Mahabubnagar District News

దేవరకద్ర: దేవరకద్ర మార్కెట్‌లో బుధవారం పచ్చజొన్నల వ్యాపారం జోరుగా సాగింది. అలాగే ఉల్లి వ్యాపారం కూడా ఊపందుకుంది. ధరలు ఆకాశాన్ని అంటుతున్న కొనుగోలుదారులు ఎగబడి కొనడానికి ముందుకొచ్చారు. సీజన్‌లో మాత్రమే వచ్చే పచ్చజొన్నలను కొనడానికి వినియోగదారులు పెద్ద ఎత్తున తరలివచ్చారు. వానకాలం సీజన్‌ కింద మెట్ట పంటగా వర్షాలతో పండించిన పచ్చజొన్నలు మార్కెట్‌కు రావడంతో వినియోగదారులు కొనుగోళ్లు ప్రారంభించారు. ఎలాంటి వేలం లేకుండానే వ్యాపారం సాగింది. రైతులే ధరలు నిర్ణయించి విక్రయించారు. నాణ్యమైన పచ్చజొన్నలు క్వింటా ధర రూ.8500లు పలికింది. 50 కేజీ బస్తా రూ.4,300లకు విక్రయించారు. ఇక కనిష్టంగా రూ.6,500లు పలుకగా 50కేజీల బస్తా ధర రూ.3,300లకు విక్రయించారు. మార్కెట్‌కు దాదాపు వేయి బస్తాల ఽపచ్చజొన్నలు అమ్మకానికి రాగా కేవలం రెండు గంటల్లోనే పూర్తిగా అమ్మకాలు జరిగాయి. ఉల్లికి తగ్గని డిమాండ్‌ దేవరకద్ర మార్కెట్‌కు కొత్త ఉల్లి అమ్మకానికి వచ్చిన డిమాండ్‌ మాత్రం తగ్గలేదు. దాదాపు వేయి బస్తాల వరకు వచ్చిన ఉల్లిని చిరు వ్యాపారులు, వినియోగదారులు పోటీపడి కొనుగోలు చేశారు. క్వింటా ఉల్లి గరిష్టంగా రూ.6000, కనిష్టంగా రూ.4000 వరకు పలికింది. మధ్యస్తంగా రూ.5వేల వరకు లవాదేవీలు జరిగాయి. 50 కేజీల బస్తా ధర గరిష్టంగా రూ.3000, కనిష్టంగా రూ.2వేల వరకు అమ్మకాలు సాగాయి. మధ్యస్తంగా రూ.2500వరకు బస్తా విక్రయించారు. మార్కెట్‌లో బుధవారం లావాదేవీలతో కళకళలాడింది.

మహబూబ్‌నగర్‌ రూరల్‌: పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ బీసీలకు అవకాశం కల్పించకుండా రెడ్డి సామాజిక వర్గానికి చెందిన అభ్యర్థులను ప్రకటించడం సామాజిక న్యాయానికి విరుద్ధమని బీసీ జాగృతి సేన రాష్ట్ర అధ్యక్షుడు బూర్గుపల్లి కృష్ణయాదవ్‌ ఆరోపించారు. బుధవారం జిల్లా కేంద్రంలో ఏర్పాటు చేసిన సమావేశంలో ఆయన మాట్లాడుతూ.. రెండు పట్టభద్రుల ఎమ్మెల్సీ స్థానా లకు కాంగ్రెస్‌ పార్టీ రెడ్డి సామాజిక వర్గానికి చెందిన అభ్యర్థులను ప్రకటించిందని పేర్కొన్నారు. పార్టీకి, ప్రభుత్వానికి అనుసంధానంగా ఉన్న నామినేటెడ్‌ పోస్టులతోపాటు చట్టబద్ధమైన మెజారిటీ పదవులను కూడా సీఎం రేవంత్‌రెడ్డి తన సొంత సామాజిక వర్గానికి చెందిన నాయకులకు కట్టబెడుతున్నారని ఆరోపించారు. ఇదేనా సామాజిక న్యాయం అని ప్రశ్నించారు. పట్టభద్రుల ఎమ్మెల్సీ అభ్యర్థుల ఎంపికను పునః పరిశీలించి బీసీలకు అవకాశం కల్పించాలని డిమాండ్‌ చేశారు. బీసీలను కేవలం ఓటు బ్యాంకుగా చూడొద్దని, రానున్న స్థానిక సంస్థల ఎన్నికలతోపాటు పట్టభద్రుల ఎమ్మెల్సీ ఎన్నికల్లో బీసీ శ్రేణులు తమ నిర్ణయాన్ని వెల్లడిస్తాయని పేర్కొన్నారు. కాంగ్రెస్‌ అభ్యర్థుల డిపాజిట్లు గల్లంతు చేసి తగిన గుణపాఠం చెప్పేందుకు బీసీలు సిద్ధంగా ఉన్నారని హెచ్చరించారు. సమావేశంలో బీసీ విద్యార్థి సంఘం ఉమ్మడి జిల్లా ప్రధాన కార్యదర్శి నరేందర్‌, నాయకులు దామోదర్‌, కురుమూర్తి, శ్రీనివాస్‌, సాత్విక్‌, నరేందర్‌, అశోక్‌, అనిల్‌, జశ్వంత్‌, అనిల్‌కుమార్‌ తదితరులు పాల్గొన్నారు.

మన్ననూర్‌: కేంద్ర, రాష్ట్ర ప్ర భుత్వాలు ఎన్ని మారుతున్నా ఆదివాసి చెంచుల బతుకులు మాత్రం అక్కడే ఆగిపోయాయని తుడుందెబ్బ రాష్ట్ర అధ్యక్షుడు మహిపతి అరుణ్‌కుమార్‌ అన్నారు. బుధవారం చెంచుల కనీస సమస్యలు పరిష్కరించాలనే డిమాండ్‌తో ఆదివాసి ఐక్యవేదిక, తుడుందెబ్బ ఆధ్వర్యంలో మన్ననూర్‌లోని ఐటీడీఏ కార్యాలయాన్ని ముట్టడించారు. ఈ సందర్భంగా ఆయన మాట్లాడుతూ.. ఉమ్మడి ఆంధ్రప్రదేశ్‌లో కంటే తెలంగాణ ప్రత్యేక రాష్ట్రం ఏర్పడిన తర్వాతే ఆదివాసీలు తీవ్రంగా నష్టపోతున్నారని ఆందోళన వ్యక్తం చేశారు. ఏజెన్సీ ఐటీడీఏ పరిధిలోని 29 శాఖల్లో 29 ప్రత్యేక జీఓలు ఉన్నప్పటికీ నూతన జోనల్‌ విధానంతో ఆదివాసీ హక్కులను మైదాన ప్రాంతం వారు దోచుకుపోతున్నారని వాపోయారు. వైల్డ్‌ లైఫ్‌ యాక్ట్‌తో.. అటవీశాఖ కొత్తగా వైల్డ్‌ లైఫ్‌ యాకు్‌ట్‌ తీసుకొచ్చి తమ హక్కులను కాలరాస్తూ కనీస స్వేచ్ఛకు దూరం చేస్తున్నారని వాపోయారు. అటవీశాఖ చట్టాలను నిలువరించి చెంచుల కనీస అవసరాలు తీర్చాలని డిమాండ్‌ చేశారు. ఐటీడీఏ పీఓ, కలెక్టర్‌తో పాటు ఈ జిల్లాకు చెందిన ముఖ్యమంత్రి రేవంత్‌రెడ్డి స్పందించి 5వ షెడ్యూల్‌, అటవీహక్కులు, పెసా చట్టం ప్రకారం షెడ్యూల్డ్‌ ఏరియాలో నివాసం ఉంటున్న వారికి తాగు, సాగునీరు, విద్య, వైద్యం, రహదారులు, పక్కా ఇళ్లు నిర్మించాలని విజ్ఞప్తి చేశారు. లేని పక్షంలో కొమరంభీమ్‌ తరహాలో గోండులు, కోయలు, పర్దాన్‌, ఆదివాసి, కొండరెడ్లు తదితర 9 తెగలకు చెందిన లక్ష మంది ఆదివాసీలతో తుడుందెబ్బ ఆధ్వర్యంలో ఆందోళన చేస్తామని హెచ్చరించారు. అంతకు ముందు ప్రధాన కూడలిలో డాక్టర్‌ బీఆర్‌ అంబేడ్కర్‌ విగ్రహానికి పూలమాలలు నివాళులర్పించారు. చెంచుల సమస్యలు పరిష్కరించాలని నినాదాలు చేస్తూ ప్లకార్డులతో ర్యాలీ నిర్వహించారు. అనంతరం సమస్యలతో కూడిన వినతిపత్రాన్ని ఐటీడీఏ ఏఓ జాఫర్‌హుసేన్‌కు అందజేశారు. కార్యక్రమంలో నిమ్మల శ్రీనివాసులు, జాతీయ అధ్యక్షుడు విజయ్‌, విద్యార్థి సంఘం రాష్ట్ర అధ్యక్షుడు రవి, మల్లికార్జున్‌, బాబురావు, బాల గురువయ్య, నిమ్మల శివ తదితరులు పాల్గొన్నారు.

జెడ్పీసెంటర్‌(మహబూబ్‌నగర్‌): జాతీయ రహదారులపై పెండింగ్‌ పనులను వేగంగా పూర్తి చేసి ప్రమాదాల నివారణకు అవసరమైన భద్రతా చర్యలు చేపట్టాలని కలెక్టర్‌ ఖుష్బూ గుప్తా అధికారులను ఆదేశించారు. బుధవారం కలెక్టరేట్‌లో ఎస్పీ డి.జానకితో కలిసి జిల్లా రోడ్డు భద్రతా కమిటీ సమావేశంలో పాల్గొన్నారు. బ్లాక్‌ స్పాట్లను గుర్తించి రోడ్‌ సేఫ్టీ చర్యలు చేపట్టాలని, రోడ్లు, అప్రోచ్‌ రోడ్లు, లైటింగ్‌, సైన్‌బోర్డుల పనులను త్వరగా పూర్తి చేయాలని సూచించారు. బాలానగర్‌ వద్ద జాతీయ రహదారి పనుల్లో జాప్యంపై అసంతృప్తి వ్యక్తం చేశారు. రాజాపూర్‌, పోలేపల్లి సెజ్‌ ప్రాంతాల్లో పెండింగ్‌ పనులను త్వరగా పూర్తి చేయాలని ఆదేశించారు. అంబటిపల్లి–దివిటిపల్లి, పాలకొండ బైపాస్‌ల వద్ద లైటింగ్‌ పను లు, విద్యుత్‌ కనెక్షన్లు వెంటనే పూర్తి చేయాలని సూచించారు. జడ్చర్ల–కల్వకుర్తి రహదారితో పాటు ఇతర ప్రాంతాల్లో ప్రమాదాల నివారణకు చర్యలు గుర్తించి అమలు చేయాలని, గడువులో పనులు పూర్తయ్యేలా నిరంతరం పర్యవేక్షించాలని అధికారులను ఆదేశించారు. డీఆర్‌ ఫణిధర్‌ బదిలీ మహబూబ్‌నగర్‌ మున్సిపాలిటీ: ఉమ్మడి మహబూబ్‌నగర్‌ జిల్లా డిస్ట్రిక్ట్‌ రిజిస్ట్రార్‌ (డీఆర్‌) డి.ఫణిధర్‌ హైదరాబాద్‌కు బదిలీ అయ్యారు. ఆయన స్థానంలో ఇటీవల గ్రూప్‌ వన్‌లో ఎంపికై శిక్షణ పూర్తి చేసుకున్న పి.దీపక్‌ను నియమించారు. ఈయన త్వరలోనే మహబూబ్‌నగర్‌కు వచ్చి విధుల్లో చేరనున్నారు. ఈ మేరకు బుధవారం రాష్ట్ర ప్రభుత్వం నుంచి ఉత్తర్వులు జారీ అయ్యాయి. రేపు ఫుట్‌బాల్‌ క్రీడాకారుల ఎంపికలు మహబూబ్‌నగర్‌ క్రీడలు: త్వరలో జరిగే రాష్ట్రస్థాయి సీనియర్‌ పురుషుల, మహిళల ఫుట్‌బాల్‌ టోర్నమెంట్‌లో పాల్గొనే ఉమ్మడి జిల్లా ఫుట్‌బాల్‌ జట్ల ఎంపికలను ఈనెల 2వ తేదీన ఉదయం 9 గంటలకు జిల్లాకేంద్రంలోని మెయిన్‌ స్టేడియంలో నిర్వహిస్తునట్లు జిల్లా ఫుట్‌బాల్‌ అసోసియేషన్‌ ప్రధాన కార్యదర్శి జి.భానుకిరణ్‌ బుధవారం ఓ ప్రకటనలో తెలిపారు. క్రీడాకారులు ఒరిజినల్‌ ఆధార్‌కార్డు, బర్త్‌ సర్టిఫికెట్‌, కాన్సెంట్‌ ఫామ్‌, పాస్‌పోర్టు ఫొటోలతో హాజరుకావాలని కోరారు. మహబూబ్‌నగర్‌తో పాటు నాగర్‌కర్నూల్‌, నారాయణపేట జిల్లాల క్రీడాకారులు ఎంపికల్లో పాల్గొనాలని సూచించారు. వివరాల కోసం 9396439663 నంబర్‌ను సంప్రదించాలని సూచించారు. రేపు ‘కరాటే’ ఎంపికలు మహబూబ్‌నగర్‌ క్రీడలు: జిల్లాకేంద్రంలోని ఇండోర్‌ స్టేడియంలో శుక్రజువారం ఎస్‌జీఎఫ్‌ అండర్‌–14, 17 విభాగాల జిల్లాస్థాయి బాలబాలికల కరాటే ఎంపికలు నిర్వహిస్తున్నట్లు జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ బుధవారం ఓ ప్రకటనలో తెలిపారు. జిల్లాలోని విద్యార్థిని, విద్యార్థులు ఆధార్‌కార్డు, బోనఫైడ్‌ సర్టిఫికెట్లు, కరాటే యూనిఫామ్‌తో ఉదయం 9 గంటలకు రిపోర్టు చేయాలని కోరారు. వివరాలకు శంకర్‌నాయక్‌ (98493 36930)ను సంప్రదించాలని సూచించారు.

గద్వాల క్రైం: విద్యుదాఘాతంతో రైతు మృతి చెందిన ఘటన మండలంలో బుధవారం చోటుచేసుకుంది. బాధిత కుటుంబ సభ్యుల కథనం మేరకు.. కాకులారం గ్రామానికి చెందిన పాండురావ్‌ (46) బుధవారం ఉదయం గ్రామ శివారులోని తన వ్యవసాయ పొలానికి వెళ్లాడు. ట్రాన్స్‌ఫార్మర్‌ వద్ద స్వీచ్‌ ఆన్‌ చేసే క్రమంలో విద్యుత్‌ షాక్‌కు గురై అక్కడికక్కడే మృతి చెందాడు. ఘటనపై భార్య సరోజమ్మ ఫిర్యాదు మేరకు రూరల్‌ పోలీసులు కేసు నమోదు చేసుకుని విచారణ చేపట్టారు. అనుమానాస్పదంగా యువకుడి మృతి కందనూలు: జిల్లా కేంద్రంలోని ప్రభుత్వ బా లుర ఉన్నత పాఠశాల ఆవరణలోని పైకా భవ న్‌ వెనకాల ఓ యువకుడు అనుమానాస్పద స్థితిలో మృతి చెందిన ఘటన బుధవారం జరి గింది. పాఠశాల ఆవరణలో మృతదేహాన్ని గు ర్తించిన స్థానికులు వెంటనే పోలీసులకు సమాచారం అందించారు. పోలీసులు ఘటనాస్థలానికి చేరుకొని మృతదేహాన్ని పరిశీలించి అనంతరం పోస్టుమార్టం నిమిత్తం జిల్లా ప్రభు త్వ ఆస్పత్రికి తరలించారు. మృతుడి వద్ద లభించి న ఆధారాలు, వస్తువులతో ఎవరనేది తెలుసుకునే పనిలో ఉన్నట్లు తెలిపారు. ఘటనపై ఎస్‌ ఐ వెంకట్‌రెడ్డిని వివరణ కోరగా.. మృతి చెందిన వ్యక్తికి సంబంధించిన కుటుంబీకు లు, ఇ తరులు ఎవరు లేరని, చిత్తు కాగితాలు సేకరిస్తూ జీవనం సాగించేవాడన్నారు.కేసు నమోదు చేసుకొని దర్యాప్తు చేస్తున్నట్లు పేర్కొన్నారు. కత్తితో యువకుడి వీరంగం: ముగ్గురికి గాయాలు నవాబుపేట: రోడ్డుపై ఆర బోసిన మొక్కజొన్న ధా న్యంపై నుంచి ట్రాక్టర్‌ తీసుకుని వెళ్లడంతో దానిని ప్రశ్నించిన వారిపై డ్రైవర్‌ కత్తితో వీరంగం సృష్టించిన ఘటన మండలంలోని మ ల్కపూర్‌లో చోటు చేసుకుంది. వివరాలు.. మ ల్కాపూర్‌కు చెందిన కంకట్ల లక్ష్మమ్మ గ్రామంలోని హనుమాన్‌ ఆలయం సమీపంలో సీసీ రోడ్డుపై మొక్కజొన్నలు ఆరబోసింది. కాగా వాటిపై నుంచి అదే గ్రామానికి చెందిన యువకుడు కుర్వ చందు మంగళవారం రాత్రి ట్రాక్టర్‌ పోనిచ్చాడు. ధాన్యం పాడవుతుందని, వాటిపై ట్రాక్టర్‌ ఎందుకు తీసుకెళ్తున్నావు అని లక్ష్మమ్మ కుమారులు చందును నిలదీశారు. కోపోద్రిక్తు డు అయిన డ్రైవర్‌ చందు కత్తితో లక్ష్మమ్మ కు మారుడు శివకుమార్‌పై పలుమార్లు దాడి చేశా డు. అడ్డుకోబోయిన చాకలి హరికృష్ణ, కుమ్మరి రాఘవేందర్‌పై సైతం చందు దాడికి తెగబడ్డాడు. ఈ ఘటనలో ముగ్గురికి తీవ్ర గాయాలయ్యాయి. బాధితులను వెంటనే 108 వాహనంలో చికిత్స కోసం జిల్లా ఆస్పత్రికి తరలించారు. నిందితుడిపై బుధవారం పోలీసులకు ఫిర్యాదు చేసినట్లు లక్ష్మమ్మ తెలిపారు. ఘటనపై హత్యాయత్నం కేసు నమోదు చేసి దర్యాప్తు చేస్తున్నట్లు ఎస్‌ఐ నరేందర్‌ పేర్కొన్నారు. యూనియన్లకు గుర్తుల కేటాయింపు ● టీడబ్ల్యూయూ కూటమికి బాణం, ఈయూ అలయెన్స్‌కు బస్సు సింబల్‌ ● ఆర్టీసీలో గుర్తింపు సంఘం ఎన్నికల ప్రచారానికి రెడీ స్టేషన్‌ మహబూబ్‌గర్‌: ఆర్టీసీలో గు ర్తింపు సంఘం ఎన్నికల ప్రక్రియలో భాగంగా ఎట్టకేలకు ఆయా యూనియన్లకు గుర్తుల ను కార్మిక శాఖ అధికారులు కేటాయించారు. టీడబ్ల్యూయూ కూటమి (రాష్ట్ర స్థాయిలో క్లాస్‌–3, రీజియన్‌ పరిధిలో క్లాస్‌–6)కి బాణం దక్కగా.. ఈయూ అలయెన్స్‌ (క్లాస్‌–3) కు బస్సు, (క్లాస్‌–6) కు నిచ్చెన గుర్తు ఖరారయ్యాయి. ఈ క్రమంలోనే బుధవారం ఆయా కూటములకు చెందిన ఇద్దరేసి ప్రతినిధులకు డమ్మీ బ్యాలెట్‌ పేపర్లు, ఓటర్ల తుది జాబితాను జిల్లా కార్మిక శాఖ అధికారులు అందజేశారు. మహబూబ్‌నగర్‌ రీజియన్‌ పరిధిలోని పది డిపోలకు గాను మొత్తం 3,098 మంది ఓటర్లు అర్హత సాధించిన విషయం విదితమే. కాగా, ప దేళ్ల తర్వాత జరుగుతున్న ఈ ఎన్నికల్లో ప్రస్తు తం టీడబ్ల్యూ యూ కూటమిలో టీఎంయూ (అశ్వత్థామరెడ్డి వర్గం), ఎస్‌డబ్ల్యూఎఫ్‌ ఉన్నాయి. అలాగే ఈ యూ అలయెన్స్‌లో టీఎంయూ (థామస్‌రెడ్డి వర్గం), ఎన్‌ఎంయూ ఉన్నాయి. దీంతో ఈనెల 9న జరిగే ఈ ఎన్నికలకు సంబంధించిన ప్రచారానికి ఆయా కూటముల నాయకులు సిద్ధమయ్యారు. అక్టోబర్‌ 1 నుంచి ఆయా డిపోలలో ప్రచారం చేయనున్నారు.ఈ మేరకు అన్ని ఏ ర్పాట్లు చేసుకుంటున్నారు. నిబంధనల ప్రకా రం ఒక్కో ఓటరు రెండు ఓట్లు వేయాల్సి ఉంటుంది. ఇక రాష్ట్రస్థాయిలో గుర్తింపునకు క్లాస్‌–3, రీజియన్‌ స్థాయిలో గుర్తింపునకు క్లాస్‌–6గా పరిగణిస్తారు.

కొన్ని రోజుల నుంచి బియ్యం రేట్లు విపరీతంగా పెరిగాయి. కిలో రూ. 60 నుంచి రూ. 70 వరకు అమ్ముతున్నారు. మధ్యతరగతి కుటుంబాలు కొనుగోలుచేసే పరిస్థితి లేదు. వాటితో పాటు నిత్యావసరాల ధరలు కూడా విపరీతంగా పెరిగాయి. సామాన్యులు చాలా ఇబ్బందులు పడుతున్నారు. ప్రభుత్వం స్పందించి ధరలు తగ్గించాలి. – పరమేశ్వర్‌, నాగర్‌కర్నూల్‌ 20 ఏళ్లలో ఎప్పుడు చూడలే.. 20ఏళ్ల నుంచి బియ్యం వ్యాపారం చేస్తున్నా. ఈ విధంగా ధరల పెంపు ఎప్పుడు చూడలేదు. గతంలో ప్రతినెలా క్వింటాపై రూ.100 పెరిగేది. ఈ స్థాయిలో పెరగడం ఇదే మొదటి సారి. బియ్యం కొనుగోలు చేసేవారు చాలా ఇబ్బంది పడుతున్నారు. ఇక్కడ పండే సన్నరకం ధాన్యాన్ని ఇతర రాష్ట్రాలకు ఎగుమతి చేయకుండా ఉంటే కొంతమేర రేట్లు తగ్గే అవకాశం ఉంది. – గుబ్బ ఈశ్వర్‌, బియ్యం వ్యాపారి, కల్వకుర్తి ●

రెవెన్యూ భూములకు సంబంధించి 1954–55 భూ రికార్డులను ప్రామాణికంగా పరిగణించాలని ఇటీవల అసెంబ్లీలో సీఎం రేవంత్‌రెడ్డి పేర్కొన్న విషయాన్ని కాలనీ వాసులు గుర్తుచేస్తున్నారు. కాస్రా, చెస్సాలా పహాణీల్లో సర్వే నంబర్‌ 160/పి పట్టా భూమిగా నమోదై ఉన్నట్లు రెవెన్యూ రికార్డులు స్పష్టం చేస్తున్నాయని చెబుతున్నారు. అయినా తమ భూమిని దేవాదాయ శాఖ భూముల జాబితాలో చేర్చడం వల్ల అన్యాయం జరిగిందని ఆవేదన వ్యక్తం చేస్తున్నారు. రెవెన్యూ అధికారులు జారీ చేసిన కాస్రా, చెస్సాలా పహాణీలు

ప్లాట్లు కొనుగోలు చేసే సమయంలో న్యాయపరమైన అన్ని ధ్రువీకరణ పత్రాలు పరిశీలించే కొనుగోలు చేశాం. 20 ఏళ్ల కిందటే పట్టాదారుల రిజిస్ట్రేషన్లు, నాలా, డీటీసీపీ అనుమతులు ఉన్నాయి. గ్రామపంచాయతీ నుంచి ఇళ్ల నిర్మాణానికి అనుమతులు తీసుకున్నాం. బ్యాంకులు రుణాలు ఇచ్చాయి. పన్నులు కూడా చెల్లిస్తున్నాం. రికార్డులు సరిగ్గా లేకపోతే ప్రభుత్వం అనుమతులు ఎలా ఇస్తుంది.. బ్యాంకులు రుణాలు ఎలా ఇస్తాయి? ఇన్నేళ్ల తర్వాత దేవాదాయ శాఖ భూమి అంటూ ఇబ్బందులు కల్పించడం సరికాదు. వెంటనే ఎన్‌ఓసీలు జారీ చేసి న్యాయం చేయాలి. – రాఘవేందర్‌, అధ్యక్షుడు, సరస్వతీ నగర్‌ కాలనీ ఇన్నేళ్ల తర్వాత అభ్యంతరం తగదు జడ్చర్ల పరిధిలో 20 ఏళ్ల కిందటే డీటీసీపీ అనుమతులతో వెంచర్‌ ఏర్పాటు చేశారు. అండర్‌గ్రౌండ్‌ డ్రైనేజీ, బీటీ రోడ్లు, ఓవర్‌హెడ్‌ ట్యాంకు, పార్కులు వంటి సౌకర్యాలు కూడా కల్పించారు. అన్ని రికార్డులు పరిశీలించిన తర్వాతే మేము ప్లాట్లు కొనుగోలు చేసి ఇళ్లు నిర్మించుకున్నాం. ఇన్నేళ్ల తర్వాత అభ్యంతరం వ్యక్తం చేయడం సరికాదు. వెంటనే సమస్యను పరిష్కరించి న్యాయం చేయాలి. – మధుసూదన్‌రెడ్డి, మాజీ అధ్యక్షుడు, సరస్వతీ నగర్‌ కాలనీ

నాగర్‌కర్నూల్‌: సన్నబియ్యం ధరలకు రెక్కలొచ్చాయి. పది నెలల్లో క్వింటాకు రూ. 2,500 వరకు అధికం కాగా.. రెండు నెలల్లోనే మాత్రం రూ.1700 పెరిగింది. ఎల్‌నినో ప్రభావంతో వరిసాగు విస్తీర్ణం తక్కువగా ఉందని.. ఆశించినంత దిగుబడి రాకపోవచ్చనని వ్యాపారులు అంచనా వేసి ధరలు పెంచేశారు. ఇటీవల కొన్ని రైస్‌మిల్లులు మూతపడటాన్ని కూడా వ్యాపారులు తమకు అనుకూలంగా మార్చుకున్నారు. బియ్యం కృత్రిమ కొరత సృష్టించి, అధిక ధరలతో సొమ్ము చేసుకుంటున్నారనే మిమర్శలు ఉన్నాయి. బియ్యం ధరల పెరుగుదలతో ఉమ్మడి జిల్లాలోనే రోజు రూ.15 లక్షల వరకు ప్రజలపై అదనపు భారం పడుతోంది. రేషన్‌ లబ్ధిదారులకు ప్రభుత్వం ఉచితంగా బియ్యం ఇస్తుండటం కొంత ఉపశమనం కలిగిస్తుండగా.. ఇతర వర్గాలపై బియ్యం ధరల ప్రభావం బాగానే ఉంది. వానాకాలం వరికోతలు ప్రారంభమైతే కొంత మేర ధరలు తగ్గే అవకాశం ఉంది. ఇతర రాష్ట్రాలకు ఎగుమతి.. తెలంగాణలో పండే సన్నబియ్యం (ఆర్‌ఎన్‌ఆర్‌) రకానికి మంచి డిమాండ్‌ ఉంది. ప్రధానంగా పాలమూరులో ఆర్‌ఎన్‌ఆర్‌ సాగుకు మంచి పేరుంది. ఇక్కడ పండే పంట ఇతర రాష్ట్రాలకు ఎగుమతి అవుతుంది. ప్రధానంగా కర్ణాటక రాష్ట్రానికి ఇక్కడి నుంచి ఎక్కువగా ఈ రకం బియ్యాన్ని వ్యాపారులు ఎగుమతి చేస్తుంటారు. దీంతో ఇక్కడ సన్నబియ్యానికి డిమాండ్‌ ఏర్పడి, రేట్లు పెంచారనే ఆరోపణలు ఉన్నాయి. హైదరాబాద్‌, మిర్యాలగూడ ప్రాంత వ్యాపారుల ఆజమాయిషీలోనే బియ్యం రేట్ల నిర్ణయం ఉంటుందని తెలుస్తోంది. కారణాలు అనేకం.. వానాకాలంలో వరిసాగు చాలా తక్కువగా ఉంది. ఉన్న పంటకు సైతం కరెంటు కోతలు, నీటి సమస్యలతో ఆశించిన దిగుబడి వచ్చే అవకాశాలు లేవు. ఉమ్మడి జిల్లాలో దాదాపు 6 లక్షల ఎకరాల్లో వరిసాగు అంచనా కాగా.. కాల్వలకు నీరు రావడంతో 4 లక్షల ఎకరాల్లో మాత్రమే సాగైంది. అయితే వర్షాభావం, కేఎల్‌ఐ కాల్వలకు నీటి విడుదలలో అంతరాయం, కరెంటు కోతలతో పంట దిగుబడి తగ్గే పరిస్థితి ఏర్పడింది. దీంతో బియ్యం కొరత ఉంటుందనే అంచనాతో వ్యాపారులు ధరలు పెంచారు. ● ప్రభుత్వం రేషన్‌ దుకాణాలు, వసతి గృహాలు, పాఠశాలలు, కళాశాలలకు సన్నబియ్యం సరఫరా చేస్తోంది. సన్న వడ్లను సీఎంఆర్‌ కోసం మిల్లర్లు కొనుగోలు చేయడంతో మార్కెట్‌లో నిల్వలు తగ్గాయి. ఫలితంగా కొరత పెరిగి ధరలు పెరిగాయని వ్యాపారులు చెబుతున్నారు. ప్రజలపై రూ.లక్షల్లో భారం.. ఉమ్మడి జిల్లాలో రోజుకు 1,400–1,600 క్వింటాళ్ల బియ్యం విక్రయమవుతోంది. క్వింటాకు రూ.1,000 పెరిగితే రోజుకు సుమారు రూ.15లక్షల అదనపు భారం ప్రజలపై పడుతోంది. ధరల పెరుగుదల ప్రభావంతో హోటళ్లలోనూ ధరలు పెరిగాయి. పది నెలల్లో పెరుగుదల ఇలా.. పది నెలలుగా సన్నబియ్యం ధరలను పరిశీలిస్తే, ప్రజల గుండె గుభేలుమంటోంది. గతేడాది నవంబర్‌లో కింటా బియ్యం ధర రూ. 4,400 ఉండగా.. ప్రస్తుతం రూ. 6,400 నుంచి రూ. 7,000 వరకు విక్రయిస్తున్నారు. అయితే మార్చి నుంచి ధరల పెరుగుదల ప్రారంభమైంది. ఫిబ్రవరి వరకు రూ. 4,600 ఉండగా.. ఏప్రిల్‌లో ఏకంగా క్వింటాకు రూ. 300 పెరిగి, రూ. 4,900కి విక్రయించారు. మే నుంచి జూలై వరకు రూ.200 పెరుగుకుంటూ వచ్చింది. జూలైలో రూ. 5,500 ఉండగా.. ఆగస్టు చివరి వారంలో రూ. 6,300కు చేరింది. సెప్టెంబర్‌లో రూ. 7,000 ధర పలుకుతోంది. ఈ రేట్లు కేవలం హోల్‌సెల్‌ వ్యాపారులకు మాత్రమే. వారికి హమాలీ, రవాణా ఖర్చుతో క్వింటాకు మరో రూ. 200 వరకు పెరుగుతుంది. ఈ లెక్కన ప్రజలకు రూ. 7,100 నుంచి రూ.7,300 వరకు బియ్యం విక్రయిస్తున్నారు. 10 నెలల్లోనే క్వింటాకు రూ.2,500 దాక పెంపు గతేడాది ఇదే నెలలో రూ 4,500 ధర.. ప్రస్తుతం రూ.7 వేలకు విక్రయం ఉమ్మడి జిల్లా ప్రజలపై రోజు రూ.15 లక్షల వరకు భారం ఎల్‌నినో ప్రభావంతో వరిసాగు విస్తీర్ణం తగ్గడమే కారణం

మహబూబ్‌నగర్‌ ఎడ్యుకేషన్‌: కలెక్టరేట్‌లో పీఎంశ్రీ పాఠశాలల విద్యార్థులతో మాక్‌ పార్లమెంట్‌ కార్యక్రమాన్ని నిర్వహించారు. విద్యార్థులు పెద్ద సంఖ్యలో పాల్గొని పార్లమెంటరీ విధానాలు, సభ నిర్వహణ తీరును ప్రత్యక్షంగా తెలుసుకున్నారు. స్పీకర్‌గా భూమిక, ప్రధానమంత్రిగా కీర్తన, ప్రతిపక్ష నాయకురాలిగా ప్రవళిక వ్యవహరించగా.. పలువురు విద్యార్థులు మంత్రులు, ఎంపీల పాత్రలను పోషించారు. ఈ సందర్భంగా డీఈఓ విజయకుమారి మాట్లాడుతూ చిన్న వయసులోనే విద్యార్థులు మాక్‌ పార్లమెంట్‌లో పాల్గొనడం ద్వారా ప్రజాస్వామ్య విలువలు, చట్టాల రూపకల్పన విధానం, సభా నిర్వహణపై అవగాహన పెంపొందుతుందన్నారు. నాయకత్వ లక్షణాలను అలవర్చుకునేందుకు ఇలాంటి కార్యక్రమాలు దోహదపడతాయని తెలిపారు. అనంతరం ఉత్తమ ప్రతిభ కనబరిచిన విద్యార్థులకు ప్రశంసాపత్రాలను అందజేశారు.

మహబూబ్‌నగర్‌ ఎడ్యుకేషన్‌: ఉమ్మడి మహబూబ్‌నగర్‌ జిల్లా వ్యాప్తంగా ఎస్‌ఏ–1 (సమ్మేటివ్‌ అసెస్‌మెంట్‌) పరీక్షలు నేటి నుంచి(గురువారం) ప్రారంభం కానున్నాయి. ప్రాథమిక స్థాయి నుంచి ఉన్నత పాఠశాలల వరకు విద్యార్థులకు పరీక్షలు నిర్వహించనున్నారు. తొలిసారిగా పరీక్షల జవాబు పత్రాలను మండల విద్యావనరుల కేంద్రాల్లో (ఎమ్మార్సీ) మూల్యాంకనం చేయనున్నారు. ప్రభుత్వ, ప్రైవేటు పాఠశాలలకు ప్రశ్నాపత్రాలను ఎమ్మార్సీల నుంచే పంపించనున్నారు. పరీక్షలు పూర్తయిన అనంతరం జవాబు పత్రాలను తిరిగి ఎమ్మార్సీలకు తరలించి మూల్యాంకనం చేపడతారు. ప్రాథమిక స్థాయి జవాబు పత్రానికి రూ.2, హైస్కూల్‌ స్థాయికి రూ.3 చొప్పున పారితోషికం చెల్లించనున్నారు. ఉమ్మడి జిల్లాలో 2,200 ప్రభుత్వ పాఠశాలల్లో 1.80 లక్షల మంది, 1,230 ప్రైవేటు పాఠశాలల్లో 1.10 లక్షల మంది విద్యార్థులు చదువుతున్నారు. మొత్తంగా 2.90 లక్షల మంది పరీక్షలకు హాజరుకానున్నారు. మూల్యాంకనం అనంతరం మార్కులను నమోదు చేసి, ప్రక్రియను అధికారులు పర్యవేక్షించనున్నారు. కాగా.. దీనిపై ఉపాధ్యాయసంఘాల నుంచి కొంత వ్యతిరేకత రావడంతో బుధవారం రాత్రి మూల్యాంకనానికి సంబంధించిన నిబంధనలు మార్చారు. రాష్ట్రంలోని అన్ని జిల్లాల్లో తొమ్మిదో తరగతి విద్యార్థుల జవాబు పత్రాలను మూల్యాంకనం చేయనున్నారు. ఆరో తరగతి విద్యార్థుల జవాబు పత్రాల మూల్యాంకన కూడా ఎమ్మార్సీలో మూల్యాంకనం చేయాల్సి ఉన్నా.. కేవలం తొమ్మిది జిల్లాలను మాత్రమే ఎంపిక చేస్తూ రాష్ట్ర పాఠశాల విద్యా మరియు సమగ్ర శిక్షా డైరెక్టర్‌ జారీ చేసిన ఉత్తర్వులు జారీ చేసింది. ఇందులో ఉమ్మడి పాలమూరు జిల్లాలకు మినహాయింపు ఇచ్చారు. ప్రైవేటు బడుల్లో అనుమానాలు ప్రైవేటు పాఠశాలల్లో అధిక శాతం యాజమాన్యాలు ప్రభుత్వ సిలబస్‌కు అనుగుణంగా బోధన సాగించడం లేదన్న ఆరోపణలు ఉన్నాయి. సొంత సిలబస్‌, పుస్తకాలను అమలు చేస్తున్న నేపథ్యంలో ప్రభుత్వం రూపొందించిన ప్రశ్నాపత్రాలతో పరీక్షలు నిర్వహిస్తారా అనే సందేహాలు వ్యక్తమవుతున్నాయి. గతంలో కొన్ని పాఠశాలల్లో ప్రశ్నాపత్రాలను ముందుగానే విద్యార్థులకు ఇచ్చి జవాబులు రాసుకుని రావాలని సూచించారన్న ఆరోపణలు కూడా ఉన్నాయి. కొత్త మూల్యాంకన విధానంతో ఇలాంటి అక్రమాలకు అడ్డుకట్ట పడుతుందా అనే చర్చ జరుగుతోంది. ప్రభుత్వ ప్రశ్నాపత్రాలతోనే పరీక్షలు సమ్మేటివ్‌ అసెస్‌మెంట్‌ పరీక్షలకు తొలిసారిగా జవాబు పత్రాల మూల్యాంకన విధానాన్ని అమలు చేస్తున్నాం. పరీక్షలు పూర్తయ్యాక తొమ్మిదో తరగతికి చెందిన విద్యార్థుల జవాబు పత్రాలను ఎమ్మార్సీలకు తరలించి అక్కడే మూల్యాంకనం చేపడతాం. ప్రభుత్వం పంపించిన ప్రశ్నాపత్రాల ఆధారంగానే పాఠశాలలు పరీక్షలు నిర్వహించాలి. నిబంధనలకు విరుద్ధంగా వ్యవహరిస్తే చర్యలు తీసుకుంటాం. – విజయకుమారి, డీఈఓ, మహబూబ్‌నగర్‌ తొలిసారి ఎమ్మార్సీల్లో 9వ తరగతి జవాబు పత్రాల మూల్యాంకనం ప్రక్రియను పరిశీలించనున్న అధికారులు.. మార్కుల నమోదు ప్రభుత్వ సిలబస్‌ను పట్టించుకోని ప్రైవేటు యాజమాన్యాలు

మహబూబ్‌నగర్‌ క్రీడలు: జిల్లా కేంద్రంలోని మెయిన్‌ స్టేడియంలో బుధవారం స్కూల్‌ గేమ్స్‌ ఫెడరేషన్‌ అండర్‌–14, అండర్‌–17 విభాగాల ఉమ్మడి జిల్లా హ్యాండ్‌బాల్‌ బాలబాలికలు ఎంపికలు నిర్వహించారు. ఎంపికలకు దాదాపు 350 మంది హాజరయ్యారు.రాష్ట్రస్థాయి ఎస్‌జీఎఫ్‌ క్రీడల్లో జిల్లా జట్లు మెరుగైన ప్రతిభ కనబరిచి విజేతలుగా నిలవాలని మహబూబ్‌నగర్‌ డీవైఎస్‌ఓ రాజశేఖర్‌రెడ్డి అన్నారు. ● మెయిన్‌ స్టేడియంలో స్కూల్‌ గేమ్స్‌ ఫెడరేషన్‌ ఉమ్మడి జిల్లా అండర్‌–14, అండర్‌–17, అండర్‌–19 విభాగాల బాక్సింగ్‌ క్రీడాకారుల ఎంపికలు సైతం నిర్వహించారు. ఆయా కార్యక్రమంలో పెటాటీఎస్‌ జిల్లా అధ్యక్షులు జగన్‌మోహన్‌గౌడ్‌, ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌, కోచ్‌లు శంకర్‌, రవికుమార్‌గౌడ్‌, జియావుద్దీన్‌, ప్రదీ్‌ప్‌, అర్చన, సుమతి, రాధ, బాలు, బాక్సింగ్‌అసోసియేషన్‌ ప్రతినిధులు బెక్కరి మధుసూదన్‌రెడ్డి, బొంబాయి నర్సింలు, పీడీ రామేశ్వరయ్య, కోచ్‌ శంకర్‌ తదితరులు పాల్గొన్నారు.

ఆరు పదులు దాటిన వయసులోనూ ఆత్మీయ అనుబంధంతో సామాజిక, ఆధ్యాత్మిక సేవా కార్యక్రమాలు చేపడుతున్నారు జడ్చర్లకు చెందిన పెద్దలు. వివిధ రంగాల్లో స్థిరపడిన 40 మంది కలిసి ఏర్పాటు చేసిన ఆత్మీయ మిత్రమండలి పలు సేవా కార్యక్రమాలతో ఆదర్శంగా నిలుస్తోంది. రాష్ట్ర సంగీత నాటక అకాడమీ మాజీ చైర్మన్‌ బి.శివకుమార్‌ ఆధ్వర్యంలో ఏర్పాటైన ఈ మండలి ఇప్పటికే పలు ఆధ్యాత్మిక కార్యక్రమాలు నిర్వహించింది. 87 కుటుంబాలకు అన్నదానం జడ్చర్లలో ఎవరైనా మృతి చెందితే వారి కుటుంబ సభ్యులకు అండగా నిలిచేందుకు ‘అంతిమ ఆరాధన’ పేరుతో అదే రోజు అన్నదానం చేస్తున్నారు. సాధారణంగా మృతుల ఇళ్లలో వంట చేయని పరిస్థితుల్లో కుటుంబ సభ్యులు, బంధువులకు ఇబ్బంది లేకుండా అన్నదానం అందిస్తున్నారు. ఇప్పటివరకు 87 కుటుంబాలకు ఈ సేవ అందించారు. ప్రవచనాలు.. అష్టావధానం ప్రముఖ ప్రవచనకారులతో కార్యక్రమాలు నిర్వహించడంతోపాటు అష్టావధానం, వేమన పద్యాలు, భగవద్గీత శ్లోకాల పఠనం వంటి కార్యక్రమాలు చేపట్టారు. ఔత్సాహికులను ప్రోత్సహించేందుకు సాంస్కృతిక కార్యక్రమాలనూ నిర్వహిస్తున్నారు. మండలిలో 40 మంది సభ్యులు ఉండగా పలువురు దాతలు సహకరిస్తున్నారు. ● విప్లవ వీరుడు పండుగ సాయన్న జీవితంపై నాటక ప్రదర్శనకు మండలి కసరత్తు చేస్తోంది. అక్టోబర్‌ 22న సాయన్న జయంతి సందర్భంగా హైదరాబాద్‌లోని రవీంద్రభారతిలో ప్రదర్శన ఇవ్వనున్నారు. ఇందులో ఉమ్మడి పాలమూరు జిల్లాకు చెందిన కళాకారులే పాల్గొననున్నారు.

–పీయూలో ఎన్‌ఎస్‌ఎస్‌ ఆధ్వర్యంలో రక్తదాన, మెడికల్‌ క్యాంప్‌లు మహబూబ్‌నగర్‌ ఎడ్యుకేషన్‌: విద్యార్థులు రక్తదానం చేసి ప్రాణదాతలు కావాలని పీయూ వీసీ శ్రీనివాస్‌ సూచించారు. ఈమేరకు పీయూలో ఎన్‌ఎస్‌ఎస్‌ ఆధ్వర్యంలో ఏర్పాటు చేసిన రక్తదాన, మెడికల్‌ క్యాంప్‌ కార్యక్రమంలో ఆయన మాట్లాడారు. అత్యవసర పరిస్థితుల్లో అనేక మంది రక్తం దొరకక ప్రాణాలు కోల్పోతున్నారని, రక్తదానం వారిని ఆదుకోవడం సామాజిక బాధ్యతగా భావించాలన్నారు. విద్యార్థులు చదువుతో పాటు ఆరోగ్యంపై శ్రద్ధ వహించి సేవా కార్యక్రమాల్లో పాల్గొనాలన్నారు. రిజిస్ట్రార్‌ రమేష్‌బాబు మాట్లాడుతూ ఎన్‌ఎస్‌ఎస్‌ ఆధ్వర్యంలో రక్తదానంతో పాటు వైద్య శిబిరం నిర్వహించడం అభినందనీయమని, విద్యార్థులు మెడికల్‌ క్యాంపులను సద్వినియోగం చేసుకోవాలని సూచించారు. ఈ మేరకు 80 మందికిపైగా విద్యార్థులు రక్తదానం చేయగా వారిని వీసీ, రిజిస్ట్రార్‌లు అభినందించి ప్రశంసాపత్రాలు అందజేశారు. కార్యక్రమంలో ఎన్‌ఎస్‌ఎస్‌ కోఆర్డినేటర్‌ ప్రవీణ, వీసీ ఓఎస్డీ మధుసూదన్‌రెడ్డి, ప్రిన్సిపాల్స్‌ ఈశ్వర్‌కుమార్‌, కృష్ణయ్య, ప్రోగ్రాం అధికారులు రవికుమార్‌, అర్జున్‌కుమార్‌, గాలెన్న తదితరులు పాల్గొన్నారు.

60 ఏళ్లు దాటాక ఇంట్లో ఖాళీగా ఉండకుండా సెకండ్‌ ఇన్నింగ్స్‌ ప్రారంభించాం. ఇప్పుడు బాధ్యతలు కూడా పెరుగుతున్నాయి. 25 మంది సభ్యులతో ప్రారంభమైన ఫోరం ప్రస్తుతం 1,600 మందికి చేరింది. వృద్ధులకు సమస్య వచ్చినప్పుడు అవసరమైన సలహాలు అందిస్తూ పరిష్కారానికి కృషి చేస్తున్నాం. ఒంటరిగా ఉన్న వృద్ధులకు అండగా ఉన్నామనే భరోసా కల్పిస్తున్నాం. కొద్దిరోజులుగా ప్రతి ఆదివారం కొందరి ఇళ్లకు వెళ్లి వారితో సమయం గడుపుతూ ఒంటరితనం లేకుండా చూస్తున్నాం. – జగపతిరావు, అధ్యక్షుడు, సీనియర్‌ సిటిజన్‌ ఫోరం, మహబూబ్‌నగర్‌ నంబరులోనే వృద్ధాప్యం.. మనసుకు కాదు వృద్ధాప్యం అనేది నంబర్లలో చెప్పుకోటానికే.. మనసుకు కాదు. 60 ఏళ్లు దాటిన ప్రతి ఒక్కరి ఆరోగ్యం బాగుండాలన్నదే మా లక్ష్యం. అందుకోసం ఆరోగ్య కమిటీ ఏర్పాటు చేసి సేవలు అందిస్తున్నాం. సామాజిక సేవతోపాటు అధికారుల సహకారంతో కౌన్సిలింగ్‌ ఇస్తూ కుటుంబాల్లో కలతలను తగ్గిస్తున్నాం. న్యాయ సేవాధికార సంస్థ ద్వారా న్యాయ అవగాహన సదస్సుల్లో పాల్గొంటున్నాం. మా లాంటి వారిలో నూతనోత్సాహం కలిగేలా ఫోరం ముందుకు సాగుతోంది. – నయీమోద్దిన్‌, అధ్యక్షుడు, సీనియర్‌ సిటిజన్‌ ఫోరం, జడ్చర్ల అన్ని పట్టణాల్లో ‘అంతిమ ఆరాధన’ వయసు భారం తెలియకుండా ఉత్సాహంగా దినచర్య గడిపేందుకు ఆత్మీయ మిత్రమండలి ఏర్పాటు చేసుకున్నాం. ఇప్పటివరకు అనేక సామాజిక, ఆధ్యాత్మిక, ధార్మిక కార్యక్రమాలు నిర్వహించాం. చనిపోయిన వారి కుటుంబాలకు అండగా నిలిచేందుకు ‘అంతిమ ఆరాధన’ పేరుతో అన్నదానం చేస్తున్నాం. ఇప్పటికే 87 కుటుంబాలకు అండగా నిలిచాం. త్వరలోనే ఈ కార్యక్రమాన్ని జిల్లాలోని అన్ని పట్టణాలకు విస్తరించేందుకు ప్రయత్నిస్తున్నాం. అక్టోబర్‌ 22న పండగ సాయన్న నాటకాన్ని రవీంద్రభారతిలో ప్రదర్శించేందుకు అనుమతి లభించింది. – బి.శివకుమార్‌, ఆత్మీయ మిత్రమండలి అధ్యక్షుడు ●

జెడ్పీసెంటర్‌(మహబూబ్‌నగర్‌): వయో వృద్ధుల సంక్షేమం, హక్కుల పరిరక్షణకు ప్రతి ఒక్కరూ కృషి చేయాలని అదనపు కలెక్టర్‌ మధుసూదన్‌నాయక్‌ అన్నారు. అంతర్జాతీయ వయో వృద్ధుల దినోత్సవం సందర్భంగా బుధవారం జిల్లాకేంద్రంలో ర్యాలీ నిర్వహించారు. స్టేడియం గ్రౌండ్‌ నుంచి అంబేద్కర్‌ చౌరస్తా వరకు ర్యాలీ కొనసాగింది. ఈ సందర్భంగా అదనపు కలెక్టర్‌ మాట్లాడుతూ.. సమాజ నిర్మాణంలో వయో వృద్ధుల పాత్ర, వారి అనుభవం ఎంతో విలువైనదన్నారు. రాబోయే తరాలకు వారు మార్గదర్శకులని, వారికి గౌరవం, భద్రత, నాణ్యమైన వైద్య సేవలు అందించడం ప్రతి ఒక్కరి బాధ్యతని తెలిపారు. ప్రభుత్వం అమలు చేస్తున్న వృద్ధుల సంక్షేమ పథకాలు, చట్టపరమైన హక్కులపై అవగాహన పెంచుకోవాలని సూచించారు. కార్యక్రమంలో డీడబ్ల్యూఓ జరీనా బేగం, సీనియర్‌ సిటిజన్‌ ఫోరం ఉపాధ్యక్షుడు రాజసింహుడు, కార్యదర్శి నాగభూషణం, కోటేశ్వరరెడ్డి, టి.బుచ్చన్న, నాగేంద్రస్వామి, బాలయ్య, వివిధ శాఖల అధికారులు, సీనియర్‌ సిటిజన్లు పాల్గొన్నారు.

మహబూబ్‌నగర్‌ క్రైం: నగరంలో ట్రాఫిక్‌ సమస్యలు తలెత్తకుండా పటిష్ట చర్యలు తీసుకోవాలని స్పీ డి.జానకి అధికారులను ఆదేశించారు. రద్దీ సమయాల్లో ప్రధాన కూడళ్ల వద్ద సిబ్బంది కేటాయించిన పాయింట్లలో తప్పక విధులు నిర్వహించాలని సూచించారు. బుధవారం ట్రాఫిక్‌ పోలీస్‌స్టేషన్‌ను ఎస్పీ వార్షికంగా తనిఖీ చేశారు. జనరల్‌ డైరీ, కేసు రికార్డులు, ట్రాఫిక్‌ ఉల్లంఘనలు, పెండింగ్‌ కేసులు, ఈ–చలాన్లు, వాహనాల తనిఖీలు, రోడ్డు ప్రమాదాలు, కోర్టు కేసులు, బీట్‌ డ్యూటీలకు సంబంధించిన రికార్డులను పరిశీలించారు. ట్రాఫిక్‌ ఉల్లంఘనల నియంత్రణ, రోడ్డు ప్రమాదాల నివారణకు తీసుకుంటున్న చర్యలను అడిగి తెలుసుకున్నారు. విధుల్లో భాగంగా వాయు కాలుష్యం, దుమ్ము, పొగకు గురయ్యే అవకాశం ఉన్నందున సిబ్బంది ఆరోగ్య పరిరక్షణకు తగిన జాగ్రత్తలు తీసుకోవాలని సూచించారు. కార్యక్రమంలో డీసీఆర్‌బీ డీఎస్పీ రమణారెడ్డి, సీఐ రాజేందర్‌రెడ్డి, ఎస్‌ఐలు, ఏఎస్‌ఐలు పాల్గొన్నారు. జిల్లాలో 30 పోలీస్‌ యాక్ట్‌ అమలు శాంతిభద్రతలు, ప్రజా ప్రశాంతతను దృష్టిలో ఉంచుకుని గురువారం నుంచి ఈ నెల 31 వరకు జిల్లావ్యాప్తంగా 30 పోలీస్‌ యాక్ట్‌ అమల్లో ఉంటుందని ఎస్పీ డి.జానకి తెలిపారు. ముందస్తు పోలీస్‌ అనుమతి లేకుండా ర్యాలీలు, ఊరేగింపులు, బహిరంగ సభలు, ధర్నాలు, సమావేశాలు నిర్వహించరాదని స్పష్టం చేశారు. నిబంధనలు ఉల్లంఘించి ప్రజా శాంతిభద్రతలకు భంగం కలిగించేలా వ్యవహరిస్తే చట్టప్రకారం చర్యలు తీసుకుంటామని హెచ్చరించారు.

మన్ననూర్‌: అమ్రాబాద్‌ పులుల రక్షిత అభయారణ్యంలో గత కొంత కాలంగా నిర్వాహణలో ఉన్న జంగల్‌ సఫారీ నేడు అక్టోబర్‌ 1వ తేదీ నుంచి పునః ప్రారంభమవుతుందని డీఎఫ్‌ఓ రేవంత్‌ చంద్ర ఆదేశాల మేరకు మన్ననూర్‌ ఎఫ్‌ఆర్‌ఓ సవిత తెలిపారు. వన్యప్రాణుల బ్రీడింగ్‌ సమ యమైనందున వాటి స్వేచ్ఛను దృష్టిలో ఉంచుకొని మూడు నెలలు గా సఫారీ మూసి ఉంచడంతోపాటు అటవీ ప్రాంతంలో ఎలాంటి జనసంచారం లేకుండా జాగ్రత్తలు తీసుకున్న సంగతి విధితమే. అక్టోబర్‌ 1వ తేదీ మొదలు కొని ప్రతినిత్యం సఫారీ వాహనాలు సంబంధిత అటవీ శాఖ అధికారులు నిర్ధేశించిన ప్రాంతాల్లో ప్రకృతి ప్రియులు, వన్యప్రాణుల ప్రేమికుల కోసం సిద్ధంగా ఉంచనున్నట్లు పేర్కొన్నారు. పర్యాటకులు సఫారీలో ఉన్న క్రమంలో సూచనలు, సలహాలు ఇచ్చేందుకు ప్రతి వాహనం వెంట అనుభవజ్ఞలైన నేచర్‌ గైడ్స్‌ ఒకరు అందుబాటులో ఉండి వన్యప్రాణులు, అరుదైన వృక్షజాలం గురించి వివరిస్తుంటారని తెలిపారు. ప్రస్తుతం వర్షాకాలం కావడంతో అడవులు ఆకుపచ్చ రంగులో ఆహ్లాదంగా ఉండటంతోపాటు అధిక మొత్తంలో పెరిగిన వన్య ప్రాణులు ము ఖ్యంగా పెద్దపులులు దారిలో కనిపించి సఫారీ ట్రిప్‌ పర్యాటకులను ఎంతగానో ఆకట్టుకునేదిగా ఉంటాయని ఆశాభావం వ్యక్తం చేశారు. ఫరహాబాద్‌, గుండం, అక్కమ్మదేవి గుహలు వంటి అధికారులు నిర్దేశించిన ప్రదేశాలలో సఫారీ ప్రయాణం కొనసాగుతుందన్నారు. సఫారీ వేళ లు ఉదయం 9గంటల నుంచి సాయింత్రం 4గంటల వరకు ఉంటుంది. ప్రయాణం చేయాలనుకునే పర్యాటక ప్రియులు htt pr: //amrabadtigerreserve.com/ వెబ్‌సెట్‌ను సంప్రదించాలని సూచించారు. సఫారీ ట్రిప్‌లో ఉన్న పర్యాటకులు ప్లాస్టిక్‌, చెత్త చెదారం అటవీ ప్రాంతంలో వేయరాదని, అదేవిధంగా వన్యప్రాణులకు ఎలాంటి ఆహారం అందిచకుండా ఏకో టూరిజం నిబంధనలు తూచా తప్పకుండా పాటించాల్సి ఉంటుందని తెలిపారు.

జెడ్పీసెంటర్‌(మహబూబ్‌నగర్‌): విద్యార్థులు, యువత మత్తు పదార్థాలకు బానిస కాకుండా విద్యాసంస్థల యాజమాన్యాలు, పోలీసులు, విద్యాశాఖ, ఇతర శాఖలు సమన్వయంతో పనిచేయాలని కలెక్టర్‌ ఖుష్బూగుప్తా సూచించారు. బుధవారం కలెక్టరేట్‌లో మాదకద్రవ్యాల నివారణపై జిల్లా అధికారులు, కళాశాలల ప్రతినిధులతో నిర్వహించిన సమావేశంలో ఎస్పీ డి.జానకితో కలిసి ఆమె పాల్గొన్నారు. జిల్లాలో మత్తు పదార్థాల నివారణకు చేపడుతున్న చర్యలు, విద్యార్థుల్లో అవగాహన కార్యక్రమాలపై సమీక్షించారు. కలెక్టర్‌ మాట్లాడుతూ.. విద్యార్థుల భవిష్యత్తును దృష్టిలో ఉంచుకుని కళాశాలల్లో నిరంతరం అవగాహన కార్యక్రమాలు నిర్వహించాలని సూచించారు. మాదకద్రవ్యాల వినియోగంతో కలిగే అనర్థాలు, భవిష్యత్‌లో ఎదురయ్యే పరిణామాలు, చట్టపరమైన చర్యలపై విద్యార్థులకు వివరించాలని అన్నారు. ముఖ్యంగా మెడికల్‌, ఇంజినీరింగ్‌, యూనివర్సిటీ, ఇతర ప్రొఫెషనల్‌ కళాశాలల్లో ఇండక్షన్‌ కార్యక్రమాల సందర్భంగా ప్రత్యేక అవగాహన కల్పించాలని తెలిపారు. జాతీయ రహదారి–44 పరిధిలోని బాలానగర్‌ తదితర ప్రాంతాల్లో మత్తు పదార్థాల అక్రమ రవాణా, వినియోగాన్ని అరికట్టేందుకు ప్రత్యేక నిఘా ఏర్పాటు చేయాలని అధికారులను ఆదేశించారు. సంబంధిత శాఖలు సమన్వయంతో పనిచేయాలని సూచించారు. విద్యాసంస్థల పరిసరాల్లో మత్తు పదార్థాల విక్రయం, వినియోగానికి సంబంధించిన సమాచారం తెలిస్తే వెంటనే పోలీసులకు తెలియజేయాలని ఎస్పీ డి.జానకి సూచించారు. అన్ని కళాశాలల్లో మాదకద్రవ్యాల నివారణపై అవగాహన పోస్టర్లు ఏర్పాటు చేయాలని అన్నారు. డీఆర్వో నిర్మల, ఏఎస్పీ బి.రత్నం, మున్సిపల్‌ కార్పొరేషన్‌ కమిషనర్‌ రామాంజులారెడ్డి, వివిధ శాఖల అధికారులు, విద్యాసంస్థల ప్రతినిధులు పాల్గొన్నారు.

జడ్చర్ల టౌన్‌: రిటైర్‌మెంట్‌ తర్వాత ఇంటికే పరిమితం కాకుండా సీనియర్‌ సిటిజన్‌ ఫోరం సభ్యులు సమాజ సేవలో చురుగ్గా పాల్గొంటున్నారు. 60 ఏళ్లు దాటిన వృద్ధుల సంక్షేమమే లక్ష్యంగా ఏర్పాటైన ఫోరాలు మహబూబ్‌నగర్‌, జడ్చర్ల, హన్వాడ, రాజాపూర్‌, నవాబుపేట, దేవరకద్రల్లో సేవలందిస్తున్నాయి. 2017లో మహబూబ్‌నగర్‌లో 25 మందితో ప్రారంభమైన ఫోరం ప్రస్తుతం 1,600 మంది సభ్యులకు చేరింది. 2022లో జడ్చర్లలో 45 మందితో ప్రారంభమైన ఫోరం 600 మందితో కొనసాగుతోంది. రిటైర్డ్‌ ఉద్యోగులతోపాటు వ్యాపారులు, మేధావులు, ఇతర వర్గాలకు చెందిన 60 ఏళ్లు పైబడిన వారు సభ్యులుగా ఉన్నారు. న్యాయ.. వైద్య సేవలు వృద్ధులకు ఆరోగ్యంపై అవగాహన కల్పించడంతోపాటు ఉచిత వైద్య శిబిరాలు నిర్వహిస్తున్నారు. ప్ర భుత్వ ఆస్పత్రులకు వచ్చే వృద్ధులకు వైద్య సేవలు త్వరగా అందేలా ఫోరం సభ్యులు సహకరిస్తున్నా రు. ఆస్తి తగాదాలు, కుటుంబ సమస్యల్లో ఇరుపక్షాలకు కౌన్సిలింగ్‌ ఇచ్చి రాజీకి ప్రయత్నిస్తున్నారు. ఇటీవల న్యాయవిజ్ఞాన మండలిలో సభ్యు లుగా చేరి న్యాయ అవగాహన సదస్సుల్లో పాల్గొంటున్నారు. ఒంటరితనానికి చెక్‌ వృద్ధాశ్రమాల్లో సేవలు అందించడంతోపాటు రైల్వేస్టేషన్‌, బస్టాండ్‌ తదితర ప్రాంతాల్లోని నిరాశ్రయులకు భోజనం, దుప్పట్లు అందిస్తున్నారు. సదరం క్యాంపులకు వచ్చే వారికి భోజనం, స్వగ్రామాలకు వెళ్లేందుకు రవాణా సాయం చేస్తున్నారు. వృద్ధుల్లో ఒంటరితనం తగ్గించేందుకు సభ్యులు వారానికి కొందరి ఇళ్లకు వెళ్లి వారితో సమయం గడుపుతున్నారు. నెలలో పలుమార్లు సమావేశమై సామాజిక, ఆధ్యాత్మిక కార్యక్రమాల్లో పాల్గొంటున్నారు. జడ్చర్లలోనూ విస్తృత సేవలు జడ్చర్ల ఫోరం 600 మంది సభ్యులతో జిల్లాకేంద్రం ఫోరంతో సమానంగా సేవా కార్యక్రమాలు నిర్వహిస్తోంది. అవసరమైనప్పుడు సభ్యులే విరాళాలు సమకూర్చుకుని సేవా కార్యక్రమాలు చేపడుతున్నారు. వృద్ధుల ఆరోగ్యం, న్యాయ హక్కులపై అవగాహన కల్పించడంతోపాటు వృద్ధాశ్రమాల్లో సేవలందిస్తున్నారు. కుటుంబ సమస్యల్లో కౌన్సిలింగ్‌ ద్వారా పలు కుటుంబాలకు అండగా నిలుస్తున్నారు. ● గద్వాలలో 2012లో సీనియర్‌ సిటిజన్‌ ఫోరం ఏర్పాటైంది. ప్రస్తుతం సుమారు 200 మంది సభ్యులు ఉన్నారని జిల్లా ఫోరం అధ్యక్షుడు మోహన్‌రావు తెలిపారు. జిల్లావ్యాప్తంగా విస్తరిస్తున్న సీనియర్‌ సిటిజన్‌ ఫోరం రిటైర్‌మెంట్‌ తర్వాత విశ్రమించకుండా సమాజసేవలో.. తోటి వృద్ధులకు అండగా.. న్యాయ, వైద్య సేవలు నేడు ప్రపంచ వృద్ధుల దినోత్సవం కలెక్టరేట్‌లో ప్రజావాణికి వచ్చే వృద్ధులు దరఖాస్తులు రాయించుకునేందుకు ఇబ్బందులు పడటాన్ని గుర్తించిన ఫోరం సభ్యులు ఉచితంగా దరఖాస్తులు రాసే కార్యక్రమాన్ని ప్రారంభించారు. అనంతరం వృద్ధులకు న్యాయ, వైద్య సహాయం, కౌన్సిలింగ్‌ అందిస్తూ సేవలను విస్తరించారు. తల్లిదండ్రులను నిర్లక్ష్యం చేసే పిల్లలకు కౌన్సిలింగ్‌ ఇచ్చి కుటుంబాల్లో సమస్యలను పరిష్కరించేందుకు కృషి చేస్తున్నారు. ఆర్డీఓ ట్రిబ్యునల్‌లోనూ పలు కేసుల పరిష్కారానికి సహకరించారు.

● ప్రకాశం జిల్లాకు చెందిన యువకుడు మృతి మానవపాడు: ముందు వెళ్తున్న బైక్‌ను వెనుక నుంచి వచ్చిన మరో బైక్‌ ఢీ కొట్టగా.. రైల్వే ఉద్యోగికి గాయాలు కాగా.., మరో వలస జీవి చికిత్స పొందుతూ మృతిచెందిన ఘటన మంగళవారం మండల కేంద్రంలో చోటుచేసుకుంది. ఎస్‌ఐ స్వాతి కథనం ప్రకారం.. రాజస్థాన్‌కు చెందిన ముకుట్‌రాజ్‌ మీనా మానవపాడు రైల్వేస్టేషన్‌లో ట్రాక్‌ మొయింటేనర్‌గా పనిచేస్తూ రైల్వేక్వార్టర్స్‌లో ఉంటున్నాడు. ఆదివారం రాత్రి 7:30 గంటల సమయంలో తన బైక్‌పై కిరాణా సరుకులు తీసుకొని క్వార్టర్స్‌కు రైల్వే అండర్‌పాస్‌ గుండా బయల్దేరాడు. అదే సమయంలో ప్రకాశం జిల్లా తంగడికి చెందిన బాలవెంకట పవన్‌గోపి(27) బైక్‌పై వేగంగా వచ్చి ముకుట్‌రాజ్‌ మీనా బైక్‌ను వెనుక నుంచి ఢీ కొట్టాడు. దీంతో పవన్‌గోపి తీవ్రంగా గాయపడ్డారు. దీంతో వెంటనే స్థానికులు అంబులెన్స్‌లో కర్నూలు ఆస్పత్రికి తరలించారు. అక్కడే చికిత్స పొందుతూ మంగళవారం మృతి చెందాడు. కొంతకాలంగా పవన్‌గోపి జాతీయరహదారి నిర్మాణంలో సూపర్‌వైజర్‌గా పనిచేస్తున్నాడు. ఈ ఘటనపై ముకుట్‌ రాజ్‌ మీనా ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. నీటి బకెట్‌లో పడి చిన్నారి మృతి కేటీదొడ్డి: ఇంటి ఆవరణలో ఆడుకుంటున్న ఓ చిన్నారి నీటి బకెట్‌లో పడి మృతిచెందింది. ఈ విషాదకర ఘటన కేటీదొడ్డి మండలం కొండాపురంలో మంగళవారం చోటు చేసుకుంది. స్థానికుల వివరాల మేరకు.. కొండాపురం గ్రామానికి చెందిన అర్చన – మహేశ్‌ దంపతులు తమ కూతురు రక్షిత (18 నెలలు)ను ఇంటి వద్ద నాన్నమ్మతో ఉంచి వ్యవసాయ పొలానికి వెళ్లారు. ఈ క్రమంలో ఇంటి ఆవరణలో ఆడుకుంటున్న చిన్నారి కొంత సమయానికి కనిపించకుండా పోవడంతో నాన్నమ్మ ఇంటి పరిసరాల్లో వెతకగా.. నీటి బకెట్‌లో తలకిందులుగా పడి కనిపించింది. కొన ఊపిరితో కొట్టుమిట్టాడుతున్న చిన్నారిని చికిత్స నిమిత్తం జిల్లా ఆస్పత్రికి తరలిస్తుండగా.. మార్గమధ్యంలోనే మృతిచెందింది. వివాహమైన నాలుగేళ్లకు జన్మించిన రక్షిత అకాలమృతితో తల్లిదండ్రుల రోదనలు మిన్నంటాయి. అనుమానాస్పదంగా వలస కూలీ మృతి రాజాపూర్‌(బాలానగర్‌): అనుమానాస్పదంగా వలస కూలీ మృతిచెందిన ఘటన మంగళవా రం బాలానగర్‌ శివారులో శివారులో చోటు చేసుకుంది. బాలానగర్‌ ఎస్‌ఐ నరేందర్‌రెడ్డి కథనం ప్రకారం.. పెద్దాయపల్లి శివారులోని బృందావన్‌ టౌన్‌షిప్‌లో ప్లాట్‌నెంబర్‌ 117, 129లో మినీ పంక్షన్‌హాల్‌ నిర్మిస్తున్నారు. యూ పీకి చెందిన బీరేంద్ర లాల్‌సాహెబ్‌ బెన్‌ వంశీ(42) ఏడాదిగా మేసీ్త్ర పనులు చేస్తున్నాడు. నెలక్రితం సొంతూరుకు వెళ్లి తిరిగి వారం క్రితం ఇక్కడికి వచ్చి పనుల్లో చేరాడు. తన వెంట వచ్చేటప్పుడు ఇక్కడ పనిచేసేందుకు యూ పీకి చెందిన వివేక్‌ సింగ్‌ను తీసుకొచ్చి ఇద్దరు పనిచేసేవారు. అయితే మంగళవారం ఉద యం టౌన్‌షిప్‌లోని ఫస్ట్‌ఫ్లోర్‌లో రవి తల వెనక భాగంలో రక్తగాయమై చనిపోయి ఉన్నట్లు స్థానికులు సమాచారం ఇచ్చారు. అక్కడికి వెళ్లి చూడగా.. మృతదేహాన్ని పరిశీలించి అక్కడ ఎవరెవరు ఉన్నారో ఆరా తీయగా మృతుడితోపాటు అతని వెంట పనికోసం వచ్చిన వివేక్‌సింగ్‌ కనిపించక పోవడంతో అతనుగానీ, ఎంకెవరైనా మృతుడి తలపై పదునైన ఆయుధంతో కొట్టి చంపినట్లు అనుమానిస్తున్నట్లు తెలిపారు. ప్లాట్‌ యజమాని కొండని భాస్కర్‌గౌడ్‌ ఫిర్యాదు మేరకు కేసునమోదు చేసి దర్యాప్తు చేస్తున్నట్లు ఎస్‌ఐ తెలిపారు.

