Eluru District Latest News

భీమడోలు: ఐసీఏఆర్‌ పీజీ ప్రవేశ పరీక్షల్లో భీమడోలుకు చెందిన పనస ఉదయలక్ష్మి జాతీయ స్థాయిలో 20వ ర్యాంకు, ఓబీసీ విభాగంలో 10వ ర్యాంకు సాధించింది. ప్లాంట్‌ బయోటెక్నాలజీ మేజర్‌ గ్రూపులో నిర్వహించిన పరీక్షల్లో సత్తాచాటి ఢిల్లీ అగ్రికల్చర్‌ వర్సిటీలో ఎంఎస్సీ(అగ్రికల్చర్‌) సీటు దక్కించుకుంది. బాపట్ల వ్యవసాయ వర్సిటీలో బీఎస్సీ పూర్తిచేసిన ఆమె వ్యవసాయ శాస్త్రవేత్త కావడమే లక్ష్యంగా ముందుకు సాగుతోంది. ఆమె తండ్రి ప్రసాద్‌ పోలీస్‌ హోంగార్డుగా పనిచేస్తున్నాడు. తాడేపల్లిగూడెం: సృజనాత్మక ఆలోచనలను విద్యార్థులు అంకుర సంస్థలుగా మలచుకోవాలని ఏపీ నిట్‌ డిజిగ్నేటెడ్‌ డైరెక్టర్‌ ప్రొఫెసర్‌ కె. వెంకటకృష్ణారావు కోరారు. ఏపీ నిట్‌లోని సంస్థాగత ఆవిష్కరణ మండలి (ఐఐసీ), రతన్‌ టాటా ఇన్నోవేషన్‌ హబ్‌ (రాజమహేంద్రవరం – ఆర్‌టీఐహెచ్‌) సంయుక్త ఆధ్వర్యంలో ఐదు రోజులపాటు నిర్వహించనున్న స్పార్క్‌ ఫ్యూచర్‌ ఫౌండర్స్‌ ఔత్సాహిక పారిశ్రామికవేత్తల శిక్షణ కార్యక్రమాన్ని సోమవారం బృందావన్‌ భవన్‌లో ఆయన ప్రారంభించారు. ఈ సందర్భంగా నిట్‌ రిజిస్ట్రార్‌ దినేష్‌ శంకరరెడ్డి మాట్లాడుతూ.. విద్యార్థుల ప్రతిభను వెలికితీసి, వారి ఆలోచనలకు ప్రోత్సాహం అందించేలా విద్యాసంస్థల్లో ఆవిష్కరణల వాతావరణాన్ని కల్పిస్తున్నామన్నారు. డీన్‌ రీసెర్చ్‌ అండ్‌ కన్సల్టెన్సీ ప్రొఫెసర్‌ జి. రవికిరణ్‌ శాస్త్రి మాట్లాడుతూ.. పరిశోధన, ఆవిష్కరణలు, పరిశ్రమల మధ్య సమన్వయం ఎంతో అవసరమని పేర్కొన్నారు. ఐఐసీ అధ్యక్షుడు డాక్టర్‌ వి. సందీప్‌ మాట్లాడుతూ.. విద్యార్థుల్లో ఆవిష్కరణలు, ఔత్సాహిక పారిశ్రామికవేత్తల సంస్కృతిని పెంపొందించేందుకు ఐఐసీ నిరంతరం కార్యక్రమాలు నిర్వహిస్తోందన్నారు. ఆర్‌టీఐహెచ్‌ రాజమండ్రి ఇన్నోవేషన్‌ హెడ్‌ డాక్టర్‌ చంద్రప్రకాశ్‌ మాట్లాడుతూ.. విద్యార్థుల ప్రారంభ దశ ఆలోచనలను గుర్తించి, వాటిని మెరుగుపరిచి మార్కెట్‌ అవసరాలకు అనుగుణంగా అభివృద్ధి చేయడానికి ఈ కార్యక్రమం ఎంతగానో ఉపయోగపడుతుందని తెలిపారు. ఈ కార్యక్రమంలో ఐఐసీ సమన్వయకర్త టి. కార్తికేయశర్మ, డీన్‌ స్టూడెంట్స్‌ వెల్ఫేర్‌ హిమబిందు, ఆచార్యులు పాల్గొన్నారు.

పోలవరం రూరల్‌: పోలవరం జల విద్యుత్‌ కేంద్రం నిర్మాణ పనుల్లో ముందడుగు పడింది. ప్రాజెక్టు పరిధిలోని తొలి యూనిట్‌లో కీలకమైన స్టాటర్‌ ఏర్పా టు ప్రక్రియను ఏపీ జెన్‌కో, నిర్మాణ సంస్థ ఇంజ నీరింగ్‌ బృందాలు సోమవారం లాంఛనంగా ప్రా రంభించాయి. దీంతోపాటు రోటర్‌ బిగింపు పనులకు కూడా శ్రీకారం చుట్టారు. ఏపీ జెన్‌కో (హైడల్‌) విభాగం డైరెక్టర్‌ సుజయ్‌కుమార్‌, నిర్మాణ సంస్థ మేఘా ఇంజనీరింగ్‌ అండ్‌ ఇన్ఫ్రాస్ట్రక్చర్‌ లిమిటెడ్‌ (ఎంఈఐఎల్‌) చీఫ్‌ ఆపరేటింగ్‌ ఆఫీసర్‌ సతీష్‌బాబు అంగర, ఎంఈఐఎల్‌ జనరల్‌ మేనేజర్‌ ప్రసేన్‌జిత్‌ మజుందార్‌, ఏపీ జెన్‌కో సీఈలు రవీంద్రరెడ్డి, విశ్వేశ్వరరావు తదితరులు క్షేత్రస్థాయిలో పాల్గొని నిర్మాణ పురోగతిని, పరికరాల అమరిక నాణ్యతా ప్రమాణాలను పరిశీలించారు. పోలవరం జల విద్యుత్‌ కేంద్రంలో మొత్తం 12 యూనిట్లను నిర్మిస్తున్నారు. ప్రతి యూనిట్‌ ద్వారా 80 మెగావాట్ల చొప్పున మొత్తం 960 మెగావాట్ల విద్యుత్‌ను ఉత్పత్తి చేయాలనేది ప్రణాళిక అని అధికారులు తెలిపారు.

వృద్ధులే లక్ష్యంగా ఫేస్‌బుక్‌ వేదికగా ఎరవేసి, అదును చూసి హనీట్రాప్‌ చేసి దండుకుంటున్న వ్యక్తిని పోలీసులు అరెస్ట్‌ చేశారు. 8లో uమా తాతముత్తాతల కాలం నుంచి ఈ భూముల మీదే బతుకుతున్నాం. మా ఊళ్ల ను శ్మశానాలుగా మార్చే ఈ ప్రాజెక్టు మాకొద్దు. ప్రాజెక్టు వల్ల పర్యావరణానికి ఏం జరుగుతుందో ఒక్కరూ చెప్పట్లేదు. అడిగితే దాటవేస్తున్నారు. ప్రాణాలు పోయినా మా భూములను ఇచ్చేది లేదు. కోర్టులకై నా వెళ్లి మా నేలను కాపాడుకుంటాం. – యర్రంశెట్టి రామకృష్ణారావు, రైతు, సుబ్బారాయుడుగూడెం కంపెనీ వాళ్లు 8,500 ఎకరాలు మాత్రమే తీసుకుంటామని చెబుతున్నారు. అయితే భూ గర్భంలో మంటలు పెట్టి గ్యాస్‌ తీస్తే ఆ పక్కనున్న వే లాది ఎకరాల భూములు, భూగర్భ జలాలు నాశనం కావా? చుట్టుపక్కల ఊళ్లన్నీ రోగాల బారిన పడవా? గ్రామసభ పెట్టి అభిప్రాయం తీసుకోకుండా ఎలా ముందుకు వెళతారు. – ఆది హరికృష్ణ, రైతు, శెట్టివారిగూడెం

పాలకొల్లు సెంట్రల్‌: భార్యపై కక్ష పెంచుకుని బీరు సీసాతో కిరాతకంగా దాడి చేసిన ఘటన కలకలం రేపింది. బాధితురాలు తెలిపిన వివరాల ప్రకారం లక్ష్మీనగర్‌కు చెందిన డి. కుమారికి రమేష్‌తో 15 ఏళ్ల క్రితం వివాహం కాగా, వారికి ముగ్గురు ఆడపిల్లలు ఉన్నారు. భర్త మద్యానికి బానిస కావడంతో ఇద్దరూ గత రెండేళ్లుగా విడిగా ఉంటున్నారు. సోమవారం మధ్యాహ్నం కుమారి తన చెల్లెలితో కలిసి మారుతి సెంటర్‌లోని సినిమా థియేటర్‌కు మధ్యాహ్నం 2 గంటల షోకి వెళ్లింది. సినిమా ముగించుకుని బయటకు వస్తుండగా, థియేటర్‌ గేటు వద్దే కాపు కాచిన రమేష్‌ ఆమె వద్దకు వచ్చాడు. ముందుగా తన వద్ద ఉన్న బీరు సీసాతో తన తలపైన కొట్టుకుని, ఆపై అదే సీసాతో ఆమె వీపు, మెడపై విచక్షణారహితంగా పొడిచాడు. ఆమె తప్పించుకునే ప్రయత్నం చేయడంతో భుజంపై తీవ్ర గాయమైంది. ఆ తర్వాత నిన్ను పొడిచేశాను, ఇక వెళ్లిపోదాం రా అంటూ నిందితుడు అక్కడి నుంచి పరారయ్యాడు. బాధితురాలిని స్థానికులు 108 ప్రభుత్వ ఆసుపత్రికి తరలించారు.

ఏలూరు (టూటౌన్‌): దాదాపు 16 ఏళ్లుగా పారా మెడికల్‌ పోస్టులకు తగినంతగా రెగ్యులర్‌ నియమకాలు జరగకపోవడంతో అర్హులైన వారు కూడా కాంట్రాక్ట్‌ ఉద్యోగులుగానే ఉండిపోతున్నారని ఆంధ్రప్రదేశ్‌ మెడికల్‌, హెల్త్‌ కాంట్రాక్ట్‌ జాయింట్‌ యాక్షన్‌ కమిటీ తెలిపింది. సోమవారం కలెక్టరేట్‌ వద్ద ఉద్యోగులు ధర్నా చేశారు. కమిటీ సభ్యులు మాట్లాడుతూ రాష్ట్రంలోని ఆరోగ్య, వైద్య, కుటుంబ సంక్షేమ శాఖ పరిధిలో పనిచేస్తున్న సుమారు 14,600 మంది నర్సులు, ల్యాబ్‌ టెక్నీషియన్లు, ఫార్మన్‌ అధికారులు, ఇతర పారామెడికల్‌, అనుబంధ కాంట్రాక్ట్‌ ఉద్యోగులుగానే ఉండిపోయారన్నారు. సుదీర్ఘకాలంగా నిరంతర సేవలందిస్తున్న కాంట్రాక్ట్‌ ఉద్యోగులను అనుభవం, నిరంతర సేవలను పరిగణనలోకి తీసుకుని రెగ్యులరైజ్‌ చేయాలన్నారు. 2018 నుంచి అమలులోకి వచ్చిన వేతన తగ్గింపును సమీక్షించాలన్నారు. నోటిఫికేషన్లు విడుదల చేసే ముందు అర్హులైన కాంట్రాక్ట్‌ ఉద్యోగులను పరిగణనలోకి తీసుకోవాలన్నారు. పెండింగ్‌లో ఉన్న డిమాండ్లపై చర్చించడానికి కమిటీ ప్రతినిధులతో సమావేశం ఏర్పాటు చేసి, నిర్దిష్ట కాలపరిమితిలో నిర్ణయం తీసుకోవాలన్నారు. అనంతరం కలెక్టర్‌ వెట్రిసెల్వికి వినతిపత్రం అందించారు.

భీమవరం అర్బన్‌: గ్యాస్‌ లీకై మంటల్లో చిక్కుకుని తీవ్ర గాయాల పాలైన వృద్ధురాలు చికిత్స పొందుతూ మృతి చెందింది. రూరల్‌ ఏఎస్సై వైవీ సత్యనారాయణ తెలిపిన వివరాల ప్రకారం కొత్తపూసలమర్రు గ్రామానికి చెందిన జల్లా మహలక్ష్మి (81) ఆదివారం తన పెద్దకూతురు ఇంటికి వెళ్లి 4 రోజులు ఉండి వచ్చి తన ఇంటి తలుపులు తీయగానే గ్యాస్‌ లీకై మంటలు వ్యాపించడంతో ఆ మంటల్లో చిక్కుకుని తీవ్ర గాయాలపాలైంది. ఆమెను మెరుగైన వైద్యం నిమిత్తం భీమవరం నుంచి ఏలూరు ప్రభుత్వాసుపత్రికి తరలించారు. అక్కడ చికిత్స పొందుతూ సోమవారం తెల్లవారుజామున మృతి చెందినట్లు ఏఎస్సై వైవీ సత్యనారాయణ తెలిపారు. ఈ ఘటనపై అనుమానాస్పద కేసు నమోదు చేసి దర్యాప్తు చేపట్టినట్లు వెల్లడించారు. నూజివీడు: మండలంలోని జంగంగూడెం పరిధిలో సోమవారం పిడుగు పడి పురిటిపాటి వెంకట రెడ్డి(70) అనే వృద్ధుడు మృతిచెందాడు. గేదెలు మేపుకునేందుకు జంగంగూడెంకు చెందిన వెంకటరెడ్డి పొలాల్లోకి గేదెలను తోలుకెళ్లాడు. మధ్యాహ్నం ఒంటి గంట సమయంలో ఉరుములు, మెరుపులతో జల్లులు పడగా అక్కడ అతనిపై పిడుగుపడి అక్కడికక్కడే మృతిచెందాడు. సమీపంలోని వారు చూసి సమాచారాన్ని గ్రామంలోని కుటుంబ సభ్యులకు తెలిపారు. మృతుడికి భార్య, ఇరువురు కుమార్తెలు ఉన్నారు. పిడుగుపడి వృద్ధుడు మృతిచెందడంతో గ్రామంలో విషాదఛాయలు నెలకొన్నాయి.

కలెక్టర్‌ నాగరాణి ఏలూరు (ఆర్‌ఆర్‌పేట): పీజీఆర్‌ఎస్‌, రెవెన్యూ క్లినిక్‌ల ద్వారా అందిన అర్జీలకు నాణ్యమైన పరిష్కారం చూపడానికి అధికారులు కృషి చేయాలని కలెక్టర్‌ కె.వెట్రిసెల్వి ఆదేశించారు. కలెక్టరేట్‌లో సోమవారం జిల్లాస్థాయి పీజీఆర్‌ఎస్‌లో భాగంగా ప్రజల నుంచి అర్జీలు స్వీకరించారు. క్షేత్రస్థాయిలో అర్జీదారులు ఎదుర్కొంటున్న అంశాలపై ప్రత్యేక దృష్టి సారించాలన్నారు. జేసీ ఎంజే అభిషేక్‌గౌడ, ఇన్‌చార్జి డీఆర్వో, ఎస్సీ కార్పొరేషన్‌ ఈడీ ఎం.ముక్కంటి, విజిలెన్స్‌ స్పెషల్‌ డిప్యూటీ కలెక్టర్‌ ఎల్‌.దేవకీదేవి పాల్గొన్నారు. అర్జీల్లో కొన్ని.. కామవరపుకోట మండలం సాగిపాడుకి చెందిన గోగు చినమంగమ్మ 170/1 సర్వే నంబర్‌లోని 80 సెంట్ల భూమిని హద్దులు నిర్ణయించి అప్పగించాలని కోరారు. పెదవేగి మండలం చక్రాయగూడేనికి చెందిన గారపాటి కనకదుర్గ సునీత తమ భూమి సర్వే చేసి పట్టాదారు పాసు పుస్తకం ఇప్పించాలని అర్జీ సమర్పించారు. ముదినేపల్లి మండలం పెయ్యేరుకి చెందిన కొట్టి బేబీషాలిని తన సోదరుడు కారుణ్య నియామకం కింద ఉద్యోగం పొందాడని, అయితే తనను, తల్లిని చూడటం లేదని, తల్లి చనిపోయినా పట్టించుకోలేదని న్యాయం చేయాలని కోరారు. జంగారెడ్డిగూడెం మండలం కేతవరానికి చెందిన వామశెట్టి మణెమ్మ పక్కా ఇంటి కోసం అర్జీ అందజేశారు. చింతలపూడి మండలం రేచర్లకి చెందిన నండ్రు మధుసూదనరావు ఇంటి నిర్మాణం పూర్తిచేసి చేసి నాలుగేళ్లు అయినా బిల్లులు రాలేదని, మంజూరు చేయాలని కోరారు.

చింతలపూడి : పశుగ్రాసం పెంపకంలో మెలకువలు పాటించాలి. రైతులకు వ్యవసాయంతో పాటు పశుపోషణ ఆర్థికంగా ఎంతో తోడ్పాటునిస్తుంది. ఈ నేపథ్యంలో పశుపోషణలో పశుగ్రాసం కీలక పాత్ర పోషిస్తుంది. మెట్ట ప్రాంతాల్లో పాడి పశువులను పెంచుకునే రైతులు పశుగ్రాసం పండించడంలో మెలకువలు తెలుసుకుంటే మేలు జరుగుతుందని వ్యవసాయ సహాయ సంచాలకులు వై. సుబ్బారావు తెలియజేస్తున్నారు. ప్రస్తుత ఏడాది వాతావరణ ప్రతికూల పరిస్థితుల నేపథ్యంలో భవిష్యత్తులో పశువులకు పశుగ్రాస కొరత ఏర్పడే ప్రమాదం ఉంది. ఈ దశలో గ్రామీణ ప్రాంతాల్లో పాడిని నమ్ముకున్న రైతులు ఆందోళన చెందాల్సిన అవసరం లేదని, పశుపోషణలో 70 శాతం ఖర్చు మేతకే అవుతుందని తెలిసిందేనని ఆయన పేర్కొన్నారు. ఈ సమస్యను అధిగమించేందుకు ప్రభుత్వం సబ్సిడీపై పశుగ్రాస విత్తనాలను రైతులకు సరఫరా చేస్తున్నట్లు చెప్పారు. పశుగ్రాసం పండించుకుంటే.. వర్షాకాలంలో పశుగ్రాసం పండించుకుంటే వేసవిలో పశువుల పోషణకు ఎలాంటి ఇబ్బంది ఉండదని ఆయన సూచిస్తున్నారు. పండ్ల తోటల్లోని మొక్కల మధ్య ఖాళీ ప్రదేశాల్లో పప్పుజాతి పశుగ్రాసాలైన అలసంద, ఉలవ, పిల్లిపెసర, జనుము, మొక్కజొన్న వంటి పంటలను సాగు చేయడం ద్వారా పశుగ్రాస కొరతను అధిగమించవచ్చు. అంతేకాకుండా, దీనివల్ల భూమిలో నత్రజని స్థిరీకరించబడి భూసారం పెరిగే అవకాశాలు కూడా ఉంటాయి. జనుము ఇది కాయజాతి పశుగ్రాసం. అన్ని నేలల్లోనూ, అన్ని కాలాల్లోనూ కొద్దిపాటి నీటితో దీన్ని పండించుకోవచ్చు. ఎకరానికి 12 కిలోల విత్తనాలను 50 కిలోల సూపర్‌ఫాస్ఫేట్‌తో కలిపి చల్లాలి. విత్తిన తర్వాత 40 నుంచి 50 రోజులకు ఇది కోతకు వస్తుంది. ఈ మేతను పూత దశలో కోసి ఎండుమేతగా వినియోగించుకుంటే పశువులకు ఎంతో ఉపయోగకరంగా ఉంటుంది. పిల్లిపెసర వరి సాగు చేసే అన్ని భూముల్లోనూ అంతర పంటగా దీన్ని సాగు చేసుకోవచ్చు. సాధారణ భూముల్లో పచ్చిరొట్ట ఎరువుగా వాడినట్లయితే భూమికి మంచి బలం చేకూరుతుంది. శీతాకాలంలో రబీ పంటగానూ ఈ పశుగ్రాసాన్ని సాగు చేసుకోవచ్చు. ఈ పశుగ్రాసం వేర్లలో ఉండే నత్రజని బుడిపెలు భూమిని మరింత సారవంతం చేస్తాయి. వరి పంట కోయడానికి 3 నుంచి 4 రోజుల ముందు (భూమిలో తేమ ఉన్నప్పుడే) ఎకరానికి 10–15 కిలోల విత్తనాలను 50 కిలోల సూపర్‌ఫాస్ఫేట్‌తో కలిపి చల్లుకోవాలి. 50 రోజుల్లో కోతకు వచ్చే ఈ పశుగ్రాసం ద్వారా ఎకరానికి 10 నుంచి 12 టన్నుల పచ్చిమేత లభిస్తుంది. ఇతర రకాలు పశుగ్రాస మొక్కజొన్నలో ఆఫ్రికన్‌ టాల్‌, జె–1006, విజయ కాంపోజిట్‌ రకాలు 85 రోజుల్లో ఒకేసారి కోతకు వస్తాయి. వీటిని పండ్ల తోటలు, పామాయిల్‌ తోటల్లో కూడా సాగు చేసుకోవచ్చు. ఇవి రైతులకు అధిక పశుగ్రాస దిగుబడులను అందిస్తాయి. ఇక పప్పుజాతి రకాలైన అలసందలు (బొబ్బర్లు) – రష్యన్‌ జైంట్‌, బుందేల్‌ లోబియ–1, 2, ఈసీ 4216–5287, కేబీసీ–2 మొదలైన రకాలు 55 నుంచి 60 రోజుల్లో ఒకే కోతలో నాణ్యమైన పశుగ్రాసాన్ని అందిస్తాయి. వై సుబ్బారావు,వ్యవసాయ శాఖ అసిస్టెంట్‌ డైరెక్టర్‌

ఏలూరు (టూటౌన్‌): ఏజెన్సీ ప్రాంతంలోని గిరిజనులు, గిరిజన నాయకులపై బనాయించిన అక్రమ కేసులు, తెల్లం రామకృష్ణ, అందుగుల ఫ్రాన్సిస్‌, తెల్లం దుర్గారావులపై పెట్టిన అక్రమ రౌడీషీట్లు తక్షణమే ఎత్తివేయాలని, 1/70 చట్టం, ఎల్‌టిఆర్‌. చట్టాలను అమలు చేయాలని, సాగులో ఉన్న గిరిజనులను రెవెన్యూ రికార్డుల్లోకి ఎక్కించాలని, సాగు పట్టాలు ఇవ్వాలని, ఏజెన్సీ భూ సమస్యల్లో పోలీసుల జోక్యాన్ని నివారించాలని సీపీఎం రాష్ట్ర కార్యదర్శివర్గ సభ్యులు వై.వెంకటేశ్వరరావు, బి.బలరాం డిమాండ్‌ చేశారు. సోమవారం స్థానిక కలెక్టరేట్‌ వద్ద ఏజెన్సీ మండలాల నుంచి వందలాది మందితో మహాధర్నా నిర్వహించారు. సీపీఎం జిల్లా కార్యదర్శివర్గ సభ్యుడు కె.శ్రీనివాస్‌ అధ్యక్షత వహించారు. గిరిజన చట్టాలను సక్రమంగా అమలు చేయండి అని అడిగినందుకు దుర్మార్గపూరితంగా అక్రమ కేసులు పెట్టి, రౌడీషీటర్లుగా ముద్రవేసి జైళ్లకు పంపుతున్నారని అక్రోశం వ్యక్తం చేశారు. ప్రజావ్యతిరేక విధానాలు మానుకోకపోతే రాబోయే రోజుల్లో ప్రజ లే ఈ ప్రభుత్వాన్నికి గట్టి బుద్ధి చెబుతామన్నారు. అనంతరం కలెక్టర్‌ వెట్రిసెల్వికి వినతిపత్రం అందించగా.. త్వరలో తహసీల్దార్‌ సమక్షంలో రెవెన్యూ అధికారులతో కలిసి సమావేశం ఏర్పాటు చేస్తామని హామీ ఇచ్చారన్నారు.జిల్లా కార్యదర్శి ఆర్‌.లింగరాజు, జిల్లా కార్యదర్శివర్గ సభ్యులు తెల్లం రామకృష్ణ, డీఎన్‌వీడీ ప్రసాద్‌, మొడియం నాగమణి తదితరులు పాల్గొన్నారు.

ఉంగుటూరు: గోపినాథపట్నం గ్రామ శివారులోని అటవీ ప్రాంతంలో పేకాట ఆడుతున్న వారిపై ఎస్సై సూర్యభగవాన్‌ ఆధ్వర్యంలో పోలీసులు దాడులు నిర్వహించారు. పక్కా సమాచారంతో చేపట్టిన ఈ దాడిలో ఏడుగురు వ్యక్తులను అదుపులోకి తీసుకున్నారు. వారి నుంచి రూ.1,70,500 నగదు, 5 మోటార్‌ సైకిళ్లు, 7 సెల్‌ఫోన్లను స్వాధీనం చేసుకున్నట్లు పోలీసులు తెలిపారు. ఈ ఘటనపై కేసు నమోదు చేసి, నిందితులను కోర్టులో హాజరుపరచనున్నట్లు వెల్లడించారు. మరికొన్ని గ్రామాల్లో కూడా పేకాట విచ్చలవిడిగా జరుగుతున్నట్లు సమాచారం ఉంది. భీమవరం: అదనపు కట్నం వేధింపులకు ఓ వివాహిత బలవన్మరణానికి పాల్పడింది. టూటౌన్‌ ఎస్సై కె. రామారావు తెలిపిన వివరాల ప్రకారం.. హైదరాబాద్‌కు చెందిన మందపాటి చిరంజీవి వేణుగోపాల కృష్ణంరాజు కుమార్తె మృణాళిని (26)కి, భీమవరానికి చెందిన నంబూరి బాలసుబ్రహ్మణ్యంతో ఆరు నెలల క్రితం వివాహం జరిగింది. ప్రస్తుతం వీరు భీమవరం ఆదర్శనగర్‌లోని ఒక అపార్ట్‌మెంట్‌లో నివసిస్తున్నారు. మృణాళిని తండ్రి కృష్ణంరాజు భీమవరం వచ్చి, ఆదివారం రాత్రి హైదరాబాద్‌కు బయలుదేరి వెళ్లారు. ఆయన విజయవాడ చేరుకునేసరికి (రాత్రి 12:30 గంటల ప్రాంతంలో) కృష్ణంరాజు బంధువులు ఫోన్‌ చేసి, మృణాళిని ఉరివేసుకుని ఆత్మహత్యకు పాల్పడిందని తెలిపారు. దీంతో ఆయన హుటాహుటిన వెనుతిరిగి వచ్చారు. ఈ లోపు బంధువుల సహాయంతో ఆమెను ప్రైవేట్‌ ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. భర్త ఇంట్లోనే ఉండగానే ఆమె ఉరివేసుకోవడంపై పలు అనుమానాలు వ్యక్తమవుతున్నాయి. మృతురాలి తండ్రి ఫిర్యాదు మేరకు ఎస్సై రామారావు కేసు నమోదు చేసి, మృతదేహానికి ప్రభుత్వ ఆసుపత్రిలో పోస్టుమార్టం నిర్వహించినట్లు తెలిపారు.

జంగారెడ్డిగూడెం(చింతలపూడి): స్థానిక గోకుల తిరుమల పారిజాతగిరి వేంకటేశ్వరస్వామి దేవస్థానంలో సోమవారం సాయంత్రం పవిత్రోత్సవాలు ప్రారంభమయ్యాయి. ఈనెల 8వ తేదీ మధ్యాహ్నం వరకు కొనసాగనున్నాయి. రాజమండ్రికి చెందిన పానంగిపల్లి సత్య పవన్‌ కుమార్‌ ఆచార్యులు యజ్ఞ బ్రహ్మగా వ్యవహరించగా, ప్రధానార్చకులు నల్లూరి రవికుమార్‌ ఆచార్యుల ఆధ్వర్యంలో విశేష పూజలు చేశారు. సంవత్సర కాలంలో ఆలయంలో జరిగే పూజల్లో, నివేదనల్లో తెలిసికానీ తెలియకకానీ జరిగే దోషాలకు ప్రాయశ్చిత్తంగా పవిత్రోత్సవాలు నిర్వహిస్తామని అర్చకులు తెలిపారు. ఆలయ ధర్మకర్తల మండలి చైర్మన్‌ అల్లూరి రామకృష్ణ, ధర్మకర్త కొప్పుల నాగ సురేంద్రతో కలిసి ఆలయ కార్యనిర్వహణాధికారి (ఈవో) మానికల రాంబాబు పర్యవేక్షించారు.

పశుగ్రాసం పెంపకంలో.. రైతులు పశుగ్రాసం పెంపకంలో మెలకువలు పాటించాలని వ్యవసాయ అధికారులు సూచిస్తున్నారు. సబ్సిడీపై విత్తనాలు అందిస్తున్నామన్నారు. 8లో uమంగళవారం శ్రీ 6 శ్రీ అక్టోబర్‌ శ్రీ 2026చింతలపూడి: చింతలపూడి నియోజకవర్గంలోని రేచర్ల పరిసర ప్రాంతాల్లో కేంద్ర ప్రభుత్వం ప్రతిపాదించిన అండర్‌ గ్రౌండ్‌ కోల్‌ గ్యాసిఫికేషన్‌ (యూసీజీ) ప్రాజెక్టు తీవ్ర వివాదాస్పదంగా మారింది. తమ పచ్చని పంట పొలాలను బొగ్గు గనుల ప్రయోగాలకు బలిపీఠం చేయొద్దంటూ రైతులు నిరసన బాట పట్టారు. అధికారుల ఏకపక్ష వైఖరి, కార్పొరేట్‌ సంస్థల గుట్టుచప్పుడు కాని వ్యవహారాలపై మండలంలో తీవ్ర ఉద్రిక్త పరిస్థితులు నెలకొన్నాయి. రసాభాసగా అవగాహన సదస్సు వెంకటాపురం గ్రామంలో ఈనెల 1న రెవెన్యూ అధికారులు, రిలయన్స్‌ ప్రతినిధులు సంయుక్తంగా నిర్వహించిన అవగాహన సదస్సు తీవ్ర నిరసనల మధ్య రద్దయింది. చట్టబద్ధంగా గ్రామసభ నిర్వహించి తమ అభిప్రాయాలు సేకరించాలని రైతులు పట్టుబట్టగా, అధికారులు అందుకు విరుద్ధంగా ప్రాజెక్టుపై పవర్‌ పాయింట్‌ ప్రజంటేషన్‌ ఇచ్చేందుకు ప్రయత్నించారు. దీంతో ఆగ్రహించిన అన్నదాతలు అధికారులను అడ్డుకున్నారు. ‘మా భూములపై నిర్ణయం తీసుకునే హక్కు మాకుంది’, ‘యూసీజీ గో బ్యాక్‌’ అంటూ పెద్దపెట్టున నినా దాలు చేశారు. దీంతో చేసేది లేక నూజివీడు సబ్‌ కలెక్టర్‌ వినూత్న, తహసీల్దార్‌ దొర, రిలయన్స్‌ ప్రతినిధులు వెనుదిరిగారు. పర్యావరణ ప్రభావంపై దాగుడుమూతలు గ్రామసభలో 80 శాతం మంది ప్రజల ఆమోదం ఉంటేనే ప్రాజెక్టుకు అనుమతి ఇవ్వాలని, లేకుంటే రద్దు చేయాలని రైతులు డిమాండ్‌ చేస్తున్నారు. అయితే కేంద్ర ప్రభుత్వం అనుమతి ఇస్తే ఇక గ్రామసభలతో నిమిత్తం ఉండదంటూ అధికారులు దాటవేత ధోరణి ప్రదర్శించడంపై సర్వత్రా విమర్శలు వ్యక్తమవుతున్నాయి. ఇంతవరకు ప్రాజెక్టుకు సంబంధించిన సమగ్ర ప్రాజెక్టు నివేదిక (డీపీఆర్‌)ను ఎందుకు బహిర్గతం చేయలేదని రైతులు నిలదీస్తున్నారు. భూసేకరణ పరిధి 8,500 ఎకరాలే అని సంస్థ చెబుతున్నా భూగర్భంలో బొగ్గును అధిక ఉష్ణోగ్రతల వద్ద మండించడం వల్ల వెలువడే తీవ్ర వేడి, రసాయనాలు పరిసరాల్లోని వేలాది ఎకరాల సారవంతమైన నేలను నిస్సారంగా మారుస్తాయని వ్యవసాయ నిపుణులు హెచ్చరిస్తున్నారు. భూగర్భ జలాలు విషతుల్యమై గ్రామాలు ఖాళీ చేయాల్సి వస్తుందని ప్రజలు భయాందోళన చెందుతున్నారు. ప్రపంచవ్యాప్తంగా చాలా దేశాల్లో ఇలాంటి ప్రాజెక్టు వల్ల తీవ్ర నష్టాలు వాటిల్లిన దాఖలాలు ఉండటంతో ఇక్కడ అనుమతించే ప్రసక్తే లేదని స్పష్టం చేస్తున్నారు. కార్పొరేట్‌ ఒత్తిళ్లు.. న్యాయపోరాటానికి సన్నద్ధం గత మే నెలలోనే ఈ ప్రాజెక్టుకు సంబంధించి కేంద్ర కేబినెట్‌ ఏకంగా రూ.37,500 కోట్ల సబ్సిడీకి ఆమోదం తెలపడంతో, ఎట్టి పరిస్థితుల్లోనూ ప్రాజెక్టును ముందుకు తీసుకెళ్లాలనే పట్టుదలతో పాలకులు ఉన్నట్టు తెలుస్తోంది. అటు కేంద్ర, రాష్ట్ర పాలకుల నుంచి రైతులకు మద్దతు కరువవడంతో పాలకులు తమ గోడు వినకపోతే న్యాయస్థానాన్ని ఆశ్రయించి స్టే తెచ్చుకోవడమే శరణ్యమని రైతులు నిర్ణయించుకున్నారు. నేలతల్లిపై నిప్పుల కుంపటి రిలయన్స్‌ యూసీజీ ప్రాజెక్టుపై ఆగ్రహం గ్రామసభ లేకుండా ముందుకెళ్లేది లేదని తెగేసి చెప్పిన రైతులు న్యాయపోరాటానికి సిద్ధం చింతలపూడి బ్లాక్‌లో 1,200 హెక్టార్ల విస్తీర్ణంలో 904.94 మిలియన్‌ టన్నుల ఎ–12 రకం బొగ్గు ఉన్నట్టు గుర్తించారు. రేచర్ల బ్లాక్‌లో 2,225 హెక్టార్ల విస్తీర్ణంలో 2,225.67 మిలియన్‌ టన్నుల ఎ–13 రకం బొగ్గు నిల్వలు ఉన్నాయి. మొత్తం రెండు బ్లాకుల్లో కలిపి ఏకంగా 3,130.61 మిలియన్‌ టన్ను ల బొగ్గు నిక్షేపాలు ఉన్నట్టు అధికారులు నిర్ధారించారు. వీటిని రిలయన్స్‌ సంస్థకు కేటాయించారు.

ద్వారకాతిరుమల: రాష్ట్ర దేవదాయ శాఖ కమిషనర్‌ ఆదేశాల మేరకు శ్రీవారి ఆలయానికి ఉపాలయమైన శ్రీ భ్రమరాంబ మల్లేశ్వరస్వామి వారి ఆలయం(శివాలయం)లో ఈ నెల 6 నుంచి 8 వరకు వరుణ జపాలు, సహస్ర ఘటాభిషేకం, వరుణ యాగం, హోమాది కార్యక్రమాలు నిర్వహించనున్నట్టు ఆలయ ఈఓ వేండ్ర త్రినాధరావు తెలిపారు. వర్షాలు సమృద్ధిగా కురవాలని ఆకాంక్షిస్తూ శాస్త్రోక్తంగా ఈ పూజలు జరుపుతామని ఆయన పేర్కొన్నారు. భక్తులు అధిక సంఖ్యలో పాల్గొని స్వామివారి కృపకు పాత్రులు కావాలని ఆయన కోరారు. కార్యక్రమాలు ఇలా.. ● 6న ఉదయం 6.54 గంటలకు గణపతి పూజతో కార్యక్రమాలు ప్రారంభించి వరుణ జపాలు నిర్వహిస్తారు. ● 7న ఉదయం 8 గంటలకు మండప పూజలు, వరుణ జపాలతో పాటు వారుణ సువాక, శత సువాక, రుద్ర పారాయణలు నిర్వహిస్తారు. ● 8న ఉదయం 8 గంటలకు మూలవిరాట్‌కు సహస్ర ఘటాభిషేకం నిర్వహిస్తారు. ఉదయం 11 గంటలకు వరుణ యాగం, హోమం, సాయంత్రం 4 గంటలకు మహా పూర్ణాహుతి, ఆశీర్వచనం కార్యక్రమాలు జరుపుతారు. నేటి నుంచి మూడు రోజులపాటు కార్యక్రమాలు

ఏలూరు (ఆర్‌ఆర్‌పేట): త్వరలో జరుగనున్న ఉభయగోదావరి జిల్లాలు, కృష్ణా, గుంటూరు జిల్లాల ఉపాధ్యాయ నియోజకవర్గం ఎన్నికలకు వైఎస్సార్‌ టీచర్స్‌ అసోసియేషన్‌ నాయకులు సిద్ధంగా ఉండాలని టీచర్స్‌ ఎమ్మెల్సీ కల్పలతా రెడ్డి పిలుపునిచ్చారు. విజయవాడ సీఎస్‌ఆర్‌ రెసిడెన్సిలో జరిగిన ఉభయగోదావరి జిల్లాలు, కృష్ణా, గుంటూరు జిల్లాల వైఎస్సార్‌ టీచర్స్‌ యూనియన్‌ నాయకులతో వైఎస్సార్‌ టీఏ అధ్యక్షుడు కె.జాల్‌ రెడ్డి అధ్యక్షతన నిర్వహించారు. ఈ సందర్భంగా ఆమె మాట్లాడు తూ అర్హత గల ఉపాధ్యాయులను ఓటర్లుగా న మోదు చేయించడానికి వైఎస్సార్‌టీఏ నాయకులు చొరవ చూపాలని దిశానిర్దేశం చేశారు. రాష్ట్ర ప్రధాన కార్యదర్శి షేక్‌ జంషెడ్‌, రాష్ట్ర అధికార ప్రతినిధి గడ్డం సుధీర్‌, రాష్ట్ర ఉపాధ్యక్షుడు కాకర శ్యామ్‌, పశ్చిమగోదావరి జిల్లా అధ్యక్ష, కార్యదర్శులు మొరాల సుధాకర్‌, యార్లపాటి రమేష్‌ బాబు, వైఎస్సార్‌టీఏ గౌరవ అధ్యక్షుడు ఎస్‌వీ జాకబాబు తదితరులు పాల్గొన్నారు. జంగారెడ్డిగూడెం(చింతలపూడి): స్థానిక ఛత్రపతి శివాజీ ప్రభుత్వ డిగ్రీ కళాశాలలో సోమవారం ప్రిన్సిపాల్‌ ఎన్‌.ప్రసాద్‌బాబు అధ్యక్షతన అర్థశాస్త్ర, వాణిజ్య శాస్త్ర విభాగాల ఆధ్వర్యంలో ‘కలరింగ్‌ లైవ్లీహుడ్స్‌’ (జీవనోపాధికి రంగులు అద్దటం) అంశంపై జాతీయ సదస్సు నిర్వహించారు. ఉన్నత విద్యామండలి ఆర్‌జేడీ పీవీ కృష్ణాజీ మాట్లాడుతూ సహజ రంగుల వినియోగం, స్థానిక వనరులను ప్రోత్సహించడం ద్వారా దేశ స్వయం సమృద్ధికి మార్గం సుగమమవుతుందన్నారు. ఐఐటీ తిరుపతి అసిస్టెంట్‌ ప్రొఫెసర్‌ డా. సంయుక్త భూపతిరాజు మాట్లాడుతూ రసాయనిక రంగుల వాడకం తగ్గించి పర్యావరణహిత ఉత్పత్తులకు ప్రాధాన్యమివ్వాలన్నారు. సెంట్రల్‌ యూనివర్సిటీ ప్రొఫెసర్‌ పీఏ నాయుడు, టిస్‌ సీఈఓ సుజయ్‌ దీక్షిత్‌, కన్వీనర్‌ బి.శ్రీనివాసరావు, ఐక్యూఏసీ కో–ఆర్డినేటర్‌ మర్రి వెంకటేశ్వరరావు తదితరులు పాల్గొన్నారు. ఏలూరు (ఆర్‌ఆర్‌పేట): ఉపాధ్యాయులకు స్పెషల్‌ టెట్‌ పరీక్షలు ఈనెల 11 నుంచి ప్రారంభమవుతాయని డీఈఓ ఎం.వెంకట లక్ష్మమ్మ ఓ ప్రకటనలో తెలిపారు. ఏలూరులోని సిద్ధార్థ క్వెస్‌ స్కూల్‌, సీఆర్‌ఆర్‌ ఇంజనీరింగ్‌లో పరీక్షలు జరుగుతాయన్నారు. సీఆర్‌ఆర్‌ ఇంజనీరింగ్‌లో 11న ఉదయం, మధ్యాహ్నం సెషన్లలో 400 మంది హాజరుకానున్నారన్నారు. సిద్ధార్థ క్వెస్ట్‌ స్కూల్‌లో ఈనెల 15 వరకు రెండు సెషన్లలో 1,700 మంది హాజరవుతారన్నారు. ఉద యం 9.30 గంటల నుంచి మధ్యాహ్నం 12 గంటల వరకూ, మధ్యాహ్నం 2.30 గంటల నుంచి సాయంత్రం 5 గంటల వరకూ పరీక్షలు జరుగుతాయన్నారు. మండవల్లి: మానవులు, జంతువుల సహజీవనంలో వన్యప్రాణుల సంరక్షణ కీలకమని అటవీ శాఖ కై కలూరు రేంజర్‌ కె.రామలింగాచార్యులు అన్నారు. వన్యప్రాణి వారోత్సవాల్లో భాగంగా సోమవారం దేవీ చింతపాడులో గ్రామస్తులకు అవగాహన కల్పించారు. ముందుగా గ్రామంలో వన్యప్రాణులను కాపాడుకుందాం – ప్రకృతిని పరిరక్షిద్దాం అనే నినాదాలతో ర్యాలీ చేపట్టారు. రేంజర్‌ మాట్లాడుతూ భారతదేశంలో వన్యప్రాణుల సంరక్షణ ప్రముఖ్యతను గుర్తించి, వాటి రక్షణ కోసం చట్టాలను తీసుకురావడానికి 1952లో మొదటిసారిగా ఇండియన్‌ బోర్డ్‌ ఫర్‌ వైల్డ్‌లైఫ్‌ వారోత్సవాలను ప్రారంభించిందన్నారు. అంతరించి పోతున్న జంతు జాతులు, పక్షుల రక్షణ అందరి బాధ్యతగా భావించాలని కోరారు. డెప్యూటీ రేంజర్‌ శేఖర్‌బాబు, మండవల్లి సెక్షన్‌ ఆఫీసర్‌ రాంబాబు, ఫారెస్టు బీట్‌ ఆఫీసర్లు, అసిస్టెంట్‌ బీట్‌ ఆఫీసర్లు, సిబ్బంది పాల్గొన్నారు.

బుట్టాయగూడెం: భారీ వర్షాల కారణంగా మూడు రోజులపాటు నిలిచిపోయిన గుబ్బల మంగమ్మ తల్లి దర్శనాలను తిరిగి ఆదివారం ప్రారంభించడంతో భక్తులు తెల్లవారుజాము నుంచే అమ్మవారిని దర్శించుకునేందుకు అధిక సంఖ్యలో తరలివచ్చారు. అమ్మవారికి ప్రత్యేక పూజలు చేసి దూపదీప నైవేద్యాలతో పూజలు చేసి మొక్కులు చెల్లించుకున్నారు. ద్విచక్ర వాహనాలు, ఆటోలు, ప్రత్యేక బస్సుల్లో భక్తులు అమ్మవారి సన్నిధికి చేరుకున్నారు. భక్తులకు ఎటువంటి ఇబ్బందులు కలుగకుండా ఆలయ కమిటీవారు బందోబస్తు నిర్వహించారు. కై కలూరు: పెద్దమ్మా.. పెద్దింట్లమ్మా.. నీ ఆశీస్సులు అందించమ్మా.. అంటూ భక్తులు అమ్మను ఆర్తితో వేడుకున్నారు. ఆదివారం సమీప జిల్లాల నుంచి పెద్ద ఎత్తున తరలివచ్చిన భక్తులు కొల్లేటికోట పెద్దింట్లమ్మను దర్శించుకున్నారు. పవిత్ర కోనేరులో స్నానాలు ఆచరించి అమ్మకు వేడి నైవేద్యాలను సమర్పించారు. ఆలయ ఉప ప్రధాన అర్చకులు పేటేటి పరమేశ్వరశర్మ పూజా కార్యక్రమాలు నిర్వహించారు. ఈ సందర్భంగా ఆలయ ఈవో కూచిపూడి శ్రీనివాసు మాట్లాడుతూ ఒక్క ఆదివారం రోజున ప్రత్యేక, అంతరాలయ దర్శనాలు, కేశఖండన, పెద్ద, చిన్న తీర్థాలు, లడ్డూ ప్రసాదం, గదుల అద్దెలు, అమ్మ చిత్రపటాల విక్రయం, వాహన పూజలు, విరాళాల ద్వారా రూ.57,670 ఆదాయం వచ్చిందన్నారు. భక్తులకు అన్ని సౌకర్యాలు కల్పించామని తెలిపారు.

● డ్వాక్రా రుణాలపై ఆరోపణలు ● ఉన్నతాధికారుల విచారణకు డిమాండ్‌ కుక్కునూరు: డ్వాక్రా మహిళల ఆర్థికాభివృద్ధికి అండగా నిలవాల్సిన వెలుగు శాఖలో రుణాల మంజూరు, నగదు లావాదేవీలపై పలు ఆరోపణలు వెల్లువెత్తుతున్నాయి. ముఖ్యంగా, వింజరం పంచాయతీ పరిధిలోని సుమారు 20 డ్వాక్రా సంఘాలకు శ్రీనిధి, ఉన్నతి రుణాలు మంజూరు కాకపోవడంపై మహిళలు అనుమానాలు వ్యక్తం చేస్తున్నారు. ఏదో ఆశించి రుణాల మంజూరులో జాప్యం చేస్తున్నారన్న ఆరోపణలు వినిపిస్తున్నాయి. శ్రీనిధి రుణాలలోనూ ఆరోపణలు మరోవైపు, మర్రిపాడు గ్రామానికి చెందిన డ్వాక్రా సంఘాలకు సుమారు ఆరు నెలల క్రితం మంజూరైన శ్రీనిధి రుణాల విషయంలోనూ ఆరోపణలు తెరపైకి వచ్చాయి. ఒక్కో గ్రూపునకు రూ. లక్ష చొప్పున రుణం మంజూరై సభ్యుల ఖాతాల్లో నగదు జమ కాగా, అందులో నుంచి రూ. 50 వేల చొప్పున తిరిగి తీసుకున్నట్లు కొందరు సభ్యులు ఆరోపిస్తున్నారు. ఇలా సుమారు పది మంది నుంచి రూ. 5 లక్షల వరకు తీసుకున్నారని, విషయం బయటకు పొక్కడంతో తిరిగి వారి ఖాతాల్లోనే జమ చేసినట్లు తెలుస్తోంది. అయితే, అసలు ఆయా సంఘాలకు ఎంత రుణం మంజూరైంది? సభ్యుల ఖాతాల్లో ఎంత మొత్తం జమైంది? జమ అయిన నగదులో నుంచి కొంత మొత్తాన్ని ఎందుకు తిరిగి తీసుకున్నారు? అనంతరం అదే మొత్తాన్ని తిరిగి ఖాతాల్లో ఎందుకు జమ చేశారు? అనే ప్రశ్నలకు సమాధానాలు తెలియాల్సి ఉంది. రుణం మంజూరైన ప్రతిసారీ ఎంతో కొంత సమర్పించుకోవాల్సి వస్తోందని పలువురు డ్వాక్రా మహిళలు ఆరోపిస్తున్నారు. ఆరోపణల్లో వాస్తవమెంత? డ్వాక్రా మహిళల ఆర్థిక స్వావలంబన కోసం అమలు చేస్తున్న రుణ పథకాలపై ఇలాంటి ఆరోపణలు రావడం పట్ల స్థానికంగా తీవ్ర చర్చ జరుగుతోంది. ఆరోపణల్లో వాస్తవమెంత? రుణాల మంజూరు, నగదు లావాదేవీల్లో నిబంధనలు పాటించారా? అనే అంశాలపై వెలుగు శాఖ ఉన్నతాధికారులు సమగ్ర విచారణ చేపట్టాలని మహిళలు కోరుతున్నారు. నిష్పక్షపాతంగా విచారణ నిర్వహిస్తే అసలు వాస్తవాలు వెలుగులోకి వచ్చే అవకాశం ఉందని స్థానికులు పేర్కొంటున్నారు.

కై కలూరు: వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డిపై నమ్మకంతో కూటమి కార్యకర్తలు పార్టీలో చేరుతున్నారని వైఎస్సార్‌ సీపీ ఏలూరు జిల్లా అధ్యక్షుడు, మాజీ ఎమ్మెల్యే దూలం నాగేశ్వరరావు(డీఎన్నార్‌) అన్నారు. ముదినేపల్లి మండలం వైవాక గ్రామానికి చెందిన టీడీపీ మాజీ గ్రామ పార్టీ అధ్యక్షుడు జాజుల సుబ్రహ్మణ్యం, నాయకులు నగుళ్ల రామాంజనేయులు, నాగరాజు(అయ్యప్ప) కై కలూరు వైఎస్సార్‌ సీపీ కార్యాలయంలో పార్టీలో చేరారు. డీఎన్నార్‌ వారికి పార్టీ కండవాలు కప్పి ఆహ్వానించారు. పార్టీ అభివృద్ధికి కృషి చేయాలని కోరారు. కార్యక్రమంలో ముదినేపల్లి మండలం వైఎస్సార్‌సీపీ అధ్యక్షుడు బోయిన రామరాజు, నాయకులు పాల్గొన్నారు. ముదినేపల్లి రూరల్‌: ప్రసిద్ధి చెందిన సింగరాయపాలెం – చేవూరుపాలెం సెంటర్‌లోని శ్రీసుబ్రహ్మణ్యేశ్వర స్వామి ఆలయం ఆదివారం భక్తులు పోటెత్తారు. ఉదయానికే జిల్లాలోని వివిధ ప్రాంతాల నుంచి అధిక సంఖ్యలో భక్తులు ఆలయానికి చేరుకుని స్వామి వారి పుట్టలో పాలుపోసి దర్శించుకున్నారు. మహిళలు పాలపొంగళ్లశాల వద్ద నైవేద్యాలు సమర్పించారు. నాగబంధాలు, గోకులంలో భక్తులు పూజలు చేశారు. అధిక సంఖ్యలో భక్తులు అన్నప్రసాదం స్వీకరించారు. సహాయ కమిషనర్‌ ఆర్‌.గంగాఽశ్రీదేవి, చైర్మన్‌ బొంగు రవికుమార్‌, పాలకవర్గ సభ్యులు పర్యవేక్షణ చేశారు. కుక్కునూరు: మండలంలోని వేలేరు గ్రామ శివారులో ఎకై ్సజ్‌ ఎన్‌ఫోర్స్‌మెంట్‌ అధికారులు నిర్వహించిన వాహన తనిఖీల్లో అక్రమంగా తరలిస్తున్న 40 లీటర్ల నాటు సారాని స్వాధీనం చేసుకున్నారు. తెలంగాణలోని బూర్గంపాడు నుంచి ఆటో, ద్విచక్ర వాహనంపై తరలిస్తున్న ఈ నాటు సారాని గుర్తించి, రెండు వాహనాలను సీజ్‌ చేశారు. ఈ ఘటనకు సంబంధించి వేలేరు గ్రామానికి చెందిన భూక్యా బాలు, బోడ నరసింహలపై కేసులు నమోదు చేసి రిమాండ్‌కు తరలించినట్లు ఎకై ్సజ్‌ ఇన్‌స్పెక్టర్‌ కె. శ్రీనుబాబు తెలిపారు. ఏలూరు ఎన్‌ఫోర్స్‌మెంట్‌ అసిస్టెంట్‌ కమిషనర్‌ కె. నాగ ప్రభు కుమార్‌ ఆదేశాలు, అసిస్టెంట్‌ సూపరింటెండెంట్‌ సీహెచ్‌ అజయ్‌ కుమార్‌ సింగ్‌ ఆధ్వర్యంలో జరిగిన ఈ దాడుల్లో ఎన్‌ఫోర్స్‌మెంట్‌ ఇన్‌స్పెక్టర్‌ వై. ఫణికుమార్‌, సిబ్బంది పాల్గొన్నారు. కుక్కునూరు: మండలంలోని లంకాలపల్లి సమీపంలో గ్యాస్‌ లోడుతో వెళ్తున్న లారీ అదుపుతప్పి బోల్తా పడింది. స్థానికులు తెలిపిన వివరాల ప్రకారం.. రాజమండ్రి హిందుస్థాన్‌ పెట్రోలియం లిమిటెడ్‌ నుంచి గ్యాస్‌ సిలిండర్ల లోడ్‌తో ఛత్తీస్‌గఢ్‌లోని బలిమెలకు వెళ్తున్న లారీ లంకాలపల్లి వద్దకు చేరుకోగానే ఒక్కసారిగా అదుపుతప్పి రోడ్డు పక్కకు బోల్తా కొట్టింది. లారీ నిండా గ్యాస్‌ సిలిండర్ల లోడ్‌ ఉండటంతో ఏదైనా ప్రమాదం జరుగుతుందేమోనని స్థానికులు ఆందోళనకు గురయ్యారు. వెంటనే అగ్నిమాపక సిబ్బందికి సమాచారం అందించారు. అయితే గ్యాస్‌ లీకేజీ కాకపోవడం, ఎలాంటి ప్రమాదం సంభవించకపోవడంతో స్థానికులు ఊపిరి పీల్చుకున్నారు. భీమవరం అర్బన్‌: గ్యాస్‌ లీకై మంటలు వ్యాపించి ఓ వృద్ధురాలు తీవ్ర గాయాలపాలయ్యారు. పోలీసుల వివరాల ప్రకారం.. కొత్తపూసలమర్రు గ్రామానికి చెందిన జల్లా మహాలక్ష్మి (81) నాలుగు రోజుల క్రితం అదే గ్రామంలోని తన పెద్దకూతురు ఇంటికి వెళ్లారు. ఆదివారం ఉదయం ఆమె తన ఇంటికి వచ్చి తలుపు తీయగా, అప్పటికే ఇంట్లో గ్యాస్‌ లీకై ఉండటంతో ఒక్కసారిగా ఇళ్లంతా మంటలు వ్యాపించాయి. మహలక్ష్మి చుట్టూ మంటలు అలుముకోవడంతో చుట్టుపక్కల వారు స్పందించి మంటలను ఆర్పివేశారు. అప్పటికే తీవ్రంగా గాయపడిన ఆమెను స్థానికులు రక్షించి, బంధువుల సహాయంతో భీమవరం ప్రభుత్వాసుపత్రికి తరలించారు. ఆసుపత్రిలో చికిత్స పొందుతున్న మహలక్ష్మి ఇచ్చిన ఫిర్యాదు మేరకు ఏఎస్సై వైవీ సత్యనారాయణ కేసు నమోదు చేసి దర్యాప్తు చేస్తున్నారు.

● వర్షాకాలంలో విద్యుత్‌ తీగలు, మోటార్లతో అప్రమత్తంగా ఉండాలి ● నిర్లక్ష్యంగా ఉంటే ప్రాణానికే ముప్పు ● చిన్నపాటి జాగ్రత్తలతో ప్రమాదాలకు అడ్డుకట్ట యలమంచిలి: అల్పపీడనాల ప్రభావంతో వర్షాలు కురుస్తున్నాయి. ఖరీఫ్‌ సీజన్‌ ప్రారంభం కావడంతో ఇప్పటికే రైతులు తమ పొలాల్లో వివిధ రకాల పంటలను సాగు చేశారు. పంటలకు నీరు పెట్టడం కోసం ఉదయం నుంచి సాయంత్రం వరకు విద్యుత్‌ తీగలు, మోటార్ల వద్దే ఎక్కువగా గడుపుతుంటారు. కొందరు రైతులు చిన్న చిన్న విద్యుత్‌ మరమ్మతులను స్వయంగా చేస్తుంటారు. ఇలాంటి సమయంలో తగిన జాగ్రత్తలు వహించకపోతే ప్రాణాలకే ముప్పు వాటిల్లే అవకాశం ఉంది. పొలాల్లో కర్ర స్తంభాలు, వేలాడుతున్న తీగల విషయంలో ఏమాత్రం నిర్లక్ష్యం వహించినా ప్రమాదాలు సంభవించే అవకాశం ఉందని విద్యుత్‌ శాఖ అధికారులు హెచ్చరిస్తున్నారు. స్టార్టర్లతో జాగ్రత్తలు ఇలా.. స్టార్టర్‌ డబ్బాలను మోటార్‌ పక్కనే పొలంలో ఉంచి వాటికి కవర్లు కప్పుతుంటారు. ఇది ప్రమాదాలకు తావిస్తుంది. వర్షం కురిసినా, బోరు నీరు ఎగజిమ్మినా డబ్బాల్లోకి నీరు చేరుతుంది. అంతేకాకుండా విద్యుత్‌ తీగలు గజిబిజిగా ఉండి, తెగిపోయిన చోట మళ్లీ అతికిస్తుంటారు. అసలు ఏ తీగ ఏ ఫీజుదో కూడా తెలియని పరిస్థితి ఉంటుంది. నేరుగా స్టార్టర్‌కు విద్యుత్‌ సరఫరా అయ్యేలా సరైన ఫీజును అమర్చుకోవాలి. చాలా మంది రైతులు ఇప్పటికీ స్టార్టర్ల కోసం ఇనుప డబ్బాలనే ఉపయోగిస్తున్నారు. ఇనుప డబ్బాల్లో స్టార్టరు, ఫీజులు బిగించడం వల్ల ఎలుకలు డబ్బాలో చేరి తీగలు కొరుకుతుంటాయి. దీంతో తీగలు తెగి డబ్బాకు విద్యుత్‌ సరఫరా అవుతుంది. ఇది గమనించక రైతులు డబ్బాను పట్టుకోగానే షాక్‌కు గురయ్యే ప్రమాదం ఉంది. విద్యుత్‌ తీగలతో ప్రమాదం.. గాలివానకు ఒక్కోసారి పొలాల్లో విద్యుత్‌ తీగలు తెగిపడుతుంటాయి. ఆ సమయంలో రైతులు చాలా అప్రమత్తంగా ఉండాలి. అలాగే, వ్యవసాయ పనులు ముగించుకుని మోటార్‌ వైర్లను ఇంటికి తీసుకువెళుతుంటారు. ఇంట్లో ఉన్నప్పుడు ఆ వైర్లను ఎలుకలు కొరికే అవకాశం ఉంది. మరుసటి రోజు మోటర్‌కు ఆ వైర్లు తగిలించేటప్పుడు వాటిని సరిగ్గా పరిశీలించాలి. పాత వైర్ల కంటే కొత్త వైర్లను బిగించుకోవడం ఎప్పుడూ సురక్షితం. విద్యుత్‌ స్తంభాలు దూరంగా ఉన్న పొలాల్లో కొందరు కర్రల సహాయంతో తాత్కాలికంగా విద్యుత్‌ వైర్లు ఏర్పాటు చేసుకుంటుంటారు. ఇవి వర్షానికి, గాలికి కిందపడుతుంటాయి. వాటిని గమనించకుండా పొలాల్లోకి వెళితే కాళ్లకు తగిలి విద్యుత్‌ షాక్‌కు గురయ్యే ప్రమాదం ఉంది. కాబట్టి, విద్యుత్‌ అధికారులతో మాట్లాడి శాశ్వతంగా స్తంభాలను ఏర్పాటు చేయించుకోవాలి. పాటించాల్సిన జాగ్రత్తలు పొలాల్లో మోటార్లు పనిచేయకపోతే చేతితో నేరుగా పట్టుకోకూడదు. టెస్టర్‌ సహాయంతో మాత్రమే విద్యుత్‌ సరఫరాను పరీక్షించాలి. వర్షపు నీరు, తేమ తగలని చోట మోటార్లను అమర్చాలి. ఎర్తింగ్‌ తప్పనిసరిగా ఉండేలా చూసుకోవాలి. విద్యుత్‌ మోటార్లలో ఏవైనా అంతరాయాలు ఏర్పడితే ముందుగా ప్రధాన విద్యుత్‌ సరఫరాను నిలిపివేయాలి. ఫీజులు పోతే విద్యుత్‌ శాఖ సిబ్బంది సహాయంతో వాటిని మరమ్మతు చేయించుకోవాలి. వర్షానికి తడిసిన విద్యుత్‌ స్తంభాలు, విద్యుత్‌ వైర్లను ఎట్టి పరిస్థితుల్లోనూ తాకరాదు. కరెంటు తీగలు తాకుతున్న చెట్లను ముట్టుకోవద్దు. పొలాల్లో స్టార్టర్లు మరమ్మతులకు గురైతే ఎలక్ట్రీషియన్‌తో మాత్రమే చేయించుకోవాలి. స్వయంగా ఫీజులు వేయడం వంటి పనులు చేయరాదు. పొలాల్లో విద్యుత్‌ తీగలు కిందకు వేలాడుతుంటే వెంటనే విద్యుత్‌ అధికారుల దృష్టికి తీసుకెళ్లి సరిచేయించుకోవాలి. విద్యుత్‌ ప్రమాదాలపై రైతులు ఎప్పుడూ అప్రమత్తంగా ఉంటూ అవగాహన పెంచుకోవాలి. – వి. చండీ కిరణ్‌, ఎలక్ట్రికల్‌ ఏఈ, యలమంచిలి

● పేదలను రెచ్చగొడుతున్న టీడీపీ నేత ● పూర్వం ఆక్రమణలను సాకుగా చూపుతున్న వైనం ● చాట్రాయి మండలంలో కలకలం నూజివీడు: అటవీ భూములను ఆక్రమిస్తే అధికారులు అడ్డుకుంటారనే విషయం తెలిసినప్పటికీ, స్థానిక సంస్థల ఎన్నికల్లో లబ్ధిపొందాలనే లక్ష్యంతో కొందరు టీడీపీ నాయకులు పేదలను రెచ్చగొట్టి అటవీ భూముల ఆక్రమణకు పురికొల్పుతున్నారు. ఇందులో భాగంగా చాట్రాయి మండలం పోలవరం పరిధిలోని అటవీ భూములను ఆక్రమించుకోవడానికి ఈ నెల 3న పేదలు ప్రయత్నించగా, అటవీ శాఖ అధికారులు వారిని అడ్డుకున్నారు. అటవీ భూములను ఆక్రమించడం, అడవిలో చెట్లు నరకడం చట్టరీత్యా నేరం. ఈ ప్రయత్నాలకు పాల్పడే వారిపై అటవీ శాఖ అధికారులు కేసులు నమోదు చేస్తుంటారు. ఇవన్నీ తెలిసినా, తమ రాజకీయ మనుగడ కోసం టీడీపీ నాయకులు అమాయక పేదలను రెచ్చగొట్టి అటవీ భూముల్లోకి పంపడంపై నియోజకవర్గ వ్యాప్తంగా విస్మయం వ్యక్తమవుతోంది. పేదలను రెచ్చగొట్టి చాట్రాయి మండలం పోలవరం అటవీ బ్లాక్‌ ఆర్‌ఎస్‌ నంబరు 1 పరిధిలో దాదాపు 750 ఎకరాల అటవీ భూమి ఉంది. త్వరలో స్థానిక సంస్థల ఎన్నికలు జరిగే అవకాశాలుండటంతో, పేదలను రెచ్చగొట్టి అటవీ భూములను ఆక్రమించుకునేలా స్థానిక టీడీపీ నాయకుడే ప్రోత్సహిస్తుండటం గమనార్హం. ఒకవైపు పచ్చదనం తగ్గిపోయి ఎల్‌నినో ప్రభావంతో దుష్ఫలితాలను ఎదుర్కొంటున్న తరుణంలో, అడవిలోని చెట్లను నరికించి ఆక్రమించుకోవడానికి ఒక నాయకుడు ముందుండి నడిపించడం పట్ల అటవీ శాఖ అధికారులు ఆశ్చర్యం వ్యక్తం చేస్తున్నారు. అంతేకాకుండా, అడ్డుకున్న అధికారులపైనే లంచాలు తీసుకుంటూ అక్రమణలను ప్రోత్సహిస్తున్నారంటూ ’నిరాధార ఆరోపణలు చేయడం విమర్శలకు తావిస్తోంది. 25 ఏళ్ల క్రితం ఆక్రమణలను సాకుగా చూపుతూ... పోలవరం అటవీ బ్లాక్‌లో కొంత మేర భూములను దాదాపు 20–25 ఏళ్ల క్రితం చుట్టుపక్కల ప్రాంతాల పేదలు భూపోరాటాల పేరుతో ఆక్రమించుకొని, అందులో మామిడి మొక్కలు పెంచి ఫలసాయం అనుభవిస్తున్నారు. వాటిని సాకుగా చూపుతూ ఇప్పుడు మళ్లీ కొత్తగా ఆక్రమణలకు దిగడం చూస్తుంటే, ఇది పూర్తిగా స్వార్థ రాజకీయాల కోసం, తమ పబ్బం గడుపుకోవడానికేనన్నది స్పష్టమవుతోంది. అప్పట్లో ఆక్రమణలను ఎందుకు అడ్డుకోలేదు? అంటూ ప్రస్తుత అధికారులను నిలదీస్తూ వాగ్వివాదానికి దిగడమే కాకుండా, అధికారులు డబ్బులు తీసుకుని వారి జోలికి వెళ్లడం లేదంటూ తప్పుడు ఆరోపణలు చేశారు. గ్రావెల్‌ తవ్వకాలు అడ్డుకున్నందుకేనా...? పోలవరంనకు చెందిన ఆ టీడీపీ నాయకుడు గతంలో అటవీ ప్రాంతం నుంచి అక్రమంగా గ్రావెల్‌ తవ్వి తరలించడానికి అనేకసార్లు ప్రయత్నించగా అటవీ శాఖ అధికారులు వాటిని అడ్డుకున్నారు. దీనికి తోడు, మూడు రోజుల క్రితం అనధికారికంగా తమ్మిలేరు జలాశయం లాకులను ఎత్తించి తాను పెంచుతున్న చేపల చెరువును నీటితో నింపుకున్నాడు. ఈ విషయాన్ని గ్రామానికి చెందిన పలువురు రైతులు ఇరిగేషన్‌ ఏఈ దృష్టికి తీసుకెళ్లడంతో, ఆయన లస్కర్‌ను పంపి మరుసటి రోజు లాకులను దించేశారు. ఏఈ దృష్టికి తీసుకెళ్లిన వారిలో కొందరు రెండు దశాబ్దాల క్రితమే అటవీ భూమిలో కొంత భాగాన్ని ఆక్రమించుకొని మామిడి తోటలు పెంచుకుంటున్నవారే కావడం గమనార్హం. వాటిని అడ్డుపెట్టుకుని అధికార పార్టీ నాయకుడే పేదలను రెచ్చగొట్టి అడవి భూముల ఆక్రమణకు పంపడం ఏమిటని మండలంలో పెద్దఎత్తున చర్చ జరుగుతోంది. ఎప్పుడో 20 ఏళ్ల క్రితం జరిగిన ఆక్రమణలకు ప్రస్తుత అధికారులు ఎలా బాధ్యత వహిస్తారని ప్రజలు ప్రశ్నిస్తున్నారు.

