Khammam District Latest News

అనుమానాస్పద మృతిగా కుటుంబీకులఫిర్యాదు బోనకల్‌: మండలంలోని ముష్టికుంట్ల గ్రామానికి చెందిన దారగాని ఉప్పలయ్య(37) ఉరి వేసుకుని ఆత్మహత్య చేసుకున్నాడు. ఆయన మూడేళ్లుగామిర్యాలగూడలోని ప్రైవేట్‌ పాల డెయిరీలో పనిచేస్తున్నాడు. కాగా, ఉప్పలయ్యకు భార్య, ఇద్దరు కుమారులు ఉన్నారు. భార్యాభర్తల మధ్య కొంతకాలంగా గొడవలు జరుగుతున్నాయి. ఈక్రమాన మంగళవారం మిర్యాలగూడలోని నివాసంలో ఉరి వేసుకుని బలవన్మరణానికి పాల్పడ్డాడు. అయితే, ఆయన మృతిపై అనుమానాలు ఉన్నాయని అక్కడి పోలీసులకు కుటుంబీకులు ఫిర్యాదు చేశారు. గ్రీన్‌ఫీల్డ్‌ హైవేపై మరో ప్రమాదం లారీని ఢీకొట్టిన ప్రైవేట్‌ బస్సు వైరా: ఖమ్మం – దేవరపల్లి గ్రీన్‌ఫీల్డ్‌ హైవేపై మంగళవారం మరో ప్రమాదం జరి గింది. భువనేశ్వర్‌ నుంచి హైదరాబాద్‌ వెళ్తున్న శామో లి పరివార్‌ లిమిటెడ్‌ ప్రైవే ట్‌ ట్రావెల్స్‌ బస్సు హైవేపై వైరా మండలం సోమవరం వద్ద లారీని అతివేగంగా ఢీకొట్టింది. తెల్లవారుజామున మూడు గంటలకు ఎగ్జిట్‌–4 వద్ద ఈ ఘటన జరగగా బస్సులోని 50మంది ప్రయాణికులకు గాయాలయ్యాయి. వేగంగా వెళ్తున్న బస్సు ముందు లారీని గమనించకపోవడంతో ఈ ప్రమాదం జరిగి నట్లు తెలుస్తోంది. బస్సు ముందు భాగం నుజ్జునుజ్జవగా బస్సు డ్రైవర్‌కు తీవ్ర గాయాలు కాగా ఆస్పత్రికి తరలించి కుడి కాలిని తొలగించారు. ఈమేరకు ఎస్సై పి.రామారావు నేతృత్వాన పోలీసులు చేరుకుని ప్రయాణికులను 108లో ఖమ్మం ప్రభుత్వ ఆస్పత్రికి తరలించారు. కొందరికి కాళ్లు, చేతులు, ఫ్రాక్చర్‌ కాగా, చికిత్స అందిస్తున్నారు. 8 కేజీల గంజాయి స్వాధీనంఖమ్మంక్రైం: ఖమ్మం రైల్వేస్టేషన్‌లో పోలీసులు చేపట్టిన తనిఖీ ల్లో ఎనిమిది కేజీల గంజాయి లభ్యమైంది. స్టేషన్‌లో ఎకై ్సజ్‌ ఎన్‌ఫోర్స్‌మెంట్‌ సీఐ శశికుమా రి ఆధ్వర్యాన మంగళవారం తనిఖీ చేస్తుండగా రెండో నంబర్‌ ప్లాట్‌ఫాం సమీపాన గంజా యిని గుర్తించారు. అయితే, గంజాయి తరలిస్తున్న వ్యక్తులు ఆచూకీ తెలియకపోవడంతో తదుపరి విచారణ కోసం ఎకై ్సజ్‌ స్టేషన్‌–2లో అప్పగించారు.

పెనుబల్లి: పాఠశాలల్లో విద్యార్థుల కు మెనూ ప్రకారం నాణ్యమైన భోజ నం అందజేయాలని జిల్లా పంచా యతీ అధికారి వినోద్‌కుమార్‌ సూ చించారు. మండలంలోని వీఎం బంజర్‌ ఉన్నత పాఠశాల, గ్రామపంచాయతీ కార్యాలయాన్ని ఆయన మంగళవారం తనిఖీచేశారు. పాఠశా లలో తనిఖీ సందర్భంగా హాజరుపై ఆరా తీశాక విద్యార్థులతో కలిసి భోజనం చేశా రు. భోజనం విషయంలో లోటుపాట్లు రాకుండా చూడాలని ఉపాధ్యాయులకు సూ చించారు. అనంతరం పంచాయతీ కార్యాలయంలో రికార్డులను తనిఖీ చేశారు. ఎం పీడీఓ వీరస్వామి, కార్యదర్శి శిరీష, హెచ్‌ఎం భాస్కర్‌రావు పాల్గొన్నారు.

ఖమ్మం వైద్యవిభాగం: ప్రమాదాలు, అత్యవసర శస్త్రచికిత్సలు, ప్రసవాల సమయంలోనే కాక తలసేమియా బాధితులకు అండగా నిలిచేలా యువత రక్తదానం చేయాలని డీఎంహెచ్‌ఓ రామారావు సూచించారు. జాతీయ స్వచ్ఛంద రక్తదాన దినోత్సవం సందర్భంగా ఖమ్మం ప్రభుత్వ మెడికల్‌ కళాశాల, ఎస్‌ఆర్‌బీజీఎన్‌ఆర్‌ డిగ్రీ కళాశాలలో మంగళవారం రక్తదాన శిబిరాలు నిర్వహించారు. ఈ శిబిరాలను డీఎంహెచ్‌ఓ ప్రారంభించి మాట్లాడారు. ఒక్క యూనిట్‌ రక్తం ముగ్గురి ప్రాణాలను కాపాడుతుందని తెలిపారు. 18 – 65 ఏళ్ల మధ్య వయస్సు, 45 కేజీల కంటే ఎక్కువ బరువు ఉంటే ఆరోగ్యవంతులైన సీ్త్ర, పురుషులెవరైనా 3–4 నెలలకోసారి రక్తదానం చేయొచ్చని చెప్పారు. ఈమేరకు రక్తదానం ఆవశ్యకతపై విద్యార్థులు, వైద్య సిబ్బందితో ప్రతిజ్ఞ చేయించారు. జీజీహెచ్‌ సూపరింటెండెంట్‌ నరేందర్‌, అడిషనల్‌ డీఎంహెచ్‌ఓ ప్రవీణ, ప్రభుత్వ మెడికల్‌ కాలేజ్‌ ఇన్‌చార్జ్‌ ప్రిన్సిపాల్‌ రాజేశ్వరరావు, డీసీహెచ్‌ఎస్‌ రాజశేఖర్‌గౌడ్‌, బ్లడ్‌బ్యాంక్‌ మెడికల్‌ ఆఫీసర్‌ శ్రీకాంత్‌ తదితరులు పాల్గొన్నారు.

ఖమ్మంమయూరిసెంటర్‌: అటవీ సంరక్షణ చర్యలు, టైగర్‌ రిజర్వ్‌లు, జాతీయ పార్కుల పేరుతో ఆదివాసీలను సొంత భూముల నుంచి పంపించి నిర్వాసితులుగా చేయడం దారుణమని ప్రొఫెసర్‌ మనోరంజన్‌ మహంతి ఆవేదన వ్యక్తం చేశారు. ప్రభుత్వాల కంటే అడవులను ఎలా కాపాడుకోవాలో ఆదివాసీలకే బాగా తెలుసునని వ్యాఖ్యానించారు. అఖిల భారత రైతు కూలీ సంఘం(ఏఐకేఎంఎస్‌) నాలుగో జాతీయ మహాసభల రెండో రోజైన మంగళవారం ఖమ్మంలో నిర్వహించిన సభకు జాతీయ అధ్యక్షుడు వేములపల్లి వెంకట్రామయ్య అధ్యక్షత వహించారు. ఆహ్వాన సంఘం అధ్యక్షుడు డాక్టర్‌ గోపీనాథ్‌ ప్రతినిధులను ఆహ్వానించగా అమరవీరులకు నివాళులర్పించారు. అనంతరం ప్రొఫెసర్‌ మనోరంజన్‌ మాట్లాడుతూ కార్పొరేట్‌ ప్రయోజనాలు, బడా సంస్థల లాభాలు, భారత్‌ను అభివృద్ధి చెందిన దేశంగా చూపించడంపై తప్ప... మెజార్టీ ప్రజలైన కార్మికులు, రైతులు, ఆదివాసీలు, దళితుల సంక్షేమంపై ఎవరికీ పట్టింపు లేదని విమర్శించారు. ఈ పరిస్థితిని మార్చడానికి క్షేత్రస్థాయిలో ఉద్యమాలను పునర్నిర్మించుకోవా ల్సిన అవసరం ఉందని తెలిపారు. క్షేత్రస్థాయిలో మొదలుకావాలి రాజకీయం, ఆర్థిక వ్యవస్థ కేంద్రీకృతమైనట్లే ఉద్యమాలు కూడా కేంద్రీకృతమైపోయాయని మహంతి అభిప్రాయపడ్డారు. పంజాబ్‌ రైతులు పోరాటంతో నల్ల చట్టాలు రద్దయ్యాయని.. ఇందులో క్షేత్రస్థాయి భాగస్వామ్యమే కారణమని తెలిపారు. ఈమేరకు ఉద్యమాలు కేవలం కేంద్ర స్థాయికి పరిమితం కాకుండా, గ్రామాలు, పంచాయతీల వైపు మళ్లాలని సూచించారు. పంచాయతీ ఎన్నికలు, స్థానిక సంస్థలను ఉద్యమాల సాధనాలుగా మార్చుకోవాలని తెలిపారు. ఈ సభలో వివిధ రాష్ట్రాలు, సంఘాల తరపున కె.సెల్వరాజ్‌, విజయ ఉపాధ్యాయ, కెచ్చల రంగయ్య, ప్రవీణ్‌కుమార్‌, కె.మోహభ్‌రెడ్డి, కె.శ్రీనివాస్‌, జి.ఝాన్సీ, మహేష్‌ తమ సందేశం ఇచ్చారు. ఇంకా ఈ సభలో ఏఐకేఎంఎస్‌ జాతీయ ప్రధాన కార్యదర్శి డాక్టర్‌ ఆశిష్‌ మిట్టల్‌, నాయకులు సుశాంత్‌ ఝూ, జే.వీ.చలపతిరావు, శంభుప్రసాద్‌, రామేందర్‌ సింగ్‌, బాలచంద్ర సడంగి, మండల వెంకన్న, బిక్షపతి, సుధాకర్‌, చిట్టిపాటి తదితరులు పాల్గొన్నారు.

● సతమతమవుతున్న జీపీఓలు ● అదనపు విధుల నుంచి తప్పించాలని విన్నపాలుఖమ్మం సహకారనగర్‌: క్షేత్రస్థాయిలో ఏ పని కావాలన్నా అటు అధికారులు, ఇటు ప్రజలకు మొదటగా గుర్తొచ్చేది గ్రామ పాలన అధికారులే(జీపీఓ). అయితే, అన్ని రకాల పనులు తమపై మోపడంతో ఒత్తిడితో ఇబ్బందులు ఎదుర్కొంటున్నామని వారు వాపోతున్నారు. ఇకనైనా ఒత్తిడి తగ్గించడమే కాక సెలవు దినాల్లోనైనా విశ్రాంతి ఇవ్వాలని కోరుతున్నారు. లెక్క లేనన్ని పనులు.. జిల్లాలో 21మండలాల పరిధి, 385 రెవెన్యూ గ్రామాలకుగాను 299మంది జీపీఓలు విధులు నిర్వర్తిస్తున్నారు. కాగా, 385 రెవెన్యూ గ్రామలకు అంతే సంఖ్యలో పోస్టులు మంజూరు చేయాల్సి ఉన్నా, 299 క్లస్టర్లుగా విభజించారు. కాగా, ప్రభుత్వం ఏ పథకం ప్రవేశపెట్టినా అందుకోసం ప్రజ లకు కావాల్సిన సర్టిఫికెట్ల జారీలో జీపీఓలు కీలకంగా వ్యవహరిస్తుంటారు. కుల, ఆదాయ ధ్రువీకరణ పత్రాల జారీ, కల్యాణలక్ష్మి దరఖాస్తుల విచారణతో ఓటర్ల సవరణ జాబితా బీఎల్‌ఓల సూపర్‌వైజర్లుగా పనిచేస్తున్నారు. అంతేకాక రెవెన్యూ సంబంధిత సేవలు, భూముల రీ సర్వే, విపత్తుల సమయాన క్షేత్రస్థాయిలో విధులు, శాంతిభద్రతలకు సంబంధించిన అంశాల్లోనూ పాలుపంచుకోవాల్సి వస్తోంది. అన్ని ఒకేసారి.. ఓటర్ల జాబితా ప్రత్యేక సవరణ ప్రక్రియ కొనసాగుతోంది. ఇదేసమయాన ప్రభుత్వం భూముల రీ సర్వే చేపడుతోంది. మరోపక్క రెవెన్యూకు సంబంధించి వివిధ ధ్రువపత్రాల జారీ కోసం విచారణ చేయాల్సి ఉంటుంది. ఇలా అన్ని పనులు ఒకేసారి ఉండడంతో రాత్రి పొద్దుపోయే వరకు విధులు నిర్వర్తించినా పూర్తి కావడం లేదని జీపీఓలు వాపోతున్నారు. కొన్నిసార్లు సెలవు దినాలు, పండుగల రోజుల్లోనూ పనిచేయాల్సి వస్తోందని చెబుతున్నారు. పెరుగుతున్న పనిభారం రోజువారీ ధ్రువపత్రాల విచారణలు, రెవెన్యూ సేవలతో పాటు ప్రత్యేక విధులు పెరుగుతుండగా.. విశ్రాంతి లేకుండా పనిచేయాల్సి వస్తోందని జీపీఓలు వాపోతున్నారు. వారాంతపు సెలవులు, పండుగ సెలవుల్లోనూ విధులకు రావాల్సి వస్తోందని, అత్యవసర పరిస్థితుల్లో విధులు నిర్వహించడం ఇబ్బందేమీ కాకున్నా. అదనపు విధులు నిరంతరం కొనసాగుతుండడంతో సమస్య వస్తోందని చెబుతున్నారు. భూముల రీ–సర్వేలో జీపీఓలు పాల్గొంటుండడంతో ధ్రువపత్రాల దరఖాస్తుల పరిశీలన, జారీలో జాప్యం జరిగి ప్రజలు కూడా ఇబ్బంది పడుతున్నారు. పని భారం తగ్గింపుపై ప్రభుత్వం దృష్టి సారించి, మానవ వనరులు, మౌలిక వసతులు కల్పించాలని కోరుతున్నారు.ప్రస్తుతం ఎస్‌ఐఆర్‌ విధులు, భూముల రీ సర్వే విధులతో పాటు ఇతర పనులు ఏకకాలంలో చేయాల్సి రావడంతో మానసికఒత్తిడికి గురవుతున్నాం. సెల వు దినాల్లో కూడా పనిచేయాల్సి రావటం ఇబ్బందిగా ఉంది. ఇకనైనా మాపై భారాన్ని తగ్గించేలా ఉన్నతాధికారులు దృష్టి సారించాలి. – చీమల నాగేంద్రబాబు, జిల్లా అధ్యక్షుడు, జీపీఓల అసోసియేషన్‌

నేలకొండపల్లి: స్వయం సహాయక సంఘం సభ్యులు తీసుకున్న రుణాలతో వ్యాపారాల ఏర్పాటు, నిర్వహణ, ఆర్థికాభివృద్ధిపై కేంద్ర బృందం క్షేత్ర స్థాయిలో పరిశీలించింది. నేలకొండపల్లిలోని వన్‌ స్టాప్‌ ఫెసిలిటీ(ఓఎస్‌ఎఫ్‌) ద్వారా రూ.2 లక్షల రుణంతో ఏర్పాటుచేసిన కంప్యూటర్‌ ఎంబ్రాయిడరీ, మగ్గం వర్క్‌ కేంద్రాన్ని బృందం మంగళవారం పరిశీలించింది. నేషనల్‌ ఇన్‌స్ట్యూట్‌ ఆఫ్‌ రూరల్‌ డెవలప్‌మెంట్‌(ఎన్‌ఐఆర్‌డీ)లో శిక్షణ పొందుతున్న త్రిపుర, నాగాలాండ్‌, మహారాష్ట్ర, అస్సాం, మిజో రం రాష్ట్రాల అధికారులు 32 మంది రాగా, కేంద్రం నిర్వాహకురాలు మరికంటి ఉమారాణితో మాట్లాడారు. రుణం, యంత్రాల ఖరీదు, ఆర్థికాభివృద్ధి, ఎందరికి ఉపాధి లభిస్తుందనే వివరాలు తెలుసుకున్నారు. అనంతరం మదర్‌ థెరిస్సా మండల సమాఖ్య కార్యాలయంలో సమాఖ్య ప్రతినిధులతో సమావేశమై పలు అంశాలపై చర్చించారు. ఆతర్వాత భక్తరామదాసు ధ్యాన మందిరం, బౌద్ధక్షేత్రాన్ని సందర్శించారు. సెర్ప్‌ ప్రాజెక్ట్‌ మేనేజర్‌ రాము, ఐకేపీ డీపీఎం శ్రీనివాస్‌, ఏపీఎం సురేందర్‌బాబు, గ్రామ దీపికల సంఘం నాయకులు రాజపుత్ర పార్వతీబాయి, మల్లెబోయిన పుష్ప, కె.లావణ్య తదితరులు పాల్గొన్నారు.నేలకొండపల్లిలో కేంద్ర బృందం పరిశీలన

ఖమ్మంమయూరిసెంటర్‌: ఆర్టీసీ కార్మికుల హక్కుల సాధన, సంపూర్ణ ఉద్యోగ భద్రత, సంస్థ విలీన ప్రక్రియను త్వరగా పూర్తి చేయడమే లక్ష్యంగా తెలంగాణ ఆర్టీసీ వర్కర్స్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌ ఐక్య కూటమి కృషి చేస్తుందని టీఎంయూ నేత అశ్వథామరెడ్డి స్పష్టం చేశారు. ఆర్టీసీ గుర్తింపు సంఘం ఎన్నికల ప్రచారంలో భాగంగా రీజియన్‌ స్థాయి సభ ఖమ్మం డిపో వద్ద మంగళవారం నిర్వహించారు. తొలుత ఖమ్మం పాత బస్టాండ్‌ నుండి డిపో వరకు ప్రదర్శన నిర్వహించగా, ఆ తర్వాత సభలో అశ్వథామరెడ్డి మాట్లాడుతూ రామారావు ఆశయ సాధనకు అనుగుణంగా ఎరజ్రెండా వెంటే కార్మిక సమాజం నడవాలని కోరారు. గత ప్రభుత్వాల నిర్ణయాలతో కార్మికులు వేతన సవరణ, హయ్యర్‌ పెన్షన్‌ విషయంలో నష్టపోయారని తెలిపారు. కార్మికుల నుంచి రికవరీ చేసిన పీఎఫ్‌ బకాయిలను ప్రభుత్వం క్రమం తప్పక జమ చేస్తే రూ.2 వేల నుంచి రూ.3 వేల వరకు అదనపు పెన్షన్‌ లభిస్తుందని పేర్కొన్నారు. ప్రభుత్వం హామీ ఇచ్చిన విధంగా 2021 వేతన సవరణ, మాస్టర్‌ స్కేల్స్‌ అమలు, డీఏ బకాయిల విడుదలకు కృషి చేయడమే కాక విలీనం, సంపూర్ణ ఉద్యోగ భద్రత, కార్మికులు, వారి కుటుంబ సభ్యులకు నాణ్యమైన వైద్య సదుపాయాలు కల్పించడమే ధ్యేయమని తెలిపారు. కార్మికుల సంక్షేమమే అజెండాగా పనిచేస్తున్న ఐక్య కూటమి అభ్యర్థుల బాణం, నక్షత్రం గుర్తులకు ఓట్లు వేసి టీడబ్ల్యూయూ – ఎస్‌డబ్ల్యూఎఫ్‌ కూటమిని గెలిపించాలని కోరారు. ఈ సభకు గుర్రం ఉప్పలయ్య, గుండు మాధవరావు అధ్యక్షత వహించగా, మాజీ కేంద్ర మంత్రి సముద్రాల వేణుగోపాలాచారి, మాజీ ఎమ్మెల్సీ రాములు నాయక్‌, జీహెచ్‌ఎంసీ మాజీ మేయర్‌ బొంతు రామ్మోహన్‌రావు, ముగిళ్ల రాజిరెడ్డి మాట్లాడారు. వివిధ పార్టీలు, సంఘాల నాయకులు నాగండ్ల దీపక్‌చౌదరి, జి.రామయ్య, కళ్యాణం వెంకటేశ్వరరావు, విష్ణు, వి.రవీందర్‌రెడ్డి, గడ్డం లింగమూర్తి, మెరుగు రవీంద్రనాథ్‌ తదితరులు పాల్గొన్నారు. ఆర్‌టీసీ ఎన్నికల ప్రచార సభలో అశ్వథామరెడ్డి

మధిర: పీఆర్‌టీయూ మధిర మండల శాఖ నూతన కార్యవర్గాన్ని మంగళవారం ఎన్నుకున్నారు. యూని యన్‌ మండల అధ్యక్షుడిగా చిలుకూరి సత్యనారా యణరెడ్డి, ప్రధాన కార్యదర్శిగా పోలె సుధాకర్‌ రెండోసారి ఏకగ్రీవంగా ఎన్నికయ్యారు. మధిరలో మంగళవారం జరిగిన సమావేశంలో వారు మాట్లాడుతూ ప్రభుత్వ విద్యారంగ బలోపేతానికి కృషి చేయడంతో పాటు ఉపాధ్యాయుల సమస్యల పరిష్కారం కోసం శక్తి వంచన లేకుండా పనిచేస్తామన్నారు. అలాగే, గౌరవ అధ్యక్షుడిగా కె.శాంతబాబు, అసోసియేట్‌ అధ్యక్షులుగా ఎండీ.జమీర్‌, ఎం.నాగేశ్వరరావు, వర్కింగ్‌ ప్రెసిడెంట్‌గా మల్లెల శ్రీనివాస్‌ ఎన్నికయ్యారు. ఉపాధ్యక్షులుగా తెల్లమేకల శ్రీనివాసరావు, చేడే సతీష్‌, మర్రి కృష్ణయ్య, డి.శ్యామలరావు, రాజు ఎంపికయ్యారు. మహిళా అసోసియేట్‌ అధ్యక్షురాలిగా జ్యోతి ఎన్నికయ్యారు. నూతన కార్యవర్గ సభ్యులను జిల్లా అధ్యక్షుడు కట్టా శేఖర్‌రావు, జిల్లా ప్రధాన కార్యదర్శి ఆర్‌.రంగారావు తదితరులు అభినందించారు.

తిరుమలాయపాలెం: గణేశ్‌ నిమజ్జనం రోజున పోలీసు వాహనానికి డ్రైవర్‌గా వెళ్లగా, ప్రమాదంలో తీవ్రంగా గాయపడిన యువకుడు చికిత్స పొందుతూ మృతి చెందాడు. తిరుమలాయపాలెం పోలీసుస్టేషన్‌ పెట్రోలింగ్‌ వాహనానికి డ్రైవర్‌ అందుబాటులో లేక ఈనెల 23న ఎస్‌ఐ కూచిపూడి జగదీష్‌ కాకరవాయికి చెందిన కొత్తపల్లి రాకేష్‌(22)ను ఏర్పాటు చేసుకున్నాడు. ఆ రోజు కాకరవాయిలో పెట్రోలింగ్‌ ముగిశాక, జల్లేపల్లి వివాదం జరుగుతోందనే సమాచారంతో ఎస్సైతో కలిసి వెళ్లి, రాత్రి తిరుమలాయపాలెం పోలీస్‌ స్టేషన్‌కు బయలుదేరారు. అర్ధరాత్రి సమయాన ఎదురుగా వచ్చిన లారీ ఢీకొట్టడంతో రాకేష్‌ తల, చేతులు, కాళ్లకు తీవ్ర గాయాలయ్యా యి. తొలుత ఖమ్మంలో చికిత్స అనంతరం పరిస్థితి విషమంగా ఉండడంతో హైదరాబాద్‌ నిమ్స్‌కు తరలించారు. అక్కడ చికిత్స చేయిస్తుండగానే పరిస్థితి విషమించడంతో రాకేష్‌ మంగళవారం మృతి చెందాడు. కాగా, ఈ ప్రమాదంలో ఎస్సై జగదీష్‌ కూర్చున్న సీటు వైపు ఎయిర్‌బ్యాగ్‌ తెరుచుకోవడంతో స్వల్ప గాయాలతో బయటపడి చికిత్స పొందుతున్నాడు. కుటుంబానికి అండగా నిలిచే సమయాన.. రాకేష్‌ తల్లిదండ్రులు నాగయ్య – పద్మ వ్యవసాయ పనులతో పాటు కూలి పనులతో జీవనం సాగిస్తున్నారు. ఆయన అన్న సాయి తల్లిదండ్రులకు వ్యవసాయంతో చేదోడుగా ఉంటున్నాడు. డిగ్రీ పూర్తిచేసిన రాకేష్‌ కొంతకాలం హైదరాబాద్‌లో కారు డ్రైవర్‌గా పనిచేశాక స్వగ్రామమైన కాకరవాయికి వచ్చి ఇక్కడే పనిచేస్తూ కుటుంబానికి అండగా నిలుస్తున్నాడు. ఈమేరకు ఆయన మృతితో కుటుంబీకులే కాక స్నేహితులు, గ్రామస్తులు కన్నీటి పర్యంతమయ్యారు. ఆయన మృతదేహం మంగళవారం రాత్రి కాకరవాయికి చేరగా, బుధవారం అంత్యక్రియలు నిర్వహించనున్నారు.ఆస్పత్రిలో చికిత్స పొందుతూ కన్నుమూత

ఖమ్మం సహకారనగర్‌: జిల్లా విద్యాశాఖాధికారిగా నియమితులైన వాసంతి మంగళవారం బాధ్యతలు స్వీకరించారు. ఇప్పటి వరకు స్పెషల్‌ డిప్యూటీ కలెక్టర్‌ సదానందం ఇన్‌చార్జ్‌ డీఈఓగా వ్యవహరించారు. ఆ స్థానంలో నియమితులైన వాసంతి విధుల్లో చేరగా, కార్యాలయ ఉద్యోగులు పుష్పగుచ్ఛాలు అందజేసి శుభాకాంక్షలు తెలిపారు. అలాగే, ఎస్‌టీఎఫ్‌ రాష్ట్ర అధ్యక్షుడు దేవరకొండ సైదులు ఆధ్వర్యాన నాయకులు డీఈఓకు శుభాకాంక్షలు తెలపగా జిల్లా అధ్యక్ష, కార్యదర్శులు గండు యాదగిరి, షేక్‌ మన్సూర్‌, నాయకులు పోతగాని వెంకన్న, రాజు పాల్గొన్నారు. అంతేకాక టీఎస్‌ యూటీఎఫ్‌ జిల్లా అధ్యక్ష, ప్రధాన కార్యదర్శులు రంజాన్‌, పారుపల్లి నాగేశ్వరరావుతో పాటు నాయకులు వెంకన్న, రాంబాబు, సురేష్‌ తదితరులు డీఈఓను మర్యాదపూర్వకంగా కలిసి పుష్పగుచ్ఛం అందజేశారు. ఈమేరకు ప్రీ ప్రైమరీ పాఠశాలల్లో పని చేస్తున్న ఇన్‌స్ట్రక్టర్లు, ఆయాలకు పెండింగ్‌ వేతనాలు ఇవ్వాలని వారు కోరారు. నిధుల వినియోగంపై సమీక్ష జిల్లాలోని పీఎం శ్రీ పాఠశాలల అభివృద్ధికి కేటాయించిన నిధులను నిబంధనల మేరకు సద్వినియోగం చేయాలని డీఈఓ డి.వాసంతి సూచించారు. కలెక్టరేట్‌లో మంగళవారం ఆమె పీఎంశ్రీ పాఠశాలల హెచ్‌ఎంలు, ప్రిన్సిపాళ్లతో సమీక్షించారు. పాఠశాలల వారీగా పనులను నాణ్యతతో పూర్తిచేయించాలని తెలిపారు. ప్లానింగ్‌ కో ఆర్డినేటర్‌ రామకృష్ణ, ఏఎంఓ ప్రభాకర్‌రెడ్డి పాల్గొన్నారు.

చింతకాని: మొక్కలు నాటి సంరక్షించడం ద్వారా పర్యావరణ పరిరక్షణ సాధ్యమవుతుందని జిల్లా సైన్స్‌ అధికారి రచ్చ శ్రీనివాస్‌ తెలిపారు. మండలంలోని పందిళ్లపల్లి ఉన్నత పాఠశాల విద్యార్థులకు మంగళవారం మొక్కలను పంపిణీ చేశాక ఆయన మాట్లాడారు. పర్యావరణ పరిరక్షణపై విద్యార్థులు అవగాహన పెంచుకుని మరికొందరికి వివరించాలని చెప్పారు. సర్పంచ్‌ వత్సవాయి పద్మ, ఉపసర్పంచ్‌ మేకల నిర్మల, అకడమిక్‌ మానిటరింగ్‌ అధికారి ప్రభాకర్‌రెడ్డి, హెచ్‌ఎం దొండపాటి శ్రీనివాస్‌తో పాటు మాదాసు ఉపేందర్‌ తదితరులు పాల్గొన్నారు.

ఖమ్మం వైద్యవిభాగం: ఖమ్మం ప్రభుత్వ మెడికల్‌ కాలేజీలో ఈ ఏడాది ప్రవేశం పొందిన విద్యార్థులకు తరగతులు మొదలయ్యాయి. తొలుత సోమవారం నుంచి అక్టోబర్‌ 3వ తేదీ వరకు ఇంట్రడక్షన్‌ తరగతులు ఉంటాయని, 5వ తేదీ నుంచి బోధన మొదలవుతుందని ఇన్‌చార్జ్‌ ప్రిన్సిపాల్‌ డాక్టర్‌ రాజేశ్వరరావు తెలిపారు. నీట్‌ ర్యాంకుల ఆధారంగా రాష్ట్ర కోటా 85సీట్లకు గాను 81 మంది విద్యార్ధులు ప్రవేశం పొందగా, వీరిలో జనరల్‌తో పాటు వివిధ కేటగిరీల కింద 60వేలు మొదలు 4,63,757 ర్యాంక్‌ వచ్చిన విద్యార్థులు ఉన్నారు. మరో రెండు విడతల కౌన్సెలింగ్‌ పూర్తయ్యే సరికి జాతీయ కోటాతో పాటు రాష్ట్ర కోటా కలిపి 100 మంది సీట్లు భర్తీ కానున్నాయి. ప్రస్తుతం చేరిన 81మందిలో 58 మంది బాలికలు ఉండగా.. కొందరు నేరుగా, మరికొందరు ఆన్‌లైన్‌లో ఇంట్రడక్షన్‌ తరగతులు వింటున్నారని ప్రిన్సిపాల్‌ చెప్పారు. కాగా, విద్యార్థినుల వసతికి జెడ్పీ గెస్ట్‌ హౌస్‌ కింది ఫ్లోర్‌లో కొంత భాగం కేటాయించినా సరిపోకపోవడంతో కలెక్టర్‌ దృష్టికి తీసుకెళ్లారు. ఈమేరకు గెస్ట్‌హౌస్‌ మొత్తాన్ని బాలికల హాస్టల్‌కు కేటాయించగా బంగ్లాను స్వాధీనం చేసుకుని అవసరమైన ఏర్పాట్లు చేస్తున్నారు. నకిలీ ఎరువులు విక్రయిస్తే కఠిన చర్యలు ఏన్కూరు: రైతుల అవసరాన్ని ఆసరాగా చేసుకుని నకిలీ ఎరువులు అంటగడితే చట్టపరంగా కఠిన చర్యలు తీసుకుంటామని జిల్లా వ్యవసాయాధికారి ధనసరి పుల్లయ్య హెచ్చరించారు. ఏన్కూరు మండలంలోని జన్నారం, నూకలంపాడు, ఏన్కూరు, బురదరాఘవాపురం, తిమ్మారావుపేట, తూతకలింగన్నపేటల్లో ఎరువులు, పురుగుమందుల షాపులను మంగళవారం ఆయన తనిఖీ చేశారు. ఈ సందర్భంగా స్టాక్‌ రిజిస్టర్లు, లైసెన్స్‌, ఇతర రికార్డులను పరిశీలించి మాట్లాడారు. అమ్మకాల్లో నిబంధనలు పాటించడమే కాక ఎరువుల వినియోగంపై రైతులకు అవగాహన కల్పించాలని సూచించారు. వైరా ఏడీఏ కరుణశ్రీ, ఏఓ నర్సింహారావు, ఏఈఓ బాలకృష్ణ పాల్గొన్నారు. ప్రమాణాలకు అనుగుణంగా నిర్వహణ డీలక్స్‌ బస్సులకు ఎక్స్‌ప్రెస్‌ చార్జీలు ఖమ్మంమయూరిసెంటర్‌: ఆర్టీసీ ప్రయాణికుల సౌకర్యార్థం ఖమ్మం – భద్రాచలం, ఖమ్మం – సత్తుపల్లి మార్గాల్లో నడిచే డీలక్స్‌ బస్సులకు బుధవారం నుంచి ఎక్స్‌ప్రెస్‌ చార్జీలను అమలు చేస్తున్నట్లు ఖమ్మం డిపో మేనేజర్‌ శివప్రసాద్‌ తెలిపారు. ఖమ్మం – భద్రాచలం డీలక్స్‌ బస్సు చార్జీ రూ.180 ఉండగా, ఇప్పుడు ఎక్స్‌ప్రెస్‌ మాదిరి రూ.170, ఖమ్మం – సత్తుపల్లి మార్గంలో రూ.130కి బదులు రూ.120కి తగ్గించినట్లు పేర్కొన్నారు. ఆయా మార్గాల్లో మిగతా అన్ని స్టేజీలకు కూడా ఎక్స్‌ప్రెస్‌ చార్జీలే వర్తించనున్నందున ప్రయాణికులు సేవలను వినియోగించుకోవాలని సూచించారు.

సాక్షి ప్రతినిధి, ఖమ్మం: సీఎంఆర్‌(కస్టమ్‌ మిల్లింగ్‌ రైస్‌) వ్యవహారంలో మిల్లర్లు నిర్లక్ష్యాన్ని వీడడం లేదు. ఇటీవల జిల్లాలోని పలు మిల్లుల్లో విజిలెన్స్‌ తనిఖీ చేపట్టినా అక్రమాలు మాత్రం ఆపడం లేదు. మిల్లర్లు పౌరసరఫరాల సంస్థకు భారీ స్థాయిలో సీఎంఆర్‌ బకాయి ఉన్నా, బియ్యాన్ని యథేచ్ఛగా ఇతర మిల్లులకు తరలిస్తున్నారు. నేలకొండపల్లి మండలం కొత్తకొత్తూరు సమీపంలోని ఓ మిల్లులో ఇలాంటి వ్యవహారం తాజాగా వెలుగు చూసింది. ధాన్యం ఇస్తే.. బియ్యం ఇచ్చేలా రేషన్‌ షాపులతోపాటు మధ్యాహ్న భోజన పథకానికి ప్రభుత్వం సన్న బియ్యాన్ని వినియోగిస్తోంది. ఇందుకోసం కొనుగోలు కేంద్రాల ద్వారా సేకరించిన ధాన్యాన్ని రైస్‌ మిల్లర్లకు కేటాయిస్తున్నారు. మిల్లర్లు 100 కేజీల ధాన్యానికి 67 కేజీల బియ్యాన్ని సీఎంఆర్‌గా ప్రభుత్వానికి తిరిగి అప్పగించాలి. కానీ కొన్నేళ్లుగా మిల్లర్లు బియ్యాన్ని సకాలంలో అందించడం లేదు. గడువు ముగిస్తే మళ్లీ పొడిగించ డం.. అయినా తీరు మారకపోవడం పరిపాటిగా మారింది. మిల్లర్లపై విజిలెన్స్‌ కన్ను సీఎంఆర్‌ అప్పగింతలో మిల్లర్లు నిర్లక్ష్యంగా వ్యవహరించడానికి తరచూ గడువు పెంచడమే కారణమనే అభిప్రాయాలు వ్యక్తమవుతున్నాయి. ప్రతీ సీజన్‌లో ఇదే పునరావృతం అవుతుండడంతో ప్రభుత్వం కఠిన చర్యలకు సిద్ధమైంది. సీఎంఆర్‌ బకాయి ఉన్న మిల్లుల్లో గత ఏడాది హైదరాబాద్‌ నుంచి వచ్చిన విజిలెన్స్‌ అధికారులు తనిఖీలు చేపట్టారు. అక్రమాలే నిజమేనని తేలిన మిలర్లకు జరిమానా విధించారు. ఈ ఏడాది కూడా కొన్ని మిల్లుల్లో తనిఖీలు చేసి సీఎంఆర్‌లో తేడాలు గుర్తించారు. మూడు మిల్లులపై కేసులు నమోదు చేశారు. అంతా మా ఇష్టం.. ఇంత జరుగుతున్నా మిల్లర్లు మాత్రం సీఎంఆర్‌ అప్పగింతపై ఉదాసీనత వీడడం లేదు. సీఎంఆర్‌ చెల్లించకపోవడమే కాక తమ మిల్లుల్లో ఉన్న ధాన్యం, బియ్యాన్ని బయటకు తరలిస్తున్నారు. కొనుగోలు కేంద్రాల నుంచి వచ్చిన ధాన్యాన్ని బియ్యంగా మార్చి ప్రభుత్వానికి అందజేయకపోగా సొంత బియ్యంలా ఇతర ప్రాంతాలకు తరలిస్తున్నారనే ఆరోపణలున్నాయి. కొద్ది రోజుల క్రితం నేలకొండపల్లి మండలం కొత్తకొత్తూరు సమీపంలోని ఓ మిల్లు నుంచి 35 లారీల బియ్యం బయటకు వెళ్లగా .. ఉద్యోగులు సోమవారం రాత్రి తనిఖీ చేశారు. ఆ సమయాన లోడ్‌తో ఉన్న మూడు లారీలను సీజ్‌ చేయడమేకాక మిల్లు ప్రధాన గేటుకు తాళం వేశారు. ఇదే తరహాలో పలువురు మిల్లర్లు సీఎంఆర్‌ బియ్యాన్ని విక్రయిస్తున్నారనే అనుమానాలు వ్యక్తమవుతున్నాయి.జిల్లా మిల్లుల్లో వరుసగా విజిలెన్స్‌ దాడులు

ఖమ్మం సహకారనగర్‌: ఖరీఫ్‌లో సాగైన ధాన్యం కొనుగోళ్లలో నాణ్యతకు అత్యంత ప్రాధాన్యత ఇవ్వాలని అదనపు కలెక్టర్‌ పి.శ్రీనివాసరెడ్డి ఆదేశించారు. కలెక్టరేట్‌లో మంగళవారం ఆయన ధాన్యం కొనుగోళ్ల ఏర్పాట్లపై అదనపు డీసీపీ ప్రసాదరావుతో కలిసి సమీక్షించారు. ఈ సందర్భంగా అదనపు కలెక్టర్‌ మాట్లాడుతూ కేంద్రాల ఏర్పాటు, నాణ్యత పరిశీలన, రవాణా, నిల్వలపై దృష్టి సారించాలని తెలిపారు. గతానికి భిన్నంగా ఈసారి ధాన్యాన్ని వ్యవసాయ మార్కెట్లలోని గోదాములతో పాటు గుర్తించిన ప్రదేశాలకు తరలించాల్సి ఉంటుందన్నారు. ఆతర్వాత బ్యాంకు గ్యారంటీలు చెల్లించి, పెండింగ్‌ సీఎంఆర్‌ బియ్యం ఇచ్చిన రైస్‌ మిల్లులకే ధాన్యం కేటాయింపులు ఉంటాయని తెలిపారు. అలాగే, ఎంపిక చేసిన ఏడు సన్న రకాలకే బోనస్‌ ఇవ్వనున్న విషయమై రైతులకు అవగాహన కల్పించాలని సూచించారు. జిల్లాలో 325 కొనుగోలు కేంద్రాలను వచ్చే నెల 1నుంచి ప్రారంభానికి సిద్ధం కావాలని తెలిపారు. తొలుత కొనుగోళ్లు, లోడింగ్‌, ఆన్‌ లోడింగ్‌పై రూపొందించిన యాప్‌పై అవగాహన కల్పించారు. పౌర సరఫరాల శాఖ అధికారి చందన్‌కుమార్‌, డీసీఓ గంగాధర్‌, సివిల్‌ సప్లయీస్‌ జిల్లా మేనేజర్‌ మల్లికార్జున్‌ తదితరులు పాల్గొన్నారు. అర్హులకు ప్రభుత్వ ప్రయోజనాలు ఖమ్మం లీగల్‌: అర్హులైన ప్రజలకు ప్రభుత్వ పథకాలు అందేలా యంత్రాంగంతో సమన్వయం చేస్తున్నామని జిల్లా న్యాయ సేవాధికార సంస్థ కార్యదర్శి పి.దేవీమానస తెలిపారు. సత్తుపల్లి మండలం చెరుకుపల్లిలో మంగళవారం జరిగిన న్యాయ అవగాహన సదస్సులో మాట్లాడాక గ్రామంలో పర్యటించారు. ఇంటింటి సర్వేలో ఇప్పటివరకు 644 దరఖాస్తులు అందాయని తెలిపారు. వచ్చేనెల 1న గ్రామంలో బీమా కార్డుల నమోదు, ఆధార్‌ సేవల కోసం ప్రత్యేక సదస్సు ఏర్పాటుచేస్తామని న్యాయమూర్తి తెలిపారు.

ఖమ్మం మున్సిపల్‌ కార్పొరేషన్‌ పరిధిలో 60 డివిజన్లు ఉండగా, 171 వాహనాల ద్వారా ప్రతిరోజు 190 మెట్రిక్‌ టన్నుల వ్యర్థాలు సేకరిస్తున్నారు. తడి, పొడి చెత్తలను వేర్వేరుగా స్వీకరించాల్సి ఉన్నా అలా జరగడంలేదు. ఈ వ్యర్థాలను దానవాయిగూడెంలోని 32 ఎకరాల విస్తీర్ణంలో ఉన్న డంపింగ్‌యార్డుకు తరలిస్తున్నారు. ఈ ఆవరణ నిండడంతో బయోమైనింగ్‌ ద్వారా వ్యర్థాలను శుద్ధి చేసి 20 ఎకరాలకు పైగా స్థలాన్ని అందుబాటులోకి తీసుకొచ్చారు. ఈ స్థలంలో మొక్కలు నాటడంతో చెత్త వ్యర్థాల డంపింగ్‌కు వీల్లేకుండా పోయింది. మిగిలిన 11 ఎకరాల్లో తడి, పొడి, ఇతర వ్యర్థాలను కుప్పగా పోస్తుండడంతో రోజురోజుకు నిండడంతో పాటు ఈ ప్రాంతమంతా కాలుష్యమయమవుతోంది. మరోపక్క దుర్వాసనతో చుట్టుపక్కల వారు ఇబ్బంది పడుతున్నారు. మధిర మున్సిపాలిటీ పరిధి మడుపల్లి శివారు ఐదెకరాల్లో డంపింగ్‌ యార్డ్‌ ఏర్పాటుచేశారు. షెడ్లు నిర్మించినా అందులో కాకుండా ఆరు బయట చెత్త వేసి నిప్పు పెడుతుండడంతో పొగ వస్తోంది. ప్లాస్టిక్‌ వ్యర్థాలను ప్రెస్‌ చేసే బెయిలింగ్‌ మిషన్‌ ఏర్పాటు చేసి మూడు నెలలు గడిచినా వినియోగించడం లేదు. ప్లాస్టిక్‌ వస్తువులను పాత ఇనుము షాపుల వారికి నిబంధనలకు విరుద్ధంగా విక్రయిస్తున్నారు. కార్మికులు, వాహనాల కొరతతో కొన్నిచోట్ల వారానికోసారి, అండర్‌ గ్రౌండ్‌ డ్రెయినేజీ పనులతో వాహనాలు సరిగా వెళ్లక ఇంకొన్ని ప్రాంతాల్లో ఇరవై రోజులకోసారి కూడా చెత్త సేకరణ జరగడంలేదు. దీంతో షాపుల యజమానులు ప్రధాన రహదారుల పక్కన పడేస్తున్నారు. డంపింగ్‌ యార్డ్‌లో కొంత మిషనరీ రావాల్సి ఉండడంతో రీసైక్లింగ్‌ చేయడం లేదని ఎన్విరాన్‌మెంట్‌ ఇంజనీర్‌ అజయ్‌ తెలిపారు. వైరా మున్సిపాలిటీలో డంపింగ్‌ యార్డ్‌ స్థల సేకరణకు గత ఏడాది రూ.3 కోట్లు కేటాయించారు. తల్లాడ మండలం కొడవటి మెట్టు రెవెన్యూలో మూడెకరాల స్థలాన్ని గుర్తించినా పట్టణానికి దూరంగా ఉండటంతోపాటు వర్షాకాలంలో వైరా నదిని దాటి వెళ్లాల్సి ఉన్నందున అడ్డంకులు ఎదురయ్యాయి. తొలుత స్టేజీ పినపాక హై లెవెల్‌ వంతెన సమీపాన చెత్త పోసి నిప్పు పెట్టడంతో ప్రయాణికులు ఇబ్బంది పడ్డారు. అక్కడ రైతులు కూడా అడ్డుకోవడంతో ఇప్పుడు వైరా ఏటిని ఆనుకుని చెత్త పోశారు. ఆపై వైరా ఏటి అవతల ఉన్న కొడవటిమెట్ట రెవెన్యూలోని ప్రభుత్వ స్థలం వద్దకే తరలిస్తున్నారు. ఇందుకు బదులు కొణిజర్ల మండలం దిద్దిపూడి రెవెన్యూలో మూడెకరాల స్థలాన్ని పరిశీలించినా సమీపంలో ఉన్న ప్రైవేట్‌ పాఠశాల నుంచి డంపింగ్‌ యార్డ్‌ ఏర్పాటు చేయొద్దనే డిమాండ్‌ రావడంతో అధికారులు వెనక్కి తగ్గారు. ●ఏదులాపురం మున్సిపాలిటీ పరిధిలో 32 వార్డులు, 70 వేల జనాభా ఉన్నారు. ఇక్కడ రోజుకు 10 టన్నుల చెత్త సేకరిస్తున్నారు. కొత్త మున్సిపాలిటీ కావడంతో డంపింగ్‌ యార్డు లేక పల్లెగూడెం, తెల్దారుపల్లి ఏరియాతో పాటు వార్డుల్లో స్థలం ఉన్న చోట చెత్త వేస్తున్నారు. డంపింగ్‌ యార్డ్‌ కోసం ఆరు నెలల క్రితం స్థలం చూసినా నిర్మాణాలు మొదలుకాలేదు. ●కల్లూరు మున్సిపాలిటీ 2025 మే నెలలో ఏర్పాటైంది. ఏడు గ్రామ పంచాయతీలను విలీనం చేసి కల్లూరు మేజర్‌ గ్రామపంచాయతీని కలుపుతూ మున్సిపాలిటీగా మార్చారు. 1.05 ఎకరాల ఎన్నెస్పీ భూమిలో డంపింగ్‌యార్డు ఏర్పాటైంది. 2025 జూన్‌ నుంచి డిసెంబర్‌ వరకు మాత్రం మధిర రోడ్డులోని ఎన్నెస్పీ కాలువ పక్కన చెత్త వేశారు. ప్రస్తుతం డంపింగ్‌ యార్డులోనే చెత్త వేస్తున్నారు. ఇక విలీన గ్రామపంచాయతీల్లోనూ డంపింగ్‌ యార్డులు ఉన్నాయి. ●సత్తుపల్లి మున్సిపాలిటీకి కొమ్మేపల్లి వద్ద డంపింగ్‌యార్డు ఉంది. కొందరు ట్రాక్టర్‌ డ్రైవర్లు సేకరించిన చెత్తను డంపింగ్‌ యార్డులో కాకుండా పాత ఎన్‌టీఆర్‌ కాల్వలో పడేస్తున్నారు. డంపింగ్‌యార్డులో బయోమైనింగ్‌ ఏర్పాటు చేయగా దాదాపు ఏడెకరాలు మళ్లీ వినియోగంలోకి వచ్చింది.డంపింగ్‌ యార్డు నుంచి వచ్చే దుర్వాసన తట్టుకోలేకపోతున్నాం. తాగునీరు కూడా కలుషితమయ్యాయి. సందీప్‌కుమార్‌ ఝా కమిషనర్‌గా ఉన్నప్పుడు యార్డును డంపింగ్‌యార్డును మార్చారు. మళ్లీ ఇక్కడే ఏర్పాటుచేయడంతో ఇబ్బంది పడుతున్నాం. – పగడాల నాగేశ్వరరావు, దానవాయిగూడెం, ఖమ్మంవైరా మున్సిపాలిటీ ఏర్పడి తొమ్మిదేళ్లయినా డంపింగ్‌ యార్డ్‌ లేదు. నిత్యం మున్సిపల్‌ వాహనాల ద్వారా చెత్త సేకరిస్తున్నా యార్డ్‌ ఏర్పాటుచేయలేకపోతున్నారు. ఈ సమస్యను త్వరగా పరిష్కరించాలి. లేదంటే చెత్త మళ్లీ రోడ్ల వెంట వేస్తారు. – గార్లపాటి ప్రవీణ్‌, బ్రాహ్మణపల్లి, వైరాపురపాలికల్లో డంపింగ్‌ యార్డుల సమస్య

వేంసూరు: అర్బన్‌ పోలీసింగ్‌ ర్యాంకింగ్‌ల్లో భాగంగా కేంద్ర బృంద్రం(క్వాలిటీ కౌన్సిల్‌ ఆఫ్‌ ఇండియా) మంగళవారం వేంసూరు పోలీస్‌స్టేషన్‌ను పరిశీలించింది. స్టేషన్‌ పరిసరాల పరిశుభ్రత, సీసీటీఎన్‌ఎస్‌లో డేటా నమోదు, ఫిర్యాదుల స్వీకరణ, పరిష్కార విధానాలు, రిసెప్షన్‌ కౌంటర్‌, ఫిర్యాదుదారులకు అందుతున్న సేవలు, సాంకేతిక పరిజ్ఞానంపై ఆరా తీశారు. ఈ మేరకు ఎస్‌ఐ పి.ప్రదీప్‌తో పలు అంశాలపై చర్చించారు. కేంద్ర ప్రభుత్వం మార్గదర్శకాల అనుగుణంగా దేశవ్యాప్తంగా పోలీస్‌స్టేషన్లలో సేవల నాణ్యత, మౌలిక వసతులపై ఆరా తీసి ర్యాంకింగ్‌లు కేటాయించడంలో భాగంగా వేంసూరు పీఎస్‌ను పరిశీలించినట్లు బృందం సభ్యులు తెలిపారు.

ఏన్కూరు: ఏన్కూరుకు చెందిన జువ్వాది మౌనిక కు డాక్టరేట్‌ లభించింది. కాకతీయ యూనివర్శిటి జంతుశాస్త్ర విభాగంలో ఆమె సమర్పించిన పరి శోధనాత్మక గ్రంథానికి డాక్టరేట్‌ ప్రకటించినట్లు గురువారం కేయూ ప్రొఫెసర్‌ కట్ల రాజేందర్‌ వెల్లడించారు. ఏన్కూరుకు చెందిన జువ్వాది శివయ్య – పద్మ కుమార్తె మౌనిక చిన్ననాటి నుంచే చదువులో రాణిస్తూ డాక్టరేట్‌ సాధించగా పలువురు అభినందించారు. కాగా, మౌనిక ప్రస్తుతం ఖమ్మంలోని కవిత మెమోరియల్‌ డిగ్రీ, పీజీ కళాశాలలో లెక్చరర్‌గా విధులు నిర్వర్తిస్తున్నారు. 4న స్విమ్మింగ్‌ జట్ల ఎంపిక పోటీలు ఖమ్మం స్పోర్ట్స్‌: ఉమ్మడి జిల్లా పాఠశాలల స్థాయి స్విమ్మింగ్‌ జట్ల ఎంపిక పోటీలు అక్టోబర్‌ 4న నిర్వహిస్తున్నట్లు క్రీడాసంఘం జిల్లా కార్యదర్శి.వై.రామారావు తెలిపారు. అండర్‌–14, 17 విభాగాల్లో బాలబాలికల జట్ల ఎంపికకు ఖమ్మంలోని సర్దార్‌ పటేల్‌ స్టేడియంలో పోటీలు ఏర్పాటు చేశామని పేర్కొన్నారు. సీబీ ఎస్‌ఈ, కేంద్రియ విద్యాలయ సమితి, విజ్ఞాన్‌ భారతి పాఠశాలల క్రీడాకారులకు అర్హత లేదని తెలిపారు. మిగతావారు ఉదయం 9 గంటలకు హాజరుకావాలని, వివరాలకు 89856 84841 నంబర్‌లో సంప్రదించాలని సూచించారు. రేపు జాబ్‌ మేళా ఖమ్మం రాపర్తినగర్‌: నిరుద్యోగ యువతకు ప్రైవేట్‌ రంగంలో ఉపాధి కల్పించేందుకు అక్టోబర్‌ 1వ తేదీ జాబ్‌మేళా నిర్వహిస్తున్నట్లు జిల్లా ఉపాధి కల్పన శాఖ అధికారి ఎన్‌.మాధవి తెలి పారు. ఫ్లిప్‌కార్ట్‌లో డెలివరీ ఎగ్జిక్యూటివ్‌లుగా 20 పోస్టులు భర్తీ చేస్తారని పేర్కొన్నారు. ఎస్సెస్సీ ఉత్తీర్ణులై, 18 – 40ఏళ్ల వయస్సు వారు అర్హులని, గురువారం టీటీడీసీ భవన్‌లో జరిగే ఇంటర్వ్యూలకు సర్టిఫికెట్ల జిరాక్స్‌లతో హాజరుకావాలని సూచించారు. ఏజీ కళాశాలను సందర్శించిన దేశీ డీలర్లుఅశ్వారావుపేటరూరల్‌: ఖమ్మం జిల్లాకు చెందిన దేశీ డీలర్ల(డిప్లోమా ఇన్‌ అగ్రికల్చర్‌ ఎక్స్‌టెన్షన్‌ సర్వీస్‌ ఫర్‌ ఇన్‌పుట్‌ డీలర్స్‌) బృందం మంగళవారం అశ్వారావుపేట వ్యవసాయ కళాశాలను సందర్శించింది. కళాశాలలోని వ్య వసాయ క్షేత్రాలు, ఉద్యాన పంటల ప్రదర్శన క్షేత్రాలను పరిశీలించి ఆధునిక సాగు పద్ధతులు, పంటల యాజమాన్యంపై వివరాలు తెలు సుకున్నారు. అలాగే, పంటల దిగుబడి, ఆదా యం, కొబ్బరి, పామాయిల్‌ తోటల్లో అంతర పంటల సాగుపై ఆరా తీశారు. ఈ సందర్భంగా కళాశాల ప్రొఫెసర్లు డాక్టర్‌ నీలిమ, డాక్టర్‌ శివ మాట్లాడుతూ..రైతులకు నాణ్యమైన వ్యవసాయ సాంకేతిక పరిజ్ఞానాన్ని చేరవేయడంలో డీలర్లు వారధిగా పనిచేయాలని సూచించారు. విద్యుత్‌ ఉద్యోగుల క్రీడాపోటీల్లో రన్నరప్‌ఖమ్మంవ్యవసాయం: తెలంగాణ ట్రాన్స్‌కో, డిస్కంల ఆధ్వర్యాన నిర్వహించిన రాష్ట్రస్థాయి మహిళా ఉద్యోగుల క్రీడాపోటీల్లో ఉమ్మడి జిల్లా జట్టు రన్నరప్‌గా నిలిచింది. ఖమ్మం, భద్రాద్రి కొత్తగూడెం సర్కిళ్ల మహిళా క్రీడాకారి ణులు రెండో స్థానం సాధించారు. ఈ సందర్భంగా మంగళవారం ఖమ్మం ఎస్‌ఈ ఈ. శ్రీనివాసాచారి, ఎస్‌ఏఓ శ్రీధర్‌ క్రీడాకారులను అభినందించారు. క్రీడాకారిణుల అంకితభావం, జట్టు స్ఫూర్తి సర్కిల్‌కు గుర్తింపును తీసుకొచ్చాయని కొనియాడారు. జట్టులో లావణ్య, అలేఖ్య, సౌజన్య, సాగరిక, ఈశ్వరి, రజిని, మానస, ధాత్రి, మాధవి, భవాని, మౌనిక, సంధ్య, లక్ష్మీప్రియ, మైథిలి ఉండగా.. సాంస్కృతిక కార్యదర్శి ఎం.ప్రసాద్‌ పాల్గొన్నారు. చెల్లని చెక్కు కేసులో ఏడాది జైలుశిక్షఖమ్మం లీగల్‌: అప్పు ఇచ్చిన వ్యక్తికి జారీ చేసి న చెక్కు చెల్లకపోవడంతో చింతకాని మండలం రాఘవాపురానికి చెందిన సిమ్మసర్తి వీరబాబుకు ఏడాది జైలుశిక్ష విధిస్తూ ఖమ్మం రెండో అదనపు ప్రథమ శ్రేణి కోర్టు న్యాయాధికారి ఏపూరి బిందుప్రియ మంగళవారం తీర్పు చెప్పారు. ఖమ్మం రూరల్‌ మండలం గూడూరుపాడుకు చెందిన కందుల వీరబాబు వద్ద సిమ్మసర్తి వీరబాబు 2020 నవంబర్‌లో రూ. 10 లక్షల అప్పు తీసుకున్నాడు. ఆతర్వాత 2022 నవంబర్‌లో చెక్కు జారీ చేసినా ఆయన ఖాతాలో నగదు లేకపోవడం, సంతకం సరిపోలక బౌన్స్‌ అయింది. ఈమేరకున్యాయవాది ద్వారా లీగల్‌ నోటీస్‌ జారీ చేసి కోర్టులో ప్రైవేట్‌ కేసు దాఖలు చేశాడు. విచారణ అనంతరం సిమ్మసర్తి వీరబాబుకు ఏడాది జైలుశిక్ష విధించడమే కాక ఫిర్యాదుదారుడికి రూ.12.70లక్షలు చెల్లించాలని న్యాయమూర్తి తీర్పు చెప్పారు.

భద్రాచలంటౌన్‌: ఖమ్మం జిల్లా గిరిజన సంక్షేమ ఆశ్రమ పాఠశాలలు, వసతిగృహాల్లో పనిచేస్తున్న సీఆర్టీల బదిలీ కౌన్సెలింగ్‌ ద్వారా చేపట్టినట్లు ఐటీడీఏ పీఓ బి.రాహుల్‌ తెలిపారు. భద్రాచలంలోని ఐటీడీఏ కార్యాలయంలో పరిశీలకుల కమిటీ సమక్షాన మంగళవారం ప్రక్రియ పూర్తిచేశారు. భార్యాభర్తలు, దివ్యాంగులు, వైద్యపరమైన సమస్యలు ఉన్నవారు, వితంతు మహిళలకు ప్రాధాన్యత ఇచ్చినట్లు పీఓ తెలిపారు. మొత్తం 67 సీఆర్టీలను బదిలీ చేయగా, ఎలాంటి అవకతవకలకు జరగకుండా పర్యవేక్షించామని వెల్లడించారు. ఈకార్యక్రమంలో ట్రైబల్‌ వెల్ఫేర్‌ ఖమ్మం డీడీ ఫిరంగి, ఏసీఎంఓ రాములు, ఏటీడీఓ రమేష్‌, ఉద్యోగులు పాల్గొన్నారు. క్షతగాత్రుడికి డీసీహెచ్‌ఎస్‌ చేయూతఖమ్మం వైద్యవిభాగం: రోడ్డుప్రమాదంలో గాయపడిన యువకుడికి జిల్లా ఆస్పత్రుల సమన్వయ అధికా రి డాక్టర్‌ రాజశేఖర్‌ గౌడ్‌ అండగా నిలిచారు. ఖమ్మం కలెక్టరేట్‌ సమీపం నుంచి వెళ్తున్న వాటర్‌ క్యాన్ల ఆటో మంగళవారం బోల్తా పడగా, మధ్యప్రదేశ్‌కు చెందిన అభిషేక్‌ తీవ్రంగా గాయపడ్డాడు. అదే సమయాన కలెక్టరేట్‌ నుంచి వెళ్తున్న డీసీహెచ్‌ఎస్‌ రాజశేఖర్‌ గౌడ్‌ తన కారులో ప్రభుత్వ ఆస్పత్రికి తీసుకెళ్లారు. అయితే, అభిషేక్‌ కుడి తొడ భాగంలో ఎముక విరగగా, వైద్యులతో మాట్లాడి వైద్యం అందేలా సమన్వయం చేశారు.

వేదికపై అరుణోదయ కళాకారుల ప్రదర్శన అఖిల భారత రైతు కూలీ సంఘం (ఏఐకేఎంఎస్‌) నాలుగో జాతీయ మహాసభల సందర్భంగా ఖమ్మం ఎరుపెక్కింది. సభల ప్రారంభోత్సవాన్ని పురస్కరించుకుని సోమవారం నగరంలోప్రదర్శన నిర్వహించగా సంఘం నాయకులతో పాటు వివిధ ప్రాంతాల నుంచి తరలివచ్చిన రైతుకూలీలు కదం తొక్కారు. ఈక్రమాన కొమ్ము నృత్యాలు, డప్పు వాయిద్యాల ప్రదర్శనలు, అరుణోదయ కళాకారుల ఆటపాట ఆకట్టుకున్నాయి. – స్టాఫ్‌ ఫొటోగ్రాఫర్‌

నేలకొండపల్లి: మిల్లులో ఉండాల్సిన కస్టమ్‌ మిల్లింగ్‌ రైస్‌(సీఎంఆర్‌) ధాన్యం పక్కదారి పట్టింది. సమాచారం అందుకుని వచ్చిన ఉద్యోగులు లారీలను అడ్డుకోవడంతో పాటు మిల్లు ప్రధాన గేట్‌కు తాళం వేశారు. నేలకొండపల్లి మండలం కొత్తకొత్తూరు సమీపాన ఓ మిల్లు నుంచి గత వారం క్రితం సీఎంఆర్‌ ధాన్యాన్ని ఇతర మిల్లులకు తరలించారని తెలిసింది. తొలుత వివిధ గ్రామాల్లోని మిల్లుల నుంచి కొత్తకొత్తూరు మిల్లు యాజమాన్యం దాదాపు 20 వేల క్వింటాల ధాన్యం తీసుకొచ్చినట్లు తెలుస్తుంది. ఆతర్వాత మిల్లర్ల మధ్య విబేధాలతో ధాన్యం తిరిగి తరలించినట్లు సమాచారం. దాదాపు 35 లారీల ధాన్యం బయటకు వెళ్లగా... విషయం తెలియడంతో సివిల్‌ సప్లయీస్‌ డీటీ విజయ్‌బాబు సోమవారం రాత్రి మిల్లుకు వచ్చారు. ఆ సమయానికి ధాన్యం లోడ్‌తో ఉన్న మూడు లారీలను సీజ్‌ చేయడంతో పాటు మిల్లు ప్రధాన గేట్‌కు తాళాలు వేశారు. ఈ విషయమై డీటీ మాట్లాడుతూ సమాచారం అందగానేవచ్చి మూడు లారీలను పట్టుకున్నట్లు తెలిపారు. మిల్లుకు కేటాయిచింన ధాన్యం, ఇప్పటికే ఇచ్చిన సీఎంఆర్‌, ఇతర వివరాలపై మంగళవారం విచారణచేస్తామని వెల్లడించారు.పరిశీలించి మిల్లుకు తాళం వేసిన అధికారులు

ఖమ్మంక్రైం: వివిధ పోలీస్‌స్టేషన్లలో కానిస్టేబుళ్లుగా విధులు నిర్వర్తిస్తూ హెడ్‌కానిస్టేబుళ్లుగా పదోన్నతి పొందిన పలువురిని సీపీ సునీల్‌దత్‌ సోమవారం అభినందించారు. 2000 బ్యాచ్‌కు చెందిన 13మందికి పదోన్నతి లభించింది. ఇందులో మహబూబాబాద్‌ జిల్లాకు ఆరుగురు, భద్రాద్రి కొత్తగూడెం జిల్లాకు ఏడుగురిని కేటాయించారు. పదోన్నతి పొందిన వారిలో టి.శ్రీనివాసరావు, శ్రీనివాస్‌, రవికుమార్‌, ముత్తయ్య, వడ్డే కిషోర్‌, కరుణాకర్‌రావు, నవజీవన్‌కుమార్‌, సుశీల్‌కుమార్‌, అలు, శ్రీనివాసరావు, రవికుమార్‌, సీతారామరాజు, సర్దార్‌ సింగ్‌ ఉన్నారు.