కందనూలు: డైమండ్‌ రింగ్‌ పంపిస్తామంటూ గుర్తు తెలియని వ్యక్తి నుంచి ఫోన్‌ రాగా బాధితురాలు రూ.74,500 చెల్లించి, మోసపోయిన ఘటన ఆలస్యంగా వెలుగులోకి వచ్చింది. వివరాలు.. నాగర్‌కర్నూల్‌ మండలంలోని చందుబట్ల గ్రామానికి చెందిన ఓ మహిళకు ఈ నెల 26న ఓ అజ్ఞాత వ్యక్తి నుంచి వాట్సాప్‌ కాల్‌ వచ్చింది. ఫోన్‌ లిప్టు చేసిన ఆమెకు మీ కొడుకు బర్త్‌డే కు డైమండ్‌ రింగ్‌ పంపిస్తామని అజ్ఞాత వ్యక్తి చెప్పారు. వాట్సాప్‌లో స్కానర్‌ పంపిస్తాను రూ.74,500 చెల్లించండి సూచించాడు. అతని మాటలు నమ్మిన బాధితురాలు వెంటనే స్కానర్‌కు డబ్బులు పంపించారు. ఆ తర్వాత తన భర్తకు కాల్‌ చేసి విషయం చెప్పడంతో మోసపోయామని గుర్తించిన ఆయన వెంటనే 1930 కు ఫిర్యాదు చేశారు. అనంతరం ఈనెల 28న నాగర్‌కర్నూల్‌ పోలీస్‌స్టేషన్‌లో ఫిర్యాదు చేశారు. ఎస్‌ఐ వెంకట్‌రెడ్డిని వివరణ కోరగా.. సైబర్‌ మోసం జరిగిన ఘటన వాస్తవమే. కేసు నమోదు చేసి దర్యాప్తు చేస్తున్నామని తెలిపారు. పాముకాటుతో మహిళా కూలీ మృతి అయిజ: పాముకాటుకు మహిళ మృతి చెందిన ఘటన మంగళవారం మండలంలో చోటుచేసుకుంది. వివరాలు.. పులికల్‌ గ్రామానికి చెందిన అంజనమ్మ (45) మండలంలోని ఉత్తనూరు శివారులో పత్తి ఏరేందుకు తోటి కూలీలతో కలిసి వెళ్లింది. పత్తి తీస్తుండగా అంజనమ్మ కాలుకు పాము కాటు వేసింది. తోటి కూలీలు బాధితురాలిని వెంటనే అయిజలోని ప్రైవేటు ఆస్పత్రికి తరలించారు. పరిస్థితి విషమించడంతో గద్వాల ప్రభుత్వ ఆస్పత్రికి తీసుకెళ్లారు. అక్కడ పరీక్షించిన వైద్యులు అప్పటికే ఆమె మృతి చెందినట్లు ధృవీకరించారు. మృతురాలి కుమార్తె అనూష ఫిర్యాదు మేరకు ఎస్‌ఐ గురుస్వామి కేసు నమోదు చేసుకున్నారు. మృతదేహానికి పోస్టుమార్టం నిర్వహించి కుటుంబ సభ్యులకు అప్పగించారు. మృతురాలికి ఇద్దరు కుమార్తెలు ఉన్నారు.

● జాతీయస్థాయి ‘ట్రాక్‌’ పోటీల్లో మెరిసిన గిరిజన ఆణిముత్యం ● అంతర్జాతీయ వేదికే లక్ష్యంగా రన్నింగ్‌లో రాణిస్తున్న కొడావత్‌ స్వప్న ● 1500, 3000 మీటర్ల పరుగు పోటీల్లో రెండు స్వర్ణాలు ● జాతీయస్థాయి జూనియర్‌ చాంపియన్‌షిప్‌కు అర్హత తిమ్మాజిపేట: నిరుపేద కుటుంబం.. ఆటోడ్రైవర్‌ తండ్రి.. కూలీ పనులు చేసే తల్లి.. అయినా లక్ష్యం విషయంలో వెనక్కి తగ్గలేదు.కష్టాలను అధిగమి స్తూ అథ్లెటిక్స్‌లో అంచెలంచెలుగా ఎదిగింది. రాష్ట్ర, జాతీయ స్థాయిలో పతకాలు సాధిస్తూ ఇప్పుడు అంతర్జాతీయ వేదికపై సత్తా చాటేందుకు పరుగులు తీస్తోంది నాగర్‌కర్నూల్‌ జిల్లా తిమ్మాజిపేట మండలం పుల్లగిరి గ్రామపంచాయతీ పరిధిలోని కొడావత్‌ తండాకు చెందిన కొడావత్‌ స్వప్న. హనుమకొండలో ఈ నెల 26, 27న జరిగిన 12వ తెలంగాణ రాష్ట్ర అథ్లెటిక్స్‌ చాంపియన్‌షిప్‌లో స్వప్న రెండు స్వర్ణ పతకాలు సాధించింది. 1500 మీటర్ల పరుగును 5 నిమిషాల 4 సెకన్లలో పూర్తి చేసి బంగారు పతకం దక్కించుకోగా.. 3000 మీటర్ల పరుగును 11 నిమిషాల 18 సెకన్లలో పూర్తి చేసి మరో స్వర్ణం సాధించింది. ఈ ప్రదర్శనతో 41వ జూనియర్‌ చాంపియన్‌షిప్‌ పోటీలకు అర్హత సాధించింది. జాతీయ స్థాయిలోనూ స్వర్ణం ఇటీవల పుదుచ్చేరిలో జరిగిన జాతీయ స్థాయి అథ్లెటిక్స్‌ చాంపియన్‌షిప్‌లో అండర్‌–20 బాలికల 3000 మీటర్ల స్టీపుల్‌చేజ్‌లో స్వప్న స్వర్ణ పతకం సాధించింది. దీంతో జాతీయ స్థాయిలో తనకంటూ ప్రత్యేక గుర్తింపు తెచ్చుకుంది. తదుపరి జూనియర్‌ చాంపియన్‌షిప్‌లోనూ సత్తా చాటి.. అంతర్జాతీయ పోటీల్లో దేశానికి ప్రాతినిధ్యం వహించాలన్నది ఆమె లక్ష్యం. బాబాయ్‌ ప్రోత్సాహంతో.. చిన్నతనంలో బాబాయ్‌ కొడావత్‌ రవి రాంచో ప్రతి రోజూ రన్నింగ్‌కు వెళ్లడాన్ని చూసిన స్వప్నకు పరు గు పందెంపై ఆసక్తి పెరిగింది. ఆమె ప్రతిభను గు ర్తించిన రవి శిక్షణ ఇవ్వడం ప్రారంభించాడు. నాలు గో తరగతిలోనే స్పోర్ట్స్‌ స్కూల్‌లో చేర్పించాడు. పదో తరగతి వరకు కరీంనగర్‌ స్పోర్ట్స్‌ స్కూల్‌లో చదువుతోపాటు అథ్లెటిక్స్‌లో శిక్షణ పొందింది. అక్కడి నుంచి రాష్ట్ర, జాతీయ స్థాయికి ఎదిగింది. ఎస్‌ఏఐలో శిక్షణ స్పోర్ట్స్‌ అథారిటీ ఆఫ్‌ ఇండియా (ఎస్‌ఏఐ)లో ఎంపికై న స్వప్నకు అక్కడ శిక్షణ పొందే అవకాశం లభించింది. కోచ్‌ సుబ్బారావు మార్గదర్శకత్వంలో నిరంతరం సాధన చేస్తూ తన ప్రతిభను మెరుగుపరు చుకుంది. క్రమశిక్షణ, పట్టుదల, నిరంతర సాధనతో పలు రాష్ట్ర, జాతీయ స్థాయి పోటీల్లో పతకాలు సాధించింది. ‘‘భవిష్యత్‌లో అంతర్జాతీయ పోటీల్లో భారత్‌ కు ప్రాతినిధ్యం వహించి దేశానికి మంచి పేరు తీసుకురావడమే నా లక్ష్యం’’ అని స్వప్న చెబుతోంది. కొడావత్‌ తండా నుంచి జాతీయస్థాయి వరకు సాగిన ఆమె విజయ ప్రస్థానం గ్రామీణ ప్రాంతాల యువ క్రీడాకారులకు స్ఫూర్తిగా నిలుస్తోంది. స్వప్న తండ్రి కొడావత్‌ మాన్య నాయక్‌ ఆటో నడుపుతూ కుటుంబాన్ని పోషిస్తున్నారు. తల్లి కొడావత్‌ నీల రోజు వారీ కూలీ పనులు చేస్తోంది. ఆర్థిక ఇబ్బందులు ఉన్నప్పటికీ కూతురిలోని క్రీడా ప్రతిభను గుర్తించిన తల్లిదండ్రులు ప్రోత్సహించారు. వారి సహకారంతో స్వప్న సాధన కొనసాగించింది.

కందనూలు: జిల్లాలోని వట్టెం జవహర్‌ నవోదయ విద్యాలయం సమగ్రాభివృద్ధికి అవసరమైన చర్యలు చేపట్టాలని కలెక్టర్‌ హేమంత కేశవ్‌ పాటిల్‌ సూచించారు. మంగళవారం కలెక్టరేట్‌లోని వీసీ హాల్‌లో కలెక్టర్‌ అధ్యక్షతన జవహర్‌ నవోదయ పాఠశాల మేనేజ్‌మెంట్‌ కమిటీ సమావేశం జరిగింది. ఈ సందర్భంగా పాఠశాల అభివృద్ధి, విద్యార్థులకు అందుతున్న సౌకర్యాలు, పీఎంశ్రీ కింద చేపడుతున్న పనులు, నిధుల వినియోగం తదితర వివరాలను పాఠశాల ప్రిన్సిపల్‌ పూర్ణిమతో తెలుసుకున్నారు. అనంతరం కలెక్టర్‌ మాట్లాడుతూ.. విద్యార్థులకు మెరుగైన విద్య అందించడంతో పాటు సాంకేతిక పరిజ్ఞానం, సృజనాత్మకత, వివిధ నైపుణ్యాలను పెంపొందించేందుకు అవసరమైన మౌలిక సదుపాయాలను మరింత బలోపేతం చేయాలన్నారు. పీఎంశ్రీ నిధులతో విద్యార్థులకు ప్రత్యక్షంగా ఉపయోగపడే కార్యక్రమాలకు ప్రాధాన్యతనిస్తూ.. పారదర్శకంగా, సమర్థవంతంగా వినియోగించాలని ఆదేశించారు. విద్యార్థులకు చదువుతో పాటు సంగీతం, కళలు, క్రీడలు తదితర రంగాల్లోనూ నైపుణ్యాలను పెంపొందించే అవకాశాలు కల్పించాలని సూచించారు. జిల్లాలోని ప్రముఖ పర్యాటక, చారిత్రక ప్రదేశాలను నవోదయ విద్యార్థులు సందర్శించేలా అవసరమైన ఏర్పాట్లు చేయనున్నట్లు కలెక్టర్‌ తెలిపారు. విద్యార్థుల అభ్యాసానికి సాంకేతిక పరిజ్ఞానం మరింత అందుబాటులోకి తీసుకురావాలనే ఉద్దేశంతో పాఠశాలకు 20 కంప్యూటర్లను మంజూరు చేస్తున్నట్లు ప్రకటించారు. 11, 12వ తరగతి విద్యార్థులకు ఐఐటీ ప్రవేశ పరీక్ష కోసం ప్రత్యేక బోధనా కార్యాచరణ రూపొందించి, అమలుచేయాలని ఆయన సూచించారు. వచ్చే విద్యా సంవత్సరానికి 6, 9, 11 తరగతుల్లో ఖాళీగా ఉన్న సీట్ల భర్తీ కోసం కొనసాగుతున్న నమోదు ప్రక్రియపై ఆరా తీశారు. సమావేశంలో డీఈఓ రమేశ్‌కుమార్‌, పాఠశాల సీనియర్‌ ఉపాధ్యాయుడు బాలాజీ నాయక్‌, డీఈ శిరీష్‌, డా.సృజన ఉన్నారు.

పెద్దకొత్తపల్లి: మండలంలోని సాతాపూర్‌లో కొల్లాపూర్‌ ఎకై ్సజ్‌ అధికారులు సోమవారం రాత్రి దాడులు నిర్వహించి 3600 కేజీల నల్లబెల్లం స్వాధీనం చేసుకొని నలుగురిపై కేసు నమోదు చేసినట్లు కొల్లాపూర్‌ ఎకై ్సజ్‌ సీఐ రామకృష్ణ తెలిపారు. ఆయన కథనం ప్రకారం.. ఓ ట్రక్కులో నల్లబెల్లం అక్రమంగా తరలిస్తున్నారనే సమాచారం మేరకు సాతాపూర్‌ వద్ద వాహనాన్ని నిలిపి తనిఖీలు చేయగా.. 120 బస్తాల్లో ఉన్న 3600 కేజీల నల్లబెల్లాన్ని స్వాధీనం చేసుకున్నట్లు తెలిపారు. వాహనాన్ని కొల్లాపూర్‌కు తరలించి అక్రమ రవాణాకు సహకరించిన బీహార్‌కు చెందిన రాంబాబురాయ్‌, కృష్ణయాదవ్‌, తెల్కపల్లికి చెందిన మహమ్మద్‌ అలీని అరెస్టు చేశామని, ప్రధాన నిందితుడు సునీల్‌కుమార్‌ పరారీలో ఉన్నట్లు తెలిపారు. దాడులు నాగర్‌కర్నూల్‌ ఎకై ్సజ్‌ సూపరిండెంట్‌ వేణుగోపాల్‌రెడ్డి ఆదేశాలతో ఎకై ్సజ్‌ టాస్క్‌ఫోర్స్‌ ఇన్‌స్పెక్టర్‌ జిన్నా నాగార్జున్‌రెడ్డి ఆధ్వర్యంలో చేపట్టినట్లు పేర్కొన్నారు. కార్యక్రమంలో ఎకై ్సజ్‌ సిబ్బంది పాల్గొన్నారు. రైలు ఢీకొని యువకుడి దుర్మరణం మహబూబ్‌నగర్‌ క్రైం: పట్టాలు దాటుతున్న ఓ యువకుడిని రైలు ఢీకొట్టడంతో తీవ్ర గాయా లతో అక్కడిక్కడే మృతి చెందిన ఘటన చోటు చేసుకుంది. రైల్వే ఎస్‌ఐ రాజు కథనం ప్రకారం.. నగరంలోని టీడీ గుట్ట సమీపంలో మంగళవారం గుర్తు తెలియని యువకుడు (35) పట్టా లు దాటుతుండగాని రైలు ఢీకొట్టింది. ఈ ప్ర మాదంలో యువకుడికి తీవ్ర గాయాలు కాగా అక్కడిక్కడే మృతి చెందాడు. మృతుడి వద్ద ఎలాంటి ఆధారాలు లేవని, ఎవరికై నా సమా చారం తెలిస్తే వెంటనే రైల్వే పోలీస్‌ స్టేషన్‌లో లేదా 87126 58597 నంబర్‌కు సంప్రదించాలని సూచించారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వెల్లడించారు.

● బీసీ రాజ్యాధికారమే లక్ష్యం: తీన్మార్‌ మల్లన్న నారాయణపేట: బీసీలకు రాజకీయ ప్రాతినిధ్యం పెరగాలని, బీసీ రాజ్యాధికారాన్ని సాధించడమే తెలంగాణ రాజ్యాధికార పార్టీ (టీఆర్‌పీ) లక్ష్యమని ఆ పార్టీ అధ్యక్షుడు, ఎమ్మెల్సీ తీన్మార్‌ మల్లన్న అన్నారు. టీఆర్‌పీ చేపట్టిన మహాపాదయాత్ర 13వ రోజు నారాయణపేటకు చేరుకుంది. జిల్లా కేంద్రంలోని సత్యనారాయణ చౌరస్తాలో నిర్వహించిన కార్నర్‌ మీటింగ్‌లో ఆయన మాట్లాడారు. నారాయణపేట నియోజకవర్గంలో బీసీల జనాభా అధికంగా ఉన్నప్పటికీ రాజకీయ ప్రాతినిధ్యం తగిన స్థాయిలో లేదన్నారు. నియోజకవర్గంలో 2.32 లక్షల ఓట్లు ఉండగా, బీసీల ఓట్లు సుమారు 1.56 లక్షలు ఉన్నాయని పేర్కొన్నారు. ఇందులో ముదిరాజుల ఓట్లే దాదాపు 60 వేల మంది ఉన్నారని చెప్పారు. మాదిగ సామాజికవర్గానికి 33 వేల ఓట్లు ఉన్నాయని, రెడ్డి సామాజికవర్గానికి 10,652 ఓట్లు ఉన్నాయన్నారు. సంఖ్యాపరంగా అధికంగా ఉన్న బీసీలు రాజకీయంగా ఐక్యంగా ఉండి తమ హక్కులను సాధించుకోవాలని పిలుపునిచ్చారు. ‘‘నారాయణపేటలో అసలు ఎమ్మెల్యే ఎవరో... డూప్లికేట్‌ ఎమ్మెల్యేలు ఎవరో ప్రజలకు అర్థం కావడం లేదని, ఒక్కరిని గెలిపిస్తే నారాయణపేటలో నలుగురు ఎమ్మెల్యేలు అయిండ్రంటా.. ఎవరిని కలవాలో తెలియని పరిస్థితి ఉంది’’ అని ప్రజలు చెబుతున్నారని వ్యాఖ్యానించారు. బీసీలకు పనులు కావడం లేదని, రెడ్డి సామాజికవర్గానికి చెందినవారి పనులకే ప్రాధాన్యం దక్కుతోందని ఆరోపించారు. నారాయణపేటలో బీసీ రాజ్యాధికార ఉద్యమాన్ని బలపరచాలని, బీసీల ఓట్లతోనే బీసీల రాజ్యాధికారం రావాలన్నారు. బీసీల రాజకీయ ప్రాతినిధ్యం ఎమ్మెల్యే స్థాయి నుంచే పెరగాలని అన్నారు. కామారెడ్డి డిక్లరేషన్‌లో కాంగ్రెస్‌ ప్రకటించిన బీసీ రిజర్వేషన్ల అంశాన్ని ప్రస్తావిస్తూ, బీసీలకు న్యాయం జరిగేలా తమ పార్టీ పోరాడుతుందని తెలిపారు. ముదిరాజ్‌లకు బీసీ–ఏలో చోటు కల్పించేందుకు కృషి చేస్తామని, ఎస్సీ వర్గాలకు సముచిత గౌరవం కల్పిస్తామని చెప్పారు.‘బీసీలు బిచ్చగాళ్లు కాదు.. బిగ్‌బాస్‌లు’ అని పేర్కొంటూ బీసీలు ఆత్మవిశ్వాసంతో రాజకీయంగా ముందుకు రావాలని పిలుపునిచ్చారు. పాదయాత్రలో టీఆర్‌పీ నాయకులు అశోక్‌, శివవీర్‌రెడ్డి, మడివల్‌ కృష్ణ తదితరులు పాల్గొన్నారు.

మహబూబ్‌నగర్‌ క్రీడలు: స్కూల్‌ గేమ్స్‌ ఫెడరేషన్‌ క్రీడల్లో జిల్లా విద్యార్థులు ప్రతిభచాటాలని జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ అన్నారు. జిల్లా కేంద్రంలోని ప్రభుత్వ బాలుర జూనియర్‌ కళాశాల మైదానంలో మంగళవారం అండర్‌–14, 17 విభాగాల జిల్లాస్థాయి స్కూల్‌ గేమ్స ఫెడరేషన్‌ ఫుట్‌బాల్‌ బాలబాలికల ఎంపికలు నిర్వహించారు. ఈ సందర్భంగా ఎంపికలను ప్రారంభించి ఆయన మాట్లాడుతూ రానున్న ఎస్‌జీఎఫ్‌ రాష్ట్రస్థాయి క్రీడాపోటీల్లో జిల్లా జట్లు చాంపియన్లుగా నిలవాలని కోరారు. ఎస్‌జీఎఫ్‌ క్రీడల్లో జిల్లా విద్యార్థులు రాణించి జాతీయస్థాయికి ఎదగాలని ఆకాంక్షించారు. కార్యక్రమంలో సెలక్షన్‌ కన్వీనర్‌ భానుకిరణ్‌, పీడీలు రామకృష్ణ, రాంకళ్యాణ్‌, రామేశ్వరయ్య, అన్వర్‌పాష, కోచ్‌ నికేష్‌, ప్రకాష్‌, నరేష్‌, ఖాజా తదితరులు పాల్గొన్నారు.

జడ్చర్ల టౌన్‌: పట్టణంలోని వేంకటేశ్వరస్వామి ఆలయ భూములు, గాంధీ ట్రస్టు భూమిపై మంగళవారం లోకాయుక్త అధికారి విచారణ జరిపారు. సామాజిక వేత్త అనిల్‌కుమార్‌ ఫిర్యాదు మేరకు లోకాయుక్త ఇన్వెస్టిగేషన్‌ అధికారి కోటేశ్వరరావు, మరో అధికారి వెంకటరమణమూర్తి ముందుగా వేంకటేశ్వరస్వామి ఆలయానికి చేరుకున్నారు. అక్కడ ప్రత్యేక పూజలు చేశారు. అక్కడే తహసీల్దార్‌ నర్సింగ్‌రావు, ఫిర్యాదుదారు అనిల్‌కుమార్‌తో ఆలయ భూముల వివరాలు తెలుసుకుని భూములను పరిశీలించారు. ఆలయానికి భూములు ఎవరు కేటాయించారు.. ఎలా వచ్చాయని అడిగారు. ఎప్పటినుంచి దేవుని మాన్యంగా ఉండిందని, ఎలా విక్రయాలు జరిగాయని విచారించారు. దేవుని భూములకు సంబంధించి ఎందుకు ఫెన్సింగ్‌ చేయలేదని ప్రశ్నించారు. అనంతరం గాంధీ ట్రస్టు స్థలానికి చేరుకుని అక్కడి స్థానికులతోనూ మాట్లాడారు. ట్రస్టుకు సంబంధించిన భూములు అన్యాక్రాంతం కాకుండా కాపాడాలని స్థానికులు విన్నవించారు. ఈ సందర్భంగా ఆయన మాట్లాడుతూ.. భూముల విషయంలో వచ్చిన ఫిర్యాదులను విచారించేందుకు వచ్చినట్లు తెలిపారు. పూర్తి వివరాలు సేకరించి నివేదికను సిద్ధం చేసి ఆయా శాఖలకు పంపిస్తామన్నారు. తర్వాత భూత్పూర్‌ మండలం తాటిపర్తిలోనూ ఆయన పర్యటించారు. అక్కడ వేంకటేశ్వరస్వామి ఆలయ భూములను విక్రయించారని ఫిర్యాదుదారు వివరించారు. కాగా, దేవదాయశాఖ అధికారులు ఏమాత్రం పట్టించుకోరని, అందుకే ఇన్నాళ్లుగా వివాదం నడుస్తున్నప్పటికీ ఆలయం ఎదుటనే నిర్మాణాలు జరుగుతున్నాయని తెలిపారు. కొన్ని నిర్మాణాలను ఆయనకు చూయించారు. సమస్య పరిష్కారం అయ్యేలా చూడాలని కోరారు. ఆయన వెంట తహసీల్దార్‌ నర్సింగ్‌రావు, సర్వేయర్‌, ఆర్‌ఐలతోపాటు దేవదాయశాఖ అధికారి శంకుతల ఉన్నారు. లోకాయుక్త అధికారి విచారణకు వచ్చిన గంట తర్వాత దేవదాయ శాఖ అధికారి అక్కడికి చేరుకున్నారు. తాను కొత్తగా వచ్చానని, వివరాలు ఏం తెలియవని లోకాయుక్త అధికారికి తెలియజేశారు.

అలంపూర్‌: పంటల సాగుపై అధికారులు ప్రత్యేక శ్రద్ధ కనబరుస్తున్నారు. ఎప్పటికప్పుడు గ్రామాల్లో అవగాహన సదస్సులు నిర్వహిస్తున్నారు. వరి పంటసాగుపై తీసుకోవాల్సిన జాగ్రత్తలను వివరిస్తున్నారు. ఈ మధ్యకాలంలో వరిపంటపై ఆకునల్లి, కంకినల్లి ఆశిస్తున్నట్లు మండల వ్యవసాయ శాఖ అధికారి నాగార్జున రెడ్డి రైతులకు సూచించారు. ఈ నల్లులు కంటికి కనపడకుండా ఉండే చిరుజీవులని తెలిపారు. పరిస్థితులు అనుకూలించనప్పుడు ఉధృతిని పెంచుకొని వరి పంటను నష్టపరుస్తాయి పేర్కొన్నారు. వరి సాగుపై పలు విషయాలను వెల్లడించారు. ఆకునల్లి: బూడిద తెలుపు రంగులో ఉండే నల్లి పురు గులు. ఆకుల వెనక భాగంలో, మధ్య ఈనెల వెంబడి గుడ్లను పెడతాయి. ఒక్కొక్క ఆడ నల్లి 20–80 గుడ్లను పెడుతుంది. నాలుగైదు రోజుల్లో గుడ్ల నుంచి పిల్ల పురుగులు బయటికి వస్తాయి. వీటి జీవిత కాలం 9 నుంచి 13 రోజులు. ఈ నల్లి పురుగులు ఆకుల వెనక భాగం నుంచి రసాన్ని పీల్చివేయడంతో చిన్న చిన్న తెల్లటి మచ్చలు పొడవుగా కనిపిస్తాయి. వీటి ఉధృతి ఎక్కువైనప్పుడు తెల్ల మచ్చలన్నీ ఏకమై ఆకులు పసుపు రంగులోకి మారుతాయి. దీనితో కిరణజన్య సంయోగక్రియకు ఆటంకం ఏర్పడుతుంది. మొక్కలు గిడసబారుతాయి. నివారణ: ఈ నల్లి నివారణకు డైకోఫాల్‌ 5 మి.లీ లీటర్‌ నీటికి కలిపి ఆకుల అడుగు భాగంలో తడిచేలా పిచికారి చేయాలి. కంకినల్లి: ఈ నల్లి తెలుపు రంగులో ఉంటుంది. గుంపులు, గుంపులుగా ఆకు తొడిమ పై భాగంలోని కణజాలంలో మధ్య ఈనెల కింద భాగంలోని కణజాలంలో చేరి రసాన్ని పీల్చి వేస్తాయి. తద్వార మధ్య ఈనె నిలువుగా ఊదా రంగు చారలు తొడిమ మీద ఊదా రంగు మచ్చలు ఏర్పడతాయి. వీటి ఉధృతి పెరిగితే మచ్చల విస్తీర్ణం పెరుగుతుంది. కొన్ని సమయాల్లో ఆకులపై నుంచి రసాన్ని పీల్చేయడంతో ఆకులపై పసుపు రంగు చారలు చారలు ఏర్పడతాయి. వెన్ను అభివృద్ధి చెందే దిశలో ఈ నల్లులు గింజలోకి చేరి అండాశయాన్ని, పుప్పుడిని ఆశించడంతో తాలుగా మారుతాయి. గింజలను వివిధ శిలీంధ్రాలు ఆశించడంలో నల్లగా మారుతాయి. వీటి ఉధృతి ఎక్కువగా ఉంటే వెన్ను సరిగా బయటకు వెలుబడదు. ఖరీఫ్‌ వరిపై దీని ప్రభావం ఎక్కువ. ఒక్కొక్క ఆడనల్లి 50 గుడ్లను పెడుతుంది. జీవిత కాలం 6 నుంచి 10 రోజులు ఉంటుంది. నివారణ: ప్రొఫినోఫాస్‌ 2.మి.లీ, డైకోఫాల్‌ 5 మి.లీ, డైపెంధిరాన్‌ 1.5 గ్రాములు లీటర్‌ నీటికి కలిపి పంట 40–45 రోజుల మధ్యలో తప్పనిసరిగా పిచికారి చేసుకోవాలి. తక్కువ వర్షపాతం అధిక తేమ, ఉష్ణోగ్రతలు మబ్బులతో కూడిన వాతావరణం అధిక నత్రజని వాడకం పాడి–పంట

మహబూబ్‌నగర్‌ ఎడ్యుకేషన్‌: విద్యార్థులు సెల్‌ఫోన్‌కు దూరంగా ఉండాలని కాలేజియేట్‌ అండ్‌ టెక్నికల్‌ ఎడ్యుకేషన్‌ కమిషనర్‌ దేవసేన సూచించారు. ఎదిర జెడ్పీహెచ్‌ఎస్‌లో ఏర్పాటు చేసిన సైన్స్‌ ఎగ్జిబిషన్‌కు మంగళవారం ఆమె ముఖ్య అతిథిగా హాజరై ప్రదర్శనలను పరిశీలించారు. విద్యార్థులను పలు ప్రశ్నలు అడిగి, వారి ప్రతిభను తెలుసుకున్నారు. అలాగే విద్యార్థుల ద్వారా రక్త గ్రూప్‌ పరీక్ష చేయించుకున్నారు. ఈ సందర్భంగా మాట్లాడుతూ.. సెల్‌ఫోన్‌ వినియోగం వల్ల సమయం వృథా కావడంతో పాటు అనారోగ్య సమస్యలు తలెత్తే అవకాశం ఉందన్నారు. విద్యార్థులు చెడు అలవాట్లకు దూరంగా ఉంటూ మంచి విషయాలను ప్రోత్సహించాలని సూచించారు. జీవితంలో మంచి మార్గంలో నడిచిన వారికి దీర్ఘకాలంలో మంచి ఫలితాలు లభిస్తాయని పేర్కొన్నారు. కార్యక్రమంలో డీఈఓ విజయకుమారి, ఏఎంఓ శ్రీనివాస్‌, బీసీ గురుకుల ప్రిన్సిపాల్‌ శ్రీకాంత్‌, ఉపాధ్యాయులు, విద్యార్థులు పాల్గొన్నారు. ● తెలంగాణ కాలేజియేట్‌ అండ్‌ టెక్నికల్‌ ఎడ్యుకేషన్‌ కమిషనర్‌ దేవసేన

● ‘చేయూత’ దరఖాస్తుల పరిశీలనలో జాప్యం ● నేడే ఆఖరు.. ఇంకా పెండింగ్‌లో 4వేలకు పైగా దరఖాస్తులు జెడ్పీసెంటర్‌ (మహబూబ్‌నగర్‌): ‘చేయూత’ పథకం కింద కొత్తగా పెన్షన్లు మంజూరు చేసేందుకు రాష్ట్ర ప్రభుత్వం కసరత్తు చేస్తోంది. ఇందుకోసం ఈనెల 15 వరకు ప్రజల నుంచి దరఖాస్తులు స్వీకరించింది. అర్హులను గుర్తించేందుకు క్షేత్రస్థాయిలో దరఖాస్తుల పరిశీలన చేపట్టింది. అయితే జిల్లాలో వెరిఫికేషన్‌ ప్రక్రియ నెమ్మదిగా సాగుతుండటంతో గడువులోగా పూర్తవుతుందా? అనే సందేహాలు వ్యక్తమవుతున్నాయి. జిల్లాలో 16 మండలాలు, మూడు మున్సిపాలిటీలు ఉన్నాయి. వివిధ రకాల పెన్షన్ల కోసం మొత్తం 15,570 మంది దరఖాస్తు చేసుకున్నారు. ఈనెల 25లోగా క్షేత్రస్థాయి పరిశీలన పూర్తి చేసి అర్హులను గుర్తించాలని ప్రభుత్వం ఆదేశించింది. క్షేత్రస్థాయిలో వెరిఫికేషన్‌ పూర్తయినవి సైతం వివిధ స్థాయిల్లో పెండింగ్‌లో ఉన్నాయి. దీంతో ప్రభుత్వం గడువును 30 వరకు పెంచింది. ఇప్పటివరకు 10,619 దరఖాస్తుల వెరిఫికేషన్‌ పూర్తికాగా.. 4,066 పెండింగ్‌లో ఉన్నాయి. మరికొన్ని దరఖాస్తుల పరిశీలన ఇంకా ప్రారంభం కాలేదు. ● అధికారులు ఇంటింటికీ వెళ్లి దరఖాస్తుదారుల వివరాలను సేకరిస్తున్నారు. ఆధార్‌, పాన్‌కార్డు, బ్యాంకు ఖాతా, ఇతర ధ్రువపత్రాలను పరిశీలించి ప్రత్యేక యాప్‌లో నమోదు చేస్తున్నారు. అనంతరం వివరాలను మండల అధికారులకు పంపిస్తున్నారు. అక్కడ ఎంపీడీఓలు తమ లాగిన్‌లో పరిశీలించి అర్హతను నిర్ధారించాల్సి ఉంటుంది. ఈ ప్రక్రియలో జాప్యం చోటుచేసుకోవడంతో దరఖాస్తులు పెండింగ్‌లో ఉంటున్నాయి.

మహబూబ్‌నగర్‌ ఎడ్యుకేషన్‌: అకాడమిక్‌ రికార్డులను ఎప్పటికప్పుడు యూనివర్సిటీకి సమర్పించాలని పీయూ వీసీ శ్రీనివాస్‌ పేర్కొన్నారు. ఈమేరకు పీయూలో వివిధ కళాశాలల ప్రిన్సిపాల్‌తో నిర్వహించిన సమీక్ష కార్యక్రమంలో ఆయన మాట్లాడారు. టీచింగ్‌ డైరీలు క్రమం తప్పుకుండా నిర్వహించాలని, విద్యార్థులకు నాణ్యమైన విద్యను అందించేందుకు కృషి చేయాలని, విద్యార్థుల హాజరు శాతం పెంచడంతో పాటు అకాడమిక్‌ డెవలప్‌మెంట్‌పై ప్రత్యేక చర్యలు తీసుకోవాలన్నారు. కళాశాలల అభివృదికధ అవసరమైన చర్యలు చేపట్టాలని, అకాడమిక్‌ ప్రమాణాలపై మరింత మెరుగుపర్చాలని సూచించారు. ప్రిన్సిపాళ్లు చంద్రకిరణ్‌, భూమయ్యపాల్గొన్నారు. 2న జిల్లా అథ్లెటిక్స్‌ క్రీడాకారుల ఎంపికలు మహబూబ్‌నగర్‌ క్రీడలు: సదాశివపేటలోని కామ్‌కోలేలోని వొక్సేన్‌ యూనివర్సిటీలో అక్టోబర్‌ 14, 15, 16 తేదీల్లో జరిగే జాతీయస్థాయి అంతర్‌జిల్లాల అథ్లెటిక్స్‌ పోటీల్లో పాల్గొనే జిల్లా అథ్లెటిక్స్‌ క్రీడాకారుల ఎంపికలను 2వ తేదీన మెయిన్‌ స్టేడియంలో నిర్వహిస్తున్నట్లు జిల్లా అథ్లెటిక్స్‌ సంఘం ప్రధాన కార్యదర్శి జి.శరత్‌చంద్ర మంగళవారం ఓ ప్రకటనలో తెలిపారు. అండర్‌–14లోపు బాలబాలికలు 17.11.2012 నుంచి 16.11.2014 మధ్య, 16 ఏళ్లలోపు బాలబాలికలు 17.11.2010 నుంచి 16.11.2012 మధ్య పుట్టి ఉండాలని పేర్కొన్నారు. ఆసక్తి గల క్రీడాకారులు ఒరిజనల్‌ ఎస్‌ఎస్‌సీ మెమో, జనన, కులధ్రువపత్రాలతో ఎంపికలకు హాజరుకావాలని కోరారు. మిగతా వివరాల కోసం 98497 06360, 94406 56162, 94921 77535 నంబర్లను సంప్రదించాలని సూచించారు. జాతీయస్థాయిలో పతకాలు సాధించాలి మహబూబ్‌నగర్‌ క్రీడలు: జాతీయస్థాయి యోగా పోటీల్లో ఉమ్మడి జిల్లా క్రీడాకారులు ప్రతిభచాటి పతకాలు సాధించాలని ఉమ్మడి జిల్లా ఒలింపిక్‌ సంఘం ప్రధాన కార్యదర్శి కురుమూర్తిగౌడ్‌ అన్నారు. జిల్లాకేంద్రంలోని మెయిన్‌ స్టేడియంలో మంగళవారం జాతీయస్థాయి యోగా పోటీల్లో పాల్గొంటున్న ఉమ్మడి జిల్లా క్రీడాకారులు రిత్విక్‌రెడ్డి (8–10 ఏళ్ల విభాగం), దౌసిక్‌ ప్రసాద్‌ (10–12 ఏళ్ల విభాగం), ఎం.శివతేజ (14–16 ఏళ్ల విభాగం), సీహెచ్‌ అఖిల్‌ (16–18 ఏళ్ల విభాగం)లకు మ్యాట్‌లు అందజేసి అభినందించారు. ఈ సందర్భంగా మాట్లాడుతూ ష్ట్రంలోనే ఉమ్మడి జిల్లాకు మంచి గుర్తింపు ఉందని, మీరు జాతీయస్థాయిలో పతకాలు సాధించి పేరు ప్రతిష్టలు తీసుకురావాలని ఆకాంక్షించారు. యోగా సంఘం ప్రధాన కార్యదర్శి టి.చంద్రశేఖర్‌ మాట్లాడు తూ అక్టోబర్‌ 1వ తేదీ నుంచి 5వ తేదీ వరకు రాజస్తాన్‌లో జాతీయస్థాయి యోగా పోటీలు జరుగుతాయని తెలిపారు. చెన్న వీరయ్య, జిల్లా యువజన, క్రీడలశాఖ అథ్లెటిక్స్‌ కోచ్‌ సునీల్‌కుమార్‌, బాల్‌రాజు పాల్గొన్నారు. కోయిల్‌సాగర్‌లో తగ్గుతున్న నీటిమట్టం దేవరకద్ర: కోయిల్‌సాగర్‌ ప్రాజెక్టులో నీటి మట్టం రోజురోజుకూ స్వల్పంగా తగ్గుతోంది. మంగళవారం నాటికి 21.6 అడుగులకు చేరింది. ఐదు రోజుల క్రితం 21.9 అడుగుల నీరు ఉండగా.. ప్రస్తుతం 0.3 అడుగులు తగ్గింది. ఈ నెల 25వ తేదీ నుంచి ప్రాజెక్టు కుడి, ఎడమ కాలువల ద్వారా నీటి విడుదల కొనసాగుతోంది. తెలంగాణ ప్రభుత్వం చేసిన విజ్ఞప్తి మేరకు ఇటీవల కర్ణాటకలోని నారాయణపూర్‌ డ్యామ్‌ నుంచి జూరాలకు నీటిని విడుదల చేశారు. దీంతో జూరాల వద్ద కోయిల్‌సాగర్‌ ఎత్తిపోతల పథకం కింద ఉండ్యాల ఫేజ్‌–1 నుంచి రెండు పంపులను నడిపిస్తున్నారు. ఒక పంపు ద్వారా ఉండ్యాల, ఫర్దీపూర్‌, మరికల్‌ లింక్‌ కెనాళ్లకు నీటిని విడుదల చేస్తుండగా.. మరో పంపు ద్వారా మరికల్‌ ఫేజ్‌–2 నుంచి కోయిల్‌సాగర్‌కు నీటిని తరలిస్తున్నారు. ఒకవైపు ప్రాజెక్టులోకి జూరాల నీరు చేరుతుండగా.. మరో వైపు కుడి, ఎడమ కాల్వల ద్వారా నీటి విడుదల కొనసాగుతోంది. ప్రస్తుతం ప్రాజెక్టులోకి వస్తున్న నీటి కంటే విడుదల ఎక్కువగా ఉండటంతో నీటిమట్టం క్రమంగా పడిపోతోంది.

● అక్టోబర్‌ 1 నుంచి కొనుగోలు కేంద్రాలు ప్రారంభించాలి ● కలెక్టర్‌ ఖుష్బూగుప్తా జెడ్పీసెంటర్‌ (మహబూబ్‌నగర్‌): వానాకాలం 2026–27 సీజన్‌లో ధాన్యం సేకరణను పకడ్బందీగా నిర్వహించి రైతులకు ఎలాంటి ఇబ్బందులు కలగకుండా చర్యలు తీసుకోవాలని కలెక్టర్‌ ఖుష్బూ గుప్తా అధికారులను ఆదేశించారు. మంగళవారం కలెక్టరేట్‌లో ధాన్యం కొనుగోలుపై నిర్వహించిన అవగాహన, శిక్షణ కార్యక్రమంలో ఆమె మాట్లాడారు. జిల్లాలో ఈ సీజన్‌లో సుమారు 4.26 లక్షల టన్నుల ధాన్యం ఉత్పత్తి అవుతుందని అంచనా వేయగా, అందులో 1.53 లక్షల టన్నులను కొనుగోలు కేంద్రాల ద్వారా సేకరించనున్నట్లు తెలిపారు. ఇందుకోసం 163 కేంద్రాలను ఏర్పాటు చేస్తున్నామని, అక్టోబర్‌ 1 నుంచి కొనుగోళ్లు ప్రారంభించేలా ఏర్పాట్లు పూర్తి చేయాలని సూచించారు. కొనుగోలు కేంద్రాల్లో గన్నీ సంచులు, తూకం, తేమ పరీక్ష పరికరాలు, ధాన్యం శుభ్రపరిచే యంత్రాలు, సిబ్బందిని ముందుగానే సిద్ధంగా ఉంచాలని ఆదేశించారు. కేంద్రాలను ముంపునకు అవకాశం లేని ప్రాంతాల్లో ఏర్పాటు చేసి రైతులకు తాగునీరు, నీడ, కూర్చునే సౌకర్యం, విద్యుత్‌ కల్పించాలన్నారు. సన్న, దొడ్డు రకాలకు వేర్వేరు కౌంటర్లు ఏర్పాటు చేయాలని సూచించారు. గ్రేడ్‌–ఏ ధాన్యానికి క్వింటాల్‌కు రూ.2,461, సాధారణ రకానికి రూ.2,441 మద్దతు ధర కాగా, ప్రభుత్వం గుర్తించిన ఏడు సన్న రకాలకు రూ.500 బోనస్‌ చెల్లించనున్నట్లు అధికారులు తెలిపారు. ధాన్యంలో తేమ 17 శాతానికి మించకూడదని సూచించారు. కొనుగోలు వివరాలను అదే రోజు ఓపీఎంఎస్‌లో నమోదు చేయాలని, రైతులకు మద్దతు ధర సొమ్ము 48 గంటల్లోగా చెల్లించేలా చర్యలు తీసుకోవాలని కలెక్టర్‌ ఆదేశించారు. రైతులు ధాన్యాన్ని శుభ్రపరిచి, ఎండబెట్టి, వ్యవసాయ శాఖ టోకెన్‌ ప్రకారం నిర్ణయించిన తేదీన కేంద్రాలకు తీసుకురావాలని సూచించారు. అలాగే యాసంగి 2025–26 ధాన్యం కొనుగోలు కమిషన్‌కు సంబంధించిన రూ.2.61 కోట్లను బుధవారం సాయంత్రంలోగా కొనుగోలు కేంద్రాల నిర్వాహకుల ఖాతాల్లో జమ చేయాలని డీఆర్‌డీఓ, సహకార శాఖ అధికారులను ఆదేశించారు. కార్యక్రమంలో అదనపు కలెక్టర్‌ హరిప్రియ, ట్రైనీ కలెక్టర్‌ సాయి శివాని, సంబంధిత శాఖల అధికారులు, కొనుగోలు కేంద్రాల నిర్వాహకులు పాల్గొన్నారు.

ఉమ్మడి మహబూబ్‌నగర్‌ జిల్లాలో ప్రధానంగా సాగు, తాగు నీటి కోసం ప్రియదర్శిని జూరాల, మహాత్మాగాంధీ కల్వకుర్తి, ఆర్డీఎస్‌, తుమ్మిళ్ల, నెట్టెంపాడు, భీమా–1, 2, కోయిల్‌సాగర్‌, పాలమూరు–రంగారెడ్డి ప్రాజెక్ట్‌లు ఉన్నాయి. ఇవన్నీ ఎత్తిపోతల పథకాలే కాగా.. తుమ్మిళ్ల, పాలమూరు–రంగారెడ్డి ప్రాజెక్ట్‌లు తెలంగాణ రాష్ట్ర ఆవిర్భావం తర్వాత అధికారంలోకి వచ్చిన బీఆర్‌ఎస్‌ ప్రభుత్వంలో నిర్మాణానికి నోచుకున్నాయి. తుంగభద్ర పరివాహకంలోని ఆర్డీఎస్‌, కృష్ణా నదిపై నిర్మించిన జూరాల మినహాయిస్తే.. ఉమ్మడి ఏపీలో, ఆ తర్వాత తెలంగాణలో పూర్తి స్థాయిలో నిర్దేశించిన సాగు లక్ష్యం మేర ఏ ఒక్క ప్రాజెక్టు నిర్మాణం పూర్తి కాలేదు. రిజర్వాయర్లే అసలు సమస్య.. పాలమూరులో కృష్ణానది నుంచి నీటిని తోడి పంప్‌ల ద్వారా సరఫరా చేయాల్సిందే. నీరు నిల్వ చేసేలా భారీ రిజర్వాయర్లు నిర్మించకపోవడమే ఇందుకు కారణం. అయితే ఎంజీకేఎల్‌ఐలో నాలుగు రిజర్వాయర్లు (ఎల్లూరు 0.35 టీఎంసీలు, సింగోటం 0.55 టీఎంసీలు, జొన్నలబొగుడ 2.14 టీఎంసీలు, గుడిపల్లిగట్టు 0.96 టీఎంసీలు) నిర్మించారు. మొత్తంగా నీటి నిల్వ సామర్థ్యం నాలుగు టీఎంసీలే. కృష్ణా నదికి సాధారణంగా వరదలు వచ్చే 60 రోజుల్లో 40 టీఎంసీలను ఎత్తిపోయాలి. రిజర్వాయర్ల సామర్థ్యం తక్కువగా ఉండడంతో అదనంగా నిర్మించాలని తెలంగాణ రాష్ట్ర ఆవిర్భావం తర్వాత బీఆర్‌ఎస్‌ ప్రభుత్వం తలచింది. వనపర్తి, నాగర్‌కర్నూల్‌, కల్వకుర్తి, కొల్లాపూర్‌, అచ్చంపేట నియోజకవర్గంలో 20 ఆన్‌లైన్‌ చెరువులను రిజర్వాయర్లుగా (మొత్తంగా 9.95 టీఎంల సామర్థ్యం) మార్చాలని ప్రణాళిక రూపొందించగా.. రెండింటికే అనుమతులు ఇచ్చింది. రూ.87 కోట్ల వ్యయంతో బుద్ధారం, గణపసముద్రం చెరువుల పనులు కొనసాగుతున్నాయి. మరోవైపు ఆర్డీఎస్‌కు ప్రత్యామ్నాయంగా రూపకల్పన చేసిన తుమ్మిళ్లలో రిజర్వాయర్ల నిర్మాణాలు ప్రతిపాదనలకే పరిమితమయ్యాయి. ....జూరాల ఆయకట్టు పరిధిలో రైతుల నీటి పోరు సందర్భంగా ప్రధాన రాజకీయ పక్షాల నేతల వ్యాఖ్యలు ఇవి. ఎట్టకేలకు ప్రభుత్వం దిగి వచ్చి నీరు విడుదల చేయగా.. ఆందోళనలు సద్దుమణిగాయి. అయితే పాలమూరులో దశాబ్దాలుగా తీరని నీటి ఆకాంక్షలపై రాజకీయ రచ్చ కొనసాగుతోంది. ఆయా పార్టీల ముఖ్య నాయకులు ఎవరికి వారు తమ వాదన వినిపిస్తుండగా.. రైతుల్లో ఆవేదనతో పాటు ఆగ్రహావేశాలు పెల్లుబికుతున్నాయి. ఉమ్మడి ఏపీ,ఆ తర్వాత కొట్లాడి పాధించుకున్న తెలంగాణ రాష్ట్రంలోనూ పెండింగ్‌ ప్రాజెక్ట్‌లకు వీడని గ్రహణం, పూర్తి స్థాయిలో ఆయకట్టుకు అందని సాగునీరు వెరసి రైతుల దీనగాధపై ‘సాక్షి’ ప్రత్యేక కథనం.. – సాక్షి ప్రతినిధి, మహబూబ్‌నగర్‌ పూడిక, మరమ్మతు సమస్య.. ఉమ్మడి జిల్లాకు వరప్రదాయినిగా నిలుస్తున్న జూరాల ప్రాజెక్ట్‌ను పూడిక సమస్య తీరడం లేదు. ప్రాజెక్ట్‌ సామర్థ్యం 9.65 టీఎంసీలు కాగా.. 2.30 టీఎంసీల మేర పూడిక పేరుకుపోయినట్లు 2012 లోనే తేల్చారు. నెట్టెంపాడు ప్రాజెక్ట్‌లో గెండెకాయ వంటి ర్యాలంపాడు జలాశయంలో రాక్‌టోలు, తూములు, ఆనకట్ట బండ్‌లో లీకేజీలు ఏర్పడడంతో నాలుగు టీఎంసీలకు రెండు టీఎంసీల నీటినే నింపుతున్నారు. మూడేళ్లుగా ఈ పరిస్థితి నెలకొన్నా.. పట్టించుకునే వారే కరువయ్యారు. అదేవిధంగా ఎంజీకేఎల్‌ఐ, నెట్టెంపాడు, కోయిల్‌సాగర్‌ ప్రాజెక్ట్‌ల పరిధిలో మోటార్లలో సాంకేతిక సమస్యలు తెత్తతడం.. మరమ్మతుల్లో నిర్లక్ష్యం తదితర కారణాలతో నిర్వహణ అస్తవ్యస్తంగా మారింది. 10 లక్షలకు 6 లక్షల ఎకరాలే.. వలసల జిల్లా పాలమూరులో బీడు భూములను సస్యశ్యామలం చేయాలనే సంకల్పంతో ఉమ్మడి ఏపీలో అప్పటి ముఖ్యమంత్రి, దివంగత మహానేత వైఎస్‌ రాజశేఖరరెడ్డి జలయజ్ఞం కింద కల్వకుర్తి, భీమా, నెట్టెంపాడు, కోయిల్‌సాగర్‌, ఇతర చిన్న ఎత్తిపోతల నిర్మాణాలు చేపట్టారు. వీటి ద్వారా సుమారు 10 లక్షల ఎకరాలకు సాగు నీరందించాలనేది లక్ష్యం. ఆయన అకాల మరణానంతరం పాలకులు పట్టించుకోలేదు. తెలంగాణ రాష్ట్రం వచ్చిన తర్వాత కల్వకుర్తి ఎత్తిపోతల్లో కొంత మేర ప్రగతి సాధించినా.. దీంతో పాటు మిగతా ప్రాజెక్టుల్లో చివరలో సుమారు 10 శాతం మేర పెండింగ్‌లో ఉన్న పనులు ఎక్కడి వేసిన గొంగళి అక్కడే అన్నట్లు ఉన్నాయి. ఫలితంగా ఆరు లక్షల ఎకరాలకే సాగు నీరందే పరిస్థితి ఉంది. ప్రాజెక్ట్‌ల వారీగా ఇలా (ఎత్తిపోతలు జరిగితే).. ప్రాజెక్ట్‌ సాగు నీరందించే పారుతోంది.. పెండింగ్‌ లక్ష్యం (ఎకరాల్లో) (ఎకరాల్లో) (ఎకరాల్లో) ఎంజీకేఎల్‌ఐ 4,20,000 2,00,000 2,20,000 నెట్టెంపాడు 2,00,000 1,42,000 58,000 భీమా 1,11,000 91,000 20,000 కోయిల్‌సాగర్‌ 50,250 36,000 14,250

మహబూబ్‌నగర్‌ ఎడ్యుకేషన్‌: జిల్లా కేంద్రంలోని ఎంవీఎస్‌ జూనియర్‌ కళాశాల అభివృద్ధికి ప్రభుత్వం రూ.7.95 కోట్ల నిధులు విడుదల చేసినట్లు ఎమ్మెల్యే యెన్నం శ్రీనివాస్‌రెడ్డి తెలిపారు. పేద, మధ్యతరగతి విద్యార్థులకు విద్యనందిస్తున్న కళాశాలను అన్ని వసతులతో అభివృద్ధి చేయనున్నట్లు పేర్కొన్నారు. నూతన భవనాల నిర్మాణానికి త్వరలో భూమిపూజ నిర్వహించనున్నట్లు వెల్లడించారు. ఆరు ఎకరాల విస్తీర్ణంలో ఉన్న కళాశాల ప్రాంగణాన్ని ఆహ్లాదకరంగా తీర్చిదిద్దడంతో పాటు విద్యార్థుల సంఖ్యకు అనుగుణంగా అదనపు తరగతి గదులు నిర్మించనున్నారు. ఆధునిక ల్యాబొరేటరీలు, కంప్యూటర్‌ ల్యాబ్‌, ఇతర మౌలిక వసతులను ఏర్పాటు చేయనున్నట్లు ఎమ్మెల్యే తెలిపారు. కళాశాల అభివృద్ధికి భారీగా నిధులు కేటాయించడంపై ఆయన హర్షం వ్యక్తం చేశారు.

జెడ్పీసెంటర్‌ (మహబూబ్‌నగర్‌): ప్రతి ఒక్కరూ తమ ప్రాథమిక, రాజ్యాంగ హక్కులపై అవగాహన కలిగి ఉండాలని జిల్లా న్యాయ సేవా అధికార సంస్థ కార్యదర్శి, సీనియర్‌ సివిల్‌ జడ్జి ఇందిర అన్నారు. హక్కులు, చట్టాలపై అవగాహన ఉంటే ఇతరుల చేతిలో మోసపోకుండా జాగ్రత్తపడటంతో పాటు, సమస్యలు ఎదురైనప్పుడు సరైన అధికారులను ఆశ్రయించి న్యాయం పొందవచ్చన్నారు. మంగళవారం జిల్లా కేంద్రంలోని మెట్టుగడ్డ డే కేర్‌ సెంటర్‌లో నిర్వహించిన న్యాయ అవగాహన సదస్సుకు ఆమె ముఖ్య అతిథిగా హాజరై మాట్లాడారు. చట్టాలపై అవగాహన లేకపోవడం వల్ల తెలియక తప్పులు చేసే అవకాశం ఉంటుందని, చట్ట పరిజ్ఞానం ఉంటే న్యాయపరమైన చిక్కులను తగ్గించుకోవచ్చన్నారు. సమాజంలో ఆత్మవిశ్వాసంతో నిర్ణయాలు తీసుకోవడానికి చట్టంపై అవగాహన దోహదపడుతుందని పేర్కొన్నారు. రాజీ పడదగిన కేసులను జాతీయ లోక్‌ అదాలత్‌ ద్వారా పరిష్కరించుకోవాలని సూచించారు. రాజీకి అవకాశం లేని కేసుల్లో పోలీసులను ఆశ్రయించాలని తెలిపారు. కార్యక్రమంలో డాక్టర్‌ సునిత, డాక్టర్‌ రమాదేవి, డాక్టర్‌ నాగరాజు, డాక్టర్‌ నరేష్‌ చంద్ర, పారాలీగల్‌ వలంటీర్లు ఎ.రాజసింహుడు, నస్కంటి నాగభూషణం, కోటేశ్వరరెడ్డి పాల్గొన్నారు.

● విద్యార్థులకు పరిశోధన, శిక్షణలో మరిన్ని అవకాశాలు మహబూబ్‌నగర్‌ ఎడ్యుకేషన్‌: సీఎస్‌ఐఆర్‌–ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ (ఐఐసీటీ)తో పాలమూరు యూనివర్సిటీ (పీయూ) అవగాహన ఒప్పందం (ఎంఓయూ) కుదుర్చుకుంది. హైదరాబాద్‌లోని సీఎస్‌ఐఆర్‌ కార్యాలయంలో జరిగిన కార్యక్రమంలో వీసీ శ్రీనివాస్‌ ఆధ్వర్యంలో సంస్థ డైరెక్టర్‌ శ్రీనివాస్‌రెడ్డి, పీయూ రిజిస్ట్రార్‌ రమేష్‌బాబు ఒప్పంద పత్రాలపై సంతకాలు చేశారు. ఈ ఒప్పందంతో పీయూ విద్యార్థులకు పరిశోధనా ప్రాజెక్టులు, శిక్షణా కార్యక్రమాలు, ఆధునిక ప్రయోగశాలల పరిజ్ఞానం, సంయుక్త పరిశోధనల్లో పాల్గొనే అవకాశాలు లభించనున్నాయి. జాతీయ స్థాయి పరిశోధనా సంస్థతో ఒప్పందం చేసుకోవడం ద్వారా విద్యార్థులకు పరిశోధన రంగంలో విస్తృత అవకాశాలు అందుబాటులోకి వస్తాయని వీసీ శ్రీనివాస్‌ తెలిపారు. యూనివర్సిటీలు, పరిశోధనా సంస్థలు సంయుక్తంగా పనిచేయడం ద్వారా నూతన పరిశోధనలకు అవకాశం ఉంటుందన్నారు. కార్యక్రమంలో పీయూ పరిశోధక విద్యార్థులు, ప్రాజెక్టు అసిస్టెంట్లు, కెమిస్ట్రీ, ఇంటిగ్రేటెడ్‌ కెమిస్ట్రీ విద్యా ర్థులు సీఎస్‌ఐఆర్‌–ఐఐసీటీని సందర్శించారు. అధ్యాపకులు చంద్రకిరణ్‌, నూర్జహాన్‌, విజయలక్ష్మితో పాటు పలువురు అధికారులు పాల్గొన్నారు.

అలంపూర్‌: మున్సిపాలిటీలో జాతిపిత మహాత్మాగాంధీ విగ్రహాన్ని ధ్వంసం చేసిన ఘటన సోమవారం చోటుచేసుకుంది. ఇటీవల మున్సిపాలిటీ ప్రధాన రోడ్డులో డివైడర్‌ నిర్మాణం చేపట్టడంతో అక్కడ ఉన్న గాంధీజీ విగ్రహాన్ని అధికారులు తొలగించారు. ఈ విగ్రహాన్ని అధికారులు డంప్‌ యార్డుకు తరలించి నిర్లక్ష్యంగా వ దిలేశారని ప్రజాప్రతినిధులు, నాయకులు ఆరోపించారు. డంప్‌ యార్డులో దుండగులు మహాత్ముడి విగ్రహాన్ని, దిమ్మెను ధ్వంసం చేశారు. సోషల్‌ మీడియా గ్రూప్‌లో పోస్టులు చేయడంతో స్థానికంగా చర్చనీయాంశంగా మారింది. ఈ ఘటనపై ప్రజాసంఘాలు, రాజకీయ నాయకులు పోలీస్‌స్టేషన్‌లో ఫిర్యాదు చేసినట్లు తెలిసింది. పోలీసులు ఘటన స్థలాన్ని సందర్శించి ధ్వంసమైన విగ్రహ భాగాలను పోలీస్‌స్టేషన్‌కు తరలించినట్లు విశ్వసనీయ సమాచారం. ఇద్దరిపై హత్యాయత్నం.. కేసు నమోదు తిమ్మాజిపేట: తిమ్మాజిపేటలో ఇద్దరు వ్యక్తులపై హత్యాయత్నం చేయడంతో బాదితుల ఫిర్యాదు మేరకు కేసు నమోదుచేసి దర్యాప్తు చేస్తున్నట్లు ఎస్‌ఐ శ్రీనివాసరావు సోమవారం రాత్రి తెలిపారు. ఆయన కథనం మేరకు.. తిమ్మాజిపేటలో ఆదివారం అర్ధరాత్రి కొడావత్‌ హర్య, ఆయన కుటుంబసభ్యులు మాట్లాడుకుంటుండగా అదే గ్రామానికి చెందిన అనుదీప్‌గౌడ్‌ అక్కడకు వచ్చి గొడవ చేయొద్దని వాదనకు దిగాడు. తన తమ్ముడు అఖిల్‌గౌడ్‌ను తీసుకొచ్చి బాధితులతో గొడవ పడ్డారు. ఈ క్రమంలో అఖిల్‌గౌడ్‌ కత్తెరతో హర్య, వాలులపై దాడి చేయడంతో రక్త గాయాలైనట్లు ఎస్‌ఐ తెలిపారు. గాయపడిన వారిని మహబూబ్‌నగర్‌ ఆస్పత్రికి తరలించి విస్లావత్‌ విజయ్‌కుమార్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

● తెలంగాణ రాజ్యాధికార పార్టీ అధ్యక్షుడు తీన్మార్‌ మల్లన్న ● 12వ రోజు గుండుమాల్‌, మద్దూర్‌లో మహాపాదయాత్ర కోస్గి రూరల్‌/కొత్తపల్లి: రానున్న 2028 ఎన్నికల్లో ముదిరాజ్‌లకు పెద్దపీట వేస్తామని, చివరి ఓసీ ముఖ్యమంత్రిగా రేవంత్‌రెడ్డి చరిత్రలో నిలిచిపోతాడని తెలంగాణ రాజ్యాధికార పార్టీ అధ్యక్షుడు తీన్మార్‌ మల్లన్న పేర్కొన్నారు. సోమవారం 12వ రోజు మహాపాదయాత్ర గుండుమాల్‌, మద్దూర్‌ మండలాలకు చేరుకుంది. ఈ సందర్భంగా మాట్లాడుతూ.. ఇక రెండేళ్లు మాత్రమే మిగిలిందని.. కోడంగల్‌, తెలంగాణలో వచ్చేది బీసీ ప్రభుత్వమన్నారు. రెడ్ల ఎమ్మెల్యే గడప లేకుండా చేసుడే మన ధర్మమన్నారు. వాల్మీకి బోయలను ఎస్టీలో, ముదిరాజ్‌లను బీసీ–డీ నుంచి బీసీ–ఏలో మారుస్తామన్నారు. రేవంత్‌రెడ్డి డబుల్‌ బెడ్రూం ఇల్లు, తులం బంగారం, రూ.4వేల పింఛన్‌, రైతుబీమా, రైతుభరోసా, రుణమాఫీ, యూరియా యాప్‌ అంటూ ప్రజలను మభ్య పెడులూ కాలయాపన చేస్తున్నాడన్నారు. తిరుపతిరెడ్డి దోచుకొనుడు.. ఆంధ్రా కాంట్రాక్టర్‌లకు పెటు్‌ుట్డ.. తమ్ముడికి ఓ నియోజకవర్గం.. అన్నకు అడ్మినిస్ట్రేషన్‌.. ఇంకో తమ్ముడికి మున్సిపల్‌.. అంటూ పంచుకుంటూ వస్తున్నాడు.. తాత జాగిర్‌ లేక్క.. తినుండ్రి బిడ్డ.. ఏ బొక్కలో దాచిపెట్టినా.. ఆ పైసలు, భూములను బయటకు తీస్తా.. మా పేద బిడ్డలకు పంచుతా.. రెడ్ల సోపతి, వెలమ సోపతి బంధు.. ఈ సీఎం పని చేయాలన్నా.. మాజీ సీఎం అయినా ముదిరాజ్‌ బిడ్డల శక్తితోనే అవుతాది.. బీసీలకు రాబోయే కాలంలో ముదిరాజ్‌లకు పెద్దపీటం మీద కూర్చోబెట్టి పరిపాలన చేపడుతామన్నారు. నా పైనా 80కేసులు పెట్టి వందల రోజులు చీకటి గదిలో పెట్టిన కేసీఆర్‌పై పోరాటం ఆపలేదన్నారు. గుండుమాల్‌ మండల కేంద్రంలో రోడ్డు వెడల్పులో భాగంగా కమీషన్ల కోసం పేదల ఇళ్లను కూల్చేస్తున్నారని, గట్టలు సైతం కారుగబెట్టుతున్నారని మండిపడ్డారు. అనంతరం పలువురికి పార్టీ జెండా కప్పి ఆహ్వానించారు. మద్దూర్‌ మండల కేంద్రంలోని రోడ్డు వెడల్పు బాధితులు, నాయకులను స్టేషన్‌లో అరెస్టు చేయగా.. వారిని స్వయంగా పరామర్శించారు. అండగా ఉంటానని హామీ ఇచ్చారు. కార్యక్రమంలో టీఆర్‌ఎస్‌ రాష్ట్ర ప్రధాన కార్యదర్శి అశోక్‌, ఉపాధ్యక్షురాలు స్వర్ణక్క, నారాయణపేట జిల్లా అధ్యక్షుడు కృష్ణ, కల్నాల్‌ బిక్షపతి, పూజిత, అనిల్‌ ఉన్నారు.

రైస్‌మిల్లులో విలువ చేసే వరిధాన్యం నిల్వ ఉంచడంతోపాటు, ప్రభుత్వానికి చెల్లించాల్సిన ధాన్యం అందుబాటులో లేకపోవడంతో లక్ష్మీనారాయణ ఆగ్రో ఇండస్ట్రీ రైస్‌మిల్లుపై పోలీస్‌ కేసు చేసినట్లు ఎస్‌ఐ రాము తెలిపారు. సివిల్‌ సప్‌లై అధికారి రాజేందర్‌ ఇచ్చిన ఫిర్యాదు మేరకు కేసు నమోదు చేశామన్నారు. ప్రభుత్వ ధాన్యాన్ని బియ్యంగా మార్చి తిరిగి ప్రభుత్వానికి అప్పగించాల్సి ఉండగా.. ఈ మిల్లుకు సంబంధించిన సుమారు 19.59 కోట్ల విలువైన ధాన్యం ప్రభుత్వానికి చెల్లించాల్సి ఉంది. పలుమార్లు నోటీసులు జారీ చేసినా ధ్యానం చెల్లించకపోవడంతో సివిల్‌ సప్‌లై విజిలెన్స్‌ అధికారులు మిల్లులో తనిఖీలు చేపట్టారు. తనిఖీల్లో సుమారు 8,755,833 మెట్రిక్‌ టన్నుల ధాన్యం అందుబాటులో లేదని గుర్తించారు. ధాన్యం గల్లంతైనట్లు గుర్తించిన అధికారులు పోలీసులకు ఫిర్యాదు చేశారు. ప్రభుత్వ ధాన్యం చెల్లించాల్సిన అంశంపై పలుమార్లు నోటీసులు ఇచ్చినప్పటికీ స్పందన లేకపోవడంతో రికవరీ చర్యల్లో భాగంగా తనిఖీలు నిర్వహించినట్లు అధికారులు తెలిపారు. సివిల్‌ సప్‌లై అధికారుల ఫిర్యాదు మేరకు మిల్లు యజమాని సుధాకర్‌రావుతోపాటు ఆయన భాగస్వాములపై కేసు నమోదు చేసినట్లు ఎస్‌ఐ తెలిపారు. దర్యాప్తు చేపట్టి తదుపరి చర్యలు తీసుకుంటామన్నారు.