ద్వారకాతిరుమల: వర్షాలు కురిశాయి.. వాతావరణం చల్లబడింది.. ఇక ఎండ తీవ్రత తగ్గుతుందని భావించిన తరుణంలో భానుడు మళ్లీ ప్రతాపం చూపిస్తున్నాడు. సెప్టెంబర్‌ 23, 24 తేదీల్లో కురిసిన వర్షాలతో కాస్త ఉపశమనం లభించినా.. ఆ తర్వాత వాతావరణం తిరిగి వేడెక్కింది. ప్రస్తుతం పగటి ఉష్ణోగ్రతలు 35 డిగ్రీలకు పైగా నమోదవుతుండటంతో ఎండ తీవ్రతకు తోడు ఉక్కపోత కూడా పెరిగింది. దీంతో ప్రజలు ఉక్కిరిబిక్కిరవుతున్నారు. వర్షాకాలం ముగింపు దశకు చేరుకున్నా.. వేసవిని తలపించే ఎండలతో జనం అల్లాడుతున్నారు. ద్వారకాతిరుమల చినవెంకన్న దర్శనానికి వస్తున్న భక్తులకూ ఎండ సెగ తప్పలేదు. ఆదివారం ఉదయం నుంచే ఎండ ప్రభావం కనిపించగా.. మధ్యాహ్నానికి తీవ్రత మరింత పెరిగింది. దీంతో దర్శనానికి వచ్చిన భక్తులు ఎండ వేడిమిని తట్టుకోలేక నీడ కోసం పరుగులు తీశారు. ఆలయ పరిసరాల్లోని షెడ్లు, చెట్ల కింద సేదతీరారు. మరికొందరు తలపై వస్త్రాలు కప్పుకుని ఎండ నుంచి ఉపశమనం పొందేందుకు ప్రయత్నించారు. అమ్మో.. ఇవేం ఎండలు! అని తలలు పట్టుకున్నారు. ఇప్పటి నుంచే ఆందోళన! ఎండ వేడి, ఉక్కపోత కారణంగా క్షేత్రానికి వస్తున్న భక్తుల్లో ఎక్కువగా వృద్ధులు, చిన్నారులు తీవ్ర ఇబ్బందులు పడుతున్నారు. ప్రయాణ సమయంలోనూ వారికి అవస్థలు తప్పడం లేదు. ప్రస్తుత వర్షాకాలం వేసవి కాలాన్ని తలపిస్తుండటంతో.. రాబోయే శీతాకాలంలో వాతావరణ పరిస్థితులు ఎలా ఉంటాయోనని భక్తులు, ప్రజలు ఇప్పటి నుంచే ఆందోళన చెందుతున్నారు. నిత్యాన్నదాన భవనం వద్ద ఉచిత బస్సు కోసం క్యూ కట్టిన భక్తులు ఇలా.. జంటగోపురాల ప్రాంతంలోని చెప్పుల స్టాండు షెడ్డు కింద సేదతీరుతున్న భక్తులు చినవెంకన్న దర్శనానికి వచ్చిన భక్తులకు తప్పని ఎండ సెగ

కలిదిండి(కైకలూరు) : కలిదిండి మండలంలోని కోరుకొల్లులో వైఎస్సార్‌సీపీ మాజీ ఎంపీపీ చందన ఉమామహేశ్వరరావు ఇంటి ముందు గుర్తుతెలియ ని వ్యక్తులు పెట్రోల్‌ బాంబులతో దాడి చేశారు. ఈ ఘటన ఈనెల 1న అర్ధరాత్రి 1.30 గంటలకు జరిగింది. సీసీ ఫుటేజ్‌ల్లో దాడి స్పష్టంగా తెలుస్తోంది. ఉదయం పనిమనిషి చెట్లు కాలిపోవడాన్ని గుర్తించి యజమానికి చెప్పడంతో ఆయన పోలీసులకు శనివారం ఫిర్యాదు చేశారు. తనను హతమార్చడానికి రెక్కీ నిర్వహించినట్టు భావిస్తున్నానని ఫిర్యాదులో పేర్కొన్నారు. దీంతో కలిదిండి ఎస్సై ఎస్‌ఎస్‌ఎస్‌ పవన్‌కుమార్‌ సంఘటనా స్థలాన్ని పరిశీలించారు. సీసీ పుటేజ్‌ల ఆధారంగా విచారణ చేస్తున్నామని, మొత్తం ముగ్గురు వ్యక్తులు దాడిలో పాల్గొన్నట్టు భా విస్తున్నామన్నారు. ఇది ఆర్థిక లావాదేవీల వల్ల జరిగిన ఘటనగా కనిపిస్తోందన్నారు. కేసు నమోదు చేశామని, పూర్తిస్థాయి విచారణ చేసి దోషులను గుర్తిస్తామని ఎస్సై చెప్పారు.

ఆగిరిపల్లి : ఆగిరిపల్లిలోని శోభనాచల వ్యాఘ్ర లక్ష్మీ నరసింహ స్వామి ఆలయాన్ని ఆదివారం ఆంధ్రప్రదేశ్‌ లోకాయుక్త చైర్మన్‌ జస్టిస్‌ తల్లాప్రగడ మల్లికార్జునరావు కుటుంబ సమేతంగా సందర్శించారు. ఆలయ ఈఓ సాయి, అర్చ కులు ఆయన మర్యాదపూర్వక స్వాగతం పలికారు. జస్టిస్‌ మల్లికార్జునరావు కుటుంబసభ్యు లతో కలిసి స్వామిని దర్శించుకుని ప్రత్యేక పూ జలు చేయించారు. ఆయనకు ప్రధానార్చకులు వేదాంతం శేషుబాబు స్వామివారి చిత్రపటాన్ని బహూకరించి, పట్టువస్త్రాలు, తీర్థ, ప్రసాదాలు అందజేశారు. ఎస్సై నాగరాజు, డిప్యూటీ తహసీల్దార్‌ పవన్‌కుమార్‌, వీఆర్వోలు శ్రీను, ప్రసాద్‌ అర్చకులు ఉన్నారు. ఏలూరు (ఆర్‌ఆర్‌పేట) : ముఖ్యమంత్రి చంద్రబాబు ఎన్నికలకు ముందు ఇచ్చిన హామీ మేరకు ప్రభుత్వ ఉద్యోగులకు 30 శాతం మధ్యంతర భృతి (ఐఆర్‌) ఇవ్వాలని ఏపీ ము న్సిపల్‌ ఎంప్లాయీస్‌ ఫెడరేషన్‌ రాష్ట్ర ఉపాధ్యక్షుడు, కాంట్రాక్ట్‌, ఔట్‌సోర్సింగ్‌ ఉద్యోగుల, కార్మికుల యూనియన్‌ (ఇఫ్టూ) రాష్ట్ర కన్వీనర్‌ బి.సోమయ్య డిమాండ్‌ చేశారు. ఆదివారం మున్సిపల్‌ ఆప్కాస్‌ కార్మికుల సమావేశం స్థానిక చోడిదిబ్బలో నగర అధ్యక్షుడు లావేటి కృష్ణారావు అధ్యక్షతన నిర్వహించారు. ముఖ్య అతిథిగా సోమయ్య మాట్లాడుతూ కూటమి నాయకులు హామీ ఇచ్చి రెండున్నరేళ్లు దాటుతున్నా మధ్యంతర భృతి ప్రకటించలేదన్నారు. మధ్యంతర భృతి లేని పీఆర్సీ అంటే ఉద్యోగులకు నష్టం చేసేది మాత్రమేనన్నారు. 11వ పీఆర్సీ కాలపరిమితి ముగిసిన తేదీ నుంచి మధ్యంతర భృతి ప్రకటించాలన్నారు. దీని కోసం ఉద్యోగ, కార్మిక సంఘాలు ఆందోళనలు చేపట్టాలని పిలుపునిచ్చారు. జి.వెంకటేశ్వరరావు, బంగారు వెంకటేశ్వరరావు, అల్లం హనుమంతరావు పాల్గొన్నారు. భీమడోలు: గుండుగొలను పంచాయతీ శివారు భోగాపురం సచివాలయంలో దొంగలు పడ్డా రు. ఫ్యాన్లు, మోటార్‌ను దొంగిలించినట్టు సచివాలయ భవన కాంట్రాక్టర్‌ ఇచ్చిన ఫిర్యాదు మేరకు భీమడోలు పోలీసులు కేసు నమోదు చేశారు. వివరాలిలా ఉన్నాయి. గత వైఎస్సార్‌ సీపీ ప్రభుత్వంలో భోగాపురంలో సచివాల యం నిర్మించగా.. కూటమి ప్రభుత్వం ఇప్పటివరకూ భవనాన్ని ప్రారంభించలేదు. భవనం ఇప్పటికీ కాంట్రాక్టర్‌ ఆధీనంలోనే ఉంది. ఈ నేపథ్యంలో భవనం తలుపులు పగులగొట్టి లోనికి చేరిన దొంగలు రూ.25 వేల విలువైన 15 ఫ్యాన్లు, మోటార్‌ను అపహరించారు. పోలీసులు కేసు దర్యాప్తు చేస్తున్నారు.

● సేకరణలో నాయక్‌పోడు గిరిజనులు ● ఇదే వీరికి జీవనాధారం ● చేపలు పట్టే మావుల తయారీకి వినియోగం బుట్టాయగూడెం : అటవీ ప్రాంతంలో చెట్లపైకి పాకే.. పొదల్లో ఉండే నల్లతీగను సేకరించే పనుల్లో నిమగ్నమయ్యారు నాయక్‌పోడు గిరిజనులు. ఏటా ఈ సమయంలో వీరు నల్ల తీగను సేకరించి కట్టలుగా కట్టి విక్రయిస్తూ జీవనోపాధి పొందుతున్నారు. నల్లతీగ సేకరణ కష్టంతో కూడుకున్నది కావడంతో పాటు ప్రమాదకరం. జంతువులు, విషసర్పాలను తప్పించుకుని సేకరించాల్సి ఉంటుంది. పశ్చిమ ఏజెన్సీ ప్రాంతంలోని బుట్టాయగూడెం మండలంలోని లక్ష్మీపురం కొవ్వాడ ప్రాజెక్టు ముంపు పునరావాస గ్రామం. ఇక్కడ సుమారు 50 కు టుంబాలకు చెందిన నాయక్‌పోడు గిరిజనులు జీవిస్తున్నారు. వీరిలో 30 కుటుంబాలు అడవిలో లభించే నల్లతీగ, చింతపండు, కుంకుళ్లు, వేప గింజలు వంటి ఉత్పత్తులను సేకరించి, విక్రయిస్తూ జీవనం సాగిస్తున్నారు. నల్లతీగ సేకరణ కోసం సుమారు 25 నుంచి 30 కిలోమీటర్ల దూరం వరకూ అటవీ ప్రాంతంలో నడుచుకుంటూ వెళ్లాల్సి ఉంటుంది. పొదల్లోను, చెట్లకు అల్లుకున్న తీగలను సేకరించి తలపై పెట్టుకుని ఇళ్లకు తీసుకువస్తుంటారు. తీగల సేకరణలో కొందరు కళ్లు పోగొట్టుకున్న సంఘటనలూ ఉన్నాయి. రోజుకు రూ.500 ● రోజూ సేకరించిన నల్లతీగలను ఇంటి వద్దకు తీసుకువచ్చి కట్టలుగా చుట్టి కట్ట రూ.25 చొప్పున విక్రయిస్తారు. ఇలా రోజుకు సుమారు 25 కట్టలకు రూ.625 వస్తే వాటిలో రూ.125 ఖర్చులు పోను రూ.500 మిగులుతాయని మహిళలు చెబుతున్నారు. ఒక్కోసారి తీగ దొరక్కపోతే ఖాళీ చేతులతో రావాల్సి వస్తుందని అంటున్నారు. ● నల్లతీగ చాలా గట్టిగా ఉంటుంది ● కొల్లేరు ప్రాంతంలో చేపలు పట్టేందుకు బుట్టల తయారీలో వినియోగిస్తారు. ● తీగలను రెండు రోజుల పాటు నీటిలో నానబెట్టి, వెదురు పుల్లలను కలిపి మావులను తయారు చేస్తారు. ● ఈ మావులను 3 నెలల పాటు చేపలు పట్టేందుకు వినియోగిస్తారు. ● వ్యాపారులు గిరిజనుల వద్దకు వచ్చి వీటిని కొనుగోలు చేస్తుంటారు. ● ఆకివీడు సమీపంలోని దుంపగడపలో నల్లతీగ వ్యాపారులు ఎక్కువగా ఉన్నారు.

బుట్టాయగూడెం మండలం రెడ్డిగణపవరంలో గిరిజనుల సాగులో ఉన్న ఆర్‌అండ్‌ఆర్‌లో సేకరించిన భూములు రెడ్డిగణపవరం పరిధిలోని భూములను పోలవరం నిర్వాసితుల కోసం అధికారులు గ్రామసభలు నిర్వహించడకుండా, ప్రజా తీర్మానాలు లేకుండా సేకరించారు. ఈ భూముల్లో దళారుల ప్రమేయం ఎక్కువగా ఉంది. భూములిచ్చిన రైతుల నుంచి ఖాళీ చెక్కులను తీసుకున్నారు. ఈ విషయంపై సిట్‌తో విచారణ జరిపించాలి. –ఎం.మంగరాజు, సీపీఎం నాయకుడు, రెడ్డిగణపవరం, బుట్టాయగూడెం మండలం ఏజెన్సీలో 1/70 వచ్చిన భూములను 30 ఏళ్లుగా గిరిజనులు సాగు చేసుకుంటున్నారు. ఈ భూముల్లో ప్రస్తు తం గిరిజనులు ఉన్నా భూసేకరణ అధికారులు కొనుగోలు చేశారు. వీటిని కేటాయించడం వల్ల గిరిజనులకు, నిర్వాసితులకు మధ్య కొట్లాట జరిగే అవకాశం ఉంది. అధికారులు వివాదం లేని భూములను సేకరించాలి. – జి.పవన్‌కుమార్‌, రెడ్డిగణపవరం, బుట్టాయగూడెం మండలం పోలవరం ప్రాజెక్టు నిర్వాసితుల కోసం భూసేకరణపై దళారుల కన్ను పడింది. భూములిచ్చిన రైతుల నుంచి కమీషన్లు మాట్లాడుకుని అధికారుల అండదండలతో ఆ సొమ్ములను పోగేసుకుంటున్నారు. దీనిపై జిల్లా అధికారులు పూర్తిస్థాయిలో విచారణ జరిపి భూములిచ్చిన రైతులకు న్యాయం జరిగేలా చూడాలి. – భూమరాజు సత్యనారాయణ రాజు, రెడ్డిగణపవరం, బుట్టాయగూడెం మండలం పోలవరం ప్రాజెక్టు కోసం భూములిచ్చిన గిరిజనులను కూటమి నేతలు దోచుకుంటున్నారు. వారి అమాయకత్వాన్ని ఆసరాగా చేసుకుని ఎకరాకు రూ.3 లక్షల నుంచి రూ.5 లక్షల వరకు అందిన పరిహారంలో దండుకుంటున్నారు. తాజాగా పూర్తయిన పోలవరం ఆర్‌అండ్‌ఆర్‌ భూసేకరణకు సంబంధించి రైతుల ఖాతాల్లో జమైన రూ.1,500 కోట్లలో కొంత భాగం దళారుల పాలుకావడం తీవ్ర కలకలం రేపింది. దశాబ్దాలుగా తాము సాగు చేసుకుంటున్న భూమిని గిరిజనేతరులకు స్పెషల్‌ డిప్యూటీ కలెక్టర్‌ కట్టబెట్టారని ఆయనపై సీబీసీఐడీ విచారణ చేయాలని గిరిజనులు ప్రభుత్వానికి ఫిర్యాదు చేయడం చర్చనీయాంశంగా మారింది. సాక్షి ప్రతినిధి,ఏలూరు : పోలవరం ప్రాజెక్టుకు సంబంధించి బుట్టాయగూడెం, జీలుగుమిల్లి మండలాల్లో 2,500 ఎకరాల భూమిని ప్రభుత్వం తాజా గా సేకరించి దీనిలో ఎకరాకు రూ.15 లక్షల చొ ప్పున పరిహారాన్ని ప్రకటించింది. దీనికి గానూ 1,000 ఎకరాలకు సంబంధించి రూ.1,500 కోట్లు సంబంధిత రైతుల ఖాతాల్లో జమైంది. పూర్తిగా భూసేకరణ చట్టాన్ని తూట్లు పొడిచేలా అధికారులు వ్యవహరించి అడ్డగోలుగా గ్రామాల వారీగా దళారులను ఏర్పాటు చేసుకుని రైతుల పరిహారంలో సింహాభాగం స్వాహా చేస్తున్నారు. అల్లూరి సీతారామరాజు జిల్లాలోని చింతూరు డివిజన్‌ పరిధిలో ప్రాజెక్టులో భూమి కోల్పోయిన రైతులకు భూమికి బదులు భూమి ఇవ్వడానికి ఈ సేకరణ పూర్తి చేశారు. దీనిని అధికారులతో పచ్చ పార్టీ, జనసేన పార్టీ నేతలు కుమ్మకై ్క దోపిడీ కొనసాగిస్తున్నారు. నిబంధనల ప్రకారం భూసేకరణ నిర్వహించడానికి ఆయా గ్రామాల్లో గ్రామసభలు నిర్వహించి ఏకగ్రీవ తీర్మానం పొంది, అనంతరం ఈ భూమికి ఎలాంటి సమస్యలు లేవని, పీసా చట్టం అమలు చేసే కమిటీ ద్వారా ఎన్‌ఓసీ తీసుకోవాలి. తదనంతరం పోల వరం ప్రాజెక్టు ఆర్‌అండ్‌ఆర్‌ స్పెషల్‌ డిప్యూటీ కలెక్టర్‌ నేతృత్వంలో భూసేకరణ ప్రక్రియ నిర్వహిస్తారు. దీనిలో సంబంధిత మండలాల తహసీల్దార్లు రికార్డులు పరిశీలించి ఖరారు చేశాక భూసేకరణ పూర్తి చేసి ఆర్‌అండ్‌ఆర్‌ కమిషనర్‌ కార్యాలయం నుంచి నేరుగా రైతుల ఖాతాల్లో ఎకరాకు రూ.15 లక్షల చొప్పున నగదు జమ చేస్తారు. అయితే ఈ రెండు మండలాల్లో ఎలాంటి గ్రామసభలు గాని, పీసా చట్టం కమిటీ అనుమతి లేకుండా బలవంతపు సేకరణ నిర్వహించారు. దీనిని అధికారులు ఆదాయ వనరుగా మలుచుకున్నారు. అధికారిపై ఫిర్యాదు స్పెషల్‌ డిప్యూటీ కలెక్టర్‌ జి.శ్రీనుకుమార్‌పై బుట్టాయగూడెం మండలానికి చెందిన రైతులు ఫిర్యాదు చేశారు. వీటిపై విచారణ నిర్వహించాలని కలెక్టర్‌ కె. వెట్రిసెల్వికి ఫిర్యాదులు పంపారు. బుట్టాయగూడెం మండలం మర్రిగూడెం గ్రామానికి చెందిన బుగ్గల నాగేంద్రబాబు 12.33 ఎకరాల భూమిని గిరిజనేతరుల పేరిట స్పెషల్‌ డిప్యూటీ కలెక్టర్‌ ఆర్డర్‌ ఇచ్చారని, అలాగే కుమ్మరికుంటకి చెందిన మరో రైతు సరియం గోపాలకృష్ణ, కారం బుచ్చిరాజు, సరియం బుచ్చిరాజులు తమ భూములను ఎలాంటి సభలు నిర్వహించకుండా గిరిజనేతరుల పేర్లతో అక్రమాలకు పాల్పడి అధికారి ఆర్డర్‌ ఇచ్చారని సీబీసీఐడీ విచారణ చేయాలని ఫిర్యాదు చేశారు. తమకు పట్టాలున్నా ఆర్‌అండ్‌ఆర్‌ భూసేకరణలో వేరే వారి పేర్లు ఉన్నాయంటున్న గిరిజనులు కూటమి కనుసన్నల్లో.. పోలవరం ఆర్‌అండ్‌ఆర్‌లో దళారుల దందా వివాదం ఉంటే ఎకరాకు రూ.5 లక్షలు లేకుంటే రూ.3 లక్షల వసూలు దళారీ దరఖాస్తులకే అధికారుల ఆమోద ముద్ర రెండు మండలాల్లో వెయ్యి ఎకరాలకు రూ.1,500 కోట్ల పరిహారం జమ గిరిజన భూములను గిరిజనేతరులకు కట్టబెట్టారని ఆరోపణ రాష్ట్ర గిరిజన సంక్షేమ శాఖకు ఫిర్యాదు చేసిన గిరిజనులు స్పెషల్‌ డిప్యూటీ కలెక్టర్‌పై విచారణకు డిమాండ్‌ కూటమిలోని జనసేన, టీడీపీ నేతలు దళారుల అవతారం ఎత్తి బుట్టాయగూడెం మండలంలోని రెడ్డిగణపవరం, దొరమామిడి, కె.రాజమండ్రి, జీలుగుమిల్లి మండలంలో రౌతుగూడేనికి చెందిన గిరిజనుల భూములను టార్గెట్‌ చేశారు. భూముల్లో వివాదం ఉంటే రూ.5 లక్షలు, లేదంటే రూ.3 లక్షలు దళారీ రేట్లు నిర్ణయించి వారే పరిహారానికి సంబంధించి పత్రాలన్నీ ఫైల్‌గా తీసుకువెళ్లి అధికారులతో బేరం మాట్లాడుకుని రైతుల నుంచి ఖాళీ చెక్కులను తీసుకుని పరిహారం ఖాతాల్లో జమకాగానే చెక్కులు బ్యాంకులో క్లియర్‌ చేసుకుంటున్నారు. ఇలా ముగ్గురు దళారులు రూ.15 కోట్లకుపైనే వసూలు చేసినట్లు ఆరోపణలు ఉన్నాయి. ఈ పరిణామాల క్రమంలో జనసేన నేత కరాటం రాంబాబు పోలవరం పరిహారంలో అక్రమాలకు పాల్పడి గిరిజనుల కడుపు కొడుతున్నారని విమర్శించారు. తాజాగా పోలవరం జనసేన ఎమ్మెల్యే చిర్రి బాలరాజు దళారులు రైతుల నుంచి వసూళ్లకు పాల్పడిన ఘటనపై ఎస్పీ, కలెక్టర్‌, ముఖ్యమంత్రి, డిప్యూటీ సీఎంకు ఫిర్యాదు చేస్తానని హెచ్చరించారు. ఇదిలా ఉంటే అధికార పార్టీ అండ లేకుండా వసూళ్లు ఎలా సాగుతాయనేది చర్చ కొనసాగుతుంది.

జాతి వైరం మరచి.. సాధారణంగా కోతి, కుక్క మధ్య జాతి వైరం ఉంటుంది. కుక్కలను చూస్తే కోతులు, కోతులను చూస్తే కుక్కలు అరవడం, తరమడం చూస్తుంటాం. అయితే ద్వారకాతిరుమల మండలం తిరుమలంపాలెంలో మాత్రం ఇందుకు భిన్నంగా జాతి వైరం మరిచి ఓ వానరం, ఓ శునకం నెల రోజులుగా కలిసి తిరుగుతున్నాయి. ఇవి ఆటలాడుకోవడం, కుక్క వీపుపై కోతి ఎక్కి స్వారీ చేయడం, ఊరంతా తిప్పడం చూసి గ్రామస్తులు ఆశ్చర్యపోతున్నారు. స్నేహానికి సరికొత్త అర్థాన్ని చెబుతున్నాయని అంటున్నారు. – ద్వారకాతిరుమల

ఏలూరు (ఆర్‌ఆర్‌ పేట) : విధి నిర్వహణలో అంకితభావం చూపించి, ప్రభుత్వ లక్ష్యాలను సమర్థవంతంగా అమలుచేసే అధికారులకు ఎల్లప్పుడూ తగిన గుర్తింపు లభిస్తుందని కలెక్టర్‌ కె.వెట్రిసెల్వి అన్నారు. శనివారం జిల్లా కలెక్టరేట్‌ గౌతమి సమావేశ మందిరంలో నిర్వహించిన కార్యక్రమంలో ఉత్తమ పనితీరు కనబరిచిన పలువురు అధికారులకు ఆమె బెస్ట్‌ పెర్ఫార్మెన్స్‌ అవార్డులను అందజేసి, జ్ఞాపికలు, శాలువాలతో ఘనంగా సన్మానించారు. అవార్డులు పొందిన వారిలో నూజివీడు సబ్‌ కలెక్టర్‌ బొల్లిపల్లి వినూత్న, ఏలూరు ఆర్డీఓ కే. లక్ష్మీప్రసన్న, జంగారెడ్డిగూడెం ఆర్డీఓ ఎంవీ రమణతో పాటు తహసీల్దార్లు బి. రమాదేవి (భీమడోలు), జి. స్వాతి (చాట్రాయి), ఎం. సన్యాసిరావు (ఉంగుటూరు), షేక్‌ షంషుద్దీన్‌ (నూజివీడు), లింగపాలెం డిప్యూటీ తహసీల్దార్‌ స్రవంతి ఉన్నారు. సంతృప్త్త స్థాయిని మరింత పెంచాలి అనంతరం గోదావరి సమావేశ మందిరంలో రెవెన్యూ అధికారులతో నిర్వహించిన సదస్సులో కలెక్టర్‌ మాట్లాడారు. రెవెన్యూ సేవలపై ప్రజల సంతృప్తి స్థాయిని మరింత పెంచాలని ఆదేశించారు. రీసర్వే, పట్టాదారు పాసుపుస్తకాల పంపిణీ, పీజీఆర్‌ఎస్‌, రెవెన్యూ క్లినిక్‌ల అర్జీలకు వివాదరహితంగా శాశ్వత పరిష్కారం చూపాలని సూచించారు. విధుల పట్ల అలసత్వం, నిర్లక్ష్యం వహించే అధికారులపై కఠిన చర్యలు తప్పవని హెచ్చరించారు. రాబోయే పంచాయతీ ఎన్నికల కోడ్‌ను దృష్టిలో ఉంచుకుని సంక్షేమ పథకాలు, ఇంటి పట్టాలను అర్హులకు త్వరితగతిన అందించాలన్నారు. భూసేకరణ ప్రక్రియ వేగవంతం చేయాలి మరో సమీక్షా సమావేశంలో చింతలపూడి ఎత్తిపోతల పథకం భూసేకరణ ప్రక్రియను వేగవంతం చేయాలని అధికారులను కలెక్టర్‌ ఆదేశించారు. ప్రాజెక్టు పరిధిలో భూములు కోల్పోతున్న రైతులకు నిబంధనల ప్రకారం నష్టపరిహారాన్ని త్వరితగతిన చెల్లించాలని, న్యాయపరమైన సమస్యలు ఉంటే రైతులతో సామరస్యంగా మాట్లాడి పరిష్కరించుకోవాలన్నారు. రెవెన్యూ, జలవనరుల శాఖల అధికారులు సమన్వయంతో పనిచేసి నిర్దేశిత గడువులోగా భూసేకరణ పూర్తి చేయాలని స్పష్టం చేశారు. ఆయా కార్యక్రమాలలో జేసీ ఎంజే అభిషేక్‌ గౌడ, అసిస్టెంట్‌ కలెక్టర్‌ సీహెచ్‌.శ్రావణ్‌ కుమార్‌ రెడ్డి, విజిలెన్స్‌ డిప్యూటీ కలెక్టర్‌ ఎల్‌.దేవకీదేవి, ఇన్‌చార్జి రెవెన్యూ అధికారి ఎం.ముక్కంటి, పులిచింతల ఎస్‌ఈ జి. రామకోటేశ్వరరావు తదితరులు పాల్గొన్నారు. కలెక్టర్‌ వెట్రిసెల్వి

ఆకలి తీర్చే అన్నదానం గొప్పదైతే, చేతుల్లేని ఆపన్నుడికి అమ్మలా అన్నం తినిపించిన ఈ ఉద్యోగిని మాతృహృదయం అంతకంటే మిన్న. ద్వారకాతిరుమల చినవెంకన్న దర్శనార్థం శనివారం వచ్చిన తాడేపల్లిగూడెంకు చెందిన ఉంగరాల సత్యనారాయణకు రెండు చేతులూ లేవు. అన్నప్రసాద భవనంలో అందరిలా తిన్లేక ఆయన పడుతున్న వేదనను గమనించిన అవుట్‌సోర్సింగ్‌ ఉద్యోగిని గాయత్రి తల్లడిల్లిపోయింది. వెంటనే అతడి చెంతకు చేరి, కన్నబిడ్డకు తినిపించినంత ఆప్యాయంగా స్వహస్తాలతో అన్నం తినిపించింది. ఆ క్షణంలో ఆమె చూపిన మాతృవాత్సల్యానికి సత్యనారాయణ కంటితడి పెట్టారు. ‘ ఆ స్వామివారే ఆమె రూపంలో వచ్చి నా ఆకలి తీర్చారు’ అని ఉద్వేగానికి లోనయ్యారు. దేవుడు గుడిలోని విగ్రహంలోనే కాదు.. తోటి మనిషి చూపే మానవత్వంలోనూ ఉంటాడని ఈ దృశ్యం నిరూపించింది. – ద్వారకాతిరుమల

దెందులూరు: అండర్‌–19 వెయిట్‌ లిఫ్టింగ్‌ 65 కేజీల విభాగం రాష్ట్రస్థాయి పోటీలకు దెందులూరులోని గారపాటి హైమావతి దేవి ఉన్నత పాఠశాల విద్యార్థి దాసరి వెంకటేష్‌ బాబు ఎంపికయ్యాడు. పాఠశాల ప్రధానోపాధ్యాయులు వడ్లపట్ల విజయకుమార్‌, పీడీ తూంపాటి బాబురావు ఈ వివరాలు వెల్లడించారు. శనివారం ఏలూరులోని ఏఎస్‌ఆర్‌ స్టేడియంలో జరిగిన జిల్లాస్థాయి పోటీల్లో స్నాచ్‌ విభాగంలో 30 కేజీలు, క్లీన్‌ అండ్‌ జర్క్‌ విభాగంలో 40 కేజీలు... మొత్తం 70 కేజీల బరువు ఎత్తి వెంకటేష్‌ బాబు ఈ ప్రతిభ కనబరిచాడు. ఈ నెల 9, 10, 11 తేదీల్లో కాకినాడలో జరిగే రాష్ట్రస్థాయి పోటీలలో ఈ విద్యార్థి ఏలూరు జిల్లా తరఫున ప్రాతినిధ్యం వహించనున్నాడు. ఈ సందర్భంగా వెంకటేష్‌ బాబును పాఠశాల ప్రధానోపాధ్యాయులు వడ్లపట్ల విజయకుమార్‌, ఉపాధ్యాయులు అభినందించారు. పాలకొల్లు సెంట్రల్‌: ముంబైకి చెందిన మహేందర్‌ 68 ఏళ్ల వయస్సులో దేశంలోని 12 జ్యోతిర్లింగాలతో పాటు పంచారామక్షేత్రాలను కూడా సైకిల్‌పై దర్శించుకోవాలని యాత్ర చేపట్టారు. సైకిల్‌ యాత్రలో భాగంగా శనివారం నరసాపురం వచ్చి క్షీరారామలింగేశ్వరస్వామిని దర్శించుకున్నారు. ఈ సందర్భంగా మహేందర్‌ మాట్లాడుతూ సైకిల్‌ యాత్రను మూడు నెలల క్రితం ప్రారంభించినట్లు తెలిపారు. ఇప్పటివరకు 5 వేల కిలోమీటర్లు ప్రయాణించగా ఇంకా 7 వేల కిలోమీటర్లు ప్రయాణించాల్సి ఉందని చెప్పారు. భీమవరంలోని సోమారామ (భీమేశ్వరస్వామి) దర్శనం తర్వాత శ్రీకాళహస్తి వెళ్లనున్నట్లు తెలిపారు. ఆయనకు పలువురు అభినందనలు తెలిపారు. ఇరగవరం: ఇనపర్రు గ్రామంలోని ముగ్గురమ్మల దేవాలయం సమీపంలో ఉన్న చిక్కాల కాలువ వద్ద గల్లంతైన కర్రి మోహన్‌రెడ్డి మృతదేహం శనివారం లభ్యమైంది. శుక్రవారం ఉదయం సుమారు 05:30 గంటలకు మోహన్‌ రెడ్డి తన స్నేహితులు పాడాల శివరెడ్డి, సట్టి చైతన్యరెడ్డి, బెతిరెడ్డి సాయి తిర్పారెడ్డిలతో కలిసి మార్నింగ్‌ వాక్‌కు వెళ్లాడు. సుమారు 7 గంటలకు మోహన్‌ రెడ్డి స్నేహితులు అతని తండ్రి వద్దకు వచ్చి, మోహన్‌ రెడ్డి ప్రకృతి అవసరాల నిమిత్తం కాలువ వద్దకు వెళ్లి ప్రమాదవశాత్తు కాలువలో జారిపడినట్లు తెలిపారు. వెంటనే గ్రామస్తులతో కలిసి ఘటనా స్థలానికి చేరుకుని గాలింపు చర్యలు చేపట్టినప్పటికీ, ఆచూకీ లభించలేదు. అనంతరం పోలీసుల సహాయంతో గాలింపు చర్యలు చేపట్టగా శనివారం మోహన్‌రెడ్డి మృతదేహం లభ్యమైంది. కేసు దర్యాప్తు చేస్తున్నట్లు పోలీసులు చెప్పారు. శ్రీవారి నిత్యాన్నదానానికి రూ.1.11 లక్షల విరాళం ద్వారకాతిరుమల: శ్రీవారి శాశ్వత నిత్యాన్నదాన పథకానికి రాజమండ్రికి చెందిన భక్తుడు సీహెచ్‌ నాగ వీరవెంకట సుబ్బారావు శనివారం రూ.1,11,200 విరాళంగా అందజేశారు. ఈ విరాళాన్ని ఆలయ కార్యాలయంలో జమ చేయగా, దాతకు ఆలయ ఏఈఓ పి.నటరాజారావు విరాళం బాండ్‌ను అందజేశారు. ముందుగా ఆయన కుటుంబ సమేతంగా స్వామి, అమ్మవార్లను దర్శించారు.

పశ్చిమ గోదావరి జిల్లా కూటమిలో రెండేళ్లుగా నివురుగప్పిన నిప్పులా ఉన్న అంతర్గత విభేదాలు ఇప్పుడు బాహాటంగానే రచ్చకెక్కుతున్నాయి. నియోజకవర్గాల్లో ఆధిపత్యం, ప్రోటోకాల్‌ వివాదాలు, రాబోయే స్థానిక సంస్థల ఎన్నికల వ్యూహాలు ఈ విభేదాలకు ప్రధాన కారణాలుగా మారుతున్నాయి. సాక్షి, భీమవరం: జిల్లాలోని ఏడు అసెంబ్లీ నియోజకవర్గాల్లో కూటమి ఒప్పందంలో భాగంగా టీడీపీ నాలుగు, జనసేన మూడు స్థానాల్లో గెలుపొందగా, నరసాపురం ఎంపీ స్థానాన్ని బీజేపీ దక్కించుకుంది. అయితే జనసేన ప్రాతినిధ్యం వహిస్తున్న నియోజకవర్గాల్లోనూ టీడీపీ నేతల హవానే నడుస్తోందని జనసేన శ్రేణులు తీవ్ర అసంతృప్తి వ్యక్తం చేస్తున్నాయి. ఎమ్మెల్యేలకు పోటీగా టీడీపీ నియోజకవర్గ ఇన్‌చార్జ్‌లు సీఎంఆర్‌ఎఫ్‌ చెక్కుల పంపిణీ చేయడం, ప్రజల నుంచి నేరుగా అర్జీలు స్వీకరించడం ఘర్షణ వాతావరణానికి దారితీస్తోంది. మరోవైపు, టీడీపీ ఎమ్మెల్యేలు ప్రాతినిధ్యం వహిస్తున్న పాలకొల్లు, ఆచంట, ఉండి, తణుకు నియోజకవర్గాల్లో తమకు తగిన ప్రాధాన్యం దక్కడం లేదని జనసేన, బీజేపీ కేడర్‌ నిరాశతో ఉంది. తాడేపల్లిగూడెంలో రాజీనామా సవాల్‌ తాడేపల్లిగూడెంలో జనసేన ఎమ్మెల్యే బొలిశెట్టి శ్రీనివాస్‌, టీడీపీ నియోజకవర్గ ఇన్‌చార్జి వలవల బాబ్జి మధ్య విభేదాలు ఇప్పటికే భగ్గుమన్నాయి. ఇటీవల ఒక కార్యక్రమంలో బాబ్జి మాట్లాడుతూ వార్డుల్లో ఎక్కడకు వెళ్లినా రోడ్లు లేవంటున్నారని, దోమల సమస్య చెబుతున్నారని చేసిన వ్యాఖ్యలపై ఎమ్మెల్యే బొలిశెట్టి స్పందించారు. ఎమ్మెల్యే పనిచేయడం లేదని ఎవరితోనైనా అనిపిస్తే రాజీనామాకు సిద్ధమని సవాల్‌ చేశారు. తాను వచ్చాక ఎన్ని కోట్లు రూపాయల వర్కులు జరిగింది? ఎన్ని రోడ్లు వేసింది? ఎన్ని డ్రెయిన్లు, ఎన్ని ఫిల్టర్‌ బెడ్లు కట్టింది? చరిత్ర చెబుతుందన్నారు. పదేపదే ప్రొటోకాల్‌కు విరుద్ధంగా ఇష్టానుసారం చేస్తామంటే చూస్తు ఊరుకోన్నారు. లోకల్‌ ఎలక్షన్స్‌లో జనసేన గెలిచే స్థానాలను ఎవరి కోసం త్యాగం చేసేది లేదని ఎమ్మెల్యే బొలిశెట్టి స్పష్టం చేశారు. ‘ఎమ్మెల్యే గారు.. మీరు, మీ నియోజకవర్గం ఆఫీసర్లు సరిగా పనిచేయడం లేదు. అన్నిట్లో మైనస్‌ ఉన్నారు’ అంటూ ఇటీవల ప్రజావేదిక సభలో ఎమ్మెల్యే బొమ్మిడి నాయకర్‌పై చంద్రబాబు చేసిన వ్యాఖ్యలు నరసాపురం కూటమిలో నిప్పు రాజేశాయి. చంద్రబాబు కావాలనే తమ పార్టీ ఎమ్మెల్యేను జనంలో చులకన చేశారని జనసేన కేడర్‌ మండిపడింది. టీడీపీ, తన సామాజికవర్గం ఎమ్మెల్యేలపై ఎక్కడైనా ఈవిధంగా బహిరంగ రివ్వూ ఇచ్చారా? కనీసం మీ మీద గానీ, ప్రభుత్వంపై గాని రివ్యూ చేసుకున్నారా? మహిళలకు నెలకు రూ. 1500 ఇచ్చారా? నిరుద్యోగభృతి ఇచ్చారా? రెండేళ్లయినా కొత్త పింఛన్లు, హౌసింగ్‌ లోన్లు లేవు. ప్రజల్లో తల ఎత్తుకోలేకున్నాం. పథకాలేవని అడుగుతుంటే సమాధానం చెప్పలేకపోతున్నామంటూ విమర్శలు గుప్పించారు. నిధులివ్వకుండా నిందలేమిటి చంద్రబాబు? అంటూ ఎమ్మెల్యే నాయకర్‌ పేరిట ఒక కరపత్రం సోషల్‌ మీడియాలో హల్‌చల్‌ చేసింది’ జనసేన ఎమ్మెల్యే పనితీరు బాగోలేదంటూ నరసాపురంలో నిప్పుపెట్టిన చంద్రబాబు నిధులు ఇవ్వకుండా నిందలేమిటంటూ జనసేన కౌంటర్‌ తాడేపల్లిగూడెంలో ఎమ్మెల్యే వర్సెస్‌ టీడీపీ ఇన్‌చార్జి

జంగారెడ్డిగూడెం(చింతలపూడి): స్థానిక గోకుల తిరుమల పారిజాతగిరి వేంకటేశ్వర స్వామివారి ఆలయంలో శనివారం స్వామివారికి విశేష పూజలు చేశారు. భక్తులు గోవింద నామస్మరణతో గిరిప్రదక్షిణ చేశారు. ఆలయ ధర్మకర్తల మండలి చైర్మన్‌ అల్లూరి రామకృష్ణ, ఈఓ మణికల రాంబాబు భక్తులకు ఉచిత దర్శనం, ప్రసాదం, అన్నప్రసాద వితరణ కార్యక్రమాలను ఏర్పాటు చేశారు. శనివారం ఆలయానికి రూ.1,39,900 ఆదాయం సమకూరిందని ఈఓ రాంబాబు వెల్లడించారు. ఈ నెల 5 నుంచి 8వ తేదీ వరకు పవిత్రోత్సవాలు వైభవంగా నిర్వహించనున్నట్టు అర్చకులు నల్లూరు రవికుమార్‌ తెలిపారు. కుక్కునూరు: మద్యం మత్తులో ఉన్న కుమారుడు తండ్రిపై కర్రతో దాడి చేసిన ఘటనపై కుక్కునూరు పోలీసులు కేసు నమోదు చేశారు. పోలీసులు తెలిపిన వివరాల ప్రకారం... మండలంలోని బర్లమడుగు గ్రామానికి చెందిన కాక రాజులు (65) వ్యవసాయ కూలీగా జీవిస్తున్నారు. అక్టోబర్‌ 2వ తేదీ రాత్రి 11 గంటల సమయంలో ఆయన ఇంట్లో నిద్రిస్తుండగా, కుమారుడు కాక బాబు రావు అలియాస్‌ బాబు (40) మద్యం మత్తులో వచ్చి తండ్రిని అసభ్య పదజాలంతో దూషించాడు. అంతటితో ఆగకుండా ఇంట్లోని కట్టెతో దాడి చేయడంతో రాజులు ఎడమ చేతికి, తల ఎడమ వైపు తీవ్ర గాయాలై రక్తస్రావమైంది. బాధితుడి ఫిర్యాదు మేరకు కుక్కునూరు పోలీస్‌స్టేషన్‌లో కేసు నమోదు చేసి దర్యాప్తు చేపట్టారు. గాయపడిన బాధితుడిని వైద్య చికిత్స నిమిత్తం ఆసుపత్రికి తరలించారు. నిందితుడిపై చట్టపరంగా తగిన చర్యలు తీసుకుంటామని పోలీసులు తెలిపారు. తణుకు అర్బన్‌: అనుమానాస్పద స్థితిలో ఉరి వేసుకుని ఓ యువకుడు ఆత్మహత్యకు పాల్పడ్డాడు. పాతవూరు ఎన్టీఆర్‌ పార్కు వెనుక నివాసం ఉంటున్న జ్వాల సాయి సతీష్‌కుమార్‌ (20) హైదరాబాదులో ప్రైవేటు ఉద్యోగం చేస్తున్నాడు. ఇటీవల తణుకు వచ్చిన అతడు శనివారం సాయంత్రం ఇంట్లో ఎవరు లేని సమయంలో ఉరి వేసుకుని ఆత్మహత్యకు పాల్పడ్డాడు. సంఘటనా స్థలాన్ని తణుకు పట్టణ సీఐ జేవీ రమణ, ఎస్సై సత్యనారాయణ సందర్శించి వివరాలు సేకరించారు. పోలీసులు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం తణుకు ప్రభుత్వ ఆసుపత్రికి తరలించారు.

జంగారెడ్డిగూడెం(చింతలపూడి): గుర్వాయిగూడెం మద్ది ఆంజనేయస్వామి దేవస్థానంలో శనివారం ఆలయ ముఖమండపంలో స్వామివారికి పంచామృతాభిషేకం నిర్వహించారు. ఆలయ అర్చకులు, వేద పండితుల ఆధ్వర్యంలో ఈ పూజా కార్యక్రమాలు జరిగాయి. శనివారం మధ్యాహ్నం 3 గంటల వరకు వివిధ సేవల రూపేణా ఆలయానికి రూ.1,88,950 ఆదాయం సమకూరిందని ఆలయ ధర్మకర్తల మండలి అధ్యక్షుడు రాజాన సత్యనారాయణ, అసిస్టెంట్‌ కమిషనర్‌ ఆర్‌వీ చందన తెలిపారు. అలాగే నిత్యాన్నదాన సత్రంలో సుమారు 1,693 మంది భక్తులకు అన్నదానం నిర్వహించినట్లు వారు పేర్కొన్నారు. ముసునూరు: ఓ వ్యక్తి ఉరి వేసుకుని ఆత్మహత్యకు పాల్పడిన ఘటన ముసునూరులో చోటు చేసుకుంది. ఎస్సై ఎం.చిరంజీవి తెలిపిన వివరాలివి. ముసునూరు గ్రామానికి చెందిన కంచర్ల గంగాధరరావు(52) కూలి పనులు చేసుకుంటూ జీవనం సాగిస్తున్నారు. శనివారం మద్యం సేవించి ఇంటికి వచ్చిన గంగాధర రావు కుటుంబ సభ్యులతో ఘర్షణ పడ్డాడు. అనంతరం మేడపైన గదిలోకి వెళ్లాడు. మధ్యాహ్నం కుటుంబ సభ్యులు గమనించే సరికి చీరతో ఇంటిలో సీలింగ్‌ ఫ్యాన్‌కు ఉరి వేసుకుని కనిపించాడు. వెంటనే 108 అంబులెన్సుకు సమాచారం అందించారు. సిబ్బంది పరిశీలించి అప్పటికే మృతి చెందినట్లు నిర్ధారించారు. మృతుని భార్య పార్వతి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

పోలవరం రూరల్‌: పోలవరం డీఎస్పీగా యు.రవిచంద్ర శనివారం బాధ్యతలు స్వీకరించారు. ఈ సందర్భంగా ఆయన మాట్లాడుతూ... సబ్‌–డివిజన్‌ పరిధిలో శాంతిభద్రతల పరిరక్షణకు అత్యంత ప్రాధాన్యత ఇస్తామని తెలిపారు. ప్రజలకు, పోలీసు శాఖకు మధ్య సత్సంబంధాలను పెంపొందించడం, నేరాల నియంత్రణకు కఠిన చర్యలు తీసుకోవడంతో పాటు మహిళలు, చిన్నారుల రక్షణే ధ్యేయంగా పనిచేస్తామని స్పష్టం చేశారు. స్థానిక సమస్యలపై ప్రత్యేక దృష్టి సారించి, ప్రజలకు నిరంతరం అందుబాటులో ఉంటామని పేర్కొన్నారు. బాధ్యతలు స్వీకరించిన నూతన డీఎస్పీ రవిచంద్రకు స్థానిక పోలీస్‌ అధికారులు, సిబ్బంది పుష్పగుచ్ఛాలు అందజేసి శుభాకాంక్షలు తెలిపారు.

శాసనమండలి చైర్మన్‌ కొయ్యే మోషేన్‌ రాజు ఏలూరు (ఆర్‌ఆర్‌పేట): బీసీ, ఎస్సీ, ఎస్టీ, మైనారిటీలంతా ఐక్యంగా పోరాడితేనే బహుజన రాజ్యాధికారం సాధ్యమవుతుందని శాసనమండలి చైర్మన్‌ కొయ్యే మోషేన్‌ రాజు స్పష్టం చేశారు. స్థానిక డీసీఎంఎస్‌ ఫంక్షన్‌ హాలులో చింతలపూడి మాజీ ఎమ్మెల్యే ఉన్నమట్ల ఎలీజా అధ్యక్షతన శనివారం నిర్వహించిన బీసీ, ఎస్సీ, ఎస్టీ, మైనారిటీల ఆత్మీయ సదస్సులో ఆయన ముఖ్య అతిథిగా పాల్గొన్నారు. చిన్న చిన్న విభేదాలను పక్కనపెట్టి బహుజనులు ఐక్యంగా ఉండాలని, భావితరాల భవిష్యత్తు కోసం పిల్లలను బాగా చదివించాలని పిలుపునిచ్చారు. రాజ్యసభ సభ్యుడు గొల్ల బాబురావు మాట్లాడుతూ ప్రతి ఒక్కరూ కష్టపడి రాజకీయంగా ఎదగాలని, అంబేడ్కర్‌ రాజ్యాంగం అందించిన ఫలాలను అందుకోవాలని కోరారు. లిబరేషన్‌ కాంగ్రెస్‌ పార్టీ వ్యవస్థాపక అధ్యక్షుడు, రిటైర్డ్‌ ఐఏఎస్‌ అధికారి విజయ్‌ కుమార్‌ మాట్లాడుతూ దళిత, బహుజనులకు రావాల్సిన నిధులను ఖర్చు చేయకుండా ప్రభుత్వం అన్యాయం చేస్తోందన్నారు. ఈ సదస్సు ప్రారంభంలో మహాత్మా ఫూలే, డాక్టర్‌ బీఆర్‌ అంబేడ్కర్‌, బాబు జగ్జీవన్‌ రామ్‌, కాన్షీరాం చిత్రపటాలకు పూలమాలలు వేసి నివాళులర్పించారు. సీనియర్‌ నాయకుడు నేతల రమేష్‌ బాబు సభా పరిచయం చేయగా.. నూకపెయ్యి సుధీర్‌, పల్లెం ప్రసాద్‌, బిషప్‌ కారుపాటి శాంతిసాగర్‌, రియాజ్‌ ఆలీఖాన్‌, మున్నుల జాన్‌ గురునాథ్‌, కాపుదాసి రవి తదితరులు పాల్గొన్నారు.

ఏలూరు టౌన్‌: రాబోయే స్థానిక సంస్థల ఎన్నికల నేపథ్యంలో ఏలూరు నగరంలోని పలు పోలింగ్‌ కేంద్రాలను జిల్లా ఎస్పీ కొమ్మి ప్రతాప్‌ శివకిషోర్‌ శనివారం ఆకస్మికంగా తనిఖీ చేశారు. నగరంలోని చేపల మార్కెట్‌ ప్రాంతం, 12 పంపుల సెంటర్‌లోని నగరపాలక పాఠశాలలో ఏర్పాటు చేసిన పోలింగ్‌ కేంద్రాలను అధికారులతో కలిసి పరిశీలించి, అక్కడి వసతులను సమీక్షించారు. ఈ సందర్భంగా ఎస్పీ మాట్లాడుతూ స్థానిక ఎన్నికలకు పోలీస్‌ యంత్రాంగం పూర్తి సన్నద్ధంగా ఉందని, శాంతిభద్రతల పరిరక్షణకు పటిష్ట చర్యలు చేపట్టామని తెలిపారు. ఓటర్ల రాకపోకలకు ఎలాంటి ఇబ్బందులు లేకుండా ఏర్పాట్లు చేయాలని అధికారులను ఆదేశించారు. శాంతిభద్రతలకు విఘాతం కలిగించే రౌడీషీటర్లపై ముందస్తు బైండోవర్‌ కేసులు నమోదు చేస్తామని, గత ఎన్నికల్లో వివాదాలకు పాల్పడిన వారిపై ప్రత్యేక నిఘా ఉంచామని హెచ్చరించారు. జిల్లా వ్యాప్తంగా ఇప్పటివరకు 60 శాతం పోలింగ్‌ కేంద్రాల పరిశీలన పూర్తయిందన్నారు. ప్రజలు ప్రశాంత వాతావరణంలో ఓటు హక్కు వినియోగించుకునేలా చర్యలు తీసుకుంటున్నామని, ఎన్నికలు శాంతియుతంగా జరిగేందుకు ప్రజలంతా సహకరించాలని కోరారు. ఈ తనిఖీల్లో ఏలూరు డీఎస్పీ డీ.శ్రావణ్‌కుమార్‌, సీఐలు కే.రామకృష్ణ, అశోక్‌కుమార్‌, ఎస్‌ఐలు, నగరపాలక, రెవెన్యూ శాఖల అధికారులు పాల్గొన్నారు. ఎస్పీ కేపీ శివకిషోర్‌

ద్వారకాతిరుమల : చినవెంకన్న దివ్య సన్నిధి శనివారం భక్తులతో పోటెత్తింది. స్వామివారికి ప్రీతిపాత్రమైన రోజు కావడంతో వివిధ ప్రాంతాల నుంచి వేలాది మంది భక్తులు క్షేత్రానికి తరలివచ్చారు. తెల్లవారుజాము నుంచే భక్తుల రాకతో కొండపై ఆధ్యాత్మిక సందడి నెలకొంది. అనివెట్టి మండపాలు, దర్శనం క్యూలైన్లు, క్యూ కాంప్లెక్స్‌, కల్యాణకట్ట తదితర విభాగాలు భక్తులతో కిటకిటలాడాయి. కలియుగ ప్రత్యక్ష దైవమైన శ్రీవారికి భక్తిశ్రద్ధలతో మొక్కులు చెల్లించుకున్న భక్తులు, స్వామి అమ్మవార్లను దర్శించుకున్నారు. పోలవరం రూరల్‌ : గోదావరి నదిలో వరద ఉధృతి క్రమేపీ తగ్గుతూ సాధారణ స్థితికి చేరుకుంటోంది. ఎగువ ప్రాంతాల్లో వర్షాలు తగ్గడం, నదిలోకి వచ్చే నీటి ప్రవాహం పరిమితం కావడంతో వరద స్వల్పంగా తగ్గింది. ప్రస్తుతం పోలవరం ప్రాజెక్టు స్పిల్‌వే వద్ద నీటిమట్టం 28 మీటర్లకు చేరుకోగా, స్పిల్‌వే నుంచి దిగువకు 1.80 లక్షల క్యూసెక్కుల నీటిని విడుదల చేస్తున్నారు. దిగువ ప్రాంతాల్లోనూ వరద ఉధృతి తగ్గుముఖం పట్టింది.

పోలవరం రూరల్‌: పోలవరం ప్రాజెక్టు పనులను పోలవరం ప్రాజెక్ట్‌ అథారిటీ (పీపీఏ) చీఫ్‌ ఎగ్జిక్యూటివ్‌ ఆఫీసర్‌ (సీఈఓ) సంజీవ్‌ వోహ్రా శనివారం క్షేత్రస్థాయిలో పరిశీలించారు. ప్రాజెక్ట్‌ కార్యాలయ సమావేశ మందిరంలో అధికారులతో సమీక్ష నిర్వహించిన అనంతరం, పనుల పురోగతిని నేరుగా పరిశీలించారు. వర్షాలు కురుస్తున్న నేపథ్యంలో కీలకమైన ఎర్త్‌ కం రాక్‌ ఫిల్‌ డ్యామ్‌ (ఈసీఆర్‌ఎఫ్‌) నిర్మాణంలో ఎలాంటి ఏమరపాటుకూ ఆస్కారం ఇవ్వవద్దని ఆదేశించారు. నిర్మాణ ప్రాంతాలైన గ్యాప్‌–1, గ్యాప్‌–2 లలో దశలవారీగా రాయి, మట్టి, ఇసుకతో నింపుతున్నందున, నిత్యం రోడ్‌ రోలర్లతో గట్టిపరుస్తూ పటిష్టతను తనిఖీ చేయాలన్నారు. గ్యాప్‌ 1, 2, జి–హిల్‌ ప్రాంతాలను ఆయన కాలినడకన సందర్శించి పనుల నాణ్యతను పరిశీలించారు. కేంద్రం నుంచి పూర్తి సహకారం: ప్రాజెక్టును నిర్దేశిత సమయానికి పూర్తి చేసేందుకు కేంద్ర ప్రభుత్వం నుంచి పూర్తి సహకారం ఉంటుందని సీఈఓ స్పష్టం చేశారు. నిర్మాణంలో ఎదురయ్యే సమస్యలను తక్షణమే తన దృష్టికి తీసుకురావాలని అధికారులకు సూచించారు. ఈ నెలలో విదేశీ నిపుణుల బృందం పర్యటించనున్న నేపథ్యంలో తగిన ఏర్పాట్లు చేయాలన్నారు. ఈ కార్యక్రమంలో పీపీఏ ఉపసంచాలకుడు రవి, జలవనరుల శాఖ ఈఎన్‌సీ కె.నరసింహమూర్తి, ఎస్‌ఈ పి.రామచంద్రరావు, క్వాలిటీ సీఈ శేషుబాబు, ఈఈ డి. శ్రీనివాస్‌, ఎంఈఐఎల్‌ జీఎం ఎ.గంగాధర్‌, డీజీఎంలు మురళి పమ్మి, జి.శంకరయ్య తదితరులు పాల్గొన్నారు.

చాట్రాయి: మండలంలోని పోలవరం ఫారెస్ట్‌ భూములలో శనివారం పేదలు ఆక్రమణలకు పాల్పడ్డారు. ఆర్‌ఎస్‌ నంబర్‌ 1 పరిధిలో పోతనపల్లి, పోలవరం గ్రామాలకు చెందిన 300 మంది పేదలు ఆక్రమణలకు యత్నించగా, ఫారెస్ట్‌ అధికారులు వారిని అడ్డుకున్నారు. ఈ సందర్భంగా ఆక్రమణదారులకు, స్థానిక టీడీపీ నాయకుడు మరిడి చిట్టిబాబుకు, ఫారెస్ట్‌ అధికారులకు మధ్య తీవ్ర వాగ్వివాదం చోటుచేసుకుంది. ‘ఇటీవల ఆక్రమణలు జరిగినప్పుడు ఎందుకు పట్టించుకోలేదు? ఇప్పుడు మేము ఆక్రమించుకుంటే ఎందుకు అడ్డుకుంటున్నారు?‘ అని ఆక్రమణదారులు అధికారులను నిలదీశారు. సమాచారం తెలుసుకున్న ఎస్సై డి.రామకృష్ణ, డీఆర్వో సత్యనారాయణ ఘటనా స్థలానికి చేరుకుని ఆక్రమణదారులతో మాట్లాడారు. గతంలో జరిగిన ఆక్రమణలకు అధికారులు లంచాలు తీసుకున్నారని ఈ సందర్భంగా పేదలు ఆరోపించారు. ఫారెస్ట్‌ భూములను ఆక్రమించి చుట్టూ ఫెన్సింగ్‌ వేసి, బోర్లు తవ్వి పంటలు పండించుకుంటున్న వారి వద్ద నుంచి ఫారెస్ట్‌ అధికారులు వేల రూపాయలు లంచాలు తీసుకుంటున్నారని వారు మండిపడ్డారు. పాత ఆక్రమణలను తొలగించకపోతే తాము కూడా అటవీ భూములను ఆక్రమించుకుంటామని స్పష్టం చేశారు. ఈ పరిస్థితుల నేపథ్యంలో, మంత్రి కొలుసు పార్థసారథి ఫోన్‌ ద్వారా డీఆర్వో సత్యనారాయణతో మాట్లాడారు. గతంలో జరిగిన ఆక్రమణలను 10 రోజుల్లోగా తొలగించాలని ఫారెస్ట్‌ అధికారులను ఆయన ఆదేశించారు.

ద్వారకాతిరుమల: శ్రీవారి ఆలయానికి ఉపాలయంగా, క్షేత్ర దేవతగా విరాజిల్లుతున్న శ్రీ కుంకుళ్లమ్మ అమ్మవారి ఆలయంలో ఈనెల 11 నుంచి 20 వరకు దేవీ శరన్నవరాత్రి ఉత్సవాలను అంగరంగ వైభవంగా జరగనున్నాయి. అందులో భాగంగా ఏర్పాట్లు చురుగ్గా సాగుతున్నాయి. ఆలయ ద్వారాలు ముస్తాబు, ఇతర పనులు శరవేగంగా జరుగుతున్నాయి. విద్యుద్దీపాలంకరణ పనులు తుదిదశకు చేరుకున్నాయి. ఉత్సవాల రోజుల్లో అమ్మవారు రోజుకో అలంకారంలో భక్తులకు దర్శనమివ్వనున్నారు. ఈ క్రమంలో ఉత్సవ విశేషాలను ఆలయ ఈఓ వేండ్ర త్రినాథరావు శనివారం విలేకర్లకు వెల్లడించారు. అలంకారాలు ఇవీ.. ఈనెల 11న శ్రీ బాలా త్రిపుర సుందరీ దేవిగా, 12న శ్రీ గాయత్రీ దేవిగా, 13న శ్రీ అన్నపూర్ణా దేవిగా, 14న శ్రీ మహాచండీ దేవిగా, 15న శ్రీ లలితా త్రిపుర సుందరీ దేవిగా, 16న శ్రీ సరస్వతీ దేవిగా(మూలానక్షత్రం), 17న శ్రీ మహాలక్ష్మి దేవిగా, 18న శ్రీ దుర్గాదేవిగా (దుర్గాష్టమి), 19న శ్రీ మహిషాసురమర్దినీ దేవిగా, 20న శ్రీ రాజరాజేశ్వరి దేవిగా(విజయదశమి) భక్తులను కటాక్షిస్తారని తెలిపారు. అదేరోజు సాయంత్రం 6.30 గంటల నుంచి క్షేత్రంలో అమ్మవారి రథోత్సవం, 21న దీక్షాదారుల ఇరుముడి సమర్పణ, చండీ హోమాన్ని నిర్వహిస్తామన్నారు. 22న ఆలయం వద్ద భారీ అన్నసమారాధన జరుపుతామన్నారు. భక్తులు ఈ వేడుకల్లో పెద్దఎత్తున పాల్గొనాలని ఈఓ కోరారు. ఈనెల 11 నుంచి ఉత్సవాలు రోజుకో అలంకారంలో క్షేత్రదేవత కుంకుళ్లమ్మ దర్శనం ఉత్సవ వివరాలను వెల్లడించిన ఆలయ ఈఓ

నా పేరు గజలక్ష్మి.. నా వయసు 54 ఏళ్లు. ఎక్కడ, ఎప్పుడు పుట్టానో తెలియదు. ఊహ తెలిసే నాటికే కర్ణాటకలోని సర్కస్‌ కంపెనీలో ఉన్నాను. 2004 మార్చిలో దాత శరణాల మాలతీరాణి నన్ను చినవెంకన్నకు బహుమతిగా అందించారు. అప్పటి నుంచి ఈ క్షేత్రమే నా ఇల్లు.. స్వామివారి సేవే నా జీవితం. ఇలా ద్వారకాతిరుమలతో 22 ఏళ్ల అనుబంధం ఏర్పడింది. హిందీతోపాటు తెలుగు కూడా కొంతవరకు అర్థం చేసుకోగలను. రోజూ వందలాది మంది భక్తులు నన్ను చూసి మురిసిపోతూ పలకరిస్తుంటారు. వారి ప్రేమాభిమానాలే నాకు ఆనందం. ఏనుగునని.. నాకు భయం ఉండదని అనుకుంటారు. కానీ నేను కప్పలకు కూడా భయపడతాను. గుర్రాలు, కుక్కలు ఇతర జంతువులను చూస్తే కంగారుపడతాను. అన్నింటికంటే ఖాకీ రంగు దుస్తులంటే అస్సలు పడదు. మావటులు మినహా ఎవరైనా అలాంటి దుస్తులతో వస్తే కోపం వస్తుంది. 18 ఏళ్ల క్రితం ఆలయం వద్ద ఓ చిన్నారి నా కాళ్ల మధ్యకు వచ్చినా.. ఎలాంటి హాని చేయకుండా కాలితో పక్కకు నెట్టాను. అప్పుడు భక్తులందరూ నన్ను అభినందించారు. ఇక నిమిషానికోసారి తొండం, తోకతో ఒంటిపై వస్త్రాన్ని సరిచేసుకుంటుంటాను. అది చూసి నాకు సిగ్గెక్కువని చాలా మంది అనుకుంటుంటారు. 2009లో 15 రోజులు, ఈ ఏడాది జూలైలో ఐదు రోజులపాటు తీవ్ర అనారోగ్యానికి గురయ్యాను. వైద్యులు చికిత్స అందించి కోలుకునేలా చేశారు. నా సంరక్షణకు ముగ్గురు మావటులు ఉన్నారు. వారు నా ఆరోగ్యం, ఆహారంపై ప్రత్యేక శ్రద్ధ చూపుతుంటారు. నేను శాఖాహారిని. రోజుకి 500 కిలోల వరకు ఆహారం తీసుకుంటాను. గరిక, చెరకు, బెల్లం, క్యారెట్లు, దోసకాయలు, కొబ్బరి మట్టలు, రావి ఆకులు ఇష్టంగా తింటాను. క్రిమిసంహారక మందుల పిచికారీ కారణంగా పామాయిల్‌ ఆకులను అందించడం మానేశారు. నా ఆహారం కోసం దేవస్థానం నెలకు రూ. 30 వేలకు పైగా ఖర్చు చేస్తోంది. రోజుకు 150 లీటర్లకు పైగా నీళ్లు తాగుతాను. ప్రతిరోజూ ఉదయం 6 నుంచి 9 గంటల వరకు కొండపై ఆరు కిలోమీటర్లు వాకింగ్‌ చేస్తాను. అనంతరం మావటులు స్నానం చేయించి ఆహారం అందిస్తారు. ఆకలేసినా, కప్పలు, కీటకాల వల్ల భయపడినా కాలికి కట్టిన గొలుసును తొండంతో పట్టుకుని నేలకేసి కొడతాను. ఆ శబ్దంతో మావటులు అప్రమత్తమై నా అవసరాన్ని గుర్తిస్తారు. బ్రహ్మోత్సవాలు, ధనుర్మాసం, ఇతర పర్వదినాల్లో గ్రామోత్సవాల్లో స్వామివారి సేవలో పాల్గొంటాను. మావటులు ఎప్పుడూ నా వెంటే ఉంటూ కంటికి రెప్పలా చూసుకుంటారు. వారే నా సేవకులు.. బాడీగార్డులు కూడా! ఇదే నా చిన్న విన్నపం.. నేను భారీగా కనిపించినా నాది చిన్నపిల్లల మనస్తత్వం. అడవిలో స్వేచ్ఛగా తిరగాల్సిన నేను.. ఇప్పుడు దైవసన్నిధిలో జీవిస్తున్నాను. మాలాంటి జంతువులను ప్రేమగా ఆదరిస్తూ.. మా అవసరాలు, భావాలను అర్థం చేసుకోండి. మమ్మల్ని కూడా మీలో ఒకరిగా చూడండి! – ద్వారకాతిరుమల చినవెంకన్న గజలక్ష్మి మనోగతం మనుషుల్లాగే జంతువులకూ జీవించే హక్కు ఉంది. వాటిని ప్రేమగా ఆదరించాలి.. వాటి మనుగడకు భరోసా కల్పించాలి. ఆట వస్తువులుగా కాకుండా జీవులుగా చూడాలి. వాటి ఆహారం, ఆరోగ్యం, భద్రతతోపాటు సహజ జీవన పరిస్థితులను కాపాడాలి. జంతు సంరక్షణపై ప్రతి ఒక్కరికీ అవగాహన అవసరం. అక్టోబర్‌ 4 ప్రపంచ జంతు దినోత్సవం సందర్భంగా ద్వారకాతిరుమల చినవెంకన్న దేవస్థానం గజలక్ష్మి తన మనసులోని మాటలను ఇలా పంచుకుంటోంది.

ఏలూరు టౌన్‌: HË*Æý‡$ ¯]lVýS-Æý‡…ÌZ° ÌS…MýSõ³r, MýS$Ð]l$Ã-Ç-Æó‡Ð]l# {´ë…™é-ÌS¯]l$ VýS…gêƇ$$ Æý‡íßæ™èl {糧ól-Ô>-Ë$V> ¡Ça-¨§ólª ÌS„ýSÅ…™ø r*so¯ŒS ´ùÎ-‹Ü-ு-க-ள-், DVýSÌŒæ sîæÐŒl$ ç܅Ķæ¬-MýS¢…V> Bç³-Æó‡-çÙ¯ŒS Ð]l{f-{ç³-à-ÆŠ‡ÌZ ¿êVýS…V> ÑçÜ–¢-™èl…V> M>Æð‡z¯ŒS A…yŠæ òÜÆŠ‡a °Æý‡Ó-íßæ…-^éƇ$$. Gïܵ MöÑ$à {糙鋳 ÕÐ]l-MìS-ÚùÆŠ‡ B§ól-Ô>ÌS Ðól$Æý‡MýS$ r*so¯ŒS ïÜI MóS. AÔZ-MŠSMýS$-Ð]l*ÆŠ‡ B«§ýlÓ-Æý‡Å…ÌZ ¿êÈV> ´ùÎ‹Ü ºÌS-V>ÌS¯]l$ Ððl*çßæ-Ç…_ {糆 C…sìæ± „ýS$×æ~…V> ™èl°T ^ólÔ>Æý‡$. VýS…gêƇ$$, C™èlÆý‡ Ð]l*§ýl-MýS-{§ýl-ÐéÅÌS Æý‡Ðé×ê, Ñ°-Äñæ*-V>°² AÇ-MýS-sôæt…-§ýl$MýS$ yéVŠæ ÝëPÓyŠæ, {yø¯ŒSÌS çÜàĶæ$…™ø A¯]l$-Ð]l*¯é-çܵ§ýl {´ë…™é-ÌS¯]l$ °Õ-™èl…V> ç³Ç-Ö-Í…-^éÆý‡$. D ™èl°-TÌZÏ çÜOÆð‡¯]l ç³{™éË$ Ìôæ° 16 Ðéçßæ¯é-ÌS¯]l$ ÝëÓ«-©¯]l… ^ólçÜ$-MýS$-¯é²Æý‡$. 11 Ð]l$…¨ A¯]l$-Ð]l*°-™èl$-ÌSMýS$ VýS…gêƇ$$ yìlsñæ„ýS¯ŒS MìSsŒæÞ™ø ç³È-„ýSË$ °Æý‡Ó-íßæ…-^èlV> A…§ýl-ÇMîS ¯ðlVðSsìæÐŒæ Ð]l_a-¯]lr$Ï ïÜI AÔZ-MŠSMýS$-Ð]l*ÆŠ‡ ™ðlÍ-´ëÆý‡$. ¯]lVýSÆý‡…ÌZ VýS…gêƇ$$, Ð]l$™èl$¢ 糧é-Æ>¦-ÌS¯]l$ ç³NÇ¢V> AÇ-MýSsìæt, Ķæ¬Ð]l-™èl¯]l$ ÐésìæMìS §ýl*Æý‡…V> E…^ól…-§ýl$MóS D BMýS-íÜÃMýS ™èl°-TË$ ^ólç³-sìæt-¯]lr$Ï BĶæ$¯]l ÐðlÌSÏyìl…^éÆý‡$. D Bç³Æó‡-çÙ-¯ŒSÌZ GOòÜÞË$ ½ Ð]l$«§ýl$-Ððl…-MýS-r-Æ>gê, MóS Æ>Ð]l$-MýS–çÙ~, DVýSÌŒæ sîæÐŒl$ BÆŠ‡-G‹ÜI E§ýl-Ķæ$-¿ê-çÜP-ÆŠ‡™ø ´ër$ çÜ$Ð]l*Æý‡$ 50 Ð]l$…¨ ´ùÎ‹Ü íܺ¾…¨ ´ëÌŸY-¯é²Æý‡$.