ఖమ్మం లీగల్‌: మధ్యవర్తిత్వానికి అనుకూలమైన కేసులను గుర్తించి, ఇరుపక్షాల పరస్పర అంగీకారంతో సామరస్య పూర్వకంగా పరిష్కరించేందుకు ప్రత్యేక చర్యలు చేపడుతున్నట్లు జిల్లా ప్రధాన న్యాయమూర్తి ఎం.నాగరాజు తెలిపారు. జిల్లా కోర్టులో సోమవారం ఏర్పాటుచేసిన విలేకరుల సమావేశంలో ఆయన మాట్లాడుతూ వచ్చేనెల 1వ తేదీ నుంచి డిసెంబర్‌ 31వరకు ‘మీడియేషన్‌’పై ప్రత్యేక కార్యక్రమాన్ని నిర్వహిస్తున్నట్లు పేర్కొన్నారు. ఇందులో భాగంగా మధ్యవర్తిత్వానికి అనుకూలమైన కేసులను గుర్తించి, ఇరుపక్షాల అంగీకారంతో సామరస్యంగా పరిష్కరించేందుకు ప్రత్యేక చర్యలు చేపడుతున్నట్లు వివరించారు. ఈ విషయమై కక్షిదారులకు విస్తృత అవగాహన కల్పించనుండగా, సద్వినియోగం చేసుకోవాలని సూచించారు. న్యాయసేవాధికార సంస్థ ద్వారా కక్షిదారులకు సులభంగా, అందుబాటులో స్నేహపూర్వక న్యాయ పరిష్కారం అందించేందుకు కృషి చేస్తున్నట్లు తెలిపారు. ఈ సమావేశంలో న్యాయ సేవాధికారి సంస్థ జిల్లా కార్యదర్శి దేవీమానస పాల్గొన్నారు. పరిశోధనా కేంద్రంలో మత్స్యకారులకు శిక్షణ కూసుమంచి: దేశవాళీ కార్ప్‌ చేప పిల్లల విత్తనోత్పత్తి, యాజమాన్య పద్ధతులపై మత్స్యకారులకు ఇచ్చే శిక్షణ సోమవారం మొదలైంది. కూసుమంచి మండలం పాలేరు మత్స్య పరిశోధన కేంద్రంలో ఏర్పాటుచేసిన శిక్షణకు రాజన్న సిరిసిల్ల, హైదరాబాద్‌, వరంగల్‌, ఖమ్మం జిల్లాల మత్స్య రైతులు, మత్స్యకారులు హాజరయ్యారు. ఈ సందర్భంగా సీనియర్‌ సైంటిస్ట్‌ డాక్టర్‌ జి.విద్యాసాగర్‌రెడ్డి మాట్లాడుతూ తెలంగాణలో చేప పిల్లల ఉత్పత్తి, హేచరీస్‌ స్థాపనకు అనువైన అవకాశాలు ఉన్నాయని తెలిపారు. ఈమేరకు ఔత్సాహికులు ముందుకురావాలని సూచించారు. అనంతరం పరిశోధనా కేంద్రం ప్రధాన శాస్త్రవేత్త డాక్టర్‌ ఎం.శ్యాంప్రసాద్‌, శాస్త్రవేత్తలు రవీందర్‌, శాంతన్న పలు అంశాలను వివరించారు. పోలీసుస్టేషన్‌లో కేంద్ర బృందం పరిశీలన ఖమ్మంఅర్బన్‌: జాతీయ స్థాయిలో పోలీసుస్టేషన్లకు ర్యాంకింగ్‌ ఇచ్చే ప్రక్రియలో భాగంగా కేంద్ర బృందం సభ్యులు సోమవారం ఖమ్మం అర్బన్‌ పోలీసుస్టేషన్‌ను పరిశీలించారు. క్వాలిటీ కంట్రోల్‌ విభాగానికి చెందిన ముగ్గురితో కూడిన బృందం రాగా, పలు అంశాలపై వివరాలు సేకరించింది. పోలీసుల పనితీరు, సిబ్బంది సంఖ్య, ప్రజలకు అందుతున్న సౌకర్యాలు, వాహనాల సంఖ్య, పరిసరాల పరిశుభ్రత, రికార్డుల నిర్వహణ, కేసుల నమోదు, దర్యాప్తుపై ఆరా తీసినట్లు తెలిసింది. ఈక్రమాన సీఐ భానుప్రకాశ్‌, సిబ్బంది మాట్లాడి పలు వివరాలు సేకరించారు. జిల్లా విద్యాశాఖాధికారిగా వాసంతి ఏడాదిన్నర కాలంలో ఏడో డీఈఓ ఖమ్మం సహకారనగర్‌: జిల్లా విద్యాశాఖాధికారి(ఎఫ్‌ఏసీ)గా డి.వాసంతిని నియమించారు. ప్రస్తుతం భద్రాద్రి జిల్లా డీఈఓగా ఉన్న ఆమెను ఖమ్మం బదిలీ చేస్తూ సోమవారం ఉత్తర్వులు జారీ అయ్యాయి. కొన్నాళ్లుగా ఖమ్మం డీఈఓ పోస్టు ఖాళీగా ఉండడంతో స్పెషల్‌ డిప్యూటీ కలెక్టర్‌ జి.సదానందం అదనపు బాధ్యతలు నిర్వర్తిస్తున్నారు. ఈనేపథ్యాన వాసంతిని నియమించారు. ఎఫ్‌ఏసీలతోనే కాలం వెళ్లదీత జిల్లాలో ఏడాదిన్నర కాలంలో ఏడుగురు డీఈఓలు మారారు. వీరిలో ఒక్కరు తప్ప మిగతా వారు పూర్తిస్థాయి అదనపు బాధ్యతలతో విధులు నిర్వర్తించడం గమనార్హం. తొలుత డైట్‌ లెక్చరర్‌ సోమశేఖర్‌శర్మ డీఈఓగా విధులు నిర్వర్తించగా, ఆయన ఉద్యోగవిరమణ తర్వాత సామినేని సత్యనారాయణ, ఆతర్వాత జెడ్పీ డిప్యూటీ సీఈఓ నాగపద్మజకు, ఆపై అదనపు కలెక్టర్‌ శ్రీజకు బాధ్యతలు అప్పగించారు. అనంతరం కరీంనగర్‌ డీఈఓగా ఉన్న చైతన్యజైనీని పూర్తిస్థాయి డీఈఓగా నియమించారు. ఆరు నెలలకే ఆమె యథాస్థానానికి వెళ్లడంతో మళ్లీ ఎస్‌డీసీ సదానందంకు డీఈఓగా అదనపు బాధ్యతలు అప్పగించారు. ప్రస్తుతం వాసంతిని కూడా ఎఫ్‌ఏసీ బాధ్యతలతోనే కేటాయించారు.

వీల్‌ చైర్‌కే పరిమితమైన ఈ దివ్యాంగురాలు బాదావత్‌ త్రివేణికి ఆధార్‌ కార్డు లేక అవస్థ పడుతోంది. కూసుమంచి మండలం గైగోళ్లపల్లి లాల్‌సింగ్‌ తండాకు చెందిన ఆమె ఆధార్‌ కార్డును మూడేళ్ల క్రితం సర్వర్‌ నుంచి తొలగించారు. దీంతో పింఛన్‌, ప్రభుత్వ పథకాలు నిలిచిపోగా.. మళ్లీ దరఖాస్తుకు ప్రయత్నిస్తే ‘రిజెక్ట్‌’అని వస్తోంది. దీంతో సోమవారం కలెక్టరేట్‌ ప్రజావాణిలో అదనపు కలెక్టర్‌కు విన్నవించుకుంది. ప్రత్యేక కేసు కింద దరఖాస్తు చేయిస్తామని అధికారులు హామీ ఇచ్చారని త్రివేణి తల్లిదండ్రులు తెలిపారు. – స్టాఫ్‌ ఫొటోగ్రాఫర్‌

పెనుబల్లి: కళ్ల ముందే ఎండుతున్న పంటలను కాపాడుకునేందుకు రైతులు ఎవరిపై ఆధారపడకుండా ఏకమయ్యారు. ట్రాన్స్‌ఫార్మర్‌ అద్దెకు తెచ్చుకోవడమే కాక దాన్ని పొలాల వద్ద చేర్చేందుకు రోడ్డు కూడా మరమ్మతు చేయించుకున్నారు. పెనుబల్లి మండలంలోని రాతోని ఎత్తిపోతల పథకానికి సంబంధించిన రెండు ట్రాన్స్‌ఫార్మర్లను కొన్నాళ్ల క్రితం ధ్వంసం చేసిన దుండగులు అందులోని రాగి వైర్‌ ఎత్తుకెళ్లారు. ఆ స్థానంలో కొత్త ట్రాన్స్‌ఫార్మర్ల ఏర్పాటుకు ప్రభుత్వం నిధులు కేటాయించగా టెండర్‌ ప్రక్రియ సైతం పూర్తయింది. కానీ ట్రాన్స్‌ఫార్మర్లు వచ్చేందుకు సమయం పట్టే అవకాశముండగా... ఆలోగా రెండు వేల ఎకరాలకు పంటలకు నీరు అందించడం కష్టమవుతోంది. దీంతో రైతుల వినతి మేరకు గంగదేవిపాడు గ్రామానికి చెందిన నాయకుడు, రైతు కనగాల సాంబశివరావు రూ.2లక్షల అద్దెతో ట్రాన్‌ఫార్మర్లు తెప్పించారు. అయితే, ఈ ట్రాన్స్‌ఫార్మర్లను ఎత్తిపోతల వద్దకు చేర్చేందుకు రోడ్డు సరిగ్గా లేకపోవడంతో రైతులంతా కలిసి సొంత ఖర్చుతో గ్రావెల్‌ తెప్పించి మరమ్మతు చేయించుకున్నారు. సాయంత్రానికి లిఫ్ట్‌ వద్దకు ట్రాన్స్‌ఫార్మర్లు చేరడంతో అంతా ఊపిరి పీల్చుకున్నారు.

గిన్నిన్‌ రికార్డులో ఖమ్మం వాసి, ఆయన ఫోటోతో పోస్టల్‌ స్టాంప్‌ ఖమ్మంఅర్బన్‌: ఖమ్మం జయనగర్‌ కాలనీకి చెందిన డాక్టర్‌ జావేద్‌ రైతుల సంక్షేమం, సాంకేతిక విజ్ఞానం, పరిశోధన, సామాజిక సేవా రంగాల్లో అందిస్తున్న సేవలకు అరుదైన గుర్తింపు లభించింది. గతంలోనూ ఓ గిన్నిస్‌ రికార్డు సాధించిన ఆయన తాజాగా మరో రికార్డు నమోదు చేశారు. భూమిబంధన్‌ వెల్ఫేర్‌ ఫౌండేషన్‌ ద్వారా 40కిపైగా గ్రామాల్లో రైతులకు మార్గదర్శకత్వం అందించిన జావేద్‌.. డ్రిప్‌ ఇరిగేషన్‌, పంటల తెగుళ్ల గుర్తింపు, పరిష్కారానికి సాంకేతిక పరిష్కారాల అభివృద్ధిలో భాగస్వామ్యమయ్యారు. భారత్‌తో పాటు పలు దేశాల్లో 15కిపైగా అంతర్జాతీయ సదస్సుల్లో కీలక ప్రసంగాలు చేసిన ఆయన పేరు గిన్నిస్‌ రికార్డుల్లో నమోదైంది. అంతేకాక ఆయన పేరుతో రూ.5 విలువైన ప్రత్యేక పోస్టల్‌ స్టాంప్‌ను తమిళనాడు పోస్టల్‌ విభాగం విడుదల చేసింది. ఈ స్టాంప్‌లను లండన్‌ ఆర్గనైజేషన్‌ ఆఫ్‌ స్కిల్స్‌ డెవలప్‌మెంట్‌ సీఈఓ, డైరెక్టర్‌ ప్రొఫెసర్‌ డాక్టర్‌ పారిన్‌ సోమాని, మలేషియాలోని యూఓడబ్ల్యూ కేడీయూ పెనాంగ్‌ యూనివర్సిటీ కాలేజ్‌ అసోసియేట్‌ ప్రొఫెసర్‌ కెప్టెన్‌ డాక్టర్‌ జాషువా లూ టెక్‌ విడుదల చేశారు.

ఖమ్మంమయూరిసెంటర్‌: అర్హుల ఓట్లు తొలగించకుండా, ప్రజాస్వామ్యాన్ని కాపాడాలనే డిమాండ్‌తో కాంగ్రెస్‌ ఆధ్వర్యాన ఖమ్మంలో నిరసన చేపట్టారు. కలెక్టరేట్‌ వద్ద ధర్నా చౌక్‌లో సోమవారం జరిగిన ధర్నాలో కాంగ్రెస్‌ జిల్లా, నగర అధ్యక్షులు నూతి సత్యనారాయణ గౌడ్‌, నాగండ్ల దీపక్‌ చౌదరి మాట్లాడుతూ ఓటర్ల తొలగింపుపై సమగ్ర విచారణ జరిపించడంతో పాటు ప్రధాన ఎన్నికల కమిషనర్‌ జ్ఞానేష్‌ వెంటనే పదవికి రాజీనామా చేయాలని డిమాండ్‌ చేశారు. ప్రత్యేక ఓటర్‌ జాబితా సమగ్ర సవరణ పేరిట అర్హుల పేర్లు తొలగించకుండా, ప్రతీ అభ్యంతరాన్ని పరిశీలించాలన్నారు. తొలుత జ్ఞానేష్‌ దిష్టిబొమ్మను దహనం చేయగా.. ధర్నా అనంతరం కలెక్టరేట్‌లో వినతిపత్రం అందజేశారు. మాజీ ఎమ్మెల్సీలు, ఎమ్మెల్యేలు పోట్ల నాగేశ్వరరావు, బాలసాని లక్ష్మీనారాయణ, కొండబాల కోటేశ్వరరావు, సుడా, జిల్లా గ్రంథాలయ సంస్థ, మార్కెట్‌ చైర్మన్లు పువ్వాళ్ల దుర్గాప్రసాద్‌, మహ్మద్‌ ఖాదర్‌ బాబా, యరగర్ల హన్మంతరావుతో పాటు నాయకులు రాయల నాగేశ్వరరావు, గజ్జెల్లి వెంకన్న, కొత్త సీతారాములు, దొబ్బల సౌజన్య, బొడ్డు బొందయ్య, మొక్క శేఖర్‌గౌడ్‌, ఆసిఫ్‌, వడ్డెబోయిన నర్సింహారావు, యడ్లపల్లి సంతోష్‌, మలీదు వెంకటేశ్వరరావు, దుద్దుకూరి వెంకటేశ్వరరావు, మిక్కిలినేని మంజుల, నరేంద్ర, లకావత్‌ సైదులు నాయక్‌, ముక్తార్‌, కమర్తపు మురళి, పల్లెబోయిన భారతి చంద్రం, పైడిపల్లి సత్యనారాయణ, కన్నం వైష్ణవి, ప్రసన్నకృష్ణ, బచ్చలకూరి నాగరాజు తదితరులు పాల్గొన్నారు. ధర్నాలో కాంగ్రెస్‌ జిల్లా, నగర అధ్యక్షులు సత్యనారాయణ, దీపక్‌ చౌదరి

ఖమ్మంక్రైం / కల్లూరు రూరల్‌: జిల్లాలోని కల్లూరు మున్సిపాలిటీ పరిధిలో బార్‌ ఏర్పాటుకు అనుమతి మంజూరైంది. ఈమేరకు ఆసక్తి ఉన్నవారి నుంచి దరఖాస్తులు ఆహ్వానిస్తున్నట్లు జిల్లా ఎకై ్సజ్‌ సూపరింటెండెంట్‌ జానయ్య ఒక ప్రకటనలో తెలిపారు. రూ.లక్ష రుసుముతో వచ్చే నెల 12వ తేదీలోగా డిప్యూటీ కమిషనర్‌ కార్యాలయం, సూపరింటెండెంట్‌ కార్యాలయం లేదా హైదరాబాద్‌లోని కార్యాలయంలో దరఖాస్తులు సమర్పించవచ్చని పేర్కొన్నారు. ఇప్పటికే జిల్లాలో 39 బార్లు ఉండగా కల్లూరులో ఏర్పాటయ్యే బార్‌తో ఈ సంఖ్య 40కి చేరుతుంది. ఈ బార్‌కు ఏటా రూ.30లక్షల లైసెన్స్‌ ఫీజు చెల్లించాల్సి ఉంటుంది. ఎక్కువ సంఖ్యలో దరఖాస్తులు వస్తే లక్కీ డ్రా కేటాయిస్తారు. విత్తనోత్పత్తిలో జాగ్రత్తలతో లాభాలు వైరా: రైతులు విత్తనోత్పత్తిపై దృష్టి సారించడంతో పాటు తగిన జాగ్రత్తలు పాటిస్తే లాభాల బాట పట్టొచ్చని వైరా కేవీకే సీనియర్‌ శాస్త్రవేత్త డాక్టర్‌ పావని తెలిపారు. కేవీకే ఆధ్వర్యాన మంచుకొండ కోపరేటివ్‌ సొసైటీలో సోమవారం అవగాహన సదస్సు నిర్వహించారు. ఈ సందర్భంగా పావని మాట్లాడుతూ పంటల వారీగా విత్తనోత్పత్తి, జాగ్రత్తలను వివరించారు. అనంతరం సొసైటీ చైర్మన్‌ సుధాకర్‌ మాట్లాడగా సెక్రటరీ శ్రీనివాసరావు, సీఈఓ శ్రీనివాసరావు, రైతు సత్యనారాయణరెడ్డి తదితరులు పాల్గొన్నారు. ఎన్నికల సంఘంపై దుష్ప్రచారం సరికాదు ఖమ్మం మామిళ్లగూడెం: ఎన్నికల్లో ప్రజలు తిరస్కరించిన ప్రతీసారి కాంగ్రెస్‌ పార్టీ రాజ్యాంగ వ్యవస్థలపై నిందలు వేయడం అలవాటుగా మారిందని బీజేపీ జిల్లా అధ్యక్షుడు నెల్లూరి కోటేశ్వరరావు పేర్కొన్నారు. ఖమ్మంలోని పార్టీ కార్యాలయంలో సోమవారం ఏర్పాటు చేసిన సమావేశంలో ఆయన మాట్లాడారు. తెలంగాణ, కర్ణాటక, హిమాచల్‌ ప్రదేశ్‌లో కాంగ్రెస్‌కు అధికారం వచ్చినప్పుడు ఎన్నికల సంఘంపై ఎందుకు ఆరోపణలు చేయలేదని ప్రశ్నించారు. బోగస్‌ ఓట్లు, నకిలీ నమోదు, అర్హత లేని వ్యక్తుల పేర్లను తొలగించే చర్యలపై కాంగ్రెస్‌ అభ్యంతరం వ్యక్తం చేయడం గర్హనీయమని, ఇకనైనా తప్పుడు ప్రచారం మానుకోవాలని సూచించారు. ఈ సమావేశంలో బీజేపీ నాయకులు భూక్యా శ్యాంసుందర్‌నాయక్‌, మేకల నాగేందర్‌, మందడపు సుబ్బారావు, నున్నా రవికుమార్‌, రవిరాథోడ్‌, రవిగౌడ్‌, హఠయనాయక్‌ పాల్గొన్నారు. రేపు కొత్తగూడెంలో క్రీడా జట్ల ఎంపిక పోటీలు ఖమ్మం స్పోర్ట్స్‌: ఉమ్మడి జిల్లాస్థాయి అండర్‌–14, 17 బాలబాలికల రెజ్లింగ్‌ జట్ల ఎంపిక పోటీలు ఈనెల 30న కొత్తగూడెంలో జరగనున్నాయి. రుద్రంపూర్‌లోని సీఈఆర్‌ క్లబ్‌లో ఈ పోటీలు జరుగుతాయని జిల్లా పాఠశాలల క్రీడల కార్యదర్శులు వై.రామారావు, బి.బావ్‌సింగ్‌ తెలిపారు. ఆసక్తి ఉన్న క్రీడాకారులు వయసు ధ్రువీకరణపత్రం, ఆధార్‌ కార్డుతో హాజరుకావాలని, వివరాలకు 99497 61181 నంబర్‌లో సంప్రదించాలని సూచించారు.

ఖమ్మం సహకారనగర్‌: ప్రజలు ఇచ్చే ప్రతి ఫిర్యాదు, దరఖాస్తును పరిశీలించి సత్వరమే పరిష్కరించాలని కలెక్టర్‌ దివాకర టీ.ఎస్‌. ఆదేశించారు. కలెక్టరేట్‌లో సోమవారం జరిగిన ప్రజావాణి(గ్రీవెన్స్‌ డే)లో ఆయన అదనపు కలెక్టర్లు శ్రీజ, శ్రీనివాసరెడ్డితో కలిసి ఫిర్యాదులను స్వీకరించారు. అనంతరం అధికారులతో సమావేశమైన ఆయన పరిష్కారంపై సూచనలు చేశారు. కాగా, గత రెండు వారాలు ప్రజావాణి జరగకపోవటంతో ఈసారి రద్దీ పెరిగింది. ప్రజావాణి నమోదు కేంద్రం, అధికారుల వద్ద జనాలు బారులుదీరారు. పరీక్షలకు పకడ్బందీ ఏర్పాట్లు తెలంగాణ ఓపెన్‌ స్కూల్‌ సొసైటీ(టాస్‌) ఆధ్వర్యాన వచ్చే నెల 11 నుంచి జరిగే పదో తరగతి, ఇంటర్‌ పరీక్షలకు పకడ్బందీ ఏర్పాట్లు చేయాలని కలెక్టర్‌ దివాకర ఆదేశించారు. కలెక్టరేట్‌లో సోమవారం ఆయన పరీక్షల నిర్వహణపై మాట్లాడుతూ పదో తరగతి పరీక్షలకు ఖమ్మం ప్రభుత్వ బాలికల పాఠశాల, ఇంటర్మీడియట్‌ పరీక్షలకు రిక్కాబజార్‌ పాఠశాలలో కేంద్రాలు ఏర్పాటుచేయగా, అన్ని వసతులు కల్పించాలని తెలిపారు. అదనపు కలెక్టర్లతో పాటు డీఈఓ సదానందం, ఓపెన్‌ స్కూల్‌ కోఆర్డినేటర్‌ మంగపతిరావు పాల్గొన్నారు. రేబిస్‌ నివారణపై విస్తృత అవగాహన కుక్క కాటుతో సోకే రేబిస్‌ వ్యాధి నివారణపై ప్రజల్లో విస్తృత అవగాహన కల్పించాలని కలెక్టర్‌ దివాకర సూచించారు. కలెక్టరేట్‌లో జరిగిన సమావేశంలో ఆయన మాట్లాడుతూ కుక్కలు, ఇతర జంతువుల కాటు ద్వారా రేబిస్‌ సంక్రమిస్తుందని, సరైన సమయంలో చికిత్స అందకపోతే మరణానికి దారితీసే అవకాశం ఉంటుందని తెలిపారు. ఈమేరకు కుక్క కాటుతో ఎదురయ్యే అనర్థాలు, చికిత్సపై ప్రచారం చేయాలని చెప్పారు. ఆతర్వాత నషా ముక్త్‌ భారత్‌ కార్యక్రమంలో భాగంగా ప్రతిజ్ఞ చేశారు. అలాగే, అంతర్జాతీయ వృద్ధుల దినోత్సవంలో భాగంగా చేపట్టే కార్యక్రమాల వివరాలతో కూడిన పోస్టర్లు ఆవిష్కరించారు. గ్రీవెన్స్‌ డేలో కలెక్టర్‌ దివాకర టీ.ఎస్‌. ఖమ్మంమయూరిసెంటర్‌: హాస్టల్‌ వెల్ఫేర్‌ అధికారులు తప్పకుండా హాస్టళ్లలోనే ఉండాలని కలెక్టర్‌ దివాకర స్పష్టం చేశారు. విద్యార్థుల సంక్షేమం, సురక్షితమైన, పరిశుభ్రమైన, వాతావరణం కల్పించేందుకు పర్యవేక్షించాలని తెలిపారు. రెసిడెన్షియల్‌ విద్యాసంస్థల నిర్వహణ, విద్యార్థులకు కల్పిస్తున్న సౌకర్యాలపై రాష్ట్ర ప్రభుత్వ ప్రధాన కార్యదర్శి సంజయ్‌ జాజు వీసీ ద్వారా సమీక్షించారు. ఖమ్మం నుంచి కలెక్టర్‌ దివాకర, అదనపు కలెక్టర్‌ డాక్టర్‌ పి.శ్రీజ, ట్రైనీ అసిస్టెంట్‌ కలెక్టర్‌ పారస్‌ కుమార్‌ పాల్గొనగా.. ఆతర్వాత అధికారులతో కలెక్టర్‌ సమావేశమయ్యారు. ఆకస్మిక తనిఖీకి వచ్చినప్పుడు హాస్టల్‌ వెల్ఫేర్‌ అధికారులు అందుబాటులో లేనట్లు తేలితే సస్పెండ్‌ చేస్తామని స్పష్టం చేశారు. కాగా, సూపర్‌వైజింగ్‌ అధికారులు వారానికి కనీసం రెండు హాస్టళ్లను తనిఖీ చేయాలని ఆదేశించారు. తనిఖీల సమయంలో కీలకమైన సమస్యలను గుర్తించిన అనంతరం వాటి పరిష్కారానికి తీసుకున్న చర్యలపై నివేదిక ఇవ్వాలని తెలిపారు. బీసీ, గిరిజన, మైనార్టీ సంక్షేమ శాఖల అధికారులు జి.జ్యోతి, ఫిరంగి, ముహమ్మద్‌ ముజాహిద్‌, డీఐఈఓ రవిబాబు తదితరులు పాల్గొన్నారు.

ఇల్లెందు: స్వేచ్ఛ, స్వాతంత్య్రం కోసం పాలస్తీనా, క్యూబా, ఇరాన్‌ ప్రజలు చేస్తున్న పోరాటాలకు భగత్‌సింగ్‌ స్ఫూర్తితో దేశ ప్రజలు మద్దతుగా నిలవాలని సీపీఐ(ఎంఎల్‌) మాస్‌లైన్‌ రాష్ట్ర కార్యదర్శి పోటు రంగారావు, మాజీ ఎమ్మెల్యే గుమ్మడి నర్సయ్య పిలుపునిచ్చారు. భగత్‌సింగ్‌ జయంతి వారోత్సవాల్లో భాగంగా సోమవారం తెల్లవారుజామున ఇల్లెందులో మాస్‌లైన్‌, అనుబంధ సంఘాల ఆధ్వర్యాన కాగడాల ప్రదర్శన నిర్వహించారు. ఈ సందర్భంగా రంగారావు, నర్సయ్య మాట్లాడుతూ భగత్‌సింగ్‌ వలస ఆధిపత్యాన్ని సవాల్‌ చేస్తూ పోరాడగా బ్రిటీషర్లు వెళ్లిపోయారని తెలిపారు. ఈక్రమాన పాలస్తీనా, క్యూబా, ఇరాన్‌ ప్రజలు ఆధిపత్యాన్ని ఎదుర్కొంటున్నందున ఇక్కడ ప్రజలు సంఘీభావం తెలిపితే అంతర్జాతీయవాద స్ఫూర్తిని సజీవంగా ఉంటుందని చెప్పారు. కాగా, కేంద్రప్రభుత్వం అమెరికా సామ్రాజ్యవాదానికి తలొగ్గి వాణిజ్య ఒప్పందాలతో దేశయ వ్యవసాయ రంగానికి ఉరి తాళ్లు బిగుస్తోందని ఆరోపించారు. నాయకులు చండ్ర అరుణ, నాయిని రాజు, కాంపాటి పృథ్వీ, యాకుబ్‌షావలీ, బోసు, సావిత్రి, బుర్ర వెంకన్న, బిచ్చా, ఆవుల కిరణ్‌, లక్ష్మణ్‌, బుర్ర రాఘవులు, పూనెం కుమార్‌, పాయం వెంకన్న, మల్లెల వెంకటేశ్వర్లు, శాంతారావు తదితరులు పాల్గొన్నారు.మాస్‌లైన్‌ నేతలు పోటు రంగారావు, గుమ్మడి నర్సయ్య

ఖమ్మం వైద్యవిభాగం: ఖమ్మం ప్రభుత్వ జనరల్‌ ఆస్పత్రిలోని తెలంగాణ డయోగ్నోస్టిక్‌ హబ్‌కు ప్రభుత్వం నూతన పరికరాలు కేటాయిస్తోంది. హబ్‌ ఏర్పాటై ఐదేళ్లు కావడంతో దాదాపు పరికరాలన్నీ కాలం చెల్లగా తరచూ మొరాయిస్తున్నాయి. దీంతో రూ.3కోట్ల విలువైన ఇంటిగ్రేటెడ్‌ అనలైజన్‌ మిషన్‌ను కేటాయించారు. హబ్‌కు సోమవారం చేరిన ఈ యంత్రాన్ని రెండు రోజుల్లో సంబంధిత కంపెనీ ఇంజనీర్లు అమర్చనున్నారని అధికారులు తెలిపారు. ఇబ్బందులు తీర్చేలా... హబ్‌లోని పరికరాలు తరచూ మొరాయిస్తున్నాయి. ఇంజనీర్లు వచ్చి మరమ్మతులు చేసినా కొద్దిరోజులకు అదే పరిస్థితి ఎదురవుతోంది. ప్రస్తుతం హబ్‌లో గంటకు 1,520 పరీక్షలు నిర్వహించే సామర్ధ్యం కలిగిన యంత్రాలు ఉన్నాయి. కెమిస్ట్రీ ఎనలైజర్‌, ఇమ్యూనో ఎనలైజర్‌, సీబీపీ మిషన్‌ ఉన్నా తరచూ ఇబ్బందులు తలెతున్నాయి. ఈక్రమాన కెమిస్ట్రీ ఎనలైజర్‌, ఇమ్యూనో ఎనలైజర్‌ ద్వారా చేసే పరీక్షలను ప్రస్తుతం కేటాయించిన ఇంటిగ్రేటెడ్‌ అనలైజర్‌ మిషన్‌తో చేయొచ్చని చెబుతున్నారు. పెద్దాస్పత్రిలో చికిత్స పొందుతున్న వారేకాక జిల్లాలోని పీహెచ్‌సీలు, అర్బన్‌ హెల్త్‌ సెంటర్లు, ఏరియా ఆస్పత్రుల నుంచి సైతం నిత్యం 2వేలకు పైగా శాంపిళ్లు హబ్‌కు వస్తుంటాయి. హబ్‌ 2021లో ఏర్పాటుకాగా, ఇప్పటి వరకు 7,05,383 మందికి 26,15,593 పరీక్షలు నిర్వహించారు. ఇప్పుడు పాత మిషన్ల స్థానంలో నూతన ఇంటిగ్రేటెడ్‌ అనలైజర్‌ మిషన్‌ రావడంతో ఇన్నాళ్లు ఎదురైన ఇబ్బందులు తీరతాయని భావిస్తున్నారు. పెద్దాస్పత్రికి చేరిన ఇంటిగ్రేటెడ్‌ ఎనలైజర్‌

కొణిజర్ల: మండలంలోని పల్లిపాడు సమీపాన సోమవారం తెల్లవారుజామున గుర్తు తెలియని వాహనం ఢీకొనడంతో కూరగాయల వ్యాపారి మృతి చెందాడు. వైరా మున్సిపాలిటీ శివారు శాంతినగర్‌కు చెందిన మాడపాటి నరసింహారావు(35) రోజులాగే సోమవారం తెల్లవారుజామున ఖమ్మం మార్కెట్‌ నుంచి కూరగాయలు తీసుకుని ద్విచక్రవాహనంపై వస్తున్నాడు. పల్లిపాడు స్వర్ణభారతి కోల్డ్‌ స్టోరేజీ సమీపాన గుర్తుతెలియని వాహనం ఎదురుగా ఢీకొట్టింది. ఆతర్వాత వాహనం ఆయన తల పైనుంచి వెళ్లడంతో నరసింహారావు తీవ్రగాయాలతో అక్కడికక్కడే మృతి చెందాడు. ఆయనకు భార్య, ఇద్దరు పిల్లలు ఉన్నారు. ఘటనపై కుటుంబీకుల ఫిర్యాదుతో కేసు నమోదు చేసినట్లు ఎస్‌ఐ సూరజ్‌ తెలిపారు. రోడ్డు ప్రమాదంలో ఎలక్ట్రీషియన్‌ మృతి ఖమ్మంక్రైం: ద్విచక్ర వాహనాన్ని వ్యాన్‌ ఢీకొట్టిన ఘటనలో ప్రైవేట్‌ ఎలక్ట్రీషియన్‌ మృతి చెందాడు. ఖమ్మం శ్రీనివాస్‌నగర్‌కు చెందిన తండ వెంకటేశ్వర్లు(53) ఈనెల 26న తన ద్విచక్రవాహనంపై ధంసలాపురం వెళ్లి వస్తుండగా ఓ వెంచర్‌ మూల మలుపు వద్ద ధంసలాపురం వైపు వేగంగా వెళ్తున్న చేపల వ్యాన్‌ ఢీకొట్టింది. ఈక్రమాన గాయపడిన వెంకటేశ్వర్లును ప్రభుత్వాస్పత్రికి తరలిస్తుండగా, ఆయని ఇచ్చిన సమాచారంతో కుటుంబీకులు ప్రైవేట్‌ ఆస్పత్రిలో చేర్పించాడు. అక్కడ చికిత్స పొందుతూ సోమవారం మృతి చెందగా, వెంకటేశ్వర్లు భార్య పుష్ప ఫిర్యాదుతో కేసు నమోదు చేసినట్లు ఖమ్మం త్రీటౌన్‌ సీఐ మోహన్‌బాబు తెలిపారు. తాటిపూడిలోని రెండిళ్లలో చోరీవైరారూరల్‌: మండలంలోని తాటిపూడి గ్రామంలో ఆదివారం అర్ధరాత్రి రెండిళ్లలో చోరీ జరిగింది. గ్రామానికి చెందిన పతాని సునీత పది రోజుల క్రితం వైద్యం కోసం హైదరాబాద్‌ వెళ్లింది. ఆమె ఇంటి తాళం పగులగొట్టి ఉండడంతో స్థానికులు ఇచ్చిన సమాచారంతో సోమవారం చేరుకోగా, ఇంట్లో ఐదు తులాల బంగారు ఆభరణాలు, ఒకటిన్నర కిలోల వెండి ఆభరణాలు, రూ. 50 వేల నగదు చోరీ అయినట్లు గుర్తించారు. గ్రామానికే చెందిన దోసపాటి రాజేశ్వరరావు హైదరాబాద్‌ వెళ్లగా చోరీ జరిగినట్లు స్థానికులు గుర్తించారు. ఈమేరకు సమీపంలో నివాసముండే ఆయన కుమారుడు రాజేశ్వరరావు కుమారుడు పరిశీలించి రెండు తులాల బంగారు ఆభరణాలను చోరీ జరిగినట్లు వెల్లడించారు. బాధితుల ఫిర్యాదుతో వైరా ఎస్సై పుష్పాల రామారావు, ఎస్సై–2 వెంపటి పవన్‌ సోమవారం ఉదయం క్లూస్‌టీం సాయంతో ఆధారాలు సేకరించి దర్యాప్తు చేపట్టారు.

ఖమ్మంమయూరిసెంటర్‌: దేశంలో అపారమైన వనరులు, సారవంతమైన భూములు, కష్టపడే ప్రజలు ఉన్నప్పటికీ పాలకుల విధానాలతో రైతులు, వ్యవసాయ కూలీలు దారిద్య్రంలో మగ్గుతున్నారని ఏఐకేఎంఎస్‌ జాతీయ అధ్యక్షుడు వేములపల్లి వెంకట్రామయ్య తెలిపారు. అఖిల భారత రైతు కూలీ సంఘం (ఏఐకేఎంఎస్‌) నాలుగో జాతీయ మహాసభలు సోమవారం ఖమ్మంలో ప్రారంభమయ్యాయి. తొలిరోజు ఖమ్మంలో ఏర్పాటుచేసిన బహిరంగ సభలో వెంకట్రామయ్య మాట్లాడారు. ధనవంతులు చనిపోయినప్పుడు ఆస్తులు పంచుకుంటుంటే.. రైతులు, కూలీలు చనిపోతే అప్పులు పంచుకోవా ల్సిన దుస్థితి నెలకొందని ఆవేదన వ్యక్తం చేశారు. కేంద్ర, రాష్ట్రాల్లో ఏ పార్టీ ఉన్నా రైతాంగం విషయంలో వివక్ష మాత్రం తగ్గడం లేదన్నారు. స్వామి నాథన్‌ కమిషన్‌ సిఫారసుల అమలుపై ప్రధాని మోదీ ప్రచారానికే పరిమితమయ్యారని, నిజానికి ఆయనే సిఫార్సులకు ద్రోహం చేశారని మండిపడ్డారు. గత 25 ఏళ్లలో తక్కువ మద్దతు ధరల కారణంగా భారతీయ రైతాంగం రూ.110 లక్షల కోట్లు నష్టపోయిందని తెలిపారు. పొరుగు దేశం చైనా భూసంస్కరణలు పక్కాగా అమలు చేయడంతో తలసరి ఆదాయంలో ఐదున్నర రెట్లు ముందు ఉందని చెప్పారు. ఇకనైనా భూస్వాముల వద్ద ఉన్న భూములను పేదలకు పంచేలా సమగ్ర భూసంస్కరణలు అమలు చేయాలని, పండించిన పంటలకు చట్టబద్ధమైన కనీస మద్దతు ధర కల్పించాలని డిమాండ్‌ చేశారు. అలాగే, వ్యవసాయ కూలీలకు సమగ్ర హక్కుల చట్టం తీసుకురావాలని, విద్యుత్‌ బిల్లుల సవరణ, విత్తన బిల్లుల సవరణ, కార్పొరేట్‌ అనుకూల చట్టాలను వెంటనే ఉపసంహరించుకోవాలన్నారు. అంతేకాక ఉద్యోగులు, కార్మికుల మాదిరి రైతులు ఐక్యమై సమరశీల రైతు ఉద్యమాలను నిర్మించాల్సిన అవసరం ఉందన్నారు. భారీ ప్రదర్శన.. ఏఐకేఎంఎస్‌ జాతీయ మహాసభల సందర్భంగా ఖమ్మంలో భారీ ప్రదర్శన నిర్వహిచారు. తెలుగు రాష్ట్రాలతో పాటు తమిళనాడు, ఒడిశా, బిహార్‌, పంజాబ్‌, ఝార్ఖండ్‌, పశ్చిమ బెంగాల్‌ తదితర రాష్ట్రాల నుంచి వచ్చిన ప్రతినిధులు, రైతులు, కూలీలు ప్రదర్శనలో పాల్గొన్నారు. పెవిలియన్‌ మైదానం వద్ద ప్రారంభమైన ప్రదర్శన మయూరిసెంటర్‌, వైరా రోడ్డు, జెడ్పీ సెంటర్‌, ఇల్లెందు క్రాస్‌రోడ్డు మీదుగా ఎస్‌ఆర్‌అండ్‌బీజీఎన్‌ఆర్‌ కళాశాల మైదానానికి చేరుకుంది. సభ ప్రారంభానికి ముందు అమరవీరులకు నివాళులర్పించారు. సభలో ఏఐకేఎంఎస్‌ జాతీయ అధ్యక్షులు డాక్టర్‌ ఆశిష్‌ మిట్టల్‌, జాతీయ ఉపాధ్యక్షులు నిర్భయ్‌ సింగ్‌, సుశాంత్‌ ఝూ, జే.వీ.చలపతిరావు, నాయకులు జితేందర్‌ సింగ్‌, కేదార్‌ సబర్‌, ధరమ్‌పాల్‌, దేబాజిత్‌, సెల్వరాజ్‌, శంభుప్రసాద్‌ సింగ్‌, గౌని ఐలయ్య, బండారి ఐలయ్య, మండల వెంకన్న, చిట్టిపాటి వెంకటేశ్వర్లు, జి.ఝాన్సీ, టి.శ్రీనివాస్‌, స్టాలిన్‌ బాబు, డాక్టర్‌ గోపీనాథ్‌ తదితరులు పాల్గొన్నారు.

● మున్సిపాలిటీ, కార్పొరేషన్లకు మే నెలలోనే మార్గదర్శకాలు ● అయినా వివరాల సేకరణ, డిజిటల్‌ మ్యాపింగ్‌లో జాప్యం ● చివరి అవకాశంగా మళ్లీ సీడీఎంఏ ఉత్తర్వులు ఖమ్మంమయూరిసెంటర్‌: ఉమ్మడి జిల్లాలోని పురపాలక, నగర పాలక సంఘాల్లో ఆస్తుల లెక్కింపు, రక్షణ ప్రక్రియలో తీవ్రజాప్యం జరుగుతోంది. మున్సిపాలిటీలు, కార్పొరేషన్ల పరిధి ఖాళీ స్థలాలు, భవనాలు, షాపింగ్‌ కాంప్లెక్స్‌లు, పార్క్‌లు, నీటి వనరులను గుర్తించి.. డిజిటల్‌ మ్యాపింగ్‌, జియో–ట్యాగింగ్‌ చేయాలని రాష్ట్ర పురపాలక శాఖ(సీడీఎంఏ) మే నెలలో స్పష్టమైన ఆదేశాలు ఇచ్చింది. కానీ నెలలు గడిచినా క్షేత్రస్థాయిలో ప్రక్రియ కనీస స్థాయిలో జరగలేదు. దీంతో ఈనెల 17న మళ్లీ ఉత్తర్వులు జారీ చేశారు. ఉమ్మడి జిల్లాలోని ఇల్లెందు మున్సిపాలిటీకి సంబంధించిన ఆస్తులను మాత్రమే ఇప్పటివరకు ఆన్‌లైన్‌ చేయగా... ఖమ్మం కార్పొరేషన్‌, కొత్తగూడెం కార్పొరేషన్‌తో పాటు ఇతర మున్సిపాలిటీల్లో వివరాలు ఇంకా సేకరించలేదు. లక్ష్యం మంచిదే.. పుర, నగర పాలక సంఘాల పరిధిలో రూ.కోట్ల విలువైన ఆస్తుల వివరాలను పక్కాగా రికార్డుల్లో నమోదు చేయడం, ఆక్రమణలను అరికట్టడం, ఆదాయ మార్గాలను పెంచుకోవడమే లక్ష్యంగా ప్రభుత్వం ‘మున్సిపల్‌ అసెట్‌ మేనేజ్‌మెంట్‌’ ప్రాజెక్టు రూపొందించింది. ఆస్తుల వివరాలను జియో–ట్యాగింగ్‌ చేయడం, క్యూఆర్‌ కోడ్‌ ఆధారిత సరిహద్దుల నిర్ణయం, ప్రతీ ఆస్తికి యూనిక్‌ ఐడీ కేటాయించడం వంటివి చేయాల్సి ఉంది. నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం), డ్రీమ్‌స్టెప్‌ సాఫ్ట్‌వేర్‌ ఇన్నోవేషన్స్‌ సంస్థల భాగస్వామ్యంతో ప్రత్యేక వెబ్‌ పోర్టల్‌ రూపొందిస్తున్నారు. జాప్యంపై ఆగ్రహం ఉత్తర్వులు ఇచ్చినెలలు దాటుతున్నా మున్సిపల్‌ అధికారులు స్పందించకపోవడంపై ఉన్నతాధికారులు సీరియస్‌ అయ్యారు. తాజా ఆదేశాల ప్రకారం టౌన్‌ ప్లానింగ్‌, రెవెన్యూ విభాగాలు మున్సిపాలిటీ పరిధిలోని ఆస్తుల వివరాల ప్రాథమిక సమాచారాన్ని సేకరించాల్సి ఉంది. ఆ వివరాలను అకౌంట్స్‌ విభాగ అధికారులు ప్రత్యేక ఫార్మాట్‌లో నమోదు చేసి ఆమోదించిన, ఆమోదం లేని లే ఔట్లు, పాత రికార్డుల స్కాన్‌ కాపీలను గూగుల్‌ డ్రైవ్‌ లింక్‌ ద్వారా పంపాలని సూచించారు. అంతేకాక ‘మున్సిపాలిటీ పరిధిలోని ఏ ఒక్క ఆస్తి కూడా విడిచిపెట్టలేదు, అన్ని వివరాలనూ సరిగ్గా నమోదు చేశాం’ అని కమిషనర్లు సంతకం చేసిన సర్టిఫికెట్‌ ఇవ్వడం తప్పనిసరి చేశారు. ప్రజాధనానికి రక్షణ దక్కేనా? ఉమ్మడి జిల్లాలోని ఖమ్మం, కొత్తగూడెం కార్పొరేషన్‌తో పాటు మున్సిపాలిటీల్లోని కౌన్సిల్‌ భవనాలు, ఓపెన్‌ ప్లాట్లు, మార్కెట్‌ కాంప్లెక్స్‌లు, పార్కులకు సరైన రికార్డులు లేక ఆక్రమణల పాలవుతున్నాయనే విమర్శలు ఉన్నాయి. ఈ నేపథ్యాన ప్రభుత్వం తీసుకొచ్చిన డిజిటల్‌ మ్యాపింగ్‌ విధానంతో రక్షణ లభించనుంది. కానీ అధికారుల ఉదాసీనత వల్ల ప్రాజెక్ట్‌ ఆలస్యమవుతుందనే అసంతృప్తి వ్యక్తమవుతోంది. బాధ్యతారాహిత్యంగా వ్యవహరించే అధికారులపై క్రమశిక్షణ చర్యలు తీసుకుంటామని సీడీఎంఏ జాయింట్‌ డైరెక్టర్‌ ఆదేశాలతోనైనా అధికారులు స్పందిస్తారో, లేదో వేచి చూడాల్సిందే. ‘సర్‌’ విధుల్లో.. కార్పొరేషన్లు, మున్సిపాలిటీల అధికారులు ‘సర్‌’ విధుల్లో తీరిక లేకుండా గడుపుతున్నారు. ఈ నేపథ్యాన గతంలోనే పూర్తి చేయాల్సిన ఆస్తుల లెక్కింపు పనులను చేపట్టకపోవడంతో ఒత్తిడి ఎదురవుతోంది. అటు ‘సర్‌’ విధులను చూడాలా.. ఇటు ఆస్తుల లెక్కించాలా అన్నది ప్రశ్నార్థకంగా మారింది. గ్రేటర్‌ వరంగల్‌ మున్సిపల్‌ అధికారులు ఆస్తుల లెక్కింపు చేపట్టగా.. 643 ప్రాంతాల్లోని స్థలాలకు సంబంధించి 594.83 ఎకరాల స్థలం, 300 భవనాలకు సంబంధించి 80,46,403 చదరపు అడుగుల విస్తీర్ణంలో భవనాల నిర్మాణాలు ఉన్నట్లు తేలింది. వీటి విలువ రూ.3,905.11 కోట్లుగా ఉంటుందని ఆ కార్పొరేషన్‌ అధికారులు లెక్కించారు. ఖమ్మం మున్సిపల్‌ కార్పొరేషన్‌లో కూడా దాదాపు అదే స్థాయిలో ఆస్తులు ఉంటాయనే చర్చ జరుగుతుంది. ‘సర్‌’ విధుల్లో ఉన్న అధికారులు మున్సిపల్‌ ఆస్తుల లెక్కింపు ఏ మేర పూర్తి చేస్తారో చూడాలి.

● ఉమ్మడి జిల్లాకు రెండు ఏఎస్పీ పోస్టులు ● ప్రతీ పీఎస్‌లో ప్రత్యేక అధికారి.. హైవేలపై పెట్రోలింగ్‌ భద్రాచలంఅర్బన్‌: రోడ్డు ప్రమాదాలను ముందుగానే కట్టడి చేయడంతో పాటు ట్రాఫిక్‌ నియంత్రణకు రాష్ట్ర ప్రభుత్వం కొత్త వ్యవస్థను తీసుకొచ్చింది. ప్రమాదం జరిగాక కేసు నమోదు, దర్యాప్తునకు పరిమితం కాకుండా.. ప్రమాద కారణాల అన్వేషణ, ఎలాంటి మార్పులు చేస్తే నివారించవచ్చో గుర్తించేలా ఇకపై దృష్టి సారించనున్నారు. ఇందుకోసం ‘తెలంగాణ ట్రాఫిక్‌ మేనేజ్‌మెంట్‌, రోడ్‌ అండ్‌ రైల్‌ సేఫ్టీ బ్యూరో’ (టీజీ–టీఎంఏఆర్‌ఎస్‌)ను ఏర్పాటు చేస్తూ ప్రభుత్వం ఈనెల 24న ఉత్తర్వులు జారీ చేసింది. ఇందులో భాగంగా ప్రతీ జిల్లాకు అదనపు ఎస్పీ(ట్రాఫిక్‌) పోస్టు మంజూరు చేయగా ఖమ్మం, భద్రాద్రి కొత్తగూడెం జిల్లాకు ఒక్కో అధికారిని నియమించనున్నారు. వీరి నేతృత్వాన ట్రాఫిక్‌ నిర్వహణ, రోడ్డు భద్రతా చర్యల పర్యవేక్షణ కొనసాగుతుంది. ‘గోల్డెన్‌ అవర్‌’లో వైద్యం ప్రమాదాలపై వెంటనే స్పందించేలా ప్రతీ పోలీసుస్టేషన్‌లో ఒకరికి ‘రోడ్‌ క్రాష్‌ రెస్పాన్స్‌ ఆఫీసర్‌’ బాధ్యతలు అప్పగిస్తారు. ప్రమాద సమాచారం తెలియగానే ఘటనాస్థలికి చేరడం, క్షతగాత్రులను ‘గోల్డెన్‌ అవర్‌’లో ఆస్పత్రికి తరలించి వైద్యం అందేలా చూడడం వీరి బాధ్యత. అంతేకాక ప్రమాదాలు డ్రైవర్ల నిర్లక్ష్యంతో జరిగాయని సరిపెట్టకుండా వాహనంలో లోపం, రహదారి పరిస్థితులపై అధ్యయనం చేయాల్సి ఉంటుంది. ఒకేచోట తరచూ ప్రమాదాలు జరిగితే బ్లాక్‌స్పాట్‌గా గుర్తించి లోపాలను సరిచేసేలా సంబంధిత శాఖల దృష్టికి తీసుకెళ్లాలి. ఇక హైవేలపై నిఘా మరింత పెంచేందుకు రహదారి పరిధిలోని పోలీసుస్టేషన్ల వద్ద ప్రత్యేక పెట్రోలింగ్‌ యూనిట్లు ఏర్పాటు చేస్తారు. డాష్‌బోర్డ్‌ కెమెరాలు, వాహనాల నంబర్‌ప్లేట్లను గుర్తించే పరికరాలు, స్పీడ్‌ డిటెక్టర్లు సమకూర్చడంతో పాటు అతివేగం, ఇతర ట్రాఫిక్‌ ఉల్లంఘనలపై నిఘా పెట్టనున్నారు. ఈ వ్యవస్థ నిర్వహణకు ‘ట్రాఫిక్‌ మేనేజ్‌మెంట్‌ ఫండ్‌’ ఏర్పాటుచేసి ట్రాఫిక్‌ జరిమానా, కాంపౌండింగ్‌ ఫీజుల నుంచి 40 శాతం మళ్లిస్తారు. ఈ నిధులతో పెట్రోలింగ్‌ వాహనాలు, సాంకేతిక పరికరాల కొనుగోలు, సిబ్బందికి శిక్షణతో పాటు అత్యవసర రోడ్డు భద్రతా పనులు చేపడతారు. రాష్ట్రస్థాయిలో ప్రత్యేక బ్యూరో, జిల్లాస్థాయిలో ట్రాఫిక్‌ ఏఎస్పీ, పోలీసుస్టేషన్‌ స్థాయిలో ప్రమాద స్పందన అధికారి ఉండేలా తీసుకొస్తున్న ఈ వ్యవస్థతో ప్రమాదాలపై స్పందన మొదలు నివారణ చర్యలు ఒకే గూటి కింద కొనసాగనున్నాయి.

ఖమ్మంమయూరిసెంటర్‌: అఖిల భారత రైతు కూలీ సంఘం (ఏఐకేఎంఎస్‌) నాలుగో జాతీయ మహాసభలు సోమవారం నుంచి మూడు రోజుల పాటు ఖమ్మంలో జరగనున్నాయని జాతీయ ఉపాధ్యక్షుడు జే.వీ.చలపతిరావు తెలిపారు. ఖమ్మంలో ఆదివారం ఏర్పాటు చేసిన విలేకరుల సమావేశంలో ఆయన మాట్లాడుతూ సోమవారం రైతులు, రైతు కూలీలతో భారీ ప్రదర్శన, ఎస్‌ఆర్‌అండ్‌బీజీఎన్‌ఆర్‌ కళాశాల మైదానంలో బహిరంగ సభ ఉంటుందని వెల్లడించారు. రెండో రోజైన మంగళవారం మహాసభల ప్రారంభ సమావేశం , అనంతరం ప్రతినిధుల సభలు ఉంటాయని తెలిపారు. గడిచిన పదేళ్లలో సాధించిన ప్రగతిపై సమీక్షించి భవిష్యత్‌ కార్యాచరణ రూపొందిస్తామని వివరించారు. రాష్ట్ర కార్యదర్శి గౌని ఐలయ్య మాట్లాడుతూ ఉమ్మడి తెలుగు రాష్ట్రాలతో పాటు పంజాబ్‌, ఉత్తరప్రదేశ్‌, ఒడిశా, బిహార్‌, పశ్చిమ బెంగాల్‌, అస్సాం, తమిళనాడు తదితరులు రాష్ట్రాల నుంచి ప్రతినిధులు సభలకు హాజరవుతారని తెలిపారు. బహిరంగ సభలో సంఘ జాతీయ ప్రధాన కార్యదర్శి డాక్టర్‌ ఆశిష్‌ మిట్టల్‌, ఉపాధ్యక్షులు నిర్భయ్‌ సింగ్‌, కార్యదర్శి బాలచందర్‌ షడంగీ ప్రసంగిస్తారని చెప్పారు. ఈ సమావేశంలో జాతీయ కార్యవర్గ సభ్యులు వి.కోటేశ్వరరావు, మండల వెంకన్న, రాష్ట్ర అధ్యక్షుడు ఎం.భిక్షపతి, కార్యవర్గ సభ్యులు బండారు ఐలయ్య, తాళ్లూరి వేణు, విప్లవ్‌కుమార్‌ తదితరులు పాల్గొన్నారు. జాతీయ ఉపాధ్యక్షుడు చలపతిరావు

621 కేంద్రాల్లో హాజరైన 26,726మందిఖమ్మం సహకారనగర్‌: నిరక్ష్యరాస్యులను అక్షరాస్యులుగా తీర్చిదిద్దాలనే లక్ష్యంతో ప్రభుత్వం ‘అండర్‌ స్టాండింగ్‌ ఆఫ్‌ లైఫ్‌లాంగ్‌ లెర్నింగ్‌ ఆల్‌ ఇన్‌ సొసైటీ(ఉల్లాస్‌)’ కార్యక్రమాన్ని నిర్వహిస్తోంది. ఈమేరకు అభ్యాసకులకు జిల్లాలోని వివిధ గ్రామపంచాయతీలు, పాఠశాలల్లో ఆదివారం పరీక్ష నిర్వహించారు. జిల్లాలో 621 కేంద్రాలు ఏర్పాటు చేయగా ఉదయం 9నుంచి సాయంత్రం 5గంటల వరకు వారికి అనుకూలమైన సమయాల్లో పరీక్ష రాసే వెసలుబాటు కల్పించారు. ఈక్రమాన 30,143మందికి గాను 26,726మంది పరీక్ష రాశారు. జిల్లాలో పరీక్ష ప్రశాంతంగా ముగిసిందని వయోజన విద్య డిప్యూటీ డైరెక్టర్‌ ప్రసాద్‌ తెలిపారు. కాగా, 25–30ఏళ్ల మహిళలు మొదలు వృద్ధుల వరకు పరీక్షకు ఆసక్తిగా హాజరుకావడం విశేషం.

● డిప్యూటీ సీఎం మల్లు భట్టివిక్రమార్క ● చింతకాని మండలంలో అభివృద్ధి పనులకు శంకుస్థాపనచింతకాని: గ్రామాల్లోనూ పర్యాటక ప్రాంతాలను అభివృద్ధి చేసేందుకు తమ ప్రభుత్వం ప్రాధాన్యత ఇస్తోందని డిప్యూటీ సీఎం మల్లు భట్టి విక్రమార్క వెల్లడించారు. తద్వారా గ్రామీణ ప్రాంతాలకు కొత్త శోభ రావడమేకాక స్థానికులకు ఉపాధి అవకాశాలు మెరుగుపడతాయని తెలిపారు. చింతకాని మండలంలోని పలు గ్రామాల్లో అభివృద్ధి పనులకు డిప్యూటీ సీఎం ఆదివారం కలెక్టర్‌ దివాకర టీ.ఎస్‌., సీపీ సునీల్‌దత్‌తో కలిసి శంకుస్థాపన చేశారు. చింతకానిలోని నల్లచెరువు వద్ద రూ.7.90 కోట్లతో చేపట్టనున్న పర్యాటక వసతుల కల్పన, పందిళ్లపల్లి – అనంతసాగర్‌ మీదుగా చింతకాని జెడ్పీ రోడ్డు వరకు రూ. 4 కోట్లతో నిర్మించనున్న బీటీ రోడ్డు, జగన్నాథపురంలో ఖమ్మం–బోనకల్‌ ఆర్‌అండ్‌బీ రోడ్డు నుంచి న్యూ మార్కెట్‌ మీదుగా మత్కేపల్లి– పందిళ్లపల్లి వరకు రూ.4.50 కోట్లతో బీటీ రోడ్డు, నరసింహాపురం ఎస్సీ కాలనీలో రూ.18 లక్షలతో సీసీ రోడ్ల నిర్మాణం, నాగులవంచ నుంచి రైల్వే కాలనీ ఆర్‌ అండ్‌ బీ రోడ్డు అండర్‌పాస్‌ వరకు రూ. 5 కోట్లతో నిర్మించే బీటీ రోడ్డు నిర్మాణ పనులకు శంకుస్థాపన చేశాక ఆయన మాట్లాడుతూ పర్యాటక ప్రాంతాల్లో వసతులను మెరుగుపరచడం ద్వారా ప్రజలకు ఆహ్లాదకరమైన వాతావరణం కల్పించడంతో పాటు స్థానికంగా ఉపాధి అవకాశాలు పెరుగుతాయని తెలిపారు. పనులు నాణ్యతతో పూర్తయ్యేలా ప్రజాప్రతినిధులు పర్యవేక్షించాలని సూచించారు. సర్పంచ్‌లు వత్సవాయి పద్మ, తాళ్లూరి స్వప్న, కంచం ద్రౌపతి, కిలారు మనోహర్‌బాబు, లోయ ఉపేందర్‌, సుడా చైర్మన్‌ పువ్వాళ్ల దుర్గాప్రసాద్‌, మాజీ ఎమ్మెల్సీ బాలసాని లక్ష్మీనారాయణ, నాయకులు రాయల నాగేశ్వరరావు, నాయడు సత్యం, మాజీ ఎమ్మెల్యే కొండబాల కోటేశ్వరరావు, పీఆర్‌, విద్యుత్‌ శాఖ, ఆర్‌అండ్‌బీ ఎస్‌ఈలు వెంకట్‌రెడ్డి, శ్రీనివాసాచారి, యుగంధర్‌రావు, సీసీఓ శ్రీనివాస్‌ తదితరులు పాల్గొన్నారు. బూత్‌ లెవల్‌ ఏజెంట్లే మూలస్తంభాలు కాంగ్రెస్‌ పార్టీ సిద్ధాంతాలు, ప్రభుత్వ సంక్షేమ పథకాలను ప్రజల్లోకి తీసుకెళ్లే బూత్‌ లెవల్‌ ఏజెంట్లే (బీఎల్‌ఏలు) పార్టీకి మూల స్తంభాలని, వారికి పార్టీ, ప్రభుత్వం అండగా ఉంటుందని డిప్యూటీ సీఎం భట్టి విక్రమార్క తెలిపారు. చింతకాని మండలం నాగులవంచలో కాంగ్రెస్‌ బీఎల్‌ఏల ఆత్మీయ సమావేశంలో ఆయన మాట్లాడుతూ కన్నతల్లి వంటి పార్టీలో కష్టపడే ప్రతీ కార్యకర్త శ్రమకు తగిన గౌరవం లభిస్తుందన్నారు. పీసీసీ పరిశీలకులు దుద్దిళ్ల శ్రీను బాబు, కాంగ్రెస్‌ జిల్లా, మండల అధ్యక్షులు నూతి సత్యనారాయణగౌడ్‌, కన్నెబోయిన గోపి తదితరులు పాల్గొన్నారు. కాగా, చిన్నమండవ గ్రామాభివృద్దికి నిధులు మంజూరు చేసి అభివృద్ధికి సహకరించాలని సర్పంచ్‌ పర్చా రామచంద్రరావు డిప్యూటీ సీఎంకు వినతిపత్రం అందజేశారు. నాయకులు జమ్ముల జితేందర్‌రెడ్డి, ఏనుగు గాంధీ, బెజవాడ రవి, పాల్గొన్నారు. అలాగే, నర్సింహాపురంలో ఇటీవల మృతి చెందిన కాంగ్రెస్‌ నాయకుడు నన్నక లచ్చయ్య కుటుంబాన్ని డిప్యూటీ సీఎం పరామర్శించారు.బోనకల్‌: వచ్చే మార్చికల్లా యంగ్‌ ఇండియా ఇంటిగ్రేటెడ్‌ స్కూల్‌ నిర్మాణం పూర్తిచేసి అందుబాటులోకి తీసుకురావాలని డిప్యూటీ సీఎం మల్లు భట్టివిక్రమార్క ఆదేశించారు. బోనకల్‌ మండలం లక్ష్మీపురంలో స్కూల్‌ నిర్మాణ పనులను ఆయన కలెక్టర్‌ దివాకరతో కలిసిపరిశీలించారు. అకడమిక్‌ బ్లాక్‌లు, హాస్టళ్లు, పేరెంట్స్‌ వెయిటింగ్‌ హాల్‌, కిచెన్‌, డైనింగ్‌ హాళ్ల నిర్మాణ పురోగతిపై ఆరా తీసి సూచనలు చేశారు. అవసరమైతే అదనంగా యంత్రాలు, కార్మికులను సమకూర్చుకోవాలని తెలిపారు. వైరా ఎమ్మెల్యే రాందాస్‌ నాయక్‌, సుడా చైర్మన్‌ పువ్వాళ్ల దుర్గాప్రసాద్‌, వివిధ శాఖల అధికారులు బుగ్గయ్య, శ్రీనివా సాచారి, యుగంధర్‌రావు, వెంకటరెడ్డి, శ్రీని వాస్‌ పాల్గొన్నారు. కాగా, ఎస్‌టీఎఫ్‌ రాష్ట్ర అధ్యక్షుడు దేవరకొండ సైదులు, సీఆర్పీల సంఘం రాష్ట్ర అధ్యక్షుడు షేక్‌ మహబూబ్‌పాషా తదితరులు భట్టిని కలిసి సీఆర్పీల సమస్యలపై వినతిపత్రం అందజేశారు.

ఖమ్మంక్రైం: గతంలో జిల్లాలో ఎక్కడ ద్విచక్రవాహనాల చోరీ జరిగినా నిందితులు ఆంధ్రప్రదేశ్‌లోని విజయవాడ ఆటోనగర్‌ తదితర ప్రాంతాల్లో అమ్మేవారు. దీంతో రికవరీ కూడా పోలీసులకు సులువుగా ఉండేది. ఆతర్వాత నిందితులు అడ్డా మార్చి ఇతర ప్రాంతాల్లో అమ్మడం మొదలుపెట్టారు. అయితే, ఇటీవల చోరీ అవుతున్న వాహనాలు మాత్రం ఒడిశాకు చేరుతున్నాయి. వాహనాలను అక్కడకు తీసుకెళ్లి గంజాయి మాఫియాకు అప్పగించి ఆ వాహనం విలువకు సరిపడా గంజాయి తీసుకొస్తున్న నిందితులు ఇక్కడ అమ్ముతున్నట్లు తెలిసింది. కొద్దినెలలుగా ౖచోరీ కేసుల విచారణలో పోలీసులు ఈ విషయాన్ని గుర్తించినట్లు సమాచారం. జిల్లాలో పలువురు యువత గంజాయికి బానిసలై, ఆ తర్వాత డబ్బు కోసం అమ్మకాలు మొదలుపెడుతున్నట్లు తెలిసింది. ఈక్రమాన గంజాయికి కావాల్సిన నగదు కోసం కొందరు బైక్‌ల చోరీ పాల్పడుతున్నట్లు సమాచారం. బస్టాండ్లు, రైల్వేస్టేషన్లు, షాపింగ్‌మాళ్లు ఇతర రద్దీ ప్రాంతాల్లో పార్కింగ్‌ చేసిన వాహనాలు చోరీ చేస్తున్నారు. ఈమేరకు పోలీసులు సీసీ కెమెరాల ఫుటేజీలను పరిశీలించగా నిందితులు ఎక్కువ మంది యువకులే ఉన్నట్టు గుర్తించారు. ఈక్రమాన మరింత లోతుగా విచారణ చేపట్టడం.. ఇటీవల పట్టుబడిన ఓ వ్యక్తిని విచారించగా చోరీ చేసిన బైక్‌లను ఒడిశాకు తీసుకెళ్తున్నట్లు బయటపడింది. యువకులు తీసుకెళ్లిన ద్విచక్ర వాహనం కంపెనీ, మోడల్‌ ఆధారంగా అక్కడి మాఫియా ధర నిర్ణయిస్తున్నట్లు తెలిసింది. ఆ ధర ఆధారంగా గంజాయి ఇస్తున్నారని సమాచారం. అయితే, కొందరు మాత్రం రూ.లక్ష విలువైన బైక్‌కు కూడా రూ.20వేలకు మించి గంజాయి ఇవ్వడం లేదని ప్రచారం జరుగుతోంది. అయినా గంజాయికి అలవాటు పడిన యువత ఇక్కడకు తీసుకొచ్చి, ఎక్కువ ధరకు అమ్మి సొమ్ము చేసుకుంటున్నట్లు తెలిసింది. జిల్లాలో గత ఏడాది 170 ద్విచక్రవాహనాలు చోరీ అయ్యాయి. ఇందులో 103 బైక్‌లను పోలీసులు రికవరీ చేశారు. ఈ ఏడాది మాత్రం ఇప్పటివరకు 105 బైక్‌లు చోరీ అయితే 51 మాత్రమే రికవరీ చేయగలి గారు. నిందితులు ఎక్కువగా ఒడిశా రాష్ట్రానికి తీసుకెళ్లి అమ్ముతుండడంతో గుర్తింపు, రికవరీ ఆలస్యమవుతోందని సమాచారం. ఇటీవల పట్టుబడిన ఓ నిందితుడి ద్వారా విషయం తెలియడంతో పోలీసులు తదుపరి చర్యలకు సిద్ధమవుతున్నట్లు తెలిసింది.జిల్లాలో బైక్‌ల చోరీ వెనుక గంజాయి లింక్‌లు

ఖమ్మంమయూరిసెంటర్‌: తెలంగాణ సాధనకు కృషి చేసిన అలుపెరగని పోరాట యోధుడు ఆచార్య కొండా లక్ష్మణ్‌ బాపూజీ అని జిల్లా గ్రంథాలయ సంస్థ చైర్మన్‌ మహ్మద్‌ ఖాదర్‌బాబా అన్నారు. జిల్లా బీసీ అభివృద్ధి శాఖ ఆధ్వర్యాన ఆదివారం నిర్వహించిన బాపూజీ జయంతి వేడుకల్లో భాగంగా లకారం ట్యాంక్‌బండ్‌ వద్ద ఆయన విగ్రహానికి పూలమాలలు వేసి నివాళులర్పించారు. అనంతరం ఖాదర్‌బాబా మాట్లాడు తూ తెలంగాణ కోసం మంత్రి పదవిని త్యజించిన బాపూజీ తదితరుల త్యాగాలే ఆ తర్వాత మార్గం చూపాయని తెలిపారు. జిల్లా బీసీ అభివృద్ధి అధికారి జి.జ్యోతి, నాయకులు చిలకమర్రి శ్రీనివాసబాబు, జల్ల లక్ష్మీనారాయణ, పెండెం జనార్దన్‌, కమర్తపు గోపాలరావు, బండారు శ్రీను, మల్కా సురేష్‌, పిల్లలమర్రి కొండలరావు, పులిపాటి సంపత్‌కుమార్‌, చందా వీరభద్రం, పెందోట సోమేశ్వరాచారి పాల్గొన్నారు. ఎంజీబీఎస్‌కు మరిన్ని నాన్‌స్టాప్‌ సర్వీసులు ఖమ్మంమయూరిసెంటర్‌: ఖమ్మం నుంచి హైదరాబాద్‌ వెళ్లే ప్రయాణికుల కోసం నాన్‌స్టాప్‌ ఏసీ సర్వీసుల సంఖ్య పెంచినట్లు ఖమ్మం డిపో మేనేజర్‌ ఎం.శివప్రసాద్‌ తెలిపారు. గతంలో 33 ట్రిప్పులు ఉండగా.. 44కు పెంచామని పేర్కొన్నారు. ఈ సర్వీసుల్లో ఖమ్మం నుంచి ఎంజీబీఎస్‌కు మూడు గంటలే పడుతుందని తెలిపారు. ఖమ్మం నుంచి వెళ్లడం, తిరుగు ప్రయాణంలో ప్రతీ 20 – 30 నిమిషాలకు ఒక బస్సు ఉంటుందని వెల్లడించారు. నేటి నుంచి బ్యాంకు ఉద్యోగుల సమ్మె ఖమ్మంగాంధీచౌక్‌: వారంలో ఐదు రోజుల పని దినాలు అమలుచేయడమే కాక ఇతర సమస్యల పరిష్కారం కోసం బ్యాంకు ఉద్యోగులు సోమవారం నుంచి మూడు రోజుల సమ్మె చేయనున్నారు. యునైటెడ్‌ ఫోరమ్‌ ఆఫ్‌ బ్యాంక్‌ యూని యన్స్‌(యూఎఫ్‌బీయూ), ఆలిండియా రూరల్‌ బ్యాంక్‌ ఎంప్లాయీస్‌ అసోసియేషన్‌(ఏఐఆర్‌ఆర్‌బీఈఏ) ఆధ్వర్యంలో సోమవారం నుంచి బుధవారం వరకు సమ్మె జరగనుంది. ఈమేరకు ఉద్యోగులు పాల్గొని విజయవంతం చేయాలని బ్యాంక్‌ ఉద్యోగ సంఘాల ప్రతినిధులు క్రాంతికుమార్‌, మక్కడ్‌ అశోక్‌, కట్ల కోటయ్య, సంతోష్‌కుమార్‌, రామకృష్ణ, శ్రీనివాస్‌లు ఒక ప్రకటనలో కోరారు. కాగా, సమ్మె నేపథ్యాన ఖాతాదారులు ఇబ్బంది పడకుండా ఆదివారం బ్యాంకులకు పని దినంగా పాటించారు. వెల్‌నెస్‌ సెంటర్‌లో ఖాళీల భర్తీకి దరఖాస్తులు ఖమ్మం సహకారనగర్‌: జిల్లా జనరల్‌ ఆస్పత్రిలోని ఈహెచ్‌ఎస్‌ వెల్‌నెస్‌ సెంటర్‌లో ఖాళీలను ఔట్‌సోర్సింగ్‌ విధానంలో భర్తీ చేయనున్నట్లు కలెక్టర్‌ దివాకర తెలిపారు. ఒక మెడికల్‌ ఆఫీసర్‌, ఇద్దరు డెంటల్‌ డాక్టర్లు, ఇద్దరు ఫిజి యోథెరపిస్టులతో పాటు ల్యాబ్‌ టెక్నీషి యన్‌, నర్సింగ్‌ ఆఫీసర్‌, ఫార్మసిస్ట్‌ పోస్టులు భర్తీ చేయనుండగా, అర్హులు అక్టోబర్‌ 12లోగా దరఖాస్తు చేసుకోవాలని సూచించారు. నిబంధనలకు లోబడి ఏజెన్సీ ద్వారా తాత్కాలిక విధానంలో నియామకాలు ఉంటాయని తెలిపారు. వివరాలు, దరఖాస్తు ఫారాల కోసం www. gghkhammam.com వెబ్‌సైట్‌లో సంప్రదించాలని కలెక్టర్‌ తెలిపారు.