నారాయణపేట/షాద్‌నగర్‌: నారాయణపేట జిల్లా ఊట్కూర్‌ మండలం నిడుగుర్తి–లక్ష్మీపల్లి శివారులో అడవిలోకి చొరబడి తుపాకీతో వేటాడి.. కృష్టజింకను చంపి అక్రమంగా మాంసాన్ని హైదరాబాద్‌కు తరలిస్తున్న ముఠాను పోలీసులు పట్టుకున్నారు. సో మవారం ఉదయం రంగారెడ్డి జిల్లా షాద్‌నగర్‌ శివా రులోని రాయికల్‌ టోల్‌ప్లాజా వద్ద తొమ్మిది మంది ని షాద్‌నగర్‌ పోలీసులు, ఎస్‌ఓటీ సిబ్బంది పట్టుకున్నారు. రాయికల్‌ టోల్‌గేట్‌ వద్ద తనిఖీల్లో 13 కిలో ల కృష్ణజింక మాంసం లభ్యమైంది. ఇందుకు సంబంధించిన వివరాలను షాద్‌నగర్‌ డీసీపీ శిరీష రా ఘవేంద్ర విలేకరుల సమావేశంలో వెల్లడించారు. అర్ధరాత్రి హైదరాబాద్‌ నుంచి.. హైదరాబాద్‌కు చెందిన ఎండీ హాజీ ఉద్దీన్‌ తన స్నేహితులతో కలిసి సెప్టెంబర్‌ 26న (శనివారం) అర్ధరాత్రి కారులో బయలుదేరి, 27న ఉదయం నిడుగుర్తి–లక్ష్మీపల్లి శివారులోని అటవీ ప్రాంతానికి చేరుకున్నారు. ఆదివారం ఉదయం ఉదయం 7 న ుంచి మధ్యాహ్నం 12 గంటల వరకు అక్కడ సంచరించారు. అటవీ ప్రాంతంలో హాజీ ఉద్దీన్‌ లైసెన్స్‌డ్‌ రైఫిల్‌తో కృష్ణజింకను కాల్చి చంపారు. అనంతరం మృత జింకను ముక్కలుగా చేసి మాంసాన్ని ప్యాక్‌ చేసి కారులో హైదరాబాద్‌కు బయలుదేరారు. టోల్‌గేట్‌ వద్ద పట్టివేత సోమవారం రాయికల్‌ టోల్‌గేట్‌ సమీపంలో షాద్‌నగర్‌ పోలీసులు, ఎస్‌ఓటీ సిబ్బంది తనిఖీలు చేపట్టగా కారులో కృష్ణజింక మాంసం బయటపడింది. దీంతో తొమ్మిది మందిని అదుపులోకి తీసుకుని విచారించారు. వారిలో ఊట్కూర్‌ మండలానికి చెందిన ఎండీ రియాజ్‌తో పాటు మరో ఇద్దరిని వేట జరిగిన ప్రాంతానికి తీసుకెళ్లి వివరాలు సేకరించారు. నిందితుల వద్ద నుంచి సుమారు 13 కిలోల కృష్ణజింక మాంసం, టెలిస్కోప్‌, సైలెన్సర్‌ అమర్చిన 315 రైఫిల్‌, కెమెరా, స్మార్ట్‌ఫోన్లు, రూ.28,500 నగదు స్వాధీనం చేసుకున్నట్లు పోలీసులు తెలిపారు. తొమ్మిది మందిపై కేసు ఈ కేసులో ఎండీ హాజీ ఉద్దీన్‌, మీర్‌ ముక్తార్‌ అలీ, ఎండీ తాజుముల్‌, మీర్‌ రజా అలీఖాన్‌, ఖుర్రం ఖాన్‌, సయ్యద్‌ సల్మాన్‌ అలీ, ఎండీ అఫ్రోజ్‌ ఖాన్‌, ఎండీ అబ్దుల్‌ అజీజ్‌, ఎండీ రియాజ్‌పై కేసు నమోదు చేశారు. లైసెన్స్‌ ఉన్నా.. వేటకు వాడితే నేరమే రైఫిల్‌కు లైసెన్స్‌ ఉన్నప్పటికీ దాన్ని వన్యప్రాణుల వేటకు ఉపయోగించడం చట్టవిరుద్ధమని అధికారులు స్పష్టం చేశారు. నిందితులపై వన్యప్రాణి సంరక్షణ చట్టం–1972లోని సెక్షన్లు 9, 39, 50, 51, 57తో పాటు ఆర్‌మ్స్‌ యాక్ట్‌ సెక్షన్‌ 30 కింద కేసులు నమోదు చేసినట్లు తెలిపారు. దర్యాప్తు కొనసాగుతోందని, వన్యప్రాణుల వేట లేదా అక్రమ రవాణాపై సమాచారం ఉంటే సంబంధిత అధికారులకు తెలియజేయాలని కోరారు. ఊట్కూర్‌ మండలం నిడుగుర్తి– లక్ష్మీపల్లి శివారులో వేట మాంసాన్ని ముక్కలుగా చేసి హైదరాబాద్‌కు తరలింపు తొమ్మిది మంది అదుపులోకి.. 13 కిలోల మాంసం, రైఫిల్‌ స్వాధీనం 24 గంటల్లో కేసును ఛేదించిన పోలీసులు, ఎస్‌ఓటీ, అటవీశాఖ

ఊట్కూర్‌ మండలం నిడుగుర్తి–లక్ష్మిపల్లి శివారులోని అటవీ ప్రాంతంలో కృష్ణజింకను వేటాడినట్లు విచారణలో తేలడంతో స్థానికంగా కలకలం రేగింది. సోమవారం నారాయణపేట అటవీశాఖ అధికారులు, షాద్‌నగర్‌ పోలీసులు కలిసి వేట జరిగినట్లు అనుమానిస్తున్న ప్రాంతాన్ని పరిశీలించారు. జింకను ఎక్కడ కాల్చారు? ఎక్కడ మృతదేహాన్ని ముక్కలు చేశారు? మాంసాన్ని ఎలా తరలించారు? కళేబరానికి సంబంధించిన ఆనవాళ్లు ఉన్నాయా? అనే కోణాల్లో ఆరా తీశారు. అనుమానిత ప్రదేశంతో పాటు పరిసరాలను క్షుణ్ణంగా పరిశీలించి ఆధారాలు సేకరించిన అనంతరం అధికారులు షాద్‌నగర్‌కు వెళ్లినట్లు తెలిసింది. ● ఈ కేసులో ఊట్కూర్‌ పోలీస్‌స్టేషన్‌కు సమీపంలోని బండమీది గేరికి చెందిన రియాజ్‌ పేరు బయటకు రావడం స్థానికంగా చర్చనీయాంశమైంది. హైదరాబాద్‌ నుంచి వచ్చిన వారికి ఈ ప్రాంతంలో కృష్ణజింకల సంచారం ఎలా తెలిసింది? వేట జరిగిన ప్రదేశాన్ని ఎవరు చూపించారు? స్థానికంగా ఎవరైనా సహకరించారా? అనే కోణాల్లో దర్యాప్తు సాగుతున్నట్లు సమాచారం. వేటలో పాల్గొన్న వారి పాత్ర, స్థానికంగా అందిన సహకారంపై పోలీసులు, అటవీశాఖ అధికారులు ఆధారాలు సేకరిస్తున్నట్లు తెలిసింది. అయితే దీనిపై అధికారులు అధికారికంగా వివరాలు వెల్లడించాల్సి ఉంది.

మహబూబ్‌నగర్‌ క్రీడలు: జిల్లా కేంద్రంలోని మెయిన్‌ స్టేడియంలో జిల్లాస్థాయి స్కూల్‌ గేమ్స్‌ ఫెడరేషన్‌ క్రీడలు ఉత్సాహంగా జరుగుతున్నాయి. మహబూబ్‌నగర్‌ జిల్లా అండర్‌–14, 17ఎస్‌జీఎఫ్‌ బాలికల వాలీబాల్‌ టోర్నమెంట్‌ కమ్‌ సెలక్షన్స్‌లో బాలానగర్‌ జట్లు మెరుగైన ప్రతిభ కనబరిచి ఈ రెండు విభాగాల్లో విజేతలుగా నిలిచాయి. ఈ రెండు విభాగాల్లో మహ్మదాబాద్‌ జట్లు రన్నరప్‌గా నిలిచాయి. గెలుపొందిన జట్లకు డీవైఎస్‌ఓ రాజశేఖర్‌రెడ్డి, జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ తదితరులు ట్రోఫీలు అందజేశారు. ఈ సందర్భంగా డీవైఎస్‌ఓ మాట్లాడుతూ విద్యార్థులు చదువుతో పాటు క్రీడల్లో ప్రతిభచాటాలన్నారు. క్రీడల్లో క్రమశిక్షణ ముఖ్యమని అన్నారు. జిల్లా క్రీడాకారులు అంతర్జాతీయస్థాయికి ఎదిగి జిల్లాకు పేరు ప్రతిష్టలు తీసుకురావాలని ఆకాంక్షించారు. కార్యక్రమంలో రిటైర్డ్‌ పీడీ చెన్న వీరయ్య, డిప్యూటీ తహశీల్దార్‌ ఆనంద్‌, జిల్లా ఎస్‌జీఎఫ్‌ మాజీ కార్యనిర్వాహక కార్యదర్శులు శారదాబాయి, రమేష్‌బాబు, పీడీలు రామేశ్వర్‌, ముస్తఫా, మమత, శ్రీనివాస్‌రెడ్డి, సుచేతన్‌రెడ్డి, అబ్దుల్లా, అయూబ్‌ఖాన్‌, ఉమాదేవి, గాయత్రి, రాములు, డీఎస్‌ఏ వాలీబాల్‌ కోచ్‌లు పర్వేజ్‌పాష, రహెమాన్‌ తదితరులు పాల్గొన్నారు.

● రైస్‌మిల్లు సీజ్‌ అయ్యేనా.. ● రూ.కోట్లు విలువ చేసే ధాన్యం మాయం ● రైస్‌మిల్లులో ధాన్యం గోల్‌మాల్‌ ● 8,755,883 టన్నుల ధాన్యం కొరత మండల కేంద్రంలో తాడూరు నుంచి జిల్లాకేంద్రానికి వెళ్లే ప్రధాన రోడ్డు సమీపాన నిర్వహిస్తున్న లక్ష్మీనారాయణ ఆగ్రో ఇండస్ట్రీ రైస్‌మిల్లు నిర్వహణ అస్తవ్యస్థంగా ఉంది. రోడ్డు వెంట వెళ్లే, రైస్‌మిల్లు పరిసరాలకు సంబంధించి పోలాలకు వెళ్లే రైతులు నిర్వహణ సక్రమంగా లేదని సరి చేసుకోవాలంటూ తాము ఇబ్బందులు ఎదుర్కొంటున్నామని పలుమార్లు విన్నవించినా పట్టించుకోలేదు. నేరుగా మిల్లు యజమానితో మాట్లాడిన రైతులకు దురుసుగా సమాధానం ఇచ్చేవాడని విచారం వ్యక్తం చేశారు. మిల్లులో తనిఖీలు నిర్వహిస్తున్న అధికారులు తాడూరు: మండల కేంద్రంలోని లక్ష్మీనారాయణ ఆగ్రో ఇండస్ట్రీ రైస్‌ మిల్లులో సివిల్‌ సప్‌లై అధికారి రాజేందర్‌, స్థానిక పోలీసులు నిర్వహించిన తనిఖీల్లో భాగంగా రైస్‌మిల్లులో ప్రభుత్వానికి సంబంధించిన 8,755,883 టన్నుల ధాన్యం కొరత ఉన్నట్లు గుర్తించారు. ఈ ధాన్యం విలువ దాదాపు రూ.19.59 కోట్లుగా అధికారులు అంచనా వేశారు. కేసుతోనే రైస్‌మిల్లు సీజ్‌ అయ్యేనా మండల కేంద్రంలోని లక్ష్మీనారాయణ ఆగ్రో ఇండస్ట్రీ మిల్లులో ఇంత భారీ ఎత్తున ధాన్యం నిల్వ లు ఉండడం, దాదాపు 19.59 కోట్లు విలువ కలి గిన ధాన్యాన్ని అధికారులు గుర్తించారు. కానీ దీని కి బాధ్యులైన వారిపై చర్యలు ఎంతవరకు తీసుకుంటారనే విషయంలో రైతులు అనుమానం వ్యక్తం చేస్తున్నారు. ఇటువంటి అవినీతికరమైన రైస్‌మిల్లులను అధికారులు ప్రోత్సహించకుండా సీజ్‌ చేసి బాధ్యులైన వారిపై చట్టపరమైన చర్యలు తీసుకుంటేనే భవిష్యత్‌లో ఇలాంటి ఘటనలు జరగకుండా ఉంటాయని స్థానిక రైతులు అభిప్రాయాలను వ్యక్తం చేస్తున్నారు. కోట్ల అవినీతికి పాల్పడి న రైస్‌మిల్లును సీజ్‌ చేయడంతోపాటు బాధ్యులైన వారిపై కఠినమైన చర్యలుకు ప్రభుత్వం చొరవ చూపాలని, మిల్లు యజమాని సుధాకర్‌రావు వ్యవహారం సరిగ్గా లేదని, తమపై దురుసుగా ప్రవర్తించడంతోపాటు, ప్రతాపం చూపుతుంటారని రైతులు విచారణ వ్యక్తం చేశారు.

● నుదుటిపై 21 కుట్లు.. త్రుటిలో తప్పిన ప్రాణాపాయం దేవరకద్ర రూరల్‌: ఇంటి ముందు ఆడుకుంటున్న ఐదేళ్ల బాలుడిపై వీధికుక్క ఒక్కసారిగా దాడి చేయడంతో తీవ్ర గాయాలైన ఘటన దేవరకద్ర మండలం నాగారం గ్రామంలో ఆదివారం చోటుచేసుకుంది. గ్రామానికి చెందిన ఆంజనేయులు, లక్ష్మి దంపతులకు ముగ్గురు కుమారులు. చిన్న కుమారుడు గణేష్‌(5) ఇంటి ముందు ఆడుకుంటుండగా కుక్క దాడి చేసింది. బాలుడు కేకలు వేయడంతో స్థానికులు అక్కడికి చేరుకుని కుక్కను తరిమేయడంతో అక్కడి నుంచి పారిపోయింది. కుక్క దాడిలో గాయపడిన గణేష్‌ను కుటుంబసభ్యులు తొలుత మహబూబ్‌నగర్‌ ప్రభుత్వ ఆస్పత్రికి తరలించారు. పరిస్థితిని పరిశీలించిన వైద్యులు మెరుగైన చికిత్స కోసం హైదరాబాద్‌లోని ఉస్మానియా ఆస్పత్రికి రిఫర్‌ చేశారు. అక్కడ చికిత్స అందించిన వైద్యులు నుదుటిపై సుమారు 21 కుట్లు వేసినట్లు తల్లిదండ్రులు తెలిపారు. ప్రస్తుతం బాలుడి పరిస్థితి నిలకడగా ఉందని చెప్పారు. నాగారంలో కుక్కల బెడద నాగారం గ్రామంలో గత నాలుగైదు నెలలుగా వీధి కుక్కల సంఖ్య గణనీయంగా పెరిగిందని గ్రామ సు ్థలు చెబుతున్నారు. ఇతర ప్రాంతాల నుంచి కుక్కల ను తీసుకొచ్చి గ్రామ శివారులో వదిలి వెళ్లి ఉంటారని అనుమానం వ్యక్తం చేస్తున్నారు. ప్రస్తుతం గ్రామంలో సుమారు 70 నుంచి 100 వరకు వీధికుక్కలు ఉన్నాయని, వాటిలో కొన్ని అనారోగ్య లక్షణాలతో కనిపిస్తున్నాయని తెలిపారు. బాలుడిపై దాడి చేసిన కుక్క అంతకుముందు ఓ రైతుకు చెందిన మేకను కూడా కరిచిందని పేర్కొన్నారు. మరో ప్రమాదం జరగకముందే అధికారులు స్పందించి దాడి చేసిన కుక్కను పట్టుకోవడంతో పాటు వీధికుక్కల నియంత్రణకు చర్యలు తీసుకోవాలని గ్రామస్థులు కోరుతున్నారు. చికిత్స పొందుతున్న బాలుడు

రైస్‌ మిల్లులో ధాన్యం బా యిల్డ్‌ అయిన వ్యర్థ పదార్థాలు, నీరంతా తమ పొలాలకు వెళ్లే బాటలో ఏర్పాటు చేసిన గుంతలో నిల్వ ఉంచుతున్నారు. దీంతో ఆ ప్రాంతమంతా దుర్గందభరితంగా తయారైంది. తామంతా ఆరోగ్యపరమైన సమస్యలకు గురువుతున్నామన్న విషయాన్ని తెలియజేసిన పట్టించుకోలేదు. గుంతపై కప్పు ఏర్పాటు చేస్తే దుర్వాసన రాదని తగిన జాగ్రత్తలు పాటించాలని మిల్లు యజమానికి చెప్పిన పట్టించుకోలేదు. – గుండు వెంకటయ్య, తాడూరు, మిల్లుకు ఎదురుగా ఉన్న పోలం రైతు ●

జెడ్పీసెంటర్‌(మహబూబ్‌నగర్‌): జిల్లాలోని బీసీ, ఎస్సీ, ఎస్టీ, మైనార్టీ రెసిడెన్షియల్‌ పాఠశాలలు, వసతి గృహాలపై నిరంతరం పర్యవేక్షణ ఉండాలని సీఎస్‌ సంజయ్‌జాజు అధికారులను ఆదేశించారు. విద్యార్థులకు నాణ్యమైన విద్య, ఆహారం, సురక్షిత వాతావరణం, మౌలిక వసతులు కల్పించాలన్నారు. పారిశుధ్యం, తాగునీరు, ఆహారం, ఆరోగ్యం, విద్యార్థులు–సిబ్బంది హాజరును తరచుగా తనిఖీ చేయాలని సూచించారు. తనిఖీల వివరాలు, లోపాలు, తీసుకున్న చర్యలను ఒకే సమగ్ర యాప్‌లో నమోదు చేసేలా చర్యలు తీసుకోవాలని ఆదేశించారు. విద్యార్థుల భద్రత, ఆరోగ్యం, మానసిక స్థితిపై ప్రత్యేక శ్రద్ధ చూపాలని సూచించారు. సమావేశంలో డీఆర్‌ఓ నిర్మల, డీఈఓ విజయకుమారి, జిల్లా సంక్షేమాధికారులు సునీత, ఛత్రు నాయక్‌, తదితరులు పాల్గొన్నారు.

● ఎస్‌ఐఆర్‌పై సమగ్ర విచారణ జరపాలి : డీసీసీ అధ్యక్షుడు సంజీవ్‌ ముదిరాజ్‌ ● ఓటర్ల జాబితా రూపకల్పనలో పారదర్శకత ఉండాలి: ప్రభుత్వ విప్‌ యెన్నం జెడ్పీసెంటర్‌ (మహబూబ్‌నగర్‌): కేంద్రంలోని బీజేపీ ప్రభుత్వం దేశంలోని ప్రజాస్వామ్య వ్యవస్థలను బలహీనపరుస్తోందని డీసీసీ అధ్యక్షుడు సంజీవ్‌ ముదిరాజ్‌ ఆరోపించారు. ఎస్‌ఐఆర్‌ ప్రక్రియలో ఓట్ల తొలగింపు, ఓటర్ల జాబితా రూపకల్పనపై అనుమానాలు వ్యక్తమవుతున్న నేపథ్యంలో పారదర్శకత పాటించాలని డిమాండ్‌ చేశారు. డీసీసీ ఆధ్వర్యంలో సోమవారం కలెక్టరేట్‌ ఎదుట మహాధర్నా నిర్వహించారు. ఈ సందర్భంగా సంజీవ్‌ ముదిరాజ్‌ మాట్లాడుతూ.. ఎస్‌ఐఆర్‌ పేరుతో ఓటు హక్కును దెబ్బ తీసే చర్యలకు పాల్పడుతున్నారని ఆరోపించారు. ఎన్నికల సంఘం స్వతంత్రత, విశ్వసనీయతను కాపాడాలని, ఎస్‌ఐఆర్‌పై సమగ్ర విచారణ జరపాలని కోరారు. కేంద్ర ప్రభుత్వం ఎన్నికల కమిషనర్ల నియామక ప్రక్రియలో చేసిన మార్పులు రాజ్యాంగ సంస్థల స్వయం ప్రతిపత్తిపై సందేహాలకు తావిస్తున్నాయని విమర్శించారు. ఎన్నికల ప్రక్రియలో పూర్తి పారదర్శకత ఉండాలని డిమాండ్‌ చేశారు. అనంతరం సంజీవ్‌ నేతృత్వంలోని కాంగ్రెస్‌ ప్రతినిధి బృందం డీఆర్‌ఓ నిర్మలకు వినతిపత్రం సమర్పించింది. కార్యక్రమంలో మైనార్టీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌, పీసీసీ ప్రధాన కార్యదర్శి మిథున్‌రెడ్డి, అధికార ప్రతినిఽధి హర్షవర్ధన్‌రెడ్డి, మాజీ మున్సిపల్‌ చైర్మన్‌ ఆనంద్‌గౌడ్‌, సీనియర్‌ నాయకులు వినోద్‌కుమార్‌, సిరాజ్‌ ఖాద్రీ, సత్తూర్‌ చంద్రకుమార్‌గౌడ్‌, సుధాకర్‌రెడ్డి, పరమేశ్వర్‌, రాములుయాదవ్‌, ఎస్సీ సెల్‌ చైర్మన్‌ రాజు, లింగం నాయక్‌, కార్పొరేటర్లు, యూత్‌ కాంగ్రెస్‌ నాయకులు, కార్యకర్తలు పాల్గొన్నారు.

నిడుగుర్తి–లక్ష్మీపల్లి శివారులో అడవిలో కృష్ణజింకను వేటాడిన ముఠాను షాద్‌నగర్‌ పోలీసులు అరెస్టు చేశారు. వాతావరణం ఆకాశం అప్పుడప్పుడు మేఘావృతమై ఉంటుంది. మధ్యాహ్నం ఎండగా ఉంటుంది. సాయంత్రం వర్షం పడే అవకాశం ఉంది. –8లో uమినహాయింపులపైనే చర్చ.. సర్దుబాటు ఉత్తర్వులు అందుకున్న వెంటనే కొందరు ఉపాధ్యాయులు కొత్త స్థానాల్లో చేరగా.. మరికొందరు మాత్రం ఆదేశాలను అమలు చేయలేదన్న విమర్శలు ఉన్నాయి. కొందరికి సంఘాలు, ప్రజాప్రతినిధుల సిఫారసులతో మినహాయింపులు లభిస్తున్నాయన్న చర్చ కూడా ఉపాధ్యాయ వర్గాల్లో సాగుతోంది. కొంతమంది ఎంఈఓలు సర్దుబాటు ఉత్తర్వులు జారీ చేసినప్పటికీ.. సంబంధిత ఉపాధ్యాయులు విధుల్లో చేరకపోయినా పట్టించుకోవడం లేదన్న ఆరోపణలు వినిపిస్తున్నాయి. ఉన్నతాధికారులు చర్యలు చేపడితే.. నిబంధనలకు విరుద్ధంగా వ్యవహరించిన ఎంఈఓలతో పాటు ఆదేశాలను అమలు చేయని ఉపాధ్యాయులపైనా చర్యలు ఉంటాయా అన్నది ప్రశ్నగా మారింది. పరిశీలిస్తాం.. బదిలీపై వెళ్లని ఉపాధ్యాయుల అంశాన్ని పరిశీలిస్తాం. కొంతమందికి వైద్యపరమైన సమస్యలు ఉన్నట్లు మా దృష్టికి వచ్చింది. వాస్తవంగా సమస్య ఉండి విధుల్లో చేరలేని వారికి నిబంధనల మేరకు మినహాయింపు ఉంటుంది. ఉద్దేశపూర్వకంగా విధుల్లో చేరని వారిపై తప్పకుండా చర్యలు తీసుకుంటాం. ఈ వివరాలను డీఎస్సీకి నివేదిస్తాం. – విజయకుమారి, డీఈఓ, మహబూబ్‌నగర్‌ మహబూబ్‌నగర్‌ ఎడ్యుకేషన్‌: ప్రభుత్వ పాఠశాలల్లో విద్యార్థుల సంఖ్యకు అనుగుణంగా ఉపాధ్యాయుల సర్దుబాటు ప్రక్రియ చేపట్టినా.. ఆదేశాలు పొందిన కొందరు టీచర్లు మాత్రం కొత్త స్థానాల్లో విధుల్లో చేరడం లేదు. జిల్లాలో 244 మంది ఉపాధ్యాయులకు సర్దుబాటు కింద బదిలీ ఉత్తర్వులు జారీ చేయగా.. తొలుత 164 మంది విధుల్లో చేరారు. అనంతరం అదనపు కలెక్టర్‌ ఆదేశాలతో మరో 29 మంది చేరారు. ఇంకా 51 మంది వరకు విధుల్లో చేరాల్సి ఉన్నట్లు విద్యాశాఖ వర్గాలు చెబుతున్నాయి. వారిపై చర్యలు తీసుకోవాలని ఉన్నతాధికారుల నుంచి ఆదేశాలు వచ్చినప్పటికీ.. సోమవారం వరకు ఎలాంటి చర్యలు ప్రారంభం కాలేదు. డీఈఓ విజయకుమారి పది రోజులుగా విదేశీ పర్యటనలో ఉండగా సోమవారం తిరిగి విధుల్లో చేరారు. ఇన్‌చార్జి డీఈఓగా వ్యవహరించిన ఏడీ అనురాధ సైతం ఈ అంశంపై నిర్ణయం తీసుకోలేదని తెలుస్తోంది. దీంతో ఉత్తర్వులు పొందినా విధుల్లో చేరని ఉపాధ్యాయులపై చర్యలు ఎప్పుడు ఉంటాయన్నది చర్చనీయాంశంగా మారింది.

మహబూబ్‌నగర్‌ క్రైం: మహిళా పోలీస్‌స్టేషన్‌కు వచ్చే మహిళ బాధితులు, బాలికలతో అధికారులు, సిబ్బంది గౌరవంగా వ్యవహరించాలని ఎస్పీ డి.జానకి ఆదేశించారు. నగరంలో ఉన్న మహిళా పోలీస్‌స్టేషన్‌ను సోమవారం ఎస్పీ వార్షిక తనిఖీల్లో భాగంగా సందర్శించారు. మొదట విధులు నిర్వహిస్తున్న ఒక్కో సిబ్బందితో మాట్లాడుతూ వారి బాధ్యతలు, విధుల పై ఆరా తీశారు. ఆ తర్వాత స్టేషన్‌లో పిటిషన్‌ మేనేజ్‌మెంట్‌ ప్రక్రియ, ఫిర్యాదుల నమోదు, వాటి పరిష్కారానికి తీసుకుంటున్న చర్యలు, ఆన్‌లైన్‌ పిటిషన్ల నమోదు పరిశీలించారు. అదేవిధంగా పలు కేసుల రికార్డులు, స్టేషన్‌ డైరీ, ఎఫ్‌ఐఆర్‌లు, దర్యాప్తు రికార్డులు, పిటిషన్‌ రిజిస్టర్‌, కోర్టు కేసులకు సంబంధించిన రికార్డులు, అరెస్టులు, బెయిల్స్‌కు సంబంధించిన వాటిని తనిఖీ చేశారు. అనంతరం ఎస్పీ మాట్లాడుతూ మహిళలకు సంబంధించిన కేసు ల్లో బాధితురాలి గోప్యత పాటించడం చాలా కీలకమని, వ్యక్తిగత వివరాలను అనవసరంగా బయటకు వెల్లడించరాదన్నారు. అవసరమైనప్పుడు కౌన్సెలింగ్‌, ఇతర సహాయక చర్యలు అందించాలన్నారు. మహిళలు, బాలికలపై నేరాలు జరిగిన కేసుల్లో దర్యాప్తు నిబంధనల ప్రకారం వేగంగా పూర్తి చేయాలన్నారు. కేసుల దర్యాప్తులో నాణ్యత మరింత పెరగాల్సిన అవసరం ఉందని, బాధితులకు సత్వర అందేలా పని చేయాలన్నారు. తనిఖీల్లో డీఎస్పీ వెంకటేశ్వర్లు, ఉమెన్‌ పీఎస్‌ సీఐ కృష్ణయ్య, ఎస్‌ఐలు కృష్ణంరాజు, శైలజ పాల్గొన్నారు. రేపు ఉద్యోగ మేళా మహబూబ్‌నగర్‌ మున్సిపాలిటీ: జిల్లాలోని శ్రీ విజయ ఫర్టిలైజర్స్‌, అమరరాజా బ్యాటరీ, అపోలో ఫార్మసీలో ఖాళీగా ఉన్న 70 పోస్టు భర్తీ కి ఈనెల 30న తమ కార్యాలయంలో ఉద్యోగమేళా నిర్వహించనున్నామని జిల్లా ఉపాధి కల్పనశాఖ అధికా రి మైత్రిప్రియ ఒక ప్రకటనలో పేర్కొన్నారు. పదోతరగతి, ఇంటర్‌, డిగ్రీ, ఐటీఐ, డిప్లొమా, బీ–ఫార్మసీ ఉత్తీర్ణులైన అభ్యర్థులు 18 నుంచి 30 ఏళ్లలోపు వారు అర్హులని పేర్కొన్నారు. ఆసక్తి కలిగిన వారు తమ సర్టిఫికెట్లు, ఆధార్‌ కార్డు, బయో–డేటాతో హాజరుకావాలని సూచించారు. పూర్తి వివరాలకు సెల్‌ నంబర్‌ 89193 80410లో సంప్రదించవచ్చని ఆయన తెలిపారు. రేపు క్రీడాకారుల ఎంపికలు మహబూబ్‌నగర్‌ క్రీడలు: డీఈఓ ఆదేశాల మేరకు జిల్లాకేంద్రంలోని మెయిన్‌ స్టేడియంలో ఈనెల 30వ తేదీన స్కూల్‌ గేమ్స్‌ ఫెడరేషన్‌ ఉమ్మడి జిల్లా అండర్‌–14, 17 విభాగాల బాలబాలికల హ్యాండ్‌బాల్‌ ఎంపికలు నిర్వహిస్తున్నట్లు జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ సోమవారం ఓ ప్రకటనలో తెలిపారు. విద్యార్థులు తమ బోనఫైడ్‌, ఆధార్‌కార్డుతో ఉదయం 9.30 గంటలకు స్టేడియానికి చేరుకోవాలని సూచించారు. అదేవిధంగా అండర్‌–14, 17, 19 విభాగాల బాలబాలికల బాక్సింగ్‌ ఎంపికలను ఈనెల 30వ తేదీన ఉదయం 8.30 గంటలకు మెయిన్‌ స్టేడియంలో నిర్వహిస్తున్నట్లు తెలిపారు. విద్యార్థులు బోనఫైడ్‌, ఆధార్‌కార్డు, ఇంటర్‌ విద్యార్థులు ఎస్‌ఎస్‌సీ మెమోతో హాజరుకావాలని కోరారు. నేడు ఫుట్‌బాల్‌ ఎంపికలు జిల్లా కేంద్రంలోని ప్రభుత్వ బాలుర జూనియర్‌ కళాశాల మైదానంలో మంగళవారం స్కూల్‌ గేమ్స్‌ ఫెడరేషన్‌ అండర్‌–14, అండర్‌–17 విభాగాల బాల బాలికల ఫుట్‌బాల్‌ ఎంపికలు నిర్వహిస్తున్నట్లు ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ ఓ ప్రకటనలో తెలిపారు.

వనపర్తి: గత పాలకులు తీసుకొచ్చిన ధరణి దరిద్రాన్ని దూరం చేసేందుకే సీఎం రేవంత్‌రెడ్డి ప్రభుత్వం భూముల రీ సర్వేకు శ్రీకారం చుట్టిందని రాష్ట్ర రెవెన్యూ, గృహనిర్మాణశాఖ మంత్రి పొంగులేటి శ్రీనివాస్‌రెడ్డి చెప్పారు.రీసర్వేను అధికారులు అత్యంత ప్రాధాన్యతతో, పూర్తి బాధ్యతతో నిర్వహించాలని ఆదేశించారు. ముందుగా గ్రామా ల సరిహద్దులను పక్కాగా నిర్ధారించుకుని, ఆ తర్వాత భూముల సర్వేను పక్కాగా చేపట్టాలన్నా రు. సోమవారం వనపర్తి ఐడీఓసీ సమావేశ మందిరంలో రెవెన్యూ, గృహనిర్మాణం, భూముల రీసర్వే అంశాలపై నిర్వహించిన ఉమ్మడి జిల్లాస్థాయి సమావేశానికి రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు, పశుసంవర్ధకశాఖ మంత్రి వాకిటి శ్రీహరి, ఎమ్మెల్యేలతో కలిసి ఆయన హాజరై అధికారులతో సమీక్షించారు. ఈ సందర్భంగా మండలాల వారీగా భూముల రీసర్వే ప్రక్రియ పురోగతిపై తహసీల్దార్లు, సర్వేయర్లతో ఆరా తీశారు. అలాగే రైతుల నుంచి వ్యక్తమవుతున్న అనుభవాలను అడిగి తెలుసుకున్నారు. ఉమ్మడి జిల్లాస్థాయి సమీక్ష అనంతరం మంత్రి పొంగులేటి విలేకర్లతో మాట్లాడారు. సుమారు 120 ఏళ్ల క్రితం భూముల సర్వే నిర్వహించారని.. మళ్లీ ఇప్పుడు భూ సమస్యలకు శాశ్వత పరిష్కారం కల్పించాలనే లక్ష్యంతో రాష్ట్ర ప్రభుత్వం సమగ్ర రీసర్వే ప్రక్రియను చేపట్టిందన్నారు. తహసీల్దార్‌ స్థాయి నుంచి కలెక్టర్‌ వరకు అధికారులందరూ క్షేత్రస్థాయికి వెళ్లి ఈ ప్రక్రియను తప్పనిసరిగా పర్యవేక్షించాలన్నా రు. నవంబర్‌ 15వ తేదీలోగా ప్రక్రియను పూర్తి చేయాలని ఆదేశించారు. సర్వే విషయంలో అటవీ, రెవెన్యూశాఖలు సమన్వయంతో పనిచేయాలని తెలిపారు. రీసర్వే ప్రక్రియకు సంబంధించి రైతులకు ఎప్పటికప్పుడు సమగ్ర సమాచారాన్ని అందిస్తూ.. ఎలాంటి ఇబ్బందులు కలుగకుండా చూడాలన్నారు. అధికారులు నిర్లక్ష్యంగా వ్యవహరించినా, అవినీతికి పాల్పడినా ఉపేక్షించేది లేదని హెచ్చరించారు. కాగా, కొన్ని ప్రాంతాల్లో ఆశించిన స్థాయిలో ముందుకు సాగకపోవడంపై మంత్రి అసంతృప్తిని వ్యక్తం చేశారు. అర్హులందరికీ ఇందిరమ్మ ఇళ్లు అర్హులందరికీ ఇందిరమ్మ ఇళ్లు మంజూరు చేస్తామని మంత్రి పొంగులేటి అన్నారు. మొదటి విడతలో ప్రతి నియోజకవర్గానికి 3,500 ఇళ్లు కేటాయించగా.. రెండో విడతలో మరో 2వేల ఇళ్లను కేటాయిస్తున్నట్లు తెలిపారు. తొలి దశలో చేసిన తప్పులు రెండో దశలో పునరావృతం కానివ్వొద్దని అధికారులకు సూచించారు. మూడు, నాలుగో విడతల్లోనూ ఇందిరమ్మ ఇళ్ల మంజూరు ఉంటుందన్నారు. అందరికీ ఇళ్లు ఇచ్చి రాష్ట్రంలో ఏ జనావాస ప్రాంతంలో పూరిగుడిసె లేకుండా చేస్తామని మంత్రి పేర్కొన్నారు. పరిష్కార మార్గాలు చూపాలి మంత్రి జూపల్లి కృష్ణారావు మాట్లాడుతూ.. ప్రజల నుంచి వచ్చే అర్జీలను అధికారులు క్రమబద్ధమైన విధానంలో పరిశీలించి, పరిష్కార మార్గాలు చూపాలన్నారు. ప్రతి నెలలో ఒక్కో మండలానికి ఒక రోజు కేటాయించి, ఆ మండలానికి సంబంధించిన ప్రజా సమస్యలపై సమీక్షించాలన్నారు. అక్కడికక్కడే సమస్యల పరిష్కారానికి చర్యలు తీసుకోవాలని అధికారులకు సూచించారు. అర్జీల స్వీకరణ కోసం ప్రత్యేక వాట్సాప్‌ నంబర్‌ ఏర్పాటుచేసి ప్రజలకు తెలియజేయాలన్నారు. ప్రజల నుంచి వచ్చిన అర్జీలు వారం రోజులకు మించి పెండింగ్‌లో ఉండకూడదన్నారు. మంత్రి వాకిటి శ్రీహరి మాట్లాడుతూ.. మక్తల్‌ నియోజకవర్గంలో ప్రతిపాదిత పవర్‌ ప్లాంట్‌కు సంబంధించిన భూ సమస్యను పరిష్కరించే దిశగా సంబంధిత అధికారులు చర్యలు తీసుకోవాలని సూచించారు. సమావేశంలో కలెక్టర్లు ఖుష్బూగుప్తా, ఆదర్శ్‌ సురభి, రిజ్వాన్‌ బాషా షేక్‌, హేమంత కేశవ్‌ పాటిల్‌, సీహెచ్‌ ప్రియాంక, కార్పొరేషన్‌ చైర్మన్‌ సరిత, రెవెన్యూ శాఖ ముఖ్య కార్యదర్శి లోకేష్‌ కుమార్‌, రిజిస్ట్రేషన్లు, స్టాంప్స్‌ ప్రత్యేక కార్యదర్శి రాజీవ్‌ హనుమంతు, గృహనిర్మాణశాఖ ఎండీ గౌతమ్‌, ఎమ్మెల్యేలు మేఘారెడ్డి, మధుసూదన్‌రెడ్డి, అనిరుధ్‌రెడ్డి, బండ్ల కృష్ణమోహన్‌రెడ్డి, చిక్కుడు వంశీకృష్ణ, కూచుకుళ్ల రాజేశ్‌రెడ్డి, కసిరెడ్డి నారాయణరెడ్డి తదితరులు ఉన్నారు. కలెక్టర్లు, అధికారులు పనితీరు మార్చుకోవాలి: ప్రభుత్వ విప్‌ ప్రజాసమస్యలను మంత్రుల దృష్టికి తీసుకెళ్లడంతో పాటు కలెక్టర్లు, క్షేత్రస్థాయి అధికారుల పనితీరుపై ప్రభుత్వ విప్‌, మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి ప్రజా సమస్యల పరిష్కారంలో నిర్లక్ష్యం తగదని హెచ్చరించారు. కలెక్టర్‌ నుంచి క్లర్క్‌ వరకు అధికారులు అందరూ ప్రజలకు ఉదయం 10 నుంచి సాయంత్రం 6 గంటల వరకు అందుబాటులో ఉండాలని, కలెక్టర్‌ పూర్తిగా పర్యవేక్షణ చేయాలన్నారు. అభివృద్ధికి సంబంధించిన నిధులు మంజూరు చేయించడం, తీసుకురావడం మాత్రమే ఎమ్మెల్యేలుగా మా బాధ్యత అని.. వాటి అమల, పర్యవేక్షణ పూర్తి బాధ్యత కలెక్టర్‌, అధికారులదేనన్నారు. నియోజకవర్గాల్లోని ప్రజా సమస్యలను పరిష్కరించేందుకు కలెక్టర్లు ప్రతి నెలా స్థానిక ఎమ్మెల్యేలతో విధిగా సమావేశాలు నిర్వహించాలన్నారు. రోడ్లు, రైల్వే బ్రిడ్జిల నిర్మాణాల కోసం తమ విలువైన భూములను త్యాగం చేసిన రైతులకు, బాధితులకు తక్షణమే నష్టపరిహారం చెల్లించాలన్నారు. అడవి వెంకటాపూర్‌ గ్రామంలో సుమారు 600 ఎకరాల భూ సమస్య దీర్ఘకాలంగా అపరిష్కృతంగా ఉందని తెలిపారు. రెవెన్యూ, అటవీ శాఖల అధికారులు సంయుక్తంగా జాయింట్‌ సర్వే నిర్వహించి ఈ సమస్యను వెంటనే కొలిక్కి తేవాలని డిమాండ్‌ చేశారు. ధరణి దరిద్రాన్ని దూరం చేసేందుకే రీ సర్వే నవంబర్‌ 15లోగా రీ సర్వే పూర్తి చేయాలి అలసత్వం ప్రదర్శించే అధికారులపై చర్యలు రాష్ట్ర రెవెన్యూ, గృహ నిర్మాణశాఖ మంత్రి పొంగులేటి శ్రీనివాస్‌రెడ్డి

అచ్చంపేట: ఓటర్ల జాబితా ప్రత్యేక సమగ్ర సవరణ (సర్‌)పై ప్రజల్లో నెలకొన్న సందేహాలు, ఆందోళనలను తీర్చేందుకు కేంద్ర ఎన్నికల సంఘం కీలక నిర్ణయం తీసుకుంది. నోటీసులు అందుకున్న వారు వ్యక్తిగతంగా హాజరు కావాల్సిన అవసరం లేదని సూచించింది. అన్‌మ్యాప్డ్‌, వ్యత్యాసాల కారణంగా నోటీసులు అందుకున్న ఓటర్లు.. ఇకపై ఎలక్టోరల్‌ రిజిస్ట్రేషన్‌ ఆఫీసర్‌ (ఈఆర్‌ఓ) కార్యాలయానికి వెళ్లి వివరణ ఇవ్వాల్సిన అవసరం లేదు. నోటీసులు అందుకున్న ఓటర్ల ఇంటికే బీఎల్‌ఓలు వెళ్లి వారి వివరాలు, పత్రాలు సేకరించాలని ఆదేశించారు. సేకరించిన పత్రాలను బీఎల్‌ఓలు ఈసీఐసెట్‌ పోర్టల్‌లో అప్‌లోడ్‌ చేస్తే వాటిని ఈఆర్‌ఓ పరిశీలించి నిర్ణయం తీసుకోనున్నారు. కొన్ని ప్రత్యేక సందర్భాల్లో మాత్రమే నోటీసులు అందుకున్న ఓటర్లు విచారణ (హియరింగ్‌)కు హాజరు కావాల్సి ఉంటుంది. హియరింగ్‌ కూడా ఆన్‌లైన్‌లో నిర్వహించేందుకు అవకాశం ఉండగా.. వ్యక్తి బదులు కుటుంబ సభ్యులు హాజరు కావొచ్చని పేర్కొంది. పేర్ల అనువాదంలో తప్పులు ప్రజలు సర్వే ఫాంలో తమ పేర్లను తెలుగులో స్పష్టంగా రాసిచ్చినప్పటికీ.. పాత రికార్డుల్లోని ఇంగ్లిష్‌ పేర్లను ఆటోమేటిక్‌ సాఫ్ట్‌వేర్‌ ద్వారా తెలుగులోకి తర్జుమా చేయడం వల్ల తీవ్ర వ్యత్యాసాలు వచ్చాయి. ఇంటి పేర్లు మారడం, పేర్లలో ఒత్తులు, దీర్ఘాలు ఎగిరిపోవడం (ఉదా: లక్ష్మయ్య అనే పేరులో క్ష, య వత్తు దూరంగా జరగడం) వంటి చిన్నచిన్న తప్పులను కూడా సాఫ్ట్‌వేర్‌ తేడాగా గుర్తించి ఆటోమేటిక్‌గా నోటీసులు జనరేట్‌ చేసింది. అధికారులు క్షేత్రస్థాయిలో సేకరించిన కొత్త భౌతిక డిక్లరేషన్‌ ఫారాల డేటాను పక్కనబెట్టి, పాత ఆటోమేషన్‌ సిస్టంనే వాడటంతో సమస్య మొదటికి వచ్చింది. సర్టిఫికెట్ల కోసం.. ఎన్నికల సంఘం ఓటరు గుర్తింపు ధ్రువీకరణకు 14 రకాల కార్డుల్లో ఒకటి ఆధారంగా చూపవచ్చని తెలిపింది. అయితే క్షేత్రస్థాయి అధికారులు మాత్రం కులం సర్టిఫికెట్‌ తీసుకురావాలని ఒత్తిడి చేస్తుండటంతో కార్యాలయాల చుట్టూ తిరగాల్సి వస్తోంది. పరిశీలనతో పరిష్కారం.. పాత ఇంగ్లిష్‌– తెలుగు ఆటో– ట్రాన్స్‌లేషన్‌ను నిలిపివేసి.. ఏఐ ఆధారిత వాయిస్‌, తెలుగు టైపింగ్‌ టూల్స్‌ ద్వారా డేటా సరిచేయాలి. ఓటర్లు బీఎల్‌ఓలకు అందించిన భౌతిక డిక్లరేషన్‌ ఫారాల ఆధారంగానే సిస్టంలో మార్పులు చేపట్టాలి. సాఫ్ట్‌వేర్‌ పంపే నోటీసులపైనే ఆధారపడకుండా, నిజమైన దొంగ ఓట్లను అరికట్టేందుకు బీఎల్‌ఓలు, ఉన్నతాధికారులు స్వయంగా క్షేత్రస్థాయి విచారణ జరిపి సవరణ చేయాలి. సాఫ్ట్‌వేర్‌ లోపాలు.. సర్‌ ప్రక్రియలో చోటుచేసుకుంటున్న సాంకేతిక లోపాలు, సాఫ్ట్‌వేర్‌ అనువాద పొరపాట్లు గ్రామీణ ప్రాంత ప్రజలకు తీవ్ర ఇబ్బందులు సష్టిస్తున్నాయి. నోటీసులు రావడానికి గతంలో క్షేత్రస్థాయిలో సాఫ్ట్‌వేర్‌ వైఫల్యం వల్లే అనేది బహిరంగ రహస్యం. గ్రామాల్లో ఓటర్లు భౌతిక డిక్లరేషన్‌ ఫారాలను సరిగ్గా నింపి ఇచ్చినప్పటికీ.. సిస్టంలోని ఆటో– ట్రాన్స్‌లేషన్‌ లోపాల కారణంగా వేలాది మందికి నోటీసులు జారీ అవుతుండటం తీవ్ర ఆందోళనకు గురిచేస్తోంది. సమస్యను పరిష్కరించుకోవడానికి సామాన్యులకు గుర్తింపు కార్డులు చూపడం భారంగా మారింది. గ్రామాల్లో నివసించే చదువుకోని నిరుపేదలు, వృద్ధుల వద్ద ఆధార్‌, పాన్‌, డ్రైవింగ్‌ లైసెన్స్‌, రేషన్‌ కార్డులు ఉండకపోవచ్చు. దశాబ్దాలుగా అదే ఊరిలో ఉంటూ ఓటు హక్కు వినియోగించుకుంటున్న వారికి కూడా అదనంగా గుర్తింపు కార్డులు తీసుకురావాలని నోటీసులు ఇవ్వడం వారిని తీవ్ర ఇబ్బందులకు గురిచేస్తోంది. ప్రజల్లో నెలకొన్న సందేహాలనేపథ్యంలో ఈసీ కీలక నిర్ణయం హియరింగ్‌ కోసం ఓటర్లు ఈఆర్‌ఓ వద్దకు వెళ్లాల్సిన అవసరం లేదు బీఎల్‌ఓలే ఓటర్ల ఇంటికి వచ్చి పత్రాల పరిశీలన, వివరాల సేకరణ ఆటో– ట్రాన్స్‌లేషన్‌ లోపాల వల్లే వేలాది మందికి నోటీసులు సర్టిఫికెట్ల కోసం మీసేవ కేంద్రాలకు పరుగులు వేగవంతం చేస్తాం.. ఎన్నికల కమిషన్‌ నిబంధనల ప్రకారం నోటీసుల విచారణ వేగవంతం చేస్తాం. బీఎల్‌ఓలు ఇంటింటికి వెళ్లి పత్రాలు, వివరాలు సేకరించి ఈసీఐసెట్‌ పోర్టల్‌లో అప్‌లోడ్‌ చేస్తే వాటిని ఈఆర్వో పరిశీలించి పరిష్కరిస్తారు. డేటా నమోదులో ఎక్కడ లోపం ఉందో గుర్తించే ప్రక్రియ ఇప్పటికే ప్రారంభమైంది. జిల్లాలోని అన్ని పోలింగ్‌ కేంద్రాల్లో బీఎల్‌ఓలు అందుబాటులో ఉంటారు. అన్‌మ్యాప్డ్‌, తేడాలుండి నోటీసులు అందుకున్న ఓటర్ల పత్రాలు సమర్పించి పరిష్కారం కోసం సహకరించాలి. – హేమంత కేశవ్‌ పాటిల్‌, కలెక్టర్‌, నాగర్‌కర్నూల్‌

మాగనూర్‌: మండల కేంద్రానికి చెందిన ఓ విలేకరి రోడ్డు ప్రమాదంలో మృతి చెందిన ఘటన ఆదివారం ఉదయం చోటు చేసుకుంది. స్థానికులు తెలిపిన వివరాలు.. కావలి వాబయ్య (29) ఓ దినపత్రికలో రిపోర్టర్‌గా విధులు నిర్వ హిస్తున్నాడు. ఈ క్రమంలో ఈ నెల 24న రాత్రి 8 గంటల సమయంలో వ్యక్తిగత పని నిమిత్తం నల్లగట్టకు వెళ్లి తిరిగి వస్తుండగా ద్విచక్రవాహనం అదుపు తప్పి కిందపడటంతో తలకు తీవ్ర గాయమైంది. విషయం తెలుసుకున్న కుటుంబ సభ్యులు చికిత్స నిమిత్తం క్షతగాత్రుడిని మహబూబ్‌నగర్‌ జిల్లా కేంద్రంలోని ఓ ప్రైవేట్‌ ఆస్పత్రికి తరలించారు. అక్కడే చికిత్స పొందుతూ ఆదివారం ఉదయం మృతి చెందినట్లు కుటుంబ సభ్యులు తెలిపారు. గతంలో జరిగిన రోడ్డు ప్రమాదంలో పెద్ద కుమారుడిని కోల్పోయిన తల్లిదండ్రులకు ఇప్పుడు అలాగే చిన్న కుమారుడు సైతం ప్రమాదంలో మృత్యుఒడిలోకి చేరడంతో కుటుంబంలో తీవ్ర విషాదఛాయలు అలుముకున్నాయి. వందేభారత్‌ రైలు ఢీ: మహిళ మృతి మహబూబ్‌నగర్‌ క్రైం: వందే భారత్‌ రైలు ఢీకొట్టడంతో గుర్తు తెలియని మహిళ మృతి చెందినట్లు రైల్వే ఎస్‌ఐ రాజు తెలిపారు. ఆయన కథనం ప్రకారం.. నగరంలో అప్పన్నపల్లి బ్రిడ్జి సమీపంలో ఆదివారం రాత్రి 7గంటల ప్రాంతంలో గుర్తు తెలియని మహిళ(35) వందే భారత్‌ రైలు ఢీకొట్టడంతో అక్కడిక్కడే మృతిచెందింది. రైలు పట్టాలు దాటుతుందా? అటూ వైపు వెళ్తుందా? అనేది తెలియరాలేదని తెలిపారు. మృతదేహాన్ని జిల్లా జనరల్‌ ఆస్పత్రిలోని పోస్టుమార్టం గదిలో భద్రపరిచినట్లు తెలిపారు. మృతురాలికి సంబంధించిన కుటుంబ సభ్యులు ఎవరైనా ఉంటే రైల్వే పోలీస్‌స్టేషన్‌ లేదా 8712658597నెంబర్‌కు సంప్రదించాలని తెలిపారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వెల్లడించారు. మూడిళ్లలో చోరీ జడ్చర్ల: ఒకే రోజు మూడిళ్లలో దొంగతనం జరిగిన ఘటన శనివారం రాత్రి పట్టణంలోని కావేరమ్మపేటలో చోటు చేసుకుంది. ఎస్‌ఐ జయప్రసాద్‌ కథనం మేరకు.. కావేరమ్మపేటలో నివా సం ఉంటున్న బోయని లక్ష్మమ్మ తన కుమార్తె కు ఆరోగ్యం బాగా లేకపోవడంతో ఇంటికి తా ళం వేసి మహబూబ్‌నగర్‌లో ఉన్న కూతురును చూసేందుకు వెళ్లింది. దీంతో దొంగలు తాళం విరగ్గొట్టి ఇంట్లో ఉన్న రూ.40 వేల నగదుతో పాటు 11 తులాల వెండి నగలు అపహరించా రు. అదే విధంగా ఆ పక్కనే నివాసం ఉంటున్న ఖైరూన్‌ బేగంకు సంబంధించిన గది తాళాలు విరగ్గొట్టి బీరువాలో దాచిన రూ.20వేలు, ఆ ఇంటి పక్కనే ఉన్న అలివేలకు చెందిన ఇంట్లో కూడా చొరబడి 20 తులాల వెండి గొలుసులు, రూ.15వేలు ఎత్తుకెళ్లారు. ఆదివారం ఉదయం తమ ఇండ్లకు వేసిన తాళాలు విరగ్గొ ట్టి ఉండడంంతో బాధితులు గమనించి పోలీసులకు ఫిర్యాదు చేశారు. ఈ మేరకు కేసు న మోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. కారు–ఆటో ఢీ.. డ్రైవర్‌కు గాయాలు కందనూలు: కారు–ఆటో ఢీకొని ఆటో డ్రైవర్‌కు గాయాలైన ఘటన చోటుచేసుకుంది. వివరాల్లోకి వెళితే .. నాగర్‌కర్నూల్‌ నుంచి ఆటో డ్రైవ ర్‌ మోదిన్‌ ఆదివారం సాయంత్రం పెద్దదగడ కు వెళ్తుండగా.. పెద్దకొత్తపల్లి మండలం నాయినపల్లి మైసమ్మ దగ్గరికి వెళ్లి తిరిగి నాగర్‌కర్నూ ల్‌ వైపు వస్తున్న కారు కొల్లాపూర్‌ చౌరస్తా సమీపంలో ఆటోను ఢీకొట్టింది. ప్రమాదంలో ఆటో డ్రైవరు మోదిన్‌ ఎడమకాలు విరిగి చేతులకు గాయాలు కాగా.. కారులో ఉన్న వారికి స్వల్ప గాయాలయ్యాయి. స్థానికులు గమనించి క్షతగాత్రులను జిల్లా కేంద్రంలోని ప్రభుత్వ ఆస్పత్రికి తరలించారు. ఘటనపై ఎలాంటి ఫిర్యా దు అందలేదని ఎస్‌ఐ వెంకట్‌రెడ్డి తెలిపారు.

జడ్చర్లలో ఇంటిగ్రేటెడ్‌ మార్కెట్‌ నిర్మాణానికి రూ.4.50 కోట్లు మంజూరు ● ఎక్కడ వేసిన గొంగళి అక్కడే అన్న చందంగా పనులు ● కూరగాయల విక్రయాలకు ఇబ్బందులు ● పట్టింపులేని అధికారులు, పాలకులు జడ్చర్ల: పట్టణంలో ఇంటిగ్రేటెడ్‌ మార్కెట్‌ నిర్మాణం పూర్తైతే సాఫీగా వ్యాపారం చేసుకోవచ్చని అనుకున్న కూరగాయల విక్రయదారుల ఆశలు అడియాశలయ్యాయి. సమీకృత మార్కెట్‌ నిర్మాణం కోసం గత ప్రభుత్వం 2021లో రూ.4.50 కోట్లు మంజూరు చేసింది. దీంతో భవన నిర్మాణానికి అధికారులు ఎంపీడీఓ కార్యాలయం ఆవరణలో ఉన్న స్థలాన్ని ఖరారు చేయగా.. అప్పటి ఎమ్మెల్యే లక్ష్మారెడ్డి పనులకు శంకుస్థాపన చేశారు. పనులు ప్రారంభించి ఐదేళ్లయినా పునాదులకే పరిమితమయ్యాయి. ప్రస్తుం పిల్లర్లకు ఏర్పాటు చేసిన సీకులు తుప్పుపట్టాయి. పిచ్చిమొక్కలు, ముళ్ల కంపలు పెరిగి అక్కడ ఓ నిర్మాణం ఉన్న సంగతే బయటికి కనిపించని విధంగా ఉంది. స్థలం కొరత.. సమీకృత మార్కెట్‌ యార్డు కొనసాగేందుకు కనీసంగా రెండెకరాల స్థలం అవసరం ఉంది. కూరగాయలు, మాంసం, పూలు, పండ్లు, పాలు వంటి దుకాణాలకు వేర్వేరుగా షెడ్‌లు ఏర్పాటు చేయాల్సి ఉంటుంది. అదేవిధంగా కొనుగోలుదారుల వాహనాల పార్కింగ్‌కు కూడా స్థలాన్ని కేటాయించాల్సి ఉంది. కానీ జడ్చర్లలో ఏర్పాటు చేస్తున్న మార్కెట్‌కు అంత స్థలం అందుబాటులో లేదు. దీంతో అధికారులు మండల పరిషత్‌, మండల మహిళా సమాఖ్య, ఎమ్మార్సీ, వ్యవసాయశాఖ కార్యాలయాలు కొనసాగుతున్న ప్రాంగణంలో సమీకృత మార్కెట్‌కు స్థలాన్ని ఎంపిక చేశారు. ఈ స్థలంలో కూడా పంచాయతీరాజ్‌, ఆర్‌డబ్ల్యూఎస్‌ విభాగాలకు చెందిన భవనాలు ఉండగా.. వాటిని కూల్చి ఆయా స్థలాలను సైతం సమీకృత మార్కెట్‌కు అనుకూలంగా చదును చేసి పనులు చేపట్టారు. అక్కడే ఉన్న కోర్టు భవనాన్ని కూల్చి ఎంపీడీఓ కార్యాలయం ముందు భాగంలో కొత్తగా నిర్మించాలని అప్పట్లో అధికారులు, పాలకులు అభిప్రాయపడినా.. అంతలోనే ప్రభుత్వం మారడంతో దానికి సంబంధించి ప్రతిపాదన మరుగున పడింది. గాంధీ ట్రస్టు స్థలంలో.. 167 జాతీయ రహదారిని అనుసరించి ఖాళీగా ఉన్న గాంధీ ట్రస్టు స్థలంలో సమీకృత మార్కెట్‌యార్డును ఏర్పాటు చేస్తే బాగుంటుందని పట్టణవాసులు అభిప్రాయపడుతున్నారు. గాంధీ ట్రస్టు స్థలానికి సంబంధించి తప్పడు రికార్డులు సృష్టించి కొందరు ఆక్రమించారన్న ఆరోపణలు ఉన్నాయి. స్థానిక ఎమ్మెల్యే అనిరుధ్‌రెడ్డి దీనిపై దృష్టి సారిస్తే ఆక్రమణ నుంచి గాంధీ ట్రస్టు స్థలాన్ని కాపాడడమే గాక ఇంటిగ్రేటెడ్‌ మార్కెట్‌ ఏర్పాటుకు స్థల సమస్య తీరుతుంది. పట్టణంలో కూరగాయల క్రయవిక్రయాలకు ప్రస్తుతం రైతులు, చిరు వ్యాపారులు, కొనుగోలుదారులు ఇబ్బందులు పడుతున్నారు. చు ట్టుపక్కల గ్రామాల నుంచి కూరగాయలు తీ సుకొచ్చే రైతులు ఎక్కడ అమ్ముకోవాలో తెలియని దుస్థితి ని ఎదుర్కొంటున్నారు. బాదేపల్లి వ్యవసాయ మార్కెట్‌ యార్డు రహదారిని అనుసరించి ప్రస్తుతం క్రయవిక్రయాలు సాగుతున్నాయి. అయితే ఇక్కడ కూడా రోడ్డు దాటుతూ ఓ మహిళా రైతు ప్రమాదంలో మృత్యవాత పడడంతో ప్రధాన రహదారిని సగం వరకు ఖాళీ చేయించారు. అప్పటి నుంచి బాబీ స్ట్రీట్‌లో కూరగాయల విక్రయాలు సాగుతున్నాయి. అయితే ఇక్కడ కూడా దుకాణాల యజమానులు కూరగాయల విక్రయాలకు వచ్చే రైతులను ఇబ్బందులకు గురిచేస్తున్నారు.

అలంపూర్‌ : పంట సాగు చేసే అన్నదాతలు సస్యరక్షణ కోసం పలు రకాల రసాయన మందులు వాడటం సాధారణం. మందులను నీటిలో కలిపి ఆ ద్రా వణాన్ని మొక్కలకు పిచికారీ చేస్తుంటారు. అయితే పురుగు మందు ద్రావణ తయారీలో నాణ్యత లోపించిన నీరు వాడితే ప్రతికూల మార్పులు జరిగి మందు ప్రభావం తగ్గుతుందని మండల వ్యవసాయ శాఖ అధికారి నాగార్జున రెడ్డి రైతులకు సూచించారు. నాణ్యత లేని నీటిని వినియోగిస్తే నష్టపోతారన్నారు. మందు ద్రావణం చేయడానికి నాణ్యత గల నీరు వాడినప్పుడే మాత్రమే మందు శక్తివంతంగా పని చేసి ఫలితం ఉంటుందన్నారు. ఎలాంటి నీరు కావాలి...? ఏ లక్షణాలు ఉండాలి...? మందు ద్రావణం తయారికి ముఖ్యంగా మూడు లక్షణాలు అనుకూలంగా ఉండాలి. వీటిపై సరైన అవగాహన అవసరం. 1. పీహెచ్‌ ఉదజని సూచిక లేక రసాయన స్థితి : నీటిలో కరిగి ఉండే లవణాల స్వభావంపై ఆధారపడి ఉంటుంది. ఇది ఆమ్లం, తటస్థం, క్షారముగా ఉండొచ్చు. అయితే ఆమ్లగుణ తీవ్రత అధికంగా లేదా క్షారగుణ తీవ్రత అధికంగా ఉన్న నీటిని మందు ద్రావణం తయారు చేయడానికి ఉపయోగించరాదు. దీనివల్ల రసాయన ప్రతికూల మార్పులు ఏర్పడతాయి. 2. సెలినిటి లేక సాల్ట్‌ కంటెంట్‌ (లవణ పరిమాణ సూచిక) అన్ని రకాల నీటిలోనూ కొన్ని లవణాలు కరిగి ఉంటాయి. కొన్నింటిలో ఎక్కువగానూ కొన్నింటిలో తక్కువగానూ ఉండొచ్చు. లవణాలు ఎంత తక్కువగా ఉంటే అంత మంచి నీరుగా భావించాలి. లవణాలు అధికంగా ఉన్న నీరు మందు ద్రావణంలో కలపడానికి పనికిరావు. 3. నీటి కాఠిన్యత : నీటిలో ఉండే లవణాల స్వభావాన్ని బట్టి పరస్పర అధిక్యతను బట్టి నీటిని రెండు రకాలుగా విభజించవచ్చు. సాఫ్ట్‌ వాటర్‌ (మృద జలం) : సబ్బుతో సులభంగా నురగ వస్తోంది. దీనితో ఏ సమస్య ఉండదు. మందు ద్రావణ తయారికి నిరభ్యంతరంగా వాడుకోవచ్చు. హార్డ్‌ వాటర్‌ (కఠిన జలం): ఇందులో బై కార్పోనేట్స్‌, క్లోరైడ్స్‌, సల్ఫేట్స్‌కు సంబంధించిన కాల్షియం, మెగ్నిషియం, లవణాలు అధికంగా ఉంటాయి. ఈ నీటిలో సబ్బు వినియోగించినప్పుడు నురగ రాదు. నీరు విరిగిపోయినట్లు కనిపిస్తోంది. నురగ బాగా రావడానికి అధిక పరిమాణంలో సబ్బు వాడాల్సి వస్తోంది. ఈ నీటిని మందు ద్రావణ తయారికి వాడినప్పుడు కూడా ఇదే పరిస్థితి ఎదురవుతుంది. రసాయన ప్రతికూల చర్య జరగడం వలన ద్రావణం విరిగిపోవడం గమనించవచ్చు. దీని వల్ల మందు క్రిమి సంహారక గుణం క్షిణిస్తోంది. పాడి–పంట

కొల్లాపూర్‌ రూరల్‌: అంతర్జాతీయ కూతుర్ల దినోత్సవాన్ని పురసస్కరించుకొని ఓ తండ్రి తన కూతురుకు గుడి నిర్మించి పూజలు చేసిన ఘటన కొల్లాపూర్‌ మండలం చుకాయపల్లిలో జరిగింది. వివరాల్లోకి వెళ్తే.. రమేష్‌ తన కూతురు గీతికను అల్లారుముద్దుగా పెంచుకున్నారు. అయితే రెండేళ్ల క్రితం బ్రెయిన్‌ డ్యామేజ్‌ కారణంగా గీతిక (14 నెలలు) చనిపోయింది. ఈ క్రమంలో రమేష్‌ గ్రామానికి సమీపంలోనే శ్మశాన వాటికలో కూతురును ఖననం చేసి సమాధిపై గుడి నిర్మించి అందులో తన చిన్నారి తల్లి విగ్రహం ఏర్పాటు చేసుకున్నారు. ఆదివారం అంతర్జాతీయ కూతుళ్ల దినోత్సవం సందర్బంగా చిట్టి తల్లికి ప్రత్యేక పూజలు చేసి తనతో గడిపిన జ్ఞాపకాలను గుర్తు చేసుకున్నారు. ఈఘటన అక్కడున్న వారందరి హృదయాలను కదిలించింది.

కందనూలు: రైతులకు సాగునీరు ఇవ్వలేని దుస్థితిలో కాంగ్రెస్‌ ప్రభుత్వం ఉందని బీఆర్‌ఎస్‌ వర్కింగ్‌ ప్రెసిడెంట్‌ కల్వకుంట్ల తారకరామారావు అన్నారు. ఆదివారం కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి తండ్రి లక్ష్మారెడ్డి దశదిన కర్మకు హాజరైన ఆయన తిరుగు ప్రయాణంలో మాజీ మంత్రులు జగదీశ్వర్‌రెడ్డి, శ్రీనివాస్‌గౌడ్‌, లక్ష్మారెడ్డి, మాజీ ఎమ్మెల్యే మర్రి జనార్దన్‌రెడ్డితో కలిసి నాగర్‌కర్నూల్‌ మున్సిపాలిటీ పరిధిలోని దేశిటిక్యాల వద్ద మొక్కజొన్న, పత్తి పంటలను పరిశీలించారు. ఈ సందర్భంగా పలువురు రైతులు నీరు లేక పంటలు ఎండిపోతున్నాయని కేటీఆర్‌ వద్ద వాపోయారు. వ్యాపారుల వద్ద మిత్తికి అప్పులు తెచ్చి పంటలు సాగు చేశామని, ఆ మిత్తి పైసలు కూడా వచ్చే పరిస్థితి లేదని తమ గోసను వెలిబుచ్చారు. ఒకపక్క సాగునీరు, కరెంట్‌ లేక ఇబ్బందులు పడుతుంటే.. మరోపక్క యూరియా దొరకక అవస్థలు పడుతున్నామని ఆవేధన వ్యక్తం చేశారు. అనంతరం కేటీఆర్‌ మీడియాతో మాట్లాడుతూ రైతులు సాగునీరు లేక ఇబ్బందులు పడుతుంటే అధికార పార్టీకి చెందిన ఒక్క నాయకుడు కూడా వారిని పట్టించుకునే ప్రయత్నం చేయడం లేదని, ఇది ప్రకృతి తెచ్చిన కరువు కాదు.. కాంగ్రెస్‌ ప్రభుత్వం కావాలని సృష్టించిన విపత్తు అని దుయ్యబట్టారు. రైతుల పంటలకు సరిపడా నీరు ఇస్తే పంటలు పండితే ధాన్యాన్ని కొనాల్సి వస్తుందని, అలాగే వారికి డబ్బులు చెల్లించాల్సి వస్తుందనే ఉద్దేశంతో రేవంత్‌రెడ్డి ప్రభుత్వం రైతులను ఇబ్బంది పెడుతుందని విమర్శించారు. కేసీఆర్‌ ప్రభుత్వం ఉన్నప్పుడు జిల్లాలో 8.30 లక్షల ఎకరాలకు నీరు అందించి రైతులకు ఇబ్బందులు లేకుండా చూశామని గుర్తుచేశారు. నదులు, ప్రాజెక్టులలో పుష్కలంగా నీరున్నా.. రైతుల పంటలకు అందించలేని దుస్థితిలో కాంగ్రెస్‌ ప్రభుత్వం ఉందని ఆగ్రహం వ్యక్తం చేశారు. పంటలు ఎండిపోతుంటే అధికార పార్టీకి చెందిన ఏ నాయకుడికి రైతులను పలకరించే తీరిక లేకుండాపోయిందని ఆవేదన వెలిబుచ్చారు. పాలమూరు జిల్లా రైతులకు ఎండబెట్టి ఆంధ్ర ప్రభుత్వానికి నీటిని ధారాదత్తం చేస్తున్నారని ఆరోపించారు. రైతుల పక్షాన నిలబడి తప్పనిసరిగా న్యాయం జరిగే విధంగా పోరాటం చేస్తామని, రాష్ట్రంలో వచ్చేది మన ప్రభుత్వమే.. అండగా ఉంటామని కేటీఆర్‌ రైతులకు భరోసానిచ్చారు. కేటీఆర్‌ వెంట ఉమ్మడి జిల్లాలోని మాజీ ఎమ్మెల్యేలు మర్రి జనార్దన్‌రెడ్డి, ఆల వెంకటేశ్వర్‌రెడ్డి తదితరులున్నారు. వచ్చేది మన ప్రభుత్వమే.. రైతులకు అండగా ఉంటాం బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌

మహబూబ్‌నగర్‌ క్రీడలు: క్రమశిక్షణతో ఆడితే క్రీడల్లో గెలుపు సాధించవచ్చని జిల్లా కబడ్డీ అసోసియేషన్‌ అధ్యక్షుడు శాంతికుమార్‌ అన్నా రు. నగరంలోని ఇండోర్‌ స్టేడియంలో ఆదివారం జిల్లా జూనియర్‌ బాలికల కబడ్డీ జట్టు ఎంపికలు నిర్వహించారు. ముఖ్య అతిథిగా పాల్గొన్న శాంతికుమార్‌ మాట్లాడుతూ నేర్చుకున్న ఆటను ప్రదర్శిస్తే మంచి ఫలితాలు వస్తాయన్నారు. ఎలాంటి ఒత్తిడి లేకుండా ప్రశాంతంగా ఆడాలని, టోర్నీలో మెరుగైన ప్రతిభ కనబరిచి విజయాలు సాధించాలన్నారు. ఏషియన్‌ గేమ్స్‌ కబడ్డీలో దేశానికి మంచి పేరు ఉందని, ఆ ఖ్యాతిని నిలబెట్టాలని ఆకాంక్షించారు. జిల్లా కబడ్డీ అసోసియేషన్‌ ప్రధాన కార్యదర్శి కురుమూర్తిగౌడ్‌ మాట్లాడుతూ కబడ్డీ ఎంపికలకు జిల్లావ్యాప్తంగా 90 మంది బాలికలు హాజరవగా.. 14 మందిని, ఇద్దరిని స్టాండ్‌బైగా ఎంపిక చేశామన్నారు. వీరికి ప్రత్యేక కోచింగ్‌ క్యాంప్‌ నిర్వహిస్తామన్నారు. ఎంపికై న జట్లు భద్రాద్రి కొత్తగూడెం జిల్లా అశ్వారావుపేటలో వచ్చేనెల 10 నుంచి 12 వరకు జరిగే రాష్ట్రస్థాయి కబడ్డీ టోర్నీలో పాల్గొంటారని చెప్పారు. కార్యక్రమంలో సంఘం సభ్యులు ముత్యం గురుస్వామి, ఉమామహేశ్వర్‌రెడ్డి, బాలరాజయ్య, మేరిపుష్ప, పాపారాయుడు, శ్రీనివాసులు, గణేష్‌, కోచ్‌ శివప్రసాద్‌, పీడీలు శ్రీనివాసులు, రజని, శ్వేత పాల్గొన్నారు.