కొయ్యలగూడెం: మండల పరిధిలోని యర్రంపేట, రాజవరం గ్రామాల మధ్య ఉన్న సాగునీటి చెరువుల్లో మట్టి అక్రమ తరలింపు యథేచ్ఛగా సాగుతోంది. అక్రమార్కులు జేసీబీలు, టిప్పర్లను వినియోగిస్తూ రేయింబవళ్లు మట్టిని తరలిస్తున్నారు. అక్రమ తవ్వకాలను నిరోధించాల్సిన అధికారులు పట్టించుకోవడం లేదని ఆయకట్టు రైతులు ఆగ్రహం వ్యక్తం చేస్తున్నారు. భారీ టిప్పర్ల రాకపోకలతో గ్రామాల్లోని అంతర్గత రహదారులు పూర్తిగా దెబ్బతింటున్నాయని ప్రజలు వాపోతున్నారు. అలాగే పంట పొలాలకు నీరందించే కాలువ బోదెలపై నుంచి వాహనాలు రాకపోకలు సాగించడంతో అవి దెబ్బతిని సాగునీరు అందడం లేదని రైతులు ఆవేదన వ్యక్తం చేస్తున్నారు. ఇప్పటికై నా సంబంధిత అధికారులు స్పందించి చెరువుల్లో సాగుతున్న అక్రమ మట్టి తరలింపును అరికట్టి, బాధ్యులపై చర్యలు తీసుకోవాలని ఆయకట్టు రైతులు, గ్రామస్తులు కోరుతున్నారు. లింగపాలెం : రబీ సీజన్‌ ప్రారంభమవుతున్న తరుణంలో మండలంలోని ధర్మాజీగూడెం గ్రామంలో ఉన్న విత్తనాల దుకాణాలను జిల్లా వ్యవసాయ అధికారి హబీబ్‌ బాషా శనివారం ఆకస్మికంగా తనిఖీ చేశారు. దుకాణాల్లోని మినుము, జొన్న విత్తన నమూనాలను సేకరించి, నాణ్యతా పరీక్షల నిమిత్తం ప్రాంతీయ కోడింగ్‌ సెంటర్లకు పంపాలని అధికారులను ఆదేశించారు. రైతులకు నాణ్యమైన విత్తనాలను మాత్రమే విక్రయించాలని, నిబంధనలు ఉల్లంఘిస్తే కఠిన చర్యలు తీసుకుంటామని వ్యాపారులను హెచ్చరించారు. ఈ తనిఖీల్లో చింతలపూడి వ్యవసాయ సహాయ సంచాలకులు (ఏడీఏ) వై. సుబ్బారావు, మండల వ్యవసాయ అధికారి (ఏఓ) వి. ప్రదీప్‌ కుమార్‌ తదితరులు పాల్గొన్నారు. భీమవరం: పట్టణంలోని ఎస్‌ఆర్‌కేఆర్‌ ఇంజనీరింగ్‌ కళాశాలలో ఆదివారం నుంచి ఈ నెల 7 వరకు రాష్ట్ర స్థాయి ఆర్చరీ పోటీలు నిర్వహించనున్నట్లు వెస్ట్‌ గోదావరి డిస్ట్రిక్ట్‌ ఆర్చరీ అసోసియేషన్‌ అధ్యక్షుడు జయరాజు, శ్యాప్‌ కోచ్‌ జయలక్ష్మి తెలిపారు. ఆంధ్రప్రదేశ్‌ ఆర్చరీ అసోసియేషన్‌, స్పోర్ట్స్‌ అథారిటీ ఆఫ్‌ ఆంధ్రప్రదేశ్‌, జిల్లా ఆర్చరీ అసోసియేషన్‌, డిస్ట్రిక్ట్‌ స్పోర్ట్స్‌ అథారిటీ సంయుక్త ఆధ్వర్యంలో ఈ పోటీలు జరుగుతాయన్నారు. రాష్ట్రవ్యాప్తంగా దాదాపు 300 మంది ఆర్చర్లు పాల్గొంటున్న ఈ పోటీల్లో పురుషులు, మహిళల విభాగాలకు సీనియర్‌ ఇండియన్‌ రౌండ్‌, కాంపౌండ్‌, రికర్వ్‌ విభాగాల్లో పోటీలు నిర్వహిస్తున్నట్లు వెల్లడించారు.

● టూటౌన్‌లోని ఎన్టీఆర్‌ పార్కులో జిమ్‌ పరికరాల మరమ్మతుల పేరిట రూ.4.92 లక్షలు ● పోణంగి కంపోస్టు యార్డులో డోజర్‌ రిపేర్‌ పేరిట రూ. 4.80 లక్షలు ● శ్రీ సాయి ఏజెన్సీస్‌ నిర్వహించిన పనులకు రూ. 5.36 కోట్లు ● పి. రాకేష్‌ అనే కాంట్రాక్టర్‌ పేరుతో రూ. 2.67 కోట్లు ● ఆదిత్య ఇంజనీరింగ్‌ పేరుతో రూ. 1.50 కోట్లు చొప్పున బిల్లులు చెల్లించారు. సాక్షి ప్రతినిధి, ఏలూరు : ఏలూరు నగరపాలక సంస్థ అక్రమాలకు, నిధుల మళ్లింపునకు వేదికగా మారింది. చేయని పనులకు బిల్లులు చేసుకోవడం, సంబంధం లేని శాఖల్లో పనులు చేసినట్లు చూపించడం, నామమాత్రపు పనులకు భారీగా నిధులు కాజేయడం ఇక్కడ పరిపాటిగా మారింది. గడిచిన రెండేళ్ల వ్యవధిలోనే సుమారు 800 పనులను నామినేషన్‌ పద్ధతిలో కేటాయించి, రూ. 30 కోట్ల ప్రజాధనాన్ని ఖర్చు చేసినట్లు రికార్డులు సృష్టించారు. కోట్లాది రూపాయలు కాగితాలపై ఖర్చవుతున్నా నగరంలో మాత్రం ఏమాత్రం అభివృద్ధి కనిపించడం లేదు. అధికార పార్టీ నాయకులు, వారి బినామీ కాంట్రాక్టర్ల లబ్ధి కోసమే ఈ పనుల పందారం సాగిందనే ఆరోపణలు వెల్లువెత్తుతున్నాయి. ఈ అవినీతిపై ఇప్పటికే విజిలెన్స్‌ అండ్‌ ఎన్‌ఫోర్స్‌మెంట్‌ విచారణ జరుపుతుండగా, తాజాగా ఏసీబీ కూడా దృష్టి సారించింది. బినామీలకే రూ.12 కోట్ల లబ్ధి జీవో నంబర్‌ 255 ప్రకారం రూ.5 లక్షల లోపు విలువైన పనులను మాత్రమే నామినేషన్‌ ప్రాతిపదికన కేటాయించాలి. రూ.5 లక్షలు దాటితే తప్పనిసరిగా టెండర్లు పిలవాలి. అలాగే నామినేషన్‌ పనులను గుర్తింపు పొందిన కాంట్రాక్టర్లు, స్వయం సహాయక సంఘాలు లేదా సంక్షేమ సంఘాలకు అప్పగించాలి. అయితే అధికారులు ఈ నిబంధనలను పూర్తిగా పక్కనబెట్టారు. 2024–25 ఆర్థిక సంవత్సరంలో 280 పనులకు గాను రూ. 12.58 కోట్లు, 2025–26 ఆర్థిక సంవత్సరం: 520 పనులకు గాను రూ. 18.21 కోట్లు ఇలా మొత్తం 800 పనులను నామినేషన్‌ పద్ధతిలోనే కట్టబెట్టారు. నిజానికి వీటిలో కేవలం 200 లోపు పనులకు మాత్రమే నామినేషన్‌ అర్హత ఉంది. మిగిలిన పనులన్నింటికీ టెండర్లు పిలవాల్సి ఉన్నప్పటికీ, అధికారుల సహకారంతో నిబంధనలు ఉల్లంఘించారు. ఈ ప్రక్రియలో బడా నాయకుల బినామీలు రూ.12 కోట్ల మేర లబ్ధి పొందినట్లు ఆధారాలు లభ్యమవుతున్నాయి. ప్రైవేటు వెంచర్లు, వస్తువులకు కార్పొరేషన్‌ నిధులు మాజీ మేయర్‌ భర్తకు చెందిన ఎస్‌ఎంఆర్‌ నగర్‌ ప్రైవేటు వెంచర్‌లో రూ. 4.25 కోట్లతో 62 పనులను ఒకే కాంట్రాక్టర్‌కు అప్పగించి పూర్తి చేయడం గమనార్హం. వాస్తవానికి డీటీసీపీ నిబంధనల ప్రకారం వెంచర్‌ యజమానే స్వంత ఖర్చులతో రోడ్లు, డ్రెయిన్లు, పార్కులు అభివృద్ధి చేయాలి. కానీ కార్పొరేషన్‌ నిధులతో ఈ వెంచర్‌ను తీర్చిదిద్దారు. మెప్పు కోసం స్పెషల్‌ వర్క్స్‌ కార్పొరేషన్‌కు సంబంధం లేని ఇతర ప్రభుత్వ శాఖల పరిధిలోని పనులకు కూడా నిధులు మళ్లించారు. డీఎస్పీ కార్యాలయంలో రూ.5.80 లక్షలతో నిర్మాణాలు చేపట్టడమే కాకుండా, జిల్లా క్రీడా ప్రాధికార సంస్థ పరిధిలోని ఇండోర్‌ స్టేడియంలో క్రికెట్‌ ప్లాట్‌ఫామ్‌ కోసం రూ. 4.98 లక్షలు, గేటు, నెట్‌, ఫ్లోర్‌ మ్యాట్‌ మరమ్మతుల కోసం రూ. 3.29 లక్షలు ఖర్చు చేసినట్లు రికార్డుల్లో చూపించి బిల్లులు డ్రా చేసుకున్నారు. ఏలూరు కార్పొరేషన్‌లో ‘నామినేషన్‌’ దోపిడీ ! రెండేళ్లలో రూ.30 కోట్లతో 800 పనులు బడాబాబు బినామీ కాంట్రాక్టర్లు ముగ్గురికే అధికంగా పనులు నిబంధనలకు తిలోదకాలు డీఎస్‌డీఓ, ఆర్‌అండ్‌బీ పనులకు కూడా నగరపాలక సంస్థలో బిల్లులు

ఇరగవరం: మండలంలోని ఇనపర్రు గ్రామానికి చెందిన కర్రి మోహన్‌ రెడ్డి (15) అనే బాలుడు చిక్కాల కాలువలో పడి గల్లంతయ్యాడు. తణుకు తిరుమల పాఠశాలలో 10వ తరగతి చదువుతున్న మోహన్‌ రెడ్డి, శుక్రవారం ఉదయం తన స్నేహితులతో కలిసి మార్నింగ్‌ వాక్‌కు వెళ్లాడు. ఉదయం 7 గంటల సమయంలో ముగ్గురమ్మల దేవాలయం సమీపంలోని చిక్కాల కాలువ వద్ద చేతులు కడుక్కుంటుండగా ప్రమాదవశాత్తు జారి కాలువలో పడిపోయాడు. స్నేహితులు అందించిన సమాచారంతో తండ్రి దామోదర్‌ రెడ్డి, గ్రామస్థులు గాలింపు చర్యలు చేపట్టినా ఆచూకీ లభించలేదు. తండ్రి ఫిర్యాదు మేరకు ఇరగవరం పోలీసులు కేసు నమోదు చేసి గాలింపు చర్యలు ముమ్మరం చేశారు.

బుట్టాయగూడెం: దర్భగూడెంలో ఇటీవల జరిగిన పి. వెంకయ్య హత్య కేసును పోలీసులు ఛేదించారు. కేసు వివరాలను శుక్రవారం సీఐ బి. యాదగిరి మీడియాకు వెల్లడించారు. ఘటనపై చైతన్య ఇచ్చిన ఫిర్యాదుతో డాగ్‌ స్క్వాడ్‌, క్లూస్‌ టీమ్‌, ఫింగర్‌ ప్రింట్స్‌ బృందాలతో దర్యాప్తు చేపట్టామన్నారు. గురువారం దర్భగూడెం సబ్‌స్టేషన్‌ వద్ద అనుమానాస్పదంగా తిరుగుతున్న బి. అజయ్‌కుమార్‌ను అదుపులోకి తీసుకుని విచారించగా, నేరం ఒప్పుకున్నాడని చెప్పారు. మృతుడు వెంకయ్యకు, ముద్దాయి తల్లికి ఉన్న సంబంధం విషయంలో గొడవలు జరగడంతో అజయ్‌ గొడ్డలితో నరికి హత్య చేసినట్లు తేలింది. నిందితుడి నుంచి గొడ్డలిని స్వాధీనం చేసుకుని రిమాండ్‌కు తరలించారు. కేసును త్వరితగతిన ఛేదించిన ఎస్సైలు వి. క్రాంతికుమార్‌, చెన్నారావు, సిబ్బందిని సీఐ అభినందించారు.

ఏలూరు (ఆర్‌ఆర్‌పేట): న్యాయవాదుల రక్షణ చట్టాన్ని వెంటనే అమలు చేయాలని డిమాండ్‌ చేస్తూ ఈ నెల 5వ తేదీ నుంచి 9వ తేదీ వరకు జిల్లాలోని అన్ని బార్‌ అసోసియేషన్ల పరిధిలో విధులను బహిష్కరించి, రిలే నిరాహార దీక్షలు చేపట్టనున్నట్లు పశ్చిమ గోదావరి జిల్లా ఫెడరేషన్‌ అధ్యక్షుడు కోనే సీతారామరావు తెలిపారు. ఏలూరు బార్‌ అసోసియేషన్‌ ఆధ్వర్యంలో ఉమ్మడి జిల్లా బార్‌ అసోసియేషన్ల అధ్యక్షుల సమావేశం శుక్రవారం నిర్వహించారు. రక్షణ చట్టం సాధించే వరకు ప్రభుత్వంపై ఒత్తిడి తేవాలని ఈ సమావేశంలో ఏకగ్రీవంగా తీర్మానించారు. అలాగే, న్యాయవాదుల మృతికి సంతాప సూచకంగా నిర్వహించే సభను మధ్యాహ్నం 3.30 గంటలకు బదులుగా ఉదయం 10.30 గంటలకే కోర్టు ప్రాంగణాల్లో నిర్వహించాలని నిర్ణయించారు. సమావేశంలో నరసాపురం, తాడేపల్లిగూడెం, కొవ్వూరు, నిడదవోలు, జంగారెడ్డిగూడెం బార్‌ అసోసియేషన్ల అధ్యక్షులు ఎన్‌. జ్ఞాననంద్‌, కే. అప్పిరెడ్డి, ఈ. గోపాలకృష్ణ, కై కారపు సత్యనారాయణ, జీఎస్‌ఆర్‌ మూర్తి తదితరులు పాల్గొన్నారు.

భీమవరం: తన కుమార్తె పట్ల అసభ్యకరంగా ప్రవర్తించాడంటూ ఓ వ్యక్తిపై తప్పుడు ఫిర్యాదు చేసిన మహిళకు పోక్సో కోర్టు జడ్జి బి. లక్ష్మీనారాయణ రూ.10 వేల జరిమానా విధించినట్లు భీమవరం డీఎస్పీ రఘువీర్‌ విష్ణు తెలిపారు. కేసు వివరాలను శుక్రవారం ఆయన తన కార్యాలయంలో వెల్లడించారు. భీమవరం బీసీ కాలనీకి చెందిన మహిళ 2025 మే 7న అదే ప్రాంతానికి చెందిన వ్యక్తిపై టూటౌన్‌ పోలీసు స్టేషన్‌లో కేసు పెట్టింది. పోలీసులు విచారణ జరిపి కోర్టులో ఛార్జ్‌షీట్‌ దాఖలు చేశారు. విచారణలో ఆ ఫిర్యాదు తప్పుడుదని రుజువు కావడంతో కోర్టు ఈ శిక్ష విధించింది. ఎవరైనా ఉద్దేశపూర్వకంగా తప్పుడు ఫిర్యాదులు చేస్తే చట్టపరమైన చర్యలు తప్పవని డీఎస్పీ హెచ్చరించారు. సమావేశంలో టూటౌన్‌ సీఐ పి. మురళీకృష్ణ, ఎస్‌ఐ రామారావు పాల్గొన్నారు. ఆగిరిపల్లి: మండలంలోని తోటపల్లిలో హీల్‌ సీబీఎస్‌ఈ పాఠశాలకు విద్యారంగంలో చేసిన సేవలకు గాను జాతీయ స్థాయి అవార్డు లభించినట్లు సంస్థ సీఈఓ కూరపాటి అజయ్‌కుమార్‌ తెలిపారు. వేలాది మంది పేద విద్యార్థులకు ఉచిత విద్య, వసతి కల్పించడంతో పాటు సీబీఎస్‌ఈ 10వ తరగతి, ఇంటర్‌ పరీక్షల్లో వరుసగా 100 శాతం ఉత్తీర్ణత సాధించినందుకు ఈ పురస్కారం దక్కిందన్నారు. ఢిల్లీలో జరిగిన అవార్డుల ప్రదానోత్సవంలో బ్రెయిన్‌ ఫెడ్‌ సంస్థ ఫౌండర్‌ కేవీ బ్రాహ్మం చేతుల మీదుగా హీల్‌ అకాడమిక్‌ డైరెక్టర్‌ యు.మణికుమారి, వైస్‌ ప్రిన్సిపాల్‌ ఎం. హరీష్‌ ఈ అవార్డును అందుకున్నారు. ఈ సందర్భంగా హీల్‌ వ్యవస్థాపక అధ్యక్షుడు డాక్టర్‌ కోనేరు సత్యప్రసాద్‌, కార్యదర్శి తాతినేని లక్ష్మి, సిబ్బందిని పాలకవర్గం అభినందించింది. భీమవరం: భీమవరం యూత్‌ కల్చరల్‌ అసోసియేషన్‌ ఆధ్వర్యంలో ఏపీఎల్టీఏ జిల్లా టెన్నిస్‌ జట్ల ఎంపిక ప్రక్రియ శుక్రవారం నిర్వహించారు. అండర్‌–10, 12, 14, 16 విభాగాలతో పాటు పురుషులు, మహిళలు, 35+ ప్లస్‌ విభాగాల్లో సెలక్షన్స్‌ చేపట్టినట్లు అసోసియేషన్‌ ప్రధాన కార్యదర్శి పేరిచర్ల వెంకట శ్రీనివాసరాజు (సుభాష్‌) తెలిపారు. ఇక్కడ ఎంపికై న క్రీడాకారులు కాకినాడలో జరిగే రాష్ట్రస్థాయి పోటీల్లో పాల్గొంటారన్నారు. గత 25 ఏళ్లుగా క్రీడలను ప్రోత్సహిస్తున్నామని ఆయన పేర్కొన్నారు. కార్యక్రమంలో ఏపీఎల్టీఏ సెక్రటరీ కుమార్‌, డీఎస్‌, డాక్టర్‌ రంగప్రసాదరాజు, కోచ్‌ మురళి తదితరులు పాల్గొన్నారు. ఆకివీడు: మండలంలోని చినమిల్లిపాడు గ్రామంలో విద్యుత్‌ షాక్‌ గురై బలే వెంకట్రావు (48) అనే వ్యక్తి శుక్రవారం మృతి చెందాడు. తెలంగాణలో ఉపాధి పొందుతున్న వెంకట్రావు, స్వగ్రామంలో ఇల్లు నిర్మించుకునేందుకు ఇటీవల వచ్చాడు. ఇంటి పనులు చేస్తుండగా సమీపంలోని డబ్బా ట్రాన్స్‌ఫార్మర్‌ నుంచి విద్యుత్‌ సరఫరా కావడంతో తీవ్రంగా షాక్‌కు గురై అక్కడికక్కడే కుప్పకూలిపోయాడు. ఇటీవల అయ్యప్ప మాల ధరించిన వెంకట్రావుకు భార్య, ఇద్దరు కుమార్తెలు ఉన్నారు.

తొలగించిన వైద్యులు కాళ్ల: తీవ్ర శ్వాసకోశ సమస్యతో బాధపడుతున్న ఓ మహిళ ఊపిరితిత్తుల నుంచి కరక్కాయను లాప్రోస్కోపిక్‌ విధానం ద్వారా తొలగించినట్లు ఏలూరు మిత్ర హాస్పిటల్‌ గ్యాస్ట్రో ఎంట్రాలజీ వైద్యులు డాక్టర్‌ విక్రాంత్‌ చుండూరి, డాక్టర్‌ సతీష్‌ కుమార్‌ తెలిపారు. దగ్గు నివారణకు సదరు మహిళ కరక్కాయ నోటిలో వేసుకోగా, పొలమారి అది ఊపిరితిత్తుల్లోకి చేరింది. దీంతో తీవ్ర శ్వాసకోశ ఇబ్బందితో ఆసుపత్రికి రాగా, వైద్యుల బృందం విజయవంతంగా లాప్రోస్కోపిక్‌ చికిత్స చేసి దానిని తొలగించింది. ప్రస్తుతం బాధితురాలు కోలుకుని ఆరోగ్యంగా ఉన్నట్లు వైద్యులు వివరించారు. ద్వారకాతిరుమల: స్వచ్ఛ ఆంధ్ర అవార్డులు–2026లో భాగంగా ద్వారకాతిరుమల శ్రీవేంకటేశ్వరస్వామివారి దేవస్థానం జిల్లా స్థాయి అవార్డుకు ఎంపికై ంది. స్వచ్ఛ దేవాలయాలు, ఆధ్యాత్మిక సంస్థల విభాగంలో ఈ పురస్కారం లభించింది. ఏలూరులోని సర్‌ సీఆర్‌ రెడ్డి డిగ్రీ కళాశాల ఆడిటోరియంలో శుక్రవారం జరిగిన కార్యక్రమంలో జిల్లా కలెక్టర్‌ కె. వెట్రి సెల్వి చేతుల మీదుగా దేవస్థానం ఈఓ వేండ్ర త్రినాథరావు ఈ అవార్డును అందుకున్నారు. దేవస్థానంలో పారిశుద్ధ్య నిర్వహణకు ప్రభుత్వ ఆధ్వర్యంలోని స్వచ్ఛ ఆంధ్ర కార్పొరేషన్‌ ఈ గుర్తింపునిచ్చిందని ఈఓ తెలిపారు. ముదినేపల్లి రూరల్‌ పోలీసు శాఖ ఆధ్వర్యంలో రోడ్డు భద్రత, సీపీఆర్‌ విధానాలపై శుక్రవారం ముదినేపల్లి వై–జంక్షన్‌లో అవగాహన కార్యక్రమం నిర్వహించారు. ఈ కార్యక్రమంలో ఏలూరు డీఎస్పీ డి. శ్రావణ్‌కుమార్‌ మాట్లాడుతూ వాహనదారులు ట్రాఫిక్‌ నియమాలు పాటిస్తూ ప్రమాదాల నివారణకు సహకరించాలని కోరారు. అనుకోకుండా ప్రమాదాలు జరిగినప్పుడు తీసుకోవాల్సిన తక్షణ చర్యలు, సీపీఆర్‌ విధానంపై ప్రాక్టికల్‌ డెమో ద్వారా స్థానికులకు అవగాహన కల్పించారు. కార్యక్రమంలో ప్రముఖ వైద్యుడు అంబుల మనోజ్‌, కై కలూరు పట్టణ, రూరల్‌ ఇన్స్పెక్టర్లు రామకృష్ణ, వి. రవికుమార్‌, ముదినేపల్లి, మండవల్లి, కలిదిండి, కై కలూరు రూరల్‌ ఎస్సైలు పాల్గొన్నారు. పాలకోడేరు: గాంధీ జయంతి సందర్భంగా డ్రై డే నిబంధనల అమలులో భాగంగా ప్రోహిబిషన్‌ అండ్‌ ఎకై ్సజ్‌ అధికారులు శుక్రవారం జరిపిన దాడుల్లో అక్రమ మద్యం విక్రయిస్తున్న వ్యక్తిని అరెస్ట్‌ చేశారు. పాలకోడేరు గ్రామంలో దాడులు నిర్వహించి అతడి వద్ద నుంచి 27 మద్యం సీసాలను స్వాధీనం చేసుకున్నట్లు ఎకై ్సజ్‌ ఇన్పెక్టర్‌ ఎ. బసంతి తెలిపారు. ఈ దాడుల్లో ఎస్సైలు పి. ఉమామహేశ్వరరావు, పి. సునీల్‌కుమార్‌, సిబ్బంది పాల్గొన్నారు. గణపవరం(నిడమర్రు): నిడమర్రు మండలం క్రొవ్విడి గ్రామంలో వీఆర్‌ఓపై దాడి చేసిన వ్యక్తిపై కేసు నమోదు చేసినట్లు నిడమర్రు ఎస్సై లంకా రాజేష్‌ తెలిపారు. క్రొవ్విడి గ్రామంలో రైస్‌కార్డు దరఖాస్తు వెరిఫికేషన్‌ విషయంలో ఏర్పడిన వివాదం నేపథ్యంలో గ్రామ రెవెన్యూ అధికారిపై ఒకవ్యక్తి దాడికి పాల్పడిన సంగతి తెలిసిందే. వీఆర్‌ఓ ఫిర్యాదు మేరకు దాడిచేసి వ్యక్తిపై కేసు నమోదు చేసి, దర్యాప్తు చేస్తునట్లు తెలిపారు.

నరసాపురం రూరల్‌: అత్తవారింటి ముందు పది రోజులుగా దీక్ష చేస్తున్న కొమరాడ దేవి దివ్యను అఖిల భారత ప్రజాతంత్ర మహిళా సంఘం (ఐద్వా) జిల్లా కార్యదర్శి పొగాకు పూర్ణ శుక్రవారం పరామర్శించారు. ఎల్బీచర్లకు చెందిన దుర్గాప్రసాద్‌తో ఏడేళ్ల క్రితం దేవి దివ్యకు వివాహమైంది. భర్త వేధింపులకు గురిచేస్తుండటంతో కోర్టును ఆశ్రయించగా, భార్యతో కలిసి కాపురం చేయాలని కోర్టు తీర్పునిచ్చింది. అయినప్పటికీ భర్త ఆమెను చేర్చుకోకపోవడంతో బాధిత మహిళ అత్తవారింటి ముందే దీక్షకు దిగింది. ఈ సందర్భంగా పూర్ణ మాట్లాడుతూ కోర్టు ఉత్తర్వులు ఉన్నప్పటికీ పోలీసులు సమస్యను పరిష్కరించకపోవడం దారుణమన్నారు. బాధితురాలికి మద్దతుగా నిలవాల్సిన పోలీసులు ఆమెను అవమానించడం తగదన్నారు. అధికారులు వెంటనే స్పందించి భర్త దుర్గాప్రసాద్‌ను తీసుకువచ్చి ఆమెకు న్యాయం చేయాలని డిమాండ్‌ చేశారు. కార్యక్రమంలో నాయకులు జల్లి రామ్మోహనరావు, పొగాకు నారాయణరావు పాల్గొన్నారు.

ద్వారకాతిరుమల: దుష్టశిక్షణ, శిష్టరక్షణకు ప్రతిరూపమైన జగజ్జనని కనకదుర్గమ్మ దేవీ శరన్నవరాత్రి ఉత్సవాలకు ఉమ్మడి పశ్చిమగోదావరి జిల్లా ఘనంగా ముస్తాబవుతోంది. ఈ నెల 11 నుంచి 20 వరకు జరిగే ఈ వేడుకలు విజయదశమితో ముగియనున్నాయి. సింహవాహినిగా, మహిషాసురమర్దినిగా అమ్మవారి దివ్యమంగళ రూపాన్ని దర్శించుకునేందుకు భక్తకోటి ఆసక్తిగా ఎదురుచూస్తోంది. గ్రామగ్రామాన ఉత్సవ కమిటీలు మండపాల ఏర్పాటులో నిమగ్నమవ్వగా, విగ్రహాల తయారీ పనులు చివరి దశకు చేరుకున్నాయి. ఏలూరు, తాడేపల్లిగూడెం, జంగారెడ్డిగూడెం, పాలకొల్లు, నరసాపురం, ఎం.నాగులపల్లి తదితర ప్రాంతాల్లో కళాకారులు ప్లాస్టర్‌ ఆఫ్‌ ప్యారిస్‌తో పాటు పర్యావరణహిత మట్టి విగ్రహాలకు తుదిమెరుగులు దిద్దుతున్నారు. ప్రసిద్ధ క్షేత్రాల్లో ప్రత్యేక అలంకారాలు ఉమ్మడి జిల్లాలోని ప్రముఖ ఆధ్యాత్మిక క్షేత్రాలైన భీమవరం మావుళ్లమ్మ, పెనుగొండ వాసవీ కన్యకాపరమేశ్వరి, మహిషాసురమర్థని, నిడదవోలు కోటసత్తెమ్మ, మొగల్తూరు బండి ముత్యాలమ్మ, కొల్లేటికోట పెద్దింట్లమ్మ, పెదవేగి రాట్నాలమ్మ తల్లి ఆలయాలు నవరాత్రి ఉత్సవాలకు సిద్ధమవుతున్నాయి. సంప్రదాయ నవదుర్గ రూపాలైన శైలపుత్రి, బ్రహ్మచారిణి, చంద్రఘంట, కూష్మాండ, స్కందమాత, కాత్యాయనీ, కాళరాత్రి, మహాగౌరి, సిద్ధిదాత్రి అలంకారాలతో పాటు కొన్ని క్షేత్రాల్లో బాలాత్రిపురసుందరి, గాయత్రీదేవి, అన్నపూర్ణాదేవి, లలితాత్రిపురసుందరి, మహాలక్ష్మి, సరస్వతి, మహిషాసురమర్దిని, రాజరాజేశ్వరి రూపాల్లో రోజుకో విశేష అలంకారంలో అమ్మవారు దర్శనమివ్వనున్నారు. ముమ్మరంగా విగ్రహాల రూపకల్పన ఉత్సవాలకు కొద్దిరోజులే సమయం ఉండటంతో విగ్రహాల తయారీ ఊపందుకుంది. ద్వారకాతిరుమల మండలం ఎం.నాగులపల్లి జాతీయ రహదారి వద్ద భీమడోలుకు చెందిన పేరవరపు నాగేశ్వరరావు కుటుంబం రెండు నెలల ముందే మట్టి విగ్రహాల తయారీని ప్రారంభించి ఆర్డర్లను సిద్ధం చేస్తోంది. మార్కెట్‌లో ప్లాస్టర్‌ ఆఫ్‌ ప్యారీస్‌ విగ్రహాలు పరిమాణం, ఆకర్షణను బట్టి రూ. 10 వేల నుంచి రూ. 60 వేల వరకు విక్రయిస్తుండగా, మట్టి విగ్రహాలు రూ. 10 వేల నుంచి రూ. 25 వేల వరకు అందుబాటులో ఉన్నాయి. వైభవంగా ఆధ్యాత్మిక సంబరాలు జిల్లావ్యాప్తంగా కూడళ్లలో మండపాలు నిర్మించి కుంకుమార్చనలు, చండీ పారాయణాలు, భజనలు, కోలాటాలు, అన్నదానాలు నిర్వహించేందుకు కమిటీలు ఏర్పాట్లు చేస్తున్నాయి. అయితే నిత్యావసరాలు, పూజా సామగ్రి, విద్యుత్‌ అలంకరణల ధరలు పెరగడం ఉత్సవ నిర్వహణ బడ్జెట్‌పై ప్రభావం చూపుతోంది. ఖర్చులు పెరిగినా సంప్రదాయ బద్ధంగా, వైభవంగా వేడుకలు జరిపేందుకు నిర్వాహకులు ప్రణాళికలు రచిస్తున్నారు. శరన్నవరాత్రులకు ఉమ్మడి పశ్చిమగోదావరి సిద్ధం ఈ నెల 11 నుంచి 20 వరకు దేవీ నవరాత్రులు ఆలయాల్లో ప్రత్యేక పూజలు.. ఊపందుకున్న విగ్రహాల తయారీ పెరిగిన వ్యయభారం.. మట్టి విగ్రహాలను ప్రోత్సహించాలని వినతి పీఓపీ విగ్రహాలు ఆకర్షణీయంగా ఉండటంతో మట్టి విగ్రహాలకు ఆదరణ తగ్గుతోంది. పర్యావరణానికి మేలు చేసే మట్టి విగ్రహాలపై విద్యావంతులు అవగాహన కల్పించాలి. ప్రభుత్వం కూడా మట్టి విగ్రహాల తయారీదారులను ఆదుకోవాలి. – పేరవరపు నాగేశ్వరరావు, విగ్రహాల తయారీదారుడు, ఎం.నాగులపల్లి

పెదవేగి: విద్యార్థులు విద్యతో పాటు క్రీడల్లోనూ రాణించి జాతీయ, అంతర్జాతీయ స్థాయిలో పేరు తెచ్చుకోవాలని పెదవేగి డాక్టర్‌ బీఆర్‌ అంబేడ్కర్‌ గురుకుల కళాశాల ప్రిన్సిపల్‌ రమేష్‌ బాబు పిలుపునిచ్చారు. గురుకుల కళాశాలలో శుక్రవారం నిర్వహించిన 70వ రాష్ట్రస్థాయి చెస్‌, హాకీ, రగ్బీ విభాగాల్లో అండర్‌–17 బాలబాలికల క్రీడా పోటీలు ముగిశాయి. ఈ పోటీల ద్వారా జాతీయస్థాయి పోటీల్లో పాల్గొనేందుకు ఐదుగురు బాలురు, ఐదుగురు బాలికలను ఎంపిక చేసినట్లు పాఠశాల వ్యాయామ ఉపాధ్యాయుడు తెలిపారు. వీరు అక్టోబర్‌ 22 నుంచి 26 వరకు జరిగే జాతీయస్థాయి పోటీల్లో పాల్గొంటారని పేర్కొన్నారు.

గణపవరం(నిడమర్రు): దేశంలోనే అతిపెద్దదైన పెదనిండ్రకొలను గాంధీ భవనాన్ని పర్యాటక కేంద్రంగా అభివృద్ధి చేయడానికి కేంద్ర, రాష్ట్ర ప్రభుత్వాలు కృషి చేయాలని ఏపీ గాంధీ స్మారకనిధి కన్వీనర్‌ ఇందుకూరి ప్రసాదరాజు కోరారు. శుక్రవారం నిడమర్రు మండలం పెదనిండ్రకొలనులోని గాంధీ భవనంలో మహాత్మా గాంధీ జయంతి వేడుకలు ఘనంగా నిర్వహించారు. ఈ సందర్భంగా ప్రసాదరాజు మాట్లాడుతూ.. స్వాతంత్య్ర సమరయోధుడు చింతలపాటి మూర్తిరాజు ఆశయం మేరకు ఈ భవనాన్ని అభివృద్ధి చేసి, గాంధీజీ జీవిత స్మృతులను భావితరాలకు అందించేలా తీర్చిదిద్దాలన్నారు. అనంతరం గాంధీజీ జీవిత చరిత్రపై విద్యార్థులకు నిర్వహించిన వ్యాసరచన, చిత్రలేఖనం పోటీల విజేతలకు బహుమతులు, ప్రశంసాపత్రాలు అందజేశారు. కార్యక్రమంలో సాగిరాజు జానకిరామరాజు, వేగేశ్న సుబ్బరాజు, ఆర్‌విఎస్‌ రాజు తదితరులు పాల్గొన్నారు.

కొయ్యలగూడెం: గ్రామీణ ప్రాంతాల్లో సహజ వనరులపై అక్రమార్కుల కన్నుపడింది. యథేచ్ఛగా చెరువుల్లో మట్టిన తవ్వి తరలించేస్తున్నారు. మండలంలోని యర్రంపేట, రాజవరం గ్రామాల్లో సాగునీటి చెరువుల నుంచి మట్టిని జనసేన నేతలు కొల్లగొడుతున్నారు. రేయింబవళ్లు పొక్లయిన్లతో తవ్వి లారీల్లో తరలిస్తున్నారు. వరుస సెలవు దినాలు రావడంతో అధికారుల పర్యవేక్షణ కొరవడటంతో మరింత రెచ్చిపోతున్నారు. శుక్రవారం యర్రంపేట, రాజవరం సమీపంలోని సాగునీటి చెరువుల నుంచి మట్టి అక్రమ రవాణా చేశారు. టిప్పర్‌ మట్టి రూ.5 వేలు, ట్రాక్టర్‌ మట్టి రూ.వెయ్యికి విక్రయిస్తున్నారు. ఇప్పటికే ఎల్‌నినో వర్షాభావ పరిస్థితుల్లో చెరువు గర్భంలో నీరు అంతంతమాత్రంగా ఉందని, మట్టి తవ్వకాలతో మరింత అడగంటే ప్రమాదం ఉందని ఆయకట్టు రైతులు వాపోతున్నారు. చెరువులో నీరు నిలవకుండా చేస్తున్నారని, ఇప్పటికే పశువులకు సైతం నీరు కరువయ్యిందని అంటున్నారు. ఇటీవల కురిసిన కొద్దిపాటి వర్షాలతో రబీ సీజన్‌కి అయినా పంటలు వేద్దామనుకుంటే మట్టి తవ్వకాలతో తమ ఆశలు ఆవిరి అవుతున్నాయని చెబుతున్నారు. మట్టి రవాణాపై కఠిన చర్యలు తీసుకోవాలని కోరుతున్నారు. యథేచ్ఛగా మట్టి అక్రమ రవాణా చెరువుల గర్భాలకు తూట్లు సహజ వనరుల దోపిడీ కొరవడిన అధికారుల పర్యవేక్షణ తెలంగాణకు ఇసుక రవాణాచింతలపూడి: రాష్ట్రం నుంచి తెలంగాణకి అక్రమంగా ఇసుకను తరలిస్తున్న లారీని చింతలపూడి పోలీసులు చాకచక్యంగా పట్టుకున్నారు. చింతలపూడి మండల పరిధిలోని సీతానగరం గ్రామం వద్ద సీఐ క్రాంతికుమార్‌ పర్యవేక్షణలో ఎస్సై కె.సతీష్‌కుమార్‌ ఆధ్వర్యంలో తనిఖీలు చేపట్టగా ఓ లారీ పట్టుపడింది. లారీ డ్రైవర్‌ పాత బిల్లులను చూపిస్తూ అక్రమంగా సరిహద్దు దాటించేందుకు ప్రయత్నించడంతో పోలీసులకు అనుమానం వచ్చింది. వెంటనే రికార్డులను క్షుణ్ణంగా పరిశీలించగా, ప్రభుత్వ నిబంధనలకు విరుద్ధంగా ఇసుకను తరలిస్తున్నట్టు తేలింది. దీంతో సదరు లారీని గుర్తించి అదుపులోకి తీసుకున్నారు. ఎస్సై సతీష్‌కుమార్‌ మాట్లాడుతూ అనుమతులు లేకుండా, నిబంధనలకు విరుద్ధంగా ఇసుకను ఇతర రాష్ట్రాలకు తరలిస్తే ఎంతటి వారినైనా ఉపేక్షించేది లేదని హెచ్చరించారు. అక్రమ ఇసుక రవాణాకు పాల్పడే వారిపై చట్టపరంగా చర్యలు తీసుకుంటామని స్పష్టం చేశారు. సరిహద్దు గ్రామాల్లో నిరంతరం నిఘా కొనసాగుతుందని చెప్పారు.

ఏలూరు టౌన్‌ : కోర్టులను బూచీగా చూపిస్తూ బీసీలకు 34 శాతం రిజర్వేషన్ల ఎరతో వలవేసి బుట్టలో వేసే సరికొత్త వెన్నుపోటు నాటకానికి సీఎం చంద్రబాబు తెరతీశారని.. బీసీ సోదరులంతా జాగ్రత్తగా ఉండాలని వైఎస్సార్‌సీపీ బీసీ సెల్‌ జోన్‌–2 వర్కింగ్‌ ప్రెసిడెంట్‌ నౌడు వెంకటరమణ అన్నారు. శుక్రవారం ఆయన మాట్లాడుతూ రిజర్వేషన్లు 50 శాతానికి మించకూడదన్న విషయం తెలిసి కూడా బీసీలకు 34 శాతం రిజర్వేషన్ల జీఓ జారీ చేయడం, అమలు చేస్తానని చెప్పడంలో చంద్రబాబు ఆంతర్యం ఏంటని ప్రశ్నించారు. ఈ బీసీ రిజర్వేషన్‌ జీఓను కోర్టు కొట్టేస్తుందని తెలిసినా రాజకీయ డ్రామా ఆడుతున్నారని విమర్శించారు. సుప్రీంకోర్టుకు వెళతామని బీసీలను మభ్యపెట్టే ప్రయత్నం చేయటం సిగ్గుచేటన్నారు. టీడీపీ కూటమి ప్రభుత్వానికి నిజంగా బీసీలపై ప్రేమ ఉంటే గత వైఎస్సార్‌సీపీ పాలనలో బీసీలకు ఎలాంటి రాజకీయ అవకాశాలు కల్పించారో ఒకసారి పరిశీలిస్తే తెలుస్తుందన్నారు. రాష్ట్రంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి హయాంలో 13 మేయర్‌ పదవుల్లో 9 బీసీలకు ఇచ్చారనీ, అంటే 69 శాతంగా ఉందన్నారు. 13 జిల్లాపరిషత్‌ ఛైర్మన్‌ పదవులకు 6 బీసీలకు ఇవ్వటం చరిత్రలో నిలిచిపోతుందనీ, ఇది 46 శాతంగా ఉందన్నారు. ఇవేమీ జీఓలతో చేసింది కాదని స్పష్టం చేశారు. 11 రాజ్యసభ సీట్లలో 4, 25 లోక్‌సభ సీట్లలో 11 బీసీలకు ఇవ్వటమంటే 44 శాతం, 58 ఎమ్మెల్సీల్లో 28 బీసీలకు ఇస్తే 48 శాతం ఇచ్చినట్లు అవుతుందన్నారు. మున్సిపల్‌ చైర్మన్‌ పదవుల్లో 53 శాతం, ఎంపీటీసీల్లో 41 శాతం, జెడ్పీటీసీల్లో 36 శాతం గత వైఎస్సార్‌సీపీ ప్రభుత్వంలో ఇచ్చారనేది చంద్రబాబు తెలుసుకోవాలనీ, బీసీ సోదరులు బాబు మాటలు నమ్మి మోసపోవద్దని వెంకటరమణ హితవుపలికారు. వైఎస్సార్‌సీపీ బీసీ సెల్‌ జోన్‌–2 వర్కింగ్‌ ప్రెసిడెంట్‌ నౌడు వెంకటరమణ

ఏలూరు టౌన్‌: ఏలూరు జిల్లా కారాగారంలో శుక్ర వారం ఖైదీల సంక్షేమ దినోత్సవం నిర్వహించారు. ముఖ్య అతిథిగా హాజరైన ఉమ్మడి పశ్చిమగోదావరి మొదటి అదనపు జిల్లా న్యాయమూర్తి యు. ఇందిరాప్రియదర్శిని మాట్లాడుతూ కారాగారంలో ఉన్న ప్రతిఒక్కరూ నేరస్తులు కాదనీ, నేరం మోపబడిన వ్యక్తులు మాత్రమేనని, ఈ కారాగారం ఒక ఆశ్రమం లాంటిదనీ, తప్పు చేసిన వారు పరివర్తన చెందాలని అన్నారు. కారాగారం నుంచి బయటకు వెళ్లిన అనంతరం సమాజంలో గౌరవప్రదమైన జీవితాన్ని ప్రారంభించాలన్నారు. కలెక్టర్‌ కె.వెట్రిసెల్వి మాట్లాడుతూ ఖైదీల సంక్షేమానికి ప్రభుత్వం పలు పథకాలు అమలు చేస్తోందనీ, సద్వినియోగం చేసుకోవాలని చెప్పారు. ఖైదీల సమస్యల పరిష్కారానికి కృషిచేస్తామన్నారు. ఖైదీలకు మెనూ ప్రకారం ఆహారం అందించాలని, వైద్య సదుపాయాలు, న్యాయ సహాయం, తదితర సౌకర్యాల కల్పనకు చర్యలు చేపట్టాలన్నారు. అనంతరం ఆటలు, పాటల పోటీల్లో విజేతలుగా నిలిచిన ఖైదీలకు బహుమతులు అందించారు. అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డి, అదనపు ఎస్పీ వై.ప్రసాదరావు, ఉమ్మడి జిల్లా న్యాయసేవాధికార సంస్థ కార్యదర్శి ఎన్‌.శ్రీలక్ష్మి, జిల్లా కారాగార సూపరింటిండెంట్‌ నరసింహారెడ్డి, జైలు, పోలీస్‌ సిబ్బంది ఉన్నారు. స్ఫూర్తి ప్రదాత గాంధీజీ ఏలూరు (ఆర్‌ఆర్‌పేట): జాతిపిత గాంధీజీ చూపిన శాంతి, అహింస మార్గాలను యువత ఆదర్శంగా తీసుకోవాలని కలెక్టర్‌ వెట్రిసెల్వి అన్నారు. గాంధీజీ జయంతి సందర్భంగా ఏలూరు కలెక్టరేట్‌లోని గాంధీ విగ్రహానికి, చిత్రపటానికి పూలమాలలు వేసి ఘ నంగా నివాళులర్పించారు. ఈ సందర్భంగా ఆమె మాట్లాడుతూ అహింస అనే ఆయుధంతో దేశానికి స్వాతంత్రం తీసుకువచ్చిన మహా మనిషి గాంధీజీ అన్నారు. జేసీ ఎంజే అభిషేక్‌ గౌడ, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌, ఇన్‌చార్జ్‌ డీఆర్వో ఎం. ముక్కంటి పాల్గొన్నారు.

తాడేపల్లిగూడెం : తమ గ్రామాన్ని పంచాయతీగానే ఉంచాలని, మున్సిపాలిటీలో కలపవద్దని తాడేపల్లిగూడెం మండలం కొండ్రుపోలు గ్రామస్తులు శు క్రవారం రాత్రి రోడ్డెక్కారు. విలీన గ్రామాలను ము న్సిపాలిటీలో కలిపి ఎన్నికలు నిర్వహించాలంటూ కోర్టు ఇచ్చిన తీర్పునకు నిరసనగా ఆందోళన చే పట్టారు. గత 12 ఏళ్లుగా గ్రామానికి పాలకవర్గం లేక ఎలాంటి అభివృద్దికి నోచుకోలేదన్నారు. కనీసం డ్రైన్లు శుభ్రం చేయడానికి నిధులు లేక ఇబ్బందులు పడుతున్నామన్నారు. గ్రామాన్ని మున్సిపాలిటీలో కలిపితే అంతా కూలీలుగా పనిచేసే ఉపాధి హామీ పని కూడా అందకుండా పోతుందన్నారు. ఎమ్మెల్యే బొలిశెట్టి శ్రీనివాసు చొరవ తీసుకొని తమ గోడును ప్రభుత్వానికి విన్నవించాలని కోరారు.

వైఎస్సార్‌సీపీ జిల్లా అధ్యక్షుడు డీఎన్నార్‌ కై కలూరు : సమాజంలో గాంధేయ మార్గమే శ్రీరామరక్ష అని వైఎస్సార్‌సీపీ జిల్లా అధ్యక్షుడు దూలం నాగేశ్వరరావు (డీఎన్నార్‌) అన్నారు. జాతిపిత మహాత్మాగాంధీ, మాజీ ప్రధాని లాల్‌ బహుదూర్‌ శాసీ్త్రల జయంతి సందర్భంగా కై కలూరు గాంధీబొమ్మ వద్ద శుక్రవారం నివాళులర్పించారు. డీఎన్నార్‌ మాట్లాడుతూ అహింస మార్గంతో బ్రిటీష్‌ ప్రభుత్వాన్ని గాంధీజీ గడగడలాడించారన్నారు. ఆయన బోధనలు, ఆశయాలను అందరూ తప్పక పాటించాలన్నారు. అ నంతరం ప్రజలకు స్వీట్లు పంపిణి చేశారు. పార్టీ మండల అధ్యక్షుడు శింగంశెట్టి రాము, ఉపాధ్యక్షుడు పి.అనిల్‌కుమార్‌, రాష్ట్ర మైనార్టీ సెల్‌ సెక్రటరీ ఎండీ గాలీబ్‌బాబు, జిల్లా ఎంప్లాయర్స్‌, పెన్షనర్ల విభాగ అధ్యక్షుడు ఎలుగుల వేణుగోపాలరావు, జిల్లా అర్గనైజింగ్‌ సెక్రటరీ జయమంగళ కాసులు, టౌన్‌ అధ్యక్షుడు సమయం అంజి, నాయకులు పాల్గొన్నారు. ద్వారకాతిరుమల: చిన వెంకన్న కొండపై ఓ కాంట్రాక్టర్‌కు అనధికారికంగా రెండు రోజులపాటు ఉచితంగా కాటేజీని కేటాయించిన వ్యవహారంపై ‘సాక్షి’లో వరుస కథనాలు రావడంతో దేవస్థానం అధికారులు స్పందించారు. కాటేజీ అద్దె రూ.6,574ను సంబంధిత కాంట్రాక్టర్‌ ద్వారా శుక్రవారం ఉదయం దేవస్థానం ఖజానాకు జమ చేయించారు. ఈ వ్యవహారం వెలుగులోకి రావడంతో కాంట్రాక్టర్‌ ఎట్టకేలకు నగదు చెల్లించడం చర్చనీయాంశంగా మారింది. అమరావతికి చెందిన సెవెన్‌న్‌హిల్స్‌ ఫెసిలిటీ సర్వీసెస్‌ ప్రైవేట్‌ లిమిటెడ్‌కు చెందిన ఓ కాంట్రాక్టర్‌ శ్రీనివాస నిలయం గెస్ట్‌హౌస్‌లో ఉచితంగా బస చేసిన విషయం తెలిసిందే. తాడేపల్లిగూడెం : అంతర్‌ జిల్లా నేరస్తుడిని తాడేపల్లిగూడెం పోలీసులు చాకచక్యంగా అరెస్ట్‌ చేశారు. ఉభయ గోదావరితో పాటు బాపట్ల, గుంటూరు, విజయవాడ, నెల్లూరు, పల్నాడు, కడప జిల్లాలో 37 కేసులు ఉన్నాయి. ఈ ఏడాది ఆగస్టులో పెదకాకాని పరిధిలో జరిగిన ఓ చోరీ కేసులో జైలుకు కూడా వెళ్లివచ్చాడు. తాడేపల్లిగూడెంలో కారు చోరీ కేసులు అడ్డంగా బుక్కయ్యాడు. డీఎస్పీ బి.నరసింహారావు శుక్రవారం విలేకరులకు వివరాలు వెల్లడించారు. కోనసీమ జిల్లా ఆత్రేయపురం మండలం అంకంపాలెం గ్రామానికి చెందిన కరుటూరి సూర్యతేజ ఈనెల 27న రాత్రి పట్టణంలోని సాయిబాబా గుడి ఎదురుగా ఉన్న మెకానిక్‌ షెడ్‌లో ప్రవేశించి కా రును, నగదు, సీసీ టీవీ డీవీఆర్‌ను అపహరించా డు. ఈ మేరకు పట్టణ పోలీస్‌స్టేషన్‌లో కేసు నమోదయ్యింది. జిల్లా ఎస్పీ అద్నాన్‌ నయీం ఆస్మీ ఆదేశాల మేరకు పట్టణ సీఐ బోఽణం ఆదిప్రసాద్‌ బృందం దర్యాప్తు చేపట్టి ఉంగుటూరు టోల్‌ప్లాజా సమీపంలో నిందితుడిని అదుపులోకి తీసుకున్నారు. విచారణ అనంతరం నిందితుడిపై పెద్దాపురం, ఒంగోలులో చేసిన షట్టర్‌ పగులగొట్టి చేసిన చోరీలు బయటకు వచ్చాయి. తాడేపల్లిగూడెంలో నమోదైన కేసుకు సంబంధించి కారు, పెద్దాపురంలో కేసుకు సంబంధించి రూ.1,63,581, ఒంగోలులో కేసుకు సంబంధించి రూ.36 వేల నగదు, సీసీ కెమెరాలను స్వాధీనం చేసుకున్నారు. కారు విలువ సుమారు రూ.8 లక్షలు ఉంటుందన్నారు. పాలకోడేరు : రాష్ట్రస్థాయి ఖోఖో పోటీలకు పాలకోడేరు పీఎంసీ జూనియర్‌ కాలేజ్‌ విద్యార్థి ఎస్‌కే ధరణి ఎంపికయ్యాడు. ఈ నెల 16 నుంచి కృష్ణా జిల్లా కంచికచర్లలో జరిగే 45వ రాష్ట్రస్థాయి జూనియర్స్‌ ఖోఖో పోటీల్లో జిల్లా ప్రాతినిధ్యం వహిస్తాడని కోచ్‌ వనుం వెంకటేష్‌ తెలిపారు. ధరణి స్వగ్రామం మోగల్లు. గ్రామస్తులు అతడిని అభినందించారు.

● సాంకేతిక సమస్యలతో ఇబ్బందులు ● వినియోగదారుల్లో అసంతృప్తి ● ఏజెన్సీలో సక్రమంగా అందని సేవలు ● ప్రైవేట్‌ నెట్‌వర్క్‌ల వైపు మొగ్గు బుట్టాయగూడెం: జిల్లాలోని ఏజెన్సీ ప్రాంతంలో ఏపీ ఫైబర్‌ నెట్‌ సేవలు దారుణంగా తయారయ్యాయి. సాంకేతిక సమస్యల కారణంగా వినియోగదారులకు తీవ్ర ఇబ్బందులు ఎదురవుతున్నాయి. దీంతో చాలా మంది ఇతర నెట్‌వర్క్‌లకు మారేందుకు ఆసక్తి చూపుతున్నారు. కొద్దిరోజులుగా ఏపీ ఫైబర్‌ నెట్‌తో వినియోగదారులు విసిగిపోతున్నారు. తరచూ ఆగిపోవడం, నెట్‌ నెమ్మదించడం జరుగుతుందని వినియోగదారులు వాపోతున్నారు. నెలలో కనీసం 15 రోజులకు పైగా నెట్‌ సేవలు సక్రమంగా అందడం లేదని అంటున్నారు. అత్యంత చౌకగా ఇస్తామని ప్రభుత్వం చెప్పడంతో ఏపీ ఫైబర్‌ నెట్‌ ఏర్పాటు చేసుకుంటే రూ.350కు పెంచిన ప్రభుత్వం సేవలను మాత్రం సక్రమంగా అందించడం లేదని విమర్శిస్తున్నారు. స్పందన అంతంతమాత్రం ప్రజలకు ఏపీ ఫైబర్‌ సేవలు తక్కువ ధరలకే అందిస్తామని చెప్పి వినియోగదారులను పెంచుకుంటున్న ఏపీ ఫైబర్‌ సిబ్బంది చివరకు సేవల్లో అంతరాయం ఏర్పడితే కనీసం స్పందించని పరిస్థితి. సేవల్లో అంతరాయం కలిగిన సమయంలో ఫోన్‌ చేస్తే కనీసం సమాధానం కూడా చెప్పే నాథుడే కరువయ్యాడు. జిల్లాలోని బుట్టాయగూడెం, కొ య్యలగూడెం, జీలుగుమిల్లి, పోలవరం తదితర ప్రాంతాల్లో ఇదే పరిస్థితి. అలాగే వేరే ప్రాంతంలో విద్యుత్‌ సరఫరాకు అంతరాయం ఏర్పడితే నెట్‌ సేవలు నిలిచిపోయే దుస్థితి. దీనికి కారణం ఏపీ ఫైబర్‌ ఏర్పాటు చేసిన చోట ఇన్వర్టర్‌ కనెక్షన్‌ లేకపోవడం వల్ల కూడా అంతరాయం ఏర్పడినట్టు తెలుస్తుంది. ఇప్పటికై నా అధికారులు, ప్రభుత్వం ఏపీ ఫైబర్‌ నెట్‌ సేవలు సక్రమంగా ఉండేలా చూడాలని కోరుతున్నారు. ఏపీ ఫైబర్‌ నెట్‌ నెలలో 15 రో జులు కూడా సక్రమంగా పనిచేయడం లేదు. సేవలు నిలిచిపోయిన సమయంలో సమాచారం కోసం ఫోన్‌ చేస్తుంటే ఎవరూ పట్టించుకోవడం లేదు. డబ్బులు కట్టకపోతే నెట్‌వర్క్‌ కట్‌ చేస్తున్నారు. –ఎన్‌.సత్యనారాయణ, కొమ్ముగూడెం సెంటర్‌, బుట్టాయగూడెం మండలం ఏపీ ఫైబర్‌ నెట్‌ సేవలు సక్రమంగా ఉండటం లేదు. తీవ్రమైన అంతరాయాలతో విసిగి పోతున్నాం. ప్రజలకు అత్యంత చౌకగా నెట్‌ సేవలు ఇస్తామని చెప్పడంతో ఏపీ ఫైబర్‌ నెట్‌ను ఏర్పాటు చేసుకున్నాం. కొద్ది నెలలుగా ఆ పరిస్థితి లేదు. అధికారులు ఇప్పటికై నా నెట్‌ సేవలను సక్రమంగా అందించే విధంగా చర్యలు తీసుకోవాలి. – ఎ.దుర్గారావు, బుట్టాయగూడెం

ఏలూరు (ఆర్‌ఆర్‌పేట): తమకు వేతనాలు పెంచుతామనే హామీలను అమలు చేయకుండా చంద్రబాబు ప్రభుత్వం తాత్సారం చేయడంపై అంగన్‌వాడీలు గళమెత్తారు. ఏలూరులో సీఐటీయూ ఆధ్వర్యంలో వినూత్నంగా నిరసన తెలిపారు. శుక్రవారం గాంధీ జయంతి సందర్భంగా సీఐటీయూ జిల్లా కార్యాలయం అల్లూరు సత్యనారాయణ భవనం నుంచి భారీ ప్రదర్శన నిర్వహించారు. జెడ్పీ కార్యాలయం వరకు ర్యాలీ నిర్వహించి అక్కడ గాంధీజీ విగ్రహానికి పూలమాలలు వేసి నివాళులర్పించారు. సమస్యలతో కూడిన వినతిపత్రాన్ని గాంధీజీ విగ్రహానికి అందజేశారు. అంగన్‌వాడీ వర్కర్స్‌, హెల్పర్స్‌ యూనియన్‌ జిల్లా గౌరవ అధ్యక్షుడు డీఎన్‌వీడీ ప్రసాద్‌ మాట్లాడుతూ రాష్ట్రంలో ఏడేళ్లుగా అంగన్‌వాడీలకు వేతనాలు పెంచలేదని, నిత్యావసర వస్తువుల ధరలు ఆకాశాన్ని అంటుతున్న వేళ కుటుంబ పోషణ భారంగా మారిందన్నారు. ఎన్నికల ముందు అంగన్‌వాడీలకు పలు వాగ్దానాలు చేసిన చంద్రబాబు అధికారంలోకి వచ్చి 26 నెలలు గడిచినా పట్టించుకోకపోవడం దారుణమన్నారు. అంగన్‌వాడీలను ప్రభుత్వ ఉద్యోగులుగా గుర్తించాలని, పీఎఫ్‌, ఈఎస్‌ఐ అమలు చేయాలని డిమాండ్‌ చేశారు. జిల్లాలో మిగిలిన మినీ సెంటర్లను మెయిన్‌ సెంటర్‌లుగా మార్పు చేయాలని తదితర సమస్యలను ప్రస్తావించారు. ప్రాజెక్టు అధ్యక్ష, కార్యదర్శులు, భారీ సంఖ్యలో కార్యకర్తలు పాల్గొన్నారు.

కలెక్టర్‌ వెట్రిసెల్వి ఏలూరు (ఆర్‌ఆర్‌పేట): ప్రజా భాగస్వామ్యంతోనే స్వచ్ఛ ఏలూరు జిల్లా సాధ్యమని, స్వచ్ఛతతోనే ఆరోగ్య సమాజం రూపుదిద్దుకుంటుందని కలెక్టర్‌ కె.వెట్రిసెల్వి అన్నారు. శుక్రవారం స్థానిక సీఆర్‌రెడ్డి కళాశాలలో స్వచ్ఛాంధ్ర అవార్డుల ప్రదానోత్సవం నిర్వహించారు. జేసీ అభిషేక్‌ గౌడ, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డితో కలిసి కలెక్టర్‌ అవార్డులు అందజేశారు. పరిశుభ్రత అందరి జీవితాల్లో భాగం కావాలన్నారు. ఏలూరులో వాయు కా లుష్యం తగ్గించి స్వచ్ఛ వాయు సర్వేక్షన్‌లో జాతీయ స్థాయిలో 4వ స్థానం సాధించామన్నారు. పరిశుభ్రత, పారిశుద్ధ్యం రంగాల్లో ఉత్తమ ప్రతిభ కనబరిచిన 70 మంది వ్యక్తులు, సంస్థలు, స్థానిక సంస్థలకు అవార్డులు అందించారు. డీపీఓ జీవీకే మల్లికార్జునరావు, ఏలూరు నగరపాలక సంస్థ కమిషనర్‌ ఎ.భానుప్రతాప్‌, డీఈఓ ఎం.వెంకటలక్ష్మమ్మ, ఐసీడీఎస్‌ పీడీ శారద, మెప్మా పీడీ రాజబాబు తదితరులు పాల్గొన్నారు. అవార్డులు వీరికే.. ● పురపాలక సంఘం : నూజివీడు మున్సిపాలిటీ ● గ్రామ పంచాయతీలు : పి.అంకంపలెం, వలసపల్లి, చిన నిండ్రకొలను, కొత్తరావిచెర్ల, బుట్టాయగూడెం ● స్వచ్ఛ ఎస్‌ఎల్‌ఎఫ్‌: వెంకాదేవి, ఇందిరా క్రాంతిపధం, సత్య సమాఖ్య ● గ్రామ సమాఖ్యలు: విజయరాయి (పెదవేగి), కై కరం (ఉంగుటూరు), కొమ్మర (ద్వారకాతిరుమల), నుగొండపల్లి (ఆగిరిపల్లి), జీలుగుమిల్లి ● స్వచ్ఛ పాఠశాలలు: బూరుగువాడ జీపీఎస్‌, అడవికొలను హైస్కూల్‌, వెంకటరావుపేట మునిసిపల్‌ ప్రైమరీ స్కూల్‌, పంగిడిగూడెం, నాగేశ్వరపురం ఎంపీపీ స్కూళ్లు ● అంగన్‌వాడీ కేంద్రాలు: బుట్టాయగూడెం, తంగెళ్లమూడి సెంటర్‌, ఎర్రంపేట, తాడువాయి, చిననిండ్రకొలను ● స్వచ్ఛ ఆస్పత్రులు : కై కలూరు, పోలవరం, భీమడోలు సీహెచ్‌సీలు, కొప్పాక, పెదగొన్నూరు, ధర్మాజీగూడెం జీఏడీలు, ఆగిరిపల్లి, నందాపురం, లింగపాలెం పీహెచ్‌సీలు, లంబాడీపేట, కొత్తపేట, నరసింహరావుపేట అర్బన్‌ పీహెచ్‌సీలు ● ప్రభుత్వ కార్యాలయాలు: ఏలూరు జెడ్పీ కార్యాలయం, కలిదిండి తహసీల్దార్‌ కార్యాలయం, ఏలూరు నగరపాలక సంస్థ కార్యాలయం ● బస్టాండులు: నూజివీడు ● రైతు బజార్లు : ఏలూరు ఏఎంసీ ● సంక్షేమ వసతి గృహాలు : కామవరపుకోట, ఏలూరులోని బీసీ కళాశాల బాలికల వసతి గృహం–2, సాంఘిక సంక్షేమ శాఖ బాలికల వసతి గృహం, చేగొండపల్లిలో గిరిజన బాలుర సంక్షేమ వసతి గృహం ● పరిశ్రమలు : సర్వారాయ షుగర్స్‌, విన్నర్‌ సిరామిక్స్‌, ఎక్సపోన్‌ పాలిమర్స్‌, స్టెర్లిన్‌ బయో రేమిడిఎస్‌, శ్రీరాజ్యలక్ష్మి పవర్‌ ఇన్ఫ్రా ● స్వచ్ఛంద సంస్థలు : రవితేజ హెచ్‌ఐవీ ఎఫెక్టెడ్‌ చిల్డ్రన్‌ వెల్ఫేర్‌ సొసైటీ, మేయర్‌ చిల్డ్రన్స్‌ హోమ్‌, సిస్టర్‌ సెరీనా మెమోరియల్‌ చిల్డ్రన్‌ హోమ్‌ ● స్వచ్ఛత వారియర్స్‌ (పారిశుధ్య కార్మికులు): కె.మోహన్‌రావు, బంగారు లక్ష్మి (ఏలూరు), పి.గోయమ్మ (జంగారెడ్డిగూడెం), ఎం.ఏసు (నూజివీడు), వి.పద్మ (చింతలపూడి) ● స్వచ్ఛత గ్రీన్‌ అంబాసిడర్‌ : డి.ఇస్మాయిల్‌ (భోగోలు), బి.శ్రీనివాస్‌ (చాటపర్రు), ఎం.దుర్గారావు (గోపవరం), కె.పోలయ్య, జి. ధర్మారావు (రేచర్ల) ● రెసిడెన్షియల్‌ స్కూల్స్‌ : వట్లూరు బీఆర్‌ అంబేడ్కర్‌ గురుకులం ● స్వచ్ఛత కాలనీ : సాయి బాలాజీ టౌన్‌షిప్‌ ● పర్యాటక ప్రదేశాలు: ఆటపాక పక్షుల కేద్రం ● ఆలయాలు: ద్వారకాతిరుమల శ్రీవారి దేవస్థానం ● పార్కులు: ఏలూరు ఆర్‌ఆర్‌పేట మునిసిపల్‌ పార్క్‌ ● వాణిజ్య విభాగం: ఏలూరులో నవయుగ హోటల్‌ ● స్వచ్ఛ రథం : ముదినేపల్లి మండలం

కై కలూరు : ఉమ్మడి పశ్చిమగోదావరి జిల్లాకు గాంధీ ముచ్చటగా మూడుసార్లు విచ్చేశారు. ఆయన 1921 ఏప్రిల్‌ 3న భార్య కస్తూర్బాతో కలిసి ఏలూరుకు రైలు ద్వారా చేరుకున్నారు. మార్కండేయ గుడి సమీప అగ్రహారం వద్ద ఆంధ్ర మహా విద్యాలయానికి శంకుస్థాపన చేశారు. ఓ మొక్కను నాటారు. ఏలూరు టౌన్‌హాల్‌లో మహిళల ఆధ్వర్యంలో ఏర్పాటు చేసిన భారీ బహిరంగ సభలో ప్రసంగించారు. ఈ సభకు దాదాపు 10,000 మంది మహిళలు హాజరయ్యారు. చేబ్రోలుకు చెందిన కాలగర్ర రవమ్మ అనే మహిళ గాంధీజీకి పది కాసుల బంగారు కడ్డీని తిలక్‌ స్వరాజ్య నిధికి విరాళంగా అందించింది. రెండో బర్డోలీగా బిరుదు మహాత్మాగాంధీ 1929 ఏప్రిల్‌ 25న ఆంధ్రా ప్రాంత పర్యాటనలో భాగంగా తాడేపల్లిగూడెంలో ప్రసంగించారు. ఖద్దరు ప్రచారం, నిధుల సేకరణ చేపట్టారు. చాగల్లులో ఆనంద నికేతన్‌, పోతునూరులో వివేకానంద గ్రంథాలయానికి శంకుస్థాపన చేసి, గుండుగొలను చేరుకున్నారు. అంటరానితనం నివారణకు, హరిజనోద్ధరణ కోసం గాంధీజీ దేశవ్యాప్తంగా చేపట్టిన హరిజన యాత్రలో భాగంగా 1933 డిసెంబరు 27న భీమవరం చేరుకున్నారు. కదం తొక్కిన భీమవరంలో ప్రజలను చూపి రెండో బర్డోలీగా గాంధీ అభివర్ణించారు. ఇక్కడ స్వాతంత్య్ర నాయకులను ప్రత్యేకంగా అభినందించారు. నెత్తురు మరిగి ఎత్తిన చేతులు గాంధీజీ స్ఫూర్తితో ఉమ్మడి గోదావరి జిల్లాల్లో ఎందరో స్వాతంత్య్ర సమర నినాదాన్ని అందుకున్నారు. వీరిలో భూపతిరాజు వెంకటపతిరాజు(బీవీ రాజు), ప్రభల నరసింహాం, చింతలపాటి వరప్రసాద మూర్తిరాజు, కల్లూరి సుబ్బారావు, పాలకో డేటి శ్యామలాంబ, సూర్యప్రకాశరావు దంపతులు, గారపాటి సత్యనారాయణ, మంగళంపల్లి చంద్రశేఖర్‌, వేటిరాజు సత్యనారాయణరాజు, అద్దాల రా ఘవరరాజు, షేక్‌ అలీ సాహెబ్‌, దాసరి కృష్ణవేణి, ద్రోణంరాజు లక్ష్మీబాయిమ్మ, మూల్పూరి చుక్కమ్మ, సర్దార్‌ దండు నారాయణరాజు, తల్లాప్రగడ విశ్వసుందరమ్మ, కంతేటి కాశీవిశ్వనాథం, మాగంటి నాయుడమ్మ, ఉప్పాల కోదండరామయ్య, చిర్రవూరి అచ్చుతరామయ్య, పసల కృష్ణమూర్తి, మంగినపూడి పురషోత్తమశర్మలు తదితరులు ఉన్నారు. మహాత్మా గాంధీ కేవలం ఒక వ్యక్తి కాదు.. అదొక అజేయమైన స్ఫూర్తి.. ఆ శక్తి ఏలూరు వీధుల్లో కాలేజీ రూపంలో ప్రాణం పోసుకుంది.. భీమవరం గడ్డపై బార్డోలి స్ఫూర్తిగా ఎగిసిపడింది.. కై కలూరు కొల్లేరు సరిహద్దుల్లోని ఇళ్లల్లో దీపమై వెలిగింది.. తాడేపల్లిగూడెంలో స్వాతంత్రోద్యమ తాండవం చేసింది.. నేడు 157వ గాంధీ జయంతి సందర్భంగా ప్రత్యేక కథనం. మహాత్ముడు నడయాడిన నేల ఉమ్మడి జిల్లాకు మూడుసార్లు రాక ఏలూరులో ఆంధ్ర జాతీయ మహావిద్యాలయానికి శంకుస్థాపన తాడేపల్లిగూడెం, భీమవరంలో ఉత్తేజపూరిత ప్రసంగాలు నేడు గాంధీజీ 157వ జయంతి గాంధీ జయంతి సందర్భంగా శుక్రవారం ఏలూరు, పశ్చిమగోదావరి జిల్లాల కలెక్టరేట్లలో ప్రత్యేక కార్యక్రమాలు నిర్వహించనున్నారు. స్వచ్ఛ భారత్‌ మిషన్‌లో భాగంగా పరిశుభ్రత కార్యక్రమాలు చేపడుతున్నారు. జవహర్‌ నవోదయ విద్యాలయాలు, వివిధ కాలేజీల్లో గాంధీజీ జీవిత చరిత్రపై వక్తృత్వ, వ్యాసరచన, క్విజ్‌ పోటీలు, యువజన సర్వీసులు, మై భారత్‌ సంస్థల ఆధ్వర్యంలో సదస్సులు, పోలీసు, ఇతర ప్రభుత్వ శాఖల కార్యాలయాల్లో గాంధీ జయంతి వేడుకలు నిర్వహించనున్నారు. గాంధీ జయంతి సందర్భంగా మద్యం, మాంసం విక్రయాలను నిషేధించేలా చర్యలు తీసుకున్నారు.