ఖమ్మం రాపర్తినగర్‌: ప్రకృతి అందాలకు జిల్లా నెలవుగా ఉందని అటవీ శాఖ జిల్లా అధికారి అనూజ్‌ అగర్వాల్‌ తెలిపారు. ఈమేరకు ప్రకృతిని ఆస్వాదించేలా పర్యాటక శాఖ ఏర్పాట్లు చేస్తుండడం అభినందనీయమన్నారు. ప్రపంచ పర్యాటక దినోత్సవం సందర్భంగా ఆదివారం ఖమ్మం లకారం ట్యాంక్‌బండ్‌ వద్ద ఏర్పాటుచేసిన సమావేశంలో ఆయన మాట్లాడారు. ఖమ్మం ఖిల్లా, పులిగుండాల, నేలకొండపల్లిలోని బౌద్ధ స్తూపం వంటి ఎన్నో పర్యాటక, చారిత్రక ప్రదేశాలు ఉన్న నేపథ్యాన ఈ ఖ్యాతిని నిలబెట్టేందుకు అందరూ కృషి చేయాలని సూచించారు. అనంతరం డీఐఈఓ రవిబాబు, జిల్లా పర్యాటక శాఖ అధికారి సుమన్‌ చక్రవర్తి మాట్లాడుతూ ఏటా పర్యాటక దినోత్సవాన్ని ఘనంగా నిర్వహిస్తున్నామనితెలిపారు. అనంతరం వివిధ పోటీల్లో విజేతలైన విద్యార్థులకు బహుమతులు అందజేశారు. ఆతర్వాత విద్యార్థులు, కళాకారుల సాంస్కృతిక ప్రదర్శనలు ఆకట్టుకున్నాయి. పర్యాటక దినోత్సవంలో డీఎఫ్‌ఓ అనూజ్‌

● పదో తరగతి, ఇంటర్‌లో ప్రవేశాలకు అవకాశం ● ఈనెల 30వ తేదీ వరకు గడువుఖమ్మంసహకారనగర్‌: చదువు మధ్యలో మానేసిన వారితో పాటు ఎలాంటి విద్యార్హతలు లేని వారికి ఓపెన్‌ స్కూల్‌ విధానం వరంలా మారుతోంది. అలాగే, తక్కువ విద్యార్హతతో ఉద్యోగాలు చేస్తూ పదోన్నతుల కోసం ప్రయత్నిస్తున్న వారికి ఈ విధానం ఉపయోగపడనుంది. రెగ్యులర్‌గా చదివే వారితో సమాన అవకాశాలు ఉన్నందున ఓపెన్‌ స్కూల్‌ విధానంలో చదివేందుకు వయస్సుతో సంబంధం లేకుండా ఆసక్తి చూపిస్తున్నారు. ఉన్నత విద్య, ఉద్యోగాలే కాక డ్రైవింగ్‌ లైసెన్స్‌, పాన్‌కార్డ్‌ తదితర అవసరాలకు కూడా విద్యార్హత సర్టిఫికెట్‌ ఉపయోగపడుతుందనే భావనతో పలువురు ముందుకొస్తున్నారు. జిల్లాలో 27 అభ్యసన కేంద్రాలు ఖమ్మం జిల్లాలో ఓపెన్‌ స్కూల్‌ విధానంలో పదో తరగతి, ఇంటర్‌మీడియట్‌ బోధనకు 27 అభ్యసన కేంద్రాల ఉన్నాయి. ఈ ఏడాది ఆగస్టు 31 నాటికి 14 ఏళ్లు నిండిన వారు పదో తరగతికి అర్హులు. టీసీ, రికార్డు షీట్‌ లేదా సంబంధిత అధికారి జారీ చేసిన పుట్టిన తేదీ సర్టిఫికెట్‌ సరిపోతుంది. ఇక 15ఏళ్లు నిండి పదో తరగతి పాసైన వారంతా ఇంటర్మీడియట్‌ చదవొచ్చు. ప్రతీనెలా ఆదివారం, రెండో శనివారంతో పాటు ఇతర సెలవు దినాల్లో తరగతులు నిర్వహించనున్నారు. ఈనెల 30వ తేదీ వరకు గడువు.. ఓపెన్‌ స్కూల్‌లో ప్రవేశం పొందాలనుకునే వారు ఈనెల 30 తేదీలోగా నిర్ణీత రుసుము చెల్లించి అధ్యయన కేంద్రంలో దరఖాస్తులు సమర్పించాల్సి ఉంటుంది. www. telanganaopenschools. org వెబ్‌సైట్‌లో సొంతంగా దరఖాస్తు చేసుకోవచ్చు. లేదంటే మీ సేవ, ఏపీ ఆన్‌లైన్‌ కేంద్రాల్లో సైతం రుసుం చెల్లించి దరఖాస్తు చేసుకునే అవకాశముంది. ఫీజుల వివరాలిలా... పదో తరగతిలో ప్రవేశానికి ఓసీ పురుషులు రూ.1,500, ఎస్సీ, ఎస్టీ, బీసీలు, దివ్యాంగులు, మైనార్టీలు, మహిళలైతే రూ.1,150 చెల్లించాలి. ఇంటర్మీడియట్‌కు జనరల్‌ పురుషులు రూ.1,800, మహిళలు, ఇతర కేటగిరీల వారు రూ.1,500తో పాటు జీఎస్‌టీ, సర్వీస్‌ చార్జీలు అదనంగా చెల్లించాల్సి ఉంటుంది. అనంతరం అధ్యయన కేంద్రంలో దరఖాస్తు ఫారాలు సమర్పించాలి. ఏడాది పదో తరగతి ఇంటర్‌మీడియట్‌ 2023–24 789 881 2024–25 607 797 2025–26 2089 2,251 2026–27 451 735 (ఇప్పటి వరకు)ఓపెన్‌ స్కూల్‌ ద్వారా జారీ సర్టిఫికెట్లను రెగ్యులర్‌ కోర్సులతో సమానంగా పరిగణనలోకి తీసుకుంటారు. దీంతో ఉన్నత విద్య, ఉద్యోగాలు, పదోన్నతులకు ఉపయోగించుకోవచ్చు. గతంలో పదో తరగతి, ఇంటర్‌ పూర్తిచేసిన పలువురు ఉన్నత విద్య చదివారు. ఈనెల 30వ తేదీ వరకు దరఖాస్తుకు అవకాశం ఉన్నందున అర్హులు సద్వినియోగం చేసుకోవాలి. – కూరపాటి మంగపతిరావు, ఓపెన్‌ స్కూల్‌ ఉమ్మడి జిల్లా కోఆర్డినేటర్‌

భద్రాచలంటౌన్‌: భద్రాచలం వద్ద గోదావరి నీటిమట్టం ఆదివారం రాత్రి 8 గంటలకు 42.8 అడుగులకు చేరడంతో మొదటి ప్రమాద హెచ్చరికకు దగ్గరలో ఉంది. అయితే, ఎగువ ప్రాంతాల్లో వర్షాలు తగ్గడంతో రాత్రి నుంచి గోదావరి క్రమంగా తగ్గే అవకాశం ఉందని అధికారులు అంచనా వేస్తున్నారు. శనివారం అర్ధరాత్రి 12 గంటలకు 35.80 అడుగులుగా ఉన్న నీటిమట్టం ఆదివారం తెల్లవారుజామున 4గంటలకు 38.70 అడుగులు, ఉదయం 7 గంటలకు 40.40, సాయంత్రం 4 గంటలకు 42 అడుగులకు చేరింది. అనంతరం 5–30 గంటలకు 42.5 అడుగులకు చేరుకుంది. మహారాష్ట్ర, ఛత్తీస్‌గఢ్‌ ప్రాంతాల్లో వర్షాలు తగ్గడంతో వరద క్రమంగా తగ్గే అవకాశం ఉందని అధికారులు భావిస్తున్నారు. నీటమునిగిన సీతమ్మ విగ్రహం.. దుమ్ముగూడెం: మండలంలోని పర్ణశాల శ్రీ సీతారామచంద్రస్వామి ఆలయం వద్ద నారచీరల ప్రాంతం పూర్తిగా నీట మునిగింది. గోదావరికి ఎగువ నుంచి భారీగా వరద వస్తుండడంతో సీత వాగులోకి చేరి నారచీరల ప్రాంతంతో పాటు సీతమ్మ విగ్రహం మునిగిపోవడమే కాక వరద రహదారిపైకి చేరింది. నీట మునుగుతున్న పొలాలు చర్ల: గోదావరి బ్యాక్‌ వాటర్‌ చర్ల మండలంలోని పంట చేలను ముంచెత్తుతోంది. మండలంలోని దేవరాపల్లి, కుదునూరు, తేగడ, దండుపేట, కొత్తపల్లి తదితర గ్రామాల్లోని చేన్లలోకి వరద చేరి పంటలు ముంపునకు గురయ్యాయి. దేవరాపల్లి, కుదునూరు మధ్యలోని జోడిచీలికలవాగు, తేగడ, దండుపేట సమీపాన తాలిపేరు నుంచి వచ్చిన గోదావరి బ్యాక్‌వాటర్‌ ఆదివారం సాయంత్రానికి ముంచెత్తగా మిర్చి, వరి పంటలు మునిగిపోయాయి. రాత్రి నుంచి తగ్గుముఖం పట్టే అవకాశం

ఖమ్మంగాంధీచౌక్‌: మానవ జీవితాన్నీ ప్రతిబింబించేలా రాచమళ్ల ఉపేందర్‌ కథలు ఉన్నాయని కాళోజీ అవార్డు గ్రహిత సీతారాం పేర్కొన్నారు. అక్షరాల తోవ సాహిత్య సంస్థ ఆధ్వర్యా న ఖమ్మంలో ఆదివారం నిర్వహించిన సమావేశంలో ఉపేందర్‌ రచించిన ‘ఉడికిన మెతుకు’ కథల సంపుటి, ‘అక్షరానుభూతి’ సమీక్షల సంకలనం పుస్తకాలను ఆవిష్కరించారు. ఈ సందర్భంగా సీతారాం మాట్లాడుతూ రాచమల్ల చుట్టూ జరిగే ఘటనలను విస్తృతంగా పరి శీలిస్తారని, అందుకే అద్భుతమైన కథలు రాశారని కొనియాడారు. ఈ కార్యక్రమానికి నామా పురుషోత్తం, సయ్యద్‌ షఫీ అధ్యక్షత వహించగా కవులు, రచయితలు పొత్తూరు సీతారామారావు, కన్నెగంటి వెంకటయ్య, కోండ్రు బ్రహ్మం, వురిమల్ల సునంద, కోమాకుల సీతారాములు, లెనిన్‌ శ్రీనివాస్‌ పాల్గొన్నారు. నెట్‌బాల్‌ జట్ల ఎంపిక పోటీలు ఖమ్మం స్పోర్ట్స్‌: ఉమ్మడి జిల్లాస్థాయి సబ్‌ జూని యర్‌, జూనియర్‌ బాలబాలికల నెట్‌బాల్‌ జట్ల ఎంపికకు ఆదివారం పోటీలు నిర్వహించారు. ఖమ్మంలోని హార్వెస్ట్‌ పబ్లిక్‌ స్కూల్‌లో నిర్వహించిన ఈ పోటీలకు 120మంది క్రీడాకారులు హాజరయ్యారు. వీరిలో ప్రతిభ కనబరిచిన క్రీడాకారులకు పదిరోజుల శిక్షణ ఇచ్చాక, తుది జట్టుకు ఎంపిక చేస్తామని నిర్వాహకులు తెలి పారు. హార్వెస్ట్‌ విద్యాసంస్థల కరస్పాడెంట్‌ పి. వరవిమారుత్‌తో పాటు డాక్టర్‌ రవి, సీహెచ్‌.దీపిక, ఎన్‌.ఫణికుమార్‌ పాల్గొన్నారు. త్వరలోనే జాతీయస్థాయి కరాటే పోటీలు ఖమ్మం స్పోర్ట్స్‌: జిల్లా జూనియర్‌ కళాశాలల క్రీడా సంఘం ఆధ్వర్యంలో ఖమ్మంలో రాష్ట్ర, జాతీయస్థాయి కరాటే పోటీలు నిర్వహించనున్నట్లు డీఐఈ ఓ రవిబాబు తెలిపారు. ఈ పోటీ ల తేదీలు త్వరలోనే ఖరారవుతాయని పేర్కొన్నారు. తొలిసారి ఖమ్మంలో జాతీయస్థాయి పోటీలు నిర్వహించనుండడంతో అందుకు అనుగుణంగా ఏర్పాట్లు చేస్తామని తెలిపారు. పోటీల విజయవంతానికి కరాటే మాస్టర్లు భాగస్వాములు కావాలని కోరారు. ‘ఉపాధ్యాయులే లేకుండా తనిఖీలా?’ఖమ్మంసహకారనగర్‌: ప్రభుత్వ ప్రాథమిక పాఠ శాలల్లో సరిడా బోధనా సిబ్బంది లేకుండానే ప్యా నల్‌ ఇన్‌స్పెక్షన్‌ పేరుతో తనిఖీలు చేపట్టడం సరి కాదని తెలంగాణ స్టేట్‌ ప్రైమరీ టీచర్స్‌ అసోసియేషన్‌(టీఎస్‌పీటీఏ) జిల్లాఅధ్యక్ష, ప్రధాన కార్యదర్శులు షేక్‌ హసన్‌, ఎన్‌.రామకృష్ణ పేర్కొన్నా రు. పాఠశాలల్లో పూర్తి స్థాయిలో ఉపాధ్యాయులు, వసతులు కల్పించకుండానే తనిఖీల పేరుతో ఆందోళనకు గురిచేయడం గర్హనీయమన్నారు. గత బుధవారం జగిత్యాల జిల్లా గొల్లపల్లి మండలం చిల్వకోడూరు ప్రాథమిక పాఠశాల ఉపాధ్యాయుడు బి.ప్రశాంత్‌ పని వత్తిడి తట్టుకోలేక ఆత్మహత్యాయత్నానికి పాల్పడ్డాడని తెలి పారు. ఇకనైనా ప్రభుత్వం స్పందించి తనిఖీలు నిలిపివేయాలని వారు ఓ ప్రకటనలో డిమాండ్‌ చేశారు. సంజ్ఞా భాషకు గుర్తింపు, ప్రచారం కల్పించాలి ఖమ్మంమయూరిసెంటర్‌: బధిరులపై ప్రభుత్వం నిర్లక్ష్యాన్ని విడనాడి సంక్షేమంపై దృష్టి సా రించాలని బధిరుల సంఘం జిల్లా అధ్యక్ష, కార్యదర్శులు శ్రీధర్‌, రామకృష్ణ కోరారు. ప్రపంచ సంజ్ఞాభాష దినోత్సవాన్ని పురస్కరించుకుని ఖమ్మం రామనర్సయ్య విజ్ఞాన కేంద్రంలో ఆదివారం నిర్వహించిన సమావేశంలో ఉమ్మడి జిల్లాకు చెందిన బధిరులు పాల్గొన్నారు. ఈ సందర్భంగా అధ్యక్ష, కార్యదర్శులు మాట్లాడుతూ ప్రభుత్వం సంజ్ఞా భాషను గుర్తించి తగిన ప్రచారం కల్పించా లని కోరారు. అన్ని ప్రభుత్వ, ప్రైవేటు కార్యాలయాలలో సంజ్ఞాభాషపై అవగాహన కల్పిం చాలన్నారు. విరివిగా వాడేలా ప్రోత్సహించాలని కోరారు. కార్యక్రమంలో వీరస్వామి, మహేష్‌, సరిత, సాయికుమారి తదితరులు పాల్గొన్నారు. అనంతరం హక్కులు, సంజ్ఞా భాష ప్రాముఖ్యతపై జయరాం, ప్రభాకర్‌ ప్రసంగించారు. రూ.25వేల విలువైన గంజాయి స్వాధీనం ఖమ్మంక్రైం: ఖమ్మం టూటౌన్‌ పోలీస్‌ స్టేషన్‌ పరిధిలో పోలీసులు ఆదివారం చేపట్టిన తనిఖీ ల్లో గంజాయిని స్వాధీనం చేసుకున్నారు. ఒడిశా ప్రాంతం నుంచి ద్విచక్రవాహనంపై గంజాయిని తీసుకురాగా, వాహనం మారుస్తున్న వారు పోలీ సులను చూసి పారిపోయేందుకు యత్నించారు. ఈమేరకు వెంబడించడంతో ఇద్దరు మైనర్లు పట్టుబడ్డారు. వీరి నుంచి రూ.25వేల గంజాయి స్వాధీనం చేసుకున్నట్లు ఎస్సై రమేష్‌ తెలిపారు. ఇద్దరు మైనర్లతో పాటు షేక్‌ గోరేమియా, చెరుకూరి సురేష్‌కుమార్‌, షేక్‌ ముషారఫ్‌, గజ్జి చరణ్‌పై కేసు నమోదు చేసినట్లు వెల్లడించారు.

వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియంలో నిర్వహించిన 12వ రాష్ట్ర అథ్లెటిక్‌ చాంపియన్‌షిప్‌ పోటీలు ఆదివారం ముగిశా యి. అండర్‌– 14,16, 18,20 బాలబాలికలు, మెన్‌ అండ్‌ ఉమె న్‌ విభాగాల్లో జరిగిన పోటీల్లో 1,500 మంది క్రీడాకారులు పాల్గొనగా.. 220 ఈవెంట్లు నిర్వహించినట్లు వరంగల్‌ జిల్లా అథ్లెటిక్స్‌ అసోసియేషన్‌ కార్యదర్శి ఊర యుగేంధర్‌రెడ్డి తెలిపారు. జిల్లాల వారీగా క్రీడాకారులు నువ్వా,నేనా అన్నట్లు పోటీపడగా 111 పాయింట్లతో భద్రాద్రి కొత్తగూడెం ఓవరాల్‌ చాంపియన్‌షిప్‌ను కై వసం చేసుకుంది. కాగా, బాలికల అండర్‌–18 విభాగంలో 22 పాయింట్లు, అండర్‌–20లో 28 పాయింట్లతో భద్రాద్రి జిల్లా అథ్లెట్లు విజేతలుగా నిలి చారు. సీనియర్‌ ఉమెన్‌ కేటగిరీలో 18 పాయింట్లతో ఖమ్మం జిల్లా అథ్లెట్లు ట్రోఫీ అందుకున్నారు. అలాగే, బాలుర సీనియర్‌ మెన్‌ చాంపియన్‌షిప్‌ను 32 పాయింట్లతో ఖమ్మం ట్రోఫీ దక్కించుకుంది. విజేతలకు తెలంగాణ అథ్లెటిక్స్‌ అసోసియేషన్‌ రాష్ట్ర కార్యదర్శి సారంగపాణి, తెలంగాణ అథ్లెటిక్స్‌ సంఘం నిర్వహణ కార్యదర్శి వెంకటేశ్వర్‌రెడ్డి ట్రోఫీలు అందజేశారు. జిల్లా క్రీడాకారులకు 26 పతకాలు సూపర్‌బజార్‌(కొత్తగూడెం): హనుమకొండలోని జవహర్‌లాల్‌ నెహ్రూ స్టేడియంలో జరిగిన రాష్ట్ర స్థాయి జూనియర్‌ అథ్లెటిక్‌ టోర్నీలో జిల్లా క్రీడాకారులు ఓవరాల్‌ చాంపియన్‌ షిప్‌ సాధించగా, 12 బంగారు, ఎనిమిది రజత, ఆరు కాంస్య పతకాలు గెలుచుకున్నారని అథ్లెటిక్స్‌ అసోసియేషన్‌ జిల్లా కార్యదర్శి కె.మహీధర్‌ తెలిపారు. క్రీడాకారులు ఎం.శ్రీవిద్యాదొర, షేక్‌ ముబీన్‌, తోలేం శ్రీతేజ, షేక్‌ రియాజ్‌ పాషా, మధుప్రియ, వేదశ్రీ, సాయిఆదిత్య, అభినవ్‌నాయక్‌, పవన్‌, దివ్య, అక్షిత, సిద్ద వినయ్‌, బి.పల్లవి, బి.సౌమ్య, ఎస్‌కే.అమ్రిన్‌, కె.నవ్య, బి.పృథ్విక, గౌరి, గోవింద్‌, బి.హర్షిణి పతకాలు సాధించగా, క్రీడాకారులు, కోచ్‌లు పి.నాగేందర్‌, డి.మల్లికార్జున్‌రావు, జె.గిరిప్రసాద్‌ను డీవైఎస్‌ఓ ఎం.పరంధామరెడ్డి తదితరులు ఆదివారం అభినందించారు.

భద్రాచలం: భద్రాచలంలోని శ్రీ సీతారామచంద్రస్వామి ఆలయానికి కొత్తరూపు తీసుకొచ్చేలా చేపట్టిన అభివృద్ధి, పునరుద్ధరణ పనులు వేగంగా జరుగుతున్నాయి. ఆలయ విస్తరణలో భాగంగా తొలి ప్రాకారం నుంచి రెండో ప్రాకారం వరకు నిర్మాణాల విస్తరణకు చర్యలు చేపట్టారు. ఈక్రమాన కాంక్రీట్‌ నిర్మాణాలకు బదులు సంప్రదాయ రాతి నిర్మాణాలకు ప్రాధాన్యత ఇస్తూ ఆలయానికి మరింత శోభ తీసుకురావాలని ప్రభుత్వం నిర్ణయించింది. ఈ మేరకు పురుషోత్తపట్నంలోని గోకులరామం వద్ద పనులకు శ్రీకారం చుట్టారు. భారీ రాళ్లను తీసుకు రాగా.. ఆలయ నిర్మాణానికి అవసరమైన ఆకృతిలో మలుస్తున్నారు. శిల్పులు సంప్రదాయ పద్ధతుల్లో రాయి చెక్కి శిల్పాలుగా తీర్చిదిద్దుతారు. కృష్ణశిలతో పనులు భద్రగిరి పుణ్యక్షేత్రానికి ఉన్న ప్రాముఖ్యత దృష్ట్యా రామదాసు కాలం నాటి ఆలయం స్ఫురణకు వచ్చేలా నిర్మాణం ఉండాలని సీఎం రేవంత్‌రెడ్డి ఆదేశించారు. దీంతో ప్రాకారాలు, ఉపాలయాలే కాక ఇతర నిర్మాణాలకు పూర్తిగా కృష్ణశిల ఉపయోగించాలని అధికారులు నిర్ణయించారు. ఇందుకోసం ఏపీలోని ప్రకాశం జిల్లా గురురాజపల్లి గ్రామం నుంచి ప్రత్యేకమైన రాయి తెప్పించారు. ముక్కోటి, శ్రీరామనవమి నాటికి పనులు పూర్తికావాలన్న ఆదేశాలతో రెండు బృందాలు శిలలను తీర్చిదిద్దడంలో నిమగ్నమయ్యారు. అయితే, ఆలయం వద్ద స్థలం లేకపోవడంతో రామయ్య భూములు ఉన్న పురుషోత్తపట్నంలో ఈ పనులు చేపడుతున్నారు. రాతిలో రామాలయ వైభవం గోకులరామం వద్ద శిల్పాలు చెక్కే పనులను మంత్రి పొంగులేటి శ్రీనివాసరెడ్డి వారం క్రితం ప్రారంభించారు. ప్రస్తుతం శిల్పులు తమ పనిలో నిమగ్నమై భారీ రాళ్లను అవసరమైన కొలతల్లోకి మారుస్తున్నారు. ఒక్కో రాతి భాగాన్ని నిపుణుల పర్యవేక్షణలో సిద్ధం చేస్తుండగా.. ఆతర్వాత స్తంభాలు, అలంకార భాగాలు, ద్వారాలు, శిల్పాలను చెక్కుతారు. సంప్రదాయ నైపుణ్యం ఉన్న శిల్పులు ఇందులో భాగం పంచుకుంటున్నారు. ఈ పనులు పూర్తయితే సంప్రదాయ శిల్పకళ, శిలామయ నిర్మాణాలు, వైష్ణవ ఆగమ సంప్రదాయాల సమ్మేళనంగా భద్రగిరి రామాలయం రూపుదిద్దుకోనుండగా.. భక్తులకు ఆధ్యాత్మిక అనుభూతితోపాటు ప్రాచీన శిల్పకళా వైభవాన్ని ఆస్వాదించే అవకాశం కలగనుంది. శ్రీ సీతారామచంద్రస్వామి దేవస్థాన పునరుద్ధరణ శ్రీవైష్ణవ సంప్రదాయం ఉట్టిపడేలా జరగాలని ప్రభుత్వం ఆదేశించించింది. పాంచరాత్రాగమ విధానానికి అనుగుణంగా ఉపాలయాలు, మండపాలు, ద్వారాలు నిర్మాణాలకు సిద్ధమయ్యారు. లక్ష్మీతాయారు అమ్మవారు, అభయాంజనేయస్వామి ఆలయాలతోపాటు ఆళ్వార్లకు సంబంధించిన ఉపాలయాలను కూడా శిలలతోనే తీర్చిదిద్దనున్నారు. భద్రాచలం రామాలయంలో అత్యంత ప్రాధాన్యత కలిగిన ఉత్తర ద్వారాన్ని మరింత వైభవంగా తీర్చిదిద్దేందుకు ప్రత్యేకంగా శిల్పాలను రూపొందిస్తున్నారు. రాతి శిల్పాలతో ఉత్తర ద్వారానికి ప్రత్యేక ఆకర్షణ తీసుకురావడంపై దృష్టి సారించినట్లు అఽధికారులు చెబుతున్నారు.

ఎర్రుపాలెం: అతివేగానికి తోడు హెల్మెట్‌ ధరించకపోవడంతో రెండు నిండు ప్రాణాలు గాలిలో కలిసిపోయాయి. ఎర్రుపాలెం మండలం బుచ్చిరెడ్డిపాలెం గ్రామ సమీపాన ఆది వారం జరిగిన ఈ ప్రమా దం వివరాలిలా ఉన్నాయి. ఏపీలోని ఎన్‌టీఆర్‌ జిల్లా గంపలగూడెం మండలం కొత్తపల్లికి చెందిన కొరకొప్పుల ప్రేమ్‌కుమార్‌(32) మధిరలోని ఓ షోరూమ్‌లో వాషింగ్‌ మెషీన్‌ టెక్నీషియన్‌గా పని చేస్తున్నాడు. ఎన్‌టీఆర్‌ జిల్లాకే చెందిన మైలవరం మండలం పుల్లూరు గ్రామానికి చెందిన సగ్గుర్తి రాంబాబు ఓ ప్రైవేట్‌ పాఠశాల బస్సు క్లీనర్‌గా పని చేస్తున్నాడు. ఇందులో ప్రేమ్‌కుమార్‌ తన భార్య సౌజన్య, కుమార్తె ఆరాధ్య, కోడలు పూజితతో కలిసి ఎన్‌టీఆర్‌ జిల్లా రెడ్డిగూడెం గ్రామానికి చెందిన పెద్దమ్మ ఇంటికి ద్విచక్ర వాహనంపై బయలుదేరాడు. ఇదే సమయాన సగ్గురి రాంబాబు(40) స్వగ్రామం నుంచి ఎర్రుపాలెం మండలం బనిగండ్లపాడులోని తన చెల్లి ఇంటికి మోపెడ్‌పై వస్తున్నాడు. బనిగండ్లపాడు – బుచ్చిరెడ్డిపాలెం గ్రామాల మధ్య శ్రీఆంజనేయస్వామి గుడి రోడ్డు మలుపు వద్ద రెండు ద్విచక్ర వాహనాలు ఎదురెదురుగా ఢీకొన్నాయి. ఈ సమయాన బైక్‌లు వేగంగా ఉండడంతో తలకు తీవ్రగాయాలై ఘటనాస్థలిలోనే సగ్గుర్తి రాంబాబు మృతి చెందగా, ప్రేమ్‌కుమార్‌ను మధిర ప్రభుత్వ ఆస్పత్రికి తరలించగా చికిత్స పొందుతూ మృతి చెందాడు. ఈ ఘటనలో ప్రేమ్‌ బైక్‌పై ఉన్న ఆరాధ్యకు సైతం గాయాలు కాగా, ఖమ్మం ఆస్పత్రికి తరలించారు. మృతుల్లో రాంబాబుకు భార్య, ఇద్దరు కుమార్తెలు ఉన్నారు. ఈమేరకు ఎస్‌ఐ ఎం.రమేష్‌కుమార్‌ ఘటనా స్థలానికి చేరుకుని వివరాలు సేకరించగా.. మృతుల కుటుంబసభ్యులు, బంధువుల రోదనలు మిన్నంటాయి. హెల్మెట్‌ లేకపోవడంతో తీవ్ర గాయాలై ఇద్దరు మృతి

ఖమ్మం స్పోర్ట్స్‌: ఉమ్మడి జిల్లాస్థాయి అండర్‌–19 వాలీబాల్‌, టేబుల్‌టెన్నిస్‌, కరాటే జట్ల ఎంపిక పోటీలు ఆదివారం ఖమ్మంలోని సర్దార్‌ పటేల్‌ స్టేడియంలో నిర్వహించారు. రాష్ట్రస్థాయి పోటీల్లో పాల్గొనే జట్ల ఎంపికకు జూనియర్‌ కళాశాల క్రీడా సంఘం ఆధ్వర్యాన నిర్వహించిన ఈ పోటీలకు 330 మంది క్రీడాకారులు హాజరుకాగా, డీవైఎస్‌ఓ టి.సునీల్‌రెడ్డి, డీఐఈఓ రవిబాబు, వాలీబాల్‌ అసోసియేషన్‌ కార్యదర్శి బి.గోవిందారెడ్డి, క్రీడా కార్యదర్శి ఎం.డీ.మూసాకలీం పోటీలను పర్యవేక్షించారు. ఉమ్మడి జిల్లా వాలీబాల్‌ బాలుర జట్టుకు విష్ణువర్దన్‌, రామ్మూర్తి, కేశవనందన్‌, లోకేష్‌, జాన్‌ వెస్లీ, రియాజ్‌, హర్షవర్దన్‌, దినేష్‌కుమార్‌, వివేక్‌, షరీఫ్‌, శ్యామ్‌, బాలికల జట్టుకు అంబిక, హాజసిని, సురేఖ, హర్షిత, నందనమ్మ, నాగేశ్వరి, అనూష, సుమిత్రనందన్‌, తనుజ, షణ్ముఖి, లక్ష్మి, వర్ష, కీర్తన, జ్యోత్స్న ఎంపికయ్యారని తెలిపారు. అలాగే, టేబుల్‌ టెన్నిస్‌ బాలుర జట్టులో రణదేవ్‌రెడ్డి, ప్రజ్ఞ రకూల్‌, హర్ష, సాయి ఠాకూర్‌, బాలికల జట్టులో జి.సిరి, ఆరాధ్య, అనన్య, అమృత, సాయిప్రియ, దివ్యకు స్థానం దక్కింది. ఇక కరాటే బాలుర జట్టుకు నివేదిత్య సాయి, నాగదీక్షిత్‌, షణ్ముఖసాయి పులి అకాష్‌, సూర్యతేజ, కృష్ణతేజ, రూపక్‌ శివచైతన్య, సాహిత్‌, అసుర్దీన్‌, రియాజ్‌, బాలికల జట్టులో భవిత, శ్రీభవ్య, హాసనిని, సాయికుమారి, లక్ష్మి జశ్విత, శ్రీకృత, శ్రీ విద్య ఎంపికయ్యారు. అసోసియేషన్ల బాధ్యులు సాంబమూర్తి, గోపతి సైదులు, రాములు తదితరులు పాల్గొన్నారు.

కొణిజర్ల: ద్విచక్రవాహనాన్ని లారీ ఢీకొట్టిన ఘటనలో ఓ యువకుడు మృతి చెందాడు. ఈ ప్రమాదా నికి సంబంధించిన వివరాలిలా ఉన్నాయి. భద్రాద్రిజిల్లా ము లకలపల్లి మండలం రాజుగూడెంకు చెందిన గోనెల రాజేష్‌(22) ఖమ్మం వైఎస్‌ఆర్‌ కాలనీలో ఉంటూ వైరాలోని ప్రైవేట్‌ కంపెనీలో పనిచేస్తున్నాడు. ఆదివా రం ఉదయం రాజుపేటకు ద్విచక్రవాహనంపై వెళ్తుండగా తనికెళ్ల వద్ద ఫోన్‌ రావడంతో యూటర్న్‌ తీసుకుంటున్నాడు. ఈ సమయాన వేగంగా వచ్చిన లారీ ఢీకొట్టడంతో రాజేష్‌ తలకు తీవ్రగాయాలు కావడంతో 108లో ఆస్పత్రికి తరలిస్తుండగా మార్గమధ్యలోనే మృతి చెందాడు. ఆయన తండ్రి దివ్యాంగుడు కాగా, తల్లి పుష్ప కూలీ పనులకు వెళ్తూ చదివించింది. అటవీ ఉద్యోగ పరీక్షకు సిద్ధమవుతున్న యువకుడి మృతి కుటుంబంలో విషాదాన్ని నింపింది. ఘటనపై కేసు నమోదు చేసినట్లు ఎస్‌ఐ సూరజ్‌ తెలిపారు. చికిత్స పొందుతున్న వ్యక్తి.. చింతకాని: రోడ్డుప్రమాదంలో గాయపడిన వ్యక్తి మండలంలోని నాగులవంచ గ్రామానికి చెందిన కాడమంచి భాస్కర్‌(45) ఖమ్మం ఆస్పత్రిలో చికిత్స పొందుతూ ఆదివారం మృతి చెందాడు. ఆయన ఈనెల 18వ తేదీన ద్విచక్ర వాహనంపై ఏపీలోని మక్కపేట వెళ్లి తిరిగి వస్తుండగా నాగులవంచ సమీపంలోకి వాహనం అదుపు తప్పగా విద్యుత్‌ స్తంభాన్ని ఢీకొట్టాడు. ఘటనలో తలకు తీవ్ర గాయాలైన భాస్కర్‌ను ఖమ్మం ఆస్పత్రికి తరలించగా చికిత్స పొందుతూ మృతి చెందాడు. ఘటనపై ఆయన బంధువు శ్రీనివాస్‌ ఇచ్చిన ఫిర్యాదుతో కేసు నమోదు చేసినట్లు ఎస్సై నరేష్‌ తెలిపారు.

● తొలుత బరువు పెంచి, మధ్యలో ట్యాంకర్‌ నుంచి నూనె చోరీ ● నలుగురు అరెస్ట్‌.. పరారీలో 8మంది ● వివరాలు వెల్లడించిన ఖమ్మం ఏసీపీ రమణమూర్తి ఖమ్మంఅర్బన్‌: పామాయిల్‌ ట్యాంకర్‌ నుంచి నూనెను అక్రమంగా తీసి విక్రయిస్తున్న ముఠా గుట్టును ఖమ్మం పోలీసులు ఛేదించారు. ట్యాంకర్‌లో లోడ్‌ చేయక ముందు తూకానికి తీసుకెళ్లే సమయంలోనే అక్రమాలు మొదలవుతున్నాయని గుర్తించారు. ఈ కేసులో నలుగురిని అరెస్టు చేయగా.. ఖమ్మం అర్బన్‌ పోలీసుస్టేషన్‌లో నగర ఏసీపీ రమణమూర్తి శనివారం సీఐ భానుప్రకాశ్‌, ఎస్‌ఐ రాజారావుతో కలిసి వివరాలు వెల్లడించారు. గోద్రెజ్‌ అగ్రోవెట్‌ కంపెనీ నుంచి.. ఏపీ రాష్ట్రంలోని ఏలూరు జిల్లా చింతలపూడి మండలం సీతానగరంలోని గోద్రెజ్‌ అగ్రోవెట్‌ లిమిటెడ్‌ కంపెనీ నుంచి ట్యాంకర్ల ద్వారా పంపిస్తున్న పామాయిల్‌ మధ్యలో చోరీ జరుగుతున్నట్లు కంపెనీ బాధ్యులు గుర్తించారు. ఈమేరకు మేనేజర్‌ వకలపూడి రామచంద్రరావు ఈనెల 23న ఖమ్మం అర్బన్‌ పోలీసులకు ఫిర్యాదు చేయగా, ట్యాంకర్‌ డ్రైవర్‌ మరికొందరి కలిసి నూనె తీసి విక్రయిస్తున్నాడని ఫిర్యాదులో పేర్కొన్నారు. ఈమేరకు విచారణలో నిజమేనని తేలింది. ట్యాంకర్‌ యజమాని కమ్‌ డ్రైవర్‌ షేక్‌ కమరుద్దీన్‌ ట్యాంకర్‌ను వే బ్రిడ్జి వద్ద తూకానికి తీసుకెళ్లే సమయాన నీళ్ల బాటిళ్లు, రాళ్లు పెట్టి బరువు పెంచేవాడు. అనంతరం పామాయిల్‌ లోడ్‌ చేశాక వాటిని తొలగించి రవాణా సమయంలో పామాయిల్‌ను బయటకు తీసి ఇతరులకు విక్రయించేవాడు. ఈనెల 22న ఖమ్మం శివారులోని ఓ దాబా వద్ద ట్యాంకర్‌ను నిలిపి 31 కేన్లలో నూనె తీస్తుండగా విషయం బయటపడింది. ఈ వ్యవహారంలో కోదాడకు చెందిన ఆయిల్‌ వ్యాపారి చిదెల్ల కనకయ్య రూ.40 వేలను ముందుగా ఫోన్‌ పే ద్వారా కమరుద్దీన్‌కు చెల్లించినట్లు తేల్చారు. ఈమేరకు కమరుద్దీన్‌, చిదెల్ల కనకయ్యతో పాటు ఆటో యజమాని బతిని గోపీనాథ్‌, కనకయ్య వద్ద పనిచేసే దారా శ్రీనివాసరావును అరెస్ట్‌ చేయగా, షేక్‌ ఫిరోజుద్దీన్‌, జయరాజు, చంటి, బడినీడి బాలాంజనేయులు, చౌదరి, కోదాడకు చెందిన నరేష్‌, కల్లూరుకు చెందిన రెడ్డితో పాటు కోదాడకు చెందిన మరో వ్యక్తి పరారీలో ఉన్నారని ఏసీపీ తెలిపారు. కాగా, గడిచిన రెండేళ్లలో రూ.9,30,100 చెల్లింపులు జరిగినట్లు పోలీసులు గుర్తించారు. ఇందులో కమరుద్దీన్‌ రూ.1.50 లక్షలు అర్జించగా, కోదాడకు చెందిన కనకయ్య పామాయిల్‌ విక్రయం ద్వారా సుమారు రూ.5.50 లక్షల లాభం పొందాడని గుర్తించారు. కాగా, పామాయిల్‌ ఫ్యాక్టరీ ఉద్యోగుల్లో ఎవరి పాత్ర అయినా ఉందా అనే అంశంతో పాటు అక్కడ సీసీ కెమెరాలు లేకపోవడం తదితర అంశాలపై విచారణ కొనసాగుతోందని ఏసీపీ రమణమూర్తి వెల్లడించారు.

కొణిజర్ల: జిల్లా వైద్య, ఆరోగ్య శాఖ అధికారి డాక్టర్‌ డి.రామారావు శనివారం మండలంలోని తనికెళ్లలో తనిఖీ చేశారు. పల్లె దవాఖానాను సందర్శించిన ఆయన మందులు పంపిణీ, వైద్య సేవల రికార్డులు, వ్యాక్సినేషన్‌పై ఆరా తీశారు. ప్రజలకు నాణ్యమైన వైద్యసేవలు అందేలా వైద్యులు, సిబ్బంది పనిచేయాలని ఆదేశించారు. అనంతరం ఎస్సీ బాలుర హాస్టల్‌ను సందర్శించిన డీఎంహెచ్‌ఓ మెనూ అమలుతో విద్యార్థులతో మాట్లాడారు. ఆతర్వాత ప్రభుత్వ ఉన్నత పాఠశాలకు వెళ్లి 13 ఏళ్లు నిండిన బాలికలు కేన్సర్‌ బారిన పడకుండా హెచ్‌పీవీ టీకా ఆవశ్యకతను వివరించారు.

ఖమ్మంమయూరిసెంటర్‌: కేంద్ర ప్రధాన ఎన్నికల కమిషనర్‌ జ్ఞానేష్‌కుమార్‌కు ఆ పదవి కొనసాగే హక్కు లేదని, వెంటనే రాజీనామా చేయాలని సీపీఎం జిల్లా కార్యదర్శి నున్నా నాగేశ్వరరావు డిమాండ్‌ చేశారు. సీపీఎం డివిజన్‌ కమిటీ ఆధ్వర్యాన ఖమ్మం ఎన్నెస్టీ రోడ్డులో సీఈఈ దిష్టిబొమ్మను దహనం చేశారు. ఈ సందర్భంగా నున్నా మాట్లాడుతూ ఎన్నికల సంఘంలోని ముగ్గురు కమిషనర్లలో ఇద్దరు ఓటర్ల జాబితా సవరణలు, సర్‌ అమలుపై పలు అభ్యంతరాలు వ్యక్తం చేసినా జ్ఞానేష్‌కుమార్‌ అవే నిర్ణయాలను అమలు చేశారని ఆరోపించారు. దీంతో ప్రక్రియ పారదర్శకంగా సాగుతుందని ఇన్నాళ్లు చెబుతున్నదంతా అబద్ధమని తేలిందన్నారు. వివిధ రాష్ట్రాల ఎన్నికల్లో బీజేపీకి లాభం జరిగేలా వ్యవహరించిన జ్ఞానేష్‌కుమార్‌ రాజీనామా చేయాలని డిమాండ్‌ చేశారు. ఈ కార్యక్రమంలో పార్టీ డివిజన్‌ కార్యదర్శి వై.విక్రమ్‌, నాయకులు శ్రీనివాసరావు, వంగూరి రాములు, సుబ్బారావు, మెరుగు సత్యనారాయణ, జబ్బార్‌, నందిపాటి మనోహర్‌, మెరుగు రమణా, మీరా సాహెబ్‌, నాగుల మీరా, బోడపట్ల సుదర్శన్‌, బత్తుల ఉపేంద్ర తదితరులు పాల్గొన్నారు.

మధిరరూరల్‌: మధ్యాహ్న భోజన నిర్వాహకులు శుచి, శుభ్రతతో పాటు నాణ్యత పాటించాలని జిల్లా విద్యాశాఖాధికారి సదానందం సూచించారు. మధిర మండలం దెందుకూరు జిల్లా పరిషత్‌ ఉన్నత పాఠశాలలో శనివారం ఆయన మధ్యాహ్న భోజనాన్ని పరిశీలించారు. భోజన నాణ్యత, మెనూ అమలుపై విద్యార్థులను ఆరా తీశారు. పథకం నిర్వహణపై ఉపాధ్యాయులు ప్రత్యేక దృష్టి సారించాలని తెలిపారు. అనంతరం ఉపాధ్యాయులు, విద్యార్థుల హాజరు, బోధనపై డీఈఓ సమీక్షించారు. జిల్లా ప్లానింగ్‌ కోఆర్డినేటర్‌ రామకృష్ణ, కాంప్లెక్స్‌ ప్రధానోపాధ్యాయుడు చెరుపల్లి శ్రీహరి, ఇన్‌చార్జ్‌ హెచ్‌ఎం వి.వెంకటేశ్వర్లు, ఉపాధ్యాయులు పాల్గొన్నారు. నేడు అండర్‌–17 ఉషూ జట్ల ఎంపికలు 30న బాలికల కబడ్డీ జట్టు.. 2 నుంచి జిల్లా స్థాయి క్యారమ్స్‌ టోర్నీ ఏఐకేఎంస్‌ జాతీయ మహాసభలకు ఏర్పాట్లు ఖమ్మంమయూరిసెంటర్‌: అఖిల భారత రైతుకూలీ సంఘం(ఏఐకేఎంఎస్‌) జాతీయ మహాసభలకు ఏర్పాట్లు చేస్తున్నట్లు సంఘం రాష్ట్ర గౌరవ అధ్యక్షుడు వి.కోటేశ్వరరావు తెలిపారు. ఖమ్మంలో ఈనెల 28నుంచి 30వ తేదీ వరకు మహాసభలు జరగనుండగా, శనివారం నగరంలోని న్యూడెమోక్రసీ కార్యాలయంలో జెండాలు, తోరణాలు, ఫ్లెక్సీలను తయారీని పరిశీలించి ఆయన మాట్లాడారు. సభ ఏర్పాట్లలో పీడీఎస్‌యూ, పీవైఎల్‌, పీఓడబ్ల్యూ, ఐఎఫ్‌టీయూ, అరుణోదయ సాంస్కృతిక సమాఖ్య ప్రజాసంఘాల బాధ్యులు నిమగ్నమయ్యారని తెలిపారు. ఈమేరకు 28న జరిగే బహిరంగ సభలో అన్నివర్గాల ప్రజలు పాల్గొని విజయవంతం చేయాలని కోరారు. ఈ కార్యక్రమంలో న్యూడెమోక్రసీ, అనుబంధ సంఘాల నాయకులు బండారు ఐలయ్య, గాదె ఝాన్సీ, టి.శ్రీనివాస్‌, అందె మంగ, ఉదయ్‌, పవన్‌, కోల లక్ష్మీనారాయణ, బి కిషన్‌, నాగేశ్వరరావు తదితరులు పాల్గొన్నారు. 30వరకు ‘ఏక్‌ పేడ్‌.. మాకే నామ్‌’ ఖమ్మం సహకారనగర్‌: పర్యావరణ పరిరక్షణ, పచ్చదనం పెంపు కోసం నిర్వహిస్తున్న ‘ఏక్‌ పేడ్‌.. మాకే నామ్‌’కార్యక్రమం కొనసాగుతోందని జిల్లా విద్యాశాఖాధికారి సదానందం తెలి పారు. ఈమేరకు ఖమ్మంలోని సైన్స్‌ మ్యూజి యంలో శనివారం మొక్కలు నాటాక ఆయన మాట్లాడారు. ఇప్పటివరకు 1.12లక్షల మొక్కలు నాటగా, ఈనెల 30వ తేదీ వరకు కార్యక్రమం కొనసాగుతుందని తెలిపారు. అటవీ శాఖాధికారి రాధిక, ఎంఈఓ శైలజాలక్ష్మి, జిల్లా సైన్స్‌ అధికారి శ్రీనివాసరావు, మ్యూజియం ఇన్‌స్ట్రక్టర్‌ ఈ.వెంకటేశ్వర్లు పాల్గొన్నారు. ●ప్రపంచ పర్యాటక దినోత్సవాన్ని పురస్కరించుకొని జిల్లాలోని పాఠశాలల విద్యార్థులకు శనివారం వివిధ అంశాల్లో పోటీలు నిర్వహించినట్లు సీఎంఓ ప్రవీణ్‌కుమార్‌ తెలిపారు. వ్యాసరచన, వకృత్వ, క్విజ్‌, డ్రాయింగ్‌ పోటీలను నిర్వహించగా విజేతలకు ఆదివారం బహుమతులు అందజేస్తామని వెల్లడించారు.

చింతకాని: భార్యను కాపురానికి పంపడం లేదనే కక్షతో మామపై అల్లుడు గొడ్డలితో దాడి చేసిన ఘటన మండలంలోని లచ్చగూడెంలో శనివారం చోటుచేసుకుంది. గ్రామానికి చెందిన షేక్‌ ఉద్దండు సాహెబ్‌ తన కుమార్తెను అదే గ్రామానికి చెందిన మేనల్లుడైన షేక్‌ నాగుల్‌మీరా ఇచ్చి వివాహం జరిపించాడు. అయితే, నాగుల్‌మీరా దంపతుల నడుమ ఘర్షణతో భార్య ఇటీవల పుట్టింటికి వచ్చింది. అయితే, తిరిగి కాపురానికి పంపించాలని కోరగా గొడవ విషయమై ఉద్దండు సాహెబ్‌ ప్రశ్నించాడు. దీంతో ఆగ్రహానికి గురైన నాగుల్‌మీరా తన మామ ఇంటికి వెళ్లి గొడ్డలితో దాడి చేయగా గాయాలు కావడంతో ఖమ్మం ఆస్పత్రికి తరలించారు. ఈమేరకు ఎస్సై నరేష్‌ వివరాలు ఆరా తీసి కేసు నమోదు చేశారు. కొండముచ్చు దాడిలో తీవ్రగాయాలు కల్లూరురూరల్‌: కల్లూరులో కొండముచ్చుల సంచారం ప్రజలను భయాందోళనకు గురిచేస్తోంది. ఈక్రమాన శనివారం కల్లూరు మెయిన్‌ సెంటర్‌లోని షాపులో పనిచేస్తున్న క్రాంతిపై కొండముచ్చు దాడి చేయడంతో చేయికి తీవ్ర గాయాలయ్యాయి. గతవారం కూడా కొండముచ్చులు ముగ్గురిని గాయపరిచాయి. ఇకనైనా మున్సిపాలిటీ, అటవీ శాఖ సిబ్బంది స్పందించి కొండముచ్చులను కట్టడి చేయాలని స్థానికులు కోరుతున్నారు. రూ.96 లక్షలకు దివాలా పిటిషన్‌ ఖమ్మం లీగల్‌: ఖమ్మం వైఎస్సార్‌ కాలనీ చెందిన ప్రతిగడప రాజీవ్‌రాజు రూ.96.20లక్షలకు దివాళా పిటీషన్‌(ఐపీ) దాఖలు చేశారు. బంగారం ఫైనాన్స్‌ వ్యాపారం చేసే తనకు నష్టాలు వచ్చాయని చెబుతూ ఐదుగురిని ప్రతివాదులుగా చేర్చారు. ఈమేరకుశనివారం తన న్యాయవాది ద్వారా ఖమ్మం ప్రిన్సిపల్‌ సీనియర్‌ సివిల్‌ జడ్జి కోర్టులో దివాలా పిటిషన్‌ దాఖలు చేశాడు. విద్యుదాఘాతంతో విద్యార్థి మృతి పెనుబల్లి: పిల్లలను ఉన్నత స్థాయికి చేర్చాలని రెక్కలు ముక్కలు చేసుకుని కుమారుడు, కుమార్తెను చదివిస్తుండగా... విద్యుత్‌ షాక్‌ రూపంలో మృత్యువు కుమారుడిని బలి తీసుకుంది. ఈ ఘటనకు సంబంధించిన వివరాలు... పెనుబల్లి బీసీ కాలనీకి చెందిన తోట గౌతమ్‌(16) శనివారం రాత్రి ఇంట్లో స్నానం చేసేందుకు హీటర్‌ వైర్లు ఫ్లగ్‌లో పెడుతున్నాడు. ఈక్రమాన విద్యుత్‌ సరఫరా కావడంతో షాక్‌కు గురైన ఆయన అపస్మారక స్థితిలోకి వెళ్లాడు. దీంతో స్థానిక ఆస్పత్రిలో చికిత్స చేయించి ఖమ్మం తరలిస్తుండగా మార్గమధ్యలో మృతి చెందాడు. పెనుబల్లి ప్రభుత్వ జూనియర్‌ కళాశాలలో ఇంటర్‌ ప్రథమ సంవత్సరం చదువుతున్న గౌతమ్‌ తండ్రి నరసింహారావు రోజువారీ కూలీ కాగా, తల్లి సంధ్యారాణి కిరాణషాపులో పనిచేస్తోంది. ఇటీవల నరసింహారావుకు కుటుంబానికి ఇందిరమ్మ ఇల్లు మంజూరు కాగా, నిర్మాణం పూర్తికాకున్నా అద్దె ఇంట్లో స్థోమత లేక నెల క్రితమే గృహ ప్రవేశం చేశారు. ఇంతలోనే కుమారుడు గౌతమ్‌ మృతితో తల్లిదండ్రులు కన్నీరుమున్నీరుగా రోదించారు. ద్విచక్రవాహనం ఢీకొని కార్మికుడు.. ఖమ్మంరూరల్‌: మండలంలోని గుర్రాలపాడు వద్ద ద్విచక్రవాహనం ఢీకొట్టిన ఘటనలో గ్రానైట్‌ కార్మికుడు వినోద్‌కుమార్‌(38) మృతి చెందాడు. ఉత్తరప్రదేశ్‌ రాష్ట్రం ఔరంగాబాద్‌ నేతాపూర్‌కు చెందిన వినోద్‌కుమార్‌ గుర్రాలపాడు సమీపాన గ్రానైట్‌ ఫ్యాక్టరీలో పాలిష్‌ వర్కర్‌గా పనిచేస్తున్నాడు. ఆయన శనివారం రహదారి పక్క నుంచి వెళ్తుండగా తిరుమలాయపాలెంకు చెందిన కె.రాము బైక్‌పై అతివేగంగా వచ్చి ఢీకొట్టాడు. ఘటనలో తీవ్రంగా గాయపడిన వినోద్‌ను ఖమ్మం తరలిస్తుండగా చికిత్స పొందుతూ మృతి చెందాడు. ఈమేరకు కేసు నమోదు చేసినట్లు సీఐ ముష్క రాజు తెలిపారు. గుర్తుతెలియని వాహనం ఢీకొని వ్యక్తి..ఖమ్మంక్రైం: ద్విచక్ర వాహనంపై వెళ్తున్న వ్యక్తిని గుర్తుతెలియని వాహనం ఢీకొట్టగా తీవ్రగాయాలతో మృతి చెందాడు. ఖమ్మం టూటౌన్‌ సీఐ బాలకృష్ణ వెల్లడించిన వివరాలు... నేలకొండపల్లి మండలం ముఠాపురం గ్రామానికి చెందిన చావా వెంకటేశ్వర్లు(60) స్వగ్రామం నుంచి భార్య కస్తూరిని శనివారం ద్విచక్రవాహనంపై ఖమ్మంలోని ఓ ఆస్పత్రికి తీసుకొస్తున్నాడు. ఈక్రమాన వైరా రోడ్డులో గుర్తుతెలియని వాహనం వేగంగా వచ్చి బైక్‌ను ఢీకొట్టగా వెంకటేశ్వర్లు తలకు బలమైన గాయాలుకాగా, కస్తూరి సైతం గాయపడింది. దీంతో వీరిని జిల్లా ఆస్పత్రికి తరలించి, అక్కడి నుంచి వెంకటేశ్వర్లును ప్రైవేట్‌ ఆస్పత్రికి తరలించగా చికిత్స పొందుతూ మృతిచెందాడు. ఈమేరకు హిట్‌ అండ్‌ రన్‌ కింద కేసు నమోదు చేసి వాహనాన్ని గుర్తించేందుకు సీసీ కెమెరాల పుటేజీలను పరిశీలిస్తున్నట్లు నట్లు సీఐ తెలిపారు.

ఖమ్మంమయూరిసెంటర్‌: దేశంలో మోదీ పాలనను నిరసిస్తూ ఆందోళనలు చేపట్టనున్నట్లు సీపీఐ జాతీయ సమితి సభ్యుడు బాగం హేమంతరావు తెలిపారు. ఈమేరకు అక్టోబర్‌, నవంబర్‌లో ప్రజలకు అవగాహన కల్పించడమే కాక డిసెంబర్‌ 2, 3, 4 తేదీల్లో జైల్‌భరో కార్యక్రమాన్ని నిర్వహిస్తామని వెల్లడించారు. ఖమ్మం గిరిప్రసాద్‌ భవన్‌లో శనివారం ఏనుగు గాంధీ అధ్యక్షతన జరిగిన సీపీఐ జిల్లా కార్యవర్గ సమావేశంలో ఆయన మాట్లాడారు. ప్రధాని మోదీ ప్రభుత్వ రంగ సంస్థలను బీజేపీ అనుబంధంగా మార్చడంతో సీబీఐ, ఎన్‌ఫోర్స్‌మెంట్‌, ఎన్నికల సంఘం సహా వివిధ సంస్థలు స్వతంత్రను కోల్పోయాయన్నారు. రాష్ట్ర ప్రభుత్వం కూడా హామీల అమలులో విఫలమైందన్నారు. ఇందిరమ్మ ఇళ్లను కాంగ్రెస్‌ నాయకులు సిఫారసు చేసిన వారికి కాకుండా అర్హులకు ఇవ్వాలని డిమాండ్‌ చేశారు. అలాగే, వృథాగా పోతున్న వర్షపు నీటిని చెరువులకు మళ్లించాలని, సాగర్‌ ఎడమ కాలువ వచ్చే జలాలను చెరువులు, కుంటలు నింపాలని కోరారు. ఈ సమావేశంలో పార్టీ జిల్లా కార్యదర్శి దండి సురేష్‌, నాయకులు మహ్మద్‌ మౌలానా, జమ్ముల జితేందర్‌రెడ్డి తదితరులు పాల్గొన్నారు. జ్ఞానేష్‌కుమార్‌ రాజీనామా చేయాల్సిందే.. ఖమ్మం మామిళ్లగూడెం: ప్రజాస్వామ్య వ్యవస్థకు కళంకం తెచ్చేలా వ్యవహరించిన కేంద్ర ఎన్నికల సంఘం కమిషనర్‌ జ్ఞానేష్‌కుమార్‌ రాజీనామా చేయాల్సిందేనని సీపీఐ జిల్లా కార్యదర్శి దండి సురేష్‌ డిమాండ్‌ చేశారు. ఈ మేరకు శనివారం ఖమ్మంలో రాస్తారోకో నిర్వహించగా ఆయన మాట్లాడారు. పలువురు నాయకులు, కార్యకర్తలు పాల్గొన్నారు. సీపీఐ జిల్లా కార్యవర్గ సమావేశంలో హేమంతరావు

తల్లాడ: చేయూత పింఛన్ల కోసం దరఖాస్తు చేసుకున్న వారిలో అర్హులకు నష్టం జరగకుండా అధికారులు పర్యవేక్షించాలని అదనపు కలెక్టర్‌ డాక్టర్‌ పి.శ్రీజ సూచించారు. తల్లాడ మండలం అన్నారుగూడెంలో చేయూత దరఖాస్తుల పరిశీలనను ఆమె శనివారం క్షేత్రస్థాయిలో తనిఖీ చేశారు. ఈ సందర్భంగా ఓ మహిళ ఇంటికి వెళ్లి దరఖాస్తులోని వివరాలు, ధ్రువపత్రాలను పరిశీలించి ఉద్యోగులకు సూచనలు చేశారు. అర్హులైన ప్రతీ ఒక్కరికీ పెన్షన్‌ అందేలా చర్యలు తీసుకోవాలని తెలిపారు. ఎంపీడీఓ శ్రీధర్‌రాజు, వెరిఫికేషన్‌ ఆఫీసర్‌ ఎండీ.తాజుద్దీన్‌ తదితరులు పాల్గొన్నారు.

● కలెక్టర్‌ దివాకర టీ.ఎస్‌. ● రీసర్వే డేటా ఎంట్రీ వివరాల పరిశీలనఎర్రుపాలెం: ప్రజలకు పారదర్శకంగా, వేగంగా సేవలు అందేలా అధికారులు బాధ్యతాయుతంగా పనిచేయాలని కలెక్టర్‌ దివాకర టీ.ఎస్‌. సూచించారు. ఈక్రమాన అందే ఫిర్యాదులు, వినతులను గడువులోగా పరిష్కరించాలని తెలిపారు. ఎర్రుపాలెం తహసీల్దార్‌ కార్యాలయానికి అదనపు కలెక్టర్‌ పి.శ్రీనివాసరెడ్డితో కలిసి శనివారం ఆయన వచ్చారు. ఇటీవల మండలంలోని మొలుగుమాడులో పైలట్‌ ప్రాజెక్టుగా భూముల రీసర్వే పూర్తికాగా, డేటా ఎంట్రీ ప్రక్రియను పరిశీలించి ఉద్యోగులకు సూచనలు చేశారు. ఐదు గ్రామాల్లో చేపట్టిన సర్వే వివరాల నమోదు నేపథ్యాన సర్వే ఉద్దేశం, తద్వారా జరిగే లాభాలపై రైతుల అవగాహన కల్పించాలని సూచించారు. ఆతర్వాత ‘ఎస్‌ఐఆర్‌’ పురోగతిపై ఆరా తీసిన కలెక్టర్‌ హియరింగ్‌కు హాజరైన ఓటర్ల నుంచి పత్రాలు సేకరించి అర్హులెవరూ ఓటు హక్కు కోల్పోకుండా చూడాలని తెలిపారు. ఇక కుల, ఆదాయ, నివాస ధ్రువీకరణ పత్రాల జారీలో జాప్యం చేయొద్దని కలెక్టర్‌ సూచించారు. ఆర్‌డీఓ ఎన్‌.శ్రీనివాస్‌, తహసీల్దార్‌ సునీత ఎలిజబెత్‌, డిప్యూటీ తహసీల్దార్‌ జ్యోతి, ఆర్‌ఐ శిరీష, సర్వేయర్‌ రాజశేఖర్‌, తదితరులు పాల్గొన్నారు.సమస్య పరిష్కారానికి కృషి మధిర: మధిర మండలం దెందుకూరు గ్రామంలో రైల్వే మూడో లైన్‌ నిర్మాణం కారణంగా రైతులు పొలాలకు వెళ్లేందుకు సమస్య ఎదురైనట్లు ఫిర్యాదు అందింది. దీంతో శనివారం కలెక్టర్‌ రైల్వే అధికారులతో కలిసి క్షేత్రస్థాయిలో పరిశీలించారు. ఈ సందర్భంగా రైల్వే లైన్‌ మ్యాప్‌ను పరిశీలించి సమస్య పరిష్కారానికి సూచనలు చేశారు. ఆర్‌డీఓ ఎన్‌.శ్రీనివాస్‌, తహసీల్దార్‌ రాళ్లబండి రాంబాబు, గ్రామస్తులు కోట వెంకటకృష్ణ తదితరులు పాల్గొన్నారు.

సాక్షి ప్రతినిధి, ఖమ్మం: ఇండియన్‌ రెడ్‌క్రాస్‌ సొసైటీ(ఐఆర్‌సీఎస్‌) జిల్లా కమిటీ ఎన్నికల ఏర్పాట్లు తుదిశకు చేరాయి. వచ్చేనెల 4న ఖమ్మంలోని టీటీడీసీ భవనంలో పోలింగ్‌ జరగనుండగా, 15పదవులకు 39మంది అభ్యర్థులు పోటీ పడుతున్నారు. ఈమేరకు 2,430 మంది ఓటర్లు బ్యాలెట్‌ విధానంలో ఓటు హక్కు వినియోగించుకోనున్నారు. 2010లో బ్రాంచ్‌ ఏర్పాటు ఇండియన్‌ రెడ్‌క్రాస్‌ సొసైటీ ఖమ్మం జిల్లా బ్రాంచ్‌ 2010 ఏడాదిలో 656 మంది సభ్యులతో ఏర్పాటైంది. ప్రతీ మూడేళ్లకోసారి ఎన్నిక ద్వారా జిల్లా మేనేజింగ్‌ కమిటీని ఎన్నుకోవాల్సి ఉంటుంది. కానీ ఇప్పటి వరకు కమిటీలు ఏకగ్రీవంగా ఎన్నికయ్యాయి. ఈ కమిటీ గడువు మార్చి 26తో ముగియగా, ఈసారి పలువురు పోటీ పడుతుండడంతో ఎన్నికలు జరగనున్నాయి. రెడ్‌క్రాస్‌ సొసైటీ సేవా ద్వారా రక్తదాన శిబిరాలు, విపత్తుల వేళ బాధితులకు సహాయ సహకారాలు అందిస్తారు. ఈ సొసైటీ ప్రెసిడెంట్‌గా కలెక్టర్‌ వ్యవహరిస్తారు. మొత్తం ఓటర్లు 2,430 మంది మూడేళ్ల కాలపరిమితితో కమిటీని ఎన్నుకునేందుకు జిల్లా ప్రెసిడెంట్‌, కలెక్టర్‌ దివాకర ఆదేశాలతో సభ్యత్వ నమోదుకు ప్రత్యేక డ్రైవ్‌ నిర్వహించారు. ప్రభుత్వ ఉద్యోగులను సభ్యులుగా చేర్చగా.. యువత, ఇతర వర్గాలు ఆన్‌లైన్‌లో సభ్యత్వం తీసుకున్నాయి. ఈ డ్రైవ్‌లో లైఫ్‌ మెంబర్‌షిప్‌, లైఫ్‌ అసోసియేట్‌ మెంబర్‌షిప్‌ 1,410 మంది తీసుకోగా, గతంలో సభ్యత్వం కలిగిన వారితో కలిపి మొత్తం 2,430 మంది ఓటర్లు అయ్యారు. వీరు మాత్రమే పోటీ చేయడానికి, ఓటు వేయడానికి అర్హులు కాగా, యాన్యువల్‌, ఇతర మెంబర్‌షిప్‌ తీసుకున్న వారికి ఆ అర్హత ఉండదు. వచ్చేనెల 4న పోలింగ్‌ రెడ్‌క్రాస్‌ సొసైటీ ఎన్నిక వచ్చేనెల 4న ఉదయం 8నుంచి సాయంత్రం 3గంటల వరకు టీటీడీసీ భవనంలో నిర్వహించి, ఆతర్వాత ఓట్లు లెక్కిస్తారు. కమిటీలోని 15 స్థానాల కోసం పలువురు నామినేషన్లు దాఖలు చేయగా, ఉపసంహరణ గడువు శనివారంతో ముగియడంతో 39 మంది బరిలో మిగిలారు. కాగా, ఎన్నిక ప్రక్రియ బ్యాలెట్‌ పేపర్‌ పద్ధతిలోనే జరుగుతుంది. గుర్తులు, ఫొటోలు కాకుండా అక్షర క్రమంలో ఉండే అభ్యర్థుల పేర్ల వద్ద ప్రతీ ఓటరు గరిష్టంగా 15 మందికి టిక్‌ పెట్టడం ద్వారా ఓటు వేయవచ్చు. కనీసం ఒకరికి, అత్యధికంగా 15 మందికి టిక్‌ పెట్టే అవకాశం ఉండగా.... అత్యధిక ఓట్లు(టిక్‌లు) వచ్చిన వారిని విజేతలుగా ప్రకటిస్తారు. అయితే, 15 మంది తర్వాత మరొకరికి కూడా సమానమైన టిక్కులు వస్తే డ్రా తీస్తారు. మొత్తం 15మందితో మేనేజింగ్‌ కమిటీ ఎన్నికయ్యాక, అందులో నుంచి చైర్మన్‌, వైస్‌చైర్మన్‌, ట్రెజరర్‌, స్టేట్‌ కమిటీ మెంబర్లను ఎన్నుకుంటారు. ముగిసిన నామినేషన్ల ఉపసంహరణ గడువు ఐఆర్‌సీఎస్‌ జిల్లా ప్రెసిడెంట్‌, కలెక్టర్‌ దివాకర ఆదేశాలతో రెడ్‌క్రాస్‌ సొసైటీ ఎన్నికలకు ఏర్పాట్లు చేస్తున్నాం. సభ్యత్వం కలిగిన అందరూ ఓటు హక్కు వినియోగించుకోవాలి. ఎన్నికలు టీటీడీసీలో వచ్చేనెల 4న జరగనున్నాయి. – ఏ.శ్రీనివాస్‌, సీపీఓ, రెడ్‌క్రాస్‌ ఎన్నికల అధికారి

ఖమ్మం మయూరిసెంటర్‌: సమాజంలోని అసమానతలకు ఎదురొడ్డి, వెట్టిచాకిరి, దోపిడీకి వ్యతిరేకంగా పోరాడిన వీరనారి చాకలి ఐలమ్మ పోరాట స్ఫూర్తి చిరస్మరణీయమని కలెక్టర్‌ దివాకర టీ.ఎస్‌. అన్నారు. చాకలి ఐలమ్మ జయంతిని పురస్కరించుకుని శనివారం ఖమ్మంలోని జనరల్‌ ఆస్పత్రి వద్ద ఆమె విగ్రహానికి కలెక్టర్‌ పూలమాల వేసి నివాళులు అర్పించారు. అనంతరం జిల్లా వెనుకబడిన తరగతుల అభివృద్ధి శాఖ ఆధ్వర్యాన జరిగిన వేడుకల్లో ఆయన మాట్లాడారు. సామాజిక అసమానతలను ప్రశ్నిస్తూ అణగారిన వర్గాల హక్కుల కోసం ఐలమ్మ ధైర్యంగా పోరాడారని తెలిపారు. ఆమె పోరాట పటిమ, ధైర్యసాహసాలు మహిళా శక్తికి ప్రతీకగా నిలిచాయని చెప్పారు. జిల్లా గ్రంథాలయ సంస్థ చైర్మన్‌ మహ్మద్‌ ఖాదర్‌ బాబా, జిల్లా బీసీ అభివృద్ధి శాఖ అధికారి జి.జ్యోతి, వివిధ సంఘాల నాయకులు తుపాకుల ఎలగొండ స్వామి, జక్కుల వెంకటరమణ, కొత్తకొండ శ్రీలక్ష్మి, డాక్టర్‌ కే.వీ.కృష్ణారావు, తమ్మారపు బ్రహ్మయ్య, సట్టు వెంకటేశ్వర్లు, తెనాలి వీరబాబు, మాచర్ల వేలాద్రి, పగిడల కృష్ణవేణి, కణతాల నరసింహారావు, హరిప్రసాద్‌, వట్టికోట అప్పారావు, వల్లపు సోమరాజు, వెంకటేశ్వర్లు, లింగబోయిన పుల్లారావు, దుంపటి నగేష్‌, ఎడపల్లి భాస్కర్‌, పడిగెల కృష్ణవేణి, కనతాల వెంకన్న, వల్లంకొండ కొండలు తదితరులు పాల్గొన్నారు.కలెక్టర్‌ దివాకర టీ.ఎస్‌.

సాక్షి ప్రతినిధి, ఖమ్మం: గ్రాడ్యుయేట్‌ ఎన్నికల్లో బీఆర్‌ఎస్‌ పార్టీ విజయ దుందుభి మోగించాలని, అందుకు తగిన ప్రణాళికలు ఇప్పటినుంచే రూపొందించుకోవాలని మాజీ మంత్రి, పార్టీ వర్కింగ్‌ ప్రెసిడెంట్‌ కేటీఆర్‌ సూచించారు. హైదరాబాద్‌లోని బీఆర్‌ఎస్‌ భవన్‌లో శనివారం ఉమ్మడి ఖమ్మం, నల్లగొండ, వరంగల్‌ జిల్లాల నేతలతో ఆయన సమావేశమయ్యారు. ఈ సందర్భంగా త్వరలో జరిగే పట్టభద్రుల నియోజకవర్గ ఎన్నికపై సమీక్షించిన కేటీఆర్‌... స్థానాన్ని బీఆర్‌ఎస్‌ కై వసం చేసుకునే దిశగా ముందుకు సాగాలని పిలుపునిచ్చారు. అర్హులైన ప్రతీ ఒక్కరిని ఓటర్లుగా చేర్పించాలని, ‘ఎస్‌ఐఆర్‌’లో ఎవరూ ఓట్లు కోల్పోకుండా పార్టీ శ్రేణులు పర్యవేక్షించాలని తెలిపారు. ఉమ్మడి జిల్లాల నేతలు సమన్వయంతో పనిచేస్తూ క్రియాశీలక నేతలకు బాధ్యతలను అప్పగించాలని సూచించారు. ఉమ్మడి ఖమ్మం జిల్లాలో పార్టీ బలంగా ఉందనే విషయం ఈ విజయంతో నిరూపితమవుతుందని కేటీఆర్‌ ధీమా వ్యక్తం చేశారు. ఈ సమావేశంలో మాజీ మంత్రి పువ్వాడ అజయ్‌కుమార్‌, ఎంపీ వద్దిరాజు రవిచంద్ర, ఎమ్మెల్సీ తాత మధుసూదన్‌, మాజీ ఎంపీ నామ నాగేశ్వరరావు, మాజీ ఎమ్మెల్యేలు వనమా వెంకటేశ్వరరావు, సండ్ర వెంకట వీరయ్య, కందాల ఉపేందర్‌రెడ్డి, రేగా కాంతారావు, బానోత్‌ హరిప్రియ, మెచ్చా నాగేశ్వరరావు, బానోత్‌ చంద్రావతి, తాటి వెంకటేశ్వర్లు, మెచ్చా నాగేశ్వరరావు, జెడ్పీ చైర్మన్‌ లింగాల కమల్‌రాజు, నాయకులు పాల్గొన్నారు. ఉమ్మడి జిల్లా నేతలతో మాజీ మంత్రి కేటీఆర్‌

ఎర్రుపాలెం: తెలంగాణ తిరుపతిగా పేరున్న జమలాపురంలోని శ్రీ వేంకటేశ్వరస్వామి ఆలయంలో శనివారం ప్రత్యేక పూజలు జరిగాయి. తెల్లవారుజామునే స్వామి మూలవిరాట్‌తో పాటు ఆలయ ఆవరణలోని శ్రీవారి పాదానికి అర్చకులు పంచామృతంతో అభిషేకాలు చేశారు. ఆతర్వాత స్వామి, అలివేలు మంగ, పద్మావతి అమ్మవార్లను పట్టువస్త్రాలతో అలంకరించి నిత్యకల్యాణం జరిపించారు. అనంతరం పల్లకీ సేవ నిర్వహించగా పెద్దసంఖ్యలో పాల్గొన్న భక్తులు మొక్కులు చెల్లించుకున్నారు. ఈఓ జగన్మోహన్‌రావు, వ్యవస్థాపక ధర్మకర్త ఉప్పల విజయదేవశర్మ, ప్రధాన అర్చకులు ఉప్పల శ్రీనివాసశర్మ, ఉద్యోగులు సోమయ్య, కృష్ణప్రసాద్‌ తదితరులు పాల్గొన్నారు. డీఎల్‌ఎస్‌ఏ ద్వారా ఉచిత న్యాయసాయం ఖమ్మంలీగల్‌: అవసరమైన వారికి ఉచిత న్యాయం అందిస్తామని జిల్లా న్యాయసేవాధికార సంస్థ(డీఎల్‌ఎస్‌ఏ) కార్యదర్శి పి.దేవీమానస తెలిపారు. ప్రపంచ బధిరుల దినోత్సవం సందర్భంగా శనివారం ఖమ్మంలోని అంధుల, బధిరుల పాఠశాలలో ఏర్పాటుచేసిన అవగాహన సదస్సులో ఆమె మాట్లాడారు. దివ్యాంగుల హక్కుల చట్టం, న్యాయ సేవాధికార సంస్థల చట్టంలోని ముఖ్యాంశాలు, దివ్యాంగులకు అందుబాటులో ఉండే సదుపాయాలు, వివక్ష లేని విద్య, ఉపాధి అవకాశాలను వివరించారు. న్యాయపరమైన సమస్యలు ఎదురైతే సంప్రదించాలని సూచించారు. ఈ కార్యక్రమంలో పాఠశాల సిబ్బంది పాల్గొన్నారు. ఏఈఓపై సస్పెన్షన్‌ వేటు ● యూరియా పేరిట నగదు వసూళ్లు తిరుమలాయపాలెం: యూరియా పేరిట రైతులను నమ్మించి డబ్బులు తీసుకుని అక్రమాలకు పాల్పడిన మండలంలోని బచ్చోడు ఏఈఓ కల్యాణ్‌పై సస్పెన్షన్‌ వేటు పడింది. యూరియా కొరతను ఆసరాగా చేసుకున్న ఆయన మండలంలోని వివిధ గ్రామాల్లో రైతులకు యూరియా ఇప్పిస్తానంటూ నగదు వసూలు చేశాడు. ఆపై వారికి యూరియా ఇప్పించకపోగా, డబ్బులు కూడా తిరిగి ఇవ్వకపోవడంతో రైతులు ఏఓ దృష్టికి తీసుకువెళ్లారు. దీంతో ఇటీవల కూసుమంచి ఏడీఏ రాజేష్‌కుమార్‌ విచారణ చేపట్టి ఇచ్చిన నివేదిక మేరకు కల్యాణ్‌ను సస్పెండ్‌ చేస్తూ శనివారం జిల్లా వ్యవసాయ శాఖాధికారి డి.పుల్లయ్య ఉత్తర్వులు జారీ చేశారు. కాగా, కళ్యాణ్‌ మహబూబాబాద్‌ జిల్లాలో పనిచేసిన సమయాన కూడా పలు ఆరోపణలతో సస్పెండ్‌ అయ్యాడు.

ఖమ్మంమయూరిసెంటర్‌: జిల్లాలోని మహాత్మా జ్యోతిబా పూలే తెలంగాణ వెనుకబడిన తరగతుల సంక్షేమ గురుకుల విద్యాసంస్థల పరిధి గురుకులాలకు మహర్దశ పట్టనుంది. విద్యార్థులకు మెరుగైన వసతులు కల్పించడమే లక్ష్యంగా ప్రభుత్వం గురుకులాల ఆధునికీకరణకు శ్రీకారం చుట్టింది. ఈమేరకు జిల్లాలోని మూడు గురుకులాల్లో వసతుల అభివృద్ధి, పునరుద్ధరణ పనులకు రూ. 1.25కోట్లు మంజూరు చేస్తూ బీసీ సంక్షేమ శాఖ ప్రిన్సిపల్‌ సెక్రటరీ బి.బాలమాయాదేవి పేరిట జీఓ 118 విడుదలైంది. మూడు గురుకులాలకు.. జిల్లాలోని మూడు గురుకులాలకు నిధులు మంజూరయ్యారు. వైరాలోని బీసీ బాలికల గురుకుల పాఠశాలకు రూ.85 లక్షలు కేటాయించారు. ఈ నిధులతో గురుకులంలో నూతన టాయిలెట్‌ బ్లాక్‌ నిర్మాణం చేపడుతారు. అలాగే, పరిసరాల పరిశుభ్రత కోసం 100 మీటర్ల పొడవైన డ్రెయిన్‌తో పాటు ఇతర నిర్మాణాలు చేపట్టనున్నారు. ఇక బోనకల్‌లోని బీసీ బాలుర గురుకుల పాఠశాలకు రూ.20 లక్షలు కేటాయించారు. భవనాల మరమ్మతులు, తాగునీటి సౌకర్యం మెరుగుదల, బాత్‌రూమ్‌లు, శానిటేషన్‌ పునరుద్ధరణ పనులతో పాటు విద్యుదీకరణ పనులు నిర్వహిస్తారు. అలాగే, సత్తుపల్లి (లంకపల్లి) పరిధిలోని బీసీ బాలికల గురుకుల పాఠశాలకు రూ. 20 లక్షల నిధులు మంజూరవగా తాగునీటి సరఫరా, బాత్‌రూమ్‌లు, శానిటేషన్‌ వ్యవస్థ మరమ్మతులు, విద్యుత్‌ లైన్ల పునరుద్ధరణ పనులు చేపట్టనున్నారు.జిల్లాలోని పలు గురుకుల పాఠశాలలు ప్రభుత్వ భవనాల్లో కొనసాగుతున్నాయి. అయితే, అక్కడ మౌలిక వసతుల లేమి, తాగునీరు, శానిటేషన్‌, విద్యుదీకరణ సమస్యలతో పాటు భవనాల మరమ్మతుల ఆవశ్యకతపై అధికారులు ప్రభుత్వానికి నివేదించారు. ఈ ప్రతిపాదనలను పరిశీలించిన ప్రభుత్వం నిధులు విడుదల చేసింది. గురుకుల పాఠశాలల్లో చేపట్టా ల్సిన పనులపై ఉన్నతాధికారులకు పంపిన ప్రతిపాదనల ఆధారంగా నిధులు మంజూరు చేశారు. మూడు గురుకులాలకు మంజూరైన నిధులతో త్వరలోనే పనులు ప్రారంభిస్తాం. విద్యార్థులకు మెరుగైన సౌకర్యాలు కల్పించేందుకు అవసరమైన చర్యలు తీసుకుంటున్నాం. – సీహెచ్‌.రాంబాబు, ఆర్‌సీఓ, బీసీ గురుకులాలు

ఖమ్మం వైద్యవిభాగం: ఖమ్మంలోని పలు ప్రైవేట్‌ ఆస్పత్రులను డీఎంహెచ్‌ఓ రామారావు శుక్రవారం తనిఖీ చేశారు. శ్రీమంతా హాస్పిటల్‌, సాయిమారుతి సూపర్‌ స్పెషాలిటీ ఆస్పత్రుల్లో తనిఖీ చేసిన ఆయన ఆస్పత్రుల నిర్వహణ, రిజిస్టర్లు, రికార్డులను పరిశీలించడమే కాక వార్డులు, ల్యాబ్‌లు, ఫార్మసీలను పరిశీలించి అందుతున్న సేవలపై ఆరా తీశారు. ఆస్పత్రుల్లో రికార్డులు, అనుమతులు, వైద్యులు, పారామెడికల్‌ సిబ్బంది అర్హత ధ్రువపత్రాలు, రిజిస్ట్రేషన్‌ వివరాలు అందుబాటులో ఉంచాలని సూచించారు. అలాగే, పరిశుభ్రత, బయోమెడికల్‌ వ్యర్థాల నిర్వహణ, రోగుల భద్రత పాటించాలని తెలిపారు. నిబంధనలను ఉల్లంఘించినట్లు తేలితే చట్టప్రకారం చర్యలు తీసుకుంటామని డీఎంహెచ్‌ఓ స్పష్టం చేశారు. ప్రోగ్రాం ఆఫీసర్‌ డాక్టర్‌ బిందుశ్రీ, డాక్టర్‌ వేణుగోపాల్‌రెడ్డి, డాక్టర్‌ మోతియా, డాక్టర్‌ మూర్తి, ఉద్యోగులు రాజేందర్‌, రాజేష్‌ పాల్గొన్నారు.

త్వరలోనే ప్రభుత్వ కొనుగోళ్లు ఖమ్మంవ్యవసాయం: ప్రైవేట్‌ మార్కెట్‌లో ధర దక్కక దిగాలు పడుతున్న పెసర రైతులకు త్వరలో తీపి కబురు అందనుంది. కేంద్రం నుంచి ఉత్తర్వులు వెలువడగానే మద్దతు ధరతో కొనుగోళ్లు ప్రారంభం కానున్నాయి. వర్షాభావ పరిస్థితుల్లో అసలే అరకొరగా పంట పండగా, కేంద్రం క్వింటాకు రూ.8,780 గా ప్రకటించినా వ్యాపారులు రూ.5 వేల నుంచి రూ.6 వేలకు మించి చెల్లించడం లేదు. రైతుల వినతిని రాష్ట్ర ప్రభుత్వం పరిగణనలోకి తీసుకుని నాఫెడ్‌ ద్వారా మద్దతు ధరకు కొనుగోలు చేయాలని కేంద్రాన్ని కోరగా సుముఖత వ్యక్తం చేసినట్లు తెలిసింది. సోమవారం నాటికి నాఫెడ్‌ నుంచి అంగీకారం వస్తే, మార్క్‌ఫెడ్‌ ద్వారా కొనుగోళ్లు చేపడతారు. ఉమ్మడి జిల్లాలో ఈ వానాకాలం 40వేల ఎకరాల్లో పెసర సాగవగా, ఖమ్మం, మద్దులపల్లి, వైరా వ్యవసాయ మార్కెట్లతో పాటు మరికొన్ని చోట్ల కొనుగోలు కేంద్రాలు ఏర్పాటుకానున్నాయి. వియత్నాం పర్యటనకు ఇద్దరు ఉపాధ్యాయులు కల్లూరురూరల్‌: వియత్నాం దేశంలో బోధన, విద్యావ్యవస్థ పనితీరును పరిశీలించేందుకు రాష్ట్రం నుంచి ఉపాధ్యాయులు, అధికారులతో కూడిన 32మంది బృందం వెళ్లనుంది. ఈ బృందంలో జిల్లా నుంచి ఇద్దరు ఉపాధ్యాయులకు స్థానం దక్కింది. కల్లూరు మండలం చెన్నూరు జిల్లా పరిషత్‌ ఉన్నత పాఠశాల ఇంగ్లిష్‌ ఉపాధ్యాయురాలు దిగుమర్తి శిరీష, సింగరేణి మండలం పేరుపల్లి ప్రభుత్వ పాఠశాల ఉపాధ్యాయుడు డి.జయరాజు ఇందులో ఉన్నారు. ఈ బృందం సభ్యులు అక్టోబర్‌ 10నుంచి 17వ తేదీ వరకు వియత్నాం పర్యటించి అక్కడ బోధన, పాఠశాలల నిర్వహన, పరీక్షలు నిర్వహించే పద్ధతి తదితర అంశాలను పరిశీలించి ప్రభుత్వానికి నివేదిక సమర్పిస్తారు. నూతన బస్టాండ్‌ పనుల పరిశీలన మధిర: మధిరలో నూతన బస్టాండ్‌ నిర్మాణ పనులను ఆర్‌టీసీ కరీంనగర్‌ జోన్‌ ఈడీ పి.సోలోమన్‌ శుక్రవారం పరిశీలించారు. ఖమ్మం ఆర్‌ఎం ఏ.సరిరామ్‌, డిప్యూటీ ఆర్‌ఎం ఏ.రాజేశ్వరరెడ్డితో కలిసి వచ్చిన ఆయన నిర్మాణ పనుల పురోగతిని పరిశీలించి వివరాలు తెలుసుకున్నారు. అనంతరం మధిర ఆర్టీసీ డిపోను సందర్శించిన ఈడీ సర్వీసుల నిర్వహణ, ఆదాయంపై అధికారులతో చర్చించారు. ఖర్చులను నియంత్రిస్తూ ఆదాయం పెంపుపై దృష్టి సారించాలని, ఇదే సమయాన ప్రయాణికులకు మెరుగైన సేవలు అందించాలని సూచించారు. డిపో మేనేజర్‌ టి.దేవరాజు, ఉద్యోగులు పాల్గొన్నారు.

ఖమ్మంగాంధీచౌక్‌: ఖమ్మం భక్త రామదాసు కళాక్షేత్రంలో శుక్రవారం రాత్రి నెలనెలా వెన్నెల కార్యక్రమంలో భాగంగా ప్రదర్శించిన ‘మాతృత్వం’ నాటిక ప్రేక్షకులను ఆలోచింపజేసింది. గుంటూరుకు చెందిన శ్రీరమణ కళానిలయం తరఫున సుఖమంచి కోటేశ్వరరావు రచించిన ఈ నాటికకు పొగర్తి నాగేశ్వరరావు దర్శకత్వం వహించారు. భార్యాభర్తల పాత్రధారులు సంతోష్‌, లావణ్యకు వివాహం జరిగి పదేళ్ల తర్వాత లావణ్య గర్భం దాలుస్తుంది. అయితే, భర్తతో విభేదాలు తలెత్తి ఇంటి నుంచి వెళ్లిపోతుంది. ఆపై అత్త ప్రమీల పక్షవాతానికి గురవగా, తాను రావాలంటే తల్లిని వదిలేయాలని షరతు పెట్టినా సంతోష్‌ తిరస్కరిస్తాడు. చివరకు లావణ్య జన్మనిచ్చిన బిడ్డ కోసం కూడా గొడవపడతారు. ఈక్రమాన తల్లీబిడ్డలను వేరు చేయడం తప్పని, మాతృత్వాన్ని గౌరవించాలని సందేశం ఇవ్వడంతో లావణ్య తప్పు తెలుసుకుని క్షమాపణ కోరడంతో నాటిక సుఖాంతమవుతుంది. ఈ ప్రదర్శనలో కాంగ్రెస్‌ జిల్లా అధ్యక్షుడు నూతి సత్యనారాయణ గౌడ్‌ మాట్లాడుతూ నెలనెలా వెన్నె ల కార్యక్రమ నిర్వాహకులను అభినందించారు. తొలుత ఉపాధ్యాయులు చెరుకూరి వెంకటేశ్వరరా వు, జానకమ్మ చిత్రపటాల వద్ద నివాళులర్పించా రు. న్యాయవాది కాటమనేని రమేష్‌, ఉపాధ్యాయు డు ఆలస్యం వెంకటేశ్వరరావు, నిర్వాహకులు అన్నాబత్తుల సుబ్రమణ్యకుమార్‌, మోటమర్రి జగన్మోహన్‌రావు, దేవేంద్ర, డాక్టర్‌ నాగబత్తిని రవికుమార్‌, ఎం.తిరుమలాచార్యులు, నామా లక్ష్మీనారా యణ, వేముల సదానందం, రవీందర్‌ పాల్గొన్నారు.

ఎర్రుపాలెం: రాష్ట్ర ప్రభుత్వం హైదరా బాద్‌ రవీంద్రబారతి లో శనివారం నిర్వహించనున్న వీరనారి చిట్యాల ఐలమ్మ జయంతి ఉత్సవాల కమిటీ రాష్ట్ర కన్వీనర్‌గా తలుపుల విజయ్‌బాబు నియమితులయ్యా రు. ఎర్రుపాలెం మండలం తక్కెళ్లపాడుకు చెందిన ఆయన నియామకంపై ఉత్తర్వులు వెలువడ్డాయి. ఈ సందర్భంగా డిప్యూటీ సీఎం భట్టి విక్రమార్క, మంత్రి పొంగులేటి శ్రీనివాసరెడ్డికి విజయ్‌బాబు కృతజ్ఞతలు తెలిపారు. వైస్‌చైర్మన్‌గా బ్రహ్మయ్య బోనకల్‌: చాకలి ఐల మ్మ జయంతి ఉత్సవాల కమిటీ వైస్‌ చైర్మన్‌గా బోనకల్‌ మండలం గోవిందాపురం (ఎల్‌) గ్రామానికి చెందిన తమ్మారపు బ్రహ్మ య్య నియమితులయ్యారు. ఈమేరకు శనివా రం హైదరాబాద్‌ రవీంద్రభారతిలో జరిగే ఉత్సవాలకు ప్రజలు అధిక సంఖ్యలో హాజరుకావాలని కోరారు. లయన్స్‌ హార్ట్‌, ఐ ఫౌండేషన్‌కు రూ.1.25 లక్షల విరాళం వైరా: నల్లగొండ జిల్లా కేంద్రంలో గురువారం జరిగిన లయన్స్‌ ఇంటర్నేషనల్‌ మల్టీపుల్‌ డిస్ట్రిక్ట్‌ కన్వెన్షన్‌ సందర్భంగా లయన్స్‌ ఐ, హార్ట్‌ ఫౌండేషన్‌కు వైరా లయన్స్‌క్లబ్‌ తరఫున రూ. 1.25లక్షల విరాళం అందజేశారు. ఈ కార్యక్రమంలో క్లబ్‌ బాధ్యులు డాక్టర్‌ కాపా మురళీకృష్ణ, డాక్టర్‌ శ్యాంబాబు, లగడపాటి ప్రభాకర్‌, జోన్‌ చైర్మన్‌ తోటకూర శ్రీకాంత్‌, వైరా అధ్యక్షుడు కొల్లా రాంబాబుతో పాటు గద్దె నీరజ, సుగ్గల మాధవి, ఉండ్రు వరలక్ష్మి తదితరులు పాల్గొన్నారు. ఈ సందర్భంగా వీరిని క్లబ్‌ సభ్యులు అభినందించారు. జర్మన్‌ భాష శిక్షణకు దరఖాస్తుల ఆహ్వానం ఖమ్మం రాపర్తినగర్‌: నర్సింగ్‌, ఫిజియోథెరపిస్ట్‌ కోర్సులు పూర్తి చేసిన నిరుద్యోగ యువతకు టామ్‌కామ్‌ ఆధ్వర్యాన ఉచితంగా జర్మన్‌ భాషలో ఇక్షణ ఇవ్వనున్నారు. ఆసక్తి ఉన్న వారు పేర్లు నమోదు చేసుకోవాలని జిల్లా ఉపాధి కల్పన అధికారి ఎన్‌.మాధవి తెలిపారు. జర్మన్‌ భాష శిక్షణ అనంతరం నిర్వహించిన పరీక్షలో అర్హత సాధిస్తే జర్మనీలో ఉద్యోగ ఎంపిక ధ్రువీకరణ పత్రం జారీ చేస్తారని పేర్కొన్నారు. వివరాలకు కలెక్టరేట్‌లోని తమ కార్యాలయంలో సంప్రదించాలని ఆమె సూచించారు. మడుపల్లి వాసికి డాక్టరేట్‌మధిర: మధిర మున్సిపాలిటీ పరిధి మడుపల్లి గ్రామానికి చెందిన అంబడిపూడి సునీల్‌కు ఉస్మానియా విశ్వవిద్యాలయం నుంచి మెకా నికల్‌ ఇంజనీరింగ్‌ విభా గంలో డాక్టరేట్‌ లభించింది. ప్రస్తుతం పాలేరు జేఎన్‌టీయూహెచ్‌లో కాంట్రాక్ట్‌ అసిస్టెంట్‌ ప్రొఫెసర్‌గా విధులు నిర్వర్తిస్తున్న ఆయన ‘అల్యూమినియం మిశ్ర మ లోహంలో సీసం, తగరం, నికెల్‌, టైటాని యం కణాలతో స్వయం మరమ్మతు లక్షణా లు, యాంత్రిక, ఘర్షణాత్మక ప్రవర్తనపై ప్ర యోగాత్మక పరిశోధన’ అంశంపై పరిశోధనా పత్రం సమర్పించారు. హైదరాబాద్‌ సీబీఐటీ ప్రొఫెసర్‌ ఎన్‌.వీ.శ్రీనివాసులు, ఓయూ సీని యర్‌ ప్రొఫెసర్‌ పి.రమేష్‌బాబు పర్యవేక్షణలో పరిశోధన చేసిన సునీల్‌కు ఓయూ నుంచి డాక్టరేట్‌ లభించింది. స్తంభంపై నంబర్‌ చెబితే సమస్య పరిష్కారంఖమ్మంవ్యవసాయం: విద్యుత్‌ అంతరాయం ఏర్పడిన ప్రాంతాన్ని త్వరగా గుర్తించి, వేగంగా పరిష్కరించేందుకు విద్యుత్‌ శాఖ కొత్త విధానాన్ని అందుబాటులోకి తెచ్చింది. ఈమేరకు జిల్లాలోని ప్రతీ విద్యుత్‌ స్తంభంపై యూనిక్‌ నంబర్‌ కేటాయించారు. ఇప్పటివరకు 33 కేవీ విభాగంలో 56 ఫీడర్లు, 11 కేవీ విభాగంలో 551 ఫీడర్లకు సంబంధించి ట్రాకింగ్‌లో భాగంగా నంబర్లు వేసే ప్రక్రియ పూర్తయింది. తద్వారా ఎక్కడైనా సమస్య ఏర్పడగానే ప్రజలు స్తంభంపై నంబర్‌ ఆధారంగా ఫిర్యాదు చేస్తే సిబ్బంది సులువుగా గుర్తించి త్వరగా చేరుకునే అవకాశం ఏర్పడుతుంది. అంతేకాక లైన్ల నిర్వహణ, పనుల పర్యవేక్షణ పారదర్శకంగా ఉంటుందని ఎస్‌ఈ ఇనుగుర్తి శ్రీనివాసాచారి తెలిపారు. సమస్య తలెత్తినప్పుడు వినియోగదారులు సమీపంలోని స్తంభంపై ఉన్న యూనిక్‌ నంబర్‌ను సిబ్బందికి తెలియజేయాలని సూచించారు.

ఖమ్మం రూరల్‌/నేలకొండపల్లి/కూసుమంచి: భూసమస్యల శాశ్వత పరిష్కారమే లక్ష్యంగా సర్వే చేపడుతున్నట్లు కలెక్టర్‌ దివాకర టీ.ఎస్‌. వెల్లడించారు. ఖమ్మం రూరల్‌ మండలం కామంచికల్‌, నేలకొండపల్లి మండలం కొంగర, కూసుమంచి మండలం ఈశ్వరమాధారంలో జరుగుతున్న భూముల రీ సర్వేను కలెక్టర్‌ శుక్రవారం క్షేత్రస్థాయిలో పరిశీలించారు. పొలాల గట్లపై నడిచి భూముల వద్దకు చేరుకున్న ఆయన సర్వేను పరిశీలించి రైతుల అభ్యంతరాలు తెలుసుకుని వారి సందేహాలను నివృత్తి చేశారు. అనంతరం కలెక్టర్‌ మాట్లాడుతూ సర్వే పూర్తయితే భూవివాదాలకు చెక్‌ పడుతుందని తెలిపారు. యజమానులకు మ్యాప్‌తో పట్టాలు అందిస్తామని, ఈ సమయాన ప్రైవేట్‌ వ్యక్తుల మధ్య పంచాయితీలో జోక్యం చేసుకోబోమని చెప్పారు. సర్వే సమయాన రైతులు పూర్తి ఆధారాలు సమర్పించి ఉద్యోగులకు సహకరించాలని సూచించారు. ఈ కార్యక్రమంలో అసిస్టెంట్‌ ట్రెయినీ కలెక్టర్‌ పరాస్‌కుమార్‌, జిల్లా సర్వే ఏడీ రాజేందర్‌, తహసీల్దార్లు వినయేందర్‌రెడ్డి, పి.రాంప్రసాద్‌, సైదులు, ఉద్యోగులు మధుసూదన్‌రావు తదితరులు పాల్గొన్నారు.కూసుమంచి: భారీ వర్షాలతో వరద వస్తున్న నేపథ్యాన అధికారులు అప్రమత్తంగా ఉండాలని కలెక్టర్‌ దివాకర టీ.ఎస్‌. ఆదేశించారు. కూసుమంచి మండలం పాలేరు రిజర్వాయర్‌ను ఇరిగేషన్‌ సీఈ మంగళంపూడి వెంకటేశ్వర్లుతో కలిసి పరిశీలించిన ఆయన కాల్వల గేట్లు, అలుగుల ప్రాంతాన్ని ఎప్పటికప్పుడు పరిశీలించి వరద ముప్పు ఎదురుకాకుండా చూడాలని తెలి పారు. రిజర్వాయర్‌లో ఇప్పటికే పూర్తిస్థాయి నీరు చేరడంతో ఇకపై వచ్చే వరద వృథా కాకుండా చెరువులకు మళ్లించాలన్నారు. అంతేకాక కాల్వ ద్వారా, భక్తరామదాసు ప్రాజెక్టు ద్వారా విడుదల చేస్తూ రిజర్వాయర్‌ నీటిమట్టాన్ని 22 అడుగులుగా క్రమబద్ధీకరించాలని సూచించారు. అలాగే, లోతట్టు ప్రాంతాల ప్రజలను అప్రమత్తం చేయడంతో పాటు రైతులు జాగ్రత్త పడేలా సూచనలు చేయాలని చెప్పారు. అసిస్టెంట్‌ ట్రెయినీ కలెక్టర్‌ పరాస్‌కుమార్‌, ఇరిగేషన్‌ డీఈఈ బాణాల రమేష్‌రెడ్డి, తహసీల్దార్‌ సైదులు, సర్పంచ్‌ బానోత్‌ నాగేశ్వరరావు తదితరులు ఉన్నారు.

● అక్టోబర్‌ 5, 6వ తేదీల్లో రాష్ట్రవ్యాప్త ఆందోళనలు ● మాస్‌లైన్‌ రాష్ట్ర కార్యదర్శి పోటు రంగారావుఖమ్మంమయూరిసెంటర్‌: దేశంలో ప్రజాస్వామ్య వ్యవస్థకు మూలస్తంభమైన ఎన్నికల కమిషన్‌ను బీజేపీ ప్రభుత్వం పూర్తిగా ధ్వంసం చేయగా.. అది అవినీతి, అక్రమాలకు నిలయంగా మారిందని సీపీఐ(ఎంఎల్‌) మాస్‌లైన్‌ రాష్ట్ర కార్యదర్శి పోటు రంగారావు ధ్వజమెత్తారు. ఖమ్మంలోని రామనర్సయ్య విజ్ఞాన కేంద్రంలో శుక్రవారం ఏర్పాటుచేసిన సమావేశంలో ఆయన మాట్లాడుతూ బీజేపీ ప్రభుత్వానికి ఈసీ అనుకూలంగా వ్యవహరిస్తూ దేశవ్యాప్తంగా కోట్లాది మంది ఓటర్ల పేర్లను జాబితా నుంచి తొలగించి ఎన్నికల ఫలితాలను కూడా ప్రభావితం చేసే చర్యలకు పూనుకుందని ఆరోపించారు. తక్షణమే చీఫ్‌ ఎలక్షన్‌ కమిషనర్‌పై క్రిమినల్‌ కేసు నమోదు చేసి పదవి నుంచి తొలగించాలని డిమాండ్‌ చేశారు. కాగా, రాష్ట్రంలో 22ఏ నిషేధిత భూములు, ధరణి పోర్టల్‌ ద్వారా జరిగిన అక్రమ రిజిస్ట్రేషన్లు, ప్రభుత్వ, అటవీ భూముల ఆక్రమణలపై విచారణ కోసం అఖిలపక్ష కమిటీని నియమించాలన్నారు. కాంగ్రెస్‌ అధికారంలోకి వచ్చి మూడేళ్లు కావస్తున్నా ఆరు గ్యారంటీలు, హామీలను నెరవేర్చడంలో విఫలమైందని విమర్శించారు. కేంద్ర, రాష్ట్ర ప్రభుత్వాల ప్రజా వ్యతిరేక విధానాలను నిరసిస్తూ వచ్చేనెల 5, 6వ తేదీల్లో రాష్ట్రవ్యాప్తంగా అన్ని డివిజన్‌, జిల్లా కేంద్రాల్లో ఆందోళనలు నిర్వహిస్తామని రంగారావు తెలిపారు. అలాగే, బ్యాంకు ఉద్యోగుల సమ్మెకు తమ పార్టీ సంపూర్ణ మద్దతు ఉంటుందని స్పష్టం చేశారు. ఈ సమావేశంలో పార్టీ జిల్లా కార్యదర్శి సీ.వై.పుల్లయ్య, నాయకులు ఆవుల వెంకటేశ్వర్లు, జి.రామయ్య, ఆవుల అశోక్‌, బందెల వెంకయ్య, కమ్మకొమటి నాగేశ్వరరావు, మలీదు నాగేశ్వరరావు, శిరోమణి, ఝాన్సీ, కోయల శ్రీనివాస్‌ తదితరులు పాల్గొన్నారు.

● ఉపాధి పనులతో శాశ్వత ఆస్తుల సృష్టి ● ఉమ్మడి వరంగల్‌, ఖమ్మం అధికారులతో సమీక్షలో మంత్రి సీతక్కసాక్షిప్రతినిఽధి, వరంగల్‌: గ్రామీణ ప్రాంతాలకు రహదారి అనుసంధానంతోపాటు నీటి భద్రత, ఉపాధి అవకాశాలు, శాశ్వత ఆస్తుల సృష్టికి ప్రభుత్వం ప్రాధాన్యం ఇస్తోందని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి ధనసరి సీతక్క (అనసూయ) తెలిపారు. ఇందులో భాగంగా ఉమ్మడి వరంగల్‌, ఖమ్మం జిలాల్ల్లో హ్యామ్‌ రోడ్ల పనులను అక్టోబర్‌ 25 నుంచి దశలవారీగా ప్రారంభిస్తామని చెప్పారు. హనుమకొండ కలెక్టరేట్‌లో శుక్రవారం జరిగిన సమావేశంలో ఉమ్మడి వరంగల్‌, ఖమ్మం జిల్లాల అధికారులతో వివిధ పనులపై మంత్రి సమీక్ష నిర్వహించారు. అనంతరం ఏర్పాటు చేసిన సమావేశంలో సీతక్క వివరాలు వెల్లడించారు. వరంగల్‌ నుంచి ఖమ్మం వరకు పనుల కదలిక.. రెండు ఉమ్మడి జిల్లాల్లోని గ్రామీణ ప్రాంతాల్లో పనులను షెడ్యూల్‌ ప్రకారం ప్రారంభించాలని అధికా రులను ఆదేశించినట్లు మంత్రి సీతక్క చెప్పారు. రెండు ఉమ్మడి జిల్లాల పరిధిలో 1,366 కి.మీ. మేర 445 రహదారులను అభివృద్ధి చేసేందుకు రూ. 1,130 కోట్ల వరకు అవసరమని తెలిపారు. రోడ్ల జాబితాలో 90శాతం ఇప్పటికే ఉన్నవి అభివృద్ధి చేయనుండగా.. 10 శాతం కొత్త రహదారులు నిర్మి స్తామన్నారు. ప్రతీ ఆవాసం నుంచి గ్రామానికి, గ్రామం నుంచి మండల కేంద్రానికి రహదారి సౌకర్యం ఉండాలన్నదే ‘హ్యామ్‌’ లక్ష్యమని తెలిపారు. ఈ విధానంలో రోడ్లు నిర్వహణ బాధ్యత 15 ఏళ్లపాటు కాంట్రాక్టర్లకే ఉండేలా ప్రణాళిక రూపొందించినట్లు చెప్పారు. ఆస్తుల సృష్టి, నీటి భద్రత ఉపాధి హామీ(వీబీజీ రామ్‌జీ) పథకాన్ని గ్రామాల్లో శాశ్వత ఆస్తులను సృష్టించేలా మారుస్తున్నట్లు సీతక్క తెలిపారు. జలసిరి కార్యక్రమం కింద ఇంటింటా ఇంకుడు గుంత, ప్రతీ ఊరికి ఊట కుంట, ప్రతీ పంటకు పంట కుంట నిర్మించడమే కాక ఏజెన్సీ గ్రామాల వాగుల వద్ద చెక్‌డ్యామ్‌లు నిర్మిస్తామని చెప్పారు. వర్షపు నీటిని నిల్వ చేయడం, భూగర్భ జలాల పెంపే లక్ష్యంగా గాంధీ జయంతి సందర్భంగా అక్టోబర్‌ 2న గ్రామ సమగ్ర ప్రణాళికలను ఆవిష్కరిస్తామని తెలిపారు. కాగా, ఉమ్మడి వరంగల్‌, ఖమ్మం జిల్లాల్లో ప్రస్తుతం తాగు అవసరాలకు సరిపడా నీరు ఉందని మంత్రి స్పష్టం చేశారు. అయినా వేసవిని దృష్ట్యా బోర్లు, మోటా ర్లు, రిజర్వాయర్లు, పైపులైన్లలో అవసరమైన మరమ్మతులు చేపట్టాలన్నారు. ఈ సమీక్షలో పంచాయతీరాజ్‌ శాఖ స్పెషల్‌ సీఎస్‌ దానకిషోర్‌, కమిషనర్‌ దివ్య దేవరాజన్‌, స్పెషల్‌ కమిషనర్‌ శ్రీలక్ష్మి, అడిషనల్‌ కమిషనర్‌ రవీందర్‌, మిషన్‌ భగీరథ, పీఆర్‌ ఈఎన్‌సీలు కృపాకర్‌రెడ్డి, జగదీశ్వర్‌, రెండు ఉమ్మడి జిలాల్ల అధికారులు పాల్గొన్నారు.

ఈ సీజన్‌లో ఎల్‌నినో ప్రభావంతో వరుణుడు ముఖం చాటేశాడు. ఇప్పటివరకు సరైన వర్షం లేక పంటలకు సమస్య ఎదురైంది. అయితే, అల్పపీడన ప్రభావంతో జిల్లాలో మూడు రోజులుగా వర్షాలు కురుస్తున్నాయి. సాగులో ఉన్న పంటలకు ఈ వాన మేలు చేసినా.. ఈ ఏడాది వర్షపాతం మాత్రం లోటులోనే ఉంది. ఈ సీజన్‌లో శుక్రవారం నాటికి జిల్లాలోని ఒక్కో మండలంలో 76.4 సెం.మీ. వర్షపాతం నమోదు కావాల్సి ఉండగా.. 58.6 సెం.మీ.కే పరిమితమైంది. ప్రస్తుత వర్షం కురవకపోతే లోటు మరింత ఎక్కువగా ఉండేది. కాగా, గురువారం ఉదయం 8–30నుంచి శుక్రవారం ఉదయం 8–30 గంటల వరకు జిల్లాలో 5.1 సెం.మీ. వర్షపాతం నమోదైంది. – సాక్షి ప్రతినిధి, ఖమ్మంమూడు నెలల్లో అంతంతే.. పంటల సాగులో అడుగడుగునా నీరు అవసరం. జూన్‌, జూలై, ఆగస్టు నెలల్లో వర్షాలు కురిస్తేనే పంటలు కళకళలాడతాయి. కానీ జిల్లాలో జూన్‌లో సగటు సాధారణ వర్షపాతం 13.సెం.మీ.కు 15.3 సెం.మీ, జూలైలో 24.1 సెం.మీ.కు 8.4 సెం.మీ, ఆగస్టులో 24 సెం.మీ.కు గాను 16.6 సె.మీ. వర్షపాతమే నమోదైంది. ఫలితంగా పంటల సాగుకు నీరు ఏ మాత్రం సరిపోలేదు. సాగుకు కీలకమైన జూలైలో అయితే 62 శాతం లోటు నమోదు కావడం గమనార్హం. వర్షాలు లేక, ప్రాజెక్టుల్లోకి నీరు చేరక పంటల సాగుపై తీవ్ర ప్రభావం పడింది. అడపాదడపా కురిసిన వర్షాలకు వరి, పత్తి, మొక్కజొన్న వంటి పంటలను సాగు చేసిన రైతులు వరుణుడి కరుణ కోసం ఎదురుచూడాల్సి వచ్చింది. తాజా వర్షంతో హర్షం.. మూడు నెలల పాటు ఎదురుచూసిన రైతులకు గత రెండు రోజులుగా కురిసిన వర్షాలు ఉపశమనాన్ని కలిగించాయి. ఇన్నాళ్లు అడపాదడపా సీతారామ ప్రాజెక్టు ద్వారా విడుదలవుతున్న గోదావరి నీటితోనే రైతులు ముందుకు సాగారు. ఈక్రమాన అల్పపీడన ప్రభావంతో భారీ వర్షాలు కురవడంతో పంట చేలు కళకళలాడుతున్నాయి. జిల్లాలో బుధవారం ఉదయం 8–30నుంచి గురువారం ఉదయం 8–30 గంటల వరకు 8.6 సెం.మీ., గురువారం ఉదయం నుంచి శుక్రవారం ఉదయం వరకు 5.1 సెం.మీ. వర్షపాతం నమోదు కావడంతో పంటలు ఎండిపోకుండా కాపాడినట్లయింది. అల్పపీడన ప్రభావంతో శనివారం కూడా వర్షం కురుస్తుందని వాతావరణ శాఖ వెల్లడించగా... మరో రెండు, మూడు రోజులు వర్షాలు కురిస్తే బాగుండని రైతులు భావిస్తున్నారు. 16 మండలాల్లో తక్కువే.. జిల్లాలోని 21 మండలాలకు గాను ఎక్కువ మండలాల్లో తక్కువ వర్షపాతమే నమోదైంది. సీజన్‌ ప్రారంభం నుంచి ఈనెల 25 వరకు 76.4 సెం.మీ. వర్షపాతానికి 58.6 సెం.మీ.గానే నమోదైంది. జిల్లాలోని 16 మండలాల్లో 20 – 59 శాతం లోటు ఉండగా, మిగిలిన ఐదు మండలాల్లో సాధారణ వర్షపాతం నమోదైంది. అత్యధికంగా ఎర్రుపాలెం మండలంలో 46 శాతం లోటు నమోదైంది. ఈ మండలంలో 72.2 సెం.మీ.కు గాను 39.1 సెం.మీ. వర్షపాతమే నమోదైందని గణాంకాలు చెబుతున్నాయి. ఇక కూసుమంచిలో 37 శాతం, నేలకొండపల్లిలో 36, ఖమ్మం అర్బన్‌లో 34, రఘునాథపాలెంలో 33, కొణిజర్ల, వేంసూరు మండలాల్లో 32 శాతం లోటు ఉంది. ఈ సీజన్‌లో కరుణించని వరుణుడు ఎగువ ప్రాంతాల్లో భారీ వర్షాలు కురవడంతో జిల్లాలోని జలాశయాల్లోకి నీరు చేరుతోంది. జిల్లాలో ప్రధాన ప్రాజెక్టులైన పాలేరు, వైరా రిజర్వాయర్లలోకి వరద చేరుతుండడంతో రైతులు పంటలపై ఆశాజనకంగా ఉన్నారు. వైరా రిజర్వాయర్‌ పూర్తి స్థాయి నీటిమట్టం 18.3 అడుగులు కాగా.. ప్రస్తు తం ప్రాజెక్టు 19.6 అడుగులకు చేరి ఐదు అలుగు ల ద్వారా వరద దిగువకు వెళ్తోంది. పాలేరు రిజర్వాయర్‌ పూర్తిస్థాయి నీటిమట్టం 23 అడుగుల కు గాను వరద పోటెత్తుతోంది. ప్రస్తుతం పరిస్థితి బాగానే ఉన్నా రానున్న రోజుల్లో వర్షం కురవకపోతే ఎలాఅని రైతులు ఆలోచనలో పడ్డారు.

కేంద్ర ఎన్నికల సంఘం బాధ్యులు జ్ఞానేశ్వర్‌ మిశ్రా ప్రజాస్వామ్య ద్రోహిగా వ్యవహరిస్తున్నందున వెంటనే బాధ్యతల నుంచి తప్పించాలని సీపీఐ జాతీయ సమితి సభ్యుడు బాగం హేమంతరావు డిమాండ్‌ చేశారు. ఎన్నికల ఫలితాలను తారుమారు చేసేలా వ్యవహరించిన ఆయనపై క్రిమినల్‌ కేసులు నమోదు చేయాలన్నారు. ఖమ్మం గిరిప్రసాద్‌ భవన్‌లో జరిగిన సీపీఐ అనుబంధ ప్రజా సంఘాల సమావేశానికి జమ్ముల జితేందర్‌రెడ్డి అధ్యక్షత వహించగా హేమంతరావు మాట్లాడారు. ప్రజల అభిప్రాయాలను పక్కనపెట్టి బీజేపీకి అనుకూలంగా వ్యవహరించి ఫలితా లను తారుమారు చేసిన జ్ఞానేశ్వర్‌ ఎన్నికల చరిత్రకు తీరని కళంకాన్ని తీసుకొచ్చారన్నారు. ఇక రాష్ట్ర ప్రభుత్వం ఎన్నికల హామీలను అమలుచేయకపోగా, ప్రజాసమస్యలను పక్కదారి పట్టించేలా వ్యవహరి స్తోందని, 22ఏ జాబితా తది తర సమస్యలపై చర్చించకుండా వ్యక్తిగత దూషణలకు పరిమితమయ్యారని ఆరోపించారు. ఈ సమావేశంలో సీపీఐ జిల్లా కార్యదర్శి దండి సురేష్‌, నాయకులు పాల్గొన్నారు.

ఖమ్మం క్రైం: జిల్లావ్యాప్తంగా ఒకటి, రెండు రోజుల్లో పోలీసు శాఖలోని సీఐల బదిలీ లు జరగనున్నాయి. దాదాపు అందరికి స్థానచలనం కలిగే అవకాశముండగా, ఇప్పటికే ఉన్నతాధికారులు జాబితా సిద్ధం చేసినట్లు సమాచారం. ప్రధానంగా ఖమ్మం సబ్‌డివిజన్‌, ఖమ్మం రూరల్‌ పరిధిలో సీఐల పదవీకాలం రెండేళ్లు దాటడంతో దాదాపు అందరినీ కదిలించే అవకాశం ఉందని తెలిసింది. మంచి పోస్టు కోసం సిఫారసులు జిల్లాలో సీఐల బదిలీ ఖాయమని తేలడంతో పలువురు మంచి పోస్టు దక్కించుకునేందుకు పావులు కదుతున్నట్లు తెలిసింది. ఈమేరకు పది రోజులుగా ఎమ్మెల్యేలు, అధికార పార్టీ కీలక నాయకుల చుట్టూ ప్రదక్షిణలు చేస్తున్నారని సమాచారం. ఇంకొందరు ఓ అడుగు ముందుకేసి తెలిసిన పోలీసు ఉన్నతాధికారులు, మంత్రులను సైతం సంప్రదించి నచ్చినచోట పోస్టింగ్‌ కోసం సిఫారసు లేఖను జిల్లా అధికారులకు చేరవేసినట్లు తెలిసింది. ప్రధానంగా ఖమ్మం కార్పొరేషన్‌ పరిధిలో కీలకమైన రెండు స్టేషన్లకు సీఐగా వచ్చేందుకు పలువురు పోటీ పడుతున్నట్లు సమాచారం. అంతేకాక రూరల్‌ పరిధిలోనూ ప్రధానమైన మూడు స్టేషన్ల కోసం భద్రాద్రి కొత్తగూడెం, మహబూబాబాద్‌, ఉమ్మడి వరంగల్‌ జిల్లాలో పనిచేస్తున్న సీఐలు ప్రయత్నం చేస్తున్నట్లు ప్రచారం జరుగుతోంది. ఇక ఖమ్మం కమిషనరేట్‌ పరిధిలో లూప్‌లైన్‌లో ఉన్న కొందరు సీఐలకు ఈసారి మంచి పోస్టింగ్‌ కోసం కొందరు నేతల నుంచి అభయం అందినట్లు తెలిసింది.కీలక స్థానాలపై కన్ను... అభయ‘హస్తం’ కోసం పైరవీ

ఖమ్మంమయూరిసెంటర్‌: తెలంగాణ ఆర్టీసీ వర్కర్స్‌ యూనియన్‌(టీడబ్ల్యూయు), స్టాఫ్‌ అండ్‌ వర్కర్స్‌ ఫెడరేషన్‌(ఎస్‌డబ్ల్యూఎఫ్‌) ఐక్య కూటమి విజయం సాధిస్తేనే ఆర్టీసీ ప్రభుత్వంలో విలీ నం, కార్మికుల సమస్యల పరిష్కారం, సంపూర్ణ ఉద్యోగ భద్రత సాధ్యమవుతుందని రెండు సంఘాల రాష్ట్ర నాయకులు కేఎస్‌.రెడ్డి, గడ్డం లింగమూర్తి తెలిపారు. ఖమ్మంలో జున్ను రవి, గుండు మాధవరావు అధ్యక్షతన శుక్రవారం జరిగిన సమావేశంలో వారు మాట్లాడారు. ఆర్టీసీ గుర్తింపు ఎన్నికల్లో ఐక్య కూటమి గెలుపు ఇప్పటికే ఖాయమైందని తెలిపారు. క్లాస్‌–3 గుర్తింపు కోసం తెలంగాణ ఆర్టీసీ వర్కర్స్‌ యూనియన్‌ను, క్లాస్‌–6 స్థానిక గుర్తింపు కోసం స్టాఫ్‌ అండ్‌ వర్కర్స్‌ ఫెడరేషన్‌ను గెలిపించాలని కోరారు. ఈమేరకు 55 రోజుల సమ్మెలో కార్మికుల ప్రయోజనాల కోసం అశ్వద్ధామరెడ్డి చూపిన నిబద్ధతను గుర్తించాలని తెలిపా రు. కాగా, 29న ఖమ్మంలో ఎన్నికల బహిరంగ సభ నిర్వహిస్తున్నామని వెల్ల డించారు. అనంతరం చైర్మన్‌గా గడ్డం లింగమూర్తి(ఎస్‌డబ్ల్యూఎఫ్‌), కన్వీనర్‌గా గుర్రం శ్రీనివాసరావు(టీడబ్ల్యూయు)తో పాటు 9మంది సభ్యులతో కూటమి సమన్వయ కమిటీని, 15 మందితో ప్రచార కమిటీ ఏర్పాటు చేశారు. నాయకులు పిట్టల సుధాకర్‌, అర్పినేని కృష్ణ, బాణాల రాంబాబు, చీధిరాల శ్రీనివాసరావు, గుర్రం ఉప్పలయ్య, మెరుగు రవీంద్రనాథ్‌, జె.పద్మావతి, డి.సరిత, గుగ్గిల రోశయ్య, ఎస్‌.ఎన్‌.చారి తదితరులు పాల్గొన్నారు. ఐఎన్‌టీయూసీ బలపరిచిన అభ్యర్థులను గెలిపించాలి ఆర్టీసీ ఎన్నికల్లో ఐఎన్‌టీయూసీ బలపరిచిన అభ్యర్థుల విజయానికి కాంగ్రెస్‌ నాయకులు, కార్యకర్తలు కృషిచేయాలని జిల్లా అధ్యక్షుడు నూతి సత్యనారాయణ గౌడ్‌ పిలుపునిచ్చారు. ఖమ్మంలోని పార్టీ కార్యాలయంలో జరిగిన ఐఎన్‌టీయూసీ – ఆర్టీసీ కార్మిక నేతల సమావేశంలో నగర అధ్యక్షుడు నాగండ్ల దీపక్‌ చౌదరి, ఐఎన్‌టీయూసీ జిల్లా అధ్యక్షుడు కొత్త సీతారాములుతో కలిసి ఆయన మాట్లాడారు. ఆదివారం ఉదయం ఖమ్మం బస్‌ డిపో వద్ద జరిగే జెండా ఆవి ష్కరణ, ఆతర్వాత నిర్వహించే ఎన్నికల సన్నాహక సమావేశాన్ని విజయవంతం చేయాలని కోరారు. నాయకులు నరేష్‌, హన్మంతరావు, వినోదరావు, ఉపేందర్‌ రెడ్డి, వీరభద్రరావు, యాదగిరి, శ్రీనివాస్‌, సురేష్‌ పాల్గొన్నారు. టీడబ్ల్యూయూ, ఎస్‌డబ్ల్యూఎఫ్‌ నాయకులు

కల్లూరురూరల్‌: కల్లూరులోని జిల్లాపరిషత్‌ హైస్కూల్‌లో చదివి గత విద్యాసంవత్సరం ఎస్సెసీలో నియోజకవర్గంలోనే అత్యధిక మార్కులు సాధించిన శివనందిని ఉపకార వేతనానికి ఎంపికై ంది. ఈ సందర్భంగా శ్రీ రామ్‌ లైఫ్‌ ఇన్సూరెన్స్‌ ఆధ్వర్యాన హైదరాబాద్‌లో శు క్రవారం నిర్వహించిన సమావేశంలో ఆమెకు గవర్నర్‌ శివప్రతాప్‌శుక్లా రూ.లక్ష చెక్కు అందజేశారు. ఆమె ను పాఠశాలఉపాధ్యాయులు, సిబ్బంది అభినిందించారు. ఖమ్మం స్పోర్ట్స్‌: ఉమ్మడి జిల్లా నెట్‌బాల్‌ సబ్‌ జూని యర్‌, జూనియర్‌ బాలబాలికల జట్ల ఎంపిక పోటీలు ఈనెల 27న నిర్వహించనున్నారు. ఖమ్మంలోని హార్వె స్ట్‌ పబ్లిక్‌ స్కూల్‌లో ఈ పోటీలు జరుగుతాయని నెట్‌బాల్‌ అసోసియేషన్‌ జిల్లా అధ్యక్ష, కార్యదర్శులు సీహెచ్‌.దీప్తి, రుజిత తెలిపారు. క్రీడాకారులు వయసు ధ్రు వీకరణపత్రం, ఆధార్‌కార్డుతో హాజరుకావాలని సూచించారు.

● జిల్లాల వారీగా వివరాల డిజిటలైజేషన్‌ ● అధికారులు, ఉద్యోగులకు కొనసాగుతున్న శిక్షణఖమ్మం అర్బన్‌: జలవనరుల శాఖ పరిపాలనను మరింత పారదర్శకంగా, వేగవంతంగా మార్చేందుకు సమగ్ర సమాచారాన్ని ఆన్‌లైన్‌లోకి తీసుకొచ్చే ప్రక్రియ మొదలైంది. జిల్లాల వారీగా ఉన్న జలవనరుల శాఖ సమాచారాన్ని డిజిటలైజ్‌ చేసి, ఈ–ఫైలింగ్‌ విధానంలో భద్రపరిచేందుకు అధికారులు సిద్ధమయ్యారు. ఇందులో భాగంగా జిల్లాల వారీగా అధికారులు, ఉద్యోగులకు విడతల వారీగా హైదరాబాద్‌లో ప్రత్యేక శిక్షణ ఇస్తున్నారు. కీలక సమాచారం అంతా.. శాఖ పరిధిలోని రిజర్వాయర్ల పూర్తిస్థాయి నీటిమట్టం, నీటి నిల్వల వివరాలతోపాటు భూములు, కార్యాలయాలు, ప్రాజెక్టులు, భూసేకరణ సమాచారం, బిల్లుల చెల్లింపులు, ఇతర పరిపాలనా వివరాలను క్రమబద్ధీకరించి ఆన్‌లైన్‌లో నమోదు చేస్తారు. ఇప్పటివరకు ఫైళ్లు, రికార్డుల రూపంలో ఉన్న సమాచారాన్ని డిజిటల్‌ రూపంలోకి మార్చడం ద్వారా అవసరమైన సమాచారం అన్ని స్థాయి అధికారులకు అందుబాటులోకి ఉంటుంది. అంతేకాక ఈ – ఫైలింగ్‌ విధానాన్ని విస్తృతంగా అమలు చేయడంతో ఫైళ్ల కదలిక, సమాచార సేకరణ, రికార్డుల నిర్వహణ సులభతరం కానుంది. ఉమ్మడి జిల్లా నుంచి కూడా.. హైదరాబాద్‌లో నిర్వహిస్తున్న శిక్షణకు ఉమ్మడి ఖమ్మం జిల్లా అధికారులు, ఇంజినీరింగ్‌ ఉద్యోగులు హాజరవుతున్నారు. గురువారం ఇంజినీర్లు వెళ్లగా, ఆన్‌లైన్‌ పోర్టల్‌ వినియోగం, డేటా ఎంట్రీ, ఈ–ఫైలింగ్‌ విధానం, డిజిటల్‌ రికార్డుల నిర్వహణపై మాస్టర్‌ ట్రెయినీలు శిక్షణ ఇస్తున్నారు. అక్కడ శిక్షణ తీసుకున్న అధికారులు తమ పరిధిలోని ఉద్యోగులకు అవగాహన కల్పించాక జిల్లాలు, డివిజన్లు, సబ్‌ డివిజన్ల వారీగా సమాచారాన్ని ఆన్‌లైన్‌లో నమోదు చేయాల్సి ఉంటుంది. జలవనరుల శాఖలో పలు స్థాయి పోస్టులు ఖాళీగా ఉండడంతో పరిపాలనా భారం పెరుగుతోంది. ఈనేపథ్యాన సమాచారాన్ని డిజిటల్‌ రూపంలోకి మార్చడం పనులు సులువవుతాయని భావిస్తున్నారు.

సాక్షి ప్రతినిధి, ఖమ్మం: సీతారామ ఎత్తిపోతల పథకానికి సంబంధించిన సమస్యలను పరిష్కరించాలని నీటి పారుదల శాఖ మంత్రి ఎన్‌.ఉత్తమ్‌కుమార్‌రెడ్డిని వ్యవసాయ శాఖ మంత్రి తుమ్మల నాగేశ్వరరావు కోరారు. హైదరాబాద్‌లో ఉత్తమ్‌ను కలిసిన తుమ్మల మాట్లాడుతూ సత్తుపల్లి ట్రంక్‌ కెనాల్‌ ద్వారా బేతుపల్లి రిజర్వాయర్‌కు గోదావరి జలాలు చేరిస్తే రైతులకు సాగునీరు అందుతుందని తెలిపారు. దీంతో స్పందించిన మంత్రి ఉత్తమ్‌ భూసేకరణ సమస్యలను పరిష్కరించి, ప్యాకేజీ 9, 10ల్లో మిగిలిన పనులను వచ్చే నెలాఖరుకు పూర్తి చేసి కెనాల్‌ ద్వారా బేతుపల్లి రిజర్వాయర్‌కు నీరు విడుదల చేయాలని అధికారులు ఆదేశించారు. అలాగే 11, 12 ప్యాకేజీల పనులు కూడా వచ్చే ఏడాది మేలోగా పూర్తి చేయాలన్నారు. ఆతర్వాత అశ్వారావుపేట నియోజకవర్గంలో డిస్ట్రిబ్యూటరీ ప్యాకేజీలు 7, 8లో కాల్వలు కాకుండా పైప్‌లైన్లు ఏర్పాటుచేయాలని, జూలూరుపాడు టన్నెల్‌ పనులకు సంబంధించి 155 ఎకరాల భూసేకరణ సమస్య, కాల్వల పరిధి భూముల్లో సోలార్‌ ప్లాంట్ల ఏర్పాటు, ఉత్పత్తి అయ్యే విద్యుత్‌ను పంపుహౌస్‌లకు వినియోగించే అంశంపై చర్చించారు. ఈ సమావేశంలో కొత్తగూడెం జలవనరుల శాఖ సీఈ ఎస్‌.శ్రీనివాసరెడ్డి, నిర్మాణ కంపెనీల బాధ్యులు కేశవరాజు, సాయిబాబురాజు, సుమన్‌రావు, సంకినేని కృష్ణారావు తదితరులు పాల్గొన్నారు.నీటిపారుదలశాఖ మంత్రి ఉత్తమ్‌తో తుమ్మల భేటీ

తల్లిదండ్రులకు కూతుళ్లతో ప్రత్యేక అనుబంధం ఉంటుంది. కూతురు ఉన్నతస్థానానికి చేరితే మురిసిపోతారు. కూతురితో గడిపిన ప్రతీ విషయం వారికి తీపిజ్ఞాపకమే. మీకు ఉన్న అలాంటి తీపి జ్ఞాపకాలు, మీ కుమార్తె విజయాలను డాటర్స్‌ డే (కూతురు దినోత్సవం) సందర్భంగా ‘సాక్షి’ పాఠకులతో పంచుకోండి. తల్లిదండ్రులు తమ కూతురుతో దిగిన సెల్ఫీ, మీ పేరు, ప్రాంతం వివరాలను వాట్సాప్‌ నంబర్‌కు పంపండి. వీటిలో ఉత్తమమైనవి 27వ తేదీన ప్రచురిస్తాం.ఫొటోలు, వివరాలు పంపాల్సిన చివరి తేదీ : ఈనెల 26(శనివారం) సాయంత్రం 4 గంటలు మీరు పంపాల్సిన వాట్సాప్‌ నంబర్‌ : 98498 08197

ఎంపీ వద్దిరాజు రవిచంద్రపాల్వంచలో ఎంపీ వద్దిరాజు రవిచంద్ర మాట్లాడుతూ బొగ్గు సరఫరాలో కాంగ్రెస్‌ ప్రభుత్వం భారీ స్కాంకు పాల్పడిందని ఆరోపించారు. నాణ్యత లేని బొగ్గు సరఫరా చేస్తుండటంతో ఉత్పత్తి సగానికి సగం పడిపోయిందని అన్నారు. మణుగూరులో పువ్వాడ అజయ్‌ మాట్లాడుతూ విద్యుత్‌ సంస్థల నుంచి సింగరేణి బకాయి రూ. 52 వేల కోట్లను చెల్లించాలని డిమాండ్‌ చేశారు. బీఆర్‌ఎస్‌ ప్రభుత్వ హయాంలో రైతులు, పరిశ్రమలకు నాణ్యమైన విద్యుత్‌ అందించామని చెప్పారు. కాంగ్రెస్‌ ప్రభుత్వం రైతులకు 8 గంటల విద్యుత్‌ కూడా అందించలేకపోతోందని విమర్శించారు.

కేయూ క్యాంపస్‌: కాకతీయ యూనివర్సిటీ పరిధిలోని ఉమ్మడి వరంగల్‌, ఖమ్మం, ఆది లాబాద్‌ జిల్లాల్లో శుక్రవారం జరగాల్సిన దూరవిద్య డిగ్రీ, పీజీ, రెగ్యులర్‌ లా తదితర పరీక్షలు వాయిదా వేసినట్లు పరీక్షల నియంత్రణాధికారి కె.రాజేందర్‌ తెలిపారు. భారీ వర్షాల హెచ్చరిక ల నేపథ్యాన గురువారం కూడా పరీక్షలు వాయిదా వేశామని పేర్కొన్నారు. మిగిలిన పరీక్షలు టైంటేబుల్‌ ప్రకారం యథావిధిగా జరుగుతాయని, 24, 25 తేదీల పరీక్షలు మళ్లీ ఎప్పుడు నిర్వహించేది తర్వాత ప్రకటిస్తామని తెలిపారు. విద్యాసంస్థలకు రెండో శనివారం పనిదినం ఖమ్మం సహకారనగర్‌: అల్పపీడన ప్రభావంతో భారీ వర్షాలు కురుస్తున్న నేపథ్యాన గురువారం జిలాల్లోని విద్యాసంస్థలకు కలెక్టర్‌ దివాకర టీ.ఎస్‌. సెలవు ప్రకటించారు. అయితే, పనిదినాల తగ్గొద్దనే ఉద్దేశంతో వచ్చే నెల రెండో శనివారం విద్యాసంస్థలకు పనిదినంగా నిర్ణయించినట్లు కలెక్టర్‌ సూచించారు. ‘నవోదయ’లో ప్రవేశానికి దరఖాస్తులు కూసుమంచి: కూసుమంచి మండలం పాలేరులోని జవహర్‌ నవోదయ విద్యాలయలో 2027–28 విద్యాసంవత్సరానికి 9, 11వ తరగతుల్లో ప్రవేశానికి దరఖాస్తులు ఆహ్వానించారు. అర్హులైన విద్యార్థులు ఈనెల 30లోగా ఆన్‌లైన్‌ విధానంలో దరఖాస్తు చేసుకోవాలని ఇన్‌చార్జి ప్రిన్సిపాల్‌ వెంకటరమణ సూచించారు. దరఖాస్తు చేసుకున్న వారికి వచ్చే ఏడాది ఏప్రిల్‌ 4న ప్రవేశ పరీక్ష నిర్వహిస్తామని తెలిపారు.చేపల వ్యాధులు, నివారణపై అవగాహన వైరా: మంచినీటి చెరువుల్లో పెరిగే చేపలను ఆశించే వ్యాధులు, నివారణపై శాస్త్రవేత్తలు అవగాహన కల్పించారు. జాతీయ జలచర జంతువుల వ్యాధుల పర్యవేక్షణా కార్యక్రమంలో భాగంగా వైరాలోని కృషి విజ్ఞాన కేంద్రంలో గురువారం రైతులకు సదస్సు ఏర్పాటు చేశారు. ఈ సందర్భంగా సీనియర్‌ శాస్త్రవేత్తలు డాక్టర్‌ శ్యామ్‌ప్రసాద్‌, డాక్టర్‌ పావని, డాక్టర్‌ నాగరాజు, బనోతా దివ్య, చల్లా నరసింహ మాట్లాడారు. చేపలను ఆశించే వ్యాధులు, ప్రారంభదశలో లక్షణాల గుర్తింపు, నివారణను ప్రయోగాత్మకంగా వివరించారు. అక్వాకల్చర్‌ ద్వారా మెరుగైన ఆదాయం పొందే అవకాశం ఉన్నందున రైతులు ముందుకు రావాలని సూచించారు. ‘ఎస్‌ఐఆర్‌ పేరుతో ఓట్ల తొలగింపు’ ఖమ్మంమయూరిసెంటర్‌: కేంద్ర ఎన్నికల సంఘం ఎస్‌ఐఆర్‌(స్పెషల్‌ ఇంటెన్సివ్‌ రివిజన్‌) పేరుతో కాంగ్రెస్‌, ప్రతిపక్ష పార్టీల ఓట్లే లక్ష్యంగా తొలగిస్తోందని కాంగ్రెస్‌ జిల్లా అధ్యక్షుడు నూతి సత్యనారాయణ గౌడ్‌ ఆరోపించారు. ‘అనుమానాలను స్వీకరించం, ఆ అంశాన్ని కమిషన్‌ పరిశీలిస్తుంది’అని ఈసీ తాజాగా సుప్రీంకోర్టులో వేసిన అఫిడవిట్‌ అసమంజసంగా ఉందని పేర్కొన్నారు. ఎన్నికల కమిషన్‌ చేపడుతుంది ఓట్ల తొలగింపు మాత్రమే కాదని, ప్రజాస్వామ్యాన్ని ఖూనీ చేయడమని ఆయన ఓ ప్రకటనలో మండిపడ్డారు. రాష్ట్ర స్థాయి పోటీల్లో ‘న్యూవిజన్‌’ విద్యార్థుల ప్రతిభ ఖమ్మం సహకారనగర్‌: విద్యార్థుల్లో శాసీ్త్రయ ధృక్పథం, సృజనాత్మకతను పెంచడమే లక్ష్యంగా నిర్వహించిన రాష్ట్ర స్థాయి సైన్స్‌ డ్రామా పోటీల్లో జిల్లా తరఫున ప్రాతినిధ్యం వహించిన న్యూవిజన్‌ కాన్సెప్ట్‌ స్కూల్‌ విద్యార్థులు ప్రతిభ కనబరిచారు. హైదరాబాద్‌లోని ఈనెల 22న నిర్వహించిన రాష్ట్ర స్థాయి పోటీల్లో విద్యార్థులు ‘ది లాస్ట్‌ క్రై ఆఫ్‌ ది ఓషన్‌’అంశంపై ఇచ్చిన ప్రదర్శనకు తృతీయ బహుమతి లభించింది. సముద్ర జలాల కాలుష్యం, ప్లాస్టిక్‌ వ్యర్థాల ప్రభావం, పర్యావరణ పరిరక్షణ అంశాలే ఇతివృత్తంగా విద్యార్థులు ఆర్‌.అక్షయశ్రీ, తన్వీర్‌, ఎం.డీ.హిఫ్జా, ఝాన్సీ, సీ.హెచ్‌.విదీ్‌ప్‌, క్షేత్ర, సీ.హెచ్‌.తన్వి, అమ్హర్‌ ప్రదర్శన ఇచ్చారు. ఈ సందర్భంగా విద్యార్థులతో పాటు గైడ్‌ టీచర్లు జి.ఉష, డి.సబిత, భవాని, జనార్దన్‌, స్రవంతి, సునీతను న్యూవిజన్‌ విద్యాసంస్థల చైర్మన్‌ సీహెచ్‌జీకే.ప్రసాద్‌, డైరెక్టర్‌ కార్తీక్‌తో పాటు ప్రిన్సిపాల్‌ అబాద్‌ అలీ, ఉపాధ్యాయులు అభినందించారు.

భద్రాచలంటౌన్‌: గిరిజన సంక్షేమ గురుకుల పాఠశాలల్లో 5నుంచి 9వ తరగతి వరకు, జూనియర్‌ కాలేజీల్లో ఇంటర్‌ ప్రథమ సంవత్సరంలో ఖాళీల భర్తీకి ఈనెల 26న స్పాట్‌ కౌన్సెలింగ్‌ నిర్వహించనున్నట్లు ఐటీడీఏ పీఓ బి.రాహుల్‌ తెలిపారు. అర్హత కలిగిన గిరిజన విద్యార్థినీ, విద్యార్థులు ఉదయం 10గంటలకు ప్రవేశం కోరుకునే పాఠశాల, కళాశాలలో ఒరిజి నల్‌ సర్టిఫికెట్లు, కుల ధ్రువీకరణ పత్రం, రెండు పాస్‌పోర్ట్‌ సైజు ఫొటోలు, రెండు సెట్ల జిరాక్స్‌లతో హాజరుకావాలని సూచించారు. బాలు రకు దమ్మపేట, కిన్నెరసాని, గుండాల, సింగరేణి, తిరుమలాయపాలెం, కృష్ణసాగర్‌ గురుకులాల్లో, బాలికలకు భద్రాచలం, సుదిమళ్ల, మణుగూరు, కొత్తగూడెం, వైరా, అంకంపాలెం, అన్నపురెడ్డిపల్లి కళాశాలల్లో సీట్లు అందుబాటులో ఉన్నాయని తెలిపారు. రూ.12 కోట్ల విలువైన మద్యం అమ్మకాలు వైరా: ఉమ్మడి జిల్లాలో గత రెండు రోజులుగా మద్యం అమ్మకాలు జోరుగా సాగాయి. ఈమేరకు వైరాలోని ఐఎంఎల్‌ మద్యం డిపో నుంచి రూ.12 కోట్ల విలువైన మద్యాన్ని బార్లు, వైన్స్‌లకు తీసుకెళ్లారు. గణేష్‌ నిమజ్జనం సందర్భంగా బుధ, గురువారాల్లో ఖమ్మం, భద్రాద్రి జిల్లాలో ప్రాంతాల వారీగా మద్యం అమ్మకాలు నిలిపివేశారు. దీంతో ముందుగానే దుకాణదారులు స్టాక్‌ కొనుగోలు చేసి తీసుకెళ్లారు. మణుగూరు, అశ్వారావుపేట ప్రాంతాల వైన్స్‌కు ఒకేరోజు రూ.70 లక్షల మద్యం తీసుకెళ్లగా, ఖమ్మం జిల్లాలో రూ.7 కోట్ల మేర మద్యం తరలించినట్లు తెలిసింది. ‘చేయూత’ పరిశీలన గడువు పొడిగింపు ఖమ్మంమయూరిసెంటర్‌: ‘చేయూత’ పెన్షన్ల కోసం అందిన దరఖాస్తుల పరిశీలన గడువును ప్రభుత్వం పొడిగించింది. తొలుత 25వ తేదీ వరకే పరిశీలించాలని ఆదేశించగా.. దీన్ని 30వ తేదీ వరకు పొడిగిస్తూ నిర్ణయం తీసుకున్నారు. జిల్లాలో ఇంకా 8వేల దరఖాస్తులు పరిశీలించాల్సి ఉన్నందున, గడువు పొడిగించడంతో అధికారులు ఊపిరి పీల్చుకున్నారు. ఎన్‌ఎస్‌ఎస్‌ కోఆర్డినేటర్లకు అవార్డులు ఖమ్మం రాపర్తినగర్‌: జిల్లా ఎన్‌ఎస్‌ఎస్‌(జాతీయ సేవా పథకం) కోఆర్డినేటర్లుగా విధులు నిర్వర్తించిన అధ్యాపకులకు అవార్డులు లభించాయి. గతంలో ఎన్‌ఎస్‌ఎస్‌ జిల్లా కోఆర్డినేటర్లకు నిర్వర్తించిన వారితో పాటు ప్రస్తుత కోఆర్డినేటర్‌ డాక్టర్‌ ఎన్‌.శ్రీనివాసరావును కాకతీయ యూనివర్సిటీలో గురువారం జరిగిన గోల్డెన్‌ జూబ్లీ వేడుకల్లో వీసీ ప్రతాప్‌రెడ్డి సన్మానించారు. ఇంకా ప్రొఫెసర్‌ ఎనిక వెంకటేశ్వర్లు, సీహెచ్‌.జగదీశ్వరరావు, సీహెచ్‌.వీరభద్రం, పి.సర్వేశరరావు, గడ్డమనుగు రామారావు కూడా సన్మానం అందుకోగా పలువురు అభినందించారు. రెడ్‌క్రాస్‌ ఎన్నికల్లో 41 నామినేషన్ల దాఖలు ఖమ్మం సహకారనగర్‌: రెడ్‌ క్రాస్‌ సొసైటీ జిల్లా మేనేజింగ్‌ కమిటీ ఎన్నిక ప్రక్రియలో భాగంగా గురువారం నామినేషన్లు స్వీకరించారు. ఈమేరక ఉదయం 10నుంచి మధ్యాహ్నం ఒంటి గంట వరకు 41 మంది అభ్యర్థులు నామినేషన్లు దాఖలు చేశారని జిల్లా ఎన్నికల అధికారి ఏ.శ్రీనివాస్‌ తెలిపారు. దాఖలైన నామినేషన్లు శుక్రవారం పరిశీలిస్తామని, శనివారం ఉపసంహరణ గడువు ముగిశాక అదేరోజు మధ్యాహ్నం 3 గంటలకు పోటీలో మిగిలిన అభ్యర్థుల జాబితా వెల్లడిస్తామని పేర్కొన్నారు. అక్టోబర్‌ 4వ తేదీన టీటీడీసీ భవనంలో ఎన్నికలు నిర్వహించనున్నట్లు తెలిపారు. ఒకేసారి ఏడుగురు ఉద్యోగ, ఉపాధ్యాయుల బదిలీ పెనుబల్లి: పెనుబల్లి మండలం అడవిమల్లెల గురుకుల పాఠశాలలోని ఉపాధ్యాయ, ఉద్యో గులు ఏడుగురిని ఏకకాలంలో డిప్యూటేషన్‌పై బదిలీ చేస్తూ సాంఘిక సంక్షేమ గురుకుల విద్యాసంస్థల సొసైటీ కార్యదర్శి గురువారం ఉత్తర్వులు జారీ చేశారు. అడవిమల్లెల గురుకులం నిర్వహణపై ఆరోపణలు రావడం, ఉపాధ్యాయుల మధ్య విబేధాలు ఉన్నాయనే ఫిర్యాదుతో గురుకులాల జోనల్‌ అధికారి విచారణ చేపట్టి ఇచ్చిన నివేదికతో ఈ చర్యలు తీసుకున్నారు. గణితం, ఫిజిక్స్‌, బయోసైన్స్‌ ఉపాధ్యాయులతో పాటు పీఈటీ, లైబ్రేరియన్‌, హెల్త్‌ సూపర్‌వైజర్‌, మ్యూజిక్‌ విభాగాల ఉద్యోగులను వివిధ జిల్లాల గురుకులాలకు డిప్యూటేషన్‌పై కేటాయించారు.

రుద్రంపూర్‌/మణుగూరు టౌన్‌/సత్తుపల్లి రూరల్‌: రుద్రంపూర్‌: రెండు రోజులు కురుస్తున్న వర్షాలతో సింగరేణి కొత్తగూడెం రీజియన్‌లో 22 వేల టన్నుల బొగ్గు ఉత్పత్తికి అంతరాయం ఏర్పడింది. కొత్తగూ డెం, సత్తుపల్లి, మణుగూరు, ఇల్లెందు ఏరియాల్లోని గనుల్లో నీరు నిలవడంతో ఈ పరిస్థితి ఎదురైంది. ఇక సింగరేణి వ్యాప్తంగా 12ఏరియాల్లో 58వేల టన్నుల బొగ్గు ఉత్పత్తి నిలిచిపోయింది. అలాగే, సింగరేణి వ్యాప్తంగా 18ఓసీల్లో రోజుకు 13లక్షల క్యూబిక్‌ మీట ర్ల ఓవర్‌ బర్డెన్‌(ఓబీ) తీయాల్సి ఉండగా, 3 లక్షల క్యూబిక్‌ మీటర్లకే పరిమితమైంది. కాగా, వర్షం కారణంగా ఓసీల్లోని క్వారీల్లో నిలిచిన నీటిని అధి కారులు ప్లాన్‌టూన్‌ పంపుల ద్వారా బయటకు తోడిస్తున్నారు.

● సందర్శనకు వెళ్లిన బీఆర్‌ఎస్‌ నాయకులను అడ్డుకున్న పోలీసులు ● ఆందోళనలో పార్టీ పార్లమెంటరీ నేత వద్దిరాజు, మాజీ మంత్రి అజయ్‌పాల్వంచ/మణుగూరు టౌన్‌: భద్రాద్రి జిల్లాలోని కేటీపీఎస్‌, బీటీపీఎస్‌ ప్లాంట్ల వద్ద గురువారం ఉద్రిక్తత నెలకొంది. ప్లాంట్ల సందర్శనకు వచ్చిన బీఆర్‌ఎస్‌ నాయకులను పోలీసులు అడ్డుకోవడంతో ఈ పరిస్థితి ఏర్పడింది. లోపలకు అనుమతించకపోవడంతో నాయకులు నిరసన తెలిపారు. పోలీసులను నెట్టుకుంటూ లోపలకు చొచ్చుకెళ్లే ప్రయత్నం చేశారు. కాంగ్రెస్‌ ప్రభుత్వం విద్యుత్‌ వ్యవస్థను భ్రష్టుపట్టిస్తోందని, పాలకులు పర్సంటేజీల కోసం కుంభకోణాలకు పాల్పడుతున్నారని బీఆర్‌ఎస్‌ నాయకులు ఆరోపించారు. పాల్వంచలో కేటీపీఎస్‌ 7వ దశ సందర్శనకు వచ్చిన బీఆర్‌ఎస్‌ ప్రజాప్రతినిధులు, నాయకులను పోలీసులు అడ్డుకోగా తోపులాట జరిగింది. బీఆర్‌ఎస్‌ పార్లమెంటరీ నేత, ఎంపీ వద్దిరాజు రవిచంద్ర, మాజీ ఎమ్మెల్యేలు వనమా వెంకటేశ్వరరావు, మెచ్చా నాగేశ్వరరావు తదితరులను ప్లాంట్‌ వద్దకు వస్తుండగా కేటీపీఎస్‌ అంబేద్కర్‌ సెంటర్‌లోనే నిలిపివేశారు. దీంతో బీఆర్‌ఎస్‌ నాయకులు పోలీసులను కొంతదూరం నెట్టుకుంటూ వెళ్లారు. తోపులాటలో 7వ డివిజన్‌ కార్పొరేటర్‌ సింధుతపస్వీ కింద పడగా చేతికి గాయమైంది. రవిచంద్ర, వనమా, మెచ్చాలను మాత్రమే ప్లాంట్‌లోకి అనుమతించగా వారు చీఫ్‌ ఇంజనీర్‌ శివరామ్‌ రెడ్డితో సమావేశమై మాట్లాడారు. బొగ్గు నిల్వలను పరిశీలించారు. నాయకులందరినీ అనుమతి ఇవ్వకపోవడంతో అక్కడే బైఠాయించి ధర్నా నిర్వహించారు. ఇక మణుగూరులోని బీటీపీఎస్‌ ప్లాంట్‌ను సందర్శించేందుకు మాజీ మంత్రి పువ్వాడ అజయ్‌కుమార్‌, మాజీ ఎమ్మెల్యే రేగా నాయకులతో కలిసి రాగా పోలీసులు అడ్డుకున్నారు. ముగ్గురినే అనుమతిస్తామని అధికారులు చెప్పడంతో గేటు వద్ద ధర్నా నిర్వహించారు.

మధిర: మధిర మండలం వంగవీడులో నాయక్‌ యూత్‌ ఆధ్వర్యాన గణపతి మండపంలో లడ్డూ వేలం నిర్వహించారు. ఈసందర్భంగా బానోతు శ్రీను రూ.1,26,116కు లడ్డూ దక్కించుకున్నారు. లడ్డూలు దక్కించుకున్న ముస్లిం దంపతులు సత్తుపల్లిటౌన్‌: సత్తుపల్లి శ్రీ ప్రసన్న ఆంజనేయ కమిటీ, హనుమాన్‌ యూత్‌ ఆధ్వర్యాన గణనాథుల చేతుల్లో లడ్డూలను వేలంలో ముస్లింలు దక్కించుకున్నారు. ఒక లడ్డూను రూ.20 వేలకు ఎస్‌కే.బాజీ – రజియా, మరో లడ్డూను రూ.16వేలకు ఎస్‌.కే. నాగూర్‌ పాడారు. కల్పతరు రోడ్డులోని గణేష్‌ లడ్డూను రూ.14,500కు జి.సాయం మణికంఠ, జవహర్‌నగర్‌ శ్రీకృష్ణ మందిరం వద్ద లడ్డూను ఈర్ల అశోక్‌ రూ.12 వేలకు, మరో లడ్డూను గుంజి చినమంగ రూ.పది వేలకు కై వసం చేసుకున్నారు. అంతేకాక శ్రీప్రసన్న గణపతి చారిటబుల్‌ ట్రస్ట్‌ గణనాథుడి లడ్డూను భక్తులతో కలిపి రూ.6,61,740కు మందపాటి కేశవరెడ్డి, అలవాల వెంకటరెడ్డి కైవసం చేసుకున్నారని నిర్వాహకులు కూసంపూడి శ్రీనివాసరావు తెలిపారు. జేవీఆర్‌ పార్క్‌ ఎదురుగా మహాగణపతి పీఠంలోని 54 కేజీల లడ్డూను రూ.1.45లక్షలకు ఆకుల జగదీష్‌ దక్కించుకున్నారు.

● రీజియన్‌లో వేడెక్కిన ‘గుర్తింపు’ రాజకీయం ● ఈసారి వేర్వేరు దారుల్లో ఎస్‌డబ్ల్యూఎఫ్‌, ఈయూ ● నేడు ఓటర్ల తుది జాబితా విడుదల ఖమ్మంమయూరిసెంటర్‌: ఆర్టీసీ గుర్తింపు సంఘం ఎన్నికల సమయం సమీపిస్తుండడంతో ఖమ్మం రీజియన్‌లో రాజకీయం వేడెక్కింది. రీజియన్‌లో గుర్తింపు పొందేందుకు ప్రధాన కార్మిక సంఘాలు తమ బలాబలాలను లెక్కించుకుంటూ గెలుపే లక్ష్యంగా కార్యాచరణ రూపొందిస్తున్నాయి. రాష్ట్ర స్థాయిలో కుదురుతున్న పొత్తులకు అనుగుణంగా రీజియన్‌ స్థాయిలో కలిసొచ్చే సంఘాలను కలుపుకుని వెళ్లేందుకు పావులు కదుపుతున్నాయి. మారిన సమీకరణాలు జిల్లాలో ఈసారి ఎన్నికల సమీకరణాలు ఆసక్తికరంగా మారాయి. 2016లో జరిగిన ఎన్నికల్లో ఎస్‌డబ్ల్యూఎఫ్‌(సీఐటీయూ అనుబంధం), ఈయూ(ఏఐటీయూసీ అనుబంధం) పొత్తుతో పోటీ చేశాయి. అప్పటి అధికార పార్టీ అనుబంధ సంఘమైన టీఎంయూ ఒంటరిగా బరిలోకి దిగింది. ఆ ఎన్నికల్లో ఎస్‌డబ్ల్యూఎఫ్‌ – ఈయూ కూటమి మెజారిటీ డిపోల్లో అత్యధిక ఓట్లు సాధించి రీజియన్‌లో గుర్తింపు దక్కించుకుంది. ఈసారి మాత్రం ఎస్‌డబ్ల్యూఎఫ్‌, ఈయూ ఈసారి వేర్వేరు దారుల్లో పయనిస్తున్నాయి. ఎస్‌డబ్ల్యూఎఫ్‌ ఈసారి తెలంగాణ వర్కర్స్‌ యూనియన్‌(టీడబ్ల్యూయూ)తో చేతులు కలిపింది. ఇక ఎంప్లాయీస్‌ యూనియన్‌(ఈయూ)కు రాష్ట్ర స్థాయిలో నేషనల్‌ మజ్దూర్‌ యూనియన్‌(ఎన్‌ఎంయూ)తో పొత్తు ఖరారైంది. దీంతో రీజియన్‌లోనూ ఇదే పొత్తుతో ముందుకెళ్లనున్నట్లు నేతలు స్పష్టం చేశారు. కొత్త సమీకరణాలతో ఎన్నికల పోరు ఉత్కంఠభరితంగా మారనుందనే చర్చ కార్మిక వర్గాల్లో సాగుతోంది. ఇక అధికార పార్టీ అనుబంధ కార్మిక సంఘం ఐఎన్‌టీయూసీ ఈ ఎన్నికల్లో పొత్తుతో వెళ్లాలా.. విడిగా పోటీచేయాలా ఇంకా నిర్ణయానికి రాలేదు. పొత్తుల వ్యవహారం కొలిక్కి రావడంతో ప్రధాన యూనియన్లు ప్రచార పర్వంపై దృష్టి సారించాయి. రీజియన్‌ పరిధిలోని డిపోల వారీగా ప్రచారం నిర్వహించి, గరిష్టంగా ఓట్లు సాధించడం ద్వారా గుర్తింపు పొందడమే కాకుండా, రాష్ట్ర స్థాయిలోనూ తమ యూనియన్ల బలాన్ని చాటాలని నేతలు సిద్ధమవుతున్నారు. తేలనున్న ఓటర్ల లెక్క నేతలు తమ వ్యూహాల్లో ఉండగా.. మరోవైపు అధికారులు ఎన్నికల నిర్వహణ ప్రక్రియను వేగవంతం చేశారు. షెడ్యూల్‌ ప్రకారం ఇప్పటికే ముసాయిదా ఓటర్ల జాబితా విడుదల చేసి, గురువారం కార్మిక సంఘాల నుంచి అభ్యంతరాలను స్వీకరించారు. ఎన్నికల డిప్యూటీ రిటర్నింగ్‌ అధికారి, లేబర్‌ డిప్యూటీ కమిషనర్‌ ఎం.కోటేశ్వర్లు ఆధ్వర్యంలో ఈ ప్రక్రియ జరిగింది. ఈమేరకు అందిన అభ్యంతరాల పరిశీలన, పరిష్కారం అనంతరం శుక్రవారం ఓటర్ల తుది జాబితా ప్రకటించనుండడంతో ప్రచారం జోరందుకుంటుంది.రాష్ట్రస్థాయిలో ఈయూ, ఎన్‌ఎంయూ మధ్య పొత్తు నేపథ్యాన వరంగల్‌, ఖమ్మం జిల్లాలను ఎన్‌ఎంయూకు కేటాయించారని.. మిగతా జిల్లాల్లో ఈయూ పోటీ చేస్తుందని సంఘం రాష్ట్ర ప్రధాన కార్యదర్శి పాటి అప్పారావు తెలిపారు. ఈమేరకు ఇక్కడ ఎన్‌ఎంయూ విజయానికి ఈయూ కార్యకర్తలు పనిచేయాలని కోరారు. ఖమ్మంలోని సీపీఐ కార్యాలయంలో ఈయూ కార్యకర్తల సమావేశం రీజియన్‌ కార్యదర్శి పిల్లి రమేష్‌ అధ్యక్షతన జరగగా ఆయన మాట్లాడారు. రాష్ట్రంలో ఈయూ, ఎన్‌ఎంయూ కలిసి బలమైన స్థానం సాధించేలా ఎన్నికల కార్యాచరణ రూపొందించినట్లు తెలిపారు. రాష్ట్రస్థాయిలో ఎంప్లాయీస్‌ యూనియన్‌ బస్సు గుర్తుకు, వరంగల్‌, ఖమ్మం రీజియన్లలో ఎన్‌ఎంయూ కాగడా గర్తుకు ఓటు వేయాలని కోరారు. నాయకులు కె.భాస్కర్‌, ఎంఆర్‌సీ.రావు, అరుణకుమారి, దండి సురేష్‌ తదితరులు కార్యకర్తలు పాల్గొన్నారు.

ఖమ్మంలో వినాయకుల శోభాయాత్రకు వర్షం అడ్డంకిగా మారింది. జిల్లా కేంద్రంలోని రేవతి సెంటర్‌లో గణనాథుడి విగ్రహాన్ని ఏర్పాటుచేయగా.. వర్షం కారణంగా బుధ, గురువారాల్లో నిమజ్జనం కోసం తీసుకెళ్లడం వీలు కాలేదు. దీంతో నిర్వాహకులు అగ్నిమాపక శాఖ సిబ్బందితో మాట్లాడగా... ప్రతిష్ఠించిన చోటే గురువారం ఫైరింజన్‌ నీటితో నిమజ్జనం పూర్తిచేశారు. అంతకు ముందు నిర్వహించిన లడ్డూ వేలంలో భక్తులు పెద్దసంఖ్యలో పాల్గొన్నారు. – స్టాఫ్‌ ఫొటోగ్రాఫర్‌

ఖమ్మం సహకారనగర్‌/ఖమ్మం వ్యవసాయం: అల్పపీడన ప్రభావంతో జిల్లావ్యాప్తంగా భారీ వర్షాలు కురుస్తున్నాయి. ఈ నేపథ్యాన ఆపదలో ఉన్న ప్రజలు సమాచారం ఇచ్చేలా కలెక్టరేట్‌లో కంట్రోల్‌రూమ్‌ ఏర్పాటు చేశారు. లోతట్టు ప్రాంతాలు, వరద ముంపునకు గురయ్యే ప్రాంతాలవారితో పాటు వాగులు, వంకలు ఉప్పొంగడం, ఇతర ఇబ్బందులు తలెత్తితే తక్షణ సాయం కోసం కంట్రోల్‌ రూమ్‌లో సంప్రదించే వెసలుబాటు కల్పించారు. ఇక్కడ 24గంటల పాటు మూడు షిఫ్ట్‌ల్లో ఉద్యోగులు అందుబాటులో ఉంటారని అధికారులు తెలిపారు. ఇక విద్యుత్‌ అంతరాయాలను తెలుసుకునేందుకు ఎస్‌ఈ కార్యాలయంలో కంట్రోల్‌ రూమ్‌ ఏర్పాటు చేశారు. విద్యుత్‌ సమస్యలు ఎదురైతే 87124 83490 లేదా టోల్‌ ఫ్రీ నంబర్‌ 1912కు ఫోన్‌ చేయొచ్చని అధికారులు తెలిపారు. విద్యుత్‌తో జాగ్రత్త జిలాల్లో రెండు రోజుల నుంచి వర్షాలు కురుస్తుండగా, మరో మూడు రోజుల పాటు ఇదే పరిస్థితి ఉంటుందని వాతావరణ శాఖ వెల్లడించింది. ఈనేపథ్యాన కొణిజర్ల మండలం చిన్నమునగాలలో ఎర్త్‌ వైర్‌కు విద్యుత్‌ సరఫరా అయి, దానిపై మూత పట్టుకుని తొమ్మిది నెలల బాలుడు మృతి చెందాడు. ప్రస్తుత తరుణంలో ఇలాంటి ప్రమాదాలు జరిగే అవకాశమున్నందున వినియోగదారులు, విద్యుత్‌ ఉద్యోగులకు ఖమ్మం ఎస్‌ఈ ఇనుగుర్తి శ్రీనివాసాచారి పలు సూచనలు చేశారు. తడిసిన విద్యుత్‌ స్తంభాలు, స్టే వైర్లు, ట్రాన్స్‌ఫార్మర్లను, తడి గోడలకు ఆనుకుని ఉన్న విద్యుత్‌ పరికరాలను ముట్టుకోవద్దని తెలిపారు. తెగిపోయిన, వేలాడుతున్న తీగలకు వద్దకు వెళ్లొద్దని, తడి చేతులతో స్విచ్‌లు, ప్లగ్‌లు, మోటార్లు, గీజర్లను తాకొద్దని, బట్టలు ఆరేసేందుకు ఇనుప తీగలకు బదులు ప్లాస్టిక్‌ వైర్లు వాడాలని సూచించారు. రైతులు మోటార్లు ఆన్‌ చేసే ముందు వైర్లు, స్టార్టర్‌ సరిగా ఉన్నాయో, లేదో సరిచూసుకోవాలని తెలిపారు. షాక్‌కు గురైన వారిని నేరుగా తాకకుండా కర్రతో పక్కకు నెట్టి వైద్య సాయం అందించాలని వెల్లడించారు.

తిరుమలాయపాలెం: రాత్రివేళ పెట్రోలింగ్‌ విధుల్లో ఉన్న పోలీసుల వాహనాన్ని ఎదురుగా వచ్చిన లారీ ఢీకొట్టింది. ఘటనలో తిరుమలాయపాలెం ఎస్సై కూచిపూడి జగదీశ్‌తో పాటు డ్రైవర్‌ కొత్తపల్లి రాకేష్‌ తీవ్రంగా గాయపడ్డారు. తిరుమలాయపాలెం భవా నీ హోటల్‌ సమీపాన బుధవారం అర్ధరాత్రి దాటాక జరిగిన ఈ ప్రమాదం వివరాలిలా ఉన్నాయి. రెండు నిమిషాలైతే ఇంటికి.. గణేష్‌ నిమజ్జనం సందర్భంగా బుధవారం అర్ధరాత్రి వరకు కాకరవాయి, జల్లెపల్లి తదితర ప్రాంతాల్లో ఎస్సై జగదీష్‌ బందోబస్తు విధుల్లో పాల్గొన్నారు. తిరిగి తిరుమలాయపాలెం బయలుదేరగా ఏపీలోని పశ్చిమ గోదావరి జిల్లా ఆకివీడు నుంచి ఉత్తరప్రదేశ్‌లోని గోరఖ్‌పూర్‌కు చేపల లోడుతో వెళ్తున్న లారీ ఎదురుగా వచ్చి ఢీకొట్టింది. ఈ సమయాన డ్రైవర్‌ షేక్‌ రసూల్‌ లారీని వేగంగా నడుపుతుండడంతో ప్రమాదం జరిగిందని గుర్తించారు. ఘటనలో పోలీసు వాహనం నుజ్జునుజ్జు కాగా, ఎస్సై జగదీశ్‌ కూర్చున్న వైపు ఎయిర్‌బ్యాగ్‌ తెరుచుకోవడంతో స్వల్ప గాయాలయ్యాయి. డ్రైవర్‌ రాకేష్‌ వైపు లారీ బలంగా ఢీకొట్టగా తలతో పాటు శరీరంలోని ఇతర భాగాలకు తీవ్ర గాయాలయ్యాయి. దీంతో పోలీసులు 108 వాహనంలో ఖమ్మంలోని ప్రైవేట్‌ ఆస్పత్రికి తరలించారు. ప్రాథమిక చికిత్స అనంతరం పోలీసు వాహన డ్రైవర్‌ రాజేష్‌ పరిస్థితి విషమంగా ఉండడంతో హైదరాబాద్‌ నిమ్స్‌కు తరలించారు. రెండు నిమిషాలైతే ఎస్సై ఇంటికి చేరతారనగా ఈ ఘటన జరగడం గమనార్హం. పరామర్శించిన సీపీ పోలీసు వాహనం ప్రమాదానికి గురైందని తెలియగానే పోలీసు కమిషనర్‌ సునీల్‌దత్‌, ఖమ్మం రూరల్‌, ఖమ్మం టౌన్‌ ఏసీపీలు తిరుపతిరెడ్డి, రమణమూర్తి స్పందించారు. క్షతగాత్రులను తీసుకొచ్చేలోగా ఆస్పత్రికి చేరుకుని వైద్యులను అప్రమత్తం చేశారు. అంతేకాక ఎస్సై జగదీశ్‌, డ్రైవర్‌ రాజేష్‌ వైద్యం చేసేవరకు ఉన్నారు. మరోమారు గురువారం ఉదయం ఎస్‌ఐ జగదీష్‌, డ్రైవర్‌ రాకేష్‌ పరిస్థితి ఆరా తీసి డ్రైవర్‌ను హైదరాబాద్‌ తరలించారు. కాగా, పోలీసు వాహనం నడిపిన రాజేష్‌ది మండలంలోని కాకరవాయి కాగా డిగ్రీ పూర్తయ్యాక డ్రైవర్‌గా జీవనం సాగిస్తున్నాడు. పోలీసు వాహన డ్రైవర్‌ అందుబాటులో లేకపోవడంతో బుధవారం రాకేష్‌ని పిలిపించగా ఈ ప్రమాదంలో గాయపడ్డాడు. కాగా, ప్రమాదంలో గాయపడిన డ్రైవర్‌ జగదీశ్‌, డ్రైవర్‌ రాకేశ్‌ త్వరగా కోలుకోవాలని ఆకాంక్షిస్తూ పిండిప్రోలులో శ్రీరామ గణేష్‌ ఉత్సవ కమిటీ ఆధ్వర్యాన పూజలు నిర్వహించారు. ఉపసర్పంచ్‌ రాజుతో పాటు గ్రామస్తులు తాత రవీందర్‌, రమేష్‌, పోలీసు సిబ్బంది పాల్గొన్నారు.

అల్పపీడనం ప్రభావంతో జిల్లాలో రెండు రోజులుగా ఎడతెరిపి లేకుండా వర్షం కురుస్తోంది. దీంతో ఒట్టిపోయిన ప్రాజెక్టులు, చెరువుల్లోకి నీరు చేరుతోంది. మరో రెండు రోజులు కూడా భారీ వర్షాలు కురుస్తాయనే వాతావరణ శాఖ హెచ్చరికలతో ప్రభుత్వ యంత్రాంగం అప్రమత్తమైంది. – సాక్షి ప్రతినిధి, ఖమ్మంజిల్లాలో 8.6 సెం.మీ.వర్షపాతం జిల్లాలో బుధవారం ఉదయం 8–30నుంచి గురువారం ఉదయం 8–30 గంటల వరకు నగటున 8.6 సెం.మీ. వర్షపాతం నమోదైంది. మధిర మండలంలో అత్యధికంగా 13.1 సెం.మీ., తిరుమలాయపాలెంలో 12.6, ముదిగొండ 12, బోనకల్‌ 11.1, కూసుమంచి 10.8. ఖమ్మం అర్బన్‌ 10.4 సెం.మీ.తో పాటు ఎర్రుపాలెం, చింతకాని, వైరా, తల్లాడ తదితర మండలంలో కూడా వర్షప్రభావం ఉంది. అతితక్కువగా సత్తుపల్లి మండలంలో 3.3 సెం.మీ.గా నమోదైంది. ఈ సీజన్‌లో 24వ తేదీ వరకు సాధారణ వర్షపాతం 76.1 సెం.మీ. కాగా.. 53.2 సెం.మీ. వర్షపాతం నమోదైందని గణాంకాలు చెబుతున్నాయి. అంటే ఇప్పటి వరకు 30 శాతం లోటే ఉండగా, 18 మండలాల్లో తక్కువగా, మూడు మండలాల్లో సాధారణ వర్షపాతం నమోదైంది. సామర్థ్యానికి మించి వైరా, గరిష్ట స్థాయికి పాలేరు నిన్నామొన్నటి వరకు నీరు లేని రిజర్వాయర్లలోకి వర్షంతో వరద చేరుతోంది. పాలేరు రిజర్వాయర్‌ పూర్తి స్థాయి నీటిమట్టం 23 అడుగులు కాగా.. గురువారం రాత్రి 22 అడుగులకు చేరింది. ఎగువ ప్రాంతాలైన మహబూబాబాద్‌, సూర్యాపేట జిల్లాల నుంచి 15వేల క్యూసెక్కుల వరద చేరుతోంది. ఫలితంగా శక్రవారం ఉదయంకల్లా నీటిమట్టం గరిష్టస్థాయికి చేరే అవకాశముండగా ముందస్తు జాగ్రత్తతో ఎడమ కాల్వ ద్వారా 1,500 క్యూసెక్కుల నీటిని దిగువకు విడుదల చేస్తున్నారు. వైరా రిజర్వాయర్‌లోకి 3,142 క్యూసెక్కుల నీరు వస్తుండగా.. పూర్తిస్థాయి నీటిమట్టమైన 18.3 అడుగులకు గాను 19.4 అడుగులకు చేరడంతో అలుగు ద్వారా వరద వెళ్తోంది. ఈ వరదతో ఇందిరమ్మ కాలనీ, రాజీవ్‌ నగర్‌ కాలనీ ప్రాంతాలు లోతట్టు ప్రాంతాలు జలమయమయ్యాయి. ఇదే సమయాన మున్నేటికి మాత్రం వరద స్వల్పంగానే వస్తోంది. ఖమ్మం జల వనరుల సర్కిల్‌ పరిధిలోని 471 చెరువుల్లో 160 చెరువులు 25 శాతం, 176 చెరువులు 50 శాతం, 86 చెరువులు 75 శాతం, 31 చెరువులు నూరు శాతం నిండగా.. 19 చెరువులు మత్తడి పోస్తున్నాయి. పంటలకు ఊపిరి ఈ వర్షాకాలంలో ఇదే భారీ వర్షం కావడంతో రైతుల్లో హర్షం వ్యక్తమవుతోంది. ఈ సీజన్‌లో అన్ని పంటలు కలిపి 5,09,978 ఎకరాల్లో సాగవగా.. వరి అత్యధికంగా 2,41,109 ఎకరాలు, పత్తి 2,35,637 ఎకరాల్లో ఉన్నాయి. ప్రధానంగా వరి పంటకు ఇప్పుడు తడులు అవసరం కావడంతో గత రెండు రోజులుగా కురుస్తున్న వర్షాలు ఊపిరి పోసినట్లయింది. ఇదే సమయాన పలుచోట్ల మిర్చి, పత్తి చేన్లలో భారీగా వరద చేరడంతో దెబ్బతిన్నాయి.జిల్లాలో ఎడతెరిపి లేకుండా వాన వర్షాల నేపథ్యాన ఉమ్మడి జిల్లాలో పరిస్థితులపై రాష్ట్ర మంత్రులు పొంగులేటి శ్రీనివాసరెడ్డి, తుమ్మల నాగేశ్వరరావు సమీక్షించారు. రెండు జిల్లాల కలెక్టర్లతో ఫోన్‌లో మాట్లాడారు. ప్రధాన జలాశయాల్లో నీటిమట్టాలు, లోతట్టు ప్రాంతాల పరిస్థితి, వాగులు, వంకల ప్రవాహాన్ని నిరంతరం గమనించాలని సూచించారు. మరోపక్క జిల్లా అధికార యంత్రాంగం కూడా వరద వస్తే చేపట్టాల్సిన జాగ్రత్తలపై దృష్టి సారించింది. అత్యవసరమైతే తప్ప ప్రజలు బయటకు రావొద్దని సూచించారు. స్థానిక యంత్రాంగం సూచనలు పాటించాలని కలెక్టర్‌ దివాకర టీ.ఎస్‌.కోరారు.

● ఆ స్థానంలో ఇంజన్‌ ఆయిల్‌, వాడిన నూనె కలుపుతున్నారని అనుమానాలు ● ఖమ్మం శివారులో గుర్తించిన పోలీసులుఖమ్మం అర్బన్‌: ఆంధ్రప్రదేశ్‌లోని చింతలపూడి మండలం సీతానగరం వద్ద ఉన్న ఆయిల్‌పామ్‌ ఫ్యాక్టరీ నుంచి హైదరాబాద్‌కు ట్యాంకర్ల ద్వారా తరలించే పామాయిల్‌ను తీసి, ఇతర నూనెలు కలుపుతున్నారనే ఆరోపణలు కలకలం రేపాయి. ఖమ్మం శివారులో దాబా వద్ద ట్యాంకర్‌ను ఆపిన సమయాన ఆటోలో క్యాన్లతో వచ్చిన పలువురు నూనె తీస్తుండగా బుధవారం రాత్రి ఖమ్మం అర్బన్‌ పోలీసులు పట్టుకున్నట్లు సమాచారం. ట్యాంకర్‌లోని పామాయిల్‌ తీసి, అనుమానం రాకుండా హోటళ్లలో వాడిన వంట నూనెతో పాటు ఇంజన్‌ ఆయిల్‌ కలుపుతున్నారని సమాచారం. పక్కా సమాచారంతో... ఖమ్మం శివారులో ట్యాంకర్‌ నిలిపి అందులో పామాయిల్‌ తీస్తున్నారనే సమాచారంతో పోలీసులు తనిఖీ చేసి పట్టుకున్నట్లు తెలిసింది. ఈ విషయమై కేసు నమోదు చేసినా వివరాలు విచారణ అనంతరం వెల్లడిస్తామని ఖమ్మం అర్బన్‌ సీఐ భానుప్రకాశ్‌ పేర్కొన్నారు. ట్యాంకర్‌, ఆటోతో పాటు ఇద్దరిని అదుపులోకి తీసుకున్నట్లు తెలిసింది. ఒక్కో ట్యాంకర్‌ నుంచి సుమారు వేయి లీటర్ల వరకు పామాయిల్‌ తీసి ఇతర నూనె కలుపుతున్నట్లు తెలియగా, ఈ వ్యవహారంలో ఎవరెవరు ఉన్నారో తేలాల్సి ఉంది. అయితే, ఫ్యాక్టరీ నుంచి ట్యాంకర్‌ బయలుదేరే సమయాన నూనె నాణ్యతను ధ్రువీకరిస్తామని, మళ్లీ గమ్యాన్ని చేరాక కూడా పరీక్షిస్తారని తెలిసింది. కానీ మార్గమధ్యలో నూనె తీసి ఇతర నూనెలు కలుపుతుండగా, ఎవరెవరి పాత్ర ఉందో పోలీసుల విచారణలో బయటపడనుంది.

● మధిర నియోజకవర్గంలో తొమ్మిది పాఠశాలల ఎంపిక ● ఎల్‌కేజీ నుంచి ఇంటర్‌ వరకు ఒకేచోట బోధన ముదిగొండ: ప్రీ ప్రైమరీ మొదలు ఇంటర్‌మీడియట్‌ వరకు కార్పొరేట్‌ స్థాయిలో ఒకేచోట బోధించేందుకు రాష్ట్రప్రభుత్వం తెలంగాణ పబ్లిక్‌ స్కూళ్ల(టీపీఎస్‌) ఏర్పాటుకు శ్రీకారం చుట్టింది. ఈమేరకు డిప్యూటీ సీఎం మల్లు భట్టి విక్రమార్క ప్రాతినిధ్యం వహిస్తున్న మధిర నియోజకవర్గంలో తొమ్మిది పాఠశాలలను ఎంపిక చేశారు. ఆయా పాఠశాలల్లోనే భవనాలు, వసతులు ఆధునికీకరించి, అవసరమైన నిర్మాణాలు చేపట్టి టీపీఎస్‌లుగా అప్‌గ్రేడ్‌ చేస్తారు. ఇందుకోసం తొమ్మిది పాఠశాలలకు గాను రూ.57.69 కోట్లు మంజూరయ్యాయి. మండలానికి రెండు.. మధిరలో ఒకటి మధిర నియోజకవర్గంలో టీపీఎస్‌లుగా అప్‌గ్రేడ్‌ కోసం తొమ్మిది పాఠశాలలను ఎంపిక చేశారు. ఇందులో ముదిగొండ మండలంలోని ముదిగొండ, బాణాపురం జెడ్పీ ఉన్నత పాఠశాలలు, మధిర మండలంలో సిరిపురం ప్రభుత్వ ఉన్నత పాఠశాల ఉన్నాయి. ఎర్రుపాలెం మండలంలోని బనిగండ్లపాడు ప్రభుత్వ ఉన్నత పాఠశాల, జమలాపురం జిల్లా పరిషత్‌ ఉన్నత పాఠశాల, బోనకల్‌ మండలంలోని రావినూతల, చిరునోముల జిల్లా పరిషత్‌ ఉన్నత పాఠశాలలతో పాటు చింతకాని మండలంలోని నాగులవంచ ప్రభుత్వ ఉన్నత పాఠశాల, కొదుమూరు జిల్లా పరిషత్‌ ఉన్నత పాఠశాల ఎంపికయ్యాయి. ఆధునిక వసతులతో.. నియోజవర్గంలో ఎంపికై న తొమ్మిది పాఠశాలలను ఆధునిక వసతులు, అన్ని సదుపాయాలతో తెలంగాణ పబ్లిక్‌ స్కూళ్లుగా తీర్చిదిద్దుతారు. ఈమేరకు ప్రభుత్వం రూ.57.69కోట్ల నిధులు కేటాయించింది. ఇందులో మొదటి విడతగా రూ.17.30కోట్లు విడుదలయ్యాయి. ఈ నిధులతో ప్రస్తుత ఉన్నత పాఠశాలల్లో అవసరమైన భవనాలు నిర్మించి ప్రీ ప్రైమరీ మొదలు ఇంటర్‌ వరకు బోధించేలా తీర్చిదిద్దుతారు. ఇందులో సెమీ రెసిడెన్షియల్‌ విధానంలో బోధన జరగనుండగా.. ఉచిత బస్‌ సౌకర్యంతో పాటు ఉదయం అల్పాహారం, మధ్యాహ్నం భోజనం, సాయంత్రం స్నాక్స్‌ అందిస్తారు. ఒకేసారి 500మంది విద్యార్థులు భోజనం చేసేలా డైనింగ్‌ హాల్‌తో పాటు ఆటల కోసం క్రీడా ప్రాంగణాలు ఏర్పాటు కల్పిస్తారు. ఖమ్మం జిల్లాలో మధిర నియోజవర్గంలోనే మొదటగా డిప్యూటీ సీఎం భట్టి చొరవతో టీపీఎస్‌లు ఏర్పాటుకానుండగా, ఇటీవల ముదిగొండ మండల పర్యటనలో వనంవారి కిష్టాపురంలో అధికారులతో సమీక్షించారు.గ్రామీణ ప్రాంతాల్లో తెలంగాణ పబ్లిక్‌ స్కూళ్లు ఏర్పాటుచేయనుండడం పేద విద్యార్థుల అదృష్టం. కార్పొరేట్‌కు దీటుగా ప్రభుత్వ పాఠశాలల్లో అన్ని వసతులతో నాణ్యమైన విద్య అందనుంది. ఒక్కో స్కూల్‌ ఆవరణలో 40గదులతో భవనాలు నిర్మించనున్నారు. – ఈ.వెంకట్రామిరెడ్డి, హెచ్‌ఎం, బాణాపురం జెడ్పీహెచ్‌ఎస్‌

తిరుమలాయపాలెం: ఏఐకేఎంఎస్‌ జాతీయ 4వ మహాసభలు ఖమ్మంలో ఈనెల 28 నుంచి జరగనున్నాయి. ఈ సభలను జయప్రదం చేయాలని కోరుతూ గురువారం తిరుమలాయపాలెం మండలం తిప్పారెడ్డిగూడెంలో ఎడ్ల కొటేర్లతో వినూత్న ప్రచారం చేపట్టారు. ఈ సందర్భంగా సీపీఐ(ఎంఎల్‌) న్యూడెమోక్రసీ మండల కార్యదర్శి గొర్రెపాటి రమేష్‌ మాట్లాడుతూ రైతులు, వ్యవసాయ కూలీల సమస్యలపై మహాసభల్లో చర్చించి భవిష్యత్‌ పోరాట కార్యాచరణ రూపొందిస్తామన్నారు. నాయకులు మందుల రాజేంద్రప్రసాద్‌, గొర్రెపాటి వీరస్వామి, అచ్చ ఉప్పలయ్య తదితరులు పాల్గొన్నారు.

● కేంద్ర సాంస్కృతిక వ్యవహారాల శాఖ నుంచి ఉత్తర్వులు ● ఉమ్మడి ఖమ్మం జిల్లాలో ఏకై క పాఠశాల ఎంపికకల్లూరురూరల్‌: కేంద్ర సాంస్కృతిక వ్యవహారాల మంత్రిత్వ శాఖ కల్లూరు మండలం చెన్నూరులోని జిల్లా పరిషత్‌ ఉన్నత పాఠశాలకు కల్చరల్‌ క్లబ్‌ హోదా కల్పించింది. ఈమేరకు గురువారం ఉత్తర్వులు అందాయి. దేశంలోని 50 ఉన్నత పాఠశాలలకు ఈ హోదా కల్పించగా, అందులో ఉమ్మడి జిల్లా నుంచి చెన్నూరు పాఠశాల ఎంపికై ంది. గత జూలై నెలలో చెన్నూరు జిల్లా పరిషత్‌ ఉన్నత పాఠశాల ఇంగ్లిష్‌ ఉపాధ్యాయురాలు డి.శిరీషను శిక్షణ నిమిత్తం కేంద్ర ప్రభుత్వం ఎంపిక చేయగా, ఢిల్లీలో 20రోజుల పాటు చిత్రలేఖనం, హస్తకళలు, భావవ్యక్తీకరణ తదితర అంశాలపై శిక్షణ పొందారు. ఇవీ ఉపయోగాలు చెన్నూరు హైస్కూల్‌కు కల్చరల్‌ క్లబ్‌ హోదా ఇవ్వడం వల్ల విద్యార్థులకు వివిధ కళల్లో శిక్షణ అందనుంది. స్థానిక సంస్కృతి, సంప్రదాయాలు, వారసత్వ పరిరక్షణ, గిరిజన గీతాలు, నృత్యాలు, పండుగలు, కళలు, ఆచారాలపై విద్యార్థులకు అవగాహన కల్పించి ఇష్టమైన రంగంలో శిక్షణ ఇస్తారు. కల్చరల్‌ క్లబ్‌ కార్యదర్శిగా వ్యవహరించే ఉపాధ్యాయురాలు శిరీష ఆధ్వర్యాన శిక్షణ ఉంటుంది. అంతేకాక చైర్మన్‌గా హైస్కూల్‌ హెచ్‌ఎం వి.ఝాన్సీ, అసిస్టెంట్‌ సెక్రటరీగా బి.గాంధీనాయక్‌ వ్యవహరిస్తారు. సాహిత్యం, లలిత కళల్లో శిక్షణ 10 – 14 ఏళ్ల వయసు గల విద్యార్థుల్లో దాగి ఉన్న సృజనాత్మకతను వెలికి తీసేందుకు సెంటర్‌ ఫర్‌ కల్చర్‌ రిసోర్స్‌ అండ్‌ ట్రైనింగ్‌(సీసీఆర్‌టీ) ద్వారా రూపొందించిన ప్రత్యేక సామగ్రి ద్వారా శిక్షణ ఇస్తారు. ఇందుకు సంబంధించి సాహిత్యం, ఇతర సామగ్రి ఇప్పటికే చెన్నూరు హైస్కూల్‌కు చేరాయి. విద్యార్థులకు పాఠ్యాంశాలతో పాటే ఆసక్తి ఉన్న అంశాల్లో శిక్షణ ఇవ్వనున్నారు. అలాగే, కల్చరల్‌ క్లబ్‌ ద్వారా పెయింటింగ్‌, హస్తకళలు, బొమ్మలాట, నాటకాలు, సాంస్కృతిక ప్రదర్శనలకు సంబంధించి స్థానిక కళాకారులు, నిపుణులను ఆహ్వానించి అనుభవాలను తెలియజేస్తారు. తెలంగాణ సంస్కృతి, సంప్రదాయాలు, మధుబని, గోండు, కలంకారి వంటి కళారూపాలను పరిచయం చేయనున్నారు. అలాగే, నాయకత్వ లక్షణాలపైనా శిక్షణ ఇస్తారు. ఎంపిక చేసిన విద్యార్థులకు ఏటా రూ.3,600 స్కాలర్‌షిప్‌ మంజూరయ్యే అవకాశం ఉంది. దేశవ్యాప్తంగా అమలు చేస్తున్న ఈ కార్యక్రమం విజయవంతమైతే మరిన్ని హైస్కూళ్లను ఎంపిక చేయనున్నారు.మా పాఠశాలకు కేంద్ర ప్రభుత్వం కల్చరల్‌ క్లబ్‌ హోదా మంజూరు చేయడం ఆనందంగా ఉంది. ఈ కార్యక్రమం ద్వారా ఇచ్చే శిక్షణతో విద్యార్థుల్లో సజనాత్మక శక్తి పెరుగుతుంది. కళలు, సంస్కృతితో పాటు విషయ పరిజ్ఞానంపై పట్టు సాధించే అవకాశం ఉంది. గ్రామీణ ప్రాంత విద్యార్థులకు ఈ కార్యక్రమం ఎంతో ఉపయోగకరంగా ఉంటుంది. – డి.శిరీష, కల్చరర్‌ క్లబ్‌ ప్రధాన కార్యదర్శి

నేలకొండపల్లి: రైతులు ఫార్మర్‌ రిజిస్ట్రేషన్‌ చేసుకోకపోతే ప్రభుత్వ రాయితీలు నిలిచిపోతాయని జిల్లా వ్యవసాయాధికారి ధనసరి పుల్లయ్య తెలిపారు. మండల కేంద్రంలోని రైతు వేదికలో ఫార్మర్‌ రిజిస్ట్రేషన్‌ను గురువారం ఆయన పరిశీలించి మాట్లాడారు. ఎరువుల విక్రయాలు, పండించిన పంటల సేకరణ కు ఈ రిజిస్ట్రేషన్‌ ఉపయోగపడుతుందని తెలిపారు. జిల్లాలో 77,862 మంది రైతులకు గాను ఇంకా చాలామంది రిజిస్ట్రేషన్‌ చేయించుకోలేదని, ఈనెల 31వరకే గడువు ఉన్నందున ముందుకు రావాలని సూచించారు. లేనిపక్షంలో రాయితీలు ఆగిపోతాయ ని చెప్పారు. కాగా, జిల్లావ్యాప్తంగా 378 గ్రామాల్లో డిజిటల్‌ సర్వే 50 శాతం పూర్తయిందని, మరో 15 రోజుల్లో పూర్తి చేస్తామని తెలపారు. సర్వే విషయమై రైతులకు మెసేజ్‌ వస్తుందని, తప్పులు ఉంటే 72 గంటలలో సరిదిద్దుతారని పేర్కొన్నారు. కాగా, జిల్లాలో గత ఏడాది 32,405 మెట్రిక్‌ టన్నుల యూరియా వినియోగిస్తే, ఈ సీజన్‌లో ఇప్పటివరకు 39,618 మె.టన్నులు పంపిణీ చేశామని డీఏఓ తెలిపారు. వర్షాల నేపథ్యాన పొలాల్లో నీరు నిల్వ ఉండకుండా రైతులు చర్యలు తీసుకోవాలని సూచించారు. ఈ సమావేశంలో ఏఓ రాధ, ఏఈఓలు పాల్గొన్నారు.

2 మెగావాట్ల ప్లాంట్‌ను అనుసంధానం చేసిన ఎస్‌ఈఎర్రుపాలెం: జిల్లా వ్యాప్తంగా విద్యుత్‌ సబ్‌స్టేషన్ల సమీపాన ప్రభుత్వ భూములు సేకరించి సౌర విద్యుత్‌ ప్లాంట్లు ఏర్పాటుకు సన్నాహాలు జరుగుతున్నాయని సూపరింటెండెంట్‌ ఇంజనీర్‌(ఎస్‌ఈ) ఇనుగుర్తి శ్రీనివాసాచారి తెలిపారు. ఎర్రుపాలెం మండలం వెంకటాపురంలో పీఎం కుసుమ్‌ పథకం కింద ఏర్పాటు చేసిన 2 మెగావాట్ల సౌర విద్యుత్‌ ప్లాంట్‌ను వెంకటాపురం సబ్‌స్టేషన్‌కు గురువారం అనుసంధానం చేశారు. గతంలోనే ఒక మెగా వాట్‌ను అనుసంధానించగా, ప్రస్తుత విద్యుత్‌తో కలిపి మొత్తం మూడు మెగావాట్లు విజయవంతంగా అనుసంధానం(సింక్రనైజేషన్‌) చేసినట్లు తెలిపారు. ఈ ప్లాంట్లతో నిర్వాహకులైన ఐకేపీ సభ్యులకు 25ఏళ్ల పాటు స్థిరమైన ఆదాయం వస్తుందని పేర్కొన్నారు. పీఎం కుసుం పథకం కింద జిల్లా వ్యాప్తంగా 55 సౌర విద్యుత్‌ ప్లాంట్ల నుంచి 93.5 మెగావాట్ల విద్యుత్‌ ఉత్పత్తికి ప్రణాళిక రూపొందించగా, ఇప్పటివరకు ఎనిమిది ప్లాంట్ల ద్వారా 11 మెగా వాట్ల సౌర విద్యుత్‌ను గ్రిడ్‌కు అనుసంధానం చేశామన్నారు. ఇవికాక తిరుమలాయపాలెం, పెద్దగోపతి, తల్లాడ సబ్‌ స్టేషన్‌లో సంస్థ స్వయంగా ఒక్కో మెగావాట్‌ ప్లాంట్ల పనులు చేపట్టిందని తెలిపారు. డీఈలు బండి శ్రీనివాసరావు, కిరణ్‌చక్రవర్తి, ఏఈడీ అనురాధ, ఏడీఈ రామకృష్ణ, ఏఈలు జి.అనూష, సతీష్‌ పాల్గొన్నారు.

ప్రాంతం వర్షపాతం కల్లూరు 73.3 తిమ్మారావుపేట 54.3 పెనుబల్లి 47.5 గౌరారం 43.0 సిరిపురం 40.5 ఖమ్మం ఖానాపురం 38.0 కుర్నవల్లి 36.5 ఎర్రుపాలెం 34.0 వైరా ఏఆర్‌ఎస్‌) 33.5 ఖమ్మం ఎన్నెస్పీ 33.3 వేంసూరు 32.3 ఏన్కూరు 30.3

సత్తుపల్లిటౌన్‌: సత్తుపల్లిలోని శ్రీ ప్రసన్న గణపతి క్షేత్రం మహా గణనాథుడి చేతిలోని 24 కేజీల లడ్డూకు బుధవారం వేలం నిర్వహించారు. స్థానిక రింగ్‌ సెంటర్‌లో జరిగిన వేలంలో నారాయణపురానికి చెందిన మందపాటి కేశవరెడ్డి, అలవాల వెంకటరెడ్డి పోటీ పడగా చివరకు రూ.6,56,646తో కేశవరెడ్డి దక్కించుకున్నారు. ప్రసన్న గణపతి ట్రస్ట్‌ నిర్వాహకులు కూసంపూడి శ్రీనివాసరావు, వడ్లపట్ల ఫణికుమార్‌, బోనగిరి కృష్ణారావు, శ్రీను, రామ్మోహన్‌, రాజు, నాగేశ్వరరావు, దారా ఏకాదశమూర్తి, రామకృష్ణ పాల్గొన్నారు. అలాగే, గంగారంలో 111 కేజీల లడ్డూను మల్లిమొగ్గల సాయినాథ్‌ రూ.1.40లక్షలకు, రైతు బజార్‌ వద్ద గణపతి లడ్డూను రూ.20వేలకు రావి రంగారావు దక్కించుకున్నారు. రూ.60,500కు లడ్డూ దక్కించుకున్న ముస్లిం నేత

ఖమ్మం రాపర్తినగర్‌: ప్రయాణికులకు సౌకర్యాలు కల్పించేలా ‘అమృత్‌ భారత్‌’ పథకం ద్వారా ఖమ్మం రైల్వేస్టేషన్‌లో రూ.25.41 కోట్లతో చేపడుతున్న పనులు చకచకా జరుగుతున్నాయి. కాజీపేట – విజయవాడ మార్గంలో ఉన్న కీలకమైన ఖమ్మం స్టేషన్‌ నుంచి నిత్యం 20వేల మందికిపైగా ప్రయాణికుల రాకపోకలు సాగిస్తారు. ఇక్కడ 55 రైళ్లకు హాల్టింగ్‌ ఉండడంతో న్యూఢిల్లీ, హౌరా, చైన్నె, విజయవాడ, విశాఖపట్నం, సికింద్రాబాద్‌, తిరుపతి తదితర ప్రాంతాలకు వెళ్లేవారు ఖమ్మంను ఎంచుకుంటారు. ఈక్రమాన రెండేళ్ల క్రితమే మొదలైన ఆధునికీకరణ పనుల్లో భాగంగా పాదచారుల వంతెన, లిఫ్ట్‌లు, ఎస్కలేటర్లు, ప్లాట్‌ఫారాలు, విశ్రాంతి గది, ఏసీ లాంజ్‌లు ఏర్పాటు చేశారు. ప్రస్తుతం స్టేషన్‌ నూతన భవన నిర్మాణ పనులు జోరుగా సాగుతున్నాయి.

● చేపపిల్లల పంపిణీ పథకంలో మార్పులు ● మూడొంతుల నీరు ఉంటేనే అమలు ● ఉమ్మడి జిల్లాలో 1,600కు బదులు 800 చెరువుల్లోనే పిల్లలు?ఖమ్మంవ్యవసాయం: మత్స్యకారుల ఉపాధే లక్ష్యంగా రూపొందించిన చేప పిల్లల పంపిణీ పథకానికి ఈసారి వరుణుడి రూపంలో అవాంతరాలు ఎదురయ్యాయి. ఎల్‌నినో కారణంగా వర్షాభావ పరిస్థితులు నెలకొనగా వ్యవసాయ రంగానికే కాక అనుబంధ రంగాలపైనా తీవ్ర ప్రభావం పడుతోంది. వర్షాలు లేక జలాశయాల్లో నీరు ఆశించిన స్థాయిలో చేరకపోవడంతో చేపపిల్లల పంపిణీ పథకంలో మార్పులు, చేర్పులకు నిర్ణయించారు. మారుతున్న ప్రతిపాదనలు ఏటా మాదిరిగానే ఈసారి కూడా ప్రభుత్వం చేపపిల్ల ల పంపిణీకి నిధులు మంజూరు చేసి జిల్లాల వారీగా ప్రతిపాదనలు రూపొందించాలని తొలుత ఆదేశించింది. దీంతో అధికారులు జలాశయాల విస్తీర్ణం ఆధారంగా రెండు సైజుల్లో చేపపిల్లల సేకరణకు ఆగస్టులో టెండర్లు ఆహ్వానించారు. ఈమేరకు అర్హత సాధించిన వారి సీడ్‌ చెరువులను నిపుణుల బృందం తనిఖీ చేసింది. ఇక చేపపిల్లలు వదలడమే తరువాయి అనుకుంటున్న క్రమాన వర్షాభావ పరిస్థితులతో ప్రభుత్వం పునఃపరిశీలించాలలని మత్స్యశాఖను ఆదేశించింది. దీంతో ప్రతిపాదనలు పూర్తిగా మారనున్నాయి. ఈమేరకు మత్స్యశాఖ వినతితో 0–25 శాతం, 25 – 50 శాతం నీరు ఉన్న జలాశయాల వివరాలను ఇరిగేషన్‌ శాఖ అధికారులు సమర్పించారు. సగం సగమే... ఇరిగేషన్‌ శాఖ అధికారుల నివేదిక ఆధారంగా చేపపిల్లలు ఎదిగే స్థాయిలో నీరు ఉన్న చెరువుల్లోనే వదలనున్నట్లు తెలుస్తోంది. ఖమ్మం జిల్లాలోని 862 జలాశయాల్లో రూ.4.60 కోట్లతో 3.47 కోట్ల చేపపిల్లలు, భద్రాద్రి కొత్తగూడెం జిల్లాలోని 740 జలాశయాల్లో రూ.2కోట్లతో 1.80కోట్ల చేప పిల్లలను వదిలేందుకు తొలుత టెండర్లు పూర్తి చేశారు. కానీ నీటి కొరత కారణంగా లక్ష్యం 50 శాతానికి పడిపోయే పరిస్థితి కనిపిస్తోంది. ఇదే జరిగితే ఉమ్మడి జిల్లాలో వేలాది మంది మత్స్యకారుల ఉపాధికి ఇక్కట్లు ఎదురవుతాయి. ఉమ్మడి జిల్లాలో సుమారు 25 వేల మత్స్యకార కుటుంబాలు చేపల వేటే ఆధారంగా జీవనం సాగిస్తున్నట్లు అంచనా. ప్రణాళికలు మరోసారి ఇరిగేషన్‌ శాఖ ఇచ్చిన నివేదికలు, జలాశయాల్లో నీటి వనరుల ఆధారంగా చేప పిల్లల పథకానికి మరోసారి మత్స్య శాఖ అధికారులు ప్రణాళికలు రూపొందిస్తున్నారు. అయితే కొత్తగా టెండర్లు పిలిచే అవకాశం లేనందున గతంలో ఖరారు చేసిన టెండర్‌దారుల నుంచి చేపపిల్లలు సేకరించే అవకాశముంది. పూర్తి సామర్థ్యంలో మూడు వంతుల నీరు ఉన్న జలాశయాల్లోనే చేప పిల్లలు పంపిణీ చేయనున్నట్లు తెలుస్తుండగా.. ఖమ్మం జిల్లాలో 430, భద్రాద్రి జిల్లాలో 370 వరకు జలాశయాల్లో మాత్రమే పథకం అమలయ్యే అవకాశముంది.జలాశయాల్లో నీటి నిల్వలపై ఇరిగేషన్‌ శాఖ నుంచి నివేదికలు అందాయి. వీటి ఆధారంగా చేపల పిల్లల పథకం అమలుకు ప్రణాళికలు సిద్ధం చేస్తున్నాం. నీరు ఉన్న జలాశయాల్లో చేప పిల్లలు వదిలే అవకాశముంది. కొద్ది రోజుల్లో పథకానికి తుదిరూపం వస్తుంది. – మల్లేశం, శివప్రసాద్‌, ఖమ్మం, భద్రాద్రి జిల్లాల మత్స్యశాఖ అధికారులు

భద్రాచలం: భద్రాచలంలోని శ్రీ సీతారామచంద్రస్వామి దేవస్థానం అభివృద్ధి, పునరుద్ధరణ పనులు వేగంగా కొనసాగుతున్నాయి. ఇదే సమయాన తొలగించిన లక్ష్మీతాయారు అమ్మవారి ఉపాలయం పునర్నిర్మాణంపై చర్చ మొదలైంది. ఉపాలయాన్ని గతంలో ఉన్న చోటులో కాకుండా మూలమూర్తులకు కుడి వైపున ప్రతిష్ఠించాలని వైదిక పెద్దలు కోరుతున్నారు. అయితే దీనిపై స్థానికులు ఆక్షేపణలు వ్యక్తం చేయడం చర్చకు దారి తీసింది. చారిత్రక వారసత్వం భక్తరామదాసు కాలం నాటి ఆలయ నిర్మాణం, స్థానం, దిశలను చారిత్రక వారసత్వంగా పరిగణించాలని ఓ వర్గం కోరుతోంది. ఈమేరకు భద్రాద్రి పరిరక్షణ సమితి పేరుతో బూసిరెడ్డి శంకర్‌రెడ్డి ప్రకటన విడుదల చేశారు. అప్పట్లో లక్ష్మీతాయారు అమ్మవారి సన్నిధిని ప్రత్యేకంగా ఏర్పాటుచేసి తూర్పుముఖంగా ప్రతిష్ఠించారని అందులో పేర్కొన్నారు. శతాబ్దాలుగా కొనసాగుతున్న సన్నిధి, ఆరాధనా సంప్రదాయంలో మార్పులు చేయడానికి ముందు ఆగమ పండితులు, వైదిక నిపుణుల అభిప్రాయాలను తప్పనిసరిగా తీసుకోవాలని కోరుతున్నారు. భక్తుల వాదన ప్రకారం గతంలో ఆలయ విస్తరణ, పునరుద్ధరణ జరిగిన సందర్భాల్లోనూ లక్ష్మీతాయారు అమ్మవారి సన్నిధిని ప్రస్తుత స్థానంలోనే కొనసాగించినందున ఇప్పుడూ అదే నియమం పాటించాలని విజ్ఞప్తి చేస్తున్నారు. శాస్త్ర ప్రకారమే.. ఆలయ అభివృద్ధిని ఆగమ శాస్త్రం ప్రకారమే చేపట్టాలని వైదిక పెద్దలు కోరుతున్నారు. ఇందులో భాగంగానే ఆగమ శాస్త్రం, సంప్రదాయం ప్రకారమే సీతాలక్ష్మణ సమేతుడైన రామయ్య మూలమూర్తులకు కుడిపక్కన శ్రీ లక్ష్మీతాయారు అమ్మవారు, ఎడమ ప్రక్కన గోదాదేవి, లక్ష్మీ అమ్మవారికి ఎదురుగా భక్త రామదాసు, గోదాదేవికి ఎదురుగా కనక సీతా అమ్మవారి ఉపాలయాలను నిర్మించాలని వారు చెబుతున్నారు. ఫలితంగా వరుస క్రమంలో ఉపాలయాలను దర్శించుకుంటూ స్వామి వారి మూలమూర్తుల పరిపూర్ణ దర్శనం పూర్తవుతుందని పేర్కొంటున్నారు. అలాగే, భక్త రామదాసు కాలంలో ఉపాలయాల నిర్మానం చేపట్టలేదని, వైష్ణవ సంప్రదాయ ప్రకారం లక్ష్మీ అమ్మవారి ఉపాలయాన్ని అనంతర కాలంలో నాటి పరిస్థితులకు తగినట్లుగా నిర్మించినట్లు చెబుతున్నారు. ఆగమ శాస్త్రానికి విరుద్ధంగా తామేం సూచనలు చేయలేదని.. భక్తుల రద్దీ దృష్ట్యా దర్శన సౌకర్యాలు, క్యూలైన్లు, ప్రాంగణాల విస్తరణ, ఉపాలయాల పునర్నిర్మాణం అవసరమని అభిప్రాయపడుతున్నారు.ఉపాలయాల నిర్మాణంపై ప్రభుత్వం, దేవాదాయ శాఖ తీసుకునే తుది నిర్ణయంపై సర్వత్రా ఆసక్తి నెలకొంది. ఇప్పటికే వైదిక పెద్దలు దేవాదాయ శాఖ ఉన్నతాధికారులకు విన్నవించగా.. మరో వైపు భద్రాద్రి పరిరక్షణ పేరుతో కూడా లేఖలు సమర్పించారు. దీంతో అన్ని పక్షాల అభిప్రాయాలను పరిగణనలోకి తీసుకుని పారదర్శకంగా నిర్ణయం తీసుకోవాలని భక్తులు విజ్ఞప్తి చేస్తున్నారు. ఈ నేపథ్యాన వివాదం పరిష్కారానికి ఆగమ పండితులు, వైదిక బృందం, స్తపతులు, నిపుణులు, అధికారులు, భక్త సమాజాలతో కలిసి పరిశీలించాలనే సూచనలు వస్తున్నాయి.

● ఉమ్మడి జిల్లా సమగ్ర అభివృద్ధే లక్ష్యం ● రాష్ట్ర మంత్రులు పొంగులేటి శ్రీనివాసరెడ్డి, తుమ్మల ● మారెళ్లపాడు లిఫ్ట్‌ ద్వారా తుమ్మలచెరువుకు నీటి విడుదలఅశ్వాపురం: వర్షాభావ పరిస్థితులు ఎదురైనా పినపాక నుండి పాలేరు వరకు ఉమ్మడి ఖమ్మం జిల్లాలోని పది నియోజకవర్గాలకు సీతారామ ప్రాజెక్టు ద్వారా గోదావరి జలాలు అందించి సస్యశ్యామలం చేయడమే తమ ప్రభుత్వ లక్ష్యమని రాష్ట్ర మంత్రులు పొంగులేటి శ్రీనివాసరెడ్డి, తుమ్మల నాగేశ్వరరావు తెలిపారు. అశ్వాపురం మండలం బీజీ కొత్తూరు సీతారామ ప్రాజెక్ట్‌ సమీపాన నిర్మించిన మారెళ్లపాడు ఎత్తిపోతల పథకాన్ని బుధవారం ఎంపీ బలరాంనాయక్‌, పినపాక ఎమ్మెల్యే పాయం వెంకటేశ్వర్లు, కలెక్టర్‌ అంకిత్‌ తదితరులతో కలిసి ప్రారంభించి తుమ్మలచెరువుకు గోదావరి జలాలను వదిలారు. అనంతరం గొందిగూడెంలో డెలివరీ సిస్టర్న్‌ వద్ద గోదావరి జలాలకు పూజలు చేశారు. నీరు వదలడం నా అదృష్టం రైతుల చిరకాల కోరిక అయిన తుమ్మలచెరువుకు నీరు వదిలేలా మారెళ్లపాడు లిఫ్ట్‌ను పది నెలల్లో ఎమ్మెల్యే పాయం కృషితో పూర్తి చేశామని.. ఇప్పుడు నీరు వదలడం అదృష్టమని మంత్రి తుమ్మల నాగేశ్వరరావు తెలిపారు. గతంలో గోదావరి జలాలు దుమ్ముగూడెం నుంచి రోళ్లపాడుకు, అక్కడి నుంచి బయ్యారం వెళ్లి ఇల్లెందు నియోజకవర్గానికి అందాల్సి ఉన్నా గత ప్రభుత్వం అలైన్‌మెంట్‌ మార్చిందన్నారు. ఈమేరకు జూలూరుపాడు టన్నెల్‌, లలితాపురం వద్ద ఎత్తిపోతల పథకంతో పాటు ఇల్లెందులో సవరించిన అంచనాలు సిద్ధం చేసి సీతారామ ద్వారా సాగునీరు అందిస్తామన్నారు. అంతేకాక కొత్తగూడెం, వైరాతో పాటు పది నియోజకవర్గాల్లో డిస్ట్రిబ్యూటరీ కెనాళ్లకు టెండర్లు పూర్తయినందున త్వరగా పనులు చేపట్టి ఏడు లక్షల ఎకరాలు సాగులోకి తీసుకొస్తామన్నారు. ప్రగళ్లపల్లి లిఫ్ట్‌ ద్వారా భద్రాచలంలో అన్ని మండలాలకు సాగునీరు, పినపాక నియోజకవర్గంలో పులుసుబొంత ప్రాజెక్ట్‌, దోమలవాగు బ్యాలెన్స్‌ రిజర్వాయర్‌ నిర్మాణాలకు కృషి చేస్తామని తెలిపారు. అన్ని వర్గాల సంక్షేమమే లక్ష్యం రాష్ట్రంలోని అన్ని వర్గాల సంక్షేమమే ప్రభుత్వ లక్ష్యమని మంత్రి పొంగులేటి శ్రీనివాసరెడ్డి తెలిపారు. మారెళ్లపాడు ఎత్తిపోతల పథకం ద్వారా తొలి విడతలో 4,300 ఎకరాలకు, ఆపై దశలవారీగా 23వేల ఎకరాలకు సాగునీరు అందించే పనులు చేపడుతున్నామని చెప్పారు. పులుసుబొంత ప్రాజెక్టుకు సంబంధించి భూసేకరణ, అటవీ శాఖకు ప్రత్యామ్నాయ భూముల కేటాయింపు జరుగుతున్నందున త్వరలోనే రిజర్వాయర్ల నిర్మాణానికి నిధులు మంజూరు చేస్తామన్నారు. ఎమ్మెల్యేలు తెల్లం వెంకట్రావు, కోరం కనకయ్య, జారె ఆదినారాయణ, ఎస్పీ రోహిత్‌రాజ్‌, డీఎఫ్‌ఓ సిద్ధార్థ్‌ విక్రమ్‌సింగ్‌, సబ్‌ కలెక్టర్‌ మృణాల్‌ శ్రేష్ట, సీఈ శ్రీనివాసరెడ్డి, అధికారులు, ప్రజాప్రతినిధులు పాల్గొన్నారు. వైఎస్సార్‌ హయాంలో పనుల ప్రారంభం... దివంగత మహానేత వైఎస్సార్‌ హయాంలో 2005 డిసెంబర్‌ 31న దుమ్ముగూడెం రాజీవ్‌సాగర్‌ ప్రాజెక్టుకు పునాదులు వేశారని, ఆయన హయాంలోనే మారెళ్లపాడు వరకు పనులు ప్రారంభమయ్యాయని ఎమ్మెల్యే పాయం వెంకటేశ్వర్లు తెలిపారు. వైఎస్సార్‌ హాయాంలో చేపట్టిన దుమ్ముగూడెం రాజీవ్‌సాగర్‌ ప్రాజెక్ట్‌ను గత ప్రభుత్వం సీతారామ ప్రాజెక్టుగా మార్చిందన్నారు. మారెళ్లపాడు ఎత్తిపోతల పథకం ప్రారంభంతో అశ్వాపురం, పినపాక ప్రాంత రైతుల దశాబ్దాల కల నెరవేరిందని తెలిపారు. కుడి కాల్వ పనులు రూ.130 కోట్లతో పనులు చేపడుతుండగా, సుమారు 11,981 ఎకరాలకు నీరు అందుతుందని చెప్పారు. తుమ్మల చెరువు ప్రధాన కాల్వ బలోపేతం, కాంక్రీట్‌ లైనింగ్‌, 22 కి.మీ. డిస్ట్రిబ్యూటరీ కాల్వల నిర్మాణానికి నిధులు మంజూరు చేయాలని మంత్రులను ఎమ్మెల్యే కోరగా సానుకూలంగా స్పందించారు.

ఖమ్మంమయూరిసెంటర్‌: దసరా సందర్భంగా కొత్త లబ్ధిదారులకు చేయూత పింఛన్లు పంపిణీ చేయాలని ప్రభుత్వం నిర్ణయించడంపై డీసీసీ అధ్యక్షుడు నూతి సత్యనారాయణ గౌడ్‌ హర్షం వ్యక్తం చేశారు. ప్రజల ముఖాల్లో ఆనందాన్ని నింపడమే లక్ష్యంగా తమ ప్రభుత్వం పనిచేస్తోందని తెలిపారు. కాగా, ఇటీవల తిరుమలాయపాలెం మండలంలో కాంగ్రెస్‌ నేతల కారుపై బీఆర్‌ఎస్‌ నాయకులు రాళ్ల దాడి చేయడం గర్హనీయమని మండిపడ్డారు. బీఆర్‌ఎస్‌ నాయకులు ఇలాంటి పనులు మానుకోవాలని ఆయన బుధవారం ఓ ప్రకటనలో హితవు పలికారు. 27న అండర్‌–19 క్రీడా జట్ల ఎంపిక పోటీలు ఖమ్మం స్పోర్ట్స్‌: ఉమ్మడి జిల్లాస్థాయి అండర్‌–19 క్రీడా జట్ల ఎంపిక పోటీలు ఈనెల 27న నిర్వహించనున్నట్లు ఖమ్మం జిల్లా క్రీడల కార్యదర్శి ఎం.డీ.మూసాకలీం తెలిపారు. ఆర్చరీ, వాలీబాల్‌, కరాటే, టేబుల్‌ టెన్నిస్‌ క్రీడాంశాల్లో బాలబాలికల జట్లను ఎంపిక చేస్తామని, ఇక్కడ ఎంపికయ్యే జట్లు రాష్ట్రస్థాయి పోటీల్లో పాల్గొంటాయని వెల్లడించారు. ఆసక్తి ఉన్న క్రీడాకారులు ఎస్సెస్సీ మెమో, ఆధార్‌, స్టడీ సర్టిఫికెట్లతో హాజరుకావాలని, వివరాలకు 98483 41238 నంబర్‌లో సంప్రదించాలని సూచించారు. సివిల్స్‌ ఉచిత శిక్షణ దరఖాస్తు గడువు పొడిగింపు భద్రాచలంటౌన్‌: సివిల్‌ సర్వీసెస్‌ పరీక్షకు సిద్ధమవుతున్న అభ్యర్థులకు ఇచ్చే ఉచిత శిక్షణ కోసం దరఖాస్తు గడువును ఈనెల 30వ తేదీ వరకు పొడిగించారని ఐటీడీఏ పీఓ బి.రాహుల్‌ ఒక ప్రకటనలో తెలిపారు. తెలంగాణకు చెందిన అర్హులైన ఎస్సీ, ఎస్టీ, బీసీ అభ్యర్థులు ఈ అవకాశాన్ని సద్వినియోగం చేసుకోవాలని సూచించారు. ఆబ్జెక్టివ్‌, ఆప్టిట్యూడ్‌ స్క్రీనింగ్‌ పరీక్ష ఆధారంగా అభ్యర్థుల ఎంపిక ఉంటుందని, అర్హులు వెబ్‌సైట్‌ ద్వారా దరఖాస్తు చేసుకోవాలని తెలిపారు. పూర్తి వివరాల కోసం 91210 87421, 62817 66534 నంబర్లలో సంప్రదించాలని పీఓ తెలిపారు. గిరిజన యువతకు ఉచిత ఉద్యోగ శిక్షణ భద్రాచలం ఐటీడీఏ ఆధ్వర్యంలో ఉమ్మడి జిల్లాలోని గిరిజన నిరుద్యోగ యువతీ యువకులకు 3 – 4 నెలల పాటు ఉచిత ఉద్యోగ నైపుణ్య శిక్షణ ఇవ్వనున్నట్లు పీఓ బి.రాహుల్‌ తెలిపారు. భద్రాచలం, ఇల్లెందు, అశ్వారావుపేట, ఖమ్మం వైటీసీల్లో టైలరింగ్‌, బ్యూటీ థెరపిస్ట్‌, కంప్యూటర్‌ హార్డ్‌వేర్‌, డ్రోన్‌ టెక్నీషియన్‌, హోటల్‌ మేనేజ్‌మెంట్‌ తదితర కోర్సుల్లో శిక్షణ ఉంటుందని పేర్కొన్నారు. 18–35 ఏళ్ల వయసు ఉండి, 5వ తరగతి నుంచి ఇంటర్‌ ఉత్తీర్ణులైన వారు అర్హులని, శిక్షణ కాలంలో ఉచిత భోజనం, వసతి, యూనిఫాం, మెటీరియల్స్‌ అందుతుందని తెలిపారు. వివరాలకు 93474 66615, 81061 41505 నంబర్లలో సంప్రదించవచ్చని పీఓ వెల్లడించారు. న్యాయవాదుల ధర్నా ఖమ్మం లీగల్‌: ఆల్‌ ఇండియా లాయర్స్‌ యూనియన్‌ ఆధ్వర్యాన న్యాయవాదులు బుధవారం ధర్నా చేపట్టారు. కేంద్ర న్యాయవాదుల వెల్ఫేర్‌ ఫండ్‌ యాక్ట్‌ను సవరించడంతో పాటు న్యాయవాదులు మృతి చెందితే ఇచ్చే పరిహారాన్ని రూ.25 లక్షలకు పెంచాలని, జూనియర్‌ న్యాయవాదులకు నెలకు రూ.10వేల స్టైఫండ్‌ ఇవ్వాలనే డిమాండ్లతో జిల్లా ప్రధాన కోర్టు వద్ద ధర్నా నిర్వహించారు. ఈ కార్యక్రమంలో పలువురు న్యాయవాదులు పాల్గొన్నారు. ప్రారంభమైన ‘ఏకలవ్య’ క్రీడా పోటీలుటేకులపల్లి: టేకులపల్లి మండలంలోని ఏకలవ్య మోడల్‌ రెసిడెన్షియల్‌ పాఠశాలలో భద్రాద్రి క్లస్టర్‌ స్థాయి క్రీడా పోటీలు బుధవారం ప్రారంభమయ్యాయి. ఇల్లెందు ఎమ్మెల్యే కోరం కనకయ్య జ్యోతి ప్రజ్వలన చేసి పోటీలను ప్రారంభించగా క్రీడాకారుల నుంచి గౌరవ వందనం స్వీకరించారు. అనంతరం ఎమ్మెల్యే మాట్లాడుతూ విద్యార్థుల మానసిక, శారీరక వికాసానికి చదువుతో పాటు క్రీడలు అవసరమని పేర్కొన్నారు. క్రీడాపోటీల్లో పాల్గొనడం ద్వారా గెలుపోటములను సమానంగా స్వీకరించే తత్వం అలవడుతుందని తెలిపారు. క్రీడల్లో రాణిస్తే ఉద్యోగ, ఉపాధి అవకాశాల్లో ప్రాధాన్యత దక్కుతుందని చెప్పారు. ఈమేరకు ప్రభుత్వం అందిస్తున్న ప్రోత్సాహాన్ని సద్వినియోగం చేసుకోవాలని సూచించారు. కాగా, టేకులపల్లితో పాటు గుండుగలపల్లి, ములకలపల్లి, చర్ల, పాల్వంచ, గుండాల, సింగరేణి, దుమ్ముగూడెం ఏకలవ్య పాఠశాలలకు చెందిన 320 మంది క్రీడాకారులు హాజరుకాగా, మూడు రోజుల పాటు హ్యాండ్‌బాల్‌, బాస్కెట్‌బాల్‌, కబడ్డీ, ఖో–ఖో, వాలీబాల్‌, పరుగు పందెం తదితర అంశాల్లో పోటీలు జరగనున్నాయి. ఈ కార్యక్రమంలో శ్రీలక్ష్మి, నోడల్‌ ఆఫీసర్‌ కృష్ణ, స్పోర్ట్స్‌ ఆఫీసర్‌ వీరూనాయక్‌, ప్రిన్సిపాల్‌ నిశాంత్‌ కృష్ణవ, సర్పంచ్‌ నరేష్‌, ఎస్‌ఐ తిరుపతి పాల్గొన్నారు.

ఖమ్మంమయూరిసెంటర్‌: రాష్ట్ర ప్రభుత్వం దసరా పండుగ కానుకగా కొత్త చేయూత పెన్షన్లు మంజూరు చేయనున్నట్లు ప్రకటించింది. కానీ జిల్లాలో దరఖాస్తుల పరిశీలన మందకొడిగా జరుగుతుండడంతో గడువులోగా పూర్తవుతుందా అన్న అనుమానాలు వ్యక్తమవుతున్నాయి. జిల్లాలో మొత్తం 27,766 దరఖాస్తులు రాగా, కొన్నింటి ఆన్‌లైన్‌ కూడా పూర్తి కాలేదు. దరఖాస్తుల పరిశీలనకు రెండు రోజుల సమయమే ఉండగా, ఇంకా 10,650 దరఖాస్తులు మిగిలి ఉండడం గమనార్హం. ఆన్‌లైన్‌ అయినవి 25 వేలే.. జిల్లావ్యాప్తంగా మండలాలు, మున్సిపాలిటీల్లో27,766 దరఖాస్తులు వచ్చాయి. వీటిలో ఇప్పటి వరకు 25,455 దరఖాస్తులనే ఆన్‌లైన్‌లో నమోదు చేశారు. మిగిలిన 2,311 దరఖాస్తులు ఆన్‌లైన్‌ కాకపోవడంతో దసరా నాటికి అర్హులందరికీ పెన్షన్లు ఎలా మంజూరవుతాయనే అనుమానాలు వ్యక్తమవుతున్నాయి. ఓ వైపు ఆన్‌లైన్‌ కాకపోవడం.. మరోవైపు దరఖాస్తుల పరిశీలన నత్తనడకన సాగుతుండడంతో దరఖాస్తుదారుల్లో ఆందోళన నెలకొంది. పరిశీలన పూర్తయ్యేనా? ఈనెల 25వ తేదీ శుక్రవారం నాటికి దరఖాస్తుల క్షేత్రస్థాయి విచారణ పూర్తి చేయాలని ఉన్నతాధికారులు గడువు విధించారు. కానీ జిల్లాలో మిగిలిన 10,650కి పైగా దరఖాస్తులను రెండు రోజుల్లో పరిశీలించి ఆన్‌లైన్‌ ఎంట్రీ చేయడం కష్టమేనన్న భావన వ్యక్తమవుతోంది. దసరాకు పెన్షన్‌ మంజూరు చేస్తామన్న ప్రభుత్వ ప్రకటనతో దరఖాస్తుదారుల్లో ఆశలు చిగురించినా... దరఖాస్తుల పరిశీలనకు అధికారులు రాకపోవడంతో ఉత్కంఠకు గురవుతున్నారు. మొదటి స్థానంలో మధిర దరఖాస్తుల పరిశీలనలో కొన్ని మండలాలు, మున్సిపాలిటీలు ముందంజలో ఉన్నాయి. మధిర, సత్తుపల్లి మున్సిపాలిటీల్లో వేగంగా సాగుతోంది. మధిర మున్సిపాలిటీ 89.05 శాతంతో మొదటి స్థానాన నిలవగా, సత్తుపల్లి మున్సిపాలిటీ 88.15శాతం, కామేపల్లి మండలం 84.96శాతంతో రెండు, మూడో స్థానాల్లో నిలిచాయి. ఇక ఖమ్మం మున్సిపల్‌ కార్పొరేషన్‌ పరిస్థితి దారుణంగా ఉంది. ఇక్కడ వచ్చిన 4,555 దరఖాస్తుల్లో ఇప్పటికీ 3,436 దరఖాస్తులు(77.91శాతం) పెండింగ్‌లోనే ఉన్నాయి. అంటే కేవలం 22.09శాతమే పరిశీలన పూర్తయింది. అలాగే ఎర్రుపాలెం 35.71 శాతం, కూసుమంచి 44శాతం, ముదిగొండ 49.72 శాతంతో ఈ మండలాలు 50 శాతం కంటే తక్కువగా పరిశీలించారు. అన్ని కోణాల్లో విచారణ సత్తుపల్లి టౌన్‌: జిల్లాలోని వైరా మున్సిపాలిటీ పరిధిలో 726, మధిరలో 610, సత్తుపల్లిలో 550, కల్లూరులో 391 దరఖాస్తులు అందాయి. వీటి ఆధారంగా అధికారులు ఇంటింటికీ వెళ్లి దరఖాస్తుదారుల సమగ్ర వివరాలు ఆరా తీస్తున్నారు. దరఖాస్తుదారుల ఫొటో, ఆధార్‌, రేషన్‌ కార్డులే కాక ఇతర వివరాలు సేకరించి అక్కడికి యాప్‌లో నమోదు చేస్తున్నారు. దరఖాస్తుల సమయాన అప్‌లోడ్‌ చేయని ధ్రువీకరణ పత్రాలు సేకరిస్తున్న అధికారులు.. ఏవైనా పత్రాలు అందుబాటులో లేకపోతే దరఖాస్తులను హోల్డ్‌లో పెడుతున్నారు. ఈమేరకు యాప్‌లో 12ప్రశ్నలకు జవాబులు నమోదు చేయాల్సి వస్తోంది.

ఖమ్మంమయూరిసెంటర్‌: ఈనెల 26 న వీరనారి చాకలి ఐలమ్మ జయంతి వేడుకలు నిర్వహించనున్నట్లు జిల్లా బీసీ అభివృద్ధి అధికారి జి.జ్యోతి తెలిపారు. ఖమ్మం ప్రభుత్వ మెడికల్‌ కాలేజీ ఎదురుగా ఉన్న ఐలమ్మ విగ్రహం వద్ద జయంతి వేడుకలు 26న ఉదయం 9గంటలకు మొదలవుతాయని పేర్కొన్నారు. అలాగే, ఈనెల 27న కొండా లక్ష్మణ్‌ బాపూజీ జయంతి వేడుకలు నిర్వహించనున్నట్లు జ్యోతి వెల్లడించారు. లకారం ట్యాంక్‌ బండ్‌ వద్ద ఉన్న బాపూజీ విగ్రహం వద్ద వేడుకలు జరుగుతాయని తెలిపారు. ఈ కార్యక్రమాల్లో అన్నివర్గాల ప్రజలు పాల్గొని విజయవంతం చేయాలని ఆమె కోరారు. ఆయుర్వేద వైద్యంపై అవగాహన అవసరం ఖమ్మంఅర్బన్‌: ప్రజలు ఆయుర్వేద వైద్యవిధానంపై అవగాహన పెంచుకోవాలని డీఎంహెచ్‌ఓ డి.రామారావు సూచించారు. జాతీయ ఆయుర్వేద దినోత్సవాన్ని పురస్కరించుకుని బుధవారం ఖమ్మం ఖానాపురంలో ప్రభుత్వ ఆయుర్వేద, హోమియో, యునాని వైద్యశాలల ఆధ్వర్యాన ఉచిత వైద్యశిబిరం నిర్వహించారు. ఈ శిబిరాన్ని ప్రారంభించిన రామారావు మాట్లాడుతూ మారుతున్న జీవనశైలికి అనుగుణంగా ప్రతిఒక్కరూ యోగాను దైనందిన జీవితంలో భాగం చేసుకోవాలని, ఇది సంపూర్ణ ఆరోగ్యానికి దోహదపడుతుందని తెలిపారు. కాగా, శిబిరంలో 436మందికి వైద్యపరీక్షలు చేసి, అవసరమైన మందులు పంపిణీ చేశారు. మెడికల్‌ ఆఫీసర్లు, నోడల్‌ అధికారులు కె.పద్మావతి, వై.ఉపేందర్‌, బి.సుధాకర్‌, డీపీఎం బాబూనాయక్‌, మాజీ కౌన్సిలర్‌ జోగుపర్తి ప్రభాకర్‌రావు తదితరులు పాల్గొన్నారు. వేర్వేరుగా చెత్త సేకరణకు ప్రణాళిక ముదిగొండ: ప్రతీ గ్రామంలో నాలుగు రకాల చెత్త వేర్వేరుగా సేకరించేలా ప్రణాళిక రూపొందించాలని పంచాయతీ రాజ్‌ శాఖ డిప్యూటీ కమిషనర్‌ విద్యాలత సూచించారు. మండలంలోని వనం వారి కిష్టాపురంలో బుధవారం ఆమె పర్యటించారు. గ్రామంలోని జెడ్పీ ఉన్నత పాఠశాలలో వేసిన గ్రామపటం ఆధారంగా యాక్షన్‌ ప్లాన్‌ను పరిశీలించారు. అనంతరం డీపీఓ వినోద్‌తో కలిసి గ్రామంలో మొక్కలు నాటాక విద్యాలత మాట్లాడారు. పారిశుద్ధ్య నిర్వహణపై శ్రద్ధ వహించాలని, నీటి పొదుపు, ఇంకుడు గుంతల ఆవశ్యకతపై గ్రామస్తులకు అవగాహన కల్పించాలని సూచించారు. ఆతర్వాత ముదిగొండ గ్రామపంచాయతీ కార్యాలయంలో ఆమె రికార్డులు పరిశీలించారు. సర్పంచ్‌ పర్ణకోల జ్ఞానమేరీ సరళ, ఎంపీడీఓ విజయ, డిప్యూటీ సీఈఓ శ్రీనివాసరావు, అడిషనల్‌ డీఆర్‌డీఏ శిరీష, ఏపీడీ శ్రీదేవి, డీఎల్‌పీఓలు రాంబాబు, విజయలక్ష్మి, ఎంపీఓ రామకృష్ట పాల్గొన్నారు. ‘రైసెట్‌’ ఆధ్వర్యంలో ఉచిత ఉపాధి శిక్షణ ఖమ్మంరూరల్‌: గ్రామీణ ప్రాంత నిరుద్యోగ యువతీ యువకులకు స్వయం ఉపాధి కల్పించే లక్ష్యంతో ఎస్‌బీఐ రైసెట్‌ ఆధ్వర్యాన ఉచిత శిక్షణ ఇవ్వనున్నట్లు డైరెక్టర్‌ సి.చంద్రశేఖర్‌ తెలిపారు. బ్యూటీ పార్లర్‌ మేనేజ్‌మెంట్‌(మహిళలకు)తో పాటు హౌజ్‌ వైరింగ్‌, సీసీ కెమెరా నిర్వహణ, పుట్టగొడుగుల పెంపకం, జ్యూట్‌ బ్యాగ్‌ తయారీలో శిక్షణ ఉంటుందని పేర్కొన్నారు. కోర్సుల వారీగా విద్యార్హతలను పరిగణనలోకి తీసుకుంటామని, శిక్షణ సమయంలో ఉచిత భోజన వసతి ఉంటుందని తెలిపారు. కోర్సు పూర్తయ్యాక ప్రభుత్వ గుర్తింపు పొందిన సర్టిఫికెట్‌ జారీ చేయడమే కాక స్వయం ఉపాధి, వ్యాపారం కోసం బ్యాంకు రుణాల మంజూరులో సహకరిస్తామని వెల్లడించారు. ఈమేరకు జిల్లాకు చెందిన 18–45 ఏళ్ల వయస్సు వారు ఆధార్‌ కార్డ్‌, రేషన్‌ కార్డ్‌, మూడు పాస్‌పోర్ట్‌ సైజ్‌ ఫొటోలు, విద్యార్హత సర్టిఫికెట్లతో వరంగల్‌ క్రాస్‌రోడ్‌ తరుణిహాట్‌లోని రైసెట్‌ కార్యాలయంలో సంప్రదించాలని సూచించారు. వివరాలకు 95509 86616, 630143 38045 ఫోన్‌ నంబర్లలో సంప్రదించవచ్చని డైరెక్టర్‌ తెలిపారు.

● ముగ్గురిని అరెస్ట్‌ చేసిన పోలీసులు... పరారీలో ఇంకో ఇద్దరు ● నగల దుకాణాల్లో దోపిడీ యత్నాల్లో కారు చోరీ ● అది మొరాయించడంతో వదిలేసి వెళ్లిన నిందితులు గచ్చిబౌలి: క్యాబ్‌ అద్దెకు తీసుకొని డ్రైవర్‌ను హతమార్చి మృతదేహాన్ని పడేసి కారుతో ఉడాయించిన నిందితులను పోలీసులు అరెస్టు చేశారు. ఈమేరకు శేరిలింగంపల్లి డీసీపీ శ్రీనివాస్‌ బుధవారం గచ్చిబౌలిలో వివరాలను వెల్లడించారు. ఖమ్మం జిల్లాకు చెందిన నేలమర్రి రాజశేఖర్‌ తన రెండు కార్లను ఓ కంపెనీలో అద్దెకు పెట్టారు. ఆపై తన స్నేహితుడి కారు నడిస్తున్నాడు. ఈనెల 10న తెల్లవారుజామున 3–30 గంటలకు సికింద్రాబాద్‌ వద్ద ఐదుగురు ఆయనను సంప్రదించి ఓల్డ్‌ ముంబై రోడ్డుకు చేర్చేలా అద్దెకు మాట్లాడుకున్నారు. ఐదుగురు ఎక్కాక కాసేపటికే ఓ వ్యక్తి కాలకృత్యాలు తీసుకుంటానని కారు దిగగా వెనకాల కూర్చున్న వారు టవల్‌ రాజశేఖర్‌ మెడకు బిగించి అంతమొందించాడు. ఆపై జాతీయ రహదారి–65పై వెళ్తూ రుద్రారంలోని ఓవర్‌ బ్రిడ్జి సమీపాన మృతదేహాన్ని పడేశారు. అయితే, కోహీర్‌లోని గోల్డెన్‌ దాబా సమీపాన కారు మొరాయించడంతో వదిలి తమ సొంత ఊర్లకు వెళ్లిపోయారు. ఈమేరకు మృతదేహంతో పాటు కారు స్వాధీనం చేసున్న సైబరాబాద్‌ ఎస్‌ఓటీ, ఆర్సీపురం డివిజన్‌ పోలీసులు దర్యాప్తు చేపట్టారు. పట్టుబడిన ముగ్గురు సీసీ పుటేజీల ఆధారంగా నిందితులను పోలీసులు గుర్తించారు. ఈమేరకు మహారాష్ట్రకు చెందిన ఘోడకే రాహుల్‌, సూరజ్‌ శశికాంత్‌ దవాడే, బాంబ్లే రాజు రామచంద్రను అరెస్ట్‌ చేశారు. మరో ఇద్దరు పరారీలో ఉండగా, వారి వద్ద మృతుడి సెల్‌ఫోన్‌ ఉందని గుర్తించారు. నగల దుకాణాల్లో చోరీకి ప్లాన్‌ మహారాష్ట్రకు చెందిన ఘోడాకే రాహుల్‌ క్లినికల్‌ ట్రయల్స్‌ కోసం హైదరాబాద్‌ వస్తుంటాడు. ఈ క్రమంలోనే ఢిల్లీకి చెందిన మరో వ్యక్తి పరిచయమయ్యాడు. వీరిద్దరు సికింద్రాబాద్‌ హోటల్‌లో ఉండగా మహారాష్ట్రకు చెందిన మరో ముగ్గురు పరిచయమయ్యారు. ఢిల్లీకి చెందిన వ్యక్తి క్యాబ్‌ దొంగిలించి ముంబై శివారు నగల దుకాణాల్లో దోపిడీ చేయొచ్చని చెప్పగా అంతా సిద్ధమవుతారు. ఈక్రమంలో రాజశేఖర్‌ క్యాబ్‌ అద్దెకు తీసుకొని హత్య చేసి చోరీకి బయలుదేరగా... కారు మొరాయించడంతో పారిపోయిన వారు పోలీసులకు పట్టుబడ్డారు. కారు ఆగిపోకుంటే ముంబై శివారు నగల దుకాణాలలో చోరీకి పాల్పడే వారని పోలీసులు తెలిపారు. నిందితుల్లో మరో ఇద్దరు పట్టుబడితే కేసుకు సంబంధించి మరిన్ని విషయాలు వెలుగులోకి వచ్చే అవకాశం ఉంది. ఈ సమావేశంలో ఎస్‌ఓడీ డీసీసీ శోభన్‌ కుమార్‌, ఆర్సీపురం ఏసీపీ శ్రీనివాస్‌, ఇన్‌స్పెక్టర్లు రవీందర్‌, సతీష్‌ తదితరులు పాల్గొన్నారు.

ఖమ్మం వైద్యవిభాగం: ఖమ్మం ప్రభుత్వ జనరల్‌ ఆస్పత్రిలో రక్త పరీక్షలు నిర్వహంచేందుకు నూతన యంత్రాన్ని కేటాయించారు. క్రిటికల్‌ కేర్‌ బ్లాక్‌కు రూ. 3.75 కోట్ల విలువైన ఆటోమెటిక్‌ బయోకెమిస్ట్రీ అనలైజర్‌ మిషన్‌ను కేటాయించగా సెంట్రల్‌ ల్యాబ్‌లో అమరుస్తున్నారు. రెండు రోజుల్లో ఇది అందుబాటులోకి వస్తుందని ఆస్పత్రి మెడికల్‌ సూపరింటెండెంట్‌ నరేందర్‌ తెలిపారు. బయోకెమిస్ట్రీ అనలైజర్‌ మిషన్‌ ద్వారా గంటకు వంద శాంపిళ్లను పరీక్షించవచ్చని, వేయి రకాల రక్త పరీక్షలు చేయొచ్చని వెల్లడించారు. లివర్‌, కిడ్నీ పనితీరు పరీక్షలు, గ్లూకోజ్‌, లిపిడ్‌ ప్రొఫైల్‌, ఎంజైమ్స్‌, ప్రోటీన్స్‌ తదితర పరీక్షల నివేదికలు కచ్చితత్వంతో వస్తాయని తెలిపారు. ఇన్నాళ్లు ఎక్కువగా రక్త నమూనాలను డయోగ్నస్టిక్‌ హబ్‌కు పంపిస్తుండగా, అక్కడి యంత్రాలు మొరాయిస్తుండడంతో అవాంతరాలు ఎదురవుతున్నాయి. ఈనేపథ్యాన కొత్త యంత్రం రావడంతో కష్టాలు తీరుతాయని భావిస్తున్నారు.పెద్దాస్పత్రికి ఆటోమెటిక్‌ బయోకెమిస్ట్రీ అనలైజర్‌ మిషన్‌

ఎర్రుపాలెం: మండలంలోని జమలాపురం శ్రీ వేంకటేశ్వరస్వామి ఆలయ హుండీల్లో భక్తులు సమర్పించిన కానుకలను మంగళవారం నిర్వహించారు. దేవాదాయ శాఖ జిల్లా పరిశీలకులు ఆర్‌ సమత, ఈఓ కె జగన్మోహన్‌రావు సమక్షాన లెక్కించగా 98 రోజులకు గాను రూ.54,78,853 ఆదాయం నమోదైంది. ఆలయ వ్యవస్థాపక ధర్మకర్త ఉప్పల విజయదేవశర్మ, అర్చకులు ఉప్పల మురళీమోహన్‌శర్మ, ఉద్యోగులు సోమయ్య, కృష్ణప్రసాద్‌తో పాటు శ్రీసత్యసాయి సేవాసమితి సభ్యులు పాల్గొన్నారు.నేడు మంత్రి తుమ్మల పర్యటనఖమ్మం అర్బన్‌: రాష్ట్ర వ్యవసాయ శాఖ మంత్రి తుమ్మల నాగేశ్వరరావు బుధవారం ఉమ్మడి జిల్లాలో పర్యటించనున్నారు. మధ్యాహ్నం 12 గంటలకు అశ్వాపురం మండలం బీజీ కొత్తూరులో మారెళ్లపాడు ఎత్తిపోతల పథకాన్ని ప్రారంభిస్తారు. ఆతర్వాత మధ్యాహ్నం 2–30 గంటలకు ఖమ్మం ముస్తఫానగర్‌ సెంటర్‌లో చేరుకుని గణేశ్‌ శోభాయాత్రలో మంత్రి పాల్గొంటారు. ధాన్యం నిల్వలకు గోదాంలు అదనపు కలెక్టర్‌ శ్రీనివాసరెడ్డి ఖమ్మం సహకారనగర్‌: ప్రస్తుత సీజన్‌లో సాగు చేస్తున్న వరి ధాన్యం నిల్వ చేసేందుకు అవసరమైన గోదాంలను ముందస్తుగా సిద్ధం చేయాలని అదనపు కలెక్టర్‌ పి.శ్రీనివాసరెడ్డి ఆదేశించారు. జిల్లాలోని ఎస్‌డబ్ల్యూసీ, ఏఎంసీ, ప్రైవేట్‌ గోదాంల యజమానులతో మంగళవారం ఆయన కలెక్టరేట్‌లో సమావేశమయ్యారు. అధికారులు గోదాంలను క్షేత్రస్థాయిలో పరిశీలించి ధాన్యం నిల్వకు అనుకూలంగా ఉన్నాయో లేదో నిర్ధారించాలని సూచించారు. సరిపడా హమాలీలు లేకపోతే వెంటనే ఏర్పాటు చేయాలని తెలిపారు. ఈమేరకు డీటీలు క్షేత్రస్థాయిలో పరిశీలించి వివరాలను యాప్‌లో నమోదు చేయాలని సూచించారు. ఈ సమావేశంలో డీసీఎస్‌ఓ చందన్‌కుమార్‌, డీఎం మల్లికార్జున్‌ బాబు, వివిధ శాఖల అధికారులు పాల్గొన్నారు. రేపు జాబ్‌ మేళా ఖమ్మం రాపర్తినగర్‌: ప్రైవేట్‌ రంగంలో నిరుద్యోగ యువతకు ఉపాధి అవకాశాలు కల్పించేందుకు ఈనెల 24న జాబ్‌ మేళా నిర్వహిస్తున్నట్లు జిల్లా ఉపాధి కల్పన శాఖ అధికారి ఎన్‌.మాధవి తెలిపారు. అపోలో ఫార్మసీ, వరుణ్‌ మోటార్స్‌, భారత్‌ హుండాయ్‌లో ఉద్యోగాలకు ఖమ్మంలోని టీటీడీసీ భవన్‌లో ఇంటర్వ్యూలు జరుగుతాయని, డీ ఫార్మసీ, బీ ఫార్మసీ, ఎస్‌ఎస్‌సీ, ఇంటర్‌, బీబీఏ, డిగ్రీ, ఐటీఐ ఉత్తీర్ణత కలిగిన వారు అర్హులని పేర్కొన్నారు. 18–35 ఏళ్ల లోపు వయసు కలిగి, అర్హతలు ఉన్నవారు సర్టిఫికెట్ల జిరాక్స్‌లతో హాజరుకావాలని, వివరాలకు 92841 107531, 70369 02902, 72079 17714 నంబర్లలో సంప్రదించాలని ఆమె సూచించారు. రెండు టీపీఎస్‌లకు రూ.10.91కోట్లు చింతకాని: రాష్ట్ర ప్రభుత్వం ప్రతిష్టాత్మకంగా ఏర్పాటుచేయనున్న తెలంగాణ పబ్లిక్‌ స్కూళ్ల(టీపీఎస్‌) కోసం నిధులు మంజూరు చేసింది. చింతకాని మండలంలోని నాగులవంచ, కొదుమూరు పాఠశాలలను టీపీఎస్‌లుగా అభివృద్ధి చేసేందుకు ఎంపిక చేశారు. ఈమేరకు నాగులవంచ స్కూల్‌కు వసతుల అభివృద్ధికి రూ.5.19 కోట్లు, కొదుమూరు రూ.5.72 కోట్ల నిధులు మంజూరు చేశారు. నిధులు మంజూరు చేసిన డిప్యూటీ సీఎం భట్టివిక్రమార్కకు మత్కేపల్లి మార్కెట్‌ కమిటీ చైర్మన్‌ అంబటి వెంకటేశ్వరరావు, తదితరులు కృతజ్ఞతలు తెలిపారు. రిజిస్ట్రేషన్‌ శాఖలో మొరాయించిన సర్వర్‌ ఖమ్మంమయూరిసెంటర్‌: రిజిస్ట్రేషన్‌ శాఖలో మంగళవారం సర్వర్‌ మొరాయించగా సేవల్లో అంతరాయం ఏర్పడింది. సాంకేతిక కారణాలతో ఈ పరిస్థితి నెలకొనగా ఉమ్మడి జిల్లాలోని సబ్‌ రిజిస్ట్రార్‌ కార్యాలయాల్లో రోజువారీ పనులు ఆలస్యమయ్యాయి. ఉదయం నుంచి రాత్రి వరకు ఈ సమస్య కొనసాగగా ఒక్కో డ్యాక్యుమెంట్‌ రిజిస్ట్రేషన్‌కు దాదాపు గంటన్నరకు పైగా సమయం పట్టింది. దీంతో కార్యాలయాలకు వచ్చిన వారే కాక అధికారులు అవస్థలు ఎదుర్కొన్నారు.

ఖమ్మంవైద్యవిభాగం: 2024 ఏడాది చివరిలో ఉత్తరప్రదేశ్‌లోని ఝాన్సీ మెడికల్‌ కళాశాలకు చెందిన ఆస్పత్రి ఎస్‌ఎన్‌సీయూ(నవజాత శిశు సంరక్షణ కేంద్రం)లో షార్ట్‌ సర్క్యూట్‌ ఏర్పడి 10 మంది చిన్నారులు సజీవ దహనమయ్యారు. తాజాగా ఆదిలాబాద్‌ రిమ్స్‌ ఆస్పత్రిలో ఏసీ పేలి ముగ్గురు చిన్నారులు మృతి చెందారు. మరికొందరు చిన్నారులు తీవ్ర అస్వస్ధతకు గురయ్యారు. ఈక్రమాన ఖమ్మం ప్రభుత్వ ఆస్పత్రి ఆవరణలోని మాతాశిశు ఆరోగ్య కేంద్రం, ఎస్‌ఎన్‌సీయూలో చిన్నారుల రక్షణపై చర్చ మొదలైంది. ఈమేరకు మంగళవారం ‘సాక్షి’ ఆధ్వర్యాన పరిశీలించగా ఆందోళనకరమైన పరిస్థితులు లేకున్నా.. అనుకోని ఘటన జరిగితే పరిస్థితిని ఎంత వేగంగా అదుపులోకి తీసుకొస్తారో చెప్పలేని పరిస్థితి కనిపించింది. విభాగాల వారీగా చికిత్స జనరల్‌ ఆస్పత్రిలోని మాతా శిశు ఆరోగ్య కేంద్రంలో గర్బిణులు, బాలింతలు, చిన్నారులకు వైద్య సేవలు అందిస్తారు. గ్రౌండ్‌ ఫ్ల్లోర్‌లో ఓపీ విభాగాలు ఉండగా మొదటి, రెండో అంతస్తులో బాలింతలు, చిన్నారుల ఇన్‌ పేషంట్‌ వార్డులు ఉన్నాయి. ఇక నవజాత శిశు సంరక్షణ కేంద్రం(ఎస్‌ఎన్‌సీయూ)లోని 20 వార్మర్లలో బరువు తక్కువగా పుట్టిన నెలలోపు చిన్నారులకు చికిత్స అందిస్తున్నారు. అలాగే పీడియాట్రిక్‌ ఇన్‌టెన్సివ్‌ కేర్‌ యూనిట్‌(పీఐసీయూ)లో 20 మంది, చిల్ట్రన్స్‌ వార్డులో 38 మంది, న్యూట్రీషన్‌ రీ హ్యాబిలిటేషన్‌ సెంటర్‌(ఎన్‌ఆర్‌సీ)లో 20 మందికి చికిత్స చేసే సామర్థ్యం ఉంది. నెలలు నిండకుండా పుట్టిన, బరువు తక్కువ ఉన్న వారే కాక వివిధ రకాల అనారోగ్య సమస్యలతో బాధపడే చిన్నారులకు ఎస్‌ఎన్‌సీయూలో చికిత్స అందిస్తారు. నెలలోపు చిన్నారులను ఇందులోని వార్మర్లలో చికిత్స చేస్తారు. ఆపై వయస్సు గలవారైతే పీఐసీయూలో చికిత్స చేసి కోలుకున్నాక చిల్డ్రన్స్‌ వార్డుకు తరలిస్తారు. అలాగే, పోషకాహార లోపం ఉన్న వారికి ఎన్‌ఆర్‌సీలో చికిత్స అందిస్తారు. ఎస్‌ఎన్‌సీయూ విషయంలో భద్రతా పరంగా ఏ ఇబ్బంది లేదు. ముందస్తుగా అన్ని రక్షణ చర్యలు తీసుకుంటూ నిరంతరం పర్యవేక్షిస్తున్నాం. అయితే, ఎస్‌ఎన్‌సీయూ సరిపోనందున మరో అంతస్తు నిర్మాణానికి ప్రతిపాదించాము. అయినా ప్రస్తుతం ఎంసీహెచ్‌లో వైద్యసేవల విషయంలో ఢోకా లేదు. చిన్నారుల విషయంలో ప్రత్యేక జాగ్రత్తలు తీసుకుంటున్నాం. – డాక్టర్‌ నరేందర్‌, మెడికల్‌ సూపరింటెండెంట్‌, జీజీహెచ్‌శిశువులకు అత్యవసర చికిత్స అందించే ఎస్‌ఎన్‌సీయూ యూనిట్‌ను ఇరుకై న చోట ఏర్పాటు చేశారు. తాకిడి ఎక్కువగా ఉండడంతో యూనిట్‌ ఏ మాత్రం సరిపోవట్లేదు. అంతేకాక ఇరుకై న ప్రాంతం కావడంతో భద్రతాపరంగా ఆందోళన చెందాల్సి న పరిస్థితి నెలకొంది. దీనికి తోడు మాతా శిశు ఆరోగ్య కేంద్రంలో నిత్యం 20 – 25 ప్రసవాలు జరుగుతుండగా.. ఇతర ఆస్పత్రుల్లో జన్మించి అనారోగ్య సమస్యలు ఉన్న చిన్నారులను కూడా ఇక్కడే తీసుకొస్తుండడంతో సేవలు అందించడం ఇబ్బందిగా మారింది. అంతేకాక రక్షణ ఏర్పాట్లు కూడా పూర్తిస్థాయిలో లేవనే చెప్పాలి. అనుకోని ప్రమాదం జరిగితే పసిగట్టడానికి తగిన ఏర్పాట్లు లేకపోవడం.. చిన్నారుల తల్లిదండ్రుల ఆందోళనకు కారణమవుతోంది. ప్రస్తుతం ఉన్న యూనిట్‌ను విశాలమైన ప్రాంతానికి తరలిస్తే తప్ప సమస్యకు పరిష్కారం లభించే అవకాశం లేదు. అధికారులు మేల్కొని ప్రమాదాలు జరగకముందే ఎస్‌ఎన్‌సీయూపై ప్రత్యేక దృష్టి సారించాలని పలువురు కోరుతున్నారు. ఎస్‌ఎన్‌సీయూ, తదితర విభాగాల్లో వెంటిలేటర్‌ సదుపాయం కూడా ఉంది. అయితే నవజాత శిశు మరణాలను తగ్గించడానికి ప్రభుత్వం ఏర్పాటు చేసిన ఎన్‌ఎన్‌సీయూకు తాకిడి పెరుగుతోంది. వివిధ అనారోగ్య కారణాలతో పుట్టిన శిశువులను వార్మర్లలో ఉంచి చికిత్స అందిస్తే ఆరోగ్యం త్వరగా కుదుటపడుతుంది. శిశువులకు తల్లి గర్భంలో మాదిరి వెచ్చదనాన్ని అందిస్తూ చికిత్స చేయడానికి వార్మర్లు వినియోగిస్తుంటారు. ఉమ్మడి జిల్లాతో పాటు సూర్యాపేట, మహబూబాబాద్‌ జిల్లాల నుంచి కూడా శిశువులను ఇక్కడకు తీసుకొస్తుండడంతో ఎస్‌ఎన్‌సీయూ కిటకటలాడుతుంటుంది. జనరల్‌ ఆస్పత్రిలో ఇరుకుగా ఎస్‌ఎన్‌సీయూ

● రైలులో తరలిస్తుండగా ఖమ్మంలో ‘రెస్క్యూ ఆపరేషన్‌’ ● తల్లిదండ్రుల చెంతకు చేర్చేలా స్వచ్ఛంద సంస్థకు అప్పగింత ఖమ్మంమయూరిసెంటర్‌: నేపాల్‌కు చెందిన 14 ఏళ్ల బాలికను భారత్‌కు అక్రమంగా తరలిస్తుండగా జిల్లా అధికారులు, స్వచ్ఛంద సంస్థల సమన్వయంతో రక్షించారు. ఇందుకు సంబంధించి వివరాలిలా ఉన్నాయి. ఈనెల 11న నేపాల్‌కు చెందిన బాలికను ఇద్దరు మహిళలు అక్రమంగా రప్తీసాగర్‌ ఎక్స్‌ప్రెస్‌లో కేరళలోని కొల్లాం వైపు తీసుకెళ్తున్నట్లు ఢిల్లీకి చెందిన ‘అసోసియేషన్‌ ఫర్‌ వలంటరీ యాక్షన్‌(ఏవీఏ)’ సంస్థ నుంచి ఖమ్మంలోని ‘ఏఐడీ’ సంస్థకు సమాచారం అందింది. దీంతో వారు మహిళా శిశు సంక్షేమ శాఖ, జిల్లా బాలల పరిరక్షణ విభాగానికి తెలియజేయగా రైల్వే చైల్డ్‌ హెల్ప్‌ డెస్క్‌, జీఆర్‌పీ, ఆర్‌పీఎఫ్‌ సిబ్బంది సమన్వయంతో రైలులో తనిఖీలు చేపట్టి బాలికను రక్షించారు. అలాగే, బాలికను అక్రమంగా తరలిస్తున్న ఇద్దరు మహిళలపై మానవ అక్రమ రవాణా చట్టం కింద కేసు నమోదు చేసి రిమాండ్‌కు తరలించారు. ‘మైటీ నేపాల్‌’ సంస్థకు అప్పగింత బాలికను రక్షించిన అనంతరం ఖమ్మం చైల్డ్‌ వెల్ఫేర్‌ కమిటీ(సీడబ్ల్యూసీ) సూచనతో బాలల సదనంలో వసతి కల్పించారు. అనంతరం నేపాల్‌కు చెందిన ‘మైటీ నేపాల్‌’ స్వచ్ఛంద సంస్థ బాలిక కుటుంబ నేపథ్యంపై నివేదిక పంపించగా.. ఆమె తల్లిదండ్రులిద్దరూ అంధులు కావడంతో ఇక్కడికి రాలేని పరిస్థితి నెలకొంది. దీంతో నేపాల్‌ ఎంబసీ అనుమతితో ’మైటీ నేపాల్‌’ ప్రతినిధి సోమవారం ఖమ్మం వచ్చి సీడబ్ల్యూసీకి తగిన పత్రాలు సమర్పించగా కలెక్టర్‌ దివాకర టీ.ఎస్‌. సమక్షంలో బాలికను అప్పగించారు. అంతేకాక రూ.20 వేల తక్షణ సాయాన్ని అందజేసిన కలెక్టర్‌ బాలిక పునరావాసానికి ఉపయోగించాలని సూచించారు. డీడబ్ల్యూఓ ప్రమీల, జిల్లా బాలల పరిరక్షణ అధికారి విష్ణువందన, వివిధ సంస్థల ప్రతినిధులు, ఉద్యోగులు లింగయ్య, లక్ష్మణ్‌, పీ.ఎస్‌.ఎస్‌.హరిప్రసాదరావు, మహేశ్వరి, నవ్య, శ్రీలక్ష్మి, కె.శ్రీనివాస్‌, రాజేష్‌, శ్రీకాంత్‌ పాల్గొన్నారు.

ఖమ్మం వైరారోడ్‌: ప్రైవేట్‌ ఆస్పత్రుల్లో చికిత్స చేయించుకున్న వారికి తన సిఫారసుతో మంజూరైన సీఎంఆర్‌ఎఫ్‌ చెక్కులను రాజ్యసభ సభ్యుడు వద్దిరాజు రవిచంద్ర అందజేశారు. ఖమ్మం బుర్హాన్‌పురంలోని క్యాంపు కార్యాలయంలో 34 మందికి రూ.7లక్షల విలువైన చెక్కులను మంగళవారం అందజేశాక ఆయన మాట్లాడారు. కేసీఆర్‌ హయాంలో ఏటా రూ.2వేల కోట్లను సీఎంఆర్‌ఎఫ్‌ ద్వారా కేటాయించినట్లు తెలిపారు. కానీ ప్రస్తుత ప్రభుత్వం పేదల ఆరోగ్యానికి చేసే సాయంపైనా సీలింగ్‌ విధించిందని ఆరోపించారు. బీఆర్‌ఎస్‌ నాయకులు దండా జ్యోతిరెడ్డి, శీలంశెట్టి వీరభద్రం, తోట రామారావు, హరిప్రసాద్‌, పాల నాగేశ్వరరావు, లేడిబోయిన గోపాలరావు తదితరులు పాల్గొన్నారు.

ఖమ్మం సహకారనగర్‌: రేషన్‌ డీలర్ల సంక్షేమ సంఘం సమావేశం మంగళవారం ఖమ్మంలో జరిగింది. ఈ సందర్భంగా జిల్లా నూతన కార్యవర్గాన్ని ఎన్నుకోగా రాష్ట్ర అధ్యక్ష, ప్రధాన కార్యదర్శులు నాయికోటి రాజు, ధరావత్‌ మోహన్‌ నాయక్‌ హాజరయ్యారు. ఈమేరకు జిల్లా నూతన అధ్యక్షుడిగా దొండా దర్గయ్య(కొణిజర్ల), ప్రధాన కార్యదర్శిగా సయ్యద్‌ రఫీ(ఖమ్మం)ని ఏకగ్రీవంగా ఎన్నుకున్నారు. అలాగే, గౌరవ అధ్యక్షుడిగా యల్లంపల్లి యాదగిరి(ఖమ్మం రూరల్‌), వర్కింగ్‌ ప్రెసిడెంట్‌గా షేక్‌ జానీమియా, కోశాధికారిగా గుమ్మడవెల్లి సంతోష్‌కుమార్‌, గౌరవ సలహాదారుగా రంగారావుతో పాటు మరో 34మందిని ఎన్నుకున్నారు. అనంతరం రాష్ట్ర అధ్యక్షుడు రాజు మాట్లాడుతూ జిల్లాలో సంఘాన్ని బలోపేతం చేయాలని సూచించారు. వివిధ మండలాల డీలర్లు శ్రీనివాసరావు, సాయికుమార్‌, గోళ్ల మురళి, ఖాజామియా, జానీమియా, గాజుల భద్రయ్య, తోట వెంకన్న, లగ్గిశెట్టి వెంకటేశ్వర్లు, సత్తార్‌మియా తదితరులు పాల్గొన్నారు.అధ్యక్ష, ప్రధాన కార్యదర్శులుగా దర్గయ్య, రఫీ

ఖమ్మంమయూరిసెంటర్‌: టీజీఎస్‌ ఆర్టీసీలో గుర్తింపు యూనియన్‌ ఎన్నికల ప్రక్రియ మొదలైంది. ఈమేరకు మంగళవారం కార్మిక సంఘాల నాయకులతో ఖమ్మం జిల్లా డిప్యూటీ కమిషనర్‌ ఆఫ్‌ లేబర్‌, ఎన్నికల డిప్యూటీ రిటర్నింగ్‌ అధికారి ఎం.కోటేశ్వర్లు సమావేశమయ్యారు. ఈ సందర్భంగా ముసాయదా ఓటర్ల జాబితాను విడుదల చేయగా, రీజియన్‌ పరిధిలో 1,804మంది ఓటర్లు ఉన్నట్లు పేర్కొన్నారు. కాగా, జాబితాపై ఈనెల 24వ తేదీ వరకు అభ్యంతరాలు స్వీకరించి, వాటి పరిష్కారం అనంతరం 25న తుది జాబితా ప్రకటిస్తారు. ఎన్నికల నియమావళి ప్రకారం ప్రశాంత వాతావరణంలో, పారదర్శకంగా ఎన్నికలు జరిగేలా కార్మిక సంఘాల నాయకులు సహకరించాలని డీసీఎల్‌ కోటేశ్వర్లు కోరారు. కాగా, ముసాయిదా జాబితా ప్రకారం ఖమ్మం డిపోలో అత్యధికంగా 416మంది ఓటర్లు ఉండగా, భద్రాచలంలో డిపోలో 336 మంది, సత్తుపల్లిలో 296 మంది, మణుగూరులో 249 మంది, మధిరలో 193మంది, కొత్తగూడెంలో 179మంది, ఇల్లెందులో 106 మందితో పాటు ఆర్‌ఎం కార్యాలయంలో 29మంది ఓటర్లు ఉన్నట్లు వెల్లడించారు.ఖమ్మం రీజియన్‌లో 1,804 మంది ఓటర్లు

ఖమ్మం అర్బన్‌: ఖమ్మం నియోజకవర్గంలో జరుగుతున్న అభివృద్ధి పనుల్లో వేగం పెంచి త్వరగా పూర్తయ్యేలా అధికారులు పర్యవేక్షించాలని రాష్ట్ర మంత్రి తుమ్మల నాగేశ్వరరావు ఆదేశించారు. కలెక్టర్‌ దివాకర టీ.ఎస్‌., పోలీస్‌ కమిషనర్‌ సునీల్‌దత్‌తో కలిసి మంగళవారం కలెక్టరేట్‌లో వివిధ శాఖలపై ఆయన సమీక్షించారు. ఈ సందర్భంగా మంత్రి మాట్లాడుతూ నాగార్జునసాగర్‌లో నీటి లభ్యత, కాల్వ ద్వారా వచ్చే నీరు, భూగర్భ జలాలు, విద్యుత్‌ సరఫరాను దృష్టిలో ఉంచుకుని రబీలో కూడా వరి సాగు తగ్గింపుపై దృష్టి సారించాలన్నారు. ఈమేరకు ఆయిల్‌పామ్‌ తదితర ప్రత్యామ్నాయ పంటలను ప్రోత్సహిస్తూ ఈనెలాఖరులోగా కార్యాచరణ ప్రణాళిక సిద్ధం చేయాలని తెలిపారు. అంతేకాక అవసరమైన విత్తనాలను ముందుగానే అందుబాటులో ఉంచాలని ఆదేశించారు. అలాగే, మంచుకొండ ఎత్తిపోతల పథకం పరిధిలోని అన్ని చెరువులను నింపడమే కాక బుగ్గవాగు ఎత్తిపోతల పనులు వెంటనే ప్రారంభించాలని సూచించారు. అలాగే, మున్నేటికి రిటైనింగ్‌ వాల్‌ నిర్మాణం కావాల్సిన భూమి సేకరించాలని తెలిపారు. అంతేకాక కేబుల్‌ బ్రిడ్జి, మెడికల్‌ కళాశాల హాస్టల్‌, పరిపాలనా భవన నిర్మాణ పనులను త్వరగా పూర్తి చేయాలని సూచించిన మంత్రి, వెలుగుమట్ల కాలనీలోని అన్ని ఇళ్లను నవంబర్‌ 21లోగా పూర్తి చేయాలని ఆదేశించారు. ఆతర్వాత భూగర్భ విద్యుత్‌ పనులు, రహదారుల విస్తరణ, గృహజ్యోతి లబ్ధిదారులకు దశలవారీగా సోలార్‌ రూఫ్‌టాప్‌ల ఏర్పాటు, యంగ్‌ ఇండియా ఇంటిగ్రేటెడ్‌ స్కూల్‌ పనులపై సూచనలు చేశారు. అనంతరం కలెక్టర్‌ దివాకర టీ.ఎస్‌. వివిధ శాఖల పరిధిలో జరుగుతున్న పనులు, ప్రతిపాదనలను వివరించారు. ఈ సమీక్షలో సుడా, జిల్లా గ్రంథాలయ సంస్థ, మార్కెట్‌ చైర్మన్లు పువ్వాళ్ల దుర్గాప్రసాద్‌, ఖాదర్‌ బాబా, యరగర్ల హన్మంతరావు, కేఎంసీ కమిషనర్‌ అభిషేక్‌ అగస్త్య, అదనపు కలెక్టర్‌ పి.శ్రీనివాసరెడ్డి, ఇరిగేషన్‌ సీఈ వాసంతి, ఎస్‌ఈలు వెంకటేశ్వర్లు, వెంకటరెడ్డి పాల్గొన్నారు.

ఖమ్మంమయూరిసెంటర్‌: ఖమ్మంలోని ఎస్‌ఆర్‌ అండ్‌ బీజీఎన్‌ఆర్‌ కళాశాల ప్రిన్సిపాల్‌ చాంబర్‌ ముందు ఏఐఎస్‌ఎఫ్‌, తదితర విద్యార్థి సంఘాల నాయకులు సోమవారం ఆందోళన చేపట్టారు. సెల్ఫ్‌ ఫైనాన్స్‌ పీజీ కోర్సుల్లో ప్రవేశానికి విద్యార్థుల నుంచి అదనంగా రూ.15 వేల చొప్పున వసూలు చేస్తున్నారని ఆరోపించారు. అదనపు మొత్తాన్ని చెల్లించాలని విద్యార్థులపై ఒత్తిడి చేయడం సరికాదని పేర్కొన్నారు. ఈ సందర్భంగా నాయకులతో ప్రిన్సిపాల్‌ చర్చించి చెల్లింపును తాత్కాలికంగా వాయిదా వేసి విద్యార్థుల అడ్మిషన్లు స్వీకరించేందుకు అంగీకరించారు. నాయకులు ఇటికాల రామకృష్ణ, బూర మనోజ్‌, శివనాయక్‌, మధు, రాజు, రమ్య, సరస్వతి, పావని తదితరులు పాల్గొన్నారు.

ఖమ్మంవ్యవసాయం: వినాయక నిమజ్జనం రోజున నిరంతరాయంగా విద్యుత్‌ సరఫరా చేయడమే కాక ఎక్కడా సమస్యలు రాకుండా విద్యుత్‌ శాఖ అధికారులు ముందస్తు ఏర్పాట్లలో నిమగ్నమయ్యారు. సురక్షితంగా, సజావుగా ఊరేగింపులు సాగేలా ఎస్‌ఈ ఇనుగుర్తి శ్రీనివాసాచారి సూచనలతో నిమజ్జన కేంద్రాలు, ప్రధాన ఊరేగింపు మార్గాలను ఉద్యోగులు పరిశీలించారు. ఊరేగింపు మార్గాల్లో విద్యుత్‌ తీగలు అడ్డు రాకుండా ముందుగానే సరిచేయనున్నారు. అంతేకాక నిమజ్జనం రోజున విద్యుత్‌ సరఫరా పరిస్థితిని నిరంతరం పర్యవేక్షించేందుకు ఎస్‌ఈ కార్యాలయంలో ప్రత్యేక కంట్రోల్‌ రూమ్‌ ఏర్పాటు చేశారు. బుధవారం ఉదయం 9 నుంచి గురువారం ఉదయం 7గంటల వరకు అధికారులు ఈ కంట్రోల్‌ రూమ్‌లో ఉంటారు. విద్యుత్‌ సరఫరాకు సంబంధించిన ఫిర్యాదులు, అత్యవసర సమాచారం కోసం కంట్రోల్‌ రూమ్‌ ఫోన్‌ నంబర్‌ 87124 83490 లేదా టోల్‌ ఫ్రీ నంబర్‌ 1912కు సమాచారం ఇవ్వాలని ఎస్‌ఈ సూచించారు. కాగా, నగరంలో ప్రతిష్ఠించిన భారీ విగ్రహాలను ఎస్‌ఈ సోమవారం పరిశీలించగా... వాటిని వాహనాల్లోకి ఎక్కించడం, శోభాయాత్ర మార్గంలో ఎక్కడైనా విద్యుత్‌ తీగలు అడ్డుగా వస్తాయా అని వివరాలు సేకరించారు. బ్రాహ్మణబజార్‌లోని శివాలయం సెంటర్‌లో ఏర్పాటు చేసిన 40 అడుగుల విగ్రహంతో మరికొన్ని ప్రాంతాల్లో విగ్రహాలను ఎస్‌ఈ శ్రీనివాసాచారి పరిశీలించారు.

ఎస్‌బీఐ రీజనల్‌ మేనేజర్‌ రామమూర్తి ఖమ్మంగాంధీచౌక్‌: స్వచ్ఛతా హీ సేవ, గాంధీ జయంతిని పురస్కరించుకొని ప్రతీఒక్కరు మొక్కలు నాటి సంరక్షించడం ద్వారా పర్యావరణ పరిరక్షణలో భాగం కావాలని స్టేట్‌ బ్యాంక్‌ ఆఫ్‌ ఇండియా ఖమ్మం రీజినల్‌ మేనేజర్‌ ఎం.రామమూర్తి పిలుపునిచ్చారు. ఖమ్మంలోని జెడ్పీబ్రాంచ్‌ ఆవరణలో మేనేజర్‌ షేక్‌ ఇబ్రహీం ఆధ్వర్యాన సోమవారం మొక్కలు నాటారు. ఈ కార్యక్రమంలో ఆర్‌ఎం రామమూర్తి మాట్లాడుతూ పరిసరాల పరిశుభ్రత, పచ్చదనం పెంపునకు అందరూ సహకరించాలని తెలిపారు. ఈ కార్యక్రమంలో చీఫ్‌ మేనేజర్లు రాంభరన్‌, శ్రీలక్ష్మి, ఉద్యోగులు, ఖాతాదారులు పాల్గొన్నారు.

ఖమ్మం స్పోర్ట్స్‌: ఖేలో ఇండియా యూత్‌ గేమ్స్‌లో భాగంగా ఆర్చరీ పోటీలు ఖమ్మంలోనే నిర్వహించాలని నిర్ణయించారు. ఈమేరకు ఖేలో ఇండియా ప్రతినిధులు సోమవారం సర్దార్‌ పటేల్‌ స్టేడియంను పరిశీలించారు. గతంలోనూ ఓసారి ఇక్కడ పరిశీలించి సంతృప్తి వ్యక్తం చేసినా, ఆ తర్వాత ఖమ్మంకు వేదిక కేటాయించలేదు. దీంతో అధికారులు, ఆర్చరీ అసోసియేషన్‌ ప్రతినిధులు పట్టుబట్టి ఇక్కడి వసతులను ఖేలో ఇండియా బృందం దృష్టికి తీసుకెళ్లడంతో సుముఖత కనబరిచారు. అంతేకాక పోటీల నిర్వహణకు కావాల్సిన వసతుల పరిశీలనకు స్పోర్ట్స్‌ అథారిటీ ఆఫ్‌ ఇండియా, ఖేలో ఇండియా ఆర్చరీ పోటీల మేనేజర్‌ బ్రెజేష్‌కుమార్‌, తెలంగాణ స్పోర్ట్స్‌ అథారిటీకి చెందిన క్రాంతి సోమవారం పర్యటించారు. ఆర్చరీ పోటీల నిర్వహనకు సర్దార్‌ పటేల్‌స్టేడియం అనువుగా ఉందని తేల్చారు. ఈకార్యక్రమంలో జాతీయ ఆర్చరీ అసోసియేషన్‌ కమిటీ సభ్యుడు పుట్టా శంకరయ్య, డీవైఎస్‌ఓ టి.సునీల్‌రెడ్డి, ఆర్చరీ అసోసియేషన్‌ జిల్లా అధ్యక్షుడు సాధుల సారంగపాణి, అథ్లెటిక్స్‌, ఆర్చరీ కోచ్‌లు ఎం.డీ.గౌస్‌, మేనేజర్‌ ఉదయ్‌కుమార్‌ పాల్గొన్నారు. డిసెంబర్‌లో పోటీలు జిల్లా కేంద్రంలో ఈ ఏడాది డిసెంబర్‌లో ఖేలో ఇండియా యూత్‌ గేమ్స్‌లో భాగంగా ఆర్చరీ పోటీలు జరగనున్నాయి. పోటీలకు దేశావ్యాప్తంగా 300 మందికి పైగా క్రీడాకారులు హాజరయ్యే అవకాశముంది. వీరితో పాటు కోచ్‌లు, మేనేజర్లు కలిపి 400 మందికిపైగా వసతి కల్పించనున్నారు. ఐదు రోజుల పాటు పోటీలు జరగనుండగా.. సర్దార్‌ పటేల్‌ స్టేడియంలో అదనపు హంగులు సమకూరే అవకాశముంది. పట్టుబట్టి సాధించిన స్పోర్ట్స్‌ అథారిటీ, అసోసియేషన్‌

ఖమ్మంమయూరిసెంటర్‌: జనాభా దామాషా ప్రకారం ప్రభుత్వ ఫలాలు ఎస్సీ, ఎస్టీ వర్గాలకు అందేలా అధికారులు కృషి చేయాలని రాష్ట్ర షెడ్యూల్‌ కులాల, షెడ్యూల్‌ తెగల కమిషన్‌ చైర్మన్‌ బక్కి వెంకటయ్య సూచించారు. కలెక్టరేట్‌ సమావేశ మందిరంలో కమిషన్‌ సభ్యులు కుస్రం నీలాదేవి, రాంబాబు నాయక్‌, కలెక్టర్‌ దివాకర టీ.ఎస్‌., పోలీస్‌ కమిషనర్‌ సునీల్‌దత్‌తో కలిసి సోమవారం ఆయన భూమి, సర్వీసెస్‌, అట్రాసిటీ కేసులపై అధికారులతో సమీక్షించారు. ఈ సందర్భంగా చైర్మన్‌ వెంకటయ్య మాట్లాడుతూ ఎస్సీ, ఎస్టీ యువతకు స్వయం ఉపాధి, నైపుణ్యాభివృద్ధి అవకాశాలు కల్పించే రాజీవ్‌ యువ వికాసం కార్యక్రమాన్ని నవంబర్‌లో ప్రభుత్వం ప్రారంభించనుందని తెలిపారు. జిల్లాలో పెండింగ్‌ ఉన్న అంగన్‌వాడీ కేంద్రాల నిర్మాణ పనులను త్వరగా పూర్తిచేయాలని, ఎస్సీ, ఎస్టీ గురుకులాల్లో విద్యార్థులకు ఇబ్బంది రాకుండా వసతులు కల్పించాలని సూచించారు. అలాగే, ఎస్సీ, ఎస్టీ సబ్‌ ప్లాన్‌ కింద కేటాయించిన నిధులను తప్పనిసరిగా ఆయా వర్గాల నివాస ప్రాంతాలు, తండాలు, కాలనీల అభివృద్ధికి మాత్రమే వినియోగించాలని స్పష్టం చేశారు. అట్రాసిటీ కేసుల విచారణ త్వరగా పూర్తి చేసి బాధితులకు పరిహారం, న్యాయం అందించాలని సూచించిన చైర్మన్‌... ప్రతీనెల చివరి వారంలో సివిల్‌ రైట్స్‌ డే తప్పక నిర్వహిస్తూ తహసీల్దార్లు, స్టేషన్‌ హౌజ్‌ అధికారి స్థాయి అధికారులు పాల్గొనాలని చైర్మన్‌ వెల్లడించారు. బాధితులకు రూ.9.07 కోట్ల పరిహారం కలెక్టర్‌ దివాకర మాట్లాడుతూ నిర్దేశిత కోటా ప్రకారం అర్హులైన ఎస్సీ, ఎస్టీ లబ్ధిదారులకు ఇళ్ల కేటాయింపులో న్యాయం జరిగేలా చర్యలు తీసుకుంటామని తెలిపారు. బోనకల్‌, రఘునాథపాలెంలో యంగ్‌ ఇండియా రెసిడెన్షియల్‌ స్కూళ్ల నిర్మాణం వచ్చే విద్యాసంవత్సరం నాటికి, మిగిలినవి వచ్చే ఏడాది డిసెంబర్‌ వరకు అందుబాటులోకి వస్తాయన్నారు. జిల్లాలో నమోదైన 797 కేసుల్లో 930 బాధితులకు రూ.12,42,50,000 పరిహారం మంజూరు కాగా, రూ.9.05 కోట్లు అందజేశామని చెప్పారు. సీపీ సునీల్‌దత్‌ మాట్లాడుతూ 2017 నుండి ఇప్పటి వరకు 878 ఎస్సీ, ఎస్టీ కేసులు నమోదైతే 653 కేసుల్లో చార్జీషీట్లు దాఖలు చేయగా, ఎనిమిది కేసుల్లో శిక్ష పడిందని తెలిపారు. ఇంకా ఈ సమీక్షలో అదనపు కలెక్టర్‌ పి.శ్రీనివాసరెడ్డి, కల్లూరు సబ్‌ కలెక్టర్‌ అజయ్‌ యాదవ్‌, ట్రెయినీకలెక్టర్‌ పారస్‌ కుమార్‌, కల్లూరు ఏసీపీ వసుంధరయాదవ్‌, ఎస్సీ, ఎస్టీ శాఖల డీడీలు జి.జ్యోతి, ఫిరంగి తదితరులు పాల్గొన్నారు.

ఖమ్మంమయూరిసెంటర్‌: కేంద్ర, రాష్ట్ర ప్రభుత్వాలు రైతు కూలీల సంక్షేమానికి వ్యతిరేకంగా పాలన సాగిస్తున్నాయని అఖిల భారత రైతు కూలీ సంఘం(ఏఐకేఎంఎస్‌) జాతీయ నాయకుడు జే.వీ.చలపతిరావు విమర్శించారు. దేశవ్యాప్తంగా ఎల్‌నినో ప్రభావంతో కరువు పరిస్థితులు నెలకొన్నందున తక్షణమే కరువు సహాయ చర్యలు చేపట్టాలని డిమాండ్‌ చేశారు. ఈనెల 28నుంచి ఖమ్మంలో జరగనున్న ఏఐకేఎంఎస్‌ జాతీయ మహాసభలను జయప్రదం చేయాలని కోరుతూ సోమవారం రెడ్‌ షర్ట్‌ వలంటీర్లు, డప్పు దళాలతో ప్రదర్శన నిర్వహించారు. ఈ సందర్భంగా చలపతిరావు మాట్లాడుతూ జాతీయ గ్రామీణ ఉపాధి హామీ పథకం పేరు మార్చి, రాష్ట్రాల వాటాను పెంచడం ద్వారా పథకాన్ని బలహీనపరుస్తున్నారని ఆరోపించారు. సమైక్య పోరాటాల ద్వారా పథకాన్ని కాపాడుకోవాలని పిలుపునిచ్చారు. అలాగే, పాలకుల ప్రజా, కార్మిక, రైతు వ్యతిరేక విధానాలను తిప్పికొట్టేందుకు ఉద్యమాలకు సిద్ధమయ్యేలా ఏఐకేఎంఎస్‌ జాతీయ మహాసభలను జయప్రదం చేయాలని కోరారు. ఏఐకేఎంఎస్‌ తెలంగాణ రాష్ట్ర గౌరవ అధ్యక్షుడు వి.కోటేశ్వరరావు, రాష్ట్ర అధ్యక్ష, కార్యదర్శులు మామిడాల బిక్షపతి, ఐలయ్య, నాయకులు మండల వెంకన్న, బండారి ఐలయ్య, నందగిరి వెంకటేశ్వర్లు, ఏనుగు చంద్రారెడ్డి, శంకర్‌, సైదులు, దేవేందర్‌ తదితరులు పాల్గొన్నారు. ఏఐకేఎంఎస్‌ జాతీయ నాయకుడు చలపతిరావు

కొణిజర్ల: రైతులు పండించిన పెసర పంటను ప్రభుత్వం మార్క్‌ఫెడ్‌ ద్వారా కొనుగోలు చేయాలనే డిమాండ్‌తో సీపీఐ, రైతు సంఘం ఆధ్వర్యాన ఆందోళనకు దిగారు. కొణిజర్ల మండల పరిషత్‌ కార్యాలయంలో సోమవారం జరిగిన ప్రజావాణిని అడ్డుకుని పోడియం వద్ద బైఠాయించారు. తెలంగాణ రాష్ట్ర రైతు సంఘం రాష్ట్ర అధ్యక్షుడు బాగం హేమంతరావు మాట్లాడుతూ ప్రభుత్వ పరంగా కొనుగోళ్లు మొదలుకాకపోవడంతో వ్యాపారులు పెసర పంటను తక్కువ ధరకు కొనుగోలు చేస్తున్నారని పేర్కొన్నారు. ఫలితంగా రైతులకు నష్టం జరుగుతోందని తెలిపారు. ఈమేరకు ఎంపీడీఓ జి.వర్ష, తహసీల్దార్‌ ఎన్‌.అరుణ విషయాన్ని జిల్లా ఉన్నతాధికారులకు వివరించగా, త్వరలోనే మార్క్‌ఫెడ్‌ ద్వారా పెసర కొనుగోలు కేంద్రాలు ఏర్పాటు చేయిస్తామని హామీ ఇవ్వగా వారు ఆందోళన విరమించారు. సీపీఐ, రైతు సంఘంతో పాటు బీఆర్‌ఎస్‌ నాయకులు జమ్ముల జితేందర్‌రెడ్డి, దొండపాటి రమేష్‌, ఎర్రా బాబు, స్వర్ణ రమేష్‌, తోటపల్లి సీతారాములు, తమ్మిశెట్టి వెంకటేశ్వర్లు, మణిగె కోటేశ్వరరావు, పోట్ల శ్రీను, రాంపూడి సురేష్‌, గోపాలరావు, నరసింహారావు, శ్రీను తదితరులు పాల్గొన్నారు.

సత్తుపల్లి: సీతారామ ఎత్తిపోతల ప్రాజెక్టులో భాగమైన సత్తుపల్లి ట్రంక్‌ పనుల్లో వేగం పెంచి గోదావరి జలాలను బేతుపల్లి చెరువుకు తరలించేందుకు సిద్ధం కావాలని రాష్ట్ర మంత్రి తుమ్మల నాగేశ్వరరావు ఆదేశించారు. సత్తుపల్లి మండలం యాతాలకుంట టన్నెల్‌ పనులను అశ్వారావుపేట ఎమ్మెల్యే జారే ఆదినారాయణ, భద్రాద్రి కలెక్టర్‌ అంకిత్‌తో కలిసి సోమవారం ఆయన పరిశీలించారు. లైనింగ్‌ పనులపై సంతృప్తి వ్యక్తం చేసిన మంత్రి మాట్లాడారు. భూసేకరణ కోసం ఇప్పటికే రూ.45 కోట్లు మంజూరైనందున, కాల్వ పనులను వచ్చే నెల 15వ తేదీకల్లా పూర్తిచేయాలని తెలిపారు. ఎస్‌ఈ శ్రీనివాసరెడ్డి, అధికారులు పాల్గొన్నారు.పరిశీలించిన రాష్ట్ర మంత్రి తుమ్మల

ఖమ్మంరూరల్‌: ఏదులాపురం మున్సిపాలిటీ పరిధి ఇందిరమ్మ 1, 2వ కాలనీల్లో ఇళ్ల సర్వే ముమ్మరంగా సాగుతోంది. మున్సిపల్‌ అధికారులు, సిబ్బంది 50మంది బృందాలుగా ఏర్పడి క్షేత్రస్థాయిలో నివాసాల వాస్తవ పరిస్థితులపై ఆరా తీస్తున్నారు. ఇళ్లలో ఎప్పటి నుంచి ఉంటున్నారు, పట్టాదారులు, కొనుగోలు దారులెవరనే వివరాలు తెలుసుకుంటున్నారు. ఏదులాపురం సర్వే నంబర్‌ 142లోని 25 ఎకరాల్లో ప్రభుత్వం నిరుపేదలకు 72 గజాల చొప్పున ప్లాట్లకు పట్టాలు ఇచ్చింది. కొందరు ఇంటి నిర్మాణాలు చేపట్టగా, మరికొందరు ఇతరులకు అమ్ముకున్నారు. దీంతో అసలైన పట్టాదారుల కంటే కొనుగోలు చేసిన వారే ఎక్కువగా ఉన్నట్లు తెలియడం, ఒక్కో పట్టా ఆరు నుంచి ఎనిమిది మంది వరకు చేతులు మారినట్లు తెలియడంతో సర్వే చేయాలని కలెక్టర్‌ ఆదేశించారు. దీంతో రంగంలోకి దిగిన అధికారులు చకచకా సర్వే చేస్తున్నారు.

● చివరిసారి 2016 జూలై 19న ఆర్‌టీసీలో ఎన్నికలు ● నాడు ఆరు డిపోల పరిధిలో 2,950, నేడు ఏడింట్లో 1,808 ఓట్లే.. ● ‘గుర్తింపు’ ఎన్నికల్లో ప్రధాన సంఘాల మధ్యే పోటీకి అవకాశం ● ఎన్నికల నిర్వహణపై కార్మికుల్లో హర్షాతిరేకాలు2016 జూలై 19న జరిగిన ఎన్నికల్లో రాష్ట్రస్థాయిలో నాటి అధికార పార్టీకి చెందిన తెలంగాణ మజ్దూర్‌ యూనియన్‌(టీఎంయూ) విజయం సాధించింది. ఖమ్మం రీజియన్‌కు వచ్చే సరికి మాత్రం భిన్నమైన ఫలితం నమోదైంది. వామపక్ష పార్టీలకు అనుబంధంగా ఉన్న ఎస్‌డబ్ల్యూఎఫ్‌–ఈయూ కూటమిగా పోటీ చేసి అత్యధిక ఓట్లు సాధించడం ద్వారా రీజియన్‌ గుర్తింపు సంఘంగా నిలిచింది. ఇక రీజియన్‌లో రెండో స్థానంలో టీఎంయూ, మూడో స్థానంలో ఎన్‌ఎంయూ నిలిచాయి. ప్రస్తుతం జరిగే ఎన్నికల్లో రీజియన్‌లో పోటీ రెండు ప్రధాన సంఘా ల మధ్యే పోటీ ఉంటుందన్న చర్చ జరుగుతోంది.ఖమ్మం మయూరిసెంటర్‌: తెలంగాణ రాష్ట్ర రోడ్డు రవాణా సంస్థ(టీజీఎస్‌ ఆర్టీసీ)లో సుదీర్ఘ కాలం తర్వాత గుర్తింపు సంఘం ఎన్నికల సందడి మొదలైంది. చివరిసారి 2016 జూలై 19న యూనియన్‌ గుర్తింపు ఎన్నికలు జరగ్గా, సరిగ్గా పదేళ్ల అనంతరం సమరానికి తెరలేచింది. ఈ నేపథ్యాన ఖమ్మం రీజియన్‌లోని ప్రధాన సంఘాలు ఎన్నికలను స్వాగతిస్తూ తమ గుర్తింపును చాటుకునేందుకు కసరత్తు మొదలుపెట్టాయి. కార్మికుల హక్కులు, సమస్యల పరిష్కారమే అజెండాగా ప్రచార వ్యూహాలకు పదును పెడుతున్నాయి. అటు రాష్ట్ర, ఇటు రీజియన్‌ స్థాయిలో మొదటి వరసలో నిలిచేలా పోటీకి సిద్ధమవుతున్నారు. పెరిగిన డిపోలు.. తగ్గిన ఓటర్లు 2016 గుర్తింపు సంఘం ఎన్నికలు జరిగినప్పుడు ఖమ్మం రీజియన్‌ పరిధిలో ఖమ్మం, సత్తుపల్లి, మధిర, కొత్తగూడెం, భద్రాచలం, మణుగూరు డిపోలు ఉన్నాయి. ఆతర్వాత ఇల్లెందు డిపో ఏర్పాటవడంతో ఆ సంఖ్య ఏడుకు చేరింది. 2016 నాటి ఎన్నికల్లో 2,950 మంది ఓటర్లు ఉండగా.. ఆ సంఖ్య ఇప్పుడు వేయికి పైగా తగ్గినట్లు అధికారిక లెక్కలు చెబుతున్నాయి. ప్రస్తుతం రీజియన్‌లో ఓటు హక్కు కలిగిన ఉద్యోగులు 1,808 మందే ఉన్నారు. గత దశాబ్ద కాలంలో పెరిగిన ఉద్యోగ విరమణలు, కొత్త నియామకాలు లేకపోవడంతో ఓటర్ల సంఖ్య 1,100 వరకు తగ్గింది. కొత్తగా చేపట్టిన నియామకాలన్నీ కాంట్రాక్ట్‌ విధానంలో కావడంతో ఆయా ఉద్యోగులకు ఓటు హక్కు లేదు. ఓట్ల సంఖ్య తక్కువగా ఉన్న నేపథ్యాన అక్టోబర్‌ 9న జరిగే ఎన్నికల్లో ప్రతీ ఓటు కీలకంగా నిలవనుంది. ప్రధాన డిమాండ్లే అజెండాగా.. ఈ ఏడాది అక్టోబర్‌ 9న జరిగే గుర్తింపు సంఘం ఎన్నికల్లో ప్రధాన డిమాండ్లనే అజెండాగా తీసుకొని సంఘాలు ప్రచారంలో పాల్గొననున్నాయి. ప్రభుత్వంలో ఆర్టీసీ విలీన ప్రక్రియను ముందుకు తీసుకెళ్లడం, ఉద్యోగులకు పూర్తిస్థాయి ప్రభుత్వ ప్రయోజనాల సాధన ప్రధాన డిమాండ్లుగా ఉన్నాయి. అలాగే, నిలిచిపోయిన పే–రివిజన్‌, బకాయిల విడుదల కూడా అజెండాలో చేరనుంది. ఇక రీజియన్‌లోని ఏడు డిపోలకు సరిపడా కొత్త బస్సులు తీసుకురావడం, ఉద్యోగుల నియామకం, కార్మికుల సమస్యలు పరిష్కారం, డ్రైవర్లు, కండక్టర్లు, గ్యారేజ్‌ సిబ్బందిపై పెరుగుతున్న పనిభారానికి చెక్‌ పెట్టడం వంటి డిమాండ్లు బలంగా వినిపించనున్నారు. వెల్ఫేర్‌ బోర్డుకు చెక్‌ గత ప్రభుత్వం 2016 జూలైలో ఆర్టీసీ గుర్తింపు సంఘం ఎన్నికలు నిర్వహించింది. అనంతర కాలంలో కార్మికులు పలు డిమాండ్లతో 50 రోజుల పాటు సమ్మె చేసి విధులకు దూరంగా ఉన్నారు. సమ్మె విరమించాక నాటి ప్రభుత్వం గుర్తింపు సంఘాలను రద్దు చేయడంతో పాటు తిరిగి ఎన్నికలు నిర్వహించలేదు. కార్మికుల సమస్యలను వినేందుకు ప్రత్యేకంగా వెల్ఫేర్‌ బోర్డును తీసుకొచ్చి సమస్యలు తెలుసుకుంటూ పరిష్కరించడం మొదలైంది. కానీ ఈ విధానంలో కార్మికుల సమస్యలు పూర్తి స్థాయిలో పరిష్కారం కాలేదనేది చెబుతున్నారు. కాంగ్రెస్‌ ఎన్నికలకు ముందు ఆర్టీసీ కార్మికులకు ఇచ్చిన హామీల్లో భాగమైన గుర్తింపు సంఘం ఎన్నికలను నిర్వహించేందుకు ప్రకటన చేయడమే కాక.. ఎన్నికల నిర్వహణకు నోటిఫికేషన్‌ సైతం జారీ చేసింది. దీంతో కార్మికులు, సంఘాల నాయకులు హర్షం వ్యక్తం చేస్తూ ఎన్నికలకు సిద్ధమవుతున్నారు.

ముంపు ముప్పుమున్నేటి వరద ముప్పు నుంచి ఖమ్మం నగరం, ఖమ్మం రూరల్‌ మండలానికి శాశ్వత రక్షణ ఎప్పుడు లభిస్తుందనే ప్రశ్నకు సరైన సమాధానం లభించడం లేదు. ఏటా వర్షాకాలం వస్తుందంటే మున్నేరు పరీవాహక కాలనీల ప్రజలు బిక్కుబిక్కుమంటూ గడపాల్సి వస్తోంది. ఈక్రమాన ముంపు కట్టడికి రిటైనింగ్‌ వాల్‌ నిర్మాణం మొదలుపెట్టినా పనులు ఆశించిన వేగంతో సాగడం లేదు. సుమారు 17 కి.మీ.కు గాను 10 కి.మీ. మేర పూర్తయింది. అరవై శాతానికి పైగా పనులు పూర్తయినా మిగిలిన పనులతో పాటు డ్రెయిన్లు, రహదారుల నిర్మాణం భూసేకరణలో ఆలస్యంతో నత్తనడకన సాగుతోంది. – ఖమ్మం అర్బన్‌2024 వరదలతో కకావికలం మున్నేటికి ఎగువన కురిసిన భారీ వర్షాలతో 2024 ఏడాది ఆగస్టు 31, సెప్టెంబర్‌ 1న ఉప్పొంగింది. మున్నేటిని ఆనుకుని ఉన్న 20 డివిజన్లలోని కాలనీలు వరదలో చిక్కుకోగా వేలాది కుటుంబాలు ఆర్థికంగా దెబ్బతిన్నాయి. అంతకు ముందు ఏడాది కూడా మున్నేరు భారీగా ప్రవహించడంతో ఇదే పరిస్థితి ఎదురైంది. ఈక్రమాన గత ప్రభుత్వ హయాంలో రిటైనింగ్‌ వాల్‌ నిర్మాణానికి ప్రతిపాదించగా నిధులు సైతం మంజూరయ్యాయి. అనంతరం ఎన్నికలు జరగడం, ప్రభుత్వం మారడంతో పనులు ఆశించిన వేగంతో ముందుకు సాగడం లేదు. రెండేళ్ల గడువు.. ఆ తర్వాత ఇంకో రెండేళ్లు మున్నేటికి ఇరువైపులా సుమారు 17 కి.మీ. మేర రిటైనింగ్‌ వాల్‌ నిర్మాణంతో డ్రెయిన్లు, రహదారుల నిర్మాణానికి జలవనరుల శాఖ అధికారులు సుమారు రూ.975 కోట్లతో ప్రతిపాదించారు. ఇంత మొత్తంలో నిధులు ఒకేసారి విడుదల చేయడం భారంగా మారడంతో తొలిదశగా సుమారు రూ.690 కోట్లతో పనులు చేపట్టేందుకు టెండర్లు పిలిచారు. 2024లో పనులు ప్రారంభించి రెండేళ్లలో పూర్తి చేయాలని నిబంధనల్లో పొందుపరిచారు. కానీ వర్షాలు, ఇసుక కొరత, కాంట్రాక్టర్‌కు బిల్లుల చెల్లింపులో జాప్యం, భూసేకరణ సమస్యలతో పనులు వేగంగా జరగలేదు. ఫలితంగా పనుల పూర్తికి మరో రెండేళ్లపాటు గడువు పొడిగించినా అదే పరిస్థితి నెలకొంది. సవాల్‌గా మారిన భూసేకరణ రిటైనింగ్‌ వాల్‌ నిర్మాణానికి సుమారు 239 ఎకరాల భూమి అవసరమవుతోంది. ఇందులో 144 ఎకరాలు పట్టా భూములు, 11 ఎకరాలు ప్రభుత్వ భూమితో ఉన్నా మరో 84 ఎకరాలు ఎన్నెస్పీ భూములు అవసరమని గుర్తించారు. ప్రభుత్వ, ఎన్పెస్పీ భూముల ప్రాంతాల్లో పనులు వేగంగా జరుగుతున్నా, పట్టా భూములు, ప్లాట్ల ప్రాంతాల్లో ఆ పరిస్థితి లేదు. నిర్వాసితులతో అధికారులు పలుమార్లు సమావేశాలు నిర్వహించినా పరిహారం తేలలేదు. భూములు కోల్పోయే వారికి ఇచ్చేలా ఖమ్మం రూరల్‌ మండలం పోలేపల్లిలో ఎన్నెస్పీకి చెందిన మిగులు భూములు 124 ఎకరాలను గుర్తించారు. ఈ భూమిని అభివృద్ధి చేసి అప్పగించాలని నిర్ణయించినా బదలాయింపులో జాప్యం జరిగింది. ఇటీవలే అభివృద్ధి పనులకు నిధులు కేటాయించి రోడ్లు నిర్మించారు. 580 కుటుంబాలపై ప్రభావం రిటైనింగ్‌ వాల్‌ నిర్మాణంతో మున్నేటికి ఇరువైపులా 580 మంది ఇళ్లు, ఇంటి స్థలాలు, భూములు కోల్పోనున్నారు. ఇందులో కొందరికి ప్రత్యామ్నాయ స్థలాలు, పరిహారం అందించే చర్యలు మొదలయ్యాయి. అయితే, భూసేకరణలో జాప్యం, పరిహారం విషయంలో కొందరి అభ్యంతరాలతో నిర్మాణ పనులు ముందుకు సాగడం లేదు. డ్రెయిన్‌, రహదారులూ కీలకమే.. మున్నేటికి రిటైనింగ్‌ వాల్‌తో పాటు నగర, రూరల్‌ మండల ప్రాంతాల నుంచి వచ్చే వరదను మున్నేరులోకి మళ్లించేందుకు డ్రెయిన్ల నిర్మాణం చేపట్టాల్సి ఉంది. రిటైనింగ్‌ వాల్‌, డ్రెయిన్‌ మధ్యలో రహదారి కూడా నిర్మించాలని ప్రతిపాదించారు. రిటైనింగ్‌ వాల్‌ ప్రారంభమయ్యే దానవాయిగూడెం సమీపం నుంచి ప్రకాశ్‌నగర్‌ వరకు ప్రారంభంలో 20 మీటర్లుగా, ముగింపు వద్ద సుమారు 40 మీటర్ల వెడల్పుతో డ్రెయిన్‌ నిర్మించాలని నిర్ణయించారు. అలాగే, డ్రెయిన్‌ – రిటైనింగ్‌ వాల్‌ మధ్య పది మీటర్ల రహదారి నిర్మాణం చేపట్టాల్సి ఉంది. రిటైనింగ్‌ వాల్‌తోపాటు డ్రెయిన్‌, రహదారి కూడా పూర్తయితేనే మున్నేటి వరదను సమర్థంగా నియంత్రించే అవకాశం ఉంటుంది.రిటైనింగ్‌ వాల్‌ నిర్మాణం ఇప్పటివరకు దాదాపు 10 కి.మీ. మేర పూర్తయింది. మిగిలిన ప్రాంతాల్లో భూమి సేకరించి నిర్మాణ పనులు పూర్తి చేయడంతో పాటు డ్రెయిన్లు, రహదారులు నిర్మించాలి. ప్రస్తుత వేగాన్ని పరిశీలిస్తే మరో రెండు, మూడేళ్లు పట్టే పరిస్థితి కనిపిస్తోంది. ఈ ఏడాది మున్నేటికీ వరద రాకున్నా గత అనుభవాల దృష్ట్యా పనులు వేగంగా జరిగేలా భూసేకరణ సమస్యలు పరిష్కరించడంతో పాటు సరిపడా నిధులు విడుదల చేయాల్సిన అవసరముంది. నత్తనడకన మున్నేటి రిటైనింగ్‌ వాల్‌ పనులు

● పేషెంట్‌ను చూసి హైదరాబాద్‌కు బయలుదేరిన న్యూరోసర్జన్‌ ● కుటుంబసభ్యులను చేరకుండానే రోడ్డు ప్రమాదంలో మృతి ఖమ్మం అర్బన్‌: రాత్రి వరకు వైద్యులు, విద్యార్థులతో కలిసి వినాయక నిమజ్జన వేడుకల్లో ఉత్సాహంగా పాల్గొని, తెల్లవారుజామున అత్యవసర కేసు రావడంతో ఆస్పత్రికి వెళ్లి పరిశీలించి హైదరాబాద్‌కు బయలుదేరిన న్యూరోసర్జన్‌ డాక్టర్‌ జగదీష్‌బాబు ఆదివారం జరిగిన ఘోర రోడ్డు ప్రమాదంలో మృతిచెందాడు. వివరాలిలా.. శనివారం రాత్రి మమత ఆస్పత్రిలో వినాయక నిమజ్జన వేడుకల్లో సందడి చేసిన జగదీష్‌బాబు ఆదివారం తెల్ల వారుజామున అత్యవసర కేసు రాగా ఆస్పత్రికి వెళ్లి పరీక్షించి సోమవారం ఆపరేషన్‌ చేయాలని భావించి హైదరాబాద్‌ బయలుదేరాడు. ఈక్రమాన మార్గమధ్యలో జరిగిన ప్రమాదంలో ఆయన మృతి చెందారు. కాగా, సురక్షిత ప్రయాణం కోసం సుమారు రూ.1.20 కోట్లు వెచ్చించి రెండు నెలల క్రితమే కారును కొనుగోలు చేసినా ఆయన ప్రాణాలను కాపాడలేకపోయిందని వైద్యులు కన్నీటి పర్యంతమయ్యారు. ప్రమాదం ఎలా జరిగిందన్న పూర్తి వివరాలు అధికారిక దర్యాప్తులో తేలాల్సి ఉంది. మమత ఆస్పత్రి వరకు అంతిమయాత్ర.. సూర్యాపేటలో పోస్టుమార్టం అనంతరం డాక్టర్‌ జగదీష్‌బాబు మృతదేహాన్ని ఖమ్మానికి తీసుకురాగా మమత ఆస్పత్రి వరకు అంతిమ యాత్ర నిర్వహించారు. మమత ఆస్పత్రిలో ఏర్పాటు చేసిన నివాళి కార్యక్రమంలో మాజీ మంత్రి పువ్వాడ అజయ్‌కుమార్‌, మమత వైద్య విద్యాసంస్థల కార్యదర్శి పువ్వాడ జయశ్రీ, రాజ్యసభ సభ్యుడు వద్దిరాజు రవిచంద్ర, మాజీ ఎంపీ నామ నాగేశ్వరరావు, వామపక్ష నేతలు నున్నా నాగేశ్వరరావు, విక్రమ్‌, పోటు రంగారావు, గుండాల కృష్ణ, బచ్చు విజయ్‌కుమార్‌, బాగం హేమంతరావు, తదితరులు మృతదేహానికి నివాళులర్పించారు. జగదీష్‌ భార్య, చిన్న పిల్లలు, కుటుంబ సభ్యులకు ప్రగాఢ సానుభూతి తెలిపారు. అనంతరం డాక్టర్‌ స్వగ్రామమైన ఏపీ రాష్ట్రంలోని కొత్తపట్నం మండలం సంకువారిగుంట గ్రామానికి తరలించి అక్కడ అంత్యక్రియలు నిర్వహించనున్నట్లు వైద్యులు తెలిపారు.

మధిర: మధిర మండలం వంగవీడు గ్రామంలో నాయక్‌ యూత్‌ ఆధ్వర్యాన ప్రతిష్ఠించిన గణనాథుడి విగ్రహాన్ని ఆదివారం నిమజ్జనం చేశారు. ఈ సందర్భంగా స్వామి వారి చేతిలో పూజలు అందుకున్న లడ్డూ వేలం నిర్వహించగా బానోత్‌ శ్రీను రూ.1,26,116కు దక్కించుకున్నారు. అనంతరం స్వామి వారి విగ్రహాన్ని వంగవీడు చెరువులో నిమజ్జనం చేశారు. ఇక మధిర మెయిన్‌రోడ్డులోని వినాయక దేవాలయంలో ఏర్పాటు చేసిన గణనాథుడి విగ్రహాన్ని స్థానిక చెరువులో నిమజ్జనం చేయగా తహసీల్దార్‌ రాంబాబు, మున్సిపల్‌, పోలీస్‌ అధికారులు పాల్గొన్నారు. సత్తుపల్లిలో భారీ వర్షంసత్తుపల్లిరూరల్‌: కొద్దిరోజులుగా తీవ్రమైన ఎండలతో అల్లాడిపోతున్న సత్తుపల్లిలో శనివారం అర్ధరాత్రి నుంచి ఉరుములు, మెరుపులతో కూడా భారీ వర్షం కురిసింది. దీంతో వాతావరణం చల్లబడగా ప్రజలు ఉపశమనం పొందారు. సింగరేణి ప్రాంతంలో 55 మి.మీ.వర్షపాతం నమోదైంది. ఈమేరకు సత్తుపల్లి జేవీ ఆర్‌, కిష్టారం ఓసీల్లో నీరు చేరగా 15వేల టన్నులు బొగ్గు ఉత్పత్తి, 1.02 లక్షల టన్నుల మట్టి తొలగింపు నిలిచిపోయిందని అధికారులు తెలిపారు. భారీ వర్షంతో గనుల్లో నిలిచిన నీటి ని భారీ మోటార్ల సాయంతో బయటకు పంపించే ప్రయత్నం చేస్తున్నారు. ఉరివేసుకుని వ్యక్తి ఆత్మహత్యపెనుబల్లి: మనస్థాపంతో ఒక వ్యక్తి ఉరి వేసుకుని ఆత్మహత్యకు పాల్పడిన ఘటన ఆదివారం పెనుబల్లి మండలంలో చోటు చేసుకుంది. పోలీసుల కథనం ప్రకారం.. మండలంలోని లంకా శేషయ్య బంజర గ్రామానికి చెందిన గొరిపత్తి నాగేశ్వరావు (40) భార్య ఇటీవల చనిపోవడంతో మనస్థాపానికి గురయ్యాడు. వీరికి ఒక కుమారుడు. ఈనేపథ్యాన ఆదివారం గ్రామం పరిధిలోని ఆయిల్‌ఫామ్‌ తోటలో చెట్టుకు ఉరివేసుకుని ఆత్మహత్యకు పాల్పడినట్లు తెలిసింది. విషయం తెలుసుకున్న వీఎం బంజర ఎస్సై షేక్‌.షాకీర్‌ తన సిబ్బందితో ఘటన స్థలానికి చేరుకుని పోస్టుమార్టం నిమిత్తం పెనుబల్లి ప్రభుత్వ ఆస్పత్రికి తరలించారు. ఈ ఘటనపై ఎస్‌ఐ షాకీర్‌ విచారణ చేపట్టారు.

చింతకాని: మూడు జిల్లాల అవసరాల కోసం ఎన్‌ఎఫ్‌ఎల్‌ కంపెనీకి చెందిన 2,646 మెట్రిక్‌ టన్నుల యూరియా ఆదివారం చేరుకుంది. చింతకాని మండలం పందిళ్లపల్లిలోని రేక్‌ పాయింట్‌కు యూరియా చేరిందని జిల్లా వ్యవసాయాధికారి ధనసరి పుల్లయ్య తెలిపారు. ఇందులో నుంచి ఖమ్మం జిల్లాకు 1,846 మెట్రిక్‌ టన్నులు, భద్రాద్రి కొత్తగూడెం జిల్లాకు 400 మె.టన్నులు, మహబూబాబాద్‌ జిల్లాకు 300 మె.టన్నులు కేటాయించగా, మరో 100 మె.టన్నులు బఫర్‌ స్టాక్‌గా నిల్వ చేశామని వెల్లడించారు. జాతీయ స్థాయి బాస్కెట్‌బాల్‌ పోటీలకు ఎంపిక ఖమ్మం స్పోర్ట్స్‌: జాతీయ స్థాయి బాస్కెట్‌బాల్‌ పోటీల్లో పాల్గొనే రాష్ట్ర జట్లలో సబ్‌ జూనియర్స్‌ విభాగం నుంచి జిల్లా క్రీడాకారులు ముగ్గురికి స్థానం దక్కింది. ఖమ్మం సర్దార్‌ పటేల్‌ స్టేడియంలో శిక్షణ పొందుతున్న సీహెచ్‌.జయంత్‌, బి.గీతిక్‌ బాలుర జట్టుకు, బి.జీవన బాలికల జట్టుకు ఎంపికయ్యారు. హైదరాబాద్‌లోని కోచింగ్‌ క్యాంప్‌నకు హాజరుకానున్న వీరు, ఈనెల 27నుంచి ఆంధ్రప్రదేశ్‌ రాష్ట్రం విజయవాడలో జరిగే జాతీయ పోటీల్లో పాల్గొంటారు. క్రీడాకారులను బాస్కెట్‌బాల్‌ అసోసియేషన్‌ జిల్లా అధ్యక్షుడు విజయసారథి, కోచ్‌ చంద్రకాంత్‌ అభినందించారు. హామీలు అమలు చేయాలి టీపీటీఎఫ్‌ రాష్ట్ర కార్యదర్శులు విజయ్‌, పద్మఖమ్మం సహకారనగర్‌: ఉద్యోగ, ఉపాధ్యాయ, పెన్షనర్ల సమస్యలను ప్రభుత్వం పరిష్కరించాలని టీపీఎఫ్‌ఎఫ్‌ రాష్ట్ర కార్యదర్శులు ఎస్‌. విజయ్‌, వై.పద్మ హెచ్చరించారు. ఆదివారం సంఘం కార్యాలయంలో సంఘం జిల్లా అధ్యక్షుడు మల్లయ్య అధ్యక్షతన జరిగిన జిల్లా కమిటీ సమావేశంలో వారు మాట్లాడారు. రాష్ట్ర ప్రభుత్వం ఇచ్చిన హామీలను అమలు చేయకుండా కాలయాపన చేయడం, ఉద్యోగుల ఆందోళనలను చులకనగా చూడటం సరికాదన్నారు. పెండింగ్‌ పీఆర్సీ, డీఏ సమస్యలను పరిష్కరించాలన్నారు. సీపీఎస్‌ విధానాన్ని రద్దు చేసి పాత పెన్షన్‌ విధానాన్ని అమలు చేయాలని డిమాండ్‌ చేశారు. సమావేశంలో ఉపాధ్యాయ పత్రిక ప్రధాన సంపాదకుడు పి. నాగిరెడ్డి, టీపీటీఎఫ్‌ జిల్లా ప్రధాన కార్యదర్శి వెంగళరావు, జిల్లా నాయకులు నాగేశ్వరరావు, వెంకటేశ్వరరావు, సంధ్యారాణి, ఉమాదేవి, హనుమంతరావు, వైకేయూ బాషా తదితరులు పాల్గొన్నారు. 23 నుంచి పట్టణ ప్రాంతాల్లో ‘ఏక్‌ పేడ్‌.. మా కే నామ్‌’ఖమ్మం సహకారనగర్‌: పర్యావరణ పరిరక్షణ, పచ్చదనం పెంపొందించడమే లక్ష్యంగా ఈ నెల 19వ తేదీన గ్రామీణ ప్రాంతాల్లో చేపట్టిన ‘ఏక్‌ పేడ్‌ మా కే నామ్‌’ కార్యక్రమానికి విశేష స్పందన లభించింది. ఒక్క రోజే 1,10,681 మొక్కలు నాటారు. దీంతో ఈ నెల 23 నుంచి పట్టణాల్లో ఈ కార్యక్రమాన్ని నిర్వహించాలని కలెక్టర్‌ దివాకర టీఎస్‌ ఆదేశించారు. అర్బన్‌ ప్రాంతాల్లోని అన్ని యాజమాన్యాల పాఠశాలలు, కళాశాలలు, రెసిడెన్షియల్‌ విద్యాసంస్థల్లో మొక్కలు నాటేందుకు జిల్లా యంత్రాంగం కార్యాచరణ చేపట్టింది. ఈ కార్యక్రమాన్ని ఈ నెల 26వ తేదీ వరకు నిర్వహించనున్నారు. డీఆర్‌డీఏ, మున్సిపల్‌ కమిషనర్లు, ఎంపీడీఓలు, ఇంటర్మీడియట్‌ విద్యాశాఖ, సాంఘిక, గిరిజన సంక్షేమ, మైనార్టీ తదితర శాఖలు, తెలంగాణ ప్రైవేటు పాఠశాలల సంఘం(ట్రస్మా) తదితరుల సమన్వయంతో ఈ కార్యక్రమాన్ని నిర్వహించాలని విద్యాశాఖ భావిస్తోంది. ఈ కార్యక్రమాన్ని డీఈఓ సదానందం సమన్వయం చేస్తున్నట్లు విద్యాశాఖ వర్గాలు పేర్కొన్నాయి. ప్రయాణికుల భద్రతకు ప్రాధాన్యం● ఆర్పీఎఫ్‌ కమిషనర్‌ నవీన్‌కుమార్‌ ఖమ్మంక్రైం: రైల్వే ఆస్తుల రక్షణతోపాటు ప్రయాణికుల భద్రతకు ప్రాధాన్యత ఇవ్వాలని ఆర్పీఎఫ్‌ కమిషనర్‌ నవీన్‌కుమార్‌ సూచించారు. రైజింగ్‌ డే వేడుకల్లో భాగంగా ఆదివారం ఆర్పీఎఫ్‌ సికింద్రాబాద్‌ డివిజనల్‌ కమిషనర్‌ ఖమ్మంలోని ఆర్పీఎఫ్‌ పోలీస్‌ స్టేషన్‌ సందర్శించారు. రైల్వే భద్రత, సిబ్బంది విధులు తదితర అంశాలపై సమీక్షించారు. ఈ సందర్భంగా మాట్లాడుతూ క్రమశిక్షణ, అప్రమత్తత ముఖ్యమని సిబ్బందికి సూచించారు. ప్రయాణికులతో మర్యాదపూర్వకంగా వ్యవహరించాలని అన్నారు. ఆర్పీఎఫ్‌ సీఐ బుర్రా సురేష్‌గౌడ్‌, ఏఎస్‌ఐలు మెడీనిషా, రాంబాబు, సలాం, సిబ్బంది పాల్గొన్నారు.

ఖమ్మం వైద్యవిభాగం: ఖమ్మంలో ఏర్పాటు చేసిన విన్‌ విజన్‌ కంటి ఆస్పత్రిని రాష్ట్ర వ్యవసాయ శాఖ మంత్రి తుమ్మల నాగేశ్వరరావు ఆదివారం ప్రారంభించారు. మాజీ ఎంపీ రామసహాయం సురేందర్‌రెడ్డి, ఖమ్మం ఎంపీ రామసహాయం రఘురాంరెడ్డితో కలిసి ఆస్పత్రిని ప్రారంభించిన మంత్రి జిల్లా ప్రజలకు మెరుగైన వైద్య సేవలు అందించి వారి మన్నలను పొందాలన్నారు. ఈ కార్యక్రమంలో సుడా చైర్మన్‌ దుర్గాప్రసాద్‌, మాజీ ఎమ్మెల్సీ బాలసాని లక్ష్మీనారాయణ, కాంగ్రెస్‌ నాయకులు సాధు రమేష్‌రెడ్డి, నాగళ్ల దీపక్‌ చౌదరి, తదితరులు పాల్గొన్నారు.

ఖమ్మం వైద్యవిభాగం: జిల్లా జనరల్‌ ఆస్పత్రిలో చికి త్స, పరీక్షలకు ఉపయోగించే ఏదైనా పరికరం మరమ్మతుకు వస్తే రోజులు, నెలల తరబడి వేచిచూడాల్సి వస్తోంది. సంబంధిత కంపెనీ నిపుణులు వచ్చి పరిశీలించి చిన్న మరమ్మతులు అవసరమైతే స్థాని కంగా లభించే విడిభాగాలతో సరిచేస్తున్నారు. అదే కీలకమైన పరికరాలు మొరాయించి, మరమ్మతులకు రూ.వేలు, రూ.లక్షలు కావాల్సి వస్తే ఉన్నతాధికారులకు ప్రతిపాదనలు పంపించి అనుమతి వచ్చేసరికి రోగులకు ఇక్కట్లు ఎదురవుతున్నాయి. ఈనేపథ్యాన పరికరాల నిర్వహణ బాధ్యతను కాంట్రాక్టర్‌కు అప్పగించాలని నిర్ణయించారు. తద్వారా ఎలాంటి మరమ్మతులైనా తక్కువ సమయంలో పూర్తిచేసి అందుబాటులోకి తెచ్చే అవకాశం ఏర్పడనుంది. తొమ్మిది ఆస్పత్రుల్లో ఖమ్మం.. పలు ఆస్పత్రుల్లో బయో మెడికల్‌ పరికరాల నిర్వహణ బాధ్యతను ప్రభుత్వం హెచ్‌ఎల్‌ఎల్‌ లైఫ్‌ కేర్‌ లిమిటెడ్‌కు అప్పగించింది. తొలి దశగా మొత్తం తొమ్మిది ఆస్పత్రుల్లో పైలట్‌ ప్రాజెక్ట్‌గా అనుమతి ఇవ్వగా, హైదరాబాద్‌ గాంధీ ఆస్పత్రి, నిలోఫర్‌ మహిళా శిశు ఆస్పత్రి, సరోజినీదేవి కంటి ఆస్పత్రి, ఎమ్‌ఎన్‌జే ఇన్‌స్టిట్యూట్‌ ఆఫ్‌ అంకాలజీ అండ్‌ రీజినల్‌ కేన్సర్‌ సెంటర్‌, కింగ్‌కోటి ప్రభుత్వ ఈఎన్‌టీ ఆస్పత్రి, ఆదిలాబాద్‌ రిమ్స్‌, నిజామాబాద్‌, మహబూబ్‌నగర్‌ జీజీహెచ్‌తో పాటు ఖమ్మం ప్రభుత్వ జనరల్‌ ఆస్పత్రి కూడా ఇందులో ఉంది. ఆయా ఆస్పత్రుల్లో పరికరాల మరమ్మతులకు టీజీఎమ్‌ఎస్‌ఐడీసీ సాధారణ నిధుల నుంచి కేటాయించాలని ప్రిన్సిపల్‌ సెక్రటరీ ఉత్తర్వులు జారీ చేశారు. త్వరలోనే ప్రాజెక్టు అమల్లోకి రానుండగా, ఆస్పత్రుల్లోని పరికరాల జాబితా పంపించాలని సూచించారు.

ఖమ్మంవ్యవసాయం: ఏటా వానాకాలంలో మెట్ట భూముల్లో పెసర సాగు చేయడం ఆనవాయితీ. అయితే కొందరు రైతులు మాగాణి భూముల్లోనూ పెసర వేస్తారు. వరి నాట్ల సమయానికి భూసారం పెరిగేలా పెసరను పచ్చిరొట్ట ఎరువుగా భూమిలో కలియదున్నుతారు. అయితే, ఈ ఏడాది అరకొరగా కురిసిన వర్షాలతో చేతికొస్తుందన్న ఆశించిన పలువురు మాగాణిలోనూ పెసర విస్తీర్ణాన్ని పెంచారు. కానీ పైరు రొట్టగా మారివారి ఆశలు అడియాశలు చేశాయి. అంచనాలకు మించి సాగు జిల్లాలో ఈ ఏడాది వానాకాలం అన్నీ కలిపి 5.53 లక్షల ఎకరాల్లో పంటలు సాగవుతాయని వ్యవసాయ శాఖ అంచనా వేసింది. ఇందులో పెసర 15,607 ఎకరాల్లో ఉంటుందని భావిస్తే... అంచనాలకు మించి 30,169 ఎకరాల్లో సాగైంది. మెట్ట, మాగాణి భూముల్లో 15వేల చొప్పున ఎకరాల్లో పెసర సాగు చేశారు. మెట్ట భూముల్లో వేసిన పంట ఎకరాకు రెండు క్వింటాళ్ల మేర దిగుబడి వచ్చినా... మాగాణి భూముల్లో పైరు పెరిగిప్పటికీ పూత, కాత రాలేదు. ఆవిరైన ఆశలు వర్షాభావ పరిస్థితుల్లో పెసర సాగు అనుకూలమని అనుభవజ్ఞులు, శాస్త్రవేత్తలు, ప్రభుత్వం చెప్పడంతో రైతులు కనీస ఆదాయం పొందొచ్చని వరి పండించే మాగాణి భూముల్లోనూ పెసర వేశారు. జూన్‌లో కురిసిన వర్షాలకు పైరు బాగానే మొలవగా.. ఎకరాకు ఐదు క్వింటాళ్ల వరకు దిగుబడి వస్తుందని ఆశించారు. కానీ పైరు ఏపుగా పెరిగిందే తప్ప పూత, కాత అంతంత మాత్రంగా వచ్చింది. సాధారణంగా మాగాణి భూములు గతంలో వేసిన ఎరువులతో సారం కలిగి ఉంటాయి. దీంతో పెసర పైరు ఏపుగా పెరిగి రొట్టగా మారి ఫలితం దక్కలేదు. పంట రావాల్సిన పైరు రొట్టగా మారడంతో రైతులకు నిరాశ ఎదురైంది. శ్రమ, పెట్టుబడి.. నష్టం మాగాణిలో సాగు చేసిన పెసర రొట్టగా మారడంతో రైతుల శ్రమ, పెట్టుబడి వృథా అయ్యాయి. సాగు కోసం భూములను రెండేసి సార్లు దున్నించారు. దుక్కి దున్నడం, విత్తనాలకు కలిపి ఎకరాకు రూ.10 వేల వరకు వెచ్చించగా.. పైరు ఏపుగా పెరగడంతో ఎకరాకు పెట్టుబడి పోను రూ. 20వేల నుంచి రూ.25 వేల ఆదాయం వస్తుందని ఆశించారు. తీరా సరైన పూత లేక, కాత రాకపోవడంతో పెట్టుబడైనా వస్తాయని భావించారు. కానీ చివరకు రొట్టగా మారడంతో పైరుతో పాటు ఆశలనూ వదిలేసుకున్నారు.మండలం విస్తీర్ణం (ఎకరాల్లో) చింతకాని 8,129 కొణిజర్ల 5,770 వైరా 3,382 తిరుమలాయపాలెం 1,485 రఘునాథపాలెం 1,397 ముదిగొండ 1,377 ఏన్కూరు 1,161 తల్లాడ 1,095 ఖమ్మం రూరల్‌ 1,011 వరి వేయాల్సిన మాగాణి భూముల్లో సాగర్‌ నీరు రాదని పెసర వేశాం. గతంలో వేసిన ఎరువులతో సారం ఎక్కువై పెసర రొట్టగా పెరిగిందే తప్ప పంట రాలేదు. ఎకరాకు దాదాపు రూ.10 వేల మేర నష్టం వచ్చింది. – నాగేశ్వరరావు, వెంకటగిరి, ఖమ్మం రూరల్‌ మండలంరెండెకరాల మాగాణి భూమిలో పెసర సాగు చేశా. తొలుత ఆశాజనకంగా ఉన్నా.. చివరకు రొట్టగా పెరిగి ప్రయోజనం దక్కలేదు. వర్షాభావంతో పెసర మాత్రమే సాగు చేస్తే పెట్టుబడి కూడా రాక నిరాశ ఎదురైంది. – దారగాని లక్ష్మీనారాయణ, గంధసిరి, ముదిగొండ మండలం

ఖమ్మం స్పోర్ట్స్‌: జిల్లాస్థాయి పాఠశాలల క్రీడల్లో భాగంగా ఆదివారం ఖమ్మంలోని సర్దార్‌ పటేల్‌ స్టేడియంలో అండర్‌–14, 17 టేబుల్‌ టెన్నిస్‌ పోటీలు జరిగాయి. ఈ పోటీలకు రెండు విభా గాల నుంచి 150 మంది బాలబాలికలు హాజరయ్యారు. ఈమేరకు సాయంత్రం జరిగిన సమావేశంలో విజేతలకు డీవైఎస్‌ఓ టి.సునీల్‌రెడ్డి బహుమతులు అందజేశారు. ఈ కార్యక్రమంలో జిల్లా పాఠశాలల క్రీడల కార్యదర్శి వై.రామారావు, టీ.టీ.అసోసియేషన్‌ జిల్లా కార్యదర్శి వీ.వీ.సాంబమూర్తి, టోర్నీ నిర్వాహకులు చలపతి, మదహర్‌, రామారావు, రాజేష్‌రెడ్డి, సాయిశివ, కత్తుల నవ్య, పర్సా పవన్‌ పాల్గొన్నారు. అనంతరం రాష్ట్రస్థాయి పోటీలకు ఎంపికై న క్రీడాకారుల వివరాలను వై.రామారా వు వెల్లడించారు. అండర్‌–14 బాలుర విభాగంలో ఎస్‌.కే.ఫజల్‌, ఈ.హరి, ఏ.ఉజ్వల్‌, జాయ్‌, ఏ.యశ్వంత్‌, కె.హితేష్‌, బాలికల జట్టుకు ప్రవస్య, పి.వంశీక, బి.తన్మయిశ్రీ, బి.హార్విక, బి.ఆరాధ్య, పి.తన్వి ఎంపికయ్యారు. ఇక అండర్‌–17 బాలుర జట్టుకు పి.జ్వలిత్‌, జి.చార్విక్‌, ఇ.తరుణ్‌, కె.అఖిలేష్‌, బాలికల జట్టుకు బి.సాయిశివాని, శరణ్య, పావని, ఏ.శివకుమారి, జి.తీర్థ ఎంపికయ్యారని తెలిపారు.

● వాయిదా పడిన పథకానికి మళ్లీ ఊపిరి ● నవంబర్‌ 19నుంచి రూ.లక్ష సాయంపై ప్రకటన ● ఉమ్మడి జిల్లాలో 1.60 లక్షలకు పైగా దరఖాస్తులుచుంచుపల్లి: కాంగ్రెస్‌ ఎన్నికలకు ముందు ప్రకటించిన ఆరు గ్యారంటీల్లో భాగంగా నిరుద్యోగ యువతకు స్వయం ఉపాధి కల్పించేందుకు ప్రతిష్టాత్మకంగా చేపట్టిన రాజీవ్‌ యువ వికాసం పథకంలో మళ్లీ కదలిక వచ్చింది. గతంలో దరఖాస్తులు స్వీకరించి ఎంపిక ప్రక్రియ చేపట్టినా వివిధ కారణాలతో అమలు ముందుకు సాగలేదు. ఈక్రమాన నవంబర్‌ 19 నుంచి తొలి విడతగా రూ.లక్షలోపు ఆర్థిక సాయం అందించేందుకు చర్యలు చేపట్టాలని డిప్యూటీ సీఎం భట్టి విక్రమార్క తాజాగా అదికారులను ఆదేశించారు. దీంతో ఇప్పటికే దరఖాస్తు చేసుకుని ఎదురుచూస్తున్న ఉమ్మడి జిల్లా యువతలో ఆశలు చిగురించాయి. ఉమ్మడి జిల్లాలో 1.60 లక్షల మందికి పైగా దరఖాస్తు చేసుకున్నారు. యువతకు ఆర్థిక సాయం అందించి సొంతంగా వ్యాపారం, స్వయం ఉపాధి యూనిట్లు ఏర్పాటు చేసుకునేలా అవకాశం కల్పించాలన్నది ఈ పథకం ఉద్దేశం. వ్యవసాయ ఆధారిత కార్యకలాపాలు, పశుపోషణ, చిన్న పరిశ్రమలు, సేవా రంగం, రవాణా తదితర విభాగాల్లో యూనిట్లను ఏర్పాటు చేసుకునే అవకాశం ఉంది. గత ఏడాది మార్చిలో దరఖాస్తులు 2025 మార్చి 17 నుంచి ఏప్రిల్‌ 14 వరకు రాజీవ్‌ యవ వికాసం పథకానికి వివిధ వర్గాల నుంచి అధికారులు దరఖాస్తులు స్వీకరించారు. ఈమేరకు ఖమ్మం జిల్లాలో 95,325, భద్రాద్రి కొత్తగూడెం జిల్లాలో 64,882 కలిపి మొత్తంగా 1,60,207 దరఖాస్తులు నమోదయ్యాయి. ఎస్సీ, ఎస్టీ, బీసీ, మైనారిటీ, ఈబీసీ తదితర వర్గాల నుంచి యువత దరఖాస్తు చేసుకున్నారు. రూ.50వేల నుంచి యూనిట్లు రాజీవ్‌ యువ వికాసం పథకం విధివిధానాల ప్రకారం స్వయం ఉపాధి యూనిట్ల స్థాయి ఆధారంగా రూ.50 వేల నుంచి రూ.4 లక్షల వరకు రుణ సౌకర్యం, రాయితీ అమలవుతుంది. రూ.50 వేల యూనిట్‌కు వంద శాతం సబ్సిడీ, రూ.లక్ష వరకు 90 శాతం సబ్సిడీ, రూ.లక్ష నుంచి రూ.2 లక్షల వరకు 80 శాతం సబ్సిడీ, రూ. 2 లక్షల నుంచి రూ.4 లక్షల వరకు 70 శాతం సబ్సిడీ ఉంటుందని ప్రభుత్వం మార్గదర్శకాల్లో వెల్లడించింది. ఉమ్మడి జిల్లాలో మొదటి విడతగా దాదాపు 38,230 యూనిట్ల పంపిణీ లక్ష్యంగా నిర్ణయించగా.. దరఖాస్తుల పరిశీలన ఇప్పటికే పూర్తయినందున జాబితా ఆధారంగా ఇంటర్వ్యూలు నిర్వహించి యూనిట్లకు ఎంపిక చేయాల్సి ఉంది. అయితే ఏడాది కాలంగా వివిధ కారణాలతో వాయిదా వేస్తూ వచ్చిన ప్రభుత్వం.. తాజాగా రూ.లక్ష వరకు సాయం కోసం దరఖా స్తు చేసుకున్న వారికే ప్రాధాన్యత ఇవ్వాలని భావిస్తోంది. నవంబర్‌ 19 నుంచి తొలి విడత సాయం అందించనున్నట్లు ప్రభుత్వం ప్రకటించడంతో దరఖాస్తుదారుల్లో ఆశలు చిగురిస్తుండగా.. అధికారిక మార్గదర్శకాలు వెలువడ్డాక మరింత స్పష్టత రానుంది. కార్పొరేషన్‌ భద్రాద్రి జిల్లా ఖమ్మం జిల్లా బీసీ 20,602 39,616 ఎస్సీ 12,488 29,742 ఎస్టీ 27,792 14,416 మైనార్టీ 2,844 7,412 ఈ బీసీ 1,049 4,022 క్రిస్టియన్‌ 107 117 మొత్తం 64,882 95,325రాష్ట్ర ప్రభుత్వం రాజీవ్‌ యువ వికాసం పథకాన్ని నవంబర్‌ 19 నుంచి అమలు చేయాలనే ఆలోచనలో ఉన్నట్లు తెలిసింది. గతంలో దరఖాస్తుల పరిశీలన మరింత లోతుగా చేపట్టాలనే నిర్ణయంతో వాయిదా వేసింది. యువ వికాసంపై ప్రభుత్వం నుంచి వచ్చే ఆదేశాల మేరకు నడుచుకుంటాం. మార్గదర్శకాలు వెలువడగానే లబ్ధిదారుల ఎంపిక అత్యంత పారదర్శకంగా చేపడతాం. – బి.నాగలక్ష్మి, భద్రాద్రి జిల్లా కోఆర్డినేటర్‌, రాజీవ్‌ యువ వికాసం

రఘునాథపాలెం: మండలంలో వేర్వేరు గ్రామాలకు చెందిన ఇద్దరు వ్యక్తులు ఆదివారం గుండెపోటు, బ్రెయిన్‌ స్ట్రోక్‌తో మృతిచెందారు. వివరాలిలా.. వి.వెంకటాయపాలెం గ్రామానికి చెందిన కిలారు రామారావు(67) శనివా రం అనారోగ్యానికి గురికావడంతో కుటుంబ సభ్యులు ఖమ్మంకు తరలించారు. అక్కడ చికిత్స పొందుతూ గుండెపోటుతో మృతి చెందారు. రామారావుకు భార్య భార్గవి, కుమారుడు, కుమార్తె ఉన్నారు.భార్గవి రిటైర్డ్‌ ఉపాధ్యాయురాలు కాగా, వారి పిల్లలు విదేశాల్లో నివాసముంటున్నారు. రామారావు గతంలో వి.వెంకటాయపాలెం యూత్‌ ప్రెసిడెంట్‌గా పనిచేశారు. అదేవిధంగా రాంక్యాతండాకు చెందిన జాటోత్‌ నవ్య (21) ఆదివారం బ్రెయిన్‌ స్ట్రోక్‌కు గురైంది. దీంతో కుటుంబసభ్యులు ఖమ్మంలోని ఆస్పత్రికి తరలించి చికిత్స అందిస్తుండగా మృతి చెందింది. నవ్యకు భర్త, కుమార్తె ఉన్నారు. నవ్యకు భర్తతో గత రెండునెలల క్రితం విడాకులు కావడంతో తండ్రి వద్ద ఉంటుందని గ్రామస్తులు తెలిపారు.చెరుకు తోటలో కణుజు..నీటి కోసం వచ్చి కొమ్ములు ఇరుక్కుని కన్నుమూత కల్లూరురూరల్‌: మండలంలోని లక్ష్మీపురం(రాళ్లబంజరు) గ్రామ సమీపాన చెరుకు తోటలో కణుజు మృతదేహా న్ని గుర్తించారు. చెరుకు తోటకు నీరు పెట్టేందుకు ఆది వారం ఉదయం వెళ్లిన రైతు భూక్యా రవి అక్కడ కణుజు మృతదేహాన్ని చూసి అటవీ శాఖ అధికారులకు సమాచారం ఇచ్చాడు. దీంతో ఫారెస్ట్‌ బీట్‌ ఆఫీసర్‌ ఏ.లక్ష్మి, డీఆర్‌ఓ సురేష్‌ చేరుకుని వెటర్నరీ డాక్టర్‌ మమతఆధ్వర్యాన పోస్టుమార్టం నిర్వహించారు. కాగా, లక్ష్మీపురం గ్రామ సమీపంలోఉన్న అటవీ ప్రాంతం నుంచి నీటి కోసం కణుజు వచ్చిందని భావిస్తున్నారు. ఈక్రమాన కొమ్ములు చెరుకు తోటలో ఇరుక్కుపోయి బయటరాలేక.. అప్పటికే దాహంతో ఉండడం వల్ల మృతి చెందినట్లు భావిస్తున్నారు. ట్రావెల్స్‌ బస్సులో మంటలు..కొణిజర్ల: ప్రైవేట్‌ ట్రావెల్స్‌ బస్సులో అకస్మాత్తుగా మంటలు చెలరేగడంతో డ్రైవర్‌ అప్రమత్తతతో ప్రమాదం తప్పినట్లయింది. ప్రయాణికులు, బస్సు డ్రైవర్‌ నారాయణ స్వామి తెలిపిన వివరాల ప్రకారం.. ఏపీలోని వైజాగ్‌కు చెందిన ప్రైవేట్‌ ట్రావెల్స్‌ బస్సు ఆదివారం రాత్రి సుమారు 45 మంది ప్రయాణికులతో హైదరాబాద్‌ నుంచి శ్రీకాకుళం జిల్లా పలాస వెళ్తోంది. ఈక్రమాన కొణిజర్ల మండలం పల్లిపాడు పెట్రోల్‌ బంక్‌ సమీపంలోకి రాగానే ఒక్క సారిగా ఇంజన్‌లో మంటలు చెలరేగగా.. డ్రైవర్‌ అప్రమత్తమై బస్సును రోడ్డు పక్కన ఆపి మంటలార్పే యంత్రంతో మంటలు ఆర్పి వేశాడు. ఎటువంటి ప్రమాదం జరగకపోవడంతో ప్రయాణికులు ఊపిరి పీల్చుకున్నారు.

ఖమ్మం మయూరిసెంటర్‌: గ్రామస్థాయి నుంచి యువజన కాంగ్రెస్‌ను బలోపేతం చేయాలని, యువతను పార్టీతో అనుసంధానం చేయాలని యువజన కాంగ్రెస్‌ జాతీయ కార్యదర్శి, తెలంగాణ ఇన్‌చార్జి ఖలీద్‌ అహ్మద్‌ అన్నారు. ఆదివారం ఖమ్మంలోని కాంగ్రెస్‌ జిల్లా కార్యాలయంలో అధ్యక్షుడు వేజండ్ల సాయికుమార్‌ అధ్యక్షతన నిర్వహించిన యువజన కాంగ్రెస్‌ జిల్లా కార్యవర్గ సమావేశంలో మాట్లాడారు. కాంగ్రెస్‌ ప్రభుత్వ సంక్షేమ పథకాలు, సిద్ధాంతాలను ప్రజల్లోకి విస్తృతంగా తీసుకెళ్లాలని పిలుపునిచ్చారు. కాంగ్రెస్‌ జిల్లా అధ్యక్షుడు నూతి సత్యనారాయణగౌడ్‌, ఖమ్మం అర్బన్‌ అధ్యక్షుడు నాగండ్ల దీపక్‌చౌదరి, జిల్లా యువజన కాంగ్రెస్‌ ఇన్‌చార్జి వెంకటేష్‌ కూడా మాట్లాడారు. యూత్‌ కాంగ్రెస్‌ రాష్ట్ర కార్యదర్శి అంజనీ కుమార్‌, జిల్లా ఉపాధ్యక్షులు ఖలీల్‌, బెజ్జం బాలగంగాధర్‌, బానోత్‌ కోటేష్‌, ఆదర్శ్‌, జిల్లా ప్రధాన కార్యదర్శులు బెల్లంకొండ శరత్‌, బిచ్చల అన్వేష్‌, బాలరాజు పాల్గొన్నారు.జాతీయ కార్యదర్శి ఖలీద్‌ అహ్మద్‌

ఖమ్మం సహకారనగర్‌: విద్యార్థుల్లో నైపుణ్యాలు, స్వయం ఉపాధి అవకాశాలను పెంపొందించేందుకు డాక్టర్‌ బీ.ఆర్‌.అంబేడ్కర్‌ ఓపెన్‌ యూనివర్సిటీ (బీఆర్‌ఏఓయూ)లో ఆధునిక అవసరాలకు అనుగుణంగా నూతన కోర్సులు, విద్యా విధానాల ను అమలు చేస్తోందని యూనివర్సిటీ ఎడ్యుకేషనల్‌ ఎక్స్‌టెన్షన్‌ సెంటర్‌ నోడల్‌ అధికారి డాక్టర్‌ బి.ధర్మనాయక్‌ తెలిపారు. ఆదివారం నగరంలోని ఎస్‌ఆర్‌అండ్‌బీజీఎన్‌ఆర్‌ డిగ్రీ కళాశాలలోని కేంద్రంలోని కౌన్సిలర్లతో సమావేశం నిర్వహించారు. ఈ సందర్భంగా ఆయన మాట్లాడుతూ.. 2026 విద్యా సంవత్సరానికి యూజీ, పీజీ,డిప్లొమా, సర్టిఫికెట్‌ తది తర కోర్సుల్లో ప్రవేశాలకు ఈ నెల 30లోగా దరఖా స్తు చేసుకోవాలన్నారు. ఓపెన్‌ అండ్‌ డిస్టెన్స్‌ లెర్నింగ్‌ విధానంలో ఉందని, యూనివర్సిటీ వైస్‌ ఛాన్సలర్‌ ప్రొఫెసర్‌ గంటా చక్రపాణి ఆధ్వర్యంలో మారుతున్న కాలానికి అనుగుణంగా నూతన కోర్సులు రూపొందిస్తున్నట్లు తెలిపారు. ‘‘మీ ఆలో చనను వ్యాపారంగా మార్చండి.. మేము మీకు సహాయం చేస్తాము’’అనే నినాదంతో రూపొందించిన ఈ కార్యక్రమం ద్వారా విద్యార్థినులకు వ్యాపారాభివృద్ధి, ఆవిష్కరణలు, నైపుణ్య శిక్షణ, మార్గదర్శకత్వం అందించనున్నామన్నారు. ఈ సమావేశంలో రీజిన ల్‌ కో–ఆర్డినేటర్‌ డాక్టర్‌ ఎ.వీరన్న, జిల్లాలోని అధ్యయన కేంద్రాల కౌన్సిలర్లు, జాక్ట్‌లు, సీనియర్‌ కౌన్సి లర్లు ధనమూర్తి, రమేష్‌, రఫీ, నాగేశ్వరరావు, సర్వేశ్వరరావు, ఆంజనేయులు, వినోద్‌కుమార్‌, రవివర్ధన్‌, రాణి ముఖేష్‌, గాంధీ పాల్గొన్నారు. ఈ నెల 30 వరకు ప్రవేశాల గడువు

ఖమ్మంక్రైం: పెళ్లయి రెండున్న ర నెలలు దాటకముందే అనుమానంతో తరుచూ వేధించే భర్త, అత్త, మామల వేధింపులతో తీవ్ర మనస్తాపానికి గురైన నవ వధువు ఆత్మహత్య కు పాల్పడింది. టూటౌన్‌ సీఐ బాలకృష్ణ కథనం ప్రకారం.. ఆంధ్రప్రదేశ్‌లోని ఎన్టీఆర్‌ జిల్లా జగ్గయ్యపేట ప్రాంతం చిల్లకల్లుకు చెందిన నాగలీల, రామకృష్ణ దంపతుల కుమార్తె నాగలక్ష్మి(20)ని ఖమ్మంలోని రమణగుట్ట ప్రాంతంలో ప్రైవేట్‌ ఆస్పత్రిలో సెక్యూరిటీ గార్డుగా పనిచేస్తున్న గుంజి నాగార్జునతో రెండున్నర నెలల క్రితం వివాహమైంది. అయితే వివాహం అయినప్పటి నుంచి నాగా ర్జున నాగలక్ష్మిపై అనుమానంతో వేధింపులకు గురిచేస్తున్నాడు. దీనికి తోడు అతడి తల్లి నాగమణి, తండ్రి నాగేశ్వరావులు కుమారుడికి వత్తాసు పలుకుతూ నాగలక్ష్మిని మరింత వేధింపులకు గురి చేయడం ప్రారంభించారు. దీంతో ఆమె ఇంట్లో ఎవరు లేని సమయంలో ఫ్యాన్‌కు ఉరివేసుకుని ఆత్మహత్యకు పాల్పడింది. ఇంటి పక్కన వారు కిటికీలో నుంచి చూసి కుటుంబసభ్యులకు సమాచారం అందించారు. సమాచారం అందుకున్న పోలీసులు అన్నం ఫౌండేషన్‌ ఆధ్వర్యాన మృతదేహాన్ని పెద్దాస్పత్రి మార్చురీకి తరలించారు. మృతురాలి తల్లి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. అయితే నాగలక్ష్మి మృతిపై తమకు అనుమానాలు ఉన్నాయని, ఆమె మెడలో పుస్తెలతాడు సైతం కనిపించలేదని ఆమె బంధువులు టూటౌన్‌ పోలీస్‌ స్టేషన్‌లో కొద్దిసేపు ఆందోళన చేశారు. మనస్తాపంతో నవ వధువు ఆత్మహత్య

ఖమ్మం వైరారోడ్‌: నగరంలో పేద ప్రజల ఇళ్లను ఇష్టమొచ్చినట్లు కూల్చివేస్తున్నారని మాజీ మంత్రి పువ్వాడ అజయ్‌ కుమార్‌ ఆగ్రహం వ్యక్తం చేశారు. పేదల ఇళ్లకు రక్షణ లేకుండా చేస్తున్నారని ఆరోపించారు. ఆదివారం ఆయన శ్రీనివాస్‌నగర్‌లో ఆందోళన చేస్తున్న ఇళ్ల నిర్వాసితులతో సమావేశమయ్యారు. ఈ సందర్భంగా మాట్లాడుతూ వెలుగుమట్లలో పేదలు కష్టపడి నిర్మించుకున్న ఇళ్లను అర్ధరాత్రి వేళ నేలమట్టం చేయడం బాధాకరమైన విషయమని అన్నారు. బీఆర్‌ఎస్‌ ప్రభుత్వ హయాంలో దాదాపు 3 వేల మంది పేదలకు జీఓ నంబర్‌ 58 ద్వారా స్థల క్రమబద్ధీకరణ పట్టాలు అందించామని గుర్తుచేశారు. వెలుగుమట్ల, శ్రీనివాసనగర్‌ తదితర ప్రాంతాల్లో కేసీఆర్‌ స్వయంగా పరిశీలించి న్యాయం చేశారని అన్నారు. మళ్లీ 2023 ఫిబ్రవరిలో జీఓను పొడిగించి ఖమ్మంలో అర్హులైన పేదలలకు పట్టాలు అందించామన్నారు. శ్రీనివాసనగర్‌తో పాటు పరిసర ప్రాంతాల్లో 696 కుటుంబాలు లబ్ధి పొందిన విషయాన్ని కమిషనర్‌, ఉన్నతాధికారులు గుర్తించారని తెలిపారు. కోర్టు ఆదేశించినట్లు వారం రోజుల్లో సరైన నివేదిక తయారుచేసి, నిరుపేదలకు న్యాయం చేయాలని అధికారులను కోరారు. కార్యక్రమంలో నాయకులు గుండాల కృష్ణ, పగడాల నాగరాజు, బచ్చు విజయ్‌ కుమార్‌, పాలడుగు పాపారావు, మాటేటి నాగేశ్వరరావు, మండడుపు రామకృష్ణ, మెంతుల శ్రీశైలం, దడాల రఘు, నిరోషా, తిరుమల్‌ రావు, సుగుణారావు తదితరులు పాల్గొన్నారు.మాజీ మంత్రి పువ్వాడ అజయ్‌కుమార్‌

● ఏఐఎస్‌ఎఫ్‌ రాష్ట్ర సహాయ కార్యదర్శి రామకృష్ణ ● జిల్లా నూతన అధ్యక్ష, కార్యదర్శులుగా లక్ష్మణ్‌, మనోజ్‌ఖమ్మంమయూరిసెంటర్‌: విద్యారంగంలో నెలకొన్న సమస్యల పరిష్కారంతో పాటు శాసీ్త్రయ విద్యా విధానం అమలయ్యే వరకు రాజీలేని పోరా టాలు నిర్వహిస్తామని ఏఐఎస్‌ఎఫ్‌ రాష్ట్ర సహాయ కార్యదర్శి ఇటికాల రామకృష్ణ వెల్లడించారు. ఖమ్మంలోని గిరిప్రసాద్‌ భవనంలో నిర్వహించిన సంఘం జిల్లా నూతన సమితి సమావేశంలో ఆయన ముఖ్యఅతిథిగా పాల్గొని మాట్లాడారు. దేశంలో విద్యారంగం తీవ్ర సంక్లిష్ట పరిస్థితులను ఎదుర్కొంటోందని ఆందోళన వ్యక్తం చేశారు. కేంద్రంలో అధికారంలో ఉన్న బీజేపీ ప్రభుత్వం పేదలకు విద్యను అందుబాటులోకి తీసుకురాకపోగా, ప్రభుత్వ విద్యా వ్యవస్థను నిర్వీర్యం చేస్తోందని విమర్శించారు. కార్పొరేట్‌, ప్రైవేట్‌ సంస్థలకు కొమ్ముకాస్తూ విద్యను వ్యాపారీకరించి, కాషాయీకరణకు కుట్రలు చేస్తోందని ఆరోపించారు. శాస్త్ర సాంకేతిక పరిజ్ఞానం వేగంగా అభివృద్ధి చెందుతున్న నేటి కాలంలో విద్వేషాలు, చాందసవాదాన్ని విద్యార్థుల పసి మెదళ్లలో నూరిపోసేందుకు బీజేపీ, ఆర్‌ఎస్‌ఎస్‌ ప్రయత్నిస్తున్నాయని దుయ్యబట్టారు. ఈ కుట్రలను తిప్పికొడుతూ శాసీ్త్రయ విద్యా విధా నం కోసం విద్యార్థి లోకం ఐక్యంగా పోరాడాలని రామకృష్ణ పిలుపునిచ్చారు. నూతన కమిటీ ఎన్నిక.. ఖమ్మంలో నిర్వహించిన సంఘం 27వ మహాసభల సందర్భంగా జిల్లా నూతన సమితిని ఏకగ్రీవంగా ఎన్నుకున్నట్లు రామకృష్ణ తెలిపారు. జిల్లా అధ్యక్షుడిగా మడుపల్లి లక్ష్మణ్‌, జిల్లా కార్యదర్శిగా బూర మనోజ్‌ను ఎన్నుకున్నట్లు పేర్కొన్నారు. అలాగే, 16 మంది ఆఫీస్‌ బేరర్లు, మొత్తం 51 మందితో కూడిన నూతన కార్యవర్గాన్ని ఎన్నుకున్నామని తెలిపారు. ఈ సమావేశంలో జిల్లా వర్కింగ్‌ ప్రెసిడెంట్‌ చెన్నంశెట్టి ఆకాష్‌, ఉపాధ్యక్షులు శివ నాయక్‌, అభిరామి రెడ్డి, భాస్కర్‌ తదితరులు పాల్గొన్నారు.

కొణిజర్ల: గ్రీన్‌ఫీల్డ్‌ హైవే మార్గంలోని కొణిజర్ల మండలం చిన్నగోపతి–పెద్దగోపతి గ్రామాల మధ్య నిర్మించిన అండర్‌పాస్‌ భారీ వాహనాల రాకపోకలకు ఇబ్బందికరంగా మారింది. ఎత్తు తక్కువగా ఉండడంతో కంటైనర్లు, భారీ లోడ్లతో వచ్చివెళ్లే వాహనాలకు ఆటంకం ఎదురవుతోంది. మండలంలోని పెద్దగోప తి, అనంతారం గ్రామాలతోపాటు చింతకాని మండలానికి చెందిన పలు గ్రామాల వారు ఈ రహదారి మీదుగానే ఖమ్మం మార్గంలో ప్రయాణిస్తుంటారు. ఈక్రమాన శనివారం సాయంత్రం ఓ కంటైనర్‌ అండర్‌పాస్‌లో ఇరుక్కుపోయింది. డ్రైవర్‌ చాకచక్యంగా టైర్లలోగాలి పూర్తిగా తొలగించి వాహనం ఎత్తు తగ్గాక బయటకు వచ్చారు. భారీ వాహనాలకు ఇది ఒక్కటే రహదారి కావడంతో ఇబ్బందులు తప్పడం లేదు.

● వినీత్‌ మృతిపై కొనసాగుతున్న దర్యాప్తు ● ఎలాంటి క్లూ దొరకక విచారణలో జాప్యంసత్తుపల్లి: సత్తుపల్లిలోని పాత మిలీనియం స్కూల్‌ భవనం రెండో అంతస్తు నుంచి కింద పడిన బొడ్డు వినీత్‌(29) మృతి చెందగా, కారణాలు తెలియక మిస్టరీగానే మిగిలిపోయింది. ఏపీలోని ఎన్టీఆర్‌ జిల్లా పెనుమలూరు మండలం పోరంకి చెందిన సుబ్బారావు – సునీల దంపతుల కుమారుడు వినీత్‌ సత్తుపల్లిలోని ఓ మైక్రో సంస్థలో పనిచేసేవాడు. గతనెల 13న అర్ధరాత్రి ఆయన మృతి చెందగా, తల్లిదండ్రులు, బంధుమిత్రులు పోలీసులకు ఫిర్యాదు చేశారు. పోలీసులు అన్ని కోణాల్లో దర్యాప్తు చేస్తున్నా ముందడుగు పడకపోవడం గమనార్హం. ఆ రాత్రి ఏం జరిగింది? గతనెల 13న అర్ధరాత్రి ఒంటి గంట సమయాన మిత్రుడితో కలిసి వినీత్‌ పాత మిలీనియం స్కూల్‌ భవనం ఉన్న ప్రాంతానికి వచ్చినట్లు సీసీ కెమెరాల్లో నమోదైంది. ఆతర్వాత రెండోసారి ఒక్కడే 1–40 గంటలకు ఫోన్‌ మాట్లాడుతూ రాగా.. మూడు నిమిషాల్లోనే భవనం పైనుంచి కింద పడ్డాడు. రెండో అంతస్తులో తలుపు తీసి ఉన్న ఓ ఇంట్లోకి వెళ్లగా, అందులో ఉన్న వారు కేకలు వేయడంతో కంగారులో చూసుకోకుండా కిందకు దూకినట్లు తెలుస్తోంది. తలకు తీవ్రమైన గాయమైన ఆయనను ఆస్పత్రికి తరలించేందుకు 108ను పిలిపించగా సిబ్బంది చేరుకుని అప్పటికే మృతి చెందినట్లు నిర్ధారించారు. ఎందుకు వెళ్లాడు ? అపార్ట్‌మెంట్‌కు వినీత్‌ ఎందుకు వెళ్లాడు, అక్కడ ఏం జరిగిందనే అంశాన్ని తేల్చేందుకు పోలీసులు పలు కోణాల్లో విచారణ చేస్తున్నారు. మెదటిసారి వినీత్‌తో కలిసి వెళ్లిన యువకుడిని విచారిస్తే బంధువులు ఉన్నారని చెప్పాడే తప్ప ఇతర వివరాలు తెలియదని బదులిచ్చినట్లు తెలిసింది. అలాగే, వినీత్‌ వెళ్లిన ఇంట్లోని దంపతులే కాక ఇంకొందరిని విచారించినా క్లూ లభించక.. వినీత్‌తో పాటు అపార్ట్‌మెంట్‌లోని అందరి కాల్‌ డేటా పరిశీలించినట్లు సమాచారం. వినీత్‌ లోపలకు వెళ్తున్న సమయాన ఏపీలో ఉండే కాబోయే భార్యతో ఫోన్‌లో మాట్లాడాడని నిర్ధారించుకున్నట్టు తెలిసింది. ఇంకొన్ని వివరాల సేకరణకు ఇంటర్నెట్‌ ప్రొటోకాల్‌ డెలివరీ రికార్డర్‌( ఐపీడీఆర్‌)కు మృతుడి ఫోన్‌ను పంపించారని, తద్వారా ఇంటర్నెట్‌, ఇన్‌స్ట్రాగామ్‌, టెలిగ్రామ్‌, వాట్సాప్‌ ఫోన్‌ కాల్‌ మాట్లాడినా బయటపడే అవకాశముందని సమాచారం. అలాగే, శరీర భాగాలను ఫోరెన్సిక్‌ ల్యాబోరేటరీకి పంపించారు.బొడ్డు వినీత్‌ది ముమ్మాటికీ హత్యేనని ఆయన తల్లిదండ్రులు సుబ్బారావు, సునీల ఆరోపించారు. ఈమేరకు సత్తుపల్లిలో అంబేద్కర్‌ విగ్రహం వద్ద శనివారం ఎమ్మార్పీఎస్‌ ఆధ్వర్యాన నిర్వహించగా వారితో పాటు ఎమ్మార్పీఎస్‌ జిల్లా ఇన్‌చార్జ్‌ కందికట్ల విజయ్‌ మాట్లాడారు. ఘటన జరిగి నెల దాటినా దోషులను పోలీసులు పట్టుకోలేదని, అనేక అనుమానాలు ఉన్నా విచారణలో తాత్సారం చేస్తున్నారని ఆరోపించారు. నాయకులు కొలికపోగు వెంకటేశ్వరరావు, గొల్లమందల ముత్తారావు, అద్దేపల్లి సాగర్‌, సోర గుడి రాజేష్‌, గంధం పాండు, నందిగామ అఖిల్‌, అభిపాల్‌, అంబేద్కర్‌, మాణిక్యం పాల్గొన్నారు.వినీత్‌ మృతిపై అన్ని కోణాల్లో విచారణ చేస్తున్నాం. కుటుంబ సభ్యులు, బంధువులకు విచారణ వివరాలను ఇప్పటికే వివరించాం. ఎవరికై నా సందేహాలు ఉంటే నేరుగా వచ్చి నివృత్తి చేసుకోవచ్చు. కేసుకు సంబంధించి ఐపీడీఆర్‌, ఎఫ్‌ఎస్‌ఎల్‌ నివేదికలు రావాల్సి ఉంది. – వసుంధర యాదవ్‌, ఏసీపీ, కల్లూరు

ఖమ్మంమయూరిసెంటర్‌: తెల్లవారుజామున 3–30 గంటలకే విధులకు హాజరై హైదరాబాద్‌ వెళ్లిన ఆర్టీసీ కండక్టర్‌ సామినేని లక్ష్మీనారాయణ(57) గుండెపోటుతో మృతి చెందారు. ఖమ్మం డిపో కండక్టర్‌ ఎస్‌.ఎల్‌.నారాయణ శనివారం ఇల్లెందు – హైదరాబాద్‌ సర్వీస్‌కు కండక్టర్‌గా వెళ్లారు. తెల్లవారుజామునే బయలుదేరి హైదరాబాద్‌ వెళ్లగా, అక్కడ టిఫిన్‌ చేసి తిరుగు ప్రయాణానికి సిద్ధమవుతుండగా గుండెపోటు రావడంతో బస్సులోనే కుప్పకూలాడు. సిబ్బంది ఆయనను యశోద ఆస్పత్రికి, ఆతర్వాత తార్నాక ఆర్టీసీ ఆస్పత్రికి తరలించగా అప్పటికే మరణించినట్లు వైద్యులు నిర్ధారించారు. బస్టాండ్‌లో సిబ్బంది ఆయనకు సీపీఆర్‌ చేసినా ప్రయోజనం దక్కలేదు. కాగా, లక్ష్మీనారాయణకు భార్య సుభద్ర, ఇద్దరు కొడుకులు ఉన్నారు. నవ్వుతూ పలకరించి.. ఖమ్మం డిపోలో శనివారం తెల్లవారుజామున విధులకు హాజరైన కండక్టర్‌ లక్ష్మీనారాయణ తోటి ఉద్యోగులను నవ్వుతూ పలకరించారు. హైదరాబాద్‌లో ఆయన మృతి చెందాడని తెలియడంతో ఉద్యోగులు దిగ్భ్రాంతికి లోనయ్యారు. కాగా, పూణేలో సాఫ్ట్‌వేర్‌ ఇంజనీర్‌గా పనిచేస్తున్న పెద్ద కుమారుడి వివాహం కార్తీకమాసంలో చేయాలని సిద్ధమవుతుండగా ఈ ఘటన జరగడంతో విషాదం నెలకొంది. కాగా, ఎంజీబీఎస్‌లో లక్ష్మీనారాయణ గుండెపోటుతో కుప్పకూలిన విషయం తెలియగానే ఖమ్మం ఆర్‌ఎం సరిరామ్‌ స్పందించి ఉన్నతాధికారులకు సమాచారం ఇవ్వడమే కాక ఆస్పత్రికి తీసుకెళ్లేలా సిబ్బందికి సూచనలు చేశారు. అయితే, ఫలితం దక్కక ఆయన మృతి చెందడంతో మృతదేహాన్ని ఖమ్మం తీసుకొచ్చేందుకు అంబులెన్స్‌ ఏర్పాటు చేయించారు. ఖమ్మం నేతాజీనగర్‌లోని ఇంటికి లక్ష్మీనారాయణ మృతదేహాన్ని తీసుకురాగా భార్య సుభద్ర కన్నీరుమున్నీరయ్యారు. అక్కడ ఆర్‌ఎం సరిరామ్‌, డీఎం శివప్రసాద్‌, ఉద్యోగులు నివాళులర్పించారు. ఎంజీబీఎస్‌లో గుండెపోటుతో కుప్పకూలిన వైనం

కల్లూరురూరల్‌: ఉద్యోగ, ఉపాధ్యాయులకు పీఆర్‌సీ అమలుచేస్తామని ఇచ్చిన హామీని ముఖ్యమంత్రి రేవంత్‌రెడ్డి నెరవేర్చాలని పీఆర్‌టీయూ జిల్లా ప్రధాన కార్యదర్శి ఆర్‌.రంగారావు కోరారు. కల్లూరులో శనివారం జరిగిన సమావేశంలో ఆయన మాట్లాడుతూ రాష్ట్రంలో కాంగ్రెస్‌ ప్రభుత్వం ఏర్పడి మూడేళ్లు కావొస్తున్నా ఉద్యోగులకు ఇచ్చిన ఏ హామీ అమలుచేయాలని ఆరోపించారు. పీఆర్‌సీ అమలు, డీఏలు, బకాయిల చెల్లింపుతో పాటు సీపీఎస్‌ రద్దుపై నిర్ణయం తీసుకోక ఉద్యోగ, ఉపాధ్యాయుల్లో నిరాశ అలుముకుందని తెలిపారు. ఈమేరకు రాష్ట్ర స్థాయిలో చేసిన ఉద్యమానికి తలొగ్గి త్వరలో పరిష్కరిస్తామని సీఎం స్వయంగా హామీ ఇచ్చినాకార్యాచరణ రూపొందించలేదన్నారు. ఈ సమావేశంలో పీఆర్‌టీయూ జిల్లా అసోసియేట్‌ అధ్యక్షుడు ఆర్‌.బ్రహ్మారెడ్డి, నాయకులు పాకాల రమేష్‌, వెంకటేశ్వర్లు, సురేష్‌బాబు, చెన్నకేశవరెడ్డి, ఎం.డీ.మౌలాలి, షేక్‌ చాంద్‌సాహెబ్‌, టి.సత్యనారాయణరెడ్డి, వీరవల్లి శ్రీనివాసరావు, బోబోలి శ్రీనివాసరావు తదితరులు పాల్గొన్నారు. పీఆర్‌టీయూ జిల్లా ప్రధాన కార్యదర్శి రంగారావు

ఖమ్మంమయూరిసెంటర్‌: దేశంలో విద్యను కాషాయీకరించేలా ప్రయత్నాలు జరుగుతున్నాయని ఏఐఎస్‌ఎఫ్‌ రాష్ట్ర కార్యదర్శి పుట్టా లక్ష్మణ్‌ పేర్కొన్నారు. ఈక్రమాన చరిత్రను వక్రీకరిస్తూ, పసి మెదళ్లలో మతోన్మాదాన్ని నింపుతున్నారని తెలిపారు. అఖిల భారత విద్యార్థి సమాఖ్య(ఏఐఎస్‌ఎఫ్‌) జిల్లా 28వ మహాసభలు శనివారం ఐఎంఏ హాల్‌లో జరగగా, తొలుత పాత నెహ్రూనగర్‌ నుంచి పాత బస్టాండ్‌, మయూరిసెంటర్‌ మీదుగా హాల్‌ వరకు ప్రదర్శన నిర్వహించారు. అనంతరం సంఘ పతాకాన్ని ఏఐఎస్‌ఎఫ్‌ జాతీయ మాజీ ఉపాధ్యక్షుడు రావి శివరామకృష్ణ ఆవిష్కరించగా లక్ష్మణ్‌ మాట్లాడుతూ బడ్జెట్‌లో విద్యకు నిధుల కేటాయింపు పూర్తిగా తగ్గిపోగా, కేటాయించిన నిధులు కూడా ఖర్చు చేయడం లేదని ఆరోపించారు. రాష్ట్రంలో అధికారంలోకి వస్తే విద్యకు ప్రాధాన్యత ఇస్తామని చెప్పిన రేవంత్‌రెడ్డి ఆ మాట మరవడమే కాక ప్రైవేట్‌లో ఫీజుల నియంత్రణను సైతం విస్మరించారని పేర్కొన్నారు. సీపీఐ జిల్లా కార్యదర్శి దండి సురేష్‌ మాట్లాడుతూ వైఎస్‌.రాజశేఖర్‌రెడ్డి సీఎంగా ఉన్న సమయంలో ఫీజు రీయింబర్స్‌మెంట్‌ పథకాన్ని తీసుకొచ్చి వేలాది మందికి లబ్ధి చేకూరిస్తే గత కేసీఆర్‌, నేటి రేవంత్‌రెడ్డి సర్కార్‌ విద్యా రంగాన్ని పట్టించుకోవడం లేదని ఆరోపించారు. అనంతరం జిల్లా కార్యదర్శి ఇటికాల రామకృష్ణ నివేదిక సమర్పించగా, సీపీఐ, అనుబంధ సంఘాల నాయకులు జమ్ముల జితేందర్‌రెడ్డి, మడుపల్లి లక్ష్మణ్‌, బుర్ర మనోజ్‌, అమృత, బత్తినేని నీరజ, మామిళ్ల శ్రీనాథ్‌ రెడ్డి, చింతల రమేష్‌, అజిత్‌, తదితరులు పాల్గొన్నారు.ఏఐఎస్‌ఎఫ్‌ జిల్లా మహాసభలో రాష్ట్ర కార్యదర్శి పుట్టా లక్ష్మణ్‌

ఖమ్మం సహకారనగర్‌: ఖమ్మంలో హార్వెస్ట్‌ విద్యాసంస్థలు ప్రారంభమై 25ఏళ్లు పూర్తయిన సందర్భంగా సిల్వర్‌ జూబ్లీ వేడుకలను శనివారం నిర్వహించారు. ఇదే వేదికపై క్లాస్‌ సాథీ చాంపియన్‌ షిప్‌ పురస్కారాలు ప్రదానం చేశారు. ఈ కార్యక్రమానికి దక్షిణ కొరియా నుంచి క్లాస్‌ సాథీ సీఈఓ పంకజ్‌ అగర్వాల్‌తో పాటు ఖమ్మం ఎంపీ రామనహాయం రఘురాంరెడ్డి ముఖ్యఅతిథులుగా హాజరుకాగా, క్వెస్ట్‌ ఎడ్యుకేషనల్‌ సొసైటీ చైర్మన్‌ డాక్టర్‌ కె.నాగమణి, హార్వెస్ట్‌ గ్రూప్‌ విద్యాసంస్థల కరస్టాండెంట్‌ పి.రవిమారుత్‌, ప్రిన్సిపాల్‌ ఆర్‌.పార్వతిరెడ్డి పాల్గొన్నారు. ఈ సందర్భంగా పంకజ్‌ అగర్వాల్‌ మాట్లాడుతూ ప్రస్తుత సాంకేతిక యుగంలో విద్యారంగ వ్యవస్థలో మేథస్సును అభివృద్ధి చేసుకునే అవసరం ఉందన్నారు. ఈ మేరకు తాము రూపొందించిన క్లాస్‌ సాథీ యాప్‌ ద్వారా పిల్లల్లో పాఠ్యాంశాలకు సంబంధించి క్విజ్‌ నిర్వహిస్తుండగా హార్వెస్ట్‌ విద్యాసంస్థల వారు నమర్ధవంతంగా ఉపయోగించుకొని 24,718 పాయింట్లు సాధించి దేశంలోనే మొదటి స్థానాన నిలిచారని తెలిపారు. ఎంపీ రఘురాంరెడ్డి మాట్లాడుతూ విద్యార్థుల బంగారు భవిష్యత్‌ దృష్ట్యా ఉన్నత విద్యావకాశాలను ఖమ్మంకు చేరువ చేసిన హార్వెన్‌ విద్యాసంస్థల యాజమాన్యాన్ని అభినందించారు. కరస్పాండెంట్‌ రవిమారుత్‌ మాట్లాడుతూ పిల్లలు బాల్యాన్ని ఆనందంగా ఆస్వాదించేలా, వారిపై ఒత్తిడి లేకుండా బోధన అందిస్తున్నామని తెలిపారు. పాతికేళ్ల గతం గర్వంగా ఉండగా, మరింత బాధ్యతను గుర్తుచేస్తోందని చెప్పారు. ప్రిన్సిపాల్‌ పార్వతీరెడ్డి మాట్లాడుతూ సిల్వర్‌ జూబ్లీ వేడుకలు వచ్చే మూడు నెలల్లోనూ నిర్వహిస్తామని తెలిపారు. అనంతరం విద్యార్థుల సాంస్కృతిక ప్రదర్శనలు ఆకట్టుకోగా, వివిధ పోటీల్లో ప్రతిభ చాటిన విద్యార్థులకు ప్రశంసాపత్రాలు అందజేశారు. ఈ కార్యక్రమంలో ఉపాధ్యాయులు, సిబ్బంది పాల్గొన్నారు. ‘క్లాస్‌ సాథీ’ అవార్డుల ప్రదానం

ఖమ్మంరూరల్‌: జలగంనగర్‌ ప్రభుత్వ ఉన్నత పాఠశాల నుంచి ఐదుగురు ఉపాధ్యాయులు జిల్లా స్థాయి ఉత్తమ అవార్డులు సాధించడంతో జిల్లాకే ఆదర్శంగా నిలిచిందని ఏదులాపురం మున్సిపల్‌ చైర్‌ పర్సన్‌ పోకబత్తిని అనిత అన్నారు. పాఠశాలలో శనివారం కౌన్సిలర్‌ బోయిన కృష్ణకుమారి అధ్యక్షతన జరిగిన సమావేశంలో ఇటీవల అవార్డులు అందుకున్న హెచ్‌ఎం శ్యాంసన్‌తో పాటు ఉపాధ్యాయులను చైర్‌పర్సన్‌ సత్కరించి మాట్లాడారు. విద్యార్థుల సంఖ్యను 400కు చేర్చడమే కాక ఉత్తమ బోధన అందిస్తున్న ఉపాధ్యాయులకు తమ సహకారం ఉంటుందని తెలిపారు. ఉపాధ్యాయులు ఆదిలక్ష్మి, రాజిదా బేగం, చీనియ, షాబుద్దీన్‌, ఎస్‌ఎంసీ చైర్‌ పర్సన్‌ విజయలక్ష్మితో పాటు బోయిన సాయియాదవ్‌ పాల్గొన్నారు.

భద్రాచలం: బూర్గంపాడు మండలం నాగి నేనిప్రోలు రెడ్డిపాలెం గ్రామానికి చెందిన పత్తి విష్ణువర్ధన్‌ రెడ్డి హైకోర్టు డిజిగ్నేటెడ్‌ సీనియర్‌ న్యాయవాది గా నియమితుల య్యారు. ఉమ్మడి ఖమ్మం జిల్లాలో ఇప్పటివరకు ఈ హోదా పొందిన రెండో వ్యక్తి ఆయనే. గతంలో ఉమ్మడి ఆంధ్రప్రదేశ్‌, తెలంగాణ హైకోర్టుకు అసిస్టెంట్‌ సొలిసిటర్‌ జనరల్‌గా, జాతీయ దర్యాప్తు సంస్థ(ఎన్‌ఐఏ) తరఫున స్పెషల్‌ పబ్లిక్‌ ప్రాపిక్యూటర్‌గా వ్యవహరించారు. బార్‌ కౌన్సిల్‌ అఫ్‌ ఇండియా మెంబర్‌గా బాధ్యతలు నిర్వర్తిస్తూ న్యాయవా దుల సమస్యలు, హక్కులు, సంక్షేమంలో చురుకై న పాత్ర పోషించారు. రాష్ట్రస్థాయి టీ.టీ. టోర్నీలో ప్రతిభ ఖమ్మం స్పోర్ట్స్‌: అండర్‌ – 17, 18, 19 విభాగాల్లో ఇటీవల హైదరాబాద్‌లో నిర్వహించిన రాష్ట్రస్థాయి టేబుల్‌ టెన్నిస్‌ టోర్నీలో జిల్లా బాలబాలికలు ప్రతిభ చాటారు. పోటీల్లో ఖమ్మం చెందిన రోష్మిత, హేయాన్‌, రోహిణికా తన్వి, ఇమ్మానుయేల్‌, యశస్విని, ఠాగూర్‌ ట్రోఫీలు దక్కించుకున్నారు. క్రీడాకారులను డీవైఎస్‌ఓ సునీల్‌రెడ్డి, టేబుల్‌ టెన్నిస్‌ కోచ్‌ వీవీఎస్‌.మూర్తి, అసోసియేషన్‌ ప్రతినిధులు చలపతి, ఎస్‌.కే.ముజాహర్‌, రంజిత్‌, సంతోష్‌ పాపారావు, మణికాంత్‌ అభినందించారు. తిరుమలకు పాదయాత్ర పెనుబల్లి: భద్రాచలం నుంచి తిరుమలకు పాదయాత్ర చేస్తున్న భక్తులు శనివారం పెనుబల్లి మండలం వీఎం బంజర్‌ చేరుకున్నారు. ఈ సందర్భంగా వారు మాట్లాడుతూ ఏటా తాము పాదయాత్రగా తిరుమల వెళ్తున్నామని తెలిపారు. బృందానికి నాయకులు పంది వెంకటేశ్వరావు, నల్లమోతు వినీల, ఈ.వీ.రమేష్‌, సంధ్యారాణి స్వాగతం పలికారు. గిరిజన యువతకు 75 శాతం రిజర్వేషన్‌ కల్పించాలి ● సీఎం రేవంత్‌రెడ్డికి ఎమ్మెల్యేల వినతి వైరా/ములకలపల్లి: గిరిజన ప్రాంతాల్లోని యువతీ యువకులు పోలీసు ఉద్యోగ నియామకాల్లో 75 శాతం రిజర్వేషన్లు కలిపించాలని వైరా, అశ్వారావుపేట, పినపాక ఎమ్మెల్యేలు మాలోత్‌ రాందాస్‌నాయక్‌, జారె ఆదినారాయణ, పాయం వెంకటేశ్వర్లు కోరారు. ఈ సందర్భంగా వారు శనివారం హైదరాబాద్‌లో ఎస్సీ, ఎస్టీ సంక్షేమ శాఖ మంత్రి అడ్లూరి లక్ష్మణ్‌తో కలిసి సీఎం రేవంత్‌రెడ్డికి వినతిపత్రం అందజేశారు. గిరిజన యువతకు భరోసా కల్పించేలా రిజర్వేషన్లు పెంచాలని, భౌగోళిక, సామాజిక ఆర్థిక పరిస్థితులను పరిగణనలోకి తీసుకుని రిజర్వేషన్లు అమలు చేయాలని కోరారు. అలాగే, ములకలపల్లిలో బాలికల ఆశ్రమ పాఠశాల ఏర్పాటు చేయాలని ఎమ్మెల్యే జారె ఆదినారాయణ మంత్రి లక్ష్మణ్‌కుమార్‌కు వినతిపత్రం అందజేశారు. గణేష్‌ నిమజ్జనంలో ఎమ్మెల్యే వైరా: వైరా ఎమ్మెల్యే క్యాంపు కార్యాలయంలో ఏర్పాటు చేసిన వినాయక విగ్రహాన్ని శనివారం నిమజ్జనానికి తరలించారు. ఈ సందర్భంగా ఎమ్మెల్యే రాందాస్‌నాయక్‌ ప్రత్యేక పూజలు నిర్వహించి నాయకులు, ప్రజాప్రతినిధులతో కలిసి ర్యాలీలో పాల్గొన్నారు. అంతకుముందు ‘ఏక్‌ పేడ్‌.. మాకే నామ్‌’ కార్యక్రమంలో భాగంగా వైరా జిల్లా పరిషత్‌ బాలికల ఉన్నత పాఠశాలలో ఎమ్మెల్యే రాందాస్‌నాయక్‌ మొక్క నాటా రు. మున్సిపల్‌ చైర్‌ పర్సన్‌ డాక్టర్‌ కాపా చంద్రకళ, కమిషనర్‌ రామచంద్రయ్య, నాయకులు బొర్రా రాజశేఖర్‌, కట్ల రంగారావు, సూతకాని జైపాల్‌, డాక్టర్‌ కాపా మురళీకృష్ణ పాల్గొన్నారు. పాతర్లపాడులో డీజే సీజ్‌ చింతకాని: నిబంధనలకు విరుద్ధంగా మండలంలోని పాతర్లపాడులో వినాయక నవరాత్రి ఉత్సవాల సందర్భంగా ఏర్పాటు చేసిన డీజే సౌండ్‌ సిస్టంను పోలీసులు శనివారం సీజ్‌ చేశారు. డీజేను సీజ్‌ చేయడమే కాక సిస్టం యజమాని, వాహన యజమానిపై కేసు నమో దు చేసినట్లు ఎస్సై నరేష్‌ తెలిపారు. మండల వ్యాప్తంగా డీజే సిస్టంపై నిషేధం ఉన్నందున, నిబంధనలు పాటించాలని సూచించారు.

ఖిలా వరంగల్‌: క్రీడల్లో రాణించిన విద్యార్థులకు మంచి భవిష్యత్‌ ఉంటుందని కాకతీయ యూనివర్సిటీ రిజిస్ట్రార్‌ ప్రొఫెసర్‌ జి.రామచంద్రం తెలిపారు. వరంగల్‌ బొల్లికుంటలోని వాగ్దేవి ఇంజనీరింగ్‌ కళాశాల క్రీడామైదానంలో నిర్వహిస్తున్న కేయూ యూనివర్సిటీ అండ్‌ కాలేజ్‌ మహిళా క్రీడోత్సవాలను శనివారం ఆయన ప్రారంభించి మాట్లాడారు. వరంగల్‌, ఖమ్మం, ఆదిలాబాద్‌ ఉమ్మడి జిల్లాల నుంచి 780 మంది మహిళా క్రీడాకారులు హాజరుకాగా ఈనెల 21 తేదీ వరకు కబడ్డీ, సాఫ్ట్‌బాల్‌, బాస్కెట్‌బాల్‌, బాల్‌ బ్యాడ్మింటన్‌, క్రాస్‌ కంట్రీ అంశాల్లో పోటీలు జరుగుతాయని తెలిపారు. కేయూ స్పోర్ట్స్‌ బోర్డ్‌ సెక్రటరీ ప్రొఫెసర్‌ టి.శాస్త్రి, వాగ్దేవి కళాశాల డైరెక్టర్‌ వాణిదేవితో పాటు హెచ్‌.సుదర్శన్‌రెడ్డి, ఫ్రొఫెసర్‌ సునీల్‌రెడ్డి, రవీందర్‌, ఫిజికల్‌ డైరెక్టర్లు పాల్గొన్నారు. కేయూ రిజిస్ట్రార్‌ రామచంద్రం

● పైలట్‌ ప్రాజెక్టు జాబితాలో జిల్లా ఆస్పత్రి ● ఏదైనా మరమ్మతుకు వస్తే వెంటనే సరిచేసే అవకాశం ఖమ్మం వైద్యవిభాగం: జిల్లా జనరల్‌ ఆస్పత్రిలో చికిత్సకు ఉపయోగించే ఏదైనా పరికరం మరమ్మతుకు వస్తే రోజులు, నెలల తరబడి వేచిచూడాల్సి వస్తోంది. సంబంధిత విభాగాల నిపుణులు వచ్చి పరిశీలించి చిన్న మరమ్మతులు అవసరమైతే స్థానికంగా లభించే విడిభాగాలతో పనిచేస్తున్నారు. అదే కీలకమైన పరికరాలు మొరాయించి, మరమ్మతులకు రూ.వేలు, రూ.లక్షలు కావాల్సివస్తే ఉన్నతాధికారులకు ప్రతిపాదనలు పంపించి అనుమతి వచ్చేసరికి రోగులకు ఇక్కట్లు ఎదురవుతున్నాయి. ఈనేపథ్యాన పరికరాల నిర్వహణ బాధ్యతను కాంట్రాక్టర్‌కు అప్పగించారు. తద్వారా ఎలాంటి మరమ్మతులైనా వెంటనే పరీక్షించి తక్కువ సమయంలో అందుబాటులోకి తెచ్చే అవకాశం ఏర్పడనుంది. తొమ్మిది ఆస్పత్రుల్లో ఖమ్మం కూడా.. పలు ఆస్పత్రుల్లో బయో మెడికల్‌ పరికరాల నిర్వహణ బాధ్యతను ప్రభుత్వం హెచ్‌ఎల్‌ఎల్‌ లైఫ్‌ కేర్‌ లిమిటెడ్‌కు కేటాయించింది. తొలి దశగా మొత్తం తొమ్మిది ఆస్పత్రుల్లో పైలట్‌ ప్రాజెక్ట్‌గా అనుమతి ఇవ్వగా, హైదరాబాద్‌ గాంధీ ఆస్పత్రి, నీలోఫర్‌ మహిళా శిశు ఆస్పత్రి, సరోజినీదేవి కంటి ఆస్పత్రి, ఎమ్‌ఎన్‌జే ఇన్‌స్టిట్యూట్‌ ఆఫ్‌ అంకాలజీ అండ్‌ రీజినల్‌ కేన్సర్‌ సెంటర్‌, కింగ్‌కోటి ప్రభుత్వ ఈఎన్‌టీ ఆస్పత్రి, ఆదిలాబాద్‌ రిమ్స్‌, నిజామాబాద్‌, మహబూబ్‌నగర్‌ జీజీహెచ్‌తో పాటు ఖమ్మం ప్రభుత్వ జనరల్‌ ఆస్పత్రి కూడా ఇందులో ఉంది. ఆయా ఆస్పత్రుల్లో పరికరాల మరమ్మతులకు టీజీఎమ్‌ఎస్‌ఐడీసీ సాధారణ నిధుల నుంచి కేటాయించాలని ప్రిన్సిపల్‌ సెక్రటరీ ఉత్తర్వులు జారీ చేశారు. త్వరలోనే ప్రాజెక్టు అమల్లోకి రానుండగా, ఆస్పత్రుల్లోని పరికరాల వివరాలను పంపించాలని సూచించారు. తప్పనున్న ఇబ్బందులు ఖమ్మం జనరల్‌ ఆస్పత్రిలో ఏదైనా పరికరం మరమ్మతులకు గురైతే రోజుల తరబడి సేవలు నిలిచిపోతున్నాయి. దీంతో వైద్యం కోసం వచ్చే వారిలో కొందరు నిరీక్షించలేక ప్రైవేట్‌ డయాగ్నస్టిక్స్‌ సెంటర్లను ఆశ్రయిస్తున్నారు. పెద్దాస్పత్రిలో సిటీ స్కాన్‌, వెంటిలేటర్లు, ఎక్స్‌రే, ఆల్ట్రాసౌండ్‌, సీఆర్మ్‌ మిషన్లు, వార్మర్లు, ఫొటోథెరపీ, సీపాప్‌, ఆడియోమెట్రో వంటి పరికరాలు 200 వరకు ఉంటాయి. అలాగే ఎంఆర్‌ఐ త్వరలో అందుబాటులోకి రానుంది. వీటిని పర్యవేక్షణకు ఆస్పత్రిలో బయో మెడికల్‌ ఇంజనీర్‌ ఉన్నా, చిన్నపాటి మరమ్మతులకే జరుగుతున్నాయి. అవి కూడా ఒక్కోసారి వారం నుండి 10 రోజుల సమయం పడుతోంది. ప్రస్తుతం కాంట్రాక్టర్‌కు అప్పగించనుండడంతో ఏ యంత్రం పాడైనా సదరు కంపెనీ చూసుకుంటుందని సూపరింటెండెంట్‌ నరేందర్‌ తెలిపారు. త్వరలో మరమ్మతుల బాధ్యత కాంట్రాక్టర్‌ పరిధిలోకి వెళ్లనుండగా, ఆపై వైద్య పరీక్షలు ఎలాంటి ఆటంకాలు ఎదురుకావని వెల్లడించారు.

ఎర్రుపాలెం: మండలంలోని జమలాపురం శ్రీ వేంకటేశ్వరస్వామి ఆలయంలో శనివారం ప్రత్యేక పూజలు జరిగాయి. తెల్లవారుజామునే స్వామి మూలవిరాట్‌తో పాటు ఆలయ ఆవరణ లోని శ్రీవారి పాదానికి అర్చకులు పంచామృతంతో అభిషేకం చేశారు. అలాగే, స్వామి, అలివేలు మంగ, పద్మావతి అమ్మవార్లను పట్టువస్త్రాలతో అలంకరించి పెద్దసంఖ్యలో హాజరైన భక్తుల సమక్షాన నిత్యకల్యాణం, పల్లకీ సేవ నిర్వహించారు. ఈఓ జగన్మోహన్‌రావు, వ్యవస్థాపక ధర్మకర్త ఉప్పల విజయదేవశర్మ, ప్రధాన అర్చకులు ఉప్పల శ్రీనివాసశర్మ, ఉద్యోగులు సోమయ్య, కృష్ణప్రసాద్‌ పాల్గొన్నారు. సివిల్స్‌ ఉచిత శిక్షణకు దరఖాస్తుల ఆహ్వానం ఖమ్మంమయూరిసెంటర్‌: సివిల్‌ సర్వీసెస్‌(ప్రిలిమ్స్‌, మెయిన్స్‌, ఇంటర్వ్యూ)కు సిద్ధమవుతున్న ఎస్టీ, ఎస్సీ, బీసీ అభ్యర్థులకు ఉచిత శిక్షణ ఇవ్వనున్నట్లు గిరిజన సంక్షేమ శాఖ ఉప సంచాలకులు ఫిరంగి తెలిపారు. గిరిజన సంక్షేమ శాఖ, గిరిజన సాంస్కృతిక పరిశోధన శిక్షణ సంస్థ, శ్రీరామ్స్‌ ఐఏఎస్‌ స్టడీ సర్కిల్‌ భాగస్వామ్యంతో హైదరాబాద్‌ రాజేంద్రనగర్‌లోని ఎస్టీ స్టడీ సర్కిల్‌లో ఈ శిక్షణ ఉంటుందని పేర్కొన్నారు. స్క్రీనింగ్‌ టెస్ట్‌ ద్వారా 100 మందిని ఎంపిక చేయనుండగా ఇందులో ఎస్టీలు 75మంది, ఎస్సీలు 15 మంది, బీసీలు 10 మందికి అవకాశం ఉంటుందని తెలిపారు. అలాగే, గత ఐదేళ్లలో ప్రిలిమ్స్‌ అర్హత సాధించిన ఎస్టీ అభ్యర్థులను మరో 20మందిని కూడా ఎంపిక చేయనున్నట్లు చెప్పారు. డిగ్రీలో కనీసం 50 శాతం మార్కులతో ఉత్తీర్ణత సాధించి, కుటుంబ వార్షికాదాయం రూ.3లక్షల్లోపు ఉండి 21 – 32 ఏళ్ల మధ్య వయసు కలిగిన వారు అర్హులు కాగా, దివ్యాంగులకు సడలింపు ఉంటుందని తెలిపారు. ఆసక్తి ఉన్న వారు https://welfare.sriramsias.com వెబ్‌సైట్‌ ద్వారా ఈనెల 23లోగా దరఖాస్తు చేసుకోవాలని డీడీ ఓ ప్రకటనలో సూచించారు. కలెక్టరేట్‌లో రేపటి ప్రజావాణి రద్దు ఖమ్మం సహకారనగర్‌: ప్రజా సమస్యల పరిష్కారం కోసం ప్రతీ సోమవారం కలెక్టరేట్‌లో నిర్వహించే ప్రజావాణి కార్యక్రమాన్ని ఈనెల 21వ తేదీన రద్దు చేసినట్లు కలెక్టర్‌ దివాకర ఒక ప్రకటనలో తెలిపారు. అయితే, మండల, డివిజన్‌ స్థాయిలో ప్రజావాణి యథావిధిగా కొనసాగుతుందని వెల్లడించారు. ప్రజలు ఈ విషయాన్ని గమనించి సహకరించాలని కలెక్టర్‌ కోరారు. రెండు రోజుల పాటు హబ్‌లో పరీక్షలకు బ్రేక్‌ ఖమ్మం వైద్యవిభాగం: జిల్లా జనరల్‌ ఆస్పత్రి ఆవరణలోని తెలంగాణ డయోగ్నస్టిక్‌ హబ్‌లో శనివారం నుంచి రెండు రోజుల పాటు సేవలు నిలిపివేస్తున్నట్లు సూపరింటెండెంట్‌ నరేందర్‌ తెలిపారు. హబ్‌లోని సిబ్బంది ఇన్‌ఫెక్షన్‌ బారిన పడుతున్నందున వైరస్‌ నిర్మూలనకు ఫ్యూమిగేషన్‌ చేపట్టినట్లు పేర్కొన్నారు. ప్రతీనెల హానికరమైన సూక్ష్మజీవుల నిర్మూలనకు రసాయనాలతో ఫ్యూమిగేషన్‌ చేయాల్సి ఉన్నా, చాన్నాళ్లుగా జరగకపోవడంతో సిబ్బందికి కళ్లు, చర్మ సమస్యలు ఎదురవుతున్నాయి. ఈమేరకు రెండు రోజుల పాటు సేవలు నిలిపివేసి ఫ్యూమిగేషన్‌ నిర్వహణకు నిర్ణయించారు. ఇందులో భాగంగా పరీక్షలు నిలిపివేయగా, సోమవారం నుంచి సేవలు యథావిధిగా కొనసాగుతాయని సూపరింటెండెంట్‌ తెలిపారు. బోధనపై ప్రత్యేక దృష్టి వైరా: జూనియర్‌ కాలేజీల విద్యార్థులకు బోధనపై అధ్యాపకులు ప్రత్యేక దృష్టి సారించాలని జిల్లా ఇంటర్‌ విద్యాశాఖాధికారి రవిబాబు సూచించారు. వైరా జూనియర్‌ కాలేజీని శనివారం ఆయన తనిఖీ చేశారు. ఈ సందర్భంగా అధ్యాపకులు, విద్యార్థుల హాజరును పరిశీలించాక అధ్యాపకులతో సమావేశమయ్యారు. సిలబస్‌ ఆధారంగా పాఠాలు బోధిస్తూ పరీక్షలకు ఇప్పటి నుంచే సన్నద్ధం చేయాలని తెలిపారు. కళాశాలలో అదనపు తరగతి గదుల నిర్మాణం అసంపూర్తిగా ఉన్న విషయాఇ్న ప్రభుత్వం దృష్టికి తీసుకెళ్తానని చెప్పారు. అనంతరం ఆయన కళాశాలలో మొక్క నాటారు. ప్రిన్సిపాల్‌ ఎల్‌.నవీన.జ్యోతి, ఏఓ శ్రీకాంత్‌, అధ్యాపకులు, సిబ్బంది పాల్గొన్నారు. హజ్‌ యాత్రికులకు వైద్యపరీక్షలు ఖమ్మం వైద్యవిభాగం: హజ్‌ వెళ్తున్న యాత్రికులకు శనివారం వైద్య పరీక్షలు నిర్వహించారు. ఖమ్మం జనరల్‌ ఆస్పత్రిలో ప్రత్యేక శిబిరం ఏర్పాటు చేయగా 40 మంది యాత్రికులు హాజరయ్యారు. వీరికి ఈసీజీ, టూడీ ఎకో, రక్త పరీక్షలు నిర్వహించి సర్టిఫికెట్లు జారీ చేశారు.

బోనకల్‌: గ్రామీణ ప్రాంతాల నిరుద్యోగ యువత పోలీస్‌, ఆర్మీ, పారామిలటరీ ఉద్యోగాలు సాధించేలా బోనకల్‌లో ఉచిత శిక్షణ ఇస్తున్నారు. గ్రామపంచాయతీ పాలకవర్గం ఆధ్వర్యాన ఎస్‌బీఐ ఫౌండేషన్‌ సహకారంతో శిక్షణ ఇస్తుండగా, పల్లె ప్రకృతి వనంలో శారీరక శిక్షణకు ప్రత్యేక ఏర్పాట్లు చేసినట్లు సర్పంచ్‌ బానోత జ్యోతి తెలిపారు. ఈ సందర్భంగా శనివారం ఆమె శిక్షణను పరిశీలించి వివరాలు వెల్లడించారు. గతంలోనూ ఎస్‌బీఐ ఫౌండేషన్‌ ఆధ్వర్యాన పది కంప్యూటర్లు సమకూర్చారని తెలిపారు. ఉపసర్పంచ్‌ బానోతు కొండ, భవిష్య ప్రాజెక్ట్‌ మేనేజర్‌ జి.శ్రీనివాస్‌, ఫీల్డ్‌ కోఆర్డినేటర్లు కె.వెంకటేశ్వరావు, జి.గోపి, కోచ్‌లు ఎం.డీ.అసద్‌, ఎం.కృష్ణమోహన్‌ పాల్గొన్నారు.

ఖమ్మంమయూరిసెంటర్‌: గణేష్‌ నిమజ్జనం ప్రశాంత వాతావరణంలో జరిగేలా పకడ్బందీ ఏర్పాట్లు చేయాలని కలెక్టర్‌ దివాకర టీ.ఎస్‌. అధికారులను ఖమ్మం కార్పొరేషన్‌ పరిధిలోని ధంసలాపురం చెరువు వద్ద నిమజ్జన ఏర్పాట్లను పోలీస్‌ కమిషనర్‌ సునీల్‌దత్‌, కేఎంసీ కమిషనర్‌ అభిషేక్‌ అగస్త్య, అదనపు కలెక్టర్‌ పి.శ్రీనివాసరెడ్డితో కలిసి కలెక్టర్‌ శనివారం పరిశీలించారు. ఈ సందర్భంగా సౌకర్యాల కల్పన, ట్రాఫిక్‌ నియంత్రణ, రూట్ల ఖరారుపై సూచనలు చేశారు. అన్ని శాఖల అధికారులు సమన్వయంతో పనిచేయాలని, బారికేడ్లు, క్రేన్లు, బోట్లు ఏర్పాటుచేసి గజ ఈతగాళ్లను నియమించాలని సూచించారు. భక్తులకు తాగునీరు సమకూర్చి, మెడికల్‌ క్యాంపులు ఏర్పాటుచేయాలని, పారిశుద్ధ్య కార్మికులను నియమించాలని తెలిపారు. ఈ కార్యక్రమంలో జిల్లా మత్స్య శాఖ అధికారి మల్లేశం, ఆర్‌డీఓ శ్రీనివాస్‌, తహసీల్దార్‌ జయచందర్‌, వివిధ శాఖల అధికారులు పాల్గొన్నారు.ధంసలాపురం చెరువును పరిశీలించిన కలెక్టర్‌, సీపీ

చింతకాని: చింతకాని గ్రామానికి చెందిన పలువురు దళిత మహిళలు శనివారం పురుగుల మందు డబ్బాలతో నిరసన తెలిపారు. బీఆర్‌ఎస్‌ ప్రభుత్వ హయాంలో దళితులకు ఇచ్చిన మూడెకరాల భూముల వద్దకు నిరసన తెలిపి మాట్లాడారు. గత ప్రభుత్వంలో హయాంలో దళితులకు మూడెకరాల భూమి పంపిణీ చేయగా, చింతకానిలో 24 ఎకరాలకు సంబంధించి కొందరికి అన్యాయం జరిగిందని తెలిపారు. ఈ విషయమై డిప్యూటీ సీఎం మల్లు భట్టి విక్రమార్క దృష్టికి తీసుకెళ్తే సమస్య పరిష్కరించమని ఉన్నతాధికారులను ఆదేశించినా నిర్లక్ష్యం వహిస్తున్నారని తెలిపారు. ఇకనైనా స్పందించకపోతే పురుగుల మందు తాగి ఆత్మహత్య చేసుకుంటామని వెల్లడించారు. 17మందిపై కేసు నమోదు చింతకానికి చెందిన 17 మంది ఎస్సీ మహిళలపై కేసు నమోదైంది. బీఆర్‌ఎస్‌ హయాంలో ఇచ్చిన భూమిలో నారపోగు వెంకట్రావమ్మ వరి నాట్లు వేయగా.. గ్రామానికి చెందిన మహిళలు ధ్వంసం చేశారు. అడ్డొస్తే పురుగుల మందు తాగుతామని బెదిరించారని, పొలాన్ని ధ్వంసం చేయడంతో రూ.95 వేలు నష్టం వాటిల్లిందని వెంకట్రావమ్మ ఫిర్యాదు చేసింది. దీంతో 17 మందిపై కేసు నమోదు చేసినట్లు ఎస్సై నరేష్‌ తెలిపారు. అధికార లాంఛనాలతో ఆర్‌ఐ అంత్యక్రియలు కారేపల్లి: నిజామాబాద్‌లో ఏఆర్‌ రిజర్వ్‌ ఇన్‌స్పెక్టర్‌గా విధులు నిర్వర్తిస్తున్న హనుమకొండ సతీష్‌ తుపాకీ మిస్‌ఫైర్‌ కావడంతో శుక్రవారం మృతి చెందిన విషయం విదితమే. ఈమేరకు ఆయన మృతదేహాన్ని స్వస్థలమైన కారేపల్లి మండలం శాంతినగర్‌కు శుక్రవారం రాత్రి తీసుకొచ్చారు. కాగా, శనివారం ఉదయం ఏఆర్‌ ఏసీపీ బి.కృష్ణ, ఆర్‌ఐ డి.హరికుమార్‌ ఆధ్వార్యన ఆయన కుటుంబానికి తక్షణ సాయంగా రూ.30వేలు అందజేశారు. అనంతరం అధికార లాంఛనాలతో సతీష్‌ అంత్యక్రియలు నిర్వహించారు. ఈ సందర్భంగా ఏసీపీ కృష్ణ మాట్లాడుతూ విధి నిర్వహణలో సతీష్‌ సేవలు మర్చిపోలేనివని, ఆయన అకాల మృతి కుటుంబానికే కాక పోలీసు శాఖకు తీరని లోటని తెలిపారు. ఈ కార్యక్రమంలో సీఐలు హనుమకొండ వెంకటేశ్వర్లు, తాటిపాముల సురేష్‌, పోలీసు ఉద్యోగులు, నాయకులు పెద్దబోయిన ఉమాశంకర్‌, అడపా పుల్లారావు, హనుమకొండ రమేష్‌, గుడిపూడి తిరుమలరావు తదితరులు పాల్గొన్నారు.