నాగర్‌కర్నూల్‌/ కల్వకుర్తి రూరల్‌: ఉమ్మడి పాలమూరు రైతుల పాలిట శాపంగా మారిన డిండి ప్రాజెక్టును రద్దుచేసే వరకు ఉద్యమిస్తామని పెండింగ్‌ ప్రాజెక్టుల సాధన జేఏసీ నేతలు పునరుద్ఘాటించారు. వంగూరు మండలం ఉల్పర నుంచి ఆదివారం ఉమ్మడి పాలమూరు పెండింగ్‌ ప్రాజెక్టుల సాధన జేఏసీ ఆధ్వర్యంలో చేపట్టిన పాదయాత్రను ప్రొ.హరగోపాల్‌ జెండా ఊపి ప్రారంభించారు. రైతులు ప్లకార్డులు చేతబూని పాలమూరు నీరు ఇక్కడి రైతులకే దక్కాలని.. నల్లగొండ జిల్లాకు తరలించొద్దని నినదించారు. అక్కడి నుంచి పాదయాత్ర కోనాపూర్‌కు చేరుకోగా.. ఎమ్మెల్సీ కోదండరాం సంఘీభావం తెలిపారు. ఈ ప్రాంత రైతాంగం చేస్తున్న సాగునీటి సాధన ఉద్యమానికి ఎల్లవేళలా అండగా ఉంటానని ప్రకటించారు. కోనాపూర్‌ నుంచి రంగాపూర్‌ మీదుగా ఎల్లికల్‌ వరకు పాదయాత్ర సాగింది. అక్కడ ప్రజలకు పాదయాత్ర ప్రాధాన్యత, డిండి ప్రాజెక్టుతో జరిగే నష్టాన్ని జేఏసీ నాయకులు వివరించారు. ప్రజలు చైతన్యవంతులై ఉద్యమంలో కదం తొక్కాలని పిలుపునిచ్చారు. అక్కడి నుంచి కల్వకుర్తి సమీపానికి చేరుకున్న పాదయాత్రలో ఎంపీ డీకే అరుణ పాల్గొని సంఘీభావం ప్రకటించారు. అక్కడి నుంచి కల్వకుర్తి ఆర్డీఓ కార్యాలయానికి జేఏసీ నాయకులు చేరుకొని డీఏఓకు వినతిపత్రం అందజేశారు. కాగా, సీఎం రేవంత్‌రెడ్డి స్వంత మండలం నుంచే రైతన్నలు సాగునీటి కోసం పోరుబాట పట్టడం చర్చనీయాంశంగా మారింది. పాదయాత్రకు వివిధ గ్రామాల నుంచి రైతులు వేలాదిగా తరలివచ్చారు. కార్యక్రమంలో మాజీ ఎమ్మెల్యేలు జైపాల్‌యాదవ్‌, గువ్వల బాలరాజు, జాతీయ బీసీ కమిషన్‌ మాజీ సభ్యుడు ఆచారి, జేఏసీ నాయకులు వెంకట్‌గౌడ్‌, సదానందంగౌడ్‌, వీరబ్రహ్మచారి తదితరులు పాల్గొన్నారు.

మహబూబ్‌నగర్‌ రూరల్‌: హిందూ ధర్మాన్ని విశ్వసిస్తూ, ధర్మ పరిరక్షణకు ప్రతిఒక్కరూ కృషి చేయాల ని అంబాత్రయ క్షేత్రం ఆదిత్య పరాశ్రీ స్వామి అన్నారు. హిందూ ధర్మాన్ని కాపాడాలని, పరమతాలకు వెళ్లకుండా సనాతన ధర్మంపై విశ్వాసంతో ముందుకు సాగాలని ప్రజలకు సందేశమిచ్చారు. మహబూబ్‌నగర్‌ రూరల్‌ మండలం మాచన్‌పల్లిలో హిందూ ధర్మవాహిని ఆధ్వర్యంలో ఏర్పాటు చేసిన ఛత్రపతి శివాజీ మహారాజ్‌ విగ్రహాన్ని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి, ఎంపీ డీకే అరుణ, మాజీ మంత్రి శ్రీనివాస్‌గౌడ్‌తో కలిసి ఆదిత్య పరాశ్రీ స్వామివారు ఆవిష్కరించారు. అనంతరం గ్రామ సర్పంచ్‌ వెంకటయ్య అధ్యక్షతన జరిగిన కార్యక్రమానికి ప్రజలు, యువత పెద్ద సంఖ్యలో హాజరయ్యారు. విగ్రహ దాత శ్రీరాంరెడ్డిని ప్రజాప్రతినిధులు అభినందించారు. ● ఛత్రపతి శివాజీ మహారాజ్‌ జీవితం, పోరాట స్ఫూర్తి, ఆదర్శాలు నేటి తరానికి మార్గదర్శకమని ఎంపీ డీకే అరుణ అన్నారు. మాచన్‌పల్లిలో శివాజీ విగ్రహాన్ని ఏర్పాటు చేసి ఆవిష్కరణ కార్యక్రమాన్ని నిర్వహించిన యువతను అభినందించారు. – ఛత్రపతి శివాజీ మహరాజ్‌ ధైర్యసాహసాలు, పరిపాలనా దక్షత, మహిళల పట్ల చూపిన గౌరవం నేటి తరానికి ఆదర్శమని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి అన్నారు. ప్రతి మహిళను మాతృమూర్తిగా భావించి గౌరవించడమే ఆయనకు ఇచ్చే నిజమైన నివాళి అన్నారు. ● ఛత్రపతి శివాజీ మహరాజ్‌ ఆశయాలు, ధైర్యసాహసాలను యువత ఆదర్శంగా తీసుకోవాలని మా జీ మంత్రి శ్రీనివాస్‌గౌడ్‌ సూచించారు. సమాజంలో ఐక్యత, ఽధైర్యం, సేవాభావాన్ని పెంపొందించేందుకు యువత ముందుండాలన్నారు. కార్యక్రమంలో సింగిల్‌విండో చైర్మన్‌ రాజేశ్వర్‌రెడ్డి, జిల్లా గ్రంథాలయ సంస్థ మాజీ చైర్మన్‌ రాజేశ్వర్‌గౌడ్‌, డీసీసీ ప్రధాన కార్యదర్శి సుధాకర్‌రెడ్డి, మండల సర్పంచ్‌ల సంఘం అధ్యక్షుడు రాజుగౌడ్‌, నాయకులు ప్రతాప్‌గౌడ్‌, నాగరాజు, భరత్‌కుమార్‌రెడ్డి, రామచంద్రయ్య, గోవింద్‌యాదవ్‌ పాల్గొన్నారు.

పాలమూరుకు అన్యాయం చేసే డిండి ప్రాజెక్టు ఆపే బాధ్యత ఈ ప్రాంతానికి చెందిన వ్యక్తి, ముఖ్యమంత్రి రేవంత్‌రెడ్డిదే అని ఎంపీ డీకే అరుణ అన్నారు. గత ప్రభుత్వంలో ఆగిపోయిన డిండి ఎత్తిపోతల పథకాన్ని మొదలుపెట్టడం అంటే ఈ ప్రాంతానికి అన్యాయం చేయడమే అన్నారు. ఈ జిల్లా నుంచి సీఎంగా బాధ్యతలు చేపట్టి ఈ ప్రాంత రైతాంగానికి పూర్తిస్థాయిలో నీళ్లు ఇవ్వాల్సింది పోయి నల్లగొండకు తరలించాలని చూడటం ఏమిటో అర్థం కావడం లేదన్నారు. పాలమూరుకు నష్టం చేస్తామంటే చూస్తూ ఊరుకోమని.. ప్రజల తరపున ఉద్యమిస్తామని ఆమె హెచ్చరించారు.

స్టేషన్‌ మహబూబ్‌నగర్‌: జిల్లా పర్యాటక శాఖ ఆధ్వర్యంలో నగరంలోని పిల్లలమర్రి పిక్నిక్‌ సెంటర్‌లో ఆదివారం ప్రపంచ పర్యాటక దినోత్సవం ఘనంగా నిర్వహించారు. ముఖ్య అతిథిగా పాల్గొన్న డీఆర్‌ఓ నిర్మల మాట్లాడుతూ పర్యాటక ప్రాంతాల అభివృద్ధికి ప్రభుత్వం అధిక ప్రాధాన్యం ఇస్తోందన్నారు. జిల్లాలోని పిల్లలమర్రి, కోయిలసాగర్‌, మన్యంకొండ, కురుమూర్తి, కోయిలకొండ, శ్రీరామకొండ, మయూరి ఎకో పార్క్‌ వంటి తదితర అనేక పర్యాటక, ఆధ్యాత్మిక, ధార్మిక ప్రదేశాలు ఉన్నాయని, వాటిని మరింత అభివృద్ధి చేసి పర్యాటకులను ఆకర్షిస్తున్నట్లు చెప్పారు. ఈ సందర్భంగా విద్యార్థులు నిర్వహించిన సాంస్కృతిక కార్యక్రమాలు ఆకట్టుకున్నాయి. ప్రపంచ పర్యాటక దినోత్సవాన్ని పురస్కరించుకొని ఉపన్యాసం, వ్యాసరచన, చిత్రలేఖనం పోటీల్లో విజేతలైన విద్యార్థులకు సర్టిఫికెట్లు, జ్ఞాపికలు అందజేశారు. కార్యక్రమంలో పురావస్తు శాఖ అధికారి నాగలక్ష్మి, విద్యాశాఖ అధికారులు పాల్గొన్నారు. మత్తు పదార్థాలకు యువత దూరంగా ఉండాలి పాలమూరు: మాదకద్రవ్యాల వినియోగం వల్ల కలిగే ఆరోగ్య, ఇతర నష్టాలపై యువతకు అవగాహన కల్పించడంతోపాటు వాటికి దూరంగా ఉండేలా చైతన్యం చేయాలని డీఎంహెచ్‌ఓ శ్రీనివాసులు అన్నారు. జిల్లా జనరల్‌ ఆస్పత్రి సైకియాట్రిక్‌ విభాగం, ఆరోగ్య శాఖ సంయుక్త ఆధ్వర్యంలో ఆదివారం జనరల్‌ ఆస్పత్రిలో నషా ముక్త్‌ యువ ఫర్‌ వికసిత్‌ భారత్‌ కార్యక్రమాన్ని ప్రారంభించారు. ఈ కార్యక్రమం ద్వారా యువతతోపాటు ఇతరులు ఆరోగ్యకరమైన జీవన శైలిని అలవర్చుకోవడానికి చేయాల్సిన అంశాలపై చైతన్యం తీసుకురావాలన్నారు. నషా ముక్త్‌ భారత్‌ కార్యక్రమంలో యువతను అధికంగా భాగస్వామ్యం చేయాలని సూచించారు. అనంతరం వైద్య సిబ్బందితో ప్రతిజ్ఞ చేయించారు. కార్యక్రమంలో డిప్యూటీ డీఎంహెచ్‌ఓ శశికాంత్‌, వైద్యులు అనిల్‌రాజ్‌, ప్రోగ్రాం అధికారులు రాజు, జిల్లా క్షయ నియంత్రణ అధికారి మల్లికార్జున్‌, సిబ్బంది పాల్గొన్నారు.

● జనసంద్రంగా మారిన సింగోటం వ్యవసాయక్షేత్రం కొల్లాపూర్‌: కొల్లాపూర్‌ మాజీ ఎమ్మెల్యే భీరం హర్షవర్ధన్‌రెడ్డిని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పరామర్శించారు. ఈనెల 17న హర్షవర్దన్‌రెడ్డి తండ్రి భీరం లక్ష్మారెడ్డి అనారోగ్యంతో మరణించిన సంగతి తెలిసిందే. అంత్యక్రియలు జరిగిన మరుసటి రోజున కేటీఆర్‌ సింగోటం వచ్చి హర్షవర్దన్‌రెడ్డిని పరామర్శించి వెళ్లారు. ఆదివారం లక్ష్మారెడ్డి ఏకాదశ దినకర్మ నిర్వహించారు. కేసీఆర్‌ ఆదేశానుసారం కేటీఆర్‌ మళ్లీ రెండో సారి సింగోటంలోని హర్షవర్దన్‌రెడ్డి వ్యవసాయ క్షేత్రానికి వచ్చిన ఆయనను పరామర్శించారు. లక్ష్మారెడ్డి చిత్రపటానికి పూలమాలలు వేసి నివాళి అర్పించారు. పలువురి నేతల పరామర్శ.. హర్షవర్దన్‌రెడ్డిని ఆదివారం సింగోటం వ్యవసాయ క్షేత్రంలో వివిధ పార్టీలకు చెందిన ప్రజాప్రతినిధులు కలిసి పరామర్శించారు. మహబూబ్‌నగర్‌ ఎంపీ డీకే.అరుణ, మాజీ మంత్రులు జగదీష్‌రెడ్డి, సింగిరెడ్డి నిరంజన్‌రెడ్డి, శ్రీనివాస్‌గౌడ్‌, లక్ష్మారెడ్డి, పోతుగంటి రాములు, కాంగ్రెస్‌ పార్టీకి చెందిన మహబూబ్‌నగర్‌ ఎమ్మెల్యే యెన్నం శ్రీనివాసరెడ్డి, జడ్చర్ల ఎమ్మెల్యే అనిరుధ్‌రెడ్డి, స్పోర్ట్స్‌ అధారిటీ చైర్మెన్‌ శివసేనారెడ్డి, బీఆర్‌ఎస్‌కు చెందిన హుజూరాబాద్‌ ఎమ్మెల్యే పాడి కౌశిక్‌రెడ్డి, అలంపూర్‌ ఎమ్మెల్యే విజేయుడు, ఎమ్మెల్సీ నవీన్‌రెడ్డి, మాజీ ఎమ్మెల్యేలు రేగా కాంతారావు, మర్రి జనార్ధన్‌రెడ్డి, చిట్టెం రామ్మోహన్‌రెడ్డి, జైపాల్‌యాదవ్‌, ఆల వెంకటేశ్వర్‌రెడ్డి, నాయకులు బాసు హన్మంతునాయుడు, విజయ్‌కురువ, దూరెడ్డి రఘువర్ధన్‌రెడ్డితో పాటు వివిధ పార్టీల నాయకులు హర్షవర్దన్‌రెడ్డిని పరామర్శించారు. నాయకుల రాకతో వ్యవసాయ క్షేత్రం జనసంద్రంగా మారింది.

కొండా లక్ష్మణ్‌ బాపూజీ విగ్రహానికి నివాళులర్పిస్తున్న విప్‌, ఎమ్మెల్యే యెన్నం శ్రీనివాస్‌రెడ్డి, అదనపు కలెక్టర్‌ హరిప్రియ, మేయర్‌ మమత తదితరులు జెడ్పీసెంటర్‌ (మహబూబ్‌నగర్‌): తెలంగాణ రాష్ట్ర సాధన కోసం తన జీవితాన్ని త్యాగం చేసిన మహోన్నత వ్యక్తి కొండా లక్ష్మణ్‌ బాపూజీ అని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి అన్నారు. ఆదివారం ఆయన జయంతిని పురస్కరించుకొని గ్రీన్‌బెల్ట్‌లో కొండా లక్ష్మణ్‌ బాపూజీ విగ్రహానికి పూలమాల వేసి ఘనంగా నివాళులర్పించారు. ఈ సందర్భంగా ఎమ్మెల్యే మాట్లాడుతూ తెలంగాణ కోసం పోరాడుతున్న సమయంలో ఎలాంటి పదవులు, వ్యక్తిగత ప్రయోజనాల కోసం ఆశపడకుండా తన శక్తినంతా రాష్ట్ర సాధనకే దారపోసిన గొప్ప రాజకీయ కర్మశీలి అని కొనియాడారు. రాజకీయ నాయకుడిగానే కాకుండా నిజాయితీ, నిబద్ధత, త్యాగం, ఆత్మగౌరవానికి ప్రతిరూపంగా ప్రజల హృదయాల్లో చిరస్థాయిగా నిలిచిపోయారని పేర్కొన్నారు. నాటి ఉద్యమ సమయంలో తన ఇంటినే వేదికగా మార్చి పోరాట స్ఫూర్తిని రగిల్చారని, పాలకులు ఆ ఇంటిని కూల్చివేసినా న్యాయపోరాటం చేసి వచ్చిన పరిహారాన్ని కూడా మళ్లీ తెలంగాణ రాష్ట్ర ఉద్యమం కోసమే వెచ్చించారని గుర్తుచేశారు. బాపూజీతో కలిసి ఉద్యమంలో పాల్గొనడం తన అదృష్టమని, ఆయన చూపిన నిజాయితీ, నిష్ట నేటి రాజకీయ నాయకులకు, అధికారులకు స్ఫూర్తిదాయకమన్నారు. బడుగు, బలహీన వర్గాలు, కార్మికుల ఆత్మగౌరవం కోసం ఆయన చేసిన పోరాటాన్ని భావితరాలకు అందించాలని పిలుపునిచ్చారు. కొండా లక్ష్మణ్‌ బాపూజీ జయంతి సందర్భంగా ఏర్పాటు చేసిన ఫ్లెక్సీలో డీసీసీ అధ్యక్షుడు సంజీవ్‌ ముదిరాజ్‌ ఫొటో లేకపోవడంతో కార్యకర్తలు ఆగ్రహం వ్యక్తం చేశారు. బీసీ నాయకులంటే అలుసా అని మండిపడ్డారు. బాధ్యులైన వారిపై చర్యలు తీసుకోవాలని డిమాండ్‌ చేశారు. కార్యక్రమంలో రాష్ట్ర మైనారిటీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌, అదనపు కలెక్టర్‌ హరిప్రియ, మేయర్‌ మమత, ముడా చైర్మన్‌ లక్ష్మణ్‌యాదవ్‌, డీసీసీ అధ్యక్షుడు సంజీవ్‌ ముదిరాజ్‌, కార్పొరేటర్లు వెంకటేష్‌, తాహేర్‌, రామస్వామి, ఎస్సీ సెల్‌ చైర్మన్‌ రాజు తదితరులు పాల్గొన్నారు.

కేటీదొడ్డి: జోగుళాంబ గద్వాల జిల్లా కేటీదొడ్డి మండల పరిధిలో ఆదివారం ఆకాశంలో చిన్నపాటి విమానాలు చక్కర్లు కొట్టాయి. ఏపీలోని కర్నూలు జిల్లా ఓర్వకల్లు విమానాశ్రమంలో శనివారం కేంద్ర మంత్రి రామ్మోహన్‌నాయుడు ప్రారంభించిన పైలెట్‌ శిక్షణ అకాడమీ (ఓరియంట్‌ ప్‌లైట్స్‌ ఏవియేషన్‌ అకాడమీ) విమానాలు ఆదివారం ప్రత్యక్షమయ్యాయి. అకాడమీ ప్రారంభోత్సవం అనంతరం పైలెట్‌ శిక్షణలో భాగంగా నడిపిన చిన్నరకం శిక్షణ విమానాలు కేటీదొడ్డి మండల పరిసర ప్రాంతంలో ఆకాశంలో తక్కువ ఎత్తులో పలుమార్లు చక్కర్లు కొట్టాయి. పైలెట్‌ లైసెన్స్‌ సాధనకు అవసరమైన కనీస ఫ్లయింగ్‌ అవర్స్‌ పూర్తి చేసుకునే క్రమంలో భాగంగా ఈ రూట్‌లో విమానాలు నడిపినట్లు ఏవియేషన్‌ వర్గాలు తెలిపాయి. సాధారణంగా పెద్ద విమానాలు మాత్రమే చూసే స్థానికులు ఒక్కసారిగా చిన్నరకం శిక్షణ విమానాలు అకస్మాత్తుగా ఆకాశంలో చక్కర్లు కొట్టడంతో ఆసక్తిగా తిలకించారు. ఓర్వకల్లు అకాడమీ పూర్తిస్థాయిలో అందుబాటులోకి రావడంతో రాబోయే కాలంలో కేటీదొడ్డి, గద్వాల పరిసర ప్రాంతాల్లో ఇలాంటి శిక్షణ విమానాలు తరుచుగా కనిపిస్తాయని స్థానికులు పేర్కొన్నారు.

ఈటవాయికుంట ఎఫ్‌టీఎల్‌ పరిధిలో మట్టితో పూడ్చివేత ● తెరముందు పట్టాదారు.. తెరవెనుక అధికారుల మౌనం ● నీటి ప్రవాహానికి అడ్డంకులు.. ఆయకట్టుకు తీవ్రనష్టం ● ఫిర్యాదు చేసినా క్షేత్రస్థాయికి రాని ఇరిగేషన్‌ అధికారులు ● రాజకీయ అండతోనే అక్రమం సాగుతోందని రైతుల ఆగ్రహం –8లో u●ఈటవాయికుంట ఎఫ్‌టీఎల్‌ పరిధిలో మట్టి పోస్తుండటంతో కుంట విస్తీర్ణం, నీటి నిల్వ సామర్థ్యం తగ్గే పరిస్థితి ఉంది. వర్షపు నీరు సహజంగా కుంటలోకి చేరే మార్గాలకు కూడా అడ్డంకులు ఏర్పడుతున్నాయి. కుంటలోకి వర్షపు నీరు చేరితే పరిసర ప్రాంతాల్లో భూగర్భ జలాలు పెరుగుతాయి. కుంటలో మట్టి పోస్తే నీటి నిల్వ తగ్గిపోతుంది. దీన్ని ప్రభావం మా పంటలపై పడుతుంది. ఎఫ్‌టీఎల్‌ పరిధి ఎంత వరకు ఉందో అధికారులు క్షేత్రస్థాయికి వచ్చి సర్వే చేసి స్పష్టంగా గుర్తించాలి. – ఈట శేఖర్‌, ఆయకట్టు రైతు కుంటలో మట్టి పోస్తున్న విషయాన్ని సంబంధిత అధికారుల దృష్టికి తీసుకెళ్లాం. అయినా ఇప్పటి వరకు స్పష్టమైన చర్యలు తీసుకోవడం లేదు. కుంటలో మట్టి పోసి పూడ్చేస్తే నీటి నిల్వ తగ్గి రాబోయే రోజుల్లో సాగుకు ఇబ్బందులు ఎదురవుతాయి. ఫిర్యాదులు చేసినా అధికారులు స్పందించకపోవడం బాధాకరం. కలెక్టర్‌ జోక్యం చేసుకుని కుంటను పూర్తిస్థాయిలో పరిరక్షించాలి. – విజయ్‌కుమార్‌, కార్యదర్శి, ప్రాథమిక మత్స్య సహకార సంఘం ఈటవాయికుంట ఎఫ్‌టీఎల్‌ పరిధిని మట్టితో పూడుస్తున్నారన్న విషయం మా దృష్టికి వస్తే క్షేత్రస్థాయిలో ఇదివరకే పరిశీలించాం. కుంటకు సంబంధించిన రికార్డులు, ఎఫ్‌టీఎల్‌ హద్దులను పరిశీలించి మట్టితో పూడ్చిన ప్రాంతం ఎఫ్‌టీఎల్‌ పరిధిలో ఉందా.. లేదా.. అనేది నిర్ధారిస్తాం. నిబంధనలకు విరుద్ధంగా మట్టితో పూడ్చినట్లు తేలితే ఉన్నతాధికారుల దృష్టికి తీసుకెళ్లి తగిన చర్యలు తీసుకుంటాం. – ఆసిఫ్‌, ఇరిగేషన్‌ ఏఈ మహబూబ్‌నగర్‌ రూరల్‌: చెరువులు, కుంటల పరిరక్షణకు ప్రభుత్వం ప్రాధాన్యం ఇస్తున్నా.. కోడూరు గ్రామ శివారులోని ఈటవాయికుంటకు మాత్రం రక్షణ కరువైందన్న ఆరోపణలు వినిపిస్తున్నాయి. కుంట ఎఫ్‌టీఎల్‌ పరిధిలోని భూమిలో భారీగా మట్టి పోసి చదును చేస్తున్నా.. రెవెన్యూ, ఇరిగేషన్‌ అధికారులు స్పందించడం లేదని ఆయకట్టు రైతులు ఆవేదన వ్యక్తం చేస్తున్నారు. మట్టి పోతతో కుంటలోకి చేరాల్సిన వర్షపు నీటి సహజ ప్రవాహానికి అడ్డంకులు ఏర్పడి.. నీటి నిల్వ సామర్థ్యం తగ్గి ఆయకట్టు సాగు, భూగర్భజలాల పెంపుపై తీవ్ర ప్రభావం చూపుతుందని వాపోతున్నారు. రాజకీయ పలుకుబడితోనే అధికారులు మౌనం వహిస్తున్నారని రైతులు ఆరోపిస్తున్నారు. దీనిపై కలెక్టర్‌ అయినా జోక్యం చేసుకుని ఎఫ్‌టీఎల్‌ హద్దులను తేల్చి కుంటను పరిరక్షించాలని కోరుతున్నారు. కోడూరు గ్రామ శివారులోని ఈటవాయికుంటకు సంబంధించిన సర్వే నంబర్లు 29, 30, 451లో సుమారు 2.20 ఎకరాల భూమి ఎఫ్‌టీఎల్‌ పరిధిలో ఉందని రైతులు చెబుతున్నారు. అయితే కుంటకు ఆనుకుని ఉన్న భూమిని కొనుగోలు చేసిన ఓ పట్టాదారు అక్కడ మట్టిని పోసి భూమిని చదును చేస్తున్నారని ఆరోపణలు ఉన్నాయి. మట్టి పోత కొనసాగితే కుంట విస్తీర్ణం క్రమంగా తగ్గడంతోపాటు వర్షపు నీరు నిల్వ ఉండే సామర్థ్యం తగ్గిపోతుందని రైతులు ఆందోళన వ్యక్తం చేస్తున్నారు. కుంటలోకి చేరే వర్షపు నీరు సహజ ప్రవాహానికి అడ్డంకులు ఏర్పడితే దాని ప్రభావం నేరుగా ఆయకట్టుపై పడుతుందని రైతులు చెబుతున్నారు. కుంటలో నీరు నిల్వ ఉండటం వల్ల పరిసర ప్రాంతాల్లో భూగర్భజలాలు పెరిగి బోర్లు, బావులకు నీటి లభ్యత మెరుగుపడుతుందని.. కుంట పూడిపోతే ఈ ప్రయోజనం దెబ్బతింటుందని వాపోతున్నారు. వర్షాలు కురిసిన సమయంలో నీటి ప్రవాహానికి మార్గం లేక పొలాల్లోకి నీరు చేరినా.. కుంటలోకి చేరాల్సిన నీరు అడ్డంకులకు గురైనా పంటలకు నష్టం వాటిల్లుతుందని రైతులు ఆవేదన వ్యక్తం చేస్తున్నారు. ఈటవాయికుంట వ్యవహారంపై కలెక్టర్‌ ప్రత్యేకంగా దృష్టిసారించాలని రైతులు విజ్ఞప్తి చేస్తున్నారు. కోడూరు శివారులోని ఈటవాయికుంట ఎఫ్‌టీఎల్‌ పరిధిలో మట్టి పోస్తున్నారని ఫిర్యాదులు ఉన్నప్పటికీ సంబంధిత అధికారులు క్షేత్రస్థాయిలో పరిశీలన చేయకపోవడంపై రైతులు అనుమానాలు వ్యక్తం చేస్తున్నారు. ఇరిగేషన్‌ శాఖ ఏఈ, డిప్యూటీ ఈఈ, ఈఈ స్థాయి అధికారుల దృష్టికి సమస్యను తీసుకెళ్లినా స్పందన లేదని చెబుతున్నారు. రాజకీయ ఒత్తిళ్ల కారణంగానే అధికారులు చర్యలు తీసుకోవడం లేదని రైతులు ఆరోపిస్తున్నారు.

● తెలంగాణ రాజ్యాధికార పార్టీ అధ్యక్షుడు తీన్మార్‌ మల్లన్న ● 11వ రోజు కోస్గికి చేరుకున్న మహాపాదయాత్ర కోస్గి రూరల్‌: ఎన్నికల ముందు ఇచ్చిన హామీల అ మలులో భాగంగా 42 శాతం బీసీలకు రిజర్వేషన్లు అమలు చేయకుండా హైకోర్టులో కేసులు వేయించారని, వాల్మీకి బోయలను ఎస్టీలో, ముదిరాజ్‌లను బీసీ–డీ నుంచి బీసీ– ఏలో మారుస్తారని చెప్పిన మాటలు ఎక్కడని సీఎం రేవంత్‌రెడ్డిపై తెలంగాణ రాజ్యాధికార పార్టీ అధ్యక్షుడు తీన్మార్‌ మల్లన్న మండిపడ్డారు. తెలంగాణ రాజ్యాధికార పార్టీ చేపట్టిన మహా పాదయాత్ర గోల్కొండ కోట నుంచి వరంగల్‌ కోట వరకు 14, 500 కిలోమీటర్ల మహాపాదయాత్ర ప్రారంభమై 11వ రోజు ఆదివారం కోస్గిలో ని శివాజీ చౌరస్తాలో మాట్లాడుతూ.. కోడంగల్‌కు అద్దె ముఖ్యమంత్రి. తోక్కుకుంటూ వచ్చింది కాంగ్రెస్‌ నాయకులనే. కాళేశ్వరం ప్రాజెక్టు ద్వారా కోటి ఎకారాలకు సాగునీరు అందిస్తామని చెప్పిన కేసీఆర్‌ దాన్ని 2016లో నేను రిసెర్చ్‌ చేస్తే 15లక్షల సాగు మాత్రమే అవుతుందని తేలిందన్నారు. కాళేశ్వరం వల్ల మనం బతుకం.. దాన్ని మనమే సాకాల్సి వస్తదని అనాడే చెప్పానన్నారు. తీన్మార్‌ మల్లన్న ప్రచారం చేపట్టపోతే కాంగ్రెస్‌కు 20సీట్లు కూడా వచ్చేవి కావన్నారు. నేను 47 సీట్లలో ప్రచారం చేస్తే 42 వచ్చాయని, వచ్చే ఎన్నికల్లో నీ రాజకీయ సమాధి తాండూరు షాబాద్‌ బండల తోటి కట్టకపోతే నాపేరు మ్లల్లన్న కాదన్నారు. అధికారంలోకి వచ్చిన ఆరు నెలల్లోపే బీసీల కులగణన పేరుతో అసెంబ్లీలో దొంగ బిల్లుపెట్టి రెడ్డిలతో హైకోర్టులో కేసులు వేసి ఆపేశారని మండిపడ్డారు. 42శాతం కాంట్రాక్ట్‌లను బీసీలకు ఇస్తామని చెప్పి రెడ్లకు అప్పగించారిని ఆవేదన వ్యక్తం చేశారు. బీసీ సబ్‌ప్లాన్‌ ఏర్పాటు చేసి ఏడాదికి రూ.20వేల కోట్లు కేటాయిస్తామని.. ఇంతవరకు రూ.2వేల కోట్లు ఖర్చు చేయలేదన్నారు. ఈడబ్ల్యూఎస్‌ రిజర్వేషన్లను అమలు చేసి రెడ్లకు మేలు కలిగించారన్నారు. అసెంబ్లీలో బిల్లు పెడితే రిజర్వేషన్ల విషయంలో ప్రతిపక్ష నాయకులు రావడంలేదని సాకులు చెబుతున్నారన్నారు. అసెంబ్లీ దగ్గర షర్టులిప్పి వెలమ రాజ్యం రావాలని ఓవైపు బీఆర్‌ఎస్‌ నాయకుల ధర్నాలు.. మరోవైపు 2034 వరకు నేనే సీఎం అంటూ రేవంత్‌రెడ్డిత్‌ ప్రగల్బాలు కలపడం, ఇక బీసీలకు రాజ్యాధికారం అక్కర్లేదా అంటూ మండిపడ్డారు. 1952నుంచి ఇప్పటి వరకు కోడంగల్‌లో ఒక్క బీసీ నాయకుడు ఎమ్మెల్యే కాలేదని.. 1.36లక్షల ఓట్లు బీసీలవి, 12500 రెడ్డిలవి. వాళ్ల ఓట్లు వాళ్లు వేసుకున్నా.. డిపాజిట్‌ కూడా రాదన్నారు. డిపాజిట్‌ రాని వాళ్లతో సోపతి ఏంటని ప్రశ్నాంచారు. కోడంగల్‌లో బీసీ ఓట్లు మాకొద్దని ముఖ్యమంత్రి చెబుతావా.. నీ చోటేమియా చెబుతాడా.. మీ బతుకంతా మా ఓట్ల దగ్గరనే కదా.. రేవంత్‌రెడ్డిని ఓడించే అధికారం ప్రజలు నాకిచ్చేట్టు లేరు.. వాళ్లంతకు వాళ్లే ఖతం చేసే పరిస్థితి కోడంగల్‌ దాపరించిందన్నారు. ప్రభుత్వం మెడలు వంచైనా ఆర్టీసీని ప్రభుత్వంలో విలీనం చేయిస్తానన్నారు. రాబోయే ఎన్నికల్లో కొడంగల్‌కు మొట్టమొదటిసారిగా బీసీ ఎమ్మెల్యే రాబోతున్నాడని తెలిపారు. కార్యక్రమంలో టీఆర్‌ఎస్‌ రాష్ట్ర ప్రధాన కార్యదర్శి అశోక్‌, ఉపాధ్యక్షురాలు స్వర్ణక్క, నారాయణపేట జిల్లా అధ్యక్షుడు కృష్ణ, కల్నాల్‌ బిక్షపతి, రషిద్‌పాషా, పూజిత, అనిల్‌, మహమ్మద్‌ రఫి తదితరులు ఉన్నారు.

● సీఎం స్వంత మండలం నుంచే మొదలైన పోరుబాట ● పాలమూరును ఆగం చేయొద్దని జేఏసీ ఆధ్వర్యంలో కదిలిన రైతాంగం ● సంఘీభావం తెలిపిన ఎంపీ డీకే అరుణ, ఎమ్మెల్సీ కోదండరాం, ప్రొ.హరగోపాల్‌ ఎఫ్‌టీఎల్‌ పరిధిలో మొరం పోసి చదును చేసిన దృశ్యం ఉత్సాహంగా ఉల్లాస్‌ పరీక్ష మహబూబ్‌నగర్‌ మున్సిపాలిటీ: మెప్మా ఆధ్వర్యంలో ఆదివారం నగరంలోని 91 కేంద్రాల్లో సెల్ప్‌హెల్ప్‌ గ్రూప్‌ (ఎస్‌హెచ్‌జీ) మహిళలకు రెండో విడత ఉల్లాస్‌ పరీక్ష నిర్వహించారు. దీనికి మొత్తం 2,436 మందికి గాను 2,343 మంది హాజరు కాగా.. పరీక్షలను ఆర్పీలు పర్యవేక్షించారు. వివిధ కారణాలతో గైర్హాజరైన 93 మందికి వచ్చే ఏడాది మార్చిలో నిర్వహించే పరీక్షకు హాజరుకావొచ్చని ఇన్‌చార్జ్‌ డీఎంసీ లక్ష్మి తెలిపారు. అమ్మకు అక్షరమాల కార్యక్రమంలో భాగంగా ఈ పరీక్షలు నిర్వహించినట్లు వెల్లడించారు.జెడ్పీసెంటర్‌ (మహబూబ్‌నగర్‌): ఇక నుంచి ఉపాధి పనుల్లో అక్రమాలకు ఆర్టిఫిషియల్‌ ఇంటెలిజెన్స్‌ (ఏఐ)తో చెక్‌ పడనుంది. ఏఐ వినియోగంతో పనులు చేయకుండా తప్పుడు బిల్లులు పెట్టడం, పనికి వచ్చినా పనిచేయకుండానే ఫొటోలు దిగి వెళ్లే వారి ఆటలు ఇక సాగవు. వీబీజీ రాంజీ పథకంలో ఏఐ వినియోగాన్ని ఇప్పటికే తీసుకురావడంతో జరిగిన అక్రమాలు ఒక్కొక్కటిగా బయటపడుతున్నాయి. ఇటీవల జరిగిన పనులపై జరిగిన సామాజిక తనిఖీల్లో పనులు చేయకున్నా చేసినట్లుగా నమోదు చేసినట్లు ఆరోపణలు వచ్చాయి. తప్పుడు బిల్లులు పెట్టడం, పనులు ఎక్కువగా నమోదు చేయడాన్ని తనిఖీ బృందం గుర్తించినట్లు తెలిసింది. ఉపాధి పనులు చేయకుండానే చేశామని ఫొటోలు దిగి వెళ్లే వారికి, బోగస్‌ పనులకు అడ్డుకట్ట పడుతుంది. ఉపాధి పనులు ప్రారంభమైనప్పటి నుంచి ప్రతి ఏడాది పనులపై సామాజిక తనిఖీలు నిర్వహిస్తున్నారు. తప్పుగా నమోదు చేసిన తర్వాత తనిఖీల్లో గుర్తించడం కంటే వెంటనే గుర్తించేందుకు సాంకేతికను వినియోగిస్తున్నారు. జూలై 1 నుంచి వీబీజీరాంజీ పథకంలో అక్రమాలకు తావులేకుండా ప్రభుత్వం చర్యలు తీసుకుంటుంది. బోగస్‌ పనులను నిరోధించి, నిజాయితీగా చేసిన కూలీలనే గుర్తించేలా ఏఐను ప్రవేశపెట్టడంతో పనులు పారదర్శకంగా జరగనున్నాయి. వారిపై నేరుగా విచారణ.. డిజిటల్‌ కొలతలు, ఏఐ రిపోర్టులకు భిన్నంగా మస్టర్‌ బుక్‌ రాసే అధికారులపై నేరుగా విచారణ జరగనుంది. ఇస్రో భువన్‌ పోర్టల్‌ శాటిలైట్‌ చిత్రాలతోపాటు ప్రతి అంబుడ్స్‌మెన్‌కు డ్రోన్‌ నిఘా వ్యవస్థను కేటాయించారు. సిబ్బంది కార్యాలయాల్లో కూర్చొని తప్పుడు బిల్లులు రాస్తే శాటిలైట్‌, డ్రోన్‌ డేటాలోని వాస్తవ కొలతలతో సరి తూగదు. తేడా వస్తే సదరు సిబ్బంది ఐడీలు నిలిచిపోవడమే కాకుండా రికవరీతోపాటు క్రిమినల్‌ కేసులు నమోదవుతాయి. కూలీలు రాకపోయినా వారి పాత ఫొటోలను వేరే మొబైల్‌ స్క్రీన్‌పై చూపిస్తూ రీ ఫొటోలు తీసి మోసం చేసే ఫీల్డ్‌ ట్రిక్స్‌ను ఏఐ పట్టేస్తుంది. మహబూబ్‌నగర్‌ రూరల్‌ మండలం అప్పాయిపల్లిలో పాంపాండ్‌ పనులు చేస్తున్న కూలీలు కొలతలు సరిపోకున్నా కఠిన చర్యలు పని చేయకుండా ఫొటోలు దిగి వెళ్తే అంతే.. కచ్చితంగా 4 గంటలు పనిచేయాల్సిందే ఏమాత్రం తేడా వచ్చినా హాజరు నిలిపివేత ఉపాధి కార్మికులు ప్రతిఒక్కరు నాలుగు గంటలు పనిచేయాలి. అలాగే చేసే పనిలో పురోగతి ఉండాలి. ఉదయం రాగానే చేసే పని దగ్గర ఫొటో దిగాలి. తర్వాత చేసిన పని దగ్గర ఫొటో దిగాలి. అలాగే చేసిన పనికి సంబంధించిన ఫొటో సైతం తీసి అప్‌లోడ్‌ చేయాలి. వీబీజీ రాంజీ సర్వర్‌ ద్వారా పనులను ఏఐ పరిశీలిస్తుంది. అన్నీ సక్రమంగా ఉంటేనే హాజరు పడుతుంది. – నర్సింహులు, డీఆర్‌డీఓ గ్రామాల్లో కొందరు కూలీలు, మేసీ్త్రలు కలిసి చేేసే తప్పులను అధికారులు గుర్తించారు. ఉదయం 8 గంటలకు, మధ్యాహ్నం 2 గంటలకు వచ్చి ఫొటోలు దిగి వెళ్లిపోవడం, మధ్యలో అసలు పనే చేయకపోవడం వంటి మోసాలు జరిగేవి. ప్రస్తుతం అమల్లోకి వచ్చిన వ్యవస్థతో పని జరగకపోతే ఏఐ ఆటో రిజెక్ట్‌ చేస్తుంది. ప్రతిఒక్కరు నాలుగు గంటల పాటు పని చేయాలి. దీని ప్రకారం ఉదయం, మధ్యాహ్నం తీసిన ఫొటోలను క్లౌడ్‌ సర్వర్‌లోని ఏఐ సాఫ్ట్‌వేర్‌ సెక్షన్లలో పోల్చి చూస్తుంది. ఉదయం ఉన్న మట్టి కుప్ప లేదా కాల్వ మధ్యాహ్నం ఫొటోలో కూడా ఎలాంటి మార్పు లేకుండా ఉంటే పనిలో పురోగతి లేదని, అక్కడ పని జరగలేదని గుర్తించి ఆ రోజు హాజరును ఆటోమేటిక్‌గా నిలిపివేస్తుంది.

మహబూబ్‌నగర్‌ మున్సిపాలిటీ: నిరుద్యోగుల సమస్యలను పరిష్కరించేందుకు ప్రభుత్వం తక్షణమే చర్యలు చేపట్టాలని తెలంగాణ నిరుద్యోగుల పోరాట సమితి రాష్ట్ర అధ్యక్షుడు మిట్ట యాదయ్య డిమాండ్‌ చేశారు. వివిధ ప్రభుత్వ ఉద్యోగాలకు నోటిఫికేషన్లు జారీ చేసిన తర్వాతే ఎమ్మెల్సీ ఎన్నికల ప్రక్రియను నిర్వహించాలని కోరారు. శనివారం జిల్లా కేంద్రంలోని ప్రెస్‌క్లబ్‌లో ఏర్పాటు చేసిన సమావేశంలో ఆయన మాట్లాడారు. రాష్ట్రంలో ఖాళీగా ఉన్న ప్రభుత్వ ఉద్యోగాలను గుర్తించి భర్తీ ప్రక్రియను వేగవంతం చేయాలన్నారు. మెగా డీఎస్సీ ద్వారా 40వేల ఉద్యోగాలు, గ్రూప్‌1లో 500, గ్రూప్‌2లో 2 వేల, గ్రూప్‌3, గ్రూప్‌4లో 10 వేల ఉద్యోగాలను భర్తీ చేసేలా చర్యలు తీసుకోవాలన్నారు. ఉద్యోగ నియామకాలకు సంబంధించి స్పష్టమైన జాబ్‌ క్యాలెండర్‌ను ప్రకటించి.. అందులో పేర్కొన్న విధంగా నిరంతరం నోటిఫికేషన్లు విడుదల చేయాలని కోరారు. కార్యక్రమంలో తెలంగాణ నిరుద్యోగుల సంఘం రాష్ట్ర ఉపాధ్యక్షుడు రవి కుమార్‌, ప్రధాన కార్యదర్శి రమేష్‌ సాగర్‌, జిల్లా అధ్యక్షుడు అజయ్‌కుమార్‌, ప్రధాన కార్యదర్శి నరసింహ, ఉపాధ్యక్షుడు శేఖర్‌, కార్యదర్శులు తిరుపతి, విజయ్‌, సురేష్‌, మహేష్‌ పాల్గొన్నారు.

తాడూరు: ప్రమాదవశాత్తు కేఎల్‌ఐ కాల్వలో పడి యువకుడు మృతి చెందిన ఘటన మండలంలోని యాదిరెడ్డిపల్లి సమీపంలో చోటు చేసుకుంది. ఎస్‌ఐ రాము కథనం మేరకు మండలంలోని అకునెల్లికుదురుకు చెందిన రాజు (30) కూలీ పనుల నిమిత్తం ద్విచక్రవాహనంపై యాదిరెడ్డిపల్లికి వెళ్తూ రోడ్డు గుంతల మయంగా ఉండడంతో వాహనం అదుపుతప్పి సమీపంలో ఉన్న కెఎల్‌ఐ కాల్వలో పడిపోయి మరణించాడు. సమాచారం అందడంతో మృతదేహాన్ని బయటికి తీసి పోస్టుమార్టం నిమిత్తం జిల్లా ఆస్పత్రికి తరలించారు. మృతుడు రాజుకు భార్య గౌరితోపాటు మూడు నెలల చిన్నారి ఉంది. బంధువుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. రోడ్డు ప్రమాదంలో బీటెక్‌ విద్యార్థి దుర్మరణం పోచారం: ఆర్టీసీ బస్సు, ద్విచక్ర వాహనం ఢీకొన్న ఘటనలో బీటెక్‌ విద్యార్థి దుర్మరణం చెందగా.. ఓ యువతి తీవ్రంగా గాయపడింది. పోచారం ఐటీ కారిడార్‌ పోలీస్‌ స్టేషన్‌ పరిధిలో జరిగిన ఈ ఘటన వివరాలిలా.. నాగర్‌కర్నూల్‌ జిల్లా వంగూరు మండలం తిప్పారెడ్డిపల్లికి చెందిన బద్దుల కిషోర్‌ (19) బీఎన్‌రెడ్డినగర్‌లో ఉంటూ ఇబ్బహీంపట్నంలోని సెయింట్‌ ఇంజినీరింగ్‌ కళాశాలలో బీటెక్‌ తృతీయ సంవత్సం చదువుతున్నాడు. తన బంధువు పిల్లి విజయ (25)ను పరీక్ష రాసేందుకు శ్రీనిధి ఇంజినీరింగ్‌ కళాశాలకు హెల్మెట్‌ ధరించకుండా స్కూటీపై తీసుకెళ్తుండగా యంనంపేట్‌లోని రైల్వే బ్రిడ్జిపైకి రాగానే ఈ ప్రమాదం జరిగింది. ఘట్‌కేసర్‌ నుండి రాంపల్లి వైపు వెళ్తున్న బస్సును అధిగమిస్తున్న క్రమంలో రెండు వాహనాలు ఢీకొన్నాయి. స్కూటీ నడుపుతున్న కిషోర్‌, వెనక కూర్చున్న విజయ కింద పడిపోయారు. బస్‌ కండక్టర్‌ 108కు ఫోన్‌ చేయడంతో అంబులెన్స్‌ వచ్చింది. 108 సిబ్బంది పరీక్షించి కిషోర్‌ అప్పటికే మృతి చెందినట్లు నిర్ధారించారు. తీవ్రంగా గాయపడిన విజయను మేడిపల్లిలోని ఓ ప్రైవేట్‌ ఆసుపత్రికి తరలించి, చికిత్స అందిస్తున్నారు. పోలీసులు సంఘటనా స్థలానికి చేరుకొని కిషోర్‌ మృతదేహాన్ని పోస్టుమార్టం కోసం గాంధీ ఆసుపత్రికి తరలించారు. ప్రమాదం ఏ పరిస్థితుల్లో జరిగిందో తెలుసుకునేందుకు పోలీసులు వివరాలతో పాటు ఆధారాలను సేకరించారు. పరీక్ష కోసం బయలుదేరిన ప్రయాణం విషాదంగా ముగియడంతో కిషోర్‌ కుటుంబంలో తీవ్ర విషాదం నెలకొంది. విద్యార్థి మృతిపై స్థానికులు, మిత్రులు, కళాశాల బృందం తీవ్ర దిగ్భ్రాంతి చెందారు. ఆర్టీసీ డ్రైవర్‌ నల్ల కిషోర్‌ (29) ఇచ్చిన ఫిర్యాదు మేరకు పోలీసులు కేసు నమోదు చేసుకొని, దర్యాప్తు చేస్తున్నారు. ఒక్కసారిగా కుప్పకూలి వృద్ధురాలి మృతి మిడ్జిల్‌: మండల కేంద్రానికి చెందిన చాకలి అంజనమ్మ (49) అనే వృద్ధురాలు శనివారం సాయంత్రం మృతి చెందినట్లు గ్రామస్థులు తెలిపారు. వారి కథనం మేరకు.. అంజనమ్మ శుక్రవారం ఉపాధిహామీ పనికి వెళ్లింది. పని ముగిసిన తర్వాత ఇంటికి వచ్చి ఒక్కసారిగా కుప్ప కూలిపోయింది. చుట్టుపక్కల వారు వెంటనే ప్రభుత్వ ఆస్పత్రికి తరలించగా వైద్యులు జడ్చర్లకు తీసుకెళ్లాలని చెప్పడంతో 108లో జడ్చర్ల తరలిస్తుండగా మార్గమధ్యలో మృతి చెందింది. ఈ విషయం స్థానికులు ఎంపీడీఓ లక్ష్మన్‌రాథోడ్‌ దృష్టికి తీసుకెళ్లగా ఆయనతో పాటుగా స్థానిక సర్పంచ్‌ శంకర్‌, ఎపిఓ హైమావతి, టిఏ రవి, కార్యదర్శి సాయన్న మృతురాలి కుటుంబాన్ని పరామర్శించి ప్రభుత్వ పరంగా ఆదుకుంటామని తెలిపారు. మృతురాలికి భర్త శాంతయ్యతో పాటుగా ఇద్దరు కుమారులు ఉన్నారు. అమ్మచెరువులో మళ్లీ ప్రత్యక్షమైన మొసలి గోపాల్‌పేట: మండల కంద్రంలోని అమ్మచెరువులో శనివారం మొసలి మళ్లీ ప్రత్యక్షమైంది. సుమారు ఆరు నెలల క్రితం ఇదే చెరువులో రెండు మూడు రోజుల పాటు మొసలి బయటికి వచ్చి వెళ్లింది. ఆ తర్వాత కనిపించలేదు. మళ్లీ శనివారం ఉదయం చెరువు ఒడ్డుకు వచ్చింది. విషయం తెలుసుకున్న గ్రామస్తులు చెరువు దగ్గరకు పెద్దసంఖ్యలో చేరుకొనొ ఫొటోలు తీయడం, కేకలు వేయడంతో మొసలి చెరువులోకి వెళ్లిపోయింది. చిన్నపిల్లలు, మేకలు, గొర్రెల కాపరులు చెరువు దగ్గరగా వెళ్లకుండా జాగ్రత్తగా ఉండాలని హెచ్చరించారు.

కొల్లాపూర్‌: స్థానిక మాజీ ఎమ్మెల్యే బీరం హర్షవర్దన్‌రెడ్డి కుటుంబాన్ని ఏపీకి చెందిన మాజీ మంత్రి, వైఎస్సార్‌సీపీ నాయకురాలు ఆర్‌కే రోజా పరామర్శించారు. ఆమె భర్త సెల్వమణితో కలిసి శనివారం నాగర్‌కర్నూల్‌ జిల్లా సింగోటం వచ్చారు. హర్షవర్దన్‌రెడ్డి తో పాటు ఆయన సతీమణి విజయ, తల్లి బిచ్చమ్మ ను రోజా దంపతులు పరామర్శించి సానుభూతి తెలిపారు. బీరం లక్ష్మారెడ్డి చిత్రపటానికి పూలమాల వేసి నివాళి అర్పించారు. అలాగే బీఆర్‌ఎస్‌ అధినేత కేసీఆర్‌ మాజీ ఓఎస్‌డీ రాజశేఖర్‌రెడ్డితో పాటు పలువురు ప్రముఖులు హర్షవర్దన్‌రెడ్డిని పరామర్శించారు.

మహబూబ్‌నగర్‌ రూరల్‌: మన్యంకొండ దేవస్థానంలో శనివారం శ్రీలక్ష్మీ వేంకటేశ్వరస్వామి కల్యాణోత్సవం అంగరంగ వైభవంగా జరిగింది. పౌర్ణమిని పురస్కరించుకొని స్వామివారి కల్యాణాన్ని కనులపండువగా నిర్వహించారు. ఈ సందర్భంగా శోభాయమానంగా అలంకరించిన శేషవాహనంలో స్వామి, అమ్మవార్ల ఉత్సవ మూర్తులను గర్భగుడి నుంచి మండపం వరకు ఊరేగింపుగా తీసుకొచ్చారు. మంగళ వాయిద్యాలు, పురోహితుల వేదమంత్రాల మధ్య ప్రత్యేక పూజల అనంతరం జీలకర్ర బెల్లం, మంగళసూత్రధారణ, తలంబ్రాల కార్యక్రమాలను నిర్వహించారు. అనంతరం స్వామి దంపతులను పల్లకీలో గర్భగుడిలోకి తీసుకెళ్లి ప్రత్యేక పూజలు చేశారు. కార్యక్రమంలో దేవస్థానం చైర్మన్‌ అళహరి మధుసూదన్‌కుమార్‌, అళహరి రామకృష్ణ, ఈఓ శ్రీనివాసరాజు, పాలక మండలి సభ్యులు, అర్చకులు పాల్గొన్నారు.

● అండర్‌–14, అండర్‌–17 బాలుర వాలీబాల్‌ టోర్నమెంట్‌ కమ్‌ సెలక్షన్స్‌ ● హోరాహోరీగా మ్యాచ్‌లు.. ఈనెల 28న బాలికల పోటీలు మహబూబ్‌నగర్‌ క్రీడలు: జిల్లా కేంద్రంలోని మెయిన్‌ స్టేడియంలో స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) జిల్లాస్థాయి క్రీడల సందడి నెలకొంది. మూడో రోజు శనివారం అండర్‌–14, అండర్‌–17 విభాగాల బాలుర వాలీబాల్‌ టోర్నమెంట్‌ కమ్‌ సెలక్షన్స్‌ నిర్వహించారు. జిల్లాలోని వివిధ మండలాలకు చెందిన బాలుర జట్లు పాల్గొని హోరాహోరీగా తలపడ్డాయి. ఈ సందర్భంగా ఏఎంఓ దుంకుడు శ్రీనివాస్‌ మాట్లాడుతూ విద్యార్థులు క్రమశిక్షణతో క్రీడల్లో రాణించి రాష్ట్ర, జాతీయస్థాయిలో జిల్లా పేరు ప్రతిష్టలు తీసుకురావాలని ఆకాంక్షించారు. క్రీడలతో విద్యార్థుల్లో క్రమశిక్షణ, పట్టుదల పెంపొందుతాయని అన్నారు. జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ మాట్లాడుతూ మూడు రోజులుగా జిల్లాస్థాయి పోటీలు ఉత్సాహంగా కొనసాగుతున్నాయని తెలిపారు. ఈ నెల 28న మెయిన్‌ స్టేడియంలో అండర్‌–14, అండర్‌–17 విభాగాల బాలికల వాలీబాల్‌ టోర్నమెంట్‌ కమ్‌ సెలక్షన్స్‌ నిర్వహించనున్నట్లు నిర్వాహకులు తెలిపారు. మహబూబ్‌నగర్‌ జట్ల విజయం అండర్‌–17 బాలుర వాలీబాల్‌లో మహబూబ్‌నగర్‌ అర్బన్‌ జట్టు విజేతగా నిలవగా.. మహ్మదాబాద్‌ జట్టు రన్నరప్‌గా నిలిచింది. అండర్‌–14 విభాగంలో మహబూబ్‌నగర్‌ రూరల్‌ జట్టు విజేతగా, కోయిలకొండ జట్టు రన్నరప్‌గా నిలిచాయి. విజేతలకు జిల్లా ఎస్‌జీఎఫ్‌ కార్యదర్శి, నిర్వాహకులు ట్రోఫీలు అందజేశారు. కార్యక్రమంలో పీఈటీఏటీఎస్‌ జిల్లా అధ్యక్షుడు జగన్‌మోహన్‌గౌడ్‌, మాజీ కార్యనిర్వాహక కార్యదర్శులు శారదాబాయి, రమేష్‌బాబు, పీడీలు రామేశ్వర్‌, శ్రీనివాస్‌రెడ్డి, పరశురాం, ఉమాదేవి, నాగమణి, ముస్తఫా, అబ్దుల్లా, రామకృష్ణ, నాగరాజు, రాఘవేందర్‌, విజయ్‌కుమార్‌, జగన్‌, మమత, డీఎస్‌ఏ కోచ్‌లు పర్వేజ్‌పాష, మల్లేష్‌ పాల్గొన్నారు.

గండేడ్‌: అతివేగానికి తోడు నిర్లక్ష్యపు డ్రైవింగ్‌కు ఓ నిండు ప్రాణం బలైంది. మరొకరి పరిస్థితి విషమంగా ఉంది. ఇందుకు కారణమైన డ్రైవర్‌ స్పల్పగాయాలతో బయటపడ్డాడు. గండేడ్‌ మండలం రంగారెడ్డిపల్లి గ్రామ సమీపంలో శనివారం తెల్లవారుజామున చోటు చేసుకున్న ఘటనకు సంబంధించి వివరాలిలా ఉన్నాయి. చిత్తూరు జిల్లాకు చెందిన చాపల సిద్దయ్య (42) 40ఏళ్ల క్రితం వచ్చి మహబూబ్‌నగర్‌కు వచ్చి స్థిరపడ్డాడు. ప్రధాన రహదారిపై చేపల దుకాణం నిర్వహిస్తూ.. టీటీగుట్ట సమీపంలోని చాంద్రాయణ్‌గుట్ట వద్ద నివాసముంటున్నాడు. చెరువుల వద్ద చేపలు పట్టి తెచ్చి అమ్ముతుండేవాడు. అందులో భాగంగానే శనివారం హన్వాడ మండలం పల్లెమోని కాలనీకి చెందిన రమశ్‌ (వాహన యజమాని), మహమ్మదాబాద్‌ మండలం చౌదర్‌పల్లి గొంగ్యాతండాకు చెందిన ముడావత్‌ రాహుల్‌ (డ్రైవర్‌)తో కలిసి పెద్దదర్పల్లి వద్ద ఐస్‌ నింపుకొని నారాయణపేట జిల్లా కోస్గి మండలం సర్జఖాన్‌పేట్‌ చెరువులో పట్టే చేపలు తీసుకురావడానికి గూడ్స్‌ క్యారియర్‌ వాహనంలో బయలుదేరారు. డ్రైవింగ్‌లో నిర్లక్ష్యం, అతివేగం కారణంగా రంగారెడ్డిపల్లి గ్రామ సమీపంలో వాహనం అదుపుతప్పి సర్వీస్‌ రోడ్డు రేయిలింగ్‌, డివైడర్‌ను బలంగా ఢీకొట్టింది. దాదాపు 10 నుంచి 15 ఫీట్ల దూరం వరకు రేయిలింగ్‌ను తాకుతూ ముందుకెళ్లింది. దీంతో వాహనంలో ఉన్న చాపల సిద్దయ్య శరీరంలోకి డివైడర్‌ ఇనుప చువ్వలు దూసుకెళ్లాయి. రమేశ్‌ ఒక్కసారిగా ఎగిరి, 10 మీటర్ల దూరంలో రోడ్డుమీద పడిపోయాడు. అతడి నడుము, తొడభాగం పూర్తిగా ఛిద్రమైంది. డ్రైవర్‌ రాహుల్‌కు సైతం స్వల్పగాయాలయ్యాయి. స్థానికులు 108 అంబులెన్స్‌, పోలీసులకు సమాచారం అందించారు. అంబులెన్స్‌ వచ్చే వరకు సిద్దయ్య బతికే ఉన్నాడు. వాహనంలో నుంచి బయటికి దించి, సైలెన్‌ ఎక్కించే లోపే తుదిశ్వాస విడిచాడు. తీవ్రంగా గాయపడిన రమేశ్‌ను మహబూబ్‌నగర్‌ ఆస్పత్రికి తరలించారు. అతడి పరిస్థితి విషమంగా ఉండటంతో అక్కడి నుంచి హైదరాబాద్‌కు తరలించారు. మృతుడు సిద్దయ్యకు భార్య తులసి, ఏడేళ్ల కుమారుడు జశ్వంత్‌, ఆరేళ్ల కూతూరు నిఖిలశ్రీ, నాలుగేళ్ల కుమారుడు విశాల్‌ ఉన్నారు. మృతుడి భార్య ఫిర్యాదు మేరకు కేసు నమోదుచేసి దర్యాప్తు జరుపుతున్నట్లు ఎస్‌ఐ శేఖర్‌రెడ్డి తెలిపారు. మరో యువకుడి పరిస్థితి విషమం

● జిల్లా కోర్టు ప్రధాన న్యాయమూర్తి ఎన్‌.ప్రేమలత ● అయ్యవారిపల్లిలో నెల రోజులపాటు ప్రత్యేక కార్యక్రమాలు పాలమూరు: గ్రామీణస్థాయిలో పేదలకు న్యాయం సరైన విధంగా అందడం లేదని ఎన్నో నివేదికలు చెబుతున్నాయని, దీనికోసం న్యాయసేవలను గ్రామీణ ప్రాంతాల ప్రజలకు అందించడమే లక్ష్యంగా పనిచేయాలని జిల్లా కోర్టు ప్రధాన న్యాయమూర్తి ఎన్‌.ప్రేమలత అన్నారు. పారా లీగల్‌ వలంటీర్లు తమ దృష్టికి వచ్చిన సమస్యలపై స్పందించి ఇరువురి సమస్య తెలుసుకొని, సాధారణంగా ఉంటే ప్రాథమిక దశలో అక్కడే పరిష్కరించాలన్నారు. రాష్ట్ర న్యాయ సేవా అధికార సంస్థ ఆదేశాల మేరకు శనివారం కోయిలకొండ మండల పరిధిలోని అయ్యవారిపల్లిలో న్యాయ అవగాహన సదస్సుతో పాటు ఉచిత వైద్య శిబిరం నిర్వహించారు. ఈ కార్యక్రమానికి న్యాయమూర్తి ముఖ్య అతిథిగా హాజరై సుప్రీంకోర్టు ఆదేశాల మేరకు అయ్యవారిపల్లి గ్రామాన్ని మెగా డ్రైవ్‌ కింద ఎంపిక చేసి న్యాయ సేవలను అందించేందుకు చర్యలు తీసుకుంటున్నట్లు తెలిపారు. పేదలకు అందాల్సిన పథకాలు చట్టపరంగా అందించేందుకు నెల రోజుల పాటు ఇంటింటి సర్వేలు నిర్వహించి ప్రత్యేక నివేదికలు తయారు చేసి ఆయా ప్రభుత్వ శాఖలకు ప్రతిపాదనలు పంపించి సంక్షేమ పథకాలు ప్రజలకు అందించేందుకు కృషి చేస్తున్నట్లు తెలిపారు. పేదరిక నిర్మూలనకు గ్రామంలో చేపట్టాల్సిన చర్యలను చట్టపరంగా చేపట్టేందుకు జిల్లా న్యాయ సేవా అధికార సంస్థ కృషి చేస్తున్నట్లు చెప్పారు. గ్రామంలో ఎలాంటి సమస్య ఉన్నా సామరస్యంగా పరిష్కరించుకోవాలన్నారు. పట్టింపులకు పోయి గొడవలు పెట్టుకొని కేసుల్లో ఇరుక్కోవద్దని సూచించారు.ఏదైనా సమస్య ఉంటే జిల్లా న్యాయ సేవా అధికార సంస్థ దృష్టికి తీసుకువచ్చి రాజీమార్గంలో పరిష్కరించుకోవాలన్నారు. అనంతరం గ్రామంలో పలువురికి యూడీఐడీ లేబర్‌ కార్డులు న్యాయమూర్తి అందజేశారు. కార్యక్రమంలో న్యాయమూర్తులు ఇందిర, ఆంజనేయులు, మహ్మద్‌ ఆఫ్రోజ్‌ అక్తర్‌, జిల్లా సీ్త్ర, శిశు సంక్షేమ అధికారిని జరీనా బేగం, డీఎంహెచ్‌ఓ డాక్టర్‌ శ్రీనివాసులు, ఎంపీడీఓ ధనుంజయగౌడ్‌, సర్పంచ్‌ వాగ్యరామునాయక్‌, డాక్టర్‌ కీర్తన పాల్గొన్నారు. గ్రామంలో వైద్య శిబిరం.. హైదరాబాద్‌ ఎంఎన్‌జే క్యాన్సర్‌ ఆస్పత్రి, జిల్లా వైద్యారోగ్యశాఖ–జనరల్‌ ఆస్పత్రి సంయుక్త ఆధ్వర్యంలో గ్రామంలో ఉచిత వైద్య శిబిరం ఏర్పాటు చేశారు. పలువురికి ఉచితంగా క్యాన్సర్‌ పరీక్షలు చేయడంతో పాటు ఇతర రకాల వైద్య పరీక్షలు చేయడంతో పాటు మందులు పంపిణీ చేశారు.

మహబూబ్‌నగర్‌ ఎడ్యుకేషన్‌: సాంకేతికతకు వ్యాప్తికి అనుగుణంగానే చట్టాలు మారాలని స్టేట్‌ హ్యయర్‌ ఎడ్యుకేషన్‌ చైర్మన్‌ బాలకిష్టారెడ్డి పేర్కొన్నారు. ఈమేరకు పీయూ లా కళాశాల ఆధ్వర్యంలో ఏర్పాటు చేసిన టెక్నాలజీ ఆండ్‌ లా అంశంపై ఏర్పాటు చేసిన కార్యక్రమానికి ఆయన ముఖ్య అతిథిగా హాజరై మాట్లాడారు. విమానయానం, అంతరిక్షం, రక్షణ, సముద్రరంగం, ఐటీ, మేధో సంపత్తి వంటి రంగాల్లో న్యాయనిపుణులకు విస్తృతమైన అవకాశాలు ఉన్నాయని, ఇందులో న్యాయపరమైన అంశాల్లో వచ్చే వివాదాలను పరిష్కరించేందుకు వారి పాత్ర ఎంతో కీలకమన్నారు. ప్రపంచ వ్యాప్తంగా సాంకేతిక రంగం వ్యాప్తంగా చెందుతున్న నేపథ్యంలో న్యాయ విద్యార్థులు కూడా తమ పరిజ్ఞానాన్ని పెంపొందించుకోవాలని సూచించారు. ముఖ్యంగా సర్టిఫీకెట్‌ కోసం కాకుండా జ్ఞానం కోసం చదవాలని, క్రమం తప్పకుండా తరగతులకు హాజరుకవడంతో చాలా వరకు సబ్జెక్టు పెరుగుతుందని తెలిపారు. పాలమూరు ప్రాంతంతో తమకు మంచి అనుభందం ఉందని, పీయూను దత్తత తీసుకుని అన్నిరంగాలుగా అభివృద్ధి చెందేందుకు సహకరిస్తామన్నారు. ఇటీవల ఏర్పాటు చేసిన లా, ఇంజనీరింగ్‌ కళాశాలల అభివృద్ధిపై ప్రత్యేకంగా దృష్టిసారిస్తామన్నారు. కార్యక్రమాల్లో రిజిస్ట్రార్‌ రమేష్‌బాబు, ఆడిట్‌సెల్‌ డైరెక్టర్‌ చంద్రకిరణ్‌, ప్రిన్సిపాల్‌ భూమయ్య, కరుణాకర్‌రెడ్డి, ఈశ్వర్‌కుమార్‌, శివచరణ్‌ తదితరులు పాల్గొన్నారు. హాస్టల్‌ ఏర్పాటు చేయాలని వినతి పీయూలో నూతనంగా ఏర్పాటు చేసిన లా, ఇంజినీరింగ్‌ కళాశాల విద్యార్థులకు వెంటనే హాస్టల్‌ సదుపాయం కల్పించాలని కోరుతూ స్టేట్‌ హ్యయర్‌ ఎడ్యుకేషన్‌ చైర్మన్‌ బాలకిష్టారెడ్డికి విద్యార్థి సంఘాల నాయకులు వినతిపత్రం అందజేశారు. అందుకు ఆయన స్పందిస్తూ సమస్య పరిష్కారం చేసేందుకు చర్యలు తీసుకుంటామన్నారు.