ఏలూరు (ఆర్‌ఆర్‌పేట): జిలాల్లో 13 పరిశ్రమలకు వివిధ రాయితీల కింద రూ.4.95 కోట్లు మంజూరు చేస్తున్నట్టు కలెక్టర్‌ కె.వెట్రిసెల్వి తెలిపారు. స్థానిక కలెక్టరేట్‌లో గురువారం జిల్లా పారిశ్రామిక, ఎగుమతి ప్రోత్సాహక కమిటీ సమావేశంలో ఆమె మాట్లాడుతూ జిల్లాలో పారిశ్రామికాభివృద్ధికి పటిష్ట చర్యలు తీసుకుం టున్నామన్నారు. గత నెల రోజుల్లో జిల్లాలో 55 అనుమతులు మంజూరు చేశామన్నారు. జిల్లాలో ఫుడ్‌ ప్రాసెసింగ్‌ యూనిట్లు రెండో విడతగా 192 లక్ష్యానికి 72 యూనిట్లను గుర్తించామని, వాటిలో 53 మంజూరు కాగా, వివిధ బ్యాంకుల్లో 20 పెండింగులో ఉన్నాయన్నారు. జిల్లా పరిశ్రమల కేంద్ర జీఎం ఆర్‌.వెంకటరావు, ఐటీడీఏ పీడీ రాములు నాయక్‌ పాల్గొన్నారు. రూ.600 కోట్ల ఎంఓయూలు గుంటూరులో ఈనెల 16న జరిగే అమరావతి ప్రాంతీయ పెట్టుబడిదారుల సదస్సులో జిల్లా నుంచి రూ.600 కోట్ల విలువైన ఎంఓయూలకు చర్యలు తీసుకోవాలని కలెక్టర్‌ ఆదేశించారు. పెట్టుబడిదారుల సదస్సు ఏర్పాట్లపై జేసీ అభిషేక్‌ గౌడతో కలిసి సమీక్షించారు. జిల్లా నుంచి ఎంఎస్‌ఎంఈ, మధ్యతరహా, భారీ పరిశ్రమల ఏర్పాటుకు సంబంధించి భారీఎత్తున ఎంఓయూలు జరిగేలా చర్యలు తీసుకోవాలన్నారు. పారిశ్రామిక వేత్తలకు సహకారం అందించేలా కలెక్టరేట్‌లో సహాయ కేంద్రాన్ని ఏర్పాటు చేయాల ఆదేశించారు.

చంద్రబాబు మళ్లీ వెన్నుపోటు పొడిచారు. బీసీ రిజర్వేషన్లు సాధ్యం కాదని తెలిసి, కోర్టుల్లో కొట్టేస్తారని పూర్తి అవగాహన ఉండి కూడా రిజర్వేషన్‌ కల్పించినట్లు స్థానిక ఎన్నికల్లో లబ్ధి కోసం స్టంట్‌ షో చేశారు. కట్‌చేస్తే.. హైకోర్టు రిజర్వేషన్లను కొట్టివేయడంతో చంద్రబాబు ఎన్నికల ఎత్తుగడకు చెక్‌ పడింది.శుక్రవారం శ్రీ 2 శ్రీ అక్టోబర్‌ శ్రీ 2026సాక్షి ప్రతినిధి,ఏలూరు: ఆరువారాల్లో స్థానిక సంస్థల ఎన్నికలు జరగనున్న క్రమంలో రిజర్వేషన్ల పేరి ట గంపగుత్తగా బీసీ ఓట్లను దక్కించుకోవడానికి చేసిన ప్రయత్నం బెడిసి కొట్టడంతో చంద్రబాబు ప్రభుత్వ తీరుపై బీసీ సంఘాలు భగ్గుమన్నాయి. గత వైఎస్సార్‌సీపీ హయాంలో సామాజిక న్యాయం సాధికారతే లక్ష్యంగా పెద్ద సంఖ్యలో పదవులు కేటాయించారు. రిజర్వేషన్లతో సంబంధం లేకుండా స్థానిక మొదలు మంత్రి పదవుల వరకు బీసీలకే సింహభాగం కేటాయించారు. హైకోర్టులో చుక్కెదురు బీసీ రిజర్వేషన్‌ జీఓను హైకోర్టు గురువారం కొట్టివేసింది. స్థానిక సంస్థల ఎన్నికల్లో బీసీలకు 34 శాతం రిజర్వేషన్‌ కల్పించాలని, గ్రామీణ ప్రాంతంలో 34 శాతం, పట్టణ ప్రాంతాల్లో 33.33 శాతం కల్పించేలా జారీ చేసినరోపై అభ్యంతరాలు రావడం, హైకోర్టులో కేసు దాఖలు కావడంతో రాజ్యాంగ పరిధికి లోబడి రిజర్వేషన్‌ కల్పించలేదని, అలాగే సుప్రీంకోర్టు మార్గదర్శకాలకు విరుద్ధంగా పంచాయతీరాజ్‌, పురపాలక శాఖలు ఇచ్చిన జీఓలను హైకోర్టు కొట్టేసింది. ఈ క్రమంలో మరోసారి బీసీ రిజర్వేషన్లను ఎన్నికల అస్త్రంగా మలిచి లబ్ధి పొందాలనుకునే చంద్రబాబు సర్కారు ప్రయత్నాలపై సర్వత్రా మండిపడుతున్నారు. బ్యాక్‌వర్డ్‌ కాదు.. బ్యాక్‌బోన్‌ అంటూ.. బీసీలంటే బ్యాక్‌వర్డ్‌ క్యాస్ట్‌ కాదు.. సమాజానికి బ్యాక్‌ బోన్‌.. సామాజిక న్యాయమే లక్ష్యంగా గత వైఎస్సార్‌సీపీ ప్రభుత్వ హయాంలో ప్రాధాన్యమిచ్చారు. ఎమ్మెల్సీగా జయమంగళ వెంకటరమణను సామాజిక కోణంలోనే అవకాశం కల్పించారు. వడ్డీ కులస్తులకు శాసనమండలిలో అవకాశం కల్పిస్తామని పాదయాత్రలో మాట ఇచ్చిన వైఎస్‌ జగన్‌మోహన్‌రెడ్డి జయమంగళ వెంకటరమణను ఎమ్మెల్సీ చేశారు. ఏలూరు జిల్లాపరిషత్‌ను కూడా ప్రత్యేకంగా బీసీలకు కేటాయించారు. తొలుత కవురు శ్రీనివాస్‌ను జెడ్పీ చైర్మన్‌గా పనిచేసి అనంతరం ఎమ్మెల్సీగా ఎన్నికయ్యారు. ఈ క్రమంలో ఆయన స్థానంలో బీసీ మహిళ గంటా పద్మశ్రీకి చైర్‌పర్సన్‌ అవకాశం కల్పించారు. బాబు మార్కు వెన్నుపోటు రిజర్వేషన్ల పేరిట వంచన ఫలించని స్థానిక ఎన్నికల స్టంట్‌ షో రిజర్వేషన్‌ కొట్టేస్తారని తెలిసే జీఓ పేరిట మభ్యపెట్టే హడావుడి భగ్గుమంటున్న బీసీ సంఘాలు వైఎస్సార్‌సీపీ హయాంలో బీసీలకు అధిక ప్రాధాన్యం మంత్రి పదవులు మొదలు నామినేటెడ్‌ సీట్ల వరకూ సింహభాగం ఉమ్మడి పశ్చిమలో సార్వత్రిక ఎన్నికల్లోనూ బీసీ వర్గాలకే పెద్ద పీట బీసీలకు 34 శాతం రిజర్వేషన్లుగత వైఎస్సార్‌సీపీ రిజర్వేషన్లతో సంబంధం లేకుండా పదవుల కేటాయింపులో బీసీలకు ఇచ్చిన అగ్ర ప్రాధాన్యంపై జిల్లాలో చర్చ సాగుతుంది. మండల స్థాయి నేతలకు రాష్ట్ర కార్పొరేషన్‌ డైరెక్టర్లుగా, కొందరికి చైర్మన్లుగా పదవులు కట్టబెట్టారు. ఉమ్మడి పశ్చిమలో చూస్తే తణుకు నియోజకవర్గ ఎమ్మెల్యేగా 2019లో గెలిచిన కారుమూరి నాగేశ్వరరావుకు మంత్రి పదవి కట్టపెట్టారు. అలాగే జెడ్పీటీసీగా ఉన్న కవురు శ్రీనివాస్‌ను జెడ్పీ చైర్మన్‌గా, పాలకొల్లు నియోజకవర్గ సమన్వయకర్త, ఆ తరువాత శాసనమండలి సభ్యునిగా అవకాశం కల్పించారు. అలాగే రాష్ట్రస్థాయి చైర్మన్‌ పదవులు ఐదుకి పైగా జిల్లాకు చెందిన బీసీలకే దక్కాయి.బీసీ సామాజిక వర్గానికి చెందిన మాజీ ఎమ్మెల్సీ మేకా శేషుబాబుకు తిరుమల తిరుపతి దేవస్ధాన పాలకమండలి సభ్యుడిగా అవకాశం కల్పించారు. ఇక సార్వత్రిక ఎన్నికల సమయంలో తణుకు నుంచి కారుమూరి నాగేశ్వరరావు, పాలకొల్లు నుంచి గూడాల గోపి, నరసాపురం పార్లమెంట్‌ నుంచి గూడూరి ఉమాబాల, ఏలూరు పార్లమెంట్‌ నుంచి కారుమూరి సునీల్‌కుమార్‌ యాదవ్‌కు అవకాశం కల్పించారు. మున్సిపాల్టీల్లోనూ బీసీలకే అధిక ప్రాధాన్యం ఇచ్చారు. ఏలూరు నగర మేయర్‌ స్థానం జనరల్‌ కేటగిరీ అయినా బీసీ మహిళ షేక్‌ నూర్జహాన్‌కు అవకాశం కల్పించారు. అలాగే జంగారెడ్డిగూడెం మున్సిపల్‌ చైర్మన్‌గా బత్తిన నాగలక్ష్మి, నరసాపురం మున్సిపల్‌ చైర్మన్‌ గా బర్రి వెంకటరమణ, ఆకివీడు నగర పంచాయతీ మొదటి మున్సిపల్‌ చైర్మన్‌గా జామి హైమావతిలకు అవకాశం కల్పించారు. జెడ్పీటీసీలు, ఎంపీటీసీలకు పెద్ద సంఖ్యలో పదవులు దక్కాయి. జనరల్‌ కేటగిరీలో కూడా పలుచోట్ల బీసీలకు అవకాశాలను కల్పించారు. గత 50 ఏళ్ల చరిత్రలో జిల్లాలో బీసీలకు ఈ స్థాయిలో ప్రాధాన్యం ఏ రాజకీయ పార్టీ కల్పించలేదు.

ఏలూరు టౌన్‌ : రోడ్డు ప్రమాదాల్లో క్షతగాత్రులను ఆదుకుని వారి ప్రాణాలు కాపాడేందుకు ప్రతి ఒక్కరూ ముందుకు రావాలని ఏలూరు జిల్లా ఎస్పీ కొమ్మి ప్రతాప్‌ శివకిషోర్‌ పిలుపునిచ్చారు. రోడ్డు ప్రమాదాలు జరిగినప్పుడు చాలామంది కేవలం చూస్తూ ఉండిపోతున్నారే తప్ప సహాయం చేసేందుకు ముందుకు రావడం లేదని ఆయన ఆవేదన వ్యక్తం చేశారు. పోలీస్‌ స్టేషన్ల చుట్టూ తిరగాల్సి వస్తుందనో, కేసుల్లో ఇరుక్కుంటామనో, లేదా సాక్ష్యం చెప్పాల్సి వస్తుందనే భయంతో ప్రజలు వెనకడుగు వేస్తుంటారని తెలిపారు. అయితే, 108 అంబులెన్స్‌ వచ్చేలోపు క్షతగాత్రులకు ప్రాథమిక చికిత్స, సీపీఆర్‌ వంటి అత్యవసర సేవలు అందిస్తే వారి ప్రాణాలు నిలబెట్టే అవకాశం ఉంటుందని వివరించారు.రోడ్డు ప్రమాద బాధితులకు సకాలంలో సహాయం అందించి ప్రాణాలు కాపాడటంలో కీలక పాత్ర పోషించే వారికి ప్రభుత్వం రూ.25 వేల నుంచి రూ. లక్ష వరకు ఆర్థిక ప్రోత్సాహక బహుమతి అందజేస్తుందని ఎస్పీ స్పష్టం చేశారు. ప్రాణాలు రక్షించిన సామాన్యులను ప్రభుత్వం ‘గుడ్‌ సమారిటన్‌ అవార్డు’తో ఘనంగా సత్కరిస్తుందని తెలిపారు. ప్రమాదంలో క్షతగాత్రులకు సహాయం చేసి ప్రాణాలు కాపాడిన వ్యక్తులను పోలీసులు ఎట్టి పరిస్థితుల్లోనూ ఇబ్బంది పెట్టరని, వారికి చట్టపరంగా పూర్తి రక్షణ ఉంటుందని భరోసా కల్పించారు. భయాన్ని విడిచిపెట్టి ఆపదలో ఉన్నవారికి అండగా నిలవాలని, విలువైన ప్రాణాలను రక్షించడంలో ప్రజలందరూ భాగస్వాములు కావాలని ఎస్పీ శివకిషోర్‌ కోరారు. ఏలూరు జిల్లా ఎస్పీ కేపీ శివకిషోర్‌

ద్వారకాతిరుమల: చినవెంకన్న దేవస్థానం గోశాలలో బ్రూసెల్లోసిస్‌ వ్యాధి నియంత్రణకు పశుసంవర్ధక శాఖ అధికారులు ప్రత్యేక చర్యలు కొనసాగిస్తున్నారు. వ్యాధి ఇతర పశువులకు వ్యాపించకుండా జాగ్రత్తలు తీసుకుంటున్నారు. ఇప్పటికే వ్యాధి నిర్ధారణ అయిన పశువులను ఆరోగ్యవంతమైన వాటి నుంచి వేరు చేసి ప్రత్యేకంగా ఉంచడంతోపాటు గోశాలలో పరిశుభ్రత, వ్యాధి పర్యవేక్షణకు ప్రాధాన్యమిస్తున్నారు. ఈ మేరకు దేవస్థానం అధికారులతో సమన్వయం చేసుకుంటూ అవసరమైన వైద్య సహాయం, సాంకేతిక సూచనలు అందిస్తున్నట్లు జిల్లా పశుసంవర్ధక శాఖ అధికారి డాక్టర్‌ బి.రామ్మోహన్‌నరావు గురువారం ఓ ప్రకటన ద్వారా తెలిపారు. కృత్రిమ గర్భధారణ తప్పనిసరి గోశాలలో 348 పశువులకు గాను 68 ఆవులు, మూడు గిత్తలకు బ్రూసెల్లోసిస్‌ పాజిటివ్‌గా నిర్ధారణ అయింది. ఈ నేపథ్యంలో వ్యాధి వ్యాప్తి చెందే మార్గాలను దృష్టిలో ఉంచుకుని గోశాలలో సహజ సంపర్కం ద్వారా సంతానోత్పత్తిని నిలిపివేసి, కృత్రిమ గర్భధారణ(ఏఐ) విధానాన్నే అనుసరించాలని అధికారులు సూచించారు. దూడలకు వ్యాక్సినేషన్‌ బ్రూసెల్లోసిస్‌ నివారణలో భాగంగా 4–8 నెలల వయస్సున్న ఆడ దూడలకు ప్రభుత్వ మార్గదర్శకాల ప్రకారం వ్యాక్సినేషన్‌ నిర్వహిస్తున్నారు. మిగిలిన పశువులకు వ్యాధి సోకకుండా నిరంతర పర్యవేక్షణతోపాటు పారిశుధ్య చర్యలు చేపడుతున్నారు.

కై కలూరు: కొల్లేరు అభయారణ్య సమస్య మరోసారి తీవ్రరూపం దాల్చింది. పర్యావరణ ప్రేమికుల ఫిర్యాదుల నేపథ్యంలో సుప్రీంకోర్టు నియమించిన కేంద్ర సాధికారిత కమిటీ (సీఈసీ) ఇటీవల కొల్లేరులో ఆక్రమిత చెరువులు, హద్దులను క్షేత్రస్థాయిలో పరిశీలించింది. అటవీ, రెవెన్యూ, డ్రెయినేజీ శాఖల నుంచి వివరాలు సేకరించినప్పటికీ, పూర్తి స్థాయి సమాచారం అందకపోవడంపై అసంతృప్తి వ్యక్తం చేసింది. ఈ పరిణామాల నేపథ్యంలో సెప్టెంబరు 27న ఏలూరు కలెక్టరేట్‌లో పర్యావరణ, అటవీశాఖ ప్రిన్సిపాల్‌ కార్యదర్శి కాంతిలాల్‌ దండే జిల్లా కలెక్టర్‌, అటవీశాఖ అధికారులతో అత్యవసర సమీక్షా సమావేశం నిర్వహించారు. ఆయన ఆదేశాలతో ప్రస్తుతం దస్త్రాల సేకరణ ప్రక్రియ వేగవంతమైంది. భూముల విస్తీర్ణం – ప్రభుత్వ ప్రతిపాదనలు ఏలూరు, పశ్చిమగోదావరి జిల్లాల పరిధిలోని కై కలూరు, ఉంగుటూరు, దెందులూరు, ఉండి, ఏలూరు నియోజకవర్గాల్లోని 9 మండలాల్లో 77,138 ఎకరాల్లో కొల్లేరు అభయారణ్యం విస్తరించి ఉంది. మొత్తం 122 గ్రామాలు దీని పరీవాహక ప్రాంతంలో ఉన్నాయి. అభయారణ్యంలో 14,932 ఎకరాల జిరాయితీ భూములు, 5,510 ఎకరాల డీ–పట్టా భూములు కలిపి మొత్తం 20,442 ఎకరాలు ఉన్నాయి. వీటిని అభయారణ్య పరిధి నుంచి మినహాయించాలని ప్రభుత్వం ఇప్పటికే సీఈసీకి నివేదిక సమర్పించింది. అయితే, సరిహద్దులకు సంబంధించిన పూర్తి వివరాలు స్పష్టంగా లేకపోవడంతో ఆ నివేదికను సీఈసీ తిరిగి పంపింది. అక్టోబర్‌ 5వ తేదీలోపు సమగ్ర నివేదికను అందజేయాలని స్పష్టం చేయడంతో, అటవీ, రెవెన్యూ శాఖలు సంయుక్తంగా తుది నివేదిక రూపకల్పనలో నిమగ్నమయ్యాయి. చిత్తడి నేలల చట్టం నీడలో స్థానికులు కొల్లేరు అభయారణ్య సరిహద్దులకు సమీపంలో 10 కిలోమీటర్ల మేర రక్షణ వలయంగా గుర్తించాలని సుప్రీంకోర్టు గతంలో ఆదేశించింది. ఈ చట్టం పూర్తిస్థాయిలో అమలైతే ఉమ్మడి పశ్చిమగోదావరి, కృష్ణా జిల్లాల పరిధిలోని 13 మండలాలు, 6 నియోజకవర్గాలు, 2 పార్లమెంటు స్థానాల పరిధిలో లక్షలాది ఎకరాల భూముల్లో ఎటువంటి అభివృద్ధి కార్యక్రమాలు చేపట్టడానికి అవకాశం ఉండదు. ఈ నేపథ్యంలో ‘వాయిస్‌ ఆఫ్‌ కొల్లేరు’ పేరిట ఓ స్వచ్ఛంద సంస్థ న్యాయపోరాటానికి సిద్ధమవుతుండటం గమనార్హం. కొల్లేరు నివేదికపై ఏలూరు కలెక్టరేట్‌లో సీఎస్‌ కాంతిలాల్‌ దండే సమావేశం (పైల్‌) కొల్లేరు ప్రాంతం ఎన్నికల సమయంలో కొల్లేరు సమస్యకు శాశ్వత పరిష్కారం చూపుతామని కూటమి నాయకులు హామీ ఇచ్చారు. కానీ క్షేత్రస్థాయిలో అక్రమ చెరువుల తొలగింపు విషయంలో సుప్రీంకోర్టు ఆదేశాలు కఠినంగా ఉండటం, అధికారుల నివేదికలపై పర్యావరణవేత్తలు అభ్యంతరాలు వ్యక్తం చేస్తుండటంతో స్థానిక ప్రజలు తీవ్ర మానసిక ఆందోళనకు గురవుతున్నారు. కేంద్రం సాధికారిత కమిటీ(సీఈసీ)కి కొల్లేరు అంశంపై ఇప్పటికే నివేదిక చేరింది. ఇందులో 10 శాతం కొన్ని సమస్యల వల్ల తిరిగి మార్పులతో నివేదిక పంపుతున్నాం. అటవీ, రెవెన్యూశాఖల సమన్వయంతో తుది నివేదిక తయారవుతోంది. ఉన్నతాధికారులు నివేదికపై ప్రత్యేక దృష్టి సారించాలి. – కె.రామలింగాచార్యులు, అటవీశాఖ రేంజర్‌, కై కలూరు ఎన్నికల సమయంలో కొల్లేరు ప్రజలకు ఇచ్చిన హామీలను అమలు చేయండి. గ్రామాల్లో అనేక మంది ఉపాధి పనులు లభించక వలసబాట పడుతున్నారు. ప్రభుత్వం ప్రత్యేక కార్యచరణ రూపొందించాలి. ప్రజల జీవన ప్రమాణాలకు అనుగుణంగా అటవీ చట్టాలలో మార్పు రావాలి. – జయమంగళ కాసులు, మాజీ సర్పంచ్‌, పెంచికలమర్రు సీఈసీ నివేదిక నిమిత్తం ఈ నెల 5న డెడ్‌లైన్‌ అటవీ, రెవెన్యూ శాఖలకు పీఎస్‌ కాంతిలాల్‌ దండే సూచనలు సానుకూల నిర్ణయంపై కొల్లేరు ప్రజల ఎదురుచూపులు

● ఆటో వాయిదా చెల్లించేందుకు డ్రైవర్‌ ఘాతుకం ● మహిళ హత్య కేసులో నిందితుడి అరెస్టు తాళ్లపూడి: ఏలూరు జిల్లా పోలవరం మండలం కొత్త పట్టిసీమ గ్రామానికి చెందిన వింటి ఆదిలక్ష్మి (36) హత్య కేసులో నిందితుడిని పోలీసులు అరెస్టు చేశారు. కొవ్వూరు రూరల్‌ సీఐ విజయబాబు గురువారం వివరాలు వెల్లడించారు. తాళ్లపూడి మండలం తాడిపూడికి చెందిన షేక్‌ యాకూబ్‌ ఆటో నడుపుకుంటూ జీవనం సాగిస్తున్నాడు. తన ఆటో ఫైనాన్స్‌ వాయిదా చెల్లించేందుకు ఆర్థికంగా ఇబ్బంది పడుతున్నాడు. కొత్త పట్టిసీమకు చెందిన ఆదిలక్ష్మి తాళ్లపూడిలోని ఓ స్వీట్‌ షాపులో పని చేస్తోంది. గత సోమవారం రాత్రి షాపులో పని ముగించుకుని 8 గంటలకు తాళ్లపూడి అయ్యర్‌ హోటల్‌ సమీపాన యాకూబ్‌ ఆటో ఎక్కింది. ఈ క్రమంలో అతడు ఆమెను తాడిపూడి శ్మశానవాటిక సమీపాన గోదావరి లంక ప్రాంతానికి తీసుకెళ్లి హతమార్చాడు. ఆదిలక్ష్మి వద్ద ఉన్న బంగారు గొలుసు, చెవి కమ్మలు తీసుకుని, ఆమె మృతదేహాన్ని గోదావరిలో పడేశాడు. ఆమె మొబైల్‌ ఫోన్‌ను కూడా నదిలో విసిరేశాడు. ఆదిలక్ష్మిని గోదావరిలో తోసేశారనే సమాచారంతో తండ్రి నాగిరెడ్డి ఫిర్యాదు మేరకు తాళ్లపూడి పోలీసులు దర్యాప్తు చేపట్టి, హత్య కేసు నమోదు చేశారు. ఈ నేపథ్యంలో నిందితుడు యాకూబ్‌ బుధవారం సాయంత్రం తాడిపూడి పంచాయతీ కార్యదర్శి నవీన వద్దకు వెళ్లి లొంగిపోయాడు. ఈ మేరకు యాకూబ్‌ను కొవ్వూరు రూరల్‌ సీఐ విజయబాబు గురువారం అరెస్టు చేశారు. ఆటో వాయిదా కట్టడానికి గాను ఆదిలక్ష్మి వద్ద ఉన్న బంగారు ఆభరణాలను యాకూబ్‌ అపహరించి, ఆపై హత్య చేసి గోదావరిలో పడేసినట్టు పోలీసులు తెలిపారు. నేరానికి యాకూబ్‌ ఉపయోగించిన ఆటోను, అతడు చూపించిన ప్రదేశం నుంచి బంగారు ఆభరణాలు, స్టీల్‌ లంచ్‌ బాక్స్‌, ఆధార్‌ కార్డు, చీర తదితర వస్తువులను పోలీసులు స్వాధీనం చేసుకున్నారు. నిందితుడిని జ్యుడీషియల్‌ రిమాండ్‌కు తరలించి, తదుపరి దర్యాప్తు చేస్తున్నామని సీఐ చెప్పారు. ఆదిలక్ష్మి మృతదేహం కోసం గోదావరిలో గాలింపు చర్యలు కొనసాగుతున్నాయి. నిందితుడిని కఠినంగా శిక్షించాలి యాకూబ్‌ను కఠినంగా శిక్షించాలని డిమాండ్‌ చేస్తూ కొత్త పట్టిసీమ గ్రామస్తులు పెద్ద సంఖ్యలో తాళ్లపూడి పోలీస్‌స్టేషన్‌ ఎదుట గురువారం ఆందోళన చేపట్టారు. తమకు అన్యాయం జరుగుతోందని, హతురాలిపై తప్పుడు ఆరోపణలు చేస్తూ చెడుగా చూపించే ప్రయత్నం జరుగుతోందని ఆగ్రహం వ్యక్తం చేశారు. పోలీస్‌స్టేషన్‌లో తమకు న్యాయం జరగలేదని ఆవేదన వ్యక్తం చేశారు. యాకూబ్‌ను తమకు అప్పగించాలని, ఆదిలక్ష్మిని హతమార్చినట్టుగానే అతడిని కూడా చంపాలని డిమాండ్‌ చేశారు. పోలవరం ఎమ్మెల్యే బాలరాజు ఎన్నికల సమయంలో మాత్రమే ఓట్లు అడిగేందుకు వచ్చారని, ప్రజలకు ఆపద వచ్చినప్పుడు ఎందుకు స్పందించడం లేదని ప్రశ్నించారు. కేసులో నిజానిజాలు వెలికితీసి, తమ కుటుంబానికి న్యాయం చేయాలని ఆదిలక్ష్మి కుమార్తె సత్యబిందు కోరారు. వారితో తాళ్లపూడి ఎస్సై టి.రామకృష్ణ చర్చించారు. బాధితులకు న్యాయం జరిగేలా అన్ని ఆధారాలూ సేకరించామని, కొన్ని పత్రికలు, మీడియాలో వచ్చిన వార్తల్లో నిజం లేదన్నారు. బంగారం కోసమే ఆమెను యాకూబ్‌ హత్య చేసి, గోదావరిలో పడవేశాడని స్పష్టం చేశారు. తాళ్లపూడి పోలీస్‌స్టేషన్‌ వద్ద ఆందోళన చేస్తున్న పట్టిసీమ గ్రామస్తులు వివరాలు వెల్లడిస్తున్న సీఐ

పెదవేగి: నిరంతర సాధన, ప్రతిభ, క్రమశిక్షణతోనే విజయాలు సాధ్యపడతాయని పెదవేగిలోని డాక్టర్‌ బీఆర్‌ అంబేద్కర్‌ గురుకుల కళాశాల ప్రిన్సిపాల్‌ రమేష్‌ బాబు అన్నారు. గురువారం కళాశాల ప్రాంగణంలో రాష్ట్రస్థాయి 70వ చెస్‌ పోటీలు ఘనంగా ప్రారంభమయ్యాయి. ఈ క్రీడా పోటీలకు రాష్ట్రవ్యాప్తంగా సుమారు 130 మంది క్రీడాకారులు హాజరయ్యారు. ఈ టోర్నమెంట్‌లో వివిధ విభాగాలకు చెందిన మేనేజర్లు, 20 మంది అఫీషియల్స్‌ (నిర్ణేతలు) పాల్గొన్నట్లు నిర్వాహకులు తెలిపారు. శుక్రవారం సాయంత్రం వరకు ఈ పోటీలు కొనసాగుతాయని అండర్‌–19 స్కూల్‌ గేమ్స్‌ సెక్రటరీ కందికొండ జయరాజు వెల్లడించారు. ఈ పోటీల్లో ప్రతిభ కనబరిచి ఎంపికై న క్రీడాకారులు ఈ నెల 21 నుంచి 25 వరకు ఢిల్లీలో జరిగే జాతీయస్థాయి క్రీడా పోటీల్లో పాల్గొంటారని ఆయన పేర్కొన్నారు. ఈ కార్యక్రమంలో అబ్జర్వర్లుగా ఇంటర్మీడియెట్‌ ఎడ్యుకేషన్‌ శాఖ నుంచి సముద్రకని, ఏసోబు, శివకృష్ణ తదితరులు హాజరయ్యారు. దెందులూరు: నాగులదేవునిపాడు బీసీ కాలనీలో గురువారం రాత్రి పది అడుగుల పొడవున్న కొండచిలువ ప్రత్యక్షమైంది. ఏరియాలో భారీ కొండచిలువను చూసి స్థానికులు బెంబేలెత్తి, భయాందోళనతో పరుగులు తీస్తూ కేకలు వేశారు. ఆ సమయంలో మోర్ల చిట్టిబాబు ధైర్యంగా ముందుకు వచ్చి, ఆ కొండచిలువను హతమార్చారు.

పుప్పాల వాసుబాబు, మాజీ ఎమ్మెల్యే గణపవరం: 34 శాతం రిజర్వేషన్ల పేరుతో చంద్రబాబు బీసీ సోదరులకు మరోసారి వెన్నుపోటు పొడిచారని మాజీ ఎమ్మెల్యే, వైఎస్సార్‌సీపీ పీఏసీ సభ్యుడు పుప్పాల వాసుబాబు అన్నారు. గురువారం ఆయన పార్టీ కార్యాలయంలో విలేకరులతో మాట్లాడుతూ రిజర్వేషన్‌ల పేరుతో చంద్రబాబు ఆడిన డ్రామా బీసీలంతా గ్రహించారన్నారు. ఇప్పటికే బీసీలకు 50 ఏళ్లకే పింఛన్లు ఇస్తానని చెప్పి వారిని నిలువునా మోసం చేసిన వెన్నుపోటు పార్టీ మరోసారి రిజర్వేషన్‌ల పేరుతో వంచించిందన్నారు. 34 శాతం రిజర్వేషన్‌లు చెల్లవని తెలిసే చంద్రబాబు ఈ అంశాన్ని స్థానిక ఎన్నికల ముందు తెరపైకి తెచ్చారన్నారు. నిజంగా బీసీలపై ప్రేమ ఉంటే కేంద్ర ప్రభుత్వంతో మాట్లాడి చట్టసవరణకు కృషి చేయాలన్నారు. రాష్ట్రంలో బీసీలకు నిజంగా అండగా నిలిచింది వైఎస్సార్‌సీపీ మాత్రమే అని స్పష్టం చేశారు.

భీమవరం: పట్టణంలోని బీవీ రాజు విగ్రహం సమీపంలో యనమదుర్రు డ్రెయిన్‌లోకి దూకిన మణికుమార్‌రాజు మృతదేహాన్ని గురువారం గొల్లవానితిప్ప గ్రామం సమీపంలో గుర్తించినట్లు భీమవరం వన్‌టౌన్‌ ఎస్సై కె. శ్రీనివాస్‌ తెలిపారు. భీమవరం మండలం రాయలం గ్రామానికి చెందిన గొల్లి మణికుమార్‌రాజు (30) సెప్టెంబర్‌ 28వ తేదీ రాత్రి పట్టణంలోని బీవీ రాజు విగ్రహం సమీపంలోని వంతెన వద్ద మోటార్‌సైకిల్‌, ఫోన్‌ వదిలి డ్రెయిన్‌లోకి దూకాడు. మృతుడి తండ్రి దుర్గారావు ఫిర్యాదు మేరకు కేసు నమోదు చేసి గాలింపు చర్యలు చేపట్టగా, మృతదేహం గొల్లవానితిప్ప సమీపంలోని యనమదుర్రు డ్రెయిన్‌లో లభ్యమైనట్లు ఎస్సై పేర్కొన్నారు. వివాహ విషయమై క్షణికావేశంలో మణికుమార్‌రాజు ఆత్మహత్య చేసుకున్నట్లు కుటుంబ సభ్యులు చెబుతున్నారని, ఈ ఘటనపై కేసు నమోదు చేసి దర్యాప్తు చేస్తున్నట్లు శ్రీనివాస్‌ వెల్లడించారు. యలమంచిలి: పశ్చిమ గోదావరి జిల్లా పీఈటీ అసోసియేషన్‌ అధ్యక్షుడిగా కొంతేరు హైస్కూల్‌ పీడీ రేలంగి రామకృష్ణ ఏకగ్రీవంగా ఎన్నికయ్యారు. పాలకోడేరు మండలం శృంగవృక్షంలో నిర్వహించిన జిల్లా పీఈటీ అసోసియేషన్‌ సమావేశంలో నూతన కార్యవర్గాన్ని ఎన్నుకున్నారు. సంఘ మాజీ అధ్యక్షుడు, రీజనల్‌ ఫిజికల్‌ ఎడ్యుకేషన్‌ ఇన్‌స్పెక్టర్‌ బి.జాన్సన్‌, ఏలూరు స్కూల్‌ గేమ్‌ ఫెడరేషన్‌ ఆఫ్‌ ఇండియా కార్యదర్శి రాంబాబు, ఏలూరు పీఈటీ అసోసియేషన్‌ కార్యదర్శి ఇందుకూరి రమేష్‌రాజు, పీఈటీ సంఘ తూర్పు గోదావరి జిల్లా నాయకులు ఎంవీవీ సత్యనారాయణ పర్యవేక్షణలో ఈ ఎన్నికలు ప్రశాంతంగా జరిగాయి. అధ్యక్షుడిగా ఎన్నికై న రామకృష్ణను డీఈఓ ఓవీఎస్‌ అనిల్‌కుమార్‌, ఎస్టీయూ రాష్ట్ర నాయకులు ఎల్‌. సాయి శ్రీనివాస్‌, ఎంఈఓ–1 గుమ్మళ్ల వీరాస్వామి, ఎంఈఓ–2 ములుగుర్తి వెంకట సత్యనారాయణ తదితరులు అభినందించారు.

ఏలూరు (ఆర్‌ఆర్‌పేట) : జాతీయ పెంటాథ్లాన్‌ పోటీలకు జిల్లా నుంచి ముగ్గురు క్రీడాకారులు ఎంపికయ్యారని పశ్చిమ గోదావరి జిల్లా ఒలింపిక్స్‌ అసోసియేషన్‌ సెక్రటరీ ఆదిరెడ్డి సత్యనారాయణ ఒక ప్రకటనలో తెలిపారు. రాష్ట్ర మోడ్రన్‌ పెంటాథ్లాన్‌ అసోసియేషన్‌ ఆధ్వర్యంలో గత జూలై 10 నుంచి 12వ తేదీ వరకు ఏలూరులోని అల్లూరి సీతారామరాజు స్టేడియంలో లేజర్‌ రన్‌ సబ్‌ జూనియర్‌, జూనియర్‌, సీనియర్‌ విభాగాల్లో పోటీలు నిర్వహించారు. ఈ పోటీల్లో ఉత్సాహంగా పాల్గొని ప్రతిభ కనబరిచిన వారిలో సీనియర్‌ విభాగంలో జిల్లాకు చెందిన కే అప్పారావు, డీ నాగ మోహనరెడ్డి, కే వాట్సన్‌ రాష్ట్ర జట్టుకు ఎంపికయ్యారు. వీరు ఈ నెల 4వ తేదీ నుంచి 6వ తేదీ వరకు మహారాష్ట్రలోని నాసిక్‌ ఇండోర్‌ స్టేడియంలో జరిగే జాతీయ స్థాయి పోటీల్లో రాష్ట్ర జట్టుకు ప్రాతినిధ్యం వహిస్తారని సత్యనారాయణ పేర్కొన్నారు. ముదినేపల్లి రూరల్‌: మండలంలోని గురజలో గుర్తుతెలియని దుండగులు ఇంటి వెనుకవైపు తాళాలు పగులగొట్టి వెండి వస్తువులు, నగదు చోరీ చేసిన ఘటన చోటుచేసుకుంది. స్థానిక పోలీసుల కథనం ప్రకారం... గ్రామానికి చెందిన ముప్పిడి ధనుంజయ అనారోగ్యానికి గురికావడంతో తన భార్యతో కలిసి గతనెల 25న చికిత్స నిమిత్తం విజయవాడ వెళ్లారు. వెళ్లేటప్పుడు ఇంటిని గమనిస్తూ ఉండాలని ధనుంజయ తన సోదరుడు ఉదయ్‌కుమార్‌కు చెప్పి వెళ్లారు. ఈ నేపథ్యంలో బుధవారం సాయంత్రం ఉదయ్‌కుమార్‌ ఇంటిని పరిశీలించగా, వెనుకవైపు ఉన్న తలుపు తాళం పగులగొట్టి ఉండటాన్ని గుర్తించారు. ఇంట్లో ఉన్న సీసీ కెమెరాల ఫుటేజీని పరిశీలించగా, గుర్తుతెలియని వ్యక్తి లోపలికి చొరబడి 300 గ్రాముల బరువున్న వెండి వస్తువులతోపాటు రూ. 15 వేల నగదు దొంగిలించినట్లు తేలింది. దీనిపై ఉదయ్‌కుమార్‌ గురువారం పోలీసులకు ఫిర్యాదు చేయగా, ఎస్సై వీరభద్రరావు కేసు నమోదు చేసి దర్యాప్తు చేస్తున్నారు. భీమవరం: స్థానిక ఏఆర్‌కేఆర్‌ మునిసిపల్‌ ఉన్నత పాఠశాలలో గురువారం జిల్లాస్థాయి ‘సేవా సంకల్ప అభియాన్‌ – వికసిత్‌ భారత్‌’ పోటీలను నిర్వహించారు. ఈ సందర్భంగా భీమవరం డివిజన్‌ ఉప విద్యాశాఖ అధికారి ఎన్‌.రమేష్‌ మాట్లాడుతూ చిత్రలేఖనం, వక్తృత్వ పోటీల్లో మండల స్థాయిలో విజేతలైన 138 మంది విద్యార్థులు జిల్లా స్థాయి పోటీల్లో పాల్గొన్నట్లు తెలిపారు. ఈ పోటీల్లో చిత్రలేఖనం జూనియర్స్‌ విభాగంలో జి.దేవవర్షిని ప్రథమ స్థానంలో, టి. సాయిప్రియ ద్వితీయ స్థానంలో, ఎ.సొలోమి తృతీయ స్థానంలో నిలిచారు. చిత్రలేఖనం సీనియర్స్‌ విభాగంలో ఎ.మంగ ప్రథమ, ఎ.పూర్ణశ్రీమంగ ద్వితీయ, వి.సుస్మిత తృతీయ స్థానాలు సాధించారు. అలాగే, వక్తృత్వం జూనియర్స్‌ విభాగంలో ఎ.ఉమామహేశ్వరి ప్రథమ, వి. గీతిక ద్వితీయ, ఎం.జస్వంత్‌ సత్య తృతీయ స్థానాల్లో గెలుపొందారు. సీనియర్స్‌ విభాగంలో ఎన్‌.షర్మిల, పి.రమాదేవి, వి.దశ పూర్ణిమ వరుసగా ప్రథమ, ద్వితీయ, తృతీయ స్థానాలు సాధించగా, జూనియర్‌ కళాశాల విభాగంలో జి.మమత, ఎన్‌.మహిమ రాజు, జి.భానుశ్రీ ప్రథమ, ద్వితీయ, తృతీయ స్థానాల్లో విజయం సాధించారు. విజేతలైన విద్యార్థులంతా అక్టోబర్‌ 9వ తేదీన జరిగే రాష్ట్ర స్థాయి పోటీలకు అర్హత సాధించినట్లు రమేష్‌ వెల్లడించారు. పాలకొల్లు సెంట్రల్‌: మహిళా సాధికారత, యువజన సాధికారత, సంతోషకరమైన కుటుంబాల నిర్మాణం, ఆనందదాయకమైన వృద్ధాప్యం ప్రతి ఒక్కరూ పాటిస్తే ప్రేమతో కూడిన ప్రపంచం ఏర్పడుతుందని కామాఖ్యామృత పీఠం హైదరాబాద్‌ శ్రీ విద్యా ఉపాసకురాలు వేణుశ్యామ (మణిప్రసన్నమ్మ) అన్నారు. గురువారం పట్టణంలోని బ్రాడీపేట బైపాస్‌ రోడ్డులో ఉన్న ఎస్‌. కన్వెన్షన్‌ హాలులో సనాతన భక్తిమండలి, శ్రీ విద్యా ఉపాసకురాలు డాక్టర్‌ నంబూరి భాగ్యలక్ష్మి ఆధ్వర్యంలో సహస్రగళ లలితా పారాయణం అత్యంత వైభవంగా నిర్వహించారు. ఈ ఆధ్యాత్మిక కార్యక్రమానికి సుమారు 2,500 మంది మహిళలు తరలివచ్చారు. ఈ సందర్భంగా లలితా సహస్రనామ పారాయణ విశిష్టతను వేణుశ్యామ వివరించారు. భక్తులకు ఉచ్చరణ దోషాలు లేకుండా సరైన పద విభజనతో మూడు పర్యాయాలు పారాయణం చేయించారు.

● బైక్‌ను ఢీకొట్టి కాలువలోకి దూసుకెళ్లిన బస్సు ● ఓ యువకుడికి తీవ్ర గాయాలు, ఐదుగురు విద్యార్థులకు స్వల్ప గాయాలు ఆగిరిపల్లి: మండలంలోని వడ్లమాను శివారులో గురువారం ఓ ప్రైవేట్‌ పాఠశాల బస్సు బైక్‌ను ఢీకొట్టి, అదుపుతప్పి కాలువలోకి దూసుకెళ్లి పల్టీ కొట్టింది. ఈ ప్రమాదంలో ఐదుగురు విద్యార్థులకు స్వల్ప గాయాలు కాగా, ద్విచక్ర వాహనంపై వెళ్తున్న యువకుడికి తీవ్ర గాయాలయ్యాయి. వివరాల్లోకి వెళితే.. నూజివీడుకు చెందిన బేతస్థ ఇంటిగ్రేటెడ్‌ స్కూల్‌ (బిస్‌) బస్సు తోటపల్లి, చిన్నాగిరిపల్లి, ఆగిరిపల్లి గ్రామాలకు చెందిన సుమారు 35 మంది విద్యార్థులను ఎక్కించుకుని నూజివీడులోని పాఠశాలకు బయలుదేరింది. వడ్లమాను గ్రామం దాటిన తర్వాత, ఆ బస్సుతో పాటు మరో రెండు ప్రైవేట్‌ పాఠశాలలకు చెందిన బస్సుల డ్రైవర్లు ఒకరికొకరు అతివేగంగా ఓవర్‌టెక్‌ చేసుకుంటూ వెళ్తుండగా ఈ ప్రమాదం చోటుచేసుకుంది. ఈ క్రమంలోనే ఎదురుగా వస్తున్న ద్విచక్ర వాహనాన్ని బస్సు ఢీకొట్టి, అదుపుతప్పి రోడ్డు పక్కనే ఉన్న కందకంలోకి దూకి బోల్తా పడింది. ఈ ఘటనలో బైక్‌పై నూజివీడులోని వికాస్‌ ఇంజినీరింగ్‌ కళాశాలకు వెళ్తున్న ముసునూరుకు చెందిన చిమట సతీష్‌ (19) తీవ్రంగా గాయపడగా, అతని మిత్రుడు మూడి వెంకటేశ్వరరావు (19)కు స్వల్ప గాయాలయ్యాయి. తీవ్రంగా గాయపడిన సతీష్‌ను నూజివీడు ఆసుపత్రికి తరలించి, అక్కడ ప్రథమ చికిత్స అందించిన అనంతరం మెరుగైన వైద్యం కోసం విజయవాడకు తరలించారు. భయభ్రాంతులకు గురైన విద్యార్థులు అదుపుతప్పి బోల్తా పడిన బస్సులో ఉన్న విద్యార్థులందరూ అందులోనే ఇరుక్కుపోయి భయంతో హాహాకారాలు చేశారు. అదే సమయంలో వేరే కళాశాల బస్సులో వెళ్తున్న విద్యార్థులు అక్కడ ఆగి, బోల్తా పడిన బస్సులోని పిల్లలను సురక్షితంగా బయటకు తీశారు. ఈ ప్రమాదంలో ఐదుగురు విద్యార్థులకు గాయాలయ్యాయి. వారిని తల్లిదండ్రులు ఆసుపత్రులకు తీసుకెళ్లి చికిత్స చేయించి ఇళ్లకు చేర్చారు. సంఘటన స్థలాన్ని డీఎస్పీ కేవీవీఎన్‌వీ. ప్రసాద్‌ పరిశీలించారు. అలాగే నూజివీడు సీఐ ఐవీ నాగేంద్రకుమార్‌, ఎస్సై నాగరాజు సంఘటన స్థలానికి చేరుకుని బోల్తా పడిన బస్సును బయటకు తీయించారు. అదృష్టవశాత్తు పిల్లలందరూ పెద్ద ప్రమాదం నుంచి బయటపడటంతో అధికారులు ఊపిరి పీల్చుకున్నారు. అతివేగమే కారణం నూజివీడుకు చెందిన పలు విద్యాసంస్థల బస్సుల డ్రైవర్లు పాఠశాల యాజమాన్యాలు నిర్ధేశించిన సమయానికి గమ్యస్థానానికి చేరుకోవాలనే ఉద్దేశంతో ఒకరిని మించి మరొకరు అతివేగంగా, ఓవర్‌టెక్‌ చేస్తూ బస్సులు నడుపుతున్నారని ప్రత్యక్ష సాక్షులు తెలిపారు. బిస్‌ బస్సు మరో కళాశాల బస్సును ఓవర్‌టెక్‌ చేస్తున్న తరుణంలోనే ఎదురుగా వచ్చిన ఇంజినీరింగ్‌ విద్యార్థుల వాహనాన్ని ఢీకొట్టిందని వారు పేర్కొన్నారు. ప్రమాదంలో భయాందోళన వ్యక్తం చేస్తున్న విద్యార్థులు, తల్లి బస్సులో నుంచి విద్యార్థులను బయటికి తీసిన యువకులు

ఏలూరు (ఆర్‌ఆర్‌పేట): ఆచార్య ఎన్‌జీ రంగా వ్యవసాయ విశ్వవిద్యాలయం పరిధిలోని ఏలూరు ఏరువాక కేంద్రం ఆధ్వర్యంలో ప్రాథమిక వ్యవసాయ సహకార సంఘాల సభ్యులకు సమగ్ర పోషక యాజమాన్యంపై 15 రోజుల సర్టిఫికెట్‌ కోర్సు నిర్వహిస్తున్నట్లు ఏరువాక కేంద్రం సమన్వయకర్త కే ఫణికుమార్‌ తెలిపారు. విస్తరణ శాస్త్రవేత్త ఎన్‌. నాగేంద్రబాబు సమన్వయంతో నిర్వహిస్తున్న ఈ శిక్షణ కార్యక్రమ ప్రారంభోత్సవానికి ఏలూరు జిల్లా వ్యవసాయ అధికారి షేక్‌ హబీబ్‌ బాషా, ఆత్మ జిల్లా ప్రాజెక్ట్‌ డైరెక్టర్‌ ఉషాదేవి, ఏలూరు జిల్లా ఉద్యాన అధికారి కే సాజానాయక్‌ ముఖ్య అతిథులుగా హాజరయ్యారు. ఫణికుమార్‌ మాట్లాడుతూ.. సభ్యులు నేల ఆరోగ్యాన్ని కాపాడుతూ పంటల ఉత్పాదకతను స్థిరంగా కొనసాగించేందుకు సేంద్రియ, రసాయన ఎరువులను సమతుల్యంగా వినియోగించడం, సమగ్ర పోషక యాజమాన్య పద్ధతులు పాటించడం అవసరమని వివరించారు. రాజమహేంద్రవరం ఏరువాక కేంద్రం ప్రిన్సిపల్‌ సైంటిస్ట్‌, కోఆర్డినేటర్‌ ఎం. శ్రీనివాస్‌ నేల సారవంతత భావన, నేల ఆరోగ్యంలో సేంద్రియ ఎరువుల పాత్ర, అధిక మోతాదులో రసాయన ఎరువుల వినియోగం వల్ల పర్యావరణంపై కలిగే ప్రభావాలు, సేంద్రియ ఎరువుల వనరులపై అవగాహన కల్పించారు.

తాడేపల్లిగూడెం: విద్యార్థుల విభిన్న ఆలోచనలతో అద్భుత ఆవిష్కరణలు పుట్టుకు వస్తాయని ఏపీ నిట్‌ డీన్‌ ప్లానింగ్‌ డెవలప్‌మెంట్‌ డాక్టర్‌ సందీప్‌ అన్నారు. గురువారం గుంటూరు, ప్రకాశం జిల్లాల్లోని జవహర్‌ నవోదయ విద్యాలయాల్లో ఇంటర్‌ విద్యార్థులు ఏపీ నిట్‌కు వచ్చారు. వారితో సందీప్‌ మాట్లాడుతూ విద్యార్థులు పుస్తకాల్లోని విషయాలను చదవడంతో పాటు వాటిని ఆచరణలో పరిశీలించినప్పుడే పూర్తి అవగాహన ఏర్పడుతుందన్నారు. ప్రశ్నించే తత్త్వం, పరిశోధనా దృక్పథాన్ని చిన్ననాటి నుంచే అలవర్చుకోవాలన్నారు. విద్యార్థినులు తమలోని ఆసక్తి, ప్రతిభను సాంకేతిక పరిజ్ఞానంతో మేళవిస్తే దేశ అభివృద్ధికి ఉపయోగపడే ఎన్నో వినూత్న ఆవిష్కరణలు వెలుగులోకి వస్తాయన్నారు. అనంతరం సందీప్‌ను సత్కరించారు.

భీమవరం: ఆర్టీసీ పరిరక్షణకు ఉద్యోగులంతా ఐక్యంగా ఉద్యమిద్దామని ఏపీ పీటీడీ (ఆర్టీసీ) ఎంప్లాయీస్‌ యూనియన్‌ రాష్ట్ర అధ్యక్షుడు పలిశెట్టి దామోదరరావు పిలుపునిచ్చారు. బుధవారం భీమవరంలో జిల్లా అధ్యక్షుడు కేఎస్‌ రాజు అధ్యక్షతన, జిల్లా కార్యదర్శి అల్లం సత్యనారాయణ ఆధ్వర్యంలో యూనియన్‌ జిల్లా విస్తృతస్థాయి కౌన్సిల్‌ సమావేశం నిర్వహించారు. ఈ సందర్భంగా ఆయన మాట్లాడుతూ, ఆర్టీసీ ఉద్యోగుల న్యాయమైన సమస్యలను పరిష్కరించాలని డిమాండ్‌ చేశారు. ‘స్రీ్త్ర శక్తి’ పథకం అమలుతో ప్రయాణికుల రద్దీ పెరిగిందని, అందుకోసం 4 వేల కొత్త బస్సులు సమకూర్చాలని, సుమారు 15 వేల ఉద్యోగ పోస్టుల భర్తీకి నోటిఫికేషన్‌ విడుదల చేయాలని కోరారు. అలాగే, ఆర్టీసీయే స్వయంగా ఎలక్ట్రిక్‌ బస్సులను కొనుగోలు చేసి వాటిని ఆర్టీసీ సిబ్బందితోనే నిర్వహించాలన్నారు. రాష్ట్ర కార్యదర్శి ఎండీఏ అలీ కూడా ఈ సమావేశంలో మాట్లాడారు. ఇదే వేదికపై ఉద్యోగ విరమణ చేసిన ఈయూ రాష్ట్ర ఉపాధ్యక్షుడు ఎస్‌వీ రావును ఘనంగా సత్కరించారు.

కుకునూరు: గోదావరి వరదలతో విలీన మండలాల్లోని మిర్చి రైతులు తీవ్రంగా నష్టపోతున్నారు. ఇటీవల కురిసిన భారీ వర్షాలకు గోదావరి ఉధృతి పెరిగి పొలాలు మునిగిపోవడంతో, నాటిన తొలి దశలోనే మిర్చి మొక్కలు కుళ్లిపోయాయి. వేల రూపాయల పెట్టుబడి పెట్టి సాగు ప్రారంభించిన కొద్దిరోజులకే పంట నీటమునగడంతో తమ పరిస్థితి దయనీయంగా మారిందని రైతులు ఆవేదన వ్యక్తం చేస్తున్నారు. పరిహారం ఉన్నా లభించని వైనం పోలవరం ప్రాజెక్టు ముంపు భూములకు ప్రభుత్వం పరిహారం చెల్లించినప్పటికీ, ఆ గ్రామాలు 45 కాంటూర్‌ పరిధిలో ఉన్నాయనే కారణంతో పునరావాస (ఆర్‌అండ్‌ఆర్‌) పరిహారాన్ని నిలిపివేసింది. దీంతో ఆర్‌అండ్‌ఆర్‌ ప్యాకేజీ అందక, వేరే ప్రాంతాలకు తరలివెళ్లే మార్గం లేక రైతులు అదే భూముల్లో వ్యవసాయం చేస్తూ జీవనం సాగిస్తున్నారు. అయితే భూములకు పూర్వమే పరిహారం ఇచ్చామనే కారణంతో ప్రభుత్వం ఇప్పుడు పంట నష్టపరిహారాన్ని అందించడం లేదని రైతులు ఆరోపిస్తున్నారు. ఒకవైపు భూపరిహారం అందినా ఆర్‌అండ్‌ఆర్‌ ప్యాకేజీ అందకపోవడం, మరోవైపు ప్రతి ఏటా వరదలతో పంటలు నష్టపోతున్నా కనీస పంట పరిహారం కూడా లభించకపోవడంతో తాము తీవ్రంగా నష్టపోతున్నామని వాపోతున్నారు. ఆర్‌అండ్‌ఆర్‌ అమలుపై అనిశ్చితి 45 కాంటూర్‌ పరిధిలోని రైతులకు పునరావాస ప్యాకేజీ ఎప్పుడు అమలు చేస్తారు? పరిహారం ఎప్పుడు అందుతుంది? ఆ ప్రక్రియ పూర్తయ్యే వరకు సాగు చేసే పంటలకు వరద నష్టం వాటిల్లితే పరిహారం ఇస్తారా? లేదా? అనే ప్రశ్నలకు అధికారుల నుంచి స్పష్టత కరువైంది. భూమికి గతంలో పరిహారం ఇచ్చారనే నెపంతో ఇప్పుడు పంట నష్టాన్ని విస్మరించడం సరికాదని, తమ జీవనాధారమైన వ్యవసాయానికి రక్షణ కల్పించాలని రైతులు కోరుతున్నారు. ప్రభుత్వం 45 కాంటూర్‌ పరిధిలోని ముంపు రైతుల సమస్యలపై ప్రత్యేక శ్రద్ధ వహించి, దెబ్బతిన్న మిర్చి పంట నష్టాన్ని నమోదు చేసి తక్షణ సహాయం అందించాలని, అలాగే ఆర్‌అండ్‌ఆర్‌ ప్రక్రియ పూర్తి చేయడంపై స్పష్టమైన విధానాన్ని ప్రకటించాలని విజ్ఞప్తి చేస్తున్నారు. మిరపను ముంచేసి‘నది’ మొక్క దశలోనే ముంపు గోదావరి వరదతో నష్టం రైతుల పరిస్థితి దయనీయం

వైఎస్సార్‌సీపీ రీజనల్‌ కో–ఆర్డినేటర్‌ అమర్నాథ్‌ నూజివీడు: త్వరలో జరిగే ఎన్నికల్లో సైనికుల్లా పనిచేసి నూజివీడు మున్సిపాలిటీపై వైఎస్సార్‌సీపీ జెండాను ఎగురవేయాలని మాజీ మంత్రి, వైఎస్సార్‌సీపీ రీజనల్‌ కో–ఆర్డినేటర్‌ గుడివాడ అమర్నాథ్‌ అన్నారు. బుధవారం నూజివీడులో నియోజకవర్గ ఇన్‌చార్జి, మాజీ మేకా వెంకట ప్రతాప్‌ అప్పారావు కార్యాలయం వద్ద ఎన్నికల సన్నాహక సమావేశం నిర్వహించారు. ముఖ్య అతిథిగా అమర్నాథ్‌ మాట్లాడుతూ పేదలకు మంచి జరగాలన్నా, ఈ ప్రాంతం అభివృద్ధి చెందాలన్నా వైఎస్సార్‌సీపీని గెలిపించుకోవాలన్నారు. ఎమ్మెల్యేగా ఉన్నప్పుడు ప్రతాప్‌ అప్పారావు ఏనాడు వ్యక్తిగత పనులకు సీఎం దగ్గరకు రాలేదని, అయితే ప్రస్తుతం కొండలను కొల్లగొట్టే నాయకులు ఇక్కడ పుట్టుకొచ్చారన్నారు. కూటమి పాలకులకు ప్రజలు వేసిన ఓట్లా, ఎలక్షన్‌ కమిషన్‌ వేసిన ఓట్లా అనే చర్చ ప్రజల్లో జరుగుతోందన్నారు. ఎన్నికల సమయంలో కూటమి నాయకులు పలు రకాలుగా ఒత్తిడి చేస్తారని, ఎవరూ బెదరవద్దన్నారు. ఎన్నికల్లో పోటీ చేసి ఓటమి పొందిన వారికి అధికారం వచ్చిన తరువాత నామినేషన్ల పదవుల్లో ప్రాధాన్యమిస్తామన్నా రు. వైఎస్సార్‌సీపీ శ్రేణులు ఇంటింటా ప్రభుత్వ వైఫల్యాలను వివరించాలని పిలుపునిచ్చారు. కొండలను లూటీ చేస్తున్న కూటమి మాజీ ఎమ్మెల్యే మేకా వెంకట ప్రతాప్‌ అప్పారావు మాట్లాడుతూ నూజవీడు మున్సిపాలిటీ గురించి అవగాహన లేని వారిని దూరం పెట్టాలన్నారు. వైఎస్‌ జగన్‌ను ముఖ్యమంత్రిని చేయాలని ప్రజలంతా భావిస్తున్నారన్నారు. చంద్రబాబు నూజివీడును ఎన్టీఆర్‌ జిల్లాలో కలుపుతానని హామీ ఇచ్చి, తీరా అధికారం చేపట్టాక ఇచ్చిన హామీని తుంగలో కలిపారన్నారు. కూటమి పాలకులు శుద్ధ అబద్ధాలు చెప్పి అధికారంలోకి వచ్చారే తప్ప ఏ ఒక్క పనినీ కూడా చేయడం లేదని ధ్వజమెత్తారు. మున్సిపల్‌ ఎన్నికల్లో గెలుపొంది ఆరోసారి విజయబావుటా ఎగురవేయాలన్నారు. ఆగిరిపల్లి మండలంలో కొండలన్నింటినీ లూటీ చేస్తున్నారని, అమరావతి పేరుతో వెంచర్లకు అమ్ముకుంటున్నారని ఆరోపించారు. ప్రకృతి సంపదను అడ్డగోలుగా దోచుకుంటున్నారన్నారు. టీడీపీలో కూడా నాయకులకు లాభం లేదని, మంత్రికీ, ఆయన చుట్టూ ఉన్న పది మందికేనని అన్నారు. కూటమి ప్రభుత్వం సూపర్‌సిక్స్‌ అమలు చేయలేక చేతులెత్తేసిందని విమర్శించారు. ముఖ్యమంత్రికి, ఇక్కడి మంత్రికి నూజివీడు మీద ఎలాంటి ప్రేమ లేదన్నారు. ప్రజలు వైఎస్‌ జగన్‌ ప్రభుత్వాన్ని, నేటి చంద్రబాబు ప్రభుత్వాన్ని బేరీజు వేసుకోవాలని కోరారు. ఎన్నికల్లో కష్టపడి పనిచేయాలి జిల్లా అధ్యక్షుడు దూలం నాగేశ్వరరావు (డీఎన్నార్‌) మాట్లాడుతూ వైఎస్సార్‌సీపీ గెలుపు కోసం ప్రతి కార్యకర్త, నాయకుడు కష్టపడి పనిచేయాలన్నారు. ఎమ్మెల్సీ వంకా రవీంద్రనాథ్‌ మాట్లాడుతూ రాబోయే ఎన్నికలను ప్రతిష్టాత్మకంగా తీసుకొని విజయం కోసం అహర్నిశలు శ్రమించాలన్నారు. నియోజకవర్గ పరిశీలకుడు వాసంశెట్టి గంగాధరరావు, పట్టణ అధ్యక్షుడు శీలం రాము, జెడ్పీ మాజీ వైస్‌చైర్మన్‌ గుడిమళ్ల కృష్ణంరాజు, ముసునూరు మాజీ జెడ్పీటీసీ వరికూటి ప్రతాప్‌, జిల్లా అధికార ప్రతినిధి కంచర్ల లవకుమార్‌, క్రిస్టియన్‌ మైనారిటీ విభాగం జిల్లా అధ్యక్షుడు పిళ్లా చరణ్‌, ఆగిరిపల్లి మండల అధ్యక్షుడు బెజవాడ రాంబాబు, మున్సిపల్‌ మాజీ వైస్‌ చైర్మన్‌ కొమ్ము వెంకటేశ్వరరావు, మైనార్టీ రాష్ట్ర నాయకులు షేక్‌ గబ్బర్‌ తదితరులు పాల్గొన్నారు.

