విఫలమైతే మాత్రం న్యాయపోరాటం తప్పదని వైఎస్సార్‌సీపీ నేతలు హెచ్చరించారు. ఎవరి అండతో ఎస్‌ఈసీ ఈ విధంగా వ్యవహరిస్తోంది?ఎస్‌ఈసీని కలిసిన అనంతరం మల్లాది విష్ణు, మలసాని మనోహర్‌ రెడ్డితో కలిసి లేళ్ల అప్పిరెడ్డి మీడియాతో మాట్లాడుతూ... ‘ఈ ఎన్నికల్లో అధికార కూటమి అక్రమాలు, దౌర్జన్యాలపై దాదాపు ప్రతి రోజూ ఎస్‌ఈసీకి ఫిర్యాదులు చేస్తూనే ఉన్నాం. రెవెన్యూ, పోలీసు అధికారులు, రాష్ట్ర ఎన్నికల కమిషన్‌ వైఫల్యాలపైనా ఫిర్యాదులు చేస్తున్నాం. అయినా ఎలాంటి స్పందన లేదు. ఎస్‌ఈసీ కార్యాలయం కేవలం పోస్టాఫీసులా మారింది. ప్రజాస్వామ్యాన్ని కాపాడే స్వతంత్ర సంస్థలా లేదు. పోలింగ్‌ బూత్‌లలో సీసీ కెమెరాలు పెట్టాలని సుప్రీం కోర్టు చెప్పినా లెక్కచేయలేదు. ఎస్‌ఈసీ ఎవరి అండ చూసుకుని ఈ విధంగా ప్రవరిస్తున్నారు? కనీసం 7 వేల పోలింగ్‌ బూత్‌లలో కూడా సీసీ కెమెరాలు, వెబ్‌ క్యాస్టింగ్‌ లేవని అధికారులే చెప్తున్నారు. దేశంలో ఇంత అసమర్ధమైన ఎస్‌ఈసీని చూడలేదు. చివరి నిమిషంలో కోర్టు ఆదేశాలు వస్తే ఇప్పటికిప్పుడు సీసీ కెమెరాలు ఎలా పెట్టగలమని ఎస్‌ఈసీ ప్రైవేటు సంభాషణల్లో మాట్లాడు­తున్నారు. ఎస్‌ఈసీ మాట్లాడాల్సిన మాటలా ఇవి? ఈరోజు ప్రెస్‌ కాన్ఫరెన్స్‌లో పోలింగ్‌కు సంబంధించి కఠిన నిర్ణయాలు వెల్లడిస్తారని భావించాం. కానీ ఆయన ఆఫ్‌ ది రికార్డ్‌గా సీసీ కెమెరాలు పెట్టలేమని తేల్చేశారు. వెన్నుపోటు పార్టీకి చెందిన వారు ఏకగ్రీవంగా గెలిచారని ఎస్‌ఈసీ చెప్పడం ఏంటి? రాజ్యాంగ పదవిలో ఉన్న ఆయన కూడా పచ్చ చొక్కా వేసుకుంటే సరిపోతుంది. ఆదివారం జరిగే ఎన్నికల్లో రాష్ట్రంలో ఏ చిన్న ఘటన జరిగినా, దొంగ ఓట్లు వేసుకున్నా, రిగ్గింగ్‌ జరిగినా ఎస్‌ఈసీ పూర్తి బాధ్యత వహించాలి. ఎస్‌ఈసీపై న్యాయ­పోరాటానికి సిద్ధంగా ఉన్నాం. పదవిలో ఉన్నా, లేకున్నా వదిలిపెట్టేది లేదు’ అని స్పష్టం చేశారు.ఆ సర్క్యులర్‌ ఎందుకు బయటపెట్టరు? ‘ఏజెంట్లుగా ఫారాలు ఇచ్చిన వాళ్లను గంట ముందు పోలింగ్‌ కేంద్రాల్లో కూర్చొబెట్టాలన్న సర్క్యులర్‌ ఎందుకు ఇవ్వరు? అదే అడిగితే నిన్న చెప్పిన మాటే ఇవాళా చెప్పారు. బూత్‌ల ఆక్రమణ, రిగ్గింగ్‌ కోసం బయటి వ్యక్తులు వందల సంఖ్యలో నగరాలకు, పట్టణాలకు వచ్చి తిష్ట వేస్తున్నారు. వారిని బయటకు పంపమంటే వినిపించుకోరు. ఎప్పుడైనా రాజకీయ పార్టీల మధ్య ఎన్నికలు జరుగుతాయి. ఇప్పుడు ఏపీలో వైఎస్సార్‌సీపీ ఓవైపు టీడీపీతో, మరోవైపు పచ్చ చొక్కాలు వేసుకున్న రెవెన్యూ అధికారులు, ఎస్‌ఈసీతో పోరాడాల్సి వస్తోంది. దీనిపై ప్రజలు, ఓటర్లు విజ్ఞతతో ఆలోచించాలి. అధికారం అండ చూసుకుని దుర్మార్గాలకు పాల్పడుతున్న టీడీపీకి ఓటు అనే ఆయుధంతో బుద్ధి చెప్పాలి. ప్రజాస్వామ్య పునరుద్ధరణలో వైఎస్సార్‌సీపీకి అండగా నిలవాలి’ అని చెప్పారు.

సాక్షి, అమరావతి: స్థానిక సంస్థల ఎన్నికల నిర్వహణలో రాష్ట్ర ఎన్నికల కమిషన్‌ (ఎస్‌ఈసీ)ఘోర వైఫల్యంపై నేడు వైఎస్సార్‌సీపీ దేశ అత్యున్నత న్యాయస్థానం సుప్రీంకోర్టులో పిటిషన్‌ దాఖలు చేయనుంది. నామినేషన్ల నుంచి పోలింగ్‌ వరకు ప్రశాంత వాతావరణం కల్పించాలని స్పష్టమైన ఆదేశాలు జారీ చేసినా ఎస్‌ఈసీ పట్టించుకోలేదు. శాంతి భద్రతలకు తీవ్రంగా విఘాతం కలుగుతున్నా, చూసిచూడనట్లు వ్యవహరిస్తూ కోర్టు ఆదేశాలను ధిక్కరిస్తోంది. నామినేషన్లు దాఖలు చేయనివ్వక పోవడం, ఏకంగా ఆర్వోల చేతుల్లోంచే పత్రాలు లాక్కోవడం.. ఇవన్నీ ఎదుర్కొని నామినేషన్‌ దాఖలు చేసిన చోట పోలింగ్‌ సజావుగా జరిగేలా ఏమాత్రం చర్యలు తీసుకోవడం లేదని స్పష్టంగా తెలుస్తోంది. ఎన్నికలు జరిగే ప్రతి పోలింగ్‌ కేంద్రంలో సీసీ కెమెరాలు ఏర్పాటు చేయాలని, పోలింగ్‌ రోజు నిరంతర వెబ్‌ కాస్టింగ్‌ జరిగేలా చర్యలు తీసుకోవాలని సుప్రీంకోర్టు స్పష్టంగా ఆదేశాలిచ్చినా.. ఆ దిశగా ఎస్‌ఈసీ చర్యలు తీసుకోలేదు. ఆదివారం మున్సిపల్‌ ఎన్నికల పోలింగ్‌ జరుగుతున్న నేపథ్యంలో శనివారం రాత్రి పొద్దుపోయే సమయానికి కూడా చాలాచోట్ల సీసీ కెమెరాలు ఏర్పాటు చేయలేదు. కొన్నిచోట్ల సీసీ కెమెరాలు మొక్కుబడిగా ఏర్పాటు చేసినా, వాటిని కంప్యూటర్లకు అనుసంధానం చేయలేదు. పైకి మాత్రం అన్నీ చేస్తున్నట్లు కలరింగ్‌ ఇస్తూ సుప్రీంకోర్టునే తప్పుదోవ పట్టించేలా వ్యవహరిస్తోంది. వీటన్నింటిపై నేడు వైఎస్సార్‌సీపీ సుప్రీంకోర్టు దృష్టికి తీసుకెళ్లనుంది.

సాక్షి, అమరావతి: రాష్ట్రంలో స్థానిక సంస్థల వేళ రాష్ట్ర ఎన్నికల సంఘానికి సుప్రీంకోర్టు కీలక ఆదేశాలిచ్చింది. మున్సిపల్‌ ఎన్నికలతో పాటు త్వరలో జరిగే ఎంపీటీసీ, జెడ్పీటీసీ, పంచాయతీ ఎన్నికల్లో అన్ని నామినేషన్‌ కేంద్రాలు, రిటర్నింగ్‌ అధికారుల కార్యాలయా­లు, పోలింగ్‌ కేంద్రాలు, స్ట్రాంగ్‌ రూంలు, కౌంటింగ్‌ కేంద్రాల వద్ద సీసీటీవీ కెమెరాలు ఏర్పాటుచేసి తీరాలని రాష్ట్ర ఎన్నికల సంఘా­న్ని ఆదేశించింది. ఎన్నికల అక్రమాలపై అభ్య­ర్థులు ఎన్నికల పిటిషన్‌ దాఖలు చేసుకునేందుకు చట్టం నిర్దేశించిన కాలపరిమితి వరకు సీసీటీవీ ఫుటేజీని భద్రపరచాలని కూడా ఆదేశించింది. ఒకవేళ ఎన్నికల పిటిషన్‌ దాఖలైతే, ఆ వ్యాజ్యం తేలేంత వరకు ఆ సీసీటీవీ ఫుటేజీని భద్రపరచాలని తేల్చి చెప్పింది. ఎన్నికల ట్రిబ్యునల్‌ కోరినప్పుడు ఆ ఫుటేజీ ఇవ్వాలంది. ఎన్నికల పిటిషన్‌ దాఖలు చేసిన అభ్యర్థులు, అందులో ప్రతివాదులుగా ఉన్న వారు ఎవరైనా కూడా ఆ సీసీటీవీ ఫుటేజీ కోసం దరఖాస్తు చేసుకుంటే, దానిని వారికి అందుబాటులో ఉంచాలని రాష్ట్ర ఎన్నికల సంఘాన్ని సుప్రీంకోర్టు ఆదేశించింది. తాము జారీ చేసిన ఆదేశాలతో పాటు ఎన్నికల సంఘం జారీ చేసిన మార్గదర్శకాలను డీజీపీ తప్పనిసరిగా అమలు చేయాలని ఆదేశించింది. రాబోయే ఎంపీటీసీ, జెడ్పీటీసీ, పంచాయతీ ఎన్నికల్లో పోటీ చేయాలనుకునే అభ్యర్థులందరూ ఎలాంటి అడ్డంకులు లేకుండా సజావుగా నామినేషన్లు దాఖలు చేయడానికి వీలుగా నామినేషన్‌ కేంద్రాల వద్ద తగిన బందోబస్తు ఏర్పాటు చేయాలని డీజీపీని సుప్రీంకోర్టు ఆదేశించింది. మొత్తం ఎన్నికల ప్రక్రియ అంతటా శాంతి భద్రతలను కాపాడాల్సిన బాధ్యత డీజీపీదేనని స్పష్టం చేసింది. రాజకీయ పార్టీలకు, ఎన్నికల్లో పోటీ చేయాలనుకుంటున్న అభ్యర్థులకు ఉన్న భయాలు, అనుమానాలు, ఆందోళనలను తొలగించడానికి అవసరమైన అన్ని చర్యలూ తీసుకోవాలని రాష్ట్ర ఎన్నికల సంఘాన్ని ఆదేశించింది. అభ్యర్థులందరూ ఎలాంటి ఒత్తిళ్లు, భయాలు లేకుండా స్వేచ్ఛగా, న్యాయంగా ఎన్నికల్లో పోటీ చేయడానికి సమాన అవకాశాలు ఉండేలా చూడాల్సిన బాధ్యత రాష్ట్ర ఎన్నికల సంఘానిదేనని తేల్చి చెప్పింది. నామినేషన్ల గడువు పెంచాలి.. కలెక్టర్లే నామినేషన్లు స్వీకరించేలా ఏర్పాట్లు చేయాలి ‘శాంతి భద్రతల విఘాతం కారణంగా అభ్యర్థులు నామినేషన్లు వేయలేకపోతున్నారని రాజకీయ పార్టీలు లేదా అభ్యర్థులు వినతి పత్రాలు సమర్పిస్తే, వాటిని రాష్ట్ర ఎన్నికల సంఘం పరిగణనలోకి తీసుకోవాలి. ఆ వినతి పత్రాల్లో లేవనెత్తిన అంశాల్లో వాస్తవం ఉందని భావిస్తే, పరిస్థితిని చక్కదిద్దడానికి ఎన్నికల సంఘం తగిన చర్యలు చేపట్టాలి. అందులో భాగంగా నామినేషన్ల గడువును పెంచాలి. స్థానిక కేంద్రాల వద్ద భయాందోళనలు ఉంటే, అవసరమైన చోట నేరుగా జిల్లా కలెక్టర్‌ వద్దే నామినేషన్లు స్వీకరించేలా ఏర్పాట్లు చేయాలి. ఎన్నికల ఫలితాలను సవాలు చేసే పూర్తి హక్కు వారికి ఉంది ‘ఎవరైనా అభ్యర్థి ఆటంకాలు లేదా నిరోధాల కారణంగా తన నామినేషన్‌ను దాఖలు చేయలేకపోతే, ఆ అభ్యర్థి చట్టప్రకారం ఎన్నికల పిటిషన్‌ను దాఖలు చేసుకునే పూర్తి హక్కు కలిగి ఉంటారని సుప్రీంకోర్టు స్పష్టం చేసింది. ఒక అభ్యర్థి సమర్పించిన నామినేషన్‌ పత్రాన్ని... ఆ అభ్యర్థికి తెలియకుండా లేదా అతని అనుమతి లేకుండా ఉపసంహరించినా, లేదా పరిశీలన సమయంలో రిటర్నింగ్‌ అధికారి అక్రమంగా, తప్పుగా తిరస్కరించినా.. ఆ అభ్యర్థి ఆయా కారణాలను ఆసరాగా చేసుకుని ఎన్నికల పిటిషన్‌ దాఖలు చేసి ఎన్నికల ఫలితాలను సవాలు చేసే పూర్తి హక్కు కలిగి ఉంటారు.’ అని సుప్రీంకోర్టు ధర్మాసనం తేల్చి చెప్పింది. ఆధారాలతో నిరూపిస్తే.. అది అక్రమ తిరస్కరణే అవుతుంది ‘హింస లేదా అడ్డంకుల వల్ల నామినేషన్‌ దాఖలు చేయలేకపోయిన అభ్యర్థులు, అలాగే తమ వినతులను రాష్ట్ర ఎన్నికల సంఘం సానుకూలంగా పరిశీలించలేదని భావించినవారు.. ఎన్నికల ఫలితాలు వెలువడిన తర్వాత చట్టప్రకారం ఎన్నికల ట్రిబ్యునల్‌ ముందు వ్యక్తిగతంగా ఎన్నికల పిటిషన్‌ ద్వారా ఆ ఫలితాన్ని సవాల్‌ చేయవచ్చు. ఎన్నికల పిటిషన్‌ వేసిన అభ్యర్థి తాను నిర్దేశిత సమయంలో నామినేషన్‌ కేంద్రానికి వెళ్లానని, అయితే బలప్రయోగం, బెదిరింపులు లేదా ఆటంకాల వల్ల నామినేషన్‌ వేయలేకపోయానని తగిన సాక్ష్యాధారాలతో ట్రిబ్యునల్‌ ముందు నిరూపించుకోవాలి. తనను అడ్డుకున్నారని అభ్యర్థి ఆధారాలతో నిరూపిస్తే, రిటర్నింగ్‌ ఆఫీసర్‌ లేదా ఎన్నికల అధికారి నామినేషన్‌ను అక్రమంగా తిరస్కరించడంగా పరిగణించాల్సి ఉంటుందని సుప్రీంకోర్టు ఆదేశించింది. ఎన్నికల ట్రిబ్యునల్‌ ఈ ప్రాతిపదికన సదరు పిటిషన్‌ను విచారించి చట్టప్రకారం తుది నిర్ణయం తీసుకోవాలి’ అంటూ సుప్రీంకోర్టు ఆదేశాలు జారీ చేసింది. కార్పొరేషన్‌ ఎన్నికను రెండు నెలల్లో.. మునిసిపాలిటీ ఎన్నికను 15 రోజుల్లో సవాల్‌ చేయాలి ‘పంచాయతీ లేదా మున్సిపాలిటీ ఎన్నికల ఫలితాలను కేవలం ‘ఎలక్షన్‌ పిటిషన్‌’ ద్వారా మాత్రమే ప్రశ్నించడానికి, సవాల్‌ చేయడానికి అవకాశం ఉంటుంది. వేరే ఏ ఇతర ప్రత్యక్ష మార్గం లేదా పిటిషన్‌ ద్వారా ఎన్నికలను నేరుగా సవాలు చేయలేరు. మున్సిపల్‌ కార్పొరేషన్ల చట్టం, 1955లోని సెక్షన్‌ 71 ప్రకారం, ఎన్నికలను ఎలక్షన్‌ పిటిషన్‌ ద్వారా మాత్రమే సవాల్‌ చేయాలి. ఏ అభ్యర్థి అయినా లేదా ఓటరైనా ఈ పిటిషన్‌ను దాఖలు చేసుకోవచ్చు. సెక్షన్‌ 75 కింద ఏర్పాటు చేసిన ఎలక్షన్‌ ట్రిబ్యునల్‌ ముందు, గెలిచిన అభ్యర్థి ఎన్నికైన తేదీ నుంచి రెండు నెలల వ్యవధిలో సెక్షన్‌ 79లో నిర్దేశించిన విధి విధానాల ఆధారంగా ఎన్నికల పిటిషన్‌ను దాఖలు చేయాలి. మున్సిపాలిటీలు–నగర పంచాయతీల ఎన్నికల వివాదాలను కూడా ఎలక్షన్‌ పిటిషన్‌ ద్వారా తప్ప వేరే ఏ విధంగానూ ఎన్నికను ప్రశ్నించలేరు. ఎలక్షన్‌ ట్రిబ్యునల్‌ ఎదుట ఫలితాలు ప్రకటించిన తేదీ నుండి పదిహేను రోజుల్లోపు పిటిషన్‌ దాఖలు చేయాలి’ అని సుప్రీకోర్టు స్పష్టం చేసింది. ఈ మేరకు ప్రధాన న్యాయమూర్తి (సీజేఐ) జస్టిస్‌ సూర్యకాంత్, న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం ఇటీవల ఉత్తర్వులు జారీ చేసింది. ఈ ఉత్తర్వుల కాపీ తాజాగా అందుబాటులోకి వచ్చింది. అదనపు నామినేషన్‌ కేంద్రాల కోసం న్యాయ పోరాటం స్థానిక ఎన్నికల్లో ప్రతిపక్ష పార్టీల అభ్యర్థులు నామినేషన్లు వేయకుండా అడ్డుకోవడమే కాకుండా, భౌతిక దాడులతో అధికార పార్టీల నేతలు విధ్వంసం సృష్టిస్తున్న నేపథ్యంలో జిల్లా కలెక్టర్‌ లేదా ఎన్నికల అధికారి లేదా ఆర్డీవో వద్ద నామినేషన్‌లు దాఖలు చేసేందుకు ఏర్పాట్లు చేసేలా ఎన్నికల సంఘాన్ని ఆదేశించాలంటూ వైఎస్సార్‌సీపీ హైకోర్టులో పిటిషన్‌ దాఖలు చేసింది. ఈ వ్యాజ్యంపై విచారణ జరిపిన సింగిల్‌ జడ్జి జస్టిస్‌ మండవ కిరణ్మయి, అదనపు నామినేషన్‌ కేంద్రాల విషయంలో వైఎస్సార్‌సీపీ అభ్యర్థనను తోసిపుచ్చుతూ ఉత్తర్వులిచ్చారు. దీనిపై వైఎస్సార్‌సీపీ ఇద్దరు న్యాయమూర్తులతో కూడిన ధర్మాసనం ముందు అప్పీల్‌ దాఖలు చేసింది. దీనిపై ధర్మాసనం విచారణ చేపట్టే నాటికి నామినేషన్ల దాఖలు గడువు ముగిసింది. దీంతో ధర్మాసనం ఈ వ్యవహారంలో జోక్యానికి నిరాకరించింది. ఆలస్యం చేయకుండా.. ఆగమేఘాలపై సుప్రీంకోర్టుకు.. హైకోర్టు ధర్మాసనం ఉత్తర్వులను సవాలు చేస్తూ వైఎస్సార్‌సీపీ అత్యవసరంగా సుప్రీంకోర్టును ఆశ్రయించింది. ఈ వ్యాజ్యంపై ఈ నెల 21న న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం సుదీర్ఘ విచారణ జరిపింది. వైఎస్సార్‌సీపీ తరఫు సీనియర్‌ న్యాయవాదులు మణీందర్‌ సింగ్, నిఖిల్‌ గోయల్, న్యాయవాది మెహఫూజ్‌ నజ్కీలు వాదనలు వినిపించారు. అధికార పార్టీ నేతల విధ్వంసం, అరాచకాలు, ఆగడాలపై వైఎస్సార్‌సీపీ సుప్రీంకోర్టు ముందు అన్నీ ఆధారాలను ఉంచింది. అరాచకాలను అడ్డుకోకుంటే.. చూస్తూ ఊరుకోబోమన్న సుప్రీంకోర్టు వాటిని పరిశీలించిన సుప్రీంకోర్టు ధర్మాసనం, కండబలం చూపుతూ దౌర్జన్యం చేస్తుంటే తాము చేతులు ముడుచుకుని కూర్చోలేమని తేల్చి చెప్పింది. అధికార పార్టీ నేతలపై ఒక కేసు కూడా నమోదు చేయకపోవడాన్ని ఆక్షేపించింది. అంత హింస జరుగుతుంటే నామినేషన్ల కేంద్రాల వద్ద శాంతి భద్రతలు లేకుంటే ఎలా? ఇలాంటి పరిస్థితుల్లో నామినేషన్లు వేయడానికి ఎవరొస్తారు? సామాన్యులు నామినేషన్‌ కేంద్రాలవైపు కన్నెత్తి చూసే ధైర్యం చేయగలరా? అంటూ రాష్ట్ర ప్రభుత్వాన్ని నిలదీసింది. విపక్షంతో సహా ఎన్నికల్లో పోటీ చేసే అవకాశం అందరికీ సమానంగా ఉండాలని, అరాచకాలను అడ్డుకోకుండా నిర్లక్ష్యం వహిస్తే చూస్తూ ఊరుకోమని స్పష్టం చేసింది. నామినేషన్ల గడువు పెంపునకు ఆదేశాలు అంతేకాక ఎన్నికల్లో పోటీ చేసే అభ్యర్థులకు తక్షణ భద్రత కల్పించాలని, నామినేషన్‌ కేంద్రాల వద్ద సీసీటీవీలు కూడా ఏర్పాటు చేయాలని కూడా రాష్ట్ర ఎన్నికల సంఘాన్ని ఆదేశించింది. అధికార పార్టీ నేతల తీరు వల్ల నామినేషన్లు వేయలేని చోట్ల గడువు పెంచాలని రాష్ట్ర ఎన్నికల కమిషన్‌ను ఆదేశించింది. 48 గంటల పాటు గడువు పెంచాలని తేల్చి చెప్పింది. జిల్లా కేంద్రాల్లో కలెక్టర్లే నామినేషన్లు స్వీకరించేలా ఏర్పాట్లు చేయాలని కూడా సుప్రీంకోర్టు ఆదేశించింది. తమ ఈ ఆదేశాల అమలుకు తీసుకున్న చర్యలపై నివేదిక ఇవ్వాలని అటు డీజీపీని, ఇటు రాష్ట్ర ఎన్నికల సంఘాన్ని సుప్రీంకోర్టు ఆదేశించిన విషయం తెలిసిందే.అధికార పార్టీ అరాచకాలను సుప్రీంకోర్టు దృష్టికి తెచ్చిన వైఎస్సార్‌సీపీ వైఎస్సార్‌సీపీ వ్యాజ్యంపై సుప్రీంకోర్టు త్రిసభ్య ధర్మాసనం ఈ నెల 27న మరోసారి విచారణ జరిపింది. ఈ సందర్భంగా అధికార కూటమి నేతల ఆగడాలు, దుర్మార్గాలను వైఎస్సార్‌సీపీ సీనియర్‌ న్యాయవాదులు ధర్మాసనం దృష్టికి తీసుకొచ్చారు. స్థానిక ఎన్నికల్లో ఏకంగా 53 శాతానికి పైగా స్థానాలు ఏకగ్రీవం అయ్యాయని వివరించారు. విపక్ష అభ్యర్థులను భయాందోళనలకు గురిచేస్తూ, నామినేషన్‌ కేంద్రాల దరిదాపుల్లోకి కూడా వెళ్లనివ్వకుండా అడ్డుకున్నారని తెలిపారు. ఇందుకు పోలీసులు, ఎన్నికల అధికారులు యథేచ్ఛగా సహకరించారన్నారు. రాష్ట్రంలో దాదాపు 1,200 మంది అభ్యర్థులను నామినేషన్లు వేయకుండా అడ్డుకున్నారని వారు కోర్టుకు నివేదించారు. అందుబాటులోకి సుప్రీంకోర్టు ఆదేశాలు ఈ వాదనలను పరిగణనలోకి తీసుకున్న సుప్రీంకోర్టు.. ఎన్నికలు నిష్పక్షపాతంగా, పారదర్శకంగా నిర్వహించే దిశగా రాష్ట్ర ఎన్నికల సంఘానికి, డీజీపీకి తగిన ఆదేశాలు జారీ చేస్తామని ఈ నెల 27న మౌఖికంగా స్పష్టం చేసింది. ఇందుకు అనుగుణంగా తాజాగా ఆ ఆదేశాలను రాతపూర్వకంగా ఇచ్చింది. ఆ ఆదేశాల కాపీ శనివారం అందుబాటులోకి వచ్చింది.

సాక్షి ప్రతినిధి, న్యూఢిల్లీ: హైదరాబాద్‌లో 2003–04లో నాటి చంద్రబాబు నేతృత్వంలోని తెలుగుదేశం ప్రభుత్వం ఐఎంజీ భారత్‌కు కేటాయించిన అత్యంత విలువైన 850 ఎకరాలు సహా రాష్ట్రంలోని ఏడెనిమిది చోట్ల దాదాపు రూ.1.5 లక్షల కోట్ల విలువైన భూములకు సంబంధించి కోర్టుల్లో సానుకూల తీర్పులు వచ్చాయని ముఖ్యమంత్రి రేవంత్‌రెడ్డి చెప్పారు. ఈ నేపథ్యంలో స్వాధీనం చేసుకున్న భూముల్లో అటవీ, రెవెన్యూ శాఖలకు సంబంధించినవి మినహా హెచ్‌ఎండీఏ పరిధిలోని భూముల్లో లేఅవుట్‌లు వేసి విక్రయించడం ద్వారా నిధులు రాబడతామని వివరించారు. వాటిని విద్యావ్యవస్థ అభివృద్ధికి, సాగునీటి ప్రాజెక్టులను పూర్తి చేయడానికి, ఇందిరమ్మ ఇళ్లను నిర్మించి దళిత, గిరిజన, వెనుకబడిన వర్గాలకు అందించడానికి వినియోగిస్తామని అన్నారు. శుక్రవారం ఢిల్లీ నివాసంలో ఏర్పాటు చేసిన మీడియా సమావేశంలో సీఎం మాట్లాడారు. సర్కార్‌ న్యాయ పోరాటం ‘కబ్జాకు గురైన ప్రభుత్వ భూముల కోసం మా ప్రభుత్వం మూడేళ్లుగా కోర్టుల్లో బలమైన వాదనలు వినిపిస్తూ వచ్చింది. గత ప్రభుత్వాలు అక్రమంగా కేటాయించిన భూములు, అలాగే పరాధీనమైన ప్రభుత్వ భూములను తిరిగితెచ్చేలా కోర్టుల్లో బలమైనవాదనలు వినిపించని భూములపై మా ప్రభుత్వం న్యాయపోరాటం చేసింది. ఈ క్రమంలోనే హైదరాబాద్‌లోని మియాపూర్‌లో సుమారు రూ.50 వేల కోట్ల విలువైన 550 ఎకరాల భూమి ప్రభుత్వానికే చెందుతుందని గురువారం సుప్రీంకోర్టు చరిత్రాత్మక తీర్పు ఇచ్చింది. ఫలితంగా రూ.50 వేల కోట్ల విలువైన ప్రభుత్వ ఆస్తిని కాపాడుకోగలిగాం. ఆ భూములను తక్షణమే స్వాధీనం చేసుకోవాలని రెవెన్యూ అధికారులకు ఆదేశాలిచ్చాం. అవసరమైన సర్వే నిర్వహించి, సరిహద్దులను నిర్ణయించాలని చెప్పాం. కంచె వేసి కబ్జాదారులు, కేసీఆర్‌ కుటుంబం నుంచి కాపాడతాం. సర్వే నంబర్లు 100, 101లో ఉన్న ఈ భూమిని రెవెన్యూ రికార్డులను తారుమారు చేసి కాలనీల ముసుగులో ఆక్రమించడానికి కొంతమంది ప్రైవేట్‌ వ్యక్తులు, వారి వెనుక కొందరు పెట్టుబడిదారులు ప్రయత్నం చేశారు. దీని వెనుక ఉన్న గోల్డ్‌ స్టోన్‌ ప్రసాద్‌ సోదరుడు ట్రినిటీ ఇన్‌ఫ్రా పేరుతో ఖరీదైన బెంజ్‌ కారును కొనుగోలు చేసి, నమస్తే తెలంగాణ సీఎండీ దామోదర్‌రావుకు నజరానాగా ఇచ్చారు. చంద్రశేఖర్‌రావు (కేసీఆర్‌)కు కోట్లాది రూపాయలు నజరానా ఇచ్చారనడానికి ఆ కారు ప్రగతిభవన్‌లోకి ఎప్పుడు కావాలంటే అప్పుడు వెళ్లిరావడమే నిదర్శనం. వారి మధ్యనున్న లావాదేవీలు, ఒప్పందాలు, చీకటి కుంభకోణాలన్నీ ఆనాడే బయటపెట్టాం. గోల్డ్‌ స్టోన్‌ ప్రసాద్, ఆయన కుటుంబసభ్యులకు అనుకూలంగా రిజిస్ట్రేషన్లు చేయడానికి నాటి ప్రభుత్వం వ్యవహరించిన తీరును ఎండగట్టాం. అందుకు సహకరించిన సబ్‌ రిజిస్ట్రార్లను, రెవెన్యూ అధికారులను మా ప్రభుత్వం వచ్చిన తర్వాత అరెస్టు చేశాం. గత ప్రభుత్వం కబ్జాదారులకు అనుకూలంగా వ్యవహరించింది..’ అని రేవంత్‌రెడ్డి ఆరోపించారు. చంద్రబాబు పేరెత్తకుండా అక్రమాల ప్రస్తావన ఉమ్మడి రాష్ట్రంలో చంద్రబాబు నేతృత్వంలోని టీడీపీ ప్రభుత్వం 2003–04లో హైదరాబాద్‌లోని గచ్చిబౌలి (400 ఎకరాలు), మామిడిపలిŠల్‌ (450 ఎకరాలు)లో అత్యంత విలువైన దాదాపు 850 ఎకరాలను క్రీడాభివృద్ధి పేరిట ఐఎంజీ భారత్‌కు కేటాయించిన విషయాన్ని ముఖ్యమంత్రి ప్రస్తావించారు. చంద్రబాబు పేరెత్తకుండానే ఆ సంస్థ డైరెక్టర్‌ బిల్లీరావు (అహోబలరావు) గురించి చెబుతూ నాటి అక్రమాలను మరోసారి గుర్తు చేశారు. ‘ఆ కేటాయింపులపై 2004లో వైఎస్‌ రాజశేఖరరెడ్డి నాయకత్వంలో అధికారంలోకి వచ్చిన కాంగ్రెస్‌ ప్రభుత్వం విచారణ జరిపించింది. 2006లో కేటాయింపులు రద్దు చేసింది. అయితే దాన్ని సవాల్‌ చేస్తూ బిల్లీరావు కోర్టుకు పోయి స్టే ఆర్డర్‌ తెచ్చుకున్నారు. కానీ నాడు అధికారంలో ఉన్న కేసీఆర్‌ కుటుంబం, కేటీఆర్‌ 30 శాతం ముడుపులకు మాట్లాడుకొని, బిల్లీరావుకు అనుకూలంగా కోర్టుల్లో కేసు వీగిపోయేలా చేశారు. దీనిపై నాడు నేను రాజకీయపరమైన పోరాటం చేశా. మేము అధికారంలోకి వచ్చిన తర్వాత దాదాపు రూ.40 వేల కోట్ల విలువైన ఆ 850 ఎకరాలకు సంబంధించి కోర్టుల్లో బలమైన వాదనలు వినిపించాం. సుదీర్ఘ విచారణల తర్వాత ఆ భూముల కేటాయింపుల రద్దును సమర్థిస్తూ 2024 మార్చిలో హైకోర్టు తీర్పు ఇచ్చింది..’ అని సీఎం తెలిపారు. ప్రభుత్వానికి దక్కిన విలువైన భూములివీ.. ‘హయత్‌నగర్‌ మండలంలో 140 ఎకరాల అటవీ భూమిని పట్టా ముసుగులో ఆక్రమించిన ప్రైవేట్‌ వ్యక్తులకు అనుకూలంగా కేసీఆర్‌ ప్రభుత్వం వ్యవహరించింది. కానీ మా ప్రభుత్వ వాదనలతో ఏకీభవించిన సుప్రీంకోర్టు... అది అటవీ భూమి అని 2025 డిసెంబర్‌లో తీర్పు ఇచ్చింది. ఇప్పుడా భూమి రిజర్వ్‌ ఫారెస్టుగా, పబ్లిక్‌ పార్క్‌గా పర్యావరణహితంగా మారింది. శేరిలింగంపల్లి మండలం కొండాపూర్‌లో 36 ఎకరాల భూమిని కేసీఆర్‌కు కావాల్సినవారు కబ్జా చేశారు. దాదాపు రూ.3,600 కోట్ల విలువైన ఆ భూమిని తిరిగి స్వాధీనం చేసుకోవడానికి మా ప్రభుత్వం బలమైన వాదనలు వినిపించింది. తద్వారా 2025 సెప్టెంబర్‌లో హైకోర్టు అనుకూలంగా తీర్పు ఇచ్చింది. రంగారెడ్డి జిల్లా గండిపేట మండలంలో మంచిరేవుల గ్రామంలో 143 ఎకరాల ప్రభుత్వ భూమిని రాయలసీమకు చెందిన కొంతమంది రియల్‌ ఎస్టేట్‌ వ్యాపారులకు కట్టబెట్టడానికి కేసీఆర్‌ ప్రభుత్వం ప్రయత్నించింది. కేటీఆర్‌ అనుకూలంగా వ్యవహరించారు..’ అని రేవంత్‌రెడ్డి ఆరోపించారు. రాయలసీమ అంటే వారు వైఎస్సార్‌సీపీకి చెందినవారా అని ఓ విలేకరి అడిగిన ప్రశ్నకు రేవంత్‌రెడ్డి స్పందిస్తూ..ఇందులో పార్టీల ప్రమేయం ఏమీలేదని స్పష్టత ఇచ్చారు. 1994 నుంచి వస్తున్న ఆ భూ వివాదంపై సుప్రీంకోర్టులో రివ్యూ పిటిషన్‌ వేసి, 2024లో అనుకూలమైన తీర్పును సాధించినట్లు వివరించారు. ఆ భూమి విలువ సుమారు రూ.10 వేల కోట్లు ఉంటుందని చెప్పారు. అందులో 50 ఎకరాల భూమిని పోలీసు స్కూల్‌కు తమ ప్రభుత్వం కేటాయించిందని తెలిపారు.‘భూపాలపల్లిలో దాదాపు రూ.400 కోట్ల విలువైన 106 ఎకరాల అటవీ భూమిని గత ప్రభుత్వం ప్రైవేట్‌ వ్యక్తులకు కట్టబెట్టింది. కాంగ్రెస్‌ నుంచి బీఆర్‌ఎస్‌లోకి పార్టీ ఫిరాయించిన ఎమ్మెల్యేకు నజరానాగా ఈ భూమి ఇచ్చారు. దానిపైనా సుప్రీంకోర్టు వరకూ వెళ్లి, 2024 ఏప్రిల్‌లో ప్రభుత్వానికి అనుకూలంగా తీర్పు సాధించాం. అలాగే భద్రాద్రి కొత్తగూడెం జిల్లాలో 600 ఎకరాల అటవీ భూమినీ ప్రైవేట్‌ వ్యక్తులదని రకరకాల రికార్డులను సృష్టించి కేసీఆర్‌ ఆక్రమించుకోవాలనుకున్నారు. మా ప్రభుత్వం సుప్రీంకోర్టులో పిటిషన్‌ వేస్తే అనుకూల తీర్పు వచ్చింది..’ అని ముఖ్యమంత్రి తెలిపారు. వారి ధన దాహం విలువ అంత ఉంది..! ఇప్పటివరకూ ప్రభుత్వానికి అనుకూలంగా తీర్పులు పొందిన ఏడు కేసుల్లోనూ భూముల విలువ సుమారు రూ.1.5 లక్షల కోట్లు ఉంటుందని, కేసీఆర్‌ ముఠా ధనదాహం విలువ అంత ఉందని రేవంత్‌రెడ్డి ఆరోపించారు. మియాపూర్‌ భూముల విషయంలో కేసీఆర్, కేటీఆర్, వారి అనుయాయుల పాత్ర ఉంది కాబట్టే.. సుప్రీంకోర్టు తీర్పు వచ్చిన తర్వాత తేలుకుట్టిన దొంగల్లా ఉండిపోయారని వ్యాఖ్యానించారు. ప్రభుత్వ భూముల విషయంలో బీఆర్‌ఎస్‌ నాయకులు తమ ప్రభుత్వంపై అనేక ఆరోపణలు చేశారని, విచారణ జరపాలని పదేపదే డిమాండ్‌ చేశారని రేవంత్‌రెడ్డి గుర్తు చేశారు. ఉమ్మడి రాష్ట్రంలో పద్మాలయ స్టూడియో, ల్యాంకో లగడపాటి భూములపై కేసులు వేసిన కేసీఆర్, హరీశ్‌రావు.. అధికారంలోకి వచ్చిన తర్వాత వాటిని ఎందుకు స్వాధీనం చేసుకోలేదని ప్రశ్నించారు. ఎర్రవల్లి, శివారు వెంకటాపురం గ్రామాల మధ్య ఉన్న వివాదాన్ని తమకు అనుకూలంగా మార్చుకున్నారని, అక్కడి భూ ఆక్రమణలను తేల్చడానికి అధికారుల సర్వేకి ఆదేశించామని తెలపారు. అవి ఆక్రమణలని తేలితే, అక్కడ శ్రీకాంతాచారి అమరవీరుల కాలనీ నిర్మిస్తామని చెప్పారు.

సాక్షి, న్యూఢిల్లీ: ఎస్సీ, ఎస్టీ వర్గాలకు చెందిన వారు నిర్వహిస్తున్న కంపెనీల నుంచి రుణ వసూళ్లకు చర్యలు చేపట్టినంత మాత్రాన, ఆయా బ్యాంకు అధికారులపై అట్రాసిటీ చట్టం కింద ప్రాసిక్యూషన్‌ చేపట్టలేమని సుప్రీంకోర్టు స్పష్టం చేసింది. ఆర్బీఐ మార్గదర్శకాలను పాటించలేదనే కారణంతో లేదా సంస్థను ఆర్థికంగా బహిష్కరించారనే ఆరోపణలతో ఈ చట్టాన్ని ప్రయోగించడం చల్లదని తేల్చిచెప్పింది. హైదరాబాద్‌ సీఐడీ పోలీస్‌ స్టేషన్‌లో బ్యాంకు అధికారులపై నమోదైన కేసును (చవాన్‌ ధర్మేందర్‌ వర్సెస్‌ స్టేట్‌ ఆఫ్‌ తెలంగాణ) విచారించిన న్యాయమూర్తులు జస్టిస్‌ జేబీ పార్దీవాలా, జస్టిస్‌ కె.వినోద్‌ చంద్రన్‌లతో కూడిన సుప్రీంకోర్టు ధర్మాసనం ఈ మేరకు అక్టోబర్‌ 12న కీలక తీర్పు వెలువరించింది. ఈ సందర్భంగా అధికారులపై ఉన్న క్రిమినల్‌ ప్రొసీడింగ్స్‌ను రద్దు చేస్తూ ఉత్తర్వులు జారీ చేసింది.అసలేం జరిగిందంటే.. స్టేట్‌ బ్యాంక్‌ ఆఫ్‌ ఇండియా నుంచి హతషా ఇన్‌ఫ్రా ప్రాజెక్ట్స్‌ ప్రైవేట్‌ లిమిటెడ్‌ అనే చిన్న తరహా పరిశ్రమకు మంజూరైన రుణాలకు సంబంధించిన వివాదం ఇది. 2010 నుంచి కంపెనీ రుణాలు తీసుకుంటోందని, 2016లో ఆర్థిక నష్టాలతో అకౌంట్‌ ఎన్‌పీఏ (నిరర్థక ఆస్తి)గా మారిందని కంపెనీ డైరెక్టర్‌ వై.రాజశేఖర్‌ పేర్కొన్నారు. రూ.2.90 కోట్ల టర్మ్‌ లోన్‌ తీర్చడంతోపాటు, ఖాతాను క్రమబద్ధీకరించేందుకు మరో రూ.45 లక్షలు చెల్లించినట్టు ప్రమోటర్లు వెల్లడించారు. అయినా, బ్యాంకు అధికారులు తమ పట్ల కుల వివక్ష చూపారని, ఉన్నత కులాల వారికి రాయితీలతో కూడిన పునరావాస ప్యాకేజీలు ఇచ్చి, తమ సంస్థను ఉద్దేశపూర్వకంగా ఆర్థికంగా బహిష్కరించారని ఆరోపిస్తూ పోలీసులను ఆశ్రయించారు. నకిలీ పత్రాలు సృష్టించి తమకు నష్టం కలిగించారని, ఉన్నతాధికారులకు తప్పుడు సమాచారం ఇచ్చారని పేర్కొంటూ అట్రాసిటీ చట్టంలోని సెక్షన్‌ 3(1)(క్యూ) కింద ఫిర్యాదు చేశారు. దీని ఆధారంగా 2019 ఫిబ్రవరి 4న హైదరాబాద్‌ సీఐడీ పోలీస్‌ స్టేషన్‌లో చవాన్‌ ధర్మేందర్‌ తదితర బ్యాంకు అధికారులపై ఎఫ్‌ఐఆర్‌ నమోదైంది.హైకోర్టు తీర్పుతో విభేదించిన సుప్రీం.. తమపై నమోదైన ఎఫ్‌ఐఆర్‌ను కొట్టివేయాలని కోరుతూ బ్యాంకు అధికారులు గతంలో తెలంగాణ హైకోర్టును ఆశ్రయించారు. ఎంఎస్‌ఎంఈల పునరుద్ధరణకు ఆర్బీఐ, కేంద్ర ప్రభుత్వ మార్గదర్శకాలను బ్యాంకులు తప్పనిసరిగా పాటించాల్సిందేనని పేర్కొంటూ జోక్యానికి హైకోర్టు నిరాకరించింది. దీంతో బ్యాంకు అధికారులు సుప్రీంకోర్టులో అప్పీల్‌ దాఖలు చేశారు. ఈ పిటిషన్‌ను విచారించిన సుప్రీంకోర్టు ధర్మాసనం.. హైకోర్టు వైఖరితో విభేదించింది. అధికారులపై క్రిమినల్‌ కేసులు నమోదు చేయడాన్ని తీవ్రంగా తప్పుబట్టింది. బ్యాంకు అధికారుల విజ్ఞప్తిని మన్నిస్తూ క్రిమినల్‌ ప్రొసీడింగ్స్‌ను కొట్టివేసింది.ఉద్దేశపూర్వక దూషణలు ఉంటేనే చట్టం వర్తింపు..అట్రాసిటీ చట్టం కింద నేరం నమోదు కావాలంటే, నిందితులు ఉద్దేశపూర్వకంగా కులం పేరుతో దూషించినట్టు లేదా వివక్ష చూపినట్లు నిర్దిష్టమైన ఆరోపణలు ఉండాలని సుప్రీంకోర్టు స్పష్టం చేసింది. కేవలం వ్యాపార రుణాలు, ఎన్‌పీఏ వ్యవహారాలు, కంపెనీకి పునరావాస ప్రయోజనాలు కల్పించకపోవడం వంటి అంశాల ఆధారంగా అధికారులపై క్రిమినల్‌ చర్యలు తీసుకోవడాన్ని ఏమాత్రం సమర్థించలేమని ధర్మాసనం తేల్చిచెప్పింది. కంపెనీ డైరెక్టర్లను వారి కులం కారణంగా కించపరిచినట్టు ఫిర్యాదులో ఎటువంటి నిర్దిష్ట ఆరోపణలు లేవని న్యాయస్థానం వెల్లడించింది. ఎఫ్‌ఐఆర్‌లో పేర్కొన్న ఆరోపణల ప్రాతిపదికన క్రిమినల్‌ ప్రాసిక్యూషన్‌ కొనసాగించాల్సిన అవసరం లేదని స్పష్టం చేసింది.ఫిర్యాదుల కోసం డీఆర్‌టీకి వెళ్లొచ్చు...ఆర్బీఐ మార్గదర్శకాల ఉల్లంఘనలు, పునరావాస ప్రయోజనాలు నిరాకరించడం, రుణగ్రహీతపై బలవంతపు చర్యల కోసం తప్పుడు సమాచారం ఇవ్వడం వంటి ఆరోపణలు వాస్తవంగా ఉంటే డెట్స్‌ రికవరీ ట్రిబ్యునల్‌ (డీఆర్‌టీ) లేదా ఇతర సరైన వేదికను ఫిర్యాదుదారులు ఆశ్రయించొచ్చని సుప్రీంకోర్టు సూచించింది. రికవరీ ప్రొసీడింగ్స్‌ సమయంలో ఈ ఆరోపణలు చట్టబద్ధమైనవా కాదా అనేది సదరు అథారిటీ నిర్ధారిస్తుందని ధర్మాసనం స్పష్టం చేసింది. ఆరోపించిన నకిలీ పత్రాలు సైతం రుణ ఖాతాకు గ్యారెంటర్లుగా ఉన్న కంపెనీ డైరెక్టర్లు ఇచ్చినవేనని నిందితుల తరఫు న్యాయవాదులు వాదనలు వినిపించిన విషయాన్ని కోర్టు పరిగణనలోకి తీసుకుంది. మొత్తం వ్యవహారాన్ని పరిశీలించిన అనంతరం బ్యాంకు అధికారులపై నమోదైన కేసును ధర్మాసనం కొట్టివేసింది.

నియంత్రించాల్సిన వ్యవస్థలు నోరుమూసుకుంటే, పర్యవేక్షణ చేయాల్సిన ప్రభుత్వం పట్టనట్టుంటే జరిగేదేమిటో ప్రాణాంతక కేన్సర్‌ వ్యాధికి వాడే ఔషధాల ధరలు చుక్కలనంటడం చూస్తే స్పష్టంగా అర్థమవుతుంది. ఈ విషయంలో కేంద్ర ప్రభుత్వమూ, జాతీయ ఔషధ ధరల ప్రాధికార సంస్థ (ఎన్‌పీపీఏ) ప్రదర్శిస్తున్న అంతులేని నిర్లక్ష్యాన్ని సర్వోన్నత న్యాయస్థానం మొన్న మంగళవారం తీవ్రంగా దుయ్యబట్టాక ఆ వెంటనేకొంత కదలిక వచ్చిన జాడలు కనబడ్డాయి. అంతక్రితమే సుప్రీంకోర్టులో ఈ కేసు విచారణ సాగుతుండగా ఎంపికచేసిన 137 ఔషధాల గరిష్ఠ చిల్లర ధర (ఎంఆర్‌పీ)పై నియంత్రణ విధిస్తూ కేంద్రం ఆదేశాలిచ్చింది. వచ్చే నెల 9నుంచి అమల్లోకొచ్చేలా వీటి ధరలు తగ్గించామని ఉత్పత్తిదారులు ప్రకటించారు. మంచిదే. అయితే మొత్తం 543 కేన్సర్‌ ఔషధ రకాల్లో వీటి సంఖ్య ఏపాటి? చావు కబురు చల్లగా చెప్పినట్టు పేటెంటు, లైసెన్సు, ఇతర రకాల పరిరక్షణ వ్యవస్థల పరిధిలోకొచ్చే ఔషధాలకు మాత్రం ఈతగ్గింపు వర్తించదంటున్నారు ఉత్పత్తిదారులు.ప్రజలందరి మేలూ కోరే ఆర్థిక వ్యవస్థ లేనిచోట నిరుద్యోగం, పేదరికం, అజ్ఞానం, అనారోగ్యంవంటి సమస్త రుగ్మతలూ ముసురుకుంటాయని కెనడాకు చెందిన ప్రజా వైద్యుడు డాక్టర్‌ నార్మన్‌ బెతూన్‌ చెప్పి దశాబ్దాలు దాటుతోంది. దాదాపు అన్ని ప్రభుత్వాలూ తమ ఆచరణ ద్వారా ఆయన చెప్పింది నూరుశాతం నిజమని నిరూపి స్తున్నాయి. ఉదాహరణకు ఊపిరితిత్తులతోపాటు పలు ఇతర కేన్సర్లకు వాడే మెర్క్‌కంపెనీ ఔషధం వంద మిల్లీగ్రాముల టీకా ధర రూ. 2.16 లక్షలు. ఇంత ధర వెచ్చించటం సాధారణ రోగులకు సాధ్యమేనా? 21 మాత్రలుగా ఉండే ఇమ్యూనోథెరపీ ఔషధం200 మిల్లీగ్రాముల ధర రూ. 24,435. ఈ రెండు రకాల ఔషధాలూ జాబితాలో లేవు.ఇవేకాదు... రూ. 10 లక్షల ఖరీదుచేసే మరో ఔషధం కూడా జాబితాలో గల్లంతయింది! అలాగే చాలావాటి ధరలు స్వల్పంగా... అంటే రూ. 100లోపే తగ్గాయి. రొమ్ము, ప్రొస్టేట్‌ తదితర కేన్సర్లకు వినియోగించే నాలుగైదు రకాల ఔషధాలు మాత్రం గణనీయంగా తగ్గాయి. ఉదాహరణకు కీమోథెరపీలో వాడే ఔషధం ధర రూ. 80,071 నుంచి రూ. 7,150కి, రొమ్ము కేన్సర్‌కు వాడే ఔషధం ధర రూ. 40,421 నుంచి రూ. 2,720కి, బహుళ కేన్సర్లకు వాడే ఔషధం ధర రూ. 69,852 నుంచి రూ. 13,512కు తగ్గాయి. అసలు ఎంఆర్‌పీపై నియంత్రణ సరిపోతుందనుకోవటమే లోపభూయిష్టం.తగ్గించామని ఘనంగా చెప్పుకున్నంతసేపు పట్టదు అవి పెరగటానికి. ముడి సరుకుల ధరలు పెరిగితే అవి పైపైకి పోతాయి. చాలా రకాల ఔషధాలకు లక్షల రూపాయల ధర పెట్టడం వెనక అవి ప్రాణరక్షణకు ప్రభావవంతంగా తోడ్పడటంతప్ప మరేవిధమైన హేతుబద్ధతా లేదు. ఉత్పత్తిదారుల దగ్గర ధరను నియంత్రిస్తే వేరు. ఉదాహరణకు ఒక ఔషధ తయారీకయ్యే వ్యయానికి ఉత్పత్తిదారులు 42.8 శాతం అదనంగా వేసుకుని స్టాకిస్టులకు విక్రయిస్తారు. రోగులకెళ్లేలోగా మరిన్ని అంచెలుంటాయి. కొన్ని సందర్భాల్లో ఆస్పత్రులే నేరుగా కొని విక్రయిస్తాయి. ఈ క్రమంలో ప్రతిచోటా అదనపు లాభం వేసుకుంటూపోతారు. ఎంఆర్‌పీపై కేంద్రీకరిస్తే ఈ లాభార్జన స్వల్పంగా తగ్గుతుంది. ఆస్పత్రులైతే మందులపై ‘కోల్పోయిన’ దాన్ని గది అద్దె పెంచటంద్వారానో, మరో రకంగానో వసూలు చేస్తాయి.గతంతో పోలిస్తే కేన్సర్‌ మహమ్మారి విస్తృతి పెరిగింది. గ్రామాలు, నగరాలన్న తేడా లేకుండా అందరినీ కాటేస్తోంది. కారణాలు అందరికీ తెలుసు. సాగులో ఎరువులవాడకం, అధిక పాల ఉత్పత్తి కోసం పశువులకు విచక్షణారహితంగా ఇంజెక్షన్లివ్వటం, వాతావరణ కాలుష్యం, నదులు, భూగర్భ జలాల కాలుష్యం, ప్రమాదకరమైన ఆహార విక్రయాలు... ఇవన్నీ కేన్సర్‌ కారకాలు. సారాంశంలో ప్రభుత్వ విధానాలు కావొచ్చు... వాటి నిర్వా్యపకత కావొచ్చు... ఈ ప్రాణాంతక వ్యాధికి మూలం. ప్రత్యక్షంగాలేదా పరోక్షంగా తామే ఈ మరణమృదంగానికి కారణమవుతూ... కనీసం ఔషధాల ధరలైనా సరిగా నియంత్రించలేనప్పుడు ప్రభుత్వాలుండి ఏం ప్రయోజనం? అందుకేకంటితుడుపు చర్యలు మానుకుని వాస్తవంగా జనానికి లబ్ధి చేకూరే విధానాలు అమల్లోకి తీసుకురావాలి.

సాక్షి, న్యూఢిల్లీ: దేశవ్యాప్తంగా వివిధ హైకోర్టుల్లో గుట్టలుగా పేరుకుపోయిన కేసుల సత్వర పరిష్కారానికి రిటైర్డ్‌ న్యాయమూర్తులను తిరిగి తాత్కాలిక (అడ్‌హాక్‌) జడ్జిలుగా నియమించాలన్న ప్రతిపాదన బార్‌ అసోసియేషన్ల వ్యతిరేకత వల్లే అటకెక్కిందని సుప్రీంకోర్టు స్పష్టం చేసింది. రాజ్యాంగంలోని ఆర్టికల్‌ 224ఏ ప్రకారం ఈ విధానాన్ని అమలు చేయాలని భావించినప్పటికీ, బార్‌ అసోసియేషన్లు దీన్ని వ్యతిరేకిస్తూ తీర్మానాలు చేశాయని ప్రధాన న్యాయమూర్తి జస్టిస్‌ సూర్యకాంత్‌ వెల్లడించారు. బార్‌ను అసంతృప్తికి గురిచేసే సాహసాన్ని ఏ హైకోర్టు ప్రధాన న్యాయమూరి కూడా చేయలేరని వ్యాఖ్యానించారు. రాజస్తాన్‌కు చెందిన న్యాయాధికారుల సీనియారిటీ వివాదానికి సంబంధించిన కేసు విచారణ సందర్భంగా గురువారం సుప్రీంకోర్టు ధర్మాసనం ఈ కీలక వ్యాఖ్యలు చేసింది. కోర్టులో న్యాయమూర్తుల అపార అనుభవం, పదవీ విరమణ తర్వాత వారి సేవల వినియోగం, పెన్షన్‌ తదితర అంశాలపై ధర్మాసనం సుదీర్ఘంగా చర్చించింది. ఆర్టికల్‌ 224ఏ అమలుకు బ్రేక్‌ జస్టిస్‌ ఎస్‌.ఏ.బాబ్డే సీజేఐగా ఉన్న సమయంలో రిటైర్డ్‌ న్యాయమూర్తులను అడ్‌హాక్‌ జడ్జి లుగా నియమించే పద్ధతిని మళ్లీ అమల్లోకి తెచ్చేందుకు ప్రయత్నించడాన్ని జస్టిస్‌ సూర్యకాంత్‌ గుర్తుచేశారు. ఈ ప్రణాళికను అమలు చేసేందుకు మార్గదర్శకాలు సైతం రూపొందించినప్పటికీ బార్‌ అసోసియేషన్ల నుంచి తీవ్ర వ్యతిరేకత ఎదురైందని తెలిపారు. స్థానిక న్యాయవాదులను, బార్‌ను ఇబ్బందిపెట్టి ఈ నియామకాలు చేపట్టేందుకు ఏ హైకోర్టు ప్రధాన న్యాయమూర్తి కూడా ఆసక్తి చూపలేదని ఆయన వివరించారు. ప్రైవేట్‌ అవకాశాలు వదులుకొని.. సుప్రీంకోర్టు చొరవతో తమకు అడ్‌హాక్‌ న్యాయమూర్తులుగా అవకాశం వస్తుందన్న అంచనాలతో చాలామంది రిటైర్డ్‌ జడ్జిలు ఆర్బిట్రేషన్, ఇతర ప్రైవేట్‌ అసైన్‌మెంట్లు అంగీకరించకుండా ఉండిపోయారని న్యాయమూర్తి జస్టిస్‌ జోయ్‌మాల్య బాగ్చీ పేర్కొన్నారు. బార్‌ అసోసియేషన్ల అభ్యంతరాలతో ప్రణాళిక ఆగిపోవడంతో వారు తీవ్రంగా నష్టపోయారని వెల్లడించారు. ఈ కేసుకు సంబంధించి న్యాయాధికారుల పెన్షన్‌ అంశం కూడా ప్రస్తావనకు వచి్చంది. చాలా ఏళ్ల పాటు సేవలందించి, అనివార్య కారణాలతో రాజీనామా చేసిన ఒక న్యాయాధికారికి నెలకు కేవలం రూ.25,000 పెన్షన్‌ వస్తోందని జస్టిస్‌ సూర్యకాంత్‌ తెలిపారు. కొద్దిపాటి మొత్తంతో ఒక అధికారి ఎలా జీవించగలరని ప్రశ్నించారు. దీనిపై సీనియర్‌ న్యాయవాది పీఎస్‌ పట్వాలియా స్పందిస్తూ.. కనీసం న్యాయాధికారుల పెన్షన్‌ అంశాన్నైనా సానుభూతితో పరిశీలించాలని కోర్టుకు విజ్ఞప్తి చేశారు. పెన్షన్‌ అనేది వ్యక్తిగత ఆర్థిక భద్రత మాత్రమే కాదని, అది న్యాయవ్యవస్థ స్వాతంత్య్రంతో ముడిపడి ఉన్న అంశమని జస్టిస్‌ బాగ్చీ వెల్లడించారు. న్యాయమూర్తులు ఎలాంటి ఒత్తిళ్లకు లోనుకాకుండా స్వతంత్రంగా పనిచేసేందుకు ఆర్థిక భద్రత అత్యంత ముఖ్యమని అభిప్రాయపడ్డారు. ఇదీ చదవండి: రెండేళ్లలో 40 విల్లాలు, కాటేజీలు : ఐఏఎస్‌పై సంచలన ఆరోపణలుఅమెరికా జడ్జిల నిరాడంబరతపై చర్చ భారత న్యాయవ్యవస్థలో నెలకొన్న వీఐపీ సంస్కృతి, బ్యూరోక్రాటిక్‌ పోకడలతో పాటు అమెరికా కోర్టుల పనితీరుపై సుప్రీంకోర్టులో ఆసక్తికర చర్చ జరిగింది. రిటైర్డ్‌ న్యాయమూర్తులు కూడా అక్కడ కోర్టుల్లో అవసరాన్ని బట్టి సేవలందిస్తుంటారని జస్టిస్‌ బాగ్చీ చెప్పారు. అమెరికా జడ్జిల నిరాడంబరతను న్యాయ మూర్తులు ప్రస్తావించారు. కౌంటర్‌ టెర్రరిజం ప్రోగ్రామ్‌ కోసం గతంలో అమెరికా వెళ్లినప్పుడు అక్కడి జస్టిస్‌ స్టీవెన్స్‌ను కలిసిన సంఘటనను జస్టిస్‌ బాగ్చీ పంచుకున్నారు. ప్రొటోకాల్‌ ప్రకారం ఆయన కోసం ప్రత్యేక కారు, కాన్వాయ్‌ వస్తాయని తాము ఆశిస్తే, వర్షంలో ఒక గొడుగు పట్టుకుని ట్యూబ్‌ ట్రైన్‌లో సాధారణ పౌరుడిలా రావడం తమను ఆశ్చర్యానికి గురిచేసిందన్నారు.

సాక్షి, న్యూఢిల్లీ: చెక్‌బౌన్స్‌ కేసుకు సంబంధించి పరిహారం మొత్తంలో 20 శాతాన్ని డిపాజిట్‌ చేయాలన్న అప్పీలేట్‌ జిల్లా కోర్టు ఉత్తర్వులను హైకోర్టు పూర్తిగా కొట్టివేస్తే.. ‘నిందితుడు అప్పీల్‌కు వెళ్లేందుకు వెసులుబాటుగా ట్రయల్‌ కోర్టు ఇచ్చిన తాత్కాలిక శిక్షా నిలుపుదల ఉత్తర్వులు (సస్పెన్షన్‌ ఆఫ్‌ సెంటెన్స్‌) కూడా వాటంతట అవే రద్దవుతాయని’ సుప్రీంకోర్టు వ్యాఖ్యానించింది. వెసులుబాటు ఉత్తర్వులు అమల్లో లేనప్పుడు మేజిస్ట్రేట్‌ కోర్టు ఇచ్చిన తీర్పే తక్షణం అమల్లోకి వచ్చి, నిందితుడిని కస్టడీలోకి తీసుకునే పరిస్థితి ఏర్పడుతుందని పేర్కొంది.చెక్‌బౌన్స్‌కు సంబంధించి గొద్దుమర్రి ఆదినారాయణ వర్సెస్‌ స్టేట్‌ ఆఫ్‌ ఆంధ్రప్రదేశ్, కుచి శ్రీ లక్ష్మి కేసులో ట్రయల్‌ కోర్ట్‌ విధించిన పరిహారంలో 20 శాతం డిపాజిట్‌ చేయాలని షరతు విధిస్తూ అప్పీలేట్‌ కోర్టు ఇచ్చిన ఆదేశాలు, వాటిని రద్దు చేస్తూ హైకోర్టు ఇచ్చిన తీర్పు, దీనిపై దాఖలైన స్పెషల్‌ లీవ్‌ పిటిషన్‌ (ఎస్‌ఎల్‌పీ)పై విచారణ సందర్భంగా జస్టిస్‌ దీపాంకర్‌ దత్తా, జస్టిస్‌ షీల్‌ నాగులతో కూడిన సుప్రీంకోర్టు ధర్మాసనం గురువారం ఈ వ్యాఖ్యలు చేసింది. ‘కేవలం 20 శాతం డిపాజిట్‌ నిబంధనను మాత్రమే పక్కనపెట్టడం హైకోర్టు ఉత్తర్వుల ఉద్దేశం అయి ఉండొచ్చని ధర్మాసనం అభిప్రాయపడింది. హైకోర్టు ఉత్తర్వులపై స్పష్టత లేదా సవరణ కోసం తిరిగి హైకోర్టు సింగిల్‌ జడ్జినే ఆశ్రయించాలని కక్షిదారులకు సూచించింది. అప్పటి వరకు ప్రస్తుత ఎస్‌ఎల్‌పీని పెండింగ్‌లో ఉంచుతున్నట్లు స్పష్టం చేస్తూ తదుపరి విచారణను నవంబర్‌ 2వ తేదీకి వాయిదా వేసింది. హైకోర్టు ఆర్డర్‌లో ఉన్న ఈ సాంకేతిక లోపాన్ని వివరించిన సుప్రీంకోర్టు ధర్మాసనానికి న్యాయవాదులు కృతజ్ఞతలు తెలిపారు.

న్యూఢిల్లీ: ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) విషయంలో సుప్రీంకోర్టులో ఎన్నికల సంఘం సమరి్పంచిన తాజా అఫిడవిట్‌లో అనేక కీలక ప్రశ్నలకు సమాధానాలు లేవని సామాజిక కార్యకర్తలు ప్రశాంత్‌ భూషణ్, అంజలి భరద్వాజ్, యోగేంద్ర యాదవ్, నేహా బోరా ఆరోపించారు. ఎస్‌ఐఆర్‌పై ఎన్నికల సంఘం నిర్ణయాధికార విధానాన్ని ప్రశ్నించారు. వారు గురువారం ఢిల్లీలో మీడియాతో మాట్లాడారు. ఎన్నికల సంఘం అక్టోబర్‌ 26న దాఖలు చేసిన కౌంటర్‌ అఫిడవిట్‌పై ప్రశ్నలు లేవనెత్తారు. ఎస్‌ఐఆర్‌ నిర్ణయాలు ఏకగ్రీవంగా తీసుకున్నామన్న వాదనలకు, 2025లో దేశవ్యాప్తంగా ఈ ప్రక్రియను ప్రారంభించేందుకు ఎలాంటి నిర్ణయం తీసుకోలేదని సమాచార హక్కు చట్టం కింద గతంలో ఇచ్చిన ప్రతిస్పందనకు మధ్య వ్యత్యాసం ఉందని ఆరోపించారు. ఎస్‌ఐఆర్‌పై నిర్ణయానికి సంబంధించిన రికార్డులను తాను కోరానని, అయితే అటువంటి ఫైల్‌ ఏదీ అందుబాటులో లేదని ఎన్నికల సంఘానికి చెందిన ప్రజా సమాచార అధికారి తెలియజేశారని అంజలి భరద్వాజ్‌ చెప్పారు. దీనిపై అప్పీల్‌ అధికారిని సంప్రదించగా.. ఎన్నికల కమిషన్‌ ప్రధాన కార్యదర్శి రాతపూర్వకంగా సమాధానం ఇచ్చారని, 2025లో దేశవ్యాప్తంగా ఎస్‌ఐఆర్‌ను ప్రారంభించాలని ఎటువంటి నిర్ణయం తీసుకోలేదని చెప్పారని పేర్కొన్నారు. ఈ నిర్ణయాన్ని ఎన్నికల సంఘం తీసుకోకపోతే మరి ఎవరు తీసుకున్నారు? అని అంజలి భరద్వాజ్‌ నిలదీశారు. ఈ నిర్ణయం ఎప్పుడు, ఎలా తీసుకున్నారో తెలిపే పత్రాలు లేకపోవడాన్ని ప్రస్తావించారు. 2025 జూన్‌ 24, 2025 అక్టోబర్‌ 27 మరియు 2026 మే 14 తేదీల్లో జారీ చేసిన మూడు ఉత్తర్వులను ఏకగ్రీవంగా ఆమోదించినట్లుగా సుప్రీంకోర్టుకు సమర్పించిన అఫిడవిట్‌లో పేర్కొన్నారని తెలిపారు. అయితే, అలాంటి ఏకగ్రీవ ఆమోదానికి సంబంధించిన రికార్డులు ఎందుకు లేవని మండిపడ్డారు. ఎస్‌ఐఆర్‌ ప్రక్రియకు సంబంధించి ఇద్ద రు ఎన్నికల కమిషనర్లు లేవనెత్తిన అభ్యంతరాలను కేవలం సూచనలుగా లేదా అభిప్రాయ భేదాలుగా పరిగణించి వాటి తీవ్రతను తగ్గించడానికి ఎన్నికల సంఘం ప్రయతి్నంచిందని ప్రశాంత్‌ భూషణ్‌ ఆరోపించారు. అత్యవసర పరిస్థితుల్లో నిర్ణయాలను ఎల్రక్టానిక్‌గా ఆమోదించి, అనంతరం అధికారిక ఫైళ్లలో నమోదు చేయవచ్చని ఎన్నికల కమిషన్‌ ఇచ్చిన వివరణను కూడా ఆయన ప్రశ్నించారు. ఓటర్ల జాబితా డేటాబేస్‌ను కేంద్రీకరించడం, ఓటర్ల పేర్లను చేర్చే లేదా తొలగించే అధికారాన్ని కేంద్రీకరించడంపై ఆందోళన వ్యక్తం చేశారు. దీనిపై గతంలో వ్యక్తపరిచిన ఆందోళనలను ఎందుకు పరిష్కరించలేదని ప్రశ్నించారు. డేటాబేస్‌లో మార్పు లు చేయడానికి ఎవరికి అధికారం ఉందో చెప్పాలన్నారు. ఎన్నికల నమోదు అధికారులను పక్కనపెట్టి.. ఎన్నికల కమిషన్‌ ఢిల్లీ కార్యాలయంలోని ఇన్ఫర్మేషన్‌ టెక్నాలజీ యూనిట్ల ద్వారా పేర్లను చేర్చడం, తొలగించడం వంటి ప్రక్రియను కేంద్రీకరించారని విమర్శించారు. ఫారం–6లో చేసిన మార్పులను కూడా తప్పుపట్టారు.

న్యూఢిల్లీ: డిజిటల్‌ మోసాల విషయంలో సుప్రీంకోర్టు కీలక ఆదేశాలు జారీ చేసింది. బ్యాంకులు తగిన శ్రద్ధ వహించడంలో విఫలం కావడం వల్లే డిజిటల్‌ నేరం జరిగినట్లు దర్యాప్తులో తేలితే.. మోసపోయిన బాధితులకు వారు కోల్పోయిన కనీస మొత్తాన్ని పరిహారంగా చెల్లించేలా బ్యాంకులను జవాబుదారీగా చేయాలని పేర్కొంది. దేశంలో సైబర్‌ నేరాలు 50 శాతం తగ్గినప్పటికీ ఈ ఏడాది ఇప్పటివరకు బాధితులు రూ.800 కోట్లు నష్టపోయారని వెల్లడించింది. డిజిటల్‌ అరెస్టు కుంభకోణాలు, సైబర్‌ ఆధారిత ఆర్థిక నేరాలపై సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్, న్యాయమూర్తులు జస్టిస్‌ జోయ్‌మాల్య బాగ్చీ, జస్టిస్‌ వి.మోహనలతో కూడిన ధర్మాసనం గురువారం సుమోటోగా విచారణ చేపట్టింది. రిజర్వ్‌ బ్యాంక్‌ ఆఫ్‌ ఇండియా(ఆర్బీఐ) ప్రతిపాదిత నియంత్రణ చట్టంలో పరిహారం, నివారణ చర్యలు, సంస్థాగత జవాబుదారీతనానికి సంబంధించి అమలు చేయదగిన నిబంధనలను చేర్చాలని పేర్కొంది. ఈ ఆదేశాలను నవంబర్‌ 30 నాటికి నోటిఫై చేసి, డిసెంబర్‌ 31 నాటికి అమల్లోకి తీసుకురావాలని వెల్లడించింది. ప్రతిపాదిత ఆర్బీఐ నో యువర్‌ కస్టమర్‌(కేవైసీ) సవరణ ఆదేశాలను మొదట పరిశీలిస్తామని జస్టిస్‌ సూర్యకాంత్‌ చెప్పారు. శిక్షార్హమైన ఆదేశాలు జారీ చేస్తేనే.. డిజిటల్‌ అరెస్ట్‌ లేదా సైబర్‌ మోసాల వల్ల నష్టపోయిన బాధితులకు సదరు బ్యాంకులు తగిన పరిహారం చెల్లించేలా నిబంధనలు ఉండాలని ధర్మాసనం తేల్చిచెప్పింది. బ్యాంకుల నిర్లక్ష్యం వల్లనే డిజిటల్‌ నేరం జరిగినట్లు తేలితే.. అప్పుడు బాధితులకు చెల్లించే పరిహారం వారు కోల్పోయిన మొత్తానికి తగ్గకుండా ఉండాలని ఉత్తర్వులో స్పష్టంచేసింది. బ్యాంకులకు స్పష్టమైన బాధ్యతలను నిర్దేశించాలని, నిబంధనలను పాటించని పక్షంలో తగిన చర్యలు తీసుకొనేలా చూడాలని ధర్మాసనం వెల్లడించింది. బ్యాంకులకు శిక్షార్హమైన ఆదేశాలు జారీ చేస్తే తప్ప, అవి తమ పద్ధతులను ఎన్నటికీ మార్చుకోవు అని సీజేఐ జస్టిస్‌ సూర్యకాంత్‌ అన్నారు. ఖాతాదారుని నిర్ధారిత లావాదేవీల చరిత్రకు విరుద్ధంగా ఉన్న లావాదేవీలను బ్యాంకులు తాత్కాలికంగా నిలిపివేయాలని చెప్పారు. బ్యాంకులు ‘రక్షణ గొడుగులు’ డిజిటల్‌ అరెస్టుల వల్ల ప్రజలు భారీగా నష్టపోతున్నారని, అయినప్పటికీ మనం ఇంకా బలమైన చర్యలు తీసుకోలేకపోతున్నామని జస్టిస్‌ సూర్యకాంత్‌ వెల్లడించారు. ఒక ఖాతాదారుడు తన సాధారణ బ్యాంకింగ్‌ కార్యకలాపాలకు విరుద్ధంగా పెద్ద మొత్తాన్ని అకస్మాత్తుగా బదిలీ చేయడానికి ప్రయత్నించినప్పుడు బ్యాంకులు ఎందుకు జోక్యం చేసుకోలేకపోయాయని సీజేఐ ప్రశ్నించారు. వినియోగదారులకు బ్యాంకులు ‘రక్షణ గొడుగులు’గా అభివరి్ణంచారు. బ్యాంకుల వద్ద ఖాతాదారుల సమాచారం ఉంటుందని, ఖాతా నుంచి డబ్బు బయటకు వెళ్లేలోపే మోసాన్ని నివారించడానికి ఆ సమాచారాన్ని ఉపయోగించుకోవాలని తెలియజేశారు. కోట్ల రూపాయల లావాదేవీలు ఉండే వాణిజ్య ఖాతాలకు, సాధారణ వ్యక్తిగత ఖాతాలకు మధ్య వ్యత్యాసం ఉంటుందని గుర్తుచేశారు. ఒక వ్యక్తి అకస్మాత్తుగా ఆర్టీజీఎస్‌ ద్వారా పెద్ద మొత్తాన్ని బదిలీ చేయాలని ప్రయతి్నస్తే, దాన్ని అడ్డుకొనే యంత్రాంగం ఉండాలని పేర్కొన్నారు. ఆర్థిక సంస్థలు ఖాతాలను వాటి స్వభావం, లావాదేవీల సరళి ప్రకారం వర్గీకరించవచ్చని, అలాగే డిజిటల్‌ మోసాలను గుర్తించడానికి కృత్రిమ మేధ(ఏఐ) సహా సాంకేతికతను ఉపయోగించుకోవచ్చని సూచించారు. బ్యాంకులు జవాబుదారీతనం పాటించడం, సైబర్‌ నేరాల ద్వారా వచ్చిన సొమ్మును స్వీకరించడానికి లేదా బదిలీ చేయడానికి మ్యూల్‌ ఖాతాలను ఉపయోగించడం అనే రెండు అంశాలపై ప్రత్యేకంగా దృష్టి పెట్టాలని సీజేఐ పేర్కొన్నారు. డిజిటల్‌ అరెస్ట్‌ కేసుల్లో నమోదైన ఎఫ్‌ఐఆర్‌లు, వాటి ఆధారంగా జరిగిన దర్యాప్తుల వివరాలతో కూడిన నివేదికలను సమరి్పంచాలని అన్ని రాష్ట్రాలు, కేంద్రపాలిత ప్రాంతాల చట్ట అమలు సంస్థలను ఆదేశించారు.మొబైల్‌ ఫోన్‌ను గోడకు కొడితే.. దేశంలో డిజిటల్‌ అరెస్టులు పెరిగిపోతుండడంపై ధర్మాసనం ఆందోళన వ్యక్తం చేసింది. వీటిపై అవగాహన కార్యక్రమాలు, వార్తా కథనాలు, కోర్టు ఆదేశాలు ఉన్నప్పటికీ విద్యావంతులు సైతం డిజిటల్‌ అరెస్టుల బారిన పడుతుండటం విచారకరమని పేర్కొంది. మొబైల్‌ ఫోన్‌ను గోడకు కొడితే డిజిటల్‌ అరెస్టు అనేది ఆగిపోతుందని తేల్చిచెప్పింది. మనుషుల్లో ఏదో లోపం ఉందని, వాళ్లలో ఏముందో దేవుడికే తెలియాలని వ్యాఖ్యానించింది. ప్రజా స్వామ్య దేశంలో మొబైల్‌ కారణంగా అరెస్టు అవుతామని భావిస్తున్నారంటే వారి గురించి ఏమనుకోవాలని ప్రశ్నించింది. డిజిటల్‌ అరెస్టులను అరికట్టడానికి ఎంతో కృషి జరుగుతున్నప్పటికీ, ఈ సమస్య కొనసాగుతూనే ఉందని ఈ కేసులో అమికస్‌ క్యూరీ అయిన సీనియర్‌ న్యాయవాది ఎన్‌.ఎస్‌.నప్పినై ధర్మాసనం దృష్టికి తీసుకొచ్చారు.

సాక్షి,న్యూఢిల్లీ : తెలంగాణ రాజకీయాల్లో, రియల్ ఎస్టేట్ రంగంలో సుదీర్ఘ కాలంగా సంచలనం సృష్టిస్తున్న మియాపూర్ భూముల వివాదంపై సుప్రీంకోర్టు సంచలన తుది తీర్పు వెలువరించింది. వివాదాస్పద 550 ఎకరాల విలువైన భూములు పూర్తిగా రాష్ట్ర ప్రభుత్వానివేనని అత్యున్నత న్యాయ స్థానం స్పష్టం చేసింది.హైదరాబాద్ శివారులోని మియాపూర్ సర్వే నెంబర్ 100, ఇతర సర్వే నెంబర్లలో ఉన్న వందలాది ఎకరాల భూములకు సంబంధించి ప్రైవేట్ వ్యక్తులు, హౌసింగ్ సొసైటీలు, వివిధ వ్యక్తుల తరఫున కోర్టుల్లో పిటిషన్లు దాఖలు చేసిన వారిలో బండారి రామచందర్ తదితరులు దాఖలు చేసిన సివిల్ అప్పీళ్లను కోర్టు కొట్టివేసింది.1949 నాటి జాగీర్ల రద్దు చట్టం ప్రకారమే ఈ భూములన్నీ అప్పట్లోనే రాష్ట్ర ప్రభుత్వ పరం అయ్యాయని ధర్మాసనం తన తీర్పులో స్పష్టం చేసింది. ఆ నాటి కాలంలోనే సంబంధిత జాగీర్దార్లు ప్రభుత్వానికి భూములు ఇచ్చి అందుకు నష్టపరిహారాన్ని కూడా తీసుకున్నారని కోర్టు తేల్చిచెప్పింది.కబ్జాదారులు, కొందరి వ్యక్తులు రెవెన్యూ అధికారులతో కుమ్మక్కై పహాణీల్లో అక్రమంగా తమ పేర్లను నమోదు చేయించుకున్నారని సుప్రీంకోర్టు తీవ్ర ఆగ్రహం వ్యక్తం చేసింది. రికార్డులను తారుమారు చేసి ప్రభుత్వ భూమిని కాజేసేందుకు యత్నించారని పేర్కొంది.మియాపూర్ భూములపై కబ్జాదారులు, ప్రైవేట్ వ్యక్తులు సమర్పించిన పత్రాలన్నీ నకిలీవేనని ధర్మాసనం కుండబద్దలు కొట్టింది. ఎలాంటి చట్టబద్ధమైన ఆధారాలు లేకుండా ప్రభుత్వ ఆస్తులను ఆక్రమించుకోవడానికి చేసిన ప్రయత్నాలను సర్వోన్నత న్యాయస్థానం పూర్తిగా తప్పుపట్టింది. వేల కోట్ల రూపాయల విలువైన అత్యంత విలువైన ప్రభుత్వ భూమిని ప్రైవేట్ వ్యక్తులు కాజేసేందుకు చేసిన కుట్రలకు సుప్రీంకోర్టు తుది తీర్పుతో గట్టి చెక్ పడినట్లయింది. ఈ తీర్పు ద్వారా రాష్ట్ర ప్రభుత్వానికి భారీ చట్టపరమైన ఊరట లభించినట్టయింది.

సాక్షి, న్యూఢిల్లీ: ట్రాన్స్‌జెండర్ల హక్కుల చట్టం అమలు కారణంగా పుట్టుకతో (జీవశాస్త్ర పరంగా) మహిళలైన వారికి రాజ్యాంగపరంగా, చట్టపరంగా లభిస్తున్న ప్రయోజనాలు, రిజర్వేషన్లపై పడే ప్రభావంపై వివరణ ఇవ్వాలని సుప్రీంకోర్టు ఆదేశించింది. ఈ మేరకు కేంద్ర సామాజిక న్యాయం, న్యాయ, ఆరోగ్య కుటుంబ సంక్షేమ శాఖలకు నోటీసులు జారీ చేసింది. మహిళల హక్కుల పరిరక్షణ కోసం ఉద్దేశించిన రిజర్వేషన్లు, ఇతర ప్రత్యేక సదుపాయాలకు ఈ చట్టం వల్ల విఘాతం కలిగే ప్రమాదం ఉందంటూ దాఖలైన ప్రజా ప్రయోజన వ్యాజ్యంపై(పిల్‌) ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జోయ్‌మాల్య బాగ్చీ, జస్టిస్‌ వి.మోహనలతో కూడిన ధర్మాసనం తాజాగా విచారణ చేపట్టింది. ‘ఉమెన్స్‌ డిక్లరేషన్‌ ఇంటర్నేషనల్‌ ఇండియా’ అనే స్వచ్ఛంద సంస్థ ఈ వ్యాజ్యం దాఖలు చేసింది. ట్రాన్స్‌జెండర్ల చట్టం వల్ల స్థానిక సంస్థల్లో మహిళా రిజర్వేషన్లు, మహిళా జైళ్లలో వారికి వసతి, క్రీడా పోటీల్లో వారి భాగస్వామ్యం తదితర అంశాలపై పడే ప్రభావాన్ని పిటిషనర్‌ ధర్మాసనం దృష్టికి తీసుకొచ్చారు. అరెస్టులు, సోదాలు, నేర విచారణల సమయంలో మహిళలకు మాత్రమే ప్రత్యేకంగా లభించే చట్టపరమైన రక్షణల విషయంలో పలు ప్రశ్నలు లేవనెత్తారు.ఇదీ చదవండి: షాకిచ్చిన కర్ణాటక : లీటరు పాల ధర రూ. 8 పెంపురాజ్యాంగ ప్రయోజనాలను హరించకూడదుట్రాన్స్‌జెండర్ల గుర్తింపునకు సంబంధించి కేంద్రం తీసుకొచ్చిన ‘ట్రాన్స్‌జెండర్‌ పర్సన్స్‌(ప్రొటెక్షన్‌ ఆఫ్‌ రైట్స్‌) సవరణ చట్టం– 2026’ నిబంధనలను సవాలు చేస్తూ సుప్రీంకోర్టులో ఇప్పటికే పలు కేసులు పెండింగ్‌లో ఉన్నాయి. ఆ కేసులతోపాటే ఈ తాజా పిటిషన్‌ను కూడా ధర్మాసనం జత చేసింది. పిటిషనర్ల తరఫున సీనియర్‌ లాయర్‌ అఖిల్‌ సిబల్‌ వాదనలు వినిపించారు. ట్రాన్స్‌జెండర్లకు లభించే హక్కులు జీవశాస్త్రపరంగా మహిళలైన వారికి మాత్రమే కేటాయించిన రాజ్యాంగ ప్రయోజనాలను హరించేవిగా ఉండకూడదని పేర్కొన్నారు. పంచాయతీల్లో మహిళల కోసం రిజర్వ్‌ చేసిన స్థానాల్లో ట్రాన్స్‌జెండర్లు కూడా పోటీ పడతారా? లేక వారికి ప్రత్యేక రిజర్వేషన్లు కల్పిస్తారా? అన్నది తేలాల్సి ఉందన్నారు. కేంద్రం తరఫున సొలిసిటర్‌ జనరల్‌ తుషార్‌ మెహతా వాదనలు వినిపించారు. ట్రాన్స్‌జెండర్ల చట్టంపై ఇప్పటికే దాఖలైన కేసులకు సంబంధించి ప్రభుత్వ వివరణను సిద్ధం చేస్తున్నామని, అందులోనే తాజా పిటిషన్‌లో లేవనెత్తిన ఆందోళనలకు కూడా సమాధానం ఇస్తామని ధర్మాసనానికి విన్నవించారు. ఇదీ చదవండి: రూ. కోటిన్నర జీతం వదిలేసిన టెకీ జంట, ఎందుకో తెలుసా?

సాక్షి, న్యూఢిల్లీ: దేశవ్యాప్తంగా కలకలం రేపుతున్న డిజిటల్‌ అరెస్టుల వ్యవహారంపై సుప్రీంకోర్టు తీవ్రస్థాయిలో స్పందించింది. అమాయకులను, వయోవృద్ధులను లక్ష్యంగా చేసుకొని సాగుతున్న ఈ వ్యవస్థీకృత సైబర్‌ నేరాలపై ఉక్కుపాదం మోపాలని తేల్చిచెప్పింది. వీటిని కేవలం బెదిరింపు(ఎక్స్‌టార్షన్‌) నేరాలుగా పరిగణించలేమని, ఇవి ముమ్మాటికీ డిజిటల్‌ దోపిడీలేనని స్పష్టంచేసింది. డిజిటల్‌ అరెస్టులకు పాల్పడే సైబర్‌ నేరగాళ్ల పట్ల ఎలాంటి కనికరం లేకుండా అత్యంత కఠినంగా వ్యవహరించాలని ఆదేశించింది. డిజిటల్‌ అరెస్టు పేరుతో జరుగుతున్న సైబర్‌ నేరాలపై దేశవ్యాప్తంగా నమోదైన ఎఫ్‌ఐఆర్‌లను ఢిల్లీకి బదిలీ చేయాలని కోరుతూ గౌరబ్‌ కుమార్‌ సాహా తదితరులు దాఖలు చేసిన పిటిషన్‌పై సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ నేతృత్వంలోని త్రిసభ్య ధర్మాసనం బుధవారం విచారణ చేపట్టింది. ఈ సందర్భంగా సైబర్‌ ముఠాల తీరుపై జస్టిస్‌ సూర్యకాంత్‌ తీవ్ర ఆగ్రహం వ్యక్తం చేశారు. వీడియో కాల్స్‌ ద్వారా డిజిటల్‌ అరెస్టుల పేరుతో సాగిస్తున్న అకృత్యాలు డిజిటల్‌ దోపిడీ కిందకే వస్తాయి. ఇలాంటి ముఠాలను ఎట్టిపరిస్థితుల్లోనూ వదిలిపెట్టకూడదని, అత్యంత కఠినంగా వ్యవహరించాలని ఆదేశించారు.

సాక్షి,న్యూఢిల్లీ: ఓటర్ల జాబితా ప్రత్యేక సమగ్ర సవరణ ప్రక్రియపై సుప్రీంకోర్టు కీలక ఆదేశాలు జారీ చేసింది. ఫామ్‌ 6, 8 దరఖాస్తులకు ఎలాంటి గడువు పెట్టొద్దని స్పష్టం చేసింది. వలస కార్మికుల ఇబ్బందులను దృష్టిలో ఉంచుకుని ఓటరు జాబితాలో మార్పులు, చేర్పుల కోసం దరఖాస్తులను నిరంతరం స్వీకరించాలని కేంద్ర ఎన్నికల సంఘానికి సుప్రీంకోర్టు ఆదేశాలు జారీ చేసింది. ఈ సందర్భంగా ‘ఫామ్‌ నింపలేదనే కారణంతో ఓట్ల తొలగింపు సరికాదు. అర్హులకు ఓటు హక్కు కల్పించాల్సిన బాధ్యత మీపైనే ఉంది. ఇప్పటికే ఓటు ఉన్నవారు ఫామ్‌-6 ఎందుకు నింపాలి. చిరునామా మార్చుకోవాల్సిన ఓటర్లకు ఫామ్‌-8తో అవకాశం కల్పించే అంశాన్ని పరిశీలించాలని’ కేంద్ర ఎన్నికల సంఘానికి సుప్రీంకోర్టు సూచించింది. ఈ కేసుకు సంబంధించి తదుపరి విచారణను రెండు వారాలకు వాయిదా వేసింది.

న్యూఢిల్లీ: ఓటర్ల జాబితా ప్రత్యేక సమగ్ర సవరణ (సర్‌)పై ఎన్నికల కమిషన్‌ దాఖలు చేసిన పిటిషన్‌పై పదిరోజుల్లో సమాధానాలు ఇవ్వాల్సిందిగా సుప్రీంకోర్టు మంగళవారం పిటిషనర్లను ఆదేశించింది. సర్‌పై జారీ చేసిన మూడు ఆదేశాలు ప్రధాన ఎన్నికల కమిషనర్, ఇద్దరు ఎన్నికల కమిషనర్ల ఏకగ్రీవ నిర్ణయాలేని చెబుతూ దాఖలైన ఈ అఫిడవిట్‌లో మిగిలిన అంశాలకు సంబంధించిన వివరణ కూడా ఉంది. బిహార్‌లో సుప్రీంకోర్టు అనుమతి లేకుండానే ఫారం–6లో మార్పులు చేసిన విషయంపై రాజ్యసభ సభ్యురాలు డోలా సేన్‌ దాఖలు చేసిన తాజా పిటిషన్‌పైనా ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జోయ్‌మాల్య బాగ్చి, జస్టిస్‌ వి. మోహనలతో కూడిన ధర్మాసనం విచారణ చేపట్టింది. ఈసీతోపాటు ఇతర ప్రతివాదులకు నోటీసులు జారీ చేసింది. డోలా సేన్‌ తరఫున సీనియర్‌ న్యాయవాది, ఎంపీ మేనకా గురుస్వామి వాదనలు వినిపించారు. ఫారం–6లో చేసిన మార్పులకు సుప్రీంకోర్టు ఆమోదం ఉందంటూ ఈసీ తప్పుగా పేర్కొందని ఆరోపించారు. దీనికి ప్రధాన న్యాయమూర్తి స్పందిస్తూ అన్ని అంశాలను పరిశీలిస్తామని హామీ ఇచ్చారు. ఈసీ దాఖలు చేసిన అఫిడవిట్‌కు పది రోజుల్లో ప్రత్యుత్తరం సమరి్పంచాలని తొలి పిటిషనర్‌ రాకేశ్‌ కుమార్‌ సింగ్‌ తరఫు సీనియర్‌ న్యాయవాది వికాస్‌ సింగ్‌కు సూచించారు.

న్యూఢిల్లీ: మందుల ఎంఆర్‌పీకి, రీటైలర్లకు ఇచ్చే ధరలకు మధ్య ఉన్న భారీ వ్యత్యాసంపై సుప్రీంకోర్టు మంగళవారం కేంద్ర ప్రభుత్వాన్ని తీవ్రంగా తప్పుపట్టింది. ‘‘ఈ లూటీని ఎలా సమర్థించుకుంటారో’’చెప్పాలని ఘాటుగా విమర్శించింది. మందుల తయారీదారులు ఇలా విచ్చలవిడిగా వ్యవహరించేందుకు ఎలా అనుమతిచ్చారని ప్రశ్నించింది. ఔషధ ధరల నియంత్రణకు ఏర్పాటైన నేషనల్‌ ఫార్మాసూటికల్‌ ప్రైసింగ్‌ అథారిటీ నిర్వీర్యమైనట్లు కనిపిస్తోందన్న జస్టిస్‌ విక్రమ్‌నాథ్, జస్టిస్‌ సందీప్‌ మెహతాల బెంచ్‌... వ్యవస్థ మొత్తం ఫార్మా కంపెనీలకు సాయపడేలా ఎందుకు పనిచేస్తోందని ప్రభుత్వాన్ని నిలదీసింది. మందుల ధరలపై నియంత్రణతోపాటు మందులకు సంబంధించిన మరో అంశంపై దాఖలైన రెండు పిటిషన్లపై తీర్పును రిజర్వ్‌లో ఉంచింది. అంతకుముందు కేంద్రం తరఫున అడిషనల్‌ సొలిసిటర్‌ జనరల్‌ ఐశ్వర్య భాటీ మాట్లాడుతూ కేన్సర్‌ మందుల ధరల విషయంలో లాభాలను 30 శాతానికి పరిమితం చేశామని బెంచ్‌కు తెలపగా... అన్ని రకాల మందుల లాభాలపై 16 శాతం గరిష్ట పరిమితి ఎందుకు విధించకూడదని ప్రశ్నించింది. ‘‘ఫార్మా రంగం మొత్తాన్ని నియంత్రించకూడదన్నది ప్రభుత్వ విధానం’’అని ఐశ్వర్య భాటీ సమాధానమిచ్చారు. రీటైలర్లకు రూ.15కు అందే మందులు కూడా రూ.250కు అమ్ముతున్నారని, ప్రభుత్వమే ఈ లూటీకి అనుమతిస్తోందని వ్యాఖ్యానించింది. ఈ దశలో ఐశ్వర్య భాటీ ప్రభుత్వ విధానాన్ని గుర్తు చేయగా బెంచ్‌ ఆగ్రహం వ్యక్తం చేస్తూ... ‘‘అలాగని విచ్చలవిడిగా దోచుకునేందుకు అనుమతించాలా’’అని ఫార్మా కంపెనీలను ఉద్దేశించి వ్యాఖ్యానించింది. కంపెనీలకు సాయం చేయడమే ప్రభుత్వ పనా?ఎంఆర్‌పీ, వినియోగదారుడికి దక్కే ధరల మధ్య వ్యత్యాసాన్ని ప్రస్తావిస్తూ... ‘‘ఎందుకు మొత్తం వ్యవస్థ వారికి (తయారీదారులు) సాయపడేందుకు ప్రయతి్నస్తోంది?’’అని నేరుగా ప్రశ్నించింది. మెడికల్‌ డిస్ట్రిబ్యూటర్‌ భార్య ఒకరి కేసును ఉదహరించింది. కేన్సర్‌ చికిత్సకు వెళితే ఒక ఆసుపత్రి ఒక ఇంజెక్షన్‌కు రూ.1.30 లక్షలు వసూలు చేసిందని, డిస్ట్రిబ్యూటర్‌ వద్ద అదే ఇంజెక్షన్‌ రూ.11 వేలకు దొరుకుతోందని తెలిపింది. ఈ వ్యవహారమంతా చూస్తూంటే... నేషనల్‌ ఫార్మాసూటికల్‌ ప్రైసింగ్‌ అథారిటీ ఏదో ఒక రోజు మందుల ధరలు తగ్గించకుండా ఉంటుందా? అని సామాన్య ప్రజలు పగటి కలలు కంటున్నట్టు ఉందని వ్యాఖ్యానించింది. ధరల పెరుగుదల నియంత్రణకు సంబంధించిన అంశం కాదని, మూడు, నాలుగు రెట్ల కంటే ఎక్కు వ్యత్యాసముందని, ఈ భారీ తేడాలను ఎలా సమర్థించుకుంటారని ఐశ్వర్య భాటీని ప్రశ్నించింది. రోగులకు బేరాలాడే సామర్థ్యం ఉండదని తెలిపిన బెంచ్‌... ‘‘అన్ని మందులనూ జెనెరిక్‌ ముందులుగా పరిగణించి ఉంటే బాగుండు’’అని వ్యాఖ్యానించింది. రోగుల ప్రాణాల విషయానికి వచ్చినప్పుడు పెట్టుబడిదారుల దృక్కోణంతో మాట్లాడకూడదని రోగి ప్రాణాలను, వ్యాపారాన్ని పోల్చవద్దని ప్రభుత్వ న్యాయవాదికి స్పష్టం చేశారు.

న్యూఢిల్లీ: ఏపీలో మున్సిపల్‌ ఎన్నికల నామినేషన్ల దాఖలు సందర్భంగా వైఎస్సార్‌సీపీ దాఖలు చేసిన పిటిషన్‌పై ఈరోజు(మంగళవారం, అక్టోబర్‌ 27వ తేదీ) సుప్రీంకోర్టు విచారణ జరిపింది. ఈ సందర్భంగా సుప్రీంకోర్టు సంచలన నిర్ణయం తీసుకుంది. స్థానిక ఎన్నికల అంశానికి సంబంధించి ఎవరి నామినేషన్లు అడ్డుకున్నారో వారి విషయంలో ఈ కేసు విచారణ కొనసాగుతుందని స్పష్టం చేసింది. నామినేషన్లు వేయలేనివారి ఫిర్యాదులు, ఆధారాలను పూర్తిగా పరిశీలించాలన్న సుప్రీంకోర్టు.. ఈ విషయంలో హైకోర్టు విచారణ చేసే అవకాశం ఉందని పేర్కొంది. నామినేషన్లకు సంబంధించి సీసీటీవీ ఫుటేజ్‌ను భద్రపరచాలని పేర్కొన్న అత్యున్నత ధర్మాసనం.. ఎన్నికల నామినేషన్ల వివాదం కేసును సజీవంగా ఉంచింది.ఇదిలా ఉంచితే, సుప్రీంకోర్టు ఆదేశాల తర్వాత కూడా కొంతమందికే నామినేషన్లు వేసే అవకాశం కల్పించారని, చాలామందిని మున్సిపాలిటీల్లో నామినేషన్లు వేయకుండా అడ్డుకున్నారని వైఎస్సార్‌సీపీ లాయర్‌.. సుప్రీంకోర్టు దృష్టికి తీసుకొచ్చారు.వారందరికీ ఎన్నికల్లో పోటీ చేసే అవకాశం కల్పించాలని జడ్పీటీసీల విషయంలోనూ చాలామందికి నామినేషన్లు వేసే అవకాశం కల్పించలేదని వైఎస్సార్‌సీపీ లాయర్‌ పేర్కొన్నారు. స్థానిక ఎన్నికల అంశానికి సంబంధిం​చి ఎవరి నామినేషన్లు అడ్డుకున్నారో వారి విషయంలో ఈ కేసు విచారణ కొనసాగుతుందని సుప్రీం స్పష్టం చేసింది. నామినేషన్లకు సంబంధించి సీసీటీవీ ఫుటేజ్‌ను భద్రపరచాలని పేర్కొన్న అత్యున్నత ధర్మాసనం.. విచారణను వాయిదా వేసింది.ఇదీ చదవండి: కర్ణాటకలో ఎస్‌ఐఆర్‌ కలకలం : సుమారు కోటి మందికి భారీ షాక్‌!

సాక్షి,న్యూఢిల్లీ: ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌) ప్రక్రియకు సంబంధించి దాఖలైన పిటిషన్లపై ఇవాళ సుప్రీంకోర్టులో విచారణ జరగనుంది. ఈ నేపథ్యంలో లోక్‌సభలో ప్రతిపక్ష నాయకుడు రాహుల్ గాంధీ ఎక్స్‌ వేదికగా శివుడి చిత్రాన్ని ట్వీట్‌ చేశారు. ‘సత్యం శివం సుందరం’ అని ట్యాగ్‌ చేయడం చర్చనీయాంశమైంది. ఎన్నికల సంఘం విధివిధానాలు, ఏకపక్ష నిర్ణయాలపై ప్రతిపక్షాలు నిరసనలు తెలుపుతున్న తరుణంలో రాహుల్‌ ట్వీట్ అత్యంత ప్రాధాన్యత సంతరించుకుంది.ప్రధాన ఎన్నికల కమిషనర్ (సీఈసీ) జ్ఞానేష్ కుమార్ పనితీరును ప్రశ్నిస్తూ ఆయనపై తగిన విచారణ జరపాలని, దేశవ్యాప్త ఓటర్ల జాబితా ఎస్ఐఆర్‌ను చట్టవిరుద్ధంగా ప్రకటించాలని కోరుతూ దాఖలైన పిటిషన్లను సుప్రీంకోర్టు మంగళవారం విచారించనుంది. సీజేఐ సూర్యకాంత్ నేతృత్వంలోని, జస్టిస్‌లు జయమల్య బాగ్చీ, వి. మోహనాలతో కూడిన ధర్మాసనం ఈ పిటిషన్లపై విచారణ చేపట్టనుంది. ఇదే అంశంపై రాహుల్ గాంధీ, ఇతర ప్రతిపక్ష నాయకులు దాఖలు చేసిన పిటిషన్లను కూడా కోర్టు విచారణకు స్వీకరించింది. గత విచారణల సందర్భంగా ఎన్నికల సంఘం సుప్రీంకోర్టుకు సమర్పించిన వివరాల ప్రకారం..ఓటర్ల జాబితాల ఎస్‌ఐఆర్‌ నిర్వహణ పూర్తిగా నిబంధనలకు అనుగుణంగానే చేపట్టినట్లు ఈసీ స్పష్టం చేసింది. ఎస్‌ఐఆర్‌ ప్రక్రియకు సంబంధించిన నిర్ణయాలలో సీఈసీ జ్ఞానేష్ కుమార్ ఏకపక్షంగా వ్యవహరించారన్న ఆరోపణలను ఈసీ పూర్తిగా తోసిపుచ్చింది. సవరణకు సంబంధించిన మూడు కీలక ఉత్తర్వులను కమిషన్‌లోని ముగ్గురు సభ్యులు (సీఈసీ, ఇద్దరు ఎన్నికల కమిషనర్లు) ఏకగ్రీవంగా ఆమోదించారని వెల్లడించింది. సుప్రీంకోర్టులో దాఖలు చేసిన కౌంటర్ అఫిడవిట్‌పై సీఈసీతో పాటు ఇతర కమిషనర్లు కూడా సంయుక్తంగా అంగీకరించినట్లు తెలిపింది.ఓటరు నమోదు కోసం చట్టాన్ని గానీ, నిర్దేశించిన ‘ఫారం-6’ను గానీ తాము సవరించలేదని ఈసీ స్పష్టం చేసింది. ఆన్‌లైన్ దరఖాస్తుల ప్రక్రియలో సాంకేతిక సౌలభ్యం కోసం మాత్రమే కొన్ని మార్పులు చేసినట్లు వివరించింది. తమకు తెలియకుండా, తమ సిఫార్సు లేకుండా ఓటర్ల జాబితాల ఎస్‌ఐఆర్‌పై నిర్ణయాలు తీసుకున్నారంటూ ఎన్నికల కమిషనర్లు సుఖ్‌బీర్ సింగ్ సంధు, వివేక్ జోషి గతంలో అభ్యంతరాలు వ్యక్తం చేశారంటూ వెలువడిన మీడియా నివేదికల ఆధారంగా ఈ పిటిషన్లు దాఖలయ్యాయి. ఈ నేపథ్యంలో ఎన్నికల సంఘం తీరుపై ప్రతిపక్షాల విమర్శలు, రాహుల్ గాంధీ తాజా ఆధ్యాత్మిక పోస్ట్ రాజకీయ వర్గాల్లో హాట్ టాపిక్‌గా మారింది. ప్రస్తుతం ఈ పిటిషన్లపై సర్వోన్నత న్యాయస్థానం విచారణ జరుపుతుండటంతో, ఈసీ తీసుకున్న చర్యలు, కోర్టు ఇచ్చే తీర్పుపై సర్వత్రా ఉత్కంఠ నెలకొంది.