వంగూరు: తెలంగాణ రాష్ట్రంలో కాంగ్రెస్‌ పార్టీ దుర్మార్గమైన పాలన కొనసాగిస్తుందని బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌కుమార్‌ అన్నారు. శనివారం మండలంలోని జాజాలలో ఆయన పర్యటించారు. ఇటీవల సర్పంచ్‌ కాశమ్మను ఎమ్మెల్యే అవమానపరిచాడన్న అంశంపై ఆర్‌ఎస్‌ ప్రవీణ్‌కుమార్‌ సర్పంచ్‌ను పరామర్శించారు. ఈ సందర్భంగా ఆయన మాట్లాడుతూ.. సర్పంచుల హక్కులను కాలరాస్తూ వారిని వేధించడం సరికాదన్నారు. ప్రజాస్వామ్యబద్ధంగా ఎన్నికై న ప్రజాప్రతినిధులను గౌరవించాల్సిన బాధ్యత ఎమ్మెల్యేలపై ఉందన్నారు. అనంతరం గ్రామంలో కాంగ్రెస్‌ నాయకులు అక్రమ ఇసుక తవ్వకాలకు పాల్పడుతున్నారని ఆరోపించారు. రాష్ట్రంలో దోపిడీ సాగుతుందని వీటన్నింటికీ చరమగీతం పాడాలని బీఆర్‌ఎస్‌ కార్యకర్తలకు పిలుపునిచ్చారు. అదేవిధంగా రాష్ట్రంలో బొగ్గు నిల్వలు లేకపోవడంతో విద్యుత్‌ కోతలు ఏర్పడుతున్నాయని, దీంతో రైతులు తీవ్ర ఇబ్బందులకు గురవుతున్నారన్నారు. మండలంలోని పోల్కంపల్లి, జాజాల విద్యుత్‌ సబ్‌స్టేషన్లను పరిశీలించారు. రాష్ట్ర ప్రభుత్వానికి ముందుచూపు లేకపోవడంతో ఇలాంటి పరిస్థితులు రాష్ట్రంలో నెలకొన్నాయని విమర్శించారు. అలాగే చాకలి ఐలమ్మ జయంతి సందర్భంగా మండలంలోని పోల్కంపల్లిలో విగ్రహానికి బీఆర్‌ఎస్‌ నేత ఆర్‌ఎస్‌పీ పూలమాల వేసి నివాళులర్పించారు. ఆయా కార్యక్రమాల్లో బీఆర్‌ఎస్‌ నాయకుడు, ఫుడ్‌ కమిషన్‌ సభ్యులు గోలి శ్రీనివాస్‌రెడ్డి, ఆ పార్టీ నాయకులు ఎడ్మసత్యం, నర్సింహగౌడ్‌, గణేష్‌రావు, నరేందర్‌రావు, శ్రీనివాస్‌యాదవ్‌, ఎల్లగౌడ్‌, అంజి తదితరులు పాల్గొన్నారు.

మరికల్‌: మండల కేంద్రంలో శనివారం దొంగలు భారీ చోరీకి పాల్పడ్డారు. పట్టణానికి చెందిన కొండాపూర్‌ బాల్‌రెడ్డి భార్యాపిల్లలతో కలిసి శనివారం ఇంటికి తాళం వేసి పొలానికి వెళ్లాడు. సాయంత్రం తిరిగి రాగా ఇంటికి వేసిన తాళం విరగ్గొట్టి ఉండటంతో లోపలికి వెళ్లి చూశారు. బీరువా తాళం కూడా పగలగొట్టి ఉంది. దీంతో వెంటనే పోలీసులకు సమాచారం ఇచ్చాడు. సీఐ భగవంతురెడ్డి, ఎస్‌ఐ రామ్‌లాల్‌నాయక్‌ ఘటనా స్థలానికి చేరుకొని బాధితుడితో వివరాలు సేకరించగా.. బీరువాలో ఉన్న 12 తులాల బంగారం, 50 తులాల వెండి, రూ.1.35 లక్షలు నగదు ఎత్తుకెళ్లిన్నట్లు బాధితుడు వాపోయాడు. క్లూస్‌ టీం బీరువాపై పడిన వేలిముద్రలను సేకరించారు. వారం వ్యవధిలోనే సరస్వతీదేవి ఆలయంలో, మరో మూడు ఇళ్లల్లో చోరీలు జరగడంతో స్థానిక ప్రజలు భయాందోళన చెందుతున్నారు. పోలీసులు నిఘా పెట్టి దొంగలను పట్టుకోవాలని కోరుతున్నారు.

నాగర్‌కర్నూల్‌: బ్యాంకు ఉద్యోగులు తమ సమస్యల పరిష్కారం కోసం ఈనెల 28 నుంచి 30 వరకు మూడు రోజుల పాటు సమ్మెకు సిద్ధమయ్యారు. యునైటెడ్‌ ఫోరమ్‌ ఆఫ్‌ బ్యాంక్‌ యూనియన్స్‌ (యూఎఫ్‌బీయూ) ఇచ్చిన పిలుపు మేరకు ఉద్యోగులు విధులను బహిష్కరించి కేంద్ర ప్రభుత్వానికి నిరసన తెలపనున్నారు. వరుస సెలవులు, సమ్మెతో బ్యాంకు సేవలకు అంతరాయం ఏర్పడనుండటంతో ఖాతాదారులు ముందస్తు ప్రత్యామ్నాయ ఏర్పాట్లు చేసుకోవాల్సిన పరిస్థితి నెలకొంది. ఉమ్మడి జిల్లాలో జాతీయ, గ్రామీణ, డీసీసీబీతో పాటు ఇతర బ్యాంకులు 292 ఉండగా.. మహబూబ్‌నగర్‌లో 50, నాగర్‌కర్నూల్‌లో 79, వనపర్తిలో 66, గద్వాలలో 58, నారాయణపేటలో 39 ఉన్నాయి. వేలాది మంది రోజువారీగా వివిధ లావాదేవీలు నిర్వహిస్తుంటారు. వరుస సెలవులు, సమ్మె కారణంగా ఐదు రోజుల పాటు సేవలకు అంతరాయం కలగకుండా కేంద్ర ప్రభుత్వం సూచన మేరకు ఆదివారం కూడా బ్యాంకులు పనిచేసేలా ఏర్పాట్లు చేశారు. సమ్మె ముగిసిన అనంతరం ఒక రోజు బ్యాంకులు పనిచేయగా.. అక్టోబర్‌ 2న గాంధీ జయంతి సందర్భంగా మళ్లీ సెలవు ఉండనుంది. వివిధ రూపాల్లో నిరసనలు ఉమ్మడి జిల్లాలో 4,800 మందికి పైగా బ్యాంకు ఉద్యోగులు సమ్మెలో పాల్గొననున్నట్లు యూనియన్‌ నాయకుడు భూపతిరెడ్డి తెలిపారు. జిల్లా కేంద్రాల్లో ధర్నాలు, ర్యాలీలు, ద్విచక్రవాహన ర్యాలీలు నిర్వహించనున్నట్లు చెప్పారు. మహబూబ్‌నగర్‌లో తొలిరోజు ధర్నాచౌక్‌లో నిరసన, సాంస్కృతిక కార్యక్రమాలు.. రెండో రోజు ధర్నాచౌక్‌ నుంచి తెలంగాణ చౌరస్తా వరకు ర్యాలీ.. మూడో రోజు ఫిస్తా హౌస్‌ నుంచి క్లాక్‌టవర్‌ వరకు బైక్‌ ర్యాలీ నిర్వహించనున్నట్లు వివరించారు. ఖాతాదారులు ప్రత్యామ్నాయ ఏర్పాట్లు చేసుకోవాలి వరుస సెలవులు, సమ్మె నేపథ్యంలో ఖాతాదారులు ముందుగానే అవసరమైన లావాదేవీలు పూర్తి చేసుకోవాలి. ఆదివారం బ్యాంకులు పనిచేసేలా చర్యలు తీసుకున్నాం. డిజిటల్‌ బ్యాంకింగ్‌ సేవలను సద్వినియోగం చేసుకోవాలి. – చంద్రశేఖర్‌, జిల్లా లీడ్‌ బ్యాంకు మేనేజర్‌, నాగర్‌కర్నూల్‌ ● రేపటి నుంచి సమ్మెబాటలో బ్యాంకు ఉద్యోగులు ● మూడు రోజుల పాటు సేవలకు అంతరాయం ●

సాక్షి ప్రతినిధి, మహబూబ్‌నగర్‌: పాలమూరు–రంగారెడ్డి ఎత్తిపోతల పథకం నుంచి డిండికి నీటి తరలింపుపై అగ్గి రాజుకోనుంది. పాలమూరు ప్రజలు, రైతాంగానికి నష్టం వాటిల్లుతుందని.. అడ్డుకోవాలంటూ ఇప్పటికే ప్రజాప్రతినిధులకు బహిరంగ లేఖలతో యుద్ధం మొదలు పెట్టిన ఉమ్మడి జిల్లా పెండింగ్‌ ప్రాజెక్ట్‌ల సాధన జేఏసీ ఉద్యమ కార్యాచరణకు శ్రీకారం చుట్టింది. ప్రజల్లో చైతన్యం తేవడంతో పాటు లీడర్లలో చలనం వచ్చేలా ఆందోళన కార్యక్రమాలకు రూపకల్పన చేసినట్లు తెలుస్తోంది. ఈ నేపథ్యంలో డిండి ప్రాజెక్ట్‌ పూర్వపరాలు, ప్రస్తుత పరిస్థితులు, జాయింట్‌ యాక్షన్‌ కమిటీ పోరు సన్నాహాలపై ‘సాక్షి’ ఫోకస్‌.. ఉమ్మడి ఏపీలో ఇలా.. ఉమ్మడి ఆంధ్రప్రదేశ్‌లో ఉమ్మడి నల్లగొండ, మహబూబ్‌నగర్‌ జిల్లాల్లో ఫ్లోరైడ్‌ పీడిత ప్రాంతాలకు సాగు, తాగు నీరందించేందుకు శ్రీశైలం ఎడమగట్టు కాల్వ (ఎస్‌ఎల్‌బీసీ)కు శ్రీకారం చుట్టిన విషయం తెలిసిందే. శ్రీశైలం రిజర్వాయర్‌ నుంచి పంపింగ్‌ లేకుండా గ్రావిటీ ద్వారా నీటిని తరలించేలా ఎస్‌ఎల్‌బీసీ భూగర్భ టన్నెల్‌ తవ్వకానికి శ్రీకారం చుట్టారు. ఎస్‌ఎల్‌బీసీ ప్రధాన కాల్వ ద్వారా వచ్చే నీటిలో కొంత భాగాన్ని అక్కంపల్లి బ్యాలెన్సింగ్‌ రిజర్వాయర్‌ నుంచి లింక్‌ కాల్వల ద్వారా ఎగువన ఉన్న డిండి రిజర్వాయర్‌కు మళ్లించేలా డిజైన్‌ చేశారు. అయితే టన్నెల్‌ నిర్మాణంలో అనేక అడ్డంకులు ఎదురుకావడం.. నిధుల విడుదలలో జాప్యంతో పనులు కొనసాగుతూనే ఉన్నాయి. బీఆర్‌ఎస్‌లో తెరపైకి.. అభ్యంతరాలతో వెనుకడుగు తెలంగాణ ఆవిర్భావం అనంతరం అధికారంలోకి వచ్చిన బీఆర్‌ఎస్‌ ప్రభుత్వం కృష్ణా జలాల పునర్విభజన, రీడిజైన్‌ వ్యూహాన్ని తెరపైకి తీసుకొచ్చింది. పాత డిండి లింక్‌ ప్రతిపాదనను రీడిజైన్‌ చేసి రూ.6 వేల కోట్లకు పైగా అంచనాతో ప్రత్యేక ఎత్తిపోతల పథకాన్ని రూపొందించింది. ఎస్‌ఎల్‌బీసీపైనే ఆధారపడకుండా పాలమూరు–రంగారెడ్డి ఎత్తిపోతల పథకంలోని ఏదుల నుంచి డిండికి కృష్ణా జలాలను ఎత్తిపోసేలా మార్పు చేశారు. దీనిపై ఉమ్మడి పాలమూరు జిల్లా నుంచి అభ్యంతరాలు రావడంతో ప్రభుత్వం వెనుకడుగు వేసింది. కాంగ్రెస్‌.. వచ్చీ రావడంతో.. 2023లో అధికారంలోకి వచ్చిన కాంగ్రెస్‌.. పీఆర్‌ఎల్‌ఐలో భాగంగా వనపర్తి జిల్లాలో నిర్మిస్తున్న ఏదుల రిజర్వాయర్‌ నుంచి డిండికి నీళు్‌ల్‌ తరలించేలా ప్రతిపాదించిన ఏదుల–ఉల్పర లింక్‌ పనుల కోసం గతేడాది రూ.1,800 కోట్లతో పరిపాలనా అనుమతులు ఇచ్చింది. అయితే డిండికి నీటి తరలింపుపై తొలి నుంచీ వ్యతిరేకంగా ఉన్న పాలమూరు రైతులు, ప్రజలు, జల సాధన సమితి, అధ్యయన వేదిక రేవంత్‌ ప్రభుత్వ నిర్ణయంపై ఆగ్రహం వ్యక్తం చేశారు. అప్పుడు వ్యతిరేకం, ఇప్పుడు మౌనమా? తెలంగాణలో బీఆర్‌ఎస్‌ ప్రభుత్వం అధికారంలోకి వచ్చిన తర్వాత ఏదుల నుంచి డిండికి నీటి మళ్లింపు తెరపైకి రాగా పెద్ద ఎత్తున అభ్యంతరాలు వెల్లువెత్తాయి. ఆ సమయంలో పార్టీలకతీతంగా రాజకీయ నేతలు, ప్రజాప్రతినిధులు వ్యతిరేకిస్తూ.. ఎట్టి పరిస్థితుల్లోనూ ఒప్పుకొనేది లేదని.. ఈ ప్రతిపాదనను విరమించుకోవాలని విన్నవించడంతో పాటు హెచ్చరికలు సైతం జారీ చేశారు. అప్పుడు డిండికి పాలమూరు నుంచి నీటిని తరలించొద్దని జూపల్లి కృష్ణారావు లేఖ రాశారు. ఇప్పుడు కాంగ్రెస్‌ ప్రభుత్వంలో ఆయన మంత్రిగా ఉండి.. ఏదుల నుంచి డిండికి నీటి తరలింపుపై నోరు మెదకపోవడంపై జేఏసీ నేతలు మండిపడుతున్నారు. ఉద్యమ తీవ్రత పెంచేలా.. డిండి ప్రాజెక్ట్‌కు వ్యతిరేక ఉద్యమంలో అధికార పార్టీ ప్రజాప్రతినిధులతో పాటు రాజకీయ పార్టీల నేతలు కలిసి వచ్చేలా జేఏసీ చైర్మన్‌ రాజేందర్‌రెడ్డి, ప్రతినిధులు వీరబ్రహ్మచారి, బెక్కెం జనార్దన్‌, చెన్న కిష్టయ్య, బండెల రాంచంద్రారెడ్డి, పాలమూరు అధ్యయన వేదిక ఉమ్మడి జిల్లా కన్వీనర్‌ రాఘవాచారి తదితరులు చర్చించుకుని తమ వ్యూహాన్ని అమలు చేస్తున్నట్లు తెలుస్తోంది. ఇందులో భాగంగా ఉద్యమాన్ని తీవ్రతరం చేసేలా ఆదివారం ఉల్పర నుంచి కల్వకుర్తికి పాదయాత్ర చేపట్టనుంది. ఈ యాత్రకు ఎమ్మెల్సీ కోదండరాంతో పాటు పాలమూరు అధ్యయన వేదిక రాష్ట్ర కన్వీనర్‌, ప్రొఫెసర్‌ హరగోపాల్‌ హాజరుకానున్నారు. యాత్ర వేదికగా సీఎం రేవంత్‌రెడ్డి పేరిట బహిరంగ లేఖలు విడుదల చేయనున్నారు. కల్వకుర్తిలో ఆర్డీఓ తదితర అధికారులకు వినతిపత్రాలు అందించనున్నారు. దశల వారీగా ప్రజాప్రతినిధుల ఇళ్ల ముట్టడి, వంటావార్పు, నిరసనలు.. ఇలా పోరు కార్యాచరణను వెల్లడించనున్నట్లు సమాచారం. పోరుకు శ్రీకారం చుట్టిన జేఏసీ డిండికి నీటి తరలింపునకు సంబంధించి పాలమూరు–రంగారెడ్డి ఎత్తిపోతలలోని ఏదుల నుంచి 2.52 కిలోమీటర్ల మేర ఓపెన్‌ కాల్వతో పాటు 16 కి.మీల సొరంగం.. ఆ తర్వాత 3.05 కి.మీల మేర కాల్వను నిర్మించి దుందుభీ నదిలోకి నీళ్లు పోస్తారు. అక్కడ నీటిని మళ్లించేందుకు పోతిరెడ్డిపల్లి వద్ద రబ్బర్‌ డ్యాం నిర్మించనున్నారు. ఈ క్రమంలో ఆయా చోట్ల రిజర్వాయర్లు, కాల్వల పనులు మొదలు కాగా.. ఉమ్మడి పాలమూరు జిల్లా పెండింగ్‌ ప్రాజెక్ట్‌ల సాధన జేఏసీ పోరుకు శ్రీకారం చుట్టింది. పాలమూరు నీళ్లను డిండికి తరలించొద్దని కోరుతూ ఉమ్మడి మహబూబ్‌నగర్‌ ప్రజాప్రతినిధులకు బహిరంగ లేఖలు రాసింది. అంతేకాదు.. పోరు కార్యాచరణను రూపొందించుకుని ముందుకుసాగుతోంది. ఈ మేరకు డిండి పరిధిలో రిజర్వాయర్లు, కాల్వల సందర్శన చేపట్టి.. రైతులు, వివిధ సంఘాల నేతలతో సమావేశాలు నిర్వహిస్తూ ప్రజల్లో చైతన్యం తెచ్చేలా పోరు సన్నాహాలు ముమ్మరం చేసింది. డిండికి పాలమూరు నీటి తరలింపుపై జేఏసీ పోరు బాట ప్రజల్లో చైతన్యంతోపాటు ప్రజాప్రతినిధులపై ఒత్తిడి పెంచేలా కార్యాచరణ ఇప్పటికే అడ్డుకోవాలని బహిరంగ లేఖలు రైతులు, సంఘాల నేతలతో భేటీ నేడు ఉల్పర నుంచి కల్వకుర్తికి పాదయాత్ర... సీఎం పేరిట విజ్ఞాపన పత్రం హాజరుకానున్న ఎమ్మెల్సీ కోదండరాం, ప్రొఫెసర్‌ హరగోపాల్‌

● ఆస్పత్రిలో ఆయాగా.. కూతురి చదువుకు అండగా.. 30 ఏళ్లుగా ప్రైవేట్‌ ఆస్పత్రిలో ఆయాగా పనిచేస్తున్న పద్మకు వైద్యులను చూస్తే ఓ కల కలిగేది. ‘నా కూతురు కూడా ఒకరోజు డాక్టర్‌ కావాలి’ అనేది ఆమె కోరిక. నగరంలోని ఫైర్‌స్టేషన్‌ (టీడీగుట్ట) ప్రాంతానికి చెందిన పద్మ–కృష్ణ దంపతులకు ఇద్దరు పిల్లలు. కృష్ణ ఆటో డ్రైవర్‌గా పనిచేస్తుండగా.. పద్మ ఆస్పత్రిలో విధులు నిర్వహిస్తూ కుటుంబాన్ని నడిపింది. మధ్యతరగతి కుటుంబమైనా.. కూతురు కావేరిని డాక్టర్‌గా చూడాలన్న తల్లి ఆశయానికి ఎప్పుడూ వెనుకడుగు వేయలేదు. కావేరికి కూడా వైద్యురాలు కావాలనే లక్ష్యం ఉండటంతో తల్లి కల.. కూతురి లక్ష్యంగా మారింది. ప్రస్తుతం కావేరి సూర్యాపేట ప్రభుత్వ మెడికల్‌ కాలేజీలో ఎంబీబీఎస్‌ ఫైనలియర్‌ చదువుతోంది. ఎంబీబీఎస్‌ తర్వాత పీజీ చేసి ఎండీ జనరల్‌ మెడిసిన్‌ చేయాలనుకుంటోంది. ‘‘మా చదువులకు అమ్మ ఎప్పుడూ ఇబ్బంది రానివ్వలేదు. ఆస్పత్రిలో పనిచేస్తూ ఎన్నో కష్టాలు పడింది. నేను డాక్టర్‌ కావాలన్నదే ఆమె కల. ఎంబీబీఎస్‌ సీటు వచ్చిన తర్వాత ‘మీ కూతురు త్వరలో డాక్టర్‌ కాబోతోంది’ అని ఆస్పత్రిలో వాళ్లు చెప్పినప్పుడు అమ్మ ఎంతో సంతోషించేది’’ అని కావేరి గుర్తుచేసుకుంది. ఆస్పత్రిలో ఆయాగా మొదలైన తల్లి ప్రయాణం.. కూతురిని వైద్యురాలిగా చూసే కలతో ఇప్పుడు నెరవేరే దశకు చేరింది.

● పలు కీలక హోదాల్లో మహిళలు నారీ శక్తి కేవలం నినాదం కాదు.. అది ఒక శక్తివంతమైన పరిపాలన విధానం అని నేటి మహిళా ఉన్నత అధికారులు నిరూపిస్తున్నారు. వంట గదికి పరిమితం కావాల్సిన చేతులే జిల్లా భవిష్యత్‌ను రాసే కలాలను పట్టుకుని, పరిపాలనలో సరికొత్త ప్రమాణాలను సృష్టిస్తున్నారు. మహబూబ్‌నగర్‌ జిల్లాకు సంబంధించిన అత్యంత ముఖ్యమైన కీలక పోస్టుల్లో నారీమణులు ఉండటం విశేషం. జిల్లా యంత్రంగాన్ని చక్కదిద్దడంతో పాటు పరిపాలన అధిపతిగా బాధ్యతలతో కలెక్టర్‌ ఖుష్బూగుప్తా, జిల్లా న్యాయ వ్యవస్థను చక్కదిద్దే బాధ్యతలో జిల్లా కోర్టు ప్రధాన న్యాయమూర్తిగా ఎన్‌.ప్రేమలత, స్థానిక సంస్థల అదనపు కలెక్టర్‌గా జేఎల్‌బీ హరిప్రియ, శాంతి భద్రతలను పరిరక్షించడంలో ఎస్పీ డి.జానకి, నగరాన్ని అభివృద్ది చేసే హోదాలో మేయర్‌ జి.మమత ఉండటం విశేషం. వీరితో పాటు మహబూబ్‌నగర్‌ పార్లమెంట్‌ సభ్యురాలిగా డీకే అరుణ కొనసాగుతున్నారు. అలాగే జిల్లా రెవెన్యూ అధికారిగా నిర్మల, జిల్లా విద్యాశాఖాధికారిగా విజయకుమారి, డీఐఈఓగా రమణి, జిల్లా సంక్షేమాధికారిగా సునీత, డీటీసీ శ్రీవాణి, జిల్లా న్యాయ సేవా అధికార సంస్థ కార్యదర్శి, సీనియర్‌ సివిల్‌ జడ్జిగా డి.ఇందిర, మూడో అదనపు జూనియర్‌ సివిల్‌ జడ్జిగా అనిత, ప్రిన్సిపాల్‌ జూనియర్‌ సివిల్‌ జడ్జిగా మమతారెడ్డి, నాలుగో అదనపు జూనియర్‌ జడ్జిగా కె.భావన, పోక్సో కోర్టు జడ్జిగా తమన్‌ రాజరాజేశ్వరి, అదనపు సీనియర్‌ సివిల్‌ జడ్జిగా జి.రాధిక తమ బాధ్యతను సమర్థవంతంగా నిర్వర్తిస్తున్నారు. ఇలాంటి కీలక బాధ్యతల్లో మహిళలు ఉంటే కేవలం ఫైళ్లకు పరిమితం కాకుండా మానవీయ కోణంతో వారు చేసే పనులు జిల్లా ముఖచిత్రాన్ని మార్చేస్తుంటాయి. రేపటితరం ఆడపిల్లలకు ఈ మహిళా అధికారులే ప్రత్యేక్ష ఉదాహరణలు. కష్టపడి చదివితే ఈ ఏరంగంలోనైనా తిరుగులేని శిఖరాలను అధిరోహించవచ్చని వీరు నిరూపిస్తూనే ఉన్నారు. ఖుష్బూగుప్తాజేఎల్‌బీ హరిప్రియ డీకే అరుణ 1) ఎన్‌.ప్రేమలత 2) డి.జానకి 3) జి.మమత

● 14 ఏళ్ల కూతురి జ్ఞాపకార్థంగుడి నిర్మించిన తండ్రి అచ్చంపేట రూరల్‌: అల్లారుముద్దుగా పెంచుకున్న కూతురు 14 ఏళ్లకే అనారోగ్యంతో దూరమైంది. ఆ బాధను జీర్ణించుకోలేక.. ఆమె జ్ఞాపకాలను పదిలం చేసుకునేందుకు తల్లిదండ్రులు గుడి నిర్మించారు. నిత్యం అక్కడ దీపం వెలిగిస్తూ కూతురిని తలుచుకుంటున్నారు. నాగర్‌కర్నూల్‌ జిల్లా కొల్లాపూర్‌ మండలం చుక్కాయిపల్లికి చెందిన మద్దరి రమేష్‌ అచ్చంపేట సివిల్‌ కోర్టులో కానిస్టేబుల్‌గా పనిచేస్తున్నారు. ఆయన భార్య వరలక్ష్మి. 2009లో వివాహమైన ఈ దంపతులకు ముగ్గురు సంతానం. పెద్ద కూతురు గీతిక 2011 జూలై 17న జన్మించింది. పుట్టిన సమయంలో తలెత్తిన సమస్యలతో అనారోగ్యానికి గురైన గీతికకు 14 ఏళ్ల పాటు చికిత్స అందించారు. చివరకు 2024 అక్టోబర్‌ 21న మృతి చెందింది. కూతురి మరణాన్ని తట్టుకోలేకపోయిన తల్లిదండ్రులు ఆమె జ్ఞాపకార్థం స్వగ్రామంలోని తమ స్థలంలో చిన్న గుడి నిర్మించి, ప్రతిమ ఏర్పాటు చేశారు. రోజూ అక్కడ దీపం వెలిగిస్తూ.. గుర్తొచ్చినప్పుడల్లా కాసేపు కూర్చుని కూతురి జ్ఞాపకాలను నెమరేసుకుంటున్నారు. ‘‘పాపను ప్రాణంలా పెంచాం. విధి మాకు దూరం చేసినా.. ఆమె జ్ఞాపకాలను మాత్రం మరిచిపోలేకపోతున్నాం. మా కళ్లెదుటే ఉన్నట్టుగా అనిపించేందుకు గుడి కట్టాం. పుట్టినరోజు, వర్ధంతి రోజుల్లో ప్రత్యేక పూజలు చేస్తాం. గుర్తొచ్చినప్పుడల్లా గుడి వద్దకు వెళ్లి కాసేపు కూర్చుంటాం’’ అని తండ్రి రమేష్‌ కన్నీటి పర్యంతమయ్యారు.

● వైస్‌ చైర్మన్‌గా రామకృష్ణ, కోశాధికారిగా రమణయ్య ● రెడ్‌క్రాస్‌ సొసైటీ నూతన కార్యవర్గం ఏకగ్రీవంగా ఎన్నిక పాలమూరు: సాధారణ ఎన్నికలను తలపించేలా 15 రోజులుగా ఉత్కంఠ రేపిన మహబూబ్‌నగర్‌ ఇండియన్‌ రెడ్‌క్రాస్‌ సొసైటీ నూతన కార్యవర్గం ఎన్నిక ఏకగ్రీవంగా ముగిసింది. 15 పోస్టులకు 19 మంది నామినేషన్లు దాఖలు చేయగా.. నలుగురు ఉపసంహరించుకోవడంతో మిగిలిన 15 మంది ఏకగ్రీవంగా ఎన్నికయ్యారు. ఎన్నికల అధికారి డి.క్రిష్ణ నూతన కార్యవర్గాన్ని ప్రకటించారు. ఈ నెల 19న ఎన్నికల నోటిఫికేషన్‌ వెలువడగా.. 24న నామినేషన్లు స్వీకరించారు. మొత్తం 15 పోస్టులకు 19 మంది నామినేషన్లు దాఖలు చేశారు. 25న పరిశీలన అనంతరం శనివారం నామినేషన్ల ఉపసంహరణకు అవకాశం కల్పించారు. ఈ సందర్భంగా గుండా మనోహర్‌, పవన్‌కుమార్‌, ప్రవీణ్‌కుమార్‌, రమేష్‌కుమార్‌ తమ నామినేషన్లను ఉపసంహరించుకున్నారు. దీంతో 15 పోస్టులకు 15 మంది మాత్రమే మిగలడంతో వారిని ఏకగ్రీవంగా ప్రకటించారు. సీల్డ్‌ కవర్‌లో పేర్లు.. ఎన్నికల సందర్భంగా నూతన కార్యవర్గంలో ఎవరెవరికి అవకాశం దక్కుతుందనే అంశంపై ఉత్కంఠ నెలకొంది. కార్యవర్గం పేర్లు సీల్డ్‌ కవర్‌లో రావడం చర్చనీయాంశంగా మారింది. మాజీ కోశాధికారి జగపతిరావు సీల్డ్‌ కవర్‌ను తెరిచి పేర్లను వెల్లడించారు. అనంతరం నిర్ణయించిన పదవులకు నామినేషన్లు దాఖలు చేశారు. చైర్మన్‌గా కేఎస్‌ రవికుమార్‌, వైస్‌ చైర్మన్‌గా ఆర్‌.రామకృష్ణ, కోశాధికారిగా జి.రమణయ్య, రాష్ట్ర ఈసీ సభ్యుడిగా డాక్టర్‌ శ్యామూల్‌ నామినేషన్లు వేశారు. ఆయా పోస్టులకు ఒక్కో నామినేషన్‌ మాత్రమే రావడంతో వారు ఎన్నికయ్యారు. ఇక కార్యవర్గ సభ్యులుగా బాబుల్‌రెడ్డి, పుట్టపాగ రఘుపతి, డాక్టర్‌ విష్ణుజనార్ధన్‌, లక్ష్మీనారాయణ, దేవిక బాద్మీ, ధర్మరాజు, తిరుపతిరెడ్డి, జయరాములు, రవికుమార్‌ యాదవ్‌, జగపతిరావు, ప్రసాద్‌ ఎన్నికయ్యారు.

జెడ్పీసెంటర్‌(మహబూబ్‌నగర్‌): చాకలి ఐలమ్మ నేటి తరానికి స్ఫూర్తి ప్రదాత అని కలెక్టర్‌ శ్రీమతి ఖుష్బూగుప్తా అన్నారు. చాకలి ఐలమ్మ జయంతి సందర్భంగా శనివారం కలెక్టరేట్‌లోని మీటింగ్‌హాల్‌లో చాకలి ఐలమ్మ చిత్రపటానికి పూల మాలలు వేసి నివాళులు అర్పించారు. ఈ సందర్భంగా కలెక్టర్‌ మాట్లాడుతూ ప్రపంచానికి తెలంగాణ తెగువను పోరాట పటిమను పరిచయం చేసిన చాకలి ఐలమ్మను స్మరించుకోవడం సంతోషంగా ఉందన్నారు. ఆమె ఆశయాలను కొనసాగిస్తామని, భావితరాలకు ఆమె చరిత్రను అందించాల్సిన అవసరం ఉందన్నారు. ప్రతి ఇంటా చాకలి ఐలమ్మ విజయగాధ ప్రతి ధ్వనిస్తూనే ఉంటుందని పేర్కొన్నారు. కార్యక్రమంలో అడిషనల్‌ కలెక్టర్‌ హరిప్రియ, డీఆర్‌ఓ నిర్మల, ఏఓ సువర్ణ రాజ్‌, డీటీ రాజీవ్‌రెడ్డి, వివిధ శాఖల ఉద్యోగులు పాల్గొన్నారు.

హైదరాబాద్‌–పనాజీ కారిడార్‌లోని ఎన్‌హెచ్‌–167 దేవసూగురు–జడ్చర్ల సెక్షన్‌ను నాలుగు లేన్లుగా విస్తరించే భారత్‌మాల ప్రాజెక్టు పనులు దేవరకద్ర పరిధిలో చురుగ్గా సాగుతున్నాయి. నాలుగు గ్రామాల పరిధిలో వ్యవసాయ భూములతో పాటు ప్లాట్లు, నాలా కన్వర్షన్‌ భూములను భూసేకరణలోకి తీసుకున్నారు. దేవరకద్రలో 71 మంది రైతులకు చెందిన 25 ఎకరాలు, ప్లాట్లు కలిపి 169 మంది ప్రభావితమవుతుండగా రూ.11.32 కోట్లకుపైగా పరిహారం ప్రకటించారు. బల్సుపల్లిలో 33 మంది రైతులకు చెందిన 14.09 ఎకరాలతో పాటు ప్లాట్లు కలిపి 120 మందికి రూ.15.76 కోట్లకు పైగా, గోప్లాపూర్‌లో 76 మంది రైతులకు చెందిన 22.03 ఎకరాలతో పాటు ప్లాట్లు కలిపి 203 మందికి రూ.17.39 కోట్ల పరిహారం ప్రకటించారు. చౌదర్‌పల్లిలో 67 మంది రైతులకు చెందిన 11.32 ఎకరాలతో పాటు ప్లాట్లు కలిపి భూయజమానులకు రూ.11.21 కోట్ల పరిహారం మంజూరైంది. దాదాపు అందరికీ పరిహారం చెల్లింపులు పూర్తికావడంతో భారత్‌మాల బైపాస్‌ పనులు వేగం పుంజుకున్నాయి.

జెడ్పీసెంటర్‌ (మహబూబ్‌నగర్‌): పేదలు వేసుకున్న గుడిసెలను తొలగిస్తే ఊరుకునేది లేదని మాజీ మంత్రి శ్రీనివాస్‌గౌడ్‌ అన్నారు. మోతీనగర్‌లోని వడ్డెర బస్తీలో ఇటీవల కాలిపోయిన గుడిసెను శుక్రవారం ఆయన పరిశీలించారు. బాధితులను వివరాలు అడిగి తెలుసుకున్నారు. గుడిసెలను తొలగిస్తామని ఎవరైనా వస్తే అధికారుల దృష్టికి తీసుకురావాలని, ఎవరికీ డబ్బులు ఇవ్వొద్దని సూచించారు. పేదల గుడిసెల జోలికి వస్తే తమ పార్టీ తరఫున పోరాటం చేస్తామని తెలిపారు. చెట్ల కింద జీవిస్తున్న పేదలకు గుడిసెలు వేసుకునేందుకు బీఆర్‌ఎస్‌ ప్రభుత్వ హయాంలో స్థలం కేటాయించినట్లు పేర్కొన్నారు. తమ ప్రభుత్వం అధికారంలోకి వచ్చిన వెంటనే అక్కడే ఇళ్లు నిర్మిస్తామని చెప్పారు. ఇటీవల అగ్నిప్రమాదంలో కాలిపోయిన గుడిసెకు తన సొంత ఖర్చుతో రేకులు వేయించి ఇస్తానని హామీ ఇచ్చారు. గుడిసె కాలిన వెంటనే స్థానిక బీఆర్‌ఎస్‌ కార్పొరేటర్లు వచ్చి బాధిత కుటుంబానికి సహాయం అందించారని తెలిపారు. వడ్డెర బస్తీలో లైటింగ్‌ తదితర సమస్యలు ఉన్నాయని, వాటి పరిష్కారానికి పార్టీ కార్పొరేటర్లు అధికారులను కలిసి చర్యలు తీసుకుంటారని చెప్పారు. మాజీ ముడా చైర్మన్‌ వెంకన్న, కార్పొరేటర్‌ మధుమోహన్‌, సీనియర్‌ నాయకులు నరేష్‌, సిద్ధిక్‌, బీఆర్‌ఎస్‌ పట్టణ అధ్యక్షుడు శివరాజ్‌ తదితరులు పాల్గొన్నారు. పేదల గుడిసెల జోలికి వస్తే పోరాటం చేస్తాం మాజీ మంత్రి శ్రీనివాస్‌గౌడ్‌ హామీ

నారాయణపేట: వర్షాకాలం ముగింపు దశకు చేరుకున్నా ఉమ్మడి పాలమూరు జిల్లాను వర్షాభావ పరిస్థితులు వీడటం లేదు. వానాకాలం ముగియడానికి వారం రోజులే ఉండటంతో.. రైతుల్లో ఆందోళన నెలకొంది. జూన్‌ 1 నుంచి సెప్టెంబర్‌ 23 వరకు నమోదైన వర్షపాత గణాంకాలను పరిశీలిస్తే నారాయణపేట, వనపర్తి జిల్లాల్లో 35 శాతం, జోగుళాంబ గద్వాలలో 42 శాతం, మహబూబ్‌నగర్‌లో 29 శాతం, నాగర్‌కర్నూల్‌లో 32 శాతం లోటు నమోదైంది. నారాయణపేట జిల్లాను పరిశీలిస్తే.. నారాయణపేట జిల్లాలోని 11 మండలాల్లో జూన్‌ 1 నుంచి సెప్టెంబర్‌ 23 వరకు జిల్లా సగటు సాధారణ వర్షపాతం 469.5 మి.మీ. కాగా.. ఇప్పటి వరకు 306.6 మి.మీ. మాత్రమే నమోదైంది. మద్దూర్‌, కోస్గి మండలాల్లో మాత్రమే సాధారణ వర్షపాతం నమోదైంది. అధిక వర్షపాతం నమోదైన మండలం ఒక్కటీ లేకపోవడం గమనార్హం. మండలాల వారీగా పరిశీలిస్తే నర్వలో అత్యధికంగా 47 శాతం, ఊట్కూర్‌, మాగనూర్‌, మక్తల్‌లో 42 శాతం చొప్పున లోటు ఉంది. మరికల్‌లో 42, ధన్వాడలో 41, నారాయణపేటలో 38, దామరగిద్దలో 37, కృష్ణాలో 35, గుండుమాల్‌లో 29, కొత్తపల్లిలో 31 శాతం లోటు నమోదైంది. మద్దూర్‌ మండలంలో సాధారణ వర్షపాతం 421.2 మి.మీ.గాను 377.7 మి.మీ. నమోదై 10 శాతం లోటుతో సాధారణ స్థితిలో ఉంది. కోస్గిలో సాధారణ వర్షపాతం 519.2 మి.మీ.కుగాను 452.7 మి.మీ. నమోదై 13 శాతం లోటుతోనూ సాధారణ వర్షపాతం కేటగిరీలో ఉంది. వర్షాకాలం ముగింపు దశకు చేరుతున్నా జిల్లాలో 35 శాతం వర్షపాతం లోటు కొనసాగుతుండటంతో వర్షాధార పంటలపై ఆందోళన నెలకొంది. మహబూబ్‌నగర్‌ జిల్లాలో.. మహబూబ్‌నగర్‌ జిల్లాలోని 17 మండలాల్లో 11 మండలాల్లో లోటు వర్షపాతం, ఒక మండలంలో తీవ్ర లోటు నమోదుకాగా.. ఐదు మండలాల్లో సాధారణ వర్షపాతం నమోదైంది. జిల్లా సాధారణ వర్షపాతం 487.7 మి.మీ. కాగా.. ఇప్పటి వరకు 345.5 మి.మీ. మాత్రమే నమోదైంది. బుధవారం జిల్లాలో 3.9 మి.మీ. వర్షపాతం నమోదైంది. చిన్నచింతకుంట మండలంలో అత్యంత దారుణ పరిస్థితి నెలకొంది. సాధారణంగా 433.8 మి.మీ. వర్షపాతం నమోదు కావాల్సి ఉండగా కేవలం 171.1 మి.మీ. మాత్రమే కురిసింది. 61 శాతం లోటు నమోదై ‘లార్జ్‌ డెఫిషియెంట్‌’గా నమోదైంది. మహబూబ్‌నగర్‌ రూరల్‌లో 52 శాతం, అడ్డాకులలో 51 శాతం, మహబూబ్‌నగర్‌ అర్బనన్‌లో 49 శాతం, కౌకుంట్ల, ముసాపేటలో 43 శాతం, భూత్పూర్‌లో40 శాతం, కోయిల్‌కొండలో 37 శాతం లోటు నమోదైంది. గండీడ్‌, నవాబ్‌పేట, బాలానగర్‌, జడ్చర్ల, మహ్మదాబాద్‌ మండలాల్లో సాధారణ వర్షపాతం నమోదైంది. గండీడ్‌, నవాబ్‌పేటలో సాధారణానికి 2 శాతం అధికంగా వర్షపాతం నమోదైంది. తుదిదశకు చేరుకున్న వానాకాలం ఉమ్మడి జిల్లాను వీడని వర్షాభావం చెరువులు వెలవెల.. భూగర్భ జలం తగ్గుముఖం వాడుముఖం పట్టిన పంటలు.. ఆందోళనలో అన్నదాతలు

రైలు పరుగులు.. రహదారి విస్తరణ.. బ్రహ్మోస్‌ రాక దేవరకద్ర రూరల్‌: నిన్నటి దేవరకద్రకు.. రేపటి దేవరకద్రకు మధ్య భారీ మార్పు కనిపించనుంది. రైల్వే డబ్లింగ్‌, భారత్‌మాల కింద నాలుగు లేన్ల రహదారి, ప్రతిష్టాత్మక బ్రహ్మోస్‌ ప్రాజెక్ట్‌.. ఈ మూడు భారీ పనులతో ప్రాంత రూపురేఖలు మారుతున్నాయి. ఇందుకోసం వందల ఎకరాల భూమిని సేకరిస్తున్నారు. భూములు కోల్పోతున్న రైతులకు కోట్ల రూపాయల పరిహారం అందుతోంది. రవాణా, పారిశ్రామిక, వాణిజ్య కార్యకలాపాలకు ఊతమిచ్చే ఈ ప్రాజెక్టులు దేవరకద్రను అభివృద్ధి దిశగా తీసుకెళ్తుండగా.. భూములే ఆధారంగా జీవిస్తున్న రైతులపై మాత్రం కొత్త పరిస్థితులు ప్రభావం చూపుతున్నాయి. ప్రతిష్టాత్మక బ్రహ్మోస్‌ ప్రాజెక్ట్‌ కోసం 416.09 ఎకరాల భూమిని అధికారులు గుర్తించారు. ఇందులో 63 ఎకరాలు ప్రభుత్వ భూమి, 20.29 ఎకరాలు అసైన్డ్‌ భూమి కాగా.. మిగతా పట్టా భూమిని రైతుల నుంచి సేకరిస్తున్నారు. చౌదర్‌పల్లిలో 17.18, బస్వాయపల్లిలో 126.09, జీన్గురాలలో 187.37 ఎకరాల పట్టా భూమి సేకరణలో ఉంది. మూడు గ్రామాల్లో కలిపి 332 ఎకరాలను 148 మంది రైతుల నుంచి తీసుకోనున్నారు. పరిహారం అంశంపై ఇటీవల కలెక్టరేట్‌లో రైతులతో అధికారులు చర్చించారు. ఎకరాకు రూ.20 లక్షల చొప్పున పరిహారం చెల్లించేందుకు ప్రభుత్వం నుంచి హామీ లభించినట్లు తెలుస్తోంది. బ్రహ్మోస్‌ కోసం సర్వే జరుపుతున్న అధికారులు మూడు ప్రతిష్టాత్మక ప్రాజెక్టులతో దేవరకద్ర రూపు రేఖలు వేగంగా సాగుతున్న రైల్వే డబ్లింగ్‌, భారత్‌మాల నాలుగు లైన్ల రోడ్డు పనులు వందల ఎకరాల భూసేకరణ.. రూ.కోట్లలో పరిహారం రవాణా, పారిశ్రామిక రంగాలకు కొత్త ఊపు

ముగ్గురు అన్నదమ్ములమైన మాకు ఉన్న మొత్తం 6 ఎకరాల భూమి బ్రహ్మోస్‌ ప్రాజెక్టు కోసం సేకరణలోకి వచ్చింది. పరిహారం వస్తుంది.. కానీ జీవనాధారమైన పొలం మొత్తం పోతుంది. ఇక ముందు ఏం చేయాలో భయంగా ఉంది. పరిహారంతో పాటు ఉపాధి కూడా కల్పించాలి. – విజయ్‌, రైతు, జీన్గురాల ముందుగా దారి ఏర్పాటు చేయాలి డోకూర్‌లో డబ్లింగ్‌ పనుల కోసం గుర్తించిన స్థలంలో గ్రామ పంచాయతీ రోడ్డు ఉంది. ఇది కొత్త కాలనీలు, పొలాలు, దేవరకద్రకు వెళ్లే ప్రధాన మార్గం. భూములు తీసుకుంటే పొలాలకు వెళ్లే దారి లేకుండా పోతుంది. ఇప్పటికే అండర్‌ బ్రిడ్జి కారణంగా పలు కాలనీలకు రాకపోకల్లో ఇబ్బందులు ఉన్నాయి. ఇప్పుడు మరో సమస్య ఏర్పడుతుంది. ముందుగా ప్రత్యామ్నాయ దారి ఏర్పాటు చేసిన తర్వాతే పనులు చేపట్టాలి. – శ్రీనివాసులు, సర్పంచ్‌, డోకూర్‌ చారిత్రాత్మక గుర్తింపు మూడు భారీ ప్రాజెక్టులతో దేవరకద్రకు చారిత్రాత్మక గుర్తింపు రానుంది. స్థానికులకు ఉద్యోగ, ఉపాధి అవకాశాలు పెరుగుతాయి. ముఖ్యంగా బ్రహ్మోస్‌ ప్రాజెక్టులో భూములు కోల్పోయిన రైతు కుటుంబాలకు ఉద్యోగాల్లో ప్రాధాన్యత లభించేలా కృషి చేస్తాను. – మధుసూదన్‌ రెడ్డి, ఎమ్మెల్యే, దేవరకద్ర ●

జెడ్పీసెంటర్‌(మహబూబ్‌నగర్‌): గ్రామాల సమగ్ర అభివృద్ధికి వికసిత్‌ గ్రామ పంచాయతీ ప్రణాళికలను పక్కాగా రూపొందించాలని అదనపు కలెక్టర్‌ మధుసూదన్‌ నాయక్‌ సూచించారు. శుక్రవారం కలెక్టరేట్‌లో తొమ్మిది మండలాల సర్పంచులు, ఎంపీడీఓలు, ఎంపీఓలు, పంచాయతీ కార్యదర్శులు, క్షేత్రస్థాయి సిబ్బందికి ప్రణాళికల రూపకల్పనపై శిక్షణ ఇచ్చారు. అక్టోబర్‌ 1 నుంచి 2027 జూన్‌ వరకు ఉపాధి కల్పనతోపాటు గ్రామాభివృద్ధికి ఉపయోగపడే పనులను గుర్తించి ప్రణాళికల్లో చేర్చాలన్నారు. వర్షాభావ పరిస్థితుల దృష్ట్యా నీటి భద్రతకు అత్యధిక ప్రాధాన్యం ఇవ్వాలని సూచించారు. చెక్‌డ్యామ్‌లు, ఫామ్‌పాండ్లు, పర్కొలేషన్‌ ట్యాంకులు, రీచార్జ్‌ బోర్‌వెల్లు, సోక్‌పిట్లు వంటి నీటి సంరక్షణ పనులను చేపట్టాలన్నారు. మౌలిక వసతులు, జీవనోపాధి, నీటి సంరక్షణ, వర్షాభావ నివారణకు ప్రాధాన్యమివ్వాలని చెప్పారు. పాఠశాలలు, అంగన్‌వాడీ, పంచాయతీ, వీఓ భవనాలు, డ్రైనేజీలు, తాగునీరు, పారిశుద్ధ్య సదుపాయాల అవసరాలను గుర్తించి ప్రణాళికల్లో పొందుపరచాలన్నారు. ఈ నెల 30లోగా గ్రామాల వారీగా ప్రణాళికలను సిద్ధం చేసి సమర్పించాలని ఆదేశించారు. అక్టోబర్‌ 2న జరిగే గ్రామసభల్లో అభివృద్ధి అంశాలపై చర్చించి తీర్మానాలు చేయాలని సూచించారు. కార్యక్రమంలో జిల్లా అధికారులు వేణుగోపాల్‌, గోవింద నాయక్‌, జయాబాయి, శివానంద స్వామి, జెడ్పీ సీసీఓ వెంకట్‌రెడ్డి, డీఆర్‌డీఓ నరసింహులు తదితరులు పాల్గొన్నారు. ఆరోగ్య సేవల్లో ఫార్మాసిస్ట్‌ల పాత్ర కీలకం పాలమూరు: ఆస్పత్రులు, ఆరోగ్య వ్యవస్థలో ఫార్మాసిస్ట్‌ల పాత్ర అత్యంత కీలకంగా ఉంటుందని జిల్లా వైద్యారోగ్యశాఖ అధికారి డాక్టర్‌ శ్రీనివాసులు అన్నారు. ప్రపంచ ఫార్మాసిస్ట్‌ దినోత్సవం సందర్భంగా శుక్రవారం పాత డీఎంహెచ్‌టో కార్యాలయంలో ప్రత్యేక సమావేశం నిర్వహించారు. ప్రతి ఆస్పత్రిలో కూడా ఆరోగ్య సేవలు సజావుగా కొనసాగడంలో ఫార్మాసిస్ట్‌లు ప్రముఖంగా ఉంటారని తెలిపారు. రాబోయో రోజుల్లో కూడా ఫార్మాసిస్ట్‌లు బాధ్యతతో రోగులకు సేవలు అందించాలన్నారు. ఆ తర్వాత కేకు కట్‌ చేసి వేడుకలు జరుపుకోవడంతో పాటు ఫార్మాసిస్ట్‌లను సత్కరించారు. సీహెచ్‌ఐ కో–ఆర్డినేటర్‌ డాక్టర్‌ శివకాంత్‌, పీహెచ్‌సీల ఫార్మాసిస్ట్‌లు పాల్గొన్నారు. ఇంజనీరింగ్‌ కళాశాల ల్యాబ్‌ తనిఖీ మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ ఇంజనీరింగ్‌ కళాశాల డ్రాయింగ్‌ ల్యాబ్‌ను వీసీ శ్రీనివాస్‌ తనిఖీ చేశారు. డ్రాయింగ్‌ చేస్తున్న విద్యార్థులతో మాట్లాడి వారి ప్రాక్టికల్‌ నైపుణ్యాలను అడిగి తెలుసుకున్నారు. ఇంజనీరింగ్‌ విద్యలో డ్రాయింగ్‌ నైపుణ్యాలు కీలకమని, ల్యాబ్‌లోని పరికరాలను సద్వినియోగం చేసుకుని సబ్జెక్టుపై పట్టు సాధించాలని సూచించారు. సాంకేతిక నైపుణ్యాలతో పాటు సృజనాత్మకత, సమస్య పరిష్కార సామర్థ్యాలను పెంపొందించుకోవాలని తెలిపారు. తుది జాబితా ప్రకటించని కార్మిక శాఖ అధికారులు మహబూబ్‌నగర్‌ మున్సిపాలిటీ: ఆర్టీసీలో గుర్తింపు సంఘం ఎన్నికల ప్రక్రియ అధికారికంగా ఈనెల 21న ఆరంభమైంది. అందులో భాగంగా మహబూబ్‌నగర్‌ రీజియన్‌ పరిధిలోని పది డిపోలలో పనిచేసే సిబ్బంది పూర్తి వివరాలను అదే రోజు జిల్లా కార్మికశాఖ అధికారులకు డీఎంలు పంపించారు. అయితే 22న ప్రాథమిక ఓటర్ల జాబితాను గాని, 25న తుది జాబితాను గాని డిపోల వారీగా ఆ శాఖ ప్రకటించకపోవడం గమనార్హం. దీంతో ఈ ఎన్నికల్లో ఎంత మంది ఓటర్లు అర్హత కలిగి ఉన్నారనేది ఇంకా స్పష్టం కాలేదు. పనిచేసే చోటే ఓటు హక్కు కల్పించాలి గుర్తింపు సంఘం ఎన్నికల్లో భాగంగా ఏ డిపో పరిధిలో పనిచేసే సిబ్బందికి అక్కడే వచ్చే నెల 9న ఓటు వేసేందుకు అవకాశం కల్పించాలని టీజీఎస్‌ ఆర్టీసీ టీడబ్ల్యూయూ రీజియన్‌ కార్యదర్శి ఎం.మధుసూదన్‌ కోరారు. శుక్రవారం కలెక్టరేట్‌లోని జిల్లా కార్మిక శాఖ కార్యాలయంలో వినతిపత్రం అందజేశారు. వివిధ డిపో లలో ఇటీవల భారీగా బదిలీలు జరిగాయని ఈ విషయాన్ని దృష్టిలో ఉంచుకోవాలన్నారు.

పాలమూరు: భవిష్యత్‌ సవాళ్లను ఎదుర్కొనేలా పిల్లలకు సాధారణ విద్యతో పాటు సాంకేతిక నైపుణ్యాలను పెంపొందించే విద్యను అందించాలని ప్రభు త్వ విప్‌, ఎమ్మెల్యే యెన్నం శ్రీనివాస్‌రెడ్డి అన్నారు. ఏఐ, ఆటోమేషన్‌ కారణంగా ప్రపంచవ్యాప్తంగా ఉద్యోగ రంగంలో వేగంగా మార్పులు చోటుచేసు కుంటున్నాయని తెలిపారు. శుక్రవారం నగరంలోని క్యాంపు కార్యాలయంలో నిర్వహించిన విలేకరుల సమావేశంలో ఆయన మాట్లాడారు. ఏఐ యుగానికి అనుగుణంగా విద్యార్థులకు ఉపయోగపడే విద్యకు ప్రాధాన్యం ఇస్తున్నామని చెప్పారు. కేజీ నుంచి పీజీ వరకు ఒకే ప్రాంగణంలో సమగ్ర విద్య అందించేలా చర్యలు చేపడుతున్నట్లు తెలిపారు. పాఠశాలలు, ఇంటర్‌, డిగ్రీ కళాశాలల అభివృద్ధికి ప్రత్యేక కార్యాచరణతో ముందుకు సాగుతున్నామని పేర్కొన్నారు. బాలికల జూనియర్‌ కళాశాల అభివృద్ధికి రూ.6.86 కోట్లతో భవన నిర్మాణ పనులు చేపడుతున్నట్లు తెలిపారు. ఎంవీఎస్‌ జూనియర్‌ కళాశాల భవనానికి రూ.7.95 కోట్లు, ఎంవీఎస్‌ డిగ్రీ కళాశాల సమగ్ర అభివృద్ధికి రూ.70 కోట్లు కేటాయించినట్లు చెప్పారు. ఎంవీఎస్‌ డిగ్రీ కళాశాల 60వ వార్షికోత్సవాలకు సీఎం రేవంత్‌రెడ్డిని ఆహ్వానిస్తామని వెల్లడించారు. పీయూలో ఇంజినీరింగ్‌, లా కళాశాల భవనాల నిర్మాణ పను లు వేగంగా కొనసాగుతున్నాయని తెలిపారు. వీరన్నపేటలో రెండు మైనార్టీ రెసిడెన్షియల్‌ పాఠశాలల ఏర్పాటుకు ప్రతిపాదనలు పంపామని, త్వరలో శంకుస్థాపన చేస్తామని చెప్పారు. రూ.200 కోట్లతో యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూల్‌ పనులు ప్రారంభిస్తామని వెల్లడించారు. టాటా టెక్నాలజీస్‌ భాగస్వామ్యంతో సాంకేతిక శిక్షణ కార్యక్రమాలు, ఐటీఐలు, స్కిల్‌ డెవలప్‌మెంట్‌ కేంద్రాల ద్వారా యువతకు ఆధునిక నైపుణ్యాలు అందించే కార్యక్రమాలు చేపడతామని తెలిపారు.ముడా చైర్మన్‌ లక్ష్మణ్‌ యాదవ్‌, డిప్యూటీ మేయర్‌ సురేందర్‌రెడ్డి, ఎన్‌పీ వెంకటేష్‌, మల్లు నర్సింహారెడ్డి, సీజే బెనహర్‌ పాల్గొన్నారు. ఏఐ, ఆటోమేషన్‌తో ఉద్యోగ రంగంలో వేగవంతమైన మార్పులు నగర విద్యాభివృద్ధిపై ప్రత్యేక దృష్టి ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి

రైల్వే డబ్లింగ్‌ పనుల కోసం ఐదు గ్రామాల పరిధిలో 247 మంది రైతులకు చెందిన పట్టా భూములను సేకరించారు. వెంకటాయపల్లిలో 2.25, బల్సుపల్లిలో 4.20, దేవరకద్రలో 5, డోకూర్‌లో 8.07, గోపన్‌పల్లిలో 5.03 ఎకరాల భూమిని అధికారులు గుర్తించారు. దేవరకద్ర మినహా మిగతా గ్రామాల్లో పరిహారం చెక్కులు సిద్ధమయ్యాయి. వెంకటాయపల్లికి రూ.46.56 లక్షలు, బల్సుపల్లికి రూ.88.79 లక్షలు, గోపన్‌పల్లికి రూ.80.62 లక్షలు, డోకూర్‌కు రూ.1.24 కోట్ల పరిహారం చెల్లించనున్నారు. అయితే డోకూర్‌లో సర్వే చేసిన భూమిలో పొలాలు, కాలనీలకు వెళ్లే దారి ఉండటంతో ప్రత్యామ్నాయ మార్గం ఏర్పాటు చేసిన తర్వాతే చెక్కులు తీసుకుంటామని రైతులు చెబుతున్నారు. మరోవైపు డబ్లింగ్‌ పనులు మాత్రం వేగంగా సాగుతున్నాయి.

● ఏడాది క్రితం తమ్ముడు.. ఇప్పుడు అన్న ● ఇద్దరు కొడుకులనూ కోల్పోయిన తల్లిదండ్రులు ● మహమ్మదాబాద్‌ మండలం దేశాయిపల్లిలో విషాదం మహమ్మదాబాద్‌: ఆ తల్లిదండ్రులకు కొడుకులే ఆధారం. ఏడాది క్రితం అనారోగ్యంతో చిన్న కుమారుడిని కోల్పోయారు. ఆ విషాదం నుంచి తేరుకోకముందే ఇప్పుడు పెద్ద కుమారుడు కూడా రోడ్డు ప్రమాదంలో దూరమయ్యాడు. ఇద్దరు కొడుకులనూ కోల్పోయిన ఆ తల్లిదండ్రు ల రోదనతో దేశాయిపల్లి గ్రామంలో విషాదఛాయలు అలుముకున్నాయి. మహబూబ్‌నగర్‌ జిల్లా మహమ్మదాబాద్‌ మండలం దేశాయిపల్లికి చెందిన కుర్వ కిష్టయ్య కుమారుడు మల్లేష్‌ (27) శుక్రవారం ఉదయం బైక్‌పై కొంరెడ్డిపల్లికి బయలుదేరాడు. ఈ క్రమంలో తాండూరు వైపు నుంచి వస్తు న్న ఆర్టీసీ అద్దె బస్సు (టీఎస్‌06 యూసీ 3213) అతడి ద్విచక్రవాహనాన్ని ఢీకొంది. బైక్‌తో పాటు మల్లేష్‌ను బస్సు కొంతదూరం ఈడ్చుకెళ్లడంతో రోడ్డంతా తీవ్ర రక్తాస్రావమైంది. దీంతో ఆ యువకుడు అక్కడికక్కడే మృత్యువాతపడ్డాడు. కుటుంబానికి తీరని లోటు కిష్టయ్యకు ఇద్దరు కుమారులు. చిన్న కుమారుడు మల్లయ్య ఏడాది క్రితం అనారోగ్యంతో మృతి చెందాడు. ఇప్పుడు పెద్ద కుమారుడు మల్లేష్‌ కూడా ప్రమాదంలో మృతి చెందడంతో తల్లిదండ్రులు తీవ్ర విషాదంలో మునిగిపోయారు. మృతుడికి భార్య రత్నమాలతోపాటు ముగ్గురు కుమార్తెలు, ఓ కుమారుడు ఉన్నారు. వైన్స్‌లో దినసరి కూలీగా పనిచేస్తూ కుటుంబాన్ని పోషించుకునేవాడు. అందరితో కలుపుగోలుగా ఉండే మల్లేష్‌ ఆకస్మిక మృతితో కుటుంబ సభ్యులు కన్నీరుమున్నీరయ్యారు. భార్య రత్నమాల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు మహమ్మదాబాద్‌ ఎస్‌ఐ శేఖర్‌రెడ్డి తెలిపారు. మహేష్‌

తిమ్మాజిపేట: యువ టూరిజం క్లబ్‌ పాఠశాల, కళాశాలల స్థాయిలో తెలంగాణ పర్యాటక ప్రదేశాలు, సాంస్కృతిక వారసత్వం వంటి పోటీల్లో తిమ్మాజిపేట విద్యార్థి నోహాకు జిల్లా స్థాయి ప్రథమ బహుమతి సాధించాడు. నాగర్‌కర్నూల్‌ జిల్లా కేంద్రంలో గురువారం షార్ట్‌ ఫిలీంలు చేశారు. ఈ పోటీల్లో తిమ్మాజిపేట ప్రభుత్వ కళాశాల విద్యార్థి నోహా ప్రథమ బహుమతి గెలుచుకోవడంతో శుక్రవారం స్థానిక కళాశాల ఆవరణలో ప్రిన్సిపాల్‌ అనసూయ విద్యార్థిని నోహాను శాలువాతో సత్కరించి అభినందించారు. రాష్ట్రస్థాయి పోటీల్లో కూడా పాల్గొని ఉత్తమ ప్రతిభ కనబరిచి ప్రథమ బహుతి తీసుకొచ్చి కళశాల, తిమ్మాజిపేటకు మంచిపేరు తీసుకురావాలని సూచించారు. కార్యక్రమంలో అధ్యాపకులు, విద్యార్థులు పాల్గొన్నారు. నిమజ్జనంలో అపశ్రుతి.. హైదరాబాద్‌ వాసి మృతి కొల్లాపూర్‌ రూరల్‌: గణేశ్‌ విగ్రహ నిమజ్జనానికి వచ్చిన ఓ వ్యక్తి కృష్ణానదిలో మునిగి గల్లంతై మృతి చెందిన సంఘటన నాగర్‌కర్నూల్‌ జిల్లా కొల్లాపూర్‌ మండలం సోమశిల సమీపంలో శుక్రవారం చోటుచేసుకుంది. కొల్లాపూర్‌ ఎస్‌ఐ ఆనంద్‌ తెలిపిన వివరాల ప్రకారం.. హైదరాబాద్‌లోని ఉప్పుగూడ నుంచి ప్రత్యేక వాహనంలో గణేశ్‌ విగ్రహాన్ని సోమశిల కృష్ణానది వద్దకు తీసుకొచ్చిన బృందం నిమజ్జనానికి ముందు నదిలో స్నానం చేసేందుకు దిగింది. అందరూ ఒడ్డుకు సమీపంలోనే ఉండగా రాజు(40) మాత్రం లోతైన ప్రాంతంలోకి వెళ్లాడు. అక్కడి సెక్యూరిటీ సిబ్బంది లోపలికి వెళ్లవద్దని హెచ్చరించినప్పటికీ అతడు ముందుకు వెళ్లడంతో ప్రమాదవశాత్తు నీటిలో మునిగిపోయాడు. సమాచారం అందుకున్న పోలీసులు గజ ఈతగాళ్లతో గాలింపు చేపట్టి రాజు మృతదేహాన్ని గుర్తించారు. అనంతరం మృతదేహాన్ని కొల్లాపూర్‌ ప్రభుత్వ ఆస్పత్రి మార్చురీలో భద్రపరిచారు. మృతుడికి భార్య, ముగ్గురు పిల్లలు ఉన్నారు. బృంద సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. లోతైన, ప్రమాదకర ప్రాంతాల్లోకి వెళ్లొద్దని, నదీ తీరంలో ఏర్పాటు చేసిన హెచ్చరిక బోర్డులను తప్పనిసరిగా పాటించాలని ఎస్‌ఐ ఆనంద్‌ ప్రజలకు సూచించారు.

కల్వకుర్తి రూరల్‌: ఉమ్మడి మహబూబ్‌నగర్‌ జిల్లాలో ఏళ్ల తరబడి పెండింగ్‌లో ఉన్న సాగునీటి ప్రాజెక్టులను పూర్తి చేసి రైతులకు సాగునీరు అందించాలని పాలమూరు పెండింగ్‌ ప్రాజెక్టుల సాధన సమితి చైర్మన్‌ రాజేందర్‌రెడ్డి, కన్వీనర్‌ రాఘవాచారి, బెకెం జనార్దన్‌ లు డిమాండ్‌ చేశారు. పాలమూరు జిల్లాకు తీవ్ర నష్టం కలిగించే డిండి ప్రాజెక్టును ఆపాలని పేర్కొన్నారు. ప్రాజెక్టుల సాధనకు శనివారం ఉదయం వంగూరు మండలం ఉల్పర నుంచి కల్వకుర్తి వరకు జేఏసీ ఆధ్వర్యంలో పాదయాత్ర నిర్వహిస్తున్నట్లు తెలిపారు. శుక్రవారం కల్వకుర్తి పట్టణంలోని లయన్స్‌ క్లబ్‌ భవన్‌లో వారు విలేకరులతో మాట్లాడారు. ఉమ్మడి జిల్లాలోని కరువు ప్రాంతాలకు సాగునీరు అందించేందుకు చేపట్టిన ప్రాజెక్టులు సంవత్సరాలు గడుస్తున్నా పూర్తికాకపోవడంతో రైతులు తీవ్ర ఇబ్బందులు పడుతున్నారని ఆవేదన వ్యక్తం చేశారు. ప్రభుత్వం ప్రాజెక్టుల నిర్మాణానికి నిధులు కేటాయించి పనులను వేగవంతం చేయాలని కోరారు. డిండి ఎత్తిపోతల పథకం ద్వారా పీఆర్‌ఎల్‌ఐకి సాగునీరు అందడం ప్రశ్నార్థకమవుతుందని ఆవేదన వ్యక్తం చేశారు. ముఖ్యంగా కల్వకుర్తి ఎత్తిపోతల పథకానికి సంబంధించి మిగిలిన పనులను పూర్తి చేసి ఆయకట్టుకు పూర్తిస్థాయిలో సాగునీరు అందించాలని డిమాండ్‌ చేశా రు. కృష్ణానదిపై ఆధారపడిన ఉమ్మడి పాలమూరు ప్రాంతానికి సాగునీరు, తాగునీరు అందించడమే లక్ష్యంగా గతంలో చేపట్టిన పలు ప్రాజెక్టులు అసంపూర్తిగా ఉండటంతో ప్రజలకు ఆశించిన ప్రయోజనం దక్కడం లేదన్నారు. ప్రాజెక్టుల పెండింగ్‌ పనులు, కాలువల నిర్మాణం, డిస్ట్రిబ్యూటరీ వ్యవస్థను పూర్తి చేసి ఆయకట్టుకు నీరు అందించాలని కోరారు. పెండింగ్‌ ప్రాజెక్ట్లను పూర్తి చేయాలని, ఎక్కువగా వచ్చే సాగునీటిని ఇవ్వాలని, నాకు నష్టం చేకూర్చే డిండి ప్రాజెక్టును ఆపాలని చేపట్టే పాదయాత్రలో రైతులు, ప్రజలు, ప్రజాసంఘాలు, వివిధ రాజకీయ పక్షాలు భాగస్వాములు కావాలని కోరారు. సాగునీటి సమస్యకు శాశ్వత పరిష్కారం లభించే వరకు పోరాటం కొనసాగిస్తామని స్పష్టం చేశారు. కార్యక్రమంలో కల్వకుర్తి జేఏసీ చైర్మన్‌ సదానందం గౌడ్‌, రిటైర్డ్‌ తహసీల్దార్‌ చెన్న కష్ణయ్య, రైతు జేఏసీ ఉద్యమ నేత రామచంద్రారెడ్డి, జేఏసీ నాయకులు లింగస్వామి, జంగయ్య, అడ్వకేట్‌ వెంకట్‌గౌడ్‌, వెంకటేశ్వర్లు తదితరులు పాల్గొన్నారు. రేపు ఉల్పర నుంంచి కల్వకుర్తికి పాదయాత్ర పాలమూరు పెండింగ్‌ ప్రాజెక్టుల సాధన సమితి చైర్మన్‌ రాజేందర్‌రెడ్డి, కన్వీనర్‌ రాఘవాచారి

దేవరకద్ర: కోయిల్‌సాగర్‌ ప్రాజెక్టు ఆయకట్టు రైతుల్లో మళ్లీ ఆశలు చిగురించాయి. జూరాల ప్రాజెక్టు నుంచి ఇన్‌ఫ్లో ప్రారంభం కావడంతో శుక్రవారం కోయిల్‌సాగర్‌కు నీటిని ఎత్తిపోశారు. జూరాల ఫేజ్‌–1 పంప్‌హౌస్‌లో రెండు మోటర్లు, తీలేర్‌ ఫేజ్‌–2 పంప్‌హౌస్‌లో రెండు పంపులను రన్‌ చేసి నీటిని కోయిల్‌సాగర్‌కు తరలించారు. ప్రాజెక్టులో నీటిమట్టం ప్రస్తుతం 22 అడుగులకు చేరడంతో కుడి, ఎడమ కాలువల ద్వారా నీటిని విడుదల చేశారు. వానాకాలం ప్రారంభమై మూడు నెలలు గడుస్తున్నా ఆశించిన స్థాయిలో వర్షాలు లేకపోవడంతో రైతులు ఆందోళనకు గురయ్యారు. ఇప్పటికే వరి నాట్లు వేసుకున్న రైతులు సాగునీటి కోసం ఎదురుచూస్తున్నారు. ఇటీవల కురిసిన అడపాదడపా వర్షాలతోపాటు బోరుబావుల కింద సాగు చేసిన పంటలకు ఈ నీరు కొంత ఊరటనిచ్చే అవకాశం ఉంది. కర్ణాటక ప్రభుత్వంతో జిల్లా మంత్రులు, ఎమ్మెల్యేలు జరిపిన చర్చల అనంతరం నారాయణపూర్‌ డ్యామ్‌ నుంచి నీటి విడుదల ప్రారంభమైంది. దీంతో జూరాలకు ఇన్‌ఫ్లో రావడంతో కోయిల్‌సాగర్‌ లిఫ్ట్‌ పంపులను నడిపిస్తున్నారు. జూరాల నుంచి ఇన్‌ఫ్లో ఉన్నంతకాలం పంపులను రన్‌ చేస్తూ కోయిల్‌సాగర్‌కు నీటిని తరలించనున్నారు. మరోవైపు కాలువల ద్వారా నీటిని విడుదల చేస్తూ గొలుసుకట్టు చెరువులు, చెక్‌డ్యామ్‌లను నింపే అవకాశం ఉంది. వానాకాలం పంటలపై రైతుల్లో మళ్లీ ఆశలు రెండు మోటర్లతో ఎత్తిపోత.. కుడి, ఎడమ కాల్వలకు నీటి విడుదల 22 అడుగులకు చేరిన ప్రాజెక్టు నీటిమట్టం మూడేళ్లుగా కోయిల్‌సాగర్‌ నుంచి జూలై మూడో వారంలోనే వానాకాలం పంటలకు నీటిని విడుదల చేస్తున్నారు. భారీ వర్షాలతో ప్రాజెక్టులో 20 అడుగులకు పైగా నీటిమట్టం ఉండటంతో సాగునీటి విడుదలకు ఇబ్బందులు ఉండేవి. గతేడాది కూడా వానాకాలం పంటలకు పూర్తిస్థాయిలో నీటిని అందించడంతోపాటు యాసంగిలో ఆరుతడులుగా నీటిని విడుదల చేశారు. ఈ ఏడాది మాత్రం వర్షాభావ పరిస్థితులతో కోయిల్‌సాగర్‌ నీటిమట్టం 9.6 అడుగులకు పడిపోయింది. దీంతో రైతులు ఎత్తిపోతలపైనే ఆశలు పెట్టుకున్నారు. జూరాల నుంచి నీటిని ఎత్తిపోసి ప్రాజెక్టు నీటిమట్టాన్ని 22 అడుగులకు చేర్చిన అనంతరం కాలువలకు నీటిని విడుదల చేశారు. కొంతకాలం తర్వాత జూరాల నుంచి నీటి విడుదల నిలిచిపోవడంతో కాలువలను మూసివేయాల్సి వచ్చింది. తాజాగా మళ్లీ ఇన్‌ఫ్లో ప్రారంభం కావడంతో కాలువలను తెరిచారు. ప్రస్తుతం విడుదల చేస్తున్న నీటితో వానాకాలం పంటలు ఎంతమేర గట్టెక్కుతాయో చూడాల్సి ఉంది.