ఆదరిద్దాం... అభయమిద్దాం వన్యప్రాణులను సంరక్షించాల్సిన బాధ్యత అందరిదీ. వన్యప్రాణుల సంరక్షణపై అవగాహనకు అటవీశాఖ వారోత్సవాలు నిర్వహిస్తోంది. 8లో uచంద్రబాబు అంటే అమ్మకంగోదావరి వరదలతో విలీన మండలాల్లోని మిర్చి రైతులు తీవ్రంగా నష్టపోతున్నారు. మొక్క దశలోనే ముంపు చుట్టుముట్టేసింది. గురువారం శ్రీ 1 శ్రీ అక్టోబర్‌ శ్రీ 2026ఏలూరు టౌన్‌: ‘జగన్‌ అంటే నమ్మకం.. చంద్రబాబు అంటే అమ్మకం’ అనే నినాదంతో స్థానిక ఎన్నికల్లో ప్రజల్లోకి వెళ్లాలని వైఎస్సార్‌సీపీ రీజనల్‌ కో–ఆర్డినేటర్‌, మాజీ మంత్రి గుడివాడ అమర్నాథ్‌ పిలుపునిచ్చారు. ఏలూరు నియోజకవర్గ సమన్వయకర్త మామిళ్లపల్లి జయప్రకాష్‌ (జేపీ) అధ్యక్షతన ఏలూరు కార్పొరేషన్‌ ఎన్నికల సన్నాహక సమావేశం బుధవారం స్థానిక ఏ–1 కన్వెన్షన్‌ హాల్‌ లో నిర్వహించారు. పార్టీ జిల్లా అధ్యక్షుడు దూలం నాగేశ్వరరావు, ఏలూరు పార్లమెంట్‌ పరిశీలకుడు, ఎమ్మెల్సీ వంకా రవీంద్రనాథ్‌, ఏలూరు పరిశీలకుడు డీవీఆర్‌కే చౌదరి తదితరులు హాజరయ్యారు. పార్టీ సభ్యత తొలి గుర్తింపు కార్డును సమన్వయకర్త జేపీకి అందజేశారు. ముందుగా డాక్టర్‌ వైఎస్సార్‌ విగ్రహానికి నాయకులు పూలమాలలు వేసి నివాళి అర్పించారు. ఈ సందర్భంగా అమర్నాథ్‌ మాట్లాడుతూ రోజులు గడుస్తున్న కొద్దీ.. టీడీపీ కూటమి అధికారానికి దూరం అవుతుంటే.. వైఎస్సార్‌సీపీ అధికారానికి చేరువు అవుతోందనీ. రాబోయే స్థానిక సంస్థల ఎన్నికల పోరులో ప్రతి కార్యకర్త, నాయకుడు శక్తివంచన లేకుండా విజయానికి సైనికుల్లా పనిచేయాలని అన్నారు. టీడీపీ కూటమి అధికారం చేపట్టిన అనంతరం రాష్ట్రంలో మెడికల్‌ కళాశాలలు, మట్టి, ఇసుక, మద్యం, డీఎస్సీ టీచర్‌ పోస్టులు సైతం అమ్ముకున్నారనీ, ఆఖరికి ఉత్తరాంధ్రలో షుగర్‌ ఫ్యాక్టరీలను అమ్మకానికి పెట్టిన ఘ నుడు చంద్రబాబు అన్నారు. రూ.2,500 కోట్లకు అమ్ముకోవాలని కుట్రలు చేస్తున్నారని ఆరోపించారు. అయితే మాజీ ముఖ్యమంత్రి వైఎస్‌ జగన్‌మోహన్‌రెడ్డి నమ్మకానికి బ్రాండ్‌గా నిలుస్తారనీ... 17 మెడికల్‌ కళాశాలలు, 3 పోర్టులు, 15 వేల సచివాలయాలు, 15 వేల రైతు భరోసాకేంద్రాలు, విలేజ్‌ క్లినిక్స్‌, 12 వేలకు పైగా పాఠశాలల అభివృద్ధి, కొత్త ఎయిర్‌పోర్టు ఇలా అనేక అభివృద్ధి పనులు చేసి చూపించిన గొప్ప ప్రజానాయకుడు అని కొనియాడారు. ఏలూరు నగర అధ్యక్షుడు గుడిదేశి శ్రీనివాసరావు, కై కలూరు పరిశీలకుడు నూకపెయ్యి సుధీర్‌బాబు, చింతలపూడి పరిశీలకుడు దాసరి రమేష్‌, జిల్లా అధికార ప్రతినిధి మున్నుల జాన్‌, జిల్లా ప్రధాన కార్యదర్శి ఆళ్ల సతీష్‌, జిల్లా బీసీ సెల్‌ అధ్యక్షుడు నెరుసు చిరంజీవి, వాణిజ్య విభాగం రాష్ట్ర ప్రధాన కార్యదర్శి గంటా మోహనరావు, రాష్ట్ర యువజన అధ్యక్షుడు గేదెల సూర్యప్రకాష్‌, రాష్ట్ర మహిళ ప్రధాన కార్యదర్శి తుమరాడ స్రవంతి, నగర మహిళ అధ్యక్షురాలు జిజ్జువరపు విజయనిర్మల, వైఎస్సార్‌టీయూ జిల్లా అధ్యక్షులు పల్లి శ్రీనివాస్‌, నాయకులు భాస్కర్ల బాచి, రాజేష్‌, మోటమర్రి సదానందకుమార్‌, కొల్లిపాక సురేష్‌, జయకర్‌, లూటుకుర్తు సుభాష్‌, ప్రత్తిపాటి తంబి, ఇనపనూరి కేదారేశ్వరి, గ్జేవియర్‌ మాస్టర్‌, జక్కుల బెనర్జీ, జగదీష్‌, కిలాడి దుర్గారావు, గంటా రాజేశ్వరరావు, గంటా సాయిప్రదీప్‌, యుగంధర్‌ప్రసాద్‌ తదితరులు పాల్గొన్నారు. వైఎస్సార్‌సీపీ శ్రేణులు ఎవరికీ భయపడాల్సిన పనిలేదని, 2027 సెప్టెంబర్‌, అక్టోబర్‌ నాటికి పార్టీ అధినేత వైఎస్‌ జగన్‌ పాదయాత్ర ప్రారంభమవుతుందని అమర్నాథ్‌ అన్నారు. జగన్‌ పాదయాత్రతో వైఎస్సార్‌సీపీ జైత్రయాత్ర ప్రారంభం అవుతుందనీ.. టీడీపీ కూటమి పార్టీల అంతిమయాత్రగా మారుతుందని ధీమా వ్యక్తం చేశారు. కూటమి ప్రభుత్వంలో ప్రజల కష్టాలను గుర్తు చేయాలనీ, ఎన్నికల హామీలను అమలు చేయకుండా ఏలా మోసం చేశారో అవగాహన కల్పించాలని చెప్పారు. బియ్యం 25 కిలోలు రూ.1200 ఉంటే నేడు రూ.1,800లకు చేరిందనీ, పంచదార ఏకంగా రూ.70లకు ఎగబాకిందనీ, ఉల్లిపాయ కొనాలంటేనే కన్నీరు వస్తుందని ఎద్దేవా చేశారు. సోషల్‌మీడియా ఇన్‌ఫ్లుయన్సెర్లకు డబ్బులు ఇస్తామనీ టీడీపీ చెబుతుందనీ, కూటమి తీసుకునే ప్రజావ్యతిరేక నిర్ణయాలపై సోషల్‌మీడియాలో పోస్టులు పెట్టినా డబ్బులు ఇస్తారా ? అంటూ ప్రశ్నించారు. కేవలం టీడీపీ సోషల్‌మీడియా కార్యకర్తలకు ప్రజాధనం దోచి పెట్టేందుకే ఇలాంటి నిర్ణయాలు తీసుకుంటు న్నారని విమర్శించారు. జిల్లాలో స్థానిక సంస్థల ఎన్నికల్లో ఏ ఒక్క సీటూ ఏకగ్రీవం కావటానికి వీల్లేదని అమర్నాథ్‌ స్పష్టం చేశారు. అన్నింటికీ గట్టి పోటీ ఇవ్వాలని పిలుపునిచ్చారు. జిల్లా అధ్యక్షుడు దూలం నాగేశ్వరరావు (డీఎన్నార్‌) మాట్లాడుతూ ఏలూరు కార్పొరేషన్‌లో జరుగుతున్న అవినీతి, అక్రమాలను ప్రజల్లోకి తీసుకువెళ్లాలని సూచించారు. ఈ ప్రభుత్వం అవినీతి అధికారులకు కొమ్ము కాస్తూ, ప్రజాధనం దోపిడీపై చర్యలు చేపట్టకుండా నిర్లక్ష్యం వ్యవహరించటాన్ని ప్రజలు గమనిస్తున్నారని తెలిపారు. విజయమే లక్ష్యం స్థానిక పోరులో ఐక్యంగా కృషి చేద్దాం ఒక్కచోటా ఏకగ్రీవం కావడానికి వీల్లేదు రాష్ట్రంలో అభివృద్ధి లేదు.. అంతా అవినీతే వైఎస్సార్‌సీపీ రీజనల్‌ కో–ఆర్డినేటర్‌ గుడివాడ అమర్నాథ్‌ ఏలూరులో ఎన్నికల సన్నాహక సమావేశం

నేను పది ఎకరాల్లో మిర్చి పంటను వేశాను. ప్రస్తుతం గోదావరి వరద ముంచెత్తడంతో సుమారు ఐదు ఎకరాల వరకు పంట వరద నీటిలో మునిగింది. ప్రతి ఏటా వరదతో ఇబ్బంది పడుతూ పెట్టుబడులు నష్టపోతున్నాం. – ఇల్లా సురేష్‌, బెస్తగూడెం, కుకునూరు మండలం గోదావరి వరద కారణంగా నా పంట ఐదెకరాల్లో మునిగింది. ఏటా ఇలానే ఇబ్బంది పడుతున్నాం. ప్రభుత్వం తమకు ఆర్‌అండ్‌ఆర్‌ ప్యాకేజీ ఇచ్చి పునరావాస కాలనీకి తరలించాలి, లేదా పంట నష్టపరిహారం ఇప్పించాలి. – కోమల్ల బ్రహ్మచారి, బెస్తగూడెం, కుకునూరు మండలం

తణుకు అర్బన్‌: తణుకు ఎస్‌కేఎస్‌డీ మహిళా జూనియర్‌ కళాశాలలో బుధవారం అండర్‌–19 బాలికల జిల్లా జట్ల ఎంపికలను నిర్వహించారు. ఉమ్మడి పశ్చిమగోదావరి జిల్లా స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన ఈ ఎంపికల్లో యోగా, ఖోఖో, బ్యాడ్మింటన్‌, బాస్కెట్‌బాల్‌, టేబుల్‌ టెన్నిస్‌ విభాగాల్లో జిల్లా నలుమూలల నుంచి 300 మంది క్రీడాకారిణులు హాజరయ్యారు. వీరిలో 50 మంది క్రీడాకారిణులు జిల్లా జట్టుకు ఎంపికై నట్లు కళాశాల ప్రిన్సిపల్‌ భూపతిరాజు హిమబిందు తెలిపారు. ఎంపికై న వారిలో 8 మంది తణుకు ఎస్‌కేఎస్‌డీ మహిళా జూనియర్‌ కళాశాలకు చెందిన విద్యార్థినులే ఉండటం విశేషమని ఆమె వివరించారు. భీమవరం : గ్రీస్‌లో వచ్చే నెలలో నిర్వహించే 80 ప్లస్‌ విభాగం అంతర్జాతీయ టెన్నిస్‌ పోటీలలో పాల్గొంటున్న భీమవరం కాస్మోపాలిటన్‌ క్లబ్‌ వ్యవస్థాపక కార్యదర్శి తటవర్తి పద్మనాభరావును (పద్మాలు) బుధవారం ఆ క్లబ్‌ ఆధ్వర్యంలో సత్కరించారు. 80 ప్లస్‌ వయస్సు విభాగంలోని అంతర్జాతీయ టెన్నిస్‌ పోటీలలో భారతదేశానికి పద్మనాభరావు ప్రాతినిధ్యం వహించడం జిల్లాకే గర్వకారణమని వక్తలు కొనియాడారు. ఈ కార్యక్రమంలో క్లబ్‌ కార్యదర్శి భూపతిరాజు సుబ్బరాజు, ఉపాధ్యక్షుడు వేగేశ్న రమేష్‌, తటవర్తి రాజు, ముదునూరి గోపాలకృష్ణంరాజు, సురేష్‌బాబు, కొత్తపల్లి అప్పలరాజు తదితరులు పాల్గొన్నారు. కొయ్యలగూడెం : జాతీయస్థాయి రోప్‌ జంప్‌ పోటీలకు తమ హైస్కూల్‌కి చెందిన ఆరుగురు విద్యార్థులు ఎంపికై నట్లు బయ్యన్నగూడెం జెడ్పీ హైస్కూల్‌ హెచ్‌ఎం కె.రవికుమార్‌ బుధవారం తెలిపారు. సెప్టెంబర్‌ 27, 28 తేదీలలో అన్నమయ్య జిల్లా పీలేరులో రాష్ట్రస్థాయి రోప్‌ జంప్‌ పోటీలు నిర్వహించినట్లు ఆయన పేర్కొన్నారు. ఈ పోటీల్లో బయ్యన్నగూడెం నుంచి అండర్‌–14 విభాగంలో 12 మంది విద్యార్థులు పాల్గొనగా, 9వ తరగతి అభ్యసిస్తున్న ఎం.సంజయ్‌, బి.హారిక, ఎ.భార్గవి, పి.యామిని, టి.రేష్మ, డి.సంజన ప్రతిభ కనబరిచారు. వీరు జాతీయస్థాయి పోటీలకు ఎంపికై నట్లు తెలిపారు. అక్టోబర్‌ 9, 10, 11 తేదీలలో మహారాష్ట్రలోని నాందేడ్‌ పట్టణంలో జాతీయస్థాయి పోటీలు నిర్వహించనున్నారు. ఈ సందర్భంగా వ్యాయామ ఉపాధ్యాయులు బి.రవికుమార్‌, ఎస్‌ఎంసీ చైర్మన్‌ ఆళ్ల వెంకటేశ్వరరావు విద్యార్థులను అభినందించారు.

● కాంట్రాక్టర్‌కు ఉచితంగా కాటేజీ ● దేవస్థానానికి జమకాని రూ.6,574 అద్దె ద్వారకాతిరుమల: ద్వారకాతిరుమల శ్రీవారి కొండపై ఓ కాటేజీని దేవస్థానం అధికారులు నిబంధనలకు విరుద్ధంగా ఒక కాంట్రాక్టర్‌కు అద్దె లేకుండా రెండు రోజులపాటు ఉచితంగా కేటాయించడం వివాదాస్పదమవుతోంది. అందులోనూ ఆ కాంట్రాక్టర్‌ పారిశుద్ధ్య కార్మికుల పీఎఫ్‌ సొమ్ము ఎగవేసిన ఆరోపణలు ఎదుర్కొంటున్న వ్యక్తి కావడం గమనార్హం. వివరాల్లోకి వెళితే.. దేవస్థానంలో 2022 నుంచి 2025 సెప్టెంబర్‌ నెలాఖరు వరకు మంగళగిరికి చెందిన ‘సెవెన్‌ హిల్స్‌ ఫెసిలిటీ సర్వీసెస్‌ ప్రైవేట్‌ లిమిటెడ్‌’ సంస్థ పారిశుద్ధ్య పనులు నిర్వహించిన విషయం తెలిసిందే. ఆ సమయంలో జరిగిన అవకతకవలు, ఆరోపణల నేపథ్యంలో రూ.60 లక్షలకు పైగా నగదును కాంట్రాక్టర్‌కు చెల్లించకుండా దేవస్థానం ని లిపివేసింది. ఇప్పుడు ఆ నగదును ఎలాగైనా కాంట్రాక్టర్‌కు ముట్టచెప్పాలని కొందరు అధికారులు ప్ర యత్నిస్తున్నారన్న ఆరోపణలపై ‘సాక్షి’లో బుధవారం ‘స్వామీ.. ఇదేం గూడుపుఠాణి?’ శీర్షికన ప్ర చురితమైన కథనం చర్చనీయాంశమైంది. ఈ క్రమంలోనే సదరు కాంట్రాక్టర్‌ దేవస్థానం కాటేజీ అద్దెను ఎగవేసిన విషయం బయటకు వచ్చింది. ఆదాయానికి గండి : తన పనులు చక్కదిద్దుకునేందుకు ఈనెల 23న సాయంత్రం క్షేత్రానికి వచ్చిన సదరు కాంట్రాక్టర్‌కు దేవస్థానం అధికారులు కొండపైన శ్రీనివాస నిలయం గెస్ట్‌హౌస్‌ను ఇంజనీరింగ్‌ విభాగ ఏఈ ఆదిత్య రిఫరెన్స్‌తో నిబంధనలకు విరుద్ధంగా (ఉచితంగా) కేటాయించారు. కాంట్రాక్టర్‌ ఆ కాటేజీలో ఈనెల 25 ఉదయం వరకు ఉ న్నారు. అయితే ఈ రెండు రోజుల అద్దె సొమ్ము రూ.6,574 దేవస్థానానికి జమ కాలేదు. దేవస్థానం కాటేజీలను ఎవరికీ ఉచితంగా ఇవ్వరని, కాంట్రాక్టర్‌కు ఎలా కేటాయించారని స్థానికులు ప్రశ్నిస్తున్నా రు. అందులోనూ ఆరోపణలు ఎదుర్కొంటున్న పా త కాంట్రాక్టర్‌కు ఈ సౌకర్యం కల్పించడం వెనుక ఆంతర్యం ఏమిటనే ప్రశ్న ఉత్పన్నమవుతోంది. జమ చేస్తారా.. ఎగ్గొడతారా? : కాటేజీ అద్దె సొమ్ము ను దేవస్థానానికి కాంట్రాక్టర్‌ కడతాడా.. లేక ఇంజనీరింగ్‌ విభాగ అధికారులు చెల్లిస్తారా అన్న దానిపై ప్రస్తుతం చర్చ జరుగుతోంది. దీనిపై అధికారులు ఏ విధంగా స్పందిస్తారన్నది వేచి చూడాలి.

రూ.5 లక్షల ప్రమాద బీమాపై హర్షం బుట్టాయగూడెం : వైఎస్సార్‌సీపీ కార్యకర్తలకు రూ.5 లక్షల ప్రమాద బీమాపై పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి నిర్ణయం తీసుకోవడంపై ఏజెన్సీ ప్రాంతంలోని నాయకులు హర్షం వ్యక్తం చేశారు. బుధవారం రాత్రి బుట్టాయగూడెం పార్టీ కార్యాలయం వద్ద మాజీ ఎమ్మెల్యే తెల్లం బాలరాజు, మచిలీపట్నం పార్లమెంట్‌ పరిశీలకుడు జెట్టి గురునాథరావు, నియోజకవర్గ పరిశీలకుడు కనుమూరు శివరామరాజు ఆధ్వర్యంలో వైఎస్‌ జగన్‌ చిత్రపటానికి క్షీరాభిషేకం చేశారు. ప్రమాదవశాత్తూ కార్యకర్త మరణిస్తే వారి కుటుంబానికి రూ.5 లక్షల ఆర్థిక సహాయం అందేలా ఏర్పాటుచేశారన్నారు. ఈ పథకం అమలును పర్యవేక్షించేందుకు ప్రతి మండలానికీ ఐదుగురు సభ్యులతో కూడిన ప్రత్యేక కమిటీలను ఏర్పాటు చేయనున్నట్టు చెప్పారు. పార్టీ మండల కన్వీనర్‌ అల్లూరి రత్నాజీరావు, జిల్లా కార్యదర్శులు ఆరేటి సత్యనారాయణ, సయ్యద్‌ బాజీ, గగ్గులోతు మోహన్‌రావు, గంటసాల గాంధీ, బానోతు కృష్ణనాయక్‌, మాజీ సర్పంచ్‌లు, ఎంపీటీసీలు, నాయకులు పాల్గొన్నారు.

జంగారెడ్డిగూడెం(చింతలపూడి)/వేలేరుపాడు: తమ సమస్యలు పరిష్కరించి, జీవనోపాధి కల్పించి ఆదుకోండంటూ పోలవరం నిర్వాసితులు కలెక్టర్‌ కె.వెట్రిసెల్వికి విజ్ఞప్తి చేశారు. జంగారెడ్డిగూడెం మండలం తాడవాయి పంచాయతీ పరిధిలోని ఆర్‌ అండ్‌ఆర్‌ కాలనీ (చల్లవారిగూడెం)లో బుధవారం ఆమె పర్యటించగా.. నిర్వాసితులు తమ గోడు వెళ్లబోసుకున్నారు. 2022 నుంచి వేలేరుపాడు, పోలవరం, కుక్కునూరు, వీఆర్‌ పురం మండలాలకు చెందిన సుమారు 800 కుటుంబాలు ఇక్కడ ని వాసం ఉంటున్నాయని, కాలనీలో తాగునీరు, వి ద్యుత్‌ సమస్యలతో పాటు ఇళ్ల స్లాబ్‌ల లీకేజీలతో ఇబ్బందులు పడుతున్నామన్నారు. మహిళలు, యు వకులకు బ్యాంకు రుణాలు మంజూరు చేసి స్వ యం ఉపాధికి ప్రోత్సహించాలని కోరారు. అధికారుల పొరపాట్ల వల్ల అనర్హులుగా మిగిలిన వారికి తక్షణమే ఆర్‌అండ్‌ఆర్‌ పరిహారం అందించాలని, గ్రామసభలు నిర్వహించి నిర్వాసితులను గుర్తిస్తూ ఇంటి పట్టాలు ఇవ్వాలని విజ్ఞప్తి చేశారు. శ్రీకాకుళం వ్యక్తి ఖాతాలోకి నష్టపరిహారం! నడిమిగొమ్ము కాలనీకి చెందిన తనకు రావాల్సిన రూ.6.86 లక్షల పరిహారం అధికారుల తప్పిదం వల్ల శ్రీకాకుళంలో ఉన్న మరో వ్యక్తి ఖాతాలో పడిందని బాధితుడు కాపుల లాలయ్య కుటుంబం కలెక్టర్‌ దృష్టికి తీసుకువచ్చారు. వెంటనే స్పందించిన కలెక్టర్‌ సంబంధిత అధికారులతో ఫోన్‌లో మాట్లాడారు. నిర్వాసిత కమిటీ నాయకులు బద్దె ప్రేమ్‌కుమార్‌, పెరుమాళ్ల శ్రీను తదితరులు పాల్గొన్నారు.

ఏలూరు టౌన్‌: దెందులూరు నియోజకవర్గంలో టీడీపీ నేతల చేతిలో గాయపడి ఆస్పత్రిలో చికిత్స పొందుతున్న వైఎస్సార్‌సీపీ కార్యకర్త కిరణ్‌ను పార్టీ రీజనల్‌ కో–ఆర్డినేటర్‌, మాజీ మంత్రి గుడివాడ అమర్నాథ్‌ పరామర్శించారు. నగరంలోని ఆంధ్ర హాస్పిటల్‌కు వెళ్లిబాధితుడు కిరణ్‌ ఆరోగ్య పరిస్థితిని అడిగి తెలుసుకున్నారు. పార్టీ నేతలంతా అండగా ఉంటారని భరోసా కల్పించారు. దెందులూరు నియోజకవర్గంలో జరుగుతున్న అరాచకపాలనపై పార్టీ అధినేత వైఎస్‌ జగన్‌మోహన్‌రెడ్డి దృష్టికి తీసుకువెళతామనీ, ధైర్యంగా ఉండాలని అన్నారు. పార్టీ జిల్లా అధ్యక్షుడు దూలం నాగేశ్వరరావు, జిల్లా ప్రధాన కార్యదర్శి ఆళ్ల సతీష్‌ చౌదరి, జి ల్లా యువజన విభాగం అధ్యక్షుడు కామిరెడ్డి నాని, మాజీ జెడ్పీ వైస్‌ చైర్మన్‌ పెనుమాల విజయ్‌బాబు, మాజీ జెడ్పీటీసీ నిట్టా లీలానవకాంతం తదితరులు ఉన్నారు. కైకలూరు : పామర్రు–దిగమర్రు జాతీయ రహదారి (165) విస్తరణ పనుల్లో గోపవరం–అగ్రహారం బైపాస్‌ రోడ్డులో తాగుబోతులకు కై కలూరు టౌన్‌ పోలీసులు బుధవారం చెక్‌ పెట్టారు. ఇక్కడ సమస్యపై ‘ప్రారంభానికి ముందే తాగుబోతుల రహదారి’ శీర్షికన గతనెల 22న ‘సాక్షి’లో వెలువడిన కథనానికి స్పందించారు. సీఐ ఏవీఎస్‌ రామకృష్ణ ఆదేశాలతో ఎస్సై కె.గణేష్‌ వర్మ నిఘాను ముమ్మరం చేశారు. మంగళవారం రాత్రి హైవే బైపాస్‌లో బహిరంగంగా మద్యం సేవిస్తున్న 10 మందిని అదుపులోకి తీసుకుని కేసు నమోదు చేశారు. వారితోనే ఉదయం బైపాస్‌ సమీపంలో తాగి పడేసిన మద్య సీసాలను సంచులతో ఎత్తించారు. బహిరంగ ప్రదేశాల్లో మద్యం తాగడం నేరమని, ఇక్కడ ప్రతిరోజూ నిఘా ఉంటుందని పోలీసులు హెచ్చరించారు. ఏలూరు టౌన్‌: గంజాయి రవాణా కేసులో ఇద్దరు నిందితులకు ఒక్కొక్కరికీ ఐదేళ్ల జైలు, రూ.25 వేల చొప్పున జరిమానా విధిస్తూ ఎన్‌డీపీఎస్‌ కేసుల విచారణ, మొదటి అదనపు జిల్లా జడ్జి, ప్రత్యేక న్యాయమూర్తి యు.ఇందిరా ప్రియదర్శిని తీర్పు చెప్పారు. 2.400 కిలోల గంజాయి అక్రమ రవాణా కేసులో బుధవారం తుది తీర్పు వెలువరించారు. వివరాలిలా ఉన్నాయి.. 2022లో జంగారెడ్డిగూడెంలో పారిజాతగిరి ద్వారం సమీపంలో వాహన తనిఖీలు చేస్తుండగా మోటారు సైకిల్‌పై వస్తున్న ఇద్దరు వ్యక్తులు పోలీసులను చూసి పారిపోయేందుకు ప్రయత్నించగా.. ఇద్దరిని అదుపులోకి తీసుకున్నారు. జంగారెడ్డిగూడెంకు చెందిన తుంపల సాయి, తణుకు సంగీత్‌ అలియాస్‌ గిటార్‌ అనే వ్యక్తులను అరెస్ట్‌ చేశారు. అప్పటి సీఐ బాలసురేష్‌బాబు కేసు నమోదు చేసి దర్యాప్తు చే పట్టారు. సీఐ బాలసురేష్‌బాబు, ఎస్సై ఎం.సాగర్‌బాబు సమర్థవంతంగా దర్యాప్తు చేపట్టగా, స్పెషల్‌ పీపీ శారదమణి, స్పెషల్‌ పీపీ సంధ్య వాదనలు వినిపించారు. పెనుమంట్ర: దివంగత నేత వైఎస్‌ రాజశేఖరరెడ్డి చేతులమీదుగా 2004లో 75 వసంతాల ఉత్సవం జరుపుకున్న ఈ వ్యవసాయ పరిశోధన స్థానంలో నేడు వ్యవసాయ పాలిటెక్నిక్‌ కళాశాల సిల్వర్‌ జూబ్లీ ఉత్సవాల నిర్వహించుకోవడం ఆనందంగా ఉందని ఆచార్య ఎన్జీరంగా వ్యవసాయ విశ్వవిద్యాలయం వీసీ డాక్టర్‌ పీవీ సత్యనారాయణ అన్నారు. బుధవారం మార్టేరు వ్యవసాయ పరిశోధన స్థానంలో జరిగిన పాలిటెక్నిక్‌ కళాశాల సిల్వర్‌ జూబ్లీ ఉత్సవాలకు ఆయన ముఖ్య అతిథిగా హాజరయ్యారు. వ్యవసాయ పాలిటెక్నిక్‌ ఎందరో పేద విద్యార్థులకు ఉపాధి అవకాశాలు కల్పించిందన్నారు. దినదినాభివృద్ధి చెందుతూ దేశంలోనే ఉన్నత విద్యార్థులను తీర్చిదిద్దిన ఘనతను దక్కించుకుందన్నారు. కళాశాలను మరింత అభివృద్ధి చేసేందుకు ప్రణాళికలను రూపొందిస్తున్నట్టు చెప్పారు. మరో ముఖ్య అతిథి స్థానిక ఎమ్మెల్యే పితాని సత్యనారాయణ మాట్లాడారు.

బుట్టాయగూడెం: వన్యప్రాణుల సంరక్షణ కోసం ప్రభుత్వం, వైల్డ్‌లైఫ్‌ అధికారులు ప్రత్యేక చర్యలు తీసుకుంటున్నప్పటికీ, ఎక్కడో ఒకచోట వేటగాళ్ల స్వార్థానికి మూగజీవాలు ఆవాసాన్నే కాదు, ప్రాణాలనూ కోల్పోతున్నాయి. ఏటా ప్రపంచ జనాభా పెరుగుతుండగా, వన్యప్రాణుల సంఖ్య మాత్రం క్రమంగా తగ్గుతున్నట్లు కనిపిస్తోంది. కొన్ని జాతులు పూర్తిగా కనుమరుగవగా, మరికొన్ని అంతరించిపోయే దశకు చేరుకుంటున్నాయి. ఈ నేపథ్యంలో వన్యప్రాణుల సంరక్షణపై అవగాహన కల్పించేందుకు ప్రతిఏటా అక్టోబర్‌ 2 నుంచి 8వ తేదీ వరకు అటవీశాఖ ఆధ్వర్యంలో వన్యప్రాణి వారోత్సవాలను నిర్వహిస్తున్నారు. జంతువులను ప్రతిఒక్కరూ ఆదరించాలని, వాటిని సంరక్షించాల్సిన బాధ్యత అందరిపై ఉందని వైల్డ్‌లైఫ్‌ అధికారులు అవగాహన కల్పిస్తున్నారు. పశ్చిమ ఏజెన్సీ ప్రాంతంతో పాటు పాపికొండల అభయారణ్యంలో వన్యప్రాణుల సంరక్షణకు పక్కా చర్యలు తీసుకుంటున్నారు. 1.12 లక్షల హెక్టార్లలో అభయారణ్యం 1,12,500 హెక్టార్లలో పాపికొండల అభయారణ్యం విస్తరించి ఉంది. పశ్చిమ ఏజెన్సీ ప్రాంతంలోని పాపికొండల అభయారణ్యం పరిధిలోకి వచ్చే బుట్టాయగూడెం, పోలవరం, కుక్కునూరు, వేలేరుపాడు మండలాల్లోని అటవీ ప్రాంతంలో వన్యప్రాణుల కదలికలు ఎక్కువగా ఉన్నాయి. వైల్డ్‌లైఫ్‌ అధికారులు సీసీ కెమెరాలను ఏర్పాటు చేసి జంతువుల సంచారాన్ని గుర్తిస్తున్నారు. అలాగే, జంతువుల సంరక్షణ కోసం ప్రత్యేక నిఘా ఏర్పాటు చేశారు. పాపికొండల అభయారణ్యంలో ఎలుగుబంట్లు, కొండగొర్రెలు, జింకలు, కొండచిలువలు, అడవి పందులు, అడవి దున్నలు, అడవి కుక్కలు, గెద్దలు, నెమళ్లు, చిరుతలు, చుక్కల దుప్పులు, సాంబార్లు, ముళ్లపందులు, ముంగీసలు తదితర వన్యప్రాణులు సంచరిస్తున్నాయి. ఈ ఏడాది జంతు గణన 2018లో పాపికొండల అభయారణ్యంలో వైల్డ్‌లైఫ్‌ అధికారులు జంతు గణన నిర్వహించి జంతువుల కదలికలను గుర్తించారు. ఆ తర్వాత 2022 జనవరిలోనూ మరోసారి జంతు గణన కార్యక్రమాన్ని చేపట్టారు. అభయారణ్యంలోని సుమారు 116 ప్రాంతాల్లో 232 ట్రాప్‌ కెమెరాలను ఏర్పాటు చేసి సర్వేలు నిర్వహించారు. ఈ సర్వేల్లో ఏనుగులు, సింహాలు మినహా మిగిలిన అన్ని రకాల జంతువులు, పక్షులు, ఉభయచర జీవులను గుర్తించారు. అలాగే, జంతువుల సంరక్షణపై బేస్‌ క్యాంప్‌లను ఏర్పాటు చేసి వైల్డ్‌లైఫ్‌ అధికారులు ప్రత్యేక గస్తీ నిర్వహిస్తున్నారని, కట్టుదిట్టమైన నిఘా ఏర్పాటు చేసినట్లు అధికారులు తెలిపారు. ట్రాప్‌ కెమెరాకు చిక్కిన చిరుత పులులు కొండగొర్రెలు వన్యప్రాణుల సంరక్షణకు ప్రత్యేక చర్యలు జంతుజాతులకు ఆవాసంగా పాపికొండల అభయారణ్యం రేపటి నుంచి వన్యప్రాణుల సంరక్షణ వారోత్సవాలు

● ప్రియుడితో కలిసి పథకం ప్రకారం భర్త హత్య ● ముగ్గురు నిందితుల అరెస్ట్‌ కొయ్యలగూడెం : ఇటీవల సంచలనం సృష్టించిన పల్లికొండ మునీంద్రబాబు హత్య ఉదంతాన్ని పోలీసులు ఛేదించారు. అక్రమ సంబంధమే మునీంద్రబాబు హత్యకు దారితీసినట్లు పోలీసులు తెలిపారు. వివాహేతర సంబంధం నేపథ్యంలో భర్త మునీంద్రబాబును భార్య తులసితో పాటు మరో ఇద్దరు వ్యక్తులు హత్య చేసినట్లు ఎస్సై వి.చంద్రశేఖర్‌ వెల్లడించారు. బుధవారం పోలీస్‌ స్టేషన్‌లో నిందితులను అరెస్టు చేసి, హత్యకు సంబంధించిన వివరాలను మీడియాకు వెల్లడించారు. కన్నాపురం గ్రామానికి చెందిన పల్లికొండ మునీంద్రబాబు భార్య తులసికి, వారి వద్ద కార్పెంటర్‌గా పనిచేస్తున్న గెల్లా చందుతో వివాహేతర సంబంధం ఏర్పడింది. ఈ నేపథ్యంలో భర్తను అడ్డుతొలగించుకోవడానికి తులసి కుట్ర పన్నింది. సెప్టెంబర్‌ 25న చందు, అతని స్నేహితుడు అయినపర్తి సంజయ్‌లతో కలిసి పథకం ప్రకారం మునీంద్రబాబును హత్య చేయించింది. చందు, సంజయ్‌లు మునీంద్రబాబును గవరవరం తీసుకువెళ్లి, సమీపంలోని పొలాల్లో మద్యం తాగించి ఇనుప సుత్తితో కొట్టి హత్య చేశారు. అనంతరం మృతదేహాన్ని తూర్పుగోదావరి జిల్లా గోపాలపురం మండలం రేగులగుంట సమీపంలోని పోలవరం కుడి కాలువలో పడవేశారు. తాము చేపట్టిన విచారణలో ఈ విషయాలన్నీ వెల్లడైనట్లు ఎస్సై తెలిపారు. నిందితులు ముగ్గురినీ అరెస్టు చేసి జంగారెడ్డిగూడెం కోర్టుకు హాజరుపరిచినట్లు ఆయన పేర్కొన్నారు.

15 మందికి గాయాలు ఆగిరిపల్లి: ఆగిరిపల్లికి చెందిన టీడీపీ కార్యకర్త మాదల సునీత అస్వస్థతకు గురై విజయవాడలో చికిత్స పొందుతున్నారు. మంగళవారం నిర్వహించిన విలేకరుల సమావేశంలో ఆమె మంత్రి కొలుసు పార్థసారథి, ఆయన అనుచరులపై పలు సంచలన ఆరోపణలు చేశారు. తన స్థలాన్ని వారు అక్రమంగా లాక్కోవాలని చూస్తున్నారని ఆమె పేర్కొన్నారు. ఈ నేపథ్యంలో, బుధవారం ఉదయం సబ్‌ కలెక్టర్‌ బి. వినూత్న, తహసీల్దార్‌ ప్రసాద్‌ వివాదాస్పద స్థలం వద్దకు చేరుకుని, మాదల సునీత దగ్గరున్న పత్రాలతో పాటు ప్రభుత్వ రికార్డులను పరిశీలించారు. అయితే, ఈ పరిణామాల కారణంగా ఆమె తీవ్ర ఒత్తిడికి గురై అస్వస్థతకు లోనయ్యారు. దీంతో కుటుంబ సభ్యులు వెంటనే ఆమెను విజయవాడలోని ఒక ప్రైవేట్‌ ఆసుపత్రికి తరలించగా, ప్రస్తుతం అక్కడ చికిత్స పొందుతున్నారు. పాలకొల్లు సెంట్రల్‌ : పట్టణంలో ఓ కుక్క స్వైరవిహారం చేయడంతో 15 మంది గాయపడినట్లు స్థానికులు తెలిపారు. స్థానిక జెట్టిట్యాంకు ప్రాంతంలో ఓ పిచ్చికుక్క మంగళ, బుధవారాల్లో రెండు రోజులపాటు సుమారు 15 మందిని కరవడంతో స్థానికులు ఆందోళన వ్యక్తం చేశారు. ప్రభుత్వ ఏరియా ఆసుపత్రిలో 9 మంది పురుషులు, నలుగురు మహిళలు మొత్తం 13 మంది చికిత్స చేయించుకోగా, మిగిలిన వారు ప్రైవేటు ఆసుపత్రుల్లో చికిత్స పొందినట్లు తెలిసింది. వీధుల్లో కుక్కలను అదుపు చేయాలని బాధితులు, స్థానికులు ఆగ్రహం వ్యక్తం చేస్తున్నారు. క్షతగాత్రుల్లో మున్సిపాలిటీలో శానిటరీ వర్కర్‌గా పనిచేస్తున్న ఒకరిని ఆ కుక్క వెనుక నుంచి వచ్చి కాలు పట్టుకుని కరిచింది. విషయం తెలుసుకున్న మున్సిపల్‌ అధికారులు వెంటనే రంగంలోకి దిగి ఆ కుక్కను పట్టుకున్నట్లు సమాచారం.

పాలకొల్లు సెంట్రల్‌: భార్య, ఇద్దరు కుమార్తెలు... ఆ ఆడపిల్లల పెళ్లిళ్లు ఘనంగా జరిపించి, కుటుంబానికి ఆర్థిక భరోసా కల్పించాలనే కలలతో బ్రతుకు బండిని లాగుతున్న ఆ తండ్రి ఆశలు గల్ఫ్‌ గడ్డపైనే ఆవిరైపోయాయి. కుటుంబం కోసం విదేశాలకు వెళ్లిన నూకపెయ్యి సోమశేఖర్‌ (48) గుండెపోటుతో మృతి చెందడం ఆ గ్రామస్తులను తీవ్ర దిగ్భ్రాంతికి గురిచేసింది. స్థానికులు, బంధువులు తెలిపిన వివరాల ప్రకారం... పోడూరు మండలం వద్దిపర్రు గ్రామానికి చెందిన నూకపెయ్యి సోమశేఖర్‌ కుటుంబ పోషణ, పిల్లల భవిష్యత్తు కోసం గల్ఫ్‌ దేశానికి వెళ్లాలని నిర్ణయించుకున్నారు. వీసా, ఫ్లైట్‌ టికెట్‌ కోసం ఎన్నో వ్యయప్రయాసలకోర్చి, ఎన్నో ఆశలతో ఈ నెల 14న అబుదాబికి బయలుదేరి వెళ్లారు. అబుదాబి చేరుకున్న వెంటనే కుటుంబ సభ్యులకు ఫోన్‌ చేసి తాను క్షేమంగా ఉన్నానని తెలిపారు. ‘ఇక మన కష్టాలు తీరిపోతాయి, మన ఇంట వెలుగులు వస్తాయి’ అనుకున్న ఆ కుటుంబం ఆనందం పది రోజులు కూడా నిలవలేదు. సెప్టెంబర్‌ 23న ఆయన తాను వెళ్లిన పనిలో చేరారు. అయితే, విధి ఆ కుటుంబంపై పగబట్టిందో ఏమో గానీ... చేరిన తొలిరోజే ఆయనకు గుండెపోటు రావడంతో సోమశేఖర్‌ మృత్యువాత పడ్డారు. భర్తపై ఎన్నో ఆశలు పెట్టుకున్న భార్య, తండ్రి రాక కోసం ఎదురుచూస్తున్న కుమార్తెలు ఆయన మరణవార్త విని గుండెలు పగిలేలా రోదిస్తున్నారు. కుటుంబ సభ్యుల ఆక్రందనలు చూసి స్థానికులు సైతం కంటతడి పెట్టారు. విదేశాల్లో బతుకుదెరువు వెతుక్కుంటూ వెళ్లి విగతజీవిగా మారిన సోమశేఖర్‌ భౌతికకాయం నేడు అబుదాబి నుంచి స్వగ్రామానికి చేరుకోనుంది. బతుకుదెరువు కోసం గల్ఫ్‌కు వెళ్లి.. ఉద్యోగంలో చేరిన తొలిరోజే గుండెపోటుతో మృతి గుండెలు పగిలేలా రోదిస్తున్న కుటుంబ సభ్యులు

పెదవేగి: ఆంధ్రప్రదేశ్‌ ప్రకృతి వ్యవసాయం ఆధ్వర్యంలో జరుగుతున్న కార్యక్రమాలు, వివిధ రకాల పంటలు, సాగు మోడళ్లను అధ్యయనం చేయడానికి ఇండోనేషియాకు చెందిన ‘ఆస్టుంగ్‌కారావే ఆర్గనైజేషన్‌’ నుంచి 9 మంది సభ్యులు, థాయిలాండ్‌కు చెందిన ‘బోర్డర్‌లెస్‌ ఫౌండేషన్‌’ నుంచి ఇద్దరు సభ్యులతో కూడిన బృందం ఈ నెల 28వ తేదీ నుంచి 30వ తేదీ వరకు ఏలూరు జిల్లాలోని పలు గ్రామాల్లో పర్యటించింది. బుధవారం ఈ ప్రతినిధుల బృందం మండలంలోని గోకినేపల్లి గ్రామాన్ని సందర్శించింది. అక్కడ ప్రకృతి వ్యవసాయ జిల్లా ప్రాజెక్టు మేనేజరు బి. వెంకటేష్‌ తన సొంత పొలంలో పండిస్తున్న ఐదు రకాల దేశీ వరి వంగడాలను చూపిస్తూ, ప్రకృతి వ్యవసాయ పద్ధతుల ద్వారా సాగు చేస్తున్న విధానాన్ని వివరించారు. అలాగే, కొప్పాకగూడెం గ్రామానికి చెందిన రైతు కళా చంద్రరావు పండిస్తున్న కూరగాయల సాగు మోడల్‌ను కూడా వారు పరిశీలించారు. జిల్లా వ్యవసాయ శాఖ జేడీ షేక్‌ హబీబ్‌ బాషా జిల్లాలో అమలవుతున్న వ్యవసాయ విధానాలు, ప్రకృతి వ్యవసాయ విస్తరణ గురించి వివరించి వారితో చర్చించారు. తదనంతరం, పెదవేగి మండలం అమ్మపాలెం గ్రామంలో రైతు రంగయ్య నిర్వహిస్తున్న 5–లేయరు (ఐదు అంచెల) ఉద్యానవన పంటల నమూనా ఫీల్డ్‌ను బృందం సందర్శించింది. ఈ పర్యటనలో ప్రకృతి వ్యవసాయ జిల్లా ప్రాజెక్టు మేనేజరు బి. వెంకటేష్‌, అడిషనల్‌ జిల్లా ప్రాజెక్టు మేనేజరు షేక్‌ మహబూబ్‌ వలీ, నవీన, పద్మనాభం తదితర సిబ్బంది పాల్గొన్నారు.

● రోడ్డు ప్రమాదంలో ఐదేళ్ల బాలుడు మృతి ● ముగ్గురికి తీవ్ర గాయాలు ● కుటుంబ సభ్యులకు తీరని విషాదం నరసాపురం రూరల్‌ : కళ్ల ముందే అల్లారుముద్దుగా పెరిగిన కొడుకు ఐదో పుట్టినరోజు వేడుకలను ఆనందంగా జరుపుకోవాలనుకున్న ఆ తల్లిదండ్రుల కల క్షణాల్లో కన్నీటి సంద్రమైంది. జన్మదిన వేడుకల సంతోషం విషాదంగా మారిన ఈ హృదయ విదారక ఘటన పశ్చిమగోదావరి జిల్లా మొగల్తూరు మండలం మోళ్లపర్రు బీచ్‌ వద్ద చోటుచేసుకుంది. పోలీసులు తెలిపిన వివరాల ప్రకారం... మొగల్తూరు మండలం కొత్తోట గ్రామానికి చెందిన బర్రె త్రిమూర్తులు దంపతులకు ఇద్దరు పిల్లలు. పెద్ద కుమారుడు నిషాంతవర్మకు ఐదేళ్లు వయసు కాగా, చిన్న కుమారుడికి మూడేళ్లు. నిషాంతవర్మ ఐదో జన్మదినాన్ని ఆనందంగా జరుపుకోవడానికి కుటుంబ సభ్యులంతా మోళ్లపర్రు బీచ్‌కి వెళ్లారు. తమ చిన్నారి కేకు కోసి, నవ్వులు చిందించిన ఆ మధుర క్షణాలను వారు జీవితంలో ఎప్పటికీ మరువలేరని భావించారు. అయితే, ఆ సంతోషం ఎంతోసేపు నిలవలేదు. బీచ్‌ సందర్శన ముగించుకుని కుటుంబ సభ్యులు తిరిగి ఇంటికి బయలుదేరుతున్న తరుణంలో కాలాన్ని ముందే నిర్ణయించినట్లుగా పెను ప్రమాదం ముంచుకొచ్చింది. వెనుక నుంచి వేగంగా దూసుకొచ్చిన ఒక వ్యాన్‌, వారి వాహనాన్ని బలంగా ఢీకొట్టింది. ఈ ఘోర ప్రమాదంలో పుట్టినరోజు జరుపుకున్న చిన్నారి నిషాంతవర్మ అక్కడికక్కడే ప్రాణాలు కోల్పోయాడు. కళ్ల ముందే తమ బిడ్డ విగతజీవిగా పడి ఉండటం చూసి ఆ తల్లిదండ్రులు గుండెలవిసేలా రోదించిన తీరు అక్కడివారందరినీ కంటతడి పెట్టించింది. ఈ ప్రమాదంలో తీవ్రంగా గాయపడిన మరో ముగ్గురు కుటుంబ సభ్యులను మెరుగైన చికిత్స నిమిత్తం సమీప ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

ఏలూరు (ఆర్‌ఆర్‌పేట): జిల్లాలో ప్రజా సమస్యల పరిష్కారం, అభివృద్ధి, సంక్షేమ పథకాల అమలు, రెవెన్యూ రికార్డుల డిజిటలైజేషన్‌, రాబోయే ఎన్నికల సంసిద్ధతపై జిల్లా కలెక్టర్‌ కె.వెట్రిసెల్వి మంగళవారం కలెక్టరేట్‌ వేదికగా వివిధ శాఖల అధికారులతో వరుస సమీక్షలు నిర్వహించారు. రాష్ట్ర భూపరిపాలన శాఖ ముఖ్య కమిషనర్‌ జి.జయలక్ష్మి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. జిల్లాలో పీజీఆర్‌ఎస్‌ ద్వారా అందిన 22,513 దరఖాస్తుల్లో 19,472 అర్జీలను పరిష్కరించినట్లు తెలిపారు. అలాగే జూన్‌ 15 నుంచి సెప్టెంబర్‌ 28 వరకు 22ఏ భూ సమస్యలపై అందిన 491 దరఖాస్తుల్లో 211 పరిష్కరించామని, నిబంధనలకు లోబడి లేని 208 అర్జీలను తిరస్కరించామని వివరించారు. సెప్టెంబర్‌ నెలలో 13,131 పట్టాదార్‌ పాస్‌ పుస్తకాలను పంపిణీ చేశామని, రెవెన్యూ రికార్డుల డిజిటలైజేషన్‌ వేగవంతంగా సాగుతోందని వెల్లడించారు. 5 వరకు ఓటర్ల జాబితా సవరణ రాజకీయ పార్టీల ప్రతినిధులతో నిర్వహించిన సమావేశంలో కలెక్టర్‌ మాట్లాడుతూ ప్రత్యేక ఇంటెన్సివ్‌ రివిజన్‌ కింద ఓటర్ల జాబితాలో క్లెయిమ్‌లు, అభ్యంతరాల దాఖలుకు అక్టోబర్‌ 5 వరకు గడువు ఉందని తెలిపారు. అక్టోబర్‌ 9న తుది ఓటర్ల జాబితాను అధికారికంగా ప్రచురిస్తామని, పారదర్శకమైన జాబితా రూపకల్పనకు అన్ని పార్టీలు సహకరించాలని కోరారు. అనంతరం ఈవీఎం గోడౌన్‌ను సందర్శించి, భద్రతా ఏర్పాట్లు, సీసీ కెమెరాల పనితీరును వివిధ పార్టీల ప్రతినిధులతో కలిసి తనిఖీ చేశారు. కీర్తిసాయి చిట్స్‌ ఆస్తుల వేలానికి సిఫార్సు ఏలూరులోని శ్రీ కీర్తిసాయి చిట్స్‌ సంస్థపై నమోదైన సీఐడీ కేసుకు సంబంధించి జప్తు చేసిన రూ.1.06 కోట్లకు పైగా విలువైన స్థిర, చరాస్తుల (3 వాహనాలు, 5 భూములు/స్థలాలు, బంగారు నగలు) వివరాలను వేలం నిమిత్తం రాష్ట్ర కమిటీకి నివేదిస్తున్నట్లు కలెక్టర్‌ తెలిపారు. వేలం ద్వారా వచ్చిన మొత్తాన్ని బాధితులకు పంపిణీ చేసేందుకు ప్రభుత్వ అనుమతి కోరుతున్నట్లు స్పష్టం చేశారు. దత్తతకు అనుమతి బేబీ కృతిక అనే 3 నెలల పాపను దత్తత తీసుకున్న చైన్నెకి చెందిన కుమారీ, మధు శ్రీనివాసన్‌ దంపతులకు నిబంధనల ప్రకారం 60 రోజుల సమయం పూర్తి కావడంతో ఫైనల్‌ అడాప్షన్‌ ఆర్డర్‌ను కలెక్టర్‌ అందజేశారు. పాపను ప్రేమగా చూసుకుంటూ ఉత్తమ విద్య అందించాలని సూచించారు. జెడ్పీ కార్యాలయం ఆకస్మిక తనిఖీ జిల్లా పరిషత్‌ కార్యాలయాన్ని తనిఖీ చేసిన కలెక్టర్‌, బదిలీపై వచ్చిన ఉద్యోగులకు సీట్లు కేటాయించకపోవడంపై అసహనం వ్యక్తం చేస్తూ వెంటనే విధుల్లోకి తీసుకోవాలని ఆదేశించారు. ఉద్యోగులు సబ్జెక్టుపై పూర్తి అవగాహన కలిగి ఉండాలని, రిటైర్డ్‌ ఉద్యోగుల పెన్షన్‌, పీఎఫ్‌, మెడికల్‌ రీఎంబర్స్‌మెంట్‌ బకాయిలను త్వరితగతిన పరిష్కరించాలని స్పష్టం చేశారు. అనివార్య కారణాలతో డీఆర్‌సీ సమావేశం వాయిదా బుధవారం జరగాల్సిన జిల్లా సమీక్షా కమిటీ (డీఆర్‌సీ) సమావేశం అనివార్య కారణాల వల్ల వాయిదా పడినట్లు కలెక్టర్‌ వెట్రిసెల్వి ఒక ప్రకటనలో తెలిపారు. తదుపరి తేదీని త్వరలోనే వెల్లడిస్తామన్నారు. కాగా, డీఆర్‌సీ సమావేశం నిర్వహణ, ప్రజాప్రతినిధులు లేవనెత్తే ఉద్యాన పంటలు, పీ–4 పేదరిక నిర్మూలన ప్రణాళిక, పీఎం సూర్యఘర్‌ వంటి అంశాలపై అధికారులకు దిశానిర్దేశం చేసేందుకు మంగళవారం నిర్వహించిన సమీక్షలో జాయింట్‌ కలెక్టర్‌ ఎం.జే. అభిషేక్‌ గౌడ, ఇతర అధికారులు పాల్గొన్నారు. జిల్లా కలెక్టర్‌ వెట్రిసెల్వి

ఎస్‌ఎంసీ ఎన్నికల్లో ఉద్రిక్తత కై కరం జెడ్పీ ఉన్నత పాఠశాలలో నిర్వహించిన పాఠశాల యాజమాన్య కమిటీ ఎన్నికలు ఉద్రిక్తతల నడుమ ముగ్గురు సభ్యుల ఎంపిక తర్వాత నిలిచిపోయాయి. 8లో uబుధవారం శ్రీ 30 శ్రీ సెప్టెంబర్‌ శ్రీ 2026ద్వారకాతిరుమల: చినవెంకన్న దేవస్థానంలో పారిశుద్ధ్య పనుల కాంట్రాక్టర్‌కు నిలిపివేసిన పెండింగ్‌ సొమ్మును ఎలాగైనా చెల్లించేందుకు అధికారులు మళ్లీ ఫైల్‌ను తెరమీదకు తెచ్చారు. గతంలో టెండర్‌ షరతుల ప్రకారం 132 మంది సిబ్బందితో మూడు షిఫ్టుల్లో పనులు నిర్వహించాల్సి ఉండగా.. 80 నుండి 90 మందితోనే రెండు షిఫ్టుల్లో పనులు చేయించి మమ అనిపించారు. నెలంతా పనిచేసిన వారికి అర్హత ఉన్నంత జీతం ఇవ్వకుండా, పీఎఫ్‌ సొమ్ములోనూ కోత పెట్టారు. రోజుకు 12 గంటల వరకు పనిచేయించినా ఓటీలు (ఓవర్‌ టైం) చెల్లించలేదు. 2022 నుండి 2025 సెప్టెంబర్‌ నెలాఖరు వరకు జరిగిన ఈ వ్యవహారంపై అప్పట్లో కార్మికులు సదరు కాంట్రాక్ట్‌ మేనేజర్‌ను పలుమార్లు నిలదీశారు. ఈ అక్రమాలపై ‘సాక్షి దినపత్రిక’లో 2024 ఆగస్టు 29 నుండి వరుస కథనాలు ప్రచురితమయ్యాయి. స్పందించిన జిల్లా కలెక్టర్‌ కె.వెట్రిసెల్వి నివేదిక కోరగా.. 2024 అక్టోబర్‌లో దేవస్థానం అధికారులు కాంట్రాక్టర్‌కు నోటీసులు జారీ చేశారు. ఈ నేపథ్యంలో ఈఎండీ 5 శాతం డిడక్షన్‌ నగదు కలిపి రూ.60 లక్షలకు పైగా సొమ్మును కాంట్రాక్టర్‌కు చెల్లించకుండా నిలిపివేశారు. ప్రస్తుతం ఈ నగదు చెల్లింపు విషయంలో కొందరు అధికారులు కాంట్రాక్టర్‌తో గూడుపుఠాణీ చేస్తున్నారన్న ఆరోపణలు వెల్లువెత్తుతున్నాయి. పీఎఫ్‌ సొమ్ములోనూ అక్రమాలు నెలకు ఒక్కో కార్మికుడికి సుమారు రూ.2,250 పీఎఫ్‌ జమ చేయాల్సి ఉండగా, ఖాతాలో రూ.1,160 మాత్రమే జమ చేశారు. దీంతో ఒక్కొక్కరు నెలకు రూ.1,090 నష్టపోయారు. మూడేళ్ల కాలంలో ఒక్కో కార్మికుడికి సుమారు రూ.75 వేల వరకు పీఎఫ్‌ అందాల్సి ఉండగా.. దాదాపు రూ.30 వేలు మాత్రమే లభించింది. కలెక్టర్‌ నివేదికతో కదలిక.. నోరు విప్పితే ఎక్కడ ఉపాధి పోతుందోనని కార్మికులు సైలెంట్‌ అయ్యారు. అందుకే ఇప్పటికీ అధికారులకు వ్రాతపూర్వక ఫిర్యాదు చేయలేకపోయారు. ‘సాక్షి’ కథనాల ఆధారంగా జిల్లా కలెక్టర్‌ నివేదిక కోరడంతో 2024 అక్టోబర్‌లో అధికారులు సదరు కాంట్రాక్టర్‌కు నోటీసులు ఇచ్చారు. ఆ తర్వాత కాంట్రాక్టర్‌కు చెందిన ఈఎండీ, 5 శాతం డిడక్షన్‌ మొత్తంగా రూ.60 లక్షలకు పైగా సొమ్ము ఏడాది పాటు నిలిచిపోయింది. మళ్లీ తెరపైకి పెండింగ్‌ బిల్లులు : విషయం శాంతించిందని భావించిన కొందరు ఇంజనీరింగ్‌ విభాగ అధికారులు ఇప్పుడు ఈ పెండింగ్‌ బిల్లుల వ్యవహారాన్ని మళ్లీ కదిపి కాంట్రాక్టర్‌కు అనుకూలంగా వ్యవహరిస్తున్నట్లు తెలుస్తోంది. గత ఆరోపణలు, నోటీసులను పక్కనబెట్టి నిధులు విడుదల చేసేందుకు సిద్ధమవుతున్నట్లు సమాచారం. కార్మికులకు, దేవుడి సొమ్ముకు దిక్కెవరు? లీగల్‌ ఒపీనియన్‌ పేరుతో కాంట్రాక్టర్‌కు సొమ్ము చెల్లిస్తే.. పీఎఫ్‌, ఓటీలు నష్టపోయిన పారిశుద్ధ్య కార్మికులకు, స్వాహా అయిన దేవుడి సొమ్ముకు బాధ్యులెవరు? అధికారుల నిర్లక్ష్యంపై తీవ్ర స్థాయిలో నిరసన వ్యక్తమవుతోంది. నాలుగు రోజుల క్రితం కాంట్రాక్టర్‌ వచ్చి పెండింగ్‌ సొమ్ము కోసం వినతిపత్రంఇచ్చారు. లీగల్‌ ఒపీనియన్‌ కోసం ఫైలును పంపించాం. ఇప్పటివరకు ఎలాంటి నగదు చెల్లింపులు జరపలేదు. వేండ్ర త్రినాథరావును, ఈఓ, ద్వారకాతిరుమల దేవస్థానం కాంట్రాక్టర్‌ ఈనెల 23న వచ్చి మూడు రోజులపాటు స్థానికంగా ఉండి ఇంజనీరింగ్‌ విభాగ అధికారులతో మంతనాలు జరిపారని తెలుస్తోంది. ఆ తర్వాతే ఫైలులో కదలిక రావడం అనుమానాలకు తావిస్తోంది. చెల్లింపుల కోసం లీగల్‌ ఒపీనియన్‌ కోరారని, అధికారులు కాంట్రాక్టర్‌కు అనుకూలంగా ఒపీనియన్‌ తెచ్చేందుకు పావులు కదుపుతున్నారని విమర్శలు వస్తున్నాయి. నిబంధనలు ఉల్లంఘించి చేసిన చెల్లింపులపై లీగల్‌ ఒపీనియన్‌ తీసుకుని అధికారులపై చర్యలు తీసుకోవాలని స్థానికులు, భక్తులు కోరుతున్నారు. దేవస్థానం పరిధిలో 1,17,165 చదరపు మీటర్ల విస్తీర్ణంలో 132 మందితో పారిశుద్ధ్య పనులు చేయించాలనేది నిబంధన. అయితే, తక్కువ మందితో పనులు చేయించినప్పుడు ‘సిబ్బంది సంఖ్యతో మాకు సంబంధం లేదు, నిర్ణీత విస్తీర్ణంలో పని జరిగిందో లేదో చూస్తాం’ అని ఇంజనీరింగ్‌ అధికారులు దాటవేశారు. అలాంటప్పుడు మ్యాన్‌పవర్‌ను టెండర్‌లో ఎందుకు పేర్కొన్నారన్న ప్రశ్నకు సమాధానం లేదు. కార్మిక చట్టాల అమలును టెండర్‌లో పొందుపరిచినప్పుడు పర్యవేక్షించాల్సిన బాధ్యత అధికారులపై లేదా అని కార్మికులు ప్రశ్నిస్తున్నారు. పెండింగ్‌ ఫైల్‌కు మళ్లీ పచ్చజెండా చినవెంకన్న దేవస్థానంలో వివాదాస్పదంగా అధికారుల తీరు గతంలో కాంట్రాక్టర్‌కు రూ.60 లక్షలకు పైగా చెల్లింపుల నిలిపివేత మళ్లీ తెరపైకి వ్యవహారం

పోలవరం రూరల్‌: జిళ్ళేళ్ళగూడెం పంచాయతీ పరిధిలో దశాబ్దాలుగా గిరిజనుల సాగులో ఉన్న భూములకు యాజమాన్య హక్కులు కల్పించాలని డిమాండ్‌ చేస్తూ, ఏజెన్సీ గిరిజన సంఘం ఆధ్వర్యంలో మంగళవారం మనుగోపుల గ్రామంలోని రామాలయం వద్ద ధర్నా శిబిరం ప్రారంభించారు. ఈ సందర్భంగా సంఘం జిల్లా సహాయ కార్యదర్శి సవలం రాంబాబు, జిల్లా అధ్యక్షుడు కుంజం రామారావు మాట్లాడుతూ.. జిళ్ళేళ్ళగూడెం పరిధిలో గత 40 ఏళ్లుగా గిరిజనులు సాగు చేసుకుంటున్న భూములకు హక్కులు కల్పించకుండా, అధికారుల నుంచి నోటీసులు జారీ చేయించడం ఆందోళనకరమని పేర్కొన్నారు. ఏజెన్సీ ప్రాంతాల్లో ఆదివాసీ సంక్షేమ చట్టాలను పక్కాగా అమలు చేసి గిరిజనులకు న్యాయం చేయాలని, ఐటీడీఏ అధికారులు గిరిజనుల పక్షాన నిలబడాలని డిమాండ్‌ చేశారు. తమ భూములను ఖాళీ చేయించే ప్రయత్నాలను తీవ్రంగా ప్రతిఘటిస్తామని హెచ్చరించారు. అనంతరం మనుగోపుల నుంచి రెడ్డినాగంపాలెం వరకు నినాదాలతో ప్రదర్శన నిర్వహించారు. ఈ కార్యక్రమంలో గిరిజన సంఘం నాయకులు కలుం సూర్యకాంతం, కలుం శ్రీను, దాడి రాముడు, పట్టేం పరమేశ్వరరావు, మిడియం రవి దొర, సోదెం కనకలక్ష్మి, కారం దుర్గ తదితరులు పాల్గొన్నారు.

ముదినేపల్లి రూరల్‌: పాఠశాల యాజమాన్య కమిటీల ఎన్నికలను సైతం తెలుగు తమ్ముళ్లు రాజకీయమయం చేసేశారు. పెద్దగా ప్రాధాన్యత లేని ఈ ఎన్నికల్లో సైతం ఓటమిని జీర్ణించుకోలేని టీడీపీ వర్గీయులు అక్రమ పద్ధతుల్లో ఎన్నిక వాయిదా పడేలా చేశారు. వివరాల్లోకి వెళితే.. మండలంలోని సింగరాయపాలెం జెడ్పీ హైస్కూల్‌ ఎస్‌ఎంసీ ఎన్నికలు మంగళవారం ప్రశాంతంగా ప్రారంభమయ్యాయి. విద్యార్థుల తల్లిదండ్రులు 15 మంది సభ్యులను ఎన్నుకోవాల్సి ఉండగా, ఈ సభ్యులు అనంతరం చైర్మన్‌, వైస్‌ చైర్మన్‌ను ఎన్నుకుంటారు. ఎన్నిక ప్రారంభం కాగానే తొలుత నలుగురు సభ్యులను ఎన్నుకున్నారు. వీరంతా వైఎస్సార్‌ కాంగ్రెస్‌ పార్టీ మద్దతుదారులు కావడంతో టీడీపీ వర్గీయులు జీర్ణించుకోలేకపోయారు. దీంతో టీడీపీకి ఆ పార్టీకి చెందిన స్థానిక నాయకులు నిబంధనలకు విరుద్ధంగా పాఠశాలలోకి ప్రవేశించి, ఎన్నిక వాయిదా వేయాలంటూ ప్రధానోపాధ్యాయురాలు, ఎంఈవోను డిమాండ్‌ చేశారు. ఇది సాధ్యపడదని చెప్పడంతో ఎన్నిక వాయిదాకు మరో ఎత్తుగడ వేశారు. ఓటు వేసేందుకు హాజరైన విద్యార్థుల తల్లిదండ్రుల్లో టీడీపీ మద్దతుదారులను ఎన్నికలు బహిష్కరించాలని కోరడంతో పాటు, తటస్థులను సైతం బెదిరించి బయటకు తీసుకువచ్చారు. దీంతో కోరం లేక విధిలేని పరిస్థితుల్లో అధికారులు ఎన్నికను వాయిదా వేయాల్సి వచ్చింది. పోలీసుల ప్రేక్షక పాత్ర ఈ పరిణామంపై వైఎస్సార్‌ కాంగ్రెస్‌ పార్టీ మండల శాఖ అధ్యక్షుడు బోయిన రామరాజు తీవ్ర ఆగ్రహం వ్యక్తం చేశారు. పాఠశాలలోకి ఓటు హక్కు ఉన్న తల్లిదండ్రులు తప్ప ఇతరులు ప్రవేశించకూడదని, అయినప్పటికీ టీడీపీ వర్గీయులు లోపలికి ఎలా ప్రవేశించారని ప్రశ్నించారు. ఎన్నికల సందర్భంగా అవాంఛనీయ సంఘటనలు జరగకుండా పర్యవేక్షించేందుకు వచ్చిన ఎస్సై సమక్షంలోనే టీడీపీ వర్గీయులు దౌర్జన్యానికి పాల్పడినప్పటికీ, ఎలాంటి చర్యలు తీసుకోకుండా ఎస్సై ప్రేక్షక పాత్ర వహించడంలోని ఆంతర్యం ఏమిటని నిలదీశారు. తక్షణమే తెలుగు తమ్ముళ్లపై కేసు నమోదు చేయాలని డిమాండ్‌ చేశారు. సింగరాయపాలెం జెడ్పీ హైస్కూల్‌లో కోరం లేక ఎన్నిక వాయిదా

ఏలూరు టౌన్‌: స్థానిక ప్రభుత్వ సర్వజన ఆసుపత్రిలో (జీజీహెచ్‌) ఓ వైద్యుడి ప్రవర్తన వివాదాస్పదమైంది. అత్యవసర ద్వారం వద్ద కారు పార్కింగ్‌ విషయమై ప్రశ్నించిన సెక్యూరిటీ సిబ్బందిపై న్యూరో సర్జన్‌ డాక్టర్‌ విద్యాసాగర్‌ దుర్భాషలాడారంటూ సిబ్బంది ఆకస్మిక ధర్నాకు దిగారు. అసలేం జరిగిందంటే: రెడ్‌క్రాస్‌, అత్యవసర విభాగాలకు వెళ్లే మార్గంలో డాక్టర్‌ విద్యాసాగర్‌ తన కారును నిలిపారు. అంబులెన్సుల రాకపోకలకు అంతరాయం కలుగుతుందని, కారును కేటాయించిన పార్కింగ్‌ ప్రదేశంలో పెట్టాలని విధుల్లో ఉన్న సెక్యూరిటీ సిబ్బంది కోరారు. దీంతో ఆగ్రహం వ్యక్తం చేసిన వైద్యుడు, తమపై దుర్భాషలాడుతూ, అవమానకర రీతిలో ప్రవర్తించారని సెక్యూరిటీ సిబ్బంది ఆరోపించారు. అంతేకాకుండా తమ ఫోన్‌ను సైతం లాక్కున్నారని ఆవేదన వ్యక్తం చేశారు. ఈ వివాదం ఆసుపత్రి సూపరింటెండెంట్‌ డాక్టర్‌ శ్యామల వద్దకు చేరడంతో, ఆమె ఇరువర్గాలను పిలిచి సర్దుబాటు చేసేందుకు యత్నించారు. అయితే అక్కడ కూడా సదరు వైద్యుడు సీనియర్‌ ప్రొఫెసర్లపై అనుచితంగా ప్రవర్తించారని ఆసుపత్రి వర్గాలు తెలిపాయి. బాధ్యతాయుతంగా వ్యవహరించాల్సిన వైద్యుడు అకారణంగా రెచ్చిపోవడంపై ఆసుపత్రి సిబ్బంది, ప్రజలు తీవ్ర అసంతృప్తి వ్యక్తం చేస్తున్నారు.

పెదవేగి: స్థానిక సాంఘిక సంక్షేమ గురుకుల విద్యాలయంలో బుధవారం జిల్లా స్థాయి అండర్‌–19 (బాలబాలికల) స్కూల్‌ గేమ్స్‌ జట్ల ఎంపిక పోటీలు నిర్వహించారు. హాకీ, రగ్బీ, సెపక్‌ తక్రా క్రీడల్లో ప్రతిభ కనబరిచిన క్రీడాకారులను ఉమ్మడి పశ్చిమగోదావరి జిల్లా జట్లకు ఎంపిక చేశారు. ఈ కార్యక్రమానికి కళాశాల ప్రిన్సిపాల్‌ ఎం. రమేష్‌ బాబు, ఉమ్మడి పశ్చిమగోదావరి జిల్లా అండర్‌–19 ఆర్గనైజింగ్‌ సెక్రటరీ కందికొండ జయరాజు ముఖ్య అతిథులుగా హాజరయ్యారు. అలాగే వ్యాయామ ఉపాధ్యాయులు రాణి, చంద్రశేఖర్‌, శ్రీలక్ష్మి, రాజ్‌కుమార్‌, ప్రేమ్‌కుమార్‌, యువరాజు పాల్గొన్నారు. ఆకివీడు: మండలంలోని అయిభీమవరం గ్రామానికి చెందిన 88 ఏళ్ల వృద్ధురాలు కనుమూరు కమలమ్మ తిరుమల తిరుపతి దేవస్థానానికి తమకున్న 54 సెంట్ల భూమిని విరాళంగా అందజేశారు. కమలమ్మ భర్త సూర్యనారాయణరాజు గతంలో మరణించారు. సంతానం లేకపోవడంతో ఒకరిని దత్తతు తీసుకోగా, ఆయన ప్రస్తుతం కెనడాలో ఉంటున్నారు. తన తదనంతరం ఈ భూమిని స్వాధీనం చేసుకునేలా టీటీడీకి రాసిచ్చారు.సుమారు రూ.2.5 కోట్ల రూపాయల విలువైన భూమిని విరాళంగా ఇచ్చిన కమలమ్మను మాజీ ఎంపీ కనుమూరు బాపిరాజు–అన్నపూర్ణమ్మ దంపతులు మంగళవారం సత్కరించారు.

ఏలూరు (ఆర్‌ఆర్‌పేట): స్కూల్‌ గేమ్స్‌ ఫెడరేషన్‌ ఆధ్వర్యంలో జరిగే రాష్ట్రస్థాయి అండర్‌–19 పోటీలకు సెయింట్‌ థెరిస్సా జూనియర్‌ కళాశాలకు చెందిన 20 మంది విద్యార్థినులు కబడ్డీ, వాలీబాల్‌, హ్యాండ్‌బాల్‌ జట్లకు ఎంపికయ్యారు. స్థానికంగా జరిగిన జిల్లా జట్ల ఎంపికలో వీరు అత్యుత్తమ ప్రతిభ కనబరిచినట్లు కళాశాల కరస్పాండెంట్‌ సిస్టర్‌ లూర్థుమేరీ తెలిపారు. మంగళవారం కళాశాలలో నిర్వహించిన కార్యక్రమంలో విద్యార్థినులను ఆమెతో పాటు వైస్‌ ప్రిన్సిపల్‌ సిస్టర్‌ శిరీష, అతిథులు అభినందించారు. కళాశాల ఫిజికల్‌ ఎడ్యుకేషన్‌ డిపార్ట్‌మెంట్‌ విభాగ అధిపతి ఐ.ఆండాళ్ళు, అండర్‌–19 స్పోర్ట్స్‌ సెక్రటరీ కె.జయరాజు పాల్గొన్నారు.

తాడేపల్లిగూడెం: వినూత్న ఆలోచనలకు ఉద్యానరంగం వేదికగా మారిందని ఇండస్ట్రీయల్‌ ఇంటర్నేషనల్‌ ప్రోగ్రామ్స్‌ డైరెక్టర్‌ డాక్టర్‌ పద్మలత అన్నారు. స్థానిక ఉద్యాన కళాశాలలోని హార్టీబిజినెస్‌ ఇంక్యుబేషన్‌ సెంటర్‌లో రాజమహేంద్రవరం రతన్‌ టాటా ఇన్నోవేషన్‌ హబ్‌ ఆధ్వర్యంలో రాష్ట్రీయ ఇన్నోవేషన్‌ ఛాలెంజ్‌ 1.0లో భాగంగా నిర్వహించిన హార్టీ ఇన్నోవేటివ్‌ ఐడియా హ్యాకథాన్‌ మంగళవారం నిర్వహించారు. ఈ కార్యక్రమానికి ముఖ్యఅతిథిగా హాజరైన పద్మలత మాట్లాడుతూ విద్యార్థుల్లో సృజనాత్మకతను వెలికితీసి, వారి ఆలోచనలను ఆచరణాత్మక పరిష్కారాలుగా మలిచేందుకు హ్యాకథాన్‌లు ఎంతో దోహదపడతాయన్నారు. కళాశాల అసోసియేట్‌ డీన్‌ డాక్టర్‌ ఎన్‌.బి.వి. చలపతిరావు మాట్లాడుతూ త్వరగా పాడైపోయే పండ్లు, కూరగాయల్లో కోత అనంతర నష్టాలను తగ్గించేందుకు ఆధునిక సాంకేతికతలు, శీతలీకరణ, సమర్థవంతమైన రవాణా వ్యవస్థలు అవసరమని, ఇవి రైతులకు మెరుగైన ఆదాయాన్ని అందిస్తాయని చెప్పారు. హ్యాకథాన్‌లో విద్యార్థులు పంటల ఉత్పత్తి, విలువ ఆధారిత ఉత్పత్తుల తయారీ, వనరుల సమర్థ వినియోగంపై రూపొందించిన స్టార్టప్‌ ప్రతిపాదనలు, సాంకేతిక పరిష్కారాలను నిపుణుల ముందు ప్రదర్శించారు. ఈ కార్యక్రమంలో ఆర్‌టీఐహెచ్‌ సీఈఓ షేక్‌ యాసీన్‌, అసిస్టెంట్‌ ప్రొఫెసర్‌ డాక్టర్‌ శిరీష తదితరులు పాల్గొన్నారు.