సాక్షి, న్యూఢిల్లీ: కలకత్తా హైకోర్టు న్యాయమూర్తిగా ఉన్న జస్టిస్‌ తపబ్రత చక్రవర్తిని తెలంగాణ హైకోర్టు ప్రధాన న్యాయమూర్తిగా (సీజే) పదోన్నతి కల్సిస్తూ సుప్రీంకోర్టు కొలీజియం సిఫార్సు చేసింది. అలాగే, ప్రస్తుతం తెలంగాణ హైకోర్టులో తాత్కాలిక ప్రధాన న్యాయమూర్తిగా సేవలందిస్తున్న జస్టిస్‌ పి.శామ్‌ కోషిని ఢిల్లీ హైకోర్టు ప్రధాన న్యాయమూర్తిగా పదోన్నతి కల్సిస్తూ తీర్మానం చేసింది. ఈ రెండు రాష్ట్రాలతోపాటు గుజరాత్, ఉత్తరాఖండ్‌ హైకోర్టులకూ నూతన ప్రధాన న్యాయమూర్తులను కొలీజియం సిఫార్సు చేసింది. ప్రస్తుతం గుజరాత్‌ హైకోర్టులో న్యాయమూర్తిగా ఉన్న జస్టిస్‌ మనాష్‌ రంజన్‌ పాఠక్‌కు అదే హైకోర్టు (గుజరాత్‌)లో ప్రధాన న్యాయమూర్తిగా పదోన్నతి కల్పించింది. పట్నా హైకోర్టులో న్యాయమూర్తిగా విధులు నిర్వర్తిస్తున్న జస్టిస్‌ సుదీర్‌ సింగ్‌ను ఉత్తరాఖండ్‌ హైకోర్టు సీజేగా సిఫార్సు చేసింది. సోమవారం సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ నేతృత్వంలోని కొలీజియం ఈమేరకు నిర్ణయాలు తీసుకుంది. ఈ జాబితాను కేంద్ర ప్రభుత్వానికి పంపనుండగా, రాష్ట్రపతి ఆమోదం లభించిన వెంటనే అధికారిక గెజిట్‌ వెలువడనుంది. జస్టిస్‌ తపబ్రత చక్రవర్తి నేపథ్యం న్యాయవాద కుటుంబ నేపథ్యం ఉన్న ఆయన 1967లో జన్మించారు. 1991 జనవరి 29న న్యాయవాదిగా ఎన్‌రోల్‌ అయ్యారు. కలకత్తా హైకోర్టులో సివిల్, రాజ్యాంగ, సర్వీసు, విద్యా సంబంధిత కేసుల్లో 22 ఏళ్ల పాటు న్యాయవాదిగా ప్రాక్టీస్‌ చేశారు. అక్టోబర్‌ 30, 2013న కలకత్తా హైకోర్టు అదనపు న్యాయమూర్తిగా బాధ్యతలు చేపట్టిన ఆయన, మార్చి 14, 2016న శాశ్వత న్యాయమూర్తిగా నియమితులయ్యారు. సుదీర్ఘ న్యాయవాద, న్యాయమూర్తి అనుభవం ఉన్న ఆయన తెలంగాణ హైకోర్టు సీజేగా రానున్నారు. జస్టిస్‌ పి.శామ్‌ కోషి నేపథ్యం 1967, ఏప్రిల్‌ 30న జన్మించిన ఆయన 1987లో కామర్స్‌లో బ్యాచిలర్‌ డిగ్రీ, 1990లో న్యాయశాస్త్ర పట్టా పొందారు. 1991, మార్చి 9న న్యాయవాదిగా నమోదు చేసుకున్నారు. తొలుత మధ్యప్రదేశ్‌ హైకోర్టు జబల్‌పూర్‌ బెంచ్‌లో 2000 అక్టోబర్‌ వరకు సివిల్, రాజ్యాంగ, సర్వీసు, కార్మిక సంబంధిత కేసుల్లో వాదనలు వినిపించారు. అనంతరం 2013 సెప్టెంబర్‌ వరకు ఛత్తీస్‌గఢ్‌ హైకోర్టులో న్యాయవాదిగా కొనసాగారు. 2002 నుంచి 2004 వరకు ఛత్తీస్‌గఢ్‌ హైకోర్టులో ప్రభుత్వ న్యాయవాదిగా, 2005–06లో డిప్యూటీ అడ్వొకేట్‌ జనరల్‌గా పనిచేశారు. 2013, సెప్టెంబర్‌ 16న ఛత్తీస్‌గఢ్‌ హైకోర్టు అదనపు న్యాయమూర్తిగా నియమితులయ్యారు. 2016 మార్చి 8న శాశ్వత న్యాయమూర్తిగా బాధ్యతలు స్వీకరించారు. 2023, జూలై 27న తెలంగాణ హైకోర్టుకు బదిలీపై వచ్చారు. 2025, జూలై 18 నుంచి 19వ తేదీ వరకు తెలంగాణ హైకోర్టు తాత్కాలిక ప్రధాన న్యాయమూర్తి విధులు నిర్వహించారు. తర్వాత అక్టోబర్‌ 6న తెలంగాణ హైకోర్టు తాత్కాలిక ప్రధాన న్యాయమూర్తిగా బాధ్యతలు స్వీకరించిన ఆయనకు ఢిల్లీ హైకోర్టు సీజేగా పదోన్నతి కల్సిస్తూ సుప్రీంకోర్టు కొలీజియం సిఫార్సు చేసింది.

సాక్షి, హైదరాబాద్‌: రైల్వే కౌంటర్ల ద్వారా టికెట్‌ కొనే ప్రయాణికులకూ రైలు ప్రమాద బీమా వర్తించబోతోంది. కానీ, ఈ వెసులుబాటు దక్కాలంటే ప్రయాణికుడి వద్ద మొబైల్‌ ఫోన్‌ తప్పనిసరి. అంటే, మొబైల్‌ ఫోన్‌ వెసులుబాటు లేని ప్రయాణికులు ఈ ప్రమాద బీమా అవకాశం లేదన్నమాట. రైలు ప్రమాదాలు జరిగినప్పుడు ప్రయాణికులకు బీమా అందుబాటులో ఉంది. అయితే, కేవలం ఆన్‌లైన్‌ ద్వారా టికెట్‌ కొనేవారికి వర్తిస్తుంది. కానీ, కౌంటర్లలో టికెట్‌ కొనేవారికి వర్తించటం లేదు. దీన్ని ఇటీవల సుప్రీంకోర్టు తప్పుపట్టిన విషయం తెలిసిందే. కౌంటర్‌ టికెట్‌ కొనేవారికి కూడా ఈ బీమా వర్తింపచేయాలని రైల్వే శాఖను ఆదేశించింది. రైల్వే కౌంటర్లలో టికెట్‌ కొనేవారికీ ఈనెల 27 నుంచి బీమా సదుపాయాన్ని వర్తింపచేయనున్నట్టు రైల్వే శాఖ ప్రకటించింది. కానీ దీని వెనుక ఉన్న ’డిజిటల్‌’నిబంధనలు ఇప్పుడు అతి సామాన్య, మొబైల్‌ ఫోన్‌ వాడకంలేని వారికి శాపంగా మారాయి. చిల్లర సమస్యతో డిజిటల్‌ చెల్లింపుల వైపు.. అక్టోబర్‌ 27 నుంచి కౌంటర్లలో టికెట్లు కొనే ప్రయాణికులూ ప్రమాద బీమా పొందేందుకు అవకాశం కల్పించనున్నారు. ఒక్కో ప్రయాణికుడికి బీమా ప్రీమియం 45 పైసలు. అయితే ఇంత తక్కువ మొత్తాన్ని నగదు రూపంలో వసూలు చేయడం సాధ్యం కాకపోవడంతో ప్రీమియం చెల్లింపును డిజిటల్‌ పద్ధతిలోనే చేయాలని రైల్వే శాఖ స్పష్టం చేసింది. బీమా తీసుకోవాలనుకునే ప్రయాణికుల నుంచి టికెట్‌ చార్జీతోపాటు ప్రీమియాన్ని డిజిటల్‌లో వసూలు చేయాలని సూచించింది. బీమా సదుపాయాన్ని ఎంచుకున్న ప్రయాణికుల మొబైల్‌ నంబరును రిజర్వేషన్‌ కౌంటర్‌ సిబ్బంది తప్పనిసరిగా నమోదు చేయాలి. పాలసీ జారీకి అవసరమైన వివరాలను బీమా సంస్థకు పంపడంతోపాటు, పాలసీ సమాచారాన్ని ప్రయాణికుడికి ఫోన్‌ ద్వారా తెలుపుతారు. కౌంటర్లలో టికెట్లు కొనుగోలు చేసేవారిలో గ్రామీణ ప్రజలు, నిరక్షరాస్యులు, అతి పేదలు, డిజిటల్‌ చెల్లింపులపై అవగాహన తక్కువగా ఉన్నవారు కూడా ఉంటారు. వీరిలో కొందరికి స్మార్ట్‌ఫోన్లు లేకపోవచ్చు. సొంతంగా మొబైల్‌ ఫోన్‌ లేకున్నా, తాత్కాలికంగా ఇతరుల ఫోన్‌ ద్వారా ఆ ప్రక్రియ పూర్తి చేయటానికి వీలుంది. కానీ, ఇతరుల ఫోన్‌ను సందర్భానుసారం వినియోగించే వెసులుబాటు లేని వారు మాత్రం బీమాకు అనర్హులుగా మారినట్టే. రూ.10 లక్షల వరకు రక్షణ.. రైలు ప్రమాదానికి గురైనప్పుడు, ప్రయాణికులు ప్రమాదానికి గురైనప్పుడు బీమా మొత్తాన్ని పొందొచ్చు. ప్రమాదం కారణంగా మరణించినా, శాశ్వత, పూర్తి అంగవైకల్యం కలిగినా రూ.10 లక్షల వరకు పరిహారం లభిస్తుంది. శాశ్వత పాక్షిక అంగవైకల్యానికి రూ.7.5 లక్షల వరకు, గాయాల కారణంగా చికిత్స పొందితే ఆసుపత్రి ఖర్చులకు రూ.2 లక్షల వరకు, మృతదేహం తరలింపునకు రూ.10 వేల వరకు బీమా రక్షణ ఉంటుంది. అయితే కౌంటర్‌ టికెట్లకు బీమా వర్తింపజేస్తున్నప్పటికీ, డిజిటల్‌ చెల్లింపులను తప్పనిసరి చేయటం వల్ల సాంకేతిక పరిజ్ఞానం లేని ప్రయాణికులకు ప్రయోజనం పూర్తిస్థాయిలో అందుతుందా అన్న ప్రశ్న తలెత్తుతోంది. దక్షిణ మధ్య రైల్వే పరిధిలో నిత్యం 2 లక్షల మంది కౌంటర్‌ ద్వారా టికెట్‌ పొందుతున్నట్టు అంచనా.

సాక్షి, న్యూఢిల్లీ: బ్యాంకు రుణాలను పక్కదారి పట్టించి, నకిలీ పత్రాలతో రూ.237.84 కోట్ల మోసానికి పాల్పడ్డారనే ఆరోపణలు ఎదుర్కొంటున్న టీడీపీ నేత, డిప్యూటీ స్పీకర్‌ రఘురామకృష్ణరాజుతోపాటు ఇండ్‌ భారత్‌ పవర్‌ జెన్‌కామ్‌ లిమిటెడ్‌ డైరెక్టర్లకు సుప్రీంకోర్టు సోమవారం బిగ్‌షాకిచ్చింది. తమపై నమోదైన ఎఫ్‌ఐఆర్‌ను రద్దు చేయాలంటూ ఇండ్‌ భారత్‌ పవర్‌ జెన్‌కామ్‌ లిమిటెడ్‌ (ఏ1)తో­పాటు కంపెనీ డైరెక్టర్లు కనుమూరు రఘురామకృష్ణరాజు, కనుమూరు రమాదేవి, కనుమూరు ఇందిరా ప్రియదర్శిని, అంబేడ్కర్‌ రాజ్‌కుమా­ర్‌ గంటా, దుంపల మధుసూధన రెడ్డి, నారాయణ ప్రసాద్‌ భగవతుల, రామచంద్ర అయ్యర్‌ బాలకృష్ణన్‌ దాఖలు చేసిన క్వాష్‌ పిటిషన్లను సర్వోన్నత న్యాయస్థానం కొట్టివేసింది. న్యాయమూర్తులు జస్టిస్‌ దీపాంకర్‌ దత్తా, జస్టిస్‌ శీల్‌ నాగులతో కూ­డిన ధర్మాసనం ఈ మేరకు కీలక తీర్పును వెలువరించింది. ఆర్థిక నేరాల దర్యాప్తు ప్రాథమిక దశలో ఉన్నందున కేసును కొట్టివేయబోమని మద్రాస్‌ హైకోర్టు గతంలో ఇచ్చిన తీర్పును సమర్థించింది. కొత్త వాదనలపై ధర్మాసనం అసహనం విచారణ సందర్భంగా పిటిషనర్ల తరఫు సీనియర్‌ న్యాయవాది సిద్ధార్థ్‌ దవే కొత్త వాదనలు వినిపించడంపై ధర్మాసనం అసహనం వ్యక్తంచేసింది. ‘కేవలం ఫోరెన్సిక్‌ నివేదిక ఆధారంగానే ఎఫ్‌ఐఆర్‌ నమోదయ్యింది. టర్మ్‌ లోన్ల కోసం రికార్డులను సృష్టించారన్నది అవాస్తవం. ఈ వ్యవహారంలో స్వతంత్ర డైరెక్టర్లకు సంబంధించిన వాదనలను మద్రాస్‌ హైకోర్టు పరిగణనలోకి తీసుకోలేదు’ అని దవే చేసిన వాదనలకు ధర్మాసనం స్పందిస్తూ, ‘ఈ వాదనలు హైకోర్టులో క్వాష్‌ పిటిషన్‌ విచారణ సందర్భంగా ఎందుకు వినిపించలేదు’ అంటూ ప్రశ్నించింది.‘దర్యాప్తు ప్రక్రియలో మేము జోక్యం చేసుకోలేం. దర్యాప్తు అధికారి 16 వారాల్లోగా విచారణ పూర్తి చేసి చార్జిషీట్‌ దాఖలు చేయాలని ఇప్పటికే హైకోర్టు ఆదేశాలు ఉన్నందున, దర్యాప్తు యథాతథంగా కొనసాగుతుంది’ అని స్పష్టంచేసింది. క్వాష్‌ పిటిషన్లను కొట్టివేస్తూ గతంలో హైకోర్టు చేసిన వ్యాఖ్యలు కేవలం ఆ పిటిషన్ల పరిష్కారం కోసమేనని సుప్రీంకోర్టు పేర్కొంటూ, ఆ వ్యాఖ్యలు దర్యాప్తు అధికారి చేపట్టే స్వతంత్ర విచారణపై ఎలాంటి ప్రభావం చూపబోవని తీర్పులో వెల్లడించింది. రుణాల దారిమళ్లింపు క్రమమిది.. » ఇండ్‌ భారత్‌ పవర్‌ జెన్‌కామ్‌ లిమిటెడ్‌ (ఏ1) పేరుతో డైరెక్టర్లు పవర్‌ ప్లాంట్ల ఏర్పాటు, ఇతర వ్యాపార అవసరాల నిమిత్తం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) నేతృత్వంలోని బ్యాంకింగ్‌ కన్సార్షియం నుంచి సుమారు రూ.237.84 కోట్లు రుణాలుగా పొందారు. » అయితే డైరెక్టర్లు ఈ నిధులను అసలు ప్రాజెక్టులకు వినియోగించకుండా, నకిలీ కొనుగోలు పత్రాలు, తప్పుడు అకౌంట్ల ద్వారా గ్రూప్‌ కంపెనీలకు మళ్లించారని బ్యాంకులు ఫిర్యాదు చేశాయి. 2012–2017 మధ్య కాలంలో జరిగిన ఈ వ్యవహారంపై బీడీఓ ఇండియా ఎల్‌ఎల్‌పీ ఫోరెన్సిక్‌ ఆడిట్‌ నిర్వహించగా నిధుల మళ్లింపు వెలుగులోకి వచ్చింది. » ఎస్‌బీఐ డీజీఎం ఎస్‌. రవిచంద్రన్‌ ఇచ్చిన ఫిర్యాదు మేరకు 2021 మార్చి 24న నేరపూరిత కుట్ర, చీటింగ్, ఫోర్జరీ, అవినీతి నిరోధక చట్టం (ఐపీసీ 120–బీ, 420, 467, 468, 471, పీసీ యాక్ట్‌ 13(2)) కింద సీబీఐ ఢిల్లీలో ఈ కేసును నమోదుచేసింది. » ఇంటర్‌ కార్పొరేట్‌ డిపాజిట్ల (ఐసీడీ) రూపంలో ఇండ్‌ భారత్‌ పవర్‌ ఇన్‌ఫ్రా లిమిటెడ్, ఆర్కే ఎనర్జీ లిమిటెడ్, ఇండ్‌ భారత్‌ థర్మల్‌ పవర్‌ లిమిటెడ్‌ వంటి సంస్థలకు నిబంధనలకు విరుద్ధంగా వందల కోట్ల రూపాయలు బదిలీ చేసినట్లు గుర్తించారు. అలాగే వందల కోట్ల రూపాయల వ్యయాలకు సంబంధించి ఎలాంటి బిల్లులు, ఆధారాలను సమర్పించలేదు. » బ్యాంకులకు ప్రైమరీ సెక్యూరిటీగా ఉన్న సుమారు రూ. 94.56 కోట్ల విలువైన బొగ్గు నిల్వలను బ్యాంకుల అనుమతి లేకుండానే పనికిరాకుండా పోయినట్లు చూపిస్తూ రికార్డుల నుంచి మాయం చేశారు. » కన్సార్టియం బ్యాంకుల ద్వారానే లావాదేవీలు జరపాలన్న నిబంధనలను ఉల్లంఘించి, ఇతర బ్యాంకుల ద్వారా కోట్లాది రూపాయలు మళ్లించి అక్రమాలకు పాల్పడ్డారు.

న్యూఢిల్లీ: ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ ఏకపక్షంగా నిర్ణయాలు తీసుకుంటున్నారన్న ఆరోపణలను భారత ఎన్నికల కమిషన్‌ సోమవారం తిరస్కరించింది. ఓటర్ల జాబితా సవరణకు సంబంధించి చేపట్టిన స్పెషల్‌ ఇంటెన్సివ్‌ రివిజన్‌ (సర్‌)పై కమిషన్‌ జారీ చేసిన మూడు ఆదే శాలు కూడా ఏకగ్రీవంగా తీసుకున్నవేనని స్పష్టం చేసింది. అంతర్గత చర్చల్లో సీఈసీ లేదా ఎన్నికల కమిషనర్ల పరిశీలనలు, కొర్రీలు సలహాలు కమిషన్‌ నిర్ణయాలుగా పరిగణించరాదని తెలిపింది. సీఈసీ పనితీరు, సర్‌ ప్రక్రియకు సంబంధించిన దస్తావేజుల్లో చేసిన మార్పులను సవాలు చేస్తూ దాఖలైన పిటిషన్లపై ఎన్నిక కమిషన్‌ సోమవారం తన అఫిడవిట్‌ను సుప్రీంకోర్టుకు సమర్పించింది. పిటిషనర్లు చేస్తున్న ఆరోపణలన్నీ ఒకేఒక్క వార్తా కథనం ఆధారంగా చేస్తున్నవేనని తెలిపింది. సీఈసీతోపాటు ఇద్దరు ఇతర ఎన్నికల కమిషనర్లు కూడా ఈ అఫిడవిట్‌లోని అంశాలను ఏకగ్రీవంగా ఆమోదించారని తెలిపింది. ఆ మూడూ ఏకగ్రీవమే... సర్‌కు సంబంధించి 2025 జూన్, అక్టోబరు, 2026 మే నెలలో జారీ చేసిన మూడు ఉత్తర్వులు కూడా ఏకగ్రీవ నిర్ణయాలేనని కమిషన్‌ తన అఫిడవిట్‌లో స్పష్టం చేసింది. కమిషన్‌లో నిర్ణయాలు తీసుకునే పద్ధతిని వివరిస్తూ... సాధారణంగా ఫైళ్లను ముందుగా ఒక కమిషనర్‌ పరిశీలిస్తారని, ఆ తరువాత రెండో కమిషనర్‌.. చివరగా సీఈసీ పరిశీలిస్తారని తెలిపింది. అత్యవసరమైన సందర్భాల్లో మాత్రం ఎల్రక్టానిక్‌ పద్ధతుల్లో ఆమోదాలను సేకరిస్తారని, ఆ తరువాత వీటిని ఫైళ్లలో నమోదు చేస్తారని స్పష్టం చేసింది. ముగ్గురు ఎన్నికల కమిషనర్లలో ఎవరు కొర్రి లేవనెత్తినా దాన్ని చీఫ్‌ ఎలక్షన్‌ కమిషనర్, ఇతర ఎన్నికల కమిషనర్ల పనితీరుకు సంబంధించి 2023లో చేసిన చట్టంలోని సెక్షన్‌ 18 కింద తీసుకున్న నిర్ణయంగా పరిగణించకూడదని తెలిపింది. అంతేకాకుండా.. ఎన్నికల కమిషన్‌ ఈ విషయానికి సంబంధించి అధికారికంగా మీడియాకు ఎలాంటి ప్రకటన విడుదల చేయలేదని, విడుదల చేయాల్సిందిగా ఎవరికీ చెప్పనూలేదని వివరించింది. ఫారం–6కు సంబంధించిన వివాదాలను ప్రస్తావిస్తూ.. దీంట్లో మార్పులేవీ చేయలేదని తెలిపింది. సర్‌ ప్రక్రియకు సంబంధించిన డిక్లరేషన్‌ ప్రత్యేక దస్తావేజని తెలిపింది. అయితే అప్లికేషన్‌ను ఆన్‌లైన్‌లో ఉంచడం వల్ల దాంట్లో మార్పులు చేసినట్టుగా భావించే అవకాశముందని అంగీకరించింది. అక్టోబరు 21వ తేదీ నుంచి ఫారం–6ను, డిక్లరేషన్‌ను వేరు చేశామని తెలిపింది. ఈఆర్‌వో ఆదేశాలు లేకుంటే... ఎలక్టోరల్‌ రిజిస్ట్రేషన్‌ ఆఫీసర్‌ (ఈఆర్‌వో)ల ఆదేశాల్లేకుండా ఈసీఐ నెట్‌ ద్వారా ఓటర్లజాబితాలోని ఏ ఓటరు పేరు తొలగించడం లేదా చేర్చడం సాధ్యం కాదని కమిషన్‌ తన అఫిడవిట్‌లో తెలిపింది. ఈసీఐనెట్‌ పోర్టల్‌ పనితీరును మదించేందుకు ఐఐటీ, ఐఐఎస్‌సీ నిపుణులతో కమిటీ ఏర్పాటు చేసినట్లు తెలిపింది. పశ్చిమ బెంగాల్‌లో ఓటర్ల నమోదు అంశానికి సంబంధించిన అప్పీళ్లపై కూడా కమిషన్‌ వివరణ ఇచ్చింది. సుప్రీంకోర్టు ఆదేశాల మేరకు రాష్ట్ర ప్రధాన ఎన్నికల అధికారి (సీఈఓ) కార్యాలయ అధికారులు ఆ అప్పీళ్లు దాఖలు చేశారని పేర్కొంది. ఆ వ్యవహారాలు ఎన్నికల కమిషన్‌ ముందుకు తీసుకురాలేదని కూడా వెల్లడించింది. ఈ విషయంలో అధికారాలకు మించి వ్యవహరించిన అధికారులపై తగిన చర్యలు తీసుకుంటామని స్పష్టం చేసింది. అధికారాలపై నియంత్రణ వద్దు.... ప్రధాన ఎన్నికల కమిషనర్‌ (సీఈసీ) అధికారాలను నియంత్రించాలన్న అంశాన్ని కమిషన్‌ తీవ్రంగా వ్యతిరేకించింది. సుప్రీంకోర్టు న్యాయమూర్తిని తొలగించేందుకు అనుసరించే రాజ్యాంగబద్ధ ప్రక్రియ ద్వారా మాత్రమే సీఈసీని పదవి నుంచి తొలగించవచ్చని స్పష్టం చేసింది. కమిషన్‌లో డిప్యుటేషన్‌పై పనిచేస్తున్న ఓ అదనపు కార్యదర్శి జూలై 28న జారీ చేసిన విధుల కేటాయింపు ఉత్తర్వుల అంశాన్ని కూడా కమిషన్‌ ఈ అఫిడవిట్‌లో ప్రస్తావించింది. ఆ ఉత్తర్వులు జారీ అయిన మరుసటి రోజే ఇద్దరు ఎన్నికల కమిషనర్లు కేబినెట్‌ కార్యదర్శికి లేఖ రాశారని, అనంతరం జూలై 30న వారు సంయుక్తంగా ఇచ్చిన ఆదేశాలతో ఉత్తర్వుల అమలు నిలిచిపోయిందని తెలిపింది. దసరా సెలవుల కారణంగా ప్రస్తుతం సంక్షిప్త ప్రత్యుత్తరాన్ని మాత్రమే దాఖలు చేసినట్లు తెలిపిన ఈసీఐ, పిటిషన్లలో లేవనెత్తిన ప్రతి అంశంపై సవివరంగా, పాయింట్‌ వారీగా సమాధానం సమర్పించేందుకు న్యాయస్థానం అనుమతి కోరింది.

సాక్షి,న్యూఢిల్లీ : బ్యాంకు కుంభకోణం కేసుకు సంబంధించి టీడీపీ ఎమ్మెల్యే రఘురామకృష్ణరాజు సహా ఇండ్ భారత్ పవర్ జెన్‌కామ్ లిమిటెడ్ డైరెక్టర్లకు సుప్రీంకోర్టులో చుక్కెదురైంది. వారిపై నమోదైన ఎఫ్ఐఆర్‌ను రద్దు చేయడానికి అత్యున్నత న్యాయస్థానం నిరాకరించింది. ఈ మేరకు దాఖలైన క్వాష్ పిటిషన్లను సుప్రీంకోర్టు డిస్మిస్ ఆదేశాలు జారీ చేసింది.బ్యాంకులకు సుమారు రూ. 237 కోట్ల మేర మోసం చేయడం, నిధుల మళ్లింపు ఆరోపణలపై సీబీఐ ఈ దర్యాప్తు చేపట్టింది. ఈ దర్యాప్తు ప్రక్రియలో తాము ఎలాంటి జోక్యం చేసుకోలేమని ధర్మాసనం స్పష్టం చేసింది.16 వారాల్లో చార్జిషీట్ దాఖలు ఈ కేసు దర్యాప్తును వేగవంతం చేయాలని సీబీఐని ఆదేశించిన సుప్రీంకోర్టు.. రాబోయే 16 వారాల్లోగా ఈ కేసుకు సంబంధించి చార్జిషీట్ దాఖలు చేయాలని స్పష్టం చేసింది. కోర్టు తీసుకున్న ఈ తాజా నిర్ణయంతో రఘురామకృష్ణరాజుతో పాటు ఇండ్ భారత్ పవర్ డైరెక్టర్లకు చట్టపరంగా ఎదురుదెబ్బ తగిలినట్లయింది. ఇదీ చదవండి : ప్రకాశం జిల్లా పరిషత్‌ చైర్మన్‌ పీఠానికి రూ.25 కోట్లు!

న్యూఢిల్లీ: అత్యంత విలువైన నీటి వనరులను పరిరక్షించుకునే విషయంలో న్యాయస్థానాలు ఉదాసీనంగా ఉండలేవని సుప్రీంకోర్టు పేర్కొంది. నీటి వనరుల భౌతిక ధ్రువీకరణ, సరిహద్దుల గుర్తింపును తక్షణమే చేపట్టాలని అన్ని రాష్ట్రాలను ఆదేశించింది. పక్షి ప్రేమికుడు ఆనంద్‌ ఆర్య, న్యాయవాది ఎంకే బాలకృష్ణన్, వనశక్తి అనే స్వచ్ఛంద సంస్థ దాఖలు చేసిన పిల్‌ను సోమవారం జస్టిస్‌ అరవింద్‌ కుమార్, జస్టిస్‌ విపుల్‌ ఎం. పంచోలిల ధర్మాసనం విచారించింది. తాగునీటికి వనరులు అత్యంత విలువైనవని, రాజ్యాంగం కల్పించిన జీవించే హక్కు పరిధిలోకి ఇవి వస్తాయని ధర్మాసనం స్పష్టం చేసింది. నీటి వనరుల పరిరక్షణకు సంబంధించిన నిబంధనలను 9 ఏళ్ల క్రితమే ప్రచురించినప్పటికీ ఇప్పటివరకు ఆ దిశగా ఎటువంటి చర్యలు చేపట్టలేదంటూ ధర్మాసనం తీవ్ర అసంతృప్తి వ్యక్తం చేసింది. నీటి వనరులను పరిరక్షించుకోకపోవడం వల్ల కలుగుతున్న విపరిణామాలను చూస్తూ తాము మౌనంగా ఉండజాలమంది. నీటి వనరుల భౌతిక ధ్రువీకరణ, సరిహద్దుల గుర్తింపును వెంటనే చేపట్టాలని రాష్ట్రాలను ఆదేశించింది. ఇందుకు సంబంధించి తీసుకున్న చర్యలపై నాలుగు వారాల్లోగా అఫిడవిట్‌ దాఖలు చేయాలని ఆదేశించింది. అయితే, ఈ ప్రక్రియకు ఎక్కువ సమయం పడుతుందని, కనీసం 6 నుంచి 9 నెలల సమయం ఇవ్వాలని సీనియర్‌ న్యాయవాది శేఖర్‌ నాఫడే కోరారు. ఈ పనిని పూర్తి చేసేందుకు వివిధ శాఖల మధ్య సమన్వయం కూడా అవసరమని పేర్కొన్న ధర్మాసనం..నాలుగు నెలల గడువు ఇస్తున్నట్లు తెలిపింది.

సాక్షి, అమరావతి: పరీక్ష హాలు..! క్వశ్చన్‌ పేపర్‌ చేతికి వచ్చింది..! ఒక్క ప్రశ్నకూ జవాబు తెలియదు..! అయినా ఆ విద్యార్థి ఏ ప్రశ్న అడిగారో పట్టించుకోకుండా తన తోచిన, తెలిసిన విషయాలను జవాబులుగా రాసేస్తాడు. పేజీలకు పేజీలు నింపేస్తాడు. శనివారం సీఎం చంద్రబాబు పెట్టిన మీడియా సమావేశం అచ్చం ఇలాంటిదే. స్థానిక ఎన్నికల్లో ఈ స్థాయిలో హింస ఏమిటి? నామినేషన్లు ఎందుకు అడ్డుకున్నారు? మహిళా అభ్యర్థుల జుట్టు ఎందుకు పట్టి లాగారు? పులివెందులలో తుపాకులు ఎందుకు పేలాయి? సుప్రీంకోర్టు ఎందుకు జోక్యం చేసుకోవాల్సి వచ్చింది? ఇవీ ప్రశ్నలు. చంద్రబాబు మాత్రం.. 1994 ఎన్నికల చరిత్ర.. సీఐఐ సమ్మిట్లు.. రూ.22 లక్షల కోట్ల పెట్టుబడుల లెక్కలు.. రాయలసీమ ఫ్యాక్షన్‌ కథలు.. క్లెమోర్‌ మైన్లు.. చివరకు జగన్‌ తల్లి, చెల్లి, మేనకోడలి పెళ్లి.. గంటన్నర పాటు ఈ కాకమ్మ కథలన్నీ నర్మగర్భంగా వివరించారు. జగన్‌ అడిగిన ఒక్క ప్రశ్నకూ సమాధానం లేదు. సమాధానం లేనప్పుడు బురదే ఆయుధం. జగన్‌ కుటుంబం గురించి ఎల్లో మీడియాలో ఏం రాయించారో, అదే స్క్రిప్ట్‌ను అక్షరం పొల్లుపోకుండా చంద్రబాబు వల్లెవేశారు. ఒక్క ఆధారం లేదు, ఒక్క పత్రం లేదు. ఉన్నదల్లా ఇష్టం వచ్చినట్లు బురదజల్లడమే. రాష్ట్రంలో ప్రజాస్వామ్యాన్ని ఖూనీ చేస్తూ, తానే ప్రజాస్వామ్య పరిరక్షకుడినని చెప్పుకోవడం ఒక్క చంద్రబాబుకే చెల్లింది. పోలింగ్‌ కేంద్రాల వద్ద వేల మంది గూండాలను మోహరించడం.. ఫస్ట్‌టైమ్‌ స్థానిక ఎన్నికల కోసం గంజాయి బ్యాచ్‌లను దించడం చూస్తే చంద్రబాబు క్రిమినల్‌ మెంటాలిటీ ఏమిటో అర్ధమౌతుంది. ఓ వైపు నామినేషన్లను అడ్డుకుంటూ, పోలీసులను, ఎస్‌ఈసీని వాడుకుంటూ అరాచకాలతో అల్లకల్లోలం చేస్తూనే ప్రతిపక్షమే అన్నిటికీ కారణమన్నట్లు ఎదురుదాడి చేస్తున్న చంద్రబాబును చూసి దేశంలోకెల్లా సీనియర్‌ రాజకీయ నాయకుడైన శరద్‌పవార్‌ కూడా ఆశ్చర్యపోయే పరిస్థితి. కమల్‌హాసన్, అమితాబ్‌ బచ్చన్‌ వంటి సీనియర్‌ నటులు కూడా నివ్వెరపోయే పరిస్థితి. వీళ్లేకాదు రోజూ తన కింద పనిచేసే ఐఎఎస్‌లు, ఐపీఎస్‌లు కూడా చంద్రబాబు పెర్‌ఫార్మెన్స్‌ చూసి వామ్మో అని మూర్ఛపోయే పరిస్థితి. అంతెందుకు.. అడ్డంగా దొరికిపోయినా.. ఇంతటి ప్రతికూల పరిస్థితుల్లో కూడా ఇంతబాగా నటిస్తున్న నారావారిని చూసి ఈసీ పునేఠా కూడా కంగుతినే పరిస్థితి. చంద్రబాబు చెప్పిన అబద్ధాలు.. అసలు నిజాలు.. అబద్ధం: స్థానిక ఎన్నికల్లో హింస అంతా వైఎస్సార్‌సీపీదే నిజం: నామినేషన్ల సమయంలో 11 జిల్లాల్లో హింసాత్మక ఘటనలు జరిగాయి. రిటర్నింగ్‌ అధికారి కార్యాలయాలలో తెలుగుదేశం గూండాలు, కిరాయికి తెచ్చిన గూండాలు ముందే చేరిపోయి నామినేషన్లు వేయనీయకుండా దాడులు జరిపారు. పుంగనూరులో వైఎస్సార్‌సీపీ ఎంపీ మిథున్‌రెడ్డిపై హత్యాయత్నం జరిగింది. పులివెందులలో పోలీసులు ఏకే–47 తుపాకులతో గాల్లోకి కాల్పులు జరిపి, బాష్పవాయువు ప్రయోగించారు.మాచర్లలో వైఎస్సార్‌సీపీ అభ్యర్థులపై దాడి చేసి నామినేషన్‌ పత్రాలు లాక్కెళ్లారు. కడపలో రిటర్నింగ్‌ అధికారి కార్యాలయంలోనే పత్రాలు చించేశారు. తిరుపతిలో అభ్యర్థులను గేటు దాటనివ్వలేదు. నామినేషన్‌ వేయడానికి వచ్చిన మహిళా అభ్యర్థులను జుట్టు పట్టి ఈడ్చారు. అసభ్యంగా తాకి మరీ నామినేషన్‌ పత్రాలు లాక్కుని చించేశారు. వైఎస్సార్‌సీపీ అభ్యర్థులపైనా, వారికి మద్దతుగా వెళ్లిన నాయకులపైన జరిగిన దాడులకు సంబంధించి వీడియో ఫుటేజీలెన్నో ఉన్నాయి. అబద్ధం: వైఎస్సార్‌సీపీ వాళ్లు అరాచకాలు చేశారు నిజం: వైఎస్సార్‌సీపీ వాళ్లే దాడులు చేస్తుంటే, వాళ్ల నామినేషన్లు దర్జాగా పడాలి కదా. మరి వాళ్ల నామినేషన్లే ఎందుకు పడలేదు? దాడులు చేసేవాళ్లు నామినేషన్‌ వేయలేకపోవడం, దెబ్బలు తినేవాళ్లు దర్జాగా నామినేషన్లు వేయడం.. ఈ లాజిక్‌ బాబుకే అర్థం కావాలి. కళ్లెదుటే కనిపిస్తున్న నిజం సీఎంకు కనిపించడం లేదా? దాడి చేసింది తమ వాళ్లు, కానీ కథ మాత్రం రివర్స్‌. వైఎస్సార్‌సీపీ వాళ్లే గొడవలు చేశారని అబద్ధాలు. పుంగనూరులో నామినేషన్లు వేయడానికి వెళ్లిన వైఎస్సార్‌సీపీ వారిపైనే పోలీసులు కేసులు పెట్టారు. దెబ్బలు తిన్నవాళ్ల మీద కేసులు, కొట్టినవాళ్లకు రక్షణ. అబద్ధం: భారీగా నామినేషన్లు పడ్డాయి.. అడ్డుకుంటే ఇవెలా వస్తాయి?’ నిజం: 9,829 ఎంపీటీసీ స్థానాలకు 51,902 నామినేషన్లు, 659 జెడ్పీటీసీ స్థానాలకు 5,724 నామినేషన్లు పడ్డాయని సీఎం లెక్కలు చదివారు. కానీ ఎన్ని చోట్ల ప్రతిపక్ష అభ్యర్థులు నామినేషన్‌ కేంద్రం గడప కూడా తొక్కలేకపోయారో ఆ లెక్క మాత్రం దాచేశారు. వందకుపైగా మండలాల్లో ఐదు కంటే తక్కువ నామినేషన్లు పడ్డాయి. 8 మున్సిపాలిటీల్లో ప్రతిపక్ష నామినేషన్లే పడని పరిస్థితి కల్పించారు. మరో 19 మున్సిపాలిటీల్లో నామినేషన్లు వేయనివ్వలేదు. వైఎస్సార్‌సీపీ పేరుతో నకిలీ నామినేషన్లు వేయించడం ద్వారా చంద్రబాబు సరి కొత్త సంస్కృతికి తెరతీశారు. అబద్ధం: సుప్రీంకోర్టు ఏం చెప్పినా పాటిస్తాం నిజం: సుప్రీంకోర్టు చాలా స్పష్టంగా ఆదేశాలిచ్చింది. అక్టోబరు 25వరకు తుది జాబితాలు ప్రకటించ వద్దని, నామినేషన్లు వేయలేకపోయిన వారికి మళ్లీ అవకాశం ఇవ్వాలని, అవసరమైతే జిల్లా కలెక్టరేట్ల వద్ద అందుకు ఏర్పాట్లు చేయాలని నిర్దేశించింది. అభ్యర్థులు స్వేచ్ఛగా నామినేషన్లు వేసే అవకాశం కల్పించాలని, వారికి పోలీస్‌ భద్రత కల్పించాలని, ఆ దిశలో ఏం చర్యలు తీసుకున్నారో నివేదిక ఇవ్వాలని ఆదేశించింది. నామినేషన్‌ కేంద్రాల వద్ద సీసీటీవీ కవరేజీ ఏర్పాటు చేయాలని కూడా డీజీపీని ఆదేశించింది. ఎన్నికలు స్వేచ్ఛాయుత వాతావరణంలో జరిగేలా చూడాలని నిర్దేశించింది. ఇంత స్పష్టంగా సుప్రీంకోర్టు ఆదేశించినా, చంద్రబాబులో కానీ, ఎస్‌ఈసీలో కానీ, చంద్రబాబు చేతిలో తోలుబొమ్మ మాదిరి­గా మారిన డీజీపీలో కానీ, డీఐజీలు, ఎస్పీలు, కలెక్టర్లలో కానీ ఎలాంటి మార్పు రాలేదు. సుప్రీంకోర్టు ఆదేశాలు బేఖాతరు చేశారు. సుప్రీంకోర్టు ఆదేశాలంటే ఏ మాత్రం గౌరవం లేకుండా ప్రవర్తిస్తున్నారు. 19 మున్సిపాలిటీల్లో నామినేషన్లు వేయనివ్వలేదని వైఎస్సార్‌సీపీ ఆధారాలతో సహా సుప్రీంకోర్టుకు వెళ్తే, కోర్టు మొట్టికాయలు వేసినా, వీరిలో మార్పు లేదు. కేవలం 4 మున్సిపాలిటీల్లో మాత్రమే రీనామినేషన్లకు అనుమతి ఇచ్చారు. కోర్టు మొట్టికాయ వేశాక దాన్ని వక్రీకరించి మాట్లాడడం బాబు మార్కు రాజకీయం. అబద్ధం: నా చేతుల్లో ఏమీ లేదు. అంతా ఎస్‌ఈసీ చూసుకుంటుంది నిజం: అంతా ఎస్‌ఈసీ చేతుల్లో ఉంటే ఇంత అప్రజాస్వామికంగా వైఎస్సార్‌సీపీ అభ్యర్థులు, నేతలపై దాడులు, దౌర్జన్యాలు జరుగుతాయా? పోలీసు వ్యవస్థను పూర్తిగా తమ పార్టీ కోసం వాడుకుంటూ, కోర్టు ఆదేశాలను సైతం చంద్రబాబు తుంగలో తొక్కారు. ఎస్‌ఈసీ సుప్రీంకోర్టు ఆదే­శాలు కూడా పాటించడంలేదు. చంద్రబాబు ఆదేశాలు మాత్రమే పాటిస్తోంది. టీడీపీ దాడులు, పోలీ­సులు అడ్డుకోవడం వల్ల 19 మున్సిపాలిటీల్లో నామి­నేషన్లు వేయలేకపోయామని వైఎస్సార్‌సీపీ సుప్రీంకోర్టుకు వెళ్లింది. వాటితో పాటు, మరో 4 మున్సిపాలిటీల్లో స్క్రూటినీ పేరుతో వైఎస్సార్‌సీపీ నామి­నేషన్లు తిరస్కరించారు. అంటే మొత్తం 23 అర్బన్‌ లోకల్‌ బాడీస్‌లో పోటీ లేకుండా చేశారు. ఇదంతా చంద్రబాబు కనుసన్నల్లో ఎస్‌ఈసీ నడిపిస్తోంది. అబద్ధం: కోర్టుల్లో పిటిషన్లు వేసి ఎన్నికలు అడ్డుకుంటున్నారు నిజం: అన్యాయం జరిగినప్పుడు న్యాయస్థానాన్ని ఆశ్రయించడం ప్రతి పౌరుడి, ప్రతి పార్టీ రాజ్యాంగ హక్కు. జగన్‌ హయాంలో పాలనను అడ్డుకునేందుకు అడుగడుగునా కోర్టులకు వెళ్లి అబద్ధాలు, అతిశయోక్తులతో నాటకాలాడింది చంద్రబాబే. చంద్రబాబు కోర్టుకు వెళితే ప్రజాస్వామ్య పరిరక్షణ... ప్రతిపక్షం కోర్టుకు వెళితే కుట్రా? న్యాయస్థానాన్ని ఆశ్రయించడాన్ని కూడా నేరంగా చిత్రీకరించడం చంద్రబాబు నియంతృత్వ మనస్తత్వానికి నిదర్శనం. స్థానిక ఎన్నికల్లో చంద్రబాబు చేస్తున్న అక్రమాలపై వైఎస్సార్‌సీపీ నాయకులు అన్ని ఆధారాలు చూపడంతో పాటు, ఎస్‌ఈసీని కలిసి పూర్తి వివరాలతో ఫిర్యాదు చేశారు. ఆ తర్వాత సుప్రీంకోర్టును కూడా ఆశ్రయించి, అన్ని ఆధారాలు చూపడంతో, సుప్రీంకోర్టు రాష్ట్ర ప్రభుత్వానికి, ఎస్‌ఈసీకి తీవ్ర స్థాయిలో మొట్టికాయలు వేసింది. నామినేషన్‌ వేయలేకపోయిన వారికి అవకాశం ఇవ్వాలని ఆదేశించింది. అబద్ధం: 2021లో 24% ఏకగ్రీవాలు దౌర్జన్యమే నిజం: ఎంపీటీసీ, జెడ్పీటీసీ నామినేషన్లు, ఏకగ్రీవాలు జరిగింది 2020లో టీడీపీ హయాంలో నియమితులైన, చంద్రబాబుకు బంట్రోతు లాంటి ఎస్‌ఈసీ నిమ్మగడ్డ రమేష్‌కుమార్‌ ఆధ్వర్యంలోనే. బాబు మనిషి పర్యవేక్షణలో జరిగిన ప్రక్రియను ఇవాళ దౌర్జన్యం అనడం ఆయన పెట్టిన అధికారినే తప్పుబట్టడం కాదా? పైగా 2021లో ఎంపీటీసీ, జెడ్పీటీసీ ఎన్నికలను బహిష్కరిస్తున్నట్టు ప్రకటించింది టీడీపీయే. పోటీ నుంచి పారిపోయి, ఇప్పుడు ఏకగ్రీవాల లెక్కలు చెప్పడం బాబుకే చెల్లింది. అబద్ధం: జగన్‌ పెళ్లి బెంగుళూరు ప్యాలెస్‌లో జరిగింది నిజం: జగన్‌ పెళ్లి పులివెందులలో జరిగింది. అప్పటికి బెంగుళూరులో ఉన్న ఇల్లు కట్టనేలేదు. కట్టని ఇంట్లో జగన్‌ పెళ్లి జరిగిందని చంద్రబాబు ఆయన గురించి పచ్చి అబద్ధం చెప్పారు. జైలు పక్షికి కేసుల గురించి మాటలా? జగన్‌పై సీబీఐ, ఈడీ కేసులున్నాయని చంద్రబాబు గుండెలు బాదుకున్నారు. మరి స్కిల్‌ డెవలప్‌మెంట్‌ కుంభకోణంలో అరెస్టయి 52 రోజులు రాజమండ్రి సెంట్రల్‌ జైలులో ఊచలు లెక్కపెట్టింది ఎవరు? తనపై ఉన్న కేసుల విచారణ ముందుకు సాగకుండా అధికారంలోకి రాగానే అడ్డుకున్నది ఎవరు? కోర్టు విచారణలో ఉన్న వివేకా కేసుపై సీఎం కుర్చీలో కూర్చుని తీర్పులు ప్రకటించడం న్యాయవ్యవస్థను ప్రభావితం చేసే కుట్ర కాదా? కేసు కోర్టులో ఉండగా ముఖ్యమంత్రే ఒకరిని దోషిగా ప్రకటించడం ఏ రాజ్యాంగ విలువ? మామకు వెన్నుపోటు, తోడల్లుడికి మోసం, బావమరిదికి ద్రోహం.. కొడుకు కోసం ఎన్టీఆర్‌ కుటుంబానికి, ఇప్పుడు టీడీపీని వంచిస్తున్నారు. చంద్రబాబు నాలుగున్నర దశాబ్దాల విలువల చరిత్ర ఇదే. ఇంత నీచ చరిత్ర ఉన్న వ్యక్తి ఇవాళ జగన్‌కు కుటుంబ విలువలు, నైతికత గురించి పాఠాలు చెబుతుంటే తెలుగు ప్రజలు ముక్కున వేలేసుకుంటున్నారు. ఎన్నికల హింసకు జవాబు చెప్పలేక వ్యక్తిగత బురద జల్లడం ఓటమి భయానికి నిదర్శనమని రాజకీయ పరిశీలకులు స్పష్టం చేస్తున్నారు.నమ్మకద్రోహి బాబు మాటలు వింటే కంసుడే సిగ్గుపడతాడు జగన్‌ను కంస మామ అన్న చంద్రబాబు ముందు అద్దంలో తన ముఖం చూసుకోవాలి. పిల్లనిచ్చిన మామ, తెలుగుదేశం పార్టీ వ్యవస్థాపకుడు ఎన్టీ రామారావును 1995లో వెన్నుపోటు పొడిచి ఆయన కుర్చీని, ఆయన స్థాపించిన పార్టీని లాక్కున్న చరిత్ర చంద్రబాబుది. చంద్రబాబు తనను నమ్మించి గొంతు కోసిన ఆధునిక ఔరంగజేబు అని, జామాత దశమగ్రహం(అల్లుడు) అని ఎన్టీఆర్‌ కన్నీళ్లతో చెప్పిన మాటలు ఇప్పటికీ ప్రజల చెవుల్లో మారుమోగుతూనే ఉన్నాయి. పార్టీనే కాదు, కుటుంబాన్నీ ఎన్టీఆర్‌కు దూరం చేసి ఒంటరిని చేశారు. ఆ వేదనతో ఎన్టీఆర్‌ కొద్ది నెలలకే కన్నుమూశారు. మామను అంత క్షోభ పెట్టి చనిపోయేలా చేసింది చంద్రబాబే. అలాంటి వ్యక్తి ఇప్పుడు జగన్‌ కుటుంబ వ్యవహారాల్లో దూరి నీతులు మాట్లాడుతుంటే కంసుడే సిగ్గుపడతాడు.తోడల్లుడికి మోసం.. బావమరిదికి ద్రోహం ఎన్టీఆర్‌కు వెన్నుపోటు సమయంలో భుజం కాసిన తోడల్లుడు దగ్గుబాటి వెంకటేశ్వరరావును చంద్రబాబు పని అయిపోగానే కరివేపాకులా తీసి పక్కన పడేశారు. అదే సమయంలో అండగా నిలిచిన బావమరిది హరికృష్ణకు ఇచ్చిన హామీలన్నీ గాలికొదిలేశారు. చివరకు సొంత తండ్రి స్థాపించిన పార్టీ నుంచే హరికృష్ణ బయటకు వెళ్లి సొంత పార్టీ పెట్టుకోవాల్సిన దుస్థితి తెచ్చారు. చంద్రబాబు తన సొంత తమ్ముడు రామ్మూర్తినాయుడిని గొలుసులతో బంధించి హింసించారు. అవసరానికి వాడుకోవడం, అవసరం తీరగానే వెన్నుపోటు పొడవడం.. ఇదే చంద్రబాబు కుటుంబ నీతి. 2009 ఎన్నికల్లో ఎన్టీఆర్‌ మనవడు జూనియర్‌ ఎన్టీఆర్‌ను ప్రచారానికి వాడుకుని ఊరూరా తిప్పారు. కొడుకు లోకేశ్‌కు ఎక్కడ అడ్డు వస్తాడోనన్న భయంతోనే జూనియర్‌ను దూరం పెట్టారన్నది జగమెరిగిన సత్యం. మామ పార్టీని కొడుకుకు రాసిచ్చేందుకు సిద్ధమైన వ్యక్తి ఇప్పుడు ఆస్తుల పంపకాల గురించి నీతులు చెబుతున్నారు.

సాక్షి, న్యూఢిల్లీ: దేశంలో డిజిటల్‌ అరెస్టు మోసాలపై ఈ ఏడాది జనవరి 1 నుంచి ఆగస్టు 31వ తేదీ వరకు 21,900కు పైగా ఫిర్యాదులు నమోదయ్యాయని హోంశాఖ వెల్లడించింది. ఈ మోసాలతో బాధితులు రూ.647 కోట్లకు పైగా నష్టపోయారని తెలిపింది. ఫిర్యాదుల మేరకు సత్వరమే స్పందించిన దర్యాప్తు విభాగాలు ఈ మొత్తంలో తిరిగి రూ.332 కోట్ల మేర నగదును బాధితులకు ఇప్పించగలిగాయంది. కేంద్ర హోంశాఖ ఇటీవల సుప్రీంకోర్టుకు సమరి్పంచిన నివేదికలో ఈ వివరాలను వెల్లడించింది.

సాక్షి, అమరావతి: నామినేషన్లకు అడ్డంకులు.. నాయకుల గృహనిర్బంధాలు.. పత్రాల చింపివేత.. దాడులు.. అక్రమ కేసులు.. సంతకాల ఫోర్జరీ.. ఫేక్‌ నామినేషన్లు.. బలవంతపు ఉపసంహరణలు! ఇలా స్థానిక ఎన్నికల్లో చంద్రబాబు, ఆయన గ్యాంగ్‌ ఎనిమిది రకాల కుట్రలకు పాల్పడుతున్నారంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. ప్రతిపక్ష అభ్యర్థులను పోటీకి దూరం చేసేందుకు బెదిరింపులు, దౌర్జన్యాలకు దిగుతున్నారని, మహిళా అభ్యర్థులపై దాడులు జరుగుతున్నా పోలీసులు ప్రేక్షకపాత్ర పోషిస్తున్నారని విమర్శించారు. మరోవైపు, వైఎస్సార్‌సీపీ పేరుతో నకిలీ నామినేషన్లు దాఖలు చేసి, ఎన్నికలు సజావుగా జరుగుతున్నట్లు సుప్రీంకోర్టును తప్పుదోవ పట్టించే ప్రయత్నం చేస్తున్నారని ఆరోపించారు.‘‘అష్టకుట్రలతో ప్రజాస్వామ్యాన్ని ఖూనీ చేస్తున్నారు.. రాష్ట్రాన్ని అరాచక ఆంధ్రప్రదేశ్‌గా మార్చేశారు’’ అంటూ చంద్రబాబు, పోలీసుల వ్యవహారశైలి, రాష్ట్ర ఎన్నికల సంఘం తీరుపై జగన్‌ ధ్వజమెత్తారు. మా హయాంలో స్థానిక ఎన్నికలు జరిగాయి. అప్పుడు ఒక్కటైనా ఇలా జరిగిందా? అంత సాఫీగా మేము ఎన్నికలు జరిపాము. అదే ఈరోజు అందుకు పూర్తి భిన్నంగా ఎన్నికలు. తొండి. అన్యాయం. దౌర్జన్యం. రాష్ట్రవ్యాప్తంగా ఇలాంటి పరిస్థితే నెలకొంది. ఎంపీటీసీ, జెడ్పీటీసీ నామినేషన్లలో కూడా మున్సిపల్‌ ఎన్నికల నామినేషన్ల పర్వం మాదిరిగా జరుగుతోంది. ఆ అధికారులు. ఆ పోలీసులే ఉన్నారు. మరి ఏ విధంగా నామినేషన్లు వేస్తారు?’’ అని వైఎస్‌ జగన్‌ ప్రశ్నించారు. ఇంకా ఆయనేమన్నారంటే..నామినేషన్ల పర్వంలో జరుగుతున్న దౌర్జన్యాలిలా.. (అంటూ.. అన్నీ వరసగా పేర్లు, వివరాలతో సహా వీడియోల్లో చూపారు)» పెనుకొండలో మంత్రి సవిత ముఖ్య అనుచరుడు, టీడీపీ నాయకుడు సుబ్బారెడ్డి ఆర్వో చేతిలో నుంచి నామినేషన్‌ పత్రాలు లాక్కుని చింపేశాడు. » చిత్తూరు జిల్లాలో దళిత వర్గానికి చెందిన మాజీ డిప్యూటీ సీఎం నారాయణస్వామిపై టీడీపీ గూండాల దాడి. ఆయన కారు ధ్వంసం. » ధర్మవరం మున్సిపాలిటీ. 32వ వార్డులో నామినేషన్‌ వేయడానికి వెళ్తున్న తలారి నళినిపై టీడీపీ అభ్యర్థి దాడి చేసి చీర లాగాడు. » పలమనేరు నియోజకవర్గం, వి.కోట జెడ్పీటీసీ అభ్యర్థి జీ.వీ.ప్రకాష్‌పై దాడి. నామినేషన్‌ పత్రాలు చింపివేత. » చిలకలూరిపేట. 47వ వార్డులో వైఎస్సార్‌సీపీ అభ్యర్థిపై ఆర్‌ఓ సమక్షంలోనే టీడీపీ గూండాల దాడి. » చిత్తూరులో జెడ్పీటీసీ అభ్యర్థినిపై కె.సుష్మను అసభ్యంగా తాకి, నామినేషన్‌ పత్రాలు లాక్కునే ప్రయత్నం చేసిన టీడీపీ గూండాలు. దాడుల పర్వాన్ని వివరిస్తున్న వైఎస్సార్‌సీపీ అధినేత వైఎస్‌ జగన్‌ » చిత్తూరు జెడ్పీ ఆఫీస్‌లోనే జీడీ నెల్లూరు జెడ్పీటీసీ అభ్యర్థిని నిరీషాపై దాడి చేసి, నామినేషన్‌ పత్రాలు చింపేశారు. టీడీపీ మహిళా నేత ఆ పని చేసింది. » జీడీ నెల్లూరు వైఎస్సార్‌సీపీ ఎంపీటీసీ అభ్యర్థి నామినేషన్‌ పత్రాలు టీడీపీ గూండాలు బలవంతంగా లాక్కున్నారు. » సత్యసాయి జిల్లా తాడిమర్రిలో మండల నాయకుడు చంద్రశేఖర్‌రెడ్డి ఇంటిపై దాడి చేసి పోలీసులు వారిని కొట్టారు. 9 నెలల గర్భిణీ అని కూడా చూడలేదు. » కడప జిల్లాలో ఎంపీటీసీ అభ్యర్థి భారతి నామినేషన్‌ను టీడీపీ గూండాలు చింపేశారు. » కనిగిరిలో మా ఎంపీటీసీ అభ్యర్థిని పోలు వరలక్ష్మి చేతిలో నుంచి నామినేషన్‌ పత్రాలు లాక్కుని చింపేశారు. » కడప జిల్లా చాపాడు మండలంలో ఎంపీటీసీ స్థానానికి నామినేషన్‌ వేయడానికి వచ్చిన 9 నెలల గర్భిణీ ప్రశాంతిపై దాడి చేసిన టీడీపీ మూకలు నామినేషన్‌ పత్రాలు లాక్కున్నాయి. » నర్సారావుపేటలో, పిడుగురాళ్ల జెడ్పీటీసీ అభ్యర్థి భారతి భర్త, పెద్ద లక్ష్మారెడ్డిపై దారుణంగా దాడి చేశారు. » కర్నూలు జిల్లా ఆలూరు మండలంలో ఇంట్లో ఉన్న మా పార్టీ ఎంపీటీసీ అభ్యర్థి వినోద్‌ను దుస్తులు చింపి, దారుణంగా కొట్టిన ఎస్‌ఐ విజయ్‌. » కనిగిరిలో 18వ వార్డు అభ్యర్థి సమీర నామినేషన్‌ వేయనివ్వాలంటూ పోలీసుల కాళ్ల మీద పడి వేడుకున్నా కనికరించలేదు. » దాచేపల్లిలో మా పార్టీ జెడ్పీటీసీ అభ్యర్థి పద్మావతి చీర లాగేందుకు టీడీపీ మహిళలు ప్రయత్నించారు. 10 మంది ఆ పని చేశారు. ఇదంతా నర్సారావుపేటలో జరిగింది. అయినా పోలీసులు పట్టించుకోలేదు. » పుంగనూరులో వార్డు నెం.1లో ఎస్సీ మహిళ కమలమ్మ చేతిలో నుంచి నామినేషన్‌ పత్రాలు దౌర్జన్యంగా లాక్కున్నారు. » జమ్మలమడుగు మున్సిపల్‌ ఛైర్‌పర్సన్‌గా నామినేషన్‌ వేయడానికి బయలుదేరిన ఇందిరమ్మను పోలీసులు తుపాకీ చూపించి బెదిరించారు. » కడప వైఎస్సార్‌సీపీ ఆఫీస్‌లో ఎంపీ అవినాష్‌రెడ్డిని అరెస్టు చేశారు. ఆయన ఎంపీ అన్న కనీస గౌరవం కూడా ఇవ్వలేదు. ఆయన్ను ఒక తీవ్రవాది మాదిరిగా చూశారు. అలా అక్రమంగా అరెస్టు చేశారు. » తిరుపతి జిల్లా రైల్వే కోడూరు ఎమ్మెల్యే అరవ శ్రీధర్‌ అనుచరులు అమానవీయ ప్రవర్తన. ఒక మహిళ నామినేషన్‌ వేయడానికి వెళ్తుండగా, దాడి చేసి అమానవీయ ప్రవర్తన. » తిరుపతి జిల్లా చంద్రగిరిలో అనుపల్లి ఎంపీటీసీ అభ్యర్థి ఎస్సీ మహిళ శారద సీఐ కాళ్లు పట్టుకుంది. నామినేషన్‌ వేయనివ్వాలని వేడుకుంది. »నగరి మున్సిపల్‌ చైర్‌పర్సన్‌ బాలకృష్ణ, నామినేషన్‌ తొలుత ఓకే అన్నారు. అక్నాలెడ్జ్‌మెంట్‌ కూడా ఇచ్చారు. ఆ తర్వాత తుది జాబితాలో టీడీపీ అభ్యర్థి పేరు మాత్రమే ఉంది.సుప్రీంకోర్టును ఏమార్చేందుకు ఫేక్‌ నామినేషన్లు దాఖలుచంద్రబాబు కుట్రల్లో పరాకాష్ట.. మా పార్టీ పేరుతో వారే దొంగ నామినేషన్లు దాఖలు చేస్తున్నారు. అలా సంఖ్యను పెంచి చూపి, రాష్ట్రంలో అంతా శాంతియుతంగానే జరుగుతోందని కోర్టులను మభ్య పెట్టే ప్రయత్నం చేస్తున్నారు. ఎన్నికల కమిషన్‌ డేటా చూస్తే, అది మీకు అర్ధమవుతుంది. ‘ఒక్కసారిగా వైఎస్సార్‌సీపీ నామినేషన్ల అసాధారణ పెరుగుదల’ (ఎక్స్‌పొనెన్షియల్‌ సర్జ్‌ ఇన్‌ వైఎస్సార్‌సీపీ నామినేషన్స్‌) కనిపిస్తుంది. రాష్ట్రంలో 9,829 ఎంపీటీసీ పదవులకు ఎన్నికలు జరుగుతుంటే, ఈనెల 21 నాటికి, అంటే బుధవారం నాటికి వైఎస్సార్‌సీపీ పక్షాన కేవలం 1,918 నామినేషన్లు మాత్రమే దాఖలైతే ఆ మర్నాడు, అంటే 22వ తేదీ గురువారం నాటికి వాటి సంఖ్య ఏకంగా 10,501 కి పెరిగినట్లు చూపిస్తున్నారు. ఫేక్‌ నామినేషన్ల వివరాలు వెల్లడిస్తున్న మాజీ సీఎం వైఎస్‌ జగన్‌ అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 547% పెరుగుదల చూపించారు. అలాగే 659 జెడ్పీటీసీ పదవులకు ఎన్నికలు జరుగుతుంటే, ఈనెల 21 నాటికి వైఎస్సార్‌సీపీ పక్షాన దాఖలైన నామినేషన్లు కేవలం 192 మాత్రమే. ఆ మర్నాడు, అంటే 22వ తేదీ నాటికి వాటి సంఖ్య ఏకంగా 900 కి పెరిగింది. అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 468% పెరుగుదల చూపించారు. ఒకవైపు ఎక్కడికక్కడ నామినేషన్లు వేయకుండా అడ్డుకుంటున్నారు. మండల కేంద్రాల్లోనూ, జిల్లా కేంద్రాల్లోనూ అదే మాదిరిగా ఉంది. కానీ ఇక్కడ ఎన్నికల కమిషన్‌ డేటా చూస్తే.. ఆ స్థాయిలో మా పార్టీ నామినేషన్లు పెరిగాయి!. అంటే వైఎస్సార్‌సీపీ పేరుతో వెన్నుపోటు పార్టీ వారే ఫేక్‌ నామినేషన్లు దాఖలు చేస్తున్నారు. (ఇవీ కొన్ని వివరాలు అంటూ ఆధారాలతో సహా పీపీటీలో చూపారు). » ఇది కొండాపురం మండలం కొండాపురంలో14, 15, 16, 17, 18 వార్డులు. అన్నీ ఫేక్‌ నామినేషన్లు. వైఎస్సార్‌సీపీ పేరుతో వెన్నుపోటు పార్టీ వారే వేశారు. » మైలవరం మండలం దొమ్మల నంద్యాల. అక్కడ సిలివేరు లక్ష్మీదేవి వైఫ్‌ ఆఫ్‌ సిలివేరు గోపాలకష్ణ పేరుతో వైఎస్సార్‌సీపీ అభ్యర్థి అంటూ నామినేషన్‌. ఆమె మా పార్టీ అభ్యర్థిని కాదు. » పులివెందుల నియోజకవర్గం, వేముల మండలంలో లోకేపల్లి మల్లికార్జునరెడ్డి, ఎస్‌.లక్ష్మీదేవి పేరుతో, వారు వైఎస్సార్‌సీపీ పక్షాన వేశారంటూ, ఫేక్‌ నామినేషన్లు దాఖలు చేశారు.కుట్రలు, కుతంత్రాలకు పితామహుడు చంద్రబాబుఈ కుట్రలకు నిజంగా పితామహుడు చంద్రబాబే. ఆయన ఇంత దారుణమైన ఎత్తుగడ ఎందుకు వేశాడంటే, స్థానిక సంస్థల ఎన్నికల­న్నీ సజావుగా సాగుతున్నాయని సుప్రీంకోర్టుకు ఒక భ్ర­మ కల్పించే కుట్రకు తెగబడ్డాడు. అందుకే ఎంపీటీసీ, జెడ్పీటీసీ ఎన్నికల నామినేషన్లలో వెన్నుపోటు పార్టీ వారే, మా వైఎస్సార్‌సీపీ తరపున ఫేక్‌ నామి­నేషన్లు వేయిస్తున్నారు. అందుకే ఒక్క రోజులోనే ఎంపీటీసీ నామినేషన్లలో 547%, జెడ్పీటీసీ నామి­నేషన్లలో 468% పెరుగుదల చూపించారు. ఇటు చూస్తే, మండల, జిల్లా కేంద్రాల్లోనూ మా వాళ్ళని అడ్డుకుంటూ నామినేషన్లను వేయనీయకుండా కుట్ర చేస్తున్నారు. అటు మా పార్టీ పేరుతో వాళ్లే ఫేక్‌ నామినేషన్లు వేస్తున్నారు. ఆ నామినేషన్లలో ఎక్కడా ఎ–ఫామ్స్, బీ–ఫామ్స్‌ ఉండవు. వారంతట వారే వైఎస్సార్‌సీపీ అని చెప్పుకోవడం, నామినేషన్‌ వేయడం, అదే ఎన్నికల కమిషన్‌ డేటాలో చేర్చడం.. అంతా కుట్రలో భాగంగా జరుగుతోంది.’’ అని జగన్‌ వివరించారు.ఇవీ అష్టకుట్రలుచంద్రబాబు, ఆయన గ్యాంగ్‌ కలిసి, ఈ స్థానిక ఎన్నికల్లో చేసిన 8 కుట్రలు ఇలా ఉన్నాయి.. కుట్ర–1నామినేషన్‌ వేయకముందే, వైఎస్సార్‌సీపీ అభ్యర్థులుగా పోటీ చేయాలనుకునే వారికి బెదిరింపులు. కుట్రలో భాగంగా, అభ్యర్థులు, వారికి సహకరించే వారిని బెదిరించడం. బైండోవర్‌ చేయడం. ముందస్తు అరెస్టులు చేయడం. కుట్ర–2నాయకుల గృహ నిర్భంధం. నామినేషన్ల ప్రక్రియ అంతా మీరు గమనించండి. ఎక్కడా అభ్యర్థులకు తోడుగా నాయకులను వెళ్లనీయడం లేదు.కుట్ర–3నామినేషన్‌ కేంద్రాలు స్వాధీనం చేసుకుని, ప్రతిపక్ష అభ్యర్థులు లోపలకు వెళ్లకుండా అడ్డుకుంటున్నారు. మా పార్టీ అభ్యర్థులు ఎలాగోలా నామినేషన్‌ కేంద్రాలకు వెళ్లే సరికే అక్కడ టీడీపీ వారు మారణాయుధాలతో ఉంటారు. అక్కడ ఉన్న పోలీసులు వారికి పూర్తిగా సహకారం అందిస్తున్నారు.కుట్ర–4పోలీసుల సమక్షంలోనే నామినేషన్‌ పత్రాలు లాక్కోవడం, కొన్ని చోట్ల ఆర్వోల చేతిలో నుంచి లాక్కుని చింపడం.కుట్ర–5ఇన్ని జరుగుతున్నా పోలీసులు అడ్డుకోకపోగా, బాధిత అభ్యర్థులను, అంటే మా పార్టీ వారినే పోలీసులు బయటకు నెట్టేస్తారు. నామినేషన్‌ వేయడానికి అభ్యర్థి కాకుండా, కేవలం ముగ్గురిని మాత్రమే అనుమతిస్తున్నారు. నామినేషన్‌ కేంద్రం గేటు, ఎక్కడో దూరంగా ఉంటుంది. అక్కణ్నుంచి వారు లోపలికి నడిచి వెళ్తుండగానే అడ్డుకోవడం. నామినేషన్‌ పత్రాలు లాక్కోవడం చేస్తున్నారు. వైఎస్సార్‌సీపీ అభ్యర్థి నాగమణి సంతకాన్ని ఫోర్జరీ చేసి టీడీపీ అభ్యర్థి విజయ ఎన్నికైనట్టు ప్రకటన కుట్ర–6దాడి చేసిన వారిని పూర్తిగా వదిలేసి, దాడులకు గురైన వారిపైనే తిరిగి కేసులు పెడుతున్నారు. అలా కేవలం మా వైఎస్సార్‌సీపీ అభ్యర్థులతో పాటు, వారితో ఉంటున్న మా పార్టీ నాయకులపైనే అక్రమ కేసులు బనాయిస్తున్నారు. అలా వారిని ఇంటికే పరిమితి చేయడం. లేదంటే జైలుకు పంపడం చేస్తున్నారు. కుట్ర–7స్క్రూటినీ పేరుతో నామినేషన్ల తిరస్కరణ. ఆ సమయంలో అభ్యర్థులను ఆఫీసులకు రానివ్వకుండా, ఇష్టానుసారం చేస్తున్నారు. కొన్ని చోట్ల వారే కొన్ని పేపర్లు చింపేయడం. కొన్ని చోట్ల అభ్యర్థుల సంతకాలు ఫోర్జరీ చేసి, విత్‌డ్రా చేసుకున్నట్లు చెప్పడం జరుగుతోంది. ఉదా: నంద్యాల మున్సిపాలిటీ. 51వ వార్డు అభ్యర్థి నాగమణి. ఆమె స్క్రూటినీకి హాజరు కాగా, ఆమె నామినేషన్‌ ఓకే చేశారు. ఆ తర్వాత ఆమె సంతకం ఫోర్జరీ చేసి, ఆమె విత్‌డ్రా చేసుకున్నట్లు ప్రకటించారు. (అంటూ ఆ వివరాలు చూపడంతో పాటు, ఆమెను స్వయంగా మీడియాకు చూపారు) » అలా నాగమణి సంతకాన్ని ఫోర్జరీ చేసి, ఆమె విత్‌డ్రా చేసుకున్నట్లు ప్రకటించి, ఆ వార్డులో టీడీపీ అభ్యర్థి ఏకగ్రీవం అయినట్లు ప్రకటించారు. » ఆ తర్వాత నగరి మున్సిపల్‌ ఛైర్మన్‌ అభ్యర్థి బాలకృష్ణ విషయంలో కూడా చేశారు. తొలుత ఆయన నామినేషన్‌ ఆమోదించినట్లు చెప్పారు. తుది జాబితాలో ఆయన అభ్యర్థిత్వాన్ని రద్దు చేశారు. కుట్ర–8అభ్యర్థులను బెదిరించి, భయపెట్టి, లోబర్చుకుని నామినేషన్‌ ఉపసంహరణకు ఒత్తిడి చేయడం. మహిళలపై నిర్దాక్షిణ్యంగా దాడులుఅత్యంత దారుణ విషయం ఏమిటంటే.. దాడులకు ఎక్కువగా గురైంది మహిళలే. ఎందుకంటే వారికి 50 శాతం రిజర్వేషన్లు. దాన్ని తీసుకొచ్చింది మనమే. నాడు మన హయాంలో మహిళలు వర్థిల్లారు. అదే ఇప్పుడు చంద్రబాబు పుణ్యమా అని వారంతా దాడికి గురవుతున్నారు. ఈ ఎన్నికలు సజావుగా జరిగితే డివిజన్లలో కార్పొరేటర్లు మొదలు, గ్రామస్థాయిలో వార్డు సభ్యుల వరకు దాదాపు 80 వేల మంది మహిళలు ఎన్నికవుతారు.అందులో కార్పొరేటర్లు, కౌన్సిలర్లు, ఎంపీటీసీ పదవుల్లో 7,216 మంది మహిళలు ఎన్నికవుతారు.మరి ఇన్ని వేల మంది మహిళలు నామినేషన్లు వేయడానికి వస్తే, వారి జుట్టు పట్టుకోవడం, చీరలు లాగేయడం, వారిని తిట్టి కొట్టి దాడులు చేస్తున్నారు. అందుకే నేను అడుగుతున్నాను. చంద్రబాబు అనేవాడు అసలు మనిషేనా? మహిళలపై దాడులు ప్రోత్సహిస్తున్న చంద్రబాబు, ఆ పని చేస్తున్న ఆయన పార్టీ గూండాలు, మరోవైపు ప్రత్యక్షంగా దీన్ని చూస్తూ ఊరుకుంటున్న పోలీసు అధికారులు, ఎస్‌ఈసీ.. చేస్తోంది ధర్మమేనా?.

సాక్షి, అమరావతి: సుప్రీం కోర్టు మధ్యంతర ఉత్తర్వులను రాష్ట్ర ఎన్నికల కమిషనర్‌ అపహాస్యం చేశారు. స్థానిక సంస్థల ఎన్నికలకు స్వేచ్ఛాయుత వాతావరణం ఎలాగూ లేదు. కనీసం పారదర్శకతను కూడా రాష్ట్ర ఎన్నికల కమిషనర్‌ (ఎస్‌ఈసీ) పట్టించుకోవడం లేదన్నది మరోసారి బట్టబయలైంది. మున్సిపల్‌ ఎన్నికల నామినేషన్ల అక్రమాలపై సుప్రీంకోర్టు ప్రాథమిక ఆధారాలుగా పేర్కొన్న వాటిని లెక్కచేయకుండా ఎస్‌ఈసీ అనిల్‌ చంద్ర పునేఠ నిర్ణయం ప్రకటించారు. అధికార టీడీపీ రాజకీయ ప్రయోజనాలను కాపాడేందుకు అత్యున్నత న్యాయస్థానమైన సుప్రీం కోర్టు ఉత్తర్వులను సైతం ఎస్‌ఈసీ పునేఠ తుంగలో తొక్కేశారు. మైదుకూరు మున్సిపల్‌ ఎన్నికలను ఎస్‌ఈసీ ముందుగానే వాయిదా వేసింది. ఆ పట్టణంలోని 32 వార్డులతో సహా కడప కార్పొరేషన్‌లో 11, తిరుపతి కార్పొరేషన్‌లో 18 డివిజన్‌లు, రాజంపేట మున్సిపాల్టీలో 11 వార్డులు కలిపి మొత్తం 72 వార్డులకే మళ్లీ నామినేషన్లు వేసేందుకు వీలు కల్పిస్తూ ఎస్‌ఈసీ ఉత్తర్వులు జారీ చేయడంపై సర్వత్రా విస్మయం వ్యక్తమవుతోంది. మున్సిపల్‌ ఎన్నికల్లో అక్రమాలకు సంబంధించి వైఎస్సార్‌సీపీ అన్ని ఆధారాలతో కోర్టు వచ్చిందని సుప్రీం కోర్టు వ్యాఖ్యానించిన తర్వాత కూడా అత్యున్నత న్యాయస్థానం అభిప్రాయాన్ని రాష్ట్ర ఎన్నికల కమిషన్‌ పరిగణనలోకే తీసుకోలేదని నిఫుణులు పేర్కొంటున్నారు.వైఎస్సార్‌సీపీ దాఖలు చేసిన పిటిషన్‌లో ‘కార్పొరేషన్, మున్సిపల్‌ ఎన్నికలలో మొత్తం 19 చోట్ల నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలు కోర్టు ముందుంచారు’ అని సుప్రీంకోర్టు వ్యాఖ్యలు చేసింది. సుప్రీంకోర్టు గుర్తించిన ఆధారాలను కూడా పరిగణనలోకి తీసుకోకుండా నిర్ణయం ప్రకటించడం రాష్ట్ర ఎన్నికల కమిషన్‌ ఏకపక్ష ధోరణిని తెలియజేస్తుందని రాజకీయ వర్గాల్లో చర్చ సాగుతోంది. వైఎస్సార్‌సీపీ, ఇతరులు ఇచ్చిన ఫిర్యాదులను, ఆధారాలను పరిశీలించండి అని కోర్టు స్పష్టమైన సూచన చేసినప్పటికీ, ఆ పిటిషనర్ల అభిప్రాయాలు కూడా తీసుకోకుండా ఎస్‌ఈసీ ఏకపక్షంగా నిర్ణయం ఎలా ప్రకటిస్తుందన్న చర్చ సాగుతోంది. వైఎస్సార్‌సీపీ చైర్మన్‌ నామినేషన్లే వేయలేకపోవడం ఆధారం కాదా?మున్సిపల్‌ ఎన్నికల నామినేషన్లలో హింసాత్మక ఘటనలు జరిగిన చోట ఛైర్‌పర్సన్‌ పదవులకు కూడా ప్రతిపక్ష వైఎస్సార్‌సీపీ అభ్యర్థుల నామినేషన్లు దాఖలు కాకపోవడం ఆధారం కాదా అని విశ్లేషకులు ప్రశ్నిస్తున్నారు. ఇంత పెద్ద ఆధారమున్నా ఎస్‌ఈసీ ఎందుకు పరిగణనలోకి తీసుకోలేదని నిలదీస్తున్నారు. నామినేషన్ల ప్రక్రియ మొదలైన పావు గంటలోనే పుంగనూరులో ఆశావహ అభ్యర్ధులను పోలింగ్‌ కేంద్రం వద్ద దింపేందుకు వచ్చిన ఎంపీ మిథున్‌ రెడ్డిపై పట్టపగలే అందరి ఎదుటే దాడి జరిగింది. అధికారులు కూడా అభ్యర్థుల నుంచి నామినేషన్లు తీసుకోలేదు. నామినేషన్లు వేయడానికి వచ్చిన వైఎస్సార్‌సీపీ అభ్యర్థులను చంద్రబాబు కూటమి గూండాలు అడ్డుకోవడమే ఒక తప్పయితే, అభ్యర్థుల నుంచి అధికారులు నామినేషన్లే తీసుకోకపోవడం మరింత తీవ్రమైన అంశం. ఇదే విషయంపై ఎంపీ మిథున్‌రెడ్డి గట్టిగా ప్రశ్నించారు. రాయచోటి మున్సిపాలిటీలో వైఎస్సార్‌సీపీ అభ్యర్థులను నామినేషన్లు వేయనివ్వకుండా టీడీపీ మూక వీరంగం చేసింది. ఇలా రాష్ట్రవ్యాప్తంగా అనేక చోట్ల నామినేషన్లు వేయడానికి వచ్చిన వైఎస్సార్‌సీపీ అభ్యర్థులను అడ్డగించడం, దాడులు చేయడం, దౌర్జన్యపూరితంగా నామినేషన్‌ పత్రాలు లాగేసుకోవడం, వాటిని చించివేయడం వంటి ఘటనలు బహిరంగంగానే జరిగాయి. ఇవన్నీ అన్ని మీడియాల్లో కథనాలుగా ప్రసారమయ్యాయి. ఇంతలా కళ్లకు కట్టినట్లు దారుణాలు కనిపిస్తున్నా, కేవలం 2 నగరపాలక సంస్థలు, 2 మున్సిపాలిటీల్లోనే.. అదీ కొన్ని వార్డుల్లోనే మళ్లీ నామినేషన్లు స్వీకరిస్తామనడంపై రాజకీయ విశ్లేషకులు మండిపడుతున్నారు. స్వేచ్ఛాయుత ఎన్నికలు నిర్వహించాలని రాష్ట్ర ఎన్నికల కమిషనర్‌ భావిస్తే, బెదిరింపుల కారణంగా నామినేషన్లు దాఖలు కాని అన్ని చోట్లా సుప్రీం సూచనలను పాటిస్తూ కొత్తగా నామినేషన్ల దాఖలుకు అవకాశమిచ్చి ఉండే వారన్న చర్చ సాగుతోంది.మైదుకూరు పైనా మాట తప్పారు!మైదుకూరు మున్సిపాలిటీ ఎన్నిక వాయిదా వేసినట్లు ఈ నెల 19న ప్రకటించిన రాష్ట్ర ఎన్నికల కమిషనర్‌.. ఆ విషయంలో మాట తప్పారన్న చర్చ సాగుతోంది. మైదుకూరు మున్సిపాలిటీకి నోటిఫికేషన్‌ మళ్లీ ఇస్తామని చెప్పారు. మొత్తం మున్సిపాలిటీకి కొత్తగా నోటిఫికేషన్‌ ఇవ్వడం అంటే.. ఛైర్‌పర్సన్‌తో పాటు ఆ మున్సిపాలిటీలోని 32 వార్డులకు కొత్తగా ఎన్నికలు నిర్వహించడమే అవుతుందని అంటున్నారు. అయితే, గురువారం రాష్ట్ర ఎన్నికల కమిషనర్‌ విడుదల చేసిన ప్రకటనలో మైదుకూరులో 32 వార్డులకు మాత్రమే కొత్తగా నామినేషన్లు స్వీకరించనున్నట్టు ప్రకటించి, ఛైర్‌పర్సన్‌ ఎన్నికను పేర్కొనకపోవడాన్ని విశ్లేషకులు తప్పుపడుతున్నారు.ఎంపీటీసీ, జెడ్పీటీసీ ఎన్నికల రోజే మున్సిపల్‌ కౌంటింగ్‌ నిర్ణయంపైనా..సాధారణంగా రాజకీయ గుర్తులతో ఒకే సమయంలో వివిధ రకాల పదవుల ఎన్నికలు జరుగుతుంటే, ఒక ఎన్నికల ఫలితం ప్రభావం మిగతా వాటిపై పడకుండా ఓట్ల లెక్కింఫు షెడ్యూల్‌ ప్రకటిస్తుంటారు. అంటే ఆ రెండు రకాల పోలింగ్‌ ముగిశాక లెక్కింపు చేపట్టడం సాధారణంగా జరిగేదే. కానీ, రాష్ట్ర ఎన్నికల కమిషనర్‌ ఇప్పుడు ఆ అంశాన్ని కూడా పట్టించుకోలేదన్న చర్చ సాగుతోంది. మున్సిపల్‌ ఎన్నికల తాజా షెడ్యూల్‌ ప్రకారం మున్సిపాలిటీల ఓట్ల లెక్కింపు వచ్చే నెల 3న చేపడతారు. కానీ, అదే రోజు ఎంపీటీసీ, జెడ్పీటీసీ ఎన్నికల పోలింగ్‌ జరుగుతుంది. దీనికి ఇప్పటికే నోటిఫికేషన్‌ కూడా ఇచ్చారు. కానీ, అదే రోజున మున్సిపల్‌ ఓట్ల లెక్కింపు జరిగితే, దాని ప్రభావం మరో ఎన్నికపై చూపే అవకాశంతో పాటు ఒకేసారి రెండు ప్రక్రియల కారణంగా అధికార, పోలీసు యంత్రాంగంపై తీవ్ర ఒత్తిడి ఉంటుందని విశ్లేషకులు అంటున్నారు. కానీ రాష్ట్ర ఎన్నికల కమిషనర్‌ ఈ అంశాన్ని కూడా పరిగణనలోకి తీసుకోకపోవడాన్ని తప్పుపడుతున్నారు. ఎస్‌ఈసీ నిర్ణయాలు ఏకపక్షంగా, ప్రజాస్వామ్య విరుద్ధంగా ఉన్నాయన్న విమర్శలు వస్తున్నాయి.

నెత్తురు మరిగిన తోడేళ్లులా తెలుగు తమ్ముళ్లు.. నిర్లజ్జగా, నిస్సిగ్గుగా పచ్చచొక్కాల దాష్టీకాలకు సహకరిస్తున్న పోలీసులు.. మహిళలపై దుశ్శాసనుల్లా ఎగబడుతున్న టీడీపీ గంజాయి బ్యాచ్‌ గూండాలు.. నాటి కౌరవుల సభను తలదన్నేలా వైఎస్సార్‌సీపీ మహిళా అభ్యర్థులను కించపరుస్తూనే ఉన్నారు.. చీర చెంగు లాగుతూ చెలరేగిపోతున్నారు.. మానవీయతను మరచిన మృగాళ్లులా పేట్రేగుతున్నారు.. ప్రజాస్వామ్యాన్ని ‘మంట’గలుపుతున్నారు. నేటి భారతావని భవిష్యత్‌ను ‘చించే’స్తున్నారు.. ‘స్థానిక’ సమరాంగణాన గూండాల్లా ఆంధ్రప్రదేశ్‌కు అపఖ్యాతిని అంటగడుతున్నారు...!‘పచ్చ’ పోలీసులపై సుప్రీంలో పిటిషన్‌సాక్షి, అమరావతి: రాష్ట్రంలో చంద్రబాబు ప్రభుత్వ దాష్టీకాలకు, దుర్మార్గాలకు బహిరంగంగా, అడ్డగోలుగా సహకరిస్తున్న దాదాపు 70 మంది పోలీసు అధికారులపై దేశ సర్వోన్నత న్యాయస్థానం అయిన సుప్రీంకోర్టులో వైఎస్సార్‌సీపీ పిటిషన్‌ వేయనుంది. స్థానిక ఎన్నికల్లో ప్రజాస్వామ్యాన్ని ఖూనీ చేస్తూ.. ప్రతిపక్ష వైఎస్సార్‌సీపీ అభ్యర్థులు నామినేషన్‌ దాఖలు చేయకుండా అడుగడుగునా టీడీపీ రౌడీ మూకలు అడ్డుపడుతున్న విషయం తెలిసిందే. ఈ దారుణాలను వైఎస్సార్‌సీపీ సుప్రీంకోర్టు దృష్టికి తీసుకెళ్లనుంది. రాష్ట్రంలో రెడ్‌బుక్‌ పాలనలో మునుపెన్నడూ లేని విధంగా ప్రజాస్వామ్యంపై దారుణ మారణకాండ కొనసాగుతోంది. స్థానిక ఎన్నికల్లో ఓటమి భయంతో వైఎస్సార్‌సీపీ అభ్యర్థులను నామినేషన్లు వేయనీయకుండా పక్కా పథకం ప్రకారం ఏడు దశల్లో ముప్పేట దాడి జరుగుతోంది. దశల వారీగా ఏమార్చి.. ప్రజాస్వామ్యాన్ని హతమారుస్తున్న పాపంలో అధికారపక్షం, పోలీస్, ఎస్‌ఈసీ భాగస్వాములు కావడం దిగ్భ్రాంతి పరుస్తోంది. సాక్షాత్తు దేశ అత్యున్నత న్యాయస్థానం తీవ్రంగా స్పందించినా.. రాష్ట్రంలోని ప్రభుత్వం, పోలీస్, ఎస్‌ఈసీలకు చీమకుట్టినట్టు కూడా లేదు. సుప్రీంకోర్టు కర్రు కాల్చి వాత పెట్టినా రాష్ట్రంలో వారి తీరు మారలేదు. మున్సిపల్‌ ఎన్నికల నామినేషన్ల దశలో జరిగిన అకృత్యాలపై సాక్షాత్తు సుప్రీంకోర్టు ఘాటుగా స్పందించి ఆదేశాలు ఇచ్చినా.. ఎంపీటీసీ, జెడ్పీటీసీ నామినేషన్ల రెండవ రోజు కూడా పచ్చ మూకల దౌర్జన్యకాండ ఆగలేదు. సార్వత్రిక ఎన్నికల్లో ఇచ్చిన హామీలు అమలు చేయకపోవడంతో స్థానిక ఎన్నికల్లో ప్రజాగ్రహం చవిచూడక తప్పదని భయపడుతున్న చంద్రబాబు అండ్‌ కో ఏకంగా ప్రజాస్వామ్యంపైనే దండయాత్రకు దిగింది. ఎలాగైనా వైఎస్సార్‌సీపీ అభ్యర్థులు ఎన్నికల బరిలో ఉండకూడదని భావించిన వెన్నుపోటు పార్టీ.. కిరాయి రౌడీలను, పచ్చ గూండాలను, గంజాయి బ్యాచ్‌లను రంగంలోకి దించింది. అందుకు అత్యంత స్వామిభక్తి ప్రదర్శిస్తూ పనిచేసే పోలీసులను అడ్డగోలుగా వాడుకుంటోంది. ఫలితంగా ఊరూరా రావణ కాష్టం రగులుతోంది. ప్రైవేట్‌ వ్యక్తి గన్‌ పేల్చితే.. పోలీస్‌ వైఫల్యం కాదా?ఎన్నికల ముందు నుంచే బైండోవర్ల పేరుతో వైఎస్సార్‌సీపీ శ్రేణులను తీవ్ర వేధింపులకు గురిచేసిన పోలీసులకు ప్రైవేట్‌ వ్యక్తుల వద్ద ఉన్న గన్‌ను స్వాధీనం (సీజ్‌) చేసుకోవాలని తెలియదా? అని ప్రజలు నిలదీస్తున్నారు. వైఎస్సార్‌ కడప జిల్లా నందలూరు నామినేషన్ల కేంద్రం వద్ద టీడీపీకి చెందిన డాక్టర్‌ బాలసుబ్రమణ్యం తన రివాల్వర్‌తో మూడు రౌండ్లు గాలిలో కాల్పులు జరపడం పోలీసుల వైఫల్యం కాదా అని ప్రశ్నిస్తున్నారు. తిరుపతిలో ఎలైట్‌ ఆసుపత్రి ఎండీగా ఉన్న బాలసుబ్రమణ్యం తన తల్లి నామినేషన్‌ కోసం కడప జిల్లాలోని సొంతూరు నందలూరుకు గురువారం వచ్చాడు. అక్కడ నామినేషన్‌ దశలో ఉద్రిక్తత నెలకొనడంతో ఆయన రివాల్వర్‌తో కాల్పలు జరిపారు. దీనికి పోలీసులు ఏం సమాధానం చెబుతారని ప్రజలు ప్రశ్నిస్తున్నారు. ఎంపీటీసీ, జెడ్పీటీసీ ఎన్నికల నామినేషన్ల రెండవ రోజు గురువారం కూడా దారుణ దురంతాలు కొనసాగాయి. కడప జిల్లాలో దొంగ నామినేషన్లు వైఎస్సార్‌ కడప జిల్లాలో దొంగ నామినేషన్ల పర్వం బట్టబయలైంది. చక్రాయపేట మండలంలో గురువారం నామినేషన్ల ప్రక్రియ ముగిసే సమయానికి మొత్తం 11 నామినేషన్లు దాఖలు కాగా, అందులో ఒక్కటంటే ఒక్కటి కూడా అసలైన వైఎస్సార్‌సీపీ నేతది కాదు. పెండ్లిమర్రి మండలంలోనూ మూడు దొంగ నామినేషన్లు వేశారు. చింతకొమ్మదిన్నె మండలంలో వైఎస్సార్‌సీపీ నిజమైన అభ్యర్థులు నామినేషన్లు వేయకపోయినా, కూటమి నేతలే ప్రతిపక్షం పేరును వాడుకుని ఏకంగా ఏడు నకిలీ నామినేషన్లు వేశారు. ఎర్రగుంట్ల మండలంలో వైఎస్సార్‌సీపీ తరఫున కూటమి నాయకులే స్వయంగా డమ్మీలుగా రంగంలోకి దిగారు. వలసపల్లె స్థానానికి పాతకోటకు చెందిన టీడీపీ వర్గీయుడు రఘునాథ్‌ రెడ్డి, ఆర్టీపీపీ కృష్ణానగర్‌ స్థానానికి గుంతకల్లుకు చెందిన నాగప్ప వైఎస్సార్‌సీపీ అభ్యర్థులుగా ముసుగు వేసుకుని నామినేషన్లు వేశారు. పొట్లదుర్తి గ్రామానికి చెందిన మాధవి (మాతమ్మ)తో పాటు నరసింహులు అనే వ్యక్తి ప్రతిపక్ష అభ్యర్థులుగా పత్రాలు సమర్పించారు. కొండాపురం మండలంలో మొనగోటి గంగమ్మ, కృష్ణారెడ్డి కుమారుడు ఎ.సిద్ధార్థ రెడ్డి, పెద్దన్న కుమారుడు వై.ప్రసాద్, పెద్దయ్య భార్య వై.సావిత్రిల చేత బలవంతంగా వైఎస్సార్‌సీపీ తరఫున నామినేషన్లు దాఖలు చేయించి రికార్డులను తారుమారు చేశారు. మొత్తం 9 ఎంపీటీసీ స్థానాలు ఉన్న కలసపాడు మండలంలో అసలైన వైఎస్సార్‌సీపీ నేతలు ఎవ్వరూ నామినేషన్‌ వేయకుండా కట్టడి చేశారు. ఆ తర్వాత కోర్టు భయంతో టీడీపీ నేతలే వైఎస్సార్‌సీపీ పేరుతో 4 దొంగ నామినేషన్లు వేశారు. వైఎస్‌ కుటుంబ స్వగ్రామమైన బలపనూరు ఎంపీటీసీ స్థానానికి టీడీపీ నాయకుడే వైఎస్సార్‌సీపీ అభ్యర్థిగా ముసుగు వేసుకుని దొంగ నామినేషన్‌ దాఖలు చేయడం స్థానికులను విస్మయానికి గురిచేసింది. పేట్రేగిన పచ్చ రౌడీ మూకలువైఎస్సార్‌ కడప జిల్లా పులివెందులలో ఎంపీ వైఎస్‌ అవినాష్‌రెడ్డిని గృహ నిర్బంధం చేసేందుకు పోలీసులు ప్రయత్నించారు. ఆయన ఇంటి చుట్టూ ముళ్ల కంచె ఏర్పాటు చేసి భారీగా పోలీసులను మోహరించారు. అనంతరం వైఎస్‌ అవినాష్‌రెడ్డిని కడపలో అదుపులోకి తీసుకుని పులివెందుల పార్టీ కార్యాలయానికి తీసుకొచ్చారు. లింగాల మండలంలోని తొమ్మిది జడ్పీటీసీ స్థానాలకు పోటీ చేసేందుకు సిద్ధంగా ఉన్న అభ్యర్థులను నామినేషన్లు వేయనివ్వాలని వైఎస్సార్‌సీపీ కార్యకర్తలు కోరినా పోలీసులు పట్టించుకోలేదు. కడప నగరంలోని వైఎస్సార్‌సీపీ కార్యాలయం వద్ద పోలీసులు దౌర్జన్యానికి పాల్పడ్డారు. పార్టీ జిల్లా అధ్యక్షుడు పి.రవీంద్రనాథ్‌రెడ్డితోపాటు పలువురిని అదుపులోకి తీసుకుని బద్వేల్‌కు తరలించారు. జిల్లా వ్యాప్తంగా పలువురు నేతలను పోలీస్‌స్టేషన్‌కు తరలించారు. వైఎస్సార్‌ జిల్లాలో తమ పార్టీకి చెందిన జెడ్పీటీసీ అభ్యర్థులు నామినేషన్లు వేయడానికి సిద్ధంగా ఉన్నారని, తగిన భద్రత కల్పించాలని వైఎస్సార్‌సీపీ జిల్లా అధ్యక్షుడు ఎస్పీ, కలెక్టర్, ఎన్నికల కమిషన్‌ను కోరారు. అన్నమయ్య జిల్లాలో కొనసాగిన అరాచకంఅన్నమయ్య జిల్లా పీలేరులో వైఎస్సార్‌సీపీ నాయకులు, కార్యకర్తలను పోలీసులు రహదారులపైనే అడ్డుకున్నారు. నేతలను గృహ నిర్బంధం చేశారు. కలకడ–కదిరాయచెరువు ప్రాంతంలో చిరంజీవి, శంకరమ్మ, రాధిక అనే వైఎస్సార్‌సీపీ నాయకులు, కార్యకర్తలపై దాడి చేసి నామినేషన్‌ పత్రాలను లాక్కొని చించివేశారు. రాయచోటి నియోజకవర్గంలోని లక్కిరెడ్డిపల్లెలో నామినేషన్లు వేయడానికి వెళ్లిన వైఎస్సార్‌సీపీ నాయకులు ఢిల్లీ విశ్వనాథరెడ్డి, లక్ష్మీరెడ్డి, మహేంద్రబాబులపై దాడి చేశారు. వారి కారును ధ్వంసం చేసి కర్రలతో కొట్టడంతో మహేంద్రబాబుకు తీవ్ర గాయాలయ్యాయి. తంబళ్లపల్లె, పెద్దమండ్యం, పెద్దతిప్పసముద్రంలో వైఎస్సార్‌సీపీ నాయకులు, కార్యకర్తలపై రాళ్లదాడి చేశారు. చౌడేపల్లి మండలం బోయకొండలో వైఎస్సార్‌సీపీ నేత జయచంద్ర భవనాన్ని కూల్చివేసే రూ.50 లక్షలు నష్టం కలిగించారు. పెద్దకొండామర్రికి చెందిన వైఎస్సార్‌సీపీ నాయకులు గణేష్, నారాయణరెడ్డి, సాదిక్‌ లపై దాడి చేసి తీవ్రంగా గాయపరిచారు. చౌడేపల్లె వైఎస్సార్‌సీపీ మండల అధ్యక్షుడు నాగభూషణంరెడ్డి ఇంటిపై టీడీపీ శ్రేణులు దాడిచేసి ధ్వంసం చేశారు. పుంగనూరులోనూ నామినేషన్లకు టీడీపీ శ్రేణులు అడ్డుపడ్డారు. యనమసామనపల్లిలో వైఎస్సార్‌సీపీ నాయకుడు శ్రీనివాసులరెడ్డిపై పచ్చ రౌడీలు దాడికి దిగారు. నందలూరు ఎంపీపీ సీటు విషయంలో టీడీపీకి చెందిన మేడా విజయశేఖర్‌రెడ్డి, పార్టీ ఇన్‌చార్జి జగన్మోహన్‌రాజు వర్గాల మధ్య ఘర్షణ జరిగింది. ఇరువర్గాలను అదుపు చేసేందుకు పోలీసులు గాలిలోకి కాల్పులు జరిపారు. ఉమ్మడి అనంతలో అదే దౌర్జన్యంఉమ్మడి అనంతపురం జిల్లా రాప్తాడు నియోజకవర్గంలో ఎమ్మెల్యే పరిటాల సునీత డైరెక్షన్‌లో టీడీపీ రౌడీ మూకలు వైఎస్సార్‌సీపీ శ్రేణులపై దాడికి దిగాయి. పలువురి అభ్యర్థుల నామినేషన్లను లాక్కుని చింపేశారు. సాక్షి టీవీ రిపోర్టర్‌ మురళీపై దాడికి తెగబడ్డారు. కనగానపల్లికి వస్తోన్న వైఎస్సార్‌సీపీ కార్యకర్తలపై ఇనుపరాడ్లతో దాడులు చేశారు. చెన్నేకొత్తపల్లిలో టీడీపీ జిల్లా అధ్యక్షుడు ఎంఎస్‌ రాజు, రాప్తాడు ఎమ్మెల్యే పరిటాల సునీత వైఎస్సార్‌సీపీ అభ్యర్థుల నామినేషన్లు ఎందుకు అనుమతించారంటూ వీరంగం వేశారు. తాడిపత్రి నియోజకవర్గం పెద్దవడుగూరులో వైఎస్సార్‌సీపీ నాయకుడు శేషానందరెడ్డిపై టీడీపీ మూకలు దాడి చేసి గాయపరిచాయి. పెద్దవడుగూరులో టీడీపీ నేత జేసీ ప్రభాకర్‌రెడ్డి ఇచ్చిన జాబితాలో లేని ఆరు ఎంపీటీసీ స్థానాలకు మాత్రమే నామినేషన్లు వేయడానికి అనుమతి ఇస్తామని సీఐ నరేంద్రరెడ్డి స్పష్టం చేశారు. తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని తిమ్మంపల్లిలో పోలీసులు హౌస్‌ అరెస్టు చేశారు. వైఎస్సార్‌సీపీ శింగనమల నియోజకవర్గ సమన్వయకర్త, మాజీ మంత్రి డాక్టర్‌ శైలజానాథ్, ఎమ్మెల్సీ మంగమ్మలను అనంతపురంలో హౌస్‌ అరెస్టు చేశారు. గుంతకల్లులో వైఎస్సార్‌సీపీ ఎంపీటీసీ అ«భ్యర్థుల చేతుల్లోంచి నామినేషన్లను టీడీపీ మూకలు లాక్కుని చించివేశాయి. చింతలాంపల్లి మాజీ సర్పంచ్‌ బొజ్జనపై దాడి చేసి గాయపరిచాయి. వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి బురఖా ధరించి, పోలీసులు, టీడీపీ అల్లరిమూకల కళ్లు గప్పి ఎంపీడీఓ కార్యాలయంలోని ఎన్నికల అధికారుల ఎదుట ప్రత్యక్షమై పార్టీకి చెందిన 13 మంది ఎంపీటీసీ అభ్యర్థుల నామినేషన్లను అందజేస్తుండగా.. టీడీపీ శ్రేణులు వాటిని లాక్కొని చించివేశారు. బత్తలపల్లిలో వైఎస్సార్‌సీపీ అభ్యర్థులపైన కూటమి నేతలు రాళ్లు, కట్టెలు, బీరు సీసాలతో దాడులు చేసి భయోత్పాతం సృష్టించారు. వారికి టీడీపీ నియోజకవర్గ ఇన్‌చార్జ్‌ పరిటాల శ్రీరామ్‌ అండగా నిలిచి.. రౌడీయిజానికి ఆజ్యం పోశారు. చిత్తూరు జిల్లా గంగాధర నెల్లూరులో వైఎస్సార్‌సీపీ అభ్యర్థినిపై అసభ్యకరంగా చేతులు వేసి.. ఈడ్చేస్తున్న టీడీపీ గూండాలు ఉమ్మడి గుంటూరు జిల్లాలో పోలీసుల రౌడీయిజంపల్నాడు జిల్లా పెదకూరపాడు మాజీ ఎమ్మెల్యే నంబూరు శంకరరావు ఇంటిని పోలీసులు చుట్టుముట్టారు. నరసరావుపేట పెట్లూరివారిపాలెం మాజీ ఎంపీపీ మోరబోయిన శ్రీనివాసరావు ఇంటిపై అర్ధరాత్రి పోలీసులు దాడికి ప్రయత్నించారు. వినుకొండలో మాజీ ఎమ్మెల్యే బొల్లా బ్రహ్మనాయుడిని గృహ నిర్బంధం చేసి స్థానికంగా అభ్యర్థులను పోలీసులు అడ్డుకున్నారు. జిల్లా అధ్యక్షుడు పిన్నెల్లి రామకృష్ణారెడ్డిని పోలీసులు హౌస్‌ అరెస్ట్‌ చేశారు. చిలకలూరిపేట నియోజకవర్గంలో అక్రమాలపై ఎన్నికల కమిషనర్‌కు మాజీ మంత్రి విడుదల రజిని ఫిర్యాదు చేశారు. నిజాంపట్నంలో వైఎస్సార్‌ సీపీ నాయకుడు చిప్పల సాయిబాబాకు చెందిన ఇంట్లో ఫర్నిచర్, ఇతర వస్తువులను ధ్వంసం చేశారు. రేపల్లెలో వైఎస్సార్‌సీపీ అభ్యర్థులు యేమినని రాంబాబు, కొక్కిలిగడ్డ రవి నామినేషన్లు లాక్కున్నారు. ఈపూరులో దాడులకు తెగబడ్డారు. ఇనుమెళ్ల వైఎస్సార్‌సీపీ అభ్యర్థి తరఫున వస్తున్న ప్రతిపాదకుడు రామినీడి అనిల్, చెవుల పెద్ద అంకారావులపై టీడీపీ అల్లరి మూకలు విచక్షణారహితంగా దాడి చేశాయి. చింతలతండా గ్రామానికి చెందిన వైఎస్సార్‌సీపీ నాయకుడు రమావత్‌ శాంతిగబ్బర్‌సింగ్‌ దంపతులపై దాడికి పాల్పడ్డారు. ఉమ్మడి చిత్తూరు జిల్లాలో రెచ్చిపోయిన గూండాలుఉమ్మడి చిత్తూరు జిల్లా జీడీ నెల్లూరులో వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలను పచ్చ మూక చించివేసి, అభ్యర్థులను అడ్డుకుంది. ఎస్‌ఆర్‌పురంలో పోలీసులు లాఠీచార్జి చేశారు. సీఎం చంద్రబాబు నియోజకవర్గ పరిధిలోని రామకుప్పం మండలంలో వైఎస్సార్‌సీపీ ఎంపీటీసీ నామినేషన్లను పచ్చ గుండాలు అడ్డుకున్నారు. చంద్రగిరి నియోజకవర్గం వైఎస్సార్‌సీపీ పాకాల ఎంపీటీసీ అభ్యర్థి నామినేషన్‌ పత్రాలను టీడీపీ నాయకుడు చెన్నకేశవరెడ్డి బహిరంగంగా చించివేశారు. చంద్రగిరిలో చెవిరెడ్డి మోహిత్‌రెడ్డి, హర్షిత్‌రెడ్డి తదితరులను పోలీసులు గృహ నిర్బంధం చేశారు. మాజీ ఎమ్మెల్యే చెవిరెడ్డి భాస్కర్‌రెడ్డి అభ్యర్థులతో నామినేషన్‌ కేంద్రాలకు వెళ్లకుండా పోలీసులు అడ్డుకున్నారు. చంద్రగిరి నియోజకవర్గంలో గురువారం ఆరు మండలాల్లో హింసాత్మక ఘటనలు చోటు చేసుకున్నాయి. ఈ ఘటనల్లో 12 మంది వైఎస్సార్‌సీపీ అభ్యర్థులు గాయపడగా, ఎర్రావారిపాలెం ఎస్సైపైనా టీడీపీ గూండాలు దాడి చేశారు. తిరుపతి ఎంపీ గురుమూర్తి, ఎమ్మెల్సీ సిపాయి సుబ్రహ్మణ్యం, మాజీ ఎమ్మెల్యే చెవిరెడ్డి భాస్కర్‌రెడ్డిలను పోలీసులు గృహ నిర్బంధం చేశారు. చంద్రగిరిలో గురువారం ఎమ్మెల్యే నాని తమ అనుచరులకు వైఎస్సార్‌సీపీ కండువాలు కప్పి, చంద్రగిరి–4 సెగ్మెంట్‌ నుంచి ఉగ్రాణం గురవా రెడ్డి, చంద్రగిరి–1 నుంచి సీతలు వైఎస్సార్‌సీపీ తరఫున ఎంపీటీసీలు నామినేషన్‌ వేసినట్లు పత్రాలను సమర్పించారు. శ్రీకాళహస్తి వైఎస్సార్‌సీపీ మండల అధ్యక్షుడు, ఎంపీపీ అభ్యర్థి చెవిరెడ్డి మధుసూదన్‌రెడ్డిపై దాడి చేసి నామినేషన్‌ పత్రాలను చించివేశారు. ఓబులవారిపల్లె మండలంలో వైఎస్సార్‌సీపీ ఎంపీటీసీ అభ్యర్థి కె మౌనిక నామినేషన్‌ వేసేందుకు బయలుదేరగా, మార్గం మధ్యలో జనసేన పార్టీ నాయకులు ఆమె చేతులు పట్టుకుని అసభ్యకరంగా ప్రవర్తించారు. ఆమెను నామినేషన్‌ వేసేందుకు వెళ్లనీయకుండా అడ్డుకున్నారు. రైల్వే కోడూరు నియోజకవర్గంలో సీనియర్‌ నాయకులు ముద్దాబాబుల్‌రెడ్డి, రామిరెడ్డి ధ్వజారెడ్డి, సాయికిషోర్‌రెడ్డి, ముస్తాక్‌లను గురువారం పోలీసులు హౌస్‌ అరెస్ట్‌ చేశారు. శ్రీరంగరాజపురంలో వైఎస్సార్‌సీపీ వెంకటాపురం, తయ్యూరు ఎంపీటీసీ అభ్యర్థులు జయమ్మ, శిరీషా గురవారెడ్డి నామినేషన్లు దాఖలు చేసేందుకు రాగా.. పోలీసుల సమక్షంలోనే టీడీపీ నాయకుడు నిరంజన్‌రెడ్డి, జీవన్‌బాబు, రామిరెడ్డి కలిసి నామినేషన్లు చించివేశారు. జయమ్మ చీరను సైతం లాగేశారు. చిత్తూరు జిల్లా గంగాధర నెల్లూరులో బాలగంగానపల్లి పంచాయతీకి చెందిన వైఎస్సార్‌సీపీ అభ్యర్థులు మోహన, వింజం పంచాయతీకి చెందిన నాగరత్నమ్మల వద్ద నుంచి టీడీపీ రౌడీ మూకలు నామినేషన్‌ పత్రాలను లాక్కున్నాయి. వారి చీర లాగి దాడి చేశాయి.