● రెండు తులాల పుస్తెల తాడు, నగదు అపహరణ అడ్డాకుల: మండల కేంద్రంలోని ఎస్సీ కాలనీలో తాళం వేసిన ఇంట్లో దొంగలు చొరబడి రెండు తులాల పుస్తెల తాడు, నగదును అపహరించారు. బాధితుల వివరాల ప్రకారం.. ఆనంద్‌ గురువారం రాత్రి విధులకు వెళ్లగా, భార్య సుజాత పిల్లలు, అత్త తో కలిసి పక్కింట్లో నిద్రించారు. శు క్రవారం ఉదయం ఇంటికి వెళ్లి చూడ గా తలుపులు తెరిచి, బీరువాలోని వస్తువులు చిందరవందరగా కనిపించడంతో పోలీసులకు సమాచారం ఇచ్చారు. జిల్లా కేంద్రం నుంచి వచ్చిన క్లూస్‌ టీం వేలిముద్రలను సేకరించింది. బీరువా నుంచి బయటపడేసిన దుస్తుల్లో 30 తులాల వెండి లభించడంతో దాన్ని బాధితులకు అప్పగించారు. అయితే రెండు తులాల పుస్తెల తాడు, కొంత నగదు కనిపించలేదు. మూసాపేట ఎస్‌ఐ వేణు ఘటనా స్థలాన్ని పరిశీలించారు. అడ్డాకుల పోలీసులు కేసు నమోదు చేసి దర్యాప్తు చేస్తున్నారు. దొంగల భయంతో పక్కింట్లోకి.. కాలనీలో దొంగలు సంచరిస్తున్నారన్న ప్రచారంతోనే ఆనంద్‌ కుటుంబం ఆ రాత్రి పక్కింట్లో నిద్రించినట్లు తెలిసింది. సాధారణంగా ఇంట్లోనే నిద్రించే కుటుంబం పక్కింటికి వెళ్లిన రాత్రే చోరీ జరగడం గమనార్హం.

అచ్చంపేట రూరల్‌: అధిక వడ్డీ ఇస్తానని నమ్మబలికి పలువురి నుంచి భారీగా డబ్బులు వసూలు చేసిన వ్యక్తి పరారైన ఘటన నాగర్‌కర్నూల్‌ జిల్లా అచ్చంపేట పట్టణంలో ఆలస్యంగా వెలుగులోకి వచ్చింది. సుమారు రూ.4 కోట్ల వరకు వసూలు చేసినట్లు బాధితులు ఆరోపిస్తున్నారు. తమ డబ్బు లు ఇప్పించాలని కోరుతూ పోలీసులను ఆశ్రయించారు. పట్టణంలోని సాయినగర్‌ కాలనీకి చెందిన ఎండీ సలీం లేబర్‌ కాంట్రాక్టర్‌గా పనిచేస్తున్నాడు. పరిచయం ఉన్న స్థానికులకు అధిక వడ్డీ ఇస్తానని చెప్పి డబ్బులు తీసుకున్నాడు. తొలినాళ్లలో నెలనెలా వడ్డీ చెల్లించడంతో అతడిపై నమ్మకం పెరిగింది. దీంతో విద్య, వైద్యం, వివాహాలు తదితర అవసరాల కోసం దాచుకున్న సొమ్మును సైతం పలువురు అతడికి ఇచ్చినట్లు బాధితులు చెబుతున్నారు. రూ.23 లక్షలు ఇచ్చిన బాధితుడు సాయినగర్‌ కాలనీకి చెందిన దామెర్ల శేఖర్‌ సలీంకు రూ.23 లక్షలు ఇచ్చినట్లు తెలిపారు. ప్రతి నెలా రూ.లక్షకు రూ.5 వేల చొప్పున వడ్డీ చెల్లిస్తానని చెప్పాడన్నారు. మొదటి మూడు నెలలు సక్రమంగా చెల్లించినా ఆ తర్వాత వాయిదాలు వేస్తూ వచ్చాడని పేర్కొన్నారు. ఈ నెల 23న మొత్తం డబ్బు చెల్లిస్తానని చెప్పి ఆ తర్వాత ఫోన్‌ ఎత్తలేదన్నారు. ఇంటికి వెళ్లి చూడగా ఫోన్‌ అక్కడే వదిలి పరారైనట్లు తెలిసిందని శేఖర్‌ తెలిపారు. బాధితుల్లో 40 మంది వరకు ఉన్నట్లు అంచనా విద్య, వైద్యం, పెళ్లిళ్ల కోసం దాచుకున్న సొమ్ము ఇచ్చిన బాధితులు పోలీసులను ఆశ్రయించిన బాధితులు బాధితుడి ఫిర్యాదుతో సీఐ ఏశమళ్ల నాగరాజు, ఎస్‌ఐ బి.నరేష్‌ సలీం ఇంటికి వెళ్లి విచారణ చేపట్టారు. విషయం తెలుసుకున్న పలువురు బాధితులు అక్కడికి చేరుకుని తమ గోడును పోలీసులకు వివరించారు. సుమారు 40 మంది బాధితులు ఉండొచ్చని పోలీసులు తెలిపారు. వారి నుంచి ఫిర్యాదులు స్వీకరించారు. కేసు నమోదు చేసి దర్యాప్తు చేస్తున్నట్లు ఎస్‌ఐ నరేష్‌ తెలిపారు. సలీంను త్వరలో పట్టుకుని బాధితులకు న్యాయం చేస్తామని సీఐ నాగరాజు పేర్కొన్నారు. అధిక వడ్డీల ఆశతో ప్రైవేట్‌ వ్యక్తులకు డబ్బులు ఇవ్వొద్దని పోలీసులు సూచించారు.

మహబూబ్‌నగర్‌ ఎడ్యుకేషన్‌: ప్రజారోగ్యంలో ఫార్మసిస్టులదే కీలకపాత్ర అని పీయూ వీసీ శ్రీనివాస్‌ పేర్కొన్నారు. ఈ మేరకు శుకవ్రారం పీయూ ఫార్మసీ కళాశాలలో ఘనంగా ఫార్మసిస్టు డేను నిర్వహించారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడుతూ.. ఫార్మసీ కౌన్సిల్‌ ఆఫ్‌ ఇండియా ఏర్పడిన సందర్భంగా ఫార్మసీ డే నిర్వహించుకోడం గర్హించదగ్గ విషయమని, ఔషధాల రూపకల్పనన, అభివృద్ధి, నాణ్యత, సురక్షత వినియోగంపై ప్రజల్లో పూర్తిస్థాయిలో అవగాహన కల్పించాల్సిన అవసరం ఉందన్నారు. వైద్యులు, రోగుల మధ్య ఫార్మసిస్టులు వారధిగా పనిచేయాలని, కేవలం మందుల విక్రయాలకే కాకుండా, వాటి వినియోగం, మోతాదు, పలు ముఖ్యమైన ఔషదాలపై జాగ్రత్తలు తప్పకుండా వినియోగదారులకు సూచించాలన్నారు. డ్రగ్‌ ఇన్‌స్పెక్టర్‌ రబియా మాట్లాడుతూ.. దేశంలోని ఫార్మ రంగానికి ఫార్మసిస్టులు వెన్నుముకగా నిలుస్తున్నారని, యాంటి మైక్రోబయాల్‌ రెసిస్టెన్స్‌పై ప్రజలకు అవగాహన కల్పించాలన్నారు. ఈ సందర్భంగా విద్యార్థులు వ్యాసరచన, ఉపన్యాసం, పోస్టర్‌ ప్రజెంటేషన్‌ వంటి కార్యక్రమాలు నిర్వహించారు. కార్యక్రమంలో రిజిస్ట్రార్‌ రమేష్‌బాబు, ప్రిన్సిపాల్‌ ఈశ్వర్‌కుమార్‌, హెచ్‌ఓడీ ప్రభాకర్‌రెడ్డి, రవికాంత్‌, చిన్నాదేవి, శిలాస్‌, సోమేశ్వర్‌, సురేష్‌, స్వాతి, శారద, సుజాత తదితరులు పాల్గొన్నారు.

గద్వాల క్రైం: రోడ్డు ప్రమాదంలో ఒకరు మృతి చెందిన ఘటన శుక్రవారం నదిఅగ్రహారం రోడ్డు మార్గంలో చోటు చేసుకుంది. గద్వాల పట్టణానికి చెందిన వడ్డె శ్రీను(51), ఈశ్వరన్న వ్యక్తిగత పని నిమిత్తం నదిఅగ్రహారానికి వెళ్లారు. బైక్‌పై సాయంత్రం గద్వాల వైపునకు వస్తుండగా, ఆంజనేయస్వామి ఆలయం సమీపంలో ఎదురుగా వస్తున్న కుక్కను తప్పించబోయి రోడ్డు పక్కన ఉన్న విద్యుత్‌ స్తంభాన్ని వేగంగా ఢీ కొట్టాడు. ప్రమాదంలో వడ్డె శ్రీను అక్కడికక్కడే పడి మృతి చెందాడు. ఈశ్వరన్నకు తీవ్ర రక్తగాయాలు కాగా, గమనించిన స్థానికులు చికిత్స నిమిత్తం జిల్లా ఆసుపత్రికి తరలించారు. ఘటనపై పట్టణ పోలీసులు విచారణ చేపట్టారు. గుర్తు తెలియని రైలు ఢీకొని.. ఒకరు మృతి గద్వాల క్రైం:గుర్తు తెలియని రైలు ఢీ కొని ఒక రు మృతి చెందిన ఘటన శుక్రవారం చోటు చే సుకుంది. రైల్వే పోలీసుల కథనం మేరకు.. గ ద్వాల మండలం మెల్లచేర్వు గ్రామానికి చెంది న రాజు(45) కూలీ పనులు చేస్తు జీవనం సా గిస్తున్నాడు.అయితే తెల్లవారు జామున కాల్య కృత్యాల కోసం సమీపంలోని రైల్వే ట్రాక్‌ వైపునకు వెళ్లగా, ఈ క్రమంలో గుర్తు తెలియని రైలు ఢీ కొట్టింది. ఈ ప్రమాదంలో రాజు అక్కడికక్క డే పడి మృతి చెందాడు. ఘటనపై భార్య మార్తమ్మ ఫిర్యాదు మేరకు కేసు నమోదు చేసుకున్నట్లు రైల్వే కానిస్టేబుల్‌ నర్సింహులు తెలిపారు. జీపీ ట్రాక్టర్‌ బోల్తా: డ్రైవర్‌ మృతి రాజాపూర్‌: మండలంలోని కుత్నేపల్లి పంచాయతీకి చెందిన ట్రాక్టర్‌ బోల్తాపడి జీపీ కార్మికుడు పులి రఘు (45) మృతి చెందిన ఘటన శుక్రవారం చోటు చేసుకుంది. వివరాలు.. కుత్నేపల్లికి చెందిన పులి రఘు కొన్నేళ్లుగా పంచాయతీ ట్రాక్టర్‌ డ్రైవర్‌గా పనిచేస్తూ గ్రామంలోని చెత్తను సేవరించడంతో పాటు హరితహారం మొక్కలకు నీళ్లు పోసేవాడు. ఈ క్రమంలో గురువారం రాత్రి పంచాయతీ పరిధిలోని బోడగుట్టతండాలో ఏర్పాటు చేసిన వినాయక విగ్రహం వద్ద అన్నదానం నిర్వహించారు. ఈ సందర్భంగా భోజనం చేసిన తర్వాత ఖాళీ ప్లేట్లు వేసేందుకు ట్రాలీ తీసుకెళ్తుండగా.. ప్రమాదవశాత్తు గ్రామ శివారులో ట్రాక్టర్‌ బోల్తాపడటంతో ఇంజన్‌ కింద ఇరుక్కుని డ్రైవర్‌ రఘు అక్కడికక్కడే మృతి చెందాడు. మృతుడికి భార్య కవిత, ఇద్దరు కుమారులు, కుమార్తె ఉన్నారు. మృతుడి భార్య కవిత ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్‌ఐ రాజశేఖర్‌ తెలిపారు. భీమా కాల్వలో మునిగి రైతు మృతి వనపర్తి రూరల్‌: బీమా కాల్వలో మునిగి ఓ రైతు మృతి చెందాడు. ఎస్‌ఐ హృషికేష్‌ తెలిపిన వివరాల ప్రకారం.. మండలంలోని నాచహళ్లి గ్రామానికి చెందిన మిద్దె అబ్దుల్లా (46) శుక్ర వారం సాయంత్రం కాలువ వద్దకు వెళ్లాడు. గ్రామంలోని చెరువులోకి నీటిని పంపింగ్‌ చేసేందుకు ఏర్పాటు చేసిన లిఫ్ట్‌ మోటా రు నుంచి నీరు సరిగా రాకపోవడంతో కాల్వలోకి దిగి పరిశీలించాడు. ఈ క్రమంలో నీటిలో ని ఫుట్‌బాల్‌ వద్ద పేరుకుపోయిన చెత్తను తొలగిస్తుండగా ప్రమాదవశాత్తు నీటిలో ముని గి ఊపిరాడక మృతి చెందాడు. మృతుడి భార్య మిద్దె మన్నెమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. హైందవి కళ్లు దానం జడ్చర్ల టౌన్‌: ప్రమాదవశాత్తు భవనంపైనుంచి పడి మృతిచెందిన పాలా ది హైందవి కళ్లను ఎల్‌వీప్రసాద్‌ ఐ ఆస్పత్రికి దా నం చేశారు. తమ కూతు రు మృతిచెందడంతో పాలాది రామ్మోహన్‌, సారిక దంపతులు కళ్ల ను దానం చేయాలని రెడ్‌క్రాస్‌కు సమాచా రం అందించారు. సమాచారం అందుకున్న రెడ్‌క్రాస్‌ చైర్మన్‌ నటరాజ్‌, ఎల్‌వీ ప్రసాద్‌ కంటి ఆస్పత్రి టెక్నీషియన్‌ శివ స్పందించి శుక్రవారం ఉదయం హైందవి కళ్లకు సంబంధించిన కార్నియాను సేకరించారు. కుటుంబ సభ్యులకు కార్నియా సేకరించిన ధ్రువీకరణ పత్రం అందజేశారు. జిల్లాలో ఇప్పటి వరకు 276మంది తమ కార్నియాను దానం చేసి 552మందికి చూపు కల్పించారని తెలిపారు. కాపరిని బలి తీసుకున్న లారీ మక్తల్‌: గొర్రెలను మేపుతున్న కాపరి లారీ ఢీకొని మృతి చెందిన ఘటన మండలంలోని బోదంలకుంట స్టేజీ సమీపంలో గు రువారం చోటుచేసుకుంది. ఊట్కూర్‌ మండలం ఏడివెళ్లి గ్రామానికి చెందిన నాగరాజు (30) గొర్రెలను పొలం వద్ద మేపుతున్నాడు. ఈ క్ర మంలో గొర్రెలు రోడ్డుపైకి వెళ్లడంతో వాటిని అదుపు చేసేందుకు నాగరాజు రోడ్డుపైకి వెళ్లా డు.అదే సమయంలో అటుగా వచ్చిన లారీ అ తడిని ఢీకొనడంతో అక్కడికక్కడే మృతి చెందా డు. సమాచారం అందుకున్న మక్తల్‌ పోలీసు లు ఘటనా స్థలానికి చేరుకుని లారీని పోలీస్‌స్టేషన్‌కు తరలించారు. మృతుడికి భార్య, పిల్లలు ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్‌ఐ రాజు తెలిపారు.

● సేవా సంకల్ప్‌ అభియాన్‌ దేశవ్యాప్త కార్యక్రమం ● మహిళా శక్తిని బలోపేతం చేస్తే మరింత సేవ: ఎంపీ డీకే అరుణ నవాబుపేట: విధి నిర్వహణలో సేవే లక్ష్యంగా ముందుకు సాగుతూ కరోనా వంటి విపత్కర పరిస్థితుల్లోనూ ప్రజలకు అండగా నిలిచిన వివిధ శాఖల సిబ్బంది సేవలు ప్రశంసనీయమని మహబూబ్‌నగర్‌ ఎంపీ డీకే అరుణ అన్నారు. శుక్రవారం నవాబు పేట మండల కేంద్రంలో నిర్వహించిన సేవా సంకల్ప్‌ అభియాన్‌ కార్యక్రమంలో ఆమె ముఖ్య అతిథిగా పాల్గొని మాట్లాడారు. మహిళాశక్తిని మ రింత బలోపేతం చేస్తే సమాజానికి మెరుగైన సేవలు అందించవచ్చన్నారు. ప్రధాని నరేంద్రమో దీ జన్మదినాన్ని పురస్కరించుకుని సెప్టెంబర్‌ 17 నుంచి అక్టోబర్‌ 17 వరకు నెల రోజుల పాటు సేవా అభియాన్‌ కార్యక్రమాలు నిర్వహిస్తున్నట్లు తెలిపా రు. కరోనా సమయంలో ప్రజలకు ధైర్యం చెప్పిన ఆశా కార్యకర్తలు, గర్భిణులు, బాలింతలు, కిశోర బాలికలకు పౌష్టికాహారం అందిస్తున్న అంగన్‌వాడీ సిబ్బంది సేవలు అభినందనీయమన్నారు. వారి సేవలకు గుర్తింపుగా గ్రామీణ స్థాయిలో ఆశాలు, ఏఎన్‌ఎంలు, అంగన్‌వాడీ టీచర్లను సన్మానిస్తున్నట్లు చెప్పారు. వారి సమస్యల పరిష్కారానికి ప్రత్యేకంగా దృష్టి సారిస్తానని హామీ ఇచ్చారు. కాగా.. తమిళనాడు రాష్ట్రానికి ప్రత్యేక బాధ్యతలు అప్పగించిన సందర్భంగా ఎంపీ డీకే అరుణను జాతీయ కౌన్సిల్‌ సభ్యురాలు పద్మజారెడ్డి ఆధ్వర్యంలో జిల్లా, మండల కమిటీల నాయకులు ఘనంగా సన్మానించారు. వినతుల వెల్లువ నవాబుపేటలో డిగ్రీ కళాశాల ఏర్పాటు, అండర్‌గ్రౌండ్‌ డ్రెయినేజీ, లైటింగ్‌, సీసీ రోడ్ల కోసం సర్పంచ్‌ గీతారాణి, పంచాయతీ సభ్యులు ఎంపీకి వినతిపత్రం అందించారు. జెడ్పీ పాఠశాలలో కంప్యూటర్‌ ల్యాబ్‌, డైనింగ్‌ హాల్‌ ఏర్పాటు చేయాలని ఎంఈఓ నాగ్యనాయక్‌ కోరారు. కార్యక్రమంలో డీఎంహెచ్‌ఓ డాక్టర్‌ శ్రీనివాస్‌, డీఎంవీ శ్రీవాణి, తహసీల్దార్‌ సురేష్‌, ఎంపీడీఓ జయరాంనాయక్‌, బీజేపీ జిల్లా అధ్యక్షుడు శ్రీనివాస్‌రెడ్డి తదితరులు పాల్గొన్నారు.

కందనూలు: సాగునీరు అందించడంలో ప్రభుత్వం నిర్లక్ష్యం వహిస్తోందని దీంతో పంటలకు సాగునీరు అందడం లేదని మాజీ మంత్రి నాగం జనార్దన్‌రెడ్డి అన్నారు. గురువారం జిల్లా కేంద్రంలోని ఆయన నివాసంలో ఏర్పాటు చేసిన విలేకరుల సమావేశంలో ఆయన మాట్లాడుతూ మంత్రి జూపల్లి కృష్ణారావు వల్లే కల్వకుర్తి ఎత్తిపోతల పథకం కాల్వల సామర్థ్యం కుదించడంతోనే ఆయకట్టుకు పూర్తిస్థాయిలో నీరు అందడం లేదని విమర్శించారు. తొమ్మిది మీటర్లు ఉండవలసిన కాల్వల వెడల్పును ఏడు మీటర్లకు కుదించారని వాపోయారు. నార్లాపూర్‌ ఏదుల రిజర్వాయర్లలో నాలుగు మోటర్లు పనిచేయవలసి ఉండగా రెండు మోటర్లు మాత్రమే పనిచేస్తున్నాయని దీంతో రిజర్వాయర్లు నిండడం లేదన్నారు. ఎనిమిది గంటలు విద్యుత్‌ సరఫరా ఆయకట్టుకు సాగునీరు ఎలా అందుతుందని ప్రశ్నించారు. రూ. 200 కోట్లతో ఇంటిగ్రేటెడ్‌ పాఠశాలల నిర్మాణం బదులు ప్రభుత్వ పాఠశాలలను బలోపేతం చేసి ఉపాధ్యాయుల పోస్టులు భర్తీ చేయాలని కోరారు. సమావేశంలో బీఆర్‌ఎస్‌ నాయకులు బాలాగౌడ్‌, అర్థంరవి, లక్ష్మయ్య, అర్జునయ్య తదితరులు పాల్గొన్నారు.

జడ్చర్ల టౌన్‌: పట్టణంలోని డా.బీఆర్‌ఆర్‌ ప్రభుత్వ డిగ్రీ కళాశాలలో గురువారం జిల్లా సీనియర్‌ సిటిజన్‌ ఫోరం ప్రధాన కార్యదర్శి నాగభూషణం ఆధ్వర్యంలో పురాతన నాణేలు, వివిధ దేశాల కరెన్సీ, సముద్ర సంపదకు సంబంధించిన ప్రదర్శన నిర్వహించారు. ఈ సందర్భంగా ప్రిన్సిపల్‌ డా.సుకన్య మాట్లాడుతూ.. పురాతన నాణేలు, చారిత్రక వస్తువుల ప్రదర్శన విద్యార్థుల్లో చారిత్రక అవగాహన, జ్ఞానాన్ని పెంపొందిస్తాయన్నారు. చరిత్ర అధ్యాపకుడు రాఘవేందర్‌రెడ్డి మాట్లాడుతూ.. ప్రదర్శనలో మౌర్యులు, గుప్తులు, మొఘలులు, విజయనగర రాజులు, ఢిల్లీ సుల్తానులు, నిజాం పాలకులు, బరోడా, మైసూరు, మరాఠా రాజ్యాలకు సంబంధించిన నాణేలతో పాటు గ్రీకు తదిరత ప్రాంతాలకు చెందిన పురాతన నాణేలు, కరెన్సీ 500 పైగా ప్రదర్శించినట్లు తెలిపారు. అలాగే సముద్ర గవ్వలు, వివిధ రకాల శంఖాలు, ఆల్చిప్పలు, ముత్యపు చిప్పలు, నత్తగుల్లలు, కోరల్స్‌, స్టార్‌ఫిష్‌, పగడాలు, గోమతి చక్రాలు, విష్ణుచక్రపు రాళ్లు ప్రదర్శించారు. కార్యక్రమంలో పాలమూరు పరీక్షల నియంత్రణ అధికారి ప్రవీణ, కంట్రోలర్‌ ప్రవీణ్‌కుమార్‌, అధ్యాపకులు డా.సులేమాన్‌, డా.సదాశివయ్య, నాగలక్ష్మి, ఆంజనేయులు, పుష్పలత, వెంకటయ్య, నాగరాజు, నందకిషోర్‌, నర్సింహ, రవీందర్‌రెడ్డి, రాజేందర్‌రెడ్డి పాల్గొన్నారు.

మహబూబ్‌నగర్‌ (వ్యవసాయం): బంగాళాఖాతంలో ఏర్పడిన అల్పపీడన ప్రభావంతో జిల్లాలో వాతావరణం మారింది. మూడు రోజులుగా పలుచోట్ల ఉరుములు, మెరుపులతో మోస్తరు వర్షాలు కురుస్తుండటంతో ఎండవేడిమి, ఉక్కపోత నుంచి ప్రజలకు ఉపశమనం లభించింది. వానాకాలం ముగింపు దశలో కురుస్తున్న వర్షాలు సాగులో ఉన్న పంటలకు కాస్త ఊరటనిచ్చాయి. బుధవారం ఉదయం 9 గంటల నుంచి గురువారం ఉదయం 9 గంటలకు జిల్లాలో అత్యధికంగా మూసాపేట మండలంలో 56.6 మిల్లీమీటర్ల వర్షపాతం నమోదైంది. భూత్పూర్‌లో 38.0 మి.మీ., మహమ్మదాబాద్‌లో 36.5, కోయిలకొండలో 33.9, మహబూబ్‌నగర్‌ అర్బన్‌లో 36.2, హన్వాడలో 31.7, మహబూబ్‌నగర్‌ రూరల్‌లో 29.3, దేవరకద్రలో 20.8, అడ్డాకులలో 20.5, కౌకుంట్లలో 18.5, గండేడ్‌లో 16.0, చిన్నచింతకుంటలో 16.6, బాలానగర్‌లో 12.7మిల్లీమీటర్ల వర్షపాతం నమోదైంది. ఎస్టీ గురుకులాల్లో ఇంటర్‌ సీట్లు మహబూబ్‌నగర్‌ ఎడ్యుకేషన్‌: ఉమ్మడి జిల్లావ్యాప్తంగా ఉన్న 9 ఎస్టీ గురుకులాల్లో ఎంపీసీ, బైపీసీ, సీఈసీ, ఎంఈసీ, హెచ్‌ఈసీ, ఒకేషనల్‌ కోర్సుల్లో సీట్లు ఖాళీగా ఉన్నాయని, ఆసక్తిగల విద్యార్థులు ఈ నెల 26 లోగా సంబంధిత గురుకులాల్లో దరఖాస్తులు చేసుకోవాలని, కోఆర్డినేటర్‌ కల్యాణి శుక్రవారం ఒక ప్రకటనలో తెలిపారు. టెన్త్‌ ఉత్తీర్ణత సాధించిన విద్యార్థులు అన్ని సర్టిఫికెట్‌లతో దరఖాస్తు చేసుకోవాలని సూచించారు. ఆ 81 మంది టీచర్లు విధుల్లో చేరాలి జెడ్పీసెంటర్‌ (మహబూబ్‌నగర్‌): కొత్తగా కేటాయించిన పాఠశాలల్లో విధుల్లో చేరని 81 మంది ఉపాధ్యాయులు వెంటనే బాధ్యతలు స్వీకరించేలా చర్యలు తీసుకోవాలని అదనపు కలెక్టర్‌ పి.మధుసూదన్‌నాయక్‌ ఆదేశించారు. గురువారం ఎంఈఓలు, ప్రధానోపాధ్యాయులు, విధుల్లో చేరని ఉపాధ్యాయులతో ఆయన సమీక్ష నిర్వహించారు. కొత్తగా పోస్టింగ్‌ పొందిన స్థానాల్లో చేరని ఉపాధ్యాయులను సంబంధిత పాఠశాలల ప్రధానోపాధ్యాయులు వెంటనే రిలీవ్‌ చేయాలని సూచించారు. అనంతరం వారు కేటాయించిన పాఠశాలల్లో విధుల్లో చేరేలా చర్యలు తీసుకోవాలన్నారు. రిలీవింగ్‌, జాయినింగ్‌ ప్రక్రియలో ఎలాంటి జాప్యం ఉండకూడదని స్పష్టం చేశారు. కొత్తగా కేటాయించిన పాఠశాలల్లో ఉపాధ్యాయులు వెంటనే విధుల్లో చేరేలా ఎంఈఓలు, హెచ్‌ఎంలు ప్రత్యేకంగా పర్యవేక్షించాలని ఆదేశించారు.

నాగర్‌కర్నూల్‌: రాష్ట్ర ప్రభుత్వం దసరా కానుకగా చేయూత పథకం కింద కొన్ని వర్గాలకు కొత్త పింఛన్లు మంజూరు చేయబోతుంది. ఈ నెల 16 వరకు అర్హులైన లబ్ధిదారుల నుంచి దరఖాస్తులు స్వీకరించిన విషయం తెలిసిందే. అయితే ఎన్నో ఏళ్ల నుంచి పింఛన్‌ కోసం ఎదురుచూస్తున్న వృద్ధులకు మాత్రం ఇవ్వడం లేదు. వారిని నిరాశపర్చచకుండా గ్రామ కార్యదర్శులు కేవలం దరఖాస్తులు మాత్రం తీసుకొన్నారు. కానీ, ఎక్కడా ఆన్‌లైన్‌లో నమోదు చేయలేదు. కేవలం వితంతువులు, ఒంటరి మహిళలు, దివ్యాంగులు, చేనేత, గీతా కార్మికులతోపాటు ఫైలేరియా, డయాలసిస్‌ బాధితులకు మాత్రమే కొత్త పింఛన్లు ఇవ్వనుంది. వీరి దరఖాస్తులను మాత్రమే ఆన్‌లైన్‌ చేయడంతో వాటిని ప్రభుత్వం నిబంధనల ప్రకారం విచారణ చేయడానికి మండల స్థాయి అధికారులకు బాధ్యత అప్పగించారు. వారు శుక్రవారం వరకు విచారణ పూర్తి చేసి సంబంధిత ఎంపీడీఓలకు అప్పగించనున్నారు. వాటిని ఎంపీడీఓ ఆన్‌లైన్‌లో నమోదు చేసిన తర్వాత జిల్లా అధికారులు పరిశీలించి ఆమోదించనున్నారు. ఉమ్మడి జిల్లావ్యాప్తంగా మొత్తం 65,566 మంది పింఛన్ల కోసం దరఖాస్తు చేసుకోగా.. ఫైలేరియా, డయాలసిస్‌ బాధితులను ఇందులో కలపలేదు. అలాగే వృద్ధుల దరఖాస్తులు స్వీకరించి.. ఆన్‌లైన్‌లో నమోదు చేసినా ఈ సంఖ్య రెట్టింపు అయ్యే అవకాశం ఉంది. విచారణలో మండల అధికారులు చేయూత లబ్ధిదారుల దరఖాస్తులను విచారణ చేయడానికి మండల స్థాయిలో ఎంఈఓ, పీఆర్‌ఏఈ, ఆర్‌డబ్ల్యూఎస్‌ ఏఈ, ఎంపీఓలకు బాధ్యత అప్పగించారు. దరఖాస్తులు, గ్రామాల సంఖ్యను పరిగణలోకి తీసుకొని విచారణ అధికారులను ఎంపిక చేశారు. వారికి ముందుగానే పింఛను అర్హతకు సంబంధించి ఎలాంటి నియమ నిబంధనలను పరిగణలోకి తీసుకోవాలో వివరించారు. అంతేకాకుండా నింబంధనలకు సంబంధించిన వివరాలు అందజేశారు. ఒక్కో దరఖాస్తును ప్రభుత్వ నిబంధనల ప్రకారం సమగ్రంగా విచారణ చేసి అర్హులను ఎంపిక చేయాలని సూచించినట్లు నాగర్‌కర్నూల్‌ డీఆర్‌డీఓ ఓబులేష్‌ తెలిపారు. వృద్ధులకు మొండిచేయి? జిల్లాలో చాలామంది వృద్ధులు పింఛన్‌ కోసం ఎదురుచూస్తుండగా ప్రభుత్వం మాత్రం వారికి మొండిచేయి చూపింది. వీరిలో చాలామంది ఇప్పుడు దరఖాస్తు చేసుకున్నా వారికి రావన్న సంగతి చాలా మందికి తెలియదు. కానీ, తమకు కూడా ప్రభుత్వం పింఛన్లు మంజూరు చేస్తుందనే భ్రమలోనే ఉన్నారు. నిబంధనలు కఠినతరం.. చేయూత పథకం కింద పింఛను మంజూరు కోసం లబ్ధిదారులను ఎంపిక చేయడానికి ప్రభుత్వం కఠినమైన నిబంధనలు పెట్టింది. గ్రామీణ ప్రాంత లబ్ధిదారుల వార్షిక ఆదాయం రూ.1.50 లక్షలు, 3 ఎకరాలకు మించకుండా తరి భూమి, 7.5 ఎకరాల వరకు నీటి పారుదల లేని భూమి ఉన్నవారు అర్హులు. ఇక లైట్‌ లేదా హెవీ మోటారు వాహనాలు కలిగిన వారు సైతం పింఛన్‌కు అనర్హులు. పెద్ద వ్యాపార సంస్థలు నిర్వహిస్తున్న వారు కుటుంబంలో ప్రభుత్వ ఉద్యోగం ఉన్నవారే కాకుండా ప్రభుత్వ రంగ సంస్థలు, ప్రైవేట్‌ సంస్థల్లో ఔట్‌ సోర్సింగ్‌ లేదా కాంట్రాక్ట్‌ ఉద్యోగాల్లో ఉన్నవారి కుటుంబ సభ్యులు కూడా పింఛన్‌కు అనర్హులుగా నిర్ణయించారు. ప్రభుత్వానిదే నిర్ణయం.. చేయూత పింఛన్ల కోసం వచ్చిన దరఖాస్తులను శుక్రవారంలోగా విచారణ పూర్తి చేయాలని మండల స్థాయి అధికారులకు సూచించాం. వీరంతా ఆయా గ్రామాల్లో పర్యటించి రికార్డులను పరిశీలించి ప్రభుత్వ నిబంధనల ప్రకారం వివరాలు క్రోడీకరించి అర్హులను ఎంపిక చేస్తారు. తర్వాత ఎంపీడీఓ లాగిన్‌లో నమోదు చేయగా జిల్లా స్థాయిలో పరిశీలించి ఆమోదిస్తాం. అయితే కొత్త పింఛన్లు ఎప్పుడు ఇస్తారో ప్రభుత్వ నిర్ణయంపైనే ఆధారపడి ఉంటుంది. – ఓబులేష్‌, డీఆర్‌డీఓ, నాగర్‌కర్నూల్‌ ఉమ్మడి జిల్లాలో 65,566 మంది దరఖాస్తులు క్షేత్రస్థాయిలో పరిశీలిస్తున్న మండలస్థాయి అధికారులు నేటితో ముగియనున్న విచారణ గడువు ప్రభుత్వ నిబంధనల మేరకు లబ్ధిదారుల ఎంపిక పండుగ కానుకగా కొత్త పింఛన్లు ఇచ్చేందుకు కసరత్తు

జెడ్పీసెంటర్‌ (మహబూబ్‌నగర్‌): గ్రామీణ ప్రాంతాల్లో ఉపాధి కల్పనతో పాటు గ్రామాల సమగ్రాభివృద్ధికి దోహదపడే పనులను గుర్తించి వికసిత్‌ గ్రామ పంచాయతీ ప్రణాళికలు రూపొందించాలని కలెక్టర్‌ ఖుష్బూగుప్తా సూచించారు. గ్రామాల ప్రత్యేక అవసరాలు, భౌగోళిక పరిస్థితులు, నీటి లభ్యత, వ్యవసాయ అవసరాలను పరిగణనలోకి తీసుకుని ప్రణాళికలు సిద్ధం చేయాలన్నారు. అక్టోబర్‌ 2న నిర్వహించే గ్రామసభల్లో ప్రణాళికలను ప్రజల ముందుంచి ఆమోదం పొందిన అనంతరం పనులు చేపట్టాలని తెలిపారు. వీబీజీ రామ్‌జీ పనుల కింద చేపట్టాల్సిన అభివృద్ధి కార్యక్రమాలపై సర్పంచులు, ఎంపీడీఓలు, ఎంపీఓలు, పంచాయతీ కార్యదర్శులు, క్షేత్రస్థాయి సిబ్బందికి కలెక్టరేట్‌లో నిర్వహించిన శిక్షణ కార్యక్రమానికి కలెక్టర్‌ ముఖ్య అతిథిగా హాజరై మాట్లాడారు. అక్టోబర్‌ 1 నుంచి 2027 జూన్‌ వరకు చేపట్టే పనులతో పాటు తదుపరి మూడేళ్లకు అవసరమైన దీర్ఘకాలిక ప్రణాళికను కూడా సిద్ధం చేయాలని సూచించారు. గ్రామాల వారీ ప్రణాళికలను ఈ నెల 30లోగా సమర్పించాలలని ఆమె సూచించారు. నీటి భద్రతకు ప్రాధాన్యం.. వర్షపాతం అస్థిరత, వర్షాభావ పరిస్థితులు, భూగర్భ జలాలపై ప్రభావాన్ని దృష్టిలో ఉంచుకుని నీటి సంరక్షణకు ప్రాధాన్యం ఇవ్వాలని కలెక్టర్‌ పేర్కొన్నారు. చెక్‌డ్యామ్‌లు, పామ్‌పాండ్లు, పర్కొలేషన్‌ ట్యాంకులు, రీచార్జ్‌ నిర్మాణాలు, రీచార్జ్‌ బోర్‌వెల్లు, సోక్‌పిట్లను అవసరమైన ప్రాంతాల్లో చేపట్టాలన్నారు. వ్యవసాయంలో నీటి వినియోగ సామర్థ్యం పెంచడం, పంటల వైవిద్యీకరణ, ఉద్యాన పంటలు, పశుపోషణను ప్రోత్సహించేలా ప్రణాళికలు రూపొందించాలని సూచించారు. నీటి సంరక్షణ, మౌలిక వసతులు, జీవనోపాధి అభివృద్ధి, వర్షాభావ పరిస్థితుల నివారణకు ప్రణాళికల్లో ప్రాధాన్యం ఇవ్వాలన్నారు. పాఠశాలలు, అంగన్‌వాడీలు, ప్రహరీలు, డ్రెయినేజీలు, తాగునీరు, పారిశుద్ధ్య సదుపాయాల వంటి అవసరాలను గుర్తించి చేర్చాలని తెలిపారు. అధిక వర్షాల సమయంలో వరదలు, డ్రెయినేజీ సమస్యలు తలెత్తకుండా కాల్వలు, చెరువులు, కుంటలు, ఫీల్డ్‌ ఛానళ్ల అభివృద్ధి పనులను ముందుగానే గుర్తించాలన్నారు. డేటా ఆధారంగా ప్రణాళికలు జీపీడీపీ, జీసాప్‌ తదితర ప్రణాళికల్లో ఇప్పటికే గుర్తించిన పనులను వికసిత్‌ గ్రామ పంచాయతీ ప్రణాళికతో అనుసంధానం చేయాలని కలెక్టర్‌ సూచించారు. బేస్‌లైన్‌ డేటా, సోషల్‌ మ్యాపింగ్‌, రిసోర్స్‌ మ్యాపింగ్‌ నిర్వహించి గ్రామంలోని పాఠశాలలు, అంగన్‌వాడీలు, ఆరోగ్య కేంద్రాలు, ప్రభుత్వ భవనాలు, చెరువులు, కుంటలు, కాలువలు, ఎత్తైన, లోతట్టు ప్రాంతాలను మ్యాప్‌లో గుర్తించాలన్నారు. ప్రణాళికలు కేవలం అధికారిక ప్రక్రియగా కాకుండా వాస్తవ అవసరాలకు అనుగుణంగా, కొలిచే ఫలితాలు వచ్చేలా ఉండాలని స్పష్టం చేశారు. మంచి పనితీరు కనబరిచే గ్రామ పంచాయతీలను గుర్తించి ప్రోత్సహిస్తామని, ఉత్తమ సర్పంచులు, పంచాయతీ కార్యదర్శులను గణతంత్ర దినోత్సవం సందర్భంగా సత్కరిస్తామని పేర్కొన్నారు. అదనపు కలెక్టర్‌ పి.మధుసూదన్‌ నాయక్‌, జెడ్పీ సీఈఓ వెంకట్‌రెడ్డి, డీఆర్‌డీఓ నరసింహులు, సర్పంచ్‌ల సంఘం జిల్లా అధ్యక్షుడు వెంకట్రాములుగౌడ్‌, అధికారులు, పాల్గొన్నారు. నీటి సంరక్షణకు పెద్దపీట గ్రామాల వారీగా ఈ నెల 30లోగా ప్రణాళిక సమర్పించాలి అక్టోబర్‌ 2న గ్రామసభల్లో ఆమోదం: కలెక్టర్‌ ఖుష్బూగుప్తా

జడ్చర్ల: స్థానిక తాలూకా క్లబ్‌ ఏరియాలో ఓ భవనంపై నుంచి ప్రమాదవశాత్తు కిందపడి ఓ యువతి దుర్మరణం చెందిన ఘటన గురువారం చో టు చేసుకుంది. స్థానికుల వివరాల మేరకు.. జడ్చర్ల మున్సిపల్‌ మాజీ వైస్‌ చైర్‌పర్సన్‌ పాలాది సారిక రామ్మోహన్‌ కూతురు హైందవి (24) బాల్యం నుంచే అనారోగ్యంతో బాధపడుతుంది. ఎప్పటిలాగే తాముంటున్న నివాస భవనంపైకి వెళ్లిన ఆమెకు ఆకస్మికంగా ఫిట్స్‌ రావడంతో పై నుంచి జారీ కింద పడింది. గమనించిన తల్లిదండ్రులు చికిత్స నిమిత్తం అంబులెన్స్‌లో ఎస్‌వీఎస్‌ ఆస్పత్రికి తరలించారు. అయితే పరిస్థితి విషమంగా ఉండటంతో మెరుగైన చికిత్స కోసం హైదరాబాద్‌లోని కేర్‌ ఆస్పత్రికి తరలించగా.. అప్పటికే ఆమె మృతి చెందినట్లు డాక్టర్లు నిర్ధారించారు. విషయం తెలుసుకున్న ఎమ్మెల్యే అనిరుధ్‌ రెడ్డి, మాజీ మంత్రి లక్ష్మారెడ్డి తదితరులు ఆస్పత్రికి వెళ్లి యువతి తల్లిదండ్రులను పరామర్శించారు. కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. కుటుంబ కలహాలతో వివాహిత బలవన్మరణం అడ్డాకుల: కుటుంబ కలహాలతో వివాహిత ఆత్మహత్యకు పాల్పడిన ఘటన మూసాపేట మండలం జానంపేటలో చోటు చేసుకుంది. స్థానికుల వివరాల మేరకు.. జానంపేటకు చెందిన మౌనిక (40), రాజ్‌గోపాల్‌ భార్యభర్తలు. వీరికి కుమారుడు, కుమార్తె ఉన్నారు. రాజ్‌గోపాల్‌ కిరాణా డబ్బా నడిపిస్తున్నాడు. కొన్నాళ్ల నుంచి భార్యభర్తల మధ్య మనస్పర్ధలు ఉండగా.. బుధవారం రాత్రి మరోసారి ఇద్దరు గొడవపడ్డారు. ఈ క్రమంలో మనస్తాపానికి గురైన భర్త రాజ్‌గోపాల్‌.. తన ద్విచక్ర వాహనం, ఫోన్‌ ఇంట్లోనే పెట్టి ఇంటి నుంచి వెళ్లిపోయాడు. గురువారం సాయంత్రం వరకు తిరిగి రాకపోవడంతో ఆందోళనకు గురైన భార్య మౌనిక.. ఇంట్లో ఉరేసుకుంది. గమనించిన కుటుంబ సభ్యులు వెంటనే స్థానిక పీహెచ్‌సీకి, అక్కడి నుంచి జిల్లా ఆస్పత్రికి తరలించగా, అప్పటికే ఆమె మృతి చెందినట్లు వైద్యులు నిర్ధారించారు. మౌనిక ఆత్మహత్యతో గ్రామంలో విషాదం అలుముకుంది. తండ్రిని హత్య చేసిన కుమారులకు రిమాండ్‌ మక్తల్‌: కన్న తండ్రిని దారుణంగా హత్య చేసిన కుమారులను అరెస్టు చేసి రిమాండ్‌కు పంపినట్లు మక్తల్‌ సీఐ రాంలాల్‌ గురువారం తెలిపారు. మండలంలోని తిర్మలాపూర్‌లో ఈనెల 21న తండ్రి కొలుపూర్‌ రాములు కుమారులు కృష్ణ, వెంకట్రాములుకు మధ్య గొడవ జరిగింది. గొడవలో తండ్రిని కుమారులు ఇద్దరు కలిసి కారం చల్లి ఇనుప పలుగుతో తలపై దాడి చేయడంతో ఆయన మరణించాడు. ఈ క్రమంలో మృతుడి సోదరుడు లక్ష్మణ్‌ ఫిర్యాదు మేరకు కేసు నమోదు చేసి నిందితులు ఇద్దరిని అరెస్ట్‌ చేశారు. గురువారం జిల్లా కేంద్రంలోని జూడిషియల్‌ ఫస్ట్‌ క్లాస్‌ మేజిస్ట్రేట్‌ కోర్టులో నిందితులను హాజరు పరచగా న్యాయమూర్తి ఇద్దరికి రిమాండ్‌ విధించారు.

● ప్రసవ వేదనతో వచ్చిన శ్వేతకు సిజేరియన్‌.. ఆ తర్వాత తీవ్ర రక్తస్రావం ● నారాయణపేట నుంచి పాలమూరుకు తరలింపు.. చికిత్స పొందుతూ మృతి ● వైద్యుల నిర్లక్ష్యమే కారణమని కుటుంబ సభ్యుల ఆరోపణ ● బాలింత ప్రాణం ఖరీదు రూ.10 లక్షలు? నారాయణపేట: ఒకవైపు పండంటి ఆడబిడ్డ పుట్టిందన్న ఆనందం.. మరోవైపు కొద్దిగంటల్లోనే తల్లి మృతి చెందడంతో ఆ కుటుంబంలో విషాదం అలుముకుంది. నవ మాసాలు మోసిన తల్లి.. బిడ్డను చూసిన కొద్దిసేపటికే మృత్యువాత పడింది. ఊట్కూర్‌ మండలం సామనూర్‌కు చెందిన శ్వే త (20)కు బుధవారం ప్రసవ వేదన రావడంతో కు టుంబ సభ్యులు నారాయణపేటకు తీసుకొచ్చారు. ప్రభుత్వ ఆస్పత్రి నుంచి ఓ ప్రైవేట్‌ ఆస్పత్రికి.. అ క్కడి నుంచి గాయత్రి ఆస్పత్రికి తరలించారు. సిజే రియన్‌ ద్వారా ఆడబిడ్డ జన్మించింది. అనంతరం తీవ్ర రక్తస్రావం కావడంతో పరిస్థితి విషమించింది. మెరుగైన చికిత్స కోసం మహబూబ్‌నగర్‌కు తరలించగా.. చికిత్స పొందుతూ శ్వేత మృతి చెందింది. ప్రభుత్వ ఆస్పత్రి నుంచి ప్రైవేట్‌కు.. శ్వేతకు బుధవారం ఉదయం 11 గంటల సమయంలో పురిటినొప్పులు రావడంతో దామరగిద్ద మండలం మద్దెల్‌బీడు నుంచి కుటుంబసభ్యులు నారాయణపేట జిల్లా జనరల్‌ ఆస్పత్రికి తీసుకొచ్చారు. అక్కడ సకాలంలో వైద్యం అందలేదని కుటుంబసభ్యులు ఆరోపించారు. నొప్పులు అధికం కావడంతో మధ్యాహ్నం 12.30 గంటల ప్రాంతంలో యాద్గీర్‌ రోడ్డులోని ఓ ప్రైవేట్‌ ఆస్పత్రికి తీసుకెళ్లారు. అక్కడ సాధారణ ప్రసవానికి ప్రయత్నించినట్లు కుటుంబసభ్యులు తెలిపారు. సుమారు రెండు గంటలపాటు ప్రయత్నించినా పరిస్థితి అనుకూలించకపోవడంతో గాయత్రి ఆస్పత్రికి తరలించాలని సూచించినట్లు పేర్కొన్నారు. 3.03 గంటలకు సిజేరియన్‌ మధ్యాహ్నం 2.50 గంటల ప్రాంతంలో శ్వేతను గాయత్రి ఆస్పత్రికి తీసుకెళ్లారు. వైద్యులు పరీక్షించిన అనంతరం ఆపరేషన్‌ థియేటర్‌కు తరలించా రు. సుమారు 3.03 గంటలకు సిజేరియన్‌ చేయ గా ఆడశిశువు జన్మించింది. అనంతరం శ్వేతకు రక్తం తక్కువగా ఉందని, రెండు యూనిట్ల రక్తం అవసరమని వైద్యులు చెప్పినట్లు కుటుంబ సభ్యు లు తెలిపారు. రక్తం ఎక్కించినా రక్తస్రావం ఆగలేదని, పరిస్థితి విషమించడంతో మహబూబ్‌నగర్‌కు తరలించాలని వైద్యులు సూచించినట్లు చెప్పారు. సాయంత్రం 6.30 గంటల ప్రాంతంలో ప్రత్యేక అంబులెన్స్‌లో శ్వేతను మహబూబ్‌నగర్‌లోని ఓ ప్రైవేట్‌ ఆస్పత్రికి తరలించారు. రాత్రి 8.30 గంటల ప్రాంతంలో అక్కడికి చేరుకున్నట్లు కుటుంబసభ్యులు తెలిపారు. రెండు, మూడు గంటల చికి త్స అనంతరం శ్వేత మృతి చెందినట్లు వైద్యు లు తెలిపారని వారు పేర్కొన్నారు. బిడ్డ పుట్టిన ఆనందంలో మునిగిపోవాల్సిన కుటుంబం.. కొద్దిగంటల్లోనే శోకసంద్రంలో మునిగిపోయింది. తల్లి ఒడిలో ఉండాల్సిన పసిబిడ్డ.. అమ్మను కోల్పోయింది. నవజాత శిశువును చేతుల్లోకి తీసుకున్న బంధువుల కళ్లలో నీళ్లు తిరిగాయి.

పిల్లల ఆరోగ్యకరమైన ఎదుగుదలకు సమతుల, వైవిధ్యమైన ఆహారం ఎంతో ముఖ్యం. గ్రామాల్లో పోషకాహార విలువలను వివరించి.. ఆహారంలో వాటిని భాగం చేసుకునేలా చర్యలు చేపట్టాం. రక్తహీనత లేకుండా చేయడంతో పాటు హిమోగ్లోబిన్‌ శాతం పెంచడమే లక్ష్యం. మార్కెట్లో సాధారణంగా లభించని ఆకుకూరలు, కూరగాయల్లోని పోషక విలువలను కూడా వివరిస్తున్నాం. మూఢనమ్మకాల కారణంగా కొన్ని ఆహార పదార్థాలను తీసుకోని వారిలోనూ అవగాహన కల్పిస్తున్నాం. పోషణ్‌ మాసం ద్వారా ప్రతి ఇంటికీ ఆరోగ్యకరమైన ఆహారపు సందేశాన్ని తీసుకెళ్లడమే లక్ష్యం. – జరీనాబేగం, జిల్లా సీ్త్ర, శిశు సంక్షేమశాఖ అధికారి

● రాజకీయ లబ్ధికే ప్రతిపక్షాల నాటకాలు ● రైతులను రెచ్చగొట్టేందుకే జూరాలకు.. ● మంత్రులు జాపల్లి కృష్ణారావు, వాకిటి శ్రీహరి వనపర్తి: తెలంగాణ రైతుల సాగునీటి అవసరాలు అధికారం కోల్పోయిన తర్వాత బీఆర్‌ఎస్‌ నేతలకు గుర్తుకురావడం హాస్యాస్పదమని మంత్రులు జూపల్లి కృష్ణారావు, వాకిటి శ్రీహరి అన్నారు. గురువారం కలెక్టరేట్‌లో ఎంపీ మల్లురవి, ఎమ్మెల్యేలు మేఘారెడ్డి, కృష్ణమోహన్‌రెడ్డి, మధుసూదన్‌రెడ్డితో కలిసి ఎన్‌నినో ప్రభావం.. సాగు, తాగునీటి అవసరాలు, నీటి నిల్వలు, వరద జలాల అంశంపై ఇరిగేషన్‌ అధికారులతో సమీక్ష నిర్వహించారు. అనంతరం ఏర్పాటు చేసిన విలేకర్ల సమావేశంలో మాట్లాడుతూ.. పదేళ్ల పాటు అధికారంలో ఉన్న బీఆర్‌ఎస్‌ పాలకులు పాలమూరును ఎండబెట్టి ఉత్తర తెలంగాణలో ప్రాజెక్టులను త్వరితగతిన పూర్తి చేసుకున్నది వాస్తవం కాదా అని ప్రశ్నించారు. రాజకీయ లబ్ధి కోసం బీఆర్‌ఎస్‌, బీజేపీ నాయకులు ప్రాజెక్టు వద్దకు వెళ్లి అమాయకులైన రైతుల ఎదుట వీరంగం చేయడం సరికాదన్నారు. నవంబర్‌ వరకు సాగునీరు అందించేందుకు ప్రజా ప్రభుత్వం పక్కా ప్రణాళికతో ఉందని తెలిపారు. ప్రస్తుతం వస్తున్న వరద కొనసాగినంత వరకు రోజు కాల్వలకు నీరందించి.. వరద ఆగిన తర్వాత వారాబందీ లెక్కన అందించాలని నిర్ణయించినట్లు వెల్లడించారు. భవిష్యత్‌ అవసరాలను దృష్టిలో ఉంచుకొని నిల్వ నీటిని పొదుపుగా వినియోగించుకోవాలని రైతులకు సూచించారు. పదేళ్లు రైతులను నిర్లక్ష్యం చేసిన వారు ఇప్పుడు రాజకీయ స్వార్థంతో కపట ప్రేమ చూపుతున్నారంటూ విమర్శించారు. 2015లో శంకుస్థాపన చేసిన పాలమూరు–రంగారెడ్డి ఎందుకు పూర్తి కాలేదు.. ఆ తర్వాత శంకుస్థాపన చేసిన కాళేశ్వరం ఎలా పూర్తి చేశారనే విషయాన్ని రైతులు గమనించాలన్నారు. వారాబందీ విధానంలో లష్కర్లు, ఇతర సిబ్బందిని వినియోగించి డిస్ట్రిబ్యూటరీ వారీగా ఆన్‌అండ్‌ఆఫ్‌ పద్ధతిలో సమానంగా నీరు వదలాలని ఇరిగేషన్‌శాఖ అధికారులను ఆదేశించారు. ఆయకట్టు రైతులు సాగుచేసిన వానాకాలం పంటలను కాపాడటానికి ముందుగానే కర్ణాటక ముఖ్యమంత్రికి నీటి విడుదలపై ప్రతిపాదనలు సిద్ధం చేశామని.. అసెంబ్లీ కారణంగా రెండ్రోజులు ఆలస్యమైందని, అంతలోపే ప్రతిపక్షాలు రాద్ధాంతం చేశాయని తెలిపారు. నీటి విడుదలకు సహకరించిన కర్ణాటక ముఖ్యమంత్రి డీకే శివకుమార్‌కు జిల్లా రైతుల తరఫున ప్రత్యేక ధన్యవాదాలు తెలిపారు. వానకాలం పంటలు కాపాడటానికి నవంబర్‌ 27 వరకు వారాబందీ విధానంలో నీటిని విడుదల చేస్తామని.. రైతులు అధైర్యపడొద్దని మంత్రులు చెప్పారు. విషయం తెలుసుకునే రాద్ధాంతం.. కృష్ణానది పరీవాహక ప్రాంతంలోని పంటల కోసం నీటిని విడుదల చేయాలని కోరుతూ కర్ణాటక ప్రభుత్వానికి సీఎం రేవంత్‌రెడ్డి, నీటిపారుదలశాఖ మంత్రి ఉత్తమ్‌కుమార్‌రెడ్డి లేఖ రాసిన విషయం తెలుసుకొనే బీఆర్‌ఎస్‌, బీజేపీ నేతలు జూరాల ప్రాజెక్టుకు వద్దకు వెళ్లి రైతుల ముందు రాజకీయ రాద్దాంతం చేశారని ఎంపీ మల్లురవి ఆరోపించారు. వారి అసత్యపు ఆరోపణలు రైతులు నమ్మే పరిస్థితి లేదని.. నాటి నుంచి నేటి వరకు రైతుల పక్షపాతి ప్రభుత్వం కాంగ్రెస్సేనని తెలిపారు. వనపర్తి ఎమ్మెల్యే మేఘారెడ్డి మాట్లాడుతూ 2015లో కేంద్ర ప్రభుత్వం కృష్ణానది జలాల వాటాపై ఏర్పాటు చేసిన సమావేశంలో 299 టీఎంసీల నీటివాటా చాలని బీఆర్‌ఎస్‌ నాయకులు సంతకాలు చేసి ఆంధ్రప్రదేశ్‌కు 512 టీఎంఎస్‌ల వాటాను అప్పగించిన నాడే పాలమూరు రైతులకు అన్యాయం చేశారని అన్నారు. గద్వాల ఎమ్మెల్యే కృష్ణమోహన్‌రెడ్డి మాట్లాడుతూ గట్టు, గూడెందొడ్డి, భూత్పూరు రిజర్వాయర్లతో ఆయా ప్రాంతాల్లోని రైతులకు సాగునీరందిస్తాం.. కుర్చి వేసుకొని కూర్చొని పనులు చేయిస్తామని చెప్పిన గత పాలకుల నిర్లక్ష్యంతోనే పాలమూరులోని ఐదు లక్షల ఎకరాల ఆయకట్టు రైతులు కేవలం 9 టీఎంసీల సామర్థ్యం గల జూరాలపై ఆధారపడాల్సి వస్తుందని అన్నారు. పదేళ్ల కాలంలో పాలమూరులో హామీ ఇచ్చిన సాగునీటి ప్రాజెక్టుల నిర్మాణం చేసి ఉంటే ఎన్‌నినోలాంటి క్లిష్టపరిస్థితుల్లోనూ సాగునీటి ఎద్దడి ఉండేది కాదని తెలిపారు. మాయగాళ్ల మాటలు నమ్మి మోసపోవద్దు: జీఎమ్మార్‌ రాజకీయ లబ్ధి కోసం రైతులను రెచ్చగొడుతున్న మాయగాళ్ల మాటలను పాలమూరు రైతాంగం నమ్మవద్దని దేవరకద్ర ఎమ్మెల్యే జి.మధుసూదన్‌రెడ్డి విమర్శించారు. జిల్లా వరప్రదాయిని అంటున్న పాలమూరు ప్రాజెక్టులోని ప్రధాన ఐదు రిజర్వాయర్ల పనులు ఎందుకు నిర్లక్ష్యం చేశారని ప్రశ్నించారు. రైతులకు పరిహారం ఇచ్చే విషయంలో నిర్లక్ష్యం, గుత్తేదారులకు బిల్లులు చెల్లించేందుకు కమీషన్ల కోసం ఆసక్తి చూపించిన కారణంగానే ఎక్కడి పనులు అక్కడే పడకేశాయని తెలిపారు.

● తెలంగాణ ఉద్యమ సమయంలోని కేసుల ఎత్తివేతకు కృషి ● ఎమ్మెల్సీ కోదండరాం మహబూబ్‌నగర్‌ ఎడ్యుకేషన్‌: తెలంగాణ ఉద్యమకారుల ఆకాంక్ష నెరవేర్చేందుకు కృషి చేస్తామని ఎమ్మెల్సీ ప్రొ.కోదండరాం అన్నారు. గురువారం పీయూ లో నిర్వహించిన ఉద్యమకారుల ఆత్మగౌరవ సమ్మేళనం కార్యక్రమానికి ఆయన ముఖ్య అతిథిగా హాజరై మాట్లాడారు. తెలంగాణ ఉద్యమ సమయంలో సుమారు 2వేల కేసులు ఉద్యమకారులపై నమోదు కాగా.. గత ప్రభుత్వం కొన్నింటిని తొల గించిందన్నారు. ఇంకా సుమారు 1200 కేసులు ఉన్నాయని.. వాటిని ఎత్తివేయాలని ప్రస్తుత ప్రభుత్వానికి సూచించామన్నారు. సీఎం కూడా కేసుల ఎత్తివేతపై అధికారులకు ఆదేశాలు జారీ చేశారని తెలిపారు. కేసులతో చాలా మంది ఉద్యమకారులు ఇబ్బందులు ఎదుర్కొంటున్నారన్నారు. కొందరికి ఉద్యోగాలు రాక అవస్థలు పడుతున్నారన్నారు. ఉద్యమకారుల సమస్యలను పరిష్కరించేందుకు తమవంతు కృషి చేస్తున్నట్లు తెలిపారు. ఢిల్లీలో రాష్ట్ర ప్రభుత్వ ప్రత్యేక ప్రతినిధి ఏపీ జితేందర్‌రెడ్డి మాట్లాడుతూ.. ఉద్యమకారుల త్యాగాలు మరువలేనివన్నారు. ప్రత్యేక తెలంగాణ ఉద్యమంలో ఎంతో మంది కీలకపాత్ర పోషించారని గుర్తుచేశారు. మరో వర్గం నిరసన.. తెలంగాణ ఉద్యమకారుల ఆత్మగౌరవ సమ్మేళనంలో మరో వర్గం ఉద్యమకారులు నిరసన తెలిపారు. వారు సభ వద్దకు వెళ్తుండగా.. పోలీసులు అడ్డుకోవడంతో కొంతసేపు వాగ్వాదం జరిగింది. సమ్మేళనంలో పాల్గొన్న వారు 2009, 2010 కంటే ముందు ఉద్యమాలు చేశారని.. తాము 2010 నుంచి 2014 వరకు ఉధృతంగా సాగిన ఉద్యమంలో పాల్గొన్నామని.. తమ ప్రమేయం లేకుండా సమ్మేళనం నిర్వహించడం తమను అవమానించడమేనని అన్నారు. తమపై కేసులు ఉన్నాయని, నిజమైన ఉద్యమకారులను గుర్తించాలని కోరారు. ఎన్‌ఎస్‌ఎస్‌ దినోత్సవం సందర్భంగా పీయూ ఆవరణలో ఎమ్మెల్సీ కోదండరాం మొక్కలు నాటారు. ఈ సందర్భంగా ఆయన మాట్లాడుతూ.. పీయూ ఇప్పటికే పచ్చదనంతో కళకళలాడుతుందన్నారు. దీన్ని మరింత అభివృద్ధి చేయాలని సూచించారు. కార్యక్రమాల్లో వీసీ శ్రీనివాస్‌, రిజిస్ట్రార్‌ రమేశ్‌బాబు, కంట్రోలర్‌ ప్రవీణ ప్రిన్సిపల్‌ మధుసూదన్‌రెడ్డి, రాములునాయక్‌, ఈశ్వర్‌కుమార్‌, రవికుమార్‌, అర్జున్‌కుమార్‌, జ్ఞానేశ్వర్‌, చిన్నాదేవి పాల్గొన్నారు.

అంగన్‌వాడీ కేంద్రంలో ఆకుకూరలు, కూరగాయల్లో ఉండే పోషకాల గురించి చెబుతున్నారు. నాకు కొన్ని ఆకుకూరలు మాత్రమే తెలుసు. ఇప్పుడు చాలా రకాలున్నాయని తెలిసింది. వాటిని ఎలా వండుకొని తినాలో కూడా వివరిస్తున్నారు. ప్రభుత్వం ఇలాంటి కార్యక్రమాలు నిర్వహించడం సంతోషంగా ఉంది. – ఐశ్వర్య, లబ్ధిదారు, మహబూబ్‌నగర్‌ పౌష్టికాహారం అందిస్తున్నాం అంగన్‌వాడీ కేంద్రాల పరిధిలోని గర్భిణులు, బాలింతలు, చిన్నారులకు నిత్యం అవగాహన కల్పిస్తున్నాం. ప్రజల నుంచి మంచి స్పందన వస్తోంది. ప్రతిరోజూ ఒక్కో కార్యక్రమం నిర్వహిస్తున్నాం. ఆరోగ్య సూత్రాలను పాటించేలా చర్యలు తీసుకుంటున్నాం. పౌష్టికాహారం అందిస్తున్నాం. – మంజురాణి, అంగన్‌వాడీ టీచర్‌, టీడీగుట్ట, మహబూబ్‌నగర్‌ ప్రాధాన్యత వివరిస్తున్నాం అంగన్‌వాడీ కేంద్రాల్లో గర్భిణులు, బాలింతలకు పోషకాహార విలువలపై నెల రోజుల పాటు పోషణ మాసోత్సవాలు నిర్వహిస్తున్నాం. ప్రతిరోజూ వివిధ కార్యక్రమాల ద్వారా ప్రజల్లో అవగాహన కల్పిస్తున్నాం. అంగన్‌వాడీ టీచర్లు చేపడుతున్న కార్యక్రమాలను పర్యవేక్షిస్తున్నాం. – వసీమ్‌ సుల్తానా, ఐసీడీఎస్‌ సూపర్‌వైజర్‌

స్టేషన్‌ మహబూబ్‌నగర్‌: వివిధ రంగాల్లో విశేష ప్రతిభ కనబరిచిన వారికి సురవరం ప్రతాపరెడ్డి తెలుగు విశ్వవిద్యాలయం ప్రతి ఏడాది ఇచ్చే ప్రతిభ పురస్కారానికి ప్రముఖ కవి కోట్ల వెంకటేశ్వరరెడ్డి ఎంపికయ్యారు. కవితా విభాగంలో జిల్లాకు చెందిన కవి కోట్ల వెంకటేశ్వరరెడ్డి 40 ఏళ్లుగా వచన కవిత్వం రాస్తున్నారు. ఇప్పటివరకు 17 వచన కవితా సంపుటాలను వెలువరించారు. వచ్చేనెల 3వ తేదీన కోట్ల వెంకటేశ్వరరెడ్డి ప్రతిభా పురస్కారాన్ని అందుకోనున్నారు. ఈయన 2019లో కాళోజీ పురస్కారాన్ని అందుకున్నారు. కోట్ల వెంకటేశ్వరరెడ్డికి ప్రతిభా పురస్కారం లభించడం పట్ల పాలమూరు సాహితీ అధ్యక్షడు డాక్టర్‌ భీంపల్లి శ్రీకాంత్‌ ఓ ప్రకటనలో హర్షం వ్యక్తం చేశారు.