ఉంగుటూరు: మండలంలోని కై కరం జిల్లా పరిషత్‌ ఉన్నత పాఠశాలలో ప్రభుత్వ ఆదేశాల మేరకు మంగళవారం నిర్వహించిన పాఠశాల యాజమాన్య కమిటీ (ఎస్‌ఎంసీ) ఎన్నికలు ఉద్రిక్తతల నడుమ ముగ్గురు సభ్యుల ఎంపిక తర్వాత అర్ధాంతరంగా నిలిచిపోయాయి. గ్రామంలో కూటమి పార్టీల మధ్య నెలకొన్న అంతర్గత వర్గ విబేధాలు బహిర్గతమయ్యాయి. తాయిలాల పంపిణీ! అంతర్గతంగా ఆప్కాబ్‌ చైర్మన్‌ గన్ని ఆంజనేయులు అనుంగు శిష్యుడు, మాజీ జెడ్పీటీసి చింతలవాసు వర్గం ఒకవైపు, స్థానిక ఎమ్మెల్యే పత్సమట్ల ధర్మరాజు అనుచరుడు, జనసేన నాయకుడు వెజ్జు సుబ్బారావు వర్గం మరోవైపు ఈ ఎన్నికలను ప్రతిష్టాత్మకంగా తీసుకున్నాయి. ఓటర్లను ఆకర్షించేందుకు టీడీపీ వర్గం రూ. 500 నగదు ఇస్తే, జనసేన వర్గం రూ. 500 నగదుతో పాటు చీరలు పంపిణీ చేసినట్లు ప్రచారం జరిగింది. వర్గ విబేధాలతో ఘర్షణలు తలెత్తే అవకాశం ఉందన్న ముందస్తు సమాచారంతో పోలీసులు హైస్కూల్‌ రోడ్డు ప్రాంతంలో భారీగా మోహరించి బందోబస్తు ఏర్పాటు చేశారు. ఒకవైపు ఇరువర్గాల నాయకులు తెరవెనుక లాబీయింగ్‌ నడిపించడంతో పాఠశాల వద్ద తీవ్ర ఉద్రిక్త వాతావరణం నెలకొంది. ఈ ఉద్రిక్తతల మధ్యే ప్రధానోపాధ్యాయుడు చేబ్రోలు శ్రీనివాసరావు ఎన్నికల ప్రక్రియను ప్రారంభించారు. నిలిచిన ఎన్నికల ప్రక్రియ అంగవైకల్యం, ఎస్సీ, బీసీ కేటగిరీల నుంచి ముగ్గురు కమిటీ సభ్యులుగా సుభాష్‌ చంద్రబోస్‌, కొమరపు రాము, వెలగ కాశీ విశ్వనాథం ఎన్నికయ్యారు. ఎన్నికై న ఈ ముగ్గురూ టీడీపీ (చింతలవాసు) వర్గానికి చెందినవారే కావడం గమనార్హం. నాలుగో కమిటీ సభ్యుడి ఎన్నిక కూడా టీడీపీకి అనుకూలంగా మారుతుండటంతో పైనుంచి వచ్చిన ఆదేశాలతో ఎన్నికను నిలిపివేశారంటూ బహిరంగంగా చర్చించుకున్నారు. అప్పటికే మధ్యాహ్నం 1:30 గంటలు కావడంతో సహనం కోల్పోయిన తల్లిదండ్రులు అసహనం వ్యక్తం చేస్తూ బయటకు వెళ్లిపోయారు. సమీపంలోని నాగమ్మ గుడి వద్ద ఏర్పాటు చేసిన భోజనాల వైపు వారు వెళ్లడంతో ఎన్నికల ప్రక్రియ నిలిచిపోయింది. ఉదయం 7:30 గంటలకే ఉపాధ్యాయులు పాఠశాలకు చేరుకోగా, 9:30 గంటల నుంచి తల్లిదండ్రులు రావడం మొదలుపెట్టారు. మొత్తం 360 మంది ఓటర్లకు గాను సుమారు 190 మంది హాజరయ్యారు. మధ్యాహ్నం 12:00 గంటలకు ప్రారంభమైన ఎన్నికలు.. 1:30 గంటల ప్రాంతంలో ముగ్గురు సభ్యుల ఎన్నిక తర్వాత నిలిచిపోయినట్లు హెచ్‌ఎం ప్రకటించారు. జనసేన నాయకుడి ప్రోద్బలంతోనే ఉద్దేశపూర్వకంగా ఎన్నికలు ఆపేశారని ప్రచారం జరిగింది. ఈ ఘటనపై ఏలూరు డీవైఈవో రవీంద్ర భారతిని వివరణ కోరగా.. రాష్ట్రవ్యాప్తంగా ఇలా కొన్ని చోట్ల ఎన్నికలు నిలిచిపోయాయని, ప్రభుత్వం మరో తేదీని ప్రకటిస్తుందని తెలిపారు. గణపవరం, భీమడోలు సీఐలు రజనీకుమార్‌, కృష్ణ, చేబ్రోలు, గణపవరం ఎస్సైలు సూర్యభగవాన్‌, మణికుమార్‌ ఆధ్వర్యంలో పోలీసులు బందోబస్తు నిర్వహించగా.. డీఎస్పీ శ్రావణ్‌రెడ్డి హైస్కూల్‌ ప్రాంతాన్ని పరిశీలించారు. జెడ్పీ హైస్కూల్‌లో ముగ్గురు సభ్యుల ఎన్నిక అనంతరం నిలిచిన ఎన్నికల ప్రక్రియ బహిర్గతమైన కూటమి పార్టీల మధ్య విబేధాలు

బుట్టాయగూడెం: జీలుగుమిల్లి మండలంలోని దర్భగూడెం బాపూజీ కాలనీలో పి.వెంకయ్య అనే వ్యక్తిని గుర్తు తెలియని వ్యక్తులు హత్య చేశారు. గ్రామ సమీపంలోని గుడి వద్ద నిద్రిస్తున్న ఆయనపై దుండగులు దాడి చేసి హతమార్చినట్లు సమాచారం. తెల్లవారుజామున రక్తపు మడుగులో పడి ఉన్న వెంకయ్యను గుర్తించిన స్థానికులు పోలీసులకు సమాచారం అందించారు. సమాచారం అందుకున్న పోలవరం డీఎస్పీ జయకృష్ణ, సీఐ యాదగిరి, ఎస్సై క్రాంతికుమార్‌ సంఘటనా స్థలానికి చేరుకుని పరిశీలించారు. ఈ ఘటనపై అన్ని కోణాల్లోనూ దర్యాప్తు చేస్తున్నారు. అలాగే డాగ్‌ స్క్వాడ్‌ను రప్పించి క్లూస్‌ సేకరిస్తూ, హత్యకుగల అసలు కారణాలను వెలికితీసే పనిలో పోలీసులు నిమగ్నమయ్యారు. కేసు నమోదు చేసి దర్యాప్తు వేగవంతం చేసినట్లు వారు తెలిపారు. ఏలూరు టౌన్‌: ఏలూరు నగర శివారు శనివారపుపేట ప్రాంతంలో దస్తావేజు లేఖరి అనుమానాస్పద స్థితిలో మృతిచెందాడు. శనివారపుపేట జెడ్పీ ఉన్నత పాఠశాల ప్రాంతానికి చెందిన వల్లి శివరామకృష్ణ (44)కు భార్య, కుమార్తె ఉన్నారు. ఆయన ఏలూరు రిజిస్ట్రేషన్‌ శాఖ కార్యాలయం వద్ద దస్తావేజు లేఖరిగా పనిచేస్తూ జీవనం సాగిస్తున్నారు. శివరామకృష్ణ గత కొంతకాలంగా అనారోగ్యంతో బాధపడుతున్నట్లు కుటుంబ సభ్యులు తెలిపారు. మంగళవారం తెల్లవారుజామున గ్యాస్‌ నొప్పి అధికం కావడంతో, దానిని తగ్గించే మందును ఆయన అధిక మోతాదులో తాగారని, ఆ తర్వాత నిద్రలోకి జారుకుని మంచంపై నుంచి కిందపడిపోవడంతో తలకు తీవ్ర గాయమైందని కుటుంబ సభ్యులు పేర్కొన్నారు. వెంటనే అతడిని చికిత్స నిమిత్తం ఏలూరు సర్వజన ఆసుపత్రికి (జీజీహెచ్‌) తరలించగా.. వైద్యులు చికిత్స అందిస్తుండగా ఆయన మృతిచెందారు. ఈ సంఘటనపై మృతుడి సోదరుడు ఇచ్చిన ఫిర్యాదు మేరకు ఏలూరు త్రీటౌన్‌ పోలీసులు అనుమానాస్పద మృతిగా కేసు నమోదు చేసి దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం ఏలూరు జీజీహెచ్‌ మార్చురీకి తరలించారు. ఏలూరు టౌన్‌: అనారోగ్య కారణాలతో ఇంటర్మీడియెట్‌ విద్యార్థిని ఉరివేసుకుని ఆత్మహత్యకు పాల్పడిన ఘటన ఏలూరు నగర శివారు శనివారపుపేటలో మంగళవారం చోటుచేసుకుంది. వివరాలు ఇలా ఉన్నాయి. పెదపాడు మండలం తాళ్ళగూడెం గ్రామానికి చెందిన రాజేష్‌ గతంలో ఆటో డ్రైవర్‌గా పనిచేయగా ప్రస్తుతం సినిమా రంగంలో పనిచేస్తున్నాడు. ఆయన కుటుంబం గత కొన్నేళ్లుగా ఏలూరు శనివారపుపేట పోస్టాఫీస్‌ వీధిలో నివాసం ఉంటోంది. రాజేష్‌ కుమార్తె జల్లా నీరజ (16) ఏలూరులోని ఒక ప్రైవేటు కళాశాలలో ఇంటర్మీడియెట్‌ మొదటి సంవత్సరం చదువుతోంది. కొంతకాలంగా అనారోగ్య సమస్యలతో బాధపడుతున్న ఆమె కళాశాలకు వెళ్లడం లేదు. ఈ క్రమంలో మంగళవారం మధ్యాహ్నం ఇంట్లో ఎవరూ లేని సమయం చూసి ఆమె చున్నీతో ఫ్యాన్‌కు ఉరివేసుకుని ఆత్మహత్యకు పాల్పడింది. గమనించిన తల్లిదండ్రులు వెంటనే ఆమెను చికిత్స నిమిత్తం ఏలూరు సర్వజన ఆసుపత్రికి (జీజీహెచ్‌) తరలించగా అప్పటికే మృతిచెందినట్లు వైద్యులు ధృవీకరించారు. సమాచారం అందుకున్న ఏలూరు త్రీటౌన్‌ సీఐ కోటేశ్వరరావు ఆధ్వర్యంలో పోలీసులు సంఘటనా స్థలానికి వెళ్లి వివరాలు సేకరించారు. మృతురాలి తండ్రి ఫిర్యాదు మేరకు అనుమానాస్పద మృతిగా కేసు నమోదు చేసి దర్యాప్తు చేపట్టినట్లు పోలీసులు తెలిపారు.

● తాడిపూడిలో ఘటన ● నదిలో పోలీసుల గాలింపుతాళ్లపూడి: మండలంలోని తాడిపూడి వద్ద గోదావరిలో ఓ మహిళను గెంటివేశారన్న వార్త కలకలం రేపింది. తాళ్లపూడి ఎస్సై టి.రామకృష్ణ, బాధిత మహిళ కుటుంబ సభ్యులు తెలిపిన వివరాల ప్రకారం.. పోలవరం మండలం పట్టిసీమ గ్రామానికి చెందిన వింటి ఆదిలక్ష్మి (36) తాళ్లపూడిలోని ఓ స్వీట్‌ షాపులో పనిచేస్తోంది. రోజూ మాదిరిగానే సోమవారం రాత్రి 7 గంటల సమయంలో షాపులో పనిముగించుకుని ఇంటికి బయలుదేరింది. ఈ క్రమంలో తాడిపూడి గ్రామానికి చెందిన షేక్‌ యాకోబు ఆటో ఎక్కింది. అతడు తాడిపూడి శ్మశాన రేవు వద్ద ఆమెను గోదావరిలో తోసేసినట్లు చెబుతున్నారు. అయితే ఈ ఘటనపై పూర్తి వివరాలు తెలియాల్సి ఉంది. సమాచారం అందుకున్న పోలీసులు మంగళవారం గోదావరిలో ఆదిలక్ష్మి కోసం పడవలపై గాలింపు చర్యలు చేపట్టారు. రాత్రి వరకు వెతికినప్పటికీ ఆమె ఆచూకీ మాత్రం లభించలేదు. ఆదిలక్ష్మికి భర్త లేడు. వివాహమైన కుమార్తె ఉంది.

● టీడీపీ కార్యకర్త మాదాల సునీత ● తన స్థలాన్ని దౌర్జన్యంగా లాక్కోవాలని చూస్తున్నారంటూ ఆందోళన ఆగిరిపల్లి: మంత్రి కొలుసు పార్థసారథి, ఆయన అనుచరుల వల్ల తనకు ప్రాణహాని ఉందని ఏలూరు జిల్లా ఆగిరిపల్లికి చెందిన టీడీపీ కార్యకర్త మాదాల సునీత తీవ్ర ఆందోళన వ్యక్తం చేశారు. తన స్థలాన్ని లాక్కోవడానికి ప్రయత్నిస్తున్నారని ఆరోపించారు. ఆగిరిపల్లిలోని తన స్థలంలో మంగళవారం ఏర్పాటుచేసిన విలేకరుల సమావేశంలో ఆమె మాట్లాడారు. తమ ఇంటితో కలిపి 1.04 ఎకరాల స్థలం తమ తండ్రి నుంచి తనకు వారసత్వంగా వచ్చిందని, 2013లో రిజిస్ట్రేషన్‌ కూడా అయిందని చెప్పారు. ఆగిరిపల్లిలో పీ–4 పథకం కింద అనర్హులను ఎంపిక చేశారని, పైగా వారికి తన భూమిని ఇచ్చేందుకు యత్నిస్తున్నారని ఆరోపించారు. చంద్రబాబు కూటమి ప్రభుత్వం ఏర్పడిన నాటి నుంచి మంత్రి అనుచరులు, స్థానిక తహసీల్దార్‌ ప్రసాద్‌ కన్ను ఈ భూమిపై పడిందని, పలు రకాలుగా తమను వేధిస్తున్నారని ఆవేదన వ్యక్తం చేశారు. గతంలో ఇక్కడ వీఆర్‌వోగా పనిచేసిన పల్లగాని వంశీ, సర్వేయర్‌ మునీర్‌, ఆర్‌.యూనస్‌ తన స్థలంలోకి వచ్చి ఇది గయాలు భూమి అని, తమకు రూ.50 లక్షలు చెల్లించాలని బెదిరించారని చెప్పారు. ఈ నెల 25న మంత్రి పార్థసారథి వచ్చి తన అనుచరులతో గేటు తాళాలు పగలగొట్టించారని తెలిపారు. జూన్‌ నెలలో అక్రమంగా తన స్థలంలోకి వచ్చి జేసీబీతో తవ్వుతుండగా తాను ప్రశ్నిస్తే.. ఆ స్థలాన్ని ప్రభుత్వం తమకు మంజూరు చేసిందని బత్తుల శివ చెప్పాడని ఆమె పేర్కొన్నారు. అక్కడే ఉన్న మంత్రి అనుచరుడు నెర్సు సతీష్‌, ఆయన వర్గానికి చెందిన మల్లి తనను అసభ్య పదజాలంతో దూషించి భయపెట్టారని చెప్పారు. తనను తిట్టిన సతీష్‌ది కంకిపాడు మండలం ఉప్పులూరు అని తెలిపారు. గతంలో ఎస్‌ఐగా పనిచేసిన శుభశేఖర్‌, ప్రస్తుత తహసీల్దార్‌ ప్రసాద్‌లది కూడా ఉప్పులూరేనని చెప్పారు. ఎస్‌ఐ, తహసీల్దార్‌ మంత్రికి కుడి–ఎడమ జేబుల్లా వ్యవహరిస్తున్నారని విమర్శించారు. తహసీల్దారు ఆస్తులపై ప్రభుత్వం విచారణ జరిపించాలని డిమాండ్‌ చేశారు. మండలంలో కొండలు, గుట్టలను దోచేస్తున్నారన్నారు. కొండలను మాయం చేసే స్కిల్‌ ఉంటేనే మంత్రి పదవికి అర్హతా? అని ఆమె ప్రశ్నించారు. ఆ ఆరోపణల్లో వాస్తవం లేదు ఆగిరిపల్లిలో సునీత చేసిన ఆరోపణలపై తహసీల్దార్‌ ప్రసాద్‌ను అడగగా.. సర్వే నంబరు 83/1లో ఉన్న మొత్తం ఏడెకరాల్లో మాదల వెంకటప్పయ్యకు సెటిల్‌మెంట్‌ కింద ఒక ఎకరా భూమిని కేటాయించినట్లు తెలిపారు. మిగిలిన భూమిలో 5.65 ఎకరాల్లో పలువురు ఇళ్లు నిర్మించుకోగా, 35 సెంట్ల ప్రభుత్వ భూమి మిగిలి ఉందని చెప్పారు. ఆరోపణలు చేస్తున్నవారికి ఆ 35 సెంట్ల భూమిపై ఎలాంటి హక్కులు లేవని, అది పూర్తిగా ప్రభుత్వ భూమి అని ఆయన స్పష్టం చేశారు.

చింతలపూడి: చట్టాలు చేయాల్సిన ప్రభుత్వాలే నిబంధనలను తుంగలో తొక్కితే సామాన్య ప్రజలను, రాజ్యాంగ వ్యవస్థలను ఎవరు రక్షిస్తారని ఏపీ కౌలు రైతు సంఘం జిల్లా కార్యదర్శి దొంతా కృష్ణ ప్రశ్నించారు. చింతలపూడి మండలం రేచర్ల గ్రామంలోని ఎస్టీ కాలనీ పరిధిలో బొగ్గు వెలికితీత కోసం రైతుల అనుమతి లేకుండా అధికారులు భూ పరిశీలనకు రావడంపై మంగళవారం స్థానికులు, ప్రజాప్రతినిధులు తీవ్ర ఆగ్రహం వ్యక్తం చేస్తూ నిరసన తెలిపారు. ఈ సందర్భంగా దొంతా కృష్ణ మాట్లాడుతూ ప్రజాస్వామ్యంలో చట్టబద్ధంగా గ్రామసభలు నిర్వహించి ప్రజామోదం పొందాల్సిన బాధ్యత ప్రభుత్వంపై ఉందన్నారు. కేంద్రం ఇచ్చిన ఆదేశాలను గుడ్డిగా అమలు చేస్తున్న అధికారులు తమ బాధ్యతలను పునరాలోచించుకోవాలని హెచ్చరించారు. మాజీ ఎంపీపీ డాక్టర్‌ బి.రాంబాబు నాయక్‌ మాట్లాడుతూ రిలయన్స్‌ వంటి కార్పొరేట్‌ సంస్థల లాభాల కోసం ప్రజల జీవించే హక్కును కాలరాయడం దారుణమన్నారు. ప్రాణాలను బలితీసుకుని సాధించే అభివృద్ధి ఏంటని ప్రశ్నించారు. రిలయన్స్‌ సంస్థకు ఇచ్చిన ఉత్తర్వులను వెనక్కి తీసుకుని, బొగ్గు తవ్వకాల ప్రతిపాదనలను శాశ్వతంగా విరమించుకోవాలని డిమాండ్‌ చేశారు. కార్యక్రమంలో స్థానిక రైతులు, ఎస్టీ కాలనీ వాసులు, ప్రజాసంఘాల నాయకులు పాల్గొన్నారు.

ఉండి: వచ్చేనెల 10 నుండి 12 వరకు తెనాలిలో జరిగే రాష్ట్రస్థాయి అండర్‌–17 హ్యాండ్‌బాల్‌ పోటీలకు ఎన్నార్పీ అగ్రహారం జడ్పీ హైస్కూల్‌ విద్యార్థులు పి. చంద్రశేఖర్‌నాయుడు, డి. మనోజ్‌ ఎంపికై నట్లు హెచ్‌ఎం ఎస్‌. వెంకటేశ్వరరావు తెలిపారు. ఏలూరులో జరిగిన ఉమ్మడి జిల్లా జట్ల ఎంపికలో వీరు ప్రతిభ కనబరిచారు. ఈ సందర్భంగా విద్యార్థులను, వారిని తీర్చిదిద్దిన పీఈటీ కె. వెంకటేశ్వరరావును పాఠశాల ఉపాధ్యాయులు అభినందించారు. చదువుతో పాటు క్రీడలకు కూడా మంచి భవిష్యత్‌ ఉంటుందని, విద్యార్థులు రెండింటిలోనూ రాణించాలని హెచ్‌ఎం సూచించారు. చింతూరు: ఘాట్‌ రోడ్డులోని వ్యూ పాయింట్‌ వద్ద సోకిలేరు వాగులో ఆదివారం గల్లంతైన బుంగా బాల వందన్‌ (18) మృతదేహం మంగళవారం నదిలో లభ్యమైంది. భీమవరానికి చెందిన బాల వందన్‌ విహారయాత్రకు కుటుంబ సభ్యులతో వ్యూ పాయింట్‌ వద్దకు వచ్చి సోకిలేరు వాగులో గల్లంతైన విషయం తెలిసిందే. రెండు రోజులుగా అతడి ఆచూకీ కోసం సీఐ గోపాలకృష్ణ, ఎస్సై నాసిర్‌ హుస్సేన్‌ ఆధ్వర్యంలో ఎన్డీఆర్‌ఎఫ్‌ బృందం గాలింపు చర్యలు చేపట్టగా మృతదేహం లభ్యమైంది.

ద్వారకాతిరుమల, కామవరపుకోట : నేటి ఉరుకులు పరుగుల జీవితం, మారుతున్న ఆహారపు అలవాట్లు, శారీరక శ్రమ తగ్గిపోవడం, పొగతాగడం వంటి అలవాట్లు మానవ గుండె ఆరోగ్యంపై తీవ్ర ప్రభావం చూపుతున్నాయి. ఫలితంగా వయసుతో సంబంధం లేకుండా గుండె సంబంధిత సమస్యలు పెరుగుతున్నాయి. గుండె జబ్బులపై ప్రజల్లో అవగాహన కల్పించేందుకు ప్రతిఏటా సెప్టెంబర్‌ 29న ప్రపంచ హృదయ దినోత్సవాన్ని నిర్వహిస్తున్నారు. గుండెను ఆరోగ్యంగా ఉంచుకోవడం, ప్రమాద కారకాలను ముందుగానే గుర్తించడం, అత్యవసర పరిస్థితుల్లో సత్వర చికిత్స అందేలా చూడటమే ఈ దినోత్సవం ప్రధాన ఉద్దేశం. చిన్న వయసులోనే ముప్పు ఒకప్పుడు వృద్ధాప్యంలో ఎక్కువగా కనిపించే గుండెపోటు, ఇప్పుడు చిన్న వయసులోనే అధికంగా నమోదవుతోంది. ఉత్తర భారతదేశ గుండెపోటు పరిశోధనా రిజిస్ట్రీ ఆధారంగా ప్రచురితమైన అధ్యయనాల్లో 50 ఏళ్లలోపు వారే మూడో వంతుకు పైగా బాధితులుగా ఉన్నట్లు వెల్లడైంది. పొగాకు వినియోగం, శారీరక శ్రమ లేకపోవడం, అధిక బరువు, అధిక రక్తపోటు, మధుమేహం, కొలెస్ట్రాల్‌ అసమతుల్యత చిన్న వయసులోనే ఈ ముప్పును పెంచుతున్నాయి. మరోవైపు, కోవిడ్‌ వ్యాక్సిన్ల వల్ల హార్ట్‌ ఎటాక్‌లు పెరిగాయన్న ప్రచారానికి బలమైన శాసీ్త్రయ ఆధారాలు లేవని, ఇన్‌ఫెక్షన్లు లేదా ఇతర అనారోగ్య సమస్యలే దీనికి కారణమని వైద్య నిపుణులు స్పష్టం చేస్తున్నారు. గుండెపోటుకు గురైన వ్యక్తి (ప్రతీతాత్మక చిత్రం)పార్క్‌లో ఉదయాన్నే వాకింగ్‌, వ్యాయామాలుగుండెపోటు వచ్చినప్పుడు ఛాతీ మధ్యలో బిగుతు, ఒత్తిడి, నొప్పి లేదా మంట ఉండవచ్చు. ఈ అసౌకర్యం చేతి, భుజం, వీపు, మెడ, దవడ లేదా పొట్ట వైపు పాకడంతో పాటు శ్వాస తీసుకోవడంలో ఇబ్బంది, చల్లటి చెమటలు, వికారం, తల తిరగడం వంటి లక్షణాలు కనిపిస్తాయి. మహిళలు, వృద్ధులు, మధుమేహం ఉన్నవారిలో ఈ లక్షణాలు కొంత భిన్నంగా ఉండవచ్చు. ఇలాంటి లక్షణాలు కనిపిస్తే బాధితుడిని నడిపించకుండా ప్రశాంతంగా కూర్చోబెట్టి అత్యవసర వైద్య సహాయం కోసం ఆసుపత్రికి తరలించాలి. వైద్యుల సూచన లేకుండా ఎలాంటి మందులూ ఇవ్వకూడదు. శ్వాస లేకపోతే శిక్షణ పొందినవారు తక్షణమే సీపీఆర్‌ అందించాలి. గుండెపోటు అనుమానం వచ్చినప్పుడు ప్రతి నిమిషం కీలకమే. మారిన జీవనశైలి, అనారోగ్యకరమైన ఆహారపు అలవాట్లు, శారీరక శ్రమ తగ్గడం వల్ల చిన్న వయసులోనూ గుండెపోటు ముప్పు పెరుగుతోంది. అధిక రక్తపోటు, మధుమేహం, కొలెస్ట్రాల్‌, అధిక బరువును అదుపులో ఉంచుకోవాలి. ఉప్పు, చక్కెర, కొవ్వు పదార్థాలను తగ్గించి.. కూరగాయలు, పండ్లు, చిరుధాన్యాలు, పప్పుధాన్యాలను ఆహారంలో భాగం చేసుకోవాలి. పొగతాగడం మానేసి.. రోజూ కనీసం 30 నిమిషాలు నడక లేదా వ్యాయామం చేయాలి. ఛాతీలో బిగుతు, నొప్పి, శ్వాస తీసుకోవడంలో ఇబ్బంది వంటి లక్షణాలు కనిపిస్తే వెంటనే వైద్య సహాయం పొందాలి. – డాక్టర్‌ సీహెచ్‌వీ బలరామకృష్ణ, డీఎం (కార్డియాలజీ)బెంగుళూరు ఒత్తిడిని తగ్గించుకుని, ప్రతిరోజూ క్రమం తప్పకుండా వ్యాయామం, ధ్యానం చేయటం, మద్యపానం, ధూమపానానికి దూరంగా ఉంటూ, జంక్‌ ఫుడ్స్‌, నూనె పదార్థాలను తగ్గించాలి. గుండెకు మేలు చేసే పండ్లు, కూరగాయలు, తృణధాన్యాలు వంటి మంచి ఆహారపు అలవాట్లతో జీవనశైలిని మార్పు చేసుకోగలిగితే గుండె ఆరోగ్యంగా ఉండి, ఆనందంగా జీవించగలుగుతాం. – డాక్టర్‌ ఎస్‌.వేణు, కార్డియాలజిస్ట్‌, విజయ హాస్పిటల్‌, జంగారెడ్డిగూడెం గుండె జబ్బులకు జీవనశైలే ప్రధాన కారణం లక్షణాలను గుర్తించి సకాలంలో చికిత్స పొందితే ముప్పు తగ్గే అవకాశం నేడు ప్రపంచ హృదయ దినోత్సవం

కొల్లేరు సమాచారాన్ని అందించాలి కొల్లేరు వన్యప్రాణి సంరక్షణ కేంద్రానికి సంబంధించి పూర్తి సమాచారాన్ని వచ్చేనెల 5లోపు సమర్పించాలని పర్యావరణ, అటవీ శాఖ ప్రిన్సిపల్‌ సెక్రటరీ ఆదేశించారు. 8లో uఏలూరు టౌన్‌: నశాముక్త్‌ భారత్‌ అభియాన్‌లో ఏలూరు ఈగల్‌ వింగ్‌, 19వ ఆంధ్ర బెటాలియన్‌ ఎన్‌సీసీ సంయుక్త ఆధ్వర్యంలో సోమవారం నగరంలో డ్రగ్స్‌కు వ్యతిరేక అవగాహన ర్యాలీని భారీఎత్తున నిర్వహించారు. నగరంలోని వివిధ విద్యాసంస్థలకు చెందిన 200 మంది ఎన్‌సీసీ క్యాడెట్లు పాల్గొన్నారు. నగరంలో ఫైర్‌స్టేషన్‌ సెంటర్‌ మీదుగా ర్యాలీ చేపట్టారు. అనంతరం ఈగల్‌ వింగ్‌ ఆర్‌ఎస్‌ఐ ఉదయ్‌ భాస్కర్‌ మాట్లాడుతూ యువత మాదకద్రవ్యాలకు బానిసలుగా మారకుండా నిరోధించటం, ప్రజలకు మత్తుపదార్థాల వినియోగంతో అనర్థాలను వివరిస్తున్నామని తెలిపారు. యువత ఆరోగ్యాన్ని పరిరక్షించుకోవటం, విద్యతోనే ఉన్నత భవిష్యత్‌ సాధిస్తారనేది అవగాహన కల్పిస్తున్నామని తెలిపారు. మాదకద్రవ్యాల వినియోగం, విక్రయాలు, రవాణాకు సంబంధించి ఏదైనా సమాచారం ఉంటే హెల్ప్‌లైన్‌ నం.1972 లేదా పోలీస్‌ అత్యవసర నం.112కు సమాచారం అందించాలని కోరారు. ముఖ్యంగా విద్యార్థి దశలోనే సామాజిక అంశాలపై అవగాహన, నైతిక విలువలు, ఉన్నత విద్య, మత్తుతో అనర్థాలపై అవగాహన కల్పించేలా చర్యలు చేపట్టామన్నారు. కల్నల్‌ అమిత్‌ పాండే, కల్నల్‌ బిప్‌నీత్‌ సింగ్‌ చీమా తదితరులు ఉన్నారు.

కొయ్యలగూడెం: మండలంలోని కన్నాపురం గ్రామానికి చెందిన పల్లికొండ మునీంద్రబాబు (35) మృతి ఉదంతం కలకలం రేపింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఎస్సై వి.చంద్రశేఖర్‌ తెలిపిన వివరాల ప్రకారం.. ఈనెల 25న రాత్రి 9 గంటల సమయంలో గ్రామానికి చెందిన గెల్లా చందు పిలవడంతో మునీంద్రబాబు బయటకు వెళ్లి తిరిగి రాలేదు. కుటుంబ సభ్యులు గాలించగా, 26న రాత్రి గోపాలపురం మండలం నందిగూడెం శివారులో ఆయన బైక్‌ లభ్యమైంది. దీనిపై బాధితుడి సోదరుడు మధుశేఖర్‌ కొయ్యలగూడెం పోలీసు స్టేషన్‌లో ఫిర్యాదు చేశారు. అయితే, 27వ తేదీ రాత్రి దేవరపల్లి గ్రామం వద్ద పోలవరం కాలువలో ఒక పురుషుడి మృతదేహం లభ్యమైంది. స్థానికుల సమాచారంతో కుటుంబ సభ్యులు అక్కడకు వెళ్లి పరిశీలించగా, అది మునీంద్రబాబు మృతదేహమని గుర్తించారు. మృతుడి తలపై గాయాలు ఉండటం, చివరిసారిగా గెల్లా చందు, ఆయునపర్తి సంజయ్‌లతో కలిసి కనిపించడంతో వారిపై అనుమానం ఉందని మృతుడి సోదరుడు ఫిర్యాదు చేశారు. దీంతో మొదట అదృశ్యంగా నమోదైన కేసును, హత్య అనుమానాస్పద కేసుగా మార్చి ఎస్సై దర్యాప్తు చేపట్టారు. మృతుడికి భార్య, ఇద్దరు పిల్లలు ఉన్నారు. నిందితుడి ఇల్లు కూల్చివేత మునీంద్రబాబు మృతికి కారణమైన వ్యక్తిని వెంటనే శిక్షించాలంటూ స్థానికులు, బంధువులు ఆందోళనకు దిగడంతో కన్నాపురంలో ఉద్రిక్తత చోటుచేసుకుంది. మునీంద్రబాబు వద్ద కార్పెంటర్‌గా పనిచేసే వ్యక్తినే కావాలనే ఈ హత్యకు పాల్పడ్డాడని స్థానికులు ఆరోపించారు. ఈ నిందితుడు గతంలో గవరవరం నుంచి కన్నాపురం వచ్చి భార్యాపిల్లలతో కలిసి స్థిరపడినట్లు తెలిసింది. హత్యోదంతానికి కారణమైన వ్యక్తిపై ఆగ్రహించిన మృతుడి బంధువులు, మిత్రులు సోమవారం గ్రామంలో పెద్దఎత్తున ఆందోళన చేపట్టారు. నిందితుడి ఇంటిని జేసీబీతో నేలమట్టం చేసి తీవ్ర ఆగ్రహం వ్యక్తం చేశారు. హత్యోదంతం, ఇల్లు ధ్వంసం చేసిన ఘటనలపై సమగ్ర విచారణ జరుపుతున్నట్లు ఎస్సై వి.చంద్రశేఖర్‌ తెలిపారు.

సాక్షి, టాస్క్‌ఫోర్స్‌: వైఎస్సార్‌సీపీ నేత, దెందులూరు మాజీ ఎమ్మెల్యే కొఠారు అబ్బయ్యచౌదరిపై టీడీపీ గూండాలు దాడికి యత్నించారు. సోమవారం మధ్యాహ్నం జంగారెడ్డిగూడెంలో పార్టీ కార్యక్రమాలు ముగించుకుని అబ్బయ్యచౌదరి తిరిగి వస్తుండగా పెదవేగి మండలం వేగివాడ వద్ద టీడీపీ గూండాలు అడ్డుకొని, ఆయన వాహనంపైకి దూసుకొచ్చి, కారు అద్దాలు పగులగొట్టారు. అయినా అబ్బ య్యచౌదరి వెరవకుండా ఏలూరులోని వైఎస్సార్‌సీపీ కార్యాలయానికి వచ్చారు. అక్కడ పార్టీ కార్యకర్తల సమావేశంలో పాల్గొన్నారు. టీడీపీ గూండాలు పెద్ద సంఖ్యలో పార్టీ కార్యాలయం వద్దకు కూడా వచ్చారు. పోలీసులు వారిని అడ్డుకోబోగా, పెద్ద గొంతులతో వాగ్వాదానికి దిగారు. కేకలు, అరుపులతో 2 గంటల పాటు అక్కడ హంగామా సృష్టించారు. చివరకు పోలీసులు వారిని అక్కడి నంచి బలవంతం పంపించాల్సి వచ్చింది. మాజీ ఎమ్మెల్యేకే రక్షణ లేకపోతే సామాన్యుల పరిస్థితి ఏమిటి?: అబ్బయ్య చౌదరి అనంతరం అబ్బయ్య చౌదరి మీడియాతో మాట్లాడుతూ.. రాష్ట్రంలో అధికార చంద్రబాబు కూటమి నేతల అరాచకాలు పెచ్చుమీరి పోయాయని ధ్వజమెత్తారు. మాజీ ఎమ్మెల్యేకే రక్షణ లేకపోతే సామాన్యుల పరిస్థితి ఏమిటని అన్నారు. ఆదివారం వైఎస్సార్‌సీపీ కార్యకర్తలకు రక్తం వచ్చేలా కొట్టినా ప్రభుత్వం నుంచి స్పందన లేదన్నారు. పదేపదే కొల్లేరు వాసులకు డబ్బు ఇవ్వాలని మాట్లాడుతున్నారని, తా ను ఎవరికీ డబ్బులు ఇవ్వాల్సిన పనిలేదని చె ప్పారు. ధైర్యం ఉంటే కలెక్టర్‌తో ఒక కమిటీ వేయించాలని, ఆ కమిటీ నివేదికలో అబ్బయ్యచౌదరి ఒక్క రూపాయి తీసుకున్నాడని నిరూపిస్తే రాజీనామా చేసి వెళ్లపోవడానికి సిద్ధంగా ఉన్నానన్నారు. కొల్లేరు ప్రజలకు ఎవరు న్యాయం చేశారో కూడా ఆ కమిటీ నిర్ణయిస్తుందని చెప్పారు. కూటమి అధికారంలోకి వచ్చాక కొల్లేరును అన్యాక్రాంతం చేస్తున్నారని తెలిపారు. టీడీపీ ఎమ్మెల్యే చింతమనేని ప్రభాకర్‌ కొల్లేరువాసులపై ఎంతలా దౌర్జన్యాలకు పాల్పడుతున్నారో అందరికీ తెలుసని చెప్పారు. పార్టీ సమావేశంలో మాట్లాడుతున్న మాజీ ఎమ్మెల్యే కొఠారు అబ్బయ్యచౌదరి అబ్బయ్యచౌదరి కారుపైకి దూసుకువస్తున్న టీడీపీ శ్రేణులు వేగివాడ వద్ద వైఎస్సార్‌సీపీ నేత, మాజీ ఎమ్మెల్యే వాహనాన్ని అడ్డుకున్న టీడీపీ గూండాలు టీడీపీ గూండాల దాడిలో పగిలిన కారు అద్దాలు ఏలూరులో పార్టీ కార్యాలయం వద్దా అదే గూండాయిజం రెండు గంటలపాటు హంగామా.. బలవంతంగా పంపించిన పోలీసులు కొల్లేరువాసులకు తానేమీ డబ్బులు ఇవ్వక్కర్లేదని అబ్బయ్యచౌదరి స్పష్టీకరణ ధైర్యం ఉంటే కలెక్టర్‌తో కమిటీ వేయించాలని సవాల్‌ కొల్లేరువాసులపై టీడీపీ ఎమ్మెల్యే చింతమనేని దౌర్జన్యాలు అందరికీ తెలుసని వెల్లడి

ఏలూరు (ఆర్‌ఆర్‌పేట): కొల్లేరు వన్యప్రాణి సంరక్షణ కేంద్రానికి సంబంధించి కేంద్ర సాధికార కమిటీ కోరిన పూర్తి సమాచారాన్ని అక్టోబర్‌ 5వ తేదీలోగా సమర్పించాలని పర్యావరణ, అటవీ శాఖ ప్రిన్సిపల్‌ సెక్రటరీ కాంతీలాల్‌ దండే అధికారులను ఆదేశించారు. స్థానిక కలెక్టరేట్‌ గౌతమి సమావేశ మందిరంలో సోమవారం సాయంత్రం ఆయన సమీక్ష నిర్వహించారు. ఈ సందర్భంగా కాంతీలాల్‌ దండే మాట్లాడుతూ, కొల్లేరు 5వ కాంటూర్‌ పరిధిలోని అభయారణ్యం సరిహద్దుల హేతుబద్ధీకరణ, జిరాయితీ, డీ–ఫారం భూమిదారుల పునరావాస కార్యక్రమాలపై రూపొందించిన ప్రతిపాదనలను సుప్రీంకోర్టు కమిటీకి సమర్పించామన్నారు. ఈ నివేదికను పరిశీలించిన కమిటీ మరికొంత సమాచారం కోరిందని తెలిపారు. సంరక్షణ కేంద్రం ప్రస్తుత విస్తీర్ణం, సరిహద్దుల హేతుబద్ధీకరణ తర్వాత భూముల వివరాలు, జిరాయితీదారుల తరలింపునకు మండలాల వారీగా ప్రతిపాదిత భూములు, జిల్లా, మండలాల సరిహద్దులు, ప్రభుత్వ, జిరాయితీ, డీ–పట్టా భూములు, ఉప్పెటేరు ప్రవేశ, నిష్క్రమణ మార్గాలు, పక్షుల ప్రాంతాలు, నోటిఫైడ్‌, నాన్‌–నోటిఫైడ్‌ డ్రైన్ల వంటి అంశాలపై సమగ్ర నివేదిక ఇవ్వాలని సూచించారు. సంబంధిత శాఖల అధికారులు, తహసీల్దార్లు ఈ వివరాలను అక్టోబర్‌ 5లోగా కలెక్టర్‌కు ఇవ్వాలని, ఏలూరు జిల్లా కలెక్టర్‌ అక్టోబర్‌ 6 నాటికి రాష్ట్ర ప్రభుత్వానికి సమర్పించాలని స్పష్టం చేశారు. ఈ సమావేశంలో జాయింట్‌ కలెక్టర్లు ఎంజే అభిషేక్‌ గౌడ, కేఆర్‌ కల్పశ్రీ, డీఎఫ్‌ఓలు సందీప్‌ రెడ్డి, త్రిమూర్తులు రెడ్డి తదితరులు పాల్గొన్నారు.

పోలవరం రూరల్‌: గోదావరి వరద స్వల్పంగా తగ్గుముఖం పట్టింది. ఎగువ ప్రాంతాల నుంచి నదిలోకి చేరే నీరు తగ్గుతుండటంతో వరద ప్రవాహం క్రమేపీ తగ్గుతోంది. పోలవరం ప్రాజెక్టు స్పిల్‌వే వద్ద 33 మీటర్లకు నీటిమట్టం చేరుకుంది. స్పిల్‌వే 48 గేట్ల నుంచి దిగువకు 9.02 క్యూసెక్కుల నీరు చేరుతోంది. దిగువన కొంత వరద ప్రవాహం ఉన్నా భద్రాచలం వద్ద 38.40 అడుగులకు నీటిమట్టం చేరుకుంది. భద్రాచలం నుంచి దిగువకు 7.36 లక్షల క్యూసెక్కుల నీరు విడుదల అవుతోంది. ఏలూరు (ఆర్‌ఆర్‌పేట): విద్యార్థుల్లో నులిపురుగుల నివారణకు మాత్రలు వేయాలని డీఈఓ ఎం.వెంకటలక్ష్మమ్మ అన్నారు. సోమవారం నులిపురుగుల నివారణ కార్యక్రమంలో భాగంగా సీఆర్‌ రెడ్డి పబ్లిక్‌ స్కూల్లో విద్యార్థులకు ఆల్బెండజోల్‌ మాత్రలు వేశారు. నులిపురుగుల వల్ల కలిగే అనర్థాలు, నివారణ చర్యలను వివరించారు. ప్రధానోపాధ్యాయులు, టీచర్లు, వైద్య ఆరోగ్య సిబ్బంది, ఆశా కార్యకర్తలు, అంగన్‌వాడీ కార్యకర్తలు, స్వయం సహాయక బృందాలు సమన్వయంతో నూరు శాతం పిల్లలకు మాత్రలు వేయాలన్నారు. మాత్రలు వేసుకోని పిల్లలకు వచ్చేనెల 6న అందించాలన్నారు. ఇన్‌చార్జి డీఎంహెచ్‌ఓ కె.లక్ష్మీనారాయణ, జిల్లా ఇమ్యూనైజేషన్‌ అధికారి పుల్లయ్య, ఐసీడీఎస్‌ పీడీ పి.శారద, ఆర్‌బీఎస్‌కే జిల్లా ప్రోగ్రామ్‌ అధికారి నరేంద్ర కృష్ణ తదితరులు పాల్గొన్నారు. ఏలూరు టౌన్‌: జిల్లాలో ప్రజల సమస్యలను అత్యంత పారదర్శకంగా సత్వరమే పరిష్కరించాలని జిల్లా ఎస్పీ కొమ్మి ప్రతాప్‌ శివకిషోర్‌ అన్నారు. సోమవారం ఏలూరు జిల్లా పోలీస్‌ ప్రధాన కార్యాలయ సమావేశ మందిరంలో ప్రజా సమస్యల పరిష్కార వేదికలో భాగంగా 43 మంది నుంచి ఫిర్యాదులు స్వీకరించారు. ఫిర్యాదులను పరిశీలించి, చట్టం మేరకు నిస్పక్షపాతంగా విచారణ చేపట్టాలన్నారు. ప్రజలు మీ కోసం పోర్టల్‌లో తమ ఫిర్యాదులు నేరుగా ఆన్‌లైన్‌లో నమోదు చేసుకోవచ్చని, అర్జీల పురోగతిని తెలుసుకునేందుకు 1100 టోల్‌ఫ్రీ నంబర్‌లో సంప్రదించాలని సూచించారు. ఏలూరు (ఆర్‌ఆర్‌పేట): గ్రామాల్లో మౌలిక వసలుల కల్పన, సమగ్ర అభివృద్ధే లక్ష్యంగా రాష్ట్ర ప్రభుత్వం చేపడుతున్న పల్లె పండుగ–3.0 కార్యక్రమాన్ని ఉత్సాహంగా నిర్వహించాలని కలెక్టర్‌ కె.వెట్రిసెల్వి ఆదేశించారు. జిల్లాలో మంగళవారం నుంచి వారం పాటు ఈ కార్యక్రమం నిర్వహిస్తామన్నారు. బీటీ రోడ్లు, సీసీ రోడ్లు, రహదారి సౌకర్యం లేని ఆవాసాలకు కనెక్టివిటీ కల్పించే పనులకు ప్రాధాన్యమివ్వాలన్నారు. పనుల్లో నాణ్యత తప్పక పాటించాలన్నారు. ఏలూరు (ఆర్‌ఆర్‌పేట): పశ్చిమగోదావరి జిల్లా సహకార మార్కెటింగ్‌ సొసైటీ (డీసీఎంఎస్‌) ద్వారా ఎరువులు, పురుగుమందులు, వరి విత్తనాలు, సూపర్‌ బజార్‌ ద్వారా నిత్యావసర సరకులు, జనరిక్‌ మందులు, దీపావళి బాణసంచా విక్రయాలు మొత్తంగా రూ.113.53 కోట్లు జరిగాయని, రూ.2.52 కోట్లు నికరలాభం ఆర్జించామని డీసీఎంఎస్‌ చైర్మన్‌ చాగంటి మురళీకృష్ణ తెలిపారు. సోమవారం స్థానిక డీసీఎంఎస్‌ సమావేశ మందరింలో మురళీకృష్ణ అధ్యక్షతన ఉమ్మడి సొసైటీ మహాజన సభ నిర్వహించారు. ఆప్కాబ్‌ చైర్మన్‌ గన్ని వీరాంజనేయులు మాట్లాడుతూ డీసీఎంఎస్‌, డీసీసీబీలను అభివృద్ధి దిశగా ముందుకు తీసుకెళ్లేందుకు సమష్టిగా కృషి చేద్దామని అన్నారు. జిల్లాలో సుమారు 6,7 బ్రాంచీలు నష్టాలో ఉ న్నాయన్నారు. జిల్లా సహకార అధికారి ఆరిమిల్లి శ్రీనివాస్‌, డీసీసీబీ సీఈవో సింహచలం, పీఏసీ పర్సన్‌ ఇన్‌చార్జులు పాల్గొన్నారు.

వైఎస్సార్‌సీపీ రీజినల్‌ కో–ఆర్డినేటర్‌ అమర్నాథ్‌ జంగారెడ్డిగూడెం (చింతలపూడి): అధికారం ఎవరికీ శాశ్వతం కాదని, అధికారులు అధికార పక్షానికి కొమ్ముకాస్తూ వైఎస్సార్‌సీపీ శ్రేణులపై అక్రమ కేసులు, బెదిరింపులకు పాల్పడితే చూస్తూ ఊరుకోబోమని వైఎస్సార్‌సీపీ ఉభయ గోదావరి జిల్లాల రీజినల్‌ కో–ఆర్డినేటర్‌, మాజీ మంత్రి గుడివాడ అమర్నాథ్‌ హెచ్చరించారు. స్థానిక ఆర్యవైశ్య కళ్యా ణ మండపంలో చింతలపూడి నియోజకవర్గ ఇన్‌చార్జి కంభం విజయరాజు అధ్యక్షతన స్థానిక సంస్థల ఎన్నికల ముందస్తు సన్నాహక సమావేశం సోమ వారం జరిగింది. ఈ సందర్భంగా ఆయన మాట్లాడుతూ వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదేశాల మేరకు రాబోయే మున్సిపల్‌, స్థానిక సంస్థల ఎన్నికలకు శ్రేణులు సిద్ధం కావాలని పిలుపునిచ్చారు. ఎన్నికల్లో ఏకగ్రీవాలకు అవకాశం లే కుండా ప్రతి స్థానంలో పార్టీ అభ్యర్థులు నామినేషన్లు వేసేలా ముందస్తు ప్రణాళికతో ముందుకు సా గాలన్నారు. పార్టీ కోసం కష్టపడే ప్రతి కార్యకర్తకు, నాయకుడికి తగిన ప్రాధాన్యత ఉంటుందని ఆయన భరోసా ఇచ్చారు. సమన్వయంతో ముందుకు సాగాలి పార్టీ జిల్లా అధ్యక్షుడు, కై కలూరు మాజీ ఎమ్మెల్యే దూలం నాగేశ్వరరావు (డీఎన్నార్‌) మాట్లాడుతూ రాబోయే స్థానిక ఎన్నికలను పార్టీ శ్రేణులు సవాళ్లుగా స్వీకరించి సమన్వయంతో విజయం సాధించాలని పిలుపునిచ్చారు. చింతలపూడి నియోజకవర్గ ఇన్‌చార్జి కంభం విజయరాజు మాట్లాడుతూ స్థానిక సంస్థల ఎన్నికల్లో వైఎస్సార్‌సీపీ జెండా ఎగురవేయడమే లక్ష్యంగా నాయకులు, కార్యకర్తలు ఐక్యంగా పనిచేయాలని కోరారు. మచిలీపట్నం పార్లమెంట్‌ పరిశీలకుడు జెట్టి గురునాథం మాట్లాడుతూ క్షేత్రస్థాయిలో పార్టీని బలోపేతం చేస్తూ ప్రజల్లో మద్దతు కూడగట్టాలన్నారు. సైనికుల్లా పనిచేయాలి పార్లమెంట్‌ నియోజకవర్గ పరిశీలకుడు, ఎమ్మెల్సీ వంకా రవీంద్రనాథ్‌ మాట్లాడుతూ స్థానిక ఎన్నికల్లో వైఎస్సార్‌సీపీ అభ్యర్థుల విజయానికి ప్రతిఒక్కరూ సైనికుల్లా పనిచేయాలని పిలుపునిచ్చారు. పోలవరం నియోజకవర్గ ఇన్‌చార్జ్‌, మాజీ ఎమ్మెల్యే తెల్లం బాల రాజు మాట్లాడుతూ కూటమి ప్రభుత్వ ప్రజావ్యతిరేక విధానాలను ఎండగడుతూ ఎన్నికల బరిలో నిలవాలన్నారు. దెందులూరు నియోజకవర్గ ఇన్‌చార్జ్‌, మాజీ ఎమ్మెల్యే కొఠారు అబ్బయ్యచౌదరి మాట్లాడుతూ కార్యకర్తలకు ఏ కష్టం వచ్చినా పార్టీ అండగా ఉంటుందని ధైర్యం చెప్పారు. చింతలపూడి నియోజకవర్గ పరిశీలకుడు దాసరి రమేష్‌ మాట్లాడుతూ ప్రతి వార్డులోనూ సమర్థులైన అభ్యర్థులను బరిలో దించేందుకు ప్రణాళిక సిద్ధం చేస్తున్నట్టు చెప్పారు. జంగారెడ్డిగూడెం టౌన్‌ పార్టీ అధ్యక్షుడు కర్పూరం గవ రయ్య గుప్తా, మండల అధ్యక్షుడు ఓరుగంటి నాగేంద్ర కుమార్‌, బీవీఆర్‌ చౌదరి, మేడవరపు విద్యాసాగర్‌, జెట్టి సత్య ఆదిత్య, ముప్పిడి శ్రీనివాసరావు, బొడ్డు వెంకటేశ్వరరావు, కుక్కల ధర్మరాజు, చంద్రిక, భావన ఋషి, కంచర్ల వాసవి రత్నం, ముప్పిడి వీరాంజనేయులు, కుర్రు రవి, బత్తిన చిన్న, ఐజీ, చిటికెల అచ్యుతరామయ్య తదితరులు పాల్గొన్నారు.

నిడమర్రు: వైద్యం కోసం వచ్చిన బాలిక పట్ల అసభ్యంగా ప్రవర్తించారన్న ఫిర్యాదుపై నిందితుడైన పీఎంపీ వైద్యుడు అడపా సత్యనారాయణను సోమవారం అదుపులోకి తీసుకున్నట్లు సీఐ నక్కా రజనీకుమార్‌, ఎస్సై లంక రాజేష్‌ తెలిపారు. నిడమర్రు పోలీస్‌స్టేషన్‌ పరిధిలోని ఓ గ్రామానికి చెందిన మైనర్‌ బాలిక కడుపునొప్పితో బాధపడుతూ సదరు పీఎంపీ వైద్యుడి వద్దకు వెళ్లింది. ఈ క్రమంలో అతను బాలికపై లైంగిక దాడికి పాల్పడినట్లు నిడమర్రు పోలీస్‌స్టేషన్‌లో కేసు నమోదైంది. బాధితురాలి వాగ్మూలం, అవసరమైన ఆధారాలు సేకరించి, దర్యాప్తులో లభించిన నిరూపణల ఆధారంగా నిందితుడిని అరెస్టు చేశామన్నారు. అనంతరం ఆయనను కోర్టులో హాజరుపరచగా, 14 రోజులు రిమాండ్‌ విధించినట్లు వారు వెల్లడించారు. ఆన్‌లైన్‌ చిత్రలేఖన పోటీల విజేతలు వీరే భీమవరం: గాంధీ జయంతిని పురస్కరించుకుని సర్వోదయ మండలి ఆధ్వర్యంలో నిర్వహించిన ఆన్‌లైన్‌ చిత్రలేఖన పోటీల విజేతల వివరాలను మండలి ప్రధాన కార్యదర్శి ఇందుకూరి ప్రసాదరాజు పత్రికలకు విడుదల చేశారు. ఉమ్మడి పశ్చిమమగోదావరి జిల్లా స్థాయిలో విద్యార్థులకు ‘మహాత్మాగాంధీ సత్యం, అహింస విధానాలు నేటి పరిస్థితులు’ అనేక అంశంపై చిత్రలేఖన పోటీలు నిర్వహించారు. వీటిలో 21 ఉత్తమ చిత్రాలను ఎంపిక చేయగా విజేతలకు అక్టోబర్‌ 2న పెదనిండ్రకొలనులోని మహాత్మాగాంధీ భవనంలో బహుమతులు అందజేస్తామని చెప్పారు. పాఠశాల స్ధాయి విజేతల వివరాలు జి దేవవర్షిణి (అనాకోడేరు), ఎస్‌ చాన్‌బాబు (జీలకర్రగూడెం), పి జయశ్రీ (వట్లూరు), జి.ప్రీతిక (భీమవరం), కె.ప్రవల్లిక (మేడపాడు), జి.అర్చన (కామవరపుకోట), కె.గాయత్రి (పెనుమంట్ర), జె.సంయుక్త (తాడేపల్లిగూడెం), ఎస్‌.లూధర్‌ (దర్శిపర్రు), కె.చంద్రిక (పెదనిండ్రకొలను), బి.షైనీ (ఆకివీడు), కె.స్నేహ (పాలకోడేరు), సీహెచ్‌ దీవెన (పత్తేపురం), ఆర్‌.చరణతేజ (చినఅమిరం), పి సాయిలక్ష్మి (బలుసుమూడి), కె.లహరి (పెదఅమిరం). కళాశాల స్థాయి విజేతల వివరాలు జి.భానుశ్రీ (పెన్నాడ), కె.షణ్ముక్‌ (ఏలూరు), వి.మీరాసహస్ర (తాడేపల్లిగూడెం), కె లీలాప్రసన్న (తణుకు), బి.వెంకటలక్ష్మి (భీమవరం). పెంటపాడు: గూడెంలో చెత్త ఏరుకుంటున్న ఇద్దరు చిన్నారులను సోమవారం పరిమెళ్ల ప్రభుత్వ పాఠశాలలో ఎంఈవో ఎం.శ్రీనివాస్‌ చేర్పించారు. కలెక్టర్‌ నాగరాణి, డీఈవో అనిల్‌కుమార్‌ ఆదేశాల మేరకు జిల్లా చైల్డ్‌ ప్రొటెక్షన్‌ అధికారి రాజేష్‌ ఆధ్వర్యంలో పాఠశాలలో చేర్పించినట్లు తెలిపారు.

సాక్షి ప్రతినిధి, ఏలూరు: తొందరగా నిధుల గోల్‌మాల్‌ వ్యవహారం ముగిద్దాం.. బడాబాబు రూ.70 లక్షలు వాడుకున్నారు.. ఆయన కొద్దిరోజుల్లో కట్టేస్తాడు.. మొత్తం ఐదుగురు ఉద్యోగులను పాత్రధారులుగా తేల్చి రూ.1.34 కోట్లు గోల్‌మాల్‌ జరిగినట్టు గుర్తించారు.. అనవరంగా దీనిని ఎక్కువ రోజులు సాగదీస్తే గతేడాది, అంతకు ముందు సంవత్సరాలది కూడా తవ్వి బయటకు తీస్తారు.. రూ.2.50 కోట్లకుపైనే పాతవి తేలే ప్రమాదం ఉంటుంది. అందుకని ఐదుగురు ఉద్యోగులు తలా రూ.27.50 లక్షల చొప్పున జనవరి నెల పోస్ట్‌ పెయిడెడ్‌ చెక్కులు ఇచ్చేయండి.. నగదు రికవరీ చేశామని ఫైల్‌ క్లోజ్‌ చేసేద్దాం.. ఇది ఏలూరు నగరపాలక సంస్థ ఉన్నతాధికారి సస్పెండ్‌కు గురైన ఉద్యోగులకు పెట్టిన ప్రతిపాదన. తిరగబడ్డ ఉద్యోగి మొత్తం ఈ వ్యవహారంలో నగరపాలక సంస్థ అకౌంటెంట్‌ లింగేశ్వరి, మేనేజర్‌ మూర్తి, షరాఫ్‌ శ్రీనివాసరావు, సీనియర్‌ అసిస్టెంట్‌ రవి, అటెండర్‌ మోహనకృష్ణలపై సస్పెండ్‌ వేటు పడింది. ఈ క్రమంలో ఐదుగురు సిబ్బందితో ఉన్నతాధికారి తలా రూ.27.50 లక్షల మొత్తంతో వచ్చే ఏడాది జనవరి (పోస్టు పెయిడెడ్‌) చెక్కులు ఇస్తే రికవరీ చేశామని, అవకతవకలను సరిదిద్దామని చార్జీ మెమోలతో వ్యవహారాన్ని ముగించేయవచ్చని చెప్పగా ఒక ఉద్యోగి తిరగబడ్డాడు. ‘మాకు ఎలాంటి సంబంధం లేదు.. మేం వాడుకున్నది లేదు.. అన్నీ మీకు తెలుసు.. పెద్దవాళ్లు ఏం చేశారో కార్పొరేషన్‌ అంతా తెలుసు.. నన్ను వేధిస్తే ఎస్సీ, ఎస్టీ కమిషన్‌ను ఆశ్రయిస్తా’ అని హెచ్చరించడంతో సెటిల్‌మెంట్‌ అర్ధాంతరంగా ముగిసి పొలిటికల్‌ నేతల వద్దకు చేరినట్టు సమాచారం. ఏలూరు నగరపాలక సంస్థలో ప్రజాధనం పక్కదారి పట్టింది. ఇంటి పన్నులు, కుళాయి పన్నులు, ఖాళీ స్థలాల పన్నులు ఇలా ప్రజల నుంచి వసూలు చేసిన పన్నులను పొలిటికల్‌ కనుసన్నల్లో కొందరు స్వాహా చేశారు. రాజకీయ నేతలు 70 శాతం తింటే ఉద్యోగులు మరో 30 శాతం తినేశారు. ఎంతైనా వాడుకుని డబ్బులు ఉన్నట్లు రికార్డుల్లో నమోదు చేస్తే సరిపోతుందనుకున్నారు. అయితే వ్యవహారం ఒక్కసారిగా వెలుగులోకి వచ్చింది. 2026 ఏప్రిల్‌ నుంచి సెప్టెంబర్‌ వరకు రూ.96.36 లక్షలు, అంతకు ముందు ఏప్రిల్‌లో రూ.38 లక్షలు స్వాహా అయినట్టు నిర్ధారించారు. నూజివీడు, తణుకు నుంచి ఇద్దరు అకౌంటెంట్లు, మున్సిపల్‌ ఆర్‌డీలు నగరపాలక సంస్థలో విచారణ నిర్వహించి రికార్డులు పరిశీలించగా ఒక్కొక్కటిగా వ్యవహారాలు వెలుగులోకి వస్తున్నాయి. పూర్తిగా పొలిటికల్‌ కనుసన్నల్లో జరిగిన దందా కావడంతో ఉద్యోగులు నిన్నమొన్నటి వరకు ధీమాగా వ్యవహరించారు. సస్పెన్షన్‌కు గురికావడం, శాఖాపరమైన విచారణతో పాటు పోలీస్‌ విచారణ కూడా ప్రారంభం కావడంతో తీవ్ర అలజడి రేగింది. నగరపాలక సంస్థ ఉన్నతాధికారి పొలిటికల్‌ సూచనలతో నిధుల గోల్‌మాల్‌ ఫైల్‌ను మూసివేసే దిశగా అడుగులు వేశారు. బడాబాబు రూ.70 లక్షలు వాడుకున్నారని కొద్ది నెలల్లోనే చెల్లిస్తారని, మిగతా మొత్తం మనమే సర్దుబాటు చేయాలని సస్పెండ్‌ అయిన ఉద్యోగులకు క్లాస్‌ తీసుకున్నట్టు తెలుస్తుంది. రూ.1.34 కోట్లు గోల్‌మాల్‌గా గుర్తింపు ఐదుగురు ఉద్యోగులు తలా రూ.27.50 లక్షలు కట్టండి పోస్ట్‌ పెయిడెడ్‌ చెక్కులతో వ్యవహారం ముగిద్దాం రూ.70 లక్షలు బడా బాబు వాటాగా నిర్ధారణ తిరగబడ్డ కీలక ఉద్యోగులు సెటిల్‌మెంట్‌ దిశగా ఏలూరు కార్పొరేషన్‌ నిధుల గోల్‌మాల్‌ ఫొటో: ఏఐ సృష్టించిన చిత్రం

● సాంకేతికతో ముంపు ముప్పు దూరం ● వరదలు రాకముందే హెచ్చరికలు ● జీపీఎం టెక్నాలజీతో పర్యవేక్షణ కుక్కునూరు: గోదావరి వరద తీవ్రతను ఒకప్పుడు భద్రాచలం వద్ద నీటిమట్టం పెరిగిన తర్వాత, స్థానిక గేజ్‌ స్టేషన్లలో నమోదైన వివరాల ఆధారంగా మాత్రమే అంచనా వేసేవారు. దీనివల్ల ముంపు ప్రాంతాల ప్రజలను అప్రమత్తం చేయడానికి, సహాయక చర్యలు చేపట్టడానికి తగినంత సమయం దొరికేది కాదు. అయితే ప్రస్తుతం ఆధునిక సాంకేతికత అందుబాటులోకి రావడంతో వరద ముప్పును ముందే గుర్తించే వ్యవస్థ బలపడింది. సాంకేతిక సమన్వయంతో ముందస్తు అంచనా భారత వాతావరణ శాఖ, కేంద్ర జల సంఘం సంయుక్తంగా ఉపగ్రహ పరిశీలనలు, వర్షపాత అంచనాలు, నదీ ప్రవాహ నమూనాలను విశ్లేషిస్తూ పరిస్థితిని ఎప్పటికప్పుడు పర్యవేక్షిస్తున్నాయి. ముఖ్యంగా గ్లోబల్‌ ప్రెసిపిటేషన్‌ మెజర్‌మెంట్‌ (జీపీఎం) వంటి ఉపగ్రహ ఆధారిత వ్యవస్థల ద్వారా ఎగువ ప్రాంతాల్లో కురుస్తున్న వర్షాలు, రాబోయే వర్ష సూచనలు, నదిలోకి చేరే నీటి పరిమాణాన్ని ముందుగానే గణించే వీలు కలుగుతోంది. అప్రమత్తత.. ప్రయోజనాలు ● కేవలం భద్రాచలం వద్ద నీటిమట్టంపైనే ఆధారపడకుండా ఎగువ వర్షపాతం, నదీ ప్రవాహ వేగాన్ని పరిగణనలోకి తీసుకుని ముంపు ప్రాంతాలను ముందే గుర్తిస్తున్నారు. ● సోషల్‌ మీడియా, ఇతర సమాచార వ్యవస్థల ద్వారా అధికారులను, ప్రజలను సకాలంలో అప్రమత్తం చేస్తున్నారు. ● ప్రాణ, ఆస్తి నష్టాన్ని తగ్గించేందుకు వీలుగా ముంపు బాధితులను సురక్షిత ప్రాంతాలకు తరలించడం, సహాయక బృందాలను సిద్ధం చేయడం సాధ్యమవుతోంది. గతంలో వరద వచ్చిన తర్వాత స్పందించే పరిస్థితి ఉండేది. అయితే నేడు ఉపగ్రహ సాంకేతికత, వాతావరణ అంచనాలు, గేజ్‌ స్టేషన్ల సమాచార సమన్వయంతో వరద రాకముందే అప్రమత్తమయ్యే స్థాయికి చేరుకున్నారు. ఈ ఆధునిక సాంకేతికతే గోదావరి తీర ప్రాంత ప్రజలకు నిజమైన రక్షణ కవచంగా నిలుస్తోంది.