సాక్షి, అమరావతి: రాష్ట్రంలో తాజాగా స్థానిక సంస్థల ఎన్నికల షెడ్యూల్‌లో ఏకంగా సుప్రీం కోర్టు జోక్యం చేసుకునే వరకు దారి తీసిన పరిణామాలను గమనిస్తే... మునిసిపల్‌ ఎన్నికల నామినేషన్ల వేళ చోటు చేసుకున్న ఘటనలపై కనీస చర్యలు చేపట్టకుండా చేష్టలుడిగిన రాష్ట్ర ఎన్నికల కమిషన్‌ పరువే పోయిందని రాజకీయ పరిశీలకులు, న్యాయ నిపుణులు వ్యాఖ్యానిస్తున్నారు. రాజ్యాంగం ప్రకారం అర్హత ఉన్న ప్రతి ఒక్కరికీ ఎన్నికల్లో పోటీ చేసే హక్కు ఉన్నప్పటికీ.. విపక్ష అభ్యర్థులను పలుచోట్ల పోలీసుల ద్వారా అడ్డగించి నామినేషన్లు దాఖలు చేయనివ్వకుండా అధికార పార్టీ నిరోధించింది. ప్రజాస్వామ్యాన్ని మంటగలుపుతున్న చంద్రబాబు సర్కారు బరి తెగింపుపై సర్వోన్నత న్యాయస్థానం కన్నెర్ర చేయడంతో అధికార యంత్రాంగం పరువు మంటగలిసిందని పేర్కొంటున్నారు. ఒకసారి ఎన్నికల షెడ్యూల్‌ వెలువడిన తర్వాత కోర్టులు జోక్యం చేసుకోవడం అత్యంత అరుదుగా జరుగుతుంటుందని.. రాష్ట్రంలో మున్సిపల్‌ ఎన్నికల నామినేషన్ల ప్రక్రియలో అరాచకాలపై స్వయంగా సుప్రీంకోర్టు జోక్యం చేసుకున్న తీరు దేశ చరిత్రలో గతంలో ఎప్పుడూ జరగలేదని అధికార వర్గాల్లో పెద్ద ఎత్తున చర్చ సాగుతోంది.మొత్తం 100 చోట్ల మున్సిపల్‌ ఎన్నికలు జరుగుతుండగా అభ్యర్థులు అధికారులకు అందజేసిన నామినేషన్‌లను అపహరించడం లాంటి అరాచక ఘటనల కారణంగా ఇప్పటికే ఒక చోట ఎన్నిక వాయిదా పడగా.. తాజాగా సుప్రీంకోర్టు ఆదేశాల నేపథ్యంలో మరో 19 చోట్ల రాష్ట్ర ఎన్నికల కమిషన్‌ ప్రకటించిన షెడ్యూల్‌ను సవరిస్తూ ఆదేశాలివ్వడం దేశ ఎన్నికల చరిత్రలోనే అత్యంత అరుదైన ఘటనగా అధికార వర్గాలు అభివర్ణిస్తున్నాయి. ఇప్పటిదాకా ఏదైనా ఎన్నికల విషయంలో కోర్టులు ప్రత్యేకించి సంబంధిత అభ్యర్థులు దాఖలు చేసిన ఫిర్యాదుల విషయంలో స్పందించిన పరిస్థితి ఉందని.. కానీ రాష్ట్రంలో జరుగుతున్న మున్సిపల్‌ ఎన్నికల్లో ఏకంగా 20 శాతం చోట్ల అభ్యర్థులు అసలు నామినేషన్లే దాఖలు చేసుకోలేని దుస్థితిపై జోక్యం చేసుకోవడం ఎప్పుడూ, ఎక్కడా ఉత్పన్నం కాలేదనే చర్చ సాగుతోంది. హింసాత్మక ఘటనలపై ఎస్‌ఈసీ మౌనం వల్లే..రాష్ట్రంలో మునిసిపల్‌ ఎన్నికల నామినేషన్ల ప్రక్రియ మొదలైన తొలి పావు గంటలోనే వైఎస్సార్‌సీపీ లోక్‌సభా పక్ష నేత పీవీ మిధున్‌రెడ్డిపై దాడికి తెగబడటం.. ఎంపీ వాహనాల ధ్వంసం.. భద్రతా సిబ్బంది కాల్పుల ఘటనతో పాటు తొలి గంట వ్యవధిలోనే రాయచోటిలో వైఎస్సార్‌సీపీ కార్యాలయంపై అధికార పార్టీ గూండాల దాడి.. వాహనాలకు నిఫ్పు పెట్టడం లాంటి అరాచకాలతో పచ్చమూకలు పేట్రేగినా ఎన్నికలు స్వేచ్ఛాయుత వాతావరణంలో జరిగేలా రాష్ట్ర ఎన్నికల కమిషన్‌ ఎలాంటి చర్యలు తీసుకోలేదు. హింసాత్మక ఘటనలు చోటు చేసుకున్న చోట్ల వైఎస్సార్‌సీపీ అభ్యర్ధులు చైర్మన్‌ పదవులకు నామినేషన్లు దాఖలు చేయలేని పరిస్థితి కనిపిస్తున్నా ఎస్‌ఈసీ తీసుకున్న చర్యలు శూన్యం. స్థానిక ఎన్నికల ప్రక్రియలో నిష్పాక్షిత కోసం ఎస్‌ఈసీకి వైఎస్సార్‌ సీపీ నేతలు గత నెలన్నర వ్యవధిలో 54 వినతి పత్రాలు సమర్పించి పారా మిలటరీ బలగాల పర్యవేక్షణలో నిర్వహించాలని కోరినా నిమ్మకు నీరెత్తినట్లు వ్యవహరించారు. ఇక మునిసిపల్‌ నామినేషన్లు మొదలైన నాటి నుంచి పచ్చమూకల దౌర్జన్యాలు, పోలీసుల ద్వారా అడ్డుకుని నామినేషన్లు కూడా దాఖలు చేయనివ్వకుండా అడ్డుకోవడంపై 41 ఫిర్యాదులు ఎస్‌ఈసీకి అందచేసినా ఎలాంటి చర్యలు తీసుకోకుండా బుట్టదాఖలు చేశారు. అధికార పార్టీ అరాచకాలను వివరిస్తూ రాష్ట్ర ఎన్నికల కమిషన్‌తో పాటు గవర్నర్‌కు మాజీ సీఎం వైఎస్‌ జగన్‌ వినతిపత్రాలిచ్చినా ఎలాంటి చర్యలు లేకపోవడంతో వైఎస్సార్‌సీపీ న్యాయస్థానాలను ఆశ్రయించాల్సి వచ్చింది.మైదుకూరు ఎన్నిక వాయిదా.. బాధ్యులపై చర్యలేవీ?అభ్యర్థులు అందజేసిన నామినేషన్లను ఇతరులు ఎన్నికల అధికారి కార్యాలయంలో చొరబడి ఎత్తుకెళ్లారని జిల్లా కలెక్టరు స్వయంగా నివేదిక ఇచ్చారంటూ రాష్ట్ర ఎన్నికల కమిషన్‌ మైదుకూరు మున్సిపల్‌ ఎన్నికను వాయిదా వేసింది. అయితే, ఇప్పటి వరకు ఏ ఒక్క ఎన్నికల అధికారిపై గానీ, పోలీసులపైగానీ కనీస చర్యలు తీసుకున్న దాఖలాలు లేవు.నాడు ఈసీ తప్పించిన అధికారే... నేడు ఏకంగా ఎస్‌ఈసీగాఎన్నికలు జరిగే సమయంలో కేంద్ర ఎన్నికల సంఘం ఎవరైనా అధికారిని ఎన్నికలతో పాటు ఎన్నికలను ప్రభావితం చేసే విధుల నుంచి ఒకసారి తప్పిస్తే ఆ అధికారిని తర్వాత ఏ ఎన్నికల విధుల్లోనూ పాల్గొనకుండా ఈసీ నియంత్రిస్తుందన్న నిబంధన ఉంది. గతంలో మన రాష్ట్రంలో పనిచేసిన ఐఏఎస్‌ అధికారి ప్రవీణ్‌ప్రకాష్‌ను ఆ నిబంధనతో పలు మార్లు ఎన్నికల విధులకు దూరం పెట్టినట్లు ప్రస్తావిస్తున్నారు. 2019 సార్వత్రిక ఎన్నికల సమయంలో రాష్ట్ర ప్రభుత్వ ప్రధాన కార్యదర్శిగా ఉన్న అనిల్‌ చంద్ర పునేఠ నాటి సీఎం చంద్రబాబు సూచనల మేరకు నడుచుకుంటూ, తమ ఆదేశాలు పాటించలేదనే కారణంతో కేంద్ర ఎన్నికల సంఘం పునేఠను ఎన్నికల విధుల నుంచి తప్పించింది. కేంద్ర ఎన్నికల సంఘం నిబంధనల ప్రకారం అనిల్‌చంద్ర పునేఠ తిరిగి ఏ ఎన్నికల విధుల్లోనూ పాల్గొనకూడదు. అలాంటిది 2024లో చంద్రబాబు తిరిగి సీఎం కాగానే అదే అనిల్‌ చంద్ర పునేఠను ఎస్‌ఈసీగా నియమించడం గమనార్హం.

స్వేచ్ఛాయుత, నిష్పాక్షిక ఎన్నికలు రాజ్యాంగ మౌలిక స్వరూపంలో భాగం.. ఎన్నికల్లో పాల్గొనే హక్కు, నామినేషన్లు వేసే హక్కు అందులో అంతర్భాగం.. సాధారణంగా ఎన్నికల విషయంలో న్యాయస్థానాలు జోక్యం చేసుకోవు.. కానీ రాజ్యాంగ బాధ్యతల నిర్వహణలో ఎన్నికల సంఘం విఫలమైతే మా జోక్యం తప్పదు..వైఎస్సార్‌సీపీ అన్నీ ఆధారాలతోనే మా వద్దకు వచ్చింది.. బల ప్రయోగం, బెదిరింపులు, శాంతిభద్రతలకు విఘాతంపై ఆధారాలిచ్చింది.. అలాంటప్పుడు మా న్యాయ సమీక్ష అధికారాన్ని పక్కన పెట్టేయలేం.. కండబలం, దౌర్జన్యం కారణంగా ఎన్నికలు కలుషితమవుతుంటే చేతులు ముడుచుకుని ఉండలేం..విస్తృతమైన హింస వల్ల శాంతి భద్రతలకు విఘాతం కలిగి, దాని కారణంగా నామినేషన్ల దాఖలులో అభ్యర్థులందరికీ సమాన అవకాశాలు లేనప్పుడు, రాష్ట్ర ఎన్నికల సంఘం తన రాజ్యాంగ బాధ్యతను నెరవేర్చనప్పుడు, కోర్టు న్యాయ సమీక్షాధికారాన్ని ఉపయోగించకుండా ఉండలేదు. ఎన్నికల్లో పోటీచేసే అభ్యర్థులందరూ ఎలాంటి ఆటంకం లేకుండా నామినేషన్‌ పత్రాలను దాఖలు చేసేలా చూడటానికి అవసరమైన అన్ని చర్యలు చేపట్టడం కూడా ఖచ్చితంగా ఆ బాధ్యతల్లో భాగమే.నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలను కోర్టు ముందుంచింది. ఎన్నికల విషయాల్లో కోర్టులు జోక్యం చేసుకోకూడదనే నెపంతో మా న్యాయ సమీక్షాధికారాన్ని పక్కన పెట్టేయలేం. ఇలాంటి సందర్భాల్లో ఎన్నికల ప్రక్రియ నిష్పాక్షికంగా, న్యాయబద్ధంగా ముగిసేలా చూడటానికి న్యాయస్థానాల జోక్యం అత్యంత ఆవశ్యకం. ప్రజాస్వామ్యాన్ని, చట్టబద్ధ పాలనను పరిరక్షించడానికి ఎన్నికల ప్రక్రియపై ప్రజల్లో నమ్మకాన్ని కలిగించడం ఎంతో కీలకం.‘ఎన్నికల చట్టాన్ని నిర్దేశించే సూత్రా­లను, వైఎస్సార్‌సీపీ సమర్పించిన ఆధారాలను, ఎలక్ట్రానిక్‌ సాక్ష్యాలను, వినతి పత్రాలను ఈ కోర్టు పరిగణనలోకి తీసుకుంటోంది. ఈ వ్యవహారంలో తగిన ఆదేశాలు జారీ చేయడానికి వైఎస్సార్‌సీపీ మా ముందు ప్రాథమిక ఆధారాలను ఉంచింది. వీటి ఆధారంగా ఈ ఆదేశాలు జారీ చేస్తున్నాం.నామినేషన్‌ కేంద్రాల వద్ద డీజీపీ తగిన పోలీస్‌ బందోబస్తు, సీసీటీవీ నిఘాను ఏర్పాటు చేయాలి. సంబంధిత కేంద్రాలకు నామినేషన్లు వేయడానికి వచ్చే అభ్యర్థులకు అవసరమైన భద్రత కల్పించేలా అన్ని చర్యలు తీసుకోవాలి. – సుప్రీంకోర్టు ధర్మాసనంసాక్షి, అమరావతి/న్యూఢిల్లీ: స్థానిక సంస్థల ఎన్ని­కల్లో అడ్డూ అదుపు లేకుండా భౌతిక దాడులతో పేట్రేగిపో­తున్న అధికార పార్టీ నేతలకు.. వారితో కు­మ్మక్కై శాంతి భద్రతలను గాలికొదిలేసిన పో­లీసు­ల­కు.. పచ్చమూకల స్వైర విహారాన్ని పట్టించుకోని రాష్ట్ర ఎన్నికల కమిషన్‌కు సుప్రీంకోర్టు మూకుమ్మడిగా గడ్డి పెట్టింది. ప్రధాన ప్రతిపక్షం వైఎస్సార్‌సీపీ అభ్యర్థులను నామినేషన్లు కూడా వేయనివ్వకుండా అడ్డుకోవడం.. పార్టీ అభ్యర్థులపై దాడులకు పాల్పడటం.. వారి ఆస్తుల విధ్వంసం లాంటి ఘటనలపై సర్వోన్నత న్యాయస్థానం తీవ్ర విస్మయం వ్యక్తం చేసింది.స్వేచ్ఛగా, ప్రశాంతంగా, ప్రజాస్వామ్యబద్ధంగా జరగాల్సిన ఎన్నికల్లో అడ్డూ అదుపు లేకుండా అధికార పార్టీ నేతలు హింసకు పాల్పడుతుండటంతో పోలీసులు కనీస స్థాయిలో కూడా స్పందించకపోవడం పట్ల తీవ్రస్థాయిలో మండిపడింది. కనీసం ఒక్క కేసు కూడా నమోదు చేయకపోవడాన్ని తీవ్రంగా గర్హించింది. ఎన్నికల ఘర్షణలపై ఇప్పటి వరకు ఒక్క ఫిర్యాదు కూడా రాలేదని పోలీసుల తరఫున ప్రభుత్వ న్యాయవాదు­లు చెప్పడంపై కూడా సుప్రీంకోర్టు తీవ్ర విస్మయం వ్యక్తం చేసింది.‘క్షేత్రస్థాయిలో అంత హింస జరు­గుతుంటే.. నామినేషన్‌ కేంద్రాల వద్ద కనీస స్థాయి­లో శాంతి భద్రతలు లేకుంటే.. ఇక నామినేషన్లు వేయడానికి ఎవరొస్తారు? ఇలాంటి పరిస్థితుల నడుమ ఎన్నికల్లో పోటీ చేయాలనుకునే సామాన్యులు నామినేషన్‌ కేంద్రాల వైపు కన్నెత్తి చూసే ధైర్యం చేయగలరా?’ అని సుప్రీంకోర్టు ధర్మాసనం పోలీసులను నిలదీసింది. ఎన్నికల్లో పోటీ చేయడానికి విపక్షాలతో సహా అందరికీ పూర్తి అవకాశం ఉండి తీరాలని తేల్చి చెప్పింది. ఈ అరాచకాలను అడ్డుకోకుండా నిర్లక్ష్యం వహిస్తే చూస్తూ ఊరుకునేది లేదని అటు పోలీసులు ఇటు రాష్ట్ర ఎన్నికల కమిషన్‌ను సుప్రీంకోర్టు గట్టిగా హెచ్చరించింది. ఎన్నికల సంఘం విఫలమైతే.. కోర్టుల జోక్యం తప్పదు ‘స్వేచ్ఛగా, నిష్పాక్షికంగా ఎన్నికలు నిర్వహించడమనేది రాజ్యాంగ మౌలిక స్వరూపంలో ఓ భాగం. ఎలాంటి అడ్డంకులు లేకుండా ఎన్నికల ప్రక్రియలో పాల్గొనడం, స్వేచ్ఛగా నామినేషన్‌ పత్రాలను దాఖలు చేయడం లాంటివి స్వేచ్ఛాయుత, నిష్పాక్షిక ఎన్నికల ప్రక్రియలో కీలక అంశం. అధికరణ 243 జెడ్‌ ఏ ప్రకారం ఎన్నికలను స్వేచ్ఛగా, నిష్పాక్షికంగా నిర్వహించడం, పర్యవేక్షించడం రాష్ట్ర ఎన్నికల కమిషన్‌కు రాజ్యాంగం అప్పగించిన బాధ్యత.ఎన్నికల్లో పోటీ చేసే అభ్యర్థులందరూ ఎలాంటి ఆటంకం లేకుండా నామినేషన్‌ పత్రాలను దాఖలు చేసేలా చూడటానికి అవసరమైన అన్ని చర్యలు చేపట్టడం కూడా కచ్చితంగా ఆ బాధ్యతల్లో భాగమే. ఎన్నికల విషయాలలో న్యాయస్థానాల ‘న్యాయ సమీక్ష’ అధికారాలు పరిమితం. అయినప్పటికీ.. విస్తృతమైన హింస వల్ల శాంతి భద్రతలకు విఘాతం కలిగి, దాని కారణంగా నామినేషన్ల దాఖలులో అభ్యర్థులందరికీ సమాన అవకాశాలు లేనప్పుడు, రాష్ట్ర ఎన్నికల సంఘం తన రాజ్యాంగ బాధ్యతను నెరవేర్చనప్పుడు, కోర్టు న్యాయ సమీక్షాధికారాన్ని ఉపయోగించకుండా ఉండలేదు’ అని సుప్రీంకోర్టు తేల్చి చెప్పింది. ఎన్నికలు కలుషితమవుతుంటే కోర్టుల జోక్యం తప్పదు ‘న్యాయస్థానాలు సాధారణంగా ఎన్నికల ప్రక్రియ­లో జోక్యం చేసుకోవు. కానీ కండబలం, దౌర్జన్యం కారణంగా ఎన్నికలు కలుషితమవుతుంటే, అలాంటి వాటిని నిరోధించడానికి కోర్టుల జోక్యం తప్ప­దు. అత్యవసరమైనప్పుడు జోక్యం చేసుకోకుండా కోర్టులు చేతులు ముడుచుకుని కూర్చోవు’ అని ధర్మాసనం విస్పష్టంగా తేల్చి చెప్పింది. వైఎస్సార్‌సీపీ సమర్పించిన ఆధారాలను పరిగణనలోకి తీసుకున్నాం ‘ఎన్నికల చట్టాన్ని నిర్దేశించే సూత్రాలను, వైఎస్సార్‌సీపీ సమర్పించిన ఆధారాలను, ఎలక్ట్రానిక్‌ సా­క్ష్యాలను, వినతి పత్రాలను ఈ కోర్టు పరిగణలోకి తీసుకుంటోంది. ఈ వ్యవహారంలో తగిన ఆదేశా­లు జారీ చేయడానికి వైఎస్సార్‌సీపీ మా ముందు ప్రాథమిక ఆధారాలను ఉంచింది. వీటి ఆధారంగా ఈ ఆదేశాలు జారీ చేస్తున్నాం’ అని సుప్రీంకోర్టు పేర్కొంది.అదనపు నామినేషన్‌ కేంద్రాల కోసం వైఎస్సార్‌సీపీ న్యాయ పోరాటం స్థానిక ఎన్నికల్లో ప్రతిపక్ష పార్టీల అభ్యర్థులు నామినేషన్లు వేయకుండా అడ్డుకోవడమే కాకుండా భౌతిక దాడులతో అధికార పార్టీ నేతలు విధ్వంసం సృష్టిస్తున్న నేపథ్యంలో జిల్లా కలెక్టర్‌ లేదా ఎన్నికల అధికారి లేదా ఆర్డీవో వద్ద నామినేషన్లు దాఖలు చేసేలా ఎన్నికల కమిషన్‌ను ఆదేశించాలంటూ వైఎస్సార్‌సీపీ హైకోర్టులో పిటిషన్‌ దాఖలు చేసింది. ఈ వ్యాజ్యంపై విచారణ జరిపిన సింగిల్‌ జడ్జి జస్టిస్‌ మండవ కిరణ్మయి.. అదనపు నామినేషన్‌ కేంద్రాల విషయంలో వైఎస్సార్‌సీపీ అభ్యర్థనను తోసిపుచ్చుతూ ఉత్తర్వులిచ్చారు. ధర్మాసనం ముందు అప్పీల్‌ హైకోర్టు సింగిల్‌ జడ్జి ఉత్తర్వులను సవాలు చేస్తూ వైఎస్సార్‌సీపీ ఇద్దరు న్యాయమూర్తులతో కూడిన హైకోర్టు ధర్మాసనం ముందు శనివారం అత్యవసరంగా హౌస్‌మోషన్‌ రూపంలో అప్పీల్‌ దాఖలు చేసిన విషయం తెలిసిందే. ఈ పిటిషన్‌ను హైకోర్టు ధర్మాసనం కొట్టివేస్తూ ఈ నెల 18న ఉత్తర్వులిచ్చింది. అత్యవసరంగా సుప్రీం తలుపుతట్టిన వైఎస్సార్‌సీపీ హైకోర్టు ధర్మాసనం ఉత్తర్వులను సవాలు చేస్తూ వైఎస్సార్‌సీపీ అత్యవసరంగా సుప్రీంకోర్టును ఆశ్రయించింది. ఈ వ్యాజ్యంపై న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం బుధవారం సుదీర్ఘ విచారణ జరిపింది. వైఎస్సార్‌సీపీ తరఫున సీనియర్‌ న్యాయవాదులు మణీందర్‌ సింగ్, నిఖిల్‌ గోయల్, న్యాయవాది మెహఫూజ్‌ నజ్కీ వాదనలు వినిపించారు. అడుగడుగునా దౌర్జన్యాలు.. అడ్డంకులు స్థానిక ఎన్నికల్లో ప్రతిపక్ష అభ్యర్థులను అధికార పక్షం అడుగడుగునా అడ్డుకున్న తీరును, పోలీసుల ప్రేక్షకపాత్రను వైఎస్సార్‌సీపీ తరఫు న్యాయవాదులు సుప్రీంకోర్టు ధర్మాసనం దృష్టికి తీసుకొచ్చారు. నామినేషన్ల ఘట్టం మొదలైన రోజు నుంచి వరుసగా జరిగిన ఘటనలన్నింటినీ వివరించారు. నామినేషన్ల ప్రక్రియ ఏకపక్షంగా, హింసాత్మకంగా సాగిందని గణాంకాలతో నివేదించారు. రాష్ట్రంలోని 19 పట్టణ స్థానిక సంస్థల్లో మొత్తం 723 వార్డులకు ఎన్నికలు జరుగుతుండగా అధికార పార్టీ దౌర్జన్యం, పోలీసుల కుమ్మక్కు, రాష్ట్ర ఎన్నికల కమిషన్‌ నిస్సహాయత కారణంగా ప్రధాన ప్రతిపక్ష పార్టీ వైఎస్సార్‌సీపీ కేవలం 263 స్థానాల్లో (36.43 శాతం) మాత్రమే నామినేషన్లు వేయగలిగిందని కోర్టుకు వివరించారు. మిగిలిన సుమారు 63.57 శాతం మంది అభ్యర్థులను నామినేషన్లు వేయకుండా అధికార పార్టీ నేతలు, పోలీసులు ఉద్దేశపూర్వకంగా, భౌతికంగా అడ్డుకున్నారని, ఎన్నికల కేంద్రాల వద్ద దౌర్జన్యాలకు పాల్పడ్డారని ధర్మా­సనం దృష్టికి తీసుకొచ్చారు. సిట్టింగ్‌ ఎంపీపై హత్యాయత్నం జరిగితే.. పోలీసులు ఆయనపైనే కేసు పెట్టారు పుంగనూరు, రాయచోటి, మైదుకూరు తదితర ప్రాంతాల్లో అభ్యర్థుల నామినేషన్‌ పత్రాలను లాక్కుని చించేశారని, అడ్డుకోబోయిన వారిపై భౌతిక దాడులకు దిగారని మణీందర్‌ సింగ్‌ తదితరులు సుప్రీం ధర్మాసనానికి నివేదించారు. క్షేత్రస్థాయిలో పరిస్థితిని పర్యవేక్షించేందుకు వెళ్లిన స్థానిక సిట్టింగ్‌ ఎంపీపై ఏకంగా హత్యాయత్నం చేసి, ఆయనకు చెందిన కార్లను తగలబెట్టారని ధర్మాసనం దృష్టికి తెచ్చారు. అయితే విస్మయకరంగా పోలీసులు దాడికి పాల్పడిన వారిపై కాకుండా దెబ్బలు తిన్న బాధితులపైనే హత్యాయత్నం లాంటి అక్రమ కేసులు బనాయించారని కోర్టు దృష్టికి తెచ్చారు. అభ్యర్థులకు రక్షణపై హైకోర్టు ఆదేశాలు బేఖాతర్‌ దాడులకు పాల్పడటంపై ఆన్‌లైన్, ఆఫ్‌లైన్‌ విధానం ద్వారా ఫిర్యాదు చేసినా స్థానిక పోలీసులు, ఎన్నికల అధికారులు కనీసం పట్టించుకోలేదన్నారు. అభ్యర్థులకు తగిన రక్షణ కల్పించాలంటూ హైకోర్టు ఇచ్చిన ఆదేశాలు క్షేత్రస్థాయిలో ఏమాత్రం అమలు కాలేదని ధర్మాసనానికి నివేదించారు. దాడులు, బెదిరింపులు, పోలీసుల నిర్లక్ష్యం వల్ల భారీ ఎత్తున ఏకపక్ష ఏకగ్రీవాలు జరిగే ప్రమాదం ఉందని ఆందోళన వ్యక్తం చేశారు. క్షేత్రస్థాయిలో భద్రత పూర్తిగా లోపించినందున ప్రత్యామ్నాయంగా జిల్లా కేంద్రాల్లో కలెక్టర్ల వద్ద నామినేషన్లు వేసేలా తగిన ఏర్పాట్లు చేయడంతో పాటు లేదా నామినేషన్లు వేయలేకపోయిన వారికి మరో అవకాశం కల్పించేలా నామినేషన్ల గడువును పొడిగించేలా ఎన్నికల సంఘానికి ఆదేశాలు జారీ చేయాలని ధర్మాసనాన్ని అభ్యర్థించారు. పక్కా ఆధారాలతో వచ్చింది.. అలాంటప్పుడు మా అధికారాన్ని ఎలా పక్కన పెడతాం?‘ఎన్నికల సంఘం పర్యవేక్షణ, నియంత్రణ విషయంలో న్యాయస్థానాలు జోక్యం చేసుకోకపోవడం అనే సిద్ధాంతం ఒక అత్యవసరమైన అవసరం నుంచి∙పుట్టుకొచ్చింది. ఎన్నికల ప్రక్రియను నిర్దేశిత కాల పరిమితిలోపు పూర్తి చేయడమన్నది స్వతంత్ర రాజ్యాంగ వ్యవస్థ అయిన ఎన్నికల సంఘం పని. ఇందులో కోర్టులు జోక్యం చేసుకుంటే ఆ ప్రక్రియ సకాలంలో పూర్తి కాదు. ఎన్నికల ప్రక్రియకు సంబంధించిన అన్ని ఫిర్యాదులను లేదా అభ్యంతరాలను ఎన్నికలు పూర్తయిన తర్వాత ‘ఎన్నికల పిటిషన్‌’ ద్వారా మాత్రమే ప్రస్తావించాల్సి ఉంటుంది. అయితే రాష్ట్రంలోని ప్రధాన ప్రతిపక్ష రాజకీయ పార్టీ (వైఎస్సార్‌సీపీ) ఎన్నికల ప్రక్రియ ప్రారంభానికి ముందే హైకోర్టును ఆశ్రయించింది.నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలను కోర్టు ముందుంచింది. ఎన్నికల విషయాల్లో కోర్టులు జోక్యం చేసుకోకూడదనే నెపంతో మా న్యాయ సమీక్షాధికారాన్ని పక్కన పెట్టేయలేం. ఇలాంటి సందర్భాల్లో ఎన్నికల ప్రక్రియ నిష్పాక్షికంగా, న్యాయబద్ధంగా ముగిసేలా చూడటానికి న్యాయస్థానాల జోక్యం అత్యంత ఆవశ్యకం. ప్రజాస్వామ్యాన్ని, చట్టబద్ధ పాలనను పరిరక్షించడానికి ఎన్నికల ప్రక్రియపై ప్రజల్లో నమ్మకాన్ని కలిగించడం ఎంతో కీలకం’ అని సుప్రీంకోర్టు ధర్మాసనం స్పష్టం చేసింది.సుప్రీంకోర్టు ఇచ్చిన ఆదేశాలు ఇవీ శాంతి భద్రతల వల్ల నామినేషన్లు వేయలేని చోట్ల గడువు పెంచండి రాష్ట్ర ఎన్నికల సంఘం అభ్యర్థుల తుది జాబితా ప్రచురణను 25.10.2026 వరకు వాయిదా వేయాలి. ఈలోగా, వైఎస్సార్‌సీపీ లేదా ఇతర అభ్యర్థులు సమర్పించిన వినతిపత్రాలను, అలాగే వారిచ్చిన ఆధారాలను, ఎలక్ట్రానిక్‌ సాక్ష్యాలను రాష్ట్ర ఎన్నికల కమిషన్‌ పరిశీలించాలి. శాంతిభద్రతల సమస్య కారణంగా అభ్యర్థులు తమ నామినేషన్లను వేయలేకపోయారని భావించే పట్టణ స్థానిక సంస్థల్లో నామినేషన్ల దాఖలుకు గడువును పొడిగించేలా నిర్ణయం తీసుకోవాలి. అటువంటి నిర్ణయాన్ని ఎన్నికల కమిషన్‌ కచ్చితంగా రేపటికల్లా (గురువారం) తీసుకోవాలి. ఎక్కడైనా నామినేషన్‌ గడువును పొడిగించాలని నిర్ణయించుకుంటే.. ఆ నిర్ణయాన్ని ప్రచురించిన సమయం నుంచి కనీసం 48 గంటల సమయాన్ని ఎన్నికల నోటిఫికేషన్‌ను సవరించడం ద్వారా పొడిగించాలి. కలెక్టర్‌ వద్ద నామినేషన్లకు ఏర్పాట్లు చేయండి అవసరమైన ప్రదేశాలలో నామినేషన్లు వేయడానికి, జిల్లా కలెక్టర్‌ సమక్షంలో జిల్లా కేంద్రాలలో నా­మినేషన్లు వేసేందుకు అనువుగా రాష్ట్ర ఎన్నికల కమిషన్‌ అదనపు ఏర్పాట్లు చేయాలి. వీటితో పాటు వైఎస్సార్‌సీపీకి, ఎన్నికల్లో పోటీ చేసే అభ్యర్థులకు ఎన్నికల ప్రక్రియలో స్వేచ్ఛగా, నిష్పాక్షికంగా పాల్గొనే అవకాశం ఉందన్న నమ్మకాన్ని కలిగించాలి. వారి అనుమానాలను నివృత్తి చేసేందుకు రాష్ట్ర ఎన్నికల కమిషన్‌ అన్ని అవసరమైన చర్యలు తీసుకోవాలి. తదుపరి విచారణ తేదీ నాటికి మా ఈ ఆదేశాల అమలుకు తీసుకున్న చర్యలను వివరిస్తూ రాష్ట్ర ఎన్నికల కమిషన్‌ ఓ నివేదికను మా ముందుంచాలి. అభ్యర్థులకు అవసరమైన భద్రత కల్పించండి నామినేషన్‌ కేంద్రాల వద్ద డీజీపీ తగిన పోలీస్‌ బందోబస్తు, సీసీటీవీ నిఘాను ఏర్పాటు చేయాలి. సంబంధిత కేంద్రాలకు నామినేషన్లు వేయడానికి వచ్చే అభ్యర్థులకు అవసరమైన భద్రత కల్పించేలా అన్ని చర్యలు తీసుకోవాలి. తదుపరి విచారణ నాటికి ఈ ఆదేశాల అమలు విషయంలో నివేదిక సమర్పించాలి. ఒక్క ఫిర్యాదూ రాలేదన్న ప్రభుత్వం రాష్ట్రప్రభుత్వం తరఫున సీనియర్‌ న్యాయవాదులు ముకుల్‌ రోహత్గీ, సిద్ధార్థ్‌ లుథ్రా వాదనలు వినిపిస్తూ.. ప్రతిపక్షాలకు ఎన్నికల్లో పోటీ చేసే ఆసక్తి లేదన్నారు. ఎన్నికల ఘర్షణలపై ఇప్పటి వరకు ఒక్క ఫిర్యాదు కూడా రాలేదని చెప్పారు. రాష్ట్ర ఎన్నికల కమిషన్‌ తరఫు సీనియర్‌ న్యాయవాది పరమేశ్వరన్‌ స్పందిస్తూ.. అభ్య­ర్థు­లు సరైన ఆధారాలతో వస్తే పరిశీలిస్తామని, ఇప్పటికే అందిన ఫిర్యాదుల నేప­థ్యంలో మైదుకూరు మున్సిపాలిటీలో ఎన్నికను నిలిపివేశామని తెలిపారు. అందరి వాదనలు విన్న ధర్మాసనం అటు ఎన్నికల సంఘానికి, ఇటు పోలీ­సులకు విస్పష్టమైన ఆదేశాలు జారీ చేస్తూ తదుపరి విచారణను ఈ నెల 27కి వాయిదా వేసింది.

ఆంధ్రప్రదేశ్‌లో మున్సిపల్‌ ఎన్నికల పర్వంలో వరసగా మూడురోజులపాటు సాగిన నామినేషన్ల ప్రహసనం గురించి బుధవారం సర్వోన్నత న్యాయస్థానం ఇచ్చిన ఆదేశాలు దేశ చరిత్రలో కనీవినీ ఎరుగనివి. ఒకసారంటూ ఎన్నికల ప్రక్రియ మొదలయ్యాకఅందులో జోక్యం చేసుకోబోమని న్యాయస్థానాలు చెప్పటమే ఇన్నాళ్లూ చూశాం. కానీఆంధ్రప్రదేశ్‌లో సీఎం చంద్రబాబు కనుసన్నల్లో పోలీసులూ, టీడీపీ గూండాలూ ఉమ్మడిగా స్వైరవిహారం చేసి సాగించిన దారుణ దమనకాండను గ్రహించాక ధర్మాసనంలోని న్యాయమూర్తులు ఈ సంప్రదాయాన్ని పక్కనబెట్టక తప్పదని నిర్ణయానికొచ్చారు. నిరుడు పంజాబ్‌లో జరిగిన స్థానిక ఎన్నికల సందర్భంగా రెండు జిల్లాల్లోని వార్డుల్లో ఇలాంటి నిర్ణయం తీసుకోవాల్సి రాగా ఇప్పుడు ఏకంగా ఏపీలోని 19 మున్సిపాలిటీల్లో నామినేషన్ల ప్రక్రియను నిలిపేయాలని, ఫిర్యాదులొచ్చిన ఇతరచోట్ల సైతం నామినేషన్ల గడువు పెంచుతూ నిర్ణయం తీసుకోవాలని ఆదేశించింది. చిత్రమేమంటే ఈ తీర్పు ప్రభావం కూటమి సర్కారుపై లేదా రాష్ట్ర ఎన్నికల సంఘం (ఎస్‌ఈసీ)పై ఏ మాత్రం లేదు. తీర్పు వెలువరిస్తున్న సమయానికీ, ఆ తర్వాతా కూడా వివిధ మున్సిపాలిటీల్లో టీడీపీ మూకల దౌర్జన్యకాండ కొనసాగుతూనే ఉంది. ఈ మూకల అరాచకాన్ని అధిగమించి ఇంతక్రితం నామినేషన్లు వేసినవారు బీ ఫాంలు అందజేయటానికొస్తే వాటినిచించేయటం, నెత్తురోడేలా కొట్టడం, కార్లను ధ్వంసం చేయటం షరా మామూలుగా చోటుచేసుకున్నాయి. తాజాగా ప్రారంభమైన జడ్‌పీటీసీ, ఎంపీటీసీ నామినేషన్ల ఘట్టంలో సైతం టీడీపీ హింసాకాండతో రాష్ట్రం అట్టడుకుతోంది. గూండాయిజం, దౌర్జన్యం వెరపులేకుండా సాగుతోంది. అభ్యర్థితోపాటు ప్రతిపాదకులు మాత్రమే వెళ్తే గొడవలుండవని హితవు పలికిన పోలీసులు... కుట్రపూరితంగా అంతకుముందే టీడీపీ మూకల్ని కార్యాలయాల్లో కూర్చోబెట్టారు. దగ్గరుండి మరీ దాడులు చేయించారు. అధికారుల చేతుల్లోంచి సైతం నామినేషన్‌ పత్రాలు లాక్కొనటం, అభ్యర్థుల్ని నెత్తురోడేలా కొట్టడం, వారు అపస్మారకంలోకి పోవటం చానెళ్ల సాక్షిగా కనబడింది.చిత్తూరు మొదలుకొని వైఎస్సార్‌ కడప, అనంతపురం, రాజంపేట, ప్రకాశం, పల్నాడు, కాకినాడ తదితర జిల్లాల్లో అనేకచోట్ల గూండాల దౌర్జన్యం యధేచ్ఛగా సాగింది. శాంతియుతంగా ఉన్న వైఎస్సార్‌ కాంగ్రెస్‌ కార్యకర్తలపైనే పోలీసులు లాఠీచార్జి చేయటం, ఆడ పోలీసులు మహిళల దుస్తులు చించటంవంటి దుశ్శాసన పర్వం స్థానిక ఎన్నికల్లోనూ కనబడింది. నంద్యాల మున్సిపాలిటీలో ఏకంగా వైఎస్సార్‌ కాంగ్రెస్‌ వార్డు అభ్యర్థి సంతకాన్ని ఫోర్జరీ చేస్తే, దాన్ని అధికారులుఆమోదించి టీడీపీ అభ్యర్థి ఏకగ్రీవంగా నెగ్గినట్టు ప్రకటించారు!లోకంలో దుర్మార్గుల స్వభావం గురించి భర్తృహరి నీతి శతకంలోని పద్యం ‘కారణము లేని కలహంబు కరుణలేమి...’ అంటూ వరసగా ఏకరువు పెడుతుంది. కారణం లేకుండా గొడవ పెట్టుకోవడంతోపాటు ఎవరిపైనా దయ, జాలి చూపకపోవడం, మంచివారిని చూసి ఓర్వలేకపోవడం, దుర్జనులతో సాన్నిహిత్యంవంటివిఅందులో ఉన్నాయి. కానీ ఆ పద్యం చెప్పని మరో లక్షణం చంద్రబాబులో ఉంది. దుర్మార్గులు అధికార పీఠాలెక్కి పరమ పవిత్ర సాధు పుంగవుల్లా సూక్తిముక్తావళి వల్లిస్తారని మాత్రం భర్తృహరి ఊహించలేకపోయాడు. దేశ రాజకీయాల్లో ఇప్పుడు బాహాటంగా గజ్జెకట్టి ఆడుతున్న అనేక దుష్ట పోకడలకు చంద్రబాబు ఆద్యుడు. విద్యార్థిగా విశ్వవిద్యాలయంలో అనుసరించిన దుర్మార్గాలను సీఎంగా ఆంధ్రప్రదేశ్‌లో అమలుచేసి చూపి, ఎన్నో రాష్ట్రాల్లో మాఫియా ముఠాలకు ఆదర్శంగా నిలిచిన జాతకం ఆయనది. బహుశా ప్రధాన ఎన్నికల కమిషనర్‌ జ్ఞానేశ్‌ కుమార్‌ది ఆయన స్కూలే కావొచ్చు! తప్పనిసరై ఎన్నికలు జరపాల్సివచ్చినప్పుడల్లా ‘ఎలాగైనా’ గెలిచి తీరాలన్న యావ తప్ప బాబులో మరొకటి కనబడదు. వృత్తి నిబద్ధతకు తూట్లు పొడవటం, వినయ విధేయస్వామ్యానికి వీరతాళ్లు వేయటం చంద్రబాబుప్రవృత్తి. అవసాన దశకు చేరుకున్న బాబులో ఈ దుర్లక్షణాలు మరింత ప్రకోపించిన వైనం కనబడుతోంది. కానీ ప్రజాస్వామ్యంలో ఏ రోగానికైనా తగిన ‘చికిత్స’ ఉంటుంది. బాబుతోపాటు ఆయన వీరవిధేయులు ఎస్‌ఈసీ పునేఠ, డీజీపీ గుప్తా కూడా దీన్నిగ్రహించటం ఉత్తమం.

సాక్షి, న్యూఢిల్లీ: కేరళ మాజీ సీఎం పినరయి విజయన్‌, ఆయన కుమార్తె వీణా టీ, అల్లుడితో పాటు ఇతరులపై ఉన్న సీఎంఆర్‌ఎల్‌–ఎక్సాలోజిక్‌ కేసులో సుప్రీంకోర్టు కీలక ఆదేశాలు జారీ చేసింది. ఈ కేసులో తదుపరి దర్యాప్తును వారం రోజుల పాటు నిలిపివేసింది. ఈ మేరకు నేడు (బుధవారం) మధ్యంతర ఉత్తర్వులు జారీ చేసింది. అదే సమయంలో ఎన్‌ఫోర్స్‌మెంట్‌ డైరెక్టరేట్‌ (ఈడీ) తన చట్టబద్ధ అధికారాల పరిధిలోనే పనిచేయాలని, ఇతర దర్యాప్తు సంస్థల అధికారాల్లో జోక్యం చేసుకోవద్దని కూడా స్పష్టం చేసింది.“మీరు చట్టం ప్రకారం మీ విధులను నిర్వర్తించండి. ఇతర దర్యాప్తు సంస్థల అధికారాల్లో జోక్యం చేసుకునేలా మీ పరిధిని విస్తరించవద్దు” అని జస్టిస్‌ జాయ్‌మాల్య బాగ్చి వ్యాఖ్యానించారు. కేరళ హైకోర్టు ఆదేశాలను సవాలు చేస్తూ పినరయి విజయన్‌, ఇతరులు దాఖలు చేసిన పిటిషన్లపై సుప్రీంకోర్టు విచారణ చేపట్టింది. ఎఫ్‌ఐఆర్‌ నమోదును నిలిపివేయలేదని, తదుపరి దర్యాప్తును మాత్రమే వారం రోజుల పాటు నిలిపివేసినట్లు ధర్మాసనం స్పష్టం చేసింది. హైకోర్టులో తమ వాదనలు వినిపించుకోవాలని పిటిషనర్లకు సూచించింది.ఈ కేసులో ప్రభుత్వ రంగ సంస్థ సీఎంఆర్‌ఎల్‌.. విజయన్‌ కుమార్తె వీణాకు చెందిన ఎక్సాలోజిక్‌ సొల్యూషన్స్‌ సంస్థకు 2017 నుంచి 2020 మధ్యకాలంలో రూ.2.78 కోట్లకు పైగా చెల్లించినట్లు ఆరోపణలున్నాయి. ఎలాంటి సేవలు అందించకుండానే ఈ చెల్లింపులు జరిగినట్లు ఆరోపిస్తూ ఈడీ కేరళ పోలీసులకు సమాచారం ఇచ్చింది. ఆ సమాచారంతో రాష్ట్రంలో ఎఫ్‌ఐఆర్‌ నమోదైంది.తాజా ఎఫ్‌ఐఆర్‌ ఆధారంగా ఈడీ మరో కేసు నమోదు చేసి, అక్టోబర్‌ 23న విచారణకు హాజరుకావాలని విజయన్‌కు సమన్లు జారీ చేసినట్లు ఆయన తరఫు న్యాయవాదులు కోర్టుకు తెలిపారు. అయితే ఈడీ నమోదు చేసిన తాజా కేసుపై తాము ఎలాంటి అభిప్రాయం వ్యక్తం చేయడం లేదని సుప్రీంకోర్టు పేర్కొంది. ప్రజాప్రతినిధులపై దర్యాప్తు ప్రారంభించే ముందు వర్తించే చట్టపరమైన నిబంధనలు, ఎఫ్‌ఐఆర్‌ నమోదుకు సంబంధించిన విధివిధానాలను హైకోర్టు పరిశీలించాలని ధర్మాసనం సూచించింది. అయితే ఈ కేసులోని అంశాలపై తుది అభిప్రాయం మాత్రం వ్యక్తం చేయలేదని స్పష్టం చేసింది.ఇదీ చదవండి: బిష్ణోయ్‌ కేసు.. కేంద్రం నిబంధనలు అతనికి ఎలా ప్లస్ అవుతున్నాయి?

సాక్షి,అమరావతి : ఏపీ స్థానిక సంస్థల ఎన్నికల ప్రక్రియలో కీలక పరిణామం చోటుచేసుకుంది. రాష్ట్రంలోని 19 మున్సిపాలిటీల్లో ఎన్నికల ప్రక్రియలో కూటమి సర్కార్‌ అరాచకాలపై సుప్రీంకో​ర్టు మొట్టికాయలు వేసింది. ఈ క్రమంలో సదరు మున్సిపాలిటీల్లో అభ్యర్థుల తుది జాబితా ప్రకటనను నిలిపివేస్తున్నట్లు రాష్ట్ర ఎన్నికల కమిషనర్‌ అనిల్‌ చంద్ర పునేఠా ప్రకటించారు.సుప్రీంకోర్టు నుంచి వెలువడిన ఉత్తర్వులు, ఆదేశాలను క్షుణ్ణంగా పరిశీలించిన తర్వాతే తదుపరి చర్యలపై తుది నిర్ణయం తీసుకోనున్నట్లు ఎన్నికల సంఘం స్పష్టం చేసింది. నామినేషన్ల ప్రక్రియలో వివాదాలు, హింసాత్మక ఘటనలు, సుప్రీంకోర్టు జోక్యంతో ఎన్నికల సంఘం ఈ నిర్ణయం తీసుకోవడం చర్చాంశనీయంగా మారింది. సుప్రీంకోర్టు కీలక వ్యాఖ్యలుఏపీ మున్సిపల్ ఎన్నికల నామినేషన్ల ప్రక్రియలో తలెత్తిన వివాదాలు, హింసాత్మక ఘటనలపై సుప్రీంకోర్టు బుధవారం విచారణ జరిపింది. నామినేషన్లు దాఖలు చేయడంలో అభ్యర్థులకు అడ్డంకులు ఎదురయ్యాయంటూ వైఎస్సార్‌సీపీ దాఖలు చేసిన ప్రత్యేక పిటిషన్‌ను విచారించిన జస్టిస్‌ జాయ్‌మాల్య బాగ్చి, జస్టిస్‌ వి. మోహన ధర్మాసనం రాష్ట్ర ఎన్నికల సంఘానికి ,పోలీసు యంత్రాంగానికి కొన్ని స్పష్టమైన ఆదేశాలు జారీ చేసింది. సుప్రీంకోర్టు జారీ చేసిన కీలక ఆదేశాలు 1.హింస జరిగిన 19 మున్సిపాలిటీల్లో నామినేషన్ల గడువు పెంచాలి2.గడువు పెంపుపై 24 గంటల్లోగా రాషష్ట్ర ఎన్నికల సంఘం నిర్ణయం తీసుకోవాలి3.ఈ నెల 25వరకు అభ్యర్థుల తుది జాబితా ప్రకటించొద్దు4.నామినేషన్లు వేసే అభ్యర్థులకు పోలీసులు పటిష్ట భద్రత కల్పించాలి5. వైఎస్సార్‌సీపీ అభ్యర్థులకు నమ్మకం కలిగేలా ఎస్‌ఈసీ చర్యలు తీసుకోవాలి6.అభ్యర్థుల నామినేషన్‌ ప్రక్రియను వీడియో రికార్డ్‌ చేయాలి7.ఒక్క ఫిర్యాదూ రాలేదని ప్రభుత్వం చెబుతుంటే పరిస్థితి అర్థమవుతోంది. 8.ఎన్నికల్లో చెలరేగిన హింస, అక్రమాలపై ప్రాథమిక ఆధారాలున్నాయి9.లా అండ్‌ ఆర్డర్‌ సరిగా లేకపోతే నామినేషన్లు వేయడానికి ఎవరొస్తారు10. ఎన్నికల వ్యవహారాల్లో కోర్టులు చేతులు కట్టేసి ఉన్నాయన్న వాదనతో ఏకీభవించం’ అని స్పష్టం చేసింది.సుప్రీంకోర్టు విచారణలో ప్రధానంగా చర్చించిన 19 మున్సిపాలిటీలు/కార్పొరేషన్లు ఇవే:1.పిడుగురాళ్ల2.గురజాల3.దర్శి4.పుంగనూరు5.మైదుకూరు6.కమలాపురం7.ఎర్రగుంట్ల8.రాయచోటి9.దాచేపల్లి10.గుత్తి11.రాజంపేట12.పులివెందుల13.బద్వేల్‌14.ప్రొద్దుటూరు15.కనిగిరి16.తాడిపత్రి 17.జమ్మలమడుగు18.వైఎస్సార్‌ కడప (కార్పొరేషన్‌)19.తిరుపతి (కార్పొరేషన్‌)ఇదీ చదవండి : బాబు సర్కార్‌కు సుప్రీంకోర్టులో ఎదురుదెబ్బ

సాక్షి,శ్రీకాకుళం: రాష్ట్రంలో రాజ్యాంగబద్ధమైన పాలన జరగడం లేదని, కూటమి సర్కార్ అరాచకాలకు పాల్పడుతోందని వైఎస్సార్‌సీపీ సీనియర్ నేత, మాజీ మంత్రి ధర్మాన ప్రసాదరావు ధ్వజమెత్తారు. శ్రీకాకుళంలో ఆయన మీడియాతో మాట్లాడారు.స్థానిక సంస్థల ఎన్నికల నామినేషన్ల ప్రక్రియలో చోటుచేసుకున్న పరిణామాలపై వైఎస్సార్‌సీపీ దాఖలు చేసిన పిటిషన్‌పై సుప్రీంకోర్టు కీలక ఆదేశాలు జారీ చేసింది. హింస చెలరేగిన 19 మున్సిపాలిటీల్లో నామినేషన్ల గడువు పెంచాలని, అభ్యర్థులకు తగిన భద్రత కల్పించాలని సుప్రీంకోర్టు డీజీపీని,రాష్ట్ర ఎన్నికల సంఘాన్ని ఆదేశించింది.సుప్రీంకోర్టు ఆదేశాలపై ధర్మాన ప్రసాద్‌ రావు స్పందించారు. ‘రాష్ట్రంలో పోలీసు వ్యవస్థ సరిగ్గా పనిచేయడం లేదు. ఎన్నికల సంఘం కూడా స్వేచ్ఛగా పనిచేయని దుస్థితి నెలకొంది. ఎన్నికల సమయంలో నిష్పక్షపాతంగా వ్యవహరించాల్సిన పోలీసు వ్యవస్థ ఏకపక్షంగా పనిచేయడం దేశద్రోహంతో సమానం. అభ్యర్థులు స్వేచ్ఛగా నామినేషన్లు వేసుకునేలా చూడాలని సుప్రీంకోర్టు డీజీపీని నేరుగా ఆదేశించడాన్ని వైఎస్సార్‌సీపీ స్వాగతిస్తోంది.రాష్ట్రంలో రాజ్యాంగ విరుద్ధమైన పాలన సాగుతోందని కోర్టులే స్పష్టంగా గుర్తించాయి. ఈ విధంగా పాలన సాగిస్తున్నవారు వెంటనే రాజీనామా చేసి వెళ్లిపోవాలి. ఇది కేవలం ఎన్నికకు సంబంధించిన అంశం కాదు. రాష్ట్ర సమగ్ర పాలన, ప్రజాస్వామ్య భవిష్యత్తుకు సంబంధించిన కీలక విషయం’అని ధర్మాన స్పష్టం చేశారు.ఇదీ చదవండి : చంద్రబాబు సర్కార్‌పై పిన్నెల్లి ఆగ్రహం

సాక్షి, న్యూఢిల్లీ: ఎన్నికల్లో పోటీ చేసే అభ్యర్థులు తమ నామినేషన్‌ అఫిడవిట్లలో తప్పుడు సమాచారం ఇచ్చినా, వాస్తవాలను దాచిపెట్టినా ఇకపై సాధారణ ఓటర్లు సైతం నేరుగా కోర్టుల ద్వారా క్రిమినల్‌ కేసులు నమోదు చేయవచ్చు. ప్రజాప్రాతినిధ్య చట్టం–1951లోని సెక్షన్‌ 125ఏ కింద ప్రైవేట్‌ వ్యక్తులు దాఖలు చేసే ఫిర్యాదులను కోర్టులు స్వీకరించవచ్చని సుప్రీంకోర్టు తేల్చిచెప్పింది. ఇలాంటి కేసుల్లో కేవలం ఎన్నికల సంఘం లేదా సంబంధిత ప్రభుత్వ అధికారులు మాత్రమే ఫిర్యాదు చేయాలనే నిబంధన ఏదీ లేదని స్పష్టం చేసింది. కర్ణాటకకు చెందిన ఓ ఎమ్మెల్యే కేసు విచారణ సందర్భంగా జస్టిస్‌ దీపాంకర్‌ దత్తా, జస్టిస్‌ షీల్‌ నాగులతో కూడిన ధర్మాసనం ఈ మేరకు ఇటీవల స్పష్టతనిచ్చింది. ఆ నిబంధన ఇక్కడ వర్తించదు..ఎన్నికల అఫిడవిట్లలో తప్పుడు సమాచారం ఇచ్చే అభ్యర్థుల వ్యవహారం క్రిమినల్‌ ప్రొసీజర్‌ కోడ్‌ (సీఆర్‌పీసీ)లోని సెక్షన్‌ 195(1) పరిధిలోకి రాదని ధర్మాసనం తెలిపింది. కొన్ని నిర్దిష్ట నేరాలకు సంబంధించి ప్రభుత్వ అధికారులు మాత్రమే ఫిర్యాదు చేయాలని సెక్షన్‌ 195(1) చెబుతోంది. అయితే, ప్రజాప్రాతినిధ్య చట్టంలోని సెక్షన్‌ 125ఏ కింద నమోదయ్యే ఉల్లంఘనలకు ఇది వర్తించదని తేల్చింది. అభ్యర్థులు ఉద్దేశపూర్వకంగా తప్పుడు సమాచారం ఇస్తే శిక్షించేందుకు ఉద్దేశించిన సెక్షన్‌ 125ఏను సీఆర్‌పీసీ సెక్షన్‌ 195 జాబితాలో చేర్చలేదని గుర్తుచేసింది. చట్టసభల ఉద్దేశం స్పష్టం ప్రజాప్రాతినిధ్య చట్టంలోని సెక్షన్‌ 125ఏ నిబంధనను 2002లో తీసుకురాగా, సీఆర్‌పీసీలోని సెక్షన్‌ 195 నిబంధనను 2006లో సవరించారు. ఎన్నికల్లో లబ్ధి పొందేందుకు తప్పుడు సమాచారం ఇచ్చే అభ్యర్థులపై అధికారులే ఫిర్యాదు చేయాలని చట్టసభలు భావించి ఉంటే, ఆ మేరకు సీఆర్‌పీసీ సెక్షన్‌ 195లో సెక్షన్‌ 125ఏను కూడా చేర్చి ఉండేవారని ధర్మాసనం వ్యాఖ్యానించింది. చట్టసభలు ఉద్దేశపూర్వకంగానే దాన్ని మినహాయించినట్లు పరిగణించాలని వివరించింది. అఫిడవిట్లలో తప్పుడు సమాచారం ఇస్తే ఇతర చట్టాలతో సంబంధం లేకుండా శిక్షలు అమలు అవుతాయని సెక్షన్‌ 125ఏలో ఉన్న నిబంధనను ఈ సందర్భంగా ప్రస్తావించింది. ప్రైవేట్‌ వ్యక్తులు ఈ సెక్షన్‌ కింద ఫిర్యాదు చేయకూడదని ఏ చట్టంలోనూ లేదని కుండబద్దలు కొట్టింది.

లేహ్‌: జమ్మూకశ్మీర్‌ హైకోర్టు బెంచ్‌ను లద్దాఖ్‌లో ఏర్పాటు చేయడం చరిత్రాత్మకమని సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ వ్యాఖ్యానించారు. ఆదివారం లేహ్‌లోని మెలాంగ్‌ధోంగ్‌లో జమ్మూకశ్మీర్‌ ఉన్నతన్యాయస్థానం లద్దాఖ్‌ బెంచ్‌ను ఆయన ప్రారంభించారు. ‘‘ఇకపై లేహ్, కార్గిల్‌ వాసులు సత్వర న్యాయం కోసం వ్యవప్రయాసల కోర్చి సుదూరాలకు వెళ్లాల్సిన పనిలేదు. లేహ్‌లోనే రాష్ట్ర బెంచ్‌ను ఆశ్రయించవచ్చు’’ అని సీజేఐ అన్నారు. ‘‘న్యాయవాదులు సైతం ఢిల్లీ దాకా రావాల్సిన అవసరం లేదు. సుప్రీంకోర్టులో కేసుల లిస్టింగ్‌ను లేహ్‌లోని కోర్టు నుంచి చేయవ్చు. సుప్రీంకోర్టులో కేసులను ఇక్కడి నుంచే వర్చువల్‌గా వాదించవచ్చు’’ అని చెప్పారు. 1870లోనే లేహ్‌లో ఒక ప్రత్యేక కోర్టు ఏర్పాటైన విషయాన్ని ఆయన గుర్తుచేశారు. ‘‘ఆ వ్యవస్థ కాలగర్భంలో కలిసిపోయిన తర్వాత భౌగోళిక సవాళ్ల కారణంగా దాదాపు వందేళ్లుగా ఇక్కడి ప్రజలు ఇబ్బందులు పడ్డారు. 2019లో లద్దాఖ్‌ కేంద్రపాలిత ప్రాంతంగా మారిన తర్వాత హైకోర్టు పేరులో లద్దాఖ్‌ను చేర్చడం ముఖ్యమైన అడుగే అయినప్పటికీ, నామమాత్రపు ప్రయోజనానికే పరిమితమైంది. కోర్టు లెటర్‌ హెడ్‌ మీద పేరు ఉండటం వేరు, అందరికీ అందుబాటులోకి కోర్టు రావటం వేరు. ఆధునిక సాంకేతిక పరిజ్ఞానంతో న్యాయసాయం ఇప్పుడిక చేరువలోకి వచ్చింది’’ అని సీజేఐ అన్నారు.

సాక్షి, న్యూఢిల్లీ: ఇంటర్నెట్‌ను ఉపయోగించుకోవడం పిల్లల ప్రాథమిక హక్కు అని సుప్రీంకోర్టు తేల్చిచెప్పింది. వారికి ఇంటర్నెట్‌ సేవలను దూరం చేయడం సరికాదని స్పష్టంచేసింది. ‘జస్ట్‌ రైట్స్‌ ఫర్‌ చిల్డ్రన్‌ అలయెన్స్‌’ అనే స్వచ్ఛంద సంస్థ దాఖలు చేసిన పిటిషన్‌పై జస్టిస్‌ జేబీ పార్దివాలా, జస్టిస్‌ కె.వినోద్‌ చంద్రన్‌ల సుప్రీంకోర్టు ధర్మాసనం ఈ నెల 15న విచారణ చేపట్టింది. నేటి డిజిటల్‌ యుగంలో విద్య, విజ్ఞాన సముపార్జనకు ఇంటర్నెట్‌ అత్యంత కీలక సాధనమని గుర్తుచేసింది. ఈ విషయంలో గతంలో ఇచ్చిన తీర్పులను ప్రస్తావించింది. నూతన ఆలోచనలు, సృజనాత్మక వ్యక్తీకరణకు, సమాచారం పొందడానికి ఇంటర్నెట్‌ అత్యవసరమని పేర్కొంది. రాజ్యాంగంలోని ఆర్టికల్‌ 21 ప్రకారం ఇంటర్నెట్‌ను పొందే, ఉపయోగించుకునే హక్కు ప్రతి ఒక్కరికీ ఉందని వెల్లడించింది. అది ప్రతి ఒక్కరి ప్రాథమిక హక్కు అని చెప్పడానికి తమకు ఎలాంటి సంకోచం లేదని తెలియజేసింది. మన పిల్లలు వయస్సుతో సంబంధం లేకుండా అవే హక్కులను అనుభవిస్తారని వ్యాఖ్యానించింది. పిల్లలకు హక్కులను పూర్తిగా నిరాకరించడం అనేది అసంబద్ధం అని స్పష్టంచేసింది. ఆ హక్కును కాలరాయకూడదు ఆన్‌లైన్‌లో పిల్లలకు ఎదురయ్యే సైబర్‌ బెదిరింపులు, అశ్లీల కంటెంట్, ఇతర హానికరమైన అంశాలను సాకుగా చూపి ఇంటర్నెట్‌ను పూర్తిగా నిరాకరించడం ఏమాత్రం తగదని సుప్రీంకోర్టు ధర్మాసనం అభిప్రాయపడింది. ఇంటర్నెట్‌కు దూరంగా ఉంచడం వల్ల పిల్లలు ఆధునిక విద్యా విధానాలకు, ప్రపంచస్థాయి సమాచారానికి దూరం అవుతారని పేర్కొంది. ఇంటర్నెట్‌ ద్వారా ఎదురయ్యే సవాళ్లను ఎదుర్కోవడానికి పటిష్టమైన నియంత్రణ వ్యవస్థలను తీసుకురావాలి తప్ప సాంకేతికతను వినియోగించుకునే హక్కును కాలరాయకూడదని సూచించింది. ముప్పు ఉందనే భయంతో జ్ఞానాన్ని దూరం చేయడం రాజ్యాంగ విరుద్ధమని వెల్లడించింది. విద్యాభివృద్ధికి ఇంటర్నెట్‌ కీలకం కరోనా తదనంతర పరిస్థితుల్లో విద్యావ్యవస్థ ఆన్‌లైన్‌ వైపు మళ్లిన విషయాన్ని ధర్మాసనం గుర్తుచేసింది. ఆన్‌లైన్‌ తరగతులు, అసైన్‌మెంట్లు, ప్రాజెక్టుల కోసం విద్యార్థులు ఇంటర్నెట్‌పైనే ఆధారపడుతున్నారని తెలిపింది. ఇలాంటి పరిస్థితుల్లో ఇంటర్నెట్‌ నిరాకరణ పిల్లల విద్యాభివృద్ధిని, వ్యక్తిగత ఎదుగుదలను అడ్డుకోవడమే అవుతుందని స్పష్టం చేసింది. రాజ్యాంగం కల్పించిన జీవించే హక్కు, భావ ప్రకటనా స్వేచ్ఛలో భాగంగా ఇంటర్నెట్‌ వినియోగం ప్రాథమిక హక్కు కిందికే వస్తుందని, ఇది చిన్నారులకూ సమానంగా వర్తిస్తుందని న్యాయస్థానం తన తీర్పులో తెలియజేసింది. ఈ మేరకు 137 పేజీల ఉత్తర్వు జారీ చేసింది. డిజిటల్‌ సాధికారత సాధించే క్రమంలో చిన్నారుల హక్కులను పరిరక్షించడం ప్రభుత్వాల ప్రథమ కర్తవ్యమని నొక్కిచెప్పింది.

న్యూఢిల్లీ: మైనర్లతో చిత్రీకరించే అసభ్యకరమైన దృశ్యాలు, కంటెంట్‌ను అరికట్టడంలో సోషల్‌ మీడియా వేదికలు వైఫల్యం చెందడాన్ని సుప్రీంకోర్టు తీవ్రంగా పరిగణించింది. పిల్లలకు హాని కలిగించే కంటెంట్‌ను ప్రత్యక్షంగా, పరోక్షంగా అందించకుండా, అప్‌లోడ్‌ చేయకుండా, ప్రచారం చేయకుండా కఠిన చర్యలు తీసుకోవాలని ఆదేశించింది. 2024లో జారీ చేసిన ఆదేశాలను సోషల్‌ మీడియా వేదికలు పాటించడం లేదని తాము పదేపదే ప్రస్తావించినప్పటికీ ఎటువంటి చర్యలూ తీసుకోలేదని జస్టిస్‌ జేబీ పార్దివాలా, జస్టిస్‌ కె.వినోద్‌ చంద్రన్‌ల ధర్మాసనం ఆక్షేపించింది. పోక్సో చట్టంలోని సెక్షన్‌ 15, ఐటీ చట్టంలోని సెక్షన్‌ 67బీల నుంచి తప్పించుకునేలా హానికరమైన కంటెంట్‌కు సంబంధించిన పరోక్ష లింక్‌లను సోషల్‌ మీడియా అల్గారిథమ్‌ల ద్వారా ప్రచారం చేస్తున్నారని, పంచుకుంటున్నారని గుర్తుచేసింది. తాము తీర్పు వెలువరించి రెండేళ్లకు పైగా గడిచినప్పటికీ చెప్పుకోదగ్గ పురోగతి ఏదీ కనిపించడం లేదని తప్పుపట్టింది. ఈ స్వచ్ఛంద సంస్థ దాఖలు చేసిన పిటిషన్‌పై ధర్మాసనం ఈ నెల 15న విచారణ చేపట్టింది. నియంత్రణ సంస్థలు లేదా సోషల్‌ మీడియా యాజమాన్యాలు చిత్తశుద్ధితో చొరవ చూపకపోవడంతో ఈ వ్యవహారాలను తాము స్వయంగా తమ చేతుల్లోకి తీసుకోవడం తప్ప మరో మార్గం లేకపోయిందని స్పష్టంచేసింది. మన పిల్లల భద్రత, సంక్షేమానికి సంబంధించి ఇటీవల వచి్చన వార్తా కథనాలు మరింత ఆందోళనకరమైన వాస్తవాలను వెల్లడిస్తున్నాయని తెలిపింది. తమ ముందు ఉంచిన ఆ వార్తా కథనాలను చూసి తీవ్ర విచారం వ్యక్తం చేసింది. నిబంధనలను ఉల్లంఘిస్తే జరిమానా బాలల లైంగిక దోపిడీకి సంబంధించిన ఏ అంశాన్ని గానీ సోషల్‌ మీడియాలో అందుబాటులోకి తీసుకురావడానికి వీల్లేదని తేల్చిచెప్పింది. పిల్లల సురక్షిత భవిష్యత్తు కోసం ఆచరణీయమైన వ్యవస్థను ఏర్పాటు చేయాలని ఆదేశించింది. ఆన్‌లైన్‌ వేదికలపై పిల్లల డేటా ప్రైవసీ దెబ్బతినకుండా చట్టాలను మరింత కఠినతరం చేయాల్సిన అవసరం ఉందని వ్యాఖ్యానించింది. ఆన్‌లైన్‌ వేధింపుల కేసుల్లో తక్షణమే స్పందించేలా ప్రత్యేక యంత్రాంగాన్ని బలోపేతం చేయాలని పేర్కొంది. పిల్లల భవిష్యత్తును దృష్టిలో ఉంచుకుని సాంకేతికతను సురక్షితంగా, బాధ్యతాయుతంగా వాడుకునేలా జాతీయ స్థాయిలో సమగ్ర మార్గదర్శకాలను రూపొందించాలని కేంద్ర ప్రభుత్వాన్ని సర్వోన్నత న్యాయస్థానం ఆదేశించింది. ఐటీ చట్టం, ఐటీ నిబంధనలను ఉల్లంఘించినవారికి జరిమానా విధించే అంశాన్ని పరిశీలించాలని సూచించింది. అసభ్యకరమైన కంటెంట్‌ను ప్రసారం చేస్తూ ఏదైనా సబ్‌్రస్కిప్షన్‌ ద్వారా సోషల్‌ మీడియా వేదికలు ఆదాయాన్ని పొందినట్లయితే ఆ ఆదాయాన్ని జప్తు చేసేలా చర్యలు చేపట్టాలని వెల్లడించింది.

సాక్షి,బెంగ‌ళూరు: నేషనల్ లా స్కూల్ ఆఫ్ ఇండియా యూనివర్సిటీ (ఎన్ఎల్ఎస్ఐయూ) 34వ స్నాతకోత్సవంలో భారత ప్రధాన న్యాయమూర్తి జస్టిస్ సూర్యకాంత్ సంచలన వ్యాఖ్యలు చేశారు. శనివారం జరిగిన ఈ స్నాతకోత్సవ వేడుకకు ఆయన ముఖ్య అతిథిగా హాజరయ్యారు.ఈ సందర్భంగా జస్టిస్ సూర్యకాంత్ మాట్లాడుతూ.. యూనివర్సిటీ పవిత్రతను దెబ్బతీసేందుకు, విద్యార్థుల భవిష్యత్తుపై నీళ్లు చల్లేందుకు బయటి శక్తులు తెరవెనుక ప్రయత్నాలు చేశాయని మండిపడ్డారు. ఎంతమంది అడ్డుకోవాలని చూసినా, చివరకు చెడుపై మంచి గెలుస్తుందని, నిజాయితీపరులదే అంతిమ విజయమని వ్యాఖ్యానించారు.కొత్తగా పట్టాలు అందుకుంటున్న యువ న్యాయవాదులు కేవలం చట్టాలను చదవడమే కాకుండా, విభిన్న అభిప్రాయాలను గౌరవించే తత్త్వాన్ని, మేధో స్వతంత్రతను అలవర్చుకోవాలని పిలుపునిచ్చారు. అవతలి వారి వాదన వినకుండా తొందరపడి ఎలాంటి నిర్ణయాలకు రావద్దని హితవు పలికారు. ఈ ఏడాది ఆగస్టులో జరగాల్సిన ఎన్ఎల్ఎస్ఐయూ స్నాతకోత్సవ వేడుకల నిర్వహణపై తీవ్ర ప్రతిష్టంభన ఏర్పడింది. ముఖ్య అతిథిగా సుప్రీంకోర్టు ప్రధాన న్యాయమూర్తి జస్టిస్ సూర్యకాంత్, బార్ కౌన్సిల్ ఆఫ్ ఇండియా చైర్మన్ మానన్ కుమార్ మిశ్రాను ఆహ్వానించడాన్ని వ్యతిరేకిస్తూ ఎన్‌ఎల్‌ఎస్‌ఐయూ విద్యార్థులు, గ్రాడ్యుయేట్లు, పూర్వ విద్యార్థులు కలిసి ఓపెన్ లెటర్ విడుదల చేశారు.గతంలో హైదరాబాద్‌లోని నల్సార్ యూనివర్సిటీ విద్యార్థులు తమ క్యాంపస్‌ను సందర్శించనున్న సీజేఐ పర్యటనను వ్యతిరేకించారు. దీనిపై స్పందించిన బీసీఐ, నల్సార్‌కు చెందిన 2026 గ్రాడ్యుయేటింగ్ విద్యార్థులు ఎలాంటి న్యాయవాద వృత్తి నమోదు (ఎన్‌రోల్‌మెంట్) చేసుకోకుండా నిషేధిస్తూ ఆదేశాలు జారీ చేసింది. అయితే, దీనిపై దేశవ్యాప్తంగా తీవ్ర నిరసనలు వెల్లువెత్తడంతో ఆ ఉత్తర్వులను బీసీఐ వెనక్కి తీసుకుంది.విద్యార్థుల భావప్రకటన స్వేచ్ఛను అణచివేసేలా బీసీఐ వ్యవహరించిన తీరును, దానికి నాయకత్వం వహించిన బీసీఐ చైర్మన్‌ను ఎన్‌ఎల్‌ఎస్‌ఐయూ విద్యార్థులు తప్పుబట్టారు. అలాంటి వ్యక్తులను యూనివర్సిటీ స్నాత కోత్సవానికి ఆహ్వానించి విద్యార్థులకు డిగ్రీలు ప్రదానం చేయడం తమను అవమానించడమేనని వాదించారు.చివరకు విజయవంతంగా వేడుక విద్యార్థుల నుంచి వ్యక్తమైన తీవ్ర వ్యతిరేకత, నిరసనల కారణంగా ఆగస్టు చివరి వారంలో జరగాల్సిన ఈ స్నాతకోత్సవం అప్పట్లో రద్దయింది. విద్యార్థులకు డిగ్రీలను నేరుగా హాజరుకాకుండా అందజేస్తామని యూనివర్సిటీ తెలిపింది. అయితే అన్ని అడ్డంకులను దాటుకుని తాజాగా ఈ వేడుకను విజయవంతంగా నిర్వహించారు.ఇదీ చ‌ద‌వండి : నల్సార్‌ గ్రాడ్యుయేట్ల ఎన్‌రోల్‌మెంట్‌ నిలిపేయం

సాక్షి,న్యూఢిల్లీ: ఇంటర్నెట్‌ను వినియోగించే హక్కు పిల్లలతో సహా ప్రతి ఒక్క వ్యక్తికి ఉందని సుప్రీంకోర్టు స్పష్టం చేసింది. రాజ్యాంగంలోని ఆర్టికల్ 21, 19(1)(a) ప్రకారం ఇంటర్నెట్‌ వాడటం ప్రాథమిక హక్కు అని కోర్టు పేర్కొంది. పిల్లల వయసు ఆధారంగా ఇంటర్నెట్ వినియోగంపై పూర్తిస్థాయి నిషేధం విధించేందుకు నిరాకరించింది.జస్టిస్ జేబీ పార్దివాలా, జస్టిస్ కేవీ చంద్రన్‌లతో కూడిన ధర్మాసనం తాజాగా ఈ వ్యాఖ్యలు చేసింది. సోషల్ మీడియా వేదికల్లో పిల్లలపై లైంగిక వేధింపులకు సంబంధించిన కంటెంట్ వ్యాప్తిని అరికట్టడంలో నిర్లక్ష్యం జరుగుతోందన్న పిటిషన్లపై విచారణ సందర్భంగా ఈ అభిప్రాయాన్ని వెల్లడించింది.పిల్లల భద్రతతో పాటు వారి స్వేచ్ఛ కూడా ముఖ్యమేనని కోర్టు పేర్కొంది. ఇంటర్నెట్‌పై నిషేధం విధించడం కంటే తల్లిదండ్రుల నియంత్రణలు, సోషల్ మీడియాలో చైల్డ్ మోడ్, అభ్యంతరకర కంటెంట్ తొలగింపు వంటి చర్యలను కఠినంగా అమలు చేయాలని సూచించింది.పిల్లలపై లైంగిక వేధింపులకు సంబంధించిన కంటెంట్‌ను గుర్తించి తొలగించేందుకు కేంద్ర ప్రభుత్వం జాతీయ డేటాబేస్‌ను రూపొందించాలని ఆదేశించింది. అలాంటి కంటెంట్‌కు సంబంధించిన URL, డిజిటల్ గుర్తింపులను నమోదు చేసి, వాటి వ్యాప్తిని అడ్డుకునేందుకు మార్గదర్శకాలు రూపొందించాలని స్పష్టం చేసింది.పిల్లల రక్షణ విషయంలో అధికారులు, సోషల్ మీడియా సంస్థలు మరింత బాధ్యతగా వ్యవహరించాలని ధర్మాసనం పేర్కొంది. పిల్లలకు సురక్షితమైన ఇంటర్నెట్‌ అందించడంతోపాటు, వారి ప్రాథమిక హక్కులను కాపాడాల్సిన అవసరం ఉందని సుప్రీంకోర్టు స్పష్టం చేసింది.ఇదీ చదవండి: నితీశ్ కుమార్‌కు ఎలాంటి నేరస్తులతోనూ సంబంధాలు లేవు : జేడీయూ

న్యాయ వ్యవస్థలో ఓ అరుదైన పరిణామం చోటుచేసుకుంది. ప్రజలకు న్యాయం అందించాల్సిన న్యాయమూర్తులే.. ఓ సమస్య పరిష్కారం కోసం నిరసనకు దిగుతామని హెచ్చరించాల్సి వచ్చింది. ఈ క్రమంలోనే అధికారుల తీరుపై సుప్రీంకోర్టు ధర్మాసనం తీవ్ర అసహనం వ్యక్తం చేసింది. అయితే అది వాడీవేడిగా సాగుతున్న తాజా పరిణామాలపై మాత్రం కాదు.ఫుట్‌పాత్‌ లేదు.. రోడ్డు దాటేందుకు క్రాసింగ్‌ లేదు.. పాదచారుల భద్రతపై అధికారుల నిర్లక్ష్యానికి సుప్రీంకోర్టు తీవ్ర అసహనం వ్యక్తం చేసింది. ఢిల్లీ హైకోర్టు ప్రధాన గేటు వద్ద సమస్య పరిష్కారం కాకపోతే తామే రంగంలోకి దిగుతామని న్యాయమూర్తులు హెచ్చరించారు. తదుపరి విచారణలోగా పనులు పూర్తి చేయకపోతే అక్కడే బైఠాయించి ధర్నా చేపడతామని స్పష్టం చేశారు.జస్టిస్‌ జేబీ పార్దివాలా, జస్టిస్‌ కేవీ వినోద్‌ చంద్రన్‌లతో కూడిన ధర్మాసనం పాదచారుల సమస్యపై అధికారుల తీరును తప్పుబట్టింది. అదనపు సొలిసిటర్‌ జనరల్‌ విక్రమ్‌జిత్‌ బెనర్జీని ఉద్దేశించి.. సమస్య పరిష్కారం కాకపోతే ఢిల్లీ హైకోర్టు గేటు వద్ద ధర్నాకు దిగుతామని, పని పూర్తయ్యే వరకు ఇంటికి వెళ్లబోమని వ్యాఖ్యానించింది. అవసరమైతే ఢిల్లీ ప్రభుత్వ ప్రధాన కార్యదర్శిని కూడా వ్యక్తిగతంగా కోర్టుకు పిలిపిస్తామని హెచ్చరించింది.పాదచారుల భద్రత ప్రాథమిక హక్కురాజ్యాంగంలోని ఆర్టికల్‌ 21 కల్పించిన జీవించే హక్కు, ఆర్టికల్‌ 19(1)(d)లోని సంచార స్వేచ్ఛలో సురక్షితంగా నడిచే హక్కు కూడా భాగమని సుప్రీంకోర్టు స్పష్టం చేసింది. ఫుట్‌పాత్‌లపై ఆక్రమణలు తొలగించాలని, విద్యుత్‌ స్తంభాలు, చెత్త, అక్రమ పార్కింగ్‌ వంటి అడ్డంకులను తొలగించి పాదచారులకు ఇబ్బందులు లేకుండా చూడాలని ఆదేశించింది. ఫుట్‌పాత్‌ల నిర్మాణం, నిర్వహణను రహదారుల అభివృద్ధిలో తప్పనిసరి అంశంగా పరిగణించాలని పేర్కొంది.దేశంలోని ఐదు నగరాల్లో ఫుట్‌పాత్‌ల అభివృద్ధికి పైలట్‌ ప్రాజెక్టు చేపట్టాలని, భద్రతా తనిఖీలు నిర్వహించాలని, ప్రజలు ఫిర్యాదు చేసేందుకు ఆన్‌లైన్‌ వ్యవస్థ ఏర్పాటు చేయాలని కూడా సూచించింది. వాహనాల రాకపోకలకే ప్రాధాన్యమివ్వకుండా.. ప్రజలు సురక్షితంగా నడిచేలా మౌలిక సదుపాయాలు కల్పించాలని అధికారులకు సుప్రీంకోర్టు స్పష్టం చేసింది.ఇదీ చదవండి: మోదీ గద్దె దిగాలి.. అదీ ప్రజాస్వామ్యబద్ధంగానే: ప్రకాశ్‌ రాజ్‌

సాక్షి, న్యూఢిల్లీ: పండుగ సీజన్లు, సెలవులు, రద్దీ సమయాలను ఆసరాగా చేసుకొని ప్రైవేటు విమానయాన సంస్థలు ఇష్టారాజ్యంగా వసూలు చేస్తున్న చార్జీల దోపిడీకి త్వరలో చెక్‌ పడనుంది. ప్రయాణ చార్జీలను నియంత్రించేందుకు ఉద్దేశించిన కొత్త నిబంధనల రూపకల్పన తుది దశకు చేరుకుంది. వీటికి ఇప్పటికే పాలనాపరమైన ఆమోదం లభించిందని, రెండు వారాల్లో అధికారికంగా నోటిఫికేషన్‌ ద్వారా వెలువరిస్తామని కేంద్ర ప్రభుత్వం శుక్రవారం సుప్రీంకోర్టుకు తెలిపింది. ఈ నిబంధనల కాపీని తదుపరి విచారణ తేదీ అయిన నవంబర్‌ 16 నాటికి తమ ముందు ఉంచాలని అత్యున్నత న్యాయస్థానం కేంద్ర ప్రభుత్వాన్ని ఆదేశించింది. ధర్మాసనం ముందు కేంద్రం నివేదన.. ప్రైవేటు విమానయాన సంస్థలు అల్గారిథం ఆధారిత డైనమిక్‌ ప్రైసింగ్‌ విధానంతో విమాన చార్జీలను విపరీతంగా పెంచేస్తూ ప్రయాణికులను దోచుకుంటున్నాయని ఆరోపిస్తూ ఎస్‌.లక్ష్మినారాయణన్‌ వేసిన పిల్‌పై జస్టిస్‌ విక్రమ్‌ నాథ్, జస్టిస్‌ ఆర్‌.మహదేవన్, జస్టిస్‌ అపరేష్‌ సింగ్‌ల ధర్మాసనం విచారణ చేపట్టింది. చార్జీల నియంత్రణ నిబంధనలు ఖరారయ్యాయని విచారణ సందర్భంగా కేంద్ర ప్రభుత్వం తరఫున సొలిసిటర్‌ జనరల్‌ తుషార్‌ మెహతా తెలిపారు. ఈ నిబంధనలు ప్రచురించేందుకు పాలనాపరమైన ఆమోదం కూడా పూర్తయిందని వెల్లడించారు. ఈ వాదనలు పరిగణనలోకి తీసుకున్న ధర్మాసనం తదుపరి విచారణను నవంబర్‌ 16కు వాయిదా వేస్తూ, అప్పటికల్లా ప్రచురితమైన ఆ కొత్త నిబంధనలను తమ ముందు ఉంచాలని ఆదేశించింది. పండుగ వేళ ఆగని దోపిడీ ప్రభుత్వం నిబంధనల రూపకల్పనలో చేస్తున్న జాప్యాన్ని పిటిషనర్‌ తరఫు సీనియర్‌ న్యాయవాది రవీంద్ర శ్రీవాస్తవ, అడ్వకేట్‌ ఆన్‌ రికార్డ్‌ చారు మాథుర్‌ తీవ్రంగా తప్పుపట్టారు. దీపావళి పండుగ సమీపిస్తున్న వేళ విమాన చార్జీలు మళ్లీ ఆకాశాన్ని అంటున్నాయని ధర్మాసనం దృష్టికి తీసుకొచ్చారు. టికెట్ల ధరల ఆకస్మిక, ఊహించని పెంపుతో పాటు, ఉచిత చెక్‌–ఇన్‌ బ్యాగేజ్‌ పరిమితిని 25 కిలోల నుంచి 15 కిలోలకు తగ్గించడం లాంటి అంశాలను వారు ప్రస్తావించారు. ప్రయాణికులపై మోపుతున్న ఈ అదనపు భారాన్ని నివారించి, పారదర్శకమైన విధానం అమలు చేసేలా రెగ్యులేటరీ సంస్థలు తక్షణమే జోక్యం చేసుకునేలా ఆదేశాలివ్వాలని కోరారు.గతంలో సీల్డ్‌ కవర్‌ తిరస్కరణ మహా కుంభమేళా, ఇతర పండుగల సమయంలో ప్రైవేట్‌ సంస్థలు విమాన చార్జీలను అమాంతం పెంచేయడంపై గత విచారణల సమయంలో సుప్రీంకోర్టు తీవ్ర ఆందోళన వ్యక్తం చేసింది. కోర్టు ఆదేశాల మేరకు ఆగస్టు 17న కేంద్రం కొత్త నిబంధనలకు సంబంధించిన ముసాయిదాను సీల్డ్‌ కవర్‌లో సుప్రీంకోర్టుకు సమర్పించింది. అయితే ఆ ముసాయిదాను పరిశీలించిన న్యాయస్థానం దాన్ని తిరిగి ప్రభుత్వానికే అప్పగించింది. ఆ సమయంలో నిబంధనలను పూర్తిగా ఖరారు చేసేందుకు కేంద్రం మూడు వారాల గడువు కోరింది. తాజాగా రాబోయే కొత్త నిబంధనలు.. విమాన చార్జీల ఇష్టారాజ్య పెంపు, సర్జ్‌ ప్రైసింగ్, అదనపు బ్యాగేజీ చార్జీల వసూళ్లు తదితర అంశాలకు అడ్డుకట్ట వేసేలా ఉంటాయని భావిస్తున్నారు.

సాక్షి, న్యూఢిల్లీ: కేంద్ర సాయుధ పోలీసు బలగాల (సీఏపీఎఫ్‌) క్యాడర్‌ రివ్యూ వ్యవహారంలో కేంద్ర ప్రభుత్వం అనుసరిస్తున్న తీరుపై సుప్రీంకోర్టు తీవ్ర అసహనం వ్యక్తం చేసింది. 2025లో ఇచ్చిన తీర్పును ఇప్పటికీ అమలు చేయకుండా తీవ్రమైన నిర్లక్ష్యం వహిస్తోందని దాఖలైన ధిక్కార పిటిషన్‌పై జస్టిస్‌ మనోజ్‌ మిశ్రా, జస్టిస్‌ ఉజ్జల్‌ భుయాన్‌లతో కూడిన ధర్మాసనం విచారణ చేపట్టింది. ఆరు నెలల్లోగా రివ్యూ పూర్తి చేయాలని స్పష్టమైన ఆదేశా లు ఉన్నప్పటికీ గడువు ముగిసిన తర్వాత ప్రక్రియను ప్రారంభించడమేంటని ప్రశ్నించింది. తీర్పు అమలుకు తీసుకున్న చర్యలకు సంబంధించిన అన్ని పత్రాలను తమ ముందు ఉంచాలని కేంద్రాన్ని ఆదేశించింది. ఆ చట్టం రక్షణ కవచం కాదు 2025 మే 23న సంజయ్‌ ప్రకాశ్‌ కేసులో సుప్రీంకోర్టు కీలక తీర్పు వెలువరించింది. 2019 జూలై 12నాటి డీవోపీటీ మెమోరాండం ప్రకారం సీఏపీఎఫ్‌ను ఆర్గనైజ్డ్‌ గ్రూప్‌–ఎ సర్వీసెస్‌గా గుర్తిస్తూ నిబంధనలను సవరించాలని, 6 నెలల్లోగా క్యాడర్‌ రివ్యూ చేపట్టాలని కేంద్రాన్ని ఆదేశించింది. సీఏపీఎఫ్‌లోకి ఐపీఎస్‌ అధికారుల డెప్యూటేషన్‌ను దశలవారీగా నిలిపివేయాలని కూడా పేర్కొంది. అయితే ఈ తీర్పు అమలుకు నోచుకోక పోవడంతో పలు ధిక్కార పిటిషన్లు దాఖలయ్యాయి. ఇదే సమయంలో సుప్రీం తీర్పును అధిగమించేందుకు కేంద్ర ప్రభుత్వం ’సెంట్రల్‌ ఆర్మ్‌డ్‌ పోలీస్‌ ఫోర్స్‌ (జనరల్‌ అడ్మినిస్ట్రేషన్‌) చట్టం–2026’ను తీసుకువచ్చింది. ఈ చట్టాన్ని అక్టోబర్‌ 8న నోటిఫై చేసింది. కొత్తగా తీసుకొచ్చిన చట్టం పేరుతో క్యాడర్‌ రివ్యూ చేయకపోవడాన్ని సమర్థించుకోలేరని ఐటీబీపీ, బీఎస్‌ఎఫ్‌ అధికారుల తరఫు సీనియర్‌ న్యాయవాదులు అరవింద్‌ దాతార్, గురు కృష్ణకుమార్‌ వాదించారు. చట్టం తీసుకొచ్చినంత మాత్రాన సుప్రీంకోర్టు ఆదేశాలను ఉల్లంఘించేందుకు ప్రభుత్వానికి ఎలాంటి రక్షణ కవచం లభించదన్నారు.తీర్పు తర్వాత 61 మందికి డెప్యూటేషన్‌ పిటిషనర్ల తరఫు సీనియర్‌ న్యాయవాది శ్యామ్‌ దివాన్‌ వాదనలు వినిపిస్తూ సీఏపీఎఫ్‌ క్యాడర్‌ రివ్యూ 2021 నుంచి పెండింగ్‌లో ఉందని చెప్పారు. సుప్రీంకోర్టు ఆదేశాలను కేంద్రం ఏమాత్రం పట్టించుకోలేదన్నారు. కేంద్రం దాఖలు చేసిన అఫిడవిట్‌ ప్రకారమే తీర్పు వెలువడిన తర్వాత ఏకంగా 61 మంది ఐపీఎస్‌ అధికారులను సీఏపీఎఫ్‌లోకి డెప్యూటేషన్‌పై తీసుకున్నారని వివరించారు. కొత్త చట్టం అమల్లోకి వచ్చిన అక్టోబర్‌ 8వ తేదీ వరకు కేంద్రం వద్ద ఎలాంటి చట్టపరమైన రక్షణ లేదని, కోర్టు ఆదేశాలను ఉద్దేశపూర్వకంగానే అమలు చేయలేదని వాదించారు. సుప్రీం తీర్పుపై కేంద్రం దాఖలు చేసిన రివ్యూ పిటిషన్‌ 2025 అక్టోబర్‌ 28న తిరస్కరణకు గురైందని వారు గుర్తుచేశారు. ఆ తర్వాత ఉద్దేశపూర్వకంగా కాలయాపన చేస్తూ 2026 మార్చిలో 18–20 నెలల గడువు పొడిగింపు కోరుతూ కేంద్రం దరఖాస్తు చేయడాన్ని తప్పుపట్టారు. చట్టసభల ద్వారా తీర్పును అధిగమించేందుకు చేసిన ప్రయత్నం చెల్లదని వారు స్పష్టం చేశారు. ఇరు పక్షాల వాదనలు విన్న ధర్మాసనం కేసు తదుపరి విచారణను 28వ తేదీకి వాయిదా వేసింది. 2025 మే 23 నాటి తీర్పు అమలు కోసం తీసుకున్న చర్యలు, అందుకు సంబంధించిన పూర్తి ఫైళ్లను ఆలోగా తమ ముందుంచాలని కేంద్రాన్ని ఆదేశించింది.గడువు ముగిశాక లేఖలా? తీర్పు వెలువడిన ఆరు నెలల గడువు ముగిసిన తర్వాత కేంద్రం క్యాడర్‌ రివ్యూ చేపట్టడాన్ని ధర్మాసనం తప్పుపట్టింది. 2025 డిసెంబర్‌ 26న, 2026 ఫిబ్రవరి 3న క్యాడర్‌ రివ్యూ ప్రతిపాదనల కోసం హోం శాఖ సీఏపీఎఫ్‌లకు లేఖలు రాయడాన్ని గుర్తించింది. ఆదేశాల ఉల్లంఘన జరుగుతోందన్న విషయాన్ని బలగాలకు ముందుగా తెలియజేశారా? అని కేంద్రం తరఫున హాజరైన అదనపు సొలిసిటర్‌ జనరల్‌ ఐశ్వర్య భాటిని ధర్మాసనం ప్రశ్నించింది. 2026 ఏప్రిల్, మే, జూలై నెలల్లో సంబంధిత మంత్రిత్వ శాఖల నుంచి ప్రతిపాదనలు రావడం పట్ల ఆశ్చర్యం వ్యక్తం చేసింది.

న్యూఢిల్లీ: దేశ న్యాయవ్యవస్థ, ప్రధాన న్యాయమూర్తి (సీజేఐ) జస్టిస్‌ సూర్యకాంత్‌లకు వ్యతిరేకంగా వ్యాఖ్యలు చేసిన ఆరోపణలపై శివసేన(యూబీటీ)రాజ్యసభ ఎంపీ సంజయ్‌ రౌత్, జర్నలిస్ట్‌ నిఖిల్‌ వాగ్లేకు సుప్రీంకోర్టు శుక్రవారం నోటీసులు జారీ చేసింది. సుప్రీంకోర్టు బార్‌ అసోసియేషన్‌(ఎస్‌సీబీఏ) వేసిన ధిక్కార పిటిషన్‌ను శుక్రవారం ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జోయ్‌ మాల్యా బాగ్చిల ధర్మాసనం విచారించింది. రౌత్, వాగ్లేల వ్యాఖ్యలు నిష్పాక్షిక విమర్శల హద్దులను దాటిపోయాయని, ఇవి సుప్రీంకోర్టుపై ప్రజల నమ్మకాన్ని దెబ్బతీసేలా ఉన్నాయని ఎస్‌సీబీఏ అధ్యక్షుడు, సీనియర్‌ అడ్వొకేట్‌ ప్రదీప్‌ రాయ్‌ పేర్కొన్నారు. న్యాయవ్యవస్థను లక్ష్యంగా చేసుకుని వస్తున్న ప్రకటనలపై ఈ సందర్భంగా సీజేఐ ఆందోళన వ్యక్తం చేశారు. వ్యక్తిగత స్వేచ్ఛను, ప్రాథమిక హక్కులను కాపాడుతూ వచ్చిన న్యాయవ్యవస్థపై దాడులు అత్యంత దురదృష్టకరమన్నారు.

సాక్షి, అమరావతి: స్థానిక ఎన్నికల్లో బీసీలకు కల్పించిన రిజర్వేషన్లు సుప్రీంకోర్టు తీర్పునకు విరుద్ధంగా ఉన్నాయని, సహేతుక గణాంకాలను సేకరించకుండా రిజర్వేషన్లను ఖరారు చేశారని, ఈ నేపథ్యంలో ఎన్నికల ప్రక్రియను నిలిపేయాలని కోరుతూ దాఖలైన ప్రజా ప్రయోజన వ్యాజ్యం (పిల్‌)పై హైకోర్టు తీర్పును రిజర్వ్‌ చేసింది. ప్రభుత్వ చర్యల వల్ల బీసీలకు నష్టం కలుగుతోందంటూ గుంటూరు జిల్లా, చుండూరు మండలం ఆలపాడుకి చెందిన డాక్టర్‌ సీహెచ్‌ రవికుమార్‌ ఈ పిల్‌ దాఖలు చేశారు. ఎన్నికల నోటిఫికేషన్‌ వెలువడిన తర్వాత కూడా నిబంధనల ప్రకారం ప్రక్రియను నిలువరించవచ్చని సుప్రీంకోర్టు త్రిసభ్య ధర్మాసనం ఒక వ్యాజ్యంలో తీర్పునిచ్చిందని పిటిషనర్‌ హైకోర్టుకు నివేదించారు. ఈ వ్యాజ్యంపై వాదనలు విన్న హైకోర్టు ప్రధాన న్యాయమూర్తి జస్టిస్‌ లిసా గిల్, జస్టిస్‌ చల్లా గుణరంజన్‌ ధర్మాసనం తీర్పును రిజర్వ్‌చేస్తూ గురువారం ఉత్తర్వులు జారీ చేసింది. అంతకు ముందు పిటిషనర్‌ తరఫు న్యాయవాది వివేకానంద విరూపాక్ష చేసిన వాదనలు క్లుప్తంగా..» ఏకీకృత కుటుంబ సర్వే డేటా ఆధారంగా విశ్రాంత ఐఏఎస్‌ అధికారి రాజీవ్‌ రంజన్‌ మిశ్రా నేతృత్వంలో ఏర్పాటు చేసిన డెడికేటెడ్‌ కమిషన్‌ నివేదికను ప్రభుత్వం ఇప్పటివరకు బయటపెట్టలేదు. ఈ నివేదికను ఆమోదించినట్లు పేర్కొన్న ప్రభుత్వం.. దీనిని ఎందుకు రహస్యంగా ఉంచుతుందో మాత్రం అర్థం కావడం లేదు. ప్రజల నుంచి ఎలాంటి అభ్యంతరాలను స్వీకరించకుండానే ప్రభుత్వం దానిని ఆమోదించడమూ సరికాదు. అలాంటి నివేదిక ఆధారంగా బీసీలకు స్థానిక ఎన్నికల్లో రిజర్వేషన్లు ఖరారు చేయడం తగదు.» సుప్రీంకోర్టు ఆదేశాల మేరకు నిర్వహించాల్సిన ట్రిపుల్‌ టెస్ట్‌ను చేపట్టకుండానే రిజర్వేషన్లను ఖరారు చేసింది. » రిజర్వేషన్ల కల్పనకు బీసీ జనగణన తప్పనిసరి. అయితే ప్రభుత్వం ఆ పని చేయకుండా ఏకపక్షంగా బీసీలకు అసంబద్ధంగా రిజర్వేషన్లను ఖరారు చేసింది. » సరైన డేటా సేకరించకుండా రిజర్వేషన్లు నిర్ణయించ­డం వల్ల ఎస్సీ, ఎస్టీ, బీసీ వర్గాలు నష్టపోతున్నాయి.