● రెడ్‌క్రాస్‌ ఎన్నికల్లో 19 మంది నామినేషన్లు ● నేడు పరిశీలన.. 26న ఉపసంహరణ పాలమూరు: ఇండియన్‌ రెడ్‌క్రాస్‌ సొసైటీ జిల్లా నూతన కార్యవర్గం ఎన్నికలు ఉత్కంఠ రేపుతున్నాయి. ముఖ్యంగా చైర్మన్‌ పీఠాన్ని దక్కించుకునేందుకు పలువురు ప్రముఖులు పోటీ పడుతుండటంతో ఆసక్తి నెలకొంది. దాదాపు మూడేళ్ల తర్వాత ఎన్నికల విధానంలో నూతన కార్యవర్గాన్ని ఎన్నుకుంటుండటంతో పలువురు పోటీకి ముందుకొచ్చారు. జిల్లా ఎన్నికల అధికారి డి.కృష్ణ, సహాయ ఎన్నికల అధికారి కె.వీరభద్రయ్య ఆధ్వర్యంలో గురువారం నామినేషన్ల స్వీకరణ చేపట్టారు. మొత్తం 15 కార్యవర్గ స్థానాలకు 19 మంది నామినేషన్లు దాఖలు చేశారు. శుక్రవారం ఉదయం 10 గంటల నుంచి మధ్యాహ్నం ఒంటి గంట వరకు నామినేషన్ల పరిశీలన జరగనుంది. ఈనెల 26న ఉపసంహరణకు అవకాశం ఉంటుంది. నలుగురు అభ్యర్థులు తప్పుకుంటే మిగిలిన 15 మందిని ఏకగ్రీవంగా ఎన్నుకునే అవకాశం ఉంది. లేకపోతే అక్టోబర్‌ 4న ఎన్నికలు నిర్వహించనున్నారు. గురువారం నామినేషన్ల ప్రక్రియను అదనపు కలెక్టర్‌ మధుసూదన్‌నాయక్‌ పరిశీలించి అధికారులను వివరాలు అడిగి తెలుసుకున్నారు. పోటీలో ప్రముఖులు నగరానికి చెందిన పలువురు ప్రముఖులు డాక్టర్‌ శ్యామూల్‌, జేపీఎన్‌సీఈ చైర్మన్‌ కేఎస్‌ రవికుమార్‌, నిర్మల్‌ డయాగ్నస్టిక్‌ సెంటర్‌ నిర్వాహకుడు తిరుపతిరెడ్డి, బాబుల్‌రెడ్డి, డాక్టర్‌ విష్ణు జనార్దన్‌, జగపతిరావు, రమణయ్య, న్యాయవా ది పుట్టపాగ రఘుపతి, గుండా మనోహర్‌, ఆర్‌.రామకృష్ణ తదితరులు నామినేషన్లు దాఖలు చేసిన వారిలో ఉన్నారు. ఈ పదవికి ప్రధానంగా ముగ్గురు పోటీ పడుతున్నట్లు తెలుస్తుండటంతో ఎన్నికలపై ఉత్కంఠ నెలకొంది.

మానవపాడు: యువకుడు అనారోగ్యంతో బాధపడు తూ ఉరేసుకొని ఆత్మహత్య చేసుకున్న ఘటన గురువా రం మండలంలోని చెన్ని పాడులో చోటుచేసుకుంది. ఎస్‌ఐ స్వాతి తెలిపిన కథనం ప్రకారం.. గ్రామానికి చెందిన తెలుగు నాగేంద్ర(33) హమాలీ పని చేస్తూ జీవనం సాగించేవాడు. కొన్ని రోజులుగా గుండెనొప్పి, నడుమునొప్పితో బాధపడుతూ ఇంటి వద్దనే ఉంటున్నాడు. ఈ క్రమంలో గురువారం మనస్థాపానికి గురై భార్య పొలం పనికి వెళ్లగానే ఇంటి పైకప్పునకు కొండికి చీరతో ఉరి వేసుకున్నాడు. ఇంటి పక్కనే ఉన్న బోయ సుజాత గమనించి మృతుని భార్య మానసకు ఫోన్‌ చేసి సమాచారం అందించింది. ఆమె హుటహుటిన ఇంటికి వచ్చి చూడగా అప్పటికే మృతి చెందాడు. భర్త మరణంపై ఎవరిపైనా ఎటువంటి అనుమానం లేదని ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. క్యాన్సర్‌ నొప్పి భరించలేక వృద్ధుడి ఆత్మహత్య తిమ్మాజిపేట: క్యాన్సర్‌తో బాధపడుతూ నొప్పిని భరించలేక ఓ వ్యక్తి ఆత్మహత్యకు పాల్పడిన ఘటన మండలంలో చోటుచేసుకుంది. ఎస్‌ఐ శ్రీనివాసరావు తెలిపిన వివరాల మేరకు.. బావాజిపల్లికి చెందిన దాసరి తిరుపతయ్య (60) రెండేళ్లుగా క్యాన్సర్‌తో బాధపడుతున్నాడు. ఆ నొప్పి భరించలేక ఈ నెల 22న తన వ్యవసాయ పొలంలో పురుగుల మందు తాగాడు. గమనించిన కుటుంబ సభ్యులు బాధితుడిని నాగర్‌కర్నూల్‌ ఆస్పత్రికి తరలించారు. అక్కడే చికిత్స పొందుతూ గురువారం సాయంత్రం మృతి చెందినట్లు ఎస్‌ఐ తెలిపారు. మృతుడి కుమారుడు దాసరి శంకర్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఆయన తెలిపారు. అదృశ్యమైన బాలుడు నీటి గుంతలో పడి మృతి వెల్దండ: మండలంలోని కొట్రతండా సమీపంలోని వ్యవసాయం పొలంలో నివాసం ఉండే బీహర్‌కు చెందిన బాలుడు ఆర్యన్‌(8) నీటిగుంతలో పడి మృతి చెందినట్లు ఎస్‌ఐ యుగందర్‌రెడ్డి తెలిపారు. వివరాలు ఇలా ఉన్నాయి. బీహర్‌ రాష్ట్రానికి చెందిన దంపతులు సావిత్రి, గౌతమ్‌సింగ్‌లు పశువుల షెడ్‌ పనిచేస్తు కుటుంబంతో అక్కడే ఉంటున్నారు. ఈనెల 22న ఆర్యన్‌ కనిపించకుండా పోవడంతో చుట్టు పక్కల వెతికిన కన్పించలేదు. దీంతో ఈనెల 23న వెల్దండ పోలీస్‌స్టేషన్‌ ఫిర్యాదు చేయడంతో కేసు నమోదు చేశారు. ఎస్‌ఐతో పాటు సిబ్బంది సమీప వ్యవసాయ పొలాల్లో గాలింపు చేపట్టగా కొట్రతండా సమీపంలోని రైతు అమితేష్‌ పొలంలోని నీటిగుంతలో బాలుడు శవం లభ్యమైంది. పోస్టుమార్టం నిమిత్తం కల్వకుర్తి ప్రభుత్వ ఆస్పత్రికి తరలించి అనంతరం కుటుంబ సభ్యులకు అప్పగించారు. కల్వకుర్తి పట్టణంలోని మున్సిపల్‌ కమిషనర్‌ అనుమతితో కల్వకుర్తిలో బాలుడి మృతదేహానికి అంత్యక్రియలు చేసినట్లు పోలీసులు వివరించారు. పెట్రోల్‌ పోసి.. నిప్పంటించి దారుణ హత్య మరికల్‌: నిద్రిస్తున్న వ్యక్తిపై పెట్రోల్‌ పోసి, నిప్పటించి దారుణ హత్యకు పాల్పడ్డ ఘటన గురువారం మాధవరంలో చోటుచేసుకుంది. పోలీసులు తెలిపిన వివరాల మేరకు.. మరికల్‌ మండలంలోని మాధవరం గ్రామానికి చెందిన తాలపల్లి బాలస్వామి (46) కుటుంబ సభ్యులతో కలిసి బుధవారం రాత్రి భోజనం ముగించుకొని ఇంట్లో నిద్రించాడు. ఈ క్రమంలో అర్ధరాత్రి సమయంలో గుర్తుతెలియని వ్యక్తి ఇంట్లోకి ప్రవేశించి బాలస్వామిని హత్య చేయాలనే ఉద్దేశంతో పెట్రోల్‌ పోసి నిప్పంటించారు. తేరుకున్న కుటుంబ సభ్యులు వెంటనే బాధితుడిని అంబులెన్స్‌లో జిల్లా ఆస్పత్రికి తరలించారు. అప్పటికే 90 శాతం కాలిన శరీరంతో పరిస్థితి విషమంగా ఉందని వైద్యులు చెప్పడంతో మెరుగైన వైద్యం కోసం అక్కడి నుంచి హైదరాబాద్‌ ఉస్మానియా ఆస్పత్రికి తీసుకెళ్లారు. అక్కడే చికిత్స పొందుతూ గురువారం రాత్రి 7 గంటలకు మృతి చెందాడు. మృతుడికి భార్య, ఇద్దరు కుమారులు, ఒక కుమార్తె ఉన్నారు. ఈ ఘటనపై కేసు నమోదు చేసి, హత్యకు గల కారణాలపై విచారణ చేస్తున్నామని ఎస్‌ఐ రాంలాల్‌నాయక్‌ తెలిపారు. షార్ట్‌సర్క్యూట్‌తో ఇల్లు దగ్ధం ● రూ.4 లక్షల ఆస్తి నష్టం కల్వకుర్తి రూరల్‌: షార్ట్‌సర్క్యూట్‌తో ఇల్లు దగ్ధమై రూ.4 లక్షల ఆస్తి నష్టం జరిగిన ఘటన గురువారం రాత్రి చోటుచేసుకుంది. స్థానికుల వివరాల ప్రకారం మండలంలోని రఘుపతి పేట గ్రామ పంచాయతీ పరిధిలోని రామగిరిలో షార్ట్‌సర్క్యూట్‌ సంభవించి ఇంట్లో ఉన్న సిలిండర్‌ పేలింది. దీంతో ఇల్లు దగ్ధమైంది. రూ.4 లక్షల ఆస్తి నష్టం సంభవించింది. ఈ ఘటనలో ఇంటి పైకప్పు రేకులు ఎగిరి పడి ఒకరికి గాయాలయ్యాయి. బాధితుడు రామగిరికి చెందిన మద్దిలేటి పోలీసులకు సమాచారం ఇచ్చాడు. పోలీసులు సంఘటన స్థలానికి వెళ్లి విచారణ చేపట్టారు.

మిడ్జిల్‌: మండల కేంద్రంలోని సంత బజార్‌లో ఇటీవల నూతనంగా బోయిన్‌పల్లికి చెందిన శశిధర్‌రెడ్డి ఇల్లు నిర్మించుకొని కుటుంబ సభ్యులతో నివసిస్తున్నారు. బుధవారం తెల్లవారుజామున కిచెన్‌ గదిలో షార్ట్‌సర్క్యూట్‌లో మంటలు చెలరేగా యి. వారు నిద్రలో ఉండగా.. కిచెన్‌, హాల్‌లోకి మంటలు వ్యాపించగా.., లేచి చూసే సరికి మంటలు వ్యాపిస్తుండడంతో చుట్టుపక్కలవారి సహాయంతో మంటలను ఆర్పివేశారు. కిచెన్‌లో వంట సామగ్రితోపా టు కబోర్డు, హాల్‌లో కబోర్డు, పీఓపీ పూర్తిగా దగ్ధంకావడంతో దాదాపు రూ.10లక్షల వరకు ఆస్తినష్టం కలిగిందని బాధితుడు తెలిపారు.

● జోరుగా ఇసుక అక్రమ రవాణా ● బెంజ్‌లు, టిప్పర్ల ద్వారా దోపిడీ ● పట్టించుకోని పోలీసు, రెవెన్యూ యంత్రాంగం ● రైతులే అడ్డుకుని ఠాణాకు వాహనాల తరలింపు చిన్నచింతకుంట: చిన్నచింతకుంట మండంలోని వివిధ గ్రామాల్లో అక్రమ ఇసుక తరలింపు జోరుగా కొనసాగుతుంది. అభివృద్ధి పనుల పేరిట కొందరు ఇసుక బకాసురులు రాత్రింభవళ్లు తేడాలేకుండా ఊకచెట్టు వాగునుంచి ఇసుకను తోడేస్తున్నారు. భారత్‌ బెంజ్‌ వాహనాలు, టిప్పర్లకు జేసీబీ, హిటాచీల ద్వారా నింపి ఇతర ప్రాంతాలకు తరలిస్తూ సొమ్ము చేసుకుంటున్నారు. వ్యవహారం పోలీసులు, రెవెన్యూ సిబ్బందికి తెలిసినా పట్టించుకోవడం లేదన్న ఆరోపణలు మెండుగా వినిపిస్తున్నాయి. అయితే ఇసుక తరలింపు కొనసాగితే భూగర్భ జలా లు అడగంటిపోయి వాగు పరిసర ప్రాంతాల్లోని గ్రామాలకు తాగు, సాగు నీటి ఇబ్బందులు ఏర్పడుతాయన్న ఉద్దేశంతో రైతులు ఇసుక అక్రమ తరలింపును అరికట్టేందుకు నడుము బిగించారు. రాత్రి సమయంలో కాపు కాస్తూ ఇసుక వాహనాలను అ డ్డుకుంటున్నారు. తాజాగా సోమవారం రాత్రి మండలంలోని బండ్రపల్లి ఊకచెట్టు వాగునుంచి కొంద రు అక్రమార్కులు ఏడు భారత్‌ బెంజ్‌ వాహనాలు, ఒక హిటాచీ, జేసీబీతో ఇసుకను తరలిస్తుండగా బండ్రపల్లి రైతులు మాటువేసి పట్టుకున్నారు. వాహనాలను పోలీస్‌స్టేషన్‌కు తరలించి పోలీసుల కు అప్పగించారు. వారం రోజుల క్రితం కూడా పల్లమర్రి, ముచ్చింతల మధ్య రాత్రి సమయంలో అక్రమంగా ఇసుకను తరలిస్తున్న వాహనాలను రైతులు అడ్డుకొని పోలీసులకు అప్పగించారు. ఇంత జరిగి నా పోలీసులు, రెవెన్యూ సిబ్బంది చలించకపోవడంతో గ్రామాల్లో పలు విమర్శలు వినిపిస్తున్నాయి. అధికార పార్టీ అండదండలతో.. మండలంలోని మద్దూర్‌, పల్లమర్రి, లాల్‌కోట, బండ్రపల్లి, అల్లీపురం, కౌకుంట్ల మండలంలోని తిర్మలాపురంలో అధికార పార్టీ నాయకుల అండదండలతో ఇసుక తరలింపును గత కొన్నిరోజులుగా జోరుగా కొనసాగిస్తున్నారు. అల్లీపురం, మద్దూరు, తిర్మలాపురం నుంచి ట్రాక్టర్ల ద్వారా ఆత్మకూర్‌, అమరచింత, కౌకుంట్ల మండలాలకు తరలిస్తున్నారు. పల్లమర్రి, ముచ్చింతల, బడ్రపల్లి, లాల్‌కోట నుంచి భారత్‌బెంజ్‌, టిప్పర్ల ద్వారా మహబుబ్‌నగర్‌, హైదరాబాద్‌ తదతర ప్రాంతాలకు తరలిస్తూ సొమ్ము చేసుకుంటున్నారు. ట్రాక్టర్‌కు రూ.5నుంచి 6వేయిల చొప్పున టిప్పరుకు 20నుంచి 30వేల చొప్పున దండుకుంటున్నారు. చిన్నచింతకుంట మండలం బండ్రపల్లి గ్రామం వద్ద రైతులు పట్టుకున్న అక్రమ ఇసుక వాహనాలు ఇసుక అక్రమ తరలింపుపై ఉక్కుపాదం మోపుతాం. వారంరోజులుగా వినాయక చవితి వేడుకలు, నిమజ్జన కార్యక్రమాలు కొనసాగుతున్నాయి. అందుకు సిబ్బంది కొరత కారణంగా అక్రమార్కులు ఇసుక తరలింపుపై ఇష్టానుసారంగా వ్యవహరించారు. ఇకపై కఠిన చర్యలు చేపట్టి అక్రమ తరలింపును అరికడుతాం. – రామకృష్ణ, సీఐ, భూత్పూర్‌ గ్రామాల్లో కొనసాగుతున్న ఇసుక అక్రమ తరలింపును అరికట్టేందుకు చర్యలు చేపడుతున్నాం. ఇదివరకే అన్నిశాఖల సమన్వయంతో కమి టీని వేసి పర్యవేక్షిస్తూ వ చ్చాం. ఇప్పడు కూడా అదేమాదిరిగా గ్రామాల్లో పర్యవేక్షించి అక్రమ తరలింపును అరికడుతాం. – ఎల్లయ్య, తహసీల్దార్‌, చిన్నచింతకుంట

మహబూబ్‌నగర్‌ మున్సిపాలిటీ: సాధారణంగా వినాయక విగ్రహాలను లారీలు, ట్రాక్టర్లు, కార్లు, జీపులు, ఆటో ట్రాలీలు తదితర వాహనాల్లో ప్రత్యేకంగా అలంకరించి డప్పువాయిద్యాలతో పెద్ద ఎత్తున ర్యాలీలు నిర్వహించి నిమజ్జనం కోసం సమీప వాగులు, వంకలు, చెరువులు, నదికి తరలించడం చూస్తుంటాం.. అయితే ఎలాంటి హంగూ ఆర్భాటాలు లేకుండా ఆర్టీసీ బస్సులో నిమజ్జనం కోసం తరలించారు మహబూబ్‌నగర్‌ జిల్లాకేంద్రంలోని వీరన్నపేట వాసులు. ఇక్కడి కొత్తగేట్‌ వద్ద శ్రీహిందూ నవభారత యువజన సంఘం ఆధ్వర్యంలో ఈనెల 14న వినాయకుడి విగ్రహాన్ని మండపంలో ఏర్పాటు చేసి నిత్యం పూజలు చేరారు. చివరి రోజు బుధవారం ఉదయం నిర్వాహకులు రెండు ఆర్టీసీ బస్సులను అద్దెకు తీసుకున్నారు. ఒక్కో దానికి రూ.36,850 చొప్పున సంస్థకు చెల్లించారు. ఒక దాంట్లో విగ్రహాన్ని ఉంచి జోగుళాంబ గద్వాల జిల్లాలోని బీచుపల్లికి తీసుకెళ్లి నిమజ్జనం చేశారు. ఈ రెండు బస్సులలో సుమారు 115 మంది భక్తులు కుటుంబసమేతంగా బయలుదేరారు.

మహబూబ్‌నగర్‌ క్రీడలు: హైదరాబాద్‌లో జరుగుతున్న సీ–డివిజన్‌ వన్డే లీగ్‌ చాంపియన్‌షిప్‌లో హెచ్‌సీఏ డిస్ట్రిక్ట్‌–4 (మహబూబ్‌నగర్‌) జట్టు విజయాన్ని నమోదు చేసుకుంది. బుధవారం జరిగిన మ్యాచ్‌లో జిల్లా జట్టు నాలుగు వికెట్ల తేడాతో అక్రెలిక్‌ జట్టుపై విజయం సాధించింది. మొదట బ్యాటింగ్‌ చేసిన అక్రెలిక్‌ జట్టు 37.2 ఓవర్లలో 10 వికెట్లకు 89 పరుగులు చేసింది. జిల్లా బౌలర్లు అభినవ్‌ 3, ధనూష్‌ 3, వసికర్‌ 2, సోహైల్‌ 2 వికెట్లు తీశారు. అనంతరం బ్యాటింగ్‌ చేసిన హెచ్‌సీఏ–4 జట్టు 17.3 ఓవర్లలో 6 వికెట్లు కోల్పోయి 90 పరుగులు చేసింది. వన్డే లీగ్‌ మ్యాచ్‌లో జిల్లా జట్టు విజయం సాధించడంపై ఎండీసీఏ ప్రధాన కార్యదర్శి ఎం.రాజశేఖర్‌ హర్షం వ్యక్తం చేశారు. రానున్న మ్యాచుల్లో ఇదే స్ఫూర్తితో ఆడి విజయాలు సాధించాలని ఆకాంక్షించారు.విజయం సాధించిన జిల్లా జట్టు

ఇసుక అక్రమ తరలింపు ఇలాగే కొనసాగితే వాగు పరిసర ప్రాంతాల్లోని గ్రామాల రైతులకు తాగు, సాగునీటికి ఇబ్బందులు ఏర్పడనున్నాయి. అక్రమార్కులు ఇసుకను తోడేస్తే భూగర్భజలాలు అడగంటిపోతాయి. వాగు పరిసర ప్రాంతాల రైతుల బోరుపంపులకు నీరు అందక రైతులు సాగుచేసిన పంటలు ఎండిపోతాయి. అంతేకాక ప్రజలకు తాగునీటి ఇబ్బందులు తలెత్తుతాయి. అందుకు ఇసుక తరలింపును అడ్డుకోవాలని పలుమార్లు పోలీసులు, రెవెన్యూ సిబ్బందికి విన్నవించినా పట్టించుకోవడంలేదని ఆయా గ్రామాల రైతులు మండిపడుతున్నారు. అంతేకాక ఇసుక రవాణా కొనసాగుతుందని పోలీసులు, రెవెన్యూ సిబ్బందికి సమాచారం ఇస్తే ఘటనాస్థలానికి వచ్చి అక్రమార్కులతో చేతులు కలిపి వెళ్తున్నారన్న ఆరోపణలు వెల్లువెత్తుతున్నాయి. అందుకు రైతులే ఇసుక రవాణాను అరికట్టేందుకు నడుం బిగిస్తున్నట్లు పలువురు రైతులు తెలుపుతున్నారు.

అమరచింత: ప్రేమించి పెళ్లి చేసుకున్న యువతిని తనకు దూరం చేయడం.. ఆమెకు మరో వ్యక్తితో పెళ్లి చేయబోతున్నారని తెలియడంతో తీవ్ర మనో వేదనకు గురైన ఓ యువకుడు చివరకు ఆత్మహత్యకు పాల్పడ్డాడు. అమరచింత మండలం నందిమళ్లకు చెందిన పూడూరు కిషోర్‌కుమార్‌రెడ్డి ఘట న స్థానికంగా విషాదం నింపింది. కిషోర్‌ ఓ యువతిని ప్రేమించి పెళ్లి చేసుకున్నాడు. అయితే యువతి మైనర్‌ అంటూ ఆమె కుటుంబసభ్యులు పోలీసులకు ఫిర్యాదు చేయడంతో కిషోర్‌పై పోక్సో కేసు నమోదై జైలుకు వెళ్లాడు. ఈ క్రమంలో మహబూబ్‌నగర్‌ జిల్లా జైలు నుంచి జూన్‌లో తప్పించుకునేందుకు ప్రయత్నించి పోలీసులకు చిక్కాడు. ఈ ఘటనకు సంబంధించి మరో కేసు నమోదు చేసి చంచల్‌గూడ జైలుకు తరలించారు. అయితే జైలులో ఉన్న కిషోర్‌కు స్నేహితుల ద్వారా తాను ప్రేమించిన యువతికి మరో వ్యక్తితో పెళ్లి చేసేందుకు కుటుంబసభ్యులు ఏర్పాట్లు చేస్తున్నట్లు తెలిసినట్లు సమాచారం. దీంతో ఆమెను కలుసుకోవాలనే ఉద్దేశంతో చంచల్‌గూడ జైలు నుంచి కూడా తప్పించుకుని స్వగ్రామమైన నందిమళ్లకు చేరుకున్నాడు. అక్కడి నుంచి మళ్లీ పోలీసులకు చిక్కుతానన్న భయంతో తీవ్ర మనస్తాపానికి గురై ఆత్మహత్యకు పాల్పడ్డాడు. ‘వేధింపులే కారణం’.. తండ్రి ఆరోపణ తన కుమారుడు కిషోర్‌కుమార్‌రెడ్డి ఆత్మహత్యకు యువతి తండ్రి వేధింపులే కారణమని కిషోర్‌ తండ్రి పూడూరు శ్రీనివాస్‌రెడ్డి ఆరోపించారు. యువతికి 18 ఏళ్లు పూర్తయినా ఆధార్‌లో వయస్సు తక్కువగా చూపించేలా పత్రాలు సృష్టించి మైనర్‌గా పేర్కొని కేసు పెట్టారని ఆయన ఆరోపించారు. తమది పేద కుటుంబమని, కుమారుడిపైనే ఆధారపడి జీవించేవారమని కన్నీరుమున్నీరయ్యారు. ప్రేమించిన అమ్మాయికి మరో పెళ్లి చేస్తున్నారని మనోవేదన ఆమె కోసమే రెండుసార్లు జైలు నుంచి పరారీ చివరకు తీవ్ర మనస్తాపంతో కిషోర్‌ ఆత్మహత్య కిషోర్‌ వ్యవహారం పోలీసు శాఖలోనూ కలకలం రేపింది. మహబూబ్‌నగర్‌ జిల్లా జైలు నుంచి తప్పించుకున్న ఘటనలో ఇద్దరు పోలీసు సిబ్బంది సస్పెండ్‌ కాగా.. చంచల్‌గూడ జైలు నుంచి పరారైన ఘటనలో తాజాగా మరో ఐదుగురు పోలీసు సిబ్బందిపై సస్పెన్షన్‌ వేటు పడినట్లు సీఐ శివకుమార్‌ తెలిపారు. మొత్తంగా కిషోర్‌ పరారీ ఘటనలకు సంబంధించి ఏడుగురు పోలీసు సిబ్బంది సస్పెండ్‌ అయినట్లు వెల్లడించారు.

● 16 రోజులుగా కొడుకు కోసం తల్లిదండ్రుల కన్నీటి నిరీక్షణ ● పెళ్లి పీటలు ఎక్కాల్సిన కొడుకు పాడెక్కడంతో కన్నవారి గుండెల్లో తీరని శోకం మదనాపురం: ఆ తల్లిదండ్రుల ఆశలన్నీ ఒక్కసారిగా ఆవిరయ్యాయి. కంటికి రెప్పలా పెంచుకున్న కొడుకు తమకు ఆసరాగా నిలుస్తాడని.. త్వరలోనే పెళ్లి చేసి ఓ ఇంటివాడిని చేద్దామని ఎదురుచూశారు. కానీ విధి వారి ఆశలపై పిడుగు వేసింది. రోడ్డు ప్రమాదంలో తీవ్రంగా గాయపడి 16 రోజులుగా మృత్యువుతో పోరాడిన కుమారుడు చివరకు కన్నుమూయడంతో ఆ కుటుంబంలో తీరని విషాదం నెలకొంది. వనపర్తి జిల్లా మదనాపురం మండలం దుప్పల్లి గ్రామానికి చెందిన గొడుగు వెంకటన్న, ఆయన భార్య తమ రెండో కుమారుడు జితేందర్‌ (26)ను ఎంతో కష్టపడి పెంచారు. చేతికొచ్చిన కొడుకు తమకు అండగా ఉంటాడని, త్వరలోనే పెళ్లి చేసి సంసార బాధ్యతలు అప్పగించాలని ఆశించారు. ఆ కలలు నెరవేరేలోపే జితేందర్‌ జీవితం అర్ధంతరంగా ముగిసింది. బైక్‌ ప్రమాదంతో.. ఈ నెల 9న పనిమీద బైక్‌పై జడ్చర్లకు వెళ్లిన జితేందర్‌ తిరుగు ప్రయాణంలో మూసాపేట వద్ద మరో బైక్‌ను ఢీకొన్నాడు. ఈ ప్రమాదంలో తలకు తీవ్ర గాయాలయ్యాయి. చెవుల నుంచి రక్తస్రావమై అక్కడికక్కడే అపస్మారక స్థితిలోకి వెళ్లాడు. 108 సిబ్బంది అతడిని మహబూబ్‌నగర్‌లోని ఓ ప్రైవేటు ఆసుపత్రికి తరలించారు. కొడుకు ప్రాణాలు దక్కితే చాలని భావించిన ఆ పేద తల్లిదండ్రులు ఉన్నదంతా ఖర్చు పెట్టారు. దొరికిన చోటల్లా అప్పులు చేశారు. ఏకంగా రూ.15 లక్షలకు పైగా వైద్యం కోసం వెచ్చించారు. ఆసుపత్రి వైద్యులు శ్రమిస్తుండగా.. తమ బిడ్డ ఎప్పుడో ఒకప్పుడు కళ్లు తెరుస్తాడనే ఆశతో తల్లిదండ్రులు 16 రోజులుగా ఆసుపత్రిలోనే ఎదురుచూశారు. దేవుడిని వేడుకుంటూ కన్నీటితో గడిపారు. కానీ వారి ప్రార్థనలు ఫలించలేదు. రేపో మాపో కొడుకుకు పెళ్లి చేసి ఇంట్లో పందిరి వేయాల్సిన ఆ తల్లిదండ్రులు.. చివరకు అతడి పాడె మోయాల్సి వచ్చింది. పెళ్లి పీటలు ఎక్కాల్సిన వయసులోనే తమ బిడ్డను కోల్పోయిన కన్నవారి రోదనలు ఆసుపత్రి ప్రాంగణంలో విషాదాన్ని నింపాయి. ‘నిన్నటి వరకు కళ్లముందే తిరిగిన బిడ్డ.. ఇలా మమ్మల్ని వదిలి వెళ్లిపోయాడా’ అంటూ వారు విలపించిన తీరు చూపరులను కలచివేసింది. జితేందర్‌ మృతితో దుప్పల్లి గ్రామంలో విషాద ఛాయలు అలుముకున్నాయి.

నారాయణపేట: తెలంగాణ–కర్ణాటక సరిహద్దులో ని ఎక్లాస్‌పూర్‌లో వినాయక చవితి వేడుకలకు ప్ర త్యేక చరిత్ర ఉంది. 1968లో శ్రీ గోవిందరాజుల స్వామి దేవాలయంలో ఐదుగురితో ప్రారంభమైన గణనాథుడి పూజలు 58 ఏళ్లుగా కొనసాగుతున్నాయి. తరాలు మారినా గ్రామస్తులు సంప్రదా యాన్ని కొనసాగిస్తూ ఏకదంతుడి సేవలో పాల్గొంటున్నారు. ● లడ్డి రాధాకృష్ణ, బండ గుండ వేమారెడ్డి, బోస్లే శ్రీనివాసరావు, కోమటి సుశీలమ్మ, తిరికి రెడ్డి యశోద కలిసి తొలిసారిగా వినాయకుడిని ప్రతిష్ఠించి పూజలు ప్రారంభించారు. తొలినాళ్లలో కొన్ని కుటుంబాల్లో వరుస మరణాలు సంభవించడంతో విగ్రహ ప్రతిష్ఠపై విమర్శలు వచ్చినా వారు వెనుకడుగు వేయలేదు. కాలక్రమంలో గ్రామస్తులు, యువకులు ఉత్సవాల్లో భాగస్వాములయ్యారు. అప్పట్లో ఎద్దుల బండిపై గణనాథుడిని ఊరేగించి నిమజ్జనానికి తరలించేవారు. ● ప్రస్తుతం యువకులు, గ్రామస్తుల ఆధ్వర్యంలో తొమ్మిది రోజుల పాటు ప్రత్యేక పూజలు నిర్వహిస్తున్నారు. చివరి రోజు అడుగుల భజనలు, కోలాటం, చెక్కభజన, సాంస్కృతిక కార్యక్రమాలు నిర్వహిస్తారు. ఏడో రోజు అన్నప్రసాదం, తొమ్మిదో రోజు ప్రతి ఇంటికీ స్వామివారి ప్రసాదం అందించడం ఆనవాయితీగా కొనసాగుతోంది. మహిళలు బొడ్డెమ్మలో పాల్గొనగా.. 15 ఏళ్లుగా నిర్వహిస్తున్న లడ్డూ వేలం ప్రత్యేక ఆకర్షణగా నిలుస్తోంది. గ్రామమంతా ఒక్కటై.. ఎక్లాస్‌పూర్‌లో కులమత భేదాలకు అతీతంగా ప్రతి కుటుంబం ఉత్సవాల్లో భాగస్వామ్యం అవుతోంది. పదో రోజు ఏకదంతుడిని పురవీధుల్లో ఊరేగించి నిమజ్జనం చేస్తారు. పాడిపంటలు సమృద్ధిగా పండాలని, గ్రామస్తులు సుఖసంతోషాలతో ఉండాలని గణనాథుడిని వేడుకుంటారు. ఉత్సవాల్లో భాగంగా దాదాపు 40 మంది విద్యార్థులు గణపతి దీక్ష మాలధరిస్తున్నారు. మండపం పరిశుభ్రత, పూజలు, విరాళాల సేకరణ, సాంస్కృతిక కార్యక్రమాల నిర్వహణలో సేవలందిస్తున్నారు. తొమ్మిది రోజుల పాటు నియమ నిష్ఠలతో స్వామివారి సేవలో ఉంటున్నారు. 58 ఏళ్లుగా భక్తిశ్రద్ధలతో వినాయక చవితి వేడుకలు 1968లో ఐదుగురితో ప్రారంభమైన ఉత్సవాలు 40 మంది విద్యార్థుల గణపతి దీక్ష కులమతాలకు అతీతంగా గ్రామమంతా ఒక్కటై నిర్వహణ

● భర్త అరెస్టు.. రిమాండ్‌కు తరలింపు కోస్గి రూరల్‌: భార్యను హత్య చేసేందుకు ప్రయత్నించిన భర్తపై కేసు నమోదు చేసి రిమాండ్‌కు తరలించినట్లు ఎస్‌ఐ చంద్రశేఖర్‌ తెలిపారు. నారాయణపేట జిల్లా కోస్గి మున్సిపల్‌ పరిధిలోని పోతిరెడ్డిపల్లికి చెందిన గోండ్ల వెంకటమ్మకు 14 ఏళ్ల క్రితం అంజిలయ్యతో వివాహమైంది. వీరికి ముగ్గురు పిల్లలు ఉన్నారు. గతంలో కుమార్తె పట్ల అసభ్యంగా ప్రవర్తించాడనే భార్య ఫిర్యాదు మేరకు అంజిలయ్యను పోలీసులు అరెస్టు చేశారు. జైలు శిక్ష అనంతరం బెయిల్‌పై బయటకు వచ్చిన అతడు అప్పటి నుంచి భార్య, కుమార్తెలను వేధిస్తూ హత్య చేస్తానని బెదిరిస్తున్నట్లు పోలీసులు తెలిపారు. ఈ నెల 20న కుమార్తె అనారోగ్యానికి గురై పాఠశాల నుంచి ఉపాధ్యాయురాలు ఫోన్‌ చేయడంతో వెంకటమ్మ ఇద్దరు కుమార్తెలను తీసుకుని పోతిరెడ్డిపల్లికి వచ్చింది. ఈ క్రమంలో 23న తెల్లవారుజామున వెంకటమ్మ, కుమార్తెలు నిద్రిస్తున్న సమయంలో అంజిలయ్య భార్య ముఖంపై దిండు పెట్టి ఊపిరాడకుండా చేసి హత్య చేసేందుకు ప్రయత్నించినట్లు పోలీసులు తెలిపారు. వెంకటమ్మ గట్టిగా కేకలు వేయడంతో కుమార్తెలు మేల్కొని తండ్రి నుంచి తల్లిని కాపాడారు. బాధితురాలి ఫిర్యాదు మేరకు కేసు నమోదు చేసి అంజిలయ్యను అరెస్టు చేసి రిమాండ్‌కు తరలించినట్లు ఎస్‌ఐ వెల్లడించారు. బైక్‌ అదుపుతప్పి ఒకరు మృతి అమ్రాబాద్‌: బైక్‌పై నుంచి పడి ఒకరు దుర్మరణం చెందగా.. మరొకరు తీవ్రంగా గాయపడిన ఘటన మంగళవారం రాత్రి పదర మండలం ఉడిమిళ్ల సమీపంలో చోటుచేసుకుంది. పదర మండలం ఉడిమిళ్లకు చెందిన రాజగిరి పరశురాములు(39), దేవరాజు మంగళవారం పదరకు వచ్చారు. రాత్రి తిరిగి బైక్‌పై ఉడిమిళ్లకు వెళ్తుండగా.. గ్రామ సమీపంలో ప్రమాదవశాత్తు వారు ప్రయాణిస్తున్న బైక్‌ అదుపు తప్పి కిందపడ్డారు. ఈ ఘటనలో వారిద్దరూ తీవ్రంగా గాయపడ్డారు. స్థానికులు గమనించి ప్రైవేట్‌ వాహనంలో పదర ఆస్పత్రికి వెళ్లగా.. పరిస్థితి విషమంగా ఉండటంతో జిల్లా ఆస్పత్రికి తరలించారు. రాజగిరి పరశురాము లు అప్పటికే మృతిచెందినట్లు వైద్యులు తెలిపా రు. మెరుగైన వైద్యం కోసం దేవరాజును హైదరాబాద్‌కు తరలించారు. బుధవారం మృతుడి శవానికి పోస్టుమార్టం నిర్వహించి కటుంబ సభ్యులకు అప్పగించారు. మృతుడికి భార్య విజయ, ఇద్దరు కుమారులు, కుమార్తె ఉన్నారు. పరశురాములు మృతితో గ్రామంలో విషాదఛాయలు అలుముకున్నాయి. విద్యుదాఘాతంతో మహిళ మృతి అడ్డాకుల: మహబూబ్‌నగ ర్‌ జిల్లా మూసాపేట మండలం జానంపేటలో ఇంటి వద్ద కరెంటు మోటార్‌ ఆన్‌ చేస్తుండగా విద్యుదాఘాతానికి గురై మహిళ మృతి చెందిన సంఘటన బుధ వారం చోటుచేసుకుంది. గ్రామానికి చెందిన లక్ష్మీభాయి(45), చిన్న జంగోజీ దంపతులు. భర్త జంగోజీ ఆర్‌టీసీలో డ్రైవర్‌గా పని చేస్తున్నాడు. వీరికి నలుగురు కుమార్తెలు ఉండగా భార్యఇంటి వద్ద చిన్న కిరాణం కొట్టు నడిపిస్తూ జీవనం సాగిస్తున్నారు. పాత ఇంటికి ఇటీవల కరెంట్‌ పనులను చేయిస్తున్నారు. ఈక్రమంలో సాయంత్రం ఇంటి వద్ద కరెంటు మోటార్‌ ఆన్‌ చేయడానికి ప్రయత్నిస్తుండగా లక్ష్మీభాయి ప్రమాదవశాత్తు కరెంట్‌ షాక్‌కు గురైంది. వెంటనే ఆమెను అంబులెన్స్‌లో జిల్లా ఆస్పత్రికి తరలించారు. అక్కడ ఆమెను పరీక్షించిన వైద్యులు అప్పటికే ఆమె మృతి చెందినట్లు ప్రకటించారు. మృతదేహాన్ని జిల్లా ఆస్పత్రి మార్చురీకి తరలించారు. తల్లిని కోల్పోయిన నలుగురి కుమార్తెల రోదనలు అందరినీ కంటతడి పెట్టించాయి. ఓ కుమార్తె చాలా రోజుల నుంచి అనారోగ్యంతో బాధపడుతున్నట్లు తెలిసింది. నిరుపేద కుటుంబం కావడంతో బాధిత కుటుంబాన్ని ప్రభుత్వం ఆదుకోవాలని గ్రామస్తులు విజ్ఞప్తి చేస్తున్నారు. సాంబారులో పడి బాలుడికి తీవ్రగాయాలు గండేడ్‌: వినాయకు డి మండపం వద్ద అన్నదాన కార్యక్రమంలో సాంబారులో పడి బాలుడికి గాయాలైన ఘ టన మండలంలోన జిన్నారంలో చోటుచేసుకుంది. స్థానికుల కథనం ప్రకారం.. గండేడ్‌ మండలంలోని జిన్నారం గ్రామానికి చెందిన దాసరి కృష్ణయ్యకు రెండో కుమారుడు బిట్టు బుధవారం ఎస్సీకాలనీలో ఏర్పాటు చేసిన వినాయక మండపం వద్దకు వెళ్లాడు. సాయంత్రం ఆరుగంటల ప్రాంతంలో అక్కడ అన్నదాన కార్యక్రమం నిర్వహించారు. వంటలు మండపానికి ఆనుకొని వండుతున్నారు. అనుకోకుండా బిట్టు వంటలు చేసే దగ్గరికి వెళ్లాడు. అక్కడే తిరుగాడాడు. బిట్టు సాంబారు బాగ్‌వాన దగ్గరకి వెళ్లి ప్రమాదవశాత్తు అందులో పడ్డాడు. దీంతో బిట్టుకు ముందు వెనక భాగాలు తీవ్రంగా కాలాయి. వెంటనే కుంటుబీకులు కోస్గి ప్రభుత్వాస్పత్రికి తీసుకెళ్లారు. ప్రథమ చికిత్స అనంతరం 108 సిబ్బంది మెరుగైన చికిత్స నిమిత్త జిల్లా జనరల్‌ ఆస్పత్రికి తరలించారు. అయితే బాలుడి పరిస్థితి విషమంగా ఉండడంతో హైదరాబాద్‌కు తరలించనున్నట్లు సమాచారం.

జర్ల టౌన్‌: స్పెషల్‌ ఇంటెన్సివ్‌ రివిజన్‌ ప్రక్రియను నిర్ణీత గడువులోగా పారదర్శకంగా పూర్తిచేయాలని అదనపు కలెక్టర్‌, జడ్చర్ల అసెంబ్లీ ఈఆర్‌ఓ హరిప్రియ ఆదేశించారు. బుధవారం తహసీల్దార్‌ కార్యాలయంలో గుర్తింపు పొందిన రాజకీయపార్టీల నాయకులు, అధికారులతో సమీక్ష నిర్వహించారు. నోటీసుల పంపిణీ, విచారణ పురోగతిని ఆమె అడిగి తెలుసుకున్నారు. నియోజకవర్గ పరిధిలో ఇప్పటి వరకు 93.59శాతం నోటీసుల పంపిణీ అయ్యాయని, వాటిలో 45.33 శాతం విచారణ పూర్తయ్యాయని వివరించారు. మిగిలిన విచారణను నిర్దేశిత షెడ్యూల్‌ ప్రకారం త్వరితగతిన పూర్తిచేయాలని సూచించారు. ఏఈఆర్‌ఓ లాగిన్‌లో పెండింగ్‌లో ఉన్న ఫారం 6 కొత్త ఓటరు నమోదు, ఫారం 7 ఓటరు తొలగింపు, ఫారం 8 ఓటరు వివరాల సవరణ దరఖాస్తులు పరిశీలించి నిర్ణీత గడువులోగా పరిష్కరించాలన్నారు. ఏవైనా సమస్యలుంటే వాటిని అధికారుల దృష్టికి తీసుకురావాలని కోరారు. ఓటర్లకు అవసరమైన అవగాహన కల్పించి విచారణకు హాజరయ్యేలా సహకరించాలన్నారు. ప్రక్రియ సజావుగా, పారదర్శకంగా పూర్తయ్యేందుకు అన్ని రాజకీయ పార్టీలు సహకరించాలని కోరారు. కార్యక్రమంలో తహసీల్దార్‌ నర్సింగ్‌రావు, మున్సిపల్‌ కమిషనర్‌ గిరీష్‌, అదనపు తహసీల్దార్‌ అజయ్‌, ఎన్నికల డీటీ మహబూబ్‌ అలీతోపాటు గుర్తింపు పొందిన రాజకీయ పార్టీల నాయకులు శ్రీకాంత్‌, మినాజ్‌, అమర్‌నాథ్‌గౌడ్‌, ఇంతియాజ్‌ పాల్గొన్నారు.

● మాజీ మంత్రి, బీఆర్‌ఎస్‌ డిప్యూటీ ఫ్లోర్‌లీడర్‌ టి.హరీశ్‌రావు కందనూలు: ఉమ్మడి పాలమూరు జిల్లాలో పెండింగ్‌ ప్రాజెక్టులను పూర్తి చేసి ఐదేళ్లలో రూ.4 వేల కోట్లు వెచ్చించి 6.5 లక్షల ఎకరాలకు సాగునీరు అందించిన ఘనత బీఆర్‌ఎస్‌ ప్రభుత్వానిదేనని మాజీమంత్రి, బీఆర్‌ఎస్‌ డిప్యూటీ ఫ్లోర్‌లీడర్‌ హరీశ్‌రావు అన్నారు. రేవంత్‌ ప్రభుత్వం చేతగానితనం వల్ల కృష్ణా జలాలను చంద్రబాబు పెన్నా బేసిన్‌కు తరలించుకుపోతున్నారని ఆరోపించారు. కరువు గోదావరి, కృష్ణా నదుల్లో లేదని.. కాంగ్రెస్‌లో ఉందని వ్యాఖ్యానించారు. ప్రస్తుత ప్రభుత్వం మూడేళ్ల లో కొత్తగా చేసిందేమీ లేదని, కనీసం 2 లక్షల ఎకరాలకు కూడా సాగునీరు అందించలేదని విమర్శించారు. బుధవారం నాగర్‌కర్నూల్‌లోని బీఆర్‌ఎస్‌ కార్యాలయంలో ఆయన మాట్లాడారు. భీమా, నెట్టెంపాడు, కోయిల్‌సాగర్‌, కేఎల్‌ఐ ఆయకట్టులో గతంలో కేవలం 26 వేల ఎకరాలు మాత్రమే సాగులో ఉండేవని, బీఆర్‌ఎస్‌ హయాంలో పెండింగ్‌ ప్రాజెక్టులను పూర్తి చేసి రన్నింగ్‌ ప్రాజెక్టులుగా మార్చామని తెలిపారు. పాలమూరు–రంగారెడ్డి ఎత్తిపోతల పథకానికి రూ.30 వేల కోట్లు ఖర్చు చేసి పనులు చేపట్టామని, నార్లాపూర్‌, ఏదుల, కర్వెన, వట్టెం రిజర్వాయర్లను 50 టీఎంసీల సామర్థ్యంతో నిర్మించామని చెప్పారు. 2023 సెప్టెంబర్‌ 16న కేసీఆర్‌ బాహుబలి మోటార్‌ను ప్రారంభించగా, నార్లాపూర్‌ రిజర్వాయర్‌లోకి నీరు చేరిందని గుర్తుచేశారు. ప్యాకేజీ–3 కెనాల్‌లో 1.33 కోట్ల క్యూబిక్‌ మీటర్ల మట్టి పని ఉండగా.. బీఆర్‌ఎస్‌ హయాంలో కోటి క్యూబిక్‌ మీటర్ల పని పూర్తయిందన్నారు. మిగిలిన 33 లక్షల క్యూబిక్‌ మీటర్ల పనిని పూర్తి చేయకపోవడంతో 50 టీఎంసీల నీటి నిల్వకు అవకాశం లేకుండా పోయిందని ఆరోపించారు. శ్రీశైలం నుంచి 88 టీఎంసీలు ఎత్తిపోశామని అసెంబ్లీలో ప్రభుత్వం చెప్పిందని, వాస్తవంగా ఎత్తిపోసింది 8.8 టీఎంసీలు మాత్రమేనని పేర్కొన్నారు. ఎక్కడ ఎత్తిపోశారు.. ఎక్కడ నీరు ఇచ్చారో లెక్కలు చెప్పాలని డిమాండ్‌ చేశారు. శ్రీశైలంలో ఇప్పటికీ 56 టీఎంసీలను ఎత్తిపోసే అవకాశం ఉన్నా ప్రభుత్వం పట్టించుకోవడం లేదని విమర్శించారు. హర్షవర్దన్‌రెడ్డిని పరామర్శించిన హరీశ్‌రావు కొల్లాపూర్‌: పితృవియోగంతో బాధపడుతున్న మాజీ ఎమ్మెల్యే బీరం హర్షవర్దన్‌రెడ్డిని మాజీ మంత్రి హరీశ్‌రావు పరామర్శించారు. బుధవారం సింగోటలోని హర్షవర్దన్‌రెడ్డి వ్యవసాయ క్షేత్రానికి వెళ్లి సానుభూతి తెలిపారు. ఆయన తండ్రి భీరం లక్ష్మారెడ్డి చిత్రపటానికి పూలమాల వేసి నివాళులర్పించారు. అదేవిధంగా నకిరేకల్‌ మాజీ ఎమ్మెల్యే చిరుమర్తి లింగయ్య, మునుగోడు మాజీ ఎమ్మెల్యే కూసుకుంట్ల ప్రభాకర్‌రెడ్డి, భూపాలపల్లి మాజీ ఎమ్మెల్యే గండ్ర వెంకటరమణారెడ్డి హర్షవర్దన్‌రెడ్డిని పరామర్శించారు.

మహబూబ్‌నగర్‌ ఎడ్యుకేషన్‌: మహబూబ్‌నగర్‌ కార్పొరేషన్‌ పరిధిలో ఏళ్లుగా పేరుకుపోతున్న చెత్తకు శాశ్వత పరిష్కారం చూపేందుకు అడుగులు పడుతున్నాయి. కోయిల్‌కొండ ఎక్స్‌రోడ్డు గుట్టపై ఉన్న ప్రస్తుత డంపింగ్‌ యార్డుకు ప్రత్యామ్నాయంగా బండమీదిపల్లి సమీపంలో కొత్త డంపింగ్‌ యార్డు ఏర్పాటు చేయాలని అధికారులు నిర్ణయించారు. ఇందుకోసం 38 ఎకరాల ప్రభుత్వ భూమిని కార్పొరేషన్‌కు బదిలీ చేస్తూ కలెక్టర్‌ ఆదేశాలు జారీ చేశారు. అధికారులు ఇప్పటికే స్థలాన్ని సర్వే చేశారు. జీరో వేస్టేజ్‌ విధానంలో.. బండమీదిపల్లి పరిధిలోని బాగ్మార్‌సాబ్‌ దర్గా సమీపంలోని సర్వే నంబర్‌ 812లో కొత్త డంపింగ్‌ యార్డు ఏర్పాటు చేయనున్నారు. ఇక్కడ జీరో వేస్టేజ్‌ విధానాన్ని అమలు చేయాలని అధికారులు ప్రతిపాదిస్తున్నారు. తడి చెత్త నుంచి గ్యాస్‌, పొడి చెత్త నుంచి విద్యుత్‌ ఉత్పత్తి చేసేలా ప్లాంట్‌ను రూపొందించనున్నారు. ఇందుకోసం అవసరమైన యంత్రాలు, ఇతర మౌలిక సదుపాయాలను ఏర్పాటు చేయనున్నారు. త్వరలో చుట్టూ కాంపౌండ్‌ వాల్‌ నిర్మాణానికి చర్యలు చేపట్టనున్నారు. రోజూ వచ్చే చెత్తను ఎప్పటికప్పుడు శుద్ధి చేసి పునర్వినియోగించడంతో చెత్త గుట్టలు పేరుకుపోకుండా చూడనున్నారు. ప్రస్తుతం కోయిల్‌కొండ ఎక్స్‌రోడ్డు గుట్టపై ఉన్న డంపింగ్‌ యార్డుకు 60 డివిజన్ల నుంచి రోజుకు సుమారు 106 మెట్రిక్‌ టన్నుల చెత్త తరలిస్తున్నారు. దీంతో భారీగా చెత్త పేరుకుపోయి పరిసర కాలనీల ప్రజలు దుర్గంధం, కాలుష్యంతో ఇబ్బందులు పడుతున్నారు. ఇటీవల స్థానికులు డంపింగ్‌ యార్డు తరలించాలని నిరసన వ్యక్తం చేయగా.. డిప్యూటీ మేయర్‌ సురేందర్‌రెడ్డి సమస్య పరిష్కారానికి హామీ ఇచ్చారు. 30న స్టేక్‌హోల్డర్స్‌ భేటీ కొత్త డంపింగ్‌ యార్డు ఏర్పాటుపై ఈనెల 30న కార్పొరేషన్‌లో స్టేక్‌హోల్డర్స్‌ సమావేశం నిర్వహించనున్నారు. 60 డివిజన్ల కార్పొరేటర్లు, నాయకులు, పట్టణ ప్రజలు పాల్గొనే ఈ సమావేశంలో ప్లాంట్‌లో ఏర్పాటు చేయనున్న యంత్రాలు, చెత్త శుద్ధి, పునర్వినియోగ ప్రక్రియపై పవర్‌పాయింట్‌ ప్రజెంటేషన్‌ ఇవ్వనున్నారు. పుణే, నోయిడాకు.. జీరో వేస్టేజ్‌ విధానంపై అవగాహన కోసం మహారాష్ట్రలోని పుణే, ఉత్తరప్రదేశ్‌లోని నోయిడా కార్పొరేషన్లలో అమలవుతున్న విధానాలను పరిశీలించేందుకు కార్పొరేటర్లను పంపించాలని నిర్ణయించారు. తొలుత 60 మంది కార్పొరేటర్లను తీసుకెళ్లాలని చర్చ జరిగినా.. పలు కారణాలతో ప్రతి పార్టీ నుంచి ఇద్దరి చొప్పున ప్రతినిధులను పంపేందుకు ఏర్పాట్లు చేస్తున్నట్లు సమాచారం. బండమీదిపల్లిలో 38 ఎకరాల్లో కొత్త ప్లాంట్‌ జీరో వేస్టేజ్‌ విధానంలో ఏర్పాటుకు చర్యలు తడి చెత్తతో గ్యాస్‌.. పొడిచెత్తతో విద్యుత్‌ ఈనెల 30న స్టేక్‌హోల్డర్స్‌ సమావేశం

మహబూబ్‌నగర్‌ ఎడ్యుకేషన్‌: జిల్లా కేంద్రంలోని చౌరస్తాల్లో నిర్వహణ లోపంతో కళతప్పిన ఆకృతులు, పనిచేయని ఫౌంటెయిన్లపై బుధవారం ‘సాక్షి’లో ప్రచురితమైన ‘కళతప్పిన ఆకృతులు’ కథనానికి అధికారులు స్పందించారు. అదనపు కలెక్టర్‌ మధుసూదన్‌నాయక్‌ నగరంలోని పలు ప్రాంతాల్లోని ఆకృతులు, ఫౌంటెయిన్లను పరిశీలించారు. న్యూటౌన్‌ చౌరస్తాలోని టీపాట్‌ ఫౌంటెన్‌, అశోక్‌టాకీస్‌ చౌరస్తాలోని ఫౌంటెయిన్లను కమిషనర్‌ రామాంజులారెడ్డితో కలిసి తనిఖీ చేశారు. ఫౌంటెయిన్లు ఎందుకు పనిచేయడం లేదనే వివరాలను అధికారులను అడిగి తెలుసుకున్నారు. పాడైన వాటికి 24 గంటల్లో మరమ్మతులు చేపట్టి అందుబాటులోకి తీసుకురావాలని సిబ్బందిని ఆదేశించారు. విరిగిపోయిన కళాకృతులను కూడా వెంటనే మరమ్మతులు చేయాలని సూచించారు. చౌరస్తాల్లోని కళాకృతుల పరిసరాల్లో చెత్తా చెదారం లేకుండా చూడటంతో పాటు మొక్కలు పెరగకుండా చర్యలు చేపట్టాలని ఆదేశించారు. కొన్ని ఫౌంటెయిన్లు పనిచేసే స్థితిలో ఉన్నప్పటికీ.. వాటికి నీటిని సరఫరా చేసే పంపులను సకాలంలో ఆన్‌, ఆఫ్‌ చేయకపోవడంతో వినియోగంలోకి రావడం లేదనే విమర్శలు ఉన్నాయి. ఈ విషయంపై కార్పొరేషన్‌ చైర్మన్‌ రామాంజులారెడ్డిని వివరణ కోరగా.. ఫౌంటెయిన్లను త్వరగా మరమ్మతులు చేసి అందుబాటులోకి తీసుకొస్తామని, విరిగిపోయిన కళాకృతులను కూడా పునరుద్ధరిస్తామని తెలిపారు. కళతప్పిన ఆకృతులనుపరిశీలించిన అధికారులు ఫౌంటెయిన్లను పునరుద్ధరణ, 24 గంటల్లో మరమ్మతులు చేయాలని ఆదేశం

మహబూబ్‌నగర్‌ క్రైం: జిల్లాకేంద్రంలో గణనాథులు బుధవారం నిమజ్జనానికి తరలివెళ్లారు. రాత్రి 9 గంటల నుంచి నగరంలోని ప్రధాన గణనాథులు శోభాయాత్రగా క్లాక్‌టవర్‌ వద్ద ఏర్పాటు చేసిన స్వాగత వేదికకు చేరుకుని, అక్కడి నుంచి వివిధ చెరువులకు తరలించారు. శోభాయాత్ర సందర్భంగా నగరంలో 506 మంది పోలీసులతో బందోబస్తు ఏర్పాటు చేశారు. ట్రాఫిక్‌ సమస్య తలెత్తకుండా ప్రధానకూడళ్లలో సిబ్బందిని మోహరించడంతో పాటు భారీ వాహనాలను బైపాస్‌ మార్గాల వైపు మళ్లించారు. నిమజ్జన ప్రాంతాలను సీసీ కెమెరాల ద్వారా పర్యవేక్షించారు. సమస్యాత్మక ప్రాంతాల్లో పికెట్లు, రూఫ్‌టాప్‌ బందోబస్తు, పెట్రోలింగ్‌, స్ట్రైకింగ్‌ఫోర్స్‌ను ఏర్పాటు చేశారు. మఫ్టీలో 20 మంది స్పెషల్‌ బ్రాంచ్‌ సిబ్బందిని నియమించారు. నగరంలో బందోబస్తును ఎస్పీ డి.జానకి స్వయంగా పర్యవేక్షించారు. క్లాక్‌టవర్‌తోపాటు ప్రధాన కూడళ్లు, గణనాథుల మండపాలను పరిశీలించారు. అదనపు ఎస్పీ ఎన్‌.బి.రత్నం, డీఎస్పీ వెంకటేశ్వర్లుతో కలిసి సిబ్బందికి సూచనలు చేశారు. చివరి విగ్రహం నిమజ్జనం అయ్యే వరకు అప్రమత్తంగా ఉండాలని ఆదేశించారు. నిబంధనలు పాటించాలని, డీజేలు, ఇతర సౌండ్‌ సిస్టమ్స్‌కు అనుమతి లేదని డీఎస్పీ వెంకటేశ్వర్లు తెలిపారు. ఎలాంటి గొడవలకు తావివ్వకుండా సంయమనం పాటించాలని, నిమజ్జనం సందర్భంగా రోడ్లపై చెత్త వేయకుండా పరిసరాలను పరిశుభ్రంగా ఉంచాలని సూచించారు.

స్టేషన్‌ మహబూబ్‌నగర్‌: ఒక వైపు వర్షం.. మరోవైపు భక్తిసాగరం..గణపతి బొప్పా మోరియా.. జైబోలో గణేష్‌ మహరాజ్‌కీ జై.. నినాదాలతో నగరం మొత్తం హోరెత్తింది. మహిళల కోలాటాలు.. చిన్నారుల నృత్యాలు.. పెద్దల చెక్క భజనలు.. యువకుల కర్రసాము.. డప్పుల మోతలు.. మిరుమిట్లు గొలిపే లైట్ల మధ్య జోరు వర్షంలోనూ నిమజ్జనోత్సవం కనులపండువగా సాగింది. పది రోజులుగా విశేష పూజలందుకొన్న విఘ్నాధిపతి.. ఇక వెళ్లొస్తా అంటూ గంగమ్మ ఒడికి చేరాడు. బుధవారం రాత్రి జిల్లాకేంద్రంలోని క్లాక్‌టవర్‌ చౌరస్తా నుంచి అటు పాత గ్రంథాలయం దాకా.. ఇటు పాత బస్టాండు, రాయచూ రు రోడ్డు, జడ్చర్ల హైవే ప్రాంతాలు గణపతి విగ్రహాల ఊరేగింపు లతో పులకించిపోయాయి. బాలగంగాధర్‌తిలక్‌ విగ్రహం వద్ద గణేష్‌ ఉత్సవ సమితి ఆధ్వర్యంలో ధ్వజారోహణ చేశారు. ఈ సందర్భంగా ఈ ఏడాది గణేష్‌ ఉత్సవాల సావనీర్‌ను ఆవిష్కరించారు. క్లాక్‌టవర్‌ చౌరస్తా నుంచి అటు పాత గ్రంథాలయం దాకా, ఇటు పాత బస్టాండు, రాయచూరు రోడ్డు, జడ్చర్ల హైవే తదితర ప్రాంతాలు నిమజ్జనానికి తరలివెళ్లే గణపతి విగ్రహాల ఊరేగింపులతో పులకించిపోయాయి. క్లాక్‌టవర్‌ చౌరస్తా చుట్టుపక్కల ప్రాంతాలు జాతరను తలపించాయి. ఈ సందర్భంగా నిర్వహించిన సాంస్కృతిక కార్యక్రమాలు అలరించాయి. మరోవైపు జడ్చర్లలో శోభాయాత్ర ప్రశాంతంగా సాగింది. ఎమ్మెల్యే అనిరుధ్‌రెడ్డి నేతాజీ చౌరస్తాలో గణనాథులకు స్వాగతం పలికారు. గంగమ్మ ఒడికి గణనాథుడు నగరంలో శోభాయమానంగా సాగిన నిమజ్జనోత్సవం కోలాటాలు, భజనలతో సందడిగా మారిన పాలమూరు క్లాక్‌టవర్‌లో విగ్రహాలకు స్వాగతం పలికిన ఉత్సవకమిటీ వర్షంలోనూ ఆడిపాడిన భక్తులు

జడ్చర్ల టౌన్‌: జూరాల ప్రాజెక్టు సందర్శనకు వెళ్తున్న బీజేపీ రాష్ట్ర అధ్యక్షుడు రాంచందర్‌రావును పోలీసులు మంగళవారం జడ్చర్ల సమీపంలోని గొల్లపల్లి వద్ద అరెస్టు చేశారు. 44వ నంబర్‌ జాతీయ రహదారిపై ఉన్న మినర్వ హోటల్‌ వద్ద ఉదయం 8.30 గంటల సమయంలో ఆయనను అదుపులోకి తీసుకున్నారు. అనంతరం జడ్చర్ల సమీపంలోని పోలీసు శిక్షణ కేంద్రం (డీటీసీ)కి తరలించి, మధ్యాహ్నం తర్వాత విడుదల చేశారు. ఈ సందర్భంగా బీజేపీ శ్రేణులు పోలీసులను అడ్డుకోవడంతో కొద్దిసేపు ఉద్రిక్తత నెలకొంది. జూరాల నీటిని విడుదల చేయాలని కోరుతూ ఆందోళన చేస్తున్న రైతులకు మద్దతు తెలిపేందుకు రాంచందర్‌రావు హైదరాబాద్‌ నుంచి జూరాలకు బయలుదేరారు. మార్గమధ్యంలో గొల్లపల్లి వద్ద హోటల్‌లో అల్పాహారానికి ఆగగా, బీజేపీ రాష్ట్ర నాయకుడు శాంతికుమార్‌ తదితరులు స్వాగతం పలికారు. అనంతరం డీఎస్పీ వెంకటేశ్వర్లు, సీఐ కమలాకర్‌ ఆయనను జూరాలకు వెళ్లకుండా అదుపులోకి తీసుకుంటున్నట్లు తెలిపారు. ప్రజాస్వామ్యబద్ధంగా వెళ్తున్న తనను ఎందుకు అడ్డుకుంటున్నారని రాంచందర్‌రావు ప్రశ్నించినప్పటికీ పోలీసులు అరెస్టు చేసేందుకు ప్రయత్నించారు. దీంతో బీజేపీ కార్యకర్తలు పోలీసు వాహనాన్ని అడ్డుకుని, దాని ముందు బైఠాయించారు. పోలీసుల తీరును నిరసిస్తూ నినాదాలు చేశారు. పోలీసులు వాహనాన్ని ముందుకు తీసుకెళ్లడంతో కార్యకర్తలు జాతీయ రహదారిపైకి వచ్చి రాస్తారోకో చేపట్టారు. దీంతో హైదరాబాద్‌ నుంచి జడ్చర్ల వైపు వచ్చే వాహనాలు కొద్దిసేపు భారీగా నిలిచిపోయాయి. పోలీసులు బీజేపీ శ్రేణులను రహదారిపై నుంచి తప్పించి ట్రాఫిక్‌ను క్రమబద్ధీకరించారు. అరెస్టు అప్రజాస్వామికం: ఆచారి రైతులకు మద్దతుగా వెళ్తున్న తమ రాష్ట్ర అధ్యక్షుడిని అరెస్టు చేయడం అప్రజాస్వామికమని బీజేపీ సీనియర్‌ నాయకుడు ఆచారి విమర్శించారు. వెంటనే ఆయనను విడుదల చేయాలని డిమాండ్‌ చేశారు. గతంలో కేసీఆర్‌ ప్రభుత్వం ఆందోళనలను అణచివేసిందని, ప్రస్తుతం రేవంత్‌రెడ్డి ప్రభుత్వం కూడా అదే విధంగా వ్యవహరిస్తోందని ఆరోపించారు. రాంచందర్‌రావును డీటీసీకి తరలించిన సమయంలో వనపర్తి, గద్వాల ప్రాంతాలకు చెందిన కొందరు రైతులతో ఆయన అక్కడే మాట్లాడారు. శాంతికుమార్‌, బాలత్రిపుర సుందరి, బాలకృష్ణ, మురళి, ముచ్చర్ల జనార్దన్‌రెడ్డి, ముచ్చర్ల కృష్ణయ్య, డోకూరి పవన్‌కుమార్‌, శ్రీవర్ధన్‌రెడ్డి, బాలవర్ధన్‌గౌడ్‌, అమర్‌నాథ్‌గౌడ్‌, సాహితీరెడ్డి, వెంకట్‌, శ్రీనాథ్‌, బుక్క నవీన్‌, రామకృష్ణ, తిరుపతి పాల్గొన్నారు. జడ్చర్లలో బీజేపీ రాష్ట్ర అధ్యక్షుడు రామచందర్‌రావు అరెస్టు డీటీసీకి తరలింపు, మధ్యాహ్నం తర్వాత విడుదల జాతీయ రహదారిపై రాస్తారోకో చేపట్టిన కమలం శ్రేణులు

భూత్పూర్‌: జూరాల కుడి, ఎడమ కాల్వల ద్వారా రైతులకు నీరందించకపోతే రైతుల పక్షా న పోరాటాలను ఉధృతం చేస్తామని సీపీఎం రాష్ట్ర కార్యదర్శి జాన్‌ వెస్లీ హెచ్చరించారు. మంగళవారం హైదరాబాద్‌ నుంచి జూరాల ప్రాజె క్టు వైపు వెళ్తున్న ఆయనను భూత్పూర్‌ పోలీసులు అరెస్టు చేసి, సొంత పూచీకత్తుపై విడుద ల చేశారు. ఈ సందర్భంగా ఆయన మాట్లాడు తూ ఎల్‌నినో, వర్షాభావ పరిస్థితుల నేపథ్యంలో రైతులు పంటలు సాగు చేయరాదని ముందుగానే వ్యవసాయశాఖ గ్రామాల వారీగా అవగాహన కార్యక్రమాలు నిర్వహించాల్సి ఉందన్నారు. అయితే రైతులు పంటలు సాగు చేసి ఎకరాకు సుమారు రూ.30 వేల వరకు ఖర్చు చేసిన తర్వాత ప్రాజెక్టు నుంచి నీరు విడుదల చేయకపోవడం వల్ల తీవ్రంగా నష్టపోతున్నారని ప్రభుత్వంపై విమర్శలు చేశారు. రైతుల సమస్యలపై ప్రభుత్వం స్పందించకపోతే ఉద్యమాన్ని మరింత ఉధృతం చేస్తామని తెలిపారు. ఆయన వెంట సీపీఎం రాష్ట్ర కార్యవర్గ సభ్యుడు టి.సాగర్‌, ఆర్‌.వెంకట్రాములు, విజయ్‌కుమార్‌, కిల్లె గోపాల్‌, నల్లవెల్లి కురుమూర్తి, వి.కురుమూర్తి, దీప్లా నాయక్‌, చంద్రకాంత్‌, ప్రశాంత్‌, రాజ్‌కుమార్‌ ఉన్నారు. పాలమూరులో అమెరికా స్థాయి విజ్ఞాన కేంద్రం స్టేషన్‌ మహబూబ్‌నగర్‌: మహబూబ్‌నగర్‌లో నిర్మిస్తున్న పూలే–అంబేద్కర్‌ విజ్ఞాన కేంద్రాన్ని అంతర్జాతీయ ప్రమాణాలతో తీర్చిదిద్దుతామని ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి తెలిపారు. అమెరికా పర్యటనలో భాగంగా జార్జియాలోని గ్విన్నెట్‌, పుల్టన్‌ కౌంటీ పబ్లిక్‌ లైబ్రరీలను సందర్శించి అక్కడి డిజిటల్‌ లెర్నింగ్‌, కంప్యూటర్‌ ల్యాబ్‌లు, పఠన విభాగాలను పరిశీలించారు. వాటి తరహాలోనే విజ్ఞాన కేంద్రంలో అత్యాధునిక విద్యా సౌకర్యా లు, పోటీ పరీక్షల స్టడీ మెటీరియల్‌, హైస్పీడ్‌ ఇంటర్నెట్‌ అందుబాటులోకి తెచ్చి తెలంగాణకే ఆదర్శంగా నిలుపుతామని పేర్కొన్నారు. అంతరాయం లేకుండా తాగునీటి సరఫరా చేయాలి జెడ్పీసెంటర్‌(మహబూబ్‌నగర్‌): ప్రజలకు తాగునీటి సరఫరాలో ఎలాంటి అంతరాయం లేకుండా చర్యలు చేపట్టాలని అదనపు కలెక్టర్‌ మధుసూదన్‌నాయక్‌ అధికారులను ఆదేశించారు. మంగళవారం కలెక్టరేట్‌ నుంచి వెబెక్స్‌ ద్వారా మిషన్‌ భగీరథ గ్రిడ్‌, ఇంట్రా విభాగాల ఈఈలు, డీఈలు, ఏఈలతో సమీక్షించారు. తాగునీటి సరఫరా, పైపులైన్ల నిర్వహణ, లీకేజీల పరిస్థితిపై అధికారులతో సమీక్షించారు. తాగునీటి సరఫరాకు సంబంధించిన అన్ని పైపులైన్లను క్షేత్రస్థాయిలో క్రమం తప్పకుండా పరిశీలించాలని సూచించారు. ఎక్కడైనా పైపులైన్లలో లీకేజీలు గుర్తించిన వెంటనే మరమ్మతులు చేపట్టి, నీటి వృథాను అరికట్టాలని ఆదేశించారు.తాగునీటి సరఫరాలో సమస్యలు తలెత్తిన ప్రాంతాలను గుర్తించి, వాటిని వెంటనే పరిష్కరించాలని సూచించారు. శాంతిభద్రతల పరిరక్షణకు కృషి చేయాలి: ఎస్పీ జడ్చర్ల: శాంతిభద్రతల పరిరక్షణకు పటిష్ట చర్యలు చేపట్టడంతో పాటు ప్రజలతో మమే కం కావాలని ఎస్పీ జానకి పోలీసు సిబ్బందిని ఆదేశించారు. మంగళవారం జడ్చర్ల పోలీస్‌ స్టేషన్‌ను ఆకస్మికంగా తనిఖీ చేసిన ఆమె.. స్టేషన్‌ పనితీరు, పెండింగ్‌ కేసులు, దర్యాప్తు, సిబ్బంది పనితీరును సమీక్షించారు. పెండింగ్‌ కేసులను వేగంగా పరిష్కరించి నిర్ణీత సమయంలో చార్జ్‌షీట్లు దాఖలు చేయాలని సూచించారు. గణేష్‌ నిమజ్జనం సందర్భంగా పటిష్ట బందోబస్తు ఏర్పాటు చేసి ఎలాంటి అవాంచనీయ ఘటనలు చోటుచేసుకోకుండా చూడా లని ఆదేశించారు. శోభాయాత్ర మార్గాలను ముందుగానే పరిశీలించి ట్రాఫిక్‌ నియంత్రణ చర్యలు చేపట్టాలని, నిమజ్జన ప్రదేశాల్లో లైటింగ్‌, బారికేడ్లు, క్రేన్‌ వంటి సౌకర్యాలను పరిశీలించాలన్నారు. డీజేలకు అనుమతి లేదని, బీట్‌ పెట్రోలింగ్‌, వాహన తనిఖీలు ముమ్మరం చేయాలని సూచించారు. సీసీ కెమెరాలను నిరంతరం పర్యవేక్షించాలని తెలిపారు. సీఐ కమలాకర్‌, సిబ్బంది పాల్గొన్నారు.

మహబూబ్‌నగర్‌ క్రైం: తొమ్మిది రోజులుగా ప్రత్యేక పూజలందుకున్న గణనాథులు నేడు గంగమ్మ ఒడికి చేరనున్నారు. నగరంలో బుధవారం మధ్యాహ్నం నుంచి శోభాయాత్ర ప్రారంభం కానుంది. వివిధ ప్రాంతాల్లోని వినాయక విగ్రహాలు ఊరేగింపుగా క్లాక్‌టవర్‌ చౌరస్తాకు చేరుకోనున్నాయి. అక్కడ పాలమూరు ఉత్సవ కమిటీ ఆధ్వర్యంలో చివరి పూజలు నిర్వహించి నిమజ్జనానికి తరలించనున్నారు. ఇందుకోసం క్లాక్‌టవర్‌ వద్ద ప్రత్యేక ఏర్పాట్లు చేశారు. పటిష్ట భద్రత హన్వాడ, దేవరకద్ర పెద్ద చెరువు, నగరంలోని పాలకొండ, మయూరి పార్క్‌ సమీపంలోని గంగుసాయి కృత్రిమ చెరువు వద్ద నిమజ్జన ఏర్పాట్లు పూర్తిచేశారు. విగ్రహాల తరలింపు మార్గాల్లో ట్రాఫిక్‌ నియంత్రణ, లైటింగ్‌, బారికేడింగ్‌ ఏర్పాటు చేశారు. రెస్క్యూ బృందాలను అందుబాటులో ఉంచడంతో పాటు నిమజ్జన ప్రాంతాల్లో సీసీ కెమెరాలు ఏర్పాటు చేశారు. షెడ్యూల్‌ ప్రకారం పోలీసు సిబ్బందికి విధులు కేటాయించారు. 503 మందితో బందోబస్తు శోభాయాత్ర, నిమజ్జనం సందర్భంగా జిల్లా పోలీసు శాఖ 503 మందితో ప్రత్యేక బందోబస్తు ఏర్పాటు చేసింది. ఒక ఎస్పీ, ఇద్దరు అదనపు ఎస్పీలు, ముగ్గురు డీఎస్పీలు, 10 మంది సీఐలు, 35 మంది ఎస్‌ఐలు, ఏఎస్‌ఐలు, హెడ్‌కానిస్టేబుళ్లు 145 మంది, కానిస్టేబుళ్లు 212 మంది, హోంగార్డులు 98 మందికి విధులు కేటాయించారు. ప్రధాన కూడళ్లు, మసీదులు, ఇతర ప్రార్థనా మందిరాల వద్ద అదనపు బలగాలను మోహరించారు. మొబైల్‌, పెట్రోలింగ్‌ బృందాలు నిరంతరం గస్తీ నిర్వహించనున్నాయి. వాహనాల దారిమళ్లింపు శోభాయాత్ర నేపథ్యంలో నగరంలో ప్రత్యేక ట్రాఫిక్‌ ఆంక్షలు అమల్లో ఉంటాయని ఎస్పీ డి.జానకి తెలిపారు. హైదరాబాద్‌ నుంచి రాయచూర్‌ వైపు వెళ్లే వాహనాలు పిస్తాహౌస్‌ చౌరస్తా వద్ద బైపాస్‌ మీదుగా చించోళి బైపాస్‌–పీయూ–దేవరకద్ర వైపు వెళ్లాలి. కర్నూలు, భూత్పూర్‌, రాయచూర్‌ వైపు నుంచి కొడంగల్‌ వెళ్లే వాహనాలు చించోళి బైపాస్‌ మీదుగా వెళ్లాలని సూచించారు. క్లాక్‌టవర్‌ కూడలి వద్ద అన్ని వైపుల నుంచి సాధారణ వాహనాల రాకపోకలను నిలిపివేస్తారు. గణేష్‌ నిమజ్జన వాహనాలకు మాత్రమే అనుమతి ఉంటుందని, ప్రజలు పోలీసులకు సహకరించాలని ఎస్పీ కోరారు. నగరంలో నేటి మధ్యాహ్నం నుంచి శోభాయాత్ర 503 మందితో పటిష్ట పోలీసు బందోబస్తు క్లాక్‌టవర్‌ వద్ద ప్రత్యేక ట్రాఫిక్‌ ఆంక్షలు బైపాస్‌ల మీదుగా వాహనాల దారి మళ్లింపు

జెడ్పీసెంటర్‌(మహబూబ్‌నగర్‌): జిల్లాలో వివిధ సాగునీటి ప్రాజెక్టులు, భారత్‌ మాల జాతీయ రహదారి, రైల్వే లైన్‌ డబ్లింగ్‌, పారిశ్రామిక ప్రాజెక్టులకు సంబంధించిన భూ సేకరణ పనులను వేగవంతం చేయాలని కలెక్టర్‌ ఖుష్బూ గుప్తా అధికారులను ఆదేశించారు. మంగళవారం కలెక్టరేట్‌లోని వీసీ హాల్‌లో నిర్వహించిన సమీక్షలో భూ సేకరణ, పునరావాస కార్యక్రమాల పురోగతిని పరిశీలించారు. భారత్‌మాల, జాతీయ రహదారులు, రైల్వే లైన్‌ డబ్లింగ్‌, బ్రహ్మోస్‌ క్షిపణి తయారీ కర్మాగారం, కురుమూర్తి దేవాలయ అభివృద్ధి, ఎంజీకేఎల్‌ఐ, లక్ష్మీదేవిపల్లి, అజిలాపూర్‌ ఎత్తిపోతల ప్రాజెక్టులతోపాటు ఇతర అభివృద్ధి పనుల భూ సేకరణపై అధికారులను వివరాలు అడిగి తెలుసుకున్నారు. మహబూబ్‌నగర్‌ రూరల్‌, భూత్పూర్‌, దేవరకద్ర మండలాల్లో రైల్వే భూ సేకరణకు సంబంధించిన అవార్డులు, పరిహారం చెల్లింపులు, ఖాతా ధ్రువీకరణ, కోర్టు కేసులు, వివాదాస్పద భూముల వివరాలను సమీక్షించారు. పెండింగ్‌ కేసులను త్వరగా పరిష్కరించి, కోర్టు కేసులు, ఇతర వివాదాలను స్పష్టంగా వర్గీకరించి నివేదికలు సమర్పించాలని సూచించారు. భూత్పూర్‌ మండలంలో భారత్‌మాల భూ సేకరణకు సంబంధించి భూ యజమానులతో సమావేశం నిర్వహించి వారి సమస్యలను పరిష్కరించాలని ఆదేశించారు. అధికారులు క్షేత్రస్థాయిలో పర్యటించి సమస్యలను పరిష్కరించాలన్నారు. బ్రహ్మోస్‌ కర్మాగారానికి సంబంధించిన ప్రైవేట్‌ భూముల సర్వేను అదనపు సర్వేయర్లను నియమించి పది రోజుల్లో పూర్తి చేయాలని ఆదేశించారు. కురుమూర్తి దేవాలయ అభివృద్ధి, అమర్‌రాజా పరిశ్రమ రహదారి, లక్ష్మీదేవిపల్లి, అజిలాపూర్‌ ప్రాజెక్టుల భూ సేకరణ, పరిహారం చెల్లింపులను వేగవంతం చేయాలని సూచించారు. భూ సేకరణలో ఎక్కడా జాప్యం లేకుండా శాఖల మధ్య సమన్వయంతో పనిచేయాలని స్పష్టం చేశారు. సమావేశంలో అదనపు కలెక్టర్లు మధుసూదన్‌ నాయక్‌, జేఎల్‌బీ హరిప్రియ, ట్రెయినీ కలెక్టర్‌ సాయి శివాని, భూ సేకరణ ప్రత్యేక డిప్యూటీ కలెక్టర్‌ రామిరెడ్డి, ఆర్‌డీఓ నవీన్‌, వివిధ శాఖల అధికారులు, తహసీల్దార్లు పాల్గొన్నారు.

● రాష్ట్రస్థాయి టోర్నీలకు ఐదు జిల్లాలకు కేటాయింపులు ● అండర్‌–14, 17, 19 విభాగాల్లో పోటీలు ● సెలక్షన్స్‌ అనంతరం టోర్నీల నిర్వహణ మహబూబ్‌నగర్‌ క్రీడలు: ఉమ్మడి మహబూబ్‌నగర్‌ జిల్లాలో స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) క్రీడా సందడి మొదలుకానుంది. ఇప్పటికే మండలస్థాయి పోటీలు ముగింపు దశకు చేరుకోగా.. త్వరలో జిల్లాస్థాయి, ఉమ్మడి జిల్లా సెలక్షన్స్‌ నిర్వహించనున్నారు. ఈ క్రమంలో ఉమ్మడి జిల్లాలోని మహబూబ్‌నగర్‌, వనపర్తి, నారాయణపేట, నాగర్‌కర్నూల్‌, జోగుళాంబ గద్వాల జిల్లాలకు వివిధ క్రీడల్లో రాష్ట్రస్థాయి ఎస్‌జీఎఫ్‌ టోర్నీలు కేటాయించారు. గత నెలలో జిల్లా ఎస్‌జీఎఫ్‌ కార్యదర్శులు పంపిన ప్రతిపాదనల ఆధారంగా మంగళవారం టోర్నీలను కేటాయించారు. ఉమ్మడి జిల్లా సెలక్షన్స్‌ అనంతరం ఆయా పోటీలు నిర్వహించనున్నారు. ● మహబూబ్‌నగర్‌ జిల్లాలో అండర్‌–19 బాల, బాలికల వాలీబాల్‌, అండర్‌–17 బాల, బాలికల హ్యాండ్‌బాల్‌, అండర్‌–19 బాలుర క్రికెట్‌, అండర్‌–19 బాల, బాలికల నెట్‌బాల్‌ పోటీలు జరగనున్నాయి. ● వనపర్తి జిల్లాలో అండర్‌–19 బాలికల హాకీ, అండర్‌–19 బాల, బాలికల హ్యాండ్‌బాల్‌ టోర్నీలు కేటాయించారు. ● నారాయణపేట జిల్లాలో అండర్‌–14 బాల, బాలికల రెజ్లింగ్‌ (ఫ్రీస్టైల్‌), అండర్‌–14, 17 బాల, బాలికల బీచ్‌వాలీబాల్‌ పోటీలు నిర్వహించనున్నారు. ● నాగర్‌కర్నూల్‌ జిల్లాలో అండర్‌–17 బాల, బాలికల చెస్‌, అండర్‌–17 బాల, బాలికల కబడ్డీతో పాటు అండర్‌–14, 17, 19 బాల, బాలికల మల్కంబ్‌ పోటీలు జరగనున్నాయి. ● జోగుళాంబ గద్వాల జిల్లాలో అండర్‌–14 బాల, బాలికల చెస్‌, అండర్‌–17 బాలుర క్రికెట్‌, అండర్‌–17 బాల, బాలికల సెపక్‌తక్రా, అండర్‌–17 బాలుర హాకీ, అండర్‌–14 బాల, బాలికల తైక్వాండో పోటీలు కేటాయించారు.విజయవంతంగా నిర్వహిస్తాం.. జిల్లాకు ఈ ఏడాది నాలుగు రాష్ట్రస్థాయి స్కూల్‌ గేమ్స్‌ టోర్నీలు కేటాయించడం సంతోషంగా ఉంది. పీడీలు, పీఈటీలు, క్రీడాసంఘాల సహకారంతో రాష్ట్రస్థాయి ఎస్‌జీఎఫ్‌ టోర్నీలను విజయవంతంగా నిర్వహిస్తాం. టోర్నీల్లో పాల్గొనే క్రీడాకారులకు ఎలాంటి ఇబ్బందులు కలగకుండా అన్ని విధాల సౌకర్యాలు సమకూరుస్తాం. – వేణుగోపాల్‌, ఎస్‌జీఎఫ్‌ జిల్లా కార్యనిర్వాహక కార్యదర్శి, మహబూబ్‌నగర్‌ 24 నుంచి జిల్లాస్థాయి ఎస్‌జీఎఫ్‌ క్రీడలు మహబూబ్‌నగర్‌ క్రీడలు: జిల్లా విద్యాశాఖాధికారి ఆదేశాల మేరకు జిల్లాకేంద్రంలో ఈనెల 24 నుంచి 30 వరకు అండర్‌–14, అండర్‌–17 బాలబాలికలకు జిల్లాస్థాయి కబడ్డీ, ఖోఖో, వాలీబాల్‌ టోర్నమెంట్‌ కమ్‌ సెలక్షన్స్‌ నిర్వహించనున్నట్లు జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ మంగళవారం ఓ ప్రకటనలో తెలిపారు. పోటీల్లో పాల్గొనే విద్యార్థులకు భోజన సదుపాయం కల్పిస్తామని తెలిపారు. మండలాల విద్యార్థులు షెడ్యూల్‌ ప్రకారం ఆయా తేదీల్లో సకాలంలో పోటీల్లో పాల్గొనాలని ఆయన కోరారు.

మరికల్‌: కోయిల్‌సాగర్‌ నీటి విడుదల చేయాలని బీఆర్‌ఎస్‌ నాయకులు సోమవారం నారాయణపేట జిల్లా మరికల్‌లో జాతీయ రహదారిపై ధర్నా చేస్తుండగా మహబూబ్‌నగర్‌ నుంచి మక్తల్‌ వెళ్తున్న ఎంపీ డీకే అరుణ కాన్వాయ్‌ను అడ్డుకున్నారు. రైతులకు మద్దతుగా ఉండి కోయిల్‌సాగర్‌ నీటి విడుదలకు సహకరించాలని ఎంపీ కారును బీఆర్‌ఎస్‌ శ్రేణులు చుట్టుముట్టారు. వరి పంటలు పొట్ట దశలో ఉన్నాయని, ఈ సమయంలో నీళ్లు వదాలకుంటే రైతులు తీవ్రంగా నష్టపోతారని వారు ఆమెకు వివరించారు. ఎంపీ రైతులకు సర్ది చెప్పే ప్రయత్నం చేయగా.. బీఆర్‌ఎస్‌ నాయకులు ఆమె కారును ముందుకు పోనివ్వకుండా అడ్డుకున్నారు. దీంతో పోలీసులు జ్యోకం చేసుకొని పరిస్థితి చేయి దాటిపోకుండా ఆందోళనకారులను పక్కకు తోసివేసి ఎంపీ కాన్వాయ్‌ ముందుకు కదిలింది.

జెడ్పీసెంటర్‌ (మహబూబ్‌నగర్‌): జూరాల ఆయకట్టు కింద పంటలు ఎండుతున్నందున సాగునీరు విడుదల చేయాలని కోరిన బీఆర్‌ఎస్‌ నాయకులు, రైతులను అరెస్టు చేసి నిర్బంధించడాన్ని మాజీ మంత్రి శ్రీనివాస్‌గౌడ్‌ సోమవారం ఖండించారు. రైతుల పక్షాన నిలబడితే అరెస్టులు చేస్తారా? అని ప్రభుత్వాన్ని ప్రశ్నించారు. శ్రీశైలం నుంచి 660 కిలోమీటర్ల దూరంలో పెన్నా బేసిన్‌లో ఉన్న కుప్పానికి కృష్ణా జలాలను తరలిస్తుంటే.. పక్కనే ఉన్న పాలమూరు రైతులకు మాత్రం అన్యాయం చేస్తున్నారని ఆరోపించారు. పోతిరెడ్డిపాడు, వెలిగొండ, మాల్యా ల, ముచ్చుమర్రి ఎత్తిపోతల పథకాల ద్వారా 100 టీఎంసీలకు పైగా నీటిని ఏపీకి తరలిస్తూ తెలంగాణ రైతుల ప్రయోజనాలను దెబ్బతీశారని విమర్శించారు. పాలమూరు–రంగారెడ్డి ప్రాజెక్టును నిర్లక్ష్యం చేశారని ఆరోపించారు. జూరాల ప్రాజెక్టు వద్ద భారీగా పోలీసులను మోహరించి, నాయకులు, రైతులను అదుపులోకి తీసుకుంటున్నారని పేర్కొన్నారు. ప్రస్తుతం జూరాలలో 8.8 టీఎంసీల నీరు ఉందని, తాగునీటికి 2 టీఎంసీలు కేటాయించినా వారబందీ విధానంలో సాగునీరు విడుదల చేసి లక్ష ఎకరాల పంటలను కాపాడాలని డిమాండ్‌ చేశారు. కర్ణాటకలో కాంగ్రెస్‌ ప్రభుత్వమే అధికారంలో ఉన్నందున పాలమూరు రైతుల కోసం కనీసం 5 టీఎంసీల నీటిని తీసుకురాలేరా అని ప్రశ్నించారు. జూరాల ఆయకట్టు రైతులకు వెంటనే సాగునీరు విడుదల చేయడంతో పాటు అదుపులోకి తీసుకున్న బీఆర్‌ఎస్‌ నాయకులు, రైతులను వెంటనే విడుదల చేయాలని డిమాండ్‌ చేశారు.

అమరచింత/ గద్వాల క్రైం/ధరూరు: రోజురోజుకూ జూరాల ప్రాజెక్టు వద్ద జల వివాదం ముదురుతోంది. ఆయకట్టుకు సాగునీరు విడుదల చేయాలని రైతులు రెండు, మూడు రోజులుగా నిరసనలు, ధర్నాలు చేస్తుండగా.. వీరికి వివిధ పార్టీల నాయకులు తోడు కావడంతో ఆందోళనలు తీవ్రరూపం దాలుస్తున్నాయి. ఈ క్రమంలో సోమవారం బీఆర్‌ఎస్‌ ఇచ్చిన పిలుపుమేరకు ఆయకట్టు రైతులు, వివిధ ప్రాంతాల నాయకులు పెద్దఎత్తున జూరాల ప్రాజెక్టుకు చేరుకున్నారు. బీఆర్‌ఎస్‌ మాజీమంత్రులు లక్ష్మారెడ్డి, నిరంజన్‌రెడ్డి, శ్రీనివాస్‌గౌడ్‌లను హౌస్‌ అరెస్టు చేయగా.. పోలీసుల నుంచి తప్పించుకుని జూరాల ప్రాజెక్టుకు చేరుకున్న మక్తల్‌ మాజీ ఎమ్మెల్యే చిట్టెం రామ్మోహన్‌రెడ్డిని నందిమళ్ల క్యాంపు వద్ద పోలీసులు అడ్డుకున్నారు. దీంతో ఆందోళనకు వచ్చిన రైతులు ఒక్కసారిగా పోలీసులపై విరుచుకుపడటంతో తోపులాటలు చోటుచేసుకొని రణరంగాన్ని తలపించింది. పోలీసులు మాజీ ఎమ్మెల్యేను జీపులో ఎక్కించుకుని వెళ్తుండగా రైతులు, బీఆర్‌ఎస్‌ నాయకులు రహదారికి అడ్డంగా రాళ్లు, ముళ్లకంచె వేయడంతో పోలీసులు స్వల్ప లాఠీచార్జి చేసి.. చిట్టెంను కొత్తకోట పోలీస్‌స్టేషన్‌కు తరలించారు. పోలీసులతో రైతుల వాగ్వాదం.. ఆత్మకూర్‌, అమరచింత మండలాల నుంచి వచ్చిన రైతులతో నందిమళ్ల క్యాంపు కాలనీ కిక్కిరిసిపోయింది. పంటలకు సాగునీరు ఇస్తే ఇక్కడికి ఎందుకు వస్తామని, మీతో గొడవెందుకు పెట్టుకుంటామంటూ జూరాల ఆయకట్టు రైతులు పోలీసులతో వాగ్వాదానికి దిగారు. దీంతో నాలుగు గంటల పాటు రైతులు, పోలీసు మధ్య తీవ్రస్థాయిలో వాదోపవాదాలు చోటుచేసుకున్నాయి. ఈ క్రమంలో పోలీసుల కళ్లుగప్పి జూరాల సమాంతర కాల్వ వరకు రైతులు చేరుకోవడంతో అక్కడే ఉన్న మరికొందరు పోలీసు బలగాలు వారిని అడ్డుకోగా తోపులాటలు జరిగాయి. ఉదయం 6 గంటల నుంచే ప్రాజెక్టుపై ట్రాఫిక్‌ ఆంక్షలను పెట్టడంతో ప్రయాణికులు తీవ్ర ఇబ్బందులు పడ్డారు. 10 కి.మీ., మేర ట్రాఫిక్‌ జాం మరోవైపు గద్వాల– ఎర్రవల్లి రహదారి మార్గంలోని జమ్మిచేడ్‌ వద్ద జూరాల కుడి కాల్వ నుంచి నీటిని విడుదల చేయాలని రైతులు పెద్దఎత్తున రోడ్డుపై ఉదయం 10 గంటల నుంచి సాయంత్రం 4 గంటల వరకు బైఠాయించి ధర్నా చేశారు. దీంతో ఆ మార్గంలో సుమారు 10 కి.మీ. మేర ట్రాఫిక్‌ నిలిచిపోయింది. రైతుల ధర్నాకు వివిధ పార్టీల నాయకులు స్నిగ్ధారెడ్డి, బాసు శ్యామల తదితరులు మద్దతు ప్రకటించి మాట్లాడారు. అలాగే రైతుల వద్దకు అదనపు కలెక్టర్‌ మధన్‌మోహన్‌, ఎస్‌ఈ కేశవరావు వచ్చి సమస్య పరిష్కారం కోసం ఉన్నతాధికారుల దృష్టికి తీసుకెళ్తామని రైతులకు చెప్పారు. ఈ క్రమంలో మహిళా రైతులు కంటతడి పెడుతూ అదనపు కలెక్టర్‌ కాళ్లు మొక్కి నీటిని విడుదల చేయాలని కోరారు. 24 గంటల్లోగా నీటిని విడుదల చేయకపోవడంతో ఆందోళనలు మరింత ఉధృతం చేస్తామని హెచ్చరించారు. అనంతరం పోలీసులు తీవ్రంగా శ్రమించి ట్రాఫిక్‌ను క్రమబద్ధీకరించారు. ● రేవులపల్లి, భీంపురం, పెద్దచింతరేవుల గ్రామాల రైతులు కుడి కాల్వ వద్ద ధర్నా చేసందుకు సిద్ధపడగా.. పోలీసులు వారిని మిషన్‌ భగీరథ హెడ్‌ వర్క్స్‌ గట్టు సమీపంలోని జీరో పాయింట్‌ వద్ద అడుక్డకున్నారు. దీంతో రైతులు అక్కడే కూర్చొని ధర్నా చేశారు. వీరికి వివిధ పార్టీల నాయకులు పద్మ, హన్మంతు, గోపాల్‌రెడ్డి తదితరులు మద్దతు తెలిపి ధర్నాలో కూర్చున్నారు. జూరాల సమాంతర కాల్వలో రైతుల నిరసన భారీగా పోలీసుల మోహరింపు జూరాల ప్రాజెక్టుకు చేరుకొనే ప్రధాన రహదారులపై పోలీసులు బారీకేడ్లు ఏర్పాటు చేశారు. అమరచింత మండలం మస్తీపురం, కిష్టంపల్లి, నందిమళ్ల ఎక్స్‌రోడ్లతోపాటు ఆత్మకూర్‌ మండలం మూలమళ్ల శివారు వద్ద బారీకేడ్లు ఏర్పాటు చేసి భారీగా పోలీసులను మోహరింపజేశారు. దీంతో ప్రాజెక్టు రహదారిపై నుంచి ఇతర గ్రామాలకు వెళ్లే వాహనాల రాకపోకలకు తీవ్ర అంతరాయం కలిగింది. డీఎస్పీ పర్యవేక్షణలో ఇద్దరు సీఐలు, 10 మంది ఎస్‌ఐలు పోలీసులు, స్పెషల్‌ బెటాలియన్‌తో కట్టుదిట్టమైన భద్రత ఏర్పాటు చేశారు. పరిస్థితులను సమీక్షించడానికి వనపర్తి ఎస్పీ సునీతరెడ్డి జూరాల ఎడమ కాల్వ వద్దకు చేరుకున్నారు. సీఐ శివకుమార్‌ను అడిగి ఎస్పీ వివరాలు తెలుసుకున్నారు. జూరాల వద్ద ముదురుతున్న సాగునీటి వివాదం బీఆర్‌ఎస్‌ పిలుపుతో తరలివచ్చిన అన్నదాతలు ఎక్కడికక్కడే నాయకుల అరెస్టు రైతులు, పోలీసుల మధ్య తోపులాట.. ఉద్రిక్తం ప్రాజెక్టు వెళ్లే దారుల చుట్టూ భారీగా పోలీసుల పహారా

● క్లాక్‌టవర్‌ కూడలి వైపు వాహనాల అనుమతి ఉండదు ● ఈనెల 25వరకు ట్రాఫిక్‌ మళ్లింపు: ఎస్పీ డి.జానకి మహబూబ్‌నగర్‌ క్రైం: గణేష్‌ నిమజ్జన శోభాయాత్రకు పటిష్ట బందోబస్తు ఏర్పాటు చేస్తున్నట్లు జిల్లా ఎస్పీ డి.జానకి తెలిపారు. ఈ నెల 23న నిర్వహించనున్న శోభాయాత్ర నేపథ్యంలో సోమవారం క్లాక్‌టవర్‌, బైపాస్‌ రోడ్డు, మూడు తాత్కాలిక కృత్రిమ చెరువులు, నిమజ్జన రూట్లను పోలీసు అధికారులతో కలిసి ఆమె పరిశీలించారు. శోభాయాత్ర సందర్భంగా ప్రధాన రోడ్లు, కూడళ్లలో ట్రాఫిక్‌ రద్దీ ఏర్పడే అవకాశం ఉన్నందున వాహనదారులు ముందుగానే ప్రత్యామ్నాయ మార్గాలను ఎంచుకోవాలని సూచించారు. సోమవారం సాయంత్రం నుంచి ఈ నెల 25 ఉదయం 6 గంటల వరకు క్లాక్‌టవర్‌ కూడలి వైపు అన్ని రకాల వాహనాలకు అనుమతి ఉండదని తెలిపారు. హైదరాబాద్‌, భూత్పూర్‌, రాయచూర్‌, కోయిలకొండ, చించోళి తదితర ప్రాంతాల నుంచి మహబూబ్‌నగర్‌లోకి వచ్చే భారీ వాహనాలు తప్పనిసరిగా బైపాస్‌ రోడ్డునే వినియోగించాలని సూచించారు. నగరంలోని ఇతర వాహనదారులు క్లాక్‌టవర్‌ వైపు రాకుండా ట్రాఫిక్‌ పోలీసులు సూచించే ప్రత్యామ్నాయ మార్గాల్లో గమ్యస్థానాలకు చేరుకోవాలన్నారు. శోభాయాత్రకు సంబంధించి సోషల్‌ మీడియాలో వచ్చే సమాచారాన్ని నిర్ధారించుకోకుండా ఇతరులకు షేర్‌ చేయవద్దని సూచించారు. కార్యక్రమంలో డీఎస్పీ వెంకటేశ్వర్లు, సీఐలు అప్పయ్య, రాజేందర్‌రెడ్డి, క్రిష్ణ పాల్గొన్నారు.

● బీఆర్‌ఎస్‌ జిల్లా అధ్యక్షుడు, మాజీ మంత్రి సి.లక్ష్మారెడ్డి జడ్చర్ల: జూరాల ప్రాజెక్టు నుంచి సాగునీటిని విడుదల చేసి రైతుల పంటలను కాపాడాలని బీఆర్‌ఎస్‌ జిల్లా అధ్యక్షుడు, మాజీ మంత్రి డాక్టర్‌ సి.లక్ష్మారెడ్డి డిమాండ్‌ చేశారు. జూరాల ముట్టడికి తిరుమల హిల్స్‌లోని తన నివాసం నుంచి బీఆర్‌ఎస్‌ శ్రేణులతో కలిసి బయలుదేరిన ఆయనను పోలీసులు అడ్డుకుని హౌస్‌ అరెస్టు చేశారు. ఈ సందర్భంగా లక్ష్మారెడ్డి మీడియాతో మాట్లాడారు. జూరాలలో 8.5 టీఎంసీల నీరు అందుబాటులో ఉన్నప్పటికీ తాగునీటి పేరుతో పంటలకు నీరు విడుదల చేయడం లేదని ఆరోపించారు. జూరాల నుంచి తాగునీటికి ఒక టీఎంసీ సరిపోతుందని, ఉమ్మడి పాలమూరు జిల్లాలోని ఇతర ప్రాంతాల తాగునీటి అవసరాలు శ్రీశైలం బ్యాక్‌వాటర్‌పై ఆధారపడి ఉన్నాయని పేర్కొన్నారు. జూరాల నీటిని విడుదల చేసి సుమారు లక్ష ఎకరాల్లో సాగు చేసిన పంటలను కాపాడాలని కోరారు.ఎల్‌నినో ప్రభావాన్ని ముందుగా అంచనా వేయడంలో ప్రభుత్వం విఫలమైందని విమర్శించారు. కాళేశ్వరం ప్రాజెక్టును ఎండబెట్టారని, పాలమూరు–రంగారెడ్డి ప్రాజెక్టును పూర్తి చేయడం లేదని ఆరోపించారు. రైతులు సాగుకు వెళ్లకముందే నీటి లభ్యతపై ప్రభుత్వం స్పష్టత ఇచ్చి ఉంటే పరిస్థితి ఇంత తీవ్రంగా ఉండేది కాదన్నారు. కేసీఆర్‌ ముందుచూపుతో కరువు పరిస్థితులను ఎదుర్కొనేందుకే రిజర్వాయర్లను నిర్మించారని, 70 టీఎంసీల సామర్థ్యంతో పాలమూరు–రంగారెడ్డి ప్రాజెక్టును డిజైన్‌ చేశారని తెలిపారు. కరివెన వరకు రిజర్వాయర్లను నింపి ఉంటే ప్రస్తుత పరిస్థితుల్లో తాగునీటి అవసరాలకు ఉపయోగపడేవని పేర్కొన్నారు. కేఎల్‌ఐ పంప్‌ మోటర్లను నిరంతరాయంగా నడపాల్సి ఉండగా వాటిని నిలిపివేయ డం వల్ల మోటర్లు దెబ్బతినే ప్రమాదం ఉందన్నా రు. సీఎం రేవంత్‌రెడ్డి, ఇరిగేషన్‌ మంత్రి ఉత్తమ్‌కుమార్‌రెడ్డి వెంటనే అధికారులతో సమీక్షించి రైతులకు ఇబ్బందులు లేకుండా చూడాలని డిమాండ్‌ చేశారు. డీసీఎంఎస్‌ మాజీ చైర్మన్‌ ప్రభాకర్‌రెడ్డి, మాజీ జెడ్పీ వైస్‌ చైర్మన్‌ యాదయ్య, నర్సిములు, శ్రీనివాస్‌యాదవ్‌, మురళి పాల్గొన్నారు.

● ప్రతి వారం ఓ గ్రామ పంచాయతీని సందర్శించాలి ● సమస్యల పరిష్కారంపై ఫాలోఅప్‌ చేయాలి: కలెక్టర్‌ ఖుష్బూగుప్తా జెడ్పీసెంటర్‌ (మహబూబ్‌నగర్‌): మండలాలు, నియోజకవర్గాలకు కేటాయించిన ప్రత్యేక అధికారులు ప్రతి వారం క్షేత్రస్థాయిలో పర్యటించి ఒక గ్రామ పంచాయతీని తప్పనిసరిగా సందర్శించాలని కలెక్టర్‌ ఖుష్బూగుప్తా ఆదేశించారు. సోమవారం కలెక్టరేట్‌లో అధికారులతో నిర్వహించిన సమావేశంలో ఆమె మాట్లాడారు. ఎంపీటీసీ, జెడ్పీటీసీ వ్యవస్థ ప్రస్తుతం లేనందున ప్రత్యేక అధికారుల బాధ్యతలు మరింత కీలకమయ్యాయని తెలిపారు. ప్రతి సోమవారం ఒక్కో అధికారికి గ్రామ పంచాయతీని కేటాయిస్తామని, ఆ వారంలో బుధవారం లేదా అనుకూలమైన రోజున తప్పనిసరిగా సందర్శించాలని సూచించారు. గ్రామ పర్యటనలో సర్పంచ్‌, పంచాయతీ సిబ్బంది, ప్రజలతో మాట్లాడి సమస్యలను గుర్తించి, పరిష్కారానికి చర్యలు తీసుకోవాలని చెప్పారు. పంచాయతీ కార్యదర్శి, పాఠశాలలు, అంగన్‌వాడీ కేంద్రాలు, తాగునీరు, పారిశుద్ధ్య తదితర అంశాలను పరిశీలించాలన్నారు. ప్రతి అధికారి కనీసం రెండు పాఠశాలలను సందర్శించాలని, అందులో ఒకటి రెసిడెన్షియల్‌ పాఠశాల ఉండేలా చూడాలని సూచించారు. విద్యార్థులతో కలిసి భోజనం చేసి ఆహార నాణ్యత, వసతి, తాగునీరు, మరుగుదొడ్ల పరిస్థితిని పరిశీలించాలన్నారు. అలాగే పీహెచ్‌సీ, హెల్త్‌ సెంటర్‌ లేదా సబ్‌సెంటర్‌ను సందర్శించి మందుల లభ్యత, సిబ్బంది హాజరు, వైద్యసేవలను పరిశీలించాలని ఆదేశించారు. క్షేత్ర పర్యటనలను సాధ్యమైనంత వరకు ముందస్తు సమాచారం లేకుండా నిర్వహించాలని, గుర్తించిన సమస్యలపై వారం, పది లేదా పదిహేను రోజుల తర్వాత ఫాలోఅప్‌ చేయాలని కలెక్టర్‌ సూచించారు. అక్టోబర్‌ 6న జరిగే దిశ సమావేశానికి కేంద్ర పథకాలు, ఎంపీ ల్యాడ్స్‌ పనులు, పెండింగ్‌ అంశాలపై నివేదికలు, గత సమావేశానికి సంబంధించిన యాక్షన్‌ టేకెన్‌ రిపోర్టును వెంటనే అందించాలని అధికారులను ఆదేశించారు. సమావేశంలో అదనపు కలెక్టర్‌ హరిప్రియ, అసిస్టెంట్‌ కలెక్టర్‌ సాయి శివాని, డీఆర్‌ఓ నిర్మల, జెడ్పీ సీఈఓ, ఇన్‌చార్జి డీపీఓ వెంకటరెడ్డి, డీఆర్‌డీఓ నరసింహులు, హౌసింగ్‌ పీడీ ఉపేందర్‌రెడ్డి పాల్గొన్నారు. భూసేకరణ వేగవంతం చేయాలి రాష్ట్రంలోని నీటిపారుదల ప్రాజెక్టులకు అవసరమైన భూసేకరణ, అటవీ భూముల పరిహారం, ఆర్‌అండ్‌ఆర్‌ పనులను వేగవంతం చేయాలని మంత్రి ఉత్తమ్‌కుమార్‌రెడ్డి అధికారులను ఆదేశించారు. 2026–27లో భూసేకరణకు రూ.6 వేల కోట్ల వరకు నిధులు విడుదల చేయనున్నట్లు తెలిపారు. ఇప్పటికే రూ.2,550 కోట్లు విడుదల చేసినట్లు పేర్కొన్నారు.

మహబూబ్‌నగర్‌ (వ్యవసాయం): ఇక ‘ఎన్ని ఎకరాల్లో ఏ పంట?’ అన్న లెక్కలు కాగితాలకే పరిమితం కావు. రైతు పొలంలో ఏ పంట సాగు చేస్తున్నాడు.. ఎంత విస్తీర్ణంలో సాగు చేశాడు.. అన్నది క్షేత్రస్థాయిలోనే డిజిటల్‌గా నమోదవుతోంది. దీంతో జిల్లాలో వాస్తవ సాగు విస్తీర్ణం, పంటల వివరాలపై పక్కా లెక్కలు అందుబాటులోకి రానున్నాయి. వానాకాలం సాగు వివరాల నమోదుకు చేపట్టిన డిజిటల్‌ క్రాప్‌ సర్వే–2026లో మహబూబ్‌నగర్‌ జిల్లా ముందుకు సాగుతోంది. ఇప్పటివరకు 41.8 శాతం క్షేత్రాల సర్వే పూర్తిచేసి రాష్ట్రంలో 18వ స్థానంలో నిలిచింది. జిల్లాలో సర్వే చేయాల్సిన 7,36,776 క్షేత్రాల్లో 3,07,744 క్షేత్రాలను పరిశీలించి వివరాలను యాప్‌లో నమోదు చేశారు. ఈనెల 19న ఒక్కరోజే 13,388 క్షేత్రాల సర్వే పూర్తిచేయడం గమనార్హం. పొలంలోకి వలంటీర్‌ గతంలో పంటల సాగు వివరాలను వ్యవసాయ విస్తరణ అధికారులు క్షేత్రస్థాయిలో సేకరించి నమోదు చేసేవారు. అయితే పొలాలను ప్రత్యక్షంగా పరిశీలించకుండానే వివరాలు నమోదయ్యే సందర్భాలు ఉండటంతో కచ్చితత్వంపై సందేహాలు తలెత్తేవి. దీనికి చెక్‌ పెట్టేందుకు ప్రభుత్వం డిజిటల్‌ విధానాన్ని అమల్లోకి తెచ్చింది. జిల్లాలోని 306 రెవెన్యూ గ్రామాల్లో 305 గ్రామాలను సర్వేకు కేటాయించారు. 7,06,284 ఫార్మ్‌ ప్లాట్లు సర్వే జాబితాలో ఉన్నాయి. ప్రతి గ్రామానికి ఒకరు చొప్పున 305 మంది వలంటీర్లను నియమించారు. వీరిలో 292 మంది యాప్‌ ఇన్‌స్టాల్‌ చేసుకుని సర్వే ప్రారంభించారు. 2.64 లక్షల ఎకరాల్లో సాగు జిల్లాలో ఈ వానాకాలం సీజన్‌లో ఇప్పటివరకు 2,64,235 ఎకరాల్లో పంటలు సాగులోకి వచ్చినట్లు వ్యవసాయశాఖ ప్రాథమిక లెక్కల్లో నమోదైంది. డిజిటల్‌ క్రాప్‌ సర్వే ద్వారా ఈ వివరాలను మరింత కచ్చితంగా నిర్ధారించనున్నారు. సర్వే పూర్తయితే మండలం, గ్రామం, రైతు, పంట, విస్తీర్ణం వారీగా వాస్తవ సాగు పరిస్థితిపై స్పష్టత రానుంది. కొనుగోళ్లలోనూ ఉపయోగకరం పంట కొనుగోళ్ల సమయంలో సాగు వివరాలపై తలెత్తే వివాదాలకు డిజిటల్‌ సర్వే పరిష్కారంగా మారనుంది. రైతు పొలంలో ఉన్న పంటను ఫొటోతో సహా నమోదు చేయడంతో సాగుకు సంబంధించిన డిజిటల్‌ ఆధారం అందుబాటులో ఉంటుంది. భవిష్యత్‌లో రైతు సంక్షేమ పథకాలు, పంటల బీమా, పరిహారం, పంట రుణాలు, ప్రకృతి వైపరీత్యాల నష్టం అంచనా వంటి అంశాల్లో ఈ సమాచారం ఉపయోగపడనుంది. ఏ ప్రాంతంలో ఏ పంట ఎంత విస్తీర్ణంలో సాగవుతోంది? ఎంత విత్తనం, ఎరువు అవసరం? అనే దానిపై ప్రభుత్వానికి వాస్తవిక సమాచారం లభించనుంది. రోజువారీగా పర్యవేక్షణ వలంటీర్లు యాప్‌లో అప్‌లోడ్‌ చేసే ప్రతి చిత్రానికి రూ.7 చొప్పున పారితోషికం ఇవ్వనున్నారు. సర్వే పురోగతిని వ్యవసాయశాఖ అధికారులు రోజువారీగా సమీక్షిస్తున్నారు. గ్రామాల వారీగా లక్ష్యాలను నిర్దేశించి పూర్తయిన క్షేత్రాల వివరాలను పరిశీలిస్తున్నారు. నిర్ణీత గడువులోగా సర్వేను పూర్తి చేసి జిల్లాలో వాస్తవ సాగు, పంటలపై సమగ్ర డిజిటల్‌ డేటాను అందుబాటులోకి తీసుకురావడమే లక్ష్యంగా ముందుకు సాగుతున్నారు. ఏ పంటో.. అక్కడే నమోదు వలంటీర్‌ నేరుగా పొలాన్ని సందర్శించి రైతు సాగు చేస్తున్న పంట వివరాలను యాప్‌లో న మోదు చేస్తారు. పంట రకం, విస్తీర్ణంతో పాటు పొలం ఫొటోను కూడా అప్‌లోడ్‌ చేస్తారు. ఒకే భూమిలో వేర్వేరు పంటలు సాగు చేసినా వాటి ని గుర్తించే అవకాశం ఉంటుంది. దీంతో కాగితాలపై ఉన్న లెక్కలకు, క్షేత్రస్థాయి వాస్తవ పరిస్థితులకు మధ్య వ్యత్యాసాలు తగ్గనున్నాయి. రాష్ట్రంలో 18వ స్థానం.. 41.8 శాతం క్షేత్రాల సర్వే పూర్తి ఇకపై జిల్లాలో పక్కాగా సాగు లెక్క 305 రెవెన్యూ గ్రామాల్లో కొనసాగుతున్న సర్వే ప్రతి గ్రామానికి ఒక వలంటీర్‌.. యాప్‌లో పంట వివరాల నమోదు జిల్లాలో ఇప్పటివరకు 2,64,235 ఎకరాల్లో సాగు

ధరూరు: జూరాల ప్రాజెక్టు వద్ద పోలీస్‌ పికెటింగ్‌ ఏర్పాటు చేశారు. వానకాలంలో పంటలుసాగు చేసుకున్న రైతులు తమ పంట పొలాలకు నీళ్లు వదలకుండా చేయడంతో పంటలు ఎండుముఖం పడుతుండడంతో కడుపు మండిన రైతులు రెండు రోజులుగా కుడి, ఎడమ కాల్వల వద్ద ధర్నాలు చేసిన విషయం తెలిసిందే. ఇదిలా ఉండగా.. శనివారం అర్ధరాత్రి కుడికాల్వ వద్ద నీళ్లు వదులుకునే ప్రయత్నం చేయడంతో అది గమనించిన పీజేపీ అధికారులు ఆదివారం పోలీసులకు సమాచారం అందించడంతో ధరూరు ఎస్‌ఐ నందికర్‌ నేతృత్వంలో పోలీసులు బందోబస్తు నిర్వహించారు. ప్రధాన కుడి కాల్వ హెడ్‌ రెగ్యులేటరీ వద్ద రాత్రి వరకు పోలీసులు పికెటింగ్‌ ఏర్పాటు చేశారు. కాల్వలకు నీటివిడుదల నిలిపివేయడంతో ప్రాజెక్టు వద్ద గందరగోళ పరిస్థితులు నెలకొన్నాయి. పీజేపీ ఉన్నతాధికారులు శుక్రవారం సాగునీటి విడుదలపై స్పష్టత ఇవ్వలేదు. 24గంటల తర్వాత ఉన్నతాధికారులతో చర్చించి చర్యలు తీసుకుంటామని చెప్పిన విషయం తెలిసిందే. ఆదివారం సెలవు దినం కావడంతో రైతులు సోమవారం అధికారుల నుంచి వచ్చే సమాధానంపై ఎలాంటి స్పష్టత వస్తుందనే దానిపై ఆసక్తి నెలకొంది.

మరికల్‌: ఆర్‌ఎంపీతో జరిగిన వాగ్వాదం నేపథ్యంలో మరొక ఆర్‌ఎంపీ కింద అసిస్టెంట్‌గా పనిచేస్తున్న యువకుడు ఆత్మహత్యకు పాల్పడిన ఘటన మరికల్‌ మండలంలోని చిత్తనూర్‌ లో జరిగింది. పూర్తి వివరాలు.. మాగనూర్‌కు చెందిన కమ్మరి వెంకటేశ్‌(19) చిన్నచింతకుంట మండలం దమగ్నాపూర్‌లో ఉంటున్న పిన్నితో కలిసి ఉంటూ.. చిత్తనూర్‌, దమగ్నాపూర్‌లో ప్రాథమిక వైద్య సేవలందిస్తున్న నర్వ మండలం కుమార్‌లింగంపల్లికి చెందిన గంగాధర్‌ అనే ఆర్‌ఎంపీ వద్ద అసిస్టెంట్‌గా పనిచేస్తున్నాడు. అయితే ఇటీవల దమగ్నాపూర్‌లో ఉన్న మరో ఆర్‌ఎంపీ తమ గ్రామంలో వైద్య సేవలు చేస్తే ఊరుకోమని వెంకటేశ్‌ను హెచ్చ రించాడు. దీంతో మనస్తాపానికి గురైన వెంకటేశ్‌ ఇరువురి సంభాషణను రికార్డు చేసి తన తల్లికి శనివా రం ఫోన్‌లో పంపించాడు. అనంతరం చిత్తనూర్‌లో అద్దెకు ఉంటున్న గదిలో చీరతో ఉరేసుకొని ఆత్మహత్య చేసుకున్నాడు. ఆదివారం ఆర్‌ఎంపీ గంగాధర్‌ ఫోన్‌ చేసినా ఎంతకూ లిఫ్ట్‌చేయకపోవడంతో స్థానికులకు సమాచారం ఇచ్చాడు. వారు ఇంటికి వెళ్లి చూడగా వెంకటేశ్‌ ఉరివేసుకొని విగతజీవిగా కనిపించాడు. సమాచారం తెలుసుకున్న పోలీసులు ఘటనా స్థలానికి చేరుకొని పంచానామా నిర్వహించారు. మృతుడి తల్లి లక్ష్మి ఫిర్యాదు మేరకు కేసు నమోదు చేసి పోస్టుమార్టం నిమిత్తం మృతదేహాన్ని జిల్లా ఆస్పత్రికి తరలించినట్లు ఎస్‌ఐ రామ్‌లాల్‌నాయక్‌ తెలిపారు. రోడ్డు ప్రమాదంలో వృద్ధుడు మృతి పెద్దకొత్తపల్లి: మండలంలో ని గంట్రావుపల్లి స్టేజీ సమీపంలో శనివారం రాత్రి గుర్తు తెలి యని వాహనం ఢీకొన్న ఘటనలో వ్యక్తి మృతిచెందినట్లు ఎస్‌ఐ సతీష్‌ తెలిపారు. ఎస్‌ఐ కథనం ప్రకారం.. వనపర్తి జిల్లా పాన్‌గల్‌ మండలం శాగాపూర్‌రకు చెందిన కానమోని జయన్న(55) శనివారం గ్రామం నుంచి టీవీఎస్‌ ఎక్స్‌ఎల్‌పై సాతాపూర్‌కు వెళ్తుండగా.. గంట్రావుపల్లి స్టేజీ దగ్గర గుర్తు తెలియని వాహనం టీవీఎస్‌ ఎక్స్‌ఎల్‌ను ఢీ కొట్టడంతో జయన్న తలకు బలమైన గాయాలయ్యాయి. వెంటనే గాయపడిన వ్యక్తి ని 108 అంబులెన్స్‌లో కొల్లాపూర్‌ ప్రభుత్వ ఆస్పత్రికి తరలించగా వైద్యులు పరీక్షించి జయన్న మృతిచెందినట్లు నిర్ధారించినట్లు ఎస్‌ఐ పేర్కొన్నారు. ఇట్టి ఘటనపై మృతుడి భార్య జయమ్మ ఫిర్యాదు మేరకు కేసు నమోదు చేసుకొని శవాన్ని పోస్టుమార్టం అనంతరం ఆదివారం కుటుంబ సభ్యులకు అప్పగించినట్లు ఎస్‌ఐ తెలిపారు. మృతుడికి కుమారుడు, కూతురు ఉన్నారు. హైదరాబాద్‌లో అంకమోనికుంట వాసి మృతి వెల్దండ: మండలంలోని అంకమోనికుంట గ్రామానికి చెందిన గోలి గోపాల్‌రెడ్డి(55) ఆదివారం సాయంత్రం హైదరాబాద్‌లో జరిగిన రోడ్డు ప్రమాదంలో మృతి చెందాడు. కుటుంబ సభ్యులు, బంధువులు తెలిపిన వివరాల ప్రకారం.. హైదరాబాద్‌లోని బీఎన్‌రెడ్డి సాగర్‌ కాంప్లెక్స్‌ వద్ద గోపాల్‌రెడ్డి రోడ్డు దాటుతుండగా బొలెరో వాహనం ఢీకొట్టగా.. తీవ్రంగా గాయపడిన ఆయన అక్కడికక్కడే మృతి చెందాడు. విషయం తెలుసుకున్న పోలీసులు ఘటన స్థలాన్ని పరిశీలించి మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. గోపాల్‌రెడ్డి మృతితో స్వగ్రామమైన అంకమోనికుంటలో విషాధం నెలకొంది. రోడ్డు ప్రమాదంలో గాయపడిన బాలిక మృతి అమ్రాబాద్‌: మహబూబ్‌నగర్‌ షాషాబ్‌గుట్టకు చెందిన వజిహాజబిన్‌(16) అనే బాలిక ఆగస్టు 20న మండలంలోని మన్ననూర్‌కు బంధువుల ఇంటికి వచ్చి స్కూటీ నడుపుతుండగా సమీపంలో నిరంజన్‌షావలి దర్గా వద్ద ప్రమాదవవాత్తు కిందపడి తీవ్రంగా గాయపడింది. చికిత్స నిమిత్తం హైదరాబాద్‌ గాంధీ ఆస్పత్రికి తరలించగా పరిస్థితి విషమించడంతో ఆదివారం ఉదయం మృతి చెందింది. వజిహాజబిన్‌ తల్లి సాజిదాబేగం ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ హన్మంత్‌రెడ్డి తెలిపారు. చికిత్స పొందుతూ మృతి.. కేసు నమోదు వనపర్తి రూరల్‌: చిక్సిత పొందుతూ వ్యక్తి మృతి చెందిన ఘటన వనపర్తి పట్టణంలో చోటు చేసుకుంది. రూరల్‌ ఎస్‌ఐ హృషికేశ్‌ తెలిపిన వివరాలు.. స్థానిక మరికుంట కాలనీకి చెందిన మారోజు భాస్కర్‌చారి (58) ఆర్థిక ఇబ్బందుల నేపథ్యంలో తాగుడుకు బానిసై ఈ నెల 18న మధ్యాహ్నం గడ్డిమందు తాగి ఆత్మహత్యాయత్నానికి పాల్పడ్డాడు. గమనించిన కుటుంబ సభ్యులు చికిత్స నిమిత్తం వనపర్తి ప్రభుత్వ ఆస్పత్రికి తరలించగా మెరుగైన చికిత్స కోసం మహబుబ్‌నగర్‌కు ప్రభుత్వ ఆస్పత్రికి తీసుకెళ్లగా శనివారం మృతి చెందారు. మృతుడి కుమారుడు శివమణి ఆదివారం రూరల్‌ పోలీసు స్టేషన్‌లో ఫిర్యాదు చేయగా కేసు నమోదు చేసి దర్యాప్తు చేస్తున్నట్లు ఎస్‌ఐ పేర్కొన్నారు. గోపాల్‌రెడ్డి (ఫైల్‌)

మహబూబ్‌నగర్‌ క్రైం: జిల్లాలో వాహనదారులు చే స్తున్న చిన్నపాటి తప్పిదాలతో రహదారులు రక్తసిక్తం అవుతున్నాయి. కొద్దిసేపట్లో గమ్య స్థానానికి చేరుకోవాల్సిన వాహనదారులు అక్కడికక్కడే మృత్యు ఒడికి చేరడం.. కొందరు క్షతగాత్రులుగా మారి ఆస్పత్రికి వెళ్తున్నారు. జిల్లాలో జాతీయ రహదారి–44 సుమారుగా 80 కిలోమీటర్లు ఉండగా.. ఈ మార్గంలో 15 మేజర్‌ బ్లాక్‌ స్పాట్లను పోలీసులు గుర్తించారు. ప్రధానంగా జడ్చర్ల నుంచి మూసా పేట మధ్య ఇటీవల అధికంగా ప్రమాదాలు చోటు చేసుకుంటున్నాయి. దివిటిపల్లి నుంచి భూత్పూర్‌ మధ్య జాతీయ రహదారి పూర్తిగా ఏటావాలుగా ఉండటం, బ్రిడ్జిల నిర్మాణ పనుల వల్ల రాత్రి వేళ సరైన లైటింగ్‌, రేడియం స్టిక్కర్స్‌ లేక ముందు వెళ్తున్న వాహనాలు సడెన్‌గా బ్రేక్‌లు వేస్తుండడంతో వెనుక వచ్చే వాహనాలు అదుపు తప్పి ఢీకొంటున్నాయి. ● జిల్లాలో జనవరి నుంచి ఇప్పటి వరకు రో డ్డు ప్రమాద మరణాల కేసులు 165 నమోదు కాగా.. 177 మంది దుర్మరణం పాలయ్యారు. అదేవిధంగా రోడ్డు ప్రమాదంలో తీవ్రంగా గాయపడిన కేసులు 216 నమోదు కాగా.. 361మంది క్షతగాత్రులయ్యారు. మిగిలినవి 59 కేసులు నమోదు కాగా వీటిలో 440 మంది వాహనదారులు స్వల్ప గాయాలతో బయటపడ్డారు. అత్యధికంగా మహబూబ్‌నగర్‌ రూరల్‌ పోలీస్‌ స్టేషన్‌ పరిధిలో 33 మంది మరణించగా.. జడ్చర్లలో 29, భూత్పూర్‌లో 28, రాజాపూర్‌ పరిధిలో 11మంది మృతి చెందారు. ప్రమాదకరమైన బ్లాక్‌ స్పాట్‌ ఇవే.. బాలానగర్‌ హిల్‌పార్క్‌, బాలానగర్‌, పెద్దాయిపల్లి, కేతిరెడ్డిపల్లి, రాజాపూర్‌, గొల్లపల్లి, మాచారం, బూ రెడ్డిపల్లి, చిట్టిబోయిన్‌పల్లి, తాటిపర్తి, పోతుల మడుగు, శేరిపల్లి, తాటికొండ స్టేజీ, మూసాపేట, వేముల–సంకలమద్దిఎక్స్‌రోడ్లలో అధికంగా ప్రమాదాలు జరుగుతున్నట్లు అధికారులు గుర్తించారు. ● జాతీయ రహదారి 167పై 13 చోట్ల బ్లాక్‌స్పాట్స్‌ గుర్తించారు. దీంట్లో మిడ్జిల్‌, గంగాపూర్‌, సిగ్నల్‌ గడ్డ, మయూరీ పార్క్‌ మలుపు, హౌజింగ్‌బోర్డు, హనుమాన్‌పుర ఎక్స్‌రోడ్‌, ఆర్టీఏ కార్యాలయం మలుపు, ఆల్‌మదీన కళాశాల, ధర్మపూర్‌ టర్నింగ్‌, చౌదర్‌పల్లి స్టేజీ, కోడూర్‌ స్టేజీ, కోటకదిర స్టేజీ, మణ్యంకొండ స్టేజీ దగ్గర తరచూ ప్రమాదాలు జరుగుతున్నట్లు పోలీసులు తేల్చారు. జాతీయ, రాష్ట్ర రహదారులు సుమారు 500 మీటర్ల పొడవు ఉన్న ప్రాంతం. మూడేళ్ల కాలంలో కలిపి అయిదు రోడ్డు ప్రమాదాలు జరిగినా లేదా మూడేళ్లలో పది మంది మరణించినా ఆ ప్రాంతాన్ని(మరణాలు, తీవ్ర గాయాలతో కూడినవి) బ్లాక్‌స్పాట్‌గా గుర్తిస్తారు. జిల్లా ఎన్‌హెచ్‌ 44పై పోలీసులు గుర్తించిన 15బ్లాక్‌ స్పాట్స్‌లో మూడేళ్ల కాలంలో 220 ప్రమాదాలు జరిగితే.. 180 మంది మృతి చెందారు. ఆగస్టు 8న శేరిపల్లి సమీపంలో బ్రిడ్జి నిర్మాణ పనులు జరుగుతుండగా.. ఆరు వాహనాలు వెనుక నుంచి ఒకదానికి ఒకటి బలంగా ఢీకొన్నాయి. ఆగస్టు 14న భూత్పూర్‌ పోలీస్‌స్టేషన్‌ వద్ద ప్రైవేట్‌ ట్రావెల్‌ బస్సు బోల్తాపడటంతో 15మందికి గాయాలు కాగా.. ఇద్దరు యువతులకు చేతులు తెగిపోయాయి. ఆగస్టు 26న భూత్పూర్‌ బ్రిడ్జి రోడ్డుపై నిలిపి ఉన్న లారీని వెనుక నుంచి బైక్‌ ఢీకొట్టడంతో ఇద్దరు యువకులు మృతి చెందారు. సెప్టెంబర్‌ 7న భూత్పూర్‌ బ్రిడ్జిపై డీసీఎంను వెనుక నుంచి కారు ఢీకొట్టడంతో ఇద్దరు మృతి చెందారు. ఈనెల 10న జడ్చర్ల నుంచి కర్నూల్‌కు మేకల లోడుతో వెళ్తున్న డీసీఎం డ్రైవర్‌ నిద్రమత్తులో సూచిక బోర్డు దిమ్మెను ఢీకొట్టడంతో బోల్తాపడి అగ్నిప్రమాదం చోటుచేసుకుని ఒక వ్యక్తితో పాటు 250 మేకలు సజీవ దహనం అయ్యాయి. ఎన్‌హెచ్‌–44పై పెరిగిన ప్రమాదాల తీవ్రత దివిటిపల్లి నుంచి మూసాపేట మధ్య అధికం బ్రిడ్జిల నిర్మాణాలు, సూచిక బోర్డులు, రేడియం స్టిక్కర్స్‌ కరువు 9 నెలల కాలంలో 177 మంది మృతి బాలానగర్‌ నుంచి వెల్టూర్‌ స్టేజీ వరకు 80 కిలోమీటర్ల దూరంలో 15 ప్రమాద స్థలాలు

● సీపీఐ రాష్ట్ర ప్రధాన కార్యదర్శి కూనంనేని సాంబశివరావు అమరచింత: కమ్యూనిజంపై అవాకులు చవాకులు పేలే బూర్జువా పెట్టుబడి సిద్ధాంత రాజకీయ రంపులో మునిగి తేలుతున్న వారికి ఎర్రజెండా గొప్పతనం గురించి ఏం తెలుసని, బాధలు లేని సమాజ నిర్మాణమే ఎర్రజెండా లక్ష్యమని సీపీఐ రాష్ట్ర ప్రధాన కార్యదర్శి కొత్తగూడేం ఎమ్మెల్యే కూనంనేని సాంబశివరావు పేర్కొన్నారు. అమరచింత పట్టణంలో ఆదివారం నిర్వహించిన జ్యోతి సంస్మరణ సభ కార్యక్రమంలో ఆయన ముఖ్య వక్తగా పాల్గొని మాట్లాడారు. కమ్యూనిజానికి మరణమే లేదని, ప్రజా సమస్యలపై అలుపెరుగని పోరాటాలు నిర్వహించిన విజయరాములు జీవిత సహచరి జ్యోతి మరణం అత్యంత బాధాకరమన్నారు. కమ్యూనిస్టులు త్యాగాలకు చిరస్మరణీయులన్నారు. దోపిడీ రహిత సమాజ నిర్మాణం కోసం రాజీలేని పోరాటాలకు సిద్ధం కావాలని పిలుపునిచ్చారు. అనంతరం ఎమ్మెల్సీ గోరేటి వెంకన్న మాట్లాడుతూ.. కమ్యూనిజం అజయమైందని, కమ్యూనిస్టుగా జీవించాలంటే ధైర్యం కావాలన్నారు. కమ్యూనిస్టులు దోపిడీ వర్గాలపై కవాతు నిర్వహించాలని కోరారు. అమరచింతతో తనకు ఎంతో అనుబంధం ఉందని ఇక్కడి విప్లవ చైతన్యం మరువలేనిదన్నారు. కల్తీ ఆహార పదార్థాలను తినడం ద్వారా జరిగే రోగాల గురించి తనదైన ఆటపాటల ద్వార ప్రజలకు వివరించారు. ఉత్తమ విలువల జీవితం కమ్యూనిస్టులకే సాధ్యమవుతుందని ఉస్మానియా యూనివర్సిటీ ఆర్ట్స్‌ కళాశాల ప్రిన్సిపాల్‌ ప్రొఫెసర్‌ ఖాసీం అన్నారు. కార్యక్రమంలో సీపీఐ రాష్ట్ర కార్యదర్శి వర్గ సభ్యుడు బాల నరసింహ, సైకాలజిస్ట్‌ డాక్టర్‌ లక్ష్మణ్‌, సీపీఐ రాష్ట్ర నాయకులు బోస్‌, ఎండీ యూసుఫ్‌, ఏఐటీయూసీ రాష్ట్ర కార్యదర్శి నరసింహ, వెంకటయ్య, పయాజ్‌, బాలకిషన్‌, పరమేష్‌, పాలమూరు అధ్యయన వేదిక నేత రాఘవచారి, సీపీఎం జిల్లా కార్యదర్శి పుట్ట. ఆంజనేయులు, ఖలీల్‌, జనజ్వాల, కౌన్సిలర్‌ తిరుమలేష్‌ తదితరులు పాల్గొన్నారు.

కొల్లాపూర్‌:పితృవియోగంతో బాధపడుతున్న కొల్లా పూర్‌ మాజీ ఎమ్మెల్యే భీరం హర్షవర్ధన్‌రెడ్డిని ఆదివారం పలువురు ప్రముఖులు పరామర్శించారు. అచ్చంపేట ఎమ్మెల్యే డాక్టర్‌.వంశీకృష్ణ, ఎమ్మెల్సీ లు చల్లా వెంకట్రామిరెడ్డి, గోరటి వెంకన్న, ఆందోల్‌ మాజీ ఎమ్మెల్యే క్రాంతికిరణ్‌, తాండూరు మాజీ ఎమ్మెల్యే పైలెట్‌ రోహిత్‌రెడ్డి, సీపీఐ రాష్ట్ర కార్యదర్శివర్గ సభ్యులు బాల్‌నర్సింహ సింగోటం వ్యవసా య క్షేత్రంలో వారు హర్షవర్ధన్‌రెడ్డిని కలిసి సాను భూతి తెలిపారు.ఆయన తండ్రి భీరం లక్ష్మారెడ్డి చిత్రపటానికి పూలమాలలు వేసి నివాళులర్పించారు. వారివెంట పలువురు కాంగ్రెస్‌, బీఆర్‌ఎస్‌ నాయకులు ఉన్నారు.

● కొల్లాపూర్‌లో 14.46 సెం.మీ. వర్షపాతం నమోదు ● పొంగిపొర్లిన వాగులు, వంకలు నార్లాపూర్‌ సమీపంలో ముక్కిడిగుండం వెళ్లే రహదారిలో పారుతున్న చిన్న వాగు కొల్లాపూర్‌: జిల్లాలోని పలు ప్రాంతాల్లో శనివారం మధ్యరాత్రి నుంచి ఆదివారం తెల్లవారుజాము వరకు ఎడతెరిపి లేకుండా వర్షం కురిసింది. రాష్ట్రంలోనే అత్యధికంగా కొల్లాపూర్‌ మండలంలో 14.46 సెం.మీ. వర్షపాతం నమోదైంది. పెద్దకొత్తపల్లి మండలంలో 6.8 సెం.మీ. వర్షం, కోడేరులో 8.22 సెం.మీ. వర్షం కురిసింది. ఈ వానాకాలంలో భారీ వర్షం కురవడం కొల్లాపూర్‌ నియోజకవర్గంలో ఇదే తొలిసారి. ఎడతెరిపి లేని వర్షంతో వాగులు, వంకలు పొంగిపొర్లాయి. పలుచోట్ల చెరువుల్లోకి నీరు చేరాయి. పంటపొలాల్లో వర్షపునీరు నిలిచాయి. కొల్లాపూర్‌లోని మల్లపురాజుకుంట వద్ద చెరువు నీరు రోడ్డుగుండా పారాయి. దీంతో ప్రజలు అటువైపు వెళ్లేందుకు ఇబ్బంది పడ్డారు. కొల్లాపూర్‌ నుంచి పెంట్లవెల్లికి వెళ్లే దారిలోనూ ఇదే పరిస్థితి నెలకొంది. కుడికిళ్ల, చుక్కాయపల్లి వాగులు పొంగిపొర్లాయి. నార్లాపూర్‌ సమీపంలో ప్రధాన రహదారిపై ఉన్న చిన్న వాగు ప్రవహించడంతో ముక్కిడిగుండం గ్రామానికి వెళ్లే ప్రజలు ఇబ్బందులు ఎదుర్కొన్నారు.

● కారు ఢీకొని చిన్నారి మృతి.. నానమ్మకు తీవ్రగాయాలు కడ్తాల్‌: రోడ్డు ప్రమాదంలో మనవరాలు మృతిచెందగా, నానమ్మ తీవ్రంగా గాయపడిన సంఘటన కడ్తాల్‌ పోలీస్‌స్టేషన్‌ పరిధిలో చోటుచేసుకుంది. పోలీసుల కథనం ప్రకారం.. నాగర్‌కర్నూల్‌ జిల్లా వంగూరు మండలంలోని తిరుమలగిరి గ్రామానికి చెందిన పొలం భాగ్యమ్మ తన మనవరాలు కనిష్క(5)తో కలిసి ఆదివారం మైసిగండిలో బంధువులు ఏర్పాటు చేసిన విందుకు హాజరయ్యారు. అమ్మవారి దర్శనం అనంతరం సాయంత్రం తిరిగి స్వగ్రామానికి వెళ్లేందుకు శ్రీశైలం– హైదరాబాద్‌ జాతీయ రహదారిపై బస్టాండ్‌ వద్ద రోడ్డు దాటుతున్నారు. అదే సమయంలో హైదరాబాద్‌ నుంచి కల్వకుర్తి వైపు అతి వేగంగా వెళ్తున్న కారు వారిని ఢఢీకొట్టింది. ఈ ప్రమాదంలో ఇద్దరికీ తీవ్ర గాయాలయ్యాయి. సమాచారం అందుకున్న పోలీసులు, కుటుంబ సభ్యులు ఘటనా స్థలానికి చేరుకుని గాయపడిన వారిని హైదరాబాద్‌లోని ఓ ప్రైవేట్‌ ఆస్పత్రికి తరలించారు. అప్పటికే కనిష్క మృతిచెందినట్లు వైద్యులు నిర్ధారించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ సైదిరెడ్డి తెలిపారు.