చింతలపూడి: స్థానిక ప్రజల అభిప్రాయాలను పరిగణనలోకి తీసుకోకుండా, కనీసం గ్రామసభలు కూడా నిర్వహించకుండా రేచర్ల ప్రాంతంలోని బొగ్గు నిక్షేపాలను రిలయన్స్‌ సంస్థకు కట్టబెట్టడం తీవ్ర అన్యాయమని బొగ్గు బాధితులు ఆందోళన వ్యక్తం చేశారు. మండల పరిధిలోని కొమ్ముగూడెం గ్రామంలో ఆదివారం బాధితులు సమావేశమై నిరసన గళం విప్పారు. ఈ సందర్భంగా రేచర్ల బొగ్గు బాధితుల కమిటీ నాయకులు దొంతా కృష్ణ, చిట్లూరి బాలకృష్ణ మాట్లాడుతూ మెజారిటీ ప్రజల ఆమోదం లేకుండా బొగ్గు గనులను కార్పొరేట్‌ కంపెనీకి అప్పగించడాన్ని తీవ్రంగా ఆక్షేపించారు. గనుల తవ్వకాల వల్ల తీవ్ర పర్యావరణ విధ్వంసం జరిగి, భూగర్భ జలాలు అడుగంటిపోవడమే కాకుండా సమస్త జీవకోటికి ముప్పు వాటిల్లుతుందని ఆవేదన వ్యక్తం చేశారు. ప్రజల ప్రాణాలతో చెలగాటమాడుతూ కేవలం రిలయన్స్‌ సంస్థకు లాభాలు చేకూర్చేలా కేంద్ర ప్రభుత్వం వ్యవహరిస్తోందని మండిపడ్డారు. ప్రజా వ్యతిరేక విధానాలను కేంద్ర ప్రభుత్వం తక్షణమే విడనాడాలని, గనుల కేటాయింపు నిర్ణయాన్ని ఉపసంహరించుకోవాలని వారు డిమాండ్‌ చేశారు. కార్పొరేట్‌ శక్తుల మెప్పు కోసం ప్రభుత్వం మొండిగా ముందుకు వెళితే ప్రజల నుంచి తీవ్ర ప్రతిఘటన తప్పదని హెచ్చరించారు. కార్యక్రమంలో రైతులు సాయిల నారాయణరావు, ఉప్పల వెంకటరమణ, బొక్క రాఘవ, బొక్క సూర్యం, వేగుంట ప్రభాకర్‌, సత్యనారాయణ తదితరులు పెద్ద సంఖ్యలో పాల్గొన్నారు. వెంకటాద్రిపురంలో ప్రతీకార హత్య కొమ్ముగూడెంలో రైతుల నిరసన

● మన్యంలో ప్రాజెక్టులకు జలకళ ● సాగుకు రైతుల సన్నద్ధం ● ఆయకట్టు పరిధిలో 30 వేల ఎకరాలు బుట్టాయగూడెం : తీవ్ర వాయుగుండం ప్రభావంతో కురిసిన వర్షాలతో మన్యం ప్రాంతంలోని జలా శయాలు, చెరువులకు జలకళ సంతరించుకుంది. ఇప్పటివరకూ ఎల్‌నినో ప్రభావంతో వర్షాభావం, మరో పక్క ప్రభుత్వ సహకారం కరువవడంతోపాటు వివిధ కారణాలతో ఖరీఫ్‌ సీజన్‌ సాగు ముందుకు సాగని పరిస్థితులు నెలకొన్నాయి. దీంతో అతి తక్కువ విస్తీర్ణంలో పంటల సాగు చేశారు. అది కూడా బోర్లున్న ప్రాంతాల్లో మాత్రమే సాగు మొదలుపెట్టారు. ఈ నేపథ్యంలో కురిసిన వర్షాల వల్ల రబీ సీజన్‌కు మేలు జరుగుతుందని రైతులు అంటున్నారు. ఆయకట్టు భూములకు ఊపిరి మన్యంలోని సుమారు 128 మైనర్‌ ఇరిగేషన్‌ చెరువుల పరిధిలోని సుమారు 30 వేల ఎకరాలకు పైగా ఆయకట్టు భూములు ఉన్నాయి. అయితే ఈ ఏడాది ఎల్‌నినో ప్రభావంతో తగినంత వర్షాలు కురవకపోవడంతో అతి కొద్దిమంది వరి, మొక్కజొన్న, వేరుశనగ పంటలు సాగు చేపట్టారు. అయితే ఈ భూములన్నీ వర్షాధారం మీదే ఆధారపడి ఉన్నాయి. ప్రస్తుతం భారీగా కురుస్తున్న వర్షాలతో చెరువుల్లోకి నీరు చేరడంతో తమకు సాగునీరు కొరత తీరినట్లే అని రైతులు ఆనందం వ్యక్తం చేస్తున్నారు. అలాగే చెరువులు, ప్రాజెక్టుల్లో నీరు భారీగా చేరడంతో భూగర్భ జలాలు కూడా పెరిగే అవకాశం ఉంది. దీనివల్ల బోర్లలో నీరు సమృద్ధిగా లభించనున్నాయి. పుష్కలంగా ప్రాజెక్టుల్లో.. మన్యప్రాంతంలో ఉన్న గుబ్బల మంగమ్మ జల్లేరు జలాశయం నీటితో కళకళలాడుతుంది. ఈ ప్రాజెక్టు పూర్తిస్థాయి సామర్థ్యం 217.80 మీటర్లు కాగా ప్రస్తుతం వరద నీటితో 215.05 మీటర్లు సామర్థ్యంతో నిండి ఉంది. అలాగే పోగొండ రిజర్వాయర్‌ సామర్థ్యం 157 మీటర్లు కాగా సామర్థ్యాన్ని మించి నీరు బయటకు ప్రవహిస్తోంది. పోగొండ రిజర్వాయర్‌ మొత్తం చెరువులు 128 100 ఎకరాలకు పైబడినవి 40 చిన్న చెరువులు 81 చెక్‌ డ్యామ్‌లు 48 ఆనకట్టలు 300 ప్రాజెక్టులు 3 ఎట్టకేలకు కురిసిన వర్షాలకు జలాశయాల్లో, చెరువుల్లో వరద నీరు వచ్చి చేరింది. రబీ పంటల సీజన్‌కు కొంతమేర నీరు ఉపయోగపడుతుంది. పోగొండ, జల్లేరుతోపాటు అన్ని చెరువులు, ప్రాజెక్టుల్లో కూడా వరద నీరు సమృద్ధిగా ఉంది. – టి.సురేష్‌, మైనర్‌ ఇరిగేషన్‌ ఏఈఈ, కేఆర్‌పురం, బుట్టాయగూడెం మండలం

ఉంగుటూరు: జాతీయ రహదారికి కూతవేటు దూరంలో బాదంపూడి వై జంక్షన్‌ వద్ద స్టేట్‌ హైవేపై ఆదివారం మధ్యాహ్నం ఆర్‌టీసీ బస్సు – చేపల వ్యాను ఢీకొన్నాయి. ఈ ప్రమాదంలో ఉంగుటూరు, కొత్తగూడెంలకు చెందిన ఏడుగురు గాయపడ్డారు. క్షతగాత్రులందరూ వ్యానులో ఉన్నవారే. విజయవాడ నుంచి అమలాపురం వెళ్తున్న ఆర్‌టీసీ బస్సు, తాడేపల్లిగూడెం నుంచి ఉంగుటూరు వైపు వస్తున్న చేపల వ్యాను అక్కడ ఉన్న మలుపు వద్ద ఎదురెదురుగా ఢీకొన్నాయి. దీంతో చేపల వ్యాను బోల్తా పడింది. ఈ ప్రమాదంలో వ్యాను, బస్సు ముందు భాగాలు దెబ్బతిన్నాయి. గాయపడిన వారిలో కొత్తగూడెం గ్రామానికి చెందిన కె. యేసు (33), ఎ. దేవదాసు (50), ఉంగుటూరు గ్రామానికి చెందిన ఎ. శ్రీనివాసు (50), రాంబాబు (44), జి. శివ (38), సీహెచ్‌. త్రిమూర్తులు (42), అలాగే శింగరాజుపాలెం గ్రామానికి చెందిన సాయికుమార్‌ (28) ఉన్నారు. వీరందరికీ ప్రాణాపాయం లేదని, అందరి పరిస్థితి నిలకడగా ఉందని వైద్యులు తెలిపారు. క్షతగాత్రులను హైవే అంబులెన్స్‌లో తాడేపల్లిగూడెం ఏరియా ప్రభుత్వ ఆసుపత్రికి తరలించారు. ప్రస్తుతం వారంతా అక్కడ చికిత్స పొందుతున్నారు. చేబ్రోలు పోలీసులు ప్రమాద స్థలాన్ని పరిశీలించి కేసు నమోదు చేసి దర్యాప్తు చేస్తున్నారు.

● స్కూలుకు వెళ్లి ఇంటికి రాని బాలిక ● మంగళగిరిలో కనిపించడంతో కథ సుఖాంతం తణుకు అర్బన్‌: పాఠశాలకు వెళ్లి ఇంటికి తిరిగి రాకుండా అదృశ్యమైన బాలిక ఉదంతం సుఖాంతమైంది. తణుకు మండలం వేల్పూరు గ్రామానికి చెందిన కావాలిపురపు సత్యనారాయణ కుమార్తె పూజిత (13) స్థానిక శ్రీశారద శాంతి నికేతన్‌ పాఠశాలలో 8వ తరగతి చదువుతోంది. శనివారం మధ్యాహ్నం ఎప్పటిలాగే తండ్రి తన ఇద్దరు కుమార్తెలను భోజనం నిమిత్తం ఇంటికి తీసుకువచ్చి, తిరిగి పాఠశాలలో దింపి వెళ్లారు. సాయంత్రం పాఠశాల విడిచిపెట్టిన తర్వాత చిన్న కుమార్తె మాత్రమే ఇంటికి రావడంతో, పెద్ద కుమార్తె పూజిత రాలేదని గ్రహించిన తల్లిదండ్రులు ఆందోళనకు గురయ్యారు. స్నేహితులు, బంధువుల ఇళ్లలో వెతికినా ఆచూకీ లభించకపోవడంతో శనివారం సాయంత్రం తణుకు రూరల్‌ పోలీసులకు ఫిర్యాదు చేశారు. తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. సీసీటీవీ పుటేజీల ఆధారంగా గాలింపు పోలీసులు స్థానికంగా ఉన్న సీసీటీవీ పుటేజీలను పరిశీలించగా.. మధ్యాహ్నం సమయంలో పాఠశాల లోపలికి వెళ్లకుండా, స్కూలు యూనిఫామ్‌లో ఉన్న పూజిత ఎలాంటి స్కూలు బ్యాగ్‌ లేకుండా ఒంటరిగా నడుచుకుంటూ వెళ్తున్నట్లు గుర్తించారు. చదువులో వస్తున్న మార్కులపై తల్లిదండ్రులు ఒత్తిడి చేస్తుండటంతోనే ఆమె మనస్తాపం చెంది ఇంటి నుంచి వెళ్లినట్లు అనుమానించారు. ఈ ఘటన సోషల్‌ మీడియాలో సైతం విపరీతంగా వైరల్‌ అయింది. మంగళగిరిలో ప్రత్యక్షం పాఠశాల వద్ద నుంచి బయటకు వచ్చేసిన పూజిత ఆర్టీసీ బస్సులో మంగళగిరి చేరుకున్నట్లు సమాచారం. రాత్రి అక్కడే గడిపిన బాలికను, ఆదివారం ఉదయం బస్టాండ్‌లో ఒక మహిళ గుర్తించి ప్రశ్నించారు. యూనిఫామ్‌లో ఉండటం, స్కూల్‌ ఐడెంటిటీ కార్డులోని వివరాల ఆధారంగా ఆమె కుటుంబ సభ్యులకు ఫోన్‌ ద్వారా సమాచారం అందించారు. అనంతరం ఆ బాలికను స్థానిక పోలీస్‌స్టేషన్‌లో అప్పగించారు. అక్కడి నుంచి తణుకు పోలీస్‌స్టేషన్‌కు సమాచారం అందడంతో, పోలీసులు బాలికను సురక్షితంగా తీసుకురావడానికి మంగళగిరి వెళ్లినట్లు సమాచారం.

ద్వారకాతిరుమల: కుక్క కాటు చిన్న విషయమేనని నిర్లక్ష్యం చేస్తే ప్రాణాలకే ముప్పు వాటిల్లే ప్రమాదం ఉంది. రేబిస్‌ సోకిన కుక్కలు, పిల్లులు, ఇతర జంతువుల లాలాజలం ద్వారా ఈ వైరస్‌ మనుషులకు వ్యాపిస్తుంది. ఒకసారి వ్యాధి లక్షణాలు బయటపడిన తర్వాత రేబిస్‌ అత్యంత ప్రమాదకరంగా మారుతుంది. అందుకే జంతువుల కాటుకు గురైన వెంటనే వైద్యులను సంప్రదించడం అత్యంత కీలకం. రేబిస్‌పై ప్రజల్లో అవగాహన కల్పించేందుకు ప్రతి సంవత్సరం సెప్టెంబర్‌ 28న ప్రపంచ రేబిస్‌ దినోత్సవాన్ని నిర్వహిస్తున్నారు. రేబిస్‌ వ్యాధిని నివారించడంలో జంతువులకు టీకాలు వేయించడం, ప్రజలకు సకాలంలో చికిత్స అందించడం ప్రధానమైనవి. గాయాన్ని వెంటనే కడగాలి జంతువు కరిచిన వెంటనే గాయాన్ని సాధారణ (ఘాటైన రసాయనాలు లేని) సబ్బుతో, ప్రవహించే నీటితో 15 నిమిషాలపాటు బాగా కడగాలి. గాయాన్ని కట్టేయడం, ఇంటి చిట్కాలు పాటించడం వంటి వాటికి బదులుగా వీలైనంత త్వరగా సమీపంలోని వైద్య కేంద్రానికి వెళ్లాలి. వైద్యుల సూచనల మేరకు యాంటీ రేబిస్‌ వ్యాక్సిన్‌, అవసరమైతే రేబిస్‌ ఇమ్యూనోగ్లోబులిన్‌ తీసుకోవాలి. కాటు చిన్నదిగా కనిపించినా నిర్లక్ష్యం చేయకూడదు. వీధి కుక్కలపై చర్యలేవీ ఉమ్మడి జిల్లాలో పెరుగుతున్న వీధి కుక్కల బెడద, కుక్కకాటు కేసుల నేపథ్యంలో అధికారులు ప్రత్యేక దృష్టి సారించాలి. సుప్రీంకోర్టు ఆదేశాల మేరకు వీధి కుక్కల నియంత్రణకు స్టెరిలైజేషన్‌, యాంటీ రేబిస్‌ వ్యాక్సినేషన్‌ వంటి చర్యలను సమర్థవంతంగా అమలు చేయాలి. రేబిస్‌ సోకినవి, నయం కాని అనారోగ్యంతో ఉన్నవి, ప్రజలకు ప్రమాదకరంగా ఉన్న కుక్కల విషయంలో నిబంధనల ప్రకారం మాత్రమే ‘యూథనేషియా’ (మానవీయంగా మరణింపజేయడం) చేపట్టాలి. కుక్కకాట్ల నివారణకు పంచాయతీలు, మున్సిపాలిటీలు సమన్వయంతో ప్రత్యేక కార్యాచరణ చేపట్టి, ప్రజలకు రక్షణ కల్పించేలా వీధి కుక్కల నియంత్రణ చర్యలు చేపట్టాల్సిన అవసరం ఉంది. వ్యాక్సిన్‌ తప్పనిసరి రేబిస్‌ నియంత్రణలో పెంపుడు జంతువులకు సకాలంలో టీకాలు వేయించడం కీలకం. ముఖ్యంగా కుక్కలకు నిర్ణీత వయసులో యాంటీ రేబిస్‌ టీకా వేయించాలి. ఆ తరువాత కూడా పశువైద్యుల సూచన మేరకు బూస్టర్‌ డోసులు ఇప్పించాలి. పెంపుడు జంతువు ఏదైనా జంతువును కరిచినా, లేదా ఇతర జంతువులు దీన్ని కరిచినా వెంటనే పశువైద్యుడిని సంప్రదించాలి. జంతువుల కాటును నిర్లక్ష్యం చేయకుండా, టీకాల వివరాలను నమోదు చేసుకుని సకాలంలో టీకాలు వేయించాలి. ఇలా చేస్తే వ్యాధి వ్యాప్తిని తగ్గించవచ్చు. కుక్కకాటు కేసులు జిల్లాల వారీగా... కాలం పశ్చిమ గోదావరి జిల్లా ఏలూరు జిల్లా మొత్తం 2024 (మొత్తం) 24,121 9,570 33,691 2025 జనవరి నుంచి ఆగస్టు 9,576 4,027 13,603 2025 సెప్టెంబర్‌ నుంచి ఇప్పటి వరకు సుమారు 15 వేలకుపైగా కేసులు పెంపుడు కుక్కలకు సకాలంలో రేబిస్‌ వ్యాక్సిన్‌లు వేయించాలి. కుక్క పిల్లలకు 3 నెలల వయసులో తొలి రేబిస్‌ టీకా వేయించాలి. ఆ తర్వాత ఏడాదికి ఒకసారి బూస్టర్‌ డోస్‌ తప్పనిసరిగా ఇప్పించాలి. కుక్కలు, పిల్లులు తదితర జంతువులు కరిచినా, గీరినా నిర్లక్ష్యం చేయకుండా వెంటనే వైద్యుడిని సంప్రదించాలి. జంతువుల కాటుతో రేబిస్‌ ముప్పు ఉన్నందు వల్ల సకాలంలో చికిత్స, టీకాలు తీసుకోవడం ద్వారా ప్రాణాపాయాన్ని నివారించవచ్చు. – అంగర సురేష్‌, మండల పశువైద్యాధికారి, ద్వారకాతిరుమల రేబిస్‌ పట్ల అప్రమత్తతతో ప్రాణ రక్షణ వీధికుక్కల బెడదతో పెరుగుతున్న ముప్పు కాటుపడిన వెంటనే చికిత్సతో రేబిస్‌కు అడ్డుకట్ట నేడు ప్రపంచ రేబిస్‌ దినోత్సవం

చింతూరు: మేనత్త కొ డుకును కాపాడిన ఓ యువకుడు తరువాత వాగు ఉధృతికి గల్లంతైన ఘటన ఘాట్‌రోడ్‌లోని సోకిలేరు వ్యూ పాయింట్‌ వద్ద చోటు చేసుకుంది. పశ్చిమగోదావరి జిల్లా భీమవరంలోని చిన్నపేటకు చెందిన బుంగా బాల వందనం (18) డిగ్రీ ఫస్టియర్‌ చదువుతున్నాడు. విహారయాత్రకు వెళ్లేందుకు కుటుంబ సభ్యులతో కలిసి శుక్రవారం అదే జిల్లాలోని కోలమూరులో అ మ్మమ్మ ఇంటికి వెళ్లాడు. అక్కడినుంచి బంధువులతో కలిసి 20 మంది వరకు విహారయాత్ర నిమిత్తం ఆదివారం ఉదయం బస్సులో మారేడుమిల్లి వచ్చారు. అక్కడి నుంచి చింతూరు, మారేడుమిల్లి ఘాట్‌రోడ్‌లోని తులసిపాక సమీపంలో గల సోకిలేరు వ్యూ పాయింట్‌ వద్దకు చేరుకున్నారు. బాలవందనంతో పాటు మేనత్త కొడుకు వుచ్చుల శ్యామ్‌ (8), మరో ఇద్దరు కలిసి స్నానాల నిమిత్తం వాగులోకి దిగారు. ఈ క్రమంలో శ్యామ్‌ ప్రమాదవశాత్తు నీటిలో జారి కొట్టుకుపోతుండగా అతడిని కాపాడేందుకు బాలవంద నం కూడా నీటిలోకి దూకాడు. ఇటీవల కురిసిన వ ర్షాలకు నీటి ఉధృతి అధికంగా ఉండటంతో వారిద్దరు కొంతదూరం నీటిలో కొట్టుకెళ్లిన అనంతరం బాలవందనం శ్యామ్‌ను పక్కనే వున్న రాయిపైకి తోయడంతో బాలుడు ప్రాణా లతో బయటపడ్డాడు. బాలవందనం మాత్రం గల్లంతయ్యాడు. గాలింపు చేపట్టినా బాల వందనం ఆచూకీ లభించలేదు. భీమవరంలో విషాదఛాయలు భీమవరం : బాల వందనం గల్లంతుతో భీమవరంచినపేటలో విషాదఛాయలు అలముకున్నాయి. చినపేటకు చెందిన చికిలేవారి వీధిలో నివాసం ఉంటున్న సుందర ప్రకాష్‌ కుమారుడు బాలానందం. సుందర ప్రకాష్‌ కాంపౌండర్‌గా పనిచేస్తున్నాడు.

సాక్షి, రాజమహేంద్రవరం / రాజమహేంద్రవరం రూరల్‌ / ధవళేశ్వరం : ఎన్నికల వేళ మాయమాటలు చెప్పి ఓట్లు వేయించుకుని.. అధికారంలోకి వచ్చాక నిలువునా మోసం చేసిన వెన్నుపోటు పార్టీ వంచనపై బీసీలు గర్జించారు. జనాభాలో సగం కంటే ఎక్కువగా ఉన్నా ఇప్పటికీ కులవృత్తిదారులుగానే చంద్రబాబు చూస్తున్నాడని ధ్వజమెత్తారు. ఓటు బ్యాంకుగా వాడుకుంటూ రాజకీయ ప్రాతినిధ్యం కల్పించకుండా చిన్నచూపు చూస్తున్నాడని మండిపడ్డారు. నా బీసీలు అని చెప్పే దమ్మున్న జగన్‌ మళ్లీ గెలిస్తేనే బీసీలకు మంచి రోజులొ స్తాయని.. అందుకోసం అందరం ఐక్యంగా ముందుకు సాగుదామని ప్రతినబూనారు. వెన్నుపోటు పార్టీ వంచనపై బీసీల గర్జన సదస్సు మాజీ మంత్రి, వైఎస్సార్‌సీపీ తూర్పుగోదావరి జిల్లా అ ధ్యక్షుడు చెల్లుబోయిన వేణుగోపాలకృష్ణ అధ్యక్షతన కాతేరులో ఆదివారం ఉత్సాహంగా నిర్వహించారు. మాజీ మంత్రులు బొత్స సత్యనారాయణ, సీదిరి అప్పలరాజు, ధర్మాన కృష్ణదాస్‌, బూడి ముత్యాలనాయుడు, విడదల రజని, జోగి రమేష్‌, మాజీ స్పీకర్‌ తమ్మినేని సీతారాం, ఎమ్మెల్సీ రమేష్‌యాదవ్‌ మాట్లాడుతూ ముఖ్యమంత్రి చంద్రబాబు నిర్వాకాలను ఎండగట్టారు. ఈ సందర్భంగా పలు తీర్మానాలు చేశారు. నియోజకవర్గాల కో–ఆర్డినేటర్లు పిల్లి సూర్యప్రకాష్‌, గుడాల గోపి, వివిధ జిల్లాల బీసీ సెల్‌ అధ్యక్షులు అల్లి రాజబాబు, మట్టపర్తి నాగేంద్ర, నెరుసు చిరంజీవులు, శివకుమార్‌గౌడ్‌ తదితరులు పాల్గొన్నారు. చంద్రబాబు బీసీలను ఓటు బ్యాంకుగా వినియోగించుకుని, అధికారంలోకి వచ్చిన తర్వాత వెన్నుపోటు పొ డవడం పరిపాటిగా మారింది. ఇప్పుడు ఓట్లు వేసిన బీసీలంతా చంద్రబాబు పా లనను చూసి కన్నీళ్లు తెచ్చుకుంటున్నారు. 2029లో వైఎస్‌ జగన్‌ని ముఖ్యమంత్రిని చేసేందుకు బీసీలంతా తమ సత్తా చాటాలి. – నవుడు వెంకటరమణ, రాష్ట్ర బీసీ సెల్‌ వర్కింగ్‌ ప్రెసిడెంట్‌ కాతేరు వేదికగా బీసీ గర్జన విజయవంతం కావడం బీసీల ఐక్యతకు నిదర్శనం. ఇదే స్ఫూర్తితో బీసీ నేతలంతా వైఎస్‌ జగన్‌ చేసిన మేలు, వెన్నుపోటు పార్టీ నా యకుడు చంద్రబాబు మోసాలను క్షేత్రస్థాయిలో ప్రజలకు వివరించాలి. రాబోయే స్థానిక సంస్థల ఎన్నికల్లో ప్రతి గ్రామంలోనూ వైఎస్సార్‌సీపీ జెండా ఎగురవేయాలి. – కవురు శ్రీనివాస్‌, ఎమ్మెల్సీ వైఎస్‌ జగన్‌ ప్రభుత్వంలో బీసీలకు పెద్దపీట వేశారు. ముగ్గురు బీసీలను ముఖ్యమంత్రులను చేశారు. నామినేటెడ్‌ పదవుల్లో సముచిత స్థానం కల్పించారు. వెన్నుపోటు పార్టీ బీసీలను ఓటు బ్యాంకుగా మాత్రమే వాడుకుంటోంది. చంద్రబాబు మోసాలను పార్టీ శ్రేణులంతా గ్రామస్థాయిలో వివరించాలి. – మేకా శేషుబాబు, మాజీ ఎమ్మెల్సీ బీసీలకు 34 శాతం రిజర్వేషన్‌ కల్పించేందుకు చట్టం చేయాలి. తక్షణమే ఉప ముఖ్యమంత్రి పదవి బీసీలకు ఇవ్వాలి. ఆదరణ పథకం పేరుతో బడ్జెట్‌లలో కేటాయించిన రూ.3 వేల కోట్లతో తక్షణమే పనిముట్లు ఇవ్వాలి. 50 ఏళ్లు నిండిన బీసీలకు రూ.4 వేల పింఛన్‌ మంజూరు చేయాలి. ఫీజు రీయంబర్స్‌మెంట్‌ బకాయిలు రూ.9 వేల కోట్లు విడుదల చేయాలి. రైతులకు ఉచిత పంటల బీమా పథకం అమలు చేయాలి. 18–60 ఏళ్ల మహిళలకు నెలకు రూ.1,500 హామీ వెంటనే అమలు చేయాలి. ఆరోగ్యశ్రీ పథకాన్ని పూర్తిస్థాయిలో అమలు చేయాలి. వెన్నుపోటు పార్టీ అరాచకాలను ప్రశ్నిస్తున్న బీసీ నేతలపై కేసులు, వేధింపులు తక్షణమే ఆపాలి. బీసీలకు 150 రోజులపాటు ఉపాధి హామీ పథకం అమలు చేయాలి. చట్టసభల్లో రాజ్యాధికారం కోసం బీసీ రిజర్వేషన్‌ బిల్లు ఆమోదించేలా కేంద్రంపై ఒత్తిడి తేవాలి. బీసీ కార్పొరేషన్‌ రుణాల కోసం 3 లక్షల అప్లికేషన్లు రాగా తక్షణమే రుణాలు మంజూరు చేయాలి. చంద్రబాబు ఎన్నికల ముందు రజకులను ఎస్సీల్లో చేరుస్తామని హామీ ఇచ్చారు. కానీ అధికారంలోకి వచ్చాక రజకులకు వెన్నుపోటు పొడిచారు. ఇప్పుడు చంద్రబాబు హామీలను రజకులు నమ్మే పరిస్థితి లేదు. 2029లో రజకులంతా వైఎస్‌ జగన్‌ను ముఖ్యమంత్రిని చేసేందుకు కృషి చేస్తాం. – గంధం రవి, పశ్చిమగోదావరి జిల్లా రజక సంఘం అధ్యక్షుడు రాజకీయ ప్రాధాన్యం లేని సంచారజాతులను గుర్తించి కార్పొరేషన్‌ ఏర్పాటు చేసి.. సొంత ఇల్లు లేని తనను చైర్మన్‌ చేయడంతోపాటు ఆయన పక్కన కూ ర్చోబెట్టుకున్న మహోన్నత వ్యక్తి జగన్‌. కూటమి ప్రభుత్వం వచ్చి రెండున్నరేళ్లు గడుస్తున్నా చైర్మన్‌ను నియమించకపోవడం దారుణం. సంచారజాతుల పిల్లలు జగన్‌ పథకాలతో లబ్ధి పొందారు. – పెండ్ర వీరన్న, రాష్ట్ర వెనుకబడిన సంచార జాతుల కార్పొరేషన్‌ మాజీ చైర్మన్‌ ఎన్నికల వేళ ఓటు బ్యాంకుగానే చూస్తునారు రాజకీయ ప్రాతినిధ్యం కల్పించడంలో చిన్నచూపు వైఎస్‌ జగనతోనే బలహీన వర్గాల సంక్షేమం సాధ్యం వెన్నుపోటు పార్టీ వంచనపై బీసీ గర్జనలో వైఎస్సార్‌ సీపీ నాయకులు

భీమవరం: మోటార్‌సైకిళ్ల చోరీ కేసులో నిందితుడిని పోలీసులు అదుపులోకి తీసుకున్నారు. వివరాల ప్రకారం తణుకు చెందిన తలకొక్కుల నవీన్‌ ప్రేమ్‌ హైదరాబాద్‌లో డ్రైవింగ్‌ పనిచేస్తున్నాడు. చెడు వ్యసనాలకు లోనై మోటార్‌ సైకిళ్ల చోరీకి పాల్పడుతున్నాడు. ఈ క్రమంలో లంకపేట రైల్వే అండర్‌పాస్‌ సమీపంలో అనుమానాస్పదంగా తిరుగుతున్న అతడిని పోలీసులు అదుపులోకి తీసుకున్నారు. చోరీ చేసిన బైకులను అండర్‌పాస్‌ సమీపంలోని తుప్పల్లో దాచినట్లు నిందితుడు విచారణలో తెలపడంతో, అతడు చూపించిన ప్రదేశం నుంచి 5 మోటారు సైకిళ్లను స్వాధీనం చేసుకున్నట్లు పోలీసులు వెల్లడించారు. స్వాధీనం చేసుకున్న వాహనాల్లో... ఏపీ 39 ఈఎన్‌ 2160 (సుజుకి యాక్సెస్‌), ఏపీ 39 క్యూఈ 0116 (వెస్పా), ఏపీ 40 కేక్యూ 5098 (అప్రిలియా ఎస్‌ఆర్‌–125), ఏపీ 37 సీఎల్‌ 8651 (హోండా సీబీ యూనికార్న్‌), ఏపీ 37 డీహెచ్‌ 6166 (హోండా యాక్టివా – వైట్‌) ఉన్నాయి. ఈ కేసుకు సంబంధించి దర్యాప్తు కొనసాగుతోందని పోలీసులు తెలిపారు.

ద్వారకాతిరుమల: మహిళలు చైతన్యవంతులైనప్పుడే మహిళా సాధికారత సాధ్యమవుతుందని ఉమ్మడి ఉభయగోదావరి జిల్లాల ఉపా ధ్యాయ ఎమ్మెల్సీ బొర్రా గోపీమూర్తి అన్నారు. ఆంధ్రప్రదేశ్‌ ఐక్య ఉపాధ్యాయ ఫెడరేషన్‌ (యూటీఎఫ్‌) జిల్లా మహిళా సదస్సు ఆదివారం ద్వారకాతిరుమలలోని యూటీఎఫ్‌ భవనంలో నిర్వహించారు. ముఖ్య అతిథిగా ఎమ్మెల్సీ గోపీమూర్తి మాట్లాడుతూ మహిళలు అన్ని రంగాల్లో ముందుకు రావాలంటే చైతన్యం, పోరాట స్ఫూర్తి అవసరమన్నారు. స్టేట్‌ ఆడిట్‌ రీజనల్‌ డిప్యూటీ డైరెక్టర్‌ బీఆర్‌ క్రాంతికుమారి మాట్లాడుతూ మహిళలు ఏ స్థాయిలో ఉన్నా కొన్ని ఇబ్బందులు తప్పవని, వాటిని ధైర్యంగా ఎదుర్కోవాలని సూచించారు. యూ టీఎఫ్‌ సహాధ్యక్షురాలు ఏఏన్‌ కుసుమకుమారి, రాష్ట్ర ఐద్వా ప్రధాన కార్యదర్శి వి.సావిత్రి, యూటీఎఫ్‌ రాష్ట్ర కార్యదర్శి కె.శ్రీదేవి, మరో రాష్ట్ర కార్యదర్శి బి.సుభాషిణి తదితరులు మా ట్లాడారు. జిల్లా ప్రధాన కార్యదర్శి రవికుమార్‌ రుద్రాక్షి, సీనియర్‌ ఉపాధ్యాయులు సీ హెచ్‌ జగన్మోహనరావు, గంగరాజు, యూటీఎఫ్‌ జిల్లా కార్యదర్శులు జి.దేవానందరావు, రాంబాబు, శ్రీధర్‌, మండల అధ్యక్ష, ప్రధాన కార్యదర్శులు బి.జయరాజు, కె.శ్రీనివాసరావు తదితరులు పాల్గొన్నారు. ఏలూరు (ఆర్‌ఆర్‌పేట): ఉమ్మడి పశ్చిమగో దావరి జిల్లా సహకార మార్కెటింగ్‌ సొసైటీ మహాజన సభ సోమవారం నిర్వహించనున్న ట్టు ఆ సంస్థ బిజినెస్‌ మేనేజర్‌ ప్రకటనలో తెలిపారు. ఏలూరు ఫైర్‌స్టేషన్‌ సెంటర్‌లోని డీసీఎంఎస్‌ గ్రాండ్‌ కన్వెన్షన్‌ హాల్లో సోమవారం ఉదయం 11.30 గంటలకు మహాజన సభ ప్రారంభమౌతుందని పేర్కొన్నారు. ద్వారకాతిరుమల : జిల్లాలో పర్యాటకాభివృద్ధికి ప్రత్యేక చర్యలు చేపడుతున్నామని జాయింట్‌ కలెక్టర్‌ ఎంజే అభిషేక్‌ గౌడ అన్నారు. ఆదివారం ప్రపంచ పర్యాటక దినోత్సవాన్ని పురస్కరించు కుని ద్వారకాతిరుమలలోని ఏపీ టూరిజం (హరిత) హోటల్‌లో జరిగిన వేడుకలకు ఆయన ముఖ్య అతిథిగా హాజరయ్యారు. జిల్లాలోని ప్ర ముఖ ఆధ్యాత్మిక క్షేత్రాలను అనుసంధానం చే స్తూ టెంపుల్‌ టూరిజం సర్క్యూట్‌ ఏర్పాటుకు ప్రతిపాదనలు సిద్ధం చేస్తున్నామన్నారు. అలాగే తీర ప్రాంతాలు, కొల్లేరు పక్షుల అభయారణ్యం, పోలవరం ప్రాజెక్టు తదితర ప్రాంతాల్లో పర్యాటకులకు మెరుగైన వసతి, మౌలిక సదుపాయాలు కల్పించేందుకు చర్యలు తీసుకుంటున్నామన్నా రు. విద్యార్థులకు నిర్వహించిన వ్యాసరచన, వక్తృత్వ పోటీల్లో విజేతలకు ప్రశంసాపత్రాలు, బహుమతులు అందించారు. విద్యార్థుల సాంస్కృతిక కార్యక్రమాలు ఆకట్టుకున్నాయి. అనంతరం జేసీ మొక్కలు నాటారు. జిల్లాలోని ప్రము ఖ ఆధ్యాత్మిక క్షేత్రాలు, పర్యాటక ప్రాంతాల వివరాలతో రూపొందించిన బుక్‌లెట్‌ను ఆవిష్కరించారు. ముందుగా గ్రామంలో ర్యాలీ ని ర్వహించారు. సెట్‌వెల్‌ సీఈఓ కేఎస్‌ ప్రభాకర్‌, పర్యాటక శాఖ జిల్లా మేనేజర్‌ పట్టాభి రామన్న, తహసీల్దార్‌ జేవీ సుబ్బారావు, శ్రీవారి దేవస్థానం డీఈఓ వై.భద్రాజీ, ఏఈ వెంకటేష్‌ తదితరులు ఉన్నారు. భీమవరం: ఆల్‌ ఇండియా లాయర్స్‌ యూనియన్‌ ఉభయగోదావరి జిల్లాల నూతన అ ధ్యక్ష, కార్యదర్శులుగా పుట్టా వేణుగోపాలచౌదరి, కామన మునిస్వామి ఎన్నికయ్యారు. ఆ దివారం భీమవరంలో సంఘ మహాసభ నిర్వహించారు. నూతన కమిటీని ఎన్నుకున్నారు. అధ్యక్ష, కార్యదర్శులతో పాటు ఉపాధ్యక్షులు గా దిగుపాటి రాజగోపాల్‌, మేక ఈశ్వరయ్య, కౌరు వెంకటేశ్వర్లు, సహాయ కార్యదర్శులుగా రామాని కాస్ట్రో, పి.శ్రీనివాసు, పీవీపీ లక్ష్మి, కో శాధికారిగా కట్టా సత్యనారాయణ, 12 మంది కమిటీ సభ్యులను ఎన్నుకున్నారు. ప్రభుత్వం న్యాయవాదులకు రక్షణ చట్టం అమలు, జూనియర్‌ న్యాయవాదులకు రూ. 10 వేలకు ఉపకార వేతనం పెంచాలని తీర్మానించారు.

భీమవరం: చింతలపాటి బాపిరాజు మెమోరియల్‌ ఉన్నత పాఠశాలలో జన విజ్ఞాన వేదిక ఆధ్వర్యంలో జిల్లా స్థాయి చెకుముకి సైన్స్‌ సంబరాలు–2026 ఘనంగా జరిగాయి. జిల్లావ్యాప్తంగా 35 జట్లు ఉత్సాహంగా పాల్గొన్న ఈ పోటీల్లో భాగంగా తొలుత మండల విద్యాశాఖ అధికారి కేఎస్‌ సీహెచ్‌ సాయిరాం, జేవీవీ నాయకులు వీరాస్వామి పతాకాలను ఆవిష్కరించి సైన్స్‌ టాలెంట్‌ టెస్ట్‌ను ప్రారంభించారు. అనంతరం జరిగిన బహుమతి ప్రదానోత్సవ సభకు చెకుముకి జిల్లా కన్వీనర్‌ రేపాక వెంకన్నబాబు అధ్యక్షత వహించగా, డీఎన్‌ఆర్‌ కళాశాల అసోసియేషన్‌ జాయింట్‌ సెక్రటరీ కె. రామకృష్ణంరాజు ముఖ్య అతిథిగా విచ్చేసి విజేతలు ఇదే స్ఫూర్తితో నూతన ఆవిష్కరణలు చేసి భావి శాస్త్రవేత్తలుగా ఎదగాలని ఆకాంక్షించారు. విజేతల వివరాలు ఇలా.. ఈ పోటీల్లో ప్రభుత్వ పాఠశాలల విభాగంలో భీమవరంలోని శ్రీ ఉమా సోమేశ్వర మున్సిపల్‌ ఉన్నత పాఠశాల విద్యార్థులు ప్రథమ స్థానం సాధించగా, కస్పా పెంటపాడు జెడ్పీ ఉన్నత పాఠశాల ద్వితీయ, మార్టేరు బీడీ జెడ్పీ బాలికల ఉన్నత పాఠశాల తృతీయ స్థానాలను దక్కించుకున్నాయి. అలాగే ప్రైవేట్‌ పాఠశాలల విభాగంలో పాలకొల్లు ఆదిత్య స్కూల్‌ ప్రథమ, పెదఅమిరం వెస్ట్‌ బెర్రీ ఉన్నత పాఠశాల ద్వితీయ, ఆకివీడు విజ్ఞాన్‌ ఇంగ్లీష్‌ మీడియం ఉన్నత పాఠశాల తృతీయ స్థానాల్లో నిలిచాయి. విజేతలకు ప్రశంసా పత్రాలు, జ్ఞాపికలు అందజేశారు. ఇందులో ప్రథమ స్థానం సాధించిన విద్యార్థులు నవంబరు 1 నుంచి జరిగే రాష్ట్రస్థాయి పోటీలకు ఎంపికై నట్లు నిర్వాహకులు ప్రకటించారు. ఈ కార్యక్రమంలో పాఠశాల ప్రధానోపాధ్యాయులు బి. శ్రీనివాసరావు, విశ్రాంత డీఈఓ ఐఎస్‌ఎస్‌. ప్రసాదరాజు, జేవీవీ జిల్లా అధ్యక్ష ప్రధాన కార్యదర్శులు జామాను రామలక్ష్మణరావు, మల్లుల శ్రీనివాస్‌ తదితరులు పాల్గొన్నారు.

కైకలూరు: అమ్మా పెద్దింట్లమ్మా.. మాపై నీ కరుణ చూపవమ్మా.. అంటూ ఆర్తితో అమ్మను భక్తులు వేడుకున్నారు. కొల్లేటికోట పెద్దింట్లమ్మను సమీప జిల్లాల నుంచి వందలాది మంది ఆదివారం దర్శించుకున్నారు. గుడి చుట్టూ ప్రదక్షణలు అనంతరం వేడినైవేద్యాలను సమర్పించారు. మహిళలు భక్తితో పాలపొంగళ్లు అందించారు. ఆలయ ఉప ప్రధాన అర్చకుడు పేటేటి పరమేశ్వరశర్మ పూజా కార్యక్రమాలు నిర్వహించారు. ఆదివారం ఒక్క రోజు ప్రత్యేక, అంతరాలయ దర్శనాలు, పెద్ద, చిన్న తీర్థాలు, లడ్డూ ప్రసాదం, గదుల అద్దెలు, అమ్మవారి చిత్రపటాల విక్రయం, వాహన పూజలు, విరాళాల ద్వారా రూ.42,565 ఆదాయం లభించిందని ఆలయ ఈవో కూచిపూడి శ్రీనివాసు తెలిపారు. ముదినేపల్లి రూరల్‌: ప్రసిద్ధి చెందిన సింగరాయపాలెం – చేవూరుపాలెం సెంటర్‌లోని శ్రీ సుబ్రహ్మణ్యేశ్వర స్వామి ఆలయానికి ఆదివారం భక్తులు పోటెత్తారు. సుదూర ప్రాంతాల నుంచి తరలివచ్చిన భక్తులు ఆలయంలోని పుట్టలో పాలు పోసి, స్వామివారిని దర్శించుకున్నారు. మహిళలు పాలపొంగళ్ల శాల వద్ద నైవేద్యాలు తయారుచేసి స్వామికి సమర్పించారు. నాగబంధాల వద్ద, గోశాలలోని గోవులకు పసుపు కుంకుమలతో పూజలు చేశారు. అన్నదాన కార్యక్రమానికి భక్తులు పెద్దఎత్తున తరలిరావడంతో, ఆలయ సహాయ కమిషనర్‌ ఆర్‌. గంగాశ్రీదేవి, చైర్మన్‌ బొంగు రవికుమార్‌, పాలకవర్గ సభ్యుల ఆధ్వర్యంలో తగిన ఏర్పాట్లు చేశారు. పెదవేగి: నిరంతర సాధన, క్రమశిక్షణతో కూడిన ప్రణాళిక ఉంటేనే విద్యార్థులలోని ప్రతిభ మెరుగుపడుతుందని పెదవేగి సాంఘిక సంక్షేమ గురుకుల విద్యాలయం ప్రిన్సిపాల్‌ ఎం. రమేష్‌ బాబు అన్నారు. స్థానిక గురుకుల విద్యాలయంలో ఉమ్మడి జిల్లా స్థాయి అండర్‌–19 బాలుర జిల్లా జట్ల ఎంపికలు నిర్వహించారు. కబడ్డీ, వాలీబాల్‌, ఖో–ఖో, యోగాతో పాటు బాలుర, బాలికల విభాగాలలో చెస్‌ జట్లను ఉమ్మడి జిల్లా ప్రాతిపదికన ఎంపిక చేశారు. ఈ ఎంపిక పోటీలకు జిల్లా నలుమూలల నుంచి సుమారు 500 మంది క్రీడాకారులు ఉత్సాహంగా పాల్గొన్నారు. ఈ కార్యక్రమంలో కళాశాల ప్రిన్సిపాల్‌ ఎం. రమేష్‌ బాబు, అండర్‌–19 ఆర్గనైజింగ్‌ సెక్రటరీ కందికొండ జయరాజు, పీడీలు రాజ్యలక్ష్మి, కుమార్‌, తారక, రాజకుమారి, శ్రీలక్ష్మి తదితరులు పాల్గొని జట్ల ఎంపిక ప్రక్రియలో తమ వంతు సహాయ సహకారాలు అందించారు. ఉంగుటూరు: చేబ్రోలు గ్రామానికి చెందిన కడియాల సత్యనారాయణ (89) అనారోగ్యంతో ఇంటి వద్దనే మృతి చెందారు. అయితే, ఆయన మృతిపై అనుమానాలున్నాయని సత్యనారాయణ భార్య మేనల్లుడైన వల్లూరి దుర్గప్రసాద్‌ ఇచ్చిన ఫిర్యాదు మేరకు చేబ్రోలు ఎస్సై సూర్యభగవాన్‌ కేసు నమోదు చేసి దర్యాప్తు చేస్తున్నారు.

● నీటమునిగిన ఎద్దెలవాగు వంతెన ● జలదిగ్బంధంలో 16 గ్రామాలు వేలేరుపాడు: గోదావరికి మళ్లీ మూడోసారి వరద పోటెత్తింది. నాలుగు రోజులుగా కురుస్తున్న భారీ వర్షాలకు క్రమేపీ గోదావరి నీటిమట్టం పెరుగుతోంది. భద్రాచలం వద్ద ఆదివారం రాత్రి గోదావరి నీటిమట్టం 43.20 అడుగులకు చేరుకుంది. అధికారులు మొదటి ప్రమాద హెచ్చరిక జారీ చేశారు. వేలేరుపాడు మండలంలో దిగువ ప్రాంతంలోని ఎద్దెలవాగు వంతెన శుక్రవారం నీట మునిగింది. దీంతో దిగువ ఉన్న 16 గిరిజన గ్రామాలు మూడో రోజు కూడా జలదిగ్బంధంలోనే ఉన్నాయి. దిగువన ఉన్న కొయిదా, కట్కూరు, టేకుపల్లి, కాకిస్‌నూ రు, పేరంటపల్లి, కాచారం, టేకూరు, బుర్రెడ్డిగూడెం, సిద్దారం, కుంకుడు కొయ్యలపాకలు, ఎడవల్లి, చిట్టంరెడ్డిపాలెం, ఎర్రతోగు, చిన్నమంకోలు, పూసుగొంది, తాళ్లగొంది తదితర బాహ్యప్రపంచంతో సంబంధాలు తెగిపోయాయి. ఎద్దెలవాగు వద్ద అధికారులు నాటు పడవను ఏర్పాటుచేశారు. వేలేరుపాడు నుండి రుద్రమకోట వెళ్లే రహదారిలో పెద్దవాగు వంతెనకు చేరువలో రహదారి ఆదివారం నీట మునిగింది. దీంతో రుద్రమకోట గ్రామస్తులు పడవపై దాటుతున్నారు.

వారెవ్వా.. వాటర్‌ఫాల్స్‌ భారీ వర్షాలతో ఏజెన్సీ ప్రాంతంలోని జలపా తాలు ఉప్పొంగి ప్రవహిస్తున్నాయి. బుట్టాయగూ డెం మండలం మారుమూల గ్రామమైన ముంజులూరు సమీపంలోని జలపాతం, కన్నారపాడు సమీపంలోని జలపాతం, పాపికొండల అభయారణ్యంలోని ఉన్న జలతార వాగు, గుబ్బల మంగమ్మ తల్లి సన్నిధిలోని జలపాతాలు పరవళ్లు తొక్కుతూ ప్రవహిస్తున్నాయి. అలాగే ఉప్పరిల్ల, చింతకొండ, జారుడు కాల్వ, కొవ్వాడ కాల్వ, రేగులపాడు సమీపంలోని కాల్వలు కూడా ఉధృతంగా ప్రవహిస్తున్నాయి. జలపాతాలను తిలకించేందుకు వెళ్లే పర్యాటకులు జాగ్రత్తలు తీసుకోవాలని, వాగులు దాటేటప్పుడు అప్రమత్తంగా ఉండాలని అధికారులు సూచిస్తున్నారు.

ఏలూరు (ఆర్‌ఆర్‌పేట): విజయవాడలో శాంతియుతంగా ఆందోళన చేస్తున్న సచివాలయ ఉద్యోగులను ప్రభుత్వం అరెస్టు చేయడం దుర్మార్గమని సీఐటీయూ జిల్లా ప్రధాన కార్యదర్శి డీఎన్వీడీ ప్రసాద్‌ తీవ్రంగా ఖండించారు. స్థానిక సీఐటీయూ కార్యాలయంలో కే. శ్రీనివాస్‌ అధ్యక్షతన నిర్వహించిన జిల్లా విస్తృత సమావేశంలో ఆయన మాట్లాడారు. పనిభారం తగ్గించాలని, వేధింపులు ఆపాలని, పని ఒత్తిడితో మరణించిన ఉద్యోగుల కుటుంబాలను ఆదుకోవాలని కోరుతున్నా ప్రభుత్వం పట్టించుకోకుండా నిర్లక్ష్యం చేస్తోందని విమర్శించారు. విజయవాడ ధర్నాచౌక్‌లో ఆందోళనకు వస్తున్న ఉద్యోగులను పోలీసులు బలవంతంగా అరెస్టు చేయడం, దౌర్జన్యాలకు పాల్పడడం గర్హనీయమన్నారు. ఉద్యోగులకు నోషనల్‌ ఇంక్రిమెంట్లు, ఆటోమేటిక్‌ అడ్వాన్స్‌మెంట్‌ స్కీమ్‌ అమలు చేయాలని, ప్రొబేషన్‌ అమలైన 9 నెలలకు అరియర్స్‌ చెల్లించాలని డిమాండ్‌ చేశారు. ఉద్యోగుల పోరాటానికి సీఐటీయూ సంపూర్ణ మద్దతు తెలుపుతుందని, ప్రభుత్వం వెంటనే చర్చలు జరిపి సమస్యలు పరిష్కరించాలని ఆయన కోరారు.

కుకునూరు: భద్రాచలం వద్ద గోదావరి వరద ఉధృతి పెరగడంతో కుకునూరు మండలంలోని కుకునూరు–దాచారం మధ్య ఉన్న గుండేటి వాగు వంతెన శనివారం నీట మునిగింది. భద్రాచలం వద్ద గోదావరి నీటిమట్టం 22 అడుగులకు చేరుకోవడంతో వంతెనపైకి వరద నీరు చేరింది. దీంతో కుకునూరు మీదుగా దాచారం, బెస్తగూడెం, వేలేరుపాడు గ్రామాల మధ్య రాకపోకలు నిలిచిపోయాయి. కేవలం 22 అడుగులకే గుండేటి వాగు వంతెన నీట మునగడంపై స్థానికులు ఆశ్చర్యం వ్యక్తం చేస్తున్నారు. మరోవైపు గోదావరి వరద ఉధృతి మరింత పె రిగే అవకాశం ఉందన్న సమాచారంతో రైతుల్లో ఆందోళన నెలకొంది. పోలవరం రూరల్‌: గోదావరిలో వరద నీరు ఉధృతంగా ప్రవహిస్తోంది. నదీ పరీవాహక ప్రాంతంలో కురుస్తున్న భారీ వర్షాలకు ఉప నదుల నీటితో పాటు శబరి నీరు కూడా పెరగడంతో వరద ఉధృతి పెరిగింది. పోలవరం ప్రాజెక్టు స్పిల్‌ వే నుంచి 5,39,000 క్యూసెక్కుల నీరు దిగువకు చేరుతుంది. స్పిల్‌వే వద్ద 31 మీటర్లకు నీటిమట్టం చేరుకుంది. సుమారు 7 లక్షల క్యూసెక్కులకు పైగా వరద నీరు వచ్చే అవకాశం ఉందని అధికార యంత్రాంగం అంచనా వేస్తున్నారు. ఆగిరిపల్లి: మండలంలోని సగ్గూరులోని ఆమని చెరువు ఆయకట్టు రైతుల సమస్యలను కలెక్టర్‌ కె.వెట్రిసెల్వి శనివారం పరిశీలించారు. ఆమని చెరువు ఆయకట్టు రైతులను కలిసి వారి సమస్యలను అడిగి స్వయంగా తెలుసుకున్నారు. ఆమని చెరువు నీటిని తమ ప్రాంతంలోని పొలాలకు సాగునీరు అందించేందుకు ఇతర ప్రాంతాల ప్రజలు అభ్యంతరం వ్యక్తం చేస్తున్నారని, తమ సమస్యను పరిశీలించి పరిష్కారానికి చర్యలు తీసుకోవాలని సగ్గూరుకు చెందిన రైతులు కలెక్టర్‌ను కోరారు. రైతుల సమస్యను ప్రభుత్వం దృష్టికి తీసుకెళ్లి పరిష్కారానికి కృషి చేస్తానని పేర్కొన్నారు. సబ్‌ కలెక్టర్‌ బొల్లిపల్లి వినూత్న, కృష్ణా జిల్లా ఇరిగేషన్‌ ఈఈ కె.బాబు, మత్స్యశాఖ సహాయ సంచాలకులు బి.రాజ్‌కుమార్‌, తహసీల్దార్‌ పీఎన్‌వీ ప్రసాద్‌ తదితరులు ఉన్నారు. ఏలూరు (ఆర్‌ఆర్‌పేట): నగరంలో సంపూర్ణ పారిశుద్ధ్య పనులను యుద్ధప్రాతిపదికన పూర్తి చేయాలని జాయింట్‌ కలెక్టర్‌, ఏలూరు నగరపాలక సంస్థ ప్రత్యేక అధికారి ఎంజే అభిషేక్‌ గౌడ ఆదేశించారు. భారీవర్షాల అనంతరం చాటపర్రు రోడ్డులోని బాలాజీనగర్‌లో లోతట్టు ప్రాంతాలు ముంపునకు గురికావడంతో శనివారం ఆయన ఆకస్మికంగా తనిఖీ చేశారు. డ్రెయిన్లలో చెత్త, ప్లాస్టిక్‌ వ్యర్థాలు నిల్వ ఉండడంతో ప్రజలు తీవ్ర అసౌకర్యానికి గురవుతున్నారని, రెండు రోజులపాటు పారిశుద్ధ్య కార్యక్రమాలను ముమ్మరంగా చేపట్టాలని ఆదేశించారు. నగరంలో రోడ్లపై ఎక్కడా చెత్త లేకుండా, డ్రెయిన్లలో మురుగునీరు నిల్వ ఉండకుండా చూడాలన్నారు. నగరపాలక సంస్థ కమిషనర్‌ ఎ.భానుప్రతాప్‌ ఉన్నారు. ఏలూరు(ఆర్‌ఆర్‌పేట): జిల్లాలో జాతీయ రహదారిపై బ్లాక్‌ స్పాట్స్‌ గుర్తించి ప్రమాదాల నివారణకు చర్యలు తీసుకుంటున్నామని కలెక్టర్‌ కె.వెట్రిసెల్వి రాష్ట్ర రవాణా, రహదారులు, భవనాల శాఖ కార్యదర్శి కోన శశిధర్‌కు చెప్పా రు. రహదారి ప్రమాదాల నివారణకు తీసుకోవాల్సిన చర్యలపై కలెక్టర్లతో శనివారం ఆయ న జూమ్‌ కాన్ఫరెన్స్‌ ద్వారా సమీక్షించారు.

భీమవరం: వైఎస్సార్‌సీపీ రాష్ట్ర అధికార ప్రతినిధి, నరసాపురం పార్లమెంట్‌ పరిశీలకుడు ముదునూరి మురళీకృష్ణంరాజుకు పితృవియోగం కలిగింది. ఆయన తండ్రి రామరాజు శనివారం కాకినాడ జిల్లా ప్రత్తిపాడు నియోజకవర్గంలోని ధర్మవరంలోని స్వగృహంలో కన్నుమూశారు. తీవ్ర విషాదంలో ఉన్న మురళీకృష్ణంరాజును మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఫోన్‌లో పరామర్శించి తన ప్రగాఢ సంతాపాన్ని తెలియజేశారు. అలాగే శాసనమండలి చైర్మన్‌ కొయ్యే మోషేన్‌రాజుతోపాటు పలువురు నాయకులు మురళీకృష్ణంరాజును నేరుగా కలిసి పరామర్శించారు.

అమలాపురం టౌన్‌: విశాఖ మద్దిలపాలెం డిపో నుంచి అమలాపురం వస్తున్న ఆర్టీసీ సర్వీసు శనివారం కోనసీమ జిల్లా అమలాపురంలోని బుద్ధ విహార్‌ వద్ద మెయిన్‌ రోడ్డుపై చెత్త కాగితాలు ఏరుకుంటున్న కావూరి పుష్ప (25)ను ఢీకొనడంతో ఆమె అక్కడికక్కడే మృతి చెందింది. పశ్చిమ గోదావరి జిల్లా భీమవరానికి చెందిన పుష్ప తన అన్నయ్య కావూరి చిన్నతో కలిసి ఆరు నెలల కిందట అమలాపురం వచ్చి చెత్త కాగితాలు ఏరుకుంటూ ఉపాధి పొందుతోంది. పుష్పకు వివాహం కాగా భర్తతో విడిపోయి అన్నయ్యతో ఉంటోంది. చెల్లెలు మృతదేహంపై పడి రోదిస్తున్న తీరు స్థానికులను కలచివేసింది. అతడి ఫిర్యాదు మేరకు ఎస్సై ఎన్‌ఆర్‌ కిశోర్‌బాబు కేసు నమోదు చేసి దర్యాప్తు చేస్తున్నారు.

ముసునూరు: పెద్దలు ఇచ్చిన ఓ తీర్పు కుల వెలివేతకు దారి తీసిందనే ఆరోపణలు మండల వ్యాప్తంగా వెల్లువెత్తుతున్నాయి. పూర్తి వివరాల్లోకి వెళ్తే... మండలంలోని కొర్లగుంట గ్రామంలో ఇటీవల జరిగిన వినాయకుడి ఊరేగింపులో టపాసులు కాల్చే విషయంలో ఘర్షణ చెలరేగింది. మాగంటి రాజేష్‌పై గ్రామానికి చెందిన మాగంటి పండు మరికొందరు వ్యక్తులు దాడి చేశారు. ఇది గమనించిన రాజేష్‌ మేనత్త ఆయనను రక్షించే ప్రయత్నం చేయగా, ఆమైపె మూకుమ్మడిగా దాడి చేశారు. ఈ ఘటనలో ఆమె వస్త్రాలు కూడా పీకేశారు. దీనిపై గ్రామంలో పిన్నిబోయిన రంగారావు, మాగంటి రంగారావు, గరికపూడి శ్రీను, శివనారాయణ తదితర కుల పెద్దలంతా కలిసి శుక్రవారం అర్ధరాత్రి దాటే వరకు కుల పంచాయతీ నిర్వహించి, బాధితులకు రూ.5,000 జరిమానా విధిస్తూ తీర్పు చెప్పారు. అయితే బాధితులు ఆ తీర్పును నిరాకరించడంతో, వేరే విధమైన శిక్ష ఉంటుందని పెద్దలు బెదిరించారు. దీంతో బాధితులు ముసునూరు పోలీసులను ఆశ్రయించారు. ఈ ఘటనపై ఎస్సై ఎం.చిరంజీవి మాట్లాడుతూ... కుల బహిష్కరణ వంటి శిక్ష ఏదీ విధించలేదని, పెద్దల తీర్పు బాధితులకు నచ్చకపోవడంతోనే వారు తమకు ఫిర్యాదు చేశారని తెలిపారు. ఈ ఫిర్యాదుపై ప్రాథమిక దర్యాప్తు ప్రారంభించినట్లు ఆయన వెల్లడించారు. నూజివీడు: పట్టణంలోని కుమార్‌ హైస్కూల్‌కు చెందిన ఎన్‌సీసీ జూనియర్‌ వింగ్‌ క్యాడెట్లు సీహెచ్‌ పోషక సాయి, ఆర్‌ అనూష ఆల్‌ ఇండియా స్థాయి క్యాంపునకు ఎంపికై నట్లు ప్రిన్సిపాల్‌ పిన్నమనేని వెంకట కుమార్‌ శనివారం తెలిపారు. వీరు మధ్యప్రదేశ్‌లోని గ్వాలీయర్‌లో నిర్వహించే రాక్‌ క్‌లైంబింగ్‌ ట్రైనింగ్‌ క్యాంప్‌లో పాల్గొంటారన్నారు. శిక్షణా శిబిరం ఈనెల 28 నుంచి అక్టోబర్‌ 10 వరకు జరుగనుందన్నారు.

తీవ్ర వాయుగుండం ప్రభావంతో మూడు రోజులపాటు కురిసిన భారీ వర్షాలు సార్వా వరి పైరును నిండా ముంచేశాయి. డ్రెయినేజీ వ్యవస్థ అధ్వానంగా ఉండటం, ముంపు బయటకు వెళ్లే మార్గం లేకపోవడంతో చేలన్నీ నీళ్లలోనే నానుతున్నాయి. దీంతో పైరు కుళ్లిపోయే ప్రమాదం ఉందని రైతులు ఆందోళన చెందుతున్నారు. పశ్చిమగోదావరి జిల్లాలో సుమారు 5 వేల ఎకరాలకు పైగా, ఏలూరు జిల్లాలో 5,380 ఎకరాల్లో వరి చేలు ముంపు బారినపడినట్టు అధికారులు ప్రాథమికంగా అంచనా వేశారు. ఆదివారం శ్రీ 27 శ్రీ సెప్టెంబర్‌ శ్రీ 2026భీమవరం: పశ్చిమగోదావరి జిల్లాలోని 20 మండలాల్లో సుమారు 2.25 లక్షల ఎకరాల్లో సార్వా సాగు చేస్తున్నారు. జిల్లాలోని 107 గ్రామాల్లో చేలు ముంపులో ఉన్నాయి. ముందుగా నాట్లు వేసిన ప్రాంతాల్లో వరి పైరు ఈనిక, పొట్టదశలో, నాట్లు ఆలస్యమైన మెరక ప్రాంతాల్లో పైరు పిలకలు తొడిగే దశలో ఉన్నాయి. వేలాది ఎకరాల్లో.. తీవ్ర వాయుగుండంతో ఈనెల 23 నుంచి మూడు రోజుల పాటు ఎడతెరపి లేకుండా వర్షాలు కురిశాయి. పశ్చిమగోదావరి జిల్లాలో దాదాపు 3,720 మిల్లీమీటర్ల వర్షం కురిసింది. 23న 728 మి.మీ., 24న 1,794 మి.మీ., 25న 1,199 మి.మీ. వర్షపాతం నమోదయ్యింది. జిల్లాలో అత్యధికంగా తాడేపల్లిగూడెం మండలంలో 1,500 ఎకరాలు, అత్తిలిలో 650, తణుకులో 600, ఇరగవరంలో 375, పెనుమంట్ర మండలంలో 300 ఎకరాలు వరిచేలు మునిగినట్టు వ్యవసాయశాఖ ప్రాఽథమికంగా అంచనా వేసింది. అయితే ముంపు విస్తీర్ణం మరింత ఉంటుందని రైతు లు అంటున్నారు. శుక్ర, శనివారాల్లో ఎండ తీవ్రత పెరిగినా చేలల్లోని నీరు బయటకు వెళ్లడం లేదని, డ్రెయినేజీ వ్యవస్థ అస్తవ్యస్తంగా ఉండటమే కారణమని అంటున్నారు. మరో రెండు రోజులు ఇలా ఉంటే పైరు కుళ్లిపోతుందని వాపోతున్నారు. ఉద్యాన పంటలకు నష్టం తాడేపల్లిగూడెం: భారీ వర్షాలతో రాష్ట్రంలో 286 గ్రామాల్లో ఉద్యాన పంటలకు తీవ్ర నష్టం వాటిల్లిందని డాక్టర్‌ వైఎస్‌ఆర్‌ ఉద్యాన విశ్వవిద్యాలయ వీసీ కె.ధనుంజయరావు అన్నారు. శనివారం ఆయన వివరాలు వెల్లడించారు. 12 జిల్లాల్లోని 84 మండలాల్లో పంటలు దెబ్బతిన్నాయన్నారు. ప్రాథమిక అంచనాల ప్రకారం సుమారు 1,392 హెక్టార్లలో తో టలు మునిగి, 4,598 మంది రైతులకు సుమారు రూ.28.09 కోట్ల నష్టం వాటిల్లిందన్నారు. వరద నీ రు తగ్గుముఖం పట్టిన వెంటనే చేపట్టాల్సిన యా జమాన్య చర్యలు, జాగ్రత్తల గురించి రైతులకు ఉ ద్యాన వర్సిటీ ద్వారా అందిస్తామన్నారు. పరిశోధనా శాస్త్రవేత్తలు, ఉద్యాన శాస్త్రవేత్తలు రైతులకు అందుబాటులో ఉంటారన్నారు. వాయుగండం రైతులను నిండా ముంచిన భారీ వర్షాలు ఉమ్మడి జిల్లాలో 10 వేల ఎకరాలకు పైగా ముంపులో.. రైతులు రక్షణ చర్యలుతీసుకోవాలంటున్న వ్యవసాయశాఖ నీట మునిగిన చేలల్లో ముంపు నీరు బయటకు వెళ్లేలా రైతు లు చర్యలు తీసుకోవాలి. రెండు, మూడు రోజుల్లో నీరు పూ ర్తిగా బయటకు వెళితే పైరుకు పెద్దగా నష్టముండదు. పూర్తిగా నీరు బయటకు వెళ్లిన తర్వాతే పూర్తి నష్టం అంచనా వేయగలం. నీటి మునిగిన ప్రాంతాల్లో రైతులు ప్రత్యేక శ్రద్ధ తీసుకుని నీరు బయటకు వెళ్లేలా చూడాలి. – జి.సునీత, జిల్లా వ్యవసాయశాఖాధికారి, భీమవరం

● మారణాయుధాలతో ఆటో డ్రైవర్‌పై దాడులా? ● వైఎస్సార్‌సీపీ జిల్లా అధ్యక్షుడు డీఎన్నార్‌ ధ్వజం ఏలూరు టౌన్‌: దెందులూరు నియోజకవర్గంలో అరాచక పాలన సాగుతోందనీ.. కనీసం పార్టీ కార్యక్రమాలను సైతం చేయనీయకుండా అడ్డుపడుతూ వైఎస్సార్‌సీపీ దెందులూరు సమన్వయకర్త, మాజీ ఎమ్మెల్యే కొఠారు అబ్బయ్యచౌదరి, పార్టీ నేతలను నిర్భందించటం.. టీడీపీ కార్యకర్తలు దాడులకు పాల్పడటం ప్రజాస్వామ్యానికి విఘాతంలా మారతాయని వైఎస్సార్‌సీపీ జిల్లా అధ్యక్షుడు దూలం నాగేశ్వరరావు మండిపడ్డారు. దెందులూరు నియోజకవర్గంలోని దోసపాడులో కిరణ్‌ అనే ఆటోడ్రైవర్‌పై టీడీపీ నాయకులు, కా ర్యకర్తలు మారణాయుధాలతో దాడులకు తెగబడటంతో తీవ్ర గాయాలయ్యాయి. బాధితుడు ఏలూ రు సర్వజన ఆసుపత్రిలో చికిత్స పొందుతుండగా పార్టీ సమన్వయకర్తలు అబ్బయ్యచౌదరి, కంభం విజయరాజు (చింతలపూడి), మామిళ్లపల్లి జయప్రకాష్‌ (ఏలూరు)తో కలిసి శనివారం రాత్రి ఆ యన పరామర్శించారు. కిరణ్‌ ఆరోగ్యస్థితిని అడి గి తెలుసుకుని మెరుగైన వైద్య చికిత్స అందించా లని వైద్యులను కోరారు. అనంతరం డీఎన్నార్‌ మాట్లాడుతూ దెందులూరు నియోజకవర్గంలోని దోసపాడులో వైఎస్సార్‌సీపీ కార్యకర్తల సమావేశానికి హాజరయ్యేందుకు వెళుతున్న అబ్బయ్య చౌదరి, పార్టీ నేతలను అడ్డుకోవటం సరికాదన్నారు. కనీసం పరామర్శలకు సైతం వెళ్లకుండా దౌర్జన్యాలకు పాల్పడటం ప్రజాస్వామ్య విలువలకు తిలోదకాలు ఇవ్వటమే అన్నారు. దోసపాడులోకి వెళుతున్న సమయంలో గ్రామానికి చెందిన ఆటోడ్రై వర్‌ కిరణ్‌, మరికొందరు అబ్బయ్యచౌదరి కోసం వస్తూ ఉండగా.. టీడీపీ కార్యకర్తలు వారిపై మారణాయుధాలతో దాడులకు పాల్పడ్డారన్నారు. టీ డీపీ ఎమ్మెల్యే దుష్ట సంప్రదాయాన్ని మానుకోవాలని హితవు పలికారు. ఇక్కడ ప్రజాస్వామ్యం ఉందా అనే అనుమానం కలుగుతుందనీ, హక్కులను సైతం హరించేలా వ్యవహరించటం సిగ్గుచేటన్నారు. ఇలాంటి దాడులకు వైఎస్సార్‌సీపీ భ యపడే ప్రసక్తే లేదన్నారు. పార్టీ నగర అధ్యక్షుడు గుడిదేశి శ్రీనివాస్‌, కై కలూరు పరిశీలకుడు నూకపెయ్యి సుధీర్‌బాబు, ఏలూరు పరిశీలకుడు డీవీఆర్‌కే చౌదరి, జిల్లా ప్రధాన కార్యదర్శి ఆళ్ల సతీష్‌చౌదరి, జిల్లా యువజన అధ్యక్షుడు కామిరెడ్డి నాని, ఎస్సీసెల్‌ జిల్లా అధ్యక్షుడు తేరా ఆనంద్‌, జిల్లా అధికార ప్రతినిధి మున్నుల జాన్‌గురునాథ్‌, నాయకులు ముంగర సంజయ్‌ కుమార్‌, నెరుసు చిరంజీవి, గంటా మోహనరావు, కిలాడి దుర్గారా వు, నిట్టా నీలానవకాంతం తదితరులు ఉన్నారు.