సాక్షి, న్యూఢిల్లీ: జంతర్‌ మంతర్‌ను నిరసనల ప్రదేశంగా గుర్తించే హోదాను తొలగించడాన్ని సవాలు చేస్తూ దాఖలైన పిటిషన్‌పై సుప్రీంకోర్టు కీలక వ్యాఖ్యలు చేసింది. ఈ వ్యవహారంపై వివరణ ఇవ్వాలని కేంద్ర ప్రభుత్వం, ఢిల్లీ పోలీసులకు గురువారం నోటీసులు జారీ చేసింది. ఒకవేళ సమాధానం సంతృప్తికరంగా లేకపోతే చట్టం తన పని తాను చేసుకుపోతుందని ధర్మాసనం వ్యాఖ్యానించింది.న్యాయవాది స్వాతి సింగ్‌ మాలిక్‌ సుప్రీంకోర్టులో ఈ పిటిషన్‌ దాఖలు చేశారు. జంతర్‌ మంతర్‌ హోదా రద్దు చేస్తూ ఢిల్లీ పోలీసులు తీసుకున్న నిర్ణయాన్ని ఆమె సవాలు చేశారు. నిరసనలను నగరానికి దూరంగా ఉన్న ప్రాంతాలకు తరలిస్తే.. అధికారులకు తమ సమస్యలను తెలియజేసే అవకాశం తగ్గిపోతుందని పిటిషన్‌లో పేర్కొన్నారు. శాంతియుతంగా నిరసన తెలిపే హక్కు, భావప్రకటనా స్వేచ్ఛకు ఇది విఘాతం కలిగించవచ్చని వాదించారు.జంతర్‌ మంతర్‌ హోదా రద్దు నిర్ణయం సుప్రీంకోర్టు వ్యాఖ్యల ఆధారంగా తీసుకున్నదా? లేదంటే ఆ ప్రాంతం నిరసనల వేదికగా ఎంతవరకు ఉపయోగకరమన్న అంశంపై స్వతంత్రంగా పరిశీలించి నిర్ణయించారా? అని కూడా ధర్మాసనం కేంద్రాన్ని ప్రశ్నించింది. దీనిపై సొలిసిటర్‌ జనరల్‌ తుషార్‌ మెహతా స్పందిస్తూ.. సుప్రీంకోర్టు వ్యాఖ్యల ఆధారంగా ఈ నిర్ణయం తీసుకోలేదని స్పష్టం చేశారు. గతంలో ఏర్పాటు చేసిన కమిటీ ఈ అంశాన్ని పరిశీలించి.. సమగ్ర నివేదిక సమర్పించిందని కోర్టుకు వివరించారు.‘నిరసనకారుల మాటలు అధికారులకు చేరాలి’విచారణ సందర్భంగా పిటిషనర్‌ తరఫున వాదించిన మాజీ న్యాయమూర్తి, సీనియర్‌ న్యాయవాది ముక్తా గుప్తా.. నిరసనకారుల మాటలు అధికారంలో ఉన్నవారికి చేరే ప్రదేశంగా జంతర్‌ మంతర్‌ ఉండాలని పేర్కొన్నారు. దీనిపై జస్టిస్‌ జోయ్‌మాల్యా బాగ్చి స్పందిస్తూ.. ‘‘వినడం అనే పదాన్ని సాంకేతికత కోణంలోనూ అర్థం చేసుకోవాలి’’ అని అన్నారు. ప్రత్యామ్నాయ వేదికలుగా మూడు ప్రాంతాలుఅక్టోబర్‌ 11న ఢిల్లీ పోలీస్‌ కమిషనర్‌ అనురాగ్‌ కుమార్‌ జారీ చేసిన ఉత్తర్వుల ప్రకారం.. జంతర్‌ మంతర్‌ హోదాను తొలగించి, నిరసనలకు ప్రత్యామ్నాయ వేదికలుగా రాంలీలా మైదాన్‌, బురారీ మైదాన్‌, తూర్పు ఢిల్లీలోని సీబీడీ మైదాన్‌లను గుర్తించారు. ఈ ప్రాంతాల్లో నిరసనలు నిర్వహించేందుకు ప్రత్యేక మార్గదర్శకాలు (ఎస్‌ఓపీలు) విడిగా జారీ చేయనున్నట్లు పోలీసులు తెలిపారు.అయితే రాంలీలా మైదాన్‌లో గతంలో అనేక రాజకీయ నిరసనలు, ధర్నాలు జరిగాయి. అయితే బురారీ, షాహదరాలోని సీబీడీ మైదానాల్లో చాలా కాలంగా ఇలాంటి కార్యక్రమాలు జరగలేదని నివేదికలు చెబుతున్నాయి. ప్రత్యామ్నాయ వేదికలు ప్రజలకు అందుబాటులో ఉండటం, నిరసనల ఉద్దేశం అధికారులకు చేరే అవకాశం వంటి అంశాలు ఈ వివాదంలో కీలకంగా మారాయి.ఢిల్లీ హైకోర్టులోనూ పిటిషన్‌జంతర్‌ మంతర్‌ హోదా రద్దుపై ఢిల్లీ హైకోర్టులోనూ పిటిషన్‌ దాఖలైంది. ఇండియన్‌ యూత్‌ కాంగ్రెస్‌ అధ్యక్షుడు ఉదయ్‌ భాను చిబ్‌.. నిరసనకు అనుమతి నిరాకరించడాన్ని సవాలు చేస్తూనే.. ఇప్పటికే దాఖలు చేసిన పిటిషన్‌లో కొత్త ఉత్తర్వులను కూడా సవాలు చేశారు. జంతర్‌ మంతర్‌ను డీనోటిఫై చేయడాన్ని కాంగ్రెస్‌ సహా విపక్షాలు, అలాగే కాక్రోచ్‌ జనతా పార్టీ, విద్యార్థి సంఘాలు తీవ్రంగా ఖండిస్తున్నాయి. ఈ క్రమంలోనే నిర్ణయం ప్రకటించిన మరుసటి రోజే జంతర్‌ మంతర్‌ వద్దకు దూసుకెళ్లిన సీజేపీ కోర్‌ కమిటీ సభ్యులు.. జాతీయ జెండాలు ప్రదర్శించారు. దీంతో వాళ్లను అరెస్ట్‌ చేసి.. రిమాండ్‌ కింద తిహార్‌ జైలుకు తరలించారు. ఈ అరెస్టును దేశవ్యాప్తంగా రాజకీయ వర్గాలు ఖండించాయి.గతంలో జంతర్‌ మంతర్‌ వద్ద నిరసనలపై సంపూర్ణ నిషేధం విధించడం సరికాదని సుప్రీంకోర్టు 2018లో పేర్కొన్న తీర్పును కూడా పిటిషనర్‌ ప్రస్తావించినట్లు తెలుస్తోంది. ఈ నేపథ్యంలో కేంద్రం, ఢిల్లీ పోలీసుల సమాధానాల తర్వాత సుప్రీంకోర్టు తదుపరి ఎలాంటి చర్యలు తీసుకుంటుందన్నది ఆసక్తికరంగా మారింది.ఇదీ చదవండి: మతం మారితే ఇక అంతే!.. సుప్రీం కోర్టు

సాక్షి, ఢిల్లీ: ఢిల్లీలో నిరసనల సందర్భంగా మొబైల్‌ ఇంటర్నెట్‌ సేవలను నిలిపివేసిన వ్యవహారంలో కేంద్ర హోంశాఖ కార్యదర్శి గోవింద్‌ మోహన్‌ సుప్రీంకోర్టుకు బేషరతుగా క్షమాపణలు తెలిపారు. కోర్టు ఆదేశాలను ఉద్దేశపూర్వకంగా ఉల్లంఘించలేదని వివరిస్తూ అఫిడవిట్‌ దాఖలు చేశారు. అదే సమయంలో, శాంతిభద్రతల పరిరక్షణ కోసం ఇంటర్నెట్‌ నిలిపివేత నిర్ణయం సముచితమేనని కేంద్ర ప్రభుత్వం వాదించింది.కాగా, దేశ రాజధాని ఢిల్లీలో అక్టోబర్‌ 10న జరిగిన సీజేపీ నిరసనల నేపథ్యంలో రైసినా హిల్స్‌ పరిసరాల్లో సుమారు నాలుగు కిలోమీటర్ల పరిధిలో సుమారు 12 గంటల పాటు మొబైల్‌ ఇంటర్నెట్‌ సేవలను నిలిపివేశారు. ఈ నిర్ణయం ఢిల్లీ పోలీసుల అభ్యర్థన మేరకు తీసుకున్నామని, పరిస్థితి తీవ్రతను దృష్టిలో ఉంచుకుని ప్రజా శాంతిని కాపాడేందుకు ఈ చర్య అవసరమైందని గోవింద్‌ మోహన్‌ కోర్టుకు వివరించారు. వై-ఫై, బ్రాడ్‌బ్యాండ్‌ సేవలను మాత్రం నిలిపివేయలేదని స్పష్టం చేశారు.అంతకుముందు అక్టోబర్‌ 9న ఇచ్చిన ఆదేశాల ఉల్లంఘన జరిగిందంటూ దాఖలైన పిటిషన్లపై సుప్రీంకోర్టు అక్టోబర్‌ 11న కేంద్ర హోంశాఖ కార్యదర్శి సహా సంబంధిత అధికారులకు ధిక్కరణ నోటీసులు జారీ చేసింది. ఈ నేపథ్యంలో గోవింద్‌ మోహన్‌ క్షమాపణలు సమర్పించారు. అలాగే, అత్యవసర పరిస్థితుల్లో, చట్టపరమైన నిబంధనలు, రక్షణ చర్యలకు లోబడి ఇంటర్నెట్‌ సేవలను నిలిపివేసేందుకు అనుమతించేలా అక్టోబర్‌ 11న ఇచ్చిన ఉత్తర్వులను సవరించాలని కేంద్రం సుప్రీంకోర్టును కోరింది. తనపై జారీ చేసిన ధిక్కరణ నోటీసును ఉపసంహరించాలని కూడా విజ్ఞప్తి చేసింది. ఈ వ్యవహారంలో కేంద్రం వాదనలపై న్యాయపరమైన ప్రక్రియ కొనసాగుతోంది.ఇదీ చదవండి: ఢిల్లీ ఎయిర్‌పోర్ట్‌లో దీప్కేకు చేదు అనుభవం

ఓటర్ల జాబితా ప్రత్యేక సమగ్ర సవరణ (SIR) ప్రక్రియలో అక్రమాలు జరిగాయంటూ దాఖలైన పిటిషన్లపై సుప్రీంకోర్టు గురువారం విచారణ జరపనుంది. లోక్‌సభలో ప్రతిపక్ష నేత రాహుల్‌గాంధీతో పాటు పలువురు విపక్ష నాయకులు దాఖలు చేసిన పిటిషన్‌తోపాటు, ఏఐఎంఐఎం అధినేత అసదుద్దీన్‌ ఒవైసీ దాఖలు చేసిన పిటిషన్‌ కూడా విచారణకు రానుంది. ఈ కేసులను ప్రధాన న్యాయమూర్తి జస్టిస్‌ సూర్యకాంత్‌, జస్టిస్‌ జోయ్‌మాల్య బాగ్చీలతో కూడిన ధర్మాసనం విచారించనుంది. ఓటర్ల జాబితాలో పేర్ల తొలగింపు, మార్పులపై ప్రతిపక్షాలు లేవనెత్తిన అభ్యంతరాల నేపథ్యంలో ఈ విచారణ ప్రాధాన్యం సంతరించుకుంది ఎస్‌ఐఆర్‌ ప్రక్రియలో పెద్ద సంఖ్యలో ఓటర్ల పేర్లను తొలగించడంతోపాటు, జాబితాలో మార్పులు చేయడంలో అక్రమాలు జరిగాయనేది రాహుల్‌గాంధీ, ఇతర విపక్ష నేతల ప్రధాన ఆరోపణ. కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ ఏకపక్షంగా నిర్ణయాలు తీసుకున్నారన్న ఆరోపణలూ ఇందులో ఉన్నాయి. ఈ వ్యవహారంపై స్వతంత్రంగా విచారణ జరిపించాలని వారు సుప్రీంకోర్టును కోరారు. ఇందుకోసం సుప్రీంకోర్టు మాజీ న్యాయమూర్తి నేతృత్వంలో, సాంకేతిక నిపుణులు, ప్రముఖులతో కూడిన స్వతంత్ర కమిటీని ఏర్పాటు చేయాలని పిటిషన్‌లో విజ్ఞప్తి చేశారు.ఎస్‌ఐఆర్‌ సందర్భంగా ఓటర్ల జాబితాలో చేసిన తొలగింపులు, మార్పులను నిర్దిష్ట గడువులోగా ఆడిట్‌ చేయాలని కోరారు. ఈ ప్రక్రియకు సంబంధించిన ఎన్నికల సంఘం రికార్డులు, సమావేశాల వివరాలు, అభ్యంతరాలు, డిజిటల్‌ యాక్సెస్‌ లాగ్‌లను పరిశీలనకు అందుబాటులో ఉంచాలని కూడా పిటిషనర్లు విజ్ఞప్తి చేశారు. తగిన నోటీసు ఇవ్వకుండా, తమ వాదన వినకుండా ఏ ఓటరు పేరునూ తొలగించకుండా ఆదేశాలు ఇవ్వాలని కోరారు.సర్‌ను సవాలు చేసిన ఒవైసీఎస్‌ఐఆర్‌ నిర్వహిస్తున్న తీరును సవాలు చేస్తూ ఏఐఎంఐఎం అధినేత, హైదరాబాద్‌ ఎంపీ అసదుద్దీన్‌ ఒవైసీ కూడా సుప్రీంకోర్టును ఆశ్రయించారు. తన పిటిషన్‌ను రాహుల్‌గాంధీ తదితరుల పిటిషన్లతో కలిపి విచారించాలని ఆయన తరఫు న్యాయవాది కోరడంతో, గురువారం విచారణకు జాబితా చేసేందుకు ధర్మాసనం అంగీకరించింది. దీంతో ఎస్‌ఐఆర్‌ ప్రక్రియకు సంబంధించిన వేర్వేరు అభ్యంతరాలు అత్యున్నత న్యాయస్థానం ముందుకు రానున్నాయి.ఢిల్లీ నిరసనలపై పిటిషన్లూ విచారణకు..మరోవైపు, అక్టోబర్‌ 10న ఢిల్లీలో ప్రధాన ఎన్నికల కమిషనర్‌ జ్ఞానేశ్‌కుమార్‌కు వ్యతిరేకంగా జరిగిన నిరసనల నేపథ్యంలో విధించిన ఆంక్షలపై దాఖలైన పిటిషన్లను కూడా సుప్రీంకోర్టు విచారించనుంది. నిరసనల సమయంలో మెట్రో స్టేషన్ల మూసివేత, రైళ్ల రాకపోకలకు అంతరాయం, పోలీసుల చర్యలకు సంబంధించిన అంశాలు ఈ పిటిషన్లలో ఉన్నాయి.నిరసనలను కవర్‌ చేస్తున్న మహిళా జర్నలిస్టులపై పోలీసులు దాడి చేశారన్న ఆరోపణలపైనా గత విచారణలో సుప్రీంకోర్టు స్పందించింది. ఈ అంశంపై వివరణ ఇచ్చేందుకు సీనియర్‌ ఢిల్లీ పోలీసు అధికారిని హాజరుకావాలని ఆదేశించింది. గతంలో ఇచ్చిన ఆదేశాల అమలుపై నివేదిక సమర్పించాలని, సంబంధిత పిటిషన్లకు సమాధానాలు ఇవ్వాలని కూడా సూచించింది. ఈ కేసుల విచారణను కూడా నేటికి(అక్టోబర్‌ 15)కు వాయిదా వేసింది.ఢిల్లీ ఎస్‌ఐఆర్‌లో ఫారం-6 వివాదంపై వేరుగా..ఢిల్లీలో ఎస్‌ఐఆర్‌ సందర్భంగా ఓటర్ల జాబితా నుంచి పేర్లు తొలగించినవారు తిరిగి పేర్లు చేర్చుకోవడానికి కొత్త ఓటర్ల నమోదు కోసం ఉద్దేశించిన ఫారం-6 సమర్పించాలని కోరుతున్నారంటూ మరో పిటిషన్‌ దాఖలైంది. దీనిపై అక్టోబర్‌ 14న విచారణ జరిపిన సుప్రీంకోర్టు, ఈ సమస్యను పరిష్కరించేందుకు ఉత్తర్వులు ఇచ్చే అంశాన్ని పరిశీలిస్తున్నట్లు తెలిపింది. కాకుంటే.. ఈ కేసు తదుపరి విచారణను అక్టోబర్‌ 28కి వాయిదా వేసింది.ఎస్‌ఐఆర్‌ ప్రక్రియపై విపక్షాల అభ్యంతరాలు, ఓటర్ల హక్కుల పరిరక్షణ, ఢిల్లీ నిరసనల సందర్భంగా పోలీసుల చర్యలు.. ఇలా పలు కీలక అంశాలపై గురువారం సుప్రీంకోర్టు విచారణ జరగనుంది. విచారణ అనంతరం ధర్మాసనం ఇచ్చే ఆదేశాలపై ఆసక్తి నెలకొంది.ఇదీ చదవండి: పోలీసుల అదుపులో అంకిత పేరెంట్స్‌.. సెన్సేషన్‌ కేసులో హైడ్రామా

సాక్షి, న్యూఢిల్లీ: రైలు ప్రయాణికుల భద్రతకు సంబంధించి సుప్రీంకోర్టు కీలక ఆదేశాలు జారీ చేసింది. రైల్వే రిజర్వేషన్‌ కౌంటర్ల వద్ద నేరుగా కొనుగోలు చేసే టికెట్లకు కూడా ఆన్‌లైన్‌లో టికెట్లు బుక్‌ చేసుకునే ప్రయాణికులతో సమానంగా బీమా సదుపాయం కల్పించాలని ఆదేశించింది. ఈ సదుపాయాన్ని అక్టోబర్‌ 27 నుంచే అమల్లోకి తీసుకురావాలని స్పష్టం చేసింది. అన్ని రైల్వే స్టేషన్లలోని కౌంటర్లలో విక్రయించే టికెట్లకు ఈ ఆదేశాలు వర్తిస్తాయని పేర్కొంది. అమల్లో విఫలమైతే రైల్వే బోర్డుదే బాధ్యత అని హెచ్చరించింది. సాధారణ ప్రజల భద్రత, రైలు ప్రయాణాల సమయంలో జరిగే అవాంఛనీయ ఘటనల నివారణకు సంబంధించిన కేసు విచారణ సందర్భంగా జస్టిస్‌ అహ్సానుద్దీన్‌ అమానుల్లా, జస్టిస్‌ ఆర్‌. మహదేవన్‌ల ధర్మాసనం ఈ ఆదేశాలు జారీ చేసింది. హామీలను ఎందుకు అమలు చేయడం లేదు? ప్రస్తుతం ఆన్‌లైన్‌లో రైల్వే టికెట్లు బుక్‌ చేసుకునే ప్రయాణికులు నామమాత్రపు అదనపు మొత్తాన్ని చెల్లించి ప్రయాణ బీమా పొందే అవకాశం ఉంది. అయితే రిజర్వేషన్‌ కౌంటర్ల వద్ద టికెట్లు కొనుగోలు చేసే ప్రయాణికులకు ఇదే తరహా సదుపాయం అందుబాటులో లేకపోవడాన్ని ధర్మాసనం తీవ్రంగా తప్పుబట్టింది. ఆర్థికంగా బలహీన వర్గాలకు చెందిన అనేక మంది ప్రయాణికులు ఇప్పటికీ రైల్వే రిజర్వేషన్‌ కౌంటర్ల నుంచే టికెట్లు కొనుగోలు చేస్తున్నారని గుర్తు చేసింది. అలాంటి వారికి కూడా ఆన్‌లైన్‌ టికెట్‌ కొనుగోలుదారులతో సమానంగా బీమా రక్షణ కల్పించాల్సిందేనని తెలిపింది.‘ఈ అంశంపై గత విచారణల్లోనే రైల్వే అధికారులకు తగిన వ్యవస్థను రూపొందించేందుకు సుప్రీంకోర్టు సమయం ఇచ్చింది. అయినప్పటికీ, ఎలాంటి పురోగతి కనిపించలేదు’అని అక్టోబర్‌ 6న జరిగిన విచారణ సందర్భంగా ధర్మాసనం తీవ్ర అసంతృప్తి వ్యక్తం చేసింది. రైల్వే బోర్డు చైర్మన్‌తో పాటు బోర్డు సభ్యులందరూ నవంబర్‌ 16న మధ్యాహ్నం 3 గంటలకు వ్యక్తిగతంగా కోర్టుకు హాజరై వివరణ ఇవ్వాలని ఆదేశించింది. హామీల అమలులో చిత్తశుద్ది చూపకుంటే రైల్వే బోర్డు చైర్మన్, సభ్యులను వ్యక్తిగతంగా బాధ్యులను చేస్తామని హెచ్చరించింది. ఇదీ చ‌ద‌వండి: సూపర్‌ ఎల్‌నినో.. వ‌ర్షాలు మాయం!నిధులున్నా నిర్లక్ష్యంరైల్వే భద్రతకు సంబంధించిన లక్ష్యాల కోసం బడ్జెట్‌లో కేటాయించిన నిధులను సైతం పూర్తిస్థాయిలో వినియోగించలేదని ధర్మాసనం ఎత్తి చూపింది. ప్రయాణికుల భద్రతకు సంబంధించిన ప్రాథమిక అవసరాలను సైతం తగిన స్థాయిలో అమలు చేయకపోవడం ఆందోళనకరమని ధర్మాసనం పేర్కొంది. ప్రమాద నివారణ చర్యలు, భద్రతా వ్యవస్థల అమలు, నిధుల వినియోగానికి సంబంధించిన వివరాలను సమర్పించాలని రైల్వే శాఖను ఆదేశించింది. ఈ నేపథ్యంలో రైల్వే భద్రతా వ్యవస్థకు సంబంధించిన వివరాలను చీఫ్‌ కమిషనర్‌ ఆఫ్‌ రైల్వే సేఫ్టీ జనక్‌ కుమార్‌ గార్గ్‌ స్వయంగా కోర్టుకు అందజేశారు. అయితే, భద్రతా చర్యల అమలుకు వెచ్చిస్తున్న బడ్జెట్‌ సమాచారం స్పష్టంగా లేకపోవడంపై ధర్మాసనం తీవ్ర అసంతృప్తి వ్యక్తం చేసింది.

సాక్షి,న్యూఢిల్లీ: ఓ వ్యక్తి చెవిని కొరికి తిన్నాడన్న ఆరోపణలు ఎదుర్కొంటున్న వ్యక్తికి ముందస్తు బెయిల్ ఇచ్చేందుకు సుప్రీంకోర్టు నిరాకరించింది. ‘చెవిని కొరికి మొత్తం తీసేశావు.. ఇప్పుడు అతడి చెవిని ఎలా తిరిగి తీసుకొస్తావు?’ అంటూ నిందితుడి తరఫు న్యాయవాదిని ధర్మాసనం ప్రశ్నించింది.2024లో జార్ఖండ్‌లోని రాంచీలో నమోదైన కేసుకు సంబంధించి రాజీవ్ రంజన్ కుమార్ దాఖలు చేసిన పిటిషన్‌పై బుధవారం జస్టిస్ జేబీ పార్దివాలా, జస్టిస్ కే వినోద్ చంద్రన్‌లతో కూడిన ధర్మాసనం విచారణ చేపట్టింది. జన్మాష్టమి వేడుకల సమయంలో పొరుగువారి మధ్య జరిగిన ఘర్షణ హింసాత్మకంగా మారినట్లు కేసులో ఆరోపణలున్నాయి.తొలుత తుపాకీ తీసి బెదిరించి, ఆ తర్వాత బాధితుడి చెవిని కొరికి వేరు చేశావంటూ నిందితుడిని ఉద్దేశించి కోర్టు వ్యాఖ్యానించింది. అయితే దానికి తుపాకీ ఆరోపణలు అవాస్తవమని న్యాయవాది వాదించగా.. ‘తుపాకీ సంగతి పక్కన పెడదాం.. చెవి సంగతేంటి? దాన్ని తిరిగి ఎలా తీసుకురాగలం?’ అని ధర్మాసనం ప్రశ్నించింది.దాంతో తన క్లయింట్‌పైనా దాడి జరిగిందని, తన ఛాతీపై గాయాలయ్యాయని నిందితుడి తరఫు న్యాయవాది వాదించారు. అయితే ఆ వాదనలతో సంతృప్తి చెందని సుప్రీంకోర్టు నిందితుడి ముందస్తు బెయిల్ పిటిషన్‌ను తిరస్కరించింది. బాధితుడి తల, ముఖంపై పలు గాయాలున్నట్లు పోలీసుల నివేదికలో పేర్కొన్న విషయాన్ని గతంలో జార్ఖండ్ హైకోర్టు కూడా ప్రస్తావించింది.ఇదీ చదవండి: రైల్వే ఉద్యోగులకు పండుగ బోనస్‌.. ఎంతంటే..

ఢిల్లీలో ఎన్నికల ప్రధాన కమిషనర్‌ జ్ఞానేశ్‌ కుమార్‌, సర్‌కు వ్యతిరేకంగా జరిగిన నిరసనలపై దాఖలైన పిటిషన్ల విచారణ వాయిదా పడింది. ఈ నిరసనల సందర్భంగా పోలీసుల చర్యలు, రాజకీయ నాయకులు, న్యాయవాదులు, జర్నలిస్టుల నిర్బంధం, ప్రజా రవాణాపై ఆంక్షలు తదితర అంశాలపై సుప్రీంకోర్టులో పలు పిటిషన్లు దాఖలయ్యాయి. వీటిపై స్పందన తెలియజేస్తూ నివేదికలు, కౌంటర్లు దాఖలు చేసేందుకు కేంద్రం తరఫున సొలిసిటర్‌ జనరల్‌ తుషార్‌ మెహతా గడువు కోరింది. అయితే అందుకు న్యాయస్థానం అంగీకరించింది. ప్రధాన న్యాయమూర్తి జస్టిస్‌ సూర్యకాంత్‌, జస్టిస్‌ జోయ్‌మాల్య బాగ్చి, జస్టిస్‌ వి.మోహనలతో కూడిన ధర్మాసనం మంగళవారం ఈ పిటిషన్లను విచారించాల్సి ఉంది. అయితే జస్టిస్‌ మోహన అనారోగ్యానికి గురికావడంతో విచారణను అక్టోబర్‌ 15కు వాయిదా వేయాలని సీజేఐ బెంచ్‌ భావించింది. ఈలోపు కేంద్రం గడువు కోరడంతో.. వాయిదాకు ఇరుపక్షాల న్యాయవాదులు అభ్యంతరం వ్యక్తం చేయలేదు. దీంతో గురువారం జరిగే విచారణపై ఉత్కంఠ నెలకొంది.మరోవైపు, నిరసనల సందర్భంగా విధి నిర్వహణలో ఉన్న మహిళా జర్నలిస్టులపై పోలీసులు దాడి చేశారన్న ఆరోపణలపైనా సుప్రీంకోర్టు స్పందించింది. ఈ అంశంపై వివరణ ఇచ్చేందుకు ఢిల్లీ పోలీసు శాఖలోని సీనియర్‌ అధికారి విచారణకు హాజరుకావాలని సూచించింది. అక్టోబర్‌ 9న ఇచ్చిన ఆదేశాల అమలుపై నివేదికతోపాటు, కోర్టు ధిక్కరణకు సంబంధించిన పిటిషన్లపై సమాధానాలు సమర్పించేందుకు కేంద్రం తరఫున గడువు కోరగా.. అక్టోబర్‌ 15 వరకు అవకాశం కల్పించింది.నిరసనలపై పోలీసుల చర్యలు.. ఏం తేలనుంది?అక్టోబర్‌ 10న ఢిల్లీలో జరిగిన నిరసనల సందర్భంగా పోలీసులు పలువురిని నిర్బంధించారని, మహిళా నిరసనకారులు, న్యాయవాదులు, జర్నలిస్టులపై బలప్రయోగం చేశారని పలు పిటిషన్లలో ఆరోపించారు. శాంతియుతంగా నిరసన తెలిపే హక్కుకు భంగం కలిగించారని, కొందరిని అక్రమంగా అదుపులోకి తీసుకున్నారని పిటిషనర్లు పేర్కొన్నారు.నిరసనల నేపథ్యంలో మెట్రో స్టేషన్ల మూసివేత, రైళ్ల రాకపోకలపై ఆంక్షలు, రహదారులపై బారికేడ్లు, ఇంటర్నెట్‌ సేవలకు అంతరాయం వంటి అంశాలనూ న్యాయస్థానం దృష్టికి తీసుకెళ్లారు. పోలీసుల చర్యలకు సంబంధించిన ఆధారాలను భద్రపరచాలని, బాధ్యులపై చర్యలు తీసుకోవాలని పలువురు పిటిషనర్లు కోరారు. ఈ ఆరోపణలపై సంబంధిత అధికారులు తమ వాదనలు, నివేదికలను సమర్పించాల్సి ఉంది. అక్టోబర్‌ 15న జరిగే విచారణలో పోలీసుల చర్యలపై న్యాయస్థానం ఎలాంటి ప్రశ్నలు లేవనెత్తుతుంది? గతంలో ఇచ్చిన ఆదేశాల అమలుపై ఏం చెబుతుంది? అన్నది ఆసక్తికరంగా మారింది.మెట్రో, రైళ్ల సేవలపై సుప్రీం ఆదేశాలుఢిల్లీలో అక్టోబర్‌ 10న నిరసనల నేపథ్యంలో మెట్రో స్టేషన్లు, రైళ్ల సేవలను పూర్తిగా నిలిపివేయడంపై అక్టోబర్‌ 9న సుప్రీంకోర్టు అభ్యంతరం వ్యక్తం చేసింది. ప్రజా రవాణాపై సంపూర్ణ నిషేధం విధించకుండా, అవసరాన్ని బట్టి నియంత్రణలు చేపట్టాలని సూచించింది. అనంతరం అక్టోబర్‌ 11న ప్రత్యేకంగా విచారణ చేపట్టిన ధర్మాసనం.. చట్ట ప్రకారం నిర్బంధం చేపట్టాలని, శాంతియుతంగా నిరాయుధులుగా సమావేశమయ్యే ప్రజలపై చట్టవిరుద్ధ చర్యలు ఉండకూడదని స్పష్టం చేసింది.న్యాయవాదులు, కోర్టు సిబ్బంది, కక్షిదారులు, జర్నలిస్టుల విధులకు ఆటంకం కలిగించకూడదని పేర్కొంది. నగరంలో ప్రజల స్వేచ్ఛాయుత రాకపోకలకు ట్రాఫిక్‌ నిబంధనలకు లోబడి అవకాశం కల్పించాలని, బారికేడ్లను సమీక్షించాలని ఆదేశించింది. ఇంటర్నెట్‌ సేవలకు అంతరాయం కలిగించకూడదని కూడా స్పష్టం చేసింది. ఈ ఆదేశాలను అధికారులు ఎంతవరకు అమలు చేశారన్నది ఇప్పుడు కీలకంగా మారింది. వాటి అమలుపై దాఖలయ్యే నివేదికలు తదుపరి విచారణలో ప్రాధాన్యం సంతరించుకోనున్నాయి.ఎస్‌ఐఆర్‌పై విపక్షాల పిటిషన్‌ కూడా..ఓటర్ల జాబితాల ప్రత్యేక సమగ్ర సవరణ ప్రక్రియను సవాలు చేస్తూ లోక్‌సభలో ప్రతిపక్ష నేత రాహుల్‌ గాంధీ సహా ఇండియా కూటమికి చెందిన పలువురు నేతలు సుప్రీంకోర్టును ఆశ్రయించారు. ఈ అంశంపై ప్రధాన న్యాయమూర్తిని కలిసేందుకు రాహుల్‌ గాంధీ చేసిన విజ్ఞప్తికి గతంలో అనుమతి లభించలేదు. అనంతరం ప్రతిపక్ష నేతలు సుప్రీంకోర్టు వైపు నిరసన ర్యాలీగా వెళ్లేందుకు ప్రయత్నించగా, రిజిస్ట్రీ సమయానికి సంబంధించిన కారణాలతో పిటిషన్‌ను న్యాయవాదుల ద్వారా దాఖలు చేశారు.ఇదిలా ఉండగా, ఎన్నికల ప్రధాన కమిషనర్లు, ఇతర ఎన్నికల కమిషనర్ల చట్టం–2023లోని సెక్షన్‌ 16ను సవాలు చేస్తూ అసోసియేషన్‌ ఫర్‌ డెమోక్రటిక్‌ రిఫార్మ్స్‌ దాఖలు చేసిన పిటిషన్‌పైనా సుప్రీంకోర్టు నోటీసులు జారీ చేసింది. అధికారిక విధుల నిర్వహణలో చేసిన చర్యలకు ఎన్నికల కమిషనర్లకు కల్పించిన రక్షణను ఈ పిటిషన్‌ ప్రశ్నిస్తోంది.విచారణపై ఉత్కంఠఢిల్లీ నిరసనల సందర్భంగా పోలీసుల చర్యలు, ప్రజా రవాణాపై ఆంక్షలు, జర్నలిస్టులు, న్యాయవాదుల నిర్బంధం, ఎస్‌ఐఆర్‌ వివాదం.. ఇలా పలు అంశాలు సుప్రీంకోర్టు ముందుకు వచ్చాయి. వీటిపై కేంద్రం, ఢిల్లీ పోలీసులు సమర్పించే నివేదికలు, సమాధానాలు తదుపరి విచారణలో కీలకం కానున్నాయి. అక్టోబర్‌ 15న ధర్మాసనం ఏ అంశాలపై స్పష్టత కోరుతుంది? గత ఆదేశాల అమలుపై ఏం చెబుతుంది? పోలీసులపై వచ్చిన ఆరోపణలపై ఎలాంటి తదుపరి ఆదేశాలు జారీ చేస్తుంది? అన్నది ఇప్పుడు ఆసక్తికరంగా మారింది.ఇదీ చదవండి: జంతర్‌ మంతర్‌ వద్ద ఊహించని సీన్‌!

సాక్షి, ఢిల్లీ : రాహుల్ గాంధీ డ్రామాలను ప్రజలు చీదరించుకుంటున్నారని కేంద్ర మంత్రి కిషన్ రెడ్డి వ్యాఖ్యానించారు. ఆయన రాజ్యాంగ హక్కులను దుర్వినియోగం చేస్తున్నారు. గతంలో లోక్ సభ స్పీకర్ రాజీనామా చేయాలని నవ్వుల పాలయ్యారన్నారు. ఇప్పుడు సిఈసి రాజీనామా చేయాలని రోజుకొక నాటకం ఆడుతున్నారని కిషన్‌ రెడ్డి ఆరోపించారు. సుప్రీంకోర్టు సిజెఐ రాజీనామా చేయాలనడం శోచనీయమని, వేలాదిగా సుప్రీంకోర్టుకు వెళ్లి న్యాయమూర్తుల పై ఒత్తిడి తెచ్చి బెదిరిస్తున్నారని కిషన్‌ రెడ్డి పేర్కొన్నారు. ఎన్నికలలో గెలవడం చేతగాక రాజ్యాంగ సంస్థలపై దండ యాత్ర చేస్తున్నారని ఆరోపించారు.

న్యూఢిల్లీ: క్యాన్సర్‌ ఔషధాల గరిష్ట చిల్లర ధర(ఎమ్మార్పి)లో వ్యాపారులకు మార్జిన్‌ 30 శాతం మించకుండా పరిమితి విధించామంటూ కేంద్రం ఇచ్చిన సమాధానంపై సుప్రీంకోర్టు సోమవారం అసంతృప్తి వ్యక్తం చేసింది. సామాన్యులకు తీవ్ర భారంగా మారిన మిగతా ఔషధాల ధరలను ఎందుకు తగ్గించరంటూ ప్రశ్నించింది. యాంటీ క్యాన్సర్‌ మందులపై ట్రేడ్‌ మార్జిన్‌ను 30 శాతానికి పరిమితం చేస్తూ కేంద్ర ప్రభుత్వం కీలకమైన నిర్ణయం తీసుకుందని వెల్లడించారు. దీంతో, ఔషధాల ధరలు 20 నుంచి 70 శాతం మేరకు తగ్గనున్నాయని, దేశంలోని రోగులకు రూ.2,500 కోట్ల మేర ఆదా అవుతాయంటూ విచారణ సందర్భంగా సొలిసిటర్‌ జనరల్‌ తుషార్‌ మెహతా తెలిపారు. అక్టోబర్‌ 8వ తేదీన జరిగిన నేషనల్‌ ఫార్మాస్యూటికల్‌ ప్రైసింగ్‌ అథారిటీ(ఎన్‌పీపీఏ) 151వ సమావేశంలో ఇందుకు సంబంధించిన నిర్ణయం తీసుకున్నారని వివరించారు. ఈ మేరకు 551 పేజీల అఫిడవిట్‌ను సమరి్పంచారు. స్పందించిన జస్టిస్‌ విక్రమ్‌నాథ్, జస్టిస్‌ సందీప్‌ మెహతాల ధర్మాసనం.. కేంద్రం స్పందన సంతృప్తికరంగా లేదని పేర్కొంది. ఒక బాటిల్‌ సెలైన్‌ తయారీకి ఖర్చు కేవలం రూ.11 మాత్రమే కాగా, మార్కెట్‌లో ఏకంగా రూ.270కి విక్రయిస్తున్నారని ధర్మాసనం ప్రస్తావించింది. ‘కేంద్రం తాజా నిర్ణయంతో ఇలాంటి వాటి ధరల్లో ఎలాంటి మార్పు రాదు. రోగులకు ఏ ప్రయోజనమూ కలగదు’అని వ్యాఖ్యానించింది. క్యాన్సర్‌ మందుల ధరలపై మాత్రమే పరిమితి విధించిన కేంద్ర ప్రభుత్వం, ఇతర అన్ని ఔషధాలను సైతం దీని పరిధిలోకి ఎందుకు రావడం లేదు?’అని ప్రశ్నించింది. ‘ఔషధాల ఉత్పత్తికి రవాణా, సామగ్రి, పరిశోధన, అభివృద్ధి, ఇతర అనుబంధ ఖర్చులు చాలానే ఉంటాయని మాకు కూడా తెలుసు. ఇవన్నీ ఎమ్మార్పిలో కలిసే ఉంటాయి. అయితే, వాస్తవ ఖర్చుకు 400 రెట్లు ఎక్కువగా ఔషధారల ధరలు ఎందుకు ఉండాలి? మీరు ఎలా అనుమతిస్తున్నారు?’అని ధర్మాసనం తుషార్‌ మెహతాను నిలదీసింది. భారత్‌లో మందుల ధరలు ప్రపంచంలోనే అతి తక్కువని, అందుకే చాలా మంది ఇక్కడికి వచ్చి వైద్యం చేయించుకుంటున్నారని అదనపు సొలిసిటర్‌ జనరల్‌ ఐశ్వర్య భాటి పేర్కొనగా.. ‘భారత్‌ తయారీ గుండె స్టంట్‌ ధర రూ.5 వేలే కాగా, ఆస్పత్రుల్లో రూ.25 వేలు వస్తున్నారు. అదేవిధంగా, యాంటీ బయాటిక్‌ అజిత్రోమైసిన్‌ అసలు ధర రూ.28 కాగా, రూ.70కి విక్రయిస్తున్నారు’అని ధర్మాసనం పేర్కొంది. ఎక్కువ మార్జిన్లు ఉన్నప్పుడే ఆ ఔషధాలు సుదూర ప్రాంతాలకు సైతం సరఫరా అయ్యే అవకాశం ఉంటుందని తుషార్‌ మెహతా చెప్పుకొచ్చారు. అన్ని ప్రాంతాల ప్రజలకు ఔషధాలను అందుబాటులో ఉంచడం ప్రభుత్వ బాధ్యతని ధర్మాసనం పేర్కొంది. మందుల ధరలపై విధించే పరిమితికి సంబంధించిన విధివిధానాలతో రావాలని కేంద్రాన్ని ఆదేశించిన ధర్మాసనం.. తదుపరి విచారణను ఈ నెల 27వ తేదీకి వాయిదా వేసింది. సెపె్టంబర్‌ 28వ తేదీన 16 శాతం ఏకరూప మార్జిన్‌ కోరుతూ దాఖలైన పిటిషన్‌ విచారణ సందర్భంగా సుప్రీంకోర్టు ‘రిటైలర్‌కు రూ.2,700కే లభించే ఒక క్యాన్సర్‌ డ్రగ్‌ను ఏకంగా రూ.27 వేలకు విక్రయించడం దారుణం. పట్టపగలే నిలువు దోపిడీ’అంటూ తీవ్ర ఆగ్రహం వ్యక్తం చేయడం తెలిసిందే.

న్యూఢిల్లీ: ‘‘ఇది శాంతి భద్రతల అంశం. నాకు సంబంధించినది కాదు’’. ప్రధాన ఎన్నికల కమిషనర్‌ జ్ఞానేశ్‌ కుమార్‌కు వ్యతిరేకంగా రాజధాని ఢిల్లీలో పెద్ద ఎత్తున జరుగుతున్న నిరసనల పరిస్థితిపై స్పందిస్తూ సుప్రీంకోర్టు ప్రధానన్యాయమూర్తి జస్టిస్‌ సూర్యకాంత్‌ సోమవారం చేసిన వ్యాఖ్య ఇది. అదే సమయంలో సామాన్యుడైనా, ప్రజా ప్రతినిధి అయినా.. అందరి కోసం సుప్రీంకోర్టు తలుపులు ప్రతి ఒక్కరికి తెరిచే ఉంటాయని కూడా ఆయన స్పష్టం చేశారు. జాతీయ మానవహక్కుల కమిషన్‌ 33వ వ్యవస్థాపక దినోత్సవాల్లో పాల్గొన్న సీజేఐ విలేకరులు అడిగిన ప్రశ్నలకు సమాధానమిస్తూ... పై వ్యాఖ్యలు చేశారు. ప్రతిపక్ష నేతలతో సమావేశాన్ని ఎందుకు తిరస్కరించిందీ వివరించారు. ప్రతిపక్ష నేతలు రాసిన లేఖ తనకు అందిందని, ప్రత్యుత్తరంగా రాసిన లేఖలో తిరస్కరణకు కొన్ని కారణాలు వివరించానని సమావేశమయ్యేందుకు సిద్ధంగా లేనని స్పష్టం చేశానని వివరించారు. మరిన్ని వివరాలు ఇచ్చేందుకు నిరాకరించారు. ఎందరో ఎంపీలు తమ సమస్యలు వ్యక్తం చేయాలని అనుకుంటున్నారని విలేకరులు గుర్తు చేయగా.. ‘‘సుప్రీంకోర్టు తలుపులు అందరి కోసం తెరిచే ఉన్నాయి’’అని తెలిపారు. సామాన్య వక్తి అయినా ఏదైన సంస్థకు ఎన్నికైన వారైనా సరే.. సుప్రీంకోర్టులో పిటిషన్‌ దాఖలు చేయవచ్చునని విచారణ జరిపి చట్టానికి అనుగుణంగా ప్రజలకు అవసరమైన హక్కులు వారికి దక్కేలా చూస్తామని వివరించారు. ప్రధాన ఎన్నికల కమిషనర్‌ జ్ఞానేశ్‌ కుమార్‌ను వ్యతిరేకిస్తూ ఢిల్లీలోని వేర్వేరు ప్రాంతాల్లో కొన్నిరోజులుగా పెద్ద ఎత్తున నిరసన ప్రదర్శనలు జరుగుతున్న విషయం తెలిసిందే. ఈ క్రమంలోనే పోలీ సులు, భద్రతా దళాలను పెద్ద ఎత్తున మోహరించడం, 45 మెట్రో స్టేషన్లను మూసివేయడం వంటి ఘటనలు చోటు చేసుకున్నాయి. కాక్రోచ్‌ జనతా పార్టీ నేతలతోపాటు పలువురు మాజీ ముఖ్యమంత్రులు, కార్యకర్తలను పోలీసులు అదుపులోకి తీసుకున్నారు కూడా. ఈ అంశాన్ని సీజేఐ దృష్టికి తీసుకురాగా.. ‘‘అది శాంతి భద్రతల అంశం. నాకు సంబంధించింది కాదు’’అని వ్యాఖ్యానించారు.

ప్రధాన ఎన్నికల కమిషనర్‌ జ్ఞానేశ్‌ కుమార్‌పై పోరును మరింత ఉధృతం చేసేందుకు ఇండియా కూటమి సిద్ధమైంది. ఓటరు జాబితాల ప్రత్యేక సమగ్ర సవరణ (ఎస్‌ఐఆర్‌), ఓట్ల అక్రమాల ఆరోపణలపై సోమవారం సుప్రీంకోర్టు దిశగా మార్చ్‌ చేపట్టాలని ప్రతిపక్షాలు నిర్ణయించాయి. మరోవైపు, ఎన్నికల కమిషనర్లకు చట్టపరమైన రక్షణ కల్పిస్తున్న చట్టాన్ని సవాలు చేసే అంశంపైనా దృష్టి సారించాయి.జ్ఞానేశ్‌ కుమార్‌ రాజీనామా చేయాలని, ఎస్‌ఐఆర్‌ను నిలిపివేయాలని రాహుల్‌ గాంధీ సహా విపక్ష నేతలు డిమాండ్‌ చేస్తున్నారు. ఇటు ఎన్నికల కమిషనర్లకు విధుల నిర్వహణకు సంబంధించి చట్టపరమైన రక్షణ కల్పించే 2023 నాటి చట్టంపై కాంగ్రెస్‌ అధ్యక్షుడు మల్లికార్జున ఖర్గే ప్రశ్నలు లేవనెత్తారు. ఈ రక్షణ వల్ల ఎన్నికల కమిషనర్లను జవాబుదారీగా నిలబెట్టడం కష్టమవుతుందని ఆయన విమర్శించారు. ఓట్ల చోరీ, ఈవీఎంలలో అవకతవకలు, ఎన్నికల అక్రమాలు జరిగాయన్న ఆరోపణలపై పోరాటం కొనసాగిస్తామని స్పష్టం చేశారు.చట్టంలో ఏముందంటే..2023లో కేంద్ర ప్రభుత్వం తీసుకొచ్చిన ప్రధాన ఎన్నికల కమిషనర్‌, ఇతర ఎన్నికల కమిషనర్ల నియామకం, సేవా నిబంధనలు, పదవీకాలానికి సంబంధించిన చట్టంలోని సెక్షన్‌ 16 ఎన్నికల కమిషనర్లకు చట్టపరమైన రక్షణ కల్పిస్తుంది. దీని ప్రకారం.. వారు తమ అధికారిక విధులు నిర్వహిస్తున్నప్పుడు లేదంటే విధుల్లో భాగంగా వ్యవహరిస్తున్నట్లు భావించే సందర్భాల్లో చేసిన చర్యలు, పనులు/ మాట్లాడిన మాటలకు సంబంధించి వారిపై సివిల్‌, క్రిమినల్‌ కేసులను కోర్టులు విచారణకు స్వీకరించకూడదు. ఇప్పటికే విచారణలో ఉన్న కేసులనూ కొనసాగించకూడదు. ఈ నిబంధన వల్ల ఎన్నికల కమిషనర్లపై చట్టపరమైన చర్యలు తీసుకోవడం కష్టమవుతుందని విమర్శకులు అభ్యంతరం వ్యక్తం చేస్తున్నారు. ఈ రక్షణ రాజ్యాంగబద్ధతను సవాలు చేస్తూ సుప్రీంకోర్టులోనూ పిటిషన్‌ దాఖలైంది.చట్టపరమైన రక్షణపైనే గురిఎన్నికల కమిషనర్లకు అధికారిక విధుల నిర్వహణలో చేసిన చర్యలకు సంబంధించి చట్టపరమైన రక్షణ కల్పించే నిబంధనలపై విపక్షాలు అభ్యంతరం వ్యక్తం చేస్తున్నాయి. ఈ నిబంధనలు ఎన్నికల కమిషనర్ల జవాబుదారీతనాన్ని బలహీనపరుస్తాయన్నది వాటి వాదన. ఈ చట్టాన్ని సవాలు చేసే న్యాయపరమైన మార్గాలపై దృష్టి పెట్టడం ద్వారా రాజకీయ నిరసనలతోపాటు న్యాయస్థానంలోనూ తమ పోరాటాన్ని కొనసాగించాలని ఇండియా కూటమి భావిస్తున్నట్లు సమాచారం. ఎన్నికల సంఘంలో సీఈసీ నియామక ప్రక్రియ నుంచి సుప్రీంకోర్టు ప్రధాన న్యాయమూర్తిని తొలగించడంపైనా విపక్షాలు అభ్యంతరం వ్యక్తం చేస్తున్నాయి. ఎలక్ట్రానిక్‌గా ప్రసారం చేసే పోస్టల్‌ బ్యాలెట్‌ విధానం (ఈటీపీబీఎస్‌) ద్వారా ఓట్ల అక్రమాలు జరిగాయన్న ఆరోపణలకు సంబంధించిన ఆధారాలను కూడా తమ వినతిపత్రంలో ప్రస్తావించనున్నాయి.రాష్ట్రపతి తర్వాత సీజేఐ, కానీ..ఇండియా కూటమి నేతలు ఇప్పటికే రాష్ట్రపతి ద్రౌపది ముర్మును కలిసి తమ ఆరోపణలతో కూడిన వినతిపత్రాన్ని అందించారు. తాజాగా సుప్రీంకోర్టు ప్రధాన న్యాయమూర్తికి కూడా వినతిపత్రం సమర్పించాలని నిర్ణయించారు. అయితే, ప్రధాన న్యాయమూర్తి సూర్యకాంత్‌ భేటీకి అంగీకరించలేదని, బదులుగా పిటిషన్‌ దాఖలు చేయాలని సూచించినట్లు సంబంధిత వర్గాలను ఉటంకిస్తూ వార్తలు వెలువడ్డాయి. దీంతో వినతిపత్రం ద్వారా తమ అభ్యంతరాలను తెలియజేయాలన్న ప్రయత్నం న్యాయపరమైన చర్యల దిశగా మళ్లుతుందా అన్నది ఆసక్తికరంగా మారింది.కాంగ్రెస్‌ ఎంపీలంతా ఢిల్లీలోనే అందుబాటులో ఉండాలని పార్టీ ఆదేశించింది. గోవా పర్యటనను వాయిదా వేసుకున్న రాహుల్‌ గాంధీ పార్టీ ప్రధాన కార్యదర్శులు, ఇతర నేతలతో సమావేశమయ్యారు. అక్టోబర్‌ 6న పార్లమెంటు నుంచి ఎన్నికల సంఘం కార్యాలయం వరకు చేపట్టిన మార్చ్‌ సందర్భంగా రాహుల్‌, ప్రియాంక గాంధీ సహా పలువురు నేతలను పోలీసులు అదుపులోకి తీసుకున్న ఘటనతో మొదలైన ఆందోళనలు కొనసాగుతున్నాయి.ఢిల్లీలో నేడు మళ్లీ ఆంక్షలుమరోవైపు, ప్రతిపక్షాల మార్చ్‌ నేపథ్యంలో ఢిల్లీలో భద్రతను కట్టుదిట్టం చేశారు. సోమవారం ఉదయం 6 గంటల నుంచి సాయంత్రం 4 గంటల వరకు పటేల్‌ చౌక్‌, జనపథ్‌, రాజీవ్‌ చౌక్‌, సెంట్రల్‌ సెక్రటేరియట్‌, మండీ హౌస్‌, బరాఖంబా రోడ్‌ మెట్రో స్టేషన్లలో ప్రవేశం, బయటకు వెళ్లే మార్గాలను మూసివేశారు. అయితే, ఈ స్టేషన్లలో మెట్రో మార్పిడి సదుపాయం అందుబాటులో ఉంటుందని ఢిల్లీ మెట్రో రైల్‌ కార్పొరేషన్‌ తెలిపింది. పలు ప్రాంతాల్లో ట్రాఫిక్‌ మళ్లింపులు ఉండవచ్చని పోలీసులు హెచ్చరించారు.ఇటీవల నిరసనల సందర్భంగా మెట్రో, రైలు సేవలకు అంతరాయం కలగడం, నిరసనకారులను అదుపులోకి తీసుకోవడంపై సుప్రీంకోర్టు స్పందించింది. శాంతియుతంగా నిరసన తెలిపేవారిని చట్ట ప్రక్రియకు విరుద్ధంగా అదుపులోకి తీసుకోవద్దని, ప్రజా రవాణా సేవలు సాధారణంగా కొనసాగించేలా చూడాలని ఆదేశించింది. మెట్రో స్టేషన్ల మూసివేతపై అధికారులకు నోటీసులు కూడా జారీ చేసింది. ఈ నేపథ్యంలో తాజా ఆంక్షలు, విపక్షాల మార్చ్‌ ఢిల్లీలో రాజకీయంగా కీలకంగా మారాయి.ఇదీ చదవండి: వ్యక్తిగతంగా కలవడం కుదరదు: ఇండి కూటమితో సీజేఐ సూర్యకాంత్‌!

సాక్షి, న్యూఢిల్లీ: ఎన్నికల్లో అక్రమాలు జరిగాయంటూ ఆరోపిస్తున్న ప్రతిపక్ష ఇండియా కూటమికి భారత ప్రధాన న్యాయమూర్తి (సీజేఐ) జస్టిస్‌ సూర్యకాంత్‌ షాక్‌ ఇచ్చారు. తనను కలిసేందుకు అపాయింట్‌మెంట్‌ కోరిన ప్రతిపక్ష నేతలకు ఆయన నిరాకరించినట్లు సమాచారం. తాము లేవనెత్తాలనుకుంటున్న అంశాలు ఇప్పటికే సుప్రీంకోర్టు విచారణలో ఉన్నాయని, వాటిపై ఫిర్యాదులు లేదంటే అభ్యంతరాలు ఉంటే పిటిషన్‌ దాఖలు చేయాలని సూచించినట్లు సంబంధిత వర్గాలు తెలిపాయి. ఎన్నికల సంఘం చేపట్టిన ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌), ఓట్ల తొలగింపు తదితర అంశాలపై నిరసన తెలియజేసేందుకు ఇండియా కూటమి సోమవారం సుప్రీంకోర్టు వరకు మార్చ్‌ నిర్వహించాలని నిర్ణయించింది. ఈ నేపథ్యంలో సీజేఐని కలిసి వినతిపత్రం అందజేయాలని ప్రతిపక్ష నేతలు ప్రయత్నించారు. అయితే, అపాయింట్‌మెంట్‌ నిరాకరణతో వారి ప్రయత్నానికి ఎదురుదెబ్బ తగిలినట్లయింది. రాజకీయ పార్టీల ప్రతినిధులను ఈ విధంగా పరిపాలనా స్థాయిలో కలవడానికి కోర్టుకు అధికారం లేదని ఆయన స్పష్టం చేసినట్లు పేర్కొన్నాయి.తలుపులు తెరిచే ఉంటాయ్‌సుప్రీంకోర్టు దేశంలోనే అత్యున్నత న్యాయస్థానమని, దాని తలుపులు ప్రజలందరికీ 24 గంటలూ తెరిచే ఉంటాయని సీజేఐ పేర్కొన్నట్లు సమాచారం. ప్రతి పౌరుడి ప్రాథమిక హక్కులను పరిరక్షించేందుకు న్యాయస్థానం కట్టుబడి ఉందని ఆయన స్పష్టం చేసినట్లు సంబంధిత వర్గాలు వెల్లడించాయి. రాజకీయ ప్రతినిధులను ప్రత్యేకంగా కలిసి వినతులు స్వీకరించడం కంటే, న్యాయపరమైన మార్గంలో పిటిషన్‌ దాఖలు చేస్తే విచారించి తీర్పు ఇవ్వడం కోర్టు విధి అని ఆయన అభిప్రాయపడినట్లు తెలిపాయి.నేడు సుప్రీంకోర్టు వరకు మార్చ్‌సీజేఐ అపాయింట్‌మెంట్‌ నిరాకరించినప్పటికీ, సోమవారం సుప్రీంకోర్టు వరకు మార్చ్‌ నిర్వహించాలనే యోచనలో ఇండియా కూటమి ఉన్నట్లు సమాచారం. లోక్‌సభలో ప్రతిపక్ష నేత రాహుల్‌ గాంధీ ఈ మార్చ్‌ ఏ ఒక్క రాజకీయ పార్టీకి సంబంధించినది కాదని, దేశ ప్రజలందరికీ సంబంధించినదని పేర్కొన్నారు. ప్రజాస్వామ్యం, రాజ్యాంగ పరిరక్షణను కోరుకునేవారంతా ఇందులో పాల్గొనాలని పిలుపునిచ్చారు. కాంగ్రెస్‌ అధ్యక్షుడు మల్లికార్జున ఖర్గే, రాహుల్‌ గాంధీ సోమవారం సాయంత్రం 4 నుంచి 5 గంటల మధ్య సీజేఐని కలిసేందుకు సమయం కోరినట్లు సమాచారం.నాలుగు ప్రధాన డిమాండ్లుఎన్నికల ప్రక్రియలో అక్రమాలు జరిగాయంటూ ఆరోపిస్తున్న ఇండియా కూటమి.. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తోంది. ఈ మేరకు గత శుక్రవారం రాష్ట్రపతి ద్రౌపది ముర్ముకు వినతిపత్రం అందజేసింది. అందులో నాలుగు ప్రధాన డిమాండ్లను ప్రస్తావించింది.1. సీఈసీ జ్ఞానేశ్‌ కుమార్‌ రాజీనామా చేయాలి. ఎన్నికల కమిషనర్లకు చట్టపరమైన రక్షణ కల్పించే 2023 చట్టాన్ని రద్దు చేయాలి.2. ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియను తక్షణమే నిలిపివేసి, తొలగించినట్లు చెబుతున్న 13.3 కోట్ల మంది ఓటర్ల పేర్లను పునరుద్ధరించాలి.3. అన్ని ఎన్నికల్లోనూ పేపర్‌ బ్యాలెట్ల విధానాన్ని తిరిగి ప్రవేశపెట్టాలి.4. గత రెండేళ్లలో ఓట్ల చోరీకి సంబంధించి నిర్దిష్ట ఆధారాలు ఉన్నాయని ప్రతిపక్షాలు ఆరోపిస్తున్న అసెంబ్లీ ఎన్నికలను రద్దు చేయాలి.ఈ డిమాండ్లపై కేంద్ర ప్రభుత్వం, ఎన్నికల సంఘంపై ఒత్తిడి పెంచడమే లక్ష్యంగా ప్రతిపక్షాలు ఆందోళనలను కొనసాగిస్తున్నాయి. అయితే, ఓటర్ల జాబితా నుంచి పేర్ల తొలగింపులో అక్రమాలు జరిగాయన్న ఆరోపణలను ఎన్నికల సంఘం, బీజేపీ ఖండిస్తున్నాయి.పోలీసుల చర్యలపైనా విచారణఢిల్లీలో నిరసనలు, పోలీసుల చర్యలపై కూడా వివాదం కొనసాగుతోంది. ఎన్నికల సంఘం చీఫ్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ యువజన సంస్థ కాక్రోచ్‌ జనతా పార్టీ (సీజేపీ) చేపట్టిన నిరసనల సందర్భంగా పోలీసులు పెద్ద సంఖ్యలో ఆందోళనకారులను అదుపులోకి తీసుకున్నారు. శనివారం సుమారు 3,000 మందిని నిర్బంధించినట్లు వార్తలు వెలువడ్డాయి. ఆదివారం కూడా ఢిల్లీతోపాటు ముంబై సహా పలు నగరాల్లో నిరసనలు కొనసాగాయి.పోలీసుల చర్యలు, మెట్రో స్టేషన్ల మూసివేత, రైళ్ల రద్దు, నిరసనకారుల ప్రాథమిక హక్కులకు భంగం కలిగిందన్న ఆరోపణలకు సంబంధించి సుప్రీంకోర్టులో పలు పిటిషన్లు దాఖలయ్యాయి. ఈ అంశాలపై మంగళవారం విచారణ జరగనుంది. మరోవైపు, ఓటర్ల జాబితా సవరణ చట్టబద్ధతను సుప్రీంకోర్టు గత మే నెలలో సమర్థించినప్పటికీ, దేశవ్యాప్తంగా భారీ సంఖ్యలో పేర్లు తొలగించడంపై ప్రశ్నలు కొనసాగుతున్నాయి.ఇండియా కూటమి తీరుపై బీజేపీ విమర్శలుసీజేఐని కలిసి వినతిపత్రం అందజేయాలన్న ప్రతిపక్షాల నిర్ణయాన్ని బీజేపీ ఇప్పటికే తప్పుబట్టింది. రాజకీయ పార్టీల ప్రతినిధులను ప్రధాన న్యాయమూర్తులు ప్రత్యేకంగా కలవడం సంప్రదాయం కాదని బీజేపీ ఎంపీ రవిశంకర్‌ ప్రసాద్‌ పేర్కొన్నారు. ఎన్నికల్లో ఓడిపోయిన నాయకులు కేసులు వేయడం ద్వారా ప్రభుత్వాలను నిర్ణయించలేరని, ఎన్నికల ద్వారానే ప్రభుత్వాలు ఏర్పడతాయని వ్యాఖ్యానించారు.ఈ నేపథ్యంలో సీజేఐ అపాయింట్‌మెంట్‌ నిరాకరణ ఇండియా కూటమి తదుపరి కార్యాచరణపై ఆసక్తిని పెంచింది. న్యాయస్థానాన్ని ఆశ్రయించి తమ ఆరోపణలపై పోరాడుతారా? లేక నిరసనల ద్వారా రాజకీయ ఒత్తిడిని మరింత పెంచుతారా? అనేది వేచి చూడాలి.ఇదీ చదవండి: నిరసన హక్కును హరిస్తారా?

సాక్షి, న్యూఢిల్లీ: దేశ పౌరుల శాంతియుత నిరసన హక్కును హరించడం, నిరాయుధులైన ఆందోళనకారులను అక్రమంగా నిర్బంధించడంపై సుప్రీంకోర్టు తీవ్రంగా స్పందించింది. సీఈసీ జ్ఞానేశ్‌కు వ్యతిరేకంగా ఢిల్లీలో జరిగిన ఆందోళనలను అణిచివేయడాన్ని తీవ్రంగా పరిగణించింది. నలుగురు మాజీ ముఖ్యమంత్రులను పోలీసులు ముందస్తుగా నిర్బంధించడాన్ని సవాలు చేయడంతోపాటు ఢిల్లీ మెట్రో రైలు స్టేషన్ల మూసివేతపై దాఖలైన కోర్టు ధిక్కార పిటిషన్లపై సుప్రీంకోర్టు ద్విసభ్య ఆదివారం ప్రత్యేకంగా విచారణ చేపట్టింది. చట్టప్రకారం ఎవరినీ అక్రమంగా నిర్బంధించడానికి వీల్లేదని, నిరసనలను అడ్డుకునే పేరుతో ప్రజా రవాణా, ఇంటర్నెట్‌ సేవలను నిలిపివేయడం సమర్థనీయం కాదని జస్టిస్‌ జోయ్‌మాల్య బాగ్చీ, జస్టిస్‌ వి.మోహనల ధర్మాసనం తేల్చిచెప్పింది. శాంతియుతంగా గుమిగూడే ప్రజలను చట్టవిరుద్ధంగా నిర్బంధించకూడదని వెల్లడించింది. శాంతిభద్రతల పరిస్థితులకు లోబడి ఢిల్లీ మెట్రో సేవలు సజావుగా సాగేలా, ఇంటర్నెట్‌ సేవలకు ఎలాంటి అంతరాయం కలగకుండా చర్యలు తీసుకోవాలని స్పష్టంచేసింది. ఆయా సేవలను వెంటనే పునరుద్ధరించాలని కేంద్ర ప్రభుత్వం, పోలీసు యంత్రాంగాన్ని ఆదేశించింది. సుప్రీంకోర్టు పరిసరాల్లో విధించిన బీఎన్‌ఎస్‌ఎస్‌ సెక్షన్‌ 163 ఆంక్షల బోర్డులను తక్షణమే తొలగించాలని ద్విసభ్య ధర్మాసనం ఆదేశించింది. న్యాయస్థానాలకు పౌరులు స్వేచ్ఛగా రాకపోకలు సాగించేలా చూడాలని పేర్కొంది. రాజ్యాంగంలోని ఆరి్టకల్‌ 19(2) ప్రకారం తీవ్రమైన శాంతిభద్రతల సమస్య ఉంటే తప్ప రైల్వే సేవలను నిలిపివేయడం ఆమోదయోగ్యం కాదని వెల్లడించింది. ట్రాఫిక్‌ నిబంధనలకు లోబడి పౌరులు స్వేచ్ఛగా తిరిగేందుకు అనుమతించాలని, బారికేడ్ల ఏర్పాటును తక్షణం సమీక్షించాలని పోలీసులకు స్పష్టం చేసింది. ఎమర్జెన్సీ తరహా వాతావరణం విచారణ సందర్భంగా పిటిషన్ల తరఫున సీనియర్‌ న్యాయవాదులు కపిల్‌ సిబల్, గోపాల్‌ శంకర్‌ నారాయణ్, సంజయ్‌ హెగ్డే, మేనకా గురుస్వామి, షాదాన్‌ ఫరాసత్‌ పోలీసుల దౌర్జన్యాలను ధర్మాసనం దృష్టికి తీసుకొచ్చారు. ఢిల్లీలో దాదాపు 7,000 మందిని అరెస్టు చేశారని, 45 నిర్బంధ కేంద్రాలను ఏర్పాటు చేశారని తెలిపారు. నలుగురు మాజీ ముఖ్యమంత్రులు కేజ్రీవాల్, మమతా బెనర్జీ, పినరయి విజయన్, మాణిక్‌ సర్కార్‌ను ముందస్తుగా నిర్బంధించారని, అసలు అరెస్టులకు సంబంధించిన అధికారిక లెక్కలు చెప్పడం లేదని పేర్కొన్నారు. రాజధానిలో అప్రకటిత ఎమర్జెన్సీ నడుస్తోందా? అని ప్రశ్నించారు. రైళ్లలో ప్రయాణిస్తున్న వారిని, జంతర్‌మంతర్‌ పరిసరాలకు ఏకంగా నాలుగు కిలోమీటర్ల దూరంలో ఉన్నవారినీ పోలీసులు అరెస్టు చేశారని సిబల్‌ ఆరోపించారు. కోర్టు ఆదేశాలు ఉన్నప్పటికీ 45 మెట్రో స్టేషన్లను మూసివేశారని, ఇంటర్నెట్‌ సేవలను నిలిపివేశారని పేర్కొన్నారు. నిరసనల ప్రాంతంలో ఉన్న తనను పోలీసులు దారుణంగా కొట్టి, కదులుతున్న బస్సులోకి విసిరేశారని న్యాయవాది షాదాన్‌ ఆవేదన వ్యక్తం చేశారు. ఢిల్లీలో పోలీసు రాజ్యం నడుస్తోందనే భావన కలిగిందని అన్నారు. పోలీసులు కనీసం నేమ్‌ బ్యాడ్జీలు లేకుండా విధులు నిర్వహించారని, నిరాయుధులైన పిల్లలను పాశవికంగా కొట్టారని లాయర్‌ గోపాల్‌ తెలిపారు.కోర్టు ధిక్కరణ నోటీసులు సుప్రీంకోర్టు అక్టోబర్‌ 9న ఇచ్చిన ఆదేశాలను ఉల్లంఘించినందుకు కేంద్ర హోంశాఖ కార్యదర్శి గోవింద్, ఢిల్లీ పోలీస్‌ కమిషనర్‌ అనురాగ్, డీఎంఆర్‌సీ చైర్‌పర్సన్‌ తారపై న్యాయవాది శైలేంద్ర మణి త్రిపాఠి కోర్టు ధిక్కరణ పిటిషన్‌ దాఖలు చేశారు. దీనిపై స్పందించిన న్యాయస్థానం ఆ అధికారులకు నోటీసులు జారీ చేసింది. కేంద్ర ప్రభుత్వం తరఫున సొలిసిటర్‌ జనరల్‌ తుషార్‌ మెహతా వాదనలు వినిపించారు. రైల్వే సేవలు యథాతథంగా కొనసాగుతున్నాయని, శనివారం రాత్రి 10 గంటల నుంచి అన్ని మెట్రో స్టేషన్లు తెరిచే ఉన్నాయని కోర్టుకు తెలిపారు. ఇంటర్నెట్‌ సేవలను పునరుద్ధరించినట్లు వెల్లడించారు. అందరి వాదనలు విన్న న్యాయస్థానం.. మంగళవారం నాటికి నివేదిక (కంప్లయన్స్‌ రిపోర్ట్‌) సమర్పించాలని అధికారులను ఆదేశించింది. న్యాయవాదులు, పాత్రికేయులు, ఇతరులు తమ వృత్తిపరమైన విధులను నిర్వర్తించడంలో ఎలాంటి ఆటంకాలు ఎదుర్కోకుండా చూడాలని తేల్చిచెప్పింది. తదుపరి విచారణలో ఈ వ్యవహారాన్ని లోతుగా సమీక్షిస్తామని వెల్లడించింది.

సాక్షి,న్యూఢిల్లీ: ఓట్ల చోరీకి వ్యతిరేకంగా, ప్రత్యేక ఓటర్ల జాబితా సవరణ (SIR) ప్రక్రియలో అక్రమాలను నిరసిస్తూ కాంగ్రెస్ పార్టీ రేపు(సోమవారం) ఢిల్లీలో నిరసన కార్యక్రమాలు చేపట్టనుంది. అందులో భాగంగా సుప్రీంకోర్టు వరకు మార్చ్ నిర్వహించి, భారత ప్రజల తరఫున ప్రధాన న్యాయమూర్తికి వినతిపత్రం సమర్పిస్తామని కాంగ్రెస్ అగ్రనేత రాహుల్ గాంధీ ప్రకటించారు. ఈ మార్చ్‌లో యువత, ప్రతిపక్ష పార్టీలు, ప్రజలు పెద్ద సంఖ్యలో పాల్గొనాలని రాహుల్ పిలుపునిచ్చారు. ఓట్ల చోరీకి ముగింపు పలకాలని, SIR ప్రక్రియను నిలిపివేయాలని, కేంద్ర ఎన్నికల ప్రధాన కమిషనర్ జ్ఞానేశ్ కుమార్ రాజీనామా చేయాలని కాంగ్రెస్ డిమాండ్ చేస్తోంది.Yesterday, the nation's young came out in Delhi to peacefully protest. They came with love in their hearts, not hatred or anger. They were beaten, both by cops and BJP goons. This is not the India we want. Tomorrow, we will march to the Supreme Court as Indians, united beyond party, gender, caste, community and state. Youth, all opposition parties, civil society groups, all those who believe in democracy and stand by the Constitution of India, will walk with us. We will submit a memorandum to the Chief Justice on behalf of the nation, demanding an end to vote chori, halting of SIR and the resignation of Gyanesh Kumar. Narendra Modi, Amit Shah, Ajit Doval and Mohan Bhagwat cannot silence India's voice. These cowards cannot intimidate us. They will have to step aside. We will march together, with love, brotherhood and patriotism. Daro mat. Tomorrow, all of India will march to the Supreme Court. कल दिल्ली में देश का युवा शांतिपूर्ण विरोध के लिए सड़कों पर उतरा। उनके दिलों में नफ़रत या गुस्सा नहीं, मोहब्बत थी। लेकिन उन्हें पुलिस और BJP के गुंडों, दोनों ने पीटा। ऐसा भारत हम नहीं चाहते। कल, सोमवार 12 अक्टूबर को, हम भारतीय होने के नाते सुप्रीम कोर्ट तक मार्च करेंगे। पार्टी, महिला-पुरुष, जाति, समुदाय और राज्य की हर दीवार से ऊपर उठकर, हम सब एक साथ चलेंगे। देश का युवा, तमाम विपक्षी दल, सिविल सोसाइटी और लोकतंत्र में विश्वास रखने वाले, भारत के संविधान के साथ खड़े सभी लोग हमारे साथ चलेंगे। हम देश की ओर से मुख्य न्यायाधीश को एक ज्ञापन सौंपेंगे। हमारी माँग है - वोट चोरी बंद हो, SIR पर रोक लगे और ज्ञानेश कुमार इस्तीफ़ा दें। नरेंद्र मोदी, अमित शाह, अजित डोभाल और मोहन भागवत भारत की आवाज़ को दबा नहीं सकते। ये कायर हमें डरा नहीं सकते। इन्हें पीछे हटना ही होगा। हम सब साथ चलेंगे - मोहब्बत, भाईचारे और देशभक्ति के साथ। डरो मत। कल पूरा भारत सुप्रीम कोर्ट तक मार्च करेगा। #ChaloDilli— Rahul Gandhi (@RahulGandhi) October 11, 2026ఈ నిరసన కార్యక్రమాల్లో పాల్గొనేందుకు తెలంగాణ కాంగ్రెస్ నేతలు కూడా ఢిల్లీకి వెళ్లనున్నారు. పార్టీ ముఖ్య నేతలంతా ఢిల్లీకి రావాలని ఏఐసీసీ ఇప్పటికే ఆదేశించినట్లు సమాచారం. టీపీసీసీ అధ్యక్షుడు మహేష్ కుమార్ గౌడ్, పలువురు మంత్రులు, సుమారు 60 మంది ఎమ్మెల్యేలు, ఇతర ప్రజాప్రతినిధులు ఈ కార్యక్రమంలో పాల్గొననున్నట్లు తెలుస్తోంది. SIR ప్రక్రియలో అక్రమాలు జరుగుతున్నాయని ఆరోపిస్తూ, ఎన్నికల సంఘం తీరును నిరసిస్తూ కాంగ్రెస్ వరుస ఆందోళనలు చేపడుతున్న విషయం తెలిసిందే. ఈ నేపథ్యంలో ఢిల్లీలో రేపు జరగనున్న కాంగ్రెస్ మార్చ్ రాజకీయంగా ప్రాధాన్యం సంతరించుకుంది.ఇదీ చదవండి: ఎల్‌నినో ఎఫెక్ట్‌.. యాసంగి పంటలు వేయొద్దు.. నీరు ఇవ్వలేం: మంత్రి పొంగులేటి

ఢిల్లీ ఆంక్షల సమయంలో జరిగిన నిర్బంధాలపై దాఖలైన హేబియస్ కార్పస్ పిటిషన్లపై ఆదివారం జరిగిన ప్రత్యేక విచారణలో సుప్రీంకోర్టు కీలక ఆదేశాలు ఇచ్చింది. నిన్న (శనివారం) దేశ రాజధానిలో కాక్రోచ్‌ జనతా పార్టీ (సీజేపీ) నేతృత్వంలో జరిగిన సీఈసీ వ్యతిరేక నిరసన సందర్భంగా ఏ పరిస్థితుల్లో నిర్బంధాలు జరిగాయో కేంద్రం వివరణ కోరనున్నట్లు సుప్రీంకోర్టు తెలిపింది. ఎటువంటి చట్టవిరుద్ధ నిర్బంధాలు చేయకూడదని, చట్టం నిర్దేశించిన విధానం ప్రకారం మాత్రమే జరగాలని ప్రభుత్వానికి సుప్రీంకోర్టు స్పష్టం చేసింది. శాంతియుత నిరసనలను అడ్డుకోలేమని, శాంతిభద్రతలు కాపాడేలా చూడాలని నిరసనకారులను కోరింది.ప్రత్యేక విచారణలో, జస్టిస్‌లు జయమల్య బాగ్చి, వి. మోహనలతో కూడిన ధర్మాసనం, శాంతిభద్రతల పరిస్థితులకు లోబడి, ఢిల్లీ మెట్రో సాధారణ షెడ్యూల్ ప్రకారం పనిచేసేలా, ఇంటర్నెట్ సేవలకు అంతరాయం కలగకుండా చూడాలని సొలిసిటర్ జనరల్ తుషార్ మెహతాను ఆదేశించింది. మా మునుపటి ఉత్తర్వును ఉల్లంఘించారని, అలాగే అక్టోబర్ 10న ఢిల్లీలో పెద్ద సంఖ్యలో వ్యక్తులను అక్రమంగా నిర్బంధించారని ఆరోపిస్తూ దాఖలైన దరఖాస్తులపై సుప్రీంకోర్టు అత్యవసర విచారణ కోసం సమావేశమైంది."నిర్దేశాలను ఘోరంగా ఉల్లంఘించారని సీనియర్ న్యాయవాదులు వాదించారు. మెట్రో రైల్ పనిచేయలేదు, న్యూఢిల్లీ, నిజాముద్దీన్ రైల్వే స్టేషన్లను మూసివేశారు. పెద్ద సంఖ్యలో వ్యక్తులు అనవసరమైన వేధింపులకు, అక్రమ నిర్బంధానికి గురయ్యారు," అని ధర్మాసనం పేర్కొంది. న్యాయవాదులు, పాత్రికేయులు, ఇతరులు తమ వృత్తిపరమైన విధులను నిర్వర్తించడంలో ఎలాంటి ఆటంకాలు కలగకుండా చూడాలని కూడా సుప్రీంకోర్టు మెహతాను కోరింది.ఇదీ చదవండి: జ్ఞానేశ్ కుమార్‌ను కాపాడేందుకే అణచివేత: సౌరవ్ దాస్

సాక్షి, న్యూఢిల్లీ: సీఈసీ జ్ఞానేశ్‌ కుమార్‌కు వ్యతిరేకంగా ఢిల్లీలో నిరసనలు చేపట్టిన విపక్ష నేతలతోపాటు నలుగురు మాజీ ముఖ్యమంత్రులను పోలీసులు ముందస్తుగా నిర్బంధించడాన్ని సవాల్‌ చేస్తూ దాఖలైన పిటిషన్‌పై సుప్రీంకోర్టు ఆదివారం ప్రత్యేకంగా విచారణ చేపట్టనుంది. జస్టిస్‌ జోయ్‌మాల్య బాగ్చీ, జస్టిస్‌ వి.మోహనలతో కూడిన ద్విసభ్య ధర్మాసనం ఈ వ్యవహారంపై విచారణ జరపనుంది. శనివారం నలుగురు మాజీ ముఖ్యమంత్రులు సహా పలువురు ప్రతిపక్ష నేతలను పోలీసులు అదుపులోకి తీసుకోవడాన్ని సవాల్‌ చేస్తూ తృణమూల్‌ కాంగ్రెస్‌ ఎంపీ మేనకా గురుస్వామి సుప్రీంకోర్టును ఆశ్రయించారు.మెట్రో మూసివేతపై ధిక్కార పిటిషన్‌ ఢిల్లీ మెట్రో రైలు స్టేషన్ల మూసివేతపై దాఖలైన కోర్టు ధిక్కార పిటిషన్‌ను కూడా సర్వోన్నత న్యాయస్థానం విచారించనుంది. ప్రజా రవాణాను పూర్తిగా నిలిపివేయకూడదని శుక్రవారం సుప్రీంకోర్టు ఆదేశాలు జారీ చేసింది. ఆ ఆదేశాలను బేఖాతరు చేస్తూ శనివారం ఢిల్లీ మెట్రో స్టేషన్లను మూసివేశారు. దీనిపై న్యాయవాది శైలేంద్ర మణి త్రిపాఠి కోర్టు ధిక్కార పిటిషన్‌ దాఖలు చేశారు.

సాక్షి, అమరావతి : పార్లమెంట్‌ చట్టం ద్వారా తప్ప కేవలం జీవోలతో సాధ్యం కాని బీసీలకు 34 శాతం రిజర్వేషన్ల అంశంపై చంద్రబాబు ప్రభుత్వం రాష్ట్రంలో దాదాపు సగం జనాభా ఉండే వెనుకబడిన తరగతి ప్రజలను మభ్యపెడుతోంది. ఈ క్రమంలో ఆడిన రాజకీయ డ్రామాలో అడ్డంగా దొరికి పోయినా, సీఎం చంద్రబాబు.. మంత్రులు మాత్రం ఇంకా బుకాయించడం మానుకోలేదు. బీసీలకు వెన్నుపోటు పొడవడం అందరికీ కళ్లెదుటే కనిపిస్తున్నా, దాన్ని ప్రతిపక్ష వైఎస్సార్‌సీపీ పైకి నెట్టేసి తప్పించుకునేందుకు శతవిధాల ప్రయత్నిస్తూనే ఉన్నారు. బీసీ రిజర్వేషన్లను వ్యతిరేకిస్తూ వైఎస్సార్‌సీపీ రాష్ట్ర హైకోర్టులో గానీ, సుప్రీంకోర్టులో గానీ పిటీషన్‌ దాఖలు చేయకపోయినా, నింద మోపాలని చూస్తున్నారు. మరో వైపు 2020–21లో జరిగిన గత స్థానిక సంస్థల ఎన్నికలప్పుడు అప్పటి జగన్‌ ప్రభుత్వం బీసీలకు 34 శాతం రిజర్వేషన్లు కల్పించడంతో అధికారుల స్థాయిలో ఏ స్థానంలో, ఏ సామాజిక వర్గ అభ్యర్థి పోటీ చేయాలనే రిజర్వేషన్లు ఖరారయ్యాయి. వీటిని వ్యతిరేకిస్తూ టీడీపీ నేత కోర్టుకు వెళ్లారు. ఈ క్రమంలో ప్రస్తుతం కోర్టులో నిలబడదని తెలిసీ కూటమి ప్రభుత్వం బీసీలకు 34 శాతం రిజర్వేషన్లు అంటూ జీవో ఇచ్చింది. హైకోర్టు, సుప్రీంకోర్టు కొట్టేశాక కేబినేట్‌ తీర్మానం పేరుతో మరో డ్రామాకు తెరతీసింది. టీడీపీ నేత ద్వారా కోర్టుకు వెళ్లి అడ్డగింత2020–21లో జరిగిన స్థానిక సంస్థల ఎన్నికల్లో బీసీలకు 34 శాతం రిజర్వేషన్లు అమలు చేస్తూ అప్పటి వైఎస్‌ జగన్‌మోహన్‌రెడ్డి ప్రభుత్వం 2019 డిసెంబరు 28వ తేదీన జీవో 176 జారీ చేసింది. బీసీలకు 34 శాతం రిజర్వేషన్లతో పాటు ఎస్సీ, ఎస్టీలకు కలిపి మొత్తం 59 శాతం రిజర్వేషన్ల అమలుకు నిర్ణయం తీసుకుంది. అయితే ఈ నిర్ణయాన్ని తప్పుపడుతూ రిజర్వేషన్లు మొత్తం 50 శాతం దాటుతున్నాయంటూ బిర్రు ప్రతాప్‌ రెడ్డి అనే టీడీపీ నేత సుప్రీంకోర్టు దాకా వెళ్లారు. ఈ నేతను ఉపాధి హామీ పథకం అమలు తీరును పర్యవేక్షించే రాష్ట్ర కౌన్సిల్‌ (ఎపీఎస్‌ఈజీసీ)లో సభ్యుడిగా నియమిస్తూ 2019 మార్చి 9వ తేదీన అప్పటి చంద్రబాబు ప్రభుత్వం జీవో 96 జారీ చేసింది. ఇంత స్పష్టమైన ఆధారాలున్నా, మంత్రులు మాత్రం తాజాగా శనివారం (అక్టోబరు 10న) కూడా వైఎస్సార్‌ కాంగ్రెస్‌ పార్టీపై నిందలేయడం దారుణం అని సర్వత్రా చర్చ జరుగుతోంది. వాస్తవానికి జగన్‌ ప్రభుత్వం జారీ చేసిన జీవో ద్వారా బీసీలకు 34 శాతం రిజర్వేషన్లు కల్పించినప్పుడు ఆ రిజర్వేషన్లతో ఎన్నికల నిర్వహణకు 2020 జనవరిలో రాష్ట్ర హైకోర్టు కూడా ఎటువంటి అభ్యంతరం తెలపలేదు. అప్పట్లో జనవరి 17వ తేదీన పంచాయతీరాజ్‌ ఎన్నికల నిర్వహణకు సంబంధించి నోటిఫికేషన్‌ జారీ చేయడానికి అప్పటి రాష్ట్ర ఎన్నికల కమిషన్‌ అన్ని ఏర్పాట్లు చేసుకోగా, అప్పటి జగన్‌ ప్రభుత్వం తీసుకున్న 59 శాతం రిజర్వేషన్ల నిర్ణయాన్ని వ్యతిరేకిస్తూ టీడీపీ నేత బిర్రు పత్రాప్‌రెడ్డి 2020 జనవరిలో సుప్రీంకోర్టును ఆశ్రయించారు. దీంతో సుప్రీంకోర్టు స్టే ఇచ్చి.. తిరిగి ఈ రిజర్వేషన్ల అంశంపై రాష్ట్ర హైకోర్టులో నిర్ణయం జరిగేలా ఆదేశాలు జారీ చేసింది. ఫలితంగా 2020 జనవరి–ఫిబ్రవరి నెలల్లో రిజర్వేషన్లను 50 శాతానికి పరిమితం చేస్తూ హైకోర్టు ఉత్తర్వులు వెలువరించింది. ఐదేళ్ల కిత్రం ఎన్నికల్లోనే బీసీలకు 34 శాతం పదవులు 2020–21లో జరిగిన మున్సిపల్‌ ఎన్నికలప్పుడు రాష్ట్ర హైకోర్టు మొత్తం రిజర్వేషన్లు 50 శాతం దాటకూడదని ఆదేశాల అనంతరం కూడా అప్పటి వైఎస్‌ జగన్‌మోహన్‌రెడ్డి ప్రభుత్వం పార్టీ పరంగా బీసీలకు దాదాపు 34 శాతం రిజర్వేషన్లు అమలు చేసింది. అప్పటికి రాష్ట్రంలో మొత్తం 103 మున్సిపాలిటీలు, నగర పంచాయతీలు ఉండగా, వాటిలో 34 మున్సిపల్‌ చైర్మన్‌ పదవులను బీసీలకే కేటాయిస్తూ రిజర్వేషన్లు ఖరారు చేసింది. ఈ మేరకు 2020 మార్చి 7వ తేదీన గెజిట్‌ నెంబరు 4 జారీ చేసింది. అప్పటికి ఉన్న 16 నగర కార్పొరేషన్‌ మేయర్‌ పదవుల్లో బీసీలకు 5 పదవులు కట్టబెట్టింది. అయితే ప్రస్తుత వెన్నుపోటు ప్రభుత్వం.. ఇదివరకెన్నడూ లేని విధంగా బీసీలకు 34 శాతం పార్టీ పరంగా ఇవ్వనున్నామని చెప్పుకోవడంపై అధికార వర్గాలు ఆశ్చర్యం వ్యక్తం చేస్తున్నాయి.

సాక్షి, న్యూఢిల్లీ: ఈగను చంపడానికి సుత్తిని వాడకూడదని సుప్రీంకోర్టు తేల్చిచెప్పింది. శనివారం ఢిల్లీలో జంతర్‌మంతర్‌ వద్ద కాక్రోచ్‌ జనతా పార్టీ చేపట్టనున్న నిరసన సందర్భంగా నగరంలో మెట్రో స్టేషన్లు మూసివేయడం, న్యూఢిల్లీ, హజ్రత్‌ నిజాముద్దీన్‌ రైల్వే స్టేషన్లకు వచ్చే రైళ్లను రద్దు చేయడంపై ఆందోళన వ్యక్తం చేసింది. ప్రజా రవాణా సేవలను పూర్తిగా నిలిపివేయడం సరైంది కాదని తేల్చిచెప్పింది. మెట్రో స్టేషన్ల మూసివేత, రైళ్ల రద్దుపై అధికారులు తీసుకున్న చర్యలను సవాలు చేస్తూ సీపీఎం ప్రధాన కార్యదర్శి ఎం.ఏ.బేబీతోపాటు మరికొందరు సుప్రీంకోర్టును ఆశ్రయించారు. పిటిషన్లు దాఖలు చేశారు. వీటిపై ప్రధాన న్యాయమూర్తి జస్టిస్‌ సూర్యకాంత్, న్యాయమూర్తులు జస్టిస్‌ జోయ్‌మాల్య బాగ్చీ, జస్టిస్‌ వి.మోహనతో కూడిన సుప్రీంకోర్టు ధర్మాసనం శుక్రవారం విచారణ చేపట్టింది. పిటిషనర్ల తరఫున సీనియర్‌ లాయర్లు కపిల్‌ సిబల్, గోపాల్‌ శంకరనారాయణన్, డాక్టర్‌ ఏఎం సింఘ్వీ, ఎన్‌.హరిహరన్, వృందా గ్రోవర్‌ తదితరులు అత్యవసరంగా ఈ అంశాన్ని ధర్మాసనం దృష్టికి తీసుకెళ్లారు. ధర్మాసనం స్పందిస్తూ.. ప్రజా రవాణా సేవలను పూర్తిగా నిలిపివేయడం ఏమిటని ప్రభుత్వాన్ని ప్రశ్నించింది. గురుగ్రామ్, గ్రేటర్‌ నోయిడా, తూర్పు ఢిల్లీ, దక్షిణ ఢిల్లీ ప్రాంతాల నుంచి ఉపాధి, విద్య, ఇతర అవసరాల కోసం ప్రతిరోజూ సెంట్రల్‌ ఢిల్లీకి వచ్చే వేలాది మంది ప్రజలు ప్రజా రవాణాపైనే ఆధారపడుతున్నట్లు గుర్తుచేసింది. వారిలో విద్యార్థులు, ఉద్యోగులు, వృద్ధులు ఉంటారని పేర్కొంది. ప్రతి ఒక్కరికీ సొంత వాహనం ఉండదని, ప్రైవేట్‌ రవాణా సౌకర్యాలు అందరికీ అందుబాటులో ఉండవని వ్యాఖ్యానించింది. శాంతిభద్రతల పరిరక్షణ కోసం అధికారులు నియంత్రణ చర్యలు తీసుకోవడంలో అభ్యంతరం లేదని, అయితే నిరసనకారుల కదలికలను నియంత్రించాలనే ఉద్దేశంతో మొత్తం రవాణా వ్యవస్థను నిలిపివేయడం సమంజసం కాదని తేల్చిచెప్పింది. నిష్పత్తి సూత్రాన్ని పాటించాలి చట్టాన్ని అమలు చేసే అధికారులు పరిస్థితులకు అనుగుణంగా చర్యలు తీసుకోవచ్చని.. అయితే, ఆ చర్యలు అవసరానికి మించి ఉండకూడదని సీజేఐ జస్టిస్‌ సూర్యకాంత్‌ పేర్కొన్నారు. న్యాయపరమైన చర్యల్లో ‘నిష్పత్తి సూత్రం’పాటించాలని సూచించారు. శాంతిభద్రతల సమస్యలను ఎదుర్కొనేందుకు అవసరమైన మేరకే ఆంక్షలు విధించాలని, అదేసమయంలో ప్రజలకు రవాణా సౌకర్యాలు పూర్తిగా దూరం కాకుండా చూడాలని అన్నారు. మెట్రో స్టేషన్ల ప్రవేశ, నిష్కృమణ మార్గాలను పూర్తిగా మూసివేయడంపై అభ్యంతరం తెలిపారు. మెట్రో రైళ్ల రాకపోకల సంఖ్యను తగ్గించడం లేదా ప్రయాణికుల కదలికలను నియంత్రించడం ఒక చర్య అయితే, మొత్తం సేవలను నిలిపివేయడం మరో విషయమని జస్టిస్‌ జోయ్‌మాల్య బాగ్చీ వ్యాఖ్యానించారు. రైళ్ల, మెట్రో రాకపోకలను నియంత్రించాలే తప్ప పూర్తిగా నిలిపివేయరాదని సూచించారు. కేంద్ర ప్రభుత్వం తరఫున హాజరైన సొలిసిటర్‌ జనరల్‌ తుషార్‌ మెహతా మాట్లాడుతూ.. ధర్మాసనం వ్యక్తంచేసిన ఆందోళనలను సంబంధిత అధికారుల దృష్టికి తీసుకెళ్లి, రవాణా సేవలను నియంత్రిత పద్ధతిలో కొనసాగించే అంశాన్ని పునఃపరిశీలించేలా కృషి చేస్తానని చెప్పారు. దీనిపై ధర్మాసనం స్పందిస్తూ.. రైళ్లు, మెట్రో సేవలను పూర్తిగా నిషేధించకుండా, తగిన నియంత్రణలతో నిర్వహించేలా నిర్ణయం తీసుకోవాలని స్పష్టం చేసింది. ప్రయాణికులకు ఇబ్బందులు కలగకుండా ఆ నిర్ణయాన్ని విస్తృతంగా ప్రచారం చేయాలని ఆదేశించింది.

సాక్షి, అమరావతి: బీసీల ఓట్ల కోసం చంద్రబాబు ఆడిన రిజర్వేషన్ల నాటకం సుప్రీంకోర్టు తీర్పుతో బట్టబయలవడంతో టీడీపీ శ్రేణులు తలెత్తుకోలేక లోలోన మథనపడుతున్నాయి. తాజా పరిణామంపై పార్టీలో తీవ్ర అసంతృప్తి వ్యక్తమవుతోంది. టీడీపీ పిటిషన్‌ కోర్టులో నిలవదని న్యాయ నిపుణులు ముందే హెచ్చరించినా పట్టించుకోకుండా ఇప్పుడు గ్రామాల్లో బీసీలకు ముఖం చూపించలేని పరిస్థితి తెచ్చిపెట్టారని సీనియర్‌ నేతలు వాపోతున్నట్లు సమాచారం. అసాధ్యమని తెలిసీ ప్రజలను మభ్యపెట్టే ప్రయత్నం చేసి అనవసరంగా అభాసుపాలయ్యామన్న చర్చ పార్టీలో జోరుగా సాగుతోంది. 34 శాతం రిజర్వేషన్లు ఇస్తున్నామంటూ సభల్లో గొప్పలు చెప్పుకున్న ఎమ్మెల్యేలు, పార్టీ ఇన్‌ఛార్జిలు ఇప్పుడు బీసీల దగ్గరకు ఏ ముఖం పెట్టుకుని వెళ్లాలని తలపట్టుకుంటున్నారు. 34 శాతం ఇవ్వలేమని తెలిసి కూడా చంద్రబాబు కేవలం రాజకీయ లబ్ధి కోసం జీవోలు ఇచ్చి పార్టీని అభాసుపాల్జేశారని నేతలు మండిపడుతున్నారు. నిజానికి.. రిజర్వేషన్లు 50 శాతం పరిమితి దాటితే కోర్టులు అంగీకరించవన్నది చంద్రబాబుకు తెలియని విషయం కాదు. 2020లో 59 శాతం రిజర్వేషన్లతో ఇచ్చిన జీవోనే హైకోర్టు కొట్టేసింది. సుప్రీంకోర్టులోనూ అప్పట్లో ఊరట దక్కలేదు. గతేడాది తెలంగాణ పెట్టిన బీసీ కోటాకు ‘సుప్రీం’లో పట్టిన గతి ఆయన కళ్ల ముందే ఉంది. అలాగే, గత పదిహేనేళ్లలో కర్ణాటక, మహారాష్ట్ర, మధ్యప్రదేశ్, ఒడిశా, ఉత్తరప్రదేశ్‌లలోనూ ఇదే కారణంతో బీసీ కోటాలు కోర్టుల్లో వీగిపోయాయి. ఇవన్నీ తెలిసీ 34 శాతం రిజర్వేషన్లు ఇస్తామని బాబు ఎలా ప్రకటించారని పార్టీ సీనియర్‌ నేతలే ప్రశ్నిస్తున్నారు.రాజ్యాంగ సవరణకు అడగని బాబు..బీసీ రిజర్వేషన్ల పెంపునకు రాజ్యాంగ సవరణ తప్పనిసరి. కేంద్రంలోని ఎన్డీయే ప్రభుత్వంలో భాగస్వామిగా ఉండి కూడా ఆ సవరణ కోసం కనీసం అడగలేకపోవడం చంద్రబాబు బలహీనతను బయటపెట్టిందని నేతలు అభిప్రాయపడుతున్నారు. మోదీని అడిగే ధైర్యంలేక చెల్లుబాటు కాని జీవోలతో నాటకాలు ఆడామన్న విషయం బహిర్గతమైందని, బీసీల్లో ఇప్పుడు ఇదే చర్చ నడుస్తోందని వారు అంటున్నారు. శాశ్వత పరిష్కారం ఢిల్లీలో ఉంటే, ఓడిపోయే కేసు కోసం ‘సుప్రీం’ మెట్లెక్కడం వెనుక ఉద్దేశం కేవలం ఎన్నికల ముందు హడావుడి చేయడమేనని మనమే బయటపెట్టుకున్నామని వారు చెబుతున్నారు. మరోవైపు.. పార్టీలో ఇంత అసహనం వ్యక్తమవుతున్నా చంద్రబాబు మాత్రం తన తప్పు ఒప్పుకోవడంలేదు. హైకోర్టు తీర్పు రాగానే ప్రతిపక్షమే కోర్టుకెళ్లి అడ్డుకుందంటూ నెపాన్ని వైఎస్సార్‌సీపీ పైకి నెట్టేశారు. అదే మాట అందరూ చెప్పాలంటూ పార్టీ నేతలకు సంకేతాలిచ్చారు. కోర్టులో నిలవని హామీ ఇచ్చాక ఇప్పుడు పార్టీ పరంగా బీసీలకు 34 శాతం సీట్లిస్తామంటే ప్రజలు నమ్ముతారా అని సొంత పార్టీ నేతలే ప్రశ్నిస్తున్నారు.పొత్తులపైనా ఆందోళన..ఇక కూటమిలో పొత్తుల లెక్కలపైనా టీడీపీ శ్రేణుల్లో ఆందోళన కనిపిస్తోంది. ఏ కార్పొరేషన్‌ ఎవరికి, ఏ మున్సిపాలిటీ ఎవరికి అన్నది ఇప్పటికీ తేల్చకపోతే క్షేత్రస్థాయిలో తామెలా పనిచేయాలని వారు ప్రశ్నిస్తున్నారు. అధినేతల స్థాయిలో ఇంకా భేటీలు, సమాలోచనల గందరగోళం కొనసాగుతుండగానే వైఎస్సార్‌సీపీ దూకుడు పెంచి నెల్లూరు మేయర్‌ అభ్యర్థిని ప్రకటించడంతో టీడీపీ శ్రేణులు ఉలిక్కిపడ్డాయి. అధికారంలో ఉండి కూడా ఇంతవరకూ ఏమీ తేల్చుకోలేక సతమతమవుతుంటే, వైఎస్సార్‌సీపీ మాత్రం స్థానిక ఎన్నికల వ్యూహాలను వేగంగా అమలుచేస్తుండడం టీడీపీ నేతలకు మింగుడుపడటంలేదు.

సాక్షి, అమరావతి: రాష్ట్రంలో స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తామంటూ చంద్రబాబు చేసిన వాగ్దానాలు పచ్చి బూటకమని, సుప్రీంకోర్టు తాజా తీర్పుతో ఆయన నయవంచన పూర్తిగా బట్టబయలైందని మాజీ సీఎం వైఎస్‌ జగన్‌మోహన్‌రెడ్డి మండిపడ్డారు. అన్ని వర్గాల ప్రజలను నమ్మించి మోసం చేయడంలో ఆయన 420 అని మరోమారు స్పష్టమైందన్నారు. ఇప్పటికైనా బీసీలకు క్షమా­పణ చెప్పాలని డిమాండ్‌ చేశారు. ఈ మేరకు శుక్రవారం ఆయన ‘ఎక్స్‌’లో పోస్టు చేశారు. ‘‘చంద్రబాబు గారూ.. స్థానిక సంస్థల్లో 34 శాతం రిజర్వేషన్లు ఇస్తామంటూ మీరు నమ్మించి వంచించారని సాక్షాత్తూ సుప్రీంకోర్టు సాక్షిగా నిర్ధారణ అయింది. మీరు పెద్ద మోస­కారి అని మరో­సారి తేలిపోయింది. సూపర్‌ సిక్స్, సూపర్‌ సెవెన్‌ పేరిట మీరు ఇచ్చిన హామీలు మోసం. గతంలో మా ప్రభుత్వంలో వారికి వచ్చే పథకాలు రద్దు చేయడం మరొక మోసం. విద్యా దీవెన, వసతి దీవెనలకు దాదాపు రూ.9 వేల కోట్లు బకాయి పెట్టి చేస్తున్నది ఇంకో దారుణమైన మోసం. 143 హామీలతో మీరు ఇచ్చిన మేనిఫెస్టో అతిపెద్ద మోసం. చివరకు బీసీలకు 34 శాతం రిజర్వేషన్లు ఇస్తున్నట్టు మీరు మభ్యపెట్టింది కూడా ఒక ఘరానా మోసమే’’ అని వైఎస్‌ జగన్‌ పోస్ట్‌ చేశారు.

సాక్షి,అమరావతి: రాష్ట్రంలో దాదాపు సగం జనాబా ఉండే బీసీలకు వెన్నుపోటు పొడిచిన సీఎం చంద్రబాబు సార్వత్రిక ఎన్నికల సమయంలో ఇచ్చిన మరో కీలక హామీ డ్రామాగా ముగిసింది. చంద్రబాబు ఇచ్చిన బీసీ రిజర్వేషన్ల హామీ, జీవో కథ అమలుకు నోచుకోకుండానే తెర పడింది. చంద్రబాబు సర్కారు ఇచ్చిన జీవోతో బీసీలకు 34 శాతం రిజర్వేషన్లు అమలు సాధ్యం కాదని... రాజ్యాంగ సవరణతోనే అది సాకారం అవుతుందని న్యాయ నిపుణులు, రాజకీయవేత్తలు మొదటి నుంచి చెబుతున్నా చంద్రబాబు తన నాటకాన్ని ముగించలేదు. బలహీన వర్గాలను ఓట్లు కోసం పావులుగా వాడుకుంటూ తన రాజకీయ డ్రామాను కొనసాగించారు. గత ఐదారేళ్లలో దేశంలో మహారాష్ట్ర, మధ్యప్రదేశ్, ఉత్తరప్రదేశ్, గోవా, ఒడిశా తదితర రాష్ట్రాల్లో స్థానిక సంస్థల ఎన్నికలు జరిగిన ప్రతి సందర్భాల్లో మొత్తం రిజర్వేషన్లు 50 శాతం మించకూడదని స్పష్టంగా కోర్టు తీర్పులు ఉన్నప్పటికీ... 40 ఏళ్లకు పైబడి సుదీర్ఘ రాజకీయ అనుభవం ఉన్న చంద్రబాబు తాము అధికారంలోకి వస్తే ‘బీసీలకు రాజకీయ ప్రాధాన్యతతో పాటు స్థానిక సంస్థల పదవుల్లో 34 శాతం రిజర్వేషన్లు’ అంటూ 2024 ఎన్నికల మేని­ఫెస్టోలో హామీ ఇచ్చారు. ఏడాది క్రితం తెలంగాణ ఎన్నికల కమిషనర్‌ స్థానిక సంస్థల ఎన్నికల నిర్వహణకు నోటిఫికేషన్‌ జారీ చేసిన తర్వాత కూడా.. ఎన్నికల్లో మొత్తం రిజర్వేషన్లు 50 శాతానికి మించాయంటూ, మొదలైన ఎన్నికల ప్రక్రియను నిలుపుదల చేస్తూ ఆ రాష్ట్ర హైకోర్టు ఆదేశాలిచ్చింది. ఎన్ని­కల కమిషన్‌ లేదా రాష్ట్ర ఎన్నికల కమిషనర్లు ఏదైనా ఎన్నిక నిర్వహణకు నోటిఫికేషన్‌ జారీ చేస్తే సాధారణంగా కోర్టులు ఈ ప్రక్రియలో జోక్యం చేసుకోవు. అయితే మొత్తం రిజర్వేషన్లు 50 శాతం మించుతున్నప్పుడు ఎన్నికల నోటిఫికేషన్‌ను రద్దు చేయడం లాంటి అసాధారణ రీతిలో కోర్టు తీర్పులు వెలువడ్డ ఉదంతాలున్నాయి. ఇవన్నీ తెలిసినా చంద్రబాబు సర్కారు మభ్యపుచ్చేందుకు స్థానిక సంస్థల ఎన్నికల్లో మొత్తం రిజర్వేషన్లు 50 శాతానికి మించేలా బీసీలకు 34 శాతం అంటూ ఆగస్టులో ఉత్తుత్తి జీవోతో డ్రామాకు తెర తీసింది.న్యాయపరంగా చెల్లవని తెలిసినా రోజుకో డ్రామాసుప్రీంకోర్టు తీర్పునకు విరుద్ధంగా ఉన్న బీసీ రిజర్వేషన్ల జీవోతో స్థానిక సంస్థల ఎన్నికలు జరిగే పరిస్థితి ఉండదని తెలిసీ సీఎం చంద్రబాబు తన డ్రామాను రోజుకో రకంగా రక్తి కట్టించారు. జీవో ఇచ్చిన వెంటనే చంద్రబాబు సహా మంత్రులు, టీడీపీ, మిత్రపక్ష కూటమి నేతలు అది అమలుకు నోచుకోకముందే అమలైనట్లుగా ‘జయహో బీసీ’ అంటూ సంబరాలు నిర్వహించారు. పార్టీ నేతలతో పాలాభిషేకాలు చేయించుకున్నారు. పార్టీ అంతర్గత సమావేశాల్లో జీవో అమలు సాధ్యం కాదని చర్చించుకుంటూనే గత నెలన్నర రోజులకుపైగా గంభీరమైన ప్రకటనలు ఇస్తూ వచ్చారు. హైకోర్టు న్యాయవాది తాండవ యోగేష్‌ దాఖలు చేసిన పిటిషన్‌పై విచారణ జరిపిన హైకోర్టు.. బీసీలకు 34 శాతం రిజర్వేషన్లు సుప్రీంకోర్టు తీర్పునకు విరుద్దంగా ఉన్నాయంటూ కొట్టివేసినా.. అత్యున్నత న్యాయస్థానానికి వెళతామంటూ ఇంకో డ్రామాకు చంద్రబాబు తెర తీశారు. అందరూ ఊహించినట్టే సుప్రీంకోర్టు సైతం ఆ జీవో చెల్లుబాటు కాదని తీర్పు ఇవ్వడం గమనార్హం. పార్లమెంట్‌లో చట్టబద్ధతతో అవకాశం ఉన్నా చిత్తశుద్ధి శూన్యంసుప్రీంకోర్టు స్పష్టమైన ఆదేశాలిచ్చిన తర్వాత బీసీలకు 34 శాతం రిజర్వేషన్లు అమలు చేయాలంటే అందుకు పార్లమెంట్‌లో రాజ్యంగబద్ధంగా చట్టబ­ద్ధత కల్పించడం మినహా మరో మార్గం లేదని నిపుణులు చాలాకాలంగా చెబుతున్నారు. కేంద్రంలో ఎన్డీఏ ప్రభుత్వం మనుగడ సాగించడంలో టీడీపీ కూటమి పార్టీల మద్దతు కీలకం. ఇంత అవకాశం ఉన్నా బీసీ రిజర్వేషన్లపై ఎన్నికల మేనిఫెస్టోలో ఇచ్చిన హామీని నెరవేర్చేందుకు రెండున్నరేళ్లుగా చంద్రబాబు తీసుకున్న చర్యలు శూన్యం. కేంద్రాన్ని ఒప్పించి పార్లమెంట్‌లో చట్టబద్ధత కల్పించేందుకు కనీసం ప్రయత్నం కూడా చేయలేదు. బీసీల రాజకీయ సాధి­కారతపై చిత్తశుద్ధి లేకుండా చంద్రబాబు కపట నాట­కాలు ఆడుతున్నారని బీసీ సంఘాలు, రాజకీయ వేత్తలు, రాజ్యాంగ నిపుణులు, ప్రతిపక్షాలు తేల్చి చెబుతున్నాయి.తనకు అలవాటైన రీతిలో దుష్ప్రచారం..బీసీలను మభ్యపెడుతూ రాజకీయ డ్రామాకు శ్రీకారం చుట్టిన సీఎం చంద్రబాబు తనకు అలవాటైన రీతిలో విపక్షంపై నిందలు మోపుతున్నారు. బీసీ రిజర్వేషన్ల అంశాన్ని వైఎస్సార్‌సీపీకి ఆపాదించే దుస్సాహసానికి బరి తెగించారు. ఐదేళ్ల క్రితం అడ్డుకుంది బాబు అండ్‌ కో నే... 2020, 2021లో జరిగిన స్థానిక సంస్థల ఎన్నికల్లో బీసీలకు 34 శాతం రిజర్వేషన్లు అమలు చేస్తూ నాడు వైఎస్‌ జగన్‌మోహన్‌రెడ్డి ప్రభుత్వం 2019 డిసెంబరు 28వ తేదీన జీవో నెంబరు 176 జారీ చేసింది. బీసీలకు 34 శాతం రిజర్వేషన్లతో పాటు ఎస్సీ, ఎస్టీలకు కలిపి మొత్తం 59 శాతం రిజర్వేషన్ల అమలుకు మాజీ సీఎం వైఎస్‌ జగన్‌ ప్రభుత్వం నిర్ణయం తీసుకుంటే.. దీన్ని తప్పుబడుతూ మొత్తం రిజర్వేషన్లు 50 శాతం దాటుతున్నాయంటూ టీడీపీ నేత బిర్రు ప్రతాప్‌రెడ్డి ద్వారా చంద్రబాబు కోర్టులో కేసులు దాఖలు చేయించారు. రాష్ట్రంలో రిజర్వేషన్లు తగ్గించాలంటూ ఏకంగా సుప్రీంకోర్టు దాకా వెళ్లారు. ప్రతాప్‌రెడ్డికి 2014–19 మధ్య చంద్రబాబు ప్రభుత్వం నామినేటెడ్‌ పదవిని కూడా కట్టబెట్టడం గమనార్హం. ఈ క్రమంలో స్థానిక సంస్థల ఎన్నికల్లో ఎస్సీ, ఎస్టీ, బీసీల రిజర్వేషన్లు 50 శాతానికి మించరాదని హైకోర్టు తీర్పు వెలువరించడంతో... న్యాయస్థానం ఉత్తర్వులను గౌరవిసూ్తనే పార్టీ పరంగా బీసీలకు 34 శాతానికి మించి అవకాశం కల్పించి మాజీ సీఎం వైఎస్‌ జగన్‌ చిత్తశుద్ధిని చాటుకోవడం గమనార్హం.బీసీ రిజర్వేషన్లపై ఇలా...2020 జనవరి 8..పంచాయతీరాజ్‌ ఎన్నికల్లో బీసీలకు 34 శాతం రిజర్వేషన్లతో పాటు ఎస్సీ ఎస్టీ, బీసీలకు మొత్తం 59 శాతం రిజర్వేషన్లు కల్పిస్తూ వైఎస్‌ జగన్‌మోహన్‌రెడ్డి ప్రభుత్వం నిర్ణయం. స్థానిక ఎన్నికల నిర్వహణపై అంతకు ముందే దాఖలైన పిటిషన్లపై తక్షణమే ఎన్నికల నిర్వహణకు రాష్ట్ర హైకోర్టు తీర్పు. 2020 జనవరి 10స్థానిక ఎన్నికల్లో మొత్తం రిజర్వేషన్ల 50 శాతం దాటాయంటూ 2014–19 మధ్య టీడీపీ ప్రభుత్వంలో నామినేటెడ్‌ పదవి పొందిన బిర్రు ప్రతాప్‌రెడ్డి ద్వారా కోర్టులో పిటిషన్‌ దాఖలు. 2020 జనవరి 1559 శాతం రిజర్వేషన్ల ప్రకారం ఎన్నికల నిర్వహణపై సుప్రీంకోర్టు స్టే. రిజర్వేషన్లు 50 శాతం దాటడంపై హైకోర్టులోనే తిరిగి విచారణ జరిపి నిర్ణయం వెలువరించాలని ఆదేశం.2020 మార్చి2సుప్రీంకోర్టు సూచనతో తిరిగి హైకోర్టులో టీడీపీ నేత కేసు దాఖలు. స్థానిక ఎన్నికల్లో రిజర్వేషన్లు మొత్తం 50 శాతం దాటకూడదంటూ హైకోర్టు ఉత్తర్వులు. ఈ క్రమంలో హైకోర్టు తీర్పునకు అనుగుణంగా మొత్తం రిజర్వేషన్లు 50 శాతానికి లోబడి ఎన్నికలు పూర్తి.2024 ఎన్నికల ముందు..మన రాష్ట్రంతో పాటు దేశంలో పలు రాష్ట్రాల్లోని కోర్టులు స్థానిక ఎన్నికల నిర్వహణలో మొత్తం రిజర్వేషన్లు 50 శాతం దాటకూడదని స్పష్టమైన తీర్పులు వెలువరించిన తర్వాత కూడా బీసీలకు 34 శాతం రిజర్వేషన్లు కల్పిస్తామంటూ 2024 ఎన్నికల మేనిఫెస్టోలో చంద్రబాబు హామీ. కేంద్రంపై ఒత్తిడి తెచ్చి పార్లమెంట్‌లో ప్రత్యేక చట్టం ద్వారా దీన్ని అమలు చేసేందుకు అవకాశం ఉన్నా మూడేళ్లుగా మభ్యపెడుతూ బాబు డ్రామాలు. 2026 ఆగస్టు...స్థానిక సంస్థల ఎన్నికల్లో మొత్తం రిజర్వేషన్లు 50 శాతం మించకూడదని గతంలోనే స్పష్టంగా తీర్పులు వెలువరించిన న్యాయస్థానాలు. చట్టపరంగా చెల్లదని తెలిసి కూడా బీసీలకు 34 శాతం రిజర్వేషన్లతో స్థానిక సంస్థల ఎన్నికల నిర్వహణకు చంద్రబాబు సర్కారు జీవోలు. 2026 అక్టోబరు 1బీసీలకు 34 శాతం రిజర్వేషన్లు కల్పించడం కారణంగా మొత్తం రిజర్వేషన్లు 50 శాతం దాటాయంటూ హైకోర్టు న్యాయవాది తాండవ యోగేష్‌ దాఖలు చేసిన పిటిషన్‌పై విచారించిన న్యాయస్థానం. చంద్రబాబు ప్రభుత్వం జారీ చేసిన ఆదేశాలు చెల్లవంటూ హైకోర్టు తీర్పు.సుప్రీంలో... హైకోర్టు తీర్పుపై సుప్రీంకోర్టుకు వెళ్తామంటూ సీఎం చంద్రబాబు ప్రకటన. 2026 అక్టోబరు 3: హైకోర్టు తీర్పుపై సుప్రీంకోర్టులో ప్రభుత్వం పిటిషన్‌ దాఖలు.2026 అక్టోబరు 9: హైకోర్టు తీర్పును సమర్థించిన సుప్రీంకోర్టు. బీసీలకు 34 శాతం రిజర్వేషన్లతో మొత్తం రిజర్వేషన్లు 50 శాతానికి మించుతున్నాయని పేర్కొంటూ చంద్రబాబు సర్కారు పిటిషన్‌ను కొట్టివేసిన సుప్రీంకోర్టు.

ప్రభుత్వం నిర్వహించిన సర్వే (సమగ్ర కుటుంబ సర్వే), డేటాను ఆ కమిషన్‌ ఎలా పరిగణనలోకి తీసుకుంటుంది? ఈ సర్వేను ఏ చట్టం కింద చేశారు? ఆ చట్టం ఏమిటో మాకు చూపించండి. ఆ సర్వే ఆధారాలను పరిగణనలోకి తీసుకోలేమని హైకోర్టు చెప్పడంలో తప్పేముంది? – సుప్రీం ధర్మాసనంసాక్షి, అమరావతి: చంద్రబాబు సర్కారు ఎన్నికల మోసాలు, కపట నాటకం, మాయ వేషాలు సుప్రీంకోర్టు సాక్షిగా మరోసారి తేలిపోయాయి! బీసీ రిజర్వేషన్‌లపై బాబు దొంగాటకు నిమిషాల వ్యవధిలోనే అత్యున్నత న్యాయస్థానంలో తెర పడింది. బీసీ రిజర్వేషన్ల విషయంలో చంద్రబాబు వైఖరి అంతా బూటకమని బహిర్గతమైంది. చంద్రబాబు మోసపూరిత తీరును సాక్షాత్తూ సుప్రీంకోర్టు 1.42 నిమి­షాల్లోనే బయటపెట్టింది. చంద్రబాబు సర్కారు చెల్లని డెడికేటెడ్‌ కమి­షన్‌ను ఏర్పాటు చేయడం.. ఆ కమిషన్‌ స్వతంత్రంగా వ్యవహరించకుండా కట్టడి చేయడం.. ప్రభుత్వం నిర్వహించిన సర్వేనే దానికి అందించి దాని ఆధారంగా బీసీలకు 34 శాతం రిజర్వేషన్లు కల్పించామనడం.. జీవోలు ఇవ్వడాన్ని తీవ్రంగా ఆక్షేపించింది. కమిషన్‌ నివేదిక పెండింగ్‌లో ఉందా లేదా? అలాంటప్పుడు దేని ఆధారంగా జీవోలిచ్చారని నిలదీసింది. ప్రభుత్వం చేసిన సర్వే (సమగ్ర కుటుంబ సర్వే), డేటాను ఆ కమిషన్‌ ఎలా పరిగణనలోకి తీసుకుంటుందని విస్మ­యం వ్యక్తం చేసింది. అంతేకాక ఈ సర్వేను ఏ చట్టం కింద చేశారు? ఆ చట్టం ఏమిటో మాకు చూపించండి.. అంటూ సూటిగా చంద్రబాబు సర్కారును నిలదీసింది. ఈ విషయంలో హైకోర్టు సరైన వైఖరినే తీసుకుందని స్పష్టం చేసింది. స్థానిక ఎన్నికల్లో మొత్తం రిజర్వేషన్లు 50 శాతానికి మించరాదన్న గత తీర్పులను ఉద్దేశపూర్వకంగా బేఖాతర్‌ చేస్తూ.. కేవలం రాజకీయ ప్రయోజనాల కోసం బాబు సర్కారు ఇచ్చిన జీవోలను కొట్టివేస్తూ హైకోర్టు ఇచ్చిన తీర్పును తాజాగా సుప్రీం కోర్టు సమర్థించింది. రాష్ట్రంలో స్థానిక సంస్థల ఎన్నికల్లో బీసీలకు 34% రిజర్వేషన్లు కల్పిస్తూ చంద్రబాబు సర్కారు జారీ చేసిన ఉత్తర్వులను సుప్రీంకోర్టు సైతం తప్పుబట్టింది. ఈ మేరకు హైకోర్టు తీర్పును సవాల్‌ చేస్తూ రాష్ట్ర ప్రభుత్వం దాఖలు చేసిన స్పెషల్‌ లీవ్‌ పిటిషన్‌ను (ఎస్‌ఎల్‌పీ) కొట్టి వేసింది. హైకోర్టు తీర్పునకు అనుగుణంగా గ్రామ, పట్టణ స్థానిక సంస్థల ఎన్నికల ప్రక్రియను ఆరు వారాల్లోగా ప్రారంభించాలని ఎన్నికల, రాష్ట్ర ప్రభుత్వాన్ని ఆదేశించింది. ఈ మేరకు సుప్రీం కోర్టు న్యాయమూర్తులు జస్టిస్‌ దీపాంకర్‌ దత్తా, జస్టిస్‌ శీల్‌ నాగులతో కూడిన ధర్మాసనం శుక్రవారం కీలక ఉత్తర్వులు జారీ చేసింది. చట్టపరంగా చెల్లదని తెలిసీ చంద్రబాబు బూటకపు జీవోలతో ఈ డ్రామాను నడిపినట్లు తాజాగా సుప్రీంకోర్టు తీర్పుతో మరోసారి స్పష్టమైంది. గతేడాది తెలంగాణ స్థానిక ఎన్నికల్లో రిజర్వేషన్లు 50% దాటడంతో అప్పటికే నోటిఫికేషన్‌ వెలువడినప్పటికీ ఎన్నికల ప్రక్రియను నిలిపి వేయాలంటూ అక్కడి హైకోర్టు ఆదేశాలిచ్చింది. గతంలో చాలా రాష్ట్రాల్లోనూ ఇదే జరిగింది. రిజర్వేషన్లు 50% దాటకూడదంటూ కోర్టులు స్పష్టమైన ఆదేశాలిచ్చాయి. కోర్టులో న్యాయ సమీక్షకు నిలబడదని తెలిసి కూడా బీసీలకు 34% రిజర్వేషన్లు కల్పిస్తున్నామంటూ పార్టీ నేతలతో చంద్రబాబు పాలాభిషేకాలు చేయించుకున్నారు. అనుకూల ఎల్లో మీడియాలో పెద్ద ఎత్తున ప్రచారంతో మభ్యపుచ్చే యత్నం చేశారు.ప్రభుత్వ సర్వే ఆధారంగా కమిషన్‌ నివేదిక ఇచ్చిందని హైకోర్టు తేల్చిందిగా..?: సుప్రీంహైకోర్టు తీర్పును సవాలు చేస్తూ రాష్ట్ర ప్రభుత్వం దాఖలు చేసిన అప్పీల్‌ శుక్రవారం సుప్రీం కోర్టులో విచారణకు రాగా రాష్ట్ర ప్రభుత్వం తరఫున సీనియర్‌ న్యాయవాది ముకుల్‌ రోహత్గి వాదనలు వినిపించారు. రిజర్వేషన్లు 50 శాతం దాటొచ్చా లేదా? అనే ప్రశ్న చాలాకాలంగా ఉత్పన్నమవుతోందన్నారు. స్థానిక సంస్థల వారీగా ప్రభుత్వం సేకరించిన ‘యూనిఫైడ్‌ ఫ్యామిలీ సర్వే’ (సమగ్ర కుటుంబ సర్వే) డేటాను హైకోర్టు విశ్వసించకపోవడానికి ఎలాంటి కారణం లేదని రోహత్గి వాదించారు. ఈ సమయంలో ధర్మాసనం జోక్యం చేసుకుంటూ.. ఆ సర్వే ఆధారాలను పరిగణనలోకి తీసుకోలేమని హైకోర్టు చెప్పడంలో తప్పేముందని ప్రశ్నించింది. అంతేకాక రిజర్వేషన్లు 50 శాతం దాటడానికి అవసరమైన శాస్త్రీయ డేటా ఏదీ కమిషన్‌ వద్ద లేదని, అందువల్ల దాన్ని పరిగణనలోకి తీసుకోలేమని కూడా హైకోర్టు చెప్పిందిగా? అని ధర్మాసనం ప్రశ్నించింది. రాష్ట్ర ప్రభుత్వం ఏర్పాటు చేసిన డెడికేటెడ్‌ కమిషన్‌ నియామకాన్ని ఎవరూ సవాలు చేయకపోవడంతో తాము ఆ కమిషన్‌ చట్టబద్ధత జోలికి వెళ్లడం లేదని హైకోర్టు తన తీర్పులో పేర్కొందని, ఇది చాలా సహేతుకమైన వైఖరి అని తెలిపింది.అసలు ఏ చట్టం కింద ఆ సర్వే చేశారు?కమిషన్‌ తన నివేదికను సమర్పించినప్పటికీ, ప్రభుత్వం దానిని ఆమోదించని విషయాన్ని హైకోర్టు స్పష్టంగా పేర్కొందని సుప్రీం ధర్మాసనం గుర్తు చేసింది. ఈ సమయంలో రోహత్గీ జోక్యం చేసుకుంటూ, ఆ నివేదిక ప్రభుత్వం వద్ద పెండింగ్‌లో ఉందన్నారు. డెడికేటెడ్‌ కమిషన్‌ నివేదిక రాష్ట్ర ప్రభుత్వం సేకరించిన డేటాపై ఆధారపడిందని, దానిని తాము పరిగణనలోకి తీసుకోలేమని హైకోర్టు స్పష్టంగా చెప్పిందని ధర్మాసనం స్పష్టం చేసింది. సమగ్ర కుటుంబ సర్వే ఆధారంగా కమిషన్‌ నివేదిక ఇచ్చిందని రోహత్గీ నివేదించగా... ‘అసలు ఈ సమగ్ర కుటుంబ సర్వేను ఏ చట్టం కింద చేపట్టారు? ముందు మాకు ఆ చట్టాన్ని చూపండి’ అని ధర్మాసనం పేర్కొంది. విచారణ వచ్చే వారానికి వాయిదా వేయాలని రోహత్గీ కోరగా, ధర్మాసనం అందుకు నిరాకరించింది. ఇది 57 శాతం రిజర్వేషన్లకు సంబంధించిన కేసు అని రోహత్గీ ప్రస్తావించగా.. సారీ.. డిస్మిస్‌ అంటూ ప్రభుత్వం దాఖలు చేసిన పిటిషన్‌ను ధర్మాసనం కొట్టేసింది. మరోసారి రోహత్గీ జోక్యం చేసుకుంటూ.. డెడికేటెడ్‌ కమిషన్‌ నివేదిక ఇక్కడే ఉందని, దానిని పరిశీలించాలని కోరగా, హైకోర్టు చాలా సహేతుకమైన వైఖరితో తీర్పునిచ్చిందని సుప్రీం ధర్మాసనంస్పష్టం చేసింది. డమ్మీ కమిషన్‌..డెడికేటెడ్‌ కమిషన్‌ నివేదిక విషయంలో చంద్రబాబు సర్కారు తీరుపై ఆది నుంచి సర్వత్రా అనుమానాలు వ్యక్తమయ్యాయి. కమిషన్‌ నివేదికను బహిర్గతం చేయకపోవడాన్ని ఇప్పటికే హైకోర్టు సూటిగా ప్రశ్నించింది. కమిషన్‌ నివేదికను ఇంకా పరిగణనలోకి తీసుకోలేదని ఒకపక్క ప్రభుత్వం చెబుతోంది. మరి పట్టించుకోని కమిషన్‌ ఆధారంగా చంద్రబాబు ప్రభుత్వం బీసీలకు 34 శాతం రిజర్వేషన్లు ఎలా కల్పించినట్లు? డమ్మీ కమిషన్‌ ఇచ్చిన నివేదిక చెల్లదని చంద్రబాబుకు తెలియదా? ఇదే విషయాలను హైకోర్టు సైతం ప్రస్తావించింది.అయితే హైకోర్టు తీర్పు తరువాత కూడా చంద్రబాబు బీసీలను మోసం చేయడం మానలేదు. అదొక డమ్మీ కమిషన్‌ అని హైకోర్టు తేల్చినా చంద్రబాబు ఆ కమిషన్‌ను మరికొంత కాలం పాటు పొడిగించారు. తాజాగా సుప్రీంకోర్టు కూడా డెడికేటెడ్‌ కమిషన్‌ విషయంలో హైకోర్టు తీర్పును సమర్థించింది. అంతే కాదు.. చంద్రబాబు ప్రభుత్వానికి డెడికేటెడ్‌ కమిషన్‌ సమర్పించిన నివేదికను పరిశీలించాలన్న వినతిని సైతం విచారణ సందర్భంగా సుప్రీంకోర్టు నిర్ద్వందంగా తోసిపుచ్చింది. తద్వారా ఆ కమిషన్‌ నివేదికకు ఏమాత్రం విలువ లేనే లేదని చెప్పినట్లయింది. చట్టం తెలియదా బాబూ? అధికారంలోకి వచ్చేందుకు తప్పుడు హామీలు ఇచ్చిన చంద్రబాబుకు బీసీలకు 34 శాతం రిజర్వేషన్ల అమలు పార్లమెంట్‌లో చట్టం చేయకుండా సాధ్యం కాదన్న సంగతి స్పష్టంగా తెలుసు. సుదీర్ఘ రాజకీయ అనుభవం ఉందని తరచూ చెప్పుకునే చంద్రబాబుకు చట్టం తెలియదంటే ఎవరు నమ్ముతారు? అన్నీ తెలిసి కూడా బీసీలకు 34 శాతం రిజర్వేషన్లు కల్పించి తీరుతామని మేనిఫెస్టోలో హామీ ఇచ్చారు. హామీ ఇద్దాం.. ఎలాగూ కోర్టులు దాన్ని కొట్టేస్తాయి.. ఆ నెపాన్ని న్యాయస్థానాలపై నెట్టేయవచ్చునన్న రీతిలో బాబు వ్యవహరించారు. గతంలో మాజీ సీఎం వైఎస్‌ జగన్‌ ప్రభుత్వం స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తే దీన్ని అడ్డుకునేందుకు చంద్రబాబు తనకు సన్నిహితుడైన బిర్రు ప్రతాప్‌రెడ్డిని రంగంలోకి దించారు. వైఎస్‌ జగన్‌ కల్పించిన రిజర్వేషన్లను హైకోర్టులో సవాలు చేయించి అక్కడ కొట్టేయించారు. సుప్రీంకోర్టులో కూడా కొట్టేసేలా చేశారు. ప్రస్తుతం కేంద్రం, రాష్ట్రంలో కీలక పదవుల్లో ఉన్న టీడీపీ నేతలు నాడు వైఎస్‌ జగన్‌పై దుష్ప్రచారం చేశారు. 34 శాతం రిజర్వేషన్లు తాము అమలు చేసి చూపిస్తామంటూ నమ్మబలికారు. 50 శాతం పరిమితి దాటిన రిజర్వేషన్లు..రాష్ట్రంలోని గ్రామీణ స్థానిక సంస్థల్లో బీసీలకు 34 శాతం రిజర్వేషన్లు కల్పిస్తూ ఈ ఏడాది ఆగస్టు 20న చంద్రబాబు సర్కారు జీవో ఎంఎస్‌ నంబర్‌ 105 జారీ చేసింది. పట్టణ స్థానిక సంస్థల్లో 33.33 శాతం రిజర్వేషన్లు కల్పిస్తూ ఆగస్టు 19న జీవో ఆర్టీ నంబర్‌ 1065 తీసుకొచ్చింది. అయితే గ్రామీణ స్థానిక సంస్థల్లో బీసీలకు 34 శాతం కోటా అమలు చేయడం వల్ల ఎస్సీ, ఎస్టీ, బీసీల మొత్తం రిజర్వేషన్లు ఏకంగా 61.08 శాతానికి చేరుకున్నాయి. ఇది ఇందిరా సహానీ, డాక్టర్‌ కె.కృష్ణమూర్తి, వికాస్‌ కిషన్‌ రావ్‌ గవాలీ కేసుల్లో సుప్రీంకోర్టు విధించిన 50 శాతం గరిష్ట పరిమితిని ఉల్లంఘించడమే. సరైన శాస్త్రీయ అధ్యయనం లేకుండా, రిజర్వేషన్ల వర్గీకరణను (ఏ,బీ,సీ,డీ,ఈ) అమలు చేయకుండా కేవలం కుటుంబ సర్వే ఆధారంగా ఒకే బ్లాక్‌గా రిజర్వేషన్లు కల్పించడాన్ని హైకోర్టులో పిటిషనర్లు సవాల్‌ చేశారు. ఈ వ్యాజ్యాలపై విచారణ జరిపిన హైకోర్టు ప్రధాన న్యాయమూర్తి జస్టిస్‌ లీసా గిల్, జస్టిస్‌ చల్లా గుణరంజన్‌ల ధర్మాసనం బీసీలకు కల్పించిన 34 శాతం రిజర్వేషన్ల జీవోలను ఈ నెల 1న కొట్టివేస్తూ తీర్పునిచ్చింది. తీర్పునిచ్చిన నాటి నుంచి ఆరు వారాల్లోపు ఎన్నికల ప్రక్రియను ప్రారంభించాలని ఎన్నికల సంఘాన్ని, రాష్ట్ర ప్రభుత్వాన్ని ఆదేశించిన విషయం తెలిసిందే.

సాక్షి,న్యూఢిల్లీ: కాక్రోచ్ జనతా పార్టీ(సీజేపీ) చేపట్టనున్న నిరసనపై సుప్రీంకోర్టు కీలక వ్యాఖ్యలు చేసింది. ఢిల్లీలో కాక్రోచ్ జనతా పార్టీ చేపట్టనున్న నిరసనను అడ్డుకునేందుకు ప్రభుత్వం విధించిన ఆంక్షలపై సుప్రీంకోర్టు తీవ్ర ఆందోళన వ్యక్తం చేసింది. ‘పరిస్థితిని బట్టి నిబంధనలు ఉండాలి. కానీ ప్రజల రాకపోకలపై పూర్తి నిషేధం విధించలేమని అత్యున్నత న్యాయ స్థానం కేంద్ర ప్రభుత్వానికి స్పష్టం చేసింది. మెట్రో, ఇతర రైలు సర్వీసులను పూర్తిగా నిలిపివేయడం సరికాదని తేల్చిచెప్పింది.ఓటరు జాబితాల సవరణ (సర్‌) ప్రక్రియలో లోపించిన పారదర్శకత, అందుకు బాధ్యులైన కేంద్ర ఎన్నికల సంఘం ప్రధాన అధికారి జ్ఞానేష్‌ కుమార్‌ రాజీనామా చేయాలని సీజేపీ శనివారం ఆందోళనకు పిలుపునిచ్చింది. ఈ నేపథ్యంలో ప్రభుత్వం విధించిన ఆంక్షలపై దాఖలైన పిటిషన్‌పై సుప్రీంకోర్టు విచారణ చేపట్టింది. నగరంలోని వివిధ ప్రాంతాల నుంచి నిత్యం లక్షలాది మంది ప్రయాణికులు రాకపోకలు సాగిస్తుంటారని, కాబట్టి రవాణా వ్యవస్థను మొత్తంగా మూసివేయడం తగదని కోర్టు అభిప్రాయపడింది.ఈ ఆంక్షలను తక్షణమే పునః పరిశీలించాలని కేంద్ర ప్రభుత్వ న్యాయవాదిని ఆదేశించింది.యువకులు, వృద్ధులు అనే తేడా లేకుండా అందరూ ప్రయాణాలు చేస్తుంటారు. ప్రయాణికులకు రవాణా వంటి ప్రాథమిక సౌకర్యాలు పొందే హక్కు ఉంది అని కోర్టు పేర్కొంది. భద్రతా ఆంక్షలకు, రవాణా వ్యవస్థను పూర్తిగా మూసివేయడానికి చాలా తేడా ఉందని గుర్తుచేస్తూ, మూసివేసిన మెట్రో స్టేషన్ల సంఖ్యను తగ్గించాలని సూచించింది. ‘ఈగను చంపడానికి సుత్తిని ఉపయోగించలేరు’ అంటూ ప్రభుత్వం అనుసరించిన అతి కఠిన విధానాన్ని కోర్టు తప్పుపట్టింది.ఇదీ చదవండి : దేశ వ్యాప్తంగా పెను సంచలనం!

సాక్షి, న్యూఢిల్లీ: ఆంధ్రప్రదేశ్‌ ప్రభుత్వానికి సుప్రీంకోర్టులో ఎదురుదెబ్బ తగిలింది. బీసీల రిజర్వేషన్లపై దాఖలు చేసిన పిటిషన్‌ను శుక్రవారం డిస్మిస్‌ చేసింది. స్థానిక సంస్థల ఎన్నికల్లో 34 శాతం రిజర్వేషన్లు కల్పిస్తూ జారీ చేసిన ప్రభుత్వ ఉత్తర్వులను(జీవోలను) హైకోర్టు రద్దు చేసిన సంగతి తెలిసిందే. ఈ తీర్పును సవాల్‌ చేసిన రాష్ట్ర ప్రభుత్వానికి ఇప్పుడు సర్వోన్నత న్యాయస్థానంలోనూ చుక్కెదురైంది. స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పించాలని రాష్ట్ర ప్రభుత్వం గతంలో ఉత్తర్వులు జారీ చేసింది. గ్రామ పంచాయతీలు, మండల పరిషత్‌లు, జిల్లా పరిషత్‌లతోపాటు పట్టణ స్థానిక సంస్థల్లోనూ ఈ రిజర్వేషన్లు అమలు చేయాలని నిర్ణయించింది. ఇందుకు సంబంధించి పంచాయతీరాజ్‌ శాఖ జీఓ 105ను, పురపాలక శాఖ జీఓ 1065ను జారీ చేసింది.అయితే, ఎస్సీ, ఎస్టీ, బీసీ వర్గాలకు కలిపి మొత్తం రిజర్వేషన్లు 50 శాతం పరిమితిని మించకూడదన్న సుప్రీంకోర్టు మార్గదర్శకాలకు ఈ ఉత్తర్వులు విరుద్ధంగా ఉన్నాయని పేర్కొంటూ ఆంధ్రప్రదేశ్‌ హైకోర్టు వాటిని కొట్టివేసింది. స్థానిక సంస్థల ఎన్నికల ప్రక్రియను త్వరగా ప్రారంభించాలని కూడా రాష్ట్ర ప్రభుత్వాన్ని, రాష్ట్ర ఎన్నికల సంఘాన్ని ఆదేశించింది. ఎస్‌ఎల్‌పీ దాఖలుహైకోర్టు తీర్పును సవాల్‌ చేస్తూ రాష్ట్ర ప్రభుత్వం సుప్రీంకోర్టులో పిటిషన్‌ దాఖలు చేసింది. బీసీ రిజర్వేషన్ల కోసం 2026లో కొత్తగా చేపట్టిన అధ్యయనాన్ని హైకోర్టు సరిగ్గా పరిగణనలోకి తీసుకోలేదని ప్రభుత్వం తన వాదనలో పేర్కొంది. హైకోర్టు తీర్పుపై మధ్యంతర స్టే ఇవ్వాలని కోరింది. ఈ పిటిషన్‌ను జస్టిస్‌ దీపాంకర్‌ దత్తా, జస్టిస్‌ షీల్‌ నాగు ధర్మాసనం విచారించింది. రాష్ట్ర ప్రభుత్వం కోరిన ఉపశమనాన్ని నిరాకరిస్తూ పిటిషన్‌ను కొట్టివేసింది. దీంతో స్థానిక సంస్థల ఎన్నికల్లో బీసీలకు 34 శాతం రిజర్వేషన్ల అమలుపై రాష్ట్ర ప్రభుత్వం ఆశించిన ఊరట లభించలేదు.ఏపీ ప్రభుత్వ సర్వేను తప్పుబట్టిన సుప్రీం కోర్టుకేవలం సమగ్ర కుటుంబ సర్వేను ఎలా పరిగణలోకి తీసుకుంటాం?ప్రభుత్వ గణాంకాలు శాస్త్రీయంగా లేవన్న ధర్మాసనం.. ఏపీ హైకోర్టు తీర్పు సహేతుకంగా ఉంది.. పిటిషన్‌ డిస్మిస్‌ఎన్నికలకు లైన్‌ క్లియర్‌!ఏపీలో స్థానిక సంస్థల ఎన్నికలకు సుప్రీం కోర్టు నుంచి గ్రీన్‌సిగ్నల్‌ లభించింది. ఏపీ ప్రభుత్వం వేసిన పిటిషన్‌ డిస్మిస్‌ నేపథ్యంలో.. హైకోర్టు ఇచ్చిన గడవులోపు ఎన్నికలు నిర్వహించేందుకు సిద్ధమని ఇవాళ కోర్టుకు తెలిపింది. అయితే సర్‌ ప్రక్రియ పూర్తి కాకపోతే పాత జాబితాతో.. పూర్తయితే కొత్త జాబితా ప్రకారం ఎన్నికలు నిర్వహించాలని, నోటిఫికేషన్‌ నాటికి ఏ జాబితా పూర్తయితే ఆ జాబితాను తీసుకోవాలని కోర్టు ఈసీకి సూచించింది. దీంతో హైకోర్టు ఇచ్చిన ఆరు వారాల గడువులోపు నోటిఫికేషన్‌ ఇస్తామని ఎన్నికల సంఘం తెలిపింది.ఇదీ చదవండి: ఇదేం కవరింగ్‌ బాబూ!

న్యూఢిల్లీ: ‘ఇంకో మంచి సినిమా తీయండి... ప్రజలకు వినోదం పంచండి. మీ ఇమేజీని పునరుద్ధురించుకోండి’. బాలీవుడ్‌ కమెడియన్‌ రాజ్‌పాల్‌ యాదవ్‌కు దేశ అత్యన్నత న్యాయస్థానం ఇచ్చిన సలహా ఇది. చెక్‌ బౌన్స్‌ కేసుల్లో రాజ్‌పాల్‌ యాదవ్‌ రూ.1.15 కోట్ల మొత్తాన్ని కోర్టు రిజిస్ట్రీకి చెల్లించడాన్ని పరిగణలోకి తీసుకున్న సుప్రీంకోర్టు బుధవారం ఈ వ్యాఖ్యలు చేసింది. సుమారు ఏడు చెక్‌ బౌన్స్‌ కేసుల్లో రాజ్‌పాల్‌ యాదవ్‌ కోట్ల రూపాయలు చెల్లించాల్సి ఉన్న విషయం తెలిసిందే. ఇదే అంశంపై ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జోయ్‌ మాల్యా బాగ్చీ, జస్టిస్‌ వి.మోహనలతో కూడిన బెంచ్‌ కొన్ని రోజుల క్రితం రాజ్‌పాల్‌పై తీవ్ర ఆగ్రహం వ్యక్తం చేసింది కూడా. తాజాగా బుధవారం ఈ అంశంపై బెంచ్‌ విచారణ చేపట్టగా రాజ్‌పాల్‌ యాదవ్‌ స్వయంగా కోర్టుకు హాజరై తనదైన శైలిలో వివరణ ఇచ్చుకున్నారు. ‘‘సర్‌. దండం పెడుతున్నా... పదమూడేళ్లలో 200 – 250 సినిమాల్లో నటించాను. అలాగే రూ.200 – 250 కోట్లు నష్టపోయాను కూడా. ‘‘అతా పతా లాపతా’’ సినిమాతో రూ.17 కోట్లు గంగలో కలిసిపోయింది. నన్ను ఎప్పుడైనా, ఎక్కడికైనా పంపించండి. నేను రెడీ’’ అని పరిస్థితిని వివరించారు. ‘‘నాకు వ్యతిరేకంగా ఒక ప్రెస్‌మీట్‌ పెట్టారు. సినిమా విడుదల కాకుండా అడ్డుకున్నారు. 1200 థియేటర్లలో విడుదల కావాల్సిన సినిమా. ఒక్కదాంట్లోనూ కాకుండా చేశారు’’ అని ఆవేదన వ్యక్తం చేశారు. ఈ దశలో సీజేఐ మాట్లాడుతూ.. ‘‘ఏదైనా కొత్త సినిమా వస్తోందా? మంచి సినిమా ఒకటి తీసి మళ్లీ ఒకసారి వినోదాన్నివ్వండి. ఈ ఇమేజీ కూడా మెరుగుపడుతుంది. ఇక్కడ మా న్యాయవాదుల్లోనూ కొందరు మంచి నటులున్నారు. వాళ్లతో సినిమా తీయండి’’ అని చమత్కరించారు. కేసు విచారణ ఇప్పుడు వచ్చే వారానికి వాయిదా పడింది. రాజ్‌పాల్‌ యాదవ్‌ చెక్‌ బౌన్స్‌ల వ్యవహారం మొత్తం 2010లో మొదలైంది. సొంత దర్శకత్వంలో తీయాలనుకున్న ‘అతా పతా లాపతా’ సినిమా కోసం రాజ్‌పాల్‌ మెస్సర్స్‌ ముర్లీ ప్రాజెక్ట్స్‌ అనే సంస్థ నుంచి రూ.5 కోట్లు తీసుకున్నారు. ఈ మొత్తాన్ని తిరిగి చెల్లించేందుకు రాజ్‌పాల్‌ రూ.1.05 కోట్ల చెక్కులు ఏడు ఆ సంస్థకు ఇచ్చారు. అయితే ఇవన్నీ బ్యాంకులో బౌన్స్‌ అయ్యాయని ముర్లీ ప్రాజెక్ట్స్‌ ఆరోపిస్తోంది. ఒప్పందం ప్రకారం రాజ్‌పాల్‌ దంపతులు, వారి కంపెనీ వడ్డీతో కలిపి రూ.11 కోట్లు చెల్లించాలి. చెక్‌ బౌన్సు కావడంపై ఆ సంస్థ కోర్టుకెక్కడంతో జూలై 10న ఢిల్లీ కోర్టు అతడిని దోషిగా నిర్ధారించింది. మూడు నెలల శిక్ష విధించింది. ఐదేళ్లు ఆలస్యంగా అసాధారణంగా కేసులు వేయడాన్ని కూడా తప్పుపట్టలేదు. భార్య రాధా రాజ్‌పాల్‌ యాదవ్‌పై కూడా ఒక్కో చెక్కుకు రూ.5.5 లక్షల చొప్పున జరిమానా విధించిన హైకోర్టు జరిమానా చెల్లించకపోతే మూడు నెలల సాధారణ జైలు శిక్ష అనుభవించాలని తీర్పునిచ్చింది. ఈ నేపథ్యంలో రాజ్‌పాల్‌ సుప్రీంకోర్టును ఆశ్రయించారు. సుప్రీంకోర్టు అతడి అరెస్ట్‌ను కొంతకాలం నిలువరించినా రూ.5 కోట్లు చెల్లించాలని ఆదేశించింది.

సాక్షి, న్యూఢిల్లీ: చట్టసభల విశేషాధికారాలు (ప్రివిలేజెస్‌), పౌరుల వాక్‌ స్వాతంత్య్రం (ఆర్టికల్‌ 19(1)(ఎ)), జీవించే హక్కుల (ఆర్టికల్‌ 21) మధ్య తలెత్తిన విభేదాలపై సుప్రీంకోర్టులో దాదాపు రెండు దశాబ్దాలుగా పెండింగ్‌లో ఉన్న కీలక కేసు విచారణకు తెరపడింది. ఈ వివాదానికి మూలమైన 2003 నాటి వివాదాస్పద తీర్మానాన్ని తమిళనాడు అసెంబ్లీ 2004లోనే ఉపసంహరించుకుంది. దీంతో కేసు విచారణనునిరర్థకమైనది (ఇన్‌ఫ్రక్ట్యుయస్‌)గా పరిగణిస్తూ ప్రధాన న్యాయమూర్తి (సీజేఐ) జస్టిస్‌ సూర్యకాంత్‌ నేతృత్వంలోని ఏడుగురు సభ్యుల రాజ్యాంగ ధర్మాసనం మంగళవారం లాంఛనంగా ముగించింది. వివాదానికి కారణం 2003 ఏప్రిల్‌లో ‘ది హిందూ’దినపత్రికలో ప్రచురితమైన ‘రైజింగ్‌ ఇంటాలరెన్స్‌’(పెరుగుతున్న అసహనం) ఎడిటోరియల్‌ ఈ వివాదానికి కారణమైంది. అప్పటి తమిళనాడు ముఖ్యమంత్రి జయలలిత, ఆ ప్రభుత్వ నిర్ణయాలను తీవ్రంగా విమర్శిస్తూ రాసిన ఈ కథనంపై అసెంబ్లీ తీవ్ర అభ్యంతరం వ్యక్తం చేసింది. సభా కార్యకలాపాలను వక్రీకరించారని, ఇది సభా హక్కుల ఉల్లంఘనే అని పేర్కొంటూ 2003 నవంబర్‌ 7న అప్పటి స్పీకర్‌ కె.కాళిముత్తు అధ్యక్షతన అసెంబ్లీ తీర్మానం ఆమోదించింది. ఆ పత్రిక సంపాదకీయ సిబ్బందిని అరెస్టు చేయాలని అసెంబ్లీ తీర్మానం ఆమోదించిన కొన్ని గంటల వ్యవధిలోనే ఎడిటర్‌ ఎన్‌.రవి, ఎగ్జిక్యూటివ్‌ ఎడిటర్‌ మాలిని పార్థసారథి, బ్యూరో చీఫ్‌ వి.జయంత్, స్పెషల్‌ కరస్పాండెంట్‌ రాధా వెంకటేశన్, పబ్లిషర్‌ ఎస్‌.రంగరాజన్‌లను పోలీసులు అరెస్టు చేశారు. అత్యున్నత న్యాయస్థానం జోక్యం ఈ అరెస్టులను సవాలు చేస్తూ బాధితులంతా సుప్రీంకోర్టును ఆశ్రయించారు. పిటిషన్‌ను విచారించిన న్యాయమూర్తులు జస్టిస్‌ వైకే సభర్వాల్, జస్టిస్‌ ఎస్బీ సిన్హాల ధర్మాసనం 2003 నవంబర్‌ 10న అరెస్టులపై స్టే విధించింది. అయితే, ఆర్టికల్‌ 194 నిర్దేశించే చట్టసభల హక్కులకు, ఆర్టికల్‌ 19 కల్పించే వాక్‌ స్వాతంత్ర్యానికి మధ్య వైరుధ్యం తలెత్తినప్పుడు ఏది ప్రబలంగా ఉంటుందనే అంశంపై గతంలో సుప్రీంకోర్టు భిన్నమైన తీర్పులు (పండిట్‌ ఎం.ఎస్‌.ఎం శర్మ వర్సెస్‌ శ్రీ కష్ణ సిన్హా కేసులో) వెలువరించింది. ఈ నేపథ్యంలో రాజ్యాంగపరమైన ప్రశ్నలకు స్పష్టత ఇవ్వడం కోసం 2003 డిసెంబర్‌లో ద్విసభ్య ధర్మాసనం ఈ వ్యవహారాన్ని ఐదుగురు సభ్యుల రాజ్యాంగ ధర్మాసనానికి బదిలీ చేసింది. ఆ తర్వాత భిన్నాభిప్రాయాల దృష్ట్యా సుప్రీంకోర్టు దీనిని ఏడుగురు సభ్యుల ధర్మాసనానికి అప్పగించింది. 2004లోనే ఉపసంహరణ కేసును విచారించేందుకు సీజేఐ సూర్యకాంత్‌ నేతత్వంలో జస్టిస్‌ అరవింద్‌ కుమార్, జస్టిస్‌ పీకే మిశ్రా, జస్టిస్‌ జాయ్‌మాల్యా బాగ్చీ, జస్టిస్‌ విపుల్‌ పంచోలి, జస్టిస్‌ శ్రీ చంద్రశేఖర్, జస్టిస్‌ వి.మోహనలతో కూడిన ఏడుగురు సభ్యుల ధర్మాసనం ఏర్పాటైంది. అక్టోబర్‌ 6వ తేదీన దీనిపై తుది విచారణ ప్రారంభం కావాల్సి ఉండగా, తమిళనాడు ప్రభుత్వం తరఫు సీనియర్‌ న్యాయవాది రాజు రామచంద్రన్‌ సోమవారమే కీలక విషయాన్ని సీజేఐ దృష్టికి తీసుకొచ్చారు. జర్నలిస్టులపై చర్యలు తీసుకుంటూ చేసిన తీర్మానాన్ని అసెంబ్లీ 2004లోనే రద్దు చేసిందని, దీనిపై అప్పట్లోనే కోర్టులో అఫిడవిట్‌ వేశామని గుర్తు చేశారు. ఈ విషయం అప్పట్లో న్యాయస్థానం దృష్టికి రాకపోవడంతో కేసు ఏళ్లుగా పెండింగ్‌లో ఉండిపోయింది. రాజు రామచంద్రన్‌ వాదనతో సొలిసిటర్‌ జనరల్‌ తుషార్‌ మెహతా కూడా ఏకీభవించారు. అసలు తీర్మానమే మనుగడలో లేనప్పుడు కేవలం అకడమిక్‌ ప్రయోజనాల కోసం న్యాయస్థానం తన సమయాన్ని వెచ్చించబోదని ఈ సందర్భంగా సీజేఐ స్పష్టం చేశారు. రికార్డు సృష్టించిన సుప్రీం మంగళవారం విచారణ సందర్భంగా ఈ కేసును లాంఛనంగా ముగించినట్లు ధర్మాసనం ప్రకటించింది. అప్పటి తీర్మానాన్ని ఉపసంహరించు కున్నందున ప్రస్తుత పరిస్థితుల్లో విచారణ అవసరం లేదని స్పష్టం చేసింది. అయితే, చట్టసభల విశేషాధికారాలు, పత్రికా స్వేచ్ఛకు సంబంధించిన న్యాయపరమైన ప్రశ్నలను భవిష్యత్తులో సరైన కేసు వచ్చినప్పుడు పరిశీలిస్తామని వెల్లడించింది. సుప్రీంకోర్టు చరిత్రలో ఏడుగురు సభ్యుల ధర్మాసనం అత్యంత తక్కువ సమయం విచారణ జరిపి, అతి త్వరగా కేసును ముగించడం బహుశా ఇదే తొలిసారని సీనియర్‌ న్యాయవాది అభిషేక్‌ మను సింఘ్వీ వ్యాఖ్యానించారు. కేసును మూసి వేసినప్పటికీ, చట్టసభల విశేషాధికారాల దుర్వినియోగం అంశం అత్యంత ప్రాముఖ్యత సంతరించు కున్నదని సీనియర్‌ న్యాయవాది కపిల్‌ సిబల్‌ అభిప్రాయపడ్డారు. కాగా, ఈ విచారణకు ముందు పత్రికా స్వేచ్ఛను అణిచివేసేలా సభా హక్కులను ఉపయోగించరాదని వాదిస్తూ ఎడిటర్స్‌ గిల్డ్‌ ఆఫ్‌ ఇండియా, ప్రముఖ జర్నలిస్టులు అజిత్‌ అంజుమ్, సీమా చిస్తీ, ధన్యా రాజేంద్రన్, పరన్‌జాయ్‌ గుహ తకుర్తా, కునాల్‌ కమ్రా, సుభాషిణి అలీ తదితరులు ఈ కేసులో ఇంప్లీడ్‌ అయ్యేందుకు సుప్రీంకోర్టును ఆశ్రయించడం గమనార్హం.

న్యూఢిల్లీ: చెక్ బౌన్స్ కేసులో బాలీవుడ్ నటుడు రాజ్‌పాల్ యాదవ్‌కు సుప్రీంకోర్టులో కొంత ఊరట లభించింది. తన బకాయిల్లో భాగంగా రూ.1.15 కోట్ల డిమాండ్ డ్రాఫ్ట్‌తో బుధవారం కోర్టుకు హాజరైన ఆయన.. మిగిలిన రూ.8.5 లక్షలను చెల్లించేందుకు అక్టోబర్ 13 వరకు సమయం ఇవ్వాలని కోరారు. ఈ సందర్భంగా తనకు ఎదురైన ఆర్థిక ఇబ్బందులను వివరిస్తూ రాజ్‌పాల్ యాదవ్ భావోద్వేగానికి గురయ్యారు. ఈయన తెలుగులో ‘కిక్‌ 2’లో ‘దున్న’ పాత్రలో నటించారు.తాను దర్శకత్వం వహించిన ‘అతా పతా లాపతా’ కారణంగా భారీగా నష్టపోయానని రాజ్‌పాల్ యాదవ్ కోర్టుకు తెలిపారు. ఆ సినిమా వల్ల తనకు రూ.17 కోట్ల నష్టం వచ్చిందని, గత 13 ఏళ్లుగా సినిమా విడుదలకు సంబంధించిన వివాదాలు కొనసాగుతున్నాయని చెప్పారు. రూ.5 కోట్ల వివాదం కారణంగా తనకు సుమారు రూ.22 కోట్ల నష్టం జరిగినట్లు ఆయన పేర్కొన్నారు. తాను ఎన్నో ఏళ్లుగా ప్రజలను అలరిస్తూ వచ్చానని, కానీ ఇప్పుడు తన జీవితమే ఒక నాటకంగా మారిపోయిందని రాజ్‌పాల్ యాదవ్ ఆవేదన వ్యక్తం చేశారు. తాను దాదాపు 200 సినిమాల్లో నటించానని, తన జీవితాన్ని నాశనం చేశారని ఆరోపించారు. మళ్లీ ఇప్పుడిప్పుడే అవకాశాలు వస్తున్నాయని, రుణాన్ని తిరిగి చెల్లిస్తానని కోర్టుకు హామీ ఇచ్చారు.విచారణ సందర్భంగా సీజేఐ సూర్యకాంత్ నేతృత్వంలోని ధర్మాసనం రాజ్‌పాల్ యాదవ్ పరిస్థితిపై స్పందించింది. సినిమాలు తీయడం, వాటితో వచ్చే పరిణామాల గురించి కోర్టులో చర్చ జరిగింది. ప్రజలను అలరించే మంచి సినిమాలు చేయాలని సీజేఐ సూచించించారు. సీజేఐ సూర్యకాంత్, జస్టిస్ జయమాల్య బాగ్చీ, జస్టిస్ వి. మోహన్‌లతో కూడిన ధర్మాసనం రాజ్‌పాల్ యాదవ్‌కు రెండు వారాల గడువు ఇచ్చింది. ఈ వ్యవధిలో బకాయి మొత్తాన్ని చెల్లించేందుకు అవసరమైన ఏర్పాట్లు చేసుకోవాలని సూచించింది. ఇప్పటికే కోర్టు ఆదేశాలు జారీ చేసినప్పటికీ నిధులు సమకూర్చకపోవడంపై గత విచారణలో ధర్మాసనం అసంతృప్తి వ్యక్తం చేసింది.ఈ వ్యవహారం మురళీ ప్రాజెక్ట్స్ ప్రైవేట్ లిమిటెడ్‌కు సంబంధించిన చెక్ బౌన్స్ కేసులతో ముడిపడి ఉంది. ఈ కేసులో ఢిల్లీ హైకోర్టు రాజ్‌పాల్ యాదవ్‌ను దోషిగా నిర్ధారించి, ప్రతీ నేరానికి మూడు నెలల జైలు శిక్ష విధించింది. అయితే ఆయన శిక్షను వ్యతిరేకిస్తూ సుప్రీంకోర్టును ఆశ్రయించారు. ఫిర్యాదుదారుకు కొంత మొత్తమైనా తిరిగి అందేలా చూడటానికే తాము ఆయనకు అవకాశమిస్తున్నామని సీజేఐ గత విచారణలో పేర్కొన్నారు. గతంలో రూ.2 కోట్లు జమ చేయడానికి ఒక రోజు గడువు ఇచ్చిన కోర్టు, అదే చివరి అవకాశమని స్పష్టం చేసింది.ఇదీ చదవండి: ‘సర్‌’ సేవలో అధ్యాపకులు.. క్లాసుల్లేకుండా ‘సెమిస్టర్లా?

ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌ చుట్టూ ఉచ్చు బిగుస్తోందా? ఇప్పటివరకు రాజకీయ విమర్శలు, నిరసనలకే పరిమితమైన వివాదం ఇప్పుడు సుప్రీంకోర్టు గడప దాటింది. జ్ఞానేశ్‌ కుమార్‌పై వచ్చిన ఆరోపణలపై కేంద్రం, ఎన్నికల సంఘం నుంచి సమాధానం కోరుతూ సుప్రీంకోర్టు నోటీసులు జారీ చేయడం కీలక పరిణామంగా మారింది. అదే సమయంలో.. సోమవారం సుప్రీంకోర్టులో ఫామ్‌-6పై వచ్చిన వ్యాఖ్యలు, మంగళవారం ఢిల్లీలో రాహుల్‌ గాంధీ సహా విపక్ష ఎంపీల ఆందోళన.. ఈ వ్యవహారాన్ని మరింత వేడెక్కించాయి.జ్ఞానేశ్‌ కుమార్‌ను సీఈసీ పోస్టు నుంచి తక్షణం సస్పెండ్‌ చేయాలన్న పిటిషన్‌పై సుప్రీంకోర్టు ఎలాంటి మధ్యంతర ఉత్తర్వులు ఇవ్వలేదు. అయితే కేసును విచారణకు స్వీకరించి.. కేంద్రం, ఈసీతో పాటు జ్ఞానేశ్‌ కుమార్‌, మరో ఇద్దరు ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి తదితరులకు నోటీసులు ఇచ్చింది. ఎస్‌ఐఆర్‌కు సంబంధించిన 14 నిర్ణయాలు ఇతర కమిషనర్ల అభ్యంతరాలను పక్కనపెట్టి తీసుకున్నారన్నది పిటిషన్‌లో ప్రధాన ఆరోపణ. అలాగని ఇప్పటికిప్పుడు జ్ఞానేశ్‌ కుమార్‌ పదవికి ముప్పు వచ్చిందని చెప్పలేం. కానీ ఆయన నిర్ణయాలపై న్యాయపరీక్ష మొదలైందన్నది మాత్రం స్పష్టం.అసలు చిక్కు ఆ ఫామ్‌తోనే!ఈ వివాదంలో అత్యంత కీలకమైన అంశం ఫామ్‌-6. కొత్తగా ఓటరుగా నమోదు కావడానికి ఉపయోగించే ఈ ఫామ్‌కు ఎస్‌ఐఆర్‌ సమయంలో అదనపు డిక్లరేషన్‌ జతచేశారు. దాని విషయంలోనే సుప్రీంకోర్టు కీలక వ్యాఖ్య చేసింది.“మార్చిన ఫామ్‌-6ను మేం ఆమోదించలేదు. రికార్డులు వచ్చిన తర్వాత ఎవరు ఏం మార్చారో చూస్తాం” అని భారత ప్రధాన న్యాయమూర్తి జస్టిస్‌ సూర్యకాంత్‌ స్పష్టం చేశారు. దీంతో ఈ మార్పులకు అసలు అధికారం ఎవరిది? ఏ ప్రక్రియలో జరిగాయి? అన్నది ఇప్పుడు కోర్టు పరిశీలనలోకి వచ్చింది.ఇదే అంశంపై ఎన్నికల సంఘం మాత్రం ఇంతకు ముందు తన వివరణ ఇచ్చింది. బిహార్‌లో ఎస్‌ఐఆర్‌ నిర్ణయం ఏకగ్రీవంగా తీసుకున్నామని, సుప్రీంకోర్టు కూడా ఆ ఎస్‌ఐఆర్‌ అధికారాన్ని సమర్థించిందని పేర్కొంది. ఫామ్‌-6 విషయంలో రాహుల్‌ గాంధీ చేసిన ఆరోపణలు తప్పుదోవ పట్టించేవిగా ఈసీ అభివర్ణించింది. అయితే సుప్రీంకోర్టు మాత్రం తన ముందు ఉన్న రికార్డులను పరిశీలించి ఎవరు ఏ మార్పు చేశారో తెలుసుకుంటామని చెప్పడం.. ఈ వివాదం కొత్త మలుపు తిరిగినట్లైంది.జ్ఞానేశ్‌ ముందున్న తక్షణ కర్తవ్యం ఏంటంటే..ఇక జ్ఞానేశ్‌ కుమార్‌ ముందున్న అసలు పరీక్ష.. రాజకీయ విమర్శలకు సమాధానం ఇవ్వడం కాదు. సుప్రీంకోర్టుకు రికార్డులు సమర్పించి.. నిర్ణయాలు ఏ విధంగా తీసుకున్నారో వివరించడం. ముఖ్యంగా 14 నిర్ణయాలపై మిగిలిన ఇద్దరు కమిషనర్లు అభ్యంతరాలు వ్యక్తం చేశారన్న ఆరోపణలపై ఈసీ వద్ద ఉన్న పూర్తి రికార్డులు కీలకం కానున్నాయి. నిర్ణయాలు ఏకగ్రీవంగానే జరిగాయని ఈసీ చెబుతున్న నేపథ్యంలో.. ఆ నిర్ణయ ప్రక్రియకు సంబంధించిన పత్రాలు ఇప్పుడు మరింత ప్రాధాన్యం సంతరించుకున్నాయి.మరి కేంద్రం ఏం చేయబోతోంది?ఇక్కడే రాజకీయ ఉత్కంఠ మొదలవుతోంది. విపక్షాలు మాత్రం జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తున్నాయి. కానీ సీఈసీని కేంద్ర ప్రభుత్వం సాధారణ పరిపాలనా ఉత్తర్వుతో తొలగించే పరిస్థితి లేదు. కాబట్టి ప్రస్తుత దశలో కేంద్రం ముందున్న తక్షణ మార్గం సుప్రీంకోర్టుకు సమగ్ర సమాధానం ఇవ్వడం, ఎన్నికల సంఘం వైఖరిని చట్టపరంగా సమర్థించడం. అదే సమయంలో విపక్షాల తీరును ఎండగట్టడం. కోర్టు రికార్డులను పరిశీలించిన తర్వాత ఏదైనా నిర్ణయం చట్టానికి విరుద్ధంగా ఉందని తేలితే.. దాన్ని రద్దు చేసే అవకాశం ఉందని ఇప్పటికే ధర్మాసనం స్పష్టం చేసింది. అందుకే ఇప్పుడు కేంద్రం వైఖరి అత్యంత కీలకంగా మారింది.రోడ్డెక్కిన విపక్షాలు.. ‘జ్ఞానేశ్‌ బ్రో.. ఇట్స్‌ డన్‌’సుప్రీంకోర్టు పరిణామాల మరుసటి రోజే ఢిల్లీలో విపక్షాలు భారీ ఆందోళనకు దిగాయి. మల్లికార్జున ఖర్గే, రాహుల్‌ గాంధీ సహా ఇండియా కూటమి ఎంపీలు పార్లమెంట్‌ నుంచి ఎన్నికల సంఘం కార్యాలయం వైపు మార్చ్‌ చేపట్టారు. పోలీసులు అడ్డుకోవడంతో పార్లమెంట్‌ స్ట్రీట్‌ వద్దే రోడ్డుపై బైఠాయించి ధర్నా చేశారు. “జ్ఞానేశ్‌.. ఇట్స్‌ డన్‌ బ్రో. టైమ్‌ టు రిజైన్‌” అంటూ రాహుల్‌ గాంధీ చేసిన వ్యాఖ్య ఇప్పుడు ఆందోళనకు నినాదంగా మారింది. సీఈసీ రాజీనామా చేయాలని, ఎస్‌ఐఆర్‌, ఫామ్‌-6 వ్యవహారంపై సమాధానం చెప్పాలని విపక్షాలు డిమాండ్‌ చేస్తున్నాయి. మరోవైపు.. ఈసీ కార్యాలయం చుట్టూ భారీగా భద్రత ఏర్పాటు చేయడం కూడా రాజకీయంగా చర్చనీయాంశమైంది. ఎంపీలను ముందుకు వెళ్లకుండా పోలీసులు అడ్డుకోవడంతో నిరసన మరింత ఉధృతమైంది.మరోవైపు సీజేపీ.. దేశవ్యాప్త ఉద్యమానికి రెడీఇదంతా జరుగుతుండగానే సీజేపీ కూడా జ్ఞానేశ్‌ కుమార్‌కు వ్యతిరేకంగా ఉద్యమాన్ని మరింత విస్తరించేందుకు సిద్ధమవుతోంది. ఇప్పటికే ఆ పార్టీ, విద్యార్థి బృందాలు పలు ప్రాంతాల్లో నిరసనలు చేపట్టాయి. ఎన్నికల జాబితా ప్రక్రియలో అవకతవకలు జరిగాయని ఆరోపిస్తూ జ్ఞానేశ్‌ కుమార్‌ రాజీనామాను డిమాండ్‌ చేస్తున్నాయి. అంటే ఒకవైపు పార్లమెంటరీ విపక్షాల నిరసనలు.. మరోవైపు యువత ఆధారంగా సాగే సీజేపీ ఉద్యమం.. ఇంకోవైపు సుప్రీంకోర్టు విచారణ. మూడు దారుల్లో ఒత్తిడి పెరుగుతోంది.అసలు ఉత్కంఠ ఇక్కడే..ఇప్పటివరకు ఎస్‌ఐఆర్‌ వివాదం ప్రధానంగా “ఎన్నికల సంఘం వర్సెస్‌ విపక్షాలు” అన్నట్టుగా కనిపించింది. ఇప్పుడు సుప్రీంకోర్టు నోటీసులతో వ్యవహారం “ఎన్నికల సంఘం నిర్ణయాలు చట్టబద్ధంగానే జరిగాయా?” అనే ప్రశ్నకు చేరింది. కేంద్రం కూడా ఇప్పుడు రెండు విషయాలను సమన్వయం చేయాల్సి ఉంటుంది. ఒకటి.. రాజ్యాంగబద్ధమైన ఎన్నికల సంఘం స్వతంత్రతను కాపాడటం. రెండోది.. సుప్రీంకోర్టు అడిగిన రికార్డులు, వివరణలను సమర్థంగా సమర్పించడం.అందుకే ఇప్పుడు అందరి చూపూ ఒక్కచోటే.. సుప్రీంకోర్టు తదుపరి అడుగు ఏంటి? దానికి కేంద్రం ఇచ్చే సమాధానం ఏంటి? జ్ఞానేశ్‌ కుమార్‌ వ్యవహారంలో అసలు ట్విస్ట్‌ అక్కడే ఉండబోతోంది.ఇదీ చదవండి: జ్ఞానేశ్వర్‌ దిష్టిబొమ్మ కేసులో బిగ్‌ ట్విస్ట్‌

సాక్షి, న్యూఢిల్లీ: దేశ రాజధాని ఢిల్లీలో మహిళలు, అమ్మాయిల భద్రతపై సుప్రీంకోర్టు ధర్మాసనం తీవ్ర ఆందోళన వ్యక్తం చేసింది. రాత్రి వేళల్లో సైతం మహిళలు సురక్షితంగా మెట్రో రైళ్లలో, రహదారులు, వీధుల్లో ప్రయాణించే క్షేమదాయక వాతావరణం ఉండేలా చూడాలని పోలీసులకు సుప్రీంకోర్టు సూచించింది. ఢిల్లీ–ఎన్‌సీఆర్‌ పరిధిలో ఇటీవల చోటుచేసుకున్న వరుస అత్యాచార ఘటనలపై సుమోటోగా స్వీకరించిన జస్టిస్‌ జేబీ పార్దివాలా, జస్టిస్‌ కె.వినోద్‌ చంద్రన్‌ల ధర్మాసనం సోమవారం ఈ కేసును విచారించింది. ‘‘ఢిల్లీలో తరచూ వెలుగుచూస్తున్న అత్యాచార, లైంగిక వేధింపుల ఘటనలు చూస్తుంటే రాజధాని మహిళలకు ఏమాత్రం రక్షణ ఇవ్వట్లేదనే భావన కల్గుతోంది. ఇకనైనా దుండగుల గుండెల్లో వణుకు పుట్టేలా పోలీసుల కఠిన చర్యలు తీసుకోవాలి. నేరాలు జరిగాక దర్యాప్తు చేయడం కాదు. అవి జరగకుండా ముందస్తుగా నిరోధించడం అత్యంత కీలకం. సీసీటీవీల నిరంతర పర్యవేక్షణ, చీకటిగా ఉన్న సమస్యాత్మక ప్రాంతాల్లో వీధి దీపాల ఏర్పాటు తదితర భద్రతాపరమైన ఆడిట్‌ను 4 వారాల్లోగా పూర్తి చేయాలి’’అని ధర్మాసనం ఆదేశించింది. సవాల్‌గా తీసుకుని పనిచేయండి.. ‘‘కఠిన చర్యల విషయంలో మమ్మల్ని ఏమాత్రం నిరాశపర్చకండి. పరిష్కారం చూపి సమస్యను తుదముట్టించండి. లైంగిక వేధింపుల బారినపడుతున్న ప్రతి మహిళ, బాలిక మన సోదరి, తల్లే. ఈ ఉదంతాలు పోలీస్‌ విభాగానికి అతిపెద్ద సవాల్‌ విసురుతున్నాయి. ఇలాంటివి పునరావృతం కాకుండా ఆపాల్సిందే. వీటిని సవాల్‌గా తీసుకుని పనిచేయండి’’అని జస్టిస్‌ పార్ధివాలా పోలీసులకు సూచించారు. ‘‘తప్పు చేద్దామని అనుకునే వాళ్ల మనసుల్లో భయం పుట్టేలా చేయాలి. ఇప్పుడేమైనా చేస్తే చచి్చపోతాం అనే భయం వారిలో ఉండాలి. అలాంటి భయం గనక మీరు కల్పించలేకపోతే ఇలాంటి నేరాలు జరక్కుండా నివారించడం చాలా కష్టమవుతుంది’’అని ధర్మాసనం వ్యాఖ్యానించింది. భద్రతా చర్యలు కేవలం కాగితాల మీదే చూపిస్తే సరిపోదని, క్షేత్ర స్థాయిలో పటిష్ట నిఘా అవసరమని పోలీసు అధికారులకు కోర్టు చురకలంటించింది. సీసీటీవీ నెట్‌వర్క్‌లను ఏర్పాటు చేసి చేతులు దులిపేసుకోకుండా నెట్‌వర్క్‌ను కమాండ్‌ కంట్రోల్‌ సెంటర్ల ద్వారా 24 గంటలూ నిరంతరం పర్యవేక్షించినప్పుడే నేరాలను అరికట్టగలం. బస్టాండ్‌లు, రైల్వే, మెట్రో స్టేషన్లు, పబ్లిక్‌ పార్క్‌లు, పాఠశాలలు, కళాశాలల వద్ద ఏర్పాటుచేసిన సీసీటీవీ కెమెరాలు, వీధి దీపాలు, భద్రతా సిబ్బంది మోహరింపుపై సమగ్ర నివేదిక సమర్పించండి’’అని ఢిల్లీ పోలీసు ఉన్నతాధికారులకు ధర్మాసనం ఆదేశించింది. ‘‘నేరస్తుల విషయంలో అత్యంత కఠినంగా వ్యవహరించండి. ఎలాంటి ఒత్తిళ్లకు తలొగ్గకుండా చట్టపరమైన చర్యలు తీసుకోండి. రాత్రి 11 గంటల సమయంలోనూ రోడ్డు మీద ప్రయాణిస్తున్నా, మెట్రోలో వెళ్తున్నా మహిళలకు పూర్తి భద్రతా భావం కలిగేలా చూడాల్సిన పూర్తి బాధ్యత మీదే’’అని పోలీసులకు ధర్మాసనం కర్తవ్యబోధ చేసింది. ‘‘పబ్లిక్‌ పార్క్‌లలో సరైన లైట్లు, సెక్యూరిటీ ఉండట్లేదు. ఇవి అసాంఘిక శక్తులకు అడ్డాలుగా మారుతున్నాయి. ఈ పరిస్థితి మార్చాలి’’అని కోర్టు వ్యాఖ్యానించింది. కలవరపెడుతున్న ఆ 4 ఘటనలు .. ఢిల్లీ ఎన్‌సీఆర్‌ పరిధిలో తాజా రేప్‌ ఉదంతాల కేసుగా ఈ సూమోటో కేసును ధర్మాసనం విచారిస్తోంది. ముఖ్యంగా రాజధానిలో జరిగిన నాలుగు దారుణ ఘటనలను సుప్రీంకోర్టు తీవ్రంగా పరిగణించింది. ఢిల్లీలోని ఆస్తా కుంజ్‌ పార్కులో 17 ఏళ్ల బాలికపై జరిగిన సామూహిక అత్యాచారం ఘటనతోపాటు లేడీ శ్రీరామ్‌ ఉమెన్స్‌ కాలేజీ విద్యార్థినులు ఎదుర్కొంటున్న వరుస లైంగిక వేధింపుల ఘటనలనూ కోర్టు ప్రస్తావించింది. స్వరూప్‌ నగర్‌లో ఓ టీనేజ్‌ బాలికను ఆగంతకులు సామూహిక అత్యాచారంచేశాక చంపి పొలాల్లో పడేశారు. గ్రేటర్‌ నోయిడా నుంచి ఢిల్లీకి వచ్చిన బాలికను ఒక స్లీపర్‌ బస్సు డ్రైవర్, కండక్టర్‌ 47 కిలోమీటర్లు బస్సులో తిప్పుతూ లైంగిక దాడికి పాల్పడిన ఘటనలో పోలీసుల నిఘా వైఫల్యాన్ని సుప్రీంకోర్టు ఎత్తిచూపింది. కేంద్ర ప్రభుత్వం తరపున సొలిసిటర్‌ జనరల్‌ తుషార్‌ మెహతా వాదనలు వినిపించారు. ఈ కేసులో కోర్టు సహాయకుడు(అమికస్‌ క్యూరీ)గా సీనియర్‌ న్యాయవాది లిజ్‌ మాథ్యూ వ్యవహరించారు. మహిళల భద్రత కోసం తీసుకుంటున్న చర్యలను వివరించారు. ‘ఈ పని మా కూతుళ్ల కోసమే చేస్తున్నాం. మా పిల్లలైనా, మీ పిల్లలైనా ఒకటే’అని తుషార్‌ మెహతా కోర్టుకు విన్నవించారు.సమగ్ర నివేదిక ఇవ్వండి... మహిళల భద్రతకు సంబంధించి 4 కీలక అంశాలపై సమగ్ర నివేదిక సమర్పించాలని సంబంధిత అధికారులను కోర్టు ఆదేశించింది. పార్కులు, రోడ్లు, ప్రజా రవాణా వ్యవస్థలు, మార్కెట్లు, విద్యా సంస్థల వద్ద మహిళలు, పిల్లల భద్రతకు తీసుకున్న చర్యలు. లైంగిక నేరాలకు పాల్పడిన వారి వివరాలున్న జాతీయ డేటాబేస్‌ను ఢిల్లీ పోలీసులు ఏమేరకు క్రియాశీలకంగా ఉపయోగిస్తున్నారు? లైంగిక నేరాలకు సంబంధించిన దర్యాప్తును వేగవంతం చేసేందుకు హోం మంత్రిత్వ శాఖ ప్రారంభించిన ’ఇన్వెస్టిగేషన్‌ ట్రాకింగ్‌ సిస్టమ్‌ ఫర్‌ సెక్సువల్‌ అఫెన్సెస్‌’ఆన్‌లైన్‌ టూల్‌ను ఏ మేరకు సద్వినియోగం చేస్తున్నారు?. మహిళల భద్రత, సాధికారత కోసం ఉద్దేశించిన ’మిషన్‌ శక్తి’కార్యక్రమం ఢిల్లీలో అమలవుతున్న తీరుపై పూర్తి నివేదికలను తమ ముందు ఉంచాలని ధర్మాసనం ఆదేశించింది. కేసు తదుపరి విచారణను నవంబర్‌ 16వ తేదీకి కోర్టు వాయిదా వేసింది.

సాక్షి, న్యూఢిల్లీ: దేశ అత్యున్నత న్యాయస్థానం సుప్రీంకోర్టు మహిళా న్యాయమూర్తుల సంఖ్య మూడుకు చేరింది. సుప్రీంకోర్టుకు ముగ్గురు హైకోర్టు ప్రధాన న్యాయమూర్తులను కేంద్ర ప్రభుత్వం నియమించింది. కేంద్ర ప్రభుత్వం సోమవారం వారిని సుప్రీంకోర్టు న్యాయమూర్తులుగా నియమించినట్లు నోటిఫై చేసింది.సుప్రీంకోర్టుకు నియమితులైన ముగ్గురు న్యాయమూర్తుల్లో గుజరాత్ హైకోర్టు ప్రధాన న్యాయమూర్తి జస్టిస్ సునీతా అగర్వాల్; ఢిల్లీ హైకోర్టు ప్రధాన న్యాయమూర్తి జస్టిస్ దేవేంద్ర కుమార్ ఉపాధ్యాయ; తెలంగాణ హైకోర్టు ప్రధాన న్యాయమూర్తి జస్టిస్ అపరేష్ కుమార్ సింగ్ ఉన్నారు. జస్టిస్ సునితా అగర్వాల్ నియామకంతో సుప్రీంకోర్టు బెంచ్‌లో ప్రస్తుతం సేవలందిస్తున్న మహిళా న్యాయమూర్తుల సంఖ్య మూడుకి చేరుకుంటుంది. భారత ప్రధాన న్యాయమూర్తి సూర్యకాంత్ నేతృత్వంలోని సుప్రీంకోర్టు కొలీజియం, సెప్టెంబర్ 28న జరిగిన తన సమావేశంలో వారి పేర్లను సిఫార్సు చేసిన కొద్ది రోజులకే ఈ నియామకాలు జరిగాయి. ప్రస్తుతం 38 మంది న్యాయమూర్తుల మంజూరైన సంఖ్య కలిగిన సుప్రీంకోర్టును ఈ నియామకాలు బలోపేతం చేస్తాయని పేర్కొంటూ, కొలీజియం ఈ ముగ్గురు ప్రధాన న్యాయమూర్తుల పదోన్నతిని సిఫార్సు చేసింది.ఇదీ చదవండి: ఫ్లాట్‌ఫాం టికెట్, రూ. 500 ఫైన్‌‌ : ఈ విషయం తెలుసా మీకు?ఇదీ చదవండి: ఏసీపీ వివేక్‌ భగవత్‌పై ఆరోపణలు, తీవ్రంగా మండిపడిన మహువాప్రస్తుతం సుప్రీంకోర్టులో పనిచేస్తున్న న్యాయమూర్తుల సంఖ్య 34 కాగా, ముగ్గురు కొత్త న్యాయమూర్తులు లాంఛనంగా ప్రమాణ స్వీకారం చేసిన తర్వాత, దాని వాస్తవ సంఖ్య 37కి పెరుగుతుంది. భారత ప్రధాన న్యాయమూర్తితో సహా, సుప్రీంకోర్టులో అధికారికంగా మంజూరైన న్యాయమూర్తుల సంఖ్య 38.ఇదీ చదవండి: 15 మందితో.. పెళ్లైన 15 రోజులకే, మూడో భర్తపై ఎన్‌ఆర్‌ఐ ఫిర్యాదు

సాక్షి, న్యూఢిల్లీ: దేశ రాజధాని ఢిల్లీలో మహిళలు, బాలికలపై వరుసగా వెలుగుచూస్తున్న అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. నేరం జరిగిన తర్వాత పోలీసులు స్పందించడం మాత్రమే కాకుండా.. నేరం చేయాలనుకునే వారి మనసులోనే భయం పుట్టించేలా పోలీసింగ్‌ ఉండాలని స్పష్టం చేసింది. ఈ క్రమంలో ఢిల్లీ పోలీసులకు కీలక సూచనలు చేసింది. ఢిల్లీ–ఎన్‌సీఆర్‌లో ఇటీవల వెలుగుచూసిన అత్యాచారం, లైంగిక దాడుల ఘటనలపై మీడియా కథనాలను పరిగణనలోకి తీసుకున్న సుప్రీంకోర్టు సెప్టెంబర్‌ 28న సుమోటోగా కేసు నమోదు చేసింది. ఆ నెలలో చోటుచేసుకున్న పలు ఘటనలు మహిళలు, బాలికలకు బహిరంగ ప్రదేశాల్లో భద్రతపై తీవ్ర ప్రశ్నలు లేవనెత్తుతున్నాయని కోర్టు పేర్కొంది.నేరం తర్వాత కాదు.. ముందే అడ్డుకోవాలి‘‘ఏదైనా చేస్తే చచ్చిపోతాం’’ అనే భయం నేరగాళ్లలో కలగాలని జస్టిస్‌ జేబీ పర్దీవాలా, జస్టిస్‌ కే. వినోద్‌ చంద్రన్‌ల ధర్మాసనం ఢిల్లీ పోలీసులను ఉద్దేశించి వ్యాఖ్యానించింది. సోమవారం జరిగిన విచారణలో సుప్రీంకోర్టు పోలీసింగ్‌ తీరుపై కీలక ప్రశ్నలు వేసింది. నేరం జరిగిన తర్వాత నిందితులను పట్టుకోవడం మాత్రమే సరిపోదని.. నేరం జరగకుండా ముందే అడ్డుకునే వ్యవస్థ ఉండాలని స్పష్టం చేసింది.ఢిల్లీలో నేరాలకు అవకాశం ఉన్న ప్రాంతాలను నిరంతరం పర్యవేక్షించే వ్యవస్థ ఉందా? అక్కడ ఏదైనా ఘటన జరిగితే వెంటనే స్పందించే యంత్రాంగం ఉందా? అని పోలీసులను ప్రశ్నించింది. ముఖ్యంగా నేరాలు ఎక్కువగా జరిగే లేదా ప్రమాదకరంగా మారే ప్రాంతాలపై ప్రత్యేక నిఘా, నిరంతర పర్యవేక్షణ అవసరమని పేర్కొంది.పోలీస్‌ వ్యాన్‌ అక్కడే ఉంటే ఎలా?బీట్‌ పెట్రోలింగ్‌పై కూడా ధర్మాసనం దృష్టి పెట్టింది. పోలీసులు ఒకచోట వ్యాన్‌ నిలిపి ఉంచడం కాదని.. తమకు కేటాయించిన ప్రాంతాల్లో నిరంతరం తిరుగుతూ పరిస్థితిని గమనించాలని సూచించింది. అవసరమైన చోట పోలీసులు కనిపిస్తేనే నేరగాళ్లలో భయం ఏర్పడుతుందని.. ప్రజల్లో కూడా భద్రతా భావన పెరుగుతుందని కోర్టు అభిప్రాయపడింది. సీసీటీవీలు ఏర్పాటు చేయడం మాత్రమే సరిపోదని.. వాటిని నిరంతరం పర్యవేక్షించే వ్యవస్థ, అవసరమైనప్పుడు వెంటనే స్పందించే యంత్రాంగం ఉండాలని కూడా ప్రశ్నించింది.రాత్రైనా మహిళలు భయపడకూడదుమహిళల భద్రత అంటే కేవలం ఇంటి నుంచి బయటకు వచ్చినప్పుడు మాత్రమే కాదని సుప్రీంకోర్టు స్పష్టం చేసింది. రాత్రి 10 గంటలైనా ఒక మహిళ దేశరాజధాని రోడ్లపై భయం లేకుండా నడవగలగాలి. మెట్రోలో ప్రయాణించినా, రోడ్డు మార్గంలో వెళ్లినా భద్రతపై ఆందోళన చెందాల్సిన పరిస్థితి ఉండకూడదని పేర్కొంది. మహిళలు తమ రోజువారీ పనులు, ప్రయాణాలు చేసుకునే స్వేచ్ఛకు భద్రత అడ్డంకిగా మారకూడదన్నది కోర్టు స్పష్టం చేసింది.చీకటి ప్రాంతాలపై ప్రత్యేక నిఘాప్రమాదకర ప్రాంతాలను గుర్తించి అక్కడ భద్రత పెంచాలని కోర్టు సూచించింది. సరైన వీధి దీపాలు లేని ప్రాంతాలపై కూడా దృష్టి పెట్టాలని కోరింది. స్థానిక ప్రజలతో పోలీసులు మాట్లాడాలని.. వారి నుంచి వచ్చే ఫిర్యాదులను పరిగణనలోకి తీసుకోవాలని సూచించింది. ముఖ్యంగా వీధి దీపాలు లేకపోవడం, అసాంఘిక కార్యకలాపాలు జరుగుతుండటం వంటి అంశాలపై ప్రజలు చెబుతున్న సమాచారాన్ని పోలీసులు సీరియస్‌గా తీసుకోవాలని పేర్కొంది. అక్రమంగా నడిచే తినుబండారాలు, మద్యం దుకాణాల వద్ద అసాంఘిక కార్యకలాపాలకు అవకాశం ఉంటే వాటిపైనా చర్యలు తీసుకోవాలని ధర్మాసనం సూచించింది.‘కఠినంగా ఉండటానికి వెనకాడొద్దు’నేరస్తులపై కఠిన చర్యలు తీసుకునే విషయంలో పోలీసులు వెనకడుగు వేయకూడదని కూడా సుప్రీంకోర్టు స్పష్టం చేసింది. కఠిన చర్యలపై కొందరు రాజ్యాంగంలోని ఆర్టికల్‌ 21ను ప్రస్తావిస్తూ అభ్యంతరాలు వ్యక్తం చేసినా.. చట్టం అనుమతించే పరిధిలో అవసరమైన చర్యలు తీసుకోవాలని సూచించింది.నేరం జరిగిన తర్వాత స్పందించడం సరిపోదుఆగస్టు 4న గ్రేటర్‌ నోయిడా నుంచి ఢిల్లీకి వెళ్తున్న బస్సులో 17 ఏళ్ల బాలికపై జరిగిన సామూహిక అత్యాచారం కేసులో ఢిల్లీ పోలీసులు ఇటీవల చార్జిషీట్‌ దాఖలు చేశారు. డీఎన్‌ఏ ఆధారాలతో నిందితులను కేసుతో అనుసంధానించినట్టు పోలీసులు పేర్కొన్నారు. ఈ ఘటనతోపాటు ఇతర లైంగిక దాడుల ఘటనలపై కూడా సుప్రీంకోర్టు దృష్టి సారించింది.ఇటీవల ఢిల్లీ–ఎన్‌సీఆర్‌లో వరుసగా వెలుగుచూసిన ఘటనల నేపథ్యంలో సుప్రీంకోర్టు ఈ అంశాన్ని కేవలం కొన్ని కేసుల దర్యాప్తుగా చూడటం లేదు. మహిళలు, బాలికలు బహిరంగ ప్రదేశాల్లో సురక్షితంగా ఉండేలా మొత్తం పోలీసింగ్‌ వ్యవస్థ ఎలా పనిచేస్తోందన్నదానిపైనే దృష్టి పెట్టింది. ఒక కేసులో నిందితులను పట్టుకోవడం విజయమే కావచ్చు.. కానీ ఇలాంటి నేరం చేయాలనే ఆలోచన కూడా రాకుండా వ్యవస్థ పనిచేయడం అసలు లక్ష్యం కావాలి. ఢిల్లీ మహిళల భద్రతపై సోమవారం సుప్రీంకోర్టు చేసిన వ్యాఖ్యలు ఇదే అంశాన్ని స్పష్టంగా చెబుతున్నాయి.

సుప్రీంకోర్టు న్యాయమూర్తి జస్టిస్‌ ఉజ్జల్‌ భూయాన్‌ చేసిన వ్యాఖ్యలు ఇప్పుడు దేశవ్యాప్తంగా చర్చనీయాంశంగా మారాయి. సర్‌ పేరును ప్రస్తావించకుండా జరుగుతున్న ఓట్ల తొలగింపు ప్రక్రియపై సంచలన వ్యాఖ్యలే చేశారాయన. కోట్లాది మంది పౌరులను ఓటు హక్కుకు దూరం చేసే ఏ ప్రక్రియ అయినా సహజంగానే ఏకపక్షమైనదని, అది రాజ్యాంగానికి మూలమైన వ్యవస్థనే దెబ్బతీస్తుందని వ్యాఖ్యానించారాయన. అదే సమయంలో.. నల్సార్‌ విద్యార్థులను ‘ధైర్యవంతులు’ అంటూ ఆయన ప్రశంసలు గుప్పించడం వాడివేడి చర్చకు దారి తీసింది.హైదరాబాద్‌లోని నల్సార్‌ యూనివర్సిటీలో ఆదివారం జరిగిన 19వ జస్టిస్‌ బీఆర్‌ సావ్నీ మెమోరియల్‌ మూట్‌ కోర్టు పోటీ ముగింపు కార్యక్రమంలో జస్టిస్‌ భూయాన్‌ కీలక వ్యాఖ్యలు చేశారు. రాజ్యాంగంలోని ఆర్టికల్‌ 326, ఆర్టికల్‌ 14లకు విరుద్ధంగా కోట్లాది మందిని ఓటు హక్కు నుంచి దూరం చేసే ప్రక్రియ ఉండకూడదన్నారు. భారత రాజ్యాంగం ఓటు హక్కు ఉన్న పౌరులు, ఓటు హక్కు లేని పౌరులు అంటూ రెండు తరగతులను సృష్టించదని స్పష్టం చేశారు.ఓటు హక్కు రాజ్యాంగ మౌలిక స్వరూపంలో కీలక భాగమని పేర్కొన్న ఆయన.. ఏ అధికారం కూడా ఆర్టికల్‌ 326ను దెబ్బతీయలేదని అన్నారు. అలాంటి ప్రక్రియను ఏ కోర్టూ సమర్థించలేదని వ్యాఖ్యానించారు. ‘‘మిలియన్ల మందిని ఓటు హక్కు నుంచి దూరం చేసే ప్రక్రియను ఎలాంటి వాదనలతోనూ సమర్థించలేం’’ అంటూ ‘వాట్‌అబౌటరీ’ని కూడా ప్రస్తావించారుSIRపై నేరుగా పేరు చెప్పకపోయినా..ప్రస్తుతం దేశవ్యాప్తంగా ఓటర్ల జాబితాల ప్రత్యేక సమగ్ర సవరణ (SIR)పై రాజకీయంగా, న్యాయపరంగా చర్చ జరుగుతున్న సమయంలోనే భూయాన్‌ ఈ వ్యాఖ్యలు చేయడం ప్రాధాన్యం సంతరించుకుంది. అయితే తన ప్రసంగంలో ఆయన సర్‌ పేరును నేరుగా ప్రస్తావించలేదు. ఓటు హక్కును భారీ స్థాయిలో తొలగించే ఏ ప్రక్రియ అయినా రాజ్యాంగపరంగా సమస్యాత్మకమవుతుందని ఆయన విస్తృతంగా వ్యాఖ్యానించారు.ఎవరీ జస్టిస్‌ ఉజ్జల్‌ భూయాన్‌?1964 ఆగస్టు 2న అసోంలోని గువాహటిలో జన్మించిన జస్టిస్‌ ఉజ్జల్‌ భూయాన్‌.. సీనియర్‌ న్యాయవాది, అసోం మాజీ అడ్వొకేట్‌ జనరల్‌ సుచేంద్రనాథ్‌ భూయాన్‌ కుమారుడు. కిరోరీమల్‌ కాలేజీలో డిగ్రీ, గువాహటి ప్రభుత్వ న్యాయ కళాశాలలో ఎల్‌ఎల్‌బీ, గువాహటి యూనివర్సిటీలో ఎల్‌ఎల్‌ఎం పూర్తి చేశారు.1991లో న్యాయవాదిగా నమోదు చేసుకుని.. గువాహటి హైకోర్టులో ప్రాక్టీస్‌ చేశారు. 2011లో గువాహటి హైకోర్టు అదనపు న్యాయమూర్తిగా నియమితులై, 2013లో శాశ్వత న్యాయమూర్తిగా బాధ్యతలు చేపట్టారు. అనంతరం బాంబే హైకోర్టు, తెలంగాణ హైకోర్టుల్లో పనిచేశారు. 2022 జూన్‌లో తెలంగాణ హైకోర్టు ప్రధాన న్యాయమూర్తిగా బాధ్యతలు చేపట్టారు. 2023 జూలై 14న సుప్రీంకోర్టు న్యాయమూర్తిగా పదోన్నతి పొందారు.విద్యార్థులపై కూడా ప్రశంసలుఇదే కార్యక్రమంలో నల్సార్‌ విద్యార్థులను కూడా జస్టిస్‌ భూయాన్‌ ప్రశంసించారు. వారు ‘‘బ్రిలియంట్‌, బోల్డ్‌, బ్రేవ్‌’’ అంటూ కొనియాడారు. అయితే ఇటీవల నల్సార్‌ విద్యార్థుల నిరసనకు సంబంధించిన వివాదాన్ని ఆయన తన ప్రసంగంలో ప్రస్తావించలేదు. తన ప్రసంగం చివర్లో మాత్రం ప్రముఖ న్యాయవేత్త నాని పాల్కీవాలా వ్యాఖ్యలను ఉటంకిస్తూ.. స్వేచ్ఛను ఒక తరం నుంచి మరో తరానికి అందించాలంటే ప్రతి తరం దానిని కాపాడేందుకు, దాని కోసం పోరాడేందుకు సిద్ధంగా ఉండాలని జస్టిస్‌ భూయాన్‌ గుర్తుచేశారు.భారత ప్రధాన న్యాయమూర్తి జస్టిస్‌ సూర్యకాంత్‌.. గతంలో నిరుద్యోగ యువతను ఉద్దేశించి బొద్దింకలు అన్నారని పెద్ద ఉద్యమమే పుట్టుకొచ్చింది. అయితే తాను నకిలీ లాయర్లను ఉద్దేశించే అలా అన్నానని తర్వాత వివరణ ఇచ్చారు. అయినప్పటికీ ఆయన మీద అసంతృప్తి కొనసాగుతూ వచ్చింది. ఈ క్రమంలోనే.. నల్సార్‌లో ఆ మధ్య చీఫ్‌ జస్టిస్‌ సూర్యకాంత్‌ చీఫ్‌గెస్ట్‌గా ఓ కార్యక్రమం జరగాల్సి ఉండేది. అయితే ఆయన చేతుల మీదుగా పట్టాలు అందుకోవడం తమకు ఇష్టం లేదంటూ కొందరు స్టూడెంట్స్‌ కాలేజీ మేనేజ్‌మెంట్‌కు లేఖ రాయడం, దీనిపై బార్‌ కౌన్సిల్‌ ఆఫ్‌ ఇండియా సీరియస్‌ కావడం.. ఆ వెంటనే ఆ లా స్టూడెంట్స్‌పై చర్యలకు ఆదేశించడం, సీజేఐ జోక్యం చేసుకుని బార్‌ కౌన్సిల్‌ తీరును తప్పుబట్టడం, టోటల్‌గా ఆ కార్యక్రమం రద్దు కావడం.. చర్చనీయాంశమయ్యాయి.కొసమెరుపు ఏంటంటే.. తెలంగాణ హైకోర్టు ప్రధాన న్యాయమూర్తిగా ఉన్న సమయంలో జస్టిస్‌ భూయాన్‌ నల్సార్‌ యూనివర్సిటీకి ఎక్స్‌అఫిషియో ఛాన్సలర్‌గా కూడా వ్యవహరించారు. సుప్రీంకోర్టుకు వెళ్లిన తర్వాత కూడా న్యాయ విద్యా రంగంతో అనుబంధాన్ని కొనసాగిస్తున్నారు.సూర్యకాంత్‌తో కలిసి..భారత ప్రధాన న్యాయమూర్తి జస్టిస్‌ సూర్యకాంత్‌తో జస్టిస్‌ భూయాన్‌ కలిసి పని చేసిన అనుభవం ఉంది. 2023లో తెలంగాణ హైకోర్టు ప్రధాన న్యాయమూర్తిగా ఉన్న జస్టిస్‌ భూయాన్‌ను సుప్రీంకోర్టుకు సిఫార్సు చేసిన కొలీజియంలో అప్పటి సీజేఐ జస్టిస్‌ డీవై చంద్రచూడ్‌తో పాటు జస్టిస్‌ సూర్యకాంత్‌ కూడా సభ్యుడిగా ఉన్నారు. అంటే సూర్యకాంత్‌ ఆయన్ని సుప్రీం కోర్టు జడ్జిగా నియమించేందుకు సంబంధించిన కొలీజియం ప్రక్రియలో భాగస్వామిగా ఉన్నారన్నమాట. అలాగే భూయాన్‌, సూర్యకాంత్‌ గతంలో ఒకే బెంచ్‌లో కలిసి పనిచేసిన సందర్భాలు కూడా ఉన్నాయి. 2024లో కేజ్రీవాల్‌ బెయిల్‌ కేసు విచారణ జరిపిన బెంచ్‌లో ఈ ఇద్దరూ ఉన్నారు.ఇదీ చదవండి: లంచం కేసులో డీజీసీఏ డిప్యూటీ డైరెక్టర్‌ అరెస్ట్‌

సాక్షి, అమరావతి : ముందుగా నిర్ణయించుకున్న స్క్రిప్టు ప్రకారం బీసీలను మభ్యపెట్టేందుకు రిజర్వేషన్లపై చంద్రబాబు సర్కార్‌ సుప్రీంకోర్టును ఆశ్రయించింది. నిజంగా బీసీ రిజర్వేషన్లపై న్యాయపోరాటం చేస్తున్నారని అనుకోవడానికే ఇదంతా చేస్తున్నారు తప్ప చంద్రబాబుకు ఎలాంటి చిత్తశుద్ధీ లేదని బీసీ నాయకులంటున్నారు. సుప్రీంకోర్టును ఆశ్రయించినప్పుడు కోర్టు ఏం చెబుతుందో వినాలి కదా అని వారు ప్రశ్నిస్తున్నారు. ఒకవైపు కోర్టులో పోరాడుతున్నట్టు నటిస్తూ ఇటు అధికారులను, అటు పార్టీ నాయకులను ఎన్నికలకు సిద్ధం చేస్తున్నారు. ఎలాగూ కోర్టు కొట్టేస్తుంది కాబట్టి మీరంతా మీ పనులు వేగంగా పూర్తిచేయండి అంటూ అధికారులను అదిలిస్తున్నారు. అదే సమయంలో పార్టీ ముఖ్యనేతలతో ఎన్నికలకు ఏర్పాట్లు చేసుకోవాలని సూచిస్తున్నారు. సుప్రీంకోర్టులో స్పష్టత రాకముందే చంద్రబాబు ప్రభుత్వ పరంగా, పార్టీ పరంగా ఎన్నికల నిర్వహణకు చేస్తున్న హడావుడి మామూలుగా లేదు. మంత్రి అచ్చెన్నాయుడు స్థానిక ఎన్నికలకు సన్నద్దతపై శనివారం విజయవాడలోని తన క్యాంపు కార్యాలయంలో అంబేడ్కర్‌ కోనసీమ జిల్లా కూటమి పార్టీల ఎమ్మెల్యేలు, ప్రధాన నాయకులతో సుదీర్ఘ సమావేశం నిర్వహించారు. మరికొన్ని జిల్లాల్లోనూ కూటమి నేతల ఎన్నికల సమావేశాలు కొనసాగాయి. కలెక్టర్లు, రాష్ట్ర ఎన్నికల కమిషన్‌ ఎన్నికల హడావుడి శనివారం కూడా జిల్లాల్లో కలెక్టర్ల ఆధ్వర్యంలో ఎన్నికల నిర్వహణకు సంబంధించి అధికారుల సమావేశాలు కొనసాగాయి. పోలింగ్‌ తర్వాత చేపట్టాల్సిన కార్యక్రమాలపై చర్చ జరిగిందని, స్ట్రాంగ్‌ రూమ్‌ల గుర్తింపు వంటి వాటికి కూడా ప్రణాళికలు సిద్ధం చేశారని తెలిసింది. పాత రిజర్వేషన్లకు అనుగుణంగా ఎన్నికల ఏర్పాట్లు చేసుకోవలసిందిగా పైనుంచి సూచనలందాయని అధికారుల స్థాయిలో చర్చ సాగుతోంది. ఒకపక్క ముఖ్యమంత్రి చంద్రబాబు ఆదేశాల మేరకు మంత్రులు పార్టీ నాయకులను స్థానిక సంస్థలకు సన్నద్ధం చేస్తుండగా ఇంకోపక్క జిల్లాల్లో కలెక్టర్ల ఆధ్వర్యంలోనూ ఎన్నికల హడావుడి కొనసాగుతోంది. ఇదే సమయంలో రాష్ట్ర ఎన్నికల కమిషన్‌ సైతం ప్రభుత్వ సూచనలకు అనుగుణంగా స్థానిక సంస్థల ఎన్నికల హడావుడిని పెంచింది. ఈ నెల 7 (బుధవారం) అన్ని జిల్లాల కలెక్టర్లు, ఎస్పీలు, వివిధ నగర పోలీసు కమిషనర్లతో పాటు ఆయా జిల్లాల జెడ్పీ సీఈవోలు, డీపీవోలు, నగర, పట్టణ మున్సిపల్‌ కమిషనర్లతో కీలక సమావేశం నిర్వహించనున్నారు. ఇప్పటికే ప్రభుత్వ ప్రధాన కార్యదర్శి, పోలీసు ఉన్నతాధికారులతో పాటు ఆర్థిక, ఎక్సైజ్‌ శాఖల ఉన్నతాధికారులతో సమావేశం నిర్వహించిన రాష్ట్ర ఎన్నికల కమిషన్, జిల్లా కలెక్టర్లు, ఎస్పీల సమావేశం కూడా పూర్తి చేసిందంటే ఆ తర్వాత ఎప్పడైనా ఎన్నికల నోటిఫికేషన్‌ జారీకి అవకాశం ఉంటుందని అధికార వర్గాల్లో చర్చ సాగుతోంది.

సాక్షి, హైదరాబాద్‌: డిజిటల్‌ యుగంలో చిన్నారుల భద్రతకు కుటుంబాలు, పాఠశాలలు, ప్రభుత్వ సంస్థలు, న్యాయ సేవా సంస్థలు, టెక్నాలజీ సంస్థలు సమష్టిగా పనిచేయాల్సిన అవసరం ఉందని సుప్రీంకోర్టు న్యాయమూర్తి, నేషనల్‌ లీగల్‌ సర్వీసెస్‌ అథారిటీ (నల్సా) ఎగ్జిక్యూటివ్‌ చైర్మన్‌ జస్టిస్‌ విక్రమ్‌నాథ్‌ పిలుపునిచ్చారు. చిన్నారులపై సైబర్‌ వేధింపులు, ఆన్‌లైన్‌ బెట్టింగ్, లైంగిక వేధింపులు, బ్లాక్‌మెయిల్‌ వంటి ముప్పులు పెరుగుతున్న నేపథ్యంలో వారికి సురక్షితమైన వాతావరణం కల్పించాల్సిన బాధ్యత అందరిపైనా ఉందన్నారు. ‘పిల్లలు తమపై జరిగిన వేధింపులను వెల్లడించినప్పుడు మొదటి స్పందన అత్యంత కీలకం. ఓపికగా వినాలి.. గౌరవంగా చూడాలి. ఇకపై ఏం జరుగుతుందో వారికి అర్థమయ్యే భాషలో వివరించాలి’అని చెప్పారు. సైబర్‌ ప్రపంచంలో పిల్లలపై జరుగుతున్న లైంగిక దోపిడీని అరికట్టడం, బాలల హక్కులకు రక్షణ కల్పించడం, వారికి స్నేహపూర్వక న్యాయవ్యవస్థను అందుబాటులోకి తీసుకురావడమే లక్ష్యంగా నల్సా నిర్వహిస్తున్న దక్షిణ ప్రాంతీయ సదస్సు శనివారం హైదరాబాద్‌లో ప్రారంభమైంది. తెలంగాణ రాష్ట్ర న్యాయ సేవాధికార సంస్థ (టీఎస్‌ఎల్‌ఎస్‌ఏ) ఆధ్వర్యంలో రెండు రోజులపాటు ఈ సదస్సు జరగనుంది. ప్రారంభ కార్యక్రమంలో సుప్రీంకోర్టు న్యాయమూర్తులు జస్టిస్‌ విక్రమ్‌నాథ్, జస్టిస్‌ పమిడిఘంటం శ్రీ నరసింహా, జస్టిస్‌ ఆర్‌.మహదేవన్, జస్టిస్‌ అలోక్‌ అరాధే, తెలంగాణ హైకోర్టు ప్రధాన న్యాయమూర్తి జస్టిస్‌ అపరేశ్‌కుమార్‌ సింగ్, రాష్ట్ర లీగల్‌ సర్వీసెస్‌ అథారిటీ ఎగ్జిక్యూటివ్‌ చైర్మన్‌ జస్టిస్‌ శామ్‌ కోషి, కేంద్ర న్యాయ మంత్రి అర్జున్‌ మేఘ్‌వాల్, సీఎం ఎ.రేవంత్‌రెడ్డి పాల్గొని మాట్లాడారు. ఈ కార్యక్రమంలో పలు హైకోర్టుల ప్రధాన న్యాయమూర్తులు, న్యాయమూర్తులు, తెలంగాణ ఏజీ ఎ.సుదర్శన్‌రెడ్డి, ఏఎస్‌జీ నరసింహ శర్మ, ఏఏజీలు ఇమ్రాన్‌ఖాన్, తేరా రజనీకాంత్‌రెడ్డి, పీపీ పల్లె నాగేశ్వర్‌రావు, రాష్ట్ర లీగల్‌ సర్వీసెస్‌ అథారిటీ సభ్య కార్యదర్శి సీహెచ్‌ పంచాక్షరీ, రిజిస్ట్రార్లు తదితరులు పాల్గొన్నారు. వారి స్వేచ్ఛకు భద్రత కల్పించాలి: జస్టిస్‌ విక్రమ్‌నాథ్‌ చార్మినార్, గోల్కొండ వంటి చారిత్రక కట్టడాలతోపాటు హైటెక్‌ సిటీ వంటి సాంకేతిక కేంద్రానికి హైదరాబాద్‌ ప్రతీకగా నిలుస్తోంది. బాలల భవిష్యత్తును సాంకేతికత ఎలా సురక్షితంగా తీర్చిదిద్దగలదో చర్చించేందుకు నగరం సరైన వేదిక. హైదరాబాద్‌లోనే జన్మించిన ప్రముఖ కవయిత్రి సరోజినీ నాయుడు రచించిన ‘టు మై చిల్డ్రన్‌’కవితలోని భావాల ప్రకారం.. ప్రతి తల్లీదండ్రి కోరుకునేది పిల్లలు నవ్వుతూ, బాధలకు దూరంగా ఎదగడమే. పిల్లలకు నేర్చుకునే, ఆడుకునే ప్రపంచాన్ని భయం లేకుండా అన్వేషించే స్వేచ్ఛ ఉండాలి. ఆ స్వేచ్ఛకు భద్రత కల్పించడం సమాజం బాధ్యత. సోషల్‌ మీడియా, మెసేజింగ్‌ యాప్స్, ఆన్‌లైన్‌ గేమ్స్‌ పిల్లల జీవితంలో భాగమయ్యాయి. వాటి ద్వారా విద్య, స్నేహం వంటి ప్రయోజనాలతోపాటు అనేక ప్రమాదాలు కూడా ఎదురవుతున్నాయి. ఆన్‌లైన్‌ బెట్టింగ్, సైబర్‌ మోసాలు, లైంగిక వేధింపులు చిన్నారులను తీవ్రంగా ప్రభావితం చేస్తున్నాయి. నకిలీ ప్రొఫైళ్ల ద్వారా పిల్లలతో పరిచయం పెంచుకుని లైంగికంగా వేధించడం, వ్యక్తిగత ఫొటోలు పంపేలా ఒత్తిడి చేయడం, అనంతరం వాటితో బ్లాక్‌మెయిల్‌ చేయడం వంటి ఘటనలు ఆందోళనకరం. కృత్రిమ మేధ (ఏఐ) విస్తృత వినియోగం కూడా బాలల భద్రతకు కొత్త సవాళ్లు విసురుతోంది. చిన్నారుల సాధారణ ఫొటోలను మార్ఫింగ్‌ చేసి లైంగికంగా అసభ్యకరమైన నకిలీ చిత్రాలుగా రూపొందించడం, వాటిని సోషల్‌ మీడియా, మెసేజింగ్‌ గ్రూపుల్లో ప్రచారం చేయడం లేదా బ్లాక్‌మెయిల్‌కు ఉపయోగిస్తున్నారు. ఇలాంటి ఘటనలతో పిల్లల చదువు, ఆత్మవిశ్వాసం దెబ్బతినడంతోపాటు వారు ఇతరులకు దూరమయ్యే ప్రమాదం ఉంది. పిల్లలు బెదిరింపు సందేశాలు వచ్చినప్పుడు భయపడకుండా తల్లిదండ్రులు, ఉపాధ్యాయులకు చెప్పేలా ప్రోత్సహించాలి. లైంగిక బ్లాక్‌మెయిల్‌కు గురైన చిన్నారి.. ధైర్యంగా తమ సమస్యను చెప్పుకునే వ్యవస్థ అవసరం. జీవితాన్ని నిలబెట్టడమే న్యాయం: సీఎం రేవంత్‌రెడ్డి.. మహాత్మాగాంధీ ఒక న్యాయవాది. ఆయన న్యాయాన్ని కేవలం వృత్తిగా చూడలేదు. పేదలు, బలహీనుల కోసం న్యాయాన్ని ఒక ఆయుధంగా ఉపయోగించారు. అదే స్ఫూర్తితో న్యాయ సేవా సంస్థలు కూడా పనిచేస్తున్నాయి. ప్రతి ఒక్కరికీ న్యాయం అందాలి. డబ్బు లేక ఎవరికీ న్యాయం దూరం కాకూడదు. ఈ రోజుల్లో పిల్లలు ఎక్కువసేపు ఆన్‌లైన్‌లో గడుపుతున్నారు. వారు ఇంటర్నెట్‌లో ఏం చేస్తున్నారనేది తల్లిదండ్రులకు తెలియడం లేదు. ఇంటర్నెట్, ఏఐ, మన జీవితాలను ఎంతో సులభం చేశాయి. కానీ.. ఏది నిజం? ఏది అబద్ధం? ఏది మంచి? ఏది చెడు? అన్నది పిల్లలు వెంటనే గుర్తించలేరు. తెలియక చేసే చిన్న పొరపాటు పెద్ద సమస్యకు దారితీయొచ్చు. దాని ప్రభావం పిల్లలపైనే కాదు... వారి కుటుంబాలపై, సమాజంపైనా పడుతోంది. తెలంగాణలో మహిళలు, పిల్లల రక్షణకు ప్రభుత్వం అత్యున్నత ప్రాధాన్యతనిస్తోంది. పోలీసులు, భరోసా కేంద్రాలు, చైల్డ్‌ ప్రొటెక్షన్‌ యూనిట్లు, చైల్డ్‌ వెల్ఫేర్‌ కమిటీలు, ప్రత్యేక కోర్టులు, న్యాయ సేవా సంస్థలు.. సమన్వయంతో పనిచేయాలి. న్యాయం.. అంటే నేరస్తుడికి శిక్ష పడటమే కాదు. బాధితుడి జీవితాన్ని తిరిగి నిలబెట్టడం. సైబర్‌ నేరాల కోసం–1930, చైల్డ్‌ హెల్ప్‌లైన్‌ కోసం–1098 నంబర్లు అంతా తప్పక గుర్తుంచుకోవాలి. భవిష్యత్‌ భద్రతతో ముడిపడిన అంశం –కేంద్ర న్యాయ మంత్రి అర్జున్‌ మేఘ్‌వాల్‌ నేడు మనం బాలలకు ఎలాంటి సురక్షిత వాతావరణం, విద్య, విశ్వాసం, న్యాయం కల్పిస్తామో.. అది రేపు దేశ భవితవ్యాన్ని నిర్దేశిస్తుంది. సాంకేతిక యుగంలో చదువుతోపాటే డిజిటల్‌ వ్యవస్థ కూడా చిన్నారులకు చేరువవుతోంది. సోషల్‌ మీడియా, ఆన్‌లైన్‌ గేమింగ్‌తోపాటు ఇతర ప్లాట్‌ఫామ్‌లు చాలామంది చిన్నారుల భవిష్యత్‌ను దెబ్బతీస్తున్నాయి. ఈ సవాళ్లను ఎదుర్కొనేందుకు న్యాయ వ్యవస్థ, లీగల్‌ ఎయిడ్‌ మరింత చేరువ కావాలి. న్యాయ వ్యవస్థను సంప్రదించడం సులభతరంగా చేయాలి. పిల్లలే అత్యంత విలువైన ‘ఆస్తి’: జస్టిస్‌ పీఎస్‌ నరసింహా ఆధునిక జీవన విధానం, పని ఒత్తిళ్లు, సైబర్‌ ప్రపంచం కారణంగా తల్లిదండ్రులు పిల్లలకు తగినంత సమయం కేటాయించలేకపోతున్నారు. మానవ సమాజానికి అత్యంత విలువైన ఆస్తి పిల్లలే. అయితే, ఈ విషయాన్ని మన నాగరికత, సంస్కృతి తగినంత ప్రాధాన్యంతో గుర్తించలేదు. దేశ భవిష్యత్తును భద్రపరచాలంటే ముందుగా పిల్లల భవిష్యత్తును భద్రపరచాలి. తల్లిదండ్రులు పిల్లలతో గడపాల్సిన సమయాన్ని కూడా సైబర్‌ ప్రపంచమే ఆక్రమిస్తోంది. తల్లిదండ్రులు పిల్లలకు సమయం కేటాయించేలా రాష్ట్రం ముందడుగు వేసి చట్టాన్ని తీసుకురావాలి. దేశంలో రోజురోజుకు పడిపోతున్న సంతానోత్పత్తి నేపథ్యంలో చిన్నారుల సంక్షేమానికి ప్రభుత్వాలు అత్యంత ప్రాధాన్యం ఇవ్వాలి. బాలలకు ఉచిత న్యాయసేవలు: జస్టిస్‌ అలోక్‌ అరాధే డిజిటల్‌ వాతావరణంలో పిల్లలను రక్షించడం కేవలం విధానపరమైన అంశం కాదు. అది రాజ్యాంగపరమైన బాధ్యత. సంప్రదాయ నేరాలకు భిన్నంగా ఆన్‌లైన్‌ లైంగిక నేరాల్లో అజ్ఞాత ఖాతాలు, ఎన్‌క్రిపె్టడ్‌ సందేశాలు, వివిధ డిజిటల్‌ వేదికలు, వేర్వేరు దేశాలు లేదా న్యాయ పరిధులు దాటి పనిచేసే నిందితులు ఉండే అవకాశం ఉంది. డిజిటల్‌ ఆధారాలను తొలగించడం లేదా మార్చడం సాధ్యమవుతున్నందున వాటిని సరైన విధానంలో భద్రపరచడం, పరిశీలించడం, విశ్లేషించడం అత్యంత కీలకం. బాలలకు ఉచిత న్యాయ సేవలు అందించడం చట్టబద్ధ హక్కు. చిన్నారులు హక్కుదారులు: జస్టిస్‌ ఆర్‌.మహదేవన్‌ సాంకేతికత పిల్లల అభ్యాసం, సృజనాత్మకత, భావ వ్యక్తీకరణకు ఉపయోగపడే సాధనంగా ఉండాలి తప్ప వారి దోపిడీకి సాధనంగా మారకూడదు. పిల్లల భద్రత, సాంకేతికతలో ఏదో ఒకదాన్ని ఎంచుకోవాల్సిన అవసరం లేదు. సాంకేతికత బాల్యానికి ఉపయోగపడేలా చూడటమే ముందున్న ప్రధాన సవాల్‌. పిల్లలను రక్షణ అవసరమైన వ్యక్తులుగానే కాకుండా ‘హక్కుదారులు’గా చూడాలి. గోప్యతను కాపాడాలి: చీఫ్‌ జస్టిస్‌ అపరేశ్‌కుమార్‌ సింగ్‌ సాంకేతికతతో బాలలపై నేరాలు జరిగే విధానం మారుతున్నా, వారిని రక్షించాల్సిన రాజ్యాంగ బాధ్యత మాత్రం మారదు. డిజిటల్‌ ప్రపంచంలో బాలల రక్షణ, న్యాయానికి అందుబాటు కోసం న్యాయవ్యవస్థ, ప్రభుత్వం, పోలీసు, న్యాయ సేవా సంస్థలు, బాలల రక్షణ సంస్థలు సమన్వయంతో పనిచేయాలి. తరగతి గదికి పిల్లలను అనుసంధానించే సాంకేతికతే.. గుర్తు తెలియని వ్యక్తులతోనూ వారిని అనుసంధానించే అవకాశం కల్పిస్తోంది. సృజనాత్మకతకు ఉపయోగపడే వేదికలను దుర్వినియోగపర్చి పిల్లలను మోసం, ప్రలోభపెట్టడం, వేధించడం వంటి చర్యలకు పాల్పడే ప్రమాదం ఉంది. తల్లిదండ్రులు, ఉపాధ్యాయులు, పోలీసులు, కౌన్సెలర్లు పిల్లల మాటలను నిందించకుండా, సానుభూతితో వినాలి. లైంగిక నేరాల బాధిత బాలల గౌరవం, గోప్యత, వ్యక్తిగత గుర్తింపును కాపాడాల్సిన అవసరం ఎంతైనా ఉంది. న్యాయ రథం ప్రారంభం బాలల రక్షణకు ‘ఫ్రీడమ్‌ ఫ్రమ్‌ బాండెడ్‌ లేబర్‌’పథకాన్ని ముఖ్యమంత్రి రేవంత్‌రెడ్డి ప్రారంభించారు. బానిస కార్మిక వ్యవస్థ నుంచి విముక్తి, న్యాయ సాయం, బాధితుల రక్షణ, పునరావాసం, తిరిగి సమాజంలో కలిసేలా చేయడమే దీని లక్ష్యం. బాలల భద్రత, గౌరవం, రక్షణకు అన్ని వర్గాలూ సమష్టిగా కట్టుబడి పనిచేయాలన్న సంకల్పానికి ప్రతీకగా ఏర్పాటు చేసిన ‘కమిట్‌మెంట్‌ వాల్‌’ను కూడా ఆయన ఆవిష్కరించారు. ‘న్యాయ రథం’పేరుతో మొబైల్‌ లోక్‌ అదాలత్‌ వాహనాన్ని జస్టిస్‌ విక్రమ్‌నాథ్‌ జెండా ఊపి ప్రారంభించారు. న్యాయ సేవలను ప్రజల చెంతకే తీసుకెళ్లడం, న్యాయ వ్యవస్థను ఆశ్రయించడంలో ఇబ్బందులు ఎదుర్కొంటున్న వారికి అందుబాటులో, తక్కువ ఖర్చుతో, వేగవంతమైన న్యాయం అందించడం ఈ మొబైల్‌ లోక్‌ అదాలత్‌ ప్రధాన ఉద్దేశం.

సాక్షి, న్యూఢిల్లీ: వైద్య విద్యా కోర్సుల్లో ప్రవేశాలకు నిర్వహించిన నీట్‌ పీజీ –2026 వ్యవహారం సుప్రీంకోర్టుకు చేరింది. నేషనల్‌ బోర్డ్‌ ఆఫ్‌ ఎగ్జామినేషన్స్‌ ఇన్‌ మెడికల్‌ సైన్సెస్‌ (ఎన్‌బీఈఎంఎస్‌) విడుదల చేసిన ’ఆన్సర్‌ కీ’ విధానం ఏమాత్రం పారదర్శకంగా లేదంటూ డెమోక్రాటిక్‌ మెడికల్‌ అసోసియేషన్‌ రిట్‌ దాఖలు చేసింది. అభ్యర్థులకు అసలు ప్రశ్నలు, ఆప్షన్లతో పాటు కచ్చితమైన సమాధానాలను వెల్లడించేలా బోర్డును ఆదేశించాలని కోరింది. కేవలం కోడ్‌లకు పరిమితం చేస్తూ అక్టోబర్‌ 1న ఎన్‌బీఈఎంఎస్‌ జారీ చేసిన నోటీసును రద్దు చేయాలని కోరింది. కోడ్‌లతో గందరగోళం ఈ ఏడాది ఆగస్ట్‌ 30న నీట్‌–పీజీ పరీక్ష జరగ్గా సెప్టెంబర్‌ 24న ఫలితాలు వెలువడ్డాయి. అ భ్యర్థుల లాగిన్‌ ద్వారా కేవలం ప్రశ్నల ఐడీ లు, సమాధానాల న్యూమరికల్‌ (సంఖ్యా) ఐడీలు, అభ్యర్థులు నమోదు చేసిన జవాబుల ఐడీలు, ప్రతి ప్రశ్నకు వచ్చిన మార్కులను మాత్రమే ఎన్‌బీఈఎంఎస్‌ అందుబాటులో ఉంచింది. ఈ విధానంపై అభ్యర్థులు తీవ్ర అసంతృప్తితో ఉన్నారు. ఎన్‌బీఈఎంఎస్‌ విధానం ప్రకారం పరీక్షలో ఒక్కో అభ్యరి్థకి ప్రశ్నల వరుసక్రమంతో పాటు ఆప్షన్లను సైతం తారుమారు చేస్తారు. ఇలాంటప్పుడు కేవలం సంఖ్యలను మాత్రమే ఇస్తే ఏ ప్రశ్నకు ఏ ఆప్షన్‌ ఎంచుకున్నామనేది తెలుసు కోవడం అసాధ్యమని పిటిషన్‌లో పేర్కొన్నారు. దీనివల్ల కేవలం మార్కుల లెక్కింపు మాత్రమే సాధ్యమవుతుందని, అసలు ప్రశ్నలు లేకుండా జవాబులను నిర్ధారించుకోవడం సాధ్యం కాదని స్పష్టం చేశారు.

సాక్షి, అమరావతి: అపరిచితుడు సినిమాలో హీరో కాసేపు రెమోలా.. కాసేపు రామాచారిలా.. వ్యవహ­రిస్తూ పోలీసు అధికారులను ముప్పుతిప్పలు పెట్టడం చూశాం. అచ్చు అలానే బీసీ రిజర్వేషన్ల విష­యంలో ముఖ్యమంత్రి చంద్రబాబు అపరిచి­తుడి అవతారం చూసి అధికారులు విస్తుపో­తు­న్నారు. చెల్లవని తెలిసీ బీసీలను బుట్టలో వేయ­డానికి రిజర్వేషన్ల కోసం జీవోలిస్తారు.. దానిపై కోర్టు విచారణ జరుపుతుండగానే అధికా­రులను ఎన్నికలకు సన్నాహాలు చేయమంటారు.. కలెక్టర్ల మీటింగులు పెట్టి ఎన్నికల ఏర్పాట్లపై గంటల తరబడి చర్చిస్తారు. కోర్టు కొట్టేయగానే మొసలి కన్నీరు కారుస్తూ సుప్రీంకోర్టులో అప్పీలు చేద్దామని బీసీలకు గంభీరంగా చెబుతారు.ఓహో నిజంగానే సీఎంగారు సుప్రీంకోర్టుతో కొట్లాడతారు కాబోలనుకుని అధికారులు అనుకుంటే.. కోర్టులెలాగూ కొట్టేస్తాయి.. పాత రిజర్వేషన్‌ ప్రకారమే సీట్లు ఖరారు చేసి ఎన్నికలకు సిద్ధం కావాలని అధికారులకు హకుం జారీ చేస్తారు.. ఎన్నికలకు సిద్ధంగా ఉండాలని పార్టీ ముఖ్యనేతలకూ సంకేతాలిస్తారు.. బీసీలతో అలా.. అధికారులతో ఇలా.. చంద్రబాబు డ్యూయల్‌ డ్రామా నడిపిస్తున్నారు. నిజంగా చంద్రబాబుకు చిత్తశుద్ధి ఉంటే బీసీ రిజర్వేషన్లపై కేంద్రంతో మాట్లాడి పార్లమెంటులో చట్టసవరణ కోసం పట్టుబట్టేవారు. టీడీపీ బలంపై కేంద్రం ఆధారపడి నడుస్తున్నందున ఇపుడు చంద్రబాబు తలుచుకుంటే అది చాలా సులువు. కానీ బీసీలకు న్యాయం చేయాలన్న ఆలోచన చంద్రబాబుకు లేదనేది సుస్పష్టం.ఇంకా ఆగని బాబు నాటకాలు..బీసీ రిజర్వేషన్లపై చంద్రబాబు మొదలెట్టిన డ్రామా రక్తికట్టకపోవడంతో తన నట కౌశలాన్ని మరింత పెంచి ప్రదర్శిస్తున్నారు. సార్వత్రిక ఎన్నికల ముందు బీసీలకు 34శాతం రిజర్వేషన్లు అమలు చేస్తామని హామీ ఇచ్చిన చంద్రబాబు స్థానిక సంస్థల ఎన్నికల వేళ రాజకీయ లబ్ది కోసం జీఓలు ఇచ్చి భంగపడ్డారు. ఒకవైపు హైకోర్టు తీర్పుపై సుప్రీం కోర్టుకు వెళ్తామని చెబుతూనే.. మరోవైపు శనివారంలోపు స్థానిక సంస్థలకు 34శాతం రిజర్వేషన్లు ఖరారు చేయాలని అధికారులకు ఆదేశాలు ఇవ్వడం ఆయన డ్రామాలకు పరాకాష్ట. ఇప్పటికే రిజర్వేషన్ల హామీ.. కమిషన్‌ ఏర్పాటు.. జీఓలు వంటి విషయాల్లో బీసీను నమ్మించి వెన్నుపోటు పొడిచారు. సుప్రీం కోర్టు మార్గదర్శకాలకు అనుగుణంగా లేవనే కారణంతో చంద్రబాబు ఇచ్చిన రెండు జీఓలను హైకోర్టు కొటేసిన విషయం విదితమే. హైకోర్టు తీర్పుపై సుప్రీం కోర్టుకు వెళ్తామంటూ చంద్రబాబు చెప్పడంతోపాటు మంత్రులతోను చెప్పిస్తున్నారు. వాస్తవానికి రిజర్వేషన్లు 50శాతం మించకూడదనే సుప్రీం కోర్టు మార్గదర్శకాలు ఉన్నాయని తెలిసినా చంద్రబాబు డ్రామా ఆడుతున్నారు. ఆంధ్రప్రదేశ్‌లో బీసీలకు 34శాతం రిజర్వేషన్లు ఇస్తే ఎస్సీ, ఎస్టీ, బీసీ మొత్తం రిజర్వేషన్లు 61శాతం అవుతాయని, సుప్రీం కోర్టుకు వెళ్లినా చెల్లదని సామాన్యులకు సైతం అర్థమవుతోంది. అయినప్పటికీ తానేదో బీసీల కోసం చేస్తున్నట్టు బిల్డప్‌ ఇస్తూ.. డ్రామాను రక్తికట్టించేందుకు బాబు తెగ తాపత్రయ పడుతున్నారు. నిజంగా చంద్రబాబుకు చిత్తశుద్ధి ఉంటే కేంద్రాన్ని ఒప్పించి రిజర్వేషన్‌ పరిమితి పెంచుకునేలా చట్ట సవరణ చేయాలని బీసీ నేతలు డిమాండ్‌ చేస్తున్నారు.బీసీ రిజర్వేషన్లపై మొదటి నుంచి నాటకాలే..ఎన్నికల ముందు హామీల్వివ్వడం.. అధికారంలోకి వచ్చాక వాటిని అమలు చేయకపోవడం చంద్రబాబు నైజం. హామీలను అమలు చేసేందుకు చర్యలు చేపడుతున్నట్టు డ్రామాలు ఆడటంలో ఆయనకు ఎవరూ సాటిరారు. బీసీ రిజర్వేషన్ల అమలులోను చంద్రబాబు అనేక డ్రామాలాడుతున్నారు. స్థానిక సంస్థల్లో బీసీలకు 34 శాతం రిజర్వేషన్‌ అమలుకు చర్యలు తీసుకున్నట్టుగా కనిపించడానికి రాజీవ్‌ రంజన్‌ మిశ్రా డెడికేటెడ్‌ కమిషన్‌ను ఏర్పాటు చేశారు. కానీ హైకోర్టుకు సమర్పించిన వాదనలో యూనిఫైడ్‌ ఫ్యామిలీ సర్వే ఆధారంగా రాష్ట్రంలో బీసీల జనాభా 50.42 శాతంగా ఉన్నట్టు పేర్కొంది. 34 శాతం రిజర్వేషన్‌ నిర్ణయానికి ఈ సమకాలీన గణాంకాలతోపాటు మిశ్రా కమిషన్‌ అధ్యయనం కూడా ఆధారమని తెలిపింది. ఇదే సమయంలో మిశ్రా కమిషన్‌ నివేదికను ప్రభుత్వం ఇంకా పరిశీలిస్తోందని రాష్ట్ర అడ్వొకేట్‌ జనరల్‌ హైకోర్టుకు తెలపడం గమనార్హం. అలాంటప్పుడు ఆ నివేదికలోని గణాంకాలను ఆధారంగా చేసుకుని 34 శాతం బీసీ రిజర్వేషన్‌ ఎలా నిర్ణయించారనే ప్రశ్న ఉత్పన్నమైంది. నివేదిక ఇంకా తుది ఆమోదం పొందకపోతే దాని ఆధారంగా ప్రభుత్వం జీవోలు ఎలా జారీ చేసిందని ధర్మాసనం ప్రశ్నించింది. నివేదికను బహిరంగపరచకపోవడానికి కారణమేంటని కూడా కోర్టు ప్రశ్నించడం గమనార్హం.నాడు టీడీపీ నేతతో కేసు వేయించిన చంద్రబాబు..నిజానికి బీసీ రిజర్వేషన్లను అడ్డుకునేందుకు టీడీపీ నేతతోనే చంద్రబాబు హైకోర్టులో కేసు వేయించారు. బీసీలకు 34శాతం రిజర్వేషన్లు కల్పిస్తూ వైఎస్‌ జగన్‌ జీఓ ఇవ్వడంతో టీడీపీకి చెందిన బిర్రు ప్రతాపరెడ్డితో చంద్రబాబు హైకోర్టులో కేసు వేయించారు. ఆంధ్రప్రదేశ్‌ పంచాయతీరాజ్‌ చాంబర్‌ రాష్ట్ర ప్రధాన కార్యదర్శి, ఓసీ జేఏసీ రాష్ట్ర అధ్యక్షుడిగా వ్యహరించిన ప్రతాపరెడ్డి 2014–19 మధ్య చంద్రబాబు హయాంలో ఓ నామినేటెడ్‌ పోస్టు కూడా అనుభవించారు. బీసీలకు 34శాతం రిజర్వేషన్లు అమలు చేస్తే ఓసీలకు అవకాశాలు తగ్గిపోతాయని, ఇది సుప్రీం కోర్టు విధించిన 50శాతం కోటాకు విరుద్ధమని ప్రతాపరెడ్డి చేత చంద్రబాబు హైకోర్టులో కేసు వేయించారు. దీన్ని విచారించిన హైకోర్టు వైఎస్‌ జగన్‌ ప్రభుత్వం జారీ చేసిన జీఓను రద్దు చేస్తూ 2020 మార్చి 2న తీర్పు చెప్పింది. హైకోర్టు తీర్పును గౌరవిస్తూనే 2021లో నిర్వహించిన గ్రామ పంచాయతీ, మున్సిపల్, ఎంపీటీసీ, జెడ్పీటీసీ ఎన్నికల్లో జనరల్‌ స్థానాల్లోను బీసీ అభ్యర్థులను నిలబెట్టి 34శాతం రిజర్వేషన్లకు మించి పదవులు కట్టబెట్టిన వైఎస్‌ జగన్‌.. అలా బీసీల పట్ల తనకున్న చిత్తశుద్ధిని నిరూపించుకున్నారు.బీసీలను మోసం చేయడానికే.. బాబు డ్రామాలు..!సుప్రీం కోర్టు మార్గదర్శకాలు.. 2020లో హైకోర్టు తీర్పు అన్నీ తెలిసిన చంద్రబాబు మళ్లీ బీసీ రిజర్వేషన్ల పేరుతో హంగామా చేయడం మోసం చేయడానికేనని బీసీ నేతలు మండిపడుతున్నారు. రిజర్వేషన్లపై సుప్రీంకోర్టు మార్గదర్శకాల్లో మూడు కీలక దశలు(ట్రిపుల్‌ టెస్ట్‌)ను నిర్ధేశించింది. బీసీల స్థానిక వెనుకబాటుతనంపై సమకాలీన, కఠినమైన అనుభావిక అధ్యయనం చేసే ప్రత్యేక కమిషన్‌ ఉండాలి. కమిషన్‌ సిఫార్సుల ఆధారంగా ఏ స్థానిక సంస్థలో ఎంత రిజర్వేషన్‌ అవసరమో నిర్ణయించాలి. ఒకే శాతం మొత్తంగా వర్తింపజేయడం కాకుండా స్థానిక పరిస్థితులను పరిగణనలోకి తీసుకోవాలన్నదే సుప్రీంకోర్టు నిర్దేశించిన విధానం. ఎస్సీ, ఎస్టీ, బీసీలకు కలిపి స్థానిక సంస్థల్లో రిజర్వేషన్లు 50 శాతానికి మించకూడదు. ఈ మూడు దశలను పూర్తి చేసిన తర్వాతే బీసీ రాజకీయ రిజర్వేషన్‌ అమలు చేయాలని సుప్రీంకోర్టు స్పష్టం చేసింది. ఇవన్నీ తెల్సినా.. తెలియనట్టు నటిస్తూ.. కమిషన్‌ వేసిన చంద్రబాబు దాన్ని గడువును సుదీర్ఘంగా పొడిగించి చివరకు పూర్తిస్థాయి నివేదిక ఆమోదించకుండానే జీఓలు ఇచ్చి న్యాయపరంగా నిలబడకుండా చేసి బీసీలకు వెన్నుపోటు పొడిచారు. ఈ ప్రశ్నలకు బదులేది బాబూ..» 34 శాతం బీసీ రిజర్వేషన్‌కు ఖచ్చితమైన గణాంక ప్రాతిపదికపై స్పష్టత ఏది?» రాజీవ్‌ రంజన్‌ మిశ్రా కమిషన్‌ పూర్తి నివేదికను ప్రభుత్వం ఎందుకు బహిరంగపరచలేదు?» నివేదిక ఇంకా ప్రభుత్వ పరిశీలనలో ఉంటే దాని ఆధారంగా 34 శాతం నిర్ణయం ఎలా తీసుకున్నారు?» యూనిఫైడ్‌ ఫ్యామిలీ సర్వేలోని బీసీ గణాంకాలను పూర్తిగా ఎందుకు ప్రజల్లోకి తీసుకురాలేదు?» మొత్తం రిజర్వేషన్లు 50 శాతం దాటితే దానికి ప్రభుత్వం చూపుతున్న రాజ్యాంగ, న్యాయపరమైన ఆధారం ఏమిటి?» 2020లో 34 శాతం బీసీ రిజర్వేషన్‌పై వచ్చిన కోర్టు తీర్పుల నేపథ్యంలో ప్రస్తుత విధానంలో కొత్తగా వచ్చిన చట్టపరమైన రక్షణ ఏమిటి?కాపులను ఇలానే దగా చేసిన చంద్రబాబు..రిజర్వేషన్ల పేరుతో ఇప్పుడు బీసీలను మోసం చేసిన చంద్రబాబు 2014 ఎన్నికల్లో కాపు రిజర్వేషన్ల అమలుకు హామీ ఇచ్చి దగా చేసిన విషయాన్ని వారు గుర్తు చేసుకుంటున్నారు. 2014లో కాపులకు రిజర్వేషన్‌ అమలు చేస్తానని చంద్రబాబు హామీ ఇచ్చారు. హామీ అమలు కోసం కాపు సామాజికవర్గం వత్తిడి పెంచడంతో 2016లో మంజునాథ్‌ కమిషన్‌ ఏర్పాటు చేశారు. మంజునాథ్‌ కమిషన్‌ పూర్తి రిపోర్టు బహిర్గతం చేయకుండానే హడావుడిగా అసెంబ్లీలో పెట్టి 2017లో కాపులకు ఐదు శాతం రిజర్వేషన్‌ అమలు చేస్తున్నట్టు బిల్లు తెచ్చారు. దీంతో మళ్లీ 50శాతం పరిమితికి మించిన కోటాపై న్యాయపరమైన అడ్డంకులు తప్పలేదు. 2019 ఎన్నికల ముందు కేంద్ర ప్రభుత్వం తెచ్చిన పది శాతం ఈడబ్ల్యూఎస్‌ రిజర్వేషన్లలో ఐదు శాతం కాపులకు ఇస్తున్నట్టు ప్రకటించిన చంద్రబాబు వాటిని కూడా సక్రమంగా అమలు చేయలేదు. ఓటు బ్యాంకు రాజకీయాల కోసం 2014లో కాపులకు, దశాబ్ధం తర్వాత 2024లో బీసీలకు రిజర్వేషన్‌ హామీలతో మోసం చేసిన ఘనత చంద్రబాబుది.

సాక్షి,హైదరాబాద్: సీఎం రేవంత్ రెడ్డికి బీఆర్‌ఎస్ వర్కింగ్ ప్రెసిడెంట్ కేటీఆర్ సవాల్ విసిరారు. తెలంగాణ భవన్‌లో ఆర్మూర్‌ నియోజకవర్గ నేతలతో కేటీఆర్‌ భేటీ అయ్యారు. ఈ సందర్భంగా కేసీఆర్ కుటుంబం, రేవంత్ రెడ్డి ఆస్తులపై సుప్రీంకోర్టు,హైకోర్టు సిట్టింగ్ జడ్జితో సమగ్ర విచారణ జరిపించే దమ్ముందా అని ప్రశ్నించారు. నా ఆస్తులు, మీ ఆస్తులు పుట్టిన కాడి నుంచి తీద్దాం. కేసీఆర్ పుట్టినప్పటి నుంచి ఇప్పటివరకు, అలాగే మీరు (రేవంత్ రెడ్డి) పుట్టినప్పటి నుంచి నేటి వరకు కూడబెట్టిన ఆస్తులపై సిట్టింగ్ జడ్జితో విచారణకు లేఖ రాయడానికి మీకు దమ్ముందా? అని నిలదీశారు. విచారణలో తమ తప్పుందని తేలితే జడ్జి ఏ శిక్ష వేసినా సిద్ధమని స్పష్టం చేశారు. కమల్ హాసన్,రజనీకాంత్ కంటే సీఎం రేవంత్ గొప్పగా నటిస్తున్నారని ఎద్దేవా చేశారు. ప్రజా సమస్యల నుంచి దృష్టి మళ్లించేందుకే రేవంత్ నిరాధార ఆరోపణలు చేస్తున్నారని మండిపడ్డారు. తాను 2006లోనే హోటల్ వ్యాపారం ప్రారంభించానని, అది ఇప్పుడు మూడు హోటల్స్ అయ్యాయని, ఆ వివరాలన్నీ ఎన్నికల అఫిడవిట్లోనే స్పష్టంగా పేర్కొన్నట్లు తెలిపారు. వ్యాపారం చేయడం తప్పా అని ప్రశ్నించారు.కాంగ్రెస్ ప్రభుత్వం అధికారంలోకి వచ్చిన తర్వాత సిరిసిల్లలో 33 మంది చేనేత కార్మికులు ఆత్మహత్య చేసుకుని చనిపోయినా ప్రభుత్వానికి పట్టడం లేదని ఆరోపించారు. రాష్ట్రంలో ప్రజా పాలన అస్తవ్యస్తంగా మారిందని విమర్శించారు.ఇదీ చదవండి : అసెంబ్లీ కంటే జైలుకే ఎక్కువ సార్లు వెళ్లా : సీఎం రేవంత్‌ నాకు హోటల్ ఉందని 2009లోనే అఫిడవిట్‌లో పెట్టాను రేవంత్ రెడ్డి నాకు హోటల్ ఉంది అంటున్నాడు.. నేనే చెప్పినదాన్ని నువ్వు చెప్పేదేంది? కొలంబస్‌లాగా! వాస్కోడిగామా కనుక్కున్నట్లు నువ్వు కొత్తగా కనుక్కున్నదేంది? - కేటీఆర్ https://t.co/UEyF6nZaeY— Telugu Scribe (@TeluguScribe) October 1, 2026

సాక్షి,న్యూఢిల్లీ: దేశ రాజధాని ఢిల్లీలో వాయు కాలుష్యం ప్రమాదకర స్థాయికి చేరుకుంటున్న నేపథ్యంలో బాణసంచా కాల్చడంపై దాఖలైన పిటిషన్‌పై సుప్రీంకోర్టు బుధవారం (సెప్టెంబర్ 30) విచారణ జరిపింది. ఈ సందర్భంగా టపాసుల వినియోగంపై అత్యున్నత న్యాయస్థానం కీలక వ్యాఖ్యలు చేసింది.ఢిల్లీలో బాణసంచాపై పూర్తి నిషేధం విధించబోమని, అలాగని రోజంతా వాటి వాడకాన్ని అనుమతించబోమని ధర్మాసనం స్పష్టం చేసింది. బాణసంచాపై పూర్తి నిషేధం విధిస్తే కొన్ని వర్గాల మనోభావాలు దెబ్బతింటాయని కోర్టు పేర్కొంది. అదే సమయంలో, రోజంతా బాణసంచా కాల్చడానికి అనుమతిస్తే వృద్ధులు, అనారోగ్యంతో ఉన్నవారు, పిల్లలతో సహా ప్రతి ఒక్కరిపైనా తీవ్ర ప్రభావం పడుతుందని ఆందోళన వ్యక్తం చేసింది. బాణసంచా కాల్చడానికి నిర్దిష్ట సమయాలను,అనుమతించదగిన బాణసంచా రకాలను నిర్ణయించడం ద్వారా ఒక మధ్యేమార్గాన్ని కనుగొనాలని సూచించింది. బాణసంచా తయారీలో బేరియం వినియోగం, శబ్ద స్థాయిలను (డెసిబెల్ స్థాయిలు) పరిశీలించేందుకు సంయుక్త పరీక్షలు నిర్వహించాలని కేంద్ర ప్రభుత్వాన్ని, కేంద్ర కాలుష్య నియంత్రణ మండలిని సుప్రీంకోర్టు ఆదేశించింది. ఈ వ్యవహారానికి సంబంధించి తదుపరి విచారణను అక్టోబర్ 15వ తేదీకి న్యాయస్థానం వాయిదా వేసింది.ఇదీ చదవండి : కేంద్రంపై సుప్రీంకోర్టు ఆగ్రహం

నలుగురు గుమిగూడి నిరసనకు దిగితే అతిగా స్పందించటం అలవాటైన ఢిల్లీ పోలీసులకు ఇటీవల అక్కడ వరసగా చోటుచేసుకున్న లైంగిక నేరాల గురించి పట్టింపు లేనట్టు కనబడుతోంది. మొన్న ఆగస్టులో గ్రేటర్‌ నోయిడా నుంచి కశ్మీరీ గేటువరకూ 47 కిలోమీటర్ల దూరం ప్రయాణించిన బస్సులో ఒక మైనర్‌ బాలికపై దుండగులు అత్యాచారానికి ఒడిగట్టారు. వారంరోజుల క్రితం ఆగ్నేయ ఢిల్లీలోని ఆస్తా కుంజ్‌ పార్క్‌ దగ్గర మరో మైనర్‌ బాలికపై ముగ్గురు లైంగిక నేరానికి పాల్పడి హత్యచేశారు. దానికి సమీపంలోని లేడీ శ్రీరాం కాలేజీ విద్యార్థినులైతే తమకు లైంగిక వేధింపులు నిత్యకృత్యమయ్యాయనీ, ఫిర్యాదులు చేసినా ఫలితం ఉండటం లేదనీ చెబుతున్నారు. ఢిల్లీ–ఎన్‌సీఆర్‌ పరిధిలో ఈనెల మొదటివారం మొదలుకొని ఇప్పటివరకూ డజను వరకూ లైంగిక నేరాలు వెలుగులోకొచ్చాయని మీడియా కథనాలు చెబుతున్నాయి.అందుకే సోమవారం సర్వోన్నత న్యాయస్థానం పోలీసులపైనా, అధికార యంత్రాంగంపైనా ఆగ్రహం వ్యక్తంచేసింది. ఇవన్నీ 2012 నాటి నిర్భయ ఉదంతాన్ని గుర్తుకు తెస్తున్నాయని వ్యాఖ్యానించించటంతోపాటు శాంతిభద్రతల్ని మెరుగుపరచడానికి నాలుగు సూచనలు చేసింది. వీటిని వచ్చేనెల 5 లోగా అమల్లోకి తీసుకురావాలని ఆదేశించింది. డీఎస్‌పీ ర్యాంకుకు తక్కువకాని అధికారులతో జిల్లాలవారీగా ఎక్కడెక్కడ ప్రమాదకర ప్రాంతాలున్నాయో గుర్తించాలన్నది అందులో మొదటి సూచన. అక్కడి పార్కులు, విద్యాసంస్థలు, శివారు ప్రాంతాలు వగైరాలను ఇందుకోసం కూలంకషంగా పరిశీలించాలని తెలిపింది. అలాగే ఇలాంటి ప్రాంతాల్లో రోజంతా గస్తీ ఉండేలా చూడాలని కోరింది. నిఘా కెమెరాల పనితీరు ఎలావుందో తరచు తనిఖీలుచేసి, అవసరమైన మరమ్మత్తులు చేయించాలని, చీకటి ప్రాంతాలు ఎక్కడా ఉండటానికి వీల్లేకుండా చర్యలు తీసుకోవాలని సూచించింది. వాహనాల కిటికీలకు నల్లటి తెరలు, ఫిల్ములు లేకుండా చూడాలని ఆదేశించింది. నిజానికి వీటిల్లో కొన్ని నిర్భయ ఉదంతం తర్వాత ఏర్పాటైన జస్టిస్‌ జేఎస్‌ వర్మ కమిషన్‌ సిఫార్సుల్లో కూడా ఉన్నాయి. 2012లో నిర్భయ ఉదంతం తర్వాత దేశ వ్యాప్తంగా పెల్లుబికిన నిరసనలతో యూపీఏ ఆధ్వర్యంలోని కేంద్రం వెంటనే స్పందించి ఈ కమిషన్‌ ఏర్పాటుచేసింది. అది నివేదిక ఇవ్వడానికిముందే ఉరిశిక్షతోసహా కఠిన శిక్షలకు ఆస్కారం కల్పించే నిర్భయ ఆర్డినెన్స్‌ కూడా తెచ్చింది. అప్పట్లోనే ఆ ఆర్డినెన్స్‌ పైనా, దాని స్థానంలో వచ్చిన చట్టంపైనా మానవహక్కుల సంఘాలు, మహిళా సంఘాలూ పెదవి విరిచాయి. కేవలం కఠిన శిక్షలు నిర్దేశించినంత మాత్రాన నేరాలు ఆగబోవనీ, వెంటవెంటనే స్పందించే యంత్రాంగం, పకడ్బందీ దర్యాప్తు, న్యాయ స్థానాల్లో వేగంగా విచారణ, శిక్షలు ఉంటేనే నేరం చేయాలంటే భయపడే పరిస్థితులుంటాయనీ ఆ సంఘాలు తెలిపాయి. ఇటీవల ఐపీసీ బదులుగా తీసుకొచ్చిన భారతీయ న్యాయసంహితలో అత్యాచార నేరానికి విధించే శిక్షను ఏడేళ్లనుంచి పదేళ్లకు పెంచారు కూడా. దాదాపు పదిహేనేళ్లు గడిచాక చూస్తే పరిస్థితి మొదటికొచ్చింది. కళాశాల విద్యార్థినులు ఫిర్యాదులు చేస్తున్నా పోలీసులకు తీరిక లేకపోయింది. కనీసం ఆ ప్రాంతంలో గస్తీ పెంచాలన్న ఆలోచన కూడా రాలేదు. దాని పర్యవసానంగానే బాలిక బలైపోయింది. మహిళలపై సమాజంలో శతాబ్దాలుగా పేరుకుపోయిన భావనలు, జెండర్‌ వివక్ష, బాధ్యతాయుత స్థానాల్లో ఉండేవారి వ్యవహారశైలి, ప్రభుత్వాల అలసత్వమూ ఇలాంటి నేరాలను పరోక్షంగా ప్రోత్సహిస్తున్నాయని జస్టిస్‌ జేఎస్‌ వర్మ కమిషన్‌ చేసిన వ్యాఖ్య గమనించదగ్గది. ఉదంతం జరిగినప్పుడల్లా బాధితుల్నే తప్పుబట్టే సంస్కృతి దేశంలో ఇంకా పోలేదు. వాస్తవానికి నిర్భయ ఉదంతం తర్వాత వెనువెంటనే చర్యలుంటాయన్న భరోసాతో ఫిర్యాదులు చేసేవారి సంఖ్య పెరిగింది. కానీ ఎప్పట్లానే అలసత్వమూ, ఫిర్యాదు ఇచ్చినవారినే తప్పుబట్టే ధోరణి గమనించాక చాలామంది వెనక్కి తగ్గటం మొదలైంది. అసలు నమోదైన కేసుల దర్యాప్తులో పోలీసులు నిరాసక్తత సమస్యను మరింత పెంచుతోంది. నిరుడు వెలువడిన గణాంకాల ప్రకారం ఢిల్లీ పరిధిలో రోజుకు అయిదు అత్యాచార కేసులు నమోదవుతున్నాయి. పరిస్థితి మరింత జటిలం కాకముందే పోలీసులు మేల్కొనాలి. సుప్రీంకోర్టు సూచనలను తక్షణమే అమల్లోకి తీసుకురావాలి.

సాక్షి,న్యూఢిల్లీ : దేశంలో క్యాన్సర్‌ వంటి ప్రాణాంతక వ్యాధుల మందుల ధరలు విపరీతంగా పెరిగిపోవడంపై సుప్రీంకోర్టు తీవ్ర ఆగ్రహం వ్యక్తం చేసింది. ఔషధ కంపెనీలు, రిటైలర్లు, ఆసుపత్రులు సామాన్య ప్రజలను నిలువునా దోచుకుంటున్నాయని మండిపడింది.అత్యవసర క్యాన్సర్ మందు తయారీదారుల నుంచి రిటైలర్లకు కేవలం రూ. 2,700 లకే లభిస్తోంది. అయితే, అదే మందు సాధారణ రోగులకు విక్రయించేసరికి దాని గరిష్ట రిటైల్ ధర ఏకంగా రూ. 27,000 వసూలు చేస్తున్నారు. తయారీ ధరకు, మార్కెట్లో విక్రయిస్తున్న ధరకూ దాదాపు 10 రెట్లు వ్యత్యాసం ఉండటంపై కోర్టు తీవ్ర అభ్యంతరం తెలిపింది.ఇంత భారీ వ్యత్యాసంతో మందులను విక్రయించడాన్ని అత్యున్నత న్యాయస్థానం పగటిపూట జరిగే నిలువుదోపిడీగా అభివర్ణించింది.క్యాన్సర్‌ లాంటి ప్రాణాంతక వ్యాగ్రంతో పోరాడే రోగుల బలహీనతను ఆసరాగా చేసుకుని కొన్ని కంపెనీలు, ప్రైవేటు ఆసుపత్రులు ఇష్టానుసారంగా ధరలు పెంచుతూ దోపిడీకి పాల్పడుతున్నాయని ధర్మాసనం ఆగ్రహం వ్యక్తం చేసింది.ఆయుష్మాన్ భారత్ వంటి ప్రభుత్వ ఆరోగ్య పథకాల ద్వారా చికిత్స పొందే రోగుల విషయంలో ఈ ధరల బాదుడు నేరుగా ప్రజాధనం పైనే పెనుభారం పడేస్తోందని కోర్టు పేర్కొంది.ఆసుపత్రులు అధిక ధరలకు మందులు కొనుగోలు చేసి, ఆ బిల్లులను ప్రభుత్వ పథకాల కింద క్లెయిమ్ చేసుకుంటున్నాయని, ఇది పరోక్షంగా ప్రభుత్వ ఖజానాకు జరుగుతున్న మోసమని వ్యాఖ్యానించింది. ఔషధ ధరల నియంత్రణ ఉత్తర్వుల పరిధి కేవలం కొన్ని మందులకే పరిమితం కావడం, మిగతా సుమారు 82 శాతానికి పైగా మందులు ధరల నియంత్రణ పరిధిలోకి రాకపోవడంపై కేంద్రాన్ని, నియంత్రణ సంస్థలను కోర్టు నిలదీసింది.ప్రాణాలను కాపాడే నిత్యావసర ఔషధాల ధరలు ఇంత విపరీతంగా పెరుగుతున్నా సంబంధిత శాఖలు, డ్రగ్ ప్రైసింగ్ అథారిటీ ఎందుకు మౌనంగా ఉన్నాయని ప్రశ్నించింది.మందుల అసలు ఉత్పత్తి ధరకు,మార్కెట్ ఎంఆర్పీకి మధ్య ఇంత భారీ వ్యత్యాసం ఎందుకు ఉండకూడదనే అంశంపై స్పష్టమైన విధానాన్ని తెలపాలని కేంద్ర ప్రభుత్వాన్ని ఆదేశించింది. ఈ అంశంపై జనరిక్ మందుల వాడకం తప్పనిసరి చేయడం,నాన్-షెడ్యూల్డ్ మందుల ధరల నియంత్రణకు సంబంధించి కఠినమైన ప్రతిపాదనలు తీసుకురావాలని కోర్టు సూచించింది.ఇదీ చదవండి : కరెంట్‌ బిల్లులకు ట్రాఫిక్‌ చలాన్ల లింక్‌

సాక్షి, న్యూఢిల్లీ: హైకోర్టు ప్రధాన న్యాయమూర్తి జస్టిస్‌ అపరేశ్‌ కుమార్‌ సింగ్‌ను సుప్రీంకోర్టు న్యాయమూర్తిగా కొలీజియం సిఫార్సు చేసింది. ఆయనతోపాటు మరో ఇద్దరు హైకోర్టు సీజేలకూ పదోన్నతి కలి్పస్తూ సిఫార్సు చేసింది. సుప్రీం ప్రధాన న్యాయమూర్తి జస్టిస్‌ సూర్యకాంత్‌ నేతృత్వంలోని కొలీజియం సోమవారం సమావేశమై ఈ మేరకు కీలక నిర్ణయాలు తీసుకుంది. సుప్రీంకోర్టు న్యాయమూర్తులుగా ఎంపిక చేసిన జాబితాలో జస్టిస్‌ అపరేశ్‌ కుమార్‌ సింగ్‌తోపాటు గుజరాత్‌ హైకోర్టు సీజే జస్టిస్‌ సునీతా అగర్వాల్, ఢిల్లీ హైకోర్టు సీజే జస్టిస్‌ దేవేంద్ర కుమార్‌ ఉపాధ్యాయ ఉన్నారు. సుప్రీంకోర్టు కొలీజియం చేసిన ఈ సిఫార్సులకు కేంద్ర ప్రభుత్వం ఆమోదముద్ర వేసిన తర్వాత రాష్ట్రపతి భవన్‌ నుంచి అధికారికంగా నియామక ఉత్తర్వులు వెలువడతాయి. ఆయనది జడ్జీల కుటుంబం న్యాయకోవిదుల కుటుంబంలో మూడో తరానికి చెందిన జస్టిస్‌ అపరేశ్‌ కుమార్‌ సింగ్‌ 1965, జూలై 7న డాక్టర్‌ రాంగోపాల్‌సింగ్, డాక్టర్‌ శ్రద్ధాసింగ్‌ దంపతులకు జన్మించారు. ఆయన తల్లివైపు కుటుంబానికి చెందిన తాత జస్టిస్‌ బీపీ సిన్హా సుప్రీంకోర్టు ఆరో ప్రధాన న్యాయమూర్తిగా, మరో తాత జస్టిస్‌ శంభుప్రసాద్‌ సింగ్‌ పట్నా హైకోర్టు యాక్టింగ్‌ చీఫ్‌ జస్టిస్‌గా బాధ్యతలు నిర్వర్తించారు. సమీప బంధువులైన జస్టిస్‌ బిశ్వేశ్వర్‌ ప్రసాద్, జస్టిస్‌ శివకీర్తి సింగ్‌ సుప్రీంకోర్టు జడ్జీలుగా పనిచేశారు. జస్టిస్‌ అపరేశ్‌ కుమార్‌ సింగ్‌ ఢిల్లీ విశ్వవిద్యాలయం నుంచి బీఏ ఆనర్స్, ఎల్‌ఎల్‌బీ పట్టాలు పొందారు. 1990లో న్యాయవాదిగా నమోదు చేసుకుని అదే ఏడాది నుంచి 2000 వరకు పట్నా హైకోర్టులో ప్రాక్టీస్‌ చేశారు. 2001 నుంచి జార్ఖండ్‌ హైకోర్టులో న్యాయవాదిగా కొనసాగారు. 2012, జనవరి 24న జార్ఖండ్‌ హైకోర్టు అదనపు న్యాయమూర్తిగా నియమితులయ్యారు. 2014, జనవరి 16న శాశ్వత న్యాయమూర్తి అయ్యారు. జార్ఖండ్‌ స్టేట్‌ లీగల్‌ సర్వీసెస్‌ అథారిటీ ఎగ్జిక్యూటివ్‌ చైర్మన్‌గా కూడా బాధ్యతలు నిర్వహించారు. 2022, డిసెంబర్‌ 20 నుంచి 2023, ఫిబ్రవరి 19 వరకు జార్ఖండ్‌ హైకోర్టు తాత్కాలిక ప్రధాన న్యాయమూర్తిగా పనిచేశారు. అనంతరం 2023, ఏప్రిల్‌ 17న త్రిపుర హైకోర్టు ప్రధాన న్యాయమూర్తిగా బాధ్యతలు చేపట్టారు. 2025, జూలై 19న తెలంగాణ హైకోర్టు ప్రధాన న్యాయమూర్తిగా బదిలీపై వచ్చారు. తెలంగాణకు జస్టిస్‌ వినోద్‌కుమార్‌ రాష్ట్రానికి చెందిన, ప్రస్తుతం మద్రాస్‌ హైకోర్టులో న్యాయమూర్తిగా ఉన్న జస్టిస్‌ తడకమళ్ల వినోద్‌కుమార్‌ను తెలంగాణకు బదిలీ చేస్తూ సుప్రీంకోర్టు కొలీజియం సిఫార్సు చేసింది. ఈ ఏడాది నవంబర్‌ 16న ఆయన పదవీ విరమణ పొందనున్నారు. 1964, నవంబర్‌ 17న టి.లక్ష్మీనరసింహారావు, టి.శకుంతల దంపతులకు ఆయన జని్మంచారు. నాటి నల్లగొండ జిల్లా సూర్యాపేటలో ప్రాథమిక విద్యాభ్యాసం ప్రారంభించి, అనంతరం హైదరాబాద్‌లో విద్యను కొనసాగించారు. ఉస్మానియా విశ్వవిద్యాలయం నుంచి బీఏ, ఎల్‌ఎల్‌బీ పట్టాలు పొందారు. 1988లో న్యాయవాదిగా నమోదు చేసుకుని, సీనియర్‌ న్యాయవాది రవి.ఎస్‌ చాంబర్‌లో చేరారు. పన్నులు, కార్పొరేట్‌ వివాదాలపై న్యాయవాదిగా ప్రత్యేక నైపుణ్యం సాధించారు. ఆదాయపు పన్ను శాఖకు, కమర్షియల్‌ ట్యాక్స్‌ శాఖకు స్టాండింగ్‌ కౌన్సెల్‌గా చేశారు. న్యాయమూర్తిగా పదోన్నతి పొందే వరకు ఈ బాధ్యతల్లో కొనసాగారు. 2019, ఆగస్టు 26న తెలంగాణ హైకోర్టు న్యాయమూర్తిగా నియమితులయ్యారు. గతేడాది జూలైలో మద్రాస్‌ హైకోర్టుకు బదిలీ అయ్యారు.

న్యూఢిల్లీ: సుప్రీంకోర్టు న్యాయమూర్తులుగా ముగ్గురు హైకోర్టు ప్రధాన న్యాయమూర్తులకు పదోన్నతి కల్పించాలని సుప్రీంకోర్టు కొలీజియం సిఫార్సు చేసింది. వీరిలో తెలంగాణ హైకోర్టు ప్రధాన న్యాయమూర్తి జస్టిస్ అపరేష్ కుమార్ సింగ్‌తో పాటు ఢిల్లీ హైకోర్టు ప్రధాన న్యాయమూర్తి జస్టిస్ దేవేంద్ర కుమార్ ఉపాధ్యాయ, గుజరాత్ హైకోర్టు ప్రధాన న్యాయమూర్తి జస్టిస్ సునీతా అగర్వాల్‌లు ఉన్నారు. ఈరోజు సుప్రీంకోర్టు కొలీజియం నిర్వహించిన సమావేశంలో ఈ పరిణామం చోటుచేసుకుంది. ఈ మేరకు ప్రతిపాదనలను ఆమోదిస్తూ అధికారిక ప్రకటనను విడుదల చేసింది. ఇదీ చదవండి: పశ్చిమబెంగాల్‌లో విజయ్‌ టీవీకే ఎంట్రీ..!

న్యూఢిల్లీ: దేశవ్యాప్తంగా పేరుకుపోతున్న ట్రాఫిక్ పెండింగ్ చలాన్ల వసూళ్లపై సుప్రీంకోర్టు కీలక వ్యాఖ్యలు చేసింది. కేవలం ఈ-చలాన్లు జారీ చేయడం మాత్రమే సరిపోదని, వాటిని వసూలు చేసేందుకు సంబంధిత శాఖలు వినూత్నమైన, కఠినమైన మార్గాలను అన్వేషించాలని సూచించింది. ఈ నేపథ్యంలో పవర్ బిల్లులతో చలాన్లను అనుసంధానించే ఆలోచనను పరిశీలించాలని పేర్కొంది. పెండింగ్ చలాన్లపై దాఖలైన పిటిషన్‌ను విచారించిన సుప్రీంకోర్టు ధర్మాసనం ఈ వ్యాఖ్యలు చేసింది. విచారణ సందర్భంగా జస్టిస్ జేబీ పార్దివాలా మాట్లాడుతూ..‘ప్రజలు ట్రాఫిక్ చలాన్లు చెల్లించకపోతే, ఆ బకాయిలను వారి విద్యుత్ బిల్లులకు అనుసంధానించే అంశాన్ని పరిశీలించండి. కరెంట్ బిల్లు కట్టకపోతే ఇళ్లలో కరెంట్ నిలిచిపోతుంది కాబట్టి, ఎలాగైనా బిల్లు చెల్లిస్తారు. చలాన్ల వసూలుకు ఈ మార్గం ఏ మేరకు పనిచేస్తుందో చూడండి అని అభిప్రాయపడ్డారు. అయితే, ఈ విద్యుత్ బిల్లుల అనుసంధాన మార్గం అనేది కేవలం విచారణ సమయంలో కోర్టు చేసిన ఒక సూచన మాత్రమేనని, ఇది అమలు చేయాల్సిందని అధికారిక ఆదేశం కాదని స్పష్టం చేసింది. రూ.45 వేల కోట్ల పెండింగ్ బకాయిలుదేశవ్యాప్తంగా రాష్ట్రాలు, కేంద్ర పాలిత ప్రాంతాల్లో సుమారు రూ.45,000 కోట్ల ఈ-చలాన్ బకాయిలు వసూలు కావాల్సి ఉండగా, అందులో సుమారు రూ.25,000 కోట్లు మాత్రమే రికవరీ అయినట్లు కోర్టు దృష్టికి వచ్చింది. అధికారులు వాహనదారులకు వేల, లక్షల్లో చలాన్లు విధిస్తున్నప్పటికీ, ఆ జరిమానాలను క్షేత్రస్థాయిలో రాబట్టడం సవాలుగా మారిందని కోర్టు పేర్కొంది.చలాన్ల వసూలుకు సుప్రీంకోర్టు సూచించిన ఇతర ప్రత్యామ్నాయ మార్గాలు:పెండింగ్ చలాన్లను సమర్థవంతంగా వసూలు చేసేందుకు పలు కఠిన చర్యలపై సుప్రీంకోర్టు చర్చించిందిఆర్సీ రెన్యువల్ నిలిపివేత: వెహికల్ రిజిస్ట్రేషన్ సర్టిఫికెట్ల రెన్యువల్ సమయంలో పెండింగ్ చలాన్లపై ప్రత్యేక దృష్టి పెట్టాలియాజమాన్య బదిలీకి అడ్డుకట్ట: బకాయిలు ఉన్న వాహనాలను ఒకరి నుంచి మరొకరికి ట్రాన్స్‌ఫర్ చేయకుండా అడ్డుకోవాలిఫిట్‌నెస్ సర్టిఫికెట్లు: పెండింగ్ చలాన్లు పూర్తిగా చెల్లించే వరకు వాహనాలకు ఫిట్‌నెస్ సర్టిఫికెట్లు జారీ చేయరాదు లైసెన్స్ నిలిపివేత: పరివాహన్ పోర్టల్ ద్వారా డ్రైవింగ్ లైసెన్సుల రెన్యువల్‌ను నిలిపివేయడంతో పాటు, ఇప్పటికే ఉన్న లైసెన్సుల సస్పెన్షన్‌కు చర్యలు తీసుకోవాలి.పీయూసీ సర్టిఫికెట్లు: చెల్లించని చలాన్లు ఉన్న వాహనాలకు పొల్యూషన్ అండర్ కంట్రోల్ సర్టిఫికెట్లు ఇవ్వడానికి నిరాకరించాలివాహనాల జప్తు: తనిఖీల్లో భాగంగా పెండింగ్ చలాన్లు ఉన్న వాహనాలను అధికారులు అవసరమైతే స్వాధీనం చేసుకోవచ్చని కోర్టు పేర్కొంది దేశంలో ట్రాఫిక్ నిబంధనల అమలు, ఈ వ్యవస్థ మరింత సమర్థవంతంగా పనిచేయాలంటే క్షేత్రస్థాయి వాస్తవాలను దృష్టిలో ఉంచుకుని అధికారులు తగిన నిర్ణయాలు తీసుకోవాలని సుప్రీంకోర్టు తేల్చిచెప్పింది. ఇదీ చదవండి : వందేమాతరం పూర్తిగా పాడని వారిపై క్రిమినల్ చర్యలా?

దేశ రాజధాని ఢిల్లీ, పరిసర ప్రాంతాల్లో వరుసగా వెలుగుచూస్తున్న అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. ఇటీవలి కేసులను సుమోటోగా స్వీకరించిన ధర్మాసనం.. వీటిని ప్రజాప్రయోజన వ్యాజ్యంగా విచారించనుంది. ఈ ఘటనలు 2012 నాటి నిర్భయ ఘటనను గుర్తు చేస్తున్నాయని పేర్కొన్న ధర్మాసనం.. చట్ట అమలు, ప్రజా భద్రతను కాపాడటంలో వ్యవస్థ వైఫల్యాలను ఈ వరుస ఘటనలు స్పష్టంగా చూపిస్తున్నాయని కీలక వ్యాఖ్యలు చేసింది.ఢిల్లీ-ఎన్‌సీఆర్‌లో ఈ ఒక్క సెప్టెంబర్‌లోనే 13 లైంగిక దాడుల కేసులు నమోదు అయ్యాయి. ఈ వరుస అత్యాచార ఘటనలను సోమవారం సుమోటో కేసుగా స్వీకరించిన జస్టిస్‌ జేబీ పర్దీవాలా, జస్టిస్‌ కే. వినోద్‌ చంద్రన్‌ ధర్మాసనం.. విచారణకు ఈ పిల్‌ను లిస్టింగ్‌ చేయాలని రిజిస్ట్రీని ఆదేశించింది. అలాగే ఈ ఘటనలు ‘‘ఇలా అనకుండా ఉండలేకపోతున్నాం. తాజా కేసుల్లో నిర్భయ ఘటనతో బాధాకరమైన పోలికలు కనిపిస్తున్నాయి’’ అని జస్టిస్‌ పర్దీవాలా వ్యాఖ్యానించారు. 2012లో ఢిల్లీలో కదులుతున్న బస్సులో 23 ఏళ్ల యువతిపై సామూహిక అత్యాచారం జరగడం, అనంతరం ఆమె మృతి చెందడం దేశవ్యాప్తంగా తీవ్ర ఆందోళనకు దారితీసింది. ఆ ఘటన తర్వాత లైంగిక నేరాలకు సంబంధించిన చట్టాల్లో పలు కీలక మార్పులు చేశారు. అయితే ఇటీవలి ఘటనల్లోనూ మహిళలు, బాలికలకు బహిరంగ ప్రదేశాల్లో భద్రతపై ప్రశ్నలు తలెత్తుతున్న నేపథ్యంలో సుప్రీంకోర్టు ఈ అంశాన్ని స్వయంగా విచారణకు తీసుకుంది.పార్కులు, బస్సులు హైరిస్క్‌ జోన్లుగా మారొద్దుపార్కులు, బస్సులు వంటి ప్రజా ప్రదేశాలు సరైన లైటింగ్‌, నిఘా, ఇతర మౌలిక సదుపాయాల కొరత కారణంగా ప్రమాదకర ప్రాంతాలుగా మారకూడదని సుప్రీంకోర్టు పేర్కొంది. కేవలం ఘటనలపై సానుభూతి వ్యక్తం చేయడం సరిపోదని.. బాధ్యతను నిర్ధారించే వ్యవస్థ ఉండాలని జస్టిస్‌ పర్దీవాలా స్పష్టం చేశారు. ఇటీవల ఢిల్లీలోని కల్కాజీ మందిరం సమీపంలోని ఆస్తా కుంజ్‌ పార్క్‌లో 17 ఏళ్ల బాలికపై ముగ్గురు వ్యక్తులు అత్యాచారానికి పాల్పడిన కేసు తీవ్ర చర్చనీయాంశమైంది. పోలీసులమంటూ బాలిక, ఆమె స్నేహితుడిని బెదిరించి ఘటనకు పాల్పడినట్లు దర్యాప్తులో వెల్లడైంది. సెప్టెంబర్‌ 21న ఈ ఘటన జరిగినట్లు పోలీసులు తెలిపారు. ఈ కేసులో ముగ్గురు నిందితులను పోలీసులు అరెస్టు చేశారు. ఈ ఘటన జరిగిన పార్కులో ఎంట్రీ, ఎగ్జిట్‌ ప్రాంతాల్లో సీసీటీవీ కెమెరాలు లేకపోవడం, సరైన లైటింగ్‌ లేకపోవడం, కొన్ని గేట్లు సిబ్బంది లేకుండా ఉండటం వంటి భద్రతా లోపాలు ఉన్నట్లు దర్యాప్తులో వెల్లడైంది.కదులుతున్న బస్సులోనూ దారుణంఇటీవలే నోయిడాకు వెళ్తున్న ఓ స్లీపర్‌ బస్సులో ఓ బాలికపై సామూహిక అత్యాచారం జరిగిన కేసును కూడా సుప్రీంకోర్టు ప్రస్తావించింది. బస్సులోని బెర్త్‌లకు తెరలు ఉండటం, సీసీటీవీ వ్యవస్థ పనిచేయకపోవడం వంటి అంశాలు నిందితులకు అనుకూలంగా మారాయన్న విషయాల్ని కోర్టు ప్రధానంగా ప్రస్తావించింది. 2012 నిర్భయ ఘటన తర్వాత ప్రజా రవాణా, మహిళల భద్రతకు సంబంధించి పలు నిబంధనలు తీసుకొచ్చినప్పటికీ.. వాటి అమలు తీరుపై తాజా ఘటనలు ప్రశ్నలు లేవనెత్తుతున్నాయని అభిప్రాయపడింది. చట్టాలు ఉన్నా.. అమలు ఎలా?మహిళలు, బాలికలకు భద్రత కల్పించేందుకు చట్టాలు, నిబంధనలు ఉన్నప్పటికీ.. వాటిని క్షేత్రస్థాయిలో ఎంత సమర్థంగా అమలు చేస్తున్నారన్నదే కీలకమని సుప్రీంకోర్టు వ్యాఖ్యలు స్పష్టం చేస్తున్నాయి. బహిరంగ ప్రదేశాల్లో వెలుతురు, సీసీటీవీలు, నిఘా, భద్రతా సిబ్బంది వంటి కనీస సదుపాయాల లోపాలపై కూడా కోర్టు దృష్టి సారించింది. కేవలం ఘటన జరిగిన తర్వాత స్పందించడం కాకుండా.. ముందుగానే భద్రతా లోపాలను గుర్తించి, బాధ్యతను నిర్ధారించే వ్యవస్థ ఉండాలని స్పష్టం చేసింది. ఢిల్లీ–ఎన్‌సీఆర్‌లో చోటుచేసుకున్న తాజా ఘటనలపై సుమోటో విచారణ ద్వారా ఈ అంశాలపై సుప్రీంకోర్టు తదుపరి చర్యలు, ఆదేశాలపై ఇప్పుడు ఆసక్తి నెలకొంది.ఇదీ చదవండి: బ్యాంకులు శనివారాలు మూసేస్తే మా సంగతేంటి?

యూపీఐ చెల్లింపులపై కొత్తగా తీసుకొచ్చిన మర్చంట్‌ డిస్కౌంట్‌ రేట్‌ (ఎండీఆర్‌) విధానంపై సుప్రీంకోర్టు కీలక ఆదేశాలు జారీ చేసింది. రూ.2,000కు మించిన కొన్ని యూపీఐ ‘పర్సన్‌ టు మర్చంట్‌’ (పీ2ఎం) లావాదేవీలపై చార్జీలు విధించే కేంద్ర ప్రభుత్వ నిర్ణయాన్ని సవాలు చేస్తూ దాఖలైన పిటిషన్‌పై కేంద్రానికి నోటీసులు జారీ చేసింది. ఛార్జీల విధానం, దాని ప్రాతిపదికకు సంబంధించిన పూర్తి వివరాలతో అఫిడవిట్‌ దాఖలు చేయాలని కేంద్రంతో పాటు రిజర్వ్‌ బ్యాంక్‌ ఆఫ్‌ ఇండియాను ఆదేశించింది. ఈ పిటిషన్‌ను న్యాయవాది అంజన్‌ దత్తా దాఖలు చేశారు. సోమవారం విచారణ జరిపిన సీజేఐ జస్టిస్‌ సూర్యకాంత్‌ నేతృత్వంలోని జస్టిస్‌ జాయ్‌మాల్య బాగ్చి, జస్టిస్‌ వి. మోహనాలతో కూడిన ధర్మాసనం.. కేంద్ర ప్రభుత్వం, ఆర్‌బీఐ, ఎన్‌పీసీఐలకు నోటీసులు జారీ చేసింది. కొత్త ఎండీఆర్‌ విధానానికి చట్టపరమైన ప్రాతిపదిక ఏంటి? ఈ ఛార్జీపై పన్ను ఎలా ఉంటుంది? పన్ను భారం ఎవరిపై పడుతుంది? ఈ విధానం తీసుకొచ్చే అధికారం కేంద్రానికి ఏ మేరకు ఉంది? ఎండీఆర్‌ విధానం తీసుకురావడానికి కారణమేంటి? వంటి అంశాలపై స్పష్టత ఇవ్వాలని కోరింది. వీటన్నింటిపై నాలుగు వారాల్లో అఫిడవిట్‌ దాఖలు చేయాలని కేంద్రాన్ని ఆదేశించింది. అదే సమయంలో అక్టోబర్‌ 15 నుంచి కొత్త విధానం అమల్లోకి రానున్న నేపథ్యంలో.. దాని అమలుపై స్టే ఇచ్చేందుకు సుప్రీంకోర్టు నిరాకరించింది.రూ.2 వేలు దాటితే.. కేంద్రం తీసుకొచ్చిన కొత్త విధానం ప్రకారం.. అక్టోబర్‌ 15 నుంచి కొత్త ఎండీఆర్‌ విధానం అమల్లోకి రావాల్సి ఉంది. రూ.2,000కు మించిన నిర్దిష్ట యూపీఐ పీ2ఎం లావాదేవీలపై 0.4 శాతం ఎండీఆర్‌ విధిస్తారు. రూ.75,000, అంతకంటే ఎక్కువ విలువైన లావాదేవీలకు గరిష్ఠ చార్జీ రూ.300గా ఉంటుంది. అయితే వ్యక్తి నుంచి వ్యక్తికి చేసే పీ2పీ యూపీఐ చెల్లింపులపై ఎలాంటి ఎండీఆర్‌ ఉండదు. రూ.2,000 వరకు చేసే సాధారణ మర్చంట్‌ చెల్లింపులూ చార్జీ పరిధిలోకి రావు.కొన్ని ప్రత్యేక రంగాలకు మాత్రం వేర్వేరు రేట్లు నిర్ణయించారు. రైల్వేలు, టెలికాం, బీమా, ఇంధనం, వ్యవసాయ ఇన్‌పుట్స్‌ వంటి రంగాల్లో రూ.2,000కు మించిన లావాదేవీలపై ఒక్కో లావాదేవీకి రూ.5 ఎండీఆర్‌ ఉంటుంది. మ్యూచువల్‌ ఫండ్లు, సెక్యూరిటీస్‌, స్టాక్‌బ్రోకర్లు, డీలర్లకు సంబంధించిన లావాదేవీలపై 0.02 శాతం ఎండీఆర్‌ విధిస్తారు. దీనికీ రూ.300 గరిష్ఠ పరిమితి ఉంటుంది.విధానంపై పిటిషనర్‌ అభ్యంతరాలుకేంద్రం సెప్టెంబర్‌ 14న జారీ చేసిన నోటిఫికేషన్‌, సెప్టెంబర్‌ 15న ప్రకటించిన ఎండీఆర్‌ విధానాన్ని అంజన్‌ దత్తా తన పిటిషన్‌లో సవాలు చేశారు. తగిన చట్టపరమైన రక్షణలు, పారదర్శకత, ప్రజా సంప్రదింపులు లేకుండానే కొత్త చార్జీల విధానాన్ని తీసుకొచ్చారని ఆయన వాదించారు. పేమెంట్‌ అండ్‌ సెటిల్‌మెంట్‌ సిస్టమ్స్‌ యాక్ట్‌, 2007లోని సెక్షన్‌ 10ఏ సవరణ చట్టబద్ధతను కూడా ప్రశ్నించారు.అలాగే యూపీఐ, రూపే డెబిట్‌ కార్డులకు వేర్వేరు నిబంధనలు ఎందుకన్న అంశాన్ని పిటిషన్‌లో లేవనెత్తారు. రూ.2,000 దాటిన యూపీఐ మర్చంట్‌ చెల్లింపులపై ఎండీఆర్‌ విధిస్తుండగా.. రూపే డెబిట్‌ కార్డు లావాదేవీలకు చార్జీల విషయంలో కొనసాగుతున్న రక్షణపై కూడా ప్రశ్నలు లేవనెత్తారు.ఏం కోరుతున్నారు?రూ.2,000కు మించిన యూపీఐ లావాదేవీలపై ఎండీఆర్‌ విధించే నిబంధనను రద్దు చేయాలని లేదంటే అమలును నిలిపివేయాలని పిటిషనర్‌ కోరారు. ప్రత్యామ్నాయంగా.. సంబంధిత డేటాను బహిర్గతం చేసి, ప్రభావంపై అధ్యయనం నిర్వహించి, పారదర్శకంగా సంప్రదింపులు జరిపిన తర్వాత విధానాన్ని పునఃపరిశీలించాలని విజ్ఞప్తి చేశారు. ముఖ్యంగా చిన్న, సూక్ష్మ వ్యాపారాలపై పడే ప్రభావాన్ని పరిగణనలోకి తీసుకోవాలని కోరారు.అక్టోబర్‌ 15 నుంచి అమలుకొత్త ఎండీఆర్‌ విధానం అక్టోబర్‌ 15 నుంచి అమల్లోకి రావాల్సి ఉంది. ఈ నేపథ్యంలో దాని అమలును నిలిపివేయాలన్న పిటిషనర్‌ అభ్యర్థనను సుప్రీంకోర్టు ప్రస్తుత దశలో అంగీకరించలేదు. అయితే కేంద్రం నుంచి పూర్తి వివరాలతో అఫిడవిట్‌ కోరడంతో.. ఈ చార్జీల విధానానికి సంబంధించిన చట్టపరమైన ప్రాతిపదిక, అమలు విధానంపై తదుపరి విచారణలో మరింత స్పష్టత వచ్చే అవకాశం ఉంది.ఇదీ చదవండి: రిస్క్‌లో 96 భారత విమానాలు?

కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ చుట్టూ ఇప్పటికే వివాదం కొనసాగుతున్న వేళ.. ఆయన కుమార్తె మేధా రూపమ్‌ కూడా ఇప్పుడు వివాదంలో చిక్కుకున్నారు. ఆమె దాఖలు చేసిన ఓ పిటిషన్‌ సుప్రీంకోర్టులో ఏ బెంచ్‌ ముందు, ఎలా లిస్ట్‌ అయిందన్న దానిపై లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ అభ్యంతరాలు వ్యక్తం చేసింది. అంతేకాదు.. విచారణ మధ్యలో వర్చువల్‌ కోర్టు ఆడియోను మ్యూట్‌ చేయడంపైనా ప్రశ్నలు లేవనెత్తింది. ఈ అంశాలపై సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌కు సంఘం ఓ లేఖ రాసింది. ఈ వివాదం నోయిడాలో కార్మికుల ఆందోళనకు సంబంధించినది. ఏప్రిల్‌లో జరిగిన కార్మికుల నిరసన నేపథ్యంలో ఢిల్లీ యూనివర్సిటీ విద్యార్థిని, కార్యకర్త ఆకృతి చౌదరిని జాతీయ భద్రతా చట్టం (ఎన్‌ఎస్‌ఏ) కింద నిర్బంధించారు. దీనిపై ఆమె అలహాబాద్‌ హైకోర్టును ఆశ్రయించారు. సెప్టెంబర్‌ 2న విచారణ జరిపిన హైకోర్టు.. ఆకృతి చౌదరి నిర్బంధాన్ని రద్దు చేసింది. ఆమెకు రూ.5 లక్షల పరిహారం చెల్లించాలని, ఆ మొత్తాన్ని నిర్బంధ ప్రక్రియలో భాగమైన అధికారుల జీతాల నుంచి వసూలు చేయాలని ఆదేశించింది. అందులో నోయిడా జిల్లా మేజిస్ట్రేట్‌(ఐఏఎస్‌) మేధా రూపమ్‌ కూడా ఉన్నారు. ఆమె సీఈసీ జ్ఞానేశ్‌ కుమార్‌ కూతురు. అంతేకాదు నోయిడాకు తొలి మహిళా మెజిస్ట్రేట్‌ కూడా.హైకోర్టు తన తీర్పులో నోయిడా యంత్రాంగం వ్యవహరించిన తీరుపై తీవ్ర వ్యాఖ్యలు చేసింది. ఎన్‌ఎస్‌ఏ వంటి కఠిన చట్టాన్ని ప్రయోగించే ముందు సంబంధిత రికార్డులను అధికారులు జాగ్రత్తగా పరిశీలించాల్సి ఉందని పేర్కొంది. ఈ నేపథ్యంలోనే మేధా రూపమ్‌ హైకోర్టు తీర్పును సవాలు చేస్తూ సుప్రీంకోర్టును ఆశ్రయించారు.అక్కడే కొత్త ప్రశ్నలుహైకోర్టు తీర్పులో తనపై చేసిన వ్యాఖ్యలు, రూ.5 లక్షల పరిహారాన్ని తన జీతం నుంచి వసూలు చేయాలన్న ఆదేశాలను సవాలు చేస్తూ మేధా రూపమ్‌ పిటిషన్‌ దాఖలు చేశారు. ఉత్తరప్రదేశ్‌ ప్రభుత్వం కూడా హైకోర్టు తీర్పును సవాలు చేసింది. సెప్టెంబర్‌ 23న జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ఈ వ్యవహారాన్ని విచారించింది. మేధా రూపమ్‌ తరఫున సొలిసిటర్‌ జనరల్‌ తుషార్‌ మెహతా వాదించగా.. యూపీ ప్రభుత్వం తరఫున సీనియర్‌ న్యాయవాది ముకుల్‌ రోహత్గీ హాజరయ్యారు.అయితే విచారణ జరుగుతుండగానే వర్చువల్‌ కోర్టు ఆడియోను మ్యూట్‌ చేశారు. అనంతరం వర్చువల్‌ యాక్సెస్‌ను కూడా మూసివేశారు. దీంతో విచారణలోని కొంత భాగాన్ని మీడియా వినలేని పరిస్థితి ఏర్పడింది. ఈ అంశమే ఇప్పుడు లాయర్ల సంఘం అభ్యంతరాల్లో కీలకంగా మారింది. ఆ బెంచ్‌ ముందే ఎందుకు?ఇక మేధా రూపమ్‌ పిటిషన్‌ లిస్టింగ్‌పైనే లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ ప్రధాన ప్రశ్నలు లేవనెత్తింది. జూలై 13 నుంచి అమల్లో ఉన్న సుప్రీంకోర్టు రోస్టర్‌ ప్రకారం.. నిర్బంధం, హెబియస్‌ కార్పస్‌ వంటి అంశాలు వేరే బెంచ్‌ల పరిధిలో ఉన్నాయని సంఘం పేర్కొంది. ఇదే కార్మికుల ఆందోళనకు సంబంధించిన ఇతర నిర్బంధ కేసులు జస్టిస్‌ బీవీ నాగరత్న నేతృత్వంలోని బెంచ్‌ ముందు పెండింగ్‌లో ఉన్నాయని తెలిపింది. అయినప్పటికీ మేధా రూపమ్‌ పిటిషన్‌ అనూహ్యంగా జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ముందు ఎలా లిస్ట్‌ అయిందని ప్రశ్నించింది. దీనిని ‘ఔట్‌ ఆఫ్‌ టర్న్‌’ లిస్టింగ్‌గా పేర్కొంటూ.. కేసును ప్రత్యేకంగా ఒక బెంచ్‌కు కేటాయించారా? అనే సందేహాన్ని సంఘం వ్యక్తం చేసింది. మేధా రూపమ్‌ సీఈసీ జ్ఞానేశ్‌ కుమార్‌ కుమార్తె కావడంతో.. ఈ వ్యవహారంపై మరింత పారదర్శకత అవసరమని పేర్కొంటూ సీజేఐ జస్టిస్‌ సూర్యకాంత్‌కు లేఖ రాసింది. స్టే విషయంలోనూ గందరగోళమే!ఈ కేసులో సెప్టెంబర్‌ 23న సుప్రీంకోర్టు ఇచ్చిన మధ్యంతర ఆదేశంపైనా తొలుత కొంత గందరగోళం నెలకొంది. అనంతరం సెప్టెంబర్‌ 24న కోర్టు తన ఆదేశాన్ని సవరించింది. ఆకృతి చౌదరి ఎన్‌ఎస్‌ఏ నిర్బంధాన్ని రద్దు చేసిన అలహాబాద్‌ హైకోర్టు నిర్ణయంపై స్టే లేదని స్పష్టం చేసింది. మేధా రూపమ్‌పై హైకోర్టు చేసిన వ్యాఖ్యలు, రూ.5 లక్షల పరిహారాన్ని ఆమెతో పాటు ఇతర అధికారుల నుంచి వసూలు చేయాలన్న ఆదేశానికి సంబంధించిన భాగాలపైనే స్టే వర్తిస్తుందని తెలిపింది. తదుపరి విచారణను అక్టోబర్‌ 7కి వాయిదా వేసింది.అదే రోజు.. సీఈసీ నియామక కేసులోనూ జస్టిస్‌ శర్మసెప్టెంబర్‌ 23నే జస్టిస్‌ సతీశ్‌ చంద్ర శర్మ మరో కీలక కేసులోనూ ధర్మాసనంలో ఉన్నారు. ఎన్నికల కమిషన్‌ నియామక వ్యవస్థకు సంబంధించిన 2023 చట్టాన్ని సవాలు చేసిన పిటిషన్లపై జస్టిస్‌ దీపాంకర్‌ దత్తాతో కలిసి విచారణ జరిపారు. ఈ వ్యవహారంలో ఇద్దరు న్యాయమూర్తులు భిన్నాభిప్రాయాలు వ్యక్తం చేయడంతో.. తదుపరి చర్యల కోసం అంశం సీజేఐ పరిశీలనకు వెళ్లింది. మేధా రూపమ్‌ కేసుతో పాటు ఈ వ్యవహారాన్ని కూడా లాయర్ల సంఘం తన లేఖలో ప్రస్తావించింది. ఇప్పుడు అసలు ప్రశ్న ఇదే..సీఈసీ జ్ఞానేశ్‌ కుమార్‌ చుట్టూ ఎన్నికల కమిషన్‌కు సంబంధించిన వివాదాలు కొనసాగుతున్న సమయంలో.. ఆయన కుమార్తె మేధా రూపమ్‌ కేసు కూడా సుప్రీంకోర్టు లిస్టింగ్‌, విచారణ పారదర్శకతపై ప్రశ్నలకు దారితీసింది. నిర్బంధానికి సంబంధించిన కేసు ఈ బెంచ్‌ ముందుకు ఎలా వచ్చింది? విచారణ మధ్యలో ఆడియో ఎందుకు మ్యూట్‌ అయింది? అన్నదే ఇప్పుడు లాయర్ల సంఘం లేవనెత్తుతున్న ప్రధాన ప్రశ్న. ఈ అంశాలపై సీజేఐకి లేఖ వెళ్లడంతో.. సుప్రీంకోర్టు నుంచి ఎలాంటి వివరణ వస్తుంది? లిస్టింగ్‌ ప్రక్రియపై ఏదైనా స్పష్టత ఇస్తారా? అనేది ఇప్పుడు ఆసక్తికరంగా మారింది.ఇదీ చదవండి: మోదీని ఇలా మునుపెన్నడూ చూసి ఉండరు

అయోధ్య: అయోధ్య రామ మందిర విరాళాల చోరీ వ్యవహారంలో కీలక విషయం బయటపడింది. నగదు లెక్కింపు సమయంలోనే ఈ చోరీ జరిగినట్లు ప్రత్యేక దర్యాప్తు బృందం(సిట్‌) వెల్లడించింది. విరాళాల దొంగతనంపై సుప్రీంకోర్టు నియమించిన సిట్‌ దర్యాప్తు చేస్తున్న సంగతి తెలిసిందే. సిట్‌ తాజాగా దాదాపు 70,000 పేజీల చార్జిషీట్‌ను అయోధ్యలోని అదనపు జిల్లా జడ్జి(అవినీతి నిరోధక) కోర్టులో దాఖలు చేసింది. శ్రీరాముడికి భక్తులు సమర్పించిన నగదును లెక్కిస్తున్న సమయంలోనే అందులో భారీగా నొక్కేసినట్లు తేల్చింది. దేవుడి సొమ్ము కాజేయడం, దాచిపెట్టడం, పంచుకోవడంలో కొందరు వ్యక్తుల నెట్‌వర్క్‌ ప్రమేయం ఉన్నట్లు ఆరోపణలు ఉన్నాయి. దర్యాప్తు సమయంలో స్వాదీనం చేసుకున్న వేలాది సందేశాలు, నగదు, విలువైన వస్తువులతోపాటు లెక్కింపు ప్రాంతం నుంచి నగదును తరలించిన 105 ఉదంతాలు సీసీటీవీ కెమెరాల్లో నమోదయ్యాయని చార్జిషీట్‌లో సిట్‌ అధికారులు పేర్కొన్నారు. అలాగే ఎనిమిది మంది నిందితులు.. అనుకల్ప్‌ మిశ్రా, అవినాష్‌ శుక్లా అలియాస్‌ షానీ, లవకుష్‌ మిశ్రా, మనీష్‌ కుమార్‌ యాదవ్, కరుణేష్‌ పాండే, రామశంకర్‌ మిశ్రా, రామ్‌ శంకర్‌ యాదవ్‌ అలియాస్‌ టిన్ను, సుభాష్‌ శ్రీవాస్తవ పేర్లను చార్జిసీట్‌లో చేర్చారు. ప్రస్తుతం వీరందరూ జ్యుడీషియల్‌ కస్టడీలో ఉన్నారు. ఫోన్లలో 3,000 మెసేజ్‌లు డిలీట్‌ చేసిన నిందితులు విరాళాల చోరీపై సిట్‌ ప్రాథమిక విచారణ అనంతరం, శ్రీరామ జన్మభూమి తీర్థ క్షేత్ర ట్రస్ట్‌ సభ్యుడు కృష్ణ మోహన్‌ ఫిర్యాదు మేరకు జూన్‌ 25న కేసు నమోదైంది. లెక్కించిన నగదును తదుపరి దశలో బ్యాంకులకు తరలించే సమయంలో అపహరణ జరిగినట్లు ఆధారాలు లభించలేదని సిట్‌ పేర్కొంది. ఈ దర్యాప్తులో.. నిందితులు, వారి బంధువులకు సంబంధించిన బ్యాంకు ఖాతాలు, ఆస్తులు, వాహనాలు, ఇతర వనరుల ద్వారా జరిగినట్లు చెబుతున్న డబ్బు లావాదేవీల జాడను కూడా గుర్తించారు. ఎనిమిది మంది నిందితుల్లో ఏడుగురి నుంచి రూ.79.85 లక్షలను పోలీసులు స్వా«దీనం చేసుకున్నారు. అయితే, శ్రీవాస్తవ అనే నిందితుడి నుంచి సొమ్ము ఏదీ స్వా«దీనం చేసుకోలేదు. అనుకల్ప్‌ మిశ్రాను ప్రధాన కుట్రదారుడిగా పోలీసులు పేర్కొన్నారు. తన బంధువు లవ్‌కుశ్‌ మిశ్రా, నిందితుడు అవినాష్‌ శుక్లాలతో అతను ఫోన్‌ మెసేజ్‌ల ద్వారా సంప్రదింపులు జరిపాడని చార్జి షీట్‌లో సిట్‌ వెల్లడించింది. నిందితుల మొబైల్‌ ఫోన్ల నుంచి 3,000కు పైగా డిలీట్‌ చేసిన సందేశాలను రికవర్‌ చేసినట్ల తెలియజేసింది. దొంగిలించిన నగదును దాచిపెట్టడం, రవాణా చేయడం, పంపిణీ చేయడం గురించి ఆ సందేశాల్లో ఉన్నట్లు తెలుస్తోంది. పోలీసులు ఈ సందేశాలను విరాళాల చోరీ కుట్రకు సంబంధించిన డిజిటల్‌ సాక్ష్యంలో భాగంగా పరిగణించారు. లెక్కింపు సమయంలో కాజేసిన డబ్బును దాచిపెట్టి, ఆ తర్వాత పంచుకున్నారని చార్జిషీట్‌లో అధికారులు ఆరోపించారు. కొంతమంది నిందితులపై నిర్దిష్టమైన అభియోగాలు మోపడానికి సీసీటీవీ దృశ్యాలను కూడా ఆధారంగా చూపారు. దర్యాప్తు బృందం నివేదిక ప్రకారం.. 85 సందర్భాల్లో విరాళాల డబ్బును దారిమళ్లించడంలో అవినాష్‌ శుక్లా ప్రమేయం ఉంది. అనుకల్ప్‌ మిశ్రా 56 సందర్భాల్లో, కరుణేష్‌ పాండే 68 సందర్భాల్లో, లవ్‌కుశ్‌ మిశ్రా 52 సందర్భాల్లో దీనికి సహకరించారు. రామ్‌ శంకర్‌ యాదవ్‌ కీలక పాత్ర ట్రస్ట్‌ మాజీ ప్రధాన కార్యదర్శి చంపత్‌ రాయ్‌ వద్ద డ్రైవర్‌గా పనిచేసిన రామ్‌ శంకర్‌ యాదవ్‌ అలియాస్‌ టిన్నూకు రామాలయంలో ఎటువంటి అధికారిక పదవీ లేదు. అయినప్పటికీ ఆలయ అంతర్గత వ్యవహారాల్లో జోక్యం చేసుకునేవాడు. విరాళాలను లెక్కించే గదిలోకి స్వేచ్ఛగా ప్రవేశించేవాడు. విరాళాల పెట్టెల తాళాలు కూడా అతని వద్ద ఉండేవి. సరుకుల రవాణా వాహనాల కోసం ప్రవేశ ద్వారం తెరవడం, సిబ్బందికి సూచనలు ఇవ్వడం, వీఐపీలకు దర్శన ఏర్పాట్లు చేయడంలో టిన్నూ పాత్ర ఉంది. సీసీటీవీ ఫుటేజ్, సాక్షుల వాంగ్మూలాలు, డిజిటల్‌ ఆధారాలు ఇదే అంశాన్ని నిర్ధారిస్తున్నాయి. విరాళాల పెట్టెల తాళాలు టిన్నూ వద్ద ఉండడం కీలకమైన అంశం. విరాళాలు లెక్కించే విధానంలో లోపాలు అనుకల్ప్‌ మిశ్రా నుంచి రూ.16.82 లక్షలు, లవకుశ్‌ మిశ్రా నుంచి దాదాపు రూ.14.25 లక్షలు, అవినాష్‌ శుక్లా నుంచి రూ.20.39 లక్షలు, 1,121 అమెరికా డాలర్లు. రామశంకర్‌ మిశ్రా నుంచి రూ.7.32 లక్షలు, కరుణేష్‌ పాండే నుంచి రూ.18.07 లక్షలు, మనీష్‌ యాదవ్‌ నుంచి రూ.2 లక్షల నగదు రికవరీలను చార్జిషీట్‌లో నమోదు చేశారు. కొందరు నిందితుల నుంచి బంగారం, వెండి వస్తువులను కూడా స్వా«దీనం చేసుకున్నట్లు సమాచారం. విరాళంగా వచ్చిన విలువైన వస్తువులను కూడా అధికారులు పరిశీలించారు. ట్రస్ట్‌ సాఫ్ట్‌వేర్‌లో నమోదు చేసిన 803 విలువైన వస్తువులు భౌతికంగా ఉన్నట్లు ధ్రువీకరించారు. ఎటువంటి వ్యత్యాసాలు కనిపించలేదు. రసీదులు జారీ చేయని మరో 86 విలువైన వస్తువులను కూడా భౌతికంగా ధ్రువీకరించారు. విరాళాలను లెక్కించే విధానంలో లోపాలను సిట్‌ గుర్తించింది. నగదు లెక్కింపు విధులు నిర్వర్తించే బ్యాంకు ఉద్యోగులు ‘రొటేషన్‌’పద్ధతిలో పనిచేయాల్సి ఉంది. వారు నిర్దేశిత యూనిఫాం ధరించాలి. ఈ నిబంధనను సరిగ్గా పాటించలేదు. చార్జిషీట్‌ కాపీలు, అవసరమైన పత్రాలను ఎనిమిది మంది నిందితులకు అందించాలని కోర్టు ఆదేశించింది. నిందితులు అక్టోబర్‌ 7న కోర్టు ఎదుట హాజరుకానున్నారు. అయోధ్య విరాళాల చోరీ కేసు ఇప్పుడు ‘స్టేట్‌ వర్సెస్‌ అనుకల్ప్‌ మిశ్రా, ఇతరులు’గా కొనసాగుతుంది.

సాక్షి, న్యూఢిల్లీ: చిన్నారుల లైంగిక దోపిడీ, అశ్లీల చిత్రాల (సీఎస్‌ఈఏఎం) కట్టడికి తీసుకున్న చర్యలను తెలపాలంటూ సుప్రీంకోర్టు గురువారం కేంద్ర ప్రభుత్వాన్ని ఆదేశించింది. ఇదే చివరి అవకాశమని కూడా కేంద్రప్రభుత్వాన్ని హెచ్చరించింది. కేంద్ర ఎల్రక్టానిక్స్, ఇన్ఫర్మేషన్‌ టెక్నాలజీ శాఖ, న్యాయ శాఖలకు ఆగస్ట్‌ 14న నోటీసులిచ్చినా ఇప్పటికీ అఫిడవిట్‌ వేయకపోవడంపై తీవ్ర అసంతృప్తి వ్యక్తం చేసింది. జస్ట్‌ రైట్స్‌ ఫర్‌ చిల్డ్రన్ అలయన్స్‌ (జేఆర్‌సీఏ) వేసిన పిటిషన్‌ను జస్టిస్‌ జేబీ పార్దివాలా, జస్టిస్‌ కె.వినోద్‌ చంద్రన్‌ల ధర్మాసనం విచారించింది. సామాజిక మాధ్యమాల్లో చైల్డ్‌ పోర్న్‌ కంటెంట్‌ను నిరోధించడంలో, అధికారులకు నివేదించడంలో విఫలమైన సంస్థలపై క్రిమినల్‌ చర్యలు తీసుకోవాలని జేఆర్‌సీఏ కోరింది. చిన్నారుల అశ్లీల చిత్రాలకు సంబంధించి 2024లో సుప్రీంకోర్టు ఇచ్చిన తీర్పును సోషల్‌ మీడియా వేదికలు ఏమాత్రం పాటించడం లేదని జేఆర్‌సీఏ పేర్కొంది. వాదనల సందర్భంగా అదనపు సొలిసిటర్‌ జనరల్‌ (ఏఎస్‌జీ) కేఎం నటరాజ్‌ స్పందిస్తూ ఈ సమస్యను కేంద్ర ప్రభుత్వం తీవ్రంగా పరిగణిస్తోందని వివరించారు. ఇప్పటికే ఒక కంపెనీకి నోటీసులు జారీ చేసి, చర్యలు ప్రారంభించినట్లు నివేదించారు. 2024నాటి తీర్పులో ఏముంది? 2024 సెప్టెంబర్‌లో ఇచ్చిన తీర్పు ప్రకారం.. సామాజిక మాధ్యమాల్లో చిన్నారుల అశ్లీల కంటెంట్‌ కనిపిస్తే కచ్చితంగా ప్రొటెక్షన్‌ ఆఫ్‌ చిల్డ్రన్ ఫ్రమ్‌ సెక్సువల్‌ అఫెన్సెస్‌ (పోక్సో) చట్టం కింద పోలీసులకు ఫిర్యాదు చేయాలి. అయితే ఆ నిబంధనలు క్షేత్రస్థాయిలో పూర్తి స్థాయిలో అమలు కావడం లేదని జేఆర్‌సీఏ పేర్కొంది. బీబీసీ కథనం చెప్పిందిదే.. ఇన్‌స్టా గ్రామ్‌లో చిన్నారుల అశ్లీల చిత్రాలకు సంబంధించిన పెయిడ్‌ ప్రకటనలు వస్తున్నాయని, వాటి ద్వారా టెలిగ్రామ్‌ ఛానళ్లకు వినియోగదారులను మళ్లించి అశ్లీల చిత్రాలను విక్రయిస్తున్నారని ఇటీవల బీబీసీలో ఒక కథనం ప్రచురితమైంది. ఈ వ్యవహారంపై బీబీసీకి మెటా సంస్థ ప్రతినిధులు బదులిస్తూ.. అటువంటి కంటెంట్‌ కనిపిస్తే అమెరికాకు చెందిన నేషనల్‌ సెంటర్‌ ఫర్‌ మిస్సింగ్‌ అండ్‌ ఎక్స్‌ప్లాయిటెడ్‌ చిల్డ్రన్ (ఎన్‌సీఎంఈసీ)కి రిపోర్ట్‌ చేస్తున్నట్లు తెలిపారు. అయితే పోక్సో చట్టం, సుప్రీంకోర్టు తీర్పు ప్రకారం భారతీయ స్థానిక పోలీసులకు లేదా స్పెషల్‌ జువైనల్‌ పోలీస్‌ యూనిట్‌కు ఫిర్యాదు చేసినట్లు బీబీసీ కథనంలో ఎక్కడా ప్రస్తావించలేదు. ఈ అంశాన్ని పిటిషన్‌లో ప్రధానంగా లేవనెత్తారు. వాదనలు విన్న ధర్మాసనం ఈ కేసు తదుపరి విచారణను అక్టోబర్‌ 15కు వాయిదా వేసింది.

సాక్షి, న్యూఢిల్లీ: సంచలనం సృష్టించిన కాపు యువకుడు గాదె సాయికృష్ణ కస్టోడియల్‌ డెత్‌కు సంబంధించి గురువారం సుప్రీంకోర్టు కీలక వ్యాఖ్యలు చేసింది. దీనికి సంబంధించి హైకోర్టు ముందున్న వ్యాజ్యాలపై తీర్పు వెలువడిన అనంతరం, అవసరమైతే ఈ అంశంపై జోక్యం చేసుకుంటామని జస్టిస్‌ విక్రమ్‌ నాథ్, జస్టిస్‌ అగస్టిన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం స్పష్టంచేసింది. తదుపరి విచారణను అక్టోబర్‌ 26వ తేదీకి వాయిదా వేసింది. ఈ కేసులో అసలు దోషులు, ఉన్నతాధికారుల పాత్రను తేల్చాలని, దర్యాప్తును సీబీఐకి అప్పగించాలని వైఎస్సార్సీపీ ఎంపీ మద్దిల గురుమూర్తి దాఖలు చేసిన పిటిషన్‌ విచారణ సందర్భంగా ధర్మాసనం తాజా వ్యాఖ్యలు చేసింది. ‘ఏపీ హైకోర్టులో ఇప్పటికే ఈ కేసుకు సంబంధించిన న్యాయ ప్రక్రియ ముగింపు దశలో ఉంది. హైకోర్టు తీర్పు వచ్చే వరకు వేచి చూడడం సబబు’ అని వ్యాఖ్యానించింది. అంతక్రితం విచారణ ప్రారంభమైన వెంటనే పిటిషనర్‌ గురుమూర్తి తరఫున సీనియర్‌ న్యాయవాది నిఖిల్‌ గోయల్, న్యాయవాదులు అల్లంకి రమేష్‌, రాళ్ల మమత వాదనలు వినిపిస్తూ, ఈ కేసుకు సంబంధించిన పరిణామాలను ధర్మాసనం దృష్టికి తీసుకొచ్చారు. సాయికృష్ణ కనిపించకపోవడంపై తల్లి దాఖలుచేసిన హెబియస్‌ కార్పస్, అలాగే కేసును సీబీఐకి అప్పగించాలన్న పిటిషన్లు హైకోర్టులో పెండింగ్‌లో ఉన్న సంగతి తెలిసిందే.

సాక్షి, హైదరాబాద్‌: దానం నాగేందర్‌ అనర్హత వ్యవహారంలో సుప్రీంకోర్టు ఇచ్చిన తీర్పు కాంగ్రెస్‌ అగ్రనేత రాహుల్‌గాందీ, సీఎం రేవంత్‌రెడ్డికి చెంపపెట్టు వంటిదని బీఆర్‌ఎస్‌ వర్కింగ్‌ ప్రెసిడెంట్‌ కేటీ రామారావు వ్యాఖ్యానించారు. ఒక వికెట్‌ పడిందని, ఇక ముందు మరిన్ని వికెట్లు పడనున్నాయని గురువారం నాడిక్కడ అన్నారు. పార్టీ ఫిరాయింపుల ద్వారా ప్రజలు ఇచ్చిన తీర్పును మార్చేయవచ్చని భావించిన వారికి సుప్రీంకోర్టు తీర్పు గట్టి సమాధానమని పేర్కొన్నారు. దానం అనర్హత నుంచి తప్పించుకునేందుకు చేసిన ప్రయత్నాన్ని సుప్రీంకోర్టు తిరస్కరించిందని, హైకోర్టు ఇచ్చిన అనర్హత తీర్పును సమర్థిస్తూ స్పష్టమైన నిర్ణయం తీసుకుందని చెప్పారు. ఫిరాయింపుదారులను స్పీకర్‌ వ్యవస్థను అడ్డుపెట్టుకుని కాపాడుకోవచ్చని కాంగ్రెస్‌ నాయకత్వం భావించిందని విమర్శించారు. ఖైరతాబాద్‌ ప్రజలు త్వరలో తమ తీర్పును ఇవ్వబోతున్నారని, మూడు సంవత్సరాల మోసం, విఫలమైన హామీలు, మాట తప్పిన తీరుపై ప్రజలు తీర్పు చెప్పనున్నారని అన్నారు. తెలంగాణలో కేసీఆఆర్‌ వర్సెస్‌ అందరూ.. తెలంగాణలో ప్రస్తుతం జరుగుతున్నది ‘కేసీఆర్‌ వర్సెస్‌ అందరూ’పోరాటమని కేటీఆర్‌ అన్నారు. బీఆర్‌ఎస్‌ను ఓడించేందుకు కాంగ్రెస్, బీజేపీలు అనైతిక, అక్రమ, బహిరంగంగా ప్రకటించని కుమ్మక్కుకు పాల్పడ్డాయని ఆరోపించారు. ఇప్పుడు ఆ కుమ్మక్కులోకి ఎన్నికల సంఘం కూడా చేరుతున్నట్టుగా కనిపిస్తోందని వ్యాఖ్యానించారు. ఓటర్ల నమోదు, ఓట్ల తొలగింపు, తొలగించిన ఓట్లను తిరిగి చేర్చే అంశాల్లో ఎన్నికల సంఘం వ్యవహరిస్తున్న తీరుపై ఆయన ప్రశ్నలు లేవనెత్తారు. తెలంగాణలో అత్యధిక ఓట్ల తొలగింపులు బీఆర్‌ఎస్‌ గెలిచిన స్థానాల్లోనే ఉండటం ఆశ్చర్యం కలిగించలేదన్నారు. దీనిపై బీఆర్‌ఎస్‌ న్యాయస్థానాల్లోనూ, ప్రజల మధ్యా పోరాడుతుందని స్పష్టం చేశారు. ‘తెలంగాణలో ఒకే ఒక్క ‘సార్‌’ఉన్నారు.. అది కేసీఆర్‌ సార్‌. ప్రజలకు ఆయనపై ఉన్న ప్రేమను ఏ ‘ఎస్‌ఐఆర్‌’కూడా ఓడించలేదు’అని కేటీఆర్‌ వ్యాఖ్యానించారు.

న్యూఢిల్లీ: అనర్హ‌త వేటు ప‌డిన ఖైర‌తాబాద్ ఎమ్మెల్యే దానం నాగేందర్‌పై సుప్రీంకోర్టు ఆస‌క్తిక‌ర‌ వ్యాఖ్య‌లు చేసింది. తెలంగాణ హైకోర్టు త‌న‌కు వ్య‌తిరేకంగా ఇచ్చిన‌ తీర్పును స‌వాల్ చేస్తూ ఆయ‌న వేసిన పిటిష‌న్‌ను చీఫ్‌ జస్టిస్ సూర్య కాంత్, జస్టిస్ జయమల్య బాగ్చి, జస్టిస్ వి మోహనలతో కూడిన ధ‌ర్మాస‌నం గురువారం విచారించింది. తెలంగాణ హైకోర్టు ఇచ్చిన తీర్పులో జోక్యం చేసుకోవాల్సిన అవ‌స‌రం లేద‌ని అభిప్రాయ‌పడింది.ఈ సంద‌ర్భంగా న్యాయ‌మూర్తి జ‌స్టిస్‌ జయమల్య బాగ్చి ప‌లు ఆస‌క్తిక‌ర వ్యాఖ్య‌లు చేశారు. 'మీకు (దానం నాగేందర్) ఎమ్మెల్యేగా ఫిక్స్డ్ డిపాజిట్ ఉంది. ఎంపీగా షేర్ మార్కెట్‌లో అదృష్టం పరీక్షించుకున్నారు. ఇప్పుడు ఆ డిపాజిట్ పోయిందిస అంటూ వ్యాఖ్యానించారు.పార్టీ సభ్యత్వం వ‌దులుకున్న‌ వారిని క్షమించే నిబంధన కూడా ఉందని దానం నాగేంద‌ర్ త‌ర‌పు న్యాయ‌వాది ముకుల్.. న్యాయ‌స్థానం దృష్టికి తీసుకురాగా.. 'ఘర్ వాపసీనా' ఆ రూల్ ఇక్కడ వర్తించదని న్యాయ‌మూర్తి అన్నారు. 'ఆయా రామ్, గయా రామ్, మళ్లీ ఆయా రామ్ కైసా?' అని వ్యాఖ్యానించారు. కాగా, దానం నాగేంద‌ర్‌పై తెలంగాణ హైకోర్టు విధించిన అన‌ర్హ‌త‌ను సుప్రీంకోర్టు స‌మ‌ర్థించింది. ఉప ఎన్నిక‌ల్లో పోటీ చేయాల‌ని ఆయ‌న‌కు సూచించింది.తీర్పును శిర‌సావ‌హిస్తా: దానంసుప్రీంకోర్టు ఇచ్చిన తీర్పును శిర‌సావ‌హిస్తాన‌ని, ఉప ఎన్నిక‌ల్లో పోటీ చేస్తాన‌ని దానం నాగేంద‌ర్ ప్ర‌క‌టించారు. ఏ పార్టీ నుంచి పోటీ చేస్తాన‌నేది త‌ర్వాత చెబుతాన‌ని అన్నారు. ఖైర‌తాబాద్ ప్ర‌జ‌ల మ‌ద్ద‌తు త‌న‌కే ఉంటుంద‌న్న విశ్వాసాన్ని ఆయ‌న వ్య‌క్త‌ప‌రిచారు. అద్భుతమైన తీర్పు: కౌశిక్‌రెడ్డిదానంపై అన‌ర్హ‌త వేటును త‌మ పార్టీ విజ‌యంగా వ‌ర్ణించారు బీఆర్‌ఎస్ ఎమ్మెల్యే పాడి కౌశిక్‌రెడ్డి. సుప్రీంకోర్టు ఆదేశాల‌ను అద్భుతమైన తీర్పుగా ఆయ‌న వ‌ర్ణించారు. దానంపై మొద‌టి నుంచి తామే పోరాటం చేశామ‌ని, ఇప్పుడు బీజేపీ వ‌చ్చి క్రెడిట్ కొట్టేయాల‌ని చూస్తోంద‌ని విమ‌ర్శించారు.ఇదీ చ‌ద‌వండి: త్వ‌ర‌లో ఖైర‌తాబాద్‌కు ఉప ఎన్నిక‌చారిత్రక విజయం: రాంచంద్ర‌రావుఎమ్మెల్యే దానం నాగేందర్ అనర్హతపై హైకోర్టు తీర్పును సుప్రీంకోర్టు సమర్థించడాన్ని బీజేపీ రాష్ట్ర అధ్య‌క్షుడు రాంచంద్ర‌రావు స్వాగ‌తించారు. ఈ తీర్పు ప్రజాస్వామ్యానికి, రాజ్యాంగ నైతికతకు చారిత్రక విజయంగా ఆయ‌న పేర్కొన్నారు. బీజేఎల్పీ చేసిన న్యాయపోరాటం వల్లే ఈ విజయం సాధ్యమైందని అన్నారు.

న్యూఢిల్లీ: ప్రధాన ఎన్నికల కమిషనర్‌(సీఈసీ), ఎన్నికల కమిషనర్ల(ఈసీ) నియామకం విషయంలో కీలక పరిణామం చోటుచేసుకుంది. సీఈసీ, ఈసీల ఎంపిక ప్యానెల్‌ నుంచి సుప్రీంకోర్టు ప్రధాన న్యాయమూర్తి(సీజేఐ)ని మినహాయిస్తూ 2023లో తీసుకొచ్చిన చట్టం చెల్లుబాటును సవాలు చేస్తూ దాఖలైన పిటిషన్లను విస్తృత రాజ్యాంగ ధర్మాసనానికి నివేదించాలా? వద్దా? అనే అంశంపై సుప్రీంకోర్టు ధర్మాసనం భిన్నాభిప్రాయాలు వ్యక్తం చేసింది. సుప్రీంకోర్టు న్యాయమూర్తులు జస్టిస్‌ దీపాంకర్‌ దత్తా, జస్టిస్‌ సతీష్‌ చంద్ర శర్మలతో కూడిన ద్విసభ్య ధర్మాసనం ఈ పిటిషన్లను ఐదు రోజులపాటు విచారించింది. వీటిని ఐదుగురు న్యాయమూర్తుల రాజ్యాంగ ధర్మాసనానికి నివేదించాలన్న కేంద్ర ప్రభుత్వ వినతిని అంగీకరించడానికి జస్టిస్‌ దత్తా నిరాకరించారు. ఇదే ధర్మాసనంలోని మరో న్యాయమూర్తి అయిన జస్టిస్‌ సతీష్‌ చంద్ర శర్మ.. జస్టిస్‌ దత్తా అభిప్రాయాలతో విభేదించారు. అభిప్రాయ భేదాల కారణంగా.. తదుపరి విచారణ కోసం తగినంత మంది సభ్యులతో కూడిన ప్రత్యేక ధర్మాసనాన్ని ఏర్పాటు చేసే అంశాన్ని సీజేఐ జస్టిస్‌ సూర్యకాంత్‌ పరిశీలనకు తీసుకెళ్లాలని నిర్ణయించారు. మరోవైపు ఇలాంటి రాజ్యాంగపరమైన అంశాల్లో కీలకమైన సమస్యలను పరిష్కరించడానికి శాశ్వత విస్తృత రాజ్యాంగ ధర్మాసనాన్ని ఏర్పాటు చేసే అవకాశాన్నీ పరిశీలించాలని సీజేఐని ధర్మాసనం కోరింది. 2023 మార్చి 2న ఐదుగురు న్యాయమూర్తులతో కూడిన సుప్రీంకోర్టు రాజ్యాంగ ధర్మాసనం చరిత్రాత్మక తీర్పు ఇచ్చింది. దీని ప్రకారం.. ప్రధానమంత్రి, లోక్‌సభలో ప్రతిపక్ష నేత, సీజేఐలతో కూడిన ఒక కమిటీ సిఫార్సు మేరకు సీఈసీ, ఈసీలను రాష్ట్రపతి నియమిస్తారు. కేంద్ర ఎన్నికల సంఘం సభ్యుల నియామకాలను కార్యనిర్వాహక వ్యవస్థ జోక్యం నుంచి తప్పించే లక్ష్యంతో సుప్రీంకోర్టు ఈ నిర్ణయం తీసుకుంది. తర్వాత 2023 డిసెంబర్‌లో పార్లమెంట్‌లో ‘చీఫ్‌ ఎలక్షన్‌ కమిషనర్, ఇతర ఎన్నికల కమిషనర్ల (నియామకం, సేవా షరతులు, పదవీకాలం) చట్టం–2023’తీసుకొచ్చారు. ఈ చట్టం ప్రకారం సీఈసీ, ఈసీ ఎంపికలో సీజేఐ ప్రమేయం ఉండదు. ఎంపిక కమిటీలో సీజేఐ స్థానంలో ప్రధానమంత్రి నామినేట్‌ చేసిన కేంద్ర మంత్రిని చేరుస్తారు. ఈ చట్టం రాజ్యాంగబద్ధతను సవాలు చేస్తూ సుప్రీంకోర్టులో పలు పిటిషన్లు దాఖలయ్యాయి. వీటిపై జస్టిస్‌ దత్తా ధర్మాసనం తాజాగా విచారణ జరిపింది. ఇవి రాజ్యాంగ ప్రాముఖ్యత కలిగిన కీలక ప్రశ్నలను లేవనెత్తుతున్నాయని, వీటిని ఐదుగురు న్యాయమూర్తుల రాజ్యాంగ ధర్మాసనానికి నివేదించాలన్న కేంద్ర ప్రభుత్వ వినతిని జస్టిస్‌ దత్తా తిరస్కరించారు. కానీ, జస్టిస్‌ సతీష్‌ చంద్ర శర్మ.. జస్టిస్‌ దత్తా అభిప్రాయాలతో విభేదించారు. ‘‘ఎన్నికలు స్వేచ్ఛాయుతంగా, నిష్పక్షపాతంగా జరగాలంటే ఎన్నికల సంఘం ఒక స్వతంత్ర సంస్థగా ఉండటమే కాకుండా, స్వతంత్రంగా వ్యవహరిస్తున్నట్లు కూడా కనిపించాలి. రాజ్యాంగ వ్యవస్థ సమగ్రతను, పవిత్రతను కాపాడే సమిష్టి బాధ్యత మంత్రి మండలిదే కాబట్టి ఆర్టికల్‌ 75(3) ప్రకారం ఆ బాధ్యతకు కట్టుబడి ఉన్న ఒక మంత్రి, ఒక సున్నితమైన రాజ్యాంగ పదవికి నియామకం విషయంలో ప్రభుత్వ అధినేత అభిప్రాయంతో విభేదిస్తారని ఆశించలేం’’అని జస్టిస్‌ దత్తా స్పష్టంచేశారు. 2023 నాటి చట్టాన్ని కేంద్రం సమర్థించుకుంది. భారత న్యాయవ్యవస్థలో కొలీజియం వ్యవస్థ ద్వారా న్యాయమూర్తులే న్యాయమూర్తులను నియమిస్తారని గుర్తుచేసింది. దీనిపై జస్టిస్‌ దత్తా స్పందించారు. న్యాయమూర్తులే న్యాయమూర్తులను నియమిస్తారంటూ తరచూ వినిపించే వాదనలో నిజం లేదన్నారు. స్వార్థ శక్తులు ప్రేరేపిత కథనాల ద్వారా ప్రజలకు ఈ విషయాన్ని నూరిపోశాయని ఆక్షేపించారు. అంతేకాకుండా కొలీజియం తీర్మానాల ఆధారంగా ప్రభుత్వం చేసే పక్షపాత నియామకాలను ప్రస్తావించారు. ఈ పక్షపాత వైఖరి కారణంగా ఆ నియామకాలు పవిత్రతను కోల్పోతాయని అన్నారు. న్యాయవ్యవస్థ కార్యనిర్వాహక శాఖ నుంచి స్వతంత్రంగా ఉండటంతోపాటు స్వయంగా సమర్థతను కలిగి ఉండాలని డాక్టర్‌ బి.ఆర్‌.అంబేద్కర్‌ ఆశించారని గుర్తుచేశారు. ప్రస్తుత పరిస్థితులను బట్టి చూస్తే అంబేద్కర్‌ ఆశయం అస్పష్టంగా మారి, తీవ్ర ఒత్తిడికి లోనైనట్లు కనిపిస్తోందని ఆయన పేర్కొన్నారు. ఏడు దశాబ్దాలుగా అధికారంలో ఉన్న ప్రతి ప్రభుత్వం.. రాజ్యాంగం స్వతంత్రంగా ఉండాలని ఉద్దేశించిన సంస్థలను తమ నియంత్రణలోకి తీసుకోవడం సౌకర్యంగా భావించిందని జస్టిస్‌ దత్తా చెప్పారు. శాశ్వత ధర్మాసనం ఏర్పాటు చేయాలి రాజ్యాంగపరమైన అంశాలున్న కేసులను విచారించడానికి ఐదుగురు న్యాయమూర్తులతో శాశ్వత ధర్మాసనాన్ని ఏర్పాటు చేసే అవకాశాన్ని పరిశీలించాల్సిందిగా సుప్రీంకోర్టు ధర్మాసనం బుధవారం భారత ప్రధాన న్యాయమూర్తిని కోరింది. విస్తృత ధర్మాసనాలకు పంపిన కేసుల పరిష్కారంలో అసాధారణ జాప్యం జరుగుతోందని గుర్తుచేసింది. ఇది తీవ్ర ఆందోళన కలిగించే అంశమని జస్టిస్‌ దీపాంకర్‌ దత్తా, జస్టిస్‌ సతీష్‌ చంద్ర శర్మలతో కూడిన ధర్మాసనం పేర్కొంది. ఒక కేసు చాలాకాలం పాటు పెండింగ్‌లో ఉండటం సంబంధిత సంస్థ ప్రతిష్టకు మంచిది కాదని, కాబట్టి ఆత్మపరిశీలన అవసరమని వెల్లడించింది. గణాంకాలను పరిగణనలోకి తీసుకుంటే, చాలాకాలంగా పెండింగ్‌లో ఉన్న కేసులు ఎప్పుడు పరిష్కారమవుతాయో ఎవరూ కచ్చితంగా చెప్పలేని పరిస్థితి ఉందని గుర్తుచేసింది. ఇది తాము కొత్తగా చెబుతున్న సంగతి కాదని.. బాధ్యతాయుతమైన పౌరులు పదేపదే ప్రస్తావిస్తున్నారని తెలియజేసింది. ప్రజల అభిప్రాయాన్ని తాము సమరి్థస్తున్నామని పే ర్కొంది. రాజ్యాంగపరమైన అంశాలను పరిష్కరించడం అత్యున్నత న్యాయస్థాన న్యాయమూర్తుల ప్రాథమిక బాధ్యత అని తేల్చిచెప్పింది.

పోలీస్‌ స్టేషన్‌లో ఏకంగా నెల రోజుల పాటు సీసీటీవీ కెమెరాలు పనిచేయకపోతే పర్యవేక్షణ బాధ్యత కలిగిన ఏసీపీ, ఇతర ఉన్నతాధికారులు ఏం చేస్తున్నారు? గాఢంగా నిద్రపోతున్నారా? కస్టడీలో ఉన్న వ్యక్తి కనిపించకుండా పోతే మే 28న బాధితుడి తల్లి ఫిర్యాదు చేసినా జూన్‌ 19 వరకు ఎఫ్‌ఐఆర్‌ ఎందుకు నమోదు చేయలేదు? ఈ అసాధారణ జాప్యమే ఏం జరిగిందో స్పష్టంగా చెబుతోంది. ఒక సాధారణ నాన్‌ బెయిలబుల్‌ వారెంట్‌ అమలు చేయడానికి స్థానిక పోలీసులు కాకుండా, ఏకంగా కమిషనర్‌ పరిధిలో పనిచేసే టాస్క్‌ఫోర్స్‌ బృందం ఎందుకు వెళ్లింది. కేవలం కింది స్థాయి సిబ్బందిపై నెపం నెట్టేసి ఉన్నతాధికారులు తప్పించుకోలేరు. ఈ వ్యవహారంలో పై అధికారుల పాత్రపైనా సమగ్ర దర్యాప్తు జరగాల్సిందే. పోలీసు కస్టడీలో ఓ పౌరుడు మృతి చెందడం ముమ్మాటికీ చట్టవ్యతిరేక చర్యే. ఈ కేసు విచారణలో కేంద్ర దర్యాప్తు సంస్థ (సీబీఐ)ను ఇంప్లీడ్‌ చేస్తాం. ఈ మొత్తం వ్యవహారాన్ని తీవ్రంగా పరిగణిస్తున్నాం. తదుపరి విచారణలో సీబీఐని ఈ కేసులో ప్రతివాదిగా చేర్చే విషయంపై తగిన నిర్ణయం తీసుకుంటాం.ఈ లాకప్‌డెత్‌ కేసు విచారణను ఇకపై నేరుగా మేమే పర్యవేక్షిస్తాం. ఏపీ హైకోర్టులో డీజీపీ, సీపీ, ఏసీపీ దాఖలు చేసిన మూడు వ్యాజ్యాల స్థితిగతులను తెలుసుకుని మాకు చెప్పాలి.సాక్షి, అమరావతి/సాక్షి, న్యూఢిల్లీ: కాపు యువకుడు గాదె సాయికృష్ణను చంపేసి, గుట్టు చప్పుడు కాకుండా మృతదేహాన్ని తగలబెట్టేసి, కనీసం చితాభస్మం కూడా దక్కకుండా చేసిన వ్యవహారంలో పోలీసు ఉన్నతాధికారులైన డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ రాజశేఖర్‌బాబు, సౌత్‌ జోన్‌ ఏసీపీ మానస పాత్రపై సమగ్ర విచారణ జరిగి తీరాల్సిందేనని సుప్రీంకోర్టు తేల్చి చెప్పింది. లాకప్‌డెత్‌ వ్యవహారంలో వారి పాత్ర ఏంటో తేలుస్తామంది. ఇంత పెద్ద ఘాతుకానికి కింది స్థాయి అధికారులే బాధ్యులని చెప్పి, తప్పును వారిపై నెట్టేస్తారా అని ప్రశ్నించింది. అలా నెట్టేసినంత మాత్రాన ఉన్నతాధికారులు చట్టం నుంచి తప్పించుకోలేరని స్పష్టం చేసింది. ప్రాథమిక ఆధారాలు పరిశీలిస్తే ఈ వ్యవహారంలో ఏదో తీవ్రమైన తప్పిదం జరిగినట్లు స్పష్టమవుతోందని సుప్రీంకోర్టు తెలిపింది. ఉన్నతాధికారుల పాత్రపైనా సమగ్ర విచారణ జరగాల్సిందేనని తేల్చి చెప్పింది. కేవలం కింది స్థాయి అధికారులను అరెస్ట్‌ చేసి చేతులు దులుపుకుంటామంటే కుదరదంది. ఈ లాకప్‌ డెత్‌ విషయంలో నిజా నిజాలను నిగ్గు తేలుస్తామని స్పష్టం చేసింది. నెల రోజులు సీసీకెమెరాలు పనిచేయకపోతే నిద్రపోతున్నారా? పోలీసులు కస్టడీలోకి తీసుకున్న ఓ పౌరుడు ఇప్పటి వరకు కనిపించలేదంటే, ఇంత కన్నా తీవ్రమైన చట్ట ఉల్లంఘన ఏదీ ఉండదని తేల్చి చెప్పింది. అంతేకాక ఇది ముమ్మాటికీ చట్ట వ్యతిరేకమైన చర్యేనని వ్యాఖ్యానించింది. పోలీస్‌ స్టేషన్‌లో నెల రోజుల పాటు సీసీటీవీ కెమెరాలు పనిచేయకపోతే నిద్రపోతున్నారా? అంటూ ఉన్నతాధికారులపై నిప్పులు చెరిగింది. కస్టడీలో ఉన్న వ్యక్తి కనిపించకుండా పోతే ఎఫ్‌ఐఆర్‌ నమోదు చేయడంలో సుదీర్ఘ జాప్యం ఎందుకు జరిగింది? అని వారిని నిలదీసింది. మే 28న సాయికృష్ణ తల్లి ఫిర్యాదు చేస్తే, జూన్‌ 19 వరకు కేసు నమోదు చేయలేదని, ఈ అసాధారణ జాప్యమే ఏం జరిగిందో స్పష్టంగా చెబుతోందని వ్యాఖ్యానించింది. ఇకపై ఈ కేసును తామే పర్యవేక్షిస్తామని తెలిపింది. ఇదే సమయంలో ఈ కేసులో సీబీఐని ప్రతివాదిగా చేర్చాలని కూడా సుప్రీంకోర్టు ప్రాథమికంగా నిర్ణయించింది. ఆ వ్యాజ్యాలన్నీ మేమే విచారిస్తాం.. సాయికృష్ణ లాకప్‌డెత్‌ వ్యవహారంలో రాష్ట్ర డీజీపీ హరీష్‌ కుమార్‌ గుప్తా, విజయవాడ కమిషనర్‌ రాజశేఖర్‌బాబు, విజయవాడ సౌత్‌ జోన్‌ ఏసీపీ మానస తదితరుల పాత్ర ఉందని, వీరిపై చర్యలు తీసుకోవాలంటూ వైఎస్సార్‌సీపీ ఎంపీ మద్దిల గురుమూర్తి కింది కోర్టులో దాఖలు చేసిన ప్రైవేటు ఫిర్యాదులో తదుపరి చర్యలన్నీ నిలిపేస్తూ హైకోర్టు ఇచ్చిన ఉత్తర్వులపై సుప్రీంకోర్టు స్టే విధించింది. ఈ మూడు వ్యాజ్యాలను తమకు బదిలీ చేయాలని స్పష్టం చేసింది. విజయవాడ కోర్టు ఉత్తర్వులను సవాలు చేస్తూ హైకోర్టులో ఎవరెవరు పిటిషన్లు వేశారు.. వాటి స్థితిగతులు ఏంటి? అన్న వివరాలపై స్టేటస్‌ రిపోర్ట్‌ను తమ ముందుంచాలని కూడా ఆదేశించింది. అలాగే సాయికృష్ణ అదృశ్యంపై తల్లి విజయలక్ష్మి దాఖలు చేసిన పిటిషన్, సీబీఐ దర్యాప్తు కోరుతూ వేసిన అనుబంధ పిటిషన్‌లకు సంబంధించిన స్థితిగతులను కూడా తెలియచేయాలని అటు ప్రభుత్వాన్ని, ఇటు పిటిషనర్లను ఆదేశించింది. తదుపరి విచారణను గురువారానికి వాయిదా వేసింది. గురువారం మొదటి కేసుగా దీనిని విచారిస్తామని తెలిపింది. ఇదే సమయంలో సాయికృష్ణ లాకప్‌డెత్‌ కేసు దర్యాప్తునకు సంబంధించిన అన్ని రికార్డులను ఈ నెలాఖరు లోపు తమ ముందుంచాలని రాష్ట్ర ప్రభుత్వాన్ని సుప్రీంకోర్టు ఆదేశించింది. తదుపరి విచారణను అక్టోబర్‌ 12కి వాయిదా వేసింది. అంతేకాక గురుమూర్తి దాఖలు చేసిన ఈ వ్యాజ్యంలో డీజీపీ హరీష్‌ కుమార్‌ గుప్తా, పోలీస్‌ కమిషనర్‌ రాజశేఖర్‌బాబు, ఏసీపీ మానసలకు నోటీసులు జారీ చేసింది. ఈ మేరకు న్యాయమూర్తులు జస్టిస్‌ విక్రమ్‌నాథ్, జస్టిస్‌ అగస్టీన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం బుధవారం ఉత్తర్వులు జారీ చేసింది. ముగ్గురు ఉన్నతాధికారులపై ఎంపీ గురుమూర్తి న్యాయ పోరాటం... కాపు యువకుడు గాదె సాయికృష్ణ లాకప్‌డెత్‌ కేసులో డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ ఎస్‌వీ రాజశేఖర్‌బాబు, విజయవాడ సౌత్‌ జోన్‌ ఏసీపీ ఎం.మానసలను నిందితులుగా చేర్చాలని కోరుతూ తిరుపతి పార్లమెంట్‌ సభ్యుడు మద్దిల గురుమూర్తి విజయవాడ రెండో అదనపు జుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టులో ప్రైవేటు ఫిర్యాదు దాఖలు చేశారు. సాయికృష్ణ అక్రమ నిర్భంధం, లాకప్‌ డెత్, మృతదేహం, చితాభస్మం మాయం చేసిన వ్యవహారంలో డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ ఎస్‌.వి.రాజశేఖర్‌ బాబు, విజయవాడ సౌత్‌ జోన్‌ ఏసీపీ ఎం.మానసల పాత్ర ఉందని, వారికి అన్ని విషయాలు తెలుసునని, అందువల్ల వారిని నిందితులుగా చేర్చాలని ఆయన తన ఫిర్యాదులో పేర్కొన్నారు. ఈ ఫిర్యాదుపై విచారణ జరిపిన విజయవాడ కోర్టు, ఫిర్యాదిదారు అయిన గురుమూర్తిని వాంగ్మూలం ఇచ్చేందుకు రావాలని ఆదేశించింది. అలాగే ఆ రోజున సాక్షుల వాంగ్మూలాలను సైతం నమోదు చేస్తామని తెలిపింది. విజయవాడ కోర్టు నిర్ణయంతో కంగుతిన్న ముగ్గురు అధికారులు... విజయవాడ కోర్టు నిర్ణయంతో డీజీపీ, విజయవాడ కమిషనర్, ఏసీపీలు కంగుతిన్నారు. వాంగ్మూలాలు నమోదు చేస్తే సమస్యల్లో చిక్కుకోవడం ఖాయమని భావించిన ఈ ముగ్గురు ఉన్నతాధికారులు కూడా విజయవాడ కోర్టు ఇచ్చిన ఈ ఆదేశాలను సవాలు చేస్తూ హైకోర్టును ఆశ్రయించారు. ఈ వ్యాజ్యాలపై విచారణ జరిపిన హైకోర్టు, ఎంపీ గురుమూర్తి విజయవాడ కోర్టులో దాఖలు చేసిన ప్రైవేటు ఫిర్యాదులో తదుపరి చర్యలన్నీ నిలిపేస్తూ గత ఆగస్టు 13న మధ్యంతర ఉత్తర్వులిచ్చింది. సుప్రీంకోర్టును ఆశ్రయించిన గురుమూర్తి హైకోర్టు ఉత్తర్వులను సవాలు చేస్తూ గురుమూర్తి సుప్రీంకోర్టును ఆశ్రయించారు. ఈ వ్యాజ్యంపై బుధవారం జస్టిస్‌ విక్రమ్‌నాథ్‌ నేతృత్వంలోని త్రిసభ్య ధర్మాసనం విచారణ జరిపింది. గురుమూర్తి తరఫున సీనియర్‌ న్యాయవాది నిఖిల్‌ గోయల్‌ వాదనలు వినిపించారు. అందరూ కలిసి సాయికృష్ణను చంపేశారు... పిటిషనర్‌ ఎంపీ మద్దిల గురుమూర్తి తరఫున సీనియర్‌ న్యాయవాది నిఖిల్‌ గోయల్‌ వాదనలు వినిపిస్తూ.. ‘ఓ పాత కేసులో నాన్‌ బెయిలబుల్‌ వారెంట్‌ (ఎన్‌బీడబ్ల్యూ) అమలు పేరుతో మే 6వ తేదీన సాయికృష్ణను మార్కాపురంలో టాస్‌్కఫోర్స్‌ పోలీసులు అదుపులోకి తీసుకున్నారు. నిబంధనల ప్రకారం ఎన్‌బీడబ్లు్య ఉత్తర్వులను అమలు చేయాల్సింది స్థానిక పోలీసులు. ఇందులో టాస్క్‌ఫోర్స్‌ పోలీసులకు ఎలాంటి ప్రమేయం ఉండదు. అయితే విజయవాడ సీపీ రాజశేఖర్‌బాబు పరిధిలో పనిచేస్తున్న టాస్‌్కఫోర్స్‌ సిబ్బంది సాయికృష్ణను పట్టుకొచ్చారు. కృష్ణలంక ఇన్‌స్పెక్టర్‌కు అప్పగించారు. సాయికృష్ణను నిబంధనల ప్రకారం కోర్టు ముందు హాజరుపరచలేదు. ఆ తరువాత ఆ యువకుడు ఏం అయ్యారో ఎవరికీ తెలియదు. స్టేషన్‌లోనే చిత్రహింసలు పెట్టి హత్య చేసి, శవాన్ని తగులబెట్టేశారు. కనీసం చితాభస్మం కూడా లేకుండా దారుణానికి పాల్పడ్డారు. ఈ నేరాన్ని కప్పిపుచ్చుకునేందుకు మే 1 నుంచి జూన్‌ 1 వరకు పోలీస్‌ స్టేషన్‌లోని సీసీటీవీ ఫుటేజీ మొత్తాన్ని తుడిచిపెట్టేశారు.’ అని గోయల్‌ ధర్మాసనం దృష్టికి తీసుకొచ్చారు. తప్పు చేయకుంటే..హైకోర్టుకెళ్లి ఎందుకు స్టే తెచ్చుకున్నట్లు..? ‘మే 28న బాధిత యువకుడి తల్లి నేరుగా ఈమెయిల్‌ ద్వారా ఫిర్యాదు చేసినా డీజీపీ హరీష్‌ కుమార్‌ గుప్తా కనీస స్థాయిలో కూడా పట్టించుకోలేదు. పోరాటం చేయగా చేయగా, జూన్‌ 19న ఎఫ్‌ఐఆర్‌ నమోదు చేశారు. ఉన్నతస్థాయి అధికారుల ఆమోదం లేకుండా ఓ వ్యక్తిని చంపేసి, కాల్చేసి, చితాభస్మం కూడా లేకుండా చేసే ధైర్యం కింది స్థాయి అధికారులకు ఉండే అవకాశమే లేదు. అంతా కూడా డీజీపీ, విజయవాడ కమిషనర్, సౌత్‌ ఏసీపీలకు తెలిసే జరిగింది. వాస్తవాలను నిగ్గు తేల్చేందుకు విజయవాడ కోర్టు నిర్ణయిస్తే, దానిపై ఈ ముగ్గురు కూడా హైకోర్టుకెళ్లి మొత్తం ప్రక్రియను ఆపేయించారు. తప్పు చేయకుంటే హైకోర్టుకెళ్లి ఎందుకు స్టే తెచ్చుకున్నారు? న్యాయవ్యవస్థపై ప్రజల నమ్మకం సడలకుండా ఉండాలంటే ఈ ముగ్గురు అధికారుల పాత్రపై ఈ కోర్టు నిగ్గు తేల్చాల్సిన అవసరం ఉంది.’ అని గోయల్‌ ధర్మాసనానికి వివరించారు. సాయికృష్ణ ఆచూకీ తెలియదని హైకోర్టునే తప్పుదోవ పట్టించారు... ‘సాయికృష్ణ అదృశ్యంపై ఆయన తల్లి గాదె విజయలక్ష్మి ఏపీ హైకోర్టులో జూన్‌ 4న హెబియస్‌ కార్పస్‌ పిటిషన్‌ దాఖలు చేశారు. దీనిపై కోర్టు పోలీసుల వివరణ కోరింది. సాయికృష్ణ ఆచూకీ తెలియదని, ఆచూకీ కోసం గాలిస్తున్నామంటూ పోలీసులు హైకోర్టునే తప్పుదోవ పట్టించారు. సాయికృష్ణను కోర్టు ముందు హాజరుపరచాలన్న ఆదేశాలను సైతం బేఖాతరు చేశారు. ఇవన్నీ కూడా పోలీసు ఉన్నతాధికారుల పాత్రను సూచిస్తున్నాయి. కేవలం దిగువ స్థాయి పోలీసులపైనే చర్యలు తీసుకుని ఉన్నతాధికారులను తప్పించే ప్రయత్నం జరుగుతోంది.’ అని గోయల్‌ కోర్టుకు తెలియచేశారు. సిట్‌ ఏర్పాటు చేశాం... రాష్ట్ర ప్రభుత్వం తరఫున సీనియర్‌ న్యాయవాది సిద్ధార్థ లూధ్రా వాదనలు వినిపిస్తూ.. సాయికృష్ణ లాకప్‌డెత్‌ వ్యవహారంపై ప్రభుత్వం సిట్‌ ఏర్పాటు చేసి నిష్పక్షపాతంగా దర్యాప్తు జరుపుతోందని తెలిపారు. ఘటన జరిగిన సమయంలో ఎస్‌హెచ్‌ఓగా ఉన్న ప్రధాన నిందితుడైన కృష్ణలంక ఇన్‌స్పెక్టర్‌తో పాటు నలుగురు కానిస్టేబుళ్లు, ఓ హోంగార్డు, మరో ప్రైవేట్‌ వ్యక్తి సహా మొత్తం ఏడుగురిని అరెస్టు చేసి జైలుకు పంపాం. చార్జిషీట్‌ కూడా దాఖలు చేశాం. సాయికృష్ణ లాకప్‌డెత్‌ ఘటనలో కింది స్థాయి అధికారులదే పూర్తి బాధ్యత. ఉన్నతస్థాయి అధికారుల ప్రమేయం ఏమీ లేదు‘ అని వాదించారు.హైకోర్టు విచారణపై స్టే.. గురుమూర్తి ఫిర్యాదు మేరకు విజయవాడ కోర్టు ఇచ్చిన ఉత్తర్వులపై డీజీపీ హరీష్‌ కుమార్‌ గుప్తా, పోలీస్‌ కమిషనర్‌ రాజశేఖర్‌బాబు, ఏసీపీ మానసలు దాఖలు చేసిన మూడు వ్యాజ్యాలను తమకు బదిలీ చేయాలని సుప్రీం కోర్టు ఆదేశించింది. ఆ కేసుల రికార్డులను వెంటనే తమ రిజిస్ట్రీకి పంపాలని హైకోర్టుకు స్పష్టం చేసింది. ఈ కేసు విచారణ ముగిసే వరకు ముగ్గురు ఉన్నతాధికారులు దాఖలు చేసిన వ్యాజ్యాల్లో ఎలాంటి విచారణ జరపరాదని ఏపీ హైకోర్టుకు స్పష్టం చేసింది. ఏపీ హైకోర్టు విచారణపై స్టే విధించింది. లాకప్‌డెత్‌ కేసుకు సంబంధించిన దర్యాప్తు వివరాలు, ఇతర రికార్డులన్నింటినీ ఈనెల 30లోపు సీల్డ్‌ కవర్‌లో తమ ముందుంచాలని రాష్ట్ర ప్రభుత్వాన్ని ఆదేశించింది. తదుపరి విచారణను అక్టోబర్‌ 12కి వాయిదా వేసింది. గురుమూర్తి దాఖలు చేసిన వ్యాజ్యంలో ప్రతివాదులుగా ఉన్న రాష్ట్ర ప్రభుత్వానికి, డీజీపీ హరీష్‌ కుమార్‌ గుప్తా, పోలీస్‌ కమిషనర్‌ రాజశేఖర్‌బాబు, ఏసీపీ మానసలకు నోటీసులు జారీ చేసింది.సీబీఐని ప్రతివాదిగా చేరుస్తాం... ఈ కస్టోడియల్‌ డెత్‌ వ్యవహారంలో దర్యాప్తును సీబీఐకి అప్పగించాలని కోరుతూ దాఖలైన అభ్యర్థనలను ధర్మాసనం పరిశీలించింది. ఈ కేసు విచారణలో కేంద్ర దర్యాప్తు సంస్థ (సీబీఐ)ను ఇంప్లీడ్‌ చేస్తామంది. ఈ మొత్తం వ్యవహారాన్ని తీవ్రంగా పరిగణిస్తున్నామని ధర్మాసనం తేల్చి చెప్పింది. తదుపరి విచారణలో సీబీఐని ఈ కేసులో ప్రతివాదిగా చేర్చే విషయంపై తగిన నిర్ణయం తీసుకుంటామని సుప్రీం ధర్మాసనం స్పష్టం చేసింది.ఇకపై సాయికృష్ణ లాకప్‌డెత్‌ కేసును మేమే పర్యవేక్షిస్తాం... ఈ లాకప్‌డెత్‌ కేసు విచారణను ఇకపై నేరుగా తామే పర్యవేక్షిస్తామని సుప్రీం కోర్టు తేల్చి చెప్పింది. ఏపీ హైకోర్టులో డీజీపీ, సీపీ, ఏసీపీ దాఖలు చేసిన మూడు వ్యాజ్యాల స్థితిగతులను తెలుసుకుని తమకు చెప్పాలని ప్రభుత్వాన్ని ఆదేశించింది. సాయికృష్ణ అదృశ్యం కేసులో సాయికృష్ణ తల్లి దాఖలు చేసిన హెబియస్‌ కార్పస్‌ పిటిషన్‌తో పాటు సీబీఐ దర్యాప్తు కోరుతూ దాఖలు చేసిన అనుబంధ పిటిషన్లపై హైకోర్టు ఇప్పటికే తీర్పును రిజర్వ్‌ చేసిందని సిద్దార్థ లూథ్రా ధర్మాసనం దృష్టికి తీసుకొచ్చారు. దీనిపై స్పందించిన ధర్మాసనం.. తమ ముందు ఉన్నతాధికారులపై పిటిషన్‌ దాఖలు చేసిన పిటిషనర్, హైకోర్టులో హెబియస్‌ కార్పస్‌ పిటిషన్‌ దాఖలు చేసిన పిటిషనర్‌ (సాయికృష్ణ తల్లి) వేర్వేరు వ్యక్తులు కదా అని ప్రశ్నించింది. ముగ్గురు ఉన్నతాధికారులు హైకోర్టులో దాఖలు చేసిన పిటిషన్ల వివరాలతో స్టేటస్‌ రిపోర్టును గురువారం ఉదయం 10.30 గంటల కల్లా తమ ముందు ఉంచాలని పిటిషనర్లు, రాష్ట్ర ప్రభుత్వానికి ఆదేశాలు జారీ చేసింది.ఉన్నతాధికారులను బాధ్యులను చేయరాదని రోహత్గీ వాదన ఉన్నతాధికారుల తరఫున సీనియర్‌ న్యాయవాది ముకుల్‌ రోహత్గీ వాదించారు. ‘పోలీస్‌ స్టేషన్‌ స్థాయిలో ఎస్‌హెచ్‌ఓ, ఇతర కింది స్థాయి సిబ్బంది చేసిన తప్పులకు డీజీపీ, సీపీ స్థాయి ఉన్నతాధికారులను బాధ్యులను చేయడం సరికాదు. వారిపై క్రిమినల్‌ కేసులు నమోదు చేయాలనడం చట్టవిరుద్ధం. ఘటన జరిగిన వెంటనే పోలీసులు చర్యలు తీసుకున్నారు. ప్రభుత్వం ఎవరినీ కాపాడే ప్రయత్నం చేయడం లేదు.’ అని తెలిపారు. మరి సీసీ కెమెరాలు పనిచేయకపోతే గాఢంగా నిద్రపోతున్నారా?ఈ వాదనలపై త్రిసభ్య ధర్మాసనం తీవ్ర అసహనం వ్యక్తం చేసింది. పోలీస్‌ స్టేషన్‌లో ఏకంగా నెల రోజుల పాటు సీసీటీవీ కెమెరాలు పనిచేయకపోతే పర్యవేక్షణ బాధ్యత కలిగిన ఏసీపీ, ఇతర ఉన్నతాధికారులు ఏం చేస్తున్నారని ప్రశ్నించింది. వీరంతా గాఢంగా నిద్రపోతున్నారా?‘ అని కోర్టు నిలదీసింది. కస్టడీలో ఉన్న వ్యక్తి కనిపించకుండా పోతే మే 28న బాధితుడి తల్లి ఫిర్యాదు చేసినా జూన్‌ 19 వరకు ఎఫ్‌ఐఆర్‌ ఎందుకు నమోదు చేయలేదు? ఒక సాధారణ నాన్‌ బెయిలబుల్‌ వారెంట్‌ అమలు చేయడానికి స్థానిక పోలీసులు కాకుండా, ఏకంగా కమిషనర్‌ పరిధిలో పనిచేసే టాస్‌్కఫోర్స్‌ బృందం ఎందుకు వెళ్లింది. కేవలం కింది స్థాయి సిబ్బంది (ఇన్‌స్పెక్టర్‌ తదితరులు)పై నెపం నెట్టేసి ఉన్నతాధికారులు తప్పించుకోలేరంది. ఈ వ్యవహారంలో పై అధికారుల పాత్రపైనా సమగ్ర దర్యాప్తు జరగాల్సిందేనని స్పష్టం చేసింది. పోలీసు కస్టడీలో ఓ పౌరుడు మృతి చెందడం ముమ్మాటికీ చట్టవ్యతిరేక చర్యేనని మండిపడింది.

సాక్షి, అమరావతి: రాష్ట్ర హైకోర్టులో అదనపు న్యాయమూర్తులుగా పని చేస్తున్న ఐదుగురిని శాశ్వత న్యాయమూర్తులుగా నియమించాలని కేంద్ర ప్రభుత్వానికి సుప్రీంకోర్టు సిఫారసు చేసింది. బుధవారం సమావేశమైన సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ నేతృత్వంలోని కొలీజియం ఈ మేరకు సిఫారసు చేసింది. కొలీజియం సిఫారసు చేసిన వారిలో న్యాయమూర్తులు జస్టిస్‌ కుంచం మహేశ్వరరావు, జస్టిస్‌ తూటా చంద్ర ధనశేఖర్‌ (టీసీడీ శేఖర్‌), జస్టిస్‌ చల్లా గుణరంజన్, జస్టిస్‌ అవధానం హరి హరనాథ శర్మ, డాక్టర్‌ జస్టిస్‌ యడవల్లి లక్ష్మణరావు ఉన్నారు. రాష్ట్రపతి ఉత్తర్వులు వెలువడిన తర్వాత వీరు శాశ్వత న్యాయమూర్తులుగా ప్రమాణ స్వీకారం చేస్తారు. ఈ ఐదుగురిలో జస్టిస్‌ కుంచం మహేశ్వరరావు, జస్టిస్‌ తూటా చంద్ర ధనశేఖర్, జస్టిస్‌ చల్లా గుణరంజన్‌ 2024 అక్టోబర్‌ 28న.. జస్టిస్‌ అవధానం హరి హరనాథ శర్మ, డాక్టర్‌ జస్టిస్‌ డాక్టర్‌ యడవల్లి లక్ష్మణరావు 2025 జనవరి 24న హైకోర్టు అదనపు న్యాయమూర్తులుగా ప్రమాణ స్వీకారం చేశారు. తాజాగా ఇప్పుడు వీరిని అదనపు న్యాయమూర్తుల నుంచి శాశ్వత న్యాయమూర్తులుగా నియమించాలని సుప్రీంకోర్టు నిర్ణయించింది.

సాక్షి, అమరావతి: కాపు యువకుడు సాయికృష్ణను చంపేసి.. మృతదేహాన్ని కాల్చేసి.. చితాభస్మం కూడా లేకుండా చేసిన కేసులో నేరాన్ని కిందిస్థాయి అధికారులపై నెట్టేసి తప్పించుకుందామనుకున్న రాష్ట్ర డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ రాజశేఖర్‌బాబు, ఏసీపీ మానసలకు సుప్రీంకోర్టు గట్టి షాక్‌నిచ్చింది. వారి పాత్రపై నిగ్గు తేలుస్తామని, సాయికృష్ణ లాకప్‌డెత్‌ కేసులో నిజానిజాలను వెలుగులోకి తెస్తామని సుప్రీంకోర్టు తాజాగా ఇచ్చిన ఉత్తర్వులు ఈ ముగ్గురు ఉన్నతాధికారులకు వణుకుపుట్టిస్తున్నాయి. లాకప్‌డెత్‌ కేసును తామే స్వయంగా పర్యవేక్షిస్తామని సుప్రీంకోర్టు చెప్పడం వీరికి చెమటలు పట్టిస్తోంది. ఎక్కడ సుప్రీంకోర్టు సీబీఐ దర్యాప్తుకు ఆదేశిస్తుందోనని ఆందోళన చెందుతున్నారు. కస్టడీలోకి తీసుకున్న వ్యక్తిని దారుణంగా కొట్టి చంపడమే కాకుండా, శవం కూడా కనిపించకుండా దహనం చేసిన వ్యవహారం ఈ ముగ్గురు ఉన్నతాధికారులకు ముఖ్యంగా విజయ­వాడ కమిషనర్‌ రాజశేఖర్‌బాబుకు తెలియకుండా జరిగే అవకాశమే లేదని పోలీసు శాఖలోనే చెబుతున్నారు. ఒక వ్యక్తి­ని కస్టడీలోకి తీసుకుని, అక్రమంగా నిర్బంధిస్తే, ఆ విషయా­న్ని కింది స్థాయి అధికారులు తప్పనిసరిగా ఉన్నతాధికారుల­కు తెలియచేయాలి. రోజూ ఇలా ఎంత మందిని కస్టడీలోకి తీ­సుకుని నిర్భంధించారో ప్రతి ఉదయం జరిగే ఉన్నతాధికారు­ల అంతర్గత సమీక్షలో చర్చిస్తారు. ఇన్‌స్పెక్టర్‌ నుంచి మొదలై, అంతిమంగా డీజీపీ వరకు ఈ సమాచారం వెళుతుంది. సాయికృష్ణను కృష్ణలంక ఇన్‌స్పెక్టర్‌ అక్రమంగా నిర్బంధించిన విషయం ఈ ముగ్గురు ఉన్నతాధికారులకు స్పష్టంగా తెలుసు. కమిషనర్‌ అనుమతి లేకుండా ఏ పనీ చేయరు విజయవాడ పోలీసుల వేధింపులు తట్టుకోలేక మార్కాపురం వెళ్లి పెయింట్‌ పనులు చేసుకుంటున్న సాయికృష్ణను పట్టుకురావడానికి స్థానిక పోలీసులు కాక టాస్క్‌ఫోర్స్‌ పోలీసులు వెళ్లారు. ఉన్నతాధికారుల ఆదేశాలు లేకుండా టాస్‌్కఫోర్స్‌ పోలీసులు ఏ పనీ చేయరు. విజయవాడలో టాస్‌్కఫోర్స్‌ పోలీసులు విజయవాడ కమిషనర్‌ కంట్రోల్‌లో ఉంటారు. ఆయనకు తెలియకుండా, ఆయనకు చెప్పకుండా ఏ పనీ చేసే అవకాశమే లేదు. ఈ టాస్క్‌ఫోర్స్‌ పోలీసులు సివిల్‌ డ్రస్సుల్లోనే తిరుగుతూ పోలీసు బాసు­లు చెప్పే ‘అనధికార పనులు’ చేస్తుంటారు. ఇందులో భాగంగానే నాన్‌ బెయిలబుల్‌ వారెంట్‌ అమలు సాకుతో టాస్‌్కఫోర్స్‌ పోలీసులు సాయికృష్ణను పట్టుకొచ్చారు. నిబంధనల ప్రకారం వెంటనే అతన్ని మేజిస్ట్రేట్ ముందు హాజరుపరచాలి.. కానీ ఉన్నతాధికారుల ఆదేశాల మేరకు కృష్ణలంక సీఐ నాగరాజు అక్రమంగా తమ నిర్బంధంలో ఉంచారు. థర్డ్‌డిగ్రీ ప్రయోగించడంతో తట్టుకోలేక సాయికృష్ణ చనిపోయాడు. ఈ లాకప్‌డెత్‌ ఎక్కడ మెడకు చుట్టుకుంటుందోనన్న భయంతో ఉన్నతాధికారుల సూచనల మేరకు సాయికృష్ణ మృతదేహాన్ని తగలబెట్టేశారు. సీపీకి తెలియకుండా ఫుటేజీ తొలగింపు సాధ్యంకాదుముందుగా సాయికృష్ణను మార్కాపురం నుంచి కృష్ణలంక స్టేషన్‌కు తీసుకొచ్చిన మొదలు, కొట్టి చంపేసి, శవాన్ని తరలించి బూడిద చేసే వరకు మొత్తం సీసీటీవీ ఫుటేజీలను తొలగించేశారు. పోలీసు పెద్దల సహాయ, సహకారాలు లేకుండా సీసీటీవీ ఫుటేజీ మాయమయ్యే అవకాశమే లేదు. నిబంధనల ప్రకారం సీసీటీవీ ఫుటేజీని డిలీట్‌ చేయాలంటే జిల్లాల్లో ఎస్‌పీ, కమిషనరేట్‌లలో కమిషనర్‌ అనుమతి తప్పనిసరి. ఏ స్టేషన్‌ హౌస్‌ ఆఫీసర్‌ (ఎస్‌హెచ్‌వో)కు కూడా సీసీటీవీ ఫుటేజీని డిలీట్‌ చేసేందుకు అనుమతి ఉండదు. డిజిటల్‌ వీడియో రికార్డర్‌ (డీవీఆర్‌), నెట్‌వర్క్‌ వీడియో రికార్డర్‌ (ఎన్‌వీఆర్‌)లలో నిక్షిప్తయ్యే సీసీటీవీ ఫుటేజీని తొలగించాలంటే ఎస్‌పీ లేదా కమిషనర్‌ నుంచి ప్రత్యేక అనుమతులు తప్పనిసరి. అలాంటప్పుడు కమిషనర్‌ రాజశేఖర్‌బాబు అనుమతి లేకుండా సీసీటీవీ ఫుటేజీ తొలగింపు ఎలా సాధ్యమైంది?ఏకంగా నెల రోజులకు సంబంధించిన సీసీటీవీ ఫుటేజీ మాయం చేయడం కింది స్థాయి పోలీసులకు సాధ్యమేనా? అనుమతులు లేకుండా పోలీసులు నేరుగా సీసీటీవీ ఫుటేజీని డిలీట్‌ చేయడం చట్టరీత్యా తీవ్ర నేరం. భారతీయ న్యాయ సంహిత (బీఎన్‌ఎస్‌) లేదా ఐపీసీ సెక్షన్ల ప్రకారం, కేసు దర్యాప్తుకు సంబంధించిన డిజిటల్‌ సాక్ష్యాలను తారుమారు చేయడం లేదా తొలగించడం అనేది నాన్‌–బెయిలబుల్‌ నేరం. ఫుటేజ్‌ డిలీట్‌ చేసినట్లు రుజువైతే పోలీసు అధికారులను సర్వీస్‌ నుండి సస్పెండ్‌ చేయడం, డిస్మిస్‌ చేయడంతో పాటు జైలు శిక్ష విధించే అవకాశం ఉంది. అయినా కింది స్థాయి పోలీసులు సీసీటీవీ ఫుటేజీని మాయం చేశారంటే వారికి ఉన్నతాధికారుల సహకారం ఉన్నట్లే లెక్క. డీజీపీ స్పందించి ఉంటే బతికేవాడు... పోలీసులందరికీ బాస్‌ అయిన డీజీపీ కూడా సాయికృష్ణ లాకప్‌డెత్‌ కేసులో అత్యంత నిర్లక్ష్యంగా వ్యవహరించారు. అతన్ని అక్రమంగా నిర్భంధించిన విషయాన్ని అంతర్గత సమీక్షా సమావేశంలో తెలుసుకున్న వెంటనే స్పందించి ఉంటే సాయికృష్ణ బతికి ఉండేవారు. పోలీసులు ప్రతి రోజూ ఉదయం, సాయంత్రం సమీక్షా సమావేశాలు నిర్వహించి పలు అంశాలపై చర్చిస్తారు. అందులో అక్రమ నిర్బంధాలు కూడా చర్చకు వస్తాయి. అలాగే సాయికృష్ణ అక్రమ నిర్బంధం కూడా డీజీపీ దృష్టికి వచ్చింది. అయినా ఆయన స్పందించలేదు. రెడ్‌బుక్‌ రాజ్యాంగంలో అక్రమ నిర్భంధాలు సర్వసాధారణమైపోయిన నేపథ్యంలో పోలీసు బాసే దానిని తేలిగ్గా తీసుకున్నారు. దీంతో సాయికృష్ణ అత్యంత అమానుషంగా హత్యకు గురయ్యాడు. ఆ తరువాతైనా డీజీపీ స్పందించారా? అంటే అదీ లేదు. సాయికృష్ణ తల్లి తన కుమారుడి ఆచూకీ కోసం ఈ మెయిల్‌ ద్వారా ఫిర్యాదు పంపితే ఆయన కనీస స్థాయిలో కూడా స్పందించలేదు. మే 28న ఆమె డీజీపీకి ఫిర్యాదు చేశారు. సాయికృష్ణ లాకప్‌డెత్‌ ప్రజల్లోకి విస్తృతంగా వెళ్లడం, చంద్రబాబు ప్రభుత్వానికి తలనొప్పిగా మారడంతో అప్పుడు డీజీపీ స్పందించారు. ఆయన చెప్పిన తరువాతనే పోలీసులు జూన్‌ 19న కేసు నమోదు చేశారు. ఆ తరువాత ఆమె కుమారుడి ఆచూకీ కోసం హైకోర్టును ఆశ్రయించారు. అందులో డీజీపీ కూడా పార్టీగా ఉన్నారు. ఆ సందర్భంలో కూడా ఆయన స్పందించలేదు. కోర్టుకు వాస్తవాలు చెప్పలేదు. సాయికృష్ణ మా ఆ«దీనంలో లేడని, ఆ చూకీ తెలియడం లేదని కోర్టును తప్పుదోవ పట్టించారు. ఇదే సమయంలో సాయికృష్ణ తల్లి సీబీఐ దర్యాప్తు కోరుతూ అనుబంధ పిటిషన్‌ వేశారు. పోలీసు బాసుల ఒత్తిడి మేరకు అప్పటికప్పుడు సిట్‌ సాయికృష్ణను పోలీసులే కొట్టి చంపేశారన్న విషయాన్ని వైఎస్సార్‌ కాంగ్రెస్‌ పార్టీ ఆధారాలతో సహా బయటపెట్టింది. దీంతో రాజకీయంగా పెద్ద దుమారమే రేగింది. దీంతో చంద్రబాబు ప్రభుత్వంపై ఒత్తిడి పెరిగింది. సాయికృష్ణ లాకప్‌డెత్‌పై హైకోర్టులో కూడా ప్రజా ప్రయోజన వ్యాజ్యాలు దాఖలయ్యాయి. దీంతో ఈ కేసు నుంచి తప్పించుకునేందుకు డీజీపీ, పోలీస్‌ కమిషనర్‌ తదితరుల ఒత్తిడి మేరకు ప్రభుత్వం అప్పటికప్పుడు ప్రత్యేక దర్యాప్తు బృందాన్ని (సిట్‌) ఏర్పాటు చేసింది. సిట్‌లోని పోలీసులు తమ కింద పనిచేసే వారే కాబట్టి సమస్య ఉండదన్న ఉద్దేశంతో పోలీసులు సిట్‌ వేయించారు. ఆ వెంటనే సిట్‌ వరుస అరెస్ట్‌లు చేసింది. కృష్ణలంక సీఐ నాగరాజుతో పాటు కానిస్టేబుళ్లను, హోంగార్డును అదుపులోకి తీసుకుంది. తనకు ఈ కేసుతో సంబంధం లేదని, తనను అన్యాయంగా ఇరికించారని నాగరాజు మీడియా ముఖంగా వాపోయారు. ఓ దశలో పోలీసుల నుంచి తనకు ప్రాణహాని కూడా ఉందని ఆయన ఆందోళన వ్యక్తం చేశారు. హైకోర్టు, సుప్రీంకోర్టు భయంతో హడావుడిగా చార్జిషీట్‌ ఇదే సమయంలో సాయికృష్ణ తల్లి విజయలక్ష్మీ దాఖలు చేసిన హెబియస్‌ కార్పస్‌ పిటిషన్‌తో పాటు సీబీఐ దర్యాప్తునకు ఆదేశించాలని కోరుతూ దాఖలు చేసిన అనుబంధ పిటిషన్‌పై హైకోర్టు సీరియస్‌గా విచారణ మొదలు పెట్టింది. విజయలక్ష్మీ ఎప్పుడో పిటిషన్‌ దాఖలు చేస్తే ఇప్పటి వరకు కౌంటర్‌ దాఖలు చేయకపోవడాన్ని ప్రశ్నించింది. లాకప్‌డెత్‌ చాలా తీవ్రమైన వ్యవహారమని స్పష్టం చేసింది. సీబీఐ దర్యాప్తునకు ఎందుకు ఇవ్వకూడదో చెప్పాలంది. ఇదే సమయంలో వైఎస్సార్‌సీపీ ఎంపీ గురుమూర్తి సుప్రీంకోర్టులో దాఖలు చేసిన వ్యాజ్యమూ విచారణకు వచ్చే అవకాశం ఉండటంతో ముగ్గు­రు అధికారులు ఆందోళన చెందారు.దర్యాప్తు పెండింగ్‌లో ఉంటే అటు హైకోర్టు గానీ, ఇటు సుప్రీంకోర్టు గానీ సీబీఐ దర్యాప్తునకు ఆదేశించే అవకాశం ఉండటంతో, వెంటనే దర్యాప్తునకు ముగింపు పలకాలని నిర్ణయించారు. అందుకు అనుగుణంగా సిట్‌కు మార్గదర్శనం చేసి కింది కోర్టులో చార్జిషీట్‌ దాఖలు చేయించారు. మంగళవారం జరిగిన విచారణలో పోలీ­సులు ఈ విషయాన్ని కోర్టుకు చెప్పారు. దీంతో కోర్టు ఈ చార్జిషీట్‌ను తమ ముందుంచాలని ఆదేశిస్తూ విజయలక్ష్మీ దాఖలు చేసిన పిటిషన్లలో తీర్పును రిజర్వ్‌ చేస్తున్నట్లు ప్రకటించింది. తాజాగా బుధవారం జరిగిన విచారణ సందర్భంగా సుప్రీంకోర్టు విజయలక్ష్మీ దాఖలు చేసిన వ్యాజ్యాల స్థితిగతులను కోరడం విశేషం.తమిళనాడు కోర్టే కరెక్ట్‌... ఓ పౌరుడిని అత్యంత క్రూరంగా హింసించి చంపి మృతదేహాన్ని తగలబెట్టి చితాభస్మం కూడా లేకుండా చేసిన పోలీసులపై కఠిన చర్యలు తీసుకోవాలన్న డిమాండ్‌లు సోషల్‌ మీడియాలో రోజురోజు కు పెరిగిపోతున్నాయి. తమిళనాడులోని సాతాన్‌కుళం పోలీసుల విషయంలో తమిళనాడు కోర్టు అనుసరించిన విధానాన్నే ఇక్కడా అనుసరించాలని నెటిజెన్లు కోరుతున్నారు. తమిళనాడులో జయరాజ్‌–బెన్నిక్స్‌ అనే తండ్రీకొడుకులను లాకప్‌డెత్‌ చేసిన 9 మంది పోలీసులకు అక్కడి కోర్టు ఉరిశిక్ష విధించింది. బాధిత కుటుంబానికి రూ.1.40 కోట్లు పరిహారంగా చెల్లించింది.

సాక్షి, హైదరాబాద్: SIR ప్రక్రియలోని లోపాలపై ఇద్దరు ఎన్నికల కమిషనర్లు (ECs) అభ్యంతరం వ్యక్తం చేశారంటూ 'ఇండియన్ ఎక్స్‌ప్రెస్'లో వచ్చిన కథనంపై బీఆర్‌ఎస్‌ వర్కింగ్ ప్రెసిడెంట్ కేటీ రామారావు స్పందించారు. అత్యున్నత న్యాయస్థానం ఈ వ్యవహారాన్ని సుమోటా తీసుకొని విచారణ జరపాలని డిమాండ్‌ చేశారు. నిష్పక్షపాత విచారణ జరిపే విశ్వసనీయత సుప్రీంకోర్టుకు తప్ప మరే ఇతర సంస్థకూ లేదని కేటీఆర్‌ పేర్కొన్నారు.ప్రస్తుతం భారత ఎన్నికల సంఘం పనితీరు, విశ్వసనీయతపై తీవ్రమైన సంక్షోభం నెలకొందని కేటీఆర్‌ అన్నారు. ఎస్‌ఐఆర్‌ ప్రక్రియపై అనేక ప్రశ్నలు, సందేహాలు ఉన్నాయనా, తాజా వార్తలతో మరింత అనుమానాలకు తావిస్తోందని వ్యాఖ్యానించారు. రాజ్యాంగబద్ధమైన సంస్థపై వచ్చిన ఆరోపణలపై దీనిపై విచారణ జరిపేందుకు సుప్రీంకోర్టు తప్ప మరే ఇతర సంస్థపైనా నమ్మకం ఉంచలేమన్నారు. మాజీ ఎన్నికల కమిషనర్లు చెబుతున్న అంశాలను సుప్రీంకోర్టు పరిగణనలోకి తీసుకుని, ఈ విషయంపై స్యూమోటో కింద విచారణ జరపాలన్నారు దీనివల్ల కొన్ని సమాధానాలు లభిస్తాయని, నిజం బయటపడుతుందనే ఆశాభావాన్ని వ్యక్తం చేశారు.ఇదీ చదవండి: సీఈసీ జ్ఞానేష్‌ కుమార్‌ జైలుకెళ్లాల్సిందే : సంజయ్ రౌత్ ఆగ్రహంకాగా ఎస్‌ఐఆర్‌ ప్రక్రియలో ఎన్నికల కమిషన్‌లో అంతర్గత విభేదాలు ఉన్నాయంటూవచ్చిన నివేదిక ప్రకంపనలు రేపుతోంది. ఈ ఆరోపణల నేపథ్యంలోప్రధాన ఎన్నికల కమిషనర్ జ్ఞానేష్ కుమార్‌పై తక్షణమే చర్చలు తీసుకోవాలని ప్రతిపక్షాలు డిమాండ్‌ చేస్తున్నాయి.BRS Working President @KTRBRS key remarks on objections raised by two Election Commissioners over the SIR process.There is now a serious crisis of confidence in the functioning of the Election Commission.The objections reportedly raised by two Election Commissioners over the… pic.twitter.com/kj9YsDsam1— KTR Updates (@KTRMediaUpdates) September 23, 2026

సాక్షి, న్యూఢిల్లీ: తెలుగు రాష్ట్రాల్లో సంచలనం సృష్టించిన గాదె సాయికృష్ణ లాకప్‌ డెత్‌ కేసులో కీలక పరిణామం చోటు చేసుకుంది. కేసు దర్యాప్తు విషయంలో ఏపీ ప్రభుత్వం, పోలీసుల తీరు పట్ల సర్వోన్నత న్యాయస్థానం ఆగ్రహం వ్యక్తం చేసింది. విచారణను ఇక తామే చేపడతామని చెబుతూ.. ఏపీ హైకోర్టు విచారణపై స్టే విధిస్తూ తక్షణమే ఈ కేసును బదిలీ చేస్తున్నట్లు వెల్లడించింది. గాదె సాయికృష్ణ కస్టోడియల్‌ డెత్‌ వ్యవహారంపై వైఎస్సార్‌సీపీ ఎంపీ గురుమూర్తి సుప్రీం కోర్టులో ఓ పిటిషన్‌ వేశారు. డీజీపీతో పాటు విజయవాడ సీపీలపై చర్యలు తీసుకోవాలని ఆయన ఆ పిటిషన్‌లో కోరారు. బుధవారం జస్టిస్ విక్రమ్‌నాథ్ నేతృత్వంలోని ధర్మాసనం ఈ పిటిషన్‌పై కీలక ఆదేశాలు జారీ చేసింది. సాయికృష్ణ కేసులో హైకోర్టు విచారణపై స్టే విధిస్తూ..ప్రతివాదులకు నోటీసులు జారీ చేసింది. సెప్టెంబర్‌ 30లోపు సాయికృష్ణ కేసుకు సంబంధించిన పూర్తి వివరాలను సీల్డ్‌ కవర్‌లో సమర్పించాలని ఆదేశించింది. హైకోర్టులోని ఈ కేసుకు సంబంధించిన అన్ని పిటిషన్లను, రికార్డులను తమకు బదిలీ చేయాలని సుప్రీం కోర్టు ఆదేశించింది. కేసు తదుపరి విచారణను అక్టోబర్‌ 12కు వాయిదా వేసింది. ఈ క్రమంలో సాయికృష్ణ కేసు దర్యాప్తు జరిగిన తీరును తీవ్రంగా తప్పుబట్టింది. ఏపీ డీజీపీపై ఆగ్రహం వ్యక్తం చేసినట్లు తెలుస్తోంది. ‘‘గాదె సాయి కృష్ణ తల్లి ఫిర్యాదు చేస్తే ఎందుకు ఎఫ్ఐఆర్ రిజిస్టర్ చేయలేదు?. డీజీపీ నిద్ర పోతున్నారా?. పోలీసు కస్టడీలో సాయికృష్ణ అదృశ్యం కావడం చట్టవిరుద్ధం. పోలీస్‌ స్టేషన్‌లోని సీసీటీవీ ఫుటేజ్ ధ్వంసం చేస్తే ఏసీపీ చూస్తూ కూర్చున్నారా?. మీ డ్యూటీ మీకు తెలియదా?. మీ తీరు ఘోరంగా ఉంది. సాయికృష్ణ మృతదేహం ఇప్పటిదాకా దొరకలేదంటే.. పోలీసుల దర్యాప్తు తీరు ఎంత ఆందోళనకరంగా ఉందో అర్థమవుతోంది’’ అంటూ ధర్మాసం వ్యాఖ్యానించింది.

సాక్షి, న్యూఢిల్లీ: కారణాలను ముందుగా తెలియజేయకుండానే చేసిన అరెస్ట్‌ను కోర్టు కొట్టివేసిన సందర్భాల్లో.. అదే వ్యక్తిని తిరిగి అరెస్ట్‌ చేయాల్సిన సందర్భాల్లో పోలీసులకు స్వయం నిర్ణయాధికారం లేదని సుప్రీంకోర్టు స్పష్టం చేసింది. మళ్లీ అరెస్ట్‌ చేయాలంటే సంబంధిత జ్యుడీషియల్‌ మేజిస్ట్రేట్ అనుమతి తప్పనిసరి అని స్పష్టతనిచ్చింది. సోమవారం జస్టిస్‌ ఉజ్జల్‌ భుయాన్, జస్టిస్‌ అతుల్‌ చందూర్కర్‌ల ధర్మాసనం ఈ మేరకు మార్గదర్శకాలు జారీ చేసింది. రాజ్యాంగంలోని ఆర్టీకల్‌ 22(1) కింద కల్పించిన హక్కును ఉల్లంఘించి జరిగిన తొలి అరెస్ట్‌ చెల్లదని కోర్టు ప్రకటించినట్లయితే అదే కేసులో నిందితుడిని తిరిగి అరెస్ట్‌ చేయడానికి ప్రత్యేక విధానాన్ని పాటించాల్సి ఉంటుందని వివరించింది. అరెస్ట్‌కు కారణాలను లిఖితపూర్వకంగా తెలపాలి అదే కేసులో నిందితుడిని మళ్లీ అరెస్ట్‌ చేయాల్సిన అవసరముందంటూ పోలీసులు మేజిస్ట్రేట్‌ను ఆశ్రయించే ముందు.. అందుకు గల కారణాలతో లిఖితపూర్వకంగా జ్యుడీషియల్‌ మేజిస్ట్రేట్ కు దరఖాస్తు చేసుకోవాలి. ఆ దరఖాస్తుకు తొలి అరెస్ట్‌ చేసిన పోలీసు అధికారికి పైస్థాయిలో ఉన్న తక్షణ అధికారి ఆమోదం/ఎండార్స్‌మెంట్‌ ఉండాలని ఈ సందర్భంగా ధర్మాసనం స్పష్టం చేసింది. తొలి అరెస్ట్‌ సమయంలో కారణాలను ఎందుకు తెలియజేయలేకపోయారో కూడా దరఖాస్తులో విధిగా పోలీసులు స్పష్టం చేయాల్సి ఉంటుందని కూడా ధర్మాసనం పేర్కొంది. అదే అధికారికి మళ్లీ అరెస్ట్‌ అధికారం ఉండరాదు రాజ్యాంగ హక్కును ఉల్లంఘించిన అదే అధికారికి మళ్లీ అరెస్ట్‌ చేసే నిర్ణయాధికారాన్ని అప్పగించడం సరికాదని ధర్మాసనం పేర్కొంది. ఇలాంటి సందర్భాల్లో మళ్లీ అరెస్ట్‌ ప్రక్రియను న్యాయపరమైన పర్యవేక్షణలోనే అమలు చేయాలని జస్టిస్‌ ఉజ్జల్‌ భుయాన్‌ తెలిపారు. మేజిస్ట్రేట్ దరఖాస్తును వీలైనంత త్వరగా పరిశీలించాలని, ఈలోగా కేసు దర్యాప్తును మరో పోలీసు అధికారికి అప్పగించాలని ఆదేశించింది. మేజిస్ట్రేట్ సంతృప్తి చెందితేనే రీ–అరెస్ట్‌ తొలి అరెస్ట్‌ సమయంలో అందుకు కారణాలను తెలియజేయలేకపోవడానికి నిజమైన, సమంజసమైన కారణాలు ఉన్నాయని మే జిస్ట్రేట్‌ నిర్ధారించాలి. అనంతరం ఆ కారణాలను నిందితుడికి తెలియజేసి, అతడిని మళ్లీ అరెస్ట్‌ చేయాల్సిన అవసరం ఉందని కూడా మేజిస్ట్రేట్ భావించినప్పుడే.. దర్యాప్తు సంస్థకు రీ–అరెస్ట్‌కు అనుమతి ఇవ్వవచ్చని ధర్మాసనం స్పష్టం చేసింది. పోలీసుపై శాఖాపరమైన విచారణ ఆర్టీకల్‌ 22(1) ఉల్లంఘనకు కారణమైన పోలీసు అధికారిపై శాఖాపరమైన విచారణ చేపట్టాలని కూడా ధర్మాసనం ఆదేశించింది. విచారణలో ఆ అధికారి తప్పిదం నిర్ధారణ అయితే శాఖాపరమైన చర్యలు తీసుకోవడంతోపాటు, ఆ విషయాన్ని సంబంధిత అధికారి సరీ్వస్‌ బుక్‌లో నమోదు చేయాలని పేర్కొంది. కేసు దర్యాప్తును కూడా తొలి అరెస్ట్‌ చేసిన అధికారికి కాకుండా మరో అధికారికి అప్పగించాలని ఉన్నతాధికారులను ఆదేశించింది. ప్రత్యేక చట్టాల కింద అరెస్టులకూ వర్తింపు ఆర్టీకల్‌ 22(1) నిబంధన కేవలం ఒక నిర్దిష్ట చట్టం ప్రత్యేక చట్టాల కింద జరిగే అరెస్ట్‌లకే కాదు, అన్ని రకాల అరెస్ట్‌లకూ వర్తిస్తుందని పేర్కొంది. ఈ నిబంధన ఉల్లంఘన వల్ల తమకు వాస్తవంగా నష్టం జరిగిందని నిందితుడు ప్రత్యేకంగా నిరూపించాల్సిన అవసరం లేదని ధర్మాసనం స్పష్టం చేసింది. ఎందుకంటే అరెస్ట్‌కు కారణాలను తెలుసుకోవడం ప్రాథమిక హక్కుగా అని పేర్కొంది. ఆర్టీకల్‌ 22(1) ఉల్లంఘన కారణంగా తొలి అరెస్ట్‌ రద్దయిన తర్వాత అదే వ్యక్తిని తిరిగి అరెస్ట్‌ చేసిన సందర్భాన్ని బెయిల్‌పై విడుదల చేసిన తర్వాత మళ్లీ అరెస్ట్‌ చేసినట్లుగా పరిగణించరాదని కూడా ధర్మాసనం వివరించింది. గతంలో ‘మిహిర్‌ రాజేశ్‌ షా వర్సెస్‌ స్టేట్‌ ఆఫ్‌ మహారాష్ట్ర (2025)’కేసులో సుప్రీంకోర్టు ఇచ్చిన తీర్పులోని సూత్రాలను మరింత విస్తరిస్తూ.. రీ–అరెస్ట్‌ విషయంలో ఈ అదనపు విధానపరమైన రక్షణలను తాజాగా నిర్దేశించింది. రాజ్యాంగం కల్పించిన హక్కుల దురి్వనియోగాన్ని అరికట్టడమే ఈ మార్గదర్శకాల ఉద్దేశమని ధర్మాసనం పేర్కొంది. కారణం తెలపకపోవడం హక్కుల ఉల్లంఘనే పోలీసులు నిందితుడి అరెస్ట్‌కు గల కారణాలను ముందుగానే తెలియజేయక పోవడం ప్రాథమిక హక్కుల ఉల్లంఘన కిందికి వస్తుందని సుప్రీంకోర్టు పేర్కొంది. ‘దీనివల్ల రాజ్యాంగంలోని ఆర్టీకల్‌ 21 ప్రకారం అతడి జీవించే హక్కు, వ్యక్తిగత స్వేచ్ఛ హక్కును హరించినట్లే. అంతిమంగా చట్ట ఇది విరుద్ధమైన చర్య. ఆర్టీకల్‌22(1) నిబంధనలను పరిమిత భావన తో చూడొద్దు. వ్యక్తి స్వేచ్ఛను కాపాడటమే వీటి ఉద్దేశం. అంతేకాదు, అరెస్ట్‌కు గల కారణాలను కచ్చితంగా లిఖితపూర్వకంగా, నిందితుడికి అర్థమయ్యే భాషలోనే తెలియజేయాలి’అని నొక్కి చెప్పింది.

సాక్షి, న్యూఢిల్లీ: జాతీయ రహదారుల వెంబడి సంచరించే వీధి పశువులకు షెల్టర్లు నిర్మించాలన్న ఆదేశాలపై జాతీయ రహదారుల ప్రాధికార సంస్థ (ఎన్‌హెచ్‌ఏఐ) సుప్రీంకోర్టును ఆశ్రయించింది. ఆశ్రయాల నిర్మాణం వల్ల తమపై రూ.7 వేల కోట్ల భారీ ఆర్థిక భారం పడుతుందని, ఈ బాధ్యతను స్థానిక, రాష్ట్ర ప్రభుత్వ యంత్రాంగాలే చేపట్టాలని కోరింది. జాతీయ రహదారులపైకి వీధి పశువులు, జంతువులు ప్రవేశించి, రాకపోకలకు ఆటంకం కలిగించకుండా దేశవ్యాప్తంగా పశువుల షెల్టర్లు నిర్మించాలని మే 19వ తేదీన జస్టిస్‌ విక్రమ్‌ నాథ్‌ నేతృత్వంలోని ప్రత్యేక ధర్మాసనం ఎన్‌హెచ్‌ఏఐను ఆదేశించింది. ఈ ఆదేశాలను సవాల్‌ చేస్తూ సంస్థ తరఫున సొలిసిటర్‌ జనరల్‌ తుషార్‌ మెహతా సోమవారం ప్రధాన న్యాయమూర్తి జస్టిస్‌ సూర్యకాంత్‌ సారథ్యంలోని ధర్మాసనం ఎదుట వాదనలు వినిపించారు. పశువుల షెల్టర్ల నిర్మాణ బాధ్యతను స్థానిక, జిల్లా యంత్రాంగాలే తీసుకోవాలని ఆయన అన్నారు. ఇది తమకు ఉద్దేశించిన ప్రత్యేక బాధ్యత కాదని పేర్కొన్నారు. అంతేకాదు, దేశవ్యాప్తంగా అన్ని ప్రాంతాల్లో ఎన్‌హెచ్‌ఏఐ ఒక్కటే ఈ బాధ్యతను తీసుకోలేదన్నారు. వీధి కుక్కలు, పశువుల నిర్వహణ, ప్రభుత్వ అధికారుల బాధ్యతలపై సుప్రీంకోర్టులో జరుగుతున్న విస్తృత విచారణల సందర్భంగా ఆయన ఈ అంశాన్ని ప్రస్తావించారు. రహదారిపైకి జంతువులు రాకుండా చూడటం, వాటి యజమానులకు జరిమానాలు విధించడం, వాటికి షెల్టర్లు ఏర్పాటు చేయడం వంటివి రాష్ట్ర ప్రభుత్వాల పరిధిలోకే వస్తాయని కోర్టుకు విన్నవించారు. నేషనల్‌ హైవేస్‌ అథారిటీ ఆఫ్‌ ఇండియా చట్టం–1988, కంట్రోల్‌ ఆఫ్‌ నేషనల్‌ హైవేస్‌ (ల్యాండ్‌ అండ్‌ ట్రాఫిక్‌) చట్టం–2002ల ప్రకారం తమ చట్టబద్ధమైన అధికార పరిధి, ప్రాథమిక బాధ్యత కేవలం జాతీయ రహదారుల అభివృద్ధి, నిర్వహణ, యాజమాన్యం, ట్రాఫిక్‌ సంబంధిత విధులను నియంత్రించడానికే పరిమితమని వివరించారు. తమ పిటిషన్‌పై విచారణకు జస్టిస్‌ విక్రమ్‌ నాథ్‌ సారథ్యంలో ప్రత్యేక ధర్మాసనాన్ని మళ్లీ ఏర్పాటు చేయాలని కోరారు. ఇందుకు సానుకూలత వ్యక్తం చేసిన జస్టిస్‌ సూర్యకాంత్‌ ప్రత్యేక ధర్మాసనం ఏర్పాటు చేస్తామని ప్రకటించారు.

అయోధ్య రామమందిరంలో విరాళాల చోరీకి సంబంధించిన కేసు విచారణలో భాగంగా సంచలన విషయాలు సుప్రీంకోర్టు ముందు నిలిచాయి. విరాళాల చోరీ ఘటనలపై విచారణ జరుపుతున్న ఎస్‌ఐటీ ((SIT) దర్యాప్తు తుది దశకు చేరుకుందని, సెప్టెంబర్ 25 నాటికి ఛార్జ్‌షీట్ దాఖలు చేయనున్నట్లు సోలిసిటర్ జనరల్ తుషార్ మెహతా సుప్రీంకోర్టుకు తెలిపారు. ఈ సందర్భంగా సిట్‌ దర్యాప్తులో కీలక విషయాలను సుప్రీం ముందుంచారు. ఛార్జిషీట్‌పై చట్ట ప్రకారం చర్యలు తీసుకోవాలని కోర్టు మేజిస్ట్రేట్‌ను ఆదేశించింది.రామ మందిరంలో విరాళాల దొంగతనానికి సంబంధించిన నూట ఐదు ఘటనలు ఆలయ సీసీటీవీలో నమోద య్యాయని సోమవారం సుప్రీంకోర్టుకు తెలియజేశారు. మొత్తం 105 సార్లు విరాళాల చోరీ సంఘటనలు రికార్డైనట్లు తెలిపింది. ఈ కేసుకు సంబంధించి ఎఫ్‌ఐఆర్‌లో పేర్కొన్న ఎనిమిది మంది నిందితులతో పాటు ఇతరులను కూడా అరెస్ట్ చేసినట్లు కోర్టుకు నివేదించారు.ఆరోపిత విరాళాల దొంగతనానికి సంబంధించిన కేసు విచారణ సందర్భంగా సుప్రీంకోర్టు సిట్‌ స్టేటస్ రిపోర్టును సమీక్షించింది. విచారణ సందర్భంగా, ఇప్పటివరకు జరిగిన అరెస్టుల సంఖ్య, విరాళాల దొంగతనానికి సంబంధించి సేకరించిన సాక్ష్యాధారాల గురించి కోర్టుకు తెలియజేశారు. అందుబాటులో ఉన్న సాక్ష్యాధారాలను కూడా కోర్టుకు సమర్పించారు. సీసీటీవీ ఫుటేజ్, సాక్షుల వాంగ్మూలాలు, ఇతర సాక్ష్యాధారాలకు సంబంధించిన వివరాలను కూడా పంచుకున్నారు. మరోవైపు ఎస్‌ఐటీ నివేదిక కాపీని ఇవ్వాలని పిటిషనర్లు కోరగా, సుప్రీంకోర్టు తోసిపుచ్చింది. ప్రధాన న్యాయమూర్తి నేతృత్వంలోని ధర్మాసనం, ఈ విషయాన్ని సెషన్స్ జడ్జి చేతుల నుండి బయటకు తీసుకెళ్లడానికి తాము ఇష్టపడటం లేదని, తదుపరి దర్యాప్తు అవసరమని భావిస్తేనే ఉత్తర్వులు జారీ చేస్తామని పేర్కొంది.చట్టపరమైన చర్యలు తీసుకోవాలని మేజిస్ట్రేట్‌ను కోర్టు ఆదేశించింది. నిందితులను గుర్తించడానికి సీసీటీవీ ఫుటేజ్, ఇతర సామాగ్రిని ఎలా విశ్లేషించారో స్టేటస్ రిపోర్టులో వివరించారు. ఇచ్చిన సమాచారం మొత్తాన్ని సుప్రీంకోర్టు రికార్డులోకి తీసుకుంది. ఇదీ చదవండి: సీనియర్‌ నటి కన్నుమూత, ప్రముఖుల సంతాపం కాగా ఈ వివాదం వెలుగులోకి రావడంతో రామమందిర ట్రస్ట్ ప్రముఖులు చంపత్ రాయ్, అనిల్ మిశ్రాలను వారి పదవుల నుండి తొలగించారు. ఈ విషయంలో సుప్రీంకోర్టు జోక్యం చేసుకోవడానికి ముందే, ట్రస్ట్ అభ్యర్థన మేరకు రాష్ట్ర ప్రభుత్వం జూన్ 13న లక్నో డివిజనల్ కమిషనర్ విజయ్ విశ్వాస్ పంత్ నేతృత్వంలో ముగ్గురు సభ్యుల సిట్ (ప్రత్యేక దర్యాప్తు బృందం)ను ఏర్పాటు చేసింది.ఈ కమిటీ జూన్ 23న రాష్ట్ర ప్రభుత్వానికి తన ప్రాథమిక నివేదికను సమర్పించి, అనేక కఠినమైన సిఫార్సులను చేసింది.ఎఫ్ఐఆర్‌లో అవినాష్ శుక్లా, అనుకల్ప్ మిశ్రా, లవ్‌కుష్ మిశ్రా, మనీష్ కుమార్ యాదవ్, కరుణేష్ పాండే, రామశంకర్ మిశ్రా, సుభాష్ శ్రీవాస్తవ, రామ్ శంకర్ యాదవ్ అలియాస్ టిన్ను అనే ఎనిమిది మందితో పాటు ఇతర గుర్తుతెలియని వ్యక్తులను నిందితులుగా పేర్కొన్నారు. వారందరినీ అరెస్టు చేసి, కేసులు నమోదు చేశారు. కాగా మాజీ సైనికాధికారి జితేంద్ర మిశ్రాను కొత్త రామ మందిర ట్రస్ట్‌ సీఈవోగా నియమించిన సంగతి తెలిసిందే. ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

సాక్షి,న్యూఢిల్లీ: అత్యాచారానికి గురై, అత్యంత కిరాతకంగా ప్రాణాలు కోల్పోయిన 17 ఏళ్ల సౌజన్య కేసులో కీలక పరిణామం చోటు చేసుకుంది. దీంతో బాధితురాలి కుటుంబం గత 14 ఏళ్లుగా చేస్తున్నపోరాటానికి ఎట్టకేలకు సుప్రీంకోర్టులో న్యాయం జరగనుంది. తొలుత ఈ కేసు కేంద్ర, రాష్ట్ర దర్యాప్తు సంస్థలు విచారణ చేపట్టినా నిజానిజాలను రాబట్టలేకపోయాయి. అయితే, ఓ దినపత్రికలో వచ్చిన కథనంతో ఈ కేసులో తీగ లాగితే డొంక కదిలింది. ఆ పత్రికా కథనం ఆధారంగా సౌజన్య తల్లి సుప్రీంకోర్టును ఆశ్రయించగా... అత్యున్నత న్యాయస్థానం కేసును రీ-ఇన్వెస్టిగేషన్ (పునర్‌విచారణ) చేయాలని ఆదేశాలు జారీ చేసింది.కర్ణాటకలోని ధర్మస్థల ప్రాంతంలో (ఉజిరే) దశాబ్దానికి పైగా సంచలనం సృష్టించిన 17 ఏళ్ల విద్యార్థిని సౌజన్య అత్యాచారం మరియు హత్య కేసుకు సంబంధించి సుప్రీంకోర్టు సంచలన తీర్పు వెలువరించింది. సుదీర్ఘకాలంగా న్యాయం కోసం పోరాడుతున్న బాధితురాలి కుటుంబానికి అండగా నిలుస్తూ, ఈ కేసులో తాజా దర్యాప్తునకు సుప్రీంకోర్టు సోమవారం (సెప్టెంబర్ 21) ఆదేశాలు జారీ చేసింది. అంతేకాకుండా, ఈ దర్యాప్తు పురోగతికి సంబంధించిన నివేదికను మూడు నెలల్లోగా సమర్పించాలని స్పష్టం చేసింది.కేసు నేపథ్యం అక్టోబర్ 2012లో 17 ఏళ్ల సౌజన్యపై అత్యాచారం జరిగి, ఆపై ఆమె హత్యకు గురయ్యారు. బాధితురాలి కుటుంబ సభ్యుల ఫిర్యాదుతో కర్ణాటక పోలీసులు రంగంలోకి దిగారు. ఈ కేసుకు సంబంధించి తొలుత కర్ణాటక సీఐడీ దర్యాప్తు చేపట్టింది. కానీ, కేసు కొలిక్కి రాకపోవడంతో సౌజన్య తల్లిదండ్రుల విజ్ఞప్తి మేరకు సీబీఐ దర్యాప్తు చేపట్టింది. అయినప్పటికీ అసలు దోషులు ఎవరనేది మాత్రం తేలలేదు. ఈ కేసులో ప్రధాన నిందితుడిగా పేర్కొంటూ సంతోష్ రావును సీబీఐ అరెస్టు చేసింది. అయితే, పలుమార్లు జరిగిన విచారణలో తగిన ఆధారాలు లేవని ప్రత్యేక సీబీఐ కోర్టు తేల్చడంతో, 2023 జూన్ 16న అతన్ని నిర్దోషిగా విడుదల చేసింది.సుప్రీంకోర్టును ఆశ్రయించిన తల్లి ఈ క్రమంలో, గత దర్యాప్తుల్లో లోపాలు ఉన్నాయని, కీలకమైన సాక్ష్యాలను విస్మరించారని బెంగళూరుకు చెందిన ఓ మీడియా సంస్థ కథనం వెలువరించింది. ఆ కథనంలోని అంశాలు, తన కుమార్తెకు న్యాయం కోసం తాను మొదటి నుంచి చేస్తున్న పోరాటంలోని అంశాలతో సరిపోలడంతో.. సౌజన్య తల్లి కుసుమావతి గౌడ సుప్రీంకోర్టులో పిటిషన్ దాఖలు చేశారు. ఆ పిటిషన్‌పై తాజాగా సుప్రీంకోర్టు విచారణ చేపట్టింది.కర్ణాటక హైకోర్టు గతంలో పిటిషన్‌ను తోసిపుచ్చినప్పటికీ, ఈ కేసులో లోతైన దర్యాప్తు అవసరమని సర్వోన్నత న్యాయస్థానం అభిప్రాయపడింది. తాజా విచారణలో సీబీఐ దర్యాప్తు తీరుపై తీవ్ర అసంతృప్తి వ్యక్తం చేసిన సుప్రీంకోర్టు, కేసును మళ్లీ దర్యాప్తు చేయాలని స్పష్టం చేసింది. సుప్రీంకోర్టు తీసుకున్న ఈ తాజా నిర్ణయంతో సౌజన్య కుటుంబానికి, ప్రజా సంఘాలకు ఎట్టకేలకు న్యాయం జరుగుతుందనే ఆశలు మళ్లీ చిగురించాయి.

న్యూఢిల్లీ: పర్యావరణ పరిరక్షణకు దేశ అత్యున్నత న్యాయస్థానం గణనీయమైన కృషి చేస్తున్నట్లు సుప్రీంకోర్టు న్యాయమూర్తి జస్టిస్‌ బీవీ నాగరత్న చెప్పారు. మానవ కేంద్రీకృత విధానం నుంచి పర్యావరణ కేంద్రీకృత విధానానికి సుప్రీంకోర్టు మారుతోందని ఆమె వ్యాఖ్యానించారు. పర్యావరణ సంబంధిత తీర్పు అనేది ముందుచూపుతో కూడిన ప్రక్రియ అని స్పష్టంచేశారు. భవిష్యత్తుపై సరైన స్పృహతో వర్తమానంలో చర్యలు తీసుకోవాల్సిన బాధ్యత కోర్టులపై ఉందని సూచించారు.ఢిల్లీలోని విజ్ఞాన్‌ భవన్‌లో నేషనల్‌ గ్రీన్‌ ట్రిబ్యునల్‌(ఎన్‌జీటీ) ఆధ్వర్యంలో ఆదివారం ‘పర్యావరణం, వాతావరణ గతిశీలత భవిష్యత్తు’ అనే అంశంపై రెండు రోజుల పాటు జరిగిన అంతర్జాతీయ సదస్సు ముగింపు సమావేశంలో జస్టిస్‌ నాగరత్న ప్రసంగించారు. పర్యావరణ చట్టం అనేది ప్రకృతిని ఆస్తిగా, సరుకుగా లేదా వనరుగా పరిగణించే ధోరణిని విడిచిపెట్టాలని పేర్కొన్నారు. మానవులు ప్రకృతిలో అంతర్భాగమేనని భారతీయ సంప్రదాయాలు ఎప్పటినుంచో చాటిచెబుతున్నాయని గుర్తుచేశారు. ప్రకృతికి ఎవరూ అతీతం కాదని వ్యాఖ్యానించారు. ఇటీవలి కాలంలో సుప్రీంకోర్టు సహా అనేక న్యాయస్థానాలు పర్యావరణ న్యాయం అనే భావనకు నిర్దిష్టమైన అర్థాన్ని ఇవ్వడంలో కీలకంగా వ్యవహరించాయని అన్నారు. అభివృద్ధితోపాటు పర్యావరణ పరిరక్షణపై కచ్చితంగా దృష్టి పెట్టాలని పిలుపునిచ్చారు. అభివృద్ధికి, పర్యావరణ పరిరక్షణకు మధ్య, ప్రస్తుత అవసరాలకు, భవిష్యత్‌ ప్రయోజనాలకు మధ్య సమన్వయం తప్పనిసరిగా ఉండాలని తేల్చిచెప్పారు.ఇదీ చ‌ద‌వండి: కాపాడాల్సింది పోయి.. కాజేశాడు

సాక్షి, న్యూఢిల్లీ: హత్యాయత్నం నేరానికి సంబంధించిన ఐపీసీ సెక్షన్‌ 307 వర్తించాలంటే బాధితుడికి అయిన గాయం తప్పనిసరిగా తీవ్రంగా ఉండాల్సిన అవసరం లేదని సుప్రీంకోర్టు స్పష్టం చేసింది. గాయం సాధారణమైనదైనా, తీవ్రంగా ఉన్నదైనా.. నిందితుడికి బాధితుడిని చంపాలనే ఉద్దేశం, తన చర్య వల్ల మరణం సంభవించే అవకాశం ఉందనే అవగాహన ఉన్నట్లు నిర్ధారణ కావడమే అత్యంత కీలకమని పేర్కొంది. జస్టిస్‌ జేబీ పార్దివాలా, జస్టిస్‌ కె. వినోద్‌ చంద్రన్‌ల ధర్మాసనం ఈ మేరకు వ్యాఖ్యానించింది. విచారణ పురోగతిలో ఉండగా నిందితులపై సెక్షన్‌ 307ను చేర్చాలని హరియాణాకు చెందిన బాధితుడి సోదరుడు సురేందర్‌ కుమార్‌ దాఖలు చేసిన పిటిషన్‌ను ధర్మాసనం కొట్టివేసింది. ఆ తర్వాత తొలగించారు పిటిషనర్‌ సురేందర్‌ కుమార్‌ వాదన ప్రకారం.. తొలుత పోలీసులు సెక్షన్‌ 307 కింద ఎఫ్‌ఐఆర్‌ నమోదు చేశారు. అయితే నిందితుల అభ్యర్థన మేరకు మెడికల్‌ బోర్డు బాధితుడిని పరీక్షించిన అనంతరం సెక్షన్‌ 307ను తొలగించారు. అనంతరం అభియోగాలను మార్చి సెక్షన్‌ 307ను తిరిగి చేర్చాలని పిటిషనర్‌ కోరారు. ఈ అభ్యర్థనను మేజి్రస్టేట్‌ తిరస్కరించడంతో సెషన్స్‌ కోర్టును, ఆ తర్వాత హైకోర్టును ఆశ్రయించారు. హైకోర్టు ట్రయల్‌ కోర్టు నిర్ణయంలో జోక్యం చేసుకోవడానికి నిరాకరించగా సుప్రీంకోర్టులో ప్రత్యేక అనుమతి పిటిషన్‌ దాఖలు చేశారు. సెక్షన్‌ 307 వర్తించదు దాడి కారణంగా బాధితుడికి అయిన గాయం మరణానికి దారితీసేంత తీవ్రంగా ఉందని, అందువల్ల సెక్షన్‌ 307ను వర్తింపజేయాలన్న పిటిషనర్‌ వాదనకు ధర్మాసనం నిరాకరించింది. గాయం తీవ్రంగా ఉందన్న కారణంతో మాత్రమే హత్యాయత్నం నేరాన్ని నిర్ధారించలేమని స్పష్టం చేసింది. గాయం ఉండటం సెక్షన్‌ 307కు తప్పనిసరి అంశం కాదని.. గాయం సాధారణమైనదైనా, తీవ్రమైనదైనా, అందుకు దారితీసిన చర్యలో బాధితుడిని చంపాలనే ఉద్దేశం లేదా ఆ చర్య వల్ల మరణం సంభవించే అవకాశం ఉందనే విషయం అతడికి తెలిసి ఉండాలని ధర్మాసనం వివరించింది.2009 నాటి తీర్పు ఇదే.. ‘సెక్షన్‌ 307 కింద హత్యాయత్నం నేరాన్ని నిర్ధారించడానికి చంపాలనే ఉద్దేశం ఉండి, ఆ దిశగా కొంత ప్రత్యక్ష చర్య జరిగితే సరిపోతుంది. మరణానికి దారితీసే శారీరక గాయం ఉండాల్సిన అవసరం లేదు. కనీసం సాధారణ గాయం కూడా తప్పనిసరి కాదు’అని 2009లో ‘స్టేట్‌ ఆఫ్‌ మధ్యప్రదేశ్‌ వర్సెస్‌ కాశీరామ్‌ తదితరులు’కేసులో సుప్రీంకోర్టు ఇచ్చిన తీర్పును ధర్మాసనం ప్రస్తావించింది. ఈ కేసులో ప్రారంభ దశలోనే నిందితుడికి హత్య ఉద్దేశం ఉందని లేదా తన చర్య వల్ల మరణం సంభవిస్తుందని తెలిసి ఉందనే అంశాన్ని పిటిషనర్‌ ప్రస్తావించలేదని ధర్మాసనం పేర్కొంది. దర్యాప్తులోనూ అలాంటి అంశాలు వెలుగులోకి రాలేదని తెలిపింది. విచారణ ప్రారంభమై సాక్ష్యాలు నమోదు చేస్తున్న దశలో కూడా ఈ అంశాన్ని లేవనెత్త లేదని వివరించింది. తదుపరి దశలో కొత్తగా అలాంటి కారణాలను చూపుతూ సెక్షన్‌ 307ను చేర్చాలని కోరడం సమర్థనీయం కాదని ధర్మాసనం స్పష్టం చేసింది. ఈ మేరకు దిగువ కోర్టులు ఇచ్చిన తీర్పులను సమరి్థస్తూ పిటిషన్‌ను కొట్టివేసింది.

హిందీ భాష విషయంలో తమ వైఖరిని మార్చుకోవాలంటూ సుప్రీంకోర్టు చేసిన వ్యాఖ్యల నేపథ్యంలోనూ తమిళనాడు ప్రభుత్వం వెనక్కి తగ్గడం లేదు. ఎట్టి పరిస్థితుల్లోనూ రాష్ట్రంలో జవహర్‌ నవోదయ విద్యాలయాల ఏర్పాటుకు భూమి కేటాయించబోమని పాఠశాల విద్యాశాఖ మంత్రి ఎ. రాజ్‌మోహన్‌ స్పష్టం చేశారు. అలాగే తమిళనాడు రెండు భాషల విధానానికే కట్టుబడి ఉంటుందని తెలిపారు.నవోదయ పాఠశాలల్లో మూడు భాషల విధానం అమలవుతుండటం, అందులో హిందీ ఉండటంపై తమిళనాడు విజయ్‌ ప్రభుత్వం అభ్యంతరం వ్యక్తం చేస్తోంది. ఈ క్రమంలో ప్రతి జిల్లాలో కచ్చితంగా భూములు ఇవ్వాలన్న సుప్రీం కోర్టు గత ఆదేశాలను సమీక్షించాలంటూ పిటిషన్‌ వేసింది. దీనిపై విచారణ జరిపిన ధర్మాసనం.. మైండ్‌ సెట్‌ మార్చుకోవాలంటూ తమిళనాడు ప్రభుత్వానికి చురకలు అంటించింది. అయితే హిందీకి తాము వ్యతిరేకం కాదని, తమిళానికి ప్రాధాన్యం ఇవ్వాలన్నదే తమ విధానమని మంత్రి రాజ్‌మోహన్‌ అంటున్నారు. సుప్రీంకోర్టు వ్యాఖ్యలు తుది తీర్పు కాదని, కేసు ఇంకా విచారణలోనే ఉందని పేర్కొన్నారు. మరోవైపు ఈ వ్యవహారంపై న్యాయనిపుణులతో సీఎం విజయ్‌ చర్చిస్తున్నట్లు సమాచారం.నవోదయ పాఠశాలల కోసం ప్రతి జిల్లాలో భూమిని గుర్తించాలంటూ గతంలో ఇచ్చిన ఆదేశాన్ని సుప్రీంకోర్టు సెప్టెంబర్‌ 17న వెనక్కి తీసుకోలేదు. మరో మూడు నెలల గడువు ఇచ్చింది. కేంద్రం, రాష్ట్రం చర్చల ద్వారా సమస్యను పరిష్కరించుకోవాలని సూచించింది. విచారణ సందర్భంగా జస్టిస్‌ బీవీ నాగరత్న నేతృత్వంలోని ధర్మాసనం.. తమిళనాడు హిందీపై తన ‘మైండ్‌సెట్‌’ మార్చుకోవాలని, రాష్ట్రంలో హిందీ బోధించకూడదనే వైఖరి ఉండకూడదని వ్యాఖ్యానించింది.ఈ పరిణామాల మధ్య తమిళనాడు ప్రతిపక్ష నేత, డీఎంకే నాయకుడు ఉదయనిధి స్టాలిన్‌ కూడా ప్రభుత్వ వైఖరికి మద్దతు తెలిపారు. రాష్ట్రానికి నవోదయ పాఠశాలలు అవసరం లేదని, ఇప్పటికే మోడల్‌, రెసిడెన్షియల్‌ పాఠశాలలు ఉన్నాయని పేర్కొన్నారు. అవసరమైతే ప్రత్యేక అసెంబ్లీ సమావేశం నిర్వహించి నవోదయ పాఠశాలలకు వ్యతిరేకంగా తీర్మానం చేయాలని సూచించారు. అదే సమయంలో హిందీకి తాము వ్యతిరేకం కాదని, హిందీని బలవంతంగా అమలు చేయడాన్నే వ్యతిరేకిస్తున్నామని స్పష్టం చేశారు.దీంతో తమిళనాడులో అధికార టీవీకే ప్రభుత్వం, ప్రధాన ప్రతిపక్షం డీఎంకే.. రాజకీయంగా పరస్పరం విభేదిస్తున్నప్పటికీ భాషా విధానం విషయంలో ఒకే వైఖరితో ముందుకు సాగుతున్న పరిస్థితి కనిపిస్తోంది. సుప్రీంకోర్టు సూచనలు, రాష్ట్ర ప్రభుత్వ పట్టుదల మధ్య ఈ వివాదం తదుపరి విచారణలో ఎలాంటి మలుపు తీసుకుంటుందన్నది ఆసక్తికరంగా మారింది.ఇదీ చదవండి: బెంగాల్‌లో బీజేపీ సర్కార్‌.. మరీ ఇంత ఘోరమా?

సాక్షి, న్యూఢిల్లీ: దేశవ్యాప్తంగా పోటీ పరీక్షల నిర్వహణలో పారదర్శకత, సంస్కరణలపై సుప్రీంకోర్టు కీలక వ్యాఖ్యలు చేసింది. ‘నీట్‌’సహా పలు పరీక్షలు నిర్వహించే నేషనల్‌ టెస్టింగ్‌ ఏజెన్సీ(ఎన్‌టీఏ) ప్రధాన కార్యాలయాన్ని తామే స్వయంగా తనిఖీ చేస్తామని తేల్చిచెప్పింది. పోటీ పరీక్షల సమగ్రతను పరిరక్షించేందుకు ఇన్ఫోసిస్‌ సహ వ్యవస్థాపకుడు నందన్‌ నిలేకని నేతృత్వంలో ఏర్పాటైన కమిటీ పురోగతి నివేదికను సమర్పించాలని ఆదేశించింది. జస్టిస్‌ పీఎస్‌ నరసింహ, జస్టిస్‌ అలోక్‌ అరాధేలతో కూడిన ధర్మాసనం శుక్రవారం ఈ మేరకు ఆదేశాలు జారీ చేసింది. హైపవర్డ్‌ కమిటీతో సమన్వయం చేసుకుంటున్న కేంద్ర సిబ్బంది వ్యవహారాల శాఖ(డీఓపీటీ) జాయింట్‌ సెక్రెటరీ కమిటీ పురోగతిపై రెండు వారాల్లో అఫిడవిట్‌ దాఖలు చేయాలని పేర్కొంది. తదుపరి విచారణను మూడు వారాలకు వాయిదా వేసింది. ఆఫీసుకు వచ్చి చూస్తాం.. ఎన్‌టీఏలో కార్యాలయాన్ని సందర్శిస్తామని జస్టిస్‌ పీఎస్‌ నరసింహ తెలిపారు. ‘ఒకరోజు నేను, నా సోదర న్యాయమూర్తి జస్టిస్‌ అరాధేతో కలిసి ఎన్‌టీఏ ఆఫీసును సందర్శిస్తాం. వ్యవస్థ సరిగ్గా పని చేస్తోందా? లేదా? మానవ వనరులు సరిపడా ఉన్నాయా? లేదా? అన్నది మేమే స్వయంగా పరిశీలిస్తాం’’అని స్పష్టం చేశారు. ఢిల్లీలోని మింటో రోడ్‌లో ఉన్న ఎన్‌టీఏ కార్యాలయానికి వెళ్లి, ఆ వ్యవస్థ వాస్తవంగా ఎలా పనిచేస్తోందో పరిశీలించి, సిబ్బంది, ఇతర ఏర్పాట్లను అంచనా వేయనున్నట్లు తెలిపారు. సగం సిబ్బంది శాశ్వతంగా ఉండాలి ఎన్‌టీఏలో కనీసం సగం మంది (50 శాతం) సిబ్బంది శాశ్వత ప్రాతిపదికన ఉండాలని, అందరినీ ఇతర విభాగాల నుంచి డిప్యుటేషన్‌పై తీసుకురాకూడదని సుప్రీంకోర్టు ధర్మాసనం స్పష్టం చేసింది. ఇతర సంస్థలతో ఎన్‌టీఏకు ఉన్న సంబంధాలు, అవి పరస్పరం ఎలా సహకరించుకుంటున్నాయి, డేటా నిర్వహణ విధానం తదితర అంశాలను పరిశీలించాల్సి ఉందని తెలిపింది. ‘‘శాశ్వత వ్యవస్థ, శాశ్వత సిబ్బంది, శాశ్వత విభాగాలు ఉండాలి. డిçప్యుటేషన్‌ చాలా తక్కువగా ఉండాలి. అప్పుడే ఎన్‌టీఏకు ఒక శాశ్వత నిర్మాణం ఏర్పడుతుంది’’అని వెల్లడించింది. కాగితాలకే పరిమితం కాకూడదు నందన్‌ నిలేకని కమిటీ విస్తృత సంప్రదింపులు జరిపిందని, సెపె్టంబర్‌ నెలాఖరు నాటికి నివేదిక సమర్పించే అవకాశం ఉందని సొలిసిటర్‌ జనరల్‌ తుషార్‌ మెహతా ధర్మాసనం దృష్టికి తీసుకొచ్చారు. దీనిపై స్పందించిన ధర్మాసనం కమిటీ సిఫార్సులు కేవలం కాగితాలకే పరిమితం కాకూడదని, క్షేత్రస్థాయిలో మార్పులు తీసుకురావాలని సూచించింది. ‘‘గతంలో రాధాకృష్ణన్‌ కమిటీ వేశాం. ఇప్పుడు మన దగ్గర ఉన్నది కేవలం ఒక కమిటీ నివేదిక మాత్రమే. అది మరింత ముందుకు సాగాలి. నిపుణుల సలహాలను పరిగణనలోకి తీసుకోవాలి. సిఫార్సుల అమలు అత్యంత కీలకం’’అని వ్యాఖ్యానించింది. ప్రభుత్వం నిబద్ధతతో ఉందని, సిఫార్సులను తప్పకుండా అమలు చేస్తుందని తుషార్‌ మెహతా కోర్టుకు తెలిపారు.కొత్త సంస్థను ఏర్పాటు చేయాలన్న పిటిషనర్లు నీట్‌–యూజీ ప్రశ్నపత్రాల లీకేజీ నేపథ్యంలో దాఖలైన పలు పిటిషన్లపై కోర్టు విచారణ చేపట్టింది. ఫెడరేషన్‌ ఆఫ్‌ ఆల్‌ ఇండియా మెడికల్‌ అసోసియేషన్‌(ఫైమా), యునైటెడ్‌ డాక్టర్స్‌ ఫ్రంట్, ఆర్జేడీ ఎంపీ సుధాకర్‌ సింగ్, సామాజిక కార్యకర్త అనుభవ్‌ గార్గ్‌ తదితరులు ఈ పిటిషన్లు దాఖలు చేశారు. ఎన్‌టీఏ స్థానంలో పార్లమెంటరీ జవాబుదారీతనం ఉన్న నూతన స్వతంత్ర చట్టబద్ధమైన పరీక్షా సంస్థను ఏర్పాటు చేయాలని పిటిషనర్లు కోరారు. ప్రశ్నపత్రాల డిజిటల్‌ లాకింగ్, కంప్యూటర్‌ బేస్డ్‌ టెస్ట్‌ (సీబీటీ) విధానానికి మారడం, అవకతవకలను గుర్తించేందుకు పరీక్షా కేంద్రాల వారీగా ఫలితాల ప్రచురణ వంటి డిమాండ్లను కోర్టు ముందుంచారు. సీబీటీ విధానంలోకి ఎలా మారాలో సూచిస్తూ ఫైమా తరపు న్యాయవాది తన్వీ దూబే ప్రత్యేకంగా ఒక అప్లికేషన్‌ దాఖలు చేశారు. అఫిడవిట్‌ దాఖలైన తర్వాత విచారణను కొనసాగిస్తామని సుప్రీంకోర్టు స్పష్టం చేసింది. పదేపదే జరుగుతున్న పేపర్‌ లీక్‌లను నివారించడానికి వ్యవస్థను సంస్థాగతంగా బలోపేతం చేయాల్సిన అవసరం ఉందని వెల్లడించింది.

సాక్షి, న్యూఢిల్లీ: మహిళలు గ్యాస్‌ సిలిండర్లు ఎత్తలేరని భావిస్తున్నారా? అంటూ ప్రభుత్వ రంగ సంస్థ ఇండియన్‌ ఆయిల్‌ కార్పొరేషన్‌ లిమిటెడ్‌(ఐఓసీఎల్‌) తీరుపై సుప్రీంకోర్టు తీవ్రస్థాయిలో ఆగ్రహం వ్యక్తం చేసింది. మహిళ అన్న ఏకైక కారణంతో ఆమెకు ఉద్యోగం నిరాకరించడం స్త్రీత్వాన్ని అవమానించడమేనని స్పష్టం చేసింది. ఎల్పీజీ బాట్లింగ్‌ ప్లాంట్‌లో రీఫిల్లింగ్‌ హెల్పర్‌ ఉద్యోగానికి ఎంపికైనప్పటికీ లింగ వివక్షతో ఆ ఉద్యోగం కోల్పోయిన సుమిత్ర అనే బాధితురాలికి రూ.12 లక్షల పరిహారం చెల్లించాలని సర్వోన్నత న్యాయస్థానం తీర్పు వెలువరించింది. జస్టిస్‌ అరవింద్‌ కుమార్, జస్టిస్‌ విపుల్‌ ఎం.పాంచోలీల ధర్మాసనం ఈ కేసును విచారించింది. హరియాణాలోని గుధా గ్రామానికి చెందిన సుమిత్ర ఐఓసీఎల్‌పై చేసిన సుదీర్ఘ న్యాయపోరాటం ఎట్టకేలకు ఫలించింది. బాధితురాలు ఇప్పటికే పదవీ విరమణ వయసుకు చేరుకోవడంతో, ఆమెకు ఉద్యోగానికి బదులుగా రూ.12 లక్షల ఏకమొత్తం పరిహారంగా చెల్లించాలని ధర్మాసనం ఐఓసీఎల్‌ను ఆదేశించింది. సుమిత్ర తరఫు న్యాయవాది హిమాన్షు జైన్‌ వాదనలు విన్న అనంతరం ఐఓసీఎల్‌ వైఖరిని ధర్మాసనం తీవ్రంగా తప్పుబట్టింది. ‘కేవలం మహిళ అయినందుకే ఉద్యోగం నిరాకరిస్తారా?. ఇది స్త్రీత్వాన్ని అవమానించడమే. మనం భారతీయులం. ప్రతిరోజూ మహిళలను గౌరవించాలని, ఆమె ఒక దేవత అని చెబుతుంటాం. కానీ ఒక భారత ప్రభుత్వ రంగ సంస్థ ఇలా వ్యవహరించడం దారుణం. మహిళలు తమ ఇళ్లలో ప్రతిరోజూ గ్యాస్‌ సిలిండర్లు ఎత్తుతూనే ఉంటారు. ఇంట్లో పురుషులు లేనప్పుడు సిలిండర్‌ మార్చేది మహిళే కదా’అని జస్టిస్‌ అరవింద్‌ వ్యాఖ్యానించారు. ఈ వివాదాన్ని మధ్యవర్తిత్వానికి పంపాలని ఐఓసీఎల్‌ తరఫు న్యాయవాది కోరగా, ధర్మాసనం ఆ అభ్యర్థనను తిరస్కరించింది. రాత్రి షిఫ్టులు చేయలేరనే... అంతకుముందు ఐఓసీఎల్‌ న్యాయవాది కోర్టులో వాదనలు వినిపించారు. అధికారుల కమిటీ పంపిన జాబితా కేవలం సిఫార్సు మాత్రమేనని, దానికి చట్టపరంగా బద్ధమై ఉండాల్సిన అవసరం లేదని పేర్కొన్నారు. హెల్పర్‌ పోస్టులో ఉన్నవారు ఎల్పీజీ సిలిండర్లను ఎత్తాల్సి ఉంటుందని, రాత్రి షిఫ్టులు సైతం ఉంటాయని, ఈ శారీరక శ్రమకు ఆమె సరిపోదని అధికారులు భావించి ఉంటారని ఆయన వాదించారు. అసలేం జరిగింది? ఐఓసీఎల్‌కు చెందిన ఎల్పీజీ బాట్లింగ్‌ ప్లాంట్‌లో ఉద్యోగాల కోసం డెప్యూటీ కమిషనర్‌ నేతృత్వంలోని స్థానిక కమిటీ 49 మంది పేర్లను సిఫార్సు చేసింది. అందులో సుమిత్ర పేరు ఉంది. క్యాజువల్‌ ఖలాసీ, ప్యూన్, రీఫిల్లింగ్‌ హెల్పర్‌ పోస్టుల కోసం ఆమె ఇంటర్వ్యూకు హాజరయ్యారు. కమిటీ సిఫార్సు చేసిన వారిలో 43 మందికి నియామక పత్రాలు అందజేసిన అధికారులు.. సుమిత్రకు మాత్రం ఉద్యోగం నిరాకరించారు. దీనిపై సుమిత్ర మొదట ట్రయల్‌ కోర్టును ఆశ్రయించారు. ఆమెకు అవసరమైన అర్హతలన్నీ ఉన్నాయని, కేవలం మహిళ అయినందునే ఉద్యోగం ఇవ్వలేదని ట్రయల్‌ కోర్టు విచారణలో తేలింది. దీంతో ఆమెను కారి్మకురాలిగా కాకుండా పరిపాలనా విభాగంలో లేదా ప్యూన్‌గా నియమించాలని ట్రయల్‌ కోర్టు ఆదేశించింది. ఈ తీర్పును ఫస్ట్‌ అప్పీలేట్‌ కోర్టు కొట్టివేసింది. ఇంటర్వ్యూ చేయని పోస్టుకు ఆమెను ట్రయల్‌ కోర్టు ఎలా ఎంపిక చేస్తుందని, పైగా ఆమెకు ఎంపికయ్యే చట్టపరమైన హక్కు లేదని ఫస్ట్‌ అప్పీలేట్‌ కోర్టు తన తీర్పులో పేర్కొంది. పంజాబ్, హరియాణా హైకోర్టు సైతం 2025 అక్టోబర్‌ 14న ఫస్ట్‌ అప్పీలేట్‌ కోర్టు తీర్పును సమర్థిస్తూ సుమిత్ర పిటిషన్‌ను కొట్టివేసింది. దీంతో ఆమె ఎట్టకేలకు సుప్రీంకోర్టును ఆశ్రయించారు. విచారణ అనంతరం ఆమెకు జరిగిన అన్యాయాన్ని గుర్తించిన సుప్రీంకోర్టు బాధితురాలికి అనుకూలంగా తీర్పునిచి్చంది.

న్యూఢిల్లీ: తమిళనాడలో జవహర్ నవోదయ విద్యాలయాల ఏర్పాటుపై జరుగుతున్న న్యాయపోరాటంలో సుప్రీంకోర్టు ఆ రాష్ట్ర ప్రభుత్వానికి కీలక ఆదేశాలు జారీ చేసింది. తమిళనాడ గడ్డపై హిందీ బోధించకూడదనే ధోరణి కుదరదని, రాష్ట్ర ప్రభుత్వం తన వైఖరిని మార్చుకోవాలని సుప్రీంకోర్టు స్పష్టం చేసింది.జవహర్ నవోదయ పాఠశాలల ఏర్పాటుకు ప్రతి జిల్లాలో భూమిని కేటాయించాలంటూ డిసెంబర్ 15, 2025న ఇచ్చిన ఆదేశాలను వెనక్కి తీసుకోవాలని కోరుతూ తమిళనాడు ప్రభుత్వం దాఖలు చేసిన పిటిషన్‌పై జస్టిస్ బీవీ నాగరత్న, జస్టిస్ ఆగర్టిన్ జార్జ్ మాసిహ్‌లతో కూడిన ధర్మాసనం విచారణ చేపట్టింది.ఈ సందర్భంగా ధర్మాసనం మాట్లాడుతూ.. కేంద్ర నిధులతో నడిచే నవోదయ పాఠశాలల ఏర్పాటును రాష్ట్రంలోని విద్యా వ్యవస్థకు ముప్పుగా భావించవద్దని సూచించింది. మీరు మీ ఆలోచనా విధానాన్ని మార్చుకోవాలి. తమిళనాడ నేలపై హిందీ నేర్పించబడదు అనడం సరికాదు" అని జస్టిస్ నాగరత్న వ్యాఖ్యానించారు. అలాగే కేంద్ర-రాష్ట్ర ప్రభుత్వాలు పరస్పర చర్చల ద్వారా ఈ భేదాభిప్రాయాలను పరిష్కరించుకోవాలని కోర్టు హితవు పలికింది.నవోదయ పాఠశాలల ఏర్పాటు కోసం ప్రతి జిల్లాలో భూమిని గుర్తించాలన్న డిసెంబర్ 2025 నాటి ఆదేశాలను వెనక్కి తీసుకునేందుకు కోర్టు నిరాకరించింది. అయితే, ఈ ఆదేశాలను అమలు చేయడానికి రాష్ట్ర ప్రభుత్వానికి మరో మూడు నెలల సమయం మంజూరు చేసింది.తమిళనాడులో అమల్లో ఉన్న ద్విభాషా విధానానికి, నవోదయ పాఠశాలలు పాటించే త్రిభాషా విధానానికి (హిందీతో కలిపి) మధ్య ఉన్న వివాదంపై విచారణ జరిగింది.రాష్ట్ర ప్రభుత్వ తరఫున సీనియర్ న్యాయవాది జైదీప్ గుప్తా వాదనలు వినిపిస్తూ.. తమ రాష్ట్ర విద్యా విధానానికి, రాజ్యాంగ అధికారాలకు విరుద్ధంగా కేంద్రం హిందీని రుద్దాలని చూస్తోందని తెలిపారు. తమిళం రెండవ భాషగా ఉండాలనే అంశాన్ని పరిశీలించవచ్చని ధర్మాసనం పేర్కొంది. కేంద్ర, రాష్ట్ర ప్రభుత్వ కార్యదర్శులు ఈ అంశంపై చర్చలు జరపాలని సూచించిన కోర్టు, ఈ కేసుకు సంబంధించిన తదుపరి విచారణను డిసెంబర్ 14వ తేదీకి వాయిదా వేసింది.

సాక్షి, న్యూఢిల్లీ: దశాబ్దం క్రితం తెలుగు రాష్ట్రాల్లో సంచలనం సృష్టించిన ‘ఓటుకు నోటు’కేసు విచారణ సుప్రీంకోర్టులో కీలక దశకు చేరుకుంది. ఈ కేసులో తమపై నమోదైన ఎఫ్‌ఐఆర్‌ను కొట్టివేయాలని కోరుతూ తెలంగాణ సీఎం రేవంత్‌రెడ్డి, సండ్ర వెంకట వీరయ్య తదితరులు దాఖలు చేసిన పిటిషన్లపై ప్రధాన న్యాయమూర్తి జస్టిస్‌ సూర్యకాంత్, జస్టిస్‌ జాయ్‌మాల్యా బాగ్చి, జస్టిస్‌ వి.మోహనతో కూడిన త్రిసభ్య ధర్మాసనం బుధవారం విచారణ చేపట్టింది. పిటిషనర్ల తరఫున సీనియర్‌ న్యాయవాది సిద్దార్థ్‌ లూథ్రా హాజరై వాదనలు వినిపించారు. చట్ట నిబంధనలు, ఏసీబీ దర్యాప్తు లోపాలను ఎత్తిచూపుతూ.. ఎమ్మెల్సీ ఎన్నికల్లో ఓటు వేయడం ఎమ్మెల్యే అధికారిక విధి కాదని, పాత చట్టం ప్రకారం ఈ కేసు నిలబడదని చెప్పారు. పాత చట్టం ప్రకారం అది నేరం కాదు.. : ఈ కేసు 2015 నాటిది కాబట్టి అప్పటి అవినీతి నిరోధక చట్టం (పీసీ) ప్రకారమే విచారించాలని లూథ్రా కోరారు. పాత చట్టంలోని సెక్షన్లు 7, 11 కేవలం లంచం తీసుకునే ప్రభుత్వ అధికారులకే వర్తిస్తాయని, సెక్షన్‌ 12 ప్రకారం లంచం ఇవ్వడం నేరం కాదని వాదించారు. ఐక్యరాజ్యసమితి అవినీతి వ్యతిరేక తీర్మానం మేరకు 2018లో వచ్చిన చట్ట సవరణల తర్వాతే లంచం ఇవ్వడాన్ని (కొత్త సెక్షన్‌ 8 కింద) ప్రత్యేక నేరంగా చేర్చారన్నారు. ఈ కేసుకు పాత చట్టం నిబంధనలే వర్తిస్తాయని, ఆ ప్రకారం లంచం ఇవ్వజూపడం నేరం కిందకు రాదన్నారు. రాజ్యాంగంలోని ఆరి్టకల్‌ 171 ప్రకారం ఈ ఎన్నికలు అసెంబ్లీ స్పీకర్‌ పరిధిలో కాకుండా కేంద్ర ఎన్నికల సంఘం పర్యవేక్షణలో జరుగుతాయని చెప్పారు. ఇందులో స్థానిక సంస్థల ప్రతినిధులు, పట్టభద్రులతోపాటు ఎమ్మెల్యేలు సైతం ఓటరు (ఎలక్టోరేట్‌) పాత్రను మాత్రమే పోషిస్తారని తెలిపారు. దామాషా (సింగిల్‌ ట్రాన్స్‌ఫరబుల్‌) పద్ధతిలో జరిగే ఈ ఎన్నికల్లో ఓటు వేయడం ఎమ్మెల్యే ’ప్రజా విధి’లేదా ’అధికారిక విధి’కిందకు రాదని స్పష్టం చేశారు. ఇటీవల సుప్రీంకోర్టు వెలువరించిన ‘సీతా సోరెన్‌’తీర్పు కేవలం సభా హక్కుల పరిరక్షణకు మాత్రమే పరిమితమని, ఈ కేసుకు ఆ తీర్పు వర్తించదని చెప్పారు. ఎమ్మెల్యే ’పబ్లిక్‌ సర్వెంట్‌’కాదా? ధర్మాసనం కలుగజేసుకుని.. ‘ఎమ్మెల్యే పబ్లిక్‌ సర్వెంట్‌ (ప్రజా సేవకుడు) కాదా? నామినేటెడ్‌ ఎమ్మెల్యే పరిస్థితి ఏమిటి?‘అని ప్రశ్నించింది. దీనికి లూథ్రా బదులిస్తూ.. పీసీ చట్టం వర్తించాలంటే వారు పబ్లిక్‌ సర్వెంట్‌ కావడంతో పాటు, వారు చేసే పని ’అధికారిక విధి’అయి ఉండాలన్నారు. కానీ, ఇక్కడ ఎమ్మెల్యే ఎక్స్‌–అఫీషియో హోదాలో ఓటరుగా మాత్రమే వ్యవహరిస్తారని, నామినేటెడ్‌ ఎమ్మెల్యేల పాత్ర కూడా అదేనని వివరించారు. వాదనల సందర్భంగా ఏసీబీ తీరును లూథ్రా తీవ్రంగా తప్పుబట్టారు. 2015 మే 28న అప్పటి నామినేటెడ్‌ ఎమ్మెల్యే (స్టీఫెన్‌ సన్‌) నేరుగా ఏసీబీ డీజీకి ఫిర్యాదు చేసినా కనీసం జనరల్‌ డైరీలో ఆ విషయాన్ని నమోదు చేయలేదన్నారు. ఎలాంటి ఎఫ్‌ఐఆర్‌ నమోదు చేయకుండా, కనీస ముందస్తు అనుమతులు తీసుకోకుండానే మే 31న వలపన్ని దాడులు చేశారని కోర్టుకు తెలిపారు. దాడులు పూర్తయిన తర్వాత ఆ రోజు రాత్రి 11 గంటలకు ఎఫ్‌ఐఆర్‌ నమోదు చేశారని, ముడుపులకు సంబంధించి ఎలాంటి ఒప్పందం జరగలేదన్నారు. అప్పట్లో తెలంగాణ, ఏపీ రాష్ట్రాల్లో అధికారంలో ఉన్న పార్టీల మధ్య ఉన్న రాజకీయ వైరం, కక్షసాధింపుల్లో భాగంగానే ఈ కేసు నమోదైందని చెప్పారు. దర్యాప్తు లోపాల కారణంగానే ఈ కేసులో ఏ–4గా ఉన్న నిందితుడి (మత్తయ్య) కేసును గతంలో హైకోర్టు కొట్టివేసిందని, ఆ తీర్పు ఏ–1కు (రేవంత్‌ రెడ్డి) కూడా వర్తిస్తుందని లూథ్రా వాదించారు. దీంతో పిటిషనర్ల తరఫు వాదనలు ముగిశాయి. కాగా, విచారణ జరుగుతున్న సమయంలో రాష్ట్ర ప్రభుత్వం తరఫున వాదనలు వినిపించాల్సిన సీనియర్‌ న్యాయవాది సుందరం అకస్మాత్తుగా అనారోగ్యానికి గురయ్యారు. దీంతో ప్రభుత్వ వాదనలు వినేందుకు వీలుగా తదుపరి విచారణను ధర్మాసనం ఈనెల 30కి వాయిదా వేసింది.

సాక్షి,న్యూఢిల్లీ: సుప్రీంకోర్టులో హైడ్రాకు గట్టి ఎదురుదెబ్బ తగిలింది. కంటోన్మెంట్‌లోని 40 ఎకరాల భూమి ప్రభుత్వానిదేనంటూ తెలంగాణ ప్రభుత్వం దాఖలు చేసిన పిటిషన్‌ను సుప్రీంకోర్టు కొట్టివేసింది. జస్టిస్ దీపంకర్ దత్త ధర్మాసనం ఈ తీర్పు వెలువరించింది.కంటోన్మెంట్‌లోని వివాదాస్పద 40 ఎకరాల భూమి శాంత శ్రీరామ్ కన్‌ స్ట్రక్షన్‌దేనని గతంలో హైకోర్టు తీర్పునిచ్చింది. ఈ తీర్పును సవాల్ చేస్తూ ఇది ప్రభుత్వ భూమి అంటూ తెలంగాణ ప్రభుత్వం సుప్రీంకోర్టులో స్పెషల్ లీవ్ పిటిషన్ దాఖలు చేసింది. అయితే, ఈ పిటిషన్‌ను ఏకంగా 219 రోజుల ఆలస్యంగా దాఖలు చేశారనే కారణంతో జస్టిస్ దీపంకర్ దత్త ధర్మాసనం డిస్మిస్ చేసింది. దీంతో తెలంగాణ హైకోర్టు ఇచ్చిన తీర్పును సుప్రీంకోర్టు సమర్థించినట్లయింది.ఇదే భూమికి సంబంధించి హైకోర్టు తీర్పును ఉల్లంఘించి, శాంత శ్రీరామ్ కన్‌ స్ట్రక్షన్‌ సంస్థ భూమిలో హైడ్రా కూల్చివేతలకు పాల్పడింది. ఈ నేపథ్యంలో హైడ్రా కమిషనర్ రంగనాథ్‌ను పదవి నుంచి తొలగించాలని, ఆయనపై కోర్టు ధిక్కార చర్యలు తీసుకోవాలని సింగిల్ జడ్జి ఆదేశాలు జారీ చేశారు. సింగిల్ జడ్జ్ ఇచ్చిన ఈ ఉత్తర్వులపై హైడ్రా కమిషనర్ రంగనాథ్ డివిజన్ బెంచ్ ద్వారా స్టే పొందడం గమనార్హం. శాంత శ్రీరామ్ కన్స్ట్రక్షన్ తరపున సీనియర్ న్యాయవాది జయదీప్ గుప్తా, న్యాయవాదులు అల్లంకి రమేష్, మహమ్మద్ జీషన్, మమత ఆర్ వాదనలు వినిపించారు. ఇదీ చదవండి : కాప్రా చెరువులో నిమజ్జనాలు వద్దు

న్యాయవ్యవస్థపై సోషల్‌ మీడియానో, ఇతర బయటి శక్తుల ప్రభావం ఉండకూడదని భారత ప్రధాన న్యాయమూర్తి జస్టిస్‌ సూర్యకాంత్‌ స్పష్టం చేశారు. అలాగని విమర్శలకు న్యాయవ్యవస్థను అతీతంగా ఉంచడం కూడా సరికాదని పేర్కొన్నారు. న్యూఢిల్లీలో సోమవారం జరిగిన 6వ రామ్‌ జెఠ్మలానీ స్మారక ఉపన్యాసంలో ‘జస్టిస్‌ సీన్‌ టు బీ డన్‌: ట్రాన్స్‌పరెన్సీ అండ్‌ పబ్లిక్‌ ట్రస్ట్‌ యాజ్‌ పిల్లర్స్‌ ఆఫ్‌ ది లీగల్‌ సిస్టమ్‌’ అనే అంశంపై ఆయన ప్రసంగించారు.న్యాయవ్యవస్థ విమర్శలకు అతీతం కాదని సీజేఐ సూర్యకాంత్‌ అన్నారు. కోర్టుల పనితీరుపై వచ్చే నిష్పాక్షిక, నిర్మాణాత్మక విమర్శలు న్యాయవ్యవస్థను మరింత మెరుగుపరచడానికి, జవాబుదారీతనాన్ని పెంచడానికి ఉపయోగపడతాయని చెప్పారు. ప్రజల విశ్వాసాన్ని పొందాలంటే కోర్టులు విమర్శలకు, పరిశీలనకు సిద్ధంగా ఉండాలని పేర్కొన్నారు.కోర్టు తీర్పును మాత్రమే కాకుండా.. ఆ తీర్పు వెనుక ఉన్న కారణాలను కూడా ప్రజలు పరిశీలించే అవకాశం ఉండాలని పేర్కొన్నారు. తీర్పు ప్రకటించి, దాని వెనుక ఉన్న కారణాలను మాత్రం ప్రజలకు తెలియకుండా ఉంచితే దాన్ని పూర్తి పారదర్శకతగా చెప్పలేమన్నారు.సోషల్‌ మీడియా ప్రభావం మాత్రం వద్దు..అయితే పారదర్శకత పేరుతో కోర్టు వ్యవహారాలను సోషల్‌ మీడియా ప్రభావానికి వదిలేయకూడదని సీజేఐ హెచ్చరించారు. న్యాయస్థానాలపై బాహ్య ఒత్తిళ్లు, ప్రజాభిప్రాయ ప్రభావం ఉండకూడదని స్పష్టం చేశారు. మీడియా లేదంటే సోషల్‌ మీడియా తమ సొంత అభిప్రాయాలతో వ్యవహరించే పరిస్థితుల్లో.. న్యాయం జరగడమే కాకుండా అది నిష్పాక్షికంగా కనిపించేలా ఉండటం కూడా ముఖ్యమని వివరించారు.ప్రజల మెప్పు కాదు.. నమ్మకమే ముఖ్యంకోర్టులు ప్రజల మెప్పు పొందడం ద్వారా విశ్వాసాన్ని సంపాదించలేవని సీజేఐ అన్నారు. కేసులో ఓడిపోయిన వ్యక్తి సైతం.. తనకు వ్యతిరేకంగా వచ్చిన తీర్పును ఇచ్చిన ప్రక్రియ న్యాయంగా జరిగిందని నమ్మినప్పుడే న్యాయవ్యవస్థపై నిజమైన విశ్వాసం ఏర్పడుతుందని చెప్పారు. ప్రజల ఆమోదం కంటే న్యాయ ప్రక్రియలోని నిష్పాక్షికతే కోర్టుల విశ్వసనీయతకు కీలకమన్నారు.న్యాయవేత్త టామ్‌ ఆర్‌. టైలర్‌ పరిశోధనలను ప్రస్తావిస్తూ.. కేసులో ఓడిపోయినా ప్రక్రియ న్యాయంగా జరిగిందని భావించే వ్యక్తులు న్యాయవ్యవస్థపై విశ్వాసాన్ని కొనసాగించే అవకాశం ఎక్కువగా ఉంటుందని వివరించారు. గెలుపు కంటే న్యాయమైన ప్రక్రియే కోర్టులకు చట్టబద్ధత, విశ్వసనీయతను తెచ్చిపెడుతుందని అన్నారు.‘న్యాయం జరగాలి.. కనిపించాలి’‘జస్టిస్‌ ఈజ్‌ డన్‌’తో పాటు ‘జస్టిస్‌ సీన్‌ టు బీ డన్‌’ అనే సూత్రాన్ని కూడా సీజేఐ ప్రస్తావించారు. 1924లో ఇంగ్లండ్‌లోని ‘ఆర్‌ వర్సెస్‌ ససెక్స్‌ జస్టీసెస్‌’ కేసును ఉదాహరణగా తీసుకున్నారు. సంబంధిత కేసుతో అనుబంధం ఉన్న సంస్థలో కోర్టు క్లర్క్‌ పనిచేస్తున్న విషయం బయటపడటంతో.. అతను న్యాయమూర్తుల నిర్ణయాన్ని ప్రభావితం చేశాడనే ఆధారాలు లేకపోయినా, పక్షపాతానికి అవకాశం కనిపించిందనే కారణంతో తీర్పును రద్దు చేసిన విషయాన్ని గుర్తుచేశారు. న్యాయం చేయడం మాత్రమే కాదు.. అది న్యాయంగా జరిగిందని ప్రజలకు కనిపించడమూ అంతే ముఖ్యమని అన్నారు.ప్రజా విశ్వాసమే న్యాయవ్యవస్థ బలంఅలెగ్జాండర్‌ హామిల్టన్‌ రాసిన ‘ది ఫెడరలిస్ట్‌ నంబర్‌ 78’ను కూడా సీజేఐ ప్రస్తావించారు. ప్రభుత్వంలోని ఇతర విభాగాలకు ఆర్థిక, బలప్రయోగ అధికారాలు ఉన్నప్పటికీ.. న్యాయవ్యవస్థకు ప్రధానంగా తీర్పు ఇచ్చే అధికారమే ఉందని చెప్పారు. ప్రజలు స్వచ్ఛందంగా కోర్టుల తీర్పులను గౌరవించడానికి కారణం.. న్యాయవ్యవస్థపై ఉన్న విశ్వాసమేనన్నారు.ఆ విశ్వాసం ఒక్కసారి సంపాదించుకుంటే సరిపోదని.. ప్రతి దశలోనూ దాన్ని నిలబెట్టుకోవాల్సిన అవసరం ఉందని సూర్యకాంత్‌ పేర్కొన్నారు. ప్రజా విశ్వాసమే న్యాయవ్యవస్థకు అత్యంత విలువైన మూలధనమని చెప్పారు.సామాన్యుడికి న్యాయం చేరాలికోర్టు భవనం అందుబాటులో ఉండటం మాత్రమే న్యాయానికి ప్రాప్యత కాదని సీజేఐ అన్నారు. సామాన్య పౌరుడు న్యాయవ్యవస్థను చేరుకోగలగాలి, అక్కడ ఏం జరుగుతుందో అర్థం చేసుకోగలగాలి, న్యాయం కోసం కోర్టును ఆశ్రయించడం తనకు మరో పోరాటంగా మారకూడదని చెప్పారు. ఈ సందర్భంగా ఈ-కోర్టుల ప్రాజెక్టు ద్వారా అమలవుతున్న పలు చర్యలను ప్రస్తావించారు. సింగిల్‌ సైన్‌-ఆన్‌ పోర్టల్‌, ఎలక్ట్రానిక్‌గా సమన్ల జారీ, జైలు-కోర్టు రికార్డుల అనుసంధానం వంటి చర్యలు న్యాయవ్యవస్థను ప్రజలకు మరింత చేరువ చేస్తున్నాయని వివరించారు. ఈ-సేవా కేంద్రాల మొబైల్‌ వాహనాల ద్వారా కోర్టు సేవలు, న్యాయ సహాయాన్ని ప్రజల వద్దకే తీసుకెళ్లే ప్రయత్నాలను కూడా ప్రస్తావించారు.ప్రముఖ న్యాయవాది, మాజీ కేంద్ర న్యాయశాఖ మంత్రి రామ్‌ జెఠ్మలానీ. దేశంలోనే అత్యంత పేరున్న న్యాయవాదుల్లో ఒకరిగా గుర్తింపు పొందిన ఆయన.. ఎన్నో సంచలన కేసుల్లో వాదించారు. రామ్‌ జెఠ్మలానీ పారదర్శకత, జవాబుదారీతనం కోసం చేసిన కృషిని గుర్తుచేసిన సీజేఐ.. న్యాయవ్యవస్థలో పారదర్శకతను పునాదిగా చేసుకుని, ప్రజల విశ్వాసాన్ని నిరంతరం పెంపొందించాల్సిన అవసరం ఉందని చెప్పారు. న్యాయం జరగడమే కాదు.. అది జరిగినట్లు ప్రజలకు కనిపించాలన్న సూత్రం న్యాయవ్యవస్థకు మార్గదర్శకంగా ఉండాలని స్పష్టం చేశారు.ఇదీ చదవండి: విజయ్‌కు షాకిచ్చిన వామపక్షాలు

న్యూఢిల్లీ: ఆహార పొట్లాల్లో (ప్యాకేజ్డ్‌ ఫుడ్‌) పోషకాల వివరాలతో కూడిన లేబుళ్లకు సంబంధించి మరింత స్పష్టతనివ్వాలని సుప్రీంకోర్టు శుక్రవారం ఫుడ్‌ సేఫ్టీ అండ్‌ స్టాండర్డ్స్‌’ అథారిటీ ఆఫ్‌ ఇండియా (ఎఫ్‌ఎస్‌ఎస్‌ఏఐ)ను ఆదేశించింది. దశలవారీగా ఆహార పొట్లాలపై లేబుళ్లు అతికించడాన్ని అమలు చేస్తామన్న ఎఫ్‌ఎస్‌ఎస్‌ఏఐ కొవ్వు, చక్కెర, ఉప్పు వంటి ‘‘ఆందోళనకరమైన పోషకాల’గురించి మరింత వివరణతో రావాలని జస్టిస్‌ జే.బి.పార్డీవాలా, జస్టిస్‌ కె.వినోద్‌ చంద్రన్‌లతో కూడిన బెంచ్‌ ఆదేశించింది. దేశంలో పిల్లలు అనారోగ్య ఆహారపు అలవాట్లకు గురవుతున్నారని ఆందోళన వ్యక్తం చేసిన బెంచ్‌.. పోషకాలపై వారికి అవగాహన పెంచేందుకు పాఠశాలల్లో ఎలాంటి కార్యక్రమాలు చేపట్టబోతున్నారని కేంద్ర ప్రభుత్వాన్ని ప్రశ్నించింది. ‘‘బోధనాంశాలు, వర్క్‌షాపులు, కార్యక్రమాల ద్వారా ఆహారపు పొట్లాలపైని సమాచారాన్ని అర్థం చేసుకునేలా చేసేందుకు పాఠశాలలు ఎలాంటి కార్యక్రమాలు చేపట్టబోతున్నాయో కేంద్రం నుంచి తెలుసుకోవాలని అనుకుంటున్నాం. ఆహారపు పొట్లాలపైని లేబుల్లు, పోషకాల సమాచారాన్ని ఎలా అర్థం చేసుకోవాలి? పోషకాలపై అవగాహనకు సంబంధించిన అంశాలు రెండింటిపై కేంద్రం స్పందించాలి’’అని బెంచ్‌ తన ఆదేశాల్లో స్పష్టం చేసింది. తదుపరి విచారణ ఈ నెల 28న జరగనుంది. ‘త్రీఎస్‌ అండ్‌ అవర్‌ హెల్త్‌ సొసైటీ’అనే స్వచ్ఛంద సంస్థ దాఖలు చేసిన పిటిషన్‌పై సుప్రీంకోర్టు విచారణ జరుపుతూ ఈ వ్యాఖ్యలు చేసింది. ఆహారపు పొట్లాలపై పోషకాలకు సంబంధించిన లేబుళ్లను తప్పనిసరిగా అతికించేలా కేంద్ర, రాష్ట్ర, కేంద్రపాలిత ప్రాంతాలను ఆదేశించాలని ఈ స్వచ్ఛంద సంస్థ తన పిటిషన్‌లో కోరింది. అయితే అసంతృప్త కొవ్వులు, చక్కెర, ఉప్పు ఎక్కువగా ఉన్న ఆహారపు పొట్లాల ముందుభాగంగా స్పష్టంగా కనిపించేలా లేబుళ్లను ఏర్పాటు చేయిస్తామని ఎఫ్‌ఎస్‌ఎస్‌ఏఐ గతంలోనే సుప్రీంకోర్టుకు తెలిపింది. ఈ అంశం అమలుకు సంబంధించి గత నెలలో ఒక అఫిడవిట్‌ దాఖలు చేసిన ఎఫ్‌ఎస్‌ఎస్‌ఏఐ లేబుళ్లను అతికించే ప్రక్రియను రెండు దశల్లో చేపడుతున్నట్లు తెలిపింది. అయితే ఈ రెండు దశలు ఎప్పుడు పూర్తి చేస్తారో తెలపాలని, వినియోగదారులు ఆమోదించేందుకు, కంపెనీలకు తగిన సమయం ఇచ్చేందుకు వేచి చూడటం సరికాదని స్పష్టం చేసింది. మరో పది రోజుల్లోగా ఏ దశను ఎప్పటిలోగా పూర్తి చేస్తారో తెలపాలని ఆదేశించింది.

సాక్షి, న్యూఢిల్లీ: ఆస్తి తన పేరిట రాయాలంటూ తల్లిదండ్రులను వేధించిన ఒక కుమారుడికి సుప్రీంకోర్టు హితవు పలికింది. తక్షణం ఆమె పాదాలపై పడి క్షమాపణ వేడుకో అని ఆ కుమారుడిని సర్వోన్నత న్యాయస్థానం ఆదేశించింది. చేసిన పాపానికి క్షమాపణ కోరాల్సిందేనని కోర్టు ఆదేశించింది. తల్లిదండ్రులకు చెందిన భవనంలోని మొదటి అంతస్తు నుంచి ఖాళీ చేయాల్సిందేనంటూ ఏప్రిల్‌లో ఢిల్లీ హైకోర్టు ఇచ్చిన తీర్పును సవాల్‌ చేస్తూ ఒక వ్యక్తి వేసిన పిటిషన్‌ను కొట్టేస్తూ జస్టిస్‌ సతీష్‌ చంద్ర శర్మ, జస్టిస్‌ ఎన్‌కె సింగ్‌ల సుప్రీంకోర్టు ధర్మాసనం కీలక వ్యాఖ్యలుచేసింది. కేసు పూర్వాపరాల ప్రకారం.. తల్లిదండ్రుల పేరిట ఉన్న భవనంలో కుమారుడు, కోడలు మొదటి అంతస్తులో ఉంటున్నారు. అయితే గత కొంతకాలంగా ఆస్తిని తమ పేరున బదలాయించాలని కుమారుడు, కోడలు ఒత్తిడి చేసినట్లు తల్లిదండ్రులు ఫిర్యాదుచేశారు. నకిలీ పత్రాల ఆధారంగా ఆస్తిపై యాజమాన్య హక్కులు తమకే దక్కుతాయని దబాయిస్తున్నారని తల్లిదండ్రులు ఆవేదన వ్యక్తంచేశారు. దీంతో విసిగిపోయిన కన్నవాళ్లు ఇక కుమారుడితో అన్ని రకాల బాంధవ్యాలు తెంచుకుంటున్నట్లు పత్రికలో బహిరంగ ప్రకటన సైతం ఇచ్చారు. ఆస్తి కావాలంటూ తీవ్రంగా వేధిస్తున్న కుమారుడిపై పోలీసులకు ఫిర్యాదు చేశారు. మొదటి అంతస్తులో ఉండేందుకు గతంలో తాము ఇచి్చన అనుమతిని రద్దు చేస్తూ నోటీసు జారీ చేశారు. ఆస్తిని ఖాళీ చేయాలని ఆదేశించారు. ఆస్తిని స్వా«దీనం చేయాలని, ఇతరులు నివసించడంపై శాశ్వత నిషేధాజ్ఞలు విధిస్తున్నామని, ఇన్నాళ్లూ ఇంటిని ఉపయోగించుకున్నందుకు నష్టపరిహారం కోరుతూ తల్లిదండ్రులు న్యాయస్థానాన్ని ఆశ్రయించారు. దీంతో ఆస్తి తల్లిదండ్రులకే దక్కుతుందని, దానికి పూర్తి యజమానులు వారేనని విచారణ అనంతరం ట్రయల్‌ కోర్టు తేల్చిచెప్పింది. తల్లిదండ్రుల అనుమతితో మాత్రమే ఇన్నాళ్లూ కుమారుడు, కోడలు ఆ భవంతిలో నివసించగలిగారని కోర్టు అభిప్రాయపడింది. నివాస అనుమతిని చట్టబద్ధంగా రద్దు చేసినందున మొదటి అంతస్తును ఖాళీ చేయాల్సిందేనని తీర్పునిచి్చంది. ఈ తీర్పును కుమారుడు ఢిల్లీ హైకోర్టులో సవాల్‌ చేయగా ఏప్రిల్‌ 17వ తేదీన అక్కడా చుక్కెదురైంది. కింది కోర్టు తీర్పునే హైకోర్టు సమరి్థంచింది. దీంతో కుమారుడు సుప్రీంకోర్టును ఆశ్రయించాడు. అతని పిటిషన్‌ను కొట్టేస్తూ సుప్రీంకోర్టు తీర్పు చెప్పింది. ఈ సందర్భంగా జస్టిస్‌ సతీష్‌ చంద్ర శర్మ కుమారుడిని ఉద్దేశించి మౌఖిక ఆదేశాలిచ్చారు. ‘‘తల్లి కాళ్లకు నమస్కరించి క్షమాపణ కోరాల్సిందే. మీరు చేసిన తప్పులు, పాపాలకు ప్రాయశి్చత్తం చేసుకోవాల్సిందే. అమ్మకు సారీ చెప్పి క్షమాపణ కోరు. క్షమిస్తే ఆశీర్వాదం తీసుకో’’అని ధర్మాసనం సూచించింది. కుమారుడి తరఫున వాదించిన లాయర్లనుద్దేశిస్తూ ‘‘తల్లి విషయంలో కుమారుడు చేసింది తప్పు కాదంటారా?’’అని జడ్జి సూటి ప్రశ్న వేశారు.

సాక్షి, అమరావతి: ‘‘అర్హత లేనివారికి టీచర్‌ పోస్టులా? అనర్హులను ఎందుకు నియమిస్తున్నారు? విద్యార్థుల భవిష్యత్తుతో ఎలా చెలగాటమాడతారు? అడ్డదారి నియామకాలతో తరతరాల భవిష్యత్తు నాశనమే. నిర్దేశిత అర్హతలు లేనివారిని నియమిస్తే.. అలాంటి వారిని సర్వీసులో కొనసాగించొద్దు..’’ ఉపాధ్యాయుల నియామకాలపై తాజాగా సుప్రీంకోర్టు కీలక వ్యాఖ్యలివీ! » మెగా డీఎస్సీలో స్కూల్‌ అసిస్టెంట్‌ ఫిజికల్‌ సైన్స్‌ ఉపాధ్యాయుడిగా ఎంపికైన ఉమ్మడి ప్రకాశం జిల్లా పుల్లల చెరువు జడ్పీ స్కూల్‌ టీచర్‌ పీవీసీహెచ్‌ బసవేశ్వరరావు 2015లో కృష్ణా జిల్లా గుడివాడలో జరిగిన ఆంధ్రప్రదేశ్‌ సీనియర్‌ ఇంటర్‌ డిస్ట్రిక్ట్ ఖోఖో చాంపియన్‌ షిప్‌లో పాల్గొన్నట్లు సర్టిఫికెట్‌ సమర్పించాడు. అయితే ఆయన చాంపియన్‌షిప్‌లో పాల్గొనలేదని.. తమ వద్ద అలాంటి సమాచారం ఏదీ లేదని ఏపీ ఖోఖో అసోసియేషన్‌ స్వయంగా శాప్‌కు సమాచారం ఇచ్చినా టీచర్‌ పోస్టు కట్టబెట్టారు. » 2013లో ఖమ్మంలో రాష్ట్రస్థాయి జూడో పోటీల్లో సీనియర్‌ కేటగిరీలో ద్వితీయ స్థానం సాధించినట్టు సర్టిఫికెట్‌ సమర్పించిన ఓ మహిళ స్పోర్ట్స్‌ కోటాలో ఎస్‌జీటీ ఉద్యోగం పొందింది. అయితే తాము అలాంటి సర్టిఫికెట్‌ జారీ చేయలేదని జూడో అసోసియేషన్‌ (తెలంగాణ) రాష్ట్ర కార్యదర్శి కైలాష్‌ యాదవ్‌ స్పష్టం చేశారు. మహారాష్ట్రలో ‘బోగస్‌’ గుట్టురట్టు.. మహారాష్ట్రలో ప్రభుత్వ ఉద్యోగాల్లో 5 శాతం స్పోర్ట్స్‌ కోటాను కొల్లగొట్టేందుకు పెద్దగా పరిచయం లేని మార్షల్‌ ఆర్ట్స్‌ క్రీడ ’కురాష్ ’ను తెరపైకి తెచ్చారు. 2016 నుంచి 2023 మధ్య ఏకంగా 1,500 వరకు నకిలీ సర్టిఫికెట్లతో సాగించిన భారీ కుంభకోణాన్ని ఇటీవల పుణే క్రైం బ్రాంచ్‌ పోలీసులు ఛేదించారు. జరగని పోటీలను జరిగినట్లుగా చూపిస్తూ, మహిళల ఈవెంట్లలో పురుషుల పేర్లు చేర్చడంతోపాటు జిల్లా పేర్లను మార్చి జారీ చేసిన ఈ బోగస్‌ సర్టిఫికెట్లతో ఇప్పటికే 71 మంది (పోలీస్, ఇతర విభాగాల్లో) ఉద్యోగాలు పొందగా, ఎంపీఎస్సీ గ్రూప్‌–1, గ్రూప్‌–2 పోస్టుల్లోనూ వీటి­తో లబ్ధి పొందారని దర్యాప్తులో తేలింది. ఈ రాకెట్‌కు సంబంధించి అసోసియేషన్‌ కార్యదర్శి, అధ్యక్షుడిని అరెస్ట్‌ చేశారు. భవిష్యత్‌లో మోసాలను అరికట్టేందుకు డిజిటల్‌ వెరిఫికేషన్, బ్లాక్‌చెయిన్‌ విధానాన్ని మహారాష్ట్ర ప్రభుత్వం తీసుకొచ్చింది. ఏపీలో ఎదురు దాడి...! మెగా డీఎస్సీ 2025 అక్రమాలు కళ్లకు కట్టినట్లు స్పష్టంగా కనిపిస్తున్నా, రాష్ట్రవ్యాప్తంగా బాధిత అభ్యర్థులు బయటకు వస్తున్నా చంద్రబాబు సర్కారు నిర్భీతిగా బుకాయిస్తూ ఎదురుదాడికి దిగడంపై సర్వత్రా విస్మయం వ్యక్తమవుతోంది. యువగళం దళానికి టీచర్‌ పోస్టులు కట్టబెట్టింది. అందుకోసం ఏకంగా కొత్త జీవోలు తెచ్చి స్పోర్ట్స్‌ కేటగిరీలో దొడ్డిదారిన కట్టబెట్టింది. అక్రమాలకు గేట్లు ఎత్తి ఆ తర్వాత జీవోలు మార్చేసింది. ఈ వ్యవహారం బహిర్గతం కావడంతో నిరుద్యోగులు, బాధిత అభ్యర్థులు, రోడ్డెక్కి ఆందోళనలకు దిగుతున్నారు. ఏకంగా కులం, మతం కూడా మార్చేసి ఉద్యోగాలు ఇచ్చినట్లు చీకటి కోణాలు వెలుగులోకి వచ్చాయి. జాతీయ పోటీల్లో ప్రతిభ చూపి బంగారు పతకం సాధించిన దుర్గయ్యకు పోస్టు ఇవ్వలేదు. కేవలం పార్టిసిపేషన్‌ సర్టిఫికెట్‌లు సమర్పించిన వారిని టీచర్లుగా నియమించారు. ఫస్ట్‌ ర్యాంకర్‌ నవీన్‌కు ఉద్యోగం ఇవ్వలేదు. ఇలాంటి అక్రమాలు వరుసగా వెలుగు చూశాయి. పలువురు అభ్యర్థులు సమర్పించిన స్పోర్ట్స్‌ సర్టిఫికెట్లతో తమకు సంబంధం లేదని స్వయంగా ఆయా అసోసియేషన్లే ప్రకటించాయి. ఇంత జరుగుతున్నా చంద్రబాబు సర్కారు చలించకపోవడం.. స్పోర్ట్స్‌ సర్టిఫికెట్లపై తేల్చేందుకు మహారాష్ట్ర తరహాలో డిజిటల్‌ వెరిఫికేషన్, బ్లాక్‌ చెయిన్‌ లాంటి విధానాలను తేకపోవడం మెగా డీఎస్సీ స్కామ్‌కు పక్కా నిదర్శనమని విద్యావేత్తలు, రాజకీయ పరిశీలకులు పేర్కొంటున్నారు. ఈ ప్రభుత్వానికి నిజంగా చిత్తశుద్ధి ఉంటే వెంటనే సీబీఐ విచారణకు ఆదేశించడంతోపాటు విద్యాశాఖ మంత్రి లోకేశ్‌ రాజీనామా చేయాలని సూచిస్తున్నారు.స్పోర్ట్స్‌ కోటాలో ఫేక్‌ సర్టిఫికెట్లు రాష్ట్ర జూడో అసోసియేషన్‌ మాజీ అధ్యక్షుడు ఆనం రామ్‌కిషోర్‌రెడ్డి సంచలన వ్యాఖ్యలు నెల్లూరు (టౌన్‌): మెగా డీఎస్సీలో ఎక్కువ మంది స్పోర్ట్స్‌ కోటాలో ఫేక్‌ సర్టిఫికెట్లతో ఉద్యోగాలు పొం­దారని రాష్ట్ర జూడో అసోసియేషన్‌ మాజీ అధ్యక్షుడు ఆనం రామకిషోర్‌రెడ్డి వెల్లడించారు. బుధవారం ఆయన ‘సాక్షి’తో మాట్లాడుతూ.. ‘స్పోర్ట్స్‌ కోటాలో ఉద్యోగాలు పొంది­న వారిలో ఎక్కువ మంది అసలు క్రీడాకారులే కాదు. నిజమైన క్రీడాకారులు ఈ విషయాన్ని బయ­ట చెప్పుకోలేరన్నారు. ట్యాంపర్‌ చేసి పేర్లు మార్చారు... ‘కర్నూలు జిల్లాకు చెందిన షేక్‌ ఇస్మాయిల్‌ జూడో ఫేక్‌ సర్టిఫికెట్లతోనే ఉద్యోగం పొందారు. 2018లో నెల్లూరులోని ఇన్‌ఫాంట్‌ జీసస్‌ స్కూల్‌లో జరిగిన రాష్ట్ర స్థాయి జూడో పోటీల్లో పాల్గొన్నట్లు ఆయన సర్టిఫికెట్‌ పెట్టారు. అయితే ఇస్మాయిల్‌ ఆ పోటీల్లో పాల్గొనలేదు. ఆ సమయంలో నేనే నెల్లూరు జిల్లా జూడో ప్రెసిడెంట్‌గా ఉన్నా. ఏ ఛాంపియన్‌షిప్‌ జరిగినా జిల్లా అసోసియేషన్‌ దగ్గర ఒక రికార్డు, జిల్లా శాప్‌ కార్యాలయంలో ఒక రికార్డు, రాష్ట్ర శాప్‌ కార్యాలయంలో ఇంకో రికార్డు కలిపి మొత్తం 3 రికార్డులు ఉంటాయి. కానీ, వీటిని ట్యాంపర్‌ చేసి పేర్లు మార్చారు. నా దగ్గర అన్ని ఆధారాలున్నాయి. మెగా డీఎస్సీలో ఫేక్‌ సర్టిఫికెట్ల వ్యవహారంపై సీఎం చంద్రబాబు, లోకేశ్, పవన్‌కళ్యాణ్‌కు కొరియర్‌లో లేఖలు పంపా. అక్రమాలు బయట పెట్టానన్న అక్కసుతో నన్ను అధ్యక్ష పదవి నుంచి తొలగించారు. ఈ అక్రమాలపై కోర్టులో కూడా కేసులు వేశా. అక్కడ న్యాయం జరుగుతుందని ఆశిస్తున్నా’ అని రామకిషోర్‌రెడ్డి పేర్కొన్నారు.

సాక్షి, న్యూఢిల్లీ: ఒక కేసులో అరెస్టు చేసి, అందులో ఇచ్చిన వాంగ్మూలం ఆధారంగా ఎఫ్‌ఐఆర్‌ కూడా నమోదు కాని మరో కేసులో ముద్దాయిగా చేర్చడంపై సుప్రీంకోర్టు తీవ్ర విస్మయం వ్యక్తం చేసింది. తెలంగాణ పోలీసుల దర్యాప్తు తీరును తప్పుబడుతూ దీనిని పూర్తిగా ’రివర్స్‌ ఇంజనీరింగ్‌’ కేసుగా అభివర్ణించింది. ఈ కేసులో 11 ఏళ్లుగా జైలు శిక్ష అనుభవిస్తున్న తెలంగాణకు చెందిన పులి ఓబులేసుకు బెయిల్‌ మంజూరు చేస్తూ జస్టిస్‌ మనోజ్‌ మిశ్రా, జస్టిస్‌ విజయ్‌ బిష్ణోయ్‌లతో కూడిన ధర్మాసనం ఉత్తర్వులు జారీ చేసింది. పులి ఓబులేసు దాఖలు చేసిన ఎస్‌ఎల్‌పీ (క్రిమినల్‌)పై సుప్రీంకోర్టు బుధవారం విచారణ చేపట్టింది. పోలీసుల దర్యాప్తు తీరుపై ధర్మా సనం ప్రశ్నల వర్షం కురిపించింది. ‘మీరు అతడిని ఒక కేసులో అరెస్టు చేశారు. ఆ తర్వాత అతడు నేరం అంగీకరించాడని చెప్పి ఈ కేసులో ఇరికించారు. ఆ తర్వాతే ఫిర్యాదుదారుడిని సృష్టించి ఎఫ్‌ఐఆర్‌ నమోదు చేశారు. ఇదొక రివర్స్‌ ఇంజనీరింగ్‌ కేసు‘ అని ధర్మాసనం వ్యాఖ్యానించింది. ట్రయల్‌ కోర్టు విధించే షరతులకు లోబడి పిటిషనర్‌ను బెయిల్‌పై విడుదల చేయాలని పేర్కొంది.అసలేం జరిగిందంటే...: 2014 నవంబర్‌ 19న హైదరాబాద్‌లో కేబీఆర్‌ పార్కు వద్ద ఆడి కారులో కూర్చున్న ఓ వ్యక్తి వద్దకు పులి ఓబులేసు తుపాకీతో వెళ్లి బెదిరించి డబ్బులు డిమాండ్‌ చేశాడు. బాధితుడు ప్రతిఘటించడంతో కారు అద్దంపై కాల్పులు జరిపాడు. బాధితుడి సోదరుడు అడ్డు కోగా, అతడిని కొరికి తుపాకీ వదిలేసి పరారయ్యాడు. విచారణ జరిపిన కింది కోర్టు.. కిడ్నాప్, హత్యాయత్నం, ఆయుధ చట్టం కింద నేరాలు రుజు వైనట్లు నిర్ధారించి జీవిత ఖైదు, కఠిన కారాగార శిక్షలు విధించింది. అయితే, బాధితుడిని కారు నుంచి మరో ప్రాంతానికి తరలించనందున కిడ్నాప్‌ సెక్షన్‌ వర్తించదంటూ జీవిత ఖైదును హైకోర్టు రద్దు చేసింది. అయితే, హత్యా యత్నం, ఆయుధ చట్టం కింద కింది కోర్టు విధించిన శిక్షలను మాత్రం సమర్థించింది.

సాక్షి, న్యూఢిల్లీ: కాక్రోచ్ జనతా పార్టీ (CJP) నిరసనల్లో పాల్గొన్న ఒక విద్యార్థికి గ్రేటర్ నోయిడా ఎగ్జిక్యూటివ్ మేజిస్ట్రేట్ నోటీసు జారీ చేయడంపై సుప్రీంకోర్టు బుధవారం తీవ్ర ఆగ్రహం వ్యక్తం చేసింది. CJP నిరసనలకు సంబంధించి విద్యార్థులపై నమోదైన అన్ని FIRలను కొట్టివేస్తూ, భవిష్యత్తులో వారిపై ఎటువంటి కఠిన చర్యలు తీసుకోకూడదని స్పష్టమైన ఆదేశాలు ఇచ్చినప్పటికీ మేజిస్ట్రేట్ నోటీసు ఎలా ఇస్తారని కోర్టు ప్రశ్నించింది.. తీర్పు స్పష్టంగా ఉన్నప్పటికీ నోటీసు ఎలా ఇస్తారంటూ భారత ప్రధాన న్యాయమూర్తి సూర్య కాంత్ ఆశ్చర్యం వ్యక్తం చేశారు. గౌతమ్ బుద్ధ నగర్ జిల్లా మేజిస్ట్రేట్, ఎగ్జిక్యూటివ్ మేజిస్ట్రేట్‌ల నుంచి ఈ ఘటనపై వివరణ కోరనున్నట్లు తెలిపారు.ఈ ఏడాది జూలైలో జరిగిన సీజేపీ నిరసనలకు సంబంధించి విద్యార్థులపై నమోదైన అన్ని ఎఫ్‌ఐఆర్‌లకు సంబంధించి తామిచ్చిన ఆదేశాలు స్పష్టంగా ఉన్నప్పటికీ నోటీసు ఎలా జారీ చేస్తారు? మేజిస్ట్రేట్‌కు అంత ధైర్యమా?" అని సుప్రీంకోర్టు వ్యాఖ్యానించింది.ఇదీ చదవండి: ఆండ్రాయిడ్‌ డివైస్‌ ఆర్డర్‌ చేస్తే.. ఆవు పేడ వచ్చింది!గౌతమ్ బుద్ధ యూనివర్సిటీ రెండో సంవత్సరం విద్యార్థి అక్షత్ త్రిపాఠికి సెప్టెంబర్ 4న గ్రేటర్ నోయిడా మేజిస్ట్రేట్ నోటీసు పంపారు. నిరసనల్లో పాల్గొనమని విద్యార్థులను ప్రోత్సహించినట్లు అందులో ఆరోపించారు. (ఈ నోటీసును మరుసటి రోజే ఉపసంహరించు కున్నట్లు కోర్టుకు తెలిపారు). ఇందుకు రూ. 5 లక్షల వ్యక్తిగత బాండ్‌ను అందించాలనికోరారు.అయితే ఆర్టికల్ 142 ప్రత్యేక అధికారాలను ఉపయోగించి, జూలై 20 - 25 మధ్య CJP నిరసనలకు సంబంధించి దేశవ్యాప్తంగా విద్యార్థులపై నమోదైన కేసులన్నింటినీ సుప్రీంకోర్టు రద్దు చేసింది. అలాగే కొత్తగా ఎలాంటి చర్యలు తీసుకోకూడదని కూడా స్పష్టం చేసింది.ఇదీ చదవండి: 'f' లెటర్‌ తంటా : ‘భారతరత్న’ సైంటిస్టుకు ఎస్‌ఐఆర్‌ నోటీసుకాగా సీజేఐ సూర్యకాంత్‌ అనూహ్య వ్యాఖ్యల తరువాత పుట్టుకొచ్చిన సీజేపీ నీట్‌ ఆందోళన దేశవ్యాప్తంగా సంచలనం రేపింది. ముఖ్యంగా జెన్‌-జీ నుంచి ఈ పోరాటానికి లభించిన ఆదరణ, మద్దతు విశేషంగా నిలిచింది.

సాక్షి ప్రతినిధి, న్యూఢిల్లీ: మెగా డీఎస్సీ 2025 పోస్టుల భర్తీలో అక్రమాలను కప్పిపుచ్చుతూ చంద్రబాబు సర్కారు బుకాయింపులు, బెదిరింపులకు దిగిన తరుణంలో దేశవ్యాప్తంగా పాఠశాలలు, కళాశాలల్లో ఉపాధ్యాయ నియామకాలకు సంబంధించి సుప్రీంకోర్టు తాజాగా జారీ చేసిన కీలక ఆదేశాలు తీవ్ర సంచలనం రేపుతున్నాయి. పోటీ పరీక్షలు లేకుండా అడ్డదారి విధానాలతో టీచర్ల నియామ­కాలు చేపడితే తరతరాల భవిష్యత్తు నాశనం అవు­తుందని అత్యున్నత న్యాయస్థానం హెచ్చరించింది. నిర్దేశిత అర్హతలు లేనివారికి టీచర్‌ పోస్టులు కట్టబెట్టి విద్యార్థుల జీవితాలతో చెలగాటమాడుతున్నారా? అని సర్వోన్నత న్యాయస్థానం తీవ్ర ఆగ్రహం వ్యక్తంచేసింది. విద్యా హక్కు చట్టం (ఆర్‌టీఈ యాక్ట్‌), నేషనల్‌ కౌన్సిల్‌ ఫర్‌ టీచర్‌ ఎడ్యుకేషన్‌ (ఎన్‌సీటీఈ), యూనివర్సిటీ గ్రాంట్స్‌ కమిషన్‌ (యూజీసీ) చట్టాల ప్రకారం, నిర్దేశిత అర్హతలు లేనివారిని ఎట్టి పరిస్థితుల్లోనూ ఉపాధ్యాయులుగా నియమించరా­దని తేల్చి చెప్పింది. ఒకవేళ అలాంటి వారిని నియమిస్తే సర్వీసులో కొనసాగించరాదని స్పష్టం చేసింది. ఈమేరకు ఆయా చట్టాల ప్రకారం, నిర్దేశిత అర్హతలు లేని ఉపాధ్యాయుల నియామకాలను నిలిపివేస్తూ సుప్రీంకోర్టు మధ్యంతర ఉత్తర్వులు జారీ చేసింది. ప్రభుత్వాల ఇష్టానుసార నియామకాలపై పిల్‌.. ఆంధ్రప్రదేశ్‌లో ఉపాధ్యాయ నియామక ప్రక్రియ అక్రమాల మయంగా మారడం.. మెగా డీఎస్సీపై రోజుకొక కొత్త కోణం వెలుగులోకి వస్తుండటం.. స్పోర్ట్స్‌ కోటా ముసుగులో ప్రతిభకు పాతరవేసి ఇష్టారాజ్యంగా జీవోలతో అనర్హులకు ఉపాధ్యాయ పోస్టులు కట్టబెట్టిన నేపథ్యంలో సుప్రీంకోర్టు ఘాటు వ్యాఖ్యలు అత్యంత ప్రాధాన్యం సంతరించుకున్నాయి. పారదర్శకత, పోటీ పరీక్షల ప్రక్రియ లేకుండా ప్రైవేట్‌ లేదా వెంచర్‌ విద్యాసంస్థల్లో పనిచేస్తున్న ఉపాధ్యాయులు, సిబ్బందిని ప్రభుత్వ సర్వీసులోకి తీసుకోవడాన్ని సవాల్‌ చేస్తూ సుప్రీంకోర్టులో ప్రజాప్రయోజన వ్యాజ్యం (పిల్‌) దాఖలైంది. పోటీ పరీక్షల ప్రక్రియ లేకుండా నిర్దేశిత అర్హతలు లేనివారిని నేరుగా ప్రభుత్వ ఉద్యోగులుగా నియమించడంపై పిటిషనర్లు పిల్‌లో ఫిర్యాదు చేశారు. రాజ్యాంగం కల్పించిన సమానత్వ హక్కు (ఆర్టికల్‌ 14), ప్రభుత్వ ఉద్యోగాల్లో సమాన అవకాశాల హక్కు (ఆర్టికల్‌ 16)లను ఈ విధానాలు ఉల్లంఘిస్తున్నాయని, ఇది రాజ్యాంగ విరుద్ధమని పిటిషనర్‌ నివేదించారు. ఈ పిల్‌పై ప్రధాన న్యాయమూర్తి (సీజేఐ) జస్టిస్‌ సూర్యకాంత్, న్యాయమూర్తులు జస్టిస్‌ జాయ్‌మాల్య బాగ్చి, జస్టిస్‌ వి.మోహనలతో కూడిన ధర్మాసనం మంగళవారం విచారణ చేపట్టింది. ఈ సందర్భంగా విద్యావ్యవస్థలోని లోపాలపై ధర్మాసనం తీవ్ర ఆందోళన వ్యక్తం చేసింది. అనర్హులకు టీచర్‌ పోస్టులపై సీజేఐ సీరియస్‌.. అనర్హులైన వ్యక్తులకు ఉపాధ్యాయ ఉద్యోగాలు కట్టబెట్టడంపై సీజేఐ జస్టిస్‌ సూర్యకాంత్‌ తీవ్ర ఆగ్రహం వ్యక్తం చేశారు. ‘‘అనర్హులైన వ్యక్తులను ఎందుకు నియమిస్తున్నారు? విద్యార్థుల భవిష్యత్తుతో ఎలా చెలగాటమాడతారు?’’ అని మండిపడ్డారు. ఉపాధ్యాయుల నియామకాల్లో నిబంధనలను తప్పించుకునేందుకు ప్రభుత్వాలు అనర్హులను ‘ట్యూటర్లు’ లాంటి రకరకాల పేర్లతో నియమిస్తూ విద్యా ప్రమాణాలను భ్రష్టు పట్టిస్తున్నాయని పిటిషనర్‌ తరఫు న్యాయవాది నివేదించారు. దీనిపై సీజేఐ జస్టిస్‌ సూర్యకాంత్‌ స్పందిస్తూ.. ‘‘ఈ రకమైన విధానాలతో వారు తరతరాల భవిష్యత్తును నాశనం చేస్తారు’’ అని ఘాటుగా వ్యాఖ్యానించారు. అర్హతలు లేకుండా నియమించొద్దు.. విద్యార్థుల ప్రయోజనాలను దృష్టిలో ఉంచుకుని ఆర్టీఈ, ఎన్‌సీటీఈ, యూజీసీ నిబంధనల ప్రకారం నిర్దిష్ట అర్హతలు లేనిదే ఏ ఒక్కరినీ ఉపాధ్యాయుడిగా ప్రభుత్వ సర్వీసులో నియమించడానికి వీల్లేదని సుప్రీంకోర్టు ధర్మాసనం తేల్చి చెప్పింది. రాజేశ్‌ చౌహాన్‌ అండ్‌ అదర్స్‌ వర్సెస్‌ యూనియన్‌ ఆఫ్‌ ఇండియా కేసుకు సంబంధించి ఈమేరకు మధ్యంతర ఉత్తర్వులను జారీ చేసింది. తదుపరి విచారణను వాయిదా వేసింది.సీబీఐ విచారణకు ఆదేశించాలి సుప్రీం తీర్పు నేపథ్యంలో.. ఏపీలో డీఎస్సీ­లో జరిగిన అక్రమాలపై సీబీఐ విచారణకు ఆదేశించాలి. ఈ డీఎస్సీలో స్పోర్ట్స్‌ కోటా పేరుతో కనీసం పరీక్షలు కూడా లేకుండా ఉద్యోగాలు ఇవ్వడం, స్పోర్ట్స్‌ సర్టిఫికెట్లలో ఎక్కువ ఫేక్‌గా నిర్ధారణ కావడం, టెట్‌ అర్హత లేనివారికి ఉద్యోగాలు ఇవ్వడం, మెరిట్‌ అభ్యర్థులను పక్కనపెట్టి అర్హతలు లేనివారికి ఉద్యోగాలు ఇవ్వడం.. వంటి అక్రమాలకు పాల్పడ్డారు. ఈ మెగా డీఎస్సీ స్కాం వెనుక మెగా హ్యాండ్‌ ఎవరన్నది బయటకు రావాలంటే సీబీఐతో విచారణ జరిపించాలి. – రామచంద్ర, ఏపీ విద్యార్థి, నిరుద్యోగ యువజన జేఏసీ కన్వీనర్‌ న్యాయవ్యవస్థ చెప్పినా లెక్కలేనితనం ఉపాధ్యాయ నియామకాల్లో టెట్‌సహా సంబంధిత నియమ నిబంధనలను అన్నింటినీ తప్పనిసరిగా పాటించాలని న్యాయ వ్యవస్థ ఆదేశాలు ఇస్తున్నప్పటికీ విద్యాశాఖ మంత్రి నారా లోకేశ్‌ లెక్కలేనితనంతో వ్యవహరిస్తున్నారు. డీఏస్సీ నియామకాలపై వస్తున్న ఆరోపణలపై స్పష్టత రావాలంటే రాష్ట్ర ప్రభుత్వమే స్వచ్ఛందంగా సీబీఐ విచారణకు ముందుకు రావాలి. అయితే ఈ దిశలో మంత్రి లోకేశ్‌ వెనుకడుగు వేయడాన్ని చూస్తే.. తప్పు జరిగినట్లు అర్థమైపోతోంది. – బండేల నాసర్‌జి, ఏఐఎస్‌ఎఫ్‌ రాష్ట్ర ప్రధాన కార్యదర్శినిష్పక్షపాత విచారణ జరిపించాలి రాష్ట్రంలో డీఎస్సీ స్పోర్ట్స్‌ కోటా ఉద్యోగాల భర్తీలో అవకతవకలపై నిష్పక్షపాత విచారణ జరిపించాలి. ఎటువంటి అవకతవకలు జరగలేదని ఒకపక్క చెబుతున్న ప్రభుత్వం మరోవైపు కొంతమందిని అరెస్టు చేయడం, పలు ఘటనలపై విచారణకు ఆదేశించడం అనుమానాలకు తావిస్తోంది. డీఎస్సీ స్పోర్ట్స్‌ కోటా నియామకాల్లో పారదర్శకత లోపించడం వల్ల ఏళ్ల తరబడి కష్టపడి చదువుతూ రూ.లక్షల ఖర్చు చేసిన నిరుద్యోగ అభ్యర్థులకు తీవ్ర అన్యాయం జరుగుతోంది. – కె.ప్రసన్న, ఎస్‌ఎఫ్‌ఐ రాష్ట్ర ప్రధాన కార్యదర్శి సీబీఐ విచారణతో నిజాలు నిగ్గుతేలుతాయి విద్యార్థుల భవిష్యత్తును నిర్దేశించే ఉపాధ్యాయుల నియామకం విషయంలో సుప్రీంకోర్టు కచ్చితమైన ఆదేశాలు ఇచ్చింది. ఇలాంటి తరుణంలో రాష్ట్రంలో నిర్వహించిన డీఎస్సీ–2025 స్పోర్ట్స్‌ కోటాలో నియామకాలపై వస్తున్న ఆరోపణలపై సీబీఐతో విచారణ జరిపించాలి. కొంతమంది అభ్యర్థులు సమర్పించిన సర్టిఫికెట్లతో తమకు సంబంధం లేదని పలు అసోసియేషన్లు స్వయంగా అధికారులకు లేఖలు రాయడం ఆరోపణలకు బలం చేకూరుస్తోంది. సీబీఐ విచారణతోనే నిజాలు నిగ్గుతేలుతాయి. – ఎన్‌.నాగభూషణం, ఏఐఎస్‌ఎఫ్‌ రాష్ట్ర సహాయ కార్యదర్శి

సాక్షి, న్యూఢిల్లీ: డిల్లీలోని సత్య నికేతన్‌లో భవనం కూలిపోయిన ఘటనలో సుప్రీంకోర్టు స్పందించింది. దీనిపై సెప్టెంబర్ 10న విచారించనుంది. అలాగే ఈ ఘటనపై దాఖలైన అత్యవసర ప్రజాప్రయోజనవ్యాజ్యాన్ని (PIL) ఢిల్లీ హైకోర్టు సుమోటోగా విచారణకు స్వీకరించింది. ప్రభుత్వ అధికారుల స్పందనను కోరుతూ పలు మార్గదర్శకాలను, ఆదేశాలను జారీ చేసిందని సొలిసిటర్ జనరల్ తుషార్ మెహతా ధర్మాసనానికి తెలిపారు. ఈ ఘటనకు సంబంధించి సౌత్ జోన్‌కు చెందిన ఐదుగురు అధికారులను (డిప్యూటీ కమిషనర్ రాకేష్ గుప్తాతో సహా) మున్సిపల్ కార్పొరేషన్ ఆఫ్ ఢిల్లీ (MCD) సస్పెండ్ చేసిన నేపథ్యంలో హైకోర్టు ఈ విధంగా స్పందించింది. ఈ హాస్టల్‌ యజమాని, 81 ఏళ్ల హరిరామ్ గుప్తా, భార్యను పాటియాలా కోర్టు 14 రోజుల జ్యుడీషియల్ కస్టడీకి పంపింది. ఇది ఇలా ఉండగా ప్రమాదం జరిగిన ప్రాంతం చుట్టూ ఉన్న ప్రమాదకరమైన భవనాలకు MCD కూల్చివేత నోటీసులు జారీ ప్రక్రియను ప్రారంభించింది. కూలిపోయిన భవనానికి ఆనుకుని ఏ క్షణమైనా కూలిపోయే స్థితిలో ఉన్న మరో భవనంతోపాటు మరికొన్ని భవనాలను పరిశీలిస్తున్నామని MCD సీనియర్ అధికారి ఒకరు తెలిపారు.ఇదీ చదవండి: నో జిమ్‌, సోషల్‌ మీడియాను ఊపేస్తున్న కొత్త ఫిట్‌నెస్ ట్రెండ్‌?మరోవైపు బాధితులు గాయపడిన వారి కుటుంబాలను రేఖా గుప్తా ఆసుపత్రిలో పరామర్శించారు. చికిత్స ఖర్చును ఎన్‌సిటి (NCT) ప్రభుత్వమే భరిస్తుందని ఆమె తెలిపారు. ప్రమాదకరమైన మరో భవనాన్ని బుధవారం కూల్చివేస్తామని కూడా ఆమె పేర్కొన్నారు. ఇదీ చదవండి: ఢిల్లీ విషాదంపై స్పందించిన సోనూ సూద్‌, కీలక వ్యాఖ్యలుఈ ఘటన అనంతరం పారిపోతున్న పీజీ యజమానిని హరిరామ్‌ రాజస్థాన్‌లోని భివాడిలో పోలీసులు అదుపులోకి తీసుకున్నారు. ఓనర్‌తోపాటు, అతని భార్య ఊర్మిళా గుప్తా (75), కుమారుడు మహేష్ గుప్తా (52)లను కూడా అరెస్టు చేశారు.ఇదీ చదవండి: Delhi building collapse జస్ట్‌ 15 నిమిషాలు.. నల్లా నీళ్లే కాపాడాయ్‌!

న్యూఢిల్లీ: న్యాయాధికారుల పదవీ విరమణ వయస్సును 60 నుంచి 62 ఏళ్లకు పెంచాలంటూ శుక్రవారం సుప్రీంకోర్టు ఏడు రాష్ట్రాలకు ఆదేశాలు జారీ చేసింది. అనుభవజు్ఞలైన న్యాయాధికారుల కొరతను నివారించడం, ప్రజలకు న్యాయం అందుబాటులో ఉంచడమే తమ లక్ష్యమని తెలిపింది. ఈ ఏడాది మార్చి 31వ తేదీన, ఆతర్వాత రిటైరైన న్యాయాధికారులకు తిరిగి విధుల్లో జాయినయ్యే అవకాశం కల్పించాలని కోరింది. వారు ఇతర విధుల్లో చేరని పక్షంలో ఈ వెసులుబాటు వర్తింపజేయాలని ప్రధాన న్యాయమూర్తి(సీజేఐ) జస్టిస్‌ సూర్యకాంత్‌ సారథ్యంలోని త్రిసభ్య ధర్మాసనం స్పష్టం చేసింది. ‘న్యాయాధికారుల పదవీ విరమణ వయస్సు పెంపునకు ఇప్పటికే సానుకూలత వ్యక్తం చేసిన ఛత్తీస్‌గఢ్, కర్ణాటక, మధ్యప్రదేశ్, మహారాష్ట్ర, సిక్కిం, తమిళనాడు, బెంగాల్‌ రాష్ట్ర ప్రభుత్వాలు ఇందుకు అనుగుణంగా సర్వీసు నిబంధనల్లో మార్పులు చేపట్టాలి. రెండు నెలల్లోగా ఈ ప్రక్రియను పూర్తి చేయాలి. ఈలోగా ఆయా రాష్ట్రాల్లో 60 ఏళ్ల వయస్సు పూర్తయిన న్యాయాధికారులు 62 ఏళ్లు వచ్చే వరకు బాధ్యతల్లో కొనసాగుతారు. వీరు పదవీ విరమణ పొందరు. అయితే ఇది సంబంధిత హైకోర్టు వారి అర్హత, పనితీరును సమీక్షించి ఇచ్చే ఆమోదానికి లోబడి ఉంటుంది’అని ధర్మాసనం వివరించింది. ఆ రాష్ట్రాలు పునరాలోచన చేయాలి అదేవిధంగా, న్యాయాధికారుల పదవీ విరమణ వయస్సు పెంపును వ్యతిరేకిస్తున్న ఆంధ్రప్రదేశ్, తెలంగాణ తదితర 21 రాష్ట్రాలు, కేంద్ర పాలిత ప్రాంతాలైన ఢిల్లీ, జమ్మూకశీ్మర్‌లు తమ నిర్ణయంపై పునరాలోచన చేయాలని ధర్మాసనం కోరింది. ఈ అంశంపై రెండు వారాల్లోగా నిర్ణయం తీసుకుని, ఆ మేరకు నివేదిక అందజేయాలంది. ఉన్నత న్యాయవ్యవస్థలో వయోపరిమితిలో వ్యత్యాసం ఉండటం సమర్థనీయమేనని తెలిపింది. ‘అయితే, మంజూరైన పోస్టులు, ప్రస్తుతం పనిచేస్తున్న న్యాయాధికారుల సంఖ్యకు మధ్య ఉన్న వ్యత్యాసాన్ని తగ్గించడానికి, ఖాళీల కారణంగా ప్రజలకు న్యాయం అందని ద్రాక్షగా మిగిలిపోకుండా చూడటానికి అనుభవజు్ఞలైన న్యాయ నిపుణుల కొరతను నివారించడమే ప్రస్తుత తక్షణ అవసరం’అని ధర్మాసనం వివరించింది. ‘జిల్లా న్యాయవ్యవస్థలో పనిచేసే అధికారుల పదవీ విరమణ వయస్సు పెంపుపై, వారి సేవా నిబంధనలకు అనుగుణంగా సిఫార్సులు చేయాల్సిన హైకోర్టులు, రాష్ట్ర ప్రభుత్వాలు ఈ అంశాన్ని పునరాలోచించాలని విజ్ఞప్తి చేస్తున్నాం’ అని ధర్మాసనం పేర్కొంది.

న్యూఢిల్లీ: పోలీసు అధికారుల నుంచి సామాన్య ప్రజలు ఆశించే సంయమనం, కరుణ కనుమరుగవుతున్నట్లు కనిపిస్తోందని సుప్రీంకోర్టు న్యాయమూర్తి జస్టిస్‌ ఉజ్జల్‌ భూయాన్‌ చెప్పారు. ఢిల్లీలో జంతర్‌ మంతర్‌ వద్ద ఇటీవల జరిగిన విద్యార్థుల నిరసన సందర్భంగా పోలీసు సిబ్బంది నిరసనకారులపై దాడి చేశారన్న వార్తలపై ఆయన ఆందోళన వ్యక్తం చేశారు. శుక్రవారం ఢిల్లీలో మాజీ భద్రతా కార్యదర్శి యశోవర్దన్‌ ఆజాద్‌ రచించిన ‘పోలీసింగ్‌ ది రిపబ్లిక్‌’ పుస్తకావిష్కరణ కార్యక్రమంలో జస్టిస్‌ భూయాన్‌ మాట్లాడారు. ఇండియన్‌ పోలీస్‌ సర్వీస్‌(ఐపీఎస్‌)కు చెందిన యువ అధికారులు స్వయంగా నిరసనకారులపై దాడి చేయడం చూసినప్పుడు మనమంతా కలత చెందుతామని అన్నారు. ఇది చూడటానికి చాలా బాధాకరమైన విషయమని చెప్పారు. ప్రజల పట్ల పోలీసులు సంయమనం పాటిస్తే బాగుంటుందని అభిప్రాయపడ్డారు. అధిక బలప్రయోగం, మానవ హక్కుల ఉల్లంఘనకు పాల్పడకుండానే సమర్థవంతంగా విధులు నిర్వహించవచ్చని స్పష్టంచేశారు. వీధిలో విజిల్, లాఠీతో కనిపించే పోలీసు అధికారిని ప్రభుత్వ అధికారాన్ని, ఆధిపత్యాన్ని చెలాయించే వ్యక్తిగా చాలామంది సామాన్యులు భావిస్తుంటారని పేర్కొన్నారు. తమకు అన్యాయం జరిగిందని భావించినప్పుడు వారు పోలీసుల సహాయం కోరుతారని చెప్పారు. కాబట్టి పోలీసు వ్యవస్థ తమ విశ్వసనీయతను కాపాడుకోవడం అత్యంత ముఖ్యమని ఉద్ఘాటించారు. అధికారులే చట్టాన్ని ఉల్లంఘించేవారిగా మారితే.. దేశంలో కస్టోడియల్‌ హింస, మరణాల కేసులు పెరుగుతుండటంపై జస్టిస్‌ భూయాన్‌ స్పందించారు. ఇలాంటివి నాగరిక సమాజంలో అత్యంత దారుణమైన నేరాలుగా అభివరి్ణంచారు. చట్టబద్ధమైన పాలన సాగే సమాజంలో కస్టడీ మరణం అనేది అత్యంత దారుణమైన నేరాల్లో ఒకటి అని స్పష్టంచేశారు. విచారణ, ప్రశ్నించడం లేదా మరే ఇతర సందర్భంలోనైనా జరిగే హింస, క్రూరమైన, అమానుషమైన, అవమానకరమైన ప్రవర్తన ఏదైనా ఆర్టీకల్‌ 29 పరిధిలోకి వస్తుందని వివరించారు. ప్రభుత్వ అధికారులు చట్టాన్ని ఉల్లంఘించేవారిగా మారినప్పుడు అది చట్టరాహిత్యాన్ని ప్రోత్సహించవచ్చని నొక్కిచెప్పారు. ఏ నాగరిక దేశమూ దీనిని అనుమతించదని ఉద్ఘాటించారు. ఒక పోలీసు అధికారి అరెస్టు చేసినంత మాత్రాన పౌరుడు తన ప్రాథమిక హక్కులను కోల్పోతాడా? అని ప్రశ్నించారు. అలాగే అరెస్టు సమయంలో జీవించే హక్కును తాత్కాలికంగా నిలిపివేయవచ్చా? అనే ఒక మౌలిక ప్రశ్నను న్యాయస్థానం లేవనెత్తిందని పేర్కొన్నారు. దీనికి సమాధానం కచ్చితంగా ‘కాదు’ అనేదే కావాలని తేలి్చచెప్పారు. అరెస్టు, విచారణకు సంబంధించి డి.కె.బసు వర్సెస్‌ స్టేట్‌ ఆఫ్‌ వెస్ట్‌ బెంగాల్‌ కేసులో ఇచ్చిన తీర్పులో అనేక నిర్దేశాలను నిర్దేశించిందని అన్నారు. మానవ హక్కుల ఉల్లంఘనకు గురైన బాధితులకు నష్టపరిహారం చెల్లించాల్సిన అవసరాన్ని కూడా న్యాయస్థానం గుర్తించిందని జస్టిస్‌ భూయాన్‌ వివరించారు. న్యాయపరమైన ప్రక్రియకు వెలుపల జరిగే హత్యలు లేదా నకిలీ ఎన్‌కౌంటర్లను సుప్రీంకోర్టు తీవ్రంగా పరిగణించిందని తెలియజేశారు. ఎన్‌కౌంటర్‌ అనేది నేరపూరిత విధానమని, అది పోలీసింగ్‌లో భాగం కాకూడదని అభిప్రాయపడ్డారు. పోలీసు సంస్కరణల ఆవశ్యకతను ప్రస్తావించారు. అలాగే పోలీసుల పనితీరులో రాజకీయ జోక్యం వల్ల కలిగే ప్రమాదాల గురించి మాట్లాడారు.

న్యూఢిల్లీ: వాణిజ్య వివాదాల పరిష్కారానికి బ్రిక్స్‌ దేశాలు ఉమ్మడి ప్లాట్‌ఫామ్‌ ఒకదాన్ని ఏర్పాటు చేసుకోవాల్సిన అవసరముందని భారత సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ తెలిపారు. దేశాల మధ్య సమన్వయంతో కూడిన ద్వైపాక్షిక సహకారాన్ని పెంపొందించడంలో న్యాయవ్యవస్థది కీలకపాత్ర అని ఆయన శుక్రవారం న్యూఢిల్లీలో మొదలైన బ్రిక్స్‌ చీఫ్‌ జస్టిసెస్‌ ఫోరమ్‌లో వ్యాఖ్యానించారు. బ్రిక్స్‌ సభ్యదేశాలతోపాటు, భాగస్వామ్య దేశాల ప్రధాన న్యాయమూర్తులు, సుప్రీంకోర్టు అధ్యక్షులు, న్యాయ వ్యవస్థకు సంబంధించిన ఉన్నతస్థాయి నేతలు పాల్గొన్న ఈ ఫోరమ్‌లో జస్టిస్‌ సూర్యకాంత్‌ పలు న్యాయవేత్తల బృందాలతో ద్వైపాక్షిక చర్చలు జరిపారు. రష్యా, చైనా, ఈజిప్ట్, ఇండొనేసియా, యూఏఈ, బెలారస్, కజకిస్తాన్, దక్షిణాఫ్రికా, ఇరాన్, ఉజ్బెకిస్తాన్‌ ప్రతినిధులు ఇందులో ఉన్నారు. న్యాయ రంగంలో పరస్పర సహకారం, వాణిజ్య వివాదాల్లో మధ్యవర్తిత్వం, ఆర్బిట్రేషన్‌ల ప్రాముఖ్యత, దేశాల మధ్య వాణిజ్య కార్యకలాపాలు సాఫీగా జరిగే వాతావరణం కల్పించడం వంటి అంశాలపై చర్చలు జరిగాయి. విదేశీ పెట్టుబడిదారుల్లో నమ్మకం పెంచేందుకు సమర్థమైన వాణిజ్య న్యాయస్థానాల ఏర్పాటుపై కూడా చర్చ జరిగినట్లు సమాచారం. అలాగే వృత్తినైపుణ్యాలను పెంచుకునేందుకు, ప్రతిభను గుర్తించి ప్రోత్సహించేందుకు తగిన ఏర్పాట్లు చేసుకోవడం ఎలా అన్నదానిపై కూడా ఆలోచనలు జరిపారు. ఈ సందర్భంగానే సీజేఐ వాణిజ్య వివాద పరిష్కారాలకు ఉమ్మడి ప్లాట్‌ఫామ్‌ ఏర్పాటు ప్రతిపాదన చేశారు.

సాక్షి, న్యూఢిల్లీ: న్యాయ విద్యార్థులపై క్రమశిక్షణ చర్యలు తీసుకునే అధికారం బార్‌ కౌన్సిల్‌ ఆఫ్‌ ఇండియా (బీసీఐ), రాష్ట్ర బార్‌ కౌన్సిళ్లకు లేదని దేశ సర్వోన్నత న్యాయస్థానం గురువారం స్పష్టం చేసింది. న్యాయ విద్యార్థులు అడ్వొకేట్లుగా నమోదైన తరువాతే బీసీఐ, రాష్ట్ర బార్‌ కౌన్సిళ్లకు ఆ అధికారం వస్తుందని తేల్చి చెప్పింది. విద్యార్థులు ఉన్నంతవరకూ సంబంధిత విద్యా సంస్థలు లేదా బైలాస్‌ ప్రకారం అధికారమున్న సంస్థల నియమ నిబంధలు మాత్రమే వారికి వర్తిస్తాయని చీఫ్‌ జస్టిస్‌ సూర్యకాంత్, జస్టిస్‌ జోయ్‌ మాల్య బాగ్చీ, జస్టిస్‌ వి.మోహనలతో కూడిన ధర్మాసనం కీలక న్యాయ ప్రకటన చేసింది. ‘మిహిరా సూద్‌ వర్సెస్‌ బార్‌ కౌన్సిల్‌ ఆఫ్‌ ఇండియా’కేసులో ఈ తీర్పు వెలువడింది. హైదరాబాద్‌లోని నల్సార్‌ యూనివర్సిటీ ఆఫ్‌ లా 2026 బ్యాచ్‌ విద్యార్థులు తమ స్నాతకోత్సవాలకు ముఖ్యఅతిథిగా సీజేఐని పిలవడంపై అభ్యంతరం వ్యక్తం చేస్తూ ఒక లేఖ రాయడం.. దీనికి స్పందనగా బార్‌ కౌన్సిల్‌ ఆఫ్‌ ఇండియా ఛైర్మన్‌ మన్నన్‌ కుమార్‌ మిశ్రా ఆగస్టు 13న సంచలన ఆదేశాలు జారీ చేసిన విషయం తెలిసిందే. బీసీఐ ఛైర్మన్‌ నల్సార్‌ విద్యార్థుల ఎన్‌రోల్‌మెంట్‌ నిలిపివేత, విద్యార్థులు, అధ్యాపకులపై విచారణలకు ఆదేశించడంతో తీవ్ర వ్యతిరేకత వ్యక్తమైంది. దాంతో వాటిని గంటలోపే ఉపసంహరించుకున్నారు. అయినప్పటికీ ఆ ఆదేశాల చట్టబద్ధతను ప్రశి్నస్తూ నల్సార్‌ పూర్వ విద్యార్థులు మిహిరా సూద్, అభిõÙక్‌ తివారీ సుప్రీంకోర్టును ఆశ్రయించారు.భావ ప్రకటన స్వేచ్ఛకు భంగం... గురువారం విచారణ సందర్భంగా పిటిషనర్ల తరఫున సీనియర్‌ న్యాయవాది కె. పరమేశ్వర్‌ వాదిస్తూ.. బీసీఐ తన ఆదేశాలను ఉపసంహరించుకున్నప్పటికీ అవి ఏ ప్రాతిపదికన, ఎవరి నిర్ణయంతో, ఏ చట్ట నిబంధన ఆధారంగా జారీ అయ్యాయో తేలాల్సి ఉందని కోర్టు దృష్టికి తీసుకెళ్లారు. ‘మొత్తం బ్యాచ్‌ ఎన్‌రోల్‌మెంట్‌ను నిలిపివేయాలని తొలుత ఆదేశించారు. ఈ నిర్ణయం ఎవరు తీసుకున్నారు? సమావేశం జరిగిందా? ఏ నిబంధన ఆధారంగా ఆదేశాలు ఇచ్చారు?’అని ప్రశ్నించారు. ఇది ఒక్క విద్యార్థికి సంబంధించిన అంశం కాదని, విశ్వవిద్యాలయంలో భావ ప్రకటన స్వేచ్ఛకు సంబంధించిన కీలకమైన ప్రశ్న అని తెలిపారు. ఇందుకు బీసీఐ తరఫున వాదనలు వినిపించిన సీనియర్‌ న్యాయవాది మన్నన్‌ కుమార్‌ మిశ్రా మాట్లాడుతూ.. గంటలోపే ఆదేశాలను ఉపసంహరించుకున్నందున ఈ అంశాన్ని అంతటితో ముగించాలని ధర్మాసనాన్ని కోరారు. అయితే ధర్మాసనం మాత్రం ‘పరమేశ్వర్‌ వాదన సరైందిగా కనిపిస్తోంది. బీసీఐకి విద్యార్థులపై అధికారం లేదు. న్యాయ విద్య పూర్తిచేసి అడ్వొకేట్‌గా నమోదై తర్వాత అతని వృత్తిగతమైన ప్రవర్తనను నియంత్రించే అధికారం ఉంటుంది’అని చీఫ్‌ జస్టిస్‌ సూర్యకాంత్‌ స్పష్టం చేశారు. అంతేకాకుండా.. ఆగస్టు 13న జారీ చేసిన, అనంతరం సవరించిన అన్ని కమ్యూనికేషన్లను ‘చట్టపరమైన అధికారం లేనివి’గా బెంచ్‌ ప్రకటించింది. విద్యార్థులపై చర్యలు నిలిపివేస్తూ గతంలో జారీ చేసిన మధ్యంతర రక్షణ ఆదేశాలను తుది ఆదేశాలుగా సవరించింది.

న్యూఢిల్లీ: చమురు కంపెనీలు పెట్రోల్‌లో కలిపే ఇథనాల్‌ ఎంతో స్పష్టంగా తెలియజేయాలన్న డిమాండ్‌తో దాఖలైన ప్రజాప్రయోజన వ్యాజ్యాన్ని సుప్రీంకోర్టు సోమవారం కొట్టేసింది. నేరుగా సుప్రీంకోర్టును ఆశ్రయించే హక్కు కింద నరేంద్ర కుమార్‌ గోస్వామీ దాఖలు చేసిన పిటిషన్‌ను విచారణకు స్వీకరించేది లేదని జస్టిస్‌ ఎంఎం సుంద్రేశ్, జస్టిస్‌ పి.బి.వరాలేలతో కూడిన బెంచ్‌ స్పష్టం చేసింది. పిటిషనర్‌ తగిన హైకోర్టును ఆశ్రయించే వెసలుబాటు కల్పించింది. విచారణ సందర్భంగా కేంద్రం తరఫున అటార్నీ జనరల్‌ ఆర్‌.వెంకట రమణి వాదిస్తూ ఇలాంటి పిటిషన్‌ ఒకటి ఇప్పటికే డిస్మిస్‌ అయ్యిందని, దీంతో ఇప్పుడు పరోక్షంగా కేసు వేశారని చెప్పారు. ‘భారత ప్రభుత్వం తనకు జవాబుదారిగా ఉండాలని పిటిషనర్‌ కోరుకుంటున్నారు’’అని తెలిపారు. అయితే పిటిషర్‌ నరేంద్ర కుమార్‌ గోస్వామీ కోర్టుకు పెట్రోలు పంపు రసీదు ఒకటి సమర్పిస్తూ... తాను ఉపయోగించే పెట్రోలులో ఏమేమి కలిశాయో తెలుసుకునే హక్కు తనకుందని స్పష్టం చేశారు. ‘‘నేనొక్కడినే కాదు. దేశ పౌరుల్లో అధికులు పెట్రోలులో ఏమేం ఉందో తెలుసుకోవాలని అనుకుంటున్నారు’’అని తెలిపారు. తాను అందించిన రసీదులో పెట్రోలులో కలిపిన ఇథనాల్‌ మోతాదు ఎంతో లేదని చెప్పారు. పెట్రోలులో ఇథనాల్‌ కలపడాన్ని అటార్నీ జనరల్‌ గత విచారణలో ఒక ప్రయోగం అన్నారని, కానీ ఆ తరువాత ప్రభుత్వం తాము ఆ మాట అనలేదని ఒక ప్రకటన చేసిందని గోస్వామి గుర్తు చేశారు. ఈ దశలో న్యాయమూర్తులు మాట్లాడుతూ పిటిషనర్‌ తన అభ్యంతరాలను హైకోర్టు ముందు చెప్పుకోవాలని తెలిపారు. పెట్రోలులో ఇథనాల్‌ శాతాన్ని ప్రతి పంపుపైనా, రసీదులోనూ ప్రదర్శించేలా కేంద్ర ప్రభుత్వానికి ఆదేశాలు జారీ చేయాలని నరేంద్ర కుమార్‌ గోస్వామీ ఈ పిటిషన్‌ దాఖలు చేశారు. ఏ వాహనానికి ఏ రకమైన పెట్రోలు, ఇథనాల్‌ మిశ్రమం పని చేస్తుందో చూపే ఒక జాబితాను తయారు చేసేలా కేంద్రానికి, సంబంధితులైన ఇతరులకు ఆదేశాలివ్వాలని కోరిన విషయం తెలిసిందే. ఈ జాబి తాలో తయారీదారు ఎవరు? మోడల్, ఇంజిన్‌ రకం, త యారైన సంవత్సరం వంటి విషయాలన్నీ పొందుపరిచి.. వెతికేందుకు అనువుగా ఉండేలా సిద్ధం చేయాలని కోరా రు. ఈ20 పెట్రోలును వాడుతున్న వాహనాలపై నిపుణు ల కమిటీ ఒకదాన్ని ఏర్పాటు చేయాలని, ఆ వాహనాల మైలేజీ, ఇంజిన్‌ మన్నిక, నిర్వహణ ఖర్చులు, వారంటీ, బీమా తదితర అంశాల ప్రభావాన్ని కూడా మదింపు చేసి నివేదిక సమర్పించేలా చూడాలని కోరారు.