రాజమహేంద్రవరం రూరల్‌: వెన్నుపోటు పార్టీ వంచనపై బీసీ గర్జన జోన్‌02 ఉమ్మడి తూర్పు, పశ్చిమగోదావరి జిల్లాల బీసీ నాయకుల సమావేశం కాతేరులోని వెంకటాద్రి గార్డెన్స్‌లో ఆదివారం ఉదయం 9.30 గంటలకు జరుగుతుందని మాజీ మంత్రి, వైఎస్సార్‌సీపీ తూర్పుగోదావరి జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ, పార్టీ రాష్ట్ర బీసీ సెల్‌ అధ్యక్షుడు, ఎమ్మెల్సీ రాచపల్లి ర మేష్‌యాదవ్‌ తెలిపారు. శనివారం కాతేరులోని వెంకటాద్రి గార్డెన్స్‌లో ఏర్పాట్లను వారు, ఎమ్మెల్సీ కవు రు శ్రీనివాస్‌, రాష్ట్ర బీసీ సెల్‌ వర్కింగ్‌ ప్రెసిడెంట్‌ న వుడు వెంకటరమణ, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు పరిశీలించారు. ఈ సందర్భంగా వేణుగోపాలకృష్ణ, రమేష్‌యాదవ్‌ మాట్లాడుతూ బీసీలను చంద్రబాబు ఓటు బ్యాంకుగా మాత్రమే చూస్తూ వారికి వెన్నుపోటు పొడుస్తున్నారన్నారు. బీసీలకు పెద్దపీట వేసిన ఘనత మాజీ సీఎం జగన్‌మోహన్‌రెడ్డికే దక్కుతుందన్నారు. చంద్రబాబు ప్రభుత్వం బీసీలకు పదవుల్లో, పథకాల్లో తీవ్ర అన్యాయం చేస్తుందన్నారు. ఎమ్మెల్సీ కవురు శ్రీనివాస్‌, నవుడు వెంకటరమణ మాట్లాడుతూ బీసీ గర్జనకు బీసీ వర్గాలంతా తరలి రావాలని పిలుపునిచ్చారు. సమావేశానికి రాష్ట్ర మా జీ మంత్రులు, శాసనసభ్యులు, ఎమ్మెల్సీలు, మాజీ ప్రజాప్రతినిధులు హాజరవుతారన్నారు. కాతేరులో విస్తృత ఏర్పాట్లు

తండ్రి ఆశలు.. కలలు నెరవేర్చేందుకు ఆమె వేసిన తొలి అడుగులు ఒలింపిక్స్‌ గడ్డపై పరుగులుగా మారాయి. తండ్రి తపనను చిన్నతనంలోనే అర్థం చేసుకుని ఆయన అడుగుజాడల్లో శ్రమిస్తూ పశ్చిమగోదావరి ఖ్యాతిని అంతర్జాతీయస్థాయిలో ఇనుమడింపజేస్తోంది తణుకువాసి దండి జ్యోతికశ్రీ. పట్టుదల, నిబద్ధతకు మారుపేరుగా నిలిచి పంటి బిగువున కష్టాన్ని నొక్కిపెట్టి మహిళా లోకానికి వన్నె తెస్తోంది. తమకు ప్రత్యేక గుర్తింపు తీసుకువచ్చిన జ్యోతికశ్రీని మా ఇంటి ‘బంగారం’ అంటున్నారు ఆ తల్లిదండ్రులు. అథ్లెటిక్స్‌ ప్రస్థానం ● పాఠశాల విద్య నుంచి జ్యోతికశ్రీ తండ్రి సూచన మేరకు తణుకు చిట్టూరి ఇంద్రయ్య ప్రభుత్వ డిగ్రీ కళాశాల క్రీడా ప్రాంగణంలో తన 14వ ఏట నుంచి తండ్రితోపాటు పరుగు మొదలుపెట్టింది. ● అక్కడి నుంచి రాష్ట్రీయ, జాతీయ, అంతర్జాతీయ స్థాయిల్లో ప్రతిభ చాటుతోంది. ● 2024లో బహర్మాస్‌లో జరిగిన వరల్డ్‌ రిలే అథ్లెటిక్స్‌లో రెండో స్థానంలో నిలిచి 2024 ఆగస్టులో పారిస్‌లో జరిగిన ఒలింపిక్స్‌లో అడుగుపెట్టింది. ● 4 ఇంటు 4 రిలేలో ప్రాతినిధ్యం వహించి టీమ్‌లో మంచి టైమింగ్‌ చేసింది. ● ఇప్పటివరకు అంతర్జాతీయ స్థాయిలో 4 మెడల్స్‌, జాతీయ స్థాయిలో 20, రాష్ట్రస్థాయిలో 30 మెడల్స్‌తోపాటు మొత్తంగా 100 వరకు పతకాలు సాధించింది. ● కేరళలోని త్రివేండ్రంలోని నేషనల్‌ కోచింగ్‌ క్యాంపులో శిక్షణ పొందుతూ రైల్వేలో సీసీటీఎస్‌గా ఉద్యోగం చేస్తోంది. ● ప్రస్తుతం గాయం కారణంగా ఏషియన్‌ గేమ్స్‌లో ప్రాతినిధ్యం వహించలేకపోయింది.నా తల్లితండ్రుల కష్టం, గురువులు అందించిన సహకారంతో 2024లో ఒలింపిక్స్‌లో అడుగుపెట్టగలిగాను. నా కోసం ఎన్నో త్యాగాలు చేసిన నాన్న నా వెన్నంటే ఉంటూ మంచి భవిష్యత్తు అందించారు. 2027లో నేషనల్‌ గేమ్స్‌, ఏషియన్‌ చాంపియన్‌షిప్‌లో మెడల్స్‌ సాధించి 2028లో మరోసారి ఒలింపిక్స్‌లో అడుగుపెట్టేందుకు సన్నమద్ధమవుతున్నా. ఒలింపిక్స్‌లో పతకమే నా లక్ష్యం – దండి జ్యోతికశ్రీ, అథ్లెటిక్‌ తణుకు అర్బన్‌ : తణుకుకు చెందిన దండి శ్రీనివాసరావు, లక్ష్మీ నాగ వెంకటేశ్వరి దంపతులకు ఇద్దరు కుమార్తెలు కాగా.. జ్యోతికశ్రీ చిన్నది. శ్రీనివాసరావు వివాహం ముందు నుంచి బాడీ బిల్డర్‌గా నైపుణ్యం సాధించారు. రాష్ట్రస్థాయిలో పలు ప్రదర్శనలు ఇచ్చారు. బీరువాలు తయారుచేసే వృత్తిలో జీవనం సాగిస్తున్న ఆయన వివాహానంతరం కుటుంబ స్థితిగతులు, ఆర్థిక సమస్యల కారణంగా తనకి ఇష్టమైన బాడీ బిల్డింగ్‌ను పక్కన పెట్లాల్సి వచ్చింది. ఈ క్రమంలో తన బిడ్డలను క్రీడాకారులుగా మార్చాలనుకుని నిశ్చయించుకున్నారు. క్రీడల్లో చురుగ్గా ఉండే చిన్న కుమార్తె జ్యోతికశ్రీని అథ్లెట్‌గా మార్చాలనుకుని.. తొలి గురువు తానే అయ్యారు. నేను ఆశించిన దాని కంటే ఎక్కువగానే జ్యోతికశ్రీ సాధించింది. తణుకులో మొదలైన చిన్నపాటి అడుగులు నేడు ప్రపంచంతో పోటీపడే స్థితికి వెళ్లిందంటే ఎంత కఠోర శ్రమ పడిందో మాతోపాటు శిక్షణనిచ్చిన గురువులకే తెలుసు. జ్యోతికశ్రీ తండ్రిగా నన్ను పరిచయం చేస్తుంటే చాలా ఆనందంగా ఉంటుంది. ఒలింపిక్స్‌ తర్వాత జ్యోతికశ్రీతోపాటు నాకు ఎన్నో సత్కారాలు దక్కాయి. – దండి శ్రీనివాసరావు, జ్యోతికశ్రీ తండ్రి దండిగా నైపుణ్యం.. విజయమే లక్ష్యం.. మా ఇంటి బంగారం నాన్న కలను సాకారం చేస్తూ.. అథ్లెటిక్స్‌లో రాణిస్తున్న జ్యోతికశ్రీ తణుకు నుంచి ఒలింపిక్స్‌ వరకూ.. తొలి అడుగు నాన్నతోనే..

నూజివీడు: పట్టణంలోని ఏరియా ఆసుపత్రిలో ఈ ఏడాది ఆగస్టు 16న యువకుడు మృతి చెందిన ఘటనపై శనివారం విచారణ నిర్వహించారు. మండలంలోని బోర్వంచకు చెందిన రామకూరి ప్రేమ్‌బాబు (33) కడుపులో నొప్పిగా ఉండటం, వాంతులు అవుతుండటం, యూరిన్‌ కూడా రాకపోవడంతో ఆగస్టు 15న మధ్యాహ్నం 2 గంటల సమయంలో ప్రభుత్వ ఏరియా ఆసుపత్రిలో జాయిన్‌ అయ్యాడు. అయితే అతను ఆసుపత్రిలోనే తరువాత రోజు ఉదయం చనిపోయాడు. దీంతో అతని తల్లిదండ్రులు, బంధువులు ఆందోళన చేయడంతో పాటు ఆ తరువాత సబ్‌కలెక్టర్‌కు, ఉన్నతాధికారులకు తమ కుమారుడికి సరిగా వైద్యం చేయకపోవడం వల్లనే చనిపోయాడని ఫిర్యాదు చేశారు. దీంతో జంగారెడ్డిగూడెం ఏరియా ఆసుపత్రికి చెందిన వైద్యులు శారద, భీమడోలు సీహెచ్‌సీ వైద్యుడు ఆనంద్‌కుమార్‌, పాలకొల్లు ఏరియా ఆసుపత్రి ఆర్‌ఎంఓ డాక్టర్‌ జనార్ధన్‌ బాబులతో కూడిన బృందాన్ని విచారణ నిమిత్తం నియమించగా వారు నూజివీడు ఏరియా ఆసుపత్రికి వచ్చి విచారించారు. దీనిలో భాగంగా మృతుడి తల్లిదండ్రులను, డ్యూటీ చేసిన ఏఎన్‌ఎంలను, వైద్యుడిని విచారించి రాతపూర్వకంగా వారి స్టేట్‌మెంట్‌లను నమోదు చేసుకున్నారు. వైద్యుడు, నర్సులు పొంతన లేని అంశాలను తెలపడం గమనార్హం. యువకుడి కండీషన్‌ గురించి ఫోన్‌ చేస్తే పదేపదే ఫోన్‌ చేయొద్దని డాక్టర్‌ అనేవారని విచారణ బృందం వద్ద నర్సులు చెప్పారు. విచారణ నివేదికను తయారు చేసి పంపుతామని వైద్య బృందం పేర్కొంది.

ఏలూరు టౌన్‌: పెదవేగి పోలీస్‌ ట్రైనింగ్‌ సెంటర్‌లో శిక్షణ పూర్తి చేసుకున్న స్టైఫండరీ క్యాడెట్‌ ట్రైనీ పోలీస్‌ కానిస్టేబుల్స్‌ (ఎస్‌సీటీపీసీ) పాసింగ్‌ అవుట్‌ పరేడ్‌ ఘనంగా నిర్వహించారు. మొత్తం 136 మంది పోలీస్‌ కానిస్టేబుళ్లుగా శిక్షణ పొందారు. ఈ ప్రత్యేక పాసింగ్‌ అవుట్‌ పరేడ్‌కు రాష్ట్ర గృహ, సమాచార పౌరసంబంధాల శాఖ మంత్రి కొలుసు పార్థసారథి ముఖ్య అతిథిగా హాజరయ్యారు. శిక్షణ పూర్తి చేసుకున్న పోలీస్‌ సిబ్బంది నుంచి ఆయన గౌరవ వందనం స్వీకరించారు. ఏలూరు రేంజ్‌ ఐజీ జీవీజీ అశోక్‌కుమార్‌, జిల్లా కలెక్టర్‌ వెట్రిసెల్వి, ఎమ్మెల్యే బడేటి చంటి, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌ రెడ్డి పాసింగ్‌ అవుట్‌ పరేడ్‌ వేడుకల్లో పాల్గొన్నారు. ఈ సందర్భంగా పోలీస్‌ శిక్షణ అందించిన బృందానికి, అలాగే శిక్షణలో క్రమశిక్షణ, క్రీడలు, ప్రతిభ కనబరిచిన ఉత్తమ క్యాడెట్లకు జ్ఞాపికలు అందజేశారు. అంకితభావంతో విధులు నిర్వర్తించాలి రాష్ట్ర మంత్రి పార్థసారథి మాట్లాడుతూ సమాజంలో శాంతిభద్రతల పరిరక్షణ, ప్రజలకు ఉత్తమ సేవలు అందించడంలో నూతనంగా పోలీస్‌ కానిస్టేబుళ్లుగా బాధ్యతలు చేపట్టిన వారు అంకితభావంతో పనిచేయాలని పిలుపునిచ్చారు. ఏలూరు రేంజ్‌ ఐజీ అశోక్‌కుమార్‌ మాట్లాడుతూ పోలీస్‌ విధుల్లో అంకితభావం, క్రమశిక్షణ, నిజాయితీ, ప్రజల పట్ల బాధ్యతాయుత వైఖరి ఎంతో ప్రాముఖ్యమైనవని సూచించారు. ఏలూరు జిల్లా పెదవేగి పీటీసీలో మంచి శిక్షణ అందించినందుకు ఏలూరు జిల్లా ఎస్పీ కేపీ శివకిషోర్‌ను ఆయన అభినందించారు. కలెక్టర్‌ వెట్రిసెల్వి మాట్లాడుతూ సుదీర్ఘమైన కఠిన శిక్షణను విజయవంతంగా పూర్తి చేసుకుని ప్రజారక్షణ విధుల్లోకి అడుగు పెడుతున్న కానిస్టేబుళ్లకు శుభాకాంక్షలు తెలిపారు. ఈ కార్యక్రమంలో అదనపు ఎస్పీ వై.ప్రసాద్‌రావు, ఏఆర్‌ అదనపు ఎస్పీ జీ.మునిరాజా, మాజీ ఎమ్మెల్యే మురళీరామకృష్ణ, ఏలూరు డీఎస్పీ డీ.శ్రావణ్‌కుమార్‌, పెదవేగి పోలీస్‌ ట్రైనింగ్‌ అధికారులు, శిక్షణ పూర్తి చేసుకున్న పోలీస్‌ సిబ్బంది, వారి కుటుంబ సభ్యులు పాల్గొన్నారు.

ద్వారకాతిరుమల: పర్యాటకంగా చూస్తే ఉమ్మడి పశ్చిమగోదావరి జిల్లాకు ప్రత్యేకమైన గుర్తింపు ఉంది. ప్రకృతి అందాలు, ఆధ్యాత్మిక క్షేత్రాలు, చారిత్రక ప్రదేశాలు, నదీ తీరాలు, సముద్రతీరాలు.. ఇలా భిన్నమైన పర్యాటక అనుభూతులను ఒకే ప్రాంతంలో ఆస్వాదించే అవకాశం ఉంది. నేడు ప్రపంచ పర్యాటక దినోత్సవం సందర్భంగా ఈ ప్రాంతంలోని పర్యాటక వైభవం మరోసారి చర్చకు వస్తోంది. కొల్లేరు.. పక్షుల కిలకిల ఏలూరు జిల్లాలోని కొల్లేరు సరస్సు ప్రకృతి ప్రేమికులకు ప్రత్యేక ఆకర్షణ. కొల్లేరు పక్షుల అభయారణ్యం వలస పక్షులకు ఆవాసంగా నిలుస్తోంది. ముఖ్యంగా అక్టోబర్‌ నుంచి మార్చి వరకు వివిధ ప్రాంతాల నుంచి వలస పక్షులు ఇక్కడకు వస్తాయి. సరస్సు పరిసర ప్రాంతాలు పక్షి వీక్షణకు అనువైన ప్రాంతాలుగా గుర్తింపు పొందాయి. పాపికొండలు.. గోదావరి అందాలు గోదావరి నదిని ఆనుకుని విస్తరించిన పాపికొండలు ప్రకృతి సౌందర్యానికి ప్రతీకగా నిలుస్తున్నాయి. కొరుటూరు వైపు నుంచి పాపికొండల ప్రవేశ ప్రాంతాన్ని చూడొచ్చు. గోదావరి నదిలో బోటు ప్రయాణం, కొండల మధ్య సాగే ప్రకృతి దృశ్యాలు పర్యాటకులను ఆకట్టుకుంటాయి. మార్గమధ్యంలో పట్టిసీమ, పేరంటాలపల్లి వంటి ప్రాంతాలు కూడా ప్రత్యేక ఆకర్షణగా నిలుస్తాయి. ద్వారకాతిరుమల చినవెంకన్న దర్శనం ఆధ్యాత్మిక పర్యాటకంలో ద్వారకాతిరుమలకు ప్రత్యేక స్థానం ఉంది. చిన్నతిరుపతిగా పేరొందిన శ్రీ వేంకటేశ్వరస్వామి ఆలయానికి ఇతర రాష్ట్రాల నుంచి కూడా భక్తులు వస్తుంటారు. దర్శనంతోపాటు ఆలయ పరిసరాల్లోని ఆధ్యాత్మిక వాతావరణం పర్యాటకులకు ప్రత్యేక అనుభూతిని అందిస్తుంది. ద్వారకాతిరుమల నుంచి 25 కిలో మీటర్ల దూరంలో ఉన్న గుర్వాయిగూడెంలోని మద్ది ఆంజనేయస్వామి ఆలయం కూడా సందర్శించదగిన క్షేత్రం. పంచారామాల వైభవం పశ్చిమగోదావరి జిల్లాలోని పాలకొల్లు క్షీరారామం, భీమవరం సోమారామం ఆధ్యాత్మిక పర్యాటకానికి ప్రధాన కేంద్రాలు. పాలకొల్లులోని క్షీరారామలింగేశ్వరస్వామి ఆలయం పంచారామ క్షేత్రాల్లో ఒకటిగా గుర్తింపు పొందింది. భీమవరంలోని సోమేశ్వర జనార్దనస్వామి ఆలయం కూడా పంచారామాల్లో ఒకటిగా ప్రసిద్ధి చెందింది. అమ్మవారి ఆలయాలు.. ఆధ్యాత్మిక సందడి భీమవరంలోని శ్రీ మావుళ్లమ్మ అమ్మవారి ఆలయం కూడా ప్రముఖ దర్శనీయ స్థలంగా ఉంది. స్థానిక సంప్రదాయాలు, వార్షిక ఉత్సవాలు ఈ ప్రాంతానికి ప్రత్యేక సాంస్కృతిక గుర్తింపును తెస్తున్నాయి. పేరుపాలెం.. సముద్ర కెరటాల సందడి నరసాపురం పరిసర ప్రాంతాల్లోని పేరుపాలెం, మొల్లపర్రు సముద్రతీరాలు పర్యాటకులకు మరో ఆకర్షణ. పచ్చని పొలాలు, కొబ్బరి తోటల మధ్యగా సాగి సముద్రతీరానికి చేరుకోవడం ప్రత్యేక అనుభూతిని కలిగిస్తుంది. పేరుపాలెం బీచ్‌ నరసాపురం నుంచి సుమారు 20 కిలోమీటర్ల దూరంలో ఉంది. గుంటుపల్లి.. చరిత్రకు సాక్ష్యం కామవరపుకోట మండలం గుంటుపల్లి బౌద్ధ గుహలు చారిత్రక, పురావస్తు ప్రాధాన్యం కలిగిన ప్రాంతం. కొండను తొలిచి నిర్మించిన గుహలు ప్రాచీన బౌద్ధ సంప్రదాయానికి ఆనవాళ్లుగా నిలుస్తున్నాయి. ఇవి జిల్లా కేంద్రం నుంచి సుమారు 40 కిలోమీటర్ల దూరంలో ఉన్నాయి. ప్రకృతి.. ఆధ్యాత్మికం.. చరిత్ర.. సాగరం.. అన్నీ ఉమ్మడి జిల్లాలోనే ద్వారకాతిరుమల, పాలకొల్లు, భీమవరంలో ఆధ్యాత్మిక వైభవం పేరుపాలెం తీరంలో సందడి.. గుంటుపల్లి గుహల్లో చారిత్రక ఆనవాళ్లు నేడు ప్రపంచ పర్యాటక దినోత్సవం

● మృతురాలు మంగళగిరికి చెందిన కల్యాణిగా గుర్తింపు ● వివాహేతర సంబంధమే హత్యకు దారిసిందా? ● పోలీసుల అదుపులో అనుమానితుడు ఇబ్రహీంపట్నం: ఎన్టీఆర్‌ జిల్లా ఇబ్రహీంపట్నం ఎ న్టీటీపీఎస్‌ కూలింగ్‌ కెనాల్‌లో ఈనెల 18న లభించిన గుర్తుతెలియని మహిళ మృతదేహం మిస్టరీ విషయంలో సంచలన విషయాలు వెలుగులోకి వస్తున్నాయి. మృతదేహానికి తల, కాళ్లు, చేతులు వేరుచేసి ఉండటంతో పోలీసులు హత్యగా భావించిన పోలీసులు దర్యాప్తును ముమ్మరం చేశారు. హతురాలి చేతిపై ఉన్న ఈక టాటూ, చెవి దుద్దులు, కాళ్ల పట్టీలు, దుస్తులు ప్రచార మాద్యమాల్లో ప్రసా రం కావడంతో మృతురాలిని ఆమె సోదరుడు నా గరాజు గుర్తించి ఇబ్రహీంపట్నం పోలీసులను ఆశ్రయించాడు. ఈ పరిణామాలతో మృతురాలు గుంటూరు జిల్లా మంగళగిరి హుస్సేన్‌ కట్ట ప్రాంతానికి చెందిన కర్రి దుర్గ ఆలియాస్‌ కల్యాణి (30) గుర్తించామని ఇబ్రహీంపట్నం సీఐ సుబ్రహ్మణ్యం శనివారం విలేకరులకు తెలిపారు. విజయవాడ భవానీపురానికి చెందిన మటన్‌షాపు యజమాని షఫీతో కల్యాణికి వివాహేతర సంబంధం ఏర్పడింది. కల్యాణి కుమారుడు షఫీ వద్ద ఉంటున్నాడు. ఈ నెల 17న రూ.20 వేలు ఇవ్వాలని కల్యాణి ఒత్తిడి చేయడంతో ఆమెను భవానీపురంలోని తన ఇంటికి తీసుకెళ్లి షఫీ హత్య చేశాడు. తన స్నేహితుడు గురువులుతో కలసి హత్యచేసిన అనంతరం కల్యాణ శరీర భాగాలను బ్యాగ్‌లో నింపి ఎన్టీటీపీఎస్‌ కూలింగ్‌ కెనాల్‌లో గొల్లపూడి వద్ద పడేసినట్లు తేల్చారు. ఏలూరు జిల్లా కలిదిండి మండలం చినతాడినాడకు చెందిన కల్యాణి తల్లి చిన్నతనంలోనే మృతి చెందడంతో ఆమె సోదరుడు నాగరాజుతో కలిసి కొన్నాళ్లు గన్నవరం సమీపంలో బుద్దవరం అనాథ ఆశ్రమంలో ఆశ్రయం పొందారు. మేజర్లు అయిన తర్వాత మంగళగిరి హుస్సేన్‌ కట్ట ప్రాంతంలో అద్దె భవనంలో నివసించారు. కల్యాణికి వి వాహం అయిన తర్వాత మంగళగిరిలోనే ఉంటుండగా, సోదరుడు విజయవాడలో సెటిలయ్యాడు. వివిధ కారణాలతో భర్త నుంచి విడిపోయిన కల్యాణి అక్కడే ఉంటూ వివిధ హోటళ్లలో సప్లయర్‌గా పనిచేస్తోంది. ఆమె సోదరుడి ద్వారా వివరాలు తెలుసుకున్న ఏసీపీ దుర్గారావు, సీఐ సుబ్రహ్మణ్యం, ఎస్‌ఐ సత్యవతి మంగళగిరిలోని మృతురాలి ఇంటికెళ్లి ఆమె సోదరుడిని అదుపులోకి తీసుకుని విచారించిన తర్వాత విలువైన సమాచారం సేకరించారు. కల్యాణికి సన్నిహితంగా ఉన్న బంగారం షాపు దామోదర్‌, కరీం హోటల్‌ గౌస్‌, ఆల్ఫా హో టల్‌ ఆదానీ ఆలీలను పాత్రపైనా పోలీసులు ఆరా తీస్తున్నారు. ఆమె కాల్‌డేటా, చివరి ఫోన్‌ కాల్‌ ఎవరికి వెళ్లింది. ఎక్కువ సేపు ఎవరితో మాట్లాడిందనే కోణంలో విచారణ జరుపుతున్నట్లు సీఐ సుబ్రహ్మణ్యం తెలిపారు. వివరాలు వెల్లడిస్తున్న సీఐ కల్యాణి (ఫైల్‌)

అప్పు తీర్చలేక ఉపాధ్యాయుడిని మట్టుబెట్టే యత్నం భీమవరం: కాళ్ల మండలం పెదఅమిరం గ్రామంలో ఉపాధ్యాయుడిపై జరిగిన హత్యాయత్నం కేసులో నిందితులను అరెస్ట్‌ చేసినట్లు జిల్లా అడిషనల్‌ ఎస్పీ డి.విశ్వనాథ్‌ తెలిపారు. శుక్రవారం భీమవరం డీఎస్పీ కార్యాలయంలో ఏర్పాటు చేసిన విలేకరుల సమావేశంలో ఆయన వివరాలు వెల్లడించారు. పెదఅమిరం పంచాయతీ నెహ్రూపేటకు చెందిన చోడాబత్తుల వెంకటరత్నం ఉండి మండలం ఎన్‌ఆర్‌పీ అగ్రహారం జెడ్పీ హైస్కూల్లో ఉపాధ్యాయుడిగా పనిచేస్తున్నారు. కాళ్ల మండలం బొండాడ గ్రామానికి చెందిన మందపాటి కృష్ణమూర్తికి వెంకటరత్నం గతంలో రూ. 45 లక్షలు అప్పుగా ఇచ్చారు. అప్పు తీర్చలేకపోవడంతో రెండేళ్ల క్రితం మరో రూ. 20 లక్షలు చెల్లించి కృష్ణమూర్తికి చెందిన 14 సెంట్ల స్థలం, ఇంటిని వెంకటరత్నం భార్య ఉమామహేశ్వరి పేరున రిజిస్టర్‌ చేయించుకున్నారు. అయితే కృష్ణమూర్తి కుటుంబ సభ్యులు ఇంటిని ఖాళీ చేయలేదు. దీనిపై పెద్దల సమక్షంలో పంచాయతీలు జరిగినా సమస్య పరిష్కారం కాలేదు. రూ.5 లక్షలకు డీల్‌ ఈ నెల 19న మరోసారి పంచాయతీ జరగగా, మొత్తం సొమ్ము చెల్లిస్తానని కృష్ణమూర్తి ఒప్పందం చేసుకున్నాడు. ముందుగా రూ. 20 లక్షల చెక్‌ ఇచ్చి, మిగిలిన మొత్తాన్ని వారంలో ఇస్తానని ఒప్పుకున్నాడు. అయితే ఆ చెక్‌ బౌన్స్‌ కావడంతో ఇల్లు వెంటనే అప్పగించాలని వెంకటరత్నం డిమాండ్‌ చేశాడు. దీంతో కృష్ణమూర్తి ఆయన్ను హత్య చేయించాలని పథకం పన్నాడు. బొండాడకు చెందిన మందపాటి సుధీర్‌, మందపాటి ప్రవీణ్‌, బొండాడ లంకకు చెందిన పొన్నాల స్వామి, పొన్నాల పర్రాజులతో పాటు మరో మైనర్‌కు రూ. 5 లక్షలు ఇచ్చేలా ఒప్పందం కుదుర్చుకుని అడ్వాన్స్‌గా రూ. 30 వేలు చెల్లించాడు. ఈ నెల 21న పెదఅమిరంలో సైకిల్‌పై వెళుతున్న వెంకటరత్నంపై నిందితులు దాడి చేసి, ఇనుప రాడ్డుతో తలపై బలంగా కొట్టారు. బాధితుడు ప్రతిఘటించడంతో వారు అక్కడి నుంచి పరారయ్యారు. బాధితుడి ఫిర్యాదు మేరకు భీమవరం ఇన్‌చార్జి డీఎస్పీ ఎం.సుధాకరరావు పర్యవేక్షణలో పోలీసులు ప్రత్యేక బృందాలుగా ఏర్పడి సాంకేతిక పరిజ్ఞానంతో నిందితులను శుక్రవారం బొండాడలోని డంపింగ్‌ యార్డు వద్ద అరెస్టు చేశారు. వారి నుంచి ఐదు సెల్‌ఫోన్లు, మోటార్‌సైకిల్‌, ఇనుప రాడ్డును స్వాధీనం చేసుకున్నారు. నిందితులను పట్టుకోవడంలో ప్రతిభ కనబరిచిన పోలీసు అధికారులను అడిషనల్‌ ఎస్పీ, డీఎస్పీలు అభినందించి రివార్డులు అందించారు.

లక్డీకాపూల్‌ : రోడ్డు ప్రమాదంలో తీవ్రంగా గాయపడి బ్రెయిన్‌ డెడ్‌కు గురైన 18 ఏళ్ల విద్యార్థి అవయవాలను దానం చేసి, అతని కుటుంబ సభ్యులు ఆరుగురి ప్రాణాలను కాపాడడం ద్వారా మానవత్వాన్ని చాటుకున్నారు. పూర్వ పశ్చిమగోదావరి జిల్లా దేవరపల్లి పరిధిలోని రాజుల వీధికి చెందిన సిద్ధాని పోలయ్య కుమారుడు ప్రేమ వెంకట సత్య సాయి శ్రీనాథ్‌ (18) హైదరాబాద్‌లో ఇంటర్‌ ద్వితీయ సంవత్సరం చదువుతున్నాడు. ఈ నెల 17న శ్రీనాథ్‌ కారు నడుపుతుండగా మరొక కారు బలంగా ఢీకొట్టింది. తీవ్రంగా గాయపడిన శ్రీనాథ్‌ను కుటుంబ సభ్యులు హైదరాబాద్‌లోని ఒక ప్రైవేట్‌ ఆసుపత్రికి తరలించారు. అక్కడ చికిత్స అందించినప్పటికీ పరిస్థితి విషమించి ఈ నెల 24న అతడు బ్రెయిన్‌ డెడ్‌ చెందినట్లు వైద్యులు ధ్రువీకరించారు. తీవ్ర విషాదంలోనూ శ్రీనాథ్‌ తండ్రి పోలయ్య ధైర్యంతో శ్రీనాథ్‌ అవయవాలను దానం చేసేందుకు ముందుకు వచ్చారు. జీవన్‌దాన్‌ సంస్థ శ్రీనాథ్‌ శరీరం నుంచి రెండు కిడ్నీలు, కాలేయం, ఊపిరితిత్తులు, రెండు కార్నియాలను సేకరించి ఆరుగురు బాధితులకు అమర్చి పునర్జన్మ ప్రసాదించింది. ఈ ఏడాదిలో నమోదైన 152వ బ్రెయిన్‌డెడ్‌ అవయవ దానం ఇదేనని సంస్థ ఇన్‌చార్జి భూషణ్‌రాజ్‌ తెలిపారు.

క్లీనర్‌ దుర్మరణం, 9 మందికి గాయాలు భీమడోలు: జాతీయ రహదారిపై సూరప్పగూడెం పంచాయతీ శివారు పాతూరు షుగర్‌ ఫ్యాక్టరీ కల్వర్టు వద్ద శుక్రవారం తెల్లవారుజామున ఘోర రోడ్డు ప్రమాదం జరిగింది. వేగంగా వచ్చిన లారీ గుంతలో పడి అదుపుతప్పి బోల్తా పడటంతో పశ్చిమబెంగాల్‌కు చెందిన క్లీనర్‌ రంజిత్‌షా (51) అక్కడికక్కడే మృతి చెందాడు. ఈ ఘటనలో మరో నలుగురికి తీవ్ర గాయాలు కాగా, ఐదుగురికి స్వల్ప గాయాలయ్యాయి. పోలీసులు తెలిపిన వివరాల ప్రకారం ఈ నెల 24న పశ్చిమబెంగాల్‌ నుంచి రెండు లక్షల చేప పిల్లలను ఉంగుటూరు మండలంలోని కై కరం, నారాయణపురం ప్రాంతాల్లో విక్రయించేందుకు ఓ లారీలో 10 మంది బయలుదేరారు. వీరిలో ఇద్దరు డ్రైవర్లు, ఒక క్లీనర్‌, ఏడుగురు కూలీలు ఉన్నారు. గుండుగొలను చేరుకుని తిరిగి నారాయణపురం వైపు వెళుతుండగా మార్గమధ్యలో పాతూరు కల్వర్టు వద్ద గుంతలో పడింది. అదుపుతప్పి కల్వర్టును ఢీకొట్టి బోల్తా కొట్టింది. ప్రమాదంలో క్లీనర్‌ మృతి చెందగా, కూలీలు అమిత్‌షిక్‌ధర్‌, సదన్‌ బిస్వాస్‌, సాగర్‌ బిస్వాస్‌, బీబస్‌ బిస్వాస్‌లకు తీవ్ర గాయాలయ్యాయి. రెండో డ్రైవర్‌ మైనక్‌ భోమిక్‌, వంసాసత్ర, షమ్మిర సర్కార్‌, రంజిత్‌లకు స్వల్ప గాయాలయ్యాయి. ఈ ప్రమాదం కారణంగా లక్షల రూపాయల విలువైన చేప పిల్లలు రోడ్డుపాలయ్యాయి. సమాచారం అందుకున్న భీమడోలు సీఐ వి.కృష్ణ, ఎస్సై ఎస్‌కే మదీనా బాషాలు ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను 108 అంబులెన్స్‌లో ఏలూరు ప్రభుత్వ ఆసుపత్రికి తరలించారు. క్రేన్‌ సాయంతో లారీని తొలగించి ట్రాఫిక్‌ను క్రమబద్ధీకరించారు. కూలీ వంసా సత్ర ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

ఉంగుటూరు: ఏలూరు జిల్లాలో కురిసిన భారీ వర్షాలు, ఈదురుగాలుల ప్రభావంతో ఉద్యాన పంటలు తీవ్రంగా దెబ్బతిన్నాయి. చేతికొచ్చిన పంటలు కళ్లెదుటే నేలపాలు కావడంతో రైతులు తీవ్ర ఆందోళన చెందుతున్నారు. వేలాది రూపాయల పెట్టుబడి నష్టపోవాల్సి వస్తుందని ఆవేదన వ్యక్తం చేస్తున్నారు. జిల్లాలోని మెట్టప్రాంత మండలాలైన పెదవేగి, భీమడోలు, ఉంగుటూరు, డి. తిరుమల, కామవరపుకోట, లింగపాలెం, చింతలపూడి, జంగారెడ్డిగూడెం, టి. నర్సాపురం, చాట్రాయి, ముసునూరు, నూజివీడు, ఆగిరిపల్లి, కొయ్యలగూడెం తదితర ప్రాంతాల్లో రైతులు ఆరుతడి పంటలను ఎక్కువగా సాగు చేస్తుంటారు. ముఖ్యంగా పామాయిల్‌, కొబ్బరి, బొప్పాయితో పాటు కూరగాయలు పండిస్తారు. తాజా తుఫాను ప్రభావంతో ఈ పంటలకు అపార నష్టం వాటిల్లింది. నష్టపోయిన రైతులు ఉద్యాన శాఖ అధికారుల ప్రాథమిక అంచనా ప్రకారం జిల్లా వ్యాప్తంగా 35.44 హెక్టార్లలో చిక్కుడు, టమాటా, బీర, వంగ తదితర కూరగాయ పంటలు దెబ్బతినగా, 75 మంది రైతులు నష్టపోయారు. అలాగే 16 హెక్టార్లలో బొప్పాయి దెబ్బతినడంతో 15 మంది రైతులు నష్టపోయినట్లు గుర్తించారు. జిల్లాలో 50 కొబ్బరి చెట్లు, 268 ఆయిల్‌ పామ్‌ చెట్లు పడిపోవడంతో మరో వంద మందికి పైగా రైతులకు నష్టం వాటిల్లింది. జిల్లా హార్టికల్చర్‌ డీడీ కె.సాజా నాయక్‌ ఆధ్వర్యంలో నష్టాలను అంచనా వేస్తున్నారు. ఉంగుటూరు, ద్వారకాతిరుమల, భీమడోలు మండలాల్లో జరిగిన నష్టాన్ని ఉంగుటూరు ఉద్యాన శాఖ అధికారి పి.అమరనాథ్‌ పర్యవేక్షిస్తున్నారు. ముసునూరులో అరటి రైతుల విలవిల ముసునూరు: ఆరుగాలం శ్రమించి పండించిన అరటి పంటకు అకాల వర్షం, బలమైన ఈదురు గాలులు తోడవడంతో ముసునూరు మండల వ్యాప్తంగా పంట నేలకొరిగింది. ముసునూరుతో పాటు అక్కిరెడ్డిగూడెం, చెక్కపల్లి, చింతలవల్లి, కాట్రేనిపాడు గ్రామాల్లో టిష్యూ కల్చర్‌ విధానంలో రైతులు పచ్చ అరటిని విస్తృతంగా సాగు చేస్తున్నారు. ఎకరానికి రూ.1.30 లక్షలకు పైగా పెట్టుబడి పెట్టారు. గెలలు కోసి మార్కెట్‌కు తరలించే తరుణంలో అకాల వర్షాలు కుదేలు చేశాయి. మరో 15–20 రోజుల్లో దిగుబడికి రావాల్సిన వేలాది గెలలు నేలపాలు కావడంతో, కనీసం పెట్టుబడి కూడా దక్కే పరిస్థితి లేదని రైతులు కన్నీటిపర్యంతమవుతున్నారు. ప్రభుత్వం తక్షణమే స్పందించి ఆదుకోవాలని విజ్ఞప్తి చేస్తున్నారు. ఈ నష్టాలపై మండల ఉద్యాన శాఖ అధికారిణి జ్యోతి ప్రియాంక స్పందిస్తూ ముసునూరు, అక్కిరెడ్డిగూడెం తదితర గ్రామాల్లో నేలకొరిగిన పంటల వివరాలు సేకరించి, ఉన్నతాధికారులకు నివేదిక పంపుతామని, ఆ తర్వాత తదుపరి చర్యలు తీసుకుంటామని వివరణ ఇచ్చారు. ఎకరానికి రూ.1.30 లక్షల చొప్పున ఏడు ఎకరాల్లో సుమారు రూ. 10 లక్షలు ఖర్చుపెట్టి పచ్చ అరటి సాగు చేశాను. గురువారం రాత్రి వీచిన గాలులకు మూడు ఎకరాల్లో సుమారు నాలుగు వేల గెలలు పడిపోయాయి. దీని వల్ల రూ. 4 లక్షలకు పైగా నష్టం వాటిల్లింది. ఉద్యాన శాఖ అధికారులు స్పందించి మాలాంటి రైతులను ఆదుకోవాలి. – రేగుల గోపాలకృష్ణ, అరటి రైతు, ముసునూరుగోపాలపురంలో పడిపోయిన బొప్పాయి తోట ముసునూరులో నేలకొరిగిన అరటి పంట పెట్టుబడులు నష్టపోయామని రైతుల ఆవేదన ముసునూరులో తీవ్రంగా దెబ్బతిన్న అరటి తోటలు

కొయ్యలగూడెం: వర్జీనియా పొగాకు కొనుగోలు కేంద్రంలో ఇప్పటివరకు 6.5 మిలియన్ల కిలోల పొగాకును కొనుగోలు చేసినట్లు వేలం నిర్వహణ అధికారి శివకుమార్‌ శుక్రవారం విలేకరులకు తెలిపారు. మొత్తం 67,19,571 కిలోల పొగాకును రూ. 1,73,96,19,965 లకు కొనుగోలు చేశామన్నారు. మొత్తం 18.5 మిలియన్‌ కిలోల పొగాకు ఉత్పత్తికి రైతులకు అనుమతి ఇవ్వగా, ఇప్పటివరకు 137 పని దినాల్లో ఈ కొనుగోళ్లు నిర్వహించామన్నారు. మార్కెట్‌లో అత్యధిక ధర రూ.345 పలకగా, కనిష్టంగా రూ. 150 నమోదైంది. సగటున రూ. 259 చొప్పున పొగాకును కొనుగోలు చేశారు. గత మూడేళ్లుగా సీజన్‌ చివర్లో మార్కెట్‌ ధరలు పెరుగుతుండటంతో, ఈసారి కూడా ధర పెరుగుతుందనే ఆశతో రైతులు తమ వద్ద ఉన్న పొగాకును నిల్వ చేసుకుంటున్నారని, దీంతో కొనుగోళ్లలో జాప్యం జరుగుతోందని ఆయన వివరించారు. ఈ నేపథ్యంలో 2027 జనవరిలో కూడా కొనుగోళ్లు జరిగే అవకాశం ఉందన్నారు. వీరవాసరం: 2026–27 విద్యా సంవత్సరానికి పశ్చిమ గోదావరి జిల్లా విద్యాశాఖ, స్కూల్‌ గేమ్స్‌ ఫెడరేషన్‌ ఆధ్వర్యంలో ఉమ్మడి జిల్లా స్థాయి క్రీడాకారుల ఎంపికలు జరగనున్నాయి. అండర్‌–14, అండర్‌–17 బాలబాలికల టేబుల్‌ టెన్నిస్‌, మాల్కంబ్‌ జట్ల ఎంపికను ఈ నెల 28న చింతలపాటి బాపిరాజు మున్సిపల్‌ హైస్కూల్లో నిర్వహించనున్నట్లు స్కూల్‌ గేమ్స్‌ ఫెడరేషన్‌ కార్యదర్శులు నర్మదా, కుద్దూస్‌ శుక్రవారం ఒక ప్రకటనలో తెలిపారు. అండర్‌–14 విభాగంలో పాల్గొనేవారు 01.01.2013 తర్వాత, అండర్‌–17 విభాగంలో పాల్గొనేవారు 01.01.2010 తర్వాత జన్మించి ఉండాలని స్పష్టం చేశారు. ఎంపికలకు వచ్చే క్రీడాకారులు తమ ఆధార్‌ కార్డు, జనన ధ్రువీకరణ పత్రాలతో హాజరుకావాలని, మరిన్ని వివరాలకు 9885158366 నంబరును సంప్రదించాలని సూచించారు. పెదవేగి: ఏలూరులోని సెయింట్‌ థెరిస్సా జూనియర్‌ కళాశాలలో ఈ నెల 28న అండర్‌–19 బాలికల వాలీబాల్‌, హ్యాండ్‌బాల్‌, కబడ్డీ జిల్లా జట్ల ఎంపిక పోటీలు జరగనున్నాయి. ఈ మేరకు స్కూల్‌ గేమ్స్‌ ఫెడరేషన్‌ కార్యదర్శి, డాక్టర్‌ బి.ఆర్‌.అంబేద్కర్‌ గురుకుల కళాశాల ఫిజికల్‌ డైరెక్టర్‌ కందికొండ జయరాజు శుక్రవారం పెదవేగిలో వివరాలు వెల్లడించారు. అలాగే వచ్చే నెల 3న పెదవేగి గురుకుల పాఠశాలలో బాలబాలికల ఫుట్‌బాల్‌, బాలుర హ్యాండ్‌బాల్‌ జిల్లా జట్ల ఎంపిక పోటీలు నిర్వహిస్తామని ఆయన తెలిపారు.

● భగ్గుమంటున్న నిత్యావసరాలు ● బెంబేలెత్తుతున్న సామాన్యుడు ● ధరలను అదుపు చేయని కూటమి ప్రభుత్వం కై కలూరు: పచ్చని పొలాలు, పాడిపంటలతో కళకళలాడే గ్రామాలు నేడు కళావిహీనంగా కనిపిస్తున్నాయి. ఆదాయానికి ఖర్చుకు ఏ మాత్రం సంబంధం ఉండడం లేదు. ఆరు నెలలగా రేట్లు గమనిస్తే సన్‌ ఫ్లవర్‌ నూనె రూ.165 నుంచి రూ.180కి ఎగబాకింది. రూ.45 ఉండే ఉల్లిపాయలు రూ.65కి చేరాయి. లలితా బ్రాండ్‌ బియ్యం గతంలో రూ.1,500 ఉండగా నేడు రూ.1,750కి చేరింది. గతంలో రూ.300కి కూరగాయలు వచ్చేవి. నేడు రూ.550 ఖర్చు అవుతుంది. మార్కెట్‌కు వెళ్తే సంచి నిండడం లేదు కానీ జేబు మాత్రం క్షణాల్లో ఖాళీ అవుతోందని ప్రజలు గగ్గోలు పెడుతున్నారు. చితికిపోతున్న చిరుద్యోగులు ధరల పెరుగుదల ప్రభావం చిరుద్యోగులపై పడింది. నెలకు రూ.20 వేల స్థిరవేతనం పొందే భార్య, ద్దరు సంతానం కలిగిన ప్రైవేటు ఉద్యోగి జీవన పరిస్థితి గమనిస్తే ఇంటి అద్దె రూ.7 వేలు, నిత్యవసరాలు, కూరగాయలు ఖర్చు మరో రూ.7 వేలు, విద్యుత్‌, గ్యాస్‌ సిలిండర్‌, నీరు రూ.2 వేలు, పిల్లల చదవులు రూ.3 వేలు, పెట్రోలు, ప్రయాణ ఖర్చులు రూ.2 వేలు కలుపుకుని రూ.21 వేలు ఖర్చవుతుంది. ఇక ఇంట్లో ఎవరికై నా అనారోగ్యం వస్తే ఆస్పత్రి ఖర్చుల కోసం తక్షణమే అప్పు చేయాల్సిన పరిస్థితి ఏర్పడుతుంది. ఎల్‌నినో పేరుతో.. ఏలూరు, పశ్చిమగోదావరి జిల్లాల్లో ప్రజలు ఎక్కువగా వరిసాగు, ఆక్వారంగంపై ఆధారపడి జీవిస్తున్నారు. ఆక్వా మేతల ధరలు పెరగడంతో రైతులు క్రాప్‌ హాలిడే ప్రకటిస్తున్నారు. మరోవైపు అనేక మండలాల్లో సాగునీరు అందక రైతులు గగ్గోలు పెడుతుంటే, ధరల పెరుగుదలకు ఎల్‌నినో ప్రభావమే కారణమంటూ ప్రభుత్వం దాటవేత ధోరణి అవలంబిస్తోందని విమర్శలు వ్యక్తమవుతున్నాయి. ధరల స్థిరీకరణ నిధి అని చెప్పడమే తప్ప ఆచరణలో కనిపించడం లేదని పలువురు ఆరోపిస్తున్నారు. వెంటనే రైతుబజార్ల ద్వారా నిత్యావసరాలను సబ్సిడీపై సరఫరా చేసి ఆదుకోవాలని ప్రజలు డిమాండ్‌ చేస్తున్నారు. ’శ్రీను ఓ మధ్య తరగతి కుటుంబానికి చెందిన ఆటో డ్రైవర్‌. భార్య, ఇరువురు సంతానం. నెలకు రూ.15,000 సంపాదిస్తున్నాడు. ఇంట్లో ఖర్చులు, పిల్లల స్కూల్‌ ఫీజులు.. అన్నీ కలిపి ఖర్చు చేయగా ఇంకా రూ.10,000 బయట వడ్డీకి అప్పు చేయాల్సి వస్తోంది. ఇదే పరిస్థితి దాదాపు అన్ని కుటుంబాల్లో ప్రస్తుతం కనిపిస్తోంది.’‘కల్యాణి ఓ సాధారణ గృహిణి. భర్త దినసరి కూలీ. ఇద్దరు పిల్లల కాలేజీ చదువులు. భర్త నెలకు రూ.18,000 సంపాదిస్తాడు. గతంలో వారానికి రెండు సార్లు చికెన్‌ తెచ్చుకునేవాళ్లు. ఇప్పుడు కోడిగుడ్లతోనే సరిపెట్టుకుంటున్నారు. అప్పుల తిప్పలు చెప్పాల్సిన అవసరం లేదు. దీనికి తోడు చక్కెర వ్యాధి మందులు చుక్కలు చూపిస్తున్నాయి.’రోజురోజుకూ పెరుగుతున్న నిత్యావసరాల ధరలతో నాలాంటి ఆటో డ్రైవర్లు బతకడం కష్టంగా మారింది. రోజంతా కష్టపడి సంపాదించిన సొమ్ము చాలడం లేదు. ఉచిత బస్సు దెబ్బతో ఆటోల్లో ప్రయాణించే వారి సంఖ్య కూడా తగ్గింది. పెరుగుతున్న ధరలతో పూట గడవడమే కష్టంగా ఉంది. ధరలను అరికట్టేందుకు ప్రభుత్వం చర్యలు తీసుకోవాలి. – మన్నెం నాగేశ్వరరావు, ఆటో డ్రైవర్‌, ముదినేపల్లి నిత్యావసరాల ధరలు ఆకాశాన్ని అంటుతున్నాయి. ఉల్లిపాయలు, వంట నూనె, కందిపప్పు ఇలా అన్ని ధరలు పెరిగాయి. పరిమిత బడ్జెట్‌తో వంటలు చేయడం కష్టమే. ఈ పరిస్థితి గతంలో ఎన్నడూ చూడలేదు. ఎంతో మంది గృహిణులు ఇబ్బంది పడుతున్నారు. ప్రభుత్వం పెరిగిన రేట్లను సవరించి, సామాన్యుడికి అందుబాటులోకి తీసుకురావాలి. – పసుపులేటి లక్ష్మి, గృహిణి, మండవల్లి సరుకులు పూర్వం ప్రస్తుతం సన్‌ ఫ్లవర్‌ నూనె రూ.165 రూ.180 కందిపప్పు రూ.110 రూ.130 ఉల్లిపాయలు రూ.45 రూ.65 సరుకులు పూర్వం ప్రస్తుతం టమాట రూ.24 రూ.32 గ్యాస్‌ సిలిండర్‌ రూ.936.50 రూ.983.53 బియ్యం (26కేజీలు) రూ.1,500 రూ.1,750

కత్తులు, కర్రలు, రాళ్లతో దాడి నూజివీడు: పాత కక్షల నేపథ్యంలో వినాయక నిమజ్జన ఊరేగింపు సందర్భంగా గురువారం రాత్రి ఇరువర్గాల మధ్య తీవ్ర ఘర్షణ చోటుచేసుకుంది. పోలీసులు తెలిపిన వివరాల ప్రకారం పట్టణంలోని బాపూనగర్‌ రోడ్డులోని అంబేడ్కర్‌ విగ్రహం సమీపంలో ఏర్పాటు చేసిన వినాయక నిమజ్జన ఊరేగింపు మున్సిపల్‌ కార్యాలయం వరకు వెళ్లి తిరిగి వస్తుండగా, రాత్రి 10 గంటల సమయంలో దేరంగుల సత్యనారాయణ, దేరంగుల వెంకటేశ్వరరావు, చంద్రగిరి గంగాధరరావులతో పాటు మరికొందరు కర్రలు, కత్తులు, రాళ్లతో దాడికి పాల్పడ్డారు. ఈ దాడిలో రేపాని రాజు (30), అచ్చి బాల ఏసు (29), గుత్తి గోపాలకృష్ణ (28), రేపాని సాయి (24), గుత్తి భవానీ (45)లకు తీవ్ర గాయాలయ్యాయి. మరోవైపు, తమపై అచ్చి బాల ఏసు సహా మరికొందరు కర్రలు, కత్తులతో దాడి చేయడంతో ఐదుగురం గాయపడ్డామని రెండో వర్గానికి చెందిన దేరంగుల వెంకటేశ్వరరావు పట్టణ పోలీస్‌స్టేషన్‌లో ఫిర్యాదు చేశారు. ఘర్షణ సమాచారం అందుకున్న ఎస్సైలు ఎన్‌.లక్ష్మణ్‌బాబు, జి.జ్యోతీబసు వెంటనే సంఘటనా స్థలానికి చేరుకుని పరిస్థితిని అదుపులోకి తెచ్చారు. గాయపడిన వారిని ఏరియా ఆసుపత్రికి తరలించారు. ఇరువర్గాల ఫిర్యాదుల మేరకు కేసు నమోదు చేసి దర్యాప్తు జరుపుతున్నట్లు ఎస్సై లక్ష్మణ్‌బాబు తెలిపారు.

ఏలూరు (ఆర్‌ఆర్‌పేట): జిల్లా పరిషత్‌ల పదవీ కాలం ఇటీవల ము గిసిన నేపథ్యంలో ఏలూ రు జిల్లా ప్రజాపరిషత్‌ ప్రత్యేకాధికారిగా కె.వెట్రిసెల్వి శుక్రవారం అదనపు బాధ్యతలు స్వీకరించారు. ఈ సందర్భంగా జిల్లా పరిషత్‌ ఇన్‌చార్జి సీఈఓ, డీపీఓ మల్లికార్జునరావు ఆమెను మర్యాదపూర్వకంగా కలిసి పూలమొక్కను అందించి శుభాకాంక్షలు తెలిపారు. పోలవరం రూరల్‌: గోదావరి వరద ఉధృతంగా పెరుగుతోంది. పోలవరం ప్రాజెక్టు స్పిల్‌వే వద్ద 30 మీటర్ల నీటిమట్టం దాటింది. స్పిల్‌వే 48 గేట్ల నుంచి దిగువకు 4.90 లక్షల క్యూసెక్కుల వరద నీరు దిగువకు చేరుతోంది. దిగువన ఉభయగోదావరి జిల్లాల లంక ఒడ్డులను తాకుతూ ప్రవహిస్తోంది. ఎగువ ప్రాంతాల నుంచి ఉపనదుల నీటితో పాటు శబరి నీరు కూడా నదిలోకి చేరడంతో వరద ఉధృతి పెరుగుతోంది. మరో రెండు రోజుల పాటు వరద పెరిగే అవకాశం ఉందని అధికారులు అంచనా వేస్తున్నారు. చాట్రాయి: భారీ వర్షాలతో మండలంలోని తమ్మిలేరు ప్రాజెక్టుకు వరద నీరు చేరుతోంది. ఎగువన సత్తుపల్లి మండలం బేతుపల్లి చెరువు నుంచి వచ్చే వరద జలాశయానికి చేరుతుందని, సుమారు 1500 క్యూసెక్కుల నీరు వస్తున్నట్టు టీఆర్‌పీ అధికారులు తెలిపారు. ఏలూరు (ఆర్‌ఆర్‌పేట): దేశవ్యాప్తంగా ప్రభుత్వ రంగ బ్యాంకు ఉద్యోగులు ఈనెల 28 నుంచి 30 వరకు సమ్మె చేస్తున్న నేపథ్యంలో ఈనెల 27న ఆదివారం జిల్లాలోని ప్రభుత్వ రంగ, గ్రామీణ బ్యాంకులు యథావిధిగా పనిచేస్తాయని జిల్లా లీడ్‌ బ్యాంకు మేనేజర్‌ సత్యనారాయణ శుక్రవారం ప్రకటనలో తెలిపారు. నాలుగో శనివారం, ఆదివారం, మూడు రోజుల సమ్మె కారణంగా బ్యాంకింగ్‌ సేవలకు ప్రజలకు అంతరాయం కలిగే అవకాశం ఉందని, దీంతో ఆదివారం బ్యాంకులు పనిచేస్తాయన్నారు. ఏటీఎంలు, యూ పీఐ, మొబైల్‌ బ్యాంకింగ్‌, ఇంటర్నెట్‌ బ్యాంకింగ్‌ వంటి డిజిటల్‌ సేవలు 24 గంటలూ అందుబాటులో ఉంటాయన్నారు. ఏలూరు (ఆర్‌ఆర్‌పేట): జిల్లాలో హెచ్‌ఐవీ నియంత్రణకు ప్రత్యేక చర్యలు తీసుకుంటున్నామని కలెక్టర్‌ కె.వెట్రిసెల్వి నేషనల్‌ ఎయిడ్స్‌ కంట్రోల్‌ అథారిటీ డైరెక్టర్‌ జనరల్‌ రాకేష్‌ గుప్తాకు తెలిపారు. హెచ్‌ఐవీ వ్యాధి నియంత్రణ, నివారణ, చికిత్సలపై ఆంధ్రప్రదేశ్‌, తెలంగాణ, రాజస్థాన్‌, కర్ణాటక, హర్యానాకు చెందిన కలెక్టర్లతో ఢిల్లీ నుంచి ఆయన వీడియో కాన్ఫరెన్స్‌ ద్వారా సమీక్షించారు. ఏలూరు కలెక్టరేట్‌ నుంచి పాల్గొన్న కలెక్టర్‌ మాట్లాడుతూ హెచ్‌ఐవీ వ్యాధి నియంత్రణ, నివారణ, చికిత్సలకు నిర్దేశించిన 3 కీలక లక్ష్యాలను డిసెంబర్‌ నాటికి సాధించేందుకు కృషి చేస్తున్నామన్నారు. అలాగే అవగాహన కార్యక్రమాలు నిర్వహిస్తున్నామన్నారు. డీఎంహెచ్‌ఓ యు.శోభ పాల్గొన్నారు.

బుట్టాయగూడెం: మూడు రోజులుగా కురిసిన భారీ వర్షాలకు ఏజెన్సీ ప్రాంతంలోని కొండవాగులు పొంగుతూనే ఉన్నాయి. శుక్రవారం సాయంత్రం వరకూ చింతకొండ, కన్నారప్పాడు, కొవ్వాడ, కేఆర్‌పురం తదితర వాగులు ఉధృతంగానే ప్రవహించాయి. అలాగే జల్లేరు జలాశయం, పోగొండ రిజర్వాయర్‌తోపాటు చెరువుల్లోకి భారీగా వరదనీరు వచ్చి చేరింది. భారీ వర్షాలకు దొరమామిడి ఎస్సీకాలనీకి చెందిన పూసంపూడి దుర్గమ్మకు చెందిన ఇల్లు కూలిపోయింది. అధికారులు ఆదుకోవాలని ఆమె కోరుతోంది. గిరిజనుడి మృతదేహం లభ్యం కేఆర్‌పురం సమీపంలోని తూర్పు కాల్వ వాగులో గురువారం రాత్రి గల్లంతైన గిరిజనుడు పూనెం భాస్కరరావు (60) మృతి చెందాడు. గాలింపు చర్యలు ముమ్మరంగా జరిగాయి. యర్రాయిగూడెం గ్రామశివారు గుడి సమీపంలోని తుప్పల్లో భాస్కరరావు మృతదేహాన్ని గుర్తించారు. గ్రామస్తులు మృతదేహాన్ని బయటకు తీసి జంగారెడ్డిగూడెం ఏరియా ఆస్పత్రికి తరలించారు. అక్కడ పోస్ట్‌మార్టం అనంతరం కుటుంబసభ్యులకు మృతదేహాన్ని అప్పగించారు. శాంతించిన వరుణుడు ఏలూరు (ఆర్‌ఆర్‌పేట): తీవ్ర వాయుగుండం ప్రభావంతో జిల్లాపై మూడు రోజులుగా ప్రతాపం చూపిన వరుణుడు శుక్రవారం ఉదయం నుంచి శాంతించాడు. గురువారం రాత్రి నుంచి శుక్రవారం వేకువజాము వరకూ చెదురుమదురు వర్షాలు కురిశాయి. ఉదయం 7 గంటల తర్వాత జిల్లాలో ఎక్కడా వర్షపాతం నమోదు కాలేదు. కాగా గురువారం ఉదయం నుంచి శుక్రవారం ఉదయం జిల్లాలో సగటున 77.7 మిల్లీమీటర్ల వర్షపాతం నమోదైంది. మొత్తంగా 2,175.8 మి.మీ. వర్షం కురిసింది. అత్యధిక వర్షపాతం చింతలపూడిలో 162.4 మి.మీ నమోదు కాగా.. జంగారెడ్డిగూడెంలో 43.2 మి.మీ. అత్యల్ప వర్షం కురిసింది. మండలాల వారీగా పోలవరంలో 136.2, ద్వారకాతిరుమలలో 103, ముసునూరులో 102, కామవరపుకోటలో 101.6, నూజివీడులో 92.4, ముదినేపల్లిలో 83.6, బుట్టాయగూడెంలో 82.2, కొయ్యలగూడెంలో 81.2, వేలేరుపాడులో 81.2, దెందులూరులో 78.6, కుక్కునూరులో 77.4, పెదపాడులో 73.8, లింగపాలెంలో 72.8, చాట్రాయిలో 72.6, ఏలూరు రూరల్‌ పరిధిలో 71.6 వర్షం కురిసింది. బుట్టాయగూడెం మండలంలో చింతకొండవాగు ఉధృతి భాస్కరరావు మృతదేహాన్ని బయటకు తీస్తున్న దృశ్యం

ఏలూరు (ఆర్‌ఆర్‌పేట): మూడు రోజులుగా ఎడతెరపి లేకుండా కురుస్తున్న వర్షాలకు జిల్లాలో 5,380 ఎకరాల్లో వరి పంట ముంపునకు గురైందని ప్రాథమికంగా గుర్తించినట్టు జిల్లా ఇన్‌చార్జి మంత్రి నాదెండ్ల మనోహర్‌ అన్నారు. స్థానిక కలెక్టరేట్‌తో శుక్రవారం కలెక్టర్‌ కె.వెట్రిసెల్వి, జేసీ ఎంజే అభిషేక్‌గౌడతో కలిసి ఆయన సమీక్షించారు. ఈ సందర్భంగా మంత్రి మాట్లాడుతూ పంట పొలాల్లో వరద నీరు తగ్గిన తర్వాత పంట నష్టం లెక్కిస్తామన్నారు. జిల్లాలో ఒక వ్యక్తి ప్రాణాలు కోల్పోయాడని, విద్యుత్‌ స్తంభం కూలడంతో ఒక పాడి గేదె మరణించిందన్నా రు. ఎనిమిది ఇళ్లు దెబ్బతిన్నాయన్నారు. శనివారం సాయంత్రానికి భద్రాచలం వద్ద గోదావరికి మొ దటి ప్రమాద హెచ్చరిక వచ్చే అవకాశం ఉందన్నా రు. జలధార–జలహారతి ద్వారా చేపట్టిన 1,943 పనులతో ఇరిగేషన్‌ చెరువులు, కాలువలు, ఫీడర్‌ చానెల్స్‌ వర్షం నీటితో నిండాయన్నారు. ప్రస్తుత వర్షాలతో సూపర్‌ ఎల్‌నినో ప్రభావం జిల్లాపై లేకుండా అధికారులు చర్యలు తీసుకుంటున్నారన్నారు. కలెక్టర్‌ వెట్రిసెల్వి మాట్లాడుతూ జిల్లాలో భారీ వర్షాలు, వరదల కారణంగా ఎటువంటి నష్టం వాటిల్లకుండా జిల్లా యంత్రాంగాన్ని అప్రమత్తం చే శామన్నారు. ఇన్‌చార్జి డీఆర్వో ఎం.ముక్కంటి, డ్వామా పీడీ కేవీ సుబ్బారావు, ఆర్డీఓ లక్ష్మీప్రసన్న, ఏలూరు నగరపాలక సంస్థ కమిషనర్‌ ఎ.భానుప్రతాప్‌, జిల్లా అధికారులు పాల్గొన్నారు.

చినవెంకన్న క్షేత్రానికి వెళ్లే ప్రధాన రహదారికి తూట్లు పడ్డాయి. భీమడోలు నుంచి ద్వారకాతిరుమల వరకు ఉన్న రహదారిపై అడుగడుగునా భారీ గోతులు ఏర్పడటంతో భక్తులు, ప్రయాణికులు బిక్కుబిక్కుమంటూ ప్రయాణిస్తున్నారు. ముఖ్యంగా రాత్రి వేళల్లో గోతులు కనిపించక వాహనదారులు ప్రమాదాల బారిన పడుతున్నారు. రహదారిపై ఏర్పడిన గోతుల వద్ద స్థానికులే ఇసుక మూటలు, డ్రమ్ములను సూచికలుగా ఏర్పాటు చేయాల్సిన దుస్థితి నెలకొంది. ద్వారకాతిరుమల: ద్వారకాతిరుమలలోని టీటీడీ సదనం వద్ద, కుంకుళ్లమ్మ ఆలయం సమీపంలోని మలుపులో, నిమ్మకాయల మార్కెట్‌ యార్డు, లక్ష్మీపురంలోని జగన్నాథుని ఆలయం ఆర్చిగేటు వద్ద, గొల్లగూడెం చెరువు, సూర్యచంద్రరావుపేట శివారు, పంగిడిగూడెంలో, భీమడోలు మండలం పొలసానిపల్లి గురుకుల పాఠశాల సమీపంలో రహదారి దెబ్బతింది. విర్డ్‌ ఆస్పత్రి వద్ద స్థానికులు రోడ్డు మధ్యలో ఇసుక మూటను పెట్టగా.. ద్వారకాతిరుమల టీటీడీ సత్రం వద్ద గుంతకు డ్రమ్మును అడ్డుగా ఏర్పాటు చేశారు. వాహనదారులు వాటిని తప్పించుకుని వెళ్లాల్సి వస్తోంది. కొట్టుకుపోయిన ‘మేకప్‌’ గోపాలపురం ఎమ్మెల్యే మద్దిపాటి వెంకటరాజు ఈనెల 5న ‘గ్రామ స్వరాజ్యం సంకల్ప పాదయాత్ర’ పేరుతో నల్లజర్ల నుంచి ద్వారకాతిరుమల వరకు పాదయాత్రగా వచ్చారు. ఈ నేపథ్యంలో అధికారులు ఈనెల 4న గొల్లగూడెం నుంచి ద్వారకాతిరుమల వరకు రోడ్డుపై ఉన్న గోతుల్లో కంకర డస్ట్‌ పోసి హడావుడిగా పూడ్చి, మేకప్‌ చేశారు. అయితే మూడు రోజులుగా కురిసిన ఎడతెగని వానలకు ఆ మేకప్‌ మొత్తం కొట్టుకుపోయింది. గోతులన్నీ మళ్లీ బయటపడటంతో రహదారి దుస్థితి యథాస్థితికి చేరింది. ప్రమాదాలకు అడ్డుకట్టేది? ఈ రహదారి నిర్మించినప్పటి నుంచి తరచూ దెబ్బతింటూనే ఉంది. గతేడాది జూన్‌ నుంచి డిసెంబర్‌ వరకు పలుచోట్ల ప్రమాదాలు చోటుచేసుకున్నాయి. వీటిలో క్షతగాత్రులైన వారిలో ఎక్కువ మంది బైక్‌లపై చినవెంకన్న దర్శనానికి వచ్చేవారే ఉన్నారు. గతేడాది సెప్టెంబర్‌లో ఒక్క సూర్యచంద్రరావుపేట చెరువు సమీపంలో జరిగిన ప్రమాదాల్లో తొమ్మిది మంది తీవ్రంగా గాయపడగా.. ముగ్గురు ప్రాణాలు కోల్పోయారు. మిగిలిన ప్రాంతాల్లో జరిగిన ప్రమాదాలకు లెక్కేలేదు. ఈ పరిస్థితిపై అప్పట్లో ‘సాక్షి’లో వరుస కథనాలు ప్రచురితం కావడంతో గతేడాది డిసెంబర్‌లో రహదారికి మరమ్మతులు చేపట్టారు. దీంతో కొంతకాలం ప్రయాణికులు ఊపిరి పీల్చుకున్నారు. అయితే రెండు నెలలుగా మళ్లీ గోతులు ఏర్పడటంతో పాత పరిస్థితి పునరావృతమైంది. రోడ్డు నిర్మించి పుష్కరం భీమడోలు–ద్వారకాతిరుమల మధ్య సుమారు 17 కిలోమీటర్ల రహదారిని గత గోదావరి పుష్కరాల సమయంలో రూ.50 కోట్లతో నాలుగు లైన్లుగా విస్తరించారు. రోడ్డు నిర్మించి పుష్కరం కావొస్తున్నా.. సమస్యలకు మాత్రం శాశ్వత పరిష్కారం లభించలేదు. ద్వారకాతిరుమల గుడి సెంటర్‌తో కలిపి సుమారు కిలోమీటరు మేర ఇంకా విస్తరణ పనులు పూర్తికాలేదు. కొంతమంది వ్యాపారులు హైకోర్టును ఆశ్రయించి స్టేలు తీసుకురావడంతో పనులు నిలిచిపోయాయి. అయితే కొన్ని స్టేలు ఇప్పటికే వెకేట్‌ కాగా.. ఒకటి రెండు మాత్రమే పెండింగ్‌లో ఉన్నట్లు తెలుస్తోంది. ఈ నేపథ్యంలో గుడిసెంటర్‌ విస్తరణ ఎప్పుడు పూర్తవుతుందన్నది ప్రశ్నార్థకంగా మారింది. విస్తరణ ఇక కలేనా? కొద్దినెలల క్రితం గోపాలపురం ఎమ్మెల్యే వెంకటరాజు గుడి సెంటర్‌ను పరిశీలించి రహదారి విస్తరణ పూర్తి చేస్తామని ప్రకటించారు. అనంతరం పంచాయతీ అధికారులు అక్కడి నివాసితులు, వ్యాపారులకు నోటీసులు కూడా జారీ చేశారు. ఆ తర్వాత వ్యవహారం మళ్లీ అటకెక్కింది. దీంతో విస్తరణ ఇక కలేనా? అంటూ స్థానికులు, భక్తులు ప్రశ్నిస్తున్నారు. మరోవైపు అధికారులు, ప్రజాప్రతినిధులు వ్యాపారులకు అనుకూలంగా వ్యవహరిస్తుండటం వల్లే విస్తరణ పనులు ముందుకు సాగడం లేదన్న ఆరోపణలు వినిపిస్తున్నాయి. వచ్చే ఏడాది జూన్‌ నుంచి గోదావరి పుష్కరాలు ప్రారంభం కానున్న నేపథ్యంలో.. అప్పటికై నా ఈ ప్రధాన రహదారికి శాశ్వత పరిష్కారం చూపుతారా? లేక తాత్కాలిక ‘మేకప్‌’లతోనే సరిపెడతారా? అన్నది వేచి చూడాల్సి ఉంది. పంగిడిగూడెం శివారు కుమారి దాబా సమీపంలో.. ద్వారకాతిరుమలలోని టీటీడీ సత్రం వద్ద.. గొల్లగూడెం చెరువు వద్ద. రహదారిద్య్రం చినవెంకన్న క్షేత్రానికి వెళ్లే రహదారి అధ్వానం భీమడోలు–ద్వారకాతిరుమల మార్గంలో అడుగడుగునా గోతులు వర్షాలకు కొట్టుకుపోయిన ‘మేకప్‌’ మళ్లీ భక్తులకు ప్రమాదాల